Proper display of the text below may depend on webfonts, which in turn require being connected to the internet

ಶುಕ್ಲಯಜುರ್ವೇದೀಯ ಮಾಧ್ಯನ್ದಿನೀಯ ಸಂಹಿತಾ

ಅಧ್ಯಾಯ ೧
ಇ॒ಷೇ ತ್ವೋ॒ರ್ಜೇ ತ್ವಾ॑ ವಾ॒ಯವ॑ ಸ್ಥ ದೇ॒ವೋ ವ॑: ಸವಿ॒ತಾ ಪ್ರಾರ್ಪ॑ಯತು॒ ಶ್ರೇಷ್ಠ॑ತಮಾಯ॒ ಕರ್ಮ॑ಣ॒ ಆಪ್ಯಾ॑ಯಧ್ವ ಮಘ್ನ್ಯಾ॒ ಇನ್ದ್ರಾ॑ಯ ಭಾ॒ಗಂ ಪ್ರ॒ಜಾವ॑ತೀರನಮೀ॒ವಾ ಅ॑ಯ॒ಕ್ಷ್ಮಾ ಮಾ ವ॑ ಸ್ತೇ॒ನ ಈ॑ಶತ॒ ಮಾಘಶ॑ᳪಸೋ ಧ್ರು॒ವಾ ಅ॒ಸ್ಮಿನ್ ಗೋಪ॑ತೌ ಸ್ಯಾತ ಬ॒ಹ್ವೀರ್ಯಜ॑ಮಾನಸ್ಯ ಪ॒ಶೂನ್ಪಾ॑ಹಿ ॥ ೧॥
ವಸೋ॑: ಪ॒ವಿತ್ರ॑ಮಸಿ॒ ದ್ಯೌ॑ರಸಿ ಪೃಥಿ॒ವ್ಯ॒ಸಿ ಮಾತ॒ರಿಶ್ವ॑ನೋ ಘ॒ರ್ಮೋ॒ಽಸಿ ವಿ॒ಶ್ವಧಾ॑ ಅಸಿ |
ಪರ॒ಮೇಣ॒ ಧಾಮ್ನಾ॒ ದೃᳪಹ॑ಸ್ವ॒ ಮಾ ಹ್ವಾ॒ರ್ಮಾ ತೇ॑ ಯ॒ಜ್ಞಪ॑ತಿರ್ಹ್ವಾರ್ಷೀತ್ ॥ ೨ ॥
ವಸೋ॑: ಪ॒ವಿತ್ರ॑ಮಸಿ ಶ॒ತಧಾ॑ರಂ॒ ವಸೋ॑: ಪ॒ವಿತ್ರ॑ಮಸಿ ಸ॒ಹಸ್ರ॑ಧಾರಮ್ ।
ದೇ॒ವಸ್ತ್ವಾ॑ ಸವಿ॒ತಾ ಪು॑ನಾತು॒ ವಸೋ॑: ಪ॒ವಿತ್ರೇ॑ಣ ಶ॒ತಧಾ॑ರೇಣ ಸು॒ಪ್ವಾ ಕಾಮ॑ಧುಕ್ಷಃ ॥ ೩ ॥
ಸಾ ವಿ॒ಶ್ವಾಯು॒: ಸಾ ವಿ॒ಶ್ವಕ॑ರ್ಮಾ॒ ಸಾ ವಿ॒ಶ್ವಧಾ॑ಯಾಃ ।
ಇನ್ದ್ರ॑ಸ್ಯ ತ್ವಾ ಭಾ॒ಗᳪ ಸೋಮೇ॒ನಾತ॑ನಚ್ಮಿ॒ ವಿಷ್ಣೋ॑ ಹ॒ವ್ಯᳪ ರ॑ಕ್ಷ ॥ ೪ ॥
ಅಗ್ನೇ॑ ವ್ರತಪತೇ ವ್ರ॒ತಂ ಚ॑ರಿಷ್ಯಾಮಿ॒ ತಚ್ಛ॑ಕೇಯಂ॒ ತನ್ಮೇ॑ ರಾಧ್ಯತಾಮ್ । ಇ॒ದಮ॒ಹಮನೃ॑ತಾತ್ಸ॒ತ್ಯಮುಪೈ॑ಮಿ ॥ ೫ ॥
ಕಸ್ತ್ವಾ॑ ಯುನಕ್ತಿ॒ ಸ ತ್ವಾ॑ ಯುನಕ್ತಿ॒ ಕಸ್ಮೈ॑ ತ್ವಾ ಯುನಕ್ತಿ॒ ತಸ್ಮೈ॑ ತ್ವಾ ಯುನಕ್ತಿ । ಕರ್ಮ॑ಣೇ ವಾಂ॒ ವೇಷಾ॑ಯ ವಾಮ್ ॥ ೬ ॥
ಪ್ರತ್ಯು॑ಷ್ಟ॒ᳪ ರಕ್ಷ॒: ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ನಿಷ್ಟ॑ಪ್ತ॒ᳪ ರಕ್ಷೋ॒ ನಿಷ್ಟ॑ಪ್ತಾ॒ ಅರಾ॑ತಯಃ । ಉ॒ರ್ವನ್ತರಿ॑ಕ್ಷ॒ಮನ್ವೇ॑ಮಿ ॥ ೭ ॥
ಧೂರ॑ಸಿ॒ ಧೂರ್ವ॒ ಧೂರ್ವ॑ನ್ತಂ॒ ಧೂರ್ವ॒ ತಂ ಯೋ॒ಽಸ್ಮಾನ್ಧೂರ್ವ॑ತಿ॒ ತಂ ಧೂ॑ರ್ವ॒ ಯಂ ವ॒ಯಂ ಧೂರ್ವಾ॑ಮಃ ।
ದೇ॒ವಾನಾ॑ಮಸಿ॒ ವಹ್ನಿ॑ತಮ॒ᳪ ಸಸ್ನಿ॑ತಮಂ॒ ಪಪ್ರಿ॑ತಮಂ॒ ಜುಷ್ಟ॑ತಮಂ ದೇವ॒ಹೂತ॑ಮಮ್ ॥ ೮ ॥
ವಿಷ್ಣು॑ಸ್ತ್ವಾ ಕ್ರಮತಾ¬ಮು॒ರು ವಾತಾ॒ಯಾಪ॑ಹತ॒ᳪ ರಕ್ಷೋ॒ ಯಚ್ಛ॑ನ್ತಾಂ॒ ಪಞ್ಚ॑ ॥ ೯ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಅ॒ಗ್ನಯೇ॒ ಜುಷ್ಟಂ॑ ಗೃಹ್ಣಾಮ್ಯ॒ಗ್ನೀಷೋಮಾ॑ಭ್ಯಾಂ॒ ಜುಷ್ಟಂ॑ ಗೃಹ್ಣಾಮಿ ॥ ೧೦ ॥
ಭೂ॒ತಾಯ॑ ತ್ವಾ॒ ನಾರಾ॑ತಯೇ ಸ್ವ॒ರಭಿ॒ವಿಖ್ಯೇ॑ಷಂ॒ ದೃᳪಹ॑ನ್ತಾಂ॒ ದುರ್ಯಾ॑: ಪೃಥಿ॒ವ್ಯಾಮು॒ರ್ವನ್ತರಿ॑ಕ್ಷ॒ಮನ್ವೇ॑ಮಿ ಪೃಥಿ॒ವ್ಯಾಸ್ತ್ವಾ॒ ನಾಭೌ॑ ಸಾದಯಾ॒ಮ್ಯದಿ॑ತ್ಯಾ ಉ॒ಪಸ್ಥೇಽಗ್ನೇ॑ ಹ॒ವ್ಯᳪ ರ॑ಕ್ಷ ॥ ೧೧ ॥
ಪ॒ವಿತ್ರೇ॑ ಸ್ಥೋ ವೈಷ್ಣ॒ವ್ಯೌ॒ ಸವಿ॒ತುರ್ವ॑: ಪ್ರಸ॒ವ ಉತ್ಪು॑ನಾ॒ಮ್ಯಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿ॑: ।
ದೇವೀ॑ರಾಪೋ ಅಗ್ರೇಗುವೋ ಅಗ್ರೇಪು॒ವೋಽಗ್ರ॑ ಇ॒ಮಮ॒ದ್ಯ ಯ॒ಜ್ಞಂ ನ॑ಯ॒ತಾಗ್ರೇ॑ ಯ॒ಜ್ಞಪ॑ತಿᳪ ಸು॒ಧಾತುಂ॑ ಯ॒ಜ್ಞಪ॑ತಿಂ ದೇವ॒ಯುವ॑ಮ್ ॥ ೧೨ ॥
ಯು॒ಷ್ಮಾ ಇನ್ದ್ರೋ॑ಽವೃಣೀತ ವೃತ್ರ॒ತೂರ್ಯೇ॑ ಯೂ॒ಯಮಿನ್ದ್ರ॑ಮವೃಣೀಧ್ವಂ ವೃತ್ರ॒ತೂರ್ಯೇ॒ ಪ್ರೋಕ್ಷಿ॑ತಾ ಸ್ಥ ।
ಅ॒ಗ್ನಯೇ॑ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮ್ಯ॒ಗ್ನೀಷೋಮಾ॑ಭ್ಯಾಂ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ ।
ದೈವ್ಯಾ॑ಯ॒ ಕರ್ಮ॑ಣೇ ಶುನ್ಧಧ್ವಂ ದೇವಯ॒ಜ್ಯಾಯೈ॒ ಯದ್ವೋಽಶು॑ದ್ಧಾಃ ಪರಾಜ॒ಘ್ನುರಿ॒ದಂ ವ॒ಸ್ತಚ್ಛು॑ನ್ಧಾಮಿ ॥ ೧೩ ॥
ಶರ್ಮಾ॒ಸ್ಯವ॑ಧೂತ॒ᳪ ರಕ್ಷೋಽವ॑ಧೂತಾ॒ ಅರಾ॑ತ॒ಯೋ ಽದಿ॑ತ್ಯಾ॒ಸ್ತ್ವಗ॑ಸಿ॒ ಪ್ರತಿ॒ ತ್ವಾದಿ॑ತಿರ್ವೇತ್ತು ।ಅದ್ರಿ॑ರಸಿ ವಾನಸ್ಪ॒ತ್ಯೋ ಗ್ರಾವಾ॑ಽಸಿ ಪೃ॒ಥುಬು॑ಧ್ನ॒: ಪ್ರತಿ॒ ತ್ವಾಽದಿ॑ತ್ಯಾ॒ಸ್ತ್ವಗ್ವೇ॑ತ್ತು ॥ ೧೪ ॥
ಅ॒ಗ್ನೇಸ್ತ॒ನೂರ॑ಸಿ ವಾ॒ಚೋ ವಿ॒ಸರ್ಜ॑ನಂ ದೇ॒ವವೀ॑ತಯೇ ತ್ವಾ ಗೃಹ್ಣಾಮಿ ಬೃ॒ಹದ್ಗ್ರಾ॑ವಾಽಸಿ ವಾನಸ್ಪ॒ತ್ಯಃ ಸ ಇ॒ದಂ ದೇ॒ವೇಭ್ಯೋ॑ ಹ॒ವಿಃ ಶ॑ಮೀಷ್ವ ಸು॒ಶಮಿ॑ ಶಮೀಷ್ವ ।
ಹವಿ॑ಷ್ಕೃ॒ದೇಹಿ॒ ಹವಿ॑ಷ್ಕೃ॒ದೇಹಿ॑॥ ೧೫ ॥
ಕು॒ಕ್ಕು॒ಟೋ॒ಽಸಿ॒ ಮಧು॑ಜಿಹ್ವ॒ ಇಷ॒ಮೂರ್ಜ॒ಮಾವ॑ದ॒ ತ್ವಯಾ॑ ವ॒ಯᳪ ಸಂ॑ಧಾ॒ತᳪ ಸಂ॑ಧಾತಂ ಜೇಷ್ಮ ವ॒ರ್ಷವೃ॑ದ್ಧಮಸಿ॒ ಪ್ರತಿ॑ ತ್ವಾ ವ॒ರ್ಷವೃ॑ದ್ಧಂ ವೇತ್ತು॒ ಪರಾ॑ಪೂತ॒ᳪ ರಕ್ಷ॒: ಪರಾ॑ಪೂತಾ॒ ಅರಾ॑ತ॒ಯೋ ಽಪ॑ಹತ॒ᳪ ರಕ್ಷೋ॑ ವಾ॒ಯುರ್ವೋ॒ ವಿವಿ॑ನಕ್ತು ದೇ॒ವೋ ವ॑: ಸವಿ॒ತಾ ಹಿರ॑ಣ್ಯಪಾಣಿ॒: ಪ್ರತಿ॑ಗೃಭ್ಣಾ॒ತ್ವಚ್ಛಿ॑ದ್ರೇಣ ಪಾ॒ಣಿನಾ॑ ॥ ೧೬ ॥
ಧೃಷ್ಟಿ॑ರ॒ಸ್ಯಪಾ॑ಽಗ್ನೇ ಅ॒ಗ್ನಿಮಾ॒ಮಾದಂ॑ ಜಹಿ॒ ನಿಷ್ಕ್ರ॒ವ್ಯಾದ॑ᳪ ಸೇ॒ಧಾ ದೇ॑ವ॒ಯಜಂ॑ ವಹ ।
ಧ್ರು॒ವಮ॑ಸಿ ಪೃಥಿ॒ವೀಂ ದೃ॑ᳪಹ ಬ್ರಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ಸಜಾತ॒ವನ್ಯುಪ॑ದಧಾಮಿ॒ ಭಾತೃ॑ವ್ಯಸ್ಯ ವ॒ಧಾಯ॑ ॥ ೧೭ ॥
ಅಗ್ನೇ॒ ಬ್ರಹ್ಮ॑ ಗೃಭ್ಣೀಷ್ವ ಧ॒ರುಣ॑ಮಸ್ಯ॒ನ್ತರಿ॑ಕ್ಷಂ ದೃᳪಹ ಬ್ರಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ಸಜಾತ॒ವನ್ಯುಪ॑ದಧಾಮಿ॒ ಭ್ರಾತೃ॑ವ್ಯಸ್ಯ ಬ॒ಧಾಯ॑ ।
ಧ॒ರ್ತ್ರಮ॑ಸಿ॒ ದಿವಂ॑ ದೃᳪಹ ಬ್ರಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ಸಜಾತ॒ವನ್ಯುಪ॑ದಧಾಮಿ॒ ಭ್ರಾತೃ॑ವ್ಯಸ್ಯ ಬ॒ಧಾಯ॑ ।
ವಿಶ್ವಾ॑ಭ್ಯ॒ಸ್ತ್ವಾಶಾ॑ಭ್ಯ॒ ಉಪ॑ದಧಾಮಿ॒ ಚಿತ॑ ಸ್ಥೋರ್ಧ್ವ॒ಚಿತೋ॒ ಭೃಗೂ॑ಣಾ॒ಮಙ್ಗಿ॑ರಸಾಂ॒ ತಪ॑ಸಾ ತಪ್ಯಧ್ವಮ್ ॥ ೧೮ ॥
ಶರ್ಮಾ॒ಸ್ಯವ॑ಧೂತ॒ᳪ ರಕ್ಷೋಽವ॑ಧೂತಾ॒ ಅರಾ॑ತ॒ಯೋಽದಿ॑ತ್ಯಾ॒ಸ್ತ್ವಗ॑ಸಿ॒ ಪ್ರತಿ॒ ತ್ವಾಽದಿ॑ತಿರ್ವೇತ್ತು ।
ಧಿ॒ಷಣಾ॑ಽಸಿ ಪರ್ವ॒ತೀ ಪ್ರತಿ॒ ತ್ವಾಽದಿ॑ತ್ಯಾ॒ಸ್ತ್ವಗ್ವೇ॑ತ್ತು ದಿ॒ವಸ್ಕ॑ಮ್ಭ॒ನೀರ॑ಸಿ ಧಿ॒ಷಣಾ॑ಽಸಿ ಪಾರ್ವತೇ॒ಯೀ ಪ್ರತಿ॑ ತ್ವಾ ಪರ್ವ॒॒ತೀ ವೇ॑ತ್ತು ॥ ೧೯ ॥
ಧಾ॒ನ್ಯ॒ಮಸಿ ಧಿನು॒ಹಿ ದೇ॒ವಾನ್ ಪ್ರಾ॒ಣಾಯ॑ ತ್ವೋ ದಾ॒ನಾಯ॑ ತ್ವಾ ವ್ಯಾ॒ನಾಯ॑ ತ್ವಾ । ದೀ॒ರ್ಘಾಮನು॒ ಪ್ರಸಿ॑ತಿ॒ಮಾಯು॑ಷೇ ಧಾಂ ದೇ॒ವೋ ವ॑: ಸವಿ॒ತಾ ಹಿರ॑ಣ್ಯಪಾಣಿ॒: ಪ್ರತಿ॑ಗೃಭ್ಣಾ॒ತ್ವಚ್ಛಿ॑ದ್ರೇಣ ಪಾ॒ಣಿನಾ॒ ಚಕ್ಷು॑ಷೇ ತ್ವಾ ಮ॒ಹೀನಾಂ॒ ಪಯೋ॑ಽಸಿ ॥ ೨೦ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಸಂ ವ॑ಪಾಮಿ॒ ಸಮಾಪ॒ ಓಷ॑ಧೀಭಿ॒: ಸಮೋಷ॑ಧಯೋ॒ ರಸೇ॑ನ ।
ಸᳪ ರೇ॒ವತೀ॒ರ್ಜಗ॑ತೀಭಿಃ ಪೃಚ್ಯನ್ತಾ॒ᳪ ಸಂ ಮಧು॑ಮತೀ॒ರ್ಮಧು॑ಮತೀಭಿಃ ಪೃಚ್ಯನ್ತಾಮ್ ॥ ೨೧ ॥
ಜನ॑ಯತ್ಯೈ ತ್ವಾ॒ ಸಂಯೌ॑ಮೀ॒ದಮ॒ಗ್ನೇರಿ॒ದಮ॒ಗ್ನೀಷೋಮ॑ಯೋರಿ॒ಷೇ ತ್ವಾ॑ ಘ॒ರ್ಮೋ॒ಽಸಿ ವಿ॒ಶ್ವಾಯುರಸ್ತ್ವಾ॑ ಸವಿ॒ತಾ ಶ್ರ॑ಪಯತು॒ ವರ್ಷಿ॒ಷ್ಠೇಽಧಿ॒ ನಾಕೇ॑ ॥ ೨೨ ॥
ಮಾ ಭೇ॒ರ್ಮಾ ಸಂವಿ॑ಕ್ಥಾ॒ ಅತ॑ಮೇರುರ್ಯ॒ಜ್ಞೋಽತ॑ಮೇರು॒ರ್ಯಜ॑ಮಾನಸ್ಯ ಪ್ರ॒ಜಾ ಭೂ॑ಯಾತ್ ತ್ರಿ॒ತಾಯ॑ ತ್ವಾ ದ್ವಿ॒ತಾಯ॑ ತ್ವೈಕ॒ತಾಯ॑ ತ್ವಾ॥ ೨೩ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಆದ॑ದೇಽಧ್ವರ॒ಕೃತಂ॑ ದೇ॒ವೇಭ್ಯ॒ ಇನ್ದ್ರ॑ಸ್ಯ ಬಾ॒ಹುರ॑ಸಿ॒ ದಕ್ಷಿ॑ಣಃ ಸ॒ಹಸ್ರ॑ಭೃಷ್ಟಿಃ ಶ॒ತತೇ॑ಜಾ ವಾ॒ಯುರ॑ಸಿ ತಿ॒ಗ್ಮತೇ॑ಜಾ ದ್ವಿಷ॒ತೋ ವ॒ಧಃ ॥ ೨೪ ॥
ಪೃಥಿ॑ವಿ ದೇವಯಜ॒ನ್ಯೋಷ॑ಧ್ಯಾಸ್ತೇ॒ ಮೂಲಂ॒ ಮಾ ಹಿ॑ᳪಸಿಷಂ ವ್ರ॒ಜಂ ಗ॑ಚ್ಛ ಗೋ॒ಷ್ಠಾನಂ॒ ವರ್ಷ॑ತು ತೇ॒ ದ್ಯೌಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾಂ॑ ಪೃಥಿ॒ವ್ಯಾᳪ ಶ॒ತೇನ॒ ಪಾಶೈ॒ರ್ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಸ್ತಮತೋ॒ ಮಾ ಮೌ॑ಕ್ ॥ ೨೫॥
ಅಪಾ॒ರರುಂ॑ ಪೃಥಿ॒ವ್ಯೈ ದೇ॑ವ॒ಯಜ॑ನಾದ್ವಧ್ಯಾಸಂ ವ್ರ॒ಜಂ ಗ॑ಚ್ಛ ಗೋ॒ಷ್ಠಾನಂ॒ ವರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾಂ॑ ಪೃಥಿ॒ವ್ಯಾ ಶ॒ತೇನ॒ ಪಾಶೈ॒ರ್ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಸ್ತಮತೋ॒ ಮಾ ಮೌ॑ಕ್ ।
ಅರ॑ರೋ॒ ದಿವಂ॒ ಮಾ ಪ॑ಪ್ತೋ ದ್ರ॒ಪ್ಸಸ್ತೇ॒ ದ್ಯಾಂ ಮಾ ಸ್ಕ॑ನ್ ವ್ರ॒ಜಂ ಗ॑ಚ್ಛ ಗೋ॒ಷ್ಠಾನಂ॒ ವರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾಂ॑ ಪೃಥಿ॒ವ್ಯಾᳪ ಶ॒ತೇನ॒ ಪಾಶೈ॒ರ್ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಸ್ತಮತೋ॒ ಮಾ ಮೌ॑ಕ್ ॥ ೨೬ ॥
ಗಾ॒ಯ॒ತ್ರೇಣ॑ ತ್ವಾ॒ ಛನ್ದ॑ಸಾ॒ ಪರಿ॑ಗೃಹ್ಣಾಮಿ॒ ತ್ರೈ॑ಷ್ಟುಭೇನ ತ್ವಾ॒ ಛನ್ದ॑ಸಾ॒ ಪರಿ॑ಗೃಹ್ಣಾಮಿ॒ ಜಾಗ॑ತೇನ ತ್ವಾ॒ ಛನ್ದ॑ಸಾ॒ ಪರಿ॑ಗೃಹ್ಣಾಮಿ ।
ಸು॒ಕ್ಷ್ಮಾ ಚಾಸಿ॑ ಶಿ॒ವಾ ಚಾ॑ಸಿ ಸ್ಯೋ॒ನಾ ಚಾಸಿ॑ ಸು॒ಷದಾ॑ ಚಾ॒ಸ್ಯೂರ್ಜ॑ಸ್ವತೀ॒ ಚಾಸಿ॒ ಪಯ॑ಸ್ವತೀ ಚ ॥ ೨೭ ॥
ಪು॒ರಾ ಕ್ರೂ॒ರಸ್ಯ॑ ವಿ॒ಸೃಪೋ॑ ವಿರಪ್ಶಿನ್ನುದಾ॒ದಾಯ॑ ಪೃಥಿ॒ವೀಂ ಜೀ॒ವದಾ॑ನುಮ್ ।
ಯಾಮೈರಯಁಶ್ಚ॒ನ್ದ್ರಮ॑ಸಿ ಸ್ವ॒ಧಾಭಿ॒ಸ್ತಾಮು॒ ಧೀರಾ॑ಸೋ ಅನು॒ದಿಶ್ಯ॑ ಯಜನ್ತೇ ।
ಪ್ರೋಕ್ಷ॑ಣೀ॒ರಾಸಾ॑ದಯ ದ್ವಿ॑ಷ॒ತೋ ಬ॒ಧೋ॒ಽಸಿ ॥ ೨೮ ॥
ಪ್ರತ್ಯು॑ಷ್ಟ॒ᳪ ರಕ್ಷ॒: ಪ್ರತ್ಯು॑ಷ್ಟಾ॒ ಅರಾ॑ತಯೋ ನಿಷ್ಟ॑ಪ್ತ॒ᳪ ರಕ್ಷೋ॒ ನಿಷ್ಟ॑ಪ್ತಾ॒ ಅರಾ॑ತಯಃ ।
ಅನಿ॑ಶಿತೋಽಸಿ ಸಪತ್ನ॒ಕ್ಷಿದ್ವಾ॒ಜಿನಂ॑ ತ್ವಾ ವಾಜೇ॒ಧ್ಯಾಯೈ॒ ಸಮ್ಮಾ॑ರ್ಜ್ಮಿ ।
ಪ್ರತ್ಯು॑ಷ್ಟ॒ᳪ ರಕ್ಷ॒: ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ನಿಷ್ಟ॑ಪ್ತ॒ᳪ ರಕ್ಷೋ॒ ನಿಷ್ಟ॑ಪ್ತಾ॒ ಅರಾ॑ತಯಃ ।
ಅನಿ॑ಶಿತಾಽಸಿ ಸಪತ್ನ॒ಕ್ಷಿದ್ವಾ॒ಜಿನೀಂ॑ ತ್ವಾ ವಾಜೇ॒ಧ್ಯಾಯೈ॒ ಸಮ್ಮಾ॑ರ್ಜ್ಮಿ ॥ ೨೯ ॥
ಅದಿ॑ತ್ಯೈ॒ ರಾಸ್ನಾ॑ಸಿ ವಿಷ್ಣೋ॑ರ್ವೇ॒ಷ್ಪೋ॒ಽಸ್ಯೂ॒ರ್ಜೇ ತ್ವಾ ಽದ॑ಬ್ಧೇನ ತ್ವಾ॒ ಚಕ್ಷು॒ಷಾವ॑ಪಶ್ಯಾಮಿ ।
ಅ॒ಗ್ನೇರ್ಜಿ॒ಹ್ವಾಸಿ॑ ಸು॒ಹೂರ್ದೇ॒ವೇಭ್ಯೋ॒ ಧಾಮ್ನೇ॑ ಧಾಮ್ನೇ ಮೇ ಭವ॒ ಯಜು॑ಷೇ ಯಜುಷೇ ॥ ೩೦ ॥
ಸ॒ವಿ॒ತುಸ್ತ್ವಾ॑ ಪ್ರಸ॒ವ ಉತ್ಪು॑ನಾ॒ಮ್ಯಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿ॑: ।
ಸ॒ವಿ॒ತುರ್ವ॑: ಪ್ರಸ॒ವ ಉತ್ಪು॑ನಾ॒ಮ್ಯಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿ॑: ।
ತೇಜೋ॑ಽಸಿ ಶು॒ಕ್ರಮ॑ಸ್ಯ॒ಮೃತ॑ಮಸಿ ಧಾಮ॒ ನಾಮಾ॑ಸಿ ಪ್ರಿ॒ಯಂ ದೇ॒ವಾನಾ॒ಮನಾ॑ಧೃಷ್ಟಂ ದೇವ॒ಯಜ॑ನಮಸಿ ॥ ೩೧ ॥
ಅಧ್ಯಾಯ ೨
ಕೃಷ್ಣೋ॑ಽಸ್ಯಾಖರೇ॒ಷ್ಠೋಽಗ್ನಯೇ॑ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ॒ ವೇದಿ॑ರಸಿ ಬ॒ರ್ಹಿಷೇ॑ ತ್ವಾ॒ ಜುಷ್ಟಾಂ॒ ಪ್ರೋಕ್ಷಾ॑ಮಿ ಬ॒ರ್ಹಿರ॑ಸಿ ಸ್ರು॒ಗ್ಭ್ಯಸ್ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ ॥ ೧ ॥
ಅದಿ॑ತ್ಯೈ॒ ವ್ಯುನ್ದ॑ನಮಸಿ॒ ವಿಷ್ಣೋ॑ ಸ್ತು॒ಪೋಽಸ್ಯೂರ್ಣ॑ಮ್ಮ್ರದಸಂ ತ್ವಾ ಸ್ತೃಣಾಮಿ ಸ್ವಾಸ॒ಸ್ಥಾಂ ದೇ॒ವೇಭ್ಯೋ॒ ಭುವ॑ಪತಯೇ॒ ಸ್ವಾಹಾ॒
ಭುವ॑ನಪತಯೇ॒ ಸ್ವಾಹಾ॑ ಭೂ॒ತಾನಾಂ॒ ಪತ॑ಯೇ॒ ಸ್ವಾಹಾ॑ ॥ ೨ ॥
ಗ॒ನ್ಧ॒ರ್ವಸ್ತ್ವಾ॑ ವಿ॒ಶ್ವಾವ॑ಸುಃ॒ ಪರಿ॑ದಧಾತು॒ ವಿಶ್ವ॒ಸ್ಯಾರಿ॑ಷ್ಟಯೈ॒ ಯಜ॑ಮಾನಸ್ಯ ಪರಿ॒ಧಿರ॑ಸ್ಯ॒ಗ್ನಿರಿ॒ಡ ಈ॑ಡಿ॒ತಃ । ಇನ್ದ್ರ॑ಸ್ಯ ಬಾ॒ಹುರ॑ಸಿ॒ ದಕ್ಷಿ॑ಣೋ॒ ವಿಶ್ವ॒ಸ್ಯಾರಿ॑ಷ್ಟ॒ಯೈ॒ ಯಜ॑ಮಾನಸ್ಯ ಪರಿ॒ಧಿರ॑ಸ್ಯ॒ಗ್ನಿರಿ॒ಡ ಈ॑ಡಿ॒ತಃ। ಮಿ॒ತ್ರಾವರು॑ಣೌ ತ್ವೋತ್ತರ॒ತಃ ಪರಿ॑ಧತ್ತಾಂ ಧ್ರು॒ವೇಣ॒ ಧರ್ಮ॑ಣಾ ವಿಶ್ವ॒ಸ್ಯಾರಿ॑ಷ್ಟ॒ಯೈ॒ ಯಜ॑ಮಾನಸ್ಯ ಪರಿ॒ಧಿರ॑ಸ್ಯ॒ಗ್ನಿರಿ॒ಡ ಈ॑ಡಿ॒ತಃ ॥ ೩ ॥
ವೀ॒ತಿಹೋ॑ತ್ರಂ ತ್ವಾ ಕವೇ ದ್ಯು॒ಮನ್ತ॒ᳪ ಸಮಿ॑ಧೀಮಹಿ । ಅಗ್ನೇ॑ ಬೃ॒ಹನ್ತ॑ಮಧ್ವ॒ರೇ ॥ ೪ ॥
ಸ॒ಮಿದ॑ಸಿ ಸೂರ್ಯ॑ಸ್ತ್ವಾ ಪು॒ರಸ್ತಾ॑ತ್ ಪಾತು॒ ಕಸ್ಯಾ॑ಶ್ಚಿದ॒ಭಿಶ॑ಸ್ತ್ಯೈ । ಸವಿ॒ತುರ್ಬಾ॒ಹೂ ಸ್ಥ॒ ಊರ್ಣ॑ಮ್ಮ್ರದಸಂ ತ್ವಾ ಸ್ತೃಣಾಮಿ ಸ್ವಾಸ॒ಸ್ಥಂ ದೇ॒ವೇಭ್ಯ॒ ಆ ತ್ವಾ॒ ವಸ॑ವೋ ರು॒ದ್ರಾ ಆ॑ದಿ॒ತ್ಯಾಃ ಸ॑ದನ್ತು ॥ ೫ ॥
ಘೃ॒ತಾಚ್ಯ॑ಸಿ ಜು॒ಹೂರ್ನಾಮ್ನಾ॒ ಸೇದಂ ಪ್ರಿ॒ಯೇಣ॒ ಧಾಮ್ನಾ॑ ಪ್ರಿ॒ಯᳪ ಸದ॒ ಆಸೀ॑ದ ಘೃ॒ತಾಚ್ಯ॑ಸ್ಯುಪ॒ಭೃನ್ನಾಮ್ನಾ॒ ಸೇದಂ ಪ್ರಿ॒ಯೇಣ॒ ಧಾಮ್ನಾ॑ ಪ್ರಿ॒ಯᳪ ಸದ॒ ಆಸೀ॑ದ ಘೃ॒ತಾಚ್ಯ॑ಸಿ ಧ್ರು॒ವಾ ನಾಮ್ನಾ॒ ಸೇದಂ ಪ್ರಿ॒ಯೇಣ॒ ಧಾಮ್ನಾ॑ ಪ್ರಿ॒ಯᳪ ಸದ॒ ಆಸೀ॑ದ ಪ್ರಿ॒ಯೇಣ॒ ಧಾಮ್ನಾ॑ ಪ್ರಿ॒ಯᳪ ಸದ॒ ಆಸೀ॑ದ । ಧ್ರು॒ವಾ ಅ॑ಸದನ್ನೃ॒ತಸ್ಯ॒ ಯೋನೌ॒ ತಾ ವಿ॑ಷ್ಣೋ ಪಾಹಿ ಪಾ॒ಹಿ ಯ॒ಜ್ಞಂ ಪಾ॒ಹಿ ಯ॒ಜ್ಞಪ॑ತಿಂ ಪಾ॒ಹಿ ಮಾಂ ಯ॑ಜ್ಞ॒ನ್ಯ॒ಮ್॥ ೬ ॥
ಅಗ್ನೇ॑ ವಾಜಜಿ॒ದ್ವಾಜಂ॑ ತ್ವಾ ಸರಿ॒ಷ್ಯನ್ತಂ॑ ವಾಜ॒ಜಿತ॒ᳪ ಸಮ್ಮಾ॑ರ್ಜ್ಮಿ । ನಮೋ॑ ದೇ॒ವೇಭ್ಯ॑: ಸ್ವ॒ಧಾ ಪಿ॒ತೃಭ್ಯ॑: ಸು॒ಯಮೇ॑ ಮೇ ಭೂಯಾಸ್ತ॒ಮ್ ॥ ೭ ॥
ಅಸ್ಕ॑ನ್ನಮ॒ದ್ಯ ದೇ॒ವೇಭ್ಯ॒ ಆಜ್ಯ॒ᳪ ಸಂಭ್ರಿ॑ಯಾಸ॒ಮಙಿ್॑ಘ್ರಣಾ ವಿಷ್ಣೋ॒ ಮಾ ತ್ವಾವ॑ಕ್ರಮಿಷಂ ವಸು॑ಮತೀಮಗ್ನೇ ತೇ ಛಾ॒ಯಾಮುಪ॑ಸ್ಥೇಷಂ॒ ವಿಷ್ಣೋ॒ ಸ್ಥಾನ॑ಮಸೀತ ಇನ್ದ್ರೋ॑ ವೀ॒ರ್ಯ॒ಮಕೃಣೋದೂ॒ರ್ಧ್ವೋ॑ಽಧ್ವ॒ರ ಆಸ್ಥಾ॑ತ್ ॥ ೮ ॥
ಅಗ್ನೇ॒ ವೇರ್ಹೋ॒ತ್ರಂ ವೇರ್ದೂ॒ತ್ಯಮವ॑ತಾಂ॒ ತ್ವಾಂ ದ್ಯಾವಾ॑ಪೃಥಿ॒ವೀ ಅವ॒ ತ್ವಂ ದ್ಯಾವಾ॑ಪೃಥಿ॒ವೀ ಸ್ವಿ॑ಷ್ಟ॒ಕೃದ್ದೇ॒ವೇಭ್ಯ ಇನ್ದ್ರ॒ ಆಜ್ಯೇ॑ನ ಹ॒ವಿಷಾ॑ ಭೂ॒ತ್ಸ್ವಾಹಾ॒ ಸಂ ಜ್ಯೋತಿ॑ಷಾ॒ ಜ್ಯೋತಿ॑: ॥ ೯ ॥
ಮಯೀ॒ದಮಿನ್ದ್ರ॑ ಇನ್ದ್ರಿ॒ಯಂ ದ॑ಧಾತ್ವ॒ಸ್ಮಾನ್ ರಾಯೋ॑ ಮ॒ಘವಾ॑ನಃ ಸಚನ್ತಾಮ್ । ಅ॒ಸ್ಮಾಕ॑ᳪ ಸನ್ತ್ವಾ॒ಶಿಷ॑: ಸ॒ತ್ಯಾ ನ॑: ಸನ್ತ್ವಾ॒ಶಿಷ॒ ಉಪ॑ಹೂತಾ ಪೃಥಿ॒ವೀ ಮಾ॒ತೋಪ॒ ಮಾಂ ಪೃ॑ಥಿ॒ವೀ ಮಾ॒ತಾ ಹ್ವ॑ಯತಾಮ॒ಗ್ನಿರಾಗ್ನೀ॑ಧ್ರಾ॒ತ್ಸ್ವಾಹಾ॑ ॥ ೧೦ ॥
ಉಪ॑ಹೂತೋ॒ ದ್ಯೌಷ್ಪಿ॒ತೋಪ॒ ಮಾಂ ದ್ಯೌ॑ಷ್ಪಿ॒ತಾ ಹ್ವ॑ಯತಾಮ॒ಗ್ನಿರಾಗ್ನೀ॑ಧ್ರಾ॒ತ್ಸ್ವಾಹಾ॑ । ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಪ್ರತಿ॑ಗೃಹ್ಣಾಮ್ಯ॒ಗ್ನೇಷ್ಟ್ವಾ॒ಸ್ಯೇ॒ನ॒ ಪ್ರಾಶ್ನಾ॑ಮಿ ॥೧೧ ॥
ಏ॒ತಂ ತೇ॑ ದೇವ ಸವಿತರ್ಯ॒ಜ್ಞಂ ಪ್ರಾಹು॒ರ್ಬೃಹ॒ಸ್ಪತ॑ಯೇ ಬ್ರ॒ಹ್ಮಣೇ॑ । ತೇನ॑ ಯ॒ಜ್ಞಮ॑ವ॒ ತೇನ॑ ಯ॒ಜ್ಞಪ॑ತಿಂ॒ ತೇನ॒ ಮಾಮ॑ವ ॥ ೧೨ ॥
ಮನೋ॑ ಜೂ॒ತಿರ್ಜು॑ಷತಾ॒ಮಾಜ್ಯ॑ಸ್ಯ॒ ಬೃಹ॒ಸ್ಪತಿ॑ರ್ಯ॒ಜ್ಞಮಿ॒ಮಂ ತ॑ನೋತ್ವರಿ॑ಷ್ಟಂ ಯ॒ಜ್ಞᳪ ಸಮಿ॒ಮಂ ದ॑ಧಾತು । ವಿಶ್ವೇ॑ ದೇ॒ವಾಸ॑ ಇ॒ಹ ಮಾ॑ದಯನ್ತಾ॒ಮೋ೩ಮ್ಪ್ರತಿ॑ಷ್ಠ ॥ ೧೩॥
ಏ॒ಷಾ ತೇ॑ ಅಗ್ನೇ ಸ॒ಮಿತ್ತಯಾ॒ ವರ್ಧ॑ಸ್ವ॒ ಚಾ ಚ॑ ಪ್ಯಾಯಸ್ವ । ವ॒ರ್ಧಿ॒ಷೀ॒ಮಹಿ॑ ಚ ವ॒ಯಮಾ ಚ॑ ಪ್ಯಾಸಿಷೀಮಹಿ ।
ಅಗ್ನೇ॑ ವಾಜಜಿ॒ದ್ವಾಜಂ॑ ತ್ವಾ ಸಸೃ॒ವಾᳪಸಂ॑ ವಾಜ॒ಜಿತ॒ᳪ ಸಮ್ಮಾ॑ರ್ಜ್ಮಿ ॥ ೧೪॥
ಅ॒ಗ್ನೀಷೋಮ॑ಯೋ॒ರುಜ್ಜಿ॑ತಿ॒ಮನೂಜ್ಜೇ॑ಷಂ॒ ವಾಜ॑ಸ್ಯ ಮಾ ಪ್ರಸ॒ವೇನ॒ ಪ್ರೋಹಾ॑ಮಿ ।
ಅ॒ಗ್ನೀಷೋಮೌ॒ ತಮಪ॑ನುದತಾಂ॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮೋ ವಾಜ॑ಸ್ಯೈನಂ ಪ್ರಸ॒ವೇನಾಪೋ॑ಹಾಮಿ ।
ಇ॒ನ್ದ್ರಾ॒ಗ್ನ್ಯೋರುಜ್ಜಿ॑ತಿ॒ಮನೂಜ್ಜೇ॑ಷಂ॒ ವಾಜ॑ಸ್ಯ ಮಾ ಪ್ರಸ॒ವೇನ॒ ಪ್ರೋಹಾ॑ಮಿ ।
ಇ॒ನ್ದ್ರಾ॒ಗ್ನೀ ತಮಪ॑ನುದತಾಂ॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮೋ ವಾಜ॑ಸ್ಯೈನಂ ಪ್ರಸ॒ವೇನಾಪೋ॑ಹಾಮಿ ॥ ೧೫॥
ವಸು॑ಭ್ಯಸ್ತ್ವಾ ರು॒ದ್ರೇಭ್ಯ॑ಸ್ತ್ವಾ ಽಽದಿ॒ತ್ಯೇಭ್ಯ॑ಸ್ತ್ವಾ॒ ಸಂಜಾ॑ನಾಥಾಂ ದ್ಯಾವಾಪೃಥಿವೀ ಮಿ॒ತ್ರಾವರು॑ಣೌ ತ್ವಾ॒ ವೃಷ್ಟ್ಯಾ॑ವತಾಮ್ ।
ವ್ಯನ್ತು॒ ವಯೋ॒ಕ್ತᳪ ರಿಹಾ॑ಣಾ ಮ॒ರುತಾಂ॒ ಪೃಷತೀರ್ಗಚ್ಛ ವ॒ಶಾ ಪೃಶ್ನಿ॑ರ್ಭೂ॒ತ್ವಾ ದಿವಂ॑ ಗಚ್ಛ॒ ತತೋ॑ ನೋ॒ ವೃಷ್ಟಿ॒ಮಾವ॑ಹ ।
ಚ॒ಕ್ಷು॒ಷ್ಪಾ ಅ॑ಗ್ನೇಽಸಿ॒ ಚಕ್ಷು॑ರ್ಮೇ ಪಾಹಿ ॥ ೧೬॥
ಯಂ ಪ॑ರಿ॒ಧಿಂ ಪ॒ರ್ಯಧ॑ತ್ಥಾ॒ ಅಗ್ನೇ॑ ದೇವ ಪ॒ಣಿಭಿ॑ರ್ಗು॒ಹ್ಯಮಾ॑ನಃ ।
ತಂ ತ॑ ಏ॒ತಮನು॒ ಜೋಷಂ॑ ಭರಾಮ್ಯೇ॒ಷ ನೇತ್ತ್ವದ॑ಪಚೇ॒ತಯಾ॑ತಾ ಅ॒ಗ್ನೇಃ ಪ್ರಿ॒ಯಂ ಪಾಥೋಽಪೀ॑ತಮ್ ॥ ೧೭॥
ಸ॒k ಸ್ರ॒ವಭಾ॑ಗಾ ಸ್ಥೇ॒ಷಾ ಬೃ॒ಹನ್ತ॑: ಪ್ರಸ್ತರೇ॒ಷ್ಠಾಃ ಪ॑ರಿ॒ಧೇಯಾ॑ಶ್ಚ ದೇ॒ವಾಃ ।
ಇ॒ಮಾಂ ವಾಚ॑ಮ॒ಭಿ ವಿಶ್ವೇ॑ ಗೃ॒ಣನ್ತ॑ ಆ॒ಸದ್ಯಾ॒ಸ್ಮಿನ್ ಬರ್ಹಿಷಿ॑ ಮಾದಯಧ್ವ॒ ᳪ ಸ್ವಾಹಾ॒ ವಾಟ್ ॥ ೧೮॥
ಘೃ॒ತಾಚೀ॑ ಸ್ಥೋ॒ ಧುರ್ಯೌ॑ ಪಾತᳪ ಸು॒ಮ್ನೇ ಸ್ಥ॑: ಸು॒ಮ್ನೇ ಮಾ॑ ಧತ್ತಮ್ ।
ಯಜ್ಞ॒ ನಮ॑ಶ್ಚ ತ॒ ಉಪ॑ ಚ ಯ॒ಜ್ಞಸ್ಯ॑ ಶಿ॒ವೇ ಸಂತಿ॑ಷ್ಠಸ್ವ॒ ಸ್ವಿಷ್ಟೇ ಮೇ॒ ಸಂತಿ॑ಷ್ಠಸ್ವ ॥ ೧೯ ॥
ಅಗ್ನೇ॑ಽದಬ್ಧಾಯೋಽಶೀತಮ ಪಾ॒ಹಿ ಮಾ॑ ದಿ॒ದ್ಯೋಃ ಪಾ॒ಹಿ ಪ್ರಸಿ॑ತ್ಯೈ ಪಾ॒ಹಿ ದುರಿ॑ಷ್ಟಯೈ ಪಾ॒ಹಿ ದು॑ರದ್ಮ॒ನ್ಯಾ ಅ॑ವಿ॒ಷಂ ನ॑: ಪಿ॒ತುಂ ಕೃ॑ಣು
ಸು॒ಷದಾ॒ ಯೋನೌ॒ ಸ್ವಾಹಾ॒ ವಾಡ॒ಗ್ನಯೇ॑ ಸಂವೇ॒ಶಪ॑ತಯೇ॒ ಸ್ವಾಹಾ॒ ಸರ॑ಸ್ವತ್ಯೈ ಯಶೋಭ॒ಗಿನ್ಯೈ॒ ಸ್ವಾಹಾ॑ ॥ ೨೦ ॥
ವೇ॒ದೋ॒ಽಸಿ॒ ಯೇನ॒ ತ್ವಂ ದೇ॑ವ ವೇದ ದೇ॒ವೇಭ್ಯೋ॑ ವೇ॒ದೋಽಭ॑ವ॒ಸ್ತೇನ॒ ಮಹ್ಯಂ॑ ವೇ॒ದೋ ಭೂ॑ಯಾಃ ।
ದೇವಾ॑ ಗಾತುವಿದೋ ಗಾ॒ತುಂ ವಿ॒ತ್ತ್ವಾ ಗಾ॒ತುಮಿ॑ತ ।
ಮನ॑ಸಸ್ಪತ ಇ॒ಮಂ ದೇ॑ವ ಯ॒ಜ್ಞᳪ ಸ್ವಾಹಾ॒ ವಾತೇ॑ ಧಾಃ ॥ ೨೧ ॥
ಸಂಬ॒ರ್ಹಿರ॑ಙ್ಕ್ತಾᳪ ಹ॒ವಿಷಾ॑ ಘೃ॒ತೇನ॒ ಸಮಾ॑ದಿ॒ತ್ಯೈರ್ವಸು॑ಭಿ॒: ಸಮ್ಮ॒ರುದ್ಭಿ॑: ।
ಸಮಿನ್ದ್ರೋ॑ ವಿ॒ಶ್ವದೇ॑ವೇಭಿರಙ್ಕ್ತಾಂ ದಿ॒ವ್ಯಂ ನಭೋ॑ ಗಚ್ಛತು॒ ಯತ್ ಸ್ವಾಹಾ॑ ॥ ೨೨ ॥
ಕಸ್ತ್ವಾ॒ ವಿಮು॑ಞ್ಚತಿ॒ ಸ ತ್ವಾ॒ ವಿಮು॑ಞ್ಚತಿ॒ ಕಸ್ಮೈ॑ ತ್ವಾ॒ ವಿಮು॑ಞ್ಚತಿ॒ ತಸ್ಮೈ॑ ತ್ವಾ॒ ವಿಮು॑ಞ್ಚತಿ ।
ಪೋಷಾ॑ಯ॒ ರಕ್ಷ॑ಸಾಂ ಭಾ॒ಗೋ॒ಽಸಿ ॥ ೨೩ ॥
ಸಂ ವರ್ಚ॑ಸಾ॒ ಪಯ॑ಸಾ॒ ಸಂ ತ॒ನೂಭಿ॒ರಗ॑ನ್ಮಹಿ॒ ಮನ॑ಸಾ॒ ಸᳪ ಶಿ॒ವೇನ॑ ।
ತ್ವಷ್ಟಾ॑ ಸು॒ದತ್ರೋ॒ ವಿದ॑ಧಾತು॒ ರಾಯೋಽನು॑ಮಾರ್ಷ್ಟು ತ॒ನ್ವೋ ಯದ್ವಿಲಿ॑ಷ್ಟಮ್ ॥ ೨೪ ॥
ದಿ॒ವಿ ವಿಷ್ಣು॒ರ್ವ್ಯ॒ಕ್ರᳪಸ್ತ॒ ಜಾಗ॑ತೇನ॒ ಛನ್ದ॑ಸಾ॒ ತತೋ॒ ನಿರ್ಭ॑ಕ್ತೋ॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮೋಽನ್ತರಿ॑ಕ್ಷೇ॒ ವಿಷ್ಣು॒ರ್ವ್ಯ॒ಕ್ರᳪಸ್ತ॒ ತ್ರೈಷ್ಟು॑ಭೇನ॒ ಛನ್ದ॑ಸಾ॒ ತತೋ॒ ನಿರ್ಭ॑ಕ್ತೋ॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ಪೃ॑ಥಿ॒ವ್ಯಾಂ ವಿಷ್ಣು॒ರ್ವ್ಯ॒ಕ್ರᳪಸ್ತ ಗಾಯ॒ತ್ರೇಣ॒ ಛನ್ದ॑ಸಾ॒ ತತೋ॒ ನಿರ್ಭ॑ಕ್ತೋ॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮೋಽಸ್ಮಾದನ್ನಾ॑ ದ॒ಸ್ಯೈ ಪ್ರ॑ತಿ॒ಷ್ಠಾಯಾ॒ ಅಗ॑ನ್ಮ॒ ಸ್ವಃ ಸಂ ಜ್ಯೋತಿ॑ಷಾಭೂಮ ॥ ೨೫ ॥
ಸ್ವ॒ಯಂ॒ಭೂರ॑ಸಿ॒ ಶ್ರೇಷ್ಠೋ॑ ರ॒ಶ್ಮಿರ್ವ॑ರ್ಚೋ॒ದಾ ಅ॑ಸಿ॒ ವರ್ಚೋ॑ ಮೇ ದೇಹಿ । ಸೂರ್ಯ॑ಸ್ಯಾ॒ವೃತ॒ಮನ್ವಾವ॑ರ್ತೇ ॥ ೨೬ ॥
ಅಗ್ನೇ॑ ಗೃಹಪತೇ ಸುಗೃಹಪ॒ತಿಸ್ತ್ವಯಾ॑ಗ್ನೇ॒ಽಹಂ ಗೃ॒ಹಪ॑ತಿನಾ ಭೂಯಾಸᳪ ಸುಗೃಹಪ॒ತಿಸ್ತ್ವಂ ಮಯಾ॑ಽಗ್ನೇ ಗೃ॒ಹಪ॑ತಿನಾ ಭೂಯಾಃ ।
ಅ॒ಸ್ಥೂ॒ರಿ ಣೌ॒ ಗಾರ್ಹ॑ಪತ್ಯಾನಿ ಸನ್ತು ಶ॒ತᳪ ಹಿಮಾ॒: ಸೂರ್ಯ॑ಸ್ಯಾ॒ವೃತ॒ಮನ್ವಾವ॑ರ್ತೇ ॥ ೨೭ ॥
ಅಗ್ನೇ॑ ವ್ರತಪತೇ ವ್ರ॒ತಮ॑ಚಾರಿಷಂ॒ ತದ॑ಶಕಂ॒ ತನ್ಮೇ॑ಽರಾಧೀ॒ದಮ॒ಹಂ ಯ ಏ॒ವಾಸ್ಮಿ॒ ಸೋ॒ಽಸ್ಮಿ ॥ ೨೮ ॥
ಅ॒ಗ್ನಯೇ॑ ಕವ್ಯ॒ವಾಹ॑ನಾಯ॒ ಸ್ವಾಹಾ॒ ಸೋಮಾ॑ಯ ಪಿತೃ॒ಮತೇ॒ ಸ್ವಾಹಾ॑ । ಅಪ॑ಹತಾ॒ ಅಸು॑ರಾ॒ ರಕ್ಷಾಁ॑ಸಿ ವೇದಿ॒ಷದ॑: ॥ ೨೯ ॥
ಯೇ ರೂ॒ಪಾಣಿ॑ ಪ್ರತಿಮು॒ಞ್ಚಮಾ॑ನಾ॒ ಅಸು॑ರಾಃ॒ ಸನ್ತ॑: ಸ್ವ॒ಧಯಾ॒ ಚರ॑ನ್ತಿ ।
ಪ॒ರಾ॒ಪುರೋ॑ ನಿ॒ಪುರೋ॒ ಯೇ ಭರ॑ನ್ತ್ಯ॒ಗ್ನಿಷ್ಟಾಲ್ಲೋ॒ಕಾತ್ಪ್ರಣು॑ದಾತ್ಯ॒ಸ್ಮಾತ್ ॥ ೩೦ ॥
ಅತ್ರ॑ ಪಿತರೋ ಮಾದಯಧ್ವಂ ಯಥಾಭಾ॒ಗಮಾವೃ॑ಷಾಯಧ್ವಮ್ । ಅಮೀ॑ಮದನ್ತ ಪಿ॒ತರೋ॑ ಯಥಾಭಾ॒ಗಮಾವೃ॑ಷಾಯಿಷತ ॥ ೩೧॥
ನಮೋ॑ ವಃ ಪಿತರೋ॒ ರಸಾ॑ಯ॒ ನಮೋ॑ ವಃ ಪಿತರ॒: ಶೋಷಾ॑ಯ॒ ನಮೋ॑ ವಃ ಪಿತರೋ ಜೀ॒ವಾಯ॒ ನಮೋ॑ ವಃ ಪಿತರಃ ಸ್ವ॒ಧಾಯೈ॒ ನಮೋ॑ ವಃ ಪಿತರೋ ಘೋ॒ರಾಯ॒ ನಮೋ॑ ವಃ ಪಿತರೋ ಮ॒ನ್ಯವೇ॒ ನಮೋ॑ ವಃ ಪಿತರ॒: ಪಿತ॑ರೋ॒ ನಮೋ॑ ವೋ ಗೃ॒ಹಾನ್ನ॑: ಪಿತರೋ ದತ್ತ ಸ॒ತೋ ವ॑: ಪಿತರೋ ದೇಷ್ಮೈ॒ತದ್ವ॑: ಪಿತರೋ॒ ವಾಸ॒ ಆಧ॑ತ್ತ ॥ ೩೨॥
ಆಧ॑ತ್ತ ಪಿತರೋ॒ ಗರ್ಭಂ॑ ಕುಮಾ॒ರಂ ಪುಷ್ಕ॑ರಸ್ರಜಮ್ । ಯಥೇ॒ಹ ಪುರು॒ಷೋಽಸ॑ತ್ ॥ ೩೩॥
ಊರ್ಜಂ॒ ವಹ॑ನ್ತೀರ॒ಮೃತಂ॑ ಘೃ॒ತಂ ಪಯ॑: ಕೀ॒ಲಾಲಂ॑ ಪರಿ॒ಸ್ರುತ॑ಮ್ । ಸ್ವ॒ಧಾ ಸ್ಥ॑ ತ॒ರ್ಪಯ॑ತ ಮೇ ಪಿ॒ತೄನ್ ॥ ೩೪॥
ಅಧ್ಯಾಯ ೩
ಸ॒ಮಿಧಾ॒ಽಗ್ನಿಂ ದು॑ವಸ್ಯತ ಘೃತೈರ್ಬೋ॑ಧಯ॒ತಾತಿ॑ಥಿಮ್ । ಆಸ್ಮಿ॑ನ್ ಹ॒ವ್ಯಾ ಜು॑ಹೋತನ ॥ ೧ ॥
ಸುಸ॑ಮಿದ್ಧಾಯ ಶೋ॒ಚಿಷೇ॑ ಘೃ॒ತಂ ತೀ॒ವ್ರಂ ಜು॑ಹೋತನ । ಅ॒ಗ್ನಯೇ॑ ಜಾ॒ತವೇ॑ದಸೇ ॥ ೨ ॥
ತಂ ತ್ವಾ॑ ಸ॒ಮಿದ್ಭಿ॑ರಙ್ಗಿರೋ ಘೃ॒ತೇನ॑ ವರ್ಧಯಾಮಸಿ । ಬೃ॒ಹಚ್ಛೋ॑ಚಾ ಯವಿಷ್ಠ್ಯ॥ ೩ ॥
ಉಪ॑ ತ್ವಾಽಗ್ನೇ ಹ॒ವಿಷ್ಮ॑ತೀರ್ಘೃ॒ತಾಚೀ॑ರ್ಯನ್ತು ಹರ್ಯತ । ಜು॒ಷಸ್ವ॑ ಸ॒ಮಿಧೋ॒ ಮಮ॑ ॥ ೪ ॥
ಭೂರ್ಭುವ॒: ಸ್ವರ್ದ್ಯೌರಿ॑ವ ಭೂ॒ಮ್ನಾ ಪೃ॑ಥಿ॒ವೀವ॑ ವರಿ॒ಮ್ಣಾ । ತಸ್ಯಾ॑ಸ್ತೇ ಪೃಥಿವಿ ದೇವಯಜನಿ ಪೃ॒ಷ್ಠೇಽಗ್ನಿಮ॑ನ್ನಾ॒ದಮ॒ನ್ನಾದ್ಯಾ॒ಯಾದ॑ಧೇ ॥ ೫ ॥
ಆಯಂ ಗೌಃ ಪೃಶ್ನಿ॑ರಕ್ರಮೀ॒ದಸ॑ದನ್ ಮಾ॒ತರಂ॑ ಪು॒ರಃ । ಪಿ॒ತರಂ॑ ಚ ಪ್ರ॒ಯನ್ತ್ಸ್ವ॑: ॥ ೬ ॥
ಅ॒ನ್ತಶ್ಚ॑ರತಿ ರೋಚ॒ನಾಸ್ಯ ಪ್ರಾ॒ಣಾದಪಾ॑ನ॒ತೀ । ವ್ಯ॑ಖ್ಯನ್ ಮಹಿ॒ಷೋ ದಿವ॑ಮ್ ॥ ೭ ॥
ತ್ರಿ॒jಶದ್ಧಾಮ॒ ವಿ ರಾ॑ಜತಿ॒ ವಾಕ್ ಪ॑ತ॒ಙ್ಗಾಯ॑ ಧೀಯತೇ । ಪ್ರತಿ॒ ವಸ್ತೋ॒ರಹ॒ ದ್ಯುಭಿ॑: ॥ ೮ ॥
ಅ॒ಗ್ನಿರ್ಜ್ಯೋತಿ॒ರ್ಜ್ಯೋತಿ॑ರ॒ಗ್ನಿಃ ಸ್ವಾಹಾ॑ । ಸೂರ್ಯೋ॒ ಜ್ಯೋತಿ॒ರ್ಜ್ಯೋತಿ॒: ಸೂರ್ಯ॒: ಸ್ವಾಹಾ॑ ।
ಅ॒ಗ್ನಿರ್ವರ್ಚೋ॒ ಜ್ಯೋತಿ॒ರ್ವರ್ಚಃ॒ ಸ್ವಾಹಾ॑ । ಸೂರ್ಯೋ॒ ವರ್ಚೋ॒ ಜ್ಯೋತಿ॒ರ್ವರ್ಚಃ॒ ಸ್ವಾಹಾ॑ । ಜ್ಯೋತಿ॒: ಸೂರ್ಯ॒: ಸೂರ್ಯೋ॒ ಜ್ಯೋತಿ॒: ಸ್ವಾಹಾ॑ ॥ ೯ ॥
ಸ॒ಜೂರ್ದೇ॒ವೇನ॑ ಸವಿ॒ತ್ರಾ ಸ॒ಜೂ ರಾತ್ರ್ಯೇನ್ದ್ರ॑ವತ್ಯಾ । ಜು॑ಷಾ॒ಣೋ ಅ॒ಗ್ನಿರ್ವೇ॑ತು॒ ಸ್ವಾಹಾ॑ ।
ಸ॒ಜೂರ್ದೇ॒ವೇನ॑ ಸವಿ॒ತ್ರಾ ಸ॒ಜೂರು॒ಷಸೇನ್ದ್ರ॑ವತ್ಯಾ ।ಜು॑ಷಾ॒ಣಃ ಸೂರ್ಯೋ॑ ವೇತು॒ ಸ್ವಾಹಾ॑ ॥ ೧೦ ॥
ಉ॒ಪ॒ಪ್ರ॒ಯನ್ತೋ॑ ಅಧ್ವ॒ರಂ ಮನ್ತ್ರಂ॑ ವೋಚೇಮಾ॒ಗ್ನಯೇ॑ । ಆ॒ರೇ ಅ॒ಸ್ಮೇ ಚ॑ ಶೃಣ್ವ॒ತೇ ॥ ೧೧ ॥
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿ॑: ಪೃಥಿ॒ವ್ಯಾ ಅ॒ಯಮ್ । ಅ॒ಪಾᳪರೇತಾ॑ᳪಸಿ ಜಿನ್ವತಿ ॥ ೧೨ ॥
ಉ॒ಭಾ ವಾ॑ಮಿನ್ದ್ರಾಗ್ನೀ ಆಹು॒ವಧ್ಯಾ॑ ಉ॒ಭಾ ರಾಧ॑ಸಃ ಸ॒ಹ ಮಾ॑ದ॒ಯಧ್ಯೈ॑ ।
ಉ॒ಭಾ ದಾ॒ತಾರಾ॑ವಿ॒ಷಾᳪರ॑ಯೀ॒ಣಾಮು॒ಭಾ ವಾಜ॑ಸ್ಯ ಸಾ॒ತಯೇ॑ ಹುವೇ ವಾಮ್ ॥ ೧೩ ॥
ಅ॒ಯಂ ತೇ॒ ಯೋನಿ॑ರೃ॒ತ್ವಿಯೋ॒ ಯತೋ॑ ಜಾ॒ತೋ ಅರೋ॑ಚಥಾಃ । ತಂ ಜಾ॒ನನ್ನ॑ಗ್ನ॒ ಆರೋ॒ಹಾಥಾ॑ ನೋ ವರ್ಧಯಾ ರ॒ಯಿಮ್ ॥ ೧೪ ॥
ಅ॒ಯಮಿ॒ಹ ಪ್ರ॑ಥ॒ಮೋ ಧಾ॑ಯಿ ಧಾ॒ತೃಭಿ॒ರ್ಹೋತಾ॒ ಯಜಿ॑ಷ್ಠೋ ಅಧ್ವ॒ರೇಷ್ವೀಡ್ಯ॑: ।
ಯಮಪ್ನ॑ವಾನೋ॒ ಭೃಗ॑ವೋ ವಿರುರು॒ಚುರ್ವನೇ॑ಷು ಚಿ॒ತ್ರಂ ವಿ॒ಭ್ವಂ॒ ವಿ॒ಶೇವಿ॑ಶೇ ॥ ೧೫ ॥
ಅ॒ಸ್ಯ ಪ್ರ॒ತ್ನಾಮನು॒ ದ್ಯುತ॑ᳪಶು॒ಕ್ರಂ ದು॑ದುಹ್ರೇ॒ ಅಹ್ರ॑ಯಃ । ಪಯ॑: ಸಹಸ್ರ॒ಸಾಮೃಷಿ॑ಮ್ ॥ ೧೬ ॥
ತ॑ನೂ॒ಪಾ ಅ॑ಗ್ನೇಽಸಿ ತ॒ನ್ವಂ॒ ಮೇ ಪಾಹ್ಯಾಯು॒ರ್ದಾ ಅ॑ಗ್ನೇ॒ ಸ್ಯಾಯು॑ರ್ಮೇ ದೇಹಿ ವ॑ರ್ಚೋ॒ದಾ ಅ॑ಗ್ನೇಽಸಿ॒ ವರ್ಚೋ॑ ಮೇ ದೇಹಿ ।
ಅಗ್ನೇ॒ ಯನ್ಮೇ॑ ತ॒ನ್ವಾ॒ ಊ॒ನಂ ತನ್ಮ॒ ಆಪೃ॑ಣ ॥ ೧೭ ॥
ಇನ್ಧಾ॑ನಾಸ್ತ್ವಾ ಶ॒ತᳪಹಿಮಾ॑ ದ್ಯು॒ಮನ್ತ॒ᳪಸಮಿ॑ಧೀಮಹಿ । ವಯ॑ಸ್ವನ್ತೋ ವಯ॒ಸ್ಕೃತ॒ ಸಹ॑ಸ್ವನ್ತಃ ಸಹ॒ಸ್ಕೃತ॑ಮ್ ।
ಅಗ್ನೇ॑ ಸಪತ್ನ॒ದಮ್ಭ॑ನ॒ಮದ॑ಬ್ಧಾಸೋ॒ ಅದಾ॑ಭ್ಯಮ್ । ಚಿತ್ರಾ॑ವಸೋ ಸ್ವ॒ಸ್ತಿ ತೇ॑ ಪಾ॒ರಮ॑ಶೀಯ ॥ ೧೮ ॥
ಸಂ ತ್ವಮ॑ಗ್ನೇ॒ ಸೂರ್ಯ॑ಸ್ಯ॒ ವರ್ಚ॑ಸಾಗಥಾ॒: ಸಮೃಷೀ॑ಣಾᳪ ಸ್ತು॒ತೇನ॑ ।
ಸಂ ಪ್ರಿ॒ಯೇಣ॒ ಧಾಮ್ನಾ॒ ಸಮ॒ಹಮಾಯು॑ಷಾ॒ ಸಂ ವರ್ಚ॑ಸಾ॒ ಸಂ ಪ್ರ॒ಜಯಾ॒ ಸᳪ ರಾ॒ಯಸ್ಪೋಷೇ॑ಣ ಗ್ಮಿಷೀಯ ॥ ೧೯ ॥
ಅನ್ಧ॒ ಸ್ಥಾನ್ಧೋ॑ ವೋ ಭಕ್ಷೀಯ॒ ಮಹ॑ ಸ್ಥ॒ ಮಹೋ॑ ವೋ ಭಕ್ಷೀ॒ಯೋರ್ಜ॒ ಸ್ಥೋರ್ಜಂ॑ ವೋ ಭಕ್ಷೀಯ ರಾ॒ಯಸ್ಪೋಷ॑ ಸ್ಥ ರಾ॒ಯಸ್ಪೋಷಂ॑ ವೋ ಭಕ್ಷೀಯ ॥ ೨೦ ॥
ರೇವ॑ತೀ॒ ರಮ॑ಧ್ವಮ॒ಸ್ಮಿನ್ಯೋನಾ॑ವ॒ಸ್ಮಿನ್ ಗೋ॒ಷ್ಠೇಽಸ್ಮಿಂಲ್ಲೋ॒ಕೇ॒ಽಸ್ಮಿನ್ಕ್ಷಯೇ॑ । ಇಹೈ॒ವ ಸ್ತ॒ ಮಾಪ॑ಗಾತ ॥ ೨೧ ॥
ಸ॒ᳪಹಿ॒ತಾಸಿ॑ ವಿಶ್ವರೂ॒ಪ್ಯೂ॒ರ್ಜಾ ಮಾವಿ॑ಶ ಗೌಪ॒ತ್ಯೇನ॑ । ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ॑ವಸ್ತರ್ದ್ಧಿ॒ಯಾ ವ॒ಯಮ್ ।
ನಮೋ॒ ಭರ॑ನ್ತ॒ ಏಮ॑ಸಿ ॥ ೨೨ ॥
ರಾಜ॑ನ್ತಮಧ್ವ॒ರಾಣಾಂ॑ ಗೋ॒ಪಾಮೃ॒ತಸ್ಯ॒ ದೀದಿ॑ವಿಮ್ । ವರ್ಧ॑ಮಾನ॒ᳪ ಸ್ವೇ ದಮೇ॑ ॥ ೨೩ ॥
ಸ ನ॑: ಪಿ॒ತೇವ॑ ಸೂ॒ನವೇಽಗ್ನೇ॑ ಸೂಪಾಯ॒ನೋ ಭ॑ವ । ಸಚ॑ಸ್ವಾ ನಃ ಸ್ವ॒ಸ್ತಯೇ॑ ॥ ೨೪ ॥
ಅಗ್ನೇ॒ ತ್ವಂ ನೋ॒ ಅನ್ತ॑ಮ ಉ॒ತ ತ್ರಾ॒ತಾ ಶಿ॒ವೋ ಭ॑ವಾ ವರೂ॒ಥ್ಯ॒: ।
ವಸು॑ರ॒ಗ್ನಿರ್ವಸುಶ್ರ॑ವಾ॒ ಅಚ್ಛಾ॑ ನಕ್ಷಿ ದ್ಯು॒ಮತ್ತ॑ಮᳪ ರ॒ಯಿಂ ದಾ॑:॥ ೨೫ ॥
ತಂ ತ್ವಾ॑ ಶೋಚಿಷ್ಠ ದೀದಿವಃ ಸು॒ಮ್ನಾಯ॑ ನೂ॒ನಮೀ॑ಮಹೇ॒ ಸಖಿ॑ಭ್ಯಃ ।
ಸ ನೋ॑ ಬೋಧಿ ಶ್ರು॒ಧೀ ಹವ॑ಮುರು॒ಷ್ಯಾ ಣೋ॑ ಅಧಾಯ॒ತಃ ಸಮ॑ಸ್ಮಾತ್ ॥ ೨೬ ॥
ಇಡ॒ ಏಹ್ಯದಿ॑ತ॒ ಏಹಿ॑ ಕಾಮ್ಯಾ॒ ಏತ॑ । ಮಯಿ॑ ವಃ ಕಾಮ॒ಧರ॑ಣಂ ಭೂಯಾತ್ ॥ ೨೭ ॥
ಸೋ॒ಮಾನ॒ᳪ ಸ್ವರ॑ಣಂ ಕೃಣು॒ಹಿ ಬ್ರ॑ಹ್ಮಣಸ್ಪತೇ । ಕ॒ಕ್ಷೀವ॑ನ್ತಂ॒ ಯ ಔ॑ಶಿ॒ಜಃ ॥ ೨೮ ॥
ಯೋ ರೇ॒ವಾನ್ಯೋ ಅ॑ಮೀವ॒ಹಾ ವ॑ಸು॒ವಿತ್ಪು॑ಷ್ಟಿ॒ವರ್ದ್ಧ॑ನಃ । ಸ ನ॑: ಸಿಷಕ್ತು॒ ಯಸ್ತು॒ರಃ ॥ ೨೯ ॥
ಮಾ ನ॒: ಶᳪಸೋ॒ ಅರ॑ರುಷೋ ಧೂ॒ರ್ತಿಃ ಪ್ರಣ॒ಙ ಮರ್ತ್ಯ॑ಸ್ಯ । ರಕ್ಷಾ॑ ಣೋ ಬ್ರಹ್ಮಣಸ್ಪತೇ ॥ ೩೦ ॥
ಮಹಿ॑ ತ್ರೀ॒ಣಾಮವೋ॑ಽಸ್ತು ದ್ಯು॒ಕ್ಷಂ ಮಿ॒ತ್ರಸ್ಯಾ॑ರ್ಯ॒ಮ್ಣಃ । ದು॑ರಾ॒ಧರ್ಷಂ॒ ವರು॑ಣಸ್ಯ ॥ ೩೧ ॥
ನ॒ಹಿ ತೇಷಾ॑ಮ॒ಮಾ ಚ॒ನ ನಾಧ್ವ॑ಸು ವಾರ॒ಣೇಷು॑ । ಈಶೇ॑ ರಿ॒ಪುರ॒ಘಶ॑ᳪಸಃ ॥ ೩೨ ॥
ತೇ ಹಿ ಪು॒ತ್ರಾಸೋ॒ ಅದಿ॑ತೇಃ॒ ಪ್ರ ಜೀ॒ವಸೇ॒ ಮರ್ತ್ಯಾ॑ಯ । ಜ್ಯೋತಿ॒ರ್ಯಚ್ಛ॒ನ್ತ್ಯಜ॑ಸ್ರಮ್ ॥ ೩೩ ॥
ಕ॒ದಾ ಚ॒ನ ಸ್ತ॒ರೀರ॑ಸಿ॒ ನೇನ್ದ್ರ॑ ಸಶ್ಚಸಿ ದಾ॒ಶುಷೇ॑ । ಉ॒ಪೋಪೇನ್ನು ಮ॑ಘವ॒ನ್ ಭೂಯ॒ ಇನ್ನು ತೇ॒ ದಾನಂ॑ ದೇ॒ವಸ್ಯ॑ ಪೃಚ್ಯತೇ ॥ ೩೪ ॥
ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನ॑: ಪ್ರಚೋ॒ದಯಾ॑ತ್ ॥ ೩೫ ॥
ಪರಿ॑ ತೇ ದೂ॒ಡಭೋ॒ ರಥೋ॒ಽಸ್ಮಾಁ೨ ಅ॑ಶ್ನೋತು ವಿ॒ಶ್ವತ॑: । ಯೇನ॒ ರಕ್ಷ॑ಸಿ ದಾ॒ಶುಷ॑:॥ ೩೬ ॥
ಭೂರ್ಭುವ॒: ಸ್ವ॒: ಸುಪ್ರ॒ಜಾಃ ಪ್ರ॒ಜಾಭಿ॑: ಸ್ಯಾᳪ ಸು॒ವೀರೋ॑ ವೀ॒ರೈಃ ಸು॒ಪೋಷ॒: ಪೋಷೈ॑: ।
ನರ್ಯ॑ ಪ್ರ॒ಜಾಂ ಮೇ॑ ಪಾಹಿ ಶᳪಸ್ಯ॑ ಪ॒ಶೂನ್ಮೇ॑ ಪಾ॒ಹ್ಯಥ॑ರ್ಯ ಪಿ॒ತುಂ ಮೇ॑ ಪಾಹಿ ॥ ೩೭ ॥
ಆ ಗ॑ನ್ಮ ವಿ॒ಶ್ವವೇ॑ದಸಮ॒ಸ್ಮಭ್ಯಂ॑ ವಸು॒ವಿತ್ತ॑ಮಮ್ । ಅಗ್ನೇ॑ ಸಮ್ರಾಡ॒ಭಿ ದ್ಯು॒ಮ್ನಮ॒ಭಿ ಸಹ॒ ಆ ಯ॑ಚ್ಛಸ್ವ ॥ ೩೮ ॥
ಅ॒ಯಮ॒ಗ್ನಿರ್ಗೃ॒ಹಪ॑ತಿ॒ರ್ಗಾರ್ಹ॑ಪತ್ಯಃ ಪ್ರ॒ಜಾಯಾ॑ ವಸು॒ವಿತ್ತ॑ಮಃ । ಅಗ್ನೇ॑ ಗೃಹಪತೇ॒ಽಭಿ ದ್ಯು॒ಮ್ನಮ॒ಭಿ ಸಹ॒ ಆ ಯ॑ಚ್ಛಸ್ವ ॥ ೩೯ ॥
ಅ॒ಯಮ॒ಗ್ನಿಃ ಪು॑ರೀ॒ಷ್ಯೋ॒ ರಯಿ॒ಮಾನ್ ಪು॑ಷ್ಟಿ॒ವರ್ಧ॑ನಃ । ಅಗ್ನೇ॑ ಪುರೀಷ್ಯಾ॒ಭಿ ದ್ಯು॒ಮ್ನಮ॒ಭಿ ಸಹ॒ ಆ ಯ॑ಚ್ಛಸ್ವ ॥ ೪೦ ॥
ಗೃಹಾ॒ ಮಾ ಬಿ॑ಭೀತ॒ ಮಾ ವೇ॑ಪಧ್ವ॒ಮೂರ್ಜಂ॑ ಬಿಭ್ರತ॒ ಏಮ॑ಸಿ । ಊರ್ಜಂ॒ ಬಿಭ್ರ॑ದ್ವಃ ಸು॒ಮನಾ॑: ಸುಮೇ॒ಧಾ ಗೃ॒ಹಾನೈಮಿ॒ ಮನ॑ಸಾ॒ ಮೋದ॑ಮಾನಃ ॥ ೪೧ ॥
ಯೇಷಾ॑ಮ॒ಧ್ಯೇತಿ॑ ಪ್ರ॒ವಸ॒ನ್ಯೇಷು॑ ಸೌಮನ॒ಸೋ ಬ॒ಹುಃ । ಗೃ॒ಹಾನುಪ॑ಹ್ವಯಾಮಹೇ॒ ತೇ ನೋ॑ ಜಾನನ್ತು ಜಾನ॒ತಃ ॥ ೪೨ ॥
ಉಪ॑ಹೂತಾ ಇ॒ಹ ಗಾವ॒ ಉಪ॑ಹೂತಾ ಅಜಾ॒ವಯ॑: । ಅಥೋ॒ ಅನ್ನ॑ಸ್ಯ ಕೀ॒ಲಾಲ॒ ಉಪ॑ಹೂತೋ ಗೃ॒ಹೇಷು॑ ನಃ । ಕ್ಷೇಮಾ॑ಯ ವ॒: ಶಾನ್ತ್ಯೈ॒ ಪ್ರಪ॑ದ್ಯೇ ಶಿ॒ವᳪ ಶ॒ಗ್ಮᳪ ಶಂ॒ಯೋ: ಶಂ॒ಯೋ:॥ ೪೩ ॥
ಪ್ರ॒ಘಾ॒ಸಿನೋ॑ ಹವಾಮಹೇ ಮ॒ರುತ॑ಶ್ಚ ರಿ॒ಶಾದ॑ಸಃ । ಕ॒ರ॒ಮ್ಭೇಣ॑ ಸ॒ಜೋಷ॑ಸಃ ॥ ೪೪ ॥
ಯದ್ಗ್ರಾಮೇ॒ ಯದರ॑ಣ್ಯೇ॒ ಯತ್ಸ॒ಭಾಯಾಂ॒ ಯದಿ॑ನ್ದ್ರಿ॑ಯೇ । ಯದೇನ॑ಶ್ಚಕೃ॒ಮಾ ವ॒ಯಮಿ॒ದಂ ತದವ॑ಯಜಾಮಹೇ॒ ಸ್ವಾಹಾ॑ ॥ ೪೫ ॥
ಮೋ ಷೂ ಣ॑ ಇ॒ನ್ದ್ರಾತ್ರ॑ ಪೃ॒ತ್ಸು ದೇ॒ವೈರಸ್ತಿ॒ ಹಿ ಷ್ಮಾ॑ ತೇ ಶುಷ್ಮಿನ್ನವ॒ಯಾಃ ।
ಮ॒ಹಶ್ಚಿ॒ದ್ಯಸ್ಯ॑ ಮೀ॒ಢುಷೋ॑ ಯ॒ವ್ಯಾ ಹ॒ವಿಷ್ಮ॑ತೋ ಮ॒ರುತೋ॒ ವನ್ದ॑ತೇ॒ ಗೀಃ ॥ ೪೬ ॥
ಅಕ್ರ॒ನ್ ಕರ್ಮ॑ ಕರ್ಮ॒ಕೃತ॑: ಸ॒ಹ ವಾ॒ಚಾ ಮ॑ಯೋ॒ಭುವಾ॑ । ದೇ॒ವೇಭ್ಯ॒: ಕರ್ಮ॑ ಕೃ॒ತ್ವಾಸ್ತಂ॒ ಪ್ರೇತ॑ ಸಚಾಭುವಃ ॥ ೪೭ ॥
ಅವ॑ಭೃಥ ನಿಚುಮ್ಪುಣ ನಿಚೇ॒ರುರ॑ಸಿ ನಿಚುಮ್ಪು॒ಣಃ ।
ಅವ॑ ದೇ॒ವೈರ್ದೇ॒ವಕೃ॑ತ॒ಮೇನೋ॑ಽಯಾಸಿಷ॒ಮವ॒ ಮರ್ತ್ಯೈ॒ರ್ಮರ್ತ್ಯ॑ಕೃತಂ ಪುರು॒ರಾವ್ಣೋ॑ ದೇವ ರಿ॒ಷಸ್ಪಾ॑ಹಿ ॥ ೪೮ ॥
ಪೂ॒ರ್ಣಾ ದ॑ರ್ವಿ॒ ಪರಾ॑ ಪತ॒ ಸುಪೂ॑ರ್ಣಾ॒ ಪುನ॒ರಾ ಪ॑ತ । ವ॒ಸ್ನೇವ॒ ವಿಕ್ರೀ॑ಣಾವಹಾ॒ ಇಷ॒ಮೂರ್ಜ॑ᳪ ಶತಕ್ರತೋ ॥ ೪೯ ॥
ದೇ॒ಹಿ ಮೇ॒ ದದಾ॑ಮಿ ತೇ॒ ನಿ ಮೇ॑ ಧೇಹಿ॒ ನಿ ತ ದಧೇ । ನಿ॒ಹಾರಂ॑ ಚ॒ ಹರಾ॑ಸಿ ಮೇ ನಿ॒ಹಾರಂ॒ ನಿ ಹ॑ರಾಣಿ ತೇ॒ ಸ್ವಾಹಾ॑ ॥ ೫೦ ॥
ಅಕ್ಷ॒ನ್ನಮೀ॑ಮದನ್ತ॒ ಹ್ಯವ॑ ಪ್ರಿ॒ಯಾ ಅ॑ಧೂಷತ ।
ಅಸ್ತೋ॑ಷತ॒ ಸ್ವಭಾ॑ನವೋ॒ ವಿಪ್ರಾ॒ ನಿವಿ॑ಷ್ಠಯಾ ಮ॒ತೀ ಯೋಜಾ॒ ನ್ವಿ॒ನ್ದ್ರ ತೇ॒ ಹರೀ॑ ॥ ೫೧ ॥
ಸು॒ಸ॒ನ್ದೃಶಂ॑ ತ್ವಾ ವ॒ಯಂ ಮಘ॑ವನ್ವನ್ದಿಷೀ॒ಮಹಿ॑ ।
ಪ್ರ ನೂ॒ನಂ ಪೂ॒ರ್ಣಬ॑ನ್ಧುರ ಸ್ತು॒ತೋ ಯಾ॑ಸಿ॒ ವಶಾಁ॒೨ ಅನು॒ ಯೋಜಾ॒ ನ್ವಿ॒ನ್ದ್ರ ತೇ॒ ಹರೀ॑ ॥ ೫೨ ॥
ಮನೋ॒ ನ್ವಾಹ್ವಾ॑ಮಹೇ ನಾರಾಶ॒jಸೇನ॒ ಸ್ತೋಮೇ॑ನ । ಪಿ॑ತೄ॒ಣಾಂ ಚ॒ ಮನ್ಮ॑ಭಿಃ ॥ ೫೩ ॥
ಆ ನ॑ ಏತು॒ ಮನ॒: ಪುನ॒: ಕ್ರತ್ವೇ॒ ದಕ್ಷಾ॑ಯ ಜೀ॒ವಸೇ॑ । ಜ್ಯೋಕ್ ಚ॒ ಸೂರ್ಯಂ॑ ದೃ॒ಶೇ ॥ ೫೪ ॥
ಪುನ॑ರ್ನಃ ಪಿತರೋ॒ ಮನೋ॒ ದದಾ॑ತು ದೈವ್ಯೋ॒ ಜನ॑: । ಜೀ॒ವಂ ವ್ರಾತ॑ᳪ ಸಚೇಮಹಿ ॥ ೫೫ ॥
ವ॒ಯᳪ ಸೋ॑ಮ ವ್ರ॒ತೇ ತವ॒ ಮನ॑ಸ್ತ॒ನೂಷು॒ ಬಿಭ್ರ॑ತಃ । ಪ್ರ॒ಜಾವ॑ನ್ತಃ ಸಚೇಮಹಿ ॥ ೫೬ ॥
ಏ॒ಷ ತೇ॑ ರುದ್ರ ಭಾ॒ಗಃ ಸ॒ಹ ಸ್ವಸ್ರಾಮ್ಬಿ॑ಕಯಾ॒ ತಂ ಜು॑ಷಸ್ವ॒ ಸ್ವಾಹೈ॒ಷ ತೇ॑ ರುದ್ರ ಭಾ॒ಗ ಆ॒ಖುಸ್ತೇ॑ ಪ॒ಶುಃ ॥ ೫೭ ॥
ಅವ॑ ರು॒ದ್ರಮ॑ದೀಮ॒ಹ್ಯವ॑ ದೇ॒ವಂ ತ್ರ್ಯ॑ಮ್ಬಕಮ್ । ಯಥಾ॑ ನೋ॒ ವಸ್ಯ॑ಸ॒ಸ್ಕರ॒ದ್ಯಥಾ॑ ನ॒: ಶ್ರೇಯ॑ಸ॒ಸ್ಕರ॒ದ್ಯಥಾ॑ ನೋ ವ್ಯವಸಾ॒ಯಯಾ॑ತ್ ॥ ೫೮ ॥
ಭೇ॒ಷ॒ಜಮ॑ಸಿ ಭೇಷ॒ಜಂ ಗವೇಽಶ್ವಾ॑ಯ॒ ಪುರು॑ಷಾಯ ಭೇಷ॒ಜಮ್ । ಸು॒ಖಂ ಮೇ॒ಷಾಯ॑ ಮೇಷ್ಯೈ ॥ ೫೯ ॥
ತ್ರ್ಯ॑ಮ್ಬಕಂ ಯಜಾಮಹೇ ಸುಗ॒ನ್ಧಿಂ ಪು॑ಷ್ಟಿ॒ವರ್ಧ॑ನಮ್ । ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಮೃತಾ॑ತ್ ।
ತ್ರ್ಯ॑ಮ್ಬಕಂ ಯಜಾಮಹೇ ಸುಗ॒ನ್ಧಿಂ ಪ॑ತಿ॒ವೇದ॑ನಮ್ । ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾದಿ॒ತೋ ಮು॑ಕ್ಷೀಯ॒ ಮಾಮುತ॑: ॥ ೬೦ ॥
ಏ॒ತತ್ತೇ॑ ರುದ್ರಾವ॒ಸಂ ತೇನ॑ ಪ॒ರೋ ಮೂಜ॑ವ॒ತೋಽತೀ॑ಹಿ ।
ಅವ॑ತತಧನ್ವಾ॒ ಪಿನಾ॑ಕಾವಸ॒: ಕೃತ್ತಿ॑ವಾಸಾ॒ ಅಹಿ॑ᳪಸನ್ನಃ ಶಿ॒ವೋಽತೀ॑ಹಿ ॥ ೬೧ ॥
ತ್ರ್ಯಾ॑ಯು॒ಷಂ ಜ॒ಮದ॑ಗ್ನೇಃ ಕ॒ಶ್ಯಪ॑ಸ್ಯ ತ್ರ್ಯಾಯು॒ಷಮ್ । ಯದ್ದೇ॒ವೇಷು॑ ತ್ರ್ಯಾಯು॒ಷಂ ತನ್ನೋ॑ ಅಸ್ತು ತ್ರ್ಯಾಯು॒ಷಮ್ ॥ ೬೨ ॥
ಶಿ॒ವೋ ನಾಮಾ॑ಸಿ॒ ಸ್ವಧಿ॑ತಿಸ್ತೇ ಪಿ॒ತಾ ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿᳪಸೀಃ ।
ನಿ ವ॑ರ್ತಯಾಮ್ಯಾಯು॑ಷೇ॒ಽನ್ನಾದ್ಯಾ॑ಯ॒ ಪ್ರಜನ॑ನಾಯ ರಾ॒ಯಸ್ಪೋಷಾ॑ಯ ಸುಪ್ರಜಾ॒ಸ್ತ್ವಾಯ॑ ಸು॒ವೀರ್ಯಾ॑ಯ ॥ ೬೩ ॥
ಅಧ್ಯಾಯ ೪
ಏದಮ॑ಗನ್ಮ ದೇವ॒ಯಜ॑ನಂ ಪೃಥಿ॒ವ್ಯಾ ಯತ್ರ॑ ದೇ॒ವಾಸೋ॒ ಅಜು॑ಷನ್ತ॒ ವಿಶ್ವೇ॑ । ಋ॒ಕ್ಸಾ॒ಮಾಭ್ಯಾ॑ᳪ ಸಂ॒ತರ॑ನ್ತೋ॒ ಯಜು॑ರ್ಭೀ ರಾ॒ಯಸ್ಪೋಷೇ॑ಣ॒ ಸಮಿ॒ಷಾ ಮ॑ದೇಮ । ಇ॒ಮಾ ಆಪ॒: ಶಮು॑ ಮೇ ಸನ್ತು ದೇ॒ವೀ ರೋಷ॑ಧೇ॒ ತ್ರಾಯ॑ಸ್ವ॒ ಸ್ವಧಿ॑ತೇ ಮೈನ॑ᳪ ಹಿᳪಸೀಃ ॥ ೧ ॥
ಆಪೋ॑ ಅ॒ಸ್ಮಾನ್ಮಾ॒ತರ॑: ಶುನ್ಧಯನ್ತು ಘೃ॒ತೇನ॑ ನೋ ಘೃತ॒ಪ್ವ॒: ಪುನನ್ತು ।
ವಿಶ್ವ॒j ಹಿ ರಿ॒ಪ್ರಂ ಪ್ರ॒ವಹ॑ನ್ತಿ ದೇ॒ವೀರುದಿದಾ॑ಭ್ಯ॒: ಶುಚಿ॒ರಾ ಪೂ॒ತ ಏ॑ಮಿ ।
ದೀ॒ಕ್ಷಾ॒ತ॒ಪಸೋ॑ಸ್ತ॒ನೂರ॑ಸಿ॒ ತಾಂ ತ್ವಾ॑ ಶಿ॒ವಾᳪ ಶ॒ಗ್ಮಾಂ ಪರಿ॑ ದಧೇ ಭ॒ದ್ರಂ ವರ್ಣಂ॒ ಪುಷ್ಯ॑ನ್ ॥ ೨ ॥
ಮ॒ಹೀನಾಂ॒ ಪಯೋ॑ಽಸಿ ವರ್ಚೋ॒ದಾ ಅ॑ಸಿ॒ ವರ್ಚೋ॑ ಮೇ ದೇಹಿ । ವೃ॒ತ್ರಸ್ಯಾ॑ಸಿ ಕ॒ನೀನ॑ಕಶ್ಚಕ್ಷು॒ರ್ದಾ ಅ॑ಸಿ॒ ಚಕ್ಷು॑ರ್ಮೇ ದೇಹಿ ॥ ೩ ॥
ಚಿ॒ತ್ಪತಿ॑ರ್ಮಾ ಪುನಾತು ವಾ॒ಕ್ಪತಿ॑ರ್ಮಾ ಪುನಾತು ದೇ॒ವೋ ಮಾ॑ ಸವಿ॒ತಾ ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿ॑: ।
ತಸ್ಯ॑ ತೇ ಪವಿತ್ರಪತೇ ಪ॒ವಿತ್ರ॑ಪೂತಸ್ಯ॒ ಯತ್ಕಾ॑ಮಃ ಪು॒ನೇ ತಚ್ಛ॑ಕೇಯಮ್ ॥ ೪ ॥
ಆ ವೋ॑ ದೇವಾಸ ಈಮಹೇ ವಾ॒ಮಂ ಪ್ರ॑ಯ॒ತ್ಯ॒ಧ್ವ॒ರೇ । ಆ ವೋ॑ ದೇವಾಸ ಆ॒ಶಿಷೋ॑ ಯ॒ಜ್ಞಿಯಾ॑ಸೋ ಹವಾಮಹೇ ॥ ೫ ॥
ಸ್ವಾಹಾ॑ ಯ॒ಜ್ಞಂ ಮನ॑ಸ॒: ಸ್ವಾಹೋ॒ರೋರ॒ನ್ತರಿ॑ಕ್ಷಾ॒ತ್ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒j ಸ್ವಾಹಾ॒ ವಾತಾ॒ದಾರ॑ಭೇ॒ ಸ್ವಾಹಾ॑ ॥ ೬ ॥
ಆಕೂ॑ತ್ಯೈ ಪ್ರ॒ಯುಜೇ॒ಽಗ್ನಯೇ॒ ಸ್ವಾಹಾ॑ ಮೇ॒ಧಾಯೈ॒ ಮನ॑ಸೇ॒ಽಗ್ನಯೇ॒ ಸ್ವಾಹಾ॑ ದೀ॒ಕ್ಷಾಯೈ॒ ತಪ॑ಸೇ॒ಽಗ್ನಯೇ॒ ಸ್ವಾಹಾ॑ ಸರ॑ಸ್ವತ್ಯೈ ಪೂ॒ಷ್ಣೇಽಗ್ನಯೇ॒ ಸ್ವಾಹಾ॑ ।ಆಪೋ॑ ದೇವೀರ್ಬೃಹತೀರ್ವಿಶ್ವಶಮ್ಭುವೋ॒ ದ್ಯಾವಾ॑ಪೃಥಿವೀ॒ ಉರೋ॑ ಅನ್ತರಿಕ್ಷ । ಬೃಹ॒ಸ್ಪತ॑ಯೇ ಹ॒ವಿಷಾ॑ ವಿಧೇಮ॒ ಸ್ವಾಹಾ॑ ॥ ೭ ॥
ವಿಶ್ವೋ॑ ದೇ॒ವಸ್ಯ॑ ನೇ॒ತುರ್ಮರ್ತೋ॑ ವುರೀತ ಸ॒ಖ್ಯಮ್ । ವಿಶ್ವೋ॑ ರಾ॒ಯ ಇ॑ಷುಧ್ಯತಿ ದ್ಯು॒ಮ್ನಂ ವೃ॑ಣೀತ ಪು॒ಷ್ಯಸೇ॒ ಸ್ವಾಹಾ॑ ॥ ೮ ॥
ಋ॑ಕ್ಸಾ॒ಮಯೋಃ॒ ಶಿಲ್ಪೇ॑ ಸ್ಥ॒ಸ್ತೇ ವಾ॒ಮಾರ॑ಭೇ॒ ತೇ ಮಾ॑ ಪಾತ॒ಮಾಸ್ಯ ಯ॒ಜ್ಞಸ್ಯೋ॒ದೃಚ॑: ।
ಶರ್ಮಾ॑ಸಿ॒ ಶರ್ಮ॑ ಮೇ ಯಚ್ಛ॒ ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿᳪಸೀಃ ॥ ೯ ॥
ಊರ್ಗ॑ಸ್ಯಾಙ್ಗಿರ॒ಸ್ಯೂರ್ಣ॑ಮ್ಮ್ರದಾ॒ ಊರ್ಜಂ॒ ಮಯಿ॑ ಧೇಹಿ ।
ಸೋಮ॑ಸ್ಯ ನೀ॒ವಿರ॑ಸಿ॒ ವಿಷ್ಣೋ॒: ಶರ್ಮಾ॑ಸಿ॒ ಶರ್ಮ॒ ಯಜ॑ಮಾನಸ್ಯೇನ್ದ್ರ॑ಸ್ಯ॒ ಯೋನಿ॑ರಸಿ ಸು॑ಸ॒ಸ್ಯಾಃ ಕೃ॒ಷೀಸ್ಕೃ॑ಧಿ ।
ಉಚ್ಛ್ರ॑ಯಸ್ವ ವನಸ್ಪತ ಊ॒ರ್ಧ್ವೋ ಮಾ॑ ಪಾ॒ಹ್ಯᳪಹ॑ಸ॒ ಆಸ್ಯ ಯ॒ಜ್ಞಸ್ಯೋ॒ದ್ರಚ॑: ॥ ೧೦ ॥
ವ್ರ॒ತಂ ಕೃ॑ಣುತಾ॒ಗ್ನಿರ್ಬ್ರಹ್ಮಾ॒ಗ್ನಿರ್ಯ॒ಜ್ಞೋ ವನ॒ಸ್ಪತಿ॑ರ್ಯ॒ಜ್ಞಿಯ॑: ।
ದೈವೀಂ॒ ಧಿಯಂ॑ ಮನಾಮಹೇ ಸುಮೃಡೀ॒ಕಾಮ॒ಭಿಷ್ಟ॑ಯೇ ವರ್ಚೋ॒ಧಾಂ ಯ॒ಜ್ಞವಾ॑ಹಸᳪ ಸುತೀ॒ರ್ಥಾ ನೋ॑ ಅಸ॒ದ್ವಶೇ॑ ।
ಯೇ ದೇ॒ವಾ ಮನೋ॑ಜಾತಾ ಮನೋ॒ಯುಜೋ॒ ದಕ್ಷ॑ಕ್ರತವ॒ಸ್ತೇ ನೋ॑ಽವನ್ತು॒ ತೇ ನ॑: ಪಾನ್ತು॒ ತೇಭ್ಯ॒: ಸ್ವಾಹಾ॑ ॥ ೧೧ ॥
ಶ್ವಾ॒ತ್ರಾಃ ಪೀ॒ತಾ ಭ॑ವತ ಯೂ॒ಯಮಾ॑ಪೋ ಅ॒ಸ್ಮಾಕ॑ಮ॒ನ್ತರು॒ದರೇ॑ ಸು॒ಶೇವಾ॑:।
ತಾ ಅ॒ಸ್ಮಭ್ಯ॑ಮಯ॒ಕ್ಷ್ಮಾ ಅ॑ನಮೀ॒ವಾ ಅನಾ॑ಗಸ॒: ಸ್ವದ॑ನ್ತು ದೇ॒ವೀರ॒ಮೃತಾ॑ ಋತಾ॒ವೃಧ॑: ॥ ೧೨ ॥
ಇ॒ಯಂ ತೇ॑ ಯ॒ಜ್ಞಿಯಾ॑ ತ॒ನೂರ॒ಪೋ ಮು॑ಞ್ಚಾಮಿ॒ ನ ಪ್ರ॒ಜಾಮ್ । ಅ॒jಹೋ॒ಮುಚಃ॒ ಸ್ವಾಹಾ॑ಕೃತಾಃ ಪೃಥಿ॒ವೀಮಾ ವಿ॑ಶತ
ಪೃಥಿ॒ವ್ಯಾ ಸಮ್ಭ॑ವ ॥ ೧೩ ॥
ಅಗ್ನೇ॒ ತ್ವᳪ ಸು ಜಾ॑ಗೃಹಿ ವ॒ಯᳪ ಸು ಮ॑ನ್ದಿಷೀಮಹಿ । ರಕ್ಷಾ॑ ಣೋ॒ ಅಪ್ರ॑ಯುಚ್ಛನ್ ಪ್ರ॒ಬುಧೇ॑ ನ॒: ಪುನ॑ಸ್ಕೃಧಿ ॥ ೧೪ ॥
ಪುನ॒ರ್ಮನ॒: ಪುನ॒ರಾಯು॑ರ್ಮ॒ ಆಽಗ॒ನ್ ಪುನ॑: ಪ್ರಾ॒ಣಃ ಪುನ॑ರಾ॒ತ್ಮಾ ಮ॒ ಆಽಗ॒ನ್ ಪುನ॒ಶ್ಚಕ್ಷು॒: ಪುನ॒: ಶ್ರೋತ್ರಂ॑ ಮ॒ ಆಽಗ॑ನ್ ।
ವೈ॒ಶ್ವಾ॒ನ॒ರೋ ಅದ॑ಬ್ಧಸ್ತನೂ॒ಪಾ ಅ॒ಗ್ನಿರ್ನ॑: ಪಾತು ದುರಿ॒ತಾದ॑ವ॒ದ್ಯಾತ್ ॥ ೧೫ ॥
ತ್ವಮ॑ಗ್ನೇ ವ್ರತ॒ಪಾ ಅ॑ಸಿ ದೇ॒ವ ಆ ಮರ್ತ್ಯೇ॒ಷ್ವಾ ।ತ್ವಂ ಯ॒ಜ್ಞೇಷ್ವೀಡ್ಯ॑: । ರಾಸ್ವೇಯ॑ತ್ಸೋ॒ಮಾ ಭೂಯೋ॑ ಭರ ದೇ॒ವೋ ನ॑: ಸವಿ॒ತಾ ವಸೋ॑ರ್ದಾ॒ತಾ ವಸ್ವ॑ದಾತ್ ॥ ೧೬ ॥
ಏ॒ಷಾ ತೇ॑ ಶುಕ್ರ ತ॒ನೂರೇ॒ತದ್ವರ್ಚ॒ಸ್ತಯಾ॒ ಸಮ್ಭ॑ವ॒ ಭ್ರಾಜಂ॑ ಗಚ್ಛ । ಜೂರ॑ಸಿ ಧೃ॒ತಾ ಮನ॑ಸಾ॒ ಜುಷ್ಟಾ॒ ವಿಷ್ಣ॑ವೇ ॥ ೧೭ ॥
ತಸ್ಯಾ॑ಸ್ತೇ ಸ॒ತ್ಯಸ॑ವಸಃ ಪ್ರಸ॒ವೇ ತ॒ನ್ವೋ॒ ಯ॒ನ್ತ್ರಮ॑ಶೀಯ॒ ಸ್ವಾಹಾ॑ । ಶು॒ಕ್ರಮ॑ಸಿ ಚ॒ನ್ದ್ರಮ॑ಸ್ಯ॒ಮೃತ॑ಮಸಿ ವೈಶ್ವದೇ॒ವಮ॑ಸಿ ॥ ೧೮ ॥
ಚಿದ॑ಸಿ ಮ॒ನಾಸಿ॒ ಧೀರ॑ಸಿ॒ ದಕ್ಷಿ॑ಣಾಸಿ ಕ್ಷ॒ತ್ರಿಯಾ॑ಸಿ ಯ॒ಜ್ಞಿಯಾ॒ಸ್ಯದಿ॑ತಿರಸ್ಯುಭಯತಃಶೀ॒ರ್ಷ್ಣೀ ।
ಸಾ ನ॒: ಸುಪ್ರಾ॑ಚೀ॒ ಸುಪ್ರ॑ತೀಚ್ಯೇಧಿ ಮಿ॒ತ್ರಸ್ತ್ವಾ॑ ಪ॒ದಿ ಬ॑ಧ್ನೀತಾಂ ಪೂ॒ಷಾಽಧ್ವ॑ನಸ್ಪಾ॒ತ್ವಿನ್ದ್ರಾ॒ಯಾಧ್ಯ॑ಕ್ಷಾಯ ॥ ೧೯ ॥
ಅನು॑ ತ್ವಾ ಮಾ॒ತಾ ಮ॑ನ್ಯತಾ॒ಮನು॑ ಪಿ॒ತಾಽನು॒ ಭ್ರಾತಾ॒ ಸಗ॒ರ್ಭ್ಯೋಽನು॒ ಸಖಾ॒ ಸಯೂ॑ಥ್ಯಃ ।
ಸಾ ದೇ॑ವಿ ದೇ॒ವಮಚ್ಛೇ॒ಹೀನ್ದ್ರಾ॑ಯ॒ ಸೋಮ॑ᳪ ರು॒ದ್ರಸ್ತ್ವಾ ವ॑ರ್ತ್ತಯತು ಸ್ವ॒ಸ್ತಿ ಸೋಮ॑ಸಖಾ॒ ಪುನ॒ರೇಹಿ॑ ॥ ೨೦ ॥
ವಸ್ವ್ಯ॒ಸ್ಯದಿ॑ತಿರಸ್ಯಾದಿ॒ತ್ಯಾಸಿ॑ ರು॒ದ್ರಾಸಿ॑ ಚ॒ನ್ದ್ರಾಸಿ॑ । ಬೃಹ॒ಸ್ಪತಿ॑ಷ್ಟ್ವಾ ಸು॒ಮ್ನೇ ರ॑ಮ್ಣಾತು ರು॒ದ್ರೋ ವಸು॑ಭಿ॒ರಾ ಚ॑ಕೇ ॥ ೨೧ ॥
ಅದಿ॑ತ್ಯಾಸ್ತ್ವಾ ಮೂ॒ರ್ಧನ್ನಾಜಿ॑ಘರ್ಮಿ ದೇವ॒ಯಜ॑ನೇ ಪೃಥಿ॒ವ್ಯಾ ಇಡಾ॑ಯಾಸ್ಪ॒ದಮಾ॑ಸಿ ಘೃ॒ತವ॒ತ್ ಸ್ವಾಹಾ॑ ।
ಅ॒ಸ್ಮೇ ರ॑ಮಸ್ವಾ॒ಸ್ಮೇ ತೇ॒ ಬನ್ಧು॒ಸ್ತ್ವೇ ರಾ ಯೋ॒ ಮೇ ರಾಯೋ॒ ಮಾ ವ॒ಯᳪ ರಾ॒ಯಸ್ಪೋಷೇ॑ಣ॒ ವಿಯೌ॑ಷ್ಮ॒ ತೋತೋ॒ ರಾಯ॑: ॥ ೨೨ ॥
ಸಮ॑ಖ್ಯೇ ದೇ॒ವ್ಯಾ ಧಿ॒ಯಾ ಸಂ ದಕ್ಷಿ॑ಣಯೋ॒ರುಚ॑ಕ್ಷಸಾ । ಮಾ ಮ॒ ಆಯು॒: ಪ್ರಮೋ॑ಷೀ॒ರ್ಮೋ ಅ॒ಹಂ ತವ॑ ।
ವೀ॒ರಂ ವಿ॑ದೇಯ॒ ತವ॑ ದೇವಿ ಸಂ॒ದೃಶಿ॑ ॥ ೨೩ ॥
ಏ॒ಷ ತೇ॑ ಗಾಯ॒ತ್ರೋ ಭಾ॒ಗ ಇತಿ॑ ಮೇ॒ ಸೋಮಾ॑ಯ ಬ್ರೂತಾದೇ॒ಷ ತೇ ತ್ರೈಷ್ಟು॑ಭೋ ಭಾ॒ಗ ಇತಿ॑ ಮೇ॒ ಸೋಮಾ॑ಯ ಬ್ರೂತಾದೇ॒ಷ ತೇ॒ ಜಾಗ॑ತೋ ಭಾ॒ಗ ಇತಿ॑ ಮೇ॒ ಸೋಮಾ॑ಯ ಬ್ರೂತಾಚ್ಛನ್ದೋನಾ॒ಮಾನಾ॒j ಸಾಮ್ರಾ॑ಜ್ಯಂ ಗ॒ಚ್ಛೇತಿ॑ ಮೇ॒ ಸೋಮಾ॑ಯ ಬ್ರೂತಾದಾಸ್ಮಾ॒ಕೋ॒ಽಸಿ ಶು॒ಕ್ರಸ್ತೇ॒ ಗ್ರಹ್ಯೋ॑ ವಿ॒ಚಿತ॑ಸ್ತ್ವಾ॒ ವಿ ಚಿ॑ನ್ವನ್ತು ॥೨೪ ॥
ಅ॒ಭಿ ತ್ಯಂ ದೇ॒ವᳪ ಸ॑ವಿ॒ತಾರ॑ಮೋ॒ಣ್ಯೋ॒: ಕ॒ವಿಕ್ರ॑ತು॒ಮರ್ಚಾ॑ಮಿ ಸ॒ತ್ಯಸ॑ವᳪ ರತ್ನ॒ಧಾಮ॒ಭಿ ಪ್ರಿ॒ಯಂ ಮ॒ತಿಂ ಕ॒ವಿಮ್ । ಊ॒ರ್ಧ್ವಾ ಯಸ್ಯಾ॒ಮತಿ॒ರ್ಭಾ ಅದಿ॑ದ್ಯುತ॒ತ್ಸವೀ॑ಮನಿ॒ ಹಿರ॑ಣ್ಯಪಾಣಿರಮಿಮೀತ ಸು॒ಕ್ರತು॑: ಕೃ॒ಪಾ ಸ್ವ॑: । ಪ್ರ॒ಜಾಭ್ಯ॑ಸ್ತ್ವಾ ಪ್ರ॒ಜಾಸ್ತ್ವಾ॑ ಽನು॒ಪ್ರಾಣ॑ನ್ತು ಪ್ರ॒ಜಾಸ್ತ್ವಮ॑ನು॒ಪ್ರಾಣಿ॑ಹಿ ॥ ೨೫ ॥
ಶು॒ಕ್ರಂ ತ್ವಾ॑ ಶು॒ಕ್ರೇಣ॑ ಕ್ರೀಣಾಮಿ ಚ॒ನ್ದ್ರಂ ಚ॒ನ್ದ್ರೇಣಾ॒ಮೃತ॑ಮ॒ಮೃತೇ॑ನ । ಸ॒ಗ್ಮೇ ತೇ॒ ಗೋರ॒ಸ್ಮೇ ತೇ॑ ಚ॒ನ್ದ್ರಾಣಿ॑ ತಪ॑ಸಸ್ತ॒ನೂರ॑ಸಿ ಪ್ರ॒ಜಾಪ॑ತೇ॒ರ್ವರ್ಣ॑: ಪರ॒ಮೇಣ॑ ಕ್ರೀಯಸೇ ಸಹಸ್ರಪೋ॒ಷಂ ಪು॑ಷೇಯಮ್ ॥ ೨೬ ॥
ಮಿ॒ತ್ರೋ ನ॒ ಏಹಿ॒ ಸುಮಿ॑ತ್ರಧ॒ ಇನ್ದ್ರ॑ಸ್ಯೋ॒ರುಮಾ ವಿ॑ಶ॒ ದಕ್ಷಿ॑ಣಮು॒ಶನ್ನು॒ಶನ್ತ॑ᳪ ಸ್ಯೋ॒ನಃ ಸ್ಯೋ॒ನಮ್ । ಸ್ವಾನ॒ ಭ್ರಾಜಾ॑ಙ್ಘಾರೇ॒ ಬಮ್ಭಾ॑ರೇ॒ ಹಸ್ತ॒ ಸುಹ॑ಸ್ತ॒ ಕೃಶಾ॑ನವೇ॒ತೇ ವ॑: ಸೋಮ॒ಕ್ರಯ॑ಣಾ॒ಸ್ತಾನ್ರ॑ಕ್ಷಧ್ವಂ॒ ಮಾ ವೋ॑ ದಭನ್ ॥ ೨೭ ॥
ಪರಿ॑ ಮಾಗ್ನೇ॒ ದುಶ್ಚ॑ರಿತಾದ್ಬಾಧ॒ಸ್ವಾ ಮಾ॒ ಸುಚ॑ರಿತೇ ಭಜ । ಉದಾಯು॑ಷಾ ಸ್ವಾ॒ಯುಷೋದ॑ಸ್ಥಾಮ॒ಮೃತಾಁ॒೨ ಅನು॑ ॥ ೨೮ ॥
ಪ್ರತಿ॒ ಪನ್ಥಾ॑ಮಪದ್ಮಹಿ ಸ್ವಸ್ತಿ॒ಗಾಮ॑ನೇ॒ಹಸ॑ಮ್ । ಯೇನ॒ ವಿಶ್ವಾಃ॒ ಪರಿ॒ ದ್ವಿಷೋ॑ ವೃ॒ಣಕ್ತಿ॑ ವಿ॒ನ್ದತೇ॒ ವಸು॑ ॥ ೨೯ ॥
ಅದಿ॑ತ್ಯಾ॒ಸ್ತ್ವಗ॑ಸ್ಯದಿ॑ತ್ಯೈ॒ ಸದ॒ ಆಸೀ॑ದ । ಅಸ್ತ॑ಭ್ನಾ॒ದ್ದ್ಯಾಂ ವೃ॑ಷ॒ಭೋ ಅ॒ನ್ತರಿ॑ಕ್ಷ॒ಮಮಿ॑ಮೀತ ವರಿ॒ಮಾಣಂ॑ ಪೃಥಿ॒ವ್ಯಾಃ ।
ಆಽಸೀ॑ದ॒ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾಡ್ವಿಶ್ವೇತ್ತಾನಿ॒ ವರು॑ಣಸ್ಯ ವ್ರ॒ತಾನಿ॑ ॥ ೩೦ ॥
ವನೇ॑ಷು॒ ವ್ಯನ್ತರಿ॑ಕ್ಷಂ ತತಾನ॒ ವಾಜ॒ಮರ್ವ॑ತ್ಸು॒ ಪಯ॑ ಉ॒ಸ್ರಿಯಾ॑ಸು । ಹೃ॒ತ್ಸು ಕ್ರತುಂ॒ ವರು॑ಣೋ ವಿ॒ಕ್ಷ್ವ॒ಗ್ನಿಂ ದಿ॒ವಿ ಸೂರ್ಯ॑ಮದಧಾ॒ತ್ ಸೋಮ॒ಮದ್ರೌ॑ ॥ ೩೧ ॥
ಸೂರ್ಯ॑ಸ್ಯ॒ ಚಕ್ಷು॒ರಾರೋ॑ಹಾ॒ಗ್ನೇರ॒ಕ್ಷ್ಣಃ ಕ॒ನೀನ॑ಕಮ್ । ಯತ್ರೈ॑ತ್ರಶೇಭಿ॒ರೀಯ॑ಸೇ॒ ಭ್ರಾಜ॑ಮಾನೋ ವಿಪ॒ಶ್ಚಿತಾ॑ ॥ ೩೨ ॥
ಉಸ್ರಾ॒ವೇತಂ॑ ಧೂರ್ಷಾಹೌ ಯು॒ಜ್ಯೇಥಾ॑ಮನ॒ಶ್ರೂ ಅವೀ॑ರಹಣೌ ಬ್ರಹ್ಮ॒ಚೋದ॑ನೌ । ಸ್ವ॒ಸ್ತಿ ಯಜ॑ಮಾನಸ್ಯ ಗೃ॒ಹಾನ್ ಗ॑ಚ್ಛತಮ್ ॥ ೩೩ ॥
ಭ॒ದ್ರೋ ಮೇ॑ಽಸಿ॒ ಪ್ರಚ್ಯ॑ವಸ್ವ ಭುವಸ್ಪತೇ॒ ವಿಶ್ವಾ॑ನ್ಯ॒ಭಿ ಧಾಮಾ॑ನಿ । ಮಾ ತ್ವಾ॑ ಪರಿಪ॒ರಿಣೋ॑ ವಿದ॒ನ್ ಮಾ ತ್ವಾ॑ ಪರಿಪ॒ನ್ಥಿನೋ॑ ವಿದ॒ನ್ ಮಾ ತ್ವಾ॒ ವೃಕಾ॑ ಅಘಾ॒ಯವೋ॑ ವಿದನ್ । ಶ್ಯೇ॒ನೋ ಭೂ॒ತ್ವಾ ಪರಾ॑ ಪತ॒ ಯಜ॑ಮಾನಸ್ಯ ಗೃ॒ಹಾನ್ ಗ॑ಚ್ಛ॒ ತನ್ನೌ॑ ಸಸ್ಕೃ॒ತಮ್ ॥ ೩೪ ॥
ನಮೋ॑ ಮಿ॒ತ್ರಸ್ಯ॒ ವರು॑ಣಸ್ಯ॒ ಚಕ್ಷ॑ಸೇ ಮ॒ಹೋ ದೇ॒ವಾಯ॒ ತದೃ॒ತᳪ ಸ॑ಪರ್ಯತ । ದೂ॑ರೇ॒ದೃಶೇ॑ ದೇ॒ವಜಾ॑ತಾಯ ಕೇ॒ತವೇ॑ ದಿ॒ವಸ್ಪು॒ತ್ರಾಯ॒ ಸೂರ್ಯಾ॑ಯ ಶᳪಸತ ॥ ೩೫ ॥
ವರು॑ಣಸ್ಯೋ॒ತ್ತಮ್ಭ॑ನಮಸಿ ವರು॑ಣಸ್ಯ ಸ್ಕಮ್ಭ॒ಸರ್ಜ॑ನೀ ಸ್ಥೋ ವರು॑ಣಸ್ಯ ಋತ॒ಸದ॑ನ್ಯಸಿ॒ ವರು॑ಣಸ್ಯ ಋತ॒ಸದ॑ನಮಸಿ
ವರು॑ಣಸ್ಯ ಋತ॒ಸದ॑ನ॒ಮಾ ಸೀ॑ದ ॥ ೩೬ ॥
ಯಾ ತೇ॒ ಧಾಮಾ॑ನಿ ಹ॒ವಿಷಾ॒ ಯಜ॑ನ್ತಿ॒ ತಾ ತೇ॒ ವಿಶ್ವಾ॑ ಪರಿ॒ಭೂರ॑ಸ್ತು ಯ॒ಜ್ಞಮ್ ।
ಗ॒ಯ॒ಸ್ಫ಼ಾನ॑: ಪ್ರ॒ತರ॑ಣಃ ಸು॒ವೀರೋಽವೀ॑ರಹಾ॒ ಪ್ರ ಚ॑ರಾ ಸೋಮ॒ ದುರ್ಯಾ॑ನ್ ॥ ೩೭ ॥
ಅಧ್ಯಾಯ ೫
ಅ॒ಗ್ನೇಸ್ತ॒ನೂರ॑ಸಿ॒ ವಿಷ್ಣ॑ವೇ ತ್ವಾ॒ ಸೋಮ॑ಸ್ಯ ತ॒ನೂರ॑ಸಿ॒ ವಿಷ್ಣ॑ವೇ॒ ತ್ವಾ ಽತಿ॑ಥೇರಾತಿ॒ಥ್ಯಮ॑ಸಿ॒ ವಿಷ್ಣ॑ವೇ ತ್ವಾ ಶ್ಯೇ॒ನಾಯ॑ ತ್ವಾ ಸೋಮ॒ಭೃತೇ॒ ವಿಷ್ಣ॑ವೇ ತ್ವಾ॒ಽಗ್ನಯೇ॑ ತ್ವಾ ರಾಯಸ್ಪೋಷ॒ದೇ ವಿಷ್ಣ॑ವೇ ತ್ವಾ ॥ ೧ ॥
ಅ॒ಗ್ನೇರ್ಜ॒ನಿತ್ರ॑ಮಸಿ ವೃಷ॑ಣೌ ಸ್ಥ ಉ॒ರ್ವಶ್ಯ॑ಸ್ಯಾ॒ಯುರ॑ಸಿ ಪುರೂ॒ರವಾ॑ ಅಸಿ । ಗಾ॒ಯ॒ತ್ರೇಣ॑ ತ್ವಾ॒ ಛನ್ದ॑ಸಾ ಮನ್ಥಾಮಿ॒ ತ್ರೈ॑ಷ್ಟುಭೇನ ತ್ವಾ॒ ಛನ್ದ॑ಸಾ ಮನ್ಥಾಮಿ॒ ಜಾಗ॑ತೇನ ತ್ವಾ॒ ಛನ್ದ॑ಸಾ ಮನ್ಥಾಮಿ ॥ ೨ ॥
ಭವ॑ತಂ ನ॒: ಸಮ॑ನಸೌ॒ ಸಚೇ॑ತಸಾವರೇ॒ಪಸೌ॑ । ಮಾ ಯ॒ಜ್ಞᳪ ಹಿ॑ᳪಸಿಷ್ಟಂ॒ ಮಾ ಯ॒ಜ್ಞಪ॑ತಿಂ ಜಾತವೇದಸೌ ಶಿವೌ ಭ॑ವತಮ॒ದ್ಯ ನ॑: ॥ ೩ ॥
ಅ॒ಗ್ನಾವ॒ಗ್ನಿಶ್ಚ॑ರತಿ॒ ಪ್ರವಿ॑ಷ್ಟ॒ ಋಷೀ॑ಣಾಂ ಪು॒ತ್ರೋ ಅ॑ಭಿಶಸ್ತಿ॒ಪಾವಾ॑ । ಸ ನ॑: ಸ್ಯೋ॒ನಃ ಸು॒ಯಜಾ॑ ಯಜೇ॒ಹ ದೇ॒ವೇಭ್ಯೋ॑ ಹ॒ವ್ಯᳪ ಸದ॒ಮಪ್ರ॑ಯುಚ್ಛ॒ನ್ತ್ಸ್ವಾಹಾ॑ ॥ ೪ ॥
ಆಪ॑ತಯೇ ತ್ವಾ॒ ಪರಿ॑ಪತಯೇ ಗೃಹ್ಣಾಮಿ॒ ತನೂ॒ನಪ್ತ್ರೇ॑ ಶಾಕ್ವ॒ರಾಯ॒ ಶಕ್ವ॑ನ॒ ಓಜಿ॑ಷ್ಠಾಯ । ಅನಾ॑ಧೃಷ್ಟಮಸ್ಯನಾಧೃ॒ಷ್ಯಂ ದೇ॒ವಾನಾ॒ಮೋಜೋಽನ॑ಭಿಶಸ್ತ್ಯಭಿಶಸ್ತಿ॒ಪಾ ಅ॑ನಭಿಶಸ್ತೇ॒ನ್ಯಮಞ್ಜ॑ಸಾ ಸ॒ತ್ಯಮುಪ॑ಗೇಷᳪ ಸ್ವಿ॒ತೇ ಮಾ॑ ಧಾಃ ॥ ೫ ॥
ಅಗ್ನೇ॑ ವ್ರತಪಾ॒ಸ್ತ್ವೇ ವ್ರ॑ತ॒ಪಾ ಯಾ ತವ॑ ತ॒ನೂರಿ॒ಯᳪ ಸಾ ಮಯಿ॒ ಯೋ ಮಮ॑ ತ॒ನೂರೇ॒ಷಾ ಸಾ ತ್ವಯಿ॑ । ಸ॒ಹ ನೌ॑ ವ್ರತಪತೇ ವ್ರ॒ತಾನ್ಯನು॑ ಮೇ ದೀ॒ಕ್ಷಾಂ ದೀ॒ಕ್ಷಾಪ॑ತಿ॒ರ್ಮನ್ಯ॑ತಾ॒ಮನು॒ ತಪ॒ಸ್ತಪ॑ಸ್ಪತಿಃ ॥ ೬ ॥
ಅ॒jಶುರ॑ᳪಶುಷ್ಟೇ ದೇವ ಸೋ॒ಮಾಪ್ಯಾ॑ಯತಾ॒ಮಿನ್ದ್ರಾ॑ಯೈಕಧನ॒ವಿದೇ॑ । ಆ ತುಭ್ಯ॒ಮಿನ್ದ್ರ॒: ಪ್ಯಾಯ॑ತಾ॒ಮಾ ತ್ವಮಿನ್ದ್ರಾ॑ಯ ಪ್ಯಾಯಸ್ವ । ಆ ಪ್ಯಾ॑ಯಯಾ॒ಸ್ಮಾನ್ತ್ಸಖೀ॑ನ್ತ್ಸ॒ನ್ಯಾ ಮೇ॒ಧಯಾ॑ ಸ್ವ॒ಸ್ತಿ ತೇ॑ ದೇವ ಸೋಮ ಸು॒ತ್ಯಾಮ॑ಶೀಯ । ಏಷ್ಟಾ॒ ರಾಯ॒: ಪ್ರೇಷೇ ಭಗಾ॑ಯ ಋ॒ತಮೃ॑ತವಾ॒ದಿಭ್ಯೋ॒ ನಮೋ॒ ದ್ಯಾವಾ॑ಪೃಥಿ॒ವೀಭ್ಯಾ॑ಮ್ ॥ ೭ ॥
ಯಾ ತೇ॑ ಅಗ್ನೇಽಯಃಶ॒ಯಾ ತ॒ನೂರ್ವರ್ಷಿ॑ಷ್ಠಾ ಗಹ್ವರೇ॒ಷ್ಠಾ । ಉ॒ಗ್ರಂ ವಚೋ॒ ಅಪಾ॑ವಧೀತ್ತ್ವೇ॒ಷಂ ವಚೋ॒ ಅಪಾ॑ವಧೀ॒ತ್ಸ್ವಾಹಾ॑ ।
ಯಾ ತೇ॑ ಅಗ್ನೇ ರಜಃಶ॒ಯಾ ತ॒ನೂರ್ವರ್ಷಿ॑ಷ್ಠಾ ಗಹ್ವರೇ॒ಷ್ಠಾ । ಉ॒ಗ್ರಂ ವಚೋ॒ ಅಪಾ॑ವಧೀತ್ತ್ವೇ॒ಷಂ ವಚೋ॒ ಅಪಾ॑ವಧೀ॒ತ್ಸ್ವಾಹಾ॑ ।
ಯಾ ತೇ॑ ಅಗ್ನೇ ಹರಿಶ॒ಯಾ ತ॒ನೂರ್ವರ್ಷಿ॑ಷ್ಠಾ ಗಹ್ವರೇ॒ಷ್ಠಾ । ಉ॒ಗ್ರಂ ವಚೋ॒ ಅಪಾ॑ವಧೀತ್ತ್ವೇ॒ಷಂ ವಚೋ॒ ಅಪಾ॑ವಧೀ॒ತ್ಸ್ವಾಹಾ॑ ॥ ೮ ॥
ತ॒ಪ್ತಾಯ॑ನೀ ಮೇಽಸಿ ವಿ॒ತ್ತಾಯ॑ನೀ ಮೇಽಸ್ಯವ॑ತಾನ್ಮಾ ನಾಥಿ॒ತಾದವ॑ತಾನ್ಮಾ ವ್ಯಥಿ॒ತಾತ್ । ವಿ॒ದೇದ॒ಗ್ನಿರ್ನಭೋ॒ ನಾಮಾ ಽಗ್ನೇ॑ ಅಙ್ಗಿರ॒ ಆಯು॑ನಾ॒ ನಾಮ್ನೇಹಿ॒
ಯೋಽಸ್ಯಾಂ ಪೃ॑ಥಿ॒ವ್ಯಾಮಸಿ॒ ಯತ್ತೇಽನಾ॑ಧೃಷ್ಟಂ॒ ನಾಮ॑ ಯ॒ಜ್ಞಿಯಂ॒ ತೇನ॒ ತ್ವಾ ದ॑ಧೇ ವಿ॒ದೇದ॒ಗ್ನಿರ್ನ॒ಭೋ॒ ನಾಮಾ ಽಗ್ನೇ॑ ಅಙ್ಗಿರ॒ ಆಯು॑ನಾ॒ ನಾಮ್ನೇಹಿ॒
ಯೋ ದ್ವಿ॒ತೀಯ॑ಸ್ಯಾಂ ಪೃಥಿ॒ವ್ಯಾಮಸಿ॒ ಯತ್ತೇಽನಾ॑ಧೃಷ್ಟಂ॒ ನಾಮ॑ ಯ॒ಜ್ಞಿಯಂ॒ ತೇನ॒ ತ್ವಾ ದ॑ಧೇ ವಿ॒ದೇದ॒ಗ್ನಿರ್ನ॒ಭೋ ನಾಮಾ ಽಗ್ನೇ॑ ಅಙ್ಗಿರ॒ ಆಯು॑ನಾ॒ ನಾಮ್ನೇಹಿ॑ ಯಸ್ತೃ॒ತೀಯ॑ಸ್ಯಾಂ ಪೃಥಿ॒ವ್ಯಾಮಸಿ॒ ಯತ್ತೇಽನಾ॑ಧೃಷ್ಟಂ॒ ನಾಮ॑ ಯ॒ಜ್ಞಿಯಂ॒ ತೇನ॒ ತ್ವಾ ದ॑ಧೇ । ಅನು॑ ತ್ವಾ ದೇ॒ವವೀ॑ತಯೇ ॥ ೯ ॥
ಸಿ॒jಹ್ಯ॒ಸಿ ಸಪತ್ನಸಾ॒ಹೀ ದೇ॒ವೇಭ್ಯ॑: ಕಲ್ಪಸ್ವ ಸಿ॒jಹ್ಯ॒ಸಿ ಸಪತ್ನಸಾ॒ಹೀ ದೇ॒ವೇಭ್ಯ॑:ಶುನ್ಧಸ್ವ ಸಿ॒jಹ್ಯ॒ಸಿ ಸಪತ್ನಸಾ॒ಹೀ ದೇ॒ವೇಭ್ಯ॑: ಶುಮ್ಭಸ್ವ ॥ ೧೦ ॥
ಇ॒ನ್ದ್ರ॒ಘೋ॒ಷಸ್ತ್ವಾ॒ ವಸು॑ಭಿಃ ಪು॒ರಸ್ತಾ॑ತ್ಪಾತು ಪ್ರಚೇ॑ತಾಸ್ತ್ವಾ ರುದ್ರೈಃ ಪ॒ಶ್ಚಾತ್ಪಾ॑ತು ಮನೋ॑ಜವಾಸ್ತ್ವಾ ಪಿ॒ತೃಭಿ॑ರ್ದಕ್ಷಿಣ॒ತಃ ಪಾ॑ತು
ವಿ॒ಶ್ವಕ॑ರ್ಮಾ ತ್ವಾಽಽದಿ॒ತ್ಯೈರು॑ತ್ತರ॒ತಃ ಪಾ॑ತ್ವಿ॒ದಮ॒ಹಂ ತ॒ಪ್ತಂ ವಾರ್ಬ॑ಹಿ॒ರ್ಧಾ ಯ॒ಜ್ಞಾನ್ನಿಃ ಸೃ॑ಜಾಮಿ ॥ ೧೧ ॥
ಸಿ॒jಹ್ಯ॒ಸಿ॒ ಸ್ವಾಹಾ॑ ಸಿ॒jಹ್ಯ॒ಸ್ಯಾದಿತ್ಯ॒ವನಿ॒: ಸ್ವಾಹಾ॑ ಸಿ॒jಹ್ಯ॒ಸಿ ಬ್ರಹ್ಮ॒ವನಿ॑: ಕ್ಷತ್ರ॒ವನಿ॒: ಸ್ವಾಹಾ॑
ಸಿ॒jಹ್ಯ॒ಸಿ ಸುಪ್ರಜಾ॒ವನೀ॑ ರಾಯಸ್ಪೋಷ॒ವನಿ॒: ಸ್ವಾಹಾ॑ ಸಿ॒jಹ್ಯಸ್ಯಾವ॑ಹ ದೇ॒ವಾನ್ ಯಜ॑ಮಾನಾಯ॒ ಸ್ವಾಹಾ॑
ಭೂ॒ತೇಭ್ಯ॑ಸ್ತ್ವಾ ॥ ೧೨ ॥
ಧ್ರು॒ವೋ॒ಽಸಿ ಪೃಥಿ॒ವೀಂ ದೃ॑ᳪಹ ಧ್ರುವ॒ಕ್ಷಿದ॑ಸ್ಯ॒ನ್ತರಿ॑ಕ್ಷಂ ದೃᳪಹಾಚ್ಯುತ॒ಕ್ಷಿದ॑ಸಿ॒ ದಿವಂ॑ ದೃᳪಹಾ॒ಗ್ನೇಃ ಪುರೀ॑ಷಮಸಿ ॥ ೧೩ ॥
ಯು॒ಞ್ಜತೇ॒ ಮನ॑ ಉ॒ತ ಯು॑ಞ್ಜತೇ॒ ಧಿಯೋ॒ ವಿಪ್ರಾ॒ ವಿಪ್ರ॑ಸ್ಯ ಬೃಹ॒ತೋ ವಿ॑ಪ॒ಶ್ಚಿತ॑: ।
ವಿ ಹೋತ್ರಾ॑ ದಧೇ ವಯುನಾ॒ವಿದೇಕ॒ ಇನ್ಮ॒ಹೀ ದೇ॒ವಸ್ಯ॑ ಸವಿ॒ತುಃ ಪರಿ॑ಷ್ಟುತಿ॒: ಸ್ವಾಹಾ॑ ॥ ೧೪ ॥
ಇ॒ದಂ ವಿಷ್ಣು॒ರ್ವಿ ಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಮ್ । ಸಮೂ॑ಢಮಸ್ಯ ಪಾᳪಸು॒ರೇ ಸ್ವಾಹಾ॑ ॥ ೧೫ ॥
ಇರಾ॑ವತೀ ಧೇನು॒ಮತೀ॒ ಹಿ ಭೂ॒ತᳪ ಸೂ॑ಯವ॒ಸಿನೀ॒ ಮನ॑ವೇ ದಶ॒ಸ್ಯಾ । ವ್ಯ॑ಸ್ಕಭ್ನಾ॒ ರೋದ॑ಸೀ ವಿಷ್ಣವೇ॒ತೇ ದಾ॒ಧರ್ಥ॑ ಪೃಥಿ॒ವೀಮ॒ಭಿತೋ॑ ಮ॒ಯೂಖೈ॒: ಸ್ವಾಹಾ॑ ॥ ೧೬ ॥
ದೇ॒ವ॒ಶ್ರುತೌ॑ ದೇ॒ವೇಷ್ವಾ ಘೋ॑ಷತಂ॒ ಪ್ರಾಚೀ॒ ಪ್ರೇತ॑ಮಧ್ವ॒ರಂ ಕ॒ಲ್ಪಯ॑ನ್ತೀ ಊ॒ರ್ಧ್ವಂ ಯ॒ಜ್ಞಂ ನ॑ಯತಂ॒ ಮಾ ಜಿ॑ಹ್ವರತಮ್ ।
ಸ್ವಂ ಗೋ॒ಷ್ಠಮಾ ವ॑ದತಂ ದೇವೀ ದುರ್ಯೇ॒ ಆಯು॒ರ್ಮಾ ನಿರ್ವಾ॑ದಿಷ್ಟಂ ಪ್ರ॒ಜಾಂ ಮಾ ನಿರ್ವಾ॑ದಿಷ್ಟ॒ಮತ್ರ॑ ರಮೇಥಾಂ॒ ವರ್ಷ್ಮ॑ನ್ ಪೃಥಿ॒ವ್ಯಾಃ ॥ ೧೭ ॥
ವಿಷ್ಣೋ॒ರ್ನುಕಂ॑ ವೀ॒ರ್ಯಾ॒ಣಿ॒ ಪ್ರ ವೋ॑ಚಂ॒ ಯಃ ಪಾರ್ಥಿ॑ವಾನಿ ವಿಮ॒ಮೇ ರಜಾ॑ᳪಸಿ ।
ಯೋ ಅಸ್ಕ॑ಭಾಯ॒ದುತ್ತ॑ರᳪ ಸ॒ಧಸ್ಥಂ॑ ವಿಚಕ್ರಮಾ॒ಣಸ್ತ್ರೇ॒ಧೋರು॑ಗಾ॒ಯೋ ವಿಷ್ಣ॑ವೇ ತ್ವಾ ॥ ೧೮ ॥
ದಿ॒ವೋ ವಾ॑ ವಿಷ್ಣ ಉ॒ತ ವಾ॑ ಪೃಥಿ॒ವ್ಯಾ ಮ॒ಹೋ ವಾ॑ ವಿಷ್ಣ ಉ॒ರೋರ॒ನ್ತರಿ॑ಕ್ಷಾತ್ ।
ಉ॒ಭಾ ಹಿ ಹಸ್ತಾ॒ ವಸು॑ನಾ ಪೃ॒ಣಸ್ವಾ ಪ್ರ ಯ॑ಚ್ಛ॒ ದಕ್ಷಿ॑ಣಾ॒ದೋತ ಸ॒ವ್ಯಾದ್ವಿಷ್ಣ॑ವೇ ತ್ವಾ ॥ ೧೯ ॥
ಪ್ರ ತದ್ವಿಷ್ಣು॑ ಸ್ತವತೇ ವೀ॒ರ್ಯೇ॒ಣ ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ ।
ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷ್ವಧಿಕ್ಷಿ॒ಯನ್ತಿ॒ ಭುವ॑ನಾನಿ॒ ವಿಶ್ವಾ॑ ॥ ೨೦ ॥
ವಿಷ್ಣೋ॑ ರ॒ರಾಟ॑ಮಸಿ॒ ವಿಷ್ಣೋ॒: ಶ್ನಪ್ತ್ರೇ॑ ಸ್ಥೋ ವಿಷ್ಣೋ॒: ಸ್ಯೂರ॑ಸಿ॒ ವಿಷ್ಣೋ॑ರ್ಧ್ರು॒ವೋ॒ಽಸಿ ।
ವೈ॒ಷ್ಣ॒ವಮ॑ಸಿ॒ ವಿಷ್ಣ॑ವೇ ತ್ವಾ ॥ ೨೧ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಆ ದ॑ದೇ॒ ನಾರ್ಯ॑ಸೀ॒ದಮ॒ಹᳪ ರಕ್ಷ॑ಸಾಂ ಗ್ರೀ॒ವಾ ಅಪಿ॑ ಕೃನ್ತಾಮಿ ।
ಬೃ॒ಹನ್ನ॑ಸಿ ಬೃ॒ಹದ್ರ॑ವಾ ಬೃಹ॒ತೀಮಿನ್ದ್ರಾ॑ಯ॒ ವಾಚಂ॑ ವದ ॥ ೨೨ ॥
ರ॒ಕ್ಷೋ॒ಹಣಂ॑ ವಲಗ॒ಹನಂ॑ ವೈಷ್ಣ॒ವೀ ಮಿ॒ದಮ॒ಹಂ ತಂ ವ॑ಲ॒ಗಮುತ್ಕಿ॑ರಾಮಿ॒ ಯಂ ಮೇ॒ ನಿಷ್ಟ್ಯೋ॒ ಯಮ॒ಮಾತ್ಯೋ॑ ನಿಚ॒ಖಾನೇ॒ದಮ॒ಹಂ ತಂ ವ॑ಲ॒ಗಮುತ್ಕಿ॑ರಾಮಿ॒ ಯಂ ಮೇ॑ ಸಮಾ॒ನೋ ಯಮಸ॑ಮಾನೋ ನಿಚ॒ಖಾನೇ॒ದಮ॒ಹಂ ತಂ ವ॑ಲ॒ಗಮುತ್ಕಿ॑ರಾಮಿ॒ ಯಂ ಮೇ॒ ಸಬ॑ನ್ಧು॒ರ್ಯಮಸ॑ಬನ್ಧುರ್ನಿಚ॒ಖಾನೇ॒ದಮ॒ಹಂ ತಂ ವ॑ಲ॒ಗಮುತ್ಕಿ॑ರಾಮಿ॒ ಯಂ ಮೇ॑ ಸಜಾ॒ತೋ ಯಮಸ॑ಜಾತೋ ನಿಚ॒ಖಾನೋತ್ಕೃ॒ತ್ಯಾಂ ಕಿ॑ರಾಮಿ ॥ ೨೩ ॥
ಸ್ವ॒ರಾಡ॑ಸಿ ಸಪತ್ನ॒ಹಾ ಸ॑ತ್ರ॒ರಾಡ॑ಸ್ಯಭಿಮಾತಿ॒ಹಾ ಜ॑ನ॒ರಾಡ॑ಸಿ ರಕ್ಷೋ॒ಹಾ ಸ॑ರ್ವ॒ರಾಡ॑ಸ್ಯಮಿತ್ರ॒ಹಾ ॥ ೨೪ ॥
ರ॒ಕ್ಷೋ॒ಹಣೋ॑ ವೋ ವಲಗ॒ಹನ॒: ಪ್ರೋಕ್ಷಾ॑ಮಿ ವೈಷ್ಣ॒ವಾನ್ ರ॑ಕ್ಷೋ॒ಹಣೋ॑ ವೋ ವಲಗ॒ಹನೋಽವ॑ನಯಾಮಿ ವೈಷ್ಣ॒ವಾನ್ ರ॑ಕ್ಷೋ॒ಹಣೋ॑ ವೋ ವಲಗ॒ಹನೋಽವ॑ಸ್ತೃಣಾಮಿ ವೈಷ್ಣ॒ವಾನ್
ರ॑ಕ್ಷೋ॒ಹಣೌ॑ ವಾಂ ವಲಗ॒ಹನಾ॒ ಉಪ॑ ದಧಾಮಿ ವೈಷ್ಣ॒ವೀ ರ॑ಕ್ಷೋ॒ಹಣೌ॑ ವಾಂ ವಲಗ॒ಹನೌ॒ ಪರ್ಯೂ॑ಹಾಮಿ ವೈಷ್ಣ॒ವೀ ವೈ॑ಷ್ಣ॒ವಮ॑ಸಿ ವೈ॑ಷ್ಣ॒ವಾ ಸ್ಥ॑ ॥ ೨೫ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಆ ದ॑ದೇ॒ ನಾರ್ಯ॑ಸೀ॒ದಮ॒ಹᳪ ರಕ್ಷ॑ಸಾಂ ಗ್ರೀ॒ವಾ ಅಪಿ॑ ಕೃನ್ತಾಮಿ ।
ಯವೋ॑ಽಸಿ ಯ॒ವಯಾ॒ಸ್ಮದ್ದ್ವೇಷೋ॑ ಯ॒ವಯಾರಾ॑ತೀರ್ದಿ॒ವೇ ತ್ವಾ॒ಽನ್ತರಿ॑ಕ್ಷಾಯ ತ್ವಾ ಪೃಥಿ॒ವ್ಯೈ ತ್ವಾ ಶುನ್ಧ॑ನ್ತಾಂಲ್ಲೋ॒ಕಾಃ ಪಿ॑ತೃ॒ಷದ॑ನಾಃ ಪಿತೃ॒ಷದ॑ನಮಸಿ ॥ ೨೬ ॥
ಉದ್ದಿವ॑ᳪ ಸ್ತಭಾನಾ॒ನ್ತರಿ॑ಕ್ಷಂ ಪೃಣ॒ ದೃᳪಹ॑ಸ್ವ ಪೃಥಿ॒ವ್ಯಾಮ್ ದ್ಯು॑ತಾ॒ನಾಸ್ತ್ವಾ॑ ಮಾರು॒ತೋ ಮಿನೋ॑ತು ಮಿ॒ತ್ರಾವರು॑ಣೌ ಧ್ರು॒ವೇಣ॒ ಧರ್ಮ॑ಣಾ ।
ಬ್ರ॒ಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ರಾಯಸ್ಪೋಷ॒ವನಿ॒ ಪರ್ಯೂ॑ಹಾಮಿ । ಬ್ರಹ್ಮ॑ ದೃᳪಹ ಕ್ಷ॒ತ್ರಂ ದೃ॒ᳪಹಾಯು॑ರ್ದೃᳪಹ ಪ್ರ॒ಜಾಂ ದೃ॑ᳪಹ ॥ ೨೭ ॥
ಧ್ರು॒ವಾಸಿ॑ ಧ್ರು॒ವೋಽಯಂ ಯಜ॑ಮಾನೋ॒ಽಸ್ಮಿನ್ನಾ॒ಯತ॑ನೇ ಪ್ರ॒ಜಯಾ॑ ಪ॒ಶುಭಿ॑ರ್ಭೂಯಾತ್ ।
ಘೃ॒ತೇನ॑ ದ್ಯಾವಾಪೃಥಿವೀ ಪೂರ್ಯೇಥಾ॒ಮಿನ್ದ್ರ॑ಸ್ಯ ಛ॒ದಿರ॑ಸಿ ವಿಶ್ವಜ॒ನಸ್ಯ॑ ಛಾ॒ಯಾ ॥ ೨೮ ॥
ಪರಿ॑ ತ್ವಾ ಗಿರ್ವಣೋ॒ ಗಿರ॑ ಇ॒ಮಾ ಭ॑ವನ್ತು ವಿ॒ಶ್ವತ॑:। ವೃ॒ದ್ಧಾಯು॒ಮನು॒ ವೃದ್ಧ॑ಯೋ॒ ಜುಷ್ಟಾ॑ ಭವನ್ತು॒ ಜುಷ್ಟ॑ಯಃ ॥ ೨೯ ॥
ಇನ್ದ್ರ॑ಸ್ಯ॒ ಸ್ಯೂರ॒ಸೀನ್ದ್ರ॑ಸ್ಯ ಧ್ರು॒ವೋ॑ಽಸಿ । ಐ॒ನ್ದ್ರಮ॑ಸಿ ವೈಶ್ವದೇ॒ವಮ॑ಸಿ ॥ ೩೦ ॥
ವಿ॒ಭೂರ॑ಸಿ ಪ್ರ॒ವಾಹ॑ಣೋ॒ ವಹ್ನಿ॑ರಸಿ ಹವ್ಯ॒ವಾಹ॑ನಃ । ಶ್ವಾ॒ತ್ರೋ॒ಽಸಿ॒ ಪ್ರಚೇ॑ತಾಸ್ತು॒ಥೋ॑ಽಸಿ ವಿ॒ಶ್ವವೇ॑ದಾಃ ॥ ೩೧ ॥
ಉ॒ಶಿಗ॑ಸಿ ಕ॒ವಿರಙ್ಘಾ॑ರಿರಸಿ॒ ಬಮ್ಭಾ॑ರಿರವ॒ಸ್ಯೂರ॑ಸಿ॒ ದುವ॑ಸ್ವಾಞ್ಛು॒ನ್ಧ್ಯೂರ॑ಸಿ ಮಾರ್ಜಾ॒ಲೀಯ॑: ಸ॒ಮ್ರಾಡ॑ಸಿ ಕೃ॒ಶಾನು॑: ಪರಿ॒ಷದ್ಯೋ॑ಽಸಿ॒ ಪವ॑ಮಾನೋ॒ ನಭೋ॑ಽಸಿ ಪ್ರ॒ತಕ್ವಾ॑
ಮೃ॒ಷ್ಟೋ॒ಽಸಿ ಹವ್ಯ॒ಸೂದ॑ನ ಋ॒ತ॒ಧಾ॑ಮಾಽಸಿ॒ ಸ್ವ॒ರ್ಜ್ಯೋತಿಃ ॥ ೩೨ ॥
ಸ॒ಮು॒ದ್ರೋ॒ಽಸಿ ವಿ॒ಶ್ವವ್ಯ॑ಚಾ ಅ॒ಜೋಽಸ್ಯೇಕ॑ಪಾ॒ದಹಿ॑ರಸಿ ಬು॒ಧ್ನ್ಯೋ ವಾಗ॑ಸ್ಯೈ॒ನ್ದ್ರಮ॑ಸಿ॒ ಸದೋ॒ಽಸ್ಯೃತ॑ಸ್ಯ ದ್ವಾರೌ॒ ಮಾ ಮಾ॒ ಸನತಾ॑ಪ್ತ॒ಮಧ್ವ॑ನಾಮಧ್ವಪತೇ॒ ಪ್ರ ಮಾ॑ ತಿರ ಸ್ವ॒ಸ್ತಿ ಮೇ॒ಽಸ್ಮಿನ್ಪ॒ಥಿ ದೇ॑ವ॒ಯಾನೇ॑ ಭೂಯಾತ್ ॥ ೩೩॥
ಮಿ॒ತ್ರಸ್ಯ॑ ಮಾ॒ ಚಕ್ಷು॑ಷೇಕ್ಷಧ್ವ॒ಮಗ್ನ॑ಯಃ ಸಗರಾಃ॒ ಸಗ॑ರಾ ಸ್ಥ॒ ಸಗ॑ರೇಣ॒ ನಾಮ್ನಾ॒ ರೌದ್ರೇ॒ಣಾನೀ॑ಕೇನ ಪಾ॒ತ ಮಾ॑ಽಗ್ನಯಃ ಪಿಪೃ॒ತ ಮಾ॑ಽಗ್ನಯೋ ಗೋಪಾ॒ಯತ॑ ಮಾ॒ ನಮೋ॑ ವೋಽಸ್ತು॒ ಮಾ ಮಾ॑ ಹಿᳪಸಿಷ್ಟ ॥ ೩೪ ॥
ಜ್ಯೋತಿ॑ರಸಿ ವಿ॒ಶ್ವರೂ॑ಪಂ॒ ವಿಶ್ವೇ॑ಷಾಂ ದೇ॒ವಾನಾ॑ᳪ ಸ॒ಮಿತ್ । ತ್ವᳪ ಸೋ॑ಮ ತನೂ॒ಕೃದ್ಭ್ಯೋ॒ ದ್ವೇಷೋ॑ಭ್ಯೋ॒ಽನ್ಯಕೃ॑ತೇಭ್ಯ ಉ॒ರು ಯ॒ನ್ತಾಸಿ॒ ವರೂ॑ಥ॒ᳪ ಸ್ವಾಹಾ॑
ಜುಷಾ॒ಣೋ ಅ॒ಪ್ತುರಾಜ್ಯ॑ಸ್ಯ ವೇತು॒ ಸ್ವಾಹಾ॑ ॥ ೩೫ ॥
ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ ।
ಯು॒ಯೋ॒ಧ್ಯಸ್ಮಜ್ಜು॑ಹುರಾ॒ಣಮೇನೋ॒ ಭೂಯಿ॑ಷ್ಠಾಂ ತೇ॒ ನಮ॑ ಉಕ್ತಿಂ ವಿಧೇಮ ॥ ೩೬ ॥
ಅ॒ಯಂ ನೋ॑ ಅ॒ಗ್ನಿರ್ವರಿ॑ವಸ್ಕೃಣೋತ್ವ॒ಯಂ ಮೃಧ॑: ಪು॒ರ ಏ॑ತು ಪ್ರಭಿ॒ನ್ದನ್ ।
ಅ॒ಯಂ ವಾಜಾ॑ಞ್ಜಯತು॒ ವಾಜ॑ಸಾತಾವ॒ಯᳪ ಶತ್ರೂ॑ಞ್ಜಯತು॒ ಜರ್ಹೃ॑ಷಾಣ॒: ಸ್ವಾಹಾ॑ ॥ ೩೭ ॥
ಉ॒ರು ವಿ॑ಷ್ಣೋ॒ ವಿ ಕ್ರ॑ಮಸ್ವೋ॒ರು ಕ್ಷಯಾ॑ಯ ನಸ್ಕೃಧಿ ।
ಘೃ॒ತಂ ಘೃ॑ತಯೋನೇ ಪಿಬ॒ ಪ್ರಪ್ರ॑ ಯ॒ಜ್ಞಪ॑ತಿಂ ತಿರ॒ ಸ್ವಾಹಾ॑ ॥ ೩೮ ॥
ದೇವ॑ ಸವಿತರೇ॒ಷ ತೇ॒ ಸೋಮ॒ಸ್ತᳪ ರ॑ಕ್ಷಸ್ವ॒ ಮಾ ತ್ವಾ॑ ದಭನ್ ।
ಏ॒ತತ್ತ್ವಂ ದೇ॑ವ ಸೋಮ ದೇ॒ವೋ ದೇ॒ವಾಁ೨ ಉಪಾ॑ಗಾ ಇ॒ದಮ॒ಹಂ ಮ॑ನು॒ಷ್ಯಾ॒ನ್ತ್ಸ॒ಹ ರಾ॒ಯಸ್ಪೋಷೇ॑ಣ ಸ್ವಾಹಾ॒ ನಿರ್ವರು॑ಣಸ್ಯ॒ ಪಾಶಾ॑ನ್ಮುಚ್ಯೇ ॥ ೩೯ ॥
ಅಗ್ನೇ॑ ವ್ರತಪಾ॒ಸ್ತ್ವೇ ವ್ರ॑ತ॒ಪಾ ಯಾ ತವ॑ ತ॒ನೂರ್ಮಯ್ಯಭೂ॑ದೇ॒ಷಾ ಸಾ ತ್ವಯಿ॒ ಯೋ ಮಮ॑ ತ॒ನೂಸ್ತ್ವಯ್ಯಭೂ॑ದಿ॒ಯᳪ ಸಾ ಮಯಿ॑ ।
ಯ॒ಥಾ॒ಯ॒ಥಂ ನೌ॑ ವ್ರತಪತೇ ವ್ರ॒ತಾನ್ಯನು॑ ಮೇ ದೀ॒ಕ್ಷಾಂ ದೀ॒ಕ್ಷಾಪ॑ತಿ॒ರಮ॒ᳪಸ್ತಾನು॒ ತಪ॒ಸ್ತಪ॑ಸ್ಪತಿಃ ॥ ೪೦ ॥
ಉ॒ರು ವಿ॑ಷ್ಣೋ॒ ವಿ ಕ್ರ॑ಮಸ್ವೋ॒ರು ಕ್ಷಯಾ॑ಯ ನಸ್ಕೃಧಿ । ಘೃ॒ತಂ ಘೃ॑ತಯೋನೇ ಪಿಬ॒ ಪ್ರಪ್ರ॑ ಯ॒ಜ್ಞಪ॑ತಿಂ ತಿರ॒ ಸ್ವಾಹಾ॑ ॥ ೪೧ ॥
ಅತ್ಯ॒ನ್ಯಾಁ೨ ಅಗಾಂ॒ ನಾನ್ಯಾಁ೨ ಉಪಾ॑ಗಾಮ॒ರ್ವಾಕ್ ತ್ವಾ॒ ಪರೇ॒ಭ್ಯೋಽವಿ॑ದಂ ಪ॒ರೋಽವ॑ರೇಭ್ಯಃ ।
ತಂ ತ್ವಾ॑ ಜುಷಾಮಹೇ ದೇವ ವನಸ್ಪತೇ ದೇವಯ॒ಜ್ಯಾಯೈ॑ ದೇ॒ವಾಸ್ತ್ವಾ॑ ದೇವಯ॒ಜ್ಯಾಯೈ॑ ಜುಷನ್ತಾಂ॒ ವಿಷ್ಣ॑ವೇ ತ್ವಾ ।
ಓಷ॑ಧೇ॒ ತ್ರಾಯ॑ಸ್ವ ಸ್ವಧಿ॑ತೇ॒ ಮೈನ॑ᳪ ಹಿᳪಸೀಃ ॥ ೪೨ ॥
ದ್ಯಾಂ ಮಾ ಲೇ॑ಖೀರ॒ನ್ತರಿ॑ಕ್ಷಂ॒ ಮಾ ಹಿ॑ᳪಸೀಃ ಪೃಥಿ॒ವ್ಯಾ ಸಮ್ಭ॑ವ ।
ಅ॒ಯᳪ ಹಿ ತ್ವಾ॒ ಸ್ವಧಿ॑ತಿ॒ಸ್ತೇತಿ॑ಜಾನಃ ಪ್ರಣಿ॒ನಾಯ॑ ಮಹ॒ತೇ ಸೌ॑ಭಗಾಯ ।
ಅತ॒ಸ್ತ್ವಂ ದೇ॑ವ ವನಸ್ಪತೇ ಶ॒ತವ॑ಲ್ಶೋ॒ ವಿ ರೋ॑ಹ ಸ॒ಹಸ್ರ॑ವಲ್ಶಾ॒ ವಿ ವ॒ಯᳪ ರು॑ಹೇಮ ॥ ೪೩ ॥
ಅಧ್ಯಾಯ ೬
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಆ ದ॑ದೇ॒ ನಾರ್ಯ॑ಸೀ॒ದಮ॒ಹᳪ ರಕ್ಷ॑ಸಾಂ ಗ್ರೀ॒ವಾ ಅಪಿ॑ ಕೃನ್ತಾಮಿ ।
ಯವೋ॑ಽಸಿ ಯ॒ವಯಾ॒ಸ್ಮದ್ ದ್ವೇಷೋ॑ ಯ॒ವಯಾರಾ॑ತೀರ್ದಿ॒ವೇ ತ್ವಾ॒ಽನ್ತರಿ॑ಕ್ಷಾಯ ತ್ವಾ ಪೃಥಿ॒ವ್ಯೈ ತ್ವಾ॒ ಶುನ್ಧ॑ನ್ತಾಁಲ್ಲೋ॒ಕಾಃ ಪಿ॑ತೃ॒ಷದ॑ನಾಃ ।
ಪಿ॑ತೃ॒ಷದ॑ನಮಸಿ ॥ ೧ ॥
ಅ॒ಗ್ರೇ॒ಣೀರ॑ಸಿ ಸ್ವಾವೇ॒ಶ ಉ॑ನ್ನೇತೄ॒ಣಾಮೇ॒ತಸ್ಯ॑ ವಿತ್ತಾ॒ದಧಿ॑ ತ್ವಾ ಸ್ಥಾಸ್ಯತಿ ದೇ॒ವಸ್ತ್ವಾ॑ ಸವಿ॒ತಾ ಮಧ್ವಾ॑ನಕ್ತು ಸು॑ಪಿಪ್ಪ॒ಲಾಭ್ಯ॒ಸ್ತ್ವೌಷ॑ಧೀಭ್ಯಃ ।
ದ್ಯಾಮಗ್ರೇ॑ಣಾಸ್ಪೃಕ್ಷ॒ ಆನ್ತರಿ॑ಕ್ಷಂ॒ ಮಧ್ಯೇ॑ನಾಪ್ರಾಃ ಪೃಥಿ॒ವೀಮುಪ॑ರೇಣಾದೃᳪಹೀಃ ॥ ೨ ॥
ಯಾ ತೇ॒ ಧಾಮಾ॑ನ್ಯು॒ಶ್ಮಸಿ॒ ಗಮ॑ಧ್ಯೈ॒ ಯತ್ರ॒ ಗಾವೋ॒ ಭೂರಿ॑ಶೃಙ್ಗಾ ಅ॒ಯಾಸ॑: । ಅತ್ರಾಹ॒ ತದು॑ರುಗಾ॒ಯಸ್ಯ॒ ವಿಷ್ಣೋ॑: ಪರ॒ಮಂ ಪ॒ದಮವ॑ ಭಾರಿ॒ ಭೂರಿ॑ ।
ಬ್ರ॒ಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ರಾಯಸ್ಪೋಷ॒ವನಿ॒ ಪರ್ಯೂ॑ಹಾಮಿ । ಬ್ರಹ್ಮ॑ ದೃᳪಹ ಕ್ಷ॒ತ್ರಂ ದೃ॒ᳪಹಾಯು॑ರ್ದೃᳪಹ ಪ್ರ॒ಜಾಂ ದೃ॑ᳪಹ ॥ ೨ ॥
ವಿಷ್ಣೋ॒: ಕರ್ಮಾ॑ಣಿ ಪಶ್ಯತ॒ ಯತೋ॑ ವ್ರ॒ತಾನಿ॑ ಪಸ್ಪ॒ಶೇ । ಇನ್ದ್ರ॑ಸ್ಯ॒ ಯುಜ್ಯ॒: ಸಖಾ॑ ॥ ೪ ॥
ತದ್ವಿಷ್ಣೋ॑: ಪರ॒ಮಂ ಪ॒ದᳪ ಸದಾ॑ ಪಶ್ಯನ್ತಿ ಸೂ॒ರಯೋ॑ ।ದಿ॒ವೀ॒ವ॒ ಚಕ್ಷು॒ರಾತ॑ತಮ್ ॥ ೫ ॥
ಪ॒ರಿ॒ವೀರ॑ಸಿ॒ ಪರಿ॑ ತ್ವಾ॒ ದೈವೀ॒ರ್ವಿಶೋ॑ ವ್ಯಯನ್ತಾಂ॒ ಪರೀ॒ಮಂ ಯಜ॑ಮಾನ॒j ರಾಯೋ॑ ಮನು॒ಷ್ಯಾ॒ಣಾಮ್ ।
ದಿ॒ವಃ ಸೂ॒ನುರ॑ಸ್ಯೇ॒ಷ ತೇ॑ ಪೃಥಿ॒ವ್ಯಾಁಲ್ಲೋ॒ಕ ಆ॑ರ॒ಣ್ಯಸ್ತೇ॑ ಪ॒ಶುಃ ॥ ೬ ॥
ಉ॒ಪಾ॒ವೀರ॒ಸ್ಯುಪ॑ ದೇ॒ವಾನ್ದೈವೀ॒ರ್ವಿಶ॒: ಪ್ರಾಗು॑ರು॒ಶಿಜೋ॒ ವಹ್ನಿ॑ತಮಾನ್ । ದೇವ॑ ತ್ವಷ್ಟ॒ರ್ವಸು॑ ರಮ ಹ॒ವ್ಯಾ ತೇ॑ ಸ್ವದನ್ತಾಮ್ ॥ ೭ ॥
ರೇವ॑ತೀ॒ ರಮ॑ಧ್ವಂ॒ ಬೃಹ॑ಸ್ಪತೇ ಧಾ॒ರಯಾ॒ ವಸೂ॑ನಿ । ಋ॒ತಸ್ಯ॑ ತ್ವಾ ದೇವಹವಿಃ॒ ಪಾಶೇ॑ನ॒ ಪ್ರತಿ॑ ಮುಞ್ಚಾಮಿ॒ ಧರ್ಷಾ॒ ಮಾನು॑ಷಃ ॥ ೮ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಅ॒ಗ್ನೀಷೋಮಾ॑ಭ್ಯಾಂ॒ ಜುಷ್ಟಂ॒ ನಿ ಯು॑ನಜ್ಮಿ । ಅ॒ದ್ಭ್ಯಸ್ತ್ವೌ॑ಷಧೀ॒ಭ್ಯೋಽನು॑ ತ್ವಾ ಮಾ॒ತಾ ಮ॑ನ್ಯತಾ॒ಮನು॑ ಪಿ॒ತಾಽನು॒ ಭ್ರಾತಾ॒ ಸಗ॒ರ್ಭ್ಯೋಽನು॒ ಸಖಾ॒ ಸಯೂ॑ಥ್ಯಃ । ಅ॒ಗ್ನೀಷೋಮಾ॑ಭ್ಯಾಂ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ ॥ ೯ ॥
ಅ॒ಪಾಂ ಪೇ॒ರುರ॒ಸ್ಯಾಪೋ॑ ದೇ॒ವೀಃ ಸ್ವ॑ದನ್ತು ಸ್ವಾ॒ತ್ತಂ ಚಿ॒ತ್ಸದ್ದೇ॑ವಹ॒ವಿಃ । ಸಂ ತೇ॑ ಪ್ರಾ॒ಣೋ ವಾತೇ॑ನ ಗಚ್ಛತಾ॒jಸಮಙ್ಗಾ॑ನಿ॒ ಯಜ॑ತ್ರೈ॒: ಸಂ ಯ॒ಜ್ಞಪ॑ತಿರಾ॒ಶಿಷಾ॑ ॥ ೧೦ ॥
ಘೃ॒ತೇನಾ॒ಕ್ತೌ ಪ॒ಶೂಁಸ್ತ್ರಾ॑ಯೇಥಾ॒j ರೇವ॑ತಿ॒ ಯಜ॑ಮಾನೇ ಪ್ರಿ॒ಯಂ ಧಾ ಆ ವಿ॑ಶ । ಉ॒ರೋರ॒ನ್ತರಿ॑ಕ್ಷಾತ್ಸ॒ಜೂರ್ದೇ॒ವೇನ॒ ವಾತೇ॑ನಾ॒ಸ್ಯ ಹ॒ವಿಷ॒ಸ್ತ್ಮನಾ॑ ಯಜ॒ ಸಮ॑ಸ್ಯ ತ॒ನ್ವಾ॒ ಭವ ।
ವರ್ಷೋ॒ ವರ್ಷೀ॑ಯಸಿ ಯ॒ಜ್ಞೇ ಯ॒ಜ್ಞಪ॑ತಿಂ ಧಾ॒: ಸ್ವಾಹಾ॑ ದೇ॒ವೇಭ್ಯೋ॑ ದೇ॒ವೇಭ್ಯ॒: ಸ್ವಾಹಾ॑ ॥ ೧೧ ॥
ಮಾಹಿ॑ರ್ಭೂ॒ರ್ಮಾ ಪೃದಾ॑ಕು॒ರ್ನಮ॑ಸ್ತ ಆತಾನಾನ॒ರ್ವಾ ಪ್ರೇಹಿ॑ । ಘೃ॒ತಸ್ಯ॑ ಕು॒ಲ್ಯಾ ಉಪ॑ ಋ॒ತಸ್ಯ॒ ಪಥ್ಯಾ॒ ಅನು॑ ॥ ೧೨ ॥
ದೇವೀ॑ರಾಪಃ ಶು॒ದ್ಧಾ ವೋ॑ಢ್ವ॒j ಸುಪ॑ರಿವಿಷ್ಟಾ ದೇ॒ವೇಷು॒ ಸುಪ॑ರಿವಿಷ್ಟಾ ವ॒ಯಂ ಪ॑ರಿವೇ॒ಷ್ಟಾರೋ॑ ಭೂಯಾಸ್ಮ ॥ ೧೩॥
ವಾಚಂ॑ ತೇ ಶುನ್ಧಾಮಿ ಪ್ರಾ॒ಣಂ ತೇ॑ ಶುನ್ಧಾಮಿ॒ ಚಕ್ಷು॑ಸ್ತೇ ಶುನ್ಧಾಮಿ॒ ಶ್ರೋತ್ರಂ॑ ತೇ ಶುನ್ಧಾಮಿ॒ ನಾಭಿಂ॑ ತೇ ಶುನ್ಧಾಮಿ॒ ಮೇಢ್ರಂ॑ ತೇ ಶುನ್ಧಾಮಿ ಪಾ॒ಯುಂ ತೇ॑ ಶುನ್ಧಾಮಿ ಚ॒ರಿತ್ರಾಁ॑ಸ್ತೇ ಶುನ್ಧಾಮಿ ॥ ೧೪॥
ಮನ॑ಸ್ತ॒ ಆ ಪ್ಯಾ॑ಯತಾಂ॒ ವಾಕ್ತ॒ ಆ ಪ್ಯಾ॑ಯತಾಂ ಪ್ರಾ॒ಣಸ್ತ॒ ಆ ಪ್ಯಾ॑ಯತಾಂ॒ ಚಕ್ಷು॑ಸ್ತ॒ ಆ ಪ್ಯಾ॑ಯತಾಂ॒j
ಶ್ರೋತ್ರಂ॑ ತ॒ ಆ ಪ್ಯಾ॑ಯತಾಮ್ । ಯತ್ತೇ॑ ಕ್ರೂ॒ರಂ ಯದಾಸ್ಥಿ॑ತಂ॒ ತತ್ತ॒ ಆ ಪ್ಯಾ॑ಯತಾಂ॒ ನಿಷ್ಟ್ಯಾಯತಾಂ॒ ತತ್ತೇ॑ ಶುಧ್ಯತು ಶಮಹೋ॑ಭ್ಯಃ ।
ಓಷ॑ಧೇ॒ ತ್ರಾಯ॑ಸ್ವ॒ ಸ್ವಧಿ॑ತೇ॒ ಮೈನ॑ᳪ ಹಿᳪಸೀಃ ॥ ೧೫ ॥
ರಕ್ಷ॑ಸಾಂ ಭಾ॒ಗೋ॒ಽಸಿ॒ ನಿರ॑ಸ್ತ॒j ರಕ್ಷ॑ ಇ॒ದಮ॒ಹᳪ ರಕ್ಷೋ॒ಽಭಿ ತಿ॑ಷ್ಠಾಮೀ॒ದಮ॒ಹᳪ ರಕ್ಷೋಽವ॑ ಬಾಧ ಇ॒ದಮ॒ಹᳪ ರಕ್ಷೋ॑ಽಧ॒ಮಂ ತಮೋ॑ ನಯಾಮಿ ।
ಘೃ॒ತೇನ॑ ದ್ಯಾವಾಪೃಥಿವೀ॒ ಪ್ರೋರ್ಣು॑ವಾಥಾಂ॒ ವಾಯೋ॒ ವೇ ಸ್ತೋ॒ಕಾನಾ॑ಮಗ್ನಿರಾಜ್ಯ॑ಸ್ಯ ವೇತು॒ ಸ್ವಾಹಾ॒ ಸ್ವಾಹಾ॑ಕೃತೇ ಊ॒ರ್ಧ್ವನ॑ಭಸಂ ಮಾರು॒ತಂ ಗ॑ಚ್ಛತಮ್ ॥ ೧೬ ॥
ಇ॒ದಮಾ॑ಪ॒: ಪ್ರ ವ॑ಹತಾವ॒ದ್ಯಂ ಚ॒ ಮಲಂ॑ ಚ॒ ಯತ್ । ಯಚ್ಚಾ॑ಭಿದು॒ದ್ರೋಹಾನೃ॑ತಂ॒ ಯಚ್ಚ॑ ಶೇ॒ಪೇ ಅ॑ಭೀ॒ರುಣ॑ಮ್ ।
ಆಪೋ॑ ಮಾ॒ ತಸ್ಮಾ॒ದೇನ॑ಸ॒: ಪವ॑ಮಾನಶ್ಚ ಮುಞ್ಚತು ॥ ೧೭ ॥
ಸಂ ತೇ॒ ಮನೋ॒ ಮನ॑ಸಾ॒ ಸಂ ಪ್ರಾ॒ಣಃ ಪ್ರಾ॒ಣೇನ॑ ಗಚ್ಛತಾಮ್ । ರೇಡ॑ಸ್ಯ॒ಗ್ನಿಷ್ಟ್ವಾ॑ ಶ್ರೀಣಾ॒ತ್ವಾಪ॑ಸ್ತ್ವಾ॒
ಸಮ॑ರಿಣ॒ನ್ವಾತ॑ಸ್ಯ ತ್ವಾ॒ ಧ್ರಾಜ್ಯೈ॑ ಪೂ॒ಷ್ಣೋ ರᳪಹ್ಯಾ॑ ಊ॒ಷ್ಮಣೋ॑ ವ್ಯಥಿಷ॒ತ್ ಪ್ರಯು॑ತಂ॒ ದ್ವೇಷ॑: ॥ ೧೮ ॥
ಘೃ॒ತಂ ಘೃ॑ತಪಾವಾನಃ ಪಿಬತ॒ ವಸಾಂ॑ ವಸಾಪಾವಾನಃ ಪಿಬತಾ॒ನ್ತರಿ॑ಕ್ಷಸ್ಯ ಹ॒ವಿರ॑ಸಿ॒ ಸ್ವಾಹಾ॑ ।
ದಿಶ॑: ಪ್ರ॒ದಿಶ॑: ಆ॒ದಿಶೋ॑ ವಿ॒ದಿಶ॑ ಉ॒ದ್ದಿಶೋ॑ ದಿ॒ಗ್ಭ್ಯಃ ಸ್ವಾಹಾ॑ ॥ ೧೯ ॥
ಐ॒ನ್ದ್ರಃ ಪ್ರಾ॒ಣೋ ಅಙ್ಗೇ॑ ಅಙ್ಗೇ॒ ನಿ ದೀ॑ಧ್ಯದೈ॒ನ್ದ್ರ ಉ॑ದಾ॒ನೋ ಅಙ್ಗೇ॑ ಅಙ್ಗೇ॒ ನಿಧೀ॑ತಃ । ದೇವ॑ ತ್ವಷ್ಟ॒ರ್ಭೂರಿ॑ ತೇ॒ ಸᳪ ಸ॑ಮೇತು॒ ಸಲ॑ಕ್ಷ್ಮಾ॒ ಯದ್ವಿಷು॑ರೂಪಂ॒ ಭವಾ॑ತಿ ।
ದೇ॑ವ॒ತ್ರಾ ಯನ್ತ॒ಮವ॑ಸೇ॒ ಸಖಾ॒ಯೋಽನು॑ ತ್ವಾ ಮಾ॒ತಾ ಪಿ॒ತರೋ॑ ಮದನ್ತು ॥ ೨೦ ॥
ಸ॒ಮು॒ದ್ರಂ ಗ॑ಚ್ಛ॒ ಸ್ವಾಹಾ॑ ಽನ್ತರಿ॑ಕ್ಷಂ ಗಚ್ಛ॒ ಸ್ವಾಹಾ॑ ದೇ॒ವᳪ ಸ॑ವಿ॒ತಾರಂ॑ ಗಚ್ಛ॒ ಸ್ವಾಹಾ॑ ಮಿ॒ತ್ರಾವರು॑ಣೌ ಗಚ್ಛ॒ ಸ್ವಾಹಾ॑
ಽಹೋರಾ॒ತ್ರೇ ಗ॑ಚ್ಛ॒ ಸ್ವಾಹಾ॑ ಛನ್ದಾ॑ᳪಸಿ ಗಚ್ಛ॒ ಸ್ವಾಹಾ॒ ದ್ಯಾವಾ॑ಪೃಥಿ॒ವೀ ಗ॑ಚ್ಛ॒ ಸ್ವಾಹಾ॑ ಯ॒ಜ್ಞಂ ಗ॑ಚ್ಛ॒ ಸ್ವಾಹಾ॒ ಸೋಮಂ॑ ಗಚ್ಛ॒ ಸ್ವಾಹಾ॑ ದಿ॒ವ್ಯಂ ನಭೋ॑ ಗಚ್ಛ॒ ಸ್ವಾಹಾ॒ ಽಗ್ನಿಂ ವೈ॑ಶ್ವಾನ॒ರಂ ಗ॑ಚ್ಛ॒ ಸ್ವಾಹಾ॒ ಮನೋ॑ ಮೇ॒ ಹಾರ್ದಿ॑ ಯಚ್ಛ॒ ದಿವಂ॑ ತೇ ಧೂ॒ಮೋ ಗ॑ಚ್ಛತು॒ ಸ್ವರ್ಜ್ಯೋತಿ॑: ಪೃಥಿ॒ವೀಂ ಭಸ್ಮ॒ನಾಽಽಪೃ॑ಣ॒ ಸ್ವಾಹಾ॑ ॥ ೨೧ ॥
ಮಾಽಪೋ ಮೌ॑ಷಧೀರ್ಹಿᳪಸೀ॒ರ್ಧಾಮ್ನೋ॑ ಧಾಮ್ನೋ ರಾಜಁ॒ಸ್ತತೋ॑ ವರುಣ ನೋ ಮುಞ್ಚ । ಯದಾ॒ಹುರ॒ಘ್ನ್ಯಾ ಇತಿ॒ ವರು॒ಣೇತಿ॒ ಶಪಾ॑ಮಹೇ॒ ತತೋ॑ ವರುಣ ನೋ ಮುಞ್ಚ ।
ಸುಮಿ॒ತ್ರಿ॒ಯಾ ನ॒ ಆಪ॒ ಓಷ॑ಧಯಃ ಸನ್ತು ದುರ್ಮಿತ್ರಿ॒ಯಾಸ್ತಸ್ಮೈ॑ ಸನ್ತು॒ ಯೋಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮ: ॥ ೨೨ ॥
ಹ॒ವಿಷ್ಮ॑ತೀರಿ॒ಮಾ ಆಪೋ॑ ಹ॒ವಿಷ್ಮಾಁ॒೨ ಆ ವಿ॑ವಾಸತಿ । ಹ॒ವಿಷ್ಮಾ॑ನ್ ದೇ॒ವೋ ಅ॑ಧ್ವ॒ರೋ ಹ॒ವಿಷ್ಮಾಁ॑೨ ಅಸ್ತು॒ ಸೂರ್ಯ॑: ॥ ೨೩ ॥
ಅ॒ಗ್ನೇರ್ವೋಽಪ॑ನ್ನಗೃಹಸ್ಯ॒ ಸದ॑ಸಿ ಸಾದಯಾಮೀನ್ದ್ರಾ॒ಗ್ನ್ಯೋರ್ಭಾ॑ಗ॒ಧೇಯೀ॑ ಸ್ಥ ಮಿ॒ತ್ರಾವರು॑ಣಯೋರ್ಭಾಗ॒ಧೇಯೀ॑ ಸ್ಥ ವಿಶ್ವೇ॑ಷಾಂ ದೇ॒ವಾನಾಂ॑ ಭಾಗ॒ಧೇಯೀ॑ ಸ್ಥ । ಅ॒ಮೂರ್ಯಾ ಉಪ॒ ಸೂರ್ಯೇ॒ ಯಾಭಿ॑ರ್ವಾ॒ ಸೂರ್ಯ॑: ಸ॒ಹ । ತಾ ನೋ॑ ಹಿನ್ವನ್ತ್ವಧ್ವ॒ರಮ್ ॥ ೨೪ ॥
ಹೃ॒ದೇ ತ್ವಾ॒ ಮನ॑ಸೇ ತ್ವಾ ದಿ॒ವೇ ತ್ವಾ॒ ಸೂರ್ಯಾ॑ಯ ತ್ವಾ । ಊ॒ರ್ಧ್ವಮಿ॒ಮಮ॑ಧ್ವ॒ರಂ ದಿ॒ವಿ ದೇ॒ವೇಷು॒ ಹೋತ್ರಾ॑ ಯಚ್ಛ ॥ ೨೫ ॥
ಸೋಮ॑ ರಾಜ॒ನ್ ವಿಶ್ವಾ॒ಸ್ತ್ವಂ ಪ್ರ॒ಜಾ ಉ॒ಪಾವ॑ರೋಹ ವಿಶ್ವಾ॒ಸ್ತ್ವಾಂ ಪ್ರ॒ಜಾ ಉ॒ಪಾವ॑ರೋಹನ್ತು ।
ಶೃ॒ಣೋತ್ವ॒ಗ್ನಿಃ ಸ॒ಮಿಧಾ॑ ಹ॒ವಂ ಮೇ॑ ಶೃಣ್ವ॒ನ್ತ್ವಾಪೋ॑ ಧಿ॒ಷಣಾ॑ಶ್ಚ ದೇ॒ವೀಃ ।
ಶ್ರೋತಾ॑ ಗ್ರಾವಾಣೋ ವಿ॒ದುಷೋ॒ ನ ಯ॒ಜ್ಞᳪ ಶೃ॒ಣೋತು॑ ದೇ॒ವಃ ಸ॑ವಿ॒ತಾ ಹವಂ॑ ಮೇ॒ ಸ್ವಾಹಾ॑ ॥ ೨೬ ॥
ದೇವೀ॑ರಾಪೋ ಅಪಾಂ ನಪಾ॒ದ್ಯೋ ವ॑ ಊ॒ರ್ಮಿರ್ಹ॑ವಿ॒ಷ್ಯ॒ ಇನ್ದ್ರಿ॒ಯಾವಾ॑ನ್ ಮ॒ದಿನ್ತ॑ಮಃ ।
ತಂ ದೇ॒ವೇಭ್ಯೋ॑ ದೇವ॒ತ್ರಾ ದ॑ತ್ತ ಶುಕ್ರ॒ಪೇಭ್ಯೋ॒ ಯೇಷಾಂ॑ ಭಾ॒ಗ ಸ್ಥ॒ ಸ್ವಾಹಾ॑ ॥ ೨೭ ॥
ಕಾರ್ಷಿ॑ರಸಿ ಸ॑ಮು॒ದ್ರಸ್ಯ॒ ತ್ವಾ ಕ್ಷಿ॑ತ್ಯಾ॒ ಉನ್ನ॑ಯಾಮಿ । ಸಮಾಪೋ॑ ಅ॒ದ್ಭಿರ॑ಗ್ಮತ॒ ಸಮೋಷ॑ಧೀಭಿ॒ರೋಷ॑ಧೀಃ ॥ ೨೮ ॥
ಯಮ॑ಗ್ನೇ ಪೃ॒ತ್ಸು ಮರ್ತ್ಯ॒ಮವಾ॒ ವಾಜೇ॑ಷು॒ ಯಂ ಜು॒ನಾಃ । ಸ ಯನ್ತಾ॒ ಶಶ್ವ॑ತೀ॒ರಿಷ॒: ಸ್ವಾಹಾ॑ ॥ ೨೯ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಆ ದ॑ದೇ॒ ರಾವಾ॑ಸಿ ಗಭೀ॒ರಮಿ॒ಮಮ॑ಧ್ವ॒ರಂ ಕೃ॒ಧೀನ್ದ್ರಾ॑ಯ ಸು॒ಷೂತ॑ಮಮ್ ।
ಉ॒ತ್ತ॒ಮೇನ॑ ಪ॒ವಿನೋರ್ಜ॑ಸ್ವನ್ತಂ॒ ಮಧು॑ಮನ್ತಂ॒ ಪಯ॑ಸ್ವನ್ತಂ ನಿಗ್ರಾ॒ಭ್ಯಾ॒ ಸ್ಥ ದೇವ॒ಶ್ರುತ॑ಸ್ತ॒ರ್ಪಯ॑ತ ಮಾ ॥ ೩೦ ॥
ಮನೋ॑ ಮೇ ತರ್ಪಯತ॒ ವಾಚಂ॑ ಮೇ ತರ್ಪಯತ ಪ್ರಾ॒ಣಂ ಮೇ॑ ತರ್ಪಯತ॒ ಚಕ್ಷು॑ರ್ಮೇ ತರ್ಪಯತ॒ ಶ್ರೋತ್ರಂ॑ ಮೇ ತರ್ಪಯತಾ॒ತ್ಮಾನಂ॑ ಮೇ ತರ್ಪಯತ ಪ್ರ॒ಜಾಂ ಮೇ॑ ತರ್ಪಯತ ಪ॒ಶೂನ್ಮೇ॑ ತರ್ಪಯತ ಗ॒ಣಾನ್ಮೇ॑ ತರ್ಪಯತ ಗ॒ಣಾ ಮೇ॒ ಮಾ ವಿ ತೃ॑ಷನ್ ॥ ೩೧ ॥
ಇನ್ದ್ರಾ॑ಯ ತ್ವಾ॒ ವಸು॑ಮತೇ ರು॒ದ್ರವ॑ತ॒ ಇನ್ದ್ರಾ॑ಯ ತ್ವಾ ಽಽದಿ॒ತ್ಯವ॑ತ॒ ಇನ್ದ್ರಾ॑ಯ ತ್ವಾ ಽಭಿಮಾತಿ॒ಘ್ನೇ ।
ಶ್ಯೇ॒ನಾಯ॑ ತ್ವಾ ಸೋಮ॒ಭೃತೇ॒ ಽಗ್ನಯೇ॑ ತ್ವಾ ರಾಯಸ್ಪೋಷ॒ದೇ ॥ ೩೨ ॥
ಯತ್ತೇ॑ ಸೋಮ ದಿ॒ವಿ ಜ್ಯೋತಿ॒ರ್ಯತ್ಪೃ॑ಥಿ॒ವ್ಯಾಂ ಯದು॒ರಾವ॒ನ್ತರಿ॑ಕ್ಷೇ । ತೇನಾಸ್ಮೈ॒ ಯಜ॑ಮಾನಾಯೋ॒ರು ರಾ॒ಯೇ ಕೃ॒ಧ್ಯಧಿ॑ ದಾ॒ತ್ರೇ ವೋ॑ಚಃ ॥ ೩೩ ॥
ಶ್ವಾ॒ತ್ರಾ ಸ್ಥ॑ ವೃತ್ರ॒ತುರೋ॒ ರಾಧೋ॑ಗೂರ್ತಾ ಅ॒ಮೃತ॑ಸ್ಯ॒ ಪತ್ನೀ॑: । ತಾ ದೇ॑ವೀರ್ದೇವ॒ತ್ರೇಮಂ ಯ॒ಜ್ಞಂ ನ॑ಯ॒ತೋಪ॑ಹೂತಾ॒: ಸೋಮ॑ಸ್ಯ ಪಿಬತ ॥ ೩೪॥
ಮಾ ಭೇ॒ರ್ಮಾ ಸಂ ವಿ॑ಕ್ಥಾ॒ ಊರ್ಜಂ॑ ಧತ್ಸ್ವ॒ ಧಿಷ॑ಣೇ ವೀ॒ಡ್ವೀ ಸ॒ತೀ ವೀ॑ಡಯೇಥಾ॒ಮೂರ್ಜಂ॑ ದಧಾಥಾಮ್ । ಪಾ॒ಪ್ಮಾ ಹ॒ತೋ ನ ಸೋಮ॑: ॥ ೩೫॥
ಪ್ರಾಗಪಾ॒ಗುದ॑ಗಧ॒ರಾಕ್ಸ॒ರ್ವತ॑ಸ್ತ್ವಾ॒ ದಿಶ॒ ಆ ಧಾ॑ವನ್ತು । ಅಮ್ಬ॒ ನಿಷ್ಪ॑ರ॒ ಸಮ॒ರೀರ್ವಿ॑ದಾಮ್ ॥ ೩೬॥
ತ್ವಮ॒ಙ್ಗ ಪ್ರಶ॑ᳪಸಿಷೋ ದೇ॒ವಃ ಶ॑ವಿಷ್ಠ॒ ಮರ್ತ್ಯ॑ಮ್ । ನ ತ್ವದ॒ನ್ಯೋ ಮ॑ಘವನ್ನಸ್ತಿ ಮರ್ಡಿ॒ತೇನ್ದ್ರ॒ ಬ್ರವೀ॑ಮಿ ತೇ॒ ವಚ॑: ॥ ೩೭॥
ಅಧ್ಯಾಯ ೭
ವಾ॒ಚಸ್ಪತ॑ಯೇ ಪವಸ್ವ॒ ವೃಷ್ಣೋ॑ ಅ॒jಶುಭ್ಯಾಂ॒ ಗಭ॑ಸ್ತಿಪೂತಃ । ದೇ॒ವೋ ದೇ॒ವೇಭ್ಯ॑: ಪವಸ್ವ॒ ಯೇಷಾಂ॑ ಭಾ॒ಗೋಽಸಿ॑ ॥ ೧॥
ಮಧು॑ಮತೀರ್ನ॒ ಇಷ॑ಸ್ಕೃಧಿ॒ ಯತ್ತೇ॑ ಸೋ॒ಮಾದಾ॑ಭ್ಯಂ॒ ನಾಮ॒ ಜಾಗೃ॑ವಿ॒ ತಸ್ಮೈ॑ ತೇ ಸೋಮ॒ ಸೋಮಾ॑ಯ॒ ಸ್ವಾಹಾ॒
ಸ್ವಾಹೋ॒ರ್ವನ್ತರಿ॑ಕ್ಷ॒ಮನ್ವೇ॑ಮಿ॒ ॥ ೨॥
ಸ್ವಾಙ್ಕೃ॑ತೋಽಸಿ॒ ವಿಶ್ವೇ॑ಭ್ಯ ಇನ್ದ್ರಿ॒ಯೇಭ್ಯೋ॑ ದಿ॒ವ್ಯೇಭ್ಯ॒: ಪಾರ್ಥಿ॑ವೇಭ್ಯೋ॒ ಮನ॑ಸ್ತ್ವಾಷ್ಟು॒ ಸ್ವಾಹಾ॑
ತ್ವಾ ಸುಭವ॒ ಸೂರ್ಯಾ॑ಯ ದೇ॒ವೇಭ್ಯ॑ಸ್ತ್ವಾ ಮರೀಚಿ॒ಪೇಭ್ಯೋ॒ ದೇವಾ॑ᳪಶೋ॒ ಯಸ್ಮೈ॒ ತ್ವೇಡೇ॒ ತತ್ಸ॒ತ್ಯಮು॑ಪರಿ॒ಪ್ರುತಾ॑ ಭ॒ಙ್ಗೇನ॑ ಹ॒ತೋಽಸೌ॒ ಫ಼ಟ್
ಪ್ರಾ॒ಣಾಯ॑ ತ್ವಾ ವ್ಯಾ॒ನಾಯ॑ ತ್ವಾ ॥ ೩॥
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ನ್ತರ್ಯ॑ಚ್ಛ ಮಘವನ್ ಪಾ॒ಹಿ ಸೋಮ॑ಮ್ । ಉ॒ರು॒ಷ್ಯ ರಾಯ॒ ಏಷೋ॑ ಯಜಸ್ವ ॥ ೪॥
ಅ॒ನ್ತಸ್ತೇ॒ ದ್ಯಾವಾ॑ಪೃಥಿ॒ವೀ ದ॑ಧಾಮ್ಯ॒ನ್ತರ್ದ॑ಧಾಮ್ಯು॒ರ್ವ॒ನ್ತರಿ॑ಕ್ಷಮ್ । ಸ॒ಜೂರ್ದೇ॒ವೇಭಿ॒ರವ॑ರೈ॒: ಪರೈ॑ಶ್ಚಾನ್ತರ್ಯಾ॒ಮೇ ಮ॑ಘವನ್ ಮಾದಯಸ್ವ ॥ ೫॥
ಸ್ವಾಙ್ಕೃ॑ತೋಽಸಿ॒ ವಿಶ್ವೇ॑ಭ್ಯ ಇನ್ದ್ರಿ॒ಯೇಭ್ಯೋ॑ ದಿ॒ವ್ಯೇಭ್ಯ॒: ಪಾರ್ಥಿ॑ವೇಭ್ಯೋ॒ ಮನ॑ಸ್ತ್ವಾಷ್ಟು॒ ಸ್ವಾಹಾ॑
ತ್ವಾ ಸುಭವ॒ ಸೂರ್ಯಾ॑ಯ ದೇ॒ವೇಭ್ಯ॑ಸ್ತ್ವಾ ಮರೀಚಿ॒ಪೇಭ್ಯ॑ ಉದಾ॒ನಾಯ॑ ತ್ವಾ ॥ ೬॥
ಆ ವಾ॑ಯೋ ಭೂಷ ಶುಚಿಪಾ॒ ಉಪ॑ ನಃ ಸ॒ಹಸ್ರಂ॑ ತೇ ನಿ॒ಯುತೋ॑ ವಿಶ್ವವಾರ । ಉಪೋ॑ ತೇ॒ ಅನ್ಧೋ॒ ಮದ್ಯ॑ಮಯಾಮಿ॒ ಯಸ್ಯ॑ ದೇವ ದಧಿ॒ಷೇ ಪೂ॑ರ್ವ॒ಪೇಯಂ॑ ವಾ॒ಯವೇ॑ ತ್ವಾ ॥ ೭ ॥
ಇನ್ದ್ರ॑ವಾಯೂ ಇ॒ಮೇ ಸು॒ತಾ ಉಪ॒ ಪ್ರಯೋ॑ಭಿ॒ರಾಗ॑ತಮ್ । ಇನ್ದ॑ವೋ ವಾಮು॒ಶನ್ತಿ॒ ಹಿ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ವಾ॒ಯವ॑ ಇನ್ದ್ರವಾ॒ಯುಭ್ಯಾಂ॑ ತ್ವೈ॒ಷ ತೇ॒ ಯೋನಿ॑: ಸ॒ಜೋಷೋ॑ಭ್ಯಾಂ ತ್ವಾ ॥ ೮ ॥
ಅ॒ಯಂ ವಾಂ॑ ಮಿತ್ರಾವರುಣಾ ಸು॒ತಃ ಸೋಮ॑ ಋತಾವೃಧಾ । ಮಮೇದಿ॒ಹ ಶ್ರು॑ತ॒j ಹವ॑ಮ್ । ಉ॒ಪ॒ಯಾ॒ಮಗೃ॑ಹೀತೋಽಸಿ ಮಿ॒ತ್ರಾವರು॑ಣಾಭ್ಯಾಂ ತ್ವಾ ॥ ೯ ॥
ರಾ॒ಯಾ ವ॒ಯᳪ ಸ॑ಸ॒ವಾᳪಸೋ॑ ಮದೇಮ ಹ॒ವ್ಯೇನ॑ ದೇ॒ವಾ ಯವ॑ಸೇನ॒ ಗಾವ॑: ।
ತಾಂ ಧೇ॒ನುಂ ಮಿ॑ತ್ರಾವರುಣಾ ಯು॒ವಂ ನೋ॑ ವಿ॒ಶ್ವಾಹಾ॑ ಧತ್ತ॒ಮನ॑ಪಸ್ಫ಼ುರನ್ತೀಮೇ॒ಷ ತೇ॒ ಯೋನಿ॑ರೃತಾ॒ಯುಭ್ಯಾಂ॑ ತ್ವಾ ॥ ೧೦ ॥
ಯಾ ವಾಂ॒ ಕಶಾ॒ ಮಧು॑ಮ॒ತ್ಯಶ್ವಿ॑ನಾ ಸೂ॒ನೃತಾ॑ವತೀ । ತಯಾ॑ ಯ॒ಜ್ಞಂ ಮಿ॑ಮಿಕ್ಷತಮ್ । ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಶ್ವಿಭ್ಯಾಂ॑ ತ್ವೈ॒ಷ ತೇ॒ ಯೋನಿ॒ರ್ಮಾಧ್ವೀ॑ಭ್ಯಾಂ ತ್ವಾ ॥ ೧೧ ॥
ತಂ ಪ್ರ॒ತ್ನಥಾ॑ ಪೂ॒ರ್ವಥಾ॑ ವಿ॒ಶ್ವಥೇ॒ಮಥಾ॑ ಜ್ಯೇಷ್ಠ॒ತಾ॑ತಿಂ ಬರ್ಹಿ॒ಷದ॑ᳪ ಸ್ವ॒ರ್ವಿದ॑ಮ್ । ಪ್ರ॒ತೀ॒ಚೀ॒ನಂ ವೃ॒ಜನಂ॑ ದೋಹಸೇ॒ ಧುನಿ॑ಮಾ॒ಶುಂ ಜಯ॑ನ್ತ॒ಮನು॒ ಯಾಸು॒ ವರ್ಧ॑ಸೇ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಶಣ್ಡಾ॑ಯ ತ್ವೈ॒ಷ ತೇ॒ ಯೋನಿ॑ರ್ವೀ॒ರತಾಂ॑ ಪಾ॒ಹ್ಯಪ॑ಮೃಷ್ಟ॒: ಶಣ್ಡೋ॑ ದೇ॒ವಾಸ್ತ್ವಾ॑ ಶುಕ್ರ॒ಪಾಃ ಪ್ರ ಣ॑ಯ॒ನ್ತ್ವನಾ॑ಧೃಷ್ಟಾಽಸಿ ॥ ೧೨ ॥
ಸು॒ವೀರೋ॑ ವೀ॒ರಾನ್ ಪ್ರ॑ಜ॒ನಯ॒ನ್ ಪರೀ॑ಹ್ಯ॒ಭಿ ರಾ॒ಯಸ್ಪೋಷೇ॑ಣ॒ ಯಜ॑ಮಾನಮ್ ।
ಸ॒ಞ್ಜ॒ಗ್ಮಾ॒ನೋ ದಿ॒ವಾ ಪೃ॑ಥಿ॒ವ್ಯಾ ಶು॒ಕ್ರಃ ಶು॒ಕ್ರಶೋ॑ಚಿಷಾ॒ ನಿರ॑ಸ್ತ॒: ಶಣ್ಡ॑: ಶು॒ಕ್ರಸ್ಯಾ॑ಧಿ॒ಷ್ಠಾನ॑ಮಸಿ ॥ ೧೩ ॥
ಅಚ್ಛಿ॑ನ್ನಸ್ಯ ತೇ ದೇವ ಸೋಮ ಸು॒ವೀರ್ಯ॑ಸ್ಯ ರಾ॒ಯಸ್ಪೋಷ॑ಸ್ಯ ದದಿ॒ತಾರ॑: ಸ್ಯಾಮ ।
ಸಾ ಪ್ರ॑ಥ॒ಮಾ ಸಁಸ್ಕೃ॑ತಿರ್ವಿ॒ಶ್ವವಾ॑ರಾ॒ ಸ ಪ್ರ॑ಥ॒ಮೋ ವರು॑ಣೋ ಮಿ॒ತ್ರೋ ಅ॒ಗ್ನಿಃ ॥ ೧೪ ॥
ಸ ಪ್ರ॑ಥ॒ಮೋ ಬೃಹ॒ಸ್ಪತಿ॑ಶ್ಚಿಕಿ॒ತ್ವಾಁಸ್ತಸ್ಮಾ॒ ಇನ್ದ್ರಾ॑ಯ ಸು॒ತಮಾ ಜು॑ಹೋತ॒ ಸ್ವಾಹಾ॑ ।
ತೃ॒ಮ್ಪನ್ತು॒ ಹೋತ್ರಾ॒ ಮಧ್ವೋ॒ ಯಾಃ ಸ್ವಿ॑ಷ್ಟಾ॒ ಯಾಃ ಸುಪ್ರೀ॑ತಾ॒: ಸುಹು॑ತಾ॒ ಯತ್ಸ್ವಾಹಾ ಽಯಾ॑ಡ॒ಗ್ನೀತ್ ॥ ೧೫ ॥
ಅ॒ಯಂ ವೇ॒ನಶ್ಚೋ॑ದಯ॒ತ್ಪೃಶ್ನಿ॑ಗರ್ಭಾ॒ ಜ್ಯೋತಿ॑ರ್ಜರಾಯೂ॒ ರಜ॑ಸೋ ವಿ॒ಮಾನೇ॑ ।
ಇ॒ಮಮ॒ಪಾᳪ ಸಂ॑ಗ॒ಮೇ ಸೂರ್ಯ॑ಸ್ಯ॒ ಶಿಶುಂ॒ ನ ವಿಪ್ರಾ॑ ಮ॒ತಿಭೀ॑ ರಿಹನ್ತಿ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಮರ್ಕಾ॑ಯ ತ್ವಾ ॥ ೧೬ ॥
ಮನೋ॒ ನ ಯೇಷು॒ ಹವ॑ನೇಷು ತಿ॒ಗ್ಮಂ ವಿಪ॒: ಶಚ್ಯಾ॑ ವನು॒ಥೋ ದ್ರವ॑ನ್ತಾ ।
ಆ ಯಃ ಶರ್ಯಾ॑ಭಿಸ್ತುವಿನೃ॒ಮ್ಣೋ ಅ॒ಸ್ಯಾಶ್ರೀ॑ಣೀತಾ॒ದಿಶಂ॒ ಗಭ॑ಸ್ತಾವೇ॒ಷ ತೇ॒ ಯೋನಿ॑: ಪ್ರ॒ಜಾಃ
ಪಾ॒ಹ್ಯಪ॑ಮೃಷ್ಟೋ॒ ಮರ್ಕೋ॑ ದೇ॒ವಾಸ್ತ್ವಾ॑ ಮನ್ಥಿ॒ಪಾಃ ಪ್ರ ಣ॑ಯ॒ನ್ತ್ವನಾ॑ಧೃಷ್ಟಾಸಿ ॥ ೧೭ ॥
ಸು॒ಪ್ರ॒ಜಾಃ ಪ್ರ॒ಜಾಃ ಪ್ರ॑ಜ॒ನಯ॒ನ್ ಪರೀ॑ಹ್ಯ॒ಭಿ ರಾ॒ಯಸ್ಪೋಷೇ॑ಣ॒ ಯಜ॑ಮಾನಮ್ ।
ಸ॒ಞ್ಜ॒ಗ್ಮಾ॒ನೋ ದಿ॒ವಾ ಪೃ॑ಥಿ॒ವ್ಯಾ ಮ॒ನ್ಥೀ ಮ॒ನ್ಥಿಶೋ॑ಚಿಷಾ ನಿರ॑ಸ್ತೋ॒ ಮರ್ಕೋ॑ ಮ॒ನ್ಥಿನೋ॑ಽಧಿ॒ಷ್ಠಾನ॑ಮಸಿ ॥ ೧೮ ॥
ಯೇ ದೇ॑ವಾಸೋ ದಿ॒ವ್ಯೇಕಾ॑ದಶ॒ ಸ್ಥ ಪೃ॑ಥಿ॒ವ್ಯಾಮಧ್ಯೇಕಾ॑ದಶ॒ ಸ್ಥ ।
ಅ॒ಪ್ಸು॒ಕ್ಷಿತೋ॑ ಮಹಿ॒ನೈಕಾ॑ದಶ॒ ಸ್ಥ ತೇ ದೇ॑ವಾಸೋ ಯ॒ಜ್ಞಮಿ॒ಮಂ ಜು॑ಷಧ್ವಮ್ ॥ ೧೯ ॥
ಉ॒ಪ॒ಯಾ॒ಮಗೃ॑ಹೀತೋಽಸ್ಯಾಗ್ರಯ॒ಣೋ॒ಽಸಿ॒ ಸ್ವಾ॒ಗ್ರಯಣಃ ।
ಪಾ॒ಹಿ ಯ॒ಜ್ಞಂ ಪಾ॒ಹಿ ಯ॒ಜ್ಞಪ॑ತಿಂ॒ ವಿಷ್ಣು॒ಸ್ತ್ವಾಮಿ॑ನ್ದ್ರಿ॒ಯೇಣ॑ ಪಾತು॒ ವಿಷ್ಣುಂ॒ ತ್ವಂ ಪಾ॑ಹ್ಯ॒ಭಿ ಸವ॑ನಾನಿ ಪಾಹಿ ॥ ೨೦ ॥
ಸೋಮ॑: ಪವತೇ॒ ಸೋಮ॑: ಪವತೇ॒ಽಸ್ಮೈ॒ ಬ್ರಹ್ಮ॑ಣೇ॒ಽಸ್ಮೈ ಕ್ಷ॒ತ್ರಾಯಾ॒ಸ್ಮೈ ಸು॑ನ್ವ॒ತೇ ಯಜ॑ಮಾನಾಯ ಪವತ ಇ॒ಷ ಊ॒ರ್ಜೇ
ಪ॑ವತೇ॒ಽದ್ಭ್ಯ ಓಷ॑ಧೀಭ್ಯಃ ಪವತೇ॒ ದ್ಯಾವಾ॑ಪೃಥಿ॒ವೀಭ್ಯಾಂ॑ ಪವತೇ ಸುಭೂ॒ತಾಯ॑ ಪವತೇ॒ ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑
ಏ॒ಷ ತೇ॒ ಯೋನಿ॒ರ್ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑: ॥ ೨೧ ॥
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಬೃ॒ಹದ್ವ॑ತೇ॒ ವಯ॑ಸ್ವತ ಉಕ್ಥಾ॒ವ್ಯಂ॒ ಗೃಹ್ಣಾಮಿ । ಯತ್ತ॑ ಇನ್ದ್ರ ಬೃ॒ಹದ್ವಯ॒ಸ್ತಸ್ಮೈ॑ ತ್ವಾ॒ ವಿಷ್ಣ॑ವೇ ತ್ವೈ॒ಷ ತೇ॒ ಯೋನಿ॑ರು॒ಕ್ಥೇಭ್ಯ॑ಸ್ತ್ವಾ
ದೇ॒ವೇಭ್ಯ॑ಸ್ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾಮಿ ॥ ೨೨ ॥
ಮಿ॒ತ್ರಾವರು॑ಣಾಭ್ಯಾಂ ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾ॒ಮೀನ್ದ್ರಾ॑ಯ ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾ॒ಮೀನ್ದ್ರಾ॒ಗ್ನಿಭ್ಯಾಂ॑ ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾ॒ಮೀನ್ದ್ರಾ॒ವರು॑ಣಾಭ್ಯಾಂ ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾ॒ಮೀನ್ದ್ರಾ॒ಬೃಹ॒ಸ್ಪತಿ॑ಭ್ಯಾಂ ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾ॒ಮೀನ್ದ್ರಾ॒ವಿಷ್ಣು॑ಭ್ಯಾಂ ತ್ವಾ ದೇವಾ॒ವ್ಯಂ॒ ಯ॒ಜ್ಞಸ್ಯಾಯು॑ಷೇ ಗೃಹ್ಣಾಮಿ ॥ ೨೩ ॥
ಮೂ॒ರ್ಧಾನಂ॑ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ॑ಶ್ವಾನ॒ರಮೃ॒ತ ಆ ಜಾ॒ತಮ॒ಗ್ನಿಮ್ ।
ಕ॒ವಿᳪ ಸ॒ಮ್ರಾಜ॒ಮತಿ॑ಥಿಂ॒ ಜನಾ॑ನಾಮಾ॒ಸನ್ನಾ ಪಾತ್ರಂ॑ ಜನಯನ್ತ ದೇ॒ವಾಃ ॥ ೨೪ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ ಧ್ರು॒ವೋ॒ಽಸಿ ಧ್ರು॒ವಕ್ಷಿ॑ತಿರ್ಧ್ರು॒ವಾಣಾಂ॑ ಧ್ರು॒ವತ॒ಮೋಽಚ್ಯು॑ತಾನಾಮಚ್ಯುತ॒ಕ್ಷಿತ್ತ॑ಮ
ಏ॒ಷ ತೇ॒ ಯೋನಿ॑ರ್ವೈಶ್ವಾನ॒ರಾಯ॑ ತ್ವಾ । ಧ್ರು॒ವಂ ಧ್ರು॒ವೇಣ॒ ಮನ॑ಸಾ ವಾ॒ಚಾ ಸೋಮ॒ಮವ॑ ನಯಾಮಿ ।
ಅಥಾ॑ ನ॒ ಇನ್ದ್ರ॒ ಇದ್ವಿಶೋ॑ಽಸಪ॒ತ್ನಾಃ ಸಮ॑ನಸ॒ಸ್ಕರ॑ತ್ ॥ ೨೫ ॥
ಯಸ್ತೇ॑ ದ್ರ॒ಪ್ಸ ಸ್ಕನ್ದ॑ತಿ॒ ಯಸ್ತೇ॑ ಅ॒jಶುರ್ಗ್ರಾವ॑ಚ್ಯುತೋ ಧಿ॒ಷಣ॑ಯೋರು॒ಪಸ್ಥಾ॑ತ್ ।
ಅ॒ಧ್ವ॒ರ್ಯೋರ್ವಾ॒ ಪರಿ॑ ವಾ॒ ಯಃ ಪ॒ವಿತ್ರಾ॒ತ್ತಂ ತೇ॑ ಜು॑ಹೋಮಿ॒ ಮನ॑ಸಾ॒ ವಷ॑ಟ್ಕೃತ॒j ಸ್ವಾಹಾ॑ ದೇ॒ವಾನಾ॑ಮು॒ತ್ಕ್ರಮ॑ಣಮಸಿ ॥ ೨೬ ॥
ಪ್ರಾ॒ಣಾಯ॑ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವ ವ್ಯಾ॒ನಾಯ॑ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವೋದಾ॒ನಾಯ॑ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವ ವಾ॒ಚೇ ಮೇ॑ ವರ್ಚೋ॒ದಾ ವರ್ಚ॑ಸೇ ಪವಸ್ವ॒ ಕ್ರತೂ॒ದಕ್ಷಾ॑ಭ್ಯಾಂ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವ॒ ಶ್ರೋತ್ರಾ॑ಯ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವ॒ ಚಕ್ಷು॑ರ್ಭ್ಯಾಂ ಮೇ ವರ್ಚೋ॒ದಸೌ॒ ವರ್ಚ॑ಸೇ ಪವೇಥಾಮ್ ॥ ೨೭ ॥
ಆ॒ತ್ಮನೇ॑ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವೌಜ॑ಸೇ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವಾಯು॑ಷೇ ಮೇ ವರ್ಚೋ॒ದಾ ವರ್ಚ॑ಸೇ ಪವಸ್ವ॒
ವಿಶ್ವಾ॑ಭ್ಯೋ ಮೇ ಪ್ರ॒ಜಾಭ್ಯೋ॑ ವರ್ಚೋ॒ದಸೌ॒ ವರ್ಚ॑ಸೇ ಪವೇಥಾಮ್ ॥ ೨೮ ॥
ಕೋ॑ಽಸಿ ಕತ॒ಮೋ॒ಽಸಿ॒ ಕಸ್ಯಾ॑ಸಿ॒ ಕೋ ನಾಮಾ॑ಸಿ । ಯಸ್ಯ॑ ತೇ॒ ನಾಮಾಮ॑ನ್ಮಹಿ॒ ಯಂ ತ್ವಾ॒ ಸೋಮೇ॑ನಾತೀ॑ತೃಪಾಮ । ಭೂರ್ಭುವ॒: ಸ್ವ॒: ಸುಪ್ರ॒ಜಾಃ ಪ್ರ॒ಜಾಭಿ॑: ಸ್ಯಾᳪ ಸು॒ವೀರೋ॑ ವೀ॒ರೈಃ ಸು॒ಪೋಷ॒: ಪೋಷೈ॑: ॥ ೨೯ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಮಧ॑ವೇ ತ್ವೋಪಯಾ॒ಮಗೃ॑ಹೀತೋಽಸಿ॒ ಮಾಧ॑ವಾಯ ತ್ವೋಪಯಾ॒ಮಗೃ॑ಹೀತೋಽಸಿ ಶು॒ಕ್ರಾಯ॑ ತ್ವೋಪಯಾ॒ಮಗೃ॑ಹೀತೋಽಸಿ॒ ಶುಚ॑ಯೇ ತ್ವೋಪಯಾ॒ಮಗೃ॑ಹೀತೋಽಸಿ॒ ನಭ॑ಸೇ ತ್ವೋಪಯಾ॒ಮಗೃ॑ಹೀತೋಽಸಿ ನಭ॒ಸ್ಯಾ॒ಯ ತ್ವೋಪಯಾ॒ಮಗೃ॑ಹೀತೋಽಸೀ॒ಷೇ ತ್ವೋ॑ಪಯಾ॒ಮಗೃ॑ಹೀತೋಽಸ್ಯೂ॒ರ್ಜೇ ತ್ವೋಪಯಾ॒ಮಗೃ॑ಹೀತೋಽಸಿ॒ ಸಹ॑ಸೇ ತ್ವೋಪಯಾ॒ಮಗೃ॑ಹೀತೋಽಸಿ ಸಹ॒ಸ್ಯಾ॒ಯ ತ್ವೋಪಯಾ॒ಮಗೃ॑ಹೀತೋಽಸಿ॒ ತಪ॑ಸೇ ತ್ವೋಪಯಾ॒ಮಗೃ॑ಹೀತೋಽಸಿ ತಪ॒ಸ್ಯಾ॑ಯ ತ್ವೋಪಯಾ॒ಮಗೃ॑ಹೀತೋಽಸ್ಯᳪಹಸಸ್ಪ॒ತಯೇ॑ ತ್ವಾ ॥ ೩೦॥
ಇನ್ದ್ರಾ॑ಗ್ನೀ॒ ಆ ಗ॑ತᳪ ಸು॒ತಂ ಗೀ॒ರ್ಭಿರ್ನಭೋ॒ ವರೇ॑ಣ್ಯಮ್ । ಅ॒ಸ್ಯ ಪಾ॑ತಂ ಧಿ॒ಯೇಷಿ॒ತಾ ।
ಉ॒ಪ॒ಯಾ॒ಮಗೃ॑ಹೀತೋಽಸೀನ್ದ್ರಾ॒ಗ್ನಿಭ್ಯಾಂ॑ ತ್ವೈ॒ಷ ತೇ॒ ಯೋನಿ॑ರಿನ್ದ್ರಾ॒ಗ್ನಿಭ್ಯಾಂ॑ ತ್ವಾ ॥ ೩೧ ॥
ಆ ಘಾ॒ ಯೇ ಅ॒ಗ್ನಿಮಿ॑ನ್ಧ॒ತೇ ಸ್ತೃ॒ಣನ್ತಿ॑ ಬ॒ರ್ಹಿರಾ॑ನು॒ಷಕ್ । ಯೇಷಾ॒ಮಿನ್ದ್ರೋ॒ ಯುವಾ॒ ಸಖಾ॑ ।
ಉ॒ಪ॒ಯಾ॒ಮಗೃ॑ಹೀತೋಽಸ್ಯಗ್ನೀ॒ನ್ದ್ರಾಭ್ಯಾಂ॑ ತ್ವೈ॒ಷ ತೇ॒ ಯೋನಿ॑ರಗ್ನೀ॒ನ್ದ್ರಾಭ್ಯಾಂ॑ ತ್ವಾ ॥ ೩೨ ॥
ಓಮಾ॑ಸಶ್ಚರ್ಷಣೀಧೃತೋ॒ ವಿಶ್ವೇ॑ ದೇವಾಸ॒ ಆ ಗ॑ತ । ದಾ॒ಶ್ವಾᳪಸೋ॑ ದಾ॒ಶುಷ॑: ಸು॒ತಮ್ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑ ಏ॒ಷ ತೇ॒ ಯೋನಿ॒ರ್ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑: ॥ ೩೩॥
ವಿಶ್ವೇ॑ ದೇವಾಸ॒ ಆ ಗ॑ತ ಶೃಣು॒ತಾ ಮ॑ ಇ॒ಮᳪ ಹವ॑ಮ್ । ಏದಂ ಬ॒ರ್ಹಿರ್ನಿಷೀ॑ದತ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑ ಏ॒ಷ ತೇ॒ ಯೋನಿ॒ರ್ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑: ॥ ೩೪ ॥
ಇನ್ದ್ರ॑ ಮರುತ್ವ ಇ॒ಹ ಪಾ॑ಹಿ॒ ಸೋಮಂ॒ ಯಥಾ॑ ಶಾರ್ಯಾ॒ತೇ ಅಪಿ॑ಬಃ ಸು॒ತಸ್ಯ॑ ।
ತವ॒ ಪ್ರಣೀ॑ತೀ॒ ತವ॑ ಶೂರ॒ ಶರ್ಮ॒ನ್ನಾ ವಿ॑ವಾಸನ್ತಿ ಕ॒ವಯ॑: ಸುಯ॒ಜ್ಞಾಃ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಮ॒ರುತ್ವ॑ತ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಮ॒ರುತ್ವ॑ತೇ ॥ ೩೫ ॥
ಮ॒ರುತ್ವ॑ನ್ತಂ ವೃಷ॒ಭಂ ವಾ॑ವೃಧಾ॒ನಮಕ॑ವಾರಿಂ ದಿ॒ವ್ಯᳪಶಾ॒ಸಮಿನ್ದ್ರ॑ಮ್ ।
ವಿ॑ಶ್ವಾ॒ಸಾಹ॒ಮವ॑ಸೇ॒ ನೂತ॑ನಾಯೋ॒ಗ್ರᳪಸ॑ಹೋ॒ದಾಮಿ॒ಹ ತᳪ ಹು॑ವೇಮ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಮ॒ರುತ್ವ॑ತೇ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಮ॒ರುತ್ವ॑ತೇ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ಮ॒ರುತಾಂ॒ ತ್ವೌಜ॑ಸೇ ॥ ೩೬ ॥
ಸ॒ಜೋಷಾ॑ ಇನ್ದ್ರ॒ ಸಗ॑ಣೋ ಮ॒ರುದ್ಭಿ॒: ಸೋಮಂ॑ ಪಿಬ ವೃತ್ರ॒ಹಾ ಶೂ॑ರ ವಿ॒ದ್ವಾನ್ ।
ಜ॒ಹಿ ಶತ್ರೂಁ॒೨ರಪ॒ ಮೃಧೋ॑ ನುದ॒ಸ್ವಾಥಾಭ॑ಯಂ ಕೃಣುಹಿ ವಿ॒ಶ್ವತೋ॑ ನಃ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಮ॒ರುತ್ವ॑ತ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಮ॒ರುತ್ವ॑ತೇ ॥ ೩೭ ॥
ಮ॒ರುತ್ವಾಁ॑೨ ಇನ್ದ್ರ ವೃಷ॒ಭೋ ರಣಾ॑ಯ॒ ಪಿಬಾ॒ ಸೋಮ॑ಮನುಷ್ವ॒ಧಂ ಮದಾ॑ಯ ।
ಆ ಸಿ॑ಞ್ಚಸ್ವ ಜ॒ಠರೇ॒ ಮಧ್ವ॑ ಊ॒ರ್ಮಿಂ ತ್ವᳪ ರಾಜಾ॑ಽಸಿ॒ ಪ್ರತಿ॑ಪತ್ಸು॒ತಾನಾ॑ಮ್ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಮ॒ರುತ್ವ॑ತ
ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಮ॒ರುತ್ವ॑ತೇ ॥ ೩೮ ॥
ಮ॒ಹಾಁ೨ ಇನ್ದ್ರೋ॑ ನೃ॒ವದಾ ಚ॑ರ್ಷಣಿ॒ಪ್ರಾ ಉ॒ತ ದ್ವಿ॒ಬರ್ಹಾ॑ ಅಮಿ॒ನಃ ಸಹೋ॑ಭಿಃ ।
ಅ॒ಸ್ಮ॒ದ್ರ॒ಯ್ಗ್ವಾವೃಧೇ ವೀ॒ರ್ಯಾ॒ಯೋ॒ರುಃ ಪೃ॒ಥುಃ ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ಮಹೇ॒ನ್ದ್ರಾಯ॑ ತ್ವೈ॒ಷ ತೇ॒ ಯೋನಿ॑ರ್ಮಹೇ॒ನ್ದ್ರಾಯ॑ ತ್ವಾ ॥ ೩೯ ॥
ಮ॒ಹಾಁ೨ ಇನ್ದ್ರೋ॒ ಯ ಓಜ॑ಸಾ ಪ॒ರ್ಜನ್ಯೋ॑ ವೃಷ್ಟಿ॒ಮಾಁ೨ ಇ॑ವ । ಸ್ತೋಮೈ॑ರ್ವ॒ತ್ಸಸ್ಯ॑ ವಾವೃಧೇ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ಮಹೇ॒ನ್ದ್ರಾಯ॑ ತ್ವೈ॒ಷ ತೇ॒ ಯೋನಿ॑ರ್ಮಹೇ॒ನ್ದ್ರಾಯ॑ ತ್ವಾ ॥ ೪೦ ॥
ಉದು॒ ತ್ಯಂ ಜಾ॒ತವೇ॑ದಸಂ ದೇ॒ವಂ ವ॑ಹನ್ತಿ ಕೇ॒ತವ॑: । ದೃ॒ಶೇ ವಿಶ್ವಾ॑ಯ॒ ಸೂರ್ಯ॒j ಸ್ವಾಹಾ॑ ॥ ೪೧ ॥
ಚಿ॒ತ್ರಂ ದೇ॒ವಾನಾ॒ಮುದಗಾ॒ದನೀ॑ಕಂ॒ ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ ।
ಆಪ್ರಾ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷ॒j ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ॒ ಸ್ವಾಹಾ॑ ॥ ೪೨ ॥
ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ ।
ಯು॒ಯೋ॒ಧ್ಯಸ್ಮಜ್ಜು॑ಹುರಾ॒ಣಮೇನೋ॒ ಭೂಯಿ॑ಷ್ಠಾಂ ತೇ॒ ನಮ॑ ಉಕ್ತಿಂ ವಿಧೇಮ॒ ಸ್ವಾಹಾ॑ ॥ ೪೩ ॥
ಅ॒ಯಂ ನೋ॑ ಅ॒ಗ್ನಿರ್ವರಿ॑ವಸ್ಕೃಣೋತ್ವ॒ಯಂ ಮೃಧ॑: ಪು॒ರ ಏ॑ತು ಪ್ರಭಿ॒ನ್ದನ್ ।
ಅ॒ಯಂ ವಾಜಾ॑ನ್ಜಯತು॒ ವಾಜ॑ಸಾತಾವ॒ಯᳪ ಶತ್ರೂ॑ಞ್ಜಯತು॒ ಜರ್ಹೃ॑ಷಾಣ॒: ಸ್ವಾಹಾ॑ ॥ ೪೪ ॥
ರೂ॒ಪೇಣ॑ ವೋ ರೂ॒ಪಮ॒ಭ್ಯಾಗಾಂ॑ ತು॒ಥೋ ವೋ॑ ವಿ॒ಶ್ವವೇ॑ದಾ॒ ವಿ ಭ॑ಜತು ।
ಋ॒ತಸ್ಯ॑ ಪ॒ಥಾ ಪ್ರೇತ॑ ಚ॒ನ್ದ್ರದ॑ಕ್ಷಿಣಾ॒ ವಿ ಸ್ವ॒: ಪಶ್ಯ॒ ವ್ಯನ್ತರಿ॑ಕ್ಷಂ॒ ಯತ॑ಸ್ವ ಸದ॒ಸ್ಯೈ॒: ॥ ೪೫ ॥
ಬ್ರಾ॒ಹ್ಮ॒ಣಮ॒ದ್ಯ ವಿ॑ದೇಯಂ ಪಿತೃ॒ಮನ್ತಂ॑ ಪೈತೃಮ॒ತ್ಯಮೃಷಿ॑ಮಾರ್ಷೇ॒ಯᳪ ಸು॒ಧಾತು॑ದಕ್ಷಿಣಮ್ ।
ಅ॒ಸ್ಮದ್ರಾ॑ತಾ ದೇವ॒ತ್ರಾ ಗ॑ಚ್ಛತ ಪ್ರದಾ॒ತಾರ॒ಮಾ ವಿ॑ಶತ ॥ ೪೬ ॥
ಅ॒ಗ್ನಯೇ॑ ತ್ವಾ॒ ಮಹ್ಯಂ॒ ವರು॑ಣೋ ದದಾತು॒ ಸೋ॒ಽಮೃತ॒ತ್ತ್ವಮ॑ಶೀ॒ಯಾಯು॑ರ್ದಾ॒ತ್ರ ಏ॑ಧಿ॒ ಮಯೋ॒ ಮಹ್ಯಂ॑ ಪ್ರತಿಗ್ರಹೀ॒ತ್ರೇ ರು॒ದ್ರಾಯ॑ ತ್ವಾ॒ ಮಹ್ಯಂ॒ ವರು॑ಣೋ ದದಾತು॒ ಸೋ॒ಽಮೃತ॒ತ್ತ್ವಮ॑ಶೀಯ ಪ್ರಾ॒ಣೋ ದಾ॒ತ್ರ ಏ॑ಧಿ॒ ವಯೋ॒ ಮಹ್ಯಂ॑ ಪ್ರತಿಗ್ರಹೀ॒ತ್ರೇ ಬೃಹ॒ಸ್ಪತ॑ಯೇ ತ್ವಾ॒ ಮಹ್ಯಂ॒ ವರು॑ಣೋ ದದಾತು॒ ಸೋ॒ಽಮೃತ॒ತ್ತ್ವಮ॑ಶೀಯ॒ ತ್ವಗ್ದಾ॒ತ್ರ ಏ॑ಧಿ॒ ಮಯೋ॒ ಮಹ್ಯಂ॑ ಪ್ರತಿಗ್ರಹೀ॒ತ್ರೇ
ಯ॒ಮಾಯ॑ ತ್ವಾ॒ ಮಹ್ಯಂ॒ ವರು॑ಣೋ ದದಾತು॒ ಸೋ॒ಽಮೃತ॒ತ್ತ್ವಮ॑ಶೀಯ॒ ಹಯೋ॑ ದಾ॒ತ್ರ ಏ॑ಧಿ॒ ವಯೋ॒ ಮಹ್ಯಂ॑ ಪ್ರತಿಗ್ರಹೀ॒ತ್ರೇ ॥ ೪೭ ॥
ಕೋ॑ಽದಾ॒ತ್ಕಸ್ಮಾ॑ ಅದಾ॒ತ್ಕಾಮೋ॑ಽದಾ॒ತ್ಕಾಮಾ॑ಯಾದಾತ್ ।
ಕಾಮೋ॑ ದಾ॒ತಾ ಕಾಮ॑: ಪ್ರತಿಗ್ರಹೀ॒ತಾ ಕಾಮೈ॒ತತ್ತೇ॑ ॥ ೪೮ ॥
ಅಧ್ಯಾಯ ೮
ಉ॒ಪ॒ಯಾ॒ಮಗೃ॑ಹೀತೋಽಸ್ಯಾದಿ॒ತ್ಯೇಭ್ಯ॑ಸ್ತ್ವಾ । ವಿಷ್ಣ॑ ಉರುಗಾಯೈ॒ಷ ತೇ॒ ಸೋಮ॒ಸ್ತᳪ ರ॑ಕ್ಷಸ್ವ॒ ಮಾ ತ್ವಾ॑ ದಭನ್ ॥ ೧ ॥
ಕ॒ದಾ ಚ॒ನ ಸ್ತ॒ರೀರ॑ಸಿ॒ ನೇನ್ದ್ರ॑ ಸಶ್ಚಸಿ ದಾ॒ಶುಷೇ॑ ।
ಉಪೋ॒ಪೇನ್ನು ಮ॑ಘವ॒ನ್ ಭೂಯ॒ ಇನ್ನು ತೇ॒ ದಾನಂ॑ ದೇ॒ವಸ್ಯ॑ ಪೃಚ್ಯತ ಆದಿ॒ತ್ಯೇಭ್ಯ॑ಸ್ತ್ವಾ ॥ ೨ ॥
ಕ॒ದಾ ಚ॒ನ ಪ್ರ ಯು॑ಚ್ಛಸ್ಯು॒ಭೇ ನಿ ಪಾ॑ಸಿ॒ ಜನ್ಮ॑ನೀ ।
ತುರೀ॑ಯಾದಿತ್ಯ॒ ಸವ॑ನಂ ತ ಇನ್ದ್ರಿ॒ಯಮಾತ॑ಸ್ಥಾವ॒ಮೃತಂ॑ ದಿ॒ವ್ಯಾ॒ದಿ॒ತ್ಯೇಭ್ಯ॑ಸ್ತ್ವಾ ॥ ೩ ॥
ಯ॒ಜ್ಞೋ ದೇ॒ವಾನಾಂ॒ ಪ್ರತ್ಯೇ॑ತಿ ಸು॒ಮ್ನಮಾದಿ॑ತ್ಯಾಸೋ॒ ಭವ॑ತಾ ಮೃಡ॒ಯನ್ತ॑: ।
ಆ ವೋ॒ಽರ್ವಾಚೀ॑ ಸುಮ॒ತಿರ್ವ॑ವೃತ್ಯಾದ॒ಹೋಶ್ಚಿ॒ದ್ಯಾ ವ॑ರಿವೋ॒ವಿತ್ತ॒ರಾಸ॑ದಾದಿ॒ತ್ಯೇಭ್ಯ॑ಸ್ತ್ವಾ ॥ ೪ ॥
ವಿವ॑ಸ್ವನ್ನಾದಿತ್ಯೈ॒ಷ ತೇ॑ ಸೋಮಪೀ॒ಥಸ್ತಸ್ಮಿ॑ನ್ ಮತ್ಸ್ವ ।
ಶ್ರದ॑ಸ್ಮೈ ನರೋ॒ ವಚ॑ಸೇ ದಧಾತನ॒ ಯದಾ॑ಶೀ॒ರ್ದಾ ದಮ್ಪ॑ತೀ ವಾ॒ಮಮ॑ಶ್ನು॒ತಃ ।
ಪುಮಾ॑ನ್ ಪು॒ತ್ರೋ ಜಾ॑ಯತೇ ವಿ॒ನ್ದತೇ॒ ವಸ್ವಧಾ॑ ವಿ॒ಶ್ವಾಹಾ॑ರ॒ಪ ಏ॑ಧತೇ ಗೃ॒ಹೇ ॥ ೫ ॥
ವಾ॒ಮಮ॒ದ್ಯ ಸ॑ವಿತರ್ವಾ॒ಮಮು॒ ಶ್ವೋ ದಿ॒ವೇ ದಿ॑ವೇ ವಾ॒ಮಮ॒ಸ್ಮಭ್ಯ॑ᳪ ಸಾವೀಃ ।
ವಾ॒ಮಸ್ಯ॒ ಹಿ ಕ್ಷಯ॑ಸ್ಯ ದೇವ॒ ಭೂರೇ॑ರ॒ಯಾ ಧಿ॒ಯಾ ವಾ॑ಮ॒ಭಾಜ॑: ಸ್ಯಾಮ ॥ ೬ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ ಸಾವಿ॒ತ್ರೋ॒ಽಸಿ ಚನೋ॒ಧಾಶ್ಚ॑ನೋ॒ಧಾ ಅ॑ಸಿ॒ ಚನೋ॒ ಮಯಿ॑ ಧೇಹಿ ।
ಜಿನ್ವ॑ ಯ॒ಜ್ಞಂ ಜಿನ್ವ॑ ಯ॒ಜ್ಞಪ॑ತಿಂ॒ ಭಗಾ॑ಯ ದೇ॒ವಾಯ॑ ತ್ವಾ ಸವಿ॒ತ್ರೇ ॥ ೭ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ ಸು॒ಶರ್ಮಾ॑ಽಸಿ ಸುಪ್ರತಿಷ್ಠಾ॒ನೋ ಬೃ॒ಹದು॑ಕ್ಷಾಯ॒ ನಮ॑: ।
ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑ ಏ॒ಷ ತೇ॒ ಯೋನಿ॒ರ್ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯ॑: ॥ ೮ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಬೃಹ॒ಸ್ಪತಿ॑ಸುತಸ್ಯ ದೇವ ಸೋಮ ತ॒ ಇನ್ದೋ॑ರಿನ್ದ್ರಿ॒ಯಾವ॑ತ॒: ಪತ್ನೀ॑ವತೋ॒ ಗ್ರಹಾಁ॑೨ ಋಧ್ಯಾಸಮ್ ।
ಅ॒ಹಂ ಪ॒ರಸ್ತಾ॑ದ॒ಹಮ॒ವಸ್ತಾ॒ದ್ಯದ॒ನ್ತರಿ॑ಕ್ಷಂ॒ ತದು॑ ಮೇ ಪಿ॒ತಾಽಭೂ॑ತ್ ।
ಅ॒ಹᳪ ಸೂರ್ಯ॑ಮುಭ॒ಯತೋ॑ ದದರ್ಶಾ॒ಹಂ ದೇ॒ವಾನಾಂ॑ ಪರ॒ಮಂ ಗುಹಾ॒ ಯತ್ ॥ ೯ ॥
ಅಗ್ನಾ೩ಇ॒ ಪತ್ನೀ॑ವನ್ತ್ಸ॒ಜೂರ್ದೇ॒ವೇನ॒ ತ್ವಷ್ಟ್ರಾ॒ ಸೋಮಂ॑ ಪಿಬ॒ ಸ್ವಾಹಾ॑ ।
ಪ್ರ॒ಜಾಪ॑ತಿ॒ರ್ವೃಷಾ॑ಽಸಿ ರೇತೋ॒ಧಾ ರೇತೋ॒ ಮಯಿ॑ ಧೇಹಿ ಪ್ರ॒ಜಾಪ॑ತೇಸ್ತೇ॒ ವೃಷ್ಣೋ॑ ರೇತೋ॒ಧಸೋ॑ ರೇತೋ॒ಧಾಮ॑ಶೀಯ ॥ ೧೦ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಹರಿ॑ರಸಿ ಹಾರಿಯೋಜ॒ನೋ ಹರಿ॑ಭ್ಯಾಂ ತ್ವಾ । ಹರ್ಯೋ॑ರ್ಧಾ॒ನಾ ಸ್ಥ॑ ಸ॒ಹಸೋ॑ಮಾ॒ ಇನ್ದ್ರಾ॑ಯ ॥ ೧೧ ॥
ಯಸ್ತೇ॑ ಅಶ್ವ॒ಸನಿ॑ರ್ಭ॒ಕ್ಷೋ ಯೋ ಗೋ॒ಸನಿ॒ಸ್ತಸ್ಯ॑ ತ ಇ॒ಷ್ಟಯ॑ಜುಷ ಸ್ತು॒ತಸೋ॑ಮಸ್ಯ ಶ॒ಸ್ತೋಕ್ಥ॒ಸ್ಯೋಪ॑ಹೂತ॒ಸ್ಯೋಪ॑ಹೂತೋ ಭಕ್ಷಯಾಮಿ ॥ ೧೨ ॥
ದೇ॒ವಕೃ॑ತ॒ಸ್ಯೈನ॑ಸೋಽವ॒ಯಜ॑ನಮಸಿ ಮನು॒ಷ್ಯ॒ಕೃತ॒ಸ್ಯೈನ॑ಸೋಽವ॒ಯಜ॑ನಮಸಿ ಪಿ॒ತೃಕೃ॑ತ॒ಸ್ಯೈನ॑ಸೋಽವ॒ಯಜ॑ನಮಸ್ಯಾ॒ತ್ಮಕೃ॑ತಸ್ಯೈನಸೋಽವ॒ಯಜ॑ನಮ॒ಸ್ಯೇನ॑ಸ ಏನಸೋಽವ॒ಯಜ॑ನಮಸಿ ।
ಯಚ್ಚಾ॒ಹಮೇನೋ॑ ವಿ॒ದ್ವಾಁಶ್ಚ॒ಕಾರ॒ ಯಚ್ಚಾವಿ॑ದ್ವಾಁ॒ಸ್ತಸ್ಯ॒ ಸರ್ವಸ್ಯೈನ॑ಸೋಽವ॒ಯಜ॑ನಮಸಿ ॥ ೧೩ ॥
ಸಂ ವರ್ಚ॑ಸಾ॒ ಪಯ॑ಸಾ॒ ಸಂ ತ॒ನೂಭಿ॒ರಗ॑ನ್ಮಹಿ॒ ಮನ॑ಸಾ॒ ಸᳪ ಶಿ॒ವೇನ॑ ।
ತ್ವಷ್ಟಾ॑ ಸು॒ದತ್ರೋ॒ ವಿ ದ॑ಧಾತು॒ ರಾಯೋಽನು॑ಮಾರ್ಷ್ಟು ತ॒ನ್ವೋ ಯದ್ವಿಲಿ॑ಷ್ಟಮ್ ॥ ೧೪ ॥
ಸಮಿ॑ನ್ದ್ರ ಣೋ॒ ಮನ॑ಸಾ ನೇಷಿ॒ ಗೋಭಿ॒: ಸᳪ ಸೂ॒ರಿಭಿ॑ರ್ಮಘವ॒ನ್ತ್ಸᳪ ಸ್ವ॒ಸ್ತ್ಯಾ ।
ಸಂ ಬ್ರಹ್ಮ॑ಣಾ ದೇ॒ವಕೃ॑ತಂ॒ ಯದಸ್ತಿ॒ ಸಂ ದೇ॒ವಾನಾ॑ᳪ ಸುಮ॒ತೌ ಯ॒ಜ್ಞಿಯಾ॑ನಾ॒ᳪ ಸ್ವಾಹಾ॑ ॥ ೧೫ ॥
ಸಂ ವರ್ಚ॑ಸಾ॒ ಪಯ॑ಸಾ॒ ಸಂ ತ॒ನೂಭಿ॒ರಗ॑ನ್ಮಹಿ॒ ಮನ॑ಸಾ॒ ಸᳪ ಶಿ॒ವೇನ॑ ।
ತ್ವಷ್ಟಾ॑ ಸು॒ದತ್ರೋ॒ ವಿ ದ॑ಧಾತು॒ ರಾಯೋಽನು॑ಮಾರ್ಷ್ಟು ತ॒ನ್ವೋ ಯದ್ವಿಲಿ॑ಷ್ಟಮ್ ॥ ೧೬ ॥
ಧಾ॒ತಾ ರಾ॒ತಿಃ ಸ॑ವಿ॒ತೇದಂ ಜು॑ಷನ್ತಾಂ ಪ್ರ॒ಜಾಪ॑ತಿರ್ನಿಧಿ॒ಪಾ ದೇ॒ವೋ ಅ॒ಗ್ನಿಃ ।
ತ್ವಷ್ಟಾ॒ ವಿಷ್ಣು॑: ಪ್ರ॒ಜಯಾ॑ ಸᳪರರಾ॒ಣಾ ಯಜ॑ಮಾನಾಯ॒ ದ್ರವಿ॑ಣಂ ದಧಾತ॒ ಸ್ವಾಹಾ॑ ॥ ೧೭ ॥
ಸು॒ಗಾ ವೋ॑ ದೇವಾ॒: ಸದ॑ನಾ ಅಕರ್ಮ॒ ಯ ಆ॑ಜ॒ಗ್ಮೇದᳪ ಸವ॑ನಂ ಜುಷಾ॒ಣಾಃ ।
ಭರ॑ಮಾಣಾ॒ ವಹ॑ಮಾನಾ ಹ॒ವೀᳪಷ್ಯ॒ಸ್ಮೇ ಧ॑ತ್ತ ವಸವೋ॒ ವಸೂ॑ನಿ॒ ಸ್ವಾಹಾ॑ ॥ ೧೮ ॥
ಯಾಁ೨ ಆಽವ॑ಹ ಉಶ॒ತೋ ದೇ॑ವ ದೇ॒ವಾಁಸ್ತಾನ್ ಪ್ರೇರ॑ಯ॒ ಸ್ವೇ ಅ॑ಗ್ನೇ ಸ॒ಧಸ್ಥೇ॑ ।
ಜ॒ಕ್ಷಿ॒ವಾᳪಸ॑: ಪಪಿ॒ವಾjಸ॑ಶ್ಚ॒ ವಿಶ್ವೇಽಸುಂ॑ ಘ॒ರ್ಮᳪ ಸ್ವ॒ರಾತಿ॑ಷ್ಠ॒ತಾನು॒ ಸ್ವಾಹಾ॑ ॥ ೧೯ ॥
ವ॒ಯᳪ ಹಿ ತ್ವಾ॑ ಪ್ರಯ॒ತಿ ಯ॒ಜ್ಞೇ ಅ॒ಸ್ಮಿನ್ನ॑ಗ್ನೇ॒ ಹೋತಾ॑ರ॒ಮವೃ॑ಣೀಮಹೀ॒ಹ ।
ಋಧ॑ಗಯಾ॒ ಋಧ॑ಗು॒ತಾಶ॑ಮಿಷ್ಠಾಃ ಪ್ರಜಾ॒ನನ್ ಯ॒ಜ್ಞಮುಪ॑ ಯಾಹಿ ವಿ॒ದ್ವಾನ್ತ್ಸ್ವಾಹಾ॑ ॥ ೨೦ ॥
ದೇವಾ॑ ಗಾತುವಿದೋ ಗಾ॒ತುಂ ವಿ॒ತ್ತ್ವಾ ಗಾ॒ತುಮಿ॑ತ । ಮನ॑ಸಸ್ಪತ ಇ॒ಮಂ ದೇ॑ವ ಯ॒ಜ್ಞᳪ ಸ್ವಾಹಾ॒ ವಾತೇ॑ ಧಾಃ ॥ ೨೧ ॥
ಯಜ್ಞ॑ ಯ॒ಜ್ಞಂ ಗ॑ಚ್ಛ ಯ॒ಜ್ಞಪತಿಂ॑ ಗಚ್ಛ॒ ಸ್ವಾಂ ಯೋನಿಂ॑ ಗಚ್ಛ॒ ಸ್ವಾಹಾ॑ ।
ಏ॒ಷ ತೇ॑ ಯ॒ಜ್ಞೋ ಯ॑ಜ್ಞಪತೇ ಸ॒ಹಸೂ॑ಕ್ತವಾಕ॒: ಸರ್ವ॑ವೀರ॒ಸ್ತಂ ಜು॑ಷಸ್ವ॒ ಸ್ವಾಹಾ॑ ॥ ೨೨ ॥
ಮಾಹಿ॑ರ್ಭೂ॒ರ್ಮಾ ಪೃದಾ॑ಕುಃ । ಉ॒ರುᳪ ಹಿ ರಾಜಾ॒ ವರು॑ಣಶ್ಚ॒ಕಾರ॒ ಸೂರ್ಯಾ॑ಯ॒ ಪನ್ಥಾ॒ಮನ್ವೇ॑ತ॒ವಾ ಉ॑ ।
ಅ॒ಪದೇ॒ ಪಾದಾ॒ ಪ್ರತಿ॑ಧಾತವೇಽಕರು॒ತಾಪ॑ವ॒ಕ್ತಾ ಹೃ॑ದಯಾ॒ವಿಧ॑ಶ್ಚಿತ್ ।
ನಮೋ॒ ವರು॑ಣಾಯಾ॒ಭಿಷ್ಠಿ॑ತೋ॒ ವರು॑ಣಸ್ಯ॒ ಪಾಶ॑: ॥ ೨೩ ॥
ಅ॒ಗ್ನೇರನೀ॑ಕಮ॒ಪ ಆ ವಿ॑ವೇಶಾ॒ಪಾಂ ನಪಾ॑ತ್ ಪ್ರತಿ॒ರಕ್ಷ॑ನ್ನಸು॒ರ್ಯ॒ಮ್ ।
ದಮೇ॑ದಮೇ ಸ॒ಮಿಧಂ॑ ಯಕ್ಷ್ಯಗ್ನೇ॒ ಪ್ರತಿ॑ ತೇ ಜಿ॒ಹ್ವಾ ಘೃ॒ತಮುಚ್ಚ॑ರಣ್ಯ॒ತ್ ಸ್ವಾಹಾ॑ ॥ ೨೪ ॥
ಸ॒ಮು॒ದ್ರೇ ತೇ॒ ಹೃದ॑ಯಮ॒ಪ್ಸ್ವನ್ತಃ ಸಂ ತ್ವಾ॑ ವಿಶ॒ನ್ತ್ವೋಷ॑ಧೀರು॒ತಾಪ॑: ।
ಯ॒ಜ್ಞಸ್ಯ॑ ತ್ವಾ ಯಜ್ಞಪತೇ ಸೂ॒ಕ್ತೋಕ್ತೌ॑ ನಮೋವಾ॒ಕೇ ವಿ॑ಧೇಮ॒ ಯತ್ಸ್ವಾಹಾ॑ ॥ ೨೫ ॥
ದೇವೀ॑ರಾಪ ಏ॒ಷ ವೋ॒ ಗರ್ಭ॒ಸ್ತᳪ ಸುಪ್ರೀ॑ತ॒ᳪ ಸುಭೃ॑ತಂ ಬಿಭೃತ ।
ದೇವ॑ ಸೋಮೈ॒ಷ ತೇ॑ ಲೋ॒ಕಸ್ತಸ್ಮಿ॒ಞ್ಛಂ ಚ॒ ವಕ್ಷ್ವ॒ ಪರಿ॑ ಚ॒ ವಕ್ಷ್ವ॑ ॥ ೨೬ ॥
ಅವ॑ಭೃಥ ನಿಚುಮ್ಪುಣ ನಿಚೇ॒ರುರ॑ಸಿ ನಿಚುಮ್ಪು॒ಣಃ ।
ಅವ॑ ದೇವೈರ್ದೇ॒ವಕೃ॑ತ॒ಮೇನೋ॑ಽಯಾಸಿಷ॒ಮವ॒ ಮರ್ತ್ಯೈ॒ರ್ಮರ್ತ್ಯ॑ಕೃತಂ ಪುರು॒ರಾವ್ಣೋ॑ ದೇವ ರಿ॒ಷಸ್ಪಾ॑ಹಿ ।
ದೇ॒ವಾನಾ॑ᳪ ಸ॒ಮಿದ॑ಸಿ ॥ ೨೭ ॥
ಏಜ॑ತು॒ ದಶ॑ಮಾಸ್ಯೋ॒ ಗರ್ಭೋ॑ ಜ॒ರಾಯು॑ಣಾ ಸ॒ಹ । ಯಥಾ॒ಽಯಂ ವಾ॒ಯುರೇಜ॑ತಿ॒ ಯಥಾ॑ ಸಮು॒ದ್ರ ಏಜ॑ತಿ ।
ಏ॒ವಾ॒ಯಂ ದಶ॑ಮಾಸ್ಯೋ॒ ಅಸ್ರ॑ಜ್ಜ॒ರಾಯು॑ಣಾ ಸ॒ಹ ॥ ೨೮ ॥
ಯಸ್ಯೈ॑ ತೇ ಯ॒ಜ್ಞಿಯೋ॒ ಗರ್ಭೋ॒ ಯಸ್ಯೈ॒ ಯೋನಿ॑ರ್ಹಿರಣ್ಯೀ ।
ಅಙ್ಗಾ॒ನ್ಯಹ್ರು॑ತಾ॒ ಯಸ್ಯ॒ ತಂ ಮಾ॒ತ್ರಾ ಸಮ॑ಜೀಗಮ॒ᳪ ಸ್ವಾಹಾ॑ ॥ ೨೯ ॥
ಪುರುದ॒ಸ್ಮೋ ವಿಷು॑ರೂಪ॒ ಇನ್ದು॑ರ॒ನ್ತರ್ಮ॑ಹಿ॒ಮಾನ॑ಮಾನಞ್ಜ॒ ಧೀರ॑: ।
ಏಕ॑ಪದೀಂ ದ್ವಿ॒ಪದೀಂ॑ ತ್ರಿ॒ಪದೀಂ॒ ಚತು॒ಷ್ಪದೀಮ॒ಷ್ಟಾಪ॑ದೀಂ॒ ಭುವ॒ನಾನು॑ ಪ್ರಥನ್ತಾ॒ᳪ ಸ್ವಾಹಾ॑ ॥ ೩೦ ॥
ಮರು॑ತೋ॒ ಯಸ್ಯ॒ ಹಿ ಕ್ಷಯೇ॑ ಪಾ॒ಥಾ ದಿ॒ವೋ ವಿ॑ಮಹಸಃ । ಸ ಸು॑ಗೋ॒ಪಾತ॑ಮೋ॒ ಜನ॑: ॥ ೩೧ ॥
ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ ಯ॒ಜ್ಞಂ ಮಿ॑ಮಿಕ್ಷತಾಮ್ । ಪಿ॒ಪೃ॒ತಾಂ ನೋ॒ ಭರೀ॑ಮಭಿಃ ॥ ೩೨ ॥
ಆ ತಿ॑ಷ್ಠ ವೃತ್ರಹ॒ನ್ರಥಂ॑ ಯು॒ಕ್ತಾ ತೇ॒ ಬ್ರಹ್ಮ॑ಣಾ॒ ಹರೀ॑ । ಅ॒ರ್ವಾ॒ಚೀನ॒ᳪ ಸು ತೇ॒ ಮನೋ॒ ಗ್ರಾವಾ॑ ಕೃಣೋತು ವ॒ಗ್ನುನಾ॑ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಷೋಡ॒ಶಿನ॑ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಷೋಡ॒ಶಿನೇ॑ ॥ ೩೩ ॥
ಯು॒ಕ್ಷ್ವಾ ಹಿ ಕೇ॒ಶಿನಾ॒ ಹರೀ॒ ವೃಷ॑ಣಾ ಕಕ್ಷ್ಯ॒ಪ್ರಾ । ಅಥಾ॑ ನ ಇನ್ದ್ರ ಸೋಮಪಾ ಗಿ॒ರಾಮುಪ॑ಶ್ರುತಿಂ ಚರ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ಷೋಡ॒ಶಿನ॑ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಷೋಡ॒ಶಿನೇ॑ ॥ ೩೪ ॥
ಇನ್ದ್ರ॒ಮಿದ್ಧರೀ॑ ವಹ॒ತೋಽಪ್ರ॑ತಿಧೃಷ್ಟಶವಸಮ್ । ಋಷೀ॑ಣಾಂ ಚ ಸ್ತು॒ತೀರುಪ॑ ಯ॒ಜ್ಞಂ ಚ॒ ಮಾನು॑ಷಾಣಾಮ್ ।
ಉ॒ಪ॒ಯಾ॒ಮಗೃ॑ಹೀತೋ॒ ಸೀನ್ದ್ರಾ॑ಯ ತ್ವಾ ಷೋಡ॒ಶಿನೇ॑ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ಷೋಡ॒ಶಿನೇ॑ ॥ ೩೫ ॥
ಯಸ್ಮಾ॒ನ್ನ ಜಾ॒ತಃ ಪರೋ॑ ಅ॒ನ್ಯೋ ಅಸ್ತಿ॒ ಯ ಆ॑ವಿ॒ವೇಶ॒ ಭುವ॑ನಾನಿ॒ ವಿಶ್ವಾ॑ ।
ಪ್ರ॒ಜಾಪ॑ತಿಃ ಪ್ರ॒ಜಯಾ॑ ಸᳪರರಾ॒ಣಸ್ತ್ರೀಣಿ॒ ಜ್ಯೋತೀ॑ᳪಷಿ ಸಚತೇ॒ ಸ ಷೋ॑ಡಶೀ ॥ ೩೬ ॥
ಇನ್ದ್ರ॑ಶ್ಚ ಸ॒ಮ್ರಾಡ್ವರು॑ಣಶ್ಚ॒ ರಾಜಾ ತೌ ತೇ ಭ॒ಕ್ಷಂ ಚ॑ಕ್ರತು॒ರಗ್ರ॑ ಏ॒ತಮ್ ।
ತಯೋ॑ರ॒ಹಮನು॑ ಭ॒ಕ್ಷಂ ಭ॑ಕ್ಷಯಾಮಿ॒ ವಾಗ್ದೇ॒ವೀ ಜು॑ಷಾ॒ಣಾ ಸೋಮ॑ಸ್ಯ ತೃಪ್ಯತು ಸ॒ಹ ಪ್ರಾ॒ಣೇನ॒ ಸ್ವಾಹಾ॑ ॥ ೩೭ ॥
ಅಗ್ನೇ॒ ಪವ॑ಸ್ವ॒ ಸ್ವಪಾ॑ ಅ॒ಸ್ಮೇ ವರ್ಚ॑: ಸು॒ವೀರ್ಯ॑ಮ್ । ದಧ॑ದ್ರ॒ಯಿಂ ಮಯಿ॒ ಪೋಷ॑ಮ್ ।
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಗ್ನಯೇ॑ ತ್ವಾ॒ ವರ್ಚ॑ಸ ಏ॒ಷ ತೇ॒ ಯೋನಿ॑ರ॒ಗ್ನಯೇ॑ ತ್ವಾ॒ ವರ್ಚ॑ಸೇ ।
ಅಗ್ನೇ॑ ವರ್ಚಸ್ವಿ॒ನ್ವರ್ಚ॑ಸ್ವಾಁ॒ಸ್ತ್ವಂ ದೇ॒ವೇಷ್ವಸಿ॒ ವರ್ಚ॑ಸ್ವಾನ॒ಹಂ ಮ॑ನು॒ಷ್ಯೇ॑ಷು ಭೂಯಾಸಮ್ ॥ ೩೮ ॥
ಉ॒ತ್ತಿಷ್ಠ॒ನ್ನೋಜ॑ಸಾ ಸ॒ಹ ಪೀ॒ತ್ವೀ ಶಿಪ್ರೇ॑ ಅವೇಪಯಃ । ಸೋಮ॑ಮಿನ್ದ್ರ ಚ॒ಮೂ ಸು॒ತಮ್ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ॒ ತ್ವೌಜ॑ಸ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವೌಜಸೇ ।
ಇನ್ದ್ರೌ॑ಜಿಷ್ಠೌಜಿ॑ಷ್ಠ॒ಸ್ತ್ವಂ ದೇ॒ವೇಷ್ವಸ್ಯೋಜಿ॑ಷ್ಠೋ॒ಽಹಂ ಮ॑ನು॒ಷ್ಯೇ॒ಷು ಭೂಯಾಸಮ್ ॥ ೩೯ ॥
ಅದೃ॑ಶ್ರಮಸ್ಯ ಕೇ॒ತವೋ॒ ವಿ ರ॒ಶ್ಮಯೋ॒ ಜನಾಁ॒೨ ಅನು॑ । ಭ್ರಾಜ॑ನ್ತೋ ಅ॒ಗ್ನಯೋ॑ ಯಥಾ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಸೂರ್ಯಾ॑ಯ ತ್ವಾ ಭ್ರಾ॒ಜಾಯೈ॒ಷ ತೇ॒ ಯೋನಿ॒: ಸೂರ್ಯಾ॑ಯ ತ್ವಾ ಭ್ರಾ॒ಜಾಯ॑ ।
ಸೂರ್ಯ॑ ಭ್ರಾಜಿಷ್ಠ॒ ಭ್ರಾಜಿ॑ಷ್ಠ॒ಸ್ತ್ವಂ ದೇ॒ವೇಷ್ವಸಿ॒ ಭ್ರಾಜಿ॑ಷ್ಠೋ॒ಽಹಂ ಮ॑ನು॒ಷ್ಯೇ॒ಷು ಭೂಯಾಸಮ್ ॥ ೪೦ ॥
ಉದು॒ ತ್ಯಂ ಜಾ॒ತವೇ॑ದಸಂ ದೇ॒ವಂ ವ॑ಹನ್ತಿ ಕೇ॒ತವ॑: । ದೃ॒ಶೇ ವಿಶ್ವಾ॑ಯ॒ ಸೂರ್ಯ॑ಮ್ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಸೂರ್ಯಾ॑ಯ ತ್ವಾ ಭ್ರಾ॒ಜಾಯೈ॒ಷ ತೇ॒ ಯೋನಿ॒: ಸೂರ್ಯಾ॑ಯ ತ್ವಾ ಭ್ರಾ॒ಜಾಯ॑ ॥ ೪೧ ॥
ಆ ಜಿ॑ಘ್ರ ಕ॒ಲಶಂ॑ ಮ॒ಹ್ಯಾ ತ್ವಾ॑ ವಿಶ॒ನ್ತ್ವಿನ್ದ॑ವಃ।
ಪುನ॑ರೂ॒ರ್ಜಾ ನಿ ವ॑ರ್ತಸ್ವ॒ ಸಾ ನ॑: ಸ॒ಹಸ್ರಂ॑ ಧುಕ್ಷ್ವೋ॒ರುಧಾ॑ರಾ॒ ಪಯ॑ಸ್ವತೀ॒ ಪುನ॒ರ್ಮಾ ವಿ॑ಶತಾದ್ರ॒ಯಿಃ ॥ ೪೨ ॥
ಇಡೇ॒ ರನ್ತೇ॒ ಹವ್ಯೇ॒ ಕಾಮ್ಯೇ॒ ಚನ್ದ್ರೇ॒ ಜ್ಯೋತೇಽದಿ॑ತೇ॒ ಸರ॑ಸ್ವತಿ॒ ಮಹಿ॒ ವಿಶ್ರು॑ತಿ ।
ಏ॒ತಾ ತೇ॑ ಅಘ್ನ್ಯೇ॒ ನಾಮಾ॑ನಿ ದೇ॒ವೇಭ್ಯೋ॑ ಮಾ ಸು॒ಕೃತಂ॑ ಬ್ರೂತಾತ್ ॥ ೪೩ ॥
ವಿ ನ॑ ಇನ್ದ್ರ॒ ಮೃಧೋ॑ ಜಹಿ ನೀ॒ಚಾ ಯ॑ಚ್ಛ ಪೃತನ್ಯ॒ತಃ ।
ಯೋ ಅ॒ಸ್ಮಾಁ೨ ಅ॑ಭಿ॒ದಾಸ॒ತ್ಯಧ॑ರಂ ಗಮಯಾ॒ ತಮ॑: ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ವಿ॒ಮೃಧೇ॑ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ವಿ॒ಮೃಧೇ॑ ॥ ೪೪ ॥
ವಾ॒ಚಸ್ಪತಿಂ॑ ವಿ॒ಶ್ವಕ॑ರ್ಮಾಣಮೂ॒ತಯೇ॑ ಮನೋ॒ಜುವಂ॒ ವಾಜೇ॑ ಅ॒ದ್ಯಾ ಹು॑ವೇಮ ।
ಸ ನೋ॒ ವಿಶ್ವಾ॑ನಿ॒ ಹವ॑ನಾನಿ ಜೋಷದ್ವಿ॒ಶ್ವಶ॑ಮ್ಭೂ॒ರವ॑ಸೇ ಸಾ॒ಧುಕ॑ರ್ಮಾ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ವಿ॒ಶ್ವಕ॑ರ್ಮಣೇ
ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ವಿ॒ಶ್ವಕ॑ರ್ಮಣೇ ॥ ೪೫ ॥
ವಿಶ್ವ॑ಕರ್ಮನ್ ಹ॒ವಿಷಾ॒ ವರ್ಧ॑ನೇನ ತ್ರಾ॒ತಾರ॒ಮಿನ್ದ್ರ॑ಮಕೃಣೋರವ॒ಧ್ಯಮ್ ।
ತಸ್ಮೈ॒ ವಿಶ॒: ಸಮ॑ನಮನ್ತ ಪೂ॒ರ್ವೀರ॒ಯಮು॒ಗ್ರೋ ವಿ॒ಹವ್ಯೋ॒ ಯಥಾಸ॑ತ್ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ ವಿ॒ಶ್ವಕ॑ರ್ಮಣ
ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ ವಿ॒ಶ್ವಕ॑ರ್ಮಣೇ ॥ ೪೬ ॥
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಗ್ನಯೇ॑ ತ್ವಾ ಗಾಯ॒ತ್ರಚ್ಛ॑ನ್ದಸಂ ಗೃಹ್ಣಾಮೀನ್ದ್ರಾ॑ಯ ತ್ವಾ ತ್ರಿ॒ಷ್ಟುಪ್ಛ॑ನ್ದಸಂ ಗೃಹ್ಣಾಮಿ॒
ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯೋ॒ ಜಗ॑ಚ್ಛನ್ದಸಂ ಗೃಹ್ಣಾಮ್ಯನು॒ಷ್ಟುಪ್ತೇ॑ಽಭಿಗ॒ರಃ ॥ ೪೭ ॥
ವ್ರೇಶೀ॑ನಾಂ ತ್ವಾ॒ ಪತ್ಮ॒ನ್ನಾ ಧೂ॑ನೋಮಿ ಕುಕೂ॒ನನಾ॑ನಾಂ ತ್ವಾ॒ ಪತ್ಮ॒ನ್ನಾ ಧೂ॑ನೋಮಿ ಭ॒ನ್ದನಾ॑ನಾಂ ತ್ವಾ॒ ಪತ್ಮ॒ನ್ನಾ ಧೂ॑ನೋಮಿ ಮ॒ದಿನ್ತ॑ಮಾನಾಂ ತ್ವಾ॒ ಪತ್ಮ॒ನ್ನಾ ಧೂ॑ನೋಮಿ ಮ॒ಧುನ್ತ॑ಮಾನಾಂ ತ್ವಾ॒ ಪತ್ಮ॒ನ್ನಾ ಧೂ॑ನೋಮಿ ಶು॒ಕ್ರಂ ತ್ವಾ॑ ಶು॒ಕ್ರ ಆ ಧೂ॑ನೋ॒ಮ್ಯಹ್ನೋ॑ ರೂ॒ಪೇ ಸೂರ್ಯ॑ಸ್ಯ ರ॒ಶ್ಮಿಷು॑ ॥ ೪೮ ॥
ಕಕು॒ಭᳪ ರೂ॒ಪಂ ವೃ॑ಷ॒ಭಸ್ಯ॑ ರೋಚತೇ ಬೃ॒ಹಚ್ಛು॒ಕ್ರಃ ಶು॒ಕ್ರಸ್ಯ॑ ಪುರೋ॒ಗಾಃ ಸೋಮ॒: ಸೋಮ॑ಸ್ಯ ಪುರೋ॒ಗಾಃ ।
ಯತ್ತೇ॑ ಸೋಮಾ॒ದಾ॑ಭ್ಯಂ॒ ನಾಮ॒ ಜಾಗೃ॑ವಿ॒ ತಸ್ಮೈ॑ ತ್ವಾ ಗೃಹ್ಣಾಮಿ॒ ತಸ್ಮೈ॑ ತೇ ಸೋಮ॒ ಸೋಮಾ॑ಯ॒ ಸ್ವಾಹಾ॑ ॥ ೪೯ ॥
ಉ॒ಶಿಕ್ ತ್ವಂ ದೇ॑ವ ಸೋಮಾ॒ಗ್ನೇಃ ಪ್ರಿ॒ಯಂ ಪಾಥೋಽಪೀ॑ಹಿ
ವ॒ಶೀ ತ್ವಂ ದೇ॑ವ ಸೋ॒ಮೇನ್ದ್ರ॑ಸ್ಯ ಪ್ರಿ॒ಯಂ ಪಾಥೋಽಪೀ॑ಹ್ಯ॒ಸ್ಮತ್ಸ॑ಖಾ॒ ತ್ವಂ ದೇ॑ವ ಸೋಮ॒ ವಿಶ್ವೇ॑ಷಾಂ ದೇ॒ವಾನಾಂ॑ ಪ್ರಿ॒ಯಂ ಪಾಥೋಽಪೀ॑ಹಿ ॥ ೫೦ ॥
ಇ॒ಹ ರತಿ॑ರಿ॒ಹ ರ॑ಮಧ್ವಮಿ॒ಹ ಧೃತಿ॑ರಿ॒ಹ ಸ್ವಧೃ॑ತಿ॒: ಸ್ವಾಹಾ॑ ।
ಉ॒ಪ॒ಸೃ॒ಜನ್ ಧ॒ರುಣಂ॑ ಮಾ॒ತ್ರೇ ಧ॒ರುಣೋ॑ ಮಾ॒ತರಂ॒ ಧಯ॑ನ್ । ರಾ॒ಯಸ್ಪೋಷ॑ಮ॒ಸ್ಮಾಸು॑ ದೀಧರ॒ತ್ಸ್ವಾಹಾ॑ ॥ ೫೧ ॥
ಸ॒ತ್ರಸ್ಯ॒ ಋದ್ಧಿ॑ರ॒ಸ್ಯಗ॑ನ್ಮ॒ ಜ್ಯೋತಿ॑ರ॒ಮೃತಾ॑ ಅಭೂಮ॒ ।
ದಿವಂ॑ ಪೃಥಿ॒ವ್ಯಾ ಅಧ್ಯಾಽರು॑ಹಾ॒ಮಾವಿ॑ದಾಮ ದೇ॒ವಾನ್ತ್ಸ್ವ॒ರ್ಜ್ಯೋತಿ॑: ॥ ೫೨ ॥
ಯು॒ವಂ ತಮಿ॑ನ್ದ್ರಾಪರ್ವತಾ ಪುರೋ॒ಯುಧಾ॒ ಯೋ ನ॑: ಪೃತ॒ನ್ಯಾದಪ॒ ತಂ ತ॒ಮಿದ್ಧ॑ತಂ॒ ವಜ್ರೇ॑ಣ॒ ತಂ ತ॒ಮಿದ್ಧ॑ತಮ್ ।
ದೂ॒ರೇ ಚ॒ತ್ತಾಯ॑ ಛನ್ತ್ಸ॒ದ್ಗಹ॑ನಂ॒ ಯದಿನ॑ಕ್ಷತ್ ।
ಅ॒ಸ್ಮಾಕ॒ᳪ ಶತ್ರೂ॒ನ್ಪರಿ॑ ಶೂರ ವಿ॒ಶ್ವತೋ॑ ದ॒ರ್ಮಾ ದ॑ರ್ಷೀಷ್ಟ ವಿ॒ಶ್ವತ॑: ।
ಭೂರ್ಭುವ॒: ಸ್ವ॒: ಸುಪ್ರ॒ಜಾಃ ಪ್ರ॒ಜಾಭಿ॑: ಸ್ಯಾಮ ಸು॒ವೀರಾ॑ ವೀರೈಃ ಸು॒ಪೋಷಾ॒: ಪೋಷೈ॑: ॥ ೫೩ ॥
ಪ॒ರ॒ಮೇ॒ಷ್ಠ್ಯ॒ಭಿಧೀ॑ತಃ ಪ್ರ॒ಜಾಪ॑ತಿರ್ವಾ॒ಚಿ ವ್ಯಾಹೃ॑ತಾಯಾಮನ್ಧೋ॒ ಅಚ್ಛೇ॑ತಃ ।
ಸ॑ವಿ॒ತಾ ಸ॒ನ್ಯಾಂ ವಿ॒ಶ್ವಕ॑ರ್ಮಾ ದೀ॒ಕ್ಷಾಯಾಂ॑ ಪೂ॒ಷಾ ಸೋ॑ಮ॒ಕ್ರಯ॑ಣ್ಯಾಮ್ ॥ ೫೪ ॥
ಇನ್ದ್ರ॑ಶ್ಚ ಮ॒ರುತ॑ಶ್ಚ ಕ್ರ॒ಯಾಯೋ॒ಪೋತ್ಥಿ॒ತೋ ಽಸು॑ರಃ ಪ॒ಣ್ಯಮಾ॑ನೋ ಮಿ॒ತ್ರಃ ಕ್ರೀ॒ತೋ ವಿಷ್ಣು॑: ಶಿಪಿವಿ॒ಷ್ಟ ಉ॒ರಾವಾಸ॑ನ್ನೋ॒ ವಿಷ್ಣು॑ರ್ನ॒ರನ್ಧಿ॑ಷಃ ॥ ೫೫ ॥
ಪ್ರೋ॒ಹ್ಯಮಾ॑ಣ॒: ಸೋಮ॒ ಆಗ॑ತೋ॒ ವರು॑ಣ ಆಸ॒ನ್ದ್ಯಾಮಾಸ॑ನ್ನೋ॒ ಽಗ್ನಿರಾಗ್ನೀ॑ಧ್ರ॒ ಇನ್ದ್ರೋ॑ ಹವಿ॒ರ್ಧಾನೇ॑ ಽಥ॑ರ್ವೋಪಾವಹ್ರಿ॒ಯಮಾ॑ಣಃ ॥ ೫೬ ॥
ವಿಶ್ವೇ॑ ದೇ॒ವಾ ಅ॒ᳪಶುಷು॒ ನ್ಯುಪ್ತೋ॒ ವಿಷ್ಣು॑ರಾಪ್ರೀತ॒ಪಾ ಆ॑ಪ್ಯಾ॒ಯ್ಯಮಾ॑ನೋ ಯ॒ಮಃ ಸೂ॒ಯಮಾ॑ ನೋ॒ ವಿಷ್ಣು॑: ಸಮ್ಭ್ರಿ॒ಯಮಾ॑ಣೋ ವಾ॒ಯುಃ ಪೂ॒ಯಮಾ॑ನಃ ಶು॒ಕ್ರಃ ಪೂ॒ತಃ ಶು॒ಕ್ರ: ಕ್ಷೀ॑ರ॒ಶ್ರೀರ್ಮ॒ನ್ಥೀ ಸ॑ಕ್ತು॒ಶ್ರೀಃ ॥ ೫೭ ॥
ವಿಶ್ವೇ॑ ದೇ॒ವಾಶ್ಚ॑ಮ॒ಸೇಷೂನ್ನೀ॒ತೋ ಽಸು॒ರ್ಹೋಮಾ॒ಯೋದ್ಯ॑ತೋ ರು॒ದ್ರೋ ಹೂ॒ಯಮಾ॑ನೋ॒ ವಾತೋ॒ಽಭ್ಯಾವೃ॑ತ್ತೋ ನೃ॒ಚಕ್ಷಾ॒: ಪ್ರತಿ॑ಖ್ಯಾತೋ
ಭ॒ಕ್ಷೋ ಭ॒ಕ್ಷ್ಯಮಾ॑ಣಃ ಪಿ॒ತರೋ॑ ನಾರಾಶ॒ᳪಸಾಃ ॥ ೫೮ ॥
ಸ॒ನ್ನಃ ಸಿನ್ಧು॑ರವಭೃ॒ಥಾಯೋದ್ಯ॑ತಃ ಸಮು॒ದ್ರೋ॒ಽಭ್ಯವಹ್ರಿ॒ಯಮಾ॑ಣಃ ಸ॑ಲಿ॒ಲಃ ಪ್ರಪ್ಲು॑ತೋ
ಯಯೋ॒ರೋಜ॑ಸಾ ಸ್ಕಭಿ॒ತಾ ರಜಾ॑ᳪಸಿ ವೀ॒ರ್ಯೇ॑ಭಿರ್ವೀ॒ರತ॑ಮಾ॒ ಶವಿ॑ಷ್ಠಾ ।
ಯಾ ಪತ್ಯೇ॑ತೇ॒ ಅಪ್ರ॑ತೀತಾ॒ ಸಹೋ॑ಭಿ॒ರ್ವಿಷ್ಣೂ॑ ಅಗ॒ನ್ವರು॑ಣಾ ಪೂ॒ರ್ವಹೂ॑ತೌ ॥ ೫೯ ॥
ದೇ॒ವಾನ್ದಿವ॑ಮಗನ್ಯ॒ಜ್ಞಸ್ತತೋ॑ ಮಾ॒ ದ್ರವಿ॑ಣಮಷ್ಟು ಮನು॒ಷ್ಯಾ॒ನ॒ನ್ತರಿ॑ಕ್ಷಮಗನ್ಯ॒ಜ್ಞಸ್ತತೋ॑ ಮಾ॒ ದ್ರವಿ॑ಣಮಷ್ಟು
ಪಿ॒ತೄನ್ಪೃ॑ಥಿ॒ವೀಮ॑ಗನ್ಯ॒ಜ್ಞಸ್ತತೋ॑ ಮಾ॒ ದ್ರವಿ॑ಣಮಷ್ಟು॒ ಯಂ ಕಂ ಚ॑ ಲೋ॒ಕಮಗ॑ನ್ಯ॒ಜ್ಞಸ್ತತೋ॑ ಮೇ ಭ॒ದ್ರಂಮ॑ಭೂತ್ ॥ ೬೦॥
ಚತು॑ಸ್ತ್ರಿᳪಶ॒ತ್ತನ್ತ॑ವೋ॒ ಯೇ ವಿತ॑ತ್ನಿ॒ರೇ ಯ ಇ॒ಮಂ ಯ॒ಜ್ಞᳪ ಸ್ವ॒ಧಯಾ॒ ದದ॑ನ್ತೇ ।
ತೇಷಾಂ॑ ಛಿ॒ನ್ನᳪ ಸಮ್ವೇ॒ತದ್ದ॑ಧಾಮಿ॒ ಸ್ವಾಹಾ॑ ಘ॒ರ್ಮೋ ಅಪ್ಯೇ॑ತು ದೇ॒ವಾನ್ ॥ ೬೧ ॥
ಯ॒ಜ್ಞಸ್ಯ॒ ದೋಹೋ॒ ವಿತ॑ತಃ ಪುರು॒ತ್ರಾ ಸೋ ಅ॑ಷ್ಟ॒ಧಾ ದಿವ॑ಮ॒ನ್ವಾತ॑ತಾನ ।
ಸ ಯ॑ಜ್ಞ ಧುಕ್ಷ್ವ॒ ಮಹಿ॑ ಮೇ ಪ್ರ॒ಜಾ ಯಾ॑ᳪ ರಾ॒ಯಸ್ಪೋಷಂ॒ ವಿಶ್ವ॒ಮಾಯು॑ರಶೀಯ॒ ಸ್ವಾಹಾ॑ ॥ ೬೨ ॥
ಆ ಪ॑ವಸ್ವ॒ ಹಿರ॑ಣ್ಯವ॒ದಶ್ವ॑ವತ್ಸೋಮ ವೀ॒ರವ॑ತ್ । ವಾಜಂ॒ ಗೋಮ॑ನ್ತ॒ಮಾ ಭ॑ರ॒ ಸ್ವಾಹಾ॑ ॥ ೬೩ ॥
ಅಧ್ಯಾಯ ೯
ದೇವ॑ ಸವಿತ॒: ಪ್ರಸು॑ವ ಯ॒ಜ್ಞಂ ಪ್ರಸು॑ವ ಯ॒ಜ್ಞಪ॑ತಿಂ॒ ಭಗಾ॑ಯ ।
ದಿ॒ವ್ಯೋ ಗ॑ನ್ಧ॒ರ್ವಃ ಕೇ॑ತು॒ಪೂಃ ಕೇತಂ॑ ನಃ ಪುನಾತು ವಾ॒ಚಸ್ಪತಿ॒ರ್ವಾಜಂ॑ ನಃ ಸ್ವದತು॒ ಸ್ವಾಹಾ॑ ॥ ೧ ॥
ಧ್ರು॑ವ॒ಸದಂ॑ ತ್ವಾ ನೃ॒ಷದಂ॑ ಮನ॒:ಸದ॑ಮುಪಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಜುಷ್ಟ॑ತಮಮ್ ।
ಅ॑ಪ್ಸು॒ಷದಂ॑ ತ್ವಾ ಘೃತ॒ಸದಂ॑ ವ್ಯೋಮ॒ಸದ॑ಮುಪಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಜುಷ್ಟ॑ತಮಮ್ ।
ಪೃಥಿ॒ವೀ॒ಸದಂ॑ ತ್ವಾಽನ್ತರಿಕ್ಷ॒ಸದಂ॑ ದಿವಿ॒ಸದಂ॑ ದೇವ॒ಸದಂ॑ ನಾಕ॒ಸದ॑ಮುಪಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಜುಷ್ಟ॑ತಮಮ್ ॥ ೨॥
ಅ॒ಪಾᳪ ರಸ॒ಮುದ್ವ॑ಯಸ॒ᳪ ಸೂರ್ಯೇ॒ ಸನ್ತ॑ᳪ ಸ॒ಮಾಹಿ॑ತಮ್ । ಅ॒ಪಾᳪ ರಸ॑ಸ್ಯ॒ ಯೋ ರಸ॒ಸ್ತಂ ವೋ॑ ಗೃಹ್ಣಾಮ್ಯುತ್ತ॒ಮಮು॑ಪಯಾ॒ಮಗೃ॑ಹೀತೋ॒ ಸೀನ್ದ್ರಾ॑ಯ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಜುಷ್ಟ॑ತಮಮ್ ॥ ೩ ॥
ಗ್ರಹಾ॑ ಊರ್ಜಾಹುತಯೋ॒ ವ್ಯನ್ತೋ॒ ವಿಪ್ರಾ॑ಯ ಮ॒ತಿಮ್ । ತೇಷಾಂ॒ ವಿಶಿ॑ಪ್ರಿಯಾಣಾಂ ವೋ॒ಽಹಮಿಷ॒ಮೂರ್ಜ॒ᳪ ಸಮ॑ಗ್ರಭಮುಪಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಜುಷ್ಟ॑ತಮಮ್ । ಸ॒ಮ್ಪೃಚೌ॑ ಸ್ಥ॒: ಸಂ ಮಾ॑ ಭ॒ದ್ರೇಣ॑ ಪೃಙ್ಕ್ತಂ ವಿ॒ಪೃಚೌ॑ ಸ್ಥೋ॒ ವಿ ಮಾ॑ ಪಾ॒ಪ್ಮನಾ॑ ಪೃಙ್ಕ್ತಮ್ ॥ ೪ ॥
ಇನ್ದ್ರ॑ಸ್ಯ॒ ವಜ್ರೋ॑ಽಸಿ ವಾಜ॒ಸಾಸ್ತ್ವಯಾ॒ಯಂ ವಾಜ॑ᳪ ಸೇ॑ತ್ । ವಾಜ॑ಸ್ಯ॒ ನು ಪ್ರ॑ಸ॒ವೇ ಮಾ॒ತರಂ॑ ಮ॒ಹೀಮದಿ॑ತಿಂ॒ ನಾಮ॒ ವಚ॑ಸಾ ಕರಾಮಹೇ ।
ಯಸ್ಯಾ॑ಮಿ॒ದಂ ವಿಶ್ವಂ॒ ಭುವ॑ನಮಾವಿ॒ವೇಶ॒ ತಸ್ಯಾಂ॑ ನೋ ದೇ॒ವಃ ಸ॑ವಿ॒ತಾ ಧರ್ಮ॑ ಸಾವಿಷತ್ ॥ ೫ ॥
ಅ॒ಪ್ಸ್ವನ್ತರ॒ಮೃತ॑ಮ॒ಪ್ಸು ಭೇ॑ಷ॒ಜಮ॒ಪಾಮು॒ತ ಪ್ರಶ॑ಸ್ತಿ॒ಷ್ವಶ್ವಾ॒ ಭವ॑ತ ವಾ॒ಜಿನ॑: ।
ದೇವೀ॑ರಾಪೋ॒ ಯೋ ವ॑ ಊ॒ರ್ಮಿಃ ಪ್ರತೂ॑ರ್ತಿಃ ಕ॒ಕುನ್ಮಾ॑ನ್ ವಾಜ॒ಸಾಸ್ತೇನಾ॒ಯಂ ವಾಜ॑ᳪ ಸೇತ್ ॥ ೬ ॥
ವಾತೋ॑ ವಾ॒ ಮನೋ॑ ವಾ ಗನ್ಧ॒ರ್ವಾಃ ಸ॒ಪ್ತವಿ॑ᳪಶತಿಃ । ತೇ ಅಗ್ರೇಽಶ್ವ॑ಮಯುಞ್ಜಁ॒ಸ್ತೇ ಅ॑ಸ್ಮಿಞ್ಜ॒ವಮಾ ದ॑ಧುಃ ॥ ೭ ॥
ವಾತ॑ರᳪಹಾ ಭವ ವಾಜಿನ್ಯು॒ಜ್ಯಮಾ॑ನ॒ ಇನ್ದ್ರ॑ಸ್ಯೇವ॒ ದಕ್ಷಿ॑ಣಃ ಶ್ರಿ॒ಯೈಧಿ॑ ।
ಯು॒ಞ್ಜನ್ತು॑ ತ್ವಾ ಮ॒ರುತೋ॑ ವಿಶ್ವ॒ವೇದ॑ಸ॒ ಆ ತೇ॒ ತ್ವಷ್ಟಾ॑ ಪ॒ತ್ಸು ಜ॒ವಂ ದ॑ಧಾತು ॥ ೮ ॥
ಜ॒ವೋ ಯಸ್ತೇ॑ ವಾಜಿ॒ನ್ನಿಹಿ॑ತೋ॒ ಗುಹಾ॒ ಯಃ ಶ್ಯೇ॒ನೇ ಪರೀ॑ತ್ತೋ॒ ಅಚ॑ರಚ್ಚ॒ ವಾತೇ॑ ।
ತೇನ॑ ನೋ ವಾಜಿ॒ನ್ ವಲ॑ವಾ॒ನ್ ಬಲೇ॑ನ ವಾಜ॒ಜಿಚ್ಚ॒ ಭವ॒ ಸಮ॑ನೇ ಚ ಪಾರಯಿ॒ಷ್ಣುಃ ।
ವಾಜಿ॑ನೋ ವಾಜಜಿತೋ॒ ವಾಜ॑ᳪ ಸರಿ॒ಷ್ಯನ್ತೋ॒ ಬೃಹ॒ಸ್ಪತೇ॑ರ್ಭಾ॒ಗಮವ॑ಜಿಘ್ರತ ॥ ೯ ॥
ದೇ॒ವಸ್ಯಾ॒ಹᳪ ಸ॑ವಿ॒ತುಃ ಸ॒ವೇ ಸ॒ತ್ಯಸ॑ವಸೋ॒ ಬೃಹ॒ಸ್ಪತೇ॑ರುತ್ತ॒ಮಂ ನಾಕ॑ᳪ ರುಹೇಯಮ್ ।
ದೇ॒ವಸ್ಯಾ॒ಹᳪ ಸ॑ವಿ॒ತುಃ ಸ॒ವೇ ಸ॒ತ್ಯಸ॑ವಸ॒ ಇನ್ದ್ರ॑ಸ್ಯೋತ್ತ॒ಮಂ ನಾಕ॑ᳪ ರುಹೇಯಮ್ ।
ದೇ॒ವಸ್ಯಾ॒ಹᳪ ಸ॑ವಿ॒ತುಃ ಸ॒ವೇ ಸ॒ತ್ಯಪ್ರ॑ಸವಸೋ॒ ಬೃಹ॒ಸ್ಪತೇ॑ರುತ್ತ॒ಮಂ ನಾಕ॑ಮರುಹಮ್ ।
ದೇ॒ವಸ್ಯಾ॒ಹᳪ ಸ॑ವಿ॒ತುಃ ಸ॒ವೇ ಸ॒ತ್ಯಪ್ರ॑ಸವಸ॒ ಇನ್ದ್ರ॑ಸ್ಯೋತ್ತ॒ಮಂ ನಾಕ॑ಮರುಹಮ್ ॥ ೧೦ ॥
ಬೃಹ॑ಸ್ಪತೇ॒ ವಾಜಂ॑ ಜಯ॒ ಬೃಹ॒ಸ್ಪತ॑ಯೇ॒ ವಾಚಂ॑ ವದತ॒ ಬೃಹ॒ಸ್ಪತಿಂ॒ ವಾಜಂ॑ ಜಾಪಯತ ।
ಇನ್ದ್ರ॒ ವಾಜಂ॑ ಜ॒ಯೇನ್ದ್ರಾ॑ಯ॒ ವಾಚಂ॑ ವದ॒ತೇನ್ದ್ರಂ॒ ವಾಜಂ॑ ಜಾಪಯತ ॥ ೧೧॥
ಏ॒ಷಾ ವ॒: ಸಾ ಸ॒ತ್ಯಾ ಸಂ॒ವಾಗ॑ಭೂ॒ದ್ಯಯಾ॒ ಬೃಹ॒ಸ್ಪತಿಂ॒ ವಾಜ॒ಮಜೀ॑ಜಪ॒ತಾಜೀ॑ಜಪತ॒ ಬೃಹ॒ಸ್ಪತಿಂ॒ ವಾಜಂ॒ ವನ॑ಸ್ಪತಯೋ॒ ವಿಮು॑ಚ್ಯಧ್ವಮ್ ।
ಏ॒ಷಾ ವ॒: ಸಾ ಸ॒ತ್ಯಾ ಸಂ॒ವಾಗ॑ಭೂ॒ದ್ಯಯೇನ್ದ್ರಂ॒ ವಾಜ॒ಮಜೀ॑ಜಪ॒ತಾಜೀ॑ಜಪ॒ತೇನ್ದ್ರಂ॒ ವಾಜಂ॒ ವನ॑ಸ್ಪತಯೋ॒ ವಿಮು॑ಚ್ಯಧ್ವಮ್ ॥ ೧೨ ॥
ದೇ॒ವಸ್ಯಾ॒ಹᳪ ಸ॑ವಿ॒ತುಃ ಸ॒ವೇ ಸ॒ತ್ಯಪ್ರ॑ಸವಸೋ॒ ಬೃಹ॒ಸ್ಪತೇ॑ರ್ವಾಜ॒ಜಿತೋ॒ ವಾಜಂ॑ ಜೇಷಮ್ ।
ವಾಜಿ॑ನೋ ವಾಜಜಿ॒ತೋಽಧ್ವ॑ನ ಸ್ಕಭ್ನು॒ವನ್ತೋ॒ ಯೋಜ॑ನಾ॒ ಮಿಮಾ॑ನಾ॒: ಕಾಷ್ಠಾಂ॑ ಗಚ್ಛತ ॥ ೧೩ ॥
ಏ॒ಷ ಸ್ಯ ವಾ॒ಜೀ ಕ್ಷಿ॑ಪ॒ಣಿಂ ತು॑ರಣ್ಯತಿ ಗ್ರೀ॒ವಾಯಾಂ॑ ಬ॒ದ್ಧೋ ಅ॑ಪಿಕ॒ಕ್ಷ ಆ॒ಸನಿ॑ ।
ಕ್ರತುಂ॑ ದಧಿ॒ಕ್ರಾ ಅನು॑ ಸ॒ᳪಸನಿ॑ಷ್ಯದತ್ಪ॒ಥಾಮಙ್ಕಾ॒ᳪಸ್ಯನ್ವಾ॒ಪನೀ॑ಪಣ॒ತ್ ಸ್ವಾಹಾ॑ ॥ ೧೪॥
ಉ॒ತ ಸ್ಮಾ॑ಸ್ಯ॒ ದ್ರುವ॑ತಸ್ತುರಣ್ಯ॒ತಃ ಪ॒ರ್ಣಂ ನ ವೇರನು॑ವಾತಿ ಪ್ರಗ॒ರ್ಧಿನ॑: ।
ಶ್ಯೇ॒ನಸ್ಯೇ॑ವ॒ ಧ್ರಜ॑ತೋ ಅಙ್ಕ॒ಸಂ ಪರಿ॑ ದಧಿ॒ಕ್ರಾವ್ಣ॑: ಸ॒ಹೋರ್ಜಾ ತರಿ॑ತ್ರತ॒: ಸ್ವಾಹಾ॑ ॥ ೧೫ ॥
ಶಂ ನೋ॑ ಭವನ್ತು ವಾ॒ಜಿನೋ॒ ಹವೇ॑ಷು ದೇ॒ವತಾ॑ತಾ ಮಿ॒ತದ್ರ॑ವಃ ಸ್ವ॒ರ್ಕಾಃ ।
ಜ॒ಮ್ಭಯ॒ನ್ತೋಽಹಿಂ॒ ವೃಕ॒ᳪ ರಕ್ಷಾ॑ಸಿ॒ ಸನೇ॑ಮ್ಯ॒ಸ್ಮದ್ಯು॑ಯವ॒ನ್ನಮೀ॑ವಾಃ ॥ ೧೬ ॥
ತೇ ನೋ॒ ಅರ್ವ॑ನ್ತೋ ಹವನ॒ಶ್ರುತೋ॒ ಹವಂ॒ ವಿಶ್ವೇ॑ ಶೃಣ್ವನ್ತು ವಾ॒ಜಿನೋ॑ ಮಿ॒ತದ್ರ॑ವಃ ।
ಸ॒ಹ॒ಸ್ರ॒ಸಾ ಮೇ॒ಧಸಾ॑ತಾ ಸನಿ॒ಷ್ಯವೋ॑ ಮ॒ಹೋ ಯೇ ಧನ॑ᳪ ಸಮಿ॒ಥೇಷು॑ ಜಭ್ರಿ॒ರೇ ॥ ೧೭ ॥
ವಾಜೇ॑-ವಾಜೇಽವತ ವಾಜಿನೋ ನೋ॒ ಧನೇ॑ಷು ವಿಪ್ರಾ ಅಮೃತಾ ಋತಜ್ಞಾಃ ।
ಅ॒ಸ್ಯ ಮಧ್ವ॑: ಪಿಬತ ಮಾ॒ದಯ॑ಧ್ವಂ ತೃ॒ಪ್ತಾ ಯಾ॑ತ ಪ॒ಥಿಭಿ॑ರ್ದೇವ॒ಯಾನೈ॑: ॥ ೧೮ ॥
ಆ ಮಾ॒ ವಾಜ॑ಸ್ಯ ಪ್ರಸ॒ವೋ ಜ॑ಗಮ್ಯಾ॒ದೇಮೇ ದ್ಯಾವಾ॑ಪೃಥಿ॒ವೀ ವಿ॒ಶ್ವರೂ॑ಪೇ ।
ಆ ಮಾ॑ ಗನ್ತಾಂ ಪಿ॒ತರಾ॑ ಮಾ॒ತರಾ॒ ಚಾ ಮಾ॒ ಸೋಮೋ॑ ಅಮೃತ॒ತ್ವೇನ॑ ಗಮ್ಯಾತ್ ।
ವಾಜಿ॑ನೋ ವಾಜಜಿತೋ॒ ವಾಜ॑ᳪ ಸಸೃ॒ವಾᳪಸೋ॒ ಬೃಹ॒ಸ್ಪತೇ॑ರ್ಭಾ॒ಗಮವ॑ಜಿಘ್ರತ ನಿಮೃಜಾ॒ನಾಃ ॥ ೧೯ ॥
ಆ॒ಪಯೇ॒ ಸ್ವಾಹಾ॑ ಸ್ವಾ॒ಪಯೇ॒ ಸ್ವಾಹಾ॑ ಽಪಿ॒ಜಾಯ॒ ಸ್ವಾಹಾ॑ ಕ್ರತ॑ವೇ॒ ಸ್ವಾಹಾ॒ ವಸ॑ವೇ॒ ಸ್ವಾಹಾ॑ ಽಹ॒ರ್ಪತ॑ಯೇ॒ ಸ್ವಾಹಾ॑
ಽಹ್ನೇ॑ ಮು॒ಗ್ಧಾಯ॒ ಸ್ವಾಹಾ॑ ಮು॒ಗ್ಧಾಯ॑ ವೈನᳪಶಿ॒ನಾಯ॒ ಸ್ವಾಹಾ॑ ವಿನ॒ᳪಶಿನ॑ ಆನ್ತ್ಯಾಯ॒ನಾಯ॒ ಸ್ವಾಹಾ ಽನ್ತ್ಯಾ॑ಯ ಭೌವ॒ನಾಯ॒ ಸ್ವಾಹಾ॒ ಭುವ॑ನಸ್ಯ॒ ಪತ॑ಯೇ॒ ಸ್ವಾಹಾಽಧಿ॑ಪತಯೇ॒ ಸ್ವಾಹಾ॑ ॥ ೨೦ ॥
ಆಯು॑ರ್ಯ॒ಜ್ಞೇನ॑ ಕಲ್ಪತಾಂ ಪ್ರಾ॒ಣೋ ಯ॒ಜ್ಞೇನ॑ ಕಲ್ಪತಾಂ॒ ಚಕ್ಷು॑ರ್ಯ॒ಜ್ಞೇನ॑ ಕಲ್ಪತಾತಾಂ॒ᳪ ಶ್ರೋತ್ರಂ॑ ಯ॒ಜ್ಞೇನ॑ ಕಲ್ಪತಾಂ॒ ಪೃ॒ಷ್ಠಂ ಯ॒ಜ್ಞೇನ॑ ಕಲ್ಪತಾಂ॒ ಯ॒ಜ್ಞೋ ಯ॒ಜ್ಞೇನ॑ ಕಲ್ಪತಾಮ್ ।
ಪ್ರ॒ಜಾಪ॑ತೇಃ ಪ್ರ॒ಜಾ ಅ॑ಭೂಮ॒ ಸ್ವ॒ರ್ದೇವಾ ಅಗನ್ಮಾ॒ಮೃತಾ॑ ಅಭೂಮ ॥ ೨೧ ॥
ಅ॒ಸ್ಮೇ ವೋ॑ ಅಸ್ತ್ವಿನ್ದ್ರಿ॒ಯಮ॒ಸ್ಮೇ ನೃ॒ಮ್ಣಮು॒ತ ಕ್ರತು॑ರ॒ಸ್ಮೇ ವರ್ಚಾ॑ᳪಸಿ ಸನ್ತು ವಃ । ನಮೋ॑ ಮಾ॒ತ್ರೇ ಪೃ॑ಥಿ॒ವ್ಯೈ॒ ನಮೋ॑ ಮಾ॒ತ್ರೇ ಪೃ॑ಥಿ॒ವ್ಯಾ ಇ॒ಯಂ ತೇ॒ ರಾಡ್ ಯ॒ನ್ತಾಽಸಿ॒ ಯಮ॑ನೋ ಧ್ರು॒ವೋ॒ಽಸಿ ಧ॒ರುಣ॑: । ಕೃ॒ಷ್ಯೈ ತ್ವಾ॒ ಕ್ಷೇಮಾ॑ಯ ತ್ವಾ ರ॒ಯ್ಯೈ ತ್ವಾ॒ ಪೋಷಾ॑ಯ ತ್ವಾ ॥ ೨೨ ॥
ವಾಜ॑ಸ್ಯೇ॒ಮಂ ಪ್ರ॑ಸ॒ವಃ ಸು॑ಷು॒ವೇಽಗ್ರೇ॒ ಸೋಮ॒ᳪ ರಾಜಾ॑ನ॒ಮೋಷ॑ಧೀಷ್ವ॒ಪ್ಸು । ತಾ ಅ॒ಸ್ಮಭ್ಯಂ॒ ಮಧು॑ಮತೀರ್ಭವನ್ತು ವ॒ಯᳪ ರಾ॒ಷ್ಟ್ರೇ ಜಾ॑ಗೃಯಾಮ ಪು॒ರೋಹಿ॑ತಾ॒: ಸ್ವಾಹಾ॑ ॥ ೨೩ ॥
ವಾಜ॑ಸ್ಯೇ॒ಮಾಂ ಪ್ರ॑ಸ॒ವಃ ಶಿ॑ಶ್ರಿಯೇ॒ ದಿವ॑ಮಿ॒ಮಾ ಚ॒ ವಿಶ್ವಾ॒ ಭುವ॑ನಾನಿ ಸ॒ಮ್ರಾಟ್ ।
ಅದಿ॑ತ್ಸನ್ತಂ ದಾಪಯತಿ ಪ್ರಜಾ॒ನನ್ತ್ಸ ನೋ॑ ರ॒ಯಿᳪ ಸರ್ವ॑ವೀರಂ॒ ನಿ ಯ॑ಚ್ಛತು॒ ಸ್ವಾಹಾ॑ ॥ ೨೪ ॥
ವಾಜ॑ಸ್ಯ॒ ನು ಪ್ರ॑ಸ॒ವ ಆ ಬ॑ಭೂವೇ॒ಮಾ ಚ॒ ವಿಶ್ವಾ॒ ಭುವ॑ನಾನಿ ಸ॒ರ್ವತ॑: ।
ಸನೇ॑ಮಿ॒ ರಾಜಾ॒ ಪರಿ॑ ಯಾತಿ ವಿ॒ದ್ವಾನ್ ಪ್ರ॒ಜಾಂ ಪುಷ್ಟಿಂ॑ ವ॒ರ್ಧಯ॑ಮಾನೋ ಅ॒ಸ್ಮೇ ಸ್ವಾಹಾ॑ ॥ ೨೫ ॥
ಸೋಮ॒ᳪ ರಾಜಾ॑ನ॒ಮವ॑ಸೇ॒ಽಗ್ನಿಮ॒ನ್ವಾ॑ರಭಾಮಹೇ | ಆ॒ದಿ॒ತ್ಯಾನ್ವಿಷ್ಣು॒ᳪ ಸೂರ್ಯಂ॑ ಬ್ರ॒ಹ್ಮಾಣಂ॑ ಚ॒ ಬೃಹ॒ಸ್ಪತಿ॒ᳪ ಸ್ವಾಹಾ॑ ॥ ೨೬ ॥
ಅ॒ರ್ಯ॒ಮಣಂ॒ ಬೃಹ॒ಸ್ಪತಿ॒ಮಿನ್ದ್ರಂ॒ ದಾನಾ॑ಯ ಚೋದಯ । ವಾಚಂ॒ ವಿಷ್ಣು॒ᳪ ಸರ॑ಸ್ವತೀᳪ ಸವಿ॒ತಾರಂ॑ ಚ ವಾ॒ಜಿನ॒ᳪ ಸ್ವಾಹಾ॑ ॥ ೨೭ ॥
ಅಗ್ನೇ॒ ಅಚ್ಛಾ॑ ವದೇ॒ಹ ನ॒: ಪ್ರತಿ॑ ನಃ ಸು॒ಮನಾ॑ ಭವ । ಪ್ರ ನೋ॑ ಯಚ್ಛ ಸಹಸ್ರಜಿ॒ತ್ತ್ವᳪ ಹಿ ಧ॑ನ॒ದಾ ಅಸಿ॒ ಸ್ವಾಹಾ॑ ॥ ೨೮ ॥
ಪ್ರ ನೋ॑ ಯಚ್ಛತ್ವರ್ಯ॒ಮಾ ಪ್ರ ಪೂ॒ಷಾ ಪ್ರ ಬೃಹ॒ಸ್ಪತಿ॑: । ಪ್ರ ವಾಗ್ದೇ॒ವೀ ದ॑ದಾತು ನ॒: ಸ್ವಾಹಾ॑ ॥ ೨೯ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಸರ॑ಸ್ವತ್ಯೈ ವಾ॒ಚೋ ಯ॒ನ್ತುರ್ಯ॒ನ್ತ್ರಿಯೇ॑ ದಧಾಮಿ॒ ಬೃಹ॒ಸ್ಪತೇ॑ಷ್ಟ್ವಾ॒ ಸಾಮ್ರಾ॑ಜ್ಯೇನಾ॒ಭಿ ಷಿ॑ಞ್ಚಾಮ್ಯಸೌ ॥ ೩೦ ॥
ಅ॒ಗ್ನಿರೇಕಾ॑ಕ್ಷರೇಣ ಪ್ರಾ॒ಣಮುದ॑ಜಯ॒ತ್ತಮುಜ್ಜೇ॑ಷಮ॒ಶ್ವಿನೌ॒ ದ್ವ್ಯ॒ಕ್ಷರೇಣ ದ್ವಿ॒ಪದೋ॑ ಮನು॒ಷ್ಯಾನುದ॑ಜಯತಾಂ॒ ತಾನುಜ್ಜೇ॑ಷಂ॒ ವಿಷ್ಣು॒ಸ್ತ್ರ್ಯ॒ಕ್ಷರೇಣ॒ ತ್ರೀಁಲ್ಲೋ॒ಕಾನುದ॑ಜಯ॒ತ್ತಾನುಜ್ಜೇ॑ಷಂ॒ᳪ
ಸೋಮ॒ಶ್ಚತು॑ರಕ್ಷರೇಣ॒ ಚತು॑ಷ್ಪದಃ ಪ॒ಶೂನುದ॑ಜಯ॒ತ್ತಾನುಜ್ಜೇ॑ಷಮ್ ॥ ೩೧ ॥
ಪೂ॒ಷಾ ಪಞ್ಚಾ॑ಕ್ಷರೇಣ॒ ಪಞ್ಚ॒ ದಿಶ॒ ಉದ॑ಜಯ॒ತ್ತಾ ಉಜ್ಜೇ॑ಷಂᳪ ಸವಿ॒ತಾ ಷಡ॑ಕ್ಷರೇಣ॒ ಷಡೃ॒ತೂನುದ॑ಜಯ॒ತ್ತಾನುಜ್ಜೇ॑ಷಂ ಮ॒ರುತ॑: ಸ॒ಪ್ತಾಕ್ಷ॑ರೇಣ ಸ॒ಪ್ತ ಗ್ರಾ॒ಮ್ಯಾನ್ ಪ॒ಶೂನುದ॑ಜಯಁ॒ಸ್ತಾನುಜ್ಜೇ॑ಷಂ॒ ಬೃಹ॒ಸ್ಪತಿ॑ರ॒ಷ್ಟಾಕ್ಷ॑ರೇಣ ಗಾಯ॒ತ್ರೀಮುದ॑ಜಯ॒ತ್ತಾಮುಜ್ಜೇ॑ಷಮ್ ॥ ೩೨ ॥
ಮಿ॒ತ್ರೋ ನವಾ॑ಕ್ಷರೇಣ ತ್ರಿ॒ವೃತ॒ᳪ ಸ್ತೋಮ॒ಮುದ॑ಜಯ॒ತ್ತಮುಜ್ಜೇ॑ಷಂ॒ ವರು॑ಣೋ॒ ದಶಾ॑ಕ್ಷರೇಣ ವಿ॒ರಾಜ॒ಮುದ॑ಜಯ॒ತ್ತಾಮುಜ್ಜೇ॑ಷ॒ಮಿನ್ದ್ರ॒ ಏ॒ಕಾದ॑ಶಾಕ್ಷರೇಣ ತ್ರಿ॒ಷ್ಟುಭ॒ಮುದ॑ಜಯ॒ತ್ತಾಮುಜ್ಜೇ॑ಷಂ॒
ವಿಶ್ವೇ॑ ದೇ॒ವಾ ದ್ವಾದ॑ಶಾಕ್ಷರೇಣ॒ ಜಗ॑ತೀ॒ಮುದ॑ಜಯಁ॒ಸ್ತಾಮುಜ್ಜೇ॑ಷಮ್ ॥ ೩೩ ॥
ವಸ॑ವ॒ಸ್ತ್ರಯೋ॑ದಶಾಕ್ಷರೇಣ ತ್ರಯೋದ॒ಶᳪ ಸ್ತೋಮ॒ಮುದ॑ಜಯಁ॒ಸ್ತಮುಜ್ಜೇ॑ಷಂᳪ ರು॒ದ್ರಾಶ್ಚತು॑ರ್ದಶಾಕ್ಷರೇಣ ಚತುರ್ದ॒ಶᳪ ಸ್ತೋಮ॒ಮುದ॑ಜಯಁ॒ಸ್ತಮುಜ್ಜೇ॑ಷಮಾದಿ॒ತ್ಯಾಃ ಪಞ್ಚ॑ದಶಾಕ್ಷರೇಣ ಪಞ್ಚದ॒ಶᳪ ಸ್ತೋಮ॒ಮುದ॑ಜಯಁ॒ಸ್ತಮುಜ್ಜೇ॑ಷ॒ಮದಿ॑ತಿ॒: ಷೋಡ॑ಶಾಕ್ಷರೇಣ ಷೋಡ॒ಶᳪ ಸ್ತೋಮ॒ಮುದ॑ಜಯ॒ತ್ತಮುಜ್ಜೇ॑ಷಂ ಪ್ರ॒ಜಾಪ॑ತಿಃ ಸ॒ಪ್ತದ॑ಶಾಕ್ಷರೇಣ ಸಪ್ತದ॒ಶᳪ ಸ್ತೋಮ॒ಮುದ॑ಜಯ॒ತ್ತಮುಜ್ಜೇ॑ಷಮ್ ॥ ೩೪ ॥
ಏ॒ಷ ತೇ॑ ನಿರೃತೇ ಭಾ॒ಗಸ್ತಂ ಜು॑ಷಸ್ವ॒ ಸ್ವಾಹಾ॒ಽಗ್ನಿನೇ॑ತ್ರೇಭ್ಯೋ ದೇ॒ವೇಭ್ಯ॑: ಪುರ॒: ಸದ್ಭ್ಯ॒: ಸ್ವಾಹಾ॑ ಯ॒ಮನೇ॑ತ್ರೇಭ್ಯೋ ದೇ॒ವೇಭ್ಯೋ॑ ದಕ್ಷಿ॒ಣಾಸದ್ಭ್ಯ॒: ಸ್ವಾಹಾ॑ ವಿ॒ಶ್ವದೇ॑ವನೇತ್ರೇಭ್ಯೋ ದೇ॒ವೇಭ್ಯ॑: ಪಶ್ಚಾ॒ತ್ಸದ್ಭ್ಯ॒: ಸ್ವಾಹಾ॑ ಮಿ॒ತ್ರಾವರು॑ಣನೇತ್ರೇಭ್ಯೋ ವಾ ಮ॒ರುನ್ನೇ॑ತ್ರೇಭ್ಯೋ ವಾ ದೇ॒ವೇಭ್ಯ॑ ಉತ್ತರಾ॒ಸದ್ಭ್ಯ॒: ಸ್ವಾಹಾ॒ ಸೋಮ॑ನೇತ್ರೇಭ್ಯೋ ದೇ॒ವೇಭ್ಯ॑ ಉಪರಿ॒ಸದ್ಭ್ಯೋ॒ ದುವ॑ಸ್ವದ್ಭ್ಯ॒: ಸ್ವಾಹಾ॑ ॥ ೩೫ ॥
ಯೇ ದೇ॒ವಾ ಅ॒ಗ್ನಿನೇ॑ತ್ರಾಃ ಪುರ॒: ಸದ॒ಸ್ತೇಭ್ಯ॒: ಸ್ವಾಹಾ॒ ಯೇ ದೇ॒ವಾ ಯ॒ಮನೇ॑ತ್ರಾ ದಕ್ಷಿ॒ಣಾಸದ॒ಸ್ತೇಭ್ಯ॒: ಸ್ವಾಹಾ॒ ಯೇ ದೇ॒ವಾ ವಿ॒ಶ್ವದೇ॑ವನೇತ್ರಾಃ ಪಶ್ಚಾ॒ತ್ಸದ॒ಸ್ತೇಭ್ಯ॒: ಸ್ವಾಹಾ॒ ಯೇ ದೇ॒ವಾ ಮಿ॒ತ್ರಾವರು॑ಣನೇತ್ರಾ ವಾ ಮ॒ರುನ್ನೇ॑ತ್ರಾ ವೋತ್ತರಾ॒ಸದ॒ಸ್ತೇಭ್ಯ॒: ಸ್ವಾಹಾ॒ ಯೇ ದೇ॒ವಾಃ ಸೋಮ॑ನೇತ್ರಾ ಉಪರಿ॒ಸದೋ॒ ದುವ॑ಸ್ವನ್ತ॒ಸ್ತೇಭ್ಯ॒: ಸ್ವಾಹಾ॑ ॥ ೩೬ ॥
ಅಗ್ನೇ॒ ಸಹ॑ಸ್ವ॒ ಪೃತ॑ನಾ ಅ॒ಭಿಮಾ॑ತೀ॒ರಪಾ॑ಸ್ಯ । ದು॒ಷ್ಟರ॒ಸ್ತರ॒ನ್ನರಾ॑ತೀ॒ರ್ವರ್ಚೋ॑ ಧಾ ಯ॒ಜ್ಞವಾ॑ಹಸಿ ॥ ೩೭ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಉ॒ಪಾ॒ᳪಶೋರ್ವೀ॒ರ್ಯೇ॒ಣ ಜುಹೋಮಿ ಹ॒ತᳪ ರಕ್ಷ॒: ಸ್ವಾಹಾ॒
ರಕ್ಷ॑ಸಾಂ ತ್ವಾ ಬ॒ಧಾಯಾಬ॑ಧಿಷ್ಮ॒ ರಕ್ಷೋಽಬ॑ಧಿಷ್ಮಾ॒ಮುಮ॒ಸೌ ಹ॒ತಃ ॥ ೩೮ ॥
ಸ॒ವಿ॒ತಾ ತ್ವಾ॑ ಸ॒ವಾನಾ॑ᳪ ಸುವ॒ತಾಮ॒ಗ್ನಿರ್ಗೃ॒ಹಪ॑ತೀನಾ॒ᳪ ಸೋಮೋ॒ ವನ॒ಸ್ಪತೀ॑ನಾಮ್ ।
ಬೃಹ॒ಸ್ಪತಿ॑ರ್ವಾ॒ಚ ಇನ್ದ್ರೋ॒ ಜ್ಯೈಷ್ಠ್ಯಾ॑ಯ ರು॒ದ್ರಃ ಪ॒ಶುಭ್ಯೋ॑ ಮಿ॒ತ್ರಃ ಸ॒ತ್ಯೋ ವರು॑ಣೋ॒ ಧರ್ಮ॑ಪತೀನಾಮ್ ॥ ೩೯ ॥
ಇ॒ಮಂ ದೇ॑ವಾ ಅಸಪ॒ತ್ನᳪ ಸು॑ವಧ್ವಂ ಮಹ॒ತೇ ಕ್ಷ॒ತ್ರಾಯ॑ ಮಹ॒ತೇ ಜ್ಯೈಷ್ಠ್ಯಾ॑ಯ ಮಹ॒ತೇ ಜಾನ॑ರಾಜ್ಯಾ॒ಯೇನ್ದ್ರ॑ಸ್ಯೇನ್ದ್ರಿ॒ಯಾಯ॑ |
ಇ॒ಮಮ॒ಮುಷ್ಯ॑ ಪು॒ತ್ರಮ॒ಮುಷ್ಯೈ॑ ಪು॒ತ್ರಮ॒ಸ್ಯೈ ವಿ॒ಶ ಏ॒ಷ ವೋ॑ಽಮೀ॒ ರಾಜಾ॒ ಸೋಮೋ॒ಽಸ್ಮಾಕಂ॑ ಬ್ರಾಹ್ಮ॒ಣಾನಾ॒ᳪ ರಾಜಾ॑ ॥ ೪೦ ॥
ಅಧ್ಯಾಯ ೧೦
ಅ॒ಪೋ ದೇ॒ವಾ ಮಧು॑ಮತೀರಗೃಭ್ಣ॒ನ್ನೂರ್ಜ॑ಸ್ವತೀ ರಾಜ॒ಸ್ವಶ್ಚಿತಾ॑ನಾಃ ।
ಯಾಭಿ॑ರ್ಮಿ॒ತ್ರಾವರು॑ಣಾವ॒ಭ್ಯಷಿ॑ಞ್ಚ॒ನ್ಯಾಭಿ॒ರಿನ್ದ್ರ॒ಮನ॑ಯ॒ನ್ನತ್ಯರಾ॑ತೀಃ ॥ ೧ ॥
ವೃಷ್ಣ॑ ಊ॒ರ್ಮಿರ॑ಸಿ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದೇಹಿ॒ ಸ್ವಾಹಾ॒ ವೃಷ್ಣ॑ ಊ॒ರ್ಮಿರ॑ಸಿ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದೇಹಿ
ವೃ॑ಷಸೇ॒ನೋ॒ಽಸಿ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದೇಹಿ॒ ಸ್ವಾಹಾ॑ ವೃಷಸೇ॒ನೋ॒ಽಸಿ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದೇಹಿ ॥ ೨ ॥
ಅ॒ರ್ಥೇತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ಽರ್ಥೇತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದ॒ತ್ತೌಜ॑ಸ್ವತೀ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹೌಜ॑ಸ್ವತೀ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದ॒ತ್ತಾಪ॑: ಪರಿವಾ॒ಹಿಣೀ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॑ ಽಪ॑: ಪರಿವಾ॒ಹಿಣೀ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತಾ॒ಪಾಂ ಪತಿ॑ರಸಿ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದೇಹಿ॒ ಸ್ವಾಹಾ॒ ಽಪಾಂ ಪತಿ॑ರಸಿ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದೇಹ್ಯ॒ಪಾಂ ಗರ್ಭೋ॑ಽಸಿ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದೇಹಿ॒ ಸ್ವಾಹಾ॒ ಽಪಾಂ ಗರ್ಭೋ॑ ಸಿ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದೇಹಿ॒ ॥ ೩ ॥
ಸೂರ್ಯ॑ತ್ವಚಸ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ಸೂರ್ಯ॑ತ್ವಚಸ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ ಸೂರ್ಯ॑ವರ್ಚಸ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ಸೂರ್ಯ॑ವರ್ಚಸ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ॒ ಮಾನ್ದಾ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ಮಾನ್ದಾ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ ವ್ರಜ॒ಕ್ಷಿತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॑ ವ್ರಜ॒ಕ್ಷಿತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ॒ ವಾಶಾ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ವಾಶಾ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ॒ ಶವಿ॑ಷ್ಠಾ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ಶವಿ॑ಷ್ಠಾ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ॒ ಶಕ್ವ॑ರೀ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॒ ಶಕ್ವ॑ರೀ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ ಜನ॒ಭೃತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॑ ಜನ॒ಭೃತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ ವಿಶ್ವ॒ಭೃತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಂ ಮೇ॑ ದತ್ತ॒ ಸ್ವಾಹಾ॑ ವಿಶ್ವ॒ಭೃತ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದ॒ತ್ತಾಪ॑: ಸ್ವ॒ರಾಜ॑ ಸ್ಥ ರಾಷ್ಟ್ರ॒ದಾ ರಾ॒ಷ್ಟ್ರಮ॒ಮುಷ್ಮೈ॑ ದತ್ತ । ಮಧು॑ಮತೀ॒ರ್ಮಧು॑ಮತೀಭಿಃ ಪೃಚ್ಯನ್ತಾಂ॒ ಮಹಿ॑ ಕ್ಷ॒ತ್ರಂ ಕ್ಷ॒ತ್ರಿಯಾ॑ಯ ವನ್ವಾ॒ನಾಂನಾ॑ಧೃಷ್ಟಾಃ ಸೀದತ ಸ॒ಹೌಜ॑ಸೋ॒ ಮಹಿ॑ ಕ್ಷ॒ತ್ರಂ ಕ್ಷ॒ತ್ರಿಯಾ॑ಯ॒ ದಧ॑ತೀಃ ॥ ೪ ॥
ಸೋಮ॑ಸ್ಯ॒ ತ್ವಿಷಿ॑ರಸಿ॒ ತವೇ॑ವ ಮೇ॒ ತ್ವಿಷಿ॑ರ್ಭೂಯಾತ್ । ಅ॒ಗ್ನಯೇ॒ ಸ್ವಾಹಾ॒ ಸೋಮಾ॑ಯ॒ ಸ್ವಾಹಾ॑ ಸವಿ॒ತ್ರೇ ಸ್ವಾಹಾ॒ ಸರ॑ಸ್ವತ್ಯೈ॒ ಸ್ವಾಹಾ॑
ಪೂ॒ಷ್ಣೇ ಸ್ವಾಹಾ॒ ಬೃಹ॒ಸ್ಪತ॑ಯೇ॒ ಸ್ವಾಹೇನ್ದ್ರಾ॑ಯ॒ ಸ್ವಾಹಾ॒ ಘೋಷಾ॑ಯ॒ ಸ್ವಾಹಾ॒ ಶ್ಲೋಕಾ॑ಯ॒ ಸ್ವಾಹಾ
ಽᳪಶಾ॑ಯ॒ ಸ್ವಾಹಾ॒ ಭಗಾ॑ಯ॒ ಸ್ವಾಹಾ॑ ಽರ್ಯ॒ಮ್ಣೇ ಸ್ವಾಹಾ॑ ॥ ೫ ॥
ಪ॒ವಿತ್ರೇ॑ ಸ್ಥೋ ವೈಷ್ಣ॒ವ್ಯೌ॒ ಸವಿ॒ತುರ್ವ॑: ಪ್ರಸ॒ವ ಉತ್ಪು॑ನಾ॒ಮ್ಯಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿ॑: ।
ಅನಿ॑ಭೃಷ್ಟಮಸಿ ವಾ॒ಚೋ ಬನ್ಧು॑ಸ್ತಪೋ॒ಜಾಃ ಸೋಮ॑ಸ್ಯ ದಾ॒ತ್ರಮ॑ಸಿ॒ ಸ್ವಾಹಾ॑ ರಾಜ॒ಸ್ವ॒: ॥ ೬ ॥
ಸ॒ಧ॒ಮಾದೋ॑ ದ್ಯು॒ಮ್ನಿನೀ॒ರಾಪ॑ ಏ॒ತಾ ಅನಾ॑ಧೃಷ್ಟಾ ಅಪ॒ಸ್ಯೋ ವಸಾ॑ನಾಃ ।
ಪ॒ಸ್ತ್ಯಾ॒ಸು ಚಕ್ರೇ॒ ವರು॑ಣಃ ಸ॒ಧಸ್ಥ॑ಮ॒ಪಾᳪ ಶಿಶು॑ರ್ಮಾ॒ತೃತ॑ಮಾಸ್ವ॒ನ್ತಃ ॥ ೭ ॥
ಕ್ಷ॒ತ್ರಸ್ಯೋಲ್ಬ॑ಮಸಿ ಕ್ಷ॒ತ್ರಸ್ಯ॑ ಜ॒ರಾಯ್ವ॑ಸಿ ಕ್ಷ॒ತ್ರಸ್ಯ॒ ಯೋನಿ॑ರಸಿ ಕ್ಷ॒ತ್ರಸ್ಯ॒ ನಾಭಿ॑ರ॒ಸೀನ್ದ್ರ॑ಸ್ಯ॒ ವಾರ್ತ್ರ॑ಘ್ನಮಸಿ ಮಿ॒ತ್ರಸ್ಯಾ॑ಸಿ॒ ವರು॑ಣಸ್ಯಾಸಿ॒
ತ್ವಯಾ॒ಽಯಂ ವೃ॒ತ್ರಂ ಬ॑ಧೇತ್ । ದೃ॒ಬಾಽಸಿ॑ ರು॒ಜಾಽಸಿ॑ ಕ್ಷು॒ಮಾಽಸಿ॑ । ಪಾ॒ತೈನಂ॒ ಪ್ರಾಞ್ಚಂ॑ ಪಾ॒ತೈನಂ ಪ್ರ॒ತ್ಯಞ್ಚಂ॑ ಪಾ॒ತೈನಂ॑ ತಿ॒ರ್ಯಞ್ಚಂ॑ ದಿ॒ಗ್ಭ್ಯಃ ಪಾ॑ತ ॥ ೮ ॥
ಆ॒ವಿರ್ಮ॑ಯಾ॒ ಆವಿ॑ತ್ತೋ ಅ॒ಗ್ನಿರ್ಗೃ॒ಹಪ॑ತಿರಾವಿ॑ತ್ತ॒ ಇನ್ದ್ರೋ॑ ವೃ॒ದ್ಧಶ್ರ॑ವಾ॒ ಆವಿ॑ತ್ತೌ ಮಿ॒ತ್ರಾವರು॑ಣೌ ಧೃ॒ತವ್ರ॑ತಾ॒ವಾವಿ॑ತ್ತಃ ಪೂ॒ಷಾ ವಿ॒ಶ್ವವೇ॑ದಾ॒
ಆವಿ॑ತ್ತೇ॒ ದ್ಯಾವಾ॑ಪೃಥಿ॒ವೀ ವಿ॒ಶ್ವಶ॑ಮ್ಭುವಾ॒ವಾವಿ॒ತ್ತಾದಿ॑ತಿರು॒ರುಶ॑ರ್ಮಾ ॥ ೯ ॥
ಅವೇ॑ಷ್ಟಾ ದನ್ದ॒ಶೂಕಾ॑: ಪ್ರಾಚೀ॒ಮಾ ರೋ॑ಹ ಗಾಯ॒ತ್ರೀ ತ್ವಾ॑ಽವತು ರಥನ್ತ॒ರᳪ ಸಾಮ॑ ತ್ರಿ॒ವೃತ್ಸ್ತೋಮೋ॑ ವಸ॒ನ್ತ ಋ॒ತುರ್ಬ್ರಹ್ಮ॒ ದ್ರವಿ॑ಣಮ್ ॥ ೧೦ ॥
ದಕ್ಷಿ॑ಣಾ॒ಮಾ ರೋ॑ಹ ತ್ರಿ॒ಷ್ಟುಪ್ ತ್ವಾ॑ಽವತು ಬೃ॒ಹತ್ಸಾಮ॑ ಪಞ್ಚದ॒ಶ ಸ್ತೋಮೋ॑ ಗ್ರೀ॒ಷ್ಮ ಋ॒ತುಃ ಕ್ಷ॒ತ್ರಂ ದ್ರವಿ॑ಣಮ್ ॥ ೧೧ ॥
ಪ್ರ॒ತೀಚೀ॒ಮಾ ರೋ॑ಹ॒ ಜಗ॑ತೀ ತ್ವಾಽವತು ವೈರೂ॒ಪᳪ ಸಾಮ॑ ಸಪ್ತದ॒ಶ ಸ್ತೋಮೋ॑ ವ॒ರ್ಷಾ ಋ॒ತುರ್ವಿಡ್ ದ್ರವಿ॑ಣಮ್ ॥ ೧೨ ॥
ಉದೀ॑ಚೀ॒ಮಾ ರೋ॑ಹಾನು॒ಷ್ಟುಪ್ ತ್ವಾ॑ಽವತು ವೈರಾ॒ಜᳪ ಸಾಮೈ॑ಕವಿ॒ᳪಶ ಸ್ತೋಮ॑: ಶ॒ರದೃ॒ತುಃ ಫಲಂ॒ ದ್ರವಿ॑ಣಮ್ ॥ ೧೩ ॥
ಊ॒ರ್ಧ್ವಾಮಾ ರೋ॑ಹ ಪ॒ಙ್ಕ್ತಿಸ್ತ್ವಾ॑ಽವತು ಶಾಕ್ವರರೈವ॒ತೇ ಸಾಮ॑ನೀ ತ್ರಿಣವತ್ರಯಸ್ತ್ರಿ॒ᳪಶೌ॒ ಸ್ತೋಮೌ॑ ಹೇಮನ್ತಶಿಶಿ॒ರಾವೃ॒ತೂ ವರ್ಚೋ॒ ದ್ರವಿ॑ಣಂ॒
ಪ್ರತ್ಯ॑ಸ್ತಂ॒ ನಮು॑ಚೇ॒: ಶಿರ॑: ॥ ೧೪ ॥
ಸೋಮ॑ಸ್ಯ॒ ತ್ವಿಷಿ॑ರಸಿ॒ ತವೇ॑ವ ಮೇ॒ ತ್ವಿಷಿ॑ರ್ಭೂಯಾತ್ । ಮೃ॒ತ್ಯೋಃ ಪಾ॒ಹ್ಯೋಜೋ॑ಽಸಿ॒ ಸಹೋ॑ಽಸ್ಯ॒ಮೃತ॑ಮಸಿ ॥ ೧೫ ॥
ಹಿರ॑ಣ್ಯರೂಪಾ ಉ॒ಷಸೋ॑ ವಿರೋ॒ಕ ಉ॒ಭಾವಿ॑ನ್ದ್ರಾ॒ ಉದಿ॑ಥ॒: ಸೂರ್ಯ॑ಶ್ಚ ।
ಆ ರೋ॑ಹತಂ ವರುಣ ಮಿತ್ರ॒ ಗರ್ತ್ತಂ॒ ತತ॑ಶ್ಚಕ್ಷಾಥಾ॒ಮದಿ॑ತಿಂ॒ ದಿತಿಂ॑ ಚ ಮಿ॒ತ್ರೋ॒ಽಸಿ॒ ವರು॑ಣೋಽಸಿ ॥ ೧೬ ॥
ಸೋಮ॑ಸ್ಯ ತ್ವಾ ದ್ಯು॒ಮ್ನೇನಾ॒ಭಿ ಷಿ॑ಞ್ಚಾಮ್ಯ॒ಗ್ನೇರ್ಭ್ರಾಜ॑ಸಾ॒ ಸೂರ್ಯ॑ಸ್ಯ॒ ವರ್ಚ॒ಸೇನ್ದ್ರ॑ಸ್ಯೇನ್ದ್ರಿ॒ಯೇಣ॑ ।
ಕ್ಷ॒ತ್ರಾಣಾಂ॑ ಕ್ಷ॒ತ್ರಪ॑ತಿರೇ॒ಧ್ಯತಿ॑ ದಿ॒ದ್ಯೂನ್ ಪಾ॑ಹಿ ॥ ೧೭ ॥
ಇ॒ಮಂ ದೇ॑ವಾ ಅಸಪ॒ತ್ನᳪ ಸು॑ವಧ್ವಂ ಮಹ॒ತೇ ಕ್ಷ॒ತ್ರಾಯ॑ ಮಹ॒ತೇ ಜ್ಯೈ॑ಷ್ಠ್ಯಾಯ ಮಹ॒ತೇ ಜಾನ॑ರಾಜ್ಯಾ॒ಯೇನ್ದ್ರ॑ಸ್ಯೇನ್ದ್ರಿ॒ಯಾಯ॑ ।
ಇ॒ಮಮ॒ಮುಷ್ಯ॑ ಪು॒ತ್ರಮ॒ಮುಷ್ಯೈ॑ ಪು॒ತ್ರಮಸ್ಯೈ ವಿ॒ಶ ಏ॒ಷ ವೋ॑ಽಮೀ॒ ರಾಜಾ॒ ಸೋಮೋ॒ಽಸ್ಮಾಕಂ॑ ಬ್ರಾಹ್ಮ॒ಣಾನಾ॒ᳪರಾಜಾ॑ ॥ ೧೮ ॥
ಪ್ರ ಪರ್ವ॑ತಸ್ಯ ವೃಷ॒ಭಸ್ಯ॑ ಪೃ॒ಷ್ಠಾನ್ನಾವ॑ಶ್ಚರನ್ತಿ ಸ್ವ॒ಸಿಚ॑ ಇಯಾ॒ನಾಃ ।
ತಾ ಆಽವ॑ವೃತ್ರನ್ನಧ॒ರಾಗುದ॑ಕ್ತಾ॒ ಅಹಿಂ॑ ಬು॒ಧ್ನ್ಯ॒ಮನು॒ ರೀಯ॑ಮಾಣಾಃ ।
ವಿಷ್ಣೋ॑ರ್ವಿ॒ಕ್ರಮ॑ಣಮಸಿ॒ ವಿಷ್ಣೋ॒ರ್ವಿಕ್ರಾ॑ನ್ತಮಸಿ॒ ವಿಷ್ಣೋ॑: ಕ್ರಾ॒ನ್ತಮ॑ಸಿ ॥ ೧೯ ॥
ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ರೂ॒ಪಾಣಿ॒ ಪರಿ॒ ತಾ ಬ॑ಭೂವ । ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತ್ವ॒ಯಮ॒ಮುಷ್ಯ॑ ಪಿ॒ತಾಸಾವ॒ಸ್ಯ ಪಿ॒ತಾ ವ॒ಯᳪ ಸ್ಯಾ॑ಮ॒ ಪತ॑ಯೋ ರಯೀ॒ಣಾᳪ ಸ್ವಾಹಾ॑ ।
ರುದ್ರ॒ ಯತ್ತೇ॒ ಕ್ರಿವಿ॒ ಪರಂ॒ ನಾಮ॒ ತಸ್ಮಿ॑ನ್ಹು॒ತಮ॑ಸ್ಯಮೇ॒ಷ್ಟಮ॑ಸಿ॒ ಸ್ವಾಹಾ॑ ॥ ೨೦ ॥
ಇನ್ದ್ರ॑ಸ್ಯ॒ ವಜ್ರೋ॑ಽಸಿ ಮಿ॒ತ್ರಾವರು॑ಣಯೋಸ್ತ್ವಾ ಪ್ರಶಾ॒ಸ್ತ್ರೋಃ ಪ್ರ॒ಶಿಷಾ॑ ಯುನಜ್ಮಿ ।
ಅವ್ಯ॑ಥಾಯೈ ತ್ವಾ ಸ್ವ॒ಧಾಯೈ॒ ತ್ವಾಽರಿ॑ಷ್ಟೋ॒ ಅರ್ಜು॑ನೋ ಮ॒ರುತಾಂ॑ ಪ್ರಸ॒ವೇನ॑ ಜ॒ಯಾಪಾ॑ಮ॒ ಮನ॑ಸಾ॒ ಸಮಿ॑ನ್ದ್ರಿ॒ಯೇಣ॑ ॥ ೨೧॥
ಮಾ ತ॑ ಇನ್ದ್ರ ತೇ ವ॒ಯಂ ತು॑ರಾಷಾ॒ಡಯು॑ಕ್ತಾಸೋ ಅಬ್ರ॒ಹ್ಮತಾ॒ ವಿದ॑ಸಾಮ ।
ತಿಷ್ಠಾ॒ ರಥ॒ಮಧಿ॒ ಯಂ ವ॑ಜ್ರಹ॒ಸ್ತಾ ರ॒ಶ್ಮೀನ್ ದೇ॑ವ ಯುವಸೇ॒ ಸ್ವಶ್ವಾ॑ನ್ ॥ ೨೨ ॥
ಅ॒ಗ್ನಯೇ॑ ಗೃ॒ಹಪ॑ತಯೇ॒ ಸ್ವಾಹಾ॒ ಸೋಮಾ॑ಯ॒ ವನ॒ಸ್ಪತ॑ಯೇ॒ ಸ್ವಾಹಾ॑
ಮ॒ರುತಾ॒ಮೋಜ॑ಸೇ॒ ಸ್ವಾಹೇನ್ದ್ರ॑ಸ್ಯೇನ್ದ್ರಿ॒ಯಾಯ॒ ಸ್ವಾಹಾ॑ । ಪೃಥಿ॑ವಿ ಮಾತ॒ರ್ಮಾ ಮಾ॑ ಹಿᳪಸೀ॒ರ್ಮೋ ಅ॒ಹಂ ತ್ವಾಮ್ ॥ ೨೩ ॥
ಹ॒ᳪಸಃ ಶು॑ಚಿ॒ಷದ್ವಸು॑ರನ್ತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ ।
ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ ॥ ೨೪ ॥
ಇಯ॑ದ॒ಸ್ಯಾಯು॑ರ॒ಸ್ಯಾಯು॒ರ್ಮಯಿ॑ ಧೇಹಿ॒ ಯುಙ್ಙ॑ಸಿ॒ ವರ್ಚೋ॑ಽಸಿ॒ ವರ್ಚೋ॒ ಮಯಿ॑ ಧೇ॒ಹ್ಯೂರ್ಗ॒ಸ್ಯೂರ್ಜಂ॒ ಮಯಿ॑ ಧೇಹಿ ॥
ಇನ್ದ್ರ॑ಸ್ಯ ವಾಂ ವೀರ್ಯ॒ಕೃತೋ॑ ಬಾ॒ಹೂ ಅ॑ಭ್ಯು॒ಪಾವ॑ಹರಾಮಿ ॥ ೨೫ ॥
ಸ್ಯೋ॒ನಾಽಸಿ॑ ಸು॒ಷದಾ॑ಽಸಿ ಕ್ಷ॒ತ್ರಸ್ಯ॒ ಯೋನಿ॑ರಸಿ ।
ಸ್ಯೋ॒ನಾಮಾ ಸೀ॑ದ ಸು॒ಷದಾ॒ಮಾ ಸೀ॑ದ ಕ್ಷ॒ತ್ರಸ್ಯ॒ ಯೋನಿ॒ಮಾ ಸೀ॑ದ ॥ ೨೬ ॥
ನಿ ಷ॑ಸಾದ ಘೃ॒ತವ್ರ॑ತೋ॒ ವರು॑ಣಃ ಪ॒ಸ್ತ್ಯಾಸ್ವಾ । ಸಾಮ್ರಾ॑ಜ್ಯಾಯ ಸು॒ಕ್ರತು॑: ॥ ೨೭ ॥
ಅ॒ಭಿ॒ಭೂರ॑ಸ್ಯೇ॒ತಾಸ್ತೇ॒ ಪಞ್ಚ॒ ದಿಶ॑: ಕಲ್ಪನ್ತಾಂ॒ ಬ್ರಹ್ಮಁ॒ಸ್ತ್ವಂ ಬ್ರ॒ಹ್ಮಾಽಸಿ॑ ಸವಿ॒ತಾಽಸಿ॑ ಸ॒ತ್ಯಪ್ರ॑ಸವೋ॒ ವರು॑ಣೋಽಸಿ ಸ॒ತ್ಯೌಜಾ॒ ಇನ್ದ್ರೋ॑ಽಸಿ॒ ವಿಶೌ॑ಜಾ ರು॒ದ್ರೋ॒ಽಸಿ ಸು॒ಶೇವ॑: ।
ಬಹು॑ಕಾರ॒ ಶ್ರೇಯ॑ಸ್ಕರ॒ ಭೂಯ॑ಸ್ಕ॒ರೇನ್ದ್ರ॑ಸ್ಯ॒ ವಜ್ರೋ॑ಽಸಿ॒ ತೇನ॑ ಮೇ ರಧ್ಯ ॥ ೨೮ ॥
ಅ॒ಗ್ನಿಃ ಪೃ॒ಥುರ್ಧರ್ಮ॑ಣ॒ಸ್ಪತಿ॑ರ್ಜುಷಾ॒ಣೋ ಅ॒ಗ್ನಿಃ ಪೃ॒ಥುರ್ಧರ್ಮ॑ಣ॒ಸ್ಪತಿ॒ರಾಜ್ಯ॑ಸ್ಯ ವೇತು॒ ಸ್ವಾಹಾ॑
ಸ್ವಾಹಾ॑ಕೃತಾ॒: ಸೂರ್ಯ॑ಸ್ಯ ರ॒ಶ್ಮಿಭಿ॑ರ್ಯತಧ್ವᳪ ಸಜಾ॒ತಾನಾಂ॑ ಮಧ್ಯ॒ಮೇಷ್ಠ್ಯಾ॑ಯ ॥ ೨೯ ॥
ಸ॒ವಿ॒ತ್ರಾ ಪ್ರ॑ಸವಿ॒ತ್ರಾ ಸರ॑ಸ್ವತ್ಯಾ ವಾ॒ಚಾ ತ್ವಷ್ಟ್ರಾ॑ ರೂ॒ಪೈಃ ಪೂ॒ಷ್ಣಾ ಪ॒ಶುಭಿ॒ರಿನ್ದ್ರೇ॑ಣಾ॒ಸ್ಮೇ ಬೃಹ॒ಸ್ಪತಿ॑ನಾ॒ ಬ್ರಹ್ಮ॑ಣಾ॒ ವರು॑ಣೇ॒ನೌಜ॑ಸಾ॒ಽಗ್ನಿನಾ॒ ತೇಜ॑ಸಾ॒ ಸೋಮೇ॑ನ॒ ರಾಜ್ಞಾ॒ ವಿಷ್ಣು॑ನಾ ದಶ॒ಮ್ಯಾ ದೇ॒ವತ॑ಯಾ॒ ಪ್ರಸೂ॑ತ॒: ಪ್ರ ಸ॑ರ್ಪಾಮಿ ॥ ೩೦ ॥
ಅ॒ಶ್ವಿಭ್ಯಾಂ॑ ಪಚ್ಯಸ್ವ॒ ಸರ॑ಸ್ವತ್ಯೈ ಪಚ್ಯ॒ಸ್ವೇನ್ದ್ರಾ॑ಯ ಸು॒ತ್ರಾಮ್ಣೇ॑ ಪಚ್ಯಸ್ವ ।
ವಾ॒ಯುಃ ಪೂ॒ತಃ ಪ॒ವಿತ್ರೇ॑ಣ ಪ್ರ॒ತ್ಯಙ್ಕ್ಸೋಮೋ॒ ಅತಿ॑ಸ್ರುತಃ । ಇನ್ದ್ರ॑ಸ್ಯ॒ ಯುಜ್ಯ॒: ಸಖಾ॑ ॥ ೩೧ ॥
ಕು॒ವಿದ॒ಙ್ಗ ಯವ॑ಮನ್ತೋ ಯವಂ॑ ಚಿ॒ದ್ಯಥಾ॒ ದಾನ್ತ್ಯ॑ನುಪೂ॒ರ್ವಂ ವಿ॒ಯೂಯ॑ ।
ಇ॒ಹೇಹೈ॑ಷಾಂ ಕೃಣುಹಿ॒ ಭೋಜ॑ನಾನಿ॒ ಯೇ ಬ॒ರ್ಹಿಷೋ॒ ನಮ॑ ಉಕ್ತಿಂ॒ ಯಜ॑ನ್ತಿ ।
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಶ್ವಿಭ್ಯಾಂ॑ ತ್ವಾ॒ ಸರ॑ಸ್ವತ್ಯೈ॒ ತ್ವೇನ್ದ್ರಾ॑ಯ ತ್ವಾ ಸು॒ತ್ರಾಮ್ಣೇ॑ ॥ ೩೨ ॥
ಯು॒ವᳪ ಸು॒ರಾಮ॑ಮಶ್ವಿನಾ॒ ನಮು॑ಚಾವಾಸು॒ರೇ ಸಚಾ॑ । ವಿ॒ಪಿ॒ಪಾ॒ನಾ ಶು॑ಭಸ್ಪತೀ॒ ಇನ್ದ್ರಂ॒ ಕರ್ಮ॑ಸ್ವಾವತಮ್ ॥ ೩೩ ॥
ಪು॒ತ್ರಮಿ॑ವ ಪಿ॒ತರಾ॑ವ॒ಶ್ವಿನೋ॒ಭೇನ್ದ್ರಾ॒ವಥು॒: ಕಾವ್ಯೈ॑ರ್ದ॒ᳪಸನಾ॑ಭಿಃ ।
ಯತ್ಸು॒ರಾಮಂ॒ ವ್ಯಪಿ॑ಬ॒: ಶಚೀ॑ಭಿ॒: ಸರ॑ಸ್ವತೀ ತ್ವಾ ಮಘವನ್ನಭಿಷ್ಣಕ್ ॥ ೩೪ ॥
ಅಧ್ಯಾಯ ೧೧
ಯು॒ಞ್ಜಾ॒ನಃ ಪ್ರ॑ಥ॒ಮಂ ಮನ॑ಸ್ತ॒ತ್ತ್ವಾಯ॑ ಸವಿ॒ತಾ ಧಿಯ॑: । ಅ॒ಗ್ನೇರ್ಜ್ಯೋತಿ॑ರ್ನಿ॒ಚಾಯ್ಯ॑ ಪೃಥಿ॒ವ್ಯಾ ಅಧ್ಯಾಽಭ॑ರತ್ ॥ ೧ ॥
ಯು॒ಕ್ತೇನ॒ ಮನ॑ಸಾ ವ॒ಯಂ ದೇ॒ವಸ್ಯ॑ ಸವಿ॒ತುಃ ಸ॒ವೇ । ಸ್ವ॒ರ್ಗ್ಯಾ॒ಯ॒ ಶಕ್ತ್ಯಾ॑ ॥ ೨ ॥
ಯು॒ಕ್ತ್ವಾಯ॑ ಸವಿ॒ತಾ ದೇ॒ವಾನ್ತ್ಸ್ವ॑ರ್ಯ॒ತೋ ಧಿ॒ಯಾ ದಿವ॑ಮ್ । ಬೃ॒ಹಜ್ಜ್ಯೋತಿ॑: ಕರಿಷ್ಯ॒ತಃ ಸ॑ವಿ॒ತಾ ಪ್ರ ಸು॑ವಾತಿ॒ ತಾನ್ ॥ ೩ ॥
ಯು॒ಞ್ಜತೇ॒ ಮನ॑ ಉ॒ತ ಯು॑ಞ್ಜತೇ॒ ಧಿಯೋ॒ ವಿಪ್ರಾ॒ ವಿಪ್ರ॑ಸ್ಯ ಬೃಹ॒ತೋ ವಿ॑ಪ॒ಶ್ಚಿತ॑: ।
ವಿ ಹೋತ್ರಾ॑ ದಧೇ ವಯುನಾ॒ವಿದೇಕ॒ ಇನ್ಮ॒ಹೀ ದೇ॒ವಸ್ಯ॑ ಸವಿ॒ತುಃ ಪರಿ॑ಷ್ಟುತಿಃ ॥ ೪ ॥
ಯು॒ಜೇ ವಾಂ॒ ಬ್ರಹ್ಮ॑ ಪೂ॒ರ್ವ್ಯಂ ನಮೋ॑ಭಿ॒ರ್ವಿ ಶ್ಲೋಕ॑ ಏತು ಪ॒ಥ್ಯೇ॒ವ ಸೂ॒ರೇಃ ।
ಶೃ॒ಣ್ವನ್ತು॒ ವಿಶ್ವೇ॑ ಅ॒ಮೃತ॑ಸ್ಯ ಪು॒ತ್ರಾ ಆ ಯೇ ಧಾಮಾ॑ನಿ ದಿ॒ವ್ಯಾನಿ॑ ತ॒ಸ್ಥುಃ ॥ ೫ ॥
ಯಸ್ಯ॑ ಪ್ರ॒ಯಾಣ॒ಮನ್ವ॒ನ್ಯ ಇದ್ಯ॒ಯುರ್ದೇ॒ವಾ ದೇ॒ವಸ್ಯ॑ ಮಹಿ॒ಮಾನ॒ಮೋಜ॑ಸಾ ।
ಯಃ ಪಾರ್ಥಿ॑ವಾನಿ ವಿಮ॒ಮೇ ಸ ಏತ॑ಶೋ॒ ರಜಾ॑ᳪಸಿ ದೇ॒ವಃ ಸ॑ವಿ॒ತಾ ಮ॑ಹಿತ್ವ॒ನಾ ॥ ೬ ॥
ದೇವ॑ ಸವಿತ॒: ಪ್ರ ಸು॑ವ ಯ॒ಜ್ಞಂ ಪ್ರ ಸು॑ವ ಯ॒ಜ್ಞಪ॑ತಿಂ॒ ಭಗಾ॑ಯ ।
ದಿ॒ವ್ಯೋ ಗ॑ನ್ಧ॒ರ್ವಃ ಕೇ॑ತ॒ಪೂಃ ಕೇತಂ॑ ನಃ ಪುನಾತು ವಾ॒ಚಸ್ಪತಿ॒ರ್ವಾಚಂ॑ ನಃ ಸ್ವದತು ॥ ೭ ॥
ಇ॒ಮಂ ನೋ॑ ದೇವ ಸವಿತರ್ಯ॒ಜ್ಞಂ ಪ್ರ ಣ॑ಯ ದೇವಾ॒ವ್ಯ॒ᳪ ಸಖಿ॒ವಿದ॑ᳪ ಸತ್ರಾ॒ಜಿತಂ॑ ಧನ॒ಜಿತ॑ᳪ ಸ್ವ॒ರ್ಜಿತ॑ಮ್ ।
ಋ॒ಚಾ ಸ್ತೋಮ॒ᳪ ಸಮ॑ರ್ಧಯ ಗಾಯ॒ತ್ರೇಣ॑ ರಥನ್ತ॒ರಂ ಬೃ॒ಹದ್ಗಾ॑ಯ॒ತ್ರವ॑ರ್ತನಿ॒ ಸ್ವಾಹಾ॑ ॥ ೮ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಆ ದ॑ದೇ ಗಾಯ॒ತ್ರೇಣ॒ ಛನ್ದ॑ಸಾಽಙ್ಗಿರ॒ಸ್ವತ್ಪೃ॑ಥಿ॒ವ್ಯಾಃ ಸ॒ಧಸ್ಥಾ॑ದ॒ಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವದಾ ಭ॑ರ॒ ತ್ರೈಷ್ಟು॑ಭೇನ॒ ಛನ್ದ॑ಸಾಽಙ್ಗಿರ॒ಸ್ವತ್ ॥ ೯ ॥
ಅಭ್ರಿ॑ರಸಿ॒ ನಾರ್ಯ॑ಸಿ॒ ತ್ವಯಾ॑ ವ॒ಯಮ॒ಗ್ನಿᳪ ಶ॑ಕೇಮ॒ ಖನಿ॑ತುᳪ ಸ॒ಧಸ್ಥ॒ ಆ । ಜಾಗ॑ತೇನ॒ ಛನ್ದ॑ಸಾಽಙ್ಗಿರ॒ಸ್ವತ್ ॥೧೦ ॥
ಹಸ್ತ॑ ಆ॒ಧಾಯ॑ ಸವಿ॒ತಾ ಬಿಭ್ರ॒ದಭ್ರಿ॑ᳪ ಹಿರ॒ಣ್ಯಯೀ॑ಮ್ । ಅ॒ಗ್ನೇರ್ಜ್ಯೋತಿ॑ರ್ನಿ॒ಚಾಯ್ಯ॑ ಪೃಥಿ॒ವ್ಯಾ ಅಧ್ಯಾಽಭ॑ರ॒ದಾನು॑ಷ್ಟುಭೇನ॒ ಛನ್ದ॑ಸಾಽಙ್ಗಿರ॒ಸ್ವತ್ ॥ ೧೧ ॥
ಪ್ರತೂ॑ರ್ತಂ ವಾಜಿ॒ನ್ನಾ ದ್ರ॑ವ॒ ವರಿ॑ಷ್ಠಾ॒ಮನು॑ ಸಂ॒ವತ॑ಮ್ । ದಿ॒ವಿ ತೇ॒ ಜನ್ಮ॑ ಪರ॒ಮಮ॒ನ್ತರಿ॑ಕ್ಷೇ॒ ತವ॒ ನಾಭಿ॑: ಪೃಥಿ॒ವ್ಯಾಮಧಿ॒ ಯೋನಿ॒ರಿತ್ ॥ ೧೨ ॥
ಯು॒ಞ್ಜಾಥಾ॒ᳪ ರಾಸ॑ಭಂ ಯು॒ವಮ॒ಸ್ಮಿನ್ ಯಾಮೇ॑ ವೃಷಣ್ವಸೂ । ಅ॒ಗ್ನಿಂ ಭರ॑ನ್ತಮಸ್ಮ॒ಯುಮ್ ॥ ೧೩ ॥
ಯೋಗೇ॑-ಯೋಗೇ ತ॒ವಸ್ತ॑ರಂ॒ ವಾಜೇ॑-ವಾಜೇ ಹವಾಮಹೇ । ಸಖಾ॑ಯ॒ ಇನ್ದ್ರ॑ಮೂ॒ತಯೇ॑ ॥ ೧೪ ॥
ಪ್ರ॒ತೂರ್ವ॒ನ್ನೇಹ್ಯ॑ವ॒ಕ್ರಾಮ॒ನ್ನಶ॑ಸ್ತೀ ರು॒ದ್ರಸ್ಯ॒ ಗಾಣ॑ಪತ್ಯಂ ಮಯೋ॒ಭೂರೇಹಿ॑ । ಉ॒ರ್ವನ್ತರಿ॑ಕ್ಷಂ॒ ವೀ॑ಹಿ ಸ್ವ॒ಸ್ತಿಗ॑ವ್ಯೂತಿ॒ರಭ॑ಯಾನಿ ಕೃ॒ಣ್ವನ್ ಪೂ॒ಷ್ಣಾ ಸ॒ಯುಜಾ॑ ಸ॒ಹ ॥ ೧೫ ॥
ಪೃ॒ಥಿ॒ವ್ಯಾಃ ಸ॒ಧಸ್ಥಾ॑ದ॒ಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವದಾ ಭ॑ರಾ॒ಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವದಚ್ಛೇ॑ಮೋ॒ ಽಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವದ್ಭ॑ರಿಷ್ಯಾಮಃ ॥ ೧೬ ॥
ಅನ್ವ॒ಗ್ನಿರು॒ಷಸಾ॒ಮಗ್ರ॑ಮಖ್ಯ॒ದನ್ವಹಾ॑ನಿ ಪ್ರಥ॒ಮೋ ಜಾ॒ತವೇ॑ದಾಃ ।
ಅನು॒ ಸೂರ್ಯ॑ಸ್ಯ ಪುರು॒ತ್ರಾ ಚ॑ ರ॒ಶ್ಮೀನನು॒ ದ್ಯಾವಾ॑ಪೃಥಿ॒ವೀ ಆ ತ॑ತನ್ಥ ॥ ೧೭ ॥
ಆ॒ಗತ್ಯ॑ ವಾ॒ಜ್ಯಧ್ವಾ॑ನ॒ᳪ ಸರ್ವಾ॒ ಮೃಧೋ॒ ವಿ ಧೂ॑ನುತೇ । ಅ॒ಗ್ನಿᳪ ಸ॒ಧಸ್ಥೇ॑ ಮಹ॒ತಿ ಚಕ್ಷು॑ಷಾ॒ ನಿ ಚಿ॑ಕೀಷತೇ ॥ ೧೮ ॥
ಆ॒ಕ್ರಮ್ಯ॑ ವಾಜಿನ್ ಪೃಥಿ॒ವೀಮ॒ಗ್ನಿಮಿ॑ಚ್ಛ ರು॒ಚಾ ತ್ವಮ್ । ಭೂಮ್ಯಾ॑ ವೃ॒ತ್ವಾಯ॑ ನೋ ಬ್ರೂಹಿ॒ ಯತ॒: ಖನೇ॑ಮ॒ ತಂ ವ॒ಯಮ್ ॥ ೧೯ ॥
ದ್ಯೌ॑ಸ್ತೇ ಪೃ॒ಷ್ಠಂ ಪೃ॑ಥಿ॒ವೀ ಸ॒ಧಸ್ಥ॑ಮಾ॒ತ್ಮಾಽನ್ತರಿ॑ಕ್ಷᳪ ಸಮು॒ದ್ರೋ ಯೋನಿ॑: ।
ವಿ॒ಖ್ಯಾಯ॒ ಚಕ್ಷು॑ಷಾ॒ ತ್ವಮ॒ಭಿ ತಿ॑ಷ್ಠ ಪೃತನ್ಯ॒ತಃ ॥ ೨೦ ॥
ಉತ್ಕ್ರಾ॑ಮ ಮಹ॒ತೇ ಸೌ॑ಭಗಾಯಾ॒ಸ್ಮಾದಾ॒ಸ್ಥಾನಾ॑ದ್ ದ್ರವಿಣೋ॒ದಾ ವಾ॑ಜಿನ್ ।
ವ॒ಯᳪ ಸ್ಯಾ॑ಮ ಸುಮ॒ತೌ ಪೃ॑ಥಿ॒ವ್ಯಾ ಅ॒ಗ್ನಿಂ ಖನ॑ನ್ತ ಉ॒ಪಸ್ಥೇ॑ ಅಸ್ಯಾಃ ॥ ೨೧ ॥
ಉದ॑ಕ್ರಮೀದ್ ದ್ರವಿಣೋ॒ದಾ ವಾ॒ಜ್ಯ॒ರ್ವಾಕ॒: ಸುಲೋ॒ಕᳪ ಸುಕೃ॑ತಂ ಪೃಥಿ॒ವ್ಯಾಮ್ ।
ತತ॑: ಖನೇಮ ಸು॒ಪ್ರತೀ॑ಕಮ॒ಗ್ನಿᳪ ಸ್ವೋ॒ ರುಹಾ॑ಣಾ॒ ಅಧಿ॒ ನಾಕ॑ಮುತ್ತ॒ಮಮ್ ॥ ೨೨ ॥
ಆ ತ್ವಾ॑ ಜಿಘರ್ಮಿ॒ ಮನ॑ಸಾ ಘೃ॒ತೇನ॑ ಪ್ರತಿಕ್ಷಿ॒ಯನ್ತಂ॒ ಭುವ॑ನಾನಿ॒ ವಿಶ್ವಾ॑ ।
ಪೃ॒ಥುಂ ತಿ॑ರ॒ಶ್ಚಾ ವಯ॑ಸಾ ಬೃ॒ಹನ್ತಂ॒ ವ್ಯಚಿ॑ಷ್ಠ॒ಮನ್ನೈ॑ ರಭ॒ಸಂ ದೃಶಾ॑ನಮ್ ॥ ೨೩ ॥
ಆ ವಿ॒ಶ್ವತ॑: ಪ್ರ॒ತ್ಯಞ್ಚಂ॑ ಜಿಘರ್ಮ್ಯರ॒ಕ್ಷಸಾ॒ ಮನ॑ಸಾ॒ ತಜ್ಜು॑ಷೇತ ।
ಮರ್ಯ॑ಶ್ರೀ ಸ್ಪೃಹ॒ಯದ್ವ॑ರ್ಣೋ ಅ॒ಗ್ನಿರ್ನಾಭಿ॒ಮೃಶೇ॑ ತ॒ನ್ವಾ ಜರ್ಭು॑ರಾಣಃ ॥ ೨೪ ॥
ಪರಿ॒ ವಾಜ॑ಪತಿಃ ಕ॒ವಿರ॒ಗ್ನಿರ್ಹ॒ವ್ಯಾನ್ಯ॑ಕ್ರಮೀತ್ । ದಧ॒ದ್ರತ್ನಾ॑ನಿ ದಾ॒ಶುಷೇ॑ ॥ ೨೫ ॥
ಪರಿ॑ ತ್ವಾಽಗ್ನೇ॒ ಪುರಂ॑ ವ॒ಯಂ ವಿಪ್ರ॑ᳪ ಸಹಸ್ಯ ಧೀಮಹಿ । ಧೃ॒ಷದ್ವ॑ರ್ಣಂ ದಿ॒ವೇ-ದಿ॑ವೇ ಹ॒ನ್ತಾರಂ॑ ಭಙ್ಗು॒ರಾವ॑ತಾಮ್ ॥ ೨೬ ॥
ತ್ವಮ॑ಗ್ನೇ॒ ದ್ಯುಭಿ॒ಸ್ತ್ವಮಾ॑ಶುಶು॒ಕ್ಷಣಿ॒ಸ್ತ್ವಮ॒ದ್ಭ್ಯಸ್ತ್ವಮಶ್ಮ॑ನ॒ಸ್ಪರಿ॑ ।
ತ್ವಂ ವನೇ॑ಭ್ಯ॒ಸ್ತ್ವಮೋಷ॑ಧೀಭ್ಯ॒ಸ್ತ್ವಂ ನೃ॒ಣಾಂ ನೃ॑ಪತೇ ಜಾಯಸೇ॒ ಶುಚಿ॑: ॥ ೨೭ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಪೃ॒ಥಿ॒ವ್ಯಾಃ ಸ॒ಧಸ್ಥಾ॑ದ॒ಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವತ್ಖ॑ನಾಮಿ ।
ಜ್ಯೋತಿ॑ಷ್ಮನ್ತಂ ತ್ವಾಽಗ್ನೇ ಸು॒ಪ್ರತೀ॑ಕ॒ಮಜ॑ಸ್ರೇಣ ಭಾ॒ನುನಾ॒ ದೀದ್ಯ॑ತಮ್ ।
ಶಿ॒ವಂ ಪ್ರ॒ಜಾಭ್ಯೋಽಹಿ॑ᳪಸನ್ತಂ ಪೃಥಿ॒ವ್ಯಾ: ಸ॒ಧಸ್ಥಾ॑ದ॒ಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವತ್ಖ॑ನಾಮಃ ॥ ೨೮ ॥
ಅ॒ಪಾಂ ಪೃ॒ಷ್ಠಮ॑ಸಿ॒ ಯೋನಿ॑ರ॒ಗ್ನೇಃ ಸ॑ಮು॒ದ್ರಮ॒ಭಿತ॒: ಪಿನ್ವ॑ಮಾನಮ್ ।
ವರ್ಧ॑ಮಾನೋ ಮ॒ಹಾಁ೨ ಆ ಚ॒ ಪುಷ್ಕ॑ರೇ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥಸ್ವ ॥ ೨೯ ॥
ಶರ್ಮ॑ ಚ ಸ್ಥೋ॒ ವರ್ಮ॑ ಚ॒ ಸ್ಥೋಽಛಿ॑ದ್ರೇ ಬಹು॒ಲೇ ಉ॒ಭೇ ।
ವ್ಯಚ॑ಸ್ವತೀ॒ ಸಂ ವ॑ಸಾಥಾಂ ಭೃ॒ತಮ॒ಗ್ನಿಂ ಪು॑ರೀ॒ಷ್ಯ॒ಮ್ ॥ ೩೦ ॥
ಸಂ ವ॑ಸಾಥಾᳪ ಸ್ವ॒ರ್ವಿದಾ॑ ಸ॒ಮೀಚೀ॒ ಉರ॑ಸಾ॒ ತ್ಮನಾ॑ ।
ಅ॒ಗ್ನಿಮ॒ನ್ತರ್ಭ॑ರಿ॒ಷ್ಯನ್ತೀ॒ ಜ್ಯೋತಿ॑ಷ್ಮನ್ತ॒ಮಜ॑ಸ್ರ॒ಮಿತ್ ॥ ೩೧ ॥
ಪು॒ರೀ॒ಷ್ಯೋ॒ಽಸಿ ವಿ॒ಶ್ವಭ॑ರಾ॒ ಅಥ॑ರ್ವಾ ತ್ವಾ ಪ್ರಥ॒ಮೋ ನಿರ॑ಮನ್ಥದಗ್ನೇ ।
ತ್ವಾಮ॑ಗ್ನೇ॒ ಪುಷ್ಕ॑ರಾ॒ದಧ್ಯಥ॑ರ್ವಾ॒ ನಿರ॑ಮನ್ಥತ । ಮೂ॒ರ್ಧ್ನೋ ವಿಶ್ವ॑ಸ್ಯ ವಾ॒ಘತ॑: ॥ ೩೨ ॥
ತಮು॑ ತ್ವಾ ದ॒ಧ್ಯಙ್ಙೃಷಿ॑: ಪು॒ತ್ರ ಈ॑ಧೇ॒ ಅಥ॑ರ್ವಣಃ । ವೃ॑ತ್ರ॒ಹಣಂ॑ ಪುರನ್ದ॒ರಮ್ ॥ ೩೩ ॥
ತಮು॑ ತ್ವಾ ಪಾ॒ಥ್ಯೋ ವೃಷಾ॒ ಸಮೀ॑ಧೇ ದಸ್ಯು॒ಹನ್ತ॑ಮಮ್ । ಧ॒ನ॒ಞ್ಜ॒ಯᳪ ರಣೇ॑-ರಣೇ ॥ ೩೪ ॥
ಸೀದ॑ ಹೋತ॒: ಸ್ವ ಉ॑ ಲೋ॒ಕೇ ಚಿ॑ಕಿ॒ತ್ವಾನ್ಸಾ॒ದಯಾ॑ ಯ॒ಜ್ಞᳪ ಸು॑ಕೃ॒ತಸ್ಯ॒ ಯೋನೌ॑ ।
ದೇ॒ವಾ॒ವೀರ್ದೇ॒ವಾನ್ಹ॒ವಿಷಾ॑ ಯಜಾ॒ಸ್ಯಗ್ನೇ॑ ಬೃ॒ಹದ್ಯಜ॑ಮಾನೇ॒ ವಯೋ॑ ಧಾಃ ॥ ೩೫ ॥
ನಿ ಹೋತಾ॑ ಹೋತೃ॒ಷದ॑ನೇ॒ ವಿದಾ॑ನಸ್ತ್ವೇ॒ಷೋ ದೀ॑ದಿ॒ವಾಁ೨ ಅ॑ಸದತ್ಸು॒ದಕ್ಷ॑: ।
ಅದ॑ಬ್ಧವ್ರತಪ್ರಮತಿ॒ರ್ವಸಿ॑ಷ್ಠಃ ಸಹಸ್ರಮ್ಭ॒ರಃ ಶುಚಿ॑ಜಿಹ್ವೋ ಅ॒ಗ್ನಿಃ ॥ ೩೬ ॥
ಸᳪ ಸೀ॑ದಸ್ವ ಮ॒ಹಾಁ೨ ಅ॑ಸಿ॒ ಶೋಚ॑ಸ್ವ ದೇವ॒ವೀತ॑ಮಃ ।
ವಿ ಧೂ॒ಮಮ॑ಗ್ನೇ ಅರು॒ಷಂ ಮಿ॑ಯೇಧ್ಯ ಸೃ॒ಜ ಪ್ರ॑ಶಸ್ತ ದರ್ಶ॒ತಮ್ ॥ ೩೭ ॥
ಅ॒ಪೋ ದೇ॒ವೀರುಪ॑ ಸೃಜ॒ ಮಧು॑ಮತೀರಯ॒ಕ್ಷ್ಮಾಯ॑ ಪ್ರ॒ಜಾಭ್ಯ॑: ।
ತಾಸಾ॑ಮಾ॒ಸ್ಥಾನಾ॒ದುಜ್ಜಿ॑ಹತಾ॒ಮೋಷ॑ಧಯಃ ಸುಪಿಪ್ಪ॒ಲಾಃ ॥ ೩೮ ॥
ಸಂ ತೇ॑ ವಾ॒ಯುರ್ಮಾ॑ತ॒ರಿಶ್ವಾ॑ ದಧಾತೂತ್ತಾ॒ನಾಯಾ॒ ಹೃದ॑ಯಂ॒ ಯದ್ವಿಕ॑ಸ್ತಮ್ ।
ಯೋ ದೇ॒ವಾನಾಂ॒ ಚರ॑ಸಿ ಪ್ರಾ॒ಣಥೇ॑ನ॒ ಕಸ್ಮೈ॑ ದೇವ॒ ವಷ॑ಡಸ್ತು॒ ತುಭ್ಯ॑ಮ್ ॥ ೩೯ ॥
ಸುಜಾ॑ತೋ॒ ಜ್ಯೋತಿ॑ಷಾ ಸ॒ಹ ಶರ್ಮ॒ ವರೂ॑ಥ॒ಮಾಽಸ॑ದ॒ತ್ಸ್ವ॑: ।
ವಾಸೋ॑ ಅಗ್ನೇ ವಿ॒ಶ್ವರೂ॑ಪ॒ᳪ ಸಂ ವ್ಯ॑ಯಸ್ವ ವಿಭಾವಸೋ ॥ ೪೦ ॥
ಉದು॑ ತಿಷ್ಠ ಸ್ವಧ್ವ॒ರಾವಾ॑ ನೋ ದೇ॒ವ್ಯಾ ಧಿ॒ಯಾ । ದೃ॒ಶೇ ಚ॑ ಭಾ॒ಸಾ ಬೃ॑ಹ॒ತಾ ಸು॑ಶು॒ಕ್ವನಿ॒ರಾಗ್ನೇ॑ ಯಾಹಿ ಸುಶ॒ಸ್ತಿಭಿ॑: ॥ ೪೧ ॥
ಊ॒ರ್ಧ್ವ ಊ॒ ಷು ಣ॑ ಊ॒ತಯೇ॒ ತಿಷ್ಠಾ॑ ದೇ॒ವೋ ನ ಸ॑ವಿ॒ತಾ । ಊ॒ರ್ಧ್ವೋ ವಾಜ॑ಸ್ಯ॒ ಸನಿ॑ತಾ॒ ಯದ॒ಞ್ಜಿಭಿ॑ರ್ವಾ॒ಘದ್ಭಿ॑ರ್ವಿ॒ಹ್ವಯಾ॑ಮಹೇ ॥ ೪೨ ॥
ಸ ಜಾ॒ತೋ ಗರ್ಭೋ॑ ಅಸಿ॒ ರೋದ॑ಸ್ಯೋರಗ್ನೇ॒ ಚಾರು॒ರ್ವಿಭೃ॑ತ॒ ಓಷ॑ಧೀಷು ।
ಚಿ॒ತ್ರಃ ಶಿಶು॒: ಪರಿ॒ ತಮಾ॑ᳪಸ್ಯ॒ಕ್ತೂನ್ಪ್ರ ಮಾ॒ತೃಭ್ಯೋ॒ ಅಧಿ॒ ಕನಿ॑ಕ್ರದ॒ದ್ಗಾಃ ॥ ೪೩ ॥
ಸ್ಥಿ॒ರೋ ಭ॑ವ ವೀ॒ಡ್ವ॒ಙ್ಗ ಆ॒ಶುರ್ಭ॑ವ ವಾ॒ಜ್ಯ॒ರ್ವನ್ । ಪೃ॒ಥುರ್ಭ॑ವ ಸು॒ಷದ॒ಸ್ತ್ವಮ॒ಗ್ನೇಃ ಪು॑ರೀಷ॒ವಾಹ॑ಣಃ ॥ ೪೪ ॥
ಶಿ॒ವೋ ಭ॑ವ ಪ್ರ॒ಜಾಭ್ಯೋ॒ ಮಾನು॑ಷೀಭ್ಯ॒ಸ್ತ್ವಮ॑ಙ್ಗಿರಃ ।
ಮಾ ದ್ಯಾವಾ॑ಪೃಥಿ॒ವೀ ಅ॒ಭಿ ಶೋ॑ಚೀ॒ರ್ಮಾಽನ್ತರಿ॑ಕ್ಷಂ॒ ಮಾ ವನ॒ಸ್ಪತೀ॑ನ್ ॥ ೪೫ ॥
ಪ್ರೈ॑ತು ವಾ॒ಜೀ ಕನಿ॑ಕ್ರದ॒ನ್ನಾನ॑ದ॒ದ್ರಾಸ॑ಭ॒: ಪತ್ವಾ॑ । ಭರ॑ನ್ನ॒ಗ್ನಿಂ ಪು॑ರೀ॒ಷ್ಯಂ ಮಾ ಪಾ॒ದ್ಯಾಯು॑ಷಃ ಪು॒ರಾ ।
ವೃಷಾ॒ಗ್ನಿಂ ವೃಷ॑ಣಂ॒ ಭರ॑ನ್ನ॒ಪಾಂ ಗರ್ಭ॑ᳪ ಸಮು॒ದ್ರಿಯ॑ಮ್ । ಅಗ್ನ॒ ಆ ಯಾ॑ಹಿ ವೀ॒ತಯೇ॑ ॥ ೪೬ ॥
ಋ॒ತᳪ ಸ॒ತ್ಯಮೃ॒ತᳪ ಸ॒ತ್ಯಮ॒ಗ್ನಿಂ ಪು॑ರೀ॒ಷ್ಯ॒ಮಙ್ಗಿರ॒ಸ್ವದ್ಭ॑ರಾಮಃ ।
ಓಷ॑ಧಯ॒: ಪ್ರತಿ॑ ಮೋದಧ್ವಮ॒ಗ್ನಿಮೇ॒ತᳪ ಶಿ॒ವಮಾ॒ಯನ್ತ॑ಮ॒ಭ್ಯತ್ರ॑ ಯು॒ಷ್ಮಾಃ ।
ವ್ಯಸ್ಯ॒ನ್ ವಿಶ್ವಾ॒ ಅನಿ॑ರಾ॒ ಅಮೀ॑ವಾ ನಿ॒ಷೀದ॑ನ್ನೋ॒ ಅಪ॑ ದುರ್ಮ॒ತಿಂ ಜ॑ಹಿ ॥ ೪೭ ॥
ಓಷ॑ಧಯ॒: ಪ್ರತಿ॑ ಗೃಭ್ಣೀತ॒ ಪುಷ್ಪ॑ವತೀಃ ಸುಪಿಪ್ಪ॒ಲಾಃ । ಅ॒ಯಂ ವೋ॒ ಗರ್ಭ॑ ಋ॒ತ್ವಿಯ॑: ಪ್ರ॒ತ್ನᳪ ಸ॒ಧಸ್ಥ॒ಮಾಽಸ॑ದತ್ ॥ ೪೮ ॥
ವಿ ಪಾಜ॑ಸಾ ಪೃ॒ಥುನಾ॒ ಶೋಶು॑ಚಾನೋ॒ ಬಾಧ॑ಸ್ವ ದ್ವಿ॒ಷೋ ರ॒ಕ್ಷಸೋ॒ ಅಮೀ॑ವಾಃ ।
ಸು॒ಶರ್ಮ॑ಣೋ ಬೃಹ॒ತಃ ಶರ್ಮ॑ಣಿ ಸ್ಯಾಮ॒ಗ್ನೇರ॒ಹᳪ ಸು॒ಹವ॑ಸ್ಯ॒ ಪ್ರಣೀ॑ತೌ ॥ ೪೯ ॥
ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥ ೫೦ ॥
ಯೋ ವ॑: ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನ॑: । ಉ॒ಶ॒ತೀರಿ॑ವ ಮಾ॒ತರ॑: ॥ ೫೧ ॥
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ ೫೨ ॥
ಮಿ॒ತ್ರಃ ಸ॒ᳪಸೃಜ್ಯ॑ ಪೃಥಿ॒ವೀಂ ಭೂಮಿಂ॑ ಚ॒ ಜ್ಯೋತಿ॑ಷಾ ಸ॒ಹ ।
ಸುಜಾ॑ತಂ ಜಾ॒ತವೇ॑ದಸಮಯ॒ಕ್ಷ್ಮಾಯ॑ ತ್ವಾ॒ ಸᳪ ಸೃ॑ಜಾಮಿ ಪ್ರ॒ಜಾಭ್ಯ॑: ॥ ೫೩ ॥
ರು॒ದ್ರಾಃ ಸ॒ᳪಸೃಜ್ಯ॑ ಪೃಥಿ॒ವೀಂ ಬೃ॒ಹಜ್ಜ್ಯೋತಿ॒: ಸಮೀ॑ಧಿರೇ । ತೇಷಾಂ॑ ಭಾ॒ನುರಜ॑ಸ್ರ॒ ಇಚ್ಛು॒ಕ್ರೋ ದೇ॒ವೇಷು॑ ರೋಚತೇ ॥ ೫೪ ॥
ಸᳪಸೃ॑ಷ್ಟಾ॒ ವಸು॑ಭೀ ರುದ್ರೈ॒ರ್ಧೀರೈ॑: ಕರ್ಮ॒ಣ್ಯಾ ಮೃದ॑ಮ್ । ಹಸ್ತಾ॑ಭ್ಯಾಂ ಮೃ॒ದ್ವೀಂ ಕೃ॒ತ್ವಾ ಸಿ॑ನೀವಾ॒ಲೀ ಕೃ॑ಣೋತು॒ ತಾಮ್ ॥ ೫೫ ॥
ಸಿ॒ನೀ॒ವಾ॒ಲೀ ಸು॑ಕಪ॒ರ್ದಾ ಸು॑ಕುರೀ॒ರಾ ಸ್ವೌ॑ಪ॒ಶಾ । ಸಾ ತುಭ್ಯ॑ಮದಿತೇ ಮ॒ಹ್ಯೋಖಾಂ ದ॑ಧಾತು॒ ಹಸ್ತ॑ಯೋಃ ॥ ೫೬ ॥
ಉ॒ಖಾಂ ಕೃ॑ಣೋತು॒ ಶಕ್ತ್ಯಾ॑ ಬಾ॒ಹುಭ್ಯಾ॒ಮದಿ॑ತಿರ್ಧಿ॒ಯಾ । ಮಾ॒ತಾ ಪು॒ತ್ರಂ ಯಥೋ॒ಪಸ್ಥೇ॒ ಸಾಽಗ್ನಿಂ ಬಿ॑ಭರ್ತು॒ ಗರ್ಭ॒ ಆ । ಮ॒ಖಸ್ಯ॒ ಶಿರೋ॑ಽಸಿ ॥ ೫೭ ॥
ವಸ॑ವಸ್ತ್ವಾ ಕೃಣ್ವನ್ತು ಗಾಯ॒ತ್ರೇಣ॒ ಛನ್ದ॑ಸಾಽಙ್ಗಿರ॒ಸ್ವದ್ಧ್ರು॒ವಾಽಸಿ॑ ಪೃಥಿ॒ವ್ಯ॒ಸಿ ಧಾ॒ರಯಾ॒ ಮಯಿ॑ ಪ್ರ॒ಜಾᳪ ರಾ॒ಯಸ್ಪೋಷಂ॑ ಗೌಪ॒ತ್ಯᳪ ಸು॒ವೀರ್ಯ॑ᳪ ಸಜಾ॒ತಾನ್ಯಜ॑ಮಾನಾಯ ರು॒ದ್ರಾಸ್ತ್ವಾ॑ ಕೃಣ್ವನ್ತು॒ ತ್ರೈಷ್ಟು॑ಭೇನ॒ ಛನ್ದ॑ಸಾಽಙ್ಗಿರ॒ಸ್ವದ್ಧ್ರು॒ವಾಽಸ್ಯ॒ನ್ತರಿ॑ಕ್ಷಮಸಿ ಧಾ॒ರಯಾ॒ ಮಯಿ॑ ಪ್ರ॒ಜಾᳪ ರಾ॒ಯಸ್ಪೋಷಂ॑ ಗೌಪ॒ತ್ಯᳪ ಸು॒ವೀರ್ಯ॑ᳪ ಸಜಾ॒ತಾನ್ಯಜ॑ಮಾನಾಯಾದಿ॒ತ್ಯಾಸ್ತ್ವಾ॑ ಕೃಣ್ವನ್ತು॒ ಜಾಗ॑ತೇನ॒ ಛನ್ದ॑ಸಾಽಙ್ಗಿರ॒ಸ್ವದ್ಧ್ರು॒ವಾಸಿ ದ್ಯೌರ॑ಸಿ ಧಾ॒ರಯಾ॒ ಮಯಿ॑ ಪ್ರ॒ಜಾᳪ ರಾ॒ಯಸ್ಪೋಷಂ॑ ಗೌಪ॒ತ್ಯᳪ ಸು॒ವೀರ್ಯ॑ᳪ
ಸಜಾ॒ತಾನ್ಯಜ॑ಮಾನಾಯ॒ ವಿಶ್ವೇ॑ ತ್ವಾ ದೇ॒ವಾ ವೈ॑ಶ್ವಾನ॒ರಾಃ ಕೃ॑ಣ್ವ॒ನ್ತ್ವಾನು॑ಷ್ಟುಭೇನ॒ ಛನ್ದ॑ಸಾಽಙ್ಗಿರ॒ಸ್ವದ್ಧ್ರು॒ವಾಽಸಿ॒ ದಿಶೋ॑ಽಸಿ ಧಾ॒ರಯಾ॒ ಮಯಿ॑ ಪ್ರ॒ಜಾᳪ ರಾ॒ಯಸ್ಪೋಷಂ॑ ಗೌಪ॒ತ್ಯᳪ ಸು॒ವೀರ್ಯ॑ᳪ ಸಜಾ॒ತಾನ್ಯಜ॑ಮಾನಾಯ ॥ ೫೮ ॥
ಅದಿ॑ತ್ಯೈ॒ ರಾಸ್ನಾ॒ಸ್ಯದಿ॑ತಿಷ್ಟೇ॒ ಬಿಲಂ॑ ಗೃಭ್ಣಾತು । ಕೃ॒ತ್ವಾಯ॒ ಸಾ ಮ॒ಹೀಮು॒ಖಾಂ ಮೃ॒ನ್ಮಯೀಂ॒ ಯೋನಿ॑ಮ॒ಗ್ನಯೇ॑ ।
ಪು॒ತ್ರೇಭ್ಯ॒: ಪ್ರಾಯ॑ಚ್ಛ॒ದದಿ॑ತಿಃ ಶ್ರ॒ಪಯಾ॒ನಿತಿ॑ ॥ ೫೯ ॥
ವಸ॑ವಸ್ತ್ವಾ ಧೂಪಯನ್ತು ಗಾಯ॒ತ್ರೇಣ॒ ಛನ್ದ॑ಸಾಽಙ್ಗಿರ॒ಸ್ವದ್ರುದ್ರಾಸ್ತ್ವಾ॑ ಧೂಪಯನ್ತು ತ್ರೈಷ್ಟುಭೇನ॒ ಛನ್ದ॑ಸಾಽಙ್ಗಿರ॒ಸ್ವದಾದಿ॒ತ್ಯಾಸ್ತ್ವಾ॑ ಧೂಪಯನ್ತು॒ ಜಾಗ॑ತೇನ॒ ಛನ್ದ॑ಸಾಽಙ್ಗಿರ॒ಸ್ವದ್ವಿಶ್ವೇ॑ ತ್ವಾ ದೇ॒ವಾ ವೈ॑ಶ್ವಾನ॒ರಾ ಧೂ॑ಪಯ॒ನ್ತ್ವಾನು॑ಷ್ಟುಭೇನ॒ ಛನ್ದ॑ಸಾಽಙ್ಗಿರ॒ಸ್ವದಿನ್ದ್ರ॑ಸ್ತ್ವಾ ಧೂಪಯತು॒ ವರು॑ಣಸ್ತ್ವಾ ಧೂಪಯತು॒ ವಿಷ್ಣು॑ಸ್ತ್ವಾ
ಧೂಪಯತು ॥ ೬೦ ॥
ಅದಿ॑ತಿಷ್ಟ್ವಾ ದೇ॒ವೀ ವಿ॒ಶ್ವದೇ॑ವ್ಯಾವತೀ ಪೃಥಿ॒ವ್ಯಾಃ ಸ॒ಧಸ್ಥೇ॑ ಅಙ್ಗಿರ॒ಸ್ವತ್ ಖ॑ನತ್ವವಟ
ದೇ॒ವಾನಾಂ॑ ತ್ವಾ॒ ಪತ್ನೀ॑ರ್ದೇ॒ವೀರ್ವಿ॒ಶ್ವದೇ॑ವ್ಯಾವತೀಃ ಪೃಥಿ॒ವ್ಯಾಃ ಸ॒ಧಸ್ಥೇ॑ ಅಙ್ಗಿರ॒ಸ್ವದ್ದ॑ಧತೂಖೇ
ಧಿ॒ಷಣಾ॑ಸ್ತ್ವಾ ದೇ॒ವೀರ್ವಿ॒ಶ್ವದೇ॑ವ್ಯಾವತೀಃ ಪೃಥಿ॒ವ್ಯಾಃ ಸ॒ಧಸ್ಥೇ॑ ಅಙ್ಗಿರ॒ಸ್ವದ॒ಭೀ॒ನ್ಧತಾಮುಖೇ॒
ವರೂ॑ತ್ರೀಷ್ಟ್ವಾ ದೇ॒ವೀರ್ವಿ॒ಶ್ವದೇ॑ವ್ಯಾವತೀಃ ಪೃಥಿ॒ವ್ಯಾಃ ಸ॒ಧಸ್ಥೇ॑ ಅಙ್ಗಿರ॒ಸ್ವಚ್ಛ್ರ॑ಪಯನ್ತೂಖೇ॒
ಗ್ನಾಸ್ತ್ವಾ॑ ದೇ॒ವೀರ್ವಿ॒ಶ್ವದೇ॑ವ್ಯಾವತೀಃ ಪೃಥಿ॒ವ್ಯಾಃ ಸ॒ಧಸ್ಥೇ॑ ಅಙ್ಗಿರ॒ಸ್ವತ್ಪ॑ಚನ್ತೂಖೇ॒
ಜನ॑ಯ॒ಸ್ತ್ವಾಚ್ಛಿ॑ನ್ನಪತ್ರಾ ದೇ॒ವೀರ್ವಿ॒ಶ್ವದೇ॑ವ್ಯಾವತೀಃ ಪೃಥಿ॒ವ್ಯಾಃ ಸ॒ಧಸ್ಥೇ॑ ಅಙ್ಗಿರ॒ಸ್ವತ್ಪ॑ಚನ್ತೂಖೇ ॥ ೬೧ ॥
ಮಿ॒ತ್ರಸ್ಯ॑ ಚರ್ಷಣೀ॒ಧೃತೋಽವೋ॑ ದೇ॒ವಸ್ಯ॑ ಸಾನ॒ಸಿ । ದ್ಯು॒ಮ್ನಂ ಚಿ॒ತ್ರಶ್ರ॑ವಸ್ತಮಮ್ ॥ ೬೨ ॥
ದೇ॒ವಸ್ತ್ವಾ॑ ಸವಿ॒ತೋದ್ವ॑ಪತು ಸುಪಾ॒ಣಿಃ ಸ್ವ॑ಙ್ಗು॒ರಿಃ ಸು॑ಬಾ॒ಹುರು॒ತ ಶಕ್ತ್ಯಾ॑ ।
ಅವ್ಯ॑ಥಮಾನಾ ಪೃಥಿ॒ವ್ಯಾಮಾಶಾ॒ ದಿಶ॒ ಆ ಪೃ॑ಣ ॥ ೬೩ ॥
ಉ॒ತ್ಥಾಯ॑ ಬೃಹ॒ತೀ ಭ॒ವೋದು॑ ತಿಷ್ಠ ಧ್ರು॒ವಾ ತ್ವಮ್ ।
ಮಿತ್ರೈ॒ತಾಂ ತ॑ ಉ॒ಖಾಂ ಪರಿ॑ ದದಾ॒ಮ್ಯಭಿ॑ತ್ತ್ಯಾ ಏ॒ಷಾ ಮಾ ಭೇ॑ದಿ ॥ ೬೪ ॥
ವಸ॑ವ॒ಸ್ತ್ವಾಽಽಛೃ॑ನ್ದನ್ತು ಗಾಯ॒ತ್ರೇಣ॒ ಛನ್ದ॑ಸಾಽಙ್ಗಿರ॒ಸ್ವದ್ರುದ್ರಾಸ್ತ್ವಾ॒ಽಽಛೃ॑ನ್ದನ್ತು॒ ತ್ರೈಷ್ಟು॑ಭೇನ॒ ಛನ್ದಸಾಽಙ್ಗಿರ॒ಸ್ವದಾ॑ದಿ॒ತ್ಯಾಸ್ತ್ವಾಽಽಛೃ॑ನ್ದನ್ತು॒ ಜಾಗ॑ತೇನ॒ ಛನ್ದ॑ಸಾಽಙ್ಗಿರ॒ಸ್ವದ್ವಿಶ್ವೇ॑ ತ್ವಾ ದೇ॒ವಾ ವೈ॑ಶ್ವಾನ॒ರಾ ಆಛೃ॑ನ್ದ॒ನ್ತ್ವಾನು॑ಷ್ಟುಭೇನ॒ ಛನ್ದ॑ಸಾಽಙ್ಗಿರ॒ಸ್ವತ್ ॥ ೬೫ ॥
ಆಕೂ॑ತಿಮ॒ಗ್ನಿಂ ಪ್ರ॒ಯುಜ॒ᳪ ಸ್ವಾಹಾ॑ ಮನೋ॑ ಮೇ॒ಧಾಮ॒ಗ್ನಿಂ ಪ್ರ॒ಯುಜ॒ᳪ ಸ್ವಾಹಾ॑ ಚಿ॒ತ್ತಂ ವಿಜ್ಞಾ॑ತಮ॒ಗ್ನಿಂ ಪ್ರ॒ಯುಜ॒ᳪ ಸ್ವಾಹಾ॑ ವಾ॒ಚೋ ವಿಧೃ॑ತಿಮ॒ಗ್ನಿಂ ಪ್ರ॒ಯುಜ॒ᳪ ಸ್ವಾಹಾ॑ ಪ್ರ॒ಜಾಪ॑ತಯೇ॒ ಮನ॑ವೇ॒ ಸ್ವಾಹಾ॑ ಽಗ್ನಯೇ॑ ವೈಶ್ವಾನ॒ರಾಯ॒ ಸ್ವಾಹಾ॑ ॥ ೬೬ ॥
ವಿಶ್ವೋ॑ ದೇ॒ವಸ್ಯ॑ ನೇ॒ತುರ್ಮರ್ತೋ॑ ವುರೀತ ಸ॒ಖ್ಯಮ್ । ವಿಶ್ವೋ॑ ರಾ॒ಯ ಇ॑ಷುಧ್ಯತಿ ದ್ಯು॒ಮ್ನಂ ವೃ॑ಣೀತ ಪು॒ಷ್ಯಸೇ॒ ಸ್ವಾಹಾ॑ ॥ ೬೭ ॥
ಮಾ ಸು ಭಿ॑ತ್ಥಾ॒ ಮಾ ಸು ರಿ॒ಷೋಽಮ್ಬ॑ ಧೃ॒ಷ್ಣು ವೀ॒ರಯ॑ಸ್ವ॒ ಸು । ಅ॒ಗ್ನಿಶ್ಚೇ॒ದಂ ಕ॑ರಿಷ್ಯಥಃ ॥ ೬೮ ॥
ದೃᳪಹ॑ಸ್ವ ದೇವಿ ಪೃಥಿವಿ ಸ್ವ॒ಸ್ತಯ॑ ಆಸು॒ರೀ ಮಾ॒ಯಾ ಸ್ವ॒ಧಯಾ॑ ಕೃ॒ತಾಸಿ॑ ।
ಜುಷ್ಟಂ॑ ದೇ॒ವೇಭ್ಯ॑ ಇ॒ದಮ॑ಸ್ತು ಹ॒ವ್ಯಮರಿ॑ಷ್ಟಾ॒ ತ್ವಮುದಿ॑ಹಿ ಯ॒ಜ್ಞೇ ಅ॒ಸ್ಮಿನ್ ॥ ೬೯ ॥
ದ್ರ್ವ॑ನ್ನ: ಸ॒ರ್ಪಿರಾ॑ಸುತಿಃ ಪ್ರ॒ತ್ನೋ ಹೋತಾ॒ ವರೇ॑ಣ್ಯಃ । ಸಹ॑ಸಸ್ಪು॒ತ್ರೋ ಅದ್ಭು॑ತಃ ॥ ೭೦ ॥
ಪರ॑ಸ್ಯಾ॒ ಅಧಿ॑ ಸಂ॒ವತೋಽವ॑ರಾಁ೨ ಅ॒ಭ್ಯಾ ತ॑ರ ।
ಯತ್ರಾ॒ಹಮ॑ಸ್ಮಿ॒ ತಾಁ೨ ಅ॑ವ ॥ ೭೧ ॥
ಪ॒ರ॒ಮಸ್ಯಾ॑: ಪರಾ॒ವತೋ॑ ರೋ॒ಹಿದ॑ಶ್ವ ಇ॒ಹಾ ಗ॑ಹಿ । ಪು॒ರೀ॒ಷ್ಯ॒: ಪುರುಪ್ರಿ॒ಯೋಽಗ್ನೇ॒ ತ್ವಂ ತ॑ರಾ॒ ಮೃಧ॑: ॥ ೭೨ ॥
ಯದ॑ಗ್ನೇ॒ ಕಾನಿ॒ ಕಾನಿ॑ ಚಿ॒ದಾ ತೇ॒ ದಾರೂ॑ಣಿ ದ॒ಧ್ಮಸಿ॑ । ಸರ್ವಂ॒ ತದ॑ಸ್ತು ತೇ ಘೃ॒ತಂ ತಜ್ಜು॑ಷಸ್ವ ಯವಿಷ್ಠ್ಯ ॥ ೭೩ ॥
ಯದತ್ತ್ಯು॑ಪ॒ಜಿಹ್ವಿ॑ಕಾ॒ ಯದ್ವ॒ಮ್ರೋ ಅ॑ತಿ॒ಸರ್ಪ॑ತಿ । ಸರ್ವಂ॒ ತದ॑ಸ್ತು ತೇ ಘೃ॒ತಂ ತಜ್ಜು॒ಷಸ್ವ॑ ಯವಿಷ್ಠ್ಯ ॥ ೭೪ ॥
ಅಹ॑ರಹ॒ರಪ್ರ॑ಯಾವಂ॒ ಭರ॒ನ್ತೋಽಶ್ವಾ॑ಯೇವ॒ ತಿಷ್ಠ॑ತೇ ಘಾ॒ಸಮ॑ಸ್ಮೈ । ರಾ॒ಯಸ್ಪೋಷೇ॑ಣ॒ ಸಮಿ॒ಷಾ ಮದ॒ನ್ತೋಽಗ್ನೇ॒ ಮಾ ತೇ॒ ಪ್ರತಿ॑ವೇಶಾ ರಿಷಾಮ ॥ ೭೫ ॥
ನಾಭಾ॑ ಪೃಥಿ॒ವ್ಯಾಃ ಸ॑ಮಿಧಾ॒ನೇ ಅಗ್ನೌ ರಾ॒ಯಸ್ಪೋಷಾ॑ಯ ಬೃಹ॒ತೇ ಹ॑ವಾಮಹೇ ।
ಇ॒ರ॒ಮ್ಮ॒ದಂ ಬೃ॒ಹದು॑ಕ್ಥ್ಯಂ॒ ಯಜ॑ತ್ರಂ॒ ಜೇತಾ॑ರಮ॒ಗ್ನಿಂ ಪೃತ॑ನಾಸು ಸಾಸ॒ಹಿಮ್ ॥ ೭೬ ॥
ಯಾಃ ಸೇನಾ॑ ಅ॒ಭೀತ್ವ॑ರೀರಾವ್ಯಾ॒ಧಿನೀ॒ರುಗ॑ಣಾ ಉ॒ತ ।
ಯೇ ಸ್ತೇ॒ನಾ ಯೇ ಚ॒ ತಸ್ಕ॑ರಾ॒ಸ್ತಾಁಸ್ತೇ॑ ಅ॒ಗ್ನೇಽಪಿ॑ ದಧಾಮ್ಯಾ॒ಸ್ಯೇ॑ ॥ ೭೭ ॥
ದᳪಷ್ಟ್ರಾ॑ಭ್ಯಾಂ ಮ॒ಲಿಮ್ಲೂ॒ಞ್ಜಮ್ಭ್ಯೈ॒ಸ್ತಸ್ಕ॑ರಾಁ೨ ಉ॒ತ ।
ಹನು॑ಭ್ಯಾᳪ ಸ್ತೇ॒ನಾನ್ ಭ॑ಗವ॒ಸ್ತಾಁಸ್ತ್ವಂ ಖಾ॑ದ॒ ಸುಖಾ॑ದಿತಾನ್ ॥ ೭೮ ॥
ಯೇ ಜನೇ॑ಷು ಮ॒ಲಿಮ್ಲ॑ವ ಸ್ತೇ॒ನಾಸ॒ಸ್ತಸ್ಕ॑ರಾ॒ ವನೇ॑ । ಯೇ ಕಕ್ಷೇ॑ಷ್ವಘಾ॒ಯವ॒ಸ್ತಾಁಸ್ತೇ॑ ದಧಾಮಿ॒ ಜಮ್ಭ॑ಯೋಃ ॥ ೭೯ ॥
ಯೋ ಅ॒ಸ್ಮಭ್ಯ॑ಮರಾತೀ॒ಯಾದ್ಯಶ್ಚ॑ ನೋ॒ ದ್ವೇಷ॑ತೇ॒ ಜನ॑: । ನಿನ್ದಾ॒ದ್ಯೋ ಅ॒ಸ್ಮಾನ್ಧಿಪ್ಸಾ॑ಚ್ಚ॒ ಸರ್ವಂ॒ ತಂ ಭ॑ಸ್ಮ॒ಸಾ ಕು॑ರು ॥ ೮೦ ॥
ಸᳪಶಿ॑ತಂ ಮೇ॒ ಬ್ರಹ್ಮ॒ ಸᳪಶಿ॑ತಂ ವೀ॒ರ್ಯಂ ಬಲ॑ಮ್ । ಸᳪಶಿ॑ತಂ ಕ್ಷ॒ತ್ರಂ ಜಿ॒ಷ್ಣು ಯಸ್ಯಾ॒ಹಮಸ್ಮಿ॑ ಪು॒ರೋಹಿ॑ತಃ ॥ ೮೧ ॥
ಉದೇ॑ಷಾಂ ಬಾ॒ಹೂ ಅ॑ತಿರ॒ಮುದ್ವರ್ಚೋ॒ ಅಥೋ॒ ಬಲ॑ಮ್ । ಕ್ಷಿ॒ಣೋಮಿ॒ ಬ್ರಹ್ಮ॑ಣಾ॒ಽಮಿತ್ರಾ॒ನುನ್ನ॑ಯಾಮಿ॒ ಸ್ವಾಁ೨ ಅ॒ಹಮ್ ॥ ೮೨ ॥
ಅನ್ನ॑ಪ॒ತೇಽನ್ನ॑ಸ್ಯ ನೋ ದೇಹ್ಯನಮೀ॒ವಸ್ಯ॑ ಶು॒ಷ್ಮಿಣ॑: ।
ಪ್ರ-ಪ್ರ॑ ದಾ॒ತಾರಂ॑ ತಾರಿಷ॒ ಊರ್ಜಂ॑ ನೋ ಧೇಹಿ ದ್ವಿ॒ಪದೇ॒ ಚತು॑ಷ್ಪದೇ ॥ ೮೩ ॥
ಅಧ್ಯಾಯ ೧೨
ದೃ॒ಶಾ॒ನೋ ರು॒ಕ್ಮ ಉ॒ರ್ವ್ಯಾ ವ್ಯ॑ದ್ಯೌದ್ ದು॒ರ್ಮರ್ಷ॒ಮಾಯು॑: ಶ್ರಿ॒ಯೇ ರು॑ಚಾ॒ನಃ ।
ಅ॒ಗ್ನಿರ॒ಮೃತೋ॑ ಅಭವ॒ದ್ವಯೋ॑ಭಿ॒ರ್ಯದೇ॑ನಂ॒ ದ್ಯೌರಜ॑ನಯತ್ಸು॒ರೇತಾ॑: ॥ ೧ ॥
ನಕ್ತೋ॒ಷಾಸಾ॒ ಸಮ॑ನಸಾ॒ ವಿರೂ॑ಪೇ ಧಾ॒ಪಯೇ॑ತೇ॒ ಶಿಶು॒ಮೇಕ॑ᳪ ಸಮೀ॒ಚೀ ।
ದ್ಯಾವಾ॒ಕ್ಷಾಮಾ॑ ರು॒ಕ್ಮೋ ಅ॒ನ್ತರ್ವಿ ಭಾ॑ತಿ ದೇ॒ವಾ ಅ॒ಗ್ನಿಂ ಧಾ॑ರಯನ್ದ್ರವಿಣೋ॒ದಾಃ ॥ ೨ ॥
ವಿಶ್ವಾ॑ ರೂ॒ಪಾಣಿ॒ ಪ್ರತಿ॑ ಮುಞ್ಚತೇ ಕ॒ವಿಃ ಪ್ರಾಸಾ॑ವೀದ್ಭ॒ದ್ರಂ ದ್ವಿ॒ಪದೇ॒ ಚತು॑ಷ್ಪದೇ ।
ವಿ ನಾಕ॑ಮಖ್ಯತ್ಸವಿ॒ತಾ ವರೇ॒ಣ್ಯೋಽನು॑ ಪ್ರ॒ಯಾಣ॑ಮು॒ಷಸೋ॒ ವಿ ರಾ॑ಜತಿ ॥ ೩ ॥
ಸು॒ಪ॒ರ್ಣೋ॒ಽಸಿ ಗ॒ರುತ್ಮಾಁ॑ಸ್ತ್ರಿ॒ವೃತ್ತೇ॒ ಶಿರೋ॑ ಗಾಯ॒ತ್ರಂ ಚಕ್ಷು॑ರ್ಬೃಹದ್ರಥನ್ತ॒ರೇ ಪಕ್ಷೌ ।
ಸ್ತೋಮ॑ ಆ॒ತ್ಮಾ ಛನ್ದಾ॒ᳪಸ್ಯಙ್ಗಾ॑ನಿ॒ ಯಜೂಁ॑ᳪಷಿ॒ ನಾಮ॑ । ಸಾಮ॑ ತೇ ತ॒ನೂರ್ವಾ॑ಮದೇ॒ವ್ಯಂ ಯ॑ಜ್ಞಾಯ॒ಜ್ಞಿಯಂ॒ ಪುಚ್ಛಂ॒ ಧಿಷ್ಣ್ಯಾ॑: ಶ॒ಪಾಃ ।
ಸು॒ಪ॒ರ್ಣೋ॒ಽಸಿ ಗ॒ರುತ್ಮಾ॒ನ್ದಿವಂ॑ ಗಚ್ಛ॒ ಸ್ವ॑: ಪತ ॥ ೪ ॥
ವಿಷ್ಣೋ॒: ಕ್ರಮೋ॑ಽಸಿ ಸಪತ್ನ॒ಹಾ ಗಾ॑ಯ॒ತ್ರಂ ಛನ್ದ॒ ಆ ರೋ॑ಹ ಪೃಥಿ॒ವೀಮನು॒ ವಿ ಕ್ರ॑ಮಸ್ವ॒
ವಿಷ್ಣೋ॒: ಕ್ರಮೋ॑ಽಸ್ಯಭಿಮಾತಿ॒ಹಾ ತ್ರೈ॑ಷ್ಟುಭಂ॒ ಛನ್ದ॒ ಆ ರೋ॑ಹಾ॒ನ್ತರಿ॑ಕ್ಷ॒ಮನು॒ ವಿ ಕ್ರ॑ಮಸ್ವ
ವಿಷ್ಣೋ॒: ಕ್ರಮೋ॑ಽಸ್ಯರಾತೀಯ॒ತೋ ಹ॒ನ್ತಾ ಜಾಗ॑ತಂ॒ ಛನ್ದ॒ ಆ ರೋ॑ಹ॒ ದಿವ॒ಮನು॒ ವಿ ಕ್ರ॑ಮಸ್ವ
ವಿಷ್ಣೋ॒: ಕ್ರಮೋ॑ಽಸಿ ಶತ್ರೂಯ॒ತೋ ಹ॒ನ್ತಾಽಽನು॑ಷ್ಟುಭಂ॒ ಛನ್ದ॒ ಆ ರೋ॑ಹ॒ ದಿಶೋಽನು॒ ವಿ ಕ್ರ॑ಮಸ್ವ ॥ ೫ ॥
ಅಕ್ರ॑ನ್ದದ॒ಗ್ನಿ ಸ್ತ॒ನಯ॑ನ್ನಿವ॒ ದ್ಯೌ॒: ಕ್ಷಾಮಾ॒ ರೇರಿ॑ಹದ್ವೀ॒ರುಧ॑: ಸಮ॒ಞ್ಜನ್ ।
ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ೬ ॥
ಅಗ್ನೇ॑ಽಭ್ಯಾವರ್ತಿನ್ನ॒ಭಿ ಮಾ॒ ನಿ ವ॑ರ್ತ॒ಸ್ವಾಯು॑ಷಾ॒ ವರ್ಚ॑ಸಾ ಪ್ರ॒ಜಯಾ॒ ಧನೇ॑ನ ।
ಸ॒ನ್ಯಾ ಮೇ॒ಧಯಾ॑ ರ॒ಯ್ಯಾ ಪೋಷೇ॑ಣ ॥ ೭ ॥
ಅಗ್ನೇ॑ ಅಙ್ಗಿರಃ ಶ॒ತಂ ತೇ॑ ಸನ್ತ್ವಾ॒ವೃತ॑: ಸ॒ಹಸ್ರಂ॑ ತ ಉಪಾ॒ವೃತ॑: ।
ಅಧಾ॒ ಪೋಷ॑ಸ್ಯ॒ ಪೋಷೇ॑ಣ॒ ಪುನ॑ರ್ನೋ ನ॒ಷ್ಟಮಾ ಕೃ॑ಧಿ॒ ಪುನ॑ರ್ನೋ ರ॒ಯಿಮಾ ಕೃ॑ಧಿ ॥ ೮ ॥
ಪುನ॑ರೂ॒ರ್ಜಾ ನಿ ವ॑ರ್ತಸ್ವ॒ ಪುನ॑ರಗ್ನ ಇ॒ಷಾಽಽಯು॑ಷಾ । ಪುನ॑ರ್ನಃ ಪಾ॒ಹ್ಯᳪಹ॑ಸಃ ॥ ೯ ॥
ಸ॒ಹ ರ॒ಯ್ಯಾ ನಿ ವ॑ರ್ತ॒ಸ್ವಾಗ್ನೇ॒ ಪಿನ್ವ॑ಸ್ವ॒ ಧಾರ॑ಯಾ । ವಿ॒ಶ್ವಪ್ಸ್ನ್ಯಾ॑ ವಿ॒ಶ್ವತ॒ಸ್ಪರಿ॑ ॥ ೧೦ ॥
ಆ ತ್ವಾ॑ಽಹಾರ್ಷಮ॒ನ್ತರ॑ಭೂರ್ಧ್ರು॒ವಸ್ತಿ॒ಷ್ಠಾವಿ॑ಚಾಚಲಿಃ । ವಿಶ॑ಸ್ತ್ವಾ॒ ಸರ್ವಾ॑ ವಾಞ್ಛನ್ತು॒ ಮಾ ತ್ವದ್ರಾ॒ಷ್ಟ್ರಮಧಿ॑ಭ್ರಶತ್ ॥ ೧೧ ॥
ಉದು॑ತ್ತ॒ಮಂ ವ॑ರುಣ॒ ಪಾಶ॑ಮ॒ಸ್ಮದವಾ॑ಧ॒ಮಂ ವಿ ಮ॑ಧ್ಯ॒ಮᳪ ಶ್ರ॑ಥಾಯ ।
ಅಥಾ॑ ವ॒ಯಮಾ॑ದಿತ್ಯ ವ್ರ॒ತೇ ತವಾನಾ॑ಗಸೋ॒ ಅದಿ॑ತಯೇ ಸ್ಯಾಮ ॥ ೧೨ ॥
ಅಗ್ರೇ॑ ಬೃ॒ಹನ್ನು॒ಷಸಾ॑ಮೂ॒ರ್ಧ್ವೋ ಅ॑ಸ್ಥಾನ್ನಿರ್ಜಗ॒ನ್ವಾನ್ ತಮ॑ಸೋ॒ ಜ್ಯೋತಿ॒ಷಾಽಽಗಾ॑ತ್ ।
ಅ॒ಗ್ನಿರ್ಭಾ॒ನುನಾ॒ ರುಶ॑ತಾ॒ ಸ್ವಙ್ಗ॒ ಆ ಜಾ॒ತೋ ವಿಶ್ವಾ॒ ಸದ್ಮಾ॑ನ್ಯಪ್ರಾಃ ॥ ೧೩ ॥
ಹ॒ᳪಸಃ ಶು॑ಚಿ॒ಷದ್ವಸು॑ರನ್ತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದೂರೋಣ॒ಸತ್ ।
ನೃ॒ಷದ್ವ॑ರ॒ಸದೃ॑ತ॒ಸದ್ ವ್ಯೋಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ ॥ ೧೪ ॥
ಸೀದ॒ ತ್ವಂ ಮಾ॒ತುರ॒ಸ್ಯಾ ಉ॒ಪಸ್ಥೇ॒ ವಿಶ್ವಾ॑ನ್ಯಗ್ನೇ ವ॒ಯುನಾ॑ನಿ ವಿ॒ದ್ವಾನ್ ।
ಮೈ॑ನಾಂ॒ ತಪ॑ಸಾ॒ ಮಾರ್ಚಿಷಾ॒ಽಭಿ ಶೋ॑ಚೀರ॒ನ್ತರ॑ಸ್ಯಾᳪ ಶು॒ಕ್ರಜ್ಯೋ॑ತಿ॒ರ್ವಿ ಭಾ॑ಹಿ ॥ ೧೫ ॥
ಅ॒ನ್ತರ॑ಗ್ನೇ ರು॒ಚಾ ತ್ವಮು॒ಖಾಯಾಃ॒ ಸದ॑ನೇ॒ ಸ್ವೇ । ತಸ್ಯಾ॒ಸ್ತ್ವᳪ ಹರ॑ಸಾ॒ ತಪ॒ಞ್ಜಾತ॑ವೇದಃ ಶಿ॒ವೋ ಭ॑ವ ॥ ೧೬ ॥
ಶಿ॒ವೋ ಭೂ॒ತ್ವಾ ಮಹ್ಯ॑ಮಗ್ನೇ॒ ಅಥೋ॑ ಸೀದ ಶಿ॒ವಸ್ತ್ವಮ್ ।
ಶಿ॒ವಾ: ಕೃ॒ತ್ವಾ ದಿಶ॒: ಸರ್ವಾ॒: ಸ್ವಂ ಯೋನಿ॑ಮಿ॒ಹಾಸ॑ದಃ ॥ ೧೭ ॥
ದಿ॒ವಸ್ಪರಿ॑ ಪ್ರಥ॒ಮಂ ಜ॑ಜ್ಞೇ ಅ॒ಗ್ನಿರ॒ಸ್ಮದ್ ದ್ವಿ॒ತೀಯಂ॒ ಪರಿ॑ ಜಾ॒ತವೇ॑ದಾಃ ।
ತೃ॒ತೀಯ॑ಮ॒ಪ್ಸು ನೃ॒ಮಣಾ॒ ಅಜ॑ಸ್ರ॒ಮಿನ್ಧಾ॑ನ ಏನಂ ಜರತೇ ಸ್ವಾ॒ಧೀಃ ॥ ೧೮ ॥
ವಿ॒ದ್ಮಾ ತೇ॑ ಅಗ್ನೇ ತ್ರೇ॒ಧಾ ತ್ರ॒ಯಾಣಿ॑ ವಿ॒ದ್ಮಾ ತೇ॒ ಧಾಮ॒ ವಿಭೃ॑ತಾ ಪುರು॒ತ್ರಾ ।
ವಿ॒ದ್ಮಾ ತೇ॒ ನಾಮ॑ ಪರ॒ಮಂ ಗುಹಾ॒ ಯದ್ವಿ॒ದ್ಮಾ ತಮುತ್ಸಂ॒ ಯತ॑ ಆಜ॒ಗನ್ಥ॑ ॥ ೧೯ ॥
ಸ॒ಮು॒ದ್ರೇ ತ್ವಾ॑ ನೃ॒ಮಣಾ॑ ಅ॒ಪ್ಸ್ವನ್ತರ್ನೃ॒ಚಕ್ಷಾ॑ ಈಧೇ ದಿ॒ವೋ ಅ॑ಗ್ನ॒ ಊಧ॑ನ್ ।
ತೃ॒ತೀಯೇ॑ ತ್ವಾ॒ ರಜ॑ಸಿ ತಸ್ಥಿ॒ವಾᳪಸ॑ಮ॒ಪಾಮು॒ಪಸ್ಥೇ॑ ಮಹಿ॒ಷಾ ಅ॑ವರ್ಧನ್ ॥ ೨೦ ॥
ಅಕ್ರ॑ನ್ದದ॒ಗ್ನಿ ಸ್ತ॒ನಯ॑ನ್ನಿವ॒ ದ್ಯೌ: ಕ್ಷಾಮಾ॒ ರೇರಿ॑ಹದ್ವೀ॒ರುಧ॑: ಸಮ॒ಞ್ಜನ್ ।
ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ೨೧ ॥
ಶ್ರೀ॒ಣಾಮು॑ದಾ॒ರೋ ಧ॒ರುಣೋ॑ ರಯೀ॒ಣಾಂ ಮ॑ನೀ॒ಷಾಣಾಂ॒ ಪ್ರಾರ್ಪ॑ಣ॒: ಸೋಮ॑ಗೋಪಾಃ ।
ವಸು॑: ಸೂ॒ನುಃ ಸಹ॑ಸೋ ಅ॒ಪ್ಸು ರಾಜಾ॒ ವಿ ಭಾ॒ತ್ಯಗ್ರ॑ ಉ॒ಷಸಾ॑ಮಿಧಾ॒ನಃ ॥ ೨೨ ॥
ವಿಶ್ವ॑ಸ್ಯ ಕೇ॒ತುರ್ಭುವ॑ನಸ್ಯ॒ ಗರ್ಭ॒ ಆ ರೋದ॑ಸೀ ಅಪೃಣಾ॒ಜ್ಜಾಯ॑ಮಾನಃ ।
ವೀ॒ಡುಂ ಚಿ॒ದದ್ರಿ॑ಮಭಿನತ್ ಪರಾ॒ಯಞ್ಜನಾ॒ ಯದ॒ಗ್ನಿಮಯ॑ಜನ್ತ॒ ಪಞ್ಚ॑ ॥ ೨೩ ॥
ಉ॒ಶಿಕ್ಪಾ॑ವ॒ಕೋ ಅ॑ರ॒ತಿಃ ಸು॑ಮೇ॒ಧಾ ಮರ್ತ್ಯೇ॑ಷ್ವ॒ಗ್ನಿರ॒ಮೃತೋ॒ ನಿ ಧಾ॑ಯಿ ।
ಇಯ॑ರ್ತಿ ಧೂ॒ಮಮ॑ರು॒ಷಂ ಭರಿ॑ಭ್ರ॒ದುಚ್ಛು॒ಕ್ರೇಣ॑ ಶೋ॒ಚಿಷಾ॒ ದ್ಯಾಮಿನ॑ಕ್ಷನ್ ॥ ೨೪ ॥
ದೃ॒ಶಾ॒ನೋ ರು॒ಕ್ಮ ಉ॒ರ್ವ್ಯಾ ವ್ಯ॑ದ್ಯೌದ್ದು॒ರ್ಮರ್ಷ॒ಮಾಯು॑: ಶ್ರಿ॒ಯೇ ರು॑ಚಾ॒ನಃ ।
ಅ॒ಗ್ನಿರ॒ಮೃತೋ॑ ಅಭವ॒ದ್ವಯೋ॑ಭಿ॒ರ್ಯದೇ॑ನಂ ದ್ಯೌರಜ॑ನಯ॑ತ್ಸು॒ರೇತಾ॑: ॥ ೨೫ ॥
ಯಸ್ತೇ॑ ಅ॒ದ್ಯ ಕೃ॒ಣವ॑ದ್ಭದ್ರಶೋಚೇಽಪೂ॒ಪಂ ದೇ॑ವ ಘೃ॒ತವ॑ನ್ತಮಗ್ನೇ ।
ಪ್ರ ತಂ ನ॑ಯ ಪ್ರತ॒ರಂ ವಸ್ಯೋ॒ ಅಚ್ಛಾ॒ಭಿ ಸು॒ಮ್ನಂ ದೇ॒ವಭ॑ಕ್ತಂ ಯವಿಷ್ಠ ॥ ೨೬ ॥
ಆ ತಂ ಭ॑ಜ ಸೌಶ್ರವ॒ಸೇಷ್ವ॑ಗ್ನ ಉ॒ಕ್ಥ ಉ॑ಕ್ಥ॒ ಆ ಭ॑ಜ ಶ॒ಸ್ಯಮಾ॑ನೇ ।
ಪ್ರಿ॒ಯಃ ಸೂರ್ಯೇ॑ ಪ್ರಿ॒ಯೋ ಅ॒ಗ್ನಾ ಭ॑ವಾ॒ತ್ಯುಜ್ಜಾ॒ತೇನ॑ ಭಿ॒ನದ॒ದುಜ್ಜನಿ॑ತ್ವೈಃ ॥ ೨೭ ॥
ತ್ವಾಮ॑ಗ್ನೇ॒ ಯಜ॑ಮಾನಾ॒ ಅನು॒ ದ್ಯೂನ್ ವಿಶ್ವಾ॒ ವಸು॑ ದಧಿರೇ॒ ವಾರ್ಯಾ॑ಣಿ ।
ತ್ವಯಾ॑ ಸ॒ಹ ದ್ರವಿ॑ಣಮಿ॒ಚ್ಛಮಾ॑ನಾ ವ್ರ॒ಜಂ ಗೋಮ॑ನ್ತಮು॒ಶಿಜೋ॒ ವಿ ವ॑ವ್ರುಃ ॥ ೨೮ ॥
ಅಸ್ತಾ॑ವ್ಯ॒ಗ್ನಿರ್ನ॒ರಾᳪ ಸು॒ಶೇವೋ॑ ವೈಶ್ವಾನ॒ರ ಋಷಿ॑ಭಿ॒: ಸೋಮ॑ಗೋಪಾಃ ।
ಅ॒ದ್ವೇ॒ಷೇ ದ್ಯಾವಾ॑ಪೃಥಿ॒ವೀ ಹು॑ವೇಮ॒ ದೇವಾ॑ ಧ॒ತ್ತ ರ॒ಯಿಮ॒ಸ್ಮೇ ಸು॒ವೀರ॑ಮ್ ॥ ೨೯ ॥
ಸ॒ಮಿಧಾ॒ಽಗ್ನಿಂ ದು॑ವಸ್ಯತ ಘೃ॒ತೈರ್ಬೋ॑ಧಯ॒ತಾತಿ॑ಥಿಮ್ । ಆಽಸ್ಮಿ॑ನ್ ಹವ್ಯಾ ಜು॑ಹೋತನ ॥ ೩೦ ॥
ಉದು॑ ತ್ವಾ॒ ವಿಶ್ವೇ॑ ದೇ॒ವಾ ಅಗ್ನೇ॒ ಭರ॑ನ್ತು॒ ಚಿತ್ತಿ॑ಭಿಃ । ಸ ನೋ॑ ಭವ ಶಿ॒ವಸ್ತ್ವᳪ ಸು॒ಪ್ರತೀ॑ಕೋ ವಿ॒ಭಾವ॑ಸುಃ ॥ ೩೧ ॥
ಪ್ರೇದ॑ಗ್ನೇ॒ ಜ್ಯೋತಿ॑ಷ್ಮಾನ್ ಯಾಹಿ ಶಿ॒ವೇಭಿ॑ರ॒ರ್ಚಿಭಿ॒ಷ್ಟ್ವಮ್ ।
ಬೃ॒ಹದ್ಭಿ॑ರ್ಭಾ॒ನುಭಿ॒ರ್ಭಾಸ॒ನ್ಮಾ ಹಿ॑ᳪಸೀಸ್ತ॒ನ್ವಾ॒ ಪ್ರ॒ಜಾಃ ॥ ೩೨ ॥
ಅಕ್ರ॑ನ್ದದ॒ಗ್ನಿ ಸ್ತ॒ನಯ॑ನ್ನಿವ॒ ದ್ಯೌ: ಕ್ಷಾಮಾ॒ ರೇರಿ॑ಹದ್ವೀ॒ರುಧ॑: ಸಮ॒ಞ್ಜನ್ ।
ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ೩೩ ॥
ಪ್ರ-ಪ್ರಾ॒ಯಮ॒ಗ್ನಿರ್ಭ॑ರ॒ತಸ್ಯ॑ ಶೃಣ್ವೇ॒ ವಿ ಯತ್ಸೂರ್ಯೋ॒ ನ ರೋಚ॑ತೇ ಬೃ॒ಹದ್ಭಾಃ ।
ಅ॒ಭಿ ಯಃ ಪೂ॒ರುಂ ಪೃತ॑ನಾಸು ತ॒ಸ್ಥೌ ದೀ॒ದಾಯ ದೈವ್ಯೋ॒ ಅತಿ॑ಥಿಃ ಶಿ॒ವೋ ನ॑: ॥ ೩೪ ॥
ಆಪೋ॑ ದೇವೀ॒: ಪ್ರತಿ॑ ಗೃಭ್ಣೀತ॒ ಭಸ್ಮೈ॒ತತ್ಸ್ಯೋ॒ನೇ ಕೃ॑ಣುಧ್ವᳪ ಸುರ॒ಭಾ ಉ॑ ಲೋ॒ಕೇ ।
ತಸ್ಮೈ॑ ನಮನ್ತಾಂ॒ ಜನ॑ಯಃ ಸು॒ಪತ್ನೀ॑ರ್ಮಾ॒ತೇವ॑ ಪು॒ತ್ರಂ ಬಿ॑ಭೃತಾ॒ಪ್ಸ್ವೇ॒ನತ್ ॥ ೩೫ ॥
ಅ॒ಪ್ಸ್ವ॒ಗ್ನೇ॒ ಸಧಿ॒ಷ್ಟವ॒ ಸೌಷ॑ಧೀ॒ರನು॑ ರುಧ್ಯಸೇ । ಗರ್ಭೇ॒ ಸಞ್ಜಾ॑ಯಸೇ॒ ಪುನ॑: ॥ ೩೬ ॥
ಗರ್ಭೋ॑ ಅ॒ಸ್ಯೋಷ॑ಧೀನಾಂ॒ ಗರ್ಭೋ॒ ವನ॒ಸ್ಪತೀ॑ನಾಮ್ । ಗರ್ಭೋ॒ ವಿಶ್ವ॑ಸ್ಯ ಭೂ॒ತಸ್ಯಾಗ್ನೇ॒ ಗರ್ಭೋ॑ ಅ॒ಪಾಮ॑ಸಿ ॥ ೩೭ ॥
ಪ್ರ॒ಸದ್ಯ॒ ಭಸ್ಮ॑ನಾ॒ ಯೋನಿ॑ಮ॒ಪಶ್ಚ॑ ಪೃಥಿ॒ವೀಮ॑ಗ್ನೇ । ಸ॒ᳪಸೃಜ್ಯ॑ ಮಾ॒ತೃಭಿ॒ಷ್ಟ್ವಂ ಜ್ಯೋತಿ॑ಷ್ಮಾ॒ನ್ ಪುನ॒ರಾ ಽಸ॑ದಃ ॥ ೩೮ ॥
ಪುನ॑ರಾ॒ಸದ್ಯ॒ ಸದ॑ನಮ॒ಪಶ್ಚ॑ ಪೃಥಿ॒ವೀಮ॑ಗ್ನೇ । ಶೇಷೇ॑ ಮಾ॒ತುರ್ಯಥೋ॒ಪಸ್ಥೇ॒ಽನ್ತರ॑ಸ್ಯಾᳪ ಶಿ॒ವತ॑ಮಃ ॥ ೩೯ ॥
ಪುನ॑ರೂ॒ರ್ಜಾ ನಿ ವ॑ರ್ತಸ್ವ॒ ಪುನ॑ರಗ್ನ ಇ॒ಷಾಽಽಯು॑ಷಾ । ಪುನ॑ರ್ನಃ ಪಾ॒ಹ್ಯᳪಹ॑ಸಃ ॥ ೪೦ ॥
ಸ॒ಹ ರ॒ಯ್ಯಾ ನಿ ವ॑ರ್ತ॒ಸ್ವಾಗ್ನೇ॒ ಪಿನ್ವ॑ಸ್ವ॒ ಧಾರ॑ಯಾ । ವಿ॒ಶ್ವಪ್ಸ್ನ್ಯಾ॑ ವಿ॒ಶ್ವತ॒ಸ್ಪರಿ॑ ॥ ೪೧ ॥
ಬೋಧಾ॑ ಮೇ ಅ॒ಸ್ಯ ವಚ॑ಸೋ ಯವಿಷ್ಠ॒ ಮᳪಹಿ॑ಷ್ಠಸ್ಯ॒ ಪ್ರಭೃ॑ತಸ್ಯ ಸ್ವಧಾವಃ ।
ಪೀಯ॑ತಿ ತ್ವೋ॒ ಅನು॑ ತ್ವೋ ಗೃಣಾತಿ ವ॒ನ್ದಾರು॑ಷ್ಟೇ ತ॒ನ್ವಂ॒ ವನ್ದೇ ಅಗ್ನೇ ॥ ೪೨ ॥
ಸ ಬೋ॑ಧಿ ಸೂ॒ರಿರ್ಮ॒ಘವಾ॒ ವಸು॑ಪತೇ॒ ವಸು॑ದಾವನ್ । ಯು॒ಯೋ॒ಧ್ಯಸ್ಮದ್ ದ್ವೇಷಾ॑ᳪಸಿ ವಿ॒ಶ್ವಕ॑ರ್ಮಣೇ॒ ಸ್ವಾಹಾ॑ ॥ ೪೩ ॥
ಪುನ॑ಸ್ತ್ವಾಽಽದಿ॒ತ್ಯಾ ರು॒ದ್ರಾ ವಸ॑ವ॒: ಸಮಿ॑ನ್ಧತಾಂ॒ ಪುನ॑ರ್ಬ್ರ॒ಹ್ಮಾಣೋ॑ ವಸುನೀಥ ಯ॒ಜ್ಞೈಃ ।
ಘೃ॒ತೇನ॒ ತ್ವಂ ತ॒ನ್ವಂ॒ ವರ್ಧಯಸ್ವ ಸ॒ತ್ಯಾಃ ಸ॑ನ್ತು॒ ಯಜ॑ಮಾನಸ್ಯ॒ ಕಾಮಾ॑: ॥ ೪೪ ॥
ಅಪೇ॑ತ॒ ವೀ॒ತ॒ ವಿ ಚ॑ ಸರ್ಪ॒ತಾತೋ॒ ಯೇಽತ್ರ॒ ಸ್ಥ ಪು॑ರಾ॒ಣಾ ಯೇ ಚ॒ ನೂತ॑ನಾಃ ।
ಅದಾ॑ದ್ಯ॒ಮೋ॒ಽವ॒ಸಾನಂ॑ ಪೃಥಿ॒ವ್ಯಾ ಅಕ್ರ॑ನ್ನಿ॒ಮಂ ಪಿ॒ತರೋ॑ ಲೋ॒ಕಮ॑ಸ್ಮೈ ॥ ೪೫ ॥
ಸಂ॒ಜ್ಞಾನ॑ಮಸಿ ಕಾಮ॒ಧರ॑ಣಂ॒ ಮಯಿ॑ ತೇ ಕಾಮ॒ಧರ॑ಣಂ ಭೂಯಾತ್ ।
ಅ॒ಗ್ನೇರ್ಭಸ್ಮಾ॑ಸ್ಯ॒ಗ್ನೇಃ ಪುರೀ॑ಷಮಸಿ॒ । ಚಿತ॑ ಸ್ಥ ಪರಿ॒ಚಿತ॑ ಊರ್ಧ್ವ॒ಚಿತ॑: ಶ್ರಯಧ್ವಮ್ ॥ ೪೬ ॥
ಅ॒ಯᳪ ಸೋ ಅ॒ಗ್ನಿರ್ಯಸ್ಮಿ॒ನ್ತ್ಸೋಮ॒ಮಿನ್ದ್ರ॑: ಸು॒ತಂ ದ॒ಧೇ ಜ॒ಠರೇ॑ ವಾವಶಾ॒ನಃ ।
ಸ॒ಹ॒ಸ್ರಿಯಂ॒ ವಾಜ॒ಮತ್ಯಂ॒ ನ ಸಪ್ತಿ॑ᳪ ಸಸ॒ವಾನ್ತ್ಸನ್ತ್ಸ್ತೂ॑ಯಸೇ ಜಾತವೇದಃ ॥ ೪೭ ॥
ಅಗ್ನೇ॒ ಯತ್ತೇ॑ ದಿ॒ವಿ ವರ್ಚ॑: ಪೃಥಿ॒ವ್ಯಾಂ ಯದೋಷ॑ಧೀಷ್ವ॒ಪ್ಸ್ವಾ ಯ॑ಜತ್ರ ।
ಯೇನಾ॒ನ್ತರಿ॑ಕ್ಷಮು॒ರ್ವಾ॑ತ॒ತನ್ಥ॑ ತ್ವೇ॒ಷಃ ಸ ಭಾ॒ನುರ॑ರ್ಣ॒ವೋ ನೃ॒ಚಕ್ಷಾ॑: ॥ ೪೮ ॥
ಅಗ್ನೇ॑ ದಿ॒ವೋ ಅರ್ಣ॒ಮಚ್ಛಾ॑ ಜಿಗಾ॒ಸ್ಯಚ್ಛಾ॑ ದೇ॒ವಾಁ೨ ಊ॑ಚಿಷೇ॒ ಧಿಷ್ಣ್ಯಾ॒ ಯೇ ।
ಯಾ ರೋ॑ಚ॒ನೇ ಪ॒ರಸ್ತಾ॒ತ್ ಸೂರ್ಯ॑ಸ್ಯ॒ ಯಾಶ್ಚಾ॒ವಸ್ತಾ॑ದುಪ॒ತಿಷ್ಠ॑ನ್ತ॒ ಆಪ॑: ॥ ೪೯ ॥
ಪು॒ರೀ॒ಷ್ಯಾ॒ಸೋ ಅ॒ಗ್ನಯ॑: ಪ್ರಾವ॒ಣೇಭಿ॑: ಸ॒ಜೋಷ॑ಸಃ । ಜು॒ಷನ್ತಾಂ॑ ಯ॒ಜ್ಞಮ॒ದ್ರುಹೋ॑ಽನಮೀ॒ವಾ ಇಷೋ॑ ಮ॒ಹೀಃ ॥ ೫೦ ॥
ಇಡಾ॑ಮಗ್ನೇ ಪುರು॒ದᳪಸ॑ᳪ ಸ॒ನಿಂ ಗೋಃ ಶ॑ಶ್ವತ್ತ॒ಮᳪ ಹವ॑ಮಾನಾಯ ಸಾಧ ।
ಸ್ಯಾನ್ನ॑: ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ॑ ಸುಮ॒ತಿರ್ಭೂ॑ತ್ವ॒ಸ್ಮೇ ॥ ೫೧ ॥
ಅ॒ಯಂ ತೇ॒ ಯೋನಿ॑ರೃ॒ತ್ವಿಯೋ॒ ಯತೋ॑ ಜಾ॒ತೋ ಅರೋ॑ಚಥಾಃ । ತಂ ಜಾ॒ನನ್ನ॑ಗ್ನ॒ ಆ ರೋ॒ಹಾಥಾ॑ ನೋ ವರ್ಧಯಾ ರ॒ಯಿಮ್ ॥ ೫೨ ॥
ಚಿದ॑ಸಿ॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ಪ॑ರಿ॒ಚಿದ॑ಸಿ॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ॥ ೫೩ ॥
ಲೋ॒ಕಂ ಪೃ॑ಣ ಛಿ॒ದ್ರಂ ಪೃ॒ಣಾಥೋ॑ ಸೀದ ಧ್ರು॒ವಾ ತ್ವಮ್ । ಇ॒ನ್ದ್ರಾ॒ಗ್ನೀ ತ್ವಾ॒ ಬೃಹ॒ಸ್ಪತಿ॑ರ॒ಸ್ಮಿನ್ ಯೋನಾ॑ವಸೀಷದನ್ ॥ ೫೪ ॥
ತಾ ಅ॑ಸ್ಯ॒ ಸೂದ॑ದೋಹಸ॒: ಸೋಮ॑ ಶ್ರೀಣನ್ತಿ॒ ಪೃಶ್ನ॑ಯಃ । ಜನ್ಮ॑ನ್ದೇ॒ವಾನಾಂ॒ ವಿಶ॑ಸ್ತ್ರಿ॒ಷ್ವಾ ರೋ॑ಚ॒ನೇ ದಿ॒ವಃ ॥ ೫೫ ॥
ಇನ್ದ್ರಂ॒ ವಿಶ್ವಾ॑ ಅವೀವೃಧನ್ತ್ಸಮು॒ದ್ರವ್ಯ॑ಚಸಂ॒ ಗಿರ॑: । ರ॒ಥೀತ॑ಮᳪ ರ॒ಥೀನಾಂ॒ ವಾಜಾ॑ನಾ॒ᳪ ಸತ್ಪ॑ತಿಂ॒ ಪತಿ॑ಮ್ ॥ ೪೬ ॥
ಸಮಿ॑ತᳪ ಸಂ ಕ॑ಲ್ಪೇಥಾ॒ᳪ ಸಂಪ್ರಿ॑ಯೌ ರೋಚಿ॒ಷ್ಣೂ ಸು॑ಮನ॒ಸ್ಯಮಾ॑ನೌ । ಇಷ॒ಮೂರ್ಜ॑ಮ॒ಭಿ ಸಂ॒ವಸಾ॑ನೌ ॥ ೫೭ ॥
ಸಂ ವಾಂ॒ ಮನಾ॑ᳪಸಿ॒ ಸಂ ವ್ರ॒ತಾ ಸಮು॑ ಚಿ॒ತ್ತಾನ್ಯಾಕ॑ರಮ್ ।
ಅಗ್ನೇ॑ ಪುರೀಷ್ಯಾಧಿ॒ಪಾ ಭ॑ವ॒ ತ್ವಂ ನ॒ ಇಷ॒ಮೂರ್ಜಂ॒ ಯಜ॑ಮಾನಾಯ ಧೇಹಿ ॥ ೫೮ ॥
ಅಗ್ನೇ॒ ತ್ವಂ ಪು॑ರೀ॒ಷ್ಯೋ॒ ರಯಿ॒ಮಾನ್ ಪು॑ಷ್ಟಿ॒ಮಾಁ೨ ಅ॑ಸಿ । ಶಿ॒ವಾಃ ಕೃ॒ತ್ವಾ ದಿಶ॒: ಸರ್ವಾ॒: ಸ್ವಂ ಯೋನಿ॑ಮಿ॒ಹಾಽಸ॑ದಃ ॥ ೫೯ ॥
ಭವ॑ತಂ ನ॒: ಸಮ॑ನಸೌ॒ ಸಚೇ॑ತಸಾವರೇ॒ಪಸೌ॑ ।
ಮಾ ಯ॒ಜ್ಞᳪ ಹಿ॑ᳪಸಿಷ್ಟಂ॒ ಮಾ ಯ॒ಜ್ಞಪ॑ತಿಂ ಜಾತವೇದಸೌ ಶಿ॒ವೌ ಭ॑ವತಮ॒ದ್ಯ ನ॑: ॥ ೬೦ ॥
ಮಾ॒ತೇವ॑ ಪು॒ತ್ರಂ ಪೃ॑ಥಿ॒ವೀ ಪು॑ರೀ॒ಷ್ಯ॒ಮ॒ಗ್ನಿᳪ ಸ್ವೇ ಯೋನಾ॑ವಭಾರು॒ಖಾ ।
ತಾಂ ವಿಶ್ವೈ॑ರ್ದೇ॒ವೈರೃ॒ತುಭಿ॑: ಸಂವಿದಾ॒ನಃ ಪ್ರ॒ಜಾಪ॑ತಿರ್ವಿ॒ಶ್ವಕ॑ರ್ಮಾ॒ ವಿ ಮು॑ಞ್ಚತು ॥ ೬೧ ॥
ಅಸು॑ನ್ವನ್ತ॒ಮಯ॑ಜಮಾನಮಿಚ್ಛ ಸ್ತೇ॒ನಸ್ಯೇ॒ತ್ಯಾಮನ್ವಿ॑ಹಿ॒ ತಸ್ಕ॑ರಸ್ಯ ।
ಅ॒ನ್ಯಮ॒ಸ್ಮದಿ॑ಚ್ಛ॒ ಸಾ ತ॑ ಇ॒ತ್ಯಾ ನಮೋ॑ ದೇವಿ ನಿರೃತೇ॒ ತುಭ್ಯ॑ಮಸ್ತು ॥ ೬೨ ॥
ನಮ॒: ಸು ತೇ॑ ನಿರೃತೇ ತಿಗ್ಮತೇಜೋಽಯ॒ಸ್ಮಯಂ॒ ವಿ ಚೃ॑ತಾ ಬ॒ನ್ಧಮೇ॒ತಮ್ ।
ಯ॒ಮೇನ॒ ತ್ವಂ ಯ॒ಮ್ಯಾ ಸಂ॑ವಿದಾ॒ನೋತ್ತ॒ಮೇ ನಾ॒ಕೇ ಅಧಿ॑ ರೋಹಯೈನಮ್ ॥ ೬೩ ॥
ಯಸ್ಯಾ॑ಸ್ತೇ ಘೋರ ಆ॒ಸಞ್ಜು॒ಹೋಮ್ಯೇ॒ಷಾಂ ಬ॒ನ್ಧಾನಾ॑ಮವ॒ಸರ್ಜ॑ನಾಯ ।
ಯಾಂ ತ್ವಾ॒ ಜನೋ॒ ಭೂಮಿ॒ರಿತಿ॑ ಪ್ರ॒ಮನ್ದ॑ತೇ॒ ನಿರೃ॑ತಿಂ ತ್ವಾ॒ಽಹಂ ಪರಿ॑ವೇದ ವಿ॒ಶ್ವತ॑: ॥ ೬೪ ॥
ಯಂ ತೇ॑ ದೇ॒ವೀ ನಿರೃ॑ತಿರಾಬ॒ಬನ್ಧ॒ ಪಾಶಂ॑ ಗ್ರೀ॒ವಾಸ್ವ॑ವಿಚೃ॒ತ್ಯಮ್ ।
ತಂ ತೇ॒ ವಿ ಷ್ಯಾ॒ಮ್ಯಾಯು॑ಷೋ॒ ನ ಮಧ್ಯಾ॒ದಥೈ॒ತಂ ಪಿ॒ತುಮ॑ದ್ಧಿ॒ ಪ್ರಸೂ॑ತಃ । ನಮೋ॒ ಭೂತ್ಯೈ॒ ಯೇದಂ ಚ॒ಕಾರ॑ ॥ ೬೫ ॥
ನಿ॒ವೇಶ॑ನಃ ಸ॒ಙ್ಗಮ॑ನೋ॒ ವಸೂ॑ನಾಂ॒ ವಿಶ್ವಾ॑ ರೂ॒ಪಾಽಭಿ ಚ॑ಷ್ಟೇ॒ ಶಚೀ॑ಭಿಃ ।
ದೇ॒ವ ಇ॑ವ ಸವಿ॒ತಾ ಸ॒ತ್ಯಧ॒ರ್ಮೇನ್ದ್ರೋ॒ ನ ತ॑ಸ್ಥೌ ಸಮ॒ರೇ ಪ॑ಥೀ॒ನಾಮ್ ॥ ೬೬ ॥
ಸೀರಾ॑ ಯುಞ್ಜನ್ತಿ ಕ॒ವಯೋ॑ ಯು॒ಗಾ ವಿ ತ॑ನ್ವತೇ॒ ಪೃಥ॑ಕ್ । ಧೀರಾ॑ ದೇ॒ವೇಷು॑ ಸುಮ್ನ॒ಯಾ ॥ ೬೭ ॥
ಯು॒ನಕ್ತ॒ ಸೀರಾ॒ ವಿ ಯು॒ಗಾ ತ॑ನುಧ್ವಂ ಕೃ॒ತೇ ಯೋನೌ॑ ವಪತೇ॒ಹ ಬೀಜ॑ಮ್ ।
ಗಿ॒ರಾ ಚ॑ ಶ್ರು॒ಷ್ಟಿಃ ಸಭ॑ರಾ॒ ಅಸ॑ನ್ನೋ॒ ನೇದೀ॑ಯ॒ ಇತ್ಸೃ॒ಣ್ಯ॒: ಪ॒ಕ್ವಮೇಯಾ॑ತ್ ॥ ೬೮ ॥
ಶು॒ನᳪ ಸು ಫಾಲಾ॒ ವಿ ಕೃ॑ಷನ್ತು॒ ಭೂಮಿ॑ᳪ ಶು॒ನಂ ಕೀ॒ನಾಶಾ॑ ಅ॒ಭಿ ಯ॑ನ್ತು ವಾ॒ಹೈಃ ।
ಶುನಾ॑ಸೀರಾ ಹ॒ವಿಷಾ॒ ತೋಶ॑ಮಾನಾ ಸುಪಿಪ್ಪ॒ಲಾ ಓಷ॑ಧೀಃ ಕರ್ತನಾ॒ಸ್ಮೈ ॥ ೬೯ ॥
ಘೃ॒ತೇನ॒ ಸೀತಾ॒ ಮಧು॑ನಾ॒ ಸಮ॑ಜ್ಯತಾಂ॒ ವಿಶ್ವೈ॑ರ್ದೇ॒ವೈರನು॑ಮತಾ ಮ॒ರುದ್ಭಿ॑: ।
ಊರ್ಜ॑ಸ್ವತೀ॒ ಪಯ॑ಸಾ॒ ಪಿನ್ವ॑ಮಾನಾ॒ಸ್ಮಾನ್ತ್ಸೀ॑ತೇ॒ ಪಯ॑ಸಾ॒ಽಭ್ಯಾ ವ॑ವೃತ್ಸ್ವ ॥ ೭೦ ॥
ಲಾಙ್ಗ॑ಲಂ॒ ಪವೀ॑ರವತ್ಸು॒ಶೇವ॑ᳪ ಸೋಮ॒ಪಿತ್ಸ॑ರು । ತದುದ್ವ॑ಪತಿ॒ ಗಾಮವಿಂ॑ ಪ್ರಫ॒ರ್ವ್ಯಂ॒ ಚ॒ ಪೀವ॑ರೀಂ ಪ್ರ॒ಸ್ಥಾವ॑ದ್ರಥ॒ವಾಹ॑ಣಮ್ ॥ ೭೧ ॥
ಕಾಮಂ॑ ಕಾಮದುಘೇ ಧುಕ್ಷ್ವ ಮಿ॒ತ್ರಾಯ॒ ವರು॑ಣಾಯ ಚ । ಇನ್ದ್ರಾ॑ಯಾ॒ಶ್ವಿಭ್ಯಾಂ॑ ಪೂ॒ಷ್ಣೇ ಪ್ರ॒ಜಾಭ್ಯ॒ ಓಷ॑ಧೀಭ್ಯಃ ॥ ೭೨ ॥
ವಿ ಮು॑ಚ್ಯಧ್ವಮಘ್ನ್ಯಾ ದೇವಯಾನಾ॒ ಅಗ॑ನ್ಮ॒ ತಮ॑ಸಸ್ಪಾ॒ರಮ॒ಸ್ಯ |ಜ್ಯೋತಿ॑ರಾಪಾಮ ॥ ೭೩ ॥
ಸ॒ಜೂರಬ್ದೋ॒ ಅಯ॑ವೋಭಿಃ ಸ॒ಜೂರು॒ಷಾ ಅರು॑ಣೀಭಿಃ | ಸ॒ಜೋಷ॑ಸಾವ॒ಶ್ವಿನಾ॒ ದᳪಸೋ॑ಭಿಃ ಸ॒ಜೂಃ ಸೂರ॒ ಏತ॑ಶೇನ ಸ॒ಜೂರ್ವೈ॑ಶ್ವಾನ॒ರ ಇಡ॑ಯಾ ಘೃ॒ತೇನ॒ ಸ್ವಾಹಾ॑ ॥ ೭೪ ॥
ಯಾ ಓಷ॑ಧೀ॒: ಪೂರ್ವಾ॑ ಜಾ॒ತಾ ದೇ॒ವೇಭ್ಯ॑ಸ್ತ್ರಿಯು॒ಗಂ ಪು॒ರಾ । ಮನೈ॒ ನು ಬ॒ಭ್ರೂಣಾ॑ಮ॒ಹᳪ ಶ॒ತಂ ಧಾಮಾ॑ನಿ ಸ॒ಪ್ತ ಚ॑ ॥ ೭೫ ॥
ಶ॒ತಂ ವೋ॑ ಅಮ್ಬ॒ ಧಾಮಾ॑ನಿ ಸ॒ಹಸ್ರ॑ಮು॒ತ ವೋ॒ ರುಹ॑: । ಅಧಾ॑ ಶತಕ್ರತ್ವೋ ಯೂ॒ಯಮಿ॒ಮಂ ಮೇ॑ ಅಗ॒ದಂ ಕೃ॑ತ ॥ ೭೬ ॥
ಓಷ॑ಧೀ॒: ಪ್ರತಿ॑ ಮೋದಧ್ವಂ॒ ಪುಷ್ಪ॑ವತೀಃ ಪ್ರ॒ಸೂವ॑ರೀಃ । ಅಶ್ವಾ॑ ಇವ ಸ॒ಜಿತ್ವ॑ರೀರ್ವೀ॒ರುಧ॑: ಪಾರಯಿ॒ಷ್ಣ್ವ॒: ॥ ೭೭ ॥
ಓಷ॑ಧೀ॒ರಿತಿ॑ ಮಾತರ॒ಸ್ತದ್ವೋ॑ ದೇವೀ॒ರುಪ॑ ಬ್ರುವೇ । ಸ॒ನೇಯ॒ಮಶ್ವಂ॒ ಗಾಂ ವಾಸ॑ ಆ॒ತ್ಮಾನಂ॒ ತವ॑ ಪೂರುಷ ॥ ೭೮ ॥
ಅ॒ಶ್ವ॒ತ್ಥೇ ವೋ॑ ನಿ॒ಷದ॑ನಂ ಪ॒ರ್ಣೇ ವೋ॑ ವಸ॒ತಿಷ್ಕೃ॒ತಾ । ಗೋ॒ಭಾಜ॒ ಇತ್ಕಿಲಾ॑ಸಥ॒ ಯತ್ಸ॒ನವ॑ಥ॒ ಪೂರು॑ಷಮ್ ॥ ೭೯ ॥
ಯತ್ರೌ॑ಷಧೀಃ ಸ॒ಮಗ್ಮ॑ತ॒ ರಾಜಾ॑ನ॒: ಸಮಿ॑ತಾವಿವ । ವಿಪ್ರ॒: ಸ ಉ॑ಚ್ಯತೇ ಭಿ॒ಷಗ್ರ॑ಕ್ಷೋ॒ಹಾಮೀ॑ವ॒ಚಾತ॑ನಃ ॥ ೮೦ ॥
ಅ॒ಶ್ವಾ॒ವ॒ತೀᳪ ಸೋ॑ಮಾವ॒ತೀಮೂ॒ರ್ಜಯ॑ನ್ತೀ॒ಮುದೋ॑ಜಸಮ್ । ಆಽವಿ॑ತ್ಸಿ॒ ಸರ್ವಾ॒ ಓಷ॑ಧೀರ॒ಸ್ಮಾ ಅ॑ರಿ॒ಷ್ಟತಾ॑ತಯೇ ॥ ೮೧ ॥
ಉಚ್ಛುಷ್ಮಾ॒ ಓಷ॑ಧೀನಾಂ॒ ಗಾವೋ॑ ಗೋ॒ಷ್ಠಾದಿ॑ವೇರತೇ ।
ಧನ॑ᳪ ಸನಿ॒ಷ್ಯನ್ತೀ॑ನಾಮಾ॒ತ್ಮಾನಂ॒ ತವ॑ ಪೂರುಷ ॥ ೮೨ ॥
ಇ॒ಷ್ಕೃ॑ತಿ॒ರ್ನಾಮ॑ ವೋ ಮಾ॒ತಾಽಥೋ॑ ಯೂ॒ಯᳪ ಸ್ಥ॒ ನಿಷ್ಕೃ॑ತೀಃ । ಸೀ॒ರಾಃ ಪ॑ತ॒ತ್ರಿಣೀ॑ ಸ್ಥನ॒ ಯದಾ॒ಮಯ॑ತಿ॒ ನಿಷ್ಕೃ॑ಥ ॥ ೮೩ ॥
ಅತಿ॒ ವಿಶ್ವಾ॑: ಪರಿ॒ಷ್ಠಾ ಸ್ತೇ॒ನ ಇ॑ವ ವ್ರ॒ಜಮ॑ಕ್ರಮುಃ । ಓಷ॑ಧೀ॒: ಪ್ರಾಚು॑ಚ್ಯವು॒ರ್ಯತ್ಕಿಂ ಚ॑ ತ॒ನ್ವೋ ರಪ॑: ॥ ೮೪ ॥
ಯದಿ॒ಮಾ ವಾ॒ಜಯ॑ನ್ನ॒ಹಮೋಷ॑ಧೀ॒ರ್ಹಸ್ತ॑ ಆದ॒ಧೇ । ಆ॒ತ್ಮಾ ಯಕ್ಷ್ಮ॑ಸ್ಯ ನಶ್ಯತಿ ಪು॒ರಾ ಜೀ॑ವ॒ಗೃಭೋ॑ ಯಥಾ ॥ ೮೫ ॥
ಯಸ್ಯೌ॑ಷಧೀಃ ಪ್ರ॒ಸರ್ಪ॒ಥಾಙ್ಗ॑ಮಙ್ಗಂ॒ ಪರು॑ಷ್ಪರುಃ । ತತೋ॒ ಯಕ್ಷ್ಮಂ॒ ವಿ ಬಾ॑ಧಧ್ವ ಉ॒ಗ್ರೋ ಮ॑ಧ್ಯಮ॒ಶೀರಿ॑ವ ॥ ೮೬ ॥
ಸಾ॒ಕಂ ಯ॑ಕ್ಷ್ಮ॒ ಪ್ರ ಪ॑ತ॒ ಚಾಷೇ॑ಣ ಕಿಕಿದೀ॒ವಿನಾ॑ । ಸಾ॒ಕಂ ವಾತ॑ಸ್ಯ॒ ಧ್ರಾಜ್ಯಾ॑ ಸಾ॒ಕಂ ನ॑ಶ್ಯ ನಿ॒ಹಾಕ॑ಯಾ ॥ ೮೭ ॥
ಅ॒ನ್ಯಾ ವೋ॑ ಅ॒ನ್ಯಾಮ॑ವತ್ವ॒ನ್ಯಾನ್ಯಸ್ಯಾ॒ ಉಪಾ॑ವತ । ತಾಃ ಸರ್ವಾ॑: ಸಂವಿದಾ॒ನಾ ಇ॒ದಂ ಮೇ॒ ಪ್ರಾವ॑ತಾ॒ ವಚ॑: ॥ ೮೮ ॥
ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾ ಯಾಶ್ಚ॑ ಪು॒ಷ್ಪಿಣೀ॑: । ಬೃಹ॒ಸ್ಪತಿ॑ಪ್ರಸೂತಾ॒ಸ್ತಾ ನೋ॑ ಮುಞ್ಚ॒ನ್ತ್ವᳪಹ॑ಸಃ ॥ ೮೯ ॥
ಮು॒ಞ್ಚನ್ತು॑ ಮಾ ಶಪ॒ಥ್ಯಾದಥೋ॑ ವರು॒ಣ್ಯಾ॒ದು॒ತ । ಅಥೋ॑ ಯ॒ಮಸ್ಯ॒ ಪಡ್ವೀ॑ಶಾ॒ತ್ಸರ್ವ॑ಸ್ಮಾದ್ದೇವಕಿಲ್ಬಿ॒ಷಾತ್ ॥ ೯೦ ॥
ಅ॒ವ॒ಪತ॑ನ್ತೀರವದನ್ದಿ॒ವ ಓಷ॑ಧಯ॒ಸ್ಪರಿ॑ । ಯಂ ಜೀ॒ವಮ॒ಶ್ನವಾ॑ಮಹೈ॒ ನ ಸ ರಿ॑ಷ್ಯಾತಿ॒ ಪೂರು॑ಷಃ ॥ ೯೧ ॥
ಯಾ ಓಷ॑ಧೀ॒: ಸೋಮ॑ರಾಜ್ಞೀರ್ಬ॒ಹ್ವೀಃ ಶ॒ತವಿ॑ಚಕ್ಷಣಾಃ । ತಾಸಾ॑ಮಸಿ॒ ತ್ವಮು॑ತ್ತ॒ಮಾರಂ॒ ಕಾಮಾ॑ಯ॒ ಶᳪ ಹೃ॒ದೇ ॥ ೯೨ ॥
ಯಾ ಓಷ॑ಧೀ॒: ಸೋಮ॑ರಾಜ್ಞೀ॒ರ್ವಿಷ್ಠಿ॑ತಾಃ ಪೃಥಿ॒ವೀಮನು॑ । ಬೃಹ॒ಸ್ಪತಿ॑ಪ್ರಸೂತಾ ಅಸ್ಯೈ॒ ಸಂದ॑ತ್ತ ವೀ॒ರ್ಯ॒ಮ್ ॥ ೯೩ ॥
ಯಾಶ್ಚೇ॒ದಮು॑ಪಶೃ॒ಣ್ವನ್ತಿ॒ ಯಾಶ್ಚ॑ ದೂ॒ರಂ ಪರಾ॑ಗತಾಃ । ಸರ್ವಾ॑: ಸಂ॒ಗತ್ಯ॑ ವೀರುಧೋಽಸ್ಯೈ॒ ಸಂದ॑ತ್ತ ವೀ॒ರ್ಯ॒ಮ್ ॥ ೯೪ ॥
ಮಾ ವೋ॑ ರಿಷತ್ ಖನಿ॒ತಾ ಯಸ್ಮೈ॑ ಚಾ॒ಹಂ ಖನಾ॑ಮಿ ವಃ । ದ್ವಿ॒ಪಾಚ್ಚತು॑ಷ್ಪಾದ॒ಸ್ಮಾಕ॒ᳪ ಸರ್ವ॑ಮಸ್ತ್ವನಾತು॒ರಮ್ ॥ ೯೫ ॥
ಓಷ॑ಧಯ॒: ಸಮ॑ವದನ್ತ॒ ಸೋಮೇ॑ನ ಸ॒ಹ ರಾಜ್ಞಾ॑ । ಯಸ್ಮೈ॑ ಕೃ॒ಣೋತಿ॑ ಬ್ರಾಹ್ಮ॒ಣಸ್ತᳪ ರಾ॑ಜನ್ ಪಾರಯಾಮಸಿ ॥ ೯೬ ॥
ನಾ॒ಶ॒ಯಿ॒ತ್ರೀ ಬ॒ಲಾಸ॒ಸ್ಯಾರ್ಶ॑ಸ ಉಪ॒ಚಿತಾ॑ಮಸಿ । ಅಥೋ॑ ಶ॒ತಸ್ಯ॒ ಯಕ್ಷ್ಮಾ॑ಣಾಂ ಪಾಕಾ॒ರೋರ॑ಸಿ॒ ನಾಶ॑ನೀ ॥ ೯೭ ॥
ತ್ವಾಂ ಗ॑ನ್ಧ॒ರ್ವಾ ಅ॑ಖನಁ॒ಸ್ತ್ವಾಮಿನ್ದ್ರ॒ಸ್ತ್ವಾಂ ಬೃಹ॒ಸ್ಪತಿ॑: । ತ್ವಾಮೋ॑ಷಧೇ॒ ಸೋಮೋ॒ ರಾಜಾ॑ ವಿ॒ದ್ವಾನ್ ಯಕ್ಷ್ಮಾ॑ದಮುಚ್ಯತ ॥ ೯೮ ॥
ಸಹ॑ಸ್ವ ಮೇ॒ ಅರಾ॑ತೀ॒: ಸಹ॑ಸ್ವ ಪೃತನಾಯ॒ತಃ । ಸಹ॑ಸ್ವ॒ ಸರ್ವಂ॑ ಪಾ॒ಪ್ಮಾನ॒ᳪ ಸಹ॑ಮಾನಾಸ್ಯೋಷಧೇ ॥ ೯೯ ॥
ದೀ॒ರ್ಘಾಯು॑ಸ್ತ ಓಷಧೇ ಖನಿ॒ತಾ ಯಸ್ಮೈ॑ ಚ ತ್ವಾ॒ ಖನಾ॑ಮ್ಯ॒ಹಮ್ । ಅಥೋ॒ ತ್ವಂ ದೀ॒ರ್ಘಾಯು॑ರ್ಭೂ॒ತ್ವಾ ಶ॒ತವ॑ಲ್ಶಾ॒ ವಿರೋ॑ಹತಾತ್ ॥ ೧೦೦ ॥
ತ್ವಮು॑ತ್ತ॒ಮಾಸ್ಯೋ॑ಷಧೇ॒ ತವ॑ ವೃ॒ಕ್ಷಾ ಉಪ॑ಸ್ತಯಃ । ಉಪ॑ಸ್ತಿರಸ್ತು॒ ಸೋಽಸ್ಮಾಕಂ॒ ಯೋ ಅ॒ಸ್ಮಾಁ೨ ಅ॑ಭಿ॒ದಾಸ॑ತಿ ॥ ೧೦೧ ॥
ಮಾ ಮಾ॑ ಹಿᳪಸೀಜ್ಜನಿ॒ತಾ ಯಃ ಪೃ॑ಥಿ॒ವ್ಯಾ ಯೋ ವಾ॒ ದಿವ॑ᳪ ಸ॒ತ್ಯಧ॑ರ್ಮಾ॒ ವ್ಯಾನ॑ಟ್ ।
ಯಶ್ಚಾ॒ಪಶ್ಚ॒ನ್ದ್ರಾಃ ಪ್ರ॑ಥ॒ಮೋ ಜ॒ಜಾನ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೧೦೨ ॥
ಅ॒ಭ್ಯಾ ವ॑ರ್ತಸ್ವ ಪೃಥಿವಿ ಯ॒ಜ್ಞೇನ॒ ಪಯ॑ಸಾ ಸ॒ಹ । ವ॒ಪಾಂ ತೇ॑ ಅ॒ಗ್ನಿರಿ॑ಷಿ॒ತೋ ಅ॑ರೋಹತ್ ॥ ೧೦೩ ॥
ಅಗ್ನೇ॒ ಯತ್ತೇ॑ ಶು॒ಕ್ರಂ ಯಚ್ಚ॒ನ್ದ್ರಂ ಯತ್ಪೂ॒ತಂ ಯಚ್ಚ॑ ಯ॒ಜ್ಞಿಯ॑ಮ್ ।
ತದ್ದೇ॒ವೇಭ್ಯೋ॑ ಭರಾಮಸಿ ॥ ೧೦೪ ॥
ಇಷ॒ಮೂರ್ಜ॑ಮ॒ಹಮಿ॒ತ ಆದ॑ಮೃ॒ತಸ್ಯ॒ ಯೋನಿಂ॑ ಮಹಿ॒ಷಸ್ಯ॒ ಧಾರಾ॑ಮ್ ।
ಆ ಮಾ॒ ಗೋಷು॑ ವಿಶ॒ತ್ವಾ ತ॒ನೂಷು॒ ಜಹಾ॑ಮಿ ಸೇ॒ದಿಮನಿ॑ರಾ॒ಮಮೀ॑ವಾಮ್ ॥ ೧೦೫ ॥
ಅಗ್ನೇ॒ ತವ॒ ಶ್ರವೋ॒ ವಯೋ॒ ಮಹಿ॑ ಭ್ರಾಜನ್ತೇ ಅ॒ರ್ಚಯೋ॑ ವಿಭಾವಸೋ ।
ಬೃಹ॑ದ್ಭಾನೋ॒ ಶವ॑ಸಾ॒ ವಾಜ॑ಮು॒ಕ್ಥ್ಯಂ ದಧಾ॑ಸಿ ದಾ॒ಶುಷೇ॑ ಕವೇ ॥ ೧೦೬ ॥
ಪಾ॒ವ॒ಕವ॑ರ್ಚಾಃ ಶು॒ಕ್ರವ॑ರ್ಚಾ॒ ಅನೂ॑ನವರ್ಚಾ॒ ಉದಿ॑ಯರ್ಷಿ ಭಾ॒ನುನಾ॑ ।
ಪು॒ತ್ರೋ ಮಾ॒ತರಾ॑ ವಿ॒ಚರ॒ನ್ನುಪಾ॑ವಸಿ ಪೃ॒ಣಕ್ಷಿ॒ ರೋದ॑ಸೀ ಉ॒ಭೇ ॥ ೧೦೭ ॥
ಊರ್ಜೋ॑ ನಪಾಜ್ಜಾತವೇದಃ ಸುಶ॒ಸ್ತಿಭಿ॒ರ್ಮನ್ದ॑ಸ್ವ ಧೀ॒ತಿಭಿ॑ರ್ಹಿ॒ತಃ ।
ತ್ವೇ ಇಷ॒: ಸನ್ದ॑ಧು॒ರ್ಭೂರಿ॑ವರ್ಪಸಶ್ಚಿ॒ತ್ರೋತ॑ಯೋ ವಾ॒ಮಜಾ॑ತಾಃ ॥ ೧೦೮ ॥
ಇ॒ರ॒ಜ್ಯನ್ನ॑ಗ್ನೇ ಪ್ರಥಯಸ್ವ ಜ॒ನ್ತುಭಿ॑ರ॒ಸ್ಮೇ ರಾಯೋ॑ ಅಮರ್ತ್ಯ ।
ಸ ದ॑ರ್ಶ॒ತಸ್ಯ॒ ವಪು॑ಷೋ॒ ವಿ ರಾ॑ಜಸಿ ಪೃ॒ಣಕ್ಷಿ॑ ಸಾನ॒ಸಿಂ ಕ್ರತು॑ಮ್ ॥ ೧೦೯ ॥
ಇ॒ಷ್ಕ॒ರ್ತಾರ॑ಮಧ್ವ॒ರಸ್ಯ॒ ಪ್ರಚೇ॑ತಸಂ॒ ಕ್ಷಯ॑ನ್ತ॒ᳪ ರಾಧ॑ಸೋ ಮ॒ಹಃ ।
ರಾ॒ತಿಂ ವಾ॒ಮಸ್ಯ॑ ಸು॒ಭಗಾಂ॑ ಮ॒ಹೀಮಿಷಂ॒ ದಧಾ॑ಸಿ ಸಾನ॒ಸಿᳪ ರ॒ಯಿಮ್ ॥ ೧೧೦ ॥
ಋ॒ತಾವಾ॑ನಂ ಮಹಿ॒ಷಂ ವಿ॒ಶ್ವದ॑ರ್ಶತಮ॒ಗ್ನಿᳪ ಸು॒ಮ್ನಾಯ॑ ದಧಿರೇ ಪು॒ರೋ ಜನಾ॑: ।
ಶ್ರುತ್ಕ॑ರ್ಣᳪ ಸ॒ಪ್ರಥ॑ಸ್ತಮಂ ತ್ವಾ ಗಿ॒ರಾ ದೈ॑ವ್ಯಂ॒ ಮಾನು॑ಷಾ ಯು॒ಗಾ ॥ ೧೧೧ ॥
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑: ಸೋಮ॒ ವೃಷ್ಣ್ಯ॑ಮ್ । ಭವಾ॒ ವಾಜ॑ಸ್ಯ ಸಙ್ಗ॒ಥೇ ॥ ೧೧೨ ॥
ಸಂ ತೇ॒ ಪಯಾ॑ᳪಸಿ॒ ಸಮು॑ ಯನ್ತು॒ ವಾಜಾ॒: ಸಂ ವೃಷ್ಣ್ಯಾ॑ನ್ಯಭಿಮಾತಿ॒ಷಾಹ॑: ।
ಆ॒ಪ್ಯಾಯ॑ಮಾನೋ ಅ॒ಮೃತಾ॑ಯ ಸೋಮ ದಿ॒ವಿ ಶ್ರವಾ॑ᳪಸ್ಯುತ್ತ॒ಮಾನಿ॑ ಧಿಷ್ವ ॥ ೧೧೩ ॥
ಆ ಪ್ಯಾ॑ಯಸ್ವ ಮದಿನ್ತಮ॒ ಸೋಮ॒ ವಿಶ್ವೇ॑ಭಿರ॒ᳪಶುಭಿ॑: । ಭವಾ॑ ನಃ ಸ॒ಪ್ರಥ॑ಸ್ತಮ॒: ಸಖಾ॑ ವೃ॒ಧೇ ॥ ೧೧೪ ॥
ಆ ತೇ॑ ವ॒ತ್ಸೋ ಮನೋ॑ ಯಮತ್ಪರ॒ಮಾಚ್ಚಿ॑ತ್ಸ॒ಧಸ್ಥಾ॑ತ್ । ಅಗ್ನೇ॒ ತ್ವಾಙ್ಕಾ॑ಮಯಾ ಗಿ॒ರಾ ॥ ೧೧೫ ॥
ತುಭ್ಯಂ॒ ತಾ ಅ॑ಙ್ಗಿರಸ್ತಮ॒ ವಿಶ್ವಾ॑: ಸುಕ್ಷಿ॒ತಯ॒: ಪೃಥ॑ಕ್ । ಅಗ್ನೇ॒ ಕಾಮಾ॑ಯ ಯೇಮಿರೇ ॥ ೧೧೬ ॥
ಅ॒ಗ್ನಿಃ ಪ್ರಿ॒ಯೇಷು॒ ಧಾಮ॑ಸು॒ ಕಾಮೋ॑ ಭೂ॒ತಸ್ಯ॒ ಭವ್ಯ॑ಸ್ಯ । ಸ॒ಮ್ರಾಡೇಕೋ॒ ವಿ ರಾ॑ಜತಿ ॥ ೧೧೭ ॥
ಅಧ್ಯಾಯ ೧೩
ಮಯಿ॑ ಗೃಹ್ಣಾ॒ಮ್ಯಗ್ರೇ॑ ಅ॒ಗ್ನಿᳪ ರಾ॒ಯಸ್ಪೋಷಾ॑ಯ ಸುಪ್ರಜಾ॒ಸ್ತ್ವಾಯ॑ ಸು॒ವೀರ್ಯಾ॑ಯ । ಮಾಮು॑ ದೇ॒ವತಾ॑: ಸಚನ್ತಾಮ್ ॥ ೧ ॥
ಅ॒ಪಾಂ ಪೃ॒ಷ್ಠಮ॑ಸಿ॒ ಯೋನಿ॑ರ॒ಗ್ನೇಃ ಸ॑ಮು॒ದ್ರಮ॒ಭಿತ॒: ಪಿನ್ವ॑ಮಾನಮ್ ।
ವರ್ಧ॑ಮಾನೋ ಮ॒ಹಾಁ೨ ಆ ಚ॒ ಪುಷ್ಕ॑ರೇ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥಸ್ವ ॥ ೨ ॥
ಬ್ರಹ್ಮ॑ ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒ದ್ವಿ ಸೀ॑ಮ॒ತಃ ಸು॒ರುಚೋ॑ ವೇ॒ನ ಆ॑ವಃ ।
ಸ ಬು॒ಧ್ನ್ಯಾ॒ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿ ವ॑: ॥ ೩ ॥
ಹಿ॒ರ॒ಣ್ಯ॒ಗ॒ರ್ಭಃ ಸಮ॑ವರ್ತ॒ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ ।
ಸ ದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೪ ॥
ದ್ರ॒ಪ್ಸಶ್ಚ॑ಸ್ಕನ್ದ ಪೃಥಿ॒ವೀಮನು॒ ದ್ಯಾಮಿ॒ಮಂ ಚ॒ ಯೋನಿ॒ಮನು॒ ಯಶ್ಚ॒ ಪೂರ್ವ॑: ।
ಸ॒ಮಾ॒ನಂ ಯೋನಿ॒ಮನು॑ ಸ॒ಞ್ಚರ॑ನ್ತಂ ದ್ರ॒ಪ್ಸಂ ಜು॑ಹೋ॒ಮ್ಯನು॑ ಸ॒ಪ್ತ ಹೋತ್ರಾ॑: ॥ ೫ ॥
ನಮೋ॑ಽಸ್ತು ಸ॒ರ್ಪೇಭ್ಯೋ॒ ಯೇ ಕೇ ಚ॑ ಪೃಥಿ॒ವೀಮನು॑ । ಯೇ ಅ॒ನ್ತರಿ॑ಕ್ಷೇ॒ ಯೇ ದಿ॒ವಿ ತೇಭ್ಯ॑: ಸ॒ರ್ಪೇಭ್ಯೋ॒ ನಮ॑: ॥ ೬ ॥
ಯಾ ಇಷ॑ವೋ ಯಾತು॒ಧಾನಾ॑ನಾಂ॒ ಯೇ ವಾ॒ ವನ॒ಸ್ಪತೀಁ॒೧ ರನು॑ । ಯೇ ವಾ॑ವ॒ಟೇಷು॒ ಶೇರ॑ತೇ॒ ತೇಭ್ಯ॑: ಸ॒ರ್ಪೇಭ್ಯೋ॒ ನಮ॑: ॥ ೭ ॥
ಯೇ ವಾ॒ಮೀ ರೋ॑ಚ॒ನೇ ದಿ॒ವೋ ಯೇ ವಾ॒ ಸೂರ್ಯ॑ಸ್ಯ ರ॒ಶ್ಮಿಷು॑ । ಯೇಷಾ॑ಮ॒ಪ್ಸು ಸದ॑ಸ್ಕೃ॒ತಂ ತೇಭ್ಯ॑: ಸ॒ರ್ಪೇಭ್ಯೋ॒ ನಮ॑: ॥ ೮ ॥
ಕೃ॒ಣು॒ಷ್ವ ಪಾಜ॒: ಪ್ರಸಿ॑ತಿಂ॒ ನ ಪೃ॒ಥ್ವೀಂ ಯಾ॒ಹಿ ರಾಜೇ॒ವಾಮ॑ವಾಁ॒೨ ಇಭೇ॑ನ ।
ತೃ॒ಷ್ವೀಮನು॒ ಪ್ರಸಿ॑ತಿಂ ದ್ರೂಣಾ॒ನೋಽಸ್ತಾ॑ಸಿ॒ ವಿಧ್ಯ॑ ರ॒ಕ್ಷಸ॒ಸ್ತಪಿ॑ಷ್ಠೈಃ ॥ ೯ ॥
ತವ॑ ಭ್ರ॒ಮಾಸ॑ ಆಶು॒ಯಾ ಪ॑ತ॒ನ್ತ್ಯನು॑ಸ್ಪೃಶ ಧೃಷ॒ತಾ ಶೋಶು॑ಚಾನಃ ।
ತಪೂ॑ᳪಷ್ಯಗ್ನೇ ಜು॒ಹ್ವಾ॒ ಪತ॒ಙ್ಗಾನಸ॑ನ್ದಿತೋ॒ ವಿ ಸೃ॑ಜ॒ ವಿಷ್ವ॑ಗು॒ಲ್ಕಾಃ ॥ ೧೦ ॥
ಪ್ರತಿ॒ ಸ್ಪಶೋ॒ ವಿ ಸೃ॑ಜ॒ ತೂರ್ಣಿ॑ತಮೋ॒ ಭವಾ॑ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ ।
ಯೋ ನೋ॑ ದೂ॒ರೇ ಅ॒ಘಶ॑ᳪಸೋ॒ ಯೋ ಅನ್ತ್ಯಗ್ನೇ॒ ಮಾ ಕಿ॑ಷ್ಟೇ॒ ವ್ಯಥಿ॒ರಾ ದ॑ಧರ್ಷೀತ್ ॥ ೧೧ ॥
ಉದ॑ಗ್ನೇ ತಿಷ್ಠ॒ ಪ್ರತ್ಯಾ ತ॑ನುಷ್ವ॒ ನ್ಯಮಿತ್ರಾಁ॑೨ ಓಷತಾತ್ತಿಗ್ಮಹೇತೇ ।
ಯೋ ನೋ॒ ಅರಾ॑ತಿᳪ ಸಮಿಧಾನ ಚ॒ಕ್ರೇ ನೀ॒ಚಾ ತಂ ಧ॑ಕ್ಷ್ಯತ॒ಸಂ ನ ಶುಷ್ಕ॑ಮ್ ॥ ೧೨ ॥
ಊ॒ರ್ಧ್ವೋ ಭ॑ವ॒ ಪ್ರತಿ॑ ವಿ॒ಧ್ಯಾಧ್ಯ॒ಸ್ಮದಾ॒ವಿಷ್ಕೃ॑ಣುಷ್ವ॒ ದೈವ್ಯಾ॑ನ್ಯಗ್ನೇ ।
ಅವ॑ ಸ್ಥಿ॒ರಾ ತ॑ನುಹಿ ಯಾತು॒ಜೂನಾಂ॑ ಜಾ॒ಮಿಮಜಾ॑ಮಿಂ॒ ಪ್ರ ಮೃ॑ಣೀಹಿ॒ ಶತ್ರೂ॑ನ್ ।
ಅ॒ಗ್ನೇಷ್ಟ್ವಾ॒ ತೇಜ॑ಸಾ ಸಾದಯಾಮಿ ॥ ೧೩ ॥
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿ॑: ಪೃಥಿ॒ವ್ಯಾ ಅ॒ಯಮ್ । ಅ॒ಪಾᳪ ರೇತಾ॑ᳪಸಿ ಜಿನ್ವತಿ ।
ಇನ್ದ್ರ॑ಸ್ಯ॒ ತ್ವೌಜ॑ಸಾ ಸಾದಯಾಮಿ ॥ ೧೪ ॥
ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ॑ ನಿ॒ಯುದ್ಭಿ॒: ಸಚ॑ಸೇ ಶಿ॒ವಾಭಿ॑: ।
ದಿ॒ವಿ ಮೂ॒ರ್ಧಾನಂ॑ ದಧಿಷೇ ಸ್ವ॒ರ್ಷಾಂ ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ॑ಮ್ ॥ ೧೫ ॥
ಧ್ರು॒ವಾಽಸಿ॑ ಧ॒ರುಣಾಽಽಸ್ತೃ॑ತಾ ವಿ॒ಶ್ವಕ॑ರ್ಮಣಾ ।
ಮಾ ತ್ವಾ॑ ಸಮು॒ದ್ರ ಉದ್ವ॑ಧೀ॒ನ್ಮಾ ಸು॑ಪ॒ರ್ಣೋಽವ್ಯ॑ಥಮಾನಾ ಪೃಥಿ॒ವೀಂ ದೃ॑ᳪಹ ॥ ೧೬ ॥
ಪ್ರ॒ಜಾಪ॑ತಿಷ್ಟ್ವಾ ಸಾದಯತ್ವ॒ಪಾಂ ಪೃ॒ಷ್ಠೇ ಸ॑ಮು॒ದ್ರಸ್ಯೇಮ॑ನ್ । ವ್ಯಚ॑ಸ್ವತೀಂ॒ ಪ್ರಥ॑ಸ್ವತೀಂ॒ ಪ್ರಥ॑ಸ್ವ ಪೃಥಿ॒ವ್ಯ॒ಸಿ ॥ ೧೭ ॥
ಭೂರ॑ಸಿ॒ ಭೂಮಿ॑ರ॒ಸ್ಯದಿ॑ತಿರಸಿ ವಿ॒ಶ್ವಧಾ॑ಯಾ॒ ವಿಶ್ವ॑ಸ್ಯ॒ ಭುವ॑ನಸ್ಯ ಧ॒ರ್ತ್ರೀ ।
ಪೃ॒ಥಿ॒ವೀಂ ಯ॑ಚ್ಛ ಪೃಥಿ॒ವೀಂ ದೃ॑ᳪಹ ಪೃಥಿ॒ವೀಂ ಮಾ ಹಿ॑ᳪಸೀಃ ॥ ೧೮ ॥
ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯೋ॑ದಾ॒ನಾಯ॑ ಪ್ರತಿ॒ಷ್ಠಾಯೈ॑ ಚ॒ರಿತ್ರಾ॑ಯ ।
ಅ॒ಗ್ನಿಷ್ಟ್ವಾ॒ಽಭಿ ಪಾ॑ತು ಮ॒ಹ್ಯಾ ಸ್ವ॒ಸ್ತ್ಯಾ ಛ॒ರ್ದಿಷಾ॒ ಶನ್ತ॑ಮೇನ॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ॥೧೯ ॥
ಕಾಣ್ಡಾ॑ತ್ಕಾಣ್ಡಾತ್ಪ್ರ॒ರೋಹ॑ನ್ತೀ॒ ಪರು॑ಷಃ ಪರುಷ॒ಸ್ಪರಿ॑ । ಏ॒ವಾ ನೋ॑ ದೂರ್ವೇ॒ ಪ್ರ ತ॑ನು ಸ॒ಹಸ್ರೇ॑ಣ ಶ॒ತೇನ॑ ಚ ॥ ೨೦ ॥
ಯಾ ಶ॒ತೇನ॑ ಪ್ರತ॒ನೋಷಿ॑ ಸ॒ಹಸ್ರೇ॑ಣ ವಿ॒ರೋಹ॑ಸಿ । ತಸ್ಯಾ॑ಸ್ತೇ ದೇವೀಷ್ಟಕೇ ವಿ॒ಧೇಮ॑ ಹ॒ವಿಷಾ॑ ವ॒ಯಮ್ ॥ ೨೧॥
ಯಾಸ್ತೇ॑ ಅಗ್ನೇ॒ ಸೂರ್ಯೇ॒ ರುಚೋ॒ ದಿವ॑ಮಾತ॒ನ್ವನ್ತಿ॑ ರ॒ಶ್ಮಿಭಿ॑: । ತಾಭಿ॑ರ್ನೋ ಅ॒ದ್ಯ ಸರ್ವಾ॑ಭೀ ರು॒ಚೇ ಜನಾ॑ಯ ನಸ್ಕೃಧಿ ॥ ೨೨ ॥
ಯಾ ವೋ॑ ದೇ॒ವಾಃ ಸೂರ್ಯೇ॒ ರುಚೋ॒ ಗೋಷ್ವಶ್ವೇ॑ಷು॒ ಯಾ ರುಚ॑: । ಇನ್ದ್ರಾ॑ಗ್ನೀ॒ ತಾಭಿ॒: ಸರ್ವಾ॑ಭೀ॒ ರುಚಂ॑ ನೋ ಧತ್ತ ಬೃಹಸ್ಪತೇ ॥ ೨೩ ॥
ವಿ॒ರಾಡ್ಜ್ಯೋತಿ॑ರಧಾರಯತ್ಸ್ವ॒ರಾಡ್ಜ್ಯೋತಿ॑ರಧಾರಯತ್ । ಪ್ರ॒ಜಾಪ॑ತಿಷ್ಟ್ವಾ ಸಾದಯತು ಪೃ॒ಷ್ಠೇ ಪೃ॑ಥಿ॒ವ್ಯಾ ಜ್ಯೋತಿ॑ಷ್ಮತೀಮ್ । ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯ॒ ವಿಶ್ವಂ॒ ಜ್ಯೋತಿ॑ರ್ಯಚ್ಛ । ಅ॒ಗ್ನಿಷ್ಟೇಽಧಿ॑ಪತಿ॒ಸ್ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ॥ ೨೪ ॥
ಮಧು॑ಶ್ಚ॒ ಮಾಧ॑ವಶ್ಚ॒ ವಾಸ॑ನ್ತಿಕಾವೃ॒ತೂ ಅ॒ಗ್ನೇರ॑ನ್ತಃ ಶ್ಲೇ॒ಷೋ॒ಽಸಿ॒ ಕಲ್ಪೇ॑ತಾಂ॒ ದ್ಯಾವಾ॑ಪೃಥಿ॒ವೀ ಕಲ್ಪ॑ನ್ತಾ॒ಮಾಪ॒ ಓಷ॑ಧಯ॒: ಕಲ್ಪ॑ನ್ತಾಮ॒ಗ್ನಯ॒: ಪೃಥ॒ಙ್ನಮ॒ ಜ್ಯೈಷ್ಠ್ಯಾ॑ಯ॒ ಸವ್ರ॑ತಾಃ । ಯೇ ಅ॒ಗ್ನಯ॒: ಸಮ॑ನಸೋಽನ್ತ॒ರಾ ದ್ಯಾವಾ॑ಪೃಥಿ॒ವೀ ಇ॒ಮೇ |
ವಾಸ॑ನ್ತಿಕಾವೃ॒ತೂ ಅ॑ಭಿ॒ಕಲ್ಪ॑ಮಾನಾ॒ ಇನ್ದ್ರ॑ಮಿವ ದೇ॒ವಾ ಅ॑ಭಿ॒ಸಂವಿ॑ಶನ್ತು॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವೇ ಸೀ॑ದತಮ್ ॥ ೨೫ ॥
ಅಷಾ॑ಢಾಽಸಿ॒ ಸಹ॑ಮಾನಾ॒ ಸಹ॒ಸ್ವಾರಾ॑ತೀ॒: ಸಹ॑ಸ್ವ ಪೃತನಾಯ॒ತಃ ।
ಸ॒ಹಸ್ರ॑ವೀರ್ಯಾಽಸಿ॒ ಸಾ ಮಾ॑ ಜಿನ್ವ ॥ ೨೬ ॥
ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರನ್ತಿ॒ ಸಿನ್ಧ॑ವಃ ।
ಮಾಧ್ವೀ॑ರ್ನಃ ಸ॒ನ್ತ್ವೋಷ॑ಧೀಃ ॥ ೨೭ ॥
ಮಧು॒ ನಕ್ತ॑ಮು॒ತೋಷಸೋ॒ ಮಧು॑ಮ॒ತ್ಪಾರ್ಥಿ॑ವ॒ᳪ ರಜ॑: । ಮಧು॒ ದ್ಯೌರ॑ಸ್ತು ನಃ ಪಿ॒ತಾ ॥ ೨೮ ॥
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಁ೨ ಅಸ್ತು॒ ಸೂರ್ಯ॑: । ಮಾಧ್ವೀ॒ರ್ಗಾವೋ॑ ಭವನ್ತು ನಃ ॥ ೨೯ ॥
ಅ॒ಪಾಂ ಗಮ್ಭ॑ನ್ತ್ಸೀದ॒ ಮಾ ತ್ವಾ॒ ಸೂರ್ಯೋ॒ಽಭಿ ತಾ॑ಪ್ಸೀ॒ನ್ಮಾಽಗ್ನಿರ್ವೈ॑ಶ್ವಾನ॒ರಃ ।
ಅಚ್ಛಿ॑ನ್ನಪತ್ರಾಃ ಪ್ರ॒ಜಾ ಅ॑ನು॒ವೀಕ್ಷ॒ಸ್ವಾನು॑ ತ್ವಾ ದಿ॒ವ್ಯಾ ವೃಷ್ಟಿ॑: ಸಚತಾಮ್ ॥ ೩೦ ॥
ತ್ರೀನ್ತ್ಸ॑ಮು॒ದ್ರಾನ್ತ್ಸಮ॑ಸೃಪತ್ ಸ್ವ॒ರ್ಗಾನ॒ಪಾಂ ಪತಿ॑ರ್ವೃಷ॒ಭ ಇಷ್ಟ॑ಕಾನಾಮ್ ।
ಪುರೀ॑ಷಂ॒ ವಸಾ॑ನಃ ಸುಕೃ॒ತಸ್ಯ॑ ಲೋ॒ಕೇ ತತ್ರ॑ ಗಚ್ಛ॒ ಯತ್ರ॒ ಪೂರ್ವೇ॒ ಪರೇ॑ತಾಃ ॥ ೩೧ ॥
ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ ಯ॒ಜ್ಞಂ ಮಿ॑ಮಿಕ್ಷತಾಮ್ । ಪಿ॒ಪೃ॒ತಾಂ ನೋ॒ ಭರೀ॑ಮಭಿಃ ॥ ೩೨ ॥
ವಿಷ್ಣೋ॒: ಕರ್ಮಾ॑ಣಿ ಪಶ್ಯತ॒ ಯತೋ॑ ವ್ರ॒ತಾನಿ॑ ಪಸ್ಪ॒ಶೇ । ಇನ್ದ್ರ॑ಸ್ಯ॒ ಯುಜ್ಯ॒: ಸಖಾ॑ ॥ ೩೩ ॥
ಧ್ರು॒ವಾಽಸಿ॑ ಧ॒ರುಣೇ॒ತೋ ಜ॑ಜ್ಞೇ ಪ್ರಥ॒ಮಮೇ॒ಭ್ಯೋ ಯೋನಿ॑ಭ್ಯೋ॒ ಅಧಿ॑ ಜಾ॒ತವೇ॑ದಾ: ।
ಸ ಗಾ॑ಯ॒ತ್ರ್ಯಾ ತ್ರಿ॒ಷ್ಟುಭಾ॑ಽನು॒ಷ್ಟುಭಾ॑ ಚ ದೇ॒ವೇಭ್ಯೋ॑ ಹ॒ವ್ಯಂ ವ॑ಹತು ಪ್ರಜಾ॒ನನ್ ॥ ೩೪ ॥
ಇ॒ಷೇ ರಾ॒ಯೇ ರ॑ಮಸ್ವ॒ ಸಹ॑ಸೇ ದ್ಯು॒ಮ್ನ ಊ॒ರ್ಜೇ ಅಪ॑ತ್ಯಾಯ । ಸ॒ಮ್ರಾಡ॑ಸಿ ಸ್ವ॒ರಾಡ॑ಸಿ ಸಾರಸ್ವ॒ತೌ ತ್ವೋತ್ಸೌ॒ ಪ್ರಾವ॑ತಾಮ್ ॥ ೩೫ ॥
ಅಗ್ನೇ॑ ಯು॒ಕ್ಷ್ವಾ ಹಿ ಯೇ ತವಾಶ್ವಾ॑ಸೋ ದೇವ ಸಾ॒ಧವ॑: । ಅರಂ॒ ವಹ॑ನ್ತಿ ಮ॒ನ್ಯವೇ॑ ॥ ೩೬ ॥
ಯು॒ಕ್ಷ್ವಾ ಹಿ ದೇ॑ವ॒ಹೂತ॑ಮಾಁ೨ ಅಶ್ವಾಁ॑೨ ಅಗ್ನೇ ರ॒ಥೀರಿ॑ವ । ನಿ ಹೋತಾ॑ ಪೂ॒ರ್ವ್ಯಃ ಸ॑ದಃ ॥ ೩೭ ॥
ಸ॒ಮ್ಯಕ್ ಸ್ರ॑ವನ್ತಿ ಸ॒ರಿತೋ॒ ನ ಧೇನಾ॑ ಅ॒ನ್ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ ।
ಘೃ॒ತಸ್ಯ॒ ಧಾರಾ॑ ಅ॒ಭಿ ಚಾ॑ಕಶೀಮಿ ಹಿರ॒ಣ್ಯಯೋ॑ ವೇತ॒ಸೋ ಮಧ್ಯೇ॑ ಅ॒ಗ್ನೇಃ ॥ ೩೮ ॥
ಋ॒ಚೇ ತ್ವಾ॑ ರು॒ಚೇ ತ್ವಾ॑ ಭಾ॒ಸೇ ತ್ವಾ॒ ಜ್ಯೋತಿ॑ಷೇ ತ್ವಾ ।
ಅಭೂ॑ದಿ॒ದಂ ವಿಶ್ವ॑ಸ್ಯ॒ ಭುವ॑ನಸ್ಯ॒ ವಾಜಿ॑ನಮ॒ಗ್ನೇರ್ವೈ॑ಶ್ವಾನ॒ರಸ್ಯ॑ ಚ ॥ ೩೯ ॥
ಅ॒ಗ್ನಿರ್ಜ್ಯೋತಿ॑ಷಾ॒ ಜ್ಯೋತಿ॑ಷ್ಮಾನ್ ರು॒ಕ್ಮೋ ವರ್ಚ॑ಸಾ॒ ವರ್ಚ॑ಸ್ವಾನ್ । ಸ॒ಹ॒ಸ್ರ॒ದಾ ಅ॑ಸಿ ಸ॒ಹಸ್ರಾ॑ಯ ತ್ವಾ ॥ ೪೦ ॥
ಆ॒ದಿ॒ತ್ಯಂ ಗರ್ಭಂ॒ ಪಯ॑ಸಾ॒ ಸಮ॑ಙ್ಧಿ ಸ॒ಹಸ್ರ॑ಸ್ಯ ಪ್ರತಿ॒ಮಾಂ ವಿ॒ಶ್ವರೂ॑ಪಮ್ ।
ಪರಿ॑ ವೃಙ್ಧಿ॒ ಹರ॑ಸಾ॒ ಮಾಽಭಿ ಮ॑ᳪಸ್ಥಾಃ ಶ॒ತಾಯು॑ಷಂ ಕೃಣುಹಿ ಚೀ॒ಯಮಾ॑ನಃ ॥ ೪೧ ॥
ವಾತ॑ಸ್ಯ ಜೂ॒ತಿಂ ವರು॑ಣಸ್ಯ॒ ನಾಭಿ॒ಮಶ್ವಂ॑ ಜಜ್ಞಾ॒ನᳪ ಸ॑ರಿ॒ರಸ್ಯ॒ ಮಧ್ಯೇ॑ ।
ಶಿಶುಂ॑ ನ॒ದೀನಾ॒ᳪ ಹ॒ರಿ॒ಮದ್ರಿ॑ಬುಧ್ನ॒ಮಗ್ನೇ॒ ಮಾ ಹಿ॑ᳪಸೀಃ ಪರ॒ಮೇ ವ್ಯೋ॑ಮನ್ ॥ ೪೨ ॥
ಅಜ॑ಸ್ರ॒ಮಿನ್ದು॑ಮರು॒ಷಂ ಭು॑ರ॒ಣ್ಯುಮ॒ಗ್ನಿಮೀ॑ಡೇ ಪೂ॒ರ್ವಚಿ॑ತ್ತಿಂ॒ ನಮೋ॑ಭಿಃ ।
ಸ ಪರ್ವ॑ಭಿರೃತು॒ಶಃ ಕಲ್ಪ॑ಮಾನೋ॒ ಗಾಂ ಮಾ ಹಿ॑ᳪಸೀ॒ರದಿ॑ತಿಂ ವಿ॒ರಾಜ॑ಮ್ ॥ ೪೩ ॥
ವರೂ॑ತ್ರೀಂ॒ ತ್ವಷ್ಟು॒ರ್ವರು॑ಣಸ್ಯ॒ ನಾಭಿ॒ಮವಿಂ॑ ಜಜ್ಞಾ॒ನಾᳪ ರಜ॑ಸ॒: ಪರ॑ಸ್ಮಾತ್ ।
ಮ॒ಹೀᳪ ಸಾ॑ಹ॒ಸ್ರೀಮಸು॑ರಸ್ಯ ಮಾ॒ಯಾಮಗ್ನೇ॒ ಮಾ ಹಿ॑ᳪಸೀಃ ಪರ॒ಮೇ ವ್ಯೋ॑ಮನ್ ॥ ೪೪ ॥
ಯೋ ಅ॒ಗ್ನಿರ॒ಗ್ನೇರಧ್ಯಜಾ॑ಯತ॒ ಶೋಕಾ॑ತ್ಪೃಥಿ॒ವ್ಯಾ ಉ॒ತ ವಾ॑ ದಿ॒ವಸ್ಪರಿ॑ ।
ಯೇನ॑ ಪ್ರ॒ಜಾ ವಿ॒ಶ್ವಕ॑ರ್ಮಾ ಜ॒ಜಾನ॒ ತಮ॑ಗ್ನೇ॒ ಹೇಡ॒: ಪರಿ॑ ತೇ ವೃಣಕ್ತು ॥ ೪೫ ॥
ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ॑ಕಂ॒ ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ ।
ಆಽಪ್ರಾ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷ॒ᳪ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ॥ ೪೬ ॥
ಇ॒ಮಂ ಮಾ ಹಿ॑ᳪಸೀರ್ದ್ವಿ॒ಪಾದಂ॑ ಪ॒ಶುᳪ ಸ॑ಹಸ್ರಾ॒ಕ್ಷೋ ಮೇಧಾ॑ಯ ಚೀ॒ಯಮಾ॑ನಃ ।
ಮ॒ಯುಂ ಪ॒ಶುಂ ಮೇಧ॑ಮಗ್ನೇ ಜುಷಸ್ವ॒ ತೇನ॑ ಚಿನ್ವಾ॒ನಸ್ತ॒ನ್ವೋ ನಿ ಷೀ॑ದ ।
ಮ॒ಯುಂ ತೇ॒ ಶುಗೃ॑ಚ್ಛತು॒ ಯಂ ದ್ವಿ॒ಷ್ಮಸ್ತಂ ತೇ॒ ಶುಗೃ॑ಚ್ಛತು ॥ ೪೭ ॥
ಇ॒ಮಂ ಮಾ ಹಿ॑ᳪಸೀ॒ರೇಕ॑ಶಫಂ ಪ॒ಶುಂ ಕ॑ನಿಕ್ರ॒ದಂ ವಾ॒ಜಿನಂ॒ ವಾಜಿ॑ನೇಷು ।
ಗೌ॒ರಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನ್ವೋ ನಿ ಷೀ॑ದ ।
ಗೌ॒ರಂ ತೇ॒ ಶುಗೃ॑ಚ್ಛತು॒ ಯಂ ದ್ವಿ॒ಷ್ಮಸ್ತಂ ತೇ॒ ಶುಗೃ॑ಚ್ಛತು ॥ ೪೮ ॥
ಇ॒ಮᳪ ಸಾ॑ಹ॒ಸ್ರᳪ ಶ॒ತಧಾ॑ರ॒ಮುತ್ಸಂ॑ ವ್ಯ॒ಚ್ಯಮಾ॑ನᳪ ಸರಿ॒ರಸ್ಯ॒ ಮಧ್ಯೇ॑ ।
ಘೃ॒ತಂ ದುಹಾ॑ನಾ॒ಮದಿ॑ತಿಂ॒ ಜನಾ॒ಯಾಗ್ನೇ॒ ಮಾ ಹಿ॑ᳪಸೀಃ ಪರ॒ಮೇ ವ್ಯೋ॑ಮನ್ ।
ಗ॒ವ॒ಯಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನ್ವೋ ನಿ ಷೀ॑ದ ।
ಗ॒ವ॒ಯಂ ತೇ॒ ಶುಗೃ॑ಚ್ಛತು॒ ಯಂ ದ್ವಿ॒ಷ್ಮಸ್ತಂ ತೇ॒ ಶುಗೃ॑ಚ್ಛತು ॥ ೪೯ ॥
ಇ॒ಮಮೂ॑ರ್ಣಾ॒ಯುಂ ವರು॑ಣಸ್ಯ॒ ನಾಭಿಂ॒ ತ್ವಚಂ॑ ಪಶೂ॒ನಾಂ ದ್ವಿ॒ಪದಾಂ॒ ಚತು॑ಷ್ಪದಾಮ್ ।
ತ್ವಷ್ಟು॑: ಪ್ರ॒ಜಾನಾಂ॑ ಪ್ರಥ॒ಮಂ ಜ॒ನಿತ್ರ॒ಮಗ್ನೇ॒ ಮಾ ಹಿ॑ᳪಸೀಃ ಪರ॒ಮೇ ವ್ಯೋ॑ಮನ್ ।
ಉಷ್ಟ್ರ॑ಮಾರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ವೋ ನಿ ಷೀ॑ದ ।
ಉಷ್ಟ್ರಂ॑ ತೇ॒ ಶುಗೃ॑ಚ್ಛತು॒ ಯಂ ದ್ವಿ॒ಷ್ಮಸ್ತಂ ತೇ॒ ಶುಗೃ॑ಚ್ಛತು ॥ ೫೦ ॥
ಅ॒ಜೋ ಹ್ಯ॒ಗ್ನೇರಜ॑ನಿಷ್ಟ॒ ಶೋಕಾ॒ತ್ಸೋ ಅ॑ಪಶ್ಯಜ್ಜನಿ॒ತಾರ॒ಮಗ್ರೇ॑ ।
ತೇನ॑ ದೇ॒ವಾ ದೇ॒ವತಾ॒ಮಗ್ರ॑ಮಾಯಁ॒ಸ್ತೇನ॒ ರೋಹ॑ಮಾಯ॒ನ್ನುಪ॒ ಮೇಧ್ಯಾ॑ಸಃ ।
ಶ॒ರ॒ಭಮಾ॑ರ॒ಣ್ಯಮನು॑ ತೇ ದಿಶಾಮಿ॒ ತೇನ॑ ಚಿನ್ವಾ॒ನಸ್ತ॒ನ್ವೋ ನಿ ಷೀ॑ದ ।
ಶ॒ರ॒ಭಂ ತೇ॒ ಶುಗೃ॑ಚ್ಛತು॒ ಯಂ ದ್ವಿ॒ಷ್ಮಸ್ತಂ ತೇ॒ ಶುಗೃ॑ಚ್ಛತು ॥ ೫೧ ॥
ತ್ವಂ ಯ॑ವಿಷ್ಠ ದಾ॒ಶುಷೋ॒ ನೄಁ: ಪಾ॑ಹಿ ಶೃಣು॒ಧೀ ಗಿರ॑: । ರಕ್ಷಾ॑ ತೋ॒ಕಮು॒ತ ತ್ಮನಾ॑ ॥ ೫೨ ॥
ಅ॒ಪಾಂ ತ್ವೇಮ॑ನ್ತ್ಸಾದಯಾಮ್ಯ॒ಪಾಂ ತ್ವೋದ್ಮ॑ನ್ತ್ಸಾದಯಾಮ್ಯ॒ಪಾಂ ತ್ವಾ॒ ಭಸ್ಮ॑ನ್ತ್ಸಾದಯಾಮ್ಯ॒ಪಾಂ ತ್ವಾ॒ ಜ್ಯೋತಿ॑ಷಿ ಸಾದಯಾಮ್ಯ॒ಪಾಂ ತ್ವಾಽಯ॑ನೇ ಸಾದಯಾಮ್ಯರ್ಣ॒ವೇ ತ್ವಾ॒ ಸದ॑ನೇ ಸಾದಯಾಮಿ ಸಮು॒ದ್ರೇ ತ್ವಾ॒ ಸದ॑ನೇ ಸಾದಯಾಮಿ ಸರಿ॒ರೇ ತ್ವಾ॒ ಸದ॑ನೇ ಸಾದಯಾಮ್ಯ॒ಪಾಂ ತ್ವಾ॒ ಕ್ಷಯೇ॑ ಸಾದಯಾಮ್ಯ॒ಪಾಂ ತ್ವಾ॒ ಸಧಿ॑ಷಿ ಸಾದಯಾಮ್ಯ॒ಪಾಂ ತ್ವಾ॒ ಸದ॑ನೇ ಸಾದಯಾಮ್ಯ॒ಪಾಂ ತ್ವಾ॑ ಸ॒ಧಸ್ಥೇ॑ ಸಾದಯಾಮ್ಯ॒ಪಾಂ ತ್ವಾ॒ ಯೋನೌ॑ ಸಾದಯಾಮ್ಯ॒ಪಾಂ ತ್ವಾ॒ ಪುರೀ॑ಷೇ ಸಾದಯಾಮ್ಯ॒ಪಾಂ ತ್ವಾ॒ ಪಾಥ॑ಸಿ ಸಾದಯಾಮಿ
ಗಾಯ॒ತ್ರೇಣ॑ ತ್ವಾ॒ ಛನ್ದ॑ಸಾ ಸಾದಯಾಮಿ॒ ತ್ರೈ॑ಷ್ಟುಭೇನ ತ್ವಾ॒ ಛನ್ದ॑ಸಾ ಸಾದಯಾಮಿ॒ ಜಾಗ॑ತೇನ ತ್ವಾ॒ ಛನ್ದ॑ಸಾ ಸಾದಯಾ॒ಮ್ಯಾನು॑ಷ್ಟುಭೇನ ತ್ವಾ॒ ಛನ್ದ॑ಸಾ ಸಾದಯಾಮಿ॒
ಪಾಙ್ಕ್ತೇ॑ನ ತ್ವಾ॒ ಛನ್ದ॑ಸಾ ಸಾದಯಾಮಿ ॥ ೫೩ ॥
ಅ॒ಯಂ ಪು॒ರೋ ಭುವ॒ಸ್ತಸ್ಯ॑ ಪ್ರಾ॒ಣೋ ಭೌ॑ವಾಯ॒ನೋ ವ॑ಸ॒ನ್ತಃ ಪ್ರಾ॑ಣಾಯ॒ನೋ ಗಾ॑ಯ॒ತ್ರೀ ವಾ॑ಸ॒ನ್ತೀ
ಗಾ॑ಯ॒ತ್ರ್ಯೈ ಗಾ॑ಯ॒ತ್ರಂ ಗಾ॑ಯ॒ತ್ರಾದು॑ಪಾ॒ᳪಶುರು॑ಪಾ॒ᳪಶೋಸ್ತ್ರಿ॒ವೃತ್ ತ್ರಿ॒ವೃತೋ॑ ರಥನ್ತ॒ರಂ ವಸಿ॑ಷ್ಠ॒ ಋಷಿ॑:
ಪ್ರ॒ಜಾಪ॑ತಿಗೃಹೀತಯಾ॒ ತ್ವಯಾ॑ ಪ್ರಾ॒ಣಂ ಗೃ॑ಹ್ಣಾಮಿ ಪ್ರ॒ಜಾಭ್ಯ॑: ॥ ೫೪ ॥
ಅ॒ಯಂ ದ॑ಕ್ಷಿ॒ಣಾ ವಿ॒ಶ್ವಕ॑ರ್ಮಾ॒ ತಸ್ಯ॒ ಮನೋ॑ ವೈಶ್ವಕರ್ಮ॒ಣಂ ಗ್ರೀ॒ಷ್ಮೋ ಮಾ॑ನ॒ಸಸ್ತ್ರಿಷ್ಟುಬ್ಗ್ರೈ॒ಷ್ಮೀ॑ ತ್ರಿ॒ಷ್ಟುಭ॑: ಸ್ವಾ॒ರᳪ
ಸ್ವಾ॒ರಾದ॑ನ್ತರ್ಯಾ॒ಮೋ॒ಽನ್ತರ್ಯಾ॒ಮಾತ್ಪ॑ಞ್ಚದ॒ಶಃ ಪ॑ಞ್ಚದ॒ಶಾದ್ ಬೃ॒ಹದ್ ಭ॒ರದ್ವಾ॑ಜ॒ ಋಷಿ॑: ಪ್ರ॒ಜಾಪ॑ತಿಗೃಹೀತಯಾ॒ ತ್ವಯಾ॒ ಮನೋ॑ ಗೃಹ್ಣಾಮಿ ಪ್ರ॒ಜಾಭ್ಯ॑: ॥ ೫೫ ॥
ಅ॒ಯಂ ಪ॒ಶ್ಚಾದ್ವಿ॒ಶ್ವವ್ಯ॑ಚಾ॒ತಸ್ಯ॒ ಚಕ್ಷು॑ರ್ವೈಶ್ವವ್ಯಚ॒ಸಂ ವ॒ರ್ಷಾಶ್ಚಾಕ್ಷು॑ಷ್ಯೋ ಜಗ॑ತೀ ವಾ॒ರ್ಷೀ ಜಗ॑ತ್ಯಾ॒ ಋಕ್ಸ॑ಮ॒ಮೃಕ್ಸ॑ಮಾಚ್ಛು॒ಕ್ರಃ ಶು॒ಕ್ರಾತ್ಸ॑ಪ್ತದ॒ಶಃ ಸ॑ಪ್ತದ॒ಶಾದ್ವೈ॑ರೂ॒ಪಂ ಜ॒ಮದ॑ಗ್ನಿ॒ರೃಷಿ॑: ಪ್ರ॒ಜಾಪ॑ತಿಗೃಹೀತಯಾ॒ ತ್ವಯಾ॒ ಚಕ್ಷು॑ರ್ಗೃಹ್ಣಾಮಿ ಪ್ರ॒ಜಾಭ್ಯ॑: ॥ ೫೬ ॥
ಇ॒ದಮು॑ತ್ತ॒ರಾತ್ ಸ್ವ॒ಸ್ತಸ್ಯ॒ ಶ್ರೋತ್ರ॑ᳪ ಸೌ॒ವᳪ ಶ॒ರಚ್ಛ್ರೌ॒ತ್ರ್ಯ॒ನು॒ಷ್ಟುಪ್ ಶಾ॑ರ॒ದ್ಯ॒ನು॒ಷ್ಟುಭ॑ ಐ॒ಡಮೈ॒ಡಾನ್ಮ॒ನ್ಥೀ ಮ॒ನ್ಥಿನ॑ ಏಕವಿ॒ᳪಶ ಏ॑ಕವಿᳪಶಾದ್ವೈ॑ರಾ॒ಜಂ ವಿ॒ಶ್ವಾಮಿ॑ತ್ರ॒ ಋಷಿ॑: ಪ್ರ॒ಜಾಪ॑ತಿಗೃಹೀತಯಾ॒ ತ್ವಯಾ॒ ಶ್ರೋತ್ರಂ॑ ಗೃಹ್ಣಾಮಿ ಪ್ರ॒ಜಾಭ್ಯ॑: ॥ ೫೭ ॥
ಇ॒ಯಮು॒ಪರಿ॑ ಮ॒ತಿಸ್ತಸ್ಯೈ॒ ವಾಙ್ಮಾ॒ತ್ಯಾ ಹೇ॑ಮ॒ನ್ತೋ ವಾ॒ಚ್ಯಃ ಪ॒ಙ್ಕ್ತಿರ್ಹೈ॑ಮ॒ನ್ತೀ ಪ॒ಙ್ಕ್ತ್ಯೈ ನಿ॒ಧನ॑ವನ್ನಿ॒ಧನ॑ವತ ಆಗ್ರಯ॒ಣ ಆ॑ಗ್ರಯ॒ಣಾತ್ ತ್ರಿ॑ಣವತ್ರಯಸ್ತ್ರಿ॒ᳪಶೌ ತ್ರಿ॑ಣವತ್ರಯಸ್ತ್ರಿ॒ᳪಶಾಭ್ಯಾ॑ᳪ ಶಾಕ್ವರರೈವ॒ತೇ ವಿ॒ಶ್ವಕ॑ರ್ಮ॒ ಋಷಿ॑: ಪ್ರ॒ಜಾಪ॑ತಿಗೃಹೀತಯಾ॒ ತ್ವಯಾ॒ ವಾಚಂ॑ ಗೃಹ್ಣಾಮಿ ಪ್ರ॒ಜಾಭ್ಯೋ॑ ಲೋ॒ಕಂ ತಾ ಇನ್ದ್ರ॑ಮ್ ॥ ೫೮ ॥
ಅಧ್ಯಾಯ ೧೪
ಧ್ರು॒ವಕ್ಷಿ॑ತಿರ್ಧ್ರು॒ವಯೋ॑ನಿರ್ಧ್ರು॒ವಾಽಸಿ॑ ಧ್ರು॒ವಂ ಯೋನಿ॒ಮಾ ಸೀ॑ದ ಸಾಧು॒ಯಾ । ಉಖ್ಯ॑ಸ್ಯ ಕೇ॒ತುಂ ಪ್ರ॑ಥ॒ಮಂ ಜು॑ಷಾ॒ಣಾಽಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑ ॥ ೧ ॥
ಕುಲಾ॒ಯಿನೀ॑ ಘೃ॒ತವ॑ತೀ॒ ಪುರು॑ನ್ಧಿಃ ಸ್ಯೋ॒ನೇ ಸೀ॑ದ॒ ಸದ॑ನೇ ಪೃಥಿ॒ವ್ಯಾಃ ।
ಅ॒ಭಿ ತ್ವಾ॑ ರು॒ದ್ರಾ ವಸ॑ವೋ ಗೃಣನ್ತ್ವಿ॒ಮಾ ಬ್ರಹ್ಮ॑ ಪೀಪಿಹಿ॒ ಸೌಭ॑ಗಾಯಾಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑ ॥ ೨ ॥
ಸ್ವೈರ್ದಕ್ಷೈ॒ರ್ದಕ್ಷ॑ಪಿತೇ॒ಹ ಸೀ॑ದ ದೇ॒ವಾನಾ॑ᳪ ಸು॒ಮ್ನೇ ಬೃ॑ಹ॒ತೇ ರಣಾ॑ಯ ।
ಪಿ॒ತೇವೈ॑ಧಿ ಸೂ॒ನವ॒ ಆ ಸು॒ಶೇವಾ॑ ಸ್ವಾವೇ॒ಶಾ ತ॒ನ್ವಾ ಸಂ ವಿ॑ಶಸ್ವಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑ ॥ ೩ ॥
ಪೃ॒ಥಿ॒ವ್ಯಾಃ ಪುರೀ॑ಷಮ॒ಸ್ಯಪ್ಸೋ॒ ನಾಮ॒ ತಾಂ ತ್ವಾ॒ ವಿಶ್ವೇ॑ ಅ॒ಭಿ ಗೃ॑ಣನ್ತು ದೇ॒ವಾಃ ।
ಸ್ತೋಮ॑ಪೃಷ್ಠಾ ಘೃ॒ತವ॑ತೀ॒ಹ ಸೀ॑ದ ಪ್ರ॒ಜಾವ॑ದ॒ಸ್ಮೇ ದ್ರವಿ॒ಣಾಽಽಯ॑ಜಸ್ವಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑ ॥ ೪ ॥
ಅದಿ॑ತ್ಯಾಸ್ತ್ವಾ ಪೃ॒ಷ್ಠೇ ಸಾ॑ದಯಾಮ್ಯ॒ನ್ತರಿ॑ಕ್ಷಸ್ಯ ಧ॒ರ್ತ್ರೀಂ ವಿ॒ಷ್ಟಮ್ಭ॑ನೀಂ ದಿ॒ಶಾಮಧಿ॑ಪತ್ನೀಂ॒ ಭುವ॑ನಾನಾಮ್ |ಊ॒ರ್ಮಿರ್ದ್ರ॒ಪ್ಸೋ ಅ॒ಪಾಮ॑ಸಿ ವಿ॒ಶ್ವಕ॑ರ್ಮಾ ತ॒ ಋಷಿ॑ರ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑ ॥ ೫ ॥
ಶು॒ಕ್ರಶ್ಚ॒ ಶುಚಿ॑ಶ್ಚ ಗ್ರೈಷ್ಮಾ॑ವೃ॒ತೂ ಅ॒ಗ್ನೇರ॑ನ್ತಃ ಶ್ಲೇ॒ಷೋ॒ಽಸಿ॒ ಕಲ್ಪೇ॑ತಾಂ॒ ದ್ಯಾವಾ॑ಪೃಥಿ॒ವೀ ಕಲ್ಪ॑ನ್ತಾ॒ಮಾಪ॒ ಓಷ॑ಧಯ॒: ಕಲ್ಪ॑ನ್ತಾಮ॒ಗ್ನಯ॒: ಪೃಥ॒ಙ್ನಮ॒ ಜ್ಯೈಷ್ಠ್ಯಾ॑ಯ॒ ಸವ್ರ॑ತಾಃ|
ಯೇ ಅ॒ಗ್ನಯ॒: ಸಮ॑ನಸೋಽನ್ತ॒ರಾ ದ್ಯಾವಾ॑ಪೃಥಿ॒ವೀ ಇ॒ಮೇ | ಗ್ರೈ॒ಷ್ಮಾ॑ವೃ॒ತೂ ಅ॑ಭಿ॒ಕಲ್ಪ॑ಮಾನಾ॒ ಇನ್ದ್ರ॑ಮಿವ ದೇ॒ವಾ ಅ॑ಭಿ॒ಸಂವಿ॑ಶನ್ತು॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರುವೇ ಸೀ॑ದತಮ್ ॥ ೬ ॥
ಸ॒ಜೂರೃ॒ತುಭಿ॑: ಸ॒ಜೂರ್ವಿ॒ಧಾಭಿ॑: ಸ॒ಜೂರ್ದೇ॒ವೈಃ ಸ॒ಜೂರ್ದೇ॒ವೈರ್ವ॑ಯೋನಾ॒ಧೈರ॒ಗ್ನಯೇ॑ ತ್ವಾ ವೈಶ್ವಾನ॒ರಾಯಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑
ಸ॒ಜೂರೃ॒ತುಭಿ॑: ಸ॒ಜೂರ್ವಿ॒ಧಾಭಿ॑: ಸ॒ಜೂರ್ವಸು॑ಭಿಃ ಸ॒ಜೂರ್ದೇ॒ವೈರ್ವ॑ಯೋನಾಧೈರ॒ಗ್ನಯೇ॑ ತ್ವಾ ವೈಶ್ವಾನ॒ರಾಯಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑
ಸ॒ಜೂರೃ॒ತುಭಿ॑: ಸ॒ಜೂರ್ವಿ॒ಧಾಭಿ॑: ಸ॒ಜೂ ರು॒ದ್ರೈಃ ಸ॒ಜೂರ್ದೇ॒ವೈರ್ವ॑ಯೋನಾ॒ಧೈರ॒ಗ್ನಯೇ॑ ತ್ವಾ ವೈಶ್ವಾನ॒ರಾಯಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑
ಸ॒ಜೂರೃ॒ತುಭಿ॑: ಸ॒ಜೂರ್ವಿ॒ಧಾಭಿ॑: ಸ॒ಜೂರಾ॑ದಿ॒ತ್ಯೈಃ ಸ॒ಜೂರ್ದೇ॒ವೈರ್ವ॑ಯೋನಾ॒ಧೈರ॒ಗ್ನಯೇ॑ ತ್ವಾ ವೈಶ್ವಾನ॒ರಾಯಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑
ಸ॒ಜೂರೃ॒ತುಭಿ॑: ಸ॒ಜೂರ್ವಿ॒ಧಾಭಿ॑: ಸ॒ಜೂರ್ವಿಶ್ವೈ॑ರ್ದೇ॒ವೈಃ ಸ॒ಜೂರ್ದೇ॒ವೈರ್ವ॑ಯೋನಾಧೈರ॒ಗ್ನಯೇ॑ ತ್ವಾ ವೈಶ್ವಾನ॒ರಾಯಾ॒ಶ್ವಿನಾ॑ಽಧ್ವ॒ರ್ಯೂ ಸಾ॑ದಯತಾಮಿ॒ಹ ತ್ವಾ॑ ॥ ೭ ॥
ಪ್ರಾ॒ಣಂ ಮೇ॑ ಪಾಹ್ಯಪಾ॒ನಂ ಮೇ॑ ಪಾಹಿ ವ್ಯಾ॒ನಂ ಮೇ॑ ಪಾಹಿ॒ ಚಕ್ಷು॑ರ್ಮ ಉ॒ರ್ವ್ಯಾ ವಿ ಭಾ॑ಹಿ॒ ಶ್ರೋತ್ರಂ॑ ಮೇ ಶ್ಲೋಕಯ ।
ಅ॒ಪಃ ಪಿ॒ನ್ವೌಷ॑ಧೀರ್ಜಿನ್ವ ದ್ವಿ॒ಪಾದ॑ವ ಚತು॑ಷ್ಪಾತ್ ಪಾಹಿ ದಿ॒ವೋ ವೃಷ್ಟಿ॒ಮೇರ॑ಯ ॥ ೮ ॥
ಮೂ॒ರ್ಧಾ ವಯ॑: ಪ್ರ॒ಜಾಪ॑ತಿ॒ಶ್ಛನ್ದ॑: ಕ್ಷ॒ತ್ರಂ ವಯೋ॒ ಮಯ॑ನ್ದಂ॒ ಛನ್ದೋ॑ ವಿಷ್ಟ॒ಮ್ಭೋ ವಯೋಽಧಿ॑ಪತಿ॒ಶ್ಛನ್ದೋ॑
ವಿ॒ಶ್ವಕ॑ರ್ಮಾ॒ ವಯ॑: ಪರಮೇ॒ಷ್ಠೀ ಛನ್ದೋ॑ ಬ॒ಸ್ತೋ ವಯೋ॑ ವಿವ॒ಲಂ ಛನ್ದೋ॒ ವೃಷ್ಣಿ॒ರ್ವಯೋ॑ ವಿಶಾ॒ಲಂ ಛನ್ದ॒:
ಪುರು॑ಷೋ॒ ವಯ॑ಸ್ತ॒ನ್ದ್ರಂ ಛನ್ದೋ॑ ವ್ಯಾ॒ಘ್ರೋ ವಯೋಽನಾ॑ಧೃಷ್ಟಂ॒ ಛನ್ದ॑: ಸಿ॒ᳪಹೋ ವಯ॑ಶ್ಛ॒ದಿಶ್ಛನ್ದ॑: ಪಷ್ಠ॒ವಾಡ್ವಯೋ॑ ಬೃಹ॒ತೀ ಛನ್ದ॑ ಉ॒ಕ್ಷಾ ವಯ॑: ಕ॒ಕುಪ್ ಛನ್ದ॑ ಋಷ॒ಭೋ ವಯ॑: ಸ॒ತೋಬೃ॑ಹತೀ॒ ಛನ್ದ॑: ॥ ೯ ॥
ಅ॒ನ॒ಡ್ವಾನ್ವಯ॑: ಪ॒ಙ್ಕ್ತಿಶ್ಛನ್ದೋ॑ ಧೇ॒ನುರ್ವಯೋ॒ ಜಗ॑ತೀ॒ ಛನ್ದ॒ತ್ರ್ಯವಿ॒ರ್ವಯ॑ಸ್ತ್ರಿ॒ಷ್ಟುಪ್ ಛನ್ದೋ॑ ದಿತ್ಯ॒ವಾಡ್ವಯೋ॑ ವಿ॒ರಾಟ್ ಛನ್ದ॒: ಪಞ್ಚಾ॑ವಿ॒ರ್ವಯೋ॑ ಗಾಯ॒ತ್ರೀ ಛನ್ದ॑ ಸ್ತ್ರಿವ॒ತ್ಸೋ ವಯ॑ ಉ॒ಷ್ಣಿಕ್ ಛನ್ದ॑ಽ ಸ್ತು॑ರ್ಯ॒ವಾಡ್ವಯೋ॑ಽನು॒ಷ್ಟುಪ್ ಛನ್ದೋ॑ ಲೋ॒ಕಂ ತಾ ಇನ್ದ್ರ॑ಮ್ ॥ ೧ ೦॥
ಇನ್ದ್ರಾ॑ಗ್ನೀ॒ ಅವ್ಯ॑ಥಮಾನಾ॒ಮಿಷ್ಟ॑ಕಾಂ ದೃᳪಹತಂ ಯು॒ವಮ್ ।
ಪೃ॒ಷ್ಠೇನ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷಂ ಚ॒ ವಿ ಬಾ॑ಧಸೇ ॥ ೧೧ ॥
ವಿ॒ಶ್ವಕ॑ರ್ಮಾ ತ್ವಾ ಸಾದಯತ್ವ॒ನ್ತರಿ॑ಕ್ಷಸ್ಯ ಪೃ॒ಷ್ಠೇ ವ್ಯಚ॑ಸ್ವತೀಂ॒ ಪ್ರಥ॑ಸ್ವತೀಮ॒ನ್ತರಿ॑ಕ್ಷಂ ಯಚ್ಛಾ॒ನ್ತರಿ॑ಕ್ಷಂ ದೃᳪಹಾ॒ನ್ತರಿ॑ಕ್ಷಂ॒ ಮಾ ಹಿ॑ᳪಸೀಃ । ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯೋ॑ದಾ॒ನಾಯ॑ ಪ್ರತಿ॒ಷ್ಠಾಯೈ॑ ಚ॒ರಿತ್ರಾ॑ಯ ।
ವಾ॒ಯುಷ್ಟ್ವಾ॒ಽಭಿ ಪಾ॑ತು ಮ॒ಹ್ಯಾ ಸ್ವ॒ಸ್ತ್ಯಾ ಛ॒ರ್ದಿಷಾ॒ ಶನ್ತ॑ಮೇನ॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ॥ ೧೨ ॥
ರಾಜ್ಞ್ಯ॑ಸಿ॒ ಪ್ರಾಚೀ॒ ದಿಗ್ವಿ॒ರಾಡ॑ಸಿ॒ ದಕ್ಷಿ॑ಣಾ॒ ದಿಕ್ ಸ॒ಮ್ರಾಡ॑ಸಿ ಪ್ರ॒ತೀಚೀ॒ ದಿಕ್ ಸ್ವ॒ರಾಡ॒ಸ್ಯುದೀ॑ಚೀ॒ ದಿಗಧಿ॑ಪತ್ನ್ಯಸಿ ಬೃಹ॒ತೀ ದಿಕ್ ॥ ೧೩ ॥
ವಿ॒ಶ್ವಕ॑ರ್ಮಾ ತ್ವಾ ಸಾದಯತ್ವ॒ನ್ತರಿ॑ಕ್ಷಸ್ಯ ಪೃ॒ಷ್ಠೇ ಜ್ಯೋತಿ॑ಷ್ಮತೀಮ್ ।
ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯ॒ ವಿಶ್ವಂ॒ ಜ್ಯೋತಿ॑ರ್ಯಚ್ಛ ।
ವಾ॒ಯುಷ್ಟೇಽಧಿ॑ಪತಿ॒ಸ್ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ॥ ೧೪ ॥
ನಭ॑ಶ್ಚ ನಭ॒ಸ್ಯ॒ಶ್ಚ॒ ವಾರ್ಷಿ॑ಕಾವೃ॒ತೂ ಅ॒ಗ್ನೇರ॑ನ್ತಃ ಶ್ಲೇ॒ಷೋ॒ಽಸಿ॒ ಕಲ್ಪೇ॑ತಾಂ॒ ದ್ಯಾವಾ॑ಪೃಥಿ॒ವೀ ಕಲ್ಪ॑ನ್ತಾ॒ಮಾಪ॒ ಓಷ॑ಧಯ॒: ಕಲ್ಪ॑ನ್ತಾಮ॒ಗ್ನಯ॒: ಪೃಥ॒ಙ್ನಮ॒ ಜ್ಯೈಷ್ಠ್ಯಾ॑ಯ॒ ಸವ್ರ॑ತಾಃ।
ಯೇ ಅ॒ಗ್ನಯ॒: ಸಮ॑ನಸೋಽನ್ತ॒ರಾ ದ್ಯಾವಾ॑ಪೃಥಿ॒ವೀ ಇ॒ಮೇ | ವಾರ್ಷಿ॑ಕಾವೃ॒ತೂ ಅ॑ಭಿ॒ಕಲ್ಪ॑ಮಾನಾ॒ ಇನ್ದ್ರ॑ಮಿವ ದೇ॒ವಾ ಅ॑ಭಿ॒ಸಂವಿ॑ಶನ್ತು॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವೇ ಸೀ॑ದತಮ್ ॥ ೧೫ ॥
ಇ॒ಷಶ್ಚೋ॒ರ್ಜಶ್ಚ॑ ಶಾರ॒ದಾವೃ॒ತೂ ಅ॒ಗ್ನೇರ॑ನ್ತಃ ಶ್ಲೇ॒ಷೋ॒ಽಸಿ॒ ಕಲ್ಪೇ॑ತಾಂ॒ ದ್ಯಾವಾ॑ಪೃಥಿ॒ವೀ ಕಲ್ಪ॑ನ್ತಾ॒ಮಾಪ॒ ಓಷ॑ಧಯ॒: ಕಲ್ಪ॑ನ್ತಾಮ॒ಗ್ನಯ॒: ಪೃಥ॒ಙ್ನಮ॒ ಜ್ಯೈಷ್ಠ್ಯಾಯ॒ ಸವ್ರ॑ತಾಃ ।
ಯೇ ಅ॒ಗ್ನಯ॒: ಸಮ॑ನಸೋಽನ್ತ॒ರಾ ದ್ಯಾವಾ॑ಪೃಥಿ॒ವೀ ಇ॒ಮೇ ಶಾ॒ರ॒ದಾವೃ॒ತೂ ಅ॑ಭಿ॒ಕಲ್ಪ॑ಮಾನಾ॒ ಇನ್ದ್ರ॑ಮಿವ ದೇ॒ವಾ ಅ॑ಭಿ॒ಸಂವಿ॑ಶನ್ತು॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವೇ ಸೀ॑ದತಮ್ ॥ ೧೬ ॥
ಆಯು॑ರ್ಮೇ ಪಾಹಿ ಪ್ರಾ॒ಣಂ ಮೇ॑ ಪಾಹ್ಯಪಾ॒ನಂ ಮೇ॑ ಪಾಹಿ ವ್ಯಾ॒ನಂ ಮೇ॑ ಪಾಹಿ॒ ಚಕ್ಷು॑ರ್ಮೇ ಪಾಹಿ॒
ಶ್ರೋತ್ರಂ॑ ಮೇ ಪಾಹಿ॒ ವಾಚಂ॑ ಮೇ ಪಿನ್ವ॒ ಮನೋ॑ ಮೇ ಜಿನ್ವಾತ್ಮಾನಂ॑ ಮೇ ಪಾಹಿ॒ ಜ್ಯೋತಿ॑ರ್ಮೇ ಯಚ್ಛ ॥ ೧೭ ॥
ಮಾ ಛನ್ದ॑: ಪ್ರ॒ಮಾ ಛನ್ದ॑: ಪ್ರ॑ತಿ॒ಮಾ ಛನ್ದೋ॑ ಅಸ್ರೀವಯ॒ಶ್ಛನ್ದ॑: ಪ॒ಙ್ಕ್ತಿಶ್ಛನ್ದ॑ ಉ॒ಷ್ಣಿಕ್ ಛನ್ದೋ॑
ಬೃಹ॒ತೀ ಛನ್ದೋ॑ ಽನು॒ಷ್ಟುಪ್ ಛನ್ದೋ॑ ವಿ॒ರಾಟ್ ಛನ್ದೋ॑ ಗಾ॑ಯ॒ತ್ರೀ ಛನ್ದ॑ ಸ್ತ್ರಿ॒ಷ್ಟುಪ್ ಛನ್ದೋ॒ ಜಗ॑ತೀ॒ ಛನ್ದ॑: ॥ ೧೮ ॥
ಪೃ॒ಥಿ॒ವೀ ಛನ್ದೋ॒ ಽನ್ತರಿ॑ಕ್ಷಂ॒ ಛನ್ದೋ॒ ದ್ಯೌ॒ಶ್ಛನ್ದ॒: ಸಮಾ॒ಶ್ಛನ್ದೋ॒ ನಕ್ಷ॑ತ್ರಾಣಿ॒ ಛನ್ದೋ॒ ವಾಕ್ ಛನ್ದೋ॒ ಮನ॒ಶ್ಛನ್ದ॑:
ಕೃ॒ಷಿಶ್ಛನ್ದೋ॒ ಹಿರ॑ಣ್ಯಂ॒ ಛನ್ದೋ॒ ಗೌಶ್ಛನ್ದೋ॒ ಽಜಾಶ್ಛನ್ದೋ ಽಶ್ವ॒ಶ್ಛನ್ದ॑: ॥ ೧೯ ॥
ಅ॒ಗ್ನಿರ್ದೇ॒ವತಾ॒ ವಾತೋ॑ ದೇ॒ವತಾ॒ ಸೂರ್ಯೋ॑ ದೇ॒ವತಾ॑ ಚ॒ನ್ದ್ರಮಾ॑ ದೇ॒ವತಾ॒ ವಸ॑ವೋ ದೇ॒ವತಾ॑ ರು॒ದ್ರಾ ದೇ॒ವತಾ॑
ಽಽದಿ॒ತ್ಯಾ ದೇ॒ವತಾ॑ ಮ॒ರುತೋ॑ ದೇ॒ವತಾ॒ ವಿಶ್ವೇ॑ ದೇ॒ವಾ ದೇವತಾ॒ ಬೃಹ॒ಸ್ಪತಿ॑ರ್ದೇ॒ವತೇನ್ದ್ರೋ॑ ದೇ॒ವತಾ॒ ವರು॑ಣೋ ದೇ॒ವತಾ॑ ॥ ೨೦॥
ಮೂ॒ರ್ಧಾಽಸಿ॒ ರಾಡ್ ಧ್ರು॒ವಾಽಸಿ॑ ಧ॒ರುಣಾ॑ ಧ॒ರ್ತ್ರ್ಯ॒ಸಿ॒ ಧರ॑ಣೀ ।
ಆಯು॑ಷೇ ತ್ವಾ॒ ವರ್ಚ॑ಸೇ ತ್ವಾ ಕೃ॒ಷ್ಯೈ ತ್ವಾ॒ ಕ್ಷೇಮಾ॑ಯ ತ್ವಾ ॥ ೨೧ ॥
ಯನ್ತ್ರೀ॒ ರಾಡ್ ಯ॒ನ್ತ್ರ್ಯ॒ಸಿ॒ ಯಮ॑ನೀ ಧ್ರು॒ವಾಽಸಿ॒ ಧರಿ॑ತ್ರೀ ।
ಇ॒ಷೇ ತ್ವೋ॒ರ್ಜೇ ತ್ವಾ॑ ರ॒ಯ್ಯೈ ತ್ವಾ॒ ಪೋಷಾ॑ಯ ತ್ವಾ ಲೋ॒ಕಂ ತಾ ಇನ್ದ್ರ॑ಮ್ ॥ ೨೨ ॥
ಆ॒ಶುಸ್ತ್ರಿ॒ವೃದ್ಭಾ॒ನ್ತಃ ಪ॑ಞ್ಚದ॒ಶೋ ವ್ಯೋ॑ಮಾ ಸಪ್ತದ॒ಶೋ ಧ॒ರುಣ॑ ಏಕವಿ॒ᳪಶಃ
ಪ್ರತೂ॑ರ್ತಿರಷ್ಟಾದ॒ಶಸ್ತಪೋ॑ ನವದ॒ಶೋ॒ ಽಭೀವ॒ರ್ತ್ತ: ಸ॑ವಿ॒ᳪಶೋ ವರ್ಚೋ॑ ದ್ವಾವಿ॒ᳪಶಃ
ಸ॒ಮ್ಭರ॑ಣಸ್ತ್ರಯೋವಿ॒ᳪಶೋ ಯೋನಿ॑ಶ್ಚತುರ್ವಿ॒ᳪಶೋ ಗರ್ಭಾ॑: ಪಞ್ಚವಿ॒ᳪಶ ಓಜ॑ಸ್ತ್ರಿಣ॒ವಃ
ಕ್ರತು॑ರೇಕತ್ರಿ॒ᳪಶಃ ಪ್ರ॑ತಿ॒ಷ್ಠಾ ತ್ರ॑ಯಸ್ತ್ರಿ॒ᳪಶೋ ಬ್ರ॒ಧ್ನಸ್ಯ॑ ವಿ॒ಷ್ಟಪಂ॑ ಚತುಸ್ತ್ರಿ॒ᳪಶೋ ನಾಕ॑: ಷಟ್ತ್ರಿ॒ᳪಶೋ
ವಿ॑ವ॒ರ್ತೋ॒ಽಷ್ಟಾಚತ್ವಾರಿ॒ᳪಶೋ ಧ॒ರ್ತ್ರಂ ಚ॑ತುಷ್ಟೋ॒ಮಃ ॥ ೨೩ ॥
ಅ॒ಗ್ನೇರ್ಭಾ॒ಗೋ॒ಽಸಿ ದೀ॒ಕ್ಷಾಯಾ॒ ಆಧಿ॑ಪತ್ಯಂ॒ ಬ್ರಹ್ಮ॑ ಸ್ಪೃ॒ತಂ ತ್ರಿ॒ವೃತ್ಸ್ತೋಮ॒
ಇನ್ದ್ರ॑ಸ್ಯ ಭಾ॒ಗೋ॒ಽಸಿ॒ ವಿಷ್ಣೋ॒ರಾಧಿ॑ಪತ್ಯಂ ಕ್ಷ॒ತ್ರᳪ ಸ್ಪೃ॒ತಂ ಪ॑ಞ್ಚದ॒ಶಃ ಸ್ತೋಮೋ॑
ನೃ॒ಚಕ್ಷ॑ಸಾಂ ಭಾ॒ಗೋ॒ಽಸಿ ಧಾ॒ತುರಾಧಿ॑ಪತ್ಯಂ ಜ॒ನಿತ್ರ॑ᳪ ಸ್ಪೃ॒ತᳪ ಸ॑ಪ್ತದ॒ಶ ಸ್ತೋಮೋ
ಮಿ॒ತ್ರಸ್ಯ॑ ಭಾ॒ಗೋ॒ಽಸಿ॒ ವರು॑ಣ॒ಸ್ಯಾಧಿ॑ಪತ್ಯಂ ದಿ॒ವೋ ವೃಷ್ಟಿ॒ರ್ವಾತ॑ ಸ್ಪೃ॒ತ ಏ॑ಕವಿ॒ᳪಶ ಸ್ತೋಮ॑: ॥ ೨೪ ॥
ವಸೂ॑ನಾಂ ಭಾ॒ಗೋ॒ಽಸಿ ರು॒ದ್ರಾಣಾ॒ಮಾಧಿ॑ಪತ್ಯಂ॒ ಚತು॑ಷ್ಪಾತ್ ಸ್ಪೃ॒ತಂ ಚ॑ತುರ್ವಿ॒ᳪಶ ಸ್ತೋಮ॑
ಆದಿ॒ತ್ಯಾನಾಂ॑ ಭಾ॒ಗೋ॒ಽಸಿ ಮ॒ರುತಾ॒ಮಾಧಿ॑ಪತ್ಯಂ॒ ಗರ್ಭಾ॑ ಸ್ಪೃ॒ತಾಃ ಪ॑ಞ್ಚವಿ॒ᳪಶ॒ ಸ್ತೋಮೋ
ಽದಿ॑ತ್ಯೈ ಭಾ॒ಗೋ॒ಽಸಿ ಪೂ॒ಷ್ಣ ಆಧಿ॑ಪತ್ಯ॒ಮೋಜ॑ ಸ್ಪೃ॒ತಂ ತ್ರಿ॑ಣ॒ವ ಸ್ತೋಮೋ॑
ದೇ॒ವಸ್ಯ॑ ಸವಿ॒ತುರ್ಭಾ॒ಗೋ॒ಽಸಿ ಬೃಹ॒ಸ್ಪತೇ॒ರಾಧಿ॑ಪತ್ಯᳪ ಸ॒ಮೀಚೀ॒ರ್ದಿಶ॑ ಸ್ಪೃ॒ತಾಶ್ಚ॑ತುಷ್ಟೋ॒ಮ ಸ್ತೋಮ॑: ॥ ೨೫ ॥
ಯವಾ॑ನಾಂ ಭಾ॒ಗೋಽಸ್ಯಯ॑ವಾನಾ॒ಮಾಧಿ॑ಪತ್ಯಂ ಪ್ರ॒ಜಾ ಸ್ಪೃ॒ತಾಶ್ಚ॑ತುಶ್ಚತ್ವಾರಿ॒ᳪಶ ಸ್ತೋಮ॑
ಋ॑ಭೂ॒ಣಾಂ ಭಾ॒ಗೋ॒ಽಸಿ ವಿಶ್ವೇ॑ಷಾಂ ದೇ॒ವಾನಾ॒ಮಾಧಿ॑ಪತ್ಯಂ ಭೂ॒ತᳪ ಸ್ಪೃ॒ತಂ ತ್ರ॑ಯಸ್ತ್ರಿ॒ᳪಶ ಸ್ತೋಮ॑: ॥ ೨೬ ॥
ಸಹ॑ಶ್ಚ ಸಹ॒ಸ್ಯ॒ಶ್ಚ ಹೈಮ॑ನ್ತಿಕಾವೃ॒ತೂ ಅ॒ಗ್ನೇರ॑ನ್ತಃ ಶ್ಲೇ॒ಷೋ॒ಽಸಿ॒ ಕಲ್ಪೇ॑ತಾಂ॒ ದ್ಯಾವಾ॑ಪೃಥಿ॒ವೀ ಕಲ್ಪ॑ನ್ತಾ॒ಮಾಪ॒ ಓಷ॑ಧಯ॒: ಕಲ್ಪ॑ನ್ತಾಮ॒ಗ್ನಯ॒: ಪೃಥ॒ಙ್ನಮ॒ ಜ್ಯೈಷ್ಠ್ಯಾ॑ಯ॒ ಸವ್ರ॑ತಾಃ।
ಯೇ ಅ॒ಗ್ನಯ॒: ಸಮ॑ನಸೋಽನ್ತ॒ರಾ ದ್ಯಾವಾ॑ಪೃಥಿ॒ವೀ ಇ॒ಮೇ| ಹೈ॑ಮನ್ತಿಕಾವೃ॒ತೂ ಅ॑ಭಿ॒ಕಲ್ಪ॑ಮಾನಾ॒ ಇನ್ದ್ರ॑ಮಿವ ದೇ॒ವಾ ಅ॑ಭಿ॒ಸಂವಿ॑ಶನ್ತು॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವೇ ಸೀ॑ದತಮ್ ॥ ೨೭ ॥
ಏಕ॑ಯಾಸ್ತುವತ ಪ್ರ॒ಜಾ ಅ॑ಧೀಯನ್ತ ಪ್ರ॒ಜಾಪ॑ತಿ॒ರಧಿ॑ಪತಿರಾಸೀತ್ ತಿ॒ಸೃಭಿ॑ರಸ್ತುವತ॒ ಬ್ರಹ್ಮಾ॑ಸೃಜ್ಯತ॒ ಬ್ರಹ್ಮ॑ಣ॒ಸ್ಪತಿ॒ರಧಿ॑ಪತಿರಾಸೀತ್ ಪ॒ಞ್ಚಭಿ॑ರಸ್ತುವತ ಭೂ॒ತಾನ್ಯ॑ಸೃಜ್ಯನ್ತ ಭೂ॒ತಾನಾಂ॒ ಪತಿ॒ರಧಿ॑ಪತಿರಾಸೀತ್ ಸ॒ಪ್ತಭಿ॑ರಸ್ತುವತ ಸಪ್ತ ಋ॒ಷಯೋ॑ಽಸೃಜ್ಯನ್ತ ಧಾ॒ತಾಽಧಿ॑ಪತಿರಾಸೀತ್ ॥ ೨೮ ॥
ನ॒ವಭಿ॑ರಸ್ತುವತ ಪಿ॒ತರೋ॑ಽಸೃಜ್ಯ॒ನ್ತಾದಿ॑ತಿ॒ರಧಿ॑ಪತ್ನ್ಯಾಸೀದೇಕಾದ॒ಶಭಿ॑ರಸ್ತುವತ ಋ॒ತವೋ॑ಽಸೃಜ್ಯನ್ತಾರ್ತ॒ವಾ ಅಧಿ॑ಪತಯ ಆಸಁಸ್ತ್ರಯೋದ॒ಶಭಿ॑ರಸ್ತುವತ॒ ಮಾಸಾ॑ ಅಸೃಜ್ಯನ್ತ ಸಂವತ್ಸ॒ರೋಽಧಿ॑ಪತಿರಾಸೀತ್ ಪಞ್ಚದ॒ಶಭಿ॑ರಸ್ತುವತ ಕ್ಷ॒ತ್ರಮ॑ಸೃಜ್ಯ॒ತೇನ್ದ್ರೋ॑ಽಧಿ॑ಪತಿರಾಸೀತ್ ಸಪ್ತದ॒ಶಭಿ॑ರಸ್ತುವತ ಗ್ರಾ॒ಮ್ಯಾಃ ಪ॒ಶವೋ॑ಽಸೃಜ್ಯನ್ತ॒ ಬೃಹ॒ಸ್ಪತಿ॒ರಧಿ॑ಪತಿರಾಸೀತ್ ॥ ೨೯ ॥
ನ॒ವದ॒ಶಭಿ॑ರಸ್ತುವತ ಶೂದ್ರಾ॒ರ್ಯಾವ॑ಸೃಜ್ಯೇತಾಮಹೋರಾ॒ತ್ರೇ ಅಧಿ॑ಪತ್ನೀ ಆಸ್ತಾ॒ಮೇಕ॑ವಿᳪಶತ್ಯಾಸ್ತುವ॒ತೈಕ॑ಶಪಾಃ ಪ॒ಶವೋ॑ಽಸೃಜ್ಯನ್ತ॒ ವರು॒ಣೋಽಧಿ॑ಪತಿರಾಸೀ॒ತ್
ತ್ರಯೋ॑ವಿᳪಶತ್ಯಾಸ್ತುವತ ಕ್ಷು॒ದ್ರಾ: ಪ॒ಶವೋ॑ಽಸೃಜ್ಯನ್ತ ಪೂ॒ಷಾಽಧಿ॑ಪತಿರಾಸೀ॒ತ್ ಪಞ್ಚ॑ವಿᳪಶತ್ಯಾಸ್ತುವತಾರ॒ಣ್ಯಾಃ ಪ॒ಶವೋ॑ಽಸೃಜ್ಯನ್ತ ವಾ॒ಯುರಧಿ॑ಪತಿರಾಸೀತ್
ಸ॒ಪ್ತವಿ॑ᳪಶತ್ಯಾಽಸ್ತುವತ॒ ದ್ಯಾವಾ॑ಪೃಥಿ॒ವೀ ವ್ಯೈ॑ತಾಂ॒ ವಸ॑ವೋ ರು॒ದ್ರಾ ಆ॑ದಿ॒ತ್ಯಾ ಅ॑ನು॒ವ್ಯಾ॒ಯಁ॒ಸ್ತ ಏ॒ವಾಧಿ॑ಪತಯ ಆಸನ್ ॥ ೩೦ ॥
ನವ॑ವಿᳪಶತ್ಯಾಽಸ್ತುವತ॒ ವನ॒ಸ್ಪತ॑ಯೋಽಸೃಜ್ಯನ್ತ॒ ಸೋಮೋಽಧಿ॑ಪತಿರಾಸೀ॒ದೇಕ॑ತ್ರಿᳪಶತಾಽಸ್ತುವತ ಪ್ರ॒ಜಾ ಅ॑ಸೃಜ್ಯನ್ತ॒ ಯವಾ॒ಶ್ಚಾಯ॑ವಾ॒ಶ್ಚಾಧಿ॑ಪತಯ ಆಸಁ॒ತ್ರಯ॑ಸ್ತ್ರಿᳪಶತಾಽಸ್ತುವತ ಭೂ॒ತಾನ್ಯ॑ಶಾಮ್ಯನ್ ಪ್ರ॒ಜಾಪ॑ತಿಃ ಪರಮೇ॒ಷ್ಠ್ಯಧಿ॑ಪತಿರಾಸೀಲ್ಲೋ॒ಕಂ ತಾ ಇನ್ದ್ರ॑ಮ್ ॥ ೩೧ ॥
ಅಧ್ಯಾಯ ೧೫
ಅಗ್ನೇ॑ ಜಾ॒ತಾನ್ ಪ್ರ ಣು॑ದಾ ನಃ ಸ॒ಪತ್ನಾ॒ನ್ ಪ್ರತ್ಯಜಾ॑ತಾನ್ ನುದ ಜಾತವೇದಃ।
ಅಧಿ॑ ನೋ ಬ್ರೂಹಿ ಸು॒ಮನಾ॒ ಅಹೇ॑ಡಁ॒ಸ್ತವ॑ ಸ್ಯಾಮ॒ ಶರ್ಮಁ॑ಸ್ತ್ರಿ॒ವರೂ॑ಥ ಉ॒ದ್ಭೌ ॥ ೧ ॥
ಸಹ॑ಸಾ ಜಾ॒ತಾನ್ ಪ್ರ ಣು॑ದಾ ನಃ ಸ॒ಪತ್ನಾ॒ನ್ ಪ್ರತ್ಯಜಾ॑ತಾಞ್ಜಾತವೇದೋ ನುದಸ್ವ ।
ಅಧಿ॑ ನೋ ಬ್ರೂಹಿ ಸುಮನ॒ಸ್ಯಮಾ॑ನೋ ವ॒ಯᳪ ಸ್ಯಾ॑ಮ॒ ಪ್ರ ಣು॑ದಾ ನಃ ಸ॒ಪತ್ನಾ॑ನ್ ॥ ೨ ॥
ಷೋ॒ಡ॒ಶೀ ಸ್ತೋಮ॒ ಓಜೋ॒ ದ್ರವಿ॑ಣಂ ಚತುಶ್ಚತ್ವಾರಿ॒ᳪಶ ಸ್ತೋಮೋ॒ ವರ್ಚೋ॒ ದ್ರವಿ॑ಣಮ್ ।
ಅ॒ಗ್ನೇಃ ಪುರೀ॑ಷಮ॒ಸ್ಯಪ್ಸೋ॒ ನಾಮ॒ ತಾಂ ತ್ವಾ॒ ವಿಶ್ವೇ॑ ಅ॒ಭಿ ಗೃ॑ಣನ್ತು ದೇ॒ವಾಃ ।
ಸ್ತೋಮ॑ಪೃಷ್ಠಾ ಘೃ॒ತವ॑ತೀ॒ಹ ಸೀ॑ದ ಪ್ರ॒ಜಾವ॑ದ॒ಸ್ಮೇ ದ್ರವಿ॒ಣಾ ಯ॑ಜಸ್ವ ॥ ೩ ॥
ಏವ॒ಶ್ಛನ್ದೋ॒ ವರಿ॑ವ॒ಶ್ಛನ್ದ॑: ಶ॒ಮ್ಭೂಶ್ಛನ್ದ॑: ಪರಿ॒ಭೂಶ್ಛನ್ದ॑ ಆ॒ಚ್ಛಚ್ಛನ್ದೋ॒ ಮನ॒ಶ್ಛನ್ದೋ॒
ವ್ಯಚ॒ಶ್ಛನ್ದ॒: ಸಿನ್ಧು॒ಶ್ಛನ್ದ॑: ಸಮು॒ದ್ರಶ್ಛನ್ದ॑:ಸರಿ॒ರಂ ಛನ್ದ॑: ಕ॒ಕುಪ್ಛನ್ದ॑ಸ್ತ್ರಿಕ॒ಕುಪ್ಛನ್ದ॑: ಕಾ॒ವ್ಯಂ ಛನ್ದೋ॒
ಅಙ್ಕು॒॒ಪಂ ಛನ್ದೋ॒ ಽಕ್ಷರ॑ಪಙ್ಕ್ತಿ॒ಶ್ಛನ್ದ॑: ಪ॒ದಪ॑ಙ್ಕ್ತಿ॒ಶ್ಛನ್ದೋ॑ ವಿಷ್ಟಾ॒ರಪ॑ಙ್ಕ್ತಿ॒ಶ್ಛನ್ದ॑: ಕ್ಷು॒ರೋ ಭ್ರಜ॒ಶ್ಛನ್ದ॑: ॥ ೪ ॥
ಆ॒ಚ್ಛಚ್ಛನ್ದ॑: ಪ್ರ॒ಚ್ಛಚ್ಛನ್ದ॑: ಸಂ॒ಯಚ್ಛನ್ದೋ॑ ವಿ॒ಯಚ್ಛನ್ದೋ॑ ಬೃ॒ಹಚ್ಛನ್ದೋ॑ ರಥನ್ತ॒ರಞ್ಛನ್ದೋ॑ ನಿಕಾ॒ಯಶ್ಛನ್ದೋ॑
ವಿವಧಶ್ಛನ್ದೋ॒ ಗಿರ॒ಶ್ಛನ್ದೋ॒ ಭ್ರಜ॒ಶ್ಛನ್ದ॑: ಸ॒ᳪಸ್ತುಪ್ಛನ್ದೋ॑ ಽನು॒ಷ್ಟುಪ್ಛನ್ದ॒ ಏವ॒ಶ್ಛನ್ದೋ॒ ವರಿ॑ವ॒ಶ್ಛನ್ದೋ॒ ವಯ॒ಶ್ಛನ್ದೋ॑ ವಯ॒ಸ್ಕೃಚ್ಛನ್ದೋ॒ ವಿಷ್ಪ॑ರ್ಧಾ॒ಶ್ಛನ್ದೋ॑
ವಿಶಾ॒ಲಂ ಛನ್ದ॑ಶ್ಛ॒ದಿಶ್ಛನ್ದೋ॑ ದೂರೋಹ॒ಣಂ ಛನ್ದ॑ಸ್ತ॒ನ್ದ್ರಂ ಛನ್ದೋ॑ ಅಙ್ಕಾ॒ಙ್ಕಂ ಛನ್ದ॑: ॥ ೫ ॥
ರ॒ಶ್ಮಿನಾ॑ ಸ॒ತ್ಯಾಯ॑ ಸ॒ತ್ಯಂ ಜಿ॑ನ್ವ॒ ಪ್ರೇತಿ॑ನಾ॒ ಧರ್ಮ॑ಣಾ॒ ಧರ್ಮಂ॑ ಜಿ॒ನ್ವಾನ್ವಿ॑ತ್ಯಾ ದಿ॒ವಾ ದಿವಂ॑ ಜಿನ್ವ ಸ॒ನ್ಧಿನಾ॒ಽನ್ತರಿ॑ಕ್ಷೇಣಾ॒ನ್ತರಿ॑ಕ್ಷಂ ಜಿನ್ವ ಪ್ರತಿ॒ಧಿನಾ॑ ಪೃಥಿ॒ವ್ಯಾ ಪೃ॑ಥಿ॒ವೀಂ ಜಿ॑ನ್ವ ವಿಷ್ಟ॒ಮ್ಭೇನ॒ ವೃಷ್ಟ್ಯಾ॒ ವೃಷ್ಟಿಂ॑ ಜಿನ್ವ ಪ್ರ॒ವಯಾಽಹ್ನಾಽಹ॑ರ್ಜಿನ್ವಾನು॒ಯಾ ರಾತ್ರ್ಯಾ॒ ರಾತ್ರೀಂ॑ ಜಿನ್ವೋ॒ಶಿಜಾ॒ ವಸು॑ಭ್ಯೋ॒ ವಸೂ॑ಞ್ಜಿನ್ವ ಪ್ರಕೇ॒ತೇನಾ॑ದಿ॒ತ್ಯೇಭ್ಯ॑ ಆದಿ॒ತ್ಯಾಞ್ಜಿ॑ನ್ವ ॥ ೬ ॥
ತನ್ತು॑ನಾ ರಾ॒ಯಸ್ಪೋಷೇ॑ಣ ರಾ॒ಯಸ್ಪೋಷಂ॑ ಜಿನ್ವ ಸᳪಸ॒ರ್ಪೇ॑ಣ ಶ್ರು॒ತಾಯ॑ ಶ್ರು॒ತಂ ಜಿ॑ನ್ವೈ॒ಡೇನೌ॑ಷಧೀಭಿ॒ರೋಷ॑ಧೀರ್ಜಿನ್ವೋತ್ತ॒ಮೇನ॑ ತ॒ನೂಭಿ॑ಸ್ತ॒ನೂರ್ಜಿ॑ನ್ವ ವ॑ಯೋ॒ಧಸಾಧೀ॑ತೇ॒ನಾಧೀ॑ತಂ ಜಿನ್ವಾಭಿ॒ಜಿತಾ॒ ತೇಜ॑ಸಾ॒ ತೇಜೋ॑ ಜಿನ್ವ ॥ ೭ ॥
ಪ್ರತಿ॒ಪದ॑ಸಿ ಪ್ರತಿ॒ಪದೇ॑ ತ್ವಾ ಽನು॒ಪದ॑ಸ್ಯನು॒ಪದೇ॑ ತ್ವಾ ಸ॒ಮ್ಪದ॑ಸಿ ಸ॒ಮ್ಪದೇ॑ ತ್ವಾ ತೇಜೋ॑ಽಸಿ॒ ತೇಜ॑ಸೇ ತ್ವಾ ॥ ೮ ॥
ತ್ರಿ॒ವೃದ॑ಸಿ ತ್ರಿ॒ವೃತೇ॑ ತ್ವಾ ಪ್ರ॒ವೃದ॑ಸಿ ಪ್ರ॒ವೃತೇ॑ ತ್ವಾ ವಿ॒ವೃದ॑ಸಿ ವಿ॒ವೃತೇ॑ ತ್ವಾ ಸ॒ವೃದ॑ಸಿ ಸ॒ವೃತೇ॑ ತ್ವಾ
ಽಽಕ್ರ॒ಮೋ॒ಽಸ್ಯಾಕ್ರ॒ಮಾಯ॑ ತ್ವಾ ಸಂಕ್ರ॒ಮೋ॒ಽಸಿ ಸಂಕ್ರ॒ಮಾಯ॑ ತ್ವೋತ್ಕ್ರ॒ಮೋ॒ಽಸ್ಯುತ್ಕ್ರ॒ಮಾಯ॒ ತ್ವೋತ್ಕ್ರಾ॑ನ್ತಿರ॒ಸ್ಯುತ್ಕ್ರಾ॑ನ್ತ್ಯೈ॒ ತ್ವಾ
ಽಧಿ॑ಪತಿನೋ॒ರ್ಜೋರ್ಜಂ॑ ಜಿನ್ವ ॥ ೯ ॥
ರಾಜ್ಞ್ಯ॑ಸಿ॒ ಪ್ರಾಚೀ॒ ದಿಗ್ವಸ॑ವಸ್ತೇ ದೇ॒ವಾ ಅಧಿ॑ಪತಯೋ॒ಽಗ್ನಿರ್ಹೇ॑ತೀ॒ನಾಂ ಪ್ರ॑ತಿಧ॒ರ್ತಾ ತ್ರಿ॒ವೃತ್ ತ್ವಾ॒ ಸ್ತೋಮ॑: ಪೃಥಿ॒ವ್ಯಾᳪ ಶ್ರ॑ಯ॒ತ್ವಾಜ್ಯ॑ಮು॒ಕ್ಥಮವ್ಯ॑ಥಾಯೈ ಸ್ತಭ್ನಾತು ರಥನ್ತ॒ರᳪ ಸಾಮ॒ ಪ್ರತಿ॑ಷ್ಠಿತ್ಯಾ ಅ॒ನ್ತರಿ॑ಕ್ಷ॒ ಋಷ॑ಯಸ್ತ್ವಾ ಪ್ರಥಮ॒ಜಾ ದೇ॒ವೇಷು॑ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥನ್ತು ವಿಧ॒ರ್ತಾ ಚಾ॒ಯಮಧಿ॑ಪತಿಶ್ಚ॒ ತೇ ತ್ವಾ॒ ಸರ್ವೇ॑ ಸಂವಿದಾ॒ನಾ ನಾಕ॑ಸ್ಯ ಪೃ॒ಷ್ಠೇ ಸ್ವ॒ರ್ಗೇ ಲೋ॒ಕೇ ಯಜ॑ಮಾನಂ ಚ ಸಾದಯನ್ತು ॥ ೧ ೦॥
ವಿ॒ರಾಡ॑ಸಿ॒ ದಕ್ಷಿ॑ಣಾ॒ ದಿಗ್ರು॒ದ್ರಾಸ್ತೇ॑ ದೇ॒ವಾ ಅಧಿ॑ಪತಯ॒ ಇನ್ದ್ರೋ॑ ಹೇತೀ॒ನಾಂ ಪ್ರ॑ತಿಧ॒ರ್ತಾ ಪ॑ಞ್ಚದ॒ಸ್ತ್ವಾ॒ ಸ್ತೋಮ॑: ಪೃಥಿ॒ವ್ಯಾᳪಶ್ರ॑ಯತು॒ ಪ್ರ ಉ॑ಗಮು॒ಕ್ಥಮವ್ಯ॑ಥಾಯೈ ಸ್ತಭ್ನಾತು ಬೃ॒ಹತ್ಸಾಮ॒ ಪ್ರತಿ॑ಷ್ಠಿತ್ಯಾ ಅ॒ನ್ತರಿ॑ಕ್ಷ॒ ಋಷ॑ಯಸ್ತ್ವಾ ಪ್ರಥಮ॒ಜಾ ದೇ॒ವೇಷು॑ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥನ್ತು ವಿಧ॒ರ್ತಾ ಚಾ॒ಯಮಧಿ॑ಪತಿಶ್ಚ॒ ತೇ ತ್ವಾ॒ ಸರ್ವೇ॑ ಸಂವಿದಾ॒ನಾ ನಾಕ॑ಸ್ಯ ಪೃ॒ಷ್ಠೇ ಸ್ವ॒ರ್ಗೇ ಲೋ॒ಕೇ ಯಜ॑ಮಾನಂ ಚ ಸಾದಯನ್ತು ॥ ೧೧ ॥
ಸ॒ಮ್ರಾಡ॑ಸಿ ಪ್ರ॒ತೀಚೀ॒ ದಿಗಾ॑ದಿ॒ತ್ಯಾಸ್ತೇ॑ ದೇ॒ವಾ ಅಧಿ॑ಪತಯೋ॒ ವರು॑ಣೋ ಹೇತೀ॒ನಾಂ ಪ್ರ॑ತಿಧ॒ರ್ತಾ ಸ॑ಪ್ತದ॒ಶಸ್ತ್ವಾ॒ ಸ್ತೋಮ॑: ಪೃಥಿ॒ವ್ಯಾᳪ ಶ್ರ॑ಯತು ಮರುತ್ವ॒ತೀಯ॑ಮು॒ಕ್ಥಮವ್ಯ॑ಥಾಯೈ ಸ್ತಭ್ನಾತು ವೈರೂ॒ಪᳪಸಾಮ॒ ಪ್ರತಿ॑ಷ್ಠಿತ್ಯಾ ಅ॒ನ್ತರಿ॑ಕ್ಷ॒ ಋಷ॑ಯಸ್ತ್ವಾ ಪ್ರಥಮ॒ಜಾ ದೇ॒ವೇಷು॑ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥನ್ತು ವಿಧ॒ರ್ತಾ ಚಾ॒ಯಮಧಿ॑ಪತಿಶ್ಚ॒ ತೇ ತ್ವಾ॒ ಸರ್ವೇ॑ ಸಂವಿದಾ॒ನಾ ನಾಕ॑ಸ್ಯ ಪೃ॒ಷ್ಠೇ ಸ್ವ॒ರ್ಗೇ ಲೋ॒ಕೇ ಯಜ॑ಮಾನಂ ಚ ಸಾದಯನ್ತು ॥ ೧೨ ॥
ಸ್ವ॒ರಾಡ॒ಸ್ಯುದೀ॒ಚೀ॒ ದಿಙ್ಮ॒ರುತ॑ಸ್ತೇ ದೇ॒ವಾ ಅಧಿ॑ಪತಯ॒: ಸೋಮೋ॑ ಹೇತೀ॒ನಾಂ ಪ್ರ॑ತಿಧ॒ರ್ತೈಕ॑ವಿ॒ᳪಶಸ್ತ್ವಾ॒ ಸ್ತೋಮ॑: ಪೃಥಿ॒ವ್ಯಾᳪ ಶ್ರ॑ಯತು॒ ನಿಷ್ಕೇ॑ವಲ್ಯಮು॒ಕ್ಥಮವ್ಯ॑ಥಾಯೈ ಸ್ತಭ್ನಾತು ವೈರಾ॒ಜಁ ಸಾಮ॒ ಪ್ರತಿ॑ಷ್ಠಿತ್ಯಾ ಅ॒ನ್ತರಿ॑ಕ್ಷ॒ ಋಷ॑ಯಸ್ತ್ವಾ ಪ್ರಥಮ॒ಜಾ ದೇ॒ವೇಷು॑ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥನ್ತು ವಿಧ॒ರ್ತಾ ಚಾ॒ಯಮಧಿ॑ಪತಿಶ್ಚ॒ ತೇ ತ್ವಾ॒ ಸರ್ವೇ॑ ಸಂವಿದಾ॒ನಾ ನಾಕ॑ಸ್ಯ ಪೃ॒ಷ್ಠೇ ಸ್ವ॒ರ್ಗೇ ಲೋ॒ಕೇ ಯಜ॑ಮಾನಂ ಚ ಸಾದಯನ್ತು ॥ ೧೩ ॥
ಅಧಿ॑ಪತ್ನ್ಯಸಿ ಬೃಹ॒ತೀ ದಿಗ್ವಿಶ್ವೇ॑ ತೇ ದೇ॒ವಾ ಅಧಿ॑ಪತಯೋ॒ ಬೃಹ॒ಸ್ಪತಿ॑ರ್ಹೇತೀ॒ನಾಂ ಪ್ರ॑ತಿಧ॒ರ್ತಾ ತ್ರಿ॑ಣವತ್ರಯಸ್ತ್ರಿ॒ᳪಶೌ ತ್ವಾ॒ ಸ್ತೋಮೌ॑ ಪೃಥಿ॒ವ್ಯಾᳪ ಶ್ರ॑ಯತಾಂ ವೈಶ್ವದೇವಾಗ್ನಿಮಾರು॒ತೇ ಉ॒ಕ್ಥೇ ಅವ್ಯ॑ಥಾಯೈ ಸ್ತಭ್ನೀತಾᳪ ಶಾಕ್ವರರೈವ॒ತೇ ಸಾಮ॑ನೀ॒ ಪ್ರತಿ॑ಷ್ಠಿತ್ಯಾ ಅ॒ನ್ತರಿ॑ಕ್ಷ॒ ಋಷ॑ಯಸ್ತ್ವಾ ಪ್ರಥಮ॒ಜಾ ದೇ॒ವೇಷು॑ ದಿ॒ವೋ ಮಾತ್ರ॑ಯಾ ವರಿ॒ಮ್ಣಾ ಪ್ರ॑ಥನ್ತು ವಿಧ॒ರ್ತಾ ಚಾ॒ಯಮಧಿ॑ಪತಿಶ್ಚ॒ ತೇ ತ್ವಾ॒ ಸರ್ವೇ॑ ಸಂವಿದಾ॒ನಾ ನಾಕ॑ಸ್ಯ ಪೃ॒ಷ್ಠೇ ಸ್ವ॒ರ್ಗೇ ಲೋ॒ಕೇ ಯಜ॑ಮಾನಂ ಚ ಸಾದಯನ್ತು ॥ ೧೪ ॥
ಅ॒ಯಂ ಪು॒ರೋ ಹರಿ॑ಕೇಶ॒: ಸೂರ್ಯ॑ರಶ್ಮಿ॒ಸ್ತಸ್ಯ॑ ರಥಗೃ॒ತ್ಸಶ್ಚ॒ ರಥೌ॑ಜಾಶ್ಚ ಸೇನಾನೀಗ್ರಾಮ॒ಣ್ಯೌ॒ |
ಪು॒ಞ್ಜಿ॒ಕ॒ಸ್ಥ॒ಲಾ ಚ॑ ಕ್ರತುಸ್ಥ॒ಲಾ ಚಾ॑ಪ್ಸ॒ರಸೌ॑ ದ॒ಙ್ಕ್ಷ್ಣವ॑: ಪ॒ಶವೋ॑ ಹೇ॒ತಿಃ ಪೌ॑ರುಷೇಯೋ ವ॒ಧಃ ಪ್ರಹೇ॑ತಿ॒ಸ್ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೧೫ ॥
ಅ॒ಯಂ ದ॑ಕ್ಷಿ॒ಣಾ ವಿ॒ಶ್ವಕ॑ರ್ಮಾ॒ ತಸ್ಯ॑ ರಥಸ್ವ॒ನಶ್ಚ॒ ರಥೇ॑ಚಿತ್ರಶ್ಚ ಸೇನಾನೀಗ್ರಾಮ॒ಣ್ಯೌ॒ ।
ಮೇ॒ನ॒ಕಾ ಚ॑ ಸಹಜ॒ನ್ಯಾ ಚಾ॑ಪ್ಸ॒ರಸೌ॑ ಯಾತುಧಾ॒ನಾ ಹೇ॒ತೀ ರಕ್ಷಾ॑ᳪಸಿ॒ ಪ್ರಹೇ॑ತಿ॒ಸ್ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೧೬ ॥
ಅ॒ಯಂ ಪ॒ಶ್ಚಾದ್ವಿ॒ಶ್ವವ್ಯ॑ಚಾ॒ಸ್ತಸ್ಯ॒ ರಥ॑ಪ್ರೋ॒ತಶ್ಚಾಸ॑ಮರಥಶ್ಚ ಸೇನಾನೀಗ್ರಾಮ॒ಣ್ಯೌ॒ ।
ಪ್ರ॒ಮ್ಲೋಚ॑ನ್ತೀ ಚಾನು॒ಮ್ಲೋಚ॑ನ್ತೀ ಚಾಪ್ಸ॒ರಸೌ॑ ವ್ಯಾ॒ಘ್ರಾ ಹೇ॒ತಿಃ ಸ॒ರ್ಪಾ: ಪ್ರಹೇ॑ತಿ॒ಸ್ತೇಭ್ಯೋ॒ ನಮೋ ಅ॑ಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೧೭ ॥
ಅ॒ಯಮು॑ತ್ತ॒ರಾತ್ಸಂ॒ಯದ್ವ॑ಸು॒ಸ್ತಸ್ಯ॒ ತಾರ್ಕ್ಷ್ಯ॒ಶ್ಚಾರಿ॑ಷ್ಟನೇಮಿಶ್ಚ ಸೇನಾನೀಗ್ರಾಮ॒ಣ್ಯೌ॒ ।
ವಿ॒ಶ್ವಾಚೀ॑ ಚ ಘೃ॒ತಾಚೀ॑ ಚಾಪ್ಸ॒ರಸಾ॒ವಾಪೋ॑ ಹೇ॒ತಿರ್ವಾತ॒: ಪ್ರಹೇ॑ತಿ॒ಸ್ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೧೮ ॥
ಅ॒ಯಮು॒ಪರ್ಯ॒ರ್ವಾಗ್ವ॑ಸು॒ಸ್ತಸ್ಯ॑ ಸೇನ॒ಜಿಚ್ಚ॑ ಸು॒ಷೇಣ॑ಶ್ಚ ಸೇನಾನೀಗ್ರಾಮ॒ಣ್ಯೌ॒ ।
ಉ॒ರ್ವಶೀ॑ ಚ ಪೂ॒ರ್ವಚಿ॑ತ್ತಿಶ್ಚಾಪ್ಸ॒ರಸಾ॑ವಬ॒ಸ್ಫೂರ್ಜ॑ನ್ ಹೇ॒ತಿರ್ವಿ॒ದ್ಯುತ್ಪ್ರಹೇ॑ತಿ॒ಸ್ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೧೯ ॥
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿ॑: ಪೃಥಿ॒ವ್ಯಾ ಅ॒ಯಮ್ ।
ಅ॒ಪಾᳪ ರೇತಾ॑ᳪಸಿ ಜಿನ್ವತಿ ॥ ೨೦ ॥
ಅ॒ಯಮ॒ಗ್ನಿಃ ಸ॑ಹ॒ಸ್ರಿಣೋ॒ ವಾಜ॑ಸ್ಯ ಶ॒ತಿನ॒ಸ್ಪತಿ॑: । ಮೂ॒ರ್ಧಾ ಕ॒ವೀ ರ॑ಯೀ॒ಣಾಮ್ ॥ ೨೧ ॥
ತ್ವಾಮ॑ಗ್ನೇ॒ ಪುಷ್ಕ॑ರಾ॒ದಧ್ಯಥ॑ರ್ವಾ॒ ನಿರ॑ಮನ್ಥತ । ಮೂ॒ರ್ಧ್ನೋ ವಿಶ್ವ॑ಸ್ಯ ವಾ॒ಘತ॑: ॥ ೨೨ ॥
ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ॑ ನಿ॒ಯುದ್ಭಿ॒: ಸಚ॑ಸೇ ಶಿ॒ವಾಭಿ॑: ।
ದಿ॒ವಿ ಮೂ॒ರ್ಧಾನಂ॑ ದಧಿಷೇ ಸ್ವ॒ರ್ಷಾಂ ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ॑ಮ್ ॥ ೨೩ ॥
ಅಬೋ॑ಧ್ಯ॒ಗ್ನಿಃ ಸ॒ಮಿಧಾ॒ ಜನಾ॑ನಾಂ॒ ಪ್ರತಿ॑ ಧೇ॒ನುಮಿ॑ವಾಯ॒ತೀಮು॒ಷಾಸ॑ಮ್ ।
ಯ॒ಹ್ವಾ ಇವ॒ ಪ್ರ ವ॒ಯಾಮು॒ಜ್ಜಿಹಾ॑ನಾ॒: ಪ್ರ ಭಾ॒ನವ॑: ಸಿಸ್ರತೇ॒ ನಾಕ॒ಮಚ್ಛ॑ ॥ ೨೪ ॥
ಅವೋ॑ಚಾಮ ಕ॒ವಯೇ॒ ಮೇಧ್ಯಾ॑ಯ॒ ವಚೋ॑ ವ॒ನ್ದಾರು॑ ವೃಷ॒ಭಾಯ॒ ವೃಷ್ಣೇ॑ ।
ಗವಿ॑ಷ್ಠಿರೋ॒ ನಮ॑ಸಾ॒ ಸ್ತೋಮ॑ಮ॒ಗ್ನೌ ದಿ॒ವೀ॒ವ ರು॒ಕ್ಮಮು॑ರು॒ವ್ಯಞ್ಚ॑ಮಶ್ರೇತ್ ॥ ೨೫ ॥
ಅ॒ಯಮಿ॒ಹ ಪ್ರ॑ಥ॒ಮೋ ಧಾ॑ಯಿ ಧಾ॒ತೃಭಿ॒ರ್ಹೋತಾ॒ ಯಜಿ॑ಷ್ಠೋ ಅಧ್ವ॒ರೇಷ್ವೀಡ್ಯ॑: ।
ಯಮಪ್ನ॑ವಾನೋ॒ ಭೃಗ॑ವೋ ವಿರುರು॒ಚುರ್ವನೇ॑ಷು ಚಿ॒ತ್ರಂ ವಿ॒ಭ್ವಂ॒ ವಿ॒ಶೇ-ವಿ॑ಶೇ ॥ ೨೬ ॥
ಜನ॑ಸ್ಯ ಗೋ॒ಪಾ ಅ॑ಜನಿಷ್ಟ॒ ಜಾಗೃ॑ವಿರ॒ಗ್ನಿಃ ಸು॒ದಕ್ಷ॑: ಸುವಿ॒ತಾಯ॒ ನವ್ಯ॑ಸೇ ।
ಘೃ॒ತಪ್ರ॑ತೀಕೋ ಬೃಹ॒ತಾ ದಿ॑ವಿ॒ಸ್ಪೃಶಾ॑ ದ್ಯು॒ಮದ್ವಿ ಭಾ॑ತಿ ಭರ॒ತೇಭ್ಯ॒: ಶುಚಿ॑: ॥ ೨೭ ॥
ತ್ವಾಮ॑ಗ್ನೇ॒ ಅಙ್ಗಿ॑ರಸೋ॒ ಗುಹಾ॑ ಹಿ॒ತಮನ್ವ॑ವಿನ್ದಞ್ಛಿಶ್ರಿಯಾ॒ಣಂ ವನೇ॑ – ವನೇ ।
ಸ ಜಾ॑ಯಸೇ ಮ॒ಥ್ಯಮಾ॑ನ॒: ಸಹೋ॑ ಮ॒ಹತ್ತ್ವಾಮಾ॑ಹು॒: ಸಹ॑ಸಸ್ಪು॒ತ್ರಮ॑ಙ್ಗಿರಃ ॥೨೮ ॥
ಸಖಾ॑ಯ॒: ಸಂ ವ॑: ಸ॒ಮ್ಯಞ್ಚ॒ಮಿಷ॒ᳪ ಸ್ತೋಮಂ॑ ಚಾ॒ಗ್ನಯೇ॑ ।
ವರ್ಷಿ॑ಷ್ಠಾಯ ಕ್ಷಿತೀ॒ನಾಮೂ॒ರ್ಜೋ ನಪ್ತ್ರೇ॒ ಸಹ॑ಸ್ವತೇ ॥ ೨೯ ॥
ಸᳪಸ॒ಮಿದ್ಯು॑ವಸೇ ವೃಷ॒ನ್ನಗ್ನೇ॒ ವಿಶ್ವಾ॑ನ್ಯ॒ರ್ಯ ಆ । ಇ॒ಡಸ್ಪ॒ದೇ ಸಮಿ॑ಧ್ಯಸೇ॒ ಸ ನೋ॒ ವಸೂ॒ನ್ಯಾ ಭ॑ರ ॥ ೩೦ ॥
ತ್ವಾಂ ಚಿ॑ತ್ರಶ್ರವಸ್ತಮ॒ ಹವ॑ನ್ತೇ ವಿ॒ಕ್ಷು ಜ॒ನ್ತವ॑: । ಶೋ॒ಚಿಷ್ಕೇ॑ಶಂ ಪುರುಪ್ರಿ॒ಯಾಗ್ನೇ॑ ಹ॒ವ್ಯಾಯ॒ ವೋಢ॑ವೇ ॥ ೩೧ ॥
ಏ॒ನಾ ವೋ॑ ಅ॒ಗ್ನಿಂ ನಮ॑ಸೋ॒ರ್ಜೋ ನಪಾ॑ತ॒ಮಾ ಹು॑ವೇ । ಪ್ರಿ॒ಯಂ ಚೇತಿ॑ಷ್ಠಮರ॒ತಿᳪ ಸ್ವ॑ಧ್ವ॒ರಂ ವಿಶ್ವ॑ಸ್ಯ ದೂ॒ತಮ॒ಮೃತ॑ಮ್ ॥ ೩೨ ॥
ವಿಶ್ವ॑ಸ್ಯ ದೂ॒ತಮ॒ಮೃತಂ॒ ವಿಶ್ವ॑ಸ್ಯ ದೂ॒ತಮ॒ಮೃತ॑ಮ್ । ಸ ಯೋ॑ಜತೇ ಅರು॒ಷಾ ವಿ॒ಶ್ವಭೋ॑ಜಸಾ॒ ಸ ದು॑ದ್ರವ॒ತ್ಸ್ವಾ॑ಹುತಃ ॥ ೩೩ ॥
ಸ ದು॑ದ್ರವ॒ತ್ಸ್ವಾ॒ಹುತ॒: ಸ ದು॑ದ್ರವ॒ತ್ಸ್ವಾ॒ಹುತಃ । ಸು॒ಬ್ರಹ್ಮಾ॑ ಯ॒ಜ್ಞಃ ಸು॒ಶಮೀ॒ ವಸೂ॑ನಾಂ ದೇ॒ವᳪ ರಾಧೋ॒ ಜನಾ॑ನಾಮ್ ॥ ೩೪ ॥
ಅಗ್ನೇ॒ ವಾಜ॑ಸ್ಯ॒ ಗೋಮ॑ತ॒ ಈಶಾ॑ನಃ ಸಹಸೋ ಯಹೋ । ಅ॒ಸ್ಮೇ ಧೇ॑ಹಿ ಜಾತವೇದೋ॒ ಮಹಿ॒ ಶ್ರವ॑: ॥ ೩೫ ॥
ಸ ಇ॑ಧಾ॒ನೋ ವಸು॑ಷ್ಕ॒ವಿರ॒ಗ್ನಿರೀ॒ಡೇನ್ಯೋ॑ ಗಿ॒ರಾ । ರೇ॒ವದ॒ಸ್ಮಭ್ಯಂ॑ ಪುರ್ವಣೀಕ ದೀದಿಹಿ ॥ ೩೬ ॥
ಕ್ಷ॒ಪೋ ರಾ॑ಜನ್ನು॒ತ ತ್ಮನಾಗ್ನೇ॒ ವಸ್ತೋ॑ರು॒ತೋಷಸ॑: । ಸ ತಿ॑ಗ್ಮಜಮ್ಭ ರ॒ಕ್ಷಸೋ॑ ದಹ॒ ಪ್ರತಿ॑ ॥ ೩೭ ॥
ಭ॒ದ್ರೋ ನೋ॑ ಅ॒ಗ್ನಿರಾಹು॑ತೋ ಭ॒ದ್ರಾ ರಾ॒ತಿಃ ಸು॑ಭಗ ಭ॒ದ್ರೋ ಅ॑ಧ್ವ॒ರಃ । ಭ॒ದ್ರಾ ಉ॒ತ ಪ್ರಶ॑ಸ್ತಯಃ ॥ ೩೮ ॥
ಭ॒ದ್ರಾ ಉ॒ತ ಪ್ರಶ॑ಸ್ತಯೋ ಭ॒ದ್ರಂ ಮನ॑: ಕೃಣುಷ್ವ ವೃತ್ರ॒ತೂರ್ಯೇ॑ । ಯೇನಾ॑ ಸ॒ಮತ್ಸು॑ ಸಾ॒ಸಹ॑: ॥ ೩೯ ॥
ಯೇನಾ॑ ಸ॒ಮತ್ಸು॑ ಸಾ॒ಸಹೋಽವ॑ ಸ್ಥಿ॒ರಾ ತ॑ನುಹಿ॒ ಭೂರಿ॒ ಶರ್ಧ॑ತಾಮ್ । ವ॒ನೇಮಾ॑ ತೇ ಅ॒ಭಿಷ್ಟಿ॑ಭಿಃ ॥ ೪೦ ॥
ಅ॒ಗ್ನಿಂ ತಂ ಮ॑ನ್ಯೇ॒ ಯೋ ವಸು॒ರಸ್ತಂ॒ ಯಂ ಯನ್ತಿ॑ ಧೇ॒ನವ॑: ।
ಅಸ್ತ॒ಮರ್ವ॑ನ್ತ ಆ॒ಶವೋಽಸ್ತಂ॒ ನಿತ್ಯಾ॑ಸೋ ವಾ॒ಜಿನ॒ ಇಷ॑ᳪ ಸ್ತೋ॒ತೃಭ್ಯ॒ ಆ ಭ॑ರ ॥ ೪೧ ॥
ಸೋ ಅ॒ಗ್ನಿರ್ಯೋ ವಸು॑ರ್ಗೃ॒ಣೇ ಸಂ ಯಮಾ॒ಯನ್ತಿ॑ ಧೇ॒ನವ॑: ।
ಸಮರ್ವ॑ನ್ತೋ ರಘು॒ದ್ರುವ॒: ಸᳪ ಸು॑ಜಾ॒ತಾಸ॑: ಸೂ॒ರಯ॒ ಇಷ॑ᳪ ಸ್ತೋ॒ತೃಭ್ಯ॒ ಆ ಭ॑ರ ॥ ೪೨ ॥
ಉ॒ಭೇ ಸು॑ಶ್ಚನ್ದ್ರ ಸ॒ರ್ಪಿಷೋ॒ ದರ್ವೀ॑ ಶ್ರೀಣೀಷ ಆ॒ಸನಿ॑ ।
ಉ॒ತೋ ನ॒ ಉತ್ಪು॑ಪೂರ್ಯಾ ಉ॒ಕ್ಥೇಷು॑ ಶವಸಸ್ಪತ॒ ಇಷ॑ᳪ ಸ್ತೋ॒ತೃಭ್ಯ॒ ಆ ಭ॑ರ ॥ ೪೩ ॥
ಅಗ್ನೇ॒ ತಮ॒ದ್ಯಾಶ್ವಂ॒ ನ ಸ್ತೋಮೈ॒: ಕ್ರತುಂ॒ ನ ಭ॒ದ್ರᳪ ಹೃ॑ದಿ॒ಸ್ಪೃಶ॑ಮ್ । ಋ॒ಧ್ಯಾಮಾ॑ ತ॒ ಓಹೈ॑: ॥ ೪೪ ॥
ಅಧಾ॒ ಹ್ಯ॒ಗ್ನೇ॒ ಕ್ರತೋ॑ರ್ಭ॒ದ್ರಸ್ಯ॒ ದಕ್ಷ॑ಸ್ಯ ಸಾ॒ಧೋಃ । ರ॒ಥೀರೃ॒ತಸ್ಯ॑ ಬೃಹ॒ತೋ ಬ॒ಭೂಥ॑ ॥ ೪೫ ॥
ಏ॒ಭಿರ್ನೋ॑ ಅರ್ಕೈ॒ರ್ಭವಾ॑ ನೋ ಅ॒ರ್ವಾಙ್ ಸ್ವ॒ರ್ಣ ಜ್ಯೋತಿ॑: । ಅಗ್ನೇ॒ ವಿಶ್ವೇ॑ಭಿಃ ಸು॒ಮನಾ॒ ಅನೀ॑ಕೈಃ ॥ ೪೬ ॥
ಅ॒ಗ್ನಿᳪ ಹೋತಾ॑ರಂ ಮನ್ಯೇ॒ ದಾಸ್ವ॑ನ್ತಂ॒ ವಸು॑ᳪ ಸೂ॒ನುᳪ ಸಹ॑ಸೋ ಜಾ॒ತವೇ॑ದಸಂ॒ ವಿಪ್ರಂ॒ ನ ಜಾ॒ತವೇ॑ದಸಮ್ ।
ಯ ಊ॒ರ್ಧ್ವಯಾ॑ ಸ್ವಧ್ವ॒ರೋ ದೇ॒ವೋ ದೇ॒ವಾಚ್ಯಾ॑ ಕೃ॒ಪಾ । ಘೃ॒ತಸ್ಯ॒ ವಿಭ್ರಾ॑ಷ್ಟಿ॒ಮನು॑ ವಷ್ಟಿ ಶೋ॒ಚಿಷಾ॒ಽಽಜುಹ್ವಾ॑ನಸ್ಯ ಸ॒ರ್ಪಿಷ॑: ॥ ೪೭ ॥
ಅಗ್ನೇ॒ ತ್ವಂ ನೋ॒ ಅನ್ತ॑ಮ ಉ॒ತ ತ್ರಾ॒ತಾ ಶಿ॒ವೋ ಭ॑ವ ವರೂ॒ಥ್ಯ॒: ।
ವಸು॑ರ॒ಗ್ನಿರ್ವಸು॑ಶ್ರವಾ॒ ಅಚ್ಛಾ॑ ನಕ್ಷಿ ದ್ಯು॒ಮತ್ತ॑ಮᳪ ರ॒ಯಿಂ ದಾ॑: ।
ತಂ ತ್ವಾ॑ ಶೋಚಿಷ್ಠ ದೀದಿವಃ ಸು॒ಮ್ನಾಯ॑ ನೂ॒ನಮೀ॑ಮಹೇ॒ ಸಖಿ॑ಭ್ಯಃ ॥ ೪೮ ॥
ಯೇನ॒ ಋಷ॑ಯ॒ಸ್ತಪ॑ಸಾ ಸ॒ತ್ರಮಾಯ॒ನ್ನಿನ್ಧಾ॑ನಾ ಅ॒ಗ್ನಿᳪ ಸ್ವ॑ರಾ॒ಭರ॑ನ್ತಃ ।
ತಸ್ಮಿ॑ನ್ನ॒ಹಂ ನಿ ದ॑ಧೇ॒ ನಾಕೇ॑ ಅ॒ಗ್ನಿಂ ಯಮಾ॒ಹುರ್ಮನ॑ವ ಸ್ತೀ॒ರ್ಣಬ॑ರ್ಹಿಷಮ್ ॥ ೪೯ ॥
ತಂ ಪತ್ನೀ॑ಭಿ॒ರನು॑ ಗಚ್ಛೇಮ ದೇವಾಃ ಪು॒ತ್ರೈರ್ಭ್ರಾತೃ॑ಭಿರು॒ತ ವಾ॒ ಹಿರ॑ಣ್ಯೈಃ ।
ನಾಕಂ॑ ಗೃಭ್ಣಾ॒ನಾಃ ಸು॑ಕೃ॒ತಸ್ಯ॑ ಲೋ॒ಕೇ ತೃ॒ತೀಯೇ॑ ಪೃ॒ಷ್ಠೇ ಅಧಿ॑ ರೋಚ॒ನೇ ದಿ॒ವಃ ॥ ೫೦।
ಆ ವಾ॒ಚೋ ಮಧ್ಯ॑ಮರುಹದ್ಭುರ॒ಣ್ಯುರ॒ಯಮ॒ಗ್ನಿಃ ಸತ್ಪ॑ತಿ॒ಶ್ಚೇಕಿ॑ತಾನಃ ।
ಪೃ॒ಷ್ಠೇ ಪೃ॑ಥಿ॒ವ್ಯಾ ನಿಹಿ॑ತೋ॒ ದವಿ॑ದ್ಯುತದ॒ಧಸ್ಪ॒ದಂ ಕೃ॑ಣುತಾಂ॒ ಯೇ ಪೃ॑ತ॒ನ್ಯವ॑: ॥ ೫೧ ॥
ಅ॒ಯಮ॒ಗ್ನಿರ್ವೀ॒ರತ॑ಮೋ ವಯೋ॒ಧಾಃ ಸ॑ಹ॒ಸ್ರಿಯೋ॑ ದ್ಯೋತತಾ॒ಮಪ್ರ॑ಯುಚ್ಛನ್ ।
ವಿ॒ಭ್ರಾಜ॑ಮಾನಃ ಸರಿ॒ರಸ್ಯ॒ ಮಧ್ಯ॒ ಉಪ॒ ಪ್ರ ಯಾ॑ಹಿ ದಿ॒ವ್ಯಾನಿ॒ ಧಾಮ॑ ॥ ೫೨ ॥
ಸ॒ಮ್ಪ್ರಚ್ಯ॑ವಧ್ವ॒ಮುಪ॑ ಸ॒ಮ್ಪ್ರಯಾ॒ತಾಗ್ನೇ॑ ಪ॒ಥೋ ದೇ॑ವ॒ಯಾನಾ॑ನ್ ಕೃಣುಧ್ವಮ್ ।
ಪುನ॑: ಕೃಣ್ವಾ॒ನಾ ಪಿ॒ತರಾ॒ ಯುವಾ॑ನಾ॒ಽನ್ವಾತಾ॑ᳪಸೀ॒ತ್ ತ್ವಯಿ॒ ತನ್ತು॑ಮೇ॒ತಮ್ ॥ ೫೩ ॥
ಉದ್ಬು॑ಧ್ಯಸ್ವಾಗ್ನೇ॒ ಪ್ರತಿ॑ ಜಾಗೃಹಿ॒ ತ್ವಮಿ॑ಷ್ಟಾಪೂ॒ರ್ತೇ ಸᳪ ಸೃ॑ಜೇಥಾಮ॒ಯಂ ಚ॑ ।
ಅ॒ಸ್ಮಿನ್ತ್ಸ॒ಧಸ್ಥೇ॒ ಅಧ್ಯುತ್ತ॑ರಸ್ಮಿ॒ನ್ ವಿಸ್ವೇ॑ ದೇವಾ॒ ಯಜ॑ಮಾನಾಶ್ಚ ಸೀದತ ॥ ೫೪ ॥
ಯೇನ॒ ವಹ॑ಸಿ ಸ॒ಹಸ್ರಂ॒ ಯೇನಾ॑ಗ್ನೇ ಸರ್ವವೇದ॒ಸಮ್ ।
ತೇನೇ॒ಮಂ ಯ॒ಜ್ಞಂ ನೋ॑ ನಯ॒ ಸ್ವ॒ರ್ದೇ॒ವೇಷು॒ ಗನ್ತ॑ವೇ ॥ ೫೫ ॥
ಅ॒ಯಂ ತೇ॒ ಯೋನಿ॑ರೃ॒ತ್ವಿಯೋ॒ ಯತೋ॑ ಜಾ॒ತೋ ಅರೋ॑ಚಥಾ । ತಂ ಜಾ॒ನನ್ನ॑ಗ್ನ ಆ ರೋ॒ಹಾಥಾ॑ ನೋ ವರ್ಧಯಾ ರ॒ಯಿಮ್ ॥ ೫೬ ॥
ತಪ॑ಶ್ಚ ತಪ॒ಸ್ಯ॒ಶ್ಚ ಶೈಶಿ॒ರಾವೃ॒ತೂ ಅ॒ಗ್ನೇರ॑ನ್ತಃ ಶ್ಲೇ॒ಷೋ॒ಽಸಿ॒ ಕಲ್ಪೇ॑ತಾಂ॒ ದ್ಯಾವಾ॑ಪೃಥಿ॒ವೀ ಕಲ್ಪ॑ನ್ತಾ॒ಮಾಪ॒ ಓಷ॑ಧಯ॒: ಕಲ್ಪ॑ನ್ತಾಮ॒ಗ್ನಯ॒: ಪೃಥ॒ಙ್ಮಮ॒ ಜ್ಯೈಷ್ಠ್ಯಾ॑ಯ॒ ಸವ್ರ॑ತಾಃ। ಯೇ ಅ॒ಗ್ನಯ॒: ಸಮ॑ನಸೋಽನ್ತ॒ರಾ ದ್ಯಾವಾ॑ಪೃಥಿ॒ವೀ ಇ॒ಮೇ|
ಶೈ॒ಶಿ॒ರಾವೃ॒ತೂ ಅ॑ಭಿ॒ಕಲ್ಪ॑ಮಾನಾ॒ ಇನ್ದ್ರ॑ಮಿವ ದೇ॒ವಾ ಅ॑ಭಿ॒ಸಂವಿ॑ಶನ್ತು॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ಧ್ರು॒ವೇ ಸೀ॑ದತಮ್ ॥ ೫೭ ॥
ಪ॒ರ॒ಮೇ॒ಷ್ಠೀ ತ್ವಾ॑ ಸಾದಯತು ದಿ॒ವಸ್ಪೃ॒ಷ್ಠೇ ಜ್ಯೋತಿ॑ಷ್ಮತೀಮ್ । ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯ॒ ವಿಶ್ವಂ॒ ಜ್ಯೋತಿ॑ರ್ಯಚ್ಛ ।
ಸೂರ್ಯ॒ಸ್ತೇಽಧಿ॑ಪತಿ॒ಸ್ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವಾ ಸೀ॑ದ ॥ ೫೮ ॥
ಲೋ॒ಕಂ ಪೃ॑ಣ ಛಿ॒ದ್ರಂ ಪೃ॒ಣಾಥೋ॑ ಸೀದ ಧ್ರು॒ವಾ ತ್ವಮ್ । ಇ॒ನ್ದ್ರಾ॒ಗ್ನೀ ತ್ವಾ॒ ಬೃಹ॒ಸ್ಪತಿ॑ರ॒ಸ್ಮಿನ್ಯೋನಾ॑ವಸೀಷದನ್ ॥ ೫೯ ॥
ತಾ ಅ॑ಸ್ಯ॒ ಸೂದ॑ದೋಹಸ॒: ಸೋಮ॑ᳪ ಶ್ರೀಣನ್ತಿ॒ ಪೃಶ್ನ॑ಯಃ । ಜನ್ಮ॑ನ್ದೇ॒ವಾನಾಂ॒ ವಿಶ॑ಸ್ತ್ರಿ॒ಷ್ವಾ ರೋ॑ಚ॒ನೇ ದಿ॒ವಃ ॥ ೬೦ ॥
ಇನ್ದ್ರಂ॒ ವಿಶ್ವಾ॑ ಅವೀವೃಧನ್ತ್ಸಮು॒ದ್ರವ್ಯ॑ಚಸಂ॒ ಗಿರ॑: । ರ॒ಥೀತ॑ಮᳪ ರ॒ಥೀನಾಂ॒ ವಾಜಾ॑ನಾ॒ᳪ ಸತ್ಪ॑ತಿಂ॒ ಪತಿ॑ಮ್ ॥ ೬೧ ॥
ಪ್ರೋಥ॒ದಶ್ವೋ॒ ನ ಯವ॑ಸೇಽವಿ॒ಷ್ಯನ್ಯ॒ದಾ ಮ॒ಹಃ ಸಂ॒ವರ॑ಣಾ॒ದ್ವಯಸ್ಥಾ॑ತ್ ।
ಆದ॑ಸ್ಯ॒ ವಾತೋ॒ ಅನು॑ವಾತಿ ಶೋ॒ಚಿರಧ॑ ಸ್ಮ ತೇ॒ ವ್ರಜ॑ನಂ ಕೃ॒ಷ್ಣಮ॑ಸ್ತಿ ॥ ೬೨ ॥
ಆ॒ಯೋಷ್ಟ್ವಾ॒ ಸದ॑ನೇ ಸಾದಯಾ॒ಮ್ಯವ॑ತಶ್ಛಾ॒ಯಾಯಾ॑ᳪ ಸಮು॒ದ್ರಸ್ಯ॒ ಹೃದ॑ಯೇ ।
ರ॒ಶ್ಮೀ॒ವತೀಂ॒ ಭಾಸ್ವ॑ತೀ॒ಮಾ ಯಾ ದ್ಯಾಂ ಭಾಸ್ಯಾಪೃ॑ಥಿ॒ವೀಮೋರ್ವ॒ನ್ತರಿ॑ಕ್ಷಮ್ ॥ ೬೩ ॥
ಪ॒ರ॒ಮೇ॒ಷ್ಠೀ ತ್ವಾ॑ ಸಾದಯತು ದಿ॒ವಸ್ಪೃ॒ಷ್ಠೇ ವ್ಯಚ॑ಸ್ವತೀಂ॒ ಪ್ರಥ॑ಸ್ವತೀಂ॒ ದಿವಂ॑ ಯಚ್ಛ॒ ದಿವಂ॑ ದೃᳪಹ॒ ದಿವಂ॒ ಮಾ ಹಿ॑ᳪಸೀಃ ।
ವಿಶ್ವ॑ಸ್ಮೈ ಪ್ರಾ॒ಣಾಯಾ॑ಪಾ॒ನಾಯ॑ ವ್ಯಾ॒ನಾಯೋ॑ದಾ॒ನಾಯ॑ ಪ್ರತಿ॒ಷ್ಠಾಯೈ॑ ಚ॒ರಿತ್ರಾ॑ಯ ।
ಸೂರ್ಯ॑ಸ್ತ್ವಾ॒ಽಭಿ ಪಾ॑ತು ಮ॒ಹ್ಯಾ ಸ್ವ॒ಸ್ತ್ಯಾ ಛ॒ರ್ದಿಷಾ॒ ಶನ್ತ॑ಮೇನ॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವೇ ಸೀ॑ದತಮ್ ॥ ೬೪ ॥
ಸ॒ಹಸ್ರ॑ಸ್ಯ ಪ್ರ॒ಮಾಽಸಿ॑ ಸ॒ಹಸ್ರ॑ಸ್ಯ ಪ್ರತಿ॒ಮಾಽಸಿ॑ ಸ॒ಹಸ್ರ॑ಸ್ಯೋ॒ನ್ಮಾಽಸಿ॑ ಸಾಹ॒ಸ್ರೋ॒ಽಸಿ ಸ॒ಹಸ್ರಾ॑ಯ ತ್ವಾ ॥ ೬೫ ॥
ಅಧ್ಯಾಯ ೧೬
ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋ ತ॒ ಇಷ॑ವೇ॒ ನಮ॑: । ಬಾ॒ಹುಭ್ಯಾ॑ಮು॒ತ ತೇ॒ ನಮ॑: ॥ ೧ ॥
ಯಾ ತೇ॑ ರುದ್ರ ಶಿ॒ವಾ ತ॒ನೂರಘೋ॒ರಾಽಪಾ॑ಪಕಾಶಿನೀ । ತಯಾ॑ ನಸ್ತ॒ನ್ವಾ ಶನ್ತ॑ಮಯಾ॒ ಗಿರಿ॑ಶನ್ತಾ॒ಭಿ ಚಾ॑ಕಶೀಹಿ ॥ ೨ ॥
ಯಾಮಿಷುಂ॑ ಗಿರಿಶನ್ತ॒ ಹಸ್ತೇ॑ ಬಿ॒ಭರ್ಷ್ಯಸ್ತ॑ವೇ । ಶಿ॒ವಾಂ ಗಿ॑ರಿತ್ರ॒ ತಾಂ ಕು॑ರು॒ ಮಾ ಹಿ॑ᳪಸೀ॒: ಪುರು॑ಷಂ॒ ಜಗ॑ತ್ ॥ ೩ ॥
ಶಿ॒ವೇನ॒ ವಚ॑ಸಾ ತ್ವಾ ಗಿರಿ॒ಶಾಚ್ಛಾ॑ ವದಾಮಸಿ । ಯಥಾ॑ ನ॒: ಸರ್ವ॒ಮಿಜ್ಜಗ॑ದಯ॒ಕ್ಷ್ಮᳪ ಸು॒ಮನಾ॒ ಅಸ॑ತ್ ॥ ೪ ॥
ಅಧ್ಯ॑ವೋಚದಧಿವ॒ಕ್ತಾ ಪ್ರ॑ಥ॒ಮೋ ದೈವ್ಯೋ॑ ಭಿ॒ಷಕ್ ।
ಅಹೀಁ॑ಶ್ಚ॒ ಸರ್ವಾ॑ಞ್ಜ॒ಮ್ಭಯ॒ನ್ತ್ಸರ್ವಾ॑ಶ್ಚ ಯಾತುಧಾ॒ನ್ಯೋ॒ಽಧ॒ರಾಚೀ॒: ಪರಾ॑ ಸುವ ॥ ೫ ॥
ಅಸೌ॒ ಯಸ್ತಾ॒ಮ್ರೋ ಅ॑ರು॒ಣ ಉ॒ತ ಬ॒ಭ್ರುಃ ಸು॑ಮ॒ಙ್ಗಲ॑: ।
ಯೇ ಚೈ॑ನᳪ ರು॒ದ್ರಾ ಅ॒ಭಿತೋ॑ ದಿ॒ಕ್ಷು ಶ್ರಿ॒ತಾಃ ಸ॑ಹಸ್ರ॒ಶೋಽವೈ॑ಷಾ॒ᳪ ಹೇಡ॑ ಈಮಹೇ ॥ ೬ ॥
ಅಸೌ॒ ಯೋ॑ಽವ॒ಸರ್ಪ॑ತಿ॒ ನೀಲ॑ಗ್ರೀವೋ॒ ವಿಲೋ॑ಹಿತಃ । ಉ॒ತೈನಂ॑ ಗೋ॒ಪಾ ಅ॑ದೃಶ್ರ॒ನ್ನದೃ॑ಶ್ರನ್ನುದಹಾ॒ರ್ಯಃ ಸ ದೃ॒ಷ್ಟೋ ಮೃ॑ಡಯಾತಿ ನಃ ॥ ೭ ॥
ನಮೋ॑ಽಸ್ತು॒ ನೀಲ॑ಗ್ರೀವಾಯ ಸಹಸ್ರಾ॒ಕ್ಷಾಯ॑ ಮೀ॒ಢುಷೇ॑ । ಅಥೋ॒ ಯೇ ಅ॑ಸ್ಯ॒ ಸತ್ವಾ॑ನೋ॒ಽಹಂ ತೇಭ್ಯೋ॑ಽಕರಂ॒ ನಮ॑: ॥ ೮ ॥
ಪ್ರಮು॑ಞ್ಚ॒ ಧನ್ವ॑ನ॒ಸ್ತ್ವಮು॒ಭಯೋ॒ರಾರ್ತ್ನ್ಯೋ॒ರ್ಜ್ಯಾಮ್ । ಯಾಶ್ಚ॑ ತೇ॒ ಹಸ್ತ॒ ಇಷ॑ವ॒: ಪರಾ॒ ತಾ ಭ॑ಗವೋ ವಪ ॥ ೯ ॥
ವಿಜ್ಯಂ॒ ಧನು॑: ಕಪ॒ರ್ದಿನೋ॒ ವಿಶ॑ಲ್ಯೋ॒ ವಾಣ॑ವಾಁ೨ ಉ॒ತ । ಅನೇ॑ಶನ್ನಸ್ಯ॒ ಯಾ ಇಷ॑ವ ಆ॒ಭುರ॑ಸ್ಯ ನಿಷಙ್ಗ॒ಧಿಃ ॥ ೧೦॥
ಯಾ ತೇ॑ ಹೇ॒ತಿರ್ಮೀ॑ಢುಷ್ಟಮ॒ ಹಸ್ತೇ॑ ಬ॒ಭೂವ॑ ತೇ॒ ಧನು॑: । ತಯಾ॒ಽಸ್ಮಾನ್ವಿ॒ಶ್ವತ॒ಸ್ತ್ವಮ॑ಯ॒ಕ್ಷ್ಮಯಾ॒ ಪರಿ॑ ಭುಜ ॥ ೧೧ ॥
ಪರಿ॑ ತೇ॒ ಧನ್ವ॑ನೋ ಹೇ॒ತಿರ॒ಸ್ಮಾನ್ವೃ॑ಣಕ್ತು ವಿ॒ಶ್ವತ॑: । ಅಥೋ॒ ಯ ಇ॑ಷು॒ಧಿಸ್ತವಾ॒ರೇ ಅ॒ಸ್ಮನ್ನಿ ಧೇ॑ಹಿ॒ ತಮ್ ॥ ೧೨ ॥
ಅ॒ವ॒ತತ್ಯ॒ ಧನು॒ಷ್ಟ್ವᳪ ಸಹ॑ಸ್ರಾಕ್ಷ॒ ಶತೇ॑ಷುಧೇ । ನಿ॒ಶೀರ್ಯ॑ ಶ॒ಲ್ಯಾನಾಂ॒ ಮುಖಾ॑ ಶಿ॒ವೋ ನ॑: ಸು॒ಮನಾ॑ ಭವ ॥ ೧೩ ॥
ನಮ॑ಸ್ತ॒ ಆಯು॑ಧಾ॒ಯಾನಾ॑ತತಾಯ ಧೃ॒ಷ್ಣವೇ॑ । ಉ॒ಭಾಭ್ಯಾ॑ಮು॒ತ ತೇ॒ ನಮೋ॑ ಬಾ॒ಹುಭ್ಯಾಂ॒ ತವ॒ ಧನ್ವ॑ನೇ ॥ ೧೪ ॥
ಮಾ ನೋ॑ ಮ॒ಹಾನ್ತ॑ಮು॒ತ ಮಾ ನೋ॑ ಅರ್ಭ॒ಕಂ ಮಾ ನ॒ ಉಕ್ಷ॑ನ್ತಮು॒ತ ಮಾ ನ॑ ಉಕ್ಷಿ॒ತಮ್ ।
ಮಾ ನೋ॑ ವಧೀಃ ಪಿ॒ತರಂ॒ ಮೋತ ಮಾ॒ತರಂ॒ ಮಾ ನ॑: ಪ್ರಿ॒ಯಾಸ್ತ॒ನ್ವೋ॒ ರುದ್ರ ರೀರಿಷಃ ॥ ೧೫ ॥
ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ ।
ಮಾ ನೋ॑ ವೀ॒ರಾನ್ ರು॑ದ್ರ ಭಾ॒ಮಿನೋ॑ ವಧೀರ್ಹ॒ವಿಷ್ಮ॑ನ್ತ॒: ಸದ॒ಮಿತ್ ತ್ವಾ॑ ಹವಾಮಹೇ ॥ ೧೬ ॥
ನಮೋ॒ ಹಿರ॑ಣ್ಯಬಾಹವೇ ಸೇನಾ॒ನ್ಯೇ॒ ದಿ॒ಶಾಂ ಚ॒ ಪತ॑ಯೇ॒ ನಮೋ॒ ನಮೋ॑ ವೃ॒ಕ್ಷೇಭ್ಯೋ॒ ಹರಿ॑ಕೇಶೇಭ್ಯಃ ಪಶೂ॒ನಾಂ ಪತ॑ಯೇ॒ ನಮೋ॒ ನಮ॑: ಶ॒ಷ್ಪಿಞ್ಜ॑ರಾಯ॒ ತ್ವಿಷೀ॑ಮತೇ ಪಥೀ॒ನಾಂ ಪತ॑ಯೇ॒ ನಮೋ॒ ನಮೋ॒ ಹರಿ॑ಕೇಶಾಯೋಪವೀ॒ತಿನೇ॑ ಪು॒ಷ್ಟಾನಾಂ॒ ಪತ॑ಯೇ॒ ನಮ॑: ॥ ೧೭ ॥
ನಮೋ॑ ಬಭ್ಲು॒ಶಾಯ॑ ವ್ಯಾ॒ಧಿನೇ ಽನ್ನಾ॑ನಾಂ॒ ಪತ॑ಯೇ॒ ನಮೋ॒ ನಮೋ॑ ಭ॒ವಸ್ಯ॑ ಹೇತ್ಯೈ॒ ಜಗ॑ತಾಂ॒ ಪತ॑ಯೇ॒ ನಮೋ॒ ನಮೋ॑ ರು॒ದ್ರಾಯಾ॑ತತಾ॒ಯಿನೇ॒ ಕ್ಷೇತ್ರಾ॑ಣಾಂ॒ ಪತ॑ಯೇ॒ ನಮೋ॒ ನಮ॑: ಸೂ॒ತಾಯಾಹ॑ನ್ತ್ಯೈ॒ ವನಾ॑ನಾಂ॒ ಪತ॑ಯೇ॒ ನಮ॑: ॥ ೧೮ ॥
ನಮೋ॒ ರೋಹಿ॑ತಾಯ ಸ್ಥ॒ಪತ॑ಯೇ ವೃ॒ಕ್ಷಾಣಾಂ॒ ಪತ॑ಯೇ॒ ನಮೋ॒ ನಮೋ॑ ಭುವ॒ನ್ತಯೇ॑ ವಾರಿವಸ್ಕೃ॒ತಾಯೌಷ॑ಧೀನಾಂ॒ ಪತ॑ಯೇ॒ ನಮೋ॒ ನಮೋ॑ ಮ॒ನ್ತ್ರಿಣೇ॑ ವಾಣಿ॒ಜಾಯ॒ ಕಕ್ಷಾ॑ಣಾಂ॒ ಪತ॑ಯೇ॒ ನಮೋ॒ ನಮ॑ ಉ॒ಚ್ಚೈರ್ಘೋ॑ಷಾಯಾಕ್ರ॒ನ್ದಯ॑ತೇ ಪತ್ತೀ॒ನಾಂ ಪತ॑ಯೇ॒ ನಮ॑: ॥ ೧೯ ॥
ನಮ॑: ಕೃತ್ಸ್ನಾಯ॒ತಯಾ॒ ಧಾವ॑ತೇ॒ ಸತ್ವ॑ನಾಂ॒ ಪತ॑ಯೇ॒ ನಮೋ॒ ನಮ॒: ಸಹ॑ಮಾನಾಯ ನಿವ್ಯಾ॒ಧಿನ॑ ಆವ್ಯಾ॒ಧಿನೀ॑ನಾಂ॒ ಪತ॑ಯೇ॒ ನಮೋ॒ ನಮೋ॑ ನಿಷ॒ಙ್ಗಿಣೇ॑ ಕಕು॒ಭಾಯ॑ ಸ್ತೇ॒ನಾನಾಂ॒ ಪತ॑ಯೇ॒ ನಮೋ॒ ನಮೋ॑ ನಿಚೇ॒ರವೇ॑ ಪರಿಚ॒ರಾಯಾರ॑ಣ್ಯಾನಾಂ॒ ಪತ॑ಯೇ॒ ನಮ॑: ॥೨೦ ॥
ನಮೋ॒ ವಞ್ಚ॑ತೇ ಪರಿ॒ವಞ್ಚ॑ತೇ ಸ್ತಾಯೂ॒ನಾಂ ಪತ॑ಯೇ॒ ನಮೋ॒ ನಮೋ॑ ನಿಷ॒ಙ್ಗಿಣ॑ ಇಷುಧಿ॒ಮತೇ॒ ತಸ್ಕ॑ರಾಣಾಂ॒ ಪತ॑ಯೇ॒ ನಮೋ॒ ನಮ॑: ಸೃಕಾ॒ಯಿಭ್ಯೋ॒ ಜಿಘಾ॑ᳪಸದ್ಭ್ಯೋ ಮುಷ್ಣ॒ತಾಂ ಪತ॑ಯೇ॒ ನಮೋ॒ ನಮೋ॑ಽಸಿ॒ಮದ್ಭ್ಯೋ॒ ನಕ್ತ॒ಞ್ಚರ॑ದ್ಭ್ಯೋ ವಿಕೃ॒ನ್ತಾನಾಂ॒ ಪತ॑ಯೇ॒ ನಮ॑: ॥ ೨೧ ॥
ನಮ॑ ಉಷ್ಣೀ॒ಷಿಣೇ॑ ಗಿರಿಚ॒ರಾಯ॑ ಕುಲು॒ಞ್ಚಾನಾಂ॒ ಪತ॑ಯೇ॒ ನಮೋ॒ ನಮ॑ ಇಷು॒ಮದ್ಭ್ಯೋ॑ ಧನ್ವಾ॒ಯಿಭ್ಯ॑ಶ್ಚ ವೋ॒ ನಮೋ॒ ನಮ॑ ಆತನ್ವಾ॒ನೇಭ್ಯ॑: ಪ್ರತಿ॒ದಧಾ॑ನೇಭ್ಯಶ್ಚ ವೋ॒ ನಮೋ॒ ನಮ॑ ಆ॒ಯಚ್ಛ॒ದ್ಭ್ಯೋ ಽಸ್ಯ॑ದ್ಭ್ಯಶ್ಚ ವೋ॒ ನಮ॑: ॥ ೨೨ ॥
ನಮೋ॑ ವಿಸೃ॒ಜದ್ಭ್ಯೋ॒ ವಿಧ್ಯ॑ದ್ಭ್ಯಶ್ಚ ವೋ॒ ನಮೋ॒ ನಮ॑: ಸ್ವ॒ಪದ್ಭ್ಯೋ॒ ಜಾಗ್ರ॑ದ್ಭ್ಯಶ್ಚ ವೋ॒ ನಮೋ॒ ನಮ॒: ಶಯಾ॑ನೇಭ್ಯ॒ ಆಸೀ॑ನೇಭ್ಯಶ್ಚ ವೋ॒ ನಮೋ॒ ನಮ॒ಸ್ತಿಷ್ಠ॑ದ್ಭ್ಯೋ॒ ಧಾವ॑ದ್ಭ್ಯಶ್ಚ ವೋ॒ ನಮ॑: ॥ ೨೩ ॥
ನಮ॑: ಸ॒ಭಾಭ್ಯ॑: ಸ॒ಭಾಪ॑ತಿಭ್ಯಶ್ಚ ವೋ॒ ನಮೋ॒ ನಮೋಽಶ್ವೇ॒ಭ್ಯೋ ಽಶ್ವ॑ಪತಿಭ್ಯಶ್ಚ ವೋ॒ ನಮೋ॒ ನಮ॑ ಆವ್ಯಾ॒ಧಿನೀ॑ಭ್ಯೋ ವಿ॒ವಿಧ್ಯ॑ನ್ತೀಭ್ಯಶ್ಚ ವೋ॒ ನಮೋ॒ ನಮ॒ ಉಗ॑ಣಾಭ್ಯಸ್ತೃᳪಹ॒ತೀಭ್ಯ॑ಶ್ಚ ವೋ॒ ನಮ॑: ॥ ೨೪ ॥
ನಮೋ॑ ಗ॒ಣೇಭ್ಯೋ॑ ಗ॒ಣಪ॑ತಿಭ್ಯಶ್ಚ ವೋ॒ ನಮೋ॒ ನಮೋ॒ ವ್ರಾತೇ॑ಭ್ಯೋ॒ ವ್ರಾತ॑ಪತಿಭ್ಯಶ್ಚ ವೋ॒ ನಮೋ॒ ನಮೋ॒ ಗೃತ್ಸೇ॑ಭ್ಯೋ॒ ಗೃತ್ಸ॑ಪತಿಭ್ಯಶ್ಚ ವೋ॒ ನಮೋ॒ ನಮೋ॒ ವಿರೂ॑ಪೇಭ್ಯೋ ವಿ॒ಶ್ವರೂ॑ಪೇಭ್ಯಶ್ಚ ವೋ॒ ನಮ॑: ॥ ೨೫ ॥
ನಮ॒: ಸೇನಾ॑ಭ್ಯಃ ಸೇನಾ॒ನಿಭ್ಯ॑ಶ್ಚ ವೋ॒ ನಮೋ॒ ನಮೋ॑ ರ॒ಥಿಭ್ಯೋ॑ ಅರ॒ತೇಭ್ಯ॑ಶ್ಚ ವೋ॒ ನಮೋ॒ ನಮ॑: ಕ್ಷ॒ತ್ತೃಭ್ಯ॑: ಸಂಗ್ರಹೀ॒ತೃಭ್ಯ॑ಶ್ಚ ವೋ॒ ನಮೋ॒ ನಮೋ॑ ಮ॒ಹದ್ಭ್ಯೋ॑ ಅರ್ಭ॒ಕೇಭ್ಯ॑ಶ್ಚ ವೋ॒ ನಮ॑: ॥ ೨೬ ॥
ನಮ॒ಸ್ತಕ್ಷ॑ಭ್ಯೋ ರಥಕಾ॒ರೇಭ್ಯ॑ಶ್ಚ ವೋ॒ ನಮೋ॒ ನಮ॒: ಕುಲಾ॑ಲೇಭ್ಯಃ ಕು॒ರ್ಮಾರೇ॑ಭ್ಯಶ್ಚ ವೋ॒ ನಮೋ॒ ನಮೋ॑ ನಿಷಾ॒ದೇಭ್ಯ॑: ಪು॒ಞ್ಜಿಷ್ಟೇ॑ಭ್ಯಶ್ಚ ವೋ॒ ನಮೋ॒ ನಮ॑: ಶ್ವ॒ನಿಭ್ಯೋ॑ ಮೃಗ॒ಯುಭ್ಯ॑ಶ್ಚ ವೋ॒ ನಮ॑: ॥ ೨೭ ॥
ನಮ॒: ಶ್ವಭ್ಯ॒: ಶ್ವಪ॑ತಿಭ್ಯಶ್ಚ ವೋ॒ ನಮೋ॒ ನಮೋ॑ ಭ॒ವಾಯ॑ ಚ ರು॒ದ್ರಾಯ॑ ಚ॒ ನಮ॑: ಶ॒ರ್ವಾಯ॑ ಚ ಪಶು॒ಪತ॑ಯೇ ಚ॒ ನಮೋ॒ ನೀಲ॑ಗ್ರೀವಾಯ ಚ ಶಿತಿ॒ಕಣ್ಠಾ॑ಯ ಚ ॥ ೨೮ ॥
ನಮ॑: ಕಪ॒ರ್ದಿನೇ॑ ಚ॒ ವ್ಯು॒ಪ್ತಕೇಶಾಯ ಚ॒ ನಮ॑: ಸಹಸ್ರಾ॒ಕ್ಷಾಯ॑ ಚ ಶ॒ತಧ॑ನ್ವನೇ ಚ॒ ನಮೋ॑ ಗಿರಿಶ॒ಯಾಯ॑ ಚ ಶಿಪಿವಿ॒ಷ್ಟಾಯ॑ ಚ॒ ನಮೋ॑ ಮೀ॒ಢುಷ್ಟ॑ಮಾಯ॒ ಚೇಷು॑ಮತೇ
ಚ ॥ ೨೯ ॥
ನಮೋ॑ ಹ್ರ॒ಸ್ವಾಯ॑ ಚ ವಾಮ॒ನಾಯ॑ ಚ॒ ನಮೋ॑ ಬೃಹ॒ತೇ ಚ॒ ವರ್ಷೀ॑ಯಸೇ ಚ॒ ನಮೋ॑ ವೃ॒ದ್ಧಾಯ॑ ಚ ಸ॒ವೃಧೇ॑ ಚ॒ ನಮೋಽಗ್ರ್ಯಾ॑ಯ ಚ ಪ್ರಥ॒ಮಾಯ॑ ಚ ॥ ೩೦ ॥
ನಮ॑ ಆ॒ಶವೇ॑ ಚಾಜಿ॒ರಾಯ॑ ಚ॒ ನಮ॒: ಶೀಘ್ರ್ಯಾ॑ಯ ಚ॒ ಶೀಭ್ಯಾ॑ಯ ಚ॒ ನಮ॒ ಊರ್ಮ್ಯಾ॑ಯ ಚಾವಸ್ವ॒ನ್ಯಾ॒ಯ ಚ॒ ನಮೋ॑ ನಾದೇ॒ಯಾಯ॑ ಚ॒ ದ್ವೀಪ್ಯಾ॑ಯ ಚ ॥ ೩೧ ॥
ನಮೋ॑ ಜ್ಯೇ॒ಷ್ಠಾಯ॑ ಚ ಕನಿ॒ಷ್ಠಾಯ॑ ಚ॒ ನಮ॑: ಪೂರ್ವ॒ಜಾಯ॑ ಚಾಪರ॒ಜಾಯ॑ ಚ॒ ನಮೋ॑ ಮಧ್ಯ॒ಮಾಯ॑ ಚಾಪಗ॒ಲ್ಭಾಯ॑ ಚ॒ ನಮೋ॑ ಜಘ॒ನ್ಯಾ॒ಯ ಚ ಬು॒ಧ್ನ್ಯಾ॒ಯ ಚ ॥ ೩೨ ॥
ನಮ॒: ಸೋಭ್ಯಾ॑ಯ ಚ ಪ್ರತಿಸ॒ರ್ಯಾ॒ಯ ಚ॒ ನಮೋ॒ ಯಾಮ್ಯಾ॑ಯ ಚ॒ ಕ್ಷೇಮ್ಯಾ॑ಯ ಚ॒ ನಮ॒: ಶ್ಲೋಕ್ಯಾ॑ಯ ಚಾವಸಾ॒ನ್ಯಾ॒ಯ ಚ॒ ನಮ॑ ಉರ್ವ॒ರ್ಯಾ॒ಯ ಚ॒ ಖಲ್ಯಾ॑ಯ ಚ ॥ ೩೩ ॥
ನಮೋ॒ ವನ್ಯಾ॑ಯ ಚ॒ ಕಕ್ಷ್ಯಾ॑ಯ ಚ॒ ನಮ॑: ಶ್ರ॒ವಾಯ॑ ಚ ಪ್ರತಿಶ್ರ॒ವಾಯ॑ ಚ॒ ನಮ॑ ಆ॒ಶುಷೇ॑ಣಾಯ ಚಾ॒ಶುರ॑ಥಾಯ ಚ॒ ನಮ॒: ಶೂರಾ॑ಯ ಚಾವಭೇ॒ದಿನೇ॑ ಚ ॥ ೩೪ ॥
ನಮೋ॑ ಬಿ॒ಲ್ಮಿನೇ॑ ಚ ಕವ॒ಚಿನೇ॑ ಚ॒ ನಮೋ॑ ವ॒ರ್ಮಿಣೇ॑ ಚ ವರೂ॒ಥಿನೇ॑ ಚ॒ ನಮ॑: ಶ್ರು॒ತಾಯ॑ ಚ ಶ್ರುತಸೇ॒ನಾಯ॑ ಚ॒ ನಮೋ॑ ದುನ್ದು॒ಭ್ಯಾ॒ಯ ಚಾಹನ॒ನ್ಯಾ॒ಯ ಚ ॥ ೩೫ ॥
ನಮೋ॑ ಧೃ॒ಷ್ಣವೇ॑ ಚ ಪ್ರಮೃ॒ಶಾಯ॑ ಚ॒ ನಮೋ॑ ನಿಷ॒ಙ್ಗಿಣೇ॑ ಚೇಷುಧಿ॒ಮತೇ॑ ಚ॒ ನಮ॑ಸ್ತೀ॒ಕ್ಷ್ಣೇಷ॑ವೇ ಚಾಯು॒ಧಿನೇ॑ ಚ॒ ನಮ॑: ಸ್ವಾಯು॒ಧಾಯ॑ ಚ ಸು॒ಧನ್ವ॑ನೇ ಚ ॥ ೩೬ ॥
ನಮ॒: ಸ್ರುತ್ಯಾ॑ಯ ಚ॒ ಪಥ್ಯಾ॑ಯ ಚ॒ ನಮ॒: ಕಾಟ್ಯಾ॑ಯ ಚ॒ ನೀಪ್ಯಾ॑ಯ ಚ॒ ನಮ॒: ಕುಲ್ಯಾ॑ಯ ಚ ಸರ॒ಸ್ಯಾ॒ಯ ಚ॒ ನಮೋ॑ ನಾದೇ॒ಯಾಯ॑ ಚ ವೈಶ॒ನ್ತಾಯ॑ ಚ ॥ ೩೭ ॥
ನಮ॒: ಕೂಪ್ಯಾ॑ಯ ಚಾವ॒ಟ್ಯಾ॑ಯ ಚ॒ ನಮೋ॒ ವೀಧ್ರ್ಯಾ॑ಯ ಚಾತ॒ಪ್ಯಾ॒ಯ ಚ॒ ನಮೋ॒ ಮೇಘ್ಯಾ॑ಯ ಚ ಚ ವಿದ್ಯು॒ತ್ಯಾ॒ಯ ಚ॒ ನಮೋ॒ ವರ್ಷ್ಯಾ॑ಯ ಚಾವ॒ರ್ಷ್ಯಾಯ॑ ಚ ॥ ೩೮ ॥
ನಮೋ॒ ವಾತ್ಯಾ॑ಯ ಚ॒ ರೇಷ್ಮ್ಯಾ॑ಯ ಚ॒ ನಮೋ॑ ವಾಸ್ತ॒ವ್ಯಾ॒ಯ ಚ ವಾಸ್ತು॒ಪಾಯ॑ ಚ॒ ನಮ॒: ಸೋಮಾ॑ಯ ಚ ರು॒ದ್ರಾಯ॑ ಚ॒ ನಮ॑ಸ್ತಾ॒ಮ್ರಾಯ॑ ಚಾರು॒ಣಾಯ॑ ಚ ॥ ೩೯ ॥
ನಮ॑: ಶ॒ಙ್ಗವೇ॑ ಚ ಪಶು॒ಪತ॑ಯೇ ಚ॒ ನಮ॑ ಉ॒ಗ್ರಾಯ॑ ಚ ಭೀ॒ಮಾಯ॑ ಚ॒ ನಮೋ॑ಽಗ್ರೇವ॒ಧಾಯ॑ ಚ ದೂರೇವ॒ಧಾಯ॑ ಚ॒ ನಮೋ॑ ಹ॒ನ್ತ್ರೇ ಚ॒ ಹನೀ॑ಯಸೇ ಚ॒ ನಮೋ॑ ವೃ॒ಕ್ಷೇಭ್ಯೋ॒ ಹರಿ॑ಕೇಶೇಭ್ಯೋ॒ ನಮ॑ಸ್ತಾ॒ರಾಯ॑ ॥ ೪೦ ॥
ನಮ॑: ಶಮ್ಭ॒ವಾಯ॑ ಚ ಮಯೋಭ॒ವಾಯ॑ ಚ॒ ನಮ॑: ಶಙ್ಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮ॑: ಶಿ॒ವಾಯ॑ ಚ ಶಿ॒ವತ॑ರಾಯ ಚ ॥ ೪೧ ॥
ನಮ॒: ಪಾರ್ಯಾ॑ಯ ಚಾವಾ॒ರ್ಯಾ॒ಯ ಚ॒ ನಮ॑: ಪ್ರ॒ತರ॑ಣಾಯ ಚೋ॒ತ್ತರ॑ಣಾಯ ಚ॒ ನಮ॒ಸ್ತೀರ್ಥ್ಯಾ॑ಯ ಚ॒ ಕೂಲ್ಯಾ॑ಯ ಚ॒ ನಮ॒: ಶಷ್ಪ್ಯಾ॑ಯ ಚ॒ ಫೇನ್ಯಾ॑ಯ ಚ ॥ ೪೨ ॥
ನಮ॑: ಸಿಕ॒ತ್ಯಾ॒ಯ ಚ ಪ್ರವಾ॒ಹ್ಯಾ॒ಯ ಚ॒ ನಮ॑: ಕಿᳪಶಿ॒ಲಾಯ॑ ಚ ಕ್ಷಯ॒ಣಾಯ॑ ಚ॒ ನಮ॑: ಕಪ॒ರ್ದಿನೇ॑ ಚ ಪುಲ॒ಸ್ತಯೇ॑ ಚ॒ ನಮ॑ ಇರಿ॒ಣ್ಯಾ॒ಯ ಚ ಪ್ರಪ॒ಥ್ಯಾ॒ಯ ಚ ॥೪೩॥
ನಮೋ॒ ವ್ರಜ್ಯಾ॑ಯ ಚ॒ ಗೋಷ್ಠ್ಯಾ॑ಯ ಚ॒ ನಮ॒ಸ್ತಲ್ಪ್ಯಾ॑ಯ ಚ॒ ಗೇಹ್ಯಾ॑ಯ ಚ॒ ನಮೋ॑ ಹೃದ॒ಯ್ಯಾ॒ಯ ಚ ನಿವೇ॒ಷ್ಪ್ಯಾ॒ಯ ಚ॒ ನಮ॒: ಕಾಟ್ಯಾ॑ಯ ಚ ಗಹ್ವರೇ॒ಷ್ಠಾಯ॑ ಚ ॥ ೪೪ ॥
ನಮ॒: ಶುಷ್ಕ್ಯಾ॑ಯ ಚ ಹರಿ॒ತ್ಯಾ॒ಯ ಚ॒ ನಮ॑: ಪಾᳪಸ॒ವ್ಯಾ॒ಯ ಚ ರಜ॒ಸ್ಯಾ॒ಯ ಚ॒ ನಮೋ॒ ಲೋಪ್ಯಾ॑ಯ ಚೋಲ॒ಪ್ಯಾ॒ಯ ಚ॒ ನಮ॒ ಊರ್ವ್ಯಾ॑ಯ ಚ॒ ಸೂರ್ವ್ಯಾ॑ಯ ಚ ॥ ೪೫ ॥
ನಮ॑: ಪ॒ರ್ಣಾಯ॑ ಚ ಪರ್ಣಶ॒ದಾಯ॑ ಚ॒ ನಮ॑ ಉದ್ಗು॒ರಮಾ॑ಣಾಯ ಚಾಭಿಘ್ನ॒ತೇ ಚ॒ ನಮ॑ ಆಖಿದ॒ತೇ ಚ॑ ಪ್ರಖಿದ॒ತೇ ಚ॒ ನಮ॑ ಇಷು॒ಕೃದ್ಭ್ಯೋ॑ ಧನು॒ಷ್ಕೃದ್ಭ್ಯ॑ಶ್ಚ ವೋ॒ ನಮೋ॒ ನಮೋ॑ ವಃ ಕಿರಿ॒ಕೇಭ್ಯೋ॑ ದೇ॒ವಾನಾ॒ᳪ ಹೃದ॑ಯೇಭ್ಯೋ॒ ನಮೋ॑ ವಿಚಿನ್ವ॒ತ್ಕೇಭ್ಯೋ॒ ನಮೋ॑ ವಿಕ್ಷಿಣ॒ತ್ಕೇಭ್ಯೋ॒ ನಮ॑ ಆನಿರ್ಹ॒ತೇಭ್ಯ॑: ॥ ೪೬ ॥
ದ್ರಾಪೇ॒ ಅನ್ಧ॑ಸಸ್ಪತೇ॒ ದರಿ॑ದ್ರ॒ ನೀಲ॑ಲೋಹಿತ ।
ಆ॒ಸಾಂ ಪ್ರ॒ಜಾನಾ॑ಮೇ॒ಷಾಂ ಪ॑ಶೂ॒ನಾಂ ಮಾ ಭೇ॒ರ್ಮಾ ರೋ॒ಙ್ಮೋ ಚ॑ ನ॒: ಕಿಂಚ॒ನಾಮ॑ಮತ್ ॥ ೪೭ ॥
ಇ॒ಮಾ ರು॒ದ್ರಾಯ॑ ತ॒ವಸೇ॑ ಕಪ॒ರ್ದಿನೇ॑ ಕ್ಷ॒ಯದ್ವೀ॑ರಾಯ॒ ಪ್ರ ಭ॑ರಾಮಹೇ ಮ॒ತೀಃ ।
ಯಥಾ॒ ಶಮಸ॑ದ್ ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ॑ ಪು॒ಷ್ಟಂ ಗ್ರಾಮೇ॑ ಅ॒ಸ್ಮಿನ್ನ॑ನಾತು॒ರಮ್ ॥ ೪೮ ॥
ಯಾ ತೇ॑ ರುದ್ರ ಶಿ॒ವಾ ತ॒ನೂಃ ಶಿ॒ವಾ ವಿ॒ಶ್ವಾಹಾ॑ ಭೇಷ॒ಜೀ । ಶಿ॒ವಾ ರು॒ತಸ್ಯ॑ ಭೇಷ॒ಜೀ ತಯಾ॑ ನೋ ಮೃಡ ಜೀ॒ವಸೇ॑ ॥ ೪೯ ॥
ಪರಿ॑ ನೋ ರು॒ದ್ರಸ್ಯ॑ ಹೇ॒ತಿರ್ವೃ॑ಣಕ್ತು॒ ಪರಿ॑ ತ್ವೇ॒ಷಸ್ಯ॑ ದುರ್ಮ॒ತಿರ॑ಘಾ॒ಯೋಃ ।
ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಡ ॥ ೫೦॥
ಮೀಢು॑ಷ್ಟಮ॒ ಶಿವ॑ತಮ ಶಿ॒ವೋ ನ॑: ಸು॒ಮನಾ॑ ಭವ ।
ಪ॒ರ॒ಮೇ ವೃ॒ಕ್ಷ ಆಯು॑ಧಂ ನಿ॒ಧಾಯ॒ ಕೃತ್ತಿಂ॒ ವಸಾ॑ನ॒ ಆ ಚ॑ರ॒ ಪಿನಾ॑ಕಂ॒ ಬಿಭ್ರ॒ದಾ ಗ॑ಹಿ ॥ ೫೧ ॥
ವಿಕಿ॑ರಿದ್ರ॒ ವಿಲೋ॑ಹಿತ॒ ನಮ॑ಸ್ತೇ ಅಸ್ತು ಭಗವಃ । ಯಾಸ್ತೇ॑ ಸ॒ಹಸ್ರ॑ᳪ ಹೇ॒ತಯೋ॒ಽನ್ಯಮ॒ಸ್ಮನ್ನಿ ವ॑ಪನ್ತು॒ ತಾಃ ॥ ೫೨ ॥
ಸ॒ಹಸ್ರಾ॑ಣಿ ಸಹಸ್ರ॒ಶೋ ಬಾ॒ಹ್ವೋಸ್ತವ॑ ಹೇ॒ತಯ॑: । ತಾಸಾ॒ಮೀಶಾ॑ನೋ ಭಗವಃ ಪರಾ॒ಚೀನಾ॒ ಮುಖಾ॑ ಕೃಧಿ ॥ ೫೩ ॥
ಅಸಂ॑ಖ್ಯಾತಾ ಸ॒ಹಸ್ರಾ॑ಣಿ॒ ಯೇ ರು॒ದ್ರಾ ಅಧಿ॒ ಭೂಮ್ಯಾ॑ಮ್ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೫೪ ॥
ಅ॒ಸ್ಮಿನ್ ಮ॑ಹ॒ತ್ಯ॒ರ್ಣ॒ವೇ ಽನ್ತರಿ॑ಕ್ಷೇ ಭ॒ವಾ ಅಧಿ॑ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೫೫ ॥
ನೀಲ॑ಗ್ರೀವಾಃ ಶಿತಿ॒ಕಣ್ಠಾ॒ ದಿವ॑ᳪ ರು॒ದ್ರಾ ಉಪ॑ಶ್ರಿತಾಃ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೫೬ ॥
ನೀಲ॑ಗ್ರೀವಾಃ ಶಿತಿ॒ಕಣ್ಠಾ॑: ಶ॒ರ್ವಾ ಅ॒ಧಃ ಕ್ಷ॑ಮಾಚ॒ರಾಃ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೫೭ ॥
ಯೇ ವೃ॒ಕ್ಷೇಷು॑ ಶ॒ಷ್ಪಿಞ್ಜ॑ರಾ॒ ನೀಲ॑ಗ್ರೀವಾ॒ ವಿಲೋ॑ಹಿತಾಃ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೫೮ ॥
ಯೇ ಭೂ॒ತಾನಾ॒ಮಧಿ॑ಪತಯೋ ವಿಶಿ॒ಖಾಸ॑: ಕಪ॒ರ್ದಿನ॑: । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೫೯ ॥
ಯೇ ಪ॒ಥಾಂ ಪ॑ಥಿ॒ರಕ್ಷ॑ಯ ಐಲಬೃ॒ದಾ ಆ॑ಯು॒ರ್ಯುಧ॑: । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೬೦ ॥
ಯೇ ತೀ॒ರ್ಥಾನಿ॑ ಪ್ರ॒ಚರ॑ನ್ತಿ ಸೃ॒ಕಾಹ॑ಸ್ತಾ ನಿಷ॒ಙ್ಗಿಣ॑: । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೬೧ ॥
ಯೇಽನ್ನೇ॑ಷು ವಿ॒ವಿಧ್ಯ॑ನ್ತಿ॒ ಪಾತ್ರೇ॑ಷು॒ ಪಿಬ॑ತೋ॒ ಜನಾ॑ನ್ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೬೨ ॥
ಯ ಏ॒ತಾವ॑ನ್ತಶ್ಚ॒ ಭೂಯಾ॑ᳪಸಶ್ಚ॒ ದಿಶೋ॑ ರು॒ದ್ರಾ ವಿ॑ತಸ್ಥಿ॒ರೇ । ತೇಷಾ॑ᳪ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥ ೬೩ ॥
ನಮೋ॑ಽಸ್ತು ರು॒ದ್ರೇಭ್ಯೋ॒ ಯೇ ದಿ॒ವಿ ಯೇಷಾಂ॑ ವ॒ರ್ಷಮಿಷ॑ವಃ । ತೇಭ್ಯೋ॒ ದಶ॒ ಪ್ರಾಚೀ॒ರ್ದಶ॑ ದಕ್ಷಿ॒ಣಾ ದಶ॑ ಪ್ರ॒ತೀಚೀ॒ರ್ದಶೋದೀ॑ಚೀ॒ರ್ದಶೋ॒ರ್ಧ್ವಾಃ ।
ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೬೪ ॥
ನಮೋ॑ಽಸ್ತು ರು॒ದ್ರೇಭ್ಯೋ॒ ಯೇಽನ್ತರಿ॑ಕ್ಷೇ॒ ಯೇಷಾಂ॒ ವಾತ॒ ಇಷ॑ವಃ । ತೇಭ್ಯೋ॒ ದಶ॒ ಪ್ರಾಚೀ॒ರ್ದಶ॑ ದಕ್ಷಿ॒ಣಾ ದಶ॑ ಪ್ರ॒ತೀಚೀ॒ರ್ದಶೋದೀ॑ಚೀ॒ರ್ದಶೋ॒ರ್ಧ್ವಾಃ ।
ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೬೫ ॥
ನಮೋ॑ಽಸ್ತು ರು॒ದ್ರೇಭ್ಯೋ॒ ಯೇ ಪೃ॑ಥಿ॒ವ್ಯಾಂ ಯೇಷಾ॒ಮನ್ನ॒ಮಿಷ॑ವಃ । ತೇಭ್ಯೋ॒ ದಶ॒ ಪ್ರಾಚೀ॒ರ್ದಶ॑ ದಕ್ಷಿ॒ಣಾ ದಶ॑ ಪ್ರ॒ತೀಚೀ॒ರ್ದಶೋದೀ॑ಚೀ॒ರ್ದಶೋ॒ರ್ಧ್ವಾಃ ।
ತೇಭ್ಯೋ॒ ನಮೋ॑ ಅಸ್ತು॒ ತೇ ನೋ॑ಽವನ್ತು॒ ತೇ ನೋ॑ ಮೃಡಯನ್ತು॒ ತೇ ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಮೇ॑ಷಾಂ॒ ಜಮ್ಭೇ॑ ದಧ್ಮಃ ॥ ೬೬ ॥
ಅಧ್ಯಾಯ ೧೭
ಅಶ್ಮ॒ನ್ನೂರ್ಜಂ॒ ಪರ್ವ॑ತೇ ಶಿಶ್ರಿಯಾ॒ಣಾಮ॒ದ್ಭ್ಯ ಓಷ॑ಧೀಭ್ಯೋ॒ ವನ॒ಸ್ಪತಿಭ್ಯೋ॒ ಅಧಿ॒ ಸಮ್ಭೃ॑ತಂ॒ ಪಯ॑: ।
ತಾಂ ನ॒ ಇಷ॒ಮೂರ್ಜಂ॑ ಧತ್ತ ಮರುತಃ ಸᳪರರಾ॒ಣಾಃ ಅಶ್ಮಁ॑ಸ್ತೇ॒ ಕ್ಷುನ್ಮಯಿ॑ ತ॒ ಊರ್ಗ್ಯಂ ದ್ವಿ॒ಷ್ಮಸ್ತಂ ತೇ॒ ಶುಗೃ॑ಚ್ಛತು ॥ ೧ ॥
ಇ॒ಮಾ ಮೇ॑ ಅಗ್ನ॒ ಇಷ್ಟ॑ಕಾ ಧೇ॒ನವ॑: ಸ॒ನ್ತ್ವೇಕಾ॑ ಚ॒ ದಶ॑ ಚ॒ ದಶ॑ ಚ ಶ॒ತಂ ಚ॑ ಶ॒ತಂ ಚ॑ ಸ॒ಹಸ್ರಂ॑ ಚ ಸ॒ಹಸ್ರಂ॑ ಚಾ॒ಯುತಂ॑ ಚಾ॒ಯುತಂ॑ ಚ ನಿ॒ಯುತಂ॑ ಚ ನಿ॒ಯುತಂ॑ ಚ ಪ್ರ॒ಯುತಂ॒ ಚಾರ್ಬು॑ದಂ ಚ॒ ನ್ಯ॑ರ್ಬುದಂ ಸಮು॒ದ್ರಶ್ಚ॒ ಮಧ್ಯಂ॒ ಚಾನ್ತ॑ಶ್ಚ ಪರಾ॒ರ್ಧಶ್ಚೈ॒ತಾ ಮೇ॑ ಅಗ್ನ॒ ಇಷ್ಟ॑ಕಾ ಧೇ॒ನವ॑: ಸನ್ತ್ವ॒ಮುತ್ರಾ॒ಮುಷ್ಮಿಁ॑ಲ್ಲೋ॒ಕೇ ॥ ೨ ॥
ಋ॒ತವ॑ ಸ್ಥ ಋತಾ॒ವೃಧ॑ ಋತು॒ಷ್ಠಾ ಸ್ಥ॑ ಋತಾ॒ವೃಧ॑: ।
ಘೃ॒ತ॒ಶ್ಚ್ಯುತೋ॑ ಮಧು॒ಶ್ಚ್ಯುತೋ॑ ವಿ॒ರಾಜೋ॒ ನಾಮ॑ ಕಾಮ॒ದುಘಾ॒ ಅಕ್ಷೀ॑ಯಮಾಣಾಃ ॥ ೩ ॥
ಸ॒ಮು॒ದ್ರಸ್ಯ॒ ತ್ವಾಽವ॑ಕ॒ಯಾಗ್ನೇ॒ ಪರಿ॑ ವ್ಯಯಾಮಸಿ । ಪಾ॒ವ॒ಕೋ ಅ॒ಸ್ಮಭ್ಯ॑ᳪ ಶಿ॒ವೋ ಭ॑ವ ॥ ೪ ॥
ಹಿ॒ಮಸ್ಯ॑ ತ್ವಾ ಜ॒ರಾಯು॒ಣಾಽಗ್ನೇ॒ ಪರಿ॑ ವ್ಯಯಾಮಸಿ । ಪಾ॒ವ॒ಕೋ ಅ॒ಸ್ಮಭ್ಯ॑ᳪ ಶಿ॒ವೋ ಭ॑ವ ॥ ೫ ॥
ಉಪ॒ ಜ್ಮನ್ನುಪ॑ ವೇತ॒ಸೇಽವ॑ ತರ ನ॒ದೀಷ್ವಾ । ಅಗ್ನೇ॑ ಪಿ॒ತ್ತಮ॒ಪಾಮ॑ಸಿ॒ ಮಣ್ಡೂ॑ಕಿ॒ ತಾಭಿ॒ರಾ ಗ॑ಹಿ॒ ಸೇಮಂ ನೋ॑ ಯ॒ಜ್ಞಂ ಪಾ॑ವ॒ಕವ॑ರ್ಣᳪ ಶಿ॒ವಂ ಕೃ॑ಧಿ ॥ ೬ ॥
ಅ॒ಪಾಮಿ॒ದಂ ನ್ಯಯ॑ನᳪ ಸಮು॒ದ್ರಸ್ಯ॑ ನಿ॒ವೇಶ॑ನಮ್ ।
ಅ॒ನ್ಯಾಁಸ್ತೇ॑ ಅ॒ಸ್ಮತ್ತ॑ಪನ್ತು ಹೇ॒ತಯ॑: ಪಾವ॒ಕೋ ಅ॒ಸ್ಮಭ್ಯ॑ᳪ ಶಿ॒ವೋ ಭ॑ವ ॥ ೭ ॥
ಅಗ್ನೇ॑ ಪಾವಕ ರೋ॒ಚಿಷಾ॑ ಮ॒ನ್ದ್ರಯಾ॑ ದೇವ ಜಿ॒ಹ್ವಯಾ॑ । ಆ ದೇ॒ವಾನ್ ವ॑ಕ್ಷಿ॒ ಯಕ್ಷಿ॑ ಚ ॥ ೮ ॥
ಸ ನ॑: ಪಾವಕ ದೀದಿ॒ವೋಽಗ್ನೇ॑ ದೇ॒ವಾಁ೨ ಇ॒ಹಾ ವ॑ಹ ।
ಉಪ॑ ಯ॒ಜ್ಞᳪ ಹ॒ವಿಶ್ಚ॑ ನಃ ॥ ೯ ॥
ಪಾ॒ವ॒ಕಯಾ॒ ಯಶ್ಚಿ॒ತಯ॑ನ್ತ್ಯಾ ಕೃ॒ಪಾ ಕ್ಷಾಮ॑ನ್ ರುರು॒ಚ ಉ॒ಷಸೋ॒ ನ ಭಾ॒ನುನಾ॑ ।
ತೂರ್ವ॒ನ್ ನ ಯಾಮ॒ನ್ನೇತ॑ಶಸ್ಯ॒ ನೂ ರಣ॒ ಆ ಯೋ ಘೃ॒ಣೇ ನ ತ॑ತೃಷಾ॒ಣೋ ಅ॒ಜರ॑: ॥ ೧೦ ॥
ನಮ॑ಸ್ತೇ॒ ಹರ॑ಸೇ ಶೋ॒ಚಿಷೇ॒ ನಮ॑ಸ್ತೇ ಅಸ್ತ್ವ॒ರ್ಚಿಷೇ॑ ।
ಅ॒ನ್ಯಾಁಸ್ತೇ॑ ಅ॒ಸ್ಮತ್ತ॑ಪನ್ತು ಹೇ॒ತಯ॑: ಪಾವ॒ಕೋ ಅ॒ಸ್ಮಭ್ಯ॑ᳪ ಶಿ॒ವೋ ಭ॑ವ ॥ ೧೧ ॥
ನೃ॒ಷದೇ॒ ವೇಡ॑ಪ್ಸು॒ಷದೇ॒ ವೇಡ್ ಬ॑ರ್ಹಿ॒ಷದೇ॒ ವೇಡ್ ವ॑ನ॒ಸದೇ॒ ವೇಡ್ ಸ್ವ॒ರ್ವಿದೇ॒ ವೇಟ್ ॥ ೧೨ ॥
ಯೇ ದೇ॒ವಾ ದೇ॒ವಾನಾಂ॑ ಯ॒ಜ್ಞಿಯಾ॑ ಯ॒ಜ್ಞಿಯಾ॑ನಾᳪ ಸಂವತ್ಸ॒ರೀಣ॒ಮುಪ॑ ಭಾ॒ಗಮಾಸ॑ತೇ ।
ಅ॑ಹು॒ತಾದೋ॑ ಹ॒ವಿಷೋ॑ ಯ॒ಜ್ಞೇ ಅ॒ಸ್ಮಿನ್ತ್ಸ್ವ॒ಯಂ ಪಿ॑ಬನ್ತು॒ ಮಧು॑ನೋ ಘೃ॒ತಸ್ಯ॑ ॥ ೧೩ ॥
ಯೇ ದೇ॒ವಾ ದೇ॒ವೇಷ್ವಧಿ॑ ದೇವ॒ತ್ವಮಾಯ॒ನ್ ಯೇ ಬ್ರಹ್ಮ॑ಣಃ ಪುರ ಏ॒ತಾರೋ॑ ಅ॒ಸ್ಯ ।
ಯೇಭ್ಯೋ॒ ನ ಋ॒ತೇ ಪವ॑ತೇ॒ ಧಾಮ॒ ಕಿಞ್ಚ॒ನ ನ ತೇ ದಿ॒ವೋ ನ ಪೃ॑ಥಿ॒ವ್ಯಾ ಅಧಿ॒ ಸ್ನುಷು॑ ॥ ೧೪ ॥
ಪ್ರಾ॒ಣ॒ದಾ ಅ॑ಪಾನ॒ದಾ ವ್ಯಾ॑ನ॒ದಾ ವ॑ರ್ಚೋ॒ದಾ ವ॑ರಿವೋ॒ದಾಃ ।
ಅ॒ನ್ಯಾಁಸ್ತೇ॑ ಅ॒ಸ್ಮತ್ತ॑ಪನ್ತು ಹೇ॒ತಯ॑: ಪಾವ॒ಕೋ ಅ॒ಸ್ಮಭ್ಯ॑ᳪ ಶಿ॒ವೋ ಭ॑ವ ॥ ೧೫ ॥
ಅ॒ಗ್ನಿಸ್ತಿ॒ಗ್ಮೇನ॑ ಶೋ॒ಚಿಷಾ॒ ಯಾಸ॒ದ್ವಿಶ್ವಂ॒ ನ್ಯತ್ರಿಣ॑ಮ್ । ಅ॒ಗ್ನಿರ್ನೋ॑ ವನತೇ ರ॒ಯಿಮ್ ॥ ೧೬ ॥
ಯ ಇ॒ಮಾ ವಿಶ್ವಾ॒ ಭುವ॑ನಾನಿ॒ ಜುಹ್ವ॒ದೃಷಿ॒ರ್ಹೋತಾ॒ ನ್ಯಸೀ॑ದತ್ ಪಿ॒ತಾ ನ॑: ।
ಸ ಆ॒ಶಿಷಾ॒ ದ್ರವಿ॑ಣಮಿ॒ಚ್ಛಮಾ॑ನಃ ಪ್ರಥಮ॒ಚ್ಛದವ॑ರಾಁ॒೨ ಆ ವಿ॑ವೇಶ ॥ ೧೭ ॥
ಕಿᳪಸ್ವಿ॑ದಾಸೀದಧಿ॒ಷ್ಠಾನ॑ಮಾ॒ರಮ್ಭ॑ಣಂ ಕತ॒ಮತ್ಸ್ವಿ॑ತ್ಕ॒ಥಾಽಽಸೀ॑ತ್ ।
ಯತೋ॒ ಭೂಮಿಂ॑ ಜ॒ನಯ॑ನ್ ವಿ॒ಶ್ವಕ॑ರ್ಮಾ॒ ವಿ ದ್ಯಾಮೌರ್ಣೋ॑ನ್ಮಹಿ॒ನಾ ವಿ॒ಶ್ವಚ॑ಕ್ಷಾಃ ॥ ೧೮ ॥
ವಿ॒ಶ್ವತ॑ಶ್ಚಕ್ಷುರು॒ತ ವಿ॒ಶ್ವತೋ॑ಮುಖೋ ವಿ॒ಶ್ವತೋ॑ಬಾಹುರು॒ತ ವಿ॒ಶ್ವತ॑ಸ್ಪಾತ್ ।
ಸಂ ಬಾ॒ಹುಭ್ಯಾಂ॒ ಧಮ॑ತಿ॒ ಸಂ ಪತ॑ತ್ರೈ॒ರ್ದ್ಯಾವಾ॒ಭೂಮೀ॑ ಜ॒ನಯ॑ನ್ ದೇ॒ವ ಏಕ॑: ॥ ೧೯ ॥
ಕಿᳪಸ್ವಿ॒ದ್ವನಂ॒ ಕ ಉ॒ ಸ ವೃ॒ಕ್ಷ ಆ॑ಸ॒ ಯತೋ॒ ದ್ಯಾವಾ॑ಪೃಥಿ॒ವೀ ನಿ॑ಷ್ಟತ॒ಕ್ಷುಃ ।
ಮನೀ॑ಷಿಣೋ॒ ಮನ॑ಸಾ ಪೃ॒ಚ್ಛತೇದು॒ ತದ್ಯದ॒ಧ್ಯತಿ॑ಷ್ಠ॒ದ್ಭುವ॑ನಾನಿ ಧಾ॒ರಯ॑ನ್ ॥ ೨೦ ॥
ಯಾ ತೇ॒ ಧಾಮಾ॑ನಿ ಪರ॒ಮಾಣಿ॒ ಯಾಽವ॒ಮಾ ಯಾ ಮ॑ಧ್ಯ॒ಮಾ ವಿ॑ಶ್ವಕರ್ಮನ್ನು॒ತೇಮಾ ।
ಶಿಕ್ಷಾ॒ ಸಖಿ॑ಭ್ಯೋ ಹ॒ವಿಷಿ॑ ಸ್ವಧಾವಃ ಸ್ವ॒ಯಂ ಯ॑ಜಸ್ವ ತ॒ನ್ವಂ॒ ವೃಧಾ॒ನಃ ॥ ೨೧॥
ವಿಶ್ವ॑ಕರ್ಮನ್ ಹ॒ವಿಷಾ॑ ವಾವೃಧಾ॒ನಃ ಸ್ವ॒ಯಂ ಯ॑ಜಸ್ವ ಪೃಥಿ॒ವೀಮು॒ತ ದ್ಯಾಮ್ ।
ಮುಹ್ಯ॑ನ್ತ್ವ॒ನ್ಯೇ ಅ॒ಭಿತ॑: ಸ॒ಪತ್ನಾ॑ ಇ॒ಹಾಸ್ಮಾಕಂ॑ ಮ॒ಘವಾ॑ ಸೂ॒ರಿರ॑ಸ್ತು ॥ ೨೨ ॥
ವಾ॒ಚಸ್ಪತಿಂ॑ ವಿ॒ಶ್ವಕ॑ರ್ಮಾಣಮೂ॒ತಯೇ॑ ಮನೋ॒ಜುವಂ॒ ವಾಜೇ॑ ಅ॒ದ್ಯಾ ಹು॑ವೇಮ ।
ಸ ನೋ॒ ವಿಶ್ವಾ॑ನಿ॒ ಹವ॑ನಾನಿ ಜೋಷದ್ವಿ॒ಶ್ವಶ॑ಮ್ಭೂ॒ರವ॑ಸೇ ಸಾ॒ಧುಕ॑ರ್ಮಾ ॥ ೨೩ ॥
ವಿಶ್ವ॑ಕರ್ಮನ್ ಹ॒ವಿಷಾ॒ ವರ್ಧ॑ನೇನ ತ್ರಾ॒ತಾರ॒ಮಿನ್ದ್ರ॑ಮಕೃಣೋರವ॒ಧ್ಯಮ್ ।
ತಸ್ಮೈ॒ ವಿಶ॒: ಸಮ॑ನಮನ್ತ ಪೂ॒ರ್ವೀರ॒ಯಮು॒ಗ್ರೋ ವಿ॒ಹವ್ಯೋ॒ ಯಥಾಽಸ॑ತ್ ॥ ೨೪ ॥
ಚಕ್ಷು॑ಷಃ ಪಿ॒ತಾ ಮನ॑ಸಾ॒ ಹಿ ಧೀರೋ॑ ಘೃ॒ತಮೇ॑ನೇ ಅಜನ॒ನ್ನಮ್ನ॑ಮಾನೇ ।
ಯ॒ದೇದನ್ತಾ॒ ಅದ॑ದೃಹನ್ತ॒ ಪೂರ್ವ॒ ಆದಿದ್ ದ್ಯಾವಾ॑ಪೃಥಿ॒ವೀ ಅ॑ಪ್ರಥೇತಾಮ್ ॥ ೨೫ ॥
ವಿ॒ಶ್ವಕ॑ರ್ಮಾ॒ ವಿಮ॑ನಾ॒ ಆದ್ವಿಹಾ॑ಯಾ ಧಾ॒ತಾ ವಿ॑ಧಾ॒ತಾ ಪ॑ರ॒ಮೋತ ಸ॒ನ್ದೃಕ್ ।
ತೇಷಾ॑ಮಿ॒ಷ್ಟಾನಿ॒ ಸಮಿ॒ಷಾ ಮ॑ದನ್ತಿ॒ ಯತ್ರಾ॑ ಸಪ್ತ ಋ॒ಷೀನ್ ಪ॒ರ ಏಕ॑ಮಾ॒ಹುಃ ॥ ೨೬ ॥
ಯೋ ನ॑: ಪಿ॒ತಾ ಜ॑ನಿ॒ತಾ ಯೋ ವಿ॑ಧಾ॒ತಾ ಧಾಮಾ॑ನಿ॒ ವೇದ॒ ಭುವ॑ನಾನಿ॒ ವಿಶ್ವಾ॑ ।
ಯೋ ದೇ॒ವಾನಾಂ॑ ನಾಮ॒ಧಾ ಏಕ॑ ಏ॒ವ ತᳪ ಸ॑ಮ್ಪ್ರ॒ಶ್ನಂ ಭುವ॑ನಾ ಯನ್ತ್ಯ॒ನ್ಯಾ ॥ ೨೭ ॥
ತ ಆಽಯ॑ಜನ್ತ॒ ದ್ರವಿ॑ಣ॒ᳪ ಸಮ॑ಸ್ಮಾ॒ ಋಷ॑ಯ॒: ಪೂರ್ವೇ॑ ಜರಿ॒ತಾರೋ॒ ನ ಭೂ॒ನಾ ।
ಅ॒ಸೂರ್ತೇ॒ ಸೂರ್ತೇ॒ ರಜ॑ಸಿ ನಿಷ॒ತ್ತೇ ಯೇ ಭೂ॒ತಾನಿ॑ ಸ॒ಮಕೃ॑ಣ್ವನ್ನಿ॒ಮಾನಿ॑ ॥ ೨೮ ॥
ಪ॒ರೋ ದಿ॒ವಾ ಪ॒ರ ಏ॒ನಾ ಪೃ॑ಥಿ॒ವ್ಯಾ ಪ॒ರೋ ದೇ॒ವೇಭಿ॒ರಸು॑ರೈ॒ರ್ಯದಸ್ತಿ॑ ।
ಕᳪಸ್ವಿ॒ದ್ ಗರ್ಭಂ॑ ಪ್ರಥ॒ಮಂ ದ॑ಧ್ರ॒ ಆಪೋ॒ ಯತ್ರ॑ ದೇ॒ವಾಃ ಸ॒ಮಪ॑ಶ್ಯನ್ತ॒ ಪೂರ್ವೇ॑ ॥ ೨೯ ॥
ತಮಿದ್ಗರ್ಭಂ॑ ಪ್ರಥ॒ಮಂ ದ॑ಧ್ರ॒ ಆಪೋ॒ ಯತ್ರ॑ ದೇ॒ವಾಃ ಸ॒ಮಗ॑ಚ್ಛನ್ತ॒ ವಿಶ್ವೇ॑ ।
ಅ॒ಜಸ್ಯ॒ ನಾಭಾ॒ವಧ್ಯೇಕ॒ಮರ್ಪಿ॑ತಂ॒ ಯಸ್ಮಿ॒ನ್ ವಿಶ್ವಾ॑ನಿ॒ ಭುವ॑ನಾನಿ ತ॒ಸ್ಥುಃ ॥ ೩೦ ॥
ನ ತಂ ವಿ॑ದಾಥ॒ ಯ ಇ॒ಮಾ ಜ॒ಜಾನಾ॒ನ್ಯದ್ಯು॒ಷ್ಮಾಕ॒ಮನ್ತ॑ರಂ ಬಭೂವ ।
ನೀ॒ಹಾ॒ರೇಣ॒ ಪ್ರಾವೃ॑ತಾ॒ ಜಲ್ಪ್ಯಾ॑ ಚಾಸು॒ತೃಪ॑ ಉಕ್ಥ॒ಶಾಸ॑ಶ್ಚರನ್ತಿ ॥ ೩೧ ॥
ವಿ॒ಶ್ವಕ॑ರ್ಮಾ॒ ಹ್ಯಜ॑ನಿಷ್ಟ ದೇ॒ವ ಆದಿದ್ಗ॑ನ್ಧ॒ರ್ವೋ ಅ॑ಭವದ್ ದ್ವಿ॒ತೀಯ॑: ।
ತೃ॒ತೀಯ॑: ಪಿ॒ತಾ ಜ॑ನಿ॒ತೌಷ॑ಧೀನಾಮ॒ಪಾಂ ಗರ್ಭಂ॒ ವ್ಯ॒ದಧಾತ್ ಪುರು॒ತ್ರಾ ॥ ೩೨ ॥
ಆ॒ಶುಃ ಶಿಶಾ॑ನೋ ವೃಷ॒ಭೋ ನ ಭೀ॒ಮೋ ಘ॑ನಾಘ॒ನಃ ಕ್ಷೋಭ॑ಣಶ್ಚರ್ಷಣೀ॒ನಾಮ್ ।
ಸಂ॒ಕ್ರನ್ದ॑ನೋಽನಿಮಿ॒ಷ ಏ॑ಕವೀ॒ರಃ ಶ॒ತᳪ ಸೇನಾ॑ ಅಜಯತ್ ಸಾ॒ಕಮಿನ್ದ್ರ॑: ॥ ೩೩ ॥
ಸಂ॒ಕ್ರನ್ದ॑ನೇನಾನಿಮಿ॒ಷೇಣ॑ ಜಿ॒ಷ್ಣುನಾ॑ ಯುತ್ಕಾ॒ರೇಣ॑ ದುಶ್ಚ್ಯವ॒ನೇನ॑ ಧೃ॒ಷ್ಣುನಾ॑ ।
ತದಿನ್ದ್ರೇ॑ಣ ಜಯತ॒ ತತ್ಸ॑ಹಧ್ವಂ॒ ಯುಧೋ॑ ನರ॒ ಇಷು॑ಹಸ್ತೇನ॒ ವೃಷ್ಣಾ॑ ॥ ೩೪ ॥
ಸ ಇಷು॑ಹಸ್ತೈಃ॒ ಸ ನಿ॑ಷ॒ಙ್ಗಿಭಿ॑ರ್ವ॒ಶೀ ಸᳪಸ್ರ॑ಷ್ಟಾ॒ ಸ ಯುಧ॒ ಇನ್ದ್ರೋ॑ ಗ॒ಣೇನ॑ ।
ಸ॒ᳪಸೃಷ್ಟ॒ಜಿತ್ಸೋ॑ಮ॒ಪಾ ಬಾ॑ಹುಶ॒ರ್ಧ್ಯುಗ್ರಧ॑ನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ॑ ॥ ೩೫ ॥
ಬೃಹ॑ಸ್ಪತೇ॒ ಪರಿ॑ ದೀಯಾ॒ ರಥೇ॑ನ ರಕ್ಷೋ॒ಹಾಽಮಿತ್ರಾಁ॑೨ ಅಪ॒ಬಾಧ॑ಮಾನಃ ।
ಪ್ರ॒ಭ॒ಞ್ಜನ್ತ್ಸೇನಾ॑: ಪ್ರಮೃ॒ಣೋ ಯು॒ಧಾ ಜಯ॑ನ್ನ॒ಸ್ಮಾಕ॑ಮೇಧ್ಯವಿ॒ತಾ ರಥಾ॑ನಾಮ್ ॥ ೩೬ ॥
ಬ॒ಲ॒ವಿ॒ಜ್ಞಾ॒ಯ ಸ್ಥವಿ॑ರ॒: ಪ್ರವೀ॑ರ॒: ಸಹ॑ಸ್ವಾನ್ ವಾ॒ಜೀ ಸಹ॑ಮಾನ ಉ॒ಗ್ರಃ ।
ಅ॒ಭಿವೀ॑ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈ॑ತ್ರಮಿನ್ದ್ರ॒ ರಥ॒ಮಾ ತಿ॑ಷ್ಠ ಗೋ॒ವಿತ್ ॥ ೩೭ ॥
ಗೋ॒ತ್ರ॒ಭಿದಂ॑ ಗೋ॒ವಿದಂ॒ ವಜ್ರ॑ಬಾಹುಂ॒ ಜಯ॑ನ್ತ॒ಮಜ್ಮ॑ ಪ್ರಮೃ॒ಣನ್ತ॒ಮೋಜ॑ಸಾ ।
ಇ॒ಮᳪ ಸ॑ಜಾತಾ॒ ಅನು॑ ವೀರಯಧ್ವ॒ಮಿನ್ದ್ರ॑ᳪ ಸಖಾಯೋ॒ ಅನು॒ ಸᳪ ರ॑ಭಧ್ವಮ್ ॥ ೩೮ ॥
ಅ॒ಭಿ ಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋಽದ॒ಯೋ ವೀ॒ರಃ ಶ॒ತಮ॑ನ್ಯು॒ರಿನ್ದ್ರ॑: ।
ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಡ॑ಯು॒ಧ್ಯೋಽಸ್ಮಾಕ॒ᳪ ಸೇನಾ॑ ಅವತು॒ ಪ್ರ ಯು॒ತ್ಸು ॥ ೩೯ ॥
ಇನ್ದ್ರ॑ ಆಸಾಂ ನೇ॒ತಾ ಬೃಹ॒ಸ್ಪತಿ॒ರ್ದಕ್ಷಿ॑ಣಾ ಯ॒ಜ್ಞಃ ಪು॒ರ ಏ॑ತು॒ ಸೋಮ॑: ।
ದೇ॒ವ॒ಸೇ॒ನಾನಾ॑ಮಭಿಭಞ್ಜತೀ॒ನಾಂ ಜಯ॑ನ್ತೀನಾಂ ಮ॒ರುತೋ॑ ಯ॒ನ್ತ್ವಗ್ರ॑ಮ್ ॥ ೪೦॥
ಇನ್ದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾಂ॑ ಮ॒ರುತಾ॒ᳪ ಶರ್ಧ॑ ಉ॒ಗ್ರಮ್ ।
ಮ॒ಹಾಮ॑ನಸಾಂ ಭುವನಚ್ಯ॒ವಾನಾಂ॒ ಘೋಷೋ॑ ದೇ॒ವಾನಾಂ॒ ಜಯ॑ತಾ॒ಮುದ॑ಸ್ಥಾತ್ ॥ ೪೧ ॥
ಉದ್ಧ॑ರ್ಷಯ ಮಘವ॒ನ್ನಾಯು॑ಧಾ॒ನ್ಯುತ್ಸತ್ವ॑ನಾಂ ಮಾಮ॒ಕಾನಾಂ॒ ಮನಾ॑ᳪಸಿ ।
ಉದ್ವೃ॑ತ್ರಹನ್ ವಾ॒ಜಿನಾಂ॒ ವಾಜಿ॑ನಾ॒ನ್ಯುದ್ರಥಾ॑ನಾಂ॒ ಜಯ॑ತಾಂ ಯನ್ತು॒ ಘೋಷಾ॑: ॥ ೪೨ ॥
ಅ॒ಸ್ಮಾಕ॒ಮಿನ್ದ್ರ॒: ಸಮೃ॑ತೇಷು ಧ್ವ॒ಜೇಷ್ವ॒ಸ್ಮಾಕಂ॒ ಯಾ ಇಷ॑ವ॒ಸ್ತಾ ಜ॑ಯನ್ತು ।
ಅ॒ಸ್ಮಾಕಂ॑ ವೀ॒ರಾ ಉತ್ತ॑ರೇ ಭವನ್ತ್ವ॒ಸ್ಮಾಁ೨ ಉ॑ ದೇವಾ ಅವತಾ॒ ಹವೇ॑ಷು ॥ ೪೩ ॥
ಅ॒ಮೀಷಾಂ॑ ಚಿ॒ತ್ತಂ ಪ್ರ॑ತಿಲೋ॒ಭಯ॑ನ್ತೀ ಗೃಹಾ॒ಣಾಙ್ಗಾ॑ನ್ಯಪ್ವೇ॒ ಪರೇ॑ಹಿ ।
ಅ॒ಭಿ ಪ್ರೇಹಿ॒ ನಿರ್ದ॑ಹ ಹೃ॒ತ್ಸು ಶೋಕೈ॑ರ॒ನ್ಧೇನಾ॒ಮಿತ್ರಾ॒ಸ್ತಮ॑ಸಾ ಸಚನ್ತಾಮ್ ॥ ೪೪ ॥
ಅವ॑ಸೃಷ್ಟಾ॒ ಪರಾ॑ ಪತ॒ ಶರ॑ವ್ಯೇ॒ ಬ್ರಹ್ಮ॑ಸᳪಶಿತೇ । ಗಚ್ಛಾ॒ಮಿತ್ರಾ॒ನ್ ಪ್ರ ಪ॑ದ್ಯಸ್ವ॒ ಮಾಽಮೀಷಾಂ॒ ಕಂ ಚ॒ನೋಚ್ಛಿ॑ಷಃ ॥ ೪೫ ॥
ಪ್ರೇತಾ॒ ಜಯ॑ತಾ ನರ॒ ಇನ್ದ್ರೋ॑ ವ॒: ಶರ್ಮ॑ ಯಚ್ಛತು । ಉ॒ಗ್ರಾ ವ॑: ಸನ್ತು ಬಾ॒ಹವೋ॑ಽನಾಧೃ॒ಷ್ಯಾ ಯಥಾಽಸ॑ಥ ॥ ೪೬ ॥
ಅಸೌ॒ ಯಾ ಸೇನಾ॑ ಮರುತ॒: ಪರೇ॑ಷಾಮ॒ಭ್ಯೈತಿ॑ ನ॒ ಓಜ॑ಸಾ॒ ಸ್ಪರ್ಧ॑ಮಾನಾ ।
ತಾಂ ಗೂ॑ಹತ॒ ತಮ॒ಸಾಽಪ॑ವ್ರತೇನ॒ ಯಥಾ॒ಽಮೀ ಅ॒ನ್ಯೋ ಅ॒ನ್ಯಂ ನ ಜಾ॒ನನ್ ॥ ೪೭ ॥
ಯತ್ರ॑ ಬಾ॒ಣಾಃ ಸ॒ಮ್ಪತ॑ನ್ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ ।
ತನ್ನ॒ ಇನ್ದ್ರೋ॒ ಬೃಹ॒ಸ್ಪತಿ॒ರದಿ॑ತಿ॒: ಶರ್ಮ॑ ಯಚ್ಛತು ವಿ॒ಶ್ವಾಹಾ॒ ಶರ್ಮ॑ ಯಚ್ಛತು ॥ ೪೮ ॥
ಮರ್ಮಾ॑ಣಿ ತೇ॒ ವರ್ಮ॑ಣಾ ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಽಮೃತೇ॒ನಾನು॑ವಸ್ತಾಮ್ ।
ಉ॒ರೋರ್ವರೀ॑ಯೋ॒ ವರು॑ಣಸ್ತೇ ಕೃಣೋತು॒ ಜಯ॑ನ್ತಂ॒ ತ್ವಾಽನು॑ ದೇ॒ವಾ ಮ॑ದನ್ತು ॥ ೪೯ ॥
ಉದೇ॑ನಮುತ್ತ॒ರಾಂ ನ॒ಯಾಗ್ನೇ॑ ಘೃತೇನಾಹುತ । ರಾ॒ಯಸ್ಪೋಷೇ॑ಣ॒ ಸᳪ ಸೃ॑ಜ ಪ್ರ॒ಜಯಾ॑ ಚ ಬ॒ಹುಂ ಕೃ॑ಧಿ ॥ ೫೦ ॥
ಇನ್ದ್ರೇ॒ಮಂ ಪ್ರ॑ತ॒ರಾಂ ನ॑ಯ ಸಜಾ॒ತಾನಾ॑ಮಸದ್ವ॒ಶೀ । ಸಮೇ॑ನಂ॒ ವರ್ಚ॑ಸಾ ಸೃಜ ದೇ॒ವಾನಾಂ॑ ಭಾಗ॒ದಾ ಅ॑ಸತ್ ॥ ೫೧ ॥
ಯಸ್ಯ॑ ಕು॒ರ್ಮೋ ಗೃ॒ಹೇ ಹ॒ವಿಸ್ತಮ॑ಗ್ನೇ ವರ್ಧಯಾ॒ ತ್ವಮ್ । ತಸ್ಮೈ॑ ದೇ॒ವಾ ಅಧಿ॑ ಬ್ರುವನ್ನ॒ಯಂ ಚ॒ ಬ್ರಹ್ಮ॑ಣ॒ಸ್ಪತಿ॑: ॥ ೫೨ ॥
ಉದು॑ ತ್ವಾ॒ ವಿಶ್ವೇ॑ ದೇ॒ವಾ ಅಗ್ನೇ॑ ಭರನ್ತು॒ ಚಿತ್ತಿ॑ಭಿಃ । ಸ ನೋ॑ ಭವ ಶಿ॒ವಸ್ತ್ವᳪ ಸು॒ಪ್ರತೀ॑ಕೋ ವಿ॒ಭಾವ॑ಸುಃ ॥ ೫೩ ॥
ಪಞ್ಚ॒ ದಿಶೋ॒ ದೈವೀ॑ರ್ಯ॒ಜ್ಞಮ॑ವನ್ತು ದೇ॒ವೀರಪಾಮ॑ತಿಂ॒ ದುರ್ಮ॑ತಿಂ॒ ಬಾಧ॑ಮಾನಾಃ ।
ರಾ॒ಯಸ್ಪೋಷೇ॑ ಯ॒ಜ್ಞಪ॑ತಿಮಾ॒ಭಜ॑ನ್ತೀ ರಾ॒ಯಸ್ಪೋಷೇ॒ ಅಧಿ॑ ಯ॒ಜ್ಞೋ ಅ॑ಸ್ಥಾತ್ ॥ ೫೪ ॥
ಸಮಿ॑ದ್ಧೇ ಅ॒ಗ್ನಾವಧಿ॑ ಮಾಮಹಾ॒ನ ಉ॒ಕ್ಥಪ॑ತ್ರ॒ ಈಡ್ಯೋ॑ ಗೃಭೀ॒ತಃ ।
ತ॒ಪ್ತಂ ಘ॒ರ್ಮಂ ಪ॑ರಿ॒ಗೃಹ್ಯಾ॑ಯಜನ್ತೋ॒ರ್ಜಾ ಯದ್ಯ॒ಜ್ಞಮಯ॑ಜನ್ತ ದೇ॒ವಾಃ ॥ ೫೫ ॥
ದೈ॑ವ್ಯಾಯ ಧ॒ರ್ತ್ರೇ ಜೋಷ್ಟ್ರೇ॑ ದೇವ॒ಶ್ರೀಃ ಶ್ರೀಮ॑ನಾಃ ಶ॒ತಪ॑ಯಾಃ ।
ಪ॒ರಿ॒ಗೃಹ್ಯ॑ ದೇ॒ವಾ ಯ॒ಜ್ಞಮಾ॑ಯನ್ ದೇ॒ವಾ ದೇ॒ವೇಭ್ಯೋ॑ ಅಧ್ವ॒ರ್ಯನ್ತೋ॑ ಅಸ್ಥುಃ ॥ ೫೬ ॥
ವೀ॒ತᳪ ಹ॒ವಿಃ ಶ॑ಮಿ॒ತᳪ ಶ॑ಮಿ॒ತಾ ಯ॒ಜಧ್ಯೈ॑ ತು॒ರೀಯೋ॑ ಯ॒ಜ್ಞೋ ಯತ್ರ॑ ಹ॒ವ್ಯಮೇತಿ॑ ।
ತತೋ॑ ವಾ॒ಕಾ ಆ॒ಶಿಷೋ॑ ನೋ ಜುಷನ್ತಾಮ್ ॥ ೫೭ ॥
ಸೂರ್ಯ॑ರಶ್ಮಿ॒ರ್ಹರಿ॑ಕೇಶಃ ಪು॒ರಸ್ತಾ॑ತ್ಸವಿ॒ತಾ ಜ್ಯೋತಿ॒ರುದ॑ಯಾಁ॒೨ ಅಜ॑ಸ್ರಮ್ ।
ತಸ್ಯ॑ ಪೂ॒ಷಾ ಪ್ರ॑ಸ॒ವೇ ಯಾ॑ತಿ ವಿ॒ದ್ವಾನ್ತ್ಸ॒ಮ್ಪಶ್ಯ॒ನ್ವಿಶ್ವಾ॒ ಭುವ॑ನಾನಿ ಗೋ॒ಪಾಃ ॥ ೫೮ ॥
ವಿ॒ಮಾನ॑ ಏ॒ಷ ದಿ॒ವೋ ಮಧ್ಯ॑ ಆಸ್ತ ಆಪಪ್ರಿ॒ವಾನ್ ರೋದ॑ಸೀ ಅ॒ನ್ತರಿ॑ಕ್ಷಮ್ ।
ಸ ವಿ॒ಶ್ವಾಚೀ॑ರ॒ಭಿ ಚ॑ಷ್ಟೇ ಘೃ॒ತಾಚೀ॑ರನ್ತ॒ರಾ ಪೂರ್ವ॒ಮಪ॑ರಂ ಚ ಕೇ॒ತುಮ್ ॥ ೫೯ ॥
ಉ॒ಕ್ಷಾ ಸ॑ಮು॒ದ್ರೋ ಅ॑ರು॒ಣಃ ಸು॑ಪ॒ರ್ಣಃ ಪೂರ್ವ॑ಸ್ಯ॒ ಯೋನಿಂ॑ ಪಿ॒ತುರಾ ವಿ॑ವೇಶ ।
ಮಧ್ಯೇ॑ ದಿ॒ವೋ ನಿಹಿ॑ತ॒: ಪೃಶ್ನಿ॒ರಶ್ಮಾ॒ ವಿ ಚ॑ಕ್ರಮೇ॒ ರಜ॑ಸಸ್ಪಾ॒ತ್ಯನ್ತೌ॑ ॥ ೬೦ ॥
ಇನ್ದ್ರಂ॒ ವಿಶ್ವಾ॑ ಅವೀವೃಧನ್ತ್ಸಮು॒ದ್ರವ್ಯ॑ಚಸಂ॒ ಗಿರ॑: ।
ರ॒ಥೀತ॑ಮᳪ ರ॒ಥೀನಾಂ॒ ವಾಜಾ॑ನಾ॒ᳪ ಸತ್ಪ॑ತಿಂ॒ ಪತಿ॑ಮ್ ॥ ೬೧ ॥
ದೇ॒ವ॒ಹೂರ್ಯ॒ಜ್ಞ ಆ ಚ॑ ವಕ್ಷತ್ಸುಮ್ನ॒ಹೂರ್ಯ॒ಜ್ಞ ಆ ಚ॑ ವಕ್ಷತ್ । ಯಕ್ಷ॑ದ॒ಗ್ನಿರ್ದೇ॒ವೋ ದೇ॒ವಾಁ೨ ಆ ಚ॑ ವಕ್ಷತ್ ॥ ೬೨ ॥
ವಾಜ॑ಸ್ಯ ಮಾ ಪ್ರಸ॒ವ ಉ॑ದ್ಗ್ರಾ॒ಭೇಣೋದ॑ಗ್ರಭೀತ್ । ಅಧಾ॑ ಸ॒ಪತ್ನಾ॒ನಿನ್ದ್ರೋ॑ ಮೇ ನಿಗ್ರಾ॒ಭೇಣಾಧ॑ರಾಁ೨ ಅಕಃ ॥ ೬೩ ॥
ಉ॒ದ್ಗ್ರಾ॒ಭಂ ಚ॑ ನಿಗ್ರಾ॒ಭಂ ಚ॒ ಬ್ರಹ್ಮ॑ ದೇ॒ವಾ ಅ॑ವೀವೃಧನ್ ।
ಅಧಾ॑ ಸ॒ಪತ್ನಾ॑ನಿನ್ದ್ರಾ॒ಗ್ನೀ ಮೇ॑ ವಿಷೂ॒ಚೀನಾ॒ನ್ವ್ಯ॒ಸ್ಯತಾಮ್ ॥ ೬೪ ॥
ಕ್ರಮ॑ಧ್ವಮ॒ಗ್ನಿನಾ॒ ನಾಕ॒ಮುಖ್ಯ॒ᳪ ಹಸ್ತೇ॑ಷು॒ ಬಿಭ್ರ॑ತಃ ।
ದಿ॒ವಸ್ಪೃ॒ಷ್ಠᳪ ಸ್ವ॑ರ್ಗ॒ತ್ವಾ ಮಿ॒ಶ್ರಾ ದೇ॒ವೇಭಿ॑ರಾಧ್ವಮ್ ॥ ೬೫ ॥
ಪ್ರಾಚೀ॒ಮನು॑ ಪ್ರ॒ದಿಶಂ॒ ಪ್ರೇಹಿ॑ ವಿ॒ದ್ವಾನ॒ಗ್ನೇರ॑ಗ್ನೇ ಪುರೋ ಅ॑ಗ್ನಿರ್ಭವೇ॒ಹ ।
ವಿಶ್ವಾ॒ ಆಶಾ॒ ದೀದ್ಯಾ॑ನೋ॒ ವಿ ಭಾ॒ಹ್ಯೂರ್ಜಂ॑ ನೋ ಧೇಹಿ ದ್ವಿ॒ಪದೇ॒ ಚತು॑ಷ್ಪದೇ ॥ ೬೬ ॥
ಪೃ॒ಥಿ॒ವ್ಯಾ ಅ॒ಹಮುದ॒ನ್ತರಿ॑ಕ್ಷ॒ಮಾಽರು॑ಹಮ॒ನ್ತರಿ॑ಕ್ಷಾ॒ದ್ದಿವ॒ಮಾರು॑ಹಮ್ ।
ದಿ॒ವೋ ನಾಕ॑ಸ್ಯ ಪೃ॒ಷ್ಠಾತ್ ಸ್ವ॒ರ್ಜ್ಯೋತಿ॑ರಗಾಮ॒ಹಮ್ ॥ ೬೭ ॥
ಸ್ವ॒ರ್ಯನ್ತೋ॒ ನಾಪೇ॑ಕ್ಷನ್ತ॒ ಆ ದ್ಯಾᳪ ರೋ॑ಹನ್ತಿ॒ ರೋದ॑ಸೀ ।
ಯ॒ಜ್ಞಂ ಯೇ ವಿ॒ಶ್ವತೋ॑ಧಾರ॒ᳪ ಸುವಿ॑ದ್ವಾᳪಸೋ ವಿತೇನಿ॒ರೇ ॥ ೬೮ ॥
ಅಗ್ನೇ॒ ಪ್ರೇಹಿ॑ ಪ್ರಥ॒ಮೋ ದೇ॑ವಯ॒ತಾಂ ಚಕ್ಷು॑ರ್ದೇ॒ವಾನಾ॑ಮು॒ತ ಮರ್ತ್ಯಾ॑ನಾಮ್ ।
ಇಯ॑ಕ್ಷಮಾಣಾ॒ ಭೃಗು॑ಭಿಃ ಸ॒ಜೋಷಾ॒: ಸ್ವ॒ರ್ಯನ್ತು॒ ಯಜ॑ಮಾನಾಃ ಸ್ವ॒ಸ್ತಿ ॥ ೬೯ ॥
ನಕ್ತೋ॒ಷಾಸಾ॒ ಸಮ॑ನಸಾ॒ ವಿರೂ॑ಪೇ ಧಾ॒ಪಯೇ॑ತೇ॒ ಶಿಶು॒ಮೇಕ॑ᳪ ಸಮೀ॒ಚೀ ।
ದ್ಯಾವಾ॒ಕ್ಷಾಮಾ॑ ರು॒ಕ್ಮೋ ಅ॒ನ್ತರ್ವಿ ಭಾ॑ತಿ ದೇ॒ವಾ ಅ॒ಗ್ನಿಂ ಧಾ॑ರಯನ್ ದ್ರವಿಣೋ॒ದಾಃ ॥ ೭೦ ॥
ಅಗ್ನೇ॑ ಸಹಸ್ರಾಕ್ಷ ಶತಮೂರ್ಧಞ್ಛ॒ತಂ ತೇ॑ ಪ್ರಾ॒ಣಾಃ ಸ॒ಹಸ್ರಂ॑ ವ್ಯಾ॒ನಾಃ ।
ತ್ವᳪ ಸಾ॑ಹ॒ಸ್ರಸ್ಯ॑ ರಾ॒ಯ ಈ॑ಶಿಷೇ॒ ತಸ್ಮೈ॑ ತೇ ವಿಧೇಮ॒ ವಾಜಾ॑ಯ॒ ಸ್ವಾಹಾ॑ ॥ ೭೧ ॥
ಸು॒ಪ॒ರ್ಣೋ॒ಽಸಿ ಗ॒ರುತ್ಮಾ॑ನ್ ಪೃ॒ಷ್ಠೇ ಪೃ॑ಥಿ॒ವ್ಯಾಃ ಸೀ॑ದ ।
ಭಾ॒ಸಾಽನ್ತರಿ॑ಕ್ಷ॒ಮಾ ಪೃ॑ಣ॒ ಜ್ಯೋತಿ॑ಷಾ॒ ದಿವ॒ಮುತ್ತ॑ಭಾನ॒ ತೇಜ॑ಸಾ॒ ದಿಶ॒ ಉದ್ದೃ॑ᳪಹ ॥ ೭೨ ॥
ಆ॒ಜುಹ್ವಾ॑ನಃ ಸು॒ಪ್ರತೀ॑ಕಃ ಪು॒ರಸ್ತಾ॒ದಗ್ನೇ॒ ಸ್ವಂ ಯೋನಿ॒ಮಾ ಸೀ॑ದ ಸಾಧು॒ಯಾ ।
ಅ॒ಸ್ಮಿನ್ತ್ಸ॒ಧಸ್ಥೇ॒ ಅಧ್ಯುತ್ತ॑ರಸ್ಮಿ॒ನ್ವಿಶ್ವೇ॑ ದೇವಾ॒ ಯಜ॑ಮಾನಶ್ಚ ಸೀದತ ॥ ೭೩ ॥
ತಾᳪ ಸ॑ವಿ॒ತುರ್ವರೇ॑ಣ್ಯಸ್ಯ ಚಿ॒ತ್ರಾಮಾಽಹಂ ವೃ॑ಣೇ ಸುಮ॒ತಿಂ ವಿ॒ಶ್ವಜ॑ನ್ಯಾಮ್ ।
ಯಾಮ॑ಸ್ಯ॒ ಕಣ್ವೋ॒ ಅದು॑ಹ॒ತ್ಪ್ರಪೀ॑ನಾᳪ ಸ॒ಹಸ್ರ॑ಧಾರಾಂ॒ ಪಯ॑ಸಾ ಮ॒ಹೀಂ ಗಾಮ್ ॥ ೭೪ ॥
ವಿ॒ಧೇಮ॑ ತೇ ಪರ॒ಮೇ ಜನ್ಮ॑ನ್ನಗ್ನೇ ವಿ॒ಧೇಮ॒ ಸ್ತೋಮೈ॒ರವ॑ರೇ ಸ॒ಧಸ್ಥೇ॑ ।
ಯಸ್ಮಾ॒ದ್ಯೋನೇ॑ರು॒ದಾರಿ॑ಥಾ॒ ಯಜೇ॒ ತಂ ಪ್ರ ತ್ವೇ ಹ॒ವೀᳪಷಿ॑ ಜುಹುರೇ॒ ಸಮಿ॑ದ್ಧೇ ॥ ೭೫ ॥
ಪ್ರೇದ್ಧೋ॑ ಅಗ್ನೇ ದೀದಿಹಿ ಪು॒ರೋ ನಽಜ॑ಸ್ರಯಾ ಸೂ॒ರ್ಮ್ಯಾ॒ ಯವಿಷ್ಠ । ತ್ವಾᳪ ಶಶ್ವ॑ನ್ತ॒ ಉಪ॑ ಯನ್ತಿ॒ ವಾಜಾ॑: ॥ ೭೬ ॥
ಅಗ್ನೇ॒ ತಮ॒ದ್ಯಾಶ್ವಂ॒ ನ ಸ್ತೋಮೈ॒: ಕ್ರತುಂ॒ ನ ಭ॒ದ್ರᳪ ಹೃ॑ದಿ॒ಸ್ಪೃಶ॑ಮ್ । ಋ॒ಧ್ಯಾಮಾ॑ ತ॒ ಓಹೈ॑: ॥ ೭೭ ॥
ಚಿತ್ತಿಂ॑ ಜುಹೋಮಿ॒ ಮನ॑ಸಾ ಘೃ॒ತೇನ॒ ಯಥಾ॑ ದೇ॒ವಾ ಇ॒ಹಾಗಮ॑ನ್ವೀ॒ತಿಹೋ॑ತ್ರಾ ಋತಾ॒ವೃಧ॑: ।
ಪತ್ಯೇ॒ ವಿಶ್ವ॑ಸ್ಯ॒ ಭೂಮ॑ನೋ ಜು॒ಹೋಮಿ॑ ವಿ॒ಶ್ವಕ॑ರ್ಮಣೇ ವಿ॒ಶ್ವಾಹಾಽದಾ॑ಭ್ಯᳪ ಹ॒ವಿ: ॥ ೭೮ ॥
ಸ॒ಪ್ತ ತೇ॑ ಅಗ್ನೇ ಸ॒ಮಿಧ॑: ಸ॒ಪ್ತ ಜಿ॒ಹ್ವಾಃ ಸ॒ಪ್ತ ಋಷ॑ಯಃ ಸ॒ಪ್ತ ಧಾಮ॑ ಪ್ರಿ॒ಯಾಣಿ॑ ।
ಸ॒ಪ್ತ ಹೋತ್ರಾ॑: ಸಪ್ತ॒ಧಾ ತ್ವಾ॑ ಯಜನ್ತಿ ಸ॒ಪ್ತ ಯೋನೀ॒ರಾ ಪೃ॑ಣಸ್ವ ಘೃ॒ತೇನ॒ ಸ್ವಾಹಾ॑ ॥ ೭೯ ॥
ಶು॒ಕ್ರಜ್ಯೋ॑ತಿಶ್ಚ ಚಿ॒ತ್ರಜ್ಯೋ॑ತಿಶ್ಚ ಸ॒ತ್ಯಜ್ಯೋ॑ತಿಶ್ಚ॒ ಜ್ಯೋತಿ॑ಷ್ಮಾಁಶ್ಚ । ಶು॒ಕ್ರಶ್ಚ॑ ಋತ॒ಪಾಶ್ಚಾತ್ಯ॑ᳪಹಾಃ ॥ ೮೦ ॥
ಈ॒ದೃಙ್ ಚಾ॑ನ್ಯಾ॒ದೃಙ್ ಚ॑ ಸ॒ದೃಙ್ ಚ॑ ಪ್ರತಿ॑ಸದೃಙ್ ಚ॑ । ಮಿ॒ತಶ್ಚ॒ ಸಮ್ಮಿ॑ತಶ್ಚ॒ ಸಭ॑ರಾಃ ॥ ೮೧ ॥
ಋ॒ತಶ್ಚ॑ ಸ॒ತ್ಯಶ್ಚ॑ ಧ್ರು॒ವಶ್ಚ॑ ಧ॒ರುಣ॑ಶ್ಚ । ಧ॒ರ್ತಾ ಚ॑ ವಿಧ॒ರ್ತಾ ಚ॑ ವಿಧಾರ॒ಯಃ ॥ ೮೨ ॥
ಋ॒ತ॒ಜಿಚ್ಚ॑ ಸತ್ಯ॒ಜಿಚ್ಚ॑ ಸೇನ॒ಜಿಚ್ಚ॑ ಸು॒ಷೇಣ॑ಶ್ಚ । ಅನ್ತಿ॑ಮಿತ್ರಶ್ಚ ದೂ॒ರೇ ಅ॑ಮಿತ್ರಶ್ಚ ಗ॒ಣಃ ॥ ೮೩ ॥
ಈ॒ದೃಕ್ಷಾ॑ಸ ಏತಾ॒ದೃಕ್ಷಾ॑ಸ ಊ॒ ಷು ಣ॑: ಸ॒ದೃಕ್ಷಾ॑ಸ॒: ಪ್ರತಿ॑ಸದೃಕ್ಷಾಸ॒ ಏತ॑ನ ।
ಮಿ॒ತಾಸ॑ಶ್ಚ॒ ಸಮ್ಮಿ॑ತಾಸೋ ನೋ ಅ॒ದ್ಯ ಸಭ॑ರಸೋ ಮರುತೋ ಯ॒ಜ್ಞೇ ಅ॒ಸ್ಮಿನ್ ॥ ೮೪ ॥
ಸ್ವತ॑ವಾಁಶ್ಚ ಪ್ರಘಾ॒ಸೀ ಚ॑ ಸಾನ್ತಪ॒ನಶ್ಚ॑ ಗೃಹಮೇ॒ಧೀ ಚ॑ । ಕ್ರೀ॒ಡೀ ಚ॑ ಶಾ॒ಕೀ ಚೋ॑ಜ್ಜೇ॒ಷೀ ॥ ೮೫ ॥
ಇನ್ದ್ರಂ॒ ದೈವೀ॒ರ್ವಿಶೋ॑ ಮ॒ರುತೋಽನು॑ವರ್ತ್ಮಾನೋಽಭವ॒ನ್ಯಥೇನ್ದ್ರಂ॒ ದೈವೀ॒ರ್ವಿಶೋ॑ ಮ॒ರುತೋಽನು॑ವರ್ತ್ಮಾ॒ನೋಽಭ॑ವನ್ ।
ಏ॒ವಮಿ॒ಮಂ ಯಜ॑ಮಾನಂ॒ ದೈವೀ॑ಶ್ಚ॒ ವಿಶೋ॑ ಮಾನು॒ಷೀಶ್ಚಾನು॑ವರ್ತ್ಮಾನೋ ಭವನ್ತು ॥ ೮೬ ॥
ಇ॒ಮᳪ ಸ್ತನ॒ಮೂರ್ಜ॑ಸ್ವನ್ತಂ ಧಯಾ॒ಪಾಂ ಪ್ರಪೀ॑ನಮಗ್ನೇ ಸರಿ॒ರಸ್ಯ॒ ಮಧ್ಯೇ॑ ।
ಉತ್ಸಂ॑ ಜುಷಸ್ವ॒ ಮಧು॑ಮನ್ತಮರ್ವನ್ತ್ಸಮು॒ದ್ರಿಯ॒ᳪ ಸದ॑ನ॒ಮಾ ವಿ॑ಶಸ್ವ ॥ ೮೭ ॥
ಘೃ॒ತಂ ಮಿ॑ಮಿಕ್ಷೇ ಘೃ॒ತಮ॑ಸ್ಯ॒ ಯೋನಿ॑ರ್ಘೃ॒ತೇ ಶ್ರಿ॒ತೋ ಘೃ॒ತಮ್ವ॑ಸ್ಯ॒ ಧಾಮ॑ ।
ಅ॒ನುಷ್ವ॒ಧಮಾ ವ॑ಹ ಮಾ॒ದಯ॑ಸ್ವ॒ ಸ್ವಾಹಾ॑ಕೃತಂ ವೃಷಭ ವಕ್ಷಿ ಹ॒ವ್ಯಮ್ ॥ ೮೮ ॥
ಸಮು॒ದ್ರಾದೂ॒ರ್ಮಿರ್ಮಧು॑ಮಾಁ॒೨ ಉದಾ॑ರ॒ದುಪಾ॒ᳪಶುನಾ॒ ಸಮ॑ಮೃತ॒ತ್ವಮಾ॑ನಟ್ ।
ಘೃ॒ತಸ್ಯ॒ ನಾಮ॒ ಗುಹ್ಯಂ॒ ಯದಸ್ತಿ॑ ಜಿ॒ಹ್ವಾ ದೇ॒ವಾನಾ॑ಮ॒ಮೃತ॑ಸ್ಯ॒ ನಾಭಿ॑: ॥ ೮೯ ॥
ವ॒ಯಂ ನಾಮ॒ ಪ್ರ ಬ್ರ॑ವಾಮಾ ಘೃ॒ತಸ್ಯಾ॒ಸ್ಮಿನ್ ಯ॒ಜ್ಞೇ ಧಾ॑ರಯಾಮಾ॒ ನಮೋ॑ಭಿಃ ।
ಉಪ॑ ಬ್ರ॒ಹ್ಮಾ ಶೃ॑ಣವಚ್ಛ॒ಸ್ಯಮಾ॑ನಂ॒ ಚತು॑:ಶೃಙ್ಗೋ॒ಽವಮೀದ್ಗೌ॒ರ ಏ॒ತತ್ ॥ ೯೦ ॥
ಚ॒ತ್ವಾರಿ॒ ಶೃಙ್ಗಾ॒ ತ್ರಯೋ॑ ಅಸ್ಯ॒ ಪಾದಾ॒ ದ್ವೇ ಶೀ॒ರ್ಷೇ ಸ॒ಪ್ತ ಹಸ್ತಾ॑ಸೋ ಅಸ್ಯ ।
ತ್ರಿಧಾ॑ ಬ॒ದ್ಧೋ ವೃ॑ಷ॒ಭೋ ರೋ॑ರವೀತಿ ಮ॒ಹೋ ದೇ॒ವೋ ಮರ್ತ್ಯಾಁ॒೨ ಆ ವಿ॑ವೇಶ ॥ ೯೧ ॥
ತ್ರಿಧಾ॑ ಹಿ॒ತಂ ಪ॒ಣಿಭಿ॑ರ್ಗು॒ಹ್ಯಮಾ॑ನಂ॒ ಗವಿ॑ ದೇ॒ವಾಸೋ॑ ಘೃ॒ತಮನ್ವ॑ವಿನ್ದನ್ ।
ಇನ್ದ್ರ॒ ಏಕ॒ᳪ ಸೂರ್ಯ॒ ಏಕಂ॑ ಜಜಾನ ವೇ॒ನಾದೇಕ॑ᳪ ಸ್ವ॒ಧಯಾ॒ ನಿಷ್ಟ॑ತಕ್ಷುಃ ॥ ೯೨ ॥
ಏ॒ತಾ ಅ॑ರ್ಷನ್ತಿ॒ ಹೃದ್ಯಾ॑ತ್ಸಮು॒ದ್ರಾಚ್ಛ॒ತವ್ರ॑ಜಾ ರಿ॒ಪುಣಾ॒ ನಾವ॒ಚಕ್ಷೇ॑ ।
ಘೃ॒ತಸ್ಯ॒ ಧಾರಾ॑ ಅ॒ಭಿ ಚಾ॑ಕಶೀಮಿ ಹಿರ॒ಣ್ಯಯೋ॑ ವೇತ॒ಸೋ ಮಧ್ಯ॑ ಆಸಾಮ್ ॥ ೯೩ ॥
ಸ॒ಮ್ಯಕ್ ಸ್ರ॑ವನ್ತಿ ಸ॒ರಿತೋ॒ ನ ಧೇನಾ॑ ಅ॒ನ್ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ ।
ಏ॒ತೇ ಅ॑ರ್ಷನ್ತ್ಯೂ॒ರ್ಮಯೋ॑ ಘೃ॒ತಸ್ಯ॑ ಮೃ॒ಗಾ ಇ॑ವ ಕ್ಷಿಪ॒ಣೋರೀಷ॑ಮಾಣಾಃ ॥ ೯೪ ॥
ಸಿನ್ಧೋ॑ರಿವ ಪ್ರಾಧ್ವ॒ನೇ ಶೂ॑ಘ॒ನಾಸೋ॒ ವಾತ॑ಪ್ರಮಿಯಃ ಪತಯನ್ತಿ ಯ॒ಹ್ವಾಃ ।
ಘೃ॒ತಸ್ಯ॒ ಧಾರಾ॑ ಅರು॒ಷೋ ನ ವಾ॒ಜೀ ಕಾಷ್ಠಾ॑ ಭಿ॒ನ್ದನ್ನೂ॒ರ್ಮಿಭಿ॒: ಪಿನ್ವ॑ಮಾನಃ ॥ ೯೫ ॥
ಅ॒ಭಿ ಪ್ರ॑ವನ್ತ॒ ಸಮ॑ನೇವ॒ ಯೋಷಾ॑: ಕಲ್ಯಾ॒ಣ್ಯಃ ಸ್ಮಯ॑ಮಾನಾಸೋ ಅ॒ಗ್ನಿಮ್ ।
ಘೃ॒ತಸ್ಯ॒ ಧಾರಾ॑: ಸ॒ಮಿಧೋ॑ ನಸನ್ತ॒ ತಾ ಜು॑ಷಾ॒ಣೋ ಹ॑ರ್ಯತಿ ಜಾ॒ತವೇ॑ದಾಃ ॥ ೯೬ ॥
ಕ॒ನ್ಯಾ॒ ಇವ ವಹ॒ತುಮೇತ॒ವಾ ಉ॑ ಅ॒ಞ್ಜ್ಯ॒ಞ್ಜಾ॒ನಾ ಅ॒ಭಿ ಚಾ॑ಕಶೀಮಿ ।
ಯತ್ರ॒ ಸೋಮ॑: ಸೂ॒ಯತೇ॒ ಯತ್ರ॑ ಯ॒ಜ್ಞೋ ಘೃ॒ತಸ್ಯ॒ ಧಾರಾ॑ ಅ॒ಭಿ ತತ್ಪ॑ವನ್ತೇ ॥ ೯೭ ॥
ಅ॒ಭ್ಯ॒ರ್ಷತ ಸುಷ್ಟು॒ತಿಂ ಗವ್ಯ॑ಮಾ॒ಜಿಮ॒ಸ್ಮಾಸು॑ ಭ॒ದ್ರಾ ದ್ರವಿ॑ಣಾನಿ ಧತ್ತ ।
ಇ॒ಮಂ ಯ॒ಜ್ಞಂ ನ॑ಯತ ದೇ॒ವತಾ॑ ನೋ ಘೃ॒ತಸ್ಯ॒ ಧಾರಾ॒ ಮಧು॑ಮತ್ಪವನ್ತೇ ॥ ೯೮ ॥
ಧಾಮಂ॑ ತೇ॒ ವಿಶ್ವಂ॒ ಭುವ॑ನ॒ಮಧಿ॑ ಶ್ರಿ॒ತಮ॒ನ್ತಃ ಸ॑ಮು॒ದ್ರೇ ಹೃ॒ದ್ಯನ್ತರಾಯು॑ಷಿ ।
ಅ॒ಪಾಮನೀ॑ಕೇ ಸಮಿ॒ಥೇ ಯ ಆಭೃ॑ತ॒ಸ್ತಮ॑ಶ್ಯಾಮ॒ ಮಧು॑ಮನ್ತಂ ತ ಊ॒ರ್ಮಿಮ್ ॥ ೯೯ ॥
ಅಧ್ಯಾಯ ೧೮
ವಾಜ॑ಶ್ಚ ಮೇ ಪ್ರಸ॒ವಶ್ಚ॑ ಮೇ॒ ಪ್ರಯ॑ತಿಶ್ಚ ಮೇ॒ ಪ್ರಸಿ॑ತಿಶ್ಚ ಮೇ ಧೀ॒ತಿಶ್ಚ॑ ಮೇ॒ ಕ್ರತು॑ಶ್ಚ ಮೇ॒ ಸ್ವರ॑ಶ್ಚ ಮೇ॒ ಶ್ಲೋಕ॑ಶ್ಚ ಮೇ ಶ್ರ॒ವಶ್ಚ॑ ಮೇ॒ ಶ್ರುತಿ॑ಶ್ಚ ಮೇ॒ ಜ್ಯೋತಿ॑ಶ್ಚ ಮೇ॒ ಸ್ವ॒ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧ ॥
ಪ್ರಾ॒ಣಶ್ಚ॑ ಮೇಽಪಾ॒ನಶ್ಚ॑ ಮೇ ವ್ಯಾ॒ನಶ್ಚ॒ ಮೇಽಸು॑ಶ್ಚ ಮೇ ಚಿ॒ತ್ತಂ ಚ॑ ಮ॒ ಆಧೀ॑ತಂ ಚ ಮೇ॒ ವಾಕ್ ಚ॑ ಮೇ॒ ಮನ॑ಶ್ಚ ಮೇ॒ ಚಕ್ಷು॑ಶ್ಚ ಮೇ॒ ಶ್ರೋತ್ರಂ॑ ಚ ಮೇ॒ ದಕ್ಷ॑ಶ್ಚ ಮೇ॒ ಬಲಂ॑ ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨ ॥
ಓಜ॑ಶ್ಚ ಮೇ॒ ಸಹ॑ಶ್ಚ ಮ ಆ॒ತ್ಮಾ ಚ॑ ಮೇ ತ॒ನೂಶ್ಚ॑ ಮೇ॒ ಶರ್ಮ॑ ಚ ಮೇ॒ ವರ್ಮ॑ ಚ॒ ಮೇಽಙ್ಗಾ॑ನಿ ಚ॒ ಮೇಽಸ್ಥೀ॑ನಿ ಚ ಮೇ॒ ಪರೂ॑ᳪಷಿ ಚ ಮೇ॒ ಶರೀ॑ರಾಣಿ ಚ ಮ॒ ಆಯು॑ಶ್ಚ ಮೇ ಜ॒ರಾ ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೩ ॥
ಜ್ಯೈ॑ಷ್ಠ್ಯಂ ಚ ಮೇ॒ ಆಧಿ॑ಪತ್ಯಂ ಚ ಮೇ ಮ॒ನ್ಯುಶ್ಚ॑ ಮೇ॒ ಭಾಮ॑ಶ್ಚ॒ ಮೇಽಮ॑ಶ್ಚ॒ ಮೇಽಮ್ಭ॑ಶ್ಚ ಮೇ ಜೇ॒ಮಾ ಚ॑ ಮೇ ಮಹಿ॒ಮಾ ಚ॑ ಮೇ ವರಿ॒ಮಾ ಚ॑ ಮೇ ಪ್ರಥಿ॒ಮಾ ಚ॑ ಮೇ ವರ್ಷಿ॒ಮಾ ಚ॑ ಮೇ ದ್ರಾಘಿ॒ಮಾ ಚ॑ ಮೇ ವೃ॒ದ್ಧಂ ಚ॑ ಮೇ॒ ವೃದ್ಧಿ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೪ ॥
ಸ॒ತ್ಯಂ ಚ॑ ಮೇ ಶ್ರ॒ದ್ಧಾ ಚ॑ ಮೇ॒ ಜಗ॑ಚ್ಚ ಮೇ॒ ಧನಂ॑ ಚ ಮೇ॒ ವಿಶ್ವಂ॑ ಚ ಮೇ॒ ಮಹ॑ಶ್ಚ ಮೇ ಕ್ರೀ॒ಡಾ ಚ॑ ಮೇ॒ ಮೋದ॑ಶ್ಚ ಮೇ ಜಾ॒ತಂ ಚ॑ ಮೇ ಜನಿ॒ಷ್ಯಮಾ॑ಣಂ ಚ ಮೇ ಸೂ॒ಕ್ತಂ ಚ॑ ಮೇ ಸುಕೃ॒ತಂ ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೫ ॥
ಋ॒ತಂ ಚ॑ ಮೇಽಮೃತಂ॑ ಚ ಮೇ ಽಯ॒ಕ್ಷ್ಮಂ ಚ॒ ಮೇ ಽನಾ॑ಮಯಚ್ಚ ಮೇ ಜೀ॒ವಾತು॑ಶ್ಚ ಮೇ ದೀರ್ಘಾಯು॒ತ್ವಂ ಚ॑ ಮೇಽನಮಿ॒ತ್ರಂ ಚ॒ ಮೇ ಽಭ॑ಯಂ ಚ ಮೇ ಸು॒ಖಂ ಚ॑ ಮೇ॒ ಶಯ॑ನಂ ಚ ಮೇ ಸೂ॒ಷಾಶ್ಚ॑ ಮೇ ಸು॒ದಿನಂ॑ ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೬ ॥
ಯ॒ನ್ತಾ ಚ॑ ಮೇ ಧ॒ರ್ತಾ ಚ॑ ಮೇ॒ ಕ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒ ವಿಶ್ವಂ॑ ಚ ಮೇ॒ ಮಹ॑ಶ್ಚ ಮೇ ಸಂ॒ವಿಚ್ಚ॑ ಮೇ॒ ಜ್ಞಾತ್ರಂ॑ ಚ ಮೇ॒ ಸೂಶ್ಚ॑ ಮೇ ಪ್ರ॒ಸೂಶಚ॒॑ ಮೇ॒ ಸೀರಂ॑ ಚ ಮೇ॒ ಲಯ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೭ ॥
ಶಂ ಚ॑ ಮೇ॒ ಮಯ॑ಶ್ಚ ಮೇ ಪ್ರಿ॒ಯಂ ಚ॑ ಮೇಽನುಕಾ॒ಮಶ್ಚ॑ ಮೇ॒ ಕಾಮ॑ಶ್ಚ ಮೇ ಸೌಮನ॒ಸಶ್ಚ॑ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣಂ ಚ ಮೇ ಭ॒ದ್ರಂ ಚ॑ ಮೇ॒ ಶ್ರೇಯ॑ಶ್ಚ ಮೇ॒ ವಸೀ॑ಯಶ್ಚ ಮೇ॒ ಯಶ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೮ ॥
ಊರ್ಕ್ ಚ॑ ಮೇ ಸೂ॒ನೃತಾ॑ ಚ ಮೇ॒ ಪಯ॑ಶ್ಚ ಮೇ॒ ರಸ॑ಶ್ಚ ಮೇ ಘೃ॒ತಂ ಚ॑ ಮೇ॒ ಮಧು॑ ಚ ಮೇ॒ ಸಗ್ಧಿ॑ಶ್ಚ ಮೇ॒ ಸಪೀ॑ತಿಶ್ಚ ಮೇ ಕೃ॒ಷಿಶ್ಚ॑ ಮೇ॒ ವೃಷ್ಟಿ॑ಶ್ಚ ಮೇ॒ ಜೈತ್ರಂ॑ ಚ ಮ॒ ಔದ್ಭಿ॑ದ್ಯಂ ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೯ ॥
ರ॒ಯಿಶ್ಚ॑ ಮೇ॒ ರಾಯ॑ಶ್ಚ ಮೇ ಪು॒ಷ್ಟಂ ಚ॑ ಮೇ॒ ಪುಷ್ಟಿ॑ಶ್ಚ ಮೇ ವಿ॒ಭು ಚ॑ ಮೇ ಪ್ರ॒ಭು ಚ॑ ಮೇ ಪೂ॒ರ್ಣಂ ಚ॑ ಮೇ ಪೂ॒ರ್ಣತ॑ರಂ ಚ ಮೇ॒ ಕುಯ॑ವಂ ಚ॒ ಮೇಽಕ್ಷಿ॑ತಂ ಚ॒ ಮೇಽನ್ನಂ॑ ಚ॒ ಮೇಽಕ್ಷು॑ಚ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೦ ॥
ವಿ॒ತ್ತಂ ಚ॑ ಮೇ॒ ವೇದ್ಯಂ॑ ಚ ಮೇ ಭೂ॒ತಂ ಚ॑ ಮೇ ಭವಿ॒ಷ್ಯಚ್ಚ॑ ಮೇ ಸು॒ಗಂ ಚ॑ ಮೇ ಸುಪ॒ಥ್ಯಂ॒ ಚ ಮ ಋ॒ದ್ಧಂ ಚ॑ ಮ॒ ಋದ್ಧಿ॑ಶ್ಚ ಮೇ ಕ್ಲೃ॒ಪ್ತಂ ಚ॑ ಮೇ॒ ಕ್ಲೃಪ್ತಿ॑ಶ್ಚ ಮೇ ಮ॒ತಿಶ್ಚ॑ ಮೇ ಸುಮ॒ತಿಶ್ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೧ ॥
ವ್ರೀ॒ಹಯ॑ಶ್ಚ ಮೇ॒ ಯವಾ॑ಶ್ಚ ಮೇ॒ ಮಾಷಾ॑ಶ್ಚ ಮೇ॒ ತಿಲಾ॑ಶ್ಚ ಮೇ ಮು॒ದ್ರಾಶ್ಚ॑ ಮೇ॒ ಖಲ್ವಾ॑ಶ್ಚ ಮೇ ಪ್ರಿ॒ಯಙ್ಗ॑ವಶ್ಚ॒ ಮೇಽಣ॑ವಶ್ಚ ಮೇ ಶ್ಯಾ॒ಮಾಕಾ॑ಶ್ಚ ಮೇ ನೀ॒ವಾರಾ॑ಶ್ಚ ಮೇ ಗೋ॒ಧೂಮಾ॑ಶ್ಚ ಮೇ ಮ॒ಸೂರಾ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೨ ॥
ಅಶ್ಮಾ॑ ಚ ಮೇ॒ ಮೃತ್ತಿ॑ಕಾ ಚ ಮೇ ಗಿ॒ರಯ॑ಶ್ಚ ಮೇ॒ ಪರ್ವ॑ತಾಶ್ಚ ಮೇ॒ ಸಿಕ॑ತಾಶ್ಚ ಮೇ॒ ವನ॒ಸ್ಪತ॑ಯಶ್ಚ ಮೇ॒ ಹಿರ॑ಣ್ಯಂ ಚ॒ ಮೇಽಯ॑ಶ್ಚ ಮೇ ಶ್ಯಾ॒ಮಂ ಚ॑ ಮೇ ಲೋ॒ಹಂ ಚ॑ ಮೇ॒ ಸೀಸಂ॑ ಚ ಮೇ॒ ತ್ರಪು॑ ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೩ ॥
ಅ॒ಗ್ನಿಶ್ಚ॑ ಮ॒ ಆಪ॑ಶ್ಚ ಮೇ ವೀ॒ರುಧ॑ಶ್ಚ ಮ॒ ಓಷ॑ಧಯಶ್ಚ ಮೇ ಕೃಷ್ಟಪ॒ಚ್ಯಾಶ್ಚ॑ ಮೇಽಕೃಷ್ಟಪ॒ಚ್ಯಾಶ್ಚ॑ ಮೇ ಗ್ರಾ॒ಮ್ಯಾಶ್ಚ॑ ಮೇ ಪ॒ಶವ॑ ಆರ॒ಣ್ಯಾಶ್ಚ॑ ಮೇ ವಿ॒ತ್ತಂ ಚ॑ ಮೇ॒ ವಿತ್ತಿ॑ಶ್ಚ ಮೇ ಭೂ॒ತಂ ಚ॑ ಮೇ॒ ಭೂತಿ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೪ ॥
ವಸು॑ ಚ ಮೇ ವಸ॒ತಿಶ್ಚ॑ ಮೇ॒ ಕರ್ಮ॑ ಚ ಮೇ॒ ಶಕ್ತಿ॑ಶ್ಚ॒ ಮೇ ಽರ್ಥ॑ಶ್ಚ ಮ॒ ಏಮ॑ಶ್ಚ ಮ ಇ॒ತ್ಯಾ ಚ॑ ಮೇ॒ ಗತಿ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೫ ॥
ಅ॒ಗ್ನಿಶ್ಚ॑ ಮ॒ ಇನ್ದ್ರ॑ಶ್ಚ ಮೇ॒ ಸೋಮ॑ಶ್ಚ ಮ॒ ಇನ್ದ್ರ॑ಶ್ಚ ಮೇ ಸವಿ॒ತಾ ಚ॑ ಮ॒ ಇನ್ದ್ರ॑ಶ್ಚ ಮೇ॒ ಸರ॑ಸ್ವತೀ ಚ ಮ॒ ಇನ್ದ್ರ॑ಶ್ಚ ಮೇ ಪೂ॒ಷಾ ಚ॑ ಮ॒ ಇನ್ದ್ರ॑ಶ್ಚ ಮೇ॒ ಬೃಹ॒ಸ್ಪತಿ॑ಶ್ಚ ಮ॒ ಇನ್ದ್ರ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೬ ॥
ಮಿ॒ತ್ರಶ್ಚ॑ ಮ॒ ಇನ್ದ್ರ॑ಶ್ಚ ಮೇ॒ ವರು॑ಣಶ್ಚ ಮ॒ ಇನ್ದ್ರ॑ಶ್ಚ ಮೇ ಧಾ॒ತಾ ಚ॑ ಮ॒ ಇನ್ದ್ರ॑ಶ್ಚ ಮೇ॒ ತ್ವಷ್ಟಾ॑ ಚ ಮ॒ ಇನ್ದ್ರ॑ಶ್ಚ ಮೇ ಮ॒ರುತ॑ಶ್ಚ ಮ॒ ಇನ್ದ್ರ॑ಶ್ಚ ಮೇ॒ ವಿಶ್ವೇ॑ ಚ ಮೇ ದೇ॒ವಾ ಇನ್ದ್ರ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೭ ॥
ಪೃ॒ಥಿ॒ವೀ ಚ॑ ಮ॒ ಇನ್ದ್ರ॑ಶ್ಚ॒ ಮೇಽನ್ತರಿ॑ಕ್ಷಂ ಚ ಮ॒ ಇನ್ದ್ರ॑ಶ್ಚ ಮೇ॒ ದ್ಯೌಶ್ಚ॑ ಮ॒ ಇನ್ದ್ರ॑ಶ್ಚ ಮೇ॒ ಸಮಾ॑ಶ್ಚ ಮ॒ ಇನ್ದ್ರ॑ಶ್ಚ ಮೇ॒ ನಕ್ಷ॑ತ್ರಾಣಿ ಚ ಮ॒ ಇನ್ದ್ರ॑ಶ್ಚ ಮೇ॒ ದಿಶ॑ಶ್ಚ ಮ॒ ಇನ್ದ್ರ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೮ ॥
ಅ॒ᳪಶುಶ್ಚ॑ ಮೇ ರ॒ಶ್ಮಿಶ್ಚ॒ ಮೇಽದಾ॑ಭ್ಯಶ್ಚ॒ ಮೇಽಧಿ॑ಪತಿಶ್ಚ ಮ ಉಪಾ॒ᳪಶುಶ್ಚ॑ ಮೇಽನ್ತರ್ಯಾ॒ಮಶ್ಚ॑ ಮ ಐನ್ದ್ರವಾಯ॒ವಶ್ಚ॑ ಮೇ ಮೈತ್ರಾವರು॒ಣಶ್ಚ॑ ಮ ಆಶ್ವಿ॒ನಶ್ಚ॑ ಮೇ ಪ್ರತಿಪ್ರ॒ಸ್ಥಾನ॑ಶ್ಚ ಮೇ ಶು॒ಕ್ರಶ್ಚ॑ ಮೇ ಮ॒ನ್ಥೀ ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೧೯ ॥
ಆ॒ಗ್ರ॒ಯಾ॒ಣಶ್ಚ॑ ಮೇ ವೈಶ್ವದೇ॒ವಶ್ಚ॑ ಮೇ ಧ್ರು॒ವಶ್ಚ॑ ಮೇ ವೈಶ್ವಾನ॒ರಶ್ಚ॑ ಮ ಐನ್ದ್ರಾ॒ಗ್ನಶ್ಚ॑ ಮೇ ಮ॒ಹಾವೈ॑ಶ್ವದೇಶ್ಚ ಮೇ ಮರುತ್ವ॒ತೀಯಾ॑ಶ್ಚ ಮೇ॒ ನಿಷ್ಕೇ॑ವಲ್ಯಶ್ಚ ಮೇ ಸಾವಿ॒ತ್ರಶ್ಚ॑ ಮೇ ಸಾರಸ್ವ॒ತಶ್ಚ॑ ಮೇ ಪಾತ್ನೀವ॒ತಶ್ಚ॑ ಮೇ ಹಾರಿಯೋಜ॒ನಶ್ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೦ ॥
ಸ್ರುಚ॑ಶ್ಚ ಮೇ ಚಮ॒ಸಾಶ್ಚ॑ ಮೇ ವಾಯ॒ವ್ಯಾ॒ನಿ ಚ ಮೇ ದ್ರೋಣಕಲ॒ಶಶ್ಚ॑ ಮೇ॒ ಗ್ರಾವಾ॑ಣಶ್ಚ ಮೇಽಧಿ॒ಷವ॑ಣೇ ಚ ಮೇ ಪೂತ॒ಭೃಚ್ಚ॑ ಮ ಆಧವ॒ನೀಯ॑ಶ್ಚ ಮೇ॒ ವೇದಿ॑ಶ್ಚ ಮೇ ಬ॒ರ್ಹಿಶ್ಚ॑ ಮೇಽವಭೃ॒ತಶ್ಚ॑ ಮೇ ಸ್ವಗಾಕಾ॒ರಶ್ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೧ ॥
ಅ॒ಗ್ನಿಶ್ಚ॑ ಮೇ ಘ॒ರ್ಮಶ್ಚ॑ ಮೇ॒ಽರ್ಕಶ್ಚ॑ ಮೇ॒ ಸೂರ್ಯ॑ಶ್ಚ ಮೇ ಪ್ರಾ॒ಣಶ್ಚ॑ ಮೇಽಶ್ವಮೇ॒ಧಶ್ಚ॑ ಮೇ ಪೃಥಿ॒ವೀ ಚ॒ ಮೇಽದಿ॑ತಿಶ್ಚ ಮೇ॒ ದಿತಿ॑ಶ್ಚ ಮೇ॒ ದ್ಯೌಶ್ಚ॑ ಮೇ॒ಽಙ್ಗುಲ॑ಯ॒: ಶಕ್ವ॑ರಯೋ॒ ದಿಶ॑ಶ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೨ ॥
ವ್ರ॒ತಂ ಚ॑ ಮ ಋ॒ತವ॑ಶ್ಚ ಮೇ॒ ತಪ॑ಶ್ಚ ಮೇ ಸಂವತ್ಸ॒ರಶ್ಚ॑ ಮೇಽಹೋರಾ॒ತ್ರೇ ಊ॑ರ್ವಷ್ಠೀ॒ವೇ ಬೃ॑ಹದ್ರಥನ್ತ॒ರೇ ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೩ ॥
ಏಕಾ॑ ಚ ಮೇ ತಿ॒ಸ್ರಶ್ಚ॑ ಮೇ ತಿ॒ಸ್ರಶ್ಚ॑ ಮೇ॒ ಪಞ್ಚ॑ ಚ ಮೇ॒ ಪಞ್ಚ॑ ಚ ಮೇ ಸ॒ಪ್ತ ಚ॑ ಮೇ ಸ॒ಪ್ತ ಚ॑ ಮೇ॒ ನವ॑ ಚ ಮೇ॒ ನವ॑ ಚ ಮ॒ ಏಕಾ॑ದಶ ಚ ಮ॒ ಏಕಾ॑ದಶ ಚ ಮೇ॒ ತ್ರಯೋ॑ದಶ ಚ ಮೇ॒ ತ್ರಯೋ॑ದಶ ಚ ಮೇ॒ ಪಞ್ಚ॑ದಶ ಚ ಮೇ॒ ಪಞ್ಚ॑ದಶ ಚ ಮೇ ಸ॒ಪ್ತದ॑ಶ ಚ ಮೇ ಸ॒ಪ್ತದ॑ಶ ಚ ಮೇ॒ ನವ॑ದಶ ಚ ಮೇ॒ ನವ॑ದಶ ಚ ಮ॒ ಏಕ॑ವಿᳪಶತಿಶ್ಚ ಮ॒ ಏಕ॑ವಿᳪಶತಿಶ್ಚ ಮೇ॒ ತ್ರಯೋ॑ವಿᳪಶತಿಶ್ಚ ಮೇ॒ ತ್ರಯೋ॑ವಿᳪಶತಿಶ್ಚ ಮೇ॒ ಪಞ್ಚ॑ವಿᳪಶತಿಶ್ಚ ಮೇ॒ ಪಞ್ಚ॑ವಿᳪಶತಿಶ್ಚ ಮೇ ಸ॒ಪ್ತವಿ॑ᳪಶತಿಶ್ಚ ಮೇ ಸ॒ಪ್ತವಿ॑ᳪಶತಿಶ್ಚ ಮೇ॒ ನವ॑ವಿᳪಶತಿಶ್ಚ ಮೇ॒ ನವ॑ವಿᳪಶತಿಶ್ಚ ಮ॒ ಏಕ॑ತ್ರಿᳪಶಚ್ಚ ಮ॒ ಏಕ॑ತ್ರಿᳪಶಚ್ಚ ಮೇ॒ ತ್ರಯ॑ಸ್ತ್ರಿᳪಶಚ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೪ ॥
ಚತ॑ಸ್ರಶ್ಚ ಮೇ॒ಽಷ್ಟೌ ಚ॑ ಮೇ॒ಽಷ್ಟೌ ಚ॑ ಮೇ॒ ದ್ವಾದ॑ಶ ಚ ಮೇ॒ ದ್ವಾದ॑ಶ ಚ ಮೇ॒ ಷೋಡ॑ಶ ಚ ಮೇ॒ ಷೋಡ॑ಶ ಚ ಮೇ ವಿᳪಶ॒ತಿಶ್ಚ॑ ಮೇ ವಿᳪಶತಿಶ್ಚ॑ ಮೇ॒ ಚತು॑ರ್ವಿᳪಶತಿಶ್ಚ ಮೇ॒ ಚತು॑ರ್ವಿᳪಶ॒ತಿಶ್ಚ॑ ಮೇ॒ಽಷ್ಟಾವಿ॑ᳪಶತಿಶ್ಚ ಮೇ॒ಽಷ್ಟಾವಿ॑ᳪಶತಿಶ್ಚ ಮೇ॒ ದ್ವಾತ್ರಿ॑ᳪಶಚ್ಚ ಮೇ॒ ದ್ವಾತ್ರಿ॑ᳪಶಚ್ಚ ಮೇ॒ ಷಟ್ತ್ರಿ॑ᳪಶಚ್ಚ ಮೇ॒ ಷಟ್ತ್ರಿ॑ᳪಶಚ್ಚ ಮೇ ಚತ್ವಾರಿ॒ᳪಶಚ್ಚ॑ ಮೇ ಚತ್ವಾರಿ॒ᳪಶಚ್ಚ॑ ಮೇ॒ ಚತು॑ಶ್ಚತ್ವಾರಿᳪಶಚ್ಚ ಮೇ॒ ಚತು॑ಶ್ಚತ್ವಾರಿᳪಶಚ್ಚ ಮೇ॒ಽಷ್ಟಾಚ॑ತ್ವಾರಿᳪಶಚ್ಚ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೫ ॥
ತ್ರ್ಯವಿ॑ಶ್ಚ ಮೇ ತ್ರ್ಯ॒ವೀ ಚ॑ ಮೇ ದಿತ್ಯ॒ವಾಟ್ ಚ॑ ಮೇ ದಿತ್ಯೌ॒ಹೀ ಚ॑ ಮೇ ಪಞ್ಚಾ॒ವಿಶ್ಚ॑ ಮೇ ಪಞ್ಚಾ॒ವೀ ಚ॑ ಮೇ ತ್ರಿವ॒ತ್ಸಶ್ಚ॑ ಮೇ ತ್ರಿವ॒ತ್ಸಾ ಚ॑ ಮೇ ತುರ್ಯ॒ವಾಟ್ ಚ॑ ಮೇ ತುರ್ಯೌ॒ಹೀ ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೬ ॥
ಪ॒ಷ್ಠ॒ವಾಟ್ ಚ॑ ಮೇ ಪಷ್ಠೌ॒ಹೀ ಚ॑ ಮ ಉ॒ಕ್ಷಾ ಚ॑ ಮೇ ವ॒ಶಾ ಚ॑ ಮ ಋಷ॒ಭಶ್ಚ॑ ಮೇ ವೇ॒ಹಚ್ಚ॑ ಮೇಽನ॒ಡ್ವಾಁಶ್ಚ॑ ಮೇ ಧೇ॒ನುಶ್ಚ॑ ಮೇ ಯ॒ಜ್ಞೇನ॑ ಕಲ್ಪನ್ತಾಮ್ ॥ ೨೭ ॥
ವಾಜಾ॑ಯ॒ ಸ್ವಾಹಾ॑ ಪ್ರಸ॒ವಾಯ॒ ಸ್ವಾಹಾ॑ಽಪಿ॒ಜಾಯ॒ ಸ್ವಾಹಾ॒ ಕ್ರತ॑ವೇ॒ ಸ್ವಾಹಾ॒ ವಸ॑ವೇ॒ ಸ್ವಾಹಾ॑ಽಹ॒ರ್ಪತ॑ಯೇ॒ ಸ್ವಾಹಾಽಹ್ನೇ॑ ಮು॒ಗ್ಧಾಯ॒ ಸ್ವಾಹಾ॑ ಮು॒ಗ್ಧಾಯ॑ ವೈನᳪಶಿ॒ನಾಯ॒ ಸ್ವಾಹಾ॑ ವಿನ॒ᳪಶಿನ॑ ಆನ್ತ್ಯಾಯ॒ನಾಯ॒ ಸ್ವಾಹಾಽಽನ್ತ್ಯಾ॑ಯ ಭೌವ॒ನಾಯ॒ ಸ್ವಾಹಾ॒ ಭುವ॑ನಸ್ಯ॒ ಪತ॑ಯೇ॒ ಸ್ವಾಹಾಽಧಿ॑ಪತಯೇ॒ ಸ್ವಾಹಾ॑ ಪ್ರ॒ಜಾಪ॑ತಯೇ॒ ಸ್ವಾಹಾ॑ ।
ಇ॒ಯಂ ತೇ॒ ರಾಣ್ಮಿ॒ತ್ರಾಯ॑ ಯ॒ನ್ತಾಽಸಿ॒ ಯಮ॑ನ ಊ॒ರ್ಜೇ ತ್ವಾ॒ ವೃಷ್ಟ್ಯೈ॑ ತ್ವಾ ಪ್ರ॒ಜಾನಾಂ॒ ತ್ವಾಽಽಧಿ॑ಪತ್ಯಾಯ ॥ ೨೮ ॥
ಆಯು॑ರ್ಯ॒ಜ್ಞೇನ॑ ಕಲ್ಪತಾಂ ಪ್ರಾ॒ಣೋ ಯ॒ಜ್ಞೇನ॑ ಕಲ್ಪತಾಂ॒ ಚಕ್ಷು॑ರ್ಯ॒ಜ್ಞೇನ॑ ಕಲ್ಪತಾ॒ᳪ ಶ್ರೋತ್ರಂ॑ ಯ॒ಜ್ಞೇನ॑ ಕಲ್ಪತಾಂ॒ ವಾಗ್ಯ॒ಜ್ಞೇನ॑ ಕಲ್ಪತಾಂ॒ ಮನೋ॑ ಯ॒ಜ್ಞೇನ॑ ಕಲ್ಪತಾಮಾ॒ತ್ಮಾ ಯ॒ಜ್ಞೇನ॑ ಕಲ್ಪತಾಂ ಬ್ರ॒ಹ್ಮಾ ಯ॒ಜ್ಞೇನ॑ ಕಲ್ಪತಾಂ॒ ಜ್ಯೋತಿ॑ರ್ಯ॒ಜ್ಞೇನ॑ ಕಲ್ಪತಾ॒ᳪ ಸ್ವ॒ರ್ಯ॒ಜ್ಞೇನ॑ ಕಲ್ಪತಾಂ ಪೃ॒ಷ್ಠಂ ಯ॒ಜ್ಞೇನ॑ ಕಲ್ಪತಾಂ ಯ॒ಜ್ಞೋ ಯ॒ಜ್ಞೇನ॑ ಕಲ್ಪತಾಮ್ ।
ಸ್ತೋಮ॑ಶ್ಚ ಯಜು॑ಶ್ಚ॒ ಋಕ್ ಚ॒ ಸಾಮ॑ ಚ ಬೃ॒ಹಚ್ಚ॑ ರಥನ್ತ॒ರಂ ಚ॑ ।
ಸ್ವ॑ರ್ದೇವಾ ಅಗನ್ಮಾ॒ಮೃತಾ॑ ಅಭೂಮ ಪ್ರ॒ಜಾಪ॑ತೇಃ ಪ್ರ॒ಜಾ ಅ॑ಭೂಮ॒ ವೇಟ್ ಸ್ವಾಹಾ॑ ॥ ೨೯ ॥
ವಾಜ॑ಸ್ಯ॒ ನು ಪ್ರ॑ಸ॒ವೇ ಮಾ॒ತರಂ॑ ಮ॒ಹೀಮದಿ॑ತಿಂ॒ ನಾಮ॒ ವಚ॑ಸಾ ಕರಾಮಹೇ ।
ಯಸ್ಯಾ॑ಮಿ॒ದಂ ವಿಶ್ವಂ॒ ಭುವ॑ನಮಾವಿ॒ವೇಶ॒ ತಸ್ಯಾಂ॑ ನೋ ದೇ॒ವಃ ಸ॑ವಿ॒ತಾ ಧರ್ಮ॑ ಸಾವಿಷತ್ ॥ ೩೦ ॥
ವಿಶ್ವೇ॑ ಅ॒ದ್ಯ ಮ॒ರುತೋ॒ ವಿಶ್ವ॑ ಊ॒ತೀ ವಿಶ್ವೇ॑ ಭವನ್ತ್ವ॒ಗ್ನಯ॒: ಸಮಿ॑ದ್ಧಾಃ ।
ವಿಶ್ವೇ॑ ನೋ ದೇ॒ವಾ ಅವ॒ಸಾಽಽಗ॑ಮನ್ತು॒ ವಿಶ್ವ॑ಮಸ್ತು॒ ದ್ರವಿ॑ಣಂ॒ ವಾಜೋ॑ ಅ॒ಸ್ಮೇ ॥ ೩೧ ॥
ವಾಜೋ॑ ನಃ ಸ॒ಪ್ತ ಪ್ರ॒ದಿಶ॒ಶ್ಚತ॑ಸ್ರೋ ವಾ ಪರಾ॒ವತ॑: । ವಾಜೋ॑ ನೋ॒ ವಿಶ್ವೈ॑ರ್ದೇ॒ವೈರ್ಧನ॑ಸಾತಾವಿ॒ಹಾವ॑ತು ॥ ೩೨ ॥
ವಾಜೋ॑ ನೋ ಅ॒ದ್ಯ ಪ್ರ ಸು॑ವಾತಿ॒ ದಾನಂ॒ ವಾಜೋ॑ ದೇ॒ವಾಁ೨ ಋ॒ತುಭಿ॑: ಕಲ್ಪಯಾತಿ ।
ವಾಜೋ॒ ಹಿ ಮಾ॒ ಸರ್ವ॑ವೀರಂ ಜ॒ಜಾನ॒ ವಿಶ್ವಾ॒ ಆಶಾ॒ ವಾಜ॑ಪತಿರ್ಜಯೇಯಮ್ ॥ ೩೩ ॥
ವಾಜ॑: ಪು॒ರಸ್ತಾ॑ದು॒ತ ಮ॑ಧ್ಯ॒ತೋ ನೋ॒ ವಾಜೋ॑ ದೇ॒ವಾನ್ ಹ॒ವಿಷಾ॑ ವರ್ಧಯಾತಿ ।
ವಾಜೋ॒ ಹಿ ಮಾ॒ ಸರ್ವ॑ವೀರಂ ಚ॒ಕಾರ॒ ಸರ್ವಾ॒ ಆಶಾ॒ ವಾಜ॑ಪತಿರ್ಭವೇಯಮ್ ॥ ೩೪ ॥
ಸಂ ಮಾ॑ ಸೃಜಾಮಿ॒ ಪಯ॑ಸಾ ಪೃಥಿ॒ವ್ಯಾಃ ಸಂ ಮಾ॑ ಸೃಜಾಮ್ಯ॒ದ್ಭಿರೋಷ॑ಧೀಭಿಃ । ಸೋ॒ಽಹಂ ವಾಜ॑ᳪ ಸನೇಯಮಗ್ನೇ ॥ ೩೫ ॥
ಪಯ॑: ಪೃಥಿ॒ವ್ಯಾಂ ಪಯ॒ ಓಷ॑ಧೀಷು॒ ಪಯೋ॑ ದಿ॒ವ್ಯನ್ತರಿ॑ಕ್ಷೇ॒ ಪಯೋ॑ ಧಾಃ । ಪಯ॑ಸ್ವತೀಃ ಪ್ರ॒ದಿಶ॑: ಸನ್ತು॒ ಮಹ್ಯ॑ಮ್ ॥ ೩೬ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಸರ॑ಸ್ವತ್ಯೈ ವಾ॒ಚೋ ಯ॒ನ್ತುರ್ಯ॒ನ್ತ್ರೇಣಾ॒ಗ್ನೇಃ ಸಾಮ್ರಾ॑ಜ್ಯೇನಾ॒ಭಿಷಿ॑ಞ್ಚಾಮಿ ॥ ೩೭ ॥
ಋ॒ತಾ॒ಷಾಡೃ॒ತಧಾ॑ಮಾ॒ಽಗ್ನಿರ್ಗ॑ನ್ಧ॒ರ್ವಸ್ತಸ್ಯೌ॑ಷಧಯೋಽಪ್ಸ॒ರಸೋ॒ ಮುದೋ॒ ನಾಮ॑ ।
ಸ ನ॑ ಇ॒ದಂ ಬ್ರಹ್ಮ॑ ಕ್ಷ॒ತ್ರಂ ಪಾ॑ತು॒ ತಸ್ಮೈ॒ ಸ್ವಾಹಾ॒ ವಾಟ್ ತಾಭ್ಯ॒: ಸ್ವಾಹಾ॑ ॥ ೩೮ ॥
ಸ॒ᳪಹಿ॒ತೋ ವಿ॒ಶ್ವಸಾ॑ಮಾ॒ ಸೂರ್ಯೋ॑ ಗನ್ಧ॒ರ್ವಸ್ತಸ್ಯ॒ ಮರೀ॑ಚಯೋಽಪ್ಸ॒ರಸ॑ ಆ॒ಯುವೋ॒ ನಾಮ॑ ।
ಸ ನ॑ ಇ॒ದಂ ಬ್ರಹ್ಮ॑ ಕ್ಷ॒ತ್ರಂ ಪಾ॑ತು॒ ತಸ್ಮೈ॒ ಸ್ವಾಹಾ॒ ವಾಟ್ ತಾಭ್ಯ॒: ಸ್ವಾಹಾ॑ ॥ ೩೯ ॥
ಸು॒ಷು॒ಮ್ಣಃ ಸೂರ್ಯ॑ರಶ್ಮಿಶ್ಚ॒ನ್ದ್ರಮಾ॑ ಗನ್ಧ॒ರ್ವಸ್ತಸ್ಯ॒ ನಕ್ಷ॑ತ್ರಾಣ್ಯಪ್ಸ॒ರಸೋ॑ ಭೇ॒ಕುರ॑ಯೋ॒ ನಾಮ॑ ।
ಸ ನ॑ ಇ॒ದಂ ಬ್ರಹ್ಮ॑ ಕ್ಷ॒ತ್ರಂ ಪಾ॑ತು॒ ತಸ್ಮೈ॒ ಸ್ವಾಹಾ॒ ವಾಟ್ ತಾಭ್ಯ॒: ಸ್ವಾಹಾ॑ ॥ ೪೦ ॥
ಇ॒ಷಿ॒ರೋ ವಿ॒ಶ್ವವ್ಯ॑ಚಾ॒ ವಾತೋ॑ ಗನ್ಧ॒ರ್ವಸ್ತಸ್ಯಾಪೋ॑ ಅಪ್ಸ॒ರಸ॒ ಊರ್ಜೋ॒ ನಾಮ॑ ।
ಸ ನ॑ ಇ॒ದಂ ಬ್ರಹ್ಮ॑ ಕ್ಷ॒ತ್ರಂ ಪಾ॑ತು॒ ತಸ್ಮೈ॒ ಸ್ವಾಹಾ॒ ವಾಟ್ ತಾಭ್ಯ॒: ಸ್ವಾಹಾ॑ ॥ ೪ ೧ ॥
ಭು॒ಜ್ಯುಃ ಸು॑ಪ॒ರ್ಣೋ ಯ॒ಜ್ಞೋ ಗ॑ನ್ಧ॒ರ್ವತಸ್ಯ॒ ದಕ್ಷಿ॑ಣಾ ಅಪ್ಸ॒ರಸ॑ ಸ್ತಾ॒ವಾ ನಾಮ॑ ।
ಸ ನ॑ ಇ॒ದಂ ಬ್ರಹ್ಮ॑ ಕ್ಷ॒ತ್ರಂ ಪಾ॑ತು॒ ತಸ್ಮೈ॒ ಸ್ವಾಹಾ॒ ವಾಟ್ ತಾಭ್ಯ॒: ಸ್ವಾಹಾ॑ ॥ ೪೨ ॥
ಪ್ರ॒ಜಾಪ॑ತಿರ್ವಿ॒ಶ್ವಕ॑ರ್ಮಾ॒ ಮನೋ॑ ಗನ್ಧ॒ರ್ವಸ್ತಸ್ಯ॑ ಋಕ್ಸಾ॒ಮಾನ್ಯ॑ಪ್ಸ॒ರಸ॒ ಏಷ್ಟ॑ಯೋ॒ ನಾಮ॑ ।
ಸ ನ॑ ಇ॒ದಂ ಬ್ರಹ್ಮ॑ ಕ್ಷ॒ತ್ರಂ ಪಾ॑ತು॒ ತಸ್ಮೈ॒ ಸ್ವಾಹಾ॒ ವಾಟ್ ತಾಭ್ಯ॒: ಸ್ವಾಹಾ॑ ॥ ೪೩ ॥
ಸ ನೋ॑ ಭುವನಸ್ಯ ಪತೇ ಪ್ರಜಾಪತೇ॒ ಯಸ್ಯ॑ ತ ಉ॒ಪರಿ॑ ಗೃ॒ಹಾ ಯಸ್ಯ॑ ವೇ॒ಹ ।
ಅಸ್ಮೈ॒ ಬ್ರಹ್ಮ॑ಣೇಽಸ್ಮೈ ಕ್ಷ॒ತ್ರಾಯ॒ ಮಹಿ॒ ಶರ್ಮ॑ ಯಚ್ಛ॒ ಸ್ವಾಹಾ॑ ॥ ೪೪ ॥
ಸ॒ಮು॒ದ್ರೋ॒ಽಸಿ॒ ನಭ॑ಸ್ವಾನಾ॒ರ್ದ್ರದಾ॑ನುಃ ಶ॒ಮ್ಭೂರ್ಮ॑ಯೋ॒ಭೂರ॒ಭಿ ಮಾ॑ ವಾಹಿ॒ ಸ್ವಾಹಾ॑ ।
ಮಾರು॒ತೋ॒ಽಸಿ ಮ॒ರುತಾಂ॑ ಗ॒ಣಃ ಶ॒ಮ್ಭೂರ್ಮ॑ಯೋ॒ಭೂರ॒ಭಿ ಮಾ॑ ವಾಹಿ॒ ಸ್ವಾಹಾ॑ಽವ॒ಸ್ಯೂರ॑ಸಿ॒ ದುವ॑ಸ್ವಾಞ್ಛ॒ಮ್ಭೂರ್ಮ॑ಯೋ॒ಭೂರ॒ಭಿ ಮಾ॑ ವಾಹಿ॒ ಸ್ವಾಹಾ॑ ॥ ೪೫ ॥
ಯಾಸ್ತೇ॑ ಅಗ್ನೇ॒ ಸೂರ್ಯೇ॒ ರುಚೋ॒ ದಿವ॑ಮಾತ॒ನ್ವನ್ತಿ॑ ರ॒ಶ್ಮಿಭಿ॑: ।
ತಾಭಿ॑ರ್ನೋ ಅ॒ದ್ಯ ಸರ್ವಾ॑ಭೀ ರು॒ಚೇ ಜನಾ॑ಯ ನಸ್ಕೃಧಿ ॥ ೪೬ ॥
ಯಾ ವೋ॑ ದೇ॒ವಾಃ ಸೂರ್ಯೇ॒ ರುಚೋ॒ ಗೋಷ್ವಶ್ವೇ॑ಷು॒ ಯಾ ರುಚ॑: ।
ಇನ್ದ್ರಾ॑ಗ್ನೀ॒ ತಾಭಿ॒: ಸರ್ವಾ॑ಭೀ॒ ರುಚಂ॑ ನೋ ಧತ್ತ ಬೃಹಸ್ಪತೇ ॥ ೪೭ ॥
ರುಚಂ॑ ನೋ ಧೇಹಿ ಬ್ರಾಹ್ಮ॒ಣೇಷು॒ ರುಚ॒ᳪ ರಾಜ॑ಸು ನಸ್ಕೃಧಿ । ರುಚಂ॒ ವಿಶ್ಯೇ॑ಷು ಶೂ॒ದ್ರೇಷು॒ ಮಯಿ॑ ಧೇಹಿ ರು॒ಚಾ ರುಚ॑ಮ್ ॥ ೪೮ ॥
ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವನ್ದ॑ಮಾನ॒ಸ್ತದಾ ಶಾ॑ಸ್ತೇ॒ ಯಜ॑ಮಾನೋ ಹ॒ವಿರ್ಭಿ॑: ।
ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶᳪಸ॒ ಮಾ ನ॒ ಆಯು॒: ಪ್ರ ಮೋ॑ಷೀಃ ॥ ೪೯ ॥
ಸ್ವ॒ರ್ಣ ಘ॒ರ್ಮಃ ಸ್ವಾಹಾ॑ ಸ್ವರ್ಣಾರ್ಕಃ ಸ್ವಾಹಾ॑ ಸ್ವರ್ಣ ಶು॒ಕ್ರಃ ಸ್ವಾಹಾ ಸ್ವರ್ಣ ಜ್ಯೋತಿ॒: ಸ್ವಾಹಾ॒
ಸ್ವರ್ಣ ಸೂರ್ಯ॒: ಸ್ವಾಹಾ॑ ॥ ೫೦॥
ಅ॒ಗ್ನಿಂ ಯು॑ನಜ್ಮಿ॒ ಶವ॑ಸಾ ಘೃ॒ತೇನ॑ ದಿ॒ವ್ಯᳪ ಸು॑ಪ॒ರ್ಣಂ ವಯ॑ಸಾ ಬೃ॒ಹನ್ತ॑ಮ್ ।
ತೇನ॑ ವ॒ಯಂ ಗ॑ಮೇಮ ಬ್ರ॒ಧ್ನಸ್ಯ॑ ವಿ॒ಷ್ಟಪ॒ᳪ ಸ್ವೋ ರುಹಾ॑ಣಾ॒ ಅಧಿ॒ ನಾಕ॑ಮುತ್ತ॒ಮಮ್ ॥ ೫೧ ॥
ಇ॒ಮೌ ತೇ॑ ಪ॒ಕ್ಷಾವ॒ಜರೌ॑ ಪತ॒ತ್ರಿಣೌ॒ ಯಾಭ್ಯಾ॒ᳪ ರಕ್ಷಾ॑ᳪಸ್ಯಪ॒ಹᳪಸ್ಯ॑ಗ್ನೇ ।
ತಾಭ್ಯಾಂ॑ ಪತೇಮ ಸು॒ಕೃತಾ॑ಮು ಲೋ॒ಕಂ ಯತ್ರ॒ ಋಷ॑ಯೋ ಜ॒ಗ್ಮುಃ ಪ್ರ॑ಥಮ॒ಜಾಃ ಪು॑ರಾ॒ಣಾಃ ॥ ೫೨ ॥
ಇನ್ದು॒ರ್ದಕ್ಷ॑: ಶ್ಯೇ॒ನ ಋ॒ತಾವಾ॒ ಹಿರ॑ಣ್ಯಪಕ್ಷಃ ಶಕು॒ನೋ ಭು॑ರ॒ಣ್ಯುಃ ।
ಮ॒ಹಾನ್ತ್ಸ॒ಧಸ್ಥೇ॑ ಧ್ರು॒ವ ಆ ನಿಷ॑ತ್ತೋ॒ ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿᳪಸೀಃ ॥ ೫೩ ॥
ದಿ॒ವೋ ಮೂ॒ರ್ಧಾಽಸಿ॑ ಪೃಥಿ॒ವ್ಯಾ ನಾಭಿ॒ರೂರ್ಗ॒ಪಾಮೋಷ॑ಧೀನಾಮ್ । ವಿ॒ಶ್ವಾಯು॒: ಶರ್ಮ॑ ಸ॒ಪ್ರಥಾ॒ ನಮ॑ಸ್ಪ॒ಥೇ ॥ ೫೪ ॥
ವಿಶ್ವ॑ಸ್ಯ ಮೂ॒ರ್ಧನ್ನಧಿ॑ ತಿಷ್ಠಸಿ ಶ್ರಿ॒ತಃ ಸ॑ಮು॒ದ್ರೇ ತೇ॒ ಹೃದ॑ಯಮ॒ಪ್ಸ್ವಾಯು॑ರ॒ಪೋ ದ॑ತ್ತೋದ॒ಧಿಂ ಭಿ॑ನ್ತ ।
ದಿ॒ವಸ್ಪ॒ರ್ಜನ್ಯಾ॑ದ॒ನ್ತರಿ॑ಕ್ಷಾತ್ಪೃಥಿ॒ವ್ಯಾಸ್ತತೋ॑ ನೋ॒ ವೃಷ್ಟ್ಯಾ॑ವ ॥ ೫೫ ॥
ಇ॒ಷ್ಟೋ ಯ॒ಜ್ಞೋ ಭೃಗು॑ಭಿರಾಶೀ॒ರ್ದಾ ವಸು॑ಭಿಃ । ತಸ್ಯ॑ ನ ಇ॒ಷ್ಟಸ್ಯ॑ ಪ್ರೀ॒ತಸ್ಯ॒ ದ್ರವಿ॑ಣೇ॒ಹಾ ಗ॑ಮೇಃ ॥ ೫೬ ॥
ಇ॒ಷ್ಟೋ ಅ॒ಗ್ನಿರಾಹು॑ತಃ ಪಿಪರ್ತು ನ ಇ॒ಷ್ಟᳪ ಹ॒ವಿಃ । ಸ್ವ॒ಗೇದಂ ದೇ॒ವೇಭ್ಯೋ॒ ನಮ॑: ॥ ೫೭ ॥
ಯದಾಕೂ॑ತಾತ್ಸ॒ಮಸು॑ಸ್ರೋದ್ಧೃ॒ದೋ ವಾ॒ ಮನ॑ಸೋ ವಾ॒ ಸಮ್ಭೃ॑ತಂ॒ ಚಕ್ಷು॑ಷೋ ವಾ ।
ತದನು॒ ಪ್ರೇತ॑ ಸು॒ಕೃತಾ॑ಮು ಲೋ॒ಕಂ ಯತ್ರ॒ ಋಷ॑ಯೋ ಜ॒ಗ್ಮುಃ ಪ್ರ॑ಥಮ॒ಜಾಃ ಪು॑ರಾ॒ಣಾಃ ॥ ೫೮ ॥
ಏ॒ತᳪ ಸ॑ಧಸ್ಥ॒ ಪರಿ॑ ತೇ ದದಾಮಿ॒ ಯಮಾ॒ವಹಾ॑ಚ್ಛೇವ॒ಧಿಂ ಜಾ॒ತವೇ॑ದಾಃ ।
ಅ॒ನ್ವಾ॒ಗ॒ನ್ತಾ ಯ॒ಜ್ಞಪ॑ತಿರ್ವೋ॒ ಅತ್ರ॒ ತᳪ ಸ್ಮ॑ ಜಾನೀತ ಪರ॒ಮೇ ವ್ಯೋ॑ಮನ್ ॥ ೫೯ ॥
ಏ॒ತಂ ಜಾ॑ನಾಥ ಪರ॒ಮೇ ವ್ಯೋ॑ಮ॒ನ್ ದೇವಾ॑: ಸಧಸ್ಥಾ ವಿ॒ದ ರೂ॒ಪಮ॑ಸ್ಯ ।
ಯದಾ॒ಗಚ್ಛಾ॑ತ್ಪ॒ಥಿಭಿ॑ರ್ದೇವ॒ಯಾನೈ॑ರಿಷ್ಟಾಪೂ॒ರ್ತೇ ಕೃ॑ಣವಾಥಾ॒ವಿರ॑ಸ್ಮೈ ॥ ೬೦ ॥
ಉದ್ಬು॑ಧ್ಯಸ್ವಾಗ್ನೇ॒ ಪ್ರತಿ॑ ಜಾಗೃಹಿ॒ ತ್ವಮಿ॑ಷ್ಟಾಪೂ॒ರ್ತೇ ಸᳪ ಸೃ॑ಜೇಥಾಮ॒ಯಂ ಚ॑ ।
ಅ॒ಸ್ಮಿನ್ತ್ಸ॒ಧಸ್ಥೇ॒ ಅಧ್ಯುತ್ತ॑ರಸ್ಮಿ॒ನ್ವಿಶ್ವೇ॑ ದೇವಾ॒ ಯಜ॑ಮಾನಾಶ್ಚ ಸೀದತ ॥ ೬೧ ॥
ಯೇನ॒ ವಹ॑ಸಿ ಸ॒ಹಸ್ರಂ॒ ಯೇನಾ॑ಗ್ನೇ ಸರ್ವವೇದ॒ಸಮ್ । ತೇನೇ॒ಮಂ ಯ॒ಜ್ಞಂ ನೋ॑ ನಯ॒ ಸ್ವ॒ರ್ದೇ॒ವೇಷು॒ ಗನ್ತ॑ವೇ ॥ ೬೨ ॥
ಪ್ರ॒ಸ್ತ॒ರೇಣ॑ ಪರಿ॒ಧಿನಾ॑ ಸ್ರು॒ಚಾ ವೇದ್ಯಾ॑ ಚ ಬ॒ರ್ಹಿಷಾ॑ । ಋ॒ಚೇಮಂ ಯ॒ಜ್ಞಂ ನೋ॑ ನಯ॒ ಸ್ವ॒ರ್ದೇ॒ವೇಷು॒ ಗನ್ತ॑ವೇ ॥ ೬೩ ॥
ಯದ್ದ॒ತ್ತಂ ಯತ್ಪ॑ರಾ॒ದಾನಂ॒ ಯತ್ಪೂ॒ರ್ತಂ ಯಾಶ್ಚ॒ ದಕ್ಷಿ॑ಣಾಃ । ತದ॒ಗ್ನಿರ್ವೈ॑ಶ್ವಕರ್ಮ॒ಣಃ ಸ್ವ॑ರ್ದೇ॒ವೇಷು॑ ನೋ ದಧತ್ ॥ ೬೪ ॥
ಯತ್ರ॒ ಧಾರಾ॒ ಅನ॑ಪೇತಾ॒ ಮಧೋ॑ರ್ಘೃ॒ತಸ್ಯ॑ ಚ॒ ಯಾಃ । ತದ॒ಗ್ನಿರ್ವೈ॑ಶ್ವಕರ್ಮ॒ಣಃ ಸ್ವ॑ದೇ॒ರ್ವೇಷು॑ ನೋ ದಧತ್ ॥ ೬೫ ॥
ಅ॒ಗ್ನಿರ॑ಸ್ಮಿ॒ ಜನ್ಮ॑ನಾ ಜಾ॒ತವೇ॑ದಾ ಘೃ॒ತಂ ಮೇ॒ ಚಕ್ಷು॑ರ॒ಮೃತಂ॑ ಮ ಆ॒ಸನ್ ।
ಅ॒ರ್ಕಸ್ತ್ರಿ॒ಧಾತೂ॒ ರಜ॑ಸೋ ವಿ॒ಮಾನೋಽಜ॑ಸ್ರೋ ಘ॒ರ್ಮೋ ಹ॒ವಿರ॑ಸ್ಮಿ॒ ನಾಮ॑ ॥ ೬೬ ॥
ಋಚೋ॒ ನಾಮಾ॑ಸ್ಮಿ॒ ಯಜೂ॑ ᳪಷಿ॒ ನಾಮಾ॑ಸ್ಮಿ॒ ಸಾಮಾ॑ನಿ॒ ನಾಮಾ॑ಸ್ಮಿ ।
ಯೇ ಅ॒ಗ್ನಯ॒: ಪಾಞ್ಚ॑ಜನ್ಯಾ ಅ॒ಸ್ಯಾಂ ಪೃ॑ಥಿ॒ವ್ಯಾಮಧಿ॑ ।
ತೇಷಾ॑ಮಸಿ॒ ತ್ವಮು॑ತ್ತ॒ಮಃ ಪ್ರ ನೋ॑ ಜೀ॒ವಾತ॑ವೇ ಸುವ ॥ ೬೭ ॥
ವಾರ್ತ್ರ॑ಹತ್ಯಾಯ॒ ಶವ॑ಸೇ ಪೃತನಾ॒ಷಾಹ್ಯಾ॑ಯ ಚ । ಇನ್ದ್ರ॒ ತ್ವಾಽಽವ॑ರ್ತಯಾಮಸಿ ॥ ೬೮ ॥
ಸ॒ಹದಾ॑ನುಂ ಪುರುಹೂತ ಕ್ಷಿ॒ಯನ್ತ॑ಮಹ॒ಸ್ತಮಿ॑ನ್ದ್ರ॒ ಸಂ ಪಿ॑ಣ॒ಕ್ ಕುಣಾ॑ರುಮ್ ।
ಅ॒ಭಿ ವೃ॒ತ್ರಂ ವರ್ಧ॑ಮಾನಂ॒ ಪಿಯಾ॑ರುಮ॒ಪಾದ॑ಮಿನ್ದ್ರ ತ॒ವಸಾ॑ ಜಘನ್ಥ ॥ ೬೯ ॥
ವಿ ನ॑ ಇನ್ದ್ರ॒ ಮೃಧೋ॑ ಜಹಿ ನೀ॒ಚಾ ಯ॑ಚ್ಛ ಪೃತನ್ಯ॒ತಃ ।
ಯೋ ಅ॒ಸ್ಮಾಁ೨ ಅ॑ಭಿ॒ದಾಸ॒ತ್ಯಧ॑ರಂ ಗಮಯಾ॒ ತಮ॑: ॥ ೭೦ ॥
ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ ಪ॑ರಾ॒ವತ॒ ಆ ಜ॑ಗನ್ಥಾ॒ ಪರ॑ಸ್ಯಾಃ ।
ಸೃ॒ಕᳪ ಸ॒ᳪಶಾಯ॑ ಪ॒ವಿಮಿ॑ನ್ದ್ರ ತಿ॒ಗ್ಮಂ ವಿ ಶತ್ರೂ॑ನ್ ತಾಢಿ॒ ವಿ ಮೃಧೋ॑ ನುದಸ್ವ ॥ ೭೧ ॥
ವೈ॒ಶ್ವಾ॒ನ॒ರೋ ನ॑ ಊ॒ತಯ॒ ಆ ಪ್ರ ಯಾ॑ತು ಪರಾ॒ವತ॑: । ಅ॒ಗ್ನಿರ್ನ॑: ಸುಷ್ಟು॒ತೀರುಪ॑ ॥ ೭೨ ॥
ಪೃ॒ಷ್ಟೋ ದಿ॒ವಿ ಪೃ॒ಷ್ಟೋ ಅ॒ಗ್ನಿಃ ಪೃ॑ಥಿ॒ವ್ಯಾಂ ಪೃ॒ಷ್ಟೋ ವಿಶ್ವಾ॒ ಓಷ॑ಧೀ॒ರಾ ವಿ॑ವೇಶ ।
ವೈ॒ಶ್ವಾ॒ನ॒ರಃ ಸಹ॑ಸಾ ಪೃ॒ಷ್ಟೋ ಅ॒ಗ್ನಿಃ ಸ ನೋ॒ ದಿವಾ॒ ಸ ರಿ॒ಷಸ್ಪಾ॑ತು॒ ನಕ್ತ॑ಮ್ ॥ ೭೩ ॥
ಅ॒ಶ್ಯಾಮ॒ ತಂ ಕಾಮ॑ಮಗ್ನೇ॒ ತವೋ॒ತೀ ಅ॒ಶ್ಯಾಮ॑ ರ॒ಯಿᳪ ರ॑ಯಿವಃ ಸು॒ವೀರ॑ಮ್ ।
ಅ॒ಶ್ಯಾಮ॒ ವಾಜ॑ಮ॒ಭಿ ವಾ॒ಜಯ॑ನ್ತೋ॒ಽಶ್ಯಾಮ॑ ದ್ಯು॒ಮ್ನಮ॑ಜರಾ॒ಜರಂ॑ ತೇ ॥ ೭೪ ॥
ವ॒ಯಂ ತೇ॑ ಅ॒ದ್ಯ ರ॑ರಿ॒ಮಾ ಹಿ ಕಾಮ॑ಮುತ್ತಾ॒ನಹ॑ಸ್ತಾ॒ ನಮ॑ಸೋಪ॒ಸದ್ಯ॑ ।
ಯಜಿ॑ಷ್ಠೇನ॒ ಮನ॑ಸಾ ಯಕ್ಷಿ ದೇ॒ವಾನಸ್ರೇ॑ಧತಾ॒ ಮನ್ಮ॑ನಾ॒ ವಿಪ್ರೋ॑ ಅಗ್ನೇ ॥ ೭೫ ॥
ಧಾ॒ಮ॒ಚ್ಛದ॒ಗ್ನಿರಿನ್ದ್ರೋ॑ ಬ್ರ॒ಹ್ಮಾ ದೇ॒ವೋ ಬೃಹ॒ಸ್ಪತಿ॑: । ಸಚೇ॑ತಸೋ॒ ವಿಶ್ವೇ॑ ದೇ॒ವಾ ಯ॒ಜ್ಞಂ ಪ್ರಾವ॑ನ್ತು ನಃ ಶು॒ಭೇ ॥ ೭೬ ॥
ತ್ವಂ ಯ॑ವಿಷ್ಠ ದಾ॒ಶುಷೋ॒ ನೄಁ: ಪಾ॑ಹಿ ಶೃಣು॒ಧೀ ಗಿರ॑: । ರಕ್ಷಾ॑ ತೋ॒ಕಮು॒ತ ತ್ಮನಾ॑ ॥ ೭೭ ॥
ಅಧ್ಯಾಯ ೧೯
ಸ್ವಾ॒ದ್ವೀಂ ತ್ವಾ॑ ಸ್ವಾ॒ದುನಾ॑ ತೀ॒ವ್ರಾಂ ತೀ॒ವ್ರೇಣಾ॒ಮೃತಾ॑ಮ॒ಮೃತೇ॑ನ । ಮಧು॑ಮತೀಂ॒ ಮಧು॑ಮತಾ ಸೃ॒ಜಾಮಿ॒ ಸᳪ ಸೋಮೇ॑ನ ।
ಸೋಮೋ॑ಽಸ್ಯ॒ಶ್ವಿಭ್ಯಾಂ॑ ಪಚ್ಯಸ್ವ॒ ಸರ॑ಸ್ವತ್ಯೈ ಪಚ್ಯ॒ಸ್ವೇನ್ದ್ರಾ॑ಯ ಸು॒ತ್ರಾಮ್ಣೇ॑ ಪಚ್ಯಸ್ವ ॥ ೧ ॥
ಪರೀ॒ತೋ ಷಿ॑ಞ್ಚ॒ತಾ ಸು॒ತᳪ ಸೋಮೋ॒ ಯ ಉ॑ತ್ತ॒ಮᳪ ಹ॒ವಿಃ ।
ದ॒ಧ॒ನ್ವಾ ಯೋ ನರ್ಯೋ॑ ಅ॒ಪ್ಸ್ವನ್ತರಾ ಸು॒ಷಾವ॒ ಸೋಮ॒ಮದ್ರಿ॑ಭಿಃ ॥ ೨ ॥
ವಾ॒ಯೋಃ ಪೂ॒ತಃ ಪ॒ವಿತ್ರೇ॑ಣ ಪ್ರ॒ತ್ಯಙ್ಕ್ಸೋಮೋ॒ ಅತಿ॑ದ್ರುತಃ । ಇನ್ದ್ರ॑ಸ್ಯ॒ ಯುಜ್ಯ॒: ಸಖಾ॑ ॥ ೩ ॥
ಪು॒ನಾತಿ॑ ತೇ ಪರಿ॒ಸ್ರುತ॒ᳪ ಸೋಮ॒ᳪ ಸೂರ್ಯ॑ಸ್ಯ ದುಹಿ॒ತಾ । ವಾರೇ॑ಣ॒ ಶಶ್ವ॑ತಾ॒ ತನಾ॑ ॥ ೪ ॥
ಬ್ರಹ್ಮ॑ ಕ್ಷ॒ತ್ರಂ ಪ॑ವತೇ॒ ತೇಜ॑ ಇನ್ದ್ರಿ॒ಯᳪ ಸುರ॑ಯಾ॒ ಸೋಮ॑: ಸು॒ತ ಆಸು॑ತೋ॒ ಮದಾ॑ಯ ।
ಶು॒ಕ್ರೇಣ॑ ದೇವ ದೇ॒ವತಾ॑: ಪಿಪೃಗ್ಧಿ॒ ರಸೇ॒ನಾನ್ನಂ॒ ಯಜ॑ಮಾನಾಯ ಧೇಹಿ ॥ ೫ ॥
ಕು॒ವಿದ॒ಙ್ಗ ಯವ॑ಮನ್ತೋ॒ ಯವಂ॑ ಚಿ॒ದ್ಯಥಾ॒ ದಾನ್ತ್ಯ॑ನುಪೂ॒ರ್ವಂ ವಿ॒ಯೂಯ॑ ।
ಇ॒ಹೇಹೈ॑ಷಾಂ ಕೃಣುಹಿ॒ ಭೋಜ॑ನಾನಿ॒ ಯೇ ಬ॒ರ್ಹಿಷೋ॒ ನಮ॑ ಉಕ್ತಿಂ॒ ಯಜ॑ನ್ತಿ ।
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಶ್ವಿಭ್ಯಾಂ॑ ತ್ವಾ॒ ಸರ॑ಸ್ವತ್ಯೈ॒ ತ್ವೇನ್ದ್ರಾ॑ಯ ತ್ವಾ ಸು॒ತ್ರಾಮ್ಣ॑ ಏ॒ಷ ತೇ॒ ಯೋನಿ॒ಸ್ತೇಜ॑ಸೇ ತ್ವಾ ವೀ॒ರ್ಯಾ॒ಯ ತ್ವಾ॒ ಬಲಾ॑ಯ ತ್ವಾ ॥ ೬ ॥
ನಾನಾ॒ ಹಿ ವಾಂ॑ ದೇ॒ವಹಿ॑ತ॒ᳪ ಸದ॑ಸ್ಕೃ॒ತಂ ಮಾ ಸᳪ ಸೃ॑ಕ್ಷಾಥಾಂ ಪರ॒ಮೇ ವ್ಯೋ॑ಮನ್ ।
ಸುರಾ॒ ತ್ವಮಸಿ॑ ಶು॒ಷ್ಮಿಣೀ॒ ಸೋಮ॑ ಏ॒ಷ ಮಾ ಮಾ॑ ಹಿᳪಸೀ॒: ಸ್ವಾಂ ಯೋನಿ॑ಮಾವಿ॒ಶನ್ತೀ॑ ॥ ೭ ॥
ಉ॒ಪ॒ಯಾ॒ಮಗೃ॑ಹೀತೋ॒ಽಸ್ಯಾಶ್ವಿ॑ನಂ॒ ತೇಜ॑: ಸಾರಸ್ವ॒ತಂ ವೀ॒ರ್ಯ॒ಮೈ॒ನ್ದ್ರಂ ಬಲ॑ಮ್ ।
ಏ॒ಷ ತೇ॒ ಯೋನಿ॒ರ್ಮೋದಾ॑ಯ ತ್ವಾ ಽಽನ॒ನ್ದಾಯ॑ ತ್ವಾ॒ ಮಹ॑ಸೇ ತ್ವಾ ॥ ೮ ॥
ತೇಜೋ॑ಽಸಿ॒ ತೇಜೋ॒ ಮಯಿ॑ ಧೇಹಿ ವೀ॒ರ್ಯ॒ಮಸಿ ವೀ॒ರ್ಯಂ ಮಯಿ॑ ಧೇಹಿ ಬಲ॑ಮಸಿ॒ ಬಲಂ॒ ಮಯಿ॑ ಧೇ॒ಹ್ಯೋಜೋ॒ಽಸ್ಯೋಜೋ॒ ಮಯಿ॑ ಧೇಹಿ ಮ॒ನ್ಯುರ॑ಸಿ ಮ॒ನ್ಯುಂ ಮಯಿ॑ ಧೇಹಿ॒ ಸಹೋ॑ಽಸಿ॒ ಸಹೋ॒ ಮಯಿ॑ ಧೇಹಿ ॥ ೯ ॥
ಯಾ ವ್ಯಾ॒ಘ್ರಂ ವಿಷೂ॑ಚಿಕೋಭೌ॒ ವೃಕಂ॑ ಚ॒ ರಕ್ಷ॑ತಿ । ಶ್ಯೇ॒ನಂ ಪ॑ತ॒ತ್ರಿಣ॑ᳪ ಸಿ॒ᳪಹᳪ ಸೇಮಂ ಪಾ॒ತ್ವᳪಹ॑ಸಃ ॥ ೧೦ ॥
ಯದಾ॑ಪಿ॒ಪೇಷ॑ ಮಾ॒ತರಂ॑ ಪು॒ತ್ರಃ ಪ್ರಮು॑ದಿತೋ॒ ಧಯ॑ನ್ । ಏ॒ತತ್ತದ॑ಗ್ನೇ ಅನೃ॒ಣೋ ಭ॑ವಾ॒ಮ್ಯಹ॑ತೌ ಪಿ॒ತರೌ॒ ಮಯಾ॑ ।
ಸ॒ಮ್ಪೃಚ॑ ಸ್ಥ॒ ಸಂ ಮಾ॑ ಭ॒ದ್ರೇಣ॑ ಪೃಙ್ಕ್ತ ವಿ॒ಪೃಚ॑ ಸ್ಥ॒ ವಿ ಮಾ॑ ಪಾ॒ಪ್ಮನಾ॑ ಪೃಙ್ಕ್ತ ॥ ೧೧ ॥
ದೇ॒ವಾ ಯ॒ಜ್ಞಮ॑ತನ್ವತ ಭೇಷ॒ಜಂ ಭಿ॒ಷಜಾ॒ಽಶ್ವಿನಾ॑ । ವಾ॒ಚಾ ಸರ॑ಸ್ವತೀ ಭಿ॒ಷಗಿನ್ದ್ರಾ॑ಯೇನ್ದ್ರಿ॒ಯಾಣಿ॒ ದಧ॑ತಃ ॥ ೧೨ ॥
ದೀ॒ಕ್ಷಾಯೈ॑ ರೂ॒ಪᳪ ಶಷ್ಪಾ॑ಣಿ ಪ್ರಾಯ॒ಣೀಯ॑ಸ್ಯ॒ ತೋಕ್ಮಾ॑ನಿ । ಕ್ರ॒ಯಸ್ಯ॑ ರೂ॒ಪᳪ ಸೋಮ॑ಸ್ಯ ಲಾ॒ಜಾಃ ಸೋ॑ಮಾ॒ᳪಶವೋ॒ ಮಧು॑ ॥ ೧೩ ॥
ಆ॒ತಿ॒ಥ್ಯ॒ರೂ॒ಪಂ ಮಾಸ॑ರಂ ಮಹಾವೀ॒ರಸ್ಯ॑ ನ॒ಗ್ನಹು॑: । ರೂ॒ಪಮು॑ಪ॒ಸದಾ॑ಮೇ॒ತತ್ತಿ॒ಸ್ರೋ ರಾತ್ರೀ॒: ಸುರಾಽಽಸು॑ತಾ ॥ ೧೪ ॥
ಸೋಮ॑ಸ್ಯ ರೂ॒ಪಂ ಕ್ರೀ॒ತಸ್ಯ॑ ಪರಿ॒ಸ್ರುತ್ಪರಿ॑ ಷಿಚ್ಯತೇ । ಅ॒ಶ್ವಿಭ್ಯಾಂ॑ ದು॒ಗ್ಧಂ ಭೇ॑ಷ॒ಜಮಿನ್ದ್ರಾ॑ಯೈ॒ನ್ದ್ರᳪ ಸರ॑ಸ್ವತ್ಯಾ ॥ ೧೫ ॥
ಆ॒ಸ॒ನ್ದೀ ರೂ॒ಪᳪ ರಾ॑ಜಾಸನ್ದ್ಯೈ॒ ವೇದ್ಯೈ॑ ಕು॒ಮ್ಭೀ ಸು॑ರಾ॒ಧಾನೀ॑ । ಅನ್ತ॑ರ ಉತ್ತರವೇ॒ದ್ಯಾ ರೂ॒ಪಂ ಕಾ॑ರೋತ॒ರೋ ಭಿ॒ಷಕ್ ॥ ೧೬ ॥
ವೇದ್ಯಾ॒ ವೇದಿ॒: ಸಮಾ॑ಪ್ಯತೇ ಬ॒ರ್ಹಿಷಾ॑ ಬ॒ರ್ಹಿರಿ॑ನ್ದ್ರಿ॒ಯಮ್ । ಯೂಪೇ॑ನ॒ ಯೂಪ॑ ಆಪ್ಯತೇ॒ ಪ್ರಣೀ॑ತೋ ಅ॒ಗ್ನಿರ॒ಗ್ನಿನಾ॑ ॥ ೧೭ ॥
ಹ॒ವಿ॒ರ್ಧಾನಂ॒ ಯದ॒ಶ್ವಿನಾಽಽಗ್ನೀ॑ಧ್ರಂ॒ ಯತ್ಸರ॑ಸ್ವತೀ । ಇನ್ದ್ರಾ॑ಯೈ॒ನ್ದ್ರᳪ ಸದ॑ಸ್ಕೃ॒ತಂ ಪ॑ತ್ನೀ॒ಶಾಲಂ॒ ಗಾರ್ಹ॑ಪತ್ಯಃ ॥ ೧೮ ॥
ಪ್ರೈ॒ಷೇಭಿ॑: ಪ್ರೈ॒ಷಾನಾ॑ಪ್ನೋತ್ಯಾ॒ಪ್ರೀಭಿ॑ರಾ॒ಪ್ರೀರ್ಯ॒ಜ್ಞಸ್ಯ॑ । ಪ್ರ॒ಯಾ॒ಜೇಭಿ॑ರನುಯಾ॒ಜಾನ್ ವ॑ಷಟ್ಕಾ॒ರೇಭಿ॒ರಾಹು॑ತೀಃ ॥ ೧೯ ॥
ಪ॒ಶುಭಿ॑: ಪ॒ಶೂನಾ॑ಪ್ನೋತಿ ಪುರೋ॒ಡಾಶೈ॑ರ್ಹ॒ವೀᳪಷ್ಯಾ । ಛನ್ದೋ॑ಭಿಃ ಸಾಮಿಧೇ॒ನೀರ್ಯಾ॒ಜ್ಯಾ॒ಭಿರ್ವಷಟ್ಕಾ॒ರಾನ್ ॥ ೨೦ ॥
ಧಾ॒ನಾಃ ಕ॑ರ॒ಮ್ಭಃ ಸಕ್ತ॑ವಃ ಪರೀವಾ॒ಪಃ ಪಯೋ॒ ದಧಿ॑ । ಸೋಮ॑ಸ್ಯ ರೂ॒ಪᳪ ಹ॒ವಿಷ॑ ಆ॒ಮಿಕ್ಷಾ॒ ವಾಜಿ॑ನಂ॒ ಮಧು॑ ॥ ೨೧ ॥
ಧಾ॒ನಾನಾ॑ᳪ ರೂ॒ಪಂ ಕುವ॑ಲಂ ಪರೀವಾ॒ಪಸ್ಯ॑ ಗೋ॒ಧೂಮಾ॑: । ಸಕ್ತೂ॑ನಾᳪ ರೂ॒ಪಂ ಬದ॑ರಮುಪ॒ವಾಕಾ॑: ಕರ॒ಮ್ಭಸ್ಯ॑ ॥ ೨೨ ॥
ಪಯ॑ಸೋ ರೂ॒ಪಂ ಯದ್ಯವಾ॑ ದ॒ಧ್ನೋ ರೂ॒ಪಂ ಕ॒ರ್ಕನ್ಧೂ॑ನಿ । ಸೋಮ॑ಸ್ಯ ರೂ॒ಪಂ ವಾಜಿ॑ನᳪ ಸೌ॒ಮ್ಯಸ್ಯ॑ ರೂ॒ಪಮಾ॒ಮಿಕ್ಷಾ॑ ॥ ೨೩ ॥
ಆ ಶ್ರಾ॑ವ॒ಯೇತಿ॑ ಸ್ತೋ॒ತ್ರಿಯಾ॑: ಪ್ರತ್ಯಾಶ್ರಾ॒ವೋ ಅನು॑ರೂಪಃ । ಯಜೇತಿ॑ ಧಾಯ್ಯಾರೂ॒ಪಂ ಪ್ರ॑ಗಾ॒ಥಾ ಯೇ॑ಯಜಾಮ॒ಹಾಃ ॥ ೨೪ ॥
ಅ॒ರ್ಧ॒ – ಋ॒ಚೈರು॒ಕ್ಥಾನಾ॑ᳪ ರೂ॒ಪಂ ಪ॒ದೈರಾ॑ಪ್ನೋತಿ ನಿ॒ವಿದ॑: । ಪ್ರ॒ಣ॒ವೈ: ಶ॒ಸ್ತ್ರಾಣಾ॑ᳪ ರೂ॒ಪಂ ಪಯ॑ಸಾ॒ ಸೋಮ॑ ಆಪ್ಯತೇ ॥ ೨೫ ॥
ಅ॒ಶ್ವಿಭ್ಯಾಂ॑ ಪ್ರಾತಃ ಸವ॒ನಮಿನ್ದ್ರೇ॑ಣೈ॒ನ್ದ್ರಂ ಮಾಧ್ಯಂ॑ನ್ದಿನಮ್ । ವೈ॒ಶ್ವ॒ದೇ॒ವᳪ ಸರ॑ಸ್ವತ್ಯಾ ತೃ॒ತೀಯ॑ಮಾ॒ಪ್ತᳪ ಸವ॑ನಮ್ ॥ ೨೬ ॥
ವಾ॒ಯ॒ವ್ಯೈ॒ರ್ವಾಯ॒ವ್ಯಾ॒ನ್ಯಾಪ್ನೋತಿ॒ ಸತೇ॑ನ ದ್ರೋಣಕಲ॒ಶಮ್ । ಕು॒ಮ್ಭೀಭ್ಯಾ॑ಮಮ್ಭೃ॒ಣೌ ಸು॒ತೇ ಸ್ಥಾ॒ಲೀಭಿ॑ ಸ್ಥಾ॒ಲೀರಾ॑ಪ್ನೋತಿ ॥ ೨೭ ॥
ಯಜು॑ರ್ಭಿರಾಪ್ಯನ್ತೇ॒ ಗ್ರಹಾ॒ ಗ್ರಹೈ॒ ಸ್ತೋಮಾ॑ಶ್ಚ॒ ವಿಷ್ಟು॑ತೀಃ । ಛನ್ದೋ॑ಭಿರುಕ್ಥಾಶ॒ಸ್ತ್ರಾಣಿ॒ ಸಾಮ್ನಾ॑ವಭೃ॒ಥ ಆ॑ಪ್ಯತೇ ॥ ೨೮ ॥
ಇಡಾ॑ಭಿರ್ಭ॒ಕ್ಷಾನಾ॑ಪ್ನೋತಿ ಸೂಕ್ತವಾ॒ಕೇನಾ॒ಶಿಷ॑: । ಶಂ॒ಯುನಾ॑ ಪತ್ನೀಸಂಯಾ॒ಜಾನ್ತ್ಸ॑ಮಿಷ್ಟಯ॒ಜುಷಾ॑ ಸ॒ᳪಸ್ಥಾಮ್ ॥ ೨೯ ॥
ವ್ರ॒ತೇನ॑ ದೀ॒ಕ್ಷಾಮಾ॑ಪ್ನೋತಿ ದೀ॒ಕ್ಷಯಾ॑ಽಽಪ್ನೋತಿ॒ ದಕ್ಷಿ॑ಣಾಮ್ । ದಕ್ಷಿ॑ಣಾ ಶ್ರ॒ದ್ಧಾಮಾ॑ಪ್ನೋತಿ ಶ್ರ॒ದ್ಧಯಾ॑ ಸ॒ತ್ಯಮಾ॑ಪ್ಯತೇ ॥ ೩೦ ॥
ಏ॒ತಾವ॑ದ್ರೂ॒ಪಂ ಯ॒ಜ್ಞಸ್ಯ॒ ಯದ್ದೇ॒ವೈರ್ಬ್ರಹ್ಮ॑ಣಾ ಕೃ॒ತಮ್ । ತದೇ॒ತತ್ಸರ್ವ॑ಮಾಪ್ನೋತಿ ಯ॒ಜ್ಞೇ ಸೌ॑ತ್ರಾಮ॒ಣೀ ಸು॒ತೇ ॥ ೩೧ ॥
ಸುರಾ॑ವನ್ತಂ ಬರ್ಹಿ॒ಷದ॑ᳪ ಸು॒ವೀರಂ॑ ಯ॒ಜ್ಞᳪ ಹಿ॑ನ್ವನ್ತಿ ಮಹಿ॒ಷಾ ನಮೋ॑ಭಿಃ ।
ದಧಾ॑ನಾ॒: ಸೋಮಂ॑ ದಿ॒ವಿ ದೇ॒ವತಾ॑ಸು॒ ಮದೇ॒ಮೇನ್ದ್ರಁ॒ ಯಜ॑ಮಾನಾಃ ಸ್ವ॒ರ್ಕಾಃ ॥ ೩೨ ॥
ಯಸ್ತೇ॒ ರಸ॒: ಸಮ್ಭೃ॑ತ॒ ಓಷ॑ಧೀಷು॒ ಸೋಮ॑ಸ್ಯ॒ ಶುಷ್ಮ॒: ಸುರ॑ಯಾ ಸು॒ತಸ್ಯ॑ । ತೇನ॑ ಜಿನ್ವ॒ ಯಜ॑ಮಾನಂ॒ ಮದೇ॑ನ॒ ಸರ॑ಸ್ವತೀಮ॒ಶ್ವಿನಾ॒ವಿನ್ದ್ರ॑ಮ॒ಗ್ನಿಮ್ ॥ ೩೩ ॥
ಯಮ॒ಶ್ವಿನಾ॒ ನಮು॑ಚೇರಾಸು॒ರಾದಧಿ॒ ಸರ॑ಸ್ವ॒ತ್ಯಸು॑ನೋದಿನ್ದ್ರಿ॒ಯಾಯ॑ ।
ಇ॒ಮಂ ತᳪ ಶು॒ಕ್ರಂ ಮಧು॑ಮನ್ತ॒ಮಿನ್ದು॒ᳪ ಸೋಮ॒ᳪ ರಾಜಾ॑ನಮಿ॒ಹ ಭ॑ಕ್ಷಯಾಮಿ ॥ ೩೪ ॥
ಯದತ್ರ॑ ರಿ॒ಪ್ತᳪ ರ॒ಸಿನ॑: ಸು॒ತಸ್ಯ॒ ಯದಿನ್ದ್ರೋ॒ ಅಪಿ॑ಬ॒ಚ್ಛಚೀ॑ಭಿಃ ।
ಅ॒ಹಂ ತದ॑ಸ್ಯ॒ ಮನ॑ಸಾ ಶಿ॒ವೇನ॒ ಸೋಮ॒ᳪ ರಾಜಾ॑ನಮಿ॒ಹ ಭ॑ಕ್ಷಯಾಮಿ ॥ ೩೫ ॥
ಪಿ॒ತೃಭ್ಯ॑: ಸ್ವಧಾ॒ಯಿಭ್ಯ॑: ಸ್ವ॒ಧಾ ನಮ॑: ಪಿತಾಮ॒ಹೇಭ್ಯ॑: ಸ್ವಧಾ॒ಯಿಭ್ಯ॑: ಸ್ವ॒ಧಾ ನಮ॒: ಪ್ರಪಿ॑ತಾಮಹೇಭ್ಯಃ ಸ್ವಧಾ॒ಯಿಭ್ಯ॑: ಸ್ವ॒ಧಾ ನಮ॑: । ಅಕ್ಷ॑ನ್ ಪಿ॒ತರೋ ಽಮೀ॑ಮದನ್ತ ಪಿ॒ತರೋ ಽತೀ॑ತೃಪನ್ತ ಪಿ॒ತರ॒: ಪಿತ॑ರ॒: ಶುನ್ಧ॑ಧ್ವಮ್ ॥ ೩೬ ॥
ಪು॒ನನ್ತು॑ ಮಾ ಪಿ॒ತರ॑: ಸೋ॒ಮ್ಯಾಸ॑: ಪು॒ನನ್ತು॑ ಮಾ ಪಿತಾಮ॒ಹಾಃ ಪು॒ನನ್ತು॒ ಪ್ರಪಿ॑ತಾಮಹಾಃ । ಪ॒ವಿತ್ರೇ॑ಣ ಶ॒ತಾಯು॑ಷಾ ।
ಪು॒ನನ್ತು॑ ಮಾ ಪಿತಾಮ॒ಹಾಃ ಪು॒ನನ್ತು॒ ಪ್ರಪಿ॑ತಾಮಹಾಃ । ಪ॒ವಿತ್ರೇ॑ಣ ಶ॒ತಾಯು॑ಷಾ॒ ವಿಶ್ವ॒ಮಾಯು॒ರ್ವ್ಯ॒ಶ್ನವೈ ॥ ೩೭ ॥
ಅಗ್ನ॒ ಆಯೂ॑ ᳪಷಿ ಪವಸ॒ ಆ ಸು॒ವೋರ್ಜ॒ಮಿಷಂ॑ ಚ ನಃ । ಆ॒ರೇ ಬಾ॑ಧಸ್ವ ದು॒ಚ್ಛುನಾ॑ಮ್ ॥ ೩೮ ॥
ಪು॒ನನ್ತು॑ ಮಾ ದೇವಜ॒ನಾ॑: ಪು॒ನನ್ತು॒ ಮನ॑ಸಾ॒ ಧಿಯ॑: । ಪು॒ನನ್ತು॒ ವಿಶ್ವಾ॑ ಭೂ॒ತಾನಿ॒ ಜಾತ॑ವೇದಃ ಪುನೀ॒ಹಿ ಮಾ॑ ॥ ೩೯ ॥
ಪ॒ವಿತ್ರೇ॑ಣ ಪುನೀಹಿ ಮಾ ಶು॒ಕ್ರೇಣ॑ ದೇವ॒ ದೀದ್ಯ॑ತ್ । ಅಗ್ನೇ॒ ಕ್ರತ್ವಾ॒ ಕ್ರತೂಁ॒೧ ರನು॑ ॥ ೪೦ ॥
ಯತ್ತೇ॑ ಪ॒ವಿತ್ರ॑ಮ॒ರ್ಚಿಷ್ಯಗ್ನೇ॒ ವಿತ॑ತಮನ್ತ॒ರಾ । ಬ್ರಹ್ಮ॒ ತೇನ॑ ಪುನಾತು ಮಾ ॥ ೪೧ ॥
ಪವ॑ಮಾನ॒: ಸೋ ಅ॒ದ್ಯ ನ॑: ಪ॒ವಿತ್ರೇ॑ಣ॒ ವಿಚ॑ರ್ಷಣಿಃ । ಯಃ ಪೋತಾ॒ ಸ ಪು॑ನಾತು ಮಾ ॥ ೪೨ ॥
ಉ॒ಭಾಭ್ಯಾಂ॑ ದೇವ ಸವಿತಃ ಪ॒ವಿತ್ರೇ॑ಣ ಸ॒ವೇನ॑ ಚ । ಮಾಂ ಪು॑ನೀಹಿ ವಿ॒ಶ್ವತ॑: ॥ ೪೩ ॥
ವೈ॒ಶ್ವ॒ದೇ॒ವೀ ಪು॑ನ॒ತೀ ದೇ॒ವ್ಯಾಗಾ॒ದ್ಯಸ್ಯಾ॑ಮಿ॒ಮಾ ಬ॒ಹ್ವ್ಯ॒ಸ್ತ॒ನ್ವೋ॑ ವೀ॒ತಪೃ॑ಷ್ಠಾಃ ।
ತಯಾ॒ ಮದ॑ನ್ತಃ ಸಧ॒ಮಾದೇ॑ಷು ವ॒ಯᳪ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ೪೪ ॥
ಯೇ ಸ॑ಮಾ॒ನಾಃ ಸಮ॑ನಸಃ ಪಿ॒ತರೋ॑ ಯಮ॒ರಾಜ್ಯೇ॑ । ತೇಷಾಁ॑ಲ್ಲೋ॒ಕಃ ಸ್ವ॒ಧಾ ನಮೋ॑ ಯ॒ಜ್ಞೋ ದೇ॒ವೇಷು॑ ಕಲ್ಪತಾಮ್ ॥ ೪೫ ॥
ಯೇ ಸ॑ಮಾ॒ನಾಃ ಸಮ॑ನಸೋ ಜೀ॒ವಾ ಜೀ॒ವೇಷು॑ ಮಾಮ॒ಕಾಃ । ತೇಷಾ॒ᳪ ಶ್ರೀರ್ಮಯಿ॑ ಕಲ್ಪತಾಮ॒ಸ್ಮಿಁಲ್ಲೋ॒ಕೇ ಶ॒ತᳪ ಸಮಾ॑: ॥ ೪೬ ॥
ದ್ವೇ ಸೃ॒ತೀ ಅ॑ಶೃಣವಂ ಪಿತೄ॒ಣಾಮ॒ಹಂ ದೇ॒ವಾನಾ॑ಮು॒ತ ಮರ್ತ್ಯಾ॑ನಾಮ್ ।
ತಾಭ್ಯಾ॑ಮಿ॒ದಂ ವಿಶ್ವ॒ಮೇಜ॒ತ್ಸಮೇ॑ತಿ॒ ಯದ॑ನ್ತ॒ರಾ ಪಿ॒ತರಂ॑ ಮಾ॒ತರಂ॑ ಚ ॥ ೪೭ ॥
ಇ॒ದᳪ ಹ॒ವಿಃ ಪ್ರ॒ಜನ॑ನಂ ಮೇ ಅಸ್ತು॒ ದಶ॑ವೀರ॒ᳪ ಸರ್ವ॑ಗಣᳪ ಸ್ವ॒ಸ್ತಯೇ॑ ।
ಆ॒ತ್ಮ॒ಸನಿ॑ ಪ್ರಜಾ॒ಸನಿ॑ ಪಶು॒ಸನಿ॑ ಲೋಕ॒ಸನ್ಯ॑ಭಯ॒ಸನಿ॑ ।
ಅ॒ಗ್ನಿಃ ಪ್ರ॒ಜಾಂ ಬ॑ಹು॒ಲಾಂ ಮೇ॑ ಕರೋ॒ತ್ವನ್ನಂ॒ ಪಯೋ॒ ರೇತೋ॑ ಅ॒ಸ್ಮಾಸು॑ ಧತ್ತ ॥ ೪೮ ॥
ಉದೀ॑ರತಾ॒ಮವ॑ರ॒ ಉತ್ಪರಾ॑ಸ॒ ಉನ್ಮ॑ಧ್ಯ॒ಮಾಃ ಪಿ॒ತರ॑: ಸೋ॒ಮ್ಯಾಸ॑: ।
ಅಸುಂ॒ ಯ ಈ॒ಯುರ॑ವೃ॒ಕಾ ಋ॑ತ॒ಜ್ಞಾಸ್ತೇ ನೋ॑ಽವನ್ತು ಪಿ॒ತರೋ॒ ಹವೇ॑ಷು ॥ ೪೯ ॥
ಅಙ್ಗಿ॑ರಸೋ ನಃ ಪಿ॒ತರೋ॒ ನವ॑ಗ್ವಾ॒ ಅಥ॑ರ್ವಾಣೋ॒ ಭೃಗ॑ವಃ ಸೋ॒ಮ್ಯಾಸ॑: ।
ತೇಷಾಂ॑ ವ॒ಯᳪ ಸು॑ಮ॒ತೌ ಯ॒ಜ್ಞಿಯಾ॑ನಾ॒ಮಪಿ॑ ಭ॒ದ್ರೇ ಸೌ॑ಮನ॒ಸೇ ಸ್ಯಾ॑ಮ ॥ ೫೦ ॥
ಯೇ ನ॒: ಪೂರ್ವೇ॑ ಪಿ॒ತರ॑: ಸೋ॒ಮ್ಯಾಸೋ॑ಽನೂಹಿ॒ರೇ ಸೋ॑ಮಪೀ॒ಥಂ ವಸಿ॑ಷ್ಠಾಃ ।
ತೇಭಿ॑ರ್ಯ॒ಮಃ ಸ॑ರರಾ॒ಣೋ ಹ॒ವೀᳪಷ್ಯು॒ಶನ್ನು॒ಶದ್ಭಿ॑: ಪ್ರತಿಕಾ॒ಮಮ॑ತ್ತು ॥ ೫೧ ॥
ತ್ವᳪ ಸೋ॑ಮ॒ ಪ್ರ ಚಿ॑ಕಿತೋ ಮನೀ॒ಷಾ ತ್ವᳪ ರಜಿ॑ಷ್ಠ॒ಮನು॑ ನೇಷಿ॒ ಪನ್ಥಾ॑ಮ್ ।
ತವ॒ ಪ್ರಣೀ॑ತೀ ಪಿ॒ತರೋ॑ ನ ಇನ್ದೋ ದೇ॒ವೇಷು॒ ರತ್ನ॑ಮಭಜನ್ತ॒ ಧೀರಾ॑: ॥ ೫೨ ॥
ತ್ವಯಾ॒ ಹಿ ನ॑: ಪಿ॒ತರ॑: ಸೋಮ॒ ಪೂರ್ವೇ॒ ಕರ್ಮಾ॑ಣಿ ಚ॒ಕ್ರುಃ ಪ॑ವಮಾನ॒ ಧೀರಾ॑: ।
ವ॒ನ್ವನ್ನವಾ॑ತಃ ಪರಿ॒ಧೀಁ೧ ರಪೋ॑ರ್ಣು ವೀ॒ರೇಭಿ॒ರಶ್ವೈ॑ರ್ಮ॒ಘವಾ॑ ಭವಾ ನಃ ॥ ೫೩ ॥
ತ್ವᳪ ಸೋ॑ಮ ಪಿ॒ತೃಭಿ॑: ಸಂವಿದಾ॒ನೋಽನು॒ ದ್ಯಾವಾ॑ಪೃಥಿ॒ವೀ ಆ ತ॑ತನ್ಥ ।
ತಸ್ಮೈ॑ ತ ಇನ್ದೋ ಹ॒ವಿಷಾ॑ ವಿಧೇಮ ವ॒ಯᳪ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ೫೪ ॥
ಬರ್ಹಿ॑ಷದಃ ಪಿತರ ಊ॒ತ್ಯ ರ್ವಾಗಿ॒ಮಾ ವೋ॑ ಹ॒ವ್ಯಾ ಚ॑ಕೃಮಾ ಜು॒ಷಧ್ವ॑ಮ್ ।
ತ ಆ ಗ॒ತಾವ॑ಸಾ॒ ಶನ್ತ॑ಮೇ॒ನಾಥಾ॑ ನ॒: ಶಂ ಯೋರ॑ರ॒ಪೋ ದ॑ಧಾತ ॥ ೫೫ ॥
ಆಽಹಂ ಪಿ॒ತೄನ್ತ್ಸು॑ವಿ॒ದತ್ರಾಁ॑೨ ಅವಿತ್ಸಿ॒ ನಪಾ॑ತಂ ಚ ವಿ॒ಕ್ರಮ॑ಣಂ ಚ॒ ವಿಷ್ಣೋ॑: ।
ಬ॒ರ್ಹಿ॒ಷದೋ॒ ಯೇ ಸ್ವ॒ಧಯಾ॑ ಸು॒ತಸ್ಯ॒ ಭಜ॑ನ್ತ ಪಿ॒ತ್ವಸ್ತ ಇ॒ಹಾಗ॑ಮಿಷ್ಠಾಃ ॥ ೫೬ ॥
ಉಪ॑ಹೂತಾಃ ಪಿ॒ತರ॑: ಸೋ॒ಮ್ಯಾಸೋ॑ ಬರ್ಹಿ॒ಷ್ಯೇ॒ಷು ನಿ॒ಧಿಷು॑ ಪ್ರಿ॒ಯೇಷು॑ ।
ತ ಆ ಗ॑ಮನ್ತು॒ ತ ಇ॒ಹ ಶ್ರು॑ವ॒ನ್ತ್ವಧಿ॑ ಬ್ರುವನ್ತು॒ ತೇ॑ಽವನ್ತ್ವ॒ಸ್ಮಾನ್ ॥ ೫೭ ॥
ಆ ಯ॑ನ್ತು ನಃ ಪಿ॒ತರ॑: ಸೋ॒ಮ್ಯಾಸೋ॑ಽಗ್ನಿಷ್ವಾ॒ತ್ತಾಃ ಪ॒ಥಿಭಿ॑ರ್ದೇವ॒ಯಾನೈ॑: ।
ಅ॒ಸ್ಮಿನ್ ಯ॒ಜ್ಞೇ ಸ್ವ॒ಧಯಾ॒ ಮದ॒ನ್ತೋಽಧಿ॑ ಬ್ರುವನ್ತು॒ ತೇ॒ಽವನ್ತ್ವ॒ಸ್ಮಾನ್ ॥ ೫೮ ॥
ಅಗ್ನಿ॑ಷ್ವಾತ್ತಾಃ ಪಿತರ॒ ಏಹ ಗ॑ಚ್ಛತ॒ ಸದ॑: – ಸದಃ ಸದತ ಸುಪ್ರಣೀತಯಃ ।
ಅ॒ತ್ತಾ ಹ॒ವೀᳪಷಿ॒ ಪ್ರಯ॑ತಾನಿ ಬ॒ರ್ಹಿಷ್ಯಥಾ॑ ರ॒ಯಿᳪ ಸರ್ವ॑ವೀರಂ ದಧಾತನ ॥ ೫೯ ॥
ಯೇ ಅ॑ಗ್ನಿಷ್ವಾ॒ತ್ತಾ ಯೇ ಅನ॑ಗ್ನಿಷ್ವಾತ್ತಾ॒ ಮಧ್ಯೇ॑ ದಿ॒ವಃ ಸ್ವ॒ಧಯಾ॑ ಮಾ॒ದಯ॑ನ್ತೇ ।
ತೇಭ್ಯ॑: ಸ್ವ॒ರಾಡಸು॑ನೀತಿಮೇ॒ತಾಂ ಯ॑ಥಾವ॒ಶಂ ತ॒ನ್ವಂ॒ ಕಲ್ಪಯಾತಿ ॥ ೬೦ ॥
ಅ॒ಗ್ನಿ॒ಷ್ವಾ॒ತ್ತಾನೃ॑ತು॒ಮತೋ॑ ಹವಾಮಹೇ ನಾರಾಶ॒ᳪಸೇ ಸೋ॑ಮಪೀ॒ಥಂ ಯ ಆ॒ಶುಃ ।
ತೇ ನೋ॒ ವಿಪ್ರಾ॑ಸಃ ಸು॒ಹವಾ॑ ಭವನ್ತು ವ॒ಯᳪ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ೬೧ ॥
ಆಚ್ಯಾ॒ ಜಾನು॑ ದಕ್ಷಿಣ॒ತೋ ನಿ॒ಷದ್ಯೇ॒ಮಂ ಯ॒ಜ್ಞಮ॒ಭಿ ಗೃ॑ಣೀತ॒ ವಿಶ್ವೇ॑ ।
ಮಾ ಹಿ॑ᳪಸಿಷ್ಟ ಪಿತರ॒: ಕೇನ॑ ಚಿನ್ನೋ॒ ಯದ್ವ॒ ಆಗ॑: ಪುರು॒ಷತಾ॒ ಕರಾ॑ಮ ॥ ೬೨ ॥
ಆಸೀ॑ನಾಸೋ ಅರು॒ಣೀನಾ॑ಮು॒ಪಸ್ಥೇ॑ ರ॒ಯಿಂ ಧ॑ತ್ತ ದಾ॒ಶುಷೇ॒ ಮರ್ತ್ಯಾ॑ಯ ।
ಪು॒ತ್ರೇಭ್ಯ॑: ಪಿತರ॒ಸ್ತಸ್ಯ॒ ವಸ್ವ॒: ಪ್ರ ಯ॑ಚ್ಛತ॒ ತ ಇ॒ಹೋರ್ಜಂ॑ ದಧಾತ ॥ ೬೩ ॥
ಯಮ॑ಗ್ನೇ ಕವ್ಯವಾಹನ॒ ತ್ವಂ ಚಿ॒ನ್ಮನ್ಯ॑ಸೇ ರ॒ಯಿಮ್ । ತನ್ನೋ॑ ಗೀ॒ರ್ಭಿಃ ಶ್ರ॒ವಾಯ್ಯಂ॑ ದೇವ॒ತ್ರಾ ಪ॑ನಯಾ॒ ಯುಜ॑ಮ್ ॥ ೬೪ ॥
ಯೋ ಅ॒ಗ್ನಿಃ ಕ॑ವ್ಯ॒ವಾಹ॑ನಃ ಪಿ॒ತೄನ್ ಯಕ್ಷ॑ದೃತಾ॒ವೃಧ॑: ।
ಪ್ರೇದು॑ ಹ॒ವ್ಯಾನಿ॑ ವೋಚತಿ ದೇ॒ವೇಭ್ಯ॑ಶ್ಚ ಪಿ॒ತೃಭ್ಯ॒ ಆ ॥ ೬೫ ॥
ತ್ವಮ॑ಗ್ನ ಈಡಿ॒ತಃ ಕ॑ವ್ಯವಾಹ॒ನಾವಾ॑ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವೀ ।
ಪ್ರಾದಾ॑: ಪಿ॒ತೃಭ್ಯ॑: ಸ್ವ॒ಧಯಾ॒ ತೇ ಅ॑ಕ್ಷನ್ನ॒ದ್ಧಿ ತ್ವಂ ದೇ॑ವ॒ ಪ್ರಯ॑ತಾ ಹ॒ವೀᳪಷಿ॑ ॥ ೬೬ ॥
ಯೇ ಚೇ॒ಹ ಪಿ॒ತರೋ॒ ಯೇ ಚ॒ ನೇಹ ಯಾಁಶ್ಚ॑ ವಿ॒ದ್ಮ ಯಾಁ೨ ಉ॑ ಚ॒ ನ ಪ್ರ॑ವಿ॒ದ್ಮ ।
ತ್ವಂ ವೇ॑ತ್ಥ॒ ಯತಿ॒ ತೇ ಜಾ॑ತವೇದಃ ಸ್ವ॒ಧಾಭಿ॑ರ್ಯ॒ಜ್ಞಁ ಸುಕೃ॑ತಂ ಜುಷಸ್ವ ॥ ೬೭ ॥
ಇ॒ದಂ ಪಿ॒ತೃಭ್ಯೋ॒ ನಮೋ॑ ಅಸ್ತ್ವ॒ದ್ಯ ಯೇ ಪೂರ್ವಾ॑ಸೋ॒ ಯ ಉಪ॑ರಾಸ ಈ॒ಯುಃ ।
ಯೇ ಪಾರ್ಥಿ॑ವೇ॒ ರಜ॒ಸ್ಯಾ ನಿಷ॑ತ್ತಾ॒ ಯೇ ವಾ॑ ನೂ॒ನᳪ ಸು॑ವೃ॒ಜನಾ॑ಸು ವಿ॒ಕ್ಷು ॥ ೬೮ ॥
ಅಧಾ॒ ಯಥಾ॑ ನಃ ಪಿ॒ತರ॒: ಪರಾ॑ಸಃ ಪ್ರ॒ತ್ನಾಸೋ॑ ಅಗ್ನ ಋ॒ತಮಾ॑ಶುಷಾ॒ಣಾಃ ।
ಶುಚೀದ॑ಯ॒ನ್ ದೀಧಿ॑ತಿಮುಕ್ಥ॒ಶಾಸ॒: ಕ್ಷಾಮಾ॑ ಭಿ॒ನ್ದನ್ತೋ॑ ಅರು॒ಣೀರಪ॑ ವ್ರನ್ ॥ ೬೯ ॥
ಉ॒ಶನ್ತ॑ಸ್ತ್ವಾ॒ ನಿ ಧೀ॑ಮಹ್ಯು॒ಶನ್ತ॒: ಸಮಿ॑ಧೀಮಹಿ । ಉ॒ಶನ್ನು॑ಶ॒ತ ಆ ವ॑ಹ ಪಿ॒ತೄನ್ ಹ॒ವಿಷೇ॒ ಅತ್ತ॑ವೇ ॥ ೭೦ ॥
ಅ॒ಪಾಂ ಫೇನೇ॑ನ॒ ನಮು॑ಚೇ॒: ಶಿರ॑ ಇ॒ನ್ದ್ರೋದ॑ವರ್ತಯಃ । ವಿಶ್ವಾ॒ ಯದಜ॑ಯ॒ ಸ್ಪೃಧ॑: ॥ ೭೧ ॥
ಸೋಮೋ॒ ರಾಜಾ॒ಮೃತ॑ᳪ ಸು॒ತ ಋ॑ಜೀ॒ಷೇಣಾ॑ಜಹಾನ್ಮೃ॒ತ್ಯುಮ್ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೨ ॥
ಅ॒ದ್ಭ್ಯಃ ಕ್ಷೀ॒ರಂ ವ್ಯ॑ಪಿಬ॒ತ್ ಕ್ರುಙ್ಙಾ॑ಙ್ಗಿರ॒ಸೋ ಧಿ॒ಯಾ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೩ ॥
ಸೋಮ॑ಮ॒ದ್ಭ್ಯೋ ವ್ಯ॑ಪಿಬ॒ಚ್ಛನ್ದ॑ಸಾ ಹ॒ᳪಸಃ ಶು॑ಚಿ॒ಷತ್ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೪ ॥
ಅನ್ನಾ॑ತ್ಪರಿ॒ಸ್ರುತೋ॒ ರಸಂ॒ ಬ್ರಹ್ಮ॑ಣಾ॒ ವ್ಯ॑ಪಿಬತ್ ಕ್ಷ॒ತ್ರಂ ಪಯ॒: ಸೋಮಂ॑ ಪ್ರ॒ಜಾಪ॑ತಿಃ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೫ ॥
ರೇತೋ॒ ಮೂತ್ರಂ॒ ವಿ ಜ॑ಹಾತಿ॒ ಯೋನಿಂ॑ ಪ್ರವಿ॒ಶದಿ॑ನ್ದ್ರ॒ಯಿಮ್ । ಗರ್ಭೋ॑ ಜ॒ರಾಯು॒ಣಾಽಽವೃ॑ತ॒ ಉಲ್ಬಂ॑ ಜಹಾತಿ॒ ಜನ್ಮ॑ನಾ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೬ ॥
ದೃ॒ಷ್ಟ್ವಾ ರೂ॒ಪೇ ವ್ಯಾಕ॑ರೋತ್ ಸತ್ಯಾನೃ॒ತೇ ಪ್ರ॒ಜಾಪ॑ತಿಃ । ಅಶ್ರ॑ದ್ಧಾ॒ಮನೃ॒ತೇಽದ॑ಧಾಚ್ಛ್ರ॒ದ್ಧಾᳪ ಸ॒ತ್ಯೇ ಪ್ರ॒ಜಾಪ॑ತಿಃ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೭ ॥
ವೇದೇ॑ನ ರೂ॒ಪೇ ವ್ಯ॑ಪಿಬತ್ ಸುತಾಸು॒ತೌ ಪ್ರ॒ಜಾಪ॑ತಿಃ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೮ ॥
ದೃ॒ಷ್ಟ್ವಾ ಪ॑ರಿ॒ಸ್ರುತೋ॒ ರಸ॑ᳪ ಶು॒ಕ್ರೇಣ॑ ಶು॒ಕ್ರಂ ವ್ಯ॑ಪಿಬತ್ ಪಯ॒: ಸೋಮಂ॑ ಪ್ರ॒ಜಾಪ॑ತಿಃ ।
ಋ॒ತೇನ॑ ಸ॒ತ್ಯಮಿ॑ನ್ದ್ರಿ॒ಯಂ ವಿ॒ಪಾನ॑ᳪ ಶು॒ಕ್ರಮನ್ಧ॑ಸ॒ ಇನ್ದ್ರ॑ಸ್ಯೇನ್ದ್ರಿ॒ಯಮಿ॒ದಂ ಪಯೋ॒ಽಮೃತಂ॒ ಮಧು॑ ॥ ೭೯ ॥
ಸೀಸೇ॑ನ॒ ತನ್ತ್ರಂ॒ ಮನ॑ಸಾ ಮನೀ॒ಷಿಣ॑ ಊರ್ಣಾಸೂ॒ತ್ರೇಣ॑ ಕ॒ವಯೋ॑ ವಯನ್ತಿ ।
ಅ॒ಶ್ವಿನಾ॑ ಯ॒ಜ್ಞᳪ ಸ॑ವಿ॒ತಾ ಸರ॑ಸ್ವ॒ತೀನ್ದ್ರ॑ಸ್ಯ ರೂ॒ಪಂ ವರು॑ಣೋ ಭಿಷ॒ಜ್ಯನ್ ॥ ೮೦ ॥
ತದ॑ಸ್ಯ ರೂ॒ಪಮ॒ಮೃತ॒ᳪ ಶಚೀ॑ಭಿಸ್ತ॒ಸ್ರೋ ದ॑ಧುರ್ದೇ॒ವತಾ॑: ಸᳪರರಾ॒ಣಾಃ ।
ಲೋಮಾ॑ನಿ॒ ಶಷ್ಪೈ॑ರ್ಬಹು॒ಧಾ ನ ತೋಕ್ಮ॑ಭಿ॒ಸ್ತ್ವಗ॑ಸ್ಯ ಮಾ॒ᳪಸಮ॑ಭವ॒ನ್ನ ಲಾ॒ಜಾಃ ॥ ೮೧ ॥
ತದ॒ಶ್ವಿನಾ॑ ಭಿ॒ಷಜಾ॑ ರು॒ದ್ರವ॑ರ್ತನೀ॒ ಸರ॑ಸ್ವತೀ ವಯತಿ॒ ಪೇಶೋ॒ ಅನ್ತ॑ರಮ್ ।
ಅಸ್ಥಿ॑ ಮ॒ಜ್ಜಾನಂ॒ ಮಾಸ॑ರೈಃ ಕಾರೋತ॒ರೇಣ॒ ದಧ॑ತೋ॒ ಗವಾಂ॑ ತ್ವ॒ಚಿ ॥ ೮೨ ॥
ಸರ॑ಸ್ವತೀ॒ ಮನ॑ಸಾ ಪೇಶ॒ಲಂ ವಸು॒ ನಾಸ॑ತ್ಯಾಭ್ಯಾಂ ವಯತಿ ದರ್ಶ॒ತಂ ವಪು॑: ।
ರಸಂ॑ ಪರಿ॒ಸ್ರುತಾ॒ ನ ರೋಹಿ॑ತಂ ನ॒ಗ್ನಹು॒ರ್ಧೀರ॒ಸ್ತಸ॑ರಂ॒ ನ ವೇಮ॑ ॥ ೮೩ ॥
ಪಯ॑ಸಾ ಶು॒ಕ್ರಮ॒ಮೃತಂ॑ ಜ॒ನಿತ್ರ॒ᳪ ಸುರ॑ಯಾ॒ ಮೂತ್ರಾ॑ಜ್ಜನಯನ್ತ॒ ರೇತ॑: ।
ಅಪಾಮ॑ತಿಂ ದುರ್ಮ॒ತಿಂ ಬಾಧ॑ಮಾನಾ॒ ಊವ॑ಧ್ಯಂ॒ ವಾತ॑ᳪ ಸ॒ಬ್ವಂ ತದಾ॒ರಾತ್ ॥ ೮೪ ॥
ಇನ್ದ್ರ॑: ಸು॒ತ್ರಾಮಾ॒ ಹೃದ॑ಯೇನ ಸ॒ತ್ಯಂ ಪು॑ರೋ॒ಡಾಶೇ॑ನ ಸವಿ॒ತಾ ಜ॑ಜಾನ ।
ಯಕೃ॑ತ್ ಕ್ಲೋ॒ಮಾನಂ॒ ವರು॑ಣೋ ಭಿಷ॒ಜ್ಯನ್ ಮತ॑ಸ್ನೇ ವಾಯ॒ವ್ಯೈರ್ನ ಮಿ॑ನಾತಿ ಪಿ॒ತ್ತಮ್ ॥ ೮೫ ॥
ಆ॒ನ್ತ್ರಾಣಿ॑ ಸ್ಥಾ॒ಲೀರ್ಮಧು॒ ಪಿನ್ವ॑ಮಾನಾ॒ ಗುದಾ॒: ಪಾತ್ರಾ॑ಣಿ ಸು॒ದುಘಾ॒ ನ ಧೇ॒ನುಃ ।
ಶ್ಯೇ॒ನಸ್ಯ॒ ಪತ್ರಂ॒ ನ ಪ್ಲೀ॒ಹಾ ಶಚೀ॑ಭಿರಾಸ॒ನ್ದೀ ನಾಭಿ॑ರು॒ದರಂ॒ ನ ಮಾ॒ತಾ ॥ ೮೬ ॥
ಕು॒ಮ್ಭೋ ವ॑ನಿ॒ಷ್ಠುರ್ಜ॑ನಿ॒ತಾ ಶಚೀ॑ಭಿ॒ರ್ಯಸ್ಮಿ॒ನ್ನಗ್ರೇ॒ ಯೋನ್ಯಾಂ॒ ಗರ್ಭೋ॑ ಅ॒ನ್ತಃ ।
ಪ್ಲಾ॒ಶಿರ್ವ್ಯ॑ಕ್ತಃ ಶ॒ತಧಾ॑ರ॒ ಉತ್ಸೋ॑ ದು॒ಹೇ ನ ಕು॒ಮ್ಭೀ ಸ್ವ॒ಧಾಂ ಪಿ॒ತೃಭ್ಯ॑: ॥ ೮೭ ॥
ಮುಖ॒ᳪ ಸದ॑ಸ್ಯ॒ ಶಿರ॒ ಇತ್ ಸತೇ॑ನ ಜಿ॒ಹ್ವಾ ಪ॒ವಿತ್ರ॑ಮ॒ಶ್ವಿನಾ॒ಸನ್ತ್ಸರ॑ಸ್ವತೀ ।
ಚಪ್ಪಂ॒ ನ ಪಾ॒ಯುರ್ಭಿ॒ಷಗ॑ಸ್ಯ॒ ವಾಲೋ॑ ವ॒ಸ್ತಿರ್ನ ಶೇಪೋ॒ ಹರ॑ಸಾ ತರ॒ಸ್ವೀ ॥ ೮೮ ॥
ಅ॒ಶ್ವಿಭ್ಯಾಂ॒ ಚಕ್ಷು॑ರ॒ಮೃತಂ॒ ಗ್ರಹಾ॑ಭ್ಯಾಂ॒ ಛಾಗೇ॑ನ॒ ತೇಜೋ॑ ಹ॒ವಿಷಾ॑ ಶೃ॒ತೇನ॑ ।
ಪಕ್ಷ್ಮಾ॑ಣಿ ಗೋ॒ಧೂಮೈ॒: ಕುವ॑ಲೈರು॒ತಾನಿ॒ ಪೇಶೋ॒ ನ ಶು॒ಕ್ರಮಸಿ॑ತಂ ವಸಾತೇ ॥ ೮೯ ॥
ಅವಿ॒ರ್ನ ಮೇ॒ಷೋ ನ॒ಸಿ ವೀ॒ರ್ಯಾ॒ಯ ಪ್ರಾ॒ಣಸ್ಯ॒ ಪನ್ಥಾ॑ ಅ॒ಮೃತೋ॒ ಗ್ರಹಾ॑ಭ್ಯಾಮ್ ।
ಸರ॑ಸ್ವತ್ಯುಪ॒ವಾಕೈ॑ರ್ವ್ಯಾ॒ನಂ ನಸ್ಯಾ॑ನಿ ಬ॒ರ್ಹಿರ್ಬದ॑ರೈರ್ಜಜಾನ ॥ ೯೦ ॥
ಇನ್ದ್ರ॑ಸ್ಯ ರೂ॒ಪಮೃ॑ಷ॒ಭೋ ಬಲಾ॑ಯ॒ ಕರ್ಣಾ॑ಭ್ಯಾ॒ᳪ ಶ್ರೋತ್ರ॑ಮ॒ಮೃತಂ॒ ಗ್ರಹಾ॑ಭ್ಯಾಮ್ ।
ಯವಾ॒ ನ ಬ॒ರ್ಹಿರ್ಭ್ರು॒ವಿ ಕೇಸ॑ರಾಣಿ ಕ॒ರ್ಕನ್ಧು॑ ಜಜ್ಞೇ॒ ಮಧು॑ ಸಾರ॒ಘಂ ಮುಖಾ॑ತ್ ॥ ೯೧ ॥
ಆ॒ತ್ಮನ್ನು॒ಪಸ್ಥೇ॒ ನ ವೃಕ॑ಸ್ಯ॒ ಲೋಮ॒ ಮುಖೇ॒ ಶ್ಮಶ್ರೂ॑ಣಿ॒ ನ ವ್ಯಾ॑ಘ್ರಲೋ॒ಮ ।
ಕೇಶಾ॒ ನ ಶೀ॒ರ್ಷನ್ಯಶ॑ಸೇ ಶ್ರಿಯೈ॒ ಶಿಖಾ॑ ಸಿ॒ᳪಹಸ್ಯ॒ ಲೋಮ॒ ತ್ವಿಷಿ॑ರಿನ್ದ್ರಿ॒ಯಾಣಿ॑ ॥ ೯೨ ॥
ಅಙ್ಗಾ॑ನ್ಯಾ॒ತ್ಮನ್ ಭಿ॒ಷಜಾ॒ ತದ॒ಶ್ವಿನಾ॒ತ್ಮಾನ॒ಮಙ್ಗೈ॒: ಸಮ॑ಧಾ॒ತ್ ಸರ॑ಸ್ವತೀ ।
ಇನ್ದ್ರ॑ಸ್ಯ ರೂ॒ಪᳪ ಶ॒ತಮಾ॑ನ॒ಮಾಯು॑ಶ್ಚ॒ನ್ದ್ರೇಣ॒ ಜ್ಯೋತಿ॑ರ॒ಮೃತಂ॒ ದಧಾ॑ನಾಃ ॥ ೯೩ ॥
ಸರ॑ಸ್ವತೀ॒ ಯೋನ್ಯಾಂ॒ ಗರ್ಭ॑ಮ॒ನ್ತರ॒ಶ್ವಿಭ್ಯಾಂ॒ ಪತ್ನೀ॒ ಸುಕೃ॑ತಂ ಬಿಭರ್ತಿ ।
ಅ॒ಪಾᳪ ರಸೇ॑ನ॒ ವರು॑ಣೋ॒ ನ ಸಾಮ್ನೇನ್ದ್ರ॑ᳪ ಶ್ರಿ॒ಯೈ ಜ॒ನಯ॑ನ್ನ॒ಪ್ಸು ರಾಜಾ॑ ॥ ೯೪ ॥
ತೇಜ॑: ಪಶೂ॒ನಾᳪ ಹ॒ವಿರಿ॑ನ್ದ್ರಿ॒ಯಾವ॑ತ್ ಪರಿ॒ಸ್ರುತಾ॒ ಪಯ॑ಸಾ ಸಾರ॒ಘಂ ಮಧು॑ ।
ಅ॒ಶ್ವಿಭ್ಯಾಂ॑ ದು॒ಗ್ಧಂ ಭಿ॒ಷಜಾ॒ ಸರ॑ಸ್ವತ್ಯಾ ಸುತಾಸು॒ತಾಭ್ಯಾ॑ಮ॒ಮೃತ॒: ಸೋಮ॒ ಇನ್ದು॑: ॥ ೯೫ ॥
ಅಧ್ಯಾಯ ೨೦
ಕ್ಷ॒ತ್ರಸ್ಯ॒ ಯೋನಿ॑ರಸಿ ಕ್ಷ॒ತ್ರಸ್ಯ॒ ನಾಭಿ॑ರಸಿ । ಮಾ ತ್ವಾ॑ ಹಿᳪಸೀ॒ನ್ಮಾ ಮಾ॑ ಹಿᳪಸೀಃ ॥ ೧ ॥
ನಿ ಷ॑ಸಾದ ಘೃ॒ತವ್ರ॑ತೋ॒ ವರು॑ಣಃ ಪ॒ಸ್ತ್ಯಾಸ್ವಾ । ಸಾಮ್ರಾ॑ಜ್ಯಾಯ ಸು॒ಕ್ರತು॑: । ಮೃ॒ತ್ಯೋಃ ಪಾ॑ಹಿ ವಿ॒ದ್ಯೋತ್ಪಾ॑ಹಿ ॥ ೨ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಅ॒ಶ್ವಿನೋರ್ಭೈಷ॑ಜ್ಯೇನ॒ ತೇಜ॑ಸೇ ಬ್ರಹ್ಮವರ್ಚ॒ಸಾಯಾ॒ಭಿ ಷಿ॑ಞ್ಚಾಮಿ॒ ಸರ॑ಸ್ವತ್ಯೈ॒ ಭೈಷ॑ಜ್ಯೇನ ವೀ॒ರ್ಯಾ॒ಯಾ॒ನ್ನಾದ್ಯಾ॑ಯಾ॒ಭಿ ಷಿ॑ಞ್ಚಾ॒ಮೀನ್ದ್ರ॑ಸ್ಯೇನ್ದ್ರಿ॒ಯೇಣ॒ ಬಲಾ॑ಯ ಶ್ರಿಯೈ॒ ಯಶ॑ಸೇ॒ಽಭಿ ಷಿ॑ಞ್ಚಾಮಿ ॥ ೩ ॥
ಕೋ॑ಽಸಿ ಕತ॒ಮೋ॒ಽಸಿ॒ ಕಸ್ಮೈ॑ ತ್ವಾ॒ ಕಾಯ॑ ತ್ವಾ । ಸುಶ್ಲೋ॑ಕ॒ ಸುಮ॑ಙ್ಗಲ॒ ಸತ್ಯ॑ರಾಜನ್ ॥ ೪ ॥
ಶಿರೋ॑ ಮೇ॒ ಶ್ರೀರ್ಯಶೋ॒ ಮುಖಂ॒ ತ್ವಿಷಿ॒: ಕೇಶಾ॑ಶ್ಚ॒ ಶ್ಮಶ್ರೂ॑ಣಿ । ರಾಜಾ॑ ಮೇ ಪ್ರಾ॒ಣೋ ಅ॒ಮೃತ॑ᳪ ಸ॒ಮ್ರಾಟ್ ಚಕ್ಷು॑ರ್ವಿ॒ರಾಟ್ ಶ್ರೋತ್ರ॑ಮ್ ॥ ೫ ॥
ಜಿ॒ಹ್ವಾ ಮೇ॑ ಭ॒ದ್ರಂ ವಾಙ್ಮಹೋ॒ ಮನೋ॑ ಮ॒ನ್ಯುಃ ಸ್ವ॒ರಾಡ್ ಭಾಮ॑: । ಮೋದಾ॑: ಪ್ರಮೋ॒ದಾ ಅ॒ಙ್ಗುಲೀ॒ರಙ್ಗಾ॑ನಿ ಮಿ॒ತ್ರಂ ಮೇ॒ ಸಹ॑: ॥ ೬ ॥
ಬಾ॒ಹೂ ಮೇ॒ ಬಲ॑ಮಿನ್ದ್ರಿ॒ಯᳪ ಹಸ್ತೌ॑ ಮೇ॒ ಕರ್ಮ॑ ವೀ॒ರ್ಯ॒ಮ್ । ಆ॒ತ್ಮಾ ಕ್ಷ॒ತ್ರಮುರೋ॒ ಮಮ॑ ॥ ೭ ॥
ಪೃ॒ಷ್ಠೀರ್ಮೇ॑ ರಾ॒ಷ್ಟ್ರಮು॒ದರ॒ಮᳪಸೌ॑ ಗ್ರೀ॒ವಾಶ್ಚ॒ ಶ್ರೋಣೀ॑ । ಊ॒ರೂ ಅ॑ರ॒ತ್ನೀ ಜಾನು॑ನೀ॒ ವಿಶೋ॒ ಮೇಽಙ್ಗಾ॑ನಿ ಸ॒ರ್ವತ॑: ॥ ೮ ॥
ನಾಭಿ॑ರ್ಮೇ ಚಿ॒ತ್ತಂ ವಿ॒ಜ್ಞಾನಂ॑ ಪಾ॒ಯುರ್ಮೇಽಪ॑ಚಿತಿರ್ಭ॒ಸತ್ । ಆ॒ನ॒ನ್ದ॒ನ॒ನ್ದಾವಾ॒ಣ್ಡೌ ಮೇ॒ ಭಗ॒: ಸೌಭಾ॑ಗ್ಯಂ॒ ಪಸ॑: ।
ಜಙ್ಘಾ॑ಭ್ಯಾಂ ಪ॒ದ್ಭ್ಯಾಂ ಧರ್ಮೋ॑ಽಸ್ಮಿ ವಿ॒ಶಿ ರಾಜಾ॒ ಪ್ರತಿ॑ಷ್ಠಿತಃ ॥೯ ॥
ಪ್ರತಿ॑ ಕ್ಷ॒ತ್ರೇ ಪ್ರತಿ॑ ತಿಷ್ಠಾಮಿ ರಾ॒ಷ್ಟ್ರೇ ಪ್ರತ್ಯಶ್ವೇ॑ಷು॒ ಪ್ರತಿ॑ ತಿಷ್ಠಾಮಿ॒ ಗೋಷು॑ ।
ಪ್ರತ್ಯಙ್ಗೇ॑ಷು॒ ಪ್ರತಿ॑ ತಿಷ್ಠಾಮ್ಯಾ॒ತ್ಮನ್ ಪ್ರತಿ॑ ಪ್ರಾ॒ಣೇಷು॒ ಪ್ರತಿ॑ ತಿಷ್ಠಾಮಿ ಪು॒ಷ್ಟೇ ಪ್ರತಿ॒ ದ್ಯಾವಾ॑ಪೃಥಿ॒ವ್ಯೋಃ ಪ್ರತಿ॑ ತಿಷ್ಠಾಮಿ ಯ॒ಜ್ಞೇ॥ ೧ ೦॥
ತ್ರ॒ಯಾ ದೇ॒ವಾ ಏಕಾ॑ದಶ ತ್ರಯಸ್ತ್ರಿ॒ᳪಶಾಃ ಸು॒ರಾಧ॑ಸಃ ।
ಬೃಹ॒ಸ್ಪತಿ॑ಪುರೋಹಿತಾ ದೇ॒ವಸ್ಯ॑ ಸವಿ॒ತುಃ ಸ॒ವೇ । ದೇ॒ವಾ ದೇ॒ವೈರ॑ವನ್ತು ಮಾ ॥ ೧೧ ॥
ಪ್ರ॒ಥ॒ಮಾ ದ್ವಿ॒ತೀಯೈ॑ರ್ದ್ವಿ॒ತೀಯಾ॑ಸ್ತೃ॒ತೀಯೈ॑ಸ್ತೃ॒ತೀಯಾ॑: ಸ॒ತ್ಯೇನ॑ ಸ॒ತ್ಯಂ ಯ॒ಜ್ಞೇನ॑ ಯ॒ಜ್ಞೋ ಯಜು॑ರ್ಭಿ॒ರ್ಯಜೂ॑ᳪಷಿ॒ ಸಾಮ॑ಭಿ॒: ಸಾಮಾ॑ನ್ಯೃ॒ಗ್ಭಿರೃಚ॑: ಪುರೋಽನುವಾ॒ಕ್ಯಾ॒ಭಿಃ ಪುರೋಽನುವಾ॒ಕ್ಯಾ॒ ಯಾ॒ಜ್ಯಾ॒ಭಿರ್ಯಾ॒ಜ್ಯಾ॒ ವಷಟ್ಕಾ॒ರೈರ್ವ॑ಷಟ್ಕಾ॒ರಾ ಆಹು॑ತಿಭಿ॒ರಾಹು॑ತಯೋ ಮೇ॒ ಕಾಮಾ॒ನ್ತ್ಸಮ॑ರ್ಧಯನ್ತು॒ ಭೂಃ ಸ್ವಾಹಾ॑ ॥ ೧೨ ॥
ಲೋಮಾ॑ನಿ॒ ಪ್ರಯ॑ತಿ॒ರ್ಮಮ॒ ತ್ವಙ್ಮ॒ ಆನ॑ತಿ॒ರಾಗ॑ತಿಃ । ಮಾ॒ᳪಸಂ ಮ॒ ಉಪ॑ನತಿ॒ರ್ವಸ್ವಸ್ಥಿ॑ ಮ॒ಜ್ಜಾ ಮ॒ ಆನ॑ತಿಃ ॥ ೧೩ ॥
ಯದ್ದೇ॑ವಾ ದೇವ॒ಹೇಡ॑ನಂ॒ ದೇವಾ॑ಸಶ್ಚಕೃ॒ಮಾ ವ॒ಯಮ್ । ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸೋ॒ ವಿಶ್ವಾ॑ನ್ಮುಞ್ಚ॒ತ್ವᳪಹ॑ಸಃ ॥ ೧೪ ॥
ಯದಿ॒ ದಿವಾ॒ ಯದಿ॒ ನಕ್ತ॒ಮೇನಾ॑ᳪಸಿ ಚಕೃ॒ಮಾ ವ॒ಯಮ್ । ವಾ॒ಯುರ್ಮಾ॒ ತಸ್ಮಾ॒ದೇನ॑ಸೋ॒ ವಿಶ್ವಾ॑ನ್ಮುಞ್ಚ॒ತ್ವᳪಹ॑ಸಃ ॥ ೧೫ ॥
ಯದಿ॒ ಜಾಗ್ರ॒ದ್ಯದಿ॒ ಸ್ವಪ್ನ॒ ಏನಾ॑ᳪಸಿ ಚಕೃ॒ಮಾ ವ॒ಯಮ್ । ಸೂರ್ಯೋ॑ ಮಾ॒ ತಸ್ಮಾ॒ದೇನ॑ಸೋ॒ ವಿಶ್ವಾ॑ನ್ಮುಞ್ಚ॒ತ್ವᳪಹ॑ಸಃ ॥ ೧೬ ॥
ಯದ್ಗ್ರಾಮೇ॒ ಯದರ॑ಣ್ಯೇ॒ ಯತ್ಸ॒ಭಾಯಾಂ॒ ಯದಿ॑ನ್ದ್ರಿ॒ಯೇ ।
ಯಚ್ಛೂ॒ದ್ರೇ ಯದರ್ಯೇ॒ ಯದೇನ॑ಶ್ಚಕೃ॒ಮಾ ವ॒ಯಂ ಯದೇಕ॒ಸ್ಯಾಧಿ॒ ಧರ್ಮ॑ಣಿ॒ ತಸ್ಯಾ॑ವ॒ಯಜ॑ನಮಸಿ ॥ ೧೭ ॥
ಯದಾಪೋ॑ ಅ॒ಘ್ನ್ಯಾ ಇತಿ॒ ವರು॒ಣೇತಿ॒ ಶಪಾ॑ಮಹೇ॒ ತತೋ॑ ವರುಣ ನೋ ಮುಞ್ಚ । ಅವ॑ಭೃಥ ನಿಚುಮ್ಪುಣ ನಿಚೇ॒ರುರ॑ಸಿ ನಿಚುಮ್ಪು॒ಣಃ ।
ಅವ॑ ದೇ॒ವೈರ್ದೇ॒ವಕೃ॑ತ॒ಮೇನೋ॑ಽಯ॒ಕ್ಷ್ಯವ॒ ಮರ್ತ್ಯೈ॒ರ್ಮರ್ತ್ಯ॑ಕೃತಂ ಪುರು॒ರಾವ್ಣೋ॑ ದೇವ ರಿ॒ಷಸ್ಪಾ॑ಹಿ ॥ ೧೮ ॥
ಸ॑ಮು॒ದ್ರೇ ತೇ॒ ಹೃದ॑ಯಮ॒ಪ್ಸ್ವನ್ತಃ ಸಂ ತ್ವಾ॑ ವಿಶ॒ನ್ತ್ವೋಷ॑ಧೀರು॒ತಾಪ॑: ।
ಸು॒ಮಿ॒ತ್ರಿ॒ಯಾ ನ॒ ಆಪ॒ ಓಷ॑ಧಯಃ ಸನ್ತು ದುರ್ಮಿತ್ರಿ॒ಯಾಸ್ತಸ್ಮೈ॑ ಸನ್ತು॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ ೧೯ ॥
ದ್ರು॒ಪ॒ದಾದಿ॑ವ ಮುಮುಚಾ॒ನಃ ಸ್ವಿ॒ನ್ನಃ ಸ್ನಾ॒ತೋ ಮಲಾ॑ದಿವ । ಪೂ॒ತಂ ಪ॒ವಿತ್ರೇ॑ಣೇ॒ವಾಜ್ಯ॒ಮಾಪ॑: ಶುನ್ಧನ್ತು ಮೈನ॑ಸಃ ॥ ೨೦ ॥
ಉದ್ವ॒ಯಂ ತಮ॑ಸ॒ಸ್ಪರಿ॒ ಸ್ವ: ಪಶ್ಯ॑ನ್ತ॒ ಉತ್ತ॑ರಮ್ । ದೇ॒ವಂ ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಮ್ ॥ ೨೧ ॥
ಅ॒ಪೋ ಅ॒ದ್ಯಾನ್ವ॑ಚಾರಿಷ॒ᳪ ರಸೇ॑ನ॒ ಸಮ॑ಸೃಕ್ಷ್ಮಹಿ ।
ಪಯ॑ಸ್ವಾನಗ್ನ॒ ಆಽಗ॑ಮಂ॒ ತಂ ಮಾ॒ ಸᳪ ಸೃ॑ಜ॒ ವರ್ಚ॑ಸಾ ಪ್ರ॒ಜಯಾ॑ ಚ॒ ಧನೇ॑ನ ಚ ॥ ೨೨ ॥
ಏಧೋ॑ಽಸ್ಯೇಧಿಷೀ॒ಮಹಿ॑ ಸ॒ಮಿದ॑ಸಿ॒ ತೇಜೋ॑ಽಸಿ॒ ತೇಜೋ॒ ಮಯಿ॑ ಧೇಹಿ ।
ಸ॒ಮಾವ॑ವರ್ತಿ ಪೃಥಿ॒ವೀ ಸಮು॒ಷಾಃ ಸಮು॒ ಸೂರ್ಯ॑: । ಸಮು॒ ವಿಶ್ವ॑ಮಿ॒ದಂ ಜಗ॑ತ್ ।
ವೈ॒ಶ್ವಾ॒ನ॒ರಜ್ಯೋ॑ತಿರ್ಭೂಯಾಸಂ ವಿ॒ಭೂನ್ ಕಾಮಾ॒ನ್ ವ್ಯ॒ಶ್ನವೈ॒ ಭೂಃ ಸ್ವಾಹಾ॑ ॥ ೨೩ ॥
ಅ॒ಭ್ಯಾ ದ॑ಧಾಮಿ ಸ॒ಮಿಧ॒ಮಗ್ನೇ॑ ವ್ರತಪತೇ॒ ತ್ವಯಿ॑ ।
ವ್ರ॒ತಂ ಚ॑ ಶ್ರ॒ದ್ಧಾಂ ಚೋಪೈ॑ಮೀ॒ನ್ಧೇ ತ್ವಾ॑ ದೀಕ್ಷಿ॒ತೋ ಅ॒ಹಮ್ ॥ ೨೪ ॥
ಯತ್ರ॒ ಬ್ರಹ್ಮ॑ ಚ ಕ್ಷ॒ತ್ರಂ ಚ॑ ಸ॒ಮ್ಯಞ್ಚೋ॒ ಚರ॑ತಃ ಸ॒ಹ ।
ತಁಲ್ಲೋ॒ಕಂ ಪುಣ್ಯಂ॒ ಪ್ರಜ್ಞೇ॑ಷಂ॒ ಯತ್ರ॑ ದೇ॒ವಾಃ ಸ॒ಹಾಗ್ನಿನಾ॑ ॥ ೨೫ ॥
ಯತ್ರೇನ್ದ್ರ॑ಶ್ಚ ವಾ॒ಯುಶ್ಚ॑ ಸ॒ಮ್ಯಞ್ಚೋ॒ ಚರ॑ತಃ ಸ॒ಹ । ತಁಲ್ಲೋ॒ಕಂ ಪುಣ್ಯಂ॒ ಪ್ರಜ್ಞೇ॑ಷಂ॒ ಯತ್ರ॑ ಸೇ॒ದಿರ್ನ ವಿ॒ದ್ಯತೇ॑ ॥ ೨೬ ॥
ಅ॒ᳪಶುನಾ॑ ತೇ ಅ॒ᳪಶುಃ ಪೃ॑ಚ್ಯತಾಂ॒ ಪರು॑ಷಾ॒ ಪರು॑: । ಗ॒ನ್ಧಸ್ತೇ॒ ಸೋಮ॑ಮವತು॒ ಮದಾ॑ಯ॒ ರಸೋ॒ ಅಚ್ಯು॑ತಃ ॥ ೨೭ ॥
ಸಿ॒ಞ್ಚನ್ತಿ॒ ಪರಿ॑ ಷಿಞ್ಚ॒ನ್ತ್ಯುತ್ಸಿ॑ಞ್ಚನ್ತಿ ಪು॒ನನ್ತಿ॑ ಚ । ಸುರಾ॑ಯೈ ಬ॒ಭ್ರ್ವೈ॒ ಮದೇ॑ ಕಿ॒ನ್ತ್ವೋ ವ॑ದತಿ ಕಿ॒ನ್ತ್ವಃ ॥ ೨೮ ॥
ಧಾ॒ನಾವ॑ನ್ತಂ ಕರ॒ಮ್ಭಿಣ॑ಮಪೂ॒ಪವ॑ನ್ತಮು॒ಕ್ಥಿನ॑ಮ್ । ಇನ್ದ್ರ॑ ಪ್ರಾ॒ತರ್ಜು॑ಷಸ್ವ ನಃ ॥ ೨೯ ॥
ಬೃ॒ಹದಿನ್ದ್ರಾ॑ಯ ಗಾಯತ॒ ಮರು॑ತೋ ವೃತ್ರ॒ಹನ್ತ॑ಮಮ್ । ಯೇನ॒ ಜ್ಯೋತಿ॒ರಜ॑ನಯನ್ನೃತಾ॒ವೃಧೋ॑ ದೇ॒ವಂ ದೇ॒ವಾಯ॒ ಜಾಗೃ॑ವಿ ॥ ೩೦ ॥
ಅಧ್ವ॑ರ್ಯೋ॒ ಅದ್ರಿ॑ಭಿಃ ಸು॒ತᳪ ಸೋಮಂ॑ ಪ॒ವಿತ್ರ॒ ಆ ನ॑ಯ । ಪು॒ನಾ॒ಹೀನ್ದ್ರಾ॑ಯ॒ ಪಾತ॑ವೇ ॥ ೩೧ ॥
ಯೋ ಭೂ॒ತಾನಾ॒ಮಧಿ॑ಪತಿ॒ರ್ಯಸ್ಮಿಁ॑ಲ್ಲೋ॒ಕಾ ಅಧಿ॑ ಶ್ರಿ॒ತಾಃ ।
ಯ ಈಶೇ॑ ಮಹ॒ತೋ ಮ॒ಹಾಁಸ್ತೇನ॑ ಗೃಹ್ಣಾಮಿ॒ ತ್ವಾಮ॒ಹಂ ಮಯಿ॑ ಗೃಹ್ಣಾಮಿ॒ ತ್ವಾಮ॒ಹಮ್ ॥ ೩೨ ॥
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಶ್ವಿಭ್ಯಾಂ॑ ತ್ವಾ॒ ಸರ॑ಸ್ವತ್ಯೈ॒ ತ್ವೇನ್ದ್ರಾ॑ಯ ತ್ವಾ ಸು॒ತ್ರಾಮ್ಣ॑ ಏ॒ಷ ತೇ॒ ಯೋನಿ॑ರ॒ಶ್ವಿಭ್ಯಾಂ॑ ತ್ವಾ॒ ಸರ॑ಸ್ವತ್ಯೈ॒ ತ್ವೇನ್ದ್ರಾ॑ಯ ತ್ವಾ ಸು॒ತ್ರಾಮ್ಣೇ॑ ॥ ೩೩ ॥
ಪ್ರಾ॒ಣ॒ಪಾ ಮೇ॑ ಅಪಾನ॒ಪಾಶ್ಚ॑ಕ್ಷು॒ಷ್ಪಾಃ ಶ್ರೋ॑ತ್ರ॒ಪಾಶ್ಚ॑ ಮೇ ।
ವಾಚೋ॑ ಮೇ ವಿ॒ಶ್ವಭೇ॑ಷಜೋ॒ ಮನ॑ಸೋಽಸಿ ವಿ॒ಲಾಯ॑ಕಃ ॥ ೩೪ ॥
ಅ॒ಶ್ವಿನ॑ಕೃತಸ್ಯ ತೇ॒ ಸರ॑ಸ್ವತಿಕೃತ॒ಸ್ಯೇನ್ದ್ರೇ॑ಣ ಸು॒ತ್ರಾಮ್ಣಾ॑ ಕೃ॒ತಸ್ಯ॑ ।
ಉಪ॑ಹೂತ॒ ಉಪ॑ಹೂತಸ್ಯ ಭಕ್ಷಯಾಮಿ ॥ ೩೫ ॥
ಸಮಿ॑ದ್ಧ॒ ಇನ್ದ್ರ॑ ಉ॒ಷಸಾ॒ಮನೀ॑ಕೇ ಪುರೋ॒ರುಚಾ॑ ಪೂರ್ವ॒ಕೃದ್ವಾ॑ವೃಧಾ॒ನಃ ।
ತ್ರಿ॒ಭಿರ್ದೇ॒ವೈಸ್ತ್ರಿ॒ᳪಶತಾ॒ ವಜ್ರ॑ಬಾಹುರ್ಜ॒ಘಾನ॑ ವೃ॒ತ್ರಂ ವಿ ದುರೋ॑ ವವಾರ ॥ ೩೬ ॥
ನರಾ॒ಶᳪಸ॒: ಪ್ರತಿ॒ ಶೂರೋ॒ ಮಿಮಾ॑ನ॒ಸ್ತನೂ॒ನಪಾ॒ತ್ಪ್ರತಿ॑ ಯ॒ಜ್ಞಸ್ಯ॒ ಧಾಮ॑ ।
ಗೋಭಿ॑ರ್ವ॒ಪಾವಾ॒ನ್ ಮಧು॑ನಾ ಸಮ॒ಞ್ಜನ್ ಹಿರ॑ಣ್ಯೈಶ್ಚ॒ನ್ದ್ರೀ ಯ॑ಜತಿ॒ ಪ್ರಚೇ॑ತಾಃ ॥ ೩೭ ॥
ಈ॒ಡಿ॒ತೋ ದೇ॒ವೈರ್ಹರಿ॑ವಾಁ೨ ಅಭಿ॒ಷ್ಟಿರಾ॒ಜುಹ್ವಾ॑ನೋ ಹ॒ವಿಷಾ॒ ಶರ್ಧ॑ಮಾನಃ ।
ಪು॒ರ॒ನ್ದ॒ರೋ ಗೋ॑ತ॒ಭಿದ್ವಜ್ರ॑ಬಾಹು॒ರಾ ಯಾ॑ತು ಯ॒ಜ್ಞಮುಪ॑ ನೋ ಜುಷಾ॒ಣಃ ॥ ೩೮ ॥
ಜು॒ಷಾ॒ಣೋ ಬ॒ರ್ಹಿರ್ಹರಿ॑ವಾನ್ ನ॒ ಇನ್ದ್ರ॑: ಪ್ರಾ॒ಚೀನ॑ᳪ ಸೀದತ್ ಪ್ರ॒ದಿಶಾ॑ ಪೃಥಿ॒ವ್ಯಾಃ ।
ಉ॒ರು॒ಪ್ರಥಾ॒: ಪ್ರಥ॑ಮಾನᳪ ಸ್ಯೋ॒ನಮಾ॑ದಿ॒ತ್ಯೈರ॒ಕ್ತಂ ವಸು॑ಭಿಃ ಸ॒ಜೋಷಾ॑: ॥ ೩೯ ॥
ಇನ್ದ್ರಂ॒ ದುರ॑: ಕವ॒ಷ್ಯೋ ಧಾವ॑ಮಾನಾ॒ ವೃಷಾ॑ಣಂ ಯನ್ತು॒ ಜನ॑ಯಃ ಸು॒ಪತ್ನೀ॑: ।
ದ್ವಾರೋ॑ ದೇ॒ವೀರ॒ಭಿತೋ॒ ವಿ ಶ್ರ॑ಯನ್ತಾᳪ ಸು॒ವೀರಾ॑ ವೀ॒ರಂ ಪ್ರಥ॑ಮಾನಾ॒ ಮಹೋ॑ಭಿಃ ॥ ೪೦ ॥
ಉ॒ಷಾಸಾ॒ನಕ್ತಾ॑ ಬೃಹ॒ತೀ ಬೃ॒ಹನ್ತಂ॒ ಪಯ॑ಸ್ವತೀ ಸು॒ದುಘೇ॒ ಶೂರ॒ಮಿನ್ದ್ರ॑ಮ್ ।
ತನ್ತುಂ॑ ತ॒ತಂ ಪೇಶ॑ಸಾ ಸಂ॒ವಯ॑ನ್ತೀ ದೇ॒ವಾನಾಂ॑ ದೇ॒ವಂ ಯ॑ಜತಃ ಸುರು॒ಕ್ಮೇ ॥ ೪೧ ॥
ದೈವ್ಯಾ॒ ಮಿಮಾ॑ನಾ॒ ಮನು॑ಷಃ ಪುರು॒ತ್ರಾ ಹೋತಾ॑ರಾ॒ವಿನ್ದ್ರಂ॑ ಪ್ರಥ॒ಮಾ ಸು॒ವಾಚಾ॑ ।
ಮೂ॒ರ್ಧನ್ ಯ॒ಜ್ಞಸ್ಯ॒ ಮಧು॑ನಾ॒ ದಧಾ॑ನಾ ಪ್ರಾ॒ಚೀನಂ॒ ಜ್ಯೋತಿ॑ರ್ಹ॒ವಿಷಾ॑ ವೃಧಾತಃ ॥ ೪೨ ॥
ತಿ॒ಸ್ರೋ ದೇ॒ವೀರ್ಹ॒ವಿಷಾ॒ ವರ್ಧ॑ಮಾನಾ॒ ಇನ್ದ್ರಂ॑ ಜುಷಾ॒ಣಾ ಜನ॑ಯೋ॒ ನ ಪತ್ನೀ॑: ।
ಅಚ್ಛಿ॑ನ್ನಂ॒ ತನ್ತುಂ॒ ಪಯ॑ಸಾ॒ ಸರ॑ಸ್ವ॒ತೀಡಾ॑ ದೇ॒ವೀ ಭಾರ॑ತೀ ವಿ॒ಶ್ವತೂ॑ರ್ತಿಃ ॥ ೪೩ ॥
ತ್ವಷ್ಟಾ॒ ದಧ॒ಚ್ಛುಷ್ಮ॒ಮಿನ್ದ್ರಾ॑ಯ॒ ವೃಷ್ಣೇಽಪಾ॒ಕೋಽಚಿ॑ಷ್ಟುರ್ಯ॒ಶಸೇ॑ ಪು॒ರೂಣಿ॑ ।
ವೃಷಾ॒ ಯಜ॒ನ್ವೃಷ॑ಣಂ॒ ಭೂರಿ॑ರೇತಾ ಮೂ॒ರ್ಧನ್ ಯ॒ಜ್ಞಸ್ಯ॒ ಸಮ॑ನಕ್ತು ದೇ॒ವಾನ್ ॥ ೪೪ ॥
ವನ॒ಸ್ಪತಿ॒ರವ॑ಸೃಷ್ಟೋ॒ ನ ಪಾಶೈ॒ಸ್ತ್ಮನ್ಯಾ॑ ಸಮ॒ಞ್ಜಞ್ಛ॑ಮಿ॒ತಾ ನ ದೇ॒ವಃ ।
ಇನ್ದ್ರ॑ಸ್ಯ ಹ॒ವ್ಯೈರ್ಜ॒ಠರಂ॑ ಪೃಣಾ॒ನಃ ಸ್ವದಾ॑ತಿ ಯ॒ಜ್ಞಂ ಮಧು॑ನಾ ಘೃ॒ತೇನ॑ ॥ ೪೫ ॥
ಸ್ತೋ॒ಕಾನಾ॒ಮಿನ್ದುಂ॒ ಪ್ರತಿ॒ ಶೂರ॒ ಇನ್ದ್ರೋ॑ ವೃಷಾ॒ಯಮಾ॑ಣೋ ವೃಷ॒ಭಸ್ತು॑ರಾ॒ಷಾಟ್ ।
ಘೃ॒ತ॒ಪ್ರುಷಾ॒ ಮನ॑ಸಾ॒ ಮೋದ॑ಮಾನಾ॒: ಸ್ವಾಹಾ॑ ದೇ॒ವಾ ಅ॒ಮೃತಾ॑ ಮಾದಯನ್ತಾಮ್ ॥ ೪೬ ॥
ಆ ಯಾ॒ತ್ವಿನ್ದ್ರೋಽವ॑ಸ॒ ಉಪ॑ ನ ಇ॒ಹ ಸ್ತು॒ತಃ ಸ॑ಧ॒ಮದ॑ಸ್ತು॒ ಶೂರ॑: ।
ವಾ॒ವೃ॒ಧಾ॒ನಸ್ತವಿ॑ಷೀ॒ರ್ಯಸ್ಯ॑ ಪೂ॒ರ್ವೀರ್ದ್ಯೌರ್ನ ಕ್ಷ॒ತ್ರಮ॒ಭಿಭೂ॑ತಿ॒ ಪುಷ್ಯಾ॑ತ್ ॥ ೪೭ ॥
ಆ ನ॒ ಇನ್ದ್ರೋ॑ ದೂ॒ರಾದಾ ನ॑ ಆ॒ಸಾದ॑ಭಿಷ್ಟಿ॒ಕೃದವ॑ಸೇ ಯಾಸದು॒ಗ್ರಃ ।
ಓಜಿ॑ಷ್ಠೇಭಿರ್ನೃ॒ಪತಿ॒ರ್ವಜ್ರ॑ಬಾಹುಃ ಸ॒ಙ್ಗೇ ಸ॒ಮತ್ಸು॑ ತು॒ರ್ವಣಿ॑: ಪೃತ॒ನ್ಯೂನ್ ॥ ೪೮ ॥
ಆ ನ॒ ಇನ್ದ್ರೋ॒ ಹರಿ॑ಭಿರ್ಯಾ॒ತ್ವಚ್ಛಾ॑ರ್ವಾಚೀ॒ನೋಽವ॑ಸೇ॒ ರಾಧ॑ಸೇ ಚ ।
ತಿಷ್ಠಾ॑ತಿ ವ॒ಜ್ರೀ ಮ॒ಘವಾ॑ ವಿರ॒ಪ್ಶೀಮಂ ಯ॒ಜ್ಞಮನು॑ ನೋ॒ ವಾಜ॑ಸಾತೌ ॥ ೪೯ ॥
ತ್ರಾ॒ತಾರ॒ಮಿನ್ದ್ರ॑ಮವಿ॒ತಾರ॒ಮಿನ್ದ್ರ॒ᳪ ಹವೇ॑ – ಹವೇ ಸು॒ಹವ॒ᳪ ಶೂರ॒ಮಿನ್ದ್ರ॑ಮ್ ।
ಹ್ವಯಾ॑ಮಿ ಶ॒ಕ್ರಂ ಪು॑ರುಹೂ॒ತಮಿನ್ದ್ರ॑ᳪ ಸ್ವ॒ಸ್ತಿ ನೋ॑ ಮ॒ಘವಾ॑ ಧಾ॒ತ್ವಿನ್ದ್ರ॑: ॥ ೫೦ ॥
ಇನ್ದ್ರ॑: ಸು॒ತ್ರಾಮಾ॒ ಸ್ವವಾಁ॒೨ ಅವೋ॑ಭಿಃ ಸುಮೃಡೀ॒ಕೋ ಭ॑ವತು ವಿ॒ಶ್ವವೇ॑ದಾಃ ।
ಬಾಧ॑ತಾಂ॒ ದ್ವೇಷೋ॒ ಅಭ॑ಯಂ ಕೃಣೋತು ಸು॒ವೀರ್ಯ॑ಸ್ಯ॒ ಪತ॑ಯಃ ಸ್ಯಾಮ ॥ ೫೧ ॥
ತಸ್ಯ॑ ವ॒ಯᳪ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ॑ಮನ॒ಸೇ ಸ್ಯಾ॑ಮ ।
ಸ ಸು॒ತ್ರಾಮಾ॒ ಸ್ವವಾಁ॒೨ ಇನ್ದ್ರೋ॑ ಅ॒ಸ್ಮೇ ಆ॒ರಾಚ್ಚಿ॒ದ್ ದ್ವೇಷ॑: ಸನು॒ತರ್ಯು॑ಯೋತು ॥ ೫೨ ॥
ಆ ಮ॒ನ್ದ್ರೈರಿ॑ನ್ದ್ರ॒ ಹರಿ॑ಭಿರ್ಯಾ॒ಹಿ ಮ॒ಯೂರ॑ರೋಮಭಿಃ ।
ಮಾ ತ್ವಾ॒ ಕೇ ಚಿ॒ನ್ನಿ ಯ॑ಮ॒ನ್ ವಿಂ ನಾ ಪಾ॒ಶಿನೋಽತಿ॒ ಧನ್ವೇ॑ವ॒ ತಾಁ೨ ಇ॑ಹಿ ॥ ೫೩ ॥
ಏ॒ವೇದಿನ್ದ್ರಂ॒ ವೃಷ॑ಣಂ॒ ವಜ್ರ॑ಬಾಹುಂ॒ ವಸಿ॑ಷ್ಠಾಸೋ ಅ॒ಭ್ಯ॒ರ್ಚನ್ತ್ಯ॒ರ್ಕೈಃ ।
ಸ ನ॑ ಸ್ತು॒ತೋ ವೀ॒ರವ॑ದ್ಧಾತು॒ ಗೋಮ॑ದ್ಯೂ॒ಯಂ ಪಾ॑ತ ಸ್ವ॒ಸ್ತಿಭಿ॒: ಸದಾ॑ ನಃ ॥ ೫೪ ॥
ಸಮಿ॑ದ್ಧೋ ಅ॒ಗ್ನಿರ॑ಶ್ವಿನಾ ತ॒ಪ್ತೋ ಘ॒ರ್ಮೋ ವಿ॒ರಾಟ್ ಸು॒ತಃ । ದು॒ಹೇ ಧೇ॒ನುಃ ಸರ॑ಸ್ವತೀ॒ ಸೋಮ॑ᳪ ಶು॒ಕ್ರಮಿ॒ಹೇನ್ದ್ರಿ॒ಯಮ್ ॥ ೫೫ ॥
ತ॒ನೂ॒ಪಾ ಭಿ॒ಷಜಾ॑ ಸು॒ತೇಽಶ್ವಿನೋ॒ಭಾ ಸರ॑ಸ್ವತೀ । ಮಧ್ವಾ॒ ರಜಾ॑ᳪಸೀನ್ದ್ರಿ॒ಯಮಿನ್ದ್ರಾ॑ಯ ಪ॒ಥಿಭಿ॑ರ್ವಹಾನ್ ॥ ೫೬ ॥
ಇನ್ದ್ರಾ॒ಯೇನ್ದು॒ᳪ ಸರ॑ಸ್ವತೀ॒ ನರಾ॒ಶᳪಸೇ॑ನ ನ॒ಗ್ನಹು॑ಮ್ । ಅಧಾ॑ತಾಮ॒ಶ್ವಿನಾ॒ ಮಧು॑ ಭೇಷ॒ಜಂ ಭಿ॒ಷಜಾ॑ ಸು॒ತೇ ॥ ೫೭ ॥
ಆ॒ಜುಹ್ವಾ॑ನಾ॒ ಸರ॑ಸ್ವ॒ತೀನ್ದ್ರಾ॑ಯೇನ್ದ್ರಿ॒ಯಾಣಿ॑ ವೀ॒ರ್ಯ॒ಮ್ । ಇಡಾ॑ಭಿರ॒ಶ್ವಿನಾ॒ವಿಷ॒ᳪ ಸಮೂರ್ಜ॒ᳪ ಸᳪ ರ॒ಯಿಂ ದ॑ಧುಃ ॥ ೫೮ ॥
ಅ॒ಶ್ವಿನಾ॒ ನಮು॑ಚೇಃ ಸು॒ತᳪ ಸೋಮ॑ᳪ ಶು॒ಕ್ರಂ ಪ॑ರಿ॒ಸ್ರುತಾ॑ । ಸರ॑ಸ್ವತೀ॒ ತಮಾ ಽಭ॑ರದ್ಬ॒ರ್ಹಿಷೇನ್ದ್ರಾ॑ಯ॒ ಪಾತ॑ವೇ ॥ ೫೯ ॥
ಕ॒ವ॒ಷ್ಯೋ ನ॒ ವ್ಯಚ॑ಸ್ವತೀರ॒ಶ್ವಿಭ್ಯಾಂ॒ ನ ದುರೋ॒ ದಿಶ॑: । ಇನ್ದ್ರೋ॒ ನ ರೋದ॑ಸೀ ಉ॒ಭೇ ದು॒ಹೇ ಕಾ॒ಮಾನ್ತ್ಸರ॑ಸ್ವತೀ ॥ ೬೦ ॥
ಉ॒ಷಾಸಾ॒ನಕ್ತ॑ಮಶ್ವಿನಾ॒ ದಿವೇನ್ದ್ರ॑ ಸಾ॒ಯಮಿ॑ನ್ದ್ರಿಯೈಃ । ಸ॒ಞ್ಜಾ॒ನಾ॒ನೇ ಸು॒ಪೇಶ॑ಸಾ॒ ಸಮ॑ಞ್ಜಾತೇ॒ ಸರ॑ಸ್ವತ್ಯಾ ॥ ೬೧ ॥
ಪಾ॒ತಂ ನೋ॑ ಅಶ್ವಿನಾ॒ ದಿವಾ॑ ಪಾ॒ಹಿ ನಕ್ತ॑ᳪ ಸರಸ್ವತಿ । ದೈವ್ಯಾ॑ ಹೋತಾರಾ ಭಿಷಜಾ ಪಾ॒ತಮಿನ್ದ್ರ॒ᳪ ಸಚಾ॑ ಸು॒ತೇ ॥ ೬೨ ॥
ತಿ॒ಸ್ರಸ್ತ್ರೇ॒ಧಾ ಸರ॑ಸ್ವತ್ಯ॒ಶ್ವಿನಾ॒ ಭಾರ॒ತೀಡಾ॑ । ತೀ॒ವ್ರಂ ಪ॑ರಿ॒ಸ್ರುತಾ॒ ಸೋಮ॒ಮಿನ್ದ್ರಾ॑ಯ ಸುಷುವು॒ರ್ಮದ॑ಮ್ ॥ ೬೩ ॥
ಅ॒ಶ್ವಿನಾ॑ ಭೇಷ॒ಜಂ ಮಧು॑ ಭೇಷ॒ಜಂ ನ॒: ಸರ॑ಸ್ವತೀ । ಇನ್ದ್ರೇ॒ ತ್ವಷ್ಟಾ॒ ಯಶ॒: ಶ್ರಿಯ॑ᳪ ರೂ॒ಪᳪ-ರೂ॑ಪಮಧುಃ ಸು॒ತೇ ॥ ೬೪ ॥
ಋ॒ತು॒ಥೇನ್ದ್ರೋ॒ ವನ॒ಸ್ಪತಿ॑: ಶಶಮಾ॒ನಃ ಪ॑ರಿ॒ಸ್ರುತಾ॑ । ಕೀ॒ಲಾಲ॑ಮ॒ಶ್ವಿಭ್ಯಾಂ॒ ಮಧು॑ ದು॒ಹೇ ಧೇ॒ನುಃ ಸರ॑ಸ್ವತೀ ॥ ೬೫ ॥
ಗೋಭಿ॒ರ್ನ ಸೋಮ॑ಮಶ್ವಿನಾ॒ ಮಾಸ॑ರೇಣ ಪರಿ॒ಸ್ರುತಾ॑ । ಸಮ॑ಧಾತ॒ᳪ ಸರ॑ಸ್ವತ್ಯಾ॒ ಸ್ವಾಹೇನ್ದ್ರೇ॑ ಸು॒ತಂ ಮಧು॑ ॥ ೬೬ ॥
ಅ॒ಶ್ವಿನಾ॑ ಹ॒ವಿರಿ॑ನ್ದ್ರಿ॒ಯಂ ನಮು॑ಚೇರ್ಧಿ॒ಯಾ ಸರ॑ಸ್ವತೀ । ಆ ಶು॒ಕ್ರಮಾ॑ಸು॒ರಾದ್ವಸು॑ ಮ॒ಘಮಿನ್ದ್ರಾ॑ಯ ಜಭ್ರಿರೇ ॥ ೬೭ ॥
ಯಮ॒ಶ್ವಿನಾ॒ ಸರ॑ಸ್ವತೀ ಹ॒ವಿಷೇನ್ದ್ರ॒ಮವ॑ರ್ಧಯನ್ । ಸ ಬಿ॑ಭೇದ ವ॒ಲಂ ಮ॒ಘಂ ನಮು॑ಚಾವಾಸು॒ರೇ ಸಚಾ॑ ॥ ೬೮ ॥
ತಮಿನ್ದ್ರಂ॑ ಪ॒ಶವ॒: ಸಚಾ॒ಶ್ವಿನೋ॒ಭಾ ಸರ॑ಸ್ವತೀ । ದಧಾ॑ನಾ ಅ॒ಭ್ಯ॒ನೂಷತ ಹ॒ವಿಷಾ॑ ಯ॒ಜ್ಞ ಇ॑ನ್ದ್ರಿ॒ಯೈಃ ॥ ೬೯ ॥
ಯ ಇನ್ದ್ರ॑ ಇನ್ದ್ರಿ॒ಯಂ ದ॒ಧುಃ ಸ॑ವಿ॒ತಾ ವರು॑ಣೋ॒ ಭಗ॑: । ಸ ಸು॒ತ್ರಾಮಾ॑ ಹ॒ವಿಷ್ಪ॑ತಿ॒ರ್ಯಜ॑ಮಾನಾಯ ಸಶ್ಚತ ॥ ೭೦ ॥
ಸ॒ವಿ॒ತಾ ವರು॑ಣೋ ದಧ॒ದ್ಯಜ॑ಮಾನಾಯ ದಾ॒ಶುಷೇ॑ । ಆದ॑ತ್ತ॒ ನಮು॑ಚೇ॒ರ್ವಸು॑ ಸು॒ತ್ರಾಮಾ॒ ಬಲ॑ಮಿನ್ದ್ರಿ॒ಯಮ್ ॥ ೭೧ ॥
ವರು॑ಣಃ ಕ್ಷ॒ತ್ರಮಿ॑ನ್ದ್ರಿ॒ಯಂ ಭಗೇ॑ನ ಸವಿ॒ತಾ ಶ್ರಿಯ॑ಮ್ । ಸು॒ತ್ರಾಮಾ॒ ಯಶ॑ಸಾ॒ ಬಲಂ॒ ದಧಾ॑ನಾ ಯ॒ಜ್ಞಮಾ॑ಶತ ॥ ೭೨ ॥
ಅ॒ಶ್ವಿನಾ॒ ಗೋಭಿ॑ರಿನ್ದ್ರಿ॒ಯಮಶ್ವೇ॑ಭಿರ್ವೀ॒ರ್ಯಂ ಬಲ॑ಮ್ । ಹ॒ವಿಷೇನ್ದ್ರ॒ᳪ ಸರ॑ಸ್ವತೀ॒ ಯಜ॑ಮಾನಮವರ್ಧಯನ್ ॥ ೭೩ ॥
ತಾ ನಾಸ॑ತ್ಯಾ ಸು॒ಪೇಶ॑ಸಾ॒ ಹಿರ॑ಣ್ಯವರ್ತನೀ॒ ನರಾ॑ । ಸರ॑ಸ್ವತೀ ಹ॒ವಿಷ್ಮ॒ತೀನ್ದ್ರ॒ ಕರ್ಮ॑ಸು ನೋಽವತ ॥ ೭೪ ॥
ತಾ ಭಿ॒ಷಜಾ॑ ಸು॒ಕರ್ಮ॑ಣಾ॒ ಸಾ ಸು॒ದುಘಾ॒ ಸರ॑ಸ್ವತೀ । ಸ ವೃ॑ತ್ರ॒ಹಾ ಶ॒ತಕ್ರ॑ತು॒ರಿನ್ದ್ರಾ॑ಯ ದಧುರಿನ್ದ್ರಿ॒ಯಮ್ ॥ ೭೫ ॥
ಯು॒ವᳪ ಸು॒ರಾಮ॑ಮಶ್ವಿನಾ॒ ನಮು॑ಚಾವಾಸು॒ರೇ ಸಚಾ॑ । ವಿ॒ಪಿ॒ಪಾ॒ನಾಃ ಸರ॑ಸ್ವ॒ತೀನ್ದ್ರಂ॒ ಕರ್ಮ॑ಸ್ವಾವತ ॥ ೭೬ ॥
ಪು॒ತ್ರಮಿ॑ವ ಪಿ॒ತರಾ॑ವ॒ಶ್ವಿನೋ॒ಭೇನ್ದ್ರಾ॒ವಥು॒: ಕಾವ್ಯೈ॑ರ್ದ॒ᳪಸನಾ॑ಭಿಃ ।ಯತ್ಸು॒ರಾಮಂ॒ ವ್ಯಪಿ॑ಬ॒: ಶಚೀ॑ಭಿ॒: ಸರ॑ಸ್ವತೀ ತ್ವಾ ಮಘವನ್ನಭಿಷ್ಣಕ್ ॥ ೭೭ ॥
ಯಸ್ಮಿ॒ನ್ನಶ್ವಾ॑ಸ ಋಷ॒ಭಾಸ॑ ಉ॒ಕ್ಷಣೋ॑ ವ॒ಶಾ ಮೇ॒ಷಾ ಅ॑ವಸೃ॒ಷ್ಟಾಸ॒ ಆಹು॑ತಾಃ ।
ಕೀ॒ಲಾ॒ಲ॒ಪೇ ಸೋಮ॑ಪೃಷ್ಠಾಯ ವೇ॒ಧಸೇ॑ ಹೃ॒ದಾ ಮ॒ತಿಂ ಜ॑ನಯ॒ ಚಾರು॑ಮ॒ಗ್ನಯೇ॑ ॥ ೭೮ ॥
ಅಹಾ॑ವ್ಯಗ್ನೇ ಹ॒ವಿರಾ॒ಸ್ಯೇ॒ ತೇ ಸ್ರು॒ಚೀ॒ವ ಘೃ॒ತಂ ಚ॒ಮ್ವೀ॒ವ॒ ಸೋಮ॑: ।
ವಾ॒ಜ॒ಸನಿ॑ᳪ ರ॒ಯಿಮ॒ಸ್ಮೇ ಸು॒ವೀರಂ॑ ಪ್ರಶ॒ಸ್ತಂ ಧೇ॑ಹಿ ಯ॒ಶಸಂ॑ ಬೃ॒ಹನ್ತ॑ಮ್ ॥ ೭೯ ॥
ಅ॒ಶ್ವಿನಾ॒ ತೇಜ॑ಸಾ॒ ಚಕ್ಷು॑: ಪ್ರಾ॒ಣೇನ॒ ಸರ॑ಸ್ವತೀ ವೀ॒ರ್ಯ॒ಮ್ । ವಾ॒ಚೇನ್ದ್ರೋ॒ ಬಲೇ॒ನೇನ್ದ್ರಾ॑ಯ ದಧುರಿನ್ದ್ರಿ॒ಯಮ್ ॥ ೮೦ ॥
ಗೋಮ॑ದೂ॒ ಷು ಣಾ॑ಸತ್ಯಾ॒ಶ್ವಾ॑ವದ್ಯಾತಮಶ್ವಿನಾ । ವ॒ರ್ತೀ ರು॑ದ್ರಾ ನೃ॒ಪಾಯ್ಯ॑ಮ್ ॥ ೮೧ ॥
ನ ಯತ್ಪರೋ॒ ನಾನ್ತ॑ರ ಆದ॒ಧರ್ಷ॑ದ್ವೃಷಣ್ವಸೂ । ದು॒:ಶᳪಸೋ॒ ಮರ್ತ್ಯೋ॑ ರಿ॒ಪುಃ ॥ ೮೨ ॥
ತಾ ನ॒ ಆ ವೋ॑ಢಮಶ್ವಿನಾ ರ॒ಯಿಂ ಪಿ॒ಶಙ್ಗ॑ಸಂದೃಶಮ್ । ಧಿಷ್ಣ್ಯಾ॑ ವರಿವೋ॒ವಿದ॑ಮ್ ॥ ೮೩ ॥
ಪಾ॒ವ॒ಕಾ ನ॒: ಸರ॑ಸ್ವತೀ॒ ವಾಜೇ॑ಭಿರ್ವಾ॒ಜಿನೀ॑ವತೀ । ಯ॒ಜ್ಞಂ ವ॑ಷ್ಟು ಧಿ॒ಯಾವ॑ಸುಃ ॥ ೮೪ ॥
ಚೋ॒ದ॒ಯಿ॒ತ್ರೀ ಸೂ॒ನೃತಾ॑ನಾಂ॒ ಚೇತ॑ನ್ತೀ ಸುಮತೀ॒ನಾಮ್ । ಯ॒ಜ್ಞಂ ದ॑ಧೇ॒ ಸರ॑ಸ್ವತೀ ॥ ೮೫ ॥
ಮ॒ಹೋ ಅರ್ಣ॒: ಸರ॑ಸ್ವತೀ॒ ಪ್ರ ಚೇ॑ತಯತಿ ಕೇ॒ತುನಾ॑ । ಧಿಯೋ॒ ವಿಶ್ವಾ॒ ವಿ ರಾ॑ಜತಿ ॥ ೮೬ ॥
ಇನ್ದ್ರಾ ಯಾ॑ಹಿ ಚಿತ್ರಭಾನೋ ಸು॒ತಾ ಇ॒ಮೇ ತ್ವಾ॒ಯವ॑: । ಅಣ್ವೀ॑ಭಿ॒ಸ್ತನಾ॑ ಪೂ॒ತಾಸ॑: ॥ ೮೭ ॥
ಇನ್ದ್ರಾ ಯಾ॑ಹಿ ಧಿ॒ಯೇಷಿ॒ತೋ ವಿಪ್ರ॑ಜೂತಃ ಸು॒ತಾವ॑ತಃ । ಉಪ॒ ಬ್ರಹ್ಮಾ॑ಣಿ ವಾ॒ಘತ॑: ॥ ೮೮ ॥
ಇನ್ದ್ರಾ ಯಾ॑ಹಿ॒ ತೂತು॑ಜಾನ॒ ಉಪ॒ ಬ್ರಹ್ಮಾ॑ಣಿ ಹರಿವಃ । ಸು॒ತೇ ದ॑ಧಿಷ್ವ ನ॒ಶ್ಚನ॑: ॥ ೮೯ ॥
ಅ॒ಶ್ವಿನಾ॑ ಪಿಬತಾಂ॒ ಮಧು॒ ಸರ॑ಸ್ವತ್ಯಾ ಸ॒ಜೋಷ॑ಸಾ ।
ಇನ್ದ್ರ॑: ಸು॒ತ್ರಾಮಾ॑ ವೃತ್ರ॒ಹಾ ಜು॒ಷನ್ತಾ॑ᳪ ಸೋ॒ಮ್ಯಂ ಮಧು॑ ॥ ೯೦ ॥
ಅಧ್ಯಾಯ ೨೧
ಇ॒ಮಂ ಮೇ॑ ವರುಣ ಶ್ರು॒ಧೀ ಹವ॑ಮ॒ದ್ಯಾ ಚ॑ ಮೃಡಯ । ತ್ವಾಮ॑ಸ್ವ॒ಸ್ಯುರಾ ಚ॑ಕೇ ॥ ೧ ॥
ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವನ್ದ॑ಮಾನ॒ಸ್ತದಾ ಶಾ॑ಸ್ತೇ॒ ಯಜ॑ಮಾನೋ ಹ॒ವಿರ್ಭಿ॑: ।
ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶᳪಸ॒ ಮಾ ನ॒ ಆಯು॒: ಪ್ರ ಮೋ॑ಷೀಃ ॥ ೨ ॥
ತ್ವಂ ನೋ॑ ಅಗ್ನೇ॒ ವರು॑ಣಸ್ಯ ವಿ॒ದ್ವಾನ್ ದೇ॒ವಸ್ಯ॒ ಹೇಡೋ ವ॑ ಯಾಸಿಸೀಷ್ಠಾಃ ।
ಯಜಿ॑ಷ್ಠೋ॒ ವಹ್ನಿ॑ತಮ॒: ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾ॑ᳪಸಿ॒ ಪ್ರ ಮು॑ಮುಗ್ಧ್ಯ॒ಸ್ಮತ್ ॥ ೩ ॥
ಸ ತ್ವಂ ನೋ॑ ಅಗ್ನೇಽವ॒ಮೋ ಭ॑ವೋ॒ತೀ ನೇದಿ॑ಷ್ಠೋ ಅ॒ಸ್ಯಾ ಉ॒ಷಸೋ॒ ವ್ಯು॒ಷ್ಟೌ ।
ಅವ॑ ಯಕ್ಷ್ವ ನೋ॒ ವರು॑ಣ॒ᳪ ರರಾ॑ಣೋ ವೀ॒ಹಿ ಮೃ॑ಡೀ॒ಕ ಸು॒ಹವೋ॑ ನ ಏಧಿ ॥ ೪ ॥
ಮ॒ಹೀಮೂ॒ ಷು ಮಾ॒ತರ॑ᳪ ಸುವ್ರ॒ತಾನಾ॑ಮೃ॒ತಸ್ಯ॒ ಪತ್ನೀ॒ಮವ॑ಸೇ ಹುವೇಮ ।
ತು॒ವಿ॒ಕ್ಷ॒ತ್ರಾಮ॒ಜರ॑ನ್ತೀಮುರೂ॒ಚೀᳪ ಸು॒ಶರ್ಮಾ॑ಣ॒ಮದಿ॑ತಿᳪ ಸು॒ಪ್ರಣೀ॑ತಿಮ್ ॥ ೫ ॥
ಸು॒ತ್ರಾಮಾ॑ಣಂ ಪೃಥಿ॒ವೀಂ ದ್ಯಾಮ॑ನೇ॒ಹಸ॑ᳪ ಸು॒ಶರ್ಮಾ॑ಣ॒ಮದಿ॑ತಿ ಸು॒ಪ್ರಣೀ॑ತಿಮ್ ।
ದೈವೀಂ॒ ನಾವ॑ᳪ ಸ್ವರಿ॒ತ್ರಾಮನಾ॑ಗಸ॒ಮಸ್ರ॑ವನ್ತೀ॒ಮಾ ರು॑ಹೇಮಾ ಸ್ವ॒ಸ್ತಯೇ॑ ॥ ೬ ॥
ಸು॒ನಾವ॒ಮಾ ರು॑ಹೇಯ॒ಮಸ್ರ॑ವನ್ತೀ॒ಮನಾ॑ಗಸಮ್ । ಶ॒ತಾರಿ॑ತ್ರಾᳪ ಸ್ವ॒ಸ್ತಯೇ॑ ॥ ೭ ॥
ಆ ನೋ॑ ಮಿತ್ರಾವರುಣಾ ಘೃತೈ॒ರ್ಗವ್ಯೂ॑ತಿಮುಕ್ಷತಮ್ । ಮಧ್ವಾ॒ ರಜಾ॑ᳪಸಿ ಸುಕ್ರತೂ ॥ ೮ ॥
ಪ್ರ ಬಾ॒ಹವಾ॑ ಸಿಸೃತಂ ಜೀ॒ವಸೇ॑ ನ॒ ಆ ನೋ॒ ಗವ್ಯೂ॑ತಿಮುಕ್ಷತಂ ಘೃ॒ತೇನ॑ ।
ಆ ಮಾ॒ ಜನೇ॑ ಶ್ರವಯತಂ ಯುವಾನಾ ಶ್ರು॒ತಂ ಮೇ॑ ಮಿತ್ರಾವರುಣಾ॒ ಹವೇ॒ಮಾ ॥ ೯ ॥
ಶಂ ನೋ॑ ಭವನ್ತು ವಾ॒ಜಿನೋ॒ ಹವೇ॑ಷು ದೇ॒ವತಾ॑ತಾ ಮಿ॒ತದ್ರ॑ವಃ ಸ್ವ॒ರ್ಕಾಃ ।
ಜ॒ಮ್ಭಯ॒ನ್ತೋಽಹಿಂ॒ ವೃಕ॒ᳪ ರಕ್ಷಾ॑ᳪಸಿ॒ ಸನೇ॑ಮ್ಯ॒ಸ್ಮದ್ಯು॑ಯವ॒ನ್ನಮೀ॑ವಾಃ ॥ ೧೦ ॥
ವಾಜೇ॑-ವಾಜೇಽವತ ವಾಜಿನೋ ನೋ॒ ಧನೇ॑ಷು ವಿಪ್ರಾ ಅಮೃತಾ ಋತಜ್ಞಾಃ ।
ಅ॒ಸ್ಯ ಮಧ್ವ॑: ಪಿಬತ ಮಾ॒ದಯ॑ಧ್ವಂ ತೃ॒ಪ್ತಾ ಯಾ॑ತ ಪ॒ಥಿಭಿ॑ರ್ದೇವ॒ಯಾನೈ॑: ॥ ೧೧ ॥
ಸಮಿ॑ದ್ಧೋ ಅ॒ಗ್ನಿಃ ಸ॒ಮಿಧಾ॒ ಸುಸ॑ಮಿದ್ಧೋ॒ ವರೇ॑ಣ್ಯಃ ।
ಗಾ॒ಯ॒ತ್ರೀ ಛನ್ದ॑ ಇನ್ದ್ರಿ॒ಯಂ ತ್ರ್ಯವಿರ್ಗೌ॒ರ್ವಯೋ॑ ದಧುಃ ॥ ೧೨ ॥
ತನೂ॒ನಪಾ॒ಚ್ಛುಚಿ॑ವ್ರತಸ್ತನೂ॒ಪಾಶ್ಚ॒ ಸರ॑ಸ್ವತೀ ।
ಉ॒ಷ್ಣಿಹಾ॒ ಛನ್ದ॑ ಇನ್ದ್ರಿ॒ಯಂ ದಿ॑ತ್ಯ॒ವಾಡ್ಗೌರ್ವಯೋ॑ ದಧುಃ ॥ ೧೩ ॥
ಇಡಾ॑ಭಿರ॒ಗ್ನಿರೀಡ್ಯ॒: ಸೋಮೋ॑ ದೇ॒ವೋ ಅಮ॑ರ್ತ್ಯಃ । ಅ॒ನು॒ಷ್ಟುಪ್ಛನ್ದ॑ ಇನ್ದ್ರಿ॒ಯಂ ಪಞ್ಚಾ॑ವಿರ್ಗೌ॒ರ್ವಯೋ॑ ದಧುಃ ॥ ೧೪ ॥
ಸು॒ಬ॒ರ್ಹಿರ॒ಗ್ನಿಃ ಪೂ॑ಷ॒ಣ್ವಾನ್ತ್ಸ್ತೀ॒ರ್ಣಬ॑ರ್ಹಿ॒ರಮ॑ರ್ತ್ಯಃ । ಬೃ॒ಹ॒ತೀ ಛನ್ದ॑ ಇನ್ದ್ರಿ॒ಯಂ ತ್ರಿ॑ವ॒ತ್ಸೋ ಗೌರ್ವಯೋ॑ ದಧುಃ ॥ ೧೫ ॥
ದುರೋ॑ ದೇ॒ವೀರ್ದಿಶೋ॑ ಮ॒ಹೀರ್ಬ್ರ॒ಹ್ಮಾ ದೇ॒ವೋ ಬೃಹ॒ಸ್ಪತಿ॑: ।
ಪ॒ಙ್ಕ್ತಿಶ್ಛನ್ದ॑ ಇ॒ಹೇನ್ದ್ರಿ॒ಯಂ ತು॑ರ್ಯ॒ವಾಡ್ಗೌ॒ರ್ವಯೋ॑ ದಧುಃ ॥ ೧೬ ॥
ಉ॒ಷೇ ಯ॒ಹ್ವೀ ಸು॒ಪೇಶ॑ಸಾ॒ ವಿಶ್ವೇ॑ ದೇ॒ವಾ ಅಮ॑ರ್ತ್ಯಾಃ ।
ತ್ರಿ॒ಷ್ಟುಪ್ಛನ್ದ॑ ಇ॒ಹೇನ್ದ್ರಿ॒ಯಂ ಪ॑ಷ್ಠ॒ವಾಡ್ಗೌ॒ರ್ವಯೋ॑ ದಧುಃ ॥ ೧೭ ॥
ದೈವ್ಯಾ॒ ಹೋತಾ॑ರಾ ಭಿ॒ಷಜೇನ್ದ್ರೇ॑ಣ ಸ॒ಯುಜಾ॑ ಯು॒ಜಾ ।
ಜಗ॑ತೀ॒ ಛನ್ದ॑ ಇನ್ದ್ರಿ॒ಯಮ॑ನ॒ಡ್ವಾನ್ಗೌ॒ರ್ವಯೋ॑ ದಧುಃ ॥ ೧೮ ॥
ತಿ॒ಸ್ರ ಇಡಾ॒ ಸರ॑ಸ್ವತೀ॒ ಭಾರ॑ತೀ ಮ॒ರುತೋ॒ ವಿಶ॑: ।
ವಿ॒ರಾಟ್ ಛನ್ದ॑ ಇ॒ಹೇನ್ದ್ರಿ॒ಯಂ ಧೇ॒ನುರ್ಗೌರ್ನ ವಯೋ॑ ದಧುಃ ॥ ೧೯ ॥
ತ್ವಷ್ಟಾ॑ ತು॒ರೀಪೋ॒ ಅದ್ಭು॑ತ ಇನ್ದ್ರಾ॒ಗ್ನೀ ಪು॑ಷ್ಟಿ॒ವರ್ಧ॑ನಾ ।
ದ್ವಿಪ॑ದಾ॒ ಛನ್ದ॑ ಇನ್ದ್ರಿ॒ಯಮು॒ಕ್ಷಾ ಗೌ॒ರ್ನ ವಯೋ॑ ದಧುಃ ॥ ೨೦ ॥
ಶ॒ಮಿ॒ತಾ ನೋ॒ ವನ॒ಸ್ಪತಿ॑: ಸವಿ॒ತಾ ಪ್ರ॑ಸು॒ವನ್ ಭಗ॑ಮ್ ।
ಕ॒ಕುಪ್ಛನ್ದ॑ ಇ॒ಹೇನ್ದ್ರಿ॒ಯಂ ವ॒ಶಾ ವೇ॒ಹದ್ವಯೋ॑ ದಧುಃ ॥ ೨೧ ॥
ಸ್ವಾಹಾ॑ ಯ॒ಜ್ಞಂ ವರು॑ಣಃ ಸುಕ್ಷ॒ತ್ರೋ ಭೇ॑ಷ॒ಜಂ ಕ॑ರತ್ ।
ಅತಿ॑ಚ್ಛನ್ದಾ ಇನ್ದ್ರಿ॒ಯಂ ಬೃ॒ಹದೃ॑ಷ॒ಭೋ ಗೌರ್ವಯೋ॑ ದಧುಃ ॥ ೨೨ ॥
ವ॒ಸ॒ನ್ತೇನ॑ ಋ॒ತುನಾ॑ ದೇ॒ವಾ ವಸ॑ವವಸ್ತ್ರಿ॒ವೃತಾ॑ ಸ್ತು॒ತಾಃ ।
ರ॒ಥ॒ನ್ತ॒ರೇಣ॒ ತೇಜ॑ಸಾ ಹ॒ವಿರಿನ್ದ್ರೇ॒ ವಯೋ॑ ದಧುಃ ॥ ೨೩ ॥
ಗ್ರೀ॒ಷ್ಮೇಣ॑ ಋ॒ತುನಾ॑ ದೇ॒ವಾ ರು॒ದ್ರಾಃ ಪ॑ಞ್ಚದ॒ಶೇ ಸ್ತು॒ತಾಃ ।
ಬೃ॒ಹ॒ತಾ ಯಶ॑ಸಾ॒ ಬಲ॑ᳪ ಹ॒ವಿರಿನ್ದ್ರೇ॒ ವಯೋ॑ ದಧುಃ ॥ ೨೪ ॥
ವ॒ರ್ಷಾಭಿ॑ರೃ॒ತುನಾ॑ಽಽದಿ॒ತ್ಯಾ ಸ್ತೋಮೇ॑ ಸಪ್ತದ॒ಶೇ ಸ್ತು॒ತಾಃ ।
ವೈ॒ರೂ॒ಪೇಣ॑ ವಿ॒ಶೌಜ॑ಸಾ ಹ॒ವಿರಿನ್ದ್ರೇ॒ ವಯೋ॑ ದಧುಃ ॥ ೨೫ ॥
ಶಾ॒ರ॒ದೇನ॑ ಋ॒ತುನಾ॑ ದೇ॒ವಾ ಏ॑ಕವಿ॒ᳪಶ ಋ॒ಭವ॑ ಸ್ತು॒ತಾಃ ।
ವೈ॒ರಾ॒ಜೇನ॑ ಶ್ರಿ॒ಯಾ ಶ್ರಿಯ॑ᳪ ಹ॒ವಿರಿನ್ದ್ರೇ॒ ವಯೋ॑ ದಧುಃ ॥ ೨೬ ॥
ಹೇ॒ಮ॒ನ್ತೇನ॑ ಋ॒ತುನಾ॑ ದೇ॒ವಾಸ್ತ್ರಿ॑ಣ॒ವೇ ಮ॒ರುತ॑ ಸ್ತು॒ತಾಃ ।
ಬಲೇ॑ನ॒ ಶಕ್ವ॑ರೀ॒: ಸಹೋ॑ ಹ॒ವಿರಿನ್ದ್ರೇ॒ ವಯೋ॑ ದಧುಃ ॥ ೨೭ ॥
ಶೈ॒ಶಿ॒ರೇಣ॑ ಋ॒ತುನಾ॑ ದೇ॒ವಾಸ್ತ್ರ॑ಯಸ್ತ್ರಿ॒ᳪಶೇಽಮೃತಾ॑ ಸ್ತು॒ತಾಃ ।
ಸ॒ತ್ಯೇನ॑ ರೇ॒ವತೀ॑: ಕ್ಷ॒ತ್ರᳪ ಹ॒ವಿರಿನ್ದ್ರೇ॒ ವಯೋ॑ ದಧುಃ ॥ ೨೮ ॥
ಹೋತಾ॑ ಯಕ್ಷತ್ಸ॒ಮಿಧಾ॒ಽಗ್ನಿಮಿ॒ಡಸ್ಪ॒ದೇಽಶ್ವಿನೇನ್ದ್ರ॒ᳪ ಸರ॑ಸ್ವತೀಮ॒ಜೋ ಧೂ॒ಮ್ರೋ ನ ಗೋ॒ಧೂಮೈ॒: ಕುವ॑ಲೈರ್ಭೇಷ॒ಜಂ ಮಧು॒ ಶಷ್ಪೈ॒ರ್ನ ತೇಜ॑ ಇನ್ದ್ರಿ॒ಯಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॑ರ್ಯಜ ॥ ೨೯ ॥
ಹೋತಾ॑ ಯಕ್ಷ॒ತ್ತನೂ॒ನಪಾ॒ತ್ಸರ॑ಸ್ವತೀ॒ಮವಿ॑ರ್ಮೇ॒ಷೋ ನ ಭೇ॑ಷ॒ಜಂ ಪ॒ಥಾ ಮಧು॑ಮತಾ॒ ಭರ॑ನ್ನ॒ಶ್ವಿನೇನ್ದ್ರಾ॑ಯ ವೀ॒ರ್ಯಂ ಬದ॑ರೈರುಪ॒ವಾಕಾ॑ಭಿರ್ಭೇಷ॒ಜಂ ತೋಕ್ಮ॑ಭಿ॒: ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೦ ॥
ಹೋತಾ॑ ಯಕ್ಷ॒ನ್ನರಾ॒ಶᳪಸಂ॒ ನ ನ॒ಗ್ನಹುಂ॒ ಪತಿ॒ᳪ ಸುರ॑ಯಾ ಭೇಷ॒ಜಂ ಮೇ॒ಷಃ ಸರ॑ಸ್ವತೀ ಭಿ॒ಷಗ್ರಥೋ॒ ನ ಚ॒ನ್ದ್ರಯಶ್ವಿನೋ॑ರ್ವ॒ಪಾ ಇನ್ದ್ರ॑ಸ್ಯ ವೀ॒ರ್ಯಂ ಬದ॑ರೈರುಪ॒ವಾಕಾ॑ಭಿರ್ಭೇಷ॒ಜಂ ತೋಕ್ಮ॑ಭಿ॒: ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೧ ॥
ಹೋತಾ॑ ಯಕ್ಷದಿ॒ಡೇಡಿ॒ತ ಆ॒ಜುಹ್ವಾ॑ನ॒: ಸರ॑ಸ್ವತೀ॒ಮಿನ್ದ್ರಂ॒ ಬಲೇ॑ನ ವ॒ರ್ಧಯ॑ನ್ನೃಷ॒ಭೇಣ॒ ಗವೇ॑ನ್ದ್ರಿ॒ಯಮ॒ಶ್ವಿನೇನ್ದ್ರಾ॑ಯ ಭೇಷ॒ಜಂ ಯವೈ॑ ರ್ಕ॒ರ್ಕನ್ಧು॑ಭಿ॒ರ್ಮಧು॑ ಲಾಜೈ॒ರ್ನ ಮಾಸ॑ರಂ॒ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೨ ॥
ಹೋತಾ॑ ಯಕ್ಷದ್ಬ॒ರ್ಹಿರೂರ್ಣ॑ಮ್ಮ್ರದಾ ಭಿ॒ಷಙ್ನಾಸ॑ತ್ಯಾ ಭಿ॒ಷಜಾ॒ಽಶ್ವಿನಾಽಶ್ವಾ॒ ಶಿಶು॑ಮತೀ ಭಿ॒ಷಗ್ಧೇ॒ನುಃ ಸರ॑ಸ್ವತೀ ಭಿ॒ಷಗ್ದು॒ಹ ಇನ್ದ್ರಾ॑ಯ ಭೇಷ॒ಜಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॑ರ್ಯಜ ॥ ೩ ೩ ॥
ಹೋತಾ॑ ಯಕ್ಷ॒ದ್ದುರೋ॒ ದಿಶ॑: ಕವ॒ಷ್ಯೋ ನ ವ್ಯಚ॑ಸ್ವತೀರ॒ಶ್ವಿಭ್ಯಾಂ॒ ನ ದುರೋ॒ ದಿಶ॒ ಇನ್ದ್ರೋ॒ ನ ರೋದ॑ಸೀ॒ ದುಘೇ॑ ದು॒ಹೇ ಧೇ॒ನುಃ ಸರ॑ಸ್ವತ್ಯ॒ಶ್ವಿನೇನ್ದ್ರಾ॑ಯ ಭೇಷ॒ಜᳪ ಶು॒ಕ್ರಂ ನ ಜ್ಯೋತಿ॑ರಿನ್ದ್ರಿ॒ಯಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೪ ॥
ಹೋತಾ॑ ಯಕ್ಷತ್ಸು॒ಪೇಶ॑ಸೋ॒ಷೇ ನಕ್ತಂ॒ ದಿವಾ॒ಽಶ್ವಿನಾ॒ ಸಮ॑ಞ್ಜಾತೇ॒ ಸರ॑ಸ್ವತ್ಯಾ॒ ತ್ವಿಷಿ॒ಮಿನ್ದ್ರೇ॒ ನ ಭೇ॑ಷ॒ಜᳪ ಶ್ಯೇ॒ನೋ ನ ರಜ॑ಸಾ ಹೃ॒ದಾ ಶ್ರಿ॒ಯಾ ನ ಮಾಸ॑ರಂ॒ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೫ ॥
ಹೋತಾ॑ ಯಕ್ಷ॒ದ್ದೈವ್ಯಾ॒ ಹೋತಾ॑ರಾ ಭಿ॒ಷಜಾ॒ಽಶ್ವಿನೇನ್ದ್ರಂ॒ ನ ಜಾಗೃ॑ವಿ॒ ದಿವಾ॒ ನಕ್ತಂ॒ ನ ಭೇ॑ಷ॒ಜೈ: ಶೂಷ॒ᳪ ಸರ॑ಸ್ವತೀ ಭಿ॒ಷಕ್ ಸೀಸೇ॑ನ ದುಹ ಇನ್ದ್ರಿ॒ಯಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೬ ॥
ಹೋತಾ॑ ಯಕ್ಷತ್ತಿ॒ಸ್ರೋ ದೇ॒ವೀರ್ನ ಭೇ॑ಷ॒ಜಂ ತ್ರಯ॑ಸ್ತ್ರಿ॒ಧಾತ॑ವೋ॒ಽಪಸೋ॑ ರೂ॒ಪಮಿನ್ದ್ರೇ॑ ಹಿರ॒ಣ್ಯಯ॑ಮ॒ಶ್ವಿನೇಡಾ॒ ನ ಭಾರ॑ತೀ ವಾ॒ಚಾ ಸರ॑ಸ್ವತೀ॒ ಮಹ॒ ಇನ್ದ್ರಾ॑ಯ ದುಹ ಇನ್ದ್ರಿ॒ಯಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೭ ॥
ಹೋತಾ॑ ಯಕ್ಷತ್ ಸು॒ರೇರ॑ಸಮೃಷ॒ಭಂ ನರ್ಯಾ॑ಪಸಂ॒ ತ್ವಷ್ಟಾ॑ರ॒ಮಿನ್ದ್ರ॑ಮ॒ಶ್ವಿನಾ॑ ಭಿ॒ಷಜಂ॒ ನ ಸರ॑ಸ್ವತೀ॒ಮೋಜೋ॒ ನ ಜೂ॒ತಿರಿ॑ನ್ದ್ರಿ॒ಯಂ ವೃಕೋ॒ ನ ರ॑ಭ॒ಸೋ ಭಿ॒ಷಗ್ ಯಶ॒: ಸುರ॑ಯಾ ಭೇಷ॒ಜᳪ ಶ್ರಿ॒ಯಾ ನ ಮಾಸ॑ರಂ॒ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೮ ॥
ಹೋತಾ॑ ಯಕ್ಷ॒ದ್ವನ॒ಸ್ಪತಿ॑ᳪ ಶಮಿ॒ತಾರ॑ᳪ ಶ॒ತಕ್ರ॑ತುಂ ಭೀ॒ಮಂ ನ ಮ॒ನ್ಯುᳪ ರಾಜಾ॑ನಂ ವ್ಯಾ॒ಘ್ರಂ ನಮ॑ಸಾ॒ಽಶ್ವಿನಾ॒ ಭಾಮ॒ᳪ ಸರ॑ಸ್ವತೀ ಭಿ॒ಷಗಿನ್ದ್ರಾ॑ಯ ದುಹ ಇನ್ದ್ರಿ॒ಯಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೯ ॥
ಹೋತಾ॑ ಯಕ್ಷದ॒ಗ್ನಿᳪ ಸ್ವಾಹಾಽಽಜ್ಯ॑ಸ್ಯ ಸ್ತೋ॒ಕಾನಾ॒ᳪ ಸ್ವಾಹಾ॒ ಮೇದ॑ಸಾಂ॒ ಪೃಥ॒ಕ್ ಸ್ವಾಹಾ॒ ಛಾಗ॑ಮ॒ಶ್ವಿಭ್ಯಾ॒ᳪ ಸ್ವಾಹಾ॑ ಮೇ॒ಷᳪ ಸರ॑ಸ್ವತ್ಯೈ॒ ಸ್ವಾಹ॑ ಋಷ॒ಭಮಿನ್ದ್ರಾ॑ಯ ಸಿ॒ᳪಹಾಯ॒ ಸಹ॑ಸ ಇನ್ದ್ರಿ॒ಯᳪ ಸ್ವಾಹಾ॒ಽಗ್ನಿಂ ನ ಭೇ॑ಷ॒ಜᳪ ಸ್ವಾಹಾ॒ ಸೋಮ॑ಮಿನ್ದ್ರಿ॒ಯᳪ ಸ್ವಾಹೇನ್ದ್ರ॑ᳪ ಸು॒ತ್ರಾಮಾ॑ಣ ಸವಿ॒ತಾರಂ॒ ವರು॑ಣಂ ಭಿ॒ಷಜಾಂ॒ ಪತಿ॒ᳪ ಸ್ವಾಹಾ॒ ವನ॒ಸ್ಪತಿಂ॑ ಪ್ರಿ॒ಯಂ ಪಾಥೋ॒ ನ ಭೇ॑ಷ॒ಜᳪ ಸ್ವಾಹಾ॑ ದೇ॒ವಾ ಆ॑ಜ್ಯ॒ಪಾ ಜು॑ಷಾ॒ಣೋ ಅ॒ಗ್ನಿರ್ಭೇ॑ಷ॒ಜಂ ಪಯ॒: ಸೋಮ॑: ಪರಿ॒ಸ್ರುತಾ॑ ಘೃ॒ತಂ ಮಧು॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑॥ ೪೦॥
ಹೋತಾ॑ ಯಕ್ಷದ॒ಶ್ವಿನೌ॒ ಛಾಗ॑ಸ್ಯ ವ॒ಪಾಯಾ॒ ಮೇದ॑ಸೋ ಜು॒ಷೇತಾ॑ᳪ ಹ॒ವಿರ್ಹೋತ॒ರ್ಯಜ॑ ।
ಹೋತಾ॑ ಯಕ್ಷ॒ತ್ಸರ॑ಸ್ವತೀಂ ಮೇ॒ಷಸ್ಯ॑ ವ॒ಪಾಯಾ॒ ಮೇದ॑ಸೋ ಜು॒ಷತಾ॑ᳪ ಹ॒ವಿರ್ಹೋತ॒ರ್ಯಜ॑ ।
ಹೋತಾ॑ ಯಕ್ಷ॒ದಿನ್ದ್ರ॑ಮೃಷ॒ಭಸ್ಯ॑ ವ॒ಪಾಯಾ॒ ಮೇದ॑ಸೋ ಜು॒ಷತಾ॑ᳪ ಹ॒ವಿರ್ಹೋತ॒ರ್ಯಜ॑ ॥ ೪೧॥
ಹೋತಾ॑ ಯಕ್ಷದ॒ಶ್ವಿನೌ॒ ಸರ॑ಸ್ವತೀ॒ಮಿನ್ದ್ರ॑ᳪ ಸು॒ತ್ರಾಮಾ॑ಣಮಿ॒ಮೇ ಸೋಮಾ॑: ಸು॒ರಾಮಾ॑ಣ॒ಶ್ಛಾಗೈ॒ರ್ನ ಮೇ॒ಷೈರೃ॑ಷಭೈಃ ಸು॒ತಾಃ ಶಷ್ಪೈ॒ರ್ನ ತೋಕ್ಮ॑ಭಿರ್ಲಾ॒ಜೈರ್ಮಹ॑ಸ್ವನ್ತೋ॒ ಮದಾ॒ ಮಾಸ॑ರೇಣ॒ ಪರಿ॑ಷ್ಕೃತಾಃ ಶು॒ಕ್ರಾಃ ಪಯ॑ಸ್ವನ್ತೋ॒ಽಮೃತಾ॒: ಪ್ರಸ್ಥಿ॑ತಾ ವೋ ಮಧು॒ಶ್ಚುತ॒ಸ್ತಾನ॒ಶ್ವಿನಾ॒ ಸರ॑ಸ್ವ॒ತೀನ್ದ್ರ॑: ಸು॒ತ್ರಾಮಾ॑ ವೃತ್ರ॒ಹಾ ಜು॒ಷನ್ತಾ॑ᳪ ಸೋ॒ಮ್ಯಂ ಮಧು॒ ಪಿಬ॑ನ್ತು॒ ವ್ಯನ್ತು॒ ಹೋತ॒ರ್ಯಜ॑ ॥ ೪೨ ॥
ಹೋತಾ॑ ಯಕ್ಷದ॒ಶ್ವಿನೌ॒ ಛಾಗ॑ಸ್ಯ ಹ॒ವಿಷ॒ ಆತ್ತಾ॑ಮ॒ದ್ಯ ಮ॑ಧ್ಯ॒ತೋ ಮೇದ॒ ಉದ್ಭೃ॑ತಂ ಪು॒ರಾ ದ್ವೇಷೋ॑ಭ್ಯಃ ಪು॒ರಾ ಪೌ॑ರುಷೇಯ್ಯಾ ಗೃ॒ಭೋ ಘಸ್ತಾಂ॑ ನೂ॒ನಂ ಘಾ॒ಸೇ ಅ॑ಜ್ರಾಣಾಂ॒ ಯವ॑ಸಪ್ರಥಮಾನಾᳪ ಸು॒ಮತ್ಕ್ಷ॑ರಾಣಾᳪ ಶತರು॒ದ್ರಿಯಾ॑ಣಾಮಗ್ನಿಷ್ವಾ॒ತ್ತಾನಾಂ॒ ಪೀವೋ॑ಪವಸಾನಾಂ ಪಾರ್ಶ್ವ॒ತಃ ಶ್ರೋ॑ಣಿ॒ತಃ ಶಿ॑ತಾಮ॒ತ ಉ॑ತ್ಸಾದ॒ತೋಽಙ್ಗಾ॑ದಙ್ಗಾ॒ದವ॑ತ್ತಾನಾಂ॒ ಕರ॑ತ ಏ॒ವಾಶ್ವಿನಾ॑ ಜು॒ಷೇತಾ॑ᳪ ಹ॒ವಿರ್ಹೋತ॒ರ್ಯಜ॑ ॥ ೪೩ ॥
ಹೋತಾ॑ ಯಕ್ಷ॒ತ್ ಸರ॑ಸ್ವತೀಂ ಮೇ॒ಷಸ್ಯ॑ ಹ॒ವಿಷ॒ ಆವ॑ಯದ॒ದ್ಯ ಮ॑ಧ್ಯ॒ತೋ ಮೇದ॒ ಉದ್ಭೃ॑ತಂ ಪು॒ರಾ ದ್ವೇಷೋ॑ಭ್ಯಃ ಪು॒ರಾ ಪೌ॑ರುಷೇಯ್ಯಾ ಗೃ॒ಭೋ ಘಸ॑ನ್ನೂ॒ನಂ ಘಾ॒ಸೇ ಅ॑ಜ್ರಾಣಾಂ॒ ಯವ॑ಸಪ್ರಥಮಾನಾᳪ ಸು॒ಮತ್ಕ್ಷ॑ರಾಣಾᳪ ಶತರು॒ದ್ರಿಯಾ॑ಣಾಮಗ್ನಿಷ್ವಾ॒ತ್ತಾನಾಂ॒ ಪೀವೋ॑ಪವಸನಾನಾಂ ಪಾರ್ಶ್ವ॒ತಃ ಶ್ರೋ॑ಣಿ॒ತಃ ಶಿ॑ತಾಮ॒ತ ಉ॑ತ್ಸಾದ॒ತೋಽಙ್ಗಾ॑ದಙ್ಗಾ॒ದವ॑ತ್ತಾನಾಂ॒ ಕರ॑ದೇ॒ವᳪ ಸರ॑ಸ್ವತೀ ಜು॒ಷತಾ॑ᳪ ಹ॒ವಿರ್ಹೋತ॒ರ್ಯಜ॑ ॥ ೪೪ ॥
ಹೋತಾ॑ ಯಕ್ಷ॒ದಿನ್ದ್ರ॑ಮೃಷ॒ಭಸ್ಯ॑ ಹ॒ವಿಷ॒ ಆವ॑ಯದ॒ದ್ಯ ಮ॑ಧ್ಯ॒ತೋ ಮೇದ॒ ಉದ್ಭೃ॑ತಂ ಪು॒ರಾ ದ್ವೇಷೋ॑ಭ್ಯಃ ಪು॒ರಾ ಪೌ॑ರುಷೇಯ್ಯಾ ಗೃ॒ಭೋ ಘಸ॑ನ್ನೂ॒ನಂ ಘಾ॒ಸೇ ಅ॑ಜ್ರಾಣಾಂ॒ ಯವ॑ಸಪ್ರಥಮಾನಾᳪ ಸು॒ಮತ್ಕ್ಷ॑ರಾಣಾᳪ ಶತರು॒ದ್ರಿಯಾ॑ಣಾಮಗ್ನಿಷ್ವಾ॒ತ್ತಾನಾಂ॒ ಪೀವೋ॑ಪವಸಾನಾನಾಂ ಪಾರ್ಶ್ವ॒ತಃ ಶ್ರೋ॑ಣಿ॒ತಃ ಶಿ॑ತಾಮ॒ತ ಉ॑ತ್ಸಾದ॒ತೋಽಙ್ಗಾ॑ದಙ್ಗಾ॒ದವ॑ತ್ತಾನಾಂ॒ ಕರ॑ದೇ॒ವಮಿನ್ದ್ರೋ॑ ಜು॒ಷತಾ॑ᳪ ಹ॒ವಿರ್ಹೋತ॒ರ್ಯಜ॑ ॥ ೪೫ ॥
ಹೋತಾ॑ ಯಕ್ಷ॒ದ್ವನ॒ಸ್ಪತಿ॑ಮ॒ಭಿ ಹಿ ಪಿ॒ಷ್ಟತ॑ಮಯಾ॒ ರಭಿ॑ಷ್ಠಯಾ ರಶ॒ನಯಾಧಿ॑ತ । ಯತ್ರಾ॒ಶ್ವಿನೋ॒ಶ್ಛಾಗ॑ಸ್ಯ ಹ॒ವಿಷ॑: ಪ್ರಿ॒ಯಾ ಧಾಮಾ॑ನಿ॒ ಯತ್ರ॒ ಸರ॑ಸ್ವತ್ಯಾ ಮೇ॒ಷಸ್ಯ॑ ಹ॒ವಿಷ॑: ಪ್ರಿ॒ಯಾ ಧಾಮಾ॑ನಿ॒ ಯತ್ರೇನ್ದ್ರ॑ಸ್ಯ ಋಷ॒ಭಸ್ಯ॑ ಹ॒ವಿಷ॑: ಪ್ರಿ॒ಯಾ ಧಾಮಾ॑ನಿ॒ ಯತ್ರಾ॒ಗ್ನೇಃ ಪ್ರಿ॒ಯಾ ಧಾಮಾ॑ನಿ॒ ಯತ್ರ॒ ಸೋಮ॑ಸ್ಯ ಪ್ರಿ॒ಯಾ ಧಾಮಾ॑ನಿ॒ ಯತ್ರೇನ್ದ್ರ॑ಸ್ಯ ಸು॒ತ್ರಾಮ್ಣ॑: ಪ್ರಿ॒ಯಾ ಧಾಮಾ॑ನಿ॒ ಯತ್ರ॑ ಸವಿ॒ತುಃ ಪ್ರಿ॒ಯಾ ಧಾಮಾ॑ನಿ॒ ಯತ್ರ॒ ವರು॑ಣಸ್ಯ ಪ್ರಿ॒ಯಾ ಧಾಮಾ॑ನಿ॒ ಯತ್ರ॒ ವನ॒ಸ್ಪತೇ॑: ಪ್ರಿ॒ಯಾ ಪಾಥಾ॑ᳪಸಿ॒ ಯತ್ರ॑ ದೇ॒ವಾನಾ॑ಮಾಜ್ಯ॒ಪಾನಾಂ॑ ಪ್ರಿ॒ಯಾ ಧಾಮಾ॑ನಿ॒ ಯತ್ರಾ॒ಗ್ನೇರ್ಹೋತು॑: ಪ್ರಿ॒ಯಾ ಧಾಮಾ॑ನಿ॒ ತತ್ರೈ॒ತಾನ್ಪ್ರ॒ಸ್ತುತ್ಯೇ॑ವೋಪ॒ಸ್ತುತ್ಯೇ॑ವೋ॒ಪಾವ॑ಸ್ರಕ್ಷ॒ದ್ರಭೀ॑ಯಸ ಇವ ಕೃ॒ತ್ವೀ ಕರ॑ದೇ॒ವಂ ದೇ॒ವೋ ವನ॒ಸ್ಪತಿ॑ರ್ಜು॒ಷತಾ॑ᳪ ಹ॒ವಿರ್ಹೋತ॒ರ್ಯಜ॑ ॥ ೪೬ ॥
ಹೋತಾ॑ ಯಕ್ಷದ॒ಗ್ನಿᳪ ಸ್ವಿ॑ಷ್ಟ॒ಕೃತ॒ಮಯಾ॑ಡ॒ಗ್ನಿರ॒ಶ್ವಿನೋ॒ಶ್ಛಾಗ॑ಸ್ಯ ಹ॒ವಿಷ॑: ಪ್ರಿ॒ಯಾ ಧಾಮಾ॒ನ್ಯಯಾ॒ಟ್ ಸರ॑ಸ್ವತ್ಯಾ ಮೇ॒ಷಸ್ಯ॑ ಹ॒ವಿಷ॑: ಪ್ರಿ॒ಯಾ ಧಾಮಾ॒ನ್ಯಯಾ॒ಡಿನ್ದ್ರ॑ಸ್ಯ ಋಷ॒ಭಸ್ಯ॑ ಹ॒ವಿಷ॑: ಪ್ರಿ॒ಯಾ ಧಾಮಾ॒ನ್ಯಯಾ॑ಡ॒ಗ್ನೇಃ ಪ್ರಿ॒ಯಾ ಧಾಮಾ॒ನ್ಯಯಾ॒ಟ್ ಸೋಮ॑ಸ್ಯ ಪ್ರಿ॒ಯಾ ಧಾಮಾ॒ನ್ಯಯಾ॒ಡಿನ್ದ್ರ॑ಸ್ಯ ಸು॒ತ್ರಾಮ್ಣ॑: ಪ್ರಿ॒ಯಾ ಧಾಮಾ॒ನ್ಯಯಾ॑ಟ್ ಸವಿ॒ತುಃ ಪ್ರಿ॒ಯಾ ಧಾಮಾ॒ನ್ಯಯಾ॒ಡ್ ವರು॑ಣಸ್ಯ ಪ್ರಿ॒ಯಾ ಧಾಮಾ॒ನ್ಯಯಾ॒ಡ್ ವನ॒ಸ್ಪತೇ॑: ಪ್ರಿ॒ಯಾ ಪಾಥಾ॒ᳪಸ್ಯಯಾ॑ಡ್ ದೇ॒ವಾನಾ॑ಮಾಜ್ಯ॒ಪಾನಾಂ॑ ಪ್ರಿ॒ಯಾ ಧಾಮಾ॑ನಿ॒ ಯಕ್ಷ॑ದ॒ಗ್ನೇರ್ಹೋತು॑: ಪ್ರಿ॒ಯಾ ಧಾಮಾ॑ನಿ॒ ಯಕ್ಷ॒ತ್ ಸ್ವಂ ಮ॑ಹಿ॒ಮಾನ॒ಮಾಯ॑ಜತಾ॒ಮೇಜ್ಯಾ॒ ಇಷ॑: ಕೃ॒ಣೋತು॒ ಸೋ ಅ॑ಧ್ವ॒ರಾ ಜಾ॒ತವೇ॑ದಾ ಜು॒ಷತಾ॑ᳪ ಹ॒ವಿರ್ಹೋತ॒ರ್ಯಜ॑ ॥ ೪೭ ॥
ದೇ॒ವಂ ಬ॒ರ್ಹಿಃ ಸರ॑ಸ್ವತೀ ಸುದೇ॒ವಮಿನ್ದ್ರೇ॑ ಅ॒ಶ್ವಿನಾ॑ ।
ತೇಜೋ॒ ನ ಚಕ್ಷು॑ರ॒ಕ್ಷ್ಯೋ॒ರ್ಬ॒ರ್ಹಿಷಾ॑ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೪೮ ॥
ದೇ॒ವೀರ್ದ್ವಾರೋ॑ ಅ॒ಶ್ವಿನಾ॑ ಭಿ॒ಷಜೇನ್ದ್ರೇ॒ ಸರ॑ಸ್ವತೀ ।
ಪ್ರಾ॒ಣಂ ನ ವೀ॒ರ್ಯಂ॒ ನ॒ಸಿ ದ್ವಾರೋ॑ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೪೯ ॥
ದೇ॒ವೀ ಉ॒ಷಾಸಾ॑ವ॒ಶ್ವಿನಾ॑ ಸು॒ತ್ರಾಮೇನ್ದ್ರೇ॒ ಸರ॑ಸ್ವತೀ ।
ಬಲಂ॒ ನ ವಾಚ॑ಮಾ॒ಸ್ಯ॒ ಉ॒ಷಾಭ್ಯಾಂ॑ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೦॥
ದೇ॒ವೀ ಜೋಷ್ಟ್ರೀ॒ ಸರ॑ಸ್ವತ್ಯ॒ಶ್ವಿನೇನ್ದ್ರ॑ಮವರ್ಧಯನ್ ।
ಶ್ರೋತ್ರಂ॒ ನ ಕರ್ಣ॑ಯೋ॒ರ್ಯಶೋ॒ ಜೋಷ್ಟ್ರೀ॑ಭ್ಯಾಂ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೧ ॥
ದೇ॒ವೀ ಊ॒ರ್ಜಾಹು॑ತೀ॒ ದುಘೇ॑ ಸು॒ದುಘೇನ್ದ್ರೇ॒ ಸರ॑ಸ್ವತ್ಯ॒ಶ್ವಿನಾ॑ ಭಿ॒ಷಜಾ॑ಽವತಃ ।
ಶು॒ಕ್ರಂ ನ ಜ್ಯೋತಿ॒ ಸ್ತನ॑ಯೋ॒ರಾಹು॑ತೀ ಧತ್ತ ಇನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೨ ॥
ದೇ॒ವಾ ದೇ॒ವಾನಾಂ॑ ಭಿ॒ಷಜಾ॒ ಹೋತಾ॑ರಾ॒ವಿನ್ದ್ರ॑ಮ॒ಶ್ವಿನಾ॑ ।
ವ॒ಷ॒ಟ್ಕಾ॒ರೈ॒: ಸರ॑ಸ್ವತೀ॒ ತ್ವಿಷಿಂ॒ ನ ಹೃದ॑ಯೇ ಮ॒ತಿᳪ ಹೋತೃ॑ಭ್ಯಾಂ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೩ ॥
ದೇ॒ವೀಸ್ತಿ॒ಸ್ರಸ್ತಿ॒ಸ್ರೋ ದೇ॒ವೀರ॒ಶ್ವಿನೇಡಾ॒ ಸರ॑ಸ್ವತೀ ।
ಶೂಷಂ॒ ನ ಮಧ್ಯೇ॒ ನಾಭ್ಯಾ॒ಮಿನ್ದ್ರಾ॑ಯ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೪ ॥
ದೇ॒ವ ಇನ್ದ್ರೋ॒ ನರಾ॒ಶᳪಸ॑ಸ್ತ್ರಿವರೂ॒ಥಃ ಸರ॑ಸ್ವತ್ಯ॒ಶ್ವಿಭ್ಯಾ॑ಮೀಯತೇ॒ ರಥ॑: ।
ರೇತೋ॒ ನ ರೂ॒ಪಮ॒ಮೃತಂ॑ ಜ॒ನಿತ್ರ॒ಮಿನ್ದ್ರಾ॑ಯ॒ ತ್ವಷ್ಟಾ॒ ದಧ॑ದಿನ್ದ್ರಿ॒ಯಾಣಿ॑ ವಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೫ ॥
ದೇ॒ವೋ ದೇ॒ವೈರ್ವನ॒ಸ್ಪತಿ॒ರ್ಹಿರ॑ಣ್ಯಪರ್ಣೋ ಅ॒ಶ್ವಿಭ್ಯಾ॒ᳪ ಸರ॑ಸ್ವತ್ಯಾ ಸುಪಿಪ್ಪ॒ಲ ಇನ್ದ್ರಾ॑ಯ ಪಚ್ಯತೇ॒ ಮಧು॑ ।
ಓಜೋ॒ ನ ಜೂ॒ತಿರೃ॑ಷ॒ಭೋ ನ ಭಾಮಂ॒ ವನ॒ಸ್ಪತಿ॑ರ್ನೋ॒ ದಧ॑ದಿನ್ದ್ರಿ॒ಯಾಣಿ॑ ವಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೬ ॥
ದೇ॒ವಂ ಬ॒ರ್ಹಿರ್ವಾರಿ॑ತೀನಾಮಧ್ವ॒ರೇ ಸ್ತೀ॒ರ್ಣಮ॒ಶ್ವಿಭ್ಯಾ॒ಮೂರ್ಣ॑ಮ್ರದಾ॒: ಸರ॑ಸ್ವತ್ಯಾ ಸ್ಯೋ॒ನಮಿ॑ನ್ದ್ರ ತೇ॒ ಸದ॑: ।
ಈ॒ಶಾಯೈ॑ ಮ॒ನ್ಯುᳪ ರಾಜಾ॑ನಂ ಬ॒ರ್ಹಿಷಾ॑ ದಧುರಿನ್ದ್ರಿ॒ಯಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೭ ॥
ದೇ॒ವೋ ಅ॒ಗ್ನಿಃ ಸ್ವಿ॑ಷ್ಟ॒ಕೃದ್ದೇ॒ವಾನ್ಯ॑ಕ್ಷದ್ಯಥಾಯ॒ಥᳪ ಹೋತಾ॑ರಾ॒ವಿನ್ದ್ರ॑ಮ॒ಶ್ವಿನಾ॑ ವಾ॒ಚಾ ವಾಚ॒ᳪ ಸರ॑ಸ್ವತೀಮ॒ಗ್ನಿᳪ ಸೋಮ॑ᳪ ಸ್ವಿಷ್ಟ॒ಕೃತ್ ಸ್ವಿ॑ಷ್ಟ॒ ಇನ್ದ್ರ॑: ಸು॒ತ್ರಾಮಾ॑ ಸವಿ॒ತಾ ವರು॑ಣೋ ಭಿ॒ಷಗಿ॒ಷ್ಟೋ ದೇ॒ವೋ ವನ॒ಸ್ಪತಿ॒: ಸ್ವಿ॒ಷ್ಟಾ ದೇ॒ವಾ ಆ॑ಜ್ಯ॒ಪಾಃ ಸ್ವಿ॑ಷ್ಟೋ ಅ॒ಗ್ನಿರ॒ಗ್ನಿನಾ॒ ಹೋತಾ॑ ಹೋ॒ತ್ರೇ ಸ್ವಿ॑ಷ್ಟ॒ಕೃದ್ಯಶೋ॒ ನ ದಧ॑ದಿನ್ದ್ರಿ॒ಯಮೂರ್ಜ॒ಮಪ॑ಚಿತಿᳪ ಸ್ವ॒ಧಾಂ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೫೮ ॥
ಅ॒ಗ್ನಿಮ॒ದ್ಯ ಹೋತಾ॑ರಮವೃಣೀತಾ॒ಯಂ ಯಜ॑ಮಾನ॒: ಪಚ॒ನ್ ಪಕ್ತೀ॒: ಪಚ॑ನ್ ಪುರೋ॒ಡಾಶಾ॑ನ್ ಬ॒ಧ್ನನ್ನ॒ಶ್ವಿಭ್ಯಾಂ॒ ಛಾಗ॒ᳪ ಸರ॑ಸ್ವತ್ಯೈ ಮೇ॒ಷಮಿನ್ದ್ರಾ॑ಯ ಋಷ॒ಭᳪ ಸು॒ನ್ವನ್ನ॒ಶ್ವಿಭ್ಯಾ॒ᳪ ಸರ॑ಸ್ವತ್ಯಾ॒ ಇನ್ದ್ರಾ॑ಯ ಸು॒ತ್ರಾಮ್ಣೇ॑ ಸುರಾಸೋ॒ಮಾನ್ ॥ ೫೯ ॥
ಸೂ॒ಪ॒ಸ್ಥಾ ಅ॒ದ್ಯ ದೇ॒ವೋ ವನ॒ಸ್ಪತಿ॑ರಭವದ॒ಶ್ವಿಭ್ಯಾಂ॒ ಛಾಗೇ॑ನ॒ ಸರ॑ಸ್ವತ್ಯೈ ಮೇ॒ಷೇಣೇನ್ದ್ರಾ॑ಯ ಋಷ॒ಭೇಣಾಕ್ಷಁ॒ಸ್ತಾನ್ ಮೇ॑ದ॒ಸ್ತಃ ಪ್ರತಿ॑ ಪಚ॒ತಾಗೃ॑ಭೀಷ॒ತಾವೀ॑ವೃಧನ್ತ ಪುರೋ॒ಡಾಶೈ॒ರಪು॑ರ॒ಶ್ವಿನಾ॒ ಸರ॑ಸ್ವ॒ತೀನ್ದ್ರ॑: ಸು॒ತ್ರಾಮಾ॑ ಸುರಾಸೋ॒ಮಾನ್ ॥ ೬೦॥
ತ್ವಾಮ॒ದ್ಯ ಋ॑ಷ ಆರ್ಷೇಯ ಋಷೀಣಾಂ ನಪಾದವೃಣೀತಾ॒ಯಂ ಯಜ॑ಮಾನೋ ಬ॒ಹುಭ್ಯ॒ ಆ ಸಙ್ಗ॑ತೇಭ್ಯ ಏ॒ಷ ಮೇ॑ ದೇ॒ವೇಷು॒ ವಸು॒ ವಾರ್ಯಾಯ॑ಕ್ಷ್ಯತ॒ ಇತಿ॒ ತಾ ಯಾ ದೇ॒ವಾ ದೇ॑ವ॒ ದಾನಾ॒ನ್ಯದು॒ಸ್ತಾನ್ಯ॑ಸ್ಮಾ॒ ಆ ಚ॒ ಶಾಸ್ವಾ ಚ॑ ಗುರಸ್ವೇಷಿ॒ತಶ್ಚ॑ ಹೋತ॒ರಸಿ॑ ಭದ್ರ॒ವಾಚ್ಯಾ॑ಯ॒ ಪ್ರೇಷಿ॑ತೋ॒ ಮಾನು॑ಷಃ ಸೂಕ್ತವಾ॒ಕಾಯ॑ ಸೂ॒ಕ್ತಾ ಬ್ರೂ॑ಹಿ ॥ ೬೧ ॥
ಅಧ್ಯಾಯ ೨೨
ತೇಜೋ॑ಽಸಿ ಶು॒ಕ್ರಮ॒ಮೃತ॑ಮಾಯು॒ಷ್ಪಾ ಆಯು॑ರ್ಮೇ ಪಾಹಿ ।
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾ॒ಮಾ ದ॑ದೇ ॥ ೧ ॥
ಇ॒ಮಾಮ॑ಗೃಭ್ಣನ್ ರಶ॒ನಾಮೃ॒ತಸ್ಯ॒ ಪೂರ್ವ॒ ಆಯು॑ಷಿ ವಿ॒ದಥೇ॑ಷು ಕ॒ವ್ಯಾ ।
ಸಾ ನೋ॑ ಅ॒ಸ್ಮಿನ್ತ್ಸು॒ತ ಆ ಬ॑ಭೂವ ಋ॒ತಸ್ಯ॒ ಸಾಮ॑ನ್ತ್ಸ॒ರಮಾ॒ರಪ॑ನ್ತೀ ॥ ೨ ॥
ಅ॒ಭಿ॒ಧಾ ಅ॑ಸಿ॒ ಭುವ॑ನಮಸಿ ಯ॒ನ್ತಾಽಸಿ॑ ಧ॒ರ್ತಾ ।
ಸ ತ್ವಮ॒ಗ್ನಿಂ ವೈ॑ಶ್ವಾನ॒ರᳪ ಸಪ್ರ॑ಥಸಂ ಗಚ್ಛ॒ ಸ್ವಾಹಾ॑ಕೃತಃ ॥ ೩ ॥
ಸ್ವ॒ಗಾ ತ್ವಾ॑ ದೇ॒ವೇಭ್ಯ॑: ಪ್ರ॒ಜಾಪ॑ತಯೇ॒ ಬ್ರಹ್ಮ॒ನ್ನಶ್ವಂ॑ ಭ॒ನ್ತ್ಸ್ಯಾಮಿ॑ ದೇ॒ವೇಭ್ಯ॑: ಪ್ರ॒ಜಾಪ॑ತಯೇ॒ ತೇನ॑ ರಾಧ್ಯಾಸಮ್ ।
ತಂ ಬ॑ಧಾನ ದೇ॒ವೇಭ್ಯ॑: ಪ್ರ॒ಜಾಪ॑ತಯೇ॒ ತೇನ॑ ರಾಧ್ನುಹಿ ॥ ೪ ॥
ಪ್ರ॒ಜಾಪ॑ತಯೇ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮೀನ್ದ್ರಾ॒ಗ್ನಿಭ್ಯಾಂ॑ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ ವಾ॒ಯವೇ॑ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ॒
ವಿಶ್ವೇ॑ಭ್ಯಸ್ತ್ವಾ ದೇ॒ವೇಭ್ಯೋ॒ ಜುಷ್ಟಂ॒ ಪ್ರೋಕ್ಷಾ॑ಮಿ॒ ಸರ್ವೇ॑ಭ್ಯಸ್ತ್ವಾ ದೇ॒ವೇಭ್ಯೋ॒ ಜುಷ್ಟಂ॒ ಪ್ರೋಕ್ಷಾ॑ಮಿ ।
ಯೋ ಅರ್ವ॑ನ್ತಂ॒ ಜಿಘಾ॑ᳪಸತಿ॒ ತಮ॒ಭ್ಯ॒ಮೀತಿ॒ ವರು॑ಣಃ| ಪ॒ರೋ ಮರ್ತ॑: ಪ॒ರಃ ಶ್ವಾ ॥ ೫ ॥
ಅ॒ಗ್ನಯೇ॒ ಸ್ವಾಹಾ॒ ಸೋಮಾ॑ಯ॒ ಸ್ವಾಹಾ॒ ಽಪಾಂ ಮೋದಾ॑ಯ॒ ಸ್ವಾಹಾ॑ ಸವಿ॒ತ್ರೇ ಸ್ವಾಹಾ॑ ವಾ॒ಯವೇ॒ ಸ್ವಾಹಾ॒ ವಿಷ್ಣ॑ವೇ॒ ಸ್ವಾಹೇನ್ದ್ರಾ॑ಯ॒ ಸ್ವಾಹಾ॒ ಬೃಹ॒ಸ್ಪತ॑ಯೇ॒ ಸ್ವಾಹಾ॑ ಮಿ॒ತ್ರಾಯ॒ ಸ್ವಾಹಾ॒ ವರು॑ಣಾಯ॒ ಸ್ವಾಹಾ॑ ॥ ೬ ॥
ಹಿ॒ಙ್ಕಾ॒ರಾಯ॒ ಸ್ವಾಹಾ॒ ಹಿಙ್ಕೃ॑ತಾಯ॒ ಸ್ವಾಹಾ॒ ಕ್ರನ್ದ॑ತೇ॒ ಸ್ವಾಹಾ॑ ಽವಕ್ರ॒ನ್ದಾಯ॒ ಸ್ವಾಹಾ॒ ಪ್ರೋಥ॑ತೇ॒ ಸ್ವಾಹಾ॑ ಪ್ರಪ್ರೋ॒ಥಾಯ॒ ಸ್ವಾಹಾ॑ ಗ॒ನ್ಧಾಯ॒ ಸ್ವಾಹಾ॑ ಘ್ರಾ॒ತಾಯ॒ ಸ್ವಾಹಾ॒ ನಿವಿ॑ಷ್ಟಾಯ॒ ಸ್ವಾಹೋಪ॑ವಿಷ್ಟಾಯ॒ ಸ್ವಾಹಾ॒ ಸನ್ದಿ॑ತಾಯ॒ ಸ್ವಾಹಾ॒ ವಲ್ಗ॑ತೇ॒ ಸ್ವಾಹಾ ಽಽಸೀ॑ನಾಯ॒ ಸ್ವಾಹಾ॑ ಶಯಾ॑ನಾಯ॒ ಸ್ವಾಹಾ॒ ಸ್ವಪ॑ತೇ॒ ಸ್ವಾಹಾ॒ ಜಾಗ್ರ॑ತೇ॒ ಸ್ವಾಹಾ॒ ಕೂಜ॑ತೇ॒ ಸ್ವಾಹಾ॒ ಪ್ರಬು॑ದ್ಧಾಯ॒ ಸ್ವಾಹಾ॑ ವಿ॒ಜೃಮ್ಭ॑ಮಾಣಾಯ॒ ಸ್ವಾಹಾ॒ ವಿಚೃ॑ತಾಯ॒ ಸ್ವಾಹಾ॒ ಸᳪಹಾ॑ನಾಯ॒ ಸ್ವಾಹೋಪ॑ಸ್ಥಿತಾಯ॒ ಸ್ವಾಹಾಽಽಯ॑ನಾಯ॒ ಸ್ವಾಹಾ॒ ಪ್ರಾಯ॑ಣಾಯ॒ ಸ್ವಾಹಾ॑ ॥ ೭ ॥
ಯ॒ತೇ ಸ್ವಾಹಾ॒ ಧಾವ॑ತೇ॒ ಸ್ವಾಹೋ॑ದ್ದ್ರಾ॒ವಾಯ॒ ಸ್ವಾಹೋದ್ದ್ರು॑ತಾಯ॒ ಸ್ವಾಹಾ॑ ಶೂಕಾ॒ರಾಯ॒ ಸ್ವಾಹಾ॒ ಶೂಕೃ॑ತಾಯ॒ ಸ್ವಾಹಾ॒ ನಿಷ॑ಣ್ಣಾಯ॒ ಸ್ವಾಹೋತ್ಥಿ॑ತಾಯ॒ ಸ್ವಾಹಾ॑ ಜ॒ವಾಯ॒ ಸ್ವಾಹಾ॒ ಬಲಾ॑ಯ॒ ಸ್ವಾಹಾ॑ ವಿ॒ವರ್ತ॑ಮಾನಾಯ॒ ಸ್ವಾಹಾ॒ ವಿವೃ॑ತ್ತಾಯ॒ ಸ್ವಾಹಾ॑ ವಿಧೂನ್ವಾ॒ನಾಯ॒ ಸ್ವಾಹಾ॒ ವಿಧೂ॑ತಾಯ॒ ಸ್ವಾಹಾ॒ ಶುಶ್ರೂ॑ಷಮಾಣಾಯ॒ ಸ್ವಾಹಾ॑ ಶೃಣ್ವ॒ತೇ ಸ್ವಾಹೇಕ್ಷ॑ಮಾಣಾಯ॒ ಸ್ವಾಹೇ॑ಕ್ಷಿ॒ತಾಯ॒ ಸ್ವಾಹಾ॒ ವೀ॒ಕ್ಷಿತಾಯ॒ ಸ್ವಾಹಾ॑ ನಿಮೇ॒ಷಾಯ॒ ಸ್ವಾಹಾ॒ ಯದತ್ತಿ॒ ತಸ್ಮೈ॒ ಸ್ವಾಹಾ॒ ಯತ್ ಪಿಬ॑ತಿ॒ ತಸ್ಮೈ॒ ಸ್ವಾಹಾ॒ ಯನ್ಮೂತ್ರಂ॑ ಕ॒ರೋತಿ॒ ತಸ್ಮೈ॒ ಸ್ವಾಹಾ॑ ಕುರ್ವ॒ತೇ ಸ್ವಾಹಾ॑ ಕೃ॒ತಾಯ॒ ಸ್ವಾಹಾ॑ ॥ ೮ ॥
ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನ॑: ಪ್ರಚೋ॒ದಯಾ॑ತ್ ॥ ೯ ॥
ಹಿರ॑ಣ್ಯಪಾಣಿಮೂ॒ತಯೇ॑ ಸವಿ॒ತಾರ॒ಮುಪ॑ ಹ್ವಯೇ । ಸ ಚೇತ್ತಾ॑ ದೇ॒ವತಾ॑ ಪ॒ದಮ್ ॥ ೧೦ ॥
ದೇ॒ವಸ್ಯ॒ ಚೇತ॑ತೋ ಮ॒ಹೀಂ ಪ್ರ ಸ॑ವಿ॒ತುರ್ಹ॑ವಾಮಹೇ । ಸು॒ಮ॒ತಿᳪ ಸ॒ತ್ಯರಾ॑ಧಸಮ್ ॥ ೧೧ ॥
ಸು॒ಷ್ಟು॒ತಿᳪ ಸು॑ಮತೀ॒ವೃಧೋ॑ ರಾ॒ತಿᳪ ಸ॑ವಿ॒ತುರೀ॑ಮಹೇ । ಪ್ರ ದೇ॒ವಾಯ॑ ಮತೀ॒ವಿದೇ॑ ॥ ೧೨ ॥
ರಾ॒ತಿᳪ ಸತ್ಪ॑ತಿಂ ಮ॒ಹೇ ಸ॑ವಿ॒ತಾರ॒ಮುಪ॑ ಹ್ವಯೇ । ಆ॒ಸ॒ವಂ ದೇ॒ವವೀ॑ತಯೇ ॥ ೧೩ ॥
ದೇ॒ವಸ್ಯ॑ ಸವಿ॒ತುರ್ಮ॒ತಿಮಾ॑ಸ॒ವಂ ವಿ॒ಶ್ವದೇ॑ವ್ಯಮ್ । ಧಿ॒ಯಾ ಭಗಂ॑ ಮನಾಮಹೇ ॥ ೧೪ ॥
ಅ॒ಗ್ನಿᳪ ಸ್ತೋಮೇ॑ನ ಬೋಧಯ ಸಮಿಧಾ॒ನೋ ಅಮ॑ರ್ತ್ಯಮ್ । ಹ॒ವ್ಯಾ ದೇ॒ವೇಷು॑ ನೋ ದಧತ್ ॥ ೧೫ ॥
ಸ ಹ॑ವ್ಯ॒ವಾಡಮ॑ರ್ತ್ಯ ಉ॒ಶಿಗ್ದೂ॒ತಶ್ಚನೋ॑ಹಿತಃ । ಅ॒ಗ್ನಿರ್ಧಿ॒ಯಾ ಸಮೃ॑ಣ್ವತಿ ॥ ೧೬ ॥
ಅ॒ಗ್ನಿಂ ದೂ॒ತಂ ಪು॒ರೋ ದ॑ಧೇ ಹವ್ಯ॒ವಾಹ॒ಮುಪ॑ ಬ್ರುವೇ । ದೇ॒ವಾಁ೨ ಆ ಸಾ॑ದಯಾದಿ॒ಹ ॥ ೧೭ ॥
ಅಜೀ॑ಜನೋ॒ ಹಿ ಪ॑ವಮಾನ॒ ಸೂರ್ಯಂ॑ ವಿ॒ಧಾರೇ॒ ಶಕ್ಮ॑ನಾ॒ ಪಯ॑: । ಗೋಜೀ॑ರಯಾ॒ ರᳪಹ॑ಮಾಣ॒: ಪುರ॑ನ್ಧ್ಯಾ ॥ ೧೮ ॥
ವಿ॒ಭೂರ್ಮಾ॒ತ್ರಾ ಪ್ರ॒ಭೂಃ ಪಿ॒ತ್ರಾಽಶ್ವೋ॑ಽಸಿ॒ ಹಯೋ॒ಽಸ್ಯತ್ಯೋ॑ಽಸಿ॒ ಮಯೋ॒ಽಸ್ಯರ್ವಾ॑ಽಸಿ॒ ಸಪ್ತಿ॑ರಸಿ ವಾ॒ಜ್ಯ॒ಸಿ॒ ವೃಷಾ॑ಽಸಿ ನೃ॒ಮಣಾ॑ ಅಸಿ । ಯಯು॒ರ್ನಾಮಾ॑ಽಸಿ॒ ಶಿಶು॒ರ್ನಾಮಾ॑ಸ್ಯಾದಿ॒ತ್ಯಾನಾಂ॒ ಪತ್ವಾಽನ್ವಿ॑ಹಿ॒ ದೇವಾ॑ ಆಶಾಪಾಲಾ ಏ॒ತಂ ದೇ॒ವೇಭ್ಯೋಽಶ್ವಂ॒ ಮೇಧಾ॑ಯ॒ ಪ್ರೋಕ್ಷಿ॑ತᳪ ರಕ್ಷತೇ॒ಹ ರನ್ತಿ॑ ರಿ॒ಹ ರ॑ಮತಾಮಿ॒ಹ ಧೃತಿ॑ರಿ॒ಹ ಸ್ವಧೃ॑ತಿ॒: ಸ್ವಾಹಾ॑ ॥ ೧೯ ॥
ಕಾಯ॒ ಸ್ವಾಹಾ॒ ಕಸ್ಮೈ॒ ಸ್ವಾಹಾ॑ ಕತ॒ಮಸ್ಮೈ॒ ಸ್ವಾಹಾ॒ ಸ್ವಾಹಾ॒ಽಽಧಿಮಾಧೀ॑ತಾಯ॒ ಸ್ವಾಹಾ॒ ಮನ॑: ಪ್ರ॒ಜಾಪ॑ತಯೇ॒ ಸ್ವಾಹಾ॑ ಚಿ॒ತ್ತಂ ವಿಜ್ಞಾ॑ತಾ॒ಯಾದಿ॑ತ್ಯೈ॒ ಸ್ವಾಹಾ ಽದಿ॑ತ್ಯೈ ಮಹ್ಯೈ॒ ಸ್ವಾಹಾ ಽದಿ॑ತ್ಯೈ ಸುಮೃಡೀ॒ಕಾಯೈ॒ ಸ್ವಾಹಾ॒ ಸರ॑ಸ್ವತ್ಯೈ॒ ಸ್ವಾಹಾ॒ ಸರ॑ಸ್ವತ್ಯೈ ಪಾವ॒ಕಾಯೈ॒ ಸ್ವಾಹಾ॒ ಸರ॑ಸ್ವತ್ಯೈ ಬೃಹತ್ಯೈ॒ ಸ್ವಾಹಾ॑ ಪೂ॒ಷ್ಣೇ ಸ್ವಾಹಾ॑ ಪೂ॒ಷ್ಣೇ ಪ್ರ॑ಪ॒ಥ್ಯಾ॒ಯ॒ ಸ್ವಾಹಾ॑ ಪೂ॒ಷ್ಣೇ ನ॒ರನ್ಧಿ॑ಷಾಯ॒ ಸ್ವಾಹಾ॒ ತ್ವಷ್ಟ್ರೇ॒ ಸ್ವಾಹಾ॒ ತ್ವಷ್ಟ್ರೇ॑ ತು॒ರೀಪಾ॑ಯ॒ ಸ್ವಾಹಾ॒ ತ್ವಷ್ಟ್ರೇ॑ ಪುರು॒ರೂಪಾ॑ಯ॒ ಸ್ವಾಹಾ॒ ವಿಷ್ಣ॑ವೇ॒ ಸ್ವಾಹಾ॒ ವಿಷ್ಣ॑ವೇ ನಿಭೂಯ॒ಪಾಯ॒ ಸ್ವಾಹಾ॒ ವಿಷ್ಣ॑ವೇ ಶಿಪಿವಿ॒ಷ್ಟಾಯ॒ ಸ್ವಾಹಾ॑ ॥ ೨೦ ॥
ವಿಶ್ವೋ॑ ದೇ॒ವಸ್ಯ॑ ನೇ॒ತುರ್ಮರ್ತೋ॑ ವುರೀತ ಸ॒ಖ್ಯಮ್ ।
ವಿಶ್ವೋ॑ ರಾ॒ಯ ಇ॑ಷುಧ್ಯತಿ ದ್ಯು॒ಮ್ನಂ ವೃ॑ಣೀತ ಪು॒ಷ್ಯಸೇ॒ ಸ್ವಾಹಾ॑ ॥ ೨೧ ॥
ಆ ಬ್ರಹ್ಮ॑ನ್ ಬ್ರಾಹ್ಮ॒ಣೋ ಬ್ರ॑ಹ್ಮವರ್ಚ॒ಸೀ ಜಾ॑ಯತಾ॒ಮಾ ರಾ॒ಷ್ಟ್ರೇ ರಾ॑ಜ॒ನ್ಯಃ ಶೂರ॑ ಇಷ॒ವ್ಯೋಽತಿವ್ಯಾ॒ಧೀ ಮ॑ಹಾರ॒ಥೋ ಜಾ॑ಯತಾಂ॒ ದೋಗ್ಧ್ರೀ॑ ಧೇ॒ನುರ್ವೋಢಾ॑ನ॒ಡ್ವಾನಾ॒ಶುಃ ಸಪ್ತಿ॒: ಪುರ॑ನ್ಧಿ॒ರ್ಯೋಷಾ॑ ಜಿ॒ಷ್ಣೂ ರ॑ಥೇ॒ಷ್ಠಾಃ ಸ॒ಭೇಯೋ॒ ಯುವಾಸ್ಯ ಯಜ॑ಮಾನಸ್ಯ ವೀ॒ರೋ ಜಾ॑ಯತಾಂ॒ ನಿಕಾ॒ಮೇ-ನಿ॑ಕಾಮೇ ನಃ ಪ॒ರ್ಜನ್ಯೋ॑ ವರ್ಷತು॒ ಫಲ॑ವತ್ಯೋ ನ॒ ಓಷ॑ಧಯಃ ಪಚ್ಯನ್ತಾಂ ಯೋಗಕ್ಷೇ॒ಮೋ ನ॑: ಕಲ್ಪತಾಮ್ ॥ ೨೨ ॥
ಪ್ರಾ॒ಣಾಯ॒ ಸ್ವಾಹಾ॑ ಽಪಾ॒ನಾಯ॒ ಸ್ವಾಹಾ॑ ವ್ಯಾ॒ನಾಯ॒ ಸ್ವಾಹಾ॒ ಚಕ್ಷು॑ಷೇ॒ ಸ್ವಾಹಾ॒ ಶ್ರೋತ್ರಾ॑ಯ॒ ಸ್ವಾಹಾ॑ ವಾ॒ಚೇ ಸ್ವಾಹಾ॒ ಮನ॑ಸೇ॒ ಸ್ವಾಹಾ॑ ॥ ೨೩ ॥
ಪ್ರಾಚ್ಯೈ॑ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹಾ॒ ದಕ್ಷಿ॑ಣಾಯೈ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹಾ॑ ಪ್ರ॒ತೀಚ್ಯೈ॑ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹೋದೀ॑ಚ್ಯೈ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹೋ॒ರ್ಧ್ವಾಯೈ॑ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹಾ ಽವಾ॑ಚ್ಯೈ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹಾ॑ ॥ ೨೪ ॥
ಅ॒ದ್ಭ್ಯಃ ಸ್ವಾಹಾ॑ ವಾ॒ರ್ಭ್ಯಃ ಸ್ವಾಹೋ॑ದ॒ಕಾಯ॒ ಸ್ವಾಹಾ॒ ತಿಷ್ಠ॑ನ್ತೀಭ್ಯ॒: ಸ್ವಾಹಾ॒ ಸ್ರವ॑ನ್ತೀಭ್ಯ॒: ಸ್ವಾಹಾ॒ ಸ್ಯನ್ದ॑ಮಾನಾಭ್ಯ॒: ಸ್ವಾಹಾ॒ ಕೂಪ್ಯಾ॑ಭ್ಯ॒: ಸ್ವಾಹಾ॒ ಸೂದ್ಯಾ॑ಭ್ಯ॒: ಸ್ವಾಹಾ॒ ಧಾರ್ಯಾ॑ಭ್ಯ॒: ಸ್ವಾಹಾ॑ ಽರ್ಣ॒ವಾಯ॒ ಸ್ವಾಹಾ॑ ಸಮು॒ದ್ರಾಯ॒ ಸ್ವಾಹಾ॑ ಸರಿ॒ರಾಯ॒ ಸ್ವಾಹಾ॑ ॥ ೨೫ ॥
ವಾತಾ॑ಯ॒ ಸ್ವಾಹಾ॑ ಧೂ॒ಮಾಯ॒ ಸ್ವಾಹಾ॒ ಽಭ್ರಾಯ॒ ಸ್ವಾಹಾ॑ ಮೇ॒ಘಾಯ॒ ಸ್ವಾಹಾ॑ ವಿ॒ದ್ಯೋತ॑ಮಾನಾಯ॒ ಸ್ವಾಹಾ॑ ಸ್ತ॒ನಯ॑ತೇ॒ ಸ್ವಾಹಾ॑ ಽವ॒ಸ್ಫೂರ್ಜ॑ತೇ॒ ಸ್ವಾಹಾ॒ ವರ್ಷ॑ತೇ॒ ಸ್ವಾಹಾ॑ ಽವ॒ವರ್ಷ॑ತೇ॒ ಸ್ವಾಹೋ॒ಗ್ರಂ ವರ್ಷ॑ತೇ॒ ಸ್ವಾಹಾ॑ ಶೀ॒ಘ್ರಂ ವರ್ಷ॑ತೇ॒ ಸ್ವಾಹೋ॑ದ್ಗೃಹ್ಣ॒ತೇ ಸ್ವಾಹೋದ್ಗೃ॑ಹೀತಾಯ॒ ಸ್ವಾಹಾ॑ ಪ್ರುಷ್ಣ॒ತೇ ಸ್ವಾಹಾ॑ ಶೀಕಾಯ॒ತೇ ಸ್ವಾಹಾ॒ ಪ್ರುಷ್ವಾ॑ಭ್ಯ॒: ಸ್ವಾಹಾ॑ ಹ್ರಾ॒ದುನೀ॑ಭ್ಯ॒: ಸ್ವಾಹಾ॑ ನೀಹಾ॒ರಾಯ॒ ಸ್ವಾಹಾ॑ ॥ ೨೬ ॥
ಅ॒ಗ್ನಯೇ॒ ಸ್ವಾಹಾ॒ ಸೋಮಾ॑ಯ॒ ಸ್ವಾಹೇನ್ದ್ರಾ॑ಯ॒ ಸ್ವಾಹಾ॑ ಪೃಥಿವ್ಯೈ॒ ಸ್ವಾಹಾ॒ ಽನ್ತರಿ॑ಕ್ಷಾಯ॒ ಸ್ವಾಹಾ॑ ದಿ॒ವೇ ಸ್ವಾಹಾ॑ ದಿ॒ಗ್ಭ್ಯಃ ಸ್ವಾಹಾ ಽಽಶಾ॑ಭ್ಯ॒: ಸ್ವಾಹೋ॒ರ್ವ್ಯೈ॒ ದಿ॒ಶೇ ಸ್ವಾಹಾ॒ ಽರ್ವಾಚ್ಯೈ॑ ದಿ॒ಶೇ ಸ್ವಾಹಾ॑ ॥ ೨೭ ॥
ನಕ್ಷ॑ತ್ರೇಭ್ಯ॒: ಸ್ವಾಹಾ॑ ನಕ್ಷ॒ತ್ರಿಯೇ॑ಭ್ಯ॒: ಸ್ವಾಹಾ॑ ಽಹೋರಾ॒ತ್ರೇಭ್ಯ॒: ಸ್ವಾಹಾ॑ ಽರ್ಧಮಾ॒ಸೇಭ್ಯ॒: ಸ್ವಾಹಾ॒ ಮಾಸೇ॑ಭ್ಯ॒: ಸ್ವಾಹಾ॑ ಋ॒ತುಭ್ಯ॒: ಸ್ವಾಹಾ॑ ಽಽರ್ತ॒ವೇಭ್ಯ॒: ಸ್ವಾಹಾ॑ ಸಂವತ್ಸ॒ರಾಯ॒ ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ᳪ ಸ್ವಾಹಾ॑ ಚ॒ನ್ದ್ರಾಯ॒ ಸ್ವಾಹಾ॒ ಸೂರ್ಯಾ॑ಯ॒ ಸ್ವಾಹಾ॑ ರ॒ಶ್ಮಿಭ್ಯ॒: ಸ್ವಾಹಾ॒ ವಸು॑ಭ್ಯ॒: ಸ್ವಾಹಾ॑ ರು॒ದ್ರೇಭ್ಯ॒: ಸ್ವಾಹಾ॑ ಽಽದಿ॒ತ್ಯೇಭ್ಯ॒: ಸ್ವಾಹಾ॑ ಮ॒ರುದ್ಭ್ಯ॒: ಸ್ವಾಹಾ॒ ವಿಶ್ವೇ॑ಭ್ಯೋ ದೇ॒ವೇಭ್ಯ॒: ಸ್ವಾಹಾ॒ ಮೂಲೇ॑ಭ್ಯ॒: ಸ್ವಾಹಾ॒ ಶಾಖಾ॑ಭ್ಯ॒: ಸ್ವಾಹಾ॒ ವನ॒ಸ್ಪತಿ॑ಭ್ಯ॒: ಸ್ವಾಹಾ॒ ಪುಷ್ಪೇ॑ಭ್ಯ॒: ಸ್ವಾಹಾ॒ ಫಲೇ॑ಭ್ಯ॒: ಸ್ವಾಹೌಷ॑ಧೀಭ್ಯ॒: ಸ್ವಾಹಾ॑ ॥ ೨೮ ॥
ಪೃ॒ಥಿ॒ವ್ಯೈ ಸ್ವಾಹಾ॒ ಽನ್ತರಿ॑ಕ್ಷಾಯ॒ ಸ್ವಾಹಾ॑ ದಿ॒ವೇ ಸ್ವಾಹಾ॒ ಸೂರ್ಯಾ॑ಯ॒ ಸ್ವಾಹಾ॑ ಚ॒ನ್ದ್ರಾಯ॒ ಸ್ವಾಹಾ॒ ನಕ್ಷ॑ತ್ರೇಭ್ಯ॒: ಸ್ವಾಹಾ॒ ಽದ್ಭ್ಯಃ ಸ್ವಾಹೌ॑ಷಧೀಭ್ಯ॒: ಸ್ವಾಹಾ॒ ವನ॒ಸ್ಪತಿ॑ಭ್ಯ॒: ಸ್ವಾಹಾ॑ ಪರಿಪ್ಲ॒ವೇಭ್ಯ॒: ಸ್ವಾಹಾ॑ ಚರಾಚ॒ರೇಭ್ಯ॒: ಸ್ವಾಹಾ॑ ಸರೀಸೃ॒ಪೇಭ್ಯ॒: ಸ್ವಾಹಾ॑ ॥ ೨೯ ॥
ಅಸ॑ವೇ॒ ಸ್ವಾಹಾ॒ ವಸ॑ವೇ॒ ಸ್ವಾಹಾ॑ ವಿ॒ಭುವೇ॒ ಸ್ವಾಹಾ॒ ವಿವ॑ಸ್ವತೇ॒ ಸ್ವಾಹಾ॑ ಗಣ॒ಶ್ರಿಯೇ॒ ಸ್ವಾಹಾ॑ ಗ॒ಣಪ॑ತಯೇ॒ ಸ್ವಾಹಾ॑ ಽಭಿ॒ಭುವೇ॒ ಸ್ವಾಹಾ ಽಧಿ॑ಪತಯೇ॒ ಸ್ವಾಹಾ॑ ಶೂ॒ಷಾಯ॒ ಸ್ವಾಹಾ॑ ಸᳪಸ॒ರ್ಪಾಯ॒ ಸ್ವಾಹಾ॑ ಚ॒ನ್ದ್ರಾಯ॒ ಸ್ವಾಹಾ॒ ಜ್ಯೋತಿ॑ಷೇ॒ ಸ್ವಾಹಾ॑ ಮಲಿಮ್ಲು॒ಚಾಯ॒ ಸ್ವಾಹಾ॒ ದಿವಾ॑ ಪ॒ತಯ॑ತೇ॒ ಸ್ವಾಹಾ॑ ॥ ೩೦ ॥
ಮಧ॑ವೇ॒ ಸ್ವಾಹಾ॒ ಮಾಧ॑ವಾಯ॒ ಸ್ವಾಹಾ॑ ಶು॒ಕ್ರಾಯ॒ ಸ್ವಾಹಾ॒ ಶುಚ॑ಯೇ॒ ಸ್ವಾಹಾ॒ ನಭ॑ಸೇ॒ ಸ್ವಾಹಾ॑ ನಭ॒ಸ್ಯಾ॒ಯ॒ ಸ್ವಾಹೇ॒ಷಾಯ॒ ಸ್ವಾಹೋ॒ರ್ಜಾಯ॒ ಸ್ವಾಹಾ॒ ಸಹ॑ಸೇ॒ ಸ್ವಾಹಾ॑ ಸಹ॒ಸ್ಯಾ॒ಯ॒ ಸ್ವಾಹಾ॒ ತಪ॑ಸೇ॒ ಸ್ವಾಹಾ॑ ತಪ॒ಸ್ಯಾ॒ಯ॒ ಸ್ವಾಹಾ॑ ಽᳪಹಸಸ್ಪ॒ತಯೇ॒ ಸ್ವಾಹಾ॑ ॥ ೩೧ ॥
ವಾಜಾ॑ಯ॒ ಸ್ವಾಹಾ॑ ಪ್ರಸ॒ವಾಯ॒ ಸ್ವಾಹಾ॑ ಽಪಿ॒ಜಾಯ॒ ಸ್ವಾಹಾ॒ ಕ್ರತ॑ವೇ॒ ಸ್ವಾಹಾ॒ ಸ್ವ: ಸ್ವಾಹಾ॑ ಮೂ॒ರ್ಧ್ನೇ ಸ್ವಾಹಾ॑ ವ್ಯಶ್ನು॒ವಿನೇ॒ ಸ್ವಾಹಾ ಽನ್ತ್ಯಾ॑ಯ॒ ಸ್ವಾಹಾ ಽನ್ತ್ಯಾ॑ಯ ಭೌವ॒ನಾಯ॒ ಸ್ವಾಹಾ॒ ಭುವ॑ನಸ್ಯ॒ ಪತ॑ಯೇ॒ ಸ್ವಾಹಾ ಽಧಿ॑ಪತಯೇ॒ ಸ್ವಾಹಾ॑ ಪ್ರ॒ಜಾಪ॑ತಯೇ॒ ಸ್ವಾಹಾ॑ ॥ ೩೨ ॥
ಆಯು॑ರ್ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ಪ್ರಾ॒ಣೋ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ಽಪಾ॒ನೋ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ವ್ಯಾ॒ನೋ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹೋ॑ದಾ॒ನೋ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ಸಮಾ॒ನೋ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ಚಕ್ಷು॑ರ್ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ಶ್ರೋತ್ರಂ॑ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ವಾಗ್ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ಮನೋ॑ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ಽಽತ್ಮಾ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ಬ್ರ॒ಹ್ಮಾ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ಜ್ಯೋತಿ॑ರ್ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॒ ಸ್ವ॒ರ್ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ಪೃ॒ಷ್ಠಂ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ಯ॒ಜ್ಞೋ ಯ॒ಜ್ಞೇನ॑ ಕಲ್ಪತಾ॒ᳪ ಸ್ವಾಹಾ॑ ॥ ೩೩ ॥
ಏಕ॑ಸ್ಮೈ॒ ಸ್ವಾಹಾ॒ ದ್ವಾಭ್ಯಾ॒ᳪ ಸ್ವಾಹಾ॑ ಶ॒ತಾಯ॒ ಸ್ವಾಹೈಕ॑ಶತಾಯ॒ ಸ್ವಾಹಾ॒ ವ್ಯು॒ಷ್ಟ್ಯೈ॒ ಸ್ವಾಹಾ॑ ಸ್ವ॒ರ್ಗಾಯ॒ ಸ್ವಾಹಾ॑ ॥ ೩೪ ॥
ಅಧ್ಯಾಯ ೨೩
ಹಿ॒ರ॒ಣ್ಯ॒ಗ॒ರ್ಭಃ ಸಮ॑ವರ್ತ॒ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ ।
ಸ ದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೧ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ ಪ್ರ॒ಜಾಪ॑ತಯೇ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॒: ಸೂರ್ಯ॑ಸ್ತೇ ಮಹಿ॒ಮಾ ।
ಯಸ್ತೇಽಹ॑ನ್ತ್ಸಂವತ್ಸ॒ರೇ ಮ॑ಹಿ॒ಮಾ ಸ॑ಮ್ಬ॒ಭೂವ॒ ಯಸ್ತೇ॑ ವಾ॒ಯಾವ॒ನ್ತರಿ॑ಕ್ಷೇ ಮಹಿ॒ಮಾ ಸ॑ಮ್ಬ॒ಭೂವ॒ ಯಸ್ತೇ॑ ದಿ॒ವಿ ಸೂರ್ಯೇ॑ ಮಹಿ॒ಮಾ ಸ॑ಮ್ಬ॒ಭೂವ॒ ತಸ್ಮೈ॑ ತೇ ಮಹಿ॒ಮ್ನೇ ಪ್ರ॒ಜಾಪ॑ತಯೇ॒ ಸ್ವಾಹಾ॑ ದೇ॒ವೇಭ್ಯ॑: ॥ ೨ ॥
ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑ ।
ಯ ಈಶೇ॑ ಅ॒ಸ್ಯ ದ್ವಿ॒ಪದ॒ಶ್ಚತು॑ಷ್ಪದಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೩ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ ಪ್ರ॒ಜಾಪ॑ತಯೇ ತ್ವಾ॒ ಜುಷ್ಟಂ॑ ಗೃಹ್ಣಾಮ್ಯೇ॒ಷ ತೇ॒ ಯೋನಿ॑ಶ್ಚ॒ನ್ದ್ರಮಾ॑ಸ್ತೇ ಮಹಿ॒ಮಾ ।
ಯಸ್ತೇ॒ ರಾತ್ರೌ॑ ಸಂವತ್ಸ॒ರೇ ಮ॑ಹಿ॒ಮಾ ಸ॑ಮ್ಬ॒ಭೂವ॒ ಯಸ್ತೇ॑ ಪೃಥಿ॒ವ್ಯಾಮ॒ಗ್ನೌ ಮ॑ಹಿ॒ಮಾ ಸ॑ಮ್ಬ॒ಭೂವ॒ ಯಸ್ತೇ॒ ನಕ್ಷ॑ತ್ರೇಷು ಚ॒ನ್ದ್ರಮ॑ಸಿ ಮಹಿ॒ಮಾ ಸ॑ಮ್ಬ॒ಭೂವ॒ ತಸ್ಮೈ॑ ತೇ ಮಹಿ॒ಮ್ನೇ ಪ್ರ॒ಜಾಪ॑ತಯೇ ದೇ॒ವೇಭ್ಯ॒: ಸ್ವಾಹಾ॑ ॥ ೪ ॥
ಯು॒ಞ್ಜನ್ತಿ॑ ಬ್ರ॒ಧ್ನಮ॑ರು॒ಷಂ ಚರ॑ನ್ತಂ॒ ಪರಿ॑ ತ॒ಸ್ಥುಷ॑: । ರೋಚ॑ನ್ತೇ ರೋಚ॒ನಾ ದಿ॒ವಿ ॥ ೫ ॥
ಯು॒ಞ್ಜನ್ತ್ಯ॑ಸ್ಯ॒ ಕಾಮ್ಯಾ॒ ಹರೀ॒ ವಿಪ॑ಕ್ಷಸಾ॒ ರಥೇ॑ । ಶೋಣಾ॑ ಧೃ॒ಷ್ಣೂ ನೃ॒ಸಾಹ॑ಸಾ ॥ ೬ ॥
ಯದ್ವಾತೋ॑ ಅ॒ಪೋ ಅ॑ಗನೀಗನ್ಪ್ರಿ॒ಯಾಮಿನ್ದ್ರ॑ಸ್ಯ ತ॒ನ್ವ॒ಮ್ । ಏ॒ತᳪ ಸ್ತೋ॑ತರ॒ನೇನ॑ ಪ॒ಥಾ ಪುನ॒ರಶ್ವ॒ಮಾವ॑ರ್ತಯಾಸಿ ನಃ ॥ ೭ ॥
ವಸ॑ವಸ್ತ್ವಾಞ್ಜನ್ತು ಗಾಯ॒ತ್ರೇಣ॒ ಛನ್ದ॑ಸಾ ರು॒ದ್ರಾಸ್ತ್ವಾ॑ಞ್ಜನ್ತು॒ ತ್ರೈಷ್ಟು॑ಭೇನ॒ ಛನ್ದ॑ಸಾ ಽಽದಿ॒ತ್ಯಾಸ್ತ್ವಾ॑ಞ್ಜನ್ತು॒ ಜಾಗ॑ತೇನ॒ ಛನ್ದ॑ಸಾ ।
ಭೂರ್ಭುವ॒: ಸ್ವರ್ಲಾ॒ಜೀ೩ಞ್ಛಾ॒ಚೀ೩ನ್ಯವ್ಯೇ॒ ಗವ್ಯ॑ ಏ॒ತದನ್ನ॑ಮತ್ತ ದೇವಾ ಏ॒ತದನ್ನ॑ಮದ್ಧಿ ಪ್ರಜಾಪತೇ ॥ ೮ ॥
ಕಃ ಸ್ವಿ॑ದೇಕಾ॒ಕೀ ಚ॑ರತಿ॒ ಕ ಉ॑ ಸ್ವಿಜ್ಜಾಯತೇ॒ ಪುನ॑: । ಕಿᳪ ಸ್ವಿ॑ದ್ಧಿ॒ಮಸ್ಯ॑ ಭೇಷ॒ಜಂ ಕಿಮ್ವಾ॒ವಪ॑ನಂ ಮ॒ಹತ್ ॥ ೯ ॥
ಸೂರ್ಯ॑ ಏಕಾ॒ಕೀ ಚ॑ರತಿ ಚ॒ನ್ದ್ರಮಾ॑ ಜಾಯತೇ॒ ಪುನ॑: । ಅ॒ಗ್ನಿರ್ಹಿ॒ಮಸ್ಯ॑ ಭೇಷ॒ಜಂ ಭೂಮಿ॑ರಾ॒ವಪ॑ನಂ ಮ॒ಹತ್ ॥ ೧೦ ॥
ಕಾ ಸ್ವಿ॑ದಾಸೀತ್ಪೂ॒ರ್ವಚಿ॑ತ್ತಿ॒: ಕಿᳪ ಸ್ವಿ॑ದಾಸೀದ್ ಬೃ॒ಹದ್ವಯ॑: ।
ಕಾ ಸ್ವಿ॑ದಾಸೀತ್ಪಿಲಿಪ್ಪಿ॒ಲಾ ಕಾ ಸ್ವಿ॑ದಾಸೀತ್ಪಿಶಙ್ಗಿ॒ಲಾ ॥ ೧೧ ॥
ದ್ಯೌರಾ॑ಸೀತ್ಪೂ॒ರ್ವಚಿ॑ತ್ತಿ॒ರಶ್ವ॑ ಆಸೀದ್ ಬೃ॒ಹದ್ವಯ॑: ।
ಅವಿ॑ರಾಸೀತ್ಪಿಲಿಪ್ಪಿ॒ಲಾ ರಾತ್ರಿ॑ರಾಸೀತ್ಪಿಶಙ್ಗಿ॒ಲಾ ॥ ೧೨ ॥
ವಾ॒ಯುಷ್ಟ್ವಾ॑ ಪಚ॒ತೈರ॑ವ॒ತ್ವಸಿ॑ತಗ್ರೀವ॒ಶ್ಛಾಗೈ॑ರ್ನ್ಯ॒ಗ್ರೋಧ॑ಶ್ಚಮ॒ಸೈಃ ಶ॑ಲ್ಮ॒ಲಿರ್ವೃದ್ಧ್ಯಾ॑ ।
ಏ॒ಷ ಸ್ಯ ರಾ॒ಥ್ಯೋ ವೃಷಾ॑ ಪ॒ಡ್ಭಿಶ್ಚ॒ತುರ್ಭಿ॒ರೇದ॑ಗನ್ಬ್ರ॒ಹ್ಮಾ ಕೃ॑ಷ್ಣಶ್ಚ ನೋಽವತು॒ ನಮೋ॒ಽಗ್ನಯೇ॑ ॥ ೧೩ ॥
ಸᳪಶಿ॑ತೋ ರ॒ಶ್ಮಿನಾ॒ ರಥ॒: ಸᳪಶಿ॑ತೋ ರ॒ಶ್ಮಿನಾ॒ ಹಯ॑: ।
ಸᳪಶಿ॑ತೋ ಅ॒ಪ್ಸ್ವ॒ಪ್ಸು॒ಜಾ ಬ್ರ॒ಹ್ಮಾ ಸೋಮ॑ಪುರೋಗವಃ ॥ ೧೪ ॥
ಸ್ವ॒ಯಂ ವಾ॑ಜಿಁಸ್ತ॒ನ್ವಂ॒ ಕಲ್ಪಯಸ್ವ ಸ್ವ॒ಯಂ ಯ॑ಜಸ್ವ ಸ್ವ॒ಯಂ ಜು॑ಷಸ್ವ । ಮ॒ಹಿ॒ಮಾ ತೇ॒ಽನ್ಯೇನ॒ ನ ಸ॒ನ್ನಶೇ॑ ॥ ೧೫ ॥
ನ ವಾ ಉ॑ ಏ॒ತನ್ಮ್ರಿ॑ಯಸೇ॒ ನ ರಿ॑ಷ್ಯಸಿ ದೇ॒ವಾಁ೨ ಇದೇ॑ಷಿ ಪ॒ಥಿಭಿ॑: ಸು॒ಗೇಭಿ॑: ।
ಯತ್ರಾಸ॑ತೇ ಸು॒ಕೃತೋ॒ ಯತ್ರ॒ ತೇ ಯ॒ಯುಸ್ತತ್ರ॑ ತ್ವಾ ದೇ॒ವಃ ಸ॑ವಿ॒ತಾ ದ॑ಧಾತು ॥ ೧೬ ॥
ಅ॒ಗ್ನಿಃ ಪ॒ಶುರಾ॑ಸೀ॒ತ್ತೇನಾ॑ಯಜನ್ತ॒ ಸ ಏ॒ತಁಲ್ಲೋ॒ಕಮ॑ಜಯ॒ದ್ಯಸ್ಮಿ॑ನ್ನ॒ಗ್ನಿಃ ಸ ತೇ॑ ಲೋ॒ಕೋ ಭ॑ವಿಷ್ಯತಿ॒ ತಂ ಜೇ॑ಷ್ಯಸಿ॒ ಪಿಬೈ॒ತಾ ಅ॒ಪಃ ।
ವಾ॒ಯುಃ ಪ॒ಶುರಾ॑ಸೀ॒ತ್ತೇನಾ॑ಯಜನ್ತ॒ ಸ ಏ॒ತಁಲ್ಲೋ॒ಕಮ॑ಜಯ॒ದ್ಯಸ್ಮಿ॑ನ್ವಾ॒ಯುಃ ಸ ತೇ॑ ಲೋ॒ಕೋ ಭ॑ವಿಷ್ಯತಿ॒ ತಂ ಜೇ॑ಷ್ಯಸಿ॒ ಪಿಬೈ॒ತಾ ಅ॒ಪಃ ।
ಸೂರ್ಯ॑: ಪ॒ಶುರಾ॑ಸೀ॒ತ್ತೇನಾ॑ಯಜನ್ತ॒ ಸ ಏ॒ತಁಲ್ಲೋ॒ಕಮ॑ಜಯ॒ದ್ಯಸ್ಮಿ॒ನ್ತ್ಸೂರ್ಯ॒: ಸ ತೇ॑ ಲೋ॒ಕೋ ಭ॑ವಿಷ್ಯತಿ॒ ತಂ ಜೇ॑ಷ್ಯಸಿ॒ ಪಿಬೈ॒ತಾ ಅ॒ಪಃ ॥ ೧೭ ॥
ಪ್ರಾ॒ಣಾಯ॒ ಸ್ವಾಹಾ॑ ಽಪಾ॒ನಾಯ॒ ಸ್ವಾಹಾ॑ ವ್ಯಾ॒ನಾಯ॒ ಸ್ವಾಹಾ॑ ।
ಅಮ್ಬೇ॒ ಅಮ್ಬಿ॒ಕೇಽಮ್ಬಾ॑ಲಿಕೇ॒ ನ ಮಾ॑ ನಯತಿ॒ ಕಶ್ಚ॒ನ ।
ಸಸ॑ಸ್ತ್ಯಶ್ವ॒ಕಃ ಸುಭ॑ದ್ರಿಕಾಂ ಕಾಮ್ಪೀಲವಾ॒ಸಿನೀ॑ಮ್ ॥ ೧೮ ॥
ಗ॒ಣಾನಾಂ॑ ತ್ವಾ ಗ॒ಣಪ॑ತಿᳪ ಹವಾಮಹೇ ಪ್ರಿ॒ಯಾಣಾಂ॑ ತ್ವಾ ಪ್ರಿ॒ಯಪ॑ತಿᳪ ಹವಾಮಹೇ ನಿ॒ಧೀನಾಂ॑ ತ್ವಾ॑ ನಿಧಿ॒ಪತಿ॑ᳪ ಹವಾಮಹೇ ವಸೋ ಮಮ ।
ಆಹಮ॑ಜಾನಿ ಗರ್ಭ॒ಧಮಾ ತ್ವಮ॑ಜಾಸಿ ಗರ್ಭ॒ಧಮ್ ॥ ೧೯ ॥
ತಾ ಉ॒ಭೌ ಚ॒ತುರ॑: ಪ॒ದಃ ಸಂ॒ಪ್ರಸಾ॑ರಯಾವ ಸ್ವ॒ರ್ಗೇ ಲೋ॒ಕೇ ಪ್ರೋರ್ಣು॑ವಾಥಾಂ॒ ವೃಷಾ॑ ವಾ॒ಜೀ ರೇ॑ತೋ॒ಧಾ ರೇತೋ॑ ದಧಾತು ॥ ೨೦ ॥
ಉತ್ಸ॑ಕ್ಥ್ಯಾ॒ ಅವ॑ ಗು॒ದಂ ಧೇ॑ಹಿ॒ ಸಮ॒ಞ್ಜಿಂ ಚಾ॑ರಯಾ ವೃಷನ್ । ಯ ಸ್ತ್ರೀ॒ಣಾಂ ಜೀ॑ವ॒ಭೋಜ॑ನಃ ॥ ೨೧ ॥
ಯ॒ಕಾಸ॒ಕೌ ಶ॑ಕುನ್ತಿ॒ಕಾಽಽಹಲ॒ಗಿತಿ॒ ವಞ್ಚ॑ತಿ । ಆಹ॑ನ್ತಿ ಗ॒ಭೇ ಪಸೋ॒ ನಿಗ॑ಲ್ಗಲೀತಿ॒ ಧಾರ॑ಕಾ ॥ ೨೨ ॥
ಯ॒ಕೋ॒ಽಸ॒ಕೌ ಶ॑ಕುನ್ತ॒ಕ ಆ॒ಹಲ॒ಗಿತಿ॒ ವಞ್ಚ॑ತಿ । ವಿವ॑ಕ್ಷತ ಇವ ತೇ॒ ಮುಖ॒ಮಧ್ವ॑ರ್ಯೋ॒ ಮಾ ನ॒ಸ್ತ್ವಮ॒ಭಿ ಭಾ॑ಷಥಾಃ ॥ ೨೩ ॥
ಮಾ॒ತಾ ಚ॑ ತೇ ಪಿ॒ತಾ ಚ॒ ತೇಽಗ್ರಂ॑ ವೃ॒ಕ್ಷಸ್ಯ॑ ರೋಹತಃ । ಪ್ರತಿ॑ಲಾ॒ಮೀತಿ॑ ತೇ ಪಿ॒ತಾ ಗ॒ಭೇ ಮು॒ಷ್ಟಿಮ॑ತᳪಸಯತ್ ॥ ೨೪ ॥
ಮಾ॒ತಾ ಚ॑ ತೇ ಪಿ॒ತಾ ಚ॒ ತೇಽಗ್ರೇ॑ ವೃ॒ಕ್ಷಸ್ಯ॑ ಕ್ರೀಡತಃ । ವಿವ॑ಕ್ಷತ ಇವ ತೇ॒ ಮುಖಂ॒ ಬ್ರಹ್ಮ॒ನ್ಮಾ ತ್ವಂ ವ॑ದೋ ಬ॒ಹು ॥ ೨೫ ॥
ಊ॒ರ್ಧ್ವಮೇ॑ನಾ॒ಮುಚ್ಛ್ರಾ॑ಪಯ ಗಿ॒ರೌ ಭಾ॒ರᳪ ಹರ॑ನ್ನಿವ । ಅಥಾ॑ಸ್ಯೈ॒ ಮಧ್ಯ॑ಮೇಧತಾᳪ ಶೀ॒ತೇ ವಾತೇ॑ ಪು॒ನನ್ನಿ॑ವ ॥ ೨೬ ॥
ಊ॒ರ್ಧ್ವಮೇ॑ನ॒ಮುಚ್ಛ್ರ॑ಯತಾದ್ಗಿ॒ರೌ ಭಾ॒ರᳪ ಹರ॑ನ್ನಿವ । ಅಥಾ॑ಸ್ಯ॒ ಮಧ್ಯ॑ಮೇಜತು ಶೀ॒ತೇ ವಾತೇ॑ ಪು॒ನನ್ನಿ॑ವ ॥ ೨೭ ॥
ಯದ॑ಸ್ಯಾ ಅᳪಹು॒ಭೇದ್ಯಾ॑: ಕೃ॒ಧು ಸ್ಥೂ॒ಲಮು॒ಪಾತ॑ಸತ್ । ಮು॒ಷ್ಕಾವಿದ॑ಸ್ಯಾ ಏಜತೋ ಗೋಶ॒ಫೇ ಶ॑ಕು॒ಲಾವಿ॑ವ ॥ ೨೮ ॥
ಯದ್ದೇ॒ವಾಸೋ॑ ಲ॒ಲಾಮ॑ಗುಂ॒ ಪ್ರ ವಿ॑ಷ್ಟೀ॒ಮಿನ॒ಮಾವಿ॑ಷುಃ । ಸ॒ಕ್ಥ್ನಾ ದೇ॑ದಿಶ್ಯತೇ॒ ನಾರೀ॑ ಸ॒ತ್ಯಸ್ಯಾ॑ಕ್ಷಿ॒ಭುವೋ॒ ಯಥಾ॑ ॥ ೨೯ ॥
ಯದ್ಧ॑ರಿ॒ಣೋ ಯವ॒ಮತ್ತಿ॒ ನ ಪು॒ಷ್ಟಂ ಪ॒ಶು ಮನ್ಯ॑ತೇ । ಶೂ॒ದ್ರಾ ಯದರ್ಯ॑ಜಾರಾ॒ ನ ಪೋಷಾ॑ಯ ಧನಾಯತಿ ॥ ೩೦ ॥
ಯದ್ಧ॑ರಿ॒ಣೋ ಯವ॒ಮತ್ತಿ॒ ನ ಪು॒ಷ್ಟಂ ಬ॒ಹು ಮನ್ಯ॑ತೇ । ಶೂ॒ದ್ರೋ ಯದರ್ಯಾ॑ಯೈ ಜಾ॒ರೋ ನ ಪೋಷ॒ಮನು॑ ಮನ್ಯತೇ ॥ ೩೧ ॥
ದ॒ಧಿ॒ಕ್ರಾವ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನ॑: ।
ಸು॒ರ॒ಭಿ ನೋ॒ ಮುಖಾ॑ ಕರ॒ತ್ಪ್ರ ಣ॒ ಆಯೂ॑ᳪಷಿ ತಾರಿಷತ್ ॥ ೩೨ ॥
ಗಾ॒ಯ॒ತ್ರೀ ತ್ರಿ॒ಷ್ಟುಬ್ಜಗ॑ತ್ಯನು॒ಷ್ಟುಪ್ಪ॒ಙ್ಕ್ತ್ಯಾ ಸ॒ಹ । ಬೃ॒ಹ॒ತ್ಯುಷ್ಣಿಹಾ॑ ಕ॒ಕುಪ್ಸೂ॒ಚೀಭಿ॑: ಶಮ್ಯನ್ತು ತ್ವಾ ॥ ೩೩ ॥
ದ್ವಿಪ॑ದಾ॒ ಯಾಶ್ಚತು॑ಷ್ಪದಾ॒ಸ್ತ್ರಿಪ॑ದಾ॒ ಯಾಶ್ಚ॒ ಷಟ್ಪ॑ದಾಃ ।
ವಿಚ್ಛ॑ನ್ದಾ॒ ಯಾಶ್ಚ॒ ಸಚ್ಛ॑ನ್ದಾಃ ಸೂ॒ಚೀಭಿ॑: ಶಮ್ಯನ್ತು ತ್ವಾ ॥ ೩೪ ॥
ಮ॒ಹಾನಾ॑ಮ್ನ್ಯೋ ರೇ॒ವತ್ಯೋ॒ ವಿಶ್ವಾ॒ ಆಶಾ॑: ಪ್ರ॒ಭೂವ॑ರೀಃ ।
ಮೈಘೀ॑ರ್ವಿ॒ದ್ಯುತೋ॒ ವಾಚ॑: ಸೂ॒ಚೀಭಿ॑: ಶಮ್ಯನ್ತು ತ್ವಾ ॥ ೩೫ ॥
ನಾರ್ಯ॑ಸ್ತೇ॒ ಪತ್ನ್ಯೋ॒ ಲೋಮ॒ ವಿಚಿ॑ನ್ವನ್ತು ಮನೀ॒ಷಯಾ॑ ।
ದೇ॒ವಾನಾಂ॒ ಪತ್ನ್ಯೋ॒ ದಿಶ॑: ಸೂ॒ಚೀಭಿ॑: ಶಮ್ಯನ್ತು ತ್ವಾ ॥ ೩೬ ॥
ರ॒ಜ॒ತಾ ಹರಿ॑ಣೀ॒: ಸೀಸಾ॒ ಯುಜೋ॑ ಯುಜ್ಯನ್ತೇ॒ ಕರ್ಮ॑ಭಿಃ ।
ಅಶ್ವ॑ಸ್ಯ ವಾ॒ಜಿನ॑ಸ್ತ್ವ॒ಚಿ ಸಿಮಾ॑: ಶಮ್ಯನ್ತು॒ ಶಮ್ಯ॑ನ್ತೀಃ ॥ ೩೭ ॥
ಕು॒ವಿದ॒ಙ್ಗ ಯವ॑ಮನ್ತೋ॒ ಯವ॑ಞ್ಚಿ॒ದ್ಯಥಾ॒ ದಾನ್ತ್ಯ॑ನುಪೂ॒ರ್ವಂ ವಿ॒ಯೂಯ॑ ।
ಇ॒ಹೇಹೈ॑ಷಾಂ ಕೃಣುಹಿ॒ ಭೋಜ॑ನಾನಿ॒ ಯೇ ಬ॒ರ್ಹಿಷೋ॒ ನಮ॑ ಉಕ್ತಿಂ॒ ಯಜ॑ನ್ತಿ ॥ ೩೮ ॥
ಕಸ್ತ್ವಾ ಛ್ಯ॑ತಿ॒ ಕಸ್ತ್ವಾ॒ ವಿಶಾ॑ಸ್ತಿ॒ ಕಸ್ತೇ॒ ಗಾತ್ರಾ॑ಣಿ ಶಮ್ಯತಿ । ಕ ಉ॑ ತೇ ಶಮಿ॒ತಾ ಕ॒ವಿಃ ॥ ೩೯ ॥
ಋ॒ತವ॑ಸ್ತ ಋತು॒ಥಾ ಪರ್ವ॑ ಶಮಿ॒ತಾರೋ॒ ವಿ ಶಾ॑ಸತು । ಸಂ॒ವ॒ತ್ಸ॒ರಸ್ಯ॒ ತೇಜ॑ಸಾ ಶ॒ಮೀಭಿ॑: ಶಮ್ಯನ್ತು ತ್ವಾ ॥ ೪೦ ॥
ಅ॒ರ್ಧ॒ಮಾ॒ಸಾಃ ಪರೂ॑ᳪಷಿ ತೇ॒ ಮಾಸಾ॒ ಆ ಚ್ಛ್ಯ॑ನ್ತು॒ ಶಮ್ಯ॑ನ್ತಃ । ಅ॒ಹೋ॒ರಾ॒ತ್ರಾಣಿ॑ ಮ॒ರುತೋ॒ ವಿಲಿ॑ಷ್ಟᳪ ಸೂದಯನ್ತು ತೇ ॥ ೪೧ ॥
ದೈವ್ಯಾ॑ ಅಧ್ವ॒ರ್ಯವ॒ಸ್ತ್ವಾ ಚ್ಛ್ಯ॑ನ್ತು॒ ವಿ ಚ॑ ಶಾಸತು । ಗಾತ್ರಾ॑ಣಿ ಪರ್ವ॒ಶಸ್ತೇ॒ ಸಿಮಾ॑: ಕೃಣ್ವನ್ತು॒ ಶಮ್ಯ॑ನ್ತೀಃ ॥ ೪೨ ॥
ದ್ಯೌ॑ಸ್ತೇ ಪೃಥಿ॒ವ್ಯನ್ತರಿ॑ಕ್ಷಂ ವಾ॒ಯುಶ್ಛಿ॒ದ್ರಂ ಪೃ॑ಣಾತು ತೇ । ಸೂರ್ಯ॑ಸ್ತೇ॒ ನಕ್ಷ॑ತ್ರೈಃ ಸ॒ಹ ಲೋ॒ಕಂ ಕೃ॑ಣೋತು ಸಾಧು॒ಯಾ ॥ ೪೩ ॥
ಶಂ ತೇ॒ ಪರೇ॑ಭ್ಯೋ॒ ಗಾತ್ರೇ॑ಭ್ಯ॒: ಶಮ॒ಸ್ತ್ವವ॑ರೇಭ್ಯಃ । ಶಮ॒ಸ್ಥಭ್ಯೋ॑ ಮ॒ಜ್ಜಭ್ಯ॒: ಶಮ್ವ॑ಸ್ತು ತ॒ನ್ವೈ ತವ॑ ॥ ೪೪ ॥
ಕಃ ಸ್ವಿ॑ದೇಕಾ॒ಕೀ ಚ॑ರತಿ॒ ಕ ಉ॑ ಸ್ವಿಜ್ಜಾಯತೇ॒ ಪುನ॑: । ಕಿᳪ ಸ್ವಿ॑ದ್ಧಿ॒ಮಸ್ಯ॑ ಭೇಷ॒ಜಂ ಕಿಮ್ವಾ॒ವಪ॑ನಂ ಮ॒ಹತ್ ॥ ೪೫ ॥
ಸೂರ್ಯ॑ ಏಕಾ॒ಕೀ ಚ॑ರತಿ ಚ॒ನ್ದ್ರಮಾ॑ ಜಾಯತೇ॒ ಪುನ॑: । ಅ॒ಗ್ನಿರ್ಹಿ॒ಮಸ್ಯ॑ ಭೇಷ॒ಜಂ ಭೂಮಿ॑ರಾ॒ವಪ॑ನಂ ಮ॒ಹತ್ ॥ ೪೬ ॥
ಕಿᳪ ಸ್ವಿ॒ತ್ಸೂರ್ಯ॑ಸಮಂ॒ ಜ್ಯೋತಿ॒: ಕಿᳪ ಸ॑ಮು॒ದ್ರಸ॑ಮ॒ᳪ ಸರ॑: । ಕಿᳪ ಸ್ವಿ॑ತ್ಪೃಥಿ॒ವ್ಯೈ ವರ್ಷೀ॑ಯ॒: ಕಸ್ಯ॒ ಮಾತ್ರಾ॒ ನ ವಿ॑ದ್ಯತೇ ॥ ೪೭ ॥
ಬ್ರಹ್ಮ॒ ಸೂರ್ಯ॑ಸಮಂ॒ ಜ್ಯೋತಿ॒ರ್ದ್ಯೌಃ ಸ॑ಮು॒ದ್ರಸ॑ಮ॒ᳪ ಸರ॑: । ಇನ್ದ್ರ॑: ಪೃಥಿವ್ಯೈ॒ ವರ್ಷೀ॑ಯಾ॒ನ್ ಗೋಸ್ತು ಮಾತ್ರಾ॒ ನ ವಿ॑ದ್ಯತೇ ॥ ೪೮ ॥
ಪೃ॒ಚ್ಛಾಮಿ॑ ತ್ವಾ ಚಿ॒ತಯೇ॑ ದೇವಸಖ॒ ಯದಿ॒ ತ್ವಮತ್ರ॒ ಮನ॑ಸಾ ಜ॒ಗನ್ಥ॑ ।
ಯೇಷು॒ ವಿಷ್ಣು॑ಸ್ತ್ರಿ॒ಷು ಪ॒ದೇಷ್ವೇಷ್ಟ॒ಸ್ತೇಷು॒ ವಿಶ್ವಂ॒ ಭುವ॑ನ॒ಮಾ ವಿ॑ವೇಶಾ೩ ॥ ೪೯ ॥
ಅಪಿ॒ ತೇಷು॑ ತ್ರಿ॒ಷು ಪ॒ದೇಷ್ವ॑ಸ್ಮಿ॒ ಯೇಷು॒ ವಿಶ್ವಂ॒ ಭುವ॑ನಮಾ ವಿ॒ವೇಶ॑ ।
ಸ॒ದ್ಯಃ ಪರ್ಯೇ॑ಮಿ ಪೃಥಿ॒ವೀಮು॒ತ ದ್ಯಾಮೇಕೇ॒ನಾಙ್ಗೇ॑ನ ದಿ॒ವೋ ಅ॒ಸ್ಯ ಪೃ॒ಷ್ಠಮ್ ॥ ೫೦ ॥
ಕೇಷ್ವ॒ನ್ತಃ ಪುರು॑ಷ॒ ಆ ವಿ॑ವೇಶ॒ ಕಾನ್ಯ॒ನ್ತಃ ಪುರು॑ಷೇ॒ ಅರ್ಪಿ॑ತಾನಿ ।
ಏ॒ತದ್ಬ್ರ॑ಹ್ಮ॒ನ್ನುಪ॑ ವಲ್ಹಾಮಸಿ ತ್ವಾ॒ ಕಿᳪ ಸ್ವಿ॑ನ್ನ॒: ಪ್ರತಿ॑ ವೋಚಾ॒ಸ್ಯತ್ರ॑ ॥ ೫೧ ॥
ಪ॒ಞ್ಚಸ್ವ॒ನ್ತಃ ಪುರು॑ಷ॒ ಆ ವಿ॑ವೇಶ॒ ತಾನ್ಯ॒ನ್ತಃ ಪುರು॑ಷೇ॒ ಅರ್ಪಿ॑ತಾನಿ ।
ಏ॒ತತ್ತ್ವಾತ್ರ॑ ಪ್ರತಿಮನ್ವಾ॒ನೋ ಅ॑ಸ್ಮಿ॒ ನ ಮಾ॒ಯಯಾ॑ ಭವ॒ಸ್ಯುತ್ತ॑ರೋ॒ ಮತ್ ॥ ೫೨ ॥
ಕಾ ಸ್ವಿ॑ದಾಸೀತ್ಪೂ॒ರ್ವಚಿ॑ತ್ತಿ॒: ಕಿᳪ ಸ್ವಿ॑ದಾಸೀದ್ ಬೃ॒ಹದ್ವಯ॑: ।
ಕಾ ಸ್ವಿ॑ದಾಸೀತ್ಪಿಲಿಪ್ಪಿ॒ಲಾ ಕಾ ಸ್ವಿ॑ದಾಸೀತ್ಪಿಶಙ್ಗಿ॒ಲಾ ॥ ೫೩ ॥
ದ್ಯೌ॑ರಾಸೀತ್ಪೂ॒ರ್ವಚಿ॑ತ್ತಿ॒ರಶ್ವ॑ ಆಸೀದ್ ಬೃ॒ಹದ್ವಯ॑: ।
ಅವಿ॑ರಾಸೀತ್ಪಿಲಿಪ್ಪಿ॒ಲಾ ರಾತ್ರಿ॑ರಾಸೀತ್ಪಿಶಙ್ಗಿ॒ಲಾ ॥ ೫೪ ॥
ಕಾ ಈ॑ಮರೇ ಪಿಶಙ್ಗಿ॒ಲಾ ಕಾ ಈಂ॑ ಕುರುಪಿಶಙ್ಗಿ॒ಲಾ ।
ಕ ಈ॑ಮಾ॒ಸ್ಕನ್ದ॑ಮರ್ಷತಿ॒ ಕ ಈಂ॒ ಪನ್ಥಾಂ॒ ವಿ ಸ॑ರ್ಪತಿ ॥ ೫೫ ॥
ಅ॒ಜಾರೇ॑ ಪಿಶಙ್ಗಿ॒ಲಾ ಶ್ವಾ॒ವಿತ್ಕು॑ರುಪಿಶಙ್ಗಿ॒ಲಾ ।
ಶ॒ಶ ಆ॒ಸ್ಕನ್ದ॑ಮರ್ಷ॒ತ್ಯಹಿ॒: ಪನ್ಥಾಂ॒ ವಿ ಸ॑ರ್ಪತಿ ॥ ೫೬ ॥
ಕತ್ಯ॑ಸ್ಯ ವಿ॒ಷ್ಠಾಃ ಕತ್ಯ॒ಕ್ಷರಾ॑ಣಿ॒ ಕತಿ॒ ಹೋಮಾ॑ಸಃ ಕತಿ॒ಧಾ ಸಮಿ॑ದ್ಧಃ ।
ಯ॒ಜ್ಞಸ್ಯ॑ ತ್ವಾ ವಿ॒ದಥಾ॑ ಪೃಚ್ಛ॒ಮತ್ರ॒ ಕತಿ॒ ಹೋತಾ॑ರ ಋತು॒ಶೋ ಯ॑ಜನ್ತಿ ॥ ೫೭ ॥
ಷಡ॑ಸ್ಯ ವಿ॒ಷ್ಠಾಃ ಶ॒ತಮ॒ಕ್ಷರಾ॑ಣ್ಯಶೀ॒ತಿರ್ಹೋಮಾ॑: ಸ॒ಮಿಧೋ॑ ಹ ತಿ॒ಸ್ರಃ ।
ಯ॒ಜ್ಞಸ್ಯ॑ ತೇ ವಿ॒ದಥಾ॒ ಪ್ರ ಬ್ರ॑ವೀಮಿ ಸ॒ಪ್ತ ಹೋತಾ॑ರ ಋತು॒ಶೋ ಯ॑ಜನ್ತಿ ॥ ೫೮ ॥
ಕೋ ಅ॒ಸ್ಯ ವೇ॑ದ॒ ಭುವ॑ನಸ್ಯ॒ ನಾಭಿಂ॒ ಕೋ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷಮ್ ।
ಕಃ ಸೂರ್ಯ॑ಸ್ಯ ವೇದ ಬೃಹ॒ತೋ ಜ॒ನಿತ್ರಂ॒ ಕೋ ವೇ॑ದ ಚ॒ನ್ದ್ರಮ॑ಸಂ ಯತೋ॒ಜಾಃ ॥ ೫೯ ॥
ವೇದಾ॒ಹಮ॒ಸ್ಯ ಭುವ॑ನಸ್ಯ॒ ನಾಭಿಂ॒ ವೇದ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷಮ್ ।
ವೇದ॒ ಸೂರ್ಯ॑ಸ್ಯ ಬೃಹ॒ತೋ ಜ॒ನಿತ್ರ॒ಮಥೋ॑ ವೇದ ಚ॒ನ್ದ್ರಮ॑ಸಂ ಯತೋ॒ಜಾಃ ॥ ೬೦ ॥
ಪೃ॒ಚ್ಛಾಮಿ॑ ತ್ವಾ॒ ಪರ॒ಮನ್ತಂ॑ ಪೃಥಿ॒ವ್ಯಾಃ ಪೃ॒ಚ್ಛಾಮಿ॒ ಯತ್ರ॒ ಭುವ॑ನಸ್ಯ॒ ನಾಭಿ॑: ।
ಪೃ॒ಚ್ಛಾಮಿ॑ ತ್ವಾ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತ॑: ಪೃ॒ಚ್ಛಾಮಿ॑ ವಾ॒ಚಃ ಪ॑ರ॒ಮಂ ವ್ಯೋ॑ಮ ॥ ೬೧ ॥
ಇ॒ಯಂ ವೇದಿ॒: ಪರೋ॒ ಅನ್ತ॑: ಪೃಥಿ॒ವ್ಯಾ ಅ॒ಯಂ ಯ॒ಜ್ಞೋ ಭುವ॑ನಸ್ಯ॒ ನಾಭಿ॑: ।
ಅ॒ಯᳪ ಸೋಮೋ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತೋ॑ ಬ್ರ॒ಹ್ಮಾಯಂ ವಾ॒ಚಃ ಪ॑ರ॒ಮಂ ವ್ಯೋ॑ಮ ॥ ೬೨ ॥
ಸು॒ಭೂಃ ಸ್ವ॑ಯ॒ಮ್ಭೂಃ ಪ್ರ॑ಥ॒ಮೋಽನ್ತರ್ಮ॑ಹ॒ತ್ಯ॒ರ್ಣ॒ವೇ । ದ॒ಧೇ ಹ॒ ಗರ್ಭ॑ಮೃ॒ತ್ವಿಯಂ॒ ಯತೋ॑ ಜಾ॒ತಃ ಪ್ರ॒ಜಾಪ॑ತಿಃ ॥ ೬೩ ॥
ಹೋತಾ॑ ಯಕ್ಷತ್ಪ್ರ॒ಜಾಪ॑ತಿ॒ᳪ ಸೋಮ॑ಸ್ಯ ಮಹಿ॒ಮ್ನಃ । ಜು॒ಷತಾಂ॒ ಪಿಬ॑ತು॒ ಸೋಮ॒ᳪ ಹೋತ॒ರ್ಯಜ॑ ॥ ೬೪ ॥
ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ರೂ॒ಪಾಣಿ॒ ಪರಿ॒ ತಾ ಬ॑ಭೂವ ।
ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯᳪ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ೬೫ ॥
ಅಧ್ಯಾಯ ೨೪
ಅಶ್ವ॑ಸ್ತೂಪ॒ರೋ ಗೋ॑ಮೃ॒ಗಸ್ತೇ ಪ್ರಾ॑ಜಾಪ॒ತ್ಯಾಃ ಕೃ॒ಷ್ಣಗ್ರೀ॑ವ ಆಗ್ನೇ॒ಯೋ ರ॒ರಾಟೇ॑ ಪು॒ರಸ್ತಾ॑ತ್ಸಾರಸ್ವ॒ತೀ ಮೇ॒ಷ್ಯಧಸ್ತಾ॒ದ್ಧನ್ವೋ॑ರಾಶ್ವಿ॒ನಾವ॒ಧೋರಾ॑ಮೌ ಬಾ॒ಹ್ವೋಃ ಸೌ॑ಮಾಪೌ॒ಷ್ಣಃ ಶ್ಯಾ॒ಮೋ ನಾಭ್ಯಾ॑ᳪ ಸೌರ್ಯಯಾ॒ಮೌ ಶ್ವೇ॒ತಶ್ಚ॑ ಕೃ॒ಷ್ಣಶ್ಚ॑ ಪಾ॒ರ್ಶ್ವಯೋ॑ಸ್ತ್ವಾ॒ಷ್ಟ್ರೌ ಲೋ॑ಮ॒ಶಸ॑ಕ್ಥೌ ಸ॒ಕ್ಥ್ಯೋರ್ವಾ॑ಯ॒ವ್ಯ॒: ಶ್ವೇ॒ತಃ ಪುಚ್ಛ॒ ಇನ್ದ್ರಾ॑ಯ ಸ್ವಪ॒ಸ್ಯಾ॒ಯ ವೇ॒ಹದ್ವೈ॑ಷ್ಣ॒ವೋ ವಾ॑ಮ॒ನಃ ॥ ೧ ॥
ರೋಹಿ॑ತೋ ಧೂ॒ಮ್ರರೋ॑ಹಿತಃ ಕ॒ರ್ಕನ್ಧು॑ರೋಹಿತ॒ಸ್ತೇ ಸೌ॒ಮ್ಯಾ ಬ॒ಭ್ರುರ॑ರು॒ಣಬ॑ಭ್ರು॒: ಶುಕ॑ಬಭ್ರು॒ಸ್ತೇ ವಾ॑ರು॒ಣಾಃ ಶಿ॑ತಿ॒ರನ್ಧ್ರೋ॒ಽನ್ಯತ॑: ಶಿತಿರನ್ಧ್ರಃ ಸಮ॒ನ್ತಶಿ॑ತಿರನ್ಧ್ರ॒ಸ್ತೇ ಸಾ॑ವಿ॒ತ್ರಾಃ ಶಿ॑ತಿಬಾ॒ಹುರ॒ನ್ಯತ॑: ಶಿತಿಬಾಹು ಸಮ॒ನ್ತಶಿ॑ತಿಬಾಹು॒ಸ್ತೇ ಬಾ॑ರ್ಹಸ್ಪ॒ತ್ಯಾಃ ಪೃಷ॑ತೀ ಕ್ಷು॒ದ್ರಪೃ॑ಷತೀ ಸ್ಥೂ॒ಲಪೃ॑ಷತೀ॒ ತಾ ಮೈ॑ತ್ರಾವರು॒ಣ್ಯ॒: ॥ ೨ ॥
ಶು॒ದ್ಧವಾ॑ಲಃ ಸ॒ರ್ವಶು॑ದ್ಧವಾಲೋ ಮಣಿ॒ವಾಲ॒ಸ್ತ ಆ॑ಶ್ವಿ॒ನಾಃ ಶ್ಯೇತ॑: ಶ್ಯೇತಾ॒ಕ್ಷೋ॒ಽರು॒ಣಸ್ತೇ ರು॒ದ್ರಾಯ॑ ಪಶು॒ಪತ॑ಯೇ ಕ॒ರ್ಣಾ ಯಾ॒ಮಾ ಅ॑ವಲಿ॒ಪ್ತಾ ರೌ॒ದ್ರಾ ನಭೋ॑ರೂಪಾಃ ಪಾರ್ಜ॒ನ್ಯಾಃ ॥ ೩ ॥
ಪೃಶ್ನಿ॑ಸ್ತಿರ॒ಶ್ಚೀನ॑ಪೃಶ್ನಿರೂ॒ರ್ಧ್ವಪೃ॑ಶ್ನಿ॒ಸ್ತೇ ಮಾ॑ರು॒ತಾಃ ಫ॒ಲ್ಗೂರ್ಲೋ॑ಹಿತೋ॒ರ್ಣೀ ಪ॑ಲ॒ಕ್ಷೀ ತಾಃ ಸಾ॑ರಸ್ವ॒ತ್ಯ॒: ಪ್ಲೀಹಾ॒ಕರ್ಣ॑: ಶುಣ್ಠಾ॒ಕರ್ಣೋ॑ಽಧ್ಯಾಲೋಹ॒ಕರ್ಣ॒ಸ್ತೇ ತ್ವಾ॒ಷ್ಟ್ರಾಃ ಕೃ॒ಷ್ಣಗ್ರೀ॑ವಃ ಶಿತಿ॒ಕಕ್ಷೋ॑ಽಞ್ಜಿಸ॒ಕ್ಥಸ್ತ ಐ॑ನ್ದ್ರಾ॒ಗ್ನಾಃ ಕೃ॒ಷ್ಣಾಞ್ಜಿ॒ರಲ್ಪಾ॑ಞ್ಜಿರ್ಮ॒ಹಾಞ್ಜಿ॒ಸ್ತ ಉ॑ಷ॒ಸ್ಯಾ॑: ॥ ೪ ॥
ಶಿ॒ಲ್ಪಾ ವೈ॑ಶ್ವದೇ॒ವ್ಯೋ ರೋಹಿ॑ಣ್ಯ॒ಸ್ತ್ರ್ಯವ॑ಯೋ ವಾ॒ಚೇಽವಿ॑ಜ್ಞಾತಾ॒ ಅದಿ॑ತ್ಯೈ॒ ಸರೂ॑ಪಾ ಧಾ॒ತ್ರೇ ವ॑ತ್ಸತ॒ರ್ಯೋ ದೇ॒ವಾನಾಂ॒ ಪತ್ನೀ॑ಭ್ಯಃ ॥ ೫ ॥
ಕೃ॒ಷ್ಣಗ್ರೀ॑ವಾ ಆಗ್ನೇ॒ಯಾಃ ಶಿ॑ತಿ॒ಭ್ರವೋ॒ ವಸೂ॑ನಾ॒ᳪ ರೋಹಿ॑ತಾ ರು॒ದ್ರಾಣಾ॑ᳪ ಶ್ವೇ॒ತಾ ಅ॑ವರೋ॒ಕಿಣ॑ ಆದಿ॒ತ್ಯಾನಾಂ॒ ನಭೋ॑ರೂಪಾಃ ಪಾರ್ಜ॒ನ್ಯಾಃ ॥ ೬ ॥
ಉ॒ನ್ನ॒ತ ಋ॑ಷ॒ಭೋ ವಾ॑ಮ॒ನಸ್ತ ಐ॑ನ್ದ್ರವೈಷ್ಣ॒ವಾ ಉ॑ನ್ನ॒ತಃ ಶಿ॑ತಿಬಾ॒ಹುಃ ಶಿ॑ತಿಪೃ॒ಷ್ಠಸ್ತ ಐ॑ನ್ದ್ರಾಬಾರ್ಹಸ್ಪ॒ತ್ಯಾಃ ಶುಕ॑ರೂಪಾ ವಾಜಿ॒ನಾಃ ಕ॒ಲ್ಮಾಷಾ॑ ಆಗ್ನಿಮಾರು॒ತಾಃ ಶ್ಯಾ॒ಮಾಃ ಪೌ॒ಷ್ಣಾ: ॥ ೭ ॥
ಏತಾ॑ ಐನ್ದ್ರಾ॒ಗ್ನಾ ದ್ವಿ॑ರೂ॒ಪಾ ಅ॑ಗ್ನೀಷೋ॒ಮೀಯಾ॑ ವಾಮ॒ನಾ ಅ॑ನ॒ಡ್ವಾಹ॑ ಆಗ್ನಾವೈಷ್ಣ॒ವಾ ವ॒ಶಾ ಮೈ॑ತ್ರಾವರು॒ಣ್ಯೋಽನ್ಯತ॑ಏನ್ಯೋ ಮೈ॒ತ್ರ್ಯ॒: ॥ ೮ ॥
ಕೃ॒ಷ್ಣಗ್ರೀ॑ವಾ ಆಗ್ನೇ॒ಯಾ ಬ॒ಭ್ರವ॑: ಸೌ॒ಮ್ಯಾಃ ಶ್ವೇ॒ತಾ ವಾ॑ಯ॒ವ್ಯಾ ಅವಿ॑ಜ್ಞಾತಾ॒ ಅದಿ॑ತ್ಯೈ॒ ಸರೂ॑ಪಾ ಧಾ॒ತ್ರೇ ವ॑ತ್ಸತ॒ರ್ಯೋ॒ ದೇ॒ವಾನಾಂ॒ ಪತ್ನೀ॑ಭ್ಯಃ ॥ ೯ ॥
ಕೃ॒ಷ್ಣಾ ಭೌ॒ಮಾ ಧೂ॒ಮ್ರಾ ಆ॑ನ್ತರಿ॒ಕ್ಷಾ ಬೃ॒ಹನ್ತೋ॑ ದಿ॒ವ್ಯಾಃ ಶ॒ಬಲಾ॑ ವೈದ್ಯು॒ತಾಃ ಸಿ॒ಧ್ಮಾಸ್ತಾ॑ರ॒ಕಾಃ ॥ ೧೦ ॥
ಧೂ॒ಮ್ರಾನ್ವ॑ಸ॒ನ್ತಾಯಾಲ॑ಭತೇ ಶ್ವೇ॒ತಾನ್ಗ್ರೀ॒ಷ್ಮಾಯ॑ ಕೃ॒ಷ್ಣಾನ್ವ॒ರ್ಷಾಭ್ಯೋ॑ಽರು॒ಣಾಞ್ಛ॒ರದೇ॒ ಪೃಷ॑ತೋ ಹೇಮ॒ನ್ತಾಯ॑ ಪಿ॒ಶಙ್ಗಾ॒ಞ್ಛಿಶಿ॑ರಾಯ ॥ ೧೧ ॥
ತ್ರ್ಯವ॑ಯೋ ಗಾಯ॒ತ್ರ್ಯೈ ಪಞ್ಚಾ॑ವಯಸ್ತ್ರಿ॒ಷ್ಟುಭೇ॑ ದಿತ್ಯ॒ವಾಹೋ॒ ಜಗ॑ತ್ಯೈ ತ್ರಿವ॒ತ್ಸಾ ಅ॑ನು॒ಷ್ಟುಭೇ॑ ತುರ್ಯ॒ವಾಹ॑ ಉ॒ಷ್ಣಿಹೇ॑ ॥ ೧೨ ॥
ಪ॒ಷ್ಠ॒ವಾಹೋ॑ ವಿ॒ರಾಜ॑ ಉ॒ಕ್ಷಾಣೋ॑ ಬೃಹ॒ತ್ಯಾ ಋ॑ಷ॒ಭಾಃ ಕ॒ಕುಭೇ॑ಽನ॒ಡ್ವಾಹ॑: ಪ॒ಙ್ಕ್ತ್ಯೈ ಧೇ॒ನವೋ॑ಽತಿಚ್ಛನ್ದಸೇ ॥ ೧೩ ॥
ಕೃ॒ಷ್ಣಗ್ರೀ॑ವಾ ಆಗ್ನೇ॒ಯಾ ಬ॒ಭ್ರವ॑: ಸೌ॒ಮ್ಯಾ ಉ॑ಪಧ್ವ॒ಸ್ತಾಃ ಸಾ॑ವಿ॒ತ್ರಾ ವ॑ತ್ಸತ॒ರ್ಯ॒: ಸಾರಸ್ವ॒ತ್ಯ॒: ಶ್ಯಾ॒ಮಾಃ ಪೌ॒ಷ್ಣಾಃ ಪೃಶ್ನ॑ಯೋ ಮಾರು॒ತಾ ಬ॑ಹುರೂ॒ಪಾ ವೈ॑ಶ್ವದೇ॒ವಾ ವ॒ಶಾ ದ್ಯಾ॑ವಾಪೃಥಿ॒ವೀಯಾ॑: ॥ ೧ ೪ ॥
ಉ॒ಕ್ತಾಃ ಸ॑ಞ್ಚ॒ರಾ ಏತಾ॑ ಐನ್ದ್ರಾ॒ಗ್ನಾಃ ಕೃ॒ಷ್ಣಾಃ ವಾ॑ರು॒ಣಾಃ ಪೃಶ್ನ॑ಯೋ ಮಾರು॒ತಾಃ ಕಾ॒ಯಾಸ್ತೂ॑ಪ॒ರಾಃ ॥ ೧೫ ॥
ಅ॒ಗ್ನಯೇಽನೀ॑ಕವತೇ ಪ್ರಥಮ॒ಜಾನಾಲ॑ಭತೇ ಮ॒ರುದ್ಭ್ಯ॑: ಸಾನ್ತಪ॒ನೇಭ್ಯ॑: ಸವಾ॒ತ್ಯಾನ್ಮ॒ರುದ್ಭ್ಯೋ॑ ಗೃಹಮೇ॒ಧಿಭ್ಯೋ॒ ಬಷ್ಕಿ॑ಹಾನ್ಮ॒ರುದ್ಭ್ಯ॑: ಕ್ರೀ॒ಡಿಭ್ಯ॑: ಸᳪಸೃ॒ಷ್ಟಾನ್ಮ॒ರುದ್ಭ್ಯ॒: ಸ್ವತ॑ವದ್ಭ್ಯೋಽನುಸೃ॒ಷ್ಟಾನ್ ॥ ೧ ೬ ॥
ಉ॒ಕ್ತಾಃ ಸ॑ಞ್ಚ॒ರಾ ಏತಾ॑ ಐನ್ದ್ರಾ॒ಗ್ನಾಃ ಪ್ರಾ॑ಶೃ॒ಙ್ಗಾ ಮಾ॑ಹೇ॒ನ್ದ್ರಾ ಬ॑ಹುರೂ॒ಪಾ ವೈ॑ಶ್ವಕರ್ಮ॒ಣಾಃ ॥ ೧೭ ॥
ಧೂ॒ಮ್ರಾ ಬ॒ಭ್ರುನೀ॑ಕಾಶಾಃ ಪಿತೄ॒ಣಾᳪ ಸೋಮ॑ವತಾಂ ಬ॒ಭ್ರವೋ॑ ಧೂ॒ಮ್ರನೀ॑ಕಾಶಾಃ ಪಿತೄ॒ಣಾಂ ಬ॑ರ್ಹಿ॒ಷದಾಂ॑ ಕೃ॒ಷ್ಣಾ ಬ॒ಭ್ರುನೀ॑ಕಾಶಾಃ ಪಿತೄ॒ಣಾಮ॑ಗ್ನಿಷ್ವಾ॒ತ್ತಾನಾಂ॑ ಕೃ॒ಷ್ಣಾಃ ಪೃಷ॑ನ್ತಸ್ತ್ರೈಯಮ್ಬ॒ಕಾಃ ॥ ೧೮ ॥
ಉ॒ಕ್ತಾಃ ಸ॑ಞ್ಚ॒ರಾ ಏತಾ॑: ಶುನಾಸೀ॒ರೀಯಾ॑: ಶ್ವೇ॒ತಾ ವಾ॑ಯ॒ವ್ಯಾ॒: ಶ್ವೇ॒ತಾಃ ಸೌ॒ರ್ಯಾಃ ॥ ೧೯ ॥
ವ॒ಸ॒ನ್ತಾಯ॑ ಕ॒ಪಿಞ್ಜ॑ಲಾ॒ನಾಲ॑ಭತೇ ಗ್ರೀ॒ಷ್ಮಾಯ॑ ಕಲ॒ವಿಙ್ಕಾ॑ನ್ವ॒ರ್ಷಾಭ್ಯ॑ಸ್ತಿ॒ತ್ತಿರೀ॑ಞ್ಛ॒ರದೇ॒ ವರ್ತಿ॑ಕಾ ಹೇಮ॒ನ್ತಾಯ॒ ಕಕ॑ರಾ॒ಞ್ಛಿಶಿ॑ರಾಯ॒ ವಿಕ॑ಕರಾನ್ ॥ ೨೦ ॥
ಸ॒ಮು॒ದ್ರಾಯ॑ ಶಿಶು॒ಮಾರಾ॒ನಾಲ॑ಭತೇ ಪ॒ರ್ಜನ್ಯಾ॑ಯ ಮ॒ಣ್ಡೂಕಾ॑ನ॒ದ್ಭ್ಯೋ ಮತ್ಸ್ಯಾ॑ನ್ಮಿ॒ತ್ರಾಯ॑ ಕುಲೀ॒ಪಯಾ॒ನ್ವರು॑ಣಾಯ ನಾ॒ಕ್ರಾನ್ ॥ ೨೧ ॥
ಸೋಮಾ॑ಯ ಹ॒ᳪಸಾನಾಲ॑ಭತೇ ವಾ॒ಯವೇ॑ ಬ॒ಲಾಕಾ॑ ಇನ್ದ್ರಾ॒ಗ್ನಿಭ್ಯಾಂ॒ ಕ್ರುಞ್ಚಾ॑ನ್ಮಿ॒ತ್ರಾಯ॑ ಮ॒ದ್ಗೂನ್ವರು॑ಣಾಯ ಚಕ್ರವಾ॒ಕಾನ್ ॥ ೨೨ ॥
ಅ॒ಗ್ನಯೇ॑ ಕು॒ಟರೂ॒ನಾಲ॑ಭತೇ॒ ವನ॒ಸ್ಪತಿ॑ಭ್ಯ॒ ಉಲೂ॑ಕಾನ॒ಗ್ನೀಷೋಮಾ॑ಭ್ಯಾಂ॒ ಚಾಷಾ॑ನ॒ಶ್ವಿಭ್ಯಾಂ॑ ಮ॒ಯೂರಾ॑ನ್ಮಿ॒ತ್ರಾವರು॑ಣಾಭ್ಯಾಂ ಕ॒ಪೋತಾ॑ನ್ ॥ ೨೩ ॥
ಸೋಮಾ॑ಯ ಲ॒ಬಾನಾಲ॑ಭತೇ॒ ತ್ವಷ್ಟ್ರೇ॑ ಕೌಲೀ॒ಕಾನ್ಗೋ॑ಷಾ॒ದೀರ್ದೇ॒ವಾನಾಂ॒ ಪತ್ನೀ॑ಭ್ಯಃ ಕು॒ಲೀಕಾ॑ ದೇವಜಾ॒ಮಿಭ್ಯೋ॒ಽಗ್ನಯೇ॑ ಗೃ॒ಹಪ॑ತಯೇ ಪಾರು॒ಷ್ಣಾನ್ ॥ ೨೪ ॥
ಅಹ್ನೇ॑ ಪಾ॒ರಾವ॑ತಾ॒ನಾಲ॑ಭತೇ॒ ರಾತ್ರ್ಯೈ॑ ಸೀಚಾ॒ಪೂರ॑ಹೋರಾ॒ತ್ರಯೋ॑: ಸ॒ನ್ಧಿಭ್ಯೋ॑ ಜ॒ತೂರ್ಮಾಸೇ॑ಭ್ಯೋ ದಾತ್ಯೌ॒ಹಾನ್ತ್ಸಂ॑ವತ್ಸ॒ರಾಯ॑ ಮಹ॒ತಃ ಸು॑ಪ॒ರ್ಣಾನ್ ॥ ೨೫ ॥
ಭೂಮ್ಯಾ॑ ಆ॒ಖೂನಾಲ॑ಭತೇ॒ಽನ್ತರಿ॑ಕ್ಷಾಯ ಪಾ॒ಙ್ಕ್ತ್ರಾನ್ದಿ॒ವೇ ಕಶಾ॑ನ್ದಿ॒ಗ್ಭ್ಯೋ ನ॑ಕು॒ಲಾನ್ಬಭ್ರು॑ಕಾನವಾನ್ತರದಿ॒ಶಾಭ್ಯ॑: ॥ ೨೬ ॥
ವಸು॑ಭ್ಯ॒ ಋಶ್ಯಾ॒ನಾಲ॑ಭತೇ ರು॒ದ್ರೇಭ್ಯೋ॒ ರುರೂ॑ನಾದಿ॒ತ್ಯೇಭ್ಯೋ॒ ನ್ಯಙ್ಕೂ॒॒ನ್ವಿಶ್ವೇ॑ಭ್ಯೋ ದೇ॒ವೇಭ್ಯ॑: ಪೃಷ॒ತಾನ್ತ್ಸಾ॒ಧ್ಯೇಭ್ಯ॑: ಕುಲು॒ಙ್ಗಾನ್ ॥ ೨೭ ॥
ಈಶಾ॑ನಾಯ॒ ಪರ॑ಸ್ವತ॒ ಆಲ॑ಭತೇ ಮಿ॒ತ್ರಾಯ॑ ಗೌ॒ರಾನ್ವರು॑ಣಾಯ ಮಹಿ॒ಷಾನ್ಬೃಹ॒ಸ್ಪತ॑ಯೇ ಗವ॒ಯಾಁಸ್ತ್ವಷ್ಟ್ರ॒ ಉಷ್ಟ್ರಾ॑ನ್ ॥ ೨೮ ॥
ಪ್ರ॒ಜಾಪ॑ತಯೇ॒ ಪುರು॑ಷಾನ್ಹ॒ಸ್ತಿನ॒ ಆಲ॑ಭತೇ ವಾ॒ಚೇ ಪ್ಲುಷೀಁ॒ಶ್ಚಕ್ಷು॑ಷೇ ಮ॒ಶಕಾ॒ಞ್ಛ್ರೋತ್ರಾ॑ಯ॒ ಭೃಙ್ಗಾ॑: ॥ ೨೯ ॥
ಪ್ರ॒ಜಾಪ॑ತಯೇ ಚ ವಾ॒ಯವೇ॑ ಚ ಗೋಮೃ॒ಗೋ ವರು॑ಣಾಯಾರ॒ಣ್ಯೋ ಮೇ॒ಷೋ ಯ॒ಮಾಯ॒ ಕೃಷ್ಣೋ॑ ಮನುಷ್ಯರಾ॒ಜಾಯ॑ ಮ॒ರ್ಕಟ॑: ಶಾರ್ದೂ॒ಲಾಯ॑ ರೋ॒ಹಿದೃ॑ಷ॒ಭಾಯ॑ ಗವ॒ಯೀ ಕ್ಷಿ॑ಪ್ರಶ್ಯೇ॒ನಾಯ॒ ವರ್ತಿ॑ಕಾ॒ ನೀಲ॑ಙ್ಗೋ॒: ಕೃಮಿ॑: ಸಮು॒ದ್ರಾಯ॑ ಶಿಶು॒ಮಾರೋ॑ ಹಿ॒ಮವ॑ತೇ ಹ॒ಸ್ತೀ ॥ ೩೦ ॥
ಮ॒ಯುಃ ಪ್ರಾ॑ಜಾಪ॒ತ್ಯ ಉ॒ಲೋ ಹ॒ಲಿಕ್ಷ್ಣೋ॑ ವೃಷದ॒ᳪಶಸ್ತೇ ಧಾ॒ತ್ರೇ ದಿ॒ಶಾಂ ಕ॒ಙ್ಕೋ ಧುಙ್ಕ್ಷಾ॑ಗ್ನೇ॒ಯೀ ಕ॑ಲ॒ವಿಙ್ಕೋ॑ ಲೋಹಿತಾ॒ಹಿಃ ಪು॑ಷ್ಕರಸಾ॒ದಸ್ತೇ ತ್ವಾ॒ಷ್ಟ್ರಾ ವಾ॒ಚೇ ಕ್ರುಞ್ಚ॑: ॥ ೩೧ ॥
ಸೋಮಾ॑ಯ ಕುಲು॒ಙ್ಗ ಆ॑ರ॒ಣ್ಯೋಽಜೋ ನ॑ಕು॒ಲಃ ಶಕಾ॒ ತೇ ಪೌ॒ಷ್ಣಾಃ ಕ್ರೋ॒ಷ್ಟಾ ಮಾ॒ಯೋರಿನ್ದ್ರ॑ಸ್ಯ ಗೌರಮೃ॒ಗಃ ಪಿ॒ದ್ವೋ ನ್ಯಙ್ಕು॑: ಕಕ್ಕ॒ಟಸ್ತೇಽನು॑ಮತ್ಯೈ ಪ್ರತಿ॒ಶ್ರುತ್ಕಾ॑ಯೈ ಚಕ್ರವಾ॒ಕಃ ॥ ೩೨ ॥
ಸೌ॒ರೀ ಬ॒ಲಾಕಾ॑ ಶಾ॒ರ್ಗಃ ಸೃ॑ಜ॒ಯಃ ಶ॒ಯಾಣ್ಡ॑ಕ॒ಸ್ತೇ ಮೈ॒ತ್ರಾಃ ಸರ॑ಸ್ವತ್ಯೈ॒ ಶಾರಿ॑: ಪುರುಷ॒ವಾಕ್ ಶ್ವಾ॒ವಿದ್ಭೌ॒ಮೀ ಶಾ॑ರ್ದೂ॒ಲೋ ವೃಕ॒: ಪೃದಾ॑ಕು॒ಸ್ತೇ ಮ॒ನ್ಯವೇ॒ ಸರ॑ಸ್ವತೇ॒ ಶುಕ॑: ಪುರುಷ॒ವಾಕ್ ॥ ೩೩ ॥
ಸು॒ಪ॒ರ್ಣಃ ಪಾ॑ರ್ಜ॒ನ್ಯ ಆ॒ತಿರ್ವಾ॑ಹ॒ಸೋ ದರ್ವಿ॑ದಾ॒ ತೇ ವಾ॒ಯವೇ॒ ಬೃಹ॒ಸ್ಪತ॑ಯೇ ವಾ॒ಚಸ್ಪತ॑ಯೇ ಪೈಙ್ಗರಾ॒ಜೋ॒ಽಲ॒ಜ ಆ॑ನ್ತರಿ॒ಕ್ಷಃ ಪ್ಲ॒ವೋ ಮ॒ದ್ಗುರ್ಮತ್ಸ್ಯ॒ಸ್ತೇ ನ॑ದೀಪ॒ತ॑ಯೇ ದ್ಯಾವಾಪೃಥಿ॒ವೀಯ॑: ಕೂ॒ರ್ಮಃ ॥ ೩೪ ॥
ಪು॒ರು॒ಷ॒ಮೃ॒ಗಶ್ಚ॒ನ್ದ್ರಮ॑ಸೋ ಗೋ॒ಧಾ ಕಾಲ॑ಕಾ ದಾರ್ವಾಘಾ॒ಟಸ್ತೇ ವನ॒ಸ್ಪತೀ॑ನಾಂ ಕೃಕ॒ವಾಕು॑: ಸಾವಿ॒ತ್ರೋ ಹ॒ᳪಸೋ ವಾತ॑ಸ್ಯ ನಾ॒ಕ್ರೋ ಮಕ॑ರಃ ಕುಲೀ॒ಪಯ॒ಸ್ತೇಽಕೂ॑ಪಾರಸ್ಯ ಹ್ರಿ॒ಯೈ ಶಲ್ಯ॑ಕಃ ॥ ೩೫ ॥
ಏ॒ಣ್ಯಹ್ನೋ॑ ಮ॒ಣ್ಡೂಕೋ॒ ಮೂಷಿ॑ಕಾ ತಿ॒ತ್ತಿರಿ॒ಸ್ತೇ ಸ॒ರ್ಪಾಣಾಂ॑ ಲೋಪಾ॒ಶ ಆ॑ಶ್ವಿ॒ನಃ ಕೃಷ್ಣೋ॒ ರಾತ್ರ್ಯಾ॒ ಋಕ್ಷೋ॑ ಜ॒ತೂಃ ಸು॑ಷಿ॒ಲೀಕಾ॒ ತ ಇ॑ತರಜ॒ನಾನಾಂ॒ ಜಹ॑ಕಾ ವೈಷ್ಣ॒ವೀ ॥ ೩೬ ॥
ಅ॒ನ್ಯ॒ವಾ॒ಪೋ॒ಽರ್ಧಮಾ॒ಸಾನಾ॒ಮೃಶ್ಯೋ॑ ಮ॒ಯೂರ॑: ಸುಪ॒ರ್ಣಸ್ತೇ ಗ॑ನ್ಧ॒ರ್ವಾಣಾ॑ಮ॒ಪಾಮು॒ದ್ರೋ ಮಾ॒ಸಾಂ ಕ॒ಶ್ಯಪೋ॑ ರೋ॒ಹಿತ್ಕು॑ಣ್ಡೃ॒ಣಾಚೀ॑ ಗೋ॒ಲತ್ತಿ॑ಕಾ॒ ತೇ॑ಽಪ್ಸ॒ರಸಾಂ॑ ಮೃ॒ತ್ಯವೇ॑ಽಸಿ॒ತಃ ॥ ೩೭ ॥
ವ॒ರ್ಷಾ॒ಹೂರೃ॒ತೂ॒ನಾ॑ಮಾ॒ಖುಃ ಕಶೋ॑ ಮಾನ್ಥಾ॒ಲಸ್ತೇ ಪಿ॑ತೄ॒ಣಾಂ ಬಲಾ॑ಯಾಜಗ॒ರೋ ವಸೂ॑ನಾಂ ಕ॒ಪಿಞ್ಜ॑ಲಃ ಕ॒ಪೋತ॒ ಉಲೂ॑ಕಃ ಶ॒ಶಸ್ತೇ ನಿರೃ॑ತ್ಯೈ॒ ವರು॑ಣಾಯಾರ॒ಣ್ಯೋ ಮೇ॒ಷಃ ॥ ೩೮ ॥
ಶ್ವಿ॒ತ್ರ ಆ॑ದಿ॒ತ್ಯಾನಾ॒ಮುಷ್ಟ್ರೋ॒ ಘೃಣೀ॑ವಾನ್ವಾರ್ಧ್ರೀನ॒ಸಸ್ತೇ ಮ॒ತ್ಯಾ ಅರ॑ಣ್ಯಾಯ ಸೃಮ॒ರೋ ರುರೂ॑ ರೌ॒ದ್ರಃ ಕ್ವಯಿ॑: ಕು॒ಟರು॑ರ್ದಾತ್ಯೌ॒ಹಸ್ತೇ ವಾ॒ಜಿನಾಂ॒ ಕಾಮಾ॑ಯ ಪಿ॒ಕಃ ॥ ೩೯ ॥
ಖ॒ಙ್ಗೋ ವೈ॑ಶ್ವದೇ॒ವಃ ಶ್ವಾ ಕೃ॒ಷ್ಣಃ ಕ॒ರ್ಣೋ ಗ॑ರ್ದ॒ಭಸ್ತ॒ರಕ್ಷು॒ಸ್ತೇ ರಕ್ಷ॑ಸಾ॒ಮಿನ್ದ್ರಾ॑ಯ ಸೂಕ॒ರಃ ಸಿ॒ᳪಹೋ ಮಾ॑ರು॒ತ: ಕೃ॑ಕಲಾ॒ಸಃ ಪಿಪ್ಪ॑ಕಾ ಶ॒ಕುನಿ॒ಸ್ತೇ ಶ॑ರ॒ವ್ಯಾ॒ಯೈ॒ ವಿಶ್ವೇ॑ಷಾಂ ದೇ॒ವಾನಾಂ॑ ಪೃಷ॒ತಃ ॥ ೪೦ ॥
ಅಧ್ಯಾಯ ೨೫
ಶಾದಂ॑ ದ॒ದ್ಭಿರವ॑ಕಾಂ ದನ್ತಮೂಲೈ॒ರ್ಮೃದಂ॒ ಬರ್ಸ್ವೈ॑ಸ್ತೇ॒ಗಾನ್ದᳪಷ್ಟ್ರಾ॑ಭ್ಯಾ॒ᳪ ಸರ॑ಸ್ವತ್ಯಾ ಅಗ್ರಜಿ॒ಹ್ವಂ ಜಿ॒ಹ್ವಾಯಾ॑ ಉತ್ಸಾ॒ದಮ॑ವಕ್ರ॒ನ್ದೇನ॒ ತಾಲು॒ ವಾಜ॒ᳪ ಹನು॑ಭ್ಯಾಮ॒ಪ ಆ॒ಸ್ಯೇ॒ನ॒ ವೃಷ॑ಣಮಾ॒ಣ್ಡಾಭ್ಯಾ॑ಮಾದಿ॒ತ್ಯಾಁ ಶ್ಮಶ್ರು॑ಭಿ॒: ಪನ್ಥಾ॑ನಂ ಭ್ರೂ॒ಭ್ಯಾಂ ದ್ಯಾವಾ॑ಪೃಥಿ॒ವೀ ವರ್ತೋ॑ಭ್ಯಾಂ ವಿ॒ದ್ಯುತಂ॑ ಕ॒ನೀನ॑ಕಾಭ್ಯಾᳪ ಶು॒ಕ್ಲಾಯ॒ ಸ್ವಾಹಾ॑ ಕೃ॒ಷ್ಣಾಯ॒ ಸ್ವಾಹಾ॒ ಪಾರ್ಯಾ॑ಣಿ॒ ಪಕ್ಷ್ಮಾ॑ಣ್ಯವಾ॒ರ್ಯಾ॒ ಇ॒ಕ್ಷವೋ॑ಽವಾ॒ರ್ಯಾ॒ಣಿ॒ ಪಕ್ಷ್ಮಾ॑ಣಿ॒ ಪಾರ್ಯಾ॑ ಇ॒ಕ್ಷವ॑: ॥ ೧ ॥
ವಾತಂ॑ ಪ್ರಾ॒ಣೇನಾ॑ಪಾ॒ನೇನ॒ ನಾಸಿ॑ಕೇ ಉಪಯಾ॒ಮಮಧ॑ರೇ॒ಣೌಷ್ಠೇ॑ನ॒ ಸದುತ್ತ॑ರೇಣ ಪ್ರಕಾ॒ಶೇನಾನ್ತ॑ರಮನೂಕಾ॒ಶೇನ॒ ಬಾಹ್ಯಂ॑ ನಿವೇ॒ಷ್ಯಂ ಮೂ॒ರ್ಧ್ನಾ ಸ್ತ॑ನಯಿ॒ತ್ನುಂ ನಿ॑ರ್ಬಾ॒ಧೇನಾ॒ಶನಿಂ॑ ಮ॒ಸ್ತಿಷ್ಕೇ॑ಣ ವಿ॒ದ್ಯುತಂ॑ ಕ॒ನೀನ॑ಕಾಭ್ಯಾಂ॒ ಕರ್ಣಾ॑ಭ್ಯಾ॒ᳪ ಶ್ರೋತ್ರಁ॒ ಶ್ರೋತ್ರಾ॑ಭ್ಯಾಂ॒ ಕರ್ಣೌ॑ ತೇದ॒ನೀಮ॑ಧರಕ॒ಣ್ಠೇನಾ॒ಪಃ ಶು॑ಷ್ಕಕ॒ಣ್ಠೇನ॑ ಚಿ॒ತ್ತಂ ಮನ್ಯಾ॑ಭಿ॒ರದಿ॑ತಿᳪ ಶೀ॒ರ್ಷ್ಣಾ ನಿರೃ॑ತಿಂ॒ ನಿರ್ಜ॑ರ್ಜಲ್ಯೇನ ಶೀ॒ರ್ಷ್ಣಾ ಸಂ॑ಕ್ರೋಶೈಃ ಪ್ರಾ॒ಣಾನ್ ರೇಷ್ಮಾಣ॑ᳪ ಸ್ತು॒ಪೇನ॑ ॥ ೨ ॥
ಮ॒ಶಕಾ॒ನ್ ಕೇಶೈ॒ರಿನ್ದ್ರ॒ᳪ ಸ್ವಪ॑ಸಾ॒ ವಹೇ॑ನ॒ ಬೃಹ॒ಸ್ಪತಿ॑ᳪ ಶಕುನಿಸಾ॒ದೇನ॑ ಕೂ॒ರ್ಮಾಞ್ಛ॒ಫೈರಾ॒ಕ್ರಮ॑ಣᳪ ಸ್ಥೂ॒ರಾಭ್ಯಾ॑ಮೃ॒ಕ್ಷಲಾ॑ಭಿಃ ಕ॒ಪಿಞ್ಜ॑ಲಾಞ್ಜ॒ವಂ ಜಙ್ಘಾ॑ಭ್ಯಾ॒ಮಧ್ವಾ॑ನಂ ಬಾ॒ಹುಭ್ಯಾಂ॒ ಜಾಮ್ಬೀ॑ಲೇ॒ನಾರ॑ಣ್ಯಮ॒ಗ್ನಿಮ॑ತಿ॒ರುಗ್ಭ್ಯಾಂ॑ ಪೂ॒ಷಣಂ॑ ದೋ॒ರ್ಭ್ಯಾಮ॒ಶ್ವಿನಾ॒ವᳪಸಾ॑ಭ್ಯಾᳪ ರು॒ದ್ರᳪ ರೋರಾ॑ಭ್ಯಾಮ್ ॥ ೩ ॥
ಅ॒ಗ್ನೇಃ ಪ॑ಕ್ಷ॒ತಿರ್ವಾ॒ಯೋರ್ನಿಪ॑ಕ್ಷತಿ॒ರಿನ್ದ್ರ॑ಸ್ಯ ತೃ॒ತೀಯಾ॒ ಸೋಮ॑ಸ್ಯ ಚತು॒ರ್ಥ್ಯದಿ॑ತ್ಯೈ ಪಞ್ಚ॒ಮೀನ್ದ್ರಾ॒ಣ್ಯೈ ಷ॒ಷ್ಠೀ ಮ॒ರುತಾ॑ᳪ ಸಪ್ತ॒ಮೀ ಬೃಹ॒ಸ್ಪತೇ॑ರಷ್ಟ॒ಮ್ಯ॒ರ್ಯ॒ಮ್ಣೋ ನ॑ವ॒ಮೀ ಧಾ॒ತುರ್ದ॑ಶ॒ಮೀನ್ದ್ರ॑ಸ್ಯೈಕಾದ॒ಶೀ ವರು॑ಣಸ್ಯ ದ್ವಾದ॒ಶೀ ಯ॒ಮಸ್ಯ॑ ತ್ರಯೋದ॒ಶೀ ॥ ೪ ॥
ಇ॒ನ್ದ್ರಾ॒ಗ್ನ್ಯೋಃ ಪ॑ಕ್ಷ॒ತಿ: ಸರ॑ಸ್ವತ್ಯೈ॒ ನಿಪ॑ಕ್ಷತಿರ್ಮಿ॒ತ್ರಸ್ಯ॑ ತೃ॒ತೀಯಾ॒ಪಾಂ ಚ॑ತು॒ರ್ಥೀ ನಿರೃ॑ತ್ಯೈ ಪಞ್ಚ॒ಮ್ಯಗ್ನೀಷೋಮ॑ಯೋಃ ಷ॒ಷ್ಠೀ ಸ॒ರ್ಪಾಣಾ॑ᳪ ಸಪ್ತ॒ಮೀ ವಿಷ್ಣೋ॑ರಷ್ಟ॒ಮೀ ಪೂ॒ಷ್ಣೋ ನ॑ವ॒ಮೀ ತ್ವಷ್ಟು॑ರ್ದಶ॒ಮೀನ್ದ್ರ॑ಸ್ಯೈಕಾದ॒ಶೀ ವರು॑ಣಸ್ಯ ದ್ವಾದ॒ಶೀ ಯ॒ಮ್ಯೈ ತ್ರ॑ಯೋದ॒ಶೀ ದ್ಯಾವಾ॑ಪೃಥಿ॒ವ್ಯೋರ್ದಕ್ಷಿ॑ಣಂ ಪಾ॒ರ್ಶ್ವಂ ವಿಶ್ವೇ॑ಷಾಂ ದೇ॒ವಾನಾ॒ಮುತ್ತ॑ರಮ್ ॥ ೫ ॥
ಮ॒ರುತಾ॑ᳪ ಸ್ಕನ್ಧಾ॒ ವಿಶ್ವೇ॑ಷಾಂ ದೇ॒ವಾನಾಂ॑ ಪ್ರಥ॒ಮಾ ಕೀಕ॑ಸಾ ರು॒ದ್ರಾಣಾಂ॑ ದ್ವಿ॒ತೀಯಾ॑ಽಽದಿ॒ತ್ಯಾನಾಂ॑ ತೃ॒ತೀಯಾ॑ ವಾ॒ಯೋಃ ಪುಚ್ಛ॑ಮ॒ಗ್ನೀಷೋಮ॑ಯೋ॒ರ್ಭಾಸ॑ದೌ॒ ಕ್ರುಞ್ಚೌ॒ ಶ್ರೋಣಿ॑ಭ್ಯಾ॒ಮಿನ್ದ್ರಾ॒ಬೃಹ॒ಸ್ಪತೀ॑ ಊ॒ರುಭ್ಯಾಂ॑ ಮಿ॒ತ್ರಾವರು॑ಣಾವ॒ಲ್ಗಾಭ್ಯಾ॑ಮಾ॒ಕ್ರಮ॑ಣᳪ ಸ್ಥೂ॒ರಾಭ್ಯಾಂ॒ ಬಲಂ॒ ಕುಷ್ಠಾ॑ಭ್ಯಾಮ್ ॥ ೬ ॥
ಪೂ॒ಷಣಂ॑ ವನಿ॒ಷ್ಠುನಾ॑ಽನ್ಧಾ॒ಹೀನ್ತ್ಸ್ಥೂ॑ಲಗು॒ದಯಾ॑ ಸ॒ರ್ಪಾನ್ಗುದಾ॑ಭಿರ್ವಿ॒ಹ್ರುತ॑ ಆ॒ನ್ತ್ರೈರ॒ಪೋ ವ॒ಸ್ತಿನಾ॒ ವೃಷ॑ಣಮಾ॒ಣ್ಡಾಭ್ಯಾಂ॒ ವಾಜಿ॑ನ॒ᳪ ಶೇಪೇ॑ನ ಪ್ರ॒ಜಾᳪ ರೇತ॑ಸಾ॒ ಚಾಷಾ॑ನ್ ಪಿ॒ತ್ತೇನ॑ ಪ್ರದ॒ರಾನ್ ಪಾ॒ಯುನಾ॑ ಕೂ॒ಶ್ಮಾಞ್ಛ॑ಕಪಿಣ್ಡೈಃ ॥ ೭ ॥
ಇನ್ದ್ರ॑ಸ್ಯ ಕ್ರೀ॒ಡೋಽದಿ॑ತ್ಯೈ ಪಾಜ॒ಸ್ಯಂ॒ ದಿ॒ಶಾಂ ಜ॒ತ್ರವೋಽದಿ॑ತ್ಯೈ ಭ॒ಸಜ್ಜೀ॒ಮೂತಾ॑ನ್ ಹೃದಯೌಪ॒ಶೇನಾ॒ನ್ತರಿ॑ಕ್ಷಂ ಪುರೀ॒ತತಾ॒ ನಭ॑ ಉದ॒ರ್ಯೇ॒ಣ ಚಕ್ರವಾ॒ಕೌ ಮತ॑ಸ್ನಾಭ್ಯಾಂ॒ ದಿವಂ॑ ವೃ॒ಕ್ಕಾಭ್ಯಾಂ॑ ಗಿ॒ರೀನ್ ಪ್ಲಾ॒ಶಿಭಿ॒ರುಪ॑ಲಾನ್ ಪ್ಲೀ॒ಹ್ನಾ ವ॒ಲ್ಮೀಕಾ॑ನ್ ಕ್ಲೋ॒ಮಭಿ॑ರ್ಗ್ಲೌ॒ಭಿರ್ಗುಲ್ಮಾ॑ನ್ ಹಿ॒ರಾಭಿ॒: ಸ್ರವ॑ನ್ತೀರ್ಹ್ರ॒ದಾನ್ ಕು॒ಕ್ಷಿಭ್ಯಾ॑ᳪ ಸಮು॒ದ್ರಮು॒ದರೇ॑ಣ ವೈಶ್ವಾನ॒ರಂ ಭಸ್ಮ॑ನಾ ॥ ೮ ॥
ವಿಧೃ॑ತಿಂ॒ ನಾಭ್ಯಾ॑ ಧೃ॒ತᳪ ರಸೇ॑ನಾ॒ಪೋ ಯೂ॒ಷ್ಣಾ ಮರೀ॑ಚೀರ್ವಿ॒ಪ್ರುಡ್ಭಿ॑ರ್ನೀಹಾ॒ರಮೂ॒ಷ್ಮಣಾ॑ ಶೀ॒ನಂ ವಸ॑ಯಾ॒ ಪ್ರುಷ್ವಾ॒ ಅಶ್ರು॑ಭಿರ್ಹ್ರಾ॒ದುನೀ॑ರ್ದೂ॒ಷೀಕಾ॑ಭಿರ॒ಸ್ನಾ ರಕ್ಷಾ॑ᳪಸಿ ಚಿ॒ತ್ರಾಣ್ಯಙ್ಗೈ॒ರ್ನಕ್ಷ॑ತ್ರಾಣಿ ರೂ॒ಪೇಣ॑ ಪೃಥಿ॒ವೀಂ ತ್ವ॒ಚಾ ಜು॑ಮ್ಬ॒ಕಾಯ॒ ಸ್ವಾಹಾ॑ ॥ ೯ ॥
ಹಿ॒ರ॒ಣ್ಯ॒ಗ॒ರ್ಭಃ ಸಮ॑ವರ್ತ॒ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ ।
ಸ ದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೧೦ ॥
ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑ ।
ಯ ಈಶೇ॑ ಅ॒ಸ್ಯ ದ್ವಿ॒ಪದ॒ಶ್ಚತು॑ಷ್ಪದ॒: ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೧೧ ॥
ಯಸ್ಯೇ॒ಮೇ ಹಿ॒ಮವ॑ನ್ತೋ ಮಹಿ॒ತ್ವಾ ಯಸ್ಯ॑ ಸಮು॒ದ್ರᳪ ರ॒ಸಯಾ॑ ಸ॒ಹಾಹುಃ ।
ಯಸ್ಯೇ॒ಮಾಃ ಪ್ರ॒ದಿಶೋ॒ ಯಸ್ಯ॑ ಬಾ॒ಹೂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೧೨ ॥
ಯ ಆ॑ತ್ಮ॒ದಾ ಬ॑ಲ॒ದಾ ಯಸ್ಯ॒ ವಿಶ್ವ॑ ಉ॒ಪಾಸ॑ತೇ ಪ್ರ॒ಶಿಷಂ॒ ಯಸ್ಯ॑ ದೇ॒ವಾಃ ।
ಯಸ್ಯ॑ ಛಾ॒ಯಾಮೃತಂ॒ ಯಸ್ಯ॑ ಮೃ॒ತ್ಯುಃ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೧೩ ॥
ಆ ನೋ॑ ಭ॒ದ್ರಾಃ ಕ್ರತ॑ವೋ ಯನ್ತು ವಿ॒ಶ್ವತೋಽದ॑ಬ್ಧಾಸೋ॒ ಅಪ॑ರೀತಾಸ ಉ॒ದ್ಭಿದ॑: ।
ದೇ॒ವಾ ನೋ॒ ಯಥಾ॒ ಸದ॒ಮಿದ್ ವೃ॒ಧೇ ಅಸ॒ನ್ನಪ್ರಾ॑ಯುವೋ ರಕ್ಷಿ॒ತಾರೋ॑ ದಿ॒ವೇ – ದಿ॑ವೇ ॥ ೧೪ ॥
ದೇ॒ವಾನಾಂ॑ ಭ॒ದ್ರಾ ಸು॑ಮ॒ತಿರೃ॑ಜೂಯ॒ತಾಂ ದೇ॒ವಾನಾ॑ᳪ ರಾ॒ತಿರ॒ಭಿ ನೋ॒ ನಿವ॑ರ್ತತಾಮ್ ।
ದೇ॒ವಾನಾ॑ᳪ ಸ॒ಖ್ಯಮುಪ॑ಸೇದಿಮಾ ವ॒ಯಂ ದೇ॒ವಾ ನ॒ ಆಯು॒: ಪ್ರತಿ॑ರನ್ತು ಜೀ॒ವಸೇ॑ ॥ ೧೫ ॥
ತಾನ್ಪೂರ್ವ॑ಯಾ ನಿ॒ವಿದಾ॑ ಹೂಮಹೇ ವ॒ಯಂ ಭಗಂ॑ ಮಿ॒ತ್ರಮದಿ॑ತಿಂ॒ ದಕ್ಷ॑ಮ॒ಸ್ರಿಧ॑ಮ್ ।
ಅ॒ರ್ಯ॒ಮಣಂ॒ ವರು॑ಣ॒ᳪ ಸೋಮ॑ಮ॒ಶ್ವಿನಾ॒ ಸರ॑ಸ್ವತೀ ನಃ ಸು॒ಭಗಾ॒ ಮಯ॑ಸ್ಕರತ್ ॥ ೧೬ ॥
ತನ್ನೋ॒ ವಾತೋ॑ ಮಯೋ॒ಭು ವಾ॑ತು ಭೇಷ॒ಜಂ ತನ್ಮಾ॒ತಾ ಪೃ॑ಥಿ॒ವೀ ತತ್ಪಿ॒ತಾ ದ್ಯೌ॑: ।
ತದ್ ಗ್ರಾವಾ॑ಣಃ ಸೋಮ॒ಸುತೋ॑ ಮಯೋ॒ಭುವ॒ಸ್ತದ॑ಶ್ವಿನಾ ಶೃಣುತಂ ಧಿಷ್ಣ್ಯಾ ಯು॒ವಮ್ ॥ ೧೭ ॥
ತಮೀಶಾ॑ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ॑ ಧಿಯಞ್ಜಿ॒ನ್ವಮವ॑ಸೇ ಹೂಮಹೇ ವ॒ಯಮ್ ।
ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ॑ ॥ ೧೮ ॥
ಸ್ವ॒ಸ್ತಿ ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನ॑: ಪೂ॒ಷಾ ವಿ॒ಶ್ವವೇ॑ದಾಃ ।
ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ೧೯ ॥
ಪೃಷ॑ದಶ್ವಾ ಮ॒ರುತ॒: ಪೃಶ್ನಿ॑ಮಾತರಃ ಶುಭಂ॒ಯಾವಾ॑ನೋ ವಿ॒ದಥೇ॑ಷು॒ ಜಗ್ಮ॑ಯಃ ।
ಅ॒ಗ್ನಿ॒ಜಿ॒ಹ್ವಾ ಮನ॑ವ॒: ಸೂರ॑ಚಕ್ಷಸೋ॒ ವಿಶ್ವೇ॑ ನೋ ದೇ॒ವಾ ಅವ॒ಸಾಗ॑ಮನ್ನಿ॒ಹ ॥ ೨೦ ॥
ಭ॒ದ್ರಂ ಕರ್ಣೇ॑ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॑ರ್ಯಜತ್ರಾಃ ।
ಸ್ಥಿ॒ರೈರಙ್ಗೈ॑ಸ್ತುಷ್ಟು॒ವಾᳪಸ॑ಸ್ತ॒ನೂಭಿ॒ರ್ವ್ಯ॒ಶೇಮಹಿ ದೇ॒ವಹಿ॑ತಂ॒ ಯದಾಯು॑: ॥ ೨೧ ॥
ಶ॒ತಮಿನ್ನು ಶ॒ರದೋ॒ ಅನ್ತಿ॑ ದೇವಾ॒ ಯತ್ರಾ॑ ನಶ್ಚ॒ಕ್ರಾ ಜ॒ರಸಂ॑ ತ॒ನೂನಾ॑ಮ್ ।
ಪು॒ತ್ರಾಸೋ॒ ಯತ್ರ॑ ಪಿ॒ತರೋ॒ ಭವ॑ನ್ತಿ॒ ಮಾ ನೋ॑ ಮ॒ಧ್ಯಾ ರೀ॑ರಿಷ॒ತಾಯು॒ರ್ಗನ್ತೋ॑: ॥ ೨೨ ॥
ಅದಿ॑ತಿರ್ದ್ಯೌ॒ರದಿ॑ತಿರ॒ನ್ತರಿ॑ಕ್ಷ॒ಮದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ ।
ವಿಶ್ವೇ॑ ದೇ॒ವಾ ಅದಿ॑ತಿ॒: ಪಞ್ಚ॒ ಜನಾ॒ ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವಮ್ ॥ ೨೩ ॥
ಮಾ ನೋ॑ ಮಿ॒ತ್ರೋ ವರು॑ಣೋ ಅರ್ಯ॒ಮಾಯುರಿನ್ದ್ರ॑ ಋಭು॒ಕ್ಷಾ ಮ॒ರುತ॒: ಪರಿ॑ ಖ್ಯನ್ ।
ಯದ್ವಾ॒ಜಿನೋ॑ ದೇ॒ವಜಾ॑ತಸ್ಯ॒ ಸಪ್ತೇ॑: ಪ್ರವ॒ಕ್ಷ್ಯಾಮೋ॑ ವಿ॒ದಥೇ॑ ವೀ॒ರ್ಯಾ॒ಣಿ ॥ ೨೪ ॥
ಯನ್ನಿ॒ರ್ಣಿಜಾ॒ ರೇಕ್ಣ॑ಸಾ॒ ಪ್ರಾವೃ॑ತಸ್ಯ ರಾ॒ತಿಂ ಗೃ॑ಭೀ॒ತಾಂ ಮು॑ಖ॒ತೋ ನಯ॑ನ್ತಿ ।
ಸುಪ್ರಾ॑ಙ॒ಜೋ ಮೇಮ್ಯ॑ದ್ವಿ॒ಶ್ವರೂ॑ಪ ಇನ್ದ್ರಾಪೂ॒ಷ್ಣೋಃ ಪ್ರಿ॒ಯಮಪ್ಯೇ॑ತಿ॒ ಪಾಥ॑: ॥ ೨೫ ॥
ಏ॒ಷ ಛಾಗ॑: ಪು॒ರೋ ಅಶ್ವೇ॑ನ ವಾ॒ಜಿನಾ॑ ಪೂ॒ಷ್ಣೋ ಭಾ॒ಗೋ ನೀ॑ಯತೇ ವಿ॒ಶ್ವದೇ॑ವ್ಯಃ ।
ಅ॒ಭಿ॒ಪ್ರಿಯಂ॒ ಯತ್ಪು॑ರೋ॒ಡಾಶ॒ಮರ್ವ॑ತಾ॒ ತ್ವಷ್ಟೇದೇ॑ನᳪ ಸೌಶ್ರವ॒ಸಾಯ॑ ಜಿನ್ವತಿ ॥ ೨೬ ॥
ಯದ್ಧ॑ವಿ॒ಷ್ಯ॒ಮೃತು॒ಶೋ ದೇ॑ವ॒ಯಾನಂ॒ ತ್ರಿರ್ಮಾನು॑ಷಾ॒: ಪರ್ಯಶ್ವಂ॒ ನಯ॑ನ್ತಿ ।
ಅತ್ರಾ॑ ಪೂ॒ಷ್ಣಃ ಪ್ರ॑ಥ॒ಮೋ ಭಾ॒ಗ ಏ॑ತಿ ಯ॒ಜ್ಞಂ ದೇ॒ವೇಭ್ಯ॑: ಪ್ರತಿವೇ॒ದಯ॑ನ್ನ॒ಜಃ ॥ ೨೭ ॥
ಹೋತಾ॑ಧ್ವ॒ರ್ಯುರಾವ॑ಯಾ ಅಗ್ನಿಮಿ॒ನ್ಧೋ ಗ್ರಾ॑ವಗ್ರಾ॒ಭ ಉ॒ತ ಶᳪಸ್ತಾ॒ ಸುವಿ॑ಪ್ರಃ ।
ತೇನ॑ ಯ॒ಜ್ಞೇನ॒ ಸ್ವ॒ರಂಕೃತೇನ॒ ಸ್ವಿ॒ಷ್ಟೇನ ವ॒ಕ್ಷಣಾ॒ ಆ ಪೃ॑ಣಧ್ವಮ್ ॥ ೨೮ ॥
ಯೂ॒ಪ॒ವ್ರ॒ಸ್ಕಾ ಉ॒ತ ಯೇ ಯೂ॑ಪವಾ॒ಹಾಶ್ಚ॒ಷಾಲಂ॒ ಯೇ ಅ॑ಶ್ವಯೂ॒ಪಾಯ॒ ತಕ್ಷ॑ತಿ ।
ಯೇ ಚಾರ್ವ॑ತೇ॒ ಪಚ॑ನᳪ ಸ॒ಮ್ಭರ॑ನ್ತ್ಯು॒ತೋ ತೇಷಾ॑ಮ॒ಭಿಗೂ॑ರ್ತಿರ್ನ ಇನ್ವತು ॥ ೨೯ ॥
ಉಪ॒ ಪ್ರಾಗಾ॑ತ್ಸು॒ಮನ್ಮೇ॑ಽಧಾಯಿ॒ ಮನ್ಮ॑ ದೇ॒ವಾನಾ॒ಮಾಶಾ॒ ಉಪ॑ ವೀ॒ತಪೃ॑ಷ್ಠಃ ।
ಅನ್ವೇ॑ನಂ॒ ವಿಪ್ರಾ॒ ಋಷ॑ಯೋ ಮದನ್ತಿ ದೇ॒ವಾನಾಂ॑ ಪು॒ಷ್ಟೇ ಚ॑ಕೃಮಾ ಸು॒ಬನ್ಧು॑ಮ್ ॥ ೩೦ ॥
ಯದ್ವಾ॒ಜಿನೋ॒ ದಾಮ॑ ಸ॒ನ್ದಾನ॒ಮರ್ವ॑ತೋ॒ ಯಾ ಶೀ॑ರ್ಷ॒ಣ್ಯಾ॒ ರಶ॒ನಾ ರಜ್ಜು॑ರಸ್ಯ ।
ಯದ್ವಾ॑ ಘಾಸ್ಯ॒ ಪ್ರಭೃ॑ತಮಾ॒ಸ್ಯೇ ತೃಣ॒ᳪ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು ॥ ೩೧ ॥
ಯದಶ್ವ॑ಸ್ಯ ಕ್ರ॒ವಿಷೋ॒ ಮಕ್ಷಿ॒ಕಾಶ॒ ಯದ್ವಾ॒ ಸ್ವರೌ॒ ಸ್ವಧಿ॑ತೌ ರಿ॒ಪ್ತಮಸ್ತಿ॑ ।
ಯದ್ಧಸ್ತ॑ಯೋಃ ಶಮಿ॒ತುರ್ಯನ್ನ॒ಖೇಷು॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು ॥ ೩೨ ॥
ಯದೂವ॑ಧ್ಯಮು॒ದರ॑ಸ್ಯಾಪ॒ವಾತಿ॒ ಯ ಆ॒ಮಸ್ಯ॑ ಕ್ರ॒ವಿಷೋ॑ ಗ॒ನ್ಧೋ ಅಸ್ತಿ॑ ।
ಸು॒ಕೃ॒ತಾ ತಚ್ಛ॑ಮಿ॒ತಾರ॑: ಕೃಣ್ವನ್ತೂ॒ತ ಮೇಧ॑ᳪ ಶೃತ॒ಪಾಕಂ॑ ಪಚನ್ತು ॥ ೩೩ ॥
ಯತ್ತೇ॒ ಗಾತ್ರಾ॑ದ॒ಗ್ನಿನಾ॑ ಪ॒ಚ್ಯಮಾ॑ನಾದ॒ಭಿ ಶೂಲಂ॒ ನಿಹ॑ತಸ್ಯಾವ॒ಧಾವ॑ತಿ ।
ಮಾ ತದ್ಭೂಮ್ಯಾ॒ಮಾಶ್ರಿ॑ಷ॒ನ್ಮಾ ತೃಣೇ॑ಷು ದೇ॒ವೇಭ್ಯ॒ಸ್ತದು॒ಶದ್ಭ್ಯೋ॑ ರಾ॒ತಮ॑ಸ್ತು ॥ ೩೪ ॥
ಯೇ ವಾ॒ಜಿನಂ॑ ಪರಿ॒ಪಶ್ಯ॑ನ್ತಿ ಪ॒ಕ್ವಂ ಯ ಈ॑ಮಾ॒ಹುಃ ಸು॑ರ॒ಭಿರ್ನಿರ್ಹ॒ರೇತಿ॑ ।
ಯೇ ಚಾರ್ವ॑ತೋ ಮಾᳪಸಭಿ॒ಕ್ಷಾಮು॒ಪಾಸ॑ತ ಉ॒ತೋ ತೇಷಾ॑ಮ॒ಭಿಗೂ॑ರ್ತಿರ್ನ ಇನ್ವತು ॥ ೩೫ ॥
ಯನ್ನೀಕ್ಷ॑ಣಂ ಮಾಁ॒ಸ್ಪಚ॑ನ್ಯಾ ಉ॒ಖಾಯಾ॒ ಯಾ ಪಾತ್ರಾ॑ಣಿ ಯೂ॒ಷ್ಣ ಆ॒ಸೇಚ॑ನಾನಿ ।
ಊ॒ಷ್ಮ॒ಣ್ಯಾ॒ಪಿ॒ಧಾನಾ॑ ಚರೂ॒ಣಾಮ॒ಙ್ಕಾಃ ಸೂ॒ನಾಃ ಪರಿ॑ ಭೂಷ॒ನ್ತ್ಯಶ್ವ॑ಮ್ ॥ ೩೬ ॥
ಮಾ ತ್ವಾ॒ಽಗ್ನಿರ್ಧ್ವ॑ನಯೀದ್ಧೂ॒ಮಗ॑ನ್ಧಿ॒ರ್ಮೋಖಾ ಭ್ರಾಜ॑ನ್ತ್ಯ॒ಭಿ ವಿ॑ಕ್ತ॒ ಜಘ್ರಿ॑: ।
ಇ॒ಷ್ಟಂ ವೀ॒ತಮ॒ಭಿಗೂ॑ರ್ತಂ॒ ವಷ॑ಟ್ಕೃತಂ॒ ತಂ ದೇ॒ವಾಸ॒: ಪ್ರತಿ॑ ಗೃಭ್ಣ॒ನ್ತ್ಯಶ್ವ॑ಮ್ ॥ ೩೭ ॥
ನಿ॒ಕ್ರಮ॑ಣಂ ನಿ॒ಷದ॑ನಂ ವಿ॒ವರ್ತ॑ನಂ॒ ಯಚ್ಚ॒ ಪಡ್ವೀ॑ಶ॒ಮರ್ವ॑ತಃ ।
ಯಚ್ಚ॑ ಪಪೌ॒ ಯಚ್ಚ॑ ಘಾ॒ಸಿಂ ಜ॒ಘಾಸ॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು ॥ ೩೮ ॥
ಯದಶ್ವಾ॑ಯ॒ ವಾಸ॑ ಉಪಸ್ತೃ॒ಣನ್ತ್ಯ॑ಧೀವಾ॒ಸಂ ಯಾ ಹಿರ॑ಣ್ಯಾನ್ಯಸ್ಮೈ ।
ಸ॒ನ್ದಾನ॒ಮರ್ವ॑ನ್ತಂ॒ ಪಡ್ವೀ॑ಶಂ ಪ್ರಿ॒ಯಾ ದೇ॒ವೇಷ್ವಾ ಯಾ॑ಮಯನ್ತಿ ॥ ೩೯ ॥
ಯತ್ತೇ॑ ಸಾ॒ದೇ ಮಹ॑ಸಾ॒ ಶೂಕೃ॑ತಸ್ಯ॒ ಪಾರ್ಷ್ಣ್ಯಾ॑ ವಾ॒ ಕಶ॑ಯಾ ವಾ ತು॒ತೋದ॑ ।
ಸ್ರು॒ಚೇವ॒ ತಾ ಹ॒ವಿಷೋ॑ ಅಧ್ವ॒ರೇಷು॒ ಸರ್ವಾ॒ ತಾ ತೇ॒ ಬ್ರಹ್ಮ॑ಣಾ ಸೂದಯಾಮಿ ॥ ೪೦ ॥
ಚತು॑ಸ್ತ್ರಿᳪಶದ್ವಾ॒ಜಿನೋ॑ ದೇ॒ವಬ॑ನ್ಧೋ॒ರ್ವಙ್ಕ್ರೀ॒ರಶ್ವ॑ಸ್ಯ॒ ಸ್ವಧಿ॑ತಿ॒: ಸಮೇ॑ತಿ ।
ಅಚ್ಛಿ॑ದ್ರಾ॒ ಗಾತ್ರಾ॑ ವ॒ಯುನಾ॑ ಕೃಣೋತ॒ ಪರು॑ಷ್ಪರುರನು॒ಘುಷ್ಯಾ॒ ವಿಶ॑ಸ್ತ ॥ ೪೧ ॥
ಏಕ॒ಸ್ತ್ವಷ್ಟು॒ರಶ್ವ॑ಸ್ಯಾ ವಿಶ॒ಸ್ತಾ ದ್ವಾ ಯ॒ನ್ತಾರಾ॑ ಭವತ॒ಸ್ತಥ॑ ಋ॒ತುಃ ।
ಯಾ ತೇ॒ ಗಾತ್ರಾ॑ಣಾಮೃತು॒ಥಾ ಕೃ॒ಣೋಮಿ॒ ತಾ-ತಾ॒ ಪಿಣ್ಡಾ॑ನಾಂ॒ ಪ್ರ ಜು॑ಹೋಮ್ಯಗ್ನೌ ॥ ೪೨ ॥
ಮಾ ತ್ವಾ॑ ತಪತ್ಪ್ರಿ॒ಯ ಆ॒ತ್ಮಾಽಪಿ॒ಯನ್ತಂ॒ ಮಾ ಸ್ವಧಿ॑ತಿಸ್ತ॒ನ್ವ ಆ ತಿ॑ಷ್ಠಿಪತ್ತೇ ।
ಮಾ ತೇ॑ ಗೃ॒ಧ್ನುರ॑ವಿಶ॒ಸ್ತಾಽತಿ॒ಹಾಯ॑ ಛಿ॒ದ್ರಾ ಗಾತ್ರಾ॑ಣ್ಯ॒ಸಿನಾ॒ ಮಿಥೂ॑ ಕಃ ॥ ೪೩ ॥
ನ ವಾ ಉ॑ ಏ॒ತನ್ಮ್ರಿ॑ಯಸೇ॒ ನ ರಿ॑ಷ್ಯಸಿ ದೇ॒ವಾಁ೨ ಇದೇ॑ಷಿ ಪ॒ಥಿಭಿ॑: ಸು॒ಗೇಭಿ॑: ।
ಹರೀ॑ ತೇ॒ ಯುಞ್ಜಾ॒ ಪೃಷ॑ತೀ ಅಭೂತಾ॒ಮುಪಾ॑ಸ್ಥಾದ್ವಾ॒ಜೀ ಧು॒ರಿ ರಾಸ॑ಭಸ್ಯ ॥ ೪೪ ॥
ಸು॒ಗವ್ಯಂ॑ ನೋ ವಾ॒ಜೀ ಸ್ವಶ್ವ್ಯಂ॑ ಪು॒ᳪಸಃ ಪು॒ತ್ರಾಁ೨ ಉ॒ತ ವಿ॑ಶ್ವಾ॒ಪುಷ॑ᳪ ರ॒ಯಿಮ್ ।
ಅ॒ನಾ॒ಗಾ॒ಸ್ತ್ವಂ ನೋ॒ ಅದಿ॑ತಿಃ ಕೃಣೋತು ಕ್ಷ॒ತ್ರಂ ನೋ॒ ಅಶ್ವೋ॑ ವನತಾᳪ ಹ॒ವಿಷ್ಮಾ॑ನ್ ॥ ೪೫ ॥
ಇ॒ಮಾ ನು ಕಂ॒ ಭುವ॑ನಾ ಸೀಷಧಾ॒ಮೇನ್ದ್ರ॑ಶ್ಚ॒ ವಿಶ್ವೇ॑ ಚ ದೇ॒ವಾಃ ।
ಆ॒ದಿ॒ತ್ಯೈರಿನ್ದ್ರ॒: ಸಗ॑ಣೋ ಮ॒ರುದ್ಭಿ॑ರ॒ಸ್ಮಭ್ಯಂ॑ ಭೇಷ॒ಜಾ ಕ॑ರತ್ ।
ಯ॒ಜ್ಞಂ ಚ॑ ನಸ್ತ॒ನ್ವಂ॒ ಚ ಪ್ರ॒ಜಾಂ ಚಾ॑ದಿತ್ಯೈ॒ರಿನ್ದ್ರ॑: ಸ॒ಹ ಸೀ॑ಷಧಾತಿ ॥ ೪೬ ॥
ಅಗ್ನೇ॒ ತ್ವಂ ನೋ॒ ಅನ್ತ॑ಮ ಉ॒ತ ತ್ರಾ॒ತಾ ಶಿ॒ವೋ ಭ॑ವ ವರೂ॒ಥ್ಯ॒: ।
ವಸು॑ರ॒ಗ್ನಿರ್ವಸು॑ಶ್ರವಾ॒ ಅಚ್ಛಾ॑ ನಕ್ಷಿ ದ್ಯು॒ಮತ್ತ॑ಮᳪ ರ॒ಯಿಂ ದಾ॑: ।
ತಂ ತ್ವಾ॑ ಶೋಚಿಷ್ಠ ದೀದಿವಃ ಸು॒ಮ್ನಾಯ॑ ನೂ॒ನಮೀ॑ಮಹೇ॒ ಸಖಿ॑ಭ್ಯಃ ॥ ೪೭ ॥
ಅಧ್ಯಾಯ ೨೬
ಅ॒ಗ್ನಿಶ್ಚ॑ ಪೃಥಿ॒ವೀ ಚ॒ ಸನ್ನ॑ತೇ॒ ತೇ ಮೇ॒ ಸಂ ನ॑ಮತಾಮ॒ದೋ ವಾ॒ಯುಶ್ಚಾ॒ನ್ತರಿ॑ಕ್ಷಂ ಚ॒ ಸನ್ನ॑ತೇ॒ ತೇ ಮೇ॒ ಸಂ ನ॑ಮತಾಮ॒ದ
ಆ॑ದಿ॒ತ್ಯಶ್ಚ ದ್ಯೌಶ್ಚ॒ ಸನ್ನ॑ತೇ॒ ತೇ ಮೇ॒ ಸಂ ನ॑ಮತಾಮ॒ದ ಆಪ॑ಶ್ಚ॒ ವರು॑ಣಶ್ಚ॒ ಸನ್ನ॑ತೇ॒ ತೇ ಮೇ॒ ಸಂ ನ॑ಮತಾಮ॒ದಃ ।
ಸ॒ಪ್ತ ಸ॒ᳪಸದೋ॑ ಅಷ್ಟ॒ಮೀ ಭೂ॑ತ॒ಸಾಧ॑ನೀ । ಸಕಾ॑ಮಾಁ॒೨ಅಧ್ವ॑ನಸ್ಕುರು ಸಂ॒ಜ್ಞಾನ॑ಮಸ್ತು ಮೇ॒ಽಮುನಾ॑ ॥ ೧ ॥
ಯಥೇ॒ಮಾಂ ವಾಚಂ॑ ಕಲ್ಯಾ॒ಣೀಮಾ॒ವದಾ॑ನಿ॒ ಜನೇ॑ಭ್ಯಃ ।
ಬ್ರ॒ಹ್ಮ॒ರಾ॒ಜ॒ನ್ಯಾ॒ಭ್ಯಾᳪ ಶೂ॒ದ್ರಾಯ॒ ಚಾರ್ಯಾ॑ಯ ಚ॒ ಸ್ವಾಯ॒ ಚಾರ॑ಣಾಯ ಚ ।
ಪ್ರಿ॒ಯೋ ದೇ॒ವಾನಾಂ॒ ದಕ್ಷಿ॑ಣಾಯೈ ದಾ॒ತುರಿ॒ಹ ಭೂ॑ಯಾಸಮ॒ಯಂ ಮೇ॒ ಕಾಮ॒: ಸಮೃ॑ಧ್ಯತಾ॒ಮುಪ॑ ಮಾ॒ದೋ ನ॑ಮತು ॥ ೨ ॥
ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್ಹಾ॑ದ್ ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು ।
ಯದ್ದೀ॒ದಯ॒ಚ್ಛವ॑ಸ ಋತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರಮ್ ।
ಉ॒ಪ॒ಯಾ॒ಮಗೃ॑ಹೀತೋಽಸಿ॒ ಬೃಹ॒ಸ್ಪತ॑ಯೇ ತ್ವೈ॒ಷ ತೇ॒ ಯೋನಿ॒ರ್ಬೃಹ॒ಸ್ಪತ॑ಯೇ ತ್ವಾ ॥ ೩ ॥
ಇನ್ದ್ರ॒ ಗೋಮ॑ನ್ನಿ॒ಹಾ ಯಾ॑ಹಿ॒ ಪಿಬಾ॒ ಸೋಮ॑ᳪ ಶತಕ್ರತೋ । ವಿ॒ದ್ಯದ್ಭಿ॒ರ್ಗ್ರಾವ॑ಭಿಃ ಸು॒ತಮ್ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ॒ ಗೋಮ॑ತ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಗೋಮ॑ತೇ ॥ ೪ ॥
ಇನ್ದ್ರಾ ಯಾ॑ಹಿ ವೃತ್ರಹ॒ನ್ಪಿಬಾ॒ ಸೋಮ॑ᳪ ಶತಕ್ರತೋ । ಗೋಮ॑ದ್ಭಿ॒ರ್ಗ್ರಾವ॑ಭಿಃ ಸು॒ತಮ್ ।
ಉ॒ಪ॒ಯಾ॒ಮಗೃ॑ಹೀತೋ॒ಽಸೀನ್ದ್ರಾ॑ಯ ತ್ವಾ॒ ಗೋಮ॑ತ ಏ॒ಷ ತೇ॒ ಯೋನಿ॒ರಿನ್ದ್ರಾ॑ಯ ತ್ವಾ॒ ಗೋಮ॑ತೇ ॥ ೫ ॥
ಋ॒ತಾವಾ॑ನಂ ವೈಶ್ವಾನ॒ರಮೃ॒ತಸ್ಯ॒ ಜ್ಯೋತಿ॑ಷ॒ಸ್ಪತಿ॑ಮ್ । ಅಜ॑ಸ್ರಂ ಘ॒ರ್ಮಮೀ॑ಮಹೇ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ವೈಶ್ವಾನ॒ರಾಯ॑ ತ್ವೈ॒ಷ ತೇ॒ ಯೋನಿ॑ರ್ವೈಶ್ವಾನ॒ರಾಯ॑ ತ್ವಾ ॥ ೬ ॥
ವೈ॒ಶ್ವಾ॒ನ॒ರಸ್ಯ॑ ಸುಮ॒ತೌ ಸ್ಯಾ॑ಮ॒ ರಾಜಾ॒ ಹಿ ಕಂ॒ ಭುವ॑ನಾನಾಮಭಿ॒ಶ್ರೀಃ ।
ಇ॒ತೋ ಜಾ॒ತೋ ವಿಶ್ವ॑ಮಿ॒ದಂ ವಿ ಚ॑ಷ್ಟೇ ವೈಶ್ವಾನ॒ರೋ ಯ॑ತತೇ॒ ಸೂರ್ಯೇ॑ಣ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ವೈಶ್ವಾನ॒ರಾಯ॑ ತ್ವೈ॒ಷ ತೇ॒ ಯೋನಿ॑ರ್ವೈಶ್ವಾನ॒ರಾಯ॑ ತ್ವಾ ॥ ೭ ॥
ವೈ॒ಶ್ವಾ॒ನ॒ರೋ ನ ಊ॒ತಯ॒ ಆ ಪ್ರ ಯಾ॑ತು ಪರಾ॒ವತ॑: । ಅ॒ಗ್ನಿರು॒ಕ್ಥೇನ॒ ವಾಹ॑ಸಾ ।
ಉ॒ಪ॒ಯಾ॒ಮಗೃ॑ಹೀತೋಽಸಿ ವೈಶ್ವಾನ॒ರಾಯ॑ ತ್ವೈ॒ಷ ತೇ॒ ಯೋನಿ॑ರ್ವೈಶ್ವಾನ॒ರಾಯ॑ ತ್ವಾ ॥ ೮ ॥
ಅ॒ಗ್ನಿರೃಷಿ॒: ಪವ॑ಮಾನ॒: ಪಾಞ್ಚ॑ಜನ್ಯಃ ಪು॒ರೋಹಿ॑ತಃ । ತಮೀ॑ಮಹೇ ಮಹಾಗ॒ಯಮ್ ।
ಉ॒ಪ॒ಯಾ॒ಮಗೃ॑ಹೀತೋಽಸ್ಯ॒ಗ್ನಯೇ॑ ತ್ವಾ॒ ವರ್ಚ॑ಸ ಏ॒ಷ ತೇ॒ ಯೋನಿ॑ರ॒ಗ್ನಯೇ॑ ತ್ವಾ॒ ವರ್ಚ॑ಸೇ ॥ ೯ ॥
ಮ॒ಹಾಁ೨ ಇನ್ದ್ರೋ॒ ವಜ್ರ॑ಹಸ್ತಃ ಷೋಡ॒ಶೀ ಶರ್ಮ॑ ಯಚ್ಛತು । ಹನ್ತು॑ ಪಾ॒ಪ್ಮಾನಂ॒ ಯೋಽಸ್ಮಾನ್ದ್ವೇಷ್ಟಿ॑ ॥
ಉ॒ಪ॒ಯಾ॒ಮಗೃ॑ಹೀತೋಽಸಿ ಮಹೇ॒ನ್ದ್ರಾಯ॑ ತ್ವೈ॒ಷ ತೇ॒ ಯೋನಿ॑ರ್ಮಹೇ॒ನ್ದ್ರಾಯ॑ ತ್ವಾ ॥ ೧೦ ॥
ತಂ ವೋ॑ ದ॒ಸ್ಮಮೃ॑ತೀ॒ಷಹಂ॒ ವಸೋ॑ರ್ಮನ್ದಾ॒ನಮನ್ಧ॑ಸಃ । ಅ॒ಭಿ ವ॒ತ್ಸಂ ನ ಸ್ವಸ॑ರೇಷು ಧೇ॒ನವ॒ ಇನ್ದ್ರಂ॑ ಗೀ॒ರ್ಭಿರ್ನ॑ವಾಮಹೇ ॥ ೧೧ ॥
ಯದ್ವಾಹಿ॑ಷ್ಠಂ॒ ತದ॒ಗ್ನಯೇ॑ ಬೃ॒ಹದ॑ರ್ಚ ವಿಭಾವಸೋ । ಮಹಿ॑ಷೀವ॒ ತ್ವದ್ರ॒ಯಿಸ್ತ್ವದ್ವಾಜಾ॒ ಉದೀ॑ರತೇ ॥ ೧೨ ॥
ಏಹ್ಯೂ॒ ಷು ಬ್ರವಾ॑ಣಿ॒ ತೇಽಗ್ನ॑ ಇ॒ತ್ಥೇತ॑ರಾ॒ ಗಿರ॑: । ಏ॒ಭಿರ್ವ॑ರ್ಧಾಸ॒ ಇನ್ದು॑ಭಿಃ ॥ ೧೩ ॥
ಋ॒ತವ॑ಸ್ತೇ ಯ॒ಜ್ಞಂ ವಿ ತ॑ನ್ವನ್ತು॒ ಮಾಸಾ॒ ರಕ್ಷ॑ನ್ತು ತೇ॒ ಹವಿ॑: ।
ಸಂ॒ವ॒ತ್ಸ॒ರಸ್ತೇ॑ ಯ॒ಜ್ಞಂ ದ॑ಧಾತು ನಃ ಪ್ರ॒ಜಾಂ ಚ॒ ಪರಿ॑ ಪಾತು ನಃ ॥ ೧೪ ॥
ಉ॒ಪ॒ಹ್ವ॒ರೇ ಗಿ॑ರೀ॒ಣಾᳪ ಸ॑ಙ್ಗ॒ಮೇ ಚ॑ ನ॒ದೀ॒ನಾ॑ಮ್ । ಧಿ॒ಯಾ ವಿಪ್ರೋ॑ ಅಜಾಯತ ॥ ೧೫ ॥
ಉ॒ಚ್ಚಾ ತೇ॑ ಜಾ॒ತಮನ್ಧ॑ಸೋ ದಿ॒ವಿ ಸದ್ಭೂಮ್ಯಾ ದ॑ದೇ । ಉ॒ಗ್ರᳪ ಶರ್ಮ॒ ಮಹಿ॒ ಶ್ರವ॑: ॥ ೧೬ ॥
ಸ ನ॒ ಇನ್ದ್ರಾ॑ಯ॒ ಯಜ್ಯ॑ವೇ॒ ವರು॑ಣಾಯ ಮ॒ರುದ್ಭ್ಯ॑: । ವ॒ರಿ॒ವೋ॒ವಿತ್ಪರಿ॑ ಸ್ರವ ॥ ೧೭ ॥
ಏ॒ನಾ ವಿಶ್ವಾ॑ನ್ಯ॒ರ್ಯ ಆ ದ್ಯು॒ಮ್ನಾನಿ॒ ಮಾನು॑ಷಾಣಾಮ್ । ಸಿಷಾ॑ಸನ್ತೋ ವನಾಮಹೇ ॥ ೧೮ ॥
ಅನು॑ ವೀರೈ॒ರನು॑ ಪುಷ್ಯಾಸ್ಮ॒ ಗೋಭಿ॒ರನ್ವಶ್ವೈ॒ರನು॒ ಸರ್ವೇ॑ಣ ಪು॒ಷ್ಟೈಃ ।
ಅನು॒ ದ್ವಿಪ॒ದಾಽನು॒ ಚತು॑ಷ್ಪದಾ ವ॒ಯಂ ದೇ॒ವಾ ನೋ॑ ಯ॒ಜ್ಞಮೃ॑ತು॒ಥಾ ನ॑ಯನ್ತು ॥ ೧೯ ॥
ಅಗ್ನೇ॒ ಪತ್ನೀ॑ರಿ॒ಹಾ ವ॑ಹ ದೇ॒ವಾನಾ॑ಮುಶ॒ತೀರುಪ॑ । ತ್ವಷ್ಟಾ॑ರ॒ᳪ ಸೋಮ॑ಪೀತಯೇ ॥ ೨೦ ॥
ಅ॒ಭಿ ಯ॒ಜ್ಞಂ ಗೃ॑ಣೀಹಿ ನೋ॒ ಗ್ನಾವೋ॒ ನೇಷ್ಟ॒: ಪಿಬ॑ ಋ॒ತುನಾ॑ ।
ತ್ವᳪ ಹಿ ರ॑ತ್ನ॒ಧಾ ಅಸಿ॑ ॥ ೨೧ ॥
ದ್ರ॒ವಿ॒ಣೋ॒ದಾಃ ಪಿ॑ಪೀಷತಿ ಜು॒ಹೋತ॒ ಪ್ರ ಚ॑ ತಿಷ್ಠತ । ನೇ॒ಷ್ಟ್ರಾದೃ॒ತುಭಿ॑ರಿಷ್ಯತ ॥ ೨೨ ॥
ತವಾ॒ಯᳪ ಸೋಮ॒ಸ್ತ್ವಮೇಹ್ಯ॒ರ್ವಾಡ್ ಶ॑ಶ್ವತ್ತ॒ಮᳪ ಸು॒ಮನಾ॑ ಅ॒ಸ್ಯ ಪಾ॑ಹಿ ।
ಅ॒ಸ್ಮಿನ್ ಯ॒ಜ್ಞೇ ಬ॒ರ್ಹಿಷ್ಯಾ ನಿ॒ಷದ್ಯಾ॑ ದಧಿ॒ಷ್ವೇಮಂ ಜ॒ಠರ॒ ಇನ್ದು॑ಮಿನ್ದ್ರ ॥ ೨೩ ॥
ಅ॒ಮೇವ॑ ನಃ ಸುಹವಾ॒ ಆ ಹಿ ಗನ್ತ॑ನ॒ ನಿ ಬ॒ರ್ಹಿಷಿ॑ ಸದತನಾ॒ ರಣಿ॑ಷ್ಟನ ।
ಅಥಾ॑ ಮನ್ದಸ್ವ ಜುಜುಷಾ॒ಣೋ ಅನ್ಧ॑ಸ॒ಸ್ತ್ವಷ್ಟ॑ರ್ದೇ॒ವೇಭಿ॒ರ್ಜನಿ॑ಭಿಃ ಸು॒ಮದ್ಗ॑ಣಃ ॥ ೨೪ ॥
ಸ್ವಾದಿ॑ಷ್ಠಯಾ॒ ಮದಿ॑ಷ್ಠಯಾ॒ ಪವ॑ಸ್ವ ಸೋಮ॒ ಧಾರ॑ಯಾ । ಇನ್ದ್ರಾ॑ಯ॒ ಪಾತ॑ವೇ ಸು॒ತಃ ॥ ೨೫ ॥
ರ॒ಕ್ಷೋ॒ಹಾ ವಿ॒ಶ್ವಚ॑ರ್ಷಣಿರ॒ಭಿ ಯೋನಿ॒ಮಯೋ॑ಹತೇ । ದ್ರೋಣೇ॑ ಸ॒ಧಸ್ಥ॒ಮಾಸ॑ದತ್ ॥ ೨೬ ॥
ಅಧ್ಯಾಯ ೨೭
ಸಮಾ॑ಸ್ತ್ವಾಗ್ನ ಋ॒ತವೋ॑ ವರ್ಧಯನ್ತು ಸಂವತ್ಸ॒ರಾ ಋಷ॑ಯೋ॒ ಯಾನಿ॑ ಸ॒ತ್ಯಾ ।
ಸಂ ದಿ॒ವ್ಯೇನ॑ ದೀದಿಹಿ ರೋಚ॒ನೇನ॒ ವಿಶ್ವಾ॒ ಆ ಭಾ॑ಹಿ ಪ್ರ॒ದಿಶ॒ಶ್ಚತ॑ಸ್ರಃ ॥ ೧ ॥
ಸಂ ಚೇ॒ಧ್ಯಸ್ವಾ॑ಗ್ನೇ॒ ಪ್ರ ಚ॑ ಬೋಧಯೈನ॒ಮುಚ್ಚ॑ ತಿಷ್ಠ ಮಹ॒ತೇ ಸೌ॑ಭಗಾಯ ।
ಮಾ ಚ॑ ರಿಷದುಪಸ॒ತ್ತಾ ತೇ॑ ಅಗ್ನೇ ಬ್ರ॒ಹ್ಮಾಣ॑ಸ್ತೇ ಯ॒ಶಸ॑: ಸನ್ತು॒ ಮಾನ್ಯೇ ॥ ೨ ॥
ತ್ವಾಮ॑ಗ್ನೇ ವೃಣತೇ ಬ್ರಾಹ್ಮ॒ಣಾ ಇ॒ಮೇ ಶಿ॒ವೋ ಅ॑ಗ್ನೇ ಸಂ॒ವರ॑ಣೇ ಭವಾ ನಃ ।
ಸ॒ಪ॒ತ್ನ॒ಹಾ ನೋ॑ ಅಭಿಮಾತಿ॒ಜಿಚ್ಚ॒ ಸ್ವೇ ಗಯೇ॑ ಗಾಗೃ॒ಹ್ಯಪ್ರ॑ಯುಚ್ಛನ್ ॥ ೩ ॥
ಇ॒ಹೈ॒ವಾಗ್ನೇ॒ ಅಧಿ॑ ಧಾರಯಾ ರ॒ಯಿಂ ಮಾ ತ್ವಾ॒ ನಿ ಕ್ರ॑ನ್ಪೂರ್ವ॒ಚಿತೋ॑ ನಿಕಾ॒ರಿಣ॑: ।
ಕ್ಷ॒ತ್ರಮ॑ಗ್ನೇ ಸು॒ಯಮ॑ಮಸ್ತು॒ ತುಭ್ಯ॑ಮುಪಸ॒ತ್ತಾ ವ॑ರ್ಧತಾಂ ತೇ॒ ಅನಿ॑ಷ್ಟೃತಃ ॥ ೪ ॥
ಕ್ಷ॒ತ್ರೇಣಾ॑ಗ್ನೇ॒ ಸ್ವಾಯು॒: ಸᳪ ರ॑ಭಸ್ವ ಮಿ॒ತ್ರೇಣಾ॑ಗ್ನೇ ಮಿತ್ರ॒ಧೇಯೇ॑ ಯತಸ್ವ ।
ಸ॒ಜಾ॒ತಾನಾಂ॑ ಮಧ್ಯಮ॒ಸ್ಥಾ ಏ॑ಧಿ॒ ರಾಜ್ಞಾ॑ಮಗ್ನೇ ವಿಹ॒ವ್ಯೋ॒ ದೀದಿಹೀ॒ಹ ॥ ೫ ॥
ಅತಿ॒ ನಿಹೋ॒ ಅತಿ॒ ಸ್ರಿಧೋಽತ್ಯಚಿ॑ತ್ತಿ॒ಮತ್ಯರಾ॑ತಿಮಗ್ನೇ ।
ವಿಶ್ವಾ॒ ಹ್ಯ॑ಗ್ನೇ ದುರಿ॒ತಾ ಸಹ॒ಸ್ವಾಥಾ॒ಸ್ಮಭ್ಯ॑ᳪ ಸ॒ಹವೀ॑ರಾᳪ ರ॒ಯಿಂ ದಾ॑: ॥ ೬ ॥
ಅ॒ನಾ॒ಧೃ॒ಷ್ಯೋ ಜಾ॒ತವೇ॑ದಾ॒ ಅನಿ॑ಷ್ಟೃತೋ ವಿ॒ರಾಡಗ್ನೇ॑ ಕ್ಷತ್ರ॒ಭೃದ್ದೀ॑ದಿಹೀ॒ಹ ।
ವಿಶ್ವಾ॒ ಆಶಾ॑: ಪ್ರಮು॒ಞ್ಚನ್ಮಾನು॑ಷೀರ್ಭಿ॒ಯಃ ಶಿ॒ವೇಭಿ॑ರ॒ದ್ಯ ಪರಿ॑ ಪಾಹಿ ನೋ ವೃ॒ಧೇ ॥ ೭ ॥
ಬೃಹ॑ಸ್ಪತೇ ಸವಿತರ್ಬೋ॒ಧಯೈ॑ನ॒ᳪ ಸᳪಶಿ॑ತಂ ಚಿತ್ಸನ್ತ॒ರಾᳪ ಸᳪ ಶಿ॑ಶಾಧಿ ।
ವ॒ರ್ಧಯೈ॑ನಂ ಮಹ॒ತೇ ಸೌ॑ಭಗಾಯ॒ ವಿಶ್ವ॑ ಏನ॒ಮನು॑ ಮದನ್ತು ದೇ॒ವಾಃ ॥ ೮ ॥
ಅ॒ಮು॒ತ್ರ॒ಭೂಯಾ॒ದಧ॒ ಯದ್ಯ॒ಮಸ್ಯ॒ ಬೃಹ॑ಸ್ಪತೇ ಅ॒ಭಿಶ॑ಸ್ತೇ॒ರಮು॑ಞ್ಚಃ ।
ಪ್ರತ್ಯೌ॑ಹತಾಮ॒ಶ್ವಿನಾ॑ ಮೃ॒ತ್ಯುಮ॑ಸ್ಮಾದ್ದೇ॒ವಾನಾ॑ಮಗ್ನೇ ಭಿ॒ಷಜಾ॒ ಶಚೀ॑ಭಿಃ ॥ ೯ ॥
ಉದ್ವ॒ಯಂ ತಮ॑ಸ॒ಸ್ಪರಿ॒ ಸ್ವ: ಪಶ್ಯ॑ನ್ತ॒ ಉತ್ತ॑ರಮ್ ।
ದೇ॒ವಂ ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಮ್ ॥ ೧೦ ॥
ಊ॒ರ್ಧ್ವಾ ಅ॑ಸ್ಯ ಸ॒ಮಿಧೋ॑ ಭವನ್ತ್ಯೂ॒ರ್ಧ್ವಾ ಶು॒ಕ್ರಾ ಶೋ॒ಚೀᳪಷ್ಯ॒ಗ್ನೇಃ ।
ದ್ಯು॒ಮತ್ತ॑ಮಾ ಸು॒ಪ್ರತೀ॑ಕಸ್ಯ ಸೂ॒ನೋಃ ॥ ೧೧ ॥
ತನೂ॒ನಪಾ॒ದಸು॑ರೋ ವಿ॒ಶ್ವವೇ॑ದಾ ದೇ॒ವೋ ದೇ॒ವೇಷು॑ ದೇ॒ವಃ ।
ಪ॒ಥೋ ಅ॑ನಕ್ತು॒ ಮಧ್ವಾ॑ ಘೃ॒ತೇನ॑ ॥ ೧೨ ॥
ಮಧ್ವಾ॑ ಯ॒ಜ್ಞಂ ನ॑ಕ್ಷಸೇ ಪ್ರೀಣಾ॒ನೋ ನರಾ॒ಶᳪಸೋ॑ ಅಗ್ನೇ ।
ಸು॒ಕೃದ್ದೇ॒ವಃ ಸ॑ವಿ॒ತಾ ವಿ॒ಶ್ವವಾ॑ರಃ ॥ ೧೩ ॥
ಅಚ್ಛಾ॒ಯಮೇ॑ತಿ॒ ಶವ॑ಸಾ ಘೃ॒ತೇನೇ॑ಡಾ॒ನೋ ವಹ್ನಿ॒ರ್ನಮ॑ಸಾ ।
ಅ॒ಗ್ನಿᳪ ಸ್ರುಚೋ॑ ಅಧ್ವ॒ರೇಷು॑ ಪ್ರ॒ಯತ್ಸು॑ ॥ ೧೪ ॥
ಸ ಯ॑ಕ್ಷದಸ್ಯ ಮಹಿ॒ಮಾನ॑ಮ॒ಗ್ನೇಃ ಸ ಈಂ॑ ಮ॒ನ್ದ್ರಾ ಸು॑ಪ್ರ॒ಯಸ॑: ।
ವಸು॒ಶ್ಚೇತಿ॑ಷ್ಠೋ ವಸು॒ಧಾತ॑ಮಶ್ಚ ॥ ೧೫ ॥
ದ್ವಾರೋ॑ ದೇ॒ವೀರನ್ವ॑ಸ್ಯ॒ ವಿಶ್ವೇ॑ ವ್ರ॒ತಾ ದ॑ದನ್ತೇ ಅ॒ಗ್ನೇಃ ।
ಉ॒ರು॒ವ್ಯಚ॑ಸೋ॒ ಧಾಮ್ನಾ॒ ಪತ್ಯ॑ಮಾನಾಃ ॥ ೧೬ ॥
ತೇ ಅ॑ಸ್ಯ॒ ಯೋಷ॑ಣೇ ದಿ॒ವ್ಯೇ ನ ಯೋನಾ॑ ಉ॒ಷಾಸಾ॒ನಕ್ತಾ॑ ।
ಇ॒ಮಂ ಯ॒ಜ್ಞಮವ॑ತಾಮಧ್ವ॒ರಂ ನ॑: ॥ ೧೭ ॥
ದೈ॑ವ್ಯಾ॒ ಹೋತಾರಾ ಊ॒ರ್ಧ್ವಮ॑ಧ್ವ॒ರಂ ನೋ॒ಽಗ್ನೇರ್ಜು॒ಹ್ವಾಮ॒ಭಿ ಗೃ॑ಣೀತಮ್ ।
ಕೃ॒ಣು॒ತಂ ನ॒: ಸ್ವಿ॒ಷ್ಟಮ್ ॥ ೧೮ ॥
ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದᳪ ಸ॑ದ॒ನ್ತ್ವಿಡಾ॒ ಸರ॑ಸ್ವತೀ॒ ಭಾರ॑ತೀ ।
ಮ॒ಹೀ ಗೃ॑ಣಾ॒ನಾ ॥ ೧೯ ॥
ತನ್ನ॑ಸ್ತು॒ರೀಪ॒ಮದ್ಭು॑ತಂ ಪುರು॒ಕ್ಷು ತ್ವಷ್ಟಾ॑ ಸು॒ವೀರ್ಯ॑ಮ್ ।
ರಾ॒ಯಸ್ಪೋಷಂ॒ ವಿ ಷ್ಯ॑ತು॒ ನಾಭಿ॑ಮ॒ಸ್ಮೇ ॥ ೨೦ ॥
ವನ॑ಸ್ಪ॒ತೇಽವ॑ ಸೃಜಾ॒ ರರಾ॑ಣ॒ಸ್ತ್ಮನಾ॑ ದೇ॒ವೇಷು॑ ।
ಅ॒ಗ್ನಿರ್ಹ॒ವ್ಯᳪ ಶ॑ಮಿ॒ತಾ ಸೂ॑ದಯಾತಿ ॥ ೨೧ ॥
ಅಗ್ನೇ॒ ಸ್ವಾಹಾ॑ ಕೃಣುಹಿ ಜಾತವೇದ॒ ಇನ್ದ್ರಾ॑ಯ ಹ॒ವ್ಯಮ್ ।
ವಿಶ್ವೇ॑ ದೇ॒ವಾ ಹ॒ವಿರಿ॒ದಂ ಜು॑ಷನ್ತಾಮ್ ॥ ೨೨ ॥
ಪೀವೋ॑ ಅನ್ನಾ ರಯಿ॒ವೃಧ॑: ಸುಮೇ॒ಧಾಃ ಶ್ವೇ॒ತಃ ಸಿ॑ಷಕ್ತಿ ನಿ॒ಯುತಾ॑ಮಭಿ॒ಶ್ರೀಃ ।
ತೇ ವಾ॒ಯವೇ॒ ಸಮ॑ನಸೋ॒ ವಿ ತ॑ಸ್ಥು॒ರ್ವಿಶ್ವೇನ್ನರ॑: ಸ್ವಪ॒ತ್ಯಾನಿ॑ ಚಕ್ರುಃ ॥ ೨೩ ॥
ರಾ॒ಯೇ ನು ಯಂ ಜ॒ಜ್ಞತೂ॒ ರೋದ॑ಸೀ॒ಮೇ ರಾ॒ಯೇ ದೇ॒ವೀ ಧಿ॒ಷಣಾ॑ ಧಾತಿ ದೇ॒ವಮ್ ।
ಅಧ॑ ವಾ॒ಯುಂ ನಿ॒ಯುತ॑: ಸಶ್ಚತ॒ ಸ್ವಾ ಉ॒ತ ಶ್ವೇ॒ತಂ ವಸು॑ಧಿತಿಂ ನಿರೇ॒ಕೇ ॥ ೨೪ ॥
ಆಪೋ॑ ಹ॒ ಯದ್ಬೃ॑ಹ॒ತೀರ್ವಿಶ್ವ॒ಮಾಯ॒ನ್ ಗರ್ಭಂ॒ ದಧಾ॑ನಾ ಜ॒ನಯ॑ನ್ತೀರ॒ಗ್ನಿಮ್ ।
ತತೋ॑ ದೇ॒ವಾನಾ॒ᳪ ಸಮ॑ವರ್ತ॒ತಾಸು॒ರೇಕ॒: ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೨೫ ॥
ಯಶ್ಚಿ॒ದಾಪೋ॑ ಮಹಿ॒ನಾ ಪ॒ರ್ಯಪ॑ಶ್ಯ॒ದ್ದಕ್ಷಂ॒ ದಧಾ॑ನಾ ಜ॒ನಯ॑ನ್ತೀರ್ಯ॒ಜ್ಞಮ್ ।
ಯೋ ದೇ॒ವೇಷ್ವಧಿ॑ ದೇ॒ವ ಏಕ॒ ಆಸೀ॒ತ್ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೨೬ ॥
ಪ್ರ ಯಾಭಿ॒ರ್ಯಾಸಿ॑ ದಾ॒ಶ್ವಾᳪಸ॒ಮಚ್ಛಾ॑ ನಿ॒ಯುದ್ಭಿ॑ರ್ವಾಯವಿ॒ಷ್ಟಯೇ॑ ದುರೋ॒ಣೇ ।
ನಿ ನೋ॑ ರ॒ಯಿᳪ ಸು॒ಭೋಜ॑ಸಂ ಯುವಸ್ವ॒ ನಿ ವೀ॒ರಂ ಗವ್ಯ॒ಮಶ್ವ್ಯಂ॑ ಚ॒ ರಾಧ॑: ॥ ೨೭ ॥
ಆ ನೋ॑ ನಿ॒ಯುದ್ಭಿ॑: ಶ॒ತಿನೀ॑ಭಿರಧ್ವ॒ರᳪ ಸ॑ಹ॒ಸ್ರಿಣೀ॑ಭಿ॒ರುಪ॑ ಯಾಹಿ ಯ॒ಜ್ಞಮ್ ।
ವಾಯೋ॑ ಅ॒ಸ್ಮಿನ್ತ್ಸವ॑ನೇ ಮಾದಯಸ್ವ ಯೂ॒ಯಂ ಪಾ॑ತ ಸ್ವ॒ಸ್ತಿಭಿ॒: ಸದಾ॑ ನಃ ॥ ೨೮ ॥
ನಿ॒ಯುತ್ವಾ॑ನ್ವಾಯ॒ವಾ ಗ॑ಹ್ಯ॒ಯᳪ ಶು॒ಕ್ರೋ ಅ॑ಯಾಮಿ ತೇ ।
ಗನ್ತಾ॑ಸಿ ಸುನ್ವ॒ತೋ ಗೃ॒ಹಮ್ ॥ ೨೯ ॥
ವಾಯೋ॑ ಶು॒ಕ್ರೋ ಅ॑ಯಾಮಿ ತೇ॒ ಮಧ್ವೋ॒ ಅಗ್ರಂ॒ ದಿವಿ॑ಷ್ಟಿಷು ।
ಆ ಯಾ॑ಹಿ॒ ಸೋಮ॑ಪೀತಯೇ ಸ್ಪಾ॒ರ್ಹೋ ದೇ॑ವ ನಿ॒ಯುತ್ವ॑ತಾ ॥ ೩೦ ॥
ವಾ॒ಯುರ॑ಗ್ರೇ॒ಗಾ ಯ॑ಜ್ಞ॒ಪ್ರೀಃ ಸಾ॒ಕಂ ಗ॒ನ್ಮನ॑ಸಾ ಯ॒ಜ್ಞಮ್ ।
ಶಿ॒ವೋ ನಿ॒ಯುದ್ಭಿ॑: ಶಿ॒ವಾಭಿ॑: ॥ ೩೧ ॥
ವಾಯೋ॒ ಯೇ ತೇ॑ ಸಹ॒ಸ್ರಿಣೋ॒ ರಥಾ॑ಸ॒ಸ್ತೇಭಿ॒ರಾ ಗ॑ಹಿ ।
ನಿ॒ಯುತ್ವಾ॒ನ್ತ್ಸೋಮ॑ಪೀತಯೇ ॥ ೩೨ ॥
ಏಕ॑ಯಾ ಚ ದ॒ಶಭಿ॑ಶ್ಚ ಸ್ವಭೂತೇ॒ ದ್ವಾಭ್ಯಾ॑ಮಿ॒ಷ್ಟಯೇ॑ ವಿᳪಶ॒ತೀ ಚ॑ ।
ತಿ॒ಸೃಭಿ॑ಶ್ಚ॒ ವಹ॑ಸೇ ತ್ರಿ॒ᳪಶತಾ॑ ಚ ನಿ॒ಯುದ್ಭಿ॑ರ್ವಾಯವಿ॒ಹ ತಾ ವಿ ಮು॑ಞ್ಚ ॥ ೩೩ ॥
ತವ॑ ವಾಯವೃತಸ್ಪತೇ॒ ತ್ವಷ್ಟು॑ರ್ಜಾಮಾತರದ್ಭುತ ।
ಅವಾ॒ᳪಸ್ಯಾ ವೃ॑ಣೀಮಹೇ ॥ ೩೪ ॥
ಅ॒ಭಿ ತ್ವಾ॑ ಶೂರ ನೋನು॒ಮೋಽದು॑ಗ್ಧಾ ಇವ ಧೇ॒ನವ॑: ।
ಈಶಾ॑ನಮ॒ಸ್ಯ ಜಗ॑ತಃ ಸ್ವ॒ರ್ದೃಶ॒ಮೀಶಾ॑ನಮಿನ್ದ್ರ ತ॒ಸ್ಥುಷ॑: ॥ ೩೫ ॥
ನ ತ್ವಾವಾಁ॑೨ ಅ॒ನ್ಯೋ ದಿ॒ವ್ಯೋ ನ ಪಾರ್ಥಿ॑ವೋ॒ ನ ಜಾ॒ತೋ ನ ಜ॑ನಿಷ್ಯತೇ ।
ಅ॒ಶ್ವಾ॒ಯನ್ತೋ॑ ಮಘವನ್ನಿನ್ದ್ರ ವಾ॒ಜಿನೋ॑ ಗ॒ವ್ಯನ್ತ॑ಸ್ತ್ವಾ ಹವಾಮಹೇ ॥ ೩೬ ॥
ತ್ವಾಮಿದ್ಧಿ ಹವಾ॑ಮಹೇ ಸಾ॒ತೌ ವಾಜ॑ಸ್ಯ ಕಾ॒ರವ॑: ।
ತ್ವಾಂ ವೃ॒ತ್ರೇಷ್ವಿ॑ನ್ದ್ರ॒ ಸತ್ಪ॑ತಿಂ॒ ನರ॒ಸ್ತ್ವಾಂ ಕಾಷ್ಠಾ॒ಸ್ವರ್ವ॑ತಃ ॥ ೩೭ ॥
ಸ ತ್ವಂ ನ॑ಶ್ಚಿತ್ರ ವಜ್ರಹಸ್ತ ಧೃಷ್ಣು॒ಯಾ ಮ॒ಹ ಸ್ತ॑ವಾ॒ನೋ ಅ॑ದ್ರಿವಃ ।
ಗಾಮಶ್ವ॑ᳪ ರ॒ಥ್ಯ॒ಮಿನ್ದ್ರ॒ ಸಂ ಕಿ॑ರ ಸ॒ತ್ರಾ ವಾಜಂ॒ ನ ಜಿ॒ಗ್ಯುಷೇ॑ ॥ ೩೮ ॥
ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧ॒: ಸಖಾ॑ ।
ಕಯಾ॒ ಶಚಿ॑ಷ್ಠಯಾ ವೃ॒ತಾ ॥ ೩೯ ॥
ಕಸ್ತ್ವಾ॑ ಸ॒ತ್ಯೋ ಮದಾ॑ನಾಂ॒ ಮᳪಹಿ॑ಷ್ಠೋ ಮತ್ಸ॒ದನ್ಧ॑ಸಃ ।
ದೃ॒ಢಾ ಚಿ॑ದಾ॒ರುಜೇ॒ ವಸು॑ ॥ ೪೦ ॥
ಅ॒ಭೀ ಷು ಣ॒: ಸಖೀ॑ನಾಮವಿ॒ತಾ ಜ॑ರಿತೄ॒ಣಾಮ್ ।
ಶ॒ತಂ ಭ॑ವಾಸ್ಯೂ॒ತಯೇ॑ ॥ ೪೧ ॥
ಯ॒ಜ್ಞಾ-ಯ॑ಜ್ಞಾ ವೋ ಅ॒ಗ್ನಯೇ॑ ಗಿ॒ರಾ-ಗಿ॑ರಾ ಚ॒ ದಕ್ಷ॑ಸೇ ।
ಪ್ರ-ಪ್ರ॑ ವ॒ಯಮ॒ಮೃತಂ॑ ಜಾ॒ತವೇ॑ದಸಂ ಪ್ರಿ॒ಯಂ ಮಿ॒ತ್ರಂ ನ ಶ॑ᳪಸಿಷಮ್ ॥ ೪೨ ॥
ಪಾ॒ಹಿ ನೋ॑ ಅಗ್ನ॒ ಏಕ॑ಯಾ ಪಾ॒ಹ್ಯುತ ದ್ವಿ॒ತೀಯ॑ಯಾ ।
ಪಾ॒ಹಿ ಗೀ॒ರ್ಭಿಸ್ತಿ॒ಸೃಭಿ॑ರೂರ್ಜಾಂ ಪತೇ ಪಾ॒ಹಿ ಚ॑ತ॒ಸೃಭಿ॑ರ್ವಸೋ ॥ ೪೩ ॥
ಊ॒ರ್ಜೋ ನಪಾ॑ತ॒ᳪ ಸ ಹಿ॒ನಾಯಮ॑ಸ್ಮ॒ಯುರ್ದಾಶೇ॑ಮ ಹ॒ವ್ಯದಾ॑ತಯೇ ।
ಭುವ॒ದ್ವಾಜೇ॑ಷ್ವವಿ॒ತಾ ಭುವ॑ದ್ವೃ॒ಧ ಉ॒ತ ತ್ರಾ॒ತಾ ತ॒ನೂನಾ॑ಮ್ ॥ ೪೪ ॥
ಸಂ॒ವ॒ತ್ಸ॒ರೋ॒ಽಸಿ ಪರಿವತ್ಸ॒ರೋ॒ಽಸೀದಾವತ್ಸ॒ರೋ॒ಽಸೀದ್ವತ್ಸ॒ರೋ॒ಽಸಿ ವತ್ಸ॒ರೋ॒ಽಸಿ ।
ಉ॒ಷಸ॑ಸ್ತೇ ಕಲ್ಪನ್ತಾಮಹೋರಾ॒ತ್ರಾಸ್ತೇ॑ ಕಲ್ಪನ್ತಾಮರ್ಧಮಾ॒ಸಾಸ್ತೇ॑ ಕಲ್ಪನ್ತಾಂ ಮಾ॒ಸಾಸ್ತೇ ಕಲ್ಪನ್ತಾಮೃ॒ತವ॑ಸ್ತೇ ಕಲ್ಪನ್ತಾᳪ ಸಂವತ್ಸ॒ರಸ್ತೇ॑ ಕಲ್ಪತಾಮ್ । ಪ್ರೇತ್ಯಾ॒ ಏತ್ಯೈ॒ ಸಂ ಚಾಞ್ಚ॒ ಪ್ರ ಚ॑ ಸಾರಯ ।
ಸುಪ॒ರ್ಣ॒ಚಿದ॑ಸಿ॒ ತಯಾ॑ ದೇ॒ವತ॑ಯಾಽಙ್ಗಿರ॒ಸ್ವದ್ ಧ್ರು॒ವ: ಸೀ॑ದ ॥ ೪೫ ॥
ಅಧ್ಯಾಯ ೨೮
ಹೋತಾ॑ ಯಕ್ಷತ್ಸ॒ಮಿಧೇನ್ದ್ರ॑ಮಿ॒ಡಸ್ಪ॒ದೇ ನಾಭಾ॑ ಪೃಥಿ॒ವ್ಯಾ ಅಧಿ॑ ।
ದಿ॒ವೋ ವರ್ಷ್ಮ॒ನ್ತ್ಸಮಿ॑ಧ್ಯತ॒ ಓಜಿ॑ಷ್ಠಶ್ಚರ್ಷಣೀ॒ಸಹಾಂ॒ ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೧ ॥
ಹೋತಾ॑ ಯಕ್ಷ॒ತ್ತನೂ॒ನಪಾ॑ತಮೂ॒ತಿಭಿ॒ರ್ಜೇತಾ॑ರ॒ಮಪ॑ರಾಜಿತಮ್ ।
ಇನ್ದ್ರಂ॑ ದೇ॒ವᳪ ಸ್ವ॒ರ್ವಿದಂ॑ ಪ॒ಥಿಭಿ॒ರ್ಮಧು॑ಮತ್ತಮೈ॒ರ್ನರಾ॒ಶᳪಸೇ॑ನ॒ ತೇಜ॑ಸಾ॒ ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨ ॥
ಹೋತಾ॑ ಯಕ್ಷ॒ದಿಡಾ॑ಭಿ॒ರಿನ್ದ್ರ॑ಮೀಡಿ॒ತಮಾ॒ಜುಹ್ವಾ॑ನ॒ಮಮ॑ರ್ತ್ಯಮ್ ।
ದೇ॒ವೋ ದೇ॒ವೈ: ಸವೀ॑ರ್ಯೋ॒ ವಜ್ರ॑ಹಸ್ತಃ ಪುರನ್ದ॒ರೋ ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩ ॥
ಹೋತಾ॒ ಯಕ್ಷದ್ಬ॒ರ್ಹಿಷೀನ್ದ್ರಂ॑ ನಿಷದ್ವ॒ರಂ ವೃ॑ಷ॒ಭಂ ನರ್ಯಾ॑ಪಸಮ್ ।
ವಸು॑ಭೀ ರು॒ದ್ರೈರಾ॑ದಿ॒ತ್ಯೈಃ ಸು॒ಯುಗ್ಭಿ॑ರ್ಬ॒ರ್ಹಿರಾಸ॑ದ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೪ ॥
ಹೋತಾ॑ ಯಕ್ಷ॒ದೋಜೋ॒ ನ ವೀ॒ರ್ಯᳪ ಸಹೋ॒ ದ್ವಾರ॒ ಇನ್ದ್ರ॑ಮವರ್ಧಯನ್ ।
ಸುಪ್ರಾ॒ಯ॒ಣಾ ಅ॒ಸ್ಮಿನ್ಯ॒ಜ್ಞೇ ವಿ ಶ್ರ॑ಯನ್ತಾಮೃತಾ॒ವೃಧೋ॒ ದ್ವಾರ॒ ಇನ್ದ್ರಾ॑ಯ ಮೀ॒ಢುಷೇ॒ ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೫ ॥
ಹೋತಾ॑ ಯಕ್ಷದು॒ಷೇ ಇನ್ದ್ರ॑ಸ್ಯ ಧೇ॒ನೂ ಸು॒ದುಘೇ॑ ಮಾ॒ತರಾ॑ ಮ॒ಹೀ ।
ಸ॒ವಾ॒ತರೌ॒ ನ ತೇಜ॑ಸಾ ವ॒ತ್ಸಮಿನ್ದ್ರ॑ಮವರ್ಧತಾಂ ವೀ॒ತಾಮಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೬ ॥
ಹೋತಾ॑ ಯಕ್ಷ॒ದ್ದೈವ್ಯಾ॒ ಹೋತಾ॑ರಾ ಭಿ॒ಷಜಾ॒ ಸಖಾ॑ಯಾ ಹ॒ವಿಷೇನ್ದ್ರಂ॑ ಭಿಷಜ್ಯತಃ ।
ಕ॒ವೀ ದೇವೌ॒ ಪ್ರಚೇ॑ತಸಾ॒ವಿನ್ದ್ರಾ॑ಯ ಧತ್ತ ಇನ್ದ್ರಿ॒ಯಂ ವೀ॒ತಾಮಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೭ ॥
ಹೋತಾ॑ ಯಕ್ಷತ್ತಿ॒ಸ್ರೋ ದೇ॒ವೀರ್ನ ಭೇ॑ಷ॒ಜಂ ತ್ರಯ॑ಸ್ತ್ರಿ॒ಧಾತ॑ವೋ॒ಽಪಸ॒ ಇಡಾ॒ ಸರ॑ಸ್ವತೀ॒ ಭಾರ॑ತೀ ಮ॒ಹೀಃ ।
ಇನ್ದ್ರ॑ಪತ್ನೀರ್ಹ॒ವಿಷ್ಮ॑ತೀ॒ರ್ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೮ ॥
ಹೋತಾ॑ ಯಕ್ಷ॒ತ್ತ್ವಷ್ಟಾ॑ರ॒ಮಿನ್ದ್ರಂ॑ ದೇ॒ವಂ ಭಿ॒ಷಜ॑ᳪ ಸು॒ಯಜಂ॑ ಘೃತ॒ಶ್ರಿಯ॑ಮ್ ।
ಪು॒ರು॒ರೂಪ॑ᳪ ಸು॒ರೇತ॑ಸಂ ಮ॒ಘೋನ॒ಮಿನ್ದ್ರಾ॑ಯ॒ ತ್ವಷ್ಟಾ॒ ದಧ॑ದಿನ್ದ್ರಿ॒ಯಾಣಿ॒ ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೯ ॥
ಹೋತಾ॑ ಯಕ್ಷ॒ದ್ವನ॒ಸ್ಪತಿ॑ᳪ ಶಮಿ॒ತಾರ॑ᳪ ಶ॒ತಕ್ರ॑ತುಂ ಧಿ॒ಯೋ ಜೋ॒ಷ್ಟಾರ॑ಮಿನ್ದ್ರಿ॒ಯಮ್ ।
ಮಧ್ವಾ॑ ಸಮ॒ಞ್ಜನ್ಪ॒ಥಿಭಿ॑: ಸು॒ಗೇಭಿ॒: ಸ್ವದಾ॑ತಿ ಯ॒ಜ್ಞಂ ಮಧು॑ನಾ ಘೃ॒ತೇನ॒ ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೧೦ ॥
ಹೋತಾ॑ ಯಕ್ಷ॒ದಿನ್ದ್ರ॒ᳪ ಸ್ವಾಹಾಽಽಜ್ಯ॑ಸ್ಯ॒ ಸ್ವಾಹಾ॒ ಮೇದ॑ಸ॒: ಸ್ವಾಹಾ॑ ಸ್ತೋ॒ಕಾನಾ॒ᳪ ಸ್ವಾಹಾ॒ ಸ್ವಾಹಾ॑ಕೃತೀನಾ॒ᳪ ಸ್ವಾಹಾ॑ ಹ॒ವ್ಯಸೂ॑ಕ್ತೀನಾಮ್ ।
ಸ್ವಾಹಾ॑ ದೇ॒ವಾ ಆ॑ಜ್ಯ॒ಪಾ ಜು॑ಷಾ॒ಣಾ ಇನ್ದ್ರ॒ ಆಜ್ಯ॑ಸ್ಯ॒ ವ್ಯನ್ತು॒ ಹೋತ॒ರ್ಯಜ॑ ॥ ೧೧ ॥
ದೇ॒ವಂ ಬ॒ರ್ಹಿರಿನ್ದ್ರ॑ᳪ ಸುದೇ॒ವಂ ದೇ॒ವೈರ್ವೀ॒ರವ॑ತ್ಸ್ತೀ॒ರ್ಣಂ ವೇದ್ಯಾ॑ಮವರ್ಧಯತ್ ।
ವಸ್ತೋ॑ರ್ವೃ॒ತಂ ಪ್ರಾಕ್ತೋರ್ಭೃ॒ತᳪ ರಾ॒ಯಾ ಬ॒ರ್ಹಿಷ್ಮ॒ತೋಽತ್ಯ॑ಗಾದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೧೨ ॥
ದೇ॒ವೀರ್ದ್ವಾರ॒ ಇನ್ದ್ರ॑ᳪ ಸಙ್ಘಾ॒ತೇ ವೀ॒ಡ್ವೀರ್ಯಾಮ॑ನ್ನವರ್ಧಯನ್ ।
ಆ ವ॒ತ್ಸೇನ॒ ತರು॑ಣೇನ ಕುಮಾ॒ರೇಣ॑ ಚ ಮೀವ॒ತಾಪಾರ್ವಾ॑ಣᳪ ರೇ॒ಣುಕ॑ಕಾಟಂ ನುದನ್ತಾಂ ವಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೧೩ ॥
ದೇ॒ವೀ ಉ॒ಷಾಸಾ॒ನಕ್ತೇನ್ದ್ರಂ॑ ಯ॒ಜ್ಞೇ ಪ್ರ॑ಯ॒ತ್ಯ॒ಹ್ವೇತಾಮ್ ।
ದೈವೀ॒ರ್ವಿಶ॒: ಪ್ರಾಯಾ॑ಸಿಷ್ಟಾ॒ᳪ ಸುಪ್ರೀ॑ತೇ॒ ಸುಧಿ॑ತೇ ವಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೧೪ ॥
ದೇ॒ವೀ ಜೋಷ್ಟ್ರೀ॒ ವಸು॑ಧಿತೀ ದೇ॒ವಮಿನ್ದ್ರ॑ಮವರ್ಧತಾಮ್ ।
ಅಯಾ॑ವ್ಯ॒ನ್ಯಾಘಾ ದ್ವೇಷಾ॒ᳪಸ್ಯಾನ್ಯಾ ವ॑ಕ್ಷ॒ದ್ವಸು॒ ವಾರ್ಯಾ॑ಣಿ॒ ಯಜ॑ಮಾನಾಯ ಶಿಕ್ಷಿ॒ತೇ ವ॑ಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೧೫ ॥
ದೇ॒ವೀ ಊ॒ರ್ಜಾಹು॑ತೀ॒ ದುಘೇ॒ ಸು॒ದುಘೇ॒ ಪಯ॒ಸೇನ್ದ್ರ॑ಮವರ್ಧತಾಮ್ ।
ಇಷ॒ಮೂರ್ಜ॑ಮ॒ನ್ಯಾ ವ॑ಕ್ಷ॒ತ್ಸಗ್ಧಿ॒ᳪ ಸಪೀ॑ತಿಮ॒ನ್ಯಾ ನವೇ॑ನ॒ ಪೂರ್ವಂ॒ ದಯ॑ಮಾನೇ ಪುರಾ॒ಣೇನ॒ ನವ॒ಮಧಾ॑ತಾ॒ಮೂರ್ಜ॑ಮೂ॒ರ್ಜಾಹು॑ತೀ ಊ॒ರ್ಜಯ॑ಮಾನೇ॒ ವಸು॒ ವಾರ್ಯಾ॑ಣಿ॒ ಯಜ॑ಮಾನಾಯ ಶಿಕ್ಷಿ॒ತೇ ವ॑ಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೧೬ ॥
ದೇ॒ವಾ ದೈವ್ಯಾ॒ ಹೋತಾ॑ರಾ ದೇ॒ವಮಿನ್ದ್ರ॑ಮವರ್ಧತಾಮ್ ।
ಹ॒ತಾಘ॑ಶᳪಸಾ॒ವಾಭಾ॑ರ್ಷ್ಟಾಂ॒ ವಸು॒ ವಾರ್ಯಾ॑ಣಿ॒ ಯಜ॑ಮಾನಾಯ ಶಿಕ್ಷಿ॒ತೌ ವ॑ಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೧೭ ॥
ದೇ॒ವೀಸ್ತಿ॒ಸ್ರಸ್ತಿ॒ಸ್ರೋ ದೇ॒ವೀಃ ಪತಿ॒ಮಿನ್ದ್ರ॑ಮವರ್ಧಯನ್ ।
ಅಸ್ಪೃ॑ಕ್ಷ॒ದ್ಭಾರ॑ತೀ॒ ದಿವ॑ᳪ ರು॒ದ್ರೈರ್ಯ॒ಜ್ಞᳪ ಸರ॑ಸ್ವ॒ತೀಡಾ॑ ವಸು॑ಮತೀ ಗೃ॒ಹಾನ್ ವ॑ಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೧೮ ॥
ದೇ॒ವ ಇನ್ದ್ರೋ॒ ನರಾ॒ಶᳪಸ॑ಸ್ತ್ರಿವರೂ॒ಥಸ್ತ್ರಿ॑ಬನ್ಧು॒ರೋ ದೇ॒ವಮಿನ್ದ್ರ॑ಮವರ್ಧಯತ್ ।
ಶ॒ತೇನ॑ ಶಿತಿಪೃ॒ಷ್ಠಾನಾ॒ಮಾಹಿ॑ತಃ ಸ॒ಹಸ್ರೇ॑ಣ॒ ಪ್ರ ವ॑ರ್ತತೇ ಮಿ॒ತ್ರಾವರು॒ಣೇದ॑ಸ್ಯ ಹೋ॒ತ್ರಮರ್ಹ॑ತೋ॒ ಬೃಹ॒ಸ್ಪತಿ॑ ಸ್ತೋ॒ತ್ರಮ॒ಶ್ವಿನಾಧ್ವ॑ರ್ಯವಂ ವಸು॒ವನೇ॑ ವಸು॒ಧೇಯ॑ಸ್ಯ ವೇತ್ತು॒ ಯಜ॑ ॥ ೧೯ ॥
ದೇ॒ವೋ ದೇವೈ॒ರ್ವನ॒ಸ್ಪತಿ॒ರ್ಹಿರ॑ಣ್ಯಪರ್ಣೋ॒ ಮಧು॑ಶಾಖಃ ಸುಪಿಪ್ಪ॒ಲೋ ದೇ॒ವಮಿನ್ದ್ರ॑ಮವರ್ಧಯತ್ ।
ದಿವ॒ಮಗ್ರೇ॑ಣಾಸ್ಪೃಕ್ಷ॒ದಾನ್ತರಿ॑ಕ್ಷಂ ಪೃಥಿ॒ವೀಮ॑ದೃᳪಹೀದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೨೦ ॥
ದೇ॒ವಂ ಬ॒ರ್ಹಿರ್ವಾರಿ॑ತೀನಾಂ ದೇ॒ವಮಿನ್ದ್ರ॑ಮವರ್ಧಯತ್ ।
ಸ್ವಾ॒ಸ॒ಸ್ಥಮಿನ್ದ್ರೇ॒ಣಾಸ॑ನ್ನಮ॒ನ್ಯಾ ಬ॒ರ್ಹೀᳪಷ್ಯ॒ಭ್ಯ॒ಭೂದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೨೧ ॥
ದೇ॒ವೋ ಅ॒ಗ್ನಿಃ ಸ್ವಿ॑ಷ್ಟ॒ಕೃದ್ದೇ॒ವಮಿನ್ದ್ರ॑ಮವರ್ಧಯತ್ ।
ಸ್ವಿ॑ಷ್ಟಂ ಕು॒ರ್ವನ್ತ್ಸ್ವಿ॑ಷ್ಟ॒ಕೃತ್ಸ್ವಿ॑ಷ್ಟಮ॒ದ್ಯ ಕ॑ರೋತು ನೋ ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೨೨ ॥
ಅ॒ಗ್ನಿಮ॒ದ್ಯ ಹೋತಾ॑ರಮವೃಣೀತಾ॒ಯಂ ಯಜ॑ಮಾನ॒: ಪಚ॒ನ್ಪಕ್ತೀ॒: ಪಚ॑ನ್ಪುರೋ॒ಡಾಶಂ॑ ಬ॒ಧ್ನನ್ನಿನ್ದ್ರಾ॑ಯ॒ ಛಾಗ॑ಮ್ ।
ಸೂ॒ಪ॒ಸ್ಥಾ ಅ॒ದ್ಯ ದೇ॒ವೋ ವನ॒ಸ್ಪತಿ॑ರಭವ॒ದಿನ್ದ್ರಾ॑ಯ॒ ಛಾಗೇ॑ನ । ಅಘ॒ತ್ತಂ ಮೇ॑ದ॒ಸ್ತಃ ಪ್ರತಿ॑ ಪಚ॒ತಾಗ್ರ॑ಭೀ॒ದವೀ॑ವೃಧತ್ಪುರೋ॒ಡಾಶೇ॑ನ ।
ತ್ವಾಮ॒ದ್ಯ ಋ॑ಷೇ ॥ ೨೩ ॥
ಹೋತಾ॑ ಯಕ್ಷತ್ಸಮಿಧಾ॒ನಂ ಮ॒ಹದ್ಯಶ॒: ಸುಸ॑ಮಿದ್ಧಂ॒ ವರೇ॑ಣ್ಯಮ॒ಗ್ನಿಮಿನ್ದ್ರಂ॑ ವಯೋ॒ಧಸ॑ಮ್ ।
ಗಾ॒ಯ॒ತ್ರೀಂ ಛನ್ದ॑ ಇನ್ದ್ರಿ॒ಯಂ ತ್ರ್ಯವಿಂ॒ ಗಾಂ ವಯೋ॒ ದಧ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨೪ ॥
ಹೋತಾ॑ ಯಕ್ಷ॒ತ್ತನೂ॒ನಪಾ॑ತಮು॒ದ್ಭಿದಂ॒ ಯಂ ಗರ್ಭ॒ಮದಿ॑ತಿರ್ದ॒ಧೇ ಶುಚಿ॒ಮಿನ್ದ್ರಂ॑ ವಯೋ॒ಧಸ॑ಮ್ ।
ಉ॒ಷ್ಣಿಹಂ॒ ಛನ್ದ॑ ಇನ್ದ್ರಿ॒ಯಂ ದಿ॑ತ್ಯ॒ವಾಹಂ॒ ಗಾಂ ವಯೋ॒ ದಧ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨೫ ॥
ಹೋತಾ॑ ಯಕ್ಷದೀ॒ಡೇನ್ಯ॑ಮೀಡಿ॒ತಂ ವೃ॑ತ್ರ॒ಹನ್ತ॑ಮ॒ಮಿಡಾ॑ಭಿ॒ರೀಡ್ಯಁ॒ ಸಹ॒: ಸೋಮ॒ಮಿನ್ದ್ರಁ॑ ವಯೋ॒ಧಸ॑ಮ್ ।
ಅ॒ನು॒ಷ್ಟುಭಂ॒ ಛನ್ದ॑ ಇನ್ದ್ರಿ॒ಯಂ ಪಞ್ಚಾ॑ವಿಂ॒ ಗಾಂ ವಯೋ॒ ದಧ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨೬ ॥
ಹೋತಾ॑ ಯಕ್ಷತ್ಸುಬ॒ರ್ಹಿಷಂ॑ ಪೂಷ॒ಣ್ವನ್ತ॒ಮಮ॑ರ್ತ್ಯ॒ᳪ ಸೀದ॑ನ್ತಂ ಬ॒ರ್ಹಿಷಿ॑ ಪ್ರಿ॒ಯೇಽಮೃತೇನ್ದ್ರಂ॑ ವಯೋ॒ಧಸ॑ಮ್ ।
ಬೃ॒ಹ॒ತೀಂ ಛನ್ದ॑ ಇನ್ದ್ರಿ॒ಯಂ ತ್ರಿ॑ವ॒ತ್ಸಂ ಗಾಂ ವಯೋ॒ ದಧ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨೭ ॥
ಹೋತಾ॑ ಯಕ್ಷ॒ದ್ವ್ಯಚ॑ಸ್ವತೀಃ ಸುಪ್ರಾಯ॒ಣಾ ಋ॑ತಾ॒ವೃಧೋ॒ ದ್ವಾರೋ॑ ದೇ॒ವೀರ್ಹಿ॑ರ॒ಣ್ಯಯೀ॑ರ್ಬ್ರ॒ಹ್ಮಾಣ॒ಮಿನ್ದ್ರಂ॑ ವಯೋ॒ಧಸ॑ಮ್ ।
ಪ॒ಙ್ಕ್ತಿಂ ಛನ್ದ॑ ಇ॒ಹೇನ್ದ್ರಿ॒ಯಂ ತು॑ರ್ಯ॒ವಾಹಂ॒ ಗಾಂ ವಯೋ॒ ದಧ॒ದ್ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨೮ ॥
ಹೋತಾ॑ ಯಕ್ಷತ್ಸು॒ಪೇಶ॑ಸಾ ಸುಶಿ॒ಲ್ಪೇ ಬೃ॑ಹ॒ತೀ ಉ॒ಭೇ ನಕ್ತೋ॒ಷಾಸಾ॒ ನ ದ॑ರ್ಶ॒ತೇ ವಿಶ್ವ॒ಮಿನ್ದ್ರಂ॑ ವಯೋ॒ಧಸ॑ಮ್ ।
ತ್ರಿ॒ಷ್ಟುಭಂ॒ ಛನ್ದ॑ ಇ॒ಹೇನ್ದ್ರಿ॒ಯಂ ಪ॑ಷ್ಠ॒ವಾಹಂ॒ ಗಾಂ ವಯೋ॒ ದಧ॑ದ್ವೀ॒ತಾಮಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೨೯ ॥
ಹೋತಾ॑ ಯಕ್ಷ॒ತ್ಪ್ರಚೇ॑ತಸಾ ದೇ॒ವಾನಾ॑ಮುತ್ತ॒ಮಂ ಯಶೋ॒ ಹೋತಾ॑ರಾ ದೈವ್ಯಾ ಕ॒ವೀ ಸ॒ಯುಜೇನ್ದ್ರಂ॑ ವಯೋ॒ಧಸ॑ಮ್ ।
ಜಗ॑ತೀಂ॒ ಛನ್ದ॑ ಇನ್ದ್ರಿ॒ಯಮ॑ನ॒ಡ್ವಾಹಂ॒ ಗಾಂ ವಯೋ॒ ದಧ॑ದ್ವೀ॒ತಾಮಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೦ ॥
ಹೋತಾ॑ ಯಕ್ಷ॒ತ್ಪೇಶ॑ಸ್ವತೀಸ್ತಿ॒ಸ್ರೋ ದೇ॒ವೀರ್ಹಿ॑ರ॒ಣ್ಯಯೀ॒ರ್ಭಾರ॑ತೀರ್ಬೃಹ॒ತೀರ್ಮ॒ಹೀಃ ಪತಿ॒ಮಿನ್ದ್ರಂ॑ ವಯೋ॒ಧಸ॑ಮ್ ।
ವಿ॒ರಾಜಂ॒ ಛನ್ದ॑ ಇ॒ಹೇನ್ದ್ರಿ॒ಯಂ ಧೇ॒ನುಂ ಗಾಂ ನ ವಯೋ॒ ದಧ॒ದ್ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೧ ॥
ಹೋತಾ॑ ಯಕ್ಷತ್ಸು॒ರೇತ॑ಸಂ॒ ತ್ವಷ್ಟಾ॑ರಂ ಪುಷ್ಟಿ॒ವರ್ಧ॑ನᳪ ರೂ॒ಪಾಣಿ॒ ಬಿಭ್ರ॑ತಂ॒ ಪೃಥ॒ಕ್ ಪುಷ್ಟಿ॒ಮಿನ್ದ್ರಂ॑ ವಯೋ॒ಧಸ॑ಮ್ ।
ದ್ವಿ॒ಪದಂ॒ ಛನ್ದ॑ ಇನ್ದ್ರಿ॒ಯಮು॒ಕ್ಷಾಣಂ॒ ಗಾಂ ನ ವಯೋ॒ ದಧ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೨ ॥
ಹೋತಾ॑ ಯಕ್ಷ॒ದ್ವನ॒ಸ್ಪತಿ॑ᳪ ಶಮಿ॒ತಾರ॑ᳪ ಶ॒ತಕ್ರ॑ತು॒ᳪ ಹಿರ॑ಣ್ಯಪರ್ಣಮು॒ಕ್ಥಿನ॑ᳪ ರಶ॒ನಾಂ ಬಿಭ್ರ॑ತಂ ವ॒ಶಿಂ ಭಗ॒ಮಿನ್ದ್ರಂ॑ ವಯೋ॒ಧಸ॑ಮ್ ।
ಕ॒ಕುಭಂ॒ ಛನ್ದ॑ ಇ॒ಹೇನ್ದ್ರಿ॒ಯಂ ವ॒ಶಾಂ ವೇ॒ಹತಂ॒ ಗಾಂ ವಯೋ॒ ದಧ॒ದ್ವೇತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೩ ॥
ಹೋತಾ॑ ಯಕ್ಷ॒ತ್ಸ್ವಾಹಾ॑ಕೃತೀರ॒ಗ್ನಿಂ ಗೃ॒ಹಪ॑ತಿಂ॒ ಪೃಥ॒ಗ್ವರು॑ಣಂ ಭೇಷ॒ಜಂ ಕ॒ವಿಂ ಕ್ಷ॒ತ್ರಮಿನ್ದ್ರಂ॑ ವಯೋ॒ಧಸ॑ಮ್ ।
ಅತಿ॑ಚ್ಛನ್ದಸಂ॒ ಛನ್ದ॑ ಇನ್ದ್ರಿ॒ಯಂ ಬೃ॒ಹದೃ॑ಷ॒ಭಂ ಗಾಂ ವಯೋ॒ ದಧ॒ದ್ವ್ಯನ್ತ್ವಾಜ್ಯ॑ಸ್ಯ॒ ಹೋತ॒ರ್ಯಜ॑ ॥ ೩೪ ॥
ದೇ॒ವಂ ಬ॒ರ್ಹಿರ್ವ॑ಯೋ॒ಧಸಂ॑ ದೇ॒ವಮಿನ್ದ್ರ॑ಮವರ್ಧಯತ್ ।
ಗಾ॒ಯ॒ತ್ರ್ಯಾ ಛನ್ದ॑ಸೇನ್ದ್ರಿ॒ಯಂ ಚಕ್ಷು॒ರಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೩೫ ॥
ದೇ॒ವೀರ್ದ್ವಾರೋ॑ ವಯೋ॒ಧಸ॒ᳪ ಶುಚಿ॒ಮಿನ್ದ್ರ॑ಮವರ್ಧಯನ್ ।
ಉ॒ಷ್ಣಿಹಾ॒ ಛನ್ದ॑ಸೇನ್ದ್ರಿ॒ಯಂ ಪ್ರಾ॒ಣಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೩೬ ॥
ದೇ॒ವೀ ಉ॒ಷಾಸಾ॒ನಕ್ತಾ॑ ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವೀ ದೇ॒ವಮ॑ವರ್ಧತಾಮ್ ।
ಅ॒ನು॒ಷ್ಟುಭಾ॒ ಛನ್ದ॑ಸೇನ್ದ್ರಿ॒ಯಂ ಬಲ॒ಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೩೭ ॥
ದೇ॒ವೀ ಜೋಷ್ಟ್ರೀ॒ ವಸು॑ಧಿತೀ ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವೀ ದೇ॒ವಮ॑ವರ್ಧತಾಮ್ ।
ಬೃ॒ಹ॒ತ್ಯಾ ಛನ್ದ॑ಸೇನ್ದ್ರಿ॒ಯᳪ ಶ್ರೋತ್ರ॒ಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೩೮ ॥
ದೇ॒ವೀ ಊ॒ರ್ಜಾಹು॑ತೀ॒ ದುಘೇ॑ ಸು॒ದು॒ಘೇ॒ ಪಯ॒ಸೇನ್ದ್ರಂ॑ ವಯೋ॒ಧಸಂ॑ ದೇ॒ವೀ ದೇ॒ವಮ॑ವರ್ಧತಾಮ್ ।
ಪ॒ಙ್ಕ್ತ್ಯಾ ಛನ್ದ॑ಸೇನ್ದ್ರಿ॒ಯᳪ ಶು॒ಕ್ರಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೩೯ ॥
ದೇ॒ವಾ ದೈವ್ಯಾ॒ ಹೋತಾ॑ರಾ ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವೌ ದೇ॒ವಮ॑ವರ್ಧತಾಮ್ ।
ತ್ರಿ॒ಷ್ಟುಭಾ॒ ಛನ್ದ॑ಸೇನ್ದ್ರಿ॒ಯಂ ತ್ವಿಷಿ॒ಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೀತಾಂ॒ ಯಜ॑ ॥ ೪೦ ॥
ದೇ॒ವೀಸ್ತಿ॒ಸ್ರಸ್ತಿ॒ಸ್ರೋ ದೇ॒ವೀರ್ವ॑ಯೋ॒ಧಸಂ॒ ಪತಿ॒ಮಿನ್ದ್ರ॑ಮವರ್ಧಯನ್ ।
ಜಗ॑ತ್ಯಾ॒ ಛನ್ದ॑ಸೇನ್ದ್ರಿ॒ಯᳪ ಶೂಷ॒ಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವ್ಯನ್ತು॒ ಯಜ॑ ॥ ೪೧ ॥
ದೇ॒ವೋ ನರಾ॒ಶᳪಸೋ॑ ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವೋ ದೇ॒ವಮ॑ವರ್ಧಯತ್ ।
ವಿ॒ರಾಜಾ॒ ಛನ್ದ॑ಸೇನ್ದ್ರಿ॒ಯᳪ ರು॒ಪಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೪೨ ॥
ದೇ॒ವೋ ವನ॒ಸ್ಪತಿ॑ರ್ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವೋ ದೇ॒ವಮ॑ವರ್ಧಯತ್ ।
ದ್ವಿಪ॑ದಾ॒ ಛನ್ದ॑ಸೇನ್ದ್ರಿ॒ಯಂ ಭಗ॒ಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೪೩ ॥
ದೇ॒ವಂ ಬ॒ರ್ಹಿರ್ವಾರಿ॑ತೀನಾಂ ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವಂ ದೇ॒ವಮ॑ವರ್ಧಯತ್ ।
ಕ॒ಕುಭಾ॒ ಛನ್ದ॑ಸೇನ್ದ್ರಿ॒ಯಂ ಯಶ॒ ಇನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೪೪ ॥
ದೇ॒ವೋ ಅ॒ಗ್ನಿಃ ಸ್ವಿ॑ಷ್ಟ॒ಕೃದ್ದೇ॒ವಮಿನ್ದ್ರಂ॑ ವಯೋ॒ಧಸಂ॑ ದೇ॒ವಮ॑ವರ್ಧಯತ್ ।
ಅತಿ॑ಚ್ಛನ್ದಸಾ॒ ಛನ್ದ॑ಸೇನ್ದ್ರಿ॒ಯಂ ಕ್ಷ॒ತ್ರಮಿನ್ದ್ರೇ॒ ವಯೋ॒ ದಧ॑ದ್ವಸು॒ವನೇ॑ ವಸು॒ಧೇಯ॑ಸ್ಯ ವೇತು॒ ಯಜ॑ ॥ ೪೫ ॥
ಅ॒ಗ್ನಿಮ॒ದ್ಯ ಹೋತಾ॑ರಮವೃಣೀತಾ॒ಯಂ ಯಜ॑ಮಾನ॒: ಪಚ॒ನ್ಪಕ್ತೀ॒: ಪಚ॑ನ್ಪುರೋ॒ಡಾಶಂ॑ ಬ॒ಧ್ನನ್ನಿನ್ದ್ರಾ॑ಯ ವಯೋ॒ಧಸೇ॒ ಛಾಗ॑ಮ್ ।
ಸೂ॒ಪ॒ಸ್ಥಾ ಅ॒ದ್ಯ ದೇ॒ವೋ ವನ॒ಸ್ಪತಿ॑ರಭವ॒ದಿನ್ದ್ರಾ॑ಯ ವಯೋ॒ಧಸೇ॒ ಛಾಗೇ॑ನ ।
ಅಘ॒ತ್ತಂ ಮೇ॑ದ॒ಸ್ತಃ ಪ್ರತಿ॑ಪಚ॒ತಾಗ್ರ॑ಭೀ॒ದವೀ॑ವೃಧತ್ಪುರೋ॒ಡಾಶೇ॑ನ । ತ್ವಾಮ॒ದ್ಯ ಋ॑ಷೇ ॥ ೪೬ ॥
ಅಧ್ಯಾಯ ೨೯
ಸಮಿ॑ದ್ಧೋ ಅ॒ಞ್ಜನ್ ಕೃದ॑ರಂ ಮತೀ॒ನಾಂ ಘೃ॒ತಮ॑ಗ್ನೇ॒ ಮಧು॑ಮ॒ತ್ಪಿನ್ವ॑ಮಾನಃ ।
ವಾ॒ಜೀ ವಹ॑ನ್ ವಾ॒ಜಿನಂ॑ ಜಾತವೇದೋ ದೇ॒ವಾನಾಂ॑ ವಕ್ಷಿ ಪ್ರಿ॒ಯಮಾ ಸ॒ಧಸ್ಥ॑ಮ್ ॥ ೧ ॥
ಘೃ॒ತೇನಾ॒ಞ್ಜನ್ತ್ಸಂ ಪ॒ಥೋ ದೇ॑ವ॒ಯಾನಾ॑ನ್ ಪ್ರಜಾ॒ನನ್ ವಾ॒ಜ್ಯಪ್ಯೇ॑ತು ದೇ॒ವಾನ್ ।
ಅನು॑ ತ್ವಾ ಸಪ್ತೇ ಪ್ರ॒ದಿಶ॑: ಸಚನ್ತಾᳪ ಸ್ವ॒ಧಾಮ॒ಸ್ಮೈ॒ ಯಜ॑ಮಾನಾಯ ಧೇಹಿ ॥ ೨ ॥
ಈಡ್ಯ॒ಶ್ಚಾಸಿ॒ ವನ್ದ್ಯ॑ಶ್ಚ ವಾಜಿನ್ನಾ॒ಶುಶ್ಚಾಸಿ॒ ಮೇಧ್ಯ॑ಶ್ಚ ಸಪ್ತೇ ।
ಅ॒ಗ್ನಿಷ್ಟ್ವಾ॑ ದೇವೈ॒ರ್ವಸು॑ಭಿಃ ಸ॒ಜೋಷಾ॑: ಪ್ರೀ॒ತಂ ವಹ್ನಿಂ॑ ವಹತು ಜಾ॒ತವೇ॑ದಾಃ ॥ ೩ ॥
ಸ್ತೀ॒ರ್ಣಂ ಬ॒ರ್ಹಿಃ ಸು॒ಷ್ಟರೀ॑ಮಾ ಜುಷಾ॒ಣೋರು ಪೃ॒ಥು ಪ್ರಥ॑ಮಾನಂ ಪೃಥಿ॒ವ್ಯಾಮ್ ।
ದೇ॒ವೇಭಿ॑ರ್ಯು॒ಕ್ತಮದಿ॑ತಿಃ ಸ॒ಜೋಷಾ॑: ಸ್ಯೋ॒ನಂ ಕೃ॑ಣ್ವಾ॒ನಾ ಸು॑ವಿ॒ತೇ ದ॑ಧಾತು ॥ ೪ ॥
ಏ॒ತಾ ಉ॑ ವಃ ಸು॒ಭಗಾ॑ ವಿ॒ಶ್ವರೂ॑ಪಾ॒ ವಿ ಪಕ್ಷೋ॑ಭಿ॒: ಶ್ರಯ॑ಮಾಣಾ॒ ಉದಾತೈ॑: ।
ಋ॒ಷ್ವಾಃ ಸ॒ತೀಃ ಕ॒ವಷ॒: ಶುಮ್ಭ॑ಮಾನಾ॒ ದ್ವಾರೋ॑ ದೇ॒ವೀಃ ಸು॑ಪ್ರಾಯ॒ಣಾ ಭ॑ವನ್ತು ॥ ೫ ॥
ಅ॒ನ್ತ॒ರಾ ಮಿ॒ತ್ರಾವರು॑ಣಾ॒ ಚರ॑ನ್ತೀ॒ ಮುಖಂ॑ ಯ॒ಜ್ಞಾನಾ॑ಮ॒ಭಿ ಸಂ॑ವಿದಾ॒ನೇ ।
ಉ॒ಷಾಸಾ॑ ವಾᳪ ಸುಹಿರ॒ಣ್ಯೇ ಸು॑ಶಿ॒ಲ್ಪೇ ಋ॒ತಸ್ಯ॒ ಯೋನಾ॑ವಿ॒ಹ ಸಾ॑ದಯಾಮಿ ॥ ೬ ॥
ಪ್ರ॒ಥ॒ಮಾ ವಾ॑ᳪ ಸರ॒ಥಿನಾ॑ ಸು॒ವರ್ಣಾ॑ ದೇವೌ॒ ಪಶ್ಯ॑ನ್ತೌ॒ ಭುವ॑ನಾನಿ॒ ವಿಶ್ವಾ॑ ।
ಅಪಿ॑ಪ್ರಯಂ॒ ಚೋದ॑ನಾ ವಾಂ॒ ಮಿಮಾ॑ನಾ॒ ಹೋತಾ॑ರಾ॒ ಜ್ಯೋತಿ॑: ಪ್ರ॒ದಿಶಾ॑ ದಿ॒ಶನ್ತಾ॑ ॥ ೭ ॥
ಆ॒ದಿ॒ತ್ಯೈರ್ನೋ॒ ಭಾರ॑ತೀ ವಷ್ಟು ಯ॒ಜ್ಞᳪ ಸರ॑ಸ್ವತೀ ಸ॒ಹ ರು॒ದ್ರೈರ್ನ॑ ಆವೀತ್ ।
ಇಡೋಪ॑ಹೂತಾ॒ ವಸು॑ಭಿಃ ಸ॒ಜೋಷಾ॑ ಯ॒ಜ್ಞಂ ನೋ॑ ದೇವೀರ॒ಮೃತೇ॑ಷು ಧತ್ತ ॥ ೮ ॥
ತ್ವಷ್ಟಾ॑ ವೀ॒ರಂ ದೇ॒ವಕಾ॑ಮಂ ಜಜಾನ॒ ತ್ವಷ್ಟು॒ರರ್ವಾ॑ ಜಾಯತ ಆ॒ಶುರಶ್ವ॑: ।
ತ್ವಷ್ಟೇ॒ದಂ ವಿಶ್ವಂ॒ ಭುವ॑ನಂ ಜಜಾನ ಬ॒ಹೋಃ ಕ॒ರ್ತಾರ॑ಮಿ॒ಹ ಯ॑ಕ್ಷಿ ಹೋತಃ ॥ ೯ ॥
ಅಶ್ವೋ॑ ಘೃ॒ತೇನ॒ ತ್ಮನ್ಯಾ॒ ಸಮ॑ಕ್ತ॒ ಉಪ॑ ದೇ॒ವಾಁ೨ ಋ॑ತು॒ಶಃ ಪಾಥ॑ ಏತು ।
ವನ॒ಸ್ಪತಿ॑ರ್ದೇವಲೋ॒ಕಂ ಪ್ರ॑ಜಾ॒ನನ್ನ॒ಗ್ನಿನಾ॑ ಹ॒ವ್ಯಾ ಸ್ವ॑ದಿ॒ತಾನಿ॑ ವಕ್ಷತ್ ॥ ೧೦ ॥
ಪ್ರ॒ಜಾಪ॑ತೇ॒ಸ್ತಪ॑ಸಾ ವಾವೃಧಾ॒ನಃ ಸ॒ದ್ಯೋ ಜಾ॒ತೋ ದ॑ಧಿಷೇ ಯ॒ಜ್ಞಮ॑ಗ್ನೇ ।
ಸ್ವಾಹಾ॑ಕೃತೇನ ಹ॒ವಿಷಾ॑ ಪುರೋಗಾ ಯಾ॒ಹಿ ಸಾ॒ಧ್ಯಾ ಹ॒ವಿರ॑ದನ್ತು ದೇ॒ವಾಃ ॥ ೧೧ ॥
ಯದಕ್ರ॑ನ್ದಃ ಪ್ರಥ॒ಮಂ ಜಾಯ॑ಮಾನ ಉ॒ದ್ಯನ್ತ್ಸ॑ಮು॒ದ್ರಾದು॒ತ ವಾ॒ ಪುರೀ॑ಷಾತ್ ।
ಶ್ಯೇ॒ನಸ್ಯ॑ ಪ॒ಕ್ಷಾ ಹ॑ರಿ॒ಣಸ್ಯ॑ ಬಾ॒ಹೂ ಉ॑ಪ॒ಸ್ತುತ್ಯಂ॒ ಮಹಿ॑ ಜಾ॒ತಂ ತೇ॑ ಅರ್ವನ್ ॥ ೧೨ ॥
ಯ॒ಮೇನ॑ ದ॒ತ್ತಂ ತ್ರಿ॒ತ ಏ॑ನಮಾಯುನ॒ಗಿನ್ದ್ರ॑ ಏಣಂ ಪ್ರಥ॒ಮೋ ಅಧ್ಯ॑ತಿಷ್ಠತ್ ।
ಗ॒ನ್ಧ॒ರ್ವೋ ಅ॑ಸ್ಯ ರಶ॒ನಾಮ॑ಗೃಭ್ಣಾ॒ತ್ ಸೂರಾ॒ದಶ್ವಂ॑ ವಸವೋ॒ ನಿರ॑ತಷ್ಟ ॥ ೧೩ ॥
ಅಸಿ॑ ಯ॒ಮೋ ಅಸ್ಯಾ॑ದಿ॒ತ್ಯೋ ಅ॑ರ್ವ॒ನ್ನಸಿ॑ ತ್ರಿ॒ತೋ ಗುಹ್ಯೇ॑ನ ವ್ರ॒ತೇನ॑ ।
ಅಸಿ॒ ಸೋಮೇ॑ನ ಸ॒ಮಯಾ॒ ವಿಪೃ॑ಕ್ತ ಆ॒ಹುಸ್ತೇ॒ ತ್ರೀಣಿ॑ ದಿ॒ವಿ ಬನ್ಧ॑ನಾನಿ ॥ ೧೪ ॥
ತ್ರೀಣಿ॑ ತ ಆಹುರ್ದಿ॒ವಿ ಬನ್ಧ॑ನಾನಿ॒ ತ್ರೀಣ್ಯ॒ಪ್ಸು ತ್ರೀಣ್ಯ॒ನ್ತಃ ಸ॑ಮು॒ದ್ರೇ ।
ಉ॒ತೇವ॑ ಮೇ॒ ವರು॑ಣಶ್ಛನ್ತ್ಸ್ಯರ್ವ॒ನ್ ಯತ್ರಾ॑ ತ ಆ॒ಹುಃ ಪ॑ರ॒ಮಂ ಜ॒ನಿತ್ರ॑ಮ್ ॥ ೧೫ ॥
ಇ॒ಮಾ ತೇ॑ ವಾಜಿನ್ನವ॒ಮಾರ್ಜ॑ನಾನೀ॒ಮಾ ಶ॒ಫಾನಾ॑ᳪ ಸನಿ॒ತುರ್ನಿ॒ಧಾನಾ॑ ।
ಅತ್ರಾ॑ ತೇ ಭ॒ದ್ರಾ ರ॑ಶ॒ನಾ ಅ॑ಪಶ್ಯಮೃ॒ತಸ್ಯ॒ ಯಾ ಅ॑ಭಿ॒ರಕ್ಷ॑ನ್ತಿ ಗೋ॒ಪಾಃ ॥ ೧೬ ॥
ಆ॒ತ್ಮಾನಂ॑ ತೇ॒ ಮನ॑ಸಾ॒ರಾದ॑ಜಾನಾಮ॒ವೋ ದಿ॒ವಾ ಪ॒ತಯ॑ನ್ತಂ ಪತ॒ಙ್ಗಮ್ ।
ಶಿರೋ॑ ಅಪಶ್ಯಂ ಪ॒ಥಿಭಿ॑: ಸು॒ಗೇಭಿ॑ರರೇ॒ಣುಭಿ॒ರ್ಜೇಹ॑ಮಾನಂ ಪತ॒ತ್ರಿ ॥ ೧೭ ॥
ಅತ್ರಾ॑ ತೇ ರೂ॒ಪಮು॑ತ್ತ॒ಮಮ॑ಪಶ್ಯಂ॒ ಜಿಗೀ॑ಷಮಾಣಮಿ॒ಷ ಆ ಪ॒ದೇ ಗೋಃ ।
ಯ॒ದಾ ತೇ॒ ಮರ್ತೋ॒ ಅನು॒ ಭೋಗ॒ಮಾನ॒ಡಾದಿದ್ ಗ್ರಸಿ॑ಷ್ಠ॒ ಓಷ॑ಧೀರಜೀಗಃ ॥ ೧೮ ॥
ಅನು॑ ತ್ವಾ॒ ರಥೋ॒ ಅನು॒ ಮರ್ಯೋ॑ ಅರ್ವ॒ನ್ನನು॒ ಗಾವೋಽನು॒ ಭಗ॑: ಕ॒ನೀನಾ॑ಮ್ ।
ಅನು॒ ವ್ರಾತಾ॑ಸ॒ಸ್ತವ॑ ಸ॒ಖ್ಯಮೀ॑ಯು॒ರನು॑ ದೇ॒ವಾ ಮ॑ಮಿರೇ ವೀ॒ರ್ಯಂ॒ ತೇ ॥ ೧೯ ॥
ಹಿರ॑ಣ್ಯಶೃ॒ಙ್ಗೋಽಯೋ॑ ಅಸ್ಯ॒ ಪಾದಾ॒ ಮನೋ॑ಜವಾ॒ ಅವ॑ರ॒ ಇನ್ದ್ರ॑ ಆಸೀತ್ ।
ದೇ॒ವಾ ಇದ॑ಸ್ಯ ಹವಿ॒ರದ್ಯ॑ಮಾಯ॒ನ್ ಯೋ ಅರ್ವ॑ನ್ತಂ ಪ್ರಥ॒ಮೋ ಅ॒ಧ್ಯತಿ॑ಷ್ಠತ್ ॥ ೨೦ ॥
ಈ॒ರ್ಮಾನ್ತಾ॑ಸ॒: ಸಿಲಿ॑ಕಮಧ್ಯಮಾಸ॒: ಸᳪ ಶೂರ॑ಣಾಸೋ ದಿ॒ವ್ಯಾಸೋ॒ ಅತ್ಯಾ॑: ।
ಹ॒ಸಾ ಇ॑ವ ಶ್ರೇಣಿ॒ಶೋ ಯ॑ತನ್ತೇ॒ ಯದಾಕ್ಷಿ॑ಷುರ್ದಿ॒ವ್ಯಮಜ್ಮ॒ಮಶ್ವಾ॑: ॥ ೨೧ ॥
ತವ॒ ಶರೀ॑ರಂ ಪತಯಿ॒ಷ್ಣ್ವ॒ರ್ವ॒ನ್ತವ॑ ಚಿ॒ತ್ತಂ ವಾತ॑ ಇವ॒ ಧ್ರಜೀ॑ಮಾನ್ ।
ತವ॒ ಶೃಙ್ಗಾ॑ಣಿ॒ ವಿಷ್ಠಿ॑ತಾ ಪುರು॒ತ್ರಾರ॑ಣ್ಯೇಷು॒ ಜರ್ಭು॑ರಾಣಾ ಚರನ್ತಿ ॥ ೨೨ ॥
ಉಪ॒ ಪ್ರಾಗಾ॒ಚ್ಛಸ॑ನಂ ವಾ॒ಜ್ಯರ್ವಾ॑ ದೇವ॒ದ್ರೀಚಾ॒ ಮನ॑ಸಾ॒ ದೀಧ್ಯಾ॑ನಃ ।
ಅ॒ಜಃ ಪು॒ರೋ ನೀ॑ಯತೇ॒ ನಾಭಿ॑ರ॒ಸ್ಯಾನು॑ ಪ॒ಶ್ಚಾತ್ಕ॒ವಯೋ॑ ಯನ್ತಿ ರೇ॒ಭಾಃ ॥ ೨೩ ॥
ಉಪ॒ ಪ್ರಾಗಾ॑ತ್ಪರ॒ಮಂ ಯತ್ಸ॒ಧಸ್ಥ॒ಮರ್ವಾಁ॒೨ ಅಚ್ಛಾ॑ ಪಿ॒ತರಂ॑ ಮಾ॒ತರಂ॑ ಚ ।
ಅ॒ದ್ಯಾ ದೇ॒ವಾಞ್ಜುಷ್ಟ॑ತಮೋ॒ ಹಿ ಗ॒ಮ್ಯಾ ಅಥಾ ಶಾ॑ಸ್ತೇ ದಾ॒ಶುಷೇ॒ ವಾರ್ಯಾ॑ಣಿ ॥ ೨೪ ॥
ಸಮಿ॑ದ್ಧೋ ಅ॒ದ್ಯ ಮನು॑ಷೋ ದುರೋ॒ಣೇ ದೇ॒ವೋ ದೇ॒ವಾನ್ ಯ॑ಜಸಿ ಜಾತವೇದಃ ।
ಆ ಚ॒ ವಹ॑ ಮಿತ್ರಮಹಶ್ಚಿಕಿ॒ತ್ವಾನ್ತ್ವಂ ದೂ॒ತಃ ಕ॒ವಿರ॑ಸಿ॒ ಪ್ರಚೇ॑ತಾಃ ॥ ೨೫ ॥
ತನೂ॑ನಪಾತ್ಪ॒ಥ ಋ॒ತಸ್ಯ॒ ಯಾನಾ॒ನ್ಮಧ್ವಾ॑ ಸಮ॒ಞ್ಜನ್ತ್ಸ್ವ॑ದಯಾ ಸುಜಿಹ್ವ ।
ಮನ್ಮಾ॑ನಿ ಧೀ॒ಭಿರು॒ತ ಯ॒ಜ್ಞಮೃ॒ನ್ಧನ್ ದೇ॑ವ॒ತ್ರಾ ಚ॑ ಕೃಣುಹ್ಯಧ್ವ॒ರಂ ನ॑: ॥ ೨೬ ॥
ನರಾ॒ಶᳪಸ॑ಸ್ಯ ಮಹಿ॒ಮಾನ॑ಮೇಷಾ॒ಮುಪ॑ ಸ್ತೋಷಾಮ ಯಜ॒ತಸ್ಯ॑ ಯ॒ಜ್ಞೈಃ ।
ಯೇ ಸು॒ಕ್ರತ॑ವ॒: ಶುಚ॑ಯೋ ಧಿಯ॒ನ್ಧಾಃ ಸ್ವದ॑ನ್ತಿ ದೇ॒ವಾ ಉ॒ಭಯಾ॑ನಿ ಹ॒ವ್ಯಾ ॥ ೨೭ ॥
ಆ॒ಜುಹ್ವಾ॑ನ॒ ಈಡ್ಯೋ॒ ವನ್ದ್ಯ॒ಶ್ಚಾ ಯಾ॑ಹ್ಯಗ್ನೇ॒ ವಸು॑ಭಿಃ ಸ॒ಜೋಷಾ॑: ।
ತ್ವಂ ದೇ॒ವಾನಾ॑ಮಸಿ ಯಹ್ವ॒ ಹೋತಾ॒ ಸ ಏ॑ನಾನ್ಯಕ್ಷೀಷಿ॒ತೋ ಯಜೀ॑ಯಾನ್ ॥ ೨೮ ॥
ಪ್ರಾ॒ಚೀನಂ॑ ಬ॒ರ್ಹಿಃ ಪ್ರ॒ದಿಶಾ॑ ಪೃಥಿ॒ವ್ಯಾ ವಸ್ತೋ॑ರ॒ಸ್ಯಾ ವೃ॑ಜ್ಯತೇ॒ ಅಗ್ರೇ॒ ಅಹ್ನಾ॑ಮ್ ।
ವ್ಯು॑ ಪ್ರಥತೇ ವಿತ॒ರಂ ವರೀ॑ಯೋ ದೇ॒ವೇಭ್ಯೋ॒ ಅದಿ॑ತಯೇ ಸ್ಯೋ॒ನಮ್ ॥ ೨೯ ॥
ವ್ಯಚ॑ಸ್ವತೀರುರ್ವಿ॒ಯಾ ವಿ ಶ್ರ॑ಯನ್ತಾಂ॒ ಪತಿ॑ಭ್ಯೋ॒ ನ ಜನ॑ಯ॒: ಶುಮ್ಭ॑ಮಾನಾಃ ।
ದೇವೀ॑ರ್ದ್ವಾರೋ ಬೃಹತೀರ್ವಿಶ್ವಮಿನ್ವಾ ದೇ॒ವೇಭ್ಯೋ॑ ಭವತ ಸುಪ್ರಾಯ॒ಣಾಃ ॥ ೩೦ ॥
ಆ ಸು॒ಷ್ವಯ॑ನ್ತೀ ಯಜ॒ತೇ ಉಪಾ॑ಕೇ ಉ॒ಷಾಸಾ॒ನಕ್ತಾ॑ ಸದತಾಂ॒ ನಿ ಯೋನೌ॑ ।
ದಿ॒ವ್ಯೇ ಯೋಷ॑ಣೇ ಬೃಹ॒ತೀ ಸು॑ರು॒ಕ್ಮೇ ಅಧಿ॒ ಶ್ರಿಯ॑ᳪ ಶುಕ್ರ॒ಪಿಶಂ॒ ದಧಾ॑ನೇ ॥ ೩೧ ॥
ದೈವ್ಯಾ॒ ಹೋತಾ॑ರಾ ಪ್ರಥ॒ಮಾ ಸು॒ವಾಚಾ॒ ಮಿಮಾ॑ನಾ ಯ॒ಜ್ಞಂ ಮನು॑ಷೋ॒ ಯಜ॑ಧ್ಯೈ ।
ಪ್ರ॒ಚೋ॒ದಯ॑ನ್ತಾ ವಿ॒ದಥೇ॑ಷು ಕಾ॒ರೂ ಪ್ರಾ॒ಚೀನಂ॒ ಜ್ಯೋತಿ॑: ಪ್ರ॒ದಿಶಾ॑ ದಿ॒ಶನ್ತಾ॑ ॥ ೩೨ ॥
ಆ ನೋ॑ ಯ॒ಜ್ಞಂ ಭಾರ॑ತೀ॒ ತೂಯ॑ಮೇ॒ತ್ವಿಡಾ॑ ಮನು॒ಷ್ವದಿ॒ಹ ಚೇ॒ತಯ॑ನ್ತೀ ।
ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದᳪ ಸ್ಯೋ॒ನᳪ ಸರ॑ಸ್ವತೀ॒ ಸ್ವಪ॑ಸಃ ಸದನ್ತು ॥ ೩೩ ॥
ಯ ಇ॒ಮೇ ದ್ಯಾವಾ॑ಪೃಥಿ॒ವೀ ಜನಿ॑ತ್ರೀ ರೂಪೈ॒ರಪಿ॑ᳪಶ॒ದ್ಭುವ॑ನಾನಿ॒ ವಿಶ್ವಾ॑ ।
ತಮ॒ದ್ಯ ಹೋ॑ತರಿಷಿ॒ತೋ ಯಜೀ॑ಯಾನ್ ದೇ॒ವಂ ತ್ವಷ್ಟಾ॑ರಮಿ॒ಹ ಯ॑ಕ್ಷಿ ವಿ॒ದ್ವಾನ್ ॥ ೩೪ ॥
ಉ॒ಪಾವ॑ಸೃಜ॒ ತ್ಮನ್ಯಾ॑ ಸಮ॒ಞ್ಜನ್ ದೇ॒ವಾನಾಂ॒ ಪಾಥ॑ ಋತು॒ಥಾ ಹ॒ವೀᳪಷಿ॑ ।
ವನ॒ಸ್ಪತಿ॑: ಶಮಿ॒ತಾ ದೇ॒ವೋ ಅ॒ಗ್ನಿಃ ಸ್ವದ॑ನ್ತು ಹ॒ವ್ಯಂ ಮಧು॑ನಾ ಘೃ॒ತೇನ॑ ॥ ೩೫ ॥
ಸ॒ದ್ಯೋ ಜಾ॒ತೋ ವ್ಯ॑ಮಿಮೀತ ಯ॒ಜ್ಞಮ॒ಗ್ನಿರ್ದೇ॒ವಾನಾ॑ಮಭವತ್ ಪುರೋ॒ಗಾಃ ।
ಅ॒ಸ್ಯ ಹೋತು॑: ಪ್ರ॒ದಿಶ್ಯೃ॒ತಸ್ಯ॑ ವಾ॒ಚಿ ಸ್ವಾಹಾ॑ಕೃತᳪ ಹ॒ವಿರ॑ದನ್ತು ದೇ॒ವಾಃ ॥ ೩೬ ॥
ಕೇ॒ತುಂ ಕೃ॒ಣ್ವನ್ನ॑ಕೇ॒ತವೇ॒ ಪೇಶೋ॑ ಮರ್ಯಾ ಅಪೇ॒ಶಸೇ॑ ।
ಸಮು॒ಷದ್ಭಿ॑ರಜಾಯಥಾಃ ॥ ೩೭ ॥
ಜೀ॒ಮೂತ॑ಸ್ಯೇವ ಭವತಿ॒ ಪ್ರತೀ॑ಕಂ॒ ಯದ್ವ॒ರ್ಮೀ ಯಾತಿ॑ ಸ॒ಮದಾ॑ಮು॒ಪಸ್ಥೇ॑ ।
ಅನಾ॑ವಿದ್ಧಯಾ ತ॒ನ್ವಾ॒ ಜಯ॒ ತ್ವᳪ ಸ ತ್ವಾ॒ ವರ್ಮ॑ಣೋ ಮಹಿ॒ಮಾ ಪಿ॑ಪರ್ತು ॥ ೩೮ ॥
ಧನ್ವ॑ನಾ॒ ಗಾ ಧನ್ವ॑ನಾ॒ಽಽಜಿಂ ಜ॑ಯೇಮ॒ ಧನ್ವ॑ನಾ ತೀ॒ವ್ರಾಃ ಸ॒ಮದೋ॑ ಜಯೇಮ ।
ಧನು॒: ಶತ್ರೋ॑ರಪಕಾ॒ಮಂ ಕೃ॑ಣೋತಿ॒ ಧನ್ವ॑ನಾ॒ ಸರ್ವಾ॑: ಪ್ರ॒ದಿಶೋ॑ ಜಯೇಮ ॥ ೩೯ ॥
ವ॒ಕ್ಷ್ಯನ್ತೀ॒ವೇದಾ ಗ॑ನೀಗನ್ತಿ॒ ಕರ್ಣಂ॑ ಪ್ರಿ॒ಯᳪ ಸಖಾ॑ಯಂ ಪರಿಷಸ್ವಜಾ॒ನಾ ।
ಯೋಷೇ॑ವ ಶಿಙ್ಕ್ತೇ॒ ವಿತ॒ತಾಧಿ॒ ಧನ್ವ॒ಞ್ಜ್ಯಾ ಇ॒ಯᳪ ಸಮ॑ನೇ ಪಾ॒ರಯ॑ನ್ತೀ ॥ ೪೦ ॥
ತೇ ಆ॒ಚರ॑ನ್ತೀ॒ ಸಮ॑ನೇವ॒ ಯೋಷಾ॑ ಮಾ॒ತೇವ॑ ಪು॒ತ್ರಂ ಬಿ॑ಭೃತಾಮು॒ಪಸ್ಥೇ॑ ।
ಅಪ॒ ಶತ್ರೂ॑ನ್ ವಿಧ್ಯತಾᳪ ಸಂವಿದಾ॒ನೇ ಆರ್ತ್ನೀ॑ ಇ॒ಮೇ ವಿ॑ಷ್ಫು॒ರನ್ತೀ॑ ಅ॒ಮಿತ್ರಾ॑ನ್ ॥ ೪೧ ॥
ಬ॒ಹ್ವೀ॒ನಾಂ ಪಿ॒ತಾ ಬ॒ಹುರ॑ಸ್ಯ ಪು॒ತ್ರಶ್ಚಿ॒ಶ್ಚಾ ಕೃ॑ಣೋತಿ॒ ಸಮ॑ನಾವ॒ಗತ್ಯ॑ ।
ಇ॒ಷು॒ಧಿಃ ಸಙ್ಕಾ॒ ಪೃತ॑ನಾಶ್ಚ॒ ಸರ್ವಾ॑: ಪೃ॒ಷ್ಠೇ ನಿನ॑ದ್ಧೋ ಜಯತಿ॒ ಪ್ರಸೂ॑ತಃ ॥ ೪೨ ॥
ರಥೇ॒ ತಿಷ್ಠ॑ನ್ ನಯತಿ ವಾ॒ಜಿನ॑: ಪು॒ರೋ ಯತ್ರ॑-ಯತ್ರ ಕಾ॒ಮಯ॑ತೇ ಸುಷಾರ॒ಥಿಃ ।
ಅ॒ಭೀಶೂ॑ನಾಂ ಮಹಿ॒ಮಾನಂ॑ ಪನಾಯತ॒ ಮನ॑: ಪ॒ಶ್ಚಾದನು॑ ಯಚ್ಛನ್ತಿ ರ॒ಶ್ಮಯ॑: ॥ ೪೩ ॥
ತೀ॒ವ್ರಾನ್ ಘೋಷಾ॑ನ್ ಕೃಣ್ವತೇ॒ ವೃಷ॑ಪಾಣ॒ಯೋಽಶ್ವಾ॒ ರಥೇ॑ಭಿಃ ಸ॒ಹ ವಾ॒ಜಯ॑ನ್ತಃ ।
ಅ॒ವ॒ಕ್ರಾಮ॑ನ್ತ॒: ಪ್ರಪ॑ದೈರ॒ಮಿತ್ರಾ॑ನ್ ಕ್ಷಿ॒ಣನ್ತಿ॒ ಶತ್ರೂಁ॒೧ ರನ॑ಪವ್ಯಯನ್ತಃ ॥ ೪೪ ॥
ರ॒ಥ॒ವಾಹ॑ಣᳪ ಹ॒ವಿರ॑ಸ್ಯ॒ ನಾಮ॒ ಯತ್ರಾಯು॑ಧಂ॒ ನಿಹಿ॑ತಮಸ್ಯ॒ ವರ್ಮ॑ ।
ತತ್ರಾ॒ ರಥ॒ಮುಪ॑ ಶ॒ಗ್ಮᳪ ಸ॑ದೇಮ ವಿ॒ಶ್ವಾಹಾ॑ ವ॒ಯᳪ ಸು॑ಮನ॒ಸ್ಯಮಾ॑ನಾಃ ॥ ೪೫ ॥
ಸ್ವಾ॒ದು॒ಷ॒ᳪಸದ॑: ಪಿ॒ತರೋ॑ ವಯೋ॒ಧಾಃ ಕೃ॑ಚ್ಛ್ರೇ॒ಶ್ರಿತ॒: ಶಕ್ತೀ॑ವನ್ತೋ ಗಭೀ॒ರಾಃ ।
ಚಿ॒ತ್ರಸೇ॑ನಾ॒ ಇಷು॑ಬಲಾ॒ ಅಮೃ॑ಧ್ರಾಃ ಸ॒ತೋವೀ॑ರಾ ಉ॒ರವೋ॑ ವ್ರಾತಸಾ॒ಹಾಃ ॥ ೪೬ ॥
ಬ್ರಾಹ್ಮ॑ಣಾಸ॒: ಪಿತ॑ರ॒: ಸೋಮ್ಯಾ॑ಸಃ ಶಿ॒ವೇ ನೋ॒ ದ್ಯಾವಾ॑ಪೃಥಿ॒ವೀ ಅ॑ನೇ॒ಹಸಾ॑ ।
ಪೂ॒ಷಾ ನ॑: ಪಾತು ದುರಿ॒ತಾದೃ॑ತಾವೃಧೋ॒ ರಕ್ಷಾ॒ ಮಾಕಿ॑ರ್ನೋ ಅ॒ಘಶ॑ᳪಸ ಈಶತ ॥ ೪೭ ॥
ಸು॒ಪ॒ರ್ಣಂ ವ॑ಸ್ತೇ ಮೃ॒ಗೋ ಅ॑ಸ್ಯಾ॒ ದನ್ತೋ॒ ಗೋಭಿ॒: ಸನ್ನ॑ದ್ಧಾ ಪತತಿ॒ ಪ್ರಸೂ॑ತಾ ।
ಯತ್ರಾ॒ ನರ॒: ಸಂ ಚ॒ ವಿ ಚ॒ ದ್ರವ॑ನ್ತಿ॒ ತತ್ರಾ॒ಸ್ಮಭ್ಯ॒ಮಿಷ॑ವ॒: ಶರ್ಮ॑ ಯᳪಸನ್ ॥ ೪೮ ॥
ಋಜೀ॑ತೇ॒ ಪರಿ॑ ವೃಙ್ಧಿ॒ ನೋಽಶ್ಮಾ॑ ಭವತು ನಸ್ತ॒ನೂಃ ।
ಸೋಮೋ॒ ಅಧಿ॑ ಬ್ರವೀತು॒ ನೋಽದಿ॑ತಿ॒: ಶರ್ಮ॑ ಯಚ್ಛತು ॥ ೪೯ ॥
ಆ ಜ॑ಙ್ಘನ್ತಿ॒ ಸಾನ್ವೇ॑ಷಾಂ ಜ॒ಘನಾಁ॒೨ ಉಪ॑ ಜಿಘ್ನತೇ ।
ಅಶ್ವಾ॑ಜನಿ॒ ಪ್ರಚೇ॑ತ॒ಸೋಽಶ್ವಾ॑ನ್ತ್ಸ॒ಮತ್ಸು॑ ಚೋದಯ ॥ ೫೦ ॥
ಅಹಿ॑ರಿವ ಭೋಗೈ॒: ಪರ್ಯೇ॑ತಿ ಬಾ॒ಹುಂ ಜ್ಯಾಯಾ॑ ಹೇ॒ತಿಂ ಪ॑ರಿ॒ಬಾಧ॑ಮಾನಃ ।
ಹ॒ಸ್ತ॒ಘ್ನೋ ವಿಶ್ವಾ॑ ವ॒ಯುನಾ॑ನಿ ವಿ॒ದ್ವಾನ್ ಪುಮಾ॒ನ್ ಪುಮಾ॑ᳪಸಂ॒ ಪರಿ॑ ಪಾತು ವಿ॒ಶ್ವತ॑: ॥ ೫೧ ॥
ವನ॑ಸ್ಪತೇ ವೀ॒ಡ್ವ॒ಙ್ಗೋ॒ ಹಿ ಭೂ॒ಯಾ ಅ॒ಸ್ಮತ್ಸ॑ಖಾ ಪ್ರ॒ತರ॑ಣಃ ಸು॒ವೀರ॑: ।
ಗೋಭಿ॒: ಸನ್ನ॑ದ್ಧೋ ಅಸಿ ವೀ॒ಡಯ॑ಸ್ವಾಸ್ಥಾ॒ತಾ ತೇ॑ ಜಯತು॒ ಜೇತ್ವಾ॑ನಿ ॥ ೫೨ ॥
ದಿ॒ವಃ ಪೃ॑ಥಿ॒ವ್ಯಾಃ ಪರ್ಯೋಜ॒ ಉದ್ಭೃ॑ತಂ॒ ವನ॒ಸ್ಪತಿ॑ಭ್ಯ॒: ಪರ್ಯಾಭೃ॑ತ॒ᳪ ಸಹ॑: ।
ಅ॒ಪಾಮೋ॒ಜ್ಮಾನಂ॒ ಪರಿ॒ ಗೋಭಿ॒ರಾವೃ॑ತ॒ಮಿನ್ದ್ರ॑ಸ್ಯ॒ ವಜ್ರ॑ᳪ ಹ॒ವಿಷಾ॒ ರಥಂ॑ ಯಜ ॥ ೫೩ ॥
ಇನ್ದ್ರ॑ಸ್ಯ॒ ವಜ್ರೋ॑ ಮ॒ರುತಾ॒ಮನೀ॑ಕಂ ಮಿ॒ತ್ರಸ್ಯ॒ ಗರ್ಭೋ॒ ವರು॑ಣಸ್ಯ॒ ನಾಭಿ॑: ।
ಸೇಮಾಂ ನೋ॑ ಹ॒ವ್ಯದಾ॑ತಿಂ ಜುಷಾ॒ಣೋ ದೇವ॑ ರಥ॒ ಪ್ರತಿ॑ ಹ॒ವ್ಯಾ ಗೃ॑ಭಾಯ ॥ ೫೪ ॥
ಉಪ॑ ಶ್ವಾಸಯ ಪೃಥಿ॒ವೀಮು॒ತ ದ್ಯಾಂ ಪು॑ರು॒ತ್ರಾ ತೇ॑ ಮನುತಾಂ॒ ವಿಷ್ಠಿ॑ತಂ॒ ಜಗ॑ತ್ ।
ಸ ದು॑ನ್ದುಭೇ ಸ॒ಜೂರಿನ್ದ್ರೇ॑ಣ ದೇ॒ವೈರ್ದೂ॒ರಾದ್ದವೀ॑ಯೋ॒ ಅಪ॑ ಸೇಧ॒ ಶತ್ರೂ॑ನ್ ॥ ೫೫ ॥
ಆ ಕ್ರ॑ನ್ದಯ॒ ಬಲ॒ಮೋಜೋ॑ ನ॒ ಆಧಾ॒ ನಿಷ್ಟ॑ನಿಹಿ ದುರಿ॒ತಾ ಬಾಧ॑ಮಾನಃ ।
ಅಪ॑ ಪ್ರೋಥ ದುನ್ದುಭೇ ದು॒ಚ್ಛುನಾ॑ ಇ॒ತ ಇನ್ದ್ರ॑ಸ್ಯ ಮು॒ಷ್ಟಿರ॑ಸಿ ವೀ॒ಡಯ॑ಸ್ವ ॥ ೫೬ ॥
ಆಮೂರ॑ಜ ಪ್ರ॒ತ್ಯಾವ॑ರ್ತಯೇ॒ಮಾಃ ಕೇ॑ತು॒ಮದ್ದು॑ನ್ದು॒ಭಿರ್ವಾ॑ವದೀತಿ ।
ಸಮಶ್ವ॑ಪರ್ಣಾ॒ಶ್ಚರ॑ನ್ತಿ ನೋ॒ ನರೋ॒ಽಸ್ಮಾಕ॑ಮಿನ್ದ್ರ ರ॒ಥಿನೋ॑ ಜಯನ್ತು ॥ ೫೭ ॥
ಆ॒ಗ್ನೇ॒ಯಃ ಕೃ॒ಷ್ಣಗ್ರೀ॑ವಃ ಸಾರಸ್ವ॒ತೀ ಮೇ॒ಷೀ ಬ॒ಭ್ರುಃ ಸೌ॒ಮ್ಯಃ ಪೌ॒ಷ್ಣಃ ಶ್ಯಾ॒ಮಃ ಶಿ॑ತಿಪೃ॒ಷ್ಠೋ ಬಾ॑ರ್ಹಸ್ಪ॒ತ್ಯಃ ಶಿ॒ಲ್ಪೋ ವೈ॑ಶ್ವದೇ॒ವ ಐ॒ನ್ದ್ರೋ॒ಽರು॒ಣೋ ಮಾ॑ರು॒ತಃ ಕ॒ಲ್ಮಾಷ॑ ಐನ್ದ್ರಾ॒ಗ್ನಃ ಸ॑ᳪಹಿ॒ತೋಽಧೋರಾ॑ಮಃ ಸಾವಿ॒ತ್ರೋ ವಾ॑ರು॒ಣಃ ಕೃ॒ಷ್ಣ ಏಕ॑ಶಿತಿಪಾ॒ತ್ಪೇತ್ವ॑: ॥ ೫೮ ॥
ಅ॒ಗ್ನಯೇಽನೀ॑ಕವತೇ॒ ರೋಹಿ॑ತಾಞ್ಜಿರನ॒ಡ್ವಾನ॒ಧೋರಾ॑ಮೌ ಸಾವಿ॒ತ್ರೌ ಪೌ॒ಷ್ಣೌ ರ॑ಜ॒ತನಾ॑ಭೀ ವೈಶ್ವದೇ॒ವೌ ಪಿ॒ಶಙ್ಗೌ॑ ತೂಪ॒ರೌ ಮಾ॑ರು॒ತಃ ಕ॒ಲ್ಮಾಷ॑ ಆಗ್ನೇ॒ಯಃ ಕೃ॒ಷ್ಣೋಽಜಃ ಸಾ॑ರಸ್ವ॒ತೀ ಮೇ॒ಷೀ ವಾ॑ರು॒ಣಃ ಪೇತ್ವ॑: ॥ ೫೯ ॥
ಅ॒ಗ್ನಯೇ॑ ಗಾಯ॒ತ್ರಾಯ॑ ತ್ರಿ॒ವೃತೇ॒ ರಾಥ॑ನ್ತರಾಯಾ॒ಷ್ಟಾಕ॑ಪಾಲ॒ ಇನ್ದ್ರಾ॑ಯ ತ್ರೈಷ್ಟು॑ಭಾಯ ಪಞ್ಚದ॒ಶಾಯ॒ ಬಾರ್ಹ॑ತಾ॒ಯೈಕಾ॑ದಶಕಪಾಲೋ॒ ವಿಶ್ವೇ॑ಭ್ಯೋ ದೇ॒ವೇಭ್ಯೋ॒ ಜಾಗ॑ತೇಭ್ಯಃ ಸಪ್ತದ॒ಶೇಭ್ಯೋ॑ ವೈರೂ॒ಪೇಭ್ಯೋ॒ ದ್ವಾದ॑ಶಕಪಾಲೋ ಮಿ॒ತ್ರಾವರು॑ಣಾಭ್ಯಾ॒ಮಾನು॑ಷ್ಟುಭಾಭ್ಯಾಮೇಕವಿ॒ᳪಶಾಭ್ಯಾಂ॑ ವೈರಾ॒ಜಾಭ್ಯಾಂ॑ ಪಯ॒ಸ್ಯಾ ಬೃಹ॒ಸ್ಪತ॑ಯೇ॒ ಪಾಙ್ಕ್ತಾ॑ಯ ತ್ರಿಣ॒ವಾಯ॑ ಶಾಕ್ವ॒ರಾಯ॑ ಚ॒ರುಃ ಸ॑ವಿ॒ತ್ರ ಔಷ್ಣಿ॑ಹಾಯ ತ್ರಯಸ್ತ್ರಿ॒ᳪಶಾಯ॑ ರೈವ॒ತಾಯ॒ ದ್ವಾದ॑ಶಕಪಾಲಃ ಪ್ರಾಜಾಪ॒ತ್ಯಶ್ಚ॒ರುರದಿ॑ತ್ಯೈ॒ ವಿಷ್ಣು॑ಪತ್ನ್ಯೈ ಚ॒ರುರ॒ಗ್ನಯೇ॑ ವೈಶ್ವಾನ॒ರಾಯ॒ ದ್ವಾದ॑ಶಕಪಾ॒ಲೋಽನು॑ಮತ್ಯಾ ಅ॒ಷ್ಟಾಕ॑ಪಾಲಃ ॥ ೬೦ ॥
ಅಧ್ಯಾಯ ೩೦
ದೇವ॑ ಸವಿತ॒: ಪ್ರ ಸು॑ವ ಯ॒ಜ್ಞಂ ಪ್ರ ಸು॑ವ ಯ॒ಜ್ಞಪ॑ತಿಂ॒ ಭಗಾ॑ಯ ।
ದಿ॒ವ್ಯೋ ಗ॑ನ್ಧ॒ರ್ವಃ ಕೇ॑ತು॒ಪೂಃ ಕೇತಂ॑ ನಃ ಪುನಾತು ವಾ॒ಚಸ್ಪತಿ॒ರ್ವಾಜಂ॑ ನಃ ಸ್ವದತು ॥ ೧ ॥
ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾತ್ ॥ ೨ ॥
ವಿಶ್ವಾ॑ನಿ ದೇವ ಸವಿತರ್ದುರಿ॒ತಾನಿ॒ ಪರಾ॑ ಸುವ ।
ಯದ್ಭ॒ದ್ರಂ ತನ್ನ॒ ಆ ಸು॑ವ ॥ ೩ ॥
ವಿ॒ಭ॒ಕ್ತಾರ॑ᳪ ಹವಾಮಹೇ॒ ವಸೋ॑ಶ್ಚಿ॒ತ್ರಸ್ಯ॒ ರಾಧ॑ಸಃ ।
ಸ॒ವಿ॒ತಾರಂ॑ ನೃ॒ಚಕ್ಷ॑ಸಮ್ ॥ ೪ ॥
ಬ್ರಹ್ಮ॑ಣೇ ಬ್ರಾಹ್ಮ॒ಣಂ ಕ್ಷ॒ತ್ರಾಯ॑ ರಾಜ॒ನ್ಯಂ॒ ಮ॒ರುದ್ಭ್ಯೋ॒ ವೈಶ್ಯಂ॒ ತಪ॑ಸೇ ಶೂ॒ದ್ರಂ ತಮ॑ಸೇ॒ ತಸ್ಕ॑ರಂ ನಾರ॒ಕಾಯ॑ ವೀರ॒ಹಣಂ॑ ಪಾ॒ಪ್ಮನೇ॑ ಕ್ಲೀ॒ಬಮಾ॑ಕ್ರ॒ಯಾಯಾ॑ ಅಯೋ॒ಗೂಂ ಕಾಮಾ॑ಯ ಪುಁಶ್ಚ॒ಲೂಮತಿ॑ಕ್ರುಷ್ಟಾಯ ಮಾಗ॒ಧಮ್ ॥ ೫ ॥
ನೃ॒ತ್ತಾಯ॑ ಸೂ॒ತಂ ಗೀ॒ತಾಯ॑ ಶೈಲೂ॒ಷಂ ಧರ್ಮಾ॑ಯ ಸಭಾಚ॒ರಂ ನ॒ರಿಷ್ಠಾ॑ಯೈ ಭೀಮ॒ಲಂ ನ॒ರ್ಮಾಯ॑ ರೇ॒ಭᳪ ಹಸಾ॑ಯ॒ ಕಾರಿ॑ಮಾನ॒ನ್ದಾಯ॑ ಸ್ತ್ರೀಷ॒ಖಂ ಪ್ರ॒ಮದೇ॑ ಕುಮಾರೀಪು॒ತ್ರಂ ಮೇ॒ಧಾಯೈ॑ ರಥಕಾ॒ರಂ ಧೈ॑ರ್ಯಾಯ॒ ತಕ್ಷಾ॑ಣಮ್ ॥ ೬ ॥
ತಪ॑ಸೇ ಕೌಲಾ॒ಲಂ ಮಾ॒ಯಾಯೈ॑ ಕ॒ರ್ಮಾರ॑ᳪ ರೂ॒ಪಾಯ॑ ಮಣಿಕಾ॒ರᳪ ಶು॒ಭೇ ವ॒ಪᳪ ಶ॑ರ॒ವ್ಯಾ॒ಯಾ ಇಷುಕಾ॒ರᳪ ಹೇ॒ತ್ಯೈ ಧ॑ನುಷ್ಕಾ॒ರಂ ಕರ್ಮ॑ಣೇ ಜ್ಯಾಕಾ॒ರಂ ದಿ॒ಷ್ಟಾಯ॑ ರಜ್ಜುಸ॒ರ್ಜಂ ಮೃ॒ತ್ಯವೇ॑ ಮೃಗ॒ಯುಮನ್ತ॑ಕಾಯ ಶ್ವ॒ನಿನ॑ಮ್ ॥ ೭ ॥
ನ॒ದೀಭ್ಯ॑: ಪೌಞ್ಜಿ॒ಷ್ಠಮೃ॒ಕ್ಷೀಕಾ॑ಭ್ಯೋ॒ ನೈಷಾದಂ ಪುರುಷವ್ಯಾ॒ಘ್ರಾಯ॑ ದು॒ರ್ಮದಂ॑ ಗನ್ಧರ್ವಾಪ್ಸ॒ರೋಭ್ಯೋ॒ ವ್ರಾತ್ಯಂ॑ ಪ್ರ॒ಯುಗ್ಭ್ಯ॒ ಉನ್ಮ॑ತ್ತᳪ ಸರ್ಪದೇವಜ॒ನೇಭ್ಯೋಽಪ್ರ॑ತಿಪದ॒ಮಯೇ॑ಭ್ಯಃ ಕಿತ॒ವಮೀ॒ರ್ಯತಾ॑ಯಾ॒ ಅಕಿ॑ತವಂ ಪಿಶಾ॒ಚೇಭ್ಯೋ॑ ಬಿದಲಕಾ॒ರೀಂ ಯಾ॑ತು॒ಧಾನೇ॑ಭ್ಯಃ ಕಣ್ಟಕೀಕಾ॒ರೀಮ್ ॥ ೮ ॥
ಸ॒ನ್ಧಯೇ॑ ಜಾ॒ರಂ ಗೇ॒ಹಾಯೋ॑ಪಪ॒ತಿಮಾರ್ತ್ಯೈ॒ ಪರಿ॑ವಿತ್ತಂ॒ ನಿರೃ॑ತ್ಯೈ ಪರಿವಿವಿದಾ॒ನಮರಾ॑ದ್ಧ್ಯಾ ಏದಿಧಿಷುಃ ಪ॒ತಿಂ ನಿಷ್ಕೃ॑ತ್ಯೈ ಪೇಶಸ್ಕಾ॒ರೀᳪ ಸಂ॒ಜ್ಞಾನಾ॑ಯ ಸ್ಮರಕಾ॒ರೀಂ ಪ್ರ॑ಕಾ॒ಮೋದ್ಯಾ॑ಯೋಪ॒ಸದಂ॒ ವರ್ಣಾ॑ಯಾನು॒ರುಧಂ॒ ಬಲಾ॑ಯೋಪ॒ದಾಮ್ ॥ ೯ ॥
ಉ॒ತ್ಸಾ॒ದೇಭ್ಯ॑: ಕು॒ಬ್ಜಂ ಪ್ರ॒ಮುದೇ॑ ವಾಮ॒ನಂ ದ್ವಾ॒ರ್ಭ್ಯಃ ಸ್ರಾ॒ಮᳪ ಸ್ವಪ್ನಾ॑ಯಾ॒ನ್ಧಮಧ॑ರ್ಮಾಯ ಬಧಿ॒ರಂ ಪ॒ವಿತ್ರಾ॑ಯ ಭಿ॒ಷಜಂ॑ ಪ್ರ॒ಜ್ಞಾನಾ॑ಯ ನಕ್ಷತ್ರದ॒ರ್ಶಮಾ॑ಶಿ॒ಕ್ಷಾಯೈ॑ ಪ್ರ॒ಶ್ನಿನ॑ಮುಪಶಿ॒ಕ್ಷಾಯಾ॑ ಅಭಿಪ್ರ॒ಶ್ನಿನಂ॑ ಮ॒ರ್ಯಾದಾ॑ಯೈ ಪ್ರಶ್ನವಿವಾ॒ಕಮ್ ॥ ೧೦ ॥
ಅರ್ಮೇ॑ಭ್ಯೋ ಹಸ್ತಿ॒ಪಂ ಜ॒ವಾಯಾ॑ಶ್ವ॒ಪಂ ಪುಷ್ಟ್ಯೈ॑ ಗೋಪಾ॒ಲಂ ವೀ॒ರ್ಯಾ॒ಯಾವಿಪಾ॒ಲಂ ತೇಜ॑ಸೇಽಜಪಾ॒ಲಮಿರಾ॑ಯೈ ಕೀ॒ನಾಶಂ॑ ಕೀ॒ಲಾಲಾ॑ಯ ಸುರಾಕಾ॒ರಂ ಭ॒ದ್ರಾಯ॑ ಗೃಹ॒ಪᳪ ಶ್ರೇಯ॑ಸೇ ವಿತ್ತ॒ಧಮಾಧ್ಯ॑ಕ್ಷ್ಯಾಯಾನುಕ್ಷ॒ತಾರ॑ಮ್ ॥ ೧೧ ॥
ಭಾಯೈ॑ ದಾರ್ವಾ॒ಹಾರಂ॑ ಪ್ರ॒ಭಾಯಾ॑ ಅಗ್ನ್ಯೇ॒ಧಂ ಬ್ರ॒ಧ್ನಸ್ಯ॑ ವಿ॒ಷ್ಟಪಾ॑ಯಾಭಿಷೇ॒ಕ್ತಾರಂ॒ ವರ್ಷಿ॑ಷ್ಠಾಯ॒ ನಾಕಾ॑ಯ ಪರಿವೇ॒ಷ್ಟಾರಂ॑ ದೇವಲೋ॒ಕಾಯ॑ ಪೇಶಿ॒ತಾರಂ॑ ಮನುಷ್ಯಲೋ॒ಕಾಯ॑ ಪ್ರಕರಿ॒ತಾರ॒ᳪ ಸರ್ವೇ॑ಭ್ಯೋ ಲೋ॒ಕೇಭ್ಯ॑ ಉಪಸೇ॒ಕ್ತಾರ॒ಮವ॑ ಋತ್ಯೈ ವ॒ಧಾಯೋ॑ಪಮನ್ಥಿ॒ತಾರಂ॒ ಮೇಧಾ॑ಯ ವಾಸಃ ಪಲ್ಪೂ॒ಲೀಂ ಪ್ರ॑ಕಾ॒ಮಾಯ॑ ರಜಯಿ॒ತ್ರೀಮ್ ॥ ೧೨ ॥
ಋ॒ತಯೇ॑ ಸ್ತೇ॒ನಹೃ॑ದಯಂ ವೈರ॑ಹತ್ಯಾಯ॒ ಪಿಶು॑ನಂ॒ ವಿವಿ॑ಕ್ತ್ಯೈ ಕ್ಷ॒ತ್ತಾರ॒ಮೌಪ॑ದ್ರಷ್ಟ್ರ್ಯಾಯಾನುಕ್ಷ॒ತ್ತಾರಂ॒ ಬಲಾ॑ಯಾನುಚ॒ರಂ ಭೂ॒ಮ್ನೇ ಪ॑ರಿಷ್ಕ॒ನ್ದಂ ಪ್ರಿ॒ಯಾಯ॑ ಪ್ರಿಯವಾ॒ದಿನ॒ ಮರಿ॑ಷ್ಟ್ಯಾ ಅಶ್ವಸಾ॒ದᳪ ಸ್ವ॒ರ್ಗಾ॑ಯ ಲೋ॒ಕಾಯ॑ ಭಾಗದು॒ಘಂ ವರ್ಷಿ॑ಷ್ಠಾಯ॒ ನಾಕಾ॑ಯ ಪರಿವೇ॒ಷ್ಟಾರ॑ಮ್ ॥ ೧೩ ॥
ಮ॒ನ್ಯವೇ॑ಽಯಸ್ತಾ॒ಪಂ ಕ್ರೋಧಾ॑ಯ ನಿಸ॒ರಂ ಯೋಗಾ॑ಯ ಯೋ॒ಕ್ತಾರ॒ᳪ ಶೋಕಾ॑ಯಾಭಿಸ॒ರ್ತಾರಂ॒ ಕ್ಷೇಮಾ॑ಯ ವಿಮೋ॒ಕ್ತಾರ॑ಮುತ್ಕೂಲನಿಕೂ॒ಲೇಭ್ಯ॑ಸ್ತ್ರಿ॒ಷ್ಠಿನಂ॒ ವಪು॑ಷೇ ಮಾನಸ್ಕೃ॒ತᳪ ಶೀಲಾ॑ಯಾಞ್ಜನೀಕಾ॒ರೀಂ ನಿರೃ॑ತ್ಯೈ ಕೋಶಕಾ॒ರೀಂ ಯ॒ಮಾಯಾ॒ಸೂಮ್ ॥ ೧೪ ॥
ಯ॒ಮಾಯ॑ ಯಮ॒ಸೂಮಥ॑ರ್ವ॒ಭ್ಯೋಽವ॑ತೋಕಾᳪ ಸಂವತ್ಸ॒ರಾಯ॑ ಪರ್ಯಾ॒ಯಿಣೀಂ॑ ಪರಿವತ್ಸ॒ರಾಯಾವಿ॑ಜಾತಾಮಿದಾವತ್ಸ॒ರಾಯಾ॒ತೀತ್ವ॑ರೀಮಿದ್ವತ್ಸ॒ರಾಯಾ॑ತಿ॒ಷ್ಕದ್ವ॑ರೀಂ ವತ್ಸ॒ರಾಯ॒ ವಿಜ॑ರ್ಜರಾᳪ ಸಂವತ್ಸ॒ರಾಯ॒ ಪಲಿ॑ಕ್ನೀಮೃ॒ಭುಭ್ಯೋ॑ಽಜಿನಸ॒ನ್ಧᳪ ಸಾ॒ಧ್ಯೇಭ್ಯ॑ಶ್ಚರ್ಮ॒ಮ್ನಮ್ ॥ ೧೫ ॥
ಸರೋ॑ಭ್ಯೋ ಧೈವ॒ರಮು॑ಪ॒ಸ್ಥಾವ॑ರಾಭ್ಯೋ॒ ದಾಶಂ॑ ವೈಶ॒ನ್ತಾಭ್ಯೋ॑ ಬೈ॒ನ್ದಂ ನ॑ಡ್ವ॒ಲಾಭ್ಯಃ ಶೌಷ್ಕ॑ಲಂ ಪಾ॒ರಾಯ॑ ಮಾರ್ಗಾ॒ರಮ॑ವಾ॒ರಾಯ॑ ಕೈ॒ವರ್ತಂ॑ ತೀ॒ರ್ಥೇಭ್ಯ॑ ಆ॒ನ್ದಂ ವಿಷ॑ಮೇಭ್ಯೋ ಮೈನಾ॒ಲᳪ ಸ್ವನೇ॑ಭ್ಯ॒: ಪರ್ಣ॑ಕಂ॒ ಗುಹಾ॑ಭ್ಯ॒: ಕಿರಾ॑ತ॒ᳪ ಸಾನು॑ಭ್ಯೋ॒ ಜಮ್ಭ॑ಕಂ॒ ಪರ್ವ॑ತೇಭ್ಯಃ ಕಿಮ್ಪೂರು॒ಷಮ್ ॥ ೧೬ ॥
ಬೀ॒ಭ॒ತ್ಸಾಯೈ॑ ಪೌಲ್ಕ॒ಸಂ ವರ್ಣಾ॑ಯ ಹಿರಣ್ಯಕಾ॒ರಂ ತು॒ಲಾಯೈ॑ ವಾಣಿ॒ಜಂ ಪ॑ಶ್ಚಾದೋ॒ಷಾಯ॑ ಗ್ಲಾ॒ವಿನಂ॒ ವಿಶ್ವೇ॑ಭ್ಯೋ ಭೂ॒ತೇಭ್ಯ॑: ಸಿಧ್ಮ॒ಲಂ ಭೂತ್ಯೈ॑ ಜಾಗರ॒ಣಮಭೂ॑ತ್ಯೈ ಸ್ವಪ॒ನಮಾರ್ತ್ಯೈ॑ ಜನವಾ॒ದಿನಂ॒ ವ್ಯೃ॒ರ್ದ್ಧ್ಯಾ ಅಪಗ॒ಲ್ಭᳪ ಸ॑ᳪಶ॒ರಾಯ॑ ಪ್ರ॒ಚ್ಛಿದ॑ಮ್ ॥ ೧೭ ॥
ಅ॒ಕ್ಷ॒ರಾ॒ಜಾಯ॑ ಕಿತ॒ವಂ ಕೃ॒ತಾಯಾ॑ದಿನವದ॒ರ್ಶಂ ತ್ರೇತಾ॑ಯೈ ಕ॒ಲ್ಪಿನಂ॑ ದ್ವಾ॒ಪರಾ॑ಯಾಧಿಕ॒ಲ್ಪಿನ॑ಮಾಸ್ಕ॒ನ್ದಾಯ॑ ಸಭಾಸ್ಥಾ॒ಣುಂ ಮೃ॒ತ್ಯವೇ॑ ಗೋವ್ಯ॒ಚ್ಛಮನ್ತ॑ಕಾಯ ಗೋಘಾ॒ತಂ ಕ್ಷು॒ಧೇ ಯೋ ಗಾಂ ವಿ॑ಕೃ॒ನ್ತನ್ತಂ॒ ಭಿಕ್ಷ॑ಮಾಣ ಉಪ॒ತಿಷ್ಠ॑ತಿ ದುಷ್ಕೃ॒ತಾಯ॒ ಚರ॑ಕಾಚಾರ್ಯಂ ಪಾ॒ಪ್ಮನೇ॑ ಸೈಲ॒ಗಮ್ ॥ ೧೮ ॥
ಪ್ರ॒ತಿ॒ಶ್ರುತ್ಕಾ॑ಯಾ ಅರ್ತ॒ನಂ ಘೋಷಾ॑ಯ ಭ॒ಷಮನ್ತಾ॑ಯ ಬಹುವಾ॒ದಿನ॑ಮನ॒ನ್ತಾಯ॒ ಮೂಕ॒ᳪ ಶಬ್ದಾ॑ಯಾಡಮ್ಬರಾಘಾ॒ತಂ ಮಹ॑ಸೇ ವೀಣಾವಾ॒ದಂ ಕ್ರೋಶಾ॑ಯ ತೂಣವ॒ಧ್ಮಮ॑ವರಸ್ಪ॒ರಾಯ॑ ಶಙ್ಖ॒ಧ್ಮಂ ವನಾ॑ಯ ವನ॒ಪಮ॒ನ್ಯತೋ॑ರಣ್ಯಾಯ ದಾವ॒ಪಮ್ ॥ ೧೯ ॥
ನ॒ರ್ಮಾಯ॑ ಪುಁಶ್ಚ॒ಲೂᳪ ಹಸಾ॑ಯ॒ ಕಾರಿಂ॒ ಯಾದ॑ಸೇ ಶಾಬ॒ಲ್ಯಾಂ ಗ್ರಾ॑ಮ॒ಣ್ಯಂ ಗಣ॑ಕಮಭಿ॒ಕ್ರೋಶ॑ಕಂ॒ ತಾನ್ಮಹ॑ಸೇ ವೀಣಾವಾ॒ದಂ ಪಾ॑ಣಿ॒ಘ್ನಂ ತೂ॑ಣವ॒ಧ್ಮಂ ತಾನ್ನೃ॒ತ್ತಾಯಾ॑ನ॒ನ್ದಾಯ॑ ತಲ॒ವಮ್ ॥ ೨೦ ॥
ಅ॒ಗ್ನಯೇ॒ ಪೀವಾ॑ನಂ ಪೃಥಿ॒ವ್ಯೈ ಪೀ॑ಠಸ॒ರ್ಪಿಣಂ॑ ವಾ॒ಯವೇ॑ ಚಾಣ್ಡಾ॒ಲಮ॒ನ್ತರಿ॑ಕ್ಷಾಯ ವᳪಶನ॒ರ್ತಿನಂ॑ ದಿ॒ವೇ ಖ॑ಲ॒ತಿᳪ ಸೂರ್ಯಾ॑ಯ ಹರ್ಯ॒ಕ್ಷಂ ನಕ್ಷ॑ತ್ರೇಭ್ಯಃ ಕಿರ್ಮಿ॒ರಂ ಚ॒ನ್ದ್ರಮ॑ಸೇ ಕಿ॒ಲಾಸ॒ಮಹ್ನೇ॑ ಶು॒ಕ್ಲಂ ಪಿ॑ಙ್ಗಾ॒ಕ್ಷᳪ ರಾತ್ರ್ಯೈ॑ ಕೃ॒ಷ್ಣಂ ಪಿ॑ಙ್ಗಾ॒ಕ್ಷಮ್ ॥ ೨೧ ॥
ಅಥೈ॒ತಾನ॒ಷ್ಟೌ ವಿರೂ॑ಪಾ॒ನಾ ಲ॑ಭ॒ತೇಽತಿ॑ದೀರ್ಘಂ॒ ಚಾತಿ॑ಹ್ರಸ್ವಂ॒ ಚಾತಿ॑ಸ್ಥೂಲಂ॒ ಚಾತಿ॑ಕೃಶಂ॒ ಚಾತಿ॑ಶುಕ್ಲಂ॒ ಚಾತಿ॑ಕೃಷ್ಣಂ॒ ಚಾತಿ॑ಕುಲ್ವಂ॒ ಚಾತಿ॑ಲೋಮಶಂ ಚ ।
ಅಶೂ॑ದ್ರಾ॒ ಅಬ್ರಾ॑ಹ್ಮಣಾ॒ಸ್ತೇ ಪ್ರಾ॑ಜಾಪ॒ತ್ಯಾಃ ।
ಮಾ॒ಗ॒ಧಃ ಪುಁ॑ಶ್ಚ॒ಲೀ ಕಿ॑ತ॒ವಃ ಕ್ಲೀ॒ಬೋಽಶೂ॑ದ್ರಾ॒ ಅಬ್ರಾ॑ಹ್ಮಣಾ॒ಸ್ತೇ ಪ್ರಾ॑ಜಾಪ॒ತ್ಯಾಃ ॥ ೨೨ ॥
ಅಧ್ಯಾಯ ೩೧
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ಸಹಸ್ರಾ॒ಕ್ಷಃ ಸ॒ಹಸ್ರ॑ಪಾತ್ ।
ಸ ಭೂಮಿ॑ᳪ ಸ॒ರ್ವತ॑ ಸ್ಪೃ॒ತ್ವಾಽತ್ಯ॑ತಿಷ್ಠದ್ದಶಾಙ್ಗು॒॒ಲಮ್ ॥ ೧ ॥
ಪುರು॑ಷ ಏ॒ವೇದᳪ ಸರ್ವಂ॒ ಯದ್ಭೂ॒ತಂ ಯಚ್ಚ॑ ಭಾ॒ವ್ಯ॒ಮ್ ।
ಉ॒ತಾಮೃ॑ತ॒ತ್ವಸ್ಯೇಶಾ॑ನೋ॒ ಯದನ್ನೇ॑ನಾತಿ॒ರೋಹ॑ತಿ ॥ ೨ ॥
ಏ॒ತಾವಾ॑ನಸ್ಯ ಮಹಿ॒ಮಾತೋ॒ ಜ್ಯಾಯಾಁ॑ಶ್ಚ॒ ಪೂರು॑ಷಃ ।
ಪಾದೋ॑ಽಸ್ಯ॒ ವಿಶ್ವಾ॑ ಭೂ॒ತಾನಿ॑ ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ ॥ ೩ ॥
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷ॒: ಪಾದೋ॑ಽಸ್ಯೇ॒ಹಾಭ॑ವ॒ತ್ ಪುನ॑: ।
ತತೋ॒ ವಿಷ್ವ॒ಙ್ ವ್ಯ॒ಕ್ರಾಮತ್ಸಾಶನಾನಶ॒ನೇ ಅ॒ಭಿ ॥ ೪ ॥
ತತೋ॑ ವಿ॒ರಾಡ॑ಜಾಯತ ವಿ॒ರಾಜೋ॒ ಅಧಿ॒ ಪೂರು॑ಷಃ ।
ಸ ಜಾ॒ತೋ ಅತ್ಯ॑ರಿಚ್ಯತ ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ ॥ ೫ ॥
ತಸ್ಮಾ॑ದ್ಯ॒ಜ್ಞಾತ್ಸ॑ರ್ವ॒ಹುತ॒: ಸಮ್ಭೃ॑ತಂ ಪೃಷದಾ॒ಜ್ಯಮ್ ।
ಪ॒ಶೂಁಸ್ತಾಁಶ್ಚ॑ಕ್ರೇ ವಾಯ॒ವ್ಯಾ॒ನಾರ॒ಣ್ಯಾ ಗ್ರಾ॒ಮ್ಯಾಶ್ಚ॒ ಯೇ ॥ ೬ ॥
ತಸ್ಮಾ॑ದ್ಯ॒ಜ್ಞಾತ್ ಸ॑ರ್ವ॒ಹುತ॒ ಋಚ॒: ಸಾಮಾ॑ನಿ ಜಜ್ಞಿರೇ ।
ಛನ್ದಾ॑ᳪಸಿ ಜಜ್ಞಿರೇ॒ ತಸ್ಮಾ॒ದ್ಯಜು॒ಸ್ತಸ್ಮಾ॑ದಜಾಯತ ॥ ೭ ॥
ತಸ್ಮಾ॒ದಶ್ವಾ॑ ಅಜಾಯನ್ತ॒ ಯೇ ಕೇ ಚೋ॑ಭ॒ಯಾದ॑ತಃ ।
ಗಾವೋ॑ ಹ ಜಜ್ಞಿರೇ॒ ತಸ್ಮಾ॒ತ್ತಸ್ಮಾ॑ಜ್ಜಾ॒ತಾ ಅ॑ಜಾ॒ವಯ॑: ॥ ೮ ॥
ತಂ ಯ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷ॒ನ್ ಪುರು॑ಷಂ ಜಾ॒ತಮ॑ಗ್ರ॒ತಃ ।
ತೇನ॑ ದೇ॒ವಾ ಅ॑ಯಜನ್ತ ಸಾ॒ಧ್ಯಾ ಋಷ॑ಯಶ್ಚ॒ ಯೇ ॥ ೯ ॥
ಯತ್ಪುರು॑ಷಂ॒ ವ್ಯದ॑ಧುಃ ಕತಿ॒ಧಾ ವ್ಯ॑ಕಲ್ಪಯನ್ ।
ಮುಖಂ॒ ಕಿಮ॑ಸ್ಯಾಸೀ॒ತ್ ಕಿಂ ಬಾ॒ಹೂ ಕಿಮೂ॒ರೂ ಪಾದಾ॑ ಉಚ್ಯೇತೇ ॥ ೧೦ ॥
ಬ್ರಾ॒ಹ್ಮ॒ಣೋ॒ಽಸ್ಯ॒ ಮುಖ॑ಮಾಸೀದ್ಬಾ॒ಹೂ ರಾ॑ಜ॒ನ್ಯ॒: ಕೃ॒ತಃ ।
ಊ॒ರೂ ತದ॑ಸ್ಯ॒ ಯದ್ವೈ॑ಶ್ಯಃ ಪ॒ದ್ಭ್ಯಾᳪ ಶೂ॒ದ್ರೋ ಅ॑ಜಾಯತ ॥ ೧೧ ॥
ಚ॒ನ್ದ್ರಮಾ॒ ಮನ॑ಸೋ ಜಾ॒ತಶ್ಚಕ್ಷೋಃ॒ ಸೂರ್ಯೋ॑ ಅಜಾಯತ ।
ಶ್ರೋತ್ರಾ॑ದ್ವಾ॒ಯುಶ್ಚ॑ ಪ್ರಾ॒ಣಶ್ಚ॒ ಮುಖಾ॑ದ॒ಗ್ನಿರ॑ಜಾಯತ ॥ ೧೨ ॥
ನಾಭ್ಯಾ॑ ಆಸೀದ॒ನ್ತರಿ॑ಕ್ಷᳪ ಶೀ॒ರ್ಷ್ಣೋ ದ್ಯೌ॒: ಸಮ॑ವರ್ತತ ।
ಪ॒ದ್ಭ್ಯಾಂ ಭೂಮಿ॒ರ್ದಿಶ॒: ಶ್ರೋತ್ರಾ॒ತ್ತಥಾ॑ ಲೋ॒ಕಾಁ೨ ಅ॑ಕಲ್ಪಯನ್ ॥ ೧೩ ॥
ಯತ್ಪುರು॑ಷೇಣ ಹ॒ವಿಷಾ॑ ದೇ॒ವಾ ಯ॒ಜ್ಞಮತ॑ನ್ವತ ।
ವ॒ಸ॒ನ್ತೋ॒ಽಸ್ಯಾಸೀ॒ದಾಜ್ಯಂ॑ ಗ್ರೀ॒ಷ್ಮ ಇ॒ಧ್ಮಃ ಶ॒ರದ್ಧ॒ವಿಃ ॥ ೧೪ ॥
ಸ॒ಪ್ತಾಸ್ಯಾ॑ಸನ್ ಪರಿ॒ಧಯ॒ಸ್ತ್ರಿಃ ಸ॒ಪ್ತ ಸ॒ಮಿಧ॑: ಕೃ॒ತಾಃ ।
ದೇ॒ವಾ ಯದ್ಯ॒ಜ್ಞಂ ತ॑ನ್ವಾ॒ನಾ ಅಬ॑ಧ್ನ॒ನ್ ಪುರು॑ಷಂ ಪ॒ಶುಮ್ ॥ ೧೫ ॥
ಯ॒ಜ್ಞೇನ॑ ಯ॒ಜ್ಞಮ॑ಯಜನ್ತ ದೇ॒ವಾಸ್ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ ।
ತೇ ಹ॒ ನಾಕಂ॑ ಮಹಿ॒ಮಾನ॑: ಸಚನ್ತ॒ ಯತ್ರ॒ ಪೂರ್ವೇ॑ ಸಾ॒ಧ್ಯಾಃ ಸನ್ತಿ॑ ದೇ॒ವಾಃ ॥ ೧೬ ॥
ಅ॒ದ್ಭ್ಯಃ ಸಮ್ಭೃ॑ತಃ ಪೃಥಿವ್ಯೈ॒ ರಸಾ॑ಚ್ಚ ವಿ॒ಶ್ವಕ॑ರ್ಮಣ॒: ಸಮ॑ವರ್ತ॒ತಾಗ್ರೇ॑ ।
ತಸ್ಯ॒ ತ್ವಷ್ಟಾ॑ ವಿ॒ದಧ॑ದ್ರೂ॒ಪಮೇ॑ತಿ॒ ತನ್ಮರ್ತ್ಯ॑ಸ್ಯ ದೇವ॒ತ್ವಮಾ॒ಜಾನ॒ಮಗ್ರೇ॑ ॥ ೧೭ ॥
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾನ್ತ॑ಮಾದಿ॒ತ್ಯವ॑ರ್ಣಂ॒ ತಮ॑ಸಃ ಪ॒ರಸ್ತಾ॑ತ್ ।
ತಮೇ॒ವ ವಿ॑ದಿ॒ತ್ವಾತಿ॑ ಮೃ॒ತ್ಯುಮೇ॑ತಿ॒ ನಾನ್ಯಃ ಪನ್ಥಾ॑ ವಿದ್ಯ॒ತೇಽಯ॑ನಾಯ ॥ ೧೮ ॥
ಪ್ರ॒ಜಾಪ॑ತಿಶ್ಚ॒ರತಿ॒ ಗರ್ಭೇ॑ ಅ॒ನ್ತರಜಾ॑ಯಮಾನೋ ಬಹು॒ಧಾ ವಿ ಜಾ॑ಯತೇ ।
ತಸ್ಯ॒ ಯೋನಿಂ॒ ಪರಿ॑ ಪಶ್ಯನ್ತಿ॒ ಧೀರಾ॒ಸ್ತಸ್ಮಿ॑ನ್ ಹ ತಸ್ಥು॒ರ್ಭುವ॑ನಾನಿ॒ ವಿಶ್ವಾ॑ ॥ ೧೯ ॥
ಯೋ ದೇ॒ವೇಭ್ಯ॑ ಆ॒ತಪ॑ತಿ॒ ಯೋ ದೇ॒ವಾನಾಂ॑ ಪು॒ರೋಹಿ॑ತಃ ।
ಪೂರ್ವೋ॒ ಯೋ ದೇ॒ವೇಭ್ಯೋ॑ ಜಾ॒ತೋ ನಮೋ॑ ರು॒ಚಾಯ॒ ಬ್ರಾಹ್ಮ॑ಯೇ ॥ ೨೦ ॥
ರು॒ಚಂ ಬ್ರಾ॒ಹ್ಮ್ಯಂ ಜ॒ನಯ॑ನ್ತೋ ದೇ॒ವಾ ಅಗ್ರೇ॒ ತದ॑ಬ್ರುವನ್ ।
ಯಸ್ತ್ವೈ॒ವಂ ಬ್ರಾ॑ಹ್ಮ॒ಣೋ ವಿ॒ದ್ಯಾತ್ತಸ್ಯ॑ ದೇ॒ವಾ ಅ॑ಸ॒ನ್ ವಶೇ॑ ॥ ೨೧ ॥
ಶ್ರೀಶ್ಚ॑ ತೇ ಲ॒ಕ್ಷ್ಮೀಶ್ಚ॒ ಪತ್ನ್ಯಾ॑ವಹೋರಾ॒ತ್ರೇ ಪಾ॒ರ್ಶ್ವೇ ನಕ್ಷ॑ತ್ರಾಣಿ ರೂ॒ಪಮ॒ಶ್ವಿನೌ॒ ವ್ಯಾತ್ತ॑ಮ್ ।
ಇ॒ಷ್ಣನ್ನಿ॑ಷಾಣಾ॒ಮುಂ ಮ॑ ಇಷಾಣ ಸರ್ವಲೋ॒ಕಂ ಮ॑ ಇಷಾಣ ॥ ೨೨ ॥
ಅಧ್ಯಾಯ ೩೨
ತದೇ॒ವಾಗ್ನಿಸ್ತದಾ॑ದಿ॒ತ್ಯಸ್ತದ್ವಾ॒ಯುಸ್ತದು॑ ಚ॒ನ್ದ್ರಮಾ॑: ।
ತದೇ॒ವ ಶು॒ಕ್ರಂ ತದ್ಬ್ರಹ್ಮ॒ ತಾ ಆಪ॒: ಸ ಪ್ರ॒ಜಾಪ॑ತಿಃ ॥ ೧ ॥
ಸರ್ವೇ॑ ನಿಮೇ॒ಷಾ ಜ॑ಜ್ಞಿರೇ ವಿ॒ದ್ಯುತ॒: ಪುರು॑ಷಾ॒ದಧಿ॑ ।
ನೈ॑ನಮೂ॒ರ್ಧ್ವಂ ನ ತಿ॒ರ್ಯಞ್ಚಂ॒ ನ ಮಧ್ಯೇ॒ ಪರಿ॑ ಜಗ್ರಭತ್ ॥ ೨ ॥
ನ ತಸ್ಯ॑ ಪ್ರತಿ॒ಮಾ ಅ॑ಸ್ತಿ॒ ಯಸ್ಯ॒ ನಾಮ॑ ಮ॒ಹದ್ಯಶ॑: ।
ಹಿ॒ರ॒ಣ್ಯ॒ಗ॒ರ್ಭ ಇತ್ಯೇ॒ಷಃ ಮಾ ಮಾ॑ ಹಿᳪಸೀ॒ದಿತ್ಯೇ॒ಷಾ ಯಸ್ಮಾ॒ನ್ನ ಜಾ॒ತ ಇತ್ಯೇ॒ಷ: ॥ ೩ ॥
ಏ॒ಷೋ ಹ॑ ದೇ॒ವಃ ಪ್ರ॒ದಿಶೋಽನು॒ ಸರ್ವಾ॒: ಪೂರ್ವೋ॑ ಹ ಜಾ॒ತಃ ಸ ಉ॒ ಗರ್ಭೇ॑ ಅ॒ನ್ತಃ ।
ಸ ಏ॒ವ ಜಾ॒ತಃ ಸ ಜ॑ನಿ॒ಷ್ಯಮಾ॑ಣಃ ಪ್ರ॒ತ್ಯಙ್ ಜನಾ॑ಸ್ತಿಷ್ಠತಿ ಸ॒ರ್ವತೋ॑ಮುಖಃ ॥ ೪ ॥
ಯಸ್ಮಾ॑ಜ್ಜಾ॒ತಂ ನ ಪು॒ರಾ ಕಿಂ ಚನೈ॒ವ ಯ ಆ॑ಬ॒ಭೂವ॒ ಭುವ॑ನಾನಿ॒ ವಿಶ್ವಾ॑ ।
ಪ್ರ॒ಜಾಪ॑ತಿಃ ಪ್ರ॒ಜಯಾ॑ ಸᳪರರಾ॒ಣಸ್ತ್ರೀಣಿ॒ ಜ್ಯೋತೀ॑ᳪಷಿ ಸಚತೇ॒ ಸ ಷೋ॑ಡ॒ಶೀ ॥ ೫ ॥
ಯೇನ॒ ದ್ಯೌರು॒ಗ್ರಾ ಪೃ॑ಥಿ॒ವೀ ಚ॑ ದೃ॒ಢಾ ಯೇನ॒ ಸ್ವ॒ ಸ್ತಭಿ॒ತಂ ಯೇನ॒ ನಾಕ॑: ।
ಯೋ ಅ॒ನ್ತರಿ॑ಕ್ಷೇ॒ ರಜ॑ಸೋ ವಿ॒ಮಾನ॒: ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥ ೬ ॥
ಯಂ ಕ್ರನ್ದ॑ಸೀ॒ ಅವ॑ಸಾ ತಸ್ತಭಾ॒ನೇ ಅ॒ಭ್ಯೈಕ್ಷೇ॑ತಾಂ॒ ಮನ॑ಸಾ॒ ರೇಜ॑ಮಾನೇ ।
ಯತ್ರಾಧಿ॒ ಸೂರ॒ ಉದಿ॑ತೋ ವಿ॒ಭಾತಿ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ।
ಆಪೋ॑ ಹ॒ ಯದ್ಬೃ॑ಹ॒ತೀರ್ಯಶ್ಚಿ॒ದಾಪ॑: ॥ ೭ ॥
ವೇ॒ನಸ್ತತ್ಪ॑ಶ್ಯ॒ನ್ನಿಹಿ॑ತಂ॒ ಗುಹಾ॒ ಸದ್ಯತ್ರ॒ ವಿಶ್ವಂ॒ ಭವ॒ತ್ಯೇಕ॑ನೀಡಮ್ ।
ತಸ್ಮಿ॑ನ್ನಿ॒ದᳪ ಸಂ ಚ॒ ವಿ ಚೈ॑ತಿ॒ ಸರ್ವ॒ᳪ ಸ ಓತ॒: ಪ್ರೋತ॑ಶ್ಚ ವಿ॒ಭೂಃ ಪ್ರ॒ಜಾಸು॑ ॥ ೮ ॥
ಪ್ರ ತದ್ವೋ॑ಚೇದ॒ಮೃತಂ॒ ನು ವಿ॒ದ್ವಾನ್ ಗ॑ನ್ಧ॒ರ್ವೋ ಧಾಮ॒ ವಿಭೃ॑ತಂ॒ ಗುಹಾ॒ ಸತ್ ।
ತ್ರೀಣಿ॑ ಪ॒ದಾನಿ॒ ನಿಹಿ॑ತಾ॒ ಗುಹಾ॑ಸ್ಯ॒ ಯಸ್ತಾನಿ॒ ವೇದ॒ ಸ ಪಿ॒ತುಃ ಪಿ॒ತಾಽಸ॑ತ್ ॥ ೯ ॥
ಸ ನೋ॒ ಬನ್ಧು॑ರ್ಜನಿ॒ತಾ ಸ ವಿ॑ಧಾ॒ತಾ ಧಾಮಾ॑ನಿ ವೇದ॒ ಭುವ॑ನಾನಿ॒ ವಿಶ್ವಾ॑ ।
ಯತ್ರ॑ ದೇ॒ವಾ ಅ॒ಮೃತ॑ಮಾನಶಾ॒ನಾಸ್ತೃ॒ತೀಯೇ॒ ಧಾಮ॑ನ್ನ॒ಧ್ಯೈರ॑ಯನ್ತ ॥ ೧೦ ॥
ಪ॒ರೀತ್ಯ॑ ಭೂ॒ತಾನಿ॑ ಪ॒ರೀತ್ಯ॑ ಲೋ॒ಕಾನ್ ಪ॒ರೀತ್ಯ॒ ಸರ್ವಾ॑: ಪ್ರ॒ದಿಶೋ॒ ದಿಶ॑ಶ್ಚ ।
ಉ॒ಪ॒ಸ್ಥಾಯ॑ ಪ್ರಥಮ॒ಜಾಮೃ॒ತಸ್ಯಾ॒ತ್ಮನಾ॒ಽಽತ್ಮಾನ॑ಮ॒ಭಿ ಸಂ ವಿ॑ವೇಶ ॥ ೧೧ ॥
ಪರಿ॒ ದ್ಯಾವಾ॑ಪೃಥಿ॒ವೀ ಸ॒ದ್ಯ ಇ॒ತ್ವಾ ಪರಿ॑ ಲೋ॒ಕಾನ್ ಪರಿ॒ ದಿಶ॒: ಪರಿ॒ ಸ್ವ॒: ।
ಋ॒ತಸ್ಯ॒ ತನ್ತುಂ॒ ವಿತ॑ತಂ ವಿ॒ಚೃತ್ಯ॒ ತದ॑ಪಶ್ಯ॒ತ್ತದ॑ಭವ॒ತ್ತದಾ॑ಸೀತ್ ॥ ೧೨ ॥
ಸದ॑ಸ॒ಸ್ಪತಿ॒ಮದ್ಭು॑ತಂ ಪ್ರಿ॒ಯಮಿನ್ದ್ರ॑ಸ್ಯ॒ ಕಾಮ್ಯ॑ಮ್ । ಸ॒ನಿಂ ಮೇ॒ಧಾಮ॑ಯಾಸಿಷ॒ᳪಸ್ವಾಹಾ॑ ॥ ೧೩ ॥
ಯಾಂ ಮೇ॒ಧಾಂ ದೇ॑ವಗ॒ಣಾಃ ಪಿ॒ತರ॑ಶ್ಚೋ॒ಪಾಸ॑ತೇ ।
ತಯಾ॒ ಮಾಮ॒ದ್ಯ ಮೇ॒ಧಯಾಽಗ್ನೇ॑ ಮೇ॒ಧಾವಿ॑ನಂ ಕುರು॒ ಸ್ವಾಹಾ॑ ॥ ೧೪ ॥
ಮೇ॒ಧಾಂ ಮೇ॒ ವರು॑ಣೋ ದದಾತು ಮೇ॒ಧಾಮ॒ಗ್ನಿಃ ಪ್ರ॒ಜಾಪ॑ತಿಃ ।
ಮೇ॒ಧಾಮಿನ್ದ್ರ॑ಶ್ಚ ವಾ॒ಯುಶ್ಚ॑ ಮೇ॒ಧಾಂ ಧಾ॒ತಾ ದ॑ದಾತು ಮೇ॒ ಸ್ವಾಹಾ॑ ॥ ೧೫ ॥
ಇ॒ದಂ ಮೇ॒ ಬ್ರಹ್ಮ॑ ಚ ಕ್ಷ॒ತ್ರಂ ಚೋ॒ಭೇ ಶ್ರಿಯ॑ಮಶ್ನುತಾಮ್ ।
ಮಯಿ॑ ದೇ॒ವಾ ದ॑ಧತು॒ ಶ್ರಿಯ॒ಮುತ್ತ॑ಮಾಂ॒ ತಸ್ಯೈ॑ ತೇ॒ ಸ್ವಾಹಾ॑ ॥ ೧೬ ॥
ಅಧ್ಯಾಯ ೩೩
ಅ॒ಸ್ಯಾಜರಾ॑ಸೋ ದ॒ಮಾಮ॒ರಿತ್ರಾ॑ ಅ॒ರ್ಚದ್ಧೂ॑ಮಾಸೋ ಅ॒ಗ್ನಯ॑: ಪಾವ॒ಕಾಃ ।
ಶ್ವಿ॒ತೀ॒ಚಯ॑: ಶ್ವಾ॒ತ್ರಾಸೋ॑ ಭುರ॒ಣ್ಯವೋ॑ ವನ॒ರ್ಷದೋ॑ ವಾ॒ಯವೋ॒ ನ ಸೋಮಾ॑: ॥ ೧ ॥
ಹರ॑ಯೋ ಧೂ॒ಮಕೇ॑ತವೋ॒ ವಾತ॑ಜೂತಾ॒ ಉಪ॒ ದ್ಯವಿ॑ । ಯತ॑ನ್ತೇ॒ ವೃಥ॑ಗ॒ಗ್ನಯ॑: ॥ ೨ ॥
ಯಜಾ॑ ನೋ ಮಿ॒ತ್ರಾವರು॑ಣಾ॒ ಯಜಾ॑ ದೇ॒ವಾಁ೨ ಋ॒ತಂ ಬೃ॒ಹತ್ ।
ಅಗ್ನೇ॒ ಯಕ್ಷಿ॒ ಸ್ವಂ ದಮ॑ಮ್ ॥ ೩ ॥
ಯು॒ಕ್ಷ್ವಾ ಹಿ ದೇ॑ವ॒ಹೂತ॑ಮಾಁ॒೨ ಅಶ್ವಾಁ॑೨ ಅಗ್ನೇ ರ॒ಥೀರಿ॑ವ । ನಿ ಹೋತಾ॑ ಪೂ॒ರ್ವ್ಯಃ ಸ॑ದಃ ॥ ೪ ॥
ದ್ವೇ ವಿರೂ॑ಪೇ ಚರತ॒: ಸ್ವರ್ಥೇ॑ ಅ॒ನ್ಯಾಽನ್ಯಾ॑ ವ॒ತ್ಸಮುಪ॑ ಧಾಪಯೇತೇ ।
ಹರಿ॑ರ॒ನ್ಯಸ್ಯಾಂ॒ ಭವ॑ತಿ ಸ್ವ॒ಧಾವಾ॑ಞ್ಛು॒ಕ್ರೋ ಅ॒ನ್ಯಸ್ಯಾಂ॑ ದದೃಶೇ ಸು॒ವರ್ಚಾ॑: ॥ ೫ ॥
ಅ॒ಯಮಿ॒ಹ ಪ್ರ॑ಥ॒ಮೋ ಧಾ॑ಯಿ ಧಾ॒ತೃಭಿ॒ರ್ಹೋತಾ॒ ಯಜಿ॑ಷ್ಠೋ ಅಧ್ವ॒ರೇಷ್ವೀಡ್ಯ॑: ।
ಯಮಪ್ನ॑ವಾನೋ॒ ಭೃಗ॑ವೋ ವಿರುರು॒ಚುರ್ವನೇ॑ಷು ಚಿ॒ತ್ರಂ ವಿ॒ಭ್ವಂ॒ ವಿ॒ಶೇ-ವಿ॑ಶೇ ॥ ೬ ॥
ತ್ರೀಣಿ॑ ಶ॒ತಾ ತ್ರೀ ಸ॒ಹಸ್ರಾ॑ಣ್ಯ॒ಗ್ನಿಂ ತ್ರಿ॒ᳪಶಚ್ಚ॑ ದೇ॒ವಾ ನವ॑ ಚಾಸಪರ್ಯನ್ ।
ಔಕ್ಷ॑ನ್ ಘೃ॒ತೈರಸ್ತೃ॑ಣನ್ ಬ॒ರ್ಹಿರ॑ಸ್ಮಾ॒ ಆದಿದ್ಧೋತಾ॑ರಂ॒ ನ್ಯ॒ಸಾದಯನ್ತ ॥ ೭ ॥
ಮೂ॒ರ್ಧಾನಂ॑ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ॑ಶ್ವಾನ॒ರಮೃ॒ತ ಆ ಜಾ॒ತಮ॒ಗ್ನಿಮ್ ।
ಕ॒ವಿᳪ ಸ॒ಮ್ರಾಜ॒ಮತಿ॑ಥಿಂ॒ ಜನಾ॑ನಾಮಾ॒ಸನ್ನಾ ಪಾತ್ರಂ॑ ಜನಯನ್ತ ದೇ॒ವಾಃ ॥ ೮ ॥
ಅ॒ಗ್ನಿರ್ವೃ॒ತ್ರಾಣಿ॑ ಜಙ್ಘನದ್ದ್ರವಿಣ॒ಸ್ಯುರ್ವಿ॑ಪ॒ನ್ಯಯಾ॑ । ಸಮಿ॑ದ್ಧಃ ಶು॒ಕ್ರ ಆಹು॑ತಃ ॥ ೯ ॥
ವಿಶ್ವೇ॑ಭಿಃ ಸೋ॒ಮ್ಯಂ ಮಧ್ವಗ್ನ॒ ಇನ್ದ್ರೇ॑ಣ ವಾ॒ಯುನಾ॑ । ಪಿಬಾ॑ ಮಿ॒ತ್ರಸ್ಯ॒ ಧಾಮ॑ಭಿಃ ॥ ೧೦ ॥
ಆ ಯದಿ॒ಷೇ ನೃ॒ಪತಿಂ॒ ತೇಜ॒ ಆನ॒ಟ್ ಶುಚಿ॒ ರೇತೋ॒ ನಿಷಿ॑ಕ್ತಂ॒ ದ್ಯೌರ॒ಭೀಕೇ॑ ।
ಅ॒ಗ್ನಿಃ ಶರ್ಧ॑ಮನವ॒ದ್ಯಂ ಯುವಾ॑ನᳪ ಸ್ವಾ॒ಧ್ಯಂ॒ ಜನಯತ್ ಸೂ॒ದಯ॑ಚ್ಚ ॥ ೧೧ ॥
ಅಗ್ನೇ॒ ಶರ್ಧ॑ ಮಹ॒ತೇ ಸೌ॑ಭಗಾಯ॒ ತವ॑ ದ್ಯು॒ಮ್ನಾನ್ಯು॑ತ್ತ॒ಮಾನಿ॑ ಸನ್ತು ।
ಸಂ ಜಾ॑ಸ್ಪ॒ತ್ಯᳪ ಸು॒ಯಮ॒ಮಾ ಕೃ॑ಣುಷ್ವ ಶತ್ರೂಯ॒ತಾಮ॒ಭಿ ತಿ॑ಷ್ಠಾ॒ ಮಹಾ॑ᳪಸಿ ॥ ೧೨ ॥
ತ್ವಾᳪ ಹಿ ಮ॒ನ್ದ್ರತ॑ಮಮರ್ಕಶೋ॒ಕೈರ್ವ॑ವೃ॒ಮಹೇ॒ ಮಹಿ॑ ನ॒: ಶ್ರೋಷ್ಯ॑ಗ್ನೇ ।
ಇನ್ದ್ರಂ॒ ನ ತ್ವಾ॒ ಶವ॑ಸಾ ದೇ॒ವತಾ॑ ವಾ॒ಯುಂ ಪೃ॑ಣನ್ತಿ॒ ರಾಧ॑ಸಾ॒ ನೃತ॑ಮಾಃ ॥ ೧೩ ॥
ತ್ವೇ ಅ॑ಗ್ನೇ ಸ್ವಾಹುತ ಪ್ರಿ॒ಯಾಸ॑: ಸನ್ತು ಸೂ॒ರಯ॑: ।
ಯ॒ನ್ತಾರೋ॒ ಯೇ ಮ॒ಘವಾ॑ನೋ॒ ಜನಾ॑ನಾಮೂ॒ರ್ವಾನ್ ದಯ॑ನ್ತ॒ ಗೋನಾ॑ಮ್ ॥ ೧೪ ॥
ಶ್ರು॒ಧಿ ಶ್ರು॑ತ್ಕರ್ಣ॒ ವಹ್ನಿ॑ಭಿರ್ದೇ॒ವೈರ॑ಗ್ನೇ ಸ॒ಯಾವ॑ಭಿಃ ।
ಆ ಸೀ॑ದನ್ತು ಬ॒ರ್ಹಿಷಿ॑ ಮಿ॒ತ್ರೋ ಅ॑ರ್ಯ॒ಮಾ ಪ್ರಾ॑ತ॒ರ್ಯಾವಾ॑ಣೋ ಅಧ್ವ॒ರಮ್ ॥ ೧೫ ॥
ವಿಶ್ವೇ॑ಷಾ॒ಮದಿ॑ತಿರ್ಯ॒ಜ್ಞಿಯಾ॑ನಾಂ॒ ವಿಶ್ವೇ॑ಷಾ॒ಮತಿ॑ಥಿ॒ರ್ಮಾನು॑ಷಾಣಾಮ್ ।
ಅ॒ಗ್ನಿರ್ದೇ॒ವಾನಾ॒ಮವ॑ ಆವೃಣಾ॒ನಃ ಸು॑ಮೃಡೀ॒ಕೋ ಭ॑ವತು ಜಾ॒ತವೇ॑ದಾಃ ॥ ೧೬ ॥
ಮ॒ಹೋ ಅ॒ಗ್ನೇಃ ಸ॑ಮಿಧಾ॒ನಸ್ಯ॒ ಶರ್ಮ॒ಣ್ಯನಾ॑ಗಾ ಮಿ॒ತ್ರೇ ವರು॑ಣೇ ಸ್ವ॒ಸ್ತಯೇ॑ ।
ಶ್ರೇಷ್ಠೇ॑ ಸ್ಯಾಮ ಸವಿ॒ತುಃ ಸವೀ॑ಮನಿ॒ ತದ್ದೇ॒ವಾನಾ॒ಮವೋ॑ ಅ॒ದ್ಯಾ ವೃ॑ಣೀಮಹೇ ॥ ೧೭ ॥
ಆಪ॑ಶ್ಚಿತ್ಪಿಪ್ಯು ಸ್ತ॒ರ್ಯೋ ನ ಗಾವೋ॒ ನಕ್ಷ॑ನ್ನೃ॒ತಂ ಜ॑ರಿ॒ತಾರ॑ಸ್ತ ಇನ್ದ್ರ ।
ಯಾ॒ಹಿ ವಾ॒ಯುರ್ನ ನಿ॒ಯುತೋ॑ ನೋ॒ ಅಚ್ಛಾ॒ ತ್ವᳪ ಹಿ ಧೀ॒ಭಿರ್ದಯ॑ಸೇ॒ ವಿ ವಾಜಾ॑ನ್ ॥ ೧೮ ॥
ಗಾವ॒ ಉಪಾ॑ವತಾವ॒ತಂ ಮ॒ಹೀ ಯ॒ಜ್ಞಸ್ಯ॑ ರ॒ಪ್ಸುದಾ॑ । ಉ॒ಭಾ ಕರ್ಣಾ॑ ಹಿರ॒ಣ್ಯಯಾ॑ ॥ ೧೯ ॥
ಯದ॒ದ್ಯ ಸೂರ॒ ಉದಿ॒ತೇಽನಾ॑ಗಾ ಮಿ॒ತ್ರೋ ಅ॑ರ್ಯ॒ಮಾ ।
ಸು॒ವಾತಿ॑ ಸವಿ॒ತಾ ಭಗ॑: ॥ ೨೦ ॥
ಆ ಸು॒ತೇ ಸಿ॑ಞ್ಚತ॒ ಶ್ರಿಯ॒ᳪ ರೋದ॑ಸ್ಯೋರಭಿ॒ಶ್ರಿಯ॑ಮ್ । ರ॒ಸಾ ದ॑ಧೀತ ವೃಷ॒ಭಮ್ ॥ತಂ ಪ್ರ॒ತ್ನಥಾ॒ ಽಯಂ ವೇ॒ನ: ॥ ೨೧ ॥
ಆ॒ತಿಷ್ಠ॑ನ್ತಂ॒ ಪರಿ॒ ವಿಶ್ವೇ॑ ಅಭೂಷ॒ಞ್ಛ್ರಿಯೋ॒ ವಸಾ॑ನಶ್ಚರತಿ॒ ಸ್ವರೋ॑ಚಿಃ ।
ಮ॒ಹತ್ತದ್ವೃಷ್ಣೋ॒ ಅಸು॑ರಸ್ಯ॒ ನಾಮಾ ವಿ॒ಶ್ವರೂ॑ಪೋ ಅ॒ಮೃತಾ॑ನಿ ತಸ್ಥೌ ॥ ೨೨ ॥
ಪ್ರ ವೋ॑ ಮ॒ಹೇ ಮನ್ದ॑ಮಾನಾ॒ಯಾನ್ಧ॒ಸೋಽರ್ಚಾ॑ ವಿ॒ಶ್ವಾನ॑ರಾಯ ವಿಶ್ವಾ॒ಭುವೇ॑ ।
ಇನ್ದ್ರ॑ಸ್ಯ॒ ಯಸ್ಯ॒ ಸುಮ॑ಖ॒ᳪ ಸಹೋ॒ ಮಹಿ॒ ಶ್ರವೋ॑ ನೃ॒ಮ್ಣಂ ಚ॒ ರೋದ॑ಸೀ ಸಪ॒ರ್ಯತ॑: ॥ ೨೩ ॥
ಬೃ॒ಹನ್ನಿದಿ॒ಧ್ಮ ಏ॑ಷಾಂ॒ ಭೂರಿ॑ ಶ॒ಸ್ತಂ ಪೃ॒ಥುಃ ಸ್ವರು॑: । ಯೇಷಾ॒ಮಿನ್ದ್ರೋ॒ ಯುವಾ॒ ಸಖಾ॑ ॥ ೨೪ ॥
ಇನ್ದ್ರೇಹಿ॒ ಮತ್ಸ್ಯನ್ಧ॑ಸೋ॒ ವಿಶ್ವೇ॑ಭಿಃ ಸೋಮ॒ಪರ್ವ॑ಭಿಃ ।
ಮ॒ಹಾಁ೨ ಅ॑ಭಿ॒ಷ್ಟಿರೋಜ॑ಸಾ ॥ ೨೫ ॥
ಇನ್ದ್ರೋ॑ ವೃ॒ತ್ರಮ॑ವೃಣೋ॒ಚ್ಛರ್ಧ॑ನೀತಿ॒: ಪ್ರ ಮಾ॒ಯಿನಾ॑ಮಮಿನಾ॒ದ್ವರ್ಪ॑ಣೀತಿಃ ।
ಅಹ॒ನ್ ವ್ಯ॒ᳪಸಮು॒ಶಧ॒ಗ್ವನೇ॑ಷ್ವಾ॒ವಿರ್ಧೇನಾ॑ ಅಕೃಣೋದ್ರಾ॒ಮ್ಯಾಣಾ॑ಮ್ ॥ ೨೬ ॥
ಕುತ॒ಸ್ತ್ವಮಿ॑ನ್ದ್ರ॒ ಮಾಹಿ॑ನ॒: ಸನ್ನೇಕೋ॑ ಯಾಸಿ ಸತ್ಪತೇ॒ ಕಿಂ ತ॑ ಇ॒ತ್ಥಾ ।
ಸಂ ಪೃ॑ಚ್ಛಸೇ ಸಮರಾ॒ಣಃ ಶು॑ಭಾ॒ನೈರ್ವೋ॒ಚೇಸ್ತನ್ನೋ॑ ಹರಿವೋ॒ ಯತ್ತೇ॑ ಅ॒ಸ್ಮೇ ।
ಮ॒ಹಾಁ೨ ಇನ್ದ್ರೋ॒ ಯ ಓಜ॑ಸಾ ಕ॒ದಾ ಚ॒ನ ಸ್ತ॒ರೀರ॑ಸಿ ಕ॒ದಾ ಚ॒ನ ಪ್ರ ಯು॑ಚ್ಛಸಿ ॥ ೨೭ ॥
ಆ ತತ್ತ॑ ಇನ್ದ್ರಾ॒ಯವ॑: ಪನನ್ತಾ॒ಭಿ ಯ ಊ॒ರ್ವಂ ಗೋಮ॑ನ್ತಂ॒ ತಿತೃ॑ತ್ಸಾನ್ ।
ಸ॒ಕೃ॒ತ್ಸ್ವಂ ಯೇ ಪು॑ರುಪು॒ತ್ರಾಂ ಮ॒ಹೀᳪ ಸ॒ಹಸ್ರ॑ಧಾರಾಂ ಬೃಹ॒ತೀಂ ದುದು॑ಕ್ಷನ್ ॥ ೨೮ ॥
ಇ॒ಮಾಂ ತೇ॒ ಧಿಯಂ॒ ಪ್ರ ಭ॑ರೇ ಮ॒ಹೋ ಮ॒ಹೀಮ॒ಸ್ಯ ಸ್ತೋ॒ತ್ರೇ ಧಿ॒ಷಣಾ॒ ಯತ್ತ॑ ಆನ॒ಜೇ ।
ತಮು॑ತ್ಸ॒ವೇ ಚ॑ ಪ್ರಸ॒ವೇ ಚ॑ ಸಾಸ॒ಹಿಮಿನ್ದ್ರಂ॑ ದೇ॒ವಾಸ॒: ಶವ॑ಸಾಮದ॒ನ್ನನು॑ ॥ ೨೯ ॥
ವಿ॒ಭ್ರಾಡ್ ಬೃ॒ಹತ್ಪಿ॑ಬತು ಸೋ॒ಮ್ಯಂ ಮಧ್ವಾಯು॒ರ್ದಧ॑ದ್ಯ॒ಜ್ಞಪ॑ತಾ॒ವವಿ॑ಹ್ರುತಮ್ ।
ವಾತ॑ಜೂತೋ॒ ಯೋ ಅ॑ಭಿ॒ರಕ್ಷ॑ತಿ॒ ತ್ಮನಾ॑ ಪ್ರ॒ಜಾಃ ಪು॑ಪೋಷ ಪುರು॒ಧಾ ವಿ ರಾ॑ಜತಿ ॥ ೩೦ ॥
ಉದು॒ ತ್ಯಂ ಜಾ॒ತವೇ॑ದಸಂ ದೇ॒ವಂ ವ॑ಹನ್ತಿ ಕೇ॒ತವ॑: । ದೃ॒ಶೇ ವಿಶ್ವಾ॑ಯ॒ ಸೂರ್ಯ॑ಮ್ ॥ ೩೧ ॥
ಯೇನಾ॑ ಪಾವಕ॒ ಚಕ್ಷ॑ಸಾ ಭುರ॒ಣ್ಯನ್ತಂ॒ ಜನಾಁ॒೨ ಅನು॑ । ತ್ವಂ ವ॑ರುಣ॒ ಪಶ್ಯ॑ಸಿ ॥ ೩೨ ॥
ದೈವ್ಯಾ॑ವಧ್ವರ್ಯೂ॒ ಆ ಗ॑ತ॒ᳪ ರಥೇ॑ನ॒ ಸೂರ್ಯ॑ತ್ವಚಾ । ಮಧ್ವಾ॑ ಯ॒ಜ್ಞᳪ ಸಮ॑ಞ್ಜಾಥೇ ।
ತಂ ಪ್ರ॒ತ್ನಥಾ॒ ಽಯಂ ವೇ॒ನಶ್ಚಿ॒ತ್ರಂ ದೇ॒ವಾನಾ॑ಮ್ ॥ ೩೩ ॥
ಆ ನ॒ ಇಡಾ॑ಭಿರ್ವಿ॒ದಥೇ॑ ಸುಶ॒ಸ್ತಿ ವಿ॒ಶ್ವಾನ॑ರಃ ಸವಿ॒ತಾ ದೇ॒ವ ಏ॑ತು ।
ಅಪಿ॒ ಯಥಾ॑ ಯುವಾನೋ॒ ಮತ್ಸ॑ಥಾ ನೋ॒ ವಿಶ್ವಂ॒ ಜಗ॑ದಭಿಪಿ॒ತ್ವೇ ಮ॑ನೀ॒ಷಾ ॥ ೩೪ ॥
ಯದ॒ದ್ಯ ಕಚ್ಚ॑ ವೃತ್ರಹನ್ನು॒ದಗಾ॑ ಅ॒ಭಿ ಸೂ॑ರ್ಯ । ಸರ್ವಂ॒ ತದಿ॑ನ್ದ್ರ ತೇ॒ ವಶೇ॑ ॥ ೩೫ ॥
ತ॒ರಣಿ॑ರ್ವಿ॒ಶ್ವದ॑ರ್ಶತೋ ಜ್ಯೋತಿ॒ಷ್ಕೃದ॑ಸಿ ಸೂರ್ಯ । ವಿಶ್ವ॒ಮಾ ಭಾ॑ಸಿ ರೋಚ॒ನಮ್ ॥ ೩೬ ॥
ತತ್ಸೂರ್ಯ॑ಸ್ಯ ದೇವ॒ತ್ವಂ ತನ್ಮ॑ಹಿ॒ತ್ವಂ ಮ॒ಧ್ಯಾ ಕರ್ತೋ॒ರ್ವಿತ॑ತ॒ᳪ ಸಂ ಜ॑ಭಾರ ।
ಯ॒ದೇದಯು॑ಕ್ತ ಹ॒ರಿತ॑: ಸ॒ಧಸ್ಥಾ॒ದಾದ್ರಾತ್ರೀ॒ ವಾಸ॑ಸ್ತನುತೇ ಸಿ॒ಮಸ್ಮೈ॑ ॥ ೩೭ ॥
ತನ್ಮಿ॒ತ್ರಸ್ಯ॒ ವರು॑ಣಸ್ಯಾಭಿ॒ಚಕ್ಷೇ॒ ಸೂರ್ಯೋ॑ ರೂ॒ಪಂ ಕೃ॑ಣುತೇ॒ ದ್ಯೋರು॒ಪಸ್ಥೇ॑ ।
ಅ॒ನ॒ನ್ತಮ॒ನ್ಯದ್ರುಶ॑ದಸ್ಯ॒ ಪಾಜ॑: ಕೃ॒ಷ್ಣಮ॒ನ್ಯದ್ಧ॒ರಿತ॒: ಸಂ ಭ॑ರನ್ತಿ ॥ ೩೮ ॥
ಬಣ್ಮ॒ಹಾಁ೨ ಅ॑ಸಿ ಸೂರ್ಯ॒ ಬಡಾ॑ದಿತ್ಯ ಮ॒ಹಾಁ೨ ಅ॑ಸಿ ।
ಮ॒ಹಸ್ತೇ॑ ಸ॒ತೋ ಮ॑ಹಿ॒ಮಾ ಪ॑ನಸ್ಯತೇ॒ಽದ್ಧಾ ದೇ॑ವ ಮ॒ಹಾಁ೨ ಅ॑ಸಿ ॥ ೩೯ ॥
ಬಟ್ ಸೂ॑ರ್ಯ॒ ಶ್ರವ॑ಸಾ ಮ॒ಹಾಁ೨ ಅ॑ಸಿ ಸ॒ತ್ರಾ ದೇ॑ವ ಮ॒ಹಾಁ೨ ಅ॑ಸಿ ।
ಮ॒ಹ್ನಾ ದೇ॒ವಾನಾ॑ಮಸು॒ರ್ಯ॒: ಪು॒ರೋಹಿ॑ತೋ ವಿ॒ಭು ಜ್ಯೋತಿ॒ರದಾ॑ಭ್ಯಮ್ ॥ ೪೦ ॥
ಶ್ರಾಯ॑ನ್ತ ಇವ॒ ಸೂರ್ಯಂ॒ ವಿಶ್ವೇದಿನ್ದ್ರ॑ಸ್ಯ ಭಕ್ಷತ ।
ವಸೂ॑ನಿ ಜಾ॒ತೇ ಜನ॑ಮಾನ॒ ಓಜ॑ಸಾ॒ ಪ್ರತಿ॑ ಭಾ॒ಗಂ ನ ದೀ॑ಧಿಮ ॥ ೪೧ ॥
ಅ॒ದ್ಯಾ ದೇ॑ವಾ॒ ಉದಿ॑ತಾ॒ ಸೂರ್ಯ॑ಸ್ಯ॒ ನಿರᳪಹ॑ಸಃ ಪಿಪೃ॒ತಾ ನಿರ॑ವ॒ದ್ಯಾತ್ ।
ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹನ್ತಾ॒ಮದಿ॑ತಿ॒: ಸಿನ್ಧು॑: ಪೃಥಿ॒ವೀ ಉ॒ತ ದ್ಯೌ: ॥ ೪೨ ॥
ಆ ಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತಂ॒ ಮರ್ತ್ಯಂ॑ ಚ ।
ಹಿ॒ರ॒ಣ್ಯಯೇ॑ನ ಸವಿ॒ತಾ ರಥೇ॒ನಾ ದೇ॒ವೋ ಯಾ॑ತಿ॒ ಭುವ॑ನಾನಿ॒ ಪಶ್ಯ॑ನ್ ॥ ೪೩ ॥
ಪ್ರ ವಾ॑ವೃಜೇ ಸುಪ್ರ॒ಯಾ ಬ॒ರ್ಹಿರೇ॑ಷಾ॒ಮಾ ವಿ॒ಶ್ಪತೀ॑ವ॒ ವ್ವೀರಿ॑ಟ ಇಯಾತೇ ।
ವಿ॒ಶಾಮ॒ಕ್ತೋರು॒ಷಸ॑: ಪೂ॒ರ್ವಹೂ॑ತೌ ವಾ॒ಯುಃ ಪೂ॒ಷಾ ಸ್ವ॒ಸ್ತಯೇ॑ ನಿ॒ಯುತ್ವಾ॑ನ್ ॥ ೪೪ ॥
ಇ॒ನ್ದ್ರ॒ವಾ॒ಯೂ ಬೃಹ॒ಸ್ಪತಿಂ॑ ಮಿ॒ತ್ರಾಗ್ನಿಂ ಪೂ॒ಷಣಂ ಭಗ॑ಮ್ । ಆ॒ದಿ॒ತ್ಯಾನ್ ಮಾರು॑ತಂ ಗ॒ಣಮ್ ॥ ೪೫ ॥
ವರು॑ಣಃ ಪ್ರಾವಿ॒ತಾ ಭು॑ವನ್ಮಿ॒ತ್ರೋ ವಿಶ್ವಾ॑ಭಿರೂ॒ತಿಭಿ॑: । ಕರ॑ತಾಂ ನಃ ಸು॒ರಾಧ॑ಸಃ ॥ ೪೬ ॥
ಅಧಿ॑ ನ ಇನ್ದ್ರೈಷಾಂ॒ ವಿಷ್ಣೋ॑ ಸಜಾ॒ತ್ಯಾ॒ನಾಮ್ । ಇ॒ತಾ ಮರು॑ತೋ॒ ಅಶ್ವಿ॑ನಾ ।
ತಂ ಪ್ರ॒ತ್ನಥಾ॒ ಽಯಂ ವೇ॒ನೋ ಯೇ ದೇ॑ವಾಸ॒ ಆ ನ॒ ಇಡಾ॑ಭಿ॒ರ್ವಿಶ್ವೇ॑ಭಿಃ ಸೋ॒ಮ್ಯಂ ಮಧ್ವೋಮಾ॑ಸಶ್ಚರ್ಷಣೀಧೃತಃ ॥ ೪೭ ॥
ಅಗ್ನ॒ ಇನ್ದ್ರ॒ ವರು॑ಣ॒ ಮಿತ್ರ॒ ದೇವಾ॒: ಶರ್ಧ॒: ಪ್ರ ಯ॑ನ್ತ॒ ಮಾರು॑ತೋ॒ತ ವಿ॑ಷ್ಣೋ ।
ಉ॒ಭಾ ನಾಸ॑ತ್ಯಾ ರು॒ದ್ರೋ ಅಧ॒ ಗ್ನಾಃ ಪೂ॒ಷಾ ಭಗ॒: ಸರ॑ಸ್ವತೀ ಜುಷನ್ತ ॥ ೪೮ ॥
ಇ॒ನ್ದ್ರಾ॒ಗ್ನೀ ಮಿ॒ತ್ರಾವರು॒ಣಾದಿ॑ತಿ॒ᳪ ಸ್ವ॑: ಪೃಥಿ॒ವೀಂ ದ್ಯಾಂ ಮ॒ರುತ॒: ಪರ್ವ॑ತಾಁ೨ ಅ॒ಪಃ ।
ಹು॒ವೇ ವಿಷ್ಣುಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॒ ಭಗಂ॒ ನು ಶᳪಸ॑ᳪ ಸವಿ॒ತಾರ॑ಮೂ॒ತಯೇ॑ ॥ ೪೯ ॥
ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾ॑: ।
ಯಃ ಶᳪಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇನ್ದ್ರ॑ಜ್ಯೇಷ್ಠಾ ಅ॒ಸ್ಮಾಁ೨ ಅ॑ವನ್ತು ದೇ॒ವಾಃ ॥ ೫೦॥
ಅ॒ರ್ವಾಞ್ಚೋ॑ ಅ॒ದ್ಯಾ ಭ॑ವತಾ ಯಜತ್ರಾ॒ ಆ ವೋ॒ ಹಾರ್ದಿ॒ ಭಯ॑ಮಾನೋ ವ್ಯಯೇಯಮ್ ।
ತ್ರಾಧ್ವಂ॑ ನೋ ದೇವಾ ನಿ॒ಜುರೋ॒ ವೃಕ॑ಸ್ಯ॒ ತ್ರಾಧ್ವಂ॑ ಕ॒ರ್ತಾದ॑ವ॒ಪದೋ॑ ಯಜತ್ರಾಃ ॥ ೫೧ ॥
ವಿಶ್ವೇ॑ ಅ॒ದ್ಯ ಮ॒ರುತೋ॒ ವಿಶ್ವ॑ ಊ॒ತೀ ವಿಶ್ವೇ॑ ಭವನ್ತ್ವ॒ಗ್ನಯ॒: ಸಮಿ॑ದ್ಧಾಃ ।
ವಿಶ್ವೇ॑ ನೋ ದೇ॒ವಾ ಅವ॒ಸಾ ಗ॑ಮನ್ತು॒ ವಿಶ್ವ॑ಮಸ್ತು॒ ದ್ರವಿ॑ಣಂ॒ ವಾಜೋ॑ ಅ॒ಸ್ಮೇ ॥ ೫೨ ॥
ವಿಶ್ವೇ॑ ದೇವಾಃ ಶೃಣು॒ತೇಮᳪ ಹವಂ॑ ಮೇ॒ ಯೇ ಅ॒ನ್ತರಿ॑ಕ್ಷೇ॒ ಯ ಉಪ॒ ದ್ಯವಿ॒ ಷ್ಠ ।
ಯೇ ಅ॑ಗ್ನಿಜಿ॒ಹ್ವಾ ಉ॒ತ ವಾ॒ ಯಜ॑ತ್ರಾ ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯಧ್ವಮ್ ॥ ೫೩ ॥
ದೇ॒ವೇಭ್ಯೋ॒ ಹಿ ಪ್ರ॑ಥ॒ಮಂ ಯ॒ಜ್ಞಿಯೇ॑ಭ್ಯೋಽಮೃತ॒ತ್ವᳪ ಸು॒ವಸಿ॑ ಭಾ॒ಗಮು॑ತ್ತ॒ಮಮ್ ।
ಆದಿದ್ದಾ॒ಮಾನ॑ᳪ ಸವಿತ॒ರ್ವ್ಯೂ॒ರ್ಣುಷೇಽನೂಚೀ॒ನಾ ಜೀ॑ವಿ॒ತಾ ಮಾನು॑ಷೇಭ್ಯಃ ॥ ೫೪ ॥
ಪ್ರ ವಾ॒ಯುಮಚ್ಛಾ॑ ಬೃಹ॒ತೀ ಮ॑ನೀ॒ಷಾ ಬೃ॒ಹದ್ರ॑ಯಿಂ ವಿ॒ಶ್ವವಾ॑ರᳪ ರಥ॒ಪ್ರಾಮ್ ।
ದ್ಯು॒ತದ್ಯಾ॑ಮಾ ನಿ॒ಯುತ॒: ಪತ್ಯ॑ಮಾನಃ ಕ॒ವಿಃ ಕ॒ವಿಮಿ॑ಯಕ್ಷಸಿ ಪ್ರಯಜ್ಯೋ ॥ ೫೫ ॥
ಇನ್ದ್ರ॑ವಾಯೂ ಇ॒ಮೇ ಸು॒ತಾ ಉಪ॒ ಪ್ರಯೋ॑ಭಿ॒ರಾ ಗ॑ತಮ್ । ಇನ್ದ॑ವೋ ವಾಮು॒ಶನ್ತಿ॒ ಹಿ ॥ ೫೬ ॥
ಮಿ॒ತ್ರᳪ ಹು॑ವೇ ಪೂ॒ತದ॑ಕ್ಷಂ॒ ವರು॑ಣಂ ಚ ರಿ॒ಶಾದ॑ಸಮ್ । ಧಿಯಂ॑ ಘೃ॒ತಾಚೀ॒ᳪ ಸಾಧ॑ನ್ತಾ ॥ ೫೭ ॥
ದಸ್ರಾ॑ ಯು॒ವಾಕ॑ವಃ ಸು॒ತಾ ನಾಸ॑ತ್ಯಾ ವೃ॒ಕ್ತಬ॑ರ್ಹಿಷಃ । ಆ ಯಾ॑ತᳪ ರುದ್ರವರ್ತನೀ ॥ ತಂ ಪ್ರ॒ತ್ನಥಾ॒ ಽಯಂ ವೇ॒ನಃ ॥ ೫ ೮ ॥
ವಿ॒ದದ್ಯದೀ॑ ಸ॒ರಮಾ॑ ರು॒ಗ್ಣಮದ್ರೇ॒ರ್ಮಹಿ॒ ಪಾಥ॑: ಪೂ॒ರ್ವ್ಯᳪ ಸ॒ಧ್ರ್ಯ॒ಕ್ಕಃ ।
ಅಗ್ರಂ॑ ನಯತ್ಸು॒ಪದ್ಯಕ್ಷ॑ರಾಣಾ॒ಮಚ್ಛಾ॒ ರವಂ॑ ಪ್ರಥ॒ಮಾ ಜಾ॑ನ॒ತೀ ಗಾ॑ತ್ ॥ ೫೯ ॥
ನ॒ಹಿ ಸ್ಪಶ॒ಮವಿ॑ದನ್ನ॒ನ್ಯಮ॒ಸ್ಮಾದ್ವೈ॑ಶ್ವಾನ॒ರಾತ್ಪು॑ರ ಏ॒ತಾರ॑ಮ॒ಗ್ನೇಃ ।
ಏಮೇ॑ನಮವೃಧನ್ನ॒ಮೃತಾ॒ ಅಮ॑ರ್ತ್ಯಂ ವೈಶ್ವಾನ॒ರಂ ಕ್ಷೈ॑ತ್ರಜಿತ್ಯಾಯ ದೇ॒ವಾಃ ॥ ೬೦ ॥
ಉ॒ಗ್ರಾ ವಿ॑ಘ॒ನಿನಾ॒ ಮೃಧ॑ ಇನ್ದ್ರಾ॒ಗ್ನೀ ಹ॑ವಾಮಹೇ । ತಾ ನೋ॑ ಮೃಡಾತ ಈ॒ದೃಶೇ॑ ॥ ೬೧ ॥
ಉಪಾ॑ಸ್ಮೈ ಗಾಯತಾ ನರ॒: ಪವ॑ಮಾನಾ॒ಯೇನ್ದ॑ವೇ । ಅ॒ಭಿ ದೇ॒ವಾಁ೨ ಇಯ॑ಕ್ಷತೇ ॥ ೬೨ ॥
ಯೇ ತ್ವಾ॑ಽಹಿ॒ಹತ್ಯೇ॑ ಮಘವ॒ನ್ನವ॑ರ್ಧ॒ನ್ಯೇ ಶಾ॑ಮ್ಬ॒ರೇ ಹ॑ರಿವೋ॒ ಯೇ ಗವಿ॑ಷ್ಟೌ ।
ಯೇ ತ್ವಾ॑ ನೂ॒ನಮ॑ನು॒ಮದ॑ನ್ತಿ॒ ವಿಪ್ರಾ॒: ಪಿಬೇ॑ನ್ದ್ರ॒ ಸೋಮ॒ᳪ ಸಗ॑ಣೋ ಮ॒ರುದ್ಭಿ॑: ॥ ೬೩ ॥
ಜನಿ॑ಷ್ಠಾ ಉ॒ಗ್ರಃ ಸಹ॑ಸೇ ತು॒ರಾಯ॑ ಮ॒ನ್ದ್ರ ಓಜಿ॑ಷ್ಠೋ ಬಹು॒ಲಾಭಿ॑ಮಾನಃ ।
ಅವ॑ರ್ಧ॒ನ್ನಿನ್ದ್ರಂ॑ ಮ॒ರುತ॑ಶ್ಚಿ॒ದತ್ರ॑ ಮಾ॒ತಾ ಯದ್ವೀ॒ರಂ ದ॒ಧನ॒ದ್ಧನಿ॑ಷ್ಠಾ ॥ ೬೪ ॥
ಆ ತೂ ನ॑ ಇನ್ದ್ರ ವೃತ್ರಹನ್ನ॒ಸ್ಮಾಕ॑ಮ॒ರ್ಧಮಾ ಗ॑ಹಿ । ಮ॒ಹಾನ್ಮ॒ಹೀಭಿ॑ರೂ॒ತಿಭಿ॑: ॥ ೬೫ ॥
ತ್ವಮಿ॑ನ್ದ್ರ॒ ಪ್ರತೂ॑ರ್ತಿಷ್ವ॒ಭಿ ವಿಶ್ವಾ॑ ಅಸಿ॒ ಸ್ಪೃಧ॑: ।
ಅ॒ಶ॒ಸ್ತಿ॒ಹಾ ಜ॑ನಿ॒ತಾ ವಿ॑ಶ್ವ॒ತೂರ॑ಸಿ॒ ತ್ವಂ ತೂ॑ರ್ಯ ತರುಷ್ಯ॒ತಃ ॥ ೬೬ ॥
ಅನು॑ ತೇ॒ ಶುಷ್ಮಂ॑ ತು॒ರಯ॑ನ್ತಮೀಯತುಃ ಕ್ಷೋ॒ಣೀ ಶಿಶುಂ॒ ನ ಮಾ॒ತರಾ॑ ।
ವಿಶ್ವಾ॑ಸ್ತೇ॒ ಸ್ಪೃಧ॑: ಶ್ನಥಯನ್ತ ಮ॒ನ್ಯವೇ॑ ವೃ॒ತ್ರಂ ಯದಿ॑ನ್ದ್ರ॒ ತೂರ್ವ॑ಸಿ ॥ ೬೭ ॥
ಯ॒ಜ್ಞೋ ದೇ॒ವಾನಾಂ॒ ಪ್ರತ್ಯೇ॑ತಿ ಸು॒ಮ್ನಮಾದಿ॑ತ್ಯಾಸೋ॒ ಭವ॑ತಾ ಮೃಡ॒ಯನ್ತ॑: ।
ಆ ವೋ॒ಽರ್ವಾಚೀ॑ ಸುಮ॒ತಿರ್ವ॑ವೃತ್ಯಾದ॒ᳪಹೋ॑ಶ್ಚಿ॒ದ್ಯಾ ವ॑ರಿವೋ॒ವಿತ್ತ॒ರಾಸ॑ತ್ ॥ ೬೮ ॥
ಅದ॑ಬ್ಧೇಭಿಃ ಸವಿತಃ ಪಾ॒ಯುಭಿ॒ಷ್ಟ್ವᳪ ಶಿ॒ವೇಭಿ॑ರ॒ದ್ಯ ಪರಿ॑ ಪಾಹಿ ನೋ॒ ಗಯ॑ಮ್ ।
ಹಿರ॑ಣ್ಯಜಿಹ್ವಃ ಸುವಿ॒ತಾಯ॒ ನವ್ಯ॑ಸೇ॒ ರಕ್ಷಾ॒ ಮಾಕಿ॑ರ್ನೋ ಅ॒ಘಶ॑ᳪಸ ಈಶತ ॥ ೬೯ ॥
ಪ್ರ ವೀ॑ರ॒ಯಾ ಶುಚ॑ಯೋ ದದ್ರಿರೇ ವಾಮಧ್ವ॒ರ್ಯುಭಿ॒ರ್ಮಧು॑ಮನ್ತಃ ಸು॒ತಾಸ॑: ।
ವಹ॑ ವಾಯೋ ನಿ॒ಯುತೋ॑ ಯಾ॒ಹ್ಯಚ್ಛಾ॒ ಪಿಬಾ॑ ಸು॒ತಸ್ಯಾನ್ಧ॑ಸೋ॒ ಮದಾ॑ಯ ॥ ೭೦ ॥
ಗಾವ॒ ಉಪಾ॑ವತಾವ॒ತಂ ಮ॒ಹೀ ಯ॒ಜ್ಞಸ್ಯ॑ ರ॒ಪ್ಸುದಾ॑ । ಉ॒ಭಾ ಕರ್ಣಾ॑ ಹಿರ॒ಣ್ಯಯಾ॑ ॥ ೭೧ ॥
ಕಾವ್ಯ॑ಯೋರಾ॒ಜಾನೇ॑ಷು॒ ಕ್ರತ್ವಾ॒ ದಕ್ಷ॑ಸ್ಯ ದುರೋ॒ಣೇ । ರಿ॒ಶಾದ॑ಸಾ ಸ॒ಧಸ್ಥ॒ ಆ ॥ ೭೨ ॥
ದೈ॑ವ್ಯಾವಧ್ವರ್ಯೂ॒ ಆ ಗ॑ತ॒ᳪ ರಥೇ॑ನ॒ ಸೂರ್ಯ॑ತ್ವಚಾ । ಮಧ್ವಾ॑ ಯ॒ಜ್ಞᳪ ಸಮ॑ಞ್ಜಾಥೇ ।
ತಂ ಪ್ರ॒ತ್ನಥಾ॒ ಽಯಂ ವೇ॒ನಃ ॥ ೭೩ ॥
ತಿ॒ರ॒ಶ್ಚೀನೋ॒ ವಿತ॑ತೋ ರ॒ಶ್ಮಿರೇ॑ಷಾಮ॒ಧಃ ಸ್ವಿ॑ದಾ॒ಸೀ೩ದು॒ಪರಿ॑ ಸ್ವಿದಾಸೀ೩ತ್ ।
ರೇ॒ತೋ॒ಧಾ ಆ॑ಸನ್ಮಹಿ॒ಮಾನ॑ ಆಸನ್ತ್ಸ್ವ॒ಧಾ ಅ॒ವಸ್ತಾ॒ತ್ಪ್ರಯ॑ತಿಃ ಪ॒ರಸ್ತಾ॑ತ್ ॥ ೭೪ ॥
ಆ ರೋದ॑ಸೀ ಅಪೃಣ॒ದಾ ಸ್ವ॑ರ್ಮ॒ಹಜ್ಜಾ॒ತಂ ಯದೇ॑ನಮ॒ಪಸೋ॒ ಅಧಾ॑ರಯನ್ ।
ಸೋ ಅ॑ಧ್ವ॒ರಾಯ॒ ಪರಿ॑ ಣೀಯತೇ ಕ॒ವಿರತ್ಯೋ॒ ನ ವಾಜ॑ಸಾತಯೇ॒ ಚನೋ॑ಹಿತಃ ॥ ೭೫ ॥
ಉ॒ಕ್ಥೇಭಿ॑ರ್ವೃತ್ರ॒ಹನ್ತ॑ಮಾ॒ ಯಾ ಮ॑ನ್ದಾ॒ನಾ ಚಿ॒ದಾ ಗಿ॒ರಾ । ಆ॒ಙ್ಗೂ॒ಷೈರಾ॒ವಿವಾ॑ಸತಃ ॥ ೭೬ ॥
ಉಪ॑ ನಃ ಸೂ॒ನವೋ॒ ಗಿರ॑: ಶೃ॒ಣ್ವನ್ತ್ವ॒ಮೃತ॑ಸ್ಯ॒ ಯೇ । ಸು॒ಮೃ॒ಡೀ॒ಕಾ ಭ॑ವನ್ತು ನಃ ॥ ೭೭ ॥
ಬ್ರಹ್ಮಾ॑ಣಿ ಮೇ ಮ॒ತಯ॒: ಶᳪ ಸು॒ತಾಸ॒: ಶುಷ್ಮ॑ ಇಯರ್ತಿ॒ ಪ್ರಭೃ॑ತೋ ಮೇ॒ ಅದ್ರಿ॑: ।
ಆ ಶಾ॑ಸತೇ॒ ಪ್ರತಿ॑ ಹರ್ಯನ್ತ್ಯು॒ಕ್ಥೇಮಾ ಹರೀ॑ ವಹತ॒ಸ್ತಾ ನೋ॒ ಅಚ್ಛ॑ ॥ ೭೮ ॥
ಅನು॑ತ್ತ॒ಮಾ ತೇ॑ ಮಘವ॒ನ್ನಕಿ॒ರ್ನು ನ ತ್ವಾವಾಁ॑೨ ಅಸ್ತಿ ದೇ॒ವತಾ॒ ವಿದಾ॑ನಃ ।
ನ ಜಾಯ॑ಮಾನೋ॒ ನಶ॑ತೇ॒ ನ ಜಾ॒ತೋ ಯಾನಿ॑ ಕರಿ॒ಷ್ಯಾ ಕೃ॑ಣು॒ಹಿ ಪ್ರ॑ವೃದ್ಧ ॥ ೭೯ ॥
ತದಿದಾ॑ಸ॒ ಭುವ॑ನೇಷು॒ ಜ್ಯೇಷ್ಠಂ॒ ಯತೋ॑ ಜ॒ಜ್ಞ ಉ॒ಗ್ರಸ್ತ್ವೇ॒ಷನೃ॑ಮ್ಣಃ ।
ಸ॒ದ್ಯೋ ಜ॑ಜ್ಞಾ॒ನೋ ನಿ ರಿ॑ಣಾತಿ॒ ಶತ್ರೂ॒ನನು॒ ಯಂ ವಿಶ್ವೇ॒ ಮದ॒ನ್ತ್ಯೂಮಾ॑: ॥ ೮೦ ॥
ಇ॒ಮಾ ಉ॑ ತ್ವಾ ಪುರೂವಸೋ॒ ಗಿರೋ॑ ವರ್ಧನ್ತು॒ ಯಾ ಮಮ॑ ।
ಪಾ॒ವ॒ಕವ॑ರ್ಣಾ॒: ಶುಚ॑ಯೋ ವಿಪ॒ಶ್ಚಿತೋ॒ಽಭಿ ಸ್ತೋಮೈ॑ರನೂಷತ ॥ ೮೧ ॥
ಯಸ್ಯಾ॒ಯಂ ವಿಶ್ವ॒ ಆರ್ಯೋ॒ ದಾಸ॑: ಶೇವಧಿ॒ಪಾ ಅ॒ರಿಃ ।
ತಿ॒ರಶ್ಚಿ॑ದ॒ರ್ಯೇ ರು॒ಶಮೇ॒ ಪವೀ॑ರವಿ॒ ತುಭ್ಯೇತ್ಸೋ ಅ॑ಜ್ಯತೇ ರ॒ಯಿಃ ॥ ೮೨ ॥
ಅ॒ಯᳪ ಸ॒ಹಸ್ರ॒ಮೃಷಿ॑ಭಿ॒: ಸಹ॑ಸ್ಕೃತಃ ಸಮು॒ದ್ರ ಇ॑ವ ಪಪ್ರಥೇ ।
ಸ॒ತ್ಯಃ ಸೋ ಅ॑ಸ್ಯ ಮಹಿ॒ಮಾ ಗೃ॑ಣೇ॒ ಶವೋ॑ ಯ॒ಜ್ಞೇಷು॑ ವಿಪ್ರ॒ರಾಜ್ಯೇ॑ ॥ ೮೩ ॥
ಅದ॑ಬ್ಧೇಭಿಃ ಸವಿತಃ ಪಾ॒ಯುಭಿ॒ಷ್ಟ್ವᳪ ಶಿ॒ವೇಭಿ॑ರ॒ದ್ಯ ಪರಿ॑ ಪಾಹಿ ನೋ॒ ಗಯ॑ಮ್ ।
ಹಿರ॑ಣ್ಯಜಿಹ್ವಃ ಸುವಿ॒ತಾಯ॒ ನವ್ಯ॑ಸೇ॒ ರಕ್ಷಾ॒ ಮಾಕಿ॑ರ್ನೋ ಅ॒ಘಶ॑ᳪಸ ಈಶತ ॥ ೮೪ ॥
ಆ ನೋ॑ ಯ॒ಜ್ಞಂ ದಿ॑ವಿ॒ಸ್ಪೃಶಂ॒ ವಾಯೋ॑ ಯಾ॒ಹಿ ಸು॒ಮನ್ಮ॑ಭಿಃ ।
ಅ॒ನ್ತಃ ಪ॒ವಿತ್ರ॑ ಉ॒ಪರಿ॑ ಶ್ರೀಣಾ॒ನೋಽಯᳪ ಶು॒ಕ್ರೋ ಅ॑ಯಾಮಿ ತೇ ॥ ೮೫ ॥
ಇ॒ನ್ದ್ರ॒ವಾ॒ಯೂ ಸು॑ಸ॒ನ್ದೃಶಾ॑ ಸು॒ಹವೇ॒ಹ ಹ॑ವಾಮಹೇ ।
ಯಥಾ॑ ನ॒: ಸರ್ವ॒ ಇಜ್ಜನೋ॑ಽನಮೀ॒ವಃ ಸ॒ಙ್ಗಮೇ॑ ಸು॒ಮನಾ॒ ಅಸ॑ತ್ ॥ ೮೬ ॥
ಋಧ॑ಗಿ॒ತ್ಥಾ ಸ ಮರ್ತ್ಯ॑: ಶಶ॒ಮೇ ದೇ॒ವತಾ॑ತಯೇ ।
ಯೋ ನೂ॒ನಂ ಮಿ॒ತ್ರಾವರು॑ಣಾವ॒ಭಿಷ್ಟ॑ಯ ಆಚ॒ಕ್ರೇ ಹ॒ವ್ಯದಾ॑ತಯೇ ॥ ೮೭ ॥
ಆ ಯಾ॑ತ॒ಮುಪ॑ ಭೂಷತಂ॒ ಮಧ್ವ॑: ಪಿಬತಮಶ್ವಿನಾ ।
ದು॒ಗ್ಧಂ ಪಯೋ॑ ವೃಷಣಾ ಜೇನ್ಯಾವಸೂ॒ ಮಾ ನೋ॑ ಮರ್ಧಿಷ್ಟ॒ಮಾ ಗ॑ತಮ್ ॥ ೮೮ ॥
ಪ್ರೈತು॒ ಬ್ರಹ್ಮ॑ಣ॒ಸ್ಪತಿ॒: ಪ್ರ ದೇ॒ವ್ಯೇ॒ತು ಸೂ॒ನೃತಾ॑ । ಅಚ್ಛಾ॑ ವೀ॒ರಂ ನರ್ಯಂ॑ ಪ॒ಙ್ಕ್ತಿರಾ॑ಧಸಂ ದೇ॒ವಾ ಯ॒ಜ್ಞಂ ನ॑ಯನ್ತು ನಃ ॥ ೮೯ ॥
ಚ॒ನ್ದ್ರಮಾ॑ ಅ॒ಪ್ಸ್ವನ್ತರಾ ಸು॑ಪ॒ರ್ಣೋ ಧಾ॑ವತೇ ದಿ॒ವಿ ।
ರ॒ಯಿಂ ಪಿ॒ಶಙ್ಗಂ॑ ಬಹು॒ಲಂ ಪು॑ರು॒ಸ್ಪೃಹ॒ᳪ ಹರಿ॑ರೇತಿ॒ ಕನಿ॑ಕ್ರದತ್ ॥ ೯೦ ॥
ದೇ॒ವಂ-ದೇ॑ವಂ॒ ವೋಽವ॑ಸೇ ದೇ॒ವಂ-ದೇ॑ವಮ॒ಭಿಷ್ಟ॑ಯೇ । ದೇ॒ವಂ-ದೇ॑ವᳪ ಹುವೇಮ॒ ವಾಜ॑ಸಾತಯೇ ಗೃ॒ಣನ್ತೋ॑ ದೇ॒ವ್ಯಾ ಧಿ॒ಯಾ ॥ ೯೧ ॥
ದಿ॒ವಿ ಪೃ॒ಷ್ಟೋ ಅ॑ರೋಚತಾ॒ಗ್ನಿರ್ವೈ॑ಶ್ವಾನ॒ರೋ ಬೃ॒ಹನ್ ।
ಕ್ಷ್ಮಯಾ॑ ವೃಧಾ॒ನ ಓಜ॑ಸಾ॒ ಚನೋ॑ಹಿತೋ॒ ಜ್ಯೋತಿ॑ಷಾ ಬಾಧತೇ॒ ತಮ॑: ॥ ೯೨ ॥
ಇನ್ದ್ರಾ॑ಗ್ನೀ ಅ॒ಪಾದಿ॒ಯಂ ಪೂರ್ವಾಗಾ॑ತ್ ಪ॒ದ್ವತೀ॑ಭ್ಯಃ ।
ಹಿ॒ತ್ವೀ ಶಿರೋ॑ ಜಿ॒ಹ್ವಯಾ॒ ವಾವ॑ದ॒ಚ್ಚರ॑ತ್ತ್ರಿ॒ᳪಶತ್ಪ॒ದಾ ನ್ಯ॑ಕ್ರಮೀತ್ ॥ ೯೩ ॥
ದೇ॒ವಾಸೋ॒ ಹಿ ಷ್ಮಾ॒ ಮನ॑ವೇ॒ ಸಮ॑ನ್ಯವೋ॒ ವಿಶ್ವೇ॑ ಸಾ॒ಕᳪ ಸರಾ॑ತಯಃ ।
ತೇ ನೋ॑ ಅ॒ದ್ಯ ತೇ ಅ॑ಪ॒ರಂ ತು॒ಚೇ ತು ನೋ॒ ಭವ॑ನ್ತು ವರಿವೋ॒ವಿದ॑: ॥ ೯೪ ॥
ಅಪಾ॑ಧಮದ॒ಭಿಶ॑ಸ್ತೀರಶಸ್ತಿ॒ಹಾಥೇನ್ದ್ರೋ॑ ದ್ಯು॒ಮ್ನ್ಯಾಭ॑ವತ್ ।
ದ॒ವಾಸ್ತ॑ ಇನ್ದ್ರ ಸ॒ಖ್ಯಾಯ॑ ಯೇಮಿರೇ॒ ಬೃಹ॑ದ್ಭಾನೋ॒ ಮರು॑ದ್ಗಣ ॥ ೯೫ ॥
ಪ್ರ ವ॒ ಇನ್ದ್ರಾ॑ಯ ಬೃಹ॒ತೇ ಮರು॑ತೋ॒ ಬ್ರಹ್ಮಾ॑ರ್ಚತ ।
ವೃ॒ತ್ರᳪ ಹ॑ನತಿ ವೃತ್ರ॒ಹಾ ಶ॒ತಕ್ರ॑ತು॒ರ್ವಜ್ರೇ॑ಣ ಶ॒ತಪ॑ರ್ವಣಾ ॥ ೯೬ ॥
ಅ॒ಸ್ಯೇದಿನ್ದ್ರೋ॑ ವಾವೃಧೇ॒ ವೃಷ್ಣ್ಯ॒ᳪ ಶವೋ॒ ಮದೇ॑ ಸು॒ತಸ್ಯ॒ ವಿಷ್ಣ॑ವಿ ।
ಅ॒ದ್ಯಾ ತಮ॑ಸ್ಯ ಮಹಿ॒ಮಾನ॑ಮಾ॒ಯವೋಽನು॑ ಷ್ಟುವನ್ತಿ ಪೂ॒ರ್ವಥಾ॑ ।
ಇ॒ಮಾ ಉ॑ ತ್ವಾ ಯಸ್ಯಾ॒ಯಮ॒ಯᳪ ಸ॒ಹಸ್ರ॑ಮೂ॒ರ್ಧ್ವ ಊ॒ ಷು ಣ॑: ॥ ೯೭ ॥
ಅಧ್ಯಾಯ ೩೪
ಯಜ್ಜಾಗ್ರ॑ತೋ ದೂ॒ರಮು॒ದೈತಿ॒ ದೈವಂ॒ ತದು॑ ಸು॒ಪ್ತಸ್ಯ॒ ತಥೈ॒ವೈತಿ॑ ।
ದೂ॒ರ॒ಙ್ಗ॒ಮಂ ಜ್ಯೋತಿ॑ಷಾಂ॒ ಜ್ಯೋತಿ॒ರೇಕಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕಲ್ಪಮಸ್ತು ॥ ೧ ॥
ಯೇನ॒ ಕರ್ಮಾ॑ಣ್ಯ॒ಪಸೋ॑ ಮನೀ॒ಷಿಣೋ॑ ಯ॒ಜ್ಞೇ ಕೃ॒ಣ್ವನ್ತಿ॑ ವಿ॒ದಥೇ॑ಷು॒ ಧೀರಾ॑: ।
ಯದ॑ಪೂ॒ರ್ವಂ ಯ॒ಕ್ಷಮ॒ನ್ತಃ ಪ್ರ॒ಜಾನಾಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕಲ್ಪಮಸ್ತು ॥ ೨ ॥
ಯತ್ಪ್ರ॒ಜ್ಞಾನ॑ಮು॒ತ ಚೇತೋ॒ ಧೃತಿ॑ಶ್ಚ॒ ಯಜ್ಜ್ಯೋತಿ॑ರ॒ನ್ತರ॒ಮೃತಂ॑ ಪ್ರ॒ಜಾಸು॑ ।
ಯಸ್ಮಾ॒ನ್ನ ಋ॒ತೇ ಕಿಂ ಚ॒ನ ಕರ್ಮ॑ ಕ್ರಿ॒ಯತೇ॒ ತನ್ಮೇ॒ ಮನ॑: ಶಿ॒ವಸ॑ಙ್ಕಲ್ಪಮಸ್ತು ॥ ೩ ॥
ಯೇನೇ॒ದಂ ಭೂ॒ತಂ ಭುವ॑ನಂ ಭವಿ॒ಷ್ಯತ್ ಪರಿ॑ಗೃಹೀತಮ॒ಮೃತೇ॑ನ॒ ಸರ್ವ॑ಮ್ ।
ಯೇನ॑ ಯ॒ಜ್ಞಸ್ತಾ॒ಯತೇ॑ ಸ॒ಪ್ತಹೋ॑ತಾ॒ ತನ್ಮೇ॒ ಮನ॑: ಶಿ॒ವಸ॑ಙ್ಕಲ್ಪಮಸ್ತು ॥ ೪ ॥
ಯಸ್ಮಿ॒ನ್ನೃಚ॒: ಸಾಮ॒ ಯಜೂ॑ᳪಷಿ॒ ಯಸ್ಮಿ॒ನ್ ಪ್ರತಿ॑ಷ್ಠಿತಾ ರಥನಾ॒ಭಾವಿ॑ವಾ॒ರಾಃ ।
ಯಸ್ಮಿಁ॑ಶ್ಚಿ॒ತ್ತᳪ ಸರ್ವ॒ಮೋತಂ॑ ಪ್ರ॒ಜಾನಾಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕಲ್ಪಮಸ್ತು ॥ ೫ ॥
ಸು॒ಷಾ॒ರ॒ಥಿರಶ್ವಾ॑ನಿವ॒ ಯನ್ಮ॑ನು॒ಷ್ಯಾ॒ನ್ನೇನೀ॒ಯತೇ॒ಽಭೀಶು॑ಭಿರ್ವಾ॒ಜಿನ॑ ಇವ ।
ಹೃ॒ತ್ಪ್ರತಿ॑ಷ್ಠಂ॒ ಯದ॑ಜಿ॒ರಂ ಜವಿ॑ಷ್ಠಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕಲ್ಪಮಸ್ತು ॥ ೬ ॥
ಪಿ॒ತುಂ ನು ಸ್ತೋ॑ಷಂ ಮ॒ಹೋ ಧ॒ರ್ಮಾಣಂ॒ ತವಿ॑ಷೀಮ್ ।
ಯಸ್ಯ॑ ತ್ರಿ॒ತೋ ವ್ಯೋಜ॑ಸಾ ವೃ॒ತ್ರಂ ವಿಪ॑ರ್ವಮ॒ರ್ದಯ॑ತ್ ॥ ೭ ॥
ಅನ್ವಿದ॑ನುಮತೇ॒ ತ್ವಂ ಮನ್ಯಾ॑ಸೈ॒ ಶಂ ಚ॑ ನಸ್ಕೃಧಿ ।
ಕ್ರತ್ವೇ॒ ದಕ್ಷಾ॑ಯ ನೋ ಹಿನು॒ ಪ್ರ ಣ॒ ಆಯೂ॑ᳪಷಿ ತಾರಿಷಃ ॥ ೮ ॥
ಅನು॑ ನೋ॒ಽದ್ಯಾನು॑ಮತಿರ್ಯ॒ಜ್ಞಂ ದೇ॒ವೇಷು॑ ಮನ್ಯತಾಮ್ ।
ಅ॒ಗ್ನಿಶ್ಚ॑ ಹವ್ಯ॒ವಾಹ॑ನೋ॒ ಭವ॑ತಂ ದಾ॒ಶುಷೇ॒ ಮಯ॑: ॥ ೯ ॥
ಸಿನೀ॑ವಾಲಿ॒ ಪೃಥು॑ಷ್ಟುಕೇ॒ ಯಾ ದೇ॒ವಾನಾ॒ಮಸಿ॒ ಸ್ವಸಾ॑ ।
ಜು॒ಷಸ್ವ॑ ಹ॒ವ್ಯಮಾಹು॑ತಂ ಪ್ರ॒ಜಾಂ ದೇ॑ವಿ ದಿದಿಡ್ಢಿ ನಃ ॥ ೧೦ ॥
ಪಞ್ಚ॑ ನ॒ದ್ಯಃ ಸರ॑ಸ್ವತೀ॒ಮಪಿ॑ ಯನ್ತಿ॒ ಸಸ್ರೋ॑ತಸಃ ।
ಸರ॑ಸ್ವತೀ॒ ತು ಪ॑ಞ್ಚ॒ಧಾ ಸೋ ದೇ॒ಶೇಽಭ॑ವತ್ಸ॒ರಿತ್ ॥ ೧೧ ॥
ತ್ವಮ॑ಗ್ನೇ ಪ್ರಥ॒ಮೋ ಅಙ್ಗಿ॑ರಾ॒ ಋಷಿ॑ರ್ದೇ॒ವೋ ದೇ॒ವಾನಾ॑ಮಭವಃ ಶಿ॒ವಃ ಸಖಾ॑ ।
ತವ॑ ವ್ರ॒ತೇ ಕ॒ವಯೋ॑ ವಿದ್ಮ॒ನಾಪ॒ಸೋಽಜಾ॑ಯನ್ತ ಮ॒ರುತೋ॒ ಭ್ರಾಜ॑ದೃಷ್ಟಯಃ ॥ ೧೨ ॥
ತ್ವಂ ನೋ॑ ಅಗ್ನೇ॒ ತವ॑ ದೇವ ಪಾ॒ಯುಭಿ॑ರ್ಮ॒ಘೋನೋ॑ ರಕ್ಷ ತ॒ನ್ವ॒ಶ್ಚ ವನ್ದ್ಯ ।
ತ್ರಾ॒ತಾ ತೋ॒ಕಸ್ಯ॒ ತನ॑ಯೇ॒ ಗವಾ॑ಮ॒ಸ್ಯನಿ॑ಮೇಷ॒ᳪ ರಕ್ಷ॑ಮಾಣ॒ಸ್ತವ॑ ವ್ರ॒ತೇ ॥ ೧೩ ॥
ಉ॒ತ್ತಾ॒ನಾಯಾ॒ಮವ॑ ಭರಾ ಚಿಕಿ॒ತ್ವಾನ್ತ್ಸ॒ದ್ಯಃ ಪ್ರವೀ॑ತಾ॒ ವೃಷ॑ಣಂ ಜಜಾನ ।
ಅ॒ರು॒ಷಸ್ತೂ॑ಪೋ॒ ರುಶ॑ದಸ್ಯ॒ ಪಾಜ॒ ಇಡಾ॑ಯಾಸ್ಪು॒ತ್ರೋ ವ॒ಯುನೇ॑ಽಜನಿಷ್ಟ ॥ ೧೪ ॥
ಇಡಾ॑ಯಾಸ್ತ್ವಾ ಪ॒ದೇ ವ॒ಯಂ ನಾಭಾ॑ ಪೃಥಿ॒ವ್ಯಾ ಅಧಿ॑ ।
ಜಾತ॑ವೇದೋ॒ ನಿಧೀ॑ಮ॒ಹ್ಯಗ್ನೇ॑ ಹ॒ವ್ಯಾಯ॒ ವೋಢ॑ವೇ ॥ ೧೫ ॥
ಪ್ರ ಮ॑ನ್ಮಹೇ ಶವಸಾ॒ನಾಯ॑ ಶೂ॒ಷಮಾ॑ಙ್ಗೂ॒ಷಂ ಗಿರ್ವ॑ಣಸೇ ಅಙ್ಗಿರ॒ಸ್ವತ್ ।
ಸು॒ವೃ॒ಕ್ತಿಭಿ॑ ಸ್ತುವ॒ತ ಋ॑ಗ್ಮಿ॒ಯಾಯಾರ್ಚಾ॑ಮಾ॒ರ್ಕಂ ನರೇ॒ ವಿಶ್ರು॑ತಾಯ ॥ ೧೬ ॥
ಪ್ರ ವೋ॑ ಮ॒ಹೇ ಮಹಿ॒ ನಮೋ॑ ಭರಧ್ವಮಾಙ್ಗೂ॒ಷ್ಯ॒ᳪ ಶವಸಾ॒ನಾಯ॒ ಸಾಮ॑ ।
ಯೇನಾ॑ ನ॒: ಪೂರ್ವೇ॑ ಪಿ॒ತರ॑: ಪದ॒ಜ್ಞಾ ಅರ್ಚ॑ನ್ತೋ॒ ಅಙ್ಗಿ॑ರಸೋ॒ ಗಾ ಅವಿ॑ನ್ದನ್ ॥ ೧೭ ॥
ಇ॒ಚ್ಛನ್ತಿ॑ ತ್ವಾ ಸೋ॒ಮ್ಯಾಸ॒: ಸಖಾ॑ಯಃ ಸು॒ನ್ವನ್ತಿ॒ ಸೋಮಂ॒ ದಧ॑ತಿ॒ ಪ್ರಯಾ॑ᳪಸಿ ।
ತಿತಿ॑ಕ್ಷನ್ತೇ ಅ॒ಭಿಶ॑ಸ್ತಿಂ॒ ಜನಾ॑ನಾ॒ಮಿನ್ದ್ರ॒ ತ್ವದಾ ಕಶ್ಚ॒ನ ಹಿ ಪ್ರ॑ಕೇ॒ತಃ ॥ ೧೮ ॥
ನ ತೇ॑ ದೂ॒ರೇ ಪ॑ರ॒ಮಾ ಚಿ॒ದ್ರಜಾ॒ᳪಸ್ಯಾ ತು ಪ್ರ ಯಾ॑ಹಿ ಹರಿವೋ॒ ಹರಿ॑ಭ್ಯಾಮ್ ।
ಸ್ಥಿ॒ರಾಯ॒ ವೃಷ್ಣೇ॒ ಸವ॑ನಾ ಕೃ॒ತೇಮಾ ಯು॒ಕ್ತಾ ಗ್ರಾವಾ॑ಣಃ ಸಮಿಧಾ॒ನೇ ಅಗ್ನೌ ॥ ೧೯ ॥
ಅಷಾ॑ಢಂ ಯು॒ತ್ಸು ಪೃತ॑ನಾಸು॒ ಪಪ್ರಿ॑ᳪ ಸ್ವ॒ರ್ಷಾಮ॒ಪ್ಸಾಂ ವೃ॒ಜನ॑ಸ್ಯ ಗೋ॒ಪಾಮ್ ।
ಭ॒ರೇ॒ಷು॒ಜಾᳪ ಸು॑ಕ್ಷಿ॒ತಿᳪ ಸು॒ಶ್ರವ॑ಸಂ॒ ಜಯ॑ನ್ತಂ॒ ತ್ವಾಮನು॑ ಮದೇಮ ಸೋಮ ॥ ೨೦ ॥
ಸೋಮೋ॑ ಧೇ॒ನುᳪ ಸೋಮೋ॒ ಅರ್ವ॑ನ್ತಮಾ॒ಶುᳪ ಸೋಮೋ॑ ವೀ॒ರಂ ಕ॑ರ್ಮ॒ಣ್ಯಂ॒ ದದಾತಿ ।
ಸಾ॒ದ॒ನ್ಯಂ॒ ವಿದ॒ಥ್ಯ॒ᳪ ಸ॒ಭೇಯಂ॑ ಪಿತೃ॒ಶ್ರವ॑ಣಂ॒ ಯೋ ದದಾ॑ಶದಸ್ಮೈ ॥ ೨೧ ॥
ತ್ವಮಿ॒ಮಾ ಓಷ॑ಧೀಃ ಸೋಮ॒ ವಿಶ್ವಾ॒ಸ್ತ್ವಮ॒ಪೋ ಅ॑ಜನಯ॒ಸ್ತ್ವಂ ಗಾಃ ।
ತ್ವಮಾ ತ॑ತನ್ಥೋ॒ರ್ವನ್ತರಿ॑ಕ್ಷಂ॒ ತ್ವಂ ಜ್ಯೋತಿ॑ಷಾ॒ ವಿ ತಮೋ॑ ವವರ್ಥ ॥ ೨೨ ॥
ದೇ॒ವೇನ॑ ನೋ॒ ಮನ॑ಸಾ ದೇವ ಸೋಮ ರಾ॒ಯೋ ಭಾ॒ಗᳪ ಸ॑ಹಸಾವನ್ನ॒ಭಿ ಯು॑ಧ್ಯ ।
ಮಾ ತ್ವಾ ತ॑ನ॒ದೀಶಿ॑ಷೇ ವೀ॒ರ್ಯ॒ಸ್ಯೋ॒ಭಯೇ॑ಭ್ಯ॒: ಪ್ರಚಿ॑ಕಿತ್ಸಾ॒ ಗವಿ॑ಷ್ಟೌ ॥ ೨೩ ॥
ಅಷ್ಟೌ॒ ವ್ಯ॑ಖ್ಯತ್ ಕ॒ಕುಭ॑: ಪೃಥಿ॒ವ್ಯಾಸ್ತ್ರೀ ಧನ್ವ॒ ಯೋಜ॑ನಾ ಸ॒ಪ್ತ ಸಿನ್ಧೂ॑ನ್ ।
ಹಿ॒ರ॒ಣ್ಯಾ॒ಕ್ಷಃ ಸ॑ವಿ॒ತಾ ದೇ॒ವ ಆಗಾ॒ದ್ದಧ॒ದ್ರತ್ನಾ॑ ದಾ॒ಶುಷೇ॒ ವಾರ್ಯಾ॑ಣಿ ॥ ೨೪ ॥
ಹಿರ॑ಣ್ಯಪಾಣಿಃ ಸವಿ॒ತಾ ವಿಚ॑ರ್ಷಣಿರು॒ಭೇ ದ್ಯಾವಾ॑ಪೃಥಿ॒ವೀ ಅ॒ನ್ತರೀ॑ಯತೇ ।
ಅಪಾಮೀ॑ವಾಂ॒ ಬಾಧ॑ತೇ॒ ವೇತಿ॒ ಸೂರ್ಯ॑ಮ॒ಭಿ ಕೃ॒ಷ್ಣೇನ॒ ರಜ॑ಸಾ॒ ದ್ಯಾಮೃ॑ಣೋತಿ ॥ ೨೫ ॥
ಹಿರ॑ಣ್ಯಹಸ್ತೋ॒ ಅಸು॑ರಃ ಸುನೀ॒ಥಃ ಸು॑ಮೃಡೀ॒ಕಃ ಸ್ವವಾಁ॑ ಯಾತ್ವ॒ರ್ವಾಙ್ ।
ಅ॒ಪ॒ಸೇಧ॑ನ್ ರ॒ಕ್ಷಸೋ॑ ಯಾತು॒ಧಾನಾ॒ನಸ್ಥಾ॑ದ್ದೇ॒ವಃ ಪ್ರ॑ತಿದೋ॒ಷಂ ಗೃ॑ಣಾ॒ನಃ ॥ ೨೬ ॥
ಯೇ ತೇ॒ ಪನ್ಥಾ॑: ಸವಿತಃ ಪೂ॒ರ್ವ್ಯಾಸೋ॑ಽರೇ॒ಣವ॒: ಸುಕೃ॑ತಾ ಅ॒ನ್ತರಿ॑ಕ್ಷೇ ।
ತೇಭಿ॑ರ್ನೋ ಅ॒ದ್ಯ ಪ॒ಥಿಭಿ॑: ಸು॒ಗೇಭೀ॒ ರಕ್ಷಾ॑ ಚ ನೋ॒ ಅಧಿ॑ ಚ ಬ್ರೂಹಿ ದೇವ ॥೨೭ ॥
ಉ॒ಭಾ ಪಿ॑ಬತಮಶ್ವಿನೋ॒ಭಾ ನ॒: ಶರ್ಮ॑ ಯಚ್ಛತಮ್ । ಅ॒ವಿ॒ದ್ರಿ॒ಯಾಭಿ॑ರೂ॒ತಿಭಿ॑: ॥ ೨೮ ॥
ಅಪ್ನ॑ಸ್ವತೀಮಶ್ವಿನಾ॒ ವಾಚ॑ಮ॒ಸ್ಮೇ ಕೃ॒ತಂ ನೋ॑ ದಸ್ರಾ॒ ವೃಷಣಾ ಮನೀ॒ಷಾಮ್ ।
ಅ॒ದ್ಯೂ॒ತ್ಯೇಽವ॑ಸೇ॒ ನಿ ಹ್ವ॑ಯೇ ವಾಂ ವೃ॒ಧೇ ಚ॑ ನೋ ಭವತಂ॒ ವಾಜ॑ಸಾತೌ ॥ ೨೯ ॥
ದ್ಯುಭಿ॑ರ॒ಕ್ತುಭಿ॒: ಪರಿ॑ ಪಾತಮ॒ಸ್ಮಾನರಿ॑ಷ್ಟೇಭಿರಶ್ವಿನಾ॒ ಸೌಭ॑ಗೇಭಿಃ ।
ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹನ್ತಾ॒ಮದಿ॑ತಿ॒: ಸಿನ್ಧು॑: ಪೃಥಿ॒ವೀ ಉ॒ತ ದ್ಯೌ: ॥ ೩೦ ॥
ಆ ಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತಂ॒ ಮರ್ತ್ಯಂ॑ ಚ ।
ಹಿ॒ರ॒ಣ್ಯಯೇ॑ನ ಸವಿ॒ತಾ ರಥೇ॒ನಾ ದೇ॒ವೋ ಯಾ॑ತಿ॒ ಭುವ॑ನಾನಿ॒ ಪಶ್ಯ॑ನ್ ॥ ೩೧ ॥
ಆ ರಾ॑ತ್ರಿ॒ ಪಾರ್ಥಿವ॒ᳪ ರಜ॑: ಪಿ॒ತುರ॑ಪ್ರಾಯಿ॒ ಧಾಮ॑ಭಿಃ ।
ದಿ॒ವಃ ಸದಾ॑ᳪಸಿ ಬೃಹ॒ತೀ ವಿ ತಿ॑ಷ್ಠಸ॒ ಆ ತ್ವೇ॒ಷಂ ವ॑ರ್ತತೇ॒ ತಮ॑: ॥ ೩೨ ॥
ಉಷ॒ಸ್ತಚ್ಚಿ॒ತ್ರಮಾ ಭ॑ರಾ॒ಸ್ಮಭ್ಯಂ॑ ವಾಜಿನೀವತಿ । ಯೇನ॑ ತೋ॒ಕಂ ಚ॒ ತನ॑ಯಂ ಚ॒ ಧಾಮ॑ಹೇ ॥ ೩೩ ॥
ಪ್ರಾ॒ತರ॒ಗ್ನಿಂ ಪ್ರಾ॒ತರಿನ್ದ್ರ॑ᳪ ಹವಾಮಹೇ ಪ್ರಾ॒ತರ್ಮಿ॒ತ್ರಾವರು॑ಣಾ ಪ್ರಾ॒ತರ॒ಶ್ವಿನಾ॑ ।
ಪ್ರಾ॒ತರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॑ ಪ್ರಾ॒ತಃ ಸೋಮ॑ಮು॒ತ ರು॒ದ್ರᳪ ಹು॑ವೇಮ ॥ ೩೪ ॥
ಪ್ರಾ॒ತ॒ರ್ಜಿತಂ॒ ಭಗ॑ಮು॒ಗ್ರᳪ ಹು॑ವೇಮ ವ॒ಯಂ ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ ।
ಆ॒ಧ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ॑ ಚಿ॒ದ್ಯಂ ಭಗಂ॑ ಭ॒ಕ್ಷೀತ್ಯಾಹ॑ ॥ ೩೫ ॥
ಭಗ॒ ಪ್ರಣೇ॑ತ॒ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾಂ ಧಿಯ॒ಮುದ॑ವಾ॒ ದದ॑ನ್ನಃ ।
ಭಗ॒ ಪ್ರ ನೋ॑ ಜನಯ॒ ಗೋಭಿ॒ರಶ್ವೈ॒ರ್ಭಗ॒ ಪ್ರ ನೃಭಿ॑ರ್ನೃ॒ವನ್ತ॑: ಸ್ಯಾಮ ॥ ೩೬ ॥
ಉ॒ತೇದಾನೀಂ॒ ಭಗ॑ವನ್ತಃ ಸ್ಯಾಮೋ॒ತ ಪ್ರ॑ಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾ॑ಮ್ ।
ಉ॒ತೋದಿ॑ತಾ ಮಘವ॒ನ್ತ್ಸೂರ್ಯ॑ಸ್ಯ ವ॒ಯಂ ದೇ॒ವಾನಾ॑ᳪ ಸುಮ॒ತೌ ಸ್ಯಾ॑ಮ ॥ ೩೭ ॥
ಭಗ॑ ಏ॒ವ ಭಗ॑ವಾಁ೨ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವನ್ತಃ ಸ್ಯಾಮ ।
ತಂ ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀತಿ॒ ಸ ನೋ॑ ಭಗ ಪುರ ಏ॒ತಾ ಭ॑ವೇ॒ಹ ॥ ೩೮ ॥
ಸಮ॑ಧ್ವ॒ರಾಯೋ॒ಷಸೋ॑ ನಮನ್ತ ದಧಿ॒ಕ್ರಾವೇ॑ವ॒ ಶುಚ॑ಯೇ ಪ॒ದಾಯ॑ ।
ಅ॒ರ್ವಾ॒ಚೀ॒ನಂ ವ॑ಸು॒ವಿದಂ॒ ಭಗಂ॑ ನೋ॒ ರಥ॑ಮಿ॒ವಾಶ್ವಾ॑ ವಾ॒ಜಿನ॒ ಆ ವ॑ಹನ್ತು ॥ ೩೯ ॥
ಅಶ್ವಾ॑ವತೀ॒ರ್ಗೋಮ॑ತೀರ್ನ ಉ॒ಷಾಸೋ॑ ವೀ॒ರವ॑ತೀ॒: ಸದ॑ಮುಚ್ಛನ್ತು ಭ॒ದ್ರಾಃ ।
ಘೃ॒ತಂ ದುಹಾ॑ನಾ ವಿ॒ಶ್ವತ॒: ಪ್ರಪೀ॑ತಾ ಯೂ॒ಯಂ ಪಾ॑ತ ಸ್ವ॒ಸ್ತಿಭಿ॒: ಸದಾ॑ ನಃ ॥ ೪೦ ॥
ಪೂಷ॒ನ್ ತವ॑ ವ್ರ॒ತೇ ವ॒ಯಂ ನ ರಿ॑ಷ್ಯೇಮ॒ ಕದಾ॑ ಚ॒ನ । ಸ್ತೋ॒ತಾರ॑ಸ್ತ ಇ॒ಹ ಸ್ಮ॑ಸಿ ॥ ೪೧ ॥
ಪ॒ಥಸ್ಪ॑ಥ॒: ಪರಿ॑ಪತಿಂ ವಚ॒ಸ್ಯಾ ಕಾಮೇ॑ನ ಕೃ॒ತೋ ಅ॒ಭ್ಯಾ॒ನಡ॒ರ್ಕಮ್ ।
ಸ ನೋ॑ ರಾಸಚ್ಛು॒ರುಧ॑ಶ್ಚ॒ನ್ದ್ರಾಗ್ರಾ॒ ಧಿಯಂ॑ – ಧಿಯᳪ ಸೀಷಧಾತಿ॒ ಪ್ರ ಪೂ॒ಷಾ ॥ ೪೨ ॥
ತ್ರೀಣಿ॑ ಪ॒ದಾ ವಿ ಚ॑ಕ್ರಮೇ॒ ವಿಷ್ಣು॑ರ್ಗೋ॒ಪಾ ಅದಾ॑ಭ್ಯಃ । ಅತೋ॒ ಧರ್ಮಾ॑ಣಿ ಧಾ॒ರಯ॑ನ್ ॥ ೪೩ ॥
ತದ್ವಿಪ್ರಾ॑ಸೋ ವಿಪ॒ನ್ಯವೋ॑ ಜಾಗೃ॒ವಾᳪಸ॒: ಸಮಿ॑ನ್ಧತೇ । ವಿಷ್ಣೋ॒ರ್ಯತ್ಪ॑ರ॒ಮಂ ಪ॒ದಮ್ ॥ ೪೪ ॥
ಘೃ॒ತವ॑ತೀ॒ ಭುವ॑ನಾನಾಮಭಿ॒ಶ್ರಿಯೋ॒ರ್ವೀ ಪೃ॒ಥ್ವೀ ಮ॑ಧು॒ದುಘೇ॑ ಸು॒ಪೇಶ॑ಸಾ ।
ದ್ಯಾವಾ॑ಪೃಥಿ॒ವೀ ವರು॑ಣಸ್ಯ॒ ಧರ್ಮ॑ಣಾ॒ ವಿಷ್ಕ॑ಭಿತೇ ಅ॒ಜರೇ॒ ಭೂರಿ॑ರೇತಸಾ ॥ ೪೫ ॥
ಯೇ ನ॑: ಸ॒ಪತ್ನಾ॒ ಅಪ॒ ತೇ ಭ॑ವನ್ತ್ವಿನ್ದ್ರಾ॒ಗ್ನಿಭ್ಯಾ॒ಮವ॑ ಬಾಧಾಮಹೇ॒ ತಾನ್ ।
ವಸ॑ವೋ ರು॒ದ್ರಾ ಆ॑ದಿ॒ತ್ಯಾ ಉ॑ಪರಿ॒ಸ್ಪೃಶಂ॑ ಮೋ॒ಗ್ರಂ ಚೇತ್ತಾ॑ರಮಧಿರಾ॒ಜಮ॑ಕ್ರನ್ ॥ ೪೬ ॥
ಆ ನಾ॑ಸತ್ಯಾ ತ್ರಿ॒ಭಿರೇ॑ಕಾದ॒ಶೈರಿ॒ಹ ದೇ॒ವೇಭಿ॑ರ್ಯಾತಂ ಮಧು॒ಪೇಯ॑ಮಶ್ವಿನಾ ।
ಪ್ರಾಯು॒ಸ್ತಾರಿ॑ಷ್ಟಂ॒ ನೀ ರಪಾ॑ᳪಸಿ ಮೃಕ್ಷತ॒ᳪ ಸೇಧ॑ತಂ॒ ದ್ವೇಷೋ॒ ಭವ॑ತᳪ ಸಚಾ॒ಭುವಾ॑ ॥ ೪೭ ॥
ಏ॒ಷ ವ॒ ಸ್ತೋಮೋ॑ ಮರುತ ಇ॒ಯಂ ಗೀರ್ಮಾ॑ನ್ದಾ॒ರ್ಯಸ್ಯ॑ ಮಾ॒ನ್ಯಸ್ಯ॑ ಕಾ॒ರೋಃ ।
ಏಷಾ ಯಾ॑ಸೀಷ್ಟ ತ॒ನ್ವೇ॒ ವ॒ಯಾಂ ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಮ್ ॥ ೪೮ ॥
ಸ॒ಹಸ್ತೋ॑ಮಾಃ ಸ॒ಹಚ್ಛ॑ನ್ದಸ ಆ॒ವೃತ॑: ಸ॒ಹಪ್ರ॑ಮಾ॒ ಋಷ॑ಯಃ ಸ॒ಪ್ತ ದೈ॑ವ್ಯಾಃ ।
ಪೂರ್ವೇ॑ಷಾಂ॒ ಪನ್ಥಾ॑ಮನು॒ದೃಶ್ಯ॒ ಧೀರಾ॑ ಅ॒ನ್ವಾಲೇ॑ಭಿರೇ ರ॒ಥ್ಯೋ ನ ರ॒ಶ್ಮೀನ್ ॥ ೪೯ ॥
ಆ॒ಯು॒ಷ್ಯಂ॒ ವರ್ಚ॒ಸ್ಯ॒ᳪ ರಾ॒ಯಸ್ಪೋಷ॒ಮೌದ್ಭಿ॑ದಮ್ । ಇ॒ದᳪ ಹಿರ॑ಣ್ಯಂ॒ ವರ್ಚ॑ಸ್ವ॒ಜ್ಜೈತ್ರಾ॒ಯಾವಿ॑ಶತಾದು॒ ಮಾಮ್ ॥ ೫೦ ॥
ನ ತದ್ರಕ್ಷಾ॑ᳪಸಿ॒ ನ ಪಿ॑ಶಾ॒ಚಾಸ್ತ॑ರನ್ತಿ ದೇ॒ವಾನಾ॒ಮೋಜ॑: ಪ್ರಥಮ॒ಜᳪ ಹ್ಯೇ॒ತತ್ ।
ಯೋ ಬಿ॒ಭರ್ತಿ॑ ದಾಕ್ಷಾಯ॒ಣᳪ ಹಿರ॑ಣ್ಯ॒ᳪ ಸ ದೇ॒ವೇಷು॑ ಕೃಣುತೇ ದೀ॒ರ್ಘಮಾಯು॒: ಸ ಮ॑ನು॒ಷ್ಯೇ॒ಷು ಕೃಣುತೇ ದೀ॒ರ್ಘಮಾಯು॑: ॥ ೫೧ ॥
ಯದಾಬ॑ಧ್ನನ್ ದಾಕ್ಷಾಯ॒ಣಾ ಹಿರ॑ಣ್ಯᳪ ಶ॒ತಾನೀ॑ಕಾಯ ಸುಮನ॒ಸ್ಯಮಾ॑ನಾಃ ।
ತನ್ಮ॒ ಆ ಬ॑ಧ್ನಾಮಿ ಶ॒ತಶಾ॑ರದಾ॒ಯಾಯು॑ಷ್ಮಾಞ್ಜ॒ರದ॑ಷ್ಟಿ॒ರ್ಯಥಾಸ॑ಮ್ ॥ ೫೨ ॥
ಉ॒ತ ನೋಽಹಿ॑ರ್ಬು॒ಧ್ನ್ಯ॒: ಶೃಣೋತ್ವ॒ಜ ಏಕ॑ಪಾತ್ಪೃಥಿ॒ವೀ ಸ॑ಮು॒ದ್ರಃ ।
ವಿಶ್ವೇ॑ ದೇ॒ವಾ ಋ॑ತಾ॒ವೃಧೋ॑ ಹುವಾ॒ನಾ ಸ್ತು॒ತಾ ಮನ್ತ್ರಾ॑: ಕವಿಶ॒ಸ್ತಾ ಅ॑ವನ್ತು ॥ ೫೩ ॥
ಇ॒ಮಾ ಗಿರ॑ ಆದಿ॒ತ್ಯೇಭ್ಯೋ॑ ಘೃ॒ತಸ್ನೂ॑: ಸ॒ನಾದ್ರಾಜ॑ಭ್ಯೋ ಜು॒ಹ್ವಾ॒ ಜುಹೋಮಿ ।
ಶೃ॒ಣೋತು॑ ಮಿ॒ತ್ರೋ ಅ॑ರ್ಯ॒ಮಾ ಭಗೋ॑ ನಸ್ತುವಿಜಾ॒ತೋ ವರು॑ಣೋ॒ ದಕ್ಷೋ॒ ಅᳪಶ॑: ॥ ೫೪ ॥
ಸ॒ಪ್ತ ಋಷ॑ಯ॒: ಪ್ರತಿ॑ಹಿತಾ॒: ಶರೀ॑ರೇ ಸ॒ಪ್ತ ರ॑ಕ್ಷನ್ತಿ॒ ಸದ॒ಮಪ್ರ॑ಮಾದಮ್ ।
ಸ॒ಪ್ತಾಪ॒: ಸ್ವಪ॑ತೋ ಲೋ॒ಕಮೀ॑ಯು॒ಸ್ತತ್ರ॑ ಜಾಗೃತೋ॒ ಅಸ್ವ॑ಪ್ನಜೌ ಸತ್ರ॒ಸದೌ॑ ಚ ದೇ॒ವೌ ॥ ೫೫ ॥
ಉತ್ತಿ॑ಷ್ಠ ಬ್ರಹ್ಮಣಸ್ಪತೇ ದೇವ॒ಯನ್ತ॑ಸ್ತ್ವೇಮಹೇ । ಉಪ॒ ಪ್ರ ಯ॑ನ್ತು ಮ॒ರುತ॑: ಸು॒ದಾನ॑ವ॒ ಇನ್ದ್ರ॑ ಪ್ರಾ॒ಶೂರ್ಭ॑ವಾ॒ ಸಚಾ॑ ॥ ೫೬ ॥
ಪ್ರ ನೂ॒ನಂ ಬ್ರಹ್ಮ॑ಣ॒ಸ್ಪತಿ॒ರ್ಮನ್ತ್ರಂ॑ ವದತ್ಯು॒ಕ್ಥ್ಯ॒ಮ್ । ಯಸ್ಮಿ॒ನ್ನಿನ್ದ್ರೋ॒ ವರು॑ಣೋ ಮಿ॒ತ್ರೋ ಅ॑ರ್ಯ॒ಮಾ ದೇ॒ವಾ ಓಕಾ॑ᳪಸಿ ಚಕ್ರಿ॒ರೇ ॥ ೫೭ ॥
ಬ್ರಹ್ಮ॑ಣಸ್ಪತೇ॒ ತ್ವಮ॒ಸ್ಯ ಯ॒ನ್ತಾ ಸೂ॒ಕ್ತಸ್ಯ॑ ಬೋಧಿ॒ ತನ॑ಯಂ ಚ ಜಿನ್ವ ।
ವಿಶ್ವಂ॒ ತದ್ಭ॒ದ್ರಂ ಯದವ॑ನ್ತಿ ದೇ॒ವಾ ಬೃ॒ಹದ್ವ॑ದೇಮ ವಿ॒ದಥೇ॑ ಸು॒ವೀರಾ॑: ॥
ಯ ಇ॒ಮಾ ವಿಶ್ವಾ॑ ವಿ॒ಶ್ವಕ॑ರ್ಮಾ॒ ಯೋ ನ॑: ಪಿ॒ತಾ ಽನ್ನ॑ಪ॒ತೇಽನ್ನ॑ಸ್ಯ ನೋ ದೇಹಿ ॥ ೫೮ ॥
ಅಧ್ಯಾಯ ೩೫
ಅಪೇ॒ತೋ ಯ॑ನ್ತು ಪ॒ಣಯೋಽಸು॑ಮ್ನಾ ದೇವಪೀ॒ಯವ॑: । ಅ॒ಸ್ಯ ಲೋ॒ಕಃ ಸು॒ತಾವ॑ತಃ ।
ದ್ಯುಭಿ॒ರಹೋ॑ಭಿರ॒ಕ್ತುಭಿ॒ರ್ವ್ಯ॒ಕ್ತಂ ಯ॒ಮೋ ದ॑ದಾತ್ವವ॒ಸಾನ॑ಮಸ್ಮೈ ॥ ೧ ॥
ಸ॒ವಿ॒ತಾ ತೇ॒ ಶರೀ॑ರೇಭ್ಯಃ ಪೃಥಿ॒ವ್ಯಾಁಲ್ಲೋ॒ಕಮಿ॑ಚ್ಛತು । ತಸ್ಮೈ॑ ಯುಜ್ಯನ್ತಾಮು॒ಸ್ರಿಯಾ॑: ॥ ೨ ॥
ವಾ॒ಯುಃ ಪು॑ನಾತು ಸ॑ವಿ॒ತಾ ಪು॑ನಾತ್ವ॒ಗ್ನೇರ್ಭ್ರಾಜ॑ಸಾ॒ ಸೂರ್ಯ॑ಸ್ಯ॒ ವರ್ಚ॑ಸಾ । ವಿ ಮು॑ಚ್ಯನ್ತಾಮು॒ಸ್ರಿಯಾ॑: ॥ ೩ ॥
ಅ॒ಶ್ವ॒ತ್ಥೇ ವೋ॑ ನಿ॒ಷದ॑ನಂ ಪ॒ರ್ಣೇ ವೋ॑ ವಸ॒ತಿಷ್ಕೃ॒ತಾ ।
ಗೋ॒ಭಾಜ॒ ಇತ್ಕಿಲಾ॑ಸಥ॒ ಯತ್ಸ॒ನವ॑ಥ॒ ಪೂರು॑ಷಮ್ ॥ ೪ ॥
ಸ॒ವಿ॒ತಾ ತೇ॒ ಶರೀ॑ರಾಣಿ ಮಾ॒ತುರು॒ಪಸ್ಥ॒ ಆ ವ॑ಪತು । ತಸ್ಮೈ॑ ಪೃಥಿವಿ॒ ಶಂ ಭ॑ವ ॥ ೫ ॥
ಪ್ರ॒ಜಾಪ॑ತೌ ತ್ವಾ ದೇ॒ವತಾ॑ಯಾ॒ಮುಪೋ॑ದಕೇ ಲೋ॒ಕೇ ನಿ ದ॑ಧಾಮ್ಯಸೌ । ಅಪ॑ ನ॒: ಶೋಶು॑ಚದ॒ಘಮ್ ॥ ೬ ॥
ಪರಂ॑ ಮೃತ್ಯೋ॒ ಅನು॒ ಪರೇ॑ಹಿ॒ ಪನ್ಥಾಂ॒ ಯಸ್ತೇ॑ ಅ॒ನ್ಯ ಇತ॑ರೋ ದೇವ॒ಯಾನಾ॑ತ್ ।
ಚಕ್ಷು॑ಷ್ಮತೇ ಶೃಣ್ವ॒ತೇ ತೇ॑ ಬ್ರವೀಮಿ॒ ಮಾ ನ॑: ಪ್ರ॒ಜಾᳪ ರೀ॑ರಿಷೋ॒ ಮೋತ ವೀ॒ರಾನ್ ॥ ೭ ॥
ಶಂ ವಾತ॒: ಶᳪ ಹಿ ತೇ॒ ಘೃಣಿ॒: ಶಂ ತೇ॑ ಭವ॒ನ್ತ್ವಿಷ್ಟ॑ಕಾಃ ।
ಶಂ ತೇ॑ ಭವನ್ತ್ವ॒ಗ್ನಯ॒: ಪಾರ್ಥಿ॑ವಾಸೋ॒ ಮಾ ತ್ವಾ॒ಽಭಿ ಶೂ॑ಶುಚನ್ ॥ ೮ ॥
ಕಲ್ಪ॑ನ್ತಾಂ ತೇ॒ ದಿಶ॒ಸ್ತುಭ್ಯ॒ಮಾಪ॑: ಶಿ॒ವತ॑ಮಾ॒ಸ್ತುಭ್ಯಂ॑ ಭವನ್ತು॒ ಸಿನ್ಧ॑ವಃ ।
ಅ॒ನ್ತರಿ॑ಕ್ಷᳪ ಶಿ॒ವಂ ತುಭ್ಯಂ॒ ಕಲ್ಪ॑ನ್ತಾಂ ತೇ॒ ದಿಶ॒: ಸರ್ವಾ॑: ॥ ೯ ॥
ಅಶ್ಮ॑ನ್ವತೀ ರೀಯತೇ॒ ಸᳪ ರ॑ಭಧ್ವ॒ಮುತ್ತಿ॑ಷ್ಠತ॒ ಪ್ರ ತ॑ರತಾ॒ ಸಖಾ॑ಯಃ ।
ಅತ್ರಾ॑ ಜಹೀ॒ಮೋಽಶಿ॑ವಾ॒ ಯೇ ಅಸ॑ಞ್ಛಿ॒ವಾನ್ವ॒ಯಮುತ್ತ॑ರೇಮಾ॒ಭಿ ವಾಜಾ॑ನ್ ॥ ೧೦ ॥
ಅಪಾ॒ಘಮಪ॒ ಕಿಲ್ವಿ॑ಷ॒ಮಪ॑ ಕೃ॒ತ್ಯಾಮಪೋ॒ ರಪ॑: । ಅಪಾ॑ಮಾರ್ಗ॒ ತ್ವಮ॒ಸ್ಮದಪ॑ ದು॒:ಷ್ವಪ್ನ್ಯ॑ᳪ ಸುವ ॥ ೧೧ ॥
ಸು॒ಮಿ॒ತ್ರಿ॒ಯಾ ನ॒ ಆಪ॒ ಓಷ॑ಧಯಃ ಸನ್ತು ದುರ್ಮಿತ್ರಿ॒ಯಾಸ್ತಸ್ಮೈ॑ ಸನ್ತು॒ ಯೋಽಸ್ಮಾನ್ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ ೧೨ ॥
ಅ॒ನ॒ಡ್ವಾಹ॑ಮ॒ನ್ವಾರ॑ಭಾಮಹೇ॒ ಸೌರ॑ಭೇಯᳪ ಸ್ವ॒ಸ್ತಯೇ॑ । ಸ ನ॒ ಇನ್ದ್ರ॑ ಇವ ದೇ॒ವೇಭ್ಯೋ॒ ವಹ್ನಿ॑: ಸ॒ನ್ತಾರ॑ಣೋ ಭವ ॥ ೧೩ ॥
ಉದ್ವ॒ಯಂ ತಮ॑ಸ॒ಸ್ಪರಿ॒ ಸ್ವ: ಪಶ್ಯ॑ನ್ತ॒ ಉತ್ತ॑ರಮ್ ।
ದೇ॒ವಂ ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಮ್ ॥ ೧೪ ॥
ಇ॒ಮಂ ಜೀ॒ವೇಭ್ಯ॑: ಪರಿ॒ಧಿಂ ದ॑ಧಾಮಿ॒ ಮೈಷಾಂ॒ ನು ಗಾ॒ದಪ॑ರೋ॒ ಅರ್ಥ॑ಮೇ॒ತಮ್ ।
ಶ॒ತಂ ಜೀ॑ವನ್ತು ಶ॒ರದ॑: ಪುರೂ॒ಚೀರ॒ನ್ತರ್ಮೃ॒ತ್ಯುಂ ದ॑ಧತಾಂ॒ ಪರ್ವ॑ತೇನ ॥ ೧೫ ॥
ಅಗ್ನ॒ ಆಯೂ॑ᳪಷಿ ಪವಸ್ವ॒ ಆ ಸು॒ವೋರ್ಜ॒ಮಿಷಂ॑ ಚ ನಃ । ಆ॒ರೇ ಬಾ॑ಧಸ್ವ ದು॒ಚ್ಛುನಾ॑ಮ್ ॥ ೧೬ ॥
ಆಯು॑ಷ್ಮಾನಗ್ನೇ ಹ॒ವಿಷಾ॑ ವೃಧಾ॒ನೋ ಘೃ॒ತಪ್ರ॑ತೀಕೋ ಘೃ॒ತಯೋ॑ನಿರೇಧಿ ।
ಘೃ॒ತಂ ಪೀ॒ತ್ವಾ ಮಧು॒ ಚಾರು॒ ಗವ್ಯಂ॑ ಪಿ॒ತೇವ॑ ಪು॒ತ್ರಮ॒ಭಿ ರ॑ಕ್ಷತಾದಿ॒ಮಾನ್ತ್ಸ್ವಾಹಾ॑ ॥ ೧೭ ॥
ಪರೀ॒ಮೇ ಗಾಮ॑ನೇಷತ॒ ಪರ್ಯ॒ಗ್ನಿಮ॑ಹೃಷತ । ದೇ॒ವೇಷ್ವ॑ಕ್ರತ॒ ಶ್ರವ॒: ಕ ಇ॒ಮಾಁ೨ ಆ ದ॑ಧರ್ಷತಿ ॥ ೧೮ ॥
ಕ್ರ॒ವ್ಯಾದ॑ಮ॒ಗ್ನಿಂ ಪ್ರ ಹಿ॑ಣೋಮಿ ದೂ॒ರಂ ಯ॑ಮ॒ರಾಜ್ಯಂ॑ ಗಚ್ಛತು ರಿಪ್ರವಾ॒ಹಃ ।
ಇಹೈ॒ವಾಯಮಿತ॑ರೋ ಜಾ॒ತವೇ॑ದಾ ದೇ॒ವೇಭ್ಯೋ॑ ಹ॒ವ್ಯಂ ವ॑ಹತು ಪ್ರಜಾ॒ನನ್ ॥ ೧೯ ॥
ವಹ॑ ವ॒ಪಾಂ ಜಾ॑ತವೇದಃ ಪಿ॒ತೃಭ್ಯೋ॒ ಯತ್ರೈ॑ನಾ॒ನ್ವೇತ್ಥ॒ ನಿಹಿ॑ತಾನ್ ಪರಾ॒ಕೇ ।
ಮೇದ॑ಸಃ ಕು॒ಲ್ಯಾ ಉಪ॒ ತಾನ್ತ್ಸ್ರ॑ವನ್ತು ಸ॒ತ್ಯಾ ಏ॑ಷಾಮಾ॒ಶಿಷ॒: ಸಂ ನ॑ಮನ್ತಾ॒ᳪ ಸ್ವಾಹಾ॑ ॥ ೨೦ ॥
ಸ್ಯೋ॒ನಾ ಪೃ॑ಥಿವಿ ನೋ ಭವಾನೃಕ್ಷ॒ರಾ ನಿ॒ವೇಶ॑ನೀ । ಯಚ್ಛಾ॑ ನ॒: ಶರ್ಮ॑ ಸ॒ಪ್ರಥಾ॑: ।
ಅಪ॑ ನ॒: ಶೋಶು॑ಚದ॒ಘಮ್ ॥ ೨೧ ॥
ಅ॒ಸ್ಮಾತ್ತ್ವಮಧಿ॑ ಜಾ॒ತೋ॒ಽಸಿ॒ ತ್ವದ॒ಯಂ ಜಾ॑ಯತಾಂ॒ ಪುನ॑: । ಅ॒ಸೌ ಸ್ವ॒ರ್ಗಾಯ॑ ಲೋ॒ಕಾಯ॒ ಸ್ವಾಹಾ॑ ॥ ೨೨ ॥
ಅಧ್ಯಾಯ ೩೬
ಋಚಂ॒ ವಾಚಂ॒ ಪ್ರ ಪ॑ದ್ಯೇ॒ ಮನೋ॒ ಯಜು॒: ಪ್ರ ಪ॑ದ್ಯೇ॒ ಸಾಮ॑ ಪ್ರಾ॒ಣಂ ಪ್ರ ಪ॑ದ್ಯೇ॒ ಚಕ್ಷು॒: ಶ್ರೋತ್ರಂ॒ ಪ್ರ ಪ॑ದ್ಯೇ ।
ವಾಗೋಜ॑: ಸ॒ಹೌಜೋ॒ ಮಯಿ॑ ಪ್ರಾಣಾಪಾ॒ನೌ ॥ ೧ ॥
ಯನ್ಮೇ॑ ಛಿ॒ದ್ರಂ ಚಕ್ಷು॑ಷೋ॒ ಹೃದ॑ಯಸ್ಯ॒ ಮನ॑ಸೋ॒ ವಾತಿ॑ತೃಣ್ಣಂ॒ ಬೃಹ॒ಸ್ಪತಿ॑ರ್ಮೇ॒ ತದ್ದ॑ಧಾತು ।
ಶಂ ನೋ॑ ಭವತು॒ ಭುವ॑ನಸ್ಯ॒ ಯಸ್ಪತಿ॑: ॥ ೨ ॥
ಭೂರ್ಭುವ॒: ಸ್ವ॒: ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ॑ತ್ ॥ ೩ ॥
ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧ॒: ಸಖಾ॑ । ಕಯಾ॒ ಶಚಿ॑ಷ್ಠಯಾ ವೃ॒ತಾ ॥ ೪ ॥
ಕಸ್ತ್ವಾ॑ ಸ॒ತ್ಯೋ ಮದಾ॑ನಾಂ॒ ಮᳪಹಿ॑ಷ್ಠೋ ಮತ್ಸ॒ದನ್ಧ॑ಸಃ । ದೃ॒ಢಾ ಚಿ॑ದಾ॒ರುಜೇ॒ ವಸು॑ ॥ ೫ ॥
ಅ॒ಭೀ ಷು ಣ॒: ಸಖೀ॑ನಾಮವಿ॒ತಾ ಜ॑ರಿತೄ॒ಣಾಮ್ । ಶ॒ತಂ ಭ॑ವಾಸ್ಯೂ॒ತಿಭಿ॑: ॥ ೬ ॥
ಕಯಾ॒ ತ್ವಂ ನ ಊ॒ತ್ಯಾಭಿ ಪ್ರ ಮ॑ನ್ದಸೇ ವೃಷನ್ । ಕಯಾ॑ ಸ್ತೋ॒ತೃಭ್ಯ॒ ಆ ಭ॑ರ ॥ ೭ ॥
ಇನ್ದ್ರೋ॒ ವಿಶ್ವ॑ಸ್ಯ ರಾಜತಿ । ಶಂ ನೋ॑ ಅಸ್ತು ದ್ವಿ॒ಪದೇ॒ ಶಂ ಚತು॑ಷ್ಪದೇ ॥ ೮ ॥
ಶಂ ನೋ॑ ಮಿ॒ತ್ರ: ಶಂ ವರು॑ಣ॒: ಶಂ ನೋ॑ ಭವತ್ವರ್ಯ॒ಮಾ ।
ಶಂ ನ॒ ಇನ್ದ್ರೋ॒ ಬೃಹ॒ಸ್ಪತಿ॒: ಶಂ ನೋ॒ ವಿಷ್ಣು॑ರುರುಕ್ರ॒ಮಃ ॥ ೯ ॥
ಶಂ ನೋ॒ ವಾತ॑: ಪವತಾ॒ᳪ ಶಂ ನ॑ಸ್ತಪತು॒ ಸೂರ್ಯ॑: ।
ಶಂ ನ॒: ಕನಿ॑ಕ್ರದದ್ದೇ॒ವಃ ಪ॒ರ್ಜನ್ಯೋ॑ ಅ॒ಭಿ ವ॑ರ್ಷತು ॥ ೧೦ ॥
ಅಹಾ॑ನಿ॒ ಶಂ ಭವ॑ನ್ತು ನ॒: ಶᳪ ರಾತ್ರೀ॒: ಪ್ರತಿ॑ ಧೀಯತಾಮ್ ।
ಶಂ ನ॑ ಇನ್ದ್ರಾ॒ಗ್ನೀ ಭ॑ವತಾ॒ಮವೋ॑ಭಿ॒: ಶಂ ನ॒ ಇನ್ದ್ರಾ॒ವರು॑ಣಾ ರಾ॒ತಹ॑ವ್ಯಾ ।
ಶಂ ನ॑ ಇನ್ದ್ರಾಪೂ॒ಷಣಾ॒ ವಾಜ॑ಸಾತೌ॒ ಶಮಿನ್ದ್ರಾ॒ಸೋಮಾ॑ ಸುವಿ॒ತಾಯ॒ ಶಂ ಯೋಃ ॥ ೧೧ ॥
ಶಂ ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವನ್ತು ಪೀ॒ತಯೇ॑ ।
ಶಂ ಯೋರ॒ಭಿ ಸ್ರ॑ವನ್ತು ನಃ ॥ ೧೨ ॥
ಸ್ಯೋ॒ನಾ ಪೃ॑ಥಿವಿ ನೋ ಭವಾನೃಕ್ಷ॒ರಾ ನಿ॒ವೇಶ॑ನೀ ।
ಯಚ್ಛಾ॑ ನ॒: ಶರ್ಮ॑ ಸ॒ಪ್ರಥಾ॑: ॥ ೧೩ ॥
ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥ ೧೪ ॥
ಯೋ ವ॑: ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನ॑: । ಉ॒ಶ॒ತೀರಿ॑ವ ಮಾ॒ತರ॑: ॥ ೧೫ ॥
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ ೧೬ ॥
ದ್ಯೌ: ಶಾನ್ತಿ॑ರ॒ನ್ತರಿ॑ಕ್ಷ॒ᳪ ಶಾನ್ತಿ॑: ಪೃಥಿ॒ವೀ ಶಾನ್ತಿ॒ರಾಪ॒: ಶಾನ್ತಿ॒ರೋಷ॑ಧಯ॒: ಶಾನ್ತಿ॑: ।
ವನ॒ಸ್ಪತ॑ಯ॒: ಶಾನ್ತಿ॒ರ್ವಿಶ್ವೇ॑ ದೇ॒ವಾಃ ಶಾನ್ತಿ॒ರ್ಬ್ರಹ್ಮ॒ ಶಾನ್ತಿ॒: ಸರ್ವ॒ᳪ ಶಾನ್ತಿ॒: ಶಾನ್ತಿ॑ರೇ॒ವ ಶಾನ್ತಿ॒: ಸಾ ಮಾ॒ ಶಾನ್ತಿ॑ರೇಧಿ ॥ ೧೭ ॥
ದೃತೇ॒ ದೃᳪಹ॑ ಮಾ ಮಿ॒ತ್ರಸ್ಯ॑ ಮಾ॒ ಚಕ್ಷು॑ಷಾ॒ ಸರ್ವಾ॑ಣಿ ಭೂ॒ತಾನಿ॒ ಸಮೀ॑ಕ್ಷನ್ತಾಮ್ ।
ಮಿ॒ತ್ರಸ್ಯಾ॒ಹಂ ಚಕ್ಷು॑ಷಾ॒ ಸರ್ವಾ॑ಣಿ ಭೂ॒ತಾನಿ॒ ಸಮೀ॑ಕ್ಷೇ ।
ಮಿ॒ತ್ರಸ್ಯ॒ ಚಕ್ಷು॑ಷಾ॒ ಸಮೀ॑ಕ್ಷಾಮಹೇ ॥ ೧೮ ॥
ದೃತೇ॒ ದೃᳪಹ॑ ಮಾ । ಜ್ಯೋಕ್ತೇ॑ ಸ॒ನ್ದೃಶಿ॑ ಜೀವ್ಯಾಸಂ॒ ಜ್ಯೋಕ್ತೇ॑ ಸ॒ನ್ದೃಶಿ॑ ಜೀವ್ಯಾಸಮ್ ॥ ೧೯ ॥
ನಮ॑ಸ್ತೇ॒ ಹರ॑ಸೇ ಶೋ॒ಚಿಷೇ॒ ನಮ॑ಸ್ತೇ ಅಸ್ತ್ವ॒ರ್ಚಿಷೇ॑ ।
ಅ॒ನ್ಯಾಁಸ್ತೇ॑ ಅ॒ಸ್ಮತ್ತ॑ಪನ್ತು ಹೇ॒ತಯ॑: ಪಾವ॒ಕೋ ಅ॒ಸ್ಮಭ್ಯ॑ᳪ ಶಿ॒ವೋ ಭ॑ವ ॥ ೨೦ ॥
ನಮ॑ಸ್ತೇ ಅಸ್ತು ವಿ॒ದ್ಯುತೇ॒ ನಮ॑ಸ್ತೇ ಸ್ತನಯಿ॒ತ್ನವೇ॑ । ನಮ॑ಸ್ತೇ ಭಗವನ್ನಸ್ತು॒ ಯತ॒: ಸ್ವ॒: ಸ॒ಮೀಹ॑ಸೇ ॥ ೨೧ ॥
ಯತೋ॑-ಯತಃ ಸ॒ಮೀಹ॑ಸೇ॒ ತತೋ॑ ನೋ॒ ಅಭ॑ಯಂ ಕುರು । ಶಂ ನ॑: ಕುರು ಪ್ರ॒ಜಾಭ್ಯೋಽಭ॑ಯಂ ನಃ ಪ॒ಶುಭ್ಯ॑: ॥ ೨೨ ॥
ಸು॒ಮಿ॒ತ್ರಿ॒ಯಾ ನ॒ ಆಪ॒ ಓಷ॑ಧಯಃ ಸನ್ತು ದುರ್ಮಿತ್ರಿ॒ಯಾಸ್ತಸ್ಮೈ॑ ಸನ್ತು॒ ಯೋಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ ೨೩ ॥
ತಚ್ಚಕ್ಷು॑ರ್ದೇ॒ವಹಿ॑ತಂ ಪು॒ರಸ್ತಾ॑ಚ್ಛು॒ಕ್ರಮುಚ್ಚ॑ರತ್ । ಪಶ್ಯೇ॑ಮ ಶ॒ರದ॑: ಶ॒ತಂ ಜೀವೇ॑ಮ ಶ॒ರದ॑: ಶ॒ತᳪ ಶೃಣು॑ಯಾಮ ಶ॒ರದ॑: ಶ॒ತಂ ಪ್ರ ಬ್ರ॑ವಾಮ ಶ॒ರದ॑: ಶ॒ತಮದೀ॑ನಾಃ ಸ್ಯಾಮ ಶ॒ರದ॑: ಶ॒ತಂ ಭೂಯ॑ಶ್ಚ ಶ॒ರದ॑: ಶ॒ತಾತ್ ॥ ೨೪ ॥
ಅಧ್ಯಾಯ ೩೭
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ । ಆ ದ॑ದೇ॒ ನಾರಿ॑ರಸಿ ॥ ೧ ॥
ಯು॒ಞ್ಜತೇ॒ ಮನ॑ ಉ॒ತ ಯು॑ಞ್ಜತೇ॒ ಧಿಯೋ॒ ವಿಪ್ರಾ॒ ವಿಪ್ರ॑ಸ್ಯ ಬೃಹ॒ತೋ ವಿ॑ಪ॒ಶ್ಚಿತ॑: ।
ವಿ ಹೋತ್ರಾ॑ ದಧೇ ವಯುನಾ॒ವಿದೇಕ॒ ಇನ್ಮ॒ಹೀ ದೇ॒ವಸ್ಯ॑ ಸವಿ॒ತುಃ ಪರಿ॑ಷ್ಟುತಿ॒: ಸ್ವಾಹಾ॑ ॥ ೨ ॥
ದೇವೀ॑ ದ್ಯಾವಾಪೃಥಿವೀ ಮ॒ಖಸ್ಯ॑ ವಾಮ॒ದ್ಯ ಶಿರೋ॑ ರಾಧ್ಯಾಸಂ ದೇವ॒ಯಜ॑ನೇ ಪೃಥಿ॒ವ್ಯಾಃ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೩ ॥
ದೇವ್ಯೋ॑ ವಮ್ರ್ಯೋ ಭೂ॒ತಸ್ಯ॑ ಪ್ರಥಮ॒ಜಾ ಮ॒ಖಸ್ಯ॑ ವೋ॒ಽದ್ಯ ಶಿರೋ॑ ರಾಧ್ಯಾಸಂ ದೇವ॒ಯಜ॑ನೇ ಪೃಥಿ॒ವ್ಯಾಃ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೪ ॥
ಇಯ॒ತ್ಯಗ್ರ॑ ಆಸೀನ್ಮ॒ಖಸ್ಯ॑ ತೇ॒ಽದ್ಯ ಶಿರೋ॑ ರಾಧ್ಯಾಸಂ ದೇವ॒ಯಜ॑ನೇ ಪೃಥಿ॒ವ್ಯಾಃ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೫ ॥
ಇನ್ದ್ರ॒ಸ್ಯೌಜ॑ ಸ್ಥ ಮ॒ಖಸ್ಯ॑ ವೋ॒ಽದ್ಯ ಶಿರೋ॑ ರಾಧ್ಯಾಸಂ ದೇವ॒ಯಜ॑ನೇ ಪೃಥಿ॒ವ್ಯಾಃ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೬ ॥
ಪ್ರೈತು॒ ಬ್ರಹ್ಮ॑ಣ॒ಸ್ಪತಿ॒: ಪ್ರ ದೇ॒ವ್ಯೇ॒ತು ಸೂ॒ನೃತಾ॑ । ಅಚ್ಛಾ॑ ವೀ॒ರಂ ನರ್ಯಂ॑ ಪ॒ಙ್ಕ್ತಿರಾ॑ಧಸಂ ದೇ॒ವಾ ಯ॒ಜ್ಞಂ ನ॑ಯನ್ತು ನಃ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೭ ॥
ಮ॒ಖಸ್ಯ॒ ಶಿರೋ॑ಽಸಿ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ।
ಮ॒ಖಸ್ಯ॒ ಶಿರೋ॑ಽಸಿ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ।
ಮ॒ಖಸ್ಯ॒ ಶಿರೋ॑ಽಸಿ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೮ ॥
ಅಶ್ವ॑ಸ್ಯ ತ್ವಾ॒ ವೃಷ್ಣ॑: ಶ॒ಕ್ನಾ ಧೂ॑ಪಯಾಮಿ ದೇವ॒ಯಜ॑ನೇ ಪೃಥಿ॒ವ್ಯಾಃ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ।
ಅಶ್ವ॑ಸ್ಯ ತ್ವಾ॒ ವೃಷ್ಣ॑: ಶ॒ಕ್ನಾ ಧೂ॑ಪಯಾಮಿ ದೇವ॒ಯಜ॑ನೇ ಪೃಥಿ॒ವ್ಯಾಃ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ।
ಅಶ್ವ॑ಸ್ಯ ತ್ವಾ॒ ವೃಷ್ಣ॑: ಶ॒ಕ್ನಾ ಧೂ॑ಪಯಾಮಿ ದೇವ॒ಯಜ॑ನೇ ಪೃಥಿ॒ವ್ಯಾಃ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೯ ॥
ಋ॒ಜವೇ॑ ತ್ವಾ ಸಾ॒ಧವೇ॑ ತ್ವಾ ಸುಕ್ಷಿ॒ತ್ಯೈ ತ್ವಾ॑ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ । ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣೇ ॥ ೧೦ ॥
ಯ॒ಮಾಯ॑ ತ್ವಾ ಮ॒ಖಾಯ॑ ತ್ವಾ॒ ಸೂರ್ಯ॑ಸ್ಯ ತ್ವಾ॒ ತಪ॑ಸೇ । ದೇ॒ವಸ್ತ್ವಾ॑ ಸವಿ॒ತಾ ಮಧ್ವಾ॑ನಕ್ತು ಪೃಥಿ॒ವ್ಯಾಃ ಸ॒ᳪಸ್ಪೃಶ॑ಸ್ಪಾಹಿ । ಅ॒ರ್ಚಿರ॑ಸಿ ಶೋ॒ಚಿರ॑ಸಿ॒ ತಪೋ॑ಽಸಿ ॥ ೧೧ ॥
ಅನಾ॑ಧೃಷ್ಟಾ ಪು॒ರಸ್ತಾ॑ದ॒ಗ್ನೇರಾಧಿ॑ಪತ್ಯ॒ ಆಯು॑ರ್ಮೇ ದಾಃ ಪು॒ತ್ರವ॑ತೀ ದಕ್ಷಿಣ॒ತ ಇನ್ದ್ರ॒ಸ್ಯಾಧಿ॑ಪತ್ಯೇ ಪ್ರ॒ಜಾಂ ಮೇ॑ ದಾಃ ।
ಸು॒ಷದಾ॑ ಪ॒ಶ್ಚಾದ್ದೇ॒ವಸ್ಯ॑ ಸವಿ॒ತುರಾಧಿ॑ಪತ್ಯೇ॒ ಚಕ್ಷು॑ರ್ಮೇ ದಾ ಆಸ್ರು॑ತಿರುತ್ತರ॒ತೋ ಧಾ॒ತುರಾಧಿ॑ಪತ್ಯೇ ರಾ॒ಯಸ್ಪೋಷಂ॑ ಮೇ ದಾಃ ।
ವಿಧೃ॑ತಿರು॒ಪರಿ॑ಷ್ಟಾ॒ದ್ಬೃಹ॒ಸ್ಪತೇ॒ರಾಧಿ॑ಪತ್ಯೇ॒ ಓಜೋ॑ ಮೇ ದಾ ವಿಶ್ವಾ॑ಭ್ಯೋ ಮಾ ನಾ॒ಷ್ಟ್ರಾಭ್ಯ॑ಸ್ಪಾಹಿ ಮನೋ॒ರಶ್ವಾ॑ಸಿ ॥ ೧೨ ॥
ಸ್ವಾಹಾ॑ ಮ॒ರುದ್ಭಿ॒: ಪರಿ॑ ಶ್ರೀಯಸ್ವ ದಿ॒ವಃ ಸ॒ᳪಸ್ಪೃಶ॑ಸ್ಪಾಹಿ । ಮಧು॒ ಮಧು॒ ಮಧು॑ ॥ ೧೩ ॥
ಗರ್ಭೋ॑ ದೇ॒ವಾನಾಂ॑ ಪಿ॒ತಾ ಮ॑ತೀ॒ನಾಂ ಪತಿ॑: ಪ್ರ॒ಜಾನಾ॑ಮ್ । ಸಂ ದೇ॒ವೋ ದೇ॒ವೇನ॑ ಸವಿ॒ತ್ರಾ ಗ॑ತ॒ ಸᳪಸೂರ್ಯೇ॑ಣ ರೋಚತೇ ॥ ೧೪ ॥
ಸಮ॒ಗ್ನಿರ॒ಗ್ನಿನಾ॑ ಗತ॒ ಸಂ ದೈವೇ॑ನ ಸವಿ॒ತ್ರಾ ಸᳪ ಸೂರ್ಯೇ॑ಣಾರೋಚಿಷ್ಟ ।
ಸ್ವಾಹಾ॒ ಸಮ॒ಗ್ನಿಸ್ತಪ॑ಸಾ ಗತ॒ ಸಂ ದೈವ್ಯೇ॑ನ ಸವಿ॒ತ್ರಾ ಸᳪಸೂರ್ಯೇ॑ಣಾರೂರುಚತ ॥ ೧೫ ॥
ಧ॒ರ್ತಾ ದಿ॒ವೋ ವಿ ಭಾ॑ತಿ॒ ತಪ॑ಸಸ್ಪೃಥಿ॒ವ್ಯಾಂ ಧ॒ರ್ತಾ ದೇ॒ವೋ ದೇ॒ವಾನಾ॒ಮಮ॑ರ್ತ್ಯಸ್ತಪೋ॒ಜಾಃ ।
ವಾಚ॑ಮ॒ಸ್ಮೇ ನಿ ಯ॑ಚ್ಛ ದೇವಾ॒ಯುವ॑ಮ್ ॥ ೧೬ ॥
ಅಪ॑ಶ್ಯಂ ಗೋ॒ಪಾಮನಿ॑ಪದ್ಯಮಾನ॒ಮಾ ಚ॒ ಪರಾ॑ ಚ ಪ॒ಥಿಭಿ॒ಶ್ಚರ॑ನ್ತಮ್ ।
ಸ ಸ॒ಧ್ರೀಚೀ॒: ಸ ವಿಷೂ॑ಚೀ॒ರ್ವಸಾ॑ನ॒ ಆ ವ॑ರೀವರ್ತ್ತಿ॒ ಭುವ॑ನೇಷ್ವ॒ನ್ತಃ ॥ ೧೭ ॥
ವಿಶ್ವಾ॑ಸಾಂ ಭುವಾಂ ಪತೇ॒ ವಿಶ್ವ॑ಸ್ಯ ಮನಸಸ್ಪತೇ॒ ವಿಶ್ವ॑ಸ್ಯ ವಚಸಸ್ಪತೇ॒ ಸರ್ವ॑ಸ್ಯ ವಚಸಸ್ಪತೇ ।
ದೇ॒ವ॒ಶ್ರುತ್ತ್ವಂ ದೇ॑ವ ಘರ್ಮ ದೇ॒ವೋ ದೇ॒ವಾನ್ ಪಾ॒ಹ್ಯತ್ರ॒ ಪ್ರಾವೀ॒ರನು॑ ವಾಂ ದೇ॒ವವೀ॑ತಯೇ ।
ಮಧು॒ ಮಾಧ್ವೀ॑ಭ್ಯಾಂ॒ ಮಧು॒ ಮಾಧೂ॑ಚೀಭ್ಯಾಮ್ ॥ ೧೮ ॥
ಹೃ॒ದೇ ತ್ವಾ॒ ಮನ॑ಸೇ ತ್ವಾ ದಿ॒ವೇ ತ್ವಾ॒ ಸೂರ್ಯಾ॑ಯ ತ್ವಾ ।
ಊ॒ರ್ಧ್ವೋ ಅ॑ಧ್ವ॒ರಂ ದಿ॒ವಿ ದೇ॒ವೇಷು॑ ಧೇಹಿ ॥ ೧೯ ॥
ಪಿ॒ತಾ ನೋ॑ಽಸಿ ಪಿ॒ತಾ ನೋ॑ ಬೋಧಿ॒ ನಮ॑ಸ್ತೇ ಅತು॒ ಮಾ ಮಾ॑ ಹಿᳪಸೀಃ ।
ತ್ವಷ್ಟೃ॑ಮನ್ತಸ್ತ್ವಾ ಸಪೇಮ ಪು॒ತ್ರಾನ್ಪ॒ಶೂನ್ಮಯಿ॑ ಧೇಹಿ ಪ್ರ॒ಜಾಮ॒ಸ್ಮಾಸು॑ ಧೇ॒ಹ್ಯರಿ॑ಷ್ಟಾ॒ಽಹᳪ ಸ॒ಹ ಪ॑ತ್ಯಾ ಭೂಯಾಸಮ್ ॥ ೨೦ ॥
ಅಹ॑: ಕೇ॒ತುನಾ॑ ಜುಷತಾᳪ ಸು॒ಜ್ಯೋತಿ॒ರ್ಜ್ಯೋತಿ॑ಷಾ॒ ಸ್ವಾಹಾ॑ ।
ರಾತ್ರಿ॑: ಕೇ॒ತುನಾ॑ ಜುಷತಾᳪ ಸು॒ಜ್ಯೋತಿ॒ರ್ಜ್ಯೋತಿ॑ಷಾ॒ ಸ್ವಾಹಾ॑ ॥ ೨೧ ॥
ಅಧ್ಯಾಯ ೩೮
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇಽಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಆ ದ॒ದೇಽದಿ॑ತ್ಯೈ॒ ರಾಸ್ನಾ॑ಽಸಿ ॥ ೧ ॥
ಇಡ॒ ಏಹ್ಯದಿ॑ತ॒ ಏಹಿ॒ ಸರ॑ಸ್ವ॒ತ್ತ್ಯೇಹಿ॑ । ಅಸಾ॒ವೇಹ್ಯಸಾ॒ವೇಹ್ಯಸಾ॒ವೇಹಿ॑ ॥ ೨ ॥
ಅದಿ॑ತ್ಯೈ॒ ರಾಸ್ನಾ॑ಽಸೀನ್ದ್ರಾ॒ಣ್ಯಾ ಉ॒ಷ್ಣೀಷ॑: ।
ಪೂ॒ಷಾಽಸಿ॑ ಘ॒ರ್ಮಾಯ॑ ದೀಷ್ವ ॥ ೩ ॥
ಅ॒ಶ್ವಿಭ್ಯಾಂ॑ ಪಿನ್ವಸ್ವ॒ ಸರ॑ಸ್ವತ್ಯೈ ಪಿನ್ವ॒ಸ್ವೇನ್ದ್ರಾ॑ಯ ಪಿನ್ವಸ್ವ ।
ಸ್ವಾಹೇನ್ದ್ರ॑ವ॒ತ್ ಸ್ವಾಹೇನ್ದ್ರ॑ವ॒ತ್ ಸ್ವಾಹೇನ್ದ್ರ॑ವ॒ತ್ ॥ ೪ ॥
ಯಸ್ತೇ॒ ಸ್ತನ॑: ಶಶ॒ಯೋ ಯೋ ಮ॑ಯೋ॒ಭೂರ್ಯೋ ರ॑ತ್ನ॒ಧಾ ವ॑ಸು॒ವಿದ್ಯಃ ಸು॒ದತ್ರ॑: ।
ಯೇನ॒ ವಿಶ್ವಾ॒ ಪುಷ್ಯ॑ಸಿ॒ ವಾರ್ಯಾ॑ಣಿ॒ ಸರ॑ಸ್ವತಿ॒ ತಮಿ॒ಹ ಧಾತ॑ವೇಽಕಃ । ಉ॒ರ್ವನ್ತರಿ॑ಕ್ಷ॒ಮನ್ವೇ॑ಮಿ ॥ ೫ ॥
ಗಾ॒ಯ॒ತ್ರಂ ಛನ್ದೋ॑ಽಸಿ॒ ತ್ರೈ॑ಷ್ಟುಭಂ॒ ಛನ್ದೋ॑ಽಸಿ॒ ದ್ಯಾವಾ॑ಪೃಥಿ॒ವೀಭ್ಯಾಂ॑ ತ್ವಾ॒ ಪರಿ॑ ಗೃಹ್ಣಾಮ್ಯ॒ನ್ತರಿ॑ಕ್ಷೇ॒ಣೋಪ॑ ಯಚ್ಛಾಮಿ ।
ಇನ್ದ್ರಾ॑ಶ್ವಿನಾ॒ ಮಧು॑ನಃ ಸಾರ॒ಘಸ್ಯ॑ ಘ॒ರ್ಮಂ ಪಾ॑ತ॒ ವಸ॑ವೋ॒ ಯಜ॑ತ॒ ವಾಟ್ ।
ಸ್ವಾಹಾ॒ ಸೂರ್ಯ॑ಸ್ಯ ರ॒ಶ್ಮಯೇ॑ ವೃಷ್ಟಿ॒ವನ॑ಯೇ ॥ ೬ ॥
ಸ॒ಮು॒ದ್ರಾಯ॑ ತ್ವಾ॒ ವಾತಾ॑ಯ॒ ಸ್ವಾಹಾ॑ ಸರಿ॒ರಾಯ॑ ತ್ವಾ॒ ವಾತಾ॑ಯ॒ ಸ್ವಾಹಾ॑ ।
ಅ॒ನಾ॒ಧೃ॒ಷ್ಯಾಯ॑ ತ್ವಾ॒ ವಾತಾ॑ಯ॒ ಸ್ವಾಹಾ॑ ಽಪ್ರತಿಧೃ॒ಷ್ಯಾಯ॑ ತ್ವಾ॒ ವಾತಾ॑ಯ॒ ಸ್ವಾಹಾ॑ ।
ಅ॒ವ॒ಸ್ಯವೇ॑ ತ್ವಾ॒ ವಾತಾ॑ಯ॒ ಸ್ವಾಹಾ॑ ಽಶಿಮಿ॒ದಾಯ॑ ತ್ವಾ॒ ವಾತಾ॑ಯ॒ ಸ್ವಾಹಾ॑ ॥ ೭ ॥
ಇನ್ದ್ರಾ॑ಯ ತ್ವಾ॒ ವಸು॑ಮತೇ ರು॒ದ್ರವ॑ತೇ॒ ಸ್ವಾಹೇನ್ದ್ರಾ॑ಯ ತ್ವಾಽಽದಿ॒ತ್ಯವ॑ತೇ॒ ಸ್ವಾಹೇನ್ದ್ರಾ॑ಯ ತ್ವಾಽಭಿಮಾತಿ॒ಘ್ನೇ ಸ್ವಾಹಾ ।
ಸ॒ವಿ॒ತ್ರೇ ತ್ವ॑ ಋಭು॒ಮತೇ॑ ವಿಭು॒ಮತೇ॒ ವಾಜ॑ವತೇ॒ ಸ್ವಾಹಾ॒ ಬೃಹ॒ಸ್ಪತ॑ಯೇ ತ್ವಾ ವಿ॒ಶ್ವದೇ॑ವ್ಯಾವತೇ॒ ಸ್ವಾಹಾ॑ ॥ ೮ ॥
ಯ॒ಮಾಯ॒ ತ್ವಾಽಙ್ಗಿ॑ರಸ್ವತೇ ಪಿತೃ॒ಮತೇ॒ ಸ್ವಾಹಾ॑ । ಸ್ವಾಹಾ॑ ಘ॒ರ್ಮಾಯ॒ ಸ್ವಾಹಾ॑ ಘ॒ರ್ಮಃ ಪಿ॒ತ್ರೇ ॥ ೯ ॥
ವಿಶ್ವಾ॒ ಆಶಾ॑ ದಕ್ಷಿಣ॒ಸದ್ವಿಶ್ವಾ॑ನ್ ದೇ॒ವಾನಯಾ॑ಡಿ॒ಹ ।
ಸ್ವಾಹಾ॑ಕೃತಸ್ಯ ಘ॒ರ್ಮಸ್ಯ॒ ಮಧೋ॑: ಪಿಬತಮಶ್ವಿನಾ ॥ ೧೦ ॥
ದಿ॒ವಿ ಧಾ॑ ಇ॒ಮಂ ಯ॒ಜ್ಞಮಿ॒ಮಂ ಯ॒ಜ್ಞಂ ದಿ॒ವಿ ಧಾ॑: । ಸ್ವಾಹಾ॒ಽಗ್ನಯೇ॑ ಯ॒ಜ್ಞಿಯಾ॑ಯ॒ ಶಂ ಯಜು॑ರ್ಭ್ಯಃ ॥ ೧೧ ॥
ಅಶ್ವಿ॑ನಾ ಘ॒ರ್ಮಂ ಪಾ॑ತ॒ᳪ ಹಾರ್ದ್ವಾ॑ನ॒ಮಹ॑ರ್ದಿ॒ವಾಭಿ॑ರೂ॒ತಿಭಿ॑: । ತನ್ತ್ರಾ॒ಯಿಣೇ॒ ನಮೋ॒ ದ್ಯಾವಾ॑ಪೃಥಿ॒ವೀಭ್ಯಾ॑ಮ್ ॥ ೧೨ ॥
ಅಪಾ॑ತಾಮ॒ಶ್ವಿನಾ॑ ಘ॒ರ್ಮಮನು॒ ದ್ಯಾವಾ॑ಪೃಥಿ॒ವೀ ಅ॑ಮᳪಸಾತಾಮ್ । ಇಹೈ॒ವ ರಾ॒ತಯ॑: ಸನ್ತು ॥ ೧೩ ॥
ಇ॒ಷೇ ಪಿ॑ನ್ವಸ್ವೋ॒ರ್ಜೇ ಪಿ॑ನ್ವಸ್ವ॒ ಬ್ರಹ್ಮ॑ಣೇ ಪಿನ್ವಸ್ವ ಕ್ಷ॒ತ್ರಾಯ॑ ಪಿನ್ವಸ್ವ॒ ದ್ಯಾವಾ॑ಪೃಥಿ॒ವೀಭ್ಯಾಂ॑ ಪಿನ್ವಸ್ವ ।
ಧರ್ಮಾ॑ಸಿ ಸು॒ಧರ್ಮಾಮೇ॑ನ್ಯ॒ಸ್ಮೇ ನೃ॒ಮ್ಣಾನಿ॑ ಧಾರಯ॒ ಬ್ರಹ್ಮ॑ ಧಾರಯ ಕ್ಷ॒ತ್ರಂ ಧಾ॑ರಯ॒ ವಿಶಂ॑ ಧಾರಯ ॥ ೧೪ ॥
ಸ್ವಾಹಾ॑ ಪೂ॒ಷ್ಣೇ ಶರ॑ಸೇ॒ ಸ್ವಾಹಾ॒ ಗ್ರಾವ॑ಭ್ಯಃ ಸ್ವಾಹಾ॑ ಪ್ರತಿರ॒ವೇಭ್ಯ॑: ।
ಸ್ವಾಹಾ॑ ಪಿ॒ತೃಭ್ಯ॑ ಊ॒ರ್ಧ್ವಬ॑ರ್ಹಿರ್ಭ್ಯೋ ಘರ್ಮ॒ಪಾವ॑ಭ್ಯ॒: ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ᳪ ಸ್ವಾಹಾ॒ ವಿಶ್ವೇ॑ಭ್ಯೋ ದೇ॒ವೇಭ್ಯ॑: ॥ ೧೫ ॥
ಸ್ವಾಹಾ॑ ರು॒ದ್ರಾಯ॑ ರು॒ದ್ರಹೂ॑ತಯೇ॒ ಸ್ವಾಹಾ॒ ಸಂ ಜ್ಯೋತಿ॑ಷಾ॒ ಜ್ಯೋತಿ॑: ।
ಅಹ॑: ಕೇ॒ತುನಾ॑ ಜುಷತಾᳪ ಸು॒ಜ್ಯೋತಿ॒ರ್ಜ್ಯೋತಿ॑ಷಾ॒ ಸ್ವಾಹಾ॑ ।
ರಾತ್ರಿ॑: ಕೇ॒ತುನಾ॑ ಜುಷತಾᳪ ಸು॒ಜ್ಯೋತಿ॒ರ್ಜ್ಯೋತಿ॑ಷಾ॒ ಸ್ವಾಹಾ॑ ।
ಮಧು॑ ಹು॒ತಮಿನ್ದ್ರ॑ತಮೇ ಅ॒ಗ್ನಾವ॒ಶ್ಯಾಮ॑ ತೇ ದೇವ॒ ಘರ್ಮ॒ ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿᳪಸೀಃ ॥ ೧೬ ॥
ಅ॒ಭೀಮಂ ಮ॑ಹಿ॒ಮಾ ದಿವಂ॒ ವಿಪ್ರೋ॑ ಬಭೂವ ಸ॒ಪ್ರಥಾ॑: ।
ಉ॒ತ ಶ್ರವ॑ಸಾ ಪೃಥಿ॒ವೀᳪ ಸᳪ ಸೀ॑ದಸ್ವ ಮ॒ಹಾಁ೨ ಅ॑ಸಿ॒ ರೋಚ॑ಸ್ವ ದೇವ॒ವೀತ॑ಮಃ ॥ ೧೭ ॥
ಯಾ ತೇ॑ ಘರ್ಮ ದಿ॒ವ್ಯಾ ಶುಗ್ಯಾ ಗಾ॑ಯ॒ತ್ರ್ಯಾᳪ ಹ॑ವಿ॒ರ್ಧಾನೇ॑ ।
ಸಾ ತ॒ ಆ ಪ್ಯಾ॑ಯತಾಂ॒ ನಿಷ್ಟಯಾ॑ಯತಾಂ॒ ತಸ್ಯೈ॑ ತೇ॒ ಸ್ವಾಹಾ॑ ।
ಯಾ ತೇ॑ ಘರ್ಮಾ॒ನ್ತರಿ॑ಕ್ಷೇ॒ ಶುಗ್ಯಾ ತ್ರಿ॒ಷ್ಟುಭ್ಯಾಗ್ನೀ॑ಧ್ರೇ ।
ಸಾ ತ॒ ಆ ಪ್ಯಾ॑ಯತಾಂ॒ ನಿಷ್ಟಯಾ॑ಯತಾಂ॒ ತಸ್ಯೈ॑ ತೇ॒ ಸ್ವಾಹಾ॑ ।
ಯಾ ತೇ॑ ಘರ್ಮ ಪೃಥಿ॒ವ್ಯಾᳪ ಶುಗ್ಯಾ ಜಗ॑ತ್ಯಾᳪ ಸದ॒ಸ್ಯಾ॒ ।
ಸಾ ತ॒ ಆ ಪ್ಯಾ॑ಯತಾಂ॒ ನಿಷ್ಟಯಾ॑ಯತಾಂ॒ ತಸ್ಯೈ॑ ತೇ॒ ಸ್ವಾಹಾ॑ ॥ ೧೮ ॥
ಕ್ಷ॒ತ್ರಸ್ಯ॑ ತ್ವಾ ಪ॒ರಸ್ಪಾ॑ಯ॒ ಬ್ರಹ್ಮ॑ಣಸ್ತ॒ನ್ವಂ॒ ಪಾಹಿ ।
ವಿಶ॑ಸ್ತ್ವಾ॒ ಧರ್ಮ॑ಣಾ ವ॒ಯಮನು॑ ಕ್ರಾಮಾಮ ಸುವಿ॒ತಾಯ॒ ನವ್ಯ॑ಸೇ ॥ ೧೯ ॥
ಚತು॑: ಸ್ರಕ್ತಿ॒ರ್ನಾಭಿ॑ರೃ॒ತಸ್ಯ॑ ಸ॒ಪ್ರಥಾ॒: ಸ ನೋ॑ ವಿ॒ಶ್ವಾಯು॑: ಸ॒ಪ್ರಥಾ॒: ಸ ನ: ಸ॒ರ್ವಾಯು॑: ಸ॒ಪ್ರಥಾ॑: ।
ಅಪ॒ ದ್ವೇಷೋ॒ ಅಪ॒ ಹ್ವರೋ॒ಽನ್ಯವ್ರ॑ತಸ್ಯ ಸಶ್ಚಿಮ ॥ ೨೦ ॥
ಘರ್ಮೈ॒ತತ್ತೇ॒ ಪುರೀ॑ಷಂ॒ ತೇನ॒ ವರ್ಧ॑ಸ್ವ॒ ಚಾ ಚ॑ ಪ್ಯಾಯಸ್ವ । ವ॒ರ್ಧಿ॒ಷೀ॒ಮಹಿ॑ ಚ ವ॒ಯಮಾ ಚ॑ ಪ್ಯಾಸಿಷೀಮಹಿ ॥ ೨೧ ॥
ಅಚಿ॑ಕ್ರದ॒ದ್ವೃಷಾ॒ ಹರಿ॑ರ್ಮ॒ಹಾನ್ಮಿ॒ತ್ರೋ ನ॑ ದರ್ಶ॒ತಃ । ಸᳪ ಸೂರ್ಯೇ॑ಣ ದಿದ್ಯುತದುದ॒ಧಿರ್ನಿ॒ಧಿಃ ॥ ೨೨ ॥
ಸು॒ಮಿ॒ತ್ರಿ॒ಯಾ ನ॒ ಆಪ॒ ಓಷ॑ಧಯಃ ಸನ್ತು ದುರ್ಮಿತ್ರಿ॒ಯಾಸ್ತಸ್ಮೈ॑ ಸನ್ತು॒ ಯೋಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ ೨೩ ॥
ಉದ್ವ॒ಯಂ ತಮ॑ಸ॒ಸ್ಪರಿ॒ ಸ್ವ: ಪಶ್ಯ॑ನ್ತ॒ ಉತ್ತ॑ರಮ್ । ದೇ॒ವಂ ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಮ್ ॥ ೨೪ ॥
ಏಧೋ॑ಽಸ್ಯೇಧಿಷೀ॒ಮಹಿ॑ ಸ॒ಮಿದ॑ಸಿ॒ ತೇಜೋ॑ಽಸಿ॒ ತೇಜೋ॒ ಮಯಿ॑ ಧೇಹಿ ॥ ೨೫ ॥
ಯಾವ॑ತೀ॒ ದ್ಯಾವಾ॑ಪೃಥಿ॒ವೀ ಯಾವ॑ಚ್ಚ ಸ॒ಪ್ತ ಸಿನ್ಧ॑ವೋ ವಿತಸ್ಥಿ॒ರೇ ।
ತವ॑ನ್ತಮಿನ್ದ್ರ ತೇ॒ ಗ್ರಹ॑ಮೂ॒ರ್ಜಾ ಗೃ॑ಹ್ಣಾ॒ಮ್ಯಕ್ಷಿ॑ತಂ॒ ಮಯಿ॑ ಗೃಹ್ಣಾ॒ಮ್ಯಕ್ಷಿ॑ತಮ್ ॥ ೨೬ ॥
ಮಯಿ॒ ತ್ಯದಿ॑ನ್ದ್ರಿ॒ಯಂ ಬೃ॒ಹನ್ಮಯಿ॒ ದಕ್ಷೋ॒ ಮಯಿ॒ ಕ್ರತು॑: ।
ಘ॒ರ್ಮಸ್ತ್ರಿ॒ಶುಗ್ವಿ ರಾ॑ಜತಿ ವಿ॒ರಾಜಾ॒ ಜ್ಯೋತಿ॑ಷಾ ಸ॒ಹ ಬ್ರಹ್ಮ॑ಣಾ॒ ತೇಜ॑ಸಾ ಸ॒ಹ ॥ ೨೭ ॥
ಪಯ॑ಸೋ॒ ರೇತ॒ ಆಭೃ॑ತಂ॒ ತಸ್ಯ॒ ದೋಹ॑ಮಶೀಮ॒ಹ್ಯುತ್ತ॑ರಾಮುತ್ತರಾ॒ᳪ ಸಮಾ॑ಮ್ ।
ತ್ವಿಷ॑: ಸಂ॒ವೃಕ್ ಕ್ರತ್ವೇ॒ ದಕ್ಷ॑ಸ್ಯ ತೇ ಸುಷು॒ಮ್ಣಸ್ಯ॑ ತೇ ಸುಷುಮ್ಣಾಗ್ನಿಹು॒ತಃ ।
ಇನ್ದ್ರ॑ಪೀತಸ್ಯ ಪ್ರ॒ಜಾಪ॑ತಿಭಕ್ಷಿತಸ್ಯ॒ ಮಧು॑ಮತ॒ ಉಪ॑ಹೂತ॒ ಉಪ॑ಹೂತಸ್ಯ ಭಕ್ಷಯಾಮಿ ॥ ೨೮ ॥
ಅಧ್ಯಾಯ ೩೯
ಸ್ವಾಹಾ॑ ಪ್ರಾ॒ಣೇಭ್ಯ॒: ಸಾಧಿ॑ಪತಿಕೇಭ್ಯಃ । ಪೃ॒ಥಿ॒ವ್ಯೈ ಸ್ವಾಹಾ॒ ಽಗ್ನಯೇ॒ ಸ್ವಾಹಾ॒ ಽನ್ತರಿ॑ಕ್ಷಾಯ॒ ಸ್ವಾಹಾ॑ ವಾ॒ಯವೇ॒ ಸ್ವಾಹಾ॑ ।
ದಿ॒ವೇ ಸ್ವಾಹಾ॒ ಸೂರ್ಯಾ॑ಯ॒ ಸ್ವಾಹಾ॑ ॥ ೧ ॥
ದಿ॒ಗ್ಭ್ಯಃ ಸ್ವಾಹಾ॑ ಚ॒ನ್ದ್ರಾಯ॒ ಸ್ವಾಹಾ॒ ನಕ್ಷ॑ತ್ರೇಭ್ಯ॒: ಸ್ವಾಹಾ॒ ಽದ್ಭ್ಯಃ ಸ್ವಾಹಾ॒ ವರು॑ಣಾಯ॒ ಸ್ವಾಹಾ॑ ।
ನಾಭ್ಯೈ॒ ಸ್ವಾಹಾ॑ ಪೂ॒ತಾಯ॒ ಸ್ವಾಹಾ॑ ॥ ೨ ॥
ವಾ॒ಚೇ ಸ್ವಾಹಾ॑ ಪ್ರಾ॒ಣಾಯ॒ ಸ್ವಾಹಾ॑ ಪ್ರಾ॒ಣಾಯ॒ ಸ್ವಾಹಾ॑ । ಚಕ್ಷು॑ಷೇ॒ ಸ್ವಾಹಾ॒ ಚಕ್ಷು॑ಷೇ॒ ಸ್ವಾಹಾ॒ ಶ್ರೋತ್ರಾ॑ಯ॒ ಸ್ವಾಹಾ॒
ಶ್ರೋತ್ರಾ॑ಯ॒ ಸ್ವಾಹಾ॑ ॥ ೩ ॥
ಮನ॑ಸ॒: ಕಾಮ॒ಮಾಕೂ॑ತಿಂ ವಾ॒ಚಃ ಸ॒ತ್ಯಮ॑ಶೀಯ । ಪ॒ಶೂ॒ನಾᳪ ರೂ॒ಪಮನ್ನ॑ಸ್ಯ॒ ರಸೋ॒ ಯಶ॒: ಶ್ರೀಃ ಶ್ರ॑ಯತಾಂ॒ ಮಯಿ॒ ಸ್ವಾಹಾ॑ ॥ ೪ ॥
ಪ್ರ॒ಜಾಪ॑ತಿಃ ಸಮ್ಭ್ರಿ॒ಯಮಾ॑ಣಃ ಸ॒ಮ್ರಾಟ್ ಸಮ್ಭೃ॑ತೋ ವೈಶ್ವದೇ॒ವಃ ಸ॑ᳪಸ॒ನ್ನೋ ಘ॒ರ್ಮಃ ಪ್ರವೃ॑ಕ್ತ॒ಸ್ತೇಜ॒ ಉದ್ಯ॑ತ ಆಶ್ವಿ॒ನಃ ಪಯ॑ಸ್ಯಾನೀ॒ಯಮಾ॑ನೇ ಪೌ॒ಷ್ಣೋ ವಿ॑ಷ್ಯ॒ನ್ದಮಾ॑ನೇ ಮಾರು॒ತಃ ಕ್ಲಥ॑ನ್ ।
ಮೈ॒ತ್ರಃ ಶರ॑ಸಿ ಸನ್ತಾ॒ಯ್ಯಮಾ॑ನೇ ವಾಯ॒ವ್ಯೋ॒ ಹ್ರಿ॒ಯಮಾ॑ಣ ಆಗ್ನೇ॒ಯೋ ಹೂ॒ಯಮಾ॑ನೋ॒ ವಾಗ್ಘು॒ತಃ ॥ ೫ ॥
ಸ॒ವಿ॒ತಾ ಪ್ರ॑ಥ॒ಮೇಽಹ॑ನ್ನ॒ಗ್ನಿರ್ದ್ವಿ॒ತೀಯೇ॑ ವಾ॒ಯುಸ್ತೃ॒ತೀಯ॑ ಆದಿ॒ತ್ಯಶ್ಚ॑ತು॒ರ್ಥೇ ಚ॒ನ್ದ್ರಮಾ॑: ಪಞ್ಚ॒ಮ ಋ॒ತುಃ ಷ॒ಷ್ಠೇ ಮ॒ರುತ॑: ಸಪ್ತ॒ಮೇ ಬೃಹ॒ಸ್ಪತಿ॑ರಷ್ಟ॒ಮೇ ।
ಮಿ॒ತ್ರೋ ನ॑ವ॒ಮೇ ವರು॑ಣೋ ದಶ॒ಮ ಇನ್ದ್ರ॑ ಏಕಾದ॒ಶೇ ವಿಶ್ವೇ॑ ದೇ॒ವಾ ದ್ವಾ॑ದ॒ಶೇ ॥ ೬ ॥
ಉ॒ಗ್ರಶ್ಚ॑ ಭೀ॒ಮಶ್ಚ॒ ಧ್ವಾ॒ನ್ತಶ್ಚ॒ ಧುನಿ॑ಶ್ಚ ।
ಸಾ॒ಸ॒ಹ್ವಾಁಶ್ಚಾ॑ಭಿಯು॒ಗ್ವಾ ಚ॑ ವಿ॒ಕ್ಷಿಪ॒: ಸ್ವಾಹಾ॑ ॥ ೭ ॥
ಅ॒ಗ್ನಿᳪ ಹೃದ॑ಯೇನಾ॒ಶನಿ॑ᳪ ಹೃದಯಾ॒ಗ್ರೇಣ॑ ಪಶು॒ಪತಿಂ॑ ಕೃತ್ಸ್ನ॒ಹೃದ॑ಯೇನ ಭ॒ವಂ ಯ॒ಕ್ನಾ ।
ಶ॒ರ್ವಂ ಮತ॑ಸ್ನಾಭ್ಯಾ॒ಮೀಶಾ॑ನಂ ಮ॒ನ್ಯುನಾ॑ ಮಹಾದೇ॒ವಮ॑ನ್ತಃಪರ್ಶ॒ವ್ಯೇನೋ॒ಗ್ರಂ ದೇ॒ವಂ ವ॑ನಿ॒ಷ್ಠುನಾ॑ ವಸಿಷ್ಠ॒ಹನುಃ॒ ಶಿಙ್ಗೀ॑ನಿ ಕೋ॒ಶ್ಯಾಭ್ಯಾ॑ಮ್ ॥ ೮ ॥
ಉ॒ಗ್ರಁಲ್ಲೋಹಿ॑ತೇನ ಮಿ॒ತ್ರᳪ ಸೌ॑ವ್ರತ್ಯೇನ ರು॒ದ್ರಂ ದೌರ್ವ್ರ॑ತ್ಯೇ॒ನೇನ್ದ್ರಂ॑ ಪ್ರಕ್ರೀ॒ಡೇನ॑ ಮ॒ರುತೋ॒ ಬಲೇ॑ನ ಸಾ॒ಧ್ಯಾನ್ ಪ್ರ॒ಮುದಾ॑ । ಭ॒ವಸ್ಯ॒ ಕಣ್ಠ್ಯ॑ᳪ ರು॒ದ್ರಸ್ಯಾ॑ನ್ತಃ ಪಾ॒ರ್ಶ್ವ್ಯಂ ಮ॑ಹಾದೇ॒ವಸ್ಯ॒ ಯಕೃ॑ಚ್ಛ॒ರ್ವಸ್ಯ॑ ವನಿ॒ಷ್ಠುಃ ಪ॑ಶು॒ಪತೇ॑: ಪುರೀ॒ತತ್ ॥ ೯ ॥
ಲೋಮ॑ಭ್ಯ॒: ಸ್ವಾಹಾ॒ ಲೋಮ॑ಭ್ಯ॒: ಸ್ವಾಹಾ॑ ತ್ವ॒ಚೇ ಸ್ವಾಹಾ॑ ತ್ವ॒ಚೇ ಸ್ವಾಹಾ॒ ಲೋಹಿ॑ತಾಯ॒ ಸ್ವಾಹಾ॒ ಲೋಹಿ॑ತಾಯ॒ ಸ್ವಾಹಾ॒ ಮೇದೋ॑ಭ್ಯ॒: ಸ್ವಾಹಾ॒ ಮೇದೋ॑ಭ್ಯ॒: ಸ್ವಾಹಾ॑ ।
ಮಾ॒ᳪಸೇಭ್ಯ॒: ಸ್ವಾಹಾ॑ ಮಾ॒ᳪಸೇಭ್ಯ॒: ಸ್ವಾಹಾ॒ ಸ್ನಾವ॑ಭ್ಯ॒: ಸ್ವಾಹಾ॒ ಸ್ನಾವ॑ಭ್ಯ॒: ಸ್ವಾಹಾ॒ ಽಸ್ಥಭ್ಯ॒: ಸ್ವಾಹಾ॒ ಸ್ಥಭ್ಯ॒: ಸ್ವಾಹಾ॑ ಮ॒ಜ್ಜಭ್ಯ॒: ಸ್ವಾಹಾ॑ ಮ॒ಜ್ಜಭ್ಯ॒: ಸ್ವಾಹಾ॑ ।
ರೇತ॑ಸೇ॒ ಸ್ವಾಹಾ॑ ಪಾ॒ಯವೇ॒ ಸ್ವಾಹಾ॑ ॥ ೧೦ ॥
ಆ॒ಯಾ॒ಸಾಯ॒ ಸ್ವಾಹಾ॑ ಪ್ರಾಯಾ॒ಸಾಯ॒ ಸ್ವಾಹಾ॑ ಸಂಯಾ॒ಸಾಯ॒ ಸ್ವಾಹಾ॑ ವಿಯಾ॒ಸಾಯ॒ ಸ್ವಾಹೋ॑ದ್ಯಾ॒ಸಾಯ॒ ಸ್ವಾಹಾ॑ ।
ಶು॒ಚೇ ಸ್ವಾಹಾ॒ ಶೋಚ॑ತೇ॒ ಸ್ವಾಹಾ॒ ಶೋಚ॑ಮಾನಾಯ॒ ಸ್ವಾಹಾ॒ ಶೋಕಾ॑ಯ॒ ಸ್ವಾಹಾ॑ ॥ ೧೧ ॥
ತಪ॑ಸೇ॒ ಸ್ವಾಹಾ॒ ತಪ್ಯ॑ತೇ॒ ಸ್ವಾಹಾ॒ ತಪ್ಯ॑ಮಾನಾಯ॒ ಸ್ವಾಹಾ॑ ತ॒ಪ್ತಾಯ॒ ಸ್ವಾಹಾ॑ ಘ॒ರ್ಮಾಯ॒ ಸ್ವಾಹಾ॑ ।
ನಿಷ್ಕೃ॑ತ್ಯೈ॒ ಸ್ವಾಹಾ॒ ಪ್ರಾಯ॑ಶ್ಚಿತ್ತ್ಯೈ॒ ಸ್ವಾಹಾ॑ ಭೇಷ॒ಜಾಯ॒ ಸ್ವಾಹಾ॑ ॥ ೧೨ ॥
ಯ॒ಮಾಯ॒ ಸ್ವಾಹಾ ಽನ್ತ॑ಕಾಯ॒ ಸ್ವಾಹಾ॑ ಮೃ॒ತ್ಯವೇ॒ ಸ್ವಾಹಾ॒ ಬ್ರಹ್ಮ॑ಣೇ॒ ಸ್ವಾಹಾ॑ ಬ್ರಹ್ಮಹ॒ತ್ಯಾಯೈ॒ ಸ್ವಾಹಾ॒ ವಿಶ್ವೇ॑ಭ್ಯೋ ದೇ॒ವೇಭ್ಯ॒: ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ᳪ ಸ್ವಾಹಾ॑ ॥೧೩ ॥
ಅಧ್ಯಾಯ ೪೦
ಈ॒ಶಾ ವಾ॒ಸ್ಯ॒ಮಿ॒ದᳪ ಸರ್ವಂ॒ ಯತ್ಕಿಂ ಚ॒ ಜಗ॑ತ್ಯಾಂ॒ ಜಗ॑ತ್ ।
ತೇನ॑ ತ್ಯ॒ಕ್ತೇನ॑ ಭುಞ್ಜೀಥಾ॒ ಮಾ ಗೃ॑ಧ॒: ಕಸ್ಯ॑ ಸ್ವಿ॒ದ್ಧನ॑ಮ್ ॥ ೧ ॥
ಕು॒ರ್ವನ್ನೇ॒ವೇಹ ಕರ್ಮಾ॑ಣಿ ಜಿಜೀವಿ॒ಷೇಚ್ಛ॒ತᳪ ಸಮಾ॑: ।
ಏ॒ವಂ ತ್ವಯಿ॒ ನಾನ್ಯಥೇ॒ತೋ॒ಽಸ್ತಿ॒ ನ ಕರ್ಮ॑ ಲಿಪ್ಯತೇ॒ ನರೇ॑ ॥ ೨ ॥
ಅ॒ಸು॒ರ್ಯಾ ನಾಮ॑ ತೇ ಲೋ॒ಕಾ ಅ॒ನ್ಧೇನ॒ ತಮ॒ಸಾವೃ॑ತಾಃ ।
ತಾಁಸ್ತೇ ಪ್ರೇತ್ಯಾಪಿ॑ ಗಚ್ಛನ್ತಿ॒ ಯೇ ಕೇ ಚಾ॑ತ್ಮ॒ಹನೋ॒ ಜನಾ॑: ॥ ೩ ॥
ಅನೇ॑ಜ॒ದೇಕಂ॒ ಮನ॑ಸೋ॒ ಜವೀ॑ಯೋ ನೈನ॑ದ್ದೇ॒ವಾ ಆ॑ಪ್ನುವ॒ನ್ ಪೂರ್ವ॒ಮರ್ಶ॑ತ್ ।
ತದ್ಧಾವ॑ತೋ॒ಽನ್ಯಾನತ್ಯೇ॑ತಿ॒ ತಿಷ್ಠ॒ತ್ತಸ್ಮಿ॑ನ್ನ॒ಪೋ ಮಾ॑ತ॒ರಿಶ್ವಾ॑ ದಧಾತಿ ॥ ೪ ॥
ತದೇ॑ಜತಿ॒ ತನ್ನೈಜ॑ತಿ॒ ತದ್ದೂ॒॒ರೇ ತದ್ವ॑ನ್ತಿ॒ಕೇ ।
ತದ॒ನ್ತರ॑ಸ್ಯ॒ ಸರ್ವ॑ಸ್ಯ॒ ತದು॒ ಸರ್ವ॑ಸ್ಯಾಸ್ಯ ಬಾಹ್ಯ॒ತಃ ॥ ೫ ॥
ಯಸ್ತು ಸರ್ವಾ॑ಣಿ ಭೂ॒ತಾನ್ಯಾ॒ತ್ಮನ್ನೇ॒ವಾನು॒ಪಶ್ಯ॑ತಿ ।
ಸ॒ರ್ವ॒ಭೂ॒ತೇಷು॑ ಚಾ॒ತ್ಮಾನಂ॒ ತತೋ॒ ನ ವಿ ಚಿ॑ಕಿತ್ಸತಿ ॥ ೬ ॥
ಯಸ್ಮಿ॒ನ್ತ್ಸರ್ವಾ॑ಣಿ ಭೂ॒ತಾನ್ಯಾತ್ಮೈ॒ವಾಭೂ॑ದ್ವಿಜಾನ॒ತಃ ।
ತತ್ರ॒ ಕೋ ಮೋಹ॒: ಕಃ ಶೋಕ॑ ಏಕ॒ತ್ವಮ॑ನು॒ಪಶ್ಯ॑ತಃ ॥ ೭ ॥
ಸ ಪರ್ಯ॑ಗಾಚ್ಛು॒ಕ್ರಮ॑ಕಾ॒ಯಮ॑ವ್ರ॒ಣಮ॑ಸ್ನಾವಿ॒ರᳪ ಶು॒ದ್ಧಮಪಾ॑ಪವಿದ್ಧಮ್ ।
ಕ॒ವಿರ್ಮ॑ನೀ॒ಷೀ ಪ॑ರಿ॒ಭೂಃ ಸ್ವ॑ಯ॒ಮ್ಭೂರ್ಯಾ॑ಥಾತಥ್ಯ॒ತೋಽರ್ಥಾ॒ನ್ ವ್ಯ॒ದಧಾಚ್ಛಾಶ್ವ॒ತೀಭ್ಯ॒: ಸಮಾ॑ಭ್ಯಃ ॥ ೮ ॥
ಅ॒ನ್ಧಂ ತಮ॒: ಪ್ರವಿ॑ಶನ್ತಿ॒ ಯೇಽಸಂ॑ಭೂತಿಮು॒ಪಾಸ॑ತೇ ।
ತತೋ॒ ಭೂಯ॑ ಇವ॒ ತೇ ತಮೋ॒ ಯ ಉ॒ ಸಮ್ಭೂ॑ತ್ಯಾᳪ ರ॒ತಾಃ ॥ ೯ ॥
ಅ॒ನ್ಯದೇ॒ವಾಹುಃ ಸ॑ಮ್ಭ॒ವಾದ॒ನ್ಯದಾ॑ಹು॒ರಸ॑ಮ್ಭವಾತ್ ।
ಇತಿ॑ ಶುಶ್ರುಮ॒ ಧೀರಾ॑ಣಾಂ॒ ಯೇ ನ॒ಸ್ತದ್ವಿ॑ಚಚಕ್ಷಿ॒ರೇ ॥ ೧೦ ॥
ಸಮ್ಭೂ॑ತಿಂ ಚ ವಿನಾ॒ಶಂ ಚ॒ ಯಸ್ತದ್ವೇದೋ॒ಭಯ॑ᳪ ಸ॒ಹ ।
ವಿ॒ನಾ॒ಶೇನ॑ ಮೃ॒ತ್ಯುಂ ತೀ॒ರ್ತ್ವಾ ಸಮ್ಭೂ॑ತ್ಯಾ॒ಮೃತ॑ಮಶ್ನುತೇ ॥ ೧೧ ॥
ಅ॒ನ್ಧಂ ತಮ॒: ಪ್ರವಿ॑ಶನ್ತಿ॒ ಯೇಽವಿ॑ದ್ಯಾಮು॒ಪಾಸ॑ತೇ ।
ತತೋ॒ ಭೂಯ॑ ಇವ॒ ತೇ ತಮೋ॒ ಯ ಉ॑ ವಿ॒ದ್ಯಾಯಾ॑ᳪ ರ॒ತಾಃ ॥ ೧೨ ॥
ಅ॒ನ್ಯದೇ॒ವಾಹುರ್ವಿ॒ದ್ಯಾಯಾ॑ ಅ॒ನ್ಯದಾ॑ಹು॒ರವಿ॑ದ್ಯಾಯಾಃ ।
ಇತಿ॑ ಶುಶ್ರುಮ॒ ಧೀರಾ॑ಣಾಂ॒ ಯೇ ನ॒ಸ್ತದ್ವಿ॑ಚಚಕ್ಷಿ॒ರೇ ॥ ೧೩ ॥
ವಿ॒ದ್ಯಾಂ ಚಾವಿ॑ದ್ಯಾಂ ಚ॒ ಯಸ್ತದ್ವೇದೋ॒ಭಯ॑ᳪ ಸ॒ಹ ।
ಅವಿ॑ದ್ಯಯಾ ಮೃ॒ತ್ಯುಂ ತೀ॒ರ್ತ್ವಾ ವಿ॒ದ್ಯಯಾ॒ಽಮೃತ॑ಮಶ್ನುತೇ ॥ ೧೪ ॥
ವಾ॒ಯುರನಿ॑ಲಮ॒ಮೃತ॒ಮಥೇ॒ದಂ ಭಸ್ಮಾ॑ನ್ತ॒ᳪ ಶರೀ॑ರಮ್ ।
ಓ೩ಮ್ ಕ್ರತೋ॑ ಸ್ಮರ । ಕ್ಲಿ॒ಬೇ ಸ್ಮ॑ರ । ಕೃ॒ತᳪ ಸ್ಮ॑ರ ॥ ೧೫ ॥
ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ ।
ಯು॒ಯೋ॒ಧ್ಯಸ್ಮಜ್ಜು॑ಹುರಾ॒ಣಮೇನೋ॒ ಭುಯಿ॑ಷ್ಠಾಂ ತೇ॒ ನಮ॑ ಉಕ್ತಿಂ ವಿಧೇಮ ॥ ೧೬ ॥
ಹಿ॒ರ॒ಣ್ಮಯೇ॑ನ॒ ಪಾತ್ರೇ॑ಣ ಸ॒ತ್ಯಸ್ಯಾಪಿ॑ಹಿತಂ॒ ಮುಖ॑ಮ್ । ಯೋ॒ಽಸಾವಾ॑ದಿ॒ತ್ಯೇ ಪುರು॑ಷ॒: ಸೋಽಸಾವ॒ಹಮ್ ।
ಓ೩ಮ್ ಖಂ ಬ್ರಹ್ಮ॑ ॥ ೧೭ ॥