|| ಶ್ರೀ ಗುರುಭ್ಯೋ ನಮಃ ||

|| ಅಥ ಋಗ್ವೇದ ಮಂಡಲಮ್-೧ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ ಹರಿಃ ಓಂ ||

(1-9) ಅಗ್ನಿಮೀಳೇ ಇತಿ ನವರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಅ॒ಗ್ನಿಮೀ᳚ಳೇ ಪು॒ರೋಹಿ॑ತಂ ಯ॒ಜ್ಞಸ್ಯ॑ ದೇ॒ವಮೃ॒ತ್ವಿಜ‌ಮ್᳚ | 
ಹೋತಾ᳚ರಂ ರತ್ನ॒ಧಾತ॑ಮ‌ಮ್ || 1.1.1
ಅ॒ಗ್ನಿಃ ಪೂರ್ವೇ᳚ಭಿ॒ರ್‌ಋಷಿ॑ಭಿ॒ರೀಡ್ಯೋ॒ ನೂತ॑ನೈರು॒ತ |
ಸ ದೇ॒ವಾಁ ಏಹ ವ॑ಕ್ಷತಿ || 1.1.2
ಅ॒ಗ್ನಿನಾ᳚ ರ॒ಯಿಮ॑ಶ್ನವ॒ತ್ ಪೋಷ॑ಮೇ॒ವ ದಿ॒ವೇದಿ॑ವೇ |
ಯ॒ಶಸಂ᳚ ವೀ॒ರವ॑ತ್ತಮ‌ಮ್ || 1.1.3
ಅಗ್ನೇ॒ ಯಂ ಯ॒ಜ್ಞಮ॑ಧ್ವ॒ರಂ ವಿ॒ಶ್ವತಃ॑ ಪರಿ॒ಭೂರಸಿ॑ |
ಸ ಇದ್ದೇ॒ವೇಷು॑ ಗಚ್ಛತಿ || 1.1.4
ಅ॒ಗ್ನಿರ್ಹೋತಾ᳚ ಕ॒ವಿಕ್ರ॑ತುಃ ಸ॒ತ್ಯಶ್ಚಿ॒ತ್ರಶ್ರ॑ವಸ್ತಮಃ |
ದೇ॒ವೋ ದೇ॒ವೇಭಿ॒ರಾ ಗ॑ಮತ್ || 1.1.5
ಯದಂ॒ಗ ದಾ॒ಶುಷೇ॒ ತ್ವಮಗ್ನೇ᳚ ಭ॒ದ್ರಂ ಕ॑ರಿ॒ಷ್ಯಸಿ॑ |
ತವೇತ್ತತ್ ಸ॒ತ್ಯಮಂ᳚ಗಿರಃ || 1.1.6
ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ᳚ವಸ್ತರ್ಧಿ॒ಯಾ ವ॒ಯ‌ಮ್ |
ನಮೋ॒ ಭರ᳚‌ನ್ತ॒ ಏಮ॑ಸಿ || 1.1.7
ರಾಜ᳚‌ನ್ತಮಧ್ವ॒ರಾಣಾಂ᳚ ಗೋ॒ಪಾಮೃ॒ತಸ್ಯ॒ ದೀದಿ॑ವಿ‌ಮ್ |
ವರ್ಧ॑ಮಾನಂ॒ ಸ್ವೇ ದಮೇ᳚ || 1.1.8
ಸ ನಃ॑ ಪಿ॒ತೇವ॑ ಸೂ॒ನವೇಽಗ್ನೇ᳚ ಸೂಪಾಯ॒ನೋ ಭ॑ವ |
ಸಚ॑ಸ್ವಾ ನಃ ಸ್ವ॒ಸ್ತಯೇ᳚ || 1.1.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ (1-3) ಆದ್ಯತೃಚಸ್ಯ ವಾಯುಃ (4-6) ದ್ವಿತೀಯತೃಚಸ್ಯೇಂದ್ರವಾಯೂ (7-9) ತೃತೀಯತೃಚಸ್ಯ ಚ ಮಿತ್ರಾವರುಣೌ ದೇವತಾಃ ಗಾಯತ್ರೀ ಛಂದಃ

ವಾಯ॒ವಾ ಯಾ᳚ಹಿ ದರ್ಶತೇ॒ಮೇ ಸೋಮಾ॒ ಅರಂ᳚ಕೃತಾಃ |
ತೇಷಾಂ᳚ ಪಾಹಿ ಶ್ರು॒ಧೀ ಹವ‌ಮ್᳚ || 1.2.1
ವಾಯ॑ ಉ॒ಕ್ಥೇಭಿ॑ರ್ಜರ‌ನ್ತೇ॒ ತ್ವಾಮಚ್ಛಾ᳚ ಜರಿ॒ತಾರಃ॑ |
ಸು॒ತಸೋ᳚ಮಾ ಅಹ॒ರ್ವಿದಃ॑ || 1.2.2
ವಾಯೋ॒ ತವ॑ ಪ್ರಪೃಂಚ॒ತೀ ಧೇನಾ᳚ ಜಿಗಾತಿ ದಾ॒ಶುಷೇ᳚ |
ಉ॒ರೂ॒ಚೀ ಸೋಮ॑ಪೀತಯೇ || 1.2.3
ಇಂದ್ರ॑ವಾಯೂ ಇ॒ಮೇ ಸು॒ತಾ ಉಪ॒ ಪ್ರಯೋ᳚ಭಿ॒ರಾ ಗ॑ತ‌ಮ್ |
ಇಂದ॑ವೋ ವಾಮು॒ಶ‌ನ್ತಿ॒ ಹಿ || 1.2.4
ವಾಯ॒ವಿಂದ್ರ॑ಶ್ಚ ಚೇತಥಃ ಸು॒ತಾನಾಂ᳚ ವಾಜಿನೀವಸೂ |
ತಾವಾ ಯಾ᳚ತ॒ಮುಪ॑ ದ್ರ॒ವತ್ || 1.2.5
ವಾಯ॒ವಿಂದ್ರ॑ಶ್ಚ ಸುನ್ವ॒ತ ಆ ಯಾ᳚ತ॒ಮುಪ॑ ನಿಷ್ಕೃ॒ತ‌ಮ್ |
ಮ॒ಕ್ಷ್ವಿ1॒॑ತ್ಥಾ ಧಿ॒ಯಾ ನ॑ರಾ || 1.2.6
ಮಿ॒ತ್ರಂ ಹು॑ವೇ ಪೂ॒ತದ॑ಕ್ಷಂ॒ ವರು॑ಣಂ ಚ ರಿ॒ಶಾದ॑ಸ‌ಮ್ |
ಧಿಯಂ᳚ ಘೃ॒ತಾಚೀಂ॒ ಸಾಧ᳚‌ನ್ತಾ || 1.2.7
ಋ॒ತೇನ॑ ಮಿತ್ರಾವರುಣಾವೃತಾವೃಧಾವೃತಸ್ಪೃಶಾ |
ಕ್ರತುಂ᳚ ಬೃ॒ಹ‌ನ್ತ॑ಮಾಶಾಥೇ || 1.2.8
ಕ॒ವೀ ನೋ᳚ ಮಿ॒ತ್ರಾವರು॑ಣಾ ತುವಿಜಾ॒ತಾ ಉ॑ರು॒ಕ್ಷಯಾ᳚ |
ದಕ್ಷಂ᳚ ದಧಾತೇ ಅ॒ಪಸ‌ಮ್᳚ || 1.2.9

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ (1-3) ಪ್ರಾದ್ಯತೃಚಸ್ಯಾಶ್ವಿನೌ (4-6) ದ್ವಿತೀಯತೃಚಸ್ಯೇಂದ್ರಃ (7-9) ತೃತೀಯತೃಚಸ್ಯ ವಿಶ್ವೇ ದೇವಾಃ (10-12) ಚತುಥರ್ತ್ರಚಸ್ಯ ಚ ಸರಸ್ವತೀ ದೇವತಾಃ ಗಾಯತ್ರೀ ಛಂದಃ

ಅಶ್ವಿ॑ನಾ॒ ಯಜ್ವ॑ರೀ॒ರಿಷೋ॒ ದ್ರವ॑ತ್ಪಾಣೀ॒ ಶುಭ॑ಸ್ಪತೀ |
ಪುರು॑ಭುಜಾ ಚನ॒ಸ್ಯತ‌ಮ್᳚ || 1.3.1
ಅಶ್ವಿ॑ನಾ॒ ಪುರು॑ದಂಸಸಾ॒ ನರಾ॒ ಶವೀ᳚ರಯಾ ಧಿ॒ಯಾ |
ಧಿಷ್ಣ್ಯಾ॒ ವನ॑ತಂ॒ ಗಿರಃ॑ || 1.3.2
ದಸ್ರಾ᳚ ಯು॒ವಾಕ॑ವಃ ಸು॒ತಾ ನಾಸ॑ತ್ಯಾ ವೃ॒ಕ್ತಬ॑ರ್ಹಿಷಃ |
ಆ ಯಾ᳚ತಂ ರುದ್ರವರ್ತನೀ || 1.3.3
ಇಂದ್ರಾ ಯಾ᳚ಹಿ ಚಿತ್ರಭಾನೋ ಸು॒ತಾ ಇ॒ಮೇ ತ್ವಾ॒ಯವಃ॑ |
ಅಣ್ವೀ᳚ಭಿ॒ಸ್ತನಾ᳚ ಪೂ॒ತಾಸಃ॑ || 1.3.4
ಇಂದ್ರಾ ಯಾ᳚ಹಿ ಧಿ॒ಯೇಷಿ॒ತೋ ವಿಪ್ರ॑ಜೂತಃ ಸು॒ತಾವ॑ತಃ |
ಉಪ॒ ಬ್ರಹ್ಮಾ᳚ಣಿ ವಾ॒ಘತಃ॑ || 1.3.5
ಇಂದ್ರಾ ಯಾ᳚ಹಿ॒ ತೂತು॑ಜಾನ॒ ಉಪ॒ ಬ್ರಹ್ಮಾ᳚ಣಿ ಹರಿವಃ |
ಸು॒ತೇ ದ॑ಧಿಷ್ವ ನ॒ಶ್ಚನಃ॑ || 1.3.6
ಓಮಾ᳚ಸಶ್ಚರ್ಷಣೀಧೃತೋ॒ ವಿಶ್ವೇ᳚ ದೇವಾಸ॒ ಆ ಗ॑ತ |
ದಾ॒ಶ್ವಾಂಸೋ᳚ ದಾ॒ಶುಷಃ॑ ಸು॒ತ‌ಮ್ || 1.3.7
ವಿಶ್ವೇ᳚ ದೇ॒ವಾಸೋ᳚ ಅ॒ಪ್ತುರಃ॑ ಸು॒ತಮಾ ಗ᳚‌ನ್ತ॒ ತೂರ್ಣ॑ಯಃ |
ಉ॒ಸ್ರಾ ಇ॑ವ॒ ಸ್ವಸ॑ರಾಣಿ || 1.3.8
ವಿಶ್ವೇ᳚ ದೇ॒ವಾಸೋ᳚ ಅ॒ಸ್ರಿಧ॒ ಏಹಿ॑ಮಾಯಾಸೋ ಅ॒ದ್ರುಹಃ॑ |
ಮೇಧಂ᳚ ಜುಷ‌ನ್ತ॒ ವಹ್ನ॑ಯಃ || 1.3.9
ಪಾ॒ವ॒ಕಾ ನಃ॒ ಸರ॑ಸ್ವತೀ॒ ವಾಜೇ᳚ಭಿರ್ವಾ॒ಜಿನೀ᳚ವತೀ |
ಯ॒ಜ್ಞಂ ವ॑ಷ್ಟು ಧಿ॒ಯಾವ॑ಸುಃ || 1.3.10
ಚೋ॒ದ॒ಯಿ॒ತ್ರೀ ಸೂ॒ನೃತಾ᳚ನಾಂ॒ ಚೇತ᳚‌ನ್ತೀ ಸುಮತೀ॒ನಾ‌ಮ್ |
ಯ॒ಜ್ಞಂ ದ॑ಧೇ॒ ಸರ॑ಸ್ವತೀ || 1.3.11
ಮ॒ಹೋ ಅರ್ಣಃ॒ ಸರ॑ಸ್ವತೀ॒ ಪ್ರ ಚೇ᳚ತಯತಿ ಕೇ॒ತುನಾ᳚ |
ಧಿಯೋ॒ ವಿಶ್ವಾ॒ ವಿ ರಾ᳚ಜತಿ || 1.3.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಇಂದ್ರೋ ದೇವತಾ ಗಾಯತ್ರೀ ಛಂದಃ

ಸು॒ರೂ॒ಪ॒ಕೃ॒ತ್ನುಮೂ॒ತಯೇ᳚ ಸು॒ದುಘಾ᳚ಮಿವ ಗೋ॒ದುಹೇ᳚ |
ಜು॒ಹೂ॒ಮಸಿ॒ ದ್ಯವಿ॑ದ್ಯವಿ || 1.4.1
ಉಪ॑ ನಃ॒ ಸವ॒ನಾ ಗ॑ಹಿ॒ ಸೋಮ॑ಸ್ಯ ಸೋಮಪಾಃ ಪಿಬ |
ಗೋ॒ದಾ ಇದ್ರೇ॒ವತೋ॒ ಮದಃ॑ || 1.4.2
ಅಥಾ᳚ ತೇ॒ ಅ‌ನ್ತ॑ಮಾನಾಂ ವಿ॒ದ್ಯಾಮ॑ ಸುಮತೀ॒ನಾ‌ಮ್ |
ಮಾ ನೋ॒ ಅತಿ॑ ಖ್ಯ॒ ಆ ಗ॑ಹಿ || 1.4.3
ಪರೇ᳚ಹಿ॒ ವಿಗ್ರ॒ಮಸ್ತೃ॑ತ॒ಮಿಂದ್ರಂ᳚ ಪೃಚ್ಛಾ ವಿಪ॒ಶ್ಚಿತ‌ಮ್᳚ |
ಯಸ್ತೇ॒ ಸಖಿ॑ಭ್ಯ॒ ಆ ವರ‌ಮ್᳚ || 1.4.4
ಉ॒ತ ಬ್ರು॑ವ‌ನ್ತು ನೋ॒ ನಿದೋ॒ ನಿರ॒ನ್ಯತ॑ಶ್ಚಿದಾರತ |
ದಧಾ᳚ನಾ॒ ಇಂದ್ರ॒ ಇದ್ದುವಃ॑ || 1.4.5
ಉ॒ತ ನಃ॑ ಸು॒ಭಗಾಁ᳚ ಅ॒ರಿರ್ವೋ॒ಚೇಯು॑ರ್ದಸ್ಮ ಕೃ॒ಷ್ಟಯಃ॑ |
ಸ್ಯಾಮೇದಿಂದ್ರ॑ಸ್ಯ॒ ಶರ್ಮ॑ಣಿ || 1.4.6
ಏಮಾ॒ಶುಮಾ॒ಶವೇ᳚ ಭರ ಯಜ್ಞ॒ಶ್ರಿಯಂ᳚ ನೃ॒ಮಾದ॑ನ‌ಮ್ |
ಪ॒ತ॒ಯನ್ಮಂ᳚ದ॒ಯತ್ಸ॑ಖ‌ಮ್ || 1.4.7
ಅ॒ಸ್ಯ ಪೀ॒ತ್ವಾ ಶ॑ತಕ್ರತೋ ಘ॒ನೋ ವೃ॒ತ್ರಾಣಾ᳚ಮಭವಃ |
ಪ್ರಾವೋ॒ ವಾಜೇ᳚ಷು ವಾ॒ಜಿನ‌ಮ್᳚ || 1.4.8
ತಂ ತ್ವಾ॒ ವಾಜೇ᳚ಷು ವಾ॒ಜಿನಂ᳚ ವಾ॒ಜಯಾ᳚ಮಃ ಶತಕ್ರತೋ |
ಧನಾ᳚ನಾಮಿಂದ್ರ ಸಾ॒ತಯೇ᳚ || 1.4.9
ಯೋ ರಾ॒ಯೋ॒3॒॑ಽವನಿ᳚ರ್ಮ॒ಹಾ‌‌ನ್ತ್ಸು॑ಪಾ॒ರಃ ಸು᳚ನ್ವ॒ತಃ ಸಖಾ᳚ |
ತಸ್ಮಾ॒ ಇಂದ್ರಾ᳚ಯ ಗಾಯತ || 1.4.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಇಂದ್ರೋ ದೇವತಾ ಗಾಯತ್ರೀ ಛಂದಃ

ಆ ತ್ವೇತಾ॒ ನಿ ಷೀ᳚ದ॒ತೇಂದ್ರ॑ಮ॒ಭಿ ಪ್ರ ಗಾ᳚ಯತ |
ಸಖಾ᳚ಯಃ॒ ಸ್ತೋಮ॑ವಾಹಸಃ || 1.5.1
ಪು॒ರೂ॒ತಮಂ᳚ ಪುರೂ॒ಣಾಮೀಶಾ᳚ನಂ॒ ವಾರ್ಯಾ᳚ಣಾ‌ಮ್ |
ಇಂದ್ರಂ॒ ಸೋಮೇ॒ ಸಚಾ᳚ ಸು॒ತೇ || 1.5.2
ಸ ಘಾ᳚ ನೋ॒ ಯೋಗ॒ ಆ ಭು॑ವ॒ತ್ಸ ರಾ॒ಯೇ ಸ ಪುರಂ᳚ಧ್ಯಾ‌ಮ್ |
ಗಮ॒ದ್ ವಾಜೇ᳚ಭಿ॒ರಾ ಸ ನಃ॑ || 1.5.3
ಯಸ್ಯ॑ ಸಂ॒ಸ್ಥೇ ನ ವೃ॒ಣ್ವತೇ॒ ಹರೀ᳚ ಸ॒ಮತ್ಸು॒ ಶತ್ರ॑ವಃ |
ತಸ್ಮಾ॒ ಇಂದ್ರಾ᳚ಯ ಗಾಯತ || 1.5.4
ಸು॒ತ॒ಪಾವ್ನೇ᳚ ಸು॒ತಾ ಇ॒ಮೇ ಶುಚ॑ಯೋ ಯ‌ನ್ತಿ ವೀ॒ತಯೇ᳚ |
ಸೋಮಾ᳚ಸೋ॒ ದಧ್ಯಾ᳚ಶಿರಃ || 1.5.5
ತ್ವಂ ಸು॒ತಸ್ಯ॑ ಪೀ॒ತಯೇ᳚ ಸ॒ದ್ಯೋ ವೃ॒ದ್ಧೋ ಅ॑ಜಾಯಥಾಃ |
ಇಂದ್ರ॒ ಜ್ಯೈಷ್ಠ್ಯಾ᳚ಯ ಸುಕ್ರತೋ || 1.5.6
ಆ ತ್ವಾ᳚ ವಿಶ‌ನ್ತ್ವಾ॒ಶವಃ॒ ಸೋಮಾ᳚ಸ ಇಂದ್ರ ಗಿರ್ವಣಃ |
ಶಂ ತೇ᳚ ಸ‌ನ್ತು॒ ಪ್ರಚೇ᳚ತಸೇ || 1.5.7
ತ್ವಾಂ ಸ್ತೋಮಾ᳚ ಅವೀವೃಧ॒ನ್ ತ್ವಾಮು॒ಕ್ಥಾ ಶ॑ತಕ್ರತೋ |
ತ್ವಾಂ ವ॑ರ್ಧ‌ನ್ತು ನೋ॒ ಗಿರಃ॑ || 1.5.8
ಅಕ್ಷಿ॑ತೋತಿಃ ಸನೇದಿ॒ಮಂ ವಾಜ॒ಮಿಂದ್ರಃ॑ ಸಹ॒ಸ್ರಿಣ‌ಮ್᳚ |
ಯಸ್ಮಿ॒ನ್ ವಿಶ್ವಾ᳚ನಿ॒ ಪೌಂಸ್ಯಾ᳚ || 1.5.9
ಮಾ ನೋ॒ ಮರ್ತಾ᳚ ಅ॒ಭಿ ದ್ರು॑ಹನ್ ತ॒ನೂನಾ᳚ಮಿಂದ್ರ ಗಿರ್ವಣಃ |
ಈಶಾ᳚ನೋ ಯವಯಾ ವ॒ಧ‌ಮ್ || 1.5.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ (1-3, 10) ಆದ್ಯಾನಾಂ ತಿಸೃಣಾಂ ದಶಮ್ಯಾಶ್ಚೇಂದ್ರಃ (4-9) ಚತುರ್ಥೀತಃ ಷಣ್ಣಾಂ ಮರುತಃ, ತತ್ರಾಪಿ (5, 7) ಪಂಚಮೀಸಪ್ತಮ್ಯೋಶ್ಚೇಂದ್ರೋ ದೇವತಾಃ ಗಾಯತ್ರೀ ಛಂದಃ

ಯುಂ॒ಜ‌ನ್ತಿ॑ ಬ್ರ॒ಧ್ನಮ॑ರು॒ಷಂ ಚರ᳚‌ನ್ತಂ॒ ಪರಿ॑ ತ॒ಸ್ಥುಷಃ॑ |
ರೋಚ᳚‌ನ್ತೇ ರೋಚ॒ನಾ ದಿ॒ವಿ || 1.6.1
ಯುಂ॒ಜ‌ನ್ತ್ಯ॑ಸ್ಯ॒ ಕಾಮ್ಯಾ॒ ಹರೀ॒ ವಿಪ॑ಕ್ಷಸಾ॒ ರಥೇ᳚ |
ಶೋಣಾ᳚ ಧೃ॒ಷ್ಣೂ ನೃ॒ವಾಹ॑ಸಾ || 1.6.2
ಕೇ॒ತುಂ ಕೃ॒ಣ್ವನ್ನ॑ಕೇ॒ತವೇ॒ ಪೇಶೋ᳚ ಮರ್ಯಾ ಅಪೇ॒ಶಸೇ᳚ |
ಸಮು॒ಷದ್ಭಿ॑ರಜಾಯಥಾಃ || 1.6.3
ಆದಹ॑ ಸ್ವ॒ಧಾಮನು॒ ಪುನ॑ರ್ಗರ್ಭ॒ತ್ವಮೇ᳚ರಿ॒ರೇ |
ದಧಾ᳚ನಾ॒ ನಾಮ॑ ಯ॒ಜ್ಞಿಯ‌ಮ್᳚ || 1.6.4
ವೀ॒ಳು ಚಿ॑ದಾರುಜ॒ತ್ನುಭಿ॒ರ್ಗುಹಾ᳚ ಚಿದಿಂದ್ರ॒ ವಹ್ನಿ॑ಭಿಃ |
ಅವಿಂ᳚ದ ಉ॒ಸ್ರಿಯಾ॒ ಅನು॑ || 1.6.5
ದೇ॒ವ॒ಯ‌ನ್ತೋ॒ ಯಥಾ᳚ ಮ॒ತಿಮಚ್ಛಾ᳚ ವಿ॒ದದ್ವ॑ಸುಂ॒ ಗಿರಃ॑ |
ಮ॒ಹಾಮ॑ನೂಷತ ಶ್ರು॒ತ‌ಮ್ || 1.6.6
ಇಂದ್ರೇ᳚ಣ॒ ಸಂ ಹಿ ದೃಕ್ಷ॑ಸೇ ಸಂಜಗ್ಮಾ॒ನೋ ಅಬಿ॑ಭ್ಯುಷಾ |
ಮಂ॒ದೂ ಸ॑ಮಾ॒ನವ॑ರ್ಚಸಾ || 1.6.7
ಅ॒ನ॒ವ॒ದ್ಯೈರ॒ಭಿದ್ಯು॑ಭಿರ್ಮ॒ಖಃ ಸಹ॑ಸ್ವದರ್ಚತಿ |
ಗ॒ಣೈರಿಂದ್ರ॑ಸ್ಯ॒ ಕಾಮ್ಯೈಃ᳚ || 1.6.8
ಅತಃ॑ ಪರಿಜ್ಮ॒ನ್ನಾ ಗ॑ಹಿ ದಿ॒ವೋ ವಾ᳚ ರೋಚ॒ನಾದಧಿ॑ |
ಸಮ॑ಸ್ಮಿನ್ನೃಂಜತೇ॒ ಗಿರಃ॑ || 1.6.9
ಇ॒ತೋ ವಾ᳚ ಸಾ॒ತಿಮೀಮ॑ಹೇ ದಿ॒ವೋ ವಾ॒ ಪಾರ್ಥಿ॑ವಾ॒ದಧಿ॑ |
ಇಂದ್ರಂ᳚ ಮ॒ಹೋ ವಾ॒ ರಜ॑ಸಃ || 1.6.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಇಂದ್ರೋ ದೇವತಾ ಗಾಯತ್ರೀ ಛಂದಃ

ಇಂದ್ರ॒ಮಿದ್ ಗಾ॒ಥಿನೋ᳚ ಬೃ॒ಹದಿಂದ್ರ॑ಮ॒ರ್ಕೇಭಿ॑ರ॒ರ್ಕಿಣಃ॑ |
ಇಂದ್ರಂ॒ ವಾಣೀ᳚ರನೂಷತ || 1.7.1
ಇಂದ್ರ॒ ಇದ್ಧರ್ಯೋಃ॒ ಸಚಾ॒ ಸಮ್ಮಿ॑ಶ್ಲ॒ ಆ ವ॑ಚೋ॒ಯುಜಾ᳚ |
ಇಂದ್ರೋ᳚ ವ॒ಜ್ರೀ ಹಿ॑ರ॒ಣ್ಯಯಃ॑ || 1.7.2
ಇಂದ್ರೋ᳚ ದೀ॒ರ್ಘಾಯ॒ ಚಕ್ಷ॑ಸ॒ ಆ ಸೂರ್ಯಂ᳚ ರೋಹಯದ್ದಿ॒ವಿ |
ವಿ ಗೋಭಿ॒ರದ್ರಿ॑ಮೈರಯತ್ || 1.7.3
ಇಂದ್ರ॒ ವಾಜೇ᳚ಷು ನೋಽವ ಸ॒ಹಸ್ರ॑ಪ್ರಧನೇಷು ಚ |
ಉ॒ಗ್ರ ಉ॒ಗ್ರಾಭಿ॑ರೂ॒ತಿಭಿಃ॑ || 1.7.4
ಇಂದ್ರಂ᳚ ವ॒ಯಂ ಮ॑ಹಾಧ॒ನ ಇಂದ್ರ॒ಮರ್ಭೇ᳚ ಹವಾಮಹೇ |
ಯುಜಂ᳚ ವೃ॒ತ್ರೇಷು॑ ವ॒ಜ್ರಿಣ‌ಮ್᳚ || 1.7.5
ಸ ನೋ᳚ ವೃಷನ್ನ॒ಮುಂ ಚ॒ರುಂ ಸತ್ರಾ᳚ದಾವ॒ನ್ನಪಾ᳚ ವೃಧಿ |
ಅ॒ಸ್ಮಭ್ಯ॒ಮಪ್ರ॑ತಿಷ್ಕುತಃ || 1.7.6
ತುಂ॒ಜೇತುಂ᳚ಜೇ॒ ಯ ಉತ್ತ॑ರೇ॒ ಸ್ತೋಮಾ॒ ಇಂದ್ರ॑ಸ್ಯ ವ॒ಜ್ರಿಣಃ॑ |
ನ ವಿಂ᳚ಧೇ ಅಸ್ಯ ಸುಷ್ಟು॒ತಿ‌ಮ್ || 1.7.7
ವೃಷಾ᳚ ಯೂ॒ಥೇವ॒ ವಂಸ॑ಗಃ ಕೃ॒ಷ್ಟೀರಿ॑ಯ॒ರ್ತ್ಯೋಜ॑ಸಾ |
ಈಶಾ᳚ನೋ॒ ಅಪ್ರ॑ತಿಷ್ಕುತಃ || 1.7.8
ಯ ಏಕ॑ಶ್ಚರ್ಷಣೀ॒ನಾಂ ವಸೂ᳚ನಾಮಿರ॒ಜ್ಯತಿ॑ |
ಇಂದ್ರಃ॒ ಪಂಚ॑ ಕ್ಷಿತೀ॒ನಾ‌ಮ್ || 1.7.9
ಇಂದ್ರಂ᳚ ವೋ ವಿ॒ಶ್ವತ॒ಸ್ಪರಿ॒ ಹವಾ᳚ಮಹೇ॒ ಜನೇ᳚ಭ್ಯಃ |
ಅ॒ಸ್ಮಾಕ॑ಮಸ್ತು॒ ಕೇವ॑ಲಃ || 1.7.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಇಂದ್ರೋ ದೇವತಾ ಗಾಯತ್ರೀ ಛಂದಃ

ಏಂದ್ರ॑ ಸಾನ॒ಸಿಂ ರ॒ಯಿಂ ಸ॒ಜಿತ್ವಾ᳚ನಂ ಸದಾ॒ಸಹ‌ಮ್᳚ |
ವರ್ಷಿ॑ಷ್ಠಮೂ॒ತಯೇ᳚ ಭರ || 1.8.1
ನಿ ಯೇನ॑ ಮುಷ್ಟಿಹ॒ತ್ಯಯಾ॒ ನಿ ವೃ॒ತ್ರಾ ರು॒ಣಧಾ᳚ಮಹೈ |
ತ್ವೋತಾ᳚ಸೋ॒ ನ್ಯರ್ವ॑ತಾ || 1.8.2
ಇಂದ್ರ॒ ತ್ವೋತಾ᳚ಸ॒ ಆ ವ॒ಯಂ ವಜ್ರಂ᳚ ಘ॒ನಾ ದ॑ದೀಮಹಿ |
ಜಯೇ᳚ಮ॒ ಸಂ ಯು॒ಧಿ ಸ್ಪೃಧಃ॑ || 1.8.3
ವ॒ಯಂ ಶೂರೇ᳚ಭಿ॒ರಸ್ತೃ॑ಭಿ॒ರಿಂದ್ರ॒ ತ್ವಯಾ᳚ ಯು॒ಜಾ ವ॒ಯ‌ಮ್ |
ಸಾ॒ಸ॒ಹ್ಯಾಮ॑ ಪೃತನ್ಯ॒ತಃ || 1.8.4
ಮ॒ಹಾಁ ಇಂದ್ರಃ॑ ಪ॒ರಶ್ಚ॒ ನು ಮ॑ಹಿ॒ತ್ವಮ॑ಸ್ತು ವ॒ಜ್ರಿಣೇ᳚ |
ದ್ಯೌರ್ನ ಪ್ರ॑ಥಿ॒ನಾ ಶವಃ॑ || 1.8.5
ಸ॒ಮೋ॒ಹೇ ವಾ॒ ಯ ಆಶ॑ತ॒ ನರ॑ಸ್ತೋ॒ಕಸ್ಯ॒ ಸನಿ॑ತೌ |
ವಿಪ್ರಾ᳚ಸೋ ವಾ ಧಿಯಾ॒ಯವಃ॑ || 1.8.6
ಯಃ ಕು॒ಕ್ಷಿಃ ಸೋ᳚ಮ॒ಪಾತ॑ಮಃ ಸಮು॒ದ್ರ ಇ॑ವ॒ ಪಿನ್ವ॑ತೇ |
ಉ॒ರ್ವೀರಾಪೋ॒ ನ ಕಾ॒ಕುದಃ॑ || 1.8.7
ಏ॒ವಾ ಹ್ಯ॑ಸ್ಯ ಸೂ॒ನೃತಾ᳚ ವಿರ॒ಪ್ಶೀ ಗೋಮ॑ತೀ ಮ॒ಹೀ |
ಪ॒ಕ್ವಾ ಶಾಖಾ॒ ನ ದಾ॒ಶುಷೇ᳚ || 1.8.8
ಏ॒ವಾ ಹಿ ತೇ॒ ವಿಭೂ᳚ತಯ ಊ॒ತಯ॑ ಇಂದ್ರ॒ ಮಾವ॑ತೇ |
ಸ॒ದ್ಯಶ್ಚಿ॒ತ್ ಸ‌ನ್ತಿ॑ ದಾ॒ಶುಷೇ᳚ || 1.8.9
ಏ॒ವಾ ಹ್ಯ॑ಸ್ಯ॒ ಕಾಮ್ಯಾ॒ ಸ್ತೋಮ॑ ಉ॒ಕ್ಥಂ ಚ॒ ಶಂಸ್ಯಾ᳚ |
ಇಂದ್ರಾ᳚ಯ॒ ಸೋಮ॑ಪೀತಯೇ || 1.8.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಇಂದ್ರೋ ದೇವತಾ ಗಾಯತ್ರೀ ಛಂದಃ

ಇಂದ್ರೇಹಿ॒ ಮತ್ಸ್ಯಂಧ॑ಸೋ॒ ವಿಶ್ವೇ᳚ಭಿಃ ಸೋಮ॒ಪರ್ವ॑ಭಿಃ |
ಮ॒ಹಾಁ ಅ॑ಭಿ॒ಷ್ಟಿರೋಜ॑ಸಾ || 1.9.1
ಏಮೇ᳚ನಂ ಸೃಜತಾ ಸು॒ತೇ ಮಂ॒ದಿಮಿಂದ್ರಾ᳚ಯ ಮಂ॒ದಿನೇ᳚ |
ಚಕ್ರಿಂ॒ ವಿಶ್ವಾ᳚ನಿ॒ ಚಕ್ರ॑ಯೇ || 1.9.2
ಮತ್ಸ್ವಾ᳚ ಸುಶಿಪ್ರ ಮಂ॒ದಿಭಿಃ॒ ಸ್ತೋಮೇ᳚ಭಿರ್ವಿಶ್ವಚರ್ಷಣೇ |
ಸಚೈ॒ಷು ಸವ॑ನೇ॒ಷ್ವಾ || 1.9.3
ಅಸೃ॑ಗ್ರಮಿಂದ್ರ ತೇ॒ ಗಿರಃ॒ ಪ್ರತಿ॒ ತ್ವಾಮುದ॑ಹಾಸತ |
ಅಜೋ᳚ಷಾ ವೃಷ॒ಭಂ ಪತಿ‌ಮ್᳚ || 1.9.4
ಸಂ ಚೋ᳚ದಯ ಚಿ॒ತ್ರಮ॒ರ್ವಾಗ್ರಾಧ॑ ಇಂದ್ರ॒ ವರೇ᳚ಣ್ಯ‌ಮ್ |
ಅಸ॒ದಿತ್ತೇ᳚ ವಿ॒ಭು ಪ್ರ॒ಭು || 1.9.5
ಅ॒ಸ್ಮಾ‌‌ನ್ತ್ಸು ತತ್ರ॑ ಚೋದ॒ಯೇಂದ್ರ॑ ರಾ॒ಯೇ ರಭ॑ಸ್ವತಃ |
ತುವಿ॑ದ್ಯುಮ್ನ॒ ಯಶ॑ಸ್ವತಃ || 1.9.6
ಸಂ ಗೋಮ॑ದಿಂದ್ರ॒ ವಾಜ॑ವದ॒ಸ್ಮೇ ಪೃ॒ಥು ಶ್ರವೋ᳚ ಬೃ॒ಹತ್ |
ವಿ॒ಶ್ವಾಯು॑ರ್ಧೇ॒ಹ್ಯಕ್ಷಿ॑ತ‌ಮ್ || 1.9.7
ಅ॒ಸ್ಮೇ ಧೇ᳚ಹಿ॒ ಶ್ರವೋ᳚ ಬೃ॒ಹದ್ದ್ಯು॒ಮ್ನಂ ಸ॑ಹಸ್ರ॒ಸಾತ॑ಮ‌ಮ್ |
ಇಂದ್ರ॒ ತಾ ರ॒ಥಿನೀ॒ರಿಷಃ॑ || 1.9.8
ವಸೋ॒ರಿಂದ್ರಂ॒ ವಸು॑ಪತಿಂ ಗೀ॒ರ್ಭಿರ್ಗೃ॒ಣ‌ನ್ತ॑ ಋ॒ಗ್ಮಿಯ‌ಮ್᳚ |
ಹೋಮ॒ ಗ‌ನ್ತಾ᳚ರಮೂ॒ತಯೇ᳚ || 1.9.9
ಸು॒ತೇಸು॑ತೇ॒ ನ್ಯೋ᳚ಕಸೇ ಬೃ॒ಹದ್ ಬೃ॑ಹ॒ತ ಏದ॒ರಿಃ |
ಇಂದ್ರಾ᳚ಯ ಶೂ॒ಷಮ॑ರ್ಚತಿ || 1.9.10

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ ಇಂದ್ರೋ ದೇವತಾ ಅನುಷ್ಟಪ್ ಛಂದಃ

ಗಾಯ᳚‌ನ್ತಿ ತ್ವಾ ಗಾಯ॒ತ್ರಿಣೋಽರ್ಚ᳚‌ನ್ತ್ಯ॒ರ್ಕಮ॒ರ್ಕಿಣಃ॑ |
ಬ್ರ॒ಹ್ಮಾಣ॑ಸ್ತ್ವಾ ಶತಕ್ರತ॒ ಉದ್ವಂ॒ಶಮಿ॑ವ ಯೇಮಿರೇ || 1.10.1
ಯತ್ಸಾನೋಃ॒ ಸಾನು॒ಮಾರು॑ಹ॒ದ್ ಭೂರ್ಯಸ್ಪ॑ಷ್ಟ॒ ಕರ್ತ್ವ‌ಮ್᳚ |
ತದಿಂದ್ರೋ॒ ಅರ್ಥಂ᳚ ಚೇತತಿ ಯೂ॒ಥೇನ॑ ವೃ॒ಷ್ಣಿರೇ᳚ಜತಿ || 1.10.2
ಯು॒ಕ್ಷ್ವಾ ಹಿ ಕೇ॒ಶಿನಾ॒ ಹರೀ॒ ವೃಷ॑ಣಾ ಕಕ್ಷ್ಯ॒ಪ್ರಾ |
ಅಥಾ᳚ ನ ಇಂದ್ರ ಸೋಮಪಾ ಗಿ॒ರಾಮುಪ॑ಶ್ರುತಿಂ ಚರ || 1.10.3
ಏಹಿ॒ ಸ್ತೋಮಾಁ᳚ ಅ॒ಭಿ ಸ್ವ॑ರಾ॒ಭಿ ಗೃ॑ಣೀ॒ಹ್ಯಾ ರು॑ವ |
ಬ್ರಹ್ಮ॑ ಚ ನೋ ವಸೋ॒ ಸಚೇಂದ್ರ॑ ಯ॒ಜ್ಞಂ ಚ॑ ವರ್ಧಯ || 1.10.4
ಉ॒ಕ್ಥಮಿಂದ್ರಾ᳚ಯ॒ ಶಂಸ್ಯಂ॒ ವರ್ಧ॑ನಂ ಪುರುನಿ॒ಷ್ಷಿಧೇ᳚ |
ಶ॒ಕ್ರೋ ಯಥಾ᳚ ಸು॒ತೇಷು॑ ಣೋ ರಾ॒ರಣ॑ತ್ ಸ॒ಖ್ಯೇಷು॑ ಚ || 1.10.5
ತಮಿತ್ ಸ॑ಖಿ॒ತ್ವ ಈ᳚ಮಹೇ॒ ತಂ ರಾ॒ಯೇ ತಂ ಸು॒ವೀರ್ಯೇ᳚ |
ಸ ಶ॒ಕ್ರ ಉ॒ತ ನಃ॑ ಶಕ॒ದಿಂದ್ರೋ॒ ವಸು॒ ದಯ॑ಮಾನಃ || 1.10.6
ಸು॒ವಿ॒ವೃತಂ᳚ ಸುನಿ॒ರಜ॒ಮಿಂದ್ರ॒ ತ್ವಾದಾ᳚ತ॒ಮಿದ್ ಯಶಃ॑ |
ಗವಾ॒ಮಪ᳚ ವ್ರ॒ಜಂ ವೃ॑ಧಿ ಕೃಣು॒ಷ್ವ ರಾಧೋ᳚ ಅದ್ರಿವಃ || 1.10.7
ನ॒ಹಿ ತ್ವಾ॒ ರೋದ॑ಸೀ ಉ॒ಭೇ ಋ॑ಘಾ॒ಯಮಾ᳚ಣ॒ಮಿನ್ವ॑ತಃ |
ಜೇಷಃ॒ ಸ್ವ᳚ರ್ವತೀರ॒ಪಃ ಸಂ ಗಾ ಅ॒ಸ್ಮಭ್ಯಂ᳚ ಧೂನುಹಿ || 1.10.8
ಆಶ್ರು॑ತ್ಕರ್ಣ ಶ್ರು॒ಧೀ ಹವಂ॒ ನೂ ಚಿ॑ದ್ದಧಿಷ್ವ ಮೇ॒ ಗಿರಃ॑ |
ಇಂದ್ರ॒ ಸ್ತೋಮ॑ಮಿ॒ಮಂ ಮಮ॑ ಕೃ॒ಷ್ವಾ ಯು॒ಜಶ್ಚಿ॒ದ‌ನ್ತ॑ರ‌ಮ್ || 1.10.9
ವಿ॒ದ್ಮಾ ಹಿ ತ್ವಾ॒ ವೃಷ᳚‌ನ್ತಮಂ॒ ವಾಜೇ᳚ಷು ಹವನ॒ಶ್ರುತ‌ಮ್᳚ |
ವೃಷ᳚‌ನ್ತಮಸ್ಯ ಹೂಮಹ ಊ॒ತಿಂ ಸ॑ಹಸ್ರ॒ಸಾತ॑ಮಾ‌ಮ್ || 1.10.10
ಆ ತೂ ನ॑ ಇಂದ್ರ ಕೌಶಿಕ ಮಂದಸಾ॒ನಃ ಸು॒ತಂ ಪಿ॑ಬ |
ನವ್ಯ॒ಮಾಯುಃ॒ ಪ್ರ ಸೂ ತಿ॑ರ ಕೃ॒ಧೀ ಸ॑ಹಸ್ರ॒ಸಾಮೃಷಿ‌ಮ್᳚ || 1.10.11
ಪರಿ॑ ತ್ವಾ ಗಿರ್ವಣೋ॒ ಗಿರ॑ ಇ॒ಮಾ ಭ॑ವ‌ನ್ತು ವಿ॒ಶ್ವತಃ॑ |
ವೃ॒ದ್ಧಾಯು॒ಮನು॒ ವೃದ್ಧ॑ಯೋ॒ ಜುಷ್ಟಾ᳚ ಭವ‌ನ್ತು॒ ಜುಷ್ಟ॑ಯಃ || 1.10.12

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮಾಧುಚ್ಛಂದಸೋ ಜೇತಾ ಋಷಿಃ ಇಂದ್ರೋ ದೇವತಾ ಅನುಷ್ಟಪ್ ಛಂದಃ

ಇಂದ್ರಂ॒ ವಿಶ್ವಾ᳚ ಅವೀವೃಧನ್ ಸಮು॒ದ್ರವ್ಯ॑ಚಸಂ॒ ಗಿರಃ॑ |
ರ॒ಥೀತ॑ಮಂ ರ॒ಥೀನಾಂ॒ ವಾಜಾ᳚ನಾಂ॒ ಸತ್ಪ॑ತಿಂ॒ ಪತಿ‌ಮ್᳚ || 1.11.1
ಸ॒ಖ್ಯೇ ತ॑ ಇಂದ್ರ ವಾ॒ಜಿನೋ॒ ಮಾ ಭೇ᳚ಮ ಶವಸಸ್ಪತೇ |
ತ್ವಾಮ॒ಭಿ ಪ್ರ ಣೋ᳚ನುಮೋ॒ ಜೇತಾ᳚ರ॒ಮಪ॑ರಾಜಿತ‌ಮ್ || 1.11.2
ಪೂ॒ರ್ವೀರಿಂದ್ರ॑ಸ್ಯ ರಾ॒ತಯೋ॒ ನ ವಿ ದ॑ಸ್ಯ‌ನ್ತ್ಯೂ॒ತಯಃ॑ |
ಯದೀ॒ ವಾಜ॑ಸ್ಯ॒ ಗೋಮ॑ತಃ ಸ್ತೋ॒ತೃಭ್ಯೋ॒ ಮಂಹ॑ತೇ ಮ॒ಘ‌ಮ್ || 1.11.3
ಪು॒ರಾಂ ಭಿಂ॒ದುರ್ಯುವಾ᳚ ಕ॒ವಿರಮಿ॑ತೌಜಾ ಅಜಾಯತ |
ಇಂದ್ರೋ॒ ವಿಶ್ವ॑ಸ್ಯ॒ ಕರ್ಮ॑ಣೋ ಧ॒ರ್ತಾ ವ॒ಜ್ರೀ ಪು॑ರುಷ್ಟು॒ತಃ || 1.11.4
ತ್ವಂ ವ॒ಲಸ್ಯ॒ ಗೋಮ॒ತೋಽಪಾ᳚ವರದ್ರಿವೋ॒ ಬಿಲ‌ಮ್᳚ |
ತ್ವಾಂ ದೇ॒ವಾ ಅಬಿ॑ಭ್ಯುಷಸ್ತು॒ಜ್ಯಮಾ᳚ನಾಸ ಆವಿಷುಃ || 1.11.5
ತವಾ॒ಹಂ ಶೂ᳚ರ ರಾ॒ತಿಭಿಃ॒ ಪ್ರತ್ಯಾ᳚ಯಂ॒ ಸಿಂಧು॑ಮಾ॒ವದನ್॑ |
ಉಪಾ᳚ತಿಷ್ಠ‌ನ್ತ ಗಿರ್ವಣೋ ವಿ॒ದುಷ್ಟೇ॒ ತಸ್ಯ॑ ಕಾ॒ರವಃ॑ || 1.11.6
ಮಾ॒ಯಾಭಿ॑ರಿಂದ್ರ ಮಾ॒ಯಿನಂ॒ ತ್ವಂ ಶುಷ್ಣ॒ಮವಾ᳚ತಿರಃ |
ವಿ॒ದುಷ್ಟೇ॒ ತಸ್ಯ॒ ಮೇಧಿ॑ರಾ॒ಸ್ತೇಷಾಂ॒ ಶ್ರವಾಂ॒ಸ್ಯುತ್ತಿ॑ರ || 1.11.7
ಇಂದ್ರ॒ಮೀಶಾ᳚ನ॒ಮೋಜ॑ಸಾ॒ಭಿ ಸ್ತೋಮಾ᳚ ಅನೂಷತ |
ಸ॒ಹಸ್ರಂ॒ ಯಸ್ಯ॑ ರಾ॒ತಯ॑ ಉ॒ತ ವಾ॒ ಸ‌ನ್ತಿ॒ ಭೂಯ॑ಸೀಃ || 1.11.8

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಅಗ್ನಿರ್ದೇವತಾ, ತತ್ರಾಪಿ (6) ಷಷ್ಠ್ಯಾ ಋಚ ಆದ್ಯಪಾದಸ್ಯ ನಿರ್ಮಥ್ಯಾಹವನೀಯಾವಗ್ನೀ ದೇವತೇ ಗಾಯತ್ರೀ ಛಂದಃ

ಅ॒ಗ್ನಿಂ ದೂ॒ತಂ ವೃ॑ಣೀಮಹೇ॒ ಹೋತಾ᳚ರಂ ವಿ॒ಶ್ವವೇ᳚ದಸ‌ಮ್ |
ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತು‌ಮ್᳚ || 1.12.1
ಅ॒ಗ್ನಿಮ॑ಗ್ನಿಂ॒ ಹವೀ᳚ಮಭಿಃ॒ ಸದಾ᳚ ಹವ‌ನ್ತ ವಿ॒ಶ್ಪತಿ‌ಮ್᳚ |
ಹ॒ವ್ಯ॒ವಾಹಂ᳚ ಪುರುಪ್ರಿ॒ಯ‌ಮ್ || 1.12.2
ಅಗ್ನೇ᳚ ದೇ॒ವಾಁ ಇ॒ಹಾ ವ॑ಹ ಜಜ್ಞಾ॒ನೋ ವೃ॒ಕ್ತಬ॑ರ್ಹಿಷೇ |
ಅಸಿ॒ ಹೋತಾ᳚ ನ॒ ಈಡ್ಯಃ॑ || 1.12.3
ತಾಁ ಉ॑ಶ॒ತೋ ವಿ ಬೋ᳚ಧಯ॒ ಯದ॑ಗ್ನೇ॒ ಯಾಸಿ॑ ದೂ॒ತ್ಯ‌ಮ್᳚ |
ದೇ॒ವೈರಾ ಸ॑ತ್ಸಿ ಬ॒ರ್ಹಿಷಿ॑ || 1.12.4
ಘೃತಾ᳚ಹವನ ದೀದಿವಃ॒ ಪ್ರತಿ॑ ಷ್ಮ॒ ರಿಷ॑ತೋ ದಹ |
ಅಗ್ನೇ॒ ತ್ವಂ ರ॑ಕ್ಷ॒ಸ್ವಿನಃ॑ || 1.12.5
ಅ॒ಗ್ನಿನಾ॒ಗ್ನಿಃ ಸಮಿ॑ಧ್ಯತೇ ಕ॒ವಿರ್ಗೃ॒ಹಪ॑ತಿ॒ರ್ಯುವಾ᳚ |
ಹ॒ವ್ಯ॒ವಾಡ್ ಜು॒ಹ್ವಾ᳚ಸ್ಯಃ || 1.12.6
ಕ॒ವಿಮ॒ಗ್ನಿಮುಪ॑ ಸ್ತುಹಿ ಸ॒ತ್ಯಧ᳚ರ್ಮಾಣಮಧ್ವ॒ರೇ |
ದೇ॒ವಮ॑ಮೀವ॒ಚಾತ॑ನ‌ಮ್ || 1.12.7
ಯಸ್ತ್ವಾಮ॑ಗ್ನೇ ಹ॒ವಿಷ್ಪ॑ತಿರ್ದೂ॒ತಂ ದೇ᳚ವ ಸಪ॒ರ್ಯತಿ॑ |
ತಸ್ಯ॑ ಸ್ಮ ಪ್ರಾವಿ॒ತಾ ಭ॑ವ || 1.12.8
ಯೋ ಅ॒ಗ್ನಿಂ ದೇ॒ವವೀ᳚ತಯೇ ಹ॒ವಿಷ್ಮಾಁ᳚ ಆ॒ವಿವಾ᳚ಸತಿ |
ತಸ್ಮೈ᳚ ಪಾವಕ ಮೃಳಯ || 1.12.9
ಸ ನಃ॑ ಪಾವಕ ದೀದಿ॒ವೋಽಗ್ನೇ᳚ ದೇ॒ವಾಁ ಇ॒ಹಾ ವ॑ಹ |
ಉಪ॑ ಯ॒ಜ್ಞಂ ಹ॒ವಿಶ್ಚ॑ ನಃ || 1.12.10
ಸ ನಃ॒ ಸ್ತವಾ᳚ನ॒ ಆ ಭ॑ರ ಗಾಯ॒ತ್ರೇಣ॒ ನವೀ᳚ಯಸಾ |
ರ॒ಯಿಂ ವೀ॒ರವ॑ತೀ॒ಮಿಷ‌ಮ್᳚ || 1.12.11
ಅಗ್ನೇ᳚ ಶು॒ಕ್ರೇಣ॑ ಶೋ॒ಚಿಷಾ॒ ವಿಶ್ವಾ᳚ಭಿರ್ದೇ॒ವಹೂ᳚ತಿಭಿಃ |
ಇ॒ಮಂ ಸ್ತೋಮಂ᳚ ಜುಷಸ್ವ ನಃ || 1.12.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ (1) ಆದ್ಯಾಯಾ ಋಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾಸ್ತನೂನಪಾತ್ (3) ತೃತೀಯಾಯಾ ನರಾಶಂಸಃ (4) ಚತುರ್ಥ್ಯಾ ಇಳಃ (5) ಪಂಚಮ್ಯಾ ಬರ್ಹಿಃ (6) ಷಷ್ಠ್ಯಾ ದೇವೀರ್ದ್ವಾರಃ (7) ಸಪ್ತಮ್ಯಾ ಉಷಾಸಾನಕ್ತಾ (8) ಅಷ್ಟಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ (9) ನವಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (10) ದಶಮ್ಯಾಸ್ತ್ವಷ್ಟಾ (11) ಏಕಾದಶ್ಯಾ ವನಸ್ಪತಿಃ (12) ದ್ವಾದಶ್ಯಾಶ್ಚ ಸ್ವಾಹಾಕೃತಯೋಽಗ್ನಿರೂಪಾ ದೇವತಾಃ ಗಾಯತ್ರೀ ಛಂದಃ (ಏತದಾಪ್ರೀಸೂಕ್ತಂ)

ಸುಸ॑ಮಿದ್ಧೋ ನ॒ ಆ ವ॑ಹ ದೇ॒ವಾಁ ಅ॑ಗ್ನೇ ಹ॒ವಿಷ್ಮ॑ತೇ |
ಹೋತಃ॑ ಪಾವಕ॒ ಯಕ್ಷಿ॑ ಚ || 1.13.1
ಮಧು॑ಮ‌ನ್ತಂ ತನೂನಪಾದ್ ಯ॒ಜ್ಞಂ ದೇ॒ವೇಷು॑ ನಃ ಕವೇ |
ಅ॒ದ್ಯಾ ಕೃ॑ಣುಹಿ ವೀ॒ತಯೇ᳚ || 1.13.2
ನರಾ॒ಶಂಸ॑ಮಿ॒ಹ ಪ್ರಿ॒ಯಮ॒ಸ್ಮಿನ್ ಯ॒ಜ್ಞ ಉಪ॑ ಹ್ವಯೇ |
ಮಧು॑ಜಿಹ್ವಂ ಹವಿ॒ಷ್ಕೃತ‌ಮ್᳚ || 1.13.3
ಅಗ್ನೇ᳚ ಸು॒ಖತ॑ಮೇ॒ ರಥೇ᳚ ದೇ॒ವಾಁ ಈ᳚ಳಿ॒ತ ಆ ವ॑ಹ |
ಅಸಿ॒ ಹೋತಾ॒ ಮನು॑ರ್ಹಿತಃ || 1.13.4
ಸ್ತೃ॒ಣೀ॒ತ ಬ॒ರ್ಹಿರಾ᳚ನು॒ಷಗ್ ಘೃ॒ತಪೃ॑ಷ್ಠಂ ಮನೀಷಿಣಃ |
ಯತ್ರಾ॒ಮೃತ॑ಸ್ಯ॒ ಚಕ್ಷ॑ಣ‌ಮ್ || 1.13.5
ವಿ ಶ್ರ॑ಯ‌ನ್ತಾಮೃತಾ॒ವೃಧೋ॒ ದ್ವಾರೋ᳚ ದೇ॒ವೀರ॑ಸ॒ಶ್ಚತಃ॑ |
ಅ॒ದ್ಯಾ ನೂ॒ನಂ ಚ॒ ಯಷ್ಟ॑ವೇ || 1.13.6
ನಕ್ತೋ॒ಷಾಸಾ᳚ ಸು॒ಪೇಶ॑ಸಾ॒ಸ್ಮಿನ್ ಯ॒ಜ್ಞ ಉಪ॑ ಹ್ವಯೇ |
ಇ॒ದಂ ನೋ᳚ ಬ॒ರ್ಹಿರಾ॒ಸದೇ᳚ || 1.13.7
ತಾ ಸು॑ಜಿ॒ಹ್ವಾ ಉಪ॑ ಹ್ವಯೇ॒ ಹೋತಾ᳚ರಾ॒ ದೈವ್ಯಾ᳚ ಕ॒ವೀ |
ಯ॒ಜ್ಞಂ ನೋ᳚ ಯಕ್ಷತಾಮಿ॒ಮ‌ಮ್ || 1.13.8
ಇಳಾ॒ ಸರ॑ಸ್ವತೀ ಮ॒ಹೀ ತಿ॒ಸ್ರೋ ದೇ॒ವೀರ್ಮ॑ಯೋ॒ಭುವಃ॑ |
ಬ॒ರ್ಹಿಃ ಸೀ᳚ದ‌ನ್ತ್ವ॒ಸ್ರಿಧಃ॑ || 1.13.9
ಇ॒ಹ ತ್ವಷ್ಟಾ᳚ರಮಗ್ರಿ॒ಯಂ ವಿ॒ಶ್ವರೂ᳚ಪ॒ಮುಪ॑ ಹ್ವಯೇ |
ಅ॒ಸ್ಮಾಕ॑ಮಸ್ತು॒ ಕೇವ॑ಲಃ || 1.13.10
ಅವ॑ ಸೃಜಾ ವನಸ್ಪತೇ॒ ದೇವ॑ ದೇ॒ವೇಭ್ಯೋ᳚ ಹ॒ವಿಃ |
ಪ್ರ ದಾ॒ತುರ॑ಸ್ತು॒ ಚೇತ॑ನ‌ಮ್ || 1.13.11
ಸ್ವಾಹಾ᳚ ಯ॒ಜ್ಞಂ ಕೃ॑ಣೋತ॒ನೇಂದ್ರಾ᳚ಯ॒ ಯಜ್ವ॑ನೋ ಗೃ॒ಹೇ |
ತತ್ರ॑ ದೇ॒ವಾಁ ಉಪ॑ ಹ್ವಯೇ || 1.13.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ವಿಶ್ವೇ ದೇವಾ ದೇವತಾಃ ಗಾಯತ್ರೀ ಛಂದಃ

ಐಭಿ॑ರಗ್ನೇ॒ ದುವೋ॒ ಗಿರೋ॒ ವಿಶ್ವೇ᳚ಭಿಃ॒ ಸೋಮ॑ಪೀತಯೇ |
ದೇ॒ವೇಭಿ᳚ರ್ಯಾಹಿ॒ ಯಕ್ಷಿ॑ ಚ || 1.14.1
ಆ ತ್ವಾ॒ ಕಣ್ವಾ᳚ ಅಹೂಷತ ಗೃ॒ಣ‌ನ್ತಿ॑ ವಿಪ್ರ ತೇ॒ ಧಿಯಃ॑ |
ದೇ॒ವೇಭಿ॑ರಗ್ನ॒ ಆ ಗ॑ಹಿ || 1.14.2
ಇಂ॒ದ್ರ॒ವಾ॒ಯೂ ಬೃಹ॒ಸ್ಪತಿಂ᳚ ಮಿ॒ತ್ರಾಗ್ನಿಂ ಪೂ॒ಷಣಂ॒ ಭಗ‌ಮ್᳚ |
ಆ॒ದಿ॒ತ್ಯಾನ್ ಮಾರು॑ತಂ ಗ॒ಣ‌ಮ್ || 1.14.3
ಪ್ರ ವೋ᳚ ಭ್ರಿಯ‌ನ್ತ॒ ಇಂದ॑ವೋ ಮತ್ಸ॒ರಾ ಮಾ᳚ದಯಿ॒ಷ್ಣವಃ॑ |
ದ್ರ॒ಪ್ಸಾ ಮಧ್ವ॑ಶ್ಚಮೂ॒ಷದಃ॑ || 1.14.4
ಈಳ॑ತೇ॒ ತ್ವಾಮ॑ವ॒ಸ್ಯವಃ॒ ಕಣ್ವಾ᳚ಸೋ ವೃ॒ಕ್ತಬ॑ರ್ಹಿಷಃ |
ಹ॒ವಿಷ್ಮ᳚‌ನ್ತೋ ಅರಂ॒ಕೃತಃ॑ || 1.14.5
ಘೃ॒ತಪೃ॑ಷ್ಠಾ ಮನೋ॒ಯುಜೋ॒ ಯೇ ತ್ವಾ॒ ವಹ᳚‌ನ್ತಿ॒ ವಹ್ನ॑ಯಃ |
ಆ ದೇ॒ವಾ‌ನ್ತ್ಸೋಮ॑ಪೀತಯೇ || 1.14.6
ತಾನ್ ಯಜ॑ತ್ರಾಁ ಋತಾ॒ವೃಧೋಽಗ್ನೇ॒ ಪತ್ನೀ᳚ವತಸ್ಕೃಧಿ |
ಮಧ್ವಃ॑ ಸುಜಿಹ್ವ ಪಾಯಯ || 1.14.7
ಯೇ ಯಜ॑ತ್ರಾ॒ ಯ ಈಡ್ಯಾ॒ಸ್ತೇ ತೇ᳚ ಪಿಬ‌ನ್ತು ಜಿ॒ಹ್ವಯಾ᳚ |
ಮಧೋ᳚ರಗ್ನೇ॒ ವಷ॑ಟ್ಕೃತಿ || 1.14.8
ಆಕೀಂ॒ ಸೂರ್ಯ॑ಸ್ಯ ರೋಚ॒ನಾದ್ ವಿಶ್ವಾಂ᳚ದೇ॒ವಾಁ ಉ॑ಷ॒ರ್ಬುಧಃ॑ |
ವಿಪ್ರೋ॒ ಹೋತೇ॒ಹ ವ॑ಕ್ಷತಿ || 1.14.9
ವಿಶ್ವೇ᳚ಭಿಃ ಸೋ॒ಮ್ಯಂ ಮಧ್ವಗ್ನ॒ ಇಂದ್ರೇ᳚ಣ ವಾ॒ಯುನಾ᳚ |
ಪಿಬಾ᳚ ಮಿ॒ತ್ರಸ್ಯ॒ ಧಾಮ॑ಭಿಃ || 1.14.10
ತ್ವಂ ಹೋತಾ॒ ಮನು॑ರ್ಹಿ॒ತೋಽಗ್ನೇ᳚ ಯ॒ಜ್ಞೇಷು॑ ಸೀದಸಿ |
ಸೇಮಂ ನೋ᳚ ಅಧ್ವ॒ರಂ ಯ॑ಜ || 1.14.11
ಯು॒ಕ್ಷ್ವಾ ಹ್ಯರು॑ಷೀ॒ ರಥೇ᳚ ಹ॒ರಿತೋ᳚ ದೇವ ರೋ॒ಹಿತಃ॑ |
ತಾಭಿ॑ರ್ದೇ॒ವಾಁ ಇ॒ಹಾ ವ॑ಹ || 1.14.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ (1) ಆದ್ಯಾಯಾ ಋಚ ಇಂದ್ರಃ (2) ದ್ವಿತೀಯಾಯಾ ಮರುತಃ (3) ತೃತೀಯಾಯಾಸ್ತ್ವಷ್ಟಾ (4) ಚತುರ್ಥ್ಯಾ ಅಗ್ನಿಃ (5) ಪಂಚಮ್ಯಾ ಇಂದ್ರಃ (6) ಷಷ್ಟ್ಯಾ ಮಿತ್ರಾವರುಣೌ (7-10) ಸಪ್ತಮೀತಶ್ಚತಸೃಣಾಂ ದ್ರವಿಣೋದಾ ಅಗ್ನಿಃ (11) ಏಕಾದಶ್ಯಾ ಅಶ್ವಿನೌ (12) ದ್ವಾದಶ್ಯಾಶ್ಚಾಗ್ನಿರ್ದೇವತಾಃ (ಋತುದೇವತಾ ಏತಾಃ) ಗಾಯತ್ರೀ ಛಂದಃ

ಇಂದ್ರ॒ ಸೋಮಂ॒ ಪಿಬ॑ ಋ॒ತುನಾ ತ್ವಾ᳚ ವಿಶ॒‌ನ್ತ್ವಿಂದ॑ವಃ |
ಮ॒ತ್ಸ॒ರಾಸ॒ಸ್ತದೋ᳚ಕಸಃ || 1.15.1
ಮರು॑ತಃ॒ ಪಿಬ॑ತ ಋ॒ತುನಾ᳚ ಪೋ॒ತ್ರಾದ್ಯ॒ಜ್ಞಂ ಪು॑ನೀತನ |
ಯೂ॒ಯಂ ಹಿ ಷ್ಠಾ ಸು॑ದಾನವಃ || 1.15.2
ಅ॒ಭಿ ಯ॒ಜ್ಞಂ ಗೃ॑ಣೀಹಿ ನೋ॒ ಗ್ನಾವೋ॒ ನೇಷ್ಟಃ॒ ಪಿಬ॑ ಋ॒ತುನಾ᳚ |
ತ್ವಂ ಹಿ ರ॑ತ್ನ॒ಧಾ ಅಸಿ॑ || 1.15.3
ಅಗ್ನೇ᳚ ದೇ॒ವಾಁ ಇ॒ಹಾ ವ॑ಹ ಸಾ॒ದಯಾ॒ ಯೋನಿ॑ಷು ತ್ರಿ॒ಷು |
ಪರಿ॑ ಭೂಷ॒ ಪಿಬ॑ ಋ॒ತುನಾ᳚ || 1.15.4
ಬ್ರಾಹ್ಮ॑ಣಾದಿಂದ್ರ॒ ರಾಧ॑ಸಃ॒ ಪಿಬಾ॒ ಸೋಮ॑ಮೃ॒ತೂಁರನು॑ |
ತವೇದ್ಧಿ ಸ॒ಖ್ಯಮಸ್ತೃ॑ತ‌ಮ್ || 1.15.5
ಯು॒ವಂ ದಕ್ಷಂ᳚ ಧೃತವ್ರತ॒ ಮಿತ್ರಾ᳚ವರುಣ ದೂ॒ಳಭ‌ಮ್᳚ |
ಋ॒ತುನಾ᳚ ಯ॒ಜ್ಞಮಾ᳚ಶಾಥೇ || 1.15.6
ದ್ರ॒ವಿ॒ಣೋ॒ದಾ ದ್ರವಿ॑ಣಸೋ॒ ಗ್ರಾವ॑ಹಸ್ತಾಸೋ ಅಧ್ವ॒ರೇ |
ಯ॒ಜ್ಞೇಷು॑ ದೇ॒ವಮೀ᳚ಳತೇ || 1.15.7
ದ್ರ॒ವಿ॒ಣೋ॒ದಾ ದ॑ದಾತು ನೋ॒ ವಸೂ᳚ನಿ॒ ಯಾನಿ॑ ಶೃಣ್ವಿ॒ರೇ |
ದೇ॒ವೇಷು॒ ತಾ ವ॑ನಾಮಹೇ || 1.15.8
ದ್ರ॒ವಿ॒ಣೋ॒ದಾಃ ಪಿ॑ಪೀಷತಿ ಜು॒ಹೋತ॒ ಪ್ರ ಚ॑ ತಿಷ್ಠತ |
ನೇ॒ಷ್ಟ್ರಾದೃ॒ತುಭಿ॑ರಿಷ್ಯತ || 1.15.9
ಯತ್ತ್ವಾ᳚ ತು॒ರೀಯ॑ಮೃ॒ತುಭಿ॒ರ್+ದ್ರವಿ॑ಣೋದೋ॒ ಯಜಾ᳚ಮಹೇ |
ಅಧ॑ ಸ್ಮಾ ನೋ ದ॒ದಿರ್ಭ॑ವ || 1.15.10
ಅಶ್ವಿ॑ನಾ॒ ಪಿಬ॑ತಂ॒ ಮಧು॒ ದೀದ್ಯ॑ಗ್ನೀ ಶುಚಿವ್ರತಾ |
ಋ॒ತುನಾ᳚ ಯಜ್ಞವಾಹಸಾ || 1.15.11
ಗಾರ್ಹ॑ಪತ್ಯೇನ ಸ‌ನ್ತ್ಯ ಋ॒ತುನಾ᳚ ಯಜ್ಞ॒ನೀರ॑ಸಿ |
ದೇ॒ವಾಂದೇ᳚ವಯ॒ತೇ ಯ॑ಜ || 1.15.12

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಇಂದ್ರೋ ದೇವತಾ ಗಾಯತ್ರೀ ಛಂದಃ

ಆ ತ್ವಾ᳚ ವಹ‌ನ್ತು॒ ಹರ॑ಯೋ॒ ವೃಷ॑ಣಂ॒ ಸೋಮ॑ಪೀತಯೇ |
ಇಂದ್ರ॑ ತ್ವಾ॒ ಸೂರ॑ಚಕ್ಷಸಃ || 1.16.1
ಇ॒ಮಾ ಧಾ॒ನಾ ಘೃ॑ತ॒ಸ್ನುವೋ॒ ಹರೀ᳚ ಇ॒ಹೋಪ॑ ವಕ್ಷತಃ |
ಇಂದ್ರಂ᳚ ಸು॒ಖತ॑ಮೇ॒ ರಥೇ᳚ || 1.16.2
ಇಂದ್ರಂ᳚ ಪ್ರಾ॒ತರ್ಹ॑ವಾಮಹ॒ ಇಂದ್ರಂ᳚ ಪ್ರಯ॒ತ್ಯ॑ಧ್ವ॒ರೇ |
ಇಂದ್ರಂ॒ ಸೋಮ॑ಸ್ಯ ಪೀ॒ತಯೇ᳚ || 1.16.3
ಉಪ॑ ನಃ ಸು॒ತಮಾ ಗ॑ಹಿ॒ ಹರಿ॑ಭಿರಿಂದ್ರ ಕೇ॒ಶಿಭಿಃ॑ |
ಸು॒ತೇ ಹಿ ತ್ವಾ॒ ಹವಾ᳚ಮಹೇ || 1.16.4
ಸೇಮಂ ನಃ॒ ಸ್ತೋಮ॒ಮಾ ಗ॒ಹ್ಯುಪೇ॒ದಂ ಸವ॑ನಂ ಸು॒ತ‌ಮ್ |
ಗೌ॒ರೋ ನ ತೃ॑ಷಿ॒ತಃ ಪಿ॑ಬ || 1.16.5
ಇ॒ಮೇ ಸೋಮಾ᳚ಸ॒ ಇಂದ॑ವಃ ಸು॒ತಾಸೋ॒ ಅಧಿ॑ ಬ॒ರ್ಹಿಷಿ॑ |
ತಾಁ ಇಂ᳚ದ್ರ॒ ಸಹ॑ಸೇ ಪಿಬ || 1.16.6
ಅ॒ಯಂ ತೇ॒ ಸ್ತೋಮೋ᳚ ಅಗ್ರಿ॒ಯೋ ಹೃ॑ದಿ॒ಸ್ಪೃಗ॑ಸ್ತು॒ ಶಂತ॑ಮಃ |
ಅಥಾ॒ ಸೋಮಂ᳚ ಸು॒ತಂ ಪಿ॑ಬ || 1.16.7
ವಿಶ್ವ॒ಮಿತ್ಸವ॑ನಂ ಸು॒ತಮಿಂದ್ರೋ॒ ಮದಾ᳚ಯ ಗಚ್ಛತಿ |
ವೃ॒ತ್ರ॒ಹಾ ಸೋಮ॑ಪೀತಯೇ || 1.16.8
ಸೇಮಂ ನಃ॒ ಕಾಮ॒ಮಾ ಪೃ॑ಣ॒ ಗೋಭಿ॒ರಶ್ವೈಃ᳚ ಶತಕ್ರತೋ |
ಸ್ತವಾ᳚ಮ ತ್ವಾ ಸ್ವಾ॒ಧ್ಯಃ॑ || 1.16.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಇಂದ್ರಾವರುಣೋ ದೇವತೇ (1-3, 6-9) ಪ್ರಥಮತೃಚಸ್ಯ ಷಷ್ಠ್ಯಾದಿಚತುರೃಚಾಶ್ಚ ಗಾಯತ್ರೀ (4-5) ಚತುರ್ಥೀಪಂಚಮ್ಯೋಶ್ಚ ಪಾದನಿಚ್ರತ್ (5) ಪಂಚಮ್ಯಾ ಹಸೀಯಸೀ ವಾ ಗಾಯತ್ರೀ ಛಂದಸೀ

ಇಂದ್ರಾ॒ವರು॑ಣಯೋರ॒ಹಂ ಸ॒ಮ್ರಾಜೋ॒ರವ॒ ಆ ವೃ॑ಣೇ |
ತಾ ನೋ᳚ ಮೃಳಾತ ಈ॒ದೃಶೇ᳚ || 1.17.1
ಗ‌ನ್ತಾ᳚ರಾ॒ ಹಿ ಸ್ಥೋಽವ॑ಸೇ॒ ಹವಂ॒ ವಿಪ್ರ॑ಸ್ಯ॒ ಮಾವ॑ತಃ |
ಧ॒ರ್ತಾರಾ᳚ ಚರ್ಷಣೀ॒ನಾ‌ಮ್ || 1.17.2
ಅ॒ನು॒ಕಾ॒ಮಂ ತ॑ರ್ಪಯೇಥಾ॒ಮಿಂದ್ರಾ᳚ವರುಣ ರಾ॒ಯ ಆ |
ತಾ ವಾಂ॒ ನೇದಿ॑ಷ್ಠಮೀಮಹೇ || 1.17.3
ಯು॒ವಾಕು॒ ಹಿ ಶಚೀ᳚ನಾಂ ಯು॒ವಾಕು॑ ಸುಮತೀ॒ನಾ‌ಮ್ |
ಭೂ॒ಯಾಮ॑ ವಾಜ॒ದಾವ್ನಾ᳚‌ಮ್ || 1.17.4
ಇಂದ್ರಃ॑ ಸಹಸ್ರ॒ದಾವ್ನಾಂ॒ ವರು॑ಣಃ॒ ಶಂಸ್ಯಾ᳚ನಾ‌ಮ್ |
ಕ್ರತು॑ರ್ಭವತ್ಯು॒ಕ್ಥ್ಯಃ॑ || 1.17.5
ತಯೋ॒ರಿದವ॑ಸಾ ವ॒ಯಂ ಸ॒ನೇಮ॒ ನಿ ಚ॑ ಧೀಮಹಿ |
ಸ್ಯಾದು॒ತ ಪ್ರ॒ರೇಚ॑ನ‌ಮ್ || 1.17.6
ಇಂದ್ರಾ᳚ವರುಣ ವಾಮ॒ಹಂ ಹು॒ವೇ ಚಿ॒ತ್ರಾಯ॒ ರಾಧ॑ಸೇ |
ಅ॒ಸ್ಮಾ‌‌ನ್ತ್ಸು ಜಿ॒ಗ್ಯುಷ॑ಸ್ಕೃತ‌ಮ್ || 1.17.7
ಇಂದ್ರಾ᳚ವರುಣ॒ ನೂ ನು ವಾಂ॒ ಸಿಷಾ᳚ಸ‌ನ್ತೀಷು ಧೀ॒ಷ್ವಾ |
ಅ॒ಸ್ಮಭ್ಯಂ॒ ಶರ್ಮ॑ ಯಚ್ಛತ‌ಮ್ || 1.17.8
ಪ್ರ ವಾ᳚ಮಶ್ನೋತು ಸುಷ್ಟು॒ತಿರಿಂದ್ರಾ᳚ವರುಣ॒ ಯಾಂ ಹು॒ವೇ |
ಯಾಮೃ॒ಧಾಥೇ᳚ ಸ॒ಧಸ್ತು॑ತಿ‌ಮ್ || 1.17.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ (1-3) ಪ್ರಥಮತೃಚಸ್ಯ ಬ್ರಹ್ಮಣಸ್ಪತಿಃ (4) ಚತುರ್ಥ್ಯಾ ಇಂದ್ರೋ ಬ್ರಹ್ಮಣಸ್ಪತಿಃ ಸೋಮಶ್ಚ (5) ಪಂಚಮ್ಯಾ ಬ್ರಹ್ಮಣಸ್ಪತಿಃ ಸೋಮ ಇಂದ್ರೋ ದಕ್ಷಿಣಾ ಚ (6-8) ಷಷ್ಠ್ಯಾದಿತೃಚಸ್ಯ ಸದಸಸ್ಪತಿಃ (9) ನವಮ್ಯಾಃ ಸದಸಸ್ಪತಿರ್ನರಾಶಂಸೋ ವಾ ದೇವತಾಃ ಗಾಯತ್ರೀ ಛಂದಃ

ಸೋ॒ಮಾನಂ॒ ಸ್ವರ॑ಣಂ ಕೃಣು॒ಹಿ ಬ್ರ᳚ಹ್ಮಣಸ್ಪತೇ |
ಕ॒ಕ್ಷೀವ᳚‌ನ್ತಂ॒ ಯ ಔ᳚ಶಿ॒ಜಃ || 1.18.1
ಯೋ ರೇ॒ವಾನ್ಯೋ ಅ॑ಮೀವ॒ಹಾ ವ॑ಸು॒ವಿತ್ ಪು॑ಷ್ಟಿ॒ ವರ್ಧ॑ನಃ |
ಸ ನಃ॑ ಸಿಷಕ್ತು॒ ಯಸ್ತು॒ರಃ || 1.18.2
ಮಾ ನಃ॒ ಶಂಸೋ॒ ಅರ॑ರುಷೋ ಧೂ॒ರ್ತಿಃ ಪ್ರಣ॒ಙ್ ಮರ್ತ್ಯ॑ಸ್ಯ |
ರಕ್ಷಾ᳚ ಣೋ ಬ್ರಹ್ಮಣಸ್ಪತೇ || 1.18.3
ಸ ಘಾ᳚ ವೀ॒ರೋ ನ ರಿ॑ಷ್ಯತಿ॒ ಯಮಿಂದ್ರೋ॒ ಬ್ರಹ್ಮ॑ಣ॒ಸ್ಪತಿಃ॑ |
ಸೋಮೋ᳚ ಹಿ॒ನೋತಿ॒ ಮರ್ತ್ಯ‌ಮ್᳚ || 1.18.4
ತ್ವಂ ತಂ ಬ್ರ᳚ಹ್ಮಣಸ್ಪತೇ॒ ಸೋಮ॒ ಇಂದ್ರ॑ಶ್ಚ॒ ಮರ್ತ್ಯ‌ಮ್᳚ |
ದಕ್ಷಿ॑ಣಾ ಪಾ॒ತ್ವಂಹ॑ಸಃ || 1.18.5
ಸದ॑ಸ॒ಸ್ಪತಿ॒ಮದ್ಭು॑ತಂ ಪ್ರಿ॒ಯಮಿಂದ್ರ॑ಸ್ಯ॒ ಕಾಮ್ಯ‌ಮ್᳚ |
ಸ॒ನಿಂ ಮೇ॒ಧಾಮ॑ಯಾಸಿಷ‌ಮ್ || 1.18.6
ಯಸ್ಮಾ᳚ದೃ॒ತೇ ನ ಸಿಧ್ಯ॑ತಿ ಯ॒ಜ್ಞೋ ವಿ॑ಪ॒ಶ್ಚಿತ॑ಶ್ಚ॒ನ |
ಸ ಧೀ॒ನಾಂ ಯೋಗ॑ಮಿನ್ವತಿ || 1.18.7
ಆದೃ॑ಧ್ನೋತಿ ಹ॒ವಿಷ್ಕೃ॑ತಿಂ॒ ಪ್ರಾಂಚಂ᳚ ಕೃಣೋತ್ಯಧ್ವ॒ರ‌ಮ್ |
ಹೋತ್ರಾ᳚ ದೇ॒ವೇಷು॑ ಗಚ್ಛತಿ || 1.18.8
ನರಾ॒ಶಂಸಂ᳚ ಸು॒ಧೃಷ್ಟ॑ಮ॒ಮಪ॑ಶ್ಯಂ ಸ॒ಪ್ರಥ॑ಸ್ತಮ‌ಮ್ |
ದಿ॒ವೋ ನ ಸದ್ಮ॑ಮಖಸ‌ಮ್ || 1.18.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಅಗ್ನಿರ್ಮರುತಶ್ಚ ದೇವತಾಃ ಗಾಯತ್ರೀ ಛಂದಃ

ಪ್ರತಿ॒ ತ್ಯಂ ಚಾರು॑ಮಧ್ವ॒ರಂ ಗೋ᳚ಪೀ॒ಥಾಯ॒ ಪ್ರ ಹೂ᳚ಯಸೇ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.1
ನ॒ಹಿ ದೇ॒ವೋ ನ ಮರ್ತ್ಯೋ᳚ ಮ॒ಹಸ್ತವ॒ ಕ್ರತುಂ᳚ ಪ॒ರಃ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.2
ಯೇ ಮ॒ಹೋ ರಜ॑ಸೋ ವಿ॒ದುರ್ವಿಶ್ವೇ᳚ ದೇ॒ವಾಸೋ᳚ ಅ॒ದ್ರುಹಃ॑ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.3
ಯ ಉ॒ಗ್ರಾ ಅ॒ರ್ಕಮಾ᳚ನೃ॒ಚುರನಾ᳚ಧೃಷ್ಟಾಸ॒ ಓಜ॑ಸಾ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.4
ಯೇ ಶು॒ಭ್ರಾ ಘೋ॒ರವ॑ರ್ಪಸಃ ಸುಕ್ಷ॒ತ್ರಾಸೋ᳚ ರಿ॒ಶಾದ॑ಸಃ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.5
ಯೇ ನಾಕ॒ಸ್ಯಾಧಿ॑ ರೋಚ॒ನೇ ದಿ॒ವಿ ದೇ॒ವಾಸ॒ ಆಸ॑ತೇ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.6
ಯ ಈಂ॒ಖಯ᳚‌ನ್ತಿ॒ ಪರ್ವ॑ತಾ‌ನ್ತಿ॒ರಃ ಸ॑ಮು॒ದ್ರಮ᳚ರ್ಣ॒ವ‌ಮ್ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.7
ಆ ಯೇ ತ॒ನ್ವ‌ನ್ತಿ॑ ರ॒ಶ್ಮಿಭಿ॑ಸ್ತಿ॒ರಃ ಸ॑ಮು॒ದ್ರಮೋಜ॑ಸಾ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.8
ಅ॒ಭಿ ತ್ವಾ᳚ ಪೂ॒ರ್ವಪೀ᳚ತಯೇ ಸೃ॒ಜಾಮಿ॑ ಸೋ॒ಮ್ಯಂ ಮಧು॑ |
ಮ॒ರುದ್ಭಿ॑ರಗ್ನ॒ ಆ ಗ॑ಹಿ || 1.19.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಋಭವೋ ದೇವತಾಃ ಗಾಯತ್ರೀ ಛಂದಃ

ಅ॒ಯಂ ದೇ॒ವಾಯ॒ ಜನ್ಮ॑ನೇ॒ ಸ್ತೋಮೋ॒ ವಿಪ್ರೇ᳚ಭಿರಾಸ॒ಯಾ |
ಅಕಾ᳚ರಿ ರತ್ನ॒ಧಾತ॑ಮಃ || 1.20.1
ಯ ಇಂದ್ರಾ᳚ಯ ವಚೋ॒ಯುಜಾ᳚ ತತ॒ಕ್ಷುರ್ಮನ॑ಸಾ॒ ಹರೀ᳚ |
ಶಮೀ᳚ಭಿರ್ಯ॒ಜ್ಞಮಾ᳚ಶತ || 1.20.2
ತಕ್ಷ॒ನ್ನಾಸ॑ತ್ಯಾಭ್ಯಾಂ॒ ಪರಿ॑ಜ್ಮಾನಂ ಸು॒ಖಂ ರಥ‌ಮ್᳚ |
ತಕ್ಷಂ᳚ಧೇ॒ನುಂ ಸ॑ಬ॒ರ್ದುಘಾ᳚‌ಮ್ || 1.20.3
ಯುವಾ᳚ನಾ ಪಿ॒ತರಾ॒ ಪುನಃ॑ ಸ॒ತ್ಯಮ᳚‌ನ್ತ್ರಾ ಋಜೂ॒ಯವಃ॑ |
ಋ॒ಭವೋ᳚ ವಿ॒ಷ್ಟ್ಯ॑ಕ್ರತ || 1.20.4
ಸಂ ವೋ॒ ಮದಾ᳚ಸೋ ಅಗ್ಮ॒ತೇಂದ್ರೇ᳚ಣ ಚ ಮ॒ರುತ್ವ॑ತಾ |
ಆ॒ದಿ॒ತ್ಯೇಭಿ॑ಶ್ಚ॒ ರಾಜ॑ಭಿಃ || 1.20.5
ಉ॒ತ ತ್ಯಂ ಚ॑ಮ॒ಸಂ ನವಂ॒ ತ್ವಷ್ಟು॑ರ್ದೇ॒ವಸ್ಯ॒ ನಿಷ್ಕೃ॑ತ‌ಮ್ |
ಅಕ॑ರ್ತ ಚ॒ತುರಃ॒ ಪುನಃ॑ || 1.20.6
ತೇ ನೋ॒ ರತ್ನಾ᳚ನಿ ಧತ್ತನ॒ ತ್ರಿರಾ ಸಾಪ್ತಾ᳚ನಿ ಸುನ್ವ॒ತೇ |
ಏಕ॑ಮೇಕಂ ಸುಶ॒ಸ್ತಿಭಿಃ॑ || 1.20.7
ಅಧಾ᳚ರಯ‌ನ್ತ॒ ವಹ್ನ॒ಯೋಽಭ॑ಜ‌ನ್ತ ಸುಕೃ॒ತ್ಯಯಾ᳚ |
ಭಾ॒ಗಂ ದೇ॒ವೇಷು॑ ಯ॒ಜ್ಞಿಯ‌ಮ್᳚ || 1.20.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಇಂದ್ರಾಗ್ನೀ ದೇವತೇ ಗಾಯತ್ರೀ ಛಂದಃ

ಇ॒ಹೇಂದ್ರಾ॒ಗ್ನೀ ಉಪ॑ ಹ್ವಯೇ॒ ತಯೋ॒ರಿತ್+ಸ್ತೋಮ॑ಮುಶ್ಮಸಿ |
ತಾ ಸೋಮಂ᳚ ಸೋಮ॒ಪಾತ॑ಮಾ || 1.21.1
ತಾ ಯ॒ಜ್ಞೇಷು॒ ಪ್ರ ಶಂ᳚ಸತೇಂದ್ರಾ॒ಗ್ನೀ ಶುಂ᳚ಭತಾ ನರಃ |
ತಾ ಗಾ᳚ಯ॒ತ್ರೇಷು॑ ಗಾಯತ || 1.21.2
ತಾ ಮಿ॒ತ್ರಸ್ಯ॒ ಪ್ರಶ॑ಸ್ತಯ ಇಂದ್ರಾ॒ಗ್ನೀ ತಾ ಹ॑ವಾಮಹೇ |
ಸೋ॒ಮ॒ಪಾ ಸೋಮ॑ಪೀತಯೇ || 1.21.3
ಉ॒ಗ್ರಾ ಸ‌ನ್ತಾ᳚ ಹವಾಮಹ॒ ಉಪೇ॒ದಂ ಸವ॑ನಂ ಸು॒ತ‌ಮ್ |
ಇಂ॒ದ್ರಾ॒ಗ್ನೀ ಏಹ ಗ॑ಚ್ಛತಾ‌ಮ್ || 1.21.4
ತಾ ಮ॒ಹಾ‌ನ್ತಾ॒ ಸದ॒ಸ್ಪತೀ॒ ಇಂದ್ರಾ᳚ಗ್ನೀ॒ ರಕ್ಷ॑ ಉಬ್ಜತ‌ಮ್ |
ಅಪ್ರ॑ಜಾಃ ಸ‌ನ್ತ್ವ॒ತ್ರಿಣಃ॑ || 1.21.5
ತೇನ॑ ಸ॒ತ್ಯೇನ॑ ಜಾಗೃತ॒ಮಧಿ॑ ಪ್ರಚೇ॒ತುನೇ᳚ ಪ॒ದೇ |
ಇಂದ್ರಾ᳚ಗ್ನೀ॒ ಶರ್ಮ॑ ಯಚ್ಛತ‌ಮ್ || 1.21.6

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ (1-4) ಪ್ರಥಮಾದಿಚತುರೃಚಾಮಶ್ವಿನೌ (5-8) ಪಂಚಮ್ಯಾದಿಚತಸೃಣಾಂ ಸವಿತಾ (9-10) ನವಮೀದಶಮ್ಯೋರಗ್ನಿಃ (11) ಏಕಾದಶ್ಯಾ ದೇವ್ಯಃ (12) ದ್ವಾದಶ್ಯಾ ಇಂದ್ರಾಣೀವರುಣಾನ್ಯಗ್ನಾಯ್ಯಃ (13-14) ತ್ರಯೋದಶೀಚತುರ್ದಶ್ಯೋರ್ಧಾವಾಪೃಥಿವ್ಯೌ (15) ಪಂಚದಶ್ಯಾಃ ಪೃಥಿವೀ (16) ಷೋಡಶ್ಯಾ ವಿಷ್ಣುರ್ದೇವಾ ವಾ (17-21) ಸಪ್ತದಶ್ಯಾದಿಪಂಚಾನಾಂಚ ವಿಷ್ಣುದೇವತಾಃ ಗಾಯತ್ರೀ ಛಂದಃ

ಪ್ರಾ॒ತ॒ರ್ಯುಜಾ॒ ವಿ ಬೋ᳚ಧಯಾ॒ಶ್ವಿನಾ॒ವೇಹ ಗ॑ಚ್ಛತಾ‌ಮ್ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 1.22.1
ಯಾ ಸು॒ರಥಾ᳚ ರ॒ಥೀತ॑ಮೋ॒ಭಾ ದೇ॒ವಾ ದಿ॑ವಿ॒ಸ್ಪೃಶಾ᳚ |
ಅ॒ಶ್ವಿನಾ॒ ತಾ ಹ॑ವಾಮಹೇ || 1.22.2
ಯಾ ವಾಂ॒ ಕಶಾ॒ ಮಧು॑ಮ॒ತ್ಯಶ್ವಿ॑ನಾ ಸೂ॒ನೃತಾ᳚ವತೀ |
ತಯಾ᳚ ಯ॒ಜ್ಞಂ ಮಿ॑ಮಿಕ್ಷತ‌ಮ್ || 1.22.3
ನ॒ಹಿ ವಾ॒ಮಸ್ತಿ॑ ದೂರ॒ಕೇ ಯತ್ರಾ॒ ರಥೇ᳚ನ॒ ಗಚ್ಛ॑ಥಃ |
ಅಶ್ವಿ॑ನಾ ಸೋ॒ಮಿನೋ᳚ ಗೃ॒ಹ‌ಮ್ || 1.22.4
ಹಿರ᳚ಣ್ಯಪಾಣಿಮೂ॒ತಯೇ᳚ ಸವಿ॒ತಾರ॒ಮುಪ॑ ಹ್ವಯೇ |
ಸ ಚೇತ್ತಾ᳚ ದೇ॒ವತಾ᳚ ಪ॒ದ‌ಮ್ || 1.22.5
ಅ॒ಪಾಂ ನಪಾ᳚ತ॒ಮವ॑ಸೇ ಸವಿ॒ತಾರ॒ಮುಪ॑ ಸ್ತುಹಿ |
ತಸ್ಯ᳚ ವ್ರ॒ತಾನ್ಯು॑ಶ್ಮಸಿ || 1.22.6
ವಿ॒ಭ॒ಕ್ತಾರಂ᳚ ಹವಾಮಹೇ॒ ವಸೋ᳚ಶ್ಚಿ॒ತ್ರಸ್ಯ॒ ರಾಧ॑ಸಃ |
ಸ॒ವಿ॒ತಾರಂ᳚ ನೃ॒ಚಕ್ಷ॑ಸ‌ಮ್ || 1.22.7
ಸಖಾ᳚ಯ॒ ಆ ನಿ ಷೀ᳚ದತ ಸವಿ॒ತಾ ಸ್ತೋಮ್ಯೋ॒ ನು ನಃ॑ |
ದಾತಾ॒ ರಾಧಾಂ᳚ಸಿ ಶುಂಭತಿ || 1.22.8
ಅಗ್ನೇ॒ ಪತ್ನೀ᳚ರಿ॒ಹಾ ವ॑ಹ ದೇ॒ವಾನಾ᳚ಮುಶ॒ತೀರುಪ॑ |
ತ್ವಷ್ಟಾ᳚ರಂ॒ ಸೋಮ॑ಪೀತಯೇ || 1.22.9
ಆ ಗ್ನಾ ಅ॑ಗ್ನ ಇ॒ಹಾವ॑ಸೇ॒ ಹೋತ್ರಾಂ᳚ ಯವಿಷ್ಠ॒ ಭಾರ॑ತೀ‌ಮ್ |
ವರೂ᳚ತ್ರೀಂ ಧಿ॒ಷಣಾಂ᳚ ವಹ || 1.22.10
ಅ॒ಭಿ ನೋ᳚ ದೇ॒ವೀರವ॑ಸಾ ಮ॒ಹಃ ಶರ್ಮ॑ಣಾ ನೃ॒ಪತ್ನೀಃ᳚ |
ಅಚ್ಛಿ᳚ನ್ನಪತ್ರಾಃ ಸಚ‌ನ್ತಾ‌ಮ್ || 1.22.11
ಇ॒ಹೇಂದ್ರಾ॒ಣೀಮುಪ॑ ಹ್ವಯೇ ವರುಣಾ॒ನೀಂ ಸ್ವ॒ಸ್ತಯೇ᳚ |
ಅ॒ಗ್ನಾಯೀಂ॒ ಸೋಮ॑ಪೀತಯೇ || 1.22.12
ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ ಯ॒ಜ್ಞಂ ಮಿ॑ಮಿಕ್ಷತಾ‌ಮ್ |
ಪಿ॒ಪೃ॒ತಾಂ ನೋ॒ ಭರೀ᳚ಮಭಿಃ || 1.22.13
ತಯೋ॒ರಿದ್ ಘೃ॒ತವ॒ತ್ಪಯೋ॒ ವಿಪ್ರಾ᳚ ರಿಹ‌ನ್ತಿ ಧೀ॒ತಿಭಿಃ॑ |
ಗಂ॒ಧ॒ರ್ವಸ್ಯ॑ ಧ್ರು॒ವೇ ಪ॒ದೇ || 1.22.14
ಸ್ಯೋ॒ನಾ ಪೃ॑ಥಿವಿ ಭವಾನೃಕ್ಷ॒ರಾ ನಿ॒ವೇಶ॑ನೀ |
ಯಚ್ಛಾ᳚ ನಃ॒ ಶರ್ಮ॑ ಸ॒ಪ್ರಥಃ॑ || 1.22.15
ಅತೋ᳚ ದೇ॒ವಾ ಅ॑ವ‌ನ್ತು ನೋ॒ ಯತೋ॒ ವಿಷ್ಣು᳚ರ್ವಿಚಕ್ರ॒ಮೇ |
ಪೃ॒ಥಿ॒ವ್ಯಾಃ ಸ॒ಪ್ತ ಧಾಮ॑ಭಿಃ || 1.22.16
ಇ॒ದಂ ವಿಷ್ಣು॒ರ್ವಿ ಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದ‌ಮ್ |
ಸಮೂ᳚ಳ್ಹಮಸ್ಯ ಪಾಂಸು॒ರೇ || 1.22.17
ತ್ರೀಣಿ॑ ಪ॒ದಾ ವಿ ಚ॑ಕ್ರಮೇ॒ ವಿಷ್ಣು॑ರ್ಗೋ॒ಪಾ ಅದಾ᳚ಭ್ಯಃ |
ಅತೋ॒ ಧರ್ಮಾ᳚ಣಿ ಧಾ॒ರಯನ್॑ || 1.22.18
ವಿಷ್ಣೋಃ॒ ಕರ್ಮಾ᳚ಣಿ ಪಶ್ಯತ॒ ಯತೋ᳚ ವ್ರ॒ತಾನಿ॑ ಪಸ್ಪ॒ಶೇ |
ಇಂದ್ರ॑ಸ್ಯ॒ ಯುಜ್ಯಃ॒ ಸಖಾ᳚ || 1.22.19
ತದ್ವಿಷ್ಣೋಃ᳚ ಪರ॒ಮಂ ಪ॒ದಂ ಸದಾ᳚ ಪಶ್ಯ‌ನ್ತಿ ಸೂ॒ರಯಃ॑ |
ದಿ॒ವೀ᳚ವ॒ ಚಕ್ಷು॒ರಾತ॑ತ‌ಮ್ || 1.22.20
ತದ್ವಿಪ್ರಾ᳚ಸೋ ವಿಪ॒ನ್ಯವೋ᳚ ಜಾಗೃ॒ವಾಂಸಃ॒ ಸಮಿಂ᳚ಧತೇ |
ವಿಷ್ಣೋ॒ರ್ಯತ್ಪ॑ರ॒ಮಂ ಪ॒ದ‌ಮ್ || 1.22.21

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿಋಷಿಃ (1) ಪ್ರಥಮಾಯಾ ಋಚೋ ವಾಯುಃ (2-3) ದ್ವಿತೀಯಾತೃತೀಯಯೋರಿಂದ್ರವಾಯೂ (4-6) ಚತುರ್ಥ್ಯಾದಿತೃಚಸ್ಯ ಮಿತ್ರಾವರುಣೌ (7-9) ಸಪ್ತಮ್ಯಾದಿತೃಚಸ್ಯೇಂದ್ರೋ ಮರುತ್ವಾನ್ (10-12) ದಶಮ್ಯಾದಿತೃಚಸ್ಯ ವಿಶ್ವೇ ದೇವಾಃ (13-15) ತ್ರಯೋದಶ್ಯಾದಿತೃಚಸ್ಯ ಪೂಷಾ (16-22, 23) ಷೋಡಶ್ಯಾದಿಸಪ್ತಾನಾಂ ತ್ರಯೋವಿಂಶ್ಯಾಃ ಪೂರ್ವಾರ್ಧಸ್ಯ ಚಾಪಃ (23, 24) ತ್ರಯೋವಿಂಶ್ಯಾಃ ಪರಾರ್ಧಸ್ಯ ಚತುರ್ವಿಂಶ್ಯಾಶ್ಚಾಗ್ನಿರ್ದೇವತಾಃ (1-18) ಪ್ರಥಮಾದ್ಯಷ್ಟಾದಶರ್ಚಾಂ ಗಾಯತ್ರೀ (19) ಏಕೋನವಿಂಶ್ಯಾಃ ಪುರಉಷ್ಣಿಕ್ (21) ಏಕವಿಂಶ್ಯಾಃ ಪ್ರತಿಷ್ಠಾ (20, 22-24) ವಿಂಶ್ಯಾ ದ್ವಾವಿಂಶ್ಯಾದಿತೃಚಸ್ಯ ಚಾನುಷ್ಟಪ್ ಛಂದಾಂಸಿ

ತೀ॒ವ್ರಾಃ ಸೋಮಾ᳚ಸ॒ ಆ ಗ॑ಹ್ಯಾ॒ಶೀರ್ವ᳚‌ನ್ತಃ ಸು॒ತಾ ಇ॒ಮೇ |
ವಾಯೋ॒ ತಾನ್ಪ್ರಸ್ಥಿ॑ತಾನ್ಪಿಬ || 1.23.1
ಉ॒ಭಾ ದೇ॒ವಾ ದಿ॑ವಿ॒ಸ್ಪೃಶೇಂ᳚ದ್ರವಾ॒ಯೂ ಹ॑ವಾಮಹೇ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 1.23.2
ಇಂ॒ದ್ರ॒ವಾ॒ಯೂ ಮ॑ನೋ॒ಜುವಾ॒ ವಿಪ್ರಾ᳚ ಹವ‌ನ್ತ ಊ॒ತಯೇ᳚ |
ಸ॒ಹ॒ಸ್ರಾ॒ಕ್ಷಾ ಧಿ॒ಯಸ್ಪತೀ᳚ || 1.23.3
ಮಿ॒ತ್ರಂ ವ॒ಯಂ ಹ॑ವಾಮಹೇ॒ ವರು॑ಣಂ॒ ಸೋಮ॑ಪೀತಯೇ |
ಜ॒ಜ್ಞಾ॒ನಾ ಪೂ॒ತದ॑ಕ್ಷಸಾ || 1.23.4
ಋ॒ತೇನ॒ ಯಾವೃ॑ತಾ॒ವೃಧಾ᳚ವೃ॒ತಸ್ಯ॒ ಜ್ಯೋತಿ॑ಷ॒ಸ್ಪತೀ᳚ |
ತಾ ಮಿ॒ತ್ರಾವರು॑ಣಾ ಹುವೇ || 1.23.5
ವರು॑ಣಃ ಪ್ರಾವಿ॒ತಾ ಭು॑ವನ್ಮಿ॒ತ್ರೋ ವಿಶ್ವಾ᳚ಭಿರೂ॒ತಿಭಿಃ॑ |
ಕರ॑ತಾಂ ನಃ ಸು॒ರಾಧ॑ಸಃ || 1.23.6
ಮ॒ರುತ್ವ᳚‌ನ್ತಂ ಹವಾಮಹ॒ ಇಂದ್ರ॒ಮಾ ಸೋಮ॑ಪೀತಯೇ |
ಸ॒ಜೂರ್ಗ॒ಣೇನ॑ ತೃಂಪತು || 1.23.7
ಇಂದ್ರ॑ಜ್ಯೇಷ್ಠಾ॒ ಮರು॑ದ್ಗಣಾ॒ ದೇವಾ᳚ಸಃ॒ ಪೂಷ॑ರಾತಯಃ |
ವಿಶ್ವೇ॒ ಮಮ॑ ಶ್ರುತಾ॒ ಹವ‌ಮ್᳚ || 1.23.8
ಹ॒ತ ವೃ॒ತ್ರಂ ಸು॑ದಾನವ॒ ಇಂದ್ರೇ᳚ಣ॒ ಸಹ॑ಸಾ ಯು॒ಜಾ |
ಮಾ ನೋ᳚ ದುಃ॒ಶಂಸ॑ ಈಶತ || 1.23.9
ವಿಶ್ವಾಂ᳚ದೇ॒ವಾನ್ಹ॑ವಾಮಹೇ ಮ॒ರುತಃ॒ ಸೋಮ॑ಪೀತಯೇ |
ಉ॒ಗ್ರಾ ಹಿ ಪೃಶ್ನಿ॑ಮಾತರಃ || 1.23.10
ಜಯ॑ತಾಮಿವ ತನ್ಯ॒ತುರ್ಮ॒ರುತಾ᳚ಮೇತಿ ಧೃಷ್ಣು॒ಯಾ |
ಯಚ್ಛುಭಂ᳚ ಯಾ॒ಥನಾ᳚ ನರಃ || 1.23.11
ಹ॒ಸ್ಕಾ॒ರಾದ್ವಿ॒ದ್ಯುತ॒ಸ್ಪರ್ಯತೋ᳚ ಜಾ॒ತಾ ಅ॑ವ‌ನ್ತು ನಃ |
ಮ॒ರುತೋ᳚ ಮೃಳಯ‌ನ್ತು ನಃ || 1.23.12
ಆ ಪೂ᳚ಷಂಚಿ॒ತ್ರಬ॑ರ್ಹಿಷ॒ಮಾಘೃ॑ಣೇ ಧ॒ರುಣಂ᳚ ದಿ॒ವಃ |
ಆಜಾ᳚ ನ॒ಷ್ಟಂ ಯಥಾ᳚ ಪ॒ಶು‌ಮ್ || 1.23.13
ಪೂ॒ಷಾ ರಾಜಾ᳚ನ॒ಮಾಘೃ॑ಣಿ॒ರಪ॑ಗೂಳ್ಹಂ॒ ಗುಹಾ᳚ ಹಿ॒ತ‌ಮ್ |
ಅವಿಂ᳚ದಚ್ಚಿ॒ತ್ರಬ॑ರ್ಹಿಷ‌ಮ್ || 1.23.14
ಉ॒ತೋ ಸ ಮಹ್ಯ॒ಮಿಂದು॑ಭಿಃ॒ ಷಡ್ಯು॒ಕ್ತಾಁ ಅ॑ನು॒ಸೇಷಿ॑ಧತ್ |
ಗೋಭಿ॒ರ್ಯವಂ॒ ನ ಚ॑ರ್ಕೃಷತ್ || 1.23.15
ಅಂ॒ಬಯೋ᳚ ಯ॒‌ನ್ತ್ಯಧ್ವ॑ಭಿರ್ಜಾ॒ಮಯೋ᳚ ಅಧ್ವರೀಯ॒ತಾ‌ಮ್ |
ಪೃಂ॒ಚ॒ತೀರ್ಮಧು॑ನಾ॒ ಪಯಃ॑ || 1.23.16
ಅ॒ಮೂರ್ಯಾ ಉಪ॒ ಸೂರ್ಯೇ॒ ಯಾಭಿ᳚ರ್ವಾ॒ ಸೂರ್ಯಃ॑ ಸ॒ಹ |
ತಾ ನೋ᳚ ಹಿನ್ವ‌ನ್ತ್ವಧ್ವ॒ರ‌ಮ್ || 1.23.17
ಅ॒ಪೋ ದೇ॒ವೀರುಪ॑ ಹ್ವಯೇ॒ ಯತ್ರ॒ ಗಾವಃ॒ ಪಿಬ᳚‌ನ್ತಿ ನಃ |
ಸಿಂಧು॑ಭ್ಯಃ॒ ಕರ್ತ್ವಂ᳚ ಹ॒ವಿಃ || 1.23.18
ಅ॒ಪ್ಸ್ವ1॒᳚‌ನ್ತರ॒ಮೃತ॑ಮ॒ಪ್ಸು ಭೇ᳚ಷ॒ಜಮ॒ಪಾಮು॒ತ ಪ್ರಶ॑ಸ್ತಯೇ |
ದೇವಾ॒ ಭವ॑ತ ವಾ॒ಜಿನಃ॑ || 1.23.19
ಅ॒ಪ್ಸು ಮೇ॒ ಸೋಮೋ᳚ ಅಬ್ರವೀದ॒‌ನ್ತರ್ವಿಶ್ವಾ᳚ನಿ ಭೇಷ॒ಜಾ |
ಅ॒ಗ್ನಿಂ ಚ॑ ವಿ॒ಶ್ವಶಂ᳚ಭುವ॒ಮಾಪ॑ಶ್ಚ ವಿ॒ಶ್ವಭೇ᳚ಷಜೀಃ || 1.23.20
ಆಪಃ॑ ಪೃಣೀ॒ತ ಭೇ᳚ಷ॒ಜಂ ವರೂ᳚ಥಂ ತ॒ನ್ವೇ॒3॒॑ ಮಮ॑ |
ಜ್ಯೋಕ್ಚ॒ ಸೂರ್ಯಂ᳚ ದೃ॒ಶೇ || 1.23.21
ಇ॒ದಮಾ᳚ಪಃ॒ ಪ್ರ ವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ |
ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ᳚ ಶೇ॒ಪ ಉ॒ತಾನೃ॑ತ‌ಮ್ || 1.23.22
ಆಪೋ᳚ ಅ॒ದ್ಯಾನ್ವ॑ಚಾರಿಷಂ॒ ರಸೇ᳚ನ॒ ಸಮ॑ಗಸ್ಮಹಿ |
ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ || 1.23.23
ಸಂ ಮಾ᳚ಗ್ನೇ॒ ವರ್ಚ॑ಸಾ ಸೃಜ॒ ಸಂ ಪ್ರ॒ಜಯಾ॒ ಸಮಾಯು॑ಷಾ |
ವಿ॒ದ್ಯುರ್ಮೇ᳚ ಅಸ್ಯ ದೇ॒ವಾ ಇಂದ್ರೋ᳚ ವಿದ್ಯಾತ್ಸ॒ಹ ಋಷಿ॑ಭಿಃ || 1.23.24

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ (1) ಪ್ರಥಮಾಯಾ ಋಚಃ ಕಃ (ಪ್ರಜಾಪತಿಃ) (2) ದ್ವಿತೀಯಾಯಾ ಅಗ್ನಿಃ (3-5) ತೃತೀಯಾದಿತೃಚಸ್ಯ ಸವಿತಾ (5) ಪಂಚಮ್ಯಾ ಭಗೋ ವಾ (6-15) ಷಷ್ಠ್ಯಾದಿದಶರ್ಚಾಂಚ ವರುಣೋ ದೇವತಾಃ (1-2, 6-15) ಆದ್ಯಯೋದ್ವರ್ಯಚೋಃ ಷಷ್ಠ್ಯಾದಿದಶರ್ಚಾಂಚ ತ್ರಿಷ್ಟುಪ್ (3-5) ತೃತೀಯಾದಿತೃಚಸ್ಯ ಚ ಗಾಯತ್ರೀ ಛಂದಸೀ

ಕಸ್ಯ॑ ನೂ॒ನಂ ಕ॑ತ॒ಮಸ್ಯಾ॒ಮೃತಾ᳚ನಾಂ॒ ಮನಾ᳚ಮಹೇ॒ ಚಾರು॑ ದೇ॒ವಸ್ಯ॒ ನಾಮ॑ |
ಕೋ ನೋ᳚ ಮ॒ಹ್ಯಾ ಅದಿ॑ತಯೇ॒ ಪುನ॑ರ್ದಾತ್ಪಿ॒ತರಂ᳚ ಚ ದೃ॒ಶೇಯಂ᳚ ಮಾ॒ತರಂ᳚ ಚ || 1.24.1
ಅ॒ಗ್ನೇರ್ವ॒ಯಂ ಪ್ರ॑ಥ॒ಮಸ್ಯಾ॒ಮೃತಾ᳚ನಾಂ॒ ಮನಾ᳚ಮಹೇ॒ ಚಾರು॑ ದೇ॒ವಸ್ಯ॒ ನಾಮ॑ |
ಸ ನೋ᳚ ಮ॒ಹ್ಯಾ ಅದಿ॑ತಯೇ॒ ಪುನ॑ರ್ದಾತ್ಪಿ॒ತರಂ᳚ ಚ ದೃ॒ಶೇಯಂ᳚ ಮಾ॒ತರಂ᳚ ಚ || 1.24.2
ಅ॒ಭಿ ತ್ವಾ᳚ ದೇವ ಸವಿತ॒ರೀಶಾ᳚ನಂ॒ ವಾರ್ಯಾ᳚ಣಾ‌ಮ್ |
ಸದಾ᳚ವನ್ಭಾ॒ಗಮೀ᳚ಮಹೇ || 1.24.3
ಯಶ್ಚಿ॒ದ್ಧಿ ತ॑ ಇ॒ತ್ಥಾ ಭಗಃ॑ ಶಶಮಾ॒ನಃ ಪು॒ರಾ ನಿ॒ದಃ |
ಅ॒ದ್ವೇ॒ಷೋ ಹಸ್ತ॑ಯೋರ್ದ॒ಧೇ || 1.24.4
ಭಗ॑ಭಕ್ತಸ್ಯ ತೇ ವ॒ಯಮುದ॑ಶೇಮ॒ ತವಾವ॑ಸಾ |
ಮೂ॒ರ್ಧಾನಂ᳚ ರಾ॒ಯ ಆ॒ರಭೇ᳚ || 1.24.5
ನ॒ಹಿ ತೇ᳚ ಕ್ಷ॒ತ್ರಂ ನ ಸಹೋ॒ ನ ಮ॒ನ್ಯುಂ ವಯ॑ಶ್ಚ॒ನಾಮೀ ಪ॒ತಯ᳚‌ನ್ತ ಆ॒ಪುಃ |
ನೇಮಾ ಆಪೋ᳚ ಅನಿಮಿ॒ಷಂ ಚರ᳚‌ನ್ತೀ॒ರ್ನ ಯೇ ವಾತ॑ಸ್ಯ ಪ್ರಮಿ॒ನ‌ನ್ತ್+ಯಭ್ವ‌ಮ್᳚ || 1.24.6
ಅ॒ಬು॒ಧ್ನೇ ರಾಜಾ॒ ವರು॑ಣೋ॒ ವನ॑ಸ್ಯೋ॒ರ್ಧ್ವಂ ಸ್ತೂಪಂ᳚ ದದತೇ ಪೂ॒ತದ॑ಕ್ಷಃ |
ನೀ॒ಚೀನಾಃ᳚ ಸ್ಥುರು॒ಪರಿ॑ ಬು॒ಧ್ನ ಏ᳚ಷಾಮ॒ಸ್ಮೇ ಅ॒‌ನ್ತರ್ನಿಹಿ॑ತಾಃ ಕೇ॒ತವಃ॑ ಸ್ಯುಃ || 1.24.7
ಉ॒ರುಂ ಹಿ ರಾಜಾ॒ ವರು॑ಣಶ್ಚ॒ಕಾರ॒ ಸೂರ್ಯಾ᳚ಯ॒ ಪ‌ನ್ಥಾ॒ಮನ್ವೇ᳚ತ॒ವಾ ಉ॑ |
ಅ॒ಪದೇ॒ ಪಾದಾ॒ ಪ್ರತಿ॑ಧಾತವೇಽಕರು॒ತಾಪ॑ವ॒ಕ್ತಾ ಹೃ॑ದಯಾ॒ವಿಧ॑ಶ್ಚಿತ್ || 1.24.8
ಶ॒ತಂ ತೇ᳚ ರಾಜನ್ಭಿ॒ಷಜಃ॑ ಸ॒ಹಸ್ರ॑ಮು॒ರ್ವೀ ಗ॑ಭೀ॒ರಾ ಸು॑ಮ॒ತಿಷ್ಟೇ᳚ ಅಸ್ತು |
ಬಾಧ॑ಸ್ವ ದೂ॒ರೇ ನಿರ್‌ಋ॑ತಿಂ ಪರಾ॒ಚೈಃ ಕೃ॒ತಂ ಚಿ॒ದೇನಃ॒ ಪ್ರ ಮು॑ಮುಗ್+ಧ್ಯ॒ಸ್ಮತ್ || 1.24.9
ಅ॒ಮೀ ಯ ಋಕ್ಷಾ॒ ನಿಹಿ॑ತಾಸ ಉ॒ಚ್ಚಾ ನಕ್ತಂ॒ ದದೃ॑ಶ್ರೇ॒ ಕುಹ॑ ಚಿ॒ದ್ದಿವೇ᳚ಯುಃ |
ಅದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ ವಿ॒ಚಾಕ॑ಶಚ್ಚಂ॒ದ್ರಮಾ॒ ನಕ್ತ॑ಮೇತಿ || 1.24.10
ತತ್ತ್ವಾ᳚ ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ |
ಅಹೇ᳚ಳಮಾನೋ ವರುಣೇ॒ಹ ಬೋ॒ಧ್ಯುರು॑ಶಂಸ॒ ಮಾ ನ॒ ಆಯುಃ॒ ಪ್ರ ಮೋ᳚ಷೀಃ || 1.24.11
ತದಿನ್ನಕ್ತಂ॒ ತದ್ದಿವಾ॒ ಮಹ್ಯ॑ಮಾಹು॒ಸ್+ತದ॒ಯಂ ಕೇತೋ᳚ ಹೃ॒ದ ಆ ವಿ ಚ॑ಷ್ಟೇ |
ಶುನಃ॒ಶೇಪೋ॒ ಯಮಹ್ವ॑ದ್ ಗೃಭೀ॒ತಃ ಸೋ ಅ॒ಸ್ಮಾನ್ ರಾಜಾ॒ ವರು॑ಣೋ ಮುಮೋಕ್ತು || 1.24.12
ಶುನಃ॒ಶೇಪೋ॒ ಹ್ಯಹ್ವ॑ದ್ ಗೃಭೀ॒ತಸ್+ತ್ರಿ॒ಷ್ವಾ᳚ದಿ॒ತ್ಯಂ ದ್ರು॑ಪ॒ದೇಷು॑ ಬ॒ದ್ಧಃ |
ಅವೈ᳚ನಂ॒ ರಾಜಾ॒ ವರು॑ಣಃ ಸಸೃಜ್ಯಾದ್ ವಿ॒ದ್ವಾಁ ಅದ॑ಬ್ಧೋ॒ ವಿ ಮು॑ಮೋಕ್ತು॒ ಪಾಶಾನ್॑ || 1.24.13
ಅವ॑ ತೇ॒ ಹೇಳೋ᳚ ವರುಣ॒ ನಮೋ᳚ಭಿ॒ರವ॑ ಯ॒ಜ್ಞೇಭಿ॑ರೀಮಹೇ ಹ॒ವಿರ್ಭಿಃ॑ |
ಕ್ಷಯ᳚ನ್ನ॒ಸ್ಮಭ್ಯ॑ಮಸುರ ಪ್ರಚೇತಾ॒ ರಾಜ॒ನ್ನೇನಾಂ᳚ಸಿ ಶಿಶ್ರಥಃ ಕೃ॒ತಾನಿ॑ || 1.24.14
ಉದು॑ತ್ತ॒ಮಂ ವ॑ರುಣ॒ ಪಾಶ॑ಮ॒ಸ್ಮದವಾ᳚ಧ॒ಮಂ ವಿ ಮ॑ಧ್ಯ॒ಮಂ ಶ್ರ॑ಥಾಯ |
ಅಥಾ᳚ ವ॒ಯಮಾ᳚ದಿತ್ಯ ವ್ರ॒ತೇ ತವಾನಾ᳚ಗಸೋ॒ ಅದಿ॑ತಯೇ ಸ್ಯಾಮ || 1.24.15

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ ವರುಣೋ ದೇವತಾ ಗಾಯತ್ರೀ ಛಂದಃ

ಯಚ್ಚಿ॒ದ್ಧಿ ತೇ॒ ವಿಶೋ᳚ ಯಥಾ॒ ಪ್ರ ದೇ᳚ವ ವರುಣ ವ್ರ॒ತ‌ಮ್ |
ಮಿ॒ನೀ॒ಮಸಿ॒ ದ್ಯವಿ॑ದ್ಯವಿ || 1.25.1
ಮಾ ನೋ᳚ ವ॒ಧಾಯ॑ ಹ॒ತ್ನವೇ᳚ ಜಿಹೀಳಾ॒ನಸ್ಯ॑ ರೀರಧಃ |
ಮಾ ಹೃ॑ಣಾ॒ನಸ್ಯ॑ ಮ॒ನ್ಯವೇ᳚ || 1.25.2
ವಿ ಮೃ॑ಳೀ॒ಕಾಯ॑ ತೇ॒ ಮನೋ᳚ ರ॒ಥೀರಶ್ವಂ॒ ನ ಸಂದಿ॑ತ‌ಮ್ |
ಗೀ॒ರ್ಭಿರ್ವ॑ರುಣ ಸೀಮಹಿ || 1.25.3
ಪರಾ॒ ಹಿ ಮೇ॒ ವಿಮ᳚ನ್ಯವಃ॒ ಪತ᳚‌ನ್ತಿ॒ ವಸ್ಯ॑‌ಇಷ್ಟಯೇ |
ವಯೋ॒ ನ ವ॑ಸ॒ತೀರುಪ॑ || 1.25.4
ಕ॒ದಾ ಕ್ಷ॑ತ್ರ॒ಶ್ರಿಯಂ॒ ನರ॒ಮಾ ವರು॑ಣಂ ಕರಾಮಹೇ |
ಮೃ॒ಳೀ॒ಕಾಯೋ᳚ರು॒ಚಕ್ಷ॑ಸ‌ಮ್ || 1.25.5
ತದಿತ್ಸ॑ಮಾ॒ನಮಾ᳚ಶಾತೇ॒ ವೇನ᳚‌ನ್ತಾ॒ ನ ಪ್ರ ಯು॑ಚ್ಛತಃ |
ಧೃ॒ತವ್ರ॑ತಾಯ ದಾ॒ಶುಷೇ᳚ || 1.25.6
ವೇದಾ॒ ಯೋ ವೀ॒ನಾಂ ಪ॒ದಮ॒‌ನ್ತರಿ॑ಕ್ಷೇಣ॒ ಪತ॑ತಾ‌ಮ್ |
ವೇದ॑ ನಾ॒ವಃ ಸ॑ಮು॒ದ್ರಿಯಃ॑ || 1.25.7
ವೇದ॑ ಮಾ॒ಸೋ ಧೃ॒ತವ್ರ॑ತೋ॒ ದ್ವಾದ॑ಶ ಪ್ರ॒ಜಾವ॑ತಃ |
ವೇದಾ॒ ಯ ಉ॑ಪ॒ಜಾಯ॑ತೇ || 1.25.8
ವೇದ॒ ವಾತ॑ಸ್ಯ ವರ್ತ॒ನಿಮು॒ರೋರ್ ಋ॒ಷ್ವಸ್ಯ॑ ಬೃಹ॒ತಃ |
ವೇದಾ॒ ಯೇ ಅ॒ಧ್ಯಾಸ॑ತೇ || 1.25.9
ನಿ ಷ॑ಸಾದ ಧೃ॒ತವ್ರ॑ತೋ॒ ವರು॑ಣಃ ಪ॒ಸ್ತ್ಯಾ॒3॒॑ಸ್ವಾ |
ಸಾಮ್ರಾ᳚ಜ್ಯಾಯ ಸು॒ಕ್ರತುಃ॑ || 1.25.10
ಅತೋ॒ ವಿಶ್ವಾ॒ನ್ಯದ್ಭು॑ತಾ ಚಿಕಿ॒ತ್ವಾಁ ಅ॒ಭಿ ಪ॑ಶ್ಯತಿ |
ಕೃ॒ತಾನಿ॒ ಯಾ ಚ॒ ಕರ್ತ್ವಾ᳚ || 1.25.11
ಸ ನೋ᳚ ವಿ॒ಶ್ವಾಹಾ᳚ ಸು॒ಕ್ರತು॑ರಾದಿ॒ತ್ಯಃ ಸು॒ಪಥಾ᳚ ಕರತ್ |
ಪ್ರ ಣ॒ ಆಯೂಂ᳚ಷಿ ತಾರಿಷತ್ || 1.25.12
ಬಿಭ್ರ॑ದ್ದ್ರಾ॒ಪಿಂ ಹಿ॑ರ॒ಣ್ಯಯಂ॒ ವರು॑ಣೋ ವಸ್ತ ನಿ॒ರ್ಣಿಜ‌ಮ್᳚ |
ಪರಿ॒ ಸ್ಪಶೋ॒ ನಿ ಷೇ᳚ದಿರೇ || 1.25.13
ನ ಯಂ ದಿಪ್ಸ᳚‌ನ್ತಿ ದಿ॒ಪ್ಸವೋ॒ ನ ದ್ರುಹ್ವಾ᳚ಣೋ॒ ಜನಾ᳚ನಾ‌ಮ್ |
ನ ದೇ॒ವಮ॒ಭಿಮಾ᳚ತಯಃ || 1.25.14
ಉ॒ತ ಯೋ ಮಾನು॑ಷೇ॒ಷ್ವಾ ಯಶ॑ಶ್ಚ॒ಕ್ರೇ ಅಸಾ॒ಮ್ಯಾ |
ಅ॒ಸ್ಮಾಕ॑ಮು॒ದರೇ॒ಷ್ವಾ || 1.25.15
ಪರಾ᳚ ಮೇ ಯ‌ನ್ತಿ ಧೀ॒ತಯೋ॒ ಗಾವೋ॒ ನ ಗವ್ಯೂ᳚ತೀ॒ರನು॑ |
ಇ॒ಚ್ಛ‌ನ್ತೀ᳚ರುರು॒ಚಕ್ಷ॑ಸ‌ಮ್ || 1.25.16
ಸಂ ನು ವೋ᳚ಚಾವಹೈ॒ ಪುನ॒ರ್ಯತೋ᳚ ಮೇ॒ ಮಧ್ವಾಭೃ॑ತ‌ಮ್ |
ಹೋತೇ᳚ವ॒ ಕ್ಷದ॑ಸೇ ಪ್ರಿ॒ಯ‌ಮ್ || 1.25.17
ದರ್ಶಂ॒ ನು ವಿ॒ಶ್ವದ॑ರ್ಶತಂ॒ ದರ್ಶಂ॒ ರಥ॒ಮಧಿ॒ ಕ್ಷಮಿ॑ |
ಏ॒ತಾ ಜು॑ಷತ ಮೇ॒ ಗಿರಃ॑ || 1.25.18
ಇ॒ಮಂ ಮೇ᳚ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಳಯ |
ತ್ವಾಮ॑ವ॒ಸ್ಯುರಾ ಚ॑ಕೇ || 1.25.19
ತ್ವಂ ವಿಶ್ವ॑ಸ್ಯ ಮೇಧಿರ ದಿ॒ವಶ್ಚ॒ ಗ್ಮಶ್ಚ॑ ರಾಜಸಿ |
ಸ ಯಾಮ॑ನಿ॒ ಪ್ರತಿ॑ ಶ್ರುಧಿ || 1.25.20
ಉದು॑ತ್ತ॒ಮಂ ಮು॑ಮುಗ್ಧಿ ನೋ॒ ವಿ ಪಾಶಂ᳚ ಮಧ್ಯ॒ಮಂ ಚೃ॑ತ |
ಅವಾ᳚ಧ॒ಮಾನಿ॑ ಜೀ॒ವಸೇ᳚ || 1.25.21

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ ಅಗ್ನಿರ್ದೇವತಾ,ಗಾಯತ್ರೀ ಛಂದಃ

ವಸಿ॑ಷ್ವಾ॒ ಹಿ ಮಿ॑ಯೇಧ್ಯ॒ ವಸ್ತ್ರಾ᳚ಣ್ಯೂರ್ಜಾಂ ಪತೇ |
ಸೇಮಂ ನೋ᳚ ಅಧ್ವ॒ರಂ ಯ॑ಜ || 1.26.1
ನಿ ನೋ॒ ಹೋತಾ॒ ವರೇ᳚ಣ್ಯಃ॒ ಸದಾ᳚ ಯವಿಷ್ಠ॒ ಮನ್ಮ॑ಭಿಃ |
ಅಗ್ನೇ᳚ ದಿ॒ವಿತ್ಮ॑ತಾ॒ ವಚಃ॑ || 1.26.2
ಆ ಹಿ ಷ್ಮಾ᳚ ಸೂ॒ನವೇ᳚ ಪಿ॒ತಾಪಿರ್ಯಜ॑ತ್ಯಾ॒ಪಯೇ᳚ |
ಸಖಾ॒ ಸಖ್ಯೇ॒ ವರೇ᳚ಣ್ಯಃ || 1.26.3
ಆ ನೋ᳚ ಬ॒ರ್ಹೀ ರಿ॒ಶಾದ॑ಸೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ |
ಸೀದ᳚‌ನ್ತು॒ ಮನು॑ಷೋ ಯಥಾ || 1.26.4
ಪೂರ್ವ್ಯ॑ ಹೋತರ॒ಸ್ಯ ನೋ॒ ಮಂದ॑ಸ್ವ ಸ॒ಖ್ಯಸ್ಯ॑ ಚ |
ಇ॒ಮಾ ಉ॒ ಷು ಶ್ರು॑ಧೀ॒ ಗಿರಃ॑ || 1.26.5
ಯಚ್ಚಿ॒ದ್ಧಿ ಶಶ್ವ॑ತಾ॒ ತನಾ᳚ ದೇ॒ವಂದೇ᳚ವಂ॒ ಯಜಾ᳚ಮಹೇ |
ತ್ವೇ ಇದ್ಧೂ᳚ಯತೇ ಹ॒ವಿಃ || 1.26.6
ಪ್ರಿ॒ಯೋ ನೋ᳚ ಅಸ್ತು ವಿ॒ಶ್ಪತಿ॒ರ್ಹೋತಾ᳚ ಮಂ॒ದ್ರೋ ವರೇ᳚ಣ್ಯಃ |
ಪ್ರಿ॒ಯಾಃ ಸ್ವ॒ಗ್ನಯೋ᳚ ವ॒ಯ‌ಮ್ || 1.26.7
ಸ್ವ॒ಗ್ನಯೋ॒ ಹಿ ವಾರ್ಯಂ᳚ ದೇ॒ವಾಸೋ᳚ ದಧಿ॒ರೇ ಚ॑ ನಃ |
ಸ್ವ॒ಗ್ನಯೋ᳚ ಮನಾಮಹೇ || 1.26.8
ಅಥಾ᳚ ನ ಉ॒ಭಯೇ᳚ಷಾ॒ಮಮೃ॑ತ॒ ಮರ್ತ್ಯಾ᳚ನಾ‌ಮ್ |
ಮಿ॒ಥಃ ಸ᳚‌ನ್ತು॒ ಪ್ರಶ॑ಸ್ತಯಃ || 1.26.9
ವಿಶ್ವೇ᳚ಭಿರಗ್ನೇ ಅ॒ಗ್ನಿಭಿ॑ರಿ॒ಮಂ ಯ॒ಜ್ಞಮಿ॒ದಂ ವಚಃ॑ |
ಚನೋ᳚ ಧಾಃ ಸಹಸೋ ಯಹೋ || 1.26.10

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ (1-12) ಪ್ರಥಮಾದಿದ್ವಾದಶರ್ಚಾಮಗ್ನಿಃ (13) ತ್ರಯೋದಶ್ಯಾಶ್ಚ ದೇವಾ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ಗಾಯತ್ರೀ (13) ತ್ರಯೋದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅಶ್ವಂ॒ ನ ತ್ವಾ॒ ವಾರ॑ವ‌ನ್ತಂ ವಂ॒ದಧ್ಯಾ᳚ ಅ॒ಗ್ನಿಂ ನಮೋ᳚ಭಿಃ |
ಸ॒ಮ್ರಾಜ᳚‌ನ್ತಮಧ್ವ॒ರಾಣಾ᳚‌ಮ್ || 1.27.1
ಸ ಘಾ᳚ ನಃ ಸೂ॒ನುಃ ಶವ॑ಸಾ ಪೃ॒ಥುಪ್ರ॑ಗಾಮಾ ಸು॒ಶೇವಃ॑ |
ಮೀ॒ಢ್ವಾಁ ಅ॒ಸ್ಮಾಕಂ᳚ ಬಭೂಯಾತ್ || 1.27.2
ಸ ನೋ᳚ ದೂ॒ರಾಚ್ಚಾ॒ಸಾಚ್ಚ॒ ನಿ ಮರ್ತ್ಯಾ᳚ದಘಾ॒ಯೋಃ |
ಪಾ॒ಹಿ ಸದ॒ಮಿದ್ವಿ॒ಶ್ವಾಯುಃ॑ || 1.27.3
ಇ॒ಮಮೂ॒ ಷು ತ್ವಮ॒ಸ್ಮಾಕಂ᳚ ಸ॒ನಿಂ ಗಾ᳚ಯ॒ತ್ರಂ ನವ್ಯಾಂ᳚ಸ‌ಮ್ |
ಅಗ್ನೇ᳚ ದೇ॒ವೇಷು॒ ಪ್ರ ವೋ᳚ಚಃ || 1.27.4
ಆ ನೋ᳚ ಭಜ ಪರ॒ಮೇಷ್ವಾ ವಾಜೇ᳚ಷು ಮಧ್ಯ॒ಮೇಷು॑ |
ಶಿಕ್ಷಾ॒ ವಸ್ವೋ॒ ಅ‌ನ್ತ॑ಮಸ್ಯ || 1.27.5
ವಿ॒ಭ॒ಕ್ತಾಸಿ॑ ಚಿತ್ರಭಾನೋ॒ ಸಿಂಧೋ᳚ರೂ॒ರ್ಮಾ ಉ॑ಪಾ॒ಕ ಆ |
ಸ॒ದ್ಯೋ ದಾ॒ಶುಷೇ᳚ ಕ್ಷರಸಿ || 1.27.6
ಯಮ॑ಗ್ನೇ ಪೃ॒ತ್ಸು ಮರ್ತ್ಯ॒ಮವಾ॒ ವಾಜೇ᳚ಷು॒ ಯಂ ಜು॒ನಾಃ |
ಸ ಯ‌ನ್ತಾ॒ ಶಶ್ವ॑ತೀ॒ರಿಷಃ॑ || 1.27.7
ನಕಿ॑ರಸ್ಯ ಸಹ‌ನ್ತ್ಯ ಪರ್ಯೇ॒ತಾ ಕಯ॑ಸ್ಯ ಚಿತ್ |
ವಾಜೋ᳚ ಅಸ್ತಿ ಶ್ರ॒ವಾಯ್ಯಃ॑ || 1.27.8
ಸ ವಾಜಂ᳚ ವಿ॒ಶ್ವಚ॑ರ್ಷಣಿ॒ರರ್ವ॑ದ್ಭಿರಸ್ತು॒ ತರು॑ತಾ |
ವಿಪ್ರೇ᳚ಭಿರಸ್ತು॒ ಸನಿ॑ತಾ || 1.27.9
ಜರಾ᳚ಬೋಧ॒ ತದ್ವಿ॑ವಿಡ್ಢಿ ವಿ॒ಶೇವಿ॑ಶೇ ಯ॒ಜ್ಞಿಯಾ᳚ಯ |
ಸ್ತೋಮಂ᳚ ರು॒ದ್ರಾಯ॒ ದೃಶೀ᳚ಕ‌ಮ್ || 1.27.10
ಸ ನೋ᳚ ಮ॒ಹಾಁ ಅ॑ನಿಮಾ॒ನೋ ಧೂ॒ಮಕೇ᳚ತುಃ ಪುರುಶ್ಚಂ॒ದ್ರಃ |
ಧಿ॒ಯೇ ವಾಜಾ᳚ಯ ಹಿನ್ವತು || 1.27.11
ಸ ರೇ॒ವಾಁ ಇ॑ವ ವಿ॒ಶ್ಪತಿ॒ರ್ದೈವ್ಯಃ॑ ಕೇ॒ತುಃ ಶೃ॑ಣೋತು ನಃ |
ಉ॒ಕ್ಥೈರ॒ಗ್ನಿರ್ಬೃ॒ಹದ್ಭಾ᳚ನುಃ || 1.27.12
ನಮೋ᳚ ಮ॒ಹದ್ಭ್ಯೋ॒ ನಮೋ᳚ ಅರ್ಭ॒ಕೇಭ್ಯೋ॒ ನಮೋ॒ ಯುವ॑ಭ್ಯೋ॒ ನಮ॑ ಆಶಿ॒ನೇಭ್ಯಃ॑ |
ಯಜಾ᳚ಮ ದೇ॒ವಾನ್ಯದಿ॑ ಶ॒ಕ್ನವಾ᳚ಮ॒ ಮಾ ಜ್ಯಾಯ॑ಸಃ॒ ಶಂಸ॒ಮಾ ವೃ॑ಕ್ಷಿ ದೇವಾಃ || 1.27.13

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ (1-4) ಪ್ರಥಮಾದಿಚತುರೃಚಾಮಿಂದ್ರಃ (5-6) ಪಂಚಮೀಷಷ್ಠ್ಯೋರುಲೂಖಲಂ (7-8) ಸಪ್ತಮ್ಯಷ್ಟಮ್ಯೋರುಲೂಖಲಮುಸಲೇ (9) ನವಮ್ಯಾಶ್ಚ ಪ್ರಜಾಪತಿರ್ಹರಿಶ್ಚಂದ್ರಃ ಅಧಿಷವಣಚರ್ಮ ಸೋಮೋ ವಾ ದೇವತಾಃ, (1-6) ಪ್ರಥಮಾದಿಷಡಚಾಮನುಷ್ಟುಪ್ (7-9) ಅಂತ್ಯತೃಚಸ್ಯ ಚ ಗಾಯತ್ರೀ ಛಂದಸೀ

ಯತ್ರ॒ ಗ್ರಾವಾ᳚ ಪೃ॒ಥುಬು॑ಧ್ನ ಊ॒ರ್ಧ್ವೋ ಭವ॑ತಿ॒ ಸೋತ॑ವೇ |
ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ || 1.28.1
ಯತ್ರ॒ ದ್ವಾವಿ॑ವ ಜ॒ಘನಾ᳚ಧಿಷವ॒ಣ್ಯಾ᳚ ಕೃ॒ತಾ |
ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ || 1.28.2
ಯತ್ರ॒ ನಾರ್ಯ॑ಪಚ್ಯ॒ವಮು॑ಪಚ್ಯ॒ವಂ ಚ॒ ಶಿಕ್ಷ॑ತೇ |
ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ || 1.28.3
ಯತ್ರ॒ ಮ‌ನ್ಥಾಂ᳚ ವಿಬ॒ಧ್ನತೇ᳚ ರ॒ಶ್ಮೀನ್ಯಮಿ॑ತ॒ವಾ ಇ॑ವ |
ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ || 1.28.4
ಯಚ್ಚಿ॒ದ್ಧಿ ತ್ವಂ ಗೃ॒ಹೇಗೃ॑ಹ॒ ಉಲೂ᳚ಖಲಕ ಯು॒ಜ್ಯಸೇ᳚ |
ಇ॒ಹ ದ್ಯು॒ಮತ್ತ॑ಮಂ ವದ॒ ಜಯ॑ತಾಮಿವ ದುಂದು॒ಭಿಃ || 1.28.5
ಉ॒ತ ಸ್ಮ॑ ತೇ ವನಸ್ಪತೇ॒ ವಾತೋ॒ ವಿ ವಾ॒ತ್ಯಗ್ರ॒ಮಿತ್ |
ಅಥೋ॒ ಇಂದ್ರಾ᳚ಯ॒ ಪಾತ॑ವೇ ಸು॒ನು ಸೋಮ॑ಮುಲೂಖಲ || 1.28.6
ಆ॒ಯ॒ಜೀ ವಾ᳚ಜ॒ಸಾತ॑ಮಾ॒ ತಾ ಹ್ಯು1॒॑ಚ್ಚಾ ವಿ॑ಜರ್ಭೃ॒ತಃ |
ಹರೀ᳚ ಇ॒ವಾಂಧಾಂ᳚ಸಿ॒ ಬಪ್ಸ॑ತಾ || 1.28.7
ತಾ ನೋ᳚ ಅ॒ದ್ಯ ವ॑ನಸ್ಪತೀ ಋ॒ಷ್ವಾವೃ॒ಷ್ವೇಭಿಃ॑ ಸೋ॒ತೃಭಿಃ॑ |
ಇಂದ್ರಾ᳚ಯ॒ ಮಧು॑ಮತ್ಸುತ‌ಮ್ || 1.28.8
ಉಚ್ಛಿ॒ಷ್ಟಂ ಚ॒ಮ್ವೋ᳚ರ್ಭರ॒ ಸೋಮಂ᳚ ಪ॒ವಿತ್ರ॒ ಆ ಸೃ॑ಜ |
ನಿ ಧೇ᳚ಹಿ॒ ಗೋರಧಿ॑ ತ್ವ॒ಚಿ || 1.28.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪ ಋಷಿಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಇಂದ್ರೋ ದೇವತಾ ಪಂಕ್ತಿಶ್ಛಂದಃ

ಯಚ್ಚಿ॒ದ್ಧಿ ಸ॑ತ್ಯ ಸೋಮಪಾ ಅನಾಶ॒ಸ್ತಾ ಇ॑ವ॒ ಸ್ಮಸಿ॑ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.1
ಶಿಪ್ರಿನ್᳚ ವಾಜಾನಾಂ ಪತೇ॒ ಶಚೀ᳚ವ॒ಸ್ತವ॑ ದಂ॒ಸನಾ᳚ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.2
ನಿ ಷ್ವಾ᳚ಪಯಾ ಮಿಥೂ॒ದೃಶಾ᳚ ಸ॒ಸ್ತಾಮಬು॑ಧ್ಯಮಾನೇ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.3
ಸ॒ಸ‌ನ್ತು॒ ತ್ಯಾ ಅರಾ᳚ತಯೋ॒ ಬೋಧ᳚‌ನ್ತು ಶೂರ ರಾ॒ತಯಃ॑ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.4
ಸಮಿಂ᳚ದ್ರ ಗರ್ದ॒ಭಂ ಮೃ॑ಣ ನು॒ವ‌ನ್ತಂ᳚ ಪಾ॒ಪಯಾ᳚ಮು॒ಯಾ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.5
ಪತಾ᳚ತಿ ಕುಂಡೃ॒ಣಾಚ್ಯಾ᳚ ದೂ॒ರಂ ವಾತೋ॒ ವನಾ॒ದಧಿ॑ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.6
ಸರ್ವಂ᳚ ಪರಿಕ್ರೋ॒ಶಂ ಜ॑ಹಿ ಜಂ॒ಭಯಾ᳚ ಕೃಕದಾ॒ಶ್ವ‌ಮ್᳚ |
ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ || 1.29.7

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶನಃಶೇಪ ಋಷಿಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) (1-16) ಪ್ರಥಮಾದಿಷೋಡಶರ್ಚಾಮಿಂದ್ರಃ (17-19) ಸಪ್ತದಶ್ಯಾದಿತೃಚಸ್ಯಾಶ್ವಿನೌ (20-22) ವಿಂಶ್ಯಾದಿತೃಚಸ್ಯ ಚ ಉಷಾ ದೇವತಾಃ (1-10, 12-15, 17-22) ಪ್ರಥಮಾದಿದಶರ್ಚಾಂ ದ್ವಾದಶ್ಯಾದಿಚತುರೃಚಾಂ ಸಪ್ತದಶ್ಯಾದಿಷಡ್‌ಚಾಂಚ ಗಾಯತ್ರೀ (11) ಏಕಾದಶ್ಯಾಃ ಪಾದನಿಚೃದ್ಗಾಯತ್ರೀ (16) ಷೋಡಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಆ ವ॒ ಇಂದ್ರಂ॒ ಕ್ರಿವಿಂ᳚ ಯಥಾ ವಾಜ॒ಯ‌ನ್ತಃ॑ ಶ॒ತಕ್ರ॑ತು‌ಮ್ |
ಮಂಹಿ॑ಷ್ಠಂ ಸಿಂಚ॒ ಇಂದು॑ಭಿಃ || 1.30.1
ಶ॒ತಂ ವಾ॒ ಯಃ ಶುಚೀ᳚ನಾಂ ಸ॒ಹಸ್ರಂ᳚ ವಾ॒ ಸಮಾ᳚ಶಿರಾ‌ಮ್ |
ಏದು॑ ನಿ॒ಮ್ನಂ ನ ರೀ᳚ಯತೇ || 1.30.2
ಸಂ ಯನ್ಮದಾ᳚ಯ ಶು॒ಷ್ಮಿಣ॑ ಏ॒ನಾ ಹ್ಯ॑ಸ್ಯೋ॒ದರೇ᳚ |
ಸ॒ಮು॒ದ್ರೋ ನ ವ್ಯಚೋ᳚ ದ॒ಧೇ || 1.30.3
ಅ॒ಯಮು॑ ತೇ॒ ಸಮ॑ತಸಿ ಕ॒ಪೋತ॑ ಇವ ಗರ್ಭ॒ಧಿ‌ಮ್ |
ವಚ॒ಸ್ತಚ್ಚಿ᳚ನ್ನ ಓಹಸೇ || 1.30.4
ಸ್ತೋ॒ತ್ರಂ ರಾ᳚ಧಾನಾಂ ಪತೇ॒ ಗಿರ್ವಾ᳚ಹೋ ವೀರ॒ ಯಸ್ಯ॑ ತೇ |
ವಿಭೂ᳚ತಿರಸ್ತು ಸೂ॒ನೃತಾ᳚ || 1.30.5
ಊ॒ರ್ಧ್ವಸ್ತಿ॑ಷ್ಠಾ ನ ಊ॒ತಯೇ॒ಽಸ್ಮಿನ್ವಾಜೇ᳚ ಶತಕ್ರತೋ |
ಸಮ॒ನ್ಯೇಷು॑ ಬ್ರವಾವಹೈ || 1.30.6
ಯೋಗೇ᳚ಯೋಗೇ ತ॒ವಸ್ತ॑ರಂ॒ ವಾಜೇ᳚ವಾಜೇ ಹವಾಮಹೇ |
ಸಖಾ᳚ಯ॒ ಇಂದ್ರ॑ಮೂ॒ತಯೇ᳚ || 1.30.7
ಆ ಘಾ᳚ ಗಮ॒ದ್ಯದಿ॒ ಶ್ರವ॑ತ್ಸಹ॒ಸ್ರಿಣೀ᳚ಭಿರೂ॒ತಿಭಿಃ॑ |
ವಾಜೇ᳚ಭಿ॒ರುಪ॑ ನೋ॒ ಹವ‌ಮ್᳚ || 1.30.8
ಅನು॑ ಪ್ರ॒ತ್ನಸ್ಯೌಕ॑ಸೋ ಹು॒ವೇ ತು॑ವಿಪ್ರ॒ತಿಂ ನರ‌ಮ್᳚ |
ಯಂ ತೇ॒ ಪೂರ್ವಂ᳚ ಪಿ॒ತಾ ಹು॒ವೇ || 1.30.9
ತಂ ತ್ವಾ᳚ ವ॒ಯಂ ವಿ॑ಶ್ವವಾ॒ರಾ ಶಾ᳚ಸ್ಮಹೇ ಪುರುಹೂತ |
ಸಖೇ᳚ ವಸೋ ಜರಿ॒ತೃಭ್ಯಃ॑ || 1.30.10
ಅ॒ಸ್ಮಾಕಂ᳚ ಶಿ॒ಪ್ರಿಣೀ᳚ನಾಂ॒ ಸೋಮ॑ಪಾಃ ಸೋಮ॒ಪಾವ್ನಾ᳚‌ಮ್ |
ಸಖೇ᳚ ವಜ್ರಿ॒‌‌ನ್ತ್ಸಖೀ᳚ನಾ‌ಮ್ || 1.30.11
ತಥಾ॒ ತದ॑ಸ್ತು ಸೋಮಪಾಃ॒ ಸಖೇ᳚ ವಜ್ರಿ॒‌ನ್ತಥಾ᳚ ಕೃಣು |
ಯಥಾ᳚ ತ ಉ॒ಶ್ಮಸೀ॒ಷ್ಟಯೇ᳚ || 1.30.12
ರೇ॒ವತೀ᳚ರ್ನಃ ಸಧ॒ಮಾದ॒ ಇಂದ್ರೇ᳚ ಸ‌ನ್ತು ತು॒ವಿವಾ᳚ಜಾಃ |
ಕ್ಷು॒ಮ‌ನ್ತೋ॒ ಯಾಭಿ॒ರ್ಮದೇ᳚ಮ || 1.30.13
ಆ ಘ॒ ತ್ವಾವಾ॒‌ನ್ತ್ಮನಾ॒ಪ್ತಃ ಸ್ತೋ॒ತೃಭ್ಯೋ᳚ ಧೃಷ್ಣವಿಯಾ॒ನಃ |
ಋ॒ಣೋರಕ್ಷಂ॒ ನ ಚ॒ಕ್ರ್ಯೋಃ᳚ || 1.30.14
ಆ ಯದ್ದುವಃ॑ ಶತಕ್ರತ॒ವಾ ಕಾಮಂ᳚ ಜರಿತೄ॒ಣಾ‌ಮ್ |
ಋ॒ಣೋರಕ್ಷಂ॒ ನ ಶಚೀ᳚ಭಿಃ || 1.30.15
ಶಶ್ವ॒ದಿಂದ್ರಃ॒ ಪೋಪ್ರು॑ಥದ್ಭಿರ್ಜಿಗಾಯ॒ ನಾನ॑ದದ್ಭಿಃ॒ ಶಾಶ್ವ॑ಸದ್ಭಿ॒ರ್ಧನಾ᳚ನಿ |
ಸ ನೋ᳚ ಹಿರಣ್ಯರ॒ಥಂ ದಂ॒ಸನಾ᳚ವಾ॒‌‌ನ್ತ್ಸ ನಃ॑ ಸನಿ॒ತಾ ಸ॒ನಯೇ॒ ಸ ನೋ᳚ಽದಾತ್ || 1.30.16
ಆಶ್ವಿ॑ನಾ॒ವಶ್ವಾ᳚ವತ್ಯೇ॒ಷಾ ಯಾ᳚ತಂ॒ ಶವೀ᳚ರಯಾ |
ಗೋಮ॑ದ್ದಸ್ರಾ॒ ಹಿರ᳚ಣ್ಯವತ್ || 1.30.17
ಸ॒ಮಾ॒ನಯೋ᳚ಜನೋ॒ ಹಿ ವಾಂ॒ ರಥೋ᳚ ದಸ್ರಾ॒ವಮ॑ರ್ತ್ಯಃ |
ಸ॒ಮು॒ದ್ರೇ ಅ॑ಶ್ವಿ॒ನೇಯ॑ತೇ || 1.30.18
ನ್ಯ1॒॑ಘ್ನ್ಯಸ್ಯ॑ ಮೂ॒ರ್ಧನಿ॑ ಚ॒ಕ್ರಂ ರಥ॑ಸ್ಯ ಯೇಮಥುಃ |
ಪರಿ॒ ದ್ಯಾಮ॒ನ್ಯದೀ᳚ಯತೇ || 1.30.19
ಕಸ್ತ॑ ಉಷಃ ಕಧಪ್ರಿಯೇ ಭು॒ಜೇ ಮರ್ತೋ᳚ ಅಮರ್ತ್ಯೇ |
ಕಂ ನ॑ಕ್ಷಸೇ ವಿಭಾವರಿ || 1.30.20
ವ॒ಯಂ ಹಿ ತೇ॒ ಅಮ᳚ನ್ಮ॒ಹ್ಯಾ‌ನ್ತಾ॒ದಾ ಪ॑ರಾ॒ಕಾತ್ |
ಅಶ್ವೇ॒ ನ ಚಿ॑ತ್ರೇ ಅರುಷಿ || 1.30.21
ತ್ವಂ ತ್ಯೇಭಿ॒ರಾ ಗ॑ಹಿ॒ ವಾಜೇ᳚ಭಿರ್ದುಹಿತರ್ದಿವಃ |
ಅ॒ಸ್ಮೇ ರ॒ಯಿಂ ನಿ ಧಾ᳚ರಯ || 1.30.22

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ ಅಗ್ನಿರ್ದೇವತಾ, (1-7, 9-15, 17) ಪ್ರಥಮಾದಿಸಪ್ತರ್ಚಾಂ ನವಮ್ಯಾದಿಸಪ್ತರ್ಚಾಂ ಸಪ್ತದಶ್ಯಾಶ್ಚ ಜಗತೀಃ (8, 16, 18) ಅಷ್ಟಮೀಷೋಡಶ್ಯೋರಷ್ಟಾದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ತ್ವಮ॑ಗ್ನೇ ಪ್ರಥ॒ಮೋ ಅಂಗಿ॑ರಾ॒ ಋಷಿ॑ರ್ದೇ॒ವೋ ದೇ॒ವಾನಾ᳚ಮಭವಃ ಶಿ॒ವಃ ಸಖಾ᳚ |
ತವ᳚ ವ್ರ॒ತೇ ಕ॒ವಯೋ᳚ ವಿದ್ಮ॒ನಾಪ॒ಸೋಽಜಾ᳚ಯ‌ನ್ತ ಮ॒ರುತೋ॒ ಭ್ರಾಜ॑ದೃಷ್ಟಯಃ || 1.31.1
ತ್ವಮ॑ಗ್ನೇ ಪ್ರಥ॒ಮೋ ಅಂಗಿ॑ರಸ್ತಮಃ ಕ॒ವಿರ್ದೇ॒ವಾನಾಂ॒ ಪರಿ॑ ಭೂಷಸಿ ವ್ರ॒ತ‌ಮ್ |
ವಿ॒ಭುರ್ವಿಶ್ವ॑ಸ್ಮೈ॒ ಭುವ॑ನಾಯ॒ ಮೇಧಿ॑ರೋ ದ್ವಿಮಾ॒ತಾ ಶ॒ಯುಃ ಕ॑ತಿ॒ಧಾ ಚಿ॑ದಾ॒ಯವೇ᳚ || 1.31.2
ತ್ವಮ॑ಗ್ನೇ ಪ್ರಥ॒ಮೋ ಮಾ᳚ತ॒ರಿಶ್ವ॑ನ ಆ॒ವಿರ್ಭ॑ವ ಸುಕ್ರತೂ॒ಯಾ ವಿ॒ವಸ್ವ॑ತೇ |
ಅರೇ᳚ಜೇತಾಂ॒ ರೋದ॑ಸೀ ಹೋತೃ॒ವೂರ್ಯೇಽಸ॑ಘ್ನೋರ್ಭಾ॒ರಮಯ॑ಜೋ ಮ॒ಹೋ ವ॑ಸೋ || 1.31.3
ತ್ವಮ॑ಗ್ನೇ॒ ಮನ॑ವೇ॒ ದ್ಯಾಮ॑ವಾಶಯಃ ಪುರೂ॒ರವ॑ಸೇ ಸು॒ಕೃತೇ᳚ ಸು॒ಕೃತ್ತ॑ರಃ |
ಶ್ವಾ॒ತ್ರೇಣ॒ ಯತ್ಪಿ॒ತ್ರೋರ್ಮುಚ್ಯ॑ಸೇ॒ ಪರ್ಯಾ ತ್ವಾ॒ ಪೂರ್ವ॑ಮನಯ॒ನ್ನಾಪ॑ರಂ॒ ಪುನಃ॑ || 1.31.4
ತ್ವಮ॑ಗ್ನೇ ವೃಷ॒ಭಃ ಪು॑ಷ್ಟಿ॒ವರ್ಧ॑ನ॒ ಉದ್ಯ॑ತಸ್ರುಚೇ ಭವಸಿ ಶ್ರ॒ವಾಯ್ಯಃ॑ |
ಯ ಆಹು॑ತಿಂ॒ ಪರಿ॒ ವೇದಾ॒ ವಷ॑ಟ್ಕೃತಿ॒ಮೇಕಾ᳚ಯು॒ರಗ್ರೇ॒ ವಿಶ॑ ಆ॒ವಿವಾ᳚ಸಸಿ || 1.31.5
ತ್ವಮ॑ಗ್ನೇ ವೃಜಿ॒ನವ॑ರ್ತನಿಂ॒ ನರಂ॒ ಸಕ್ಮ᳚ನ್ಪಿಪರ್ಷಿ ವಿ॒ದಥೇ᳚ ವಿಚರ್ಷಣೇ |
ಯಃ ಶೂರ॑ಸಾತಾ॒ ಪರಿ॑ತಕ್ಮ್ಯೇ॒ ಧನೇ᳚ ದ॒ಭ್ರೇಭಿ॑ಶ್ಚಿ॒ತ್ಸಮೃ॑ತಾ॒ ಹಂಸಿ॒ ಭೂಯ॑ಸಃ || 1.31.6
ತ್ವಂ ತಮ॑ಗ್ನೇ ಅಮೃತ॒ತ್ವ ಉ॑ತ್ತ॒ಮೇ ಮರ್ತಂ᳚ ದಧಾಸಿ॒ ಶ್ರವ॑ಸೇ ದಿ॒ವೇದಿ॑ವೇ |
ಯಸ್ತಾ᳚ತೃಷಾ॒ಣ ಉ॒ಭಯಾ᳚ಯ॒ ಜನ್ಮ॑ನೇ॒ ಮಯಃ॑ ಕೃ॒ಣೋಷಿ॒ ಪ್ರಯ॒ ಆ ಚ॑ ಸೂ॒ರಯೇ᳚ || 1.31.7
ತ್ವಂ ನೋ᳚ ಅಗ್ನೇ ಸ॒ನಯೇ॒ ಧನಾ᳚ನಾಂ ಯ॒ಶಸಂ᳚ ಕಾ॒ರುಂ ಕೃ॑ಣುಹಿ॒ ಸ್ತವಾ᳚ನಃ |
ಋ॒ಧ್ಯಾಮ॒ ಕರ್ಮಾ॒ಪಸಾ॒ ನವೇ᳚ನ ದೇ॒ವೈರ್ದ್ಯಾ᳚ವಾಪೃಥಿವೀ॒ ಪ್ರಾವ॑ತಂ ನಃ || 1.31.8
ತ್ವಂ ನೋ᳚ ಅಗ್ನೇ ಪಿ॒ತ್ರೋರು॒ಪಸ್ಥ॒ ಆ ದೇ॒ವೋ ದೇ॒ವೇಷ್ವ॑ನವದ್ಯ॒ ಜಾಗೃ॑ವಿಃ |
ತ॒ನೂ॒ಕೃದ್ಬೋ᳚ಧಿ॒ ಪ್ರಮ॑ತಿಶ್ಚ ಕಾ॒ರವೇ॒ ತ್ವಂ ಕ᳚ಲ್ಯಾಣ॒ ವಸು॒ ವಿಶ್ವ॒ಮೋಪಿ॑ಷೇ || 1.31.9
ತ್ವಮ॑ಗ್ನೇ॒ ಪ್ರಮ॑ತಿ॒ಸ್ತ್ವಂ ಪಿ॒ತಾಸಿ॑ ನ॒ಸ್ತ್ವಂ ವ॑ಯ॒ಸ್ಕೃತ್ತವ॑ ಜಾ॒ಮಯೋ᳚ ವ॒ಯ‌ಮ್ |
ಸಂ ತ್ವಾ॒ ರಾಯಃ॑ ಶ॒ತಿನಃ॒ ಸಂ ಸ॑ಹ॒ಸ್ರಿಣಃ॑ ಸು॒ವೀರಂ᳚ ಯ‌ನ್ತಿ ವ್ರತ॒ಪಾಮ॑ದಾಭ್ಯ || 1.31.10
ತ್ವಾಮ॑ಗ್ನೇ ಪ್ರಥ॒ಮಮಾ॒ಯುಮಾ॒ಯವೇ᳚ ದೇ॒ವಾ ಅ॑ಕೃಣ್ವ॒ನ್ನಹು॑ಷಸ್ಯ ವಿ॒ಶ್ಪತಿ‌ಮ್᳚ |
ಇಳಾ᳚ಮಕೃಣ್ವ॒ನ್ಮನು॑ಷಸ್ಯ॒ ಶಾಸ॑ನೀಂ ಪಿ॒ತುರ್ಯತ್ಪು॒ತ್ರೋ ಮಮ॑ಕಸ್ಯ॒ ಜಾಯ॑ತೇ || 1.31.11
ತ್ವಂ ನೋ᳚ ಅಗ್ನೇ॒ ತವ॑ ದೇವ ಪಾ॒ಯುಭಿ᳚ರ್ಮ॒ಘೋನೋ᳚ ರಕ್ಷ ತ॒ನ್ವ॑ಶ್ಚ ವಂದ್ಯ |
ತ್ರಾ॒ತಾ ತೋ॒ಕಸ್ಯ॒ ತನ॑ಯೇ॒ ಗವಾ᳚ಮ॒ಸ್ಯನಿ॑ಮೇಷಂ॒ ರಕ್ಷ॑ಮಾಣ॒ಸ್ತವ᳚ ವ್ರ॒ತೇ || 1.31.12
ತ್ವಮ॑ಗ್ನೇ॒ ಯಜ್ಯ॑ವೇ ಪಾ॒ಯುರ‌ನ್ತ॑ರೋಽನಿಷಂ॒ಗಾಯ॑ ಚತುರ॒ಕ್ಷ ಇ॑ಧ್ಯಸೇ |
ಯೋ ರಾ॒ತಹ᳚ವ್ಯೋಽವೃ॒ಕಾಯ॒ ಧಾಯ॑ಸೇ ಕೀ॒ರೇಶ್ಚಿ॒ನ್ಮ‌ನ್ತ್ರಂ॒ ಮನ॑ಸಾ ವ॒ನೋಷಿ॒ ತ‌ಮ್ || 1.31.13
ತ್ವಮ॑ಗ್ನ ಉರು॒ಶಂಸಾ᳚ಯ ವಾ॒ಘತೇ᳚ ಸ್ಪಾ॒ರ್ಹಂ ಯದ್ರೇಕ್ಣಃ॑ ಪರ॒ಮಂ ವ॒ನೋಷಿ॒ ತತ್ |
ಆ॒ಧ್ರಸ್ಯ॑ ಚಿ॒ತ್ಪ್ರಮ॑ತಿರುಚ್ಯಸೇ ಪಿ॒ತಾ ಪ್ರ ಪಾಕಂ॒ ಶಾಸ್ಸಿ॒ ಪ್ರ ದಿಶೋ᳚ ವಿ॒ದುಷ್ಟ॑ರಃ || 1.31.14
ತ್ವಮ॑ಗ್ನೇ॒ ಪ್ರಯ॑ತದಕ್ಷಿಣಂ॒ ನರಂ॒ ವರ್ಮೇ᳚ವ ಸ್ಯೂ॒ತಂ ಪರಿ॑ ಪಾಸಿ ವಿ॒ಶ್ವತಃ॑ |
ಸ್ವಾ॒ದು॒ಕ್ಷದ್ಮಾ॒ ಯೋ ವ॑ಸ॒ತೌ ಸ್ಯೋ᳚ನ॒ಕೃಜ್ಜೀ᳚ವಯಾ॒ಜಂ ಯಜ॑ತೇ॒ ಸೋಪ॒ಮಾ ದಿ॒ವಃ || 1.31.15
ಇ॒ಮಾಮ॑ಗ್ನೇ ಶ॒ರಣಿಂ᳚ ಮೀಮೃಷೋ ನ ಇ॒ಮಮಧ್ವಾ᳚ನಂ॒ ಯಮಗಾ᳚ಮ ದೂ॒ರಾತ್ |
ಆ॒ಪಿಃ ಪಿ॒ತಾ ಪ್ರಮ॑ತಿಃ ಸೋ॒ಮ್ಯಾನಾಂ॒ ಭೃಮಿ॑ರಸ್ಯೃಷಿ॒ಕೃನ್ಮರ್ತ್ಯಾ᳚ನಾ‌ಮ್ || 1.31.16
ಮ॒ನು॒ಷ್ವದ॑ಗ್ನೇ ಅಂಗಿರ॒ಸ್ವದಂ᳚ಗಿರೋ ಯಯಾತಿ॒ವತ್ಸದ॑ನೇ ಪೂರ್ವ॒ವಚ್ಛು॑ಚೇ |
ಅಚ್ಛ॑ ಯಾ॒ಹ್ಯಾ ವ॑ಹಾ॒ ದೈವ್ಯಂ॒ ಜನ॒ಮಾ ಸಾ᳚ದಯ ಬ॒ರ್ಹಿಷಿ॒ ಯಕ್ಷಿ॑ ಚ ಪ್ರಿ॒ಯ‌ಮ್ || 1.31.17
ಏ॒ತೇನಾ᳚ಗ್ನೇ॒ ಬ್ರಹ್ಮ॑ಣಾ ವಾವೃಧಸ್ವ॒ ಶಕ್ತೀ᳚ ವಾ॒ ಯತ್ತೇ᳚ ಚಕೃ॒ಮಾ ವಿ॒ದಾ ವಾ᳚ |
ಉ॒ತ ಪ್ರ ಣೇ᳚ಷ್ಯ॒ಭಿ ವಸ್ಯೋ᳚ ಅ॒ಸ್ಮಾ‌‌ನ್ತ್ಸಂ ನಃ॑ ಸೃಜ ಸುಮ॒ತ್ಯಾ ವಾಜ॑ವತ್ಯಾ || 1.31.18

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಇಂದ್ರ॑ಸ್ಯ॒ ನು ವೀ॒ರ್ಯಾ᳚ಣಿ॒ ಪ್ರ ವೋ᳚ಚಂ॒ ಯಾನಿ॑ ಚ॒ಕಾರ॑ ಪ್ರಥ॒ಮಾನಿ॑ ವ॒ಜ್ರೀ |
ಅಹ॒ನ್ನಹಿ॒ಮನ್ವ॒ಪಸ್ತ॑ತರ್ದ॒ ಪ್ರ ವ॒ಕ್ಷಣಾ᳚ ಅಭಿನ॒ತ್ಪರ್ವ॑ತಾನಾ‌ಮ್ || 1.32.1
ಅಹ॒ನ್ನಹಿಂ॒ ಪರ್ವ॑ತೇ ಶಿಶ್ರಿಯಾ॒ಣಂ ತ್ವಷ್ಟಾ᳚ಸ್ಮೈ॒ ವಜ್ರಂ᳚ ಸ್ವ॒ರ್ಯಂ᳚ ತತಕ್ಷ |
ವಾ॒ಶ್ರಾ ಇ॑ವ ಧೇ॒ನವಃ॒ ಸ್ಯಂದ॑ಮಾನಾ॒ ಅಂಜಃ॑ ಸಮು॒ದ್ರಮವ॑ ಜಗ್ಮು॒ರಾಪಃ॑ || 1.32.2
ವೃ॒ಷಾ॒ಯಮಾ᳚ಣೋಽವೃಣೀತ॒ ಸೋಮಂ॒ ತ್ರಿಕ॑ದ್ರುಕೇಷ್ವಪಿಬತ್ಸು॒ತಸ್ಯ॑ |
ಆ ಸಾಯ॑ಕಂ ಮ॒ಘವಾ᳚ದತ್ತ॒ ವಜ್ರ॒ಮಹ᳚ನ್ನೇನಂ ಪ್ರಥಮ॒ಜಾಮಹೀ᳚ನಾ‌ಮ್ || 1.32.3
ಯದಿಂ॒ದ್ರಾಹ᳚ನ್ಪ್ರಥಮ॒ಜಾಮಹೀ᳚ನಾ॒ಮಾನ್ಮಾ॒ಯಿನಾ॒ಮಮಿ॑ನಾಃ॒ ಪ್ರೋತ ಮಾ॒ಯಾಃ |
ಆತ್ಸೂರ್ಯಂ᳚ ಜ॒ನಯಂ॒ದ್ಯಾಮು॒ಷಾಸಂ᳚ ತಾ॒ದೀತ್ನಾ॒ ಶತ್ರುಂ॒ ನ ಕಿಲಾ᳚ ವಿವಿತ್ಸೇ || 1.32.4
ಅಹ᳚ನ್ವೃ॒ತ್ರಂ ವೃ॑ತ್ರ॒ತರಂ॒ ವ್ಯಂ᳚ಸ॒ಮಿಂದ್ರೋ॒ ವಜ್ರೇ᳚ಣ ಮಹ॒ತಾ ವ॒ಧೇನ॑ |
ಸ್ಕಂಧಾಂ᳚ಸೀವ॒ ಕುಲಿ॑ಶೇನಾ॒ ವಿವೃ॒ಕ್ಣಾಹಿಃ॑ ಶಯತ ಉಪ॒ಪೃಕ್+ಪೃ॑ಥಿ॒ವ್ಯಾಃ || 1.32.5
ಅ॒ಯೋ॒ದ್ಧೇವ॑ ದು॒ರ್ಮದ॒ ಆ ಹಿ ಜು॒ಹ್ವೇ ಮ॑ಹಾವೀ॒ರಂ ತು॑ವಿಬಾ॒ಧಮೃ॑ಜೀ॒ಷ‌ಮ್ |
ನಾತಾ᳚ರೀದಸ್ಯ॒ ಸಮೃ॑ತಿಂ ವ॒ಧಾನಾಂ॒ ಸಂ ರು॒ಜಾನಾಃ᳚ ಪಿಪಿಷ॒ ಇಂದ್ರ॑ಶತ್ರುಃ || 1.32.6
ಅ॒ಪಾದ॑ಹ॒ಸ್ತೋ ಅ॑ಪೃತನ್ಯ॒ದಿಂದ್ರ॒ಮಾಸ್ಯ॒ ವಜ್ರ॒ಮಧಿ॒ ಸಾನೌ᳚ ಜಘಾನ |
ವೃಷ್ಣೋ॒ ವಧ್ರಿಃ॑ ಪ್ರತಿ॒ಮಾನಂ॒ ಬುಭೂ᳚ಷನ್ಪುರು॒ತ್ರಾ ವೃ॒ತ್ರೋ ಅ॑ಶಯ॒ದ್ವ್ಯ॑ಸ್ತಃ || 1.32.7
ನ॒ದಂ ನ ಭಿ॒ನ್ನಮ॑ಮು॒ಯಾ ಶಯಾ᳚ನಂ॒ ಮನೋ॒ ರುಹಾ᳚ಣಾ॒ ಅತಿ॑ ಯ॒‌ನ್ತ್ಯಾಪಃ॑ |
ಯಾಶ್ಚಿ॑ದ್ವೃ॒ತ್ರೋ ಮ॑ಹಿ॒ನಾ ಪ॒ರ್ಯತಿ॑ಷ್ಠ॒ತ್ತಾಸಾ॒ಮಹಿಃ॑ ಪತ್ಸುತಃ॒ಶೀರ್ಬ॑ಭೂವ || 1.32.8
ನೀ॒ಚಾವ॑ಯಾ ಅಭವದ್ವೃ॒ತ್ರಪು॒ತ್ರೇಂದ್ರೋ᳚ ಅಸ್ಯಾ॒ ಅವ॒ ವಧ॑ರ್ಜಭಾರ |
ಉತ್ತ॑ರಾ॒ ಸೂರಧ॑ರಃ ಪು॒ತ್ರ ಆ᳚ಸೀ॒ದ್ದಾನುಃ॑ ಶಯೇ ಸ॒ಹವ॑ತ್ಸಾ॒ ನ ಧೇ॒ನುಃ || 1.32.9
ಅತಿ॑ಷ್ಠ‌ನ್ತೀನಾಮನಿವೇಶ॒ನಾನಾಂ॒ ಕಾಷ್ಠಾ᳚ನಾಂ॒ ಮಧ್ಯೇ॒ ನಿಹಿ॑ತಂ॒ ಶರೀ᳚ರ‌ಮ್ |
ವೃ॒ತ್ರಸ್ಯ॑ ನಿ॒ಣ್ಯಂ ವಿ ಚ॑ರ॒‌ನ್ತ್ಯಾಪೋ᳚ ದೀ॒ರ್ಘಂ ತಮ॒ ಆಶ॑ಯ॒ದಿಂದ್ರ॑ಶತ್ರುಃ || 1.32.10
ದಾ॒ಸಪ॑ತ್ನೀ॒ರಹಿ॑ಗೋಪಾ ಅತಿಷ್ಠ॒ನ್ನಿರು॑ದ್ಧಾ॒ ಆಪಃ॑ ಪ॒ಣಿನೇ᳚ವ॒ ಗಾವಃ॑ |
ಅ॒ಪಾಂ ಬಿಲ॒ಮಪಿ॑ಹಿತಂ॒ ಯದಾಸೀ᳚ದ್ವೃ॒ತ್ರಂ ಜ॑ಘ॒ನ್ವಾಁ ಅಪ॒ ತದ್ವ॑ವಾರ || 1.32.11
ಅಶ್ವ್ಯೋ॒ ವಾರೋ᳚ ಅಭವ॒ಸ್ತದಿಂ᳚ದ್ರ ಸೃ॒ಕೇ ಯತ್ತ್ವಾ᳚ ಪ್ರ॒ತ್ಯಹಂ᳚ದೇ॒ವ ಏಕಃ॑ |
ಅಜ॑ಯೋ॒ ಗಾ ಅಜ॑ಯಃ ಶೂರ॒ ಸೋಮ॒ಮವಾ᳚ಸೃಜಃ॒ ಸರ್ತ॑ವೇ ಸ॒ಪ್ತ ಸಿಂಧೂನ್॑ || 1.32.12
ನಾಸ್ಮೈ᳚ ವಿ॒ದ್ಯುನ್ನ ತ᳚ನ್ಯ॒ತುಃ ಸಿ॑ಷೇಧ॒ ನ ಯಾಂ ಮಿಹ॒ಮಕಿ॑ರದ್ಧ್ರಾ॒ದುನಿಂ᳚ ಚ |
ಇಂದ್ರ॑ಶ್ಚ॒ ಯದ್ಯು॑ಯು॒ಧಾತೇ॒ ಅಹಿ॑ಶ್ಚೋ॒ತಾಪ॒ರೀಭ್ಯೋ᳚ ಮ॒ಘವಾ॒ ವಿ ಜಿ॑ಗ್ಯೇ || 1.32.13
ಅಹೇ᳚ರ್ಯಾ॒ತಾರಂ॒ ಕಮ॑ಪಶ್ಯ ಇಂದ್ರ ಹೃ॒ದಿ ಯತ್ತೇ᳚ ಜ॒ಘ್ನುಷೋ॒ ಭೀರಗ॑ಚ್ಛತ್ |
ನವ॑ ಚ॒ ಯನ್ನ॑ವ॒ತಿಂ ಚ॒ ಸ್ರವ᳚‌ನ್ತೀಃ ಶ್ಯೇ॒ನೋ ನ ಭೀ॒ತೋ ಅತ॑ರೋ॒ ರಜಾಂ᳚ಸಿ || 1.32.14
ಇಂದ್ರೋ᳚ ಯಾ॒ತೋಽವ॑ಸಿತಸ್ಯ॒ ರಾಜಾ॒ ಶಮ॑ಸ್ಯ ಚ ಶೃಂ॒ಗಿಣೋ॒ ವಜ್ರ॑ಬಾಹುಃ |
ಸೇದು॒ ರಾಜಾ᳚ ಕ್ಷಯತಿ ಚರ್ಷಣೀ॒ನಾಮ॒ರಾನ್ನ ನೇ॒ಮಿಃ ಪರಿ॒ ತಾ ಬ॑ಭೂವ || 1.32.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಏತಾಯಾ॒ಮೋಪ॑ ಗ॒ವ್ಯ‌ನ್ತ॒ ಇಂದ್ರ॑ಮ॒ಸ್ಮಾಕಂ॒ ಸು ಪ್ರಮ॑ತಿಂ ವಾವೃಧಾತಿ |
ಅ॒ನಾ॒ಮೃ॒ಣಃ ಕು॒ವಿದಾದ॒ಸ್ಯ ರಾ॒ಯೋ ಗವಾಂ॒ ಕೇತಂ॒ ಪರ॑ಮಾ॒ವರ್ಜ॑ತೇ ನಃ || 1.33.1
ಉಪೇದ॒ಹಂ ಧ॑ನ॒ದಾಮಪ್ರ॑ತೀತಂ॒ ಜುಷ್ಟಾಂ॒ ನ ಶ್ಯೇ॒ನೋ ವ॑ಸ॒ತಿಂ ಪ॑ತಾಮಿ |
ಇಂದ್ರಂ᳚ ನಮ॒ಸ್ಯನ್ನು॑ಪ॒ಮೇಭಿ॑ರ॒ರ್ಕೈರ್ಯಃ ಸ್ತೋ॒ತೃಭ್ಯೋ॒ ಹವ್ಯೋ॒ ಅಸ್ತಿ॒ ಯಾಮನ್॑ || 1.33.2
ನಿ ಸರ್ವ॑ಸೇನ ಇಷು॒ಧೀಁರ॑ಸಕ್ತ॒ ಸಮ॒ರ್ಯೋ ಗಾ ಅ॑ಜತಿ॒ ಯಸ್ಯ॒ ವಷ್ಟಿ॑ |
ಚೋ॒ಷ್ಕೂ॒ಯಮಾ᳚ಣ ಇಂದ್ರ॒ ಭೂರಿ॑ ವಾ॒ಮಂ ಮಾ ಪ॒ಣಿರ್ಭೂ᳚ರ॒ಸ್ಮದಧಿ॑ ಪ್ರವೃದ್ಧ || 1.33.3
ವಧೀ॒ರ್ಹಿ ದಸ್ಯುಂ᳚ ಧ॒ನಿನಂ᳚ ಘ॒ನೇನಁ॒ ಏಕ॒ಶ್ಚರ᳚ನ್ನುಪಶಾ॒ಕೇಭಿ॑ರಿಂದ್ರ |
ಧನೋ॒ರಧಿ॑ ವಿಷು॒ಣಕ್ತೇ ವ್ಯಾ᳚ಯ॒ನ್ನಯ॑ಜ್ವಾನಃ ಸನ॒ಕಾಃ ಪ್ರೇತಿ॑ಮೀಯುಃ || 1.33.4
ಪರಾ᳚ ಚಿಚ್ಛೀ॒ರ್ಷಾ ವ॑ವೃಜು॒ಸ್ತ ಇಂ॒ದ್ರಾಯ॑ಜ್ವಾನೋ॒ ಯಜ್ವ॑ಭಿಃ॒ ಸ್ಪರ್ಧ॑ಮಾನಾಃ |
ಪ್ರ ಯದ್ದಿ॒ವೋ ಹ॑ರಿವಃ ಸ್ಥಾತರುಗ್ರ॒ ನಿರ᳚ವ್ರ॒ತಾಁ ಅ॑ಧಮೋ॒ ರೋದ॑ಸ್ಯೋಃ || 1.33.5
ಅಯು॑ಯುತ್ಸನ್ನನವ॒ದ್ಯಸ್ಯ॒ ಸೇನಾ॒ಮಯಾ᳚ತಯ‌ನ್ತ ಕ್ಷಿ॒ತಯೋ॒ ನವ॑ಗ್ವಾಃ |
ವೃ॒ಷಾ॒ಯುಧೋ॒ ನ ವಧ್ರ॑ಯೋ॒ ನಿರ॑ಷ್ಟಾಃ ಪ್ರ॒ವದ್ಭಿ॒ರಿಂದ್ರಾ᳚ಚ್ಚಿ॒ತಯ᳚‌ನ್ತ ಆಯನ್ || 1.33.6
ತ್ವಮೇ॒ತಾನ್ರು॑ದ॒ತೋ ಜಕ್ಷ॑ತ॒ಶ್ಚಾಯೋ᳚ಧಯೋ॒ ರಜ॑ಸ ಇಂದ್ರ ಪಾ॒ರೇ |
ಅವಾ᳚ದಹೋ ದಿ॒ವ ಆ ದಸ್ಯು॑ಮು॒ಚ್ಚಾ ಪ್ರ ಸು᳚ನ್ವ॒ತಃ ಸ್ತು॑ವ॒ತಃ ಶಂಸ॑ಮಾವಃ || 1.33.7
ಚ॒ಕ್ರಾ॒ಣಾಸಃ॑ ಪರೀ॒ಣಹಂ᳚ ಪೃಥಿ॒ವ್ಯಾ ಹಿರ᳚ಣ್ಯೇನ ಮ॒ಣಿನಾ॒ ಶುಂಭ॑ಮಾನಾಃ |
ನ ಹಿ᳚ನ್ವಾ॒ನಾಸ॑ಸ್ತಿತಿರು॒ಸ್ತ ಇಂದ್ರಂ॒ ಪರಿ॒ ಸ್ಪಶೋ᳚ ಅದಧಾ॒ತ್ಸೂರ್ಯೇ᳚ಣ || 1.33.8
ಪರಿ॒ ಯದಿಂ᳚ದ್ರ॒ ರೋದ॑ಸೀ ಉ॒ಭೇ ಅಬು॑ಭೋಜೀರ್ಮಹಿ॒ನಾ ವಿ॒ಶ್ವತಃ॑ ಸೀ‌ಮ್ |
ಅಮ᳚ನ್ಯಮಾನಾಁ ಅ॒ಭಿ ಮನ್ಯ॑ಮಾನೈ॒ರ್ನಿರ್ಬ್ರ॒ಹ್ಮಭಿ॑ರಧಮೋ॒ ದಸ್ಯು॑ಮಿಂದ್ರ || 1.33.9
ನ ಯೇ ದಿ॒ವಃ ಪೃ॑ಥಿ॒ವ್ಯಾ ಅ‌ನ್ತ॑ಮಾ॒ಪುರ್ನ ಮಾ॒ಯಾಭಿ॑ರ್ಧನ॒ದಾಂ ಪ॒ರ್ಯಭೂ᳚ವನ್ |
ಯುಜಂ॒ ವಜ್ರಂ᳚ ವೃಷ॒ಭಶ್ಚ॑ಕ್ರ॒ ಇಂದ್ರೋ॒ ನಿರ್ಜ್ಯೋತಿ॑ಷಾ॒ ತಮ॑ಸೋ॒ ಗಾ ಅ॑ದುಕ್ಷತ್ || 1.33.10
ಅನು॑ ಸ್ವ॒ಧಾಮ॑ಕ್ಷರ॒ನ್ನಾಪೋ᳚ ಅ॒ಸ್ಯಾವ॑ರ್ಧತ॒ ಮಧ್ಯ॒ ಆ ನಾ॒ವ್ಯಾ᳚ನಾ‌ಮ್ |
ಸ॒ಧ್ರೀ॒ಚೀನೇ᳚ನ॒ ಮನ॑ಸಾ॒ ತಮಿಂದ್ರ॒ ಓಜಿ॑ಷ್ಠೇನ॒ ಹನ್ಮ॑ನಾಹನ್ನ॒ಭಿ ದ್ಯೂನ್ || 1.33.11
ನ್ಯಾ᳚ವಿಧ್ಯದಿಲೀ॒ಬಿಶ॑ಸ್ಯ ದೃ॒ಳ್ಹಾ ವಿ ಶೃಂ॒ಗಿಣ॑ಮಭಿನ॒ಚ್ಛುಷ್ಣ॒ಮಿಂದ್ರಃ॑ |
ಯಾವ॒ತ್ತರೋ᳚ ಮಘವ॒ನ್ಯಾವ॒ದೋಜೋ॒ ವಜ್ರೇ᳚ಣ॒ ಶತ್ರು॑ಮವಧೀಃ ಪೃತ॒ನ್ಯು‌ಮ್ || 1.33.12
ಅ॒ಭಿ ಸಿ॒ಧ್ಮೋ ಅ॑ಜಿಗಾದಸ್ಯ॒ ಶತ್ರೂ॒ನ್ವಿ ತಿ॒ಗ್ಮೇನ॑ ವೃಷ॒ಭೇಣಾ॒ ಪುರೋ᳚ಽಭೇತ್ |
ಸಂ ವಜ್ರೇ᳚ಣಾಸೃಜದ್ವೃ॒ತ್ರಮಿಂದ್ರಃ॒ ಪ್ರ ಸ್ವಾಂ ಮ॒ತಿಮ॑ತಿರ॒ಚ್ಛಾಶ॑ದಾನಃ || 1.33.13
ಆವಃ॒ ಕುತ್ಸ॑ಮಿಂದ್ರ॒ ಯಸ್ಮಿಂ᳚ಚಾ॒ಕನ್ಪ್ರಾವೋ॒ ಯುಧ್ಯ᳚‌ನ್ತಂ ವೃಷ॒ಭಂ ದಶ॑ದ್ಯು‌ಮ್ |
ಶ॒ಫಚ್ಯು॑ತೋ ರೇ॒ಣುರ್ನ॑ಕ್ಷತ॒ ದ್ಯಾಮುಚ್ಛ್ವೈ᳚ತ್ರೇ॒ಯೋ ನೃ॒ಷಾಹ್ಯಾ᳚ಯ ತಸ್ಥೌ || 1.33.14
ಆವಃ॒ ಶಮಂ᳚ ವೃಷ॒ಭಂ ತುಗ್ರ್ಯಾ᳚ಸು ಕ್ಷೇತ್ರಜೇ॒ಷೇ ಮ॑ಘವಂ॒ಛ್ವಿತ್ರ್ಯಂ॒ ಗಾ‌ಮ್ |
ಜ್ಯೋಕ್ಚಿ॒ದತ್ರ॑ ತಸ್ಥಿ॒ವಾಂಸೋ᳚ ಅಕ್ರಂಛತ್ರೂಯ॒ತಾ ಮಧ॑ರಾ॒ ವೇದ॑ನಾಕಃ || 1.33.15

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ ಅಶ್ವಿನೌ ದೇವತೇ (1-8, 10-11) ಪ್ರಥಮಾದ್ಯಷ್ಟರ್ಚಾಂ ದಶಮ್ಯೇಕಾದಶ್ಯೋಶ್ಚ ಜಗತೀ (9, 12) ನವಮೀದ್ವಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ತ್ರಿಶ್ಚಿ᳚ನ್ನೋ ಅ॒ದ್ಯಾ ಭ॑ವತಂ ನವೇದಸಾ ವಿ॒ಭುರ್ವಾಂ॒ ಯಾಮ॑ ಉ॒ತ ರಾ॒ತಿರ॑ಶ್ವಿನಾ |
ಯು॒ವೋರ್ಹಿ ಯ॒‌ನ್ತ್ರಂ ಹಿ॒ಮ್ಯೇವ॒ ವಾಸ॑ಸೋಽಭ್ಯಾಯಂ॒ಸೇನ್ಯಾ᳚ ಭವತಂ ಮನೀ॒ಷಿಭಿಃ॑ || 1.34.1
ತ್ರಯಃ॑ ಪ॒ವಯೋ᳚ ಮಧು॒ವಾಹ॑ನೇ॒ ರಥೇ॒ ಸೋಮ॑ಸ್ಯ ವೇ॒ನಾಮನು॒ ವಿಶ್ವ॒ ಇದ್ವಿ॑ದುಃ |
ತ್ರಯಃ॑ ಸ್ಕಂ॒ಭಾಸಃ॑ ಸ್ಕಭಿ॒ತಾಸ॑ ಆ॒ರಭೇ॒ ತ್ರಿರ್ನಕ್ತಂ᳚ ಯಾ॒ಥಸ್ತ್ರಿರ್ವ॑ಶ್ವಿನಾ॒ ದಿವಾ᳚ || 1.34.2
ಸ॒ಮಾ॒ನೇ ಅಹ॒‌ನ್ತ್ರಿರ॑ವದ್ಯಗೋಹನಾ॒ ತ್ರಿರ॒ದ್ಯ ಯ॒ಜ್ಞಂ ಮಧು॑ನಾ ಮಿಮಿಕ್ಷತ‌ಮ್ |
ತ್ರಿರ್ವಾಜ॑ವತೀ॒ರಿಷೋ᳚ ಅಶ್ವಿನಾ ಯು॒ವಂ ದೋ॒ಷಾ ಅ॒ಸ್ಮಭ್ಯ॑ಮು॒ಷಸ॑ಶ್ಚ ಪಿನ್ವತ‌ಮ್ || 1.34.3
ತ್ರಿರ್ವ॒ರ್ತಿರ್ಯಾ᳚ತಂ॒ ತ್ರಿರನು᳚ವ್ರತೇ ಜ॒ನೇ ತ್ರಿಃ ಸು॑ಪ್ರಾ॒ವ್ಯೇ᳚ ತ್ರೇ॒ಧೇವ॑ ಶಿಕ್ಷತ‌ಮ್ |
ತ್ರಿರ್ನಾಂ॒ದ್ಯಂ᳚ ವಹತಮಶ್ವಿನಾ ಯು॒ವಂ ತ್ರಿಃ ಪೃಕ್ಷೋ᳚ ಅ॒ಸ್ಮೇ ಅ॒ಕ್ಷರೇ᳚ವ ಪಿನ್ವತ‌ಮ್ || 1.34.4
ತ್ರಿರ್ನೋ᳚ ರ॒ಯಿಂ ವ॑ಹತಮಶ್ವಿನಾ ಯು॒ವಂ ತ್ರಿರ್ದೇ॒ವತಾ᳚ತಾ॒ ತ್ರಿರು॒ತಾವ॑ತಂ॒ ಧಿಯಃ॑ |
ತ್ರಿಃ ಸೌ᳚ಭಗ॒ತ್ವಂ ತ್ರಿರು॒ತ ಶ್ರವಾಂ᳚ಸಿ ನಸ್ತ್ರಿ॒ಷ್ಠಂ ವಾಂ॒ ಸೂರೇ᳚ ದುಹಿ॒ತಾ ರು॑ಹ॒ದ್ರಥ‌ಮ್᳚ || 1.34.5
ತ್ರಿರ್ನೋ᳚ ಅಶ್ವಿನಾ ದಿ॒ವ್ಯಾನಿ॑ ಭೇಷ॒ಜಾ ತ್ರಿಃ ಪಾರ್ಥಿ॑ವಾನಿ॒ ತ್ರಿರು॑ ದತ್ತಮ॒ದ್ಭ್ಯಃ |
ಓ॒ಮಾನಂ᳚ ಶಂ॒ಯೋರ್ಮಮ॑ಕಾಯ ಸೂ॒ನವೇ᳚ ತ್ರಿ॒ಧಾತು॒ ಶರ್ಮ॑ ವಹತಂ ಶುಭಸ್ಪತೀ || 1.34.6
ತ್ರಿರ್ನೋ᳚ ಅಶ್ವಿನಾ ಯಜ॒ತಾ ದಿ॒ವೇದಿ॑ವೇ॒ ಪರಿ॑ ತ್ರಿ॒ಧಾತು॑ ಪೃಥಿ॒ವೀಮ॑ಶಾಯತ‌ಮ್ |
ತಿ॒ಸ್ರೋ ನಾ᳚ಸತ್ಯಾ ರಥ್ಯಾ ಪರಾ॒ವತ॑ ಆ॒ತ್ಮೇವ॒ ವಾತಃ॒ ಸ್ವಸ॑ರಾಣಿ ಗಚ್ಛತ‌ಮ್ || 1.34.7
ತ್ರಿರ॑ಶ್ವಿನಾ॒ ಸಿಂಧು॑ಭಿಃ ಸ॒ಪ್ತಮಾ᳚ತೃಭಿ॒ಸ್ತ್ರಯ॑ ಆಹಾ॒ವಾಸ್ತ್ರೇ॒ಧಾ ಹ॒ವಿಷ್ಕೃ॒ತ‌ಮ್ |
ತಿ॒ಸ್ರಃ ಪೃ॑ಥಿ॒ವೀರು॒ಪರಿ॑ ಪ್ರ॒ವಾ ದಿ॒ವೋ ನಾಕಂ᳚ ರಕ್ಷೇಥೇ॒ ದ್ಯುಭಿ॑ರ॒ಕ್ತುಭಿ॑ರ್ಹಿ॒ತ‌ಮ್ || 1.34.8
ಕ್ವ1॒॑ ತ್ರೀ ಚ॒ಕ್ರಾ ತ್ರಿ॒ವೃತೋ॒ ರಥ॑ಸ್ಯ॒ ಕ್ವ1॒॑ ತ್ರಯೋ᳚ ವಂ॒ಧುರೋ॒ ಯೇ ಸನೀ᳚ಳಾಃ |
ಕ॒ದಾ ಯೋಗೋ᳚ ವಾ॒ಜಿನೋ॒ ರಾಸ॑ಭಸ್ಯ॒ ಯೇನ॑ ಯ॒ಜ್ಞಂ ನಾ᳚ಸತ್ಯೋಪಯಾ॒ಥಃ || 1.34.9
ಆ ನಾ᳚ಸತ್ಯಾ॒ ಗಚ್ಛ॑ತಂ ಹೂ॒ಯತೇ᳚ ಹ॒ವಿರ್ಮಧ್ವಃ॑ ಪಿಬತಂ ಮಧು॒ಪೇಭಿ॑ರಾ॒ಸಭಿಃ॑ |
ಯು॒ವೋರ್ಹಿ ಪೂರ್ವಂ᳚ ಸವಿ॒ತೋಷಸೋ॒ ರಥ॑ಮೃ॒ತಾಯ॑ ಚಿ॒ತ್ರಂ ಘೃ॒ತವ᳚‌ನ್ತ॒ಮಿಷ್ಯ॑ತಿ || 1.34.10
ಆ ನಾ᳚ಸತ್ಯಾ ತ್ರಿ॒ಭಿರೇ᳚ಕಾದ॒ಶೈರಿ॒ಹ ದೇ॒ವೇಭಿ᳚ರ್ಯಾತಂ ಮಧು॒ಪೇಯ॑ಮಶ್ವಿನಾ |
ಪ್ರಾಯು॒ಸ್ತಾರಿ॑ಷ್ಟಂ॒ ನೀ ರಪಾಂ᳚ಸಿ ಮೃಕ್ಷತಂ॒ ಸೇಧ॑ತಂ॒ ದ್ವೇಷೋ॒ ಭವ॑ತಂ ಸಚಾ॒ಭುವಾ᳚ || 1.34.11
ಆ ನೋ᳚ ಅಶ್ವಿನಾ ತ್ರಿ॒ವೃತಾ॒ ರಥೇ᳚ನಾ॒ರ್ವಾಂಚಂ᳚ ರ॒ಯಿಂ ವ॑ಹತಂ ಸು॒ವೀರ‌ಮ್᳚ |
ಶೃ॒ಣ್ವ‌ನ್ತಾ᳚ ವಾ॒ಮವ॑ಸೇ ಜೋಹವೀಮಿ ವೃ॒ಧೇ ಚ॑ ನೋ ಭವತಂ॒ ವಾಜ॑ಸಾತೌ || 1.34.12

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ (1) ಪ್ರಥಮರ್ಚಃ (ಪಾದಕ್ರಮೇಣ) ಅಗ್ನಿರ್ಮಿತ್ರಾವರುಣೌ ರಾತ್ರಿಃ ಸವಿತಾ ಚ (2-11) ದ್ವಿತೀಯಾದಿದಶಾನಾಂಚ ಸವಿತಾ ದೇವತಾಃ (1, 9) ಪ್ರಥಮಾನವಮ್ಯೋರೃಚೋರ್ಜಗತೀ (2-8, 10-11) ದ್ವಿತೀಯಾದಿಸಪ್ತಾನಾಂ ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಹ್ವಯಾ᳚ಮ್ಯ॒ಗ್ನಿಂ ಪ್ರ॑ಥ॒ಮಂ ಸ್ವ॒ಸ್ತಯೇ॒ ಹ್ವಯಾ᳚ಮಿ ಮಿ॒ತ್ರಾವರು॑ಣಾವಿ॒ಹಾವ॑ಸೇ |
ಹ್ವಯಾ᳚ಮಿ॒ ರಾತ್ರೀಂ॒ ಜಗ॑ತೋ ನಿ॒ವೇಶ॑ನೀಂ॒ ಹ್ವಯಾ᳚ಮಿ ದೇ॒ವಂ ಸ॑ವಿ॒ತಾರ॑ಮೂ॒ತಯೇ᳚ || 1.35.1
ಆ ಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ᳚ನ್ನ॒ಮೃತಂ॒ ಮರ್ತ್ಯಂ᳚ ಚ |
ಹಿ॒ರ॒ಣ್ಯಯೇ᳚ನ ಸವಿ॒ತಾ ರಥೇ॒ನಾ ದೇ॒ವೋ ಯಾ᳚ತಿ॒ ಭುವ॑ನಾನಿ॒ ಪಶ್ಯನ್॑ || 1.35.2
ಯಾತಿ॑ ದೇ॒ವಃ ಪ್ರ॒ವತಾ॒ ಯಾತ್ಯು॒ದ್ವತಾ॒ ಯಾತಿ॑ ಶು॒ಭ್ರಾಭ್ಯಾಂ᳚ ಯಜ॒ತೋ ಹರಿ॑ಭ್ಯಾ‌ಮ್ |
ಆ ದೇ॒ವೋ ಯಾ᳚ತಿ ಸವಿ॒ತಾ ಪ॑ರಾ॒ವತೋಽಪ॒ ವಿಶ್ವಾ᳚ ದುರಿ॒ತಾ ಬಾಧ॑ಮಾನಃ || 1.35.3
ಅ॒ಭೀವೃ॑ತಂ॒ ಕೃಶ॑ನೈರ್ವಿ॒ಶ್ವರೂ᳚ಪಂ॒ ಹಿರ᳚ಣ್ಯಶಮ್ಯಂ ಯಜ॒ತೋ ಬೃ॒ಹ‌ನ್ತ‌ಮ್᳚ |
ಆಸ್ಥಾ॒ದ್ರಥಂ᳚ ಸವಿ॒ತಾ ಚಿ॒ತ್ರಭಾ᳚ನುಃ ಕೃ॒ಷ್ಣಾ ರಜಾಂ᳚ಸಿ॒ ತವಿ॑ಷೀಂ॒ ದಧಾ᳚ನಃ || 1.35.4
ವಿ ಜನಾಂ᳚ಛ್ಯಾ॒ವಾಃ ಶಿ॑ತಿ॒ಪಾದೋ᳚ ಅಖ್ಯ॒ನ್ರಥಂ॒ ಹಿರ᳚ಣ್ಯಪ್ರ‌ಉಗಂ॒ ವಹ᳚‌ನ್ತಃ |
ಶಶ್ವ॒ದ್ವಿಶಃ॑ ಸವಿ॒ತುರ್ದೈವ್ಯ॑ಸ್ಯೋ॒ಪಸ್ಥೇ॒ ವಿಶ್ವಾ॒ ಭುವ॑ನಾನಿ ತಸ್ಥುಃ || 1.35.5
ತಿ॒ಸ್ರೋ ದ್ಯಾವಃ॑ ಸವಿ॒ತುರ್ದ್ವಾ ಉ॒ಪಸ್ಥಾಁ॒ ಏಕಾ᳚ ಯ॒ಮಸ್ಯ॒ ಭುವ॑ನೇ ವಿರಾ॒ಷಾಟ್ |
ಆ॒ಣಿಂ ನ ರಥ್ಯ॑ಮ॒ಮೃತಾಧಿ॑ ತಸ್ಥುರಿ॒ಹ ಬ್ರ॑ವೀತು॒ ಯ ಉ॒ ತಚ್ಚಿಕೇ᳚ತತ್ || 1.35.6
ವಿ ಸು॑ಪ॒ರ್ಣೋ ಅ॒‌ನ್ತರಿ॑ಕ್ಷಾಣ್ಯಖ್ಯದ್ಗಭೀ॒ರವೇ᳚ಪಾ॒ ಅಸು॑ರಃ ಸುನೀ॒ಥಃ |
ಕ್ವೇ॒3॒॑ದಾನೀಂ॒ ಸೂರ್ಯಃ॒ ಕಶ್ಚಿ॑ಕೇತ ಕತ॒ಮಾಂ ದ್ಯಾಂ ರ॒ಶ್ಮಿರ॒ಸ್ಯಾ ತ॑ತಾನ || 1.35.7
ಅ॒ಷ್ಟೌ ವ್ಯ॑ಖ್ಯತ್ಕ॒ಕುಭಃ॑ ಪೃಥಿ॒ವ್ಯಾಸ್ತ್ರೀ ಧನ್ವ॒ ಯೋಜ॑ನಾ ಸ॒ಪ್ತ ಸಿಂಧೂನ್॑ |
ಹಿ॒ರ॒ಣ್ಯಾ॒ಕ್ಷಃ ಸ॑ವಿ॒ತಾ ದೇ॒ವ ಆಗಾ॒ದ್ದಧ॒ದ್ರತ್ನಾ᳚ ದಾ॒ಶುಷೇ॒ ವಾರ್ಯಾ᳚ಣಿ || 1.35.8
ಹಿರ᳚ಣ್ಯಪಾಣಿಃ ಸವಿ॒ತಾ ವಿಚ॑ರ್ಷಣಿರು॒ಭೇ ದ್ಯಾವಾ᳚ಪೃಥಿ॒ವೀ ಅ॒‌ನ್ತರೀ᳚ಯತೇ |
ಅಪಾಮೀ᳚ವಾಂ॒ ಬಾಧ॑ತೇ॒ ವೇತಿ॒ ಸೂರ್ಯ॑ಮ॒ಭಿ ಕೃ॒ಷ್ಣೇನ॒ ರಜ॑ಸಾ॒ ದ್ಯಾಮೃ॑ಣೋತಿ || 1.35.9
ಹಿರ᳚ಣ್ಯಹಸ್ತೋ॒ ಅಸು॑ರಃ ಸುನೀ॒ಥಃ ಸು॑ಮೃಳೀ॒ಕಃ ಸ್ವವಾಁ᳚ ಯಾತ್ವ॒ರ್ವಾಙ್ |
ಅ॒ಪ॒ಸೇಧ᳚ನ್ರ॒ಕ್ಷಸೋ᳚ ಯಾತು॒ಧಾನಾ॒ನಸ್ಥಾ᳚ದ್ದೇ॒ವಃ ಪ್ರ॑ತಿದೋ॒ಷಂ ಗೃ॑ಣಾ॒ನಃ || 1.35.10
ಯೇ ತೇ॒ ಪ‌ನ್ಥಾಃ᳚ ಸವಿತಃ ಪೂ॒ರ್ವ್ಯಾಸೋ᳚ಽರೇ॒ಣವಃ॒ ಸುಕೃ॑ತಾ ಅ॒‌ನ್ತರಿ॑ಕ್ಷೇ |
ತೇಭಿ᳚ರ್ನೋ ಅ॒ದ್ಯ ಪ॒ಥಿಭಿಃ॑ ಸು॒ಗೇಭೀ॒ ರಕ್ಷಾ᳚ ಚ ನೋ॒ ಅಧಿ॑ ಚ ಬ್ರೂಹಿ ದೇವ || 1.35.11

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ (1-20) ಪ್ರಥಮಾದಿವಿಂಶತ್ರ್ಯಚಾಮಗ್ನಿಃ (13-14) ತ್ರಯೋದಶೀಚತುರ್ದಶ್ಯೋರ್ಯೂಪೋ ವಾ ದೇವತಾ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಪ್ರ ವೋ᳚ ಯ॒ಹ್ವಂ ಪು॑ರೂ॒ಣಾಂ ವಿ॒ಶಾಂ ದೇ᳚ವಯ॒ತೀನಾ᳚‌ಮ್ |
ಅ॒ಗ್ನಿಂ ಸೂ॒ಕ್ತೇಭಿ॒ರ್ವಚೋ᳚ಭಿರೀಮಹೇ॒ ಯಂ ಸೀ॒ಮಿದ॒ನ್ಯ ಈಳ॑ತೇ || 1.36.1
ಜನಾ᳚ಸೋ ಅ॒ಗ್ನಿಂ ದ॑ಧಿರೇ ಸಹೋ॒ವೃಧಂ᳚ ಹ॒ವಿಷ್ಮ᳚‌ನ್ತೋ ವಿಧೇಮ ತೇ |
ಸ ತ್ವಂ ನೋ᳚ ಅ॒ದ್ಯ ಸು॒ಮನಾ᳚ ಇ॒ಹಾವಿ॒ತಾ ಭವಾ॒ ವಾಜೇ᳚ಷು ಸ‌ನ್ತ್ಯ || 1.36.2
ಪ್ರ ತ್ವಾ᳚ ದೂ॒ತಂ ವೃ॑ಣೀಮಹೇ॒ ಹೋತಾ᳚ರಂ ವಿ॒ಶ್ವವೇ᳚ದಸ‌ಮ್ |
ಮ॒ಹಸ್ತೇ᳚ ಸ॒ತೋ ವಿ ಚ॑ರ‌ನ್ತ್ಯ॒ರ್ಚಯೋ᳚ ದಿ॒ವಿ ಸ್ಪೃ॑ಶ‌ನ್ತಿ ಭಾ॒ನವಃ॑ || 1.36.3
ದೇ॒ವಾಸ॑ಸ್ತ್ವಾ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಸಂ ದೂ॒ತಂ ಪ್ರ॒ತ್ನಮಿಂ᳚ಧತೇ |
ವಿಶ್ವಂ॒ ಸೋ ಅ॑ಗ್ನೇ ಜಯತಿ॒ ತ್ವಯಾ॒ ಧನಂ॒ ಯಸ್ತೇ᳚ ದ॒ದಾಶ॒ ಮರ್ತ್ಯಃ॑ || 1.36.4
ಮಂ॒ದ್ರೋ ಹೋತಾ᳚ ಗೃ॒ಹಪ॑ತಿ॒ರಗ್ನೇ᳚ ದೂ॒ತೋ ವಿ॒ಶಾಮ॑ಸಿ |
ತ್ವೇ ವಿಶ್ವಾ॒ ಸಂಗ॑ತಾನಿ ವ್ರ॒ತಾ ಧ್ರು॒ವಾ ಯಾನಿ॑ ದೇ॒ವಾ ಅಕೃ᳚ಣ್ವತ || 1.36.5
ತ್ವೇ ಇದ॑ಗ್ನೇ ಸು॒ಭಗೇ᳚ ಯವಿಷ್ಠ್ಯ॒ ವಿಶ್ವ॒ಮಾ ಹೂ᳚ಯತೇ ಹ॒ವಿಃ |
ಸ ತ್ವಂ ನೋ᳚ ಅ॒ದ್ಯ ಸು॒ಮನಾ᳚ ಉ॒ತಾಪ॒ರಂ ಯಕ್ಷಿ॑ ದೇ॒ವಾ‌‌ನ್ತ್ಸು॒ವೀರ್ಯಾ᳚ || 1.36.6
ತಂ ಘೇ᳚ಮಿ॒ತ್ಥಾ ನ॑ಮ॒ಸ್ವಿನ॒ ಉಪ॑ ಸ್ವ॒ರಾಜ॑ಮಾಸತೇ |
ಹೋತ್ರಾ᳚ಭಿರ॒ಗ್ನಿಂ ಮನು॑ಷಃ॒ ಸಮಿಂ᳚ಧತೇ ತಿತಿ॒ರ್ವಾಂಸೋ॒ ಅತಿ॒ ಸ್ರಿಧಃ॑ || 1.36.7
ಘ್ನ‌ನ್ತೋ᳚ ವೃ॒ತ್ರಮ॑ತರ॒ನ್ರೋದ॑ಸೀ ಅ॒ಪ ಉ॒ರು ಕ್ಷಯಾ᳚ಯ ಚಕ್ರಿರೇ |
ಭುವ॒ತ್ಕಣ್ವೇ॒ ವೃಷಾ᳚ ದ್ಯು॒ಮ್ನ್ಯಾಹು॑ತಃ॒ ಕ್ರಂದ॒ದಶ್ವೋ॒ ಗವಿ॑ಷ್ಟಿಷು || 1.36.8
ಸಂ ಸೀ᳚ದಸ್ವ ಮ॒ಹಾಁ ಅ॑ಸಿ॒ ಶೋಚ॑ಸ್ವ ದೇವ॒ವೀತ॑ಮಃ |
ವಿ ಧೂ॒ಮಮ॑ಗ್ನೇ ಅರು॒ಷಂ ಮಿ॑ಯೇಧ್ಯ ಸೃ॒ಜ ಪ್ರ॑ಶಸ್ತ ದರ್ಶ॒ತ‌ಮ್ || 1.36.9
ಯಂ ತ್ವಾ᳚ ದೇ॒ವಾಸೋ॒ ಮನ॑ವೇ ದ॒ಧುರಿ॒ಹ ಯಜಿ॑ಷ್ಠಂ ಹವ್ಯವಾಹನ |
ಯಂ ಕಣ್ವೋ॒ ಮೇಧ್ಯಾ᳚ತಿಥಿರ್ಧನ॒ಸ್ಪೃತಂ॒ ಯಂ ವೃಷಾ॒ ಯಮು॑ಪಸ್ತು॒ತಃ || 1.36.10
ಯಮ॒ಗ್ನಿಂ ಮೇಧ್ಯಾ᳚ತಿಥಿಃ॒ ಕಣ್ವ॑ ಈ॒ಧ ಋ॒ತಾದಧಿ॑ |
ತಸ್ಯ॒ ಪ್ರೇಷೋ᳚ ದೀದಿಯು॒ಸ್ತಮಿ॒ಮಾ ಋಚ॒ಸ್ತಮ॒ಗ್ನಿಂ ವ॑ರ್ಧಯಾಮಸಿ || 1.36.11
ರಾ॒ಯಸ್ಪೂ᳚ರ್ಧಿ ಸ್ವಧಾ॒ವೋಽಸ್ತಿ॒ ಹಿ ತೇಽಗ್ನೇ᳚ ದೇ॒ವೇಷ್ವಾಪ್ಯ‌ಮ್᳚ |
ತ್ವಂ ವಾಜ॑ಸ್ಯ॒ ಶ್ರುತ್ಯ॑ಸ್ಯ ರಾಜಸಿ॒ ಸ ನೋ᳚ ಮೃಳ ಮ॒ಹಾಁ ಅ॑ಸಿ || 1.36.12
ಊ॒ರ್ಧ್ವ ಊ॒ ಷು ಣ॑ ಊ॒ತಯೇ॒ ತಿಷ್ಠಾ᳚ ದೇ॒ವೋ ನ ಸ॑ವಿ॒ತಾ |
ಊ॒ರ್ಧ್ವೋ ವಾಜ॑ಸ್ಯ॒ ಸನಿ॑ತಾ॒ ಯದಂ॒ಜಿಭಿ᳚ರ್ವಾ॒ಘದ್ಭಿ᳚ರ್ವಿ॒ಹ್ವಯಾ᳚ಮಹೇ || 1.36.13
ಊ॒ರ್ಧ್ವೋ ನಃ॑ ಪಾ॒ಹ್ಯಂಹ॑ಸೋ॒ ನಿ ಕೇ॒ತುನಾ॒ ವಿಶ್ವಂ॒ ಸಮ॒ತ್ರಿಣಂ᳚ ದಹ |
ಕೃ॒ಧೀ ನ॑ ಊ॒ರ್ಧ್ವಾಂಚ॒ರಥಾ᳚ಯ ಜೀ॒ವಸೇ᳚ ವಿ॒ದಾ ದೇ॒ವೇಷು॑ ನೋ॒ ದುವಃ॑ || 1.36.14
ಪಾ॒ಹಿ ನೋ᳚ ಅಗ್ನೇ ರ॒ಕ್ಷಸಃ॑ ಪಾ॒ಹಿ ಧೂ॒ರ್ತೇರರಾ᳚ವ್ಣಃ |
ಪಾ॒ಹಿ ರೀಷ॑ತ ಉ॒ತ ವಾ॒ ಜಿಘಾಂ᳚ಸತೋ॒ ಬೃಹ॑ದ್ಭಾನೋ॒ ಯವಿ॑ಷ್ಠ್ಯ || 1.36.15
ಘ॒ನೇವ॒ ವಿಷ್ವ॒ಗ್ವಿ ಜ॒ಹ್ಯರಾ᳚ವ್ಣ॒ಸ್ತಪು॑ರ್ಜಂಭ॒ ಯೋ ಅ॑ಸ್ಮ॒ಧ್ರುಕ್ |
ಯೋ ಮರ್ತ್ಯಃ॒ ಶಿಶೀ᳚ತೇ॒ ಅತ್ಯ॒ಕ್ತುಭಿ॒ರ್ಮಾ ನಃ॒ ಸ ರಿ॒ಪುರೀ᳚ಶತ || 1.36.16
ಅ॒ಗ್ನಿರ್ವ᳚ವ್ನೇ ಸು॒ವೀರ್ಯ॑ಮ॒ಗ್ನಿಃ ಕಣ್ವಾ᳚ಯ॒ ಸೌಭ॑ಗ‌ಮ್ |
ಅ॒ಗ್ನಿಃ ಪ್ರಾವ᳚ನ್ಮಿ॒ತ್ರೋತ ಮೇಧ್ಯಾ᳚ತಿಥಿಮ॒ಗ್ನಿಃ ಸಾ॒ತಾ ಉ॑ಪಸ್ತು॒ತ‌ಮ್ || 1.36.17
ಅ॒ಗ್ನಿನಾ᳚ ತು॒ರ್ವಶಂ॒ ಯದುಂ᳚ ಪರಾ॒ವತ॑ ಉ॒ಗ್ರಾದೇ᳚ವಂ ಹವಾಮಹೇ |
ಅ॒ಗ್ನಿರ್ನ॑ಯ॒ನ್ನವ॑ವಾಸ್ತ್ವಂ ಬೃ॒ಹದ್ರ॑ಥಂ ತು॒ರ್ವೀತಿಂ॒ ದಸ್ಯ॑ವೇ॒ ಸಹಃ॑ || 1.36.18
ನಿ ತ್ವಾಮ॑ಗ್ನೇ॒ ಮನು॑ರ್ದಧೇ॒ ಜ್ಯೋತಿ॒ರ್ಜನಾ᳚ಯ॒ ಶಶ್ವ॑ತೇ |
ದೀ॒ದೇಥ॒ ಕಣ್ವ॑ ಋ॒ತಜಾ᳚ತ ಉಕ್ಷಿ॒ತೋ ಯಂ ನ॑ಮ॒ಸ್ಯ‌ನ್ತಿ॑ ಕೃ॒ಷ್ಟಯಃ॑ || 1.36.19
ತ್ವೇ॒ಷಾಸೋ᳚ ಅ॒ಗ್ನೇರಮ॑ವ‌ನ್ತೋ ಅ॒ರ್ಚಯೋ᳚ ಭೀ॒ಮಾಸೋ॒ ನ ಪ್ರತೀ᳚ತಯೇ |
ರ॒ಕ್ಷ॒ಸ್ವಿನಃ॒ ಸದ॒ಮಿದ್ಯಾ᳚ತು॒ಮಾವ॑ತೋ॒ ವಿಶ್ವಂ॒ ಸಮ॒ತ್ರಿಣಂ᳚ ದಹ || 1.36.20

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ ಮರುತೋ ದೇವತಾಃ ಗಾಯತ್ರೀ ಛಂದಃ

ಕ್ರೀ॒ಳಂ ವಃ॒ ಶರ್ಧೋ॒ ಮಾರು॑ತಮನ॒ರ್ವಾಣಂ᳚ ರಥೇ॒ಶುಭ‌ಮ್᳚ |
ಕಣ್ವಾ᳚ ಅ॒ಭಿ ಪ್ರ ಗಾ᳚ಯತ || 1.37.1
ಯೇ ಪೃಷ॑ತೀಭಿರ್‌ಋ॒ಷ್ಟಿಭಿಃ॑ ಸಾ॒ಕಂ ವಾಶೀ᳚ಭಿರಂ॒ಜಿಭಿಃ॑ |
ಅಜಾ᳚ಯ‌ನ್ತ॒ ಸ್ವಭಾ᳚ನವಃ || 1.37.2
ಇ॒ಹೇವ॑ ಶೃಣ್ವ ಏಷಾಂ॒ ಕಶಾ॒ ಹಸ್ತೇ᳚ಷು॒ ಯದ್ವದಾನ್॑ |
ನಿ ಯಾಮಂ᳚ಚಿ॒ತ್ರಮೃಂ᳚ಜತೇ || 1.37.3
ಪ್ರ ವಃ॒ ಶರ್ಧಾ᳚ಯ॒ ಘೃಷ್ವ॑ಯೇ ತ್ವೇ॒ಷದ್ಯು᳚ಮ್ನಾಯ ಶು॒ಷ್ಮಿಣೇ᳚ |
ದೇ॒ವತ್ತಂ॒ ಬ್ರಹ್ಮ॑ ಗಾಯತ || 1.37.4
ಪ್ರ ಶಂ᳚ಸಾ॒ ಗೋಷ್ವಘ್ನ್ಯಂ᳚ ಕ್ರೀ॒ಳಂ ಯಚ್ಛರ್ಧೋ॒ ಮಾರು॑ತ‌ಮ್ |
ಜಂಭೇ॒ ರಸ॑ಸ್ಯ ವಾವೃಧೇ || 1.37.5
ಕೋ ವೋ॒ ವರ್ಷಿ॑ಷ್ಠ॒ ಆ ನ॑ರೋ ದಿ॒ವಶ್ಚ॒ ಗ್ಮಶ್ಚ॑ ಧೂತಯಃ |
ಯತ್ಸೀ॒ಮ‌ನ್ತಂ॒ ನ ಧೂ᳚ನು॒ಥ || 1.37.6
ನಿ ವೋ॒ ಯಾಮಾ᳚ಯ॒ ಮಾನು॑ಷೋ ದ॒ಧ್ರ ಉ॒ಗ್ರಾಯ॑ ಮ॒ನ್ಯವೇ᳚ |
ಜಿಹೀ᳚ತ॒ ಪರ್ವ॑ತೋ ಗಿ॒ರಿಃ || 1.37.7
ಯೇಷಾ॒ಮಜ್ಮೇ᳚ಷು ಪೃಥಿ॒ವೀ ಜು॑ಜು॒ರ್ವಾಁ ಇ॑ವ ವಿ॒ಶ್ಪತಿಃ॑ |
ಭಿ॒ಯಾ ಯಾಮೇ᳚ಷು॒ ರೇಜ॑ತೇ || 1.37.8
ಸ್ಥಿ॒ರಂ ಹಿ ಜಾನ॑ಮೇಷಾಂ॒ ವಯೋ᳚ ಮಾ॒ತುರ್ನಿರೇ᳚ತವೇ |
ಯತ್ಸೀ॒ಮನು॑ ದ್ವಿ॒ತಾ ಶವಃ॑ || 1.37.9
ಉದು॒ ತ್ಯೇ ಸೂ॒ನವೋ॒ ಗಿರಃ॒ ಕಾಷ್ಠಾ॒ ಅಜ್ಮೇ᳚ಷ್ವತ್ನತ |
ವಾ॒ಶ್ರಾ ಅ॑ಭಿ॒ಜ್ಞು ಯಾತ॑ವೇ || 1.37.10
ತ್ಯಂ ಚಿ॑ದ್ಘಾ ದೀ॒ರ್ಘಂ ಪೃ॒ಥುಂ ಮಿ॒ಹೋ ನಪಾ᳚ತ॒ಮಮೃ॑ಧ್ರ‌ಮ್ |
ಪ್ರ ಚ್ಯಾ᳚ವಯ‌ನ್ತಿ॒ ಯಾಮ॑ಭಿಃ || 1.37.11
ಮರು॑ತೋ॒ ಯದ್ಧ॑ ವೋ॒ ಬಲಂ॒ ಜನಾಁ᳚ ಅಚುಚ್ಯವೀತನ |
ಗಿ॒ರೀಁರ॑ಚುಚ್ಯವೀತನ || 1.37.12
ಯದ್ಧ॒ ಯಾ‌ನ್ತಿ॑ ಮ॒ರುತಃ॒ ಸಂ ಹ॑ ಬ್ರುವ॒ತೇಽಧ್ವ॒ನ್ನಾ |
ಶೃ॒ಣೋತಿ॒ ಕಶ್ಚಿ॑ದೇಷಾ‌ಮ್ || 1.37.13
ಪ್ರ ಯಾ᳚ತ॒ ಶೀಭ॑ಮಾ॒ಶುಭಿಃ॒ ಸ‌ನ್ತಿ॒ ಕಣ್ವೇ᳚ಷು ವೋ॒ ದುವಃ॑ |
ತತ್ರೋ॒ ಷು ಮಾ᳚ದಯಾಧ್ವೈ || 1.37.14
ಅಸ್ತಿ॒ ಹಿ ಷ್ಮಾ॒ ಮದಾ᳚ಯ ವಃ॒ ಸ್ಮಸಿ॑ ಷ್ಮಾ ವ॒ಯಮೇ᳚ಷಾ‌ಮ್ |
ವಿಶ್ವಂ᳚ ಚಿ॒ದಾಯು॑ರ್ಜೀ॒ವಸೇ᳚ || 1.37.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ ಮರುತೋ ದೇವತಾಃ ಗಾಯತ್ರೀ ಛಂದಃ

ಕದ್ಧ॑ ನೂ॒ನಂ ಕ॑ಧಪ್ರಿಯಃ ಪಿ॒ತಾ ಪು॒ತ್ರಂ ನ ಹಸ್ತ॑ಯೋಃ |
ದ॒ಧಿ॒ಧ್ವೇ ವೃ॑ಕ್ತಬರ್ಹಿಷಃ || 1.38.1
ಕ್ವ॑ ನೂ॒ನಂ ಕದ್ವೋ॒ ಅರ್ಥಂ॒ ಗ‌ನ್ತಾ᳚ ದಿ॒ವೋ ನ ಪೃ॑ಥಿ॒ವ್ಯಾಃ |
ಕ್ವ॑ ವೋ॒ ಗಾವೋ॒ ನ ರ᳚ಣ್ಯ‌ನ್ತಿ || 1.38.2
ಕ್ವ॑ ವಃ ಸು॒ಮ್ನಾ ನವ್ಯಾಂ᳚ಸಿ॒ ಮರು॑ತಃ॒ ಕ್ವ॑ ಸುವಿ॒ತಾ |
ಕ್ವೋ॒3॒॑ ವಿಶ್ವಾ᳚ನಿ॒ ಸೌಭ॑ಗಾ || 1.38.3
ಯದ್ಯೂ॒ಯಂ ಪೃ॑ಶ್ನಿಮಾತರೋ॒ ಮರ್ತಾ᳚ಸಃ॒ ಸ್ಯಾತ॑ನ |
ಸ್ತೋ॒ತಾ ವೋ᳚ ಅ॒ಮೃತಃ॑ ಸ್ಯಾತ್ || 1.38.4
ಮಾ ವೋ᳚ ಮೃ॒ಗೋ ನ ಯವ॑ಸೇ ಜರಿ॒ತಾ ಭೂ॒ದಜೋ᳚ಷ್ಯಃ |
ಪ॒ಥಾ ಯ॒ಮಸ್ಯ॑ ಗಾ॒ದುಪ॑ || 1.38.5
ಮೋ ಷು ಣಃ॒ ಪರಾ᳚ಪರಾ॒ ನಿರ್‌ಋ॑ತಿರ್ದು॒ರ್ಹಣಾ᳚ ವಧೀತ್ |
ಪ॒ದೀ॒ಷ್ಟ ತೃಷ್ಣ॑ಯಾ ಸ॒ಹ || 1.38.6
ಸ॒ತ್ಯಂ ತ್ವೇ॒ಷಾ ಅಮ॑ವ‌ನ್ತೋ॒ ಧನ್ವಂ᳚ಚಿ॒ದಾ ರು॒ದ್ರಿಯಾ᳚ಸಃ |
ಮಿಹಂ᳚ ಕೃಣ್ವ‌ನ್ತ್ಯವಾ॒ತಾ‌ಮ್ || 1.38.7
ವಾ॒ಶ್ರೇವ॑ ವಿ॒ದ್ಯುನ್ಮಿ॑ಮಾತಿ ವ॒ತ್ಸಂ ನ ಮಾ॒ತಾ ಸಿ॑ಷಕ್ತಿ |
ಯದೇ᳚ಷಾಂ ವೃ॒ಷ್ಟಿರಸ॑ರ್ಜಿ || 1.38.8
ದಿವಾ᳚ ಚಿ॒ತ್ತಮಃ॑ ಕೃಣ್ವ‌ನ್ತಿ ಪ॒ರ್ಜನ್ಯೇ᳚ನೋದವಾ॒ಹೇನ॑ |
ಯತ್ಪೃ॑ಥಿ॒ವೀಂ ವ್ಯುಂ॒ದ‌ನ್ತಿ॑ || 1.38.9
ಅಧ॑ ಸ್ವ॒ನಾನ್ಮ॒ರುತಾಂ॒ ವಿಶ್ವ॒ಮಾ ಸದ್ಮ॒ ಪಾರ್ಥಿ॑ವ‌ಮ್ |
ಅರೇ᳚ಜ‌ನ್ತ॒ ಪ್ರ ಮಾನು॑ಷಾಃ || 1.38.10
ಮರು॑ತೋ ವೀಳುಪಾ॒ಣಿಭಿ॑ಶ್ಚಿ॒ತ್ರಾ ರೋಧ॑ಸ್ವತೀ॒ರನು॑ |
ಯಾ॒ತೇಮಖಿ॑ದ್ರಯಾಮಭಿಃ || 1.38.11
ಸ್ಥಿ॒ರಾ ವಃ॑ ಸ‌ನ್ತು ನೇ॒ಮಯೋ॒ ರಥಾ॒ ಅಶ್ವಾ᳚ಸ ಏಷಾ‌ಮ್ |
ಸುಸಂ᳚ಸ್ಕೃತಾ ಅ॒ಭೀಶ॑ವಃ || 1.38.12
ಅಚ್ಛಾ᳚ ವದಾ॒ ತನಾ᳚ ಗಿ॒ರಾ ಜ॒ರಾಯೈ॒ ಬ್ರಹ್ಮ॑ಣ॒ಸ್ಪತಿ‌ಮ್᳚ |
ಅ॒ಗ್ನಿಂ ಮಿ॒ತ್ರಂ ನ ದ॑ರ್ಶ॒ತ‌ಮ್ || 1.38.13
ಮಿ॒ಮೀ॒ಹಿ ಶ್ಲೋಕ॑ಮಾ॒ಸ್ಯೇ᳚ ಪ॒ರ್ಜನ್ಯ॑ ಇವ ತತನಃ |
ಗಾಯ॑ ಗಾಯ॒ತ್ರಮು॒ಕ್ಥ್ಯ‌ಮ್᳚ || 1.38.14
ವಂದ॑ಸ್ವ॒ ಮಾರು॑ತಂ ಗ॒ಣಂ ತ್ವೇ॒ಷಂ ಪ॑ನ॒ಸ್ಯುಮ॒ರ್ಕಿಣ‌ಮ್᳚ |
ಅ॒ಸ್ಮೇ ವೃ॒ದ್ಧಾ ಅ॑ಸನ್ನಿ॒ಹ || 1.38.15

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವಃ ಋಷಿಃ ಮರುತೋ ದೇವತಾಃ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಪ್ರ ಯದಿ॒ತ್ಥಾ ಪ॑ರಾ॒ವತಃ॑ ಶೋ॒ಚಿರ್ನ ಮಾನ॒ಮಸ್ಯ॑ಥ |
ಕಸ್ಯ॒ ಕ್ರತ್ವಾ᳚ ಮರುತಃ॒ ಕಸ್ಯ॒ ವರ್ಪ॑ಸಾ॒ ಕಂ ಯಾ᳚ಥ॒ ಕಂ ಹ॑ ಧೂತಯಃ || 1.39.1
ಸ್ಥಿ॒ರಾ ವಃ॑ ಸ॒‌ನ್ತ್ವಾಯು॑ಧಾ ಪರಾ॒ಣುದೇ᳚ ವೀ॒ಳೂ ಉ॒ತ ಪ್ರ॑ತಿ॒ಷ್ಕಭೇ᳚ |
ಯು॒ಷ್ಮಾಕ॑ಮಸ್ತು॒ ತವಿ॑ಷೀ॒ ಪನೀ᳚ಯಸೀ॒ ಮಾ ಮರ್ತ್ಯ॑ಸ್ಯ ಮಾ॒ಯಿನಃ॑ || 1.39.2
ಪರಾ᳚ ಹ॒ ಯತ್+ಸ್ಥಿ॒ರಂ ಹ॒ಥ ನರೋ᳚ ವ॒ರ್ತಯ॑ಥಾ ಗು॒ರು |
ವಿ ಯಾ᳚ಥನ ವ॒ನಿನಃ॑ ಪೃಥಿ॒ವ್ಯಾ ವ್ಯಾಶಾಃ॒ ಪರ್ವ॑ತಾನಾ‌ಮ್ || 1.39.3
ನ॒ಹಿ ವಃ॒ ಶತ್ರು᳚ರ್ವಿವಿ॒ದೇ ಅಧಿ॒ ದ್ಯವಿ॒ ನ ಭೂಮ್ಯಾಂ᳚ ರಿಶಾದಸಃ |
ಯು॒ಷ್ಮಾಕ॑ಮಸ್ತು॒ ತವಿ॑ಷೀ॒ ತನಾ᳚ ಯು॒ಜಾ ರುದ್ರಾ᳚ಸೋ॒ ನೂ ಚಿ॑ದಾ॒ಧೃಷೇ᳚ || 1.39.4
ಪ್ರ ವೇ᳚ಪಯ‌ನ್ತಿ॒ ಪರ್ವ॑ತಾ॒ನ್ವಿ ವಿಂ᳚ಚ‌ನ್ತಿ॒ ವನ॒ಸ್ಪತೀನ್॑ |
ಪ್ರೋ ಆ᳚ರತ ಮರುತೋ ದು॒ರ್ಮದಾ᳚ ಇವ॒ ದೇವಾ᳚ಸಃ॒ ಸರ್ವ॑ಯಾ ವಿ॒ಶಾ || 1.39.5
ಉಪೋ॒ ರಥೇ᳚ಷು॒ ಪೃಷ॑ತೀರಯುಗ್ಧ್ವಂ॒ ಪ್ರಷ್ಟಿ᳚ರ್ವಹತಿ॒ ರೋಹಿ॑ತಃ |
ಆ ವೋ॒ ಯಾಮಾ᳚ಯ ಪೃಥಿ॒ವೀ ಚಿ॑ದಶ್ರೋ॒ದಬೀ᳚ಭಯ‌ನ್ತ॒ ಮಾನು॑ಷಾಃ || 1.39.6
ಆ ವೋ᳚ ಮ॒ಕ್ಷೂ ತನಾ᳚ಯ॒ ಕಂ ರುದ್ರಾ॒ ಅವೋ᳚ ವೃಣೀಮಹೇ |
ಗ‌ನ್ತಾ᳚ ನೂ॒ನಂ ನೋಽವ॑ಸಾ॒ ಯಥಾ᳚ ಪು॒ರೇತ್ಥಾ ಕಣ್ವಾ᳚ಯ ಬಿ॒ಭ್ಯುಷೇ᳚ || 1.39.7
ಯು॒ಷ್ಮೇಷಿ॑ತೋ ಮರುತೋ॒ ಮರ್ತ್ಯೇ᳚ಷಿತ॒ ಆ ಯೋ ನೋ॒ ಅಭ್ವ॒ ಈಷ॑ತೇ |
ವಿ ತಂ ಯು॑ಯೋತ॒ ಶವ॑ಸಾ॒ ವ್ಯೋಜ॑ಸಾ॒ ವಿ ಯು॒ಷ್ಮಾಕಾ᳚ಭಿರೂ॒ತಿಭಿಃ॑ || 1.39.8
ಅಸಾ᳚ಮಿ॒ ಹಿ ಪ್ರ॑ಯಜ್ಯವಃ॒ ಕಣ್ವಂ᳚ ದ॒ದ ಪ್ರ॑ಚೇತಸಃ |
ಅಸಾ᳚ಮಿಭಿರ್ಮರುತ॒ ಆ ನ॑ ಊ॒ತಿಭಿ॒ರ್ಗ‌ನ್ತಾ᳚ ವೃ॒ಷ್ಟಿಂ ನ ವಿ॒ದ್ಯುತಃ॑ || 1.39.9
ಅಸಾ॒ಮ್ಯೋಜೋ᳚ ಬಿಭೃಥಾ ಸುದಾನ॒ವೋಽಸಾ᳚ಮಿ ಧೂತಯಃ॒ ಶವಃ॑ |
ಋ॒ಷಿ॒ದ್ವಿಷೇ᳚ ಮರುತಃ ಪರಿಮ॒ನ್ಯವ॒ ಇಷುಂ॒ ನ ಸೃ॑ಜತ॒ ದ್ವಿಷ‌ಮ್᳚ || 1.39.10

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ ಬ್ರಹ್ಮಣಸ್ಪತಿರ್ದೇವತಾ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಉತ್ತಿ॑ಷ್ಠ ಬ್ರಹ್ಮಣಸ್ಪತೇ ದೇವ॒ಯ‌ನ್ತ॑ಸ್ತ್ವೇಮಹೇ |
ಉಪ॒ ಪ್ರ ಯ᳚‌ನ್ತು ಮ॒ರುತಃ॑ ಸು॒ದಾನ॑ವ॒ ಇಂದ್ರ॑ ಪ್ರಾ॒ಶೂರ್ಭ॑ವಾ॒ ಸಚಾ᳚ || 1.40.1
ತ್ವಾಮಿದ್ಧಿ ಸ॑ಹಸಸ್ಪುತ್ರ॒ ಮರ್ತ್ಯ॑ ಉಪಬ್ರೂ॒ತೇ ಧನೇ᳚ ಹಿ॒ತೇ |
ಸು॒ವೀರ್ಯಂ᳚ ಮರುತ॒ ಆ ಸ್ವಶ್ವ್ಯಂ॒ ದಧೀ᳚ತ॒ ಯೋ ವ॑ ಆಚ॒ಕೇ || 1.40.2
ಪ್ರೈತು॒ ಬ್ರಹ್ಮ॑ಣ॒ಸ್ಪತಿಃ॒ ಪ್ರ ದೇ॒ವ್ಯೇ᳚ತು ಸೂ॒ನೃತಾ᳚ |
ಅಚ್ಛಾ᳚ ವೀ॒ರಂ ನರ್ಯಂ᳚ ಪಂ॒ಕ್ತಿರಾ᳚ಧಸಂ ದೇ॒ವಾ ಯ॒ಜ್ಞಂ ನ॑ಯ‌ನ್ತು ನಃ || 1.40.3
ಯೋ ವಾ॒ಘತೇ॒ ದದಾ᳚ತಿ ಸೂ॒ನರಂ॒ ವಸು॒ ಸ ಧ॑ತ್ತೇ॒ ಅಕ್ಷಿ॑ತಿ॒ ಶ್ರವಃ॑ |
ತಸ್ಮಾ॒ ಇಳಾಂ᳚ ಸು॒ವೀರಾ॒ಮಾ ಯ॑ಜಾಮಹೇ ಸು॒ಪ್ರತೂ᳚ರ್ತಿಮನೇ॒ಹಸ‌ಮ್᳚ || 1.40.4
ಪ್ರ ನೂ॒ನಂ ಬ್ರಹ್ಮ॑ಣ॒ಸ್ಪತಿ॒ರ್ಮ‌ನ್ತ್ರಂ᳚ ವದತ್ಯು॒ಕ್ಥ್ಯ‌ಮ್᳚ |
ಯಸ್ಮಿ॒ನ್ನಿಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ದೇ॒ವಾ ಓಕಾಂ᳚ಸಿ ಚಕ್ರಿ॒ರೇ || 1.40.5
ತಮಿದ್ವೋ᳚ಚೇಮಾ ವಿ॒ದಥೇ᳚ಷು ಶಂ॒ಭುವಂ॒ ಮ‌ನ್ತ್ರಂ᳚ ದೇವಾ ಅನೇ॒ಹಸ‌ಮ್᳚ |
ಇ॒ಮಾಂ ಚ॒ ವಾಚಂ᳚ ಪ್ರತಿ॒ಹರ್ಯ॑ಥಾ ನರೋ॒ ವಿಶ್ವೇದ್ವಾ॒ಮಾ ವೋ᳚ ಅಶ್ನವತ್ || 1.40.6
ಕೋ ದೇ᳚ವ॒ಯ‌ನ್ತ॑ಮಶ್ನವ॒ಜ್ಜನಂ॒ ಕೋ ವೃ॒ಕ್ತಬ॑ರ್ಹಿಷ‌ಮ್ |
ಪ್ರಪ್ರ॑ ದಾ॒ಶ್ವಾನ್ಪ॒ಸ್ತ್ಯಾ᳚ಭಿರಸ್ಥಿತಾ‌ನ್ತ॒ರ್ವಾವ॒ತ್ಕ್ಷಯಂ᳚ ದಧೇ || 1.40.7
ಉಪ॑ ಕ್ಷ॒ತ್ರಂ ಪೃಂ᳚ಚೀ॒ತ ಹ‌ನ್ತಿ॒ ರಾಜ॑ಭಿರ್ಭ॒ಯೇ ಚಿ॑ತ್ಸುಕ್ಷಿ॒ತಿಂ ದ॑ಧೇ |
ನಾಸ್ಯ॑ ವ॒ರ್ತಾ ನ ತ॑ರು॒ತಾ ಮ॑ಹಾಧ॒ನೇ ನಾರ್ಭೇ᳚ ಅಸ್ತಿ ವ॒ಜ್ರಿಣಃ॑ || 1.40.8

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ (1-3, 7-9) ಪ್ರಥಮಾಂತಿಮತೃಚಯೋರ್ವರುಣಮಿತ್ರಾರ್ಯಮಣಃ (4-6) ದ್ವಿತೀಯತೃಚಸ್ಯ ಚಾದಿತ್ಯಾ ದೇವತಾಃ ಗಾಯತ್ರೀ ಛಂದಃ

ಯಂ ರಕ್ಷ᳚‌ನ್ತಿ॒ ಪ್ರಚೇ᳚ತಸೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ |
ನೂ ಚಿ॒ತ್ಸ ದ॑ಭ್ಯತೇ॒ ಜನಃ॑ || 1.41.1
ಯಂ ಬಾ॒ಹುತೇ᳚ವ॒ ಪಿಪ್ರ॑ತಿ॒ ಪಾ‌ನ್ತಿ॒ ಮರ್ತ್ಯಂ᳚ ರಿ॒ಷಃ |
ಅರಿ॑ಷ್ಟಃ॒ ಸರ್ವ॑ ಏಧತೇ || 1.41.2
ವಿ ದು॒ರ್ಗಾ ವಿ ದ್ವಿಷಃ॑ ಪು॒ರೋ ಘ್ನ‌ನ್ತಿ॒ ರಾಜಾ᳚ನ ಏಷಾ‌ಮ್ |
ನಯ᳚‌ನ್ತಿ ದುರಿ॒ತಾ ತಿ॒ರಃ || 1.41.3
ಸು॒ಗಃ ಪ‌ನ್ಥಾ᳚ ಅನೃಕ್ಷ॒ರ ಆದಿ॑ತ್ಯಾಸ ಋ॒ತಂ ಯ॒ತೇ |
ನಾತ್ರಾ᳚ವಖಾ॒ದೋ ಅ॑ಸ್ತಿ ವಃ || 1.41.4
ಯಂ ಯ॒ಜ್ಞಂ ನಯ॑ಥಾ ನರ॒ ಆದಿ॑ತ್ಯಾ ಋ॒ಜುನಾ᳚ ಪ॒ಥಾ |
ಪ್ರ ವಃ॒ ಸ ಧೀ॒ತಯೇ᳚ ನಶತ್ || 1.41.5
ಸ ರತ್ನಂ॒ ಮರ್ತ್ಯೋ॒ ವಸು॒ ವಿಶ್ವಂ᳚ ತೋ॒ಕಮು॒ತ ತ್ಮನಾ᳚ |
ಅಚ್ಛಾ᳚ ಗಚ್ಛ॒ತ್ಯಸ್ತೃ॑ತಃ || 1.41.6
ಕ॒ಥಾ ರಾ᳚ಧಾಮ ಸಖಾಯಃ॒ ಸ್ತೋಮಂ᳚ ಮಿ॒ತ್ರಸ್ಯಾ᳚ರ್ಯ॒ಮ್ಣಃ |
ಮಹಿ॒ ಪ್ಸರೋ॒ ವರು॑ಣಸ್ಯ || 1.41.7
ಮಾ ವೋ॒ ಘ್ನ‌ನ್ತಂ॒ ಮಾ ಶಪ᳚‌ನ್ತಂ॒ ಪ್ರತಿ॑ ವೋಚೇ ದೇವ॒ಯ‌ನ್ತ‌ಮ್᳚ |
ಸು॒ಮ್ನೈರಿದ್ವ॒ ಆ ವಿ॑ವಾಸೇ || 1.41.8
ಚ॒ತುರ॑ಶ್ಚಿ॒ದ್ದದ॑ಮಾನಾದ್ಬಿಭೀ॒ಯಾದಾ ನಿಧಾ᳚ತೋಃ |
ನ ದು॑ರು॒ಕ್ತಾಯ॑ ಸ್ಪೃಹಯೇತ್ || 1.41.9

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ ಪೂಷಾ ದೇವತಾ ಗಾಯತ್ರೀ ಛಂದಃ

ಸಂ ಪೂ᳚ಷ॒ನ್ನಧ್ವ॑ನಸ್ತಿರ॒ ವ್ಯಂಹೋ᳚ ವಿಮುಚೋ ನಪಾತ್ |
ಸಕ್ಷ್ವಾ᳚ ದೇವ॒ ಪ್ರ ಣ॑ಸ್ಪು॒ರಃ || 1.42.1
ಯೋ ನಃ॑ ಪೂಷನ್ನ॒ಘೋ ವೃಕೋ᳚ ದುಃ॒ಶೇವ॑ ಆ॒ದಿದೇ᳚ಶತಿ |
ಅಪ॑ ಸ್ಮ॒ ತಂ ಪ॒ಥೋ ಜ॑ಹಿ || 1.42.2
ಅಪ॒ ತ್ಯಂ ಪ॑ರಿಪ॒‌ನ್ಥಿನಂ᳚ ಮುಷೀ॒ವಾಣಂ᳚ ಹುರ॒ಶ್ಚಿತ‌ಮ್᳚ |
ದೂ॒ರಮಧಿ॑ ಸ್ರು॒ತೇರ॑ಜ || 1.42.3
ತ್ವಂ ತಸ್ಯ॑ ದ್ವಯಾ॒ವಿನೋ॒ಽಘಶಂ᳚ಸಸ್ಯ॒ ಕಸ್ಯ॑ ಚಿತ್ |
ಪ॒ದಾಭಿ ತಿ॑ಷ್ಠ॒ ತಪು॑ಷಿ‌ಮ್ || 1.42.4
ಆ ತತ್ತೇ᳚ ದಸ್ರ ಮ‌ನ್ತುಮಃ॒ ಪೂಷ॒ನ್ನವೋ᳚ ವೃಣೀಮಹೇ |
ಯೇನ॑ ಪಿ॒ತೄನಚೋ᳚ದಯಃ || 1.42.5
ಅಧಾ᳚ ನೋ ವಿಶ್ವಸೌಭಗ॒ ಹಿರ᳚ಣ್ಯವಾಶೀಮತ್ತಮ |
ಧನಾ᳚ನಿ ಸು॒ಷಣಾ᳚ ಕೃಧಿ || 1.42.6
ಅತಿ॑ ನಃ ಸ॒ಶ್ಚತೋ᳚ ನಯ ಸು॒ಗಾ ನಃ॑ ಸು॒ಪಥಾ᳚ ಕೃಣು |
ಪೂಷ᳚ನ್ನಿ॒ಹ ಕ್ರತುಂ᳚ ವಿದಃ || 1.42.7
ಅ॒ಭಿ ಸೂ॒ಯವ॑ಸಂ ನಯ॒ ನ ನ॑ವಜ್ವಾ॒ರೋ ಅಧ್ವ॑ನೇ |
ಪೂಷ᳚ನ್ನಿ॒ಹ ಕ್ರತುಂ᳚ ವಿದಃ || 1.42.8
ಶ॒ಗ್ಧಿ ಪೂ॒ರ್ಧಿ ಪ್ರ ಯಂ᳚ಸಿ ಚ ಶಿಶೀ॒ಹಿ ಪ್ರಾಸ್ಯು॒ದರ‌ಮ್᳚ |
ಪೂಷ᳚ನ್ನಿ॒ಹ ಕ್ರತುಂ᳚ ವಿದಃ || 1.42.9
ನ ಪೂ॒ಷಣಂ᳚ ಮೇಥಾಮಸಿ ಸೂ॒ಕ್ತೈರ॒ಭಿ ಗೃ॑ಣೀಮಸಿ |
ವಸೂ᳚ನಿ ದ॒ಸ್ಮಮೀ᳚ಮಹೇ || 1.42.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ (1-2, 4-6) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿತೃಚಸ್ಯ ಚ ರುದ್ರಃ (3) ತೃತೀಯಾಯಾ ರುದ್ರೋ ಮಿತ್ರಾವರುಣೌ ಚ (7-9) ಸಪ್ತಮ್ಯಾದಿತೃಚಸ್ಯ ಚ ಸೋಮೋ ದೇವತಾಃ (1-8) ಪ್ರಥಮಾದ್ಯಶ್ಟರ್ಚಾಂ ಗಾಯತ್ರೀ (9) ನವಮ್ಯಾಶ್ಚಾನುಷ್ಟಪ್ ಛಂದಸೀ

ಕದ್ರು॒ದ್ರಾಯ॒ ಪ್ರಚೇ᳚ತಸೇ ಮೀ॒ಳ್ಹುಷ್ಟ॑ಮಾಯ॒ ತವ್ಯ॑ಸೇ |
ವೋ॒ಚೇಮ॒ ಶಂತ॑ಮಂ ಹೃ॒ದೇ || 1.43.1
ಯಥಾ᳚ ನೋ॒ ಅದಿ॑ತಿಃ॒ ಕರ॒ತ್ಪಶ್ವೇ॒ ನೃಭ್ಯೋ॒ ಯಥಾ॒ ಗವೇ᳚ |
ಯಥಾ᳚ ತೋ॒ಕಾಯ॑ ರು॒ದ್ರಿಯ‌ಮ್᳚ || 1.43.2
ಯಥಾ᳚ ನೋ ಮಿ॒ತ್ರೋ ವರು॑ಣೋ॒ ಯಥಾ᳚ ರು॒ದ್ರಶ್ಚಿಕೇ᳚ತತಿ |
ಯಥಾ॒ ವಿಶ್ವೇ᳚ ಸ॒ಜೋಷ॑ಸಃ || 1.43.3
ಗಾ॒ಥಪ॑ತಿಂ ಮೇ॒ಧಪ॑ತಿಂ ರು॒ದ್ರಂ ಜಲಾ᳚ಷಭೇಷಜ‌ಮ್ |
ತಚ್ಛಂ॒ಯೋಃ ಸು॒ಮ್ನಮೀ᳚ಮಹೇ || 1.43.4
ಯಃ ಶು॒ಕ್ರ ಇ॑ವ॒ ಸೂರ್ಯೋ॒ ಹಿರ᳚ಣ್ಯಮಿವ॒ ರೋಚ॑ತೇ |
ಶ್ರೇಷ್ಠೋ᳚ ದೇ॒ವಾನಾಂ॒ ವಸುಃ॑ || 1.43.5
ಶಂ ನಃ॑ ಕರ॒ತ್ಯರ್ವ॑ತೇ ಸು॒ಗಂ ಮೇ॒ಷಾಯ॑ ಮೇ॒ಷ್ಯೇ᳚ |
ನೃಭ್ಯೋ॒ ನಾರಿ॑ಭ್ಯೋ॒ ಗವೇ᳚ || 1.43.6
ಅ॒ಸ್ಮೇ ಸೋ᳚ಮ॒ ಶ್ರಿಯ॒ಮಧಿ॒ ನಿ ಧೇ᳚ಹಿ ಶ॒ತಸ್ಯ॑ ನೃ॒ಣಾ‌ಮ್ |
ಮಹಿ॒ ಶ್ರವ॑ಸ್ತುವಿನೃ॒ಮ್ಣ‌ಮ್ || 1.43.7
ಮಾ ನಃ॑ ಸೋಮಪರಿ॒ಬಾಧೋ॒ ಮಾರಾ᳚ತಯೋ ಜುಹುರ‌ನ್ತ |
ಆ ನ॑ ಇಂದೋ॒ ವಾಜೇ᳚ ಭಜ || 1.43.8
ಯಾಸ್ತೇ᳚ ಪ್ರ॒ಜಾ ಅ॒ಮೃತ॑ಸ್ಯ॒ ಪರ॑ಸ್ಮಿಂ॒ಧಾಮ᳚ನ್ನೃ॒ತಸ್ಯ॑ |
ಮೂ॒ರ್ಧಾ ನಾಭಾ᳚ ಸೋಮ ವೇನ ಆ॒ಭೂಷ᳚‌ನ್ತೀಃ ಸೋಮ ವೇದಃ || 1.43.9

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ (1-2) ಪ್ರಥಮಾದ್ವಿತೀಯಯೋರೃಚೋರಗ್ನಿರಶ್ವಿನಾವುಷಾಶ್ಚ (3-14) ತೃತೀಯಾದಿದ್ವಾದಶಾನಾಂಚಾಗ್ನಿರ್ದೇವತಾಃ ಪ್ರಗಾಥಃ (ವಿಷಮಾ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಅಗ್ನೇ॒ ವಿವ॑ಸ್ವದು॒ಷಸ॑ಶ್ಚಿ॒ತ್ರಂ ರಾಧೋ᳚ ಅಮರ್ತ್ಯ |
ಆ ದಾ॒ಶುಷೇ᳚ ಜಾತವೇದೋ ವಹಾ॒ ತ್ವಮ॒ದ್ಯಾ ದೇ॒ವಾಁ ಉ॑ಷ॒ರ್ಬುಧಃ॑ || 1.44.1
ಜುಷ್ಟೋ॒ ಹಿ ದೂ॒ತೋ ಅಸಿ॑ ಹವ್ಯ॒ವಾಹ॒ನೋಽಗ್ನೇ᳚ ರ॒ಥೀರ॑ಧ್ವ॒ರಾಣಾ᳚‌ಮ್ |
ಸ॒ಜೂರ॒ಶ್ವಿಭ್ಯಾ᳚ಮು॒ಷಸಾ᳚ ಸು॒ವೀರ್ಯ॑ಮ॒ಸ್ಮೇ ಧೇ᳚ಹಿ॒ ಶ್ರವೋ᳚ ಬೃ॒ಹತ್ || 1.44.2
ಅ॒ದ್ಯಾ ದೂ॒ತಂ ವೃ॑ಣೀಮಹೇ॒ ವಸು॑ಮ॒ಗ್ನಿಂ ಪು॑ರುಪ್ರಿ॒ಯ‌ಮ್ |
ಧೂ॒ಮಕೇ᳚ತುಂ॒ ಭಾಋ॑ಜೀಕಂ॒ ವ್ಯು॑ಷ್ಟಿಷು ಯ॒ಜ್ಞಾನಾ᳚ಮಧ್ವರ॒ಶ್ರಿಯ‌ಮ್᳚ || 1.44.3
ಶ್ರೇಷ್ಠಂ॒ ಯವಿ॑ಷ್ಠ॒ಮತಿ॑ಥಿಂ॒ ಸ್ವಾ᳚ಹುತಂ॒ ಜುಷ್ಟಂ॒ ಜನಾ᳚ಯ ದಾ॒ಶುಷೇ᳚ |
ದೇ॒ವಾಁ ಅಚ್ಛಾ॒ ಯಾತ॑ವೇ ಜಾ॒ತವೇ᳚ದಸಮ॒ಗ್ನಿಮೀ᳚ಳೇ॒ ವ್ಯು॑ಷ್ಟಿಷು || 1.44.4
ಸ್ತ॒ವಿ॒ಷ್ಯಾಮಿ॒ ತ್ವಾಮ॒ಹಂ ವಿಶ್ವ॑ಸ್ಯಾಮೃತ ಭೋಜನ |
ಅಗ್ನೇ᳚ ತ್ರಾ॒ತಾರ॑ಮ॒ಮೃತಂ᳚ ಮಿಯೇಧ್ಯ॒ ಯಜಿ॑ಷ್ಠಂ ಹವ್ಯವಾಹನ || 1.44.5
ಸು॒ಶಂಸೋ᳚ ಬೋಧಿ ಗೃಣ॒ತೇ ಯ॑ವಿಷ್ಠ್ಯ॒ ಮಧು॑ಜಿಹ್ವಃ॒ ಸ್ವಾ᳚ಹುತಃ |
ಪ್ರಸ್ಕ᳚ಣ್ವಸ್ಯ ಪ್ರತಿ॒ರನ್ನಾಯು॑ರ್ಜೀ॒ವಸೇ᳚ ನಮ॒ಸ್ಯಾ ದೈವ್ಯಂ॒ ಜನ‌ಮ್᳚ || 1.44.6
ಹೋತಾ᳚ರಂ ವಿ॒ಶ್ವವೇ᳚ದಸಂ॒ ಸಂ ಹಿ ತ್ವಾ॒ ವಿಶ॑ ಇಂ॒ಧತೇ᳚ |
ಸ ಆ ವ॑ಹ ಪುರುಹೂತ॒ ಪ್ರಚೇ᳚ತ॒ಸೋಽಗ್ನೇ᳚ ದೇ॒ವಾಁ ಇ॒ಹ ದ್ರ॒ವತ್ || 1.44.7
ಸ॒ವಿ॒ತಾರ॑ಮು॒ಷಸ॑ಮ॒ಶ್ವಿನಾ॒ ಭಗ॑ಮ॒ಗ್ನಿಂ ವ್ಯು॑ಷ್ಟಿಷು॒ ಕ್ಷಪಃ॑ |
ಕಣ್ವಾ᳚ಸಸ್ತ್ವಾ ಸು॒ತಸೋ᳚ಮಾಸ ಇಂಧತೇ ಹವ್ಯ॒ವಾಹಂ᳚ ಸ್ವಧ್ವರ || 1.44.8
ಪತಿ॒ರ್ಹ್ಯ॑ಧ್ವ॒ರಾಣಾ॒ಮಗ್ನೇ᳚ ದೂ॒ತೋ ವಿ॒ಶಾಮಸಿ॑ |
ಉ॒ಷ॒ರ್ಬುಧ॒ ಆ ವ॑ಹ॒ ಸೋಮ॑ಪೀತಯೇ ದೇ॒ವಾಁ ಅ॒ದ್ಯ ಸ್ವ॒ರ್ದೃಶಃ॑ || 1.44.9
ಅಗ್ನೇ॒ ಪೂರ್ವಾ॒ ಅನೂ॒ಷಸೋ᳚ ವಿಭಾವಸೋ ದೀ॒ದೇಥ॑ ವಿ॒ಶ್ವದ॑ರ್ಶತಃ |
ಅಸಿ॒ ಗ್ರಾಮೇ᳚ಷ್ವವಿ॒ತಾ ಪು॒ರೋಹಿ॒ತೋಽಸಿ॑ ಯ॒ಜ್ಞೇಷು॒ ಮಾನು॑ಷಃ || 1.44.10
ನಿ ತ್ವಾ᳚ ಯ॒ಜ್ಞಸ್ಯ॒ ಸಾಧ॑ನ॒ಮಗ್ನೇ॒ ಹೋತಾ᳚ರಮೃ॒ತ್ವಿಜ‌ಮ್᳚ |
ಮ॒ನು॒ಷ್ವದ್ದೇ᳚ವ ಧೀಮಹಿ॒ ಪ್ರಚೇ᳚ತಸಂ ಜೀ॒ರಂ ದೂ॒ತಮಮ॑ರ್ತ್ಯ‌ಮ್ || 1.44.11
ಯದ್ದೇ॒ವಾನಾಂ᳚ ಮಿತ್ರಮಹಃ ಪು॒ರೋಹಿ॒ತೋಽ‌ನ್ತ॑ರೋ॒ ಯಾಸಿ॑ ದೂ॒ತ್ಯ‌ಮ್᳚ |
ಸಿಂಧೋ᳚ರಿವ॒ ಪ್ರಸ್ವ॑ನಿತಾಸ ಊ॒ರ್ಮಯೋ॒ಽಗ್ನೇರ್ಭ್ರಾ᳚ಜ‌ನ್ತೇ ಅ॒ರ್ಚಯಃ॑ || 1.44.12
ಶ್ರು॒ಧಿ ಶ್ರು॑ತ್ಕರ್ಣ॒ ವಹ್ನಿ॑ಭಿರ್ದೇ॒ವೈರ॑ಗ್ನೇ ಸ॒ಯಾವ॑ಭಿಃ |
ಆ ಸೀ᳚ದ‌ನ್ತು ಬ॒ರ್ಹಿಷಿ॑ ಮಿ॒ತ್ರೋ ಅ᳚ರ್ಯ॒ಮಾ ಪ್ರಾ᳚ತ॒ರ್ಯಾವಾ᳚ಣೋ ಅಧ್ವ॒ರ‌ಮ್ || 1.44.13
ಶೃ॒ಣ್ವ‌ನ್ತು॒ ಸ್ತೋಮಂ᳚ ಮ॒ರುತಃ॑ ಸು॒ದಾನ॑ವೋಽಗ್ನಿಜಿ॒ಹ್ವಾ ಋ॑ತಾ॒ವೃಧಃ॑ |
ಪಿಬ॑ತು॒ ಸೋಮಂ॒ ವರು॑ಣೋ ಧೃ॒ತವ್ರ॑ತೋ॒ಽಶ್ವಿಭ್ಯಾ᳚ಮು॒ಷಸಾ᳚ ಸ॒ಜೂಃ || 1.44.14

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ (1-9, 10) ಪ್ರಥಮಾದಿನವರ್ಚಾಂ ದಶಮ್ಯಾಃ ಪೂರ್ವಾರ್ಧಸ್ಯ ಚಾಗ್ನಿಃ (10) ದಶಮ್ಯಾ ಉತ್ತರಾರ್ಧಸ್ಯ ಚ ದೇವಾ ದೇವತಾಃ ಅನುಷ್ಟಪ್ ಛಂದಃ

ತ್ವಮ॑ಗ್ನೇ॒ ವಸೂಁ᳚ರಿ॒ಹ ರು॒ದ್ರಾಁ ಆ᳚ದಿ॒ತ್ಯಾಁ ಉ॒ತ |
ಯಜಾ᳚ ಸ್ವಧ್ವ॒ರಂ ಜನಂ॒ ಮನು॑ಜಾತಂ ಘೃತ॒ಪ್ರುಷ‌ಮ್᳚ || 1.45.1
ಶ್ರು॒ಷ್ಟೀ॒ವಾನೋ॒ ಹಿ ದಾ॒ಶುಷೇ᳚ ದೇ॒ವಾ ಅ॑ಗ್ನೇ॒ ವಿಚೇ᳚ತಸಃ |
ತಾನ್ರೋ᳚ಹಿದಶ್ವ ಗಿರ್ವಣ॒ಸ್ತ್ರಯ॑ಸ್ತ್ರಿಂಶತ॒ಮಾ ವ॑ಹ || 1.45.2
ಪ್ರಿ॒ಯ॒ಮೇ॒ಧ॒ವದ॑ತ್ರಿ॒ವ ಜ್ಜಾತ॑ವೇದೋ ವಿರೂಪ॒ವತ್ |
ಅಂ॒ಗಿ॒ರ॒ಸ್ವನ್ಮ॑ಹಿವ್ರತ॒ ಪ್ರಸ್ಕ᳚ಣ್ವಸ್ಯ ಶ್ರುಧೀ॒ ಹವ‌ಮ್᳚ || 1.45.3
ಮಹಿ॑ಕೇರವ ಊ॒ತಯೇ᳚ ಪ್ರಿ॒ಯಮೇ᳚ಧಾ ಅಹೂಷತ |
ರಾಜ᳚‌ನ್ತಮಧ್ವ॒ರಾಣಾ᳚ಮ॒ಗ್ನಿಂ ಶು॒ಕ್ರೇಣ॑ ಶೋ॒ಚಿಷಾ᳚ || 1.45.4
ಘೃತಾ᳚ಹವನ ಸ‌ನ್ತ್ಯೇ॒ಮಾ ಉ॒ ಷು ಶ್ರು॑ಧೀ॒ ಗಿರಃ॑ |
ಯಾಭಿಃ॒ ಕಣ್ವ॑ಸ್ಯ ಸೂ॒ನವೋ॒ ಹವ॒‌ನ್ತೇಽವ॑ಸೇ ತ್ವಾ || 1.45.5
ತ್ವಾಂ ಚಿ॑ತ್ರಶ್ರವಸ್ತಮ॒ ಹವ᳚‌ನ್ತೇ ವಿ॒ಕ್ಷು ಜ॒‌ನ್ತವಃ॑ |
ಶೋ॒ಚಿಷ್ಕೇ᳚ಶಂ ಪುರುಪ್ರಿ॒ಯಾಗ್ನೇ᳚ ಹ॒ವ್ಯಾಯ॒ ವೋಳ್ಹ॑ವೇ || 1.45.6
ನಿ ತ್ವಾ॒ ಹೋತಾ᳚ರಮೃ॒ತ್ವಿಜಂ᳚ ದಧಿ॒ರೇ ವ॑ಸು॒ವಿತ್ತ॑ಮ‌ಮ್ |
ಶ್ರುತ್ಕ᳚ರ್ಣಂ ಸ॒ಪ್ರಥ॑ಸ್ತಮಂ॒ ವಿಪ್ರಾ᳚ ಅಗ್ನೇ॒ ದಿವಿ॑ಷ್ಟಿಷು || 1.45.7
ಆ ತ್ವಾ॒ ವಿಪ್ರಾ᳚ ಅಚುಚ್ಯವುಃ ಸು॒ತಸೋ᳚ಮಾ ಅ॒ಭಿ ಪ್ರಯಃ॑ |
ಬೃ॒ಹದ್ಭಾ ಬಿಭ್ರ॑ತೋ ಹ॒ವಿರಗ್ನೇ॒ ಮರ್ತಾ᳚ಯ ದಾ॒ಶುಷೇ᳚ || 1.45.8
ಪ್ರಾ॒ತ॒ರ್ಯಾವ್ಣಃ॑ ಸಹಸ್ಕೃತ ಸೋಮ॒ಪೇಯಾ᳚ಯ ಸ‌ನ್ತ್ಯ |
ಇ॒ಹಾದ್ಯ ದೈವ್ಯಂ॒ ಜನಂ᳚ ಬ॒ರ್ಹಿರಾ ಸಾ᳚ದಯಾ ವಸೋ || 1.45.9
ಅ॒ರ್ವಾಂಚಂ॒ ದೈವ್ಯಂ॒ ಜನ॒ಮಗ್ನೇ॒ ಯಕ್ಷ್ವ॒ ಸಹೂ᳚ತಿಭಿಃ |
ಅ॒ಯಂ ಸೋಮಃ॑ ಸುದಾನವ॒ಸ್ತಂ ಪಾ᳚ತ ತಿ॒ರೋಅ᳚ಹ್ನ್ಯ‌ಮ್ || 1.45.10

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ ಅಶ್ವಿನೌ ದೇವತೇ ಗಾಯತ್ರೀ ಛಂದಃ

ಏ॒ಷೋ ಉ॒ಷಾ ಅಪೂ᳚ರ್ವ್ಯಾ॒ ವ್ಯು॑ಚ್ಛತಿ ಪ್ರಿ॒ಯಾ ದಿ॒ವಃ |
ಸ್ತು॒ಷೇ ವಾ᳚ಮಶ್ವಿನಾ ಬೃ॒ಹತ್ || 1.46.1
ಯಾ ದ॒ಸ್ರಾ ಸಿಂಧು॑ಮಾತರಾ ಮನೋ॒ತರಾ᳚ ರಯೀ॒ಣಾ‌ಮ್ |
ಧಿ॒ಯಾ ದೇ॒ವಾ ವ॑ಸು॒ವಿದಾ᳚ || 1.46.2
ವ॒ಚ್ಯ‌ನ್ತೇ᳚ ವಾಂ ಕಕು॒ಹಾಸೋ᳚ ಜೂ॒ರ್ಣಾಯಾ॒ಮಧಿ॑ ವಿ॒ಷ್ಟಪಿ॑ |
ಯದ್ವಾಂ॒ ರಥೋ॒ ವಿಭಿ॒ಷ್ಪತಾ᳚ತ್ || 1.46.3
ಹ॒ವಿಷಾ᳚ ಜಾ॒ರೋ ಅ॒ಪಾಂ ಪಿಪ॑ರ್ತಿ॒ ಪಪು॑ರಿರ್ನರಾ |
ಪಿ॒ತಾ ಕುಟ॑ಸ್ಯ ಚರ್ಷ॒ಣಿಃ || 1.46.4
ಆ॒ದಾ॒ರೋ ವಾಂ᳚ ಮತೀ॒ನಾಂ ನಾಸ॑ತ್ಯಾ ಮತವಚಸಾ |
ಪಾ॒ತಂ ಸೋಮ॑ಸ್ಯ ಧೃಷ್ಣು॒ಯಾ || 1.46.5
ಯಾ ನಃ॒ ಪೀಪ॑ರದಶ್ವಿನಾ॒ ಜ್ಯೋತಿ॑ಷ್ಮತೀ॒ ತಮ॑ಸ್ತಿ॒ರಃ |
ತಾಮ॒ಸ್ಮೇ ರಾ᳚ಸಾಥಾ॒ಮಿಷ‌ಮ್᳚ || 1.46.6
ಆ ನೋ᳚ ನಾ॒ವಾ ಮ॑ತೀ॒ನಾಂ ಯಾ॒ತಂ ಪಾ॒ರಾಯ॒ ಗ‌ನ್ತ॑ವೇ |
ಯುಂ॒ಜಾಥಾ᳚ಮಶ್ವಿನಾ॒ ರಥ‌ಮ್᳚ || 1.46.7
ಅ॒ರಿತ್ರಂ᳚ ವಾಂ ದಿ॒ವಸ್ಪೃ॒ಥು ತೀ॒ರ್ಥೇ ಸಿಂಧೂ᳚ನಾಂ॒ ರಥಃ॑ |
ಧಿ॒ಯಾ ಯು॑ಯುಜ್ರ॒ ಇಂದ॑ವಃ || 1.46.8
ದಿ॒ವಸ್ಕ᳚ಣ್ವಾಸ॒ ಇಂದ॑ವೋ॒ ವಸು॒ ಸಿಂಧೂ᳚ನಾಂ ಪ॒ದೇ |
ಸ್ವಂ ವ॒ವ್ರಿಂ ಕುಹ॑ ಧಿತ್ಸಥಃ || 1.46.9
ಅಭೂ᳚ದು॒ ಭಾ ಉ॑ ಅಂ॒ಶವೇ॒ ಹಿರ᳚ಣ್ಯಂ॒ ಪ್ರತಿ॒ ಸೂರ್ಯಃ॑ |
ವ್ಯ॑ಖ್ಯಜ್ಜಿ॒ಹ್ವಯಾಸಿ॑ತಃ || 1.46.10
ಅಭೂ᳚ದು ಪಾ॒ರಮೇತ॑ವೇ॒ ಪ‌ನ್ಥಾ᳚ ಋ॒ತಸ್ಯ॑ ಸಾಧು॒ಯಾ |
ಅದ॑ರ್ಶಿ॒ ವಿ ಸ್ರು॒ತಿರ್ದಿ॒ವಃ || 1.46.11
ತತ್ತ॒ದಿದ॒ಶ್ವಿನೋ॒ರವೋ᳚ ಜರಿ॒ತಾ ಪ್ರತಿ॑ ಭೂಷತಿ |
ಮದೇ॒ ಸೋಮ॑ಸ್ಯ॒ ಪಿಪ್ರ॑ತೋಃ || 1.46.12
ವಾ॒ವ॒ಸಾ॒ನಾ ವಿ॒ವಸ್ವ॑ತಿ॒ ಸೋಮ॑ಸ್ಯ ಪೀ॒ತ್ಯಾ ಗಿ॒ರಾ |
ಮ॒ನು॒ಷ್ವಚ್ಛಂ᳚ಭೂ॒ ಆ ಗ॑ತ‌ಮ್ || 1.46.13
ಯು॒ವೋರು॒ಷಾ ಅನು॒ ಶ್ರಿಯಂ॒ ಪರಿ॑ಜ್ಮನೋರು॒ಪಾಚ॑ರತ್ |
ಋ॒ತಾ ವ॑ನಥೋ ಅ॒ಕ್ತುಭಿಃ॑ || 1.46.14
ಉ॒ಭಾ ಪಿ॑ಬತಮಶ್ವಿನೋ॒ಭಾ ನಃ॒ ಶರ್ಮ॑ ಯಚ್ಛತ‌ಮ್ |
ಅ॒ವಿ॒ದ್ರಿ॒ಯಾಭಿ॑ರೂ॒ತಿಭಿಃ॑ || 1.46.15

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ ಅಶ್ವಿನೌ ದೇವತೇ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಅ॒ಯಂ ವಾಂ॒ ಮಧು॑ಮತ್ತಮಃ ಸು॒ತಃ ಸೋಮ॑ ಋತಾವೃಧಾ |
ತಮ॑ಶ್ವಿನಾ ಪಿಬತಂ ತಿ॒ರೋಅ᳚ಹ್ನ್ಯಂ ಧ॒ತ್ತಂ ರತ್ನಾ᳚ನಿ ದಾ॒ಶುಷೇ᳚ || 1.47.1
ತ್ರಿ॒ವಂ॒ಧು॒ರೇಣ॑ ತ್ರಿ॒ವೃತಾ᳚ ಸು॒ಪೇಶ॑ಸಾ॒ ರಥೇ॒ನಾ ಯಾ᳚ತಮಶ್ವಿನಾ |
ಕಣ್ವಾ᳚ಸೋ ವಾಂ॒ ಬ್ರಹ್ಮ॑ ಕೃಣ್ವ‌ನ್ತ್ಯಧ್ವ॒ರೇ ತೇಷಾಂ॒ ಸು ಶೃ॑ಣುತಂ॒ ಹವ‌ಮ್᳚ || 1.47.2
ಅಶ್ವಿ॑ನಾ॒ ಮಧು॑ಮತ್ತಮಂ ಪಾ॒ತಂ ಸೋಮ॑ಮೃತಾವೃಧಾ |
ಅಥಾ॒ದ್ಯ ದ॑ಸ್ರಾ॒ ವಸು॒ ಬಿಭ್ರ॑ತಾ॒ ರಥೇ᳚ ದಾ॒ಶ್ವಾಂಸ॒ಮುಪ॑ ಗಚ್ಛತ‌ಮ್ || 1.47.3
ತ್ರಿ॒ಷ॒ಧ॒ಸ್ಥೇ ಬ॒ರ್ಹಿಷಿ॑ ವಿಶ್ವವೇದಸಾ॒ ಮಧ್ವಾ᳚ ಯ॒ಜ್ಞಂ ಮಿ॑ಮಿಕ್ಷತ‌ಮ್ |
ಕಣ್ವಾ᳚ಸೋ ವಾಂ ಸು॒ತಸೋ᳚ಮಾ ಅ॒ಭಿದ್ಯ॑ವೋ ಯು॒ವಾಂ ಹ॑ವ‌ನ್ತೇ ಅಶ್ವಿನಾ || 1.47.4
ಯಾಭಿಃ॒ ಕಣ್ವ॑ಮ॒ಭಿಷ್ಟಿ॑ಭಿಃ॒ ಪ್ರಾವ॑ತಂ ಯು॒ವಮ॑ಶ್ವಿನಾ |
ತಾಭಿಃ॒ ಷ್ವ1॒॑ಸ್ಮಾಁ ಅ॑ವತಂ ಶುಭಸ್ಪತೀ ಪಾ॒ತಂ ಸೋಮ॑ಮೃತಾವೃಧಾ || 1.47.5
ಸು॒ದಾಸೇ᳚ ದಸ್ರಾ॒ ವಸು॒ ಬಿಭ್ರ॑ತಾ॒ ರಥೇ॒ ಪೃಕ್ಷೋ᳚ ವಹತಮಶ್ವಿನಾ |
ರ॒ಯಿಂ ಸ॑ಮು॒ದ್ರಾದು॒ತ ವಾ᳚ ದಿ॒ವಸ್ಪರ್ಯ॒ಸ್ಮೇ ಧ॑ತ್ತಂ ಪುರು॒ಸ್ಪೃಹ‌ಮ್᳚ || 1.47.6
ಯನ್ನಾ᳚ಸತ್ಯಾ ಪರಾ॒ವತಿ॒ ಯದ್ವಾ॒ ಸ್ಥೋ ಅಧಿ॑ ತು॒ರ್ವಶೇ᳚ |
ಅತೋ॒ ರಥೇ᳚ನ ಸು॒ವೃತಾ᳚ ನ॒ ಆ ಗ॑ತಂ ಸಾ॒ಕಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ || 1.47.7
ಅ॒ರ್ವಾಂಚಾ᳚ ವಾಂ॒ ಸಪ್ತ॑ಯೋಽಧ್ವರ॒ಶ್ರಿಯೋ॒ ವಹ᳚‌ನ್ತು॒ ಸವ॒ನೇದುಪ॑ |
ಇಷಂ᳚ ಪೃಂ॒ಚ‌ನ್ತಾ᳚ ಸು॒ಕೃತೇ᳚ ಸು॒ದಾನ॑ವ॒ ಆ ಬ॒ರ್ಹಿಃ ಸೀ᳚ದತಂ ನರಾ || 1.47.8
ತೇನ॑ ನಾಸ॒ತ್ಯಾ ಗ॑ತಂ॒ ರಥೇ᳚ನ॒ ಸೂರ್ಯ॑ತ್ವಚಾ |
ಯೇನ॒ ಶಶ್ವ॑ದೂ॒ಹಥು॑ರ್ದಾ॒ಶುಷೇ॒ ವಸು॒ ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 1.47.9
ಉ॒ಕ್ಥೇಭಿ॑ರ॒ರ್ವಾಗವ॑ಸೇ ಪುರೂ॒ವಸೂ᳚ ಅ॒ರ್ಕೈಶ್ಚ॒ ನಿ ಹ್ವ॑ಯಾಮಹೇ |
ಶಶ್ವ॒ತ್ಕಣ್ವಾ᳚ನಾಂ॒ ಸದ॑ಸಿ ಪ್ರಿ॒ಯೇ ಹಿ ಕಂ॒ ಸೋಮಂ᳚ ಪ॒ಪಥು॑ರಶ್ವಿನಾ || 1.47.10

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ ಉಷಾ ದೇವತಾ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಸ॒ಹ ವಾ॒ಮೇನ॑ ನ ಉಷೋ॒ ವ್ಯು॑ಚ್ಛಾ ದುಹಿತರ್ದಿವಃ |
ಸ॒ಹ ದ್ಯು॒ಮ್ನೇನ॑ ಬೃಹ॒ತಾ ವಿ॑ಭಾವರಿ ರಾ॒ಯಾ ದೇ᳚ವಿ॒ ದಾಸ್ವ॑ತೀ || 1.48.1
ಅಶ್ವಾ᳚ವತೀ॒ರ್ಗೋಮ॑ತೀರ್ವಿಶ್ವಸು॒ವಿದೋ॒ ಭೂರಿ॑ ಚ್ಯವ‌ನ್ತ॒ ವಸ್ತ॑ವೇ |
ಉದೀ᳚ರಯ॒ ಪ್ರತಿ॑ ಮಾ ಸೂ॒ನೃತಾ᳚ ಉಷ॒ಶ್ಚೋದ॒ ರಾಧೋ᳚ ಮ॒ಘೋನಾ᳚‌ಮ್ || 1.48.2
ಉ॒ವಾಸೋ॒ಷಾ ಉ॒ಚ್ಛಾಚ್ಚ॒ ನು ದೇ॒ವೀ ಜೀ॒ರಾ ರಥಾ᳚ನಾ‌ಮ್ |
ಯೇ ಅ॑ಸ್ಯಾ ಆ॒ಚರ॑ಣೇಷು ದಧ್ರಿ॒ರೇ ಸ॑ಮು॒ದ್ರೇ ನ ಶ್ರ॑ವ॒ಸ್ಯವಃ॑ || 1.48.3
ಉಷೋ॒ ಯೇ ತೇ॒ ಪ್ರ ಯಾಮೇ᳚ಷು ಯುಂ॒ಜತೇ॒ ಮನೋ᳚ ದಾ॒ನಾಯ॑ ಸೂ॒ರಯಃ॑ |
ಅತ್ರಾಹ॒ ತತ್ಕಣ್ವ॑ ಏಷಾಂ॒ ಕಣ್ವ॑ತಮೋ॒ ನಾಮ॑ ಗೃಣಾತಿ ನೃ॒ಣಾ‌ಮ್ || 1.48.4
ಆ ಘಾ॒ ಯೋಷೇ᳚ವ ಸೂ॒ನರ್ಯು॒ಷಾ ಯಾ᳚ತಿ ಪ್ರಭುಂಜ॒ತೀ |
ಜ॒ರಯ᳚‌ನ್ತೀ॒ ವೃಜ॑ನಂ ಪ॒ದ್ವದೀ᳚ಯತ॒ ಉತ್ಪಾ᳚ತಯತಿ ಪ॒ಕ್ಷಿಣಃ॑ || 1.48.5
ವಿ ಯಾ ಸೃ॒ಜತಿ॒ ಸಮ॑ನಂ॒ ವ್ಯ1॒॑ರ್ಥಿನಃ॑ ಪ॒ದಂ ನ ವೇ॒ತ್ಯೋದ॑ತೀ |
ವಯೋ॒ ನಕಿ॑ಷ್ಟೇ ಪಪ್ತಿ॒ವಾಂಸ॑ ಆಸತೇ॒ ವ್ಯು॑ಷ್ಟೌ ವಾಜಿನೀವತಿ || 1.48.6
ಏ॒ಷಾಯು॑ಕ್ತ ಪರಾ॒ವತಃ॒ ಸೂರ್ಯ॑ಸ್ಯೋ॒ದಯ॑ನಾ॒ದಧಿ॑ |
ಶ॒ತಂ ರಥೇ᳚ಭಿಃ ಸು॒ಭಗೋ॒ಷಾ ಇ॒ಯಂ ವಿ ಯಾ᳚ತ್ಯ॒ಭಿ ಮಾನು॑ಷಾನ್ || 1.48.7
ವಿಶ್ವ॑ಮಸ್ಯಾ ನಾನಾಮ॒ ಚಕ್ಷ॑ಸೇ॒ ಜಗ॒ಜ್ಜ್ಯೋತಿ॑ಷ್ಕೃಣೋತಿ ಸೂ॒ನರೀ᳚ |
ಅಪ॒ ದ್ವೇಷೋ᳚ ಮ॒ಘೋನೀ᳚ ದುಹಿ॒ತಾ ದಿ॒ವ ಉ॒ಷಾ ಉ॑ಚ್ಛ॒ದಪ॒ ಸ್ರಿಧಃ॑ || 1.48.8
ಉಷ॒ ಆ ಭಾ᳚ಹಿ ಭಾ॒ನುನಾ᳚ ಚಂ॒ದ್ರೇಣ॑ ದುಹಿತರ್ದಿವಃ |
ಆ॒ವಹ᳚‌ನ್ತೀ॒ ಭೂರ್ಯ॒ಸ್ಮಭ್ಯಂ॒ ಸೌಭ॑ಗಂ ವ್ಯು॒ಚ್ಛ‌ನ್ತೀ॒ ದಿವಿ॑ಷ್ಟಿಷು || 1.48.9
ವಿಶ್ವ॑ಸ್ಯ॒ ಹಿ ಪ್ರಾಣ॑ನಂ॒ ಜೀವ॑ನಂ॒ ತ್ವೇ ವಿ ಯದು॒ಚ್ಛಸಿ॑ ಸೂನರಿ |
ಸಾ ನೋ॒ ರಥೇ᳚ನ ಬೃಹ॒ತಾ ವಿ॑ಭಾವರಿ ಶ್ರು॒ಧಿ ಚಿ॑ತ್ರಾಮಘೇ॒ ಹವ‌ಮ್᳚ || 1.48.10
ಉಷೋ॒ ವಾಜಂ॒ ಹಿ ವಂಸ್ವ॒ ಯಶ್ಚಿ॒ತ್ರೋ ಮಾನು॑ಷೇ॒ ಜನೇ᳚ |
ತೇನಾ ವ॑ಹ ಸು॒ಕೃತೋ᳚ ಅಧ್ವ॒ರಾಁ ಉಪ॒ ಯೇ ತ್ವಾ᳚ ಗೃ॒ಣ‌ನ್ತಿ॒ ವಹ್ನ॑ಯಃ || 1.48.11
ವಿಶ್ವಾಂ᳚ದೇ॒ವಾಁ ಆ ವ॑ಹ॒ ಸೋಮ॑ಪೀತಯೇ॒ಽ‌ನ್ತರಿ॑ಕ್ಷಾದುಷ॒ಸ್ತ್ವ‌ಮ್ |
ಸಾಸ್ಮಾಸು॑ ಧಾ॒ ಗೋಮ॒ದಶ್ವಾ᳚ವದು॒ಕ್ಥ್ಯ1॒॑ಮುಷೋ॒ ವಾಜಂ᳚ ಸು॒ವೀರ್ಯ‌ಮ್᳚ || 1.48.12
ಯಸ್ಯಾ॒ ರುಶ᳚‌ನ್ತೋ ಅ॒ರ್ಚಯಃ॒ ಪ್ರತಿ॑ ಭ॒ದ್ರಾ ಅದೃ॑ಕ್ಷತ |
ಸಾ ನೋ᳚ ರ॒ಯಿಂ ವಿ॒ಶ್ವವಾ᳚ರಂ ಸು॒ಪೇಶ॑ಸಮು॒ಷಾ ದ॑ದಾತು॒ ಸುಗ್ಮ್ಯ‌ಮ್᳚ || 1.48.13
ಯೇ ಚಿ॒ದ್ಧಿ ತ್ವಾಮೃಷ॑ಯಃ॒ ಪೂರ್ವ॑ ಊ॒ತಯೇ᳚ ಜುಹೂ॒ರೇಽವ॑ಸೇ ಮಹಿ |
ಸಾ ನಃ॒ ಸ್ತೋಮಾಁ᳚ ಅ॒ಭಿ ಗೃ॑ಣೀಹಿ॒ ರಾಧ॒ಸೋಷಃ॑ ಶು॒ಕ್ರೇಣ॑ ಶೋ॒ಚಿಷಾ᳚ || 1.48.14
ಉಷೋ॒ ಯದ॒ದ್ಯ ಭಾ॒ನುನಾ॒ ವಿ ದ್ವಾರಾ᳚ವೃ॒ಣವೋ᳚ ದಿ॒ವಃ |
ಪ್ರ ನೋ᳚ ಯಚ್ಛತಾದವೃ॒ಕಂ ಪೃ॒ಥು ಚ್ಛ॒ರ್ದಿಃ ಪ್ರ ದೇ᳚ವಿ॒ ಗೋಮ॑ತೀ॒ರಿಷಃ॑ || 1.48.15
ಸಂ ನೋ᳚ ರಾ॒ಯಾ ಬೃ॑ಹ॒ತಾ ವಿ॒ಶ್ವಪೇ᳚ಶಸಾ ಮಿಮಿ॒ಕ್ಷ್ವಾ ಸಮಿಳಾ᳚ಭಿ॒ರಾ |
ಸಂ ದ್ಯು॒ಮ್ನೇನ॑ ವಿಶ್ವ॒ತುರೋ᳚ಷೋ ಮಹಿ॒ ಸಂ ವಾಜೈ᳚ರ್ವಾಜಿನೀವತಿ || 1.48.16

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ ಉಷಾ ದೇವತಾ ಅನುಷ್ಟಪ್ ಛಂದಃ

ಉಷೋ᳚ ಭ॒ದ್ರೇಭಿ॒ರಾ ಗ॑ಹಿ ದಿ॒ವಶ್ಚಿ॑ದ್ರೋಚ॒ನಾದಧಿ॑ |
ವಹ᳚‌ನ್ತ್ವರು॒ಣಪ್ಸ॑ವ॒ ಉಪ॑ ತ್ವಾ ಸೋ॒ಮಿನೋ᳚ ಗೃ॒ಹ‌ಮ್ || 1.49.1
ಸು॒ಪೇಶ॑ಸಂ ಸು॒ಖಂ ರಥಂ॒ ಯಮ॒ಧ್ಯಸ್ಥಾ᳚ ಉಷ॒ಸ್ತ್ವ‌ಮ್ |
ತೇನಾ᳚ ಸು॒ಶ್ರವ॑ಸಂ॒ ಜನಂ॒ ಪ್ರಾವಾ॒ದ್ಯ ದು॑ಹಿತರ್ದಿವಃ || 1.49.2
ವಯ॑ಶ್ಚಿತ್ತೇ ಪತ॒ತ್ರಿಣೋ᳚ ದ್ವಿ॒ಪಚ್ಚತು॑ಷ್ಪದರ್ಜುನಿ |
ಉಷಃ॒ ಪ್ರಾರ᳚ನ್ನೃ॒ತೂಁರನು॑ ದಿ॒ವೋ ಅ‌ನ್ತೇ᳚ಭ್ಯ॒ಸ್ಪರಿ॑ || 1.49.3
ವ್ಯು॒ಚ್ಛ‌ನ್ತೀ॒ ಹಿ ರ॒ಶ್ಮಿಭಿ॒ರ್ವಿಶ್ವ॑ಮಾ॒ಭಾಸಿ॑ ರೋಚ॒ನ‌ಮ್ |
ತಾಂ ತ್ವಾಮು॑ಷರ್ವಸೂ॒ಯವೋ᳚ ಗೀ॒ರ್ಭಿಃ ಕಣ್ವಾ᳚ ಅಹೂಷತ || 1.49.4

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕನ್ವ ಋಷಿಃ ಸೂರ್ಯೋ ದೇವತಾ, (1-9) ಪ್ರಥಮಾದಿನವರ್ಚಾಂ ಗಾಯತ್ರೀ (10-13) ದಶಮ್ಯಾದಿಚತಸೃಣಾಂಚಾನುಷ್ಟಪ್ ಛಂದಸೀ

ಉದು॒ ತ್ಯಂ ಜಾ॒ತವೇ᳚ದಸಂ ದೇ॒ವಂ ವ॑ಹ‌ನ್ತಿ ಕೇ॒ತವಃ॑ |
ದೃ॒ಶೇ ವಿಶ್ವಾ᳚ಯ॒ ಸೂರ್ಯ‌ಮ್᳚ || 1.50.1
ಅಪ॒ ತ್ಯೇ ತಾ॒ಯವೋ᳚ ಯಥಾ॒ ನಕ್ಷ॑ತ್ರಾ ಯ‌ನ್ತ್ಯ॒ಕ್ತುಭಿಃ॑ |
ಸೂರಾ᳚ಯ ವಿ॒ಶ್ವಚ॑ಕ್ಷಸೇ || 1.50.2
ಅದೃ॑ಶ್ರಮಸ್ಯ ಕೇ॒ತವೋ॒ ವಿ ರ॒ಶ್ಮಯೋ॒ ಜನಾಁ॒ ಅನು॑ |
ಭ್ರಾಜ᳚‌ನ್ತೋ ಅ॒ಗ್ನಯೋ᳚ ಯಥಾ || 1.50.3
ತ॒ರಣಿ᳚ರ್ವಿ॒ಶ್ವದ॑ರ್ಶತೋ ಜ್ಯೋತಿ॒ಷ್ಕೃದ॑ಸಿ ಸೂರ್ಯ |
ವಿಶ್ವ॒ಮಾ ಭಾ᳚ಸಿ ರೋಚ॒ನ‌ಮ್ || 1.50.4
ಪ್ರ॒ತ್ಯಙ್ದೇ॒ವಾನಾಂ॒ ವಿಶಃ॑ ಪ್ರ॒ತ್ಯಙ್ಙುದೇ᳚ಷಿ॒ ಮಾನು॑ಷಾನ್ |
ಪ್ರ॒ತ್ಯಙ್ವಿಶ್ವಂ॒ ಸ್ವ॑ರ್ದೃ॒ಶೇ || 1.50.5
ಯೇನಾ᳚ ಪಾವಕ॒ ಚಕ್ಷ॑ಸಾ ಭುರ॒ಣ್ಯ‌ನ್ತಂ॒ ಜನಾಁ॒ ಅನು॑ |
ತ್ವಂ ವ॑ರುಣ॒ ಪಶ್ಯ॑ಸಿ || 1.50.6
ವಿ ದ್ಯಾಮೇ᳚ಷಿ॒ ರಜ॑ಸ್ಪೃ॒ಥ್ವಹಾ॒ ಮಿಮಾ᳚ನೋ ಅ॒ಕ್ತುಭಿಃ॑ |
ಪಶ್ಯಂ॒ಜನ್ಮಾ᳚ನಿ ಸೂರ್ಯ || 1.50.7
ಸ॒ಪ್ತ ತ್ವಾ᳚ ಹ॒ರಿತೋ॒ ರಥೇ॒ ವಹ᳚‌ನ್ತಿ ದೇವ ಸೂರ್ಯ |
ಶೋ॒ಚಿಷ್ಕೇ᳚ಶಂ ವಿಚಕ್ಷಣ || 1.50.8
ಅಯು॑ಕ್ತ ಸ॒ಪ್ತ ಶುಂ॒ಧ್ಯುವಃ॒ ಸೂರೋ॒ ರಥ॑ಸ್ಯ ನ॒ಪ್ತ್ಯಃ॑ |
ತಾಭಿ᳚ರ್ಯಾತಿ॒ ಸ್ವಯು॑ಕ್ತಿಭಿಃ || 1.50.9
ಉದ್ವ॒ಯಂ ತಮ॑ಸ॒ಸ್ಪರಿ॒ ಜ್ಯೋತಿ॒ಷ್ಪಶ್ಯ᳚‌ನ್ತ॒ ಉತ್ತ॑ರ‌ಮ್ |
ದೇ॒ವಂ ದೇ᳚ವ॒ತ್ರಾ ಸೂರ್ಯ॒ಮಗ᳚ನ್ಮ॒ ಜ್ಯೋತಿ॑ರುತ್ತ॒ಮ‌ಮ್ || 1.50.10
ಉ॒ದ್ಯನ್ನ॒ದ್ಯ ಮಿ॑ತ್ರಮಹ ಆ॒ರೋಹ॒ನ್ನುತ್ತ॑ರಾಂ॒ ದಿವ‌ಮ್᳚ |
ಹೃ॒ದ್ರೋ॒ಗಂ ಮಮ॑ ಸೂರ್ಯ ಹರಿ॒ಮಾಣಂ᳚ ಚ ನಾಶಯ || 1.50.11
ಶುಕೇ᳚ಷು ಮೇ ಹರಿ॒ಮಾಣಂ᳚ ರೋಪ॒ಣಾಕಾ᳚ಸು ದಧ್ಮಸಿ |
ಅಥೋ᳚ ಹಾರಿದ್ರ॒ವೇಷು॑ ಮೇ ಹರಿ॒ಮಾಣಂ॒ ನಿ ದ॑ಧ್ಮಸಿ || 1.50.12
ಉದ॑ಗಾದ॒ಯಮಾ᳚ದಿ॒ತ್ಯೋ ವಿಶ್ವೇ᳚ನ॒ ಸಹ॑ಸಾ ಸ॒ಹ |
ದ್ವಿ॒ಷ‌ನ್ತಂ॒ ಮಹ್ಯಂ᳚ ರಂ॒ಧಯ॒ನ್ಮೋ ಅ॒ಹಂ ದ್ವಿ॑ಷ॒ತೇ ರ॑ಧ‌ಮ್ || 1.50.13

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ, (1-13) ಪ್ರಥಮಾದಿತ್ರಯೋದಶರ್ಚಾಂ ಜಗತೀ (14-15) ಚತುರ್ದಶೀಪಂಚದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಅ॒ಭಿ ತ್ಯಂ ಮೇ॒ಷಂ ಪು॑ರುಹೂ॒ತಮೃ॒ಗ್ಮಿಯ॒ಮಿಂದ್ರಂ᳚ ಗೀ॒ರ್ಭಿರ್ಮ॑ದತಾ॒ ವಸ್ವೋ᳚ ಅರ್ಣ॒ವ‌ಮ್ |
ಯಸ್ಯ॒ ದ್ಯಾವೋ॒ ನ ವಿ॒ಚರ᳚‌ನ್ತಿ॒ ಮಾನು॑ಷಾ ಭು॒ಜೇ ಮಂಹಿ॑ಷ್ಠಮ॒ಭಿ ವಿಪ್ರ॑ಮರ್ಚತ || 1.51.1
ಅ॒ಭೀಮ॑ವನ್ವನ್ ಸ್ವಭಿ॒ಷ್ಟಿಮೂ॒ತಯೋ᳚ಽ‌ನ್ತರಿಕ್ಷ॒ಪ್ರಾಂ ತವಿ॑ಷೀಭಿ॒ರಾವೃ॑ತ‌ಮ್ |
ಇಂದ್ರಂ॒ ದಕ್ಷಾ᳚ಸ ಋ॒ಭವೋ᳚ ಮದ॒ಚ್ಯುತಂ᳚ ಶ॒ತಕ್ರ॑ತುಂ॒ ಜವ॑ನೀ ಸೂ॒ನೃತಾರು॑ಹತ್ || 1.51.2
ತ್ವಂ ಗೋ॒ತ್ರಮಂಗಿ॑ರೋಭ್ಯೋಽವೃಣೋ॒ರಪೋ॒ತಾತ್ರ॑ಯೇ ಶ॒ತದು॑ರೇಷು ಗಾತು॒ವಿತ್ |
ಸ॒ಸೇನ॑ ಚಿದ್ವಿಮ॒ದಾಯಾ᳚ವಹೋ॒ ವಸ್ವಾ॒ಜಾವದ್ರಿಂ᳚ ವಾವಸಾ॒ನಸ್ಯ॑ ನ॒ರ್ತಯನ್॑ || 1.51.3
ತ್ವಮ॒ಪಾಮ॑ಪಿ॒ಧಾನಾ᳚ವೃಣೋ॒ರಪಾಧಾ᳚ರಯಃ॒ ಪರ್ವ॑ತೇ॒ ದಾನು॑ಮ॒ದ್ವಸು॑ |
ವೃ॒ತ್ರಂ ಯದಿಂ᳚ದ್ರ॒ ಶವ॒ಸಾವ॑ಧೀ॒ರಹಿ॒ಮಾದಿತ್ಸೂರ್ಯಂ᳚ ದಿ॒ವ್ಯಾರೋ᳚ಹಯೋ ದೃ॒ಶೇ || 1.51.4
ತ್ವಂ ಮಾ॒ಯಾಭಿ॒ರಪ॑ ಮಾ॒ಯಿನೋ᳚ಽಧಮಃ ಸ್ವ॒ಧಾಭಿ॒ರ್ಯೇ ಅಧಿ॒ ಶುಪ್ತಾ॒ವಜು॑ಹ್ವತ |
ತ್ವಂ ಪಿಪ್ರೋ᳚ರ್ನೃಮಣಃ॒ ಪ್ರಾರು॑ಜಃ॒ ಪುರಃ॒ ಪ್ರ ಋ॒ಜಿಶ್ವಾ᳚ನಂ ದಸ್ಯು॒ಹತ್ಯೇ᳚ಷ್ವಾವಿಥ || 1.51.5
ತ್ವಂ ಕುತ್ಸಂ᳚ ಶುಷ್ಣ॒ಹತ್ಯೇ᳚ಷ್ವಾವಿ॒ಥಾರಂ᳚ಧಯೋಽತಿಥಿ॒ಗ್ವಾಯ॒ ಶಂಬ॑ರ‌ಮ್ |
ಮ॒ಹಾ‌ನ್ತಂ᳚ ಚಿದರ್ಬು॒ದಂ ನಿ ಕ್ರ॑ಮೀಃ ಪ॒ದಾ ಸ॒ನಾದೇ॒ವ ದ॑ಸ್ಯು॒ಹತ್ಯಾ᳚ಯ ಜಜ್ಞಿಷೇ || 1.51.6
ತ್ವೇ ವಿಶ್ವಾ॒ ತವಿ॑ಷೀ ಸ॒ಧ್ರ್ಯ॑ಗ್ಘಿ॒ತಾ ತವ॒ ರಾಧಃ॑ ಸೋಮಪೀ॒ಥಾಯ॑ ಹರ್ಷತೇ |
ತವ॒ ವಜ್ರ॑ಶ್ಚಿಕಿತೇ ಬಾ॒ಹ್ವೋರ್ಹಿ॒ತೋ ವೃ॒ಶ್ಚಾ ಶತ್ರೋ॒ರವ॒ ವಿಶ್ವಾ᳚ನಿ॒ ವೃಷ್ಣ್ಯಾ᳚ || 1.51.7
ವಿ ಜಾ᳚ನೀ॒ಹ್ಯಾರ್ಯಾ॒ನ್ಯೇ ಚ॒ ದಸ್ಯ॑ವೋ ಬ॒ರ್ಹಿಷ್ಮ॑ತೇ ರಂಧಯಾ॒ ಶಾಸ॑ದವ್ರ॒ತಾನ್ |
ಶಾಕೀ᳚ ಭವ॒ ಯಜ॑ಮಾನಸ್ಯ ಚೋದಿ॒ತಾ ವಿಶ್ವೇತ್ತಾ ತೇ᳚ ಸಧ॒ಮಾದೇ᳚ಷು ಚಾಕನ || 1.51.8
ಅನು᳚ವ್ರತಾಯ ರಂ॒ಧಯ॒ನ್ನಪ᳚ವ್ರತಾನಾ॒ಭೂಭಿ॒ರಿಂದ್ರಃ॑ ಶ್ನ॒ಥಯ॒ನ್ನನಾ᳚ಭುವಃ |
ವೃ॒ದ್ಧಸ್ಯ॑ ಚಿ॒ದ್ವರ್ಧ॑ತೋ॒ ದ್ಯಾಮಿನ॑ಕ್ಷತಃ॒ ಸ್ತವಾ᳚ನೋ ವ॒ಮ್ರೋ ವಿ ಜ॑ಘಾನ ಸಂ॒ದಿಹಃ॑ || 1.51.9
ತಕ್ಷ॒ದ್ಯತ್ತ॑ ಉ॒ಶನಾ॒ ಸಹ॑ಸಾ॒ ಸಹೋ॒ ವಿ ರೋದ॑ಸೀ ಮ॒ಜ್ಮನಾ᳚ ಬಾಧತೇ॒ ಶವಃ॑ |
ಆ ತ್ವಾ॒ ವಾತ॑ಸ್ಯ ನೃಮಣೋ ಮನೋ॒ಯುಜ॒ ಆ ಪೂರ್ಯ॑ಮಾಣಮವಹನ್ನ॒ಭಿ ಶ್ರವಃ॑ || 1.51.10
ಮಂದಿ॑ಷ್ಟ॒ ಯದು॒ಶನೇ᳚ ಕಾ॒ವ್ಯೇ ಸಚಾಁ॒ ಇಂದ್ರೋ᳚ ವಂ॒ಕೂ ವಂ᳚ಕು॒ತರಾಧಿ॑ ತಿಷ್ಠತಿ |
ಉ॒ಗ್ರೋ ಯ॒ಯಿಂ ನಿರ॒ಪಃ ಸ್ರೋತ॑ಸಾಸೃಜ॒ದ್ವಿ ಶುಷ್ಣ॑ಸ್ಯ ದೃಂಹಿ॒ತಾ ಐ᳚ರಯ॒ತ್ಪುರಃ॑ || 1.51.11
ಆ ಸ್ಮಾ॒ ರಥಂ᳚ ವೃಷ॒ಪಾಣೇ᳚ಷು ತಿಷ್ಠಸಿ ಶಾರ್ಯಾ॒ತಸ್ಯ॒ ಪ್ರಭೃ॑ತಾ॒ ಯೇಷು॒ ಮಂದ॑ಸೇ |
ಇಂದ್ರ॒ ಯಥಾ᳚ ಸು॒ತಸೋ᳚ಮೇಷು ಚಾ॒ಕನೋ᳚ಽನ॒ರ್ವಾಣಂ॒ ಶ್ಲೋಕ॒ಮಾ ರೋ᳚ಹಸೇ ದಿ॒ವಿ || 1.51.12
ಅದ॑ದಾ॒ ಅರ್ಭಾಂ᳚ ಮಹ॒ತೇ ವ॑ಚ॒ಸ್ಯವೇ᳚ ಕ॒ಕ್ಷೀವ॑ತೇ ವೃಚ॒ಯಾಮಿಂ᳚ದ್ರ ಸುನ್ವ॒ತೇ |
ಮೇನಾ᳚ಭವೋ ವೃಷಣ॒ಶ್ವಸ್ಯ॑ ಸುಕ್ರತೋ॒ ವಿಶ್ವೇತ್ತಾ ತೇ॒ ಸವ॑ನೇಷು ಪ್ರ॒ವಾಚ್ಯಾ᳚ || 1.51.13
ಇಂದ್ರೋ᳚ ಅಶ್ರಾಯಿ ಸು॒ಧ್ಯೋ᳚ ನಿರೇ॒ಕೇ ಪ॒ಜ್ರೇಷು॒ ಸ್ತೋಮೋ॒ ದುರ್ಯೋ॒ ನ ಯೂಪಃ॑ |
ಅ॒ಶ್ವ॒ಯುರ್ಗ॒ವ್ಯೂ ರ॑ಥ॒ಯುರ್ವ॑ಸೂ॒ಯುರಿಂದ್ರ॒ ಇದ್ರಾ॒ಯಃ ಕ್ಷ॑ಯತಿ ಪ್ರಯ॒‌ನ್ತಾ || 1.51.14
ಇ॒ದಂ ನಮೋ᳚ ವೃಷ॒ಭಾಯ॑ ಸ್ವ॒ರಾಜೇ᳚ ಸ॒ತ್ಯಶು॑ಷ್ಮಾಯ ತ॒ವಸೇ᳚ಽವಾಚಿ |
ಅ॒ಸ್ಮಿನ್ನಿಂ᳚ದ್ರ ವೃ॒ಜನೇ॒ ಸರ್ವ॑ವೀರಾಃ॒ ಸ್ಮತ್ಸೂ॒ರಿಭಿ॒ಸ್ತವ॒ ಶರ್ಮ᳚‌‌ನ್ತ್ಸ್ಯಾಮ || 1.51.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ, (1-12, 14) ಪ್ರಥಮಾದಿದ್ವಾದಶರ್ಚಾಂ ಚತುರ್ದರ್ಶ್ಯಾಶ್ಚ ಜಗತೀ (13, 15) ತ್ರಯೋದಶೀಪಂಚದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ತ್ಯಂ ಸು ಮೇ॒ಷಂ ಮ॑ಹಯಾ ಸ್ವ॒ರ್ವಿದಂ᳚ ಶ॒ತಂ ಯಸ್ಯ॑ ಸು॒ಭ್ವಃ॑ ಸಾ॒ಕಮೀರ॑ತೇ |
ಅತ್ಯಂ॒ ನ ವಾಜಂ᳚ ಹವನ॒ಸ್ಯದಂ॒ ರಥ॒ಮೇಂದ್ರಂ᳚ ವವೃತ್ಯಾ॒ಮವ॑ಸೇ ಸುವೃ॒ಕ್ತಿಭಿಃ॑ || 1.52.1
ಸ ಪರ್ವ॑ತೋ॒ ನ ಧ॒ರುಣೇ॒ಷ್ವಚ್ಯು॑ತಃ ಸ॒ಹಸ್ರ॑ಮೂತಿ॒ಸ್ತವಿ॑ಷೀಷು ವಾವೃಧೇ |
ಇಂದ್ರೋ॒ ಯದ್ ವೃ॒ತ್ರಮವ॑ಧೀನ್ನದೀ॒ವೃತ॑ಮು॒ಬ್ಜನ್ನರ್ಣಾಂ᳚ಸಿ॒ ಜರ್ಹೃ॑ಷಾಣೋ॒ ಅಂಧ॑ಸಾ || 1.52.2
ಸ ಹಿ ದ್ವ॒ರೋ ದ್ವ॒ರಿಷು॑ ವ॒ವ್ರ ಊಧ॑ನಿ ಚಂ॒ದ್ರಬು॑ಧ್ನೋ॒ ಮದ॑ವೃದ್ಧೋ ಮನೀ॒ಷಿಭಿಃ॑ |
ಇಂದ್ರಂ॒ ತಮ॑ಹ್ವೇ ಸ್ವಪ॒ಸ್ಯಯಾ᳚ ಧಿ॒ಯಾ ಮಂಹಿ॑ಷ್ಠರಾತಿಂ॒ ಸ ಹಿ ಪಪ್ರಿ॒ರಂಧ॑ಸಃ || 1.52.3
ಆ ಯಂ ಪೃ॒ಣ‌ನ್ತಿ॑ ದಿ॒ವಿ ಸದ್ಮ॑ಬರ್ಹಿಷಃ ಸಮು॒ದ್ರಂ ನ ಸು॒ಭ್ವ1॒ಃ॑ ಸ್ವಾ ಅ॒ಭಿಷ್ಟ॑ಯಃ |
ತಂ ವೃ॑ತ್ರ॒ಹತ್ಯೇ॒ ಅನು॑ ತಸ್ಥುರೂ॒ತಯಃ॒ ಶುಷ್ಮಾ॒ ಇಂದ್ರ॑ಮವಾ॒ತಾ ಅಹ್ರು॑ತಪ್ಸವಃ || 1.52.4
ಅ॒ಭಿ ಸ್ವವೃ॑ಷ್ಟಿಂ॒ ಮದೇ᳚ ಅಸ್ಯ॒ ಯುಧ್ಯ॑ತೋ ರ॒ಘ್ವೀರಿ॑ವ ಪ್ರವ॒ಣೇ ಸ॑ಸ್ರುರೂ॒ತಯಃ॑ |
ಇಂದ್ರೋ॒ ಯದ್ವ॒ಜ್ರೀ ಧೃ॒ಷಮಾ᳚ಣೋ॒ ಅಂಧ॑ಸಾ ಭಿ॒ನದ್ವ॒ಲಸ್ಯ॑ ಪರಿ॒ಧೀಁರಿ॑ವ ತ್ರಿ॒ತಃ || 1.52.5
ಪರೀಂ᳚ ಘೃ॒ಣಾ ಚ॑ರತಿ ತಿತ್ವಿ॒ಷೇ ಶವೋ॒ಽಪೋ ವೃ॒ತ್ವೀ ರಜ॑ಸೋ ಬು॒ಧ್ನಮಾಶ॑ಯತ್ |
ವೃ॒ತ್ರಸ್ಯ॒ ಯತ್ಪ್ರ॑ವ॒ಣೇ ದು॒ರ್ಗೃಭಿ॑ಶ್ವನೋ ನಿಜ॒ಘ‌ನ್ಥ॒ ಹನ್ವೋ᳚ರಿಂದ್ರ ತನ್ಯ॒ತು‌ಮ್ || 1.52.6
ಹ್ರ॒ದಂ ನ ಹಿ ತ್ವಾ᳚ ನ್ಯೃ॒ಷ‌ನ್ತ್ಯೂ॒ರ್ಮಯೋ॒ ಬ್ರಹ್ಮಾ᳚ಣೀಂದ್ರ॒ ತವ॒ ಯಾನಿ॒ ವರ್ಧ॑ನಾ |
ತ್ವಷ್ಟಾ᳚ ಚಿತ್ತೇ॒ ಯುಜ್ಯಂ᳚ ವಾವೃಧೇ॒ ಶವ॑ಸ್ತ॒ತಕ್ಷ॒ ವಜ್ರ॑ಮ॒ಭಿಭೂ᳚ತ್ಯೋಜಸ‌ಮ್ || 1.52.7
ಜ॒ಘ॒ನ್ವಾಁ ಉ॒ ಹರಿ॑ಭಿಃ ಸಂಭೃತಕ್ರತ॒ವಿಂದ್ರ॑ ವೃ॒ತ್ರಂ ಮನು॑ಷೇ ಗಾತು॒ಯನ್ನ॒ಪಃ |
ಅಯ॑ಚ್ಛಥಾ ಬಾ॒ಹ್ವೋರ್ವಜ್ರ॑ಮಾಯ॒ಸಮಧಾ᳚ರಯೋ ದಿ॒ವ್ಯಾ ಸೂರ್ಯಂ᳚ ದೃ॒ಶೇ || 1.52.8
ಬೃ॒ಹತ್ಸ್ವಶ್ಚಂ᳚ದ್ರ॒ ಮಮ॑ವ॒ದ್ಯದು॒ಕ್ಥ್ಯ1॒॑ಮಕೃ᳚ಣ್ವತ ಭಿ॒ಯಸಾ॒ ರೋಹ॑ಣಂ ದಿ॒ವಃ |
ಯನ್ಮಾನು॑ಷಪ್ರಧನಾ॒ ಇಂದ್ರ॑ಮೂ॒ತಯಃ॒ ಸ್ವ᳚ರ್ನೃ॒ಷಾಚೋ᳚ ಮ॒ರುತೋಽಮ॑ದ॒ನ್ನನು॑ || 1.52.9
ದ್ಯೌಶ್ಚಿ॑ದ॒ಸ್ಯಾಮ॑ವಾಁ॒ ಅಹೇಃ᳚ ಸ್ವ॒ನಾದಯೋ᳚ಯವೀದ್ಭಿ॒ಯಸಾ॒ ವಜ್ರ॑ ಇಂದ್ರ ತೇ |
ವೃ॒ತ್ರಸ್ಯ॒ ಯದ್ಬ॑ದ್ಬಧಾ॒ನಸ್ಯ॑ ರೋದಸೀ॒ ಮದೇ᳚ ಸು॒ತಸ್ಯ॒ ಶವ॒ಸಾಭಿ॑ನ॒ಚ್ಛಿರಃ॑ || 1.52.10
ಯದಿನ್ನ್ವಿಂ᳚ದ್ರ ಪೃಥಿ॒ವೀ ದಶ॑ಭುಜಿ॒ರಹಾ᳚ನಿ॒ ವಿಶ್ವಾ᳚ ತ॒ತನ᳚‌ನ್ತ ಕೃ॒ಷ್ಟಯಃ॑ |
ಅತ್ರಾಹ॑ ತೇ ಮಘವ॒ನ್ವಿಶ್ರು॑ತಂ॒ ಸಹೋ॒ ದ್ಯಾಮನು॒ ಶವ॑ಸಾ ಬ॒ರ್ಹಣಾ᳚ ಭುವತ್ || 1.52.11
ತ್ವಮ॒ಸ್ಯ ಪಾ॒ರೇ ರಜ॑ಸೋ॒ ವ್ಯೋ᳚ಮನಃ॒ ಸ್ವಭೂ᳚ತ್ಯೋಜಾ॒ ಅವ॑ಸೇ ಧೃಷನ್ಮನಃ |
ಚ॒ಕೃ॒ಷೇ ಭೂಮಿಂ᳚ ಪ್ರತಿ॒ಮಾನ॒ಮೋಜ॑ಸೋ॒ಽಪಃ ಸ್ವಃ॑ ಪರಿ॒ಭೂರೇ॒ಷ್ಯಾ ದಿವ‌ಮ್᳚ || 1.52.12
ತ್ವಂ ಭು॑ವಃ ಪ್ರತಿ॒ಮಾನಂ᳚ ಪೃಥಿ॒ವ್ಯಾ ಋ॒ಷ್ವವೀ᳚ರಸ್ಯ ಬೃಹ॒ತಃ ಪತಿ॑ರ್ಭೂಃ |
ವಿಶ್ವ॒ಮಾಪ್ರಾ᳚ ಅ॒‌ನ್ತರಿ॑ಕ್ಷಂ ಮಹಿ॒ತ್ವಾ ಸ॒ತ್ಯಮ॒ದ್ಧಾ ನಕಿ॑ರ॒ನ್ಯಸ್ತ್ವಾವಾನ್॑ || 1.52.13
ನ ಯಸ್ಯ॒ ದ್ಯಾವಾ᳚ಪೃಥಿ॒ವೀ ಅನು॒ ವ್ಯಚೋ॒ ನ ಸಿಂಧ॑ವೋ॒ ರಜ॑ಸೋ॒ ಅ‌ನ್ತ॑ಮಾನ॒ಶುಃ |
ನೋತ ಸ್ವವೃ॑ಷ್ಟಿಂ॒ ಮದೇ᳚ ಅಸ್ಯ॒ ಯುಧ್ಯ॑ತ॒ ಏಕೋ᳚ ಅ॒ನ್ಯಚ್ಚ॑ಕೃಷೇ॒ ವಿಶ್ವ॑ಮಾನು॒ಷಕ್ || 1.52.14
ಆರ್ಚ॒ನ್ನತ್ರ॑ ಮ॒ರುತಃ॒ ಸಸ್ಮಿ᳚ನ್ನಾ॒ಜೌ ವಿಶ್ವೇ᳚ ದೇ॒ವಾಸೋ᳚ ಅಮದ॒ನ್ನನು॑ ತ್ವಾ |
ವೃ॒ತ್ರಸ್ಯ॒ ಯದ್ಭೃ॑ಷ್ಟಿ॒ಮತಾ᳚ ವ॒ಧೇನ॒ ನಿ ತ್ವಮಿಂ᳚ದ್ರ॒ ಪ್ರತ್ಯಾ॒ನಂ ಜ॒ಘ‌ನ್ಥ॑ || 1.52.15

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ, (1-9) ಪ್ರಥಮಾದಿನವರ್ಚಾಂ ಜಗತೀ (10-11) ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ನ್ಯೂ॒3॒॑ ಷು ವಾಚಂ॒ ಪ್ರ ಮ॒ಹೇ ಭ॑ರಾಮಹೇ॒ ಗಿರ॒ ಇಂದ್ರಾ᳚ಯ॒ ಸದ॑ನೇ ವಿ॒ವಸ್ವ॑ತಃ |
ನೂ ಚಿ॒ದ್ಧಿ ರತ್ನಂ᳚ ಸಸ॒ತಾಮಿ॒ವಾವಿ॑ದ॒ನ್ನ ದು॑ಷ್ಟು॒ತಿರ್ದ್ರ॑ವಿಣೋ॒ದೇಷು॑ ಶಸ್ಯತೇ || 1.53.1
ದು॒ರೋ ಅಶ್ವ॑ಸ್ಯ ದು॒ರ ಇಂ᳚ದ್ರ॒ ಗೋರ॑ಸಿ ದು॒ರೋ ಯವ॑ಸ್ಯ॒ ವಸು॑ನ ಇ॒ನಸ್ಪತಿಃ॑ |
ಶಿ॒ಕ್ಷಾ॒ನ॒ರಃ ಪ್ರ॒ದಿವೋ॒ ಅಕಾ᳚ಮಕರ್ಶನಃ॒ ಸಖಾ॒ ಸಖಿ॑ಭ್ಯ॒ಸ್ತಮಿ॒ದಂ ಗೃ॑ಣೀಮಸಿ || 1.53.2
ಶಚೀ᳚ವ ಇಂದ್ರ ಪುರುಕೃದ್ದ್ಯುಮತ್ತಮ॒ ತವೇದಿ॒ದಮ॒ಭಿತ॑ಶ್ಚೇಕಿತೇ॒ ವಸು॑ |
ಅತಃ॑ ಸಂ॒ಗೃಭ್ಯಾ᳚ಭಿಭೂತ॒ ಆ ಭ॑ರ॒ ಮಾ ತ್ವಾ᳚ಯ॒ತೋ ಜ॑ರಿ॒ತುಃ ಕಾಮ॑ಮೂನಯೀಃ || 1.53.3
ಏ॒ಭಿರ್ದ್ಯುಭಿಃ॑ ಸು॒ಮನಾ᳚ ಏ॒ಭಿರಿಂದು॑ಭಿರ್ನಿರುಂಧಾ॒ನೋ ಅಮ॑ತಿಂ॒ ಗೋಭಿ॑ರ॒ಶ್ವಿನಾ᳚ |
ಇಂದ್ರೇ᳚ಣ॒ ದಸ್ಯುಂ᳚ ದ॒ರಯ᳚‌ನ್ತ॒ ಇಂದು॑ಭಿರ್ಯು॒ತದ್ವೇ᳚ಷಸಃ॒ ಸಮಿ॒ಷಾ ರ॑ಭೇಮಹಿ || 1.53.4
ಸಮಿಂ᳚ದ್ರ ರಾ॒ಯಾ ಸಮಿ॒ಷಾ ರ॑ಭೇಮಹಿ॒ ಸಂ ವಾಜೇ᳚ಭಿಃ ಪುರುಶ್ಚಂ॒ದ್ರೈರ॒ಭಿದ್ಯು॑ಭಿಃ |
ಸಂ ದೇ॒ವ್ಯಾ ಪ್ರಮ॑ತ್ಯಾ ವೀ॒ರಶು॑ಷ್ಮಯಾ॒ ಗೋಅ॑ಗ್ರ॒ಯಾಶ್ವಾ᳚ವತ್ಯಾ ರಭೇಮಹಿ || 1.53.5
ತೇ ತ್ವಾ॒ ಮದಾ᳚ ಅಮದ॒‌ನ್ತಾನಿ॒ ವೃಷ್ಣ್ಯಾ॒ ತೇ ಸೋಮಾ᳚ಸೋ ವೃತ್ರ॒ಹತ್ಯೇ᳚ಷು ಸತ್ಪತೇ |
ಯತ್ಕಾ॒ರವೇ॒ ದಶ॑ ವೃ॒ತ್ರಾಣ್ಯ॑ಪ್ರ॒ತಿ ಬ॒ರ್ಹಿಷ್ಮ॑ತೇ॒ ನಿ ಸ॒ಹಸ್ರಾ᳚ಣಿ ಬ॒ರ್ಹಯಃ॑ || 1.53.6
ಯು॒ಧಾ ಯುಧ॒ಮುಪ॒ ಘೇದೇ᳚ಷಿ ಧೃಷ್ಣು॒ಯಾ ಪು॒ರಾ ಪುರಂ॒ ಸಮಿ॒ದಂ ಹಂ॒ಸ್ಯೋಜ॑ಸಾ |
ನಮ್ಯಾ॒ ಯದಿಂ᳚ದ್ರ॒ ಸಖ್ಯಾ᳚ ಪರಾ॒ವತಿ॑ ನಿಬ॒ರ್ಹಯೋ॒ ನಮು॑ಚಿಂ॒ ನಾಮ॑ ಮಾ॒ಯಿನ‌ಮ್᳚ || 1.53.7
ತ್ವಂ ಕರಂ᳚ಜಮು॒ತ ಪ॒ರ್ಣಯಂ᳚ ವಧೀ॒ಸ್ತೇಜಿ॑ಷ್ಠಯಾತಿಥಿ॒ಗ್ವಸ್ಯ॑ ವರ್ತ॒ನೀ |
ತ್ವಂ ಶ॒ತಾ ವಂಗೃ॑ದಸ್ಯಾಭಿನ॒ತ್ಪುರೋ᳚ಽನಾನು॒ದಃ ಪರಿ॑ಷೂತಾ ಋ॒ಜಿಶ್ವ॑ನಾ || 1.53.8
ತ್ವಮೇ॒ತಾಂಜ॑ನ॒ರಾಜ್ಞೋ॒ ದ್ವಿರ್ದಶಾ᳚ಬಂ॒ಧುನಾ᳚ ಸು॒ಶ್ರವ॑ಸೋಪಜ॒ಗ್ಮುಷಃ॑ |
ಷ॒ಷ್ಟಿಂ ಸ॒ಹಸ್ರಾ᳚ ನವ॒ತಿಂ ನವ॑ ಶ್ರು॒ತೋ ನಿ ಚ॒ಕ್ರೇಣ॒ ರಥ್ಯಾ᳚ ದು॒ಷ್ಪದಾ᳚ವೃಣಕ್ || 1.53.9
ತ್ವಮಾ᳚ವಿಥ ಸು॒ಶ್ರವ॑ಸಂ॒ ತವೋ॒ತಿಭಿ॒ಸ್ತವ॒ ತ್ರಾಮ॑ಭಿರಿಂದ್ರ॒ ತೂರ್ವ॑ಯಾಣ‌ಮ್ |
ತ್ವಮ॑ಸ್ಮೈ॒ ಕುತ್ಸ॑ಮತಿಥಿ॒ಗ್ವಮಾ॒ಯುಂ ಮ॒ಹೇ ರಾಜ್ಞೇ॒ ಯೂನೇ᳚ ಅರಂಧನಾಯಃ || 1.53.10
ಯ ಉ॒ದೃಚೀಂ᳚ದ್ರ ದೇ॒ವಗೋ᳚ಪಾಃ॒ ಸಖಾ᳚ಯಸ್ತೇ ಶಿ॒ವತ॑ಮಾ॒ ಅಸಾ᳚ಮ |
ತ್ವಾಂ ಸ್ತೋ᳚ಷಾಮ॒ ತ್ವಯಾ᳚ ಸು॒ವೀರಾ॒ ದ್ರಾಘೀ᳚ಯ॒ ಆಯುಃ॑ ಪ್ರತ॒ರಂ ದಧಾ᳚ನಾಃ || 1.53.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ, (1-5, 7, 10) ಪ್ರಥಮಾದಿಪಂಚರ್ಚಾಂ ಸಪ್ತಮೀದಶಮ್ಯೋಶ್ಚ ಜಗತೀ (6, 8-9, 11) ಷಷ್ಠ್ಯಷ್ಟಮೀನವಮ್ಯೇಕಾದಶೀನಾಂಚ ತ್ರಿಷ್ಟುಪ್ ಛಂದಸೀ

ಮಾ ನೋ᳚ ಅ॒ಸ್ಮಿನ್ಮ॑ಘವನ್ಪೃ॒ತ್ಸ್ವಂಹ॑ಸಿ ನ॒ಹಿ ತೇ॒ ಅ‌ನ್ತಃ॒ ಶವ॑ಸಃ ಪರೀ॒ಣಶೇ᳚ |
ಅಕ್ರಂ᳚ದಯೋ ನ॒ದ್ಯೋ॒3॒॑ ರೋರು॑ವ॒ದ್ವನಾ᳚ ಕ॒ಥಾ ನ ಕ್ಷೋ॒ಣೀರ್ಭಿ॒ಯಸಾ॒ ಸಮಾ᳚ರತ || 1.54.1
ಅರ್ಚಾ᳚ ಶ॒ಕ್ರಾಯ॑ ಶಾ॒ಕಿನೇ॒ ಶಚೀ᳚ವತೇ ಶೃ॒ಣ್ವ‌ನ್ತ॒ಮಿಂದ್ರಂ᳚ ಮ॒ಹಯ᳚ನ್ನ॒ಭಿ ಷ್ಟು॑ಹಿ |
ಯೋ ಧೃ॒ಷ್ಣುನಾ॒ ಶವ॑ಸಾ॒ ರೋದ॑ಸೀ ಉ॒ಭೇ ವೃಷಾ᳚ ವೃಷ॒ತ್ವಾ ವೃ॑ಷ॒ಭೋ ನ್ಯೃಂ॒ಜತೇ᳚ || 1.54.2
ಅರ್ಚಾ᳚ ದಿ॒ವೇ ಬೃ॑ಹ॒ತೇ ಶೂ॒ಷ್ಯ1॒॑ ಅಂವಚಃ॒ ಸ್ವಕ್ಷ॑ತ್ರಂ॒ ಯಸ್ಯ॑ ಧೃಷ॒ತೋ ಧೃ॒ಷನ್ಮನಃ॑ |
ಬೃ॒ಹಚ್ಛ್ರ॑ವಾ॒ ಅಸು॑ರೋ ಬ॒ರ್ಹಣಾ᳚ ಕೃ॒ತಃ ಪು॒ರೋ ಹರಿ॑ಭ್ಯಾಂ ವೃಷ॒ಭೋ ರಥೋ॒ ಹಿ ಷಃ || 1.54.3
ತ್ವಂ ದಿ॒ವೋ ಬೃ॑ಹ॒ತಃ ಸಾನು॑ ಕೋಪ॒ಯೋಽವ॒ ತ್ಮನಾ᳚ ಧೃಷ॒ತಾ ಶಂಬ॑ರಂ ಭಿನತ್ |
ಯನ್ಮಾ॒ಯಿನೋ᳚ ವ್ರಂ॒ದಿನೋ᳚ ಮಂ॒ದಿನಾ᳚ ಧೃ॒ಷಚ್ಛಿ॒ತಾಂ ಗಭ॑ಸ್ತಿಮ॒ಶನಿಂ᳚ ಪೃತ॒ನ್ಯಸಿ॑ || 1.54.4
ನಿ ಯದ್ವೃ॒ಣಕ್ಷಿ॑ ಶ್ವಸ॒ನಸ್ಯ॑ ಮೂ॒ರ್ಧನಿ॒ ಶುಷ್ಣ॑ಸ್ಯ ಚಿದ್ವ್ರಂ॒ದಿನೋ॒ ರೋರು॑ವ॒ದ್ವನಾ᳚ |
ಪ್ರಾ॒ಚೀನೇ᳚ನ॒ ಮನ॑ಸಾ ಬ॒ರ್ಹಣಾ᳚ವತಾ॒ ಯದ॒ದ್ಯಾ ಚಿ॑ತ್ಕೃ॒ಣವಃ॒ ಕಸ್ತ್ವಾ॒ ಪರಿ॑ || 1.54.5
ತ್ವಮಾ᳚ವಿಥ॒ ನರ್ಯಂ᳚ ತು॒ರ್ವಶಂ॒ ಯದುಂ॒ ತ್ವಂ ತು॒ರ್ವೀತಿಂ᳚ ವ॒ಯ್ಯಂ᳚ ಶತಕ್ರತೋ |
ತ್ವಂ ರಥ॒ಮೇತ॑ಶಂ॒ ಕೃತ್ವ್ಯೇ॒ ಧನೇ॒ ತ್ವಂ ಪುರೋ᳚ ನವ॒ತಿಂ ದಂ᳚ಭಯೋ॒ ನವ॑ || 1.54.6
ಸ ಘಾ॒ ರಾಜಾ॒ ಸತ್ಪ॑ತಿಃ ಶೂಶುವ॒ಜ್ಜನೋ᳚ ರಾ॒ತಹ᳚ವ್ಯಃ॒ ಪ್ರತಿ॒ ಯಃ ಶಾಸ॒ಮಿನ್ವ॑ತಿ |
ಉ॒ಕ್ಥಾ ವಾ॒ ಯೋ ಅ॑ಭಿಗೃ॒ಣಾತಿ॒ ರಾಧ॑ಸಾ॒ ದಾನು॑ರಸ್ಮಾ॒ ಉಪ॑ರಾ ಪಿನ್ವತೇ ದಿ॒ವಃ || 1.54.7
ಅಸ॑ಮಂ ಕ್ಷ॒ತ್ರಮಸ॑ಮಾ ಮನೀ॒ಷಾ ಪ್ರ ಸೋ᳚ಮ॒ಪಾ ಅಪ॑ಸಾ ಸ‌ನ್ತು॒ ನೇಮೇ᳚ |
ಯೇ ತ॑ ಇಂದ್ರ ದ॒ದುಷೋ᳚ ವ॒ರ್ಧಯ᳚‌ನ್ತಿ॒ ಮಹಿ॑ ಕ್ಷ॒ತ್ರಂ ಸ್ಥವಿ॑ರಂ॒ ವೃಷ್ಣ್ಯಂ᳚ ಚ || 1.54.8
ತುಭ್ಯೇದೇ॒ತೇ ಬ॑ಹು॒ಲಾ ಅದ್ರಿ॑ದುಗ್ಧಾಶ್ಚಮೂ॒ಷದ॑ಶ್ಚಮ॒ಸಾ ಇಂ᳚ದ್ರ॒ಪಾನಾಃ᳚ |
ವ್ಯ॑ಶ್ನುಹಿ ತ॒ರ್ಪಯಾ॒ ಕಾಮ॑ಮೇಷಾ॒ಮಥಾ॒ ಮನೋ᳚ ವಸು॒ದೇಯಾ᳚ಯ ಕೃಷ್ವ || 1.54.9
ಅ॒ಪಾಮ॑ತಿಷ್ಠದ್ಧ॒ರುಣ॑ಹ್ವರಂ॒ ತಮೋ॒ಽ‌ನ್ತರ್ವೃ॒ತ್ರಸ್ಯ॑ ಜ॒ಠರೇ᳚ಷು॒ ಪರ್ವ॑ತಃ |
ಅ॒ಭೀಮಿಂದ್ರೋ᳚ ನ॒ದ್ಯೋ᳚ ವ॒ವ್ರಿಣಾ᳚ ಹಿ॒ತಾ ವಿಶ್ವಾ᳚ ಅನು॒ಷ್ಠಾಃ ಪ್ರ॑ವ॒ಣೇಷು॑ ಜಿಘ್ನತೇ || 1.54.10
ಸ ಶೇವೃ॑ಧ॒ಮಧಿ॑ ಧಾ ದ್ಯು॒ಮ್ನಮ॒ಸ್ಮೇ ಮಹಿ॑ ಕ್ಷ॒ತ್ರಂ ಜ॑ನಾ॒ಷಾಳಿಂ᳚ದ್ರ॒ ತವ್ಯ‌ಮ್᳚ |
ರಕ್ಷಾ᳚ ಚ ನೋ ಮ॒ಘೋನಃ॑ ಪಾ॒ಹಿ ಸೂ॒ರೀನ್ರಾ॒ಯೇ ಚ॑ ನಃ ಸ್ವಪ॒ತ್ಯಾ ಇ॒ಷೇ ಧಾಃ᳚ || 1.54.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ ಜಗತೀ ಛಂದಃ

ದಿ॒ವಶ್ಚಿ॑ದಸ್ಯ ವರಿ॒ಮಾ ವಿ ಪ॑ಪ್ರಥ॒ ಇಂದ್ರಂ॒ ನ ಮ॒ಹ್ನಾ ಪೃ॑ಥಿ॒ವೀ ಚ॒ನ ಪ್ರತಿ॑ |
ಭೀ॒ಮಸ್ತುವಿ॑ಷ್ಮಾಂಚರ್ಷ॒ಣಿಭ್ಯ॑ ಆತ॒ಪಃ ಶಿಶೀ᳚ತೇ॒ ವಜ್ರಂ॒ ತೇಜ॑ಸೇ॒ ನ ವಂಸ॑ಗಃ || 1.55.1
ಸೋ ಅ᳚ರ್ಣ॒ವೋ ನ ನ॒ದ್ಯಃ॑ ಸಮು॒ದ್ರಿಯಃ॒ ಪ್ರತಿ॑ ಗೃಭ್ಣಾತಿ॒ ವಿಶ್ರಿ॑ತಾ॒ ವರೀ᳚ಮಭಿಃ |
ಇಂದ್ರಃ॒ ಸೋಮ॑ಸ್ಯ ಪೀ॒ತಯೇ᳚ ವೃಷಾಯತೇ ಸ॒ನಾತ್ಸ ಯು॒ಧ್ಮ ಓಜ॑ಸಾ ಪನಸ್ಯತೇ || 1.55.2
ತ್ವಂ ತಮಿಂ᳚ದ್ರ॒ ಪರ್ವ॑ತಂ॒ ನ ಭೋಜ॑ಸೇ ಮ॒ಹೋ ನೃ॒ಮ್ಣಸ್ಯ॒ ಧರ್ಮ॑ಣಾಮಿರಜ್ಯಸಿ |
ಪ್ರ ವೀ॒ರ್ಯೇ᳚ಣ ದೇ॒ವತಾತಿ॑ ಚೇಕಿತೇ॒ ವಿಶ್ವ॑ಸ್ಮಾ ಉ॒ಗ್ರಃ ಕರ್ಮ॑ಣೇ ಪು॒ರೋಹಿ॑ತಃ || 1.55.3
ಸ ಇದ್ವನೇ᳚ ನಮ॒ಸ್ಯುಭಿ᳚ರ್ವಚಸ್ಯತೇ॒ ಚಾರು॒ ಜನೇ᳚ಷು ಪ್ರಬ್ರುವಾ॒ಣ ಇಂ᳚ದ್ರಿ॒ಯ‌ಮ್ |
ವೃಷಾ॒ ಛಂದು॑ರ್ಭವತಿ ಹರ್ಯ॒ತೋ ವೃಷಾ॒ ಕ್ಷೇಮೇ᳚ಣ॒ ಧೇನಾಂ᳚ ಮ॒ಘವಾ॒ ಯದಿನ್ವ॑ತಿ || 1.55.4
ಸ ಇನ್ಮ॒ಹಾನಿ॑ ಸಮಿ॒ಥಾನಿ॑ ಮ॒ಜ್ಮನಾ᳚ ಕೃ॒ಣೋತಿ॑ ಯು॒ಧ್ಮ ಓಜ॑ಸಾ॒ ಜನೇ᳚ಭ್ಯಃ |
ಅಧಾ᳚ ಚ॒ನ ಶ್ರದ್ದ॑ಧತಿ॒ ತ್ವಿಷೀ᳚ಮತ॒ ಇಂದ್ರಾ᳚ಯ॒ ವಜ್ರಂ᳚ ನಿ॒ಘನಿ॑ಘ್ನತೇ ವ॒ಧ‌ಮ್ || 1.55.5
ಸ ಹಿ ಶ್ರ॑ವ॒ಸ್ಯುಃ ಸದ॑ನಾನಿ ಕೃ॒ತ್ರಿಮಾ᳚ ಕ್ಷ್ಮ॒ಯಾ ವೃ॑ಧಾ॒ನ ಓಜ॑ಸಾ ವಿನಾ॒ಶಯನ್॑ |
ಜ್ಯೋತೀಂ᳚ಷಿ ಕೃ॒ಣ್ವನ್ನ॑ವೃ॒ಕಾಣಿ॒ ಯಜ್ಯ॒ವೇಽವ॑ ಸು॒ಕ್ರತುಃ॒ ಸರ್ತ॒ವಾ ಅ॒ಪಃ ಸೃ॑ಜತ್ || 1.55.6
ದಾ॒ನಾಯ॒ ಮನಃ॑ ಸೋಮಪಾವನ್ನಸ್ತು ತೇ॒ಽರ್ವಾಂಚಾ॒ ಹರೀ᳚ ವಂದನಶ್ರು॒ದಾ ಕೃ॑ಧಿ |
ಯಮಿ॑ಷ್ಠಾಸಃ॒ ಸಾರ॑ಥಯೋ॒ ಯ ಇಂ᳚ದ್ರ ತೇ॒ ನ ತ್ವಾ॒ ಕೇತಾ॒ ಆ ದ॑ಭ್ನುವ‌ನ್ತಿ॒ ಭೂರ್ಣ॑ಯಃ || 1.55.7
ಅಪ್ರ॑ಕ್ಷಿತಂ॒ ವಸು॑ ಬಿಭರ್ಷಿ॒ ಹಸ್ತ॑ಯೋ॒ರಷಾ᳚ಳ್ಹಂ॒ ಸಹ॑ಸ್ತ॒ನ್ವಿ॑ ಶ್ರು॒ತೋ ದ॑ಧೇ |
ಆವೃ॑ತಾಸೋಽವ॒ತಾಸೋ॒ ನ ಕ॒ರ್ತೃಭಿ॑ಸ್ತ॒ನೂಷು॑ ತೇ॒ ಕ್ರತ॑ವ ಇಂದ್ರ॒ ಭೂರ॑ಯಃ || 1.55.8

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ ಜಗತೀ ಛಂದಃ

ಏ॒ಷ ಪ್ರ ಪೂ॒ರ್ವೀರವ॒ ತಸ್ಯ॑ ಚ॒ಮ್ರಿಷೋಽತ್ಯೋ॒ ನ ಯೋಷಾ॒ಮುದ॑ಯಂಸ್ತ ಭು॒ರ್ವಣಿಃ॑ |
ದಕ್ಷಂ᳚ ಮ॒ಹೇ ಪಾ᳚ಯಯತೇ ಹಿರ॒ಣ್ಯಯಂ॒ ರಥ॑ಮಾ॒ವೃತ್ಯಾ॒ ಹರಿ॑ಯೋಗ॒ಮೃಭ್ವ॑ಸ‌ಮ್ || 1.56.1
ತಂ ಗೂ॒ರ್ತಯೋ᳚ ನೇಮ॒ನ್ನಿಷಃ॒ ಪರೀ᳚ಣಸಃ ಸಮು॒ದ್ರಂ ನ ಸಂ॒ಚರ॑ಣೇ ಸನಿ॒ಷ್ಯವಃ॑ |
ಪತಿಂ॒ ದಕ್ಷ॑ಸ್ಯ ವಿ॒ದಥ॑ಸ್ಯ॒ ನೂ ಸಹೋ᳚ ಗಿ॒ರಿಂ ನ ವೇ॒ನಾ ಅಧಿ॑ ರೋಹ॒ ತೇಜ॑ಸಾ || 1.56.2
ಸ ತು॒ರ್ವಣಿ᳚ರ್ಮ॒ಹಾಁ ಅ॑ರೇ॒ಣು ಪೌಂಸ್ಯೇ᳚ ಗಿ॒ರೇರ್ಭೃ॒ಷ್ಟಿರ್ನ ಭ್ರಾ᳚ಜತೇ ತು॒ಜಾ ಶವಃ॑ |
ಯೇನ॒ ಶುಷ್ಣಂ᳚ ಮಾ॒ಯಿನ॑ಮಾಯ॒ಸೋ ಮದೇ᳚ ದು॒ಧ್ರ ಆ॒ಭೂಷು॑ ರಾ॒ಮಯ॒ನ್ನಿ ದಾಮ॑ನಿ || 1.56.3
ದೇ॒ವೀ ಯದಿ॒ ತವಿ॑ಷೀ॒ ತ್ವಾವೃ॑ಧೋ॒ತಯ॒ ಇಂದ್ರಂ॒ ಸಿಷ॑ಕ್ತ್ಯು॒ಷಸಂ॒ ನ ಸೂರ್ಯಃ॑ |
ಯೋ ಧೃ॒ಷ್ಣುನಾ॒ ಶವ॑ಸಾ॒ ಬಾಧ॑ತೇ॒ ತಮ॒ ಇಯ॑ರ್ತಿ ರೇ॒ಣುಂ ಬೃ॒ಹದ॑ರ್ಹರಿ॒ಷ್ವಣಿಃ॑ || 1.56.4
ವಿ ಯತ್ತಿ॒ರೋ ಧ॒ರುಣ॒ಮಚ್ಯು॑ತಂ॒ ರಜೋಽತಿ॑ಷ್ಠಿಪೋ ದಿ॒ವ ಆತಾ᳚ಸು ಬ॒ರ್ಹಣಾ᳚ |
ಸ್ವ᳚ರ್ಮೀಳ್ಹೇ॒ ಯನ್ಮದ॑ ಇಂದ್ರ॒ ಹರ್ಷ್ಯಾಹ᳚ನ್ವೃ॒ತ್ರಂ ನಿರ॒ಪಾ ಮೌ᳚ಬ್ಜೋ ಅರ್ಣ॒ವ‌ಮ್ || 1.56.5
ತ್ವಂ ದಿ॒ವೋ ಧ॒ರುಣಂ᳚ ಧಿಷ॒ ಓಜ॑ಸಾ ಪೃಥಿ॒ವ್ಯಾ ಇಂ᳚ದ್ರ॒ ಸದ॑ನೇಷು॒ ಮಾಹಿ॑ನಃ |
ತ್ವಂ ಸು॒ತಸ್ಯ॒ ಮದೇ᳚ ಅರಿಣಾ ಅ॒ಪೋ ವಿ ವೃ॒ತ್ರಸ್ಯ॑ ಸ॒ಮಯಾ᳚ ಪಾ॒ಷ್ಯಾ᳚ರುಜಃ || 1.56.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸವ್ಯ ಋಷಿಃ ಇಂದ್ರೋ ದೇವತಾ ಜಗತೀ ಛಂದಃ

ಪ್ರ ಮಂಹಿ॑ಷ್ಠಾಯ ಬೃಹ॒ತೇ ಬೃ॒ಹದ್ರ॑ಯೇ ಸ॒ತ್ಯಶು॑ಷ್ಮಾಯ ತ॒ವಸೇ᳚ ಮ॒ತಿಂ ಭ॑ರೇ |
ಅ॒ಪಾಮಿ॑ವ ಪ್ರವ॒ಣೇ ಯಸ್ಯ॑ ದು॒ರ್ಧರಂ॒ ರಾಧೋ᳚ ವಿ॒ಶ್ವಾಯು॒ ಶವ॑ಸೇ॒ ಅಪಾ᳚ವೃತ‌ಮ್ || 1.57.1
ಅಧ॑ ತೇ॒ ವಿಶ್ವ॒ಮನು॑ ಹಾಸದಿ॒ಷ್ಟಯ॒ ಆಪೋ᳚ ನಿ॒ಮ್ನೇವ॒ ಸವ॑ನಾ ಹ॒ವಿಷ್ಮ॑ತಃ |
ಯತ್ಪರ್ವ॑ತೇ॒ ನ ಸ॒ಮಶೀ᳚ತ ಹರ್ಯ॒ತ ಇಂದ್ರ॑ಸ್ಯ॒ ವಜ್ರಃ॒ ಶ್ನಥಿ॑ತಾ ಹಿರ॒ಣ್ಯಯಃ॑ || 1.57.2
ಅ॒ಸ್ಮೈ ಭೀ॒ಮಾಯ॒ ನಮ॑ಸಾ॒ ಸಮ॑ಧ್ವ॒ರ ಉಷೋ॒ ನ ಶು॑ಭ್ರ॒ ಆ ಭ॑ರಾ॒ ಪನೀ᳚ಯಸೇ |
ಯಸ್ಯ॒ ಧಾಮ॒ ಶ್ರವ॑ಸೇ॒ ನಾಮೇಂ᳚ದ್ರಿ॒ಯಂ ಜ್ಯೋತಿ॒ರಕಾ᳚ರಿ ಹ॒ರಿತೋ॒ ನಾಯ॑ಸೇ || 1.57.3
ಇ॒ಮೇ ತ॑ ಇಂದ್ರ॒ ತೇ ವ॒ಯಂ ಪು॑ರುಷ್ಟುತ॒ ಯೇ ತ್ವಾ॒ರಭ್ಯ॒ ಚರಾ᳚ಮಸಿ ಪ್ರಭೂವಸೋ |
ನ॒ಹಿ ತ್ವದ॒ನ್ಯೋ ಗಿ᳚ರ್ವಣೋ॒ ಗಿರಃ॒ ಸಘ॑ತ್ಕ್ಷೋ॒ಣೀರಿ॑ವ॒ ಪ್ರತಿ॑ ನೋ ಹರ್ಯ॒ ತದ್ವಚಃ॑ || 1.57.4
ಭೂರಿ॑ ತ ಇಂದ್ರ ವೀ॒ರ್ಯ1॒॑ ಅಂತವ॑ ಸ್ಮಸ್ಯ॒ಸ್ಯ ಸ್ತೋ॒ತುರ್ಮ॑ಘವ॒ನ್ಕಾಮ॒ಮಾ ಪೃ॑ಣ |
ಅನು॑ ತೇ॒ ದ್ಯೌರ್ಬೃ॑ಹ॒ತೀ ವೀ॒ರ್ಯಂ᳚ ಮಮ ಇ॒ಯಂ ಚ॑ ತೇ ಪೃಥಿ॒ವೀ ನೇ᳚ಮ॒ ಓಜ॑ಸೇ || 1.57.5
ತ್ವಂ ತಮಿಂ᳚ದ್ರ॒ ಪರ್ವ॑ತಂ ಮ॒ಹಾಮು॒ರುಂ ವಜ್ರೇ᳚ಣ ವಜ್ರಿನ್ಪರ್ವ॒ಶಶ್ಚ॑ಕರ್ತಿಥ |
ಅವಾ᳚ಸೃಜೋ॒ ನಿವೃ॑ತಾಃ॒ ಸರ್ತ॒ವಾ ಅ॒ಪಃ ಸ॒ತ್ರಾ ವಿಶ್ವಂ᳚ ದಧಿಷೇ॒ ಕೇವ॑ಲಂ॒ ಸಹಃ॑ || 1.57.6

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಅಗ್ನಿರ್ದೇವತಾ, (1-5) ಪ್ರಥಮಾದಿಪಂಚರ್ಚಾಂ ಜಗತೀ (6-9) ಷಷ್ಠ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ

ನೂ ಚಿ॑ತ್ಸಹೋ॒ಜಾ ಅ॒ಮೃತೋ॒ ನಿ ತುಂ᳚ದತೇ॒ ಹೋತಾ॒ ಯದ್ದೂ॒ತೋ ಅಭ॑ವದ್ವಿ॒ವಸ್ವ॑ತಃ |
ವಿ ಸಾಧಿ॑ಷ್ಠೇಭಿಃ ಪ॒ಥಿಭೀ॒ ರಜೋ᳚ ಮಮ॒ ಆ ದೇ॒ವತಾ᳚ತಾ ಹ॒ವಿಷಾ᳚ ವಿವಾಸತಿ || 1.58.1
ಆ ಸ್ವಮದ್ಮ॑ ಯು॒ವಮಾ᳚ನೋ ಅ॒ಜರ॑ಸ್ತೃ॒ಷ್ವ॑ವಿ॒ಷ್ಯನ್ನ॑ತ॒ಸೇಷು॑ ತಿಷ್ಠತಿ |
ಅತ್ಯೋ॒ ನ ಪೃ॒ಷ್ಠಂ ಪ್ರು॑ಷಿ॒ತಸ್ಯ॑ ರೋಚತೇ ದಿ॒ವೋ ನ ಸಾನು॑ ಸ್ತ॒ನಯ᳚ನ್ನಚಿಕ್ರದತ್ || 1.58.2
ಕ್ರಾ॒ಣಾ ರು॒ದ್ರೇಭಿ॒ರ್ವಸು॑ಭಿಃ ಪು॒ರೋಹಿ॑ತೋ॒ ಹೋತಾ॒ ನಿಷ॑ತ್ತೋ ರಯಿ॒ಷಾಳಮ॑ರ್ತ್ಯಃ |
ರಥೋ॒ ನ ವಿ॒ಕ್ಷ್ವೃಂ᳚ಜಸಾ॒ನ ಆ॒ಯುಷು॒ ವ್ಯಾ᳚ನು॒ಷಗ್ವಾರ್ಯಾ᳚ ದೇ॒ವ ಋ᳚ಣ್ವತಿ || 1.58.3
ವಿ ವಾತ॑ಜೂತೋ ಅತ॒ಸೇಷು॑ ತಿಷ್ಠತೇ॒ ವೃಥಾ᳚ ಜು॒ಹೂಭಿಃ॒ ಸೃಣ್ಯಾ᳚ ತುವಿ॒ಷ್ವಣಿಃ॑ |
ತೃ॒ಷು ಯದ॑ಗ್ನೇ ವ॒ನಿನೋ᳚ ವೃಷಾ॒ಯಸೇ᳚ ಕೃ॒ಷ್ಣಂ ತ॒ ಏಮ॒ ರುಶ॑ದೂರ್ಮೇ ಅಜರ || 1.58.4
ತಪು॑ರ್ಜಂಭೋ॒ ವನ॒ ಆ ವಾತ॑ಚೋದಿತೋ ಯೂ॒ಥೇ ನ ಸಾ॒ಹ್ವಾಁ ಅವ॑ ವಾತಿ॒ ವಂಸ॑ಗಃ |
ಅ॒ಭಿ॒ವ್ರಜ॒ನ್ನಕ್ಷಿ॑ತಂ॒ ಪಾಜ॑ಸಾ॒ ರಜಃ॑ ಸ್ಥಾ॒ತುಶ್ಚ॒ರಥಂ᳚ ಭಯತೇ ಪತ॒ತ್ರಿಣಃ॑ || 1.58.5
ದ॒ಧುಷ್ಟ್ವಾ॒ ಭೃಗ॑ವೋ॒ ಮಾನು॑ಷೇ॒ಷ್ವಾ ರ॒ಯಿಂ ನ ಚಾರುಂ᳚ ಸು॒ಹವಂ॒ ಜನೇ᳚ಭ್ಯಃ |
ಹೋತಾ᳚ರಮಗ್ನೇ॒ ಅತಿ॑ಥಿಂ॒ ವರೇ᳚ಣ್ಯಂ ಮಿ॒ತ್ರಂ ನ ಶೇವಂ᳚ ದಿ॒ವ್ಯಾಯ॒ ಜನ್ಮ॑ನೇ || 1.58.6
ಹೋತಾ᳚ರಂ ಸ॒ಪ್ತ ಜು॒ಹ್ವೋ॒3॒॑ ಯಜಿ॑ಷ್ಠಂ॒ ಯಂ ವಾ॒ಘತೋ᳚ ವೃ॒ಣತೇ᳚ ಅಧ್ವ॒ರೇಷು॑ |
ಅ॒ಗ್ನಿಂ ವಿಶ್ವೇ᳚ಷಾಮರ॒ತಿಂ ವಸೂ᳚ನಾಂ ಸಪ॒ರ್ಯಾಮಿ॒ ಪ್ರಯ॑ಸಾ॒ ಯಾಮಿ॒ ರತ್ನ‌ಮ್᳚ || 1.58.7
ಅಚ್ಛಿ॑ದ್ರಾ ಸೂನೋ ಸಹಸೋ ನೋ ಅ॒ದ್ಯ ಸ್ತೋ॒ತೃಭ್ಯೋ᳚ ಮಿತ್ರಮಹಃ॒ ಶರ್ಮ॑ ಯಚ್ಛ |
ಅಗ್ನೇ᳚ ಗೃ॒ಣ‌ನ್ತ॒ಮಂಹ॑ಸ ಉರು॒ಷ್ಯೋರ್ಜೋ᳚ ನಪಾತ್ಪೂ॒ರ್ಭಿರಾಯ॑ಸೀಭಿಃ || 1.58.8
ಭವಾ॒ ವರೂ᳚ಥಂ ಗೃಣ॒ತೇ ವಿ॑ಭಾವೋ॒ ಭವಾ᳚ ಮಘವನ್ಮ॒ಘವ॑ದ್ಭ್ಯಃ॒ ಶರ್ಮ॑ |
ಉ॒ರು॒ಷ್ಯಾಗ್ನೇ॒ ಅಂಹ॑ಸೋ ಗೃ॒ಣ‌ನ್ತಂ᳚ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 1.58.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಅಗ್ನಿವೈವಾನರೋ ದೇವತಾ ತ್ರಿಷ್ಟುಪ್ ಛಂದಃ

ವ॒ಯಾ ಇದ॑ಗ್ನೇ ಅ॒ಗ್ನಯ॑ಸ್ತೇ ಅ॒ನ್ಯೇ ತ್ವೇ ವಿಶ್ವೇ᳚ ಅ॒ಮೃತಾ᳚ ಮಾದಯ‌ನ್ತೇ |
ವೈಶ್ವಾ᳚ನರ॒ ನಾಭಿ॑ರಸಿ ಕ್ಷಿತೀ॒ನಾಂ ಸ್ಥೂಣೇ᳚ವ॒ ಜನಾಁ᳚ ಉಪ॒ಮಿದ್ಯ॑ಯ‌ನ್ಥ || 1.59.1
ಮೂ॒ರ್ಧಾ ದಿ॒ವೋ ನಾಭಿ॑ರ॒ಗ್ನಿಃ ಪೃ॑ಥಿ॒ವ್ಯಾ ಅಥಾ᳚ಭವದರ॒ತೀ ರೋದ॑ಸ್ಯೋಃ |
ತಂ ತ್ವಾ᳚ ದೇ॒ವಾಸೋ᳚ಽಜನಯ‌ನ್ತ ದೇ॒ವಂ ವೈಶ್ವಾ᳚ನರ॒ ಜ್ಯೋತಿ॒ರಿದಾರ್ಯಾ᳚ಯ || 1.59.2
ಆ ಸೂರ್ಯೇ॒ ನ ರ॒ಶ್ಮಯೋ᳚ ಧ್ರು॒ವಾಸೋ᳚ ವೈಶ್ವಾನ॒ರೇ ದ॑ಧಿರೇ॒ಽಗ್ನಾ ವಸೂ᳚ನಿ |
ಯಾ ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು ಯಾ ಮಾನು॑ಷೇ॒ಷ್ವಸಿ॒ ತಸ್ಯ॒ ರಾಜಾ᳚ || 1.59.3
ಬೃ॒ಹ॒ತೀ ಇ॑ವ ಸೂ॒ನವೇ॒ ರೋದ॑ಸೀ॒ ಗಿರೋ॒ ಹೋತಾ᳚ ಮನು॒ಷ್ಯೋ॒3॒॑ ನ ದಕ್ಷಃ॑ |
ಸ್ವ᳚ರ್ವತೇ ಸ॒ತ್ಯಶು॑ಷ್ಮಾಯ ಪೂ॒ರ್ವೀರ್ವೈ᳚ಶ್ವಾನ॒ರಾಯ॒ ನೃತ॑ಮಾಯ ಯ॒ಹ್ವೀಃ || 1.59.4
ದಿ॒ವಶ್ಚಿ॑ತ್ತೇ ಬೃಹ॒ತೋ ಜಾ᳚ತವೇದೋ॒ ವೈಶ್ವಾ᳚ನರ॒ ಪ್ರ ರಿ॑ರಿಚೇ ಮಹಿ॒ತ್ವ‌ಮ್ |
ರಾಜಾ᳚ ಕೃಷ್ಟೀ॒ನಾಮ॑ಸಿ॒ ಮಾನು॑ಷೀಣಾಂ ಯು॒ಧಾ ದೇ॒ವೇಭ್ಯೋ॒ ವರಿ॑ವಶ್ಚಕರ್ಥ || 1.59.5
ಪ್ರ ನೂ ಮ॑ಹಿ॒ತ್ವಂ ವೃ॑ಷ॒ಭಸ್ಯ॑ ವೋಚಂ॒ ಯಂ ಪೂ॒ರವೋ᳚ ವೃತ್ರ॒ಹಣಂ॒ ಸಚ᳚‌ನ್ತೇ |
ವೈ॒ಶ್ವಾ॒ನ॒ರೋ ದಸ್ಯು॑ಮ॒ಗ್ನಿರ್ಜ॑ಘ॒ನ್ವಾಁ ಅಧೂ᳚ನೋ॒ತ್ಕಾಷ್ಠಾ॒ ಅವ॒ ಶಂಬ॑ರಂ ಭೇತ್ || 1.59.6
ವೈ॒ಶ್ವಾ॒ನ॒ರೋ ಮ॑ಹಿ॒ಮ್ನಾ ವಿ॒ಶ್ವಕೃ॑ಷ್ಟಿರ್ಭ॒ರದ್ವಾ᳚ಜೇಷು ಯಜ॒ತೋ ವಿ॒ಭಾವಾ᳚ |
ಶಾ॒ತ॒ವ॒ನೇ॒ಯೇ ಶ॒ತಿನೀ᳚ಭಿರ॒ಗ್ನಿಃ ಪು॑ರುಣೀ॒ಥೇ ಜ॑ರತೇ ಸೂ॒ನೃತಾ᳚ವಾನ್ || 1.59.7

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ವಹ್ನಿಂ᳚ ಯ॒ಶಸಂ᳚ ವಿ॒ದಥ॑ಸ್ಯ ಕೇ॒ತುಂ ಸು॑ಪ್ರಾ॒ವ್ಯಂ᳚ ದೂ॒ತಂ ಸ॒ದ್ಯೋಅ॑ರ್ಥ‌ಮ್ |
ದ್ವಿ॒ಜನ್ಮಾ᳚ನಂ ರ॒ಯಿಮಿ॑ವ ಪ್ರಶ॒ಸ್ತಂ ರಾ॒ತಿಂ ಭ॑ರ॒ದ್ಭೃಗ॑ವೇ ಮಾತ॒ರಿಶ್ವಾ᳚ || 1.60.1
ಅ॒ಸ್ಯ ಶಾಸು॑ರು॒ಭಯಾ᳚ಸಃ ಸಚ‌ನ್ತೇ ಹ॒ವಿಷ್ಮ᳚‌ನ್ತ ಉ॒ಶಿಜೋ॒ ಯೇ ಚ॒ ಮರ್ತಾಃ᳚ |
ದಿ॒ವಶ್ಚಿ॒ತ್ಪೂರ್ವೋ॒ ನ್ಯ॑ಸಾದಿ॒ ಹೋತಾ॒ಪೃಚ್ಛ್ಯೋ᳚ ವಿ॒ಶ್ಪತಿ᳚ರ್ವಿ॒ಕ್ಷು ವೇ॒ಧಾಃ || 1.60.2
ತಂ ನವ್ಯ॑ಸೀ ಹೃ॒ದ ಆ ಜಾಯ॑ಮಾನಮ॒ಸ್ಮತ್ಸು॑ಕೀ॒ರ್ತಿರ್ಮಧು॑ಜಿಹ್ವಮಶ್ಯಾಃ |
ಯಮೃ॒ತ್ವಿಜೋ᳚ ವೃ॒ಜನೇ॒ ಮಾನು॑ಷಾಸಃ॒ ಪ್ರಯ॑ಸ್ವ‌ನ್ತ ಆ॒ಯವೋ॒ ಜೀಜ॑ನ‌ನ್ತ || 1.60.3
ಉ॒ಶಿಕ್ಪಾ᳚ವ॒ಕೋ ವಸು॒ರ್ಮಾನು॑ಷೇಷು॒ ವರೇ᳚ಣ್ಯೋ॒ ಹೋತಾ᳚ಧಾಯಿ ವಿ॒ಕ್ಷು |
ದಮೂ᳚ನಾ ಗೃ॒ಹಪ॑ತಿ॒ರ್ದಮ॒ ಆಁ ಅ॒ಗ್ನಿರ್ಭು॑ವದ್ರಯಿ॒ಪತೀ᳚ ರಯೀ॒ಣಾ‌ಮ್ || 1.60.4
ತಂ ತ್ವಾ᳚ ವ॒ಯಂ ಪತಿ॑ಮಗ್ನೇ ರಯೀ॒ಣಾಂ ಪ್ರ ಶಂ᳚ಸಾಮೋ ಮ॒ತಿಭಿ॒ರ್ಗೋತ॑ಮಾಸಃ |
ಆ॒ಶುಂ ನ ವಾ᳚ಜಂಭ॒ರಂ ಮ॒ರ್ಜಯ᳚‌ನ್ತಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 1.60.5

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಅ॒ಸ್ಮಾ ಇದು॒ ಪ್ರ ತ॒ವಸೇ᳚ ತು॒ರಾಯ॒ ಪ್ರಯೋ॒ ನ ಹ᳚ರ್ಮಿ॒ ಸ್ತೋಮಂ॒ ಮಾಹಿ॑ನಾಯ |
ಋಚೀ᳚ಷಮಾ॒ಯಾಧ್ರಿ॑ಗವ॒ ಓಹ॒ಮಿಂದ್ರಾ᳚ಯ॒ ಬ್ರಹ್ಮಾ᳚ಣಿ ರಾ॒ತತ॑ಮಾ || 1.61.1
ಅ॒ಸ್ಮಾ ಇದು॒ ಪ್ರಯ॑ ಇವ॒ ಪ್ರ ಯಂ᳚ಸಿ॒ ಭರಾ᳚ಮ್ಯಾಂಗೂ॒ಷಂ ಬಾಧೇ᳚ ಸುವೃ॒ಕ್ತಿ |
ಇಂದ್ರಾ᳚ಯ ಹೃ॒ದಾ ಮನ॑ಸಾ ಮನೀ॒ಷಾ ಪ್ರ॒ತ್ನಾಯ॒ ಪತ್ಯೇ॒ ಧಿಯೋ᳚ ಮರ್ಜಯ‌ನ್ತ || 1.61.2
ಅ॒ಸ್ಮಾ ಇದು॒ ತ್ಯಮು॑ಪ॒ಮಂ ಸ್ವ॒ರ್ಷಾಂ ಭರಾ᳚ಮ್ಯಾಂಗೂ॒ಷಮಾ॒ಸ್ಯೇ᳚ನ |
ಮಂಹಿ॑ಷ್ಠ॒ಮಚ್ಛೋ᳚ಕ್ತಿಭಿರ್ಮತೀ॒ನಾಂ ಸು॑ವೃ॒ಕ್ತಿಭಿಃ॑ ಸೂ॒ರಿಂ ವಾ᳚ವೃ॒ಧಧ್ಯೈ᳚ || 1.61.3
ಅ॒ಸ್ಮಾ ಇದು॒ ಸ್ತೋಮಂ॒ ಸಂ ಹಿ॑ನೋಮಿ॒ ರಥಂ॒ ನ ತಷ್ಟೇ᳚ವ॒ ತತ್ಸಿ॑ನಾಯ |
ಗಿರ॑ಶ್ಚ॒ ಗಿರ್ವಾ᳚ಹಸೇ ಸುವೃ॒ಕ್ತೀಂದ್ರಾ᳚ಯ ವಿಶ್ವಮಿ॒ನ್ವಂ ಮೇಧಿ॑ರಾಯ || 1.61.4
ಅ॒ಸ್ಮಾ ಇದು॒ ಸಪ್ತಿ॑ಮಿವ ಶ್ರವ॒ಸ್ಯೇಂದ್ರಾ᳚ಯಾ॒ರ್ಕಂ ಜು॒ಹ್ವಾ॒3॒॑ ಸಮಂ᳚ಜೇ |
ವೀ॒ರಂ ದಾ॒ನೌಕ॑ಸಂ ವಂ॒ದಧ್ಯೈ᳚ ಪು॒ರಾಂ ಗೂ॒ರ್ತಶ್ರ॑ವಸಂ ದ॒ರ್ಮಾಣ‌ಮ್᳚ || 1.61.5
ಅ॒ಸ್ಮಾ ಇದು॒ ತ್ವಷ್ಟಾ᳚ ತಕ್ಷ॒ದ್ವಜ್ರಂ॒ ಸ್ವಪ॑ಸ್ತಮಂ ಸ್ವ॒ರ್ಯ1॒॑ ಅಂರಣಾ᳚ಯ |
ವೃ॒ತ್ರಸ್ಯ॑ ಚಿದ್ವಿ॒ದದ್ಯೇನ॒ ಮರ್ಮ॑ ತು॒ಜನ್ನೀಶಾ᳚ನಸ್ತುಜ॒ತಾ ಕಿ॑ಯೇ॒ಧಾಃ || 1.61.6
ಅ॒ಸ್ಯೇದು॑ ಮಾ॒ತುಃ ಸವ॑ನೇಷು ಸ॒ದ್ಯೋ ಮ॒ಹಃ ಪಿ॒ತುಂ ಪ॑ಪಿ॒ವಾಂಚಾರ್ವನ್ನಾ᳚ |
ಮು॒ಷಾ॒ಯದ್ವಿಷ್ಣುಃ॑ ಪಚ॒ತಂ ಸಹೀ᳚ಯಾ॒ನ್ವಿಧ್ಯ॑ದ್ವರಾ॒ಹಂ ತಿ॒ರೋ ಅದ್ರಿ॒ಮಸ್ತಾ᳚ || 1.61.7
ಅ॒ಸ್ಮಾ ಇದು॒ ಗ್ನಾಶ್ಚಿ॑ದ್ದೇ॒ವಪ॑ತ್ನೀ॒ರಿಂದ್ರಾ᳚ಯಾ॒ರ್ಕಮ॑ಹಿ॒ಹತ್ಯ॑ ಊವುಃ |
ಪರಿ॒ ದ್ಯಾವಾ᳚ಪೃಥಿ॒ವೀ ಜ॑ಭ್ರ ಉ॒ರ್ವೀ ನಾಸ್ಯ॒ ತೇ ಮ॑ಹಿ॒ಮಾನಂ॒ ಪರಿ॑ ಷ್ಟಃ || 1.61.8
ಅ॒ಸ್ಯೇದೇ॒ವ ಪ್ರ ರಿ॑ರಿಚೇ ಮಹಿ॒ತ್ವಂ ದಿ॒ವಸ್ಪೃ॑ಥಿ॒ವ್ಯಾಃ ಪರ್ಯ॒‌ನ್ತರಿ॑ಕ್ಷಾತ್ |
ಸ್ವ॒ರಾಳಿಂದ್ರೋ॒ ದಮ॒ ಆ ವಿ॒ಶ್ವಗೂ᳚ರ್ತಃ ಸ್ವ॒ರಿರಮ॑ತ್ರೋ ವವಕ್ಷೇ॒ ರಣಾ᳚ಯ || 1.61.9
ಅ॒ಸ್ಯೇದೇ॒ವ ಶವ॑ಸಾ ಶು॒ಷ‌ನ್ತಂ॒ ವಿ ವೃ॑ಶ್ಚ॒ದ್ವಜ್ರೇ᳚ಣ ವೃ॒ತ್ರಮಿಂದ್ರಃ॑ |
ಗಾ ನ ವ್ರಾ॒ಣಾ ಅ॒ವನೀ᳚ರಮುಂಚದ॒ಭಿ ಶ್ರವೋ᳚ ದಾ॒ವನೇ॒ ಸಚೇ᳚ತಾಃ || 1.61.10
ಅ॒ಸ್ಯೇದು॑ ತ್ವೇ॒ಷಸಾ᳚ ರ‌ನ್ತ॒ ಸಿಂಧ॑ವಃ॒ ಪರಿ॒ ಯದ್ವಜ್ರೇ᳚ಣ ಸೀ॒ಮಯ॑ಚ್ಛತ್ |
ಈ॒ಶಾ॒ನ॒ಕೃದ್ದಾ॒ಶುಷೇ᳚ ದಶ॒ಸ್ಯ‌ನ್ತು॒ರ್ವೀತ॑ಯೇ ಗಾ॒ಧಂ ತು॒ರ್ವಣಿಃ॑ ಕಃ || 1.61.11
ಅ॒ಸ್ಮಾ ಇದು॒ ಪ್ರ ಭ॑ರಾ॒ ತೂತು॑ಜಾನೋ ವೃ॒ತ್ರಾಯ॒ ವಜ್ರ॒ಮೀಶಾ᳚ನಃ ಕಿಯೇ॒ಧಾಃ |
ಗೋರ್ನ ಪರ್ವ॒ ವಿ ರ॑ದಾ ತಿರ॒ಶ್ಚೇಷ್ಯ॒ನ್ನರ್ಣಾಂ᳚ಸ್ಯ॒ಪಾಂ ಚ॒ರಧ್ಯೈ᳚ || 1.61.12
ಅ॒ಸ್ಯೇದು॒ ಪ್ರ ಬ್ರೂ᳚ಹಿ ಪೂ॒ರ್ವ್ಯಾಣಿ॑ ತು॒ರಸ್ಯ॒ ಕರ್ಮಾ᳚ಣಿ॒ ನವ್ಯ॑ ಉ॒ಕ್ಥೈಃ |
ಯು॒ಧೇ ಯದಿ॑ಷ್ಣಾ॒ನ ಆಯು॑ಧಾನ್ಯೃಘಾ॒ಯಮಾ᳚ಣೋ ನಿರಿ॒ಣಾತಿ॒ ಶತ್ರೂನ್॑ || 1.61.13
ಅ॒ಸ್ಯೇದು॑ ಭಿ॒ಯಾ ಗಿ॒ರಯ॑ಶ್ಚ ದೃ॒ಳ್ಹಾ ದ್ಯಾವಾ᳚ ಚ॒ ಭೂಮಾ᳚ ಜ॒ನುಷ॑ಸ್ತುಜೇತೇ |
ಉಪೋ᳚ ವೇ॒ನಸ್ಯ॒ ಜೋಗು॑ವಾನ ಓ॒ಣಿಂ ಸ॒ದ್ಯೋ ಭು॑ವದ್ವೀ॒ರ್ಯಾ᳚ಯ ನೋ॒ಧಾಃ || 1.61.14
ಅ॒ಸ್ಮಾ ಇದು॒ ತ್ಯದನು॑ ದಾಯ್ಯೇಷಾ॒ಮೇಕೋ॒ ಯದ್ವ॒ವ್ನೇ ಭೂರೇ॒ರೀಶಾ᳚ನಃ |
ಪ್ರೈತ॑ಶಂ॒ ಸೂರ್ಯೇ᳚ ಪಸ್ಪೃಧಾ॒ನಂ ಸೌವ॑ಶ್ವ್ಯೇ॒ ಸುಷ್ವಿ॑ಮಾವ॒ದಿಂದ್ರಃ॑ || 1.61.15
ಏ॒ವಾ ತೇ᳚ ಹಾರಿಯೋಜನಾ ಸುವೃ॒ಕ್ತೀಂದ್ರ॒ ಬ್ರಹ್ಮಾ᳚ಣಿ॒ ಗೋತ॑ಮಾಸೋ ಅಕ್ರನ್ |
ಐಷು॑ ವಿ॒ಶ್ವಪೇ᳚ಶಸಂ॒ ಧಿಯಂ᳚ ಧಾಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 1.61.16

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಪ್ರ ಮ᳚ನ್ಮಹೇ ಶವಸಾ॒ನಾಯ॑ ಶೂ॒ಷಮಾಂ᳚ಗೂ॒ಷಂ ಗಿರ್ವ॑ಣಸೇ ಅಂಗಿರ॒ಸ್ವತ್ |
ಸು॒ವೃ॒ಕ್ತಿಭಿಃ॑ ಸ್ತುವ॒ತ ಋ॑ಗ್ಮಿ॒ಯಾಯಾರ್ಚಾ᳚ಮಾ॒ರ್ಕಂ ನರೇ॒ ವಿಶ್ರು॑ತಾಯ || 1.62.1
ಪ್ರ ವೋ᳚ ಮ॒ಹೇ ಮಹಿ॒ ನಮೋ᳚ ಭರಧ್ವಮಾಂಗೂ॒ಷ್ಯಂ᳚ ಶವಸಾ॒ನಾಯ॒ ಸಾಮ॑ |
ಯೇನಾ᳚ ನಃ॒ ಪೂರ್ವೇ᳚ ಪಿ॒ತರಃ॑ ಪದ॒ಜ್ಞಾ ಅರ್ಚ᳚‌ನ್ತೋ॒ ಅಂಗಿ॑ರಸೋ॒ ಗಾ ಅವಿಂ᳚ದನ್ || 1.62.2
ಇಂದ್ರ॒ಸ್ಯಾಂಗಿ॑ರಸಾಂ ಚೇ॒ಷ್ಟೌ ವಿ॒ದತ್ಸ॒ರಮಾ॒ ತನ॑ಯಾಯ ಧಾ॒ಸಿ‌ಮ್ |
ಬೃಹ॒ಸ್ಪತಿ॑ರ್ಭಿ॒ನದದ್ರಿಂ᳚ ವಿ॒ದದ್ಗಾಃ ಸಮು॒ಸ್ರಿಯಾ᳚ಭಿರ್ವಾವಶ‌ನ್ತ॒ ನರಃ॑ || 1.62.3
ಸ ಸು॒ಷ್ಟುಭಾ॒ ಸ ಸ್ತು॒ಭಾ ಸ॒ಪ್ತ ವಿಪ್ರೈಃ᳚ ಸ್ವ॒ರೇಣಾದ್ರಿಂ᳚ ಸ್ವ॒ರ್ಯೋ॒3॒॑ ನವ॑ಗ್ವೈಃ |
ಸ॒ರ॒ಣ್ಯುಭಿಃ॑ ಫಲಿ॒ಗಮಿಂ᳚ದ್ರ ಶಕ್ರ ವ॒ಲಂ ರವೇ᳚ಣ ದರಯೋ॒ ದಶ॑ಗ್ವೈಃ || 1.62.4
ಗೃ॒ಣಾ॒ನೋ ಅಂಗಿ॑ರೋಭಿರ್ದಸ್ಮ॒ ವಿ ವ॑ರು॒ಷಸಾ॒ ಸೂರ್ಯೇ᳚ಣ॒ ಗೋಭಿ॒ರಂಧಃ॑ |
ವಿ ಭೂಮ್ಯಾ᳚ ಅಪ್ರಥಯ ಇಂದ್ರ॒ ಸಾನು॑ ದಿ॒ವೋ ರಜ॒ ಉಪ॑ರಮಸ್ತಭಾಯಃ || 1.62.5
ತದು॒ ಪ್ರಯ॑ಕ್ಷತಮಮಸ್ಯ॒ ಕರ್ಮ॑ ದ॒ಸ್ಮಸ್ಯ॒ ಚಾರು॑ತಮಮಸ್ತಿ॒ ದಂಸಃ॑ |
ಉ॒ಪ॒ಹ್ವ॒ರೇ ಯದುಪ॑ರಾ॒ ಅಪಿ᳚ನ್ವ॒ನ್ಮಧ್ವ᳚ರ್ಣಸೋ ನ॒ದ್ಯ1॒॑ಶ್ಚತ॑ಸ್ರಃ || 1.62.6
ದ್ವಿ॒ತಾ ವಿ ವ᳚ವ್ರೇ ಸ॒ನಜಾ॒ ಸನೀ᳚ಳೇ ಅ॒ಯಾಸ್ಯಃ॒ ಸ್ತವ॑ಮಾನೇಭಿರ॒ರ್ಕೈಃ |
ಭಗೋ॒ ನ ಮೇನೇ᳚ ಪರ॒ಮೇ ವ್ಯೋ᳚ಮ॒ನ್ನಧಾ᳚ರಯ॒ದ್ರೋದ॑ಸೀ ಸು॒ದಂಸಾಃ᳚ || 1.62.7
ಸ॒ನಾದ್ದಿವಂ॒ ಪರಿ॒ ಭೂಮಾ॒ ವಿರೂ᳚ಪೇ ಪುನ॒ರ್ಭುವಾ᳚ ಯುವ॒ತೀ ಸ್ವೇಭಿ॒ರೇವೈಃ᳚ |
ಕೃ॒ಷ್ಣೇಭಿ॑ರ॒ಕ್ತೋಷಾ ರುಶ॑ದ್ಭಿ॒ರ್ವಪು॑ರ್ಭಿ॒ರಾ ಚ॑ರತೋ ಅ॒ನ್ಯಾನ್ಯಾ᳚ || 1.62.8
ಸನೇ᳚ಮಿ ಸ॒ಖ್ಯಂ ಸ್ವ॑ಪ॒ಸ್ಯಮಾ᳚ನಃ ಸೂ॒ನುರ್ದಾ᳚ಧಾರ॒ ಶವ॑ಸಾ ಸು॒ದಂಸಾಃ᳚ |
ಆ॒ಮಾಸು॑ ಚಿದ್ದಧಿಷೇ ಪ॒ಕ್ವಮ॒‌ನ್ತಃ ಪಯಃ॑ ಕೃ॒ಷ್ಣಾಸು॒ ರುಶ॒ದ್ರೋಹಿ॑ಣೀಷು || 1.62.9
ಸ॒ನಾತ್ಸನೀ᳚ಳಾ ಅ॒ವನೀ᳚ರವಾ॒ತಾ ವ್ರ॒ತಾ ರ॑ಕ್ಷ‌ನ್ತೇ ಅ॒ಮೃತಾಃ॒ ಸಹೋ᳚ಭಿಃ |
ಪು॒ರೂ ಸ॒ಹಸ್ರಾ॒ ಜನ॑ಯೋ॒ ನ ಪತ್ನೀ᳚ರ್ದುವ॒ಸ್ಯ‌ನ್ತಿ॒ ಸ್ವಸಾ᳚ರೋ॒ ಅಹ್ರ॑ಯಾಣ‌ಮ್ || 1.62.10
ಸ॒ನಾ॒ಯುವೋ॒ ನಮ॑ಸಾ॒ ನವ್ಯೋ᳚ ಅ॒ರ್ಕೈರ್ವ॑ಸೂ॒ಯವೋ᳚ ಮ॒ತಯೋ᳚ ದಸ್ಮ ದದ್ರುಃ |
ಪತಿಂ॒ ನ ಪತ್ನೀ᳚ರುಶ॒ತೀರು॒ಶ‌ನ್ತಂ᳚ ಸ್ಪೃ॒ಶ‌ನ್ತಿ॑ ತ್ವಾ ಶವಸಾವನ್ಮನೀ॒ಷಾಃ || 1.62.11
ಸ॒ನಾದೇ॒ವ ತವ॒ ರಾಯೋ॒ ಗಭ॑ಸ್ತೌ॒ ನ ಕ್ಷೀಯ᳚‌ನ್ತೇ॒ ನೋಪ॑ ದಸ್ಯ‌ನ್ತಿ ದಸ್ಮ |
ದ್ಯು॒ಮಾಁ ಅ॑ಸಿ॒ ಕ್ರತು॑ಮಾಁ ಇಂದ್ರ॒ ಧೀರಃ॒ ಶಿಕ್ಷಾ᳚ ಶಚೀವ॒ಸ್ತವ॑ ನಃ॒ ಶಚೀ᳚ಭಿಃ || 1.62.12
ಸ॒ನಾ॒ಯ॒ತೇ ಗೋತ॑ಮ ಇಂದ್ರ॒ ನವ್ಯ॒ಮತ॑ಕ್ಷ॒ದ್ಬ್ರಹ್ಮ॑ ಹರಿ॒ಯೋಜ॑ನಾಯ |
ಸು॒ನೀ॒ಥಾಯ॑ ನಃ ಶವಸಾನ ನೋ॒ಧಾಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 1.62.13

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ತ್ವಂ ಮ॒ಹಾಁ ಇಂ᳚ದ್ರ॒ ಯೋ ಹ॒ ಶುಷ್ಮೈ॒ರ್ದ್ಯಾವಾ᳚ ಜಜ್ಞಾ॒ನಃ ಪೃ॑ಥಿ॒ವೀ ಅಮೇ᳚ ಧಾಃ |
ಯದ್ಧ॑ ತೇ॒ ವಿಶ್ವಾ᳚ ಗಿ॒ರಯ॑ಶ್ಚಿ॒ದಭ್ವಾ᳚ ಭಿ॒ಯಾ ದೃ॒ಳ್ಹಾಸಃ॑ ಕಿ॒ರಣಾ॒ ನೈಜನ್॑ || 1.63.1
ಆ ಯದ್ಧರೀ᳚ ಇಂದ್ರ॒ ವಿವ್ರ॑ತಾ॒ ವೇರಾ ತೇ॒ ವಜ್ರಂ᳚ ಜರಿ॒ತಾ ಬಾ॒ಹ್ವೋರ್ಧಾ᳚ತ್ |
ಯೇನಾ᳚ವಿಹರ್ಯತಕ್ರತೋ ಅ॒ಮಿತ್ರಾ॒ನ್ಪುರ॑ ಇ॒ಷ್ಣಾಸಿ॑ ಪುರುಹೂತ ಪೂ॒ರ್ವೀಃ || 1.63.2
ತ್ವಂ ಸ॒ತ್ಯ ಇಂ᳚ದ್ರ ಧೃ॒ಷ್ಣುರೇ॒ತಾ‌ನ್ತ್ವಮೃ॑ಭು॒ಕ್ಷಾ ನರ್ಯ॒ಸ್ತ್ವಂ ಷಾಟ್ |
ತ್ವಂ ಶುಷ್ಣಂ᳚ ವೃ॒ಜನೇ᳚ ಪೃ॒ಕ್ಷ ಆ॒ಣೌ ಯೂನೇ॒ ಕುತ್ಸಾ᳚ಯ ದ್ಯು॒ಮತೇ॒ ಸಚಾ᳚ಹನ್ || 1.63.3
ತ್ವಂ ಹ॒ ತ್ಯದಿಂ᳚ದ್ರ ಚೋದೀಃ॒ ಸಖಾ᳚ ವೃ॒ತ್ರಂ ಯದ್ವ॑ಜ್ರಿನ್ ವೃಷಕರ್ಮನ್ನು॒ಭ್ನಾಃ |
ಯದ್ಧ॑ ಶೂರ ವೃಷಮಣಃ ಪರಾ॒ಚೈರ್ವಿ ದಸ್ಯೂಁ॒ರ್ಯೋನಾ॒ವಕೃ॑ತೋ ವೃಥಾ॒ಷಾಟ್ || 1.63.4
ತ್ವಂ ಹ॒ ತ್ಯದಿಂ॒ದ್ರಾರಿ॑ಷಣ್ಯಂದೃ॒ಳ್ಹಸ್ಯ॑ ಚಿ॒ನ್ಮರ್ತಾ᳚ನಾ॒ಮಜು॑ಷ್ಟೌ |
ವ್ಯ1॒॑ಸ್ಮದಾ ಕಾಷ್ಠಾ॒ ಅರ್ವ॑ತೇ ವರ್ಘ॒ನೇವ॑ ವಜ್ರಿಂಛ್ನಥಿಹ್ಯ॒ಮಿತ್ರಾನ್॑ || 1.63.5
ತ್ವಾಂ ಹ॒ ತ್ಯದಿಂ॒ದ್ರಾರ್ಣ॑ಸಾತೌ॒ ಸ್ವ᳚ರ್ಮೀಳ್ಹೇ॒ ನರ॑ ಆ॒ಜಾ ಹ॑ವ‌ನ್ತೇ |
ತವ॑ ಸ್ವಧಾವ ಇ॒ಯಮಾ ಸ॑ಮ॒ರ್ಯ ಊ॒ತಿರ್ವಾಜೇ᳚ಷ್ವತ॒ಸಾಯ್ಯಾ᳚ ಭೂತ್ || 1.63.6
ತ್ವಂ ಹ॒ ತ್ಯದಿಂ᳚ದ್ರ ಸ॒ಪ್ತ ಯುಧ್ಯ॒ನ್ಪುರೋ᳚ ವಜ್ರಿನ್ಪುರು॒ಕುತ್ಸಾ᳚ಯ ದರ್ದಃ |
ಬ॒ರ್ಹಿರ್ನ ಯತ್ಸು॒ದಾಸೇ॒ ವೃಥಾ॒ ವರ್ಗಂ॒ಹೋ ರಾ᳚ಜ॒ನ್ವರಿ॑ವಃ ಪೂ॒ರವೇ᳚ ಕಃ || 1.63.7
ತ್ವಂ ತ್ಯಾಂ ನ॑ ಇಂದ್ರ ದೇವ ಚಿ॒ತ್ರಾಮಿಷ॒ಮಾಪೋ॒ ನ ಪೀ᳚ಪಯಃ॒ ಪರಿ॑ಜ್ಮನ್ |
ಯಯಾ᳚ ಶೂರ॒ ಪ್ರತ್ಯ॒ಸ್ಮಭ್ಯಂ॒ ಯಂಸಿ॒ ತ್ಮನ॒ಮೂರ್ಜಂ॒ ನ ವಿ॒ಶ್ವಧ॒ ಕ್ಷರ॑ಧ್ಯೈ || 1.63.8
ಅಕಾ᳚ರಿ ತ ಇಂದ್ರ॒ ಗೋತ॑ಮೇಭಿ॒ರ್ಬ್ರಹ್ಮಾ॒ಣ್ಯೋಕ್ತಾ॒ ನಮ॑ಸಾ॒ ಹರಿ॑ಭ್ಯಾ‌ಮ್ |
ಸು॒ಪೇಶ॑ಸಂ॒ ವಾಜ॒ಮಾ ಭ॑ರಾ ನಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 1.63.9

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ ಮರುತೋ ದೇವತಾಃ (114) ಪ್ರಥಮಾದಿಚತುದಶ ಚರ್ಚಾಂ ಜಗತೀ 15 ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ವೃಷ್ಣೇ॒ ಶರ್ಧಾ᳚ಯ॒ ಸುಮ॑ಖಾಯ ವೇ॒ಧಸೇ॒ ನೋಧಃ॑ ಸುವೃ॒ಕ್ತಿಂ ಪ್ರ ಭ॑ರಾ ಮ॒ರುದ್ಭ್ಯಃ॑ |
ಅ॒ಪೋ ನ ಧೀರೋ॒ ಮನ॑ಸಾ ಸು॒ಹಸ್ತ್ಯೋ॒ ಗಿರಃ॒ ಸಮಂ᳚ಜೇ ವಿ॒ದಥೇ᳚ಷ್ವಾ॒ಭುವಃ॑ || 1.64.1
ತೇ ಜ॑ಜ್ಞಿರೇ ದಿ॒ವ ಋ॒ಷ್ವಾಸ॑ ಉ॒ಕ್ಷಣೋ᳚ ರು॒ದ್ರಸ್ಯ॒ ಮರ್ಯಾ॒ ಅಸು॑ರಾ ಅರೇ॒ಪಸಃ॑ |
ಪಾ॒ವ॒ಕಾಸಃ॒ ಶುಚ॑ಯಃ॒ ಸೂರ್ಯಾ᳚ ಇವ॒ ಸತ್ವಾ᳚ನೋ॒ ನ ದ್ರ॒ಪ್ಸಿನೋ᳚ ಘೋ॒ರವ॑ರ್ಪಸಃ || 1.64.2
ಯುವಾ᳚ನೋ ರು॒ದ್ರಾ ಅ॒ಜರಾ᳚ ಅಭೋ॒ಗ್ಘನೋ᳚ ವವ॒ಕ್ಷುರಧ್ರಿ॑ಗಾವಃ॒ ಪರ್ವ॑ತಾ ಇವ |
ದೃ॒ಳ್ಹಾ ಚಿ॒ದ್ವಿಶ್ವಾ॒ ಭುವ॑ನಾನಿ॒ ಪಾರ್ಥಿ॑ವಾ॒ ಪ್ರ ಚ್ಯಾ᳚ವಯ‌ನ್ತಿ ದಿ॒ವ್ಯಾನಿ॑ ಮ॒ಜ್ಮನಾ᳚ || 1.64.3
ಚಿ॒ತ್ರೈರಂ॒ಜಿಭಿ॒ರ್ವಪು॑ಷೇ॒ ವ್ಯಂ᳚ಜತೇ॒ ವಕ್ಷ॑ಸ್ಸು ರು॒ಕ್ಮಾಁ ಅಧಿ॑ ಯೇತಿರೇ ಶು॒ಭೇ |
ಅಂಸೇ᳚ಷ್ವೇಷಾಂ॒ ನಿ ಮಿ॑ಮೃಕ್ಷುರ್‌ಋ॒ಷ್ಟಯಃ॑ ಸಾ॒ಕಂ ಜ॑ಜ್ಞಿರೇ ಸ್ವ॒ಧಯಾ᳚ ದಿ॒ವೋ ನರಃ॑ || 1.64.4
ಈ॒ಶಾ॒ನ॒ಕೃತೋ॒ ಧುನ॑ಯೋ ರಿ॒ಶಾದ॑ಸೋ॒ ವಾತಾ᳚ನ್ವಿ॒ದ್ಯುತ॒ಸ್ತವಿ॑ಷೀಭಿರಕ್ರತ |
ದು॒ಹ‌ನ್ತ್ಯೂಧ॑ರ್ದಿ॒ವ್ಯಾನಿ॒ ಧೂತ॑ಯೋ॒ ಭೂಮಿಂ᳚ ಪಿನ್ವ‌ನ್ತಿ॒ ಪಯ॑ಸಾ॒ ಪರಿ॑ಜ್ರಯಃ || 1.64.5
ಪಿನ್ವ᳚‌ನ್ತ್ಯ॒ಪೋ ಮ॒ರುತಃ॑ ಸು॒ದಾನ॑ವಃ॒ ಪಯೋ᳚ ಘೃ॒ತವ॑ದ್ವಿ॒ದಥೇ᳚ಷ್ವಾ॒ಭುವಃ॑ |
ಅತ್ಯಂ॒ ನ ಮಿ॒ಹೇ ವಿ ನ॑ಯ‌ನ್ತಿ ವಾ॒ಜಿನ॒ಮುತ್ಸಂ᳚ ದುಹ‌ನ್ತಿ ಸ್ತ॒ನಯ᳚‌ನ್ತ॒ಮಕ್ಷಿ॑ತ‌ಮ್ || 1.64.6
ಮ॒ಹಿ॒ಷಾಸೋ᳚ ಮಾ॒ಯಿನ॑ಶ್ಚಿ॒ತ್ರಭಾ᳚ನವೋ ಗಿ॒ರಯೋ॒ ನ ಸ್ವತ॑ವಸೋ ರಘು॒ಷ್ಯದಃ॑ |
ಮೃ॒ಗಾ ಇ॑ವ ಹ॒ಸ್ತಿನಃ॑ ಖಾದಥಾ॒ ವನಾ॒ ಯದಾರು॑ಣೀಷು॒ ತವಿ॑ಷೀ॒ರಯು॑ಗ್ಧ್ವ‌ಮ್ || 1.64.7
ಸಿಂ॒ಹಾ ಇ॑ವ ನಾನದತಿ॒ ಪ್ರಚೇ᳚ತಸಃ ಪಿ॒ಶಾ ಇ॑ವ ಸು॒ಪಿಶೋ᳚ ವಿ॒ಶ್ವವೇ᳚ದಸಃ |
ಕ್ಷಪೋ॒ ಜಿನ್ವ᳚‌ನ್ತಃ॒ ಪೃಷ॑ತೀಭಿರ್‌ಋ॒ಷ್ಟಿಭಿಃ॒ ಸಮಿತ್ಸ॒ಬಾಧಃ॒ ಶವ॒ಸಾಹಿ॑ಮನ್ಯವಃ || 1.64.8
ರೋದ॑ಸೀ॒ ಆ ವ॑ದತಾ ಗಣಶ್ರಿಯೋ॒ ನೃಷಾ᳚ಚಃ ಶೂರಾಃ॒ ಶವ॒ಸಾಹಿ॑ಮನ್ಯವಃ |
ಆ ವಂ॒ಧುರೇ᳚ಷ್ವ॒ಮತಿ॒ರ್ನ ದ॑ರ್ಶ॒ತಾ ವಿ॒ದ್ಯುನ್ನ ತ॑ಸ್ಥೌ ಮರುತೋ॒ ರಥೇ᳚ಷು ವಃ || 1.64.9
ವಿ॒ಶ್ವವೇ᳚ದಸೋ ರ॒ಯಿಭಿಃ॒ ಸಮೋ᳚ಕಸಃ॒ ಸಮ್ಮಿ॑ಶ್ಲಾಸ॒ಸ್ತವಿ॑ಷೀಭಿರ್ವಿರ॒ಪ್ಶಿನಃ॑ |
ಅಸ್ತಾ᳚ರ॒ ಇಷುಂ᳚ ದಧಿರೇ॒ ಗಭ॑ಸ್ತ್ಯೋರನ॒‌ನ್ತಶು॑ಷ್ಮಾ॒ ವೃಷ॑ಖಾದಯೋ॒ ನರಃ॑ || 1.64.10
ಹಿ॒ರ॒ಣ್ಯಯೇ᳚ಭಿಃ ಪ॒ವಿಭಿಃ॑ ಪಯೋ॒ವೃಧ॒ ಉಜ್ಜಿ॑ಘ್ನ‌ನ್ತ ಆಪ॒ಥ್ಯೋ॒3॒॑ ನ ಪರ್ವ॑ತಾನ್ |
ಮ॒ಖಾ ಅ॒ಯಾಸಃ॑ ಸ್ವ॒ಸೃತೋ᳚ ಧ್ರುವ॒ಚ್ಯುತೋ᳚ ದುಧ್ರ॒ಕೃತೋ᳚ ಮ॒ರುತೋ॒ ಭ್ರಾಜ॑ದೃಷ್ಟಯಃ || 1.64.11
ಘೃಷುಂ᳚ ಪಾವ॒ಕಂ ವ॒ನಿನಂ॒ ವಿಚ॑ರ್ಷಣಿಂ ರು॒ದ್ರಸ್ಯ॑ ಸೂ॒ನುಂ ಹ॒ವಸಾ᳚ ಗೃಣೀಮಸಿ |
ರ॒ಜ॒ಸ್ತುರಂ᳚ ತ॒ವಸಂ॒ ಮಾರು॑ತಂ ಗ॒ಣಮೃ॑ಜೀ॒ಷಿಣಂ॒ ವೃಷ॑ಣಂ ಸಶ್ಚತ ಶ್ರಿ॒ಯೇ || 1.64.12
ಪ್ರ ನೂ ಸ ಮರ್ತಃ॒ ಶವ॑ಸಾ॒ ಜನಾಁ॒ ಅತಿ॑ ತ॒ಸ್ಥೌ ವ॑ ಊ॒ತೀ ಮ॑ರುತೋ॒ ಯಮಾವ॑ತ |
ಅರ್ವ॑ದ್ಭಿ॒ರ್ವಾಜಂ᳚ ಭರತೇ॒ ಧನಾ॒ ನೃಭಿ॑ರಾ॒ಪೃಚ್ಛ್ಯಂ॒ ಕ್ರತು॒ಮಾ ಕ್ಷೇ᳚ತಿ॒ ಪುಷ್ಯ॑ತಿ || 1.64.13
ಚ॒ರ್ಕೃತ್ಯಂ᳚ ಮರುತಃ ಪೃ॒ತ್ಸು ದು॒ಷ್ಟರಂ᳚ ದ್ಯು॒ಮ‌ನ್ತಂ॒ ಶುಷ್ಮಂ᳚ ಮ॒ಘವ॑ತ್ಸು ಧತ್ತನ |
ಧ॒ನ॒ಸ್ಪೃತ॑ಮು॒ಕ್ಥ್ಯಂ᳚ ವಿ॒ಶ್ವಚ॑ರ್ಷಣಿಂ ತೋ॒ಕಂ ಪು॑ಷ್ಯೇಮ॒ ತನ॑ಯಂ ಶ॒ತಂ ಹಿಮಾಃ᳚ || 1.64.14
ನೂ ಷ್ಠಿ॒ರಂ ಮ॑ರುತೋ ವೀ॒ರವ᳚‌ನ್ತಮೃತೀ॒ಷಾಹಂ᳚ ರ॒ಯಿಮ॒ಸ್ಮಾಸು॑ ಧತ್ತ |
ಸ॒ಹ॒ಸ್ರಿಣಂ᳚ ಶ॒ತಿನಂ᳚ ಶೂಶು॒ವಾಂಸಂ᳚ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 1.64.15

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ದ್ವಿಪದಾ ವಿರಾಟ್ ಛಂದಃ

ಪ॒ಶ್ವಾ ನ ತಾ॒ಯುಂ ಗುಹಾ॒ ಚತ᳚‌ನ್ತಂ॒ ನಮೋ᳚ ಯುಜಾ॒ನಂ ನಮೋ॒ ವಹ᳚‌ನ್ತ‌ಮ್ || 1.65.1
ಸ॒ಜೋಷಾ॒ ಧೀರಾಃ᳚ ಪ॒ದೈರನು॑ ಗ್ಮ॒ನ್ನುಪ॑ ತ್ವಾ ಸೀದ॒ನ್ವಿಶ್ವೇ॒ ಯಜ॑ತ್ರಾಃ || 1.65.2
ಋ॒ತಸ್ಯ॑ ದೇ॒ವಾ ಅನು᳚ ವ್ರ॒ತಾ ಗು॒ರ್ಭುವ॒ತ್ಪರಿ॑ಷ್ಟಿ॒ರ್ದ್ಯೌರ್ನ ಭೂಮ॑ || 1.65.3
ವರ್ಧ᳚‌ನ್ತೀ॒ಮಾಪಃ॑ ಪ॒ನ್ವಾ ಸುಶಿ॑ಶ್ವಿಮೃ॒ತಸ್ಯ॒ ಯೋನಾ॒ ಗರ್ಭೇ॒ ಸುಜಾ᳚ತ‌ಮ್ || 1.65.4
ಪು॒ಷ್ಟಿರ್ನ ರ॒ಣ್ವಾ ಕ್ಷಿ॒ತಿರ್ನ ಪೃ॒ಥ್ವೀ ಗಿ॒ರಿರ್ನ ಭುಜ್ಮ॒ ಕ್ಷೋದೋ॒ ನ ಶಂ॒ಭು || 1.65.5
ಅತ್ಯೋ॒ ನಾಜ್ಮ॒‌‌ನ್ತ್ಸರ್ಗ॑ಪ್ರತಕ್ತಃ॒ ಸಿಂಧು॒ರ್ನ ಕ್ಷೋದಃ॒ ಕ ಈಂ᳚ ವರಾತೇ || 1.65.6
ಜಾ॒ಮಿಃ ಸಿಂಧೂ᳚ನಾಂ॒ ಭ್ರಾತೇ᳚ವ॒ ಸ್ವಸ್ರಾ॒ಮಿಭ್ಯಾ॒ನ್ನ ರಾಜಾ॒ ವನಾ᳚ನ್ಯತ್ತಿ || 1.65.7
ಯದ್ವಾತ॑ಜೂತೋ॒ ವನಾ॒ ವ್ಯಸ್ಥಾ᳚ದ॒ಗ್ನಿರ್ಹ॑ ದಾತಿ॒ ರೋಮಾ᳚ ಪೃಥಿ॒ವ್ಯಾಃ || 1.65.8
ಶ್ವಸಿ॑ತ್ಯ॒ಪ್ಸು ಹಂ॒ಸೋ ನ ಸೀದ॒ನ್ಕ್ರತ್ವಾ॒ ಚೇತಿ॑ಷ್ಠೋ ವಿ॒ಶಾಮು॑ಷ॒ರ್ಭುತ್ || 1.65.9
ಸೋಮೋ॒ ನ ವೇ॒ಧಾ ಋ॒ತಪ್ರ॑ಜಾತಃ ಪ॒ಶುರ್ನ ಶಿಶ್ವಾ᳚ ವಿ॒ಭುರ್ದೂ॒ರೇಭಾಃ᳚ || 1.65.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿದೇರ್ವತಾ ದ್ವಿಪದಾ ವಿರಾಟ್ ಛಂದಃ

ರ॒ಯಿರ್ನ ಚಿ॒ತ್ರಾ ಸೂರೋ॒ ನ ಸಂ॒ದೃಗಾಯು॒ರ್ನ ಪ್ರಾ॒ಣೋ ನಿತ್ಯೋ॒ ನ ಸೂ॒ನುಃ || 1.66.1
ತಕ್ವಾ॒ ನ ಭೂರ್ಣಿ॒ರ್ವನಾ᳚ ಸಿಷಕ್ತಿ॒ ಪಯೋ॒ ನ ಧೇ॒ನುಃ ಶುಚಿ᳚ರ್ವಿ॒ಭಾವಾ᳚ || 1.66.2
ದಾ॒ಧಾರ॒ ಕ್ಷೇಮ॒ಮೋಕೋ॒ ನ ರ॒ಣ್ವೋ ಯವೋ॒ ನ ಪ॒ಕ್ವೋ ಜೇತಾ॒ ಜನಾ᳚ನಾ‌ಮ್ || 1.66.3
ಋಷಿ॒ರ್ನ ಸ್ತುಭ್ವಾ᳚ ವಿ॒ಕ್ಷು ಪ್ರ॑ಶ॒ಸ್ತೋ ವಾ॒ಜೀ ನ ಪ್ರೀ॒ತೋ ವಯೋ᳚ ದಧಾತಿ || 1.66.4
ದು॒ರೋಕ॑ಶೋಚಿಃ॒ ಕ್ರತು॒ರ್ನ ನಿತ್ಯೋ᳚ ಜಾ॒ಯೇವ॒ ಯೋನಾ॒ವರಂ॒ ವಿಶ್ವ॑ಸ್ಮೈ || 1.66.5
ಚಿ॒ತ್ರೋ ಯದಭ್ರಾ᳚ಟ್ ಛ್ವೇ॒ತೋ ನ ವಿ॒ಕ್ಷು ರಥೋ॒ ನ ರು॒ಕ್ಮೀ ತ್ವೇ॒ಷಃ ಸ॒ಮತ್ಸು॑ || 1.66.6
ಸೇನೇ᳚ವ ಸೃ॒ಷ್ಟಾಮಂ᳚ ದಧಾ॒ತ್ಯಸ್ತು॒ರ್ನ ದಿ॒ದ್ಯುತ್ತ್ವೇ॒ಷಪ್ರ॑ತೀಕಾ || 1.66.7
ಯ॒ಮೋ ಹ॑ ಜಾ॒ತೋ ಯ॒ಮೋ ಜನಿ॑ತ್ವಂ ಜಾ॒ರಃ ಕ॒ನೀನಾಂ॒ ಪತಿ॒ರ್ಜನೀ᳚ನಾ‌ಮ್ || 1.66.8
ತಂ ವ॑ಶ್ಚ॒ರಾಥಾ᳚ ವ॒ಯಂ ವ॑ಸ॒ತ್ಯಾಸ್ತಂ॒ ನ ಗಾವೋ॒ ನಕ್ಷ᳚‌ನ್ತ ಇ॒ದ್ಧ‌ಮ್ || 1.66.9
ಸಿಂಧು॒ರ್ನ ಕ್ಷೋದಃ॒ ಪ್ರ ನೀಚೀ᳚ರೈನೋ॒ನ್ನವ᳚‌ನ್ತ॒ ಗಾವಃ॒ ಸ್ವ1॒॑ರ್ದೃಶೀ᳚ಕೇ || 1.66.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ದ್ವಿಪದಾ ವಿರಾಟ್ ಛಂದಃ

ವನೇ᳚ಷು ಜಾ॒ಯುರ್ಮರ್ತೇ᳚ಷು ಮಿ॒ತ್ರೋ ವೃ॑ಣೀ॒ತೇ ಶ್ರು॒ಷ್ಟಿಂ ರಾಜೇ᳚ವಾಜು॒ರ್ಯ‌ಮ್ || 1.67.1
ಕ್ಷೇಮೋ॒ ನ ಸಾ॒ಧುಃ ಕ್ರತು॒ರ್ನ ಭ॒ದ್ರೋ ಭುವ॑ತ್ಸ್ವಾ॒ಧೀರ್ಹೋತಾ᳚ ಹವ್ಯ॒ವಾಟ್ || 1.67.2
ಹಸ್ತೇ॒ ದಧಾ᳚ನೋ ನೃ॒ಮ್ಣಾ ವಿಶ್ವಾ॒ನ್ಯಮೇ᳚ ದೇ॒ವಾಂಧಾ॒ದ್ಗುಹಾ᳚ ನಿ॒ಷೀದನ್॑ || 1.67.3
ವಿ॒ದ‌ನ್ತೀ॒ಮತ್ರ॒ ನರೋ᳚ ಧಿಯಂ॒ಧಾ ಹೃ॒ದಾ ಯತ್ತ॒ಷ್ಟಾನ್ಮ‌ನ್ತ್ರಾಁ॒ ಅಶಂ᳚ಸನ್ || 1.67.4
ಅ॒ಜೋ ನ ಕ್ಷಾಂ ದಾ॒ಧಾರ॑ ಪೃಥಿ॒ವೀಂ ತ॒ಸ್ತಂಭ॒ ದ್ಯಾಂ ಮ‌ನ್ತ್ರೇ᳚ಭಿಃ ಸ॒ತ್ಯೈಃ || 1.67.5
ಪ್ರಿ॒ಯಾ ಪ॒ದಾನಿ॑ ಪ॒ಶ್ವೋ ನಿ ಪಾ᳚ಹಿ ವಿ॒ಶ್ವಾಯು॑ರಗ್ನೇ ಗು॒ಹಾ ಗುಹಂ᳚ ಗಾಃ || 1.67.6
ಯ ಈಂ᳚ ಚಿ॒ಕೇತ॒ ಗುಹಾ॒ ಭವ᳚‌ನ್ತ॒ಮಾ ಯಃ ಸ॒ಸಾದ॒ ಧಾರಾ᳚ಮೃ॒ತಸ್ಯ॑ || 1.67.7
ವಿ ಯೇ ಚೃ॒ತ‌ನ್ತ್ಯೃ॒ತಾ ಸಪ᳚‌ನ್ತ॒ ಆದಿದ್ವಸೂ᳚ನಿ॒ ಪ್ರ ವ॑ವಾಚಾಸ್ಮೈ || 1.67.8
ವಿ ಯೋ ವೀ॒ರುತ್ಸು॒ ರೋಧ᳚ನ್ಮಹಿ॒ತ್ವೋತ ಪ್ರ॒ಜಾ ಉ॒ತ ಪ್ರ॒ಸೂಷ್ವ॒‌ನ್ತಃ || 1.67.9
ಚಿತ್ತಿ॑ರ॒ಪಾಂ ದಮೇ᳚ ವಿ॒ಶ್ವಾಯುಃ॒ ಸದ್ಮೇ᳚ವ॒ ಧೀರಾಃ᳚ ಸ॒ಮ್ಮಾಯ॑ ಚಕ್ರುಃ || 1.67.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ದ್ವಿಪದಾ ವಿರಾಟ್ ಛಂದಃ

ಶ್ರೀ॒ಣನ್ನುಪ॑ ಸ್ಥಾ॒ದ್ದಿವಂ᳚ ಭುರ॒ಣ್ಯುಃ ಸ್ಥಾ॒ತುಶ್ಚ॒ರಥ॑ಮ॒ಕ್ತೂನ್ವ್ಯೂ᳚ರ್ಣೋತ್ || 1.68.1
ಪರಿ॒ ಯದೇ᳚ಷಾ॒ಮೇಕೋ॒ ವಿಶ್ವೇ᳚ಷಾಂ॒ ಭುವ॑ದ್ದೇ॒ವೋ ದೇ॒ವಾನಾಂ᳚ ಮಹಿ॒ತ್ವಾ || 1.68.2
ಆದಿತ್ತೇ॒ ವಿಶ್ವೇ॒ ಕ್ರತುಂ᳚ ಜುಷ‌ನ್ತ॒ ಶುಷ್ಕಾ॒ದ್ಯದ್ದೇ᳚ವ ಜೀ॒ವೋ ಜನಿ॑ಷ್ಠಾಃ || 1.68.3
ಭಜ᳚‌ನ್ತ॒ ವಿಶ್ವೇ᳚ ದೇವ॒ತ್ವಂ ನಾಮ॑ ಋ॒ತಂ ಸಪ᳚‌ನ್ತೋ ಅ॒ಮೃತ॒ಮೇವೈಃ᳚ || 1.68.4
ಋ॒ತಸ್ಯ॒ ಪ್ರೇಷಾ᳚ ಋ॒ತಸ್ಯ॑ ಧೀ॒ತಿರ್ವಿ॒ಶ್ವಾಯು॒ರ್ವಿಶ್ವೇ॒ ಅಪಾಂ᳚ಸಿ ಚಕ್ರುಃ || 1.68.5
ಯಸ್ತುಭ್ಯಂ॒ ದಾಶಾ॒ದ್ಯೋ ವಾ᳚ ತೇ॒ ಶಿಕ್ಷಾ॒ತ್ತಸ್ಮೈ᳚ ಚಿಕಿ॒ತ್ವಾನ್ರ॒ಯಿಂ ದ॑ಯಸ್ವ || 1.68.6
ಹೋತಾ॒ ನಿಷ॑ತ್ತೋ॒ ಮನೋ॒ರಪ॑ತ್ಯೇ॒ ಸ ಚಿ॒ನ್ನ್ವಾ᳚ಸಾಂ॒ ಪತೀ᳚ ರಯೀ॒ಣಾ‌ಮ್ || 1.68.7
ಇ॒ಚ್ಛ‌ನ್ತ॒ ರೇತೋ᳚ ಮಿ॒ಥಸ್ತ॒ನೂಷು॒ ಸಂ ಜಾ᳚ನತ॒ ಸ್ವೈರ್ದಕ್ಷೈ॒ರಮೂ᳚ರಾಃ || 1.68.8
ಪಿ॒ತುರ್ನ ಪು॒ತ್ರಾಃ ಕ್ರತುಂ᳚ ಜುಷ‌ನ್ತ॒ ಶ್ರೋಷ॒ನ್ಯೇ ಅ॑ಸ್ಯ॒ ಶಾಸಂ᳚ ತು॒ರಾಸಃ॑ || 1.68.9
ವಿ ರಾಯ॑ ಔರ್ಣೋ॒ದ್ದುರಃ॑ ಪುರು॒ಕ್ಷುಃ ಪಿ॒ಪೇಶ॒ ನಾಕಂ॒ ಸ್ತೃಭಿ॒ರ್ದಮೂ᳚ನಾಃ || 1.68.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ದ್ವಿಪದಾ ವಿರಾಟ್ ಛಂದಃ

ಶು॒ಕ್ರಃ ಶು॑ಶು॒ಕ್ವಾಁ ಉ॒ಷೋ ನ ಜಾ॒ರಃ ಪ॒ಪ್ರಾ ಸ॑ಮೀ॒ಚೀ ದಿ॒ವೋ ನ ಜ್ಯೋತಿಃ॑ || 1.69.1
ಪರಿ॒ ಪ್ರಜಾ᳚ತಃ॒ ಕ್ರತ್ವಾ᳚ ಬಭೂಥ॒ ಭುವೋ᳚ ದೇ॒ವಾನಾಂ᳚ ಪಿ॒ತಾ ಪು॒ತ್ರಃ ಸನ್ || 1.69.2
ವೇ॒ಧಾ ಅದೃ॑ಪ್ತೋ ಅ॒ಗ್ನಿರ್ವಿ॑ಜಾ॒ನನ್ನೂಧ॒ರ್ನ ಗೋನಾಂ॒ ಸ್ವಾದ್ಮಾ᳚ ಪಿತೂ॒ನಾ‌ಮ್ || 1.69.3
ಜನೇ॒ ನ ಶೇವ॑ ಆ॒ಹೂರ್ಯಃ॒ ಸನ್ಮಧ್ಯೇ॒ ನಿಷ॑ತ್ತೋ ರ॒ಣ್ವೋ ದು॑ರೋ॒ಣೇ || 1.69.4
ಪು॒ತ್ರೋ ನ ಜಾ॒ತೋ ರ॒ಣ್ವೋ ದು॑ರೋ॒ಣೇ ವಾ॒ಜೀ ನ ಪ್ರೀ॒ತೋ ವಿಶೋ॒ ವಿ ತಾ᳚ರೀತ್ || 1.69.5
ವಿಶೋ॒ ಯದಹ್ವೇ॒ ನೃಭಿಃ॒ ಸನೀ᳚ಳಾ ಅ॒ಗ್ನಿರ್ದೇ᳚ವ॒ತ್ವಾ ವಿಶ್ವಾ᳚ನ್ಯಶ್ಯಾಃ || 1.69.6
ನಕಿ॑ಷ್ಟ ಏ॒ತಾ ವ್ರ॒ತಾ ಮಿ॑ನ‌ನ್ತಿ॒ ನೃಭ್ಯೋ॒ ಯದೇ॒ಭ್ಯಃ ಶ್ರು॒ಷ್ಟಿಂ ಚ॒ಕರ್ಥ॑ || 1.69.7
ತತ್ತು ತೇ॒ ದಂಸೋ॒ ಯದಹ᳚‌ನ್ತ್ಸಮಾ॒ನೈರ್ನೃಭಿ॒ರ್ಯದ್ಯು॒ಕ್ತೋ ವಿ॒ವೇ ರಪಾಂ᳚ಸಿ || 1.69.8
ಉ॒ಷೋ ನ ಜಾ॒ರೋ ವಿ॒ಭಾವೋ॒ಸ್ರಃ ಸಂಜ್ಞಾ᳚ತರೂಪ॒ಶ್ಚಿಕೇ᳚ತದಸ್ಮೈ || 1.69.9
ತ್ಮನಾ॒ ವಹ᳚‌ನ್ತೋ॒ ದುರೋ॒ ವ್ಯೃ᳚ಣ್ವ॒ನ್ನವ᳚‌ನ್ತ॒ ವಿಶ್ವೇ॒ ಸ್ವ1॒॑ರ್ದೃಶೀ᳚ಕೇ || 1.69.10

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ದ್ವಿಪದಾ ವಿರಾಟ್ ಛಂದಃ

ವ॒ನೇಮ॑ ಪೂ॒ರ್ವೀರ॒ರ್ಯೋ ಮ॑ನೀ॒ಷಾ ಅ॒ಗ್ನಿಃ ಸು॒ಶೋಕೋ॒ ವಿಶ್ವಾ᳚ನ್ಯಶ್ಯಾಃ || 1.70.1
ಆ ದೈವ್ಯಾ᳚ನಿ ವ್ರ॒ತಾ ಚಿ॑ಕಿ॒ತ್ವಾನಾ ಮಾನು॑ಷಸ್ಯ॒ ಜನ॑ಸ್ಯ॒ ಜನ್ಮ॑ || 1.70.2
ಗರ್ಭೋ॒ ಯೋ ಅ॒ಪಾಂ ಗರ್ಭೋ॒ ವನಾ᳚ನಾಂ॒ ಗರ್ಭ॑ಶ್ಚ ಸ್ಥಾ॒ತಾಂ ಗರ್ಭ॑ಶ್ಚ॒ರಥಾ᳚‌ಮ್ || 1.70.3
ಅದ್ರೌ᳚ ಚಿದಸ್ಮಾ ಅ॒‌ನ್ತರ್ದು॑ರೋ॒ಣೇ ವಿ॒ಶಾಂ ನ ವಿಶ್ವೋ᳚ ಅ॒ಮೃತಃ॑ ಸ್ವಾ॒ಧೀಃ || 1.70.4
ಸ ಹಿ ಕ್ಷ॒ಪಾವಾಁ᳚ ಅ॒ಗ್ನೀ ರ॑ಯೀ॒ಣಾಂ ದಾಶ॒ದ್ಯೋ ಅ॑ಸ್ಮಾ॒ ಅರಂ᳚ ಸೂ॒ಕ್ತೈಃ || 1.70.5
ಏ॒ತಾ ಚಿ॑ಕಿತ್ವೋ॒ ಭೂಮಾ॒ ನಿ ಪಾ᳚ಹಿ ದೇ॒ವಾನಾಂ॒ ಜನ್ಮ॒ ಮರ್ತಾಁ᳚ಶ್ಚ ವಿ॒ದ್ವಾನ್ || 1.70.6
ವರ್ಧಾ॒ನ್ಯಂ ಪೂ॒ರ್ವೀಃ ಕ್ಷ॒ಪೋ ವಿರೂ᳚ಪಾಃ ಸ್ಥಾ॒ತುಶ್ಚ॒ ರಥ॑ಮೃ॒ತಪ್ರ॑ವೀತ‌ಮ್ || 1.70.7
ಅರಾ᳚ಧಿ॒ ಹೋತಾ॒ ಸ್ವ1॒᳚ರ್ನಿಷ॑ತ್ತಃ ಕೃ॒ಣ್ವನ್ ವಿಶ್ವಾ॒ನ್ಯಪಾಂ᳚ಸಿ ಸ॒ತ್ಯಾ || 1.70.8
ಗೋಷು॒ ಪ್ರಶ॑ಸ್ತಿಂ॒ ವನೇ᳚ಷು ಧಿಷೇ॒ ಭರ᳚‌ನ್ತ॒ ವಿಶ್ವೇ᳚ ಬ॒ಲಿಂ ಸ್ವ᳚ರ್ಣಃ || 1.70.9
ವಿ ತ್ವಾ॒ ನರಃ॑ ಪುರು॒ತ್ರಾ ಸ॑ಪರ್ಯನ್ಪಿ॒ತುರ್ನ ಜಿವ್ರೇ॒ರ್ವಿ ವೇದೋ᳚ ಭರ‌ನ್ತ || 1.70.10
ಸಾ॒ಧುರ್ನ ಗೃ॒ಧ್ನುರಸ್ತೇ᳚ವ॒ ಶೂರೋ॒ ಯಾತೇ᳚ವ ಭೀ॒ಮಸ್ತ್ವೇ॒ಷಃ ಸ॒ಮತ್ಸು॑ || 1.70.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಉಪ॒ ಪ್ರ ಜಿ᳚ನ್ವನ್ನುಶ॒ತೀರು॒ಶ‌ನ್ತಂ॒ ಪತಿಂ॒ ನ ನಿತ್ಯಂ॒ ಜನ॑ಯಃ॒ ಸನೀ᳚ಳಾಃ |
ಸ್ವಸಾ᳚ರಃ॒ ಶ್ಯಾವೀ॒ಮರು॑ಷೀಮಜುಷ್ರಂಚಿ॒ತ್ರಮು॒ಚ್ಛ‌ನ್ತೀ᳚ಮು॒ಷಸಂ॒ ನ ಗಾವಃ॑ || 1.71.1
ವೀ॒ಳು ಚಿ॑ದ್ದೃ॒ಳ್ಹಾ ಪಿ॒ತರೋ᳚ ನ ಉ॒ಕ್ಥೈರದ್ರಿಂ᳚ ರುಜ॒ನ್ನಂಗಿ॑ರಸೋ॒ ರವೇ᳚ಣ |
ಚ॒ಕ್ರುರ್ದಿ॒ವೋ ಬೃ॑ಹ॒ತೋ ಗಾ॒ತುಮ॒ಸ್ಮೇ ಅಹಃ॒ ಸ್ವ᳚ರ್ವಿವಿದುಃ ಕೇ॒ತುಮು॒ಸ್ರಾಃ || 1.71.2
ದಧ᳚ನ್ನೃ॒ತಂ ಧ॒ನಯ᳚ನ್ನಸ್ಯ ಧೀ॒ತಿಮಾದಿದ॒ರ್ಯೋ ದಿ॑ಧಿ॒ಷ್ವೋ॒3॒॑ ವಿಭೃ॑ತ್ರಾಃ |
ಅತೃ॑ಷ್ಯ‌ನ್ತೀರ॒ಪಸೋ᳚ ಯ॒‌ನ್ತ್ಯಚ್ಛಾ᳚ ದೇ॒ವಾಂಜನ್ಮ॒ ಪ್ರಯ॑ಸಾ ವ॒ರ್ಧಯ᳚‌ನ್ತೀಃ || 1.71.3
ಮಥೀ॒ದ್ಯದೀಂ॒ ವಿಭೃ॑ತೋ ಮಾತ॒ರಿಶ್ವಾ᳚ ಗೃ॒ಹೇಗೃ॑ಹೇ ಶ್ಯೇ॒ತೋ ಜೇನ್ಯೋ॒ ಭೂತ್ |
ಆದೀಂ॒ ರಾಜ್ಞೇ॒ ನ ಸಹೀ᳚ಯಸೇ॒ ಸಚಾ॒ ಸನ್ನಾ ದೂ॒ತ್ಯ1॒॑ ಅಂಭೃಗ॑ವಾಣೋ ವಿವಾಯ || 1.71.4
ಮ॒ಹೇ ಯತ್ಪಿ॒ತ್ರ ಈಂ॒ ರಸಂ᳚ ದಿ॒ವೇ ಕರವ॑ ತ್ಸರತ್ಪೃಶ॒ನ್ಯ॑ಶ್ಚಿಕಿ॒ತ್ವಾನ್ |
ಸೃ॒ಜದಸ್ತಾ᳚ ಧೃಷ॒ತಾ ದಿ॒ದ್ಯುಮ॑ಸ್ಮೈ॒ ಸ್ವಾಯಾಂ᳚ ದೇ॒ವೋ ದು॑ಹಿ॒ತರಿ॒ ತ್ವಿಷಿಂ᳚ ಧಾತ್ || 1.71.5
ಸ್ವ ಆ ಯಸ್ತುಭ್ಯಂ॒ ದಮ॒ ಆ ವಿ॒ಭಾತಿ॒ ನಮೋ᳚ ವಾ॒ ದಾಶಾ᳚ದುಶ॒ತೋ ಅನು॒ ದ್ಯೂನ್ |
ವರ್ಧೋ᳚ ಅಗ್ನೇ॒ ವಯೋ᳚ ಅಸ್ಯ ದ್ವಿ॒ಬರ್ಹಾ॒ ಯಾಸ॑ದ್ರಾ॒ಯಾ ಸ॒ರಥಂ॒ ಯಂ ಜು॒ನಾಸಿ॑ || 1.71.6
ಅ॒ಗ್ನಿಂ ವಿಶ್ವಾ᳚ ಅ॒ಭಿ ಪೃಕ್ಷಃ॑ ಸಚ‌ನ್ತೇ ಸಮು॒ದ್ರಂ ನ ಸ್ರ॒ವತಃ॑ ಸ॒ಪ್ತ ಯ॒ಹ್ವೀಃ |
ನ ಜಾ॒ಮಿಭಿ॒ರ್ವಿ ಚಿ॑ಕಿತೇ॒ ವಯೋ᳚ ನೋ ವಿ॒ದಾ ದೇ॒ವೇಷು॒ ಪ್ರಮ॑ತಿಂ ಚಿಕಿ॒ತ್ವಾನ್ || 1.71.7
ಆ ಯದಿ॒ಷೇ ನೃ॒ಪತಿಂ॒ ತೇಜ॒ ಆನ॒ಟ್ ಛುಚಿ॒ ರೇತೋ॒ ನಿಷಿ॑ಕ್ತಂ॒ ದ್ಯೌರ॒ಭೀಕೇ᳚ |
ಅ॒ಗ್ನಿಃ ಶರ್ಧ॑ಮನವ॒ದ್ಯಂ ಯುವಾ᳚ನಂ ಸ್ವಾ॒ಧ್ಯಂ᳚ ಜನಯತ್ಸೂ॒ದಯ॑ಚ್ಚ || 1.71.8
ಮನೋ॒ ನ ಯೋಽಧ್ವ॑ನಃ ಸ॒ದ್ಯ ಏತ್ಯೇಕಃ॑ ಸ॒ತ್ರಾ ಸೂರೋ॒ ವಸ್ವ॑ ಈಶೇ |
ರಾಜಾ᳚ನಾ ಮಿ॒ತ್ರಾವರು॑ಣಾ ಸುಪಾ॒ಣೀ ಗೋಷು॑ ಪ್ರಿ॒ಯಮ॒ಮೃತಂ॒ ರಕ್ಷ॑ಮಾಣಾ || 1.71.9
ಮಾ ನೋ᳚ ಅಗ್ನೇ ಸ॒ಖ್ಯಾ ಪಿತ್ರ್ಯಾ᳚ಣಿ॒ ಪ್ರ ಮ॑ರ್ಷಿಷ್ಠಾ ಅ॒ಭಿ ವಿ॒ದುಷ್ಕ॒ವಿಃ ಸನ್ |
ನಭೋ॒ ನ ರೂ॒ಪಂ ಜ॑ರಿ॒ಮಾ ಮಿ॑ನಾತಿ ಪು॒ರಾ ತಸ್ಯಾ᳚ ಅ॒ಭಿಶ॑ಸ್ತೇ॒ರಧೀ᳚ಹಿ || 1.71.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ನಿ ಕಾವ್ಯಾ᳚ ವೇ॒ಧಸಃ॒ ಶಶ್ವ॑ತಸ್ಕ॒ರ್ಹಸ್ತೇ॒ ದಧಾ᳚ನೋ॒ ನರ್ಯಾ᳚ ಪು॒ರೂಣಿ॑ |
ಅ॒ಗ್ನಿರ್ಭು॑ವದ್ರಯಿ॒ಪತೀ᳚ ರಯೀ॒ಣಾಂ ಸ॒ತ್ರಾ ಚ॑ಕ್ರಾ॒ಣೋ ಅ॒ಮೃತಾ᳚ನಿ॒ ವಿಶ್ವಾ᳚ || 1.72.1
ಅ॒ಸ್ಮೇ ವ॒ತ್ಸಂ ಪರಿ॒ ಷ‌ನ್ತಂ॒ ನ ವಿಂ᳚ದನ್ನಿ॒ಚ್ಛ‌ನ್ತೋ॒ ವಿಶ್ವೇ᳚ ಅ॒ಮೃತಾ॒ ಅಮೂ᳚ರಾಃ |
ಶ್ರ॒ಮ॒ಯುವಃ॑ ಪದ॒ವ್ಯೋ᳚ ಧಿಯಂ॒ಧಾಸ್ತ॒ಸ್ಥುಃ ಪ॒ದೇ ಪ॑ರ॒ಮೇ ಚಾರ್ವ॒ಗ್ನೇಃ || 1.72.2
ತಿ॒ಸ್ರೋ ಯದ॑ಗ್ನೇ ಶ॒ರದ॒ಸ್ತ್ವಾಮಿಚ್ಛುಚಿಂ᳚ ಘೃ॒ತೇನ॒ ಶುಚ॑ಯಃ ಸಪ॒ರ್ಯಾನ್ |
ನಾಮಾ᳚ನಿ ಚಿದ್ದಧಿರೇ ಯ॒ಜ್ಞಿಯಾ॒ನ್ಯಸೂ᳚ದಯ‌ನ್ತ ತ॒ನ್ವ1॒ಃ॑ ಸುಜಾ᳚ತಾಃ || 1.72.3
ಆ ರೋದ॑ಸೀ ಬೃಹ॒ತೀ ವೇವಿ॑ದಾನಾಃ॒ ಪ್ರ ರು॒ದ್ರಿಯಾ᳚ ಜಭ್ರಿರೇ ಯ॒ಜ್ಞಿಯಾ᳚ಸಃ |
ವಿ॒ದನ್ಮರ್ತೋ᳚ ನೇ॒ಮಧಿ॑ತಾ ಚಿಕಿ॒ತ್ವಾನ॒ಗ್ನಿಂ ಪ॒ದೇ ಪ॑ರ॒ಮೇ ತ॑ಸ್ಥಿ॒ವಾಂಸ‌ಮ್᳚ || 1.72.4
ಸಂ॒ಜಾ॒ನಾ॒ನಾ ಉಪ॑ ಸೀದನ್ನಭಿ॒ಜ್ಞು ಪತ್ನೀ᳚ವ‌ನ್ತೋ ನಮ॒ಸ್ಯಂ᳚ ನಮಸ್ಯನ್ |
ರಿ॒ರಿ॒ಕ್ವಾಂಸ॑ಸ್ತ॒ನ್ವಃ॑ ಕೃಣ್ವತ॒ ಸ್ವಾಃ ಸಖಾ॒ ಸಖ್ಯು᳚ರ್ನಿ॒ಮಿಷಿ॒ ರಕ್ಷ॑ಮಾಣಾಃ || 1.72.5
ತ್ರಿಃ ಸ॒ಪ್ತ ಯದ್ಗುಹ್ಯಾ᳚ನಿ॒ ತ್ವೇ ಇತ್ಪ॒ದಾವಿ॑ದ॒ನ್ನಿಹಿ॑ತಾ ಯ॒ಜ್ಞಿಯಾ᳚ಸಃ |
ತೇಭೀ᳚ ರಕ್ಷ‌ನ್ತೇ ಅ॒ಮೃತಂ᳚ ಸ॒ಜೋಷಾಃ᳚ ಪ॒ಶೂಂಚ॑ ಸ್ಥಾ॒ತೄಂಚ॒ರಥಂ᳚ ಚ ಪಾಹಿ || 1.72.6
ವಿ॒ದ್ವಾಁ ಅ॑ಗ್ನೇ ವ॒ಯುನಾ᳚ನಿ ಕ್ಷಿತೀ॒ನಾಂ ವ್ಯಾ᳚ನು॒ಷಕ್ಛು॒ರುಧೋ᳚ ಜೀ॒ವಸೇ᳚ ಧಾಃ |
ಅ॒‌ನ್ತ॒ರ್ವಿ॒ದ್ವಾಁ ಅಧ್ವ॑ನೋ ದೇವ॒ಯಾನಾ॒ನತಂ᳚ದ್ರೋ ದೂ॒ತೋ ಅ॑ಭವೋ ಹವಿ॒ರ್ವಾಟ್ || 1.72.7
ಸ್ವಾ॒ಧ್ಯೋ᳚ ದಿ॒ವ ಆ ಸ॒ಪ್ತ ಯ॒ಹ್ವೀ ರಾ॒ಯೋ ದುರೋ॒ ವ್ಯೃ॑ತ॒ಜ್ಞಾ ಅ॑ಜಾನನ್ |
ವಿ॒ದದ್ಗವ್ಯಂ᳚ ಸ॒ರಮಾ᳚ ದೃ॒ಳ್ಹಮೂ॒ರ್ವಂ ಯೇನಾ॒ ನು ಕಂ॒ ಮಾನು॑ಷೀ॒ ಭೋಜ॑ತೇ॒ ವಿಟ್ || 1.72.8
ಆ ಯೇ ವಿಶ್ವಾ᳚ ಸ್ವಪ॒ತ್ಯಾನಿ॑ ತ॒ಸ್ಥುಃ ಕೃ᳚ಣ್ವಾ॒ನಾಸೋ᳚ ಅಮೃತ॒ತ್ವಾಯ॑ ಗಾ॒ತು‌ಮ್ |
ಮ॒ಹ್ನಾ ಮ॒ಹದ್ಭಿಃ॑ ಪೃಥಿ॒ವೀ ವಿ ತ॑ಸ್ಥೇ ಮಾ॒ತಾ ಪು॒ತ್ರೈರದಿ॑ತಿ॒ರ್ಧಾಯ॑ಸೇ॒ ವೇಃ || 1.72.9
ಅಧಿ॒ ಶ್ರಿಯಂ॒ ನಿ ದ॑ಧು॒ಶ್ಚಾರು॑ಮಸ್ಮಿಂದಿ॒ವೋ ಯದ॒ಕ್ಷೀ ಅ॒ಮೃತಾ॒ ಅಕೃ᳚ಣ್ವನ್ |
ಅಧ॑ ಕ್ಷರ‌ನ್ತಿ॒ ಸಿಂಧ॑ವೋ॒ ನ ಸೃ॒ಷ್ಟಾಃ ಪ್ರ ನೀಚೀ᳚ರಗ್ನೇ॒ ಅರು॑ಷೀರಜಾನನ್ || 1.72.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ರ॒ಯಿರ್ನ ಯಃ ಪಿ॑ತೃವಿ॒ತ್ತೋ ವ॑ಯೋ॒ಧಾಃ ಸು॒ಪ್ರಣೀ᳚ತಿಶ್ಚಿಕಿ॒ತುಷೋ॒ ನ ಶಾಸುಃ॑ |
ಸ್ಯೋ॒ನ॒ಶೀರತಿ॑ಥಿ॒ರ್ನ ಪ್ರೀ᳚ಣಾ॒ನೋ ಹೋತೇ᳚ವ॒ ಸದ್ಮ॑ ವಿಧ॒ತೋ ವಿ ತಾ᳚ರೀತ್ || 1.73.1
ದೇ॒ವೋ ನ ಯಃ ಸ॑ವಿ॒ತಾ ಸ॒ತ್ಯಮ᳚ನ್ಮಾ॒ ಕ್ರತ್ವಾ᳚ ನಿ॒ಪಾತಿ॑ ವೃ॒ಜನಾ᳚ನಿ॒ ವಿಶ್ವಾ᳚ |
ಪು॒ರು॒ಪ್ರ॒ಶ॒ಸ್ತೋ ಅ॒ಮತಿ॒ರ್ನ ಸ॒ತ್ಯ ಆ॒ತ್ಮೇವ॒ ಶೇವೋ᳚ ದಿಧಿ॒ಷಾಯ್ಯೋ᳚ ಭೂತ್ || 1.73.2
ದೇ॒ವೋ ನ ಯಃ ಪೃ॑ಥಿ॒ವೀಂ ವಿ॒ಶ್ವಧಾ᳚ಯಾ ಉಪ॒ಕ್ಷೇತಿ॑ ಹಿ॒ತಮಿ॑ತ್ರೋ॒ ನ ರಾಜಾ᳚ |
ಪು॒ರಃ॒ಸದಃ॑ ಶರ್ಮ॒ಸದೋ॒ ನ ವೀ॒ರಾ ಅ॑ನವ॒ದ್ಯಾ ಪತಿ॑ಜುಷ್ಟೇವ॒ ನಾರೀ᳚ || 1.73.3
ತಂ ತ್ವಾ॒ ನರೋ॒ ದಮ॒ ಆ ನಿತ್ಯ॑ಮಿ॒ದ್ಧಮಗ್ನೇ॒ ಸಚ᳚‌ನ್ತ ಕ್ಷಿ॒ತಿಷು॑ ಧ್ರು॒ವಾಸು॑ |
ಅಧಿ॑ ದ್ಯು॒ಮ್ನಂ ನಿ ದ॑ಧು॒ರ್ಭೂರ್ಯ॑ಸ್ಮಿ॒ನ್ಭವಾ᳚ ವಿ॒ಶ್ವಾಯು॑ರ್ಧ॒ರುಣೋ᳚ ರಯೀ॒ಣಾ‌ಮ್ || 1.73.4
ವಿ ಪೃಕ್ಷೋ᳚ ಅಗ್ನೇ ಮ॒ಘವಾ᳚ನೋ ಅಶ್ಯು॒ರ್ವಿ ಸೂ॒ರಯೋ॒ ದದ॑ತೋ॒ ವಿಶ್ವ॒ಮಾಯುಃ॑ |
ಸ॒ನೇಮ॒ ವಾಜಂ᳚ ಸಮಿ॒ಥೇಷ್ವ॒ರ್ಯೋ ಭಾ॒ಗಂ ದೇ॒ವೇಷು॒ ಶ್ರವ॑ಸೇ॒ ದಧಾ᳚ನಾಃ || 1.73.5
ಋ॒ತಸ್ಯ॒ ಹಿ ಧೇ॒ನವೋ᳚ ವಾವಶಾ॒ನಾಃ ಸ್ಮದೂ᳚ಧ್ನೀಃ ಪೀ॒ಪಯ᳚‌ನ್ತ॒ ದ್ಯುಭ॑ಕ್ತಾಃ |
ಪ॒ರಾ॒ವತಃ॑ ಸುಮ॒ತಿಂ ಭಿಕ್ಷ॑ಮಾಣಾ॒ ವಿ ಸಿಂಧ॑ವಃ ಸ॒ಮಯಾ᳚ ಸಸ್ರು॒ರದ್ರಿ‌ಮ್᳚ || 1.73.6
ತ್ವೇ ಅ॑ಗ್ನೇ ಸುಮ॒ತಿಂ ಭಿಕ್ಷ॑ಮಾಣಾ ದಿ॒ವಿ ಶ್ರವೋ᳚ ದಧಿರೇ ಯ॒ಜ್ಞಿಯಾ᳚ಸಃ |
ನಕ್ತಾ᳚ ಚ ಚ॒ಕ್ರುರು॒ಷಸಾ॒ ವಿರೂ᳚ಪೇ ಕೃ॒ಷ್ಣಂ ಚ॒ ವರ್ಣ॑ಮರು॒ಣಂ ಚ॒ ಸಂ ಧುಃ॑ || 1.73.7
ಯಾನ್ರಾ॒ಯೇ ಮರ್ತಾ॒‌ನ್ತ್ಸುಷೂ᳚ದೋ ಅಗ್ನೇ॒ ತೇ ಸ್ಯಾ᳚ಮ ಮ॒ಘವಾ᳚ನೋ ವ॒ಯಂ ಚ॑ |
ಛಾ॒ಯೇವ॒ ವಿಶ್ವಂ॒ ಭುವ॑ನಂ ಸಿಸಕ್ಷ್ಯಾಪಪ್ರಿ॒ವಾನ್ರೋದ॑ಸೀ ಅ॒‌ನ್ತರಿ॑ಕ್ಷ‌ಮ್ || 1.73.8
ಅರ್ವ॑ದ್ಭಿರಗ್ನೇ॒ ಅರ್ವ॑ತೋ॒ ನೃಭಿ॒ರ್ನೄನ್ ವೀ॒ರೈರ್ವೀ॒ರಾನ್ ವ॑ನುಯಾಮಾ॒ ತ್ವೋತಾಃ᳚ |
ಈ॒ಶಾ॒ನಾಸಃ॑ ಪಿತೃವಿ॒ತ್ತಸ್ಯ॑ ರಾ॒ಯೋ ವಿ ಸೂ॒ರಯಃ॑ ಶ॒ತಹಿ॑ಮಾ ನೋ ಅಶ್ಯುಃ || 1.73.9
ಏ॒ತಾ ತೇ᳚ ಅಗ್ನ ಉ॒ಚಥಾ᳚ನಿ ವೇಧೋ॒ ಜುಷ್ಟಾ᳚ನಿ ಸ‌ನ್ತು॒ ಮನ॑ಸೇ ಹೃ॒ದೇ ಚ॑ |
ಶ॒ಕೇಮ॑ ರಾ॒ಯಃ ಸು॒ಧುರೋ॒ ಯಮಂ॒ ತೇಽಧಿ॒ ಶ್ರವೋ᳚ ದೇ॒ವಭ॑ಕ್ತಂ॒ ದಧಾ᳚ನಾಃ || 1.73.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಅಗ್ನಿರ್ದೇವತಾ,ಗಾಯತ್ರೀ ಛಂದಃ

ಉ॒ಪ॒ಪ್ರ॒ಯ‌ನ್ತೋ᳚ ಅಧ್ವ॒ರಂ ಮ‌ನ್ತ್ರಂ᳚ ವೋಚೇಮಾ॒ಗ್ನಯೇ᳚ |
ಆ॒ರೇ ಅ॒ಸ್ಮೇ ಚ॑ ಶೃಣ್ವ॒ತೇ || 1.74.1
ಯಃ ಸ್ನೀಹಿ॑ತೀಷು ಪೂ॒ರ್ವ್ಯಃ ಸಂ᳚ಜಗ್ಮಾ॒ನಾಸು॑ ಕೃ॒ಷ್ಟಿಷು॑ |
ಅರ॑ಕ್ಷದ್ದಾ॒ಶುಷೇ॒ ಗಯ‌ಮ್᳚ || 1.74.2
ಉ॒ತ ಬ್ರು॑ವ‌ನ್ತು ಜ॒‌ನ್ತವ॒ ಉದ॒ಗ್ನಿರ್ವೃ॑ತ್ರ॒ಹಾಜ॑ನಿ |
ಧ॒ನಂ॒ಜ॒ಯೋ ರಣೇ᳚ರಣೇ || 1.74.3
ಯಸ್ಯ॑ ದೂ॒ತೋ ಅಸಿ॒ ಕ್ಷಯೇ॒ ವೇಷಿ॑ ಹ॒ವ್ಯಾನಿ॑ ವೀ॒ತಯೇ᳚ |
ದ॒ಸ್ಮತ್ಕೃ॒ಣೋಷ್ಯ॑ಧ್ವ॒ರ‌ಮ್ || 1.74.4
ತಮಿತ್ಸು॑ಹ॒ವ್ಯಮಂ᳚ಗಿರಃ ಸುದೇ॒ವಂ ಸ॑ಹಸೋ ಯಹೋ |
ಜನಾ᳚ ಆಹುಃ ಸುಬ॒ರ್ಹಿಷ‌ಮ್᳚ || 1.74.5
ಆ ಚ॒ ವಹಾ᳚ಸಿ॒ ತಾಁ ಇ॒ಹ ದೇ॒ವಾಁ ಉಪ॒ ಪ್ರಶ॑ಸ್ತಯೇ |
ಹ॒ವ್ಯಾ ಸು॑ಶ್ಚಂದ್ರ ವೀ॒ತಯೇ᳚ || 1.74.6
ನ ಯೋರು॑ಪ॒ಬ್ದಿರಶ್ವ್ಯಃ॑ ಶೃ॒ಣ್ವೇ ರಥ॑ಸ್ಯ॒ ಕಚ್ಚ॒ನ |
ಯದ॑ಗ್ನೇ॒ ಯಾಸಿ॑ ದೂ॒ತ್ಯ‌ಮ್᳚ || 1.74.7
ತ್ವೋತೋ᳚ ವಾ॒ಜ್ಯಹ್ರ॑ಯೋ॒ಽಭಿ ಪೂರ್ವ॑ಸ್ಮಾ॒ದಪ॑ರಃ |
ಪ್ರ ದಾ॒ಶ್ವಾಁ ಅ॑ಗ್ನೇ ಅಸ್ಥಾತ್ || 1.74.8
ಉ॒ತ ದ್ಯು॒ಮತ್ಸು॒ವೀರ್ಯಂ᳚ ಬೃ॒ಹದ॑ಗ್ನೇ ವಿವಾಸಸಿ |
ದೇ॒ವೇಭ್ಯೋ᳚ ದೇವ ದಾ॒ಶುಷೇ᳚ || 1.74.9

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಅಗ್ನಿರ್ದೇವತಾ,ಗಾಯತ್ರೀ ಛಂದಃ

ಜು॒ಷಸ್ವ॑ ಸ॒ಪ್ರಥ॑ಸ್ತಮಂ॒ ವಚೋ᳚ ದೇ॒ವಪ್ಸ॑ರಸ್ತಮ‌ಮ್ |
ಹ॒ವ್ಯಾ ಜುಹ್ವಾ᳚ನ ಆ॒ಸನಿ॑ || 1.75.1
ಅಥಾ᳚ ತೇ ಅಂಗಿರಸ್ತ॒ಮಾಗ್ನೇ᳚ ವೇಧಸ್ತಮ ಪ್ರಿ॒ಯ‌ಮ್ |
ವೋ॒ಚೇಮ॒ ಬ್ರಹ್ಮ॑ ಸಾನ॒ಸಿ || 1.75.2
ಕಸ್ತೇ᳚ ಜಾ॒ಮಿರ್ಜನಾ᳚ನಾ॒ಮಗ್ನೇ॒ ಕೋ ದಾ॒ಶ್ವ॑ಧ್ವರಃ |
ಕೋ ಹ॒ ಕಸ್ಮಿ᳚ನ್ನಸಿ ಶ್ರಿ॒ತಃ || 1.75.3
ತ್ವಂ ಜಾ॒ಮಿರ್ಜನಾ᳚ನಾ॒ಮಗ್ನೇ᳚ ಮಿ॒ತ್ರೋ ಅ॑ಸಿ ಪ್ರಿ॒ಯಃ |
ಸಖಾ॒ ಸಖಿ॑ಭ್ಯ॒ ಈಡ್ಯಃ॑ || 1.75.4
ಯಜಾ᳚ ನೋ ಮಿ॒ತ್ರಾವರು॑ಣಾ॒ ಯಜಾ᳚ ದೇ॒ವಾಁ ಋ॒ತಂ ಬೃ॒ಹತ್ |
ಅಗ್ನೇ॒ ಯಕ್ಷಿ॒ ಸ್ವಂ ದಮ‌ಮ್᳚ || 1.75.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಕಾ ತ॒ ಉಪೇ᳚ತಿ॒ರ್ಮನ॑ಸೋ॒ ವರಾ᳚ಯ॒ ಭುವ॑ದಗ್ನೇ॒ ಶಂತ॑ಮಾ॒ ಕಾ ಮ॑ನೀ॒ಷಾ |
ಕೋ ವಾ᳚ ಯ॒ಜ್ಞೈಃ ಪರಿ॒ ದಕ್ಷಂ᳚ ತ ಆಪ॒ ಕೇನ॑ ವಾ ತೇ॒ ಮನ॑ಸಾ ದಾಶೇಮ || 1.76.1
ಏಹ್ಯ॑ಗ್ನ ಇ॒ಹ ಹೋತಾ॒ ನಿ ಷೀ॒ದಾದ॑ಬ್ಧಃ॒ ಸು ಪು॑ರಏ॒ತಾ ಭ॑ವಾ ನಃ |
ಅವ॑ತಾಂ ತ್ವಾ॒ ರೋದ॑ಸೀ ವಿಶ್ವಮಿ॒ನ್ವೇ ಯಜಾ᳚ ಮ॒ಹೇ ಸೌ᳚ಮನ॒ಸಾಯ॑ ದೇ॒ವಾನ್ || 1.76.2
ಪ್ರ ಸು ವಿಶ್ವಾ᳚ನ್ರ॒ಕ್ಷಸೋ॒ ಧಕ್ಷ್ಯ॑ಗ್ನೇ॒ ಭವಾ᳚ ಯ॒ಜ್ಞಾನಾ᳚ಮಭಿಶಸ್ತಿ॒ಪಾವಾ᳚ |
ಅಥಾ ವ॑ಹ॒ ಸೋಮ॑ಪತಿಂ॒ ಹರಿ॑ಭ್ಯಾಮಾತಿ॒ಥ್ಯಮ॑ಸ್ಮೈ ಚಕೃಮಾ ಸು॒ದಾವ್ನೇ᳚ || 1.76.3
ಪ್ರ॒ಜಾವ॑ತಾ॒ ವಚ॑ಸಾ॒ ವಹ್ನಿ॑ರಾ॒ಸಾ ಚ॑ ಹು॒ವೇ ನಿ ಚ॑ ಸತ್ಸೀ॒ಹ ದೇ॒ವೈಃ |
ವೇಷಿ॑ ಹೋ॒ತ್ರಮು॒ತ ಪೋ॒ತ್ರಂ ಯ॑ಜತ್ರ ಬೋ॒ಧಿ ಪ್ರ॑ಯ‌ನ್ತರ್ಜನಿತ॒ರ್ವಸೂ᳚ನಾ‌ಮ್ || 1.76.4
ಯಥಾ॒ ವಿಪ್ರ॑ಸ್ಯ॒ ಮನು॑ಷೋ ಹ॒ವಿರ್ಭಿ॑ರ್ದೇ॒ವಾಁ ಅಯ॑ಜಃ ಕ॒ವಿಭಿಃ॑ ಕ॒ವಿಃ ಸನ್ |
ಏ॒ವಾ ಹೋ᳚ತಃ ಸತ್ಯತರ॒ ತ್ವಮ॒ದ್ಯಾಗ್ನೇ᳚ ಮಂ॒ದ್ರಯಾ᳚ ಜು॒ಹ್ವಾ᳚ ಯಜಸ್ವ || 1.76.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ಕ॒ಥಾ ದಾ᳚ಶೇಮಾ॒ಗ್ನಯೇ॒ ಕಾಸ್ಮೈ᳚ ದೇ॒ವಜು॑ಷ್ಟೋಚ್ಯತೇ ಭಾ॒ಮಿನೇ॒ ಗೀಃ |
ಯೋ ಮರ್ತ್ಯೇ᳚ಷ್ವ॒ಮೃತ॑ ಋ॒ತಾವಾ॒ ಹೋತಾ॒ ಯಜಿ॑ಷ್ಠ॒ ಇತ್ಕೃ॒ಣೋತಿ॑ ದೇ॒ವಾನ್ || 1.77.1
ಯೋ ಅ॑ಧ್ವ॒ರೇಷು॒ ಶಂತ॑ಮ ಋ॒ತಾವಾ॒ ಹೋತಾ॒ ತಮೂ॒ ನಮೋ᳚ಭಿ॒ರಾ ಕೃ॑ಣುಧ್ವ‌ಮ್ |
ಅ॒ಗ್ನಿರ್ಯದ್ವೇರ್ಮರ್ತಾ᳚ಯ ದೇ॒ವಾ‌‌ನ್ತ್ಸ ಚಾ॒ ಬೋಧಾ᳚ತಿ॒ ಮನ॑ಸಾ ಯಜಾತಿ || 1.77.2
ಸ ಹಿ ಕ್ರತುಃ॒ ಸ ಮರ್ಯಃ॒ ಸ ಸಾ॒ಧುರ್ಮಿ॒ತ್ರೋ ನ ಭೂ॒ದದ್ಭು॑ತಸ್ಯ ರ॒ಥೀಃ |
ತಂ ಮೇಧೇ᳚ಷು ಪ್ರಥ॒ಮಂ ದೇ᳚ವ॒ಯ‌ನ್ತೀ॒ರ್ವಿಶ॒ ಉಪ॑ ಬ್ರುವತೇ ದ॒ಸ್ಮಮಾರೀಃ᳚ || 1.77.3
ಸ ನೋ᳚ ನೃ॒ಣಾಂ ನೃತ॑ಮೋ ರಿ॒ಶಾದಾ᳚ ಅ॒ಗ್ನಿರ್ಗಿರೋಽವ॑ಸಾ ವೇತು ಧೀ॒ತಿ‌ಮ್ |
ತನಾ᳚ ಚ॒ ಯೇ ಮ॒ಘವಾ᳚ನಃ॒ ಶವಿ॑ಷ್ಠಾ॒ ವಾಜ॑ಪ್ರಸೂತಾ ಇ॒ಷಯ᳚‌ನ್ತ॒ ಮನ್ಮ॑ || 1.77.4
ಏ॒ವಾಗ್ನಿರ್ಗೋತ॑ಮೇಭಿರ್‌ಋ॒ತಾವಾ॒ ವಿಪ್ರೇ᳚ಭಿರಸ್ತೋಷ್ಟ ಜಾ॒ತವೇ᳚ದಾಃ |
ಸ ಏ᳚ಷು ದ್ಯು॒ಮ್ನಂ ಪೀ᳚ಪಯ॒ತ್ಸ ವಾಜಂ॒ ಸ ಪು॒ಷ್ಟಿಂ ಯಾ᳚ತಿ॒ ಜೋಷ॒ಮಾ ಚಿ॑ಕಿ॒ತ್ವಾನ್ || 1.77.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಅಗ್ನಿದೇವತಾ ಗಾಯತ್ರೀ ಛಂದಃ

ಅ॒ಭಿ ತ್ವಾ॒ ಗೋತ॑ಮಾ ಗಿ॒ರಾ ಜಾತ॑ವೇದೋ॒ ವಿಚ॑ರ್ಷಣೇ |
ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ || 1.78.1
ತಮು॑ ತ್ವಾ॒ ಗೋತ॑ಮೋ ಗಿ॒ರಾ ರಾ॒ಯಸ್ಕಾ᳚ಮೋ ದುವಸ್ಯತಿ |
ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ || 1.78.2
ತಮು॑ ತ್ವಾ ವಾಜ॒ಸಾತ॑ಮಮಂಗಿರ॒ಸ್ವದ್ಧ॑ವಾಮಹೇ |
ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ || 1.78.3
ತಮು॑ ತ್ವಾ ವೃತ್ರ॒ಹ‌ನ್ತ॑ಮಂ॒ ಯೋ ದಸ್ಯೂಁ᳚ರವಧೂನು॒ಷೇ |
ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ || 1.78.4
ಅವೋ᳚ಚಾಮ॒ ರಹೂ᳚ಗಣಾ ಅ॒ಗ್ನಯೇ॒ ಮಧು॑ಮ॒ದ್ವಚಃ॑ |
ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ || 1.78.5

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ (1-3) ಪ್ರಥಮತೃಚಸ್ಯಾಗ್ನಿಮಧ್ಯಮೋಽಗ್ನಿರ್ವಾ (4-12) ಚತುರ್ಥ್ಯಾದಿನವರ್ಚಾಂಚಾಗ್ನಿದೇವತಾ, (1-3) ಪ್ರಥಮತೃಚಸ್ಯ ತ್ರಿಷ್ಟುಪ್ (4-6) ದ್ವಿತೀಯತೃಚಸ್ಯೋಷ್ಣಿಕ್ (7-12) ತೃತೀಯಚತುರ್ಥತ್ರಚಯೋಶ್ಚ ಗಾಯತ್ರೀ ಛಂದಾಂಸಿ

ಹಿರ᳚ಣ್ಯಕೇಶೋ॒ ರಜ॑ಸೋ ವಿಸಾ॒ರೇಽಹಿ॒ರ್ಧುನಿ॒ರ್ವಾತ॑ ಇವ॒ ಧ್ರಜೀ᳚ಮಾನ್ |
ಶುಚಿ॑ಭ್ರಾಜಾ ಉ॒ಷಸೋ॒ ನವೇ᳚ದಾ॒ ಯಶ॑ಸ್ವತೀರಪ॒ಸ್ಯುವೋ॒ ನ ಸ॒ತ್ಯಾಃ || 1.79.1
ಆ ತೇ᳚ ಸುಪ॒ರ್ಣಾ ಅ॑ಮಿನ‌ನ್ತಁ॒ ಏವೈಃ᳚ ಕೃ॒ಷ್ಣೋ ನೋ᳚ನಾವ ವೃಷ॒ಭೋ ಯದೀ॒ದ‌ಮ್ |
ಶಿ॒ವಾಭಿ॒ರ್ನ ಸ್ಮಯ॑ಮಾನಾಭಿ॒ರಾಗಾ॒ತ್ಪತ᳚‌ನ್ತಿ॒ ಮಿಹಃ॑ ಸ್ತ॒ನಯ᳚‌ನ್ತ್ಯ॒ಭ್ರಾ || 1.79.2
ಯದೀ᳚ಮೃ॒ತಸ್ಯ॒ ಪಯ॑ಸಾ॒ ಪಿಯಾ᳚ನೋ॒ ನಯ᳚ನ್ನೃ॒ತಸ್ಯ॑ ಪ॒ಥಿಭೀ॒ ರಜಿ॑ಷ್ಠೈಃ |
ಅ॒ರ್ಯ॒ಮಾ ಮಿ॒ತ್ರೋ ವರು॑ಣಃ॒ ಪರಿ॑ಜ್ಮಾ॒ ತ್ವಚಂ᳚ ಪೃಂಚ॒‌ನ್ತ್ಯುಪ॑ರಸ್ಯ॒ ಯೋನೌ᳚ || 1.79.3
ಅಗ್ನೇ॒ ವಾಜ॑ಸ್ಯ॒ ಗೋಮ॑ತ॒ ಈಶಾ᳚ನಃ ಸಹಸೋ ಯಹೋ |
ಅ॒ಸ್ಮೇ ಧೇ᳚ಹಿ ಜಾತವೇದೋ॒ ಮಹಿ॒ ಶ್ರವಃ॑ || 1.79.4
ಸ ಇ॑ಧಾ॒ನೋ ವಸು॑ಷ್ಕ॒ವಿರ॒ಗ್ನಿರೀ॒ಳೇನ್ಯೋ᳚ ಗಿ॒ರಾ |
ರೇ॒ವದ॒ಸ್ಮಭ್ಯಂ᳚ ಪುರ್ವಣೀಕ ದೀದಿಹಿ || 1.79.5
ಕ್ಷ॒ಪೋ ರಾ᳚ಜನ್ನು॒ತ ತ್ಮನಾಗ್ನೇ॒ ವಸ್ತೋ᳚ರು॒ತೋಷಸಃ॑ |
ಸ ತಿ॑ಗ್ಮಜಂಭ ರ॒ಕ್ಷಸೋ᳚ ದಹ॒ ಪ್ರತಿ॑ || 1.79.6
ಅವಾ᳚ ನೋ ಅಗ್ನ ಊ॒ತಿಭಿ॑ರ್ಗಾಯ॒ತ್ರಸ್ಯ॒ ಪ್ರಭ᳚ರ್ಮಣಿ |
ವಿಶ್ವಾ᳚ಸು ಧೀ॒ಷು ವಂ᳚ದ್ಯ || 1.79.7
ಆ ನೋ᳚ ಅಗ್ನೇ ರ॒ಯಿಂ ಭ॑ರ ಸತ್ರಾ॒ಸಾಹಂ॒ ವರೇ᳚ಣ್ಯ‌ಮ್ |
ವಿಶ್ವಾ᳚ಸು ಪೃ॒ತ್ಸು ದು॒ಷ್ಟರ‌ಮ್᳚ || 1.79.8
ಆ ನೋ᳚ ಅಗ್ನೇ ಸುಚೇ॒ತುನಾ᳚ ರ॒ಯಿಂ ವಿ॒ಶ್ವಾಯು॑ಪೋಷಸ‌ಮ್ |
ಮಾ॒ರ್ಡೀ॒ಕಂ ಧೇ᳚ಹಿ ಜೀ॒ವಸೇ᳚ || 1.79.9
ಪ್ರ ಪೂ॒ತಾಸ್ತಿ॒ಗ್ಮಶೋ᳚ಚಿಷೇ॒ ವಾಚೋ᳚ ಗೋತಮಾ॒ಗ್ನಯೇ᳚ |
ಭರ॑ಸ್ವ ಸುಮ್ನ॒ಯುರ್ಗಿರಃ॑ || 1.79.10
ಯೋ ನೋ᳚ ಅಗ್ನೇಽಭಿ॒ದಾಸ॒ತ್ಯ‌ನ್ತಿ॑ ದೂ॒ರೇ ಪ॑ದೀ॒ಷ್ಟ ಸಃ |
ಅ॒ಸ್ಮಾಕ॒ಮಿದ್ವೃ॒ಧೇ ಭ॑ವ || 1.79.11
ಸ॒ಹ॒ಸ್ರಾ॒ಕ್ಷೋ ವಿಚ॑ರ್ಷಣಿರ॒ಗ್ನೀ ರಕ್ಷಾಂ᳚ಸಿ ಸೇಧತಿ |
ಹೋತಾ᳚ ಗೃಣೀತ ಉ॒ಕ್ಥ್ಯಃ॑ || 1.79.12

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ (1-15) ಪ್ರಥಮಾದಿಪಂಚದಶಚಾಮಿಂದ್ರಃ (16) ಷೋಡಶ್ಯಾಶ್ಚೇಂದ್ರೋಽಥರ್ವಾ ಮನುರ್ದದ್ಯಙ್ ಚ ದೇವತಾಃ ಪಂಕ್ತಿಶ್ಛಂದಃ

ಇ॒ತ್ಥಾ ಹಿ ಸೋಮ॒ ಇನ್ಮದೇ᳚ ಬ್ರ॒ಹ್ಮಾ ಚ॒ಕಾರ॒ ವರ್ಧ॑ನ‌ಮ್ |
ಶವಿ॑ಷ್ಠ ವಜ್ರಿ॒ನ್ನೋಜ॑ಸಾ ಪೃಥಿ॒ವ್ಯಾ ನಿಃ ಶ॑ಶಾ॒ ಅಹಿ॒ಮರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.1
ಸ ತ್ವಾ᳚ಮದ॒ದ್ವೃಷಾ॒ ಮದಃ॒ ಸೋಮಃ॑ ಶ್ಯೇ॒ನಾಭೃ॑ತಃ ಸು॒ತಃ |
ಯೇನಾ᳚ ವೃ॒ತ್ರಂ ನಿರ॒ದ್ಭ್ಯೋ ಜ॒ಘ‌ನ್ಥ॑ ವಜ್ರಿ॒ನ್ನೋಜ॒ಸಾರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.2
ಪ್ರೇಹ್ಯ॒ಭೀ᳚ಹಿ ಧೃಷ್ಣು॒ಹಿ ನ ತೇ॒ ವಜ್ರೋ॒ ನಿ ಯಂ᳚ಸತೇ |
ಇಂದ್ರ॑ ನೃ॒ಮ್ಣಂ ಹಿ ತೇ॒ ಶವೋ॒ ಹನೋ᳚ ವೃ॒ತ್ರಂ ಜಯಾ᳚ ಅ॒ಪೋಽರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.3
ನಿರಿಂ᳚ದ್ರ॒ ಭೂಮ್ಯಾ॒ ಅಧಿ॑ ವೃ॒ತ್ರಂ ಜ॑ಘ‌ನ್ಥ॒ ನಿರ್ದಿ॒ವಃ |
ಸೃ॒ಜಾ ಮ॒ರುತ್ವ॑ತೀ॒ರವ॑ ಜೀ॒ವಧ᳚ನ್ಯಾ ಇ॒ಮಾ ಅ॒ಪೋಽರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.4
ಇಂದ್ರೋ᳚ ವೃ॒ತ್ರಸ್ಯ॒ ದೋಧ॑ತಃ॒ ಸಾನುಂ॒ ವಜ್ರೇ᳚ಣ ಹೀಳಿ॒ತಃ |
ಅ॒ಭಿ॒ಕ್ರಮ್ಯಾವ॑ ಜಿಘ್ನತೇ॒ಽಪಃ ಸರ್ಮಾ᳚ಯ ಚೋ॒ದಯ॒ನ್ನರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.5
ಅಧಿ॒ ಸಾನೌ॒ ನಿ ಜಿ॑ಘ್ನತೇ॒ ವಜ್ರೇ᳚ಣ ಶ॒ತಪ᳚ರ್ವಣಾ |
ಮಂ॒ದಾ॒ನ ಇಂದ್ರೋ॒ ಅಂಧ॑ಸಃ॒ ಸಖಿ॑ಭ್ಯೋ ಗಾ॒ತುಮಿ॑ಚ್ಛ॒ತ್ಯರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.6
ಇಂದ್ರ॒ ತುಭ್ಯ॒ಮಿದ॑ದ್ರಿ॒ವೋಽನು॑ತ್ತಂ ವಜ್ರಿನ್ವೀ॒ರ್ಯ‌ಮ್᳚ |
ಯದ್ಧ॒ ತ್ಯಂ ಮಾ॒ಯಿನಂ᳚ ಮೃ॒ಗಂ ತಮು॒ ತ್ವಂ ಮಾ॒ಯಯಾ᳚ವಧೀ॒ರರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.7
ವಿ ತೇ॒ ವಜ್ರಾ᳚ಸೋ ಅಸ್ಥಿರನ್ನವ॒ತಿಂ ನಾ॒ವ್ಯಾ॒3॒॑ ಅನು॑ |
ಮ॒ಹತ್ತ॑ ಇಂದ್ರ ವೀ॒ರ್ಯಂ᳚ ಬಾ॒ಹ್ವೋಸ್ತೇ॒ ಬಲಂ᳚ ಹಿ॒ತಮರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.8
ಸ॒ಹಸ್ರಂ᳚ ಸಾ॒ಕಮ॑ರ್ಚತ॒ ಪರಿ॑ ಷ್ಟೋಭತ ವಿಂಶ॒ತಿಃ |
ಶ॒ತೈನ॒ಮನ್ವ॑ನೋನವು॒ರಿಂದ್ರಾ᳚ಯ॒ ಬ್ರಹ್ಮೋದ್ಯ॑ತ॒ಮರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.9
ಇಂದ್ರೋ᳚ ವೃ॒ತ್ರಸ್ಯ॒ ತವಿ॑ಷೀಂ॒ ನಿರ॑ಹ॒‌‌ನ್ತ್ಸಹ॑ಸಾ॒ ಸಹಃ॑ |
ಮ॒ಹತ್ತದ॑ಸ್ಯ॒ ಪೌಂಸ್ಯಂ᳚ ವೃ॒ತ್ರಂ ಜ॑ಘ॒ನ್ವಾಁ ಅ॑ಸೃಜ॒ದರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.10
ಇ॒ಮೇ ಚಿ॒ತ್ತವ॑ ಮ॒ನ್ಯವೇ॒ ವೇಪೇ᳚ತೇ ಭಿ॒ಯಸಾ᳚ ಮ॒ಹೀ |
ಯದಿಂ᳚ದ್ರ ವಜ್ರಿ॒ನ್ನೋಜ॑ಸಾ ವೃ॒ತ್ರಂ ಮ॒ರುತ್ವಾಁ॒ ಅವ॑ಧೀ॒ರರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.11
ನ ವೇಪ॑ಸಾ॒ ನ ತ᳚ನ್ಯ॒ತೇಂದ್ರಂ᳚ ವೃ॒ತ್ರೋ ವಿ ಬೀ᳚ಭಯತ್ |
ಅ॒ಭ್ಯೇ᳚ನಂ॒ ವಜ್ರ॑ ಆಯ॒ಸಃ ಸ॒ಹಸ್ರ॑ಭೃಷ್ಟಿರಾಯ॒ತಾರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.12
ಯದ್ವೃ॒ತ್ರಂ ತವ॑ ಚಾ॒ಶನಿಂ॒ ವಜ್ರೇ᳚ಣ ಸ॒ಮಯೋ᳚ಧಯಃ |
ಅಹಿ॑ಮಿಂದ್ರ॒ ಜಿಘಾಂ᳚ಸತೋ ದಿ॒ವಿ ತೇ᳚ ಬದ್ಬಧೇ॒ ಶವೋಽರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.13
ಅ॒ಭಿ॒ಷ್ಟ॒ನೇ ತೇ᳚ ಅದ್ರಿವೋ॒ ಯತ್ಸ್ಥಾ ಜಗ॑ಚ್ಚ ರೇಜತೇ |
ತ್ವಷ್ಟಾ᳚ ಚಿ॒ತ್ತವ॑ ಮ॒ನ್ಯವ॒ ಇಂದ್ರ॑ ವೇವಿ॒ಜ್ಯತೇ᳚ ಭಿ॒ಯಾರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.14
ನ॒ಹಿ ನು ಯಾದ॑ಧೀ॒ಮಸೀಂದ್ರಂ॒ ಕೋ ವೀ॒ರ್ಯಾ᳚ ಪ॒ರಃ |
ತಸ್ಮಿ᳚ನ್ನೃ॒ಮ್ಣಮು॒ತ ಕ್ರತುಂ᳚ ದೇ॒ವಾ ಓಜಾಂ᳚ಸಿ॒ ಸಂ ದ॑ಧು॒ರರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.15
ಯಾಮಥ᳚ರ್ವಾ॒ ಮನು॑ಷ್ಪಿ॒ತಾ ದ॒ಧ್ಯಙ್ ಧಿಯ॒ಮತ್ನ॑ತ |
ತಸ್ಮಿ॒ನ್ಬ್ರಹ್ಮಾ᳚ಣಿ ಪೂ॒ರ್ವಥೇಂದ್ರ॑ ಉ॒ಕ್ಥಾ ಸಮ॑ಗ್ಮ॒ತಾರ್ಚ॒ನ್ನನು॑ ಸ್ವ॒ರಾಜ್ಯ‌ಮ್᳚ || 1.80.16

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಇಂದ್ರೋ ದೇವತಾ ಪಂಕ್ತಿಶ್ಛಂದಃ

ಇಂದ್ರೋ॒ ಮದಾ᳚ಯ ವಾವೃಧೇ॒ ಶವ॑ಸೇ ವೃತ್ರ॒ಹಾ ನೃಭಿಃ॑ |
ತಮಿನ್ಮ॒ಹತ್ಸ್ವಾ॒ಜಿಷೂ॒ತೇಮರ್ಭೇ᳚ ಹವಾಮಹೇ॒ ಸ ವಾಜೇ᳚ಷು॒ ಪ್ರ ನೋ᳚ಽವಿಷತ್ || 1.81.1
ಅಸಿ॒ ಹಿ ವೀ᳚ರ॒ ಸೇನ್ಯೋಽಸಿ॒ ಭೂರಿ॑ ಪರಾದ॒ದಿಃ |
ಅಸಿ॑ ದ॒ಭ್ರಸ್ಯ॑ ಚಿದ್ವೃ॒ಧೋ ಯಜ॑ಮಾನಾಯ ಶಿಕ್ಷಸಿ ಸುನ್ವ॒ತೇ ಭೂರಿ॑ ತೇ॒ ವಸು॑ || 1.81.2
ಯದು॒ದೀರ॑ತ ಆ॒ಜಯೋ᳚ ಧೃ॒ಷ್ಣವೇ᳚ ಧೀಯತೇ॒ ಧನಾ᳚ |
ಯು॒ಕ್ಷ್ವಾ ಮ॑ದ॒ಚ್ಯುತಾ॒ ಹರೀ॒ ಕಂ ಹನಃ॒ ಕಂ ವಸೌ᳚ ದಧೋ॒ಽಸ್ಮಾಁ ಇಂ᳚ದ್ರ॒ ವಸೌ᳚ ದಧಃ || 1.81.3
ಕ್ರತ್ವಾ᳚ ಮ॒ಹಾಁ ಅ॑ನುಷ್ವ॒ಧಂ ಭೀ॒ಮ ಆ ವಾ᳚ವೃಧೇ॒ ಶವಃ॑ |
ಶ್ರಿ॒ಯ ಋ॒ಷ್ವ ಉ॑ಪಾ॒ಕಯೋ॒ರ್ನಿ ಶಿ॒ಪ್ರೀ ಹರಿ॑ವಾಂದಧೇ॒ ಹಸ್ತ॑ಯೋ॒ರ್ವಜ್ರ॑ಮಾಯ॒ಸ‌ಮ್ || 1.81.4
ಆ ಪ॑ಪ್ರೌ॒ ಪಾರ್ಥಿ॑ವಂ॒ ರಜೋ᳚ ಬದ್ಬ॒ಧೇ ರೋ᳚ಚ॒ನಾ ದಿ॒ವಿ |
ನ ತ್ವಾವಾಁ᳚ ಇಂದ್ರ॒ ಕಶ್ಚ॒ನ ನ ಜಾ॒ತೋ ನ ಜ॑ನಿಷ್ಯ॒ತೇಽತಿ॒ ವಿಶ್ವಂ᳚ ವವಕ್ಷಿಥ || 1.81.5
ಯೋ ಅ॒ರ್ಯೋ ಮ॑ರ್ತ॒ಭೋಜ॑ನಂ ಪರಾ॒ದದಾ᳚ತಿ ದಾ॒ಶುಷೇ᳚ |
ಇಂದ್ರೋ᳚ ಅ॒ಸ್ಮಭ್ಯಂ᳚ ಶಿಕ್ಷತು॒ ವಿ ಭ॑ಜಾ॒ ಭೂರಿ॑ ತೇ॒ ವಸು॑ ಭಕ್ಷೀ॒ಯ ತವ॒ ರಾಧ॑ಸಃ || 1.81.6
ಮದೇ᳚ಮದೇ॒ ಹಿ ನೋ᳚ ದ॒ದಿರ್ಯೂ॒ಥಾ ಗವಾ᳚ಮೃಜು॒ಕ್ರತುಃ॑ |
ಸಂ ಗೃ॑ಭಾಯ ಪು॒ರೂ ಶ॒ತೋಭ॑ಯಾಹ॒ಸ್ತ್ಯಾ ವಸು॑ ಶಿಶೀ॒ಹಿ ರಾ॒ಯ ಆ ಭ॑ರ || 1.81.7
ಮಾ॒ದಯ॑ಸ್ವ ಸು॒ತೇ ಸಚಾ॒ ಶವ॑ಸೇ ಶೂರ॒ ರಾಧ॑ಸೇ |
ವಿ॒ದ್ಮಾ ಹಿ ತ್ವಾ᳚ ಪುರೂ॒ವಸು॒ಮುಪ॒ ಕಾಮಾ᳚‌‌ನ್ತ್ಸಸೃ॒ಜ್ಮಹೇಽಥಾ᳚ ನೋಽವಿ॒ತಾ ಭ॑ವ || 1.81.8
ಏ॒ತೇ ತ॑ ಇಂದ್ರ ಜ॒‌ನ್ತವೋ॒ ವಿಶ್ವಂ᳚ ಪುಷ್ಯ‌ನ್ತಿ॒ ವಾರ್ಯ‌ಮ್᳚ |
ಅ॒‌ನ್ತರ್ಹಿ ಖ್ಯೋ ಜನಾ᳚ನಾಮ॒ರ್ಯೋ ವೇದೋ॒ ಅದಾ᳚ಶುಷಾಂ॒ ತೇಷಾಂ᳚ ನೋ॒ ವೇದ॒ ಆ ಭ॑ರ || 1.81.9

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಇಂದ್ರೋ ದೇವತಾ, (1-5) ಪ್ರಥಮಾದಿಪಂಚರ್ಚಾಂ ಪಂಕ್ತಿಃ (6) ಷಷ್ಠ್ಯಾಶ್ಚ ಜಗತೀ ಛಂದಸೀ

ಉಪೋ॒ ಷು ಶೃ॑ಣು॒ಹೀ ಗಿರೋ॒ ಮಘ॑ವ॒ನ್ಮಾತ॑ಥಾ ಇವ |
ಯ॒ದಾ ನಃ॑ ಸೂ॒ನೃತಾ᳚ವತಃ॒ ಕರ॒ ಆದ॒ರ್ಥಯಾ᳚ಸ॒ ಇದ್ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ || 1.82.1
ಅಕ್ಷ॒ನ್ನಮೀ᳚ಮದ‌ನ್ತ॒ ಹ್ಯವ॑ ಪ್ರಿ॒ಯಾ ಅ॑ಧೂಷತ |
ಅಸ್ತೋ᳚ಷತ॒ ಸ್ವಭಾ᳚ನವೋ॒ ವಿಪ್ರಾ॒ ನವಿ॑ಷ್ಠಯಾ ಮ॒ತೀ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ || 1.82.2
ಸು॒ಸಂ॒ದೃಶಂ᳚ ತ್ವಾ ವ॒ಯಂ ಮಘ॑ವನ್ವಂದಿಷೀ॒ಮಹಿ॑ |
ಪ್ರ ನೂ॒ನಂ ಪೂ॒ರ್ಣವಂ᳚ಧುರಃ ಸ್ತು॒ತೋ ಯಾ᳚ಹಿ॒ ವಶಾಁ॒ ಅನು॒ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ || 1.82.3
ಸ ಘಾ॒ ತಂ ವೃಷ॑ಣಂ॒ ರಥ॒ಮಧಿ॑ ತಿಷ್ಠಾತಿ ಗೋ॒ವಿದ‌ಮ್᳚ |
ಯಃ ಪಾತ್ರಂ᳚ ಹಾರಿಯೋಜ॒ನಂ ಪೂ॒ರ್ಣಮಿಂ᳚ದ್ರ॒ ಚಿಕೇ᳚ತತಿ॒ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ || 1.82.4
ಯು॒ಕ್ತಸ್ತೇ᳚ ಅಸ್ತು॒ ದಕ್ಷಿ॑ಣ ಉ॒ತ ಸ॒ವ್ಯಃ ಶ॑ತಕ್ರತೋ |
ತೇನ॑ ಜಾ॒ಯಾಮುಪ॑ ಪ್ರಿ॒ಯಾಂ ಮಂ᳚ದಾ॒ನೋ ಯಾ॒ಹ್ಯಂಧ॑ಸೋ॒ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ || 1.82.5
ಯು॒ನಜ್ಮಿ॑ ತೇ॒ ಬ್ರಹ್ಮ॑ಣಾ ಕೇ॒ಶಿನಾ॒ ಹರೀ॒ ಉಪ॒ ಪ್ರ ಯಾ᳚ಹಿ ದಧಿ॒ಷೇ ಗಭ॑ಸ್ತ್ಯೋಃ |
ಉತ್ತ್ವಾ᳚ ಸು॒ತಾಸೋ᳚ ರಭ॒ಸಾ ಅ॑ಮಂದಿಷುಃ ಪೂಷ॒ಣ್ವಾನ್, ವ॑ಜ್ರಿ॒ನ್, ಸಮು॒ ಪತ್ನ್ಯಾ᳚ಮದಃ || 1.82.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಇಂದ್ರೋ ದೇವತಾ ಜಗತೀ ಛಂದಃ

ಅಶ್ವಾ᳚ವತಿ ಪ್ರಥ॒ಮೋ ಗೋಷು॑ ಗಚ್ಛತಿ ಸುಪ್ರಾ॒ವೀರಿಂ᳚ದ್ರ॒ ಮರ್ತ್ಯ॒ಸ್ತವೋ॒ತಿಭಿಃ॑ |
ತಮಿತ್ಪೃ॑ಣಕ್ಷಿ॒ ವಸು॑ನಾ॒ ಭವೀ᳚ಯಸಾ॒ ಸಿಂಧು॒ಮಾಪೋ॒ ಯಥಾ॒ಭಿತೋ॒ ವಿಚೇ᳚ತಸಃ || 1.83.1
ಆಪೋ॒ ನ ದೇ॒ವೀರುಪ॑ ಯ‌ನ್ತಿ ಹೋ॒ತ್ರಿಯ॑ಮ॒ವಃ ಪ॑ಶ್ಯ‌ನ್ತಿ॒ ವಿತ॑ತಂ॒ ಯಥಾ॒ ರಜಃ॑ |
ಪ್ರಾ॒ಚೈರ್, ದೇ॒ವಾಸಃ॒ ಪ್ರ ಣ॑ಯ‌ನ್ತಿ ದೇವ॒ಯುಂ ಬ್ರ᳚ಹ್ಮ॒ಪ್ರಿಯಂ᳚ ಜೋಷಯ‌ನ್ತೇ ವ॒ರಾ ಇ॑ವ || 1.83.2
ಅಧಿ॒ ದ್ವಯೋ᳚ರದಧಾ ಉ॒ಕ್ಥ್ಯ1॒॑ ಅಂವಚೋ᳚ ಯ॒ತಸ್ರು॑ಚಾ ಮಿಥು॒ನಾ ಯಾ ಸ॑ಪ॒ರ್ಯತಃ॑ |
ಅಸಂ᳚ಯತ್ತೋ, ವ್ರ॒ತೇ ತೇ᳚ ಕ್ಷೇತಿ॒ ಪುಷ್ಯ॑ತಿ ಭ॒ದ್ರಾ ಶ॒ಕ್ತಿರ್ಯಜ॑ಮಾನಾಯ ಸುನ್ವ॒ತೇ || 1.83.3
ಆದಂಗಿ॑ರಾಃ ಪ್ರಥ॒ಮಂ ದ॑ಧಿರೇ॒ ವಯ॑ ಇ॒ದ್ಧಾಗ್ನ॑ಯಃ॒ ಶಮ್ಯಾ॒ ಯೇ ಸು॑ಕೃ॒ತ್ಯಯಾ᳚ |
ಸರ್ವಂ᳚ ಪ॒ಣೇಃ ಸಮ॑ವಿಂದ‌ನ್ತ॒ ಭೋಜ॑ನ॒ಮಶ್ವಾ᳚ವ‌ನ್ತಂ॒ ಗೋಮ᳚‌ನ್ತ॒ಮಾ ಪ॒ಶುಂ ನರಃ॑ || 1.83.4
ಯ॒ಜ್ಞೈರಥ᳚ರ್ವಾ, ಪ್ರಥ॒ಮಃ ಪ॒ಥಸ್ತ॑ತೇ॒ ತತಃ॒ ಸೂರ್ಯೋ᳚ ವ್ರತ॒ಪಾ ವೇ॒ನ ಆಜ॑ನಿ |
ಆ ಗಾ ಆ᳚ಜದು॒ಶನಾ᳚ ಕಾ॒ವ್ಯಃ ಸಚಾ᳚ ಯ॒ಮಸ್ಯ॑ ಜಾ॒ತಮ॒ಮೃತಂ᳚ ಯಜಾಮಹೇ || 1.83.5
ಬ॒ರ್ಹಿರ್ವಾ॒ ಯತ್ಸ್ವ॑ಪ॒ತ್ಯಾಯ॑ ವೃ॒ಜ್ಯತೇ॒ಽರ್ಕೋ ವಾ॒ ಶ್ಲೋಕ॑ಮಾ॒ಘೋಷ॑ತೇ ದಿ॒ವಿ |
ಗ್ರಾವಾ॒ ಯತ್ರ॒ ವದ॑ತಿ ಕಾ॒ರುರು॒ಕ್ಥ್ಯ1॒॑ಸ್ತಸ್ಯೇದಿಂದ್ರೋ᳚ ಅಭಿಪಿ॒ತ್ವೇಷು॑ ರಣ್ಯತಿ || 1.83.6

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಇಂದ್ರೋ ದೇವತಾ, (1-6) ಪ್ರಥಮದ್ವಿತೀಯತೃಚಯೋರನುಷ್ಟಪ್(7-9) ತೃತೀಯತೃಚಸ್ಯೋಷ್ಣಿಕ್ (10-12) ಚತುಥರ್ತ್ರಚಸ್ಯ ಪಂಕ್ತಿಃ (13-15) ಪಂಚಮತೃಚಸ್ಯ ಗಾಯತ್ರೀ (16-18) ಷಷ್ಠತೃಚಸ್ಯ ತ್ರಿಷ್ಟುಪ್ (19-20) ಏಕೋನವಿಂಶ್ಯಾ ವಿಂಶ್ಯಾಶ್ಚ ಪ್ರಗಾಥಃ (ವಿಷಮಾಯಾ ಬೃಹತೀ, ಸಮಾಯಾಃ ಸತೋಬೃಹತೀ) ಛಂದಾಂಸಿ

ಅಸಾ᳚ವಿ॒ ಸೋಮ॑ ಇಂದ್ರ ತೇ॒ ಶವಿ॑ಷ್ಠ ಧೃಷ್ಣ॒ವಾ ಗ॑ಹಿ |
ಆ ತ್ವಾ᳚ ಪೃಣಕ್ತ್ವಿಂದ್ರಿ॒ಯಂ ರಜಃ॒ ಸೂರ್ಯೋ॒ ನ ರ॒ಶ್ಮಿಭಿಃ॑ || 1.84.1
ಇಂದ್ರ॒ಮಿದ್ಧರೀ᳚ ವಹ॒ತೋಽಪ್ರ॑ತಿಧೃಷ್ಟಶವಸ‌ಮ್ |
ಋಷೀ᳚ಣಾಂ ಚ ಸ್ತು॒ತೀರುಪ॑ ಯ॒ಜ್ಞಂ ಚ॒ ಮಾನು॑ಷಾಣಾ‌ಮ್ || 1.84.2
ಆ ತಿ॑ಷ್ಠ ವೃತ್ರಹ॒ನ್ರಥಂ᳚ ಯು॒ಕ್ತಾ ತೇ॒ ಬ್ರಹ್ಮ॑ಣಾ॒ ಹರೀ᳚ |
ಅ॒ರ್ವಾ॒ಚೀನಂ॒ ಸು ತೇ॒ ಮನೋ॒ ಗ್ರಾವಾ᳚ ಕೃಣೋತು ವ॒ಗ್ನುನಾ᳚ || 1.84.3
ಇ॒ಮಮಿಂ᳚ದ್ರ ಸು॒ತಂ ಪಿ॑ಬ॒ ಜ್ಯೇಷ್ಠ॒ಮಮ॑ರ್ತ್ಯಂ॒ ಮದ‌ಮ್᳚ |
ಶು॒ಕ್ರಸ್ಯ॑ ತ್ವಾ॒ಭ್ಯ॑ಕ್ಷರಂ॒ಧಾರಾ᳚ ಋ॒ತಸ್ಯ॒ ಸಾದ॑ನೇ || 1.84.4
ಇಂದ್ರಾ᳚ಯ ನೂ॒ನಮ॑ರ್ಚತೋ॒ಕ್ಥಾನಿ॑ ಚ ಬ್ರವೀತನ |
ಸು॒ತಾ ಅ॑ಮತ್ಸು॒ರಿಂದ॑ವೋ॒ ಜ್ಯೇಷ್ಠಂ᳚ ನಮಸ್ಯತಾ॒ ಸಹಃ॑ || 1.84.5
ನಕಿ॒ಷ್ಟ್ವದ್ರ॒ಥೀತ॑ರೋ॒ ಹರೀ॒ ಯದಿಂ᳚ದ್ರ॒ ಯಚ್ಛ॑ಸೇ |
ನಕಿ॒ಷ್ಟ್ವಾನು॑ ಮ॒ಜ್ಮನಾ॒ ನಕಿಃ॒ ಸ್ವಶ್ವ॑ ಆನಶೇ || 1.84.6
ಯ ಏಕ॒ ಇದ್ವಿ॒ದಯ॑ತೇ॒ ವಸು॒ ಮರ್ತಾ᳚ಯ ದಾ॒ಶುಷೇ᳚ |
ಈಶಾ᳚ನೋ॒ ಅಪ್ರ॑ತಿಷ್ಕುತ॒ ಇಂದ್ರೋ᳚ ಅಂ॒ಗ || 1.84.7
ಕ॒ದಾ ಮರ್ತ॑ಮರಾ॒ಧಸಂ᳚ ಪ॒ದಾ ಕ್ಷುಂಪ॑ಮಿವ ಸ್ಫುರತ್ |
ಕ॒ದಾ ನಃ॑ ಶುಶ್ರವ॒ದ್ಗಿರ॒ ಇಂದ್ರೋ᳚ ಅಂ॒ಗ || 1.84.8
ಯಶ್ಚಿ॒ದ್ಧಿ ತ್ವಾ᳚ ಬ॒ಹುಭ್ಯ॒ ಆ ಸು॒ತಾವಾಁ᳚ ಆ॒ವಿವಾ᳚ಸತಿ |
ಉ॒ಗ್ರಂ ತತ್ಪ॑ತ್ಯತೇ॒ ಶವ॒ ಇಂದ್ರೋ᳚ ಅಂ॒ಗ || 1.84.9
ಸ್ವಾ॒ದೋರಿ॒ತ್ಥಾ ವಿ॑ಷೂ॒ವತೋ॒ ಮಧ್ವಃ॑ ಪಿಬ‌ನ್ತಿ ಗೌ॒ರ್ಯಃ॑ |
ಯಾ ಇಂದ್ರೇ᳚ಣ ಸ॒ಯಾವ॑ರೀ॒ರ್ವೃಷ್ಣಾ॒ ಮದ᳚‌ನ್ತಿ ಶೋ॒ಭಸೇ॒ ವಸ್ವೀ॒ರನು॑ ಸ್ವ॒ರಾಜ್ಯ‌ಮ್᳚ || 1.84.10
ತಾ ಅ॑ಸ್ಯ ಪೃಶನಾ॒ಯುವಃ॒ ಸೋಮಂ᳚ ಶ್ರೀಣ‌ನ್ತಿ॒ ಪೃಶ್ನ॑ಯಃ |
ಪ್ರಿ॒ಯಾ ಇಂದ್ರ॑ಸ್ಯ ಧೇ॒ನವೋ॒ ವಜ್ರಂ᳚ ಹಿನ್ವ‌ನ್ತಿ॒ ಸಾಯ॑ಕಂ॒ ವಸ್ವೀ॒ರನು॑ ಸ್ವ॒ರಾಜ್ಯ‌ಮ್᳚ || 1.84.11
ತಾ ಅ॑ಸ್ಯ॒ ನಮ॑ಸಾ॒ ಸಹಃ॑ ಸಪ॒ರ್ಯ‌ನ್ತಿ॒ ಪ್ರಚೇ᳚ತಸಃ |
ವ್ರ॒ತಾನ್ಯ॑ಸ್ಯ ಸಶ್ಚಿರೇ ಪು॒ರೂಣಿ॑ ಪೂ॒ರ್ವಚಿ॑ತ್ತಯೇ॒ ವಸ್ವೀ॒ರನು॑ ಸ್ವ॒ರಾಜ್ಯ‌ಮ್᳚ || 1.84.12
ಇಂದ್ರೋ᳚ ದಧೀ॒ಚೋ ಅ॒ಸ್ಥಭಿ᳚ರ್ವೃ॒ತ್ರಾಣ್ಯಪ್ರ॑ತಿಷ್ಕುತಃ |
ಜ॒ಘಾನ॑ ನವ॒ತೀರ್ನವ॑ || 1.84.13
ಇ॒ಚ್ಛನ್ನಶ್ವ॑ಸ್ಯ॒ ಯಚ್ಛಿರಃ॒ ಪರ್ವ॑ತೇ॒ಷ್ವಪ॑ಶ್ರಿತ‌ಮ್ |
ತದ್ವಿ॑ದಚ್ಛರ್ಯ॒ಣಾವ॑ತಿ || 1.84.14
ಅತ್ರಾಹ॒ ಗೋರ॑ಮನ್ವತ॒ ನಾಮ॒ ತ್ವಷ್ಟು॑ರಪೀ॒ಚ್ಯ‌ಮ್᳚ |
ಇ॒ತ್ಥಾ ಚಂ॒ದ್ರಮ॑ಸೋ ಗೃ॒ಹೇ || 1.84.15
ಕೋ ಅ॒ದ್ಯ ಯುಂ᳚ಕ್ತೇ ಧು॒ರಿ ಗಾ ಋ॒ತಸ್ಯ॒ ಶಿಮೀ᳚ವತೋ ಭಾ॒ಮಿನೋ᳚ ದುರ್ಹೃಣಾ॒ಯೂನ್ |
ಆ॒ಸನ್ನಿ॑ಷೂನ್ಹೃ॒ತ್ಸ್ವಸೋ᳚ ಮಯೋ॒ಭೂನ್ಯ ಏ᳚ಷಾಂ ಭೃ॒ತ್ಯಾಮೃ॒ಣಧ॒ತ್ಸ ಜೀ᳚ವಾತ್ || 1.84.16
ಕ ಈ᳚ಷತೇ ತು॒ಜ್ಯತೇ॒ ಕೋ ಬಿ॑ಭಾಯ॒ ಕೋ ಮಂ᳚ಸತೇ॒ ಸ‌ನ್ತ॒ಮಿಂದ್ರಂ॒ ಕೋ ಅ‌ನ್ತಿ॑ |
ಕಸ್ತೋ॒ಕಾಯ॒ ಕ ಇಭಾ᳚ಯೋ॒ತ ರಾ॒ಯೇಽಧಿ॑ ಬ್ರವತ್ತ॒ನ್ವೇ॒3॒॑ ಕೋ ಜನಾ᳚ಯ || 1.84.17
ಕೋ ಅ॒ಗ್ನಿಮೀ᳚ಟ್ಟೇ ಹ॒ವಿಷಾ᳚ ಘೃ॒ತೇನ॑ ಸ್ರು॒ಚಾ ಯ॑ಜಾತಾ ಋ॒ತುಭಿ॑ರ್ಧ್ರು॒ವೇಭಿಃ॑ |
ಕಸ್ಮೈ᳚ ದೇ॒ವಾ ಆ ವ॑ಹಾನಾ॒ಶು ಹೋಮ॒ ಕೋ ಮಂ᳚ಸತೇ ವೀ॒ತಿಹೋ᳚ತ್ರಃ ಸುದೇ॒ವಃ || 1.84.18
ತ್ವಮಂ॒ಗ ಪ್ರ ಶಂ᳚ಸಿಷೋ ದೇ॒ವಃ ಶ॑ವಿಷ್ಠ॒ ಮರ್ತ್ಯ‌ಮ್᳚ |
ನ ತ್ವದ॒ನ್ಯೋ ಮ॑ಘವನ್ನಸ್ತಿ ಮರ್ಡಿ॒ತೇಂದ್ರ॒ ಬ್ರವೀ᳚ಮಿ ತೇ॒ ವಚಃ॑ || 1.84.19
ಮಾ ತೇ॒ ರಾಧಾಂ᳚ಸಿ॒ ಮಾ ತ॑ ಊ॒ತಯೋ᳚ ವಸೋ॒ಽಸ್ಮಾನ್ಕದಾ᳚ ಚ॒ನಾ ದ॑ಭನ್ |
ವಿಶ್ವಾ᳚ ಚ ನ ಉಪಮಿಮೀ॒ಹಿ ಮಾ᳚ನುಷ॒ ವಸೂ᳚ನಿ ಚರ್ಷ॒ಣಿಭ್ಯ॒ ಆ || 1.84.20

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹಗಣೋ ಗೋತಮ ಋಷಿಃ ಮರುತೋ ದೇವತಾಃ (1-4, 6-11) ಪ್ರಥಮಾದಿಚತುರೃಚ, ಷಷ್ಠ್ಯಾದಿಷರಾಣಾಂಚ ಜಗತೀ (5, 12) ಪಂಚಮೀದ್ವಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ಯೇ ಶುಂಭ᳚‌ನ್ತೇ॒ ಜನ॑ಯೋ॒ ನ ಸಪ್ತ॑ಯೋ॒ ಯಾಮ᳚ನ್ರು॒ದ್ರಸ್ಯ॑ ಸೂ॒ನವಃ॑ ಸು॒ದಂಸ॑ಸಃ |
ರೋದ॑ಸೀ॒ ಹಿ ಮ॒ರುತ॑ಶ್ಚಕ್ರಿ॒ರೇ ವೃ॒ಧೇ ಮದ᳚‌ನ್ತಿ ವೀ॒ರಾ ವಿ॒ದಥೇ᳚ಷು॒ ಘೃಷ್ವ॑ಯಃ || 1.85.1
ತ ಉ॑ಕ್ಷಿ॒ತಾಸೋ᳚ ಮಹಿ॒ಮಾನ॑ಮಾಶತ ದಿ॒ವಿ ರು॒ದ್ರಾಸೋ॒ ಅಧಿ॑ ಚಕ್ರಿರೇ॒ ಸದಃ॑ |
ಅರ್ಚ᳚‌ನ್ತೋ ಅ॒ರ್ಕಂ ಜ॒ನಯ᳚‌ನ್ತ ಇಂದ್ರಿ॒ಯಮಧಿ॒ ಶ್ರಿಯೋ᳚ ದಧಿರೇ॒ ಪೃಶ್ನಿ॑ಮಾತರಃ || 1.85.2
ಗೋಮಾ᳚ತರೋ॒ ಯಚ್ಛು॒ಭಯ᳚‌ನ್ತೇ ಅಂ॒ಜಿಭಿ॑ಸ್ತ॒ನೂಷು॑ ಶು॒ಭ್ರಾ ದ॑ಧಿರೇ ವಿ॒ರುಕ್ಮ॑ತಃ |
ಬಾಧ᳚‌ನ್ತೇ॒ ವಿಶ್ವ॑ಮಭಿಮಾ॒ತಿನ॒ಮಪ॒ ವರ್ತ್ಮಾ᳚ನ್ಯೇಷಾ॒ಮನು॑ ರೀಯತೇ ಘೃ॒ತ‌ಮ್ || 1.85.3
ವಿ ಯೇ ಭ್ರಾಜ᳚‌ನ್ತೇ॒ ಸುಮ॑ಖಾಸ ಋ॒ಷ್ಟಿಭಿಃ॑ ಪ್ರಚ್ಯಾ॒ವಯ᳚‌ನ್ತೋ॒ ಅಚ್ಯು॑ತಾ ಚಿ॒ದೋಜ॑ಸಾ |
ಮ॒ನೋ॒ಜುವೋ॒ ಯನ್ಮ॑ರುತೋ॒ ರಥೇ॒ಷ್ವಾ ವೃಷ᳚ವ್ರಾತಾಸಃ॒ ಪೃಷ॑ತೀ॒ರಯು॑ಗ್ಧ್ವ‌ಮ್ || 1.85.4
ಪ್ರ ಯದ್ರಥೇ᳚ಷು॒ ಪೃಷ॑ತೀ॒ರಯು॑ಗ್ಧ್ವಂ॒ ವಾಜೇ॒ ಅದ್ರಿಂ᳚ ಮರುತೋ ರಂ॒ಹಯ᳚‌ನ್ತಃ |
ಉ॒ತಾರು॒ಷಸ್ಯ॒ ವಿ ಷ್ಯ᳚‌ನ್ತಿ॒ ಧಾರಾ॒ಶ್ಚರ್ಮೇ᳚ವೋ॒ದಭಿ॒ರ್ವ್ಯುಂ᳚ದ‌ನ್ತಿ॒ ಭೂಮ॑ || 1.85.5
ಆ ವೋ᳚ ವಹ‌ನ್ತು॒ ಸಪ್ತ॑ಯೋ ರಘು॒ಷ್ಯದೋ᳚ ರಘು॒ಪತ್ವಾ᳚ನಃ॒ ಪ್ರ ಜಿ॑ಗಾತ ಬಾ॒ಹುಭಿಃ॑ |
ಸೀದ॒ತಾ ಬ॒ರ್ಹಿರು॒ರು ವಃ॒ ಸದ॑ಸ್ಕೃ॒ತಂ ಮಾ॒ದಯ॑ಧ್ವಂ ಮರುತೋ॒ ಮಧ್ವೋ॒ ಅಂಧ॑ಸಃ || 1.85.6
ತೇ᳚ಽವರ್ಧ‌ನ್ತ॒ ಸ್ವತ॑ವಸೋ ಮಹಿತ್ವ॒ನಾ ನಾಕಂ᳚ ತ॒ಸ್ಥುರು॒ರು ಚ॑ಕ್ರಿರೇ॒ ಸದಃ॑ |
ವಿಷ್ಣು॒ರ್ಯದ್ಧಾವ॒ದ್ವೃಷ॑ಣಂ ಮದ॒ಚ್ಯುತಂ॒ ವಯೋ॒ ನ ಸೀ᳚ದ॒ನ್ನಧಿ॑ ಬ॒ರ್ಹಿಷಿ॑ ಪ್ರಿ॒ಯೇ || 1.85.7
ಶೂರಾ᳚ ಇ॒ವೇದ್ಯುಯು॑ಧಯೋ॒ ನ ಜಗ್ಮ॑ಯಃ ಶ್ರವ॒ಸ್ಯವೋ॒ ನ ಪೃತ॑ನಾಸು ಯೇತಿರೇ |
ಭಯ᳚‌ನ್ತೇ॒ ವಿಶ್ವಾ॒ ಭುವ॑ನಾ ಮ॒ರುದ್ಭ್ಯೋ॒ ರಾಜಾ᳚ನ ಇವ ತ್ವೇ॒ಷಸಂ᳚ದೃಶೋ॒ ನರಃ॑ || 1.85.8
ತ್ವಷ್ಟಾ॒ ಯದ್ವಜ್ರಂ॒ ಸುಕೃ॑ತಂ ಹಿರ॒ಣ್ಯಯಂ᳚ ಸ॒ಹಸ್ರ॑ಭೃಷ್ಟಿಂ॒ ಸ್ವಪಾ॒ ಅವ॑ರ್ತಯತ್ |
ಧ॒ತ್ತ ಇಂದ್ರೋ॒ ನರ್ಯಪಾಂ᳚ಸಿ॒ ಕರ್ತ॒ವೇಽಹ᳚ನ್ವೃ॒ತ್ರಂ ನಿರ॒ಪಾಮೌ᳚ಬ್ಜದರ್ಣ॒ವ‌ಮ್ || 1.85.9
ಊ॒ರ್ಧ್ವಂ ನು॑ನುದ್ರೇಽವ॒ತಂ ತ ಓಜ॑ಸಾ ದಾದೃಹಾ॒ಣಂ ಚಿ॑ದ್ಬಿಭಿದು॒ರ್ವಿ ಪರ್ವ॑ತ‌ಮ್ |
ಧಮ᳚‌ನ್ತೋ ವಾ॒ಣಂ ಮ॒ರುತಃ॑ ಸು॒ದಾನ॑ವೋ॒ ಮದೇ॒ ಸೋಮ॑ಸ್ಯ॒ ರಣ್ಯಾ᳚ನಿ ಚಕ್ರಿರೇ || 1.85.10
ಜಿ॒ಹ್ಮಂ ನು॑ನುದ್ರೇಽವ॒ತಂ ತಯಾ᳚ ದಿ॒ಶಾಸಿಂ᳚ಚ॒ನ್ನುತ್ಸಂ॒ ಗೋತ॑ಮಾಯ ತೃ॒ಷ್ಣಜೇ᳚ |
ಆ ಗ॑ಚ್ಛ‌ನ್ತೀ॒ಮವ॑ಸಾ ಚಿ॒ತ್ರಭಾ᳚ನವಃ॒ ಕಾಮಂ॒ ವಿಪ್ರ॑ಸ್ಯ ತರ್ಪಯ‌ನ್ತ॒ ಧಾಮ॑ಭಿಃ || 1.85.11
ಯಾ ವಃ॒ ಶರ್ಮ॑ ಶಶಮಾ॒ನಾಯ॒ ಸ‌ನ್ತಿ॑ ತ್ರಿ॒ಧಾತೂ᳚ನಿ ದಾ॒ಶುಷೇ᳚ ಯಚ್ಛ॒ತಾಧಿ॑ |
ಅ॒ಸ್ಮಭ್ಯಂ॒ ತಾನಿ॑ ಮರುತೋ॒ ವಿ ಯ᳚‌ನ್ತ ರ॒ಯಿಂ ನೋ᳚ ಧತ್ತ ವೃಷಣಃ ಸು॒ವೀರ‌ಮ್᳚ || 1.85.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಮರುತೋ ದೇವತಾಃ ಗಾಯತ್ರೀ ಛಂದಃ

ಮರು॑ತೋ॒ ಯಸ್ಯ॒ ಹಿ ಕ್ಷಯೇ᳚ ಪಾ॒ಥಾ ದಿ॒ವೋ ವಿ॑ಮಹಸಃ |
ಸ ಸು॑ಗೋ॒ಪಾತ॑ಮೋ॒ ಜನಃ॑ || 1.86.1
ಯ॒ಜ್ಞೈರ್ವಾ᳚ ಯಜ್ಞವಾಹಸೋ॒ ವಿಪ್ರ॑ಸ್ಯ ವಾ ಮತೀ॒ನಾ‌ಮ್ |
ಮರು॑ತಃ ಶೃಣು॒ತಾ ಹವ‌ಮ್᳚ || 1.86.2
ಉ॒ತ ವಾ॒ ಯಸ್ಯ॑ ವಾ॒ಜಿನೋಽನು॒ ವಿಪ್ರ॒ಮತ॑ಕ್ಷತ |
ಸ ಗ‌ನ್ತಾ॒ ಗೋಮ॑ತಿ ವ್ರ॒ಜೇ || 1.86.3
ಅ॒ಸ್ಯ ವೀ॒ರಸ್ಯ॑ ಬ॒ರ್ಹಿಷಿ॑ ಸು॒ತಃ ಸೋಮೋ॒ ದಿವಿ॑ಷ್ಟಿಷು |
ಉ॒ಕ್ಥಂ ಮದ॑ಶ್ಚ ಶಸ್ಯತೇ || 1.86.4
ಅ॒ಸ್ಯ ಶ್ರೋ᳚ಷ॒‌ನ್ತ್ವಾ ಭುವೋ॒ ವಿಶ್ವಾ॒ ಯಶ್ಚ॑ರ್ಷ॒ಣೀರ॒ಭಿ |
ಸೂರಂ᳚ ಚಿತ್ಸ॒ಸ್ರುಷೀ॒ರಿಷಃ॑ || 1.86.5
ಪೂ॒ರ್ವೀಭಿ॒ರ್ಹಿ ದ॑ದಾಶಿ॒ಮ ಶ॒ರದ್ಭಿ᳚ರ್ಮರುತೋ ವ॒ಯ‌ಮ್ |
ಅವೋ᳚ಭಿಶ್ಚರ್ಷಣೀ॒ನಾ‌ಮ್ || 1.86.6
ಸು॒ಭಗಃ॒ ಸ ಪ್ರ॑ಯಜ್ಯವೋ॒ ಮರು॑ತೋ ಅಸ್ತು॒ ಮರ್ತ್ಯಃ॑ |
ಯಸ್ಯ॒ ಪ್ರಯಾಂ᳚ಸಿ॒ ಪರ್ಷ॑ಥ || 1.86.7
ಶ॒ಶ॒ಮಾ॒ನಸ್ಯ॑ ವಾ ನರಃ॒ ಸ್ವೇದ॑ಸ್ಯ ಸತ್ಯಶವಸಃ |
ವಿ॒ದಾ ಕಾಮ॑ಸ್ಯ॒ ವೇನ॑ತಃ || 1.86.8
ಯೂ॒ಯಂ ತತ್ಸ॑ತ್ಯಶವಸ ಆ॒ವಿಷ್ಕ॑ರ್ತ ಮಹಿತ್ವ॒ನಾ |
ವಿಧ್ಯ॑ತಾ ವಿ॒ದ್ಯುತಾ॒ ರಕ್ಷಃ॑ || 1.86.9
ಗೂಹ॑ತಾ॒ ಗುಹ್ಯಂ॒ ತಮೋ॒ ವಿ ಯಾ᳚ತ॒ ವಿಶ್ವ॑ಮ॒ತ್ರಿಣ‌ಮ್᳚ |
ಜ್ಯೋತಿ॑ಷ್ಕರ್ತಾ॒ ಯದು॒ಶ್ಮಸಿ॑ || 1.86.10

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಮರುತೋ ದೇವತಾಃ ಜಗತೀ ಛಂದಃ

ಪ್ರತ್ವ॑ಕ್ಷಸಃ॒ ಪ್ರತ॑ವಸೋ ವಿರ॒ಪ್ಶಿನೋಽನಾ᳚ನತಾ॒ ಅವಿ॑ಥುರಾ ಋಜೀ॒ಷಿಣಃ॑ |
ಜುಷ್ಟ॑ತಮಾಸೋ॒ ನೃತ॑ಮಾಸೋ ಅಂ॒ಜಿಭಿ॒ರ್ವ್ಯಾ᳚ನಜ್ರೇ॒ ಕೇ ಚಿ॑ದು॒ಸ್ರಾ ಇ॑ವ॒ ಸ್ತೃಭಿಃ॑ || 1.87.1
ಉ॒ಪ॒ಹ್ವ॒ರೇಷು॒ ಯದಚಿ॑ಧ್ವಂ ಯ॒ಯಿಂ ವಯ॑ ಇವ ಮರುತಃ॒ ಕೇನ॑ ಚಿತ್ಪ॒ಥಾ |
ಶ್ಚೋತ᳚‌ನ್ತಿ॒ ಕೋಶಾ॒ ಉಪ॑ ವೋ॒ ರಥೇ॒ಷ್ವಾ ಘೃ॒ತಮು॑ಕ್ಷತಾ॒ ಮಧು॑ವರ್ಣ॒ಮರ್ಚ॑ತೇ || 1.87.2
ಪ್ರೈಷಾ॒ಮಜ್ಮೇ᳚ಷು ವಿಥು॒ರೇವ॑ ರೇಜತೇ॒ ಭೂಮಿ॒ರ್ಯಾಮೇ᳚ಷು॒ ಯದ್ಧ॑ ಯುಂ॒ಜತೇ᳚ ಶು॒ಭೇ |
ತೇ ಕ್ರೀ॒ಳಯೋ॒ ಧುನ॑ಯೋ॒ ಭ್ರಾಜ॑ದೃಷ್ಟಯಃ ಸ್ವ॒ಯಂ ಮ॑ಹಿ॒ತ್ವಂ ಪ॑ನಯ‌ನ್ತ॒ ಧೂತ॑ಯಃ || 1.87.3
ಸ ಹಿ ಸ್ವ॒ಸೃತ್ಪೃಷ॑ದಶ್ವೋ॒ ಯುವಾ᳚ ಗ॒ಣೋ॒3॒॑ಽಯಾ ಈ᳚ಶಾ॒ನಸ್ತವಿ॑ಷೀಭಿ॒ರಾವೃ॑ತಃ |
ಅಸಿ॑ ಸ॒ತ್ಯ ಋ॑ಣ॒ಯಾವಾನೇ᳚ದ್ಯೋ॒ಽಸ್ಯಾ ಧಿ॒ಯಃ ಪ್ರಾ᳚ವಿ॒ತಾಥಾ॒ ವೃಷಾ᳚ ಗ॒ಣಃ || 1.87.4
ಪಿ॒ತುಃ ಪ್ರ॒ತ್ನಸ್ಯ॒ ಜನ್ಮ॑ನಾ ವದಾಮಸಿ॒ ಸೋಮ॑ಸ್ಯ ಜಿ॒ಹ್ವಾ ಪ್ರ ಜಿ॑ಗಾತಿ॒ ಚಕ್ಷ॑ಸಾ |
ಯದೀ॒ಮಿಂದ್ರಂ॒ ಶಮ್ಯೃಕ್ವಾ᳚ಣ॒ ಆಶ॒ತಾದಿನ್ನಾಮಾ᳚ನಿ ಯ॒ಜ್ಞಿಯಾ᳚ನಿ ದಧಿರೇ || 1.87.5
ಶ್ರಿ॒ಯಸೇ॒ ಕಂ ಭಾ॒ನುಭಿಃ॒ ಸಂ ಮಿ॑ಮಿಕ್ಷಿರೇ॒ ತೇ ರ॒ಶ್ಮಿಭಿ॒ಸ್ತ ಋಕ್ವ॑ಭಿಃ ಸುಖಾ॒ದಯಃ॑ |
ತೇ ವಾಶೀ᳚ಮ‌ನ್ತ ಇ॒ಷ್ಮಿಣೋ॒ ಅಭೀ᳚ರವೋ ವಿ॒ದ್ರೇ ಪ್ರಿ॒ಯಸ್ಯ॒ ಮಾರು॑ತಸ್ಯ॒ ಧಾಮ್ನಃ॑ || 1.87.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಮರುತೋ ದೇವತಾಃ (1, 6) ಪ್ರಥಮಾಷಷ್ಠ್ಯೋಪಁಚೋಃ ಪ್ರಸ್ತಾರಪಂಕ್ತಿಃ (2-4) ದ್ವಿತೀಯಾದಿತೃಚಸ್ಯ ತ್ರಿಷ್ಟುಪ್ (5) ಪಂಚಮ್ಯಾಶ್ಚ ವಿರಾಪಾ ಛಂದಾಂಸಿ

ಆ ವಿ॒ದ್ಯುನ್ಮ॑ದ್ಭಿರ್ಮರುತಃ ಸ್ವ॒ರ್ಕೈ ರಥೇ᳚ಭಿರ್ಯಾತ ಋಷ್ಟಿ॒ಮದ್ಭಿ॒ರಶ್ವ॑ಪರ್ಣೈಃ |
ಆ ವರ್ಷಿ॑ಷ್ಠಯಾ ನ ಇ॒ಷಾ ವಯೋ॒ ನ ಪ॑ಪ್ತತಾ ಸುಮಾಯಾಃ || 1.88.1
ತೇ᳚ಽರು॒ಣೇಭಿ॒ರ್ವರ॒ಮಾ ಪಿ॒ಶಂಗೈಃ᳚ ಶು॒ಭೇ ಕಂ ಯಾ᳚‌ನ್ತಿ ರಥ॒ತೂರ್ಭಿ॒ರಶ್ವೈಃ᳚ |
ರು॒ಕ್ಮೋ ನ ಚಿ॒ತ್ರಃ ಸ್ವಧಿ॑ತೀವಾನ್ಪ॒ವ್ಯಾ ರಥ॑ಸ್ಯ ಜಂಘನ‌ನ್ತ॒ ಭೂಮ॑ || 1.88.2
ಶ್ರಿ॒ಯೇ ಕಂ ವೋ॒ ಅಧಿ॑ ತ॒ನೂಷು॒ ವಾಶೀ᳚ರ್ಮೇ॒ಧಾ ವನಾ॒ ನ ಕೃ॑ಣವ‌ನ್ತ ಊ॒ರ್ಧ್ವಾ |
ಯು॒ಷ್ಮಭ್ಯಂ॒ ಕಂ ಮ॑ರುತಃ ಸುಜಾತಾಸ್ತುವಿದ್ಯು॒ಮ್ನಾಸೋ᳚ ಧನಯ‌ನ್ತೇ॒ ಅದ್ರಿ‌ಮ್᳚ || 1.88.3
ಅಹಾ᳚ನಿ॒ ಗೃಧ್ರಾಃ॒ ಪರ್ಯಾ ವ॒ ಆಗು॑ರಿ॒ಮಾಂ ಧಿಯಂ᳚ ವಾರ್ಕಾ॒ರ್ಯಾಂ ಚ॑ ದೇ॒ವೀ‌ಮ್ |
ಬ್ರಹ್ಮ॑ ಕೃ॒ಣ್ವ‌ನ್ತೋ॒ ಗೋತ॑ಮಾಸೋ ಅ॒ರ್ಕೈರೂ॒ರ್ಧ್ವಂ ನು॑ನುದ್ರ ಉತ್ಸ॒ಧಿಂ ಪಿಬ॑ಧ್ಯೈ || 1.88.4
ಏ॒ತತ್ತ್ಯನ್ನ ಯೋಜ॑ನಮಚೇತಿ ಸ॒ಸ್ವರ್ಹ॒ ಯನ್ಮ॑ರುತೋ॒ ಗೋತ॑ಮೋ ವಃ |
ಪಶ್ಯ॒ನ್ಹಿರ᳚ಣ್ಯಚಕ್ರಾ॒ನಯೋ᳚ದಂಷ್ಟ್ರಾನ್ವಿ॒ಧಾವ॑ತೋ ವ॒ರಾಹೂನ್॑ || 1.88.5
ಏ॒ಷಾ ಸ್ಯಾ ವೋ᳚ ಮರುತೋಽನುಭ॒ರ್ತ್ರೀ ಪ್ರತಿ॑ ಷ್ಟೋಭತಿ ವಾ॒ಘತೋ॒ ನ ವಾಣೀ᳚ |
ಅಸ್ತೋ᳚ಭಯ॒ದ್ವೃಥಾ᳚ಸಾ॒ಮನು॑ ಸ್ವ॒ಧಾಂ ಗಭ॑ಸ್ತ್ಯೋಃ || 1.88.6

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ವಿಶ್ವೇ ದೇವಾ ದೇವತಾಃ (1-5, 7) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾಶ್ಚ ಜಗತೀ (6) ಷಷ್ಠ್ಯಾ ವಿರಾಟ್ಸ್ಥಾನಾ (8-10) ಅಷ್ಟಮ್ಯಾದಿತೃಚಸ್ಯ ಚ ತ್ರಿಷ್ಟುಪ್ ಛಂದಾಂಸಿ

ಆ ನೋ᳚ ಭ॒ದ್ರಾಃ ಕ್ರತ॑ವೋ ಯ‌ನ್ತು ವಿ॒ಶ್ವತೋಽದ॑ಬ್ಧಾಸೋ॒ ಅಪ॑ರೀತಾಸ ಉ॒ದ್ಭಿದಃ॑ |
ದೇ॒ವಾ ನೋ॒ ಯಥಾ॒ ಸದ॒ಮಿದ್ವೃ॒ಧೇ ಅಸ॒ನ್ನಪ್ರಾ᳚ಯುವೋ ರಕ್ಷಿ॒ತಾರೋ᳚ ದಿ॒ವೇದಿ॑ವೇ || 1.89.1
ದೇ॒ವಾನಾಂ᳚ ಭ॒ದ್ರಾ ಸು॑ಮ॒ತಿರ್‌ಋ॑ಜೂಯ॒ತಾಂ ದೇ॒ವಾನಾಂ᳚ ರಾ॒ತಿರ॒ಭಿ ನೋ॒ ನಿ ವ॑ರ್ತತಾ‌ಮ್ |
ದೇ॒ವಾನಾಂ᳚ ಸ॒ಖ್ಯಮುಪ॑ ಸೇದಿಮಾ ವ॒ಯಂ ದೇ॒ವಾ ನ॒ ಆಯುಃ॒ ಪ್ರ ತಿ॑ರ‌ನ್ತು ಜೀ॒ವಸೇ᳚ || 1.89.2
ತಾನ್ಪೂರ್ವ॑ಯಾ ನಿ॒ವಿದಾ᳚ ಹೂಮಹೇ ವ॒ಯಂ ಭಗಂ᳚ ಮಿ॒ತ್ರಮದಿ॑ತಿಂ॒ ದಕ್ಷ॑ಮ॒ಸ್ರಿಧ‌ಮ್᳚ |
ಅ॒ರ್ಯ॒ಮಣಂ॒ ವರು॑ಣಂ॒ ಸೋಮ॑ಮ॒ಶ್ವಿನಾ॒ ಸರ॑ಸ್ವತೀ ನಃ ಸು॒ಭಗಾ॒ ಮಯ॑ಸ್ಕರತ್ || 1.89.3
ತನ್ನೋ॒ ವಾತೋ᳚ ಮಯೋ॒ಭು ವಾ᳚ತು ಭೇಷ॒ಜಂ ತನ್ಮಾ॒ತಾ ಪೃ॑ಥಿ॒ವೀ ತತ್ಪಿ॒ತಾ ದ್ಯೌಃ |
ತದ್ಗ್ರಾವಾ᳚ಣಃ ಸೋಮ॒ಸುತೋ᳚ ಮಯೋ॒ಭುವ॒ಸ್ತದ॑ಶ್ವಿನಾ ಶೃಣುತಂ ಧಿಷ್ಣ್ಯಾ ಯು॒ವ‌ಮ್ || 1.89.4
ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯ‌ಮ್ |
ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚ || 1.89.5
ಸ್ವ॒ಸ್ತಿ ನ॒ ಇಂದ್ರೋ᳚ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ᳚ದಾಃ |
ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು || 1.89.6
ಪೃಷ॑ದಶ್ವಾ ಮ॒ರುತಃ॒ ಪೃಶ್ನಿ॑ಮಾತರಃ ಶುಭಂ॒ಯಾವಾ᳚ನೋ ವಿ॒ದಥೇ᳚ಷು॒ ಜಗ್ಮ॑ಯಃ |
ಅ॒ಗ್ನಿ॒ಜಿ॒ಹ್ವಾ ಮನ॑ವಃ॒ ಸೂರ॑ಚಕ್ಷಸೋ॒ ವಿಶ್ವೇ᳚ ನೋ ದೇ॒ವಾ ಅವ॒ಸಾ ಗ॑ಮನ್ನಿ॒ಹ || 1.89.7
ಭ॒ದ್ರಂ ಕರ್ಣೇ᳚ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ᳚ರ್ಯಜತ್ರಾಃ |
ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಂಸ॑ಸ್ತ॒ನೂಭಿ॒ರ್ವ್ಯ॑ಶೇಮ ದೇ॒ವಹಿ॑ತಂ॒ ಯದಾಯುಃ॑ || 1.89.8
ಶ॒ತಮಿನ್ನು ಶ॒ರದೋ॒ ಅ‌ನ್ತಿ॑ ದೇವಾ॒ ಯತ್ರಾ᳚ ನಶ್ಚ॒ಕ್ರಾ ಜ॒ರಸಂ᳚ ತ॒ನೂನಾ᳚‌ಮ್ |
ಪು॒ತ್ರಾಸೋ॒ ಯತ್ರ॑ ಪಿ॒ತರೋ॒ ಭವ᳚‌ನ್ತಿ॒ ಮಾ ನೋ᳚ ಮ॒ಧ್ಯಾ ರೀ᳚ರಿಷ॒ತಾಯು॒ರ್ಗ‌ನ್ತೋಃ᳚ || 1.89.9
ಅದಿ॑ತಿ॒ರ್ದ್ಯೌರದಿ॑ತಿರ॒‌ನ್ತರಿ॑ಕ್ಷ॒ಮದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ |
ವಿಶ್ವೇ᳚ ದೇ॒ವಾ ಅದಿ॑ತಿಃ॒ ಪಂಚ॒ ಜನಾ॒ ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವ‌ಮ್ || 1.89.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ವಿಶ್ವೇ ದೇವಾ ದೇವತಾಃ (18) ಪ್ರಥಮಾದ್ಯಷ್ಟರ್ಚಾಂ ಗಾಯತ್ರೀ (9) ನವಮ್ಯಾಶ್ಚಾನುಷ್ಟಪ್ ಛಂದಸೀ

ಋ॒ಜು॒ನೀ॒ತೀ ನೋ॒ ವರು॑ಣೋ ಮಿ॒ತ್ರೋ ನ॑ಯತು ವಿ॒ದ್ವಾನ್ |
ಅ॒ರ್ಯ॒ಮಾ ದೇ॒ವೈಃ ಸ॒ಜೋಷಾಃ᳚ || 1.90.1
ತೇ ಹಿ ವಸ್ವೋ॒ ವಸ॑ವಾನಾ॒ಸ್ತೇ ಅಪ್ರ॑ಮೂರಾ॒ ಮಹೋ᳚ಭಿಃ |
ವ್ರ॒ತಾ ರ॑ಕ್ಷ‌ನ್ತೇ ವಿ॒ಶ್ವಾಹಾ᳚ || 1.90.2
ತೇ ಅ॒ಸ್ಮಭ್ಯಂ॒ ಶರ್ಮ॑ ಯಂಸನ್ನ॒ಮೃತಾ॒ ಮರ್ತ್ಯೇ᳚ಭ್ಯಃ |
ಬಾಧ॑ಮಾನಾ॒ ಅಪ॒ ದ್ವಿಷಃ॑ || 1.90.3
ವಿ ನಃ॑ ಪ॒ಥಃ ಸು॑ವಿ॒ತಾಯ॑ ಚಿ॒ಯ‌ನ್ತ್ವಿಂದ್ರೋ᳚ ಮ॒ರುತಃ॑ |
ಪೂ॒ಷಾ ಭಗೋ॒ ವಂದ್ಯಾ᳚ಸಃ || 1.90.4
ಉ॒ತ ನೋ॒ ಧಿಯೋ॒ ಗೋಅ॑ಗ್ರಾಃ॒ ಪೂಷ॒ನ್ವಿಷ್ಣ॒ವೇವ॑ಯಾವಃ |
ಕರ್ತಾ᳚ ನಃ ಸ್ವಸ್ತಿ॒ಮತಃ॑ || 1.90.5
ಮಧು॒ ವಾತಾ᳚ ಋತಾಯ॒ತೇ ಮಧು॑ ಕ್ಷರ‌ನ್ತಿ॒ ಸಿಂಧ॑ವಃ |
ಮಾಧ್ವೀ᳚ರ್ನಃ ಸ॒‌ನ್ತ್ವೋಷ॑ಧೀಃ || 1.90.6
ಮಧು॒ ನಕ್ತ॑ಮು॒ತೋಷಸೋ॒ ಮಧು॑ಮ॒ತ್ಪಾರ್ಥಿ॑ವಂ॒ ರಜಃ॑ |
ಮಧು॒ ದ್ಯೌರ॑ಸ್ತು ನಃ ಪಿ॒ತಾ || 1.90.7
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಁ ಅಸ್ತು॒ ಸೂರ್ಯಃ॑ |
ಮಾಧ್ವೀ॒ರ್ಗಾವೋ᳚ ಭವ‌ನ್ತು ನಃ || 1.90.8
ಶಂ ನೋ᳚ ಮಿ॒ತ್ರಃ ಶಂ ವರು॑ಣಃ॒ ಶಂ ನೋ᳚ ಭವತ್ವರ್ಯ॒ಮಾ |
ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॒ ಶಂ ನೋ॒ ವಿಷ್ಣು॑ರುರುಕ್ರ॒ಮಃ || 1.90.9

(1-23) ತ್ರಯೋವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಸೋಮೋ ದೇವತಾ, (1-4, 18-23) ಪ್ರಥಮಾದಿಚತುರೃಚ ಮಿಷ್ಟಾದಶ್ಯಾದಿಷಣ್ಣಾಂಚ ತ್ರಿಷ್ಟುಪ್ (5-16) ಪಂಚಮ್ಯಾದಿದ್ವಾದಶಾನಾಂ ಗಾಯತ್ರೀ (17) ಸಪ್ತದಶ್ಯಾಶ್ಚೋಷ್ಣಿಕ್ ಛಂದಾಂಸಿ

ತ್ವಂ ಸೋ᳚ಮ॒ ಪ್ರ ಚಿ॑ಕಿತೋ ಮನೀ॒ಷಾ ತ್ವಂ ರಜಿ॑ಷ್ಠ॒ಮನು॑ ನೇಷಿ॒ ಪ‌ನ್ಥಾ᳚‌ಮ್ |
ತವ॒ ಪ್ರಣೀ᳚ತೀ ಪಿ॒ತರೋ᳚ ನ ಇಂದೋ ದೇ॒ವೇಷು॒ ರತ್ನ॑ಮಭಜ‌ನ್ತ॒ ಧೀರಾಃ᳚ || 1.91.1
ತ್ವಂ ಸೋ᳚ಮ॒ ಕ್ರತು॑ಭಿಃ ಸು॒ಕ್ರತು॑ರ್ಭೂ॒ಸ್ತ್ವಂ ದಕ್ಷೈಃ᳚ ಸು॒ದಕ್ಷೋ᳚ ವಿ॒ಶ್ವವೇ᳚ದಾಃ |
ತ್ವಂ ವೃಷಾ᳚ ವೃಷ॒ತ್ವೇಭಿ᳚ರ್ಮಹಿ॒ತ್ವಾ ದ್ಯು॒ಮ್ನೇಭಿ॑ರ್ದ್ಯು॒ಮ್ನ್ಯ॑ಭವೋ ನೃ॒ಚಕ್ಷಾಃ᳚ || 1.91.2
ರಾಜ್ಞೋ॒ ನು ತೇ॒ ವರು॑ಣಸ್ಯ ವ್ರ॒ತಾನಿ॑ ಬೃ॒ಹದ್ಗ॑ಭೀ॒ರಂ ತವ॑ ಸೋಮ॒ ಧಾಮ॑ |
ಶುಚಿ॒ಷ್ಟ್ವಮ॑ಸಿ ಪ್ರಿ॒ಯೋ ನ ಮಿ॒ತ್ರೋ ದ॒ಕ್ಷಾಯ್ಯೋ᳚ ಅರ್ಯ॒ಮೇವಾ᳚ಸಿ ಸೋಮ || 1.91.3
ಯಾ ತೇ॒ ಧಾಮಾ᳚ನಿ ದಿ॒ವಿ ಯಾ ಪೃ॑ಥಿ॒ವ್ಯಾಂ ಯಾ ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು |
ತೇಭಿ᳚ರ್ನೋ॒ ವಿಶ್ವೈಃ᳚ ಸು॒ಮನಾ॒ ಅಹೇ᳚ಳ॒ನ್ರಾಜ᳚‌‌ನ್ತ್ಸೋಮ॒ ಪ್ರತಿ॑ ಹ॒ವ್ಯಾ ಗೃ॑ಭಾಯ || 1.91.4
ತ್ವಂ ಸೋ᳚ಮಾಸಿ॒ ಸತ್ಪ॑ತಿ॒ಸ್ತ್ವಂ ರಾಜೋ॒ತ ವೃ॑ತ್ರ॒ಹಾ |
ತ್ವಂ ಭ॒ದ್ರೋ ಅ॑ಸಿ॒ ಕ್ರತುಃ॑ || 1.91.5
ತ್ವಂ ಚ॑ ಸೋಮ ನೋ॒ ವಶೋ᳚ ಜೀ॒ವಾತುಂ॒ ನ ಮ॑ರಾಮಹೇ |
ಪ್ರಿ॒ಯಸ್ತೋ᳚ತ್ರೋ॒ ವನ॒ಸ್ಪತಿಃ॑ || 1.91.6
ತ್ವಂ ಸೋ᳚ಮ ಮ॒ಹೇ ಭಗಂ॒ ತ್ವಂ ಯೂನ॑ ಋತಾಯ॒ತೇ |
ದಕ್ಷಂ᳚ ದಧಾಸಿ ಜೀ॒ವಸೇ᳚ || 1.91.7
ತ್ವಂ ನಃ॑ ಸೋಮ ವಿ॒ಶ್ವತೋ॒ ರಕ್ಷಾ᳚ ರಾಜನ್ನಘಾಯ॒ತಃ |
ನ ರಿ॑ಷ್ಯೇ॒ತ್ತ್ವಾವ॑ತಃ॒ ಸಖಾ᳚ || 1.91.8
ಸೋಮ॒ ಯಾಸ್ತೇ᳚ ಮಯೋ॒ಭುವ॑ ಊ॒ತಯಃ॒ ಸ‌ನ್ತಿ॑ ದಾ॒ಶುಷೇ᳚ |
ತಾಭಿ᳚ರ್ನೋಽವಿ॒ತಾ ಭ॑ವ || 1.91.9
ಇ॒ಮಂ ಯ॒ಜ್ಞಮಿ॒ದಂ ವಚೋ᳚ ಜುಜುಷಾ॒ಣ ಉ॒ಪಾಗ॑ಹಿ |
ಸೋಮ॒ ತ್ವಂ ನೋ᳚ ವೃ॒ಧೇ ಭ॑ವ || 1.91.10
ಸೋಮ॑ ಗೀ॒ರ್ಭಿಷ್ಟ್ವಾ᳚ ವ॒ಯಂ ವ॒ರ್ಧಯಾ᳚ಮೋ ವಚೋ॒ವಿದಃ॑ |
ಸು॒ಮೃ॒ಳೀ॒ಕೋ ನ॒ ಆ ವಿ॑ಶ || 1.91.11
ಗ॒ಯ॒ಸ್ಫಾನೋ᳚ ಅಮೀವ॒ಹಾ ವ॑ಸು॒ವಿತ್ಪು॑ಷ್ಟಿ॒ವರ್ಧ॑ನಃ |
ಸು॒ಮಿ॒ತ್ರಃ ಸೋ᳚ಮ ನೋ ಭವ || 1.91.12
ಸೋಮ॑ ರಾರಂ॒ಧಿ ನೋ᳚ ಹೃ॒ದಿ ಗಾವೋ॒ ನ ಯವ॑ಸೇ॒ಷ್ವಾ |
ಮರ್ಯ॑ ಇವ॒ ಸ್ವ ಓ॒ಕ್ಯೇ᳚ || 1.91.13
ಯಃ ಸೋ᳚ಮ ಸ॒ಖ್ಯೇ ತವ॑ ರಾ॒ರಣ॑ದ್ದೇವ॒ ಮರ್ತ್ಯಃ॑ |
ತಂ ದಕ್ಷಃ॑ ಸಚತೇ ಕ॒ವಿಃ || 1.91.14
ಉ॒ರು॒ಷ್ಯಾ ಣೋ᳚ ಅ॒ಭಿಶ॑ಸ್ತೇಃ॒ ಸೋಮ॒ ನಿ ಪಾ॒ಹ್ಯಂಹ॑ಸಃ |
ಸಖಾ᳚ ಸು॒ಶೇವ॑ ಏಧಿ ನಃ || 1.91.15
ಆ ಪ್ಯಾ᳚ಯಸ್ವ॒ ಸಮೇ᳚ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣ್ಯ‌ಮ್᳚ |
ಭವಾ॒ ವಾಜ॑ಸ್ಯ ಸಂಗ॒ಥೇ || 1.91.16
ಆ ಪ್ಯಾ᳚ಯಸ್ವ ಮದಿ‌ನ್ತಮ॒ ಸೋಮ॒ ವಿಶ್ವೇ᳚ಭಿರಂ॒ಶುಭಿಃ॑ |
ಭವಾ᳚ ನಃ ಸು॒ಶ್ರವ॑ಸ್ತಮಃ॒ ಸಖಾ᳚ ವೃ॒ಧೇ || 1.91.17
ಸಂ ತೇ॒ ಪಯಾಂ᳚ಸಿ॒ ಸಮು॑ ಯ‌ನ್ತು॒ ವಾಜಾಃ॒ ಸಂ ವೃಷ್ಣ್ಯಾ᳚ನ್ಯಭಿಮಾತಿ॒ಷಾಹಃ॑ |
ಆ॒ಪ್ಯಾಯ॑ಮಾನೋ ಅ॒ಮೃತಾ᳚ಯ ಸೋಮ ದಿ॒ವಿ ಶ್ರವಾಂ᳚ಸ್ಯುತ್ತ॒ಮಾನಿ॑ ಧಿಷ್ವ || 1.91.18
ಯಾ ತೇ॒ ಧಾಮಾ᳚ನಿ ಹ॒ವಿಷಾ॒ ಯಜ᳚‌ನ್ತಿ॒ ತಾ ತೇ॒ ವಿಶ್ವಾ᳚ ಪರಿ॒ಭೂರ॑ಸ್ತು ಯ॒ಜ್ಞ‌ಮ್ |
ಗ॒ಯ॒ಸ್ಫಾನಃ॑ ಪ್ರ॒ತರ॑ಣಃ ಸು॒ವೀರೋಽವೀ᳚ರಹಾ॒ ಪ್ರ ಚ॑ರಾ ಸೋಮ॒ ದುರ್ಯಾನ್॑ || 1.91.19
ಸೋಮೋ᳚ ಧೇ॒ನುಂ ಸೋಮೋ॒ ಅರ್ವ᳚‌ನ್ತಮಾ॒ಶುಂ ಸೋಮೋ᳚ ವೀ॒ರಂ ಕ᳚ರ್ಮ॒ಣ್ಯಂ᳚ ದದಾತಿ |
ಸಾ॒ದ॒ನ್ಯಂ᳚ ವಿದ॒ಥ್ಯಂ᳚ ಸ॒ಭೇಯಂ᳚ ಪಿತೃ॒ಶ್ರವ॑ಣಂ॒ ಯೋ ದದಾ᳚ಶದಸ್ಮೈ || 1.91.20
ಅಷಾ᳚ಳ್ಹಂ ಯು॒ತ್ಸು ಪೃತ॑ನಾಸು॒ ಪಪ್ರಿಂ᳚ ಸ್ವ॒ರ್ಷಾಮ॒ಪ್ಸಾಂ ವೃ॒ಜನ॑ಸ್ಯ ಗೋ॒ಪಾ‌ಮ್ |
ಭ॒ರೇ॒ಷು॒ಜಾಂ ಸು॑ಕ್ಷಿ॒ತಿಂ ಸು॒ಶ್ರವ॑ಸಂ॒ ಜಯ᳚‌ನ್ತಂ॒ ತ್ವಾಮನು॑ ಮದೇಮ ಸೋಮ || 1.91.21
ತ್ವಮಿ॒ಮಾ ಓಷ॑ಧೀಃ ಸೋಮ॒ ವಿಶ್ವಾ॒ಸ್ತ್ವಮ॒ಪೋ ಅ॑ಜನಯ॒ಸ್ತ್ವಂ ಗಾಃ |
ತ್ವಮಾ ತ॑ತ‌ನ್ಥೋ॒ರ್ವ1॒᳚‌ನ್ತರಿ॑ಕ್ಷಂ॒ ತ್ವಂ ಜ್ಯೋತಿ॑ಷಾ॒ ವಿ ತಮೋ᳚ ವವರ್ಥ || 1.91.22
ದೇ॒ವೇನ॑ ನೋ॒ ಮನ॑ಸಾ ದೇವ ಸೋಮ ರಾ॒ಯೋ ಭಾ॒ಗಂ ಸ॑ಹಸಾವನ್ನ॒ಭಿ ಯು॑ಧ್ಯ |
ಮಾ ತ್ವಾ ತ॑ನ॒ದೀಶಿ॑ಷೇ ವೀ॒ರ್ಯ॑ಸ್ಯೋ॒ಭಯೇ᳚ಭ್ಯಃ॒ ಪ್ರ ಚಿ॑ಕಿತ್ಸಾ॒ ಗವಿ॑ಷ್ಟೌ || 1.91.23

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ (1-15) ಪ್ರಥಮಾದಿಪಂಚದಶರ್ಚಾಮಷ ಃ (13-18) ಷೋಡಶ್ಯಾದಿತೃಚಸ್ಯ ಚಾಶ್ವಿನೌ ದೇವತಾಃ (1-4) ಪ್ರಥಮಾದಿಚರ್ಚಾಂ ಜಗತೀ (5-12) ಪಂಚಮ್ಯಾದ್ಯಷ್ಟಾನಾಂ ತ್ರಿಷ್ಟುಪ್ (13-18) ತ್ರಯೋದಶ್ಯಾದಿಷಣ್ಣಾಂಚೋಷ್ಣಿಕ್ ಛಂದಾಂಸಿ

ಏ॒ತಾ ಉ॒ ತ್ಯಾ ಉ॒ಷಸಃ॑ ಕೇ॒ತುಮ॑ಕ್ರತ॒ ಪೂರ್ವೇ॒ ಅರ್ಧೇ॒ ರಜ॑ಸೋ ಭಾ॒ನುಮಂ᳚ಜತೇ |
ನಿ॒ಷ್ಕೃ॒ಣ್ವಾ॒ನಾ ಆಯು॑ಧಾನೀವ ಧೃ॒ಷ್ಣವಃ॒ ಪ್ರತಿ॒ ಗಾವೋಽರು॑ಷೀರ್ಯ‌ನ್ತಿ ಮಾ॒ತರಃ॑ || 1.92.1
ಉದ॑ಪಪ್ತನ್ನರು॒ಣಾ ಭಾ॒ನವೋ॒ ವೃಥಾ᳚ ಸ್ವಾ॒ಯುಜೋ॒ ಅರು॑ಷೀ॒ರ್ಗಾ ಅ॑ಯುಕ್ಷತ |
ಅಕ್ರ᳚ನ್ನು॒ಷಾಸೋ᳚ ವ॒ಯುನಾ᳚ನಿ ಪೂ॒ರ್ವಥಾ॒ ರುಶ᳚‌ನ್ತಂ ಭಾ॒ನುಮರು॑ಷೀರಶಿಶ್ರಯುಃ || 1.92.2
ಅರ್ಚ᳚‌ನ್ತಿ॒ ನಾರೀ᳚ರ॒ಪಸೋ॒ ನ ವಿ॒ಷ್ಟಿಭಿಃ॑ ಸಮಾ॒ನೇನ॒ ಯೋಜ॑ನೇ॒ನಾ ಪ॑ರಾ॒ವತಃ॑ |
ಇಷಂ॒ ವಹ᳚‌ನ್ತೀಃ ಸು॒ಕೃತೇ᳚ ಸು॒ದಾನ॑ವೇ॒ ವಿಶ್ವೇದಹ॒ ಯಜ॑ಮಾನಾಯ ಸುನ್ವ॒ತೇ || 1.92.3
ಅಧಿ॒ ಪೇಶಾಂ᳚ಸಿ ವಪತೇ ನೃ॒ತೂರಿ॒ವಾಪೋ᳚ರ್ಣುತೇ॒ ವಕ್ಷ॑ ಉ॒ಸ್ರೇವ॒ ಬರ್ಜ॑ಹ‌ಮ್ |
ಜ್ಯೋತಿ॒ರ್ವಿಶ್ವ॑ಸ್ಮೈ॒ ಭುವ॑ನಾಯ ಕೃಣ್ವ॒ತೀ ಗಾವೋ॒ ನ ವ್ರ॒ಜಂ ವ್ಯು1॒॑ಷಾ ಆ᳚ವ॒ರ್ತಮಃ॑ || 1.92.4
ಪ್ರತ್ಯ॒ರ್ಚೀ ರುಶ॑ದಸ್ಯಾ ಅದರ್ಶಿ॒ ವಿ ತಿ॑ಷ್ಠತೇ॒ ಬಾಧ॑ತೇ ಕೃ॒ಷ್ಣಮಭ್ವ‌ಮ್᳚ |
ಸ್ವರುಂ॒ ನ ಪೇಶೋ᳚ ವಿ॒ದಥೇ᳚ಷ್ವಂ॒ಜಂಚಿ॒ತ್ರಂ ದಿ॒ವೋ ದು॑ಹಿ॒ತಾ ಭಾ॒ನುಮ॑ಶ್ರೇತ್ || 1.92.5
ಅತಾ᳚ರಿಷ್ಮ॒ ತಮ॑ಸಸ್ಪಾ॒ರಮ॒ಸ್ಯೋಷಾ ಉ॒ಚ್ಛ‌ನ್ತೀ᳚ ವ॒ಯುನಾ᳚ ಕೃಣೋತಿ |
ಶ್ರಿ॒ಯೇ ಛಂದೋ॒ ನ ಸ್ಮ॑ಯತೇ ವಿಭಾ॒ತೀ ಸು॒ಪ್ರತೀ᳚ಕಾ ಸೌಮನ॒ಸಾಯಾ᳚ಜೀಗಃ || 1.92.6
ಭಾಸ್ವ॑ತೀ ನೇ॒ತ್ರೀ ಸೂ॒ನೃತಾ᳚ನಾಂ ದಿ॒ವಃ ಸ್ತ॑ವೇ ದುಹಿ॒ತಾ ಗೋತ॑ಮೇಭಿಃ |
ಪ್ರ॒ಜಾವ॑ತೋ ನೃ॒ವತೋ॒ ಅಶ್ವ॑ಬುಧ್ಯಾ॒ನುಷೋ॒ ಗೋಅ॑ಗ್ರಾಁ॒ ಉಪ॑ ಮಾಸಿ॒ ವಾಜಾನ್॑ || 1.92.7
ಉಷ॒ಸ್ತಮ॑ಶ್ಯಾಂ ಯ॒ಶಸಂ᳚ ಸು॒ವೀರಂ᳚ ದಾ॒ಸಪ್ರ॑ವರ್ಗಂ ರ॒ಯಿಮಶ್ವ॑ಬುಧ್ಯ‌ಮ್ |
ಸು॒ದಂಸ॑ಸಾ॒ ಶ್ರವ॑ಸಾ॒ ಯಾ ವಿ॒ಭಾಸಿ॒ ವಾಜ॑ಪ್ರಸೂತಾ ಸುಭಗೇ ಬೃ॒ಹ‌ನ್ತ‌ಮ್᳚ || 1.92.8
ವಿಶ್ವಾ᳚ನಿ ದೇ॒ವೀ ಭುವ॑ನಾಭಿ॒ಚಕ್ಷ್ಯಾ᳚ ಪ್ರತೀ॒ಚೀ ಚಕ್ಷು॑ರುರ್ವಿ॒ಯಾ ವಿ ಭಾ᳚ತಿ |
ವಿಶ್ವಂ᳚ ಜೀ॒ವಂ ಚ॒ರಸೇ᳚ ಬೋ॒ಧಯ᳚‌ನ್ತೀ॒ ವಿಶ್ವ॑ಸ್ಯ॒ ವಾಚ॑ಮವಿದನ್ಮನಾ॒ಯೋಃ || 1.92.9
ಪುನಃ॑ಪುನ॒ರ್ಜಾಯ॑ಮಾನಾ ಪುರಾ॒ಣೀ ಸ॑ಮಾ॒ನಂ ವರ್ಣ॑ಮ॒ಭಿ ಶುಂಭ॑ಮಾನಾ |
ಶ್ವ॒ಘ್ನೀವ॑ ಕೃ॒ತ್ನುರ್ವಿಜ॑ ಆಮಿನಾ॒ನಾ ಮರ್ತ॑ಸ್ಯ ದೇ॒ವೀ ಜ॒ರಯ॒‌ನ್ತ್ಯಾಯುಃ॑ || 1.92.10
ವ್ಯೂ॒ರ್ಣ್ವ॒ತೀ ದಿ॒ವೋ ಅ‌ನ್ತಾಁ᳚ ಅಬೋ॒ಧ್ಯಪ॒ ಸ್ವಸಾ᳚ರಂ ಸನು॒ತರ್ಯು॑ಯೋತಿ |
ಪ್ರ॒ಮಿ॒ನ॒ತೀ ಮ॑ನು॒ಷ್ಯಾ᳚ ಯು॒ಗಾನಿ॒ ಯೋಷಾ᳚ ಜಾ॒ರಸ್ಯ॒ ಚಕ್ಷ॑ಸಾ॒ ವಿ ಭಾ᳚ತಿ || 1.92.11
ಪ॒ಶೂನ್ನ ಚಿ॒ತ್ರಾ ಸು॒ಭಗಾ᳚ ಪ್ರಥಾ॒ನಾ ಸಿಂಧು॒ರ್ನ ಕ್ಷೋದ॑ ಉರ್ವಿ॒ಯಾ ವ್ಯ॑ಶ್ವೈತ್ |
ಅಮಿ॑ನತೀ॒ ದೈವ್ಯಾ᳚ನಿ ವ್ರ॒ತಾನಿ॒ ಸೂರ್ಯ॑ಸ್ಯ ಚೇತಿ ರ॒ಶ್ಮಿಭಿ॑ರ್ದೃಶಾ॒ನಾ || 1.92.12
ಉಷ॒ಸ್ತಚ್ಚಿ॒ತ್ರಮಾ ಭ॑ರಾ॒ಸ್ಮಭ್ಯಂ᳚ ವಾಜಿನೀವತಿ |
ಯೇನ॑ ತೋ॒ಕಂ ಚ॒ ತನ॑ಯಂ ಚ॒ ಧಾಮ॑ಹೇ || 1.92.13
ಉಷೋ᳚ ಅ॒ದ್ಯೇಹ ಗೋ᳚ಮ॒ತ್ಯಶ್ವಾ᳚ವತಿ ವಿಭಾವರಿ |
ರೇ॒ವದ॒ಸ್ಮೇ ವ್ಯು॑ಚ್ಛ ಸೂನೃತಾವತಿ || 1.92.14
ಯು॒ಕ್ಷ್ವಾ ಹಿ ವಾ᳚ಜಿನೀವ॒ತ್ಯಶ್ವಾಁ᳚ ಅ॒ದ್ಯಾರು॒ಣಾಁ ಉ॑ಷಃ |
ಅಥಾ᳚ ನೋ॒ ವಿಶ್ವಾ॒ ಸೌಭ॑ಗಾ॒ನ್ಯಾ ವ॑ಹ || 1.92.15
ಅಶ್ವಿ॑ನಾ ವ॒ರ್ತಿರ॒ಸ್ಮದಾ ಗೋಮ॑ದ್ದಸ್ರಾ॒ ಹಿರ᳚ಣ್ಯವತ್ |
ಅ॒ರ್ವಾಗ್ರಥಂ॒ ಸಮ॑ನಸಾ॒ ನಿ ಯ॑ಚ್ಛತ‌ಮ್ || 1.92.16
ಯಾವಿ॒ತ್ಥಾ ಶ್ಲೋಕ॒ಮಾ ದಿ॒ವೋ ಜ್ಯೋತಿ॒ರ್ಜನಾ᳚ಯ ಚ॒ಕ್ರಥುಃ॑ |
ಆ ನ॒ ಊರ್ಜಂ᳚ ವಹತಮಶ್ವಿನಾ ಯು॒ವ‌ಮ್ || 1.92.17
ಏಹ ದೇ॒ವಾ ಮ॑ಯೋ॒ಭುವಾ᳚ ದ॒ಸ್ರಾ ಹಿರ᳚ಣ್ಯವರ್ತನೀ |
ಉ॒ಷ॒ರ್ಬುಧೋ᳚ ವಹ‌ನ್ತು॒ ಸೋಮ॑ಪೀತಯೇ || 1.92.18

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ ಅಗ್ನೀಷೋಮೋ ದೇವತೇ (1-3) ಪ್ರಥಮಾದಿತೃಚಸ್ಯಾನುಷ್ಟಪು(4-7, 12) ಚತುರ್ಥ್ಯಾದಿಚತಸೃಣಾಂ ದ್ವಾದಶ್ಯಾಶ್ಚ ತ್ರಿಷ್ಟುಪ್ 8 ಅಷ್ಟಮ್ಯಾ ಜಗತೀ ತ್ರಿಷ್ಟಬ್ ವಾ (9-11) ನವಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸಿ

ಅಗ್ನೀ᳚ಷೋಮಾವಿ॒ಮಂ ಸು ಮೇ᳚ ಶೃಣು॒ತಂ ವೃ॑ಷಣಾ॒ ಹವ‌ಮ್᳚ |
ಪ್ರತಿ॑ ಸೂ॒ಕ್ತಾನಿ॑ ಹರ್ಯತಂ॒ ಭವ॑ತಂ ದಾ॒ಶುಷೇ॒ ಮಯಃ॑ || 1.93.1
ಅಗ್ನೀ᳚ಷೋಮಾ॒ ಯೋ ಅ॒ದ್ಯ ವಾ᳚ಮಿ॒ದಂ ವಚಃ॑ ಸಪ॒ರ್ಯತಿ॑ |
ತಸ್ಮೈ᳚ ಧತ್ತಂ ಸು॒ವೀರ್ಯಂ॒ ಗವಾಂ॒ ಪೋಷಂ॒ ಸ್ವಶ್ವ್ಯ‌ಮ್᳚ || 1.93.2
ಅಗ್ನೀ᳚ಷೋಮಾ॒ ಯ ಆಹು॑ತಿಂ॒ ಯೋ ವಾಂ॒ ದಾಶಾ᳚ದ್ಧ॒ವಿಷ್ಕೃ॑ತಿ‌ಮ್ |
ಸ ಪ್ರ॒ಜಯಾ᳚ ಸು॒ವೀರ್ಯಂ॒ ವಿಶ್ವ॒ಮಾಯು॒ರ್ವ್ಯ॑ಶ್ನವತ್ || 1.93.3
ಅಗ್ನೀ᳚ಷೋಮಾ॒ ಚೇತಿ॒ ತದ್ವೀ॒ರ್ಯಂ᳚ ವಾಂ॒ ಯದಮು॑ಷ್ಣೀತಮವ॒ಸಂ ಪ॒ಣಿಂ ಗಾಃ |
ಅವಾ᳚ತಿರತಂ॒ ಬೃಸ॑ಯಸ್ಯ॒ ಶೇಷೋಽವಿಂ᳚ದತಂ॒ ಜ್ಯೋತಿ॒ರೇಕಂ᳚ ಬ॒ಹುಭ್ಯಃ॑ || 1.93.4
ಯು॒ವಮೇ॒ತಾನಿ॑ ದಿ॒ವಿ ರೋ᳚ಚ॒ನಾನ್ಯ॒ಗ್ನಿಶ್ಚ॑ ಸೋಮ॒ ಸಕ್ರ॑ತೂ ಅಧತ್ತ‌ಮ್ |
ಯು॒ವಂ ಸಿಂಧೂಁ᳚ರ॒ಭಿಶ॑ಸ್ತೇರವ॒ದ್ಯಾದಗ್ನೀ᳚ಷೋಮಾ॒ವಮುಂ᳚ಚತಂ ಗೃಭೀ॒ತಾನ್ || 1.93.5
ಆನ್ಯಂ ದಿ॒ವೋ ಮಾ᳚ತ॒ರಿಶ್ವಾ᳚ ಜಭಾ॒ರಾಮ॑ಥ್ನಾದ॒ನ್ಯಂ ಪರಿ॑ ಶ್ಯೇ॒ನೋ ಅದ್ರೇಃ᳚ |
ಅಗ್ನೀ᳚ಷೋಮಾ॒ ಬ್ರಹ್ಮ॑ಣಾ ವಾವೃಧಾ॒ನೋರುಂ ಯ॒ಜ್ಞಾಯ॑ ಚಕ್ರಥುರು ಲೋ॒ಕ‌ಮ್ || 1.93.6
ಅಗ್ನೀ᳚ಷೋಮಾ ಹ॒ವಿಷಃ॒ ಪ್ರಸ್ಥಿ॑ತಸ್ಯ ವೀ॒ತಂ ಹರ್ಯ॑ತಂ ವೃಷಣಾ ಜು॒ಷೇಥಾ᳚‌ಮ್ |
ಸು॒ಶರ್ಮಾ᳚ಣಾ॒ ಸ್ವವ॑ಸಾ॒ ಹಿ ಭೂ॒ತಮಥಾ᳚ ಧತ್ತಂ॒ ಯಜ॑ಮಾನಾಯ॒ ಶಂ ಯೋಃ || 1.93.7
ಯೋ ಅ॒ಗ್ನೀಷೋಮಾ᳚ ಹ॒ವಿಷಾ᳚ ಸಪ॒ರ್ಯಾದ್ದೇ᳚ವ॒ದ್ರೀಚಾ॒ ಮನ॑ಸಾ॒ ಯೋ ಘೃ॒ತೇನ॑ |
ತಸ್ಯ᳚ ವ್ರ॒ತಂ ರ॑ಕ್ಷತಂ ಪಾ॒ತಮಂಹ॑ಸೋ ವಿ॒ಶೇ ಜನಾ᳚ಯ॒ ಮಹಿ॒ ಶರ್ಮ॑ ಯಚ್ಛತ‌ಮ್ || 1.93.8
ಅಗ್ನೀ᳚ಷೋಮಾ॒ ಸವೇ᳚ದಸಾ॒ ಸಹೂ᳚ತೀ ವನತಂ॒ ಗಿರಃ॑ |
ಸಂ ದೇ᳚ವ॒ತ್ರಾ ಬ॑ಭೂವಥುಃ || 1.93.9
ಅಗ್ನೀ᳚ಷೋಮಾವ॒ನೇನ॑ ವಾಂ॒ ಯೋ ವಾಂ᳚ ಘೃ॒ತೇನ॒ ದಾಶ॑ತಿ |
ತಸ್ಮೈ᳚ ದೀದಯತಂ ಬೃ॒ಹತ್ || 1.93.10
ಅಗ್ನೀ᳚ಷೋಮಾವಿ॒ಮಾನಿ॑ ನೋ ಯು॒ವಂ ಹ॒ವ್ಯಾ ಜು॑ಜೋಷತ‌ಮ್ |
ಆ ಯಾ᳚ತ॒ಮುಪ॑ ನಃ॒ ಸಚಾ᳚ || 1.93.11
ಅಗ್ನೀ᳚ಷೋಮಾ ಪಿಪೃ॒ತಮರ್ವ॑ತೋ ನ॒ ಆ ಪ್ಯಾ᳚ಯ‌ನ್ತಾಮು॒ಸ್ರಿಯಾ᳚ ಹವ್ಯ॒ಸೂದಃ॑ |
ಅ॒ಸ್ಮೇ ಬಲಾ᳚ನಿ ಮ॒ಘವ॑ತ್ಸು ಧತ್ತಂ ಕೃಣು॒ತಂ ನೋ᳚ ಅಧ್ವ॒ರಂ ಶ್ರು॑ಷ್ಟಿ॒ಮ‌ನ್ತ‌ಮ್᳚ || 1.93.12

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ (1-16) ಪ್ರಥಮಾದಿಷೋಡಶರ್ಚಾಮಗ್ನಿರ್ಜಾತವೇದಾಃ, ತತ್ರಾಪಿ (8) ಅಷ್ಟಮ್ಯಾಃ ಪಾದತ್ರಯಸ್ಯ ದೇವಾಃ (16) ಷೋಡಶ್ಯಾ ಉತ್ತರಾರ್ಧಸ್ಯ ಮಿತ್ರವರುಣಾದಿತಿಸಿಂಧುಪಾ ಥವೀದ್ಯಾವೋ ವಾ ದೇವತಾಃ (1-14) ಪ್ರಥಮಾದಿಚತುದಶಾ ಜಗತೀ (15-16) ಪಂಚದಶೀಷೋಡಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಇ॒ಮಂ ಸ್ತೋಮ॒ಮರ್ಹ॑ತೇ ಜಾ॒ತವೇ᳚ದಸೇ॒ ರಥ॑ಮಿವ॒ ಸಂ ಮ॑ಹೇಮಾ ಮನೀ॒ಷಯಾ᳚ |
ಭ॒ದ್ರಾ ಹಿ ನಃ॒ ಪ್ರಮ॑ತಿರಸ್ಯ ಸಂ॒ಸದ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.1
ಯಸ್ಮೈ॒ ತ್ವಮಾ॒ಯಜ॑ಸೇ॒ ಸ ಸಾ᳚ಧತ್ಯನ॒ರ್ವಾ ಕ್ಷೇ᳚ತಿ॒ ದಧ॑ತೇ ಸು॒ವೀರ್ಯ‌ಮ್᳚ |
ಸ ತೂ᳚ತಾವ॒ ನೈನ॑ಮಶ್ನೋತ್ಯಂಹ॒ತಿರಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.2
ಶ॒ಕೇಮ॑ ತ್ವಾ ಸ॒ಮಿಧಂ᳚ ಸಾ॒ಧಯಾ॒ ಧಿಯ॒ಸ್ತ್ವೇ ದೇ॒ವಾ ಹ॒ವಿರ॑ದ॒‌ನ್ತ್ಯಾಹು॑ತ‌ಮ್ |
ತ್ವಮಾ᳚ದಿ॒ತ್ಯಾಁ ಆ ವ॑ಹ॒ ತಾನ್ಹ್ಯು1॒॑ಶ್ಮಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.3
ಭರಾ᳚ಮೇ॒ಧ್ಮಂ ಕೃ॒ಣವಾ᳚ಮಾ ಹ॒ವೀಂಷಿ॑ ತೇ ಚಿ॒ತಯ᳚‌ನ್ತಃ॒ ಪರ್ವ॑ಣಾಪರ್ವಣಾ ವ॒ಯ‌ಮ್ |
ಜೀ॒ವಾತ॑ವೇ ಪ್ರತ॒ರಂ ಸಾ᳚ಧಯಾ॒ ಧಿಯೋಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.4
ವಿ॒ಶಾಂ ಗೋ॒ಪಾ ಅ॑ಸ್ಯ ಚರ‌ನ್ತಿ ಜ॒‌ನ್ತವೋ᳚ ದ್ವಿ॒ಪಚ್ಚ॒ ಯದು॒ತ ಚತು॑ಷ್ಪದ॒ಕ್ತುಭಿಃ॑ |
ಚಿ॒ತ್ರಃ ಪ್ರ॑ಕೇ॒ತ ಉ॒ಷಸೋ᳚ ಮ॒ಹಾಁ ಅ॒ಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.5
ತ್ವಮ॑ಧ್ವ॒ರ್ಯುರು॒ತ ಹೋತಾ᳚ಸಿ ಪೂ॒ರ್ವ್ಯಃ ಪ್ರ॑ಶಾ॒ಸ್ತಾ ಪೋತಾ᳚ ಜ॒ನುಷಾ᳚ ಪು॒ರೋಹಿ॑ತಃ |
ವಿಶ್ವಾ᳚ ವಿ॒ದ್ವಾಁ ಆರ್ತ್ವಿ॑ಜ್ಯಾ ಧೀರ ಪುಷ್ಯ॒ಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.6
ಯೋ ವಿ॒ಶ್ವತಃ॑ ಸು॒ಪ್ರತೀ᳚ಕಃ ಸ॒ದೃಙ್ಙಸಿ॑ ದೂ॒ರೇ ಚಿ॒ತ್ಸ‌ನ್ತ॒ಳಿದಿ॒ವಾತಿ॑ ರೋಚಸೇ |
ರಾತ್ರ್ಯಾ᳚ಶ್ಚಿ॒ದಂಧೋ॒ ಅತಿ॑ ದೇವ ಪಶ್ಯ॒ಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.7
ಪೂರ್ವೋ᳚ ದೇವಾ ಭವತು ಸುನ್ವ॒ತೋ ರಥೋ॒ಽಸ್ಮಾಕಂ॒ ಶಂಸೋ᳚ ಅ॒ಭ್ಯ॑ಸ್ತು ದೂ॒ಢ್ಯಃ॑ |
ತದಾ ಜಾ᳚ನೀತೋ॒ತ ಪು॑ಷ್ಯತಾ॒ ವಚೋಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.8
ವ॒ಧೈರ್ದುಃ॒ಶಂಸಾಁ॒ ಅಪ॑ ದೂ॒ಢ್ಯೋ᳚ ಜಹಿ ದೂ॒ರೇ ವಾ॒ ಯೇ ಅ‌ನ್ತಿ॑ ವಾ॒ ಕೇ ಚಿ॑ದ॒ತ್ರಿಣಃ॑ |
ಅಥಾ᳚ ಯ॒ಜ್ಞಾಯ॑ ಗೃಣ॒ತೇ ಸು॒ಗಂ ಕೃ॒ಧ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.9
ಯದಯು॑ಕ್ಥಾ ಅರು॒ಷಾ ರೋಹಿ॑ತಾ॒ ರಥೇ॒ ವಾತ॑ಜೂತಾ ವೃಷ॒ಭಸ್ಯೇ᳚ವ ತೇ॒ ರವಃ॑ |
ಆದಿ᳚ನ್ವಸಿ ವ॒ನಿನೋ᳚ ಧೂ॒ಮಕೇ᳚ತು॒ನಾಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.10
ಅಧ॑ ಸ್ವ॒ನಾದು॒ತ ಬಿ॑ಭ್ಯುಃ ಪತ॒ತ್ರಿಣೋ᳚ ದ್ರ॒ಪ್ಸಾ ಯತ್ತೇ᳚ ಯವ॒ಸಾದೋ॒ ವ್ಯಸ್ಥಿ॑ರನ್ |
ಸು॒ಗಂ ತತ್ತೇ᳚ ತಾವ॒ಕೇಭ್ಯೋ॒ ರಥೇ॒ಭ್ಯೋಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.11
ಅ॒ಯಂ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಯ॑ಸೇಽವಯಾ॒ತಾಂ ಮ॒ರುತಾಂ॒ ಹೇಳೋ॒ ಅದ್ಭು॑ತಃ |
ಮೃ॒ಳಾ ಸು ನೋ॒ ಭೂತ್ವೇ᳚ಷಾಂ॒ ಮನಃ॒ ಪುನ॒ರಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.12
ದೇ॒ವೋ ದೇ॒ವಾನಾ᳚ಮಸಿ ಮಿ॒ತ್ರೋ ಅದ್ಭು॑ತೋ॒ ವಸು॒ರ್ವಸೂ᳚ನಾಮಸಿ॒ ಚಾರು॑ರಧ್ವ॒ರೇ |
ಶರ್ಮ᳚‌‌ನ್ತ್ಸ್ಯಾಮ॒ ತವ॑ ಸ॒ಪ್ರಥ॑ಸ್ತ॒ಮೇಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.13
ತತ್ತೇ᳚ ಭ॒ದ್ರಂ ಯತ್ಸಮಿ॑ದ್ಧಃ॒ ಸ್ವೇ ದಮೇ॒ ಸೋಮಾ᳚ಹುತೋ॒ ಜರ॑ಸೇ ಮೃಳ॒ಯತ್ತ॑ಮಃ |
ದಧಾ᳚ಸಿ॒ ರತ್ನಂ॒ ದ್ರವಿ॑ಣಂ ಚ ದಾ॒ಶುಷೇಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ || 1.94.14
ಯಸ್ಮೈ॒ ತ್ವಂ ಸು॑ದ್ರವಿಣೋ॒ ದದಾ᳚ಶೋಽನಾಗಾ॒ಸ್ತ್ವಮ॑ದಿತೇ ಸ॒ರ್ವತಾ᳚ತಾ |
ಯಂ ಭ॒ದ್ರೇಣ॒ ಶವ॑ಸಾ ಚೋ॒ದಯಾ᳚ಸಿ ಪ್ರ॒ಜಾವ॑ತಾ॒ ರಾಧ॑ಸಾ॒ ತೇ ಸ್ಯಾ᳚ಮ || 1.94.15
ಸ ತ್ವಮ॑ಗ್ನೇ ಸೌಭಗ॒ತ್ವಸ್ಯ॑ ವಿ॒ದ್ವಾನ॒ಸ್ಮಾಕ॒ಮಾಯುಃ॒ ಪ್ರ ತಿ॑ರೇ॒ಹ ದೇ᳚ವ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.94.16

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಅಗ್ನಿರೌಷಸೋಽಗ್ನಿರ್ವಾ ದೇವತಾ ತ್ರಿಷ್ಟುಪ್ ಛಂದಃ

ದ್ವೇ ವಿರೂ᳚ಪೇ ಚರತಃ॒ ಸ್ವರ್ಥೇ᳚ ಅ॒ನ್ಯಾನ್ಯಾ᳚ ವ॒ತ್ಸಮುಪ॑ ಧಾಪಯೇತೇ |
ಹರಿ॑ರ॒ನ್ಯಸ್ಯಾಂ॒ ಭವ॑ತಿ ಸ್ವ॒ಧಾವಾಂ᳚ಛು॒ಕ್ರೋ ಅ॒ನ್ಯಸ್ಯಾಂ᳚ ದದೃಶೇ ಸು॒ವರ್ಚಾಃ᳚ || 1.95.1
ದಶೇ॒ಮಂ ತ್ವಷ್ಟು॑ರ್ಜನಯ‌ನ್ತ॒ ಗರ್ಭ॒ಮತಂ᳚ದ್ರಾಸೋ ಯುವ॒ತಯೋ॒ ವಿಭೃ॑ತ್ರ‌ಮ್ |
ತಿ॒ಗ್ಮಾನೀ᳚ಕಂ॒ ಸ್ವಯ॑ಶಸಂ॒ ಜನೇ᳚ಷು ವಿ॒ರೋಚ॑ಮಾನಂ॒ ಪರಿ॑ ಷೀಂ ನಯ‌ನ್ತಿ || 1.95.2
ತ್ರೀಣಿ॒ ಜಾನಾ॒ ಪರಿ॑ ಭೂಷ‌ನ್ತ್ಯಸ್ಯ ಸಮು॒ದ್ರ ಏಕಂ᳚ ದಿ॒ವ್ಯೇಕ॑ಮ॒ಪ್ಸು |
ಪೂರ್ವಾ॒ಮನು॒ ಪ್ರ ದಿಶಂ॒ ಪಾರ್ಥಿ॑ವಾನಾಮೃ॒ತೂನ್ಪ್ರ॒ಶಾಸ॒ದ್ವಿ ದ॑ಧಾವನು॒ಷ್ಠು || 1.95.3
ಕ ಇ॒ಮಂ ವೋ᳚ ನಿ॒ಣ್ಯಮಾ ಚಿ॑ಕೇತ ವ॒ತ್ಸೋ ಮಾ॒ತೄರ್ಜ॑ನಯತ ಸ್ವ॒ಧಾಭಿಃ॑ |
ಬ॒ಹ್ವೀ॒ನಾಂ ಗರ್ಭೋ᳚ ಅ॒ಪಸಾ᳚ಮು॒ಪಸ್ಥಾ᳚ನ್ಮ॒ಹಾನ್ಕ॒ವಿರ್ನಿಶ್ಚ॑ರತಿ ಸ್ವ॒ಧಾವಾನ್॑ || 1.95.4
ಆ॒ವಿಷ್ಟ್ಯೋ᳚ ವರ್ಧತೇ॒ ಚಾರು॑ರಾಸು ಜಿ॒ಹ್ಮಾನಾ᳚ಮೂ॒ರ್ಧ್ವಃ ಸ್ವಯ॑ಶಾ ಉ॒ಪಸ್ಥೇ᳚ |
ಉ॒ಭೇ ತ್ವಷ್ಟು॑ರ್ಬಿಭ್ಯತು॒ರ್ಜಾಯ॑ಮಾನಾತ್ಪ್ರತೀ॒ಚೀ ಸಿಂ॒ಹಂ ಪ್ರತಿ॑ ಜೋಷಯೇತೇ || 1.95.5
ಉ॒ಭೇ ಭ॒ದ್ರೇ ಜೋ᳚ಷಯೇತೇ॒ ನ ಮೇನೇ॒ ಗಾವೋ॒ ನ ವಾ॒ಶ್ರಾ ಉಪ॑ ತಸ್ಥು॒ರೇವೈಃ᳚ |
ಸ ದಕ್ಷಾ᳚ಣಾಂ॒ ದಕ್ಷ॑ಪತಿರ್ಬಭೂವಾಂ॒ಜ‌ನ್ತಿ॒ ಯಂ ದ॑ಕ್ಷಿಣ॒ತೋ ಹ॒ವಿರ್ಭಿಃ॑ || 1.95.6
ಉದ್ಯಂ᳚ಯಮೀತಿ ಸವಿ॒ತೇವ॑ ಬಾ॒ಹೂ ಉ॒ಭೇ ಸಿಚೌ᳚ ಯತತೇ ಭೀ॒ಮ ಋಂ॒ಜನ್ |
ಉಚ್ಛು॒ಕ್ರಮತ್ಕ॑ಮಜತೇ ಸಿ॒ಮಸ್ಮಾ॒ನ್ನವಾ᳚ ಮಾ॒ತೃಭ್ಯೋ॒ ವಸ॑ನಾ ಜಹಾತಿ || 1.95.7
ತ್ವೇ॒ಷಂ ರೂ॒ಪಂ ಕೃ॑ಣುತ॒ ಉತ್ತ॑ರಂ॒ ಯತ್ಸಂ᳚ಪೃಂಚಾ॒ನಃ ಸದ॑ನೇ॒ ಗೋಭಿ॑ರ॒ದ್ಭಿಃ |
ಕ॒ವಿರ್ಬು॒ಧ್ನಂ ಪರಿ॑ ಮರ್ಮೃಜ್ಯತೇ॒ ಧೀಃ ಸಾ ದೇ॒ವತಾ᳚ತಾ॒ ಸಮಿ॑ತಿರ್ಬಭೂವ || 1.95.8
ಉ॒ರು ತೇ॒ ಜ್ರಯಃ॒ ಪರ್ಯೇ᳚ತಿ ಬು॒ಧ್ನಂ ವಿ॒ರೋಚ॑ಮಾನಂ ಮಹಿ॒ಷಸ್ಯ॒ ಧಾಮ॑ |
ವಿಶ್ವೇ᳚ಭಿರಗ್ನೇ॒ ಸ್ವಯ॑ಶೋಭಿರಿ॒ದ್ಧೋಽದ॑ಬ್ಧೇಭಿಃ ಪಾ॒ಯುಭಿಃ॑ ಪಾಹ್ಯ॒ಸ್ಮಾನ್ || 1.95.9
ಧನ್ವ॒‌‌ನ್ತ್ಸ್ರೋತಃ॑ ಕೃಣುತೇ ಗಾ॒ತುಮೂ॒ರ್ಮಿಂ ಶು॒ಕ್ರೈರೂ॒ರ್ಮಿಭಿ॑ರ॒ಭಿ ನ॑ಕ್ಷತಿ॒ ಕ್ಷಾ‌ಮ್ |
ವಿಶ್ವಾ॒ ಸನಾ᳚ನಿ ಜ॒ಠರೇ᳚ಷು ಧತ್ತೇ॒ಽ‌ನ್ತರ್ನವಾ᳚ಸು ಚರತಿ ಪ್ರ॒ಸೂಷು॑ || 1.95.10
ಏ॒ವಾ ನೋ᳚ ಅಗ್ನೇ ಸ॒ಮಿಧಾ᳚ ವೃಧಾ॒ನೋ ರೇ॒ವತ್ಪಾ᳚ವಕ॒ ಶ್ರವ॑ಸೇ॒ ವಿ ಭಾ᳚ಹಿ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.95.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಅಗ್ನಿರ್ದ್ರವಿಣೋದಾ ಅಗ್ನಿರ್ವಾ ದೇವತಾ ತ್ರಿಷ್ಟುಪ್ ಛಂದಃ

ಸ ಪ್ರ॒ತ್ನಥಾ॒ ಸಹ॑ಸಾ॒ ಜಾಯ॑ಮಾನಃ ಸ॒ದ್ಯಃ ಕಾವ್ಯಾ᳚ನಿ॒ ಬಳ॑ಧತ್ತ॒ ವಿಶ್ವಾ᳚ |
ಆಪ॑ಶ್ಚ ಮಿ॒ತ್ರಂ ಧಿ॒ಷಣಾ᳚ ಚ ಸಾಧಂದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.1
ಸ ಪೂರ್ವ॑ಯಾ ನಿ॒ವಿದಾ᳚ ಕ॒ವ್ಯತಾ॒ಯೋರಿ॒ಮಾಃ ಪ್ರ॒ಜಾ ಅ॑ಜನಯ॒ನ್ಮನೂ᳚ನಾ‌ಮ್ |
ವಿ॒ವಸ್ವ॑ತಾ॒ ಚಕ್ಷ॑ಸಾ॒ ದ್ಯಾಮ॒ಪಶ್ಚ॑ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.2
ತಮೀ᳚ಳತ ಪ್ರಥ॒ಮಂ ಯ॑ಜ್ಞ॒ಸಾಧಂ॒ ವಿಶ॒ ಆರೀ॒ರಾಹು॑ತಮೃಂಜಸಾ॒ನ‌ಮ್ |
ಊ॒ರ್ಜಃ ಪು॒ತ್ರಂ ಭ॑ರ॒ತಂ ಸೃ॒ಪ್ರದಾ᳚ನುಂ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.3
ಸ ಮಾ᳚ತ॒ರಿಶ್ವಾ᳚ ಪುರು॒ವಾರ॑ಪುಷ್ಟಿರ್ವಿ॒ದದ್ಗಾ॒ತುಂ ತನ॑ಯಾಯ ಸ್ವ॒ರ್ವಿತ್ |
ವಿ॒ಶಾಂ ಗೋ॒ಪಾ ಜ॑ನಿ॒ತಾ ರೋದ॑ಸ್ಯೋರ್ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.4
ನಕ್ತೋ॒ಷಾಸಾ॒ ವರ್ಣ॑ಮಾ॒ಮೇಮ್ಯಾ᳚ನೇ ಧಾ॒ಪಯೇ᳚ತೇ॒ ಶಿಶು॒ಮೇಕಂ᳚ ಸಮೀ॒ಚೀ |
ದ್ಯಾವಾ॒ಕ್ಷಾಮಾ᳚ ರು॒ಕ್ಮೋ ಅ॒‌ನ್ತರ್ವಿ ಭಾ᳚ತಿ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.5
ರಾ॒ಯೋ ಬು॒ಧ್ನಃ ಸಂ॒ಗಮ॑ನೋ॒ ವಸೂ᳚ನಾಂ ಯ॒ಜ್ಞಸ್ಯ॑ ಕೇ॒ತುರ್ಮ᳚ನ್ಮ॒ಸಾಧ॑ನೋ॒ ವೇಃ |
ಅ॒ಮೃ॒ತ॒ತ್ವಂ ರಕ್ಷ॑ಮಾಣಾಸ ಏನಂ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.6
ನೂ ಚ॑ ಪು॒ರಾ ಚ॒ ಸದ॑ನಂ ರಯೀ॒ಣಾಂ ಜಾ॒ತಸ್ಯ॑ ಚ॒ ಜಾಯ॑ಮಾನಸ್ಯ ಚ॒ ಕ್ಷಾ‌ಮ್ |
ಸ॒ತಶ್ಚ॑ ಗೋ॒ಪಾಂ ಭವ॑ತಶ್ಚ॒ ಭೂರೇ᳚ರ್ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾ‌ಮ್ || 1.96.7
ದ್ರ॒ವಿ॒ಣೋ॒ದಾ ದ್ರವಿ॑ಣಸಸ್ತು॒ರಸ್ಯ॑ ದ್ರವಿಣೋ॒ದಾಃ ಸನ॑ರಸ್ಯ॒ ಪ್ರ ಯಂ᳚ಸತ್ |
ದ್ರ॒ವಿ॒ಣೋ॒ದಾ ವೀ॒ರವ॑ತೀ॒ಮಿಷಂ᳚ ನೋ ದ್ರವಿಣೋ॒ದಾ ರಾ᳚ಸತೇ ದೀ॒ರ್ಘಮಾಯುಃ॑ || 1.96.8
ಏ॒ವಾ ನೋ᳚ ಅಗ್ನೇ ಸ॒ಮಿಧಾ᳚ ವೃಧಾ॒ನೋ ರೇ॒ವತ್ಪಾ᳚ವಕ॒ ಶ್ರವ॑ಸೇ॒ ವಿ ಭಾ᳚ಹಿ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.96.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಅಗ್ನಿಃ ಶುಚಿರಗ್ನಿರ್ವಾ ದೇವತಾ ಗಾಯತ್ರೀ ಛಂದಃ

ಅಪ॑ ನಃ॒ ಶೋಶು॑ಚದ॒ಘಮಗ್ನೇ᳚ ಶುಶು॒ಗ್ಧ್ಯಾ ರ॒ಯಿ‌ಮ್ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.1
ಸು॒ಕ್ಷೇ॒ತ್ರಿ॒ಯಾ ಸು॑ಗಾತು॒ಯಾ ವ॑ಸೂ॒ಯಾ ಚ॑ ಯಜಾಮಹೇ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.2
ಪ್ರ ಯದ್ಭಂದಿ॑ಷ್ಠ ಏಷಾಂ॒ ಪ್ರಾಸ್ಮಾಕಾ᳚ಸಶ್ಚ ಸೂ॒ರಯಃ॑ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.3
ಪ್ರ ಯತ್ತೇ᳚ ಅಗ್ನೇ ಸೂ॒ರಯೋ॒ ಜಾಯೇ᳚ಮಹಿ॒ ಪ್ರ ತೇ᳚ ವ॒ಯ‌ಮ್ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.4
ಪ್ರ ಯದ॒ಗ್ನೇಃ ಸಹ॑ಸ್ವತೋ ವಿ॒ಶ್ವತೋ॒ ಯ‌ನ್ತಿ॑ ಭಾ॒ನವಃ॑ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.5
ತ್ವಂ ಹಿ ವಿ॑ಶ್ವತೋಮುಖ ವಿ॒ಶ್ವತಃ॑ ಪರಿ॒ಭೂರಸಿ॑ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.6
ದ್ವಿಷೋ᳚ ನೋ ವಿಶ್ವತೋಮು॒ಖಾತಿ॑ ನಾ॒ವೇವ॑ ಪಾರಯ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.7
ಸ ನಃ॒ ಸಿಂಧು॑ಮಿವ ನಾ॒ವಯಾತಿ॑ ಪರ್ಷಾ ಸ್ವ॒ಸ್ತಯೇ᳚ |
ಅಪ॑ ನಃ॒ ಶೋಶು॑ಚದ॒ಘ‌ಮ್ || 1.97.8

(1-3) ತೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಅಗ್ನಿವೈರ್ಶ್ವ ನಿರೋಽಗ್ನಿರ್ವಾ ದೇವತಾ ತ್ರಿಷ್ಟುಪ್ ಛಂದಃ

ವೈ॒ಶ್ವಾ॒ನ॒ರಸ್ಯ॑ ಸುಮ॒ತೌ ಸ್ಯಾ᳚ಮ॒ ರಾಜಾ॒ ಹಿ ಕಂ॒ ಭುವ॑ನಾನಾಮಭಿ॒ಶ್ರೀಃ |
ಇ॒ತೋ ಜಾ॒ತೋ ವಿಶ್ವ॑ಮಿ॒ದಂ ವಿ ಚ॑ಷ್ಟೇ ವೈಶ್ವಾನ॒ರೋ ಯ॑ತತೇ॒ ಸೂರ್ಯೇ᳚ಣ || 1.98.1
ಪೃ॒ಷ್ಟೋ ದಿ॒ವಿ ಪೃ॒ಷ್ಟೋ ಅ॒ಗ್ನಿಃ ಪೃ॑ಥಿ॒ವ್ಯಾಂ ಪೃ॒ಷ್ಟೋ ವಿಶ್ವಾ॒ ಓಷ॑ಧೀ॒ರಾ ವಿ॑ವೇಶ |
ವೈ॒ಶ್ವಾ॒ನ॒ರಃ ಸಹ॑ಸಾ ಪೃ॒ಷ್ಟೋ ಅ॒ಗ್ನಿಃ ಸ ನೋ॒ ದಿವಾ॒ ಸ ರಿ॒ಷಃ ಪಾ᳚ತು॒ ನಕ್ತ‌ಮ್᳚ || 1.98.2
ವೈಶ್ವಾ᳚ನರ॒ ತವ॒ ತತ್ಸ॒ತ್ಯಮ॑ಸ್ತ್ವ॒ಸ್ಮಾನ್ರಾಯೋ᳚ ಮ॒ಘವಾ᳚ನಃ ಸಚ‌ನ್ತಾ‌ಮ್ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.98.3

(1) ಏಕರ್ಚಸ್ಯಾಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ ಅಗ್ನಿರ್ಜಾತವೇದಾ ಅಗ್ನಿರ್ವಾ ದೇವತಾ ತ್ರಿಷ್ಟುಪ್ ಛಂದಃ

ಜಾ॒ತವೇ᳚ದಸೇ ಸುನವಾಮ॒ ಸೋಮ॑ಮರಾತೀಯ॒ತೋ ನಿ ದ॑ಹಾತಿ॒ ವೇದಃ॑ |
ಸ ನಃ॑ ಪರ್ಷ॒ದತಿ॑ ದು॒ರ್ಗಾಣಿ॒ ವಿಶ್ವಾ᳚ ನಾ॒ವೇವ॒ ಸಿಂಧುಂ᳚ ದುರಿ॒ತಾತ್ಯ॒ಗ್ನಿಃ || 1.99.1

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಚಾರ್ಷಾಗಿರಾ ಜಾಶ್ವಾಂಬರೀಷ-ಸಹದೇವ-ಭಯಮಾನ-ಸುರಾಧಸ ಋಷಯಃಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಸ ಯೋ ವೃಷಾ॒ ವೃಷ್ಣ್ಯೇ᳚ಭಿಃ॒ ಸಮೋ᳚ಕಾ ಮ॒ಹೋ ದಿ॒ವಃ ಪೃ॑ಥಿ॒ವ್ಯಾಶ್ಚ॑ ಸ॒ಮ್ರಾಟ್ |
ಸ॒ತೀ॒ನಸ॑ತ್ವಾ॒ ಹವ್ಯೋ॒ ಭರೇ᳚ಷು ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.1
ಯಸ್ಯಾನಾ᳚ಪ್ತಃ॒ ಸೂರ್ಯ॑ಸ್ಯೇವ॒ ಯಾಮೋ॒ ಭರೇ᳚ಭರೇ ವೃತ್ರ॒ಹಾ ಶುಷ್ಮೋ॒ ಅಸ್ತಿ॑ |
ವೃಷ᳚‌ನ್ತಮಃ॒ ಸಖಿ॑ಭಿಃ॒ ಸ್ವೇಭಿ॒ರೇವೈ᳚ರ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.2
ದಿ॒ವೋ ನ ಯಸ್ಯ॒ ರೇತ॑ಸೋ॒ ದುಘಾ᳚ನಾಃ॒ ಪ‌ನ್ಥಾ᳚ಸೋ॒ ಯ‌ನ್ತಿ॒ ಶವ॒ಸಾಪ॑ರೀತಾಃ |
ತ॒ರದ್ದ್ವೇ᳚ಷಾಃ ಸಾಸ॒ಹಿಃ ಪೌಂಸ್ಯೇ᳚ಭಿರ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.3
ಸೋ ಅಂಗಿ॑ರೋಭಿ॒ರಂಗಿ॑ರಸ್ತಮೋ ಭೂ॒ದ್ವೃಷಾ॒ ವೃಷ॑ಭಿಃ॒ ಸಖಿ॑ಭಿಃ॒ ಸಖಾ॒ ಸನ್ |
ಋ॒ಗ್ಮಿಭಿ॑ರ್‌ಋ॒ಗ್ಮೀ ಗಾ॒ತುಭಿ॒ರ್ಜ್ಯೇಷ್ಠೋ᳚ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.4
ಸ ಸೂ॒ನುಭಿ॒ರ್ನ ರು॒ದ್ರೇಭಿ॒ರ್‌ಋಭ್ವಾ᳚ ನೃ॒ಷಾಹ್ಯೇ᳚ ಸಾಸ॒ಹ್ವಾಁ ಅ॒ಮಿತ್ರಾನ್॑ |
ಸನೀ᳚ಳೇಭಿಃ ಶ್ರವ॒ಸ್ಯಾ᳚ನಿ॒ ತೂರ್ವ᳚ನ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.5
ಸ ಮ᳚ನ್ಯು॒ಮೀಃ ಸ॒ಮದ॑ನಸ್ಯ ಕ॒ರ್ತಾಸ್ಮಾಕೇ᳚ಭಿ॒ರ್ನೃಭಿಃ॒ ಸೂರ್ಯಂ᳚ ಸನತ್ |
ಅ॒ಸ್ಮಿನ್ನಹ॒‌‌ನ್ತ್ಸತ್ಪ॑ತಿಃ ಪುರುಹೂ॒ತೋ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.6
ತಮೂ॒ತಯೋ᳚ ರಣಯಂ॒ಛೂರ॑ಸಾತೌ॒ ತಂ ಕ್ಷೇಮ॑ಸ್ಯ ಕ್ಷಿ॒ತಯಃ॑ ಕೃಣ್ವತ॒ ತ್ರಾ‌ಮ್ |
ಸ ವಿಶ್ವ॑ಸ್ಯ ಕ॒ರುಣ॑ಸ್ಯೇಶ॒ ಏಕೋ᳚ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.7
ತಮ॑ಪ್ಸ‌ನ್ತ॒ ಶವ॑ಸ ಉತ್ಸ॒ವೇಷು॒ ನರೋ॒ ನರ॒ಮವ॑ಸೇ॒ ತಂ ಧನಾ᳚ಯ |
ಸೋ ಅಂ॒ಧೇ ಚಿ॒ತ್ತಮ॑ಸಿ॒ ಜ್ಯೋತಿ᳚ರ್ವಿದನ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.8
ಸ ಸ॒ವ್ಯೇನ॑ ಯಮತಿ॒ ವ್ರಾಧ॑ತಶ್ಚಿ॒ತ್ಸ ದ॑ಕ್ಷಿ॒ಣೇ ಸಂಗೃ॑ಭೀತಾ ಕೃ॒ತಾನಿ॑ |
ಸ ಕೀ॒ರಿಣಾ᳚ ಚಿ॒ತ್ಸನಿ॑ತಾ॒ ಧನಾ᳚ನಿ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.9
ಸ ಗ್ರಾಮೇ᳚ಭಿಃ॒ ಸನಿ॑ತಾ॒ ಸ ರಥೇ᳚ಭಿರ್ವಿ॒ದೇ ವಿಶ್ವಾ᳚ಭಿಃ ಕೃ॒ಷ್ಟಿಭಿ॒ರ್ನ್ವ1॒॑ದ್ಯ |
ಸ ಪೌಂಸ್ಯೇ᳚ಭಿರಭಿ॒ಭೂರಶ॑ಸ್ತೀರ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.10
ಸ ಜಾ॒ಮಿಭಿ॒ರ್ಯತ್ಸ॒ಮಜಾ᳚ತಿ ಮೀ॒ಳ್ಹೇಽಜಾ᳚ಮಿಭಿರ್ವಾ ಪುರುಹೂ॒ತ ಏವೈಃ᳚ |
ಅ॒ಪಾಂ ತೋ॒ಕಸ್ಯ॒ ತನ॑ಯಸ್ಯ ಜೇ॒ಷೇ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.11
ಸ ವ॑ಜ್ರ॒ಭೃದ್ದ॑ಸ್ಯು॒ಹಾ ಭೀ॒ಮ ಉ॒ಗ್ರಃ ಸ॒ಹಸ್ರ॑ಚೇತಾಃ ಶ॒ತನೀ᳚ಥ॒ ಋಭ್ವಾ᳚ |
ಚ॒ಮ್ರೀ॒ಷೋ ನ ಶವ॑ಸಾ॒ ಪಾಂಚ॑ಜನ್ಯೋ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.12
ತಸ್ಯ॒ ವಜ್ರಃ॑ ಕ್ರಂದತಿ॒ ಸ್ಮತ್ಸ್ವ॒ರ್ಷಾ ದಿ॒ವೋ ನ ತ್ವೇ॒ಷೋ ರ॒ವಥಃ॒ ಶಿಮೀ᳚ವಾನ್ |
ತಂ ಸ॑ಚ‌ನ್ತೇ ಸ॒ನಯ॒ಸ್ತಂ ಧನಾ᳚ನಿ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.13
ಯಸ್ಯಾಜ॑ಸ್ರಂ॒ ಶವ॑ಸಾ॒ ಮಾನ॑ಮು॒ಕ್ಥಂ ಪ॑ರಿಭು॒ಜದ್ರೋದ॑ಸೀ ವಿ॒ಶ್ವತಃ॑ ಸೀ‌ಮ್ |
ಸ ಪಾ᳚ರಿಷ॒ತ್ಕ್ರತು॑ಭಿರ್ಮಂದಸಾ॒ನೋ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.14
ನ ಯಸ್ಯ॑ ದೇ॒ವಾ ದೇ॒ವತಾ॒ ನ ಮರ್ತಾ॒ ಆಪ॑ಶ್ಚ॒ನ ಶವ॑ಸೋ॒ ಅ‌ನ್ತ॑ಮಾ॒ಪುಃ |
ಸ ಪ್ರ॒ರಿಕ್ವಾ॒ ತ್ವಕ್ಷ॑ಸಾ॒ ಕ್ಷ್ಮೋ ದಿ॒ವಶ್ಚ॑ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ || 1.100.15
ರೋ॒ಹಿಚ್ಛ್ಯಾ॒ವಾ ಸು॒ಮದಂ᳚ಶುರ್ಲಲಾ॒ಮೀರ್ದ್ಯು॒ಕ್ಷಾ ರಾ॒ಯ ಋ॒ಜ್ರಾಶ್ವ॑ಸ್ಯ |
ವೃಷ᳚ಣ್ವ‌ನ್ತಂ॒ ಬಿಭ್ರ॑ತೀ ಧೂ॒ರ್ಷು ರಥಂ᳚ ಮಂ॒ದ್ರಾ ಚಿ॑ಕೇತ॒ ನಾಹು॑ಷೀಷು ವಿ॒ಕ್ಷು || 1.100.16
ಏ॒ತತ್ತ್ಯತ್ತ॑ ಇಂದ್ರ॒ ವೃಷ್ಣ॑ ಉ॒ಕ್ಥಂ ವಾ᳚ರ್ಷಾಗಿ॒ರಾ ಅ॒ಭಿ ಗೃ॑ಣ‌ನ್ತಿ॒ ರಾಧಃ॑ |
ಋ॒ಜ್ರಾಶ್ವಃ॒ ಪ್ರಷ್ಟಿ॑ಭಿರಂಬ॒ರೀಷಃ॑ ಸ॒ಹದೇ᳚ವೋ॒ ಭಯ॑ಮಾನಃ ಸು॒ರಾಧಾಃ᳚ || 1.100.17
ದಸ್ಯೂಂ॒ಛಿಮ್ಯೂಁ᳚ಶ್ಚ ಪುರುಹೂ॒ತ ಏವೈ᳚ರ್ಹ॒ತ್ವಾ ಪೃ॑ಥಿ॒ವ್ಯಾಂ ಶರ್ವಾ॒ ನಿ ಬ॑ರ್ಹೀತ್ |
ಸನ॒ತ್ಕ್ಷೇತ್ರಂ॒ ಸಖಿ॑ಭಿಃ ಶ್ವಿ॒ತ್ನ್ಯೇಭಿಃ॒ ಸನ॒ತ್ಸೂರ್ಯಂ॒ ಸನ॑ದ॒ಪಃ ಸು॒ವಜ್ರಃ॑ || 1.100.18
ವಿ॒ಶ್ವಾಹೇಂದ್ರೋ᳚ ಅಧಿವ॒ಕ್ತಾ ನೋ᳚ ಅ॒ಸ್ತ್ವಪ॑ರಿಹ್ವೃತಾಃ ಸನುಯಾಮ॒ ವಾಜ‌ಮ್᳚ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.100.19

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಇಂದ್ರೋ ದೇವತಾ, (17) ಪ್ರಥಮಾದಿಸಪ್ತರೋಂ ಜಗತೀ (8-11) ಅಷ್ಟಮ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ

ಪ್ರ ಮಂ॒ದಿನೇ᳚ ಪಿತು॒ಮದ॑ರ್ಚತಾ॒ ವಚೋ॒ ಯಃ ಕೃ॒ಷ್ಣಗ॑ರ್ಭಾ ನಿ॒ರಹ᳚ನ್ನೃ॒ಜಿಶ್ವ॑ನಾ |
ಅ॒ವ॒ಸ್ಯವೋ॒ ವೃಷ॑ಣಂ॒ ವಜ್ರ॑ದಕ್ಷಿಣಂ ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.1
ಯೋ ವ್ಯಂ᳚ಸಂ ಜಾಹೃಷಾ॒ಣೇನ॑ ಮ॒ನ್ಯುನಾ॒ ಯಃ ಶಂಬ॑ರಂ॒ ಯೋ ಅಹ॒ನ್ಪಿಪ್ರು॑ಮವ್ರ॒ತ‌ಮ್ |
ಇಂದ್ರೋ॒ ಯಃ ಶುಷ್ಣ॑ಮ॒ಶುಷಂ॒ ನ್ಯಾವೃ॑ಣಙ್ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.2
ಯಸ್ಯ॒ ದ್ಯಾವಾ᳚ಪೃಥಿ॒ವೀ ಪೌಂಸ್ಯಂ᳚ ಮ॒ಹದ್ಯಸ್ಯ᳚ ವ್ರ॒ತೇ ವರು॑ಣೋ॒ ಯಸ್ಯ॒ ಸೂರ್ಯಃ॑ |
ಯಸ್ಯೇಂದ್ರ॑ಸ್ಯ॒ ಸಿಂಧ॑ವಃ॒ ಸಶ್ಚ॑ತಿ ವ್ರ॒ತಂ ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.3
ಯೋ ಅಶ್ವಾ᳚ನಾಂ॒ ಯೋ ಗವಾಂ॒ ಗೋಪ॑ತಿರ್ವ॒ಶೀ ಯ ಆ᳚ರಿ॒ತಃ ಕರ್ಮ॑ಣಿಕರ್ಮಣಿ ಸ್ಥಿ॒ರಃ |
ವೀ॒ಳೋಶ್ಚಿ॒ದಿಂದ್ರೋ॒ ಯೋ ಅಸು᳚ನ್ವತೋ ವ॒ಧೋ ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.4
ಯೋ ವಿಶ್ವ॑ಸ್ಯ॒ ಜಗ॑ತಃ ಪ್ರಾಣ॒ತಸ್ಪತಿ॒ರ್ಯೋ ಬ್ರ॒ಹ್ಮಣೇ᳚ ಪ್ರಥ॒ಮೋ ಗಾ ಅವಿಂ᳚ದತ್ |
ಇಂದ್ರೋ॒ ಯೋ ದಸ್ಯೂಁ॒ರಧ॑ರಾಁ ಅ॒ವಾತಿ॑ರನ್ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.5
ಯಃ ಶೂರೇ᳚ಭಿ॒ರ್ಹವ್ಯೋ॒ ಯಶ್ಚ॑ ಭೀ॒ರುಭಿ॒ರ್ಯೋ ಧಾವ॑ದ್ಭಿರ್ಹೂ॒ಯತೇ॒ ಯಶ್ಚ॑ ಜಿ॒ಗ್ಯುಭಿಃ॑ |
ಇಂದ್ರಂ॒ ಯಂ ವಿಶ್ವಾ॒ ಭುವ॑ನಾ॒ಭಿ ಸಂ᳚ದ॒ಧುರ್ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.6
ರು॒ದ್ರಾಣಾ᳚ಮೇತಿ ಪ್ರ॒ದಿಶಾ᳚ ವಿಚಕ್ಷ॒ಣೋ ರು॒ದ್ರೇಭಿ॒ರ್ಯೋಷಾ᳚ ತನುತೇ ಪೃ॒ಥು ಜ್ರಯಃ॑ |
ಇಂದ್ರಂ᳚ ಮನೀ॒ಷಾ ಅ॒ಭ್ಯ॑ರ್ಚತಿ ಶ್ರು॒ತಂ ಮ॒ರುತ್ವ᳚‌ನ್ತಂ ಸ॒ಖ್ಯಾಯ॑ ಹವಾಮಹೇ || 1.101.7
ಯದ್ವಾ᳚ ಮರುತ್ವಃ ಪರ॒ಮೇ ಸ॒ಧಸ್ಥೇ॒ ಯದ್ವಾ᳚ವ॒ಮೇ ವೃ॒ಜನೇ᳚ ಮಾ॒ದಯಾ᳚ಸೇ |
ಅತ॒ ಆ ಯಾ᳚ಹ್ಯಧ್ವ॒ರಂ ನೋ॒ ಅಚ್ಛಾ᳚ ತ್ವಾ॒ಯಾ ಹ॒ವಿಶ್ಚ॑ಕೃಮಾ ಸತ್ಯರಾಧಃ || 1.101.8
ತ್ವಾ॒ಯೇಂದ್ರ॒ ಸೋಮಂ᳚ ಸುಷುಮಾ ಸುದಕ್ಷ ತ್ವಾ॒ಯಾ ಹ॒ವಿಶ್ಚ॑ಕೃಮಾ ಬ್ರಹ್ಮವಾಹಃ |
ಅಧಾ᳚ ನಿಯುತ್ವಃ॒ ಸಗ॑ಣೋ ಮ॒ರುದ್ಭಿ॑ರ॒ಸ್ಮಿನ್ಯ॒ಜ್ಞೇ ಬ॒ರ್ಹಿಷಿ॑ ಮಾದಯಸ್ವ || 1.101.9
ಮಾ॒ದಯ॑ಸ್ವ॒ ಹರಿ॑ಭಿ॒ರ್ಯೇ ತ॑ ಇಂದ್ರ॒ ವಿ ಷ್ಯ॑ಸ್ವ॒ ಶಿಪ್ರೇ॒ ವಿ ಸೃ॑ಜಸ್ವ॒ ಧೇನೇ᳚ |
ಆ ತ್ವಾ᳚ ಸುಶಿಪ್ರ॒ ಹರ॑ಯೋ ವಹ‌ನ್ತೂ॒ಶನ್ಹ॒ವ್ಯಾನಿ॒ ಪ್ರತಿ॑ ನೋ ಜುಷಸ್ವ || 1.101.10
ಮ॒ರುತ್ಸ್ತೋ᳚ತ್ರಸ್ಯ ವೃ॒ಜನ॑ಸ್ಯ ಗೋ॒ಪಾ ವ॒ಯಮಿಂದ್ರೇ᳚ಣ ಸನುಯಾಮ॒ ವಾಜ‌ಮ್᳚ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.101.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಇಂದ್ರೋ ದೇವತಾ, (110) ಪ್ರಥಮಾದಿದಶರ್ಚಾಂ ಜಗತೀ (11) ಏಕಾದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಇ॒ಮಾಂ ತೇ॒ ಧಿಯಂ॒ ಪ್ರ ಭ॑ರೇ ಮ॒ಹೋ ಮ॒ಹೀಮ॒ಸ್ಯ ಸ್ತೋ॒ತ್ರೇ ಧಿ॒ಷಣಾ॒ ಯತ್ತ॑ ಆನ॒ಜೇ |
ತಮು॑ತ್ಸ॒ವೇ ಚ॑ ಪ್ರಸ॒ವೇ ಚ॑ ಸಾಸ॒ಹಿಮಿಂದ್ರಂ᳚ ದೇ॒ವಾಸಃ॒ ಶವ॑ಸಾಮದ॒ನ್ನನು॑ || 1.102.1
ಅ॒ಸ್ಯ ಶ್ರವೋ᳚ ನ॒ದ್ಯಃ॑ ಸ॒ಪ್ತ ಬಿ॑ಭ್ರತಿ॒ ದ್ಯಾವಾ॒ಕ್ಷಾಮಾ᳚ ಪೃಥಿ॒ವೀ ದ॑ರ್ಶ॒ತಂ ವಪುಃ॑ |
ಅ॒ಸ್ಮೇ ಸೂ᳚ರ್ಯಾಚಂದ್ರ॒ಮಸಾ᳚ಭಿ॒ಚಕ್ಷೇ᳚ ಶ್ರ॒ದ್ಧೇ ಕಮಿಂ᳚ದ್ರ ಚರತೋ ವಿತರ್ತು॒ರ‌ಮ್ || 1.102.2
ತಂ ಸ್ಮಾ॒ ರಥಂ᳚ ಮಘವ॒ನ್ಪ್ರಾವ॑ ಸಾ॒ತಯೇ॒ ಜೈತ್ರಂ॒ ಯಂ ತೇ᳚ ಅನು॒ಮದಾ᳚ಮ ಸಂಗ॒ಮೇ |
ಆ॒ಜಾ ನ॑ ಇಂದ್ರ॒ ಮನ॑ಸಾ ಪುರುಷ್ಟುತ ತ್ವಾ॒ಯದ್ಭ್ಯೋ᳚ ಮಘವಂ॒ಛರ್ಮ॑ ಯಚ್ಛ ನಃ || 1.102.3
ವ॒ಯಂ ಜ॑ಯೇಮ॒ ತ್ವಯಾ᳚ ಯು॒ಜಾ ವೃತ॑ಮ॒ಸ್ಮಾಕ॒ಮಂಶ॒ಮುದ॑ವಾ॒ ಭರೇ᳚ಭರೇ |
ಅ॒ಸ್ಮಭ್ಯ॑ಮಿಂದ್ರ॒ ವರಿ॑ವಃ ಸು॒ಗಂ ಕೃ॑ಧಿ॒ ಪ್ರ ಶತ್ರೂ᳚ಣಾಂ ಮಘವ॒ನ್ವೃಷ್ಣ್ಯಾ᳚ ರುಜ || 1.102.4
ನಾನಾ॒ ಹಿ ತ್ವಾ॒ ಹವ॑ಮಾನಾ॒ ಜನಾ᳚ ಇ॒ಮೇ ಧನಾ᳚ನಾಂ ಧರ್ತ॒ರವ॑ಸಾ ವಿಪ॒ನ್ಯವಃ॑ |
ಅ॒ಸ್ಮಾಕಂ᳚ ಸ್ಮಾ॒ ರಥ॒ಮಾ ತಿ॑ಷ್ಠ ಸಾ॒ತಯೇ॒ ಜೈತ್ರಂ॒ ಹೀಂ᳚ದ್ರ॒ ನಿಭೃ॑ತಂ॒ ಮನ॒ಸ್ತವ॑ || 1.102.5
ಗೋ॒ಜಿತಾ᳚ ಬಾ॒ಹೂ ಅಮಿ॑ತಕ್ರತುಃ ಸಿ॒ಮಃ ಕರ್ಮ᳚ನ್ಕರ್ಮಂಛ॒ತಮೂ᳚ತಿಃ ಖಜಂಕ॒ರಃ |
ಅ॒ಕ॒ಲ್ಪ ಇಂದ್ರಃ॑ ಪ್ರತಿ॒ಮಾನ॒ಮೋಜ॒ಸಾಥಾ॒ ಜನಾ॒ ವಿ ಹ್ವ॑ಯ‌ನ್ತೇ ಸಿಷಾ॒ಸವಃ॑ || 1.102.6
ಉತ್ತೇ᳚ ಶ॒ತಾನ್ಮ॑ಘವ॒ನ್ನುಚ್ಚ॒ ಭೂಯ॑ಸ॒ ಉತ್ಸ॒ಹಸ್ರಾ᳚ದ್ರಿರಿಚೇ ಕೃ॒ಷ್ಟಿಷು॒ ಶ್ರವಃ॑ |
ಅ॒ಮಾ॒ತ್ರಂ ತ್ವಾ᳚ ಧಿ॒ಷಣಾ᳚ ತಿತ್ವಿಷೇ ಮ॒ಹ್ಯಧಾ᳚ ವೃ॒ತ್ರಾಣಿ॑ ಜಿಘ್ನಸೇ ಪುರಂದರ || 1.102.7
ತ್ರಿ॒ವಿ॒ಷ್ಟಿ॒ಧಾತು॑ ಪ್ರತಿ॒ಮಾನ॒ಮೋಜ॑ಸಸ್ತಿ॒ಸ್ರೋ ಭೂಮೀ᳚ರ್ನೃಪತೇ॒ ತ್ರೀಣಿ॑ ರೋಚ॒ನಾ |
ಅತೀ॒ದಂ ವಿಶ್ವಂ॒ ಭುವ॑ನಂ ವವಕ್ಷಿಥಾಶ॒ತ್ರುರಿಂ᳚ದ್ರ ಜ॒ನುಷಾ᳚ ಸ॒ನಾದ॑ಸಿ || 1.102.8
ತ್ವಾಂ ದೇ॒ವೇಷು॑ ಪ್ರಥ॒ಮಂ ಹ॑ವಾಮಹೇ॒ ತ್ವಂ ಬ॑ಭೂಥ॒ ಪೃತ॑ನಾಸು ಸಾಸ॒ಹಿಃ |
ಸೇಮಂ ನಃ॑ ಕಾ॒ರುಮು॑ಪಮ॒ನ್ಯುಮು॒ದ್ಭಿದ॒ಮಿಂದ್ರಃ॑ ಕೃಣೋತು ಪ್ರಸ॒ವೇ ರಥಂ᳚ ಪು॒ರಃ || 1.102.9
ತ್ವಂ ಜಿ॑ಗೇಥ॒ ನ ಧನಾ᳚ ರುರೋಧಿ॒ಥಾರ್ಭೇ᳚ಷ್ವಾ॒ಜಾ ಮ॑ಘವನ್ಮ॒ಹತ್ಸು॑ ಚ |
ತ್ವಾಮು॒ಗ್ರಮವ॑ಸೇ॒ ಸಂ ಶಿ॑ಶೀಮ॒ಸ್ಯಥಾ᳚ ನ ಇಂದ್ರ॒ ಹವ॑ನೇಷು ಚೋದಯ || 1.102.10
ವಿ॒ಶ್ವಾಹೇಂದ್ರೋ᳚ ಅಧಿವ॒ಕ್ತಾ ನೋ᳚ ಅ॒ಸ್ತ್ವಪ॑ರಿಹ್ವೃತಾಃ ಸನುಯಾಮ॒ ವಾಜ‌ಮ್᳚ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.102.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ತತ್ತ॑ ಇಂದ್ರಿ॒ಯಂ ಪ॑ರ॒ಮಂ ಪ॑ರಾ॒ಚೈರಧಾ᳚ರಯ‌ನ್ತ ಕ॒ವಯಃ॑ ಪು॒ರೇದ‌ಮ್ |
ಕ್ಷ॒ಮೇದಮ॒ನ್ಯದ್ದಿ॒ವ್ಯ1॒᳚ನ್ಯದ॑ಸ್ಯ॒ ಸಮೀ᳚ ಪೃಚ್ಯತೇ ಸಮ॒ನೇವ॑ ಕೇ॒ತುಃ || 1.103.1
ಸ ಧಾ᳚ರಯತ್+ಪೃಥಿ॒ವೀಂ ಪ॒ಪ್ರಥ॑ಚ್ಚ॒ ವಜ್ರೇ᳚ಣ ಹ॒ತ್ವಾ ನಿರ॒ಪಃ ಸ॑ಸರ್ಜ |
ಅಹ॒ನ್ನಹಿ॒ಮಭಿ॑ನದ್ರೌಹಿ॒ಣಂ ವ್ಯಹ॒ನ್ವ್ಯಂ᳚ಸಂ ಮ॒ಘವಾ॒ ಶಚೀ᳚ಭಿಃ || 1.103.2
ಸ ಜಾ॒ತೂಭ᳚ರ್ಮಾ ಶ್ರ॒ದ್ದಧಾ᳚ನ॒ ಓಜಃ॒ ಪುರೋ᳚ ವಿಭಿಂ॒ದನ್ನ॑ಚರ॒ದ್ವಿ ದಾಸೀಃ᳚ |
ವಿ॒ದ್ವಾನ್+ವ॑ಜ್ರಿಂ॒ದಸ್ಯ॑ವೇ ಹೇ॒ತಿಮ॒ಸ್ಯಾರ್ಯಂ॒ ಸಹೋ᳚ ವರ್ಧಯಾ ದ್ಯು॒ಮ್ನಮಿಂ᳚ದ್ರ || 1.103.3
ತದೂ॒ಚುಷೇ॒ ಮಾನು॑ಷೇ॒ಮಾ ಯು॒ಗಾನಿ॑ ಕೀ॒ರ್ತೇನ್ಯಂ᳚ ಮ॒ಘವಾ॒ ನಾಮ॒ ಬಿಭ್ರ॑ತ್ |
ಉ॒ಪ॒ಪ್ರ॒ಯಂದ॑ಸ್ಯು॒ಹತ್ಯಾ᳚ಯ ವ॒ಜ್ರೀ ಯದ್ಧ॑ ಸೂ॒ನುಃ ಶ್ರವ॑ಸೇ॒ ನಾಮ॑ ದ॒ಧೇ || 1.103.4
ತದ॑ಸ್ಯೇ॒ದಂ ಪ॑ಶ್ಯತಾ॒ ಭೂರಿ॑ ಪು॒ಷ್ಟಂ, ಶ್ರದಿಂದ್ರ॑ಸ್ಯ ಧತ್ತನ ವೀ॒ರ್ಯಾ᳚ಯ |
ಸ ಗಾ ಅ॑ವಿಂದ॒ತ್ಸೋ ಅ॑ವಿಂದ॒ದಶ್ವಾ॒‌‌ನ್ತ್ಸ ಓಷ॑ಧೀಃ॒ ಸೋ ಅ॒ಪಃ ಸ ವನಾ᳚ನಿ || 1.103.5
ಭೂರಿ॑ಕರ್ಮಣೇ ವೃಷ॒ಭಾಯ॒ ವೃಷ್ಣೇ᳚ ಸ॒ತ್ಯಶು॑ಷ್ಮಾಯ ಸುನವಾಮ॒ ಸೋಮ‌ಮ್᳚ |
ಯ ಆ॒ದೃತ್ಯಾ᳚ ಪರಿಪ॒‌ನ್ಥೀವ॒ ಶೂರೋಽಯ॑ಜ್ವನೋ ವಿ॒ಭಜ॒ನ್ನೇತಿ॒ ವೇದಃ॑ || 1.103.6
ತದಿಂ᳚ದ್ರ॒ ಪ್ರೇವ॑ ವೀ॒ರ್ಯಂ᳚ ಚಕರ್ಥ॒ ಯತ್ಸ॒ಸ‌ನ್ತಂ॒ ವಜ್ರೇ॒ಣಾಬೋ᳚ಧ॒ಯೋಽಹಿ‌ಮ್᳚ |
ಅನು॑ ತ್ವಾ॒ ಪತ್ನೀ᳚ರ್ಹೃಷಿ॒ತಂ ವಯ॑ಶ್ಚ॒ ವಿಶ್ವೇ᳚ ದೇ॒ವಾಸೋ᳚ ಅಮದ॒ನ್ನನು॑ ತ್ವಾ || 1.103.7
ಶುಷ್ಣಂ॒ ಪಿಪ್ರುಂ॒ ಕುಯ॑ವಂ ವೃ॒ತ್ರಮಿಂ᳚ದ್ರ ಯ॒ದಾವ॑ಧೀ॒ರ್ವಿ ಪುರಃ॒ ಶಂಬ॑ರಸ್ಯ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.103.8

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಯೋನಿ॑ಷ್ಟ ಇಂದ್ರ ನಿ॒ಷದೇ᳚ ಅಕಾರಿ॒ ತಮಾ ನಿ ಷೀ᳚ದ ಸ್ವಾ॒ನೋ ನಾರ್ವಾ᳚ |
ವಿ॒ಮುಚ್ಯಾ॒ ವಯೋ᳚ಽವ॒ಸಾಯಾಶ್ವಾಂ᳚ದೋ॒ಷಾ ವಸ್ತೋ॒ರ್ವಹೀ᳚ಯಸಃ ಪ್ರಪಿ॒ತ್ವೇ || 1.104.1
ಓ ತ್ಯೇ ನರ॒ ಇಂದ್ರ॑ಮೂ॒ತಯೇ᳚ ಗು॒ರ್ನೂ ಚಿ॒ತ್ತಾ‌ನ್+ತ್ಸ॒ದ್ಯೋ ಅಧ್ವ॑ನೋ ಜಗಮ್ಯಾತ್ |
ದೇ॒ವಾಸೋ᳚ ಮ॒ನ್ಯುಂ ದಾಸ॑ಸ್ಯ ಶ್ಚಮ್ನ॒‌ನ್ತೇ ನ॒ ಆ ವ॑ಕ್ಷ‌ನ್+ತ್ಸುವಿ॒ತಾಯ॒ ವರ್ಣ‌ಮ್᳚ || 1.104.2
ಅವ॒ ತ್ಮನಾ᳚ ಭರತೇ॒ ಕೇತ॑ವೇದಾ॒ ಅವ॒ ತ್ಮನಾ᳚ ಭರತೇ॒ ಫೇನ॑ಮು॒ದನ್ |
ಕ್ಷೀ॒ರೇಣ॑ ಸ್ನಾತಃ॒ ಕುಯ॑ವಸ್ಯ॒ ಯೋಷೇ᳚ ಹ॒ತೇ ತೇ ಸ್ಯಾ᳚ತಾಂ ಪ್ರವ॒ಣೇ ಶಿಫಾ᳚ಯಾಃ || 1.104.3
ಯು॒ಯೋಪ॒ ನಾಭಿ॒ರುಪ॑ರಸ್ಯಾ॒ಯೋಃ ಪ್ರ ಪೂರ್ವಾ᳚ಭಿಸ್ತಿರತೇ॒ ರಾಷ್ಟಿ॒ ಶೂರಃ॑ |
ಅಂ॒ಜ॒ಸೀ ಕು॑ಲಿ॒ಶೀ ವೀ॒ರಪ॑ತ್ನೀ॒ ಪಯೋ᳚ ಹಿನ್ವಾ॒ನಾ ಉ॒ದಭಿ॑ರ್ಭರ‌ನ್ತೇ || 1.104.4
ಪ್ರತಿ॒ ಯತ್ಸ್ಯಾ ನೀಥಾದ॑ರ್ಶಿ॒ ದಸ್ಯೋ॒ರೋಕೋ॒ ನಾಚ್ಛಾ॒ ಸದ॑ನಂ ಜಾನ॒ತೀ ಗಾ᳚ತ್ |
ಅಧ॑ ಸ್ಮಾ ನೋ ಮಘವಂಚರ್ಕೃ॒ತಾದಿನ್ಮಾ ನೋ᳚ ಮ॒ಘೇವ॑ ನಿಷ್ಷ॒ಪೀ ಪರಾ᳚ ದಾಃ || 1.104.5
ಸ ತ್ವಂ ನ॑ ಇಂದ್ರ॒ ಸೂರ್ಯೇ॒ ಸೋ ಅ॒ಪ್ಸ್ವ॑ನಾಗಾ॒ಸ್ತ್ವ ಆ ಭ॑ಜ ಜೀವಶಂ॒ಸೇ |
ಮಾ‌ನ್ತ॑ರಾಂ॒ ಭುಜ॒ಮಾ ರೀ᳚ರಿಷೋ ನಃ॒ ಶ್ರದ್ಧಿ॑ತಂ ತೇ ಮಹ॒ತ ಇಂ᳚ದ್ರಿ॒ಯಾಯ॑ || 1.104.6
ಅಧಾ᳚ ಮನ್ಯೇ॒ ಶ್ರತ್ತೇ᳚ ಅಸ್ಮಾ ಅಧಾಯಿ॒ ವೃಷಾ᳚ ಚೋದಸ್ವ ಮಹ॒ತೇ ಧನಾ᳚ಯ |
ಮಾ ನೋ॒ ಅಕೃ॑ತೇ ಪುರುಹೂತ॒ ಯೋನಾ॒ವಿಂದ್ರ॒ ಕ್ಷುಧ್ಯ॑ದ್ಭ್ಯೋ॒ ವಯ॑ ಆಸು॒ತಿಂ ದಾಃ᳚ || 1.104.7
ಮಾ ನೋ᳚ ವಧೀರಿಂದ್ರ॒ ಮಾ ಪರಾ᳚ ದಾ॒ ಮಾ ನಃ॑ ಪ್ರಿ॒ಯಾ ಭೋಜ॑ನಾನಿ॒ ಪ್ರ ಮೋ᳚ಷೀಃ |
ಆಂ॒ಡಾ ಮಾ ನೋ᳚ ಮಘವಂಛಕ್ರ॒ ನಿರ್ಭೇ॒ನ್ಮಾ ನಃ॒ ಪಾತ್ರಾ᳚ ಭೇತ್ಸ॒ಹಜಾ᳚ನುಷಾಣಿ || 1.104.8
ಅ॒ರ್ವಾಙೇಹಿ॒ ಸೋಮ॑ಕಾಮಂ ತ್ವಾಹುರ॒ಯಂ ಸು॒ತಸ್ತಸ್ಯ॑ ಪಿಬಾ॒ ಮದಾ᳚ಯ |
ಉ॒ರು॒ವ್ಯಚಾ᳚ ಜ॒ಠರ॒ ಆ ವೃ॑ಷಸ್ವ ಪಿ॒ತೇವ॑ ನಃ ಶೃಣುಹಿ ಹೂ॒ಯಮಾ᳚ನಃ || 1.104.9

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಆಂಗಿರಸಃ ಕುತ್ಸೋ ವಾ ಋಷಿಃ ವಿಶ್ವೇ ದೇವಾ ದೇವತಾಃ (1-7, 9-18) ಪ್ರಥಮಾದಿಸಪ್ತರ್ಚಾಂ ನವಮ್ಯಾದಿದಶಾನಾಂಚ ಪಂಕ್ತಿಃ (8) ಅಷ್ಟಮ್ಯಾ ಯವಮಧ್ಯಾ ಮಹಾಬೃಹತೀ (19) ಏಕೋನವಿಂಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಚಂ॒ದ್ರಮಾ᳚ ಅ॒ಪ್ಸ್ವ1॒᳚‌ನ್ತರಾ ಸು॑ಪ॒ರ್ಣೋ ಧಾ᳚ವತೇ ದಿ॒ವಿ |
ನ ವೋ᳚ ಹಿರಣ್ಯನೇಮಯಃ ಪ॒ದಂ ವಿಂ᳚ದ‌ನ್ತಿ ವಿದ್ಯುತೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.1
ಅರ್ಥ॒ಮಿದ್ವಾ ಉ॑ ಅ॒ರ್ಥಿನ॒ ಆ ಜಾ॒ಯಾ ಯು॑ವತೇ॒ ಪತಿ‌ಮ್᳚ |
ತುಂ॒ಜಾತೇ॒ ವೃಷ್ಣ್ಯಂ॒ ಪಯಃ॑ ಪರಿ॒ದಾಯ॒ ರಸಂ᳚ ದುಹೇ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.2
ಮೋ ಷು ದೇ᳚ವಾ ಅ॒ದಃ ಸ್ವ1॒॑ರವ॑ ಪಾದಿ ದಿ॒ವಸ್ಪರಿ॑ |
ಮಾ ಸೋ॒ಮ್ಯಸ್ಯ॑ ಶಂ॒ಭುವಃ॒ ಶೂನೇ᳚ ಭೂಮ॒ ಕದಾ᳚ ಚ॒ನ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.3
ಯ॒ಜ್ಞಂ ಪೃ॑ಚ್ಛಾಮ್ಯವ॒ಮಂ ಸ ತದ್ದೂ॒ತೋ ವಿ ವೋ᳚ಚತಿ |
ಕ್ವ॑ ಋ॒ತಂ ಪೂ॒ರ್ವ್ಯಂ ಗ॒ತಂ ಕಸ್ತದ್ಬಿ॑ಭರ್ತಿ॒ ನೂತ॑ನೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.4
ಅ॒ಮೀ ಯೇ ದೇ᳚ವಾಃ॒ ಸ್ಥನ॑ ತ್ರಿ॒ಷ್ವಾ ರೋ᳚ಚ॒ನೇ ದಿ॒ವಃ |
ಕದ್ವ॑ ಋ॒ತಂ ಕದನೃ॑ತಂ॒ ಕ್ವ॑ ಪ್ರ॒ತ್ನಾ ವ॒ ಆಹು॑ತಿರ್ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.5
ಕದ್ವ॑ ಋ॒ತಸ್ಯ॑ ಧರ್ಣ॒ಸಿ ಕದ್ವರು॑ಣಸ್ಯ॒ ಚಕ್ಷ॑ಣ‌ಮ್ |
ಕದ᳚ರ್ಯ॒ಮ್ಣೋ ಮ॒ಹಸ್ಪ॒ಥಾತಿ॑ ಕ್ರಾಮೇಮ ದೂ॒ಢ್ಯೋ᳚ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.6
ಅ॒ಹಂ ಸೋ ಅ॑ಸ್ಮಿ॒ ಯಃ ಪು॒ರಾ ಸು॒ತೇ ವದಾ᳚ಮಿ॒ ಕಾನಿ॑ ಚಿತ್ |
ತಂ ಮಾ᳚ ವ್ಯ‌ನ್ತ್ಯಾ॒ಧ್ಯೋ॒3॒॑ ವೃಕೋ॒ ನ ತೃ॒ಷ್ಣಜಂ᳚ ಮೃ॒ಗಂ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.7
ಸಂ ಮಾ᳚ ತಪ‌ನ್ತ್ಯ॒ಭಿತಃ॑ ಸ॒ಪತ್ನೀ᳚ರಿವ॒ ಪರ್ಶ॑ವಃ |
ಮೂಷೋ॒ ನ ಶಿ॒ಶ್ನಾ ವ್ಯ॑ದ‌ನ್ತಿ ಮಾ॒ಧ್ಯಃ॑ ಸ್ತೋ॒ತಾರಂ᳚ ತೇ ಶತಕ್ರತೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.8
ಅ॒ಮೀ ಯೇ ಸ॒ಪ್ತ ರ॒ಶ್ಮಯ॒ಸ್ತತ್ರಾ᳚ ಮೇ॒ ನಾಭಿ॒ರಾತ॑ತಾ |
ತ್ರಿ॒ತಸ್ತದ್ವೇ᳚ದಾ॒ಪ್ತ್ಯಃ ಸ ಜಾ᳚ಮಿ॒ತ್ವಾಯ॑ ರೇಭತಿ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.9
ಅ॒ಮೀ ಯೇ ಪಂಚೋ॒ಕ್ಷಣೋ॒ ಮಧ್ಯೇ᳚ ತ॒ಸ್ಥುರ್ಮ॒ಹೋ ದಿ॒ವಃ |
ದೇ॒ವ॒ತ್ರಾ ನು ಪ್ರ॒ವಾಚ್ಯಂ᳚ ಸಧ್ರೀಚೀ॒ನಾ ನಿ ವಾ᳚ವೃತುರ್ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.10
ಸು॒ಪ॒ರ್ಣಾ ಏ॒ತ ಆ᳚ಸತೇ॒ ಮಧ್ಯ॑ ಆ॒ರೋಧ॑ನೇ ದಿ॒ವಃ |
ತೇ ಸೇ᳚ಧ‌ನ್ತಿ ಪ॒ಥೋ ವೃಕಂ॒ ತರ᳚‌ನ್ತಂ ಯ॒ಹ್ವತೀ᳚ರ॒ಪೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.11
ನವ್ಯಂ॒ ತದು॒ಕ್ಥ್ಯಂ᳚ ಹಿ॒ತಂ ದೇವಾ᳚ಸಃ ಸುಪ್ರವಾಚ॒ನ‌ಮ್ |
ಋ॒ತಮ॑ರ್ಷ‌ನ್ತಿ॒ ಸಿಂಧ॑ವಃ ಸ॒ತ್ಯಂ ತಾ᳚ತಾನ॒ ಸೂರ್ಯೋ᳚ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.12
ಅಗ್ನೇ॒ ತವ॒ ತ್ಯದು॒ಕ್ಥ್ಯಂ᳚ ದೇ॒ವೇಷ್ವ॒ಸ್ತ್ಯಾಪ್ಯ‌ಮ್᳚ |
ಸ ನಃ॑ ಸ॒ತ್ತೋ ಮ॑ನು॒ಷ್ವದಾ ದೇ॒ವಾನ್ಯ॑ಕ್ಷಿ ವಿ॒ದುಷ್ಟ॑ರೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.13
ಸ॒ತ್ತೋ ಹೋತಾ᳚ ಮನು॒ಷ್ವದಾ ದೇ॒ವಾಁ ಅಚ್ಛಾ᳚ ವಿ॒ದುಷ್ಟ॑ರಃ |
ಅ॒ಗ್ನಿರ್ಹ॒ವ್ಯಾ ಸು॑ಷೂದತಿ ದೇ॒ವೋ ದೇ॒ವೇಷು॒ ಮೇಧಿ॑ರೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.14
ಬ್ರಹ್ಮಾ᳚ ಕೃಣೋತಿ॒ ವರು॑ಣೋ ಗಾತು॒ವಿದಂ॒ ತಮೀ᳚ಮಹೇ |
ವ್ಯೂ᳚ರ್ಣೋತಿ ಹೃ॒ದಾ ಮ॒ತಿಂ ನವ್ಯೋ᳚ ಜಾಯತಾಮೃ॒ತಂ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.15
ಅ॒ಸೌ ಯಃ ಪ‌ನ್ಥಾ᳚ ಆದಿ॒ತ್ಯೋ ದಿ॒ವಿ ಪ್ರ॒ವಾಚ್ಯಂ᳚ ಕೃ॒ತಃ |
ನ ಸ ದೇ᳚ವಾ ಅತಿ॒ಕ್ರಮೇ॒ ತಂ ಮ॑ರ್ತಾಸೋ॒ ನ ಪ॑ಶ್ಯಥ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.16
ತ್ರಿ॒ತಃ ಕೂಪೇಽವ॑ಹಿತೋ ದೇ॒ವಾನ್ಹ॑ವತ ಊ॒ತಯೇ᳚ |
ತಚ್ಛು॑ಶ್ರಾವ॒ ಬೃಹ॒ಸ್ಪತಿಃ॑ ಕೃ॒ಣ್ವನ್ನಂ᳚ಹೂರ॒ಣಾದು॒ರು ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.17
ಅ॒ರು॒ಣೋ ಮಾ᳚ ಸ॒ಕೃದ್ವೃಕಃ॑ ಪ॒ಥಾ ಯ‌ನ್ತಂ᳚ ದ॒ದರ್ಶ॒ ಹಿ |
ಉಜ್ಜಿ॑ಹೀತೇ ನಿ॒ಚಾಯ್ಯಾ॒ ತಷ್ಟೇ᳚ವ ಪೃಷ್ಟ್ಯಾಮ॒ಯೀ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ || 1.105.18
ಏ॒ನಾಂಗೂ॒ಷೇಣ॑ ವ॒ಯಮಿಂದ್ರ॑ವ‌ನ್ತೋ॒ಽಭಿ ಷ್ಯಾ᳚ಮ ವೃ॒ಜನೇ॒ ಸರ್ವ॑ವೀರಾಃ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.105.19

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ವಿಶ್ವೇ ದೇವಾ ದೇವತಾಃ (16) ಪ್ರಥಮಾದಿಷಡಚಾಂ ಜಗತೀ (7) ಸಪ್ತಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಇಂದ್ರಂ᳚ ಮಿ॒ತ್ರಂ ವರು॑ಣಮ॒ಗ್ನಿಮೂ॒ತಯೇ॒ ಮಾರು॑ತಂ॒ ಶರ್ಧೋ॒ ಅದಿ॑ತಿಂ ಹವಾಮಹೇ |
ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ || 1.106.1
ತ ಆ᳚ದಿತ್ಯಾ॒ ಆ ಗ॑ತಾ ಸ॒ರ್ವತಾ᳚ತಯೇ ಭೂ॒ತ ದೇ᳚ವಾ ವೃತ್ರ॒ತೂರ್ಯೇ᳚ಷು ಶಂ॒ಭುವಃ॑ |
ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ || 1.106.2
ಅವ᳚‌ನ್ತು ನಃ ಪಿ॒ತರಃ॑ ಸುಪ್ರವಾಚ॒ನಾ ಉ॒ತ ದೇ॒ವೀ ದೇ॒ವಪು॑ತ್ರೇ ಋತಾ॒ವೃಧಾ᳚ |
ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ || 1.106.3
ನರಾ॒ಶಂಸಂ᳚ ವಾ॒ಜಿನಂ᳚ ವಾ॒ಜಯ᳚ನ್ನಿ॒ಹ ಕ್ಷ॒ಯದ್ವೀ᳚ರಂ ಪೂ॒ಷಣಂ᳚ ಸು॒ಮ್ನೈರೀ᳚ಮಹೇ |
ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ || 1.106.4
ಬೃಹ॑ಸ್ಪತೇ॒ ಸದ॒ಮಿನ್ನಃ॑ ಸು॒ಗಂ ಕೃ॑ಧಿ॒ ಶಂ ಯೋರ್ಯತ್ತೇ॒ ಮನು॑ರ್ಹಿತಂ॒ ತದೀ᳚ಮಹೇ |
ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ || 1.106.5
ಇಂದ್ರಂ॒ ಕುತ್ಸೋ᳚ ವೃತ್ರ॒ಹಣಂ॒ ಶಚೀ॒ಪತಿಂ᳚ ಕಾ॒ಟೇ ನಿಬಾ᳚ಳ್ಹ॒ ಋಷಿ॑ರಹ್ವದೂ॒ತಯೇ᳚ |
ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ || 1.106.6
ದೇ॒ವೈರ್ನೋ᳚ ದೇ॒ವ್ಯದಿ॑ತಿ॒ರ್ನಿ ಪಾ᳚ತು ದೇ॒ವಸ್ತ್ರಾ॒ತಾ ತ್ರಾ᳚ಯತಾ॒ಮಪ್ರ॑ಯುಚ್ಛನ್ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.106.7

(1-3) ತೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ವಿಶ್ವೇ ದೇವಾ ದೇವತಾಃ ತ್ರಿಷ್ಟುಪ್ ಛಂದಃ

ಯ॒ಜ್ಞೋ ದೇ॒ವಾನಾಂ॒ ಪ್ರತ್ಯೇ᳚ತಿ ಸು॒ಮ್ನಮಾದಿ॑ತ್ಯಾಸೋ॒ ಭವ॑ತಾ ಮೃಳ॒ಯ‌ನ್ತಃ॑ |
ಆ ವೋ॒ಽರ್ವಾಚೀ᳚ ಸುಮ॒ತಿರ್ವ॑ವೃತ್ಯಾದಂ॒ಹೋಶ್ಚಿ॒ದ್ಯಾ ವ॑ರಿವೋ॒ವಿತ್ತ॒ರಾಸ॑ತ್ || 1.107.1
ಉಪ॑ ನೋ ದೇ॒ವಾ ಅವ॒ಸಾ ಗ॑ಮ॒‌ನ್ತ್ವಂಗಿ॑ರಸಾಂ॒ ಸಾಮ॑ಭಿಃ ಸ್ತೂ॒ಯಮಾ᳚ನಾಃ |
ಇಂದ್ರ॑ ಇಂದ್ರಿ॒ಯೈರ್ಮ॒ರುತೋ᳚ ಮ॒ರುದ್ಭಿ॑ರಾದಿ॒ತ್ಯೈರ್ನೋ॒ ಅದಿ॑ತಿಃ॒ ಶರ್ಮ॑ ಯಂಸತ್ || 1.107.2
ತನ್ನ॒ ಇಂದ್ರ॒ಸ್ತದ್ವರು॑ಣ॒ಸ್ತದ॒ಗ್ನಿಸ್ತದ᳚ರ್ಯ॒ಮಾ ತತ್ಸ॑ವಿ॒ತಾ ಚನೋ᳚ ಧಾತ್ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.107.3

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಇಂದ್ರಾಗ್ನೀ ದೇವತೇತ್ರಿಷ್ಟುಪ್ ಛಂದಃ

ಯ ಇಂ᳚ದ್ರಾಗ್ನೀ ಚಿ॒ತ್ರತ॑ಮೋ॒ ರಥೋ᳚ ವಾಮ॒ಭಿ ವಿಶ್ವಾ᳚ನಿ॒ ಭುವ॑ನಾನಿ॒ ಚಷ್ಟೇ᳚ |
ತೇನಾ ಯಾ᳚ತಂ ಸ॒ರಥಂ᳚ ತಸ್ಥಿ॒ವಾಂಸಾಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.1
ಯಾವ॑ದಿ॒ದಂ ಭುವ॑ನಂ॒ ವಿಶ್ವ॒ಮಸ್ತ್ಯು॑ರು॒ವ್ಯಚಾ᳚ ವರಿ॒ಮತಾ᳚ ಗಭೀ॒ರ‌ಮ್ |
ತಾವಾಁ᳚ ಅ॒ಯಂ ಪಾತ॑ವೇ॒ ಸೋಮೋ᳚ ಅ॒ಸ್ತ್ವರ॑ಮಿಂದ್ರಾಗ್ನೀ॒ ಮನ॑ಸೇ ಯು॒ವಭ್ಯಾ᳚‌ಮ್ || 1.108.2
ಚ॒ಕ್ರಾಥೇ॒ ಹಿ ಸ॒ಧ್ರ್ಯ1॒᳚ಙ್ನಾಮ॑ ಭ॒ದ್ರಂ ಸ॑ಧ್ರೀಚೀ॒ನಾ ವೃ॑ತ್ರಹಣಾ ಉ॒ತ ಸ್ಥಃ॑ |
ತಾವಿಂ᳚ದ್ರಾಗ್ನೀ ಸ॒ಧ್ರ್ಯಂ᳚ಚಾ ನಿ॒ಷದ್ಯಾ॒ ವೃಷ್ಣಃ॒ ಸೋಮ॑ಸ್ಯ ವೃಷ॒ಣಾ ವೃ॑ಷೇಥಾ‌ಮ್ || 1.108.3
ಸಮಿ॑ದ್ಧೇಷ್ವ॒ಗ್ನಿಷ್ವಾ᳚ನಜಾ॒ನಾ ಯ॒ತಸ್ರು॑ಚಾ ಬ॒ರ್ಹಿರು॑ ತಿಸ್ತಿರಾ॒ಣಾ |
ತೀ॒ವ್ರೈಃ ಸೋಮೈಃ॒ ಪರಿ॑ಷಿಕ್ತೇಭಿರ॒ರ್ವಾಗೇಂದ್ರಾ᳚ಗ್ನೀ ಸೌಮನ॒ಸಾಯ॑ ಯಾತ‌ಮ್ || 1.108.4
ಯಾನೀಂ᳚ದ್ರಾಗ್ನೀ ಚ॒ಕ್ರಥು᳚ರ್ವೀ॒ರ್ಯಾ᳚ಣಿ॒ ಯಾನಿ॑ ರೂ॒ಪಾಣ್ಯು॒ತ ವೃಷ್ಣ್ಯಾ᳚ನಿ |
ಯಾ ವಾಂ᳚ ಪ್ರ॒ತ್ನಾನಿ॑ ಸ॒ಖ್ಯಾ ಶಿ॒ವಾನಿ॒ ತೇಭಿಃ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.5
ಯದಬ್ರ॑ವಂ ಪ್ರಥ॒ಮಂ ವಾಂ᳚ ವೃಣಾ॒ನೋ॒3॒॑ಽಯಂ ಸೋಮೋ॒ ಅಸು॑ರೈರ್ನೋ ವಿ॒ಹವ್ಯಃ॑ |
ತಾಂ ಸ॒ತ್ಯಾಂ ಶ್ರ॒ದ್ಧಾಮ॒ಭ್ಯಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.6
ಯದಿಂ᳚ದ್ರಾಗ್ನೀ॒ ಮದ॑ಥಃ॒ ಸ್ವೇ ದು॑ರೋ॒ಣೇ ಯದ್ಬ್ರ॒ಹ್ಮಣಿ॒ ರಾಜ॑ನಿ ವಾ ಯಜತ್ರಾ |
ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.7
ಯದಿಂ᳚ದ್ರಾಗ್ನೀ॒ ಯದು॑ಷು ತು॒ರ್ವಶೇ᳚ಷು॒ ಯದ್ದ್ರು॒ಹ್ಯುಷ್ವನು॑ಷು ಪೂ॒ರುಷು॒ ಸ್ಥಃ |
ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.8
ಯದಿಂ᳚ದ್ರಾಗ್ನೀ ಅವ॒ಮಸ್ಯಾಂ᳚ ಪೃಥಿ॒ವ್ಯಾಂ ಮ॑ಧ್ಯ॒ಮಸ್ಯಾಂ᳚ ಪರ॒ಮಸ್ಯಾ᳚ಮು॒ತ ಸ್ಥಃ |
ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.9
ಯದಿಂ᳚ದ್ರಾಗ್ನೀ ಪರ॒ಮಸ್ಯಾಂ᳚ ಪೃಥಿ॒ವ್ಯಾಂ ಮ॑ಧ್ಯ॒ಮಸ್ಯಾ᳚ಮವ॒ಮಸ್ಯಾ᳚ಮು॒ತ ಸ್ಥಃ |
ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.10
ಯದಿಂ᳚ದ್ರಾಗ್ನೀ ದಿ॒ವಿ ಷ್ಠೋ ಯತ್ಪೃ॑ಥಿ॒ವ್ಯಾಂ ಯತ್ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು |
ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.11
ಯದಿಂ᳚ದ್ರಾಗ್ನೀ॒ ಉದಿ॑ತಾ॒ ಸೂರ್ಯ॑ಸ್ಯ॒ ಮಧ್ಯೇ᳚ ದಿ॒ವಃ ಸ್ವ॒ಧಯಾ᳚ ಮಾ॒ದಯೇ᳚ಥೇ |
ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ || 1.108.12
ಏ॒ವೇಂದ್ರಾ᳚ಗ್ನೀ ಪಪಿ॒ವಾಂಸಾ᳚ ಸು॒ತಸ್ಯ॒ ವಿಶ್ವಾ॒ಸ್ಮಭ್ಯಂ॒ ಸಂ ಜ॑ಯತಂ॒ ಧನಾ᳚ನಿ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.108.13

(1-8) ಅಷ್ಟಾರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಇಂದ್ರಾಗ್ನೀ ದೇವತೇತ್ರಿಷ್ಟುಪ್ ಛಂದಃ

ವಿ ಹ್ಯಖ್ಯಂ॒ ಮನ॑ಸಾ॒ ವಸ್ಯ॑ ಇ॒ಚ್ಛನ್ನಿಂದ್ರಾ᳚ಗ್ನೀ ಜ್ಞಾ॒ಸ ಉ॒ತ ವಾ᳚ ಸಜಾ॒ತಾನ್ |
ನಾನ್ಯಾ ಯು॒ವತ್ಪ್ರಮ॑ತಿರಸ್ತಿ॒ ಮಹ್ಯಂ॒ ಸ ವಾಂ॒ ಧಿಯಂ᳚ ವಾಜ॒ಯ‌ನ್ತೀ᳚ಮತಕ್ಷ‌ಮ್ || 1.109.1
ಅಶ್ರ॑ವಂ॒ ಹಿ ಭೂ᳚ರಿ॒ದಾವ॑ತ್ತರಾ ವಾಂ॒ ವಿಜಾ᳚ಮಾತುರು॒ತ ವಾ᳚ ಘಾ ಸ್ಯಾ॒ಲಾತ್ |
ಅಥಾ॒ ಸೋಮ॑ಸ್ಯ॒ ಪ್ರಯ॑ತೀ ಯು॒ವಭ್ಯಾ॒ಮಿಂದ್ರಾ᳚ಗ್ನೀ॒ ಸ್ತೋಮಂ᳚ ಜನಯಾಮಿ॒ ನವ್ಯ‌ಮ್᳚ || 1.109.2
ಮಾ ಚ್ಛೇ᳚ದ್ಮ ರ॒ಶ್ಮೀಁರಿತಿ॒ ನಾಧ॑ಮಾನಾಃ ಪಿತೄ॒ಣಾಂ ಶ॒ಕ್ತೀರ॑ನು॒ಯಚ್ಛ॑ಮಾನಾಃ |
ಇಂ॒ದ್ರಾ॒ಗ್ನಿಭ್ಯಾಂ॒ ಕಂ ವೃಷ॑ಣೋ ಮದ‌ನ್ತಿ॒ ತಾ ಹ್ಯದ್ರೀ᳚ ಧಿ॒ಷಣಾ᳚ಯಾ ಉ॒ಪಸ್ಥೇ᳚ || 1.109.3
ಯು॒ವಾಭ್ಯಾಂ᳚ ದೇ॒ವೀ ಧಿ॒ಷಣಾ॒ ಮದಾ॒ಯೇಂದ್ರಾ᳚ಗ್ನೀ॒ ಸೋಮ॑ಮುಶ॒ತೀ ಸು॑ನೋತಿ |
ತಾವ॑ಶ್ವಿನಾ ಭದ್ರಹಸ್ತಾ ಸುಪಾಣೀ॒ ಆ ಧಾ᳚ವತಂ॒ ಮಧು॑ನಾ ಪೃಂ॒ಕ್ತಮ॒ಪ್ಸು || 1.109.4
ಯು॒ವಾಮಿಂ᳚ದ್ರಾಗ್ನೀ॒ ವಸು॑ನೋ ವಿಭಾ॒ಗೇ ತ॒ವಸ್ತ॑ಮಾ ಶುಶ್ರವ ವೃತ್ರ॒ಹತ್ಯೇ᳚ |
ತಾವಾ॒ಸದ್ಯಾ᳚ ಬ॒ರ್ಹಿಷಿ॑ ಯ॒ಜ್ಞೇ ಅ॒ಸ್ಮಿನ್ಪ್ರ ಚ॑ರ್ಷಣೀ ಮಾದಯೇಥಾಂ ಸು॒ತಸ್ಯ॑ || 1.109.5
ಪ್ರ ಚ॑ರ್ಷ॒ಣಿಭ್ಯಃ॑ ಪೃತನಾ॒ಹವೇ᳚ಷು॒ ಪ್ರ ಪೃ॑ಥಿ॒ವ್ಯಾ ರಿ॑ರಿಚಾಥೇ ದಿ॒ವಶ್ಚ॑ |
ಪ್ರ ಸಿಂಧು॑ಭ್ಯಃ॒ ಪ್ರ ಗಿ॒ರಿಭ್ಯೋ᳚ ಮಹಿ॒ತ್ವಾ ಪ್ರೇಂದ್ರಾ᳚ಗ್ನೀ॒ ವಿಶ್ವಾ॒ ಭುವ॒ನಾತ್ಯ॒ನ್ಯಾ || 1.109.6
ಆ ಭ॑ರತಂ॒ ಶಿಕ್ಷ॑ತಂ ವಜ್ರಬಾಹೂ ಅ॒ಸ್ಮಾಁ ಇಂ᳚ದ್ರಾಗ್ನೀ ಅವತಂ॒ ಶಚೀ᳚ಭಿಃ |
ಇ॒ಮೇ ನು ತೇ ರ॒ಶ್ಮಯಃ॒ ಸೂರ್ಯ॑ಸ್ಯ॒ ಯೇಭಿಃ॑ ಸಪಿ॒ತ್ವಂ ಪಿ॒ತರೋ᳚ ನ॒ ಆಸನ್॑ || 1.109.7
ಪುರಂ᳚ದರಾ॒ ಶಿಕ್ಷ॑ತಂ ವಜ್ರಹಸ್ತಾ॒ಸ್ಮಾಁ ಇಂ᳚ದ್ರಾಗ್ನೀ ಅವತಂ॒ ಭರೇ᳚ಷು |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.109.8

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಋಭವೋ ದೇವತಾಃ (1-4, 6-8) ಪ್ರಥಮಾದಿಚತುರೃಚ ಆಂ ಷಷ್ಠ್ಯಾದಿತೃಚಸ್ಯ ಚ ಜಗತೀ (5, 9) ಪಂಚಮೀನವಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ತ॒ತಂ ಮೇ॒ ಅಪ॒ಸ್ತದು॑ ತಾಯತೇ॒ ಪುನಃ॒ ಸ್ವಾದಿ॑ಷ್ಠಾ ಧೀ॒ತಿರು॒ಚಥಾ᳚ಯ ಶಸ್ಯತೇ |
ಅ॒ಯಂ ಸ॑ಮು॒ದ್ರ ಇ॒ಹ ವಿ॒ಶ್ವದೇ᳚ವ್ಯಃ॒ ಸ್ವಾಹಾ᳚ಕೃತಸ್ಯ॒ ಸಮು॑ ತೃಪ್ಣುತ ಋಭವಃ || 1.110.1
ಆ॒ಭೋ॒ಗಯಂ॒ ಪ್ರ ಯದಿ॒ಚ್ಛ‌ನ್ತ॒ ಐತ॒ನಾಪಾ᳚ಕಾಃ॒ ಪ್ರಾಂಚೋ॒ ಮಮ॒ ಕೇ ಚಿ॑ದಾ॒ಪಯಃ॑ |
ಸೌಧ᳚ನ್ವನಾಸಶ್ಚರಿ॒ತಸ್ಯ॑ ಭೂ॒ಮನಾಗ॑ಚ್ಛತ ಸವಿ॒ತುರ್ದಾ॒ಶುಷೋ᳚ ಗೃ॒ಹ‌ಮ್ || 1.110.2
ತತ್ಸ॑ವಿ॒ತಾ ವೋ᳚ಽಮೃತ॒ತ್ವಮಾಸು॑ವ॒ದಗೋ᳚ಹ್ಯಂ॒ ಯಚ್ಛ್ರ॒ವಯ᳚‌ನ್ತ॒ ಐತ॑ನ |
ತ್ಯಂ ಚಿ॑ಚ್ಚಮ॒ಸಮಸು॑ರಸ್ಯ॒ ಭಕ್ಷ॑ಣ॒ಮೇಕಂ॒ ಸ‌ನ್ತ॑ಮಕೃಣುತಾ॒ ಚತು᳚ರ್ವಯ‌ಮ್ || 1.110.3
ವಿ॒ಷ್ಟ್ವೀ ಶಮೀ᳚ ತರಣಿ॒ತ್ವೇನ॑ ವಾ॒ಘತೋ॒ ಮರ್ತಾ᳚ಸಃ॒ ಸ‌ನ್ತೋ᳚ ಅಮೃತ॒ತ್ವಮಾ᳚ನಶುಃ |
ಸೌ॒ಧ॒ನ್ವ॒ನಾ ಋ॒ಭವಃ॒ ಸೂರ॑ಚಕ್ಷಸಃ ಸಂವತ್ಸ॒ರೇ ಸಮ॑ಪೃಚ್ಯ‌ನ್ತ ಧೀ॒ತಿಭಿಃ॑ || 1.110.4
ಕ್ಷೇತ್ರ॑ಮಿವ॒ ವಿ ಮ॑ಮು॒ಸ್ತೇಜ॑ನೇನಁ॒ ಏಕಂ॒ ಪಾತ್ರ॑ಮೃ॒ಭವೋ॒ ಜೇಹ॑ಮಾನ‌ಮ್ |
ಉಪ॑ಸ್ತುತಾ ಉಪ॒ಮಂ ನಾಧ॑ಮಾನಾ॒ ಅಮ॑ರ್ತ್ಯೇಷು॒ ಶ್ರವ॑ ಇ॒ಚ್ಛಮಾ᳚ನಾಃ || 1.110.5
ಆ ಮ॑ನೀ॒ಷಾಮ॒‌ನ್ತರಿ॑ಕ್ಷಸ್ಯ॒ ನೃಭ್ಯಃ॑ ಸ್ರು॒ಚೇವ॑ ಘೃ॒ತಂ ಜು॑ಹವಾಮ ವಿ॒ದ್ಮನಾ᳚ |
ತ॒ರ॒ಣಿ॒ತ್ವಾ ಯೇ ಪಿ॒ತುರ॑ಸ್ಯ ಸಶ್ಚಿ॒ರ ಋ॒ಭವೋ॒ ವಾಜ॑ಮರುಹಂದಿ॒ವೋ ರಜಃ॑ || 1.110.6
ಋ॒ಭುರ್ನ॒ ಇಂದ್ರಃ॒ ಶವ॑ಸಾ॒ ನವೀ᳚ಯಾನೃ॒ಭುರ್ವಾಜೇ᳚ಭಿ॒ರ್ವಸು॑ಭಿ॒ರ್ವಸು॑ರ್ದ॒ದಿಃ |
ಯು॒ಷ್ಮಾಕಂ᳚ ದೇವಾ॒ ಅವ॒ಸಾಹ॑ನಿ ಪ್ರಿ॒ಯೇ॒3॒॑ಽಭಿ ತಿ॑ಷ್ಠೇಮ ಪೃತ್ಸು॒ತೀರಸು᳚ನ್ವತಾ‌ಮ್ || 1.110.7
ನಿಶ್ಚರ್ಮ॑ಣ ಋಭವೋ॒ ಗಾಮ॑ಪಿಂಶತ॒ ಸಂ ವ॒ತ್ಸೇನಾ᳚ಸೃಜತಾ ಮಾ॒ತರಂ॒ ಪುನಃ॑ |
ಸೌಧ᳚ನ್ವನಾಸಃ ಸ್ವಪ॒ಸ್ಯಯಾ᳚ ನರೋ॒ ಜಿವ್ರೀ॒ ಯುವಾ᳚ನಾ ಪಿ॒ತರಾ᳚ಕೃಣೋತನ || 1.110.8
ವಾಜೇ᳚ಭಿರ್ನೋ॒ ವಾಜ॑ಸಾತಾವವಿಡ್ಢ್ಯೃಭು॒ಮಾಁ ಇಂ᳚ದ್ರ ಚಿ॒ತ್ರಮಾ ದ॑ರ್ಷಿ॒ ರಾಧಃ॑ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.110.9

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಅಭವೋ ದೇವತಾಃ (1-4) ಪ್ರಥಮಾದಿಚರ್ಚಾಂ ಜಗತೀ (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ತಕ್ಷ॒ನ್ರಥಂ᳚ ಸು॒ವೃತಂ᳚ ವಿದ್ಮ॒ನಾಪ॑ಸ॒ಸ್ತಕ್ಷ॒ನ್ಹರೀ᳚ ಇಂದ್ರ॒ವಾಹಾ॒ ವೃಷ᳚ಣ್ವಸೂ |
ತಕ್ಷ᳚ನ್ಪಿ॒ತೃಭ್ಯಾ᳚ಮೃ॒ಭವೋ॒ ಯುವ॒ದ್ವಯ॒ಸ್ತಕ್ಷ᳚ನ್ವ॒ತ್ಸಾಯ॑ ಮಾ॒ತರಂ᳚ ಸಚಾ॒ಭುವ‌ಮ್᳚ || 1.111.1
ಆ ನೋ᳚ ಯ॒ಜ್ಞಾಯ॑ ತಕ್ಷತ ಋಭು॒ಮದ್ವಯಃ॒ ಕ್ರತ್ವೇ॒ ದಕ್ಷಾ᳚ಯ ಸುಪ್ರ॒ಜಾವ॑ತೀ॒ಮಿಷ‌ಮ್᳚ |
ಯಥಾ॒ ಕ್ಷಯಾ᳚ಮ॒ ಸರ್ವ॑ವೀರಯಾ ವಿ॒ಶಾ ತನ್ನಃ॒ ಶರ್ಧಾ᳚ಯ ಧಾಸಥಾ॒ ಸ್ವಿಂ᳚ದ್ರಿ॒ಯ‌ಮ್ || 1.111.2
ಆ ತ॑ಕ್ಷತ ಸಾ॒ತಿಮ॒ಸ್ಮಭ್ಯ॑ಮೃಭವಃ ಸಾ॒ತಿಂ ರಥಾ᳚ಯ ಸಾ॒ತಿಮರ್ವ॑ತೇ ನರಃ |
ಸಾ॒ತಿಂ ನೋ॒ ಜೈತ್ರೀಂ॒ ಸಂ ಮ॑ಹೇತ ವಿ॒ಶ್ವಹಾ᳚ ಜಾ॒ಮಿಮಜಾ᳚ಮಿಂ॒ ಪೃತ॑ನಾಸು ಸ॒ಕ್ಷಣಿ‌ಮ್᳚ || 1.111.3
ಋ॒ಭು॒ಕ್ಷಣ॒ಮಿಂದ್ರ॒ಮಾ ಹು॑ವ ಊ॒ತಯ॑ ಋ॒ಭೂನ್ವಾಜಾ᳚ನ್ಮ॒ರುತಃ॒ ಸೋಮ॑ಪೀತಯೇ |
ಉ॒ಭಾ ಮಿ॒ತ್ರಾವರು॑ಣಾ ನೂ॒ನಮ॒ಶ್ವಿನಾ॒ ತೇ ನೋ᳚ ಹಿನ್ವ‌ನ್ತು ಸಾ॒ತಯೇ᳚ ಧಿ॒ಯೇ ಜಿ॒ಷೇ || 1.111.4
ಋ॒ಭುರ್ಭರಾ᳚ಯ॒ ಸಂ ಶಿ॑ಶಾತು ಸಾ॒ತಿಂ ಸ॑ಮರ್ಯ॒ಜಿದ್ವಾಜೋ᳚ ಅ॒ಸ್ಮಾಁ ಅ॑ವಿಷ್ಟು |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.111.5

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ (1) ಪ್ರಥಮರ್ಚಃ ಪ್ರಥಮಪಾದಸ್ಯ ದ್ಯಾವಾಪೃಥಿವ್ಯೌ ದ್ವಿತೀಯಪಾದಸ್ಯಾಗ್ನಿರುತ್ತರಾರ್ಧಸ್ಯ (2-25) ದ್ವಿತೀಯಾದಿಚತುರ್ವಿಂಶತೀನಾಂಚಾಶ್ವಿನೌ ದೇವತಾಃ (1-23) ಪ್ರಥಮಾದಿತ್ರಯೋವಿಂಶತೀನಾಂ ಜಗತೀ (24-25) ಚತುರ್ವಿಶೀಪಂಚವಿಂಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಈಳೇ॒ ದ್ಯಾವಾ᳚ಪೃಥಿ॒ವೀ ಪೂ॒ರ್ವಚಿ॑ತ್ತಯೇ॒ಽಗ್ನಿಂ ಘ॒ರ್ಮಂ ಸು॒ರುಚಂ॒ ಯಾಮ᳚ನ್ನಿ॒ಷ್ಟಯೇ᳚ |
ಯಾಭಿ॒ರ್ಭರೇ᳚ ಕಾ॒ರಮಂಶಾ᳚ಯ॒ ಜಿನ್ವ॑ಥ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.1
ಯು॒ವೋರ್ದಾ॒ನಾಯ॑ ಸು॒ಭರಾ᳚ ಅಸ॒ಶ್ಚತೋ॒ ರಥ॒ಮಾ ತ॑ಸ್ಥುರ್ವಚ॒ಸಂ ನ ಮ‌ನ್ತ॑ವೇ |
ಯಾಭಿ॒ರ್ಧಿಯೋಽವ॑ಥಃ॒ ಕರ್ಮ᳚ನ್ನಿ॒ಷ್ಟಯೇ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.2
ಯು॒ವಂ ತಾಸಾಂ᳚ ದಿ॒ವ್ಯಸ್ಯ॑ ಪ್ರ॒ಶಾಸ॑ನೇ ವಿ॒ಶಾಂ ಕ್ಷ॑ಯಥೋ ಅ॒ಮೃತ॑ಸ್ಯ ಮ॒ಜ್ಮನಾ᳚ |
ಯಾಭಿ॑ರ್ಧೇ॒ನುಮ॒ಸ್ವ1॒॑ ಅಂಪಿನ್ವ॑ಥೋ ನರಾ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.3
ಯಾಭಿಃ॒ ಪರಿ॑ಜ್ಮಾ॒ ತನ॑ಯಸ್ಯ ಮ॒ಜ್ಮನಾ᳚ ದ್ವಿಮಾ॒ತಾ ತೂ॒ರ್ಷು ತ॒ರಣಿ᳚ರ್ವಿ॒ಭೂಷ॑ತಿ |
ಯಾಭಿ॑ಸ್ತ್ರಿ॒ಮ‌ನ್ತು॒ರಭ॑ವದ್ವಿಚಕ್ಷ॒ಣಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.4
ಯಾಭೀ᳚ ರೇ॒ಭಂ ನಿವೃ॑ತಂ ಸಿ॒ತಮ॒ದ್ಭ್ಯ ಉದ್ವಂದ॑ನ॒ಮೈರ॑ಯತಂ॒ ಸ್ವ॑ರ್ದೃ॒ಶೇ |
ಯಾಭಿಃ॒ ಕಣ್ವಂ॒ ಪ್ರ ಸಿಷಾ᳚ಸ‌ನ್ತ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.5
ಯಾಭಿ॒ರ‌ನ್ತ॑ಕಂ॒ ಜಸ॑ಮಾನ॒ಮಾರ॑ಣೇ ಭು॒ಜ್ಯುಂ ಯಾಭಿ॑ರವ್ಯ॒ಥಿಭಿ॑ರ್ಜಿಜಿ॒ನ್ವಥುಃ॑ |
ಯಾಭಿಃ॑ ಕ॒ರ್ಕಂಧುಂ᳚ ವ॒ಯ್ಯಂ᳚ ಚ॒ ಜಿನ್ವ॑ಥ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.6
ಯಾಭಿಃ॑ ಶುಚ॒‌ನ್ತಿಂ ಧ॑ನ॒ಸಾಂ ಸು॑ಷಂ॒ಸದಂ᳚ ತ॒ಪ್ತಂ ಘ॒ರ್ಮಮೋ॒ಮ್ಯಾವ᳚‌ನ್ತ॒ಮತ್ರ॑ಯೇ |
ಯಾಭಿಃ॒ ಪೃಶ್ನಿ॑ಗುಂ ಪುರು॒ಕುತ್ಸ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.7
ಯಾಭಿಃ॒ ಶಚೀ᳚ಭಿರ್ವೃಷಣಾ ಪರಾ॒ವೃಜಂ॒ ಪ್ರಾಂಧಂ ಶ್ರೋ॒ಣಂ ಚಕ್ಷ॑ಸ॒ ಏತ॑ವೇ ಕೃ॒ಥಃ |
ಯಾಭಿ॒ರ್ವರ್ತಿ॑ಕಾಂ ಗ್ರಸಿ॒ತಾಮಮುಂ᳚ಚತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.8
ಯಾಭಿಃ॒ ಸಿಂಧುಂ॒ ಮಧು॑ಮ‌ನ್ತ॒ಮಸ॑ಶ್ಚತಂ॒ ವಸಿ॑ಷ್ಠಂ॒ ಯಾಭಿ॑ರಜರಾ॒ವಜಿ᳚ನ್ವತ‌ಮ್ |
ಯಾಭಿಃ॒ ಕುತ್ಸಂ᳚ ಶ್ರು॒ತರ್ಯಂ॒ ನರ್ಯ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.9
ಯಾಭಿ᳚ರ್ವಿ॒ಶ್ಪಲಾಂ᳚ ಧನ॒ಸಾಮ॑ಥ॒ರ್ವ್ಯಂ᳚ ಸ॒ಹಸ್ರ॑ಮೀಳ್ಹ ಆ॒ಜಾವಜಿ᳚ನ್ವತ‌ಮ್ |
ಯಾಭಿ॒ರ್ವಶ॑ಮ॒ಶ್ವ್ಯಂ ಪ್ರೇ॒ಣಿಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.10
ಯಾಭಿಃ॑ ಸುದಾನೂ ಔಶಿ॒ಜಾಯ॑ ವ॒ಣಿಜೇ᳚ ದೀ॒ರ್ಘಶ್ರ॑ವಸೇ॒ ಮಧು॒ ಕೋಶೋ॒ ಅಕ್ಷ॑ರತ್ |
ಕ॒ಕ್ಷೀವ᳚‌ನ್ತಂ ಸ್ತೋ॒ತಾರಂ॒ ಯಾಭಿ॒ರಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.11
ಯಾಭೀ᳚ ರ॒ಸಾಂ ಕ್ಷೋದ॑ಸೋ॒ದ್ನಃ ಪಿ॑ಪಿ॒ನ್ವಥು॑ರನ॒ಶ್ವಂ ಯಾಭೀ॒ ರಥ॒ಮಾವ॑ತಂ ಜಿ॒ಷೇ |
ಯಾಭಿ॑ಸ್ತ್ರಿ॒ಶೋಕ॑ ಉ॒ಸ್ರಿಯಾ᳚ ಉ॒ದಾಜ॑ತ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.12
ಯಾಭಿಃ॒ ಸೂರ್ಯಂ᳚ ಪರಿಯಾ॒ಥಃ ಪ॑ರಾ॒ವತಿ॑ ಮಂಧಾ॒ತಾರಂ॒ ಕ್ಷೈತ್ರ॑ಪತ್ಯೇ॒ಷ್ವಾವ॑ತ‌ಮ್ |
ಯಾಭಿ॒ರ್ವಿಪ್ರಂ॒ ಪ್ರ ಭ॒ರದ್ವಾ᳚ಜ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.13
ಯಾಭಿ᳚ರ್ಮ॒ಹಾಮ॑ತಿಥಿ॒ಗ್ವಂ ಕ॑ಶೋ॒ಜುವಂ॒ ದಿವೋ᳚ದಾಸಂ ಶಂಬರ॒ಹತ್ಯ॒ ಆವ॑ತ‌ಮ್ |
ಯಾಭಿಃ॑ ಪೂ॒ರ್ಭಿದ್ಯೇ᳚ ತ್ರ॒ಸದ॑ಸ್ಯು॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.14
ಯಾಭಿ᳚ರ್ವ॒ಮ್ರಂ ವಿ॑ಪಿಪಾ॒ನಮು॑ಪಸ್ತು॒ತಂ ಕ॒ಲಿಂ ಯಾಭಿ᳚ರ್ವಿ॒ತ್ತಜಾ᳚ನಿಂ ದುವ॒ಸ್ಯಥಃ॑ |
ಯಾಭಿ॒ರ್ವ್ಯ॑ಶ್ವಮು॒ತ ಪೃಥಿ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.15
ಯಾಭಿ᳚ರ್ನರಾ ಶ॒ಯವೇ॒ ಯಾಭಿ॒ರತ್ರ॑ಯೇ॒ ಯಾಭಿಃ॑ ಪು॒ರಾ ಮನ॑ವೇ ಗಾ॒ತುಮೀ॒ಷಥುಃ॑ |
ಯಾಭಿಃ॒ ಶಾರೀ॒ರಾಜ॑ತಂ॒ ಸ್ಯೂಮ॑ರಶ್ಮಯೇ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.16
ಯಾಭಿಃ॒ ಪಠ᳚ರ್ವಾ॒ ಜಠ॑ರಸ್ಯ ಮ॒ಜ್ಮನಾ॒ಗ್ನಿರ್ನಾದೀ᳚ದೇಚ್ಚಿ॒ತ ಇ॒ದ್ಧೋ ಅಜ್ಮ॒ನ್ನಾ |
ಯಾಭಿಃ॒ ಶರ್ಯಾ᳚ತ॒ಮವ॑ಥೋ ಮಹಾಧ॒ನೇ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.17
ಯಾಭಿ॑ರಂಗಿರೋ॒ ಮನ॑ಸಾ ನಿರ॒ಣ್ಯಥೋಽಗ್ರಂ॒ ಗಚ್ಛ॑ಥೋ ವಿವ॒ರೇ ಗೋಅ᳚ರ್ಣಸಃ |
ಯಾಭಿ॒ರ್ಮನುಂ॒ ಶೂರ॑ಮಿ॒ಷಾ ಸ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.18
ಯಾಭಿಃ॒ ಪತ್ನೀ᳚ರ್ವಿಮ॒ದಾಯ॑ ನ್ಯೂ॒ಹಥು॒ರಾ ಘ॑ ವಾ॒ ಯಾಭಿ॑ರರು॒ಣೀರಶಿ॑ಕ್ಷತ‌ಮ್ |
ಯಾಭಿಃ॑ ಸು॒ದಾಸ॑ ಊ॒ಹಥುಃ॑ ಸುದೇ॒ವ್ಯ1॒॑ ಅಂತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.19
ಯಾಭಿಃ॒ ಶಂತಾ᳚ತೀ॒ ಭವ॑ಥೋ ದದಾ॒ಶುಷೇ᳚ ಭು॒ಜ್ಯುಂ ಯಾಭಿ॒ರವ॑ಥೋ॒ ಯಾಭಿ॒ರಧ್ರಿ॑ಗು‌ಮ್ |
ಓ॒ಮ್ಯಾವ॑ತೀಂ ಸು॒ಭರಾ᳚ಮೃತ॒ಸ್ತುಭಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.20
ಯಾಭಿಃ॑ ಕೃ॒ಶಾನು॒ಮಸ॑ನೇ ದುವ॒ಸ್ಯಥೋ᳚ ಜ॒ವೇ ಯಾಭಿ॒ರ್ಯೂನೋ॒ ಅರ್ವ᳚‌ನ್ತ॒ಮಾವ॑ತ‌ಮ್ |
ಮಧು॑ ಪ್ರಿ॒ಯಂ ಭ॑ರಥೋ॒ ಯತ್ಸ॒ರಡ್ಭ್ಯ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.21
ಯಾಭಿ॒ರ್ನರಂ᳚ ಗೋಷು॒ಯುಧಂ᳚ ನೃ॒ಷಾಹ್ಯೇ॒ ಕ್ಷೇತ್ರ॑ಸ್ಯ ಸಾ॒ತಾ ತನ॑ಯಸ್ಯ॒ ಜಿನ್ವ॑ಥಃ |
ಯಾಭೀ॒ ರಥಾಁ॒ ಅವ॑ಥೋ॒ ಯಾಭಿ॒ರರ್ವ॑ತ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.22
ಯಾಭಿಃ॒ ಕುತ್ಸ॑ಮಾರ್ಜುನೇ॒ಯಂ ಶ॑ತಕ್ರತೂ॒ ಪ್ರ ತು॒ರ್ವೀತಿಂ॒ ಪ್ರ ಚ॑ ದ॒ಭೀತಿ॒ಮಾವ॑ತ‌ಮ್ |
ಯಾಭಿ॑ರ್ಧ್ವ॒ಸ‌ನ್ತಿಂ᳚ ಪುರು॒ಷ‌ನ್ತಿ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತ‌ಮ್ || 1.112.23
ಅಪ್ನ॑ಸ್ವತೀಮಶ್ವಿನಾ॒ ವಾಚ॑ಮ॒ಸ್ಮೇ ಕೃ॒ತಂ ನೋ᳚ ದಸ್ರಾ ವೃಷಣಾ ಮನೀ॒ಷಾ‌ಮ್ |
ಅ॒ದ್ಯೂ॒ತ್ಯೇಽವ॑ಸೇ॒ ನಿ ಹ್ವ॑ಯೇ ವಾಂ ವೃ॒ಧೇ ಚ॑ ನೋ ಭವತಂ॒ ವಾಜ॑ಸಾತೌ || 1.112.24
ದ್ಯುಭಿ॑ರ॒ಕ್ತುಭಿಃ॒ ಪರಿ॑ ಪಾತಮ॒ಸ್ಮಾನರಿ॑ಷ್ಟೇಭಿರಶ್ವಿನಾ॒ ಸೌಭ॑ಗೇಭಿಃ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.112.25

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ (1, 2-20) ಪ್ರಥಮರ್ಚಃ ಪೂರ್ವಾಧರೀ ಯ ದ್ವಿತೀಯಾದ್ಯೇಕೋನವಿಂಶತೀನಾಂಚ ಉಷಾಃ (1) ಪ್ರಥಮಾಯಾ ಉತ್ತರಾರ್ಧಸ್ಯ ಚ ರಾತ್ರಿದೇವ ತೇತ್ರಿಷ್ಟುಪ್ ಛಂದಃ

ಇ॒ದಂ ಶ್ರೇಷ್ಠಂ॒ ಜ್ಯೋತಿ॑ಷಾಂ॒ ಜ್ಯೋತಿ॒ರಾಗಾ᳚ಚ್ಚಿ॒ತ್ರಃ ಪ್ರ॑ಕೇ॒ತೋ ಅ॑ಜನಿಷ್ಟ॒ ವಿಭ್ವಾ᳚ |
ಯಥಾ॒ ಪ್ರಸೂ᳚ತಾ ಸವಿ॒ತುಃ ಸ॒ವಾಯಁ॑ ಏ॒ವಾ ರಾತ್ರ್ಯು॒ಷಸೇ॒ ಯೋನಿ॑ಮಾರೈಕ್ || 1.113.1
ರುಶ॑ದ್ವತ್ಸಾ॒ ರುಶ॑ತೀ ಶ್ವೇ॒ತ್ಯಾಗಾ॒ದಾರೈ᳚ಗು ಕೃ॒ಷ್ಣಾ ಸದ॑ನಾನ್ಯಸ್ಯಾಃ |
ಸ॒ಮಾ॒ನಬಂ᳚ಧೂ ಅ॒ಮೃತೇ᳚ ಅನೂ॒ಚೀ ದ್ಯಾವಾ॒ ವರ್ಣಂ᳚ ಚರತ ಆಮಿನಾ॒ನೇ || 1.113.2
ಸ॒ಮಾ॒ನೋ ಅಧ್ವಾ॒ ಸ್ವಸ್ರೋ᳚ರನ॒‌ನ್ತಸ್ತಮ॒ನ್ಯಾನ್ಯಾ᳚ ಚರತೋ ದೇ॒ವಶಿ॑ಷ್ಟೇ |
ನ ಮೇ᳚ಥೇತೇ॒ ನ ತ॑ಸ್ಥತುಃ ಸು॒ಮೇಕೇ॒ ನಕ್ತೋ॒ಷಾಸಾ॒ ಸಮ॑ನಸಾ॒ ವಿರೂ᳚ಪೇ || 1.113.3
ಭಾಸ್ವ॑ತೀ ನೇ॒ತ್ರೀ ಸೂ॒ನೃತಾ᳚ನಾ॒ಮಚೇ᳚ತಿ ಚಿ॒ತ್ರಾ ವಿ ದುರೋ᳚ ನ ಆವಃ |
ಪ್ರಾರ್ಪ್ಯಾ॒ ಜಗ॒ದ್ವ್ಯು॑ ನೋ ರಾ॒ಯೋ ಅ॑ಖ್ಯದು॒ಷಾ ಅ॑ಜೀಗ॒ರ್ಭುವ॑ನಾನಿ॒ ವಿಶ್ವಾ᳚ || 1.113.4
ಜಿ॒ಹ್ಮ॒ಶ್ಯೇ॒3॒॑ ಚರಿ॑ತವೇ ಮ॒ಘೋನ್ಯಾ᳚ಭೋ॒ಗಯ॑ ಇ॒ಷ್ಟಯೇ᳚ ರಾ॒ಯ ಉ॑ ತ್ವ‌ಮ್ |
ದ॒ಭ್ರಂ ಪಶ್ಯ॑ದ್ಭ್ಯ ಉರ್ವಿ॒ಯಾ ವಿ॒ಚಕ್ಷ॑ ಉ॒ಷಾ ಅ॑ಜೀಗ॒ರ್ಭುವ॑ನಾನಿ॒ ವಿಶ್ವಾ᳚ || 1.113.5
ಕ್ಷ॒ತ್ರಾಯ॑ ತ್ವಂ॒ ಶ್ರವ॑ಸೇ ತ್ವಂ ಮಹೀ॒ಯಾ ಇ॒ಷ್ಟಯೇ᳚ ತ್ವ॒ಮರ್ಥ॑ಮಿವ ತ್ವಮಿ॒ತ್ಯೈ |
ವಿಸ॑ದೃಶಾ ಜೀವಿ॒ತಾಭಿ॑ಪ್ರ॒ಚಕ್ಷ॑ ಉ॒ಷಾ ಅ॑ಜೀಗ॒ರ್ಭುವ॑ನಾನಿ॒ ವಿಶ್ವಾ᳚ || 1.113.6
ಏ॒ಷಾ ದಿ॒ವೋ ದು॑ಹಿ॒ತಾ ಪ್ರತ್ಯ॑ದರ್ಶಿ ವ್ಯು॒ಚ್ಛ‌ನ್ತೀ᳚ ಯುವ॒ತಿಃ ಶು॒ಕ್ರವಾ᳚ಸಾಃ |
ವಿಶ್ವ॒ಸ್ಯೇಶಾ᳚ನಾ॒ ಪಾರ್ಥಿ॑ವಸ್ಯ॒ ವಸ್ವ॒ ಉಷೋ᳚ ಅ॒ದ್ಯೇಹ ಸು॑ಭಗೇ॒ ವ್ಯು॑ಚ್ಛ || 1.113.7
ಪ॒ರಾ॒ಯ॒ತೀ॒ನಾಮನ್ವೇ᳚ತಿ॒ ಪಾಥ॑ ಆಯತೀ॒ನಾಂ ಪ್ರ॑ಥ॒ಮಾ ಶಶ್ವ॑ತೀನಾ‌ಮ್ |
ವ್ಯು॒ಚ್ಛ‌ನ್ತೀ᳚ ಜೀ॒ವಮು॑ದೀ॒ರಯ᳚‌ನ್ತ್ಯು॒ಷಾ ಮೃ॒ತಂ ಕಂ ಚ॒ನ ಬೋ॒ಧಯ᳚‌ನ್ತೀ || 1.113.8
ಉಷೋ॒ ಯದ॒ಗ್ನಿಂ ಸ॒ಮಿಧೇ᳚ ಚ॒ಕರ್ಥ॒ ವಿ ಯದಾವ॒ಶ್ಚಕ್ಷ॑ಸಾ॒ ಸೂರ್ಯ॑ಸ್ಯ |
ಯನ್ಮಾನು॑ಷಾನ್ಯ॒ಕ್ಷ್ಯಮಾ᳚ಣಾಁ॒ ಅಜೀ᳚ಗ॒ಸ್ತದ್ದೇ॒ವೇಷು॑ ಚಕೃಷೇ ಭ॒ದ್ರಮಪ್ನಃ॑ || 1.113.9
ಕಿಯಾ॒ತ್ಯಾ ಯತ್ಸ॒ಮಯಾ॒ ಭವಾ᳚ತಿ॒ ಯಾ ವ್ಯೂ॒ಷುರ್ಯಾಶ್ಚ॑ ನೂ॒ನಂ ವ್ಯು॒ಚ್ಛಾನ್ |
ಅನು॒ ಪೂರ್ವಾಃ᳚ ಕೃಪತೇ ವಾವಶಾ॒ನಾ ಪ್ರ॒ದೀಧ್ಯಾ᳚ನಾ॒ ಜೋಷ॑ಮ॒ನ್ಯಾಭಿ॑ರೇತಿ || 1.113.10
ಈ॒ಯುಷ್ಟೇ ಯೇ ಪೂರ್ವ॑ತರಾ॒ಮಪ॑ಶ್ಯನ್ವ್ಯು॒ಚ್ಛ‌ನ್ತೀ᳚ಮು॒ಷಸಂ॒ ಮರ್ತ್ಯಾ᳚ಸಃ |
ಅ॒ಸ್ಮಾಭಿ॑ರೂ॒ ನು ಪ್ರ॑ತಿ॒ಚಕ್ಷ್ಯಾ᳚ಭೂ॒ದೋ ತೇ ಯ᳚‌ನ್ತಿ॒ ಯೇ ಅ॑ಪ॒ರೀಷು॒ ಪಶ್ಯಾನ್॑ || 1.113.11
ಯಾ॒ವ॒ಯದ್ದ್ವೇ᳚ಷಾ ಋತ॒ಪಾ ಋ॑ತೇ॒ಜಾಃ ಸು᳚ಮ್ನಾ॒ವರೀ᳚ ಸೂ॒ನೃತಾ᳚ ಈ॒ರಯ᳚‌ನ್ತೀ |
ಸು॒ಮಂ॒ಗ॒ಲೀರ್ಬಿಭ್ರ॑ತೀ ದೇ॒ವವೀ᳚ತಿಮಿ॒ಹಾದ್ಯೋಷಃ॒ ಶ್ರೇಷ್ಠ॑ತಮಾ॒ ವ್ಯು॑ಚ್ಛ || 1.113.12
ಶಶ್ವ॑ತ್ಪು॒ರೋಷಾ ವ್ಯು॑ವಾಸ ದೇ॒ವ್ಯಥೋ᳚ ಅ॒ದ್ಯೇದಂ ವ್ಯಾ᳚ವೋ ಮ॒ಘೋನೀ᳚ |
ಅಥೋ॒ ವ್ಯು॑ಚ್ಛಾ॒ದುತ್ತ॑ರಾಁ॒ ಅನು॒ ದ್ಯೂನ॒ಜರಾ॒ಮೃತಾ᳚ ಚರತಿ ಸ್ವ॒ಧಾಭಿಃ॑ || 1.113.13
ವ್ಯ1॒᳚ಞ್ಜಿಭಿ॑ರ್ದಿ॒ವ ಆತಾ᳚ಸ್ವದ್ಯೌ॒ದಪ॑ ಕೃ॒ಷ್ಣಾಂ ನಿ॒ರ್ಣಿಜಂ᳚ ದೇ॒ವ್ಯಾ᳚ವಃ |
ಪ್ರ॒ಬೋ॒ಧಯ᳚‌ನ್ತ್ಯರು॒ಣೇಭಿ॒ರಶ್ವೈ॒ರೋಷಾ ಯಾ᳚ತಿ ಸು॒ಯುಜಾ॒ ರಥೇ᳚ನ || 1.113.14
ಆ॒ವಹ᳚‌ನ್ತೀ॒ ಪೋಷ್ಯಾ॒ ವಾರ್ಯಾ᳚ಣಿ ಚಿ॒ತ್ರಂ ಕೇ॒ತುಂ ಕೃ॑ಣುತೇ॒ ಚೇಕಿ॑ತಾನಾ |
ಈ॒ಯುಷೀ᳚ಣಾಮುಪ॒ಮಾ ಶಶ್ವ॑ತೀನಾಂ ವಿಭಾತೀ॒ನಾಂ ಪ್ರ॑ಥ॒ಮೋಷಾ ವ್ಯ॑ಶ್ವೈತ್ || 1.113.15
ಉದೀ᳚ರ್ಧ್ವಂ ಜೀ॒ವೋ ಅಸು᳚ರ್ನ॒ ಆಗಾ॒ದಪ॒ ಪ್ರಾಗಾ॒ತ್ತಮ॒ ಆ ಜ್ಯೋತಿ॑ರೇತಿ |
ಆರೈ॒ಕ್ಪ‌ನ್ಥಾಂ॒ ಯಾತ॑ವೇ॒ ಸೂರ್ಯಾ॒ಯಾಗ᳚ನ್ಮ॒ ಯತ್ರ॑ ಪ್ರತಿ॒ರ‌ನ್ತ॒ ಆಯುಃ॑ || 1.113.16
ಸ್ಯೂಮ॑ನಾ ವಾ॒ಚ ಉದಿ॑ಯರ್ತಿ॒ ವಹ್ನಿಃ॒ ಸ್ತವಾ᳚ನೋ ರೇ॒ಭ ಉ॒ಷಸೋ᳚ ವಿಭಾ॒ತೀಃ |
ಅ॒ದ್ಯಾ ತದು॑ಚ್ಛ ಗೃಣ॒ತೇ ಮ॑ಘೋನ್ಯ॒ಸ್ಮೇ ಆಯು॒ರ್ನಿ ದಿ॑ದೀಹಿ ಪ್ರ॒ಜಾವ॑ತ್ || 1.113.17
ಯಾ ಗೋಮ॑ತೀರು॒ಷಸಃ॒ ಸರ್ವ॑ವೀರಾ ವ್ಯು॒ಚ್ಛ‌ನ್ತಿ॑ ದಾ॒ಶುಷೇ॒ ಮರ್ತ್ಯಾ᳚ಯ |
ವಾ॒ಯೋರಿ॑ವ ಸೂ॒ನೃತಾ᳚ನಾಮುದ॒ರ್ಕೇ ತಾ ಅ॑ಶ್ವ॒ದಾ ಅ॑ಶ್ನವತ್ಸೋಮ॒ಸುತ್ವಾ᳚ || 1.113.18
ಮಾ॒ತಾ ದೇ॒ವಾನಾ॒ಮದಿ॑ತೇ॒ರನೀ᳚ಕಂ ಯ॒ಜ್ಞಸ್ಯ॑ ಕೇ॒ತುರ್ಬೃ॑ಹ॒ತೀ ವಿ ಭಾ᳚ಹಿ |
ಪ್ರ॒ಶ॒ಸ್ತಿ॒ಕೃದ್ಬ್ರಹ್ಮ॑ಣೇ ನೋ॒ ವ್ಯು1॒॑ಚ್ಛಾ ನೋ॒ ಜನೇ᳚ ಜನಯ ವಿಶ್ವವಾರೇ || 1.113.19
ಯಚ್ಚಿ॒ತ್ರಮಪ್ನ॑ ಉ॒ಷಸೋ॒ ವಹ᳚‌ನ್ತೀಜಾ॒ನಾಯ॑ ಶಶಮಾ॒ನಾಯ॑ ಭ॒ದ್ರ‌ಮ್ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.113.20

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ರುದ್ರೋ ದೇವತಾ, (1-9) ಪ್ರಥಮಾದಿನವರ್ಚಾಂ ಜಗತೀ (10-11) ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಇ॒ಮಾ ರು॒ದ್ರಾಯ॑ ತ॒ವಸೇ᳚ ಕಪ॒ರ್ದಿನೇ᳚ ಕ್ಷ॒ಯದ್ವೀ᳚ರಾಯ॒ ಪ್ರ ಭ॑ರಾಮಹೇ ಮ॒ತೀಃ |
ಯಥಾ॒ ಶಮಸ॑ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ᳚ ಪು॒ಷ್ಟಂ ಗ್ರಾಮೇ᳚ ಅ॒ಸ್ಮಿನ್ನ॑ನಾತು॒ರ‌ಮ್ || 1.114.1
ಮೃ॒ಳಾ ನೋ᳚ ರುದ್ರೋ॒ತ ನೋ॒ ಮಯ॑ಸ್ಕೃಧಿ ಕ್ಷ॒ಯದ್ವೀ᳚ರಾಯ॒ ನಮ॑ಸಾ ವಿಧೇಮ ತೇ |
ಯಚ್ಛಂ ಚ॒ ಯೋಶ್ಚ॒ ಮನು॑ರಾಯೇ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ᳚ತಿಷು || 1.114.2
ಅ॒ಶ್ಯಾಮ॑ ತೇ ಸುಮ॒ತಿಂ ದೇ᳚ವಯ॒ಜ್ಯಯಾ᳚ ಕ್ಷ॒ಯದ್ವೀ᳚ರಸ್ಯ॒ ತವ॑ ರುದ್ರ ಮೀಢ್ವಃ |
ಸು॒ಮ್ನಾ॒ಯನ್ನಿದ್ವಿಶೋ᳚ ಅ॒ಸ್ಮಾಕ॒ಮಾ ಚ॒ರಾರಿ॑ಷ್ಟವೀರಾ ಜುಹವಾಮ ತೇ ಹ॒ವಿಃ || 1.114.3
ತ್ವೇ॒ಷಂ ವ॒ಯಂ ರು॒ದ್ರಂ ಯ॑ಜ್ಞ॒ಸಾಧಂ᳚ ವಂ॒ಕುಂ ಕ॒ವಿಮವ॑ಸೇ॒ ನಿ ಹ್ವ॑ಯಾಮಹೇ |
ಆ॒ರೇ ಅ॒ಸ್ಮದ್ದೈವ್ಯಂ॒ ಹೇಳೋ᳚ ಅಸ್ಯತು ಸುಮ॒ತಿಮಿದ್ವ॒ಯಮ॒ಸ್ಯಾ ವೃ॑ಣೀಮಹೇ || 1.114.4
ದಿ॒ವೋ ವ॑ರಾ॒ಹಮ॑ರು॒ಷಂ ಕ॑ಪ॒ರ್ದಿನಂ᳚ ತ್ವೇ॒ಷಂ ರೂ॒ಪಂ ನಮ॑ಸಾ॒ ನಿ ಹ್ವ॑ಯಾಮಹೇ |
ಹಸ್ತೇ॒ ಬಿಭ್ರ॑ದ್ಭೇಷ॒ಜಾ ವಾರ್ಯಾ᳚ಣಿ॒ ಶರ್ಮ॒ ವರ್ಮ॑ ಚ್ಛ॒ರ್ದಿರ॒ಸ್ಮಭ್ಯಂ᳚ ಯಂಸತ್ || 1.114.5
ಇ॒ದಂ ಪಿ॒ತ್ರೇ ಮ॒ರುತಾ᳚ಮುಚ್ಯತೇ॒ ವಚಃ॑ ಸ್ವಾ॒ದೋಃ ಸ್ವಾದೀ᳚ಯೋ ರು॒ದ್ರಾಯ॒ ವರ್ಧ॑ನ‌ಮ್ |
ರಾಸ್ವಾ᳚ ಚ ನೋ ಅಮೃತ ಮರ್ತ॒ಭೋಜ॑ನಂ॒ ತ್ಮನೇ᳚ ತೋ॒ಕಾಯ॒ ತನ॑ಯಾಯ ಮೃಳ || 1.114.6
ಮಾ ನೋ᳚ ಮ॒ಹಾ‌ನ್ತ॑ಮು॒ತ ಮಾ ನೋ᳚ ಅರ್ಭ॒ಕಂ ಮಾ ನ॒ ಉಕ್ಷ᳚‌ನ್ತಮು॒ತ ಮಾ ನ॑ ಉಕ್ಷಿ॒ತ‌ಮ್ |
ಮಾ ನೋ᳚ ವಧೀಃ ಪಿ॒ತರಂ॒ ಮೋತ ಮಾ॒ತರಂ॒ ಮಾ ನಃ॑ ಪ್ರಿ॒ಯಾಸ್ತ॒ನ್ವೋ᳚ ರುದ್ರ ರೀರಿಷಃ || 1.114.7
ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॑ ಆ॒ಯೌ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ᳚ಷು ರೀರಿಷಃ |
ವೀ॒ರಾನ್ಮಾ ನೋ᳚ ರುದ್ರ ಭಾಮಿ॒ತೋ ವ॑ಧೀರ್ಹ॒ವಿಷ್ಮ᳚‌ನ್ತಃ॒ ಸದ॒ಮಿತ್ತ್ವಾ᳚ ಹವಾಮಹೇ || 1.114.8
ಉಪ॑ ತೇ॒ ಸ್ತೋಮಾ᳚ನ್ಪಶು॒ಪಾ ಇ॒ವಾಕ॑ರಂ॒ ರಾಸ್ವಾ᳚ ಪಿತರ್ಮರುತಾಂ ಸು॒ಮ್ನಮ॒ಸ್ಮೇ |
ಭ॒ದ್ರಾ ಹಿ ತೇ᳚ ಸುಮ॒ತಿರ್ಮೃ॑ಳ॒ಯತ್ತ॒ಮಾಥಾ᳚ ವ॒ಯಮವ॒ ಇತ್ತೇ᳚ ವೃಣೀಮಹೇ || 1.114.9
ಆ॒ರೇ ತೇ᳚ ಗೋ॒ಘ್ನಮು॒ತ ಪೂ᳚ರುಷ॒ಘ್ನಂ ಕ್ಷಯ॑ದ್ವೀರ ಸು॒ಮ್ನಮ॒ಸ್ಮೇ ತೇ᳚ ಅಸ್ತು |
ಮೃ॒ಳಾ ಚ॑ ನೋ॒ ಅಧಿ॑ ಚ ಬ್ರೂಹಿ ದೇ॒ವಾಧಾ᳚ ಚ ನಃ॒ ಶರ್ಮ॑ ಯಚ್ಛ ದ್ವಿ॒ಬರ್ಹಾಃ᳚ || 1.114.10
ಅವೋ᳚ಚಾಮ॒ ನಮೋ᳚ ಅಸ್ಮಾ ಅವ॒ಸ್ಯವಃ॑ ಶೃ॒ಣೋತು॑ ನೋ॒ ಹವಂ᳚ ರು॒ದ್ರೋ ಮ॒ರುತ್ವಾನ್॑ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.114.11

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕುತ್ಸ ಋಷಿಃ ಸೂರ್ಯೋ ದೇವತಾ ತ್ರಿಷ್ಟುಪ್ ಛಂದಃ

ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ᳚ಕಂ॒ ಚಕ್ಷು᳚ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ |
ಆಪ್ರಾ॒ ದ್ಯಾವಾ᳚ಪೃಥಿ॒ವೀ ಅ॒‌ನ್ತರಿ॑ಕ್ಷಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ || 1.115.1
ಸೂರ್ಯೋ᳚ ದೇ॒ವೀಮು॒ಷಸಂ॒ ರೋಚ॑ಮಾನಾಂ॒ ಮರ್ಯೋ॒ ನ ಯೋಷಾ᳚ಮ॒ಭ್ಯೇ᳚ತಿ ಪ॒ಶ್ಚಾತ್ |
ಯತ್ರಾ॒ ನರೋ᳚ ದೇವ॒ಯ‌ನ್ತೋ᳚ ಯು॒ಗಾನಿ॑ ವಿತನ್ವ॒ತೇ ಪ್ರತಿ॑ ಭ॒ದ್ರಾಯ॑ ಭ॒ದ್ರ‌ಮ್ || 1.115.2
ಭ॒ದ್ರಾ ಅಶ್ವಾ᳚ ಹ॒ರಿತಃ॒ ಸೂರ್ಯ॑ಸ್ಯ ಚಿ॒ತ್ರಾ ಏತ॑ಗ್ವಾ ಅನು॒ಮಾದ್ಯಾ᳚ಸಃ |
ನ॒ಮ॒ಸ್ಯ‌ನ್ತೋ᳚ ದಿ॒ವ ಆ ಪೃ॒ಷ್ಠಮ॑ಸ್ಥುಃ॒ ಪರಿ॒ ದ್ಯಾವಾ᳚ಪೃಥಿ॒ವೀ ಯ᳚‌ನ್ತಿ ಸ॒ದ್ಯಃ || 1.115.3
ತತ್ಸೂರ್ಯ॑ಸ್ಯ ದೇವ॒ತ್ವಂ ತನ್ಮ॑ಹಿ॒ತ್ವಂ ಮ॒ಧ್ಯಾ ಕರ್ತೋ॒ರ್ವಿತ॑ತಂ॒ ಸಂ ಜ॑ಭಾರ |
ಯ॒ದೇದಯು॑ಕ್ತ ಹ॒ರಿತಃ॑ ಸ॒ಧಸ್ಥಾ॒ದಾದ್ರಾತ್ರೀ॒ ವಾಸ॑ಸ್ತನುತೇ ಸಿ॒ಮಸ್ಮೈ᳚ || 1.115.4
ತನ್ಮಿ॒ತ್ರಸ್ಯ॒ ವರು॑ಣಸ್ಯಾಭಿ॒ಚಕ್ಷೇ॒ ಸೂರ್ಯೋ᳚ ರೂ॒ಪಂ ಕೃ॑ಣುತೇ॒ ದ್ಯೋರು॒ಪಸ್ಥೇ᳚ |
ಅ॒ನ॒‌ನ್ತಮ॒ನ್ಯದ್ರುಶ॑ದಸ್ಯ॒ ಪಾಜಃ॑ ಕೃ॒ಷ್ಣಮ॒ನ್ಯದ್ಧ॒ರಿತಃ॒ ಸಂ ಭ॑ರ‌ನ್ತಿ || 1.115.5
ಅ॒ದ್ಯಾ ದೇ᳚ವಾ॒ ಉದಿ॑ತಾ॒ ಸೂರ್ಯ॑ಸ್ಯ॒ ನಿರಂಹ॑ಸಃ ಪಿಪೃ॒ತಾ ನಿರ॑ವ॒ದ್ಯಾತ್ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 1.115.6

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಅಶ್ವಿನೌ ದೇವತೇತ್ರಿಷ್ಟುಪ್ ಛಂದಃ

ನಾಸ॑ತ್ಯಾಭ್ಯಾಂ ಬ॒ರ್ಹಿರಿ॑ವ॒ ಪ್ರ ವೃಂ᳚ಜೇ॒ ಸ್ತೋಮಾಁ᳚ ಇಯರ್ಮ್ಯ॒ಭ್ರಿಯೇ᳚ವ॒ ವಾತಃ॑ |
ಯಾವರ್ಭ॑ಗಾಯ ವಿಮ॒ದಾಯ॑ ಜಾ॒ಯಾಂ ಸೇ᳚ನಾ॒ಜುವಾ᳚ ನ್ಯೂ॒ಹತೂ॒ ರಥೇ᳚ನ || 1.116.1
ವೀ॒ಳು॒ಪತ್ಮ॑ಭಿರಾಶು॒ಹೇಮ॑ಭಿರ್ವಾ ದೇ॒ವಾನಾಂ᳚ ವಾ ಜೂ॒ತಿಭಿಃ॒ ಶಾಶ॑ದಾನಾ |
ತದ್ರಾಸ॑ಭೋ ನಾಸತ್ಯಾ ಸ॒ಹಸ್ರ॑ಮಾ॒ಜಾ ಯ॒ಮಸ್ಯ॑ ಪ್ರ॒ಧನೇ᳚ ಜಿಗಾಯ || 1.116.2
ತುಗ್ರೋ᳚ ಹ ಭು॒ಜ್ಯುಮ॑ಶ್ವಿನೋದಮೇ॒ಘೇ ರ॒ಯಿಂ ನ ಕಶ್ಚಿ᳚ನ್ಮಮೃ॒ವಾಁ ಅವಾ᳚ಹಾಃ |
ತಮೂ᳚ಹಥುರ್ನೌ॒ಭಿರಾ᳚ತ್ಮ॒ನ್ವತೀ᳚ಭಿರ‌ನ್ತರಿಕ್ಷ॒ಪ್ರುದ್ಭಿ॒ರಪೋ᳚ದಕಾಭಿಃ || 1.116.3
ತಿ॒ಸ್ರಃ ಕ್ಷಪ॒ಸ್ತ್ರಿರಹಾ᳚ತಿ॒ವ್ರಜ॑ದ್ಭಿ॒ರ್ನಾಸ॑ತ್ಯಾ ಭು॒ಜ್ಯುಮೂ᳚ಹಥುಃ ಪತಂ॒ಗೈಃ |
ಸ॒ಮು॒ದ್ರಸ್ಯ॒ ಧನ್ವ᳚ನ್ನಾ॒ರ್ದ್ರಸ್ಯ॑ ಪಾ॒ರೇ ತ್ರಿ॒ಭೀ ರಥೈಃ᳚ ಶ॒ತಪ॑ದ್ಭಿಃ॒ ಷಳ॑ಶ್ವೈಃ || 1.116.4
ಅ॒ನಾ॒ರಂ॒ಭ॒ಣೇ ತದ॑ವೀರಯೇಥಾಮನಾಸ್ಥಾ॒ನೇ ಅ॑ಗ್ರಭ॒ಣೇ ಸ॑ಮು॒ದ್ರೇ |
ಯದ॑ಶ್ವಿನಾ ಊ॒ಹಥು॑ರ್ಭು॒ಜ್ಯುಮಸ್ತಂ᳚ ಶ॒ತಾರಿ॑ತ್ರಾಂ॒ ನಾವ॑ಮಾತಸ್ಥಿ॒ವಾಂಸ‌ಮ್᳚ || 1.116.5
ಯಮ॑ಶ್ವಿನಾ ದ॒ದಥುಃ॑ ಶ್ವೇ॒ತಮಶ್ವ॑ಮ॒ಘಾಶ್ವಾ᳚ಯ॒ ಶಶ್ವ॒ದಿತ್ಸ್ವ॒ಸ್ತಿ |
ತದ್ವಾಂ᳚ ದಾ॒ತ್ರಂ ಮಹಿ॑ ಕೀ॒ರ್ತೇನ್ಯಂ᳚ ಭೂತ್ಪೈ॒ದ್ವೋ ವಾ॒ಜೀ ಸದ॒ಮಿದ್ಧವ್ಯೋ᳚ ಅ॒ರ್ಯಃ || 1.116.6
ಯು॒ವಂ ನ॑ರಾ ಸ್ತುವ॒ತೇ ಪ॑ಜ್ರಿ॒ಯಾಯ॑ ಕ॒ಕ್ಷೀವ॑ತೇ ಅರದತಂ॒ ಪುರಂ᳚ಧಿ‌ಮ್ |
ಕಾ॒ರೋ॒ತ॒ರಾಚ್ಛ॒ಫಾದಶ್ವ॑ಸ್ಯ॒ ವೃಷ್ಣಃ॑ ಶ॒ತಂ ಕುಂ॒ಭಾಁ ಅ॑ಸಿಂಚತಂ॒ ಸುರಾ᳚ಯಾಃ || 1.116.7
ಹಿ॒ಮೇನಾ॒ಗ್ನಿಂ ಘ್ರಂ॒ಸಮ॑ವಾರಯೇಥಾಂ ಪಿತು॒ಮತೀ॒ಮೂರ್ಜ॑ಮಸ್ಮಾ ಅಧತ್ತ‌ಮ್ |
ಋ॒ಬೀಸೇ॒ ಅತ್ರಿ॑ಮಶ್ವಿ॒ನಾವ॑ನೀತ॒ಮುನ್ನಿ᳚ನ್ಯಥುಃ॒ ಸರ್ವ॑ಗಣಂ ಸ್ವ॒ಸ್ತಿ || 1.116.8
ಪರಾ᳚ವ॒ತಂ ನಾ᳚ಸತ್ಯಾನುದೇಥಾಮು॒ಚ್ಚಾಬು॑ಧ್ನಂ ಚಕ್ರಥುರ್ಜಿ॒ಹ್ಮಬಾ᳚ರ‌ಮ್ |
ಕ್ಷರ॒ನ್ನಾಪೋ॒ ನ ಪಾ॒ಯನಾ᳚ಯ ರಾ॒ಯೇ ಸ॒ಹಸ್ರಾ᳚ಯ॒ ತೃಷ್ಯ॑ತೇ॒ ಗೋತ॑ಮಸ್ಯ || 1.116.9
ಜು॒ಜು॒ರುಷೋ᳚ ನಾಸತ್ಯೋ॒ತ ವ॒ವ್ರಿಂ ಪ್ರಾಮುಂ᳚ಚತಂ ದ್ರಾ॒ಪಿಮಿ॑ವ॒ ಚ್ಯವಾ᳚ನಾತ್ |
ಪ್ರಾತಿ॑ರತಂ ಜಹಿ॒ತಸ್ಯಾಯು॑ರ್ದ॒ಸ್ರಾದಿತ್ಪತಿ॑ಮಕೃಣುತಂ ಕ॒ನೀನಾ᳚‌ಮ್ || 1.116.10
ತದ್ವಾಂ᳚ ನರಾ॒ ಶಂಸ್ಯಂ॒ ರಾಧ್ಯಂ᳚ ಚಾಭಿಷ್ಟಿ॒ಮನ್ನಾ᳚ಸತ್ಯಾ॒ ವರೂ᳚ಥ‌ಮ್ |
ಯದ್ವಿ॒ದ್ವಾಂಸಾ᳚ ನಿ॒ಧಿಮಿ॒ವಾಪ॑ಗೂಳ್ಹ॒ಮುದ್ದ॑ರ್ಶ॒ತಾದೂ॒ಪಥು॒ರ್ವಂದ॑ನಾಯ || 1.116.11
ತದ್ವಾಂ᳚ ನರಾ ಸ॒ನಯೇ॒ ದಂಸ॑ ಉ॒ಗ್ರಮಾ॒ವಿಷ್ಕೃ॑ಣೋಮಿ ತನ್ಯ॒ತುರ್ನ ವೃ॒ಷ್ಟಿ‌ಮ್ |
ದ॒ಧ್ಯಙ್ಹ॒ ಯನ್ಮಧ್ವಾ᳚ಥರ್ವ॒ಣೋ ವಾ॒ಮಶ್ವ॑ಸ್ಯ ಶೀ॒ರ್ಷ್ಣಾ ಪ್ರ ಯದೀ᳚ಮು॒ವಾಚ॑ || 1.116.12
ಅಜೋ᳚ಹವೀನ್ನಾಸತ್ಯಾ ಕ॒ರಾ ವಾಂ᳚ ಮ॒ಹೇ ಯಾಮ᳚ನ್ಪುರುಭುಜಾ॒ ಪುರಂ᳚ಧಿಃ |
ಶ್ರು॒ತಂ ತಚ್ಛಾಸು॑ರಿವ ವಧ್ರಿಮ॒ತ್ಯಾ ಹಿರ᳚ಣ್ಯಹಸ್ತಮಶ್ವಿನಾವದತ್ತ‌ಮ್ || 1.116.13
ಆ॒ಸ್ನೋ ವೃಕ॑ಸ್ಯ॒ ವರ್ತಿ॑ಕಾಮ॒ಭೀಕೇ᳚ ಯು॒ವಂ ನ॑ರಾ ನಾಸತ್ಯಾಮುಮುಕ್ತ‌ಮ್ |
ಉ॒ತೋ ಕ॒ವಿಂ ಪು॑ರುಭುಜಾ ಯು॒ವಂ ಹ॒ ಕೃಪ॑ಮಾಣಮಕೃಣುತಂ ವಿ॒ಚಕ್ಷೇ᳚ || 1.116.14
ಚ॒ರಿತ್ರಂ॒ ಹಿ ವೇರಿ॒ವಾಚ್ಛೇ᳚ದಿ ಪ॒ರ್ಣಮಾ॒ಜಾ ಖೇ॒ಲಸ್ಯ॒ ಪರಿ॑ತಕ್ಮ್ಯಾಯಾ‌ಮ್ |
ಸ॒ದ್ಯೋ ಜಂಘಾ॒ಮಾಯ॑ಸೀಂ ವಿ॒ಶ್ಪಲಾ᳚ಯೈ॒ ಧನೇ᳚ ಹಿ॒ತೇ ಸರ್ತ॑ವೇ॒ ಪ್ರತ್ಯ॑ಧತ್ತ‌ಮ್ || 1.116.15
ಶ॒ತಂ ಮೇ॒ಷಾನ್ವೃ॒ಕ್ಯೇ᳚ ಚಕ್ಷದಾ॒ನಮೃ॒ಜ್ರಾಶ್ವಂ॒ ತಂ ಪಿ॒ತಾಂಧಂ ಚ॑ಕಾರ |
ತಸ್ಮಾ᳚ ಅ॒ಕ್ಷೀ ನಾ᳚ಸತ್ಯಾ ವಿ॒ಚಕ್ಷ॒ ಆಧ॑ತ್ತಂ ದಸ್ರಾ ಭಿಷಜಾವನ॒ರ್ವನ್ || 1.116.16
ಆ ವಾಂ॒ ರಥಂ᳚ ದುಹಿ॒ತಾ ಸೂರ್ಯ॑ಸ್ಯ॒ ಕಾರ್ಷ್ಮೇ᳚ವಾತಿಷ್ಠ॒ದರ್ವ॑ತಾ॒ ಜಯ᳚‌ನ್ತೀ |
ವಿಶ್ವೇ᳚ ದೇ॒ವಾ ಅನ್ವ॑ಮನ್ಯ‌ನ್ತ ಹೃ॒ದ್ಭಿಃ ಸಮು॑ ಶ್ರಿ॒ಯಾ ನಾ᳚ಸತ್ಯಾ ಸಚೇಥೇ || 1.116.17
ಯದಯಾ᳚ತಂ॒ ದಿವೋ᳚ದಾಸಾಯ ವ॒ರ್ತಿರ್ಭ॒ರದ್ವಾ᳚ಜಾಯಾಶ್ವಿನಾ॒ ಹಯ᳚‌ನ್ತಾ |
ರೇ॒ವದು॑ವಾಹ ಸಚ॒ನೋ ರಥೋ᳚ ವಾಂ ವೃಷ॒ಭಶ್ಚ॑ ಶಿಂಶು॒ಮಾರ॑ಶ್ಚ ಯು॒ಕ್ತಾ || 1.116.18
ರ॒ಯಿಂ ಸು॑ಕ್ಷ॒ತ್ರಂ ಸ್ವ॑ಪ॒ತ್ಯಮಾಯುಃ॑ ಸು॒ವೀರ್ಯಂ᳚ ನಾಸತ್ಯಾ॒ ವಹ᳚‌ನ್ತಾ |
ಆ ಜ॒ಹ್ನಾವೀಂ॒ ಸಮ॑ನ॒ಸೋಪ॒ ವಾಜೈ॒ಸ್ತ್ರಿರಹ್ನೋ᳚ ಭಾ॒ಗಂ ದಧ॑ತೀಮಯಾತ‌ಮ್ || 1.116.19
ಪರಿ॑ವಿಷ್ಟಂ ಜಾಹು॒ಷಂ ವಿ॒ಶ್ವತಃ॑ ಸೀಂ ಸು॒ಗೇಭಿ॒ರ್ನಕ್ತ॑ಮೂಹಥೂ॒ ರಜೋ᳚ಭಿಃ |
ವಿ॒ಭಿಂ॒ದುನಾ᳚ ನಾಸತ್ಯಾ॒ ರಥೇ᳚ನ॒ ವಿ ಪರ್ವ॑ತಾಁ ಅಜರ॒ಯೂ ಅ॑ಯಾತ‌ಮ್ || 1.116.20
ಏಕ॑ಸ್ಯಾ॒ ವಸ್ತೋ᳚ರಾವತಂ॒ ರಣಾ᳚ಯ॒ ವಶ॑ಮಶ್ವಿನಾ ಸ॒ನಯೇ᳚ ಸ॒ಹಸ್ರಾ᳚ |
ನಿರ॑ಹತಂ ದು॒ಚ್ಛುನಾ॒ ಇಂದ್ರ॑ವ‌ನ್ತಾ ಪೃಥು॒ಶ್ರವ॑ಸೋ ವೃಷಣಾ॒ವರಾ᳚ತೀಃ || 1.116.21
ಶ॒ರಸ್ಯ॑ ಚಿದಾರ್ಚ॒ತ್ಕಸ್ಯಾ᳚ವ॒ತಾದಾ ನೀ॒ಚಾದು॒ಚ್ಚಾ ಚ॑ಕ್ರಥುಃ॒ ಪಾತ॑ವೇ॒ ವಾಃ |
ಶ॒ಯವೇ᳚ ಚಿನ್ನಾಸತ್ಯಾ॒ ಶಚೀ᳚ಭಿ॒ರ್ಜಸು॑ರಯೇ ಸ್ತ॒ರ್ಯಂ᳚ ಪಿಪ್ಯಥು॒ರ್ಗಾ‌ಮ್ || 1.116.22
ಅ॒ವ॒ಸ್ಯ॒ತೇ ಸ್ತು॑ವ॒ತೇ ಕೃ॑ಷ್ಣಿ॒ಯಾಯ॑ ಋಜೂಯ॒ತೇ ನಾ᳚ಸತ್ಯಾ॒ ಶಚೀ᳚ಭಿಃ |
ಪ॒ಶುಂ ನ ನ॒ಷ್ಟಮಿ॑ವ॒ ದರ್ಶ॑ನಾಯ ವಿಷ್ಣಾ॒ಪ್ವಂ᳚ ದದಥು॒ರ್ವಿಶ್ವ॑ಕಾಯ || 1.116.23
ದಶ॒ ರಾತ್ರೀ॒ರಶಿ॑ವೇನಾ॒ ನವ॒ ದ್ಯೂನವ॑ನದ್ಧಂ ಶ್ನಥಿ॒ತಮ॒ಪ್ಸ್ವ1॒᳚‌ನ್ತಃ |
ವಿಪ್ರು॑ತಂ ರೇ॒ಭಮು॒ದನಿ॒ ಪ್ರವೃ॑ಕ್ತ॒ಮುನ್ನಿ᳚ನ್ಯಥುಃ॒ ಸೋಮ॑ಮಿವ ಸ್ರು॒ವೇಣ॑ || 1.116.24
ಪ್ರ ವಾಂ॒ ದಂಸಾಂ᳚ಸ್ಯಶ್ವಿನಾವವೋಚಮ॒ಸ್ಯ ಪತಿಃ॑ ಸ್ಯಾಂ ಸು॒ಗವಃ॑ ಸು॒ವೀರಃ॑ |
ಉ॒ತ ಪಶ್ಯ᳚ನ್ನಶ್ನು॒ವಂದೀ॒ರ್ಘಮಾಯು॒ರಸ್ತ॑ಮಿ॒ವೇಜ್ಜ॑ರಿ॒ಮಾಣಂ᳚ ಜಗಮ್ಯಾ‌ಮ್ || 1.116.25

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಅಶ್ವಿನೌ ದೇವತೇತ್ರಿಷ್ಟುಪ್ ಛಂದಃ

ಮಧ್ವಃ॒ ಸೋಮ॑ಸ್ಯಾಶ್ವಿನಾ॒ ಮದಾ᳚ಯ ಪ್ರ॒ತ್ನೋ ಹೋತಾ ವಿ॑ವಾಸತೇ ವಾ‌ಮ್ |
ಬ॒ರ್ಹಿಷ್ಮ॑ತೀ ರಾ॒ತಿರ್ವಿಶ್ರಿ॑ತಾ॒ ಗೀರಿ॒ಷಾ ಯಾ᳚ತಂ ನಾಸ॒ತ್ಯೋಪ॒ ವಾಜೈಃ᳚ || 1.117.1
ಯೋ ವಾ᳚ಮಶ್ವಿನಾ॒ ಮನ॑ಸೋ॒ ಜವೀ᳚ಯಾ॒ನ್ರಥಃ॒ ಸ್ವಶ್ವೋ॒ ವಿಶ॑ ಆ॒ಜಿಗಾ᳚ತಿ |
ಯೇನ॒ ಗಚ್ಛ॑ಥಃ ಸು॒ಕೃತೋ᳚ ದುರೋ॒ಣಂ ತೇನ॑ ನರಾ ವ॒ರ್ತಿರ॒ಸ್ಮಭ್ಯಂ᳚ ಯಾತ‌ಮ್ || 1.117.2
ಋಷಿಂ᳚ ನರಾ॒ವಂಹ॑ಸಃ॒ ಪಾಂಚ॑ಜನ್ಯಮೃ॒ಬೀಸಾ॒ದತ್ರಿಂ᳚ ಮುಂಚಥೋ ಗ॒ಣೇನ॑ |
ಮಿ॒ನ‌ನ್ತಾ॒ ದಸ್ಯೋ॒ರಶಿ॑ವಸ್ಯ ಮಾ॒ಯಾ ಅ॑ನುಪೂ॒ರ್ವಂ ವೃ॑ಷಣಾ ಚೋ॒ದಯ᳚‌ನ್ತಾ || 1.117.3
ಅಶ್ವಂ॒ ನ ಗೂ॒ಳ್ಹಮ॑ಶ್ವಿನಾ ದು॒ರೇವೈ॒ರ್‌ಋಷಿಂ᳚ ನರಾ ವೃಷಣಾ ರೇ॒ಭಮ॒ಪ್ಸು |
ಸಂ ತಂ ರಿ॑ಣೀಥೋ॒ ವಿಪ್ರು॑ತಂ॒ ದಂಸೋ᳚ಭಿ॒ರ್ನ ವಾಂ᳚ ಜೂರ್ಯ‌ನ್ತಿ ಪೂ॒ರ್ವ್ಯಾ ಕೃ॒ತಾನಿ॑ || 1.117.4
ಸು॒ಷು॒ಪ್ವಾಂಸಂ॒ ನ ನಿರ್‌ಋ॑ತೇರು॒ಪಸ್ಥೇ॒ ಸೂರ್ಯಂ॒ ನ ದ॑ಸ್ರಾ॒ ತಮ॑ಸಿ ಕ್ಷಿ॒ಯ‌ನ್ತ‌ಮ್᳚ |
ಶು॒ಭೇ ರು॒ಕ್ಮಂ ನ ದ॑ರ್ಶ॒ತಂ ನಿಖಾ᳚ತ॒ಮುದೂ᳚ಪಥುರಶ್ವಿನಾ॒ ವಂದ॑ನಾಯ || 1.117.5
ತದ್ವಾಂ᳚ ನರಾ॒ ಶಂಸ್ಯಂ᳚ ಪಜ್ರಿ॒ಯೇಣ॑ ಕ॒ಕ್ಷೀವ॑ತಾ ನಾಸತ್ಯಾ॒ ಪರಿ॑ಜ್ಮನ್ |
ಶ॒ಫಾದಶ್ವ॑ಸ್ಯ ವಾ॒ಜಿನೋ॒ ಜನಾ᳚ಯ ಶ॒ತಂ ಕುಂ॒ಭಾಁ ಅ॑ಸಿಂಚತಂ॒ ಮಧೂ᳚ನಾ‌ಮ್ || 1.117.6
ಯು॒ವಂ ನ॑ರಾ ಸ್ತುವ॒ತೇ ಕೃ॑ಷ್ಣಿ॒ಯಾಯ॑ ವಿಷ್ಣಾ॒ಪ್ವಂ᳚ ದದಥು॒ರ್ವಿಶ್ವ॑ಕಾಯ |
ಘೋಷಾ᳚ಯೈ ಚಿತ್ಪಿತೃ॒ಷದೇ᳚ ದುರೋ॒ಣೇ ಪತಿಂ॒ ಜೂರ್ಯ᳚‌ನ್ತ್ಯಾ ಅಶ್ವಿನಾವದತ್ತ‌ಮ್ || 1.117.7
ಯು॒ವಂ ಶ್ಯಾವಾ᳚ಯ॒ ರುಶ॑ತೀಮದತ್ತಂ ಮ॒ಹಃ ಕ್ಷೋ॒ಣಸ್ಯಾ᳚ಶ್ವಿನಾ॒ ಕಣ್ವಾ᳚ಯ |
ಪ್ರ॒ವಾಚ್ಯಂ॒ ತದ್ವೃ॑ಷಣಾ ಕೃ॒ತಂ ವಾಂ॒ ಯನ್ನಾ᳚ರ್ಷ॒ದಾಯ॒ ಶ್ರವೋ᳚ ಅ॒ಧ್ಯಧ॑ತ್ತ‌ಮ್ || 1.117.8
ಪು॒ರೂ ವರ್ಪಾಂ᳚ಸ್ಯಶ್ವಿನಾ॒ ದಧಾ᳚ನಾ॒ ನಿ ಪೇ॒ದವ॑ ಊಹಥುರಾ॒ಶುಮಶ್ವ‌ಮ್᳚ |
ಸ॒ಹ॒ಸ್ರ॒ಸಾಂ ವಾ॒ಜಿನ॒ಮಪ್ರ॑ತೀತಮಹಿ॒ಹನಂ᳚ ಶ್ರವ॒ಸ್ಯ1॒॑ ಅಂತರು॑ತ್ರ‌ಮ್ || 1.117.9
ಏ॒ತಾನಿ॑ ವಾಂ ಶ್ರವ॒ಸ್ಯಾ᳚ ಸುದಾನೂ॒ ಬ್ರಹ್ಮಾಂ᳚ಗೂ॒ಷಂ ಸದ॑ನಂ॒ ರೋದ॑ಸ್ಯೋಃ |
ಯದ್ವಾಂ᳚ ಪ॒ಜ್ರಾಸೋ᳚ ಅಶ್ವಿನಾ॒ ಹವ᳚‌ನ್ತೇ ಯಾ॒ತಮಿ॒ಷಾ ಚ॑ ವಿ॒ದುಷೇ᳚ ಚ॒ ವಾಜ‌ಮ್᳚ || 1.117.10
ಸೂ॒ನೋರ್ಮಾನೇ᳚ನಾಶ್ವಿನಾ ಗೃಣಾ॒ನಾ ವಾಜಂ॒ ವಿಪ್ರಾ᳚ಯ ಭುರಣಾ॒ ರದ᳚‌ನ್ತಾ |
ಅ॒ಗಸ್ತ್ಯೇ॒ ಬ್ರಹ್ಮ॑ಣಾ ವಾವೃಧಾ॒ನಾ ಸಂ ವಿ॒ಶ್ಪಲಾಂ᳚ ನಾಸತ್ಯಾರಿಣೀತ‌ಮ್ || 1.117.11
ಕುಹ॒ ಯಾ‌ನ್ತಾ᳚ ಸುಷ್ಟು॒ತಿಂ ಕಾ॒ವ್ಯಸ್ಯ॒ ದಿವೋ᳚ ನಪಾತಾ ವೃಷಣಾ ಶಯು॒ತ್ರಾ |
ಹಿರ᳚ಣ್ಯಸ್ಯೇವ ಕ॒ಲಶಂ॒ ನಿಖಾ᳚ತ॒ಮುದೂ᳚ಪಥುರ್ದಶ॒ಮೇ ಅ॑ಶ್ವಿ॒ನಾಹನ್॑ || 1.117.12
ಯು॒ವಂ ಚ್ಯವಾ᳚ನಮಶ್ವಿನಾ॒ ಜರ᳚‌ನ್ತಂ॒ ಪುನ॒ರ್ಯುವಾ᳚ನಂ ಚಕ್ರಥುಃ॒ ಶಚೀ᳚ಭಿಃ |
ಯು॒ವೋ ರಥಂ᳚ ದುಹಿ॒ತಾ ಸೂರ್ಯ॑ಸ್ಯ ಸ॒ಹ ಶ್ರಿ॒ಯಾ ನಾ᳚ಸತ್ಯಾವೃಣೀತ || 1.117.13
ಯು॒ವಂ ತುಗ್ರಾ᳚ಯ ಪೂ॒ರ್ವ್ಯೇಭಿ॒ರೇವೈಃ᳚ ಪುನರ್ಮ॒ನ್ಯಾವ॑ಭವತಂ ಯುವಾನಾ |
ಯು॒ವಂ ಭು॒ಜ್ಯುಮರ್ಣ॑ಸೋ॒ ನಿಃ ಸ॑ಮು॒ದ್ರಾದ್ವಿಭಿ॑ರೂಹಥುರ್‌ಋ॒ಜ್ರೇಭಿ॒ರಶ್ವೈಃ᳚ || 1.117.14
ಅಜೋ᳚ಹವೀದಶ್ವಿನಾ ತೌ॒ಗ್ರ್ಯೋ ವಾಂ॒ ಪ್ರೋಳ್ಹಃ॑ ಸಮು॒ದ್ರಮ᳚ವ್ಯ॒ಥಿರ್ಜ॑ಗ॒ನ್ವಾನ್ |
ನಿಷ್ಟಮೂ᳚ಹಥುಃ ಸು॒ಯುಜಾ॒ ರಥೇ᳚ನ॒ ಮನೋ᳚ಜವಸಾ ವೃಷಣಾ ಸ್ವ॒ಸ್ತಿ || 1.117.15
ಅಜೋ᳚ಹವೀದಶ್ವಿನಾ॒ ವರ್ತಿ॑ಕಾ ವಾಮಾ॒ಸ್ನೋ ಯತ್ಸೀ॒ಮಮುಂ᳚ಚತಂ॒ ವೃಕ॑ಸ್ಯ |
ವಿ ಜ॒ಯುಷಾ᳚ ಯಯಥುಃ॒ ಸಾನ್ವದ್ರೇ᳚ರ್ಜಾ॒ತಂ ವಿ॒ಷ್ವಾಚೋ᳚ ಅಹತಂ ವಿ॒ಷೇಣ॑ || 1.117.16
ಶ॒ತಂ ಮೇ॒ಷಾನ್ವೃ॒ಕ್ಯೇ᳚ ಮಾಮಹಾ॒ನಂ ತಮಃ॒ ಪ್ರಣೀ᳚ತ॒ಮಶಿ॑ವೇನ ಪಿ॒ತ್ರಾ |
ಆಕ್ಷೀ ಋ॒ಜ್ರಾಶ್ವೇ᳚ ಅಶ್ವಿನಾವಧತ್ತಂ॒ ಜ್ಯೋತಿ॑ರಂ॒ಧಾಯ॑ ಚಕ್ರಥುರ್ವಿ॒ಚಕ್ಷೇ᳚ || 1.117.17
ಶು॒ನಮಂ॒ಧಾಯ॒ ಭರ॑ಮಹ್ವಯ॒ತ್ಸಾ ವೃ॒ಕೀರ॑ಶ್ವಿನಾ ವೃಷಣಾ॒ ನರೇತಿ॑ |
ಜಾ॒ರಃ ಕ॒ನೀನ॑ ಇವ ಚಕ್ಷದಾ॒ನ ಋ॒ಜ್ರಾಶ್ವಃ॑ ಶ॒ತಮೇಕಂ᳚ ಚ ಮೇ॒ಷಾನ್ || 1.117.18
ಮ॒ಹೀ ವಾ᳚ಮೂ॒ತಿರ॑ಶ್ವಿನಾ ಮಯೋ॒ಭೂರು॒ತ ಸ್ರಾ॒ಮಂ ಧಿ॑ಷ್ಣ್ಯಾ॒ ಸಂ ರಿ॑ಣೀಥಃ |
ಅಥಾ᳚ ಯು॒ವಾಮಿದ॑ಹ್ವಯ॒ತ್ಪುರಂ᳚ಧಿ॒ರಾಗ॑ಚ್ಛತಂ ಸೀಂ ವೃಷಣಾ॒ವವೋ᳚ಭಿಃ || 1.117.19
ಅಧೇ᳚ನುಂ ದಸ್ರಾ ಸ್ತ॒ರ್ಯ1॒॑ ಅಂವಿಷ॑ಕ್ತಾ॒ಮಪಿ᳚ನ್ವತಂ ಶ॒ಯವೇ᳚ ಅಶ್ವಿನಾ॒ ಗಾ‌ಮ್ |
ಯು॒ವಂ ಶಚೀ᳚ಭಿರ್ವಿಮ॒ದಾಯ॑ ಜಾ॒ಯಾಂ ನ್ಯೂ᳚ಹಥುಃ ಪುರುಮಿ॒ತ್ರಸ್ಯ॒ ಯೋಷಾ᳚‌ಮ್ || 1.117.20
ಯವಂ॒ ವೃಕೇ᳚ಣಾಶ್ವಿನಾ॒ ವಪ॒‌ನ್ತೇಷಂ᳚ ದು॒ಹ‌ನ್ತಾ॒ ಮನು॑ಷಾಯ ದಸ್ರಾ |
ಅ॒ಭಿ ದಸ್ಯುಂ॒ ಬಕು॑ರೇಣಾ॒ ಧಮ᳚‌ನ್ತೋ॒ರು ಜ್ಯೋತಿ॑ಶ್ಚಕ್ರಥು॒ರಾರ್ಯಾ᳚ಯ || 1.117.21
ಆ॒ಥ॒ರ್ವ॒ಣಾಯಾ᳚ಶ್ವಿನಾ ದಧೀ॒ಚೇಽಶ್ವ್ಯಂ॒ ಶಿರಃ॒ ಪ್ರತ್ಯೈ᳚ರಯತ‌ಮ್ |
ಸ ವಾಂ॒ ಮಧು॒ ಪ್ರ ವೋ᳚ಚದೃತಾ॒ಯ‌ನ್ತ್ವಾ॒ಷ್ಟ್ರಂ ಯದ್ದ॑ಸ್ರಾವಪಿಕ॒ಕ್ಷ್ಯಂ᳚ ವಾ‌ಮ್ || 1.117.22
ಸದಾ᳚ ಕವೀ ಸುಮ॒ತಿಮಾ ಚ॑ಕೇ ವಾಂ॒ ವಿಶ್ವಾ॒ ಧಿಯೋ᳚ ಅಶ್ವಿನಾ॒ ಪ್ರಾವ॑ತಂ ಮೇ |
ಅ॒ಸ್ಮೇ ರ॒ಯಿಂ ನಾ᳚ಸತ್ಯಾ ಬೃ॒ಹ‌ನ್ತ॑ಮಪತ್ಯ॒ಸಾಚಂ॒ ಶ್ರುತ್ಯಂ᳚ ರರಾಥಾ‌ಮ್ || 1.117.23
ಹಿರ᳚ಣ್ಯಹಸ್ತಮಶ್ವಿನಾ॒ ರರಾ᳚ಣಾ ಪು॒ತ್ರಂ ನ॑ರಾ ವಧ್ರಿಮ॒ತ್ಯಾ ಅ॑ದತ್ತ‌ಮ್ |
ತ್ರಿಧಾ᳚ ಹ॒ ಶ್ಯಾವ॑ಮಶ್ವಿನಾ॒ ವಿಕ॑ಸ್ತ॒ಮುಜ್ಜೀ॒ವಸ॑ ಐರಯತಂ ಸುದಾನೂ || 1.117.24
ಏ॒ತಾನಿ॑ ವಾಮಶ್ವಿನಾ ವೀ॒ರ್ಯಾ᳚ಣಿ॒ ಪ್ರ ಪೂ॒ರ್ವ್ಯಾಣ್ಯಾ॒ಯವೋ᳚ಽವೋಚನ್ |
ಬ್ರಹ್ಮ॑ ಕೃ॒ಣ್ವ‌ನ್ತೋ᳚ ವೃಷಣಾ ಯು॒ವಭ್ಯಾಂ᳚ ಸು॒ವೀರಾ᳚ಸೋ ವಿ॒ದಥ॒ಮಾ ವ॑ದೇಮ || 1.117.25

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಅಶ್ವಿನೌ ದೇವತೇ ತ್ರಿಷ್ಟುಪ್ ಛಂದಃ

ಆ ವಾಂ॒ ರಥೋ᳚ ಅಶ್ವಿನಾ ಶ್ಯೇ॒ನಪ॑ತ್ವಾ ಸುಮೃಳೀ॒ಕಃ ಸ್ವವಾಁ᳚ ಯಾತ್ವ॒ರ್ವಾಙ್ |
ಯೋ ಮರ್ತ್ಯ॑ಸ್ಯ॒ ಮನ॑ಸೋ॒ ಜವೀ᳚ಯಾ‌ನ್ತ್ರಿವಂಧು॒ರೋ ವೃ॑ಷಣಾ॒ ವಾತ॑ರಂಹಾಃ || 1.118.1
ತ್ರಿ॒ವಂ॒ಧು॒ರೇಣ॑ ತ್ರಿ॒ವೃತಾ॒ ರಥೇ᳚ನ ತ್ರಿಚ॒ಕ್ರೇಣ॑ ಸು॒ವೃತಾ ಯಾ᳚ತಮ॒ರ್ವಾಕ್ |
ಪಿನ್ವ॑ತಂ॒ ಗಾ ಜಿನ್ವ॑ತ॒ಮರ್ವ॑ತೋ ನೋ ವ॒ರ್ಧಯ॑ತಮಶ್ವಿನಾ ವೀ॒ರಮ॒ಸ್ಮೇ || 1.118.2
ಪ್ರ॒ವದ್ಯಾ᳚ಮನಾ ಸು॒ವೃತಾ॒ ರಥೇ᳚ನ॒ ದಸ್ರಾ᳚ವಿ॒ಮಂ ಶೃ॑ಣುತಂ॒ ಶ್ಲೋಕ॒ಮದ್ರೇಃ᳚ |
ಕಿಮಂ॒ಗ ವಾಂ॒ ಪ್ರತ್ಯವ॑ರ್ತಿಂ॒ ಗಮಿ॑ಷ್ಠಾ॒ಹುರ್ವಿಪ್ರಾ᳚ಸೋ ಅಶ್ವಿನಾ ಪುರಾ॒ಜಾಃ || 1.118.3
ಆ ವಾಂ᳚ ಶ್ಯೇ॒ನಾಸೋ᳚ ಅಶ್ವಿನಾ ವಹ‌ನ್ತು॒ ರಥೇ᳚ ಯು॒ಕ್ತಾಸ॑ ಆ॒ಶವಃ॑ ಪತಂ॒ಗಾಃ |
ಯೇ ಅ॒ಪ್ತುರೋ᳚ ದಿ॒ವ್ಯಾಸೋ॒ ನ ಗೃಧ್ರಾ᳚ ಅ॒ಭಿ ಪ್ರಯೋ᳚ ನಾಸತ್ಯಾ॒ ವಹ᳚‌ನ್ತಿ || 1.118.4
ಆ ವಾಂ॒ ರಥಂ᳚ ಯುವ॒ತಿಸ್ತಿ॑ಷ್ಠ॒ದತ್ರ॑ ಜು॒ಷ್ಟ್ವೀ ನ॑ರಾ ದುಹಿ॒ತಾ ಸೂರ್ಯ॑ಸ್ಯ |
ಪರಿ॑ ವಾ॒ಮಶ್ವಾ॒ ವಪು॑ಷಃ ಪತಂ॒ಗಾ ವಯೋ᳚ ವಹ‌ನ್ತ್ವರು॒ಷಾ ಅ॒ಭೀಕೇ᳚ || 1.118.5
ಉದ್ವಂದ॑ನಮೈರತಂ ದಂ॒ಸನಾ᳚ಭಿ॒ರುದ್ರೇ॒ಭಂ ದ॑ಸ್ರಾ ವೃಷಣಾ॒ ಶಚೀ᳚ಭಿಃ |
ನಿಷ್ಟೌ॒ಗ್ರ್ಯಂ ಪಾ᳚ರಯಥಃ ಸಮು॒ದ್ರಾತ್ಪುನ॒ಶ್ಚ್ಯವಾ᳚ನಂ ಚಕ್ರಥು॒ರ್ಯುವಾ᳚ನ‌ಮ್ || 1.118.6
ಯು॒ವಮತ್ರ॒ಯೇಽವ॑ನೀತಾಯ ತ॒ಪ್ತಮೂರ್ಜ॑ಮೋ॒ಮಾನ॑ಮಶ್ವಿನಾವಧತ್ತ‌ಮ್ |
ಯು॒ವಂ ಕಣ್ವಾ॒ಯಾಪಿ॑ರಿಪ್ತಾಯ॒ ಚಕ್ಷುಃ॒ ಪ್ರತ್ಯ॑ಧತ್ತಂ ಸುಷ್ಟು॒ತಿಂ ಜು॑ಜುಷಾ॒ಣಾ || 1.118.7
ಯು॒ವಂ ಧೇ॒ನುಂ ಶ॒ಯವೇ᳚ ನಾಧಿ॒ತಾಯಾಪಿ᳚ನ್ವತಮಶ್ವಿನಾ ಪೂ॒ರ್ವ್ಯಾಯ॑ |
ಅಮುಂ᳚ಚತಂ॒ ವರ್ತಿ॑ಕಾ॒ಮಂಹ॑ಸೋ॒ ನಿಃ ಪ್ರತಿ॒ ಜಂಘಾಂ᳚ ವಿ॒ಶ್ಪಲಾ᳚ಯಾ ಅಧತ್ತ‌ಮ್ || 1.118.8
ಯು॒ವಂ ಶ್ವೇ॒ತಂ ಪೇ॒ದವ॒ ಇಂದ್ರ॑ಜೂತಮಹಿ॒ಹನ॑ಮಶ್ವಿನಾದತ್ತ॒ಮಶ್ವ‌ಮ್᳚ |
ಜೋ॒ಹೂತ್ರ॑ಮ॒ರ್ಯೋ ಅ॒ಭಿಭೂ᳚ತಿಮು॒ಗ್ರಂ ಸ॑ಹಸ್ರ॒ಸಾಂ ವೃಷ॑ಣಂ ವೀ॒ಡ್ವಂ᳚ಗ‌ಮ್ || 1.118.9
ತಾ ವಾಂ᳚ ನರಾ॒ ಸ್ವವ॑ಸೇ ಸುಜಾ॒ತಾ ಹವಾ᳚ಮಹೇ ಅಶ್ವಿನಾ॒ ನಾಧ॑ಮಾನಾಃ |
ಆ ನ॒ ಉಪ॒ ವಸು॑ಮತಾ॒ ರಥೇ᳚ನ॒ ಗಿರೋ᳚ ಜುಷಾ॒ಣಾ ಸು॑ವಿ॒ತಾಯ॑ ಯಾತ‌ಮ್ || 1.118.10
ಆ ಶ್ಯೇ॒ನಸ್ಯ॒ ಜವ॑ಸಾ॒ ನೂತ॑ನೇನಾ॒ಸ್ಮೇ ಯಾ᳚ತಂ ನಾಸತ್ಯಾ ಸ॒ಜೋಷಾಃ᳚ |
ಹವೇ॒ ಹಿ ವಾ᳚ಮಶ್ವಿನಾ ರಾ॒ತಹ᳚ವ್ಯಃ ಶಶ್ವತ್ತ॒ಮಾಯಾ᳚ ಉ॒ಷಸೋ॒ ವ್ಯು॑ಷ್ಟೌ || 1.118.11

(1-10) ದಶರ್ಚಸ್ಯಾಸ್ಯ ಸಕ್ತಸ್ಯೌಶಿಜೋ ದೈರ್ತ ಮಸಃ ಕಕ್ಷೀವಾನ ಋಷಿಃ ಅಶ್ವಿನೌ ದೇವತೇ ಜಗತೀ ಛಂದಃ

ಆ ವಾಂ॒ ರಥಂ᳚ ಪುರುಮಾ॒ಯಂ ಮ॑ನೋ॒ಜುವಂ᳚ ಜೀ॒ರಾಶ್ವಂ᳚ ಯ॒ಜ್ಞಿಯಂ᳚ ಜೀ॒ವಸೇ᳚ ಹುವೇ |
ಸ॒ಹಸ್ರ॑ಕೇತುಂ ವ॒ನಿನಂ᳚ ಶ॒ತದ್ವ॑ಸುಂ ಶ್ರುಷ್ಟೀ॒ವಾನಂ᳚ ವರಿವೋ॒ಧಾಮ॒ಭಿ ಪ್ರಯಃ॑ || 1.119.1
ಊ॒ರ್ಧ್ವಾ ಧೀ॒ತಿಃ ಪ್ರತ್ಯ॑ಸ್ಯ॒ ಪ್ರಯಾ᳚ಮ॒ನ್ಯಧಾ᳚ಯಿ॒ ಶಸ್ಮ॒‌‌ನ್ತ್ಸಮ॑ಯ‌ನ್ತ॒ ಆ ದಿಶಃ॑ |
ಸ್ವದಾ᳚ಮಿ ಘ॒ರ್ಮಂ ಪ್ರತಿ॑ ಯ‌ನ್ತ್ಯೂ॒ತಯ॒ ಆ ವಾ᳚ಮೂ॒ರ್ಜಾನೀ॒ ರಥ॑ಮಶ್ವಿನಾರುಹತ್ || 1.119.2
ಸಂ ಯನ್ಮಿ॒ಥಃ ಪ॑ಸ್ಪೃಧಾ॒ನಾಸೋ॒ ಅಗ್ಮ॑ತ ಶು॒ಭೇ ಮ॒ಖಾ ಅಮಿ॑ತಾ ಜಾ॒ಯವೋ॒ ರಣೇ᳚ |
ಯು॒ವೋರಹ॑ ಪ್ರವ॒ಣೇ ಚೇ᳚ಕಿತೇ॒ ರಥೋ॒ ಯದ॑ಶ್ವಿನಾ॒ ವಹ॑ಥಃ ಸೂ॒ರಿಮಾ ವರ‌ಮ್᳚ || 1.119.3
ಯು॒ವಂ ಭು॒ಜ್ಯುಂ ಭು॒ರಮಾ᳚ಣಂ॒ ವಿಭಿ॑ರ್ಗ॒ತಂ ಸ್ವಯು॑ಕ್ತಿಭಿರ್ನಿ॒ವಹ᳚‌ನ್ತಾ ಪಿ॒ತೃಭ್ಯ॒ ಆ |
ಯಾ॒ಸಿ॒ಷ್ಟಂ ವ॒ರ್ತಿರ್ವೃ॑ಷಣಾ ವಿಜೇ॒ನ್ಯ1॒॑ ಅಂದಿವೋ᳚ದಾಸಾಯ॒ ಮಹಿ॑ ಚೇತಿ ವಾ॒ಮವಃ॑ || 1.119.4
ಯು॒ವೋರ॑ಶ್ವಿನಾ॒ ವಪು॑ಷೇ ಯುವಾ॒ಯುಜಂ॒ ರಥಂ॒ ವಾಣೀ᳚ ಯೇಮತುರಸ್ಯ॒ ಶರ್ಧ್ಯ‌ಮ್᳚ |
ಆ ವಾಂ᳚ ಪತಿ॒ತ್ವಂ ಸ॒ಖ್ಯಾಯ॑ ಜ॒ಗ್ಮುಷೀ॒ ಯೋಷಾ᳚ವೃಣೀತ॒ ಜೇನ್ಯಾ᳚ ಯು॒ವಾಂ ಪತೀ᳚ || 1.119.5
ಯು॒ವಂ ರೇ॒ಭಂ ಪರಿ॑ಷೂತೇರುರುಷ್ಯಥೋ ಹಿ॒ಮೇನ॑ ಘ॒ರ್ಮಂ ಪರಿ॑ತಪ್ತ॒ಮತ್ರ॑ಯೇ |
ಯು॒ವಂ ಶ॒ಯೋರ॑ವ॒ಸಂ ಪಿ॑ಪ್ಯಥು॒ರ್ಗವಿ॒ ಪ್ರ ದೀ॒ರ್ಘೇಣ॒ ವಂದ॑ನಸ್ತಾ॒ರ್ಯಾಯು॑ಷಾ || 1.119.6
ಯು॒ವಂ ವಂದ॑ನಂ॒ ನಿರ್‌ಋ॑ತಂ ಜರ॒ಣ್ಯಯಾ॒ ರಥಂ॒ ನ ದ॑ಸ್ರಾ ಕರ॒ಣಾ ಸಮಿ᳚ನ್ವಥಃ |
ಕ್ಷೇತ್ರಾ॒ದಾ ವಿಪ್ರಂ᳚ ಜನಥೋ ವಿಪ॒ನ್ಯಯಾ॒ ಪ್ರ ವಾ॒ಮತ್ರ॑ ವಿಧ॒ತೇ ದಂ॒ಸನಾ᳚ ಭುವತ್ || 1.119.7
ಅಗ॑ಚ್ಛತಂ॒ ಕೃಪ॑ಮಾಣಂ ಪರಾ॒ವತಿ॑ ಪಿ॒ತುಃ ಸ್ವಸ್ಯ॒ ತ್ಯಜ॑ಸಾ॒ ನಿಬಾ᳚ಧಿತ‌ಮ್ |
ಸ್ವ᳚ರ್ವತೀರಿ॒ತ ಊ॒ತೀರ್ಯು॒ವೋರಹ॑ ಚಿ॒ತ್ರಾ ಅ॒ಭೀಕೇ᳚ ಅಭವನ್ನ॒ಭಿಷ್ಟ॑ಯಃ || 1.119.8
ಉ॒ತ ಸ್ಯಾ ವಾಂ॒ ಮಧು॑ಮ॒ನ್ಮಕ್ಷಿ॑ಕಾರಪ॒ನ್ಮದೇ॒ ಸೋಮ॑ಸ್ಯೌಶಿ॒ಜೋ ಹು॑ವನ್ಯತಿ |
ಯು॒ವಂ ದ॑ಧೀ॒ಚೋ ಮನ॒ ಆ ವಿ॑ವಾಸ॒ಥೋಽಥಾ॒ ಶಿರಃ॒ ಪ್ರತಿ॑ ವಾ॒ಮಶ್ವ್ಯಂ᳚ ವದತ್ || 1.119.9
ಯು॒ವಂ ಪೇ॒ದವೇ᳚ ಪುರು॒ವಾರ॑ಮಶ್ವಿನಾ ಸ್ಪೃ॒ಧಾಂ ಶ್ವೇ॒ತಂ ತ॑ರು॒ತಾರಂ᳚ ದುವಸ್ಯಥಃ |
ಶರ್ಯೈ᳚ರ॒ಭಿದ್ಯುಂ॒ ಪೃತ॑ನಾಸು ದು॒ಷ್ಟರಂ᳚ ಚ॒ರ್ಕೃತ್ಯ॒ಮಿಂದ್ರ॑ಮಿವ ಚರ್ಷಣೀ॒ಸಹ‌ಮ್᳚ || 1.119.10

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಅಶ್ವಿನೌ ದೇವತೇ (1, 10-12) ಪ್ರಥಮರ್ಚಃ ದಶಮ್ಯಾದಿತೃಚಸ್ಯ ಚ ಗಾಯತ್ರೀ (2) ದ್ವಿತೀಯಾಯಾಃ ಕಕಪ (3) ತೃತೀಯಾಯಾಃ ಕಾವಿರಾಟ್ (4) ಚತುರ್ಥ್ಯಾ ನಷ್ಟರೂಪೀ (5) ಪಂಚಮ್ಯಾಸ್ತನಶಿರಾ (6) ಷಷ್ಠ್ಯಾ ಉಷ್ಣಿಕ್ (7) ಸಪ್ತಮ್ಯಾ ವಿಷ್ಟಾರಬಹತೀ (8) ಅಷ್ಟಮ್ಯಾಃ ಕೃತಿಃ (9) ನವಮ್ಯಾಶ್ಚ ವಿರಾಟ್ ಛಂದಾಂಸಿ

ಕಾ ರಾ᳚ಧ॒ದ್ಧೋತ್ರಾ᳚ಶ್ವಿನಾ ವಾಂ॒ ಕೋ ವಾಂ॒ ಜೋಷ॑ ಉ॒ಭಯೋಃ᳚ |
ಕ॒ಥಾ ವಿ॑ಧಾ॒ತ್ಯಪ್ರ॑ಚೇತಾಃ || 1.120.1
ವಿ॒ದ್ವಾಂಸಾ॒ವಿದ್ದುರಃ॑ ಪೃಚ್ಛೇ॒ದವಿ॑ದ್ವಾನಿ॒ತ್ಥಾಪ॑ರೋ ಅಚೇ॒ತಾಃ |
ನೂ ಚಿ॒ನ್ನು ಮರ್ತೇ॒ ಅಕ್ರೌ᳚ || 1.120.2
ತಾ ವಿ॒ದ್ವಾಂಸಾ᳚ ಹವಾಮಹೇ ವಾಂ॒ ತಾ ನೋ᳚ ವಿ॒ದ್ವಾಂಸಾ॒ ಮನ್ಮ॑ ವೋಚೇತಮ॒ದ್ಯ |
ಪ್ರಾರ್ಚ॒ದ್ದಯ॑ಮಾನೋ ಯು॒ವಾಕುಃ॑ || 1.120.3
ವಿ ಪೃ॑ಚ್ಛಾಮಿ ಪಾ॒ಕ್ಯಾ॒3॒॑ ನ ದೇ॒ವಾನ್ವಷ॑ಟ್ಕೃತಸ್ಯಾದ್ಭು॒ತಸ್ಯ॑ ದಸ್ರಾ |
ಪಾ॒ತಂ ಚ॒ ಸಹ್ಯ॑ಸೋ ಯು॒ವಂ ಚ॒ ರಭ್ಯ॑ಸೋ ನಃ || 1.120.4
ಪ್ರ ಯಾ ಘೋಷೇ॒ ಭೃಗ॑ವಾಣೇ॒ ನ ಶೋಭೇ॒ ಯಯಾ᳚ ವಾ॒ಚಾ ಯಜ॑ತಿ ಪಜ್ರಿ॒ಯೋ ವಾ᳚‌ಮ್ |
ಪ್ರೈಷ॒ಯುರ್ನ ವಿ॒ದ್ವಾನ್ || 1.120.5
ಶ್ರು॒ತಂ ಗಾ᳚ಯ॒ತ್ರಂ ತಕ॑ವಾನಸ್ಯಾ॒ಹಂ ಚಿ॒ದ್ಧಿ ರಿ॒ರೇಭಾ᳚ಶ್ವಿನಾ ವಾ‌ಮ್ |
ಆಕ್ಷೀ ಶು॑ಭಸ್ಪತೀ॒ ದನ್ || 1.120.6
ಯು॒ವಂ ಹ್ಯಾಸ್ತಂ᳚ ಮ॒ಹೋ ರನ್ಯು॒ವಂ ವಾ॒ ಯನ್ನಿ॒ರತ॑ತಂಸತ‌ಮ್ |
ತಾ ನೋ᳚ ವಸೂ ಸುಗೋ॒ಪಾ ಸ್ಯಾ᳚ತಂ ಪಾ॒ತಂ ನೋ॒ ವೃಕಾ᳚ದಘಾ॒ಯೋಃ || 1.120.7
ಮಾ ಕಸ್ಮೈ᳚ ಧಾತಮ॒ಭ್ಯ॑ಮಿ॒ತ್ರಿಣೇ᳚ ನೋ॒ ಮಾಕುತ್ರಾ᳚ ನೋ ಗೃ॒ಹೇಭ್ಯೋ᳚ ಧೇ॒ನವೋ᳚ ಗುಃ |
ಸ್ತ॒ನಾ॒ಭುಜೋ॒ ಅಶಿ॑ಶ್ವೀಃ || 1.120.8
ದು॒ಹೀ॒ಯನ್ಮಿ॒ತ್ರಧಿ॑ತಯೇ ಯು॒ವಾಕು॑ ರಾ॒ಯೇ ಚ॑ ನೋ ಮಿಮೀ॒ತಂ ವಾಜ॑ವತ್ಯೈ |
ಇ॒ಷೇ ಚ॑ ನೋ ಮಿಮೀತಂ ಧೇನು॒ಮತ್ಯೈ᳚ || 1.120.9
ಅ॒ಶ್ವಿನೋ᳚ರಸನಂ॒ ರಥ॑ಮನ॒ಶ್ವಂ ವಾ॒ಜಿನೀ᳚ವತೋಃ |
ತೇನಾ॒ಹಂ ಭೂರಿ॑ ಚಾಕನ || 1.120.10
ಅ॒ಯಂ ಸ॑ಮಹ ಮಾ ತನೂ॒ಹ್ಯಾತೇ॒ ಜನಾಁ॒ ಅನು॑ |
ಸೋ॒ಮ॒ಪೇಯಂ᳚ ಸು॒ಖೋ ರಥಃ॑ || 1.120.11
ಅಧ॒ ಸ್ವಪ್ನ॑ಸ್ಯ॒ ನಿರ್ವಿ॒ದೇಽಭುಂ᳚ಜತಶ್ಚ ರೇ॒ವತಃ॑ |
ಉ॒ಭಾ ತಾ ಬಸ್ರಿ॑ ನಶ್ಯತಃ || 1.120.12

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಇಂದ್ರೋ ವಿಶ್ವೇ ದೇವಾ ವಾ ದೇವತಾಃ ತ್ರಿಷ್ಟುಪ್ ಛಂದಃ

ಕದಿ॒ತ್ಥಾ ನೄಁಃ ಪಾತ್ರಂ᳚ ದೇವಯ॒ತಾಂ ಶ್ರವ॒ದ್ಗಿರೋ॒ ಅಂಗಿ॑ರಸಾಂ ತುರ॒ಣ್ಯನ್ |
ಪ್ರ ಯದಾನ॒ಡ್ವಿಶ॒ ಆ ಹ॒ರ್ಮ್ಯಸ್ಯೋ॒ರು ಕ್ರಂ᳚ಸತೇ ಅಧ್ವ॒ರೇ ಯಜ॑ತ್ರಃ || 1.121.1
ಸ್ತಂಭೀ᳚ದ್ಧ॒ ದ್ಯಾಂ ಸ ಧ॒ರುಣಂ᳚ ಪ್ರುಷಾಯದೃ॒ಭುರ್ವಾಜಾ᳚ಯ॒ ದ್ರವಿ॑ಣಂ॒ ನರೋ॒ ಗೋಃ |
ಅನು॑ ಸ್ವ॒ಜಾಂ ಮ॑ಹಿ॒ಷಶ್ಚ॑ಕ್ಷತ॒ ವ್ರಾಂ ಮೇನಾ॒ಮಶ್ವ॑ಸ್ಯ॒ ಪರಿ॑ ಮಾ॒ತರಂ॒ ಗೋಃ || 1.121.2
ನಕ್ಷ॒ದ್ಧವ॑ಮರು॒ಣೀಃ ಪೂ॒ರ್ವ್ಯಂ ರಾಟ್ ತು॒ರೋ ವಿ॒ಶಾಮಂಗಿ॑ರಸಾ॒ಮನು॒ ದ್ಯೂನ್ |
ತಕ್ಷ॒ದ್ವಜ್ರಂ॒ ನಿಯು॑ತಂ ತ॒ಸ್ತಂಭ॒ದ್ದ್ಯಾಂ ಚತು॑ಷ್ಪದೇ॒ ನರ್ಯಾ᳚ಯ ದ್ವಿ॒ಪಾದೇ᳚ || 1.121.3
ಅ॒ಸ್ಯ ಮದೇ᳚ ಸ್ವ॒ರ್ಯಂ᳚ ದಾ ಋ॒ತಾಯಾಪೀ᳚ವೃತಮು॒ಸ್ರಿಯಾ᳚ಣಾ॒ಮನೀ᳚ಕ‌ಮ್ |
ಯದ್ಧ॑ ಪ್ರ॒ಸರ್ಗೇ᳚ ತ್ರಿಕ॒ಕುಮ್ನಿ॒ವರ್ತ॒ದಪ॒ ದ್ರುಹೋ॒ ಮಾನು॑ಷಸ್ಯ॒ ದುರೋ᳚ ವಃ || 1.121.4
ತುಭ್ಯಂ॒ ಪಯೋ॒ ಯತ್ಪಿ॒ತರಾ॒ವನೀ᳚ತಾಂ॒ ರಾಧಃ॑ ಸು॒ರೇತ॑ಸ್ತು॒ರಣೇ᳚ ಭುರ॒ಣ್ಯೂ |
ಶುಚಿ॒ ಯತ್ತೇ॒ ರೇಕ್ಣ॒ ಆಯ॑ಜ‌ನ್ತ ಸಬ॒ರ್ದುಘಾ᳚ಯಾಃ॒ ಪಯ॑ ಉ॒ಸ್ರಿಯಾ᳚ಯಾಃ || 1.121.5
ಅಧ॒ ಪ್ರ ಜ॑ಜ್ಞೇ ತ॒ರಣಿ᳚ರ್ಮಮತ್ತು॒ ಪ್ರ ರೋ᳚ಚ್ಯ॒ಸ್ಯಾ ಉ॒ಷಸೋ॒ ನ ಸೂರಃ॑ |
ಇಂದು॒ರ್ಯೇಭಿ॒ರಾಷ್ಟ॒ ಸ್ವೇದು॑ಹವ್ಯೈಃ ಸ್ರು॒ವೇಣ॑ ಸಿಂ॒ಚಂಜ॒ರಣಾ॒ಭಿ ಧಾಮ॑ || 1.121.6
ಸ್ವಿ॒ಧ್ಮಾ ಯದ್ವ॒ನಧಿ॑ತಿರಪ॒ಸ್ಯಾತ್ಸೂರೋ᳚ ಅಧ್ವ॒ರೇ ಪರಿ॒ ರೋಧ॑ನಾ॒ ಗೋಃ |
ಯದ್ಧ॑ ಪ್ರ॒ಭಾಸಿ॒ ಕೃತ್ವ್ಯಾಁ॒ ಅನು॒ ದ್ಯೂನನ᳚ರ್ವಿಶೇ ಪ॒ಶ್ವಿಷೇ᳚ ತು॒ರಾಯ॑ || 1.121.7
ಅ॒ಷ್ಟಾ ಮ॒ಹೋ ದಿ॒ವ ಆದೋ॒ ಹರೀ᳚ ಇ॒ಹ ದ್ಯು᳚ಮ್ನಾ॒ಸಾಹ॑ಮ॒ಭಿ ಯೋ᳚ಧಾ॒ನ ಉತ್ಸ‌ಮ್᳚ |
ಹರಿಂ॒ ಯತ್ತೇ᳚ ಮಂ॒ದಿನಂ᳚ ದು॒ಕ್ಷನ್ವೃ॒ಧೇ ಗೋರ॑ಭಸ॒ಮದ್ರಿ॑ಭಿರ್ವಾ॒ತಾಪ್ಯ‌ಮ್᳚ || 1.121.8
ತ್ವಮಾ᳚ಯ॒ಸಂ ಪ್ರತಿ॑ ವರ್ತಯೋ॒ ಗೋರ್ದಿ॒ವೋ ಅಶ್ಮಾ᳚ನ॒ಮುಪ॑ನೀತ॒ಮೃಭ್ವಾ᳚ |
ಕುತ್ಸಾ᳚ಯ॒ ಯತ್ರ॑ ಪುರುಹೂತ ವ॒ನ್ವಂಛುಷ್ಣ॑ಮನ॒‌ನ್ತೈಃ ಪ॑ರಿ॒ಯಾಸಿ॑ ವ॒ಧೈಃ || 1.121.9
ಪು॒ರಾ ಯತ್ಸೂರ॒ಸ್ತಮ॑ಸೋ॒ ಅಪೀ᳚ತೇ॒ಸ್ತಮ॑ದ್ರಿವಃ ಫಲಿ॒ಗಂ ಹೇ॒ತಿಮ॑ಸ್ಯ |
ಶುಷ್ಣ॑ಸ್ಯ ಚಿ॒ತ್ಪರಿ॑ಹಿತಂ॒ ಯದೋಜೋ᳚ ದಿ॒ವಸ್ಪರಿ॒ ಸುಗ್ರ॑ಥಿತಂ॒ ತದಾದಃ॑ || 1.121.10
ಅನು॑ ತ್ವಾ ಮ॒ಹೀ ಪಾಜ॑ಸೀ ಅಚ॒ಕ್ರೇ ದ್ಯಾವಾ॒ಕ್ಷಾಮಾ᳚ ಮದತಾಮಿಂದ್ರ॒ ಕರ್ಮನ್॑ |
ತ್ವಂ ವೃ॒ತ್ರಮಾ॒ಶಯಾ᳚ನಂ ಸಿ॒ರಾಸು॑ ಮ॒ಹೋ ವಜ್ರೇ᳚ಣ ಸಿಷ್ವಪೋ ವ॒ರಾಹು‌ಮ್᳚ || 1.121.11
ತ್ವಮಿಂ᳚ದ್ರ॒ ನರ್ಯೋ॒ ಯಾಁ ಅವೋ॒ ನೄ‌ನ್ತಿಷ್ಠಾ॒ ವಾತ॑ಸ್ಯ ಸು॒ಯುಜೋ॒ ವಹಿ॑ಷ್ಠಾನ್ |
ಯಂ ತೇ᳚ ಕಾ॒ವ್ಯ ಉ॒ಶನಾ᳚ ಮಂ॒ದಿನಂ॒ ದಾದ್ವೃ॑ತ್ರ॒ಹಣಂ॒ ಪಾರ್ಯಂ᳚ ತತಕ್ಷ॒ ವಜ್ರ‌ಮ್᳚ || 1.121.12
ತ್ವಂ ಸೂರೋ᳚ ಹ॒ರಿತೋ᳚ ರಾಮಯೋ॒ ನೄನ್ಭರ॑ಚ್ಚ॒ಕ್ರಮೇತ॑ಶೋ॒ ನಾಯಮಿಂ᳚ದ್ರ |
ಪ್ರಾಸ್ಯ॑ ಪಾ॒ರಂ ನ॑ವ॒ತಿಂ ನಾ॒ವ್ಯಾ᳚ನಾ॒ಮಪಿ॑ ಕ॒ರ್ತಮ॑ವರ್ತ॒ಯೋಽಯ॑ಜ್ಯೂನ್ || 1.121.13
ತ್ವಂ ನೋ᳚ ಅ॒ಸ್ಯಾ ಇಂ᳚ದ್ರ ದು॒ರ್ಹಣಾ᳚ಯಾಃ ಪಾ॒ಹಿ ವ॑ಜ್ರಿವೋ ದುರಿ॒ತಾದ॒ಭೀಕೇ᳚ |
ಪ್ರ ನೋ॒ ವಾಜಾ᳚ನ್ರ॒ಥ್ಯೋ॒3॒॑ ಅಶ್ವ॑ಬುಧ್ಯಾನಿ॒ಷೇ ಯಂ᳚ಧಿ॒ ಶ್ರವ॑ಸೇ ಸೂ॒ನೃತಾ᳚ಯೈ || 1.121.14
ಮಾ ಸಾ ತೇ᳚ ಅ॒ಸ್ಮತ್ಸು॑ಮ॒ತಿರ್ವಿ ದ॑ಸ॒ದ್ವಾಜ॑ಪ್ರಮಹಃ॒ ಸಮಿಷೋ᳚ ವರ‌ನ್ತ |
ಆ ನೋ᳚ ಭಜ ಮಘವ॒ನ್ಗೋಷ್ವ॒ರ್ಯೋ ಮಂಹಿ॑ಷ್ಠಾಸ್ತೇ ಸಧ॒ಮಾದಃ॑ ಸ್ಯಾಮ || 1.121.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ವಿಶ್ವೇ ದೇವಾ ದೇವತಾಃ (1-4, 7-15) ಪ್ರಥಮಾದಿಚರ್ಚಾಂ ಸಪ್ತಮ್ಯಾದಿನವಾನಾಂಚ ತ್ರಿಷ್ಟುಪ್ (5-6) ಪಂಚಮೀಷಷ್ಠ್ಯೋಶ್ಚ ವಿರಾರೂಪಾ ಛಂದಸೀ

ಪ್ರ ವಃ॒ ಪಾ‌ನ್ತಂ᳚ ರಘುಮನ್ಯ॒ವೋಽನ್ಧೋ᳚ ಯ॒ಜ್ಞಂ ರು॒ದ್ರಾಯ॑ ಮೀ॒ಳ್ಹುಷೇ᳚ ಭರಧ್ವ‌ಮ್ |
ದಿ॒ವೋ ಅ॑ಸ್ತೋ॒ಷ್ಯಸು॑ರಸ್ಯ ವೀ॒ರೈರಿ॑ಷು॒ಧ್ಯೇವ॑ ಮ॒ರುತೋ॒ ರೋದ॑ಸ್ಯೋಃ || 1.122.1
ಪತ್ನೀ᳚ವ ಪೂ॒ರ್ವಹೂ᳚ತಿಂ ವಾವೃ॒ಧಧ್ಯಾ᳚ ಉ॒ಷಾಸಾ॒ನಕ್ತಾ᳚ ಪುರು॒ಧಾ ವಿದಾ᳚ನೇ |
ಸ್ತ॒ರೀರ್ನಾತ್ಕಂ॒ ವ್ಯು॑ತಂ॒ ವಸಾ᳚ನಾ॒ ಸೂರ್ಯ॑ಸ್ಯ ಶ್ರಿ॒ಯಾ ಸು॒ದೃಶೀ॒ ಹಿರ᳚ಣ್ಯೈಃ || 1.122.2
ಮ॒ಮತ್ತು॑ ನಃ॒ ಪರಿ॑ಜ್ಮಾ ವಸ॒ರ್ಹಾ ಮ॒ಮತ್ತು॒ ವಾತೋ᳚ ಅ॒ಪಾಂ ವೃಷ᳚ಣ್ವಾನ್ |
ಶಿ॒ಶೀ॒ತಮಿಂ᳚ದ್ರಾಪರ್ವತಾ ಯು॒ವಂ ನ॒ಸ್ತನ್ನೋ॒ ವಿಶ್ವೇ᳚ ವರಿವಸ್ಯ‌ನ್ತು ದೇ॒ವಾಃ || 1.122.3
ಉ॒ತ ತ್ಯಾ ಮೇ᳚ ಯ॒ಶಸಾ᳚ ಶ್ವೇತ॒ನಾಯೈ॒ ವ್ಯ‌ನ್ತಾ॒ ಪಾ‌ನ್ತೌ᳚ಶಿ॒ಜೋ ಹು॒ವಧ್ಯೈ᳚ |
ಪ್ರ ವೋ॒ ನಪಾ᳚ತಮ॒ಪಾಂ ಕೃ॑ಣುಧ್ವಂ॒ ಪ್ರ ಮಾ॒ತರಾ᳚ ರಾಸ್ಪಿ॒ನಸ್ಯಾ॒ಯೋಃ || 1.122.4
ಆ ವೋ᳚ ರುವ॒ಣ್ಯುಮೌ᳚ಶಿ॒ಜೋ ಹು॒ವಧ್ಯೈ॒ ಘೋಷೇ᳚ವ॒ ಶಂಸ॒ಮರ್ಜು॑ನಸ್ಯ॒ ನಂಶೇ᳚ |
ಪ್ರ ವಃ॑ ಪೂ॒ಷ್ಣೇ ದಾ॒ವನ॒ ಆಁ ಅಚ್ಛಾ᳚ ವೋಚೇಯ ವ॒ಸುತಾ᳚ತಿಮ॒ಗ್ನೇಃ || 1.122.5
ಶ್ರು॒ತಂ ಮೇ᳚ ಮಿತ್ರಾವರುಣಾ॒ ಹವೇ॒ಮೋತ ಶ್ರು॑ತಂ॒ ಸದ॑ನೇ ವಿ॒ಶ್ವತಃ॑ ಸೀ‌ಮ್ |
ಶ್ರೋತು॑ ನಃ॒ ಶ್ರೋತು॑ರಾತಿಃ ಸು॒ಶ್ರೋತುಃ॑ ಸು॒ಕ್ಷೇತ್ರಾ॒ ಸಿಂಧು॑ರ॒ದ್ಭಿಃ || 1.122.6
ಸ್ತು॒ಷೇ ಸಾ ವಾಂ᳚ ವರುಣ ಮಿತ್ರ ರಾ॒ತಿರ್ಗವಾಂ᳚ ಶ॒ತಾ ಪೃ॒ಕ್ಷಯಾ᳚ಮೇಷು ಪ॒ಜ್ರೇ |
ಶ್ರು॒ತರ॑ಥೇ ಪ್ರಿ॒ಯರ॑ಥೇ॒ ದಧಾ᳚ನಾಃ ಸ॒ದ್ಯಃ ಪು॒ಷ್ಟಿಂ ನಿ॑ರುಂಧಾ॒ನಾಸೋ᳚ ಅಗ್ಮನ್ || 1.122.7
ಅ॒ಸ್ಯ ಸ್ತು॑ಷೇ॒ ಮಹಿ॑ಮಘಸ್ಯ॒ ರಾಧಃ॒ ಸಚಾ᳚ ಸನೇಮ॒ ನಹು॑ಷಃ ಸು॒ವೀರಾಃ᳚ |
ಜನೋ॒ ಯಃ ಪ॒ಜ್ರೇಭ್ಯೋ᳚ ವಾ॒ಜಿನೀ᳚ವಾ॒ನಶ್ವಾ᳚ವತೋ ರ॒ಥಿನೋ॒ ಮಹ್ಯಂ᳚ ಸೂ॒ರಿಃ || 1.122.8
ಜನೋ॒ ಯೋ ಮಿ॑ತ್ರಾವರುಣಾವಭಿ॒ಧ್ರುಗ॒ಪೋ ನ ವಾಂ᳚ ಸು॒ನೋತ್ಯ॑ಕ್ಷ್ಣಯಾ॒ಧ್ರುಕ್ |
ಸ್ವ॒ಯಂ ಸ ಯಕ್ಷ್ಮಂ॒ ಹೃದ॑ಯೇ॒ ನಿ ಧ॑ತ್ತ॒ ಆಪ॒ ಯದೀಂ॒ ಹೋತ್ರಾ᳚ಭಿರ್‌ಋ॒ತಾವಾ᳚ || 1.122.9
ಸ ವ್ರಾಧ॑ತೋ॒ ನಹು॑ಷೋ॒ ದಂಸು॑ಜೂತಃ॒ ಶರ್ಧ॑ಸ್ತರೋ ನ॒ರಾಂ ಗೂ॒ರ್ತಶ್ರ॑ವಾಃ |
ವಿಸೃ॑ಷ್ಟರಾತಿರ್ಯಾತಿ ಬಾಳ್ಹ॒ಸೃತ್ವಾ॒ ವಿಶ್ವಾ᳚ಸು ಪೃ॒ತ್ಸು ಸದ॒ಮಿಚ್ಛೂರಃ॑ || 1.122.10
ಅಧ॒ ಗ್ಮ‌ನ್ತಾ॒ ನಹು॑ಷೋ॒ ಹವಂ᳚ ಸೂ॒ರೇಃ ಶ್ರೋತಾ᳚ ರಾಜಾನೋ ಅ॒ಮೃತ॑ಸ್ಯ ಮಂದ್ರಾಃ |
ನ॒ಭೋ॒ಜುವೋ॒ ಯನ್ನಿ॑ರ॒ವಸ್ಯ॒ ರಾಧಃ॒ ಪ್ರಶ॑ಸ್ತಯೇ ಮಹಿ॒ನಾ ರಥ॑ವತೇ || 1.122.11
ಏ॒ತಂ ಶರ್ಧಂ᳚ ಧಾಮ॒ ಯಸ್ಯ॑ ಸೂ॒ರೇರಿತ್ಯ॑ವೋಚಂ॒ದಶ॑ತಯಸ್ಯ॒ ನಂಶೇ᳚ |
ದ್ಯು॒ಮ್ನಾನಿ॒ ಯೇಷು॑ ವ॒ಸುತಾ᳚ತೀ ರಾ॒ರನ್ವಿಶ್ವೇ᳚ ಸನ್ವ‌ನ್ತು ಪ್ರಭೃ॒ಥೇಷು॒ ವಾಜ‌ಮ್᳚ || 1.122.12
ಮಂದಾ᳚ಮಹೇ॒ ದಶ॑ತಯಸ್ಯ ಧಾ॒ಸೇರ್ದ್ವಿರ್ಯತ್ಪಂಚ॒ ಬಿಭ್ರ॑ತೋ॒ ಯ‌ನ್ತ್ಯನ್ನಾ᳚ |
ಕಿಮಿ॒ಷ್ಟಾಶ್ವ॑ ಇ॒ಷ್ಟರ॑ಶ್ಮಿರೇ॒ತ ಈ᳚ಶಾ॒ನಾಸ॒ಸ್ತರು॑ಷ ಋಂಜತೇ॒ ನೄನ್ || 1.122.13
ಹಿರ᳚ಣ್ಯಕರ್ಣಂ ಮಣಿಗ್ರೀವ॒ಮರ್ಣ॒ಸ್ತನ್ನೋ॒ ವಿಶ್ವೇ᳚ ವರಿವಸ್ಯ‌ನ್ತು ದೇ॒ವಾಃ |
ಅ॒ರ್ಯೋ ಗಿರಃ॑ ಸ॒ದ್ಯ ಆ ಜ॒ಗ್ಮುಷೀ॒ರೋಸ್ರಾಶ್ಚಾ᳚ಕ‌ನ್ತೂ॒ಭಯೇ᳚ಷ್ವ॒ಸ್ಮೇ || 1.122.14
ಚ॒ತ್ವಾರೋ᳚ ಮಾ ಮಶ॒ರ್ಶಾರ॑ಸ್ಯ॒ ಶಿಶ್ವ॒ಸ್ತ್ರಯೋ॒ ರಾಜ್ಞ॒ ಆಯ॑ವಸಸ್ಯ ಜಿ॒ಷ್ಣೋಃ |
ರಥೋ᳚ ವಾಂ ಮಿತ್ರಾವರುಣಾ ದೀ॒ರ್ಘಾಪ್ಸಾಃ॒ ಸ್ಯೂಮ॑ಗಭಸ್ತಿಃ॒ ಸೂರೋ॒ ನಾದ್ಯೌ᳚ತ್ || 1.122.15

(1-13) ತ್ರಯೋದಶರ್ಚಸ್ಯಾಸ್ಯ ಸಕ್ತಸ್ಯ ಔಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಉಷಾ ದೇವತಾ ತ್ರಿಷ್ಟುಪ್ ಛಂದಃ

ಪೃ॒ಥೂ ರಥೋ॒ ದಕ್ಷಿ॑ಣಾಯಾ ಅಯೋ॒ಜ್ಯೈನಂ᳚ ದೇ॒ವಾಸೋ᳚ ಅ॒ಮೃತಾ᳚ಸೋ ಅಸ್ಥುಃ |
ಕೃ॒ಷ್ಣಾದುದ॑ಸ್ಥಾದ॒ರ್ಯಾ॒3॒॑ ವಿಹಾ᳚ಯಾ॒ಶ್ಚಿಕಿ॑ತ್ಸ‌ನ್ತೀ॒ ಮಾನು॑ಷಾಯ॒ ಕ್ಷಯಾ᳚ಯ || 1.123.1
ಪೂರ್ವಾ॒ ವಿಶ್ವ॑ಸ್ಮಾ॒ದ್ಭುವ॑ನಾದಬೋಧಿ॒ ಜಯ᳚‌ನ್ತೀ॒ ವಾಜಂ᳚ ಬೃಹ॒ತೀ ಸನು॑ತ್ರೀ |
ಉ॒ಚ್ಚಾ ವ್ಯ॑ಖ್ಯದ್ಯುವ॒ತಿಃ ಪು॑ನ॒ರ್ಭೂರೋಷಾ ಅ॑ಗನ್ಪ್ರಥ॒ಮಾ ಪೂ॒ರ್ವಹೂ᳚ತೌ || 1.123.2
ಯದ॒ದ್ಯ ಭಾ॒ಗಂ ವಿ॒ಭಜಾ᳚ಸಿ॒ ನೃಭ್ಯ॒ ಉಷೋ᳚ ದೇವಿ ಮರ್ತ್ಯ॒ತ್ರಾ ಸು॑ಜಾತೇ |
ದೇ॒ವೋ ನೋ॒ ಅತ್ರ॑ ಸವಿ॒ತಾ ದಮೂ᳚ನಾ॒ ಅನಾ᳚ಗಸೋ ವೋಚತಿ॒ ಸೂರ್ಯಾ᳚ಯ || 1.123.3
ಗೃ॒ಹಂಗೃ॑ಹಮಹ॒ನಾ ಯಾ॒ತ್ಯಚ್ಛಾ᳚ ದಿ॒ವೇದಿ॑ವೇ॒ ಅಧಿ॒ ನಾಮಾ॒ ದಧಾ᳚ನಾ |
ಸಿಷಾ᳚ಸ‌ನ್ತೀ ದ್ಯೋತ॒ನಾ ಶಶ್ವ॒ದಾಗಾ॒ದಗ್ರ॑ಮಗ್ರ॒ಮಿದ್ಭ॑ಜತೇ॒ ವಸೂ᳚ನಾ‌ಮ್ || 1.123.4
ಭಗ॑ಸ್ಯ॒ ಸ್ವಸಾ॒ ವರು॑ಣಸ್ಯ ಜಾ॒ಮಿರುಷಃ॑ ಸೂನೃತೇ ಪ್ರಥ॒ಮಾ ಜ॑ರಸ್ವ |
ಪ॒ಶ್ಚಾ ಸ ದ॑ಘ್ಯಾ॒ ಯೋ ಅ॒ಘಸ್ಯ॑ ಧಾ॒ತಾ ಜಯೇ᳚ಮ॒ ತಂ ದಕ್ಷಿ॑ಣಯಾ॒ ರಥೇ᳚ನ || 1.123.5
ಉದೀ᳚ರತಾಂ ಸೂ॒ನೃತಾ॒ ಉತ್ಪುರಂ᳚ಧೀ॒ರುದ॒ಗ್ನಯಃ॑ ಶುಶುಚಾ॒ನಾಸೋ᳚ ಅಸ್ಥುಃ |
ಸ್ಪಾ॒ರ್ಹಾ ವಸೂ᳚ನಿ॒ ತಮ॒ಸಾಪ॑ಗೂಳ್ಹಾ॒ವಿಷ್ಕೃ᳚ಣ್ವ‌ನ್ತ್ಯು॒ಷಸೋ᳚ ವಿಭಾ॒ತೀಃ || 1.123.6
ಅಪಾ॒ನ್ಯದೇತ್ಯ॒ಭ್ಯ1॒᳚ನ್ಯದೇ᳚ತಿ॒ ವಿಷು॑ರೂಪೇ॒ ಅಹ॑ನೀ॒ ಸಂ ಚ॑ರೇತೇ |
ಪ॒ರಿ॒ಕ್ಷಿತೋ॒ಸ್ತಮೋ᳚ ಅ॒ನ್ಯಾ ಗುಹಾ᳚ಕ॒ರದ್ಯೌ᳚ದು॒ಷಾಃ ಶೋಶು॑ಚತಾ॒ ರಥೇ᳚ನ || 1.123.7
ಸ॒ದೃಶೀ᳚ರ॒ದ್ಯ ಸ॒ದೃಶೀ॒ರಿದು॒ ಶ್ವೋ ದೀ॒ರ್ಘಂ ಸ॑ಚ‌ನ್ತೇ॒ ವರು॑ಣಸ್ಯ॒ ಧಾಮ॑ |
ಅ॒ನ॒ವ॒ದ್ಯಾಸ್ತ್ರಿಂ॒ಶತಂ॒ ಯೋಜ॑ನಾ॒ನ್ಯೇಕೈ᳚ಕಾ॒ ಕ್ರತುಂ॒ ಪರಿ॑ ಯ‌ನ್ತಿ ಸ॒ದ್ಯಃ || 1.123.8
ಜಾ॒ನ॒ತ್ಯಹ್ನಃ॑ ಪ್ರಥ॒ಮಸ್ಯ॒ ನಾಮ॑ ಶು॒ಕ್ರಾ ಕೃ॒ಷ್ಣಾದ॑ಜನಿಷ್ಟ ಶ್ವಿತೀ॒ಚೀ |
ಋ॒ತಸ್ಯ॒ ಯೋಷಾ॒ ನ ಮಿ॑ನಾತಿ॒ ಧಾಮಾಹ॑ರಹರ್ನಿಷ್ಕೃ॒ತಮಾ॒ಚರ᳚‌ನ್ತೀ || 1.123.9
ಕ॒ನ್ಯೇ᳚ವ ತ॒ನ್ವಾ॒3॒॑ ಶಾಶ॑ದಾನಾಁ॒ ಏಷಿ॑ ದೇವಿ ದೇ॒ವಮಿಯ॑ಕ್ಷಮಾಣ‌ಮ್ |
ಸಂ॒ಸ್ಮಯ॑ಮಾನಾ ಯುವ॒ತಿಃ ಪು॒ರಸ್ತಾ᳚ದಾ॒ವಿರ್ವಕ್ಷಾಂ᳚ಸಿ ಕೃಣುಷೇ ವಿಭಾ॒ತೀ || 1.123.10
ಸು॒ಸಂ॒ಕಾ॒ಶಾ ಮಾ॒ತೃಮೃ॑ಷ್ಟೇವ॒ ಯೋಷಾ॒ವಿಸ್ತ॒ನ್ವಂ᳚ ಕೃಣುಷೇ ದೃ॒ಶೇ ಕ‌ಮ್ |
ಭ॒ದ್ರಾ ತ್ವಮು॑ಷೋ ವಿತ॒ರಂ ವ್ಯು॑ಚ್ಛ॒ ನ ತತ್ತೇ᳚ ಅ॒ನ್ಯಾ ಉ॒ಷಸೋ᳚ ನಶ‌ನ್ತ || 1.123.11
ಅಶ್ವಾ᳚ವತೀ॒ರ್ಗೋಮ॑ತೀರ್ವಿ॒ಶ್ವವಾ᳚ರಾ॒ ಯತ॑ಮಾನಾ ರ॒ಶ್ಮಿಭಿಃ॒ ಸೂರ್ಯ॑ಸ್ಯ |
ಪರಾ᳚ ಚ॒ ಯ‌ನ್ತಿ॒ ಪುನ॒ರಾ ಚ॑ ಯ‌ನ್ತಿ ಭ॒ದ್ರಾ ನಾಮ॒ ವಹ॑ಮಾನಾ ಉ॒ಷಾಸಃ॑ || 1.123.12
ಋ॒ತಸ್ಯ॑ ರ॒ಶ್ಮಿಮ॑ನು॒ಯಚ್ಛ॑ಮಾನಾ ಭ॒ದ್ರಂಭ॑ದ್ರಂ॒ ಕ್ರತು॑ಮ॒ಸ್ಮಾಸು॑ ಧೇಹಿ |
ಉಷೋ᳚ ನೋ ಅ॒ದ್ಯ ಸು॒ಹವಾ॒ ವ್ಯು॑ಚ್ಛಾ॒ಸ್ಮಾಸು॒ ರಾಯೋ᳚ ಮ॒ಘವ॑ತ್ಸು ಚ ಸ್ಯುಃ || 1.123.13

(1-13) ತ್ರಯೋದಶರ್ಚಸ್ಯಾಸ್ಯ ಸಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಉಷಾ ದೇವತಾ ತ್ರಿಷ್ಟುಪ್ ಛಂದಃ

ಉ॒ಷಾ ಉ॒ಚ್ಛ‌ನ್ತೀ᳚ ಸಮಿಧಾ॒ನೇ ಅ॒ಗ್ನಾ ಉ॒ದ್ಯ‌‌ನ್ತ್ಸೂರ್ಯ॑ ಉರ್ವಿ॒ಯಾ ಜ್ಯೋತಿ॑ರಶ್ರೇತ್ |
ದೇ॒ವೋ ನೋ॒ ಅತ್ರ॑ ಸವಿ॒ತಾ ನ್ವರ್ಥಂ॒ ಪ್ರಾಸಾ᳚ವೀದ್ದ್ವಿ॒ಪತ್ಪ್ರ ಚತು॑ಷ್ಪದಿ॒ತ್ಯೈ || 1.124.1
ಅಮಿ॑ನತೀ॒ ದೈವ್ಯಾ᳚ನಿ ವ್ರ॒ತಾನಿ॑ ಪ್ರಮಿನ॒ತೀ ಮ॑ನು॒ಷ್ಯಾ᳚ ಯು॒ಗಾನಿ॑ |
ಈ॒ಯುಷೀ᳚ಣಾಮುಪ॒ಮಾ ಶಶ್ವ॑ತೀನಾಮಾಯತೀ॒ನಾಂ ಪ್ರ॑ಥ॒ಮೋಷಾ ವ್ಯ॑ದ್ಯೌತ್ || 1.124.2
ಏ॒ಷಾ ದಿ॒ವೋ ದು॑ಹಿ॒ತಾ ಪ್ರತ್ಯ॑ದರ್ಶಿ॒ ಜ್ಯೋತಿ॒ರ್ವಸಾ᳚ನಾ ಸಮ॒ನಾ ಪು॒ರಸ್ತಾ᳚ತ್ |
ಋ॒ತಸ್ಯ॒ ಪ‌ನ್ಥಾ॒ಮನ್ವೇ᳚ತಿ ಸಾ॒ಧು ಪ್ರ॑ಜಾನ॒ತೀವ॒ ನ ದಿಶೋ᳚ ಮಿನಾತಿ || 1.124.3
ಉಪೋ᳚ ಅದರ್ಶಿ ಶುಂ॒ಧ್ಯುವೋ॒ ನ ವಕ್ಷೋ᳚ ನೋ॒ಧಾ ಇ॑ವಾ॒ವಿರ॑ಕೃತ ಪ್ರಿ॒ಯಾಣಿ॑ |
ಅ॒ದ್ಮ॒ಸನ್ನ ಸ॑ಸ॒ತೋ ಬೋ॒ಧಯ᳚‌ನ್ತೀ ಶಶ್ವತ್ತ॒ಮಾಗಾ॒ತ್ಪುನ॑ರೇ॒ಯುಷೀ᳚ಣಾ‌ಮ್ || 1.124.4
ಪೂರ್ವೇ॒ ಅರ್ಧೇ॒ ರಜ॑ಸೋ ಅ॒ಪ್ತ್ಯಸ್ಯ॒ ಗವಾಂ॒ ಜನಿ॑ತ್ರ್ಯಕೃತ॒ ಪ್ರ ಕೇ॒ತು‌ಮ್ |
ವ್ಯು॑ ಪ್ರಥತೇ ವಿತ॒ರಂ ವರೀ᳚ಯ॒ ಓಭಾ ಪೃ॒ಣ‌ನ್ತೀ᳚ ಪಿ॒ತ್ರೋರು॒ಪಸ್ಥಾ᳚ || 1.124.5
ಏ॒ವೇದೇ॒ಷಾ ಪು॑ರು॒ತಮಾ᳚ ದೃ॒ಶೇ ಕಂ ನಾಜಾ᳚ಮಿಂ॒ ನ ಪರಿ॑ ವೃಣಕ್ತಿ ಜಾ॒ಮಿ‌ಮ್ |
ಅ॒ರೇ॒ಪಸಾ᳚ ತ॒ನ್ವಾ॒3॒॑ ಶಾಶ॑ದಾನಾ॒ ನಾರ್ಭಾ॒ದೀಷ॑ತೇ॒ ನ ಮ॒ಹೋ ವಿ॑ಭಾ॒ತೀ || 1.124.6
ಅ॒ಭ್ರಾ॒ತೇವ॑ ಪುಂ॒ಸ ಏ᳚ತಿ ಪ್ರತೀ॒ಚೀ ಗ॑ರ್ತಾ॒ರುಗಿ॑ವ ಸ॒ನಯೇ॒ ಧನಾ᳚ನಾ‌ಮ್ |
ಜಾ॒ಯೇವ॒ ಪತ್ಯ॑ ಉಶ॒ತೀ ಸು॒ವಾಸಾ᳚ ಉ॒ಷಾ ಹ॒ಸ್ರೇವ॒ ನಿ ರಿ॑ಣೀತೇ॒ ಅಪ್ಸಃ॑ || 1.124.7
ಸ್ವಸಾ॒ ಸ್ವಸ್ರೇ॒ ಜ್ಯಾಯ॑ಸ್ಯೈ॒ ಯೋನಿ॑ಮಾರೈ॒ಗಪೈ᳚ತ್ಯಸ್ಯಾಃ ಪ್ರತಿ॒ಚಕ್ಷ್ಯೇ᳚ವ |
ವ್ಯು॒ಚ್ಛ‌ನ್ತೀ᳚ ರ॒ಶ್ಮಿಭಿಃ॒ ಸೂರ್ಯ॑ಸ್ಯಾಂ॒ಜ್ಯಂ᳚ಕ್ತೇ ಸಮನ॒ಗಾ ಇ॑ವ॒ ವ್ರಾಃ || 1.124.8
ಆ॒ಸಾಂ ಪೂರ್ವಾ᳚ಸಾ॒ಮಹ॑ಸು॒ ಸ್ವಸೄ᳚ಣಾ॒ಮಪ॑ರಾ॒ ಪೂರ್ವಾ᳚ಮ॒ಭ್ಯೇ᳚ತಿ ಪ॒ಶ್ಚಾತ್ |
ತಾಃ ಪ್ರ॑ತ್ನ॒ವನ್ನವ್ಯ॑ಸೀರ್ನೂ॒ನಮ॒ಸ್ಮೇ ರೇ॒ವದು॑ಚ್ಛ‌ನ್ತು ಸು॒ದಿನಾ᳚ ಉ॒ಷಾಸಃ॑ || 1.124.9
ಪ್ರ ಬೋ᳚ಧಯೋಷಃ ಪೃಣ॒ತೋ ಮ॑ಘೋ॒ನ್ಯಬು॑ಧ್ಯಮಾನಾಃ ಪ॒ಣಯಃ॑ ಸಸ‌ನ್ತು |
ರೇ॒ವದು॑ಚ್ಛ ಮ॒ಘವ॑ದ್ಭ್ಯೋ ಮಘೋನಿ ರೇ॒ವತ್ಸ್ತೋ॒ತ್ರೇ ಸೂ᳚ನೃತೇ ಜಾ॒ರಯ᳚‌ನ್ತೀ || 1.124.10
ಅವೇ॒ಯಮ॑ಶ್ವೈದ್ಯುವ॒ತಿಃ ಪು॒ರಸ್ತಾ᳚ದ್ಯುಂ॒ಕ್ತೇ ಗವಾ᳚ಮರು॒ಣಾನಾ॒ಮನೀ᳚ಕ‌ಮ್ |
ವಿ ನೂ॒ನಮು॑ಚ್ಛಾ॒ದಸ॑ತಿ॒ ಪ್ರ ಕೇ॒ತುರ್ಗೃ॒ಹಂಗೃ॑ಹ॒ಮುಪ॑ ತಿಷ್ಠಾತೇ ಅ॒ಗ್ನಿಃ || 1.124.11
ಉತ್ತೇ॒ ವಯ॑ಶ್ಚಿದ್ವಸ॒ತೇರ॑ಪಪ್ತ॒ನ್ನರ॑ಶ್ಚ॒ ಯೇ ಪಿ॑ತು॒ಭಾಜೋ॒ ವ್ಯು॑ಷ್ಟೌ |
ಅ॒ಮಾ ಸ॒ತೇ ವ॑ಹಸಿ॒ ಭೂರಿ॑ ವಾ॒ಮಮುಷೋ᳚ ದೇವಿ ದಾ॒ಶುಷೇ॒ ಮರ್ತ್ಯಾ᳚ಯ || 1.124.12
ಅಸ್ತೋ᳚ಢ್ವಂ ಸ್ತೋಮ್ಯಾ॒ ಬ್ರಹ್ಮ॑ಣಾ॒ ಮೇಽವೀ᳚ವೃಧಧ್ವಮುಶ॒ತೀರು॑ಷಾಸಃ |
ಯು॒ಷ್ಮಾಕಂ᳚ ದೇವೀ॒ರವ॑ಸಾ ಸನೇಮ ಸಹ॒ಸ್ರಿಣಂ᳚ ಚ ಶ॒ತಿನಂ᳚ ಚ॒ ವಾಜ‌ಮ್᳚ || 1.124.13

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ ಸ್ವನಯಮ್ಯ ದಾನಸ್ತುತಿದೇವತಾ (1-3, 6-7) ಪ್ರಥಮತೃಚಸ್ಯ ಷಷ್ಠೀಸಪ್ತಮ್ಯೋರೃಚೋಶ್ಚ ತ್ರಿಷ್ಟುಪ್ (4-5) ಚತುರ್ಥೀಪಂಚಮ್ಯೋಶ್ಚ ಜಗತೀ ಛಂದಸೀ

ಪ್ರಾ॒ತಾ ರತ್ನಂ᳚ ಪ್ರಾತ॒ರಿತ್ವಾ᳚ ದಧಾತಿ॒ ತಂ ಚಿ॑ಕಿ॒ತ್ವಾನ್ಪ್ರ॑ತಿ॒ಗೃಹ್ಯಾ॒ ನಿ ಧ॑ತ್ತೇ |
ತೇನ॑ ಪ್ರ॒ಜಾಂ ವ॒ರ್ಧಯ॑ಮಾನ॒ ಆಯೂ᳚ ರಾ॒ಯಸ್ಪೋಷೇ᳚ಣ ಸಚತೇ ಸು॒ವೀರಃ॑ || 1.125.1
ಸು॒ಗುರ॑ಸತ್ಸುಹಿರ॒ಣ್ಯಃ ಸ್ವಶ್ವೋ᳚ ಬೃ॒ಹದ॑ಸ್ಮೈ॒ ವಯ॒ ಇಂದ್ರೋ᳚ ದಧಾತಿ |
ಯಸ್ತ್ವಾ॒ಯ‌ನ್ತಂ॒ ವಸು॑ನಾ ಪ್ರಾತರಿತ್ವೋ ಮು॒ಕ್ಷೀಜ॑ಯೇವ॒ ಪದಿ॑ಮುತ್ಸಿ॒ನಾತಿ॑ || 1.125.2
ಆಯ॑ಮ॒ದ್ಯ ಸು॒ಕೃತಂ᳚ ಪ್ರಾ॒ತರಿ॒ಚ್ಛನ್ನಿ॒ಷ್ಟೇಃ ಪು॒ತ್ರಂ ವಸು॑ಮತಾ॒ ರಥೇ᳚ನ |
ಅಂ॒ಶೋಃ ಸು॒ತಂ ಪಾ᳚ಯಯ ಮತ್ಸ॒ರಸ್ಯ॑ ಕ್ಷ॒ಯದ್ವೀ᳚ರಂ ವರ್ಧಯ ಸೂ॒ನೃತಾ᳚ಭಿಃ || 1.125.3
ಉಪ॑ ಕ್ಷರ‌ನ್ತಿ॒ ಸಿಂಧ॑ವೋ ಮಯೋ॒ಭುವ॑ ಈಜಾ॒ನಂ ಚ॑ ಯ॒ಕ್ಷ್ಯಮಾ᳚ಣಂ ಚ ಧೇ॒ನವಃ॑ |
ಪೃ॒ಣ‌ನ್ತಂ᳚ ಚ॒ ಪಪು॑ರಿಂ ಚ ಶ್ರವ॒ಸ್ಯವೋ᳚ ಘೃ॒ತಸ್ಯ॒ ಧಾರಾ॒ ಉಪ॑ ಯ‌ನ್ತಿ ವಿ॒ಶ್ವತಃ॑ || 1.125.4
ನಾಕ॑ಸ್ಯ ಪೃ॒ಷ್ಠೇ ಅಧಿ॑ ತಿಷ್ಠತಿ ಶ್ರಿ॒ತೋ ಯಃ ಪೃ॒ಣಾತಿ॒ ಸ ಹ॑ ದೇ॒ವೇಷು॑ ಗಚ್ಛತಿ |
ತಸ್ಮಾ॒ ಆಪೋ᳚ ಘೃ॒ತಮ॑ರ್ಷ‌ನ್ತಿ॒ ಸಿಂಧ॑ವ॒ಸ್ತಸ್ಮಾ᳚ ಇ॒ಯಂ ದಕ್ಷಿ॑ಣಾ ಪಿನ್ವತೇ॒ ಸದಾ᳚ || 1.125.5
ದಕ್ಷಿ॑ಣಾವತಾ॒ಮಿದಿ॒ಮಾನಿ॑ ಚಿ॒ತ್ರಾ ದಕ್ಷಿ॑ಣಾವತಾಂ ದಿ॒ವಿ ಸೂರ್ಯಾ᳚ಸಃ |
ದಕ್ಷಿ॑ಣಾವ‌ನ್ತೋ ಅ॒ಮೃತಂ᳚ ಭಜ‌ನ್ತೇ॒ ದಕ್ಷಿ॑ಣಾವ‌ನ್ತಃ॒ ಪ್ರ ತಿ॑ರ‌ನ್ತ॒ ಆಯುಃ॑ || 1.125.6
ಮಾ ಪೃ॒ಣ‌ನ್ತೋ॒ ದುರಿ॑ತ॒ಮೇನ॒ ಆರ॒ನ್ಮಾ ಜಾ᳚ರಿಷುಃ ಸೂ॒ರಯಃ॑ ಸುವ್ರ॒ತಾಸಃ॑ |
ಅ॒ನ್ಯಸ್ತೇಷಾಂ᳚ ಪರಿ॒ಧಿರ॑ಸ್ತು॒ ಕಶ್ಚಿ॒ದಪೃ॑ಣ‌ನ್ತಮ॒ಭಿ ಸಂ ಯ᳚‌ನ್ತು॒ ಶೋಕಾಃ᳚ || 1.125.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ (1-5) ಪ್ರಥಮಾದಿಪಂಚರ್ಚಾಮೌಶಿಜೋ ದೈಘರ್ತ ಮಸಃ ಕಕ್ಷೀವಾನ್ (6) ಷಷ್ಠ್ಯಾಃ ಸ್ವನಯೋ ಭಾವಯವ್ಯ ಋಷೀ (7) ಸಪ್ತಮ್ಯಾಶ್ಚ ರೋಮಶಾ ಅಷಿಕಾ (1-5, 7) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾಶ್ಚ ಸ್ವನಯೋ ಭಾವಯವ್ಯಃ (6) ಷಷ್ಠ್ಯಾಶ್ಚ ರೋಮಶಾ ದೇವತೇ (1-5) ಪ್ರಥಮಾದಿಪಂಚ! ತ್ರಿಷ್ಟುಪ್ (6, 7) ಷಷ್ಠೀಸಪ್ತಮ್ಯೋಶ್ಚಾನಷ್ಟಪ ಛಂದಸೀ

ಅಮಂ᳚ದಾ॒‌‌ನ್ತ್ಸ್ತೋಮಾ॒ನ್ಪ್ರ ಭ॑ರೇ ಮನೀ॒ಷಾ ಸಿಂಧಾ॒ವಧಿ॑ ಕ್ಷಿಯ॒ತೋ ಭಾ॒ವ್ಯಸ್ಯ॑ |
ಯೋ ಮೇ᳚ ಸ॒ಹಸ್ರ॒ಮಮಿ॑ಮೀತ ಸ॒ವಾನ॒ತೂರ್ತೋ॒ ರಾಜಾ॒ ಶ್ರವ॑ ಇ॒ಚ್ಛಮಾ᳚ನಃ || 1.126.1
ಶ॒ತಂ ರಾಜ್ಞೋ॒ ನಾಧ॑ಮಾನಸ್ಯ ನಿ॒ಷ್ಕಾಂಛ॒ತಮಶ್ವಾ॒ನ್ಪ್ರಯ॑ತಾ‌‌ನ್ತ್ಸ॒ದ್ಯ ಆದ‌ಮ್᳚ |
ಶ॒ತಂ ಕ॒ಕ್ಷೀವಾಁ॒ ಅಸು॑ರಸ್ಯ॒ ಗೋನಾಂ᳚ ದಿ॒ವಿ ಶ್ರವೋ॒ಽಜರ॒ಮಾ ತ॑ತಾನ || 1.126.2
ಉಪ॑ ಮಾ ಶ್ಯಾ॒ವಾಃ ಸ್ವ॒ನಯೇ᳚ನ ದ॒ತ್ತಾ ವ॒ಧೂಮ᳚‌ನ್ತೋ॒ ದಶ॒ ರಥಾ᳚ಸೋ ಅಸ್ಥುಃ |
ಷ॒ಷ್ಟಿಃ ಸ॒ಹಸ್ರ॒ಮನು॒ ಗವ್ಯ॒ಮಾಗಾ॒ತ್ಸನ॑ತ್ಕ॒ಕ್ಷೀವಾಁ᳚ ಅಭಿಪಿ॒ತ್ವೇ ಅಹ್ನಾ᳚‌ಮ್ || 1.126.3
ಚ॒ತ್ವಾ॒ರಿಂ॒ಶದ್ದಶ॑ರಥಸ್ಯ॒ ಶೋಣಾಃ᳚ ಸ॒ಹಸ್ರ॒ಸ್ಯಾಗ್ರೇ॒ ಶ್ರೇಣಿಂ᳚ ನಯ‌ನ್ತಿ |
ಮ॒ದ॒ಚ್ಯುತಃ॑ ಕೃಶ॒ನಾವ॑ತೋ॒ ಅತ್ಯಾ᳚ನ್ಕ॒ಕ್ಷೀವ᳚‌ನ್ತ॒ ಉದ॑ಮೃಕ್ಷ‌ನ್ತ ಪ॒ಜ್ರಾಃ || 1.126.4
ಪೂರ್ವಾ॒ಮನು॒ ಪ್ರಯ॑ತಿ॒ಮಾ ದ॑ದೇ ವ॒ಸ್ತ್ರೀನ್ಯು॒ಕ್ತಾಁ ಅ॒ಷ್ಟಾವ॒ರಿಧಾ᳚ಯಸೋ॒ ಗಾಃ |
ಸು॒ಬಂಧ॑ವೋ॒ ಯೇ ವಿ॒ಶ್ಯಾ᳚ ಇವ॒ ವ್ರಾ ಅನ॑ಸ್ವ‌ನ್ತಃ॒ ಶ್ರವ॒ ಐಷ᳚‌ನ್ತ ಪ॒ಜ್ರಾಃ || 1.126.5
ಆಗ॑ಧಿತಾ॒ ಪರಿ॑ಗಧಿತಾ॒ ಯಾ ಕ॑ಶೀ॒ಕೇವ॒ ಜಂಗ॑ಹೇ |
ದದಾ᳚ತಿ॒ ಮಹ್ಯಂ॒ ಯಾದು॑ರೀ॒ ಯಾಶೂ᳚ನಾಂ ಭೋ॒ಜ್ಯಾ᳚ ಶ॒ತಾ || 1.126.6
ಉಪೋ᳚ಪ ಮೇ॒ ಪರಾ᳚ ಮೃಶ॒ ಮಾ ಮೇ᳚ ದ॒ಭ್ರಾಣಿ॑ ಮನ್ಯಥಾಃ |
ಸರ್ವಾ॒ಹಮ॑ಸ್ಮಿ ರೋಮ॒ಶಾ ಗಂ॒ಧಾರೀ᳚ಣಾಮಿವಾವಿ॒ಕಾ || 1.126.7

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಅಗ್ನಿರ್ದೇವತಾ,(1-5, 7-11) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾದಿಪಂಚಾನಾಂಚಾತ್ಯಷ್ಟಿಃ (6) ಷಷ್ಠ್ಯಾಶ್ಚಾಧೃತಿಶ್ಛಂದಸೀ

ಅ॒ಗ್ನಿಂ ಹೋತಾ᳚ರಂ ಮನ್ಯೇ॒ ದಾಸ್ವ᳚‌ನ್ತಂ॒ ವಸುಂ᳚ ಸೂ॒ನುಂ ಸಹ॑ಸೋ ಜಾ॒ತವೇ᳚ದಸಂ॒ ವಿಪ್ರಂ॒ ನ ಜಾ॒ತವೇ᳚ದಸ‌ಮ್ |
ಯ ಊ॒ರ್ಧ್ವಯಾ᳚ ಸ್ವಧ್ವ॒ರೋ ದೇ॒ವೋ ದೇ॒ವಾಚ್ಯಾ᳚ ಕೃ॒ಪಾ |
ಘೃ॒ತಸ್ಯ॒ ವಿಭ್ರಾ᳚ಷ್ಟಿ॒ಮನು॑ ವಷ್ಟಿ ಶೋ॒ಚಿಷಾ॒ಜುಹ್ವಾ᳚ನಸ್ಯ ಸ॒ರ್ಪಿಷಃ॑ || 1.127.1
ಯಜಿ॑ಷ್ಠಂ ತ್ವಾ॒ ಯಜ॑ಮಾನಾ ಹುವೇಮ॒ ಜ್ಯೇಷ್ಠ॒ಮಂಗಿ॑ರಸಾಂ ವಿಪ್ರ॒ ಮನ್ಮ॑ಭಿ॒ರ್ವಿಪ್ರೇ᳚ಭಿಃ ಶುಕ್ರ॒ ಮನ್ಮ॑ಭಿಃ |
ಪರಿ॑ಜ್ಮಾನಮಿವ॒ ದ್ಯಾಂ ಹೋತಾ᳚ರಂ ಚರ್ಷಣೀ॒ನಾ‌ಮ್ |
ಶೋ॒ಚಿಷ್ಕೇ᳚ಶಂ॒ ವೃಷ॑ಣಂ॒ ಯಮಿ॒ಮಾ ವಿಶಃ॒ ಪ್ರಾವ᳚‌ನ್ತು ಜೂ॒ತಯೇ॒ ವಿಶಃ॑ || 1.127.2
ಸ ಹಿ ಪು॒ರೂ ಚಿ॒ದೋಜ॑ಸಾ ವಿ॒ರುಕ್ಮ॑ತಾ॒ ದೀದ್ಯಾ᳚ನೋ॒ ಭವ॑ತಿ ದ್ರುಹಂತ॒ರಃ ಪ॑ರ॒ಶುರ್ನ ದ್ರು॑ಹಂತ॒ರಃ |
ವೀ॒ಳು ಚಿ॒ದ್ಯಸ್ಯ॒ ಸಮೃ॑ತೌ॒ ಶ್ರುವ॒ದ್ವನೇ᳚ವ॒ ಯತ್ಸ್ಥಿ॒ರ‌ಮ್ |
ನಿಃ॒ಷಹ॑ಮಾಣೋ ಯಮತೇ॒ ನಾಯ॑ತೇ ಧನ್ವಾ॒ಸಹಾ॒ ನಾಯ॑ತೇ || 1.127.3
ದೃ॒ಳ್ಹಾ ಚಿ॑ದಸ್ಮಾ॒ ಅನು॑ ದು॒ರ್ಯಥಾ᳚ ವಿ॒ದೇ ತೇಜಿ॑ಷ್ಠಾಭಿರ॒ರಣಿ॑ಭಿರ್ದಾ॒ಷ್ಟ್ಯವ॑ಸೇ॒ಽಗ್ನಯೇ᳚ ದಾ॒ಷ್ಟ್ಯವ॑ಸೇ |
ಪ್ರ ಯಃ ಪು॒ರೂಣಿ॒ ಗಾಹ॑ತೇ॒ ತಕ್ಷ॒ದ್ವನೇ᳚ವ ಶೋ॒ಚಿಷಾ᳚ |
ಸ್ಥಿ॒ರಾ ಚಿ॒ದನ್ನಾ॒ ನಿ ರಿ॑ಣಾ॒ತ್ಯೋಜ॑ಸಾ॒ ನಿ ಸ್ಥಿ॒ರಾಣಿ॑ ಚಿ॒ದೋಜ॑ಸಾ || 1.127.4
ತಮ॑ಸ್ಯ ಪೃ॒ಕ್ಷಮುಪ॑ರಾಸು ಧೀಮಹಿ॒ ನಕ್ತಂ॒ ಯಃ ಸು॒ದರ್ಶ॑ತರೋ॒ ದಿವಾ᳚ತರಾ॒ದಪ್ರಾ᳚ಯುಷೇ॒ ದಿವಾ᳚ತರಾತ್ |
ಆದ॒ಸ್ಯಾಯು॒ರ್ಗ್ರಭ॑ಣವದ್ವೀ॒ಳು ಶರ್ಮ॒ ನ ಸೂ॒ನವೇ᳚ |
ಭ॒ಕ್ತಮಭ॑ಕ್ತ॒ಮವೋ॒ ವ್ಯ‌ನ್ತೋ᳚ ಅ॒ಜರಾ᳚ ಅ॒ಗ್ನಯೋ॒ ವ್ಯ‌ನ್ತೋ᳚ ಅ॒ಜರಾಃ᳚ || 1.127.5
ಸ ಹಿ ಶರ್ಧೋ॒ ನ ಮಾರು॑ತಂ ತುವಿ॒ಷ್ವಣಿ॒ರಪ್ನ॑ಸ್ವತೀಷೂ॒ರ್ವರಾ᳚ಸ್ವಿ॒ಷ್ಟನಿ॒ರಾರ್ತ॑ನಾಸ್ವಿ॒ಷ್ಟನಿಃ॑ |
ಆದ॑ದ್ಧ॒ವ್ಯಾನ್ಯಾ᳚ದ॒ದಿರ್ಯ॒ಜ್ಞಸ್ಯ॑ ಕೇ॒ತುರ॒ರ್ಹಣಾ᳚ |
ಅಧ॑ ಸ್ಮಾಸ್ಯ॒ ಹರ್ಷ॑ತೋ॒ ಹೃಷೀ᳚ವತೋ॒ ವಿಶ್ವೇ᳚ ಜುಷ‌ನ್ತ॒ ಪ‌ನ್ಥಾಂ॒ ನರಃ॑ ಶು॒ಭೇ ನ ಪ‌ನ್ಥಾ᳚‌ಮ್ || 1.127.6
ದ್ವಿ॒ತಾ ಯದೀಂ᳚ ಕೀ॒ಸ್ತಾಸೋ᳚ ಅ॒ಭಿದ್ಯ॑ವೋ ನಮ॒ಸ್ಯ‌ನ್ತ॑ ಉಪ॒ವೋಚ᳚‌ನ್ತ॒ ಭೃಗ॑ವೋ ಮ॒ಥ್ನ‌ನ್ತೋ᳚ ದಾ॒ಶಾ ಭೃಗ॑ವಃ |
ಅ॒ಗ್ನಿರೀ᳚ಶೇ॒ ವಸೂ᳚ನಾಂ॒ ಶುಚಿ॒ರ್ಯೋ ಧ॒ರ್ಣಿರೇ᳚ಷಾ‌ಮ್ |
ಪ್ರಿ॒ಯಾಁ ಅ॑ಪಿ॒ಧೀಁರ್ವ॑ನಿಷೀಷ್ಟ॒ ಮೇಧಿ॑ರ॒ ಆ ವ॑ನಿಷೀಷ್ಟ॒ ಮೇಧಿ॑ರಃ || 1.127.7
ವಿಶ್ವಾ᳚ಸಾಂ ತ್ವಾ ವಿ॒ಶಾಂ ಪತಿಂ᳚ ಹವಾಮಹೇ॒ ಸರ್ವಾ᳚ಸಾಂ ಸಮಾ॒ನಂ ದಂಪ॑ತಿಂ ಭು॒ಜೇ ಸ॒ತ್ಯಗಿ᳚ರ್ವಾಹಸಂ ಭು॒ಜೇ |
ಅತಿ॑ಥಿಂ॒ ಮಾನು॑ಷಾಣಾಂ ಪಿ॒ತುರ್ನ ಯಸ್ಯಾ᳚ಸ॒ಯಾ |
ಅ॒ಮೀ ಚ॒ ವಿಶ್ವೇ᳚ ಅ॒ಮೃತಾ᳚ಸ॒ ಆ ವಯೋ᳚ ಹ॒ವ್ಯಾ ದೇ॒ವೇಷ್ವಾ ವಯಃ॑ || 1.127.8
ತ್ವಮ॑ಗ್ನೇ॒ ಸಹ॑ಸಾ॒ ಸಹ᳚‌ನ್ತಮಃ ಶು॒ಷ್ಮಿ‌ನ್ತ॑ಮೋ ಜಾಯಸೇ ದೇ॒ವತಾ᳚ತಯೇ ರ॒ಯಿರ್ನ ದೇ॒ವತಾ᳚ತಯೇ |
ಶು॒ಷ್ಮಿ‌ನ್ತ॑ಮೋ॒ ಹಿ ತೇ॒ ಮದೋ᳚ ದ್ಯು॒ಮ್ನಿ‌ನ್ತ॑ಮ ಉ॒ತ ಕ್ರತುಃ॑ |
ಅಧ॑ ಸ್ಮಾ ತೇ॒ ಪರಿ॑ ಚರ‌ನ್ತ್ಯಜರ ಶ್ರುಷ್ಟೀ॒ವಾನೋ॒ ನಾಜ॑ರ || 1.127.9
ಪ್ರ ವೋ᳚ ಮ॒ಹೇ ಸಹ॑ಸಾ॒ ಸಹ॑ಸ್ವತ ಉಷ॒ರ್ಬುಧೇ᳚ ಪಶು॒ಷೇ ನಾಗ್ನಯೇ॒ ಸ್ತೋಮೋ᳚ ಬಭೂತ್ವ॒ಗ್ನಯೇ᳚ |
ಪ್ರತಿ॒ ಯದೀಂ᳚ ಹ॒ವಿಷ್ಮಾ॒ನ್ವಿಶ್ವಾ᳚ಸು॒ ಕ್ಷಾಸು॒ ಜೋಗು॑ವೇ |
ಅಗ್ರೇ᳚ ರೇ॒ಭೋ ನ ಜ॑ರತ ಋಷೂ॒ಣಾಂ ಜೂರ್ಣಿ॒ರ್ಹೋತ॑ ಋಷೂ॒ಣಾ‌ಮ್ || 1.127.10
ಸ ನೋ॒ ನೇದಿ॑ಷ್ಠಂ॒ ದದೃ॑ಶಾನ॒ ಆ ಭ॒ರಾಗ್ನೇ᳚ ದೇ॒ವೇಭಿಃ॒ ಸಚ॑ನಾಃ ಸುಚೇ॒ತುನಾ᳚ ಮ॒ಹೋ ರಾ॒ಯಃ ಸು॑ಚೇ॒ತುನಾ᳚ |
ಮಹಿ॑ ಶವಿಷ್ಠ ನಸ್ಕೃಧಿ ಸಂ॒ಚಕ್ಷೇ᳚ ಭು॒ಜೇ ಅ॒ಸ್ಯೈ |
ಮಹಿ॑ ಸ್ತೋ॒ತೃಭ್ಯೋ᳚ ಮಘವ‌‌ನ್ತ್ಸು॒ವೀರ್ಯಂ॒ ಮಥೀ᳚ರು॒ಗ್ರೋ ನ ಶವ॑ಸಾ || 1.127.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಅಗ್ನಿರ್ದೇವತಾ,ಅತ್ಯಷ್ಟಿಶ್ಛಂದಃ

ಅ॒ಯಂ ಜಾ᳚ಯತ॒ ಮನು॑ಷೋ॒ ಧರೀ᳚ಮಣಿ॒ ಹೋತಾ॒ ಯಜಿ॑ಷ್ಠ ಉ॒ಶಿಜಾ॒ಮನು᳚ ವ್ರ॒ತಮ॒ಗ್ನಿಃ ಸ್ವಮನು᳚ ವ್ರ॒ತ‌ಮ್ |
ವಿ॒ಶ್ವಶ್ರು॑ಷ್ಟಿಃ ಸಖೀಯ॒ತೇ ರ॒ಯಿರಿ॑ವ ಶ್ರವಸ್ಯ॒ತೇ |
ಅದ॑ಬ್ಧೋ॒ ಹೋತಾ॒ ನಿ ಷ॑ದದಿ॒ಳಸ್ಪ॒ದೇ ಪರಿ॑ವೀತ ಇ॒ಳಸ್ಪ॒ದೇ || 1.128.1
ತಂ ಯ॑ಜ್ಞ॒ಸಾಧ॒ಮಪಿ॑ ವಾತಯಾಮಸ್ಯೃ॒ತಸ್ಯ॑ ಪ॒ಥಾ ನಮ॑ಸಾ ಹ॒ವಿಷ್ಮ॑ತಾ ದೇ॒ವತಾ᳚ತಾ ಹ॒ವಿಷ್ಮ॑ತಾ |
ಸ ನ॑ ಊ॒ರ್ಜಾಮು॒ಪಾಭೃ॑ತ್ಯ॒ಯಾ ಕೃ॒ಪಾ ನ ಜೂ᳚ರ್ಯತಿ |
ಯಂ ಮಾ᳚ತ॒ರಿಶ್ವಾ॒ ಮನ॑ವೇ ಪರಾ॒ವತೋ᳚ ದೇ॒ವಂ ಭಾಃ ಪ॑ರಾ॒ವತಃ॑ || 1.128.2
ಏವೇ᳚ನ ಸ॒ದ್ಯಃ ಪರ್ಯೇ᳚ತಿ॒ ಪಾರ್ಥಿ॑ವಂ ಮುಹು॒ರ್ಗೀ ರೇತೋ᳚ ವೃಷ॒ಭಃ ಕನಿ॑ಕ್ರದ॒ದ್ದಧ॒ದ್ರೇತಃ॒ ಕನಿ॑ಕ್ರದತ್ |
ಶ॒ತಂ ಚಕ್ಷಾ᳚ಣೋ ಅ॒ಕ್ಷಭಿ॑ರ್ದೇ॒ವೋ ವನೇ᳚ಷು ತು॒ರ್ವಣಿಃ॑ |
ಸದೋ॒ ದಧಾ᳚ನ॒ ಉಪ॑ರೇಷು॒ ಸಾನು॑ಷ್ವ॒ಗ್ನಿಃ ಪರೇ᳚ಷು॒ ಸಾನು॑ಷು || 1.128.3
ಸ ಸು॒ಕ್ರತುಃ॑ ಪು॒ರೋಹಿ॑ತೋ॒ ದಮೇ᳚ದಮೇ॒ಽಗ್ನಿರ್ಯ॒ಜ್ಞಸ್ಯಾ᳚ಧ್ವ॒ರಸ್ಯ॑ ಚೇತತಿ॒ ಕ್ರತ್ವಾ᳚ ಯ॒ಜ್ಞಸ್ಯ॑ ಚೇತತಿ |
ಕ್ರತ್ವಾ᳚ ವೇ॒ಧಾ ಇ॑ಷೂಯ॒ತೇ ವಿಶ್ವಾ᳚ ಜಾ॒ತಾನಿ॑ ಪಸ್ಪಶೇ |
ಯತೋ᳚ ಘೃತ॒ಶ್ರೀರತಿ॑ಥಿ॒ರಜಾ᳚ಯತ॒ ವಹ್ನಿ᳚ರ್ವೇ॒ಧಾ ಅಜಾ᳚ಯತ || 1.128.4
ಕ್ರತ್ವಾ॒ ಯದ॑ಸ್ಯ॒ ತವಿ॑ಷೀಷು ಪೃಂ॒ಚತೇ॒ಽಗ್ನೇರವೇ᳚ಣ ಮ॒ರುತಾಂ॒ ನ ಭೋ॒ಜ್ಯೇ᳚ಷಿ॒ರಾಯ॒ ನ ಭೋ॒ಜ್ಯಾ᳚ |
ಸ ಹಿ ಷ್ಮಾ॒ ದಾನ॒ಮಿನ್ವ॑ತಿ॒ ವಸೂ᳚ನಾಂ ಚ ಮ॒ಜ್ಮನಾ᳚ |
ಸ ನ॑ಸ್ತ್ರಾಸತೇ ದುರಿ॒ತಾದ॑ಭಿ॒ಹ್ರುತಃ॒ ಶಂಸಾ᳚ದ॒ಘಾದ॑ಭಿ॒ಹ್ರುತಃ॑ || 1.128.5
ವಿಶ್ವೋ॒ ವಿಹಾ᳚ಯಾ ಅರ॒ತಿರ್ವಸು॑ರ್ದಧೇ॒ ಹಸ್ತೇ॒ ದಕ್ಷಿ॑ಣೇ ತ॒ರಣಿ॒ರ್ನ ಶಿ॑ಶ್ರಥಚ್ಛ್ರವ॒ಸ್ಯಯಾ॒ ನ ಶಿ॑ಶ್ರಥತ್ |
ವಿಶ್ವ॑ಸ್ಮಾ॒ ಇದಿ॑ಷುಧ್ಯ॒ತೇ ದೇ᳚ವ॒ತ್ರಾ ಹ॒ವ್ಯಮೋಹಿ॑ಷೇ |
ವಿಶ್ವ॑ಸ್ಮಾ॒ ಇತ್ಸು॒ಕೃತೇ॒ ವಾರ॑ಮೃಣ್ವತ್ಯ॒ಗ್ನಿರ್ದ್ವಾರಾ॒ ವ್ಯೃ᳚ಣ್ವತಿ || 1.128.6
ಸ ಮಾನು॑ಷೇ ವೃ॒ಜನೇ॒ ಶಂತ॑ಮೋ ಹಿ॒ತೋ॒3॒॑ಽಗ್ನಿರ್ಯ॒ಜ್ಞೇಷು॒ ಜೇನ್ಯೋ॒ ನ ವಿ॒ಶ್ಪತಿಃ॑ ಪ್ರಿ॒ಯೋ ಯ॒ಜ್ಞೇಷು॑ ವಿ॒ಶ್ಪತಿಃ॑ |
ಸ ಹ॒ವ್ಯಾ ಮಾನು॑ಷಾಣಾಮಿ॒ಳಾ ಕೃ॒ತಾನಿ॑ ಪತ್ಯತೇ |
ಸ ನ॑ಸ್ತ್ರಾಸತೇ॒ ವರು॑ಣಸ್ಯ ಧೂ॒ರ್ತೇರ್ಮ॒ಹೋ ದೇ॒ವಸ್ಯ॑ ಧೂ॒ರ್ತೇಃ || 1.128.7
ಅ॒ಗ್ನಿಂ ಹೋತಾ᳚ರಮೀಳತೇ॒ ವಸು॑ಧಿತಿಂ ಪ್ರಿ॒ಯಂ ಚೇತಿ॑ಷ್ಠಮರ॒ತಿಂ ನ್ಯೇ᳚ರಿರೇ ಹವ್ಯ॒ವಾಹಂ॒ ನ್ಯೇ᳚ರಿರೇ |
ವಿ॒ಶ್ವಾಯುಂ᳚ ವಿ॒ಶ್ವವೇ᳚ದಸಂ॒ ಹೋತಾ᳚ರಂ ಯಜ॒ತಂ ಕ॒ವಿ‌ಮ್ |
ದೇ॒ವಾಸೋ᳚ ರ॒ಣ್ವಮವ॑ಸೇ ವಸೂ॒ಯವೋ᳚ ಗೀ॒ರ್ಭೀ ರ॒ಣ್ವಂ ವ॑ಸೂ॒ಯವಃ॑ || 1.128.8

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ (1-5, 7-11) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾದಿಪಂಚಾನಾಂಚೇಂದ್ರಃ (6) ಷಷ್ಠ್ಯಾಶ್ಚೇಂದುದರ್ವೇ ತೇ (1-7, 10) ಪ್ರಥಮಾದಿಸಪ್ತಾನಾಂ ದಶಮ್ಯಾಶ್ಚಾತ್ಯಷ್ಟಿಃ (8-9) ಅಷ್ಟಮೀನವಮ್ಯೋರತಿಶಕ್ವರೀ (11) ಏಕಾದಶ್ಯಾಶ್ಚಾಷ್ಟಿಶ್ಛಂದಾಂಸಿ

ಯಂ ತ್ವಂ ರಥ॑ಮಿಂದ್ರ ಮೇ॒ಧಸಾ᳚ತಯೇಽಪಾ॒ಕಾ ಸ‌ನ್ತ॑ಮಿಷಿರ ಪ್ರ॒ಣಯ॑ಸಿ॒ ಪ್ರಾನ॑ವದ್ಯ॒ ನಯ॑ಸಿ |
ಸ॒ದ್ಯಶ್ಚಿ॒ತ್ತಮ॒ಭಿಷ್ಟ॑ಯೇ॒ ಕರೋ॒ ವಶ॑ಶ್ಚ ವಾ॒ಜಿನ‌ಮ್᳚ |
ಸಾಸ್ಮಾಕ॑ಮನವದ್ಯ ತೂತುಜಾನ ವೇ॒ಧಸಾ᳚ಮಿ॒ಮಾಂ ವಾಚಂ॒ ನ ವೇ॒ಧಸಾ᳚‌ಮ್ || 1.129.1
ಸ ಶ್ರು॑ಧಿ॒ ಯಃ ಸ್ಮಾ॒ ಪೃತ॑ನಾಸು॒ ಕಾಸು॑ ಚಿದ್ದ॒ಕ್ಷಾಯ್ಯ॑ ಇಂದ್ರ॒ ಭರ॑ಹೂತಯೇ॒ ನೃಭಿ॒ರಸಿ॒ ಪ್ರತೂ᳚ರ್ತಯೇ॒ ನೃಭಿಃ॑ |
ಯಃ ಶೂರೈಃ॒ ಸ್ವ1॒ಃ॑ ಸನಿ॑ತಾ॒ ಯೋ ವಿಪ್ರೈ॒ರ್ವಾಜಂ॒ ತರು॑ತಾ |
ತಮೀ᳚ಶಾ॒ನಾಸ॑ ಇರಧ‌ನ್ತ ವಾ॒ಜಿನಂ᳚ ಪೃ॒ಕ್ಷಮತ್ಯಂ॒ ನ ವಾ॒ಜಿನ‌ಮ್᳚ || 1.129.2
ದ॒ಸ್ಮೋ ಹಿ ಷ್ಮಾ॒ ವೃಷ॑ಣಂ॒ ಪಿನ್ವ॑ಸಿ॒ ತ್ವಚಂ॒ ಕಂ ಚಿ॑ದ್ಯಾವೀರ॒ರರುಂ᳚ ಶೂರ॒ ಮರ್ತ್ಯಂ᳚ ಪರಿವೃ॒ಣಕ್ಷಿ॒ ಮರ್ತ್ಯ‌ಮ್᳚ |
ಇಂದ್ರೋ॒ತ ತುಭ್ಯಂ॒ ತದ್ದಿ॒ವೇ ತದ್ರು॒ದ್ರಾಯ॒ ಸ್ವಯ॑ಶಸೇ |
ಮಿ॒ತ್ರಾಯ॑ ವೋಚಂ॒ ವರು॑ಣಾಯ ಸ॒ಪ್ರಥಃ॑ ಸುಮೃಳೀ॒ಕಾಯ॑ ಸ॒ಪ್ರಥಃ॑ || 1.129.3
ಅ॒ಸ್ಮಾಕಂ᳚ ವ॒ ಇಂದ್ರ॑ಮುಶ್ಮಸೀ॒ಷ್ಟಯೇ॒ ಸಖಾ᳚ಯಂ ವಿ॒ಶ್ವಾಯುಂ᳚ ಪ್ರಾ॒ಸಹಂ॒ ಯುಜಂ॒ ವಾಜೇ᳚ಷು ಪ್ರಾ॒ಸಹಂ॒ ಯುಜ‌ಮ್᳚ |
ಅ॒ಸ್ಮಾಕಂ॒ ಬ್ರಹ್ಮೋ॒ತಯೇಽವಾ᳚ ಪೃ॒ತ್ಸುಷು॒ ಕಾಸು॑ ಚಿತ್ |
ನ॒ಹಿ ತ್ವಾ॒ ಶತ್ರುಃ॒ ಸ್ತರ॑ತೇ ಸ್ತೃ॒ಣೋಷಿ॒ ಯಂ ವಿಶ್ವಂ॒ ಶತ್ರುಂ᳚ ಸ್ತೃ॒ಣೋಷಿ॒ ಯ‌ಮ್ || 1.129.4
ನಿ ಷೂ ನ॒ಮಾತಿ॑ಮತಿಂ॒ ಕಯ॑ಸ್ಯ ಚಿ॒ತ್ತೇಜಿ॑ಷ್ಠಾಭಿರ॒ರಣಿ॑ಭಿ॒ರ್ನೋತಿಭಿ॑ರು॒ಗ್ರಾಭಿ॑ರುಗ್ರೋ॒ತಿಭಿಃ॑ |
ನೇಷಿ॑ ಣೋ॒ ಯಥಾ᳚ ಪು॒ರಾನೇ॒ನಾಃ ಶೂ᳚ರ॒ ಮನ್ಯ॑ಸೇ |
ವಿಶ್ವಾ᳚ನಿ ಪೂ॒ರೋರಪ॑ ಪರ್ಷಿ॒ ವಹ್ನಿ॑ರಾ॒ಸಾ ವಹ್ನಿ᳚ರ್ನೋ॒ ಅಚ್ಛ॑ || 1.129.5
ಪ್ರ ತದ್ವೋ᳚ಚೇಯಂ॒ ಭವ್ಯಾ॒ಯೇಂದ॑ವೇ॒ ಹವ್ಯೋ॒ ನ ಯ ಇ॒ಷವಾ॒ನ್ಮನ್ಮ॒ ರೇಜ॑ತಿ ರಕ್ಷೋ॒ಹಾ ಮನ್ಮ॒ ರೇಜ॑ತಿ |
ಸ್ವ॒ಯಂ ಸೋ ಅ॒ಸ್ಮದಾ ನಿ॒ದೋ ವ॒ಧೈರ॑ಜೇತ ದುರ್ಮ॒ತಿ‌ಮ್ |
ಅವ॑ ಸ್ರವೇದ॒ಘಶಂ᳚ಸೋಽವತ॒ರಮವ॑ ಕ್ಷು॒ದ್ರಮಿ॑ವ ಸ್ರವೇತ್ || 1.129.6
ವ॒ನೇಮ॒ ತದ್ಧೋತ್ರ॑ಯಾ ಚಿ॒ತ‌ನ್ತ್ಯಾ᳚ ವ॒ನೇಮ॑ ರ॒ಯಿಂ ರ॑ಯಿವಃ ಸು॒ವೀರ್ಯಂ᳚ ರ॒ಣ್ವಂ ಸ‌ನ್ತಂ᳚ ಸು॒ವೀರ್ಯ‌ಮ್᳚ |
ದು॒ರ್ಮನ್ಮಾ᳚ನಂ ಸು॒ಮ‌ನ್ತು॑ಭಿ॒ರೇಮಿ॒ಷಾ ಪೃ॑ಚೀಮಹಿ |
ಆ ಸ॒ತ್ಯಾಭಿ॒ರಿಂದ್ರಂ᳚ ದ್ಯು॒ಮ್ನಹೂ᳚ತಿಭಿ॒ರ್ಯಜ॑ತ್ರಂ ದ್ಯು॒ಮ್ನಹೂ᳚ತಿಭಿಃ || 1.129.7
ಪ್ರಪ್ರಾ᳚ ವೋ ಅ॒ಸ್ಮೇ ಸ್ವಯ॑ಶೋಭಿರೂ॒ತೀ ಪ॑ರಿವ॒ರ್ಗ ಇಂದ್ರೋ᳚ ದುರ್ಮತೀ॒ನಾಂ ದರೀ᳚ಮಂದುರ್ಮತೀ॒ನಾ‌ಮ್ |
ಸ್ವ॒ಯಂ ಸಾ ರಿ॑ಷ॒ಯಧ್ಯೈ॒ ಯಾ ನ॑ ಉಪೇ॒ಷೇ ಅ॒ತ್ರೈಃ |
ಹ॒ತೇಮ॑ಸ॒ನ್ನ ವ॑ಕ್ಷತಿ ಕ್ಷಿ॒ಪ್ತಾ ಜೂ॒ರ್ಣಿರ್ನ ವ॑ಕ್ಷತಿ || 1.129.8
ತ್ವಂ ನ॑ ಇಂದ್ರ ರಾ॒ಯಾ ಪರೀ᳚ಣಸಾ ಯಾ॒ಹಿ ಪ॒ಥಾಁ ಅ॑ನೇ॒ಹಸಾ᳚ ಪು॒ರೋ ಯಾ᳚ಹ್ಯರ॒ಕ್ಷಸಾ᳚ |
ಸಚ॑ಸ್ವ ನಃ ಪರಾ॒ಕ ಆ ಸಚ॑ಸ್ವಾಸ್ತಮೀ॒ಕ ಆ |
ಪಾ॒ಹಿ ನೋ᳚ ದೂ॒ರಾದಾ॒ರಾದ॒ಭಿಷ್ಟಿ॑ಭಿಃ॒ ಸದಾ᳚ ಪಾಹ್ಯ॒ಭಿಷ್ಟಿ॑ಭಿಃ || 1.129.9
ತ್ವಂ ನ॑ ಇಂದ್ರ ರಾ॒ಯಾ ತರೂ᳚ಷಸೋ॒ಗ್ರಂ ಚಿ॑ತ್ತ್ವಾ ಮಹಿ॒ಮಾ ಸ॑ಕ್ಷ॒ದವ॑ಸೇ ಮ॒ಹೇ ಮಿ॒ತ್ರಂ ನಾವ॑ಸೇ |
ಓಜಿ॑ಷ್ಠ॒ ತ್ರಾತ॒ರವಿ॑ತಾ॒ ರಥಂ॒ ಕಂ ಚಿ॑ದಮರ್ತ್ಯ |
ಅ॒ನ್ಯಮ॒ಸ್ಮದ್ರಿ॑ರಿಷೇಃ॒ ಕಂ ಚಿ॑ದದ್ರಿವೋ॒ ರಿರಿ॑ಕ್ಷ‌ನ್ತಂ ಚಿದದ್ರಿವಃ || 1.129.10
ಪಾ॒ಹಿ ನ॑ ಇಂದ್ರ ಸುಷ್ಟುತ ಸ್ರಿ॒ಧೋ᳚ಽವಯಾ॒ತಾ ಸದ॒ಮಿದ್ದು᳚ರ್ಮತೀ॒ನಾಂ ದೇ॒ವಃ ಸಂದು᳚ರ್ಮತೀ॒ನಾ‌ಮ್ |
ಹ॒‌ನ್ತಾ ಪಾ॒ಪಸ್ಯ॑ ರ॒ಕ್ಷಸ॑ಸ್ತ್ರಾ॒ತಾ ವಿಪ್ರ॑ಸ್ಯ॒ ಮಾವ॑ತಃ |
ಅಧಾ॒ ಹಿ ತ್ವಾ᳚ ಜನಿ॒ತಾ ಜೀಜ॑ನದ್ವಸೋ ರಕ್ಷೋ॒ಹಣಂ᳚ ತ್ವಾ॒ ಜೀಜ॑ನದ್ವಸೋ || 1.129.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಇಂದ್ರೋ ದೇವತಾ (19) ಪ್ರಥಮಾದಿನವರ್ಚಾಮತ್ಯಷ್ಟಿಃ (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಏಂದ್ರ॑ ಯಾ॒ಹ್ಯುಪ॑ ನಃ ಪರಾ॒ವತೋ॒ ನಾಯಮಚ್ಛಾ᳚ ವಿ॒ದಥಾ᳚ನೀವ॒ ಸತ್ಪ॑ತಿ॒ರಸ್ತಂ॒ ರಾಜೇ᳚ವ॒ ಸತ್ಪ॑ತಿಃ |
ಹವಾ᳚ಮಹೇ ತ್ವಾ ವ॒ಯಂ ಪ್ರಯ॑ಸ್ವ‌ನ್ತಃ ಸು॒ತೇ ಸಚಾ᳚ |
ಪು॒ತ್ರಾಸೋ॒ ನ ಪಿ॒ತರಂ॒ ವಾಜ॑ಸಾತಯೇ॒ ಮಂಹಿ॑ಷ್ಠಂ॒ ವಾಜ॑ಸಾತಯೇ || 1.130.1
ಪಿಬಾ॒ ಸೋಮ॑ಮಿಂದ್ರ ಸುವಾ॒ನಮದ್ರಿ॑ಭಿಃ॒ ಕೋಶೇ᳚ನ ಸಿ॒ಕ್ತಮ॑ವ॒ತಂ ನ ವಂಸ॑ಗಸ್ತಾತೃಷಾ॒ಣೋ ನ ವಂಸ॑ಗಃ |
ಮದಾ᳚ಯ ಹರ್ಯ॒ತಾಯ॑ ತೇ ತು॒ವಿಷ್ಟ॑ಮಾಯ॒ ಧಾಯ॑ಸೇ |
ಆ ತ್ವಾ᳚ ಯಚ್ಛ‌ನ್ತು ಹ॒ರಿತೋ॒ ನ ಸೂರ್ಯ॒ಮಹಾ॒ ವಿಶ್ವೇ᳚ವ॒ ಸೂರ್ಯ‌ಮ್᳚ || 1.130.2
ಅವಿಂ᳚ದದ್ದಿ॒ವೋ ನಿಹಿ॑ತಂ॒ ಗುಹಾ᳚ ನಿ॒ಧಿಂ ವೇರ್ನ ಗರ್ಭಂ॒ ಪರಿ॑ವೀತ॒ಮಶ್ಮ᳚ನ್ಯನ॒‌ನ್ತೇ ಅ॒‌ನ್ತರಶ್ಮ॑ನಿ |
ವ್ರ॒ಜಂ ವ॒ಜ್ರೀ ಗವಾ᳚ಮಿವ॒ ಸಿಷಾ᳚ಸ॒ನ್ನಂಗಿ॑ರಸ್ತಮಃ |
ಅಪಾ᳚ವೃಣೋ॒ದಿಷ॒ ಇಂದ್ರಃ॒ ಪರೀ᳚ವೃತಾ॒ ದ್ವಾರ॒ ಇಷಃ॒ ಪರೀ᳚ವೃತಾಃ || 1.130.3
ದಾ॒ದೃ॒ಹಾ॒ಣೋ ವಜ್ರ॒ಮಿಂದ್ರೋ॒ ಗಭ॑ಸ್ತ್ಯೋಃ॒ ಕ್ಷದ್ಮೇ᳚ವ ತಿ॒ಗ್ಮಮಸ॑ನಾಯ॒ ಸಂ ಶ್ಯ॑ದಹಿ॒ಹತ್ಯಾ᳚ಯ॒ ಸಂ ಶ್ಯ॑ತ್ |
ಸಂ॒ವಿ॒ವ್ಯಾ॒ನ ಓಜ॑ಸಾ॒ ಶವೋ᳚ಭಿರಿಂದ್ರ ಮ॒ಜ್ಮನಾ᳚ |
ತಷ್ಟೇ᳚ವ ವೃ॒ಕ್ಷಂ ವ॒ನಿನೋ॒ ನಿ ವೃ॑ಶ್ಚಸಿ ಪರ॒ಶ್ವೇವ॒ ನಿ ವೃ॑ಶ್ಚಸಿ || 1.130.4
ತ್ವಂ ವೃಥಾ᳚ ನ॒ದ್ಯ॑ ಇಂದ್ರ॒ ಸರ್ತ॒ವೇಽಚ್ಛಾ᳚ ಸಮು॒ದ್ರಮ॑ಸೃಜೋ॒ ರಥಾಁ᳚ ಇವ ವಾಜಯ॒ತೋ ರಥಾಁ᳚ ಇವ |
ಇ॒ತ ಊ॒ತೀರ॑ಯುಂಜತ ಸಮಾ॒ನಮರ್ಥ॒ಮಕ್ಷಿ॑ತ‌ಮ್ |
ಧೇ॒ನೂರಿ॑ವ॒ ಮನ॑ವೇ ವಿ॒ಶ್ವದೋ᳚ಹಸೋ॒ ಜನಾ᳚ಯ ವಿ॒ಶ್ವದೋ᳚ಹಸಃ || 1.130.5
ಇ॒ಮಾಂ ತೇ॒ ವಾಚಂ᳚ ವಸೂ॒ಯ‌ನ್ತ॑ ಆ॒ಯವೋ॒ ರಥಂ॒ ನ ಧೀರಃ॒ ಸ್ವಪಾ᳚ ಅತಕ್ಷಿಷುಃ ಸು॒ಮ್ನಾಯ॒ ತ್ವಾಮ॑ತಕ್ಷಿಷುಃ |
ಶುಂ॒ಭ‌ನ್ತೋ॒ ಜೇನ್ಯಂ᳚ ಯಥಾ॒ ವಾಜೇ᳚ಷು ವಿಪ್ರ ವಾ॒ಜಿನ‌ಮ್᳚ |
ಅತ್ಯ॑ಮಿವ॒ ಶವ॑ಸೇ ಸಾ॒ತಯೇ॒ ಧನಾ॒ ವಿಶ್ವಾ॒ ಧನಾ᳚ನಿ ಸಾ॒ತಯೇ᳚ || 1.130.6
ಭಿ॒ನತ್ಪುರೋ᳚ ನವ॒ತಿಮಿಂ᳚ದ್ರ ಪೂ॒ರವೇ॒ ದಿವೋ᳚ದಾಸಾಯ॒ ಮಹಿ॑ ದಾ॒ಶುಷೇ᳚ ನೃತೋ॒ ವಜ್ರೇ᳚ಣ ದಾ॒ಶುಷೇ᳚ ನೃತೋ |
ಅ॒ತಿ॒ಥಿ॒ಗ್ವಾಯ॒ ಶಂಬ॑ರಂ ಗಿ॒ರೇರು॒ಗ್ರೋ ಅವಾ᳚ಭರತ್ |
ಮ॒ಹೋ ಧನಾ᳚ನಿ॒ ದಯ॑ಮಾನ॒ ಓಜ॑ಸಾ॒ ವಿಶ್ವಾ॒ ಧನಾ॒ನ್ಯೋಜ॑ಸಾ || 1.130.7
ಇಂದ್ರಃ॑ ಸ॒ಮತ್ಸು॒ ಯಜ॑ಮಾನ॒ಮಾರ್ಯಂ॒ ಪ್ರಾವ॒ದ್ವಿಶ್ವೇ᳚ಷು ಶ॒ತಮೂ᳚ತಿರಾ॒ಜಿಷು॒ ಸ್ವ᳚ರ್ಮೀಳ್ಹೇಷ್ವಾ॒ಜಿಷು॑ |
ಮನ॑ವೇ॒ ಶಾಸ॑ದವ್ರ॒ತಾ‌ನ್ತ್ವಚಂ᳚ ಕೃ॒ಷ್ಣಾಮ॑ರಂಧಯತ್ |
ದಕ್ಷ॒ನ್ನ ವಿಶ್ವಂ᳚ ತತೃಷಾ॒ಣಮೋ᳚ಷತಿ॒ ನ್ಯ॑ರ್ಶಸಾ॒ನಮೋ᳚ಷತಿ || 1.130.8
ಸೂರ॑ಶ್ಚ॒ಕ್ರಂ ಪ್ರ ವೃ॑ಹಜ್ಜಾ॒ತ ಓಜ॑ಸಾ ಪ್ರಪಿ॒ತ್ವೇ ವಾಚ॑ಮರು॒ಣೋ ಮು॑ಷಾಯತೀಶಾ॒ನ ಆ ಮು॑ಷಾಯತಿ |
ಉ॒ಶನಾ॒ ಯತ್ಪ॑ರಾ॒ವತೋಽಜ॑ಗನ್ನೂ॒ತಯೇ᳚ ಕವೇ |
ಸು॒ಮ್ನಾನಿ॒ ವಿಶ್ವಾ॒ ಮನು॑ಷೇವ ತು॒ರ್ವಣಿ॒ರಹಾ॒ ವಿಶ್ವೇ᳚ವ ತು॒ರ್ವಣಿಃ॑ || 1.130.9
ಸ ನೋ॒ ನವ್ಯೇ᳚ಭಿರ್ವೃಷಕರ್ಮನ್ನು॒ಕ್ಥೈಃ ಪುರಾಂ᳚ ದರ್ತಃ ಪಾ॒ಯುಭಿಃ॑ ಪಾಹಿ ಶ॒ಗ್ಮೈಃ |
ದಿ॒ವೋ॒ದಾ॒ಸೇಭಿ॑ರಿಂದ್ರ॒ ಸ್ತವಾ᳚ನೋ ವಾವೃಧೀ॒ಥಾ ಅಹೋ᳚ಭಿರಿವ॒ ದ್ಯೌಃ || 1.130.10

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಇಂದ್ರೋ ದೇವತಾ ಅತ್ಯಷ್ಟಿಶ್ಛಂದಃ

ಇಂದ್ರಾ᳚ಯ॒ ಹಿ ದ್ಯೌರಸು॑ರೋ॒ ಅನ᳚ಮ್ನ॒ತೇಂದ್ರಾ᳚ಯ ಮ॒ಹೀ ಪೃ॑ಥಿ॒ವೀ ವರೀ᳚ಮಭಿರ್ದ್ಯು॒ಮ್ನಸಾ᳚ತಾ॒ ವರೀ᳚ಮಭಿಃ |
ಇಂದ್ರಂ॒ ವಿಶ್ವೇ᳚ ಸ॒ಜೋಷ॑ಸೋ ದೇ॒ವಾಸೋ᳚ ದಧಿರೇ ಪು॒ರಃ |
ಇಂದ್ರಾ᳚ಯ॒ ವಿಶ್ವಾ॒ ಸವ॑ನಾನಿ॒ ಮಾನು॑ಷಾ ರಾ॒ತಾನಿ॑ ಸ‌ನ್ತು॒ ಮಾನು॑ಷಾ || 1.131.1
ವಿಶ್ವೇ᳚ಷು॒ ಹಿ ತ್ವಾ॒ ಸವ॑ನೇಷು ತುಂ॒ಜತೇ᳚ ಸಮಾ॒ನಮೇಕಂ॒ ವೃಷ॑ಮಣ್ಯವಃ॒ ಪೃಥ॒ಕ್ಸ್ವಃ॑ ಸನಿ॒ಷ್ಯವಃ॒ ಪೃಥ॑ಕ್ |
ತಂ ತ್ವಾ॒ ನಾವಂ॒ ನ ಪ॒ರ್ಷಣಿಂ᳚ ಶೂ॒ಷಸ್ಯ॑ ಧು॒ರಿ ಧೀ᳚ಮಹಿ |
ಇಂದ್ರಂ॒ ನ ಯ॒ಜ್ಞೈಶ್ಚಿ॒ತಯ᳚‌ನ್ತ ಆ॒ಯವಃ॒ ಸ್ತೋಮೇ᳚ಭಿ॒ರಿಂದ್ರ॑ಮಾ॒ಯವಃ॑ || 1.131.2
ವಿ ತ್ವಾ᳚ ತತಸ್ರೇ ಮಿಥು॒ನಾ ಅ॑ವ॒ಸ್ಯವೋ᳚ ವ್ರ॒ಜಸ್ಯ॑ ಸಾ॒ತಾ ಗವ್ಯ॑ಸ್ಯ ನಿಃ॒ಸೃಜಃ॒ ಸಕ್ಷ᳚‌ನ್ತ ಇಂದ್ರ ನಿಃ॒ಸೃಜಃ॑ |
ಯದ್ಗ॒ವ್ಯ‌ನ್ತಾ॒ ದ್ವಾ ಜನಾ॒ ಸ್ವ1॒᳚ರ್ಯ‌ನ್ತಾ᳚ ಸ॒ಮೂಹ॑ಸಿ |
ಆ॒ವಿಷ್ಕರಿ॑ಕ್ರ॒ದ್ವೃಷ॑ಣಂ ಸಚಾ॒ಭುವಂ॒ ವಜ್ರ॑ಮಿಂದ್ರ ಸಚಾ॒ಭುವ‌ಮ್᳚ || 1.131.3
ವಿ॒ದುಷ್ಟೇ᳚ ಅ॒ಸ್ಯ ವೀ॒ರ್ಯ॑ಸ್ಯ ಪೂ॒ರವಃ॒ ಪುರೋ॒ ಯದಿಂ᳚ದ್ರ॒ ಶಾರ॑ದೀರ॒ವಾತಿ॑ರಃ ಸಾಸಹಾ॒ನೋ ಅ॒ವಾತಿ॑ರಃ |
ಶಾಸ॒ಸ್ತಮಿಂ᳚ದ್ರ॒ ಮರ್ತ್ಯ॒ಮಯ॑ಜ್ಯುಂ ಶವಸಸ್ಪತೇ |
ಮ॒ಹೀಮ॑ಮುಷ್ಣಾಃ ಪೃಥಿ॒ವೀಮಿ॒ಮಾ ಅ॒ಪೋ ಮಂ᳚ದಸಾ॒ನ ಇ॒ಮಾ ಅ॒ಪಃ || 1.131.4
ಆದಿತ್ತೇ᳚ ಅ॒ಸ್ಯ ವೀ॒ರ್ಯ॑ಸ್ಯ ಚರ್ಕಿರ॒ನ್ಮದೇ᳚ಷು ವೃಷನ್ನು॒ಶಿಜೋ॒ ಯದಾವಿ॑ಥ ಸಖೀಯ॒ತೋ ಯದಾವಿ॑ಥ |
ಚ॒ಕರ್ಥ॑ ಕಾ॒ರಮೇ᳚ಭ್ಯಃ॒ ಪೃತ॑ನಾಸು॒ ಪ್ರವ᳚‌ನ್ತವೇ |
ತೇ ಅ॒ನ್ಯಾಮ᳚ನ್ಯಾಂ ನ॒ದ್ಯಂ᳚ ಸನಿಷ್ಣತ ಶ್ರವ॒ಸ್ಯ‌ನ್ತಃ॑ ಸನಿಷ್ಣತ || 1.131.5
ಉ॒ತೋ ನೋ᳚ ಅ॒ಸ್ಯಾ ಉ॒ಷಸೋ᳚ ಜು॒ಷೇತ॒ ಹ್ಯ1॒॑ರ್ಕಸ್ಯ॑ ಬೋಧಿ ಹ॒ವಿಷೋ॒ ಹವೀ᳚ಮಭಿಃ॒ ಸ್ವ॑ರ್ಷಾತಾ॒ ಹವೀ᳚ಮಭಿಃ |
ಯದಿಂ᳚ದ್ರ॒ ಹ‌ನ್ತ॑ವೇ॒ ಮೃಧೋ॒ ವೃಷಾ᳚ ವಜ್ರಿಂ॒ಚಿಕೇ᳚ತಸಿ |
ಆ ಮೇ᳚ ಅ॒ಸ್ಯ ವೇ॒ಧಸೋ॒ ನವೀ᳚ಯಸೋ॒ ಮನ್ಮ॑ ಶ್ರುಧಿ॒ ನವೀ᳚ಯಸಃ || 1.131.6
ತ್ವಂ ತಮಿಂ᳚ದ್ರ ವಾವೃಧಾ॒ನೋ ಅ॑ಸ್ಮ॒ಯುರ॑ಮಿತ್ರ॒ಯ‌ನ್ತಂ᳚ ತುವಿಜಾತ॒ ಮರ್ತ್ಯಂ॒ ವಜ್ರೇ᳚ಣ ಶೂರ॒ ಮರ್ತ್ಯ‌ಮ್᳚ |
ಜ॒ಹಿ ಯೋ ನೋ᳚ ಅಘಾ॒ಯತಿ॑ ಶೃಣು॒ಷ್ವ ಸು॒ಶ್ರವ॑ಸ್ತಮಃ |
ರಿ॒ಷ್ಟಂ ನ ಯಾಮ॒ನ್ನಪ॑ ಭೂತು ದುರ್ಮ॒ತಿರ್ವಿಶ್ವಾಪ॑ ಭೂತು ದುರ್ಮ॒ತಿಃ || 1.131.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ (1-5, 6) ಪ್ರಥಮಾದಿಪಂಚರ್ಚಾಂ ಷಷ್ಠ್ಯಾ ಉತ್ತರಾರ್ಧಚರ್ಸ- ಯ ಚೇಂದ್ರಃ (6) ಷಷ್ಠ್ಯಾಃ ಪೂರ್ವಾಧರ್ಚ ಯೇಂದ್ರಾಪರ್ವತೌ ದೇವತಾಃ ಅತ್ಯಷ್ಟಿಶ್ಛಂದಃ

ತ್ವಯಾ᳚ ವ॒ಯಂ ಮ॑ಘವ॒ನ್ಪೂರ್ವ್ಯೇ॒ ಧನ॒ ಇಂದ್ರ॑ತ್ವೋತಾಃ ಸಾಸಹ್ಯಾಮ ಪೃತನ್ಯ॒ತೋ ವ॑ನು॒ಯಾಮ॑ ವನುಷ್ಯ॒ತಃ |
ನೇದಿ॑ಷ್ಠೇ ಅ॒ಸ್ಮಿನ್ನಹ॒ನ್ಯಧಿ॑ ವೋಚಾ॒ ನು ಸು᳚ನ್ವ॒ತೇ |
ಅ॒ಸ್ಮಿನ್ಯ॒ಜ್ಞೇ ವಿ ಚ॑ಯೇಮಾ॒ ಭರೇ᳚ ಕೃ॒ತಂ ವಾ᳚ಜ॒ಯ‌ನ್ತೋ॒ ಭರೇ᳚ ಕೃ॒ತ‌ಮ್ || 1.132.1
ಸ್ವ॒ರ್ಜೇ॒ಷೇ ಭರ॑ ಆ॒ಪ್ರಸ್ಯ॒ ವಕ್ಮ᳚ನ್ಯುಷ॒ರ್ಬುಧಃ॒ ಸ್ವಸ್ಮಿ॒ನ್ನಂಜ॑ಸಿ ಕ್ರಾ॒ಣಸ್ಯ॒ ಸ್ವಸ್ಮಿ॒ನ್ನಂಜ॑ಸಿ |
ಅಹ॒ನ್ನಿಂದ್ರೋ॒ ಯಥಾ᳚ ವಿ॒ದೇ ಶೀ॒ರ್ಷ್ಣಾಶೀ᳚ರ್ಷ್ಣೋಪ॒ವಾಚ್ಯಃ॑ |
ಅ॒ಸ್ಮ॒ತ್ರಾ ತೇ᳚ ಸ॒ಧ್ರ್ಯ॑ಕ್ಸ‌ನ್ತು ರಾ॒ತಯೋ᳚ ಭ॒ದ್ರಾ ಭ॒ದ್ರಸ್ಯ॑ ರಾ॒ತಯಃ॑ || 1.132.2
ತತ್ತು ಪ್ರಯಃ॑ ಪ್ರ॒ತ್ನಥಾ᳚ ತೇ ಶುಶುಕ್ವ॒ನಂ ಯಸ್ಮಿ᳚ನ್ಯ॒ಜ್ಞೇ ವಾರ॒ಮಕೃ᳚ಣ್ವತ॒ ಕ್ಷಯ॑ಮೃ॒ತಸ್ಯ॒ ವಾರ॑ಸಿ॒ ಕ್ಷಯ‌ಮ್᳚ |
ವಿ ತದ್ವೋ᳚ಚೇ॒ರಧ॑ ದ್ವಿ॒ತಾ‌ನ್ತಃ ಪ॑ಶ್ಯ‌ನ್ತಿ ರ॒ಶ್ಮಿಭಿಃ॑ |
ಸ ಘಾ᳚ ವಿದೇ॒ ಅನ್ವಿಂದ್ರೋ᳚ ಗ॒ವೇಷ॑ಣೋ ಬಂಧು॒ಕ್ಷಿದ್ಭ್ಯೋ᳚ ಗ॒ವೇಷ॑ಣಃ || 1.132.3
ನೂ ಇ॒ತ್ಥಾ ತೇ᳚ ಪೂ॒ರ್ವಥಾ᳚ ಚ ಪ್ರ॒ವಾಚ್ಯಂ॒ ಯದಂಗಿ॑ರೋ॒ಭ್ಯೋಽವೃ॑ಣೋ॒ರಪ᳚ ವ್ರ॒ಜಮಿಂದ್ರ॒ ಶಿಕ್ಷ॒ನ್ನಪ᳚ ವ್ರ॒ಜ‌ಮ್ |
ಐಭ್ಯಃ॑ ಸಮಾ॒ನ್ಯಾ ದಿ॒ಶಾಸ್ಮಭ್ಯಂ᳚ ಜೇಷಿ॒ ಯೋತ್ಸಿ॑ ಚ |
ಸು॒ನ್ವದ್ಭ್ಯೋ᳚ ರಂಧಯಾ॒ ಕಂ ಚಿ॑ದವ್ರ॒ತಂ ಹೃ॑ಣಾ॒ಯ‌ನ್ತಂ᳚ ಚಿದವ್ರ॒ತ‌ಮ್ || 1.132.4
ಸಂ ಯಜ್ಜನಾ॒ನ್ಕ್ರತು॑ಭಿಃ॒ ಶೂರ॑ ಈ॒ಕ್ಷಯ॒ದ್ಧನೇ᳚ ಹಿ॒ತೇ ತ॑ರುಷ‌ನ್ತ ಶ್ರವ॒ಸ್ಯವಃ॒ ಪ್ರ ಯ॑ಕ್ಷ‌ನ್ತ ಶ್ರವ॒ಸ್ಯವಃ॑ |
ತಸ್ಮಾ॒ ಆಯುಃ॑ ಪ್ರ॒ಜಾವ॒ದಿದ್ಬಾಧೇ᳚ ಅರ್ಚ॒‌ನ್ತ್ಯೋಜ॑ಸಾ |
ಇಂದ್ರ॑ ಓ॒ಕ್ಯಂ᳚ ದಿಧಿಷ‌ನ್ತ ಧೀ॒ತಯೋ᳚ ದೇ॒ವಾಁ ಅಚ್ಛಾ॒ ನ ಧೀ॒ತಯಃ॑ || 1.132.5
ಯು॒ವಂ ತಮಿಂ᳚ದ್ರಾಪರ್ವತಾ ಪುರೋ॒ಯುಧಾ॒ ಯೋ ನಃ॑ ಪೃತ॒ನ್ಯಾದಪ॒ ತಂತ॒ಮಿದ್ಧ॑ತಂ॒ ವಜ್ರೇ᳚ಣ॒ ತಂತ॒ಮಿದ್ಧ॑ತ‌ಮ್ |
ದೂ॒ರೇ ಚ॒ತ್ತಾಯ॑ ಚ್ಛ‌ನ್ತ್ಸ॒ದ್ಗಹ॑ನಂ॒ ಯದಿನ॑ಕ್ಷತ್ |
ಅ॒ಸ್ಮಾಕಂ॒ ಶತ್ರೂ॒ನ್ಪರಿ॑ ಶೂರ ವಿ॒ಶ್ವತೋ᳚ ದ॒ರ್ಮಾ ದ॑ರ್ಷೀಷ್ಟ ವಿ॒ಶ್ವತಃ॑ || 1.132.6

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಇಂದ್ರೋ ದೇವತಾ (1) ಪ್ರಥಮರ್ಚಸ್ತ್ರಿಷ್ಟುಪ್ (2-4) ದ್ವಿತೀಯಾದಿತೃಚಸ್ಯಾನುಷ್ಟಪು(5) ಪಂಚಮ್ಯಾ ಗಾಯತ್ರೀ (6) ಷಷ್ಠ್ಯಾ ಧೃತಿಃ (7) ಸಪ್ತಮ್ಯಾಶ್ಚಾಷ್ಟಿಶ್ಛಂದಾಂಸ್ಇ

ಉ॒ಭೇ ಪು॑ನಾಮಿ॒ ರೋದ॑ಸೀ ಋ॒ತೇನ॒ ದ್ರುಹೋ᳚ ದಹಾಮಿ॒ ಸಂ ಮ॒ಹೀರ॑ನಿಂ॒ದ್ರಾಃ |
ಅ॒ಭಿ॒ವ್ಲಗ್ಯ॒ ಯತ್ರ॑ ಹ॒ತಾ ಅ॒ಮಿತ್ರಾ᳚ ವೈಲಸ್ಥಾ॒ನಂ ಪರಿ॑ ತೃ॒ಳ್ಹಾ ಅಶೇ᳚ರನ್ || 1.133.1
ಅ॒ಭಿ॒ವ್ಲಗ್ಯಾ᳚ ಚಿದದ್ರಿವಃ ಶೀ॒ರ್ಷಾ ಯಾ᳚ತು॒ಮತೀ᳚ನಾ‌ಮ್ |
ಛಿಂ॒ಧಿ ವ॑ಟೂ॒ರಿಣಾ᳚ ಪ॒ದಾ ಮ॒ಹಾವ॑ಟೂರಿಣಾ ಪ॒ದಾ || 1.133.2
ಅವಾ᳚ಸಾಂ ಮಘವಂಜಹಿ॒ ಶರ್ಧೋ᳚ ಯಾತು॒ಮತೀ᳚ನಾ‌ಮ್ |
ವೈ॒ಲ॒ಸ್ಥಾ॒ನ॒ಕೇ ಅ᳚ರ್ಮ॒ಕೇ ಮ॒ಹಾವೈ᳚ಲಸ್ಥೇ ಅರ್ಮ॒ಕೇ || 1.133.3
ಯಾಸಾಂ᳚ ತಿ॒ಸ್ರಃ ಪಂ᳚ಚಾ॒ಶತೋ᳚ಽಭಿವ್ಲಂ॒ಗೈರ॒ಪಾವ॑ಪಃ |
ತತ್ಸು ತೇ᳚ ಮನಾಯತಿ ತ॒ಕತ್ಸು ತೇ᳚ ಮನಾಯತಿ || 1.133.4
ಪಿ॒ಶಂಗ॑ಭೃಷ್ಟಿಮಂಭೃ॒ಣಂ ಪಿ॒ಶಾಚಿ॑ಮಿಂದ್ರ॒ ಸಂ ಮೃ॑ಣ |
ಸರ್ವಂ॒ ರಕ್ಷೋ॒ ನಿ ಬ॑ರ್ಹಯ || 1.133.5
ಅ॒ವರ್ಮ॒ಹ ಇಂ᳚ದ್ರ ದಾದೃ॒ಹಿ ಶ್ರು॒ಧೀ ನಃ॑ ಶು॒ಶೋಚ॒ ಹಿ ದ್ಯೌಃ ಕ್ಷಾ ನ ಭೀ॒ಷಾಁ ಅ॑ದ್ರಿವೋ ಘೃ॒ಣಾನ್ನ ಭೀ॒ಷಾಁ ಅ॑ದ್ರಿವಃ |
ಶು॒ಷ್ಮಿ‌ನ್ತ॑ಮೋ॒ ಹಿ ಶು॒ಷ್ಮಿಭಿ᳚ರ್ವ॒ಧೈರು॒ಗ್ರೇಭಿ॒ರೀಯ॑ಸೇ |
ಅಪೂ᳚ರುಷಘ್ನೋ ಅಪ್ರತೀತ ಶೂರ॒ ಸತ್ವ॑ಭಿಸ್ತ್ರಿಸ॒ಪ್ತೈಃ ಶೂ᳚ರ॒ ಸತ್ವ॑ಭಿಃ || 1.133.6
ವ॒ನೋತಿ॒ ಹಿ ಸು॒ನ್ವನ್ಕ್ಷಯಂ॒ ಪರೀ᳚ಣಸಃ ಸುನ್ವಾ॒ನೋ ಹಿ ಷ್ಮಾ॒ ಯಜ॒ತ್ಯವ॒ ದ್ವಿಷೋ᳚ ದೇ॒ವಾನಾ॒ಮವ॒ ದ್ವಿಷಃ॑ |
ಸು॒ನ್ವಾ॒ನ ಇತ್ಸಿ॑ಷಾಸತಿ ಸ॒ಹಸ್ರಾ᳚ ವಾ॒ಜ್ಯವೃ॑ತಃ |
ಸು॒ನ್ವಾ॒ನಾಯೇಂದ್ರೋ᳚ ದದಾತ್ಯಾ॒ಭುವಂ᳚ ರ॒ಯಿಂ ದ॑ದಾತ್ಯಾ॒ಭುವ‌ಮ್᳚ || 1.133.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ವಾಯುದೇವತಾ (1-5) ಪ್ರಥಮಾದಿಪಂಚರ್ಚಾಮತ್ಯಷ್ಟಿಃ (6) ಷಷ್ಠ್ಯಾಶ್ಚಾಷ್ಟಿಶ್ಛಂದಸೀ

ಆ ತ್ವಾ॒ ಜುವೋ᳚ ರಾರಹಾ॒ಣಾ ಅ॒ಭಿ ಪ್ರಯೋ॒ ವಾಯೋ॒ ವಹ᳚‌ನ್ತ್ವಿ॒ಹ ಪೂ॒ರ್ವಪೀ᳚ತಯೇ॒ ಸೋಮ॑ಸ್ಯ ಪೂ॒ರ್ವಪೀ᳚ತಯೇ |
ಊ॒ರ್ಧ್ವಾ ತೇ॒ ಅನು॑ ಸೂ॒ನೃತಾ॒ ಮನ॑ಸ್ತಿಷ್ಠತು ಜಾನ॒ತೀ |
ನಿ॒ಯುತ್ವ॑ತಾ॒ ರಥೇ॒ನಾ ಯಾ᳚ಹಿ ದಾ॒ವನೇ॒ ವಾಯೋ᳚ ಮ॒ಖಸ್ಯ॑ ದಾ॒ವನೇ᳚ || 1.134.1
ಮಂದ᳚‌ನ್ತು ತ್ವಾ ಮಂ॒ದಿನೋ᳚ ವಾಯ॒ವಿಂದ॑ವೋ॒ಽಸ್ಮತ್ಕ್ರಾ॒ಣಾಸಃ॒ ಸುಕೃ॑ತಾ ಅ॒ಭಿದ್ಯ॑ವೋ॒ ಗೋಭಿಃ॑ ಕ್ರಾ॒ಣಾ ಅ॒ಭಿದ್ಯ॑ವಃ |
ಯದ್ಧ॑ ಕ್ರಾ॒ಣಾ ಇ॒ರಧ್ಯೈ॒ ದಕ್ಷಂ॒ ಸಚ᳚‌ನ್ತ ಊ॒ತಯಃ॑ |
ಸ॒ಧ್ರೀ॒ಚೀ॒ನಾ ನಿ॒ಯುತೋ᳚ ದಾ॒ವನೇ॒ ಧಿಯ॒ ಉಪ॑ ಬ್ರುವತ ಈಂ॒ ಧಿಯಃ॑ || 1.134.2
ವಾ॒ಯುರ್ಯುಂ᳚ಕ್ತೇ॒ ರೋಹಿ॑ತಾ ವಾ॒ಯುರ॑ರು॒ಣಾ ವಾ॒ಯೂ ರಥೇ᳚ ಅಜಿ॒ರಾ ಧು॒ರಿ ವೋಳ್ಹ॑ವೇ॒ ವಹಿ॑ಷ್ಠಾ ಧು॒ರಿ ವೋಳ್ಹ॑ವೇ |
ಪ್ರ ಬೋ᳚ಧಯಾ॒ ಪುರಂ᳚ಧಿಂ ಜಾ॒ರ ಆ ಸ॑ಸ॒ತೀಮಿ॑ವ |
ಪ್ರ ಚ॑ಕ್ಷಯ॒ ರೋದ॑ಸೀ ವಾಸಯೋ॒ಷಸಃ॒ ಶ್ರವ॑ಸೇ ವಾಸಯೋ॒ಷಸಃ॑ || 1.134.3
ತುಭ್ಯ॑ಮು॒ಷಾಸಃ॒ ಶುಚ॑ಯಃ ಪರಾ॒ವತಿ॑ ಭ॒ದ್ರಾ ವಸ್ತ್ರಾ᳚ ತನ್ವತೇ॒ ದಂಸು॑ ರ॒ಶ್ಮಿಷು॑ ಚಿ॒ತ್ರಾ ನವ್ಯೇ᳚ಷು ರ॒ಶ್ಮಿಷು॑ |
ತುಭ್ಯಂ᳚ ಧೇ॒ನುಃ ಸ॑ಬ॒ರ್ದುಘಾ॒ ವಿಶ್ವಾ॒ ವಸೂ᳚ನಿ ದೋಹತೇ |
ಅಜ॑ನಯೋ ಮ॒ರುತೋ᳚ ವ॒ಕ್ಷಣಾ᳚ಭ್ಯೋ ದಿ॒ವ ಆ ವ॒ಕ್ಷಣಾ᳚ಭ್ಯಃ || 1.134.4
ತುಭ್ಯಂ᳚ ಶು॒ಕ್ರಾಸಃ॒ ಶುಚ॑ಯಸ್ತುರ॒ಣ್ಯವೋ॒ ಮದೇ᳚ಷೂ॒ಗ್ರಾ ಇ॑ಷಣ‌ನ್ತ ಭು॒ರ್ವಣ್ಯ॒ಪಾಮಿ॑ಷ‌ನ್ತ ಭು॒ರ್ವಣಿ॑ |
ತ್ವಾಂ ತ್ಸಾ॒ರೀ ದಸ॑ಮಾನೋ॒ ಭಗ॑ಮೀಟ್ಟೇ ತಕ್ವ॒ವೀಯೇ᳚ |
ತ್ವಂ ವಿಶ್ವ॑ಸ್ಮಾ॒ದ್ಭುವ॑ನಾತ್ಪಾಸಿ॒ ಧರ್ಮ॑ಣಾಸು॒ರ್ಯಾ᳚ತ್ಪಾಸಿ॒ ಧರ್ಮ॑ಣಾ || 1.134.5
ತ್ವಂ ನೋ᳚ ವಾಯವೇಷಾ॒ಮಪೂ᳚ರ್ವ್ಯಃ॒ ಸೋಮಾ᳚ನಾಂ ಪ್ರಥ॒ಮಃ ಪೀ॒ತಿಮ॑ರ್ಹಸಿ ಸು॒ತಾನಾಂ᳚ ಪೀ॒ತಿಮ॑ರ್ಹಸಿ |
ಉ॒ತೋ ವಿ॒ಹುತ್ಮ॑ತೀನಾಂ ವಿ॒ಶಾಂ ವ॑ವ॒ರ್ಜುಷೀ᳚ಣಾ‌ಮ್ |
ವಿಶ್ವಾ॒ ಇತ್ತೇ᳚ ಧೇ॒ನವೋ᳚ ದುಹ್ರ ಆ॒ಶಿರಂ᳚ ಘೃ॒ತಂ ದು॑ಹ್ರತ ಆ॒ಶಿರ‌ಮ್᳚ || 1.134.6

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ (1-3, 9) ಪ್ರಥಮಾದಿತೃಚಸ್ಯ ನವಮ್ಯೂಚಶ್ಚ ವಾಯಃ (4-8) ಚತುರ್ಥ್ಯಾದಿಪಂಚಾನಾಂಚೇಂದ್ರವಾಯೂ ದೇವತಾಃ (1-6, 9) ಪ್ರಥಮಾದಿಷಡಚಾಂ ನವಮ್ಯಾಶ್ಚಾತ್ಯಷ್ಟಿಃ (7-8) ಸಪ್ತಮ್ಯಷ್ಟಮ್ಯೋಶ್ಚಾಷ್ಟಿಶ್ಛಂದಸೀ

ಸ್ತೀ॒ರ್ಣಂ ಬ॒ರ್ಹಿರುಪ॑ ನೋ ಯಾಹಿ ವೀ॒ತಯೇ᳚ ಸ॒ಹಸ್ರೇ᳚ಣ ನಿ॒ಯುತಾ᳚ ನಿಯುತ್ವತೇ ಶ॒ತಿನೀ᳚ಭಿರ್ನಿಯುತ್ವತೇ |
ತುಭ್ಯಂ॒ ಹಿ ಪೂ॒ರ್ವಪೀ᳚ತಯೇ ದೇ॒ವಾ ದೇ॒ವಾಯ॑ ಯೇಮಿ॒ರೇ |
ಪ್ರ ತೇ᳚ ಸು॒ತಾಸೋ॒ ಮಧು॑ಮ‌ನ್ತೋ ಅಸ್ಥಿರ॒ನ್ಮದಾ᳚ಯ॒ ಕ್ರತ್ವೇ᳚ ಅಸ್ಥಿರನ್ || 1.135.1
ತುಭ್ಯಾ॒ಯಂ ಸೋಮಃ॒ ಪರಿ॑ಪೂತೋ॒ ಅದ್ರಿ॑ಭಿಃ ಸ್ಪಾ॒ರ್ಹಾ ವಸಾ᳚ನಃ॒ ಪರಿ॒ ಕೋಶ॑ಮರ್ಷತಿ ಶು॒ಕ್ರಾ ವಸಾ᳚ನೋ ಅರ್ಷತಿ |
ತವಾ॒ಯಂ ಭಾ॒ಗ ಆ॒ಯುಷು॒ ಸೋಮೋ᳚ ದೇ॒ವೇಷು॑ ಹೂಯತೇ |
ವಹ॑ ವಾಯೋ ನಿ॒ಯುತೋ᳚ ಯಾಹ್ಯಸ್ಮ॒ಯುರ್ಜು॑ಷಾ॒ಣೋ ಯಾ᳚ಹ್ಯಸ್ಮ॒ಯುಃ || 1.135.2
ಆ ನೋ᳚ ನಿ॒ಯುದ್ಭಿಃ॑ ಶ॒ತಿನೀ᳚ಭಿರಧ್ವ॒ರಂ ಸ॑ಹ॒ಸ್ರಿಣೀ᳚ಭಿ॒ರುಪ॑ ಯಾಹಿ ವೀ॒ತಯೇ॒ ವಾಯೋ᳚ ಹ॒ವ್ಯಾನಿ॑ ವೀ॒ತಯೇ᳚ |
ತವಾ॒ಯಂ ಭಾ॒ಗ ಋ॒ತ್ವಿಯಃ॒ ಸರ॑ಶ್ಮಿಃ॒ ಸೂರ್ಯೇ॒ ಸಚಾ᳚ |
ಅ॒ಧ್ವ॒ರ್ಯುಭಿ॒ರ್ಭರ॑ಮಾಣಾ ಅಯಂಸತ॒ ವಾಯೋ᳚ ಶು॒ಕ್ರಾ ಅ॑ಯಂಸತ || 1.135.3
ಆ ವಾಂ॒ ರಥೋ᳚ ನಿ॒ಯುತ್ವಾ᳚ನ್ವಕ್ಷ॒ದವ॑ಸೇ॒ಽಭಿ ಪ್ರಯಾಂ᳚ಸಿ॒ ಸುಧಿ॑ತಾನಿ ವೀ॒ತಯೇ॒ ವಾಯೋ᳚ ಹ॒ವ್ಯಾನಿ॑ ವೀ॒ತಯೇ᳚ |
ಪಿಬ॑ತಂ॒ ಮಧ್ವೋ॒ ಅಂಧ॑ಸಃ ಪೂರ್ವ॒ಪೇಯಂ॒ ಹಿ ವಾಂ᳚ ಹಿ॒ತ‌ಮ್ |
ವಾಯ॒ವಾ ಚಂ॒ದ್ರೇಣ॒ ರಾಧ॒ಸಾ ಗ॑ತ॒ಮಿಂದ್ರ॑ಶ್ಚ॒ ರಾಧ॒ಸಾ ಗ॑ತ‌ಮ್ || 1.135.4
ಆ ವಾಂ॒ ಧಿಯೋ᳚ ವವೃತ್ಯುರಧ್ವ॒ರಾಁ ಉಪೇ॒ಮಮಿಂದುಂ᳚ ಮರ್ಮೃಜ‌ನ್ತ ವಾ॒ಜಿನ॑ಮಾ॒ಶುಮತ್ಯಂ॒ ನ ವಾ॒ಜಿನ‌ಮ್᳚ |
ತೇಷಾಂ᳚ ಪಿಬತಮಸ್ಮ॒ಯೂ ಆ ನೋ᳚ ಗ‌ನ್ತಮಿ॒ಹೋತ್ಯಾ |
ಇಂದ್ರ॑ವಾಯೂ ಸು॒ತಾನಾ॒ಮದ್ರಿ॑ಭಿರ್ಯು॒ವಂ ಮದಾ᳚ಯ ವಾಜದಾ ಯು॒ವ‌ಮ್ || 1.135.5
ಇ॒ಮೇ ವಾಂ॒ ಸೋಮಾ᳚ ಅ॒ಪ್ಸ್ವಾ ಸು॒ತಾ ಇ॒ಹಾಧ್ವ॒ರ್ಯುಭಿ॒ರ್ಭರ॑ಮಾಣಾ ಅಯಂಸತ॒ ವಾಯೋ᳚ ಶು॒ಕ್ರಾ ಅ॑ಯಂಸತ |
ಏ॒ತೇ ವಾ᳚ಮ॒ಭ್ಯ॑ಸೃಕ್ಷತ ತಿ॒ರಃ ಪ॒ವಿತ್ರ॑ಮಾ॒ಶವಃ॑ |
ಯು॒ವಾ॒ಯವೋಽತಿ॒ ರೋಮಾ᳚ಣ್ಯ॒ವ್ಯಯಾ॒ ಸೋಮಾ᳚ಸೋ॒ ಅತ್ಯ॒ವ್ಯಯಾ᳚ || 1.135.6
ಅತಿ॑ ವಾಯೋ ಸಸ॒ತೋ ಯಾ᳚ಹಿ॒ ಶಶ್ವ॑ತೋ॒ ಯತ್ರ॒ ಗ್ರಾವಾ॒ ವದ॑ತಿ॒ ತತ್ರ॑ ಗಚ್ಛತಂ ಗೃ॒ಹಮಿಂದ್ರ॑ಶ್ಚ ಗಚ್ಛತ‌ಮ್ |
ವಿ ಸೂ॒ನೃತಾ॒ ದದೃ॑ಶೇ॒ ರೀಯ॑ತೇ ಘೃ॒ತಮಾ ಪೂ॒ರ್ಣಯಾ᳚ ನಿ॒ಯುತಾ᳚ ಯಾಥೋ ಅಧ್ವ॒ರಮಿಂದ್ರ॑ಶ್ಚ ಯಾಥೋ ಅಧ್ವ॒ರ‌ಮ್ || 1.135.7
ಅತ್ರಾಹ॒ ತದ್ವ॑ಹೇಥೇ॒ ಮಧ್ವ॒ ಆಹು॑ತಿಂ॒ ಯಮ॑ಶ್ವ॒ತ್ಥಮು॑ಪ॒ತಿಷ್ಠ᳚‌ನ್ತ ಜಾ॒ಯವೋ॒ಽಸ್ಮೇ ತೇ ಸ᳚‌ನ್ತು ಜಾ॒ಯವಃ॑ |
ಸಾ॒ಕಂ ಗಾವಃ॒ ಸುವ॑ತೇ॒ ಪಚ್ಯ॑ತೇ॒ ಯವೋ॒ ನ ತೇ᳚ ವಾಯ॒ ಉಪ॑ ದಸ್ಯ‌ನ್ತಿ ಧೇ॒ನವೋ॒ ನಾಪ॑ ದಸ್ಯ‌ನ್ತಿ ಧೇ॒ನವಃ॑ || 1.135.8
ಇ॒ಮೇ ಯೇ ತೇ॒ ಸು ವಾ᳚ಯೋ ಬಾ॒ಹ್ವೋ᳚ಜಸೋ॒ಽ‌ನ್ತರ್ನ॒ದೀ ತೇ᳚ ಪ॒ತಯ᳚‌ನ್ತ್ಯು॒ಕ್ಷಣೋ॒ ಮಹಿ॒ ವ್ರಾಧ᳚‌ನ್ತ ಉ॒ಕ್ಷಣಃ॑ |
ಧನ್ವಂ᳚ಚಿ॒ದ್ಯೇ ಅ॑ನಾ॒ಶವೋ᳚ ಜೀ॒ರಾಶ್ಚಿ॒ದಗಿ॑ರೌಕಸಃ |
ಸೂರ್ಯ॑ಸ್ಯೇವ ರ॒ಶ್ಮಯೋ᳚ ದುರ್ನಿ॒ಯ‌ನ್ತ॑ವೋ॒ ಹಸ್ತ॑ಯೋರ್ದುರ್ನಿ॒ಯ‌ನ್ತ॑ವಃ || 1.135.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ (1-5) ಪ್ರಥಮಾದಿಪಂಚರ್ಚಾಂ ಮಿತ್ರಾವರುಣೌ (6-7) ಷಷ್ಠೀಸಪ್ತಮ್ಯೋಶ್ಚ ಲಿಂಗೋಕ್ತಾ ದೇವತಾಃ (1-6) ಪ್ರಥಮಾದಿಷಡ಼ಚಾಮತ್ಯಷ್ಟಿಃ (7) ಸಪ್ತಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ಸು ಜ್ಯೇಷ್ಠಂ᳚ ನಿಚಿ॒ರಾಭ್ಯಾಂ᳚ ಬೃ॒ಹನ್ನಮೋ᳚ ಹ॒ವ್ಯಂ ಮ॒ತಿಂ ಭ॑ರತಾ ಮೃಳ॒ಯದ್ಭ್ಯಾಂ॒ ಸ್ವಾದಿ॑ಷ್ಠಂ ಮೃಳ॒ಯದ್ಭ್ಯಾ᳚‌ಮ್ |
ತಾ ಸ॒ಮ್ರಾಜಾ᳚ ಘೃ॒ತಾಸು॑ತೀ ಯ॒ಜ್ಞೇಯ॑ಜ್ಞ॒ ಉಪ॑ಸ್ತುತಾ |
ಅಥೈ᳚ನೋಃ ಕ್ಷ॒ತ್ರಂ ನ ಕುತ॑ಶ್ಚ॒ನಾಧೃಷೇ᳚ ದೇವ॒ತ್ವಂ ನೂ ಚಿ॑ದಾ॒ಧೃಷೇ᳚ || 1.136.1
ಅದ॑ರ್ಶಿ ಗಾ॒ತುರು॒ರವೇ॒ ವರೀ᳚ಯಸೀ॒ ಪ‌ನ್ಥಾ᳚ ಋ॒ತಸ್ಯ॒ ಸಮ॑ಯಂಸ್ತ ರ॒ಶ್ಮಿಭಿ॒ಶ್ಚಕ್ಷು॒ರ್ಭಗ॑ಸ್ಯ ರ॒ಶ್ಮಿಭಿಃ॑ |
ದ್ಯು॒ಕ್ಷಂ ಮಿ॒ತ್ರಸ್ಯ॒ ಸಾದ॑ನಮರ್ಯ॒ಮ್ಣೋ ವರು॑ಣಸ್ಯ ಚ |
ಅಥಾ᳚ ದಧಾತೇ ಬೃ॒ಹದು॒ಕ್ಥ್ಯ1॒॑ ಅಂವಯ॑ ಉಪ॒ಸ್ತುತ್ಯಂ᳚ ಬೃ॒ಹದ್ವಯಃ॑ || 1.136.2
ಜ್ಯೋತಿ॑ಷ್ಮತೀ॒ಮದಿ॑ತಿಂ ಧಾರ॒ಯತ್ಕ್ಷಿ॑ತಿಂ॒ ಸ್ವ᳚ರ್ವತೀ॒ಮಾ ಸ॑ಚೇತೇ ದಿ॒ವೇದಿ॑ವೇ ಜಾಗೃ॒ವಾಂಸಾ᳚ ದಿ॒ವೇದಿ॑ವೇ |
ಜ್ಯೋತಿ॑ಷ್ಮತ್ಕ್ಷ॒ತ್ರಮಾ᳚ಶಾತೇ ಆದಿ॒ತ್ಯಾ ದಾನು॑ನ॒ಸ್ಪತೀ᳚ |
ಮಿ॒ತ್ರಸ್ತಯೋ॒ರ್ವರು॑ಣೋ ಯಾತ॒ಯಜ್ಜ॑ನೋಽರ್ಯ॒ಮಾ ಯಾ᳚ತ॒ಯಜ್ಜ॑ನಃ || 1.136.3
ಅ॒ಯಂ ಮಿ॒ತ್ರಾಯ॒ ವರು॑ಣಾಯ॒ ಶಂತ॑ಮಃ॒ ಸೋಮೋ᳚ ಭೂತ್ವವ॒ಪಾನೇ॒ಷ್ವಾಭ॑ಗೋ ದೇ॒ವೋ ದೇ॒ವೇಷ್ವಾಭ॑ಗಃ |
ತಂ ದೇ॒ವಾಸೋ᳚ ಜುಷೇರತ॒ ವಿಶ್ವೇ᳚ ಅ॒ದ್ಯ ಸ॒ಜೋಷ॑ಸಃ |
ತಥಾ᳚ ರಾಜಾನಾ ಕರಥೋ॒ ಯದೀಮ॑ಹ॒ ಋತಾ᳚ವಾನಾ॒ ಯದೀಮ॑ಹೇ || 1.136.4
ಯೋ ಮಿ॒ತ್ರಾಯ॒ ವರು॑ಣಾ॒ಯಾವಿ॑ಧ॒ಜ್ಜನೋ᳚ಽನ॒ರ್ವಾಣಂ॒ ತಂ ಪರಿ॑ ಪಾತೋ॒ ಅಂಹ॑ಸೋ ದಾ॒ಶ್ವಾಂಸಂ॒ ಮರ್ತ॒ಮಂಹ॑ಸಃ |
ತಮ᳚ರ್ಯ॒ಮಾಭಿ ರ॑ಕ್ಷತ್ಯೃಜೂ॒ಯ‌ನ್ತ॒ಮನು᳚ ವ್ರ॒ತ‌ಮ್ |
ಉ॒ಕ್ಥೈರ್ಯ ಏ᳚ನೋಃ ಪರಿ॒ಭೂಷ॑ತಿ ವ್ರ॒ತಂ ಸ್ತೋಮೈ᳚ರಾ॒ಭೂಷ॑ತಿ ವ್ರ॒ತ‌ಮ್ || 1.136.5
ನಮೋ᳚ ದಿ॒ವೇ ಬೃ॑ಹ॒ತೇ ರೋದ॑ಸೀಭ್ಯಾಂ ಮಿ॒ತ್ರಾಯ॑ ವೋಚಂ॒ ವರು॑ಣಾಯ ಮೀ॒ಳ್ಹುಷೇ᳚ ಸುಮೃಳೀ॒ಕಾಯ॑ ಮೀ॒ಳ್ಹುಷೇ᳚ |
ಇಂದ್ರ॑ಮ॒ಗ್ನಿಮುಪ॑ ಸ್ತುಹಿ ದ್ಯು॒ಕ್ಷಮ᳚ರ್ಯ॒ಮಣಂ॒ ಭಗ‌ಮ್᳚ |
ಜ್ಯೋಗ್ಜೀವ᳚‌ನ್ತಃ ಪ್ರ॒ಜಯಾ᳚ ಸಚೇಮಹಿ॒ ಸೋಮ॑ಸ್ಯೋ॒ತೀ ಸ॑ಚೇಮಹಿ || 1.136.6
ಊ॒ತೀ ದೇ॒ವಾನಾಂ᳚ ವ॒ಯಮಿಂದ್ರ॑ವ‌ನ್ತೋ ಮಂಸೀ॒ಮಹಿ॒ ಸ್ವಯ॑ಶಸೋ ಮ॒ರುದ್ಭಿಃ॑ |
ಅ॒ಗ್ನಿರ್ಮಿ॒ತ್ರೋ ವರು॑ಣಃ॒ ಶರ್ಮ॑ ಯಂಸ॒‌ನ್ತದ॑ಶ್ಯಾಮ ಮ॒ಘವಾ᳚ನೋ ವ॒ಯಂ ಚ॑ || 1.136.7

(1-3) ತೃಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಮಿತ್ರಾವರುಣೌ ದೇವತೇ ಅತಿಶಕ್ವರೀ ಛಂದಃ

ಸು॒ಷು॒ಮಾ ಯಾ᳚ತ॒ಮದ್ರಿ॑ಭಿ॒ರ್ಗೋಶ್ರೀ᳚ತಾ ಮತ್ಸ॒ರಾ ಇ॒ಮೇ ಸೋಮಾ᳚ಸೋ ಮತ್ಸ॒ರಾ ಇ॒ಮೇ |
ಆ ರಾ᳚ಜಾನಾ ದಿವಿಸ್ಪೃಶಾಸ್ಮ॒ತ್ರಾ ಗ᳚‌ನ್ತ॒ಮುಪ॑ ನಃ |
ಇ॒ಮೇ ವಾಂ᳚ ಮಿತ್ರಾವರುಣಾ॒ ಗವಾ᳚ಶಿರಃ॒ ಸೋಮಾಃ᳚ ಶು॒ಕ್ರಾ ಗವಾ᳚ಶಿರಃ || 1.137.1
ಇ॒ಮ ಆ ಯಾ᳚ತ॒ಮಿಂದ॑ವಃ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ ಸು॒ತಾಸೋ॒ ದಧ್ಯಾ᳚ಶಿರಃ |
ಉ॒ತ ವಾ᳚ಮು॒ಷಸೋ᳚ ಬು॒ಧಿ ಸಾ॒ಕಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ |
ಸು॒ತೋ ಮಿ॒ತ್ರಾಯ॒ ವರು॑ಣಾಯ ಪೀ॒ತಯೇ॒ ಚಾರು॑ರ್‌ಋ॒ತಾಯ॑ ಪೀ॒ತಯೇ᳚ || 1.137.2
ತಾಂ ವಾಂ᳚ ಧೇ॒ನುಂ ನ ವಾ᳚ಸ॒ರೀಮಂ॒ಶುಂ ದು॑ಹ॒‌ನ್ತ್ಯದ್ರಿ॑ಭಿಃ॒ ಸೋಮಂ᳚ ದುಹ॒‌ನ್ತ್ಯದ್ರಿ॑ಭಿಃ |
ಅ॒ಸ್ಮ॒ತ್ರಾ ಗ᳚‌ನ್ತ॒ಮುಪ॑ ನೋ॒ಽರ್ವಾಂಚಾ॒ ಸೋಮ॑ಪೀತಯೇ |
ಅ॒ಯಂ ವಾಂ᳚ ಮಿತ್ರಾವರುಣಾ॒ ನೃಭಿಃ॑ ಸು॒ತಃ ಸೋಮ॒ ಆ ಪೀ॒ತಯೇ᳚ ಸು॒ತಃ || 1.137.3

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ ಪೂಷಾ ದೇವತಾ ಅತ್ಯಷ್ಟಿಶ್ಛಂದಃ

ಪ್ರಪ್ರ॑ ಪೂ॒ಷ್ಣಸ್ತು॑ವಿಜಾ॒ತಸ್ಯ॑ ಶಸ್ಯತೇ ಮಹಿ॒ತ್ವಮ॑ಸ್ಯ ತ॒ವಸೋ॒ ನ ತಂ᳚ದತೇ ಸ್ತೋ॒ತ್ರಮ॑ಸ್ಯ॒ ನ ತಂ᳚ದತೇ |
ಅರ್ಚಾ᳚ಮಿ ಸುಮ್ನ॒ಯನ್ನ॒ಹಮ‌ನ್ತ್ಯೂ᳚ತಿಂ ಮಯೋ॒ಭುವ‌ಮ್᳚ |
ವಿಶ್ವ॑ಸ್ಯ॒ ಯೋ ಮನ॑ ಆಯುಯು॒ವೇ ಮ॒ಖೋ ದೇ॒ವ ಆ᳚ಯುಯು॒ವೇ ಮ॒ಖಃ || 1.138.1
ಪ್ರ ಹಿ ತ್ವಾ᳚ ಪೂಷನ್ನಜಿ॒ರಂ ನ ಯಾಮ॑ನಿ॒ ಸ್ತೋಮೇ᳚ಭಿಃ ಕೃ॒ಣ್ವ ಋ॒ಣವೋ॒ ಯಥಾ॒ ಮೃಧ॒ ಉಷ್ಟ್ರೋ॒ ನ ಪೀ᳚ಪರೋ॒ ಮೃಧಃ॑ |
ಹು॒ವೇ ಯತ್ತ್ವಾ᳚ ಮಯೋ॒ಭುವಂ᳚ ದೇ॒ವಂ ಸ॒ಖ್ಯಾಯ॒ ಮರ್ತ್ಯಃ॑ |
ಅ॒ಸ್ಮಾಕ॑ಮಾಂಗೂ॒ಷಾಂದ್ಯು॒ಮ್ನಿನ॑ಸ್ಕೃಧಿ॒ ವಾಜೇ᳚ಷು ದ್ಯು॒ಮ್ನಿನ॑ಸ್ಕೃಧಿ || 1.138.2
ಯಸ್ಯ॑ ತೇ ಪೂಷ‌‌ನ್ತ್ಸ॒ಖ್ಯೇ ವಿ॑ಪ॒ನ್ಯವಃ॒ ಕ್ರತ್ವಾ᳚ ಚಿ॒ತ್ಸ‌ನ್ತೋಽವ॑ಸಾ ಬುಭುಜ್ರಿ॒ರ ಇತಿ॒ ಕ್ರತ್ವಾ᳚ ಬುಭುಜ್ರಿ॒ರೇ |
ತಾಮನು॑ ತ್ವಾ॒ ನವೀ᳚ಯಸೀಂ ನಿ॒ಯುತಂ᳚ ರಾ॒ಯ ಈ᳚ಮಹೇ |
ಅಹೇ᳚ಳಮಾನ ಉರುಶಂಸ॒ ಸರೀ᳚ ಭವ॒ ವಾಜೇ᳚ವಾಜೇ॒ ಸರೀ᳚ ಭವ || 1.138.3
ಅ॒ಸ್ಯಾ ಊ॒ ಷು ಣ॒ ಉಪ॑ ಸಾ॒ತಯೇ᳚ ಭು॒ವೋಽಹೇ᳚ಳಮಾನೋ ರರಿ॒ವಾಁ ಅ॑ಜಾಶ್ವ ಶ್ರವಸ್ಯ॒ತಾಮ॑ಜಾಶ್ವ |
ಓ ಷು ತ್ವಾ᳚ ವವೃತೀಮಹಿ॒ ಸ್ತೋಮೇ᳚ಭಿರ್ದಸ್ಮ ಸಾ॒ಧುಭಿಃ॑ |
ನ॒ಹಿ ತ್ವಾ᳚ ಪೂಷನ್ನತಿ॒ಮನ್ಯ॑ ಆಘೃಣೇ॒ ನ ತೇ᳚ ಸ॒ಖ್ಯಮ॑ಪಹ್ನು॒ವೇ || 1.138.4

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪರುಚ್ಛೇಪ ಋಷಿಃ (1, 11) ಪ್ರಥಮರ್ಚ ಏಕಾದಶ್ಯಾಶ್ಚ ವಿಶ್ವೇ ದೇವಾಃ (2) ದ್ವಿತೀಯಾಯಾ ಮಿತ್ರಾವರುಣೌ (3-5) ತೃತೀಯಾದಿತೃಚಸ್ಯಾಶ್ವಿನೌ (6) ಷಷ್ಠ್ಯಾ ಇಂದ್ರಃ (7) ಸಪ್ತಮ್ಯಾ ಅಗ್ನಿಃ (8) ಅಷ್ಟಮ್ಯಾ ಮರುತಃ (9) ನವಮ್ಯಾ ಇಂದ್ರಾಗ್ನೀ (10) ದಶಮ್ಯಾಶ್ಚ ಬೃಹಸ್ಪತಿರ್ದೇವತಾಃ (1-4, 6-10) ಪ್ರಥಮಾದಿಚತುರೃಚ ಆಂ ಷಷ್ಠ್ಯಾದಿಪಂಚಾನಾಂಚಾತ್ಯಷ್ಟಿಃ (5) ಪಂಚಮ್ಯಾ ಬೃಹತೀ (11) ಏಕಾದಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸ್ಇ

ಅಸ್ತು॒ ಶ್ರೌಷ॑ಟ್ ಪು॒ರೋ ಅ॒ಗ್ನಿಂ ಧಿ॒ಯಾ ದ॑ಧ॒ ಆ ನು ತಚ್ಛರ್ಧೋ᳚ ದಿ॒ವ್ಯಂ ವೃ॑ಣೀಮಹ ಇಂದ್ರವಾ॒ಯೂ ವೃ॑ಣೀಮಹೇ |
ಯದ್ಧ॑ ಕ್ರಾ॒ಣಾ ವಿ॒ವಸ್ವ॑ತಿ॒ ನಾಭಾ᳚ ಸಂ॒ದಾಯಿ॒ ನವ್ಯ॑ಸೀ |
ಅಧ॒ ಪ್ರ ಸೂ ನ॒ ಉಪ॑ ಯ‌ನ್ತು ಧೀ॒ತಯೋ᳚ ದೇ॒ವಾಁ ಅಚ್ಛಾ॒ ನ ಧೀ॒ತಯಃ॑ || 1.139.1
ಯದ್ಧ॒ ತ್ಯನ್ಮಿ॑ತ್ರಾವರುಣಾವೃ॒ತಾದಧ್ಯಾ᳚ದ॒ದಾಥೇ॒ ಅನೃ॑ತಂ॒ ಸ್ವೇನ॑ ಮ॒ನ್ಯುನಾ॒ ದಕ್ಷ॑ಸ್ಯ॒ ಸ್ವೇನ॑ ಮ॒ನ್ಯುನಾ᳚ |
ಯು॒ವೋರಿ॒ತ್ಥಾಧಿ॒ ಸದ್ಮ॒ಸ್ವಪ॑ಶ್ಯಾಮ ಹಿರ॒ಣ್ಯಯ‌ಮ್᳚ |
ಧೀ॒ಭಿಶ್ಚ॒ನ ಮನ॑ಸಾ॒ ಸ್ವೇಭಿ॑ರ॒ಕ್ಷಭಿಃ॒ ಸೋಮ॑ಸ್ಯ॒ ಸ್ವೇಭಿ॑ರ॒ಕ್ಷಭಿಃ॑ || 1.139.2
ಯು॒ವಾಂ ಸ್ತೋಮೇ᳚ಭಿರ್ದೇವ॒ಯ‌ನ್ತೋ᳚ ಅಶ್ವಿನಾಶ್ರಾ॒ವಯ᳚‌ನ್ತ ಇವ॒ ಶ್ಲೋಕ॑ಮಾ॒ಯವೋ᳚ ಯು॒ವಾಂ ಹ॒ವ್ಯಾಭ್ಯಾ॒3॒॑ಯವಃ॑ |
ಯು॒ವೋರ್ವಿಶ್ವಾ॒ ಅಧಿ॒ ಶ್ರಿಯಃ॒ ಪೃಕ್ಷ॑ಶ್ಚ ವಿಶ್ವವೇದಸಾ |
ಪ್ರು॒ಷಾ॒ಯ‌ನ್ತೇ᳚ ವಾಂ ಪ॒ವಯೋ᳚ ಹಿರ॒ಣ್ಯಯೇ॒ ರಥೇ᳚ ದಸ್ರಾ ಹಿರ॒ಣ್ಯಯೇ᳚ || 1.139.3
ಅಚೇ᳚ತಿ ದಸ್ರಾ॒ ವ್ಯು1॒॑ ನಾಕ॑ಮೃಣ್ವಥೋ ಯುಂ॒ಜತೇ᳚ ವಾಂ ರಥ॒ಯುಜೋ॒ ದಿವಿ॑ಷ್ಟಿಷ್ವಧ್ವ॒ಸ್ಮಾನೋ॒ ದಿವಿ॑ಷ್ಟಿಷು |
ಅಧಿ॑ ವಾಂ॒ ಸ್ಥಾಮ॑ ವಂ॒ಧುರೇ॒ ರಥೇ᳚ ದಸ್ರಾ ಹಿರ॒ಣ್ಯಯೇ᳚ |
ಪ॒ಥೇವ॒ ಯ‌ನ್ತಾ᳚ವನು॒ಶಾಸ॑ತಾ॒ ರಜೋಽಞ್ಜ॑ಸಾ॒ ಶಾಸ॑ತಾ॒ ರಜಃ॑ || 1.139.4
ಶಚೀ᳚ಭಿರ್ನಃ ಶಚೀವಸೂ॒ ದಿವಾ॒ ನಕ್ತಂ᳚ ದಶಸ್ಯತ‌ಮ್ |
ಮಾ ವಾಂ᳚ ರಾ॒ತಿರುಪ॑ ದಸ॒ತ್ಕದಾ᳚ ಚ॒ನಾಸ್ಮದ್ರಾ॒ತಿಃ ಕದಾ᳚ ಚ॒ನ || 1.139.5
ವೃಷ᳚ನ್ನಿಂದ್ರ ವೃಷ॒ಪಾಣಾ᳚ಸ॒ ಇಂದ॑ವ ಇ॒ಮೇ ಸು॒ತಾ ಅದ್ರಿ॑ಷುತಾಸ ಉ॒ದ್ಭಿದ॒ಸ್ತುಭ್ಯಂ᳚ ಸು॒ತಾಸ॑ ಉ॒ದ್ಭಿದಃ॑ |
ತೇ ತ್ವಾ᳚ ಮಂದ‌ನ್ತು ದಾ॒ವನೇ᳚ ಮ॒ಹೇ ಚಿ॒ತ್ರಾಯ॒ ರಾಧ॑ಸೇ |
ಗೀ॒ರ್ಭಿರ್ಗಿ᳚ರ್ವಾಹಃ॒ ಸ್ತವ॑ಮಾನ॒ ಆ ಗ॑ಹಿ ಸುಮೃಳೀ॒ಕೋ ನ॒ ಆ ಗ॑ಹಿ || 1.139.6
ಓ ಷೂ ಣೋ᳚ ಅಗ್ನೇ ಶೃಣುಹಿ॒ ತ್ವಮೀ᳚ಳಿ॒ತೋ ದೇ॒ವೇಭ್ಯೋ᳚ ಬ್ರವಸಿ ಯ॒ಜ್ಞಿಯೇ᳚ಭ್ಯೋ॒ ರಾಜ॑ಭ್ಯೋ ಯ॒ಜ್ಞಿಯೇ᳚ಭ್ಯಃ |
ಯದ್ಧ॒ ತ್ಯಾಮಂಗಿ॑ರೋಭ್ಯೋ ಧೇ॒ನುಂ ದೇ᳚ವಾ॒ ಅದ॑ತ್ತನ |
ವಿ ತಾಂ ದು॑ಹ್ರೇ ಅರ್ಯ॒ಮಾ ಕ॒ರ್ತರೀ॒ ಸಚಾಁ᳚ ಏ॒ಷ ತಾಂ ವೇ᳚ದ ಮೇ॒ ಸಚಾ᳚ || 1.139.7
ಮೋ ಷು ವೋ᳚ ಅ॒ಸ್ಮದ॒ಭಿ ತಾನಿ॒ ಪೌಂಸ್ಯಾ॒ ಸನಾ᳚ ಭೂವಂದ್ಯು॒ಮ್ನಾನಿ॒ ಮೋತ ಜಾ᳚ರಿಷುರ॒ಸ್ಮತ್ಪು॒ರೋತ ಜಾ᳚ರಿಷುಃ |
ಯದ್ವ॑ಶ್ಚಿ॒ತ್ರಂ ಯು॒ಗೇಯು॑ಗೇ॒ ನವ್ಯಂ॒ ಘೋಷಾ॒ದಮ॑ರ್ತ್ಯ‌ಮ್ |
ಅ॒ಸ್ಮಾಸು॒ ತನ್ಮ॑ರುತೋ॒ ಯಚ್ಚ॑ ದು॒ಷ್ಟರಂ᳚ ದಿಧೃ॒ತಾ ಯಚ್ಚ॑ ದು॒ಷ್ಟರ‌ಮ್᳚ || 1.139.8
ದ॒ಧ್ಯಙ್ಹ॑ ಮೇ ಜ॒ನುಷಂ॒ ಪೂರ್ವೋ॒ ಅಂಗಿ॑ರಾಃ ಪ್ರಿ॒ಯಮೇ᳚ಧಃ॒ ಕಣ್ವೋ॒ ಅತ್ರಿ॒ರ್ಮನು᳚ರ್ವಿದು॒ಸ್ತೇ ಮೇ॒ ಪೂರ್ವೇ॒ ಮನು᳚ರ್ವಿದುಃ |
ತೇಷಾಂ᳚ ದೇ॒ವೇಷ್ವಾಯ॑ತಿರ॒ಸ್ಮಾಕಂ॒ ತೇಷು॒ ನಾಭ॑ಯಃ |
ತೇಷಾಂ᳚ ಪ॒ದೇನ॒ ಮಹ್ಯಾ ನ॑ಮೇ ಗಿ॒ರೇಂದ್ರಾ॒ಗ್ನೀ ಆ ನ॑ಮೇ ಗಿ॒ರಾ || 1.139.9
ಹೋತಾ᳚ ಯಕ್ಷದ್ವ॒ನಿನೋ᳚ ವ‌ನ್ತ॒ ವಾರ್ಯಂ॒ ಬೃಹ॒ಸ್ಪತಿ᳚ರ್ಯಜತಿ ವೇ॒ನ ಉ॒ಕ್ಷಭಿಃ॑ ಪುರು॒ವಾರೇ᳚ಭಿರು॒ಕ್ಷಭಿಃ॑ |
ಜ॒ಗೃ॒ಭ್ಮಾ ದೂ॒ರಆ᳚ದಿಶಂ॒ ಶ್ಲೋಕ॒ಮದ್ರೇ॒ರಧ॒ ತ್ಮನಾ᳚ |
ಅಧಾ᳚ರಯದರ॒ರಿಂದಾ᳚ನಿ ಸು॒ಕ್ರತುಃ॑ ಪು॒ರೂ ಸದ್ಮಾ᳚ನಿ ಸು॒ಕ್ರತುಃ॑ || 1.139.10
ಯೇ ದೇ᳚ವಾಸೋ ದಿ॒ವ್ಯೇಕಾ᳚ದಶ॒ ಸ್ಥ ಪೃ॑ಥಿ॒ವ್ಯಾಮಧ್ಯೇಕಾ᳚ದಶ॒ ಸ್ಥ |
ಅ॒ಪ್ಸು॒ಕ್ಷಿತೋ᳚ ಮಹಿ॒ನೈಕಾ᳚ದಶ॒ ಸ್ಥ ತೇ ದೇ᳚ವಾಸೋ ಯ॒ಜ್ಞಮಿ॒ಮಂ ಜು॑ಷಧ್ವ‌ಮ್ || 1.139.11

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,(19, 11) ಪ್ರಥಮಾದಿನವರ್ಚಾಮಕ ದಿಶ್ಯಾಶ್ಚ ಜಗತೀ (10) ದಶಮ್ಯಾ ಜಗತೀ ತ್ರಿಷ್ಟುಬ್ ವಾ (12-13) ದ್ವಾದಶೀತ್ರಯೋದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ವೇ॒ದಿ॒ಷದೇ᳚ ಪ್ರಿ॒ಯಧಾ᳚ಮಾಯ ಸು॒ದ್ಯುತೇ᳚ ಧಾ॒ಸಿಮಿ॑ವ॒ ಪ್ರ ಭ॑ರಾ॒ ಯೋನಿ॑ಮ॒ಗ್ನಯೇ᳚ |
ವಸ್ತ್ರೇ᳚ಣೇವ ವಾಸಯಾ॒ ಮನ್ಮ॑ನಾ॒ ಶುಚಿಂ᳚ ಜ್ಯೋ॒ತೀರ॑ಥಂ ಶು॒ಕ್ರವ᳚ರ್ಣಂ ತಮೋ॒ಹನ‌ಮ್᳚ || 1.140.1
ಅ॒ಭಿ ದ್ವಿ॒ಜನ್ಮಾ᳚ ತ್ರಿ॒ವೃದನ್ನ॑ಮೃಜ್ಯತೇ ಸಂವತ್ಸ॒ರೇ ವಾ᳚ವೃಧೇ ಜ॒ಗ್ಧಮೀ॒ ಪುನಃ॑ |
ಅ॒ನ್ಯಸ್ಯಾ॒ಸಾ ಜಿ॒ಹ್ವಯಾ॒ ಜೇನ್ಯೋ॒ ವೃಷಾ॒ ನ್ಯ1॒᳚ನ್ಯೇನ॑ ವ॒ನಿನೋ᳚ ಮೃಷ್ಟ ವಾರ॒ಣಃ || 1.140.2
ಕೃ॒ಷ್ಣ॒ಪ್ರುತೌ᳚ ವೇವಿ॒ಜೇ ಅ॑ಸ್ಯ ಸ॒ಕ್ಷಿತಾ᳚ ಉ॒ಭಾ ತ॑ರೇತೇ ಅ॒ಭಿ ಮಾ॒ತರಾ॒ ಶಿಶು‌ಮ್᳚ |
ಪ್ರಾ॒ಚಾಜಿ॑ಹ್ವಂ ಧ್ವ॒ಸಯ᳚‌ನ್ತಂ ತೃಷು॒ಚ್ಯುತ॒ಮಾ ಸಾಚ್ಯಂ॒ ಕುಪ॑ಯಂ॒ ವರ್ಧ॑ನಂ ಪಿ॒ತುಃ || 1.140.3
ಮು॒ಮು॒ಕ್ಷ್ವೋ॒3॒॑ ಮನ॑ವೇ ಮಾನವಸ್ಯ॒ತೇ ರ॑ಘು॒ದ್ರುವಃ॑ ಕೃ॒ಷ್ಣಸೀ᳚ತಾಸ ಊ॒ ಜುವಃ॑ |
ಅ॒ಸ॒ಮ॒ನಾ ಅ॑ಜಿ॒ರಾಸೋ᳚ ರಘು॒ಷ್ಯದೋ॒ ವಾತ॑ಜೂತಾ॒ ಉಪ॑ ಯುಜ್ಯ‌ನ್ತ ಆ॒ಶವಃ॑ || 1.140.4
ಆದ॑ಸ್ಯ॒ ತೇ ಧ್ವ॒ಸಯ᳚‌ನ್ತೋ॒ ವೃಥೇ᳚ರತೇ ಕೃ॒ಷ್ಣಮಭ್ವಂ॒ ಮಹಿ॒ ವರ್ಪಃ॒ ಕರಿ॑ಕ್ರತಃ |
ಯತ್ಸೀಂ᳚ ಮ॒ಹೀಮ॒ವನಿಂ॒ ಪ್ರಾಭಿ ಮರ್ಮೃ॑ಶದಭಿಶ್ವ॒ಸ‌‌ನ್ತ್ಸ್ತ॒ನಯ॒ನ್ನೇತಿ॒ ನಾನ॑ದತ್ || 1.140.5
ಭೂಷ॒ನ್ನ ಯೋಽಧಿ॑ ಬ॒ಭ್ರೂಷು॒ ನಮ್ನ॑ತೇ॒ ವೃಷೇ᳚ವ॒ ಪತ್ನೀ᳚ರ॒ಭ್ಯೇ᳚ತಿ॒ ರೋರು॑ವತ್ |
ಓ॒ಜಾ॒ಯಮಾ᳚ನಸ್ತ॒ನ್ವ॑ಶ್ಚ ಶುಂಭತೇ ಭೀ॒ಮೋ ನ ಶೃಂಗಾ᳚ ದವಿಧಾವ ದು॒ರ್ಗೃಭಿಃ॑ || 1.140.6
ಸ ಸಂ॒ಸ್ತಿರೋ᳚ ವಿ॒ಷ್ಟಿರಃ॒ ಸಂ ಗೃ॑ಭಾಯತಿ ಜಾ॒ನನ್ನೇ॒ವ ಜಾ᳚ನ॒ತೀರ್ನಿತ್ಯ॒ ಆ ಶ॑ಯೇ |
ಪುನ᳚ರ್ವರ್ಧ‌ನ್ತೇ॒ ಅಪಿ॑ ಯ‌ನ್ತಿ ದೇ॒ವ್ಯ॑ಮ॒ನ್ಯದ್ವರ್ಪಃ॑ ಪಿ॒ತ್ರೋಃ ಕೃ᳚ಣ್ವತೇ॒ ಸಚಾ᳚ || 1.140.7
ತಮ॒ಗ್ರುವಃ॑ ಕೇ॒ಶಿನೀಃ॒ ಸಂ ಹಿ ರೇ᳚ಭಿ॒ರ ಊ॒ರ್ಧ್ವಾಸ್ತ॑ಸ್ಥುರ್ಮ॒ಮ್ರುಷೀಃ॒ ಪ್ರಾಯವೇ॒ ಪುನಃ॑ |
ತಾಸಾಂ᳚ ಜ॒ರಾಂ ಪ್ರ॑ಮುಂ॒ಚನ್ನೇ᳚ತಿ॒ ನಾನ॑ದ॒ದಸುಂ॒ ಪರಂ᳚ ಜ॒ನಯಂ᳚ಜೀ॒ವಮಸ್ತೃ॑ತ‌ಮ್ || 1.140.8
ಅ॒ಧೀ॒ವಾ॒ಸಂ ಪರಿ॑ ಮಾ॒ತೂ ರಿ॒ಹನ್ನಹ॑ ತುವಿ॒ಗ್ರೇಭಿಃ॒ ಸತ್ವ॑ಭಿರ್ಯಾತಿ॒ ವಿ ಜ್ರಯಃ॑ |
ವಯೋ॒ ದಧ॑ತ್ಪ॒ದ್ವತೇ॒ ರೇರಿ॑ಹ॒ತ್ಸದಾನು॒ ಶ್ಯೇನೀ᳚ ಸಚತೇ ವರ್ತ॒ನೀರಹ॑ || 1.140.9
ಅ॒ಸ್ಮಾಕ॑ಮಗ್ನೇ ಮ॒ಘವ॑ತ್ಸು ದೀದಿ॒ಹ್ಯಧ॒ ಶ್ವಸೀ᳚ವಾನ್ವೃಷ॒ಭೋ ದಮೂ᳚ನಾಃ |
ಅ॒ವಾಸ್ಯಾ॒ ಶಿಶು॑ಮತೀರದೀದೇ॒ರ್ವರ್ಮೇ᳚ವ ಯು॒ತ್ಸು ಪ॑ರಿ॒ಜರ್ಭು॑ರಾಣಃ || 1.140.10
ಇ॒ದಮ॑ಗ್ನೇ॒ ಸುಧಿ॑ತಂ॒ ದುರ್ಧಿ॑ತಾ॒ದಧಿ॑ ಪ್ರಿ॒ಯಾದು॑ ಚಿ॒ನ್ಮನ್ಮ॑ನಃ॒ ಪ್ರೇಯೋ᳚ ಅಸ್ತು ತೇ |
ಯತ್ತೇ᳚ ಶು॒ಕ್ರಂ ತ॒ನ್ವೋ॒3॒॑ ರೋಚ॑ತೇ॒ ಶುಚಿ॒ ತೇನಾ॒ಸ್ಮಭ್ಯಂ᳚ ವನಸೇ॒ ರತ್ನ॒ಮಾ ತ್ವ‌ಮ್ || 1.140.11
ರಥಾ᳚ಯ॒ ನಾವ॑ಮು॒ತ ನೋ᳚ ಗೃ॒ಹಾಯ॒ ನಿತ್ಯಾ᳚ರಿತ್ರಾಂ ಪ॒ದ್ವತೀಂ᳚ ರಾಸ್ಯಗ್ನೇ |
ಅ॒ಸ್ಮಾಕಂ᳚ ವೀ॒ರಾಁ ಉ॒ತ ನೋ᳚ ಮ॒ಘೋನೋ॒ ಜನಾಁ᳚ಶ್ಚ॒ ಯಾ ಪಾ॒ರಯಾ॒ಚ್ಛರ್ಮ॒ ಯಾ ಚ॑ || 1.140.12
ಅ॒ಭೀ ನೋ᳚ ಅಗ್ನ ಉ॒ಕ್ಥಮಿಜ್ಜು॑ಗುರ್ಯಾ॒ ದ್ಯಾವಾ॒ಕ್ಷಾಮಾ॒ ಸಿಂಧ॑ವಶ್ಚ॒ ಸ್ವಗೂ᳚ರ್ತಾಃ |
ಗವ್ಯಂ॒ ಯವ್ಯಂ॒ ಯ‌ನ್ತೋ᳚ ದೀ॒ರ್ಘಾಹೇಷಂ॒ ವರ॑ಮರು॒ಣ್ಯೋ᳚ ವರ‌ನ್ತ || 1.140.13

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,(111) ಪ್ರಥಮಾಯೇಕಾದಶ! ಜಗತೀ (12-13) ದ್ವಾದಶೀತ್ರಯೋದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಬಳಿ॒ತ್ಥಾ ತದ್ವಪು॑ಷೇ ಧಾಯಿ ದರ್ಶ॒ತಂ ದೇ॒ವಸ್ಯ॒ ಭರ್ಗಃ॒ ಸಹ॑ಸೋ॒ ಯತೋ॒ ಜನಿ॑ |
ಯದೀ॒ಮುಪ॒ ಹ್ವರ॑ತೇ॒ ಸಾಧ॑ತೇ ಮ॒ತಿರ್‌ಋ॒ತಸ್ಯ॒ ಧೇನಾ᳚ ಅನಯ‌ನ್ತ ಸ॒ಸ್ರುತಃ॑ || 1.141.1
ಪೃ॒ಕ್ಷೋ ವಪುಃ॑ ಪಿತು॒ಮಾನ್ನಿತ್ಯ॒ ಆ ಶ॑ಯೇ ದ್ವಿ॒ತೀಯ॒ಮಾ ಸ॒ಪ್ತಶಿ॑ವಾಸು ಮಾ॒ತೃಷು॑ |
ತೃ॒ತೀಯ॑ಮಸ್ಯ ವೃಷ॒ಭಸ್ಯ॑ ದೋ॒ಹಸೇ॒ ದಶ॑ಪ್ರಮತಿಂ ಜನಯ‌ನ್ತ॒ ಯೋಷ॑ಣಃ || 1.141.2
ನಿರ್ಯದೀಂ᳚ ಬು॒ಧ್ನಾನ್ಮ॑ಹಿ॒ಷಸ್ಯ॒ ವರ್ಪ॑ಸ ಈಶಾ॒ನಾಸಃ॒ ಶವ॑ಸಾ॒ ಕ್ರ‌ನ್ತ॑ ಸೂ॒ರಯಃ॑ |
ಯದೀ॒ಮನು॑ ಪ್ರ॒ದಿವೋ॒ ಮಧ್ವ॑ ಆಧ॒ವೇ ಗುಹಾ॒ ಸ‌ನ್ತಂ᳚ ಮಾತ॒ರಿಶ್ವಾ᳚ ಮಥಾ॒ಯತಿ॑ || 1.141.3
ಪ್ರ ಯತ್ಪಿ॒ತುಃ ಪ॑ರ॒ಮಾನ್ನೀ॒ಯತೇ॒ ಪರ್ಯಾ ಪೃ॒ಕ್ಷುಧೋ᳚ ವೀ॒ರುಧೋ॒ ದಂಸು॑ ರೋಹತಿ |
ಉ॒ಭಾ ಯದ॑ಸ್ಯ ಜ॒ನುಷಂ॒ ಯದಿನ್ವ॑ತ॒ ಆದಿದ್ಯವಿ॑ಷ್ಠೋ ಅಭವದ್ಘೃ॒ಣಾ ಶುಚಿಃ॑ || 1.141.4
ಆದಿನ್ಮಾ॒ತೄರಾವಿ॑ಶ॒ದ್ಯಾಸ್ವಾ ಶುಚಿ॒ರಹಿಂ᳚ಸ್ಯಮಾನ ಉರ್ವಿ॒ಯಾ ವಿ ವಾ᳚ವೃಧೇ |
ಅನು॒ ಯತ್ಪೂರ್ವಾ॒ ಅರು॑ಹತ್ಸನಾ॒ಜುವೋ॒ ನಿ ನವ್ಯ॑ಸೀ॒ಷ್ವವ॑ರಾಸು ಧಾವತೇ || 1.141.5
ಆದಿದ್ಧೋತಾ᳚ರಂ ವೃಣತೇ॒ ದಿವಿ॑ಷ್ಟಿಷು॒ ಭಗ॑ಮಿವ ಪಪೃಚಾ॒ನಾಸ॑ ಋಂಜತೇ |
ದೇ॒ವಾನ್ಯತ್ಕ್ರತ್ವಾ᳚ ಮ॒ಜ್ಮನಾ᳚ ಪುರುಷ್ಟು॒ತೋ ಮರ್ತಂ॒ ಶಂಸಂ᳚ ವಿ॒ಶ್ವಧಾ॒ ವೇತಿ॒ ಧಾಯ॑ಸೇ || 1.141.6
ವಿ ಯದಸ್ಥಾ᳚ದ್ಯಜ॒ತೋ ವಾತ॑ಚೋದಿತೋ ಹ್ವಾ॒ರೋ ನ ವಕ್ವಾ᳚ ಜ॒ರಣಾ॒ ಅನಾ᳚ಕೃತಃ |
ತಸ್ಯ॒ ಪತ್ಮಂ᳚ದ॒ಕ್ಷುಷಃ॑ ಕೃ॒ಷ್ಣಜಂ᳚ಹಸಃ॒ ಶುಚಿ॑ಜನ್ಮನೋ॒ ರಜ॒ ಆ ವ್ಯ॑ಧ್ವನಃ || 1.141.7
ರಥೋ॒ ನ ಯಾ॒ತಃ ಶಿಕ್ವ॑ಭಿಃ ಕೃ॒ತೋ ದ್ಯಾಮಂಗೇ᳚ಭಿರರು॒ಷೇಭಿ॑ರೀಯತೇ |
ಆದ॑ಸ್ಯ॒ ತೇ ಕೃ॒ಷ್ಣಾಸೋ᳚ ದಕ್ಷಿ ಸೂ॒ರಯಃ॒ ಶೂರ॑ಸ್ಯೇವ ತ್ವೇ॒ಷಥಾ᳚ದೀಷತೇ॒ ವಯಃ॑ || 1.141.8
ತ್ವಯಾ॒ ಹ್ಯ॑ಗ್ನೇ॒ ವರು॑ಣೋ ಧೃ॒ತವ್ರ॑ತೋ ಮಿ॒ತ್ರಃ ಶಾ᳚ಶ॒ದ್ರೇ ಅ᳚ರ್ಯ॒ಮಾ ಸು॒ದಾನ॑ವಃ |
ಯತ್ಸೀ॒ಮನು॒ ಕ್ರತು॑ನಾ ವಿ॒ಶ್ವಥಾ᳚ ವಿ॒ಭುರ॒ರಾನ್ನ ನೇ॒ಮಿಃ ಪ॑ರಿ॒ಭೂರಜಾ᳚ಯಥಾಃ || 1.141.9
ತ್ವಮ॑ಗ್ನೇ ಶಶಮಾ॒ನಾಯ॑ ಸುನ್ವ॒ತೇ ರತ್ನಂ᳚ ಯವಿಷ್ಠ ದೇ॒ವತಾ᳚ತಿಮಿನ್ವಸಿ |
ತಂ ತ್ವಾ॒ ನು ನವ್ಯಂ᳚ ಸಹಸೋ ಯುವನ್ವ॒ಯಂ ಭಗಂ॒ ನ ಕಾ॒ರೇ ಮ॑ಹಿರತ್ನ ಧೀಮಹಿ || 1.141.10
ಅ॒ಸ್ಮೇ ರ॒ಯಿಂ ನ ಸ್ವರ್ಥಂ॒ ದಮೂ᳚ನಸಂ॒ ಭಗಂ॒ ದಕ್ಷಂ॒ ನ ಪ॑ಪೃಚಾಸಿ ಧರ್ಣ॒ಸಿ‌ಮ್ |
ರ॒ಶ್ಮೀಁರಿ॑ವ॒ ಯೋ ಯಮ॑ತಿ॒ ಜನ್ಮ॑ನೀ ಉ॒ಭೇ ದೇ॒ವಾನಾಂ॒ ಶಂಸ॑ಮೃ॒ತ ಆ ಚ॑ ಸು॒ಕ್ರತುಃ॑ || 1.141.11
ಉ॒ತ ನಃ॑ ಸು॒ದ್ಯೋತ್ಮಾ᳚ ಜೀ॒ರಾಶ್ವೋ॒ ಹೋತಾ᳚ ಮಂ॒ದ್ರಃ ಶೃ॑ಣವಚ್ಚಂ॒ದ್ರರ॑ಥಃ |
ಸ ನೋ᳚ ನೇಷ॒ನ್ನೇಷ॑ತಮೈ॒ರಮೂ᳚ರೋ॒ಽಗ್ನಿರ್ವಾ॒ಮಂ ಸು॑ವಿ॒ತಂ ವಸ್ಯೋ॒ ಅಚ್ಛ॑ || 1.141.12
ಅಸ್ತಾ᳚ವ್ಯ॒ಗ್ನಿಃ ಶಿಮೀ᳚ವದ್ಭಿರ॒ರ್ಕೈಃ ಸಾಮ್ರಾ᳚ಜ್ಯಾಯ ಪ್ರತ॒ರಂ ದಧಾ᳚ನಃ |
ಅ॒ಮೀ ಚ॒ ಯೇ ಮ॒ಘವಾ᳚ನೋ ವ॒ಯಂ ಚ॒ ಮಿಹಂ॒ ನ ಸೂರೋ॒ ಅತಿ॒ ನಿಷ್ಟ॑ತನ್ಯುಃ || 1.141.13

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೈಘರ್ತ ಮಾ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾಸ್ತನ್ನಪಾತ್ (3) ತೃತೀಯಾಯಾ ನರಾಶಂಸಃ (4) ಚತುರ್ಥ್ಯಾ ಇಳಃ (5) ಪಂಚಮ್ಯಾ ಬರ್ಹಿಃ (6) ಷಷ್ಠ್ಯಾ ದೇವೀರ್ದ್ವಾರಃ (7) ಸಪ್ತಮ್ಯಾ ಉಷಾಸಾನಕ್ತಾ (8) ಅಷ್ಟಮ್ಯಾ ದೈವ್ಯೌ ಹೋತರೌ ಪ್ರಚೇತಸೌ (9) ನವಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (10) ದಶಮ್ಯಾಸ್ತ್ವಷ್ಟಾ (11) ಏಕಾದಶ್ಯಾ ವನಸ್ಪತಿಃ (12) ದ್ವಾದಶ್ಯಾಃ ಸ್ವಾಹಾಕೃತಯಃ (13) ತ್ರಯೋದಶ್ಯಾಶ್ಚೇಂದ್ರೋ ದೇವತಾಃ ಅನುಷ್ಟಪ್ ಛಂದಃ

ಸಮಿ॑ದ್ಧೋ ಅಗ್ನ॒ ಆ ವ॑ಹ ದೇ॒ವಾಁ ಅ॒ದ್ಯ ಯ॒ತಸ್ರು॑ಚೇ |
ತ‌ನ್ತುಂ᳚ ತನುಷ್ವ ಪೂ॒ರ್ವ್ಯಂ ಸು॒ತಸೋ᳚ಮಾಯ ದಾ॒ಶುಷೇ᳚ || 1.142.1
ಘೃ॒ತವ᳚‌ನ್ತ॒ಮುಪ॑ ಮಾಸಿ॒ ಮಧು॑ಮ‌ನ್ತಂ ತನೂನಪಾತ್ |
ಯ॒ಜ್ಞಂ ವಿಪ್ರ॑ಸ್ಯ॒ ಮಾವ॑ತಃ ಶಶಮಾ॒ನಸ್ಯ॑ ದಾ॒ಶುಷಃ॑ || 1.142.2
ಶುಚಿಃ॑ ಪಾವ॒ಕೋ ಅದ್ಭು॑ತೋ॒ ಮಧ್ವಾ᳚ ಯ॒ಜ್ಞಂ ಮಿ॑ಮಿಕ್ಷತಿ |
ನರಾ॒ಶಂಸ॒ಸ್ತ್ರಿರಾ ದಿ॒ವೋ ದೇ॒ವೋ ದೇ॒ವೇಷು॑ ಯ॒ಜ್ಞಿಯಃ॑ || 1.142.3
ಈ॒ಳಿ॒ತೋ ಅ॑ಗ್ನ॒ ಆ ವ॒ಹೇಂದ್ರಂ᳚ ಚಿ॒ತ್ರಮಿ॒ಹ ಪ್ರಿ॒ಯ‌ಮ್ |
ಇ॒ಯಂ ಹಿ ತ್ವಾ᳚ ಮ॒ತಿರ್ಮಮಾಚ್ಛಾ᳚ ಸುಜಿಹ್ವ ವ॒ಚ್ಯತೇ᳚ || 1.142.4
ಸ್ತೃ॒ಣಾ॒ನಾಸೋ᳚ ಯ॒ತಸ್ರು॑ಚೋ ಬ॒ರ್ಹಿರ್ಯ॒ಜ್ಞೇ ಸ್ವ॑ಧ್ವ॒ರೇ |
ವೃಂ॒ಜೇ ದೇ॒ವವ್ಯ॑ಚಸ್ತಮ॒ಮಿಂದ್ರಾ᳚ಯ॒ ಶರ್ಮ॑ ಸ॒ಪ್ರಥಃ॑ || 1.142.5
ವಿ ಶ್ರ॑ಯ‌ನ್ತಾಮೃತಾ॒ವೃಧಃ॑ ಪ್ರ॒ಯೈ ದೇ॒ವೇಭ್ಯೋ᳚ ಮ॒ಹೀಃ |
ಪಾ॒ವ॒ಕಾಸಃ॑ ಪುರು॒ಸ್ಪೃಹೋ॒ ದ್ವಾರೋ᳚ ದೇ॒ವೀರ॑ಸ॒ಶ್ಚತಃ॑ || 1.142.6
ಆ ಭಂದ॑ಮಾನೇ॒ ಉಪಾ᳚ಕೇ॒ ನಕ್ತೋ॒ಷಾಸಾ᳚ ಸು॒ಪೇಶ॑ಸಾ |
ಯ॒ಹ್ವೀ ಋ॒ತಸ್ಯ॑ ಮಾ॒ತರಾ॒ ಸೀದ॑ತಾಂ ಬ॒ರ್ಹಿರಾ ಸು॒ಮತ್ || 1.142.7
ಮಂ॒ದ್ರಜಿ॑ಹ್ವಾ ಜುಗು॒ರ್ವಣೀ॒ ಹೋತಾ᳚ರಾ॒ ದೈವ್ಯಾ᳚ ಕ॒ವೀ |
ಯ॒ಜ್ಞಂ ನೋ᳚ ಯಕ್ಷತಾಮಿ॒ಮಂ ಸಿ॒ಧ್ರಮ॒ದ್ಯ ದಿ॑ವಿ॒ಸ್ಪೃಶ‌ಮ್᳚ || 1.142.8
ಶುಚಿ॑ರ್ದೇ॒ವೇಷ್ವರ್ಪಿ॑ತಾ॒ ಹೋತ್ರಾ᳚ ಮ॒ರುತ್ಸು॒ ಭಾರ॑ತೀ |
ಇಳಾ॒ ಸರ॑ಸ್ವತೀ ಮ॒ಹೀ ಬ॒ರ್ಹಿಃ ಸೀ᳚ದ‌ನ್ತು ಯ॒ಜ್ಞಿಯಾಃ᳚ || 1.142.9
ತನ್ನ॑ಸ್ತು॒ರೀಪ॒ಮದ್ಭು॑ತಂ ಪು॒ರು ವಾರಂ᳚ ಪು॒ರು ತ್ಮನಾ᳚ |
ತ್ವಷ್ಟಾ॒ ಪೋಷಾ᳚ಯ॒ ವಿ ಷ್ಯ॑ತು ರಾ॒ಯೇ ನಾಭಾ᳚ ನೋ ಅಸ್ಮ॒ಯುಃ || 1.142.10
ಅ॒ವ॒ಸೃ॒ಜನ್ನುಪ॒ ತ್ಮನಾ᳚ ದೇ॒ವಾನ್ಯ॑ಕ್ಷಿ ವನಸ್ಪತೇ |
ಅ॒ಗ್ನಿರ್ಹ॒ವ್ಯಾ ಸು॑ಷೂದತಿ ದೇ॒ವೋ ದೇ॒ವೇಷು॒ ಮೇಧಿ॑ರಃ || 1.142.11
ಪೂ॒ಷ॒ಣ್ವತೇ᳚ ಮ॒ರುತ್ವ॑ತೇ ವಿ॒ಶ್ವದೇ᳚ವಾಯ ವಾ॒ಯವೇ᳚ |
ಸ್ವಾಹಾ᳚ ಗಾಯ॒ತ್ರವೇ᳚ಪಸೇ ಹ॒ವ್ಯಮಿಂದ್ರಾ᳚ಯ ಕರ್ತನ || 1.142.12
ಸ್ವಾಹಾ᳚ಕೃತಾ॒ನ್ಯಾ ಗ॒ಹ್ಯುಪ॑ ಹ॒ವ್ಯಾನಿ॑ ವೀ॒ತಯೇ᳚ |
ಇಂದ್ರಾ ಗ॑ಹಿ ಶ್ರು॒ಧೀ ಹವಂ॒ ತ್ವಾಂ ಹ॑ವ‌ನ್ತೇ ಅಧ್ವ॒ರೇ || 1.142.13

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,(1-7) ಪ್ರಥಮಾದಿಸಪ್ತರೋಂ ಜಗತೀ (8) ಅಷ್ಟಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ತವ್ಯ॑ಸೀಂ॒ ನವ್ಯ॑ಸೀಂ ಧೀ॒ತಿಮ॒ಗ್ನಯೇ᳚ ವಾ॒ಚೋ ಮ॒ತಿಂ ಸಹ॑ಸಃ ಸೂ॒ನವೇ᳚ ಭರೇ |
ಅ॒ಪಾಂ ನಪಾ॒ದ್ಯೋ ವಸು॑ಭಿಃ ಸ॒ಹ ಪ್ರಿ॒ಯೋ ಹೋತಾ᳚ ಪೃಥಿ॒ವ್ಯಾಂ ನ್ಯಸೀ᳚ದದೃ॒ತ್ವಿಯಃ॑ || 1.143.1
ಸ ಜಾಯ॑ಮಾನಃ ಪರ॒ಮೇ ವ್ಯೋ᳚ಮನ್ಯಾ॒ವಿರ॒ಗ್ನಿರ॑ಭವನ್ಮಾತ॒ರಿಶ್ವ॑ನೇ |
ಅ॒ಸ್ಯ ಕ್ರತ್ವಾ᳚ ಸಮಿಧಾ॒ನಸ್ಯ॑ ಮ॒ಜ್ಮನಾ॒ ಪ್ರ ದ್ಯಾವಾ᳚ ಶೋ॒ಚಿಃ ಪೃ॑ಥಿ॒ವೀ ಅ॑ರೋಚಯತ್ || 1.143.2
ಅ॒ಸ್ಯ ತ್ವೇ॒ಷಾ ಅ॒ಜರಾ᳚ ಅ॒ಸ್ಯ ಭಾ॒ನವಃ॑ ಸುಸಂ॒ದೃಶಃ॑ ಸು॒ಪ್ರತೀ᳚ಕಸ್ಯ ಸು॒ದ್ಯುತಃ॑ |
ಭಾತ್ವ॑ಕ್ಷಸೋ॒ ಅತ್ಯ॒ಕ್ತುರ್ನ ಸಿಂಧ॑ವೋ॒ಽಗ್ನೇ ರೇ᳚ಜ‌ನ್ತೇ॒ ಅಸ॑ಸ‌ನ್ತೋ ಅ॒ಜರಾಃ᳚ || 1.143.3
ಯಮೇ᳚ರಿ॒ರೇ ಭೃಗ॑ವೋ ವಿ॒ಶ್ವವೇ᳚ದಸಂ॒ ನಾಭಾ᳚ ಪೃಥಿ॒ವ್ಯಾ ಭುವ॑ನಸ್ಯ ಮ॒ಜ್ಮನಾ᳚ |
ಅ॒ಗ್ನಿಂ ತಂ ಗೀ॒ರ್ಭಿರ್ಹಿ॑ನುಹಿ॒ ಸ್ವ ಆ ದಮೇ॒ ಯ ಏಕೋ॒ ವಸ್ವೋ॒ ವರು॑ಣೋ॒ ನ ರಾಜ॑ತಿ || 1.143.4
ನ ಯೋ ವರಾ᳚ಯ ಮ॒ರುತಾ᳚ಮಿವ ಸ್ವ॒ನಃ ಸೇನೇ᳚ವ ಸೃ॒ಷ್ಟಾ ದಿ॒ವ್ಯಾ ಯಥಾ॒ಶನಿಃ॑ |
ಅ॒ಗ್ನಿರ್ಜಂಭೈ᳚ಸ್ತಿಗಿ॒ತೈರ॑ತ್ತಿ॒ ಭರ್ವ॑ತಿ ಯೋ॒ಧೋ ನ ಶತ್ರೂ॒‌‌ನ್ತ್ಸ ವನಾ॒ ನ್ಯೃಂ᳚ಜತೇ || 1.143.5
ಕು॒ವಿನ್ನೋ᳚ ಅ॒ಗ್ನಿರು॒ಚಥ॑ಸ್ಯ॒ ವೀರಸ॒ದ್ವಸು॑ಷ್ಕು॒ವಿದ್ವಸು॑ಭಿಃ॒ ಕಾಮ॑ಮಾ॒ವರ॑ತ್ |
ಚೋ॒ದಃ ಕು॒ವಿತ್ತು॑ತು॒ಜ್ಯಾತ್ಸಾ॒ತಯೇ॒ ಧಿಯಃ॒ ಶುಚಿ॑ಪ್ರತೀಕಂ॒ ತಮ॒ಯಾ ಧಿ॒ಯಾ ಗೃ॑ಣೇ || 1.143.6
ಘೃ॒ತಪ್ರ॑ತೀಕಂ ವ ಋ॒ತಸ್ಯ॑ ಧೂ॒ರ್ಷದ॑ಮ॒ಗ್ನಿಂ ಮಿ॒ತ್ರಂ ನ ಸ॑ಮಿಧಾ॒ನ ಋಂ᳚ಜತೇ |
ಇಂಧಾ᳚ನೋ ಅ॒ಕ್ರೋ ವಿ॒ದಥೇ᳚ಷು॒ ದೀದ್ಯ॑ಚ್ಛು॒ಕ್ರವ᳚ರ್ಣಾ॒ಮುದು॑ ನೋ ಯಂಸತೇ॒ ಧಿಯ‌ಮ್᳚ || 1.143.7
ಅಪ್ರ॑ಯುಚ್ಛ॒ನ್ನಪ್ರ॑ಯುಚ್ಛದ್ಭಿರಗ್ನೇ ಶಿ॒ವೇಭಿ᳚ರ್ನಃ ಪಾ॒ಯುಭಿಃ॑ ಪಾಹಿ ಶ॒ಗ್ಮೈಃ |
ಅದ॑ಬ್ಧೇಭಿ॒ರದೃ॑ಪಿತೇಭಿರಿ॒ಷ್ಟೇಽನಿ॑ಮಿಷದ್ಭಿಃ॒ ಪರಿ॑ ಪಾಹಿ ನೋ॒ ಜಾಃ || 1.143.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,ಜಗತೀ ಛಂದಃ

ಏತಿ॒ ಪ್ರ ಹೋತಾ᳚ ವ್ರ॒ತಮ॑ಸ್ಯ ಮಾ॒ಯಯೋ॒ರ್ಧ್ವಾಂ ದಧಾ᳚ನಃ॒ ಶುಚಿ॑ಪೇಶಸಂ॒ ಧಿಯ‌ಮ್᳚ |
ಅ॒ಭಿ ಸ್ರುಚಃ॑ ಕ್ರಮತೇ ದಕ್ಷಿಣಾ॒ವೃತೋ॒ ಯಾ ಅ॑ಸ್ಯ॒ ಧಾಮ॑ ಪ್ರಥ॒ಮಂ ಹ॒ ನಿಂಸ॑ತೇ || 1.144.1
ಅ॒ಭೀಮೃ॒ತಸ್ಯ॑ ದೋ॒ಹನಾ᳚ ಅನೂಷತ॒ ಯೋನೌ᳚ ದೇ॒ವಸ್ಯ॒ ಸದ॑ನೇ॒ ಪರೀ᳚ವೃತಾಃ |
ಅ॒ಪಾಮು॒ಪಸ್ಥೇ॒ ವಿಭೃ॑ತೋ॒ ಯದಾವ॑ಸ॒ದಧ॑ ಸ್ವ॒ಧಾ ಅ॑ಧಯ॒ದ್ಯಾಭಿ॒ರೀಯ॑ತೇ || 1.144.2
ಯುಯೂ᳚ಷತಃ॒ ಸವ॑ಯಸಾ॒ ತದಿದ್ವಪುಃ॑ ಸಮಾ॒ನಮರ್ಥಂ᳚ ವಿ॒ತರಿ॑ತ್ರತಾ ಮಿ॒ಥಃ |
ಆದೀಂ॒ ಭಗೋ॒ ನ ಹವ್ಯಃ॒ ಸಮ॒ಸ್ಮದಾ ವೋಳ್ಹು॒ರ್ನ ರ॒ಶ್ಮೀ‌‌ನ್ತ್ಸಮ॑ಯಂಸ್ತ॒ ಸಾರ॑ಥಿಃ || 1.144.3
ಯಮೀಂ॒ ದ್ವಾ ಸವ॑ಯಸಾ ಸಪ॒ರ್ಯತಃ॑ ಸಮಾ॒ನೇ ಯೋನಾ᳚ ಮಿಥು॒ನಾ ಸಮೋ᳚ಕಸಾ |
ದಿವಾ॒ ನ ನಕ್ತಂ᳚ ಪಲಿ॒ತೋ ಯುವಾ᳚ಜನಿ ಪು॒ರೂ ಚರ᳚ನ್ನ॒ಜರೋ॒ ಮಾನು॑ಷಾ ಯು॒ಗಾ || 1.144.4
ತಮೀಂ᳚ ಹಿನ್ವ‌ನ್ತಿ ಧೀ॒ತಯೋ॒ ದಶ॒ ವ್ರಿಶೋ᳚ ದೇ॒ವಂ ಮರ್ತಾ᳚ಸ ಊ॒ತಯೇ᳚ ಹವಾಮಹೇ |
ಧನೋ॒ರಧಿ॑ ಪ್ರ॒ವತ॒ ಆ ಸ ಋ᳚ಣ್ವತ್ಯಭಿ॒ವ್ರಜ॑ದ್ಭಿರ್ವ॒ಯುನಾ॒ ನವಾ᳚ಧಿತ || 1.144.5
ತ್ವಂ ಹ್ಯ॑ಗ್ನೇ ದಿ॒ವ್ಯಸ್ಯ॒ ರಾಜ॑ಸಿ॒ ತ್ವಂ ಪಾರ್ಥಿ॑ವಸ್ಯ ಪಶು॒ಪಾ ಇ॑ವ॒ ತ್ಮನಾ᳚ |
ಏನೀ᳚ ತ ಏ॒ತೇ ಬೃ॑ಹ॒ತೀ ಅ॑ಭಿ॒ಶ್ರಿಯಾ᳚ ಹಿರ॒ಣ್ಯಯೀ॒ ವಕ್ವ॑ರೀ ಬ॒ರ್ಹಿರಾ᳚ಶಾತೇ || 1.144.6
ಅಗ್ನೇ᳚ ಜು॒ಷಸ್ವ॒ ಪ್ರತಿ॑ ಹರ್ಯ॒ ತದ್ವಚೋ॒ ಮಂದ್ರ॒ ಸ್ವಧಾ᳚ವ॒ ಋತ॑ಜಾತ॒ ಸುಕ್ರ॑ತೋ |
ಯೋ ವಿ॒ಶ್ವತಃ॑ ಪ್ರ॒ತ್ಯಙ್ಙಸಿ॑ ದರ್ಶ॒ತೋ ರ॒ಣ್ವಃ ಸಂದೃ॑ಷ್ಟೌ ಪಿತು॒ಮಾಁ ಇ॑ವ॒ ಕ್ಷಯಃ॑ || 1.144.7

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,(1-4) ಪ್ರಥಮಾದಿಚರ್ಚಾಂ ಜಗತೀ (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ತಂ ಪೃ॑ಚ್ಛತಾ॒ ಸ ಜ॑ಗಾಮಾ॒ ಸ ವೇ᳚ದ॒ ಸ ಚಿ॑ಕಿ॒ತ್ವಾಁ ಈ᳚ಯತೇ॒ ಸಾ ನ್ವೀ᳚ಯತೇ |
ತಸ್ಮಿ᳚‌‌ನ್ತ್ಸ‌ನ್ತಿ ಪ್ರ॒ಶಿಷ॒ಸ್ತಸ್ಮಿ᳚ನ್ನಿ॒ಷ್ಟಯಃ॒ ಸ ವಾಜ॑ಸ್ಯ॒ ಶವ॑ಸಃ ಶು॒ಷ್ಮಿಣ॒ಸ್ಪತಿಃ॑ || 1.145.1
ತಮಿತ್ಪೃ॑ಚ್ಛ‌ನ್ತಿ॒ ನ ಸಿ॒ಮೋ ವಿ ಪೃ॑ಚ್ಛತಿ॒ ಸ್ವೇನೇ᳚ವ॒ ಧೀರೋ॒ ಮನ॑ಸಾ॒ ಯದಗ್ರ॑ಭೀತ್ |
ನ ಮೃ॑ಷ್ಯತೇ ಪ್ರಥ॒ಮಂ ನಾಪ॑ರಂ॒ ವಚೋ॒ಽಸ್ಯ ಕ್ರತ್ವಾ᳚ ಸಚತೇ॒ ಅಪ್ರ॑ದೃಪಿತಃ || 1.145.2
ತಮಿದ್ಗ॑ಚ್ಛ‌ನ್ತಿ ಜು॒ಹ್ವ1॒॑ಸ್ತಮರ್ವ॑ತೀ॒ರ್ವಿಶ್ವಾ॒ನ್ಯೇಕಃ॑ ಶೃಣವ॒ದ್ವಚಾಂ᳚ಸಿ ಮೇ |
ಪು॒ರು॒ಪ್ರೈ॒ಷಸ್ತತು॑ರಿರ್ಯಜ್ಞ॒ಸಾಧ॒ನೋಽಚ್ಛಿ॑ದ್ರೋತಿಃ॒ ಶಿಶು॒ರಾದ॑ತ್ತ॒ ಸಂ ರಭಃ॑ || 1.145.3
ಉ॒ಪ॒ಸ್ಥಾಯಂ᳚ ಚರತಿ॒ ಯತ್ಸ॒ಮಾರ॑ತ ಸ॒ದ್ಯೋ ಜಾ॒ತಸ್ತ॑ತ್ಸಾರ॒ ಯುಜ್ಯೇ᳚ಭಿಃ |
ಅ॒ಭಿ ಶ್ವಾ॒‌ನ್ತಂ ಮೃ॑ಶತೇ ನಾಂ॒ದ್ಯೇ᳚ ಮು॒ದೇ ಯದೀಂ॒ ಗಚ್ಛ᳚‌ನ್ತ್ಯುಶ॒ತೀರ॑ಪಿಷ್ಠಿ॒ತ‌ಮ್ || 1.145.4
ಸ ಈಂ᳚ ಮೃ॒ಗೋ ಅಪ್ಯೋ᳚ ವನ॒ರ್ಗುರುಪ॑ ತ್ವ॒ಚ್ಯು॑ಪ॒ಮಸ್ಯಾಂ॒ ನಿ ಧಾ᳚ಯಿ |
ವ್ಯ॑ಬ್ರವೀದ್ವ॒ಯುನಾ॒ ಮರ್ತ್ಯೇ᳚ಭ್ಯೋ॒ಽಗ್ನಿರ್ವಿ॒ದ್ವಾಁ ಋ॑ತ॒ಚಿದ್ಧಿ ಸ॒ತ್ಯಃ || 1.145.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ತ್ರಿ॒ಮೂ॒ರ್ಧಾನಂ᳚ ಸ॒ಪ್ತರ॑ಶ್ಮಿಂ ಗೃಣೀ॒ಷೇಽನೂ᳚ನಮ॒ಗ್ನಿಂ ಪಿ॒ತ್ರೋರು॒ಪಸ್ಥೇ᳚ |
ನಿ॒ಷ॒ತ್ತಮ॑ಸ್ಯ॒ ಚರ॑ತೋ ಧ್ರು॒ವಸ್ಯ॒ ವಿಶ್ವಾ᳚ ದಿ॒ವೋ ರೋ᳚ಚ॒ನಾಪ॑ಪ್ರಿ॒ವಾಂಸ‌ಮ್᳚ || 1.146.1
ಉ॒ಕ್ಷಾ ಮ॒ಹಾಁ ಅ॒ಭಿ ವ॑ವಕ್ಷ ಏನೇ ಅ॒ಜರ॑ಸ್ತಸ್ಥಾವಿ॒ತಊ᳚ತಿರ್‌ಋ॒ಷ್ವಃ |
ಉ॒ರ್ವ್ಯಾಃ ಪ॒ದೋ ನಿ ದ॑ಧಾತಿ॒ ಸಾನೌ᳚ ರಿ॒ಹ‌ನ್ತ್ಯೂಧೋ᳚ ಅರು॒ಷಾಸೋ᳚ ಅಸ್ಯ || 1.146.2
ಸ॒ಮಾ॒ನಂ ವ॒ತ್ಸಮ॒ಭಿ ಸಂ॒ಚರ᳚‌ನ್ತೀ॒ ವಿಷ್ವ॑ಗ್ಧೇ॒ನೂ ವಿ ಚ॑ರತಃ ಸು॒ಮೇಕೇ᳚ |
ಅ॒ನ॒ಪ॒ವೃ॒ಜ್ಯಾಁ ಅಧ್ವ॑ನೋ॒ ಮಿಮಾ᳚ನೇ॒ ವಿಶ್ವಾ॒ನ್ಕೇತಾಁ॒ ಅಧಿ॑ ಮ॒ಹೋ ದಧಾ᳚ನೇ || 1.146.3
ಧೀರಾ᳚ಸಃ ಪ॒ದಂ ಕ॒ವಯೋ᳚ ನಯ‌ನ್ತಿ॒ ನಾನಾ᳚ ಹೃ॒ದಾ ರಕ್ಷ॑ಮಾಣಾ ಅಜು॒ರ್ಯ‌ಮ್ |
ಸಿಷಾ᳚ಸ‌ನ್ತಃ॒ ಪರ್ಯ॑ಪಶ್ಯ‌ನ್ತ॒ ಸಿಂಧು॑ಮಾ॒ವಿರೇ᳚ಭ್ಯೋ ಅಭವ॒ತ್ಸೂರ್ಯೋ॒ ನೄನ್ || 1.146.4
ದಿ॒ದೃ॒ಕ್ಷೇಣ್ಯಃ॒ ಪರಿ॒ ಕಾಷ್ಠಾ᳚ಸು॒ ಜೇನ್ಯ॑ ಈ॒ಳೇನ್ಯೋ᳚ ಮ॒ಹೋ ಅರ್ಭಾ᳚ಯ ಜೀ॒ವಸೇ᳚ |
ಪು॒ರು॒ತ್ರಾ ಯದಭ॑ವ॒ತ್ಸೂರಹೈ᳚ಭ್ಯೋ॒ ಗರ್ಭೇ᳚ಭ್ಯೋ ಮ॒ಘವಾ᳚ ವಿ॒ಶ್ವದ॑ರ್ಶತಃ || 1.146.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ಕ॒ಥಾ ತೇ᳚ ಅಗ್ನೇ ಶು॒ಚಯ᳚‌ನ್ತ ಆ॒ಯೋರ್ದ॑ದಾ॒ಶುರ್ವಾಜೇ᳚ಭಿರಾಶುಷಾ॒ಣಾಃ |
ಉ॒ಭೇ ಯತ್ತೋ॒ಕೇ ತನ॑ಯೇ॒ ದಧಾ᳚ನಾ ಋ॒ತಸ್ಯ॒ ಸಾಮ᳚ನ್ರ॒ಣಯ᳚‌ನ್ತ ದೇ॒ವಾಃ || 1.147.1
ಬೋಧಾ᳚ ಮೇ ಅ॒ಸ್ಯ ವಚ॑ಸೋ ಯವಿಷ್ಠ॒ ಮಂಹಿ॑ಷ್ಠಸ್ಯ॒ ಪ್ರಭೃ॑ತಸ್ಯ ಸ್ವಧಾವಃ |
ಪೀಯ॑ತಿ ತ್ವೋ॒ ಅನು॑ ತ್ವೋ ಗೃಣಾತಿ ವಂ॒ದಾರು॑ಸ್ತೇ ತ॒ನ್ವಂ᳚ ವಂದೇ ಅಗ್ನೇ || 1.147.2
ಯೇ ಪಾ॒ಯವೋ᳚ ಮಾಮತೇ॒ಯಂ ತೇ᳚ ಅಗ್ನೇ॒ ಪಶ್ಯ᳚‌ನ್ತೋ ಅಂ॒ಧಂ ದು॑ರಿ॒ತಾದರ॑ಕ್ಷನ್ |
ರ॒ರಕ್ಷ॒ ತಾ‌‌ನ್ತ್ಸು॒ಕೃತೋ᳚ ವಿ॒ಶ್ವವೇ᳚ದಾ॒ ದಿಪ್ಸ᳚‌ನ್ತ॒ ಇದ್ರಿ॒ಪವೋ॒ ನಾಹ॑ ದೇಭುಃ || 1.147.3
ಯೋ ನೋ᳚ ಅಗ್ನೇ॒ ಅರ॑ರಿವಾಁ ಅಘಾ॒ಯುರ॑ರಾತೀ॒ವಾ ಮ॒ರ್ಚಯ॑ತಿ ದ್ವ॒ಯೇನ॑ |
ಮ‌ನ್ತ್ರೋ᳚ ಗು॒ರುಃ ಪುನ॑ರಸ್ತು॒ ಸೋ ಅ॑ಸ್ಮಾ॒ ಅನು॑ ಮೃಕ್ಷೀಷ್ಟ ತ॒ನ್ವಂ᳚ ದುರು॒ಕ್ತೈಃ || 1.147.4
ಉ॒ತ ವಾ॒ ಯಃ ಸ॑ಹಸ್ಯ ಪ್ರವಿ॒ದ್ವಾನ್ಮರ್ತೋ॒ ಮರ್ತಂ᳚ ಮ॒ರ್ಚಯ॑ತಿ ದ್ವ॒ಯೇನ॑ |
ಅತಃ॑ ಪಾಹಿ ಸ್ತವಮಾನ ಸ್ತು॒ವ‌ನ್ತ॒ಮಗ್ನೇ॒ ಮಾಕಿ᳚ರ್ನೋ ದುರಿ॒ತಾಯ॑ ಧಾಯೀಃ || 1.147.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಮಥೀ॒ದ್ಯದೀಂ᳚ ವಿ॒ಷ್ಟೋ ಮಾ᳚ತ॒ರಿಶ್ವಾ॒ ಹೋತಾ᳚ರಂ ವಿ॒ಶ್ವಾಪ್ಸುಂ᳚ ವಿ॒ಶ್ವದೇ᳚ವ್ಯ‌ಮ್ |
ನಿ ಯಂ ದ॒ಧುರ್ಮ॑ನು॒ಷ್ಯಾ᳚ಸು ವಿ॒ಕ್ಷು ಸ್ವ1॒᳚ರ್ಣ ಚಿ॒ತ್ರಂ ವಪು॑ಷೇ ವಿ॒ಭಾವ‌ಮ್᳚ || 1.148.1
ದ॒ದಾ॒ನಮಿನ್ನ ದ॑ದಭ‌ನ್ತ॒ ಮನ್ಮಾ॒ಗ್ನಿರ್ವರೂ᳚ಥಂ॒ ಮಮ॒ ತಸ್ಯ॑ ಚಾಕನ್ |
ಜು॒ಷ‌ನ್ತ॒ ವಿಶ್ವಾ᳚ನ್ಯಸ್ಯ॒ ಕರ್ಮೋಪ॑ಸ್ತುತಿಂ॒ ಭರ॑ಮಾಣಸ್ಯ ಕಾ॒ರೋಃ || 1.148.2
ನಿತ್ಯೇ᳚ ಚಿ॒ನ್ನು ಯಂ ಸದ॑ನೇ ಜಗೃ॒ಭ್ರೇ ಪ್ರಶ॑ಸ್ತಿಭಿರ್ದಧಿ॒ರೇ ಯ॒ಜ್ಞಿಯಾ᳚ಸಃ |
ಪ್ರ ಸೂ ನ॑ಯ‌ನ್ತ ಗೃ॒ಭಯ᳚‌ನ್ತ ಇ॒ಷ್ಟಾವಶ್ವಾ᳚ಸೋ॒ ನ ರ॒ಥ್ಯೋ᳚ ರಾರಹಾ॒ಣಾಃ || 1.148.3
ಪು॒ರೂಣಿ॑ ದ॒ಸ್ಮೋ ನಿ ರಿ॑ಣಾತಿ॒ ಜಂಭೈ॒ರಾದ್ರೋ᳚ಚತೇ॒ ವನ॒ ಆ ವಿ॒ಭಾವಾ᳚ |
ಆದ॑ಸ್ಯ॒ ವಾತೋ॒ ಅನು॑ ವಾತಿ ಶೋ॒ಚಿರಸ್ತು॒ರ್ನ ಶರ್ಯಾ᳚ಮಸ॒ನಾಮನು॒ ದ್ಯೂನ್ || 1.148.4
ನ ಯಂ ರಿ॒ಪವೋ॒ ನ ರಿ॑ಷ॒ಣ್ಯವೋ॒ ಗರ್ಭೇ॒ ಸ‌ನ್ತಂ᳚ ರೇಷ॒ಣಾ ರೇ॒ಷಯ᳚‌ನ್ತಿ |
ಅಂ॒ಧಾ ಅ॑ಪ॒ಶ್ಯಾ ನ ದ॑ಭನ್ನಭಿ॒ಖ್ಯಾ ನಿತ್ಯಾ᳚ಸ ಈಂ ಪ್ರೇ॒ತಾರೋ᳚ ಅರಕ್ಷನ್ || 1.148.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿರ್ದೇವತಾ,ವಿರಾಟ್ ಛಂದಃ

ಮ॒ಹಃ ಸ ರಾ॒ಯ ಏಷ॑ತೇ॒ ಪತಿ॒ರ್ದನ್ನಿ॒ನ ಇ॒ನಸ್ಯ॒ ವಸು॑ನಃ ಪ॒ದ ಆ |
ಉಪ॒ ಧ್ರಜ᳚‌ನ್ತ॒ಮದ್ರ॑ಯೋ ವಿ॒ಧನ್ನಿತ್ || 1.149.1
ಸ ಯೋ ವೃಷಾ᳚ ನ॒ರಾಂ ನ ರೋದ॑ಸ್ಯೋಃ॒ ಶ್ರವೋ᳚ಭಿ॒ರಸ್ತಿ॑ ಜೀ॒ವಪೀ᳚ತಸರ್ಗಃ |
ಪ್ರ ಯಃ ಸ॑ಸ್ರಾ॒ಣಃ ಶಿ॑ಶ್ರೀ॒ತ ಯೋನೌ᳚ || 1.149.2
ಆ ಯಃ ಪುರಂ॒ ನಾರ್ಮಿ॑ಣೀ॒ಮದೀ᳚ದೇ॒ದತ್ಯಃ॑ ಕ॒ವಿರ್ನ॑ಭ॒ನ್ಯೋ॒3॒॑ ನಾರ್ವಾ᳚ |
ಸೂರೋ॒ ನ ರು॑ರು॒ಕ್ವಾಂಛ॒ತಾತ್ಮಾ᳚ || 1.149.3
ಅ॒ಭಿ ದ್ವಿ॒ಜನ್ಮಾ॒ ತ್ರೀ ರೋ᳚ಚ॒ನಾನಿ॒ ವಿಶ್ವಾ॒ ರಜಾಂ᳚ಸಿ ಶುಶುಚಾ॒ನೋ ಅ॑ಸ್ಥಾತ್ |
ಹೋತಾ॒ ಯಜಿ॑ಷ್ಠೋ ಅ॒ಪಾಂ ಸ॒ಧಸ್ಥೇ᳚ || 1.149.4
ಅ॒ಯಂ ಸ ಹೋತಾ॒ ಯೋ ದ್ವಿ॒ಜನ್ಮಾ॒ ವಿಶ್ವಾ᳚ ದ॒ಧೇ ವಾರ್ಯಾ᳚ಣಿ ಶ್ರವ॒ಸ್ಯಾ |
ಮರ್ತೋ॒ ಯೋ ಅ॑ಸ್ಮೈ ಸು॒ತುಕೋ᳚ ದ॒ದಾಶ॑ || 1.149.5

(1-3) ತೃಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಗ್ನಿದೇರ್ವತಾ ಉಷ್ಣಿಕ್ ಛಂದಃ

ಪು॒ರು ತ್ವಾ᳚ ದಾ॒ಶ್ವಾನ್ವೋ᳚ಚೇ॒ಽರಿರ॑ಗ್ನೇ॒ ತವ॑ ಸ್ವಿ॒ದಾ |
ತೋ॒ದಸ್ಯೇ᳚ವ ಶರ॒ಣ ಆ ಮ॒ಹಸ್ಯ॑ || 1.150.1
ವ್ಯ॑ನಿ॒ನಸ್ಯ॑ ಧ॒ನಿನಃ॑ ಪ್ರಹೋ॒ಷೇ ಚಿ॒ದರ॑ರುಷಃ |
ಕ॒ದಾ ಚ॒ನ ಪ್ರ॒ಜಿಗ॑ತೋ॒ ಅದೇ᳚ವಯೋಃ || 1.150.2
ಸ ಚಂ॒ದ್ರೋ ವಿ॑ಪ್ರ॒ ಮರ್ತ್ಯೋ᳚ ಮ॒ಹೋ ವ್ರಾಧ᳚‌ನ್ತಮೋ ದಿ॒ವಿ |
ಪ್ರಪ್ರೇತ್ತೇ᳚ ಅಗ್ನೇ ವ॒ನುಷಃ॑ ಸ್ಯಾಮ || 1.150.3

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ (1) ಪ್ರಥಮರ್ಚೀ ಮಿತ್ರಃ (29) ದ್ವಿತೀಯಾದ್ಯಷ್ಟಾನಾಂಚ ಮಿತ್ರಾವರುಣೋ ದೇವತಾಃ ಜಗತೀ ಛಂದಃ

ಮಿ॒ತ್ರಂ ನ ಯಂ ಶಿಮ್ಯಾ॒ ಗೋಷು॑ ಗ॒ವ್ಯವಃ॑ ಸ್ವಾ॒ಧ್ಯೋ᳚ ವಿ॒ದಥೇ᳚ ಅ॒ಪ್ಸು ಜೀಜ॑ನನ್ |
ಅರೇ᳚ಜೇತಾಂ॒ ರೋದ॑ಸೀ॒ ಪಾಜ॑ಸಾ ಗಿ॒ರಾ ಪ್ರತಿ॑ ಪ್ರಿ॒ಯಂ ಯ॑ಜ॒ತಂ ಜ॒ನುಷಾ॒ಮವಃ॑ || 1.151.1
ಯದ್ಧ॒ ತ್ಯದ್ವಾಂ᳚ ಪುರುಮೀ॒ಳ್ಹಸ್ಯ॑ ಸೋ॒ಮಿನಃ॒ ಪ್ರ ಮಿ॒ತ್ರಾಸೋ॒ ನ ದ॑ಧಿ॒ರೇ ಸ್ವಾ॒ಭುವಃ॑ |
ಅಧ॒ ಕ್ರತುಂ᳚ ವಿದತಂ ಗಾ॒ತುಮರ್ಚ॑ತ ಉ॒ತ ಶ್ರು॑ತಂ ವೃಷಣಾ ಪ॒ಸ್ತ್ಯಾ᳚ವತಃ || 1.151.2
ಆ ವಾಂ᳚ ಭೂಷನ್ಕ್ಷಿ॒ತಯೋ॒ ಜನ್ಮ॒ ರೋದ॑ಸ್ಯೋಃ ಪ್ರ॒ವಾಚ್ಯಂ᳚ ವೃಷಣಾ॒ ದಕ್ಷ॑ಸೇ ಮ॒ಹೇ |
ಯದೀ᳚ಮೃ॒ತಾಯ॒ ಭರ॑ಥೋ॒ ಯದರ್ವ॑ತೇ॒ ಪ್ರ ಹೋತ್ರ॑ಯಾ॒ ಶಿಮ್ಯಾ᳚ ವೀಥೋ ಅಧ್ವ॒ರ‌ಮ್ || 1.151.3
ಪ್ರ ಸಾ ಕ್ಷಿ॒ತಿರ॑ಸುರ॒ ಯಾ ಮಹಿ॑ ಪ್ರಿ॒ಯ ಋತಾ᳚ವಾನಾವೃ॒ತಮಾ ಘೋ᳚ಷಥೋ ಬೃ॒ಹತ್ |
ಯು॒ವಂ ದಿ॒ವೋ ಬೃ॑ಹ॒ತೋ ದಕ್ಷ॑ಮಾ॒ಭುವಂ॒ ಗಾಂ ನ ಧು॒ರ್ಯುಪ॑ ಯುಂಜಾಥೇ ಅ॒ಪಃ || 1.151.4
ಮ॒ಹೀ ಅತ್ರ॑ ಮಹಿ॒ನಾ ವಾರ॑ಮೃಣ್ವಥೋಽರೇ॒ಣವ॒ಸ್ತುಜ॒ ಆ ಸದ್ಮಂ᳚ಧೇ॒ನವಃ॑ |
ಸ್ವರ᳚‌ನ್ತಿ॒ ತಾ ಉ॑ಪ॒ರತಾ᳚ತಿ॒ ಸೂರ್ಯ॒ಮಾ ನಿ॒ಮ್ರುಚ॑ ಉ॒ಷಸ॑ಸ್ತಕ್ವ॒ವೀರಿ॑ವ || 1.151.5
ಆ ವಾ᳚ಮೃ॒ತಾಯ॑ ಕೇ॒ಶಿನೀ᳚ರನೂಷತ॒ ಮಿತ್ರ॒ ಯತ್ರ॒ ವರು॑ಣ ಗಾ॒ತುಮರ್ಚ॑ಥಃ |
ಅವ॒ ತ್ಮನಾ᳚ ಸೃ॒ಜತಂ॒ ಪಿನ್ವ॑ತಂ॒ ಧಿಯೋ᳚ ಯು॒ವಂ ವಿಪ್ರ॑ಸ್ಯ॒ ಮನ್ಮ॑ನಾಮಿರಜ್ಯಥಃ || 1.151.6
ಯೋ ವಾಂ᳚ ಯ॒ಜ್ಞೈಃ ಶ॑ಶಮಾ॒ನೋ ಹ॒ ದಾಶ॑ತಿ ಕ॒ವಿರ್ಹೋತಾ॒ ಯಜ॑ತಿ ಮನ್ಮ॒ಸಾಧ॑ನಃ |
ಉಪಾಹ॒ ತಂ ಗಚ್ಛ॑ಥೋ ವೀ॒ಥೋ ಅ॑ಧ್ವ॒ರಮಚ್ಛಾ॒ ಗಿರಃ॑ ಸುಮ॒ತಿಂ ಗ᳚‌ನ್ತಮಸ್ಮ॒ಯೂ || 1.151.7
ಯು॒ವಾಂ ಯ॒ಜ್ಞೈಃ ಪ್ರ॑ಥ॒ಮಾ ಗೋಭಿ॑ರಂಜತ॒ ಋತಾ᳚ವಾನಾ॒ ಮನ॑ಸೋ॒ ನ ಪ್ರಯು॑ಕ್ತಿಷು |
ಭರ᳚‌ನ್ತಿ ವಾಂ॒ ಮನ್ಮ॑ನಾ ಸಂ॒ಯತಾ॒ ಗಿರೋಽದೃ॑ಪ್ಯತಾ॒ ಮನ॑ಸಾ ರೇ॒ವದಾ᳚ಶಾಥೇ || 1.151.8
ರೇ॒ವದ್ವಯೋ᳚ ದಧಾಥೇ ರೇ॒ವದಾ᳚ಶಾಥೇ॒ ನರಾ᳚ ಮಾ॒ಯಾಭಿ॑ರಿ॒ತಊ᳚ತಿ॒ ಮಾಹಿ॑ನ‌ಮ್ |
ನ ವಾಂ॒ ದ್ಯಾವೋಽಹ॑ಭಿ॒ರ್ನೋತ ಸಿಂಧ॑ವೋ॒ ನ ದೇ᳚ವ॒ತ್ವಂ ಪ॒ಣಯೋ॒ ನಾನ॑ಶುರ್ಮ॒ಘ‌ಮ್ || 1.151.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಮಿತ್ರಾವರುಣೌ ದೇವತೇ ತ್ರಿಷ್ಟುಪ್ ಛಂದಃ

ಯು॒ವಂ ವಸ್ತ್ರಾ᳚ಣಿ ಪೀವ॒ಸಾ ವ॑ಸಾಥೇ ಯು॒ವೋರಚ್ಛಿ॑ದ್ರಾ॒ ಮ‌ನ್ತ॑ವೋ ಹ॒ ಸರ್ಗಾಃ᳚ |
ಅವಾ᳚ತಿರತ॒ಮನೃ॑ತಾನಿ॒ ವಿಶ್ವ॑ ಋ॒ತೇನ॑ ಮಿತ್ರಾವರುಣಾ ಸಚೇಥೇ || 1.152.1
ಏ॒ತಚ್ಚ॒ನ ತ್ವೋ॒ ವಿ ಚಿ॑ಕೇತದೇಷಾಂ ಸ॒ತ್ಯೋ ಮ‌ನ್ತ್ರಃ॑ ಕವಿಶ॒ಸ್ತ ಋಘಾ᳚ವಾನ್ |
ತ್ರಿ॒ರಶ್ರಿಂ᳚ ಹ‌ನ್ತಿ॒ ಚತು॑ರಶ್ರಿರು॒ಗ್ರೋ ದೇ᳚ವ॒ನಿದೋ॒ ಹ ಪ್ರ॑ಥ॒ಮಾ ಅ॑ಜೂರ್ಯನ್ || 1.152.2
ಅ॒ಪಾದೇ᳚ತಿ ಪ್ರಥ॒ಮಾ ಪ॒ದ್ವತೀ᳚ನಾಂ॒ ಕಸ್ತದ್ವಾಂ᳚ ಮಿತ್ರಾವರು॒ಣಾ ಚಿ॑ಕೇತ |
ಗರ್ಭೋ᳚ ಭಾ॒ರಂ ಭ॑ರ॒ತ್ಯಾ ಚಿ॑ದಸ್ಯ ಋ॒ತಂ ಪಿಪ॒ರ್ತ್ಯನೃ॑ತಂ॒ ನಿ ತಾ᳚ರೀತ್ || 1.152.3
ಪ್ರ॒ಯ‌ನ್ತ॒ಮಿತ್ಪರಿ॑ ಜಾ॒ರಂ ಕ॒ನೀನಾಂ॒ ಪಶ್ಯಾ᳚ಮಸಿ॒ ನೋಪ॑ನಿ॒ಪದ್ಯ॑ಮಾನ‌ಮ್ |
ಅನ॑ವಪೃಗ್ಣಾ॒ ವಿತ॑ತಾ॒ ವಸಾ᳚ನಂ ಪ್ರಿ॒ಯಂ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಮ॑ || 1.152.4
ಅ॒ನ॒ಶ್ವೋ ಜಾ॒ತೋ ಅ॑ನಭೀ॒ಶುರರ್ವಾ॒ ಕನಿ॑ಕ್ರದತ್ಪತಯದೂ॒ರ್ಧ್ವಸಾ᳚ನುಃ |
ಅ॒ಚಿತ್ತಂ॒ ಬ್ರಹ್ಮ॑ ಜುಜುಷು॒ರ್ಯುವಾ᳚ನಃ॒ ಪ್ರ ಮಿ॒ತ್ರೇ ಧಾಮ॒ ವರು॑ಣೇ ಗೃ॒ಣ‌ನ್ತಃ॑ || 1.152.5
ಆ ಧೇ॒ನವೋ᳚ ಮಾಮತೇ॒ಯಮವ᳚‌ನ್ತೀರ್ಬ್ರಹ್ಮ॒ಪ್ರಿಯಂ᳚ ಪೀಪಯ॒‌‌ನ್ತ್ಸಸ್ಮಿ॒ನ್ನೂಧನ್॑ |
ಪಿ॒ತ್ವೋ ಭಿ॑ಕ್ಷೇತ ವ॒ಯುನಾ᳚ನಿ ವಿ॒ದ್ವಾನಾ॒ಸಾವಿವಾ᳚ಸ॒ನ್ನದಿ॑ತಿಮುರುಷ್ಯೇತ್ || 1.152.6
ಆ ವಾಂ᳚ ಮಿತ್ರಾವರುಣಾ ಹ॒ವ್ಯಜು॑ಷ್ಟಿಂ॒ ನಮ॑ಸಾ ದೇವಾ॒ವವ॑ಸಾ ವವೃತ್ಯಾ‌ಮ್ |
ಅ॒ಸ್ಮಾಕಂ॒ ಬ್ರಹ್ಮ॒ ಪೃತ॑ನಾಸು ಸಹ್ಯಾ ಅ॒ಸ್ಮಾಕಂ᳚ ವೃ॒ಷ್ಟಿರ್ದಿ॒ವ್ಯಾ ಸು॑ಪಾ॒ರಾ || 1.152.7

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಮಿತ್ರಾವರುಣೋ ದೇವತೇ ತ್ರಿಷ್ಟುಪ್ ಛಂದಃ

ಯಜಾ᳚ಮಹೇ ವಾಂ ಮ॒ಹಃ ಸ॒ಜೋಷಾ᳚ ಹ॒ವ್ಯೇಭಿ᳚ರ್ಮಿತ್ರಾವರುಣಾ॒ ನಮೋ᳚ಭಿಃ |
ಘೃ॒ತೈರ್ಘೃ॑ತಸ್ನೂ॒ ಅಧ॒ ಯದ್ವಾ᳚ಮ॒ಸ್ಮೇ ಅ॑ಧ್ವ॒ರ್ಯವೋ॒ ನ ಧೀ॒ತಿಭಿ॒ರ್ಭರ᳚‌ನ್ತಿ || 1.153.1
ಪ್ರಸ್ತು॑ತಿರ್ವಾಂ॒ ಧಾಮ॒ ನ ಪ್ರಯು॑ಕ್ತಿ॒ರಯಾ᳚ಮಿ ಮಿತ್ರಾವರುಣಾ ಸುವೃ॒ಕ್ತಿಃ |
ಅ॒ನಕ್ತಿ॒ ಯದ್ವಾಂ᳚ ವಿ॒ದಥೇ᳚ಷು॒ ಹೋತಾ᳚ ಸು॒ಮ್ನಂ ವಾಂ᳚ ಸೂ॒ರಿರ್ವೃ॑ಷಣಾ॒ವಿಯ॑ಕ್ಷನ್ || 1.153.2
ಪೀ॒ಪಾಯ॑ ಧೇ॒ನುರದಿ॑ತಿರ್‌ಋ॒ತಾಯ॒ ಜನಾ᳚ಯ ಮಿತ್ರಾವರುಣಾ ಹವಿ॒ರ್ದೇ |
ಹಿ॒ನೋತಿ॒ ಯದ್ವಾಂ᳚ ವಿ॒ದಥೇ᳚ ಸಪ॒ರ್ಯ‌‌ನ್ತ್ಸ ರಾ॒ತಹ᳚ವ್ಯೋ॒ ಮಾನು॑ಷೋ॒ ನ ಹೋತಾ᳚ || 1.153.3
ಉ॒ತ ವಾಂ᳚ ವಿ॒ಕ್ಷು ಮದ್ಯಾ॒ಸ್ವಂಧೋ॒ ಗಾವ॒ ಆಪ॑ಶ್ಚ ಪೀಪಯ‌ನ್ತ ದೇ॒ವೀಃ |
ಉ॒ತೋ ನೋ᳚ ಅ॒ಸ್ಯ ಪೂ॒ರ್ವ್ಯಃ ಪತಿ॒ರ್ದನ್ವೀ॒ತಂ ಪಾ॒ತಂ ಪಯ॑ಸ ಉ॒ಸ್ರಿಯಾ᳚ಯಾಃ || 1.153.4

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ವಿಷ್ಣುದೇವತಾ ತ್ರಿಷ್ಟುಪ್ ಛಂದಃ

ವಿಷ್ಣೋ॒ರ್ನು ಕಂ᳚ ವೀ॒ರ್ಯಾ᳚ಣಿ॒ ಪ್ರ ವೋ᳚ಚಂ॒ ಯಃ ಪಾರ್ಥಿ॑ವಾನಿ ವಿಮ॒ಮೇ ರಜಾಂ᳚ಸಿ |
ಯೋ ಅಸ್ಕ॑ಭಾಯ॒ದುತ್ತ॑ರಂ ಸ॒ಧಸ್ಥಂ᳚ ವಿಚಕ್ರಮಾ॒ಣಸ್ತ್ರೇ॒ಧೋರು॑ಗಾ॒ಯಃ || 1.154.1
ಪ್ರ ತದ್ವಿಷ್ಣುಃ॑ ಸ್ತವತೇ ವೀ॒ರ್ಯೇ᳚ಣ ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ |
ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷ್ವಧಿಕ್ಷಿ॒ಯ‌ನ್ತಿ॒ ಭುವ॑ನಾನಿ॒ ವಿಶ್ವಾ᳚ || 1.154.2
ಪ್ರ ವಿಷ್ಣ॑ವೇ ಶೂ॒ಷಮೇ᳚ತು॒ ಮನ್ಮ॑ ಗಿರಿ॒ಕ್ಷಿತ॑ ಉರುಗಾ॒ಯಾಯ॒ ವೃಷ್ಣೇ᳚ |
ಯ ಇ॒ದಂ ದೀ॒ರ್ಘಂ ಪ್ರಯ॑ತಂ ಸ॒ಧಸ್ಥ॒ಮೇಕೋ᳚ ವಿಮ॒ಮೇ ತ್ರಿ॒ಭಿರಿತ್ಪ॒ದೇಭಿಃ॑ || 1.154.3
ಯಸ್ಯ॒ ತ್ರೀ ಪೂ॒ರ್ಣಾ ಮಧು॑ನಾ ಪ॒ದಾನ್ಯಕ್ಷೀ᳚ಯಮಾಣಾ ಸ್ವ॒ಧಯಾ॒ ಮದ᳚‌ನ್ತಿ |
ಯ ಉ॑ ತ್ರಿ॒ಧಾತು॑ ಪೃಥಿ॒ವೀಮು॒ತ ದ್ಯಾಮೇಕೋ᳚ ದಾ॒ಧಾರ॒ ಭುವ॑ನಾನಿ॒ ವಿಶ್ವಾ᳚ || 1.154.4
ತದ॑ಸ್ಯ ಪ್ರಿ॒ಯಮ॒ಭಿ ಪಾಥೋ᳚ ಅಶ್ಯಾಂ॒ ನರೋ॒ ಯತ್ರ॑ ದೇವ॒ಯವೋ॒ ಮದ᳚‌ನ್ತಿ |
ಉ॒ರು॒ಕ್ರ॒ಮಸ್ಯ॒ ಸ ಹಿ ಬಂಧು॑ರಿ॒ತ್ಥಾ ವಿಷ್ಣೋಃ᳚ ಪ॒ದೇ ಪ॑ರ॒ಮೇ ಮಧ್ವ॒ ಉತ್ಸಃ॑ || 1.154.5
ತಾ ವಾಂ॒ ವಾಸ್ತೂ᳚ನ್ಯುಶ್ಮಸಿ॒ ಗಮ॑ಧ್ಯೈ॒ ಯತ್ರ॒ ಗಾವೋ॒ ಭೂರಿ॑ಶೃಂಗಾ ಅ॒ಯಾಸಃ॑ |
ಅತ್ರಾಹ॒ ತದು॑ರುಗಾ॒ಯಸ್ಯ॒ ವೃಷ್ಣಃ॑ ಪರ॒ಮಂ ಪ॒ದಮವ॑ ಭಾತಿ॒ ಭೂರಿ॑ || 1.154.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ (1-3) ಪ್ರಥಮತೃಚಸ್ಯೇಂದ್ರಾವಿಷ್ಣೂ (4-6) ದ್ವಿತೀಯತೃಚಸ್ಯ ಚ ವಿಷ್ಣುದೇವತಾಃ ಜಗತೀ ಛಂದಃ

ಪ್ರ ವಃ॒ ಪಾ‌ನ್ತ॒ಮಂಧ॑ಸೋ ಧಿಯಾಯ॒ತೇ ಮ॒ಹೇ ಶೂರಾ᳚ಯ॒ ವಿಷ್ಣ॑ವೇ ಚಾರ್ಚತ |
ಯಾ ಸಾನು॑ನಿ॒ ಪರ್ವ॑ತಾನಾ॒ಮದಾ᳚ಭ್ಯಾ ಮ॒ಹಸ್ತ॒ಸ್ಥತು॒ರರ್ವ॑ತೇವ ಸಾ॒ಧುನಾ᳚ || 1.155.1
ತ್ವೇ॒ಷಮಿ॒ತ್ಥಾ ಸ॒ಮರ॑ಣಂ॒ ಶಿಮೀ᳚ವತೋ॒ರಿಂದ್ರಾ᳚ವಿಷ್ಣೂ ಸುತ॒ಪಾ ವಾ᳚ಮುರುಷ್ಯತಿ |
ಯಾ ಮರ್ತ್ಯಾ᳚ಯ ಪ್ರತಿಧೀ॒ಯಮಾ᳚ನ॒ಮಿತ್ಕೃ॒ಶಾನೋ॒ರಸ್ತು॑ರಸ॒ನಾಮು॑ರು॒ಷ್ಯಥಃ॑ || 1.155.2
ತಾ ಈಂ᳚ ವರ್ಧ‌ನ್ತಿ॒ ಮಹ್ಯ॑ಸ್ಯ॒ ಪೌಂಸ್ಯಂ॒ ನಿ ಮಾ॒ತರಾ᳚ ನಯತಿ॒ ರೇತ॑ಸೇ ಭು॒ಜೇ |
ದಧಾ᳚ತಿ ಪು॒ತ್ರೋಽವ॑ರಂ॒ ಪರಂ᳚ ಪಿ॒ತುರ್ನಾಮ॑ ತೃ॒ತೀಯ॒ಮಧಿ॑ ರೋಚ॒ನೇ ದಿ॒ವಃ || 1.155.3
ತತ್ತ॒ದಿದ॑ಸ್ಯ॒ ಪೌಂಸ್ಯಂ᳚ ಗೃಣೀಮಸೀ॒ನಸ್ಯ॑ ತ್ರಾ॒ತುರ॑ವೃ॒ಕಸ್ಯ॑ ಮೀ॒ಳ್ಹುಷಃ॑ |
ಯಃ ಪಾರ್ಥಿ॑ವಾನಿ ತ್ರಿ॒ಭಿರಿದ್ವಿಗಾ᳚ಮಭಿರು॒ರು ಕ್ರಮಿ॑ಷ್ಟೋರುಗಾ॒ಯಾಯ॑ ಜೀ॒ವಸೇ᳚ || 1.155.4
ದ್ವೇ ಇದ॑ಸ್ಯ॒ ಕ್ರಮ॑ಣೇ ಸ್ವ॒ರ್ದೃಶೋ᳚ಽಭಿ॒ಖ್ಯಾಯ॒ ಮರ್ತ್ಯೋ᳚ ಭುರಣ್ಯತಿ |
ತೃ॒ತೀಯ॑ಮಸ್ಯ॒ ನಕಿ॒ರಾ ದ॑ಧರ್ಷತಿ॒ ವಯ॑ಶ್ಚ॒ನ ಪ॒ತಯ᳚‌ನ್ತಃ ಪತ॒ತ್ರಿಣಃ॑ || 1.155.5
ಚ॒ತುರ್ಭಿಃ॑ ಸಾ॒ಕಂ ನ॑ವ॒ತಿಂ ಚ॒ ನಾಮ॑ಭಿಶ್ಚ॒ಕ್ರಂ ನ ವೃ॒ತ್ತಂ ವ್ಯತೀಁ᳚ರವೀವಿಪತ್ |
ಬೃ॒ಹಚ್ಛ॑ರೀರೋ ವಿ॒ಮಿಮಾ᳚ನ॒ ಋಕ್ವ॑ಭಿ॒ರ್ಯುವಾಕು॑ಮಾರಃ॒ ಪ್ರತ್ಯೇ᳚ತ್ಯಾಹ॒ವ‌ಮ್ || 1.155.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ವಿಷ್ಣದೇವತಾ ಜಗತೀ ಛಂದಃ

ಭವಾ᳚ ಮಿ॒ತ್ರೋ ನ ಶೇವ್ಯೋ᳚ ಘೃ॒ತಾಸು॑ತಿ॒ರ್ವಿಭೂ᳚ತದ್ಯುಮ್ನ ಏವ॒ಯಾ ಉ॑ ಸ॒ಪ್ರಥಾಃ᳚ |
ಅಧಾ᳚ ತೇ ವಿಷ್ಣೋ ವಿ॒ದುಷಾ᳚ ಚಿ॒ದರ್ಧ್ಯಃ॒ ಸ್ತೋಮೋ᳚ ಯ॒ಜ್ಞಶ್ಚ॒ ರಾಧ್ಯೋ᳚ ಹ॒ವಿಷ್ಮ॑ತಾ || 1.156.1
ಯಃ ಪೂ॒ರ್ವ್ಯಾಯ॑ ವೇ॒ಧಸೇ॒ ನವೀ᳚ಯಸೇ ಸು॒ಮಜ್ಜಾ᳚ನಯೇ॒ ವಿಷ್ಣ॑ವೇ॒ ದದಾ᳚ಶತಿ |
ಯೋ ಜಾ॒ತಮ॑ಸ್ಯ ಮಹ॒ತೋ ಮಹಿ॒ ಬ್ರವ॒ತ್ಸೇದು॒ ಶ್ರವೋ᳚ಭಿ॒ರ್ಯುಜ್ಯಂ᳚ ಚಿದ॒ಭ್ಯ॑ಸತ್ || 1.156.2
ತಮು॑ ಸ್ತೋತಾರಃ ಪೂ॒ರ್ವ್ಯಂ ಯಥಾ᳚ ವಿ॒ದ ಋ॒ತಸ್ಯ॒ ಗರ್ಭಂ᳚ ಜ॒ನುಷಾ᳚ ಪಿಪರ್ತನ |
ಆಸ್ಯ॑ ಜಾ॒ನ‌ನ್ತೋ॒ ನಾಮ॑ ಚಿದ್ವಿವಕ್ತನ ಮ॒ಹಸ್ತೇ᳚ ವಿಷ್ಣೋ ಸುಮ॒ತಿಂ ಭ॑ಜಾಮಹೇ || 1.156.3
ತಮ॑ಸ್ಯ॒ ರಾಜಾ॒ ವರು॑ಣ॒ಸ್ತಮ॒ಶ್ವಿನಾ॒ ಕ್ರತುಂ᳚ ಸಚ‌ನ್ತ॒ ಮಾರು॑ತಸ್ಯ ವೇ॒ಧಸಃ॑ |
ದಾ॒ಧಾರ॒ ದಕ್ಷ॑ಮುತ್ತ॒ಮಮ॑ಹ॒ರ್ವಿದಂ᳚ ವ್ರ॒ಜಂ ಚ॒ ವಿಷ್ಣುಃ॒ ಸಖಿ॑ವಾಁ ಅಪೋರ್ಣು॒ತೇ || 1.156.4
ಆ ಯೋ ವಿ॒ವಾಯ॑ ಸ॒ಚಥಾ᳚ಯ॒ ದೈವ್ಯ॒ ಇಂದ್ರಾ᳚ಯ॒ ವಿಷ್ಣುಃ॑ ಸು॒ಕೃತೇ᳚ ಸು॒ಕೃತ್ತ॑ರಃ |
ವೇ॒ಧಾ ಅ॑ಜಿನ್ವತ್ತ್ರಿಷಧ॒ಸ್ಥ ಆರ್ಯ॑ಮೃ॒ತಸ್ಯ॑ ಭಾ॒ಗೇ ಯಜ॑ಮಾನ॒ಮಾಭ॑ಜತ್ || 1.156.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಶ್ವಿನೌ ದೇವತೇ (1-4) ಪ್ರಥಮಾದಿಚರ್ಚಾಂ ಜಗತೀ (5-6) ಪಂಚಮೀಷಷ್ಠ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಅಬೋ᳚ಧ್ಯ॒ಗ್ನಿರ್ಜ್ಮ ಉದೇ᳚ತಿ॒ ಸೂರ್ಯೋ॒ ವ್ಯು1॒॑ಷಾಶ್ಚಂ॒ದ್ರಾ ಮ॒ಹ್ಯಾ᳚ವೋ ಅ॒ರ್ಚಿಷಾ᳚ |
ಆಯು॑ಕ್ಷಾತಾಮ॒ಶ್ವಿನಾ॒ ಯಾತ॑ವೇ॒ ರಥಂ॒ ಪ್ರಾಸಾ᳚ವೀದ್ದೇ॒ವಃ ಸ॑ವಿ॒ತಾ ಜಗ॒ತ್ಪೃಥ॑ಕ್ || 1.157.1
ಯದ್ಯುಂ॒ಜಾಥೇ॒ ವೃಷ॑ಣಮಶ್ವಿನಾ॒ ರಥಂ᳚ ಘೃ॒ತೇನ॑ ನೋ॒ ಮಧು॑ನಾ ಕ್ಷ॒ತ್ರಮು॑ಕ್ಷತ‌ಮ್ |
ಅ॒ಸ್ಮಾಕಂ॒ ಬ್ರಹ್ಮ॒ ಪೃತ॑ನಾಸು ಜಿನ್ವತಂ ವ॒ಯಂ ಧನಾ॒ ಶೂರ॑ಸಾತಾ ಭಜೇಮಹಿ || 1.157.2
ಅ॒ರ್ವಾಙ್ತ್ರಿ॑ಚ॒ಕ್ರೋ ಮ॑ಧು॒ವಾಹ॑ನೋ॒ ರಥೋ᳚ ಜೀ॒ರಾಶ್ವೋ᳚ ಅ॒ಶ್ವಿನೋ᳚ರ್ಯಾತು॒ ಸುಷ್ಟು॑ತಃ |
ತ್ರಿ॒ವಂ॒ಧು॒ರೋ ಮ॒ಘವಾ᳚ ವಿ॒ಶ್ವಸೌ᳚ಭಗಃ॒ ಶಂ ನ॒ ಆ ವ॑ಕ್ಷದ್ದ್ವಿ॒ಪದೇ॒ ಚತು॑ಷ್ಪದೇ || 1.157.3
ಆ ನ॒ ಊರ್ಜಂ᳚ ವಹತಮಶ್ವಿನಾ ಯು॒ವಂ ಮಧು॑ಮತ್ಯಾ ನಃ॒ ಕಶ॑ಯಾ ಮಿಮಿಕ್ಷತ‌ಮ್ |
ಪ್ರಾಯು॒ಸ್ತಾರಿ॑ಷ್ಟಂ॒ ನೀ ರಪಾಂ᳚ಸಿ ಮೃಕ್ಷತಂ॒ ಸೇಧ॑ತಂ॒ ದ್ವೇಷೋ॒ ಭವ॑ತಂ ಸಚಾ॒ಭುವಾ᳚ || 1.157.4
ಯು॒ವಂ ಹ॒ ಗರ್ಭಂ॒ ಜಗ॑ತೀಷು ಧತ್ಥೋ ಯು॒ವಂ ವಿಶ್ವೇ᳚ಷು॒ ಭುವ॑ನೇಷ್ವ॒‌ನ್ತಃ |
ಯು॒ವಮ॒ಗ್ನಿಂ ಚ॑ ವೃಷಣಾವ॒ಪಶ್ಚ॒ ವನ॒ಸ್ಪತೀಁ᳚ರಶ್ವಿನಾ॒ವೈರ॑ಯೇಥಾ‌ಮ್ || 1.157.5
ಯು॒ವಂ ಹ॑ ಸ್ಥೋ ಭಿ॒ಷಜಾ᳚ ಭೇಷ॒ಜೇಭಿ॒ರಥೋ᳚ ಹ ಸ್ಥೋ ರ॒ಥ್ಯಾ॒3॒॑ ರಾಥ್ಯೇ᳚ಭಿಃ |
ಅಥೋ᳚ ಹ ಕ್ಷ॒ತ್ರಮಧಿ॑ ಧತ್ಥ ಉಗ್ರಾ॒ ಯೋ ವಾಂ᳚ ಹ॒ವಿಷ್ಮಾ॒ನ್ಮನ॑ಸಾ ದ॒ದಾಶ॑ || 1.157.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಶ್ವಿನೌ ದೇವತೇ (1-5) ಪ್ರಥಮಾದಿಪಂಚರ್ಚಾಂ ತ್ರಿಷ್ಟುಪ್ (6) ಷಷ್ಠ್ಯಾಶ್ಚಾನುಷ್ಟಪ್ ಛಂದಸೀ

ವಸೂ᳚ ರು॒ದ್ರಾ ಪು॑ರು॒ಮ‌ನ್ತೂ᳚ ವೃ॒ಧ‌ನ್ತಾ᳚ ದಶ॒ಸ್ಯತಂ᳚ ನೋ ವೃಷಣಾವ॒ಭಿಷ್ಟೌ᳚ |
ದಸ್ರಾ᳚ ಹ॒ ಯದ್ರೇಕ್ಣ॑ ಔಚ॒ಥ್ಯೋ ವಾಂ॒ ಪ್ರ ಯತ್ಸ॒ಸ್ರಾಥೇ॒ ಅಕ॑ವಾಭಿರೂ॒ತೀ || 1.158.1
ಕೋ ವಾಂ᳚ ದಾಶತ್ಸುಮ॒ತಯೇ᳚ ಚಿದ॒ಸ್ಯೈ ವಸೂ॒ ಯದ್ಧೇಥೇ॒ ನಮ॑ಸಾ ಪ॒ದೇ ಗೋಃ |
ಜಿ॒ಗೃ॒ತಮ॒ಸ್ಮೇ ರೇ॒ವತೀಃ॒ ಪುರಂ᳚ಧೀಃ ಕಾಮ॒ಪ್ರೇಣೇ᳚ವ॒ ಮನ॑ಸಾ॒ ಚರ᳚‌ನ್ತಾ || 1.158.2
ಯು॒ಕ್ತೋ ಹ॒ ಯದ್ವಾಂ᳚ ತೌ॒ಗ್ರ್ಯಾಯ॑ ಪೇ॒ರುರ್ವಿ ಮಧ್ಯೇ॒ ಅರ್ಣ॑ಸೋ॒ ಧಾಯಿ॑ ಪ॒ಜ್ರಃ |
ಉಪ॑ ವಾ॒ಮವಃ॑ ಶರ॒ಣಂ ಗ॑ಮೇಯಂ॒ ಶೂರೋ॒ ನಾಜ್ಮ॑ ಪ॒ತಯ॑ದ್ಭಿ॒ರೇವೈಃ᳚ || 1.158.3
ಉಪ॑ಸ್ತುತಿರೌಚ॒ಥ್ಯಮು॑ರುಷ್ಯೇ॒ನ್ಮಾ ಮಾಮಿ॒ಮೇ ಪ॑ತ॒ತ್ರಿಣೀ॒ ವಿ ದು॑ಗ್ಧಾ‌ಮ್ |
ಮಾ ಮಾಮೇಧೋ॒ ದಶ॑ತಯಶ್ಚಿ॒ತೋ ಧಾ॒ಕ್ಪ್ರ ಯದ್ವಾಂ᳚ ಬ॒ದ್ಧಸ್ತ್ಮನಿ॒ ಖಾದ॑ತಿ॒ ಕ್ಷಾ‌ಮ್ || 1.158.4
ನ ಮಾ᳚ ಗರನ್ನ॒ದ್ಯೋ᳚ ಮಾ॒ತೃತ॑ಮಾ ದಾ॒ಸಾ ಯದೀಂ॒ ಸುಸ॑ಮುಬ್ಧಮ॒ವಾಧುಃ॑ |
ಶಿರೋ॒ ಯದ॑ಸ್ಯ ತ್ರೈತ॒ನೋ ವಿ॒ತಕ್ಷ॑ತ್ಸ್ವ॒ಯಂ ದಾ॒ಸ ಉರೋ॒ ಅಂಸಾ॒ವಪಿ॑ ಗ್ಧ || 1.158.5
ದೀ॒ರ್ಘತ॑ಮಾ ಮಾಮತೇ॒ಯೋ ಜು॑ಜು॒ರ್ವಾಂದ॑ಶ॒ಮೇ ಯು॒ಗೇ |
ಅ॒ಪಾಮರ್ಥಂ᳚ ಯ॒ತೀನಾಂ᳚ ಬ್ರ॒ಹ್ಮಾ ಭ॑ವತಿ॒ ಸಾರ॑ಥಿಃ || 1.158.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ದ್ಯಾವಾಪೃಥಿವ್ಯೌ ದೇವತೇ ಜಗತೀ ಛಂದಃ

ಪ್ರ ದ್ಯಾವಾ᳚ ಯ॒ಜ್ಞೈಃ ಪೃ॑ಥಿ॒ವೀ ಋ॑ತಾ॒ವೃಧಾ᳚ ಮ॒ಹೀ ಸ್ತು॑ಷೇ ವಿ॒ದಥೇ᳚ಷು॒ ಪ್ರಚೇ᳚ತಸಾ |
ದೇ॒ವೇಭಿ॒ರ್ಯೇ ದೇ॒ವಪು॑ತ್ರೇ ಸು॒ದಂಸ॑ಸೇ॒ತ್ಥಾ ಧಿ॒ಯಾ ವಾರ್ಯಾ᳚ಣಿ ಪ್ರ॒ಭೂಷ॑ತಃ || 1.159.1
ಉ॒ತ ಮ᳚ನ್ಯೇ ಪಿ॒ತುರ॒ದ್ರುಹೋ॒ ಮನೋ᳚ ಮಾ॒ತುರ್ಮಹಿ॒ ಸ್ವತ॑ವ॒ಸ್ತದ್ಧವೀ᳚ಮಭಿಃ |
ಸು॒ರೇತ॑ಸಾ ಪಿ॒ತರಾ॒ ಭೂಮ॑ ಚಕ್ರತುರು॒ರು ಪ್ರ॒ಜಾಯಾ᳚ ಅ॒ಮೃತಂ॒ ವರೀ᳚ಮಭಿಃ || 1.159.2
ತೇ ಸೂ॒ನವಃ॒ ಸ್ವಪ॑ಸಃ ಸು॒ದಂಸ॑ಸೋ ಮ॒ಹೀ ಜ॑ಜ್ಞುರ್ಮಾ॒ತರಾ᳚ ಪೂ॒ರ್ವಚಿ॑ತ್ತಯೇ |
ಸ್ಥಾ॒ತುಶ್ಚ॑ ಸ॒ತ್ಯಂ ಜಗ॑ತಶ್ಚ॒ ಧರ್ಮ॑ಣಿ ಪು॒ತ್ರಸ್ಯ॑ ಪಾಥಃ ಪ॒ದಮದ್ವ॑ಯಾವಿನಃ || 1.159.3
ತೇ ಮಾ॒ಯಿನೋ᳚ ಮಮಿರೇ ಸು॒ಪ್ರಚೇ᳚ತಸೋ ಜಾ॒ಮೀ ಸಯೋ᳚ನೀ ಮಿಥು॒ನಾ ಸಮೋ᳚ಕಸಾ |
ನವ್ಯಂ᳚ನವ್ಯಂ॒ ತ‌ನ್ತು॒ಮಾ ತ᳚ನ್ವತೇ ದಿ॒ವಿ ಸ॑ಮು॒ದ್ರೇ ಅ॒‌ನ್ತಃ ಕ॒ವಯಃ॑ ಸುದೀ॒ತಯಃ॑ || 1.159.4
ತದ್ರಾಧೋ᳚ ಅ॒ದ್ಯ ಸ॑ವಿ॒ತುರ್ವರೇ᳚ಣ್ಯಂ ವ॒ಯಂ ದೇ॒ವಸ್ಯ॑ ಪ್ರಸ॒ವೇ ಮ॑ನಾಮಹೇ |
ಅ॒ಸ್ಮಭ್ಯಂ᳚ ದ್ಯಾವಾಪೃಥಿವೀ ಸುಚೇ॒ತುನಾ᳚ ರ॒ಯಿಂ ಧ॑ತ್ತಂ॒ ವಸು॑ಮ‌ನ್ತಂ ಶತ॒ಗ್ವಿನ‌ಮ್᳚ || 1.159.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ದ್ಯಾವಾಪೃಥಿವ್ಯೌ ದೇವತೇ ಜಗತೀ ಛಂದಃ

ತೇ ಹಿ ದ್ಯಾವಾ᳚ಪೃಥಿ॒ವೀ ವಿ॒ಶ್ವಶಂ᳚ಭುವ ಋ॒ತಾವ॑ರೀ॒ ರಜ॑ಸೋ ಧಾರ॒ಯತ್ಕ॑ವೀ |
ಸು॒ಜನ್ಮ॑ನೀ ಧಿ॒ಷಣೇ᳚ ಅ॒‌ನ್ತರೀ᳚ಯತೇ ದೇ॒ವೋ ದೇ॒ವೀ ಧರ್ಮ॑ಣಾ॒ ಸೂರ್ಯಃ॒ ಶುಚಿಃ॑ || 1.160.1
ಉ॒ರು॒ವ್ಯಚ॑ಸಾ ಮ॒ಹಿನೀ᳚ ಅಸ॒ಶ್ಚತಾ᳚ ಪಿ॒ತಾ ಮಾ॒ತಾ ಚ॒ ಭುವ॑ನಾನಿ ರಕ್ಷತಃ |
ಸು॒ಧೃಷ್ಟ॑ಮೇ ವಪು॒ಷ್ಯೇ॒3॒॑ ನ ರೋದ॑ಸೀ ಪಿ॒ತಾ ಯತ್ಸೀ᳚ಮ॒ಭಿ ರೂ॒ಪೈರವಾ᳚ಸಯತ್ || 1.160.2
ಸ ವಹ್ನಿಃ॑ ಪು॒ತ್ರಃ ಪಿ॒ತ್ರೋಃ ಪ॒ವಿತ್ರ॑ವಾನ್ಪು॒ನಾತಿ॒ ಧೀರೋ॒ ಭುವ॑ನಾನಿ ಮಾ॒ಯಯಾ᳚ |
ಧೇ॒ನುಂ ಚ॒ ಪೃಶ್ನಿಂ᳚ ವೃಷ॒ಭಂ ಸು॒ರೇತ॑ಸಂ ವಿ॒ಶ್ವಾಹಾ᳚ ಶು॒ಕ್ರಂ ಪಯೋ᳚ ಅಸ್ಯ ದುಕ್ಷತ || 1.160.3
ಅ॒ಯಂ ದೇ॒ವಾನಾ᳚ಮ॒ಪಸಾ᳚ಮ॒ಪಸ್ತ॑ಮೋ॒ ಯೋ ಜ॒ಜಾನ॒ ರೋದ॑ಸೀ ವಿ॒ಶ್ವಶಂ᳚ಭುವಾ |
ವಿ ಯೋ ಮ॒ಮೇ ರಜ॑ಸೀ ಸುಕ್ರತೂ॒ಯಯಾ॒ಜರೇ᳚ಭಿಃ॒ ಸ್ಕಂಭ॑ನೇಭಿಃ॒ ಸಮಾ᳚ನೃಚೇ || 1.160.4
ತೇ ನೋ᳚ ಗೃಣಾ॒ನೇ ಮ॑ಹಿನೀ॒ ಮಹಿ॒ ಶ್ರವಃ॑ ಕ್ಷ॒ತ್ರಂ ದ್ಯಾ᳚ವಾಪೃಥಿವೀ ಧಾಸಥೋ ಬೃ॒ಹತ್ |
ಯೇನಾ॒ಭಿ ಕೃ॒ಷ್ಟೀಸ್ತ॒ತನಾ᳚ಮ ವಿ॒ಶ್ವಹಾ᳚ ಪ॒ನಾಯ್ಯ॒ಮೋಜೋ᳚ ಅ॒ಸ್ಮೇ ಸಮಿ᳚ನ್ವತ‌ಮ್ || 1.160.5

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಋಭವೋ ದೇವತಾಃ (1-13) ಪ್ರಥಮಾದಿತ್ರಯೋದಶೋಂ ಜಗತೀ (14) ಚತುರ್ದರ್ಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಕಿಮು॒ ಶ್ರೇಷ್ಠಃ॒ ಕಿಂ ಯವಿ॑ಷ್ಠೋ ನ॒ ಆಜ॑ಗ॒ನ್ಕಿಮೀ᳚ಯತೇ ದೂ॒ತ್ಯ1॒॑ ಅಂಕದ್ಯದೂ᳚ಚಿ॒ಮ |
ನ ನಿಂ᳚ದಿಮ ಚಮ॒ಸಂ ಯೋ ಮ॑ಹಾಕು॒ಲೋಽಗ್ನೇ᳚ ಭ್ರಾತ॒ರ್ದ್ರುಣ॒ ಇದ್ಭೂ॒ತಿಮೂ᳚ದಿಮ || 1.161.1
ಏಕಂ᳚ ಚಮ॒ಸಂ ಚ॒ತುರಃ॑ ಕೃಣೋತನ॒ ತದ್ವೋ᳚ ದೇ॒ವಾ ಅ॑ಬ್ರುವ॒‌ನ್ತದ್ವ॒ ಆಗ॑ಮ‌ಮ್ |
ಸೌಧ᳚ನ್ವನಾ॒ ಯದ್ಯೇ॒ವಾ ಕ॑ರಿ॒ಷ್ಯಥ॑ ಸಾ॒ಕಂ ದೇ॒ವೈರ್ಯ॒ಜ್ಞಿಯಾ᳚ಸೋ ಭವಿಷ್ಯಥ || 1.161.2
ಅ॒ಗ್ನಿಂ ದೂ॒ತಂ ಪ್ರತಿ॒ ಯದಬ್ರ॑ವೀತ॒ನಾಶ್ವಃ॒ ಕರ್ತ್ವೋ॒ ರಥ॑ ಉ॒ತೇಹ ಕರ್ತ್ವಃ॑ |
ಧೇ॒ನುಃ ಕರ್ತ್ವಾ᳚ ಯುವ॒ಶಾ ಕರ್ತ್ವಾ॒ ದ್ವಾ ತಾನಿ॑ ಭ್ರಾತ॒ರನು॑ ವಃ ಕೃ॒ತ್ವ್ಯೇಮ॑ಸಿ || 1.161.3
ಚ॒ಕೃ॒ವಾಂಸ॑ ಋಭವ॒ಸ್ತದ॑ಪೃಚ್ಛತ॒ ಕ್ವೇದ॑ಭೂ॒ದ್ಯಃ ಸ್ಯ ದೂ॒ತೋ ನ॒ ಆಜ॑ಗನ್ |
ಯ॒ದಾವಾಖ್ಯ॑ಚ್ಚಮ॒ಸಾಂಚ॒ತುರಃ॑ ಕೃ॒ತಾನಾದಿತ್ತ್ವಷ್ಟಾ॒ ಗ್ನಾಸ್ವ॒‌ನ್ತರ್ನ್ಯಾ᳚ನಜೇ || 1.161.4
ಹನಾ᳚ಮೈನಾಁ॒ ಇತಿ॒ ತ್ವಷ್ಟಾ॒ ಯದಬ್ರ॑ವೀಚ್ಚಮ॒ಸಂ ಯೇ ದೇ᳚ವ॒ಪಾನ॒ಮನಿಂ᳚ದಿಷುಃ |
ಅ॒ನ್ಯಾ ನಾಮಾ᳚ನಿ ಕೃಣ್ವತೇ ಸು॒ತೇ ಸಚಾಁ᳚ ಅ॒ನ್ಯೈರೇ᳚ನಾನ್ಕ॒ನ್ಯಾ॒3॒॑ ನಾಮ॑ಭಿಃ ಸ್ಪರತ್ || 1.161.5
ಇಂದ್ರೋ॒ ಹರೀ᳚ ಯುಯು॒ಜೇ ಅ॒ಶ್ವಿನಾ॒ ರಥಂ॒ ಬೃಹ॒ಸ್ಪತಿ᳚ರ್ವಿ॒ಶ್ವರೂ᳚ಪಾ॒ಮುಪಾ᳚ಜತ |
ಋ॒ಭುರ್ವಿಭ್ವಾ॒ ವಾಜೋ᳚ ದೇ॒ವಾಁ ಅ॑ಗಚ್ಛತ॒ ಸ್ವಪ॑ಸೋ ಯ॒ಜ್ಞಿಯಂ᳚ ಭಾ॒ಗಮೈ᳚ತನ || 1.161.6
ನಿಶ್ಚರ್ಮ॑ಣೋ॒ ಗಾಮ॑ರಿಣೀತ ಧೀ॒ತಿಭಿ॒ರ್ಯಾ ಜರ᳚‌ನ್ತಾ ಯುವ॒ಶಾ ತಾಕೃ॑ಣೋತನ |
ಸೌಧ᳚ನ್ವನಾ॒ ಅಶ್ವಾ॒ದಶ್ವ॑ಮತಕ್ಷತ ಯು॒ಕ್ತ್ವಾ ರಥ॒ಮುಪ॑ ದೇ॒ವಾಁ ಅ॑ಯಾತನ || 1.161.7
ಇ॒ದಮು॑ದ॒ಕಂ ಪಿ॑ಬ॒ತೇತ್ಯ॑ಬ್ರವೀತನೇ॒ದಂ ವಾ᳚ ಘಾ ಪಿಬತಾ ಮುಂಜ॒ನೇಜ॑ನ‌ಮ್ |
ಸೌಧ᳚ನ್ವನಾ॒ ಯದಿ॒ ತನ್ನೇವ॒ ಹರ್ಯ॑ಥ ತೃ॒ತೀಯೇ᳚ ಘಾ॒ ಸವ॑ನೇ ಮಾದಯಾಧ್ವೈ || 1.161.8
ಆಪೋ॒ ಭೂಯಿ॑ಷ್ಠಾ॒ ಇತ್ಯೇಕೋ᳚ ಅಬ್ರವೀದ॒ಗ್ನಿರ್ಭೂಯಿ॑ಷ್ಠ॒ ಇತ್ಯ॒ನ್ಯೋ ಅ॑ಬ್ರವೀತ್ |
ವ॒ಧ॒ರ್ಯ‌ನ್ತೀಂ᳚ ಬ॒ಹುಭ್ಯಃ॒ ಪ್ರೈಕೋ᳚ ಅಬ್ರವೀದೃ॒ತಾ ವದ᳚‌ನ್ತಶ್ಚಮ॒ಸಾಁ ಅ॑ಪಿಂಶತ || 1.161.9
ಶ್ರೋ॒ಣಾಮೇಕ॑ ಉದ॒ಕಂ ಗಾಮವಾ᳚ಜತಿ ಮಾಂ॒ಸಮೇಕಃ॑ ಪಿಂಶತಿ ಸೂ॒ನಯಾಭೃ॑ತ‌ಮ್ |
ಆ ನಿ॒ಮ್ರುಚಃ॒ ಶಕೃ॒ದೇಕೋ॒ ಅಪಾ᳚ಭರ॒ತ್ಕಿಂ ಸ್ವಿ॑ತ್ಪು॒ತ್ರೇಭ್ಯಃ॑ ಪಿ॒ತರಾ॒ ಉಪಾ᳚ವತುಃ || 1.161.10
ಉ॒ದ್ವತ್ಸ್ವ॑ಸ್ಮಾ ಅಕೃಣೋತನಾ॒ ತೃಣಂ᳚ ನಿ॒ವತ್ಸ್ವ॒ಪಃ ಸ್ವ॑ಪ॒ಸ್ಯಯಾ᳚ ನರಃ |
ಅಗೋ᳚ಹ್ಯಸ್ಯ॒ ಯದಸ॑ಸ್ತನಾ ಗೃ॒ಹೇ ತದ॒ದ್ಯೇದಮೃ॑ಭವೋ॒ ನಾನು॑ ಗಚ್ಛಥ || 1.161.11
ಸ॒ಮ್ಮೀಲ್ಯ॒ ಯದ್ಭುವ॑ನಾ ಪ॒ರ್ಯಸ॑ರ್ಪತ॒ ಕ್ವ॑ ಸ್ವಿತ್ತಾ॒ತ್ಯಾ ಪಿ॒ತರಾ᳚ ವ ಆಸತುಃ |
ಅಶ॑ಪತ॒ ಯಃ ಕ॒ರಸ್ನಂ᳚ ವ ಆದ॒ದೇ ಯಃ ಪ್ರಾಬ್ರ॑ವೀ॒ತ್ಪ್ರೋ ತಸ್ಮಾ᳚ ಅಬ್ರವೀತನ || 1.161.12
ಸು॒ಷು॒ಪ್ವಾಂಸ॑ ಋಭವ॒ಸ್ತದ॑ಪೃಚ್ಛ॒ತಾಗೋ᳚ಹ್ಯ॒ ಕ ಇ॒ದಂ ನೋ᳚ ಅಬೂಬುಧತ್ |
ಶ್ವಾನಂ᳚ ಬ॒ಸ್ತೋ ಬೋ᳚ಧಯಿ॒ತಾರ॑ಮಬ್ರವೀತ್ಸಂವತ್ಸ॒ರ ಇ॒ದಮ॒ದ್ಯಾ ವ್ಯ॑ಖ್ಯತ || 1.161.13
ದಿ॒ವಾ ಯಾ᳚‌ನ್ತಿ ಮ॒ರುತೋ॒ ಭೂಮ್ಯಾ॒ಗ್ನಿರ॒ಯಂ ವಾತೋ᳚ ಅ॒‌ನ್ತರಿ॑ಕ್ಷೇಣ ಯಾತಿ |
ಅ॒ದ್ಭಿರ್ಯಾ᳚ತಿ॒ ವರು॑ಣಃ ಸಮು॒ದ್ರೈರ್ಯು॒ಷ್ಮಾಁ ಇ॒ಚ್ಛ‌ನ್ತಃ॑ ಶವಸೋ ನಪಾತಃ || 1.161.14

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಶ್ವೋ ದೇವತಾ (1-2, 4-5, 7-22) ಪ್ರಥಮಾದ್ವಿತೀಯಯೋಶ್ಚತುರ್ಥೀಪಂಚಮ್ಯೋಸ್ಸಪ್ತಮ್ಯಾದಿಷೋಡಶರ್ಚಾಂಚ ತ್ರಿಷ್ಟುಪ್ (3, 6) ತೃತೀಯಾಷಷ್ಠ್ಯೋಶ್ಚ ಜಗತೀ ಛಂದಸೀ

ಮಾ ನೋ᳚ ಮಿ॒ತ್ರೋ ವರು॑ಣೋ ಅರ್ಯ॒ಮಾಯುರಿಂದ್ರ॑ ಋಭು॒ಕ್ಷಾ ಮ॒ರುತಃ॒ ಪರಿ॑ ಖ್ಯನ್ |
ಯದ್ವಾ॒ಜಿನೋ᳚ ದೇ॒ವಜಾ᳚ತಸ್ಯ॒ ಸಪ್ತೇಃ᳚ ಪ್ರವ॒ಕ್ಷ್ಯಾಮೋ᳚ ವಿ॒ದಥೇ᳚ ವೀ॒ರ್ಯಾ᳚ಣಿ || 1.162.1
ಯನ್ನಿ॒ರ್ಣಿಜಾ॒ ರೇಕ್ಣ॑ಸಾ॒ ಪ್ರಾವೃ॑ತಸ್ಯ ರಾ॒ತಿಂ ಗೃ॑ಭೀ॒ತಾಂ ಮು॑ಖ॒ತೋ ನಯ᳚‌ನ್ತಿ |
ಸುಪ್ರಾ᳚ಙ॒ಜೋ ಮೇಮ್ಯ॑ದ್ವಿ॒ಶ್ವರೂ᳚ಪ ಇಂದ್ರಾಪೂ॒ಷ್ಣೋಃ ಪ್ರಿ॒ಯಮಪ್ಯೇ᳚ತಿ॒ ಪಾಥಃ॑ || 1.162.2
ಏ॒ಷ ಚ್ಛಾಗಃ॑ ಪು॒ರೋ ಅಶ್ವೇ᳚ನ ವಾ॒ಜಿನಾ᳚ ಪೂ॒ಷ್ಣೋ ಭಾ॒ಗೋ ನೀ᳚ಯತೇ ವಿ॒ಶ್ವದೇ᳚ವ್ಯಃ |
ಅ॒ಭಿ॒ಪ್ರಿಯಂ॒ ಯತ್ಪು॑ರೋ॒ಳಾಶ॒ಮರ್ವ॑ತಾ॒ ತ್ವಷ್ಟೇದೇ᳚ನಂ ಸೌಶ್ರವ॒ಸಾಯ॑ ಜಿನ್ವತಿ || 1.162.3
ಯದ್ಧ॑ವಿ॒ಷ್ಯ॑ಮೃತು॒ಶೋ ದೇ᳚ವ॒ಯಾನಂ॒ ತ್ರಿರ್ಮಾನು॑ಷಾಃ॒ ಪರ್ಯಶ್ವಂ॒ ನಯ᳚‌ನ್ತಿ |
ಅತ್ರಾ᳚ ಪೂ॒ಷ್ಣಃ ಪ್ರ॑ಥ॒ಮೋ ಭಾ॒ಗ ಏ᳚ತಿ ಯ॒ಜ್ಞಂ ದೇ॒ವೇಭ್ಯಃ॑ ಪ್ರತಿವೇ॒ದಯ᳚ನ್ನ॒ಜಃ || 1.162.4
ಹೋತಾ᳚ಧ್ವ॒ರ್ಯುರಾವ॑ಯಾ ಅಗ್ನಿಮಿಂ॒ಧೋ ಗ್ರಾ᳚ವಗ್ರಾ॒ಭ ಉ॒ತ ಶಂಸ್ತಾ॒ ಸುವಿ॑ಪ್ರಃ |
ತೇನ॑ ಯ॒ಜ್ಞೇನ॒ ಸ್ವ॑ರಂಕೃತೇನ॒ ಸ್ವಿ॑ಷ್ಟೇನ ವ॒ಕ್ಷಣಾ॒ ಆ ಪೃ॑ಣಧ್ವ‌ಮ್ || 1.162.5
ಯೂ॒ಪ॒ವ್ರ॒ಸ್ಕಾ ಉ॒ತ ಯೇ ಯೂ᳚ಪವಾ॒ಹಾಶ್ಚ॒ಷಾಲಂ॒ ಯೇ ಅ॑ಶ್ವಯೂ॒ಪಾಯ॒ ತಕ್ಷ॑ತಿ |
ಯೇ ಚಾರ್ವ॑ತೇ॒ ಪಚ॑ನಂ ಸಂ॒ಭರ᳚‌ನ್ತ್ಯು॒ತೋ ತೇಷಾ᳚ಮ॒ಭಿಗೂ᳚ರ್ತಿರ್ನ ಇನ್ವತು || 1.162.6
ಉಪ॒ ಪ್ರಾಗಾ᳚ತ್ಸು॒ಮನ್ಮೇ᳚ಽಧಾಯಿ॒ ಮನ್ಮ॑ ದೇ॒ವಾನಾ॒ಮಾಶಾ॒ ಉಪ॑ ವೀ॒ತಪೃ॑ಷ್ಠಃ |
ಅನ್ವೇ᳚ನಂ॒ ವಿಪ್ರಾ॒ ಋಷ॑ಯೋ ಮದ‌ನ್ತಿ ದೇ॒ವಾನಾಂ᳚ ಪು॒ಷ್ಟೇ ಚ॑ಕೃಮಾ ಸು॒ಬಂಧು‌ಮ್᳚ || 1.162.7
ಯದ್ವಾ॒ಜಿನೋ॒ ದಾಮ॑ ಸಂ॒ದಾನ॒ಮರ್ವ॑ತೋ॒ ಯಾ ಶೀ᳚ರ್ಷ॒ಣ್ಯಾ᳚ ರಶ॒ನಾ ರಜ್ಜು॑ರಸ್ಯ |
ಯದ್ವಾ᳚ ಘಾಸ್ಯ॒ ಪ್ರಭೃ॑ತಮಾ॒ಸ್ಯೇ॒3॒॑ ತೃಣಂ॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು || 1.162.8
ಯದಶ್ವ॑ಸ್ಯ ಕ್ರ॒ವಿಷೋ॒ ಮಕ್ಷಿ॒ಕಾಶ॒ ಯದ್ವಾ॒ ಸ್ವರೌ॒ ಸ್ವಧಿ॑ತೌ ರಿ॒ಪ್ತಮಸ್ತಿ॑ |
ಯದ್ಧಸ್ತ॑ಯೋಃ ಶಮಿ॒ತುರ್ಯನ್ನ॒ಖೇಷು॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು || 1.162.9
ಯದೂವ॑ಧ್ಯಮು॒ದರ॑ಸ್ಯಾಪ॒ವಾತಿ॒ ಯ ಆ॒ಮಸ್ಯ॑ ಕ್ರ॒ವಿಷೋ᳚ ಗಂ॒ಧೋ ಅಸ್ತಿ॑ |
ಸು॒ಕೃ॒ತಾ ತಚ್ಛ॑ಮಿ॒ತಾರಃ॑ ಕೃಣ್ವ‌ನ್ತೂ॒ತ ಮೇಧಂ᳚ ಶೃತ॒ಪಾಕಂ᳚ ಪಚ‌ನ್ತು || 1.162.10
ಯತ್ತೇ॒ ಗಾತ್ರಾ᳚ದ॒ಗ್ನಿನಾ᳚ ಪ॒ಚ್ಯಮಾ᳚ನಾದ॒ಭಿ ಶೂಲಂ॒ ನಿಹ॑ತಸ್ಯಾವ॒ಧಾವ॑ತಿ |
ಮಾ ತದ್ಭೂಮ್ಯಾ॒ಮಾ ಶ್ರಿ॑ಷ॒ನ್ಮಾ ತೃಣೇ᳚ಷು ದೇ॒ವೇಭ್ಯ॒ಸ್ತದು॒ಶದ್ಭ್ಯೋ᳚ ರಾ॒ತಮ॑ಸ್ತು || 1.162.11
ಯೇ ವಾ॒ಜಿನಂ᳚ ಪರಿ॒ಪಶ್ಯ᳚‌ನ್ತಿ ಪ॒ಕ್ವಂ ಯ ಈ᳚ಮಾ॒ಹುಃ ಸು॑ರ॒ಭಿರ್ನಿರ್ಹ॒ರೇತಿ॑ |
ಯೇ ಚಾರ್ವ॑ತೋ ಮಾಂಸಭಿ॒ಕ್ಷಾಮು॒ಪಾಸ॑ತ ಉ॒ತೋ ತೇಷಾ᳚ಮ॒ಭಿಗೂ᳚ರ್ತಿರ್ನ ಇನ್ವತು || 1.162.12
ಯನ್ನೀಕ್ಷ॑ಣಂ ಮಾಁ॒ಸ್ಪಚ᳚ನ್ಯಾ ಉ॒ಖಾಯಾ॒ ಯಾ ಪಾತ್ರಾ᳚ಣಿ ಯೂ॒ಷ್ಣ ಆ॒ಸೇಚ॑ನಾನಿ |
ಊ॒ಷ್ಮ॒ಣ್ಯಾ᳚ಪಿ॒ಧಾನಾ᳚ ಚರೂ॒ಣಾಮಂ॒ಕಾಃ ಸೂ॒ನಾಃ ಪರಿ॑ ಭೂಷ॒‌ನ್ತ್ಯಶ್ವ‌ಮ್᳚ || 1.162.13
ನಿ॒ಕ್ರಮ॑ಣಂ ನಿ॒ಷದ॑ನಂ ವಿ॒ವರ್ತ॑ನಂ॒ ಯಚ್ಚ॒ ಪಡ್ಬೀ᳚ಶ॒ಮರ್ವ॑ತಃ |
ಯಚ್ಚ॑ ಪ॒ಪೌ ಯಚ್ಚ॑ ಘಾ॒ಸಿಂ ಜ॒ಘಾಸ॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು || 1.162.14
ಮಾ ತ್ವಾ॒ಗ್ನಿರ್ಧ್ವ॑ನಯೀದ್ಧೂ॒ಮಗಂ᳚ಧಿ॒ರ್ಮೋಖಾ ಭ್ರಾಜ᳚‌ನ್ತ್ಯ॒ಭಿ ವಿ॑ಕ್ತ॒ ಜಘ್ರಿಃ॑ |
ಇ॒ಷ್ಟಂ ವೀ॒ತಮ॒ಭಿಗೂ᳚ರ್ತಂ॒ ವಷ॑ಟ್ಕೃತಂ॒ ತಂ ದೇ॒ವಾಸಃ॒ ಪ್ರತಿ॑ ಗೃಭ್ಣ॒‌ನ್ತ್ಯಶ್ವ‌ಮ್᳚ || 1.162.15
ಯದಶ್ವಾ᳚ಯ॒ ವಾಸ॑ ಉಪಸ್ತೃ॒ಣ‌ನ್ತ್ಯ॑ಧೀವಾ॒ಸಂ ಯಾ ಹಿರ᳚ಣ್ಯಾನ್ಯಸ್ಮೈ |
ಸಂ॒ದಾನ॒ಮರ್ವ᳚‌ನ್ತಂ॒ ಪಡ್ಬೀ᳚ಶಂ ಪ್ರಿ॒ಯಾ ದೇ॒ವೇಷ್ವಾ ಯಾ᳚ಮಯ‌ನ್ತಿ || 1.162.16
ಯತ್ತೇ᳚ ಸಾ॒ದೇ ಮಹ॑ಸಾ॒ ಶೂಕೃ॑ತಸ್ಯ॒ ಪಾರ್ಷ್ಣ್ಯಾ᳚ ವಾ॒ ಕಶ॑ಯಾ ವಾ ತು॒ತೋದ॑ |
ಸ್ರು॒ಚೇವ॒ ತಾ ಹ॒ವಿಷೋ᳚ ಅಧ್ವ॒ರೇಷು॒ ಸರ್ವಾ॒ ತಾ ತೇ॒ ಬ್ರಹ್ಮ॑ಣಾ ಸೂದಯಾಮಿ || 1.162.17
ಚತು॑ಸ್ತ್ರಿಂಶದ್ವಾ॒ಜಿನೋ᳚ ದೇ॒ವಬಂ᳚ಧೋ॒ರ್ವಂಕ್ರೀ॒ರಶ್ವ॑ಸ್ಯ॒ ಸ್ವಧಿ॑ತಿಃ॒ ಸಮೇ᳚ತಿ |
ಅಚ್ಛಿ॑ದ್ರಾ॒ ಗಾತ್ರಾ᳚ ವ॒ಯುನಾ᳚ ಕೃಣೋತ॒ ಪರು॑ಷ್ಪರುರನು॒ಘುಷ್ಯಾ॒ ವಿ ಶ॑ಸ್ತ || 1.162.18
ಏಕ॒ಸ್ತ್ವಷ್ಟು॒ರಶ್ವ॑ಸ್ಯಾ ವಿಶ॒ಸ್ತಾ ದ್ವಾ ಯ॒‌ನ್ತಾರಾ᳚ ಭವತ॒ಸ್ತಥ॑ ಋ॒ತುಃ |
ಯಾ ತೇ॒ ಗಾತ್ರಾ᳚ಣಾಮೃತು॒ಥಾ ಕೃ॒ಣೋಮಿ॒ ತಾತಾ॒ ಪಿಂಡಾ᳚ನಾಂ॒ ಪ್ರ ಜು॑ಹೋಮ್ಯ॒ಗ್ನೌ || 1.162.19
ಮಾ ತ್ವಾ᳚ ತಪತ್ಪ್ರಿ॒ಯ ಆ॒ತ್ಮಾಪಿ॒ಯ‌ನ್ತಂ॒ ಮಾ ಸ್ವಧಿ॑ತಿಸ್ತ॒ನ್ವ1॒॑ ಆ ತಿ॑ಷ್ಠಿಪತ್ತೇ |
ಮಾ ತೇ᳚ ಗೃ॒ಧ್ನುರ॑ವಿಶ॒ಸ್ತಾತಿ॒ಹಾಯ॑ ಛಿ॒ದ್ರಾ ಗಾತ್ರಾ᳚ಣ್ಯ॒ಸಿನಾ॒ ಮಿಥೂ᳚ ಕಃ || 1.162.20
ನ ವಾ ಉ॑ ಏ॒ತನ್ಮ್ರಿ॑ಯಸೇ॒ ನ ರಿ॑ಷ್ಯಸಿ ದೇ॒ವಾಁ ಇದೇ᳚ಷಿ ಪ॒ಥಿಭಿಃ॑ ಸು॒ಗೇಭಿಃ॑ |
ಹರೀ᳚ ತೇ॒ ಯುಂಜಾ॒ ಪೃಷ॑ತೀ ಅಭೂತಾ॒ಮುಪಾ᳚ಸ್ಥಾದ್ವಾ॒ಜೀ ಧು॒ರಿ ರಾಸ॑ಭಸ್ಯ || 1.162.21
ಸು॒ಗವ್ಯಂ᳚ ನೋ ವಾ॒ಜೀ ಸ್ವಶ್ವ್ಯಂ᳚ ಪುಂ॒ಸಃ ಪು॒ತ್ರಾಁ ಉ॒ತ ವಿ॑ಶ್ವಾ॒ಪುಷಂ᳚ ರ॒ಯಿ‌ಮ್ |
ಅ॒ನಾ॒ಗಾ॒ಸ್ತ್ವಂ ನೋ॒ ಅದಿ॑ತಿಃ ಕೃಣೋತು ಕ್ಷ॒ತ್ರಂ ನೋ॒ ಅಶ್ವೋ᳚ ವನತಾಂ ಹ॒ವಿಷ್ಮಾನ್॑ || 1.162.22

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ ಅಶ್ವೋ ದೇವತಾ ತ್ರಿಷ್ಟುಪ್ ಛಂದಃ

ಯದಕ್ರಂ᳚ದಃ ಪ್ರಥ॒ಮಂ ಜಾಯ॑ಮಾನ ಉ॒ದ್ಯ‌‌ನ್ತ್ಸ॑ಮು॒ದ್ರಾದು॒ತ ವಾ॒ ಪುರೀ᳚ಷಾತ್ |
ಶ್ಯೇ॒ನಸ್ಯ॑ ಪ॒ಕ್ಷಾ ಹ॑ರಿ॒ಣಸ್ಯ॑ ಬಾ॒ಹೂ ಉ॑ಪ॒ಸ್ತುತ್ಯಂ॒ ಮಹಿ॑ ಜಾ॒ತಂ ತೇ᳚ ಅರ್ವನ್ || 1.163.1
ಯ॒ಮೇನ॑ ದ॒ತ್ತಂ ತ್ರಿ॒ತ ಏ᳚ನಮಾಯುನ॒ಗಿಂದ್ರ॑ ಏಣಂ ಪ್ರಥ॒ಮೋ ಅಧ್ಯ॑ತಿಷ್ಠತ್ |
ಗಂ॒ಧ॒ರ್ವೋ ಅ॑ಸ್ಯ ರಶ॒ನಾಮ॑ಗೃಭ್ಣಾ॒ತ್ಸೂರಾ॒ದಶ್ವಂ᳚ ವಸವೋ॒ ನಿರ॑ತಷ್ಟ || 1.163.2
ಅಸಿ॑ ಯ॒ಮೋ ಅಸ್ಯಾ᳚ದಿ॒ತ್ಯೋ ಅ᳚ರ್ವ॒ನ್ನಸಿ॑ ತ್ರಿ॒ತೋ ಗುಹ್ಯೇ᳚ನ ವ್ರ॒ತೇನ॑ |
ಅಸಿ॒ ಸೋಮೇ᳚ನ ಸ॒ಮಯಾ॒ ವಿಪೃ॑ಕ್ತ ಆ॒ಹುಸ್ತೇ॒ ತ್ರೀಣಿ॑ ದಿ॒ವಿ ಬಂಧ॑ನಾನಿ || 1.163.3
ತ್ರೀಣಿ॑ ತ ಆಹುರ್ದಿ॒ವಿ ಬಂಧ॑ನಾನಿ॒ ತ್ರೀಣ್ಯ॒ಪ್ಸು ತ್ರೀಣ್ಯ॒‌ನ್ತಃ ಸ॑ಮು॒ದ್ರೇ |
ಉ॒ತೇವ॑ ಮೇ॒ ವರು॑ಣಶ್ಛ‌ನ್ತ್ಸ್ಯರ್ವ॒ನ್ಯತ್ರಾ᳚ ತ ಆ॒ಹುಃ ಪ॑ರ॒ಮಂ ಜ॒ನಿತ್ರ‌ಮ್᳚ || 1.163.4
ಇ॒ಮಾ ತೇ᳚ ವಾಜಿನ್ನವ॒ಮಾರ್ಜ॑ನಾನೀ॒ಮಾ ಶ॒ಫಾನಾಂ᳚ ಸನಿ॒ತುರ್ನಿ॒ಧಾನಾ᳚ |
ಅತ್ರಾ᳚ ತೇ ಭ॒ದ್ರಾ ರ॑ಶ॒ನಾ ಅ॑ಪಶ್ಯಮೃ॒ತಸ್ಯ॒ ಯಾ ಅ॑ಭಿ॒ರಕ್ಷ᳚‌ನ್ತಿ ಗೋ॒ಪಾಃ || 1.163.5
ಆ॒ತ್ಮಾನಂ᳚ ತೇ॒ ಮನ॑ಸಾ॒ರಾದ॑ಜಾನಾಮ॒ವೋ ದಿ॒ವಾ ಪ॒ತಯ᳚‌ನ್ತಂ ಪತಂ॒ಗ‌ಮ್ |
ಶಿರೋ᳚ ಅಪಶ್ಯಂ ಪ॒ಥಿಭಿಃ॑ ಸು॒ಗೇಭಿ॑ರರೇ॒ಣುಭಿ॒ರ್ಜೇಹ॑ಮಾನಂ ಪತ॒ತ್ರಿ || 1.163.6
ಅತ್ರಾ᳚ ತೇ ರೂ॒ಪಮು॑ತ್ತ॒ಮಮ॑ಪಶ್ಯಂ॒ ಜಿಗೀ᳚ಷಮಾಣಮಿ॒ಷ ಆ ಪ॒ದೇ ಗೋಃ |
ಯ॒ದಾ ತೇ॒ ಮರ್ತೋ॒ ಅನು॒ ಭೋಗ॒ಮಾನ॒ಳಾದಿದ್ಗ್ರಸಿ॑ಷ್ಠ॒ ಓಷ॑ಧೀರಜೀಗಃ || 1.163.7
ಅನು॑ ತ್ವಾ॒ ರಥೋ॒ ಅನು॒ ಮರ್ಯೋ᳚ ಅರ್ವ॒ನ್ನನು॒ ಗಾವೋಽನು॒ ಭಗಃ॑ ಕ॒ನೀನಾ᳚‌ಮ್ |
ಅನು॒ ವ್ರಾತಾ᳚ಸ॒ಸ್ತವ॑ ಸ॒ಖ್ಯಮೀ᳚ಯು॒ರನು॑ ದೇ॒ವಾ ಮ॑ಮಿರೇ ವೀ॒ರ್ಯಂ᳚ ತೇ || 1.163.8
ಹಿರ᳚ಣ್ಯಶೃಂ॒ಗೋಽಯೋ᳚ ಅಸ್ಯ॒ ಪಾದಾ॒ ಮನೋ᳚ಜವಾ॒ ಅವ॑ರ॒ ಇಂದ್ರ॑ ಆಸೀತ್ |
ದೇ॒ವಾ ಇದ॑ಸ್ಯ ಹವಿ॒ರದ್ಯ॑ಮಾಯ॒ನ್ಯೋ ಅರ್ವ᳚‌ನ್ತಂ ಪ್ರಥ॒ಮೋ ಅ॒ಧ್ಯತಿ॑ಷ್ಠತ್ || 1.163.9
ಈ॒ರ್ಮಾ‌ನ್ತಾ᳚ಸಃ॒ ಸಿಲಿ॑ಕಮಧ್ಯಮಾಸಃ॒ ಸಂ ಶೂರ॑ಣಾಸೋ ದಿ॒ವ್ಯಾಸೋ॒ ಅತ್ಯಾಃ᳚ |
ಹಂ॒ಸಾ ಇ॑ವ ಶ್ರೇಣಿ॒ಶೋ ಯ॑ತ‌ನ್ತೇ॒ ಯದಾಕ್ಷಿ॑ಷುರ್ದಿ॒ವ್ಯಮಜ್ಮ॒ಮಶ್ವಾಃ᳚ || 1.163.10
ತವ॒ ಶರೀ᳚ರಂ ಪತಯಿ॒ಷ್ಣ್ವ᳚ರ್ವ॒‌ನ್ತವ॑ ಚಿ॒ತ್ತಂ ವಾತ॑ ಇವ॒ ಧ್ರಜೀ᳚ಮಾನ್ |
ತವ॒ ಶೃಂಗಾ᳚ಣಿ॒ ವಿಷ್ಠಿ॑ತಾ ಪುರು॒ತ್ರಾರ᳚ಣ್ಯೇಷು॒ ಜರ್ಭು॑ರಾಣಾ ಚರ‌ನ್ತಿ || 1.163.11
ಉಪ॒ ಪ್ರಾಗಾ॒ಚ್ಛಸ॑ನಂ ವಾ॒ಜ್ಯರ್ವಾ᳚ ದೇವ॒ದ್ರೀಚಾ॒ ಮನ॑ಸಾ॒ ದೀಧ್ಯಾ᳚ನಃ |
ಅ॒ಜಃ ಪು॒ರೋ ನೀ᳚ಯತೇ॒ ನಾಭಿ॑ರ॒ಸ್ಯಾನು॑ ಪ॒ಶ್ಚಾತ್ಕ॒ವಯೋ᳚ ಯ‌ನ್ತಿ ರೇ॒ಭಾಃ || 1.163.12
ಉಪ॒ ಪ್ರಾಗಾ᳚ತ್ಪರ॒ಮಂ ಯತ್ಸ॒ಧಸ್ಥ॒ಮರ್ವಾಁ॒ ಅಚ್ಛಾ᳚ ಪಿ॒ತರಂ᳚ ಮಾ॒ತರಂ᳚ ಚ |
ಅ॒ದ್ಯಾ ದೇ॒ವಾಂಜುಷ್ಟ॑ತಮೋ॒ ಹಿ ಗ॒ಮ್ಯಾ ಅಥಾ ಶಾ᳚ಸ್ತೇ ದಾ॒ಶುಷೇ॒ ವಾರ್ಯಾ᳚ಣಿ || 1.163.13

(1-52) ದ್ವಿಪಂಚಾಶದೃಚಸ್ಯಾಸ್ಯ ಸೂಕ್ತಸ್ಯೌಚಥ್ಯೋ ದೀರ್ಘತಮಾ ಋಷಿಃ (1-41) ಪ್ರಥಮಾಯೇಕಚತ್ವಾರಿಂಶದೃಚಾಂ ವಿಶ್ವೇ ದೇವಾಃ (42) ದ್ವಿಚತ್ವಾರಿಂಶ್ಯಾಃ ಪೂರ್ವಾರ್ಧಸ್ಯ ವಾಕ್ ಉತ್ತರಾರ್ಧಸ್ಯ ಚಾಪಃ (43) ತ್ರಿಚತ್ವಾರಿಂಶ್ಯಾಃ ಪೂರ್ವಾರ್ಧಸ್ಯ ಶಕಧಮಃ ಉತ್ತರಾರ್ಧಸ್ಯ ಚ ಸೋಮಃ (44) ಚತಶ್ಚತ್ವಾರಿಂಶ್ಯಾಃ ಕೇಶಿನಃ (ಅಗ್ನಿಃ ಸೂರ್ಯೋ ವಾಯಶ್ಚ) (45) ಪಂಚಚತ್ವಾರಿಂಶ್ಯಾ ವಾಕ್ (46-47) ಷಟ್ಚತ್ವಾರಿಂಶೀಸಪ್ತಚತ್ವಾರಿಂಶ್ಯೋಃ ಸೂಯಃ (48) ಅಷ್ಟಚತ್ವಾರಿಂಶ್ಯಾಃ ಸಂವತ್ಸರಕಾಲಚಕ್ರಂ (49) ಏಕೋನಪಂಚಾಶ್ಯಾಃ ಸರಸ್ವತೀ (50) ಪಂಚಾಶ್ಯಾಃ ಸಾಧ್ಯಾಃ (51) ಏಕಪಂಚಾಶ್ಯಾಃ ಸೂಯಃ ಪರ್ಜನ್ಯಾಗ್ನೀ ವಾ (52) ದ್ವಿಪಂಚಾಶ್ಯಾಶ್ಚ ಸರಸ್ವಾನ್ ಸೂರ್ಯೋ ವಾ ದೇವತಾಃ (1-11, 13-14, 16-22, 24-28, 30-35, 37-40, 43-50, 52) ಪ್ರಥಮಾಯೇಕಾದಶ! ತ್ರಯೋದಶೀಚತುರ್ದಶ್ಯೋಃ ಷೋಡಶ್ಯಾದಿಸಪ್ತಾನಾಂ ಚತುರ್ವಿಂಶ್ಯಾದಿಪಂಚಾನಾಂ ತ್ರಿಂಶ್ಯಾದಿಷಣ್ಣಾಂ ಸಪ್ತತ್ರಿಂಶ್ಯಾದಿಚತಸೃಣಾಂ ತ್ರಿಚತ್ವಾರಿಂಶ್ಯಾದ್ಯಷ್ಟಾನಾಂ ದ್ವಿಪಂಚಾಶ್ಯಾಶ್ಚ ತ್ರಿಷ್ಟುಪ್ (12, 15, 23, 29, 36, 41) ದ್ವಾದಶೀಪಂಚದಶೀತ್ರಯೋವಿಂಶ್ಯೇಕೋನತ್ರಿಂಶೀಷವಿಶಂ ಯೇಕಚತ್ವಾರಿಂಶೀನಾಂ ಜಗತೀ (42) ದ್ವಿಚತ್ವಾರಿಂಶ್ಯಾಃ ಪ್ರಸ್ತಾರಪಂಕ್ತಿಃ (51) ಏಕಪಂಚಾಶ್ಯಾಶ್ಚಾನುಷ್ಟಪ್ ಛಂದಾಂಸಿ

ಅ॒ಸ್ಯ ವಾ॒ಮಸ್ಯ॑ ಪಲಿ॒ತಸ್ಯ॒ ಹೋತು॒ಸ್ತಸ್ಯ॒ ಭ್ರಾತಾ᳚ ಮಧ್ಯ॒ಮೋ ಅ॒ಸ್ತ್ಯಶ್ನಃ॑ |
ತೃ॒ತೀಯೋ॒ ಭ್ರಾತಾ᳚ ಘೃ॒ತಪೃ॑ಷ್ಠೋ ಅ॒ಸ್ಯಾತ್ರಾ᳚ಪಶ್ಯಂ ವಿ॒ಶ್ಪತಿಂ᳚ ಸ॒ಪ್ತಪು॑ತ್ರ‌ಮ್ || 1.164.1
ಸ॒ಪ್ತ ಯುಂ᳚ಜ‌ನ್ತಿ॒ ರಥ॒ಮೇಕ॑ಚಕ್ರ॒ಮೇಕೋ॒ ಅಶ್ವೋ᳚ ವಹತಿ ಸ॒ಪ್ತನಾ᳚ಮಾ |
ತ್ರಿ॒ನಾಭಿ॑ ಚ॒ಕ್ರಮ॒ಜರ॑ಮನ॒ರ್ವಂ ಯತ್ರೇ॒ಮಾ ವಿಶ್ವಾ॒ ಭುವ॒ನಾಧಿ॑ ತ॒ಸ್ಥುಃ || 1.164.2
ಇ॒ಮಂ ರಥ॒ಮಧಿ॒ ಯೇ ಸ॒ಪ್ತ ತ॒ಸ್ಥುಃ ಸ॒ಪ್ತಚ॑ಕ್ರಂ ಸ॒ಪ್ತ ವ॑ಹ॒‌ನ್ತ್ಯಶ್ವಾಃ᳚ |
ಸ॒ಪ್ತ ಸ್ವಸಾ᳚ರೋ ಅ॒ಭಿ ಸಂ ನ॑ವ‌ನ್ತೇ॒ ಯತ್ರ॒ ಗವಾಂ॒ ನಿಹಿ॑ತಾ ಸ॒ಪ್ತ ನಾಮ॑ || 1.164.3
ಕೋ ದ॑ದರ್ಶ ಪ್ರಥ॒ಮಂ ಜಾಯ॑ಮಾನಮಸ್ಥ॒ನ್ವ‌ನ್ತಂ॒ ಯದ॑ನ॒ಸ್ಥಾ ಬಿಭ॑ರ್ತಿ |
ಭೂಮ್ಯಾ॒ ಅಸು॒ರಸೃ॑ಗಾ॒ತ್ಮಾ ಕ್ವ॑ ಸ್ವಿ॒ತ್ಕೋ ವಿ॒ದ್ವಾಂಸ॒ಮುಪ॑ ಗಾ॒ತ್ಪ್ರಷ್ಟು॑ಮೇ॒ತತ್ || 1.164.4
ಪಾಕಃ॑ ಪೃಚ್ಛಾಮಿ॒ ಮನ॒ಸಾವಿ॑ಜಾನಂದೇ॒ವಾನಾ᳚ಮೇ॒ನಾ ನಿಹಿ॑ತಾ ಪ॒ದಾನಿ॑ |
ವ॒ತ್ಸೇ ಬ॒ಷ್ಕಯೇಽಧಿ॑ ಸ॒ಪ್ತ ತ‌ನ್ತೂ॒ನ್ವಿ ತ॑ತ್ನಿರೇ ಕ॒ವಯ॒ ಓತ॒ವಾ ಉ॑ || 1.164.5
ಅಚಿ॑ಕಿತ್ವಾಂಚಿಕಿ॒ತುಷ॑ಶ್ಚಿ॒ದತ್ರ॑ ಕ॒ವೀನ್ಪೃ॑ಚ್ಛಾಮಿ ವಿ॒ದ್ಮನೇ॒ ನ ವಿ॒ದ್ವಾನ್ |
ವಿ ಯಸ್ತ॒ಸ್ತಂಭ॒ ಷಳಿ॒ಮಾ ರಜಾಂ᳚ಸ್ಯ॒ಜಸ್ಯ॑ ರೂ॒ಪೇ ಕಿಮಪಿ॑ ಸ್ವಿ॒ದೇಕ‌ಮ್᳚ || 1.164.6
ಇ॒ಹ ಬ್ರ॑ವೀತು॒ ಯ ಈ᳚ಮಂ॒ಗ ವೇದಾ॒ಸ್ಯ ವಾ॒ಮಸ್ಯ॒ ನಿಹಿ॑ತಂ ಪ॒ದಂ ವೇಃ |
ಶೀ॒ರ್ಷ್ಣಃ ಕ್ಷೀ॒ರಂ ದು॑ಹ್ರತೇ॒ ಗಾವೋ᳚ ಅಸ್ಯ ವ॒ವ್ರಿಂ ವಸಾ᳚ನಾ ಉದ॒ಕಂ ಪ॒ದಾಪುಃ॑ || 1.164.7
ಮಾ॒ತಾ ಪಿ॒ತರ॑ಮೃ॒ತ ಆ ಬ॑ಭಾಜ ಧೀ॒ತ್ಯಗ್ರೇ॒ ಮನ॑ಸಾ॒ ಸಂ ಹಿ ಜ॒ಗ್ಮೇ |
ಸಾ ಬೀ᳚ಭ॒ತ್ಸುರ್ಗರ್ಭ॑ರಸಾ॒ ನಿವಿ॑ದ್ಧಾ॒ ನಮ॑ಸ್ವ‌ನ್ತ॒ ಇದು॑ಪವಾ॒ಕಮೀ᳚ಯುಃ || 1.164.8
ಯು॒ಕ್ತಾ ಮಾ॒ತಾಸೀ᳚ದ್ಧು॒ರಿ ದಕ್ಷಿ॑ಣಾಯಾ॒ ಅತಿ॑ಷ್ಠ॒ದ್ಗರ್ಭೋ᳚ ವೃಜ॒ನೀಷ್ವ॒‌ನ್ತಃ |
ಅಮೀ᳚ಮೇದ್ವ॒ತ್ಸೋ ಅನು॒ ಗಾಮ॑ಪಶ್ಯದ್ವಿಶ್ವರೂ॒ಪ್ಯಂ᳚ ತ್ರಿ॒ಷು ಯೋಜ॑ನೇಷು || 1.164.9
ತಿ॒ಸ್ರೋ ಮಾ॒ತೄಸ್ತ್ರೀನ್ಪಿ॒ತೄನ್ಬಿಭ್ರ॒ದೇಕ॑ ಊ॒ರ್ಧ್ವಸ್ತ॑ಸ್ಥೌ॒ ನೇಮವ॑ ಗ್ಲಾಪಯ‌ನ್ತಿ |
ಮ॒‌ನ್ತ್ರಯ᳚‌ನ್ತೇ ದಿ॒ವೋ ಅ॒ಮುಷ್ಯ॑ ಪೃ॒ಷ್ಠೇ ವಿ॑ಶ್ವ॒ವಿದಂ॒ ವಾಚ॒ಮವಿ॑ಶ್ವಮಿನ್ವಾ‌ಮ್ || 1.164.10
ದ್ವಾದ॑ಶಾರಂ ನ॒ಹಿ ತಜ್ಜರಾ᳚ಯ॒ ವರ್ವ॑ರ್ತಿ ಚ॒ಕ್ರಂ ಪರಿ॒ ದ್ಯಾಮೃ॒ತಸ್ಯ॑ |
ಆ ಪು॒ತ್ರಾ ಅ॑ಗ್ನೇ ಮಿಥು॒ನಾಸೋ॒ ಅತ್ರ॑ ಸ॒ಪ್ತ ಶ॒ತಾನಿ॑ ವಿಂಶ॒ತಿಶ್ಚ॑ ತಸ್ಥುಃ || 1.164.11
ಪಂಚ॑ಪಾದಂ ಪಿ॒ತರಂ॒ ದ್ವಾದ॑ಶಾಕೃತಿಂ ದಿ॒ವ ಆ᳚ಹುಃ॒ ಪರೇ॒ ಅರ್ಧೇ᳚ ಪುರೀ॒ಷಿಣ‌ಮ್᳚ |
ಅಥೇ॒ಮೇ ಅ॒ನ್ಯ ಉಪ॑ರೇ ವಿಚಕ್ಷ॒ಣಂ ಸ॒ಪ್ತಚ॑ಕ್ರೇ॒ ಷಳ॑ರ ಆಹು॒ರರ್ಪಿ॑ತ‌ಮ್ || 1.164.12
ಪಂಚಾ᳚ರೇ ಚ॒ಕ್ರೇ ಪ॑ರಿ॒ವರ್ತ॑ಮಾನೇ॒ ತಸ್ಮಿ॒ನ್ನಾ ತ॑ಸ್ಥು॒ರ್ಭುವ॑ನಾನಿ॒ ವಿಶ್ವಾ᳚ |
ತಸ್ಯ॒ ನಾಕ್ಷ॑ಸ್ತಪ್ಯತೇ॒ ಭೂರಿ॑ಭಾರಃ ಸ॒ನಾದೇ॒ವ ನ ಶೀ᳚ರ್ಯತೇ॒ ಸನಾ᳚ಭಿಃ || 1.164.13
ಸನೇ᳚ಮಿ ಚ॒ಕ್ರಮ॒ಜರಂ॒ ವಿ ವಾ᳚ವೃತ ಉತ್ತಾ॒ನಾಯಾಂ॒ ದಶ॑ ಯು॒ಕ್ತಾ ವ॑ಹ‌ನ್ತಿ |
ಸೂರ್ಯ॑ಸ್ಯ॒ ಚಕ್ಷೂ॒ ರಜ॑ಸೈ॒ತ್ಯಾವೃ॑ತಂ॒ ತಸ್ಮಿ॒ನ್ನಾರ್ಪಿ॑ತಾ॒ ಭುವ॑ನಾನಿ॒ ವಿಶ್ವಾ᳚ || 1.164.14
ಸಾ॒ಕಂ॒ಜಾನಾಂ᳚ ಸ॒ಪ್ತಥ॑ಮಾಹುರೇಕ॒ಜಂ ಷಳಿದ್ಯ॒ಮಾ ಋಷ॑ಯೋ ದೇವ॒ಜಾ ಇತಿ॑ |
ತೇಷಾ᳚ಮಿ॒ಷ್ಟಾನಿ॒ ವಿಹಿ॑ತಾನಿ ಧಾಮ॒ಶಃ ಸ್ಥಾ॒ತ್ರೇ ರೇ᳚ಜ‌ನ್ತೇ॒ ವಿಕೃ॑ತಾನಿ ರೂಪ॒ಶಃ || 1.164.15
ಸ್ತ್ರಿಯಃ॑ ಸ॒ತೀಸ್ತಾಁ ಉ॑ ಮೇ ಪುಂ॒ಸ ಆ᳚ಹುಃ॒ ಪಶ್ಯ॑ದಕ್ಷ॒ಣ್ವಾನ್ನ ವಿ ಚೇ᳚ತದಂ॒ಧಃ |
ಕ॒ವಿರ್ಯಃ ಪು॒ತ್ರಃ ಸ ಈ॒ಮಾ ಚಿ॑ಕೇತ॒ ಯಸ್ತಾ ವಿ॑ಜಾ॒ನಾತ್ಸ ಪಿ॒ತುಷ್ಪಿ॒ತಾಸ॑ತ್ || 1.164.16
ಅ॒ವಃ ಪರೇ᳚ಣ ಪ॒ರ ಏ॒ನಾವ॑ರೇಣ ಪ॒ದಾ ವ॒ತ್ಸಂ ಬಿಭ್ರ॑ತೀ॒ ಗೌರುದ॑ಸ್ಥಾತ್ |
ಸಾ ಕ॒ದ್ರೀಚೀ॒ ಕಂ ಸ್ವಿ॒ದರ್ಧಂ॒ ಪರಾ᳚ಗಾ॒ತ್ಕ್ವ॑ ಸ್ವಿತ್ಸೂತೇ ನ॒ಹಿ ಯೂ॒ಥೇ ಅ॒‌ನ್ತಃ || 1.164.17
ಅ॒ವಃ ಪರೇ᳚ಣ ಪಿ॒ತರಂ॒ ಯೋ ಅ॑ಸ್ಯಾನು॒ವೇದ॑ ಪ॒ರ ಏ॒ನಾವ॑ರೇಣ |
ಕ॒ವೀ॒ಯಮಾ᳚ನಃ॒ ಕ ಇ॒ಹ ಪ್ರ ವೋ᳚ಚದ್ದೇ॒ವಂ ಮನಃ॒ ಕುತೋ॒ ಅಧಿ॒ ಪ್ರಜಾ᳚ತ‌ಮ್ || 1.164.18
ಯೇ ಅ॒ರ್ವಾಂಚ॒ಸ್ತಾಁ ಉ॒ ಪರಾ᳚ಚ ಆಹು॒ರ್ಯೇ ಪರಾಂ᳚ಚ॒ಸ್ತಾಁ ಉ॑ ಅ॒ರ್ವಾಚ॑ ಆಹುಃ |
ಇಂದ್ರ॑ಶ್ಚ॒ ಯಾ ಚ॒ಕ್ರಥುಃ॑ ಸೋಮ॒ ತಾನಿ॑ ಧು॒ರಾ ನ ಯು॒ಕ್ತಾ ರಜ॑ಸೋ ವಹ‌ನ್ತಿ || 1.164.19
ದ್ವಾ ಸು॑ಪ॒ರ್ಣಾ ಸ॒ಯುಜಾ॒ ಸಖಾ᳚ಯಾ ಸಮಾ॒ನಂ ವೃ॒ಕ್ಷಂ ಪರಿ॑ ಷಸ್ವಜಾತೇ |
ತಯೋ᳚ರ॒ನ್ಯಃ ಪಿಪ್ಪ॑ಲಂ ಸ್ವಾ॒ದ್ವತ್ತ್ಯನ॑ಶ್ನನ್ನ॒ನ್ಯೋ ಅ॒ಭಿ ಚಾ᳚ಕಶೀತಿ || 1.164.20
ಯತ್ರಾ᳚ ಸುಪ॒ರ್ಣಾ ಅ॒ಮೃತ॑ಸ್ಯ ಭಾ॒ಗಮನಿ॑ಮೇಷಂ ವಿ॒ದಥಾ᳚ಭಿ॒ಸ್ವರ᳚‌ನ್ತಿ |
ಇ॒ನೋ ವಿಶ್ವ॑ಸ್ಯ॒ ಭುವ॑ನಸ್ಯ ಗೋ॒ಪಾಃ ಸ ಮಾ॒ ಧೀರಃ॒ ಪಾಕ॒ಮತ್ರಾ ವಿ॑ವೇಶ || 1.164.21
ಯಸ್ಮಿ᳚ನ್ವೃ॒ಕ್ಷೇ ಮ॒ಧ್ವದಃ॑ ಸುಪ॒ರ್ಣಾ ನಿ॑ವಿ॒ಶ‌ನ್ತೇ॒ ಸುವ॑ತೇ॒ ಚಾಧಿ॒ ವಿಶ್ವೇ᳚ |
ತಸ್ಯೇದಾ᳚ಹುಃ॒ ಪಿಪ್ಪ॑ಲಂ ಸ್ವಾ॒ದ್ವಗ್ರೇ॒ ತನ್ನೋನ್ನ॑ಶ॒ದ್ಯಃ ಪಿ॒ತರಂ॒ ನ ವೇದ॑ || 1.164.22
ಯದ್ಗಾ᳚ಯ॒ತ್ರೇ ಅಧಿ॑ ಗಾಯ॒ತ್ರಮಾಹಿ॑ತಂ॒ ತ್ರೈಷ್ಟು॑ಭಾದ್ವಾ॒ ತ್ರೈಷ್ಟು॑ಭಂ ನಿ॒ರತ॑ಕ್ಷತ |
ಯದ್ವಾ॒ ಜಗ॒ಜ್ಜಗ॒ತ್ಯಾಹಿ॑ತಂ ಪ॒ದಂ ಯ ಇತ್ತದ್ವಿ॒ದುಸ್ತೇ ಅ॑ಮೃತ॒ತ್ವಮಾ᳚ನಶುಃ || 1.164.23
ಗಾ॒ಯ॒ತ್ರೇಣ॒ ಪ್ರತಿ॑ ಮಿಮೀತೇ ಅ॒ರ್ಕಮ॒ರ್ಕೇಣ॒ ಸಾಮ॒ ತ್ರೈಷ್ಟು॑ಭೇನ ವಾ॒ಕ‌ಮ್ |
ವಾ॒ಕೇನ॑ ವಾ॒ಕಂ ದ್ವಿ॒ಪದಾ॒ ಚತು॑ಷ್ಪದಾ॒ಕ್ಷರೇ᳚ಣ ಮಿಮತೇ ಸ॒ಪ್ತ ವಾಣೀಃ᳚ || 1.164.24
ಜಗ॑ತಾ॒ ಸಿಂಧುಂ᳚ ದಿ॒ವ್ಯ॑ಸ್ತಭಾಯದ್ರಥಂತ॒ರೇ ಸೂರ್ಯಂ॒ ಪರ್ಯ॑ಪಶ್ಯತ್ |
ಗಾ॒ಯ॒ತ್ರಸ್ಯ॑ ಸ॒ಮಿಧ॑ಸ್ತಿ॒ಸ್ರ ಆ᳚ಹು॒ಸ್ತತೋ᳚ ಮ॒ಹ್ನಾ ಪ್ರ ರಿ॑ರಿಚೇ ಮಹಿ॒ತ್ವಾ || 1.164.25
ಉಪ॑ ಹ್ವಯೇ ಸು॒ದುಘಾಂ᳚ ಧೇ॒ನುಮೇ॒ತಾಂ ಸು॒ಹಸ್ತೋ᳚ ಗೋ॒ಧುಗು॒ತ ದೋ᳚ಹದೇನಾ‌ಮ್ |
ಶ್ರೇಷ್ಠಂ᳚ ಸ॒ವಂ ಸ॑ವಿ॒ತಾ ಸಾ᳚ವಿಷನ್ನೋ॒ಽಭೀ᳚ದ್ಧೋ ಘ॒ರ್ಮಸ್ತದು॒ ಷು ಪ್ರ ವೋ᳚ಚ‌ಮ್ || 1.164.26
ಹಿಂ॒ಕೃ॒ಣ್ವ॒ತೀ ವ॑ಸು॒ಪತ್ನೀ॒ ವಸೂ᳚ನಾಂ ವ॒ತ್ಸಮಿ॒ಚ್ಛ‌ನ್ತೀ॒ ಮನ॑ಸಾ॒ಭ್ಯಾಗಾ᳚ತ್ |
ದು॒ಹಾಮ॒ಶ್ವಿಭ್ಯಾಂ॒ ಪಯೋ᳚ ಅ॒ಘ್ನ್ಯೇಯಂ ಸಾ ವ॑ರ್ಧತಾಂ ಮಹ॒ತೇ ಸೌಭ॑ಗಾಯ || 1.164.27
ಗೌರ॑ಮೀಮೇ॒ದನು॑ ವ॒ತ್ಸಂ ಮಿ॒ಷ‌ನ್ತಂ᳚ ಮೂ॒ರ್ಧಾನಂ॒ ಹಿಙ್ಙ॑ಕೃಣೋ॒ನ್ಮಾತ॒ವಾ ಉ॑ |
ಸೃಕ್ವಾ᳚ಣಂ ಘ॒ರ್ಮಮ॒ಭಿ ವಾ᳚ವಶಾ॒ನಾ ಮಿಮಾ᳚ತಿ ಮಾ॒ಯುಂ ಪಯ॑ತೇ॒ ಪಯೋ᳚ಭಿಃ || 1.164.28
ಅ॒ಯಂ ಸ ಶಿಂ᳚ಕ್ತೇ॒ ಯೇನ॒ ಗೌರ॒ಭೀವೃ॑ತಾ॒ ಮಿಮಾ᳚ತಿ ಮಾ॒ಯುಂ ಧ್ವ॒ಸನಾ॒ವಧಿ॑ ಶ್ರಿ॒ತಾ |
ಸಾ ಚಿ॒ತ್ತಿಭಿ॒ರ್ನಿ ಹಿ ಚ॒ಕಾರ॒ ಮರ್ತ್ಯಂ᳚ ವಿ॒ದ್ಯುದ್ಭವ᳚‌ನ್ತೀ॒ ಪ್ರತಿ॑ ವ॒ವ್ರಿಮೌ᳚ಹತ || 1.164.29
ಅ॒ನಚ್ಛ॑ಯೇ ತು॒ರಗಾ᳚ತು ಜೀ॒ವಮೇಜ॑ದ್ಧ್ರು॒ವಂ ಮಧ್ಯ॒ ಆ ಪ॒ಸ್ತ್ಯಾ᳚ನಾ‌ಮ್ |
ಜೀ॒ವೋ ಮೃ॒ತಸ್ಯ॑ ಚರತಿ ಸ್ವ॒ಧಾಭಿ॒ರಮ॑ರ್ತ್ಯೋ॒ ಮರ್ತ್ಯೇ᳚ನಾ॒ ಸಯೋ᳚ನಿಃ || 1.164.30
ಅಪ॑ಶ್ಯಂ ಗೋ॒ಪಾಮನಿ॑ಪದ್ಯಮಾನ॒ಮಾ ಚ॒ ಪರಾ᳚ ಚ ಪ॒ಥಿಭಿ॒ಶ್ಚರ᳚‌ನ್ತ‌ಮ್ |
ಸ ಸ॒ಧ್ರೀಚೀಃ॒ ಸ ವಿಷೂ᳚ಚೀ॒ರ್ವಸಾ᳚ನ॒ ಆ ವ॑ರೀವರ್ತಿ॒ ಭುವ॑ನೇಷ್ವ॒‌ನ್ತಃ || 1.164.31
ಯ ಈಂ᳚ ಚ॒ಕಾರ॒ ನ ಸೋ ಅ॒ಸ್ಯ ವೇ᳚ದ॒ ಯ ಈಂ᳚ ದ॒ದರ್ಶ॒ ಹಿರು॒ಗಿನ್ನು ತಸ್ಮಾ᳚ತ್ |
ಸ ಮಾ॒ತುರ್ಯೋನಾ॒ ಪರಿ॑ವೀತೋ ಅ॒‌ನ್ತರ್ಬ॑ಹುಪ್ರ॒ಜಾ ನಿರ್‌ಋ॑ತಿ॒ಮಾ ವಿ॑ವೇಶ || 1.164.32
ದ್ಯೌರ್ಮೇ᳚ ಪಿ॒ತಾ ಜ॑ನಿ॒ತಾ ನಾಭಿ॒ರತ್ರ॒ ಬಂಧು᳚ರ್ಮೇ ಮಾ॒ತಾ ಪೃ॑ಥಿ॒ವೀ ಮ॒ಹೀಯ‌ಮ್ |
ಉ॒ತ್ತಾ॒ನಯೋ᳚ಶ್ಚ॒ಮ್ವೋ॒3॒᳚ರ್ಯೋನಿ॑ರ॒‌ನ್ತರತ್ರಾ᳚ ಪಿ॒ತಾ ದು॑ಹಿ॒ತುರ್ಗರ್ಭ॒ಮಾಧಾ᳚ತ್ || 1.164.33
ಪೃ॒ಚ್ಛಾಮಿ॑ ತ್ವಾ॒ ಪರ॒ಮ‌ನ್ತಂ᳚ ಪೃಥಿ॒ವ್ಯಾಃ ಪೃ॒ಚ್ಛಾಮಿ॒ ಯತ್ರ॒ ಭುವ॑ನಸ್ಯ॒ ನಾಭಿಃ॑ |
ಪೃ॒ಚ್ಛಾಮಿ॑ ತ್ವಾ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತಃ॑ ಪೃ॒ಚ್ಛಾಮಿ॑ ವಾ॒ಚಃ ಪ॑ರ॒ಮಂ ವ್ಯೋ᳚ಮ || 1.164.34
ಇ॒ಯಂ ವೇದಿಃ॒ ಪರೋ॒ ಅ‌ನ್ತಃ॑ ಪೃಥಿ॒ವ್ಯಾ ಅ॒ಯಂ ಯ॒ಜ್ಞೋ ಭುವ॑ನಸ್ಯ॒ ನಾಭಿಃ॑ |
ಅ॒ಯಂ ಸೋಮೋ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತೋ᳚ ಬ್ರ॒ಹ್ಮಾಯಂ ವಾ॒ಚಃ ಪ॑ರ॒ಮಂ ವ್ಯೋ᳚ಮ || 1.164.35
ಸ॒ಪ್ತಾರ್ಧ॑ಗ॒ರ್ಭಾ ಭುವ॑ನಸ್ಯ॒ ರೇತೋ॒ ವಿಷ್ಣೋ᳚ಸ್ತಿಷ್ಠ‌ನ್ತಿ ಪ್ರ॒ದಿಶಾ॒ ವಿಧ᳚ರ್ಮಣಿ |
ತೇ ಧೀ॒ತಿಭಿ॒ರ್ಮನ॑ಸಾ॒ ತೇ ವಿ॑ಪ॒ಶ್ಚಿತಃ॑ ಪರಿ॒ಭುವಃ॒ ಪರಿ॑ ಭವ‌ನ್ತಿ ವಿ॒ಶ್ವತಃ॑ || 1.164.36
ನ ವಿ ಜಾ᳚ನಾಮಿ॒ ಯದಿ॑ವೇ॒ದಮಸ್ಮಿ॑ ನಿ॒ಣ್ಯಃ ಸಂನ॑ದ್ಧೋ॒ ಮನ॑ಸಾ ಚರಾಮಿ |
ಯ॒ದಾ ಮಾಗ᳚ನ್ಪ್ರಥಮ॒ಜಾ ಋ॒ತಸ್ಯಾದಿದ್ವಾ॒ಚೋ ಅ॑ಶ್ನುವೇ ಭಾ॒ಗಮ॒ಸ್ಯಾಃ || 1.164.37
ಅಪಾ॒ಙ್ಪ್ರಾಙೇ᳚ತಿ ಸ್ವ॒ಧಯಾ᳚ ಗೃಭೀ॒ತೋಽಮ॑ರ್ತ್ಯೋ॒ ಮರ್ತ್ಯೇ᳚ನಾ॒ ಸಯೋ᳚ನಿಃ |
ತಾ ಶಶ್ವ᳚‌ನ್ತಾ ವಿಷೂ॒ಚೀನಾ᳚ ವಿ॒ಯ‌ನ್ತಾ॒ ನ್ಯ1॒᳚ನ್ಯಂ ಚಿ॒ಕ್ಯುರ್ನ ನಿ ಚಿ॑ಕ್ಯುರ॒ನ್ಯ‌ಮ್ || 1.164.38
ಋ॒ಚೋ ಅ॒ಕ್ಷರೇ᳚ ಪರ॒ಮೇ ವ್ಯೋ᳚ಮ॒ನ್ಯಸ್ಮಿಂ᳚ದೇ॒ವಾ ಅಧಿ॒ ವಿಶ್ವೇ᳚ ನಿಷೇ॒ದುಃ |
ಯಸ್ತನ್ನ ವೇದ॒ ಕಿಮೃ॒ಚಾ ಕ॑ರಿಷ್ಯತಿ॒ ಯ ಇತ್ತದ್ವಿ॒ದುಸ್ತ ಇ॒ಮೇ ಸಮಾ᳚ಸತೇ || 1.164.39
ಸೂ॒ಯ॒ವ॒ಸಾದ್ಭಗ॑ವತೀ॒ ಹಿ ಭೂ॒ಯಾ ಅಥೋ᳚ ವ॒ಯಂ ಭಗ॑ವ‌ನ್ತಃ ಸ್ಯಾಮ |
ಅ॒ದ್ಧಿ ತೃಣ॑ಮಘ್ನ್ಯೇ ವಿಶ್ವ॒ದಾನೀಂ॒ ಪಿಬ॑ ಶು॒ದ್ಧಮು॑ದ॒ಕಮಾ॒ಚರ᳚‌ನ್ತೀ || 1.164.40
ಗೌ॒ರೀರ್ಮಿ॑ಮಾಯ ಸಲಿ॒ಲಾನಿ॒ ತಕ್ಷ॒ತ್ಯೇಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ |
ಅ॒ಷ್ಟಾಪ॑ದೀ॒ ನವ॑ಪದೀ ಬಭೂ॒ವುಷೀ᳚ ಸ॒ಹಸ್ರಾ᳚ಕ್ಷರಾ ಪರ॒ಮೇ ವ್ಯೋ᳚ಮನ್ || 1.164.41
ತಸ್ಯಾಃ᳚ ಸಮು॒ದ್ರಾ ಅಧಿ॒ ವಿ ಕ್ಷ॑ರ‌ನ್ತಿ॒ ತೇನ॑ ಜೀವ‌ನ್ತಿ ಪ್ರ॒ದಿಶ॒ಶ್ಚತ॑ಸ್ರಃ |
ತತಃ॑ ಕ್ಷರತ್ಯ॒ಕ್ಷರಂ॒ ತದ್ವಿಶ್ವ॒ಮುಪ॑ ಜೀವತಿ || 1.164.42
ಶ॒ಕ॒ಮಯಂ᳚ ಧೂ॒ಮಮಾ॒ರಾದ॑ಪಶ್ಯಂ ವಿಷೂ॒ವತಾ᳚ ಪ॒ರ ಏ॒ನಾವ॑ರೇಣ |
ಉ॒ಕ್ಷಾಣಂ॒ ಪೃಶ್ನಿ॑ಮಪಚ‌ನ್ತ ವೀ॒ರಾಸ್ತಾನಿ॒ ಧರ್ಮಾ᳚ಣಿ ಪ್ರಥ॒ಮಾನ್ಯಾ᳚ಸನ್ || 1.164.43
ತ್ರಯಃ॑ ಕೇ॒ಶಿನ॑ ಋತು॒ಥಾ ವಿ ಚ॑ಕ್ಷತೇ ಸಂವತ್ಸ॒ರೇ ವ॑ಪತ॒ ಏಕ॑ ಏಷಾ‌ಮ್ |
ವಿಶ್ವ॒ಮೇಕೋ᳚ ಅ॒ಭಿ ಚ॑ಷ್ಟೇ॒ ಶಚೀ᳚ಭಿ॒ರ್ಧ್ರಾಜಿ॒ರೇಕ॑ಸ್ಯ ದದೃಶೇ॒ ನ ರೂ॒ಪ‌ಮ್ || 1.164.44
ಚ॒ತ್ವಾರಿ॒ ವಾಕ್ಪರಿ॑ಮಿತಾ ಪ॒ದಾನಿ॒ ತಾನಿ॑ ವಿದುರ್ಬ್ರಾಹ್ಮ॒ಣಾ ಯೇ ಮ॑ನೀ॒ಷಿಣಃ॑ |
ಗುಹಾ॒ ತ್ರೀಣಿ॒ ನಿಹಿ॑ತಾ॒ ನೇಂಗ॑ಯ‌ನ್ತಿ ತು॒ರೀಯಂ᳚ ವಾ॒ಚೋ ಮ॑ನು॒ಷ್ಯಾ᳚ ವದ‌ನ್ತಿ || 1.164.45
ಇಂದ್ರಂ᳚ ಮಿ॒ತ್ರಂ ವರು॑ಣಮ॒ಗ್ನಿಮಾ᳚ಹು॒ರಥೋ᳚ ದಿ॒ವ್ಯಃ ಸ ಸು॑ಪ॒ರ್ಣೋ ಗ॒ರುತ್ಮಾನ್॑ |
ಏಕಂ॒ ಸದ್ವಿಪ್ರಾ᳚ ಬಹು॒ಧಾ ವ॑ದ‌ನ್ತ್ಯ॒ಗ್ನಿಂ ಯ॒ಮಂ ಮಾ᳚ತ॒ರಿಶ್ವಾ᳚ನಮಾಹುಃ || 1.164.46
ಕೃ॒ಷ್ಣಂ ನಿ॒ಯಾನಂ॒ ಹರ॑ಯಃ ಸುಪ॒ರ್ಣಾ ಅ॒ಪೋ ವಸಾ᳚ನಾ॒ ದಿವ॒ಮುತ್ಪ॑ತ‌ನ್ತಿ |
ತ ಆವ॑ವೃತ್ರ॒‌‌ನ್ತ್ಸದ॑ನಾದೃ॒ತಸ್ಯಾದಿದ್ಘೃ॒ತೇನ॑ ಪೃಥಿ॒ವೀ ವ್ಯು॑ದ್ಯತೇ || 1.164.47
ದ್ವಾದ॑ಶ ಪ್ರ॒ಧಯ॑ಶ್ಚ॒ಕ್ರಮೇಕಂ॒ ತ್ರೀಣಿ॒ ನಭ್ಯಾ᳚ನಿ॒ ಕ ಉ॒ ತಚ್ಚಿ॑ಕೇತ |
ತಸ್ಮಿ᳚‌‌ನ್ತ್ಸಾ॒ಕಂ ತ್ರಿ॑ಶ॒ತಾ ನ ಶಂ॒ಕವೋ᳚ಽರ್ಪಿ॒ತಾಃ ಷ॒ಷ್ಟಿರ್ನ ಚ॑ಲಾಚ॒ಲಾಸಃ॑ || 1.164.48
ಯಸ್ತೇ॒ ಸ್ತನಃ॑ ಶಶ॒ಯೋ ಯೋ ಮ॑ಯೋ॒ಭೂರ್ಯೇನ॒ ವಿಶ್ವಾ॒ ಪುಷ್ಯ॑ಸಿ॒ ವಾರ್ಯಾ᳚ಣಿ |
ಯೋ ರ॑ತ್ನ॒ಧಾ ವ॑ಸು॒ವಿದ್ಯಃ ಸು॒ದತ್ರಃ॒ ಸರ॑ಸ್ವತಿ॒ ತಮಿ॒ಹ ಧಾತ॑ವೇ ಕಃ || 1.164.49
ಯ॒ಜ್ಞೇನ॑ ಯ॒ಜ್ಞಮ॑ಯಜ‌ನ್ತ ದೇ॒ವಾಸ್ತಾನಿ॒ ಧರ್ಮಾ᳚ಣಿ ಪ್ರಥ॒ಮಾನ್ಯಾ᳚ಸನ್ |
ತೇ ಹ॒ ನಾಕಂ᳚ ಮಹಿ॒ಮಾನಃ॑ ಸಚ‌ನ್ತ॒ ಯತ್ರ॒ ಪೂರ್ವೇ᳚ ಸಾ॒ಧ್ಯಾಃ ಸ‌ನ್ತಿ॑ ದೇ॒ವಾಃ || 1.164.50
ಸ॒ಮಾ॒ನಮೇ॒ತದು॑ದ॒ಕಮುಚ್ಚೈತ್ಯವ॒ ಚಾಹ॑ಭಿಃ |
ಭೂಮಿಂ᳚ ಪ॒ರ್ಜನ್ಯಾ॒ ಜಿನ್ವ᳚‌ನ್ತಿ॒ ದಿವಂ᳚ ಜಿನ್ವ‌ನ್ತ್ಯ॒ಗ್ನಯಃ॑ || 1.164.51
ದಿ॒ವ್ಯಂ ಸು॑ಪ॒ರ್ಣಂ ವಾ᳚ಯ॒ಸಂ ಬೃ॒ಹ‌ನ್ತ॑ಮ॒ಪಾಂ ಗರ್ಭಂ᳚ ದರ್ಶ॒ತಮೋಷ॑ಧೀನಾ‌ಮ್ |
ಅ॒ಭೀ॒ಪ॒ತೋ ವೃ॒ಷ್ಟಿಭಿ॑ಸ್ತ॒ರ್ಪಯ᳚‌ನ್ತಂ॒ ಸರ॑ಸ್ವ‌ನ್ತ॒ಮವ॑ಸೇ ಜೋಹವೀಮಿ || 1.164.52

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ (1-2, 4, 6, 8, 10-12) ಪ್ರಥಮಾದ್ವಿತೀಯಯೋಜೃಚೋಶ್ಚತುರ್ಥೀಷಷ್ಠ್ಯಷ್ಟಮೀನಾಂ ದಶಮ್ಯಾದಿತೃಚಸ್ಯಾಸ್ಯ ಚೇಂದ್ರಃ (3, 5, 7, 9) ತೃತೀಯಾಪಂಚಮೀಸಪ್ತಮೀನವಮೀನಾಂ ಮರುತಃ (13-15) ತ್ರಯೋದಶ್ಯಾದಿತೃಚಸ್ಯ ಚ ಮೈತ್ರಾವರುಣಿರಗಸ್ತ್ಯ ಋಷಯಃ ಮರುತ್ವಾನಿಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಕಯಾ᳚ ಶು॒ಭಾ ಸವ॑ಯಸಃ॒ ಸನೀ᳚ಳಾಃ ಸಮಾ॒ನ್ಯಾ ಮ॒ರುತಃ॒ ಸಂ ಮಿ॑ಮಿಕ್ಷುಃ |
ಕಯಾ᳚ ಮ॒ತೀ ಕುತ॒ ಏತಾ᳚ಸ ಏ॒ತೇಽರ್ಚ᳚‌ನ್ತಿ॒ ಶುಷ್ಮಂ॒ ವೃಷ॑ಣೋ ವಸೂ॒ಯಾ || 1.165.1
ಕಸ್ಯ॒ ಬ್ರಹ್ಮಾ᳚ಣಿ ಜುಜುಷು॒ರ್ಯುವಾ᳚ನಃ॒ ಕೋ ಅ॑ಧ್ವ॒ರೇ ಮ॒ರುತ॒ ಆ ವ॑ವರ್ತ |
ಶ್ಯೇ॒ನಾಁ ಇ॑ವ॒ ಧ್ರಜ॑ತೋ ಅ॒‌ನ್ತರಿ॑ಕ್ಷೇ॒ ಕೇನ॑ ಮ॒ಹಾ ಮನ॑ಸಾ ರೀರಮಾಮ || 1.165.2
ಕುತ॒ಸ್ತ್ವಮಿಂ᳚ದ್ರ॒ ಮಾಹಿ॑ನಃ॒ ಸನ್ನೇಕೋ᳚ ಯಾಸಿ ಸತ್ಪತೇ॒ ಕಿಂ ತ॑ ಇ॒ತ್ಥಾ |
ಸಂ ಪೃ॑ಚ್ಛಸೇ ಸಮರಾ॒ಣಃ ಶು॑ಭಾ॒ನೈರ್ವೋ॒ಚೇಸ್ತನ್ನೋ᳚ ಹರಿವೋ॒ ಯತ್ತೇ᳚ ಅ॒ಸ್ಮೇ || 1.165.3
ಬ್ರಹ್ಮಾ᳚ಣಿ ಮೇ ಮ॒ತಯಃ॒ ಶಂ ಸು॒ತಾಸಃ॒ ಶುಷ್ಮ॑ ಇಯರ್ತಿ॒ ಪ್ರಭೃ॑ತೋ ಮೇ॒ ಅದ್ರಿಃ॑ |
ಆ ಶಾ᳚ಸತೇ॒ ಪ್ರತಿ॑ ಹರ್ಯ‌ನ್ತ್ಯು॒ಕ್ಥೇಮಾ ಹರೀ᳚ ವಹತ॒ಸ್ತಾ ನೋ॒ ಅಚ್ಛ॑ || 1.165.4
ಅತೋ᳚ ವ॒ಯಮ᳚‌ನ್ತ॒ಮೇಭಿ᳚ರ್ಯುಜಾ॒ನಾಃ ಸ್ವಕ್ಷ॑ತ್ರೇಭಿಸ್ತ॒ನ್ವ1॒ಃ॑ ಶುಂಭ॑ಮಾನಾಃ |
ಮಹೋ᳚ಭಿ॒ರೇತಾಁ॒ ಉಪ॑ ಯುಜ್ಮಹೇ॒ ನ್ವಿಂದ್ರ॑ ಸ್ವ॒ಧಾಮನು॒ ಹಿ ನೋ᳚ ಬ॒ಭೂಥ॑ || 1.165.5
ಕ್ವ1॒॑ ಸ್ಯಾ ವೋ᳚ ಮರುತಃ ಸ್ವ॒ಧಾಸೀ॒ದ್ಯನ್ಮಾಮೇಕಂ᳚ ಸ॒ಮಧ॑ತ್ತಾಹಿ॒ಹತ್ಯೇ᳚ |
ಅ॒ಹಂ ಹ್ಯು1॒॑ಗ್ರಸ್ತ॑ವಿ॒ಷಸ್ತುವಿ॑ಷ್ಮಾ॒ನ್ವಿಶ್ವ॑ಸ್ಯ॒ ಶತ್ರೋ॒ರನ॑ಮಂ ವಧ॒ಸ್ನೈಃ || 1.165.6
ಭೂರಿ॑ ಚಕರ್ಥ॒ ಯುಜ್ಯೇ᳚ಭಿರ॒ಸ್ಮೇ ಸ॑ಮಾ॒ನೇಭಿ᳚ರ್ವೃಷಭ॒ ಪೌಂಸ್ಯೇ᳚ಭಿಃ |
ಭೂರೀ᳚ಣಿ॒ ಹಿ ಕೃ॒ಣವಾ᳚ಮಾ ಶವಿ॒ಷ್ಠೇಂದ್ರ॒ ಕ್ರತ್ವಾ᳚ ಮರುತೋ॒ ಯದ್ವಶಾ᳚ಮ || 1.165.7
ವಧೀಂ᳚ ವೃ॒ತ್ರಂ ಮ॑ರುತ ಇಂದ್ರಿ॒ಯೇಣ॒ ಸ್ವೇನ॒ ಭಾಮೇ᳚ನ ತವಿ॒ಷೋ ಬ॑ಭೂ॒ವಾನ್ |
ಅ॒ಹಮೇ॒ತಾ ಮನ॑ವೇ ವಿ॒ಶ್ವಶ್ಚಂ᳚ದ್ರಾಃ ಸು॒ಗಾ ಅ॒ಪಶ್ಚ॑ಕರ॒ ವಜ್ರ॑ಬಾಹುಃ || 1.165.8
ಅನು॑ತ್ತ॒ಮಾ ತೇ᳚ ಮಘವ॒ನ್ನಕಿ॒ರ್ನು ನ ತ್ವಾವಾಁ᳚ ಅಸ್ತಿ ದೇ॒ವತಾ॒ ವಿದಾ᳚ನಃ |
ನ ಜಾಯ॑ಮಾನೋ॒ ನಶ॑ತೇ॒ ನ ಜಾ॒ತೋ ಯಾನಿ॑ ಕರಿ॒ಷ್ಯಾ ಕೃ॑ಣು॒ಹಿ ಪ್ರ॑ವೃದ್ಧ || 1.165.9
ಏಕ॑ಸ್ಯ ಚಿನ್ಮೇ ವಿ॒ಭ್ವ1॒॑ಸ್ತ್ವೋಜೋ॒ ಯಾ ನು ದ॑ಧೃ॒ಷ್ವಾನ್ಕೃ॒ಣವೈ᳚ ಮನೀ॒ಷಾ |
ಅ॒ಹಂ ಹ್ಯು1॒॑ಗ್ರೋ ಮ॑ರುತೋ॒ ವಿದಾ᳚ನೋ॒ ಯಾನಿ॒ ಚ್ಯವ॒ಮಿಂದ್ರ॒ ಇದೀ᳚ಶ ಏಷಾ‌ಮ್ || 1.165.10
ಅಮಂ᳚ದನ್ಮಾ ಮರುತಃ॒ ಸ್ತೋಮೋ॒ ಅತ್ರ॒ ಯನ್ಮೇ᳚ ನರಃ॒ ಶ್ರುತ್ಯಂ॒ ಬ್ರಹ್ಮ॑ ಚ॒ಕ್ರ |
ಇಂದ್ರಾ᳚ಯ॒ ವೃಷ್ಣೇ॒ ಸುಮ॑ಖಾಯ॒ ಮಹ್ಯಂ॒ ಸಖ್ಯೇ॒ ಸಖಾ᳚ಯಸ್ತ॒ನ್ವೇ᳚ ತ॒ನೂಭಿಃ॑ || 1.165.11
ಏ॒ವೇದೇ॒ತೇ ಪ್ರತಿ॑ ಮಾ॒ ರೋಚ॑ಮಾನಾ॒ ಅನೇ᳚ದ್ಯಃ॒ ಶ್ರವ॒ ಏಷೋ॒ ದಧಾ᳚ನಾಃ |
ಸಂ॒ಚಕ್ಷ್ಯಾ᳚ ಮರುತಶ್ಚಂ॒ದ್ರವ᳚ರ್ಣಾ॒ ಅಚ್ಛಾ᳚‌ನ್ತ ಮೇ ಛ॒ದಯಾ᳚ಥಾ ಚ ನೂ॒ನ‌ಮ್ || 1.165.12
ಕೋ ನ್ವತ್ರ॑ ಮರುತೋ ಮಾಮಹೇ ವಃ॒ ಪ್ರ ಯಾ᳚ತನ॒ ಸಖೀಁ॒ರಚ್ಛಾ᳚ ಸಖಾಯಃ |
ಮನ್ಮಾ᳚ನಿ ಚಿತ್ರಾ ಅಪಿವಾ॒ತಯ᳚‌ನ್ತ ಏ॒ಷಾಂ ಭೂ᳚ತ॒ ನವೇ᳚ದಾ ಮ ಋ॒ತಾನಾ᳚‌ಮ್ || 1.165.13
ಆ ಯದ್ದು॑ವ॒ಸ್ಯಾದ್ದು॒ವಸೇ॒ ನ ಕಾ॒ರುರ॒ಸ್ಮಾಂಚ॒ಕ್ರೇ ಮಾ॒ನ್ಯಸ್ಯ॑ ಮೇ॒ಧಾ |
ಓ ಷು ವ॑ರ್ತ್ತ ಮರುತೋ॒ ವಿಪ್ರ॒ಮಚ್ಛೇ॒ಮಾ ಬ್ರಹ್ಮಾ᳚ಣಿ ಜರಿ॒ತಾ ವೋ᳚ ಅರ್ಚತ್ || 1.165.14
ಏ॒ಷ ವಃ॒ ಸ್ತೋಮೋ᳚ ಮರುತ ಇ॒ಯಂ ಗೀರ್ಮಾಂ᳚ದಾ॒ರ್ಯಸ್ಯ॑ ಮಾ॒ನ್ಯಸ್ಯ॑ ಕಾ॒ರೋಃ |
ಏಷಾ ಯಾ᳚ಸೀಷ್ಟ ತ॒ನ್ವೇ᳚ ವ॒ಯಾಂ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.165.15

(1-15) ಪಂಚದರ್ಶಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಮರುತೋ ದೇವತಾಃ (1-13) ಪ್ರಥಮಾದಿತ್ರಯೋದಶೋಂ ಜಗತೀ (14-15) ಚತುರ್ದಶೀಪಂಚದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ತನ್ನು ವೋ᳚ಚಾಮ ರಭ॒ಸಾಯ॒ ಜನ್ಮ॑ನೇ॒ ಪೂರ್ವಂ᳚ ಮಹಿ॒ತ್ವಂ ವೃ॑ಷ॒ಭಸ್ಯ॑ ಕೇ॒ತವೇ᳚ |
ಐ॒ಧೇವ॒ ಯಾಮ᳚ನ್ಮರುತಸ್ತುವಿಷ್ವಣೋ ಯು॒ಧೇವ॑ ಶಕ್ರಾಸ್ತವಿ॒ಷಾಣಿ॑ ಕರ್ತನ || 1.166.1
ನಿತ್ಯಂ॒ ನ ಸೂ॒ನುಂ ಮಧು॒ ಬಿಭ್ರ॑ತ॒ ಉಪ॒ ಕ್ರೀಳ᳚‌ನ್ತಿ ಕ್ರೀ॒ಳಾ ವಿ॒ದಥೇ᳚ಷು॒ ಘೃಷ್ವ॑ಯಃ |
ನಕ್ಷ᳚‌ನ್ತಿ ರು॒ದ್ರಾ ಅವ॑ಸಾ ನಮ॒ಸ್ವಿನಂ॒ ನ ಮ॑ರ್ಧ‌ನ್ತಿ॒ ಸ್ವತ॑ವಸೋ ಹವಿ॒ಷ್ಕೃತ‌ಮ್᳚ || 1.166.2
ಯಸ್ಮಾ॒ ಊಮಾ᳚ಸೋ ಅ॒ಮೃತಾ॒ ಅರಾ᳚ಸತ ರಾ॒ಯಸ್ಪೋಷಂ᳚ ಚ ಹ॒ವಿಷಾ᳚ ದದಾ॒ಶುಷೇ᳚ |
ಉ॒ಕ್ಷ‌ನ್ತ್ಯ॑ಸ್ಮೈ ಮ॒ರುತೋ᳚ ಹಿ॒ತಾ ಇ॑ವ ಪು॒ರೂ ರಜಾಂ᳚ಸಿ॒ ಪಯ॑ಸಾ ಮಯೋ॒ಭುವಃ॑ || 1.166.3
ಆ ಯೇ ರಜಾಂ᳚ಸಿ॒ ತವಿ॑ಷೀಭಿ॒ರವ್ಯ॑ತ॒ ಪ್ರ ವ॒ ಏವಾ᳚ಸಃ॒ ಸ್ವಯ॑ತಾಸೋ ಅಧ್ರಜನ್ |
ಭಯ᳚‌ನ್ತೇ॒ ವಿಶ್ವಾ॒ ಭುವ॑ನಾನಿ ಹ॒ರ್ಮ್ಯಾ ಚಿ॒ತ್ರೋ ವೋ॒ ಯಾಮಃ॒ ಪ್ರಯ॑ತಾಸ್ವೃ॒ಷ್ಟಿಷು॑ || 1.166.4
ಯತ್ತ್ವೇ॒ಷಯಾ᳚ಮಾ ನ॒ದಯ᳚‌ನ್ತ॒ ಪರ್ವ॑ತಾಂದಿ॒ವೋ ವಾ᳚ ಪೃ॒ಷ್ಠಂ ನರ್ಯಾ॒ ಅಚು॑ಚ್ಯವುಃ |
ವಿಶ್ವೋ᳚ ವೋ॒ ಅಜ್ಮ᳚ನ್ಭಯತೇ॒ ವನ॒ಸ್ಪತೀ᳚ ರಥೀ॒ಯ‌ನ್ತೀ᳚ವ॒ ಪ್ರ ಜಿ॑ಹೀತ॒ ಓಷ॑ಧಿಃ || 1.166.5
ಯೂ॒ಯಂ ನ॑ ಉಗ್ರಾ ಮರುತಃ ಸುಚೇ॒ತುನಾರಿ॑ಷ್ಟಗ್ರಾಮಾಃ ಸುಮ॒ತಿಂ ಪಿ॑ಪರ್ತನ |
ಯತ್ರಾ᳚ ವೋ ದಿ॒ದ್ಯುದ್ರದ॑ತಿ॒ ಕ್ರಿವಿ॑ರ್ದತೀ ರಿ॒ಣಾತಿ॑ ಪ॒ಶ್ವಃ ಸುಧಿ॑ತೇವ ಬ॒ರ್ಹಣಾ᳚ || 1.166.6
ಪ್ರ ಸ್ಕಂ॒ಭದೇ᳚ಷ್ಣಾ ಅನವ॒ಭ್ರರಾ᳚ಧಸೋಽಲಾತೃ॒ಣಾಸೋ᳚ ವಿ॒ದಥೇ᳚ಷು॒ ಸುಷ್ಟು॑ತಾಃ |
ಅರ್ಚ᳚‌ನ್ತ್ಯ॒ರ್ಕಂ ಮ॑ದಿ॒ರಸ್ಯ॑ ಪೀ॒ತಯೇ᳚ ವಿ॒ದುರ್ವೀ॒ರಸ್ಯ॑ ಪ್ರಥ॒ಮಾನಿ॒ ಪೌಂಸ್ಯಾ᳚ || 1.166.7
ಶ॒ತಭು॑ಜಿಭಿ॒ಸ್ತಮ॒ಭಿಹ್ರು॑ತೇರ॒ಘಾತ್ಪೂ॒ರ್ಭೀ ರ॑ಕ್ಷತಾ ಮರುತೋ॒ ಯಮಾವ॑ತ |
ಜನಂ॒ ಯಮು॑ಗ್ರಾಸ್ತವಸೋ ವಿರಪ್ಶಿನಃ ಪಾ॒ಥನಾ॒ ಶಂಸಾ॒ತ್ತನ॑ಯಸ್ಯ ಪು॒ಷ್ಟಿಷು॑ || 1.166.8
ವಿಶ್ವಾ᳚ನಿ ಭ॒ದ್ರಾ ಮ॑ರುತೋ॒ ರಥೇ᳚ಷು ವೋ ಮಿಥ॒ಸ್ಪೃಧ್ಯೇ᳚ವ ತವಿ॒ಷಾಣ್ಯಾಹಿ॑ತಾ |
ಅಂಸೇ॒ಷ್ವಾ ವಃ॒ ಪ್ರಪ॑ಥೇಷು ಖಾ॒ದಯೋಽಕ್ಷೋ᳚ ವಶ್ಚ॒ಕ್ರಾ ಸ॒ಮಯಾ॒ ವಿ ವಾ᳚ವೃತೇ || 1.166.9
ಭೂರೀ᳚ಣಿ ಭ॒ದ್ರಾ ನರ್ಯೇ᳚ಷು ಬಾ॒ಹುಷು॒ ವಕ್ಷ॑ಸ್ಸು ರು॒ಕ್ಮಾ ರ॑ಭ॒ಸಾಸೋ᳚ ಅಂ॒ಜಯಃ॑ |
ಅಂಸೇ॒ಷ್ವೇತಾಃ᳚ ಪ॒ವಿಷು॑ ಕ್ಷು॒ರಾ ಅಧಿ॒ ವಯೋ॒ ನ ಪ॒ಕ್ಷಾನ್ವ್ಯನು॒ ಶ್ರಿಯೋ᳚ ಧಿರೇ || 1.166.10
ಮ॒ಹಾ‌ನ್ತೋ᳚ ಮ॒ಹ್ನಾ ವಿ॒ಭ್ವೋ॒3॒॑ ವಿಭೂ᳚ತಯೋ ದೂರೇ॒ದೃಶೋ॒ ಯೇ ದಿ॒ವ್ಯಾ ಇ॑ವ॒ ಸ್ತೃಭಿಃ॑ |
ಮಂ॒ದ್ರಾಃ ಸು॑ಜಿ॒ಹ್ವಾಃ ಸ್ವರಿ॑ತಾರ ಆ॒ಸಭಿಃ॒ ಸಮ್ಮಿ॑ಶ್ಲಾ॒ ಇಂದ್ರೇ᳚ ಮ॒ರುತಃ॑ ಪರಿ॒ಷ್ಟುಭಃ॑ || 1.166.11
ತದ್ವಃ॑ ಸುಜಾತಾ ಮರುತೋ ಮಹಿತ್ವ॒ನಂ ದೀ॒ರ್ಘಂ ವೋ᳚ ದಾ॒ತ್ರಮದಿ॑ತೇರಿವ ವ್ರ॒ತ‌ಮ್ |
ಇಂದ್ರ॑ಶ್ಚ॒ನ ತ್ಯಜ॑ಸಾ॒ ವಿ ಹ್ರು॑ಣಾತಿ॒ ತಜ್ಜನಾ᳚ಯ॒ ಯಸ್ಮೈ᳚ ಸು॒ಕೃತೇ॒ ಅರಾ᳚ಧ್ವ‌ಮ್ || 1.166.12
ತದ್ವೋ᳚ ಜಾಮಿ॒ತ್ವಂ ಮ॑ರುತಃ॒ ಪರೇ᳚ ಯು॒ಗೇ ಪು॒ರೂ ಯಚ್ಛಂಸ॑ಮಮೃತಾಸ॒ ಆವ॑ತ |
ಅ॒ಯಾ ಧಿ॒ಯಾ ಮನ॑ವೇ ಶ್ರು॒ಷ್ಟಿಮಾವ್ಯಾ᳚ ಸಾ॒ಕಂ ನರೋ᳚ ದಂ॒ಸನೈ॒ರಾ ಚಿ॑ಕಿತ್ರಿರೇ || 1.166.13
ಯೇನ॑ ದೀ॒ರ್ಘಂ ಮ॑ರುತಃ ಶೂ॒ಶವಾ᳚ಮ ಯು॒ಷ್ಮಾಕೇ᳚ನ॒ ಪರೀ᳚ಣಸಾ ತುರಾಸಃ |
ಆ ಯತ್ತ॒ತನ᳚ನ್ವೃ॒ಜನೇ॒ ಜನಾ᳚ಸ ಏ॒ಭಿರ್ಯ॒ಜ್ಞೇಭಿ॒ಸ್ತದ॒ಭೀಷ್ಟಿ॑ಮಶ್ಯಾ‌ಮ್ || 1.166.14
ಏ॒ಷ ವಃ॒ ಸ್ತೋಮೋ᳚ ಮರುತ ಇ॒ಯಂ ಗೀರ್ಮಾಂ᳚ದಾ॒ರ್ಯಸ್ಯ॑ ಮಾ॒ನ್ಯಸ್ಯ॑ ಕಾ॒ರೋಃ |
ಏಷಾ ಯಾ᳚ಸೀಷ್ಟ ತ॒ನ್ವೇ᳚ ವ॒ಯಾಂ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.166.15

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ (1) ಪ್ರಥಮರ್ಚ ಇಂದ್ರಃ (2-11) ದ್ವಿತೀಯಾದಿದಶಾನಾಂಚ ಮರುತೋ ದೇವತಾಃ ತ್ರಿಷ್ಟುಪ್ ಛಂದಃ

ಸ॒ಹಸ್ರಂ᳚ ತ ಇಂದ್ರೋ॒ತಯೋ᳚ ನಃ ಸ॒ಹಸ್ರ॒ಮಿಷೋ᳚ ಹರಿವೋ ಗೂ॒ರ್ತತ॑ಮಾಃ |
ಸ॒ಹಸ್ರಂ॒ ರಾಯೋ᳚ ಮಾದ॒ಯಧ್ಯೈ᳚ ಸಹ॒ಸ್ರಿಣ॒ ಉಪ॑ ನೋ ಯ‌ನ್ತು॒ ವಾಜಾಃ᳚ || 1.167.1
ಆ ನೋಽವೋ᳚ಭಿರ್ಮ॒ರುತೋ᳚ ಯಾ॒‌ನ್ತ್ವಚ್ಛಾ॒ ಜ್ಯೇಷ್ಠೇ᳚ಭಿರ್ವಾ ಬೃ॒ಹದ್ದಿ॑ವೈಃ ಸುಮಾ॒ಯಾಃ |
ಅಧ॒ ಯದೇ᳚ಷಾಂ ನಿ॒ಯುತಃ॑ ಪರ॒ಮಾಃ ಸ॑ಮು॒ದ್ರಸ್ಯ॑ ಚಿದ್ಧ॒ನಯ᳚‌ನ್ತ ಪಾ॒ರೇ || 1.167.2
ಮಿ॒ಮ್ಯಕ್ಷ॒ ಯೇಷು॒ ಸುಧಿ॑ತಾ ಘೃ॒ತಾಚೀ॒ ಹಿರ᳚ಣ್ಯನಿರ್ಣಿ॒ಗುಪ॑ರಾ॒ ನ ಋ॒ಷ್ಟಿಃ |
ಗುಹಾ॒ ಚರ᳚‌ನ್ತೀ॒ ಮನು॑ಷೋ॒ ನ ಯೋಷಾ᳚ ಸ॒ಭಾವ॑ತೀ ವಿದ॒ಥ್ಯೇ᳚ವ॒ ಸಂ ವಾಕ್ || 1.167.3
ಪರಾ᳚ ಶು॒ಭ್ರಾ ಅ॒ಯಾಸೋ᳚ ಯ॒ವ್ಯಾ ಸಾ᳚ಧಾರ॒ಣ್ಯೇವ॑ ಮ॒ರುತೋ᳚ ಮಿಮಿಕ್ಷುಃ |
ನ ರೋ᳚ದ॒ಸೀ ಅಪ॑ ನುದ‌ನ್ತ ಘೋ॒ರಾ ಜು॒ಷ‌ನ್ತ॒ ವೃಧಂ᳚ ಸ॒ಖ್ಯಾಯ॑ ದೇ॒ವಾಃ || 1.167.4
ಜೋಷ॒ದ್ಯದೀ᳚ಮಸು॒ರ್ಯಾ᳚ ಸ॒ಚಧ್ಯೈ॒ ವಿಷಿ॑ತಸ್ತುಕಾ ರೋದ॒ಸೀ ನೃ॒ಮಣಾಃ᳚ |
ಆ ಸೂ॒ರ್ಯೇವ॑ ವಿಧ॒ತೋ ರಥಂ᳚ ಗಾತ್ತ್ವೇ॒ಷಪ್ರ॑ತೀಕಾ॒ ನಭ॑ಸೋ॒ ನೇತ್ಯಾ || 1.167.5
ಆಸ್ಥಾ᳚ಪಯ‌ನ್ತ ಯುವ॒ತಿಂ ಯುವಾ᳚ನಃ ಶು॒ಭೇ ನಿಮಿ॑ಶ್ಲಾಂ ವಿ॒ದಥೇ᳚ಷು ಪ॒ಜ್ರಾ‌ಮ್ |
ಅ॒ರ್ಕೋ ಯದ್ವೋ᳚ ಮರುತೋ ಹ॒ವಿಷ್ಮಾ॒ನ್ಗಾಯ॑ದ್ಗಾ॒ಥಂ ಸು॒ತಸೋ᳚ಮೋ ದುವ॒ಸ್ಯನ್ || 1.167.6
ಪ್ರ ತಂ ವಿ॑ವಕ್ಮಿ॒ ವಕ್ಮ್ಯೋ॒ ಯ ಏ᳚ಷಾಂ ಮ॒ರುತಾಂ᳚ ಮಹಿ॒ಮಾ ಸ॒ತ್ಯೋ ಅಸ್ತಿ॑ |
ಸಚಾ॒ ಯದೀಂ॒ ವೃಷ॑ಮಣಾ ಅಹಂ॒ಯುಃ ಸ್ಥಿ॒ರಾ ಚಿ॒ಜ್ಜನೀ॒ರ್ವಹ॑ತೇ ಸುಭಾ॒ಗಾಃ || 1.167.7
ಪಾ‌ನ್ತಿ॑ ಮಿ॒ತ್ರಾವರು॑ಣಾವವ॒ದ್ಯಾಚ್ಚಯ॑ತ ಈಮರ್ಯ॒ಮೋ ಅಪ್ರ॑ಶಸ್ತಾನ್ |
ಉ॒ತ ಚ್ಯ॑ವ‌ನ್ತೇ॒ ಅಚ್ಯು॑ತಾ ಧ್ರು॒ವಾಣಿ॑ ವಾವೃ॒ಧ ಈಂ᳚ ಮರುತೋ॒ ದಾತಿ॑ವಾರಃ || 1.167.8
ನ॒ಹೀ ನು ವೋ᳚ ಮರುತೋ॒ ಅ‌ನ್ತ್ಯ॒ಸ್ಮೇ ಆ॒ರಾತ್ತಾ᳚ಚ್ಚಿ॒ಚ್ಛವ॑ಸೋ॒ ಅ‌ನ್ತ॑ಮಾ॒ಪುಃ |
ತೇ ಧೃ॒ಷ್ಣುನಾ॒ ಶವ॑ಸಾ ಶೂಶು॒ವಾಂಸೋಽರ್ಣೋ॒ ನ ದ್ವೇಷೋ᳚ ಧೃಷ॒ತಾ ಪರಿ॑ ಷ್ಠುಃ || 1.167.9
ವ॒ಯಮ॒ದ್ಯೇಂದ್ರ॑ಸ್ಯ॒ ಪ್ರೇಷ್ಠಾ᳚ ವ॒ಯಂ ಶ್ವೋ ವೋ᳚ಚೇಮಹಿ ಸಮ॒ರ್ಯೇ |
ವ॒ಯಂ ಪು॒ರಾ ಮಹಿ॑ ಚ ನೋ॒ ಅನು॒ ದ್ಯೂ‌ನ್ತನ್ನ॑ ಋಭು॒ಕ್ಷಾ ನ॒ರಾಮನು॑ ಷ್ಯಾತ್ || 1.167.10
ಏ॒ಷ ವಃ॒ ಸ್ತೋಮೋ᳚ ಮರುತ ಇ॒ಯಂ ಗೀರ್ಮಾಂ᳚ದಾ॒ರ್ಯಸ್ಯ॑ ಮಾ॒ನ್ಯಸ್ಯ॑ ಕಾ॒ರೋಃ |
ಏಷಾ ಯಾ᳚ಸೀಷ್ಟ ತ॒ನ್ವೇ᳚ ವ॒ಯಾಂ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.167.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಮರುತೋ ದೇವತಾಃ (17) ಪ್ರಥಮಾದಿಸಪ್ತಾ ಜಗತೀ (8-10) ಅಷ್ಟಮ್ಯಾದಿತೃಚಸ್ಯ ಚ ತ್ರಿಷ್ಟುಪ್ ಛಂದಸೀ

ಯ॒ಜ್ಞಾಯ॑ಜ್ಞಾ ವಃ ಸಮ॒ನಾ ತು॑ತು॒ರ್ವಣಿ॒ರ್ಧಿಯಂ᳚ಧಿಯಂ ವೋ ದೇವ॒ಯಾ ಉ॑ ದಧಿಧ್ವೇ |
ಆ ವೋ॒ಽರ್ವಾಚಃ॑ ಸುವಿ॒ತಾಯ॒ ರೋದ॑ಸ್ಯೋರ್ಮ॒ಹೇ ವ॑ವೃತ್ಯಾ॒ಮವ॑ಸೇ ಸುವೃ॒ಕ್ತಿಭಿಃ॑ || 1.168.1
ವ॒ವ್ರಾಸೋ॒ ನ ಯೇ ಸ್ವ॒ಜಾಃ ಸ್ವತ॑ವಸ॒ ಇಷಂ॒ ಸ್ವ॑ರಭಿ॒ಜಾಯ᳚‌ನ್ತ॒ ಧೂತ॑ಯಃ |
ಸ॒ಹ॒ಸ್ರಿಯಾ᳚ಸೋ ಅ॒ಪಾಂ ನೋರ್ಮಯ॑ ಆ॒ಸಾ ಗಾವೋ॒ ವಂದ್ಯಾ᳚ಸೋ॒ ನೋಕ್ಷಣಃ॑ || 1.168.2
ಸೋಮಾ᳚ಸೋ॒ ನ ಯೇ ಸು॒ತಾಸ್ತೃ॒ಪ್ತಾಂಶ॑ವೋ ಹೃ॒ತ್ಸು ಪೀ॒ತಾಸೋ᳚ ದು॒ವಸೋ॒ ನಾಸ॑ತೇ |
ಐಷಾ॒ಮಂಸೇ᳚ಷು ರಂ॒ಭಿಣೀ᳚ವ ರಾರಭೇ॒ ಹಸ್ತೇ᳚ಷು ಖಾ॒ದಿಶ್ಚ॑ ಕೃ॒ತಿಶ್ಚ॒ ಸಂ ದ॑ಧೇ || 1.168.3
ಅವ॒ ಸ್ವಯು॑ಕ್ತಾ ದಿ॒ವ ಆ ವೃಥಾ᳚ ಯಯು॒ರಮ॑ರ್ತ್ಯಾಃ॒ ಕಶ॑ಯಾ ಚೋದತ॒ ತ್ಮನಾ᳚ |
ಅ॒ರೇ॒ಣವ॑ಸ್ತುವಿಜಾ॒ತಾ ಅ॑ಚುಚ್ಯವುರ್ದೃ॒ಳ್ಹಾನಿ॑ ಚಿನ್ಮ॒ರುತೋ॒ ಭ್ರಾಜ॑ದೃಷ್ಟಯಃ || 1.168.4
ಕೋ ವೋ॒ಽ‌ನ್ತರ್ಮ॑ರುತ ಋಷ್ಟಿವಿದ್ಯುತೋ॒ ರೇಜ॑ತಿ॒ ತ್ಮನಾ॒ ಹನ್ವೇ᳚ವ ಜಿ॒ಹ್ವಯಾ᳚ |
ಧ॒ನ್ವ॒ಚ್ಯುತ॑ ಇ॒ಷಾಂ ನ ಯಾಮ॑ನಿ ಪುರು॒ಪ್ರೈಷಾ᳚ ಅಹ॒ನ್ಯೋ॒3॒॑ ನೈತ॑ಶಃ || 1.168.5
ಕ್ವ॑ ಸ್ವಿದ॒ಸ್ಯ ರಜ॑ಸೋ ಮ॒ಹಸ್ಪರಂ॒ ಕ್ವಾವ॑ರಂ ಮರುತೋ॒ ಯಸ್ಮಿ᳚ನ್ನಾಯ॒ಯ |
ಯಚ್ಚ್ಯಾ॒ವಯ॑ಥ ವಿಥು॒ರೇವ॒ ಸಂಹಿ॑ತಂ॒ ವ್ಯದ್ರಿ॑ಣಾ ಪತಥ ತ್ವೇ॒ಷಮ᳚ರ್ಣ॒ವ‌ಮ್ || 1.168.6
ಸಾ॒ತಿರ್ನ ವೋಽಮ॑ವತೀ॒ ಸ್ವ᳚ರ್ವತೀ ತ್ವೇ॒ಷಾ ವಿಪಾ᳚ಕಾ ಮರುತಃ॒ ಪಿಪಿ॑ಷ್ವತೀ |
ಭ॒ದ್ರಾ ವೋ᳚ ರಾ॒ತಿಃ ಪೃ॑ಣ॒ತೋ ನ ದಕ್ಷಿ॑ಣಾ ಪೃಥು॒ಜ್ರಯೀ᳚ ಅಸು॒ರ್ಯೇ᳚ವ॒ ಜಂಜ॑ತೀ || 1.168.7
ಪ್ರತಿ॑ ಷ್ಟೋಭ‌ನ್ತಿ॒ ಸಿಂಧ॑ವಃ ಪ॒ವಿಭ್ಯೋ॒ ಯದ॒ಭ್ರಿಯಾಂ॒ ವಾಚ॑ಮುದೀ॒ರಯ᳚‌ನ್ತಿ |
ಅವ॑ ಸ್ಮಯ‌ನ್ತ ವಿ॒ದ್ಯುತಃ॑ ಪೃಥಿ॒ವ್ಯಾಂ ಯದೀ᳚ ಘೃ॒ತಂ ಮ॒ರುತಃ॑ ಪ್ರುಷ್ಣು॒ವ‌ನ್ತಿ॑ || 1.168.8
ಅಸೂ᳚ತ॒ ಪೃಶ್ನಿ᳚ರ್ಮಹ॒ತೇ ರಣಾ᳚ಯ ತ್ವೇ॒ಷಮ॒ಯಾಸಾಂ᳚ ಮ॒ರುತಾ॒ಮನೀ᳚ಕ‌ಮ್ |
ತೇ ಸ॑ಪ್ಸ॒ರಾಸೋ᳚ಽಜನಯ॒‌ನ್ತಾಭ್ವ॒ಮಾದಿತ್ಸ್ವ॒ಧಾಮಿ॑ಷಿ॒ರಾಂ ಪರ್ಯ॑ಪಶ್ಯನ್ || 1.168.9
ಏ॒ಷ ವಃ॒ ಸ್ತೋಮೋ᳚ ಮರುತ ಇ॒ಯಂ ಗೀರ್ಮಾಂ᳚ದಾ॒ರ್ಯಸ್ಯ॑ ಮಾ॒ನ್ಯಸ್ಯ॑ ಕಾ॒ರೋಃ |
ಏಷಾ ಯಾ᳚ಸೀಷ್ಟ ತ॒ನ್ವೇ᳚ ವ॒ಯಾಂ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.168.10

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ (1, 38) ಪ್ರಥಮರ್ಚಃ ತೃತೀಯಾದಿಷಣ್ಣಾಂಚ ತ್ರಿಷ್ಟುಪ್ (2) ದ್ವಿತೀಯಾಯಾಶ್ಚ ಚತುಷ್ಪದಾ ವಿರಾಟ್ ಛಂದಸೀ

ಮ॒ಹಶ್ಚಿ॒ತ್ತ್ವಮಿಂ᳚ದ್ರ ಯ॒ತ ಏ॒ತಾನ್ಮ॒ಹಶ್ಚಿ॑ದಸಿ॒ ತ್ಯಜ॑ಸೋ ವರೂ॒ತಾ |
ಸ ನೋ᳚ ವೇಧೋ ಮ॒ರುತಾಂ᳚ ಚಿಕಿ॒ತ್ವಾ‌‌ನ್ತ್ಸು॒ಮ್ನಾ ವ॑ನುಷ್ವ॒ ತವ॒ ಹಿ ಪ್ರೇಷ್ಠಾ᳚ || 1.169.1
ಅಯು॑ಜ್ರ‌ನ್ತ ಇಂದ್ರ ವಿ॒ಶ್ವಕೃ॑ಷ್ಟೀರ್ವಿದಾ॒ನಾಸೋ᳚ ನಿ॒ಷ್ಷಿಧೋ᳚ ಮರ್ತ್ಯ॒ತ್ರಾ |
ಮ॒ರುತಾಂ᳚ ಪೃತ್ಸು॒ತಿರ್ಹಾಸ॑ಮಾನಾ॒ ಸ್ವ᳚ರ್ಮೀಳ್ಹಸ್ಯ ಪ್ರ॒ಧನ॑ಸ್ಯ ಸಾ॒ತೌ || 1.169.2
ಅಮ್ಯ॒ಕ್ಸಾ ತ॑ ಇಂದ್ರ ಋ॒ಷ್ಟಿರ॒ಸ್ಮೇ ಸನೇ॒ಮ್ಯಭ್ವಂ᳚ ಮ॒ರುತೋ᳚ ಜುನ‌ನ್ತಿ |
ಅ॒ಗ್ನಿಶ್ಚಿ॒ದ್ಧಿ ಷ್ಮಾ᳚ತ॒ಸೇ ಶು॑ಶು॒ಕ್ವಾನಾಪೋ॒ ನ ದ್ವೀ॒ಪಂ ದಧ॑ತಿ॒ ಪ್ರಯಾಂ᳚ಸಿ || 1.169.3
ತ್ವಂ ತೂ ನ॑ ಇಂದ್ರ॒ ತಂ ರ॒ಯಿಂ ದಾ॒ ಓಜಿ॑ಷ್ಠಯಾ॒ ದಕ್ಷಿ॑ಣಯೇವ ರಾ॒ತಿ‌ಮ್ |
ಸ್ತುತ॑ಶ್ಚ॒ ಯಾಸ್ತೇ᳚ ಚ॒ಕನ᳚‌ನ್ತ ವಾ॒ಯೋಃ ಸ್ತನಂ॒ ನ ಮಧ್ವಃ॑ ಪೀಪಯ‌ನ್ತ॒ ವಾಜೈಃ᳚ || 1.169.4
ತ್ವೇ ರಾಯ॑ ಇಂದ್ರ ತೋ॒ಶತ॑ಮಾಃ ಪ್ರಣೇ॒ತಾರಃ॒ ಕಸ್ಯ॑ ಚಿದೃತಾ॒ಯೋಃ |
ತೇ ಷು ಣೋ᳚ ಮ॒ರುತೋ᳚ ಮೃಳಯ‌ನ್ತು॒ ಯೇ ಸ್ಮಾ᳚ ಪು॒ರಾ ಗಾ᳚ತೂ॒ಯ‌ನ್ತೀ᳚ವ ದೇ॒ವಾಃ || 1.169.5
ಪ್ರತಿ॒ ಪ್ರ ಯಾ᳚ಹೀಂದ್ರ ಮೀ॒ಳ್ಹುಷೋ॒ ನೄನ್ಮ॒ಹಃ ಪಾರ್ಥಿ॑ವೇ॒ ಸದ॑ನೇ ಯತಸ್ವ |
ಅಧ॒ ಯದೇ᳚ಷಾಂ ಪೃಥುಬು॒ಧ್ನಾಸ॒ ಏತಾ᳚ಸ್ತೀ॒ರ್ಥೇ ನಾರ್ಯಃ ಪೌಂಸ್ಯಾ᳚ನಿ ತ॒ಸ್ಥುಃ || 1.169.6
ಪ್ರತಿ॑ ಘೋ॒ರಾಣಾ॒ಮೇತಾ᳚ನಾಮ॒ಯಾಸಾಂ᳚ ಮ॒ರುತಾಂ᳚ ಶೃಣ್ವ ಆಯ॒ತಾಮು॑ಪ॒ಬ್ದಿಃ |
ಯೇ ಮರ್ತ್ಯಂ᳚ ಪೃತನಾ॒ಯ‌ನ್ತ॒ಮೂಮೈ᳚ರ್‌ಋಣಾ॒ವಾನಂ॒ ನ ಪ॒ತಯ᳚‌ನ್ತ॒ ಸರ್ಗೈಃ᳚ || 1.169.7
ತ್ವಂ ಮಾನೇ᳚ಭ್ಯ ಇಂದ್ರ ವಿ॒ಶ್ವಜ᳚ನ್ಯಾ॒ ರದಾ᳚ ಮ॒ರುದ್ಭಿಃ॑ ಶು॒ರುಧೋ॒ ಗೋಅ॑ಗ್ರಾಃ |
ಸ್ತವಾ᳚ನೇಭಿಃ ಸ್ತವಸೇ ದೇವ ದೇ॒ವೈರ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.169.8

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ (1, 3, 4) ಪ್ರಥಮಾತೃತೀಯಾಚತುರ್ಥೀನಾಮೃಚಾಮಿಂದ್ರಶ್ಚತಾ ಅಗಸ್ತ್ಯೋ ವಾ (2, 5) ದ್ವಿತೀಯಾಪಂಚಮ್ಯೋಶ್ಚ ಮೈತ್ರಾವರುಣಿರಗಸ್ತ್ಯ ಋಷೀ ಇಂದ್ರೋ ದೇವತಾ (1) ಪ್ರಥಮ! ಬೃಹತೀ (2-4) ದ್ವಿತೀಯಾದಿತೃಚಸ್ಯಾನುಷ್ಟಪ್ (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಾಂಸ್ಇ

ನ ನೂ॒ನಮಸ್ತಿ॒ ನೋ ಶ್ವಃ ಕಸ್ತದ್ವೇ᳚ದ॒ ಯದದ್ಭು॑ತ‌ಮ್ |
ಅ॒ನ್ಯಸ್ಯ॑ ಚಿ॒ತ್ತಮ॒ಭಿ ಸಂ᳚ಚ॒ರೇಣ್ಯ॑ಮು॒ತಾಧೀ᳚ತಂ॒ ವಿ ನ॑ಶ್ಯತಿ || 1.170.1
ಕಿಂ ನ॑ ಇಂದ್ರ ಜಿಘಾಂಸಸಿ॒ ಭ್ರಾತ॑ರೋ ಮ॒ರುತ॒ಸ್ತವ॑ |
ತೇಭಿಃ॑ ಕಲ್ಪಸ್ವ ಸಾಧು॒ಯಾ ಮಾ ನಃ॑ ಸ॒ಮರ॑ಣೇ ವಧೀಃ || 1.170.2
ಕಿಂ ನೋ᳚ ಭ್ರಾತರಗಸ್ತ್ಯ॒ ಸಖಾ॒ ಸನ್ನತಿ॑ ಮನ್ಯಸೇ |
ವಿ॒ದ್ಮಾ ಹಿ ತೇ॒ ಯಥಾ॒ ಮನೋ॒ಽಸ್ಮಭ್ಯ॒ಮಿನ್ನ ದಿ॑ತ್ಸಸಿ || 1.170.3
ಅರಂ᳚ ಕೃಣ್ವ‌ನ್ತು॒ ವೇದಿಂ॒ ಸಮ॒ಗ್ನಿಮಿಂ᳚ಧತಾಂ ಪು॒ರಃ |
ತತ್ರಾ॒ಮೃತ॑ಸ್ಯ॒ ಚೇತ॑ನಂ ಯ॒ಜ್ಞಂ ತೇ᳚ ತನವಾವಹೈ || 1.170.4
ತ್ವಮೀ᳚ಶಿಷೇ ವಸುಪತೇ॒ ವಸೂ᳚ನಾಂ॒ ತ್ವಂ ಮಿ॒ತ್ರಾಣಾಂ᳚ ಮಿತ್ರಪತೇ॒ ಧೇಷ್ಠಃ॑ |
ಇಂದ್ರ॒ ತ್ವಂ ಮ॒ರುದ್ಭಿಃ॒ ಸಂ ವ॑ದ॒ಸ್ವಾಧ॒ ಪ್ರಾಶಾ᳚ನ ಋತು॒ಥಾ ಹ॒ವೀಂಷಿ॑ || 1.170.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ (1-2) ಪ್ರಥಮಾದ್ವಿತೀಯಯೋಜೃಚೋರ್ಮರುತಃ (3-6) ತೃತೀಯಾದಿಚತಸೃಣಾಂಚ ಮರುತ್ವಾನಿಂದ್ರೋ ದೇವತಾಃ ತ್ರಿಷ್ಟುಪ್ ಛಂದಃ

ಪ್ರತಿ॑ ವ ಏ॒ನಾ ನಮ॑ಸಾ॒ಹಮೇ᳚ಮಿ ಸೂ॒ಕ್ತೇನ॑ ಭಿಕ್ಷೇ ಸುಮ॒ತಿಂ ತು॒ರಾಣಾ᳚‌ಮ್ |
ರ॒ರಾ॒ಣತಾ᳚ ಮರುತೋ ವೇ॒ದ್ಯಾಭಿ॒ರ್ನಿ ಹೇಳೋ᳚ ಧ॒ತ್ತ ವಿ ಮು॑ಚಧ್ವ॒ಮಶ್ವಾನ್॑ || 1.171.1
ಏ॒ಷ ವಃ॒ ಸ್ತೋಮೋ᳚ ಮರುತೋ॒ ನಮ॑ಸ್ವಾನ್ಹೃ॒ದಾ ತ॒ಷ್ಟೋ ಮನ॑ಸಾ ಧಾಯಿ ದೇವಾಃ |
ಉಪೇ॒ಮಾ ಯಾ᳚ತ॒ ಮನ॑ಸಾ ಜುಷಾ॒ಣಾ ಯೂ॒ಯಂ ಹಿ ಷ್ಠಾ ನಮ॑ಸ॒ ಇದ್ವೃ॒ಧಾಸಃ॑ || 1.171.2
ಸ್ತು॒ತಾಸೋ᳚ ನೋ ಮ॒ರುತೋ᳚ ಮೃಳಯ‌ನ್ತೂ॒ತ ಸ್ತು॒ತೋ ಮ॒ಘವಾ॒ ಶಂಭ॑ವಿಷ್ಠಃ |
ಊ॒ರ್ಧ್ವಾ ನಃ॑ ಸ‌ನ್ತು ಕೋ॒ಮ್ಯಾ ವನಾ॒ನ್ಯಹಾ᳚ನಿ॒ ವಿಶ್ವಾ᳚ ಮರುತೋ ಜಿಗೀ॒ಷಾ || 1.171.3
ಅ॒ಸ್ಮಾದ॒ಹಂ ತ॑ವಿ॒ಷಾದೀಷ॑ಮಾಣ॒ ಇಂದ್ರಾ᳚ದ್ಭಿ॒ಯಾ ಮ॑ರುತೋ॒ ರೇಜ॑ಮಾನಃ |
ಯು॒ಷ್ಮಭ್ಯಂ᳚ ಹ॒ವ್ಯಾ ನಿಶಿ॑ತಾನ್ಯಾಸ॒‌ನ್ತಾನ್ಯಾ॒ರೇ ಚ॑ಕೃಮಾ ಮೃ॒ಳತಾ᳚ ನಃ || 1.171.4
ಯೇನ॒ ಮಾನಾ᳚ಸಶ್ಚಿ॒ತಯ᳚‌ನ್ತ ಉ॒ಸ್ರಾ ವ್ಯು॑ಷ್ಟಿಷು॒ ಶವ॑ಸಾ॒ ಶಶ್ವ॑ತೀನಾ‌ಮ್ |
ಸ ನೋ᳚ ಮ॒ರುದ್ಭಿ᳚ರ್ವೃಷಭ॒ ಶ್ರವೋ᳚ ಧಾ ಉ॒ಗ್ರ ಉ॒ಗ್ರೇಭಿಃ॒ ಸ್ಥವಿ॑ರಃ ಸಹೋ॒ದಾಃ || 1.171.5
ತ್ವಂ ಪಾ᳚ಹೀಂದ್ರ॒ ಸಹೀ᳚ಯಸೋ॒ ನೄನ್ಭವಾ᳚ ಮ॒ರುದ್ಭಿ॒ರವ॑ಯಾತಹೇಳಾಃ |
ಸು॒ಪ್ರ॒ಕೇ॒ತೇಭಿಃ॑ ಸಾಸ॒ಹಿರ್ದಧಾ᳚ನೋ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.171.6

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರಗಸ್ತ್ಯ ಋಷಿಃ ಮರುತೋ ದೇವತಾಃ ಗಾಯತ್ರೀ ಛಂದಃ

ಚಿ॒ತ್ರೋ ವೋ᳚ಽಸ್ತು॒ ಯಾಮ॑ಶ್ಚಿ॒ತ್ರ ಊ॒ತೀ ಸು॑ದಾನವಃ |
ಮರು॑ತೋ॒ ಅಹಿ॑ಭಾನವಃ || 1.172.1
ಆ॒ರೇ ಸಾ ವಃ॑ ಸುದಾನವೋ॒ ಮರು॑ತ ಋಂಜ॒ತೀ ಶರುಃ॑ |
ಆ॒ರೇ ಅಶ್ಮಾ॒ ಯಮಸ್ಯ॑ಥ || 1.172.2
ತೃ॒ಣ॒ಸ್ಕಂ॒ದಸ್ಯ॒ ನು ವಿಶಃ॒ ಪರಿ॑ ವೃಂಕ್ತ ಸುದಾನವಃ |
ಊ॒ರ್ಧ್ವಾನ್ನಃ॑ ಕರ್ತ ಜೀ॒ವಸೇ᳚ || 1.172.3

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಗಾಯ॒ತ್ಸಾಮ॑ ನಭ॒ನ್ಯ1॒॑ ಅಂಯಥಾ॒ ವೇರರ್ಚಾ᳚ಮ॒ ತದ್ವಾ᳚ವೃಧಾ॒ನಂ ಸ್ವ᳚ರ್ವತ್ |
ಗಾವೋ᳚ ಧೇ॒ನವೋ᳚ ಬ॒ರ್ಹಿಷ್ಯದ॑ಬ್ಧಾ॒ ಆ ಯತ್ಸ॒ದ್ಮಾನಂ᳚ ದಿ॒ವ್ಯಂ ವಿವಾ᳚ಸಾನ್ || 1.173.1
ಅರ್ಚ॒ದ್ವೃಷಾ॒ ವೃಷ॑ಭಿಃ॒ ಸ್ವೇದು॑ಹವ್ಯೈರ್ಮೃ॒ಗೋ ನಾಶ್ನೋ॒ ಅತಿ॒ ಯಜ್ಜು॑ಗು॒ರ್ಯಾತ್ |
ಪ್ರ ಮಂ᳚ದ॒ಯುರ್ಮ॒ನಾಂ ಗೂ᳚ರ್ತ॒ ಹೋತಾ॒ ಭರ॑ತೇ॒ ಮರ್ಯೋ᳚ ಮಿಥು॒ನಾ ಯಜ॑ತ್ರಃ || 1.173.2
ನಕ್ಷ॒ದ್ಧೋತಾ॒ ಪರಿ॒ ಸದ್ಮ॑ ಮಿ॒ತಾ ಯನ್ಭರ॒ದ್ಗರ್ಭ॒ಮಾ ಶ॒ರದಃ॑ ಪೃಥಿ॒ವ್ಯಾಃ |
ಕ್ರಂದ॒ದಶ್ವೋ॒ ನಯ॑ಮಾನೋ ರು॒ವದ್ಗೌರ॒‌ನ್ತರ್ದೂ॒ತೋ ನ ರೋದ॑ಸೀ ಚರ॒ದ್ವಾಕ್ || 1.173.3
ತಾ ಕ॒ರ್ಮಾಷ॑ತರಾಸ್ಮೈ॒ ಪ್ರ ಚ್ಯೌ॒ತ್ನಾನಿ॑ ದೇವ॒ಯ‌ನ್ತೋ᳚ ಭರ‌ನ್ತೇ |
ಜುಜೋ᳚ಷ॒ದಿಂದ್ರೋ᳚ ದ॒ಸ್ಮವ॑ರ್ಚಾ॒ ನಾಸ॑ತ್ಯೇವ॒ ಸುಗ್ಮ್ಯೋ᳚ ರಥೇ॒ಷ್ಠಾಃ || 1.173.4
ತಮು॑ ಷ್ಟು॒ಹೀಂದ್ರಂ॒ ಯೋ ಹ॒ ಸತ್ವಾ॒ ಯಃ ಶೂರೋ᳚ ಮ॒ಘವಾ॒ ಯೋ ರ॑ಥೇ॒ಷ್ಠಾಃ |
ಪ್ರ॒ತೀ॒ಚಶ್ಚಿ॒ದ್ಯೋಧೀ᳚ಯಾ॒ನ್ವೃಷ᳚ಣ್ವಾನ್ವವ॒ವ್ರುಷ॑ಶ್ಚಿ॒ತ್ತಮ॑ಸೋ ವಿಹ॒‌ನ್ತಾ || 1.173.5
ಪ್ರ ಯದಿ॒ತ್ಥಾ ಮ॑ಹಿ॒ನಾ ನೃಭ್ಯೋ॒ ಅಸ್ತ್ಯರಂ॒ ರೋದ॑ಸೀ ಕ॒ಕ್ಷ್ಯೇ॒3॒॑ ನಾಸ್ಮೈ᳚ |
ಸಂ ವಿ᳚ವ್ಯ॒ ಇಂದ್ರೋ᳚ ವೃ॒ಜನಂ॒ ನ ಭೂಮಾ॒ ಭರ್ತಿ॑ ಸ್ವ॒ಧಾವಾಁ᳚ ಓಪ॒ಶಮಿ॑ವ॒ ದ್ಯಾ‌ಮ್ || 1.173.6
ಸ॒ಮತ್ಸು॑ ತ್ವಾ ಶೂರ ಸ॒ತಾಮು॑ರಾ॒ಣಂ ಪ್ರ॑ಪ॒ಥಿ‌ನ್ತ॑ಮಂ ಪರಿತಂಸ॒ಯಧ್ಯೈ᳚ |
ಸ॒ಜೋಷ॑ಸ॒ ಇಂದ್ರಂ॒ ಮದೇ᳚ ಕ್ಷೋ॒ಣೀಃ ಸೂ॒ರಿಂ ಚಿ॒ದ್ಯೇ ಅ॑ನು॒ಮದ᳚‌ನ್ತಿ॒ ವಾಜೈಃ᳚ || 1.173.7
ಏ॒ವಾ ಹಿ ತೇ॒ ಶಂ ಸವ॑ನಾ ಸಮು॒ದ್ರ ಆಪೋ॒ ಯತ್ತ॑ ಆ॒ಸು ಮದ᳚‌ನ್ತಿ ದೇ॒ವೀಃ |
ವಿಶ್ವಾ᳚ ತೇ॒ ಅನು॒ ಜೋಷ್ಯಾ᳚ ಭೂ॒ದ್ಗೌಃ ಸೂ॒ರೀಁಶ್ಚಿ॒ದ್ಯದಿ॑ ಧಿ॒ಷಾ ವೇಷಿ॒ ಜನಾನ್॑ || 1.173.8
ಅಸಾ᳚ಮ॒ ಯಥಾ᳚ ಸುಷ॒ಖಾಯ॑ ಏನ ಸ್ವಭಿ॒ಷ್ಟಯೋ᳚ ನ॒ರಾಂ ನ ಶಂಸೈಃ᳚ |
ಅಸ॒ದ್ಯಥಾ᳚ ನ॒ ಇಂದ್ರೋ᳚ ವಂದನೇ॒ಷ್ಠಾಸ್ತು॒ರೋ ನ ಕರ್ಮ॒ ನಯ॑ಮಾನ ಉ॒ಕ್ಥಾ || 1.173.9
ವಿಷ್ಪ॑ರ್ಧಸೋ ನ॒ರಾಂ ನ ಶಂಸೈ᳚ರ॒ಸ್ಮಾಕಾ᳚ಸ॒ದಿಂದ್ರೋ॒ ವಜ್ರ॑ಹಸ್ತಃ |
ಮಿ॒ತ್ರಾ॒ಯುವೋ॒ ನ ಪೂರ್ಪ॑ತಿಂ॒ ಸುಶಿ॑ಷ್ಟೌ ಮಧ್ಯಾ॒ಯುವ॒ ಉಪ॑ ಶಿಕ್ಷ‌ನ್ತಿ ಯ॒ಜ್ಞೈಃ || 1.173.10
ಯ॒ಜ್ಞೋ ಹಿ ಷ್ಮೇಂದ್ರಂ॒ ಕಶ್ಚಿ॑ದೃಂ॒ಧಂಜು॑ಹುರಾ॒ಣಶ್ಚಿ॒ನ್ಮನ॑ಸಾ ಪರಿ॒ಯನ್ |
ತೀ॒ರ್ಥೇ ನಾಚ್ಛಾ᳚ ತಾತೃಷಾ॒ಣಮೋಕೋ᳚ ದೀ॒ರ್ಘೋ ನ ಸಿ॒ಧ್ರಮಾ ಕೃ॑ಣೋ॒ತ್ಯಧ್ವಾ᳚ || 1.173.11
ಮೋ ಷೂ ಣ॑ ಇಂ॒ದ್ರಾತ್ರ॑ ಪೃ॒ತ್ಸು ದೇ॒ವೈರಸ್ತಿ॒ ಹಿ ಷ್ಮಾ᳚ ತೇ ಶುಷ್ಮಿನ್ನವ॒ಯಾಃ |
ಮ॒ಹಶ್ಚಿ॒ದ್ಯಸ್ಯ॑ ಮೀ॒ಳ್ಹುಷೋ᳚ ಯ॒ವ್ಯಾ ಹ॒ವಿಷ್ಮ॑ತೋ ಮ॒ರುತೋ॒ ವಂದ॑ತೇ॒ ಗೀಃ || 1.173.12
ಏ॒ಷ ಸ್ತೋಮ॑ ಇಂದ್ರ॒ ತುಭ್ಯ॑ಮ॒ಸ್ಮೇ ಏ॒ತೇನ॑ ಗಾ॒ತುಂ ಹ॑ರಿವೋ ವಿದೋ ನಃ |
ಆ ನೋ᳚ ವವೃತ್ಯಾಃ ಸುವಿ॒ತಾಯ॑ ದೇವ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.173.13

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ತ್ವಂ ರಾಜೇಂ᳚ದ್ರ॒ ಯೇ ಚ॑ ದೇ॒ವಾ ರಕ್ಷಾ॒ ನೄನ್ಪಾ॒ಹ್ಯ॑ಸುರ॒ ತ್ವಮ॒ಸ್ಮಾನ್ |
ತ್ವಂ ಸತ್ಪ॑ತಿರ್ಮ॒ಘವಾ᳚ ನ॒ಸ್ತರು॑ತ್ರ॒ಸ್ತ್ವಂ ಸ॒ತ್ಯೋ ವಸ॑ವಾನಃ ಸಹೋ॒ದಾಃ || 1.174.1
ದನೋ॒ ವಿಶ॑ ಇಂದ್ರ ಮೃ॒ಧ್ರವಾ᳚ಚಃ ಸ॒ಪ್ತ ಯತ್ಪುರಃ॒ ಶರ್ಮ॒ ಶಾರ॑ದೀ॒ರ್ದರ್ತ್ |
ಋ॒ಣೋರ॒ಪೋ ಅ॑ನವ॒ದ್ಯಾರ್ಣಾ॒ ಯೂನೇ᳚ ವೃ॒ತ್ರಂ ಪು॑ರು॒ಕುತ್ಸಾ᳚ಯ ರಂಧೀಃ || 1.174.2
ಅಜಾ॒ ವೃತ॑ ಇಂದ್ರ॒ ಶೂರ॑ಪತ್ನೀ॒ರ್ದ್ಯಾಂ ಚ॒ ಯೇಭಿಃ॑ ಪುರುಹೂತ ನೂ॒ನ‌ಮ್ |
ರಕ್ಷೋ᳚ ಅ॒ಗ್ನಿಮ॒ಶುಷಂ॒ ತೂರ್ವ॑ಯಾಣಂ ಸಿಂ॒ಹೋ ನ ದಮೇ॒ ಅಪಾಂ᳚ಸಿ॒ ವಸ್ತೋಃ᳚ || 1.174.3
ಶೇಷ॒ನ್ನು ತ ಇಂ᳚ದ್ರ॒ ಸಸ್ಮಿ॒ನ್ಯೋನೌ॒ ಪ್ರಶ॑ಸ್ತಯೇ॒ ಪವೀ᳚ರವಸ್ಯ ಮ॒ಹ್ನಾ |
ಸೃ॒ಜದರ್ಣಾಂ॒ಸ್ಯವ॒ ಯದ್ಯು॒ಧಾ ಗಾಸ್ತಿಷ್ಠ॒ದ್ಧರೀ᳚ ಧೃಷ॒ತಾ ಮೃ॑ಷ್ಟ॒ ವಾಜಾನ್॑ || 1.174.4
ವಹ॒ ಕುತ್ಸ॑ಮಿಂದ್ರ॒ ಯಸ್ಮಿಂ᳚ಚಾ॒ಕ‌‌ನ್ತ್ಸ್ಯೂ᳚ಮ॒ನ್ಯೂ ಋ॒ಜ್ರಾ ವಾತ॒ಸ್ಯಾಶ್ವಾ᳚ |
ಪ್ರ ಸೂರ॑ಶ್ಚ॒ಕ್ರಂ ವೃ॑ಹತಾದ॒ಭೀಕೇ॒ಽಭಿ ಸ್ಪೃಧೋ᳚ ಯಾಸಿಷ॒ದ್ವಜ್ರ॑ಬಾಹುಃ || 1.174.5
ಜ॒ಘ॒ನ್ವಾಁ ಇಂ᳚ದ್ರ ಮಿ॒ತ್ರೇರೂಂ᳚ಚೋ॒ದಪ್ರ॑ವೃದ್ಧೋ ಹರಿವೋ॒ ಅದಾ᳚ಶೂನ್ |
ಪ್ರ ಯೇ ಪಶ್ಯ᳚ನ್ನರ್ಯ॒ಮಣಂ॒ ಸಚಾ॒ಯೋಸ್ತ್ವಯಾ᳚ ಶೂ॒ರ್ತಾ ವಹ॑ಮಾನಾ॒ ಅಪ॑ತ್ಯ‌ಮ್ || 1.174.6
ರಪ॑ತ್ಕ॒ವಿರಿಂ᳚ದ್ರಾ॒ರ್ಕಸಾ᳚ತೌ॒ ಕ್ಷಾಂ ದಾ॒ಸಾಯೋ᳚ಪ॒ಬರ್ಹ॑ಣೀಂ ಕಃ |
ಕರ॑ತ್ತಿ॒ಸ್ರೋ ಮ॒ಘವಾ॒ ದಾನು॑ಚಿತ್ರಾ॒ ನಿ ದು᳚ರ್ಯೋ॒ಣೇ ಕುಯ॑ವಾಚಂ ಮೃ॒ಧಿ ಶ್ರೇ᳚ತ್ || 1.174.7
ಸನಾ॒ ತಾ ತ॑ ಇಂದ್ರ॒ ನವ್ಯಾ॒ ಆಗುಃ॒ ಸಹೋ॒ ನಭೋಽವಿ॑ರಣಾಯ ಪೂ॒ರ್ವೀಃ |
ಭಿ॒ನತ್ಪುರೋ॒ ನ ಭಿದೋ॒ ಅದೇ᳚ವೀರ್ನ॒ನಮೋ॒ ವಧ॒ರದೇ᳚ವಸ್ಯ ಪೀ॒ಯೋಃ || 1.174.8
ತ್ವಂ ಧುನಿ॑ರಿಂದ್ರ॒ ಧುನಿ॑ಮತೀರ್‌ಋ॒ಣೋರ॒ಪಃ ಸೀ॒ರಾ ನ ಸ್ರವ᳚‌ನ್ತೀಃ |
ಪ್ರ ಯತ್ಸ॑ಮು॒ದ್ರಮತಿ॑ ಶೂರ॒ ಪರ್ಷಿ॑ ಪಾ॒ರಯಾ᳚ ತು॒ರ್ವಶಂ॒ ಯದುಂ᳚ ಸ್ವ॒ಸ್ತಿ || 1.174.9
ತ್ವಮ॒ಸ್ಮಾಕ॑ಮಿಂದ್ರ ವಿ॒ಶ್ವಧ॑ ಸ್ಯಾ ಅವೃ॒ಕತ॑ಮೋ ನ॒ರಾಂ ನೃ॑ಪಾ॒ತಾ |
ಸ ನೋ॒ ವಿಶ್ವಾ᳚ಸಾಂ ಸ್ಪೃ॒ಧಾಂ ಸ॑ಹೋ॒ದಾ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.174.10

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ (1) ಪ್ರಥಮರ್ಚಃ ಸ್ಕಂಧೋಗ್ರೀವೀ ಬೃಹತೀ (2-5) ದ್ವಿತೀಯಾದಿಚತಸೃಣಾಮನಷ್ಟಪ (6) ಷಷ್ಠ್ಯಾಶ್ಚ ತ್ರಿಷ್ಟುಪ್ ಛಂದಾಂಸ್ಇ

ಮತ್ಸ್ಯಪಾ᳚ಯಿ ತೇ॒ ಮಹಃ॒ ಪಾತ್ರ॑ಸ್ಯೇವ ಹರಿವೋ ಮತ್ಸ॒ರೋ ಮದಃ॑ |
ವೃಷಾ᳚ ತೇ॒ ವೃಷ್ಣ॒ ಇಂದು᳚ರ್ವಾ॒ಜೀ ಸ॑ಹಸ್ರ॒ಸಾತ॑ಮಃ || 1.175.1
ಆ ನ॑ಸ್ತೇ ಗ‌ನ್ತು ಮತ್ಸ॒ರೋ ವೃಷಾ॒ ಮದೋ॒ ವರೇ᳚ಣ್ಯಃ |
ಸ॒ಹಾವಾಁ᳚ ಇಂದ್ರ ಸಾನ॒ಸಿಃ ಪೃ॑ತನಾ॒ಷಾಳಮ॑ರ್ತ್ಯಃ || 1.175.2
ತ್ವಂ ಹಿ ಶೂರಃ॒ ಸನಿ॑ತಾ ಚೋ॒ದಯೋ॒ ಮನು॑ಷೋ॒ ರಥ‌ಮ್᳚ |
ಸ॒ಹಾವಾಂ॒ದಸ್ಯು॑ಮವ್ರ॒ತಮೋಷಃ॒ ಪಾತ್ರಂ॒ ನ ಶೋ॒ಚಿಷಾ᳚ || 1.175.3
ಮು॒ಷಾ॒ಯ ಸೂರ್ಯಂ᳚ ಕವೇ ಚ॒ಕ್ರಮೀಶಾ᳚ನ॒ ಓಜ॑ಸಾ |
ವಹ॒ ಶುಷ್ಣಾ᳚ಯ ವ॒ಧಂ ಕುತ್ಸಂ॒ ವಾತ॒ಸ್ಯಾಶ್ವೈಃ᳚ || 1.175.4
ಶು॒ಷ್ಮಿ‌ನ್ತ॑ಮೋ॒ ಹಿ ತೇ॒ ಮದೋ᳚ ದ್ಯು॒ಮ್ನಿ‌ನ್ತ॑ಮ ಉ॒ತ ಕ್ರತುಃ॑ |
ವೃ॒ತ್ರ॒ಘ್ನಾ ವ॑ರಿವೋ॒ವಿದಾ᳚ ಮಂಸೀ॒ಷ್ಠಾ ಅ॑ಶ್ವ॒ಸಾತ॑ಮಃ || 1.175.5
ಯಥಾ॒ ಪೂರ್ವೇ᳚ಭ್ಯೋ ಜರಿ॒ತೃಭ್ಯ॑ ಇಂದ್ರ॒ ಮಯ॑ ಇ॒ವಾಪೋ॒ ನ ತೃಷ್ಯ॑ತೇ ಬ॒ಭೂಥ॑ |
ತಾಮನು॑ ತ್ವಾ ನಿ॒ವಿದಂ᳚ ಜೋಹವೀಮಿ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.175.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ (1-5) ಪ್ರಥಮಾದಿಪಂಚರ್ಚಾಮನುಷ್ಟಪ್(6) ಷಷ್ಟ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಮತ್ಸಿ॑ ನೋ॒ ವಸ್ಯ॑‌ಇಷ್ಟಯ॒ ಇಂದ್ರ॑ಮಿಂದೋ॒ ವೃಷಾ ವಿ॑ಶ |
ಋ॒ಘಾ॒ಯಮಾ᳚ಣ ಇನ್ವಸಿ॒ ಶತ್ರು॒ಮ‌ನ್ತಿ॒ ನ ವಿಂ᳚ದಸಿ || 1.176.1
ತಸ್ಮಿ॒ನ್ನಾ ವೇ᳚ಶಯಾ॒ ಗಿರೋ॒ ಯ ಏಕ॑ಶ್ಚರ್ಷಣೀ॒ನಾ‌ಮ್ |
ಅನು॑ ಸ್ವ॒ಧಾ ಯಮು॒ಪ್ಯತೇ॒ ಯವಂ॒ ನ ಚರ್ಕೃ॑ಷ॒ದ್ವೃಷಾ᳚ || 1.176.2
ಯಸ್ಯ॒ ವಿಶ್ವಾ᳚ನಿ॒ ಹಸ್ತ॑ಯೋಃ॒ ಪಂಚ॑ ಕ್ಷಿತೀ॒ನಾಂ ವಸು॑ |
ಸ್ಪಾ॒ಶಯ॑ಸ್ವ॒ ಯೋ ಅ॑ಸ್ಮ॒ಧ್ರುಗ್ದಿ॒ವ್ಯೇವಾ॒ಶನಿ॑ರ್ಜಹಿ || 1.176.3
ಅಸು᳚ನ್ವ‌ನ್ತಂ ಸಮಂ ಜಹಿ ದೂ॒ಣಾಶಂ॒ ಯೋ ನ ತೇ॒ ಮಯಃ॑ |
ಅ॒ಸ್ಮಭ್ಯ॑ಮಸ್ಯ॒ ವೇದ॑ನಂ ದ॒ದ್ಧಿ ಸೂ॒ರಿಶ್ಚಿ॑ದೋಹತೇ || 1.176.4
ಆವೋ॒ ಯಸ್ಯ॑ ದ್ವಿ॒ಬರ್ಹ॑ಸೋ॒ಽರ್ಕೇಷು॑ ಸಾನು॒ಷಗಸ॑ತ್ |
ಆ॒ಜಾವಿಂದ್ರ॑ಸ್ಯೇಂದೋ॒ ಪ್ರಾವೋ॒ ವಾಜೇ᳚ಷು ವಾ॒ಜಿನ‌ಮ್᳚ || 1.176.5
ಯಥಾ॒ ಪೂರ್ವೇ᳚ಭ್ಯೋ ಜರಿ॒ತೃಭ್ಯ॑ ಇಂದ್ರ॒ ಮಯ॑ ಇ॒ವಾಪೋ॒ ನ ತೃಷ್ಯ॑ತೇ ಬ॒ಭೂಥ॑ |
ತಾಮನು॑ ತ್ವಾ ನಿ॒ವಿದಂ᳚ ಜೋಹವೀಮಿ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.176.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಆ ಚ॑ರ್ಷಣಿ॒ಪ್ರಾ ವೃ॑ಷ॒ಭೋ ಜನಾ᳚ನಾಂ॒ ರಾಜಾ᳚ ಕೃಷ್ಟೀ॒ನಾಂ ಪು॑ರುಹೂ॒ತ ಇಂದ್ರಃ॑ |
ಸ್ತು॒ತಃ ಶ್ರ॑ವ॒ಸ್ಯನ್ನವ॒ಸೋಪ॑ ಮ॒ದ್ರಿಗ್ಯು॒ಕ್ತ್ವಾ ಹರೀ॒ ವೃಷ॒ಣಾ ಯಾ᳚ಹ್ಯ॒ರ್ವಾಙ್ || 1.177.1
ಯೇ ತೇ॒ ವೃಷ॑ಣೋ ವೃಷ॒ಭಾಸ॑ ಇಂದ್ರ ಬ್ರಹ್ಮ॒ಯುಜೋ॒ ವೃಷ॑ರಥಾಸೋ॒ ಅತ್ಯಾಃ᳚ |
ತಾಁ ಆ ತಿ॑ಷ್ಠ॒ ತೇಭಿ॒ರಾ ಯಾ᳚ಹ್ಯ॒ರ್ವಾಙ್ಹವಾ᳚ಮಹೇ ತ್ವಾ ಸು॒ತ ಇಂ᳚ದ್ರ॒ ಸೋಮೇ᳚ || 1.177.2
ಆ ತಿ॑ಷ್ಠ॒ ರಥಂ॒ ವೃಷ॑ಣಂ॒ ವೃಷಾ᳚ ತೇ ಸು॒ತಃ ಸೋಮಃ॒ ಪರಿ॑ಷಿಕ್ತಾ॒ ಮಧೂ᳚ನಿ |
ಯು॒ಕ್ತ್ವಾ ವೃಷ॑ಭ್ಯಾಂ ವೃಷಭ ಕ್ಷಿತೀ॒ನಾಂ ಹರಿ॑ಭ್ಯಾಂ ಯಾಹಿ ಪ್ರ॒ವತೋಪ॑ ಮ॒ದ್ರಿಕ್ || 1.177.3
ಅ॒ಯಂ ಯ॒ಜ್ಞೋ ದೇ᳚ವ॒ಯಾ ಅ॒ಯಂ ಮಿ॒ಯೇಧ॑ ಇ॒ಮಾ ಬ್ರಹ್ಮಾ᳚ಣ್ಯ॒ಯಮಿಂ᳚ದ್ರ॒ ಸೋಮಃ॑ |
ಸ್ತೀ॒ರ್ಣಂ ಬ॒ರ್ಹಿರಾ ತು ಶ॑ಕ್ರ॒ ಪ್ರ ಯಾ᳚ಹಿ॒ ಪಿಬಾ᳚ ನಿ॒ಷದ್ಯ॒ ವಿ ಮು॑ಚಾ॒ ಹರೀ᳚ ಇ॒ಹ || 1.177.4
ಓ ಸುಷ್ಟು॑ತ ಇಂದ್ರ ಯಾಹ್ಯ॒ರ್ವಾಙುಪ॒ ಬ್ರಹ್ಮಾ᳚ಣಿ ಮಾ॒ನ್ಯಸ್ಯ॑ ಕಾ॒ರೋಃ |
ವಿ॒ದ್ಯಾಮ॒ ವಸ್ತೋ॒ರವ॑ಸಾ ಗೃ॒ಣ‌ನ್ತೋ᳚ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.177.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಯದ್ಧ॒ ಸ್ಯಾ ತ॑ ಇಂದ್ರ ಶ್ರು॒ಷ್ಟಿರಸ್ತಿ॒ ಯಯಾ᳚ ಬ॒ಭೂಥ॑ ಜರಿ॒ತೃಭ್ಯ॑ ಊ॒ತೀ |
ಮಾ ನಃ॒ ಕಾಮಂ᳚ ಮ॒ಹಯ᳚‌ನ್ತ॒ಮಾ ಧ॒ಗ್ವಿಶ್ವಾ᳚ ತೇ ಅಶ್ಯಾಂ॒ ಪರ್ಯಾಪ॑ ಆ॒ಯೋಃ || 1.178.1
ನ ಘಾ॒ ರಾಜೇಂದ್ರ॒ ಆ ದ॑ಭನ್ನೋ॒ ಯಾ ನು ಸ್ವಸಾ᳚ರಾ ಕೃ॒ಣವ᳚‌ನ್ತ॒ ಯೋನೌ᳚ |
ಆಪ॑ಶ್ಚಿದಸ್ಮೈ ಸು॒ತುಕಾ᳚ ಅವೇಷ॒ನ್ಗಮ᳚ನ್ನ॒ ಇಂದ್ರಃ॑ ಸ॒ಖ್ಯಾ ವಯ॑ಶ್ಚ || 1.178.2
ಜೇತಾ॒ ನೃಭಿ॒ರಿಂದ್ರಃ॑ ಪೃ॒ತ್ಸು ಶೂರಃ॒ ಶ್ರೋತಾ॒ ಹವಂ॒ ನಾಧ॑ಮಾನಸ್ಯ ಕಾ॒ರೋಃ |
ಪ್ರಭ॑ರ್ತಾ॒ ರಥಂ᳚ ದಾ॒ಶುಷ॑ ಉಪಾ॒ಕ ಉದ್ಯ᳚‌ನ್ತಾ॒ ಗಿರೋ॒ ಯದಿ॑ ಚ॒ ತ್ಮನಾ॒ ಭೂತ್ || 1.178.3
ಏ॒ವಾ ನೃಭಿ॒ರಿಂದ್ರಃ॑ ಸುಶ್ರವ॒ಸ್ಯಾ ಪ್ರ॑ಖಾ॒ದಃ ಪೃ॒ಕ್ಷೋ ಅ॒ಭಿ ಮಿ॒ತ್ರಿಣೋ᳚ ಭೂತ್ |
ಸ॒ಮ॒ರ್ಯ ಇ॒ಷಃ ಸ್ತ॑ವತೇ॒ ವಿವಾ᳚ಚಿ ಸತ್ರಾಕ॒ರೋ ಯಜ॑ಮಾನಸ್ಯ॒ ಶಂಸಃ॑ || 1.178.4
ತ್ವಯಾ᳚ ವ॒ಯಂ ಮ॑ಘವನ್ನಿಂದ್ರ॒ ಶತ್ರೂ᳚ನ॒ಭಿ ಷ್ಯಾ᳚ಮ ಮಹ॒ತೋ ಮನ್ಯ॑ಮಾನಾನ್ |
ತ್ವಂ ತ್ರಾ॒ತಾ ತ್ವಮು॑ ನೋ ವೃ॒ಧೇ ಭೂ᳚ರ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.178.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ (1-2) ಪ್ರಥಮಾದ್ವಿತೀಯಯೋರೃಚೋರ್ಲೋಪಾಮುದ್ರಾ ಋಷಿಕಾ (3-4) ತೃತೀಯಾಚತುರ್ಯೋಮ! ವರುಣಿರಗಸ್ತ್ಯಃ (5-6) ಪಂಚಮೀಷಷ್ಠ್ಯೋಶ್ಚಾಗಸ್ತ್ಯಾಂತೇವಾಸೀ ಬ್ರಹ್ಮಚಾರೀ ಋಷೀ ರತಿದೇವತಾ (1-4, 6) ಪ್ರಥಮಾದಿಚತುರೃಚ, ಷಷ್ಠ್ಯಾಶ್ಚ ತ್ರಿಷ್ಟುಪ್ (5) ಪಂಚಮ್ಯಾಶ್ಚ ಬೃಹತೀ ಛಂದಸೀ

ಪೂ॒ರ್ವೀರ॒ಹಂ ಶ॒ರದಃ॑ ಶಶ್ರಮಾ॒ಣಾ ದೋ॒ಷಾ ವಸ್ತೋ᳚ರು॒ಷಸೋ᳚ ಜ॒ರಯ᳚‌ನ್ತೀಃ |
ಮಿ॒ನಾತಿ॒ ಶ್ರಿಯಂ᳚ ಜರಿ॒ಮಾ ತ॒ನೂನಾ॒ಮಪ್ಯೂ॒ ನು ಪತ್ನೀ॒ರ್ವೃಷ॑ಣೋ ಜಗಮ್ಯುಃ || 1.179.1
ಯೇ ಚಿ॒ದ್ಧಿ ಪೂರ್ವ॑ ಋತ॒ಸಾಪ॒ ಆಸ᳚‌‌ನ್ತ್ಸಾ॒ಕಂ ದೇ॒ವೇಭಿ॒ರವ॑ದನ್ನೃ॒ತಾನಿ॑ |
ತೇ ಚಿ॒ದವಾ᳚ಸುರ್ನ॒ಹ್ಯ‌ನ್ತ॑ಮಾ॒ಪುಃ ಸಮೂ॒ ನು ಪತ್ನೀ॒ರ್ವೃಷ॑ಭಿರ್ಜಗಮ್ಯುಃ || 1.179.2
ನ ಮೃಷಾ᳚ ಶ್ರಾ॒‌ನ್ತಂ ಯದವ᳚‌ನ್ತಿ ದೇ॒ವಾ ವಿಶ್ವಾ॒ ಇತ್ಸ್ಪೃಧೋ᳚ ಅ॒ಭ್ಯ॑ಶ್ನವಾವ |
ಜಯಾ॒ವೇದತ್ರ॑ ಶ॒ತನೀ᳚ಥಮಾ॒ಜಿಂ ಯತ್ಸ॒ಮ್ಯಂಚಾ᳚ ಮಿಥು॒ನಾವ॒ಭ್ಯಜಾ᳚ವ || 1.179.3
ನ॒ದಸ್ಯ॑ ಮಾ ರುಧ॒ತಃ ಕಾಮ॒ ಆಗ᳚ನ್ನಿ॒ತ ಆಜಾ᳚ತೋ ಅ॒ಮುತಃ॒ ಕುತ॑ಶ್ಚಿತ್ |
ಲೋಪಾ᳚ಮುದ್ರಾ॒ ವೃಷ॑ಣಂ॒ ನೀ ರಿ॑ಣಾತಿ॒ ಧೀರ॒ಮಧೀ᳚ರಾ ಧಯತಿ ಶ್ವ॒ಸ‌ನ್ತ‌ಮ್᳚ || 1.179.4
ಇ॒ಮಂ ನು ಸೋಮ॒ಮ‌ನ್ತಿ॑ತೋ ಹೃ॒ತ್ಸು ಪೀ॒ತಮುಪ॑ ಬ್ರುವೇ |
ಯತ್ಸೀ॒ಮಾಗ॑ಶ್ಚಕೃ॒ಮಾ ತತ್ಸು ಮೃ॑ಳತು ಪುಲು॒ಕಾಮೋ॒ ಹಿ ಮರ್ತ್ಯಃ॑ || 1.179.5
ಅ॒ಗಸ್ತ್ಯಃ॒ ಖನ॑ಮಾನಃ ಖ॒ನಿತ್ರೈಃ᳚ ಪ್ರ॒ಜಾಮಪ॑ತ್ಯಂ॒ ಬಲ॑ಮಿ॒ಚ್ಛಮಾ᳚ನಃ |
ಉ॒ಭೌ ವರ್ಣಾ॒ವೃಷಿ॑ರು॒ಗ್ರಃ ಪು॑ಪೋಷ ಸ॒ತ್ಯಾ ದೇ॒ವೇಷ್ವಾ॒ಶಿಷೋ᳚ ಜಗಾಮ || 1.179.6

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅಶ್ವಿನೌ ದೇವತೇ ತ್ರಿಷ್ಟುಪ್ ಛಂದಃ

ಯು॒ವೋ ರಜಾಂ᳚ಸಿ ಸು॒ಯಮಾ᳚ಸೋ॒ ಅಶ್ವಾ॒ ರಥೋ॒ ಯದ್ವಾಂ॒ ಪರ್ಯರ್ಣಾಂ᳚ಸಿ॒ ದೀಯ॑ತ್ |
ಹಿ॒ರ॒ಣ್ಯಯಾ᳚ ವಾಂ ಪ॒ವಯಃ॑ ಪ್ರುಷಾಯ॒ನ್ಮಧ್ವಃ॒ ಪಿಬ᳚‌ನ್ತಾ ಉ॒ಷಸಃ॑ ಸಚೇಥೇ || 1.180.1
ಯು॒ವಮತ್ಯ॒ಸ್ಯಾವ॑ ನಕ್ಷಥೋ॒ ಯದ್ವಿಪ॑ತ್ಮನೋ॒ ನರ್ಯ॑ಸ್ಯ॒ ಪ್ರಯ॑ಜ್ಯೋಃ |
ಸ್ವಸಾ॒ ಯದ್ವಾಂ᳚ ವಿಶ್ವಗೂರ್ತೀ॒ ಭರಾ᳚ತಿ॒ ವಾಜಾ॒ಯೇಟ್ಟೇ᳚ ಮಧುಪಾವಿ॒ಷೇ ಚ॑ || 1.180.2
ಯು॒ವಂ ಪಯ॑ ಉ॒ಸ್ರಿಯಾ᳚ಯಾಮಧತ್ತಂ ಪ॒ಕ್ವಮಾ॒ಮಾಯಾ॒ಮವ॒ ಪೂರ್ವ್ಯಂ॒ ಗೋಃ |
ಅ॒‌ನ್ತರ್ಯದ್ವ॒ನಿನೋ᳚ ವಾಮೃತಪ್ಸೂ ಹ್ವಾ॒ರೋ ನ ಶುಚಿ॒ರ್ಯಜ॑ತೇ ಹ॒ವಿಷ್ಮಾನ್॑ || 1.180.3
ಯು॒ವಂ ಹ॑ ಘ॒ರ್ಮಂ ಮಧು॑ಮ‌ನ್ತ॒ಮತ್ರ॑ಯೇ॒ಽಪೋ ನ ಕ್ಷೋದೋ᳚ಽವೃಣೀತಮೇ॒ಷೇ |
ತದ್ವಾಂ᳚ ನರಾವಶ್ವಿನಾ॒ ಪಶ್ವ॑‌ಇಷ್ಟೀ॒ ರಥ್ಯೇ᳚ವ ಚ॒ಕ್ರಾ ಪ್ರತಿ॑ ಯ‌ನ್ತಿ॒ ಮಧ್ವಃ॑ || 1.180.4
ಆ ವಾಂ᳚ ದಾ॒ನಾಯ॑ ವವೃತೀಯ ದಸ್ರಾ॒ ಗೋರೋಹೇ᳚ಣ ತೌ॒ಗ್ರ್ಯೋ ನ ಜಿವ್ರಿಃ॑ |
ಅ॒ಪಃ ಕ್ಷೋ॒ಣೀ ಸ॑ಚತೇ॒ ಮಾಹಿ॑ನಾ ವಾಂ ಜೂ॒ರ್ಣೋ ವಾ॒ಮಕ್ಷು॒ರಂಹ॑ಸೋ ಯಜತ್ರಾ || 1.180.5
ನಿ ಯದ್ಯು॒ವೇಥೇ᳚ ನಿ॒ಯುತಃ॑ ಸುದಾನೂ॒ ಉಪ॑ ಸ್ವ॒ಧಾಭಿಃ॑ ಸೃಜಥಃ॒ ಪುರಂ᳚ಧಿ‌ಮ್ |
ಪ್ರೇಷ॒ದ್ವೇಷ॒ದ್ವಾತೋ॒ ನ ಸೂ॒ರಿರಾ ಮ॒ಹೇ ದ॑ದೇ ಸುವ್ರ॒ತೋ ನ ವಾಜ‌ಮ್᳚ || 1.180.6
ವ॒ಯಂ ಚಿ॒ದ್ಧಿ ವಾಂ᳚ ಜರಿ॒ತಾರಃ॑ ಸ॒ತ್ಯಾ ವಿ॑ಪ॒ನ್ಯಾಮ॑ಹೇ॒ ವಿ ಪ॒ಣಿರ್ಹಿ॒ತಾವಾನ್॑ |
ಅಧಾ᳚ ಚಿ॒ದ್ಧಿ ಷ್ಮಾ᳚ಶ್ವಿನಾವನಿಂದ್ಯಾ ಪಾ॒ಥೋ ಹಿ ಷ್ಮಾ᳚ ವೃಷಣಾ॒ವ‌ನ್ತಿ॑ದೇವ‌ಮ್ || 1.180.7
ಯು॒ವಾಂ ಚಿ॒ದ್ಧಿ ಷ್ಮಾ᳚ಶ್ವಿನಾ॒ವನು॒ ದ್ಯೂನ್ವಿರು॑ದ್ರಸ್ಯ ಪ್ರ॒ಸ್ರವ॑ಣಸ್ಯ ಸಾ॒ತೌ |
ಅ॒ಗಸ್ತ್ಯೋ᳚ ನ॒ರಾಂ ನೃಷು॒ ಪ್ರಶ॑ಸ್ತಃ॒ ಕಾರಾ᳚ಧುನೀವ ಚಿತಯತ್ಸ॒ಹಸ್ರೈಃ᳚ || 1.180.8
ಪ್ರ ಯದ್ವಹೇ᳚ಥೇ ಮಹಿ॒ನಾ ರಥ॑ಸ್ಯ॒ ಪ್ರ ಸ್ಯಂ᳚ದ್ರಾ ಯಾಥೋ॒ ಮನು॑ಷೋ॒ ನ ಹೋತಾ᳚ |
ಧ॒ತ್ತಂ ಸೂ॒ರಿಭ್ಯ॑ ಉ॒ತ ವಾ॒ ಸ್ವಶ್ವ್ಯಂ॒ ನಾಸ॑ತ್ಯಾ ರಯಿ॒ಷಾಚಃ॑ ಸ್ಯಾಮ || 1.180.9
ತಂ ವಾಂ॒ ರಥಂ᳚ ವ॒ಯಮ॒ದ್ಯಾ ಹು॑ವೇಮ॒ ಸ್ತೋಮೈ᳚ರಶ್ವಿನಾ ಸುವಿ॒ತಾಯ॒ ನವ್ಯ‌ಮ್᳚ |
ಅರಿ॑ಷ್ಟನೇಮಿಂ॒ ಪರಿ॒ ದ್ಯಾಮಿ॑ಯಾ॒ನಂ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.180.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅಶ್ವಿನೌ ದೇವತೇ ತ್ರಿಷ್ಟುಪ್ ಛಂದಃ

ಕದು॒ ಪ್ರೇಷ್ಟಾ᳚ವಿ॒ಷಾಂ ರ॑ಯೀ॒ಣಾಮ॑ಧ್ವ॒ರ್ಯ‌ನ್ತಾ॒ ಯದು᳚ನ್ನಿನೀ॒ಥೋ ಅ॒ಪಾ‌ಮ್ |
ಅ॒ಯಂ ವಾಂ᳚ ಯ॒ಜ್ಞೋ ಅ॑ಕೃತ॒ ಪ್ರಶ॑ಸ್ತಿಂ॒ ವಸು॑ಧಿತೀ॒ ಅವಿ॑ತಾರಾ ಜನಾನಾ‌ಮ್ || 1.181.1
ಆ ವಾ॒ಮಶ್ವಾ᳚ಸಃ॒ ಶುಚ॑ಯಃ ಪಯ॒ಸ್ಪಾ ವಾತ॑ರಂಹಸೋ ದಿ॒ವ್ಯಾಸೋ॒ ಅತ್ಯಾಃ᳚ |
ಮ॒ನೋ॒ಜುವೋ॒ ವೃಷ॑ಣೋ ವೀ॒ತಪೃ॑ಷ್ಠಾ॒ ಏಹ ಸ್ವ॒ರಾಜೋ᳚ ಅ॒ಶ್ವಿನಾ᳚ ವಹ‌ನ್ತು || 1.181.2
ಆ ವಾಂ॒ ರಥೋ॒ಽವನಿ॒ರ್ನ ಪ್ರ॒ವತ್ವಾ᳚‌‌ನ್ತ್ಸೃ॒ಪ್ರವಂ᳚ಧುರಃ ಸುವಿ॒ತಾಯ॑ ಗಮ್ಯಾಃ |
ವೃಷ್ಣಃ॑ ಸ್ಥಾತಾರಾ॒ ಮನ॑ಸೋ॒ ಜವೀ᳚ಯಾನಹಂಪೂ॒ರ್ವೋ ಯ॑ಜ॒ತೋ ಧಿ॑ಷ್ಣ್ಯಾ॒ ಯಃ || 1.181.3
ಇ॒ಹೇಹ॑ ಜಾ॒ತಾ ಸಮ॑ವಾವಶೀತಾಮರೇ॒ಪಸಾ᳚ ತ॒ನ್ವಾ॒3॒॑ ನಾಮ॑ಭಿಃ॒ ಸ್ವೈಃ |
ಜಿ॒ಷ್ಣುರ್ವಾ᳚ಮ॒ನ್ಯಃ ಸುಮ॑ಖಸ್ಯ ಸೂ॒ರಿರ್ದಿ॒ವೋ ಅ॒ನ್ಯಃ ಸು॒ಭಗಃ॑ ಪು॒ತ್ರ ಊ᳚ಹೇ || 1.181.4
ಪ್ರ ವಾಂ᳚ ನಿಚೇ॒ರುಃ ಕ॑ಕು॒ಹೋ ವಶಾಁ॒ ಅನು॑ ಪಿ॒ಶಂಗ॑ರೂಪಃ॒ ಸದ॑ನಾನಿ ಗಮ್ಯಾಃ |
ಹರೀ᳚ ಅ॒ನ್ಯಸ್ಯ॑ ಪೀ॒ಪಯ᳚‌ನ್ತ॒ ವಾಜೈ᳚ರ್ಮ॒ಥ್ರಾ ರಜಾಂ᳚ಸ್ಯಶ್ವಿನಾ॒ ವಿ ಘೋಷೈಃ᳚ || 1.181.5
ಪ್ರ ವಾಂ᳚ ಶ॒ರದ್ವಾ᳚ನ್ವೃಷ॒ಭೋ ನ ನಿ॒ಷ್ಷಾಟ್ ಪೂ॒ರ್ವೀರಿಷ॑ಶ್ಚರತಿ॒ ಮಧ್ವ॑ ಇ॒ಷ್ಣನ್ |
ಏವೈ᳚ರ॒ನ್ಯಸ್ಯ॑ ಪೀ॒ಪಯ᳚‌ನ್ತ॒ ವಾಜೈ॒ರ್ವೇಷ᳚‌ನ್ತೀರೂ॒ರ್ಧ್ವಾ ನ॒ದ್ಯೋ᳚ ನ॒ ಆಗುಃ॑ || 1.181.6
ಅಸ॑ರ್ಜಿ ವಾಂ॒ ಸ್ಥವಿ॑ರಾ ವೇಧಸಾ॒ ಗೀರ್ಬಾ॒ಳ್ಹೇ ಅ॑ಶ್ವಿನಾ ತ್ರೇ॒ಧಾ ಕ್ಷರ᳚‌ನ್ತೀ |
ಉಪ॑ಸ್ತುತಾವವತಂ॒ ನಾಧ॑ಮಾನಂ॒ ಯಾಮ॒ನ್ನಯಾ᳚ಮಂಛೃಣುತಂ॒ ಹವಂ᳚ ಮೇ || 1.181.7
ಉ॒ತ ಸ್ಯಾ ವಾಂ॒ ರುಶ॑ತೋ॒ ವಪ್ಸ॑ಸೋ॒ ಗೀಸ್ತ್ರಿ॑ಬ॒ರ್ಹಿಷಿ॒ ಸದ॑ಸಿ ಪಿನ್ವತೇ॒ ನೄನ್ |
ವೃಷಾ᳚ ವಾಂ ಮೇ॒ಘೋ ವೃ॑ಷಣಾ ಪೀಪಾಯ॒ ಗೋರ್ನ ಸೇಕೇ॒ ಮನು॑ಷೋ ದಶ॒ಸ್ಯನ್ || 1.181.8
ಯು॒ವಾಂ ಪೂ॒ಷೇವಾ᳚ಶ್ವಿನಾ॒ ಪುರಂ᳚ಧಿರ॒ಗ್ನಿಮು॒ಷಾಂ ನ ಜ॑ರತೇ ಹ॒ವಿಷ್ಮಾನ್॑ |
ಹು॒ವೇ ಯದ್ವಾಂ᳚ ವರಿವ॒ಸ್ಯಾ ಗೃ॑ಣಾ॒ನೋ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.181.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅಶ್ವಿನೌ ದೇವತೇ (15, 7) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾಶ್ಚ ಜಗತೀ (6, 8) ಷಷ್ಠ್ಯಷ್ಟಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಅಭೂ᳚ದಿ॒ದಂ ವ॒ಯುನ॒ಮೋ ಷು ಭೂ᳚ಷತಾ॒ ರಥೋ॒ ವೃಷ᳚ಣ್ವಾ॒ನ್ಮದ॑ತಾ ಮನೀಷಿಣಃ |
ಧಿ॒ಯಂ॒ಜಿ॒ನ್ವಾ ಧಿಷ್ಣ್ಯಾ᳚ ವಿ॒ಶ್ಪಲಾ᳚ವಸೂ ದಿ॒ವೋ ನಪಾ᳚ತಾ ಸು॒ಕೃತೇ॒ ಶುಚಿ᳚ವ್ರತಾ || 1.182.1
ಇಂದ್ರ॑ತಮಾ॒ ಹಿ ಧಿಷ್ಣ್ಯಾ᳚ ಮ॒ರುತ್ತ॑ಮಾ ದ॒ಸ್ರಾ ದಂಸಿ॑ಷ್ಠಾ ರ॒ಥ್ಯಾ᳚ ರ॒ಥೀತ॑ಮಾ |
ಪೂ॒ರ್ಣಂ ರಥಂ᳚ ವಹೇಥೇ॒ ಮಧ್ವ॒ ಆಚಿ॑ತಂ॒ ತೇನ॑ ದಾ॒ಶ್ವಾಂಸ॒ಮುಪ॑ ಯಾಥೋ ಅಶ್ವಿನಾ || 1.182.2
ಕಿಮತ್ರ॑ ದಸ್ರಾ ಕೃಣುಥಃ॒ ಕಿಮಾ᳚ಸಾಥೇ॒ ಜನೋ॒ ಯಃ ಕಶ್ಚಿ॒ದಹ॑ವಿರ್ಮಹೀ॒ಯತೇ᳚ |
ಅತಿ॑ ಕ್ರಮಿಷ್ಟಂ ಜು॒ರತಂ᳚ ಪ॒ಣೇರಸುಂ॒ ಜ್ಯೋತಿ॒ರ್ವಿಪ್ರಾ᳚ಯ ಕೃಣುತಂ ವಚ॒ಸ್ಯವೇ᳚ || 1.182.3
ಜಂ॒ಭಯ॑ತಮ॒ಭಿತೋ॒ ರಾಯ॑ತಃ॒ ಶುನೋ᳚ ಹ॒ತಂ ಮೃಧೋ᳚ ವಿ॒ದಥು॒ಸ್ತಾನ್ಯ॑ಶ್ವಿನಾ |
ವಾಚಂ᳚ವಾಚಂ ಜರಿ॒ತೂ ರ॒ತ್ನಿನೀಂ᳚ ಕೃತಮು॒ಭಾ ಶಂಸಂ᳚ ನಾಸತ್ಯಾವತಂ॒ ಮಮ॑ || 1.182.4
ಯು॒ವಮೇ॒ತಂ ಚ॑ಕ್ರಥುಃ॒ ಸಿಂಧು॑ಷು ಪ್ಲ॒ವಮಾ᳚ತ್ಮ॒ನ್ವ‌ನ್ತಂ᳚ ಪ॒ಕ್ಷಿಣಂ᳚ ತೌ॒ಗ್ರ್ಯಾಯ॒ ಕ‌ಮ್ |
ಯೇನ॑ ದೇವ॒ತ್ರಾ ಮನ॑ಸಾ ನಿರೂ॒ಹಥುಃ॑ ಸುಪಪ್ತ॒ನೀ ಪೇ᳚ತಥುಃ॒ ಕ್ಷೋದ॑ಸೋ ಮ॒ಹಃ || 1.182.5
ಅವ॑ವಿದ್ಧಂ ತೌ॒ಗ್ರ್ಯಮ॒ಪ್ಸ್ವ1॒᳚‌ನ್ತರ॑ನಾರಂಭ॒ಣೇ ತಮ॑ಸಿ॒ ಪ್ರವಿ॑ದ್ಧ‌ಮ್ |
ಚತ॑ಸ್ರೋ॒ ನಾವೋ॒ ಜಠ॑ಲಸ್ಯ॒ ಜುಷ್ಟಾ॒ ಉದ॒ಶ್ವಿಭ್ಯಾ᳚ಮಿಷಿ॒ತಾಃ ಪಾ᳚ರಯ‌ನ್ತಿ || 1.182.6
ಕಃ ಸ್ವಿ॑ದ್ವೃ॒ಕ್ಷೋ ನಿಷ್ಠಿ॑ತೋ॒ ಮಧ್ಯೇ॒ ಅರ್ಣ॑ಸೋ॒ ಯಂ ತೌ॒ಗ್ರ್ಯೋ ನಾ᳚ಧಿ॒ತಃ ಪ॒ರ್ಯಷ॑ಸ್ವಜತ್ |
ಪ॒ರ್ಣಾ ಮೃ॒ಗಸ್ಯ॑ ಪ॒ತರೋ᳚ರಿವಾ॒ರಭ॒ ಉದ॑ಶ್ವಿನಾ ಊಹಥುಃ॒ ಶ್ರೋಮ॑ತಾಯ॒ ಕ‌ಮ್ || 1.182.7
ತದ್ವಾಂ᳚ ನರಾ ನಾಸತ್ಯಾ॒ವನು॑ ಷ್ಯಾ॒ದ್ಯದ್ವಾಂ॒ ಮಾನಾ᳚ಸ ಉ॒ಚಥ॒ಮವೋ᳚ಚನ್ |
ಅ॒ಸ್ಮಾದ॒ದ್ಯ ಸದ॑ಸಃ ಸೋ॒ಮ್ಯಾದಾ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.182.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅಶ್ವಿನೌ ದೇವತೇ ತ್ರಿಷ್ಟುಪ್ ಛಂದಃ

ತಂ ಯುಂ᳚ಜಾಥಾಂ॒ ಮನ॑ಸೋ॒ ಯೋ ಜವೀ᳚ಯಾ‌ನ್ತ್ರಿವಂಧು॒ರೋ ವೃ॑ಷಣಾ॒ ಯಸ್ತ್ರಿ॑ಚ॒ಕ್ರಃ |
ಯೇನೋ᳚ಪಯಾ॒ಥಃ ಸು॒ಕೃತೋ᳚ ದುರೋ॒ಣಂ ತ್ರಿ॒ಧಾತು॑ನಾ ಪತಥೋ॒ ವಿರ್ನ ಪ॒ರ್ಣೈಃ || 1.183.1
ಸು॒ವೃದ್ರಥೋ᳚ ವರ್ತತೇ॒ ಯನ್ನ॒ಭಿ ಕ್ಷಾಂ ಯತ್ತಿಷ್ಠ॑ಥಃ॒ ಕ್ರತು॑ಮ॒‌ನ್ತಾನು॑ ಪೃ॒ಕ್ಷೇ |
ವಪು᳚ರ್ವಪು॒ಷ್ಯಾ ಸ॑ಚತಾಮಿ॒ಯಂ ಗೀರ್ದಿ॒ವೋ ದು॑ಹಿ॒ತ್ರೋಷಸಾ᳚ ಸಚೇಥೇ || 1.183.2
ಆ ತಿ॑ಷ್ಠತಂ ಸು॒ವೃತಂ॒ ಯೋ ರಥೋ᳚ ವಾ॒ಮನು᳚ ವ್ರ॒ತಾನಿ॒ ವರ್ತ॑ತೇ ಹ॒ವಿಷ್ಮಾನ್॑ |
ಯೇನ॑ ನರಾ ನಾಸತ್ಯೇಷ॒ಯಧ್ಯೈ᳚ ವ॒ರ್ತಿರ್ಯಾ॒ಥಸ್ತನ॑ಯಾಯ॒ ತ್ಮನೇ᳚ ಚ || 1.183.3
ಮಾ ವಾಂ॒ ವೃಕೋ॒ ಮಾ ವೃ॒ಕೀರಾ ದ॑ಧರ್ಷೀ॒ನ್ಮಾ ಪರಿ॑ ವರ್ಕ್ತಮು॒ತ ಮಾತಿ॑ ಧಕ್ತ‌ಮ್ |
ಅ॒ಯಂ ವಾಂ᳚ ಭಾ॒ಗೋ ನಿಹಿ॑ತ ಇ॒ಯಂ ಗೀರ್ದಸ್ರಾ᳚ವಿ॒ಮೇ ವಾಂ᳚ ನಿ॒ಧಯೋ॒ ಮಧೂ᳚ನಾ‌ಮ್ || 1.183.4
ಯು॒ವಾಂ ಗೋತ॑ಮಃ ಪುರುಮೀ॒ಳ್ಹೋ ಅತ್ರಿ॒ರ್ದಸ್ರಾ॒ ಹವ॒ತೇಽವ॑ಸೇ ಹ॒ವಿಷ್ಮಾನ್॑ |
ದಿಶಂ॒ ನ ದಿ॒ಷ್ಟಾಮೃ॑ಜೂ॒ಯೇವ॒ ಯ‌ನ್ತಾ ಮೇ॒ ಹವಂ᳚ ನಾಸ॒ತ್ಯೋಪ॑ ಯಾತ‌ಮ್ || 1.183.5
ಅತಾ᳚ರಿಷ್ಮ॒ ತಮ॑ಸಸ್ಪಾ॒ರಮ॒ಸ್ಯ ಪ್ರತಿ॑ ವಾಂ॒ ಸ್ತೋಮೋ᳚ ಅಶ್ವಿನಾವಧಾಯಿ |
ಏಹ ಯಾ᳚ತಂ ಪ॒ಥಿಭಿ॑ರ್ದೇವ॒ಯಾನೈ᳚ರ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.183.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅಶ್ವಿನೌ ದೇವತೇ ತ್ರಿಷ್ಟುಪ್ ಛಂದಃ

ತಾ ವಾ᳚ಮ॒ದ್ಯ ತಾವ॑ಪ॒ರಂ ಹು॑ವೇಮೋ॒ಚ್ಛ‌ನ್ತ್ಯಾ᳚ಮು॒ಷಸಿ॒ ವಹ್ನಿ॑ರು॒ಕ್ಥೈಃ |
ನಾಸ॑ತ್ಯಾ॒ ಕುಹ॑ ಚಿ॒ತ್ಸ‌ನ್ತಾ᳚ವ॒ರ್ಯೋ ದಿ॒ವೋ ನಪಾ᳚ತಾ ಸು॒ದಾಸ್ತ॑ರಾಯ || 1.184.1
ಅ॒ಸ್ಮೇ ಊ॒ ಷು ವೃ॑ಷಣಾ ಮಾದಯೇಥಾ॒ಮುತ್ಪ॒ಣೀಁರ್ಹ॑ತಮೂ॒ರ್ಮ್ಯಾ ಮದ᳚‌ನ್ತಾ |
ಶ್ರು॒ತಂ ಮೇ॒ ಅಚ್ಛೋ᳚ಕ್ತಿಭಿರ್ಮತೀ॒ನಾಮೇಷ್ಟಾ᳚ ನರಾ॒ ನಿಚೇ᳚ತಾರಾ ಚ॒ ಕರ್ಣೈಃ᳚ || 1.184.2
ಶ್ರಿ॒ಯೇ ಪೂ᳚ಷನ್ನಿಷು॒ಕೃತೇ᳚ವ ದೇ॒ವಾ ನಾಸ॑ತ್ಯಾ ವಹ॒ತುಂ ಸೂ॒ರ್ಯಾಯಾಃ᳚ |
ವ॒ಚ್ಯ‌ನ್ತೇ᳚ ವಾಂ ಕಕು॒ಹಾ ಅ॒ಪ್ಸು ಜಾ॒ತಾ ಯು॒ಗಾ ಜೂ॒ರ್ಣೇವ॒ ವರು॑ಣಸ್ಯ॒ ಭೂರೇಃ᳚ || 1.184.3
ಅ॒ಸ್ಮೇ ಸಾ ವಾಂ᳚ ಮಾಧ್ವೀ ರಾ॒ತಿರ॑ಸ್ತು॒ ಸ್ತೋಮಂ᳚ ಹಿನೋತಂ ಮಾ॒ನ್ಯಸ್ಯ॑ ಕಾ॒ರೋಃ |
ಅನು॒ ಯದ್ವಾಂ᳚ ಶ್ರವ॒ಸ್ಯಾ᳚ ಸುದಾನೂ ಸು॒ವೀರ್ಯಾ᳚ಯ ಚರ್ಷ॒ಣಯೋ॒ ಮದ᳚‌ನ್ತಿ || 1.184.4
ಏ॒ಷ ವಾಂ॒ ಸ್ತೋಮೋ᳚ ಅಶ್ವಿನಾವಕಾರಿ॒ ಮಾನೇ᳚ಭಿರ್ಮಘವಾನಾ ಸುವೃ॒ಕ್ತಿ |
ಯಾ॒ತಂ ವ॒ರ್ತಿಸ್ತನ॑ಯಾಯ॒ ತ್ಮನೇ᳚ ಚಾ॒ಗಸ್ತ್ಯೇ᳚ ನಾಸತ್ಯಾ॒ ಮದ᳚‌ನ್ತಾ || 1.184.5
ಅತಾ᳚ರಿಷ್ಮ॒ ತಮ॑ಸಸ್ಪಾ॒ರಮ॒ಸ್ಯ ಪ್ರತಿ॑ ವಾಂ॒ ಸ್ತೋಮೋ᳚ ಅಶ್ವಿನಾವಧಾಯಿ |
ಏಹ ಯಾ᳚ತಂ ಪ॒ಥಿಭಿ॑ರ್ದೇವ॒ಯಾನೈ᳚ರ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.184.6

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ದ್ಯಾವಾಪೃಥಿವ್ಯೌ ದೇವತೇ ತ್ರಿಷ್ಟುಪ್ ಛಂದಃ

ಕ॒ತ॒ರಾ ಪೂರ್ವಾ᳚ ಕತ॒ರಾಪ॑ರಾ॒ಯೋಃ ಕ॒ಥಾ ಜಾ॒ತೇ ಕ॑ವಯಃ॒ ಕೋ ವಿ ವೇ᳚ದ |
ವಿಶ್ವಂ॒ ತ್ಮನಾ᳚ ಬಿಭೃತೋ॒ ಯದ್ಧ॒ ನಾಮ॒ ವಿ ವ॑ರ್ತೇತೇ॒ ಅಹ॑ನೀ ಚ॒ಕ್ರಿಯೇ᳚ವ || 1.185.1
ಭೂರಿಂ॒ ದ್ವೇ ಅಚ॑ರ‌ನ್ತೀ॒ ಚರ᳚‌ನ್ತಂ ಪ॒ದ್ವ‌ನ್ತಂ॒ ಗರ್ಭ॑ಮ॒ಪದೀ᳚ ದಧಾತೇ |
ನಿತ್ಯಂ॒ ನ ಸೂ॒ನುಂ ಪಿ॒ತ್ರೋರು॒ಪಸ್ಥೇ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.2
ಅ॒ನೇ॒ಹೋ ದಾ॒ತ್ರಮದಿ॑ತೇರನ॒ರ್ವಂ ಹು॒ವೇ ಸ್ವ᳚ರ್ವದವ॒ಧಂ ನಮ॑ಸ್ವತ್ |
ತದ್ರೋ᳚ದಸೀ ಜನಯತಂ ಜರಿ॒ತ್ರೇ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.3
ಅತ॑ಪ್ಯಮಾನೇ॒ ಅವ॒ಸಾವ᳚‌ನ್ತೀ॒ ಅನು॑ ಷ್ಯಾಮ॒ ರೋದ॑ಸೀ ದೇ॒ವಪು॑ತ್ರೇ |
ಉ॒ಭೇ ದೇ॒ವಾನಾ᳚ಮು॒ಭಯೇ᳚ಭಿ॒ರಹ್ನಾಂ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.4
ಸಂ॒ಗಚ್ಛ॑ಮಾನೇ ಯುವ॒ತೀ ಸಮ᳚‌ನ್ತೇ॒ ಸ್ವಸಾ᳚ರಾ ಜಾ॒ಮೀ ಪಿ॒ತ್ರೋರು॒ಪಸ್ಥೇ᳚ |
ಅ॒ಭಿ॒ಜಿಘ್ರ᳚‌ನ್ತೀ॒ ಭುವ॑ನಸ್ಯ॒ ನಾಭಿಂ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.5
ಉ॒ರ್ವೀ ಸದ್ಮ॑ನೀ ಬೃಹ॒ತೀ ಋ॒ತೇನ॑ ಹು॒ವೇ ದೇ॒ವಾನಾ॒ಮವ॑ಸಾ॒ ಜನಿ॑ತ್ರೀ |
ದ॒ಧಾತೇ॒ ಯೇ ಅ॒ಮೃತಂ᳚ ಸು॒ಪ್ರತೀ᳚ಕೇ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.6
ಉ॒ರ್ವೀ ಪೃ॒ಥ್ವೀ ಬ॑ಹು॒ಲೇ ದೂ॒ರೇಅ᳚‌ನ್ತೇ॒ ಉಪ॑ ಬ್ರುವೇ॒ ನಮ॑ಸಾ ಯ॒ಜ್ಞೇ ಅ॒ಸ್ಮಿನ್ |
ದ॒ಧಾತೇ॒ ಯೇ ಸು॒ಭಗೇ᳚ ಸು॒ಪ್ರತೂ᳚ರ್ತೀ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.7
ದೇ॒ವಾನ್ವಾ॒ ಯಚ್ಚ॑ಕೃ॒ಮಾ ಕಚ್ಚಿ॒ದಾಗಃ॒ ಸಖಾ᳚ಯಂ ವಾ॒ ಸದ॒ಮಿಜ್ಜಾಸ್ಪ॑ತಿಂ ವಾ |
ಇ॒ಯಂ ಧೀರ್ಭೂ᳚ಯಾ ಅವ॒ಯಾನ॑ಮೇಷಾಂ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ᳚ತ್ || 1.185.8
ಉ॒ಭಾ ಶಂಸಾ॒ ನರ್ಯಾ॒ ಮಾಮ॑ವಿಷ್ಟಾಮು॒ಭೇ ಮಾಮೂ॒ತೀ ಅವ॑ಸಾ ಸಚೇತಾ‌ಮ್ |
ಭೂರಿ॑ ಚಿದ॒ರ್ಯಃ ಸು॒ದಾಸ್ತ॑ರಾಯೇ॒ಷಾ ಮದ᳚‌ನ್ತ ಇಷಯೇಮ ದೇವಾಃ || 1.185.9
ಋ॒ತಂ ದಿ॒ವೇ ತದ॑ವೋಚಂ ಪೃಥಿ॒ವ್ಯಾ ಅ॑ಭಿಶ್ರಾ॒ವಾಯ॑ ಪ್ರಥ॒ಮಂ ಸು॑ಮೇ॒ಧಾಃ |
ಪಾ॒ತಾಮ॑ವ॒ದ್ಯಾದ್ದು॑ರಿ॒ತಾದ॒ಭೀಕೇ᳚ ಪಿ॒ತಾ ಮಾ॒ತಾ ಚ॑ ರಕ್ಷತಾ॒ಮವೋ᳚ಭಿಃ || 1.185.10
ಇ॒ದಂ ದ್ಯಾ᳚ವಾಪೃಥಿವೀ ಸ॒ತ್ಯಮ॑ಸ್ತು॒ ಪಿತ॒ರ್ಮಾತ॒ರ್ಯದಿ॒ಹೋಪ॑ಬ್ರು॒ವೇ ವಾ᳚‌ಮ್ |
ಭೂ॒ತಂ ದೇ॒ವಾನಾ᳚ಮವ॒ಮೇ ಅವೋ᳚ಭಿರ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.185.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ವಿಶ್ವೇ ದೇವಾ ದೇವತಾಃ ತ್ರಿಷ್ಟುಪ್ ಛಂದಃ

ಆ ನ॒ ಇಳಾ᳚ಭಿರ್ವಿ॒ದಥೇ᳚ ಸುಶ॒ಸ್ತಿ ವಿ॒ಶ್ವಾನ॑ರಃ ಸವಿ॒ತಾ ದೇ॒ವ ಏ᳚ತು |
ಅಪಿ॒ ಯಥಾ᳚ ಯುವಾನೋ॒ ಮತ್ಸ॑ಥಾ ನೋ॒ ವಿಶ್ವಂ॒ ಜಗ॑ದಭಿಪಿ॒ತ್ವೇ ಮ॑ನೀ॒ಷಾ || 1.186.1
ಆ ನೋ॒ ವಿಶ್ವ॒ ಆಸ್ಕ್ರಾ᳚ ಗಮ‌ನ್ತು ದೇ॒ವಾ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣಃ ಸ॒ಜೋಷಾಃ᳚ |
ಭುವ॒ನ್ಯಥಾ᳚ ನೋ॒ ವಿಶ್ವೇ᳚ ವೃ॒ಧಾಸಃ॒ ಕರ᳚‌‌ನ್ತ್ಸು॒ಷಾಹಾ᳚ ವಿಥು॒ರಂ ನ ಶವಃ॑ || 1.186.2
ಪ್ರೇಷ್ಠಂ᳚ ವೋ॒ ಅತಿ॑ಥಿಂ ಗೃಣೀಷೇ॒ಽಗ್ನಿಂ ಶ॒ಸ್ತಿಭಿ॑ಸ್ತು॒ರ್ವಣಿಃ॑ ಸ॒ಜೋಷಾಃ᳚ |
ಅಸ॒ದ್ಯಥಾ᳚ ನೋ॒ ವರು॑ಣಃ ಸುಕೀ॒ರ್ತಿರಿಷ॑ಶ್ಚ ಪರ್ಷದರಿಗೂ॒ರ್ತಃ ಸೂ॒ರಿಃ || 1.186.3
ಉಪ॑ ವ॒ ಏಷೇ॒ ನಮ॑ಸಾ ಜಿಗೀ॒ಷೋಷಾಸಾ॒ನಕ್ತಾ᳚ ಸು॒ದುಘೇ᳚ವ ಧೇ॒ನುಃ |
ಸ॒ಮಾ॒ನೇ ಅಹ᳚ನ್ವಿ॒ಮಿಮಾ᳚ನೋ ಅ॒ರ್ಕಂ ವಿಷು॑ರೂಪೇ॒ ಪಯ॑ಸಿ॒ ಸಸ್ಮಿ॒ನ್ನೂಧನ್॑ || 1.186.4
ಉ॒ತ ನೋಽಹಿ॑ರ್ಬು॒ಧ್ನ್ಯೋ॒3॒॑ ಮಯ॑ಸ್ಕಃ॒ ಶಿಶುಂ॒ ನ ಪಿ॒ಪ್ಯುಷೀ᳚ವ ವೇತಿ॒ ಸಿಂಧುಃ॑ |
ಯೇನ॒ ನಪಾ᳚ತಮ॒ಪಾಂ ಜು॒ನಾಮ॑ ಮನೋ॒ಜುವೋ॒ ವೃಷ॑ಣೋ॒ ಯಂ ವಹ᳚‌ನ್ತಿ || 1.186.5
ಉ॒ತ ನ॑ ಈಂ॒ ತ್ವಷ್ಟಾ ಗ॒‌ನ್ತ್ವಚ್ಛಾ॒ ಸ್ಮತ್ಸೂ॒ರಿಭಿ॑ರಭಿಪಿ॒ತ್ವೇ ಸ॒ಜೋಷಾಃ᳚ |
ಆ ವೃ॑ತ್ರ॒ಹೇಂದ್ರ॑ಶ್ಚರ್ಷಣಿ॒ಪ್ರಾಸ್ತು॒ವಿಷ್ಟ॑ಮೋ ನ॒ರಾಂ ನ॑ ಇ॒ಹ ಗ᳚ಮ್ಯಾಃ || 1.186.6
ಉ॒ತ ನ॑ ಈಂ ಮ॒ತಯೋಽಶ್ವ॑ಯೋಗಾಃ॒ ಶಿಶುಂ॒ ನ ಗಾವ॒ಸ್ತರು॑ಣಂ ರಿಹ‌ನ್ತಿ |
ತಮೀಂ॒ ಗಿರೋ॒ ಜನ॑ಯೋ॒ ನ ಪತ್ನೀಃ᳚ ಸುರ॒ಭಿಷ್ಟ॑ಮಂ ನ॒ರಾಂ ನ॑ಸ‌ನ್ತ || 1.186.7
ಉ॒ತ ನ॑ ಈಂ ಮ॒ರುತೋ᳚ ವೃ॒ದ್ಧಸೇ᳚ನಾಃ॒ ಸ್ಮದ್ರೋದ॑ಸೀ॒ ಸಮ॑ನಸಃ ಸದ‌ನ್ತು |
ಪೃಷ॑ದಶ್ವಾಸೋ॒ಽವನ॑ಯೋ॒ ನ ರಥಾ᳚ ರಿ॒ಶಾದ॑ಸೋ ಮಿತ್ರ॒ಯುಜೋ॒ ನ ದೇ॒ವಾಃ || 1.186.8
ಪ್ರ ನು ಯದೇ᳚ಷಾಂ ಮಹಿ॒ನಾ ಚಿ॑ಕಿ॒ತ್ರೇ ಪ್ರ ಯುಂ᳚ಜತೇ ಪ್ರ॒ಯುಜ॒ಸ್ತೇ ಸು॑ವೃ॒ಕ್ತಿ |
ಅಧ॒ ಯದೇ᳚ಷಾಂ ಸು॒ದಿನೇ॒ ನ ಶರು॒ರ್ವಿಶ್ವ॒ಮೇರಿ॑ಣಂ ಪ್ರುಷಾ॒ಯ‌ನ್ತ॒ ಸೇನಾಃ᳚ || 1.186.9
ಪ್ರೋ ಅ॒ಶ್ವಿನಾ॒ವವ॑ಸೇ ಕೃಣುಧ್ವಂ॒ ಪ್ರ ಪೂ॒ಷಣಂ॒ ಸ್ವತ॑ವಸೋ॒ ಹಿ ಸ‌ನ್ತಿ॑ |
ಅ॒ದ್ವೇ॒ಷೋ ವಿಷ್ಣು॒ರ್ವಾತ॑ ಋಭು॒ಕ್ಷಾ ಅಚ್ಛಾ᳚ ಸು॒ಮ್ನಾಯ॑ ವವೃತೀಯ ದೇ॒ವಾನ್ || 1.186.10
ಇ॒ಯಂ ಸಾ ವೋ᳚ ಅ॒ಸ್ಮೇ ದೀಧಿ॑ತಿರ್ಯಜತ್ರಾ ಅಪಿ॒ಪ್ರಾಣೀ᳚ ಚ॒ ಸದ॑ನೀ ಚ ಭೂಯಾಃ |
ನಿ ಯಾ ದೇ॒ವೇಷು॒ ಯತ॑ತೇ ವಸೂ॒ಯುರ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.186.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅನ್ನಂ ದೇವತಾ (1) ಪ್ರಥಮರ್ಚೋಽನುಷ್ಟ ಗರ್ಭೋಷ್ಣಿಕ್ (3, 5-7, 11) ತೃತೀಯಾಯಾಃ ಪಂಚಮ್ಯಾದಿತೃಚಸ್ಯೈಕಾದಶ್ಯಾಶ್ಚಾನುಷ್ಟಪು(11) ಏಕಾದಶ್ಯಾ ಬೃಹತೀ ವಾ (2, 4, 8-10) ದ್ವಿತೀಯಾಚತುರ್ಯೋರಷ್ಟಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸ್ಇ

ಪಿ॒ತುಂ ನು ಸ್ತೋ᳚ಷಂ ಮ॒ಹೋ ಧ॒ರ್ಮಾಣಂ॒ ತವಿ॑ಷೀ‌ಮ್ |
ಯಸ್ಯ॑ ತ್ರಿ॒ತೋ ವ್ಯೋಜ॑ಸಾ ವೃ॒ತ್ರಂ ವಿಪ᳚ರ್ವಮ॒ರ್ದಯ॑ತ್ || 1.187.1
ಸ್ವಾದೋ᳚ ಪಿತೋ॒ ಮಧೋ᳚ ಪಿತೋ ವ॒ಯಂ ತ್ವಾ᳚ ವವೃಮಹೇ |
ಅ॒ಸ್ಮಾಕ॑ಮವಿ॒ತಾ ಭ॑ವ || 1.187.2
ಉಪ॑ ನಃ ಪಿತ॒ವಾ ಚ॑ರ ಶಿ॒ವಃ ಶಿ॒ವಾಭಿ॑ರೂ॒ತಿಭಿಃ॑ |
ಮ॒ಯೋ॒ಭುರ॑ದ್ವಿಷೇ॒ಣ್ಯಃ ಸಖಾ᳚ ಸು॒ಶೇವೋ॒ ಅದ್ವ॑ಯಾಃ || 1.187.3
ತವ॒ ತ್ಯೇ ಪಿ॑ತೋ॒ ರಸಾ॒ ರಜಾಂ॒ಸ್ಯನು॒ ವಿಷ್ಠಿ॑ತಾಃ |
ದಿ॒ವಿ ವಾತಾ᳚ ಇವ ಶ್ರಿ॒ತಾಃ || 1.187.4
ತವ॒ ತ್ಯೇ ಪಿ॑ತೋ॒ ದದ॑ತ॒ಸ್ತವ॑ ಸ್ವಾದಿಷ್ಠ॒ ತೇ ಪಿ॑ತೋ |
ಪ್ರ ಸ್ವಾ॒ದ್ಮಾನೋ॒ ರಸಾ᳚ನಾಂ ತುವಿ॒ಗ್ರೀವಾ᳚ ಇವೇರತೇ || 1.187.5
ತ್ವೇ ಪಿ॑ತೋ ಮ॒ಹಾನಾಂ᳚ ದೇ॒ವಾನಾಂ॒ ಮನೋ᳚ ಹಿ॒ತ‌ಮ್ |
ಅಕಾ᳚ರಿ॒ ಚಾರು॑ ಕೇ॒ತುನಾ॒ ತವಾಹಿ॒ಮವ॑ಸಾವಧೀತ್ || 1.187.6
ಯದ॒ದೋ ಪಿ॑ತೋ॒ ಅಜ॑ಗನ್ವಿ॒ವಸ್ವ॒ ಪರ್ವ॑ತಾನಾ‌ಮ್ |
ಅತ್ರಾ᳚ ಚಿನ್ನೋ ಮಧೋ ಪಿ॒ತೋಽರಂ᳚ ಭ॒ಕ್ಷಾಯ॑ ಗಮ್ಯಾಃ || 1.187.7
ಯದ॒ಪಾಮೋಷ॑ಧೀನಾಂ ಪರಿಂ॒ಶಮಾ᳚ರಿ॒ಶಾಮ॑ಹೇ |
ವಾತಾ᳚ಪೇ॒ ಪೀವ॒ ಇದ್ಭ॑ವ || 1.187.8
ಯತ್ತೇ᳚ ಸೋಮ॒ ಗವಾ᳚ಶಿರೋ॒ ಯವಾ᳚ಶಿರೋ॒ ಭಜಾ᳚ಮಹೇ |
ವಾತಾ᳚ಪೇ॒ ಪೀವ॒ ಇದ್ಭ॑ವ || 1.187.9
ಕ॒ರಂ॒ಭ ಓ᳚ಷಧೇ ಭವ॒ ಪೀವೋ᳚ ವೃ॒ಕ್ಕ ಉ॑ದಾರ॒ಥಿಃ |
ವಾತಾ᳚ಪೇ॒ ಪೀವ॒ ಇದ್ಭ॑ವ || 1.187.10
ತಂ ತ್ವಾ᳚ ವ॒ಯಂ ಪಿ॑ತೋ॒ ವಚೋ᳚ಭಿ॒ರ್ಗಾವೋ॒ ನ ಹ॒ವ್ಯಾ ಸು॑ಷೂದಿಮ |
ದೇ॒ವೇಭ್ಯ॑ಸ್ತ್ವಾ ಸಧ॒ಮಾದ॑ಮ॒ಸ್ಮಭ್ಯಂ᳚ ತ್ವಾ ಸಧ॒ಮಾದ‌ಮ್᳚ || 1.187.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾಸ್ತನೂನಪಾತ್ (3) ತೃತೀಯಾಯಾ ಇಳಃ (4) ಚತುರ್ಥ್ಯಾ ಬರ್ಹಿಃ (5) ಪಂಚಮ್ಯಾ ದೇವೀಭರಃ (6) ಷಷ್ಠ್ಯಾ ಉಷಾಸಾನಕ್ತಾ (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (9) ನವಮ್ಯಾಸ್ತ್ವಷ್ಟಾ (10) ದಶಮ್ಯಾ ವನಸ್ಪತಿಃ (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ ಗಾಯತ್ರೀ ಛಂದಃ

ಸಮಿ॑ದ್ಧೋ ಅ॒ದ್ಯ ರಾ᳚ಜಸಿ ದೇ॒ವೋ ದೇ॒ವೈಃ ಸ॑ಹಸ್ರಜಿತ್ |
ದೂ॒ತೋ ಹ॒ವ್ಯಾ ಕ॒ವಿರ್ವ॑ಹ || 1.188.1
ತನೂ᳚ನಪಾದೃ॒ತಂ ಯ॒ತೇ ಮಧ್ವಾ᳚ ಯ॒ಜ್ಞಃ ಸಮ॑ಜ್ಯತೇ |
ದಧ॑ತ್ಸಹ॒ಸ್ರಿಣೀ॒ರಿಷಃ॑ || 1.188.2
ಆ॒ಜುಹ್ವಾ᳚ನೋ ನ॒ ಈಡ್ಯೋ᳚ ದೇ॒ವಾಁ ಆ ವ॑ಕ್ಷಿ ಯ॒ಜ್ಞಿಯಾನ್॑ |
ಅಗ್ನೇ᳚ ಸಹಸ್ರ॒ಸಾ ಅ॑ಸಿ || 1.188.3
ಪ್ರಾ॒ಚೀನಂ᳚ ಬ॒ರ್ಹಿರೋಜ॑ಸಾ ಸ॒ಹಸ್ರ॑ವೀರಮಸ್ತೃಣನ್ |
ಯತ್ರಾ᳚ದಿತ್ಯಾ ವಿ॒ರಾಜ॑ಥ || 1.188.4
ವಿ॒ರಾಟ್ ಸ॒ಮ್ರಾಡ್ವಿ॒ಭ್ವೀಃ ಪ್ರ॒ಭ್ವೀರ್ಬ॒ಹ್ವೀಶ್ಚ॒ ಭೂಯ॑ಸೀಶ್ಚ॒ ಯಾಃ |
ದುರೋ᳚ ಘೃ॒ತಾನ್ಯ॑ಕ್ಷರನ್ || 1.188.5
ಸು॒ರು॒ಕ್ಮೇ ಹಿ ಸು॒ಪೇಶ॒ಸಾಧಿ॑ ಶ್ರಿ॒ಯಾ ವಿ॒ರಾಜ॑ತಃ |
ಉ॒ಷಾಸಾ॒ವೇಹ ಸೀ᳚ದತಾ‌ಮ್ || 1.188.6
ಪ್ರ॒ಥ॒ಮಾ ಹಿ ಸು॒ವಾಚ॑ಸಾ॒ ಹೋತಾ᳚ರಾ॒ ದೈವ್ಯಾ᳚ ಕ॒ವೀ |
ಯ॒ಜ್ಞಂ ನೋ᳚ ಯಕ್ಷತಾಮಿ॒ಮ‌ಮ್ || 1.188.7
ಭಾರ॒ತೀಳೇ॒ ಸರ॑ಸ್ವತಿ॒ ಯಾ ವಃ॒ ಸರ್ವಾ᳚ ಉಪಬ್ರು॒ವೇ |
ತಾ ನ॑ಶ್ಚೋದಯತ ಶ್ರಿ॒ಯೇ || 1.188.8
ತ್ವಷ್ಟಾ᳚ ರೂ॒ಪಾಣಿ॒ ಹಿ ಪ್ರ॒ಭುಃ ಪ॒ಶೂನ್ವಿಶ್ವಾ᳚‌‌ನ್ತ್ಸಮಾನ॒ಜೇ |
ತೇಷಾಂ᳚ ನಃ ಸ್ಫಾ॒ತಿಮಾ ಯ॑ಜ || 1.188.9
ಉಪ॒ ತ್ಮನ್ಯಾ᳚ ವನಸ್ಪತೇ॒ ಪಾಥೋ᳚ ದೇ॒ವೇಭ್ಯಃ॑ ಸೃಜ |
ಅ॒ಗ್ನಿರ್ಹ॒ವ್ಯಾನಿ॑ ಸಿಷ್ವದತ್ || 1.188.10
ಪು॒ರೋ॒ಗಾ ಅ॒ಗ್ನಿರ್ದೇ॒ವಾನಾಂ᳚ ಗಾಯ॒ತ್ರೇಣ॒ ಸಮ॑ಜ್ಯತೇ |
ಸ್ವಾಹಾ᳚ಕೃತೀಷು ರೋಚತೇ || 1.188.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಅಗ್ನೇ॒ ನಯ॑ ಸು॒ಪಥಾ᳚ ರಾ॒ಯೇ ಅ॒ಸ್ಮಾನ್ವಿಶ್ವಾ᳚ನಿ ದೇವ ವ॒ಯುನಾ᳚ನಿ ವಿ॒ದ್ವಾನ್ |
ಯು॒ಯೋ॒ಧ್ಯ1॒॑ಸ್ಮಜ್ಜು॑ಹುರಾ॒ಣಮೇನೋ॒ ಭೂಯಿ॑ಷ್ಠಾಂ ತೇ॒ ನಮ॑‌ಉಕ್ತಿಂ ವಿಧೇಮ || 1.189.1
ಅಗ್ನೇ॒ ತ್ವಂ ಪಾ᳚ರಯಾ॒ ನವ್ಯೋ᳚ ಅ॒ಸ್ಮಾ‌‌ನ್ತ್ಸ್ವ॒ಸ್ತಿಭಿ॒ರತಿ॑ ದು॒ರ್ಗಾಣಿ॒ ವಿಶ್ವಾ᳚ |
ಪೂಶ್ಚ॑ ಪೃ॒ಥ್ವೀ ಬ॑ಹು॒ಲಾ ನ॑ ಉ॒ರ್ವೀ ಭವಾ᳚ ತೋ॒ಕಾಯ॒ ತನ॑ಯಾಯ॒ ಶಂ ಯೋಃ || 1.189.2
ಅಗ್ನೇ॒ ತ್ವಮ॒ಸ್ಮದ್ಯು॑ಯೋ॒ಧ್ಯಮೀ᳚ವಾ॒ ಅನ॑ಗ್ನಿತ್ರಾ ಅ॒ಭ್ಯಮ᳚‌ನ್ತ ಕೃ॒ಷ್ಟೀಃ |
ಪುನ॑ರ॒ಸ್ಮಭ್ಯಂ᳚ ಸುವಿ॒ತಾಯ॑ ದೇವ॒ ಕ್ಷಾಂ ವಿಶ್ವೇ᳚ಭಿರ॒ಮೃತೇ᳚ಭಿರ್ಯಜತ್ರ || 1.189.3
ಪಾ॒ಹಿ ನೋ᳚ ಅಗ್ನೇ ಪಾ॒ಯುಭಿ॒ರಜ॑ಸ್ರೈರು॒ತ ಪ್ರಿ॒ಯೇ ಸದ॑ನ॒ ಆ ಶು॑ಶು॒ಕ್ವಾನ್ |
ಮಾ ತೇ᳚ ಭ॒ಯಂ ಜ॑ರಿ॒ತಾರಂ᳚ ಯವಿಷ್ಠ ನೂ॒ನಂ ವಿ॑ದ॒ನ್ಮಾಪ॒ರಂ ಸ॑ಹಸ್ವಃ || 1.189.4
ಮಾ ನೋ᳚ ಅ॒ಗ್ನೇಽವ॑ ಸೃಜೋ ಅ॒ಘಾಯಾ᳚ವಿ॒ಷ್ಯವೇ᳚ ರಿ॒ಪವೇ᳚ ದು॒ಚ್ಛುನಾ᳚ಯೈ |
ಮಾ ದ॒ತ್ವತೇ॒ ದಶ॑ತೇ॒ ಮಾದತೇ᳚ ನೋ॒ ಮಾ ರೀಷ॑ತೇ ಸಹಸಾವ॒ನ್ಪರಾ᳚ ದಾಃ || 1.189.5
ವಿ ಘ॒ ತ್ವಾವಾಁ᳚ ಋತಜಾತ ಯಂಸದ್ಗೃಣಾ॒ನೋ ಅ॑ಗ್ನೇ ತ॒ನ್ವೇ॒3॒॑ ವರೂ᳚ಥ‌ಮ್ |
ವಿಶ್ವಾ᳚ದ್ರಿರಿ॒ಕ್ಷೋರು॒ತ ವಾ᳚ ನಿನಿ॒ತ್ಸೋರ॑ಭಿ॒ಹ್ರುತಾ॒ಮಸಿ॒ ಹಿ ದೇ᳚ವ ವಿ॒ಷ್ಪಟ್ || 1.189.6
ತ್ವಂ ತಾಁ ಅ॑ಗ್ನ ಉ॒ಭಯಾ॒ನ್ವಿ ವಿ॒ದ್ವಾನ್ವೇಷಿ॑ ಪ್ರಪಿ॒ತ್ವೇ ಮನು॑ಷೋ ಯಜತ್ರ |
ಅ॒ಭಿ॒ಪಿ॒ತ್ವೇ ಮನ॑ವೇ॒ ಶಾಸ್ಯೋ᳚ ಭೂರ್ಮರ್ಮೃ॒ಜೇನ್ಯ॑ ಉ॒ಶಿಗ್ಭಿ॒ರ್ನಾಕ್ರಃ || 1.189.7
ಅವೋ᳚ಚಾಮ ನಿ॒ವಚ॑ನಾನ್ಯಸ್ಮಿ॒ನ್ಮಾನ॑ಸ್ಯ ಸೂ॒ನುಃ ಸ॑ಹಸಾ॒ನೇ ಅ॒ಗ್ನೌ |
ವ॒ಯಂ ಸ॒ಹಸ್ರ॒ಮೃಷಿ॑ಭಿಃ ಸನೇಮ ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.189.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಬೃಹಸ್ಪತಿರ್ದೇವತಾ ತ್ರಿಷ್ಟುಪ್ ಛಂದಃ

ಅ॒ನ॒ರ್ವಾಣಂ᳚ ವೃಷ॒ಭಂ ಮಂ॒ದ್ರಜಿ॑ಹ್ವಂ॒ ಬೃಹ॒ಸ್ಪತಿಂ᳚ ವರ್ಧಯಾ॒ ನವ್ಯ॑ಮ॒ರ್ಕೈಃ |
ಗಾ॒ಥಾ॒ನ್ಯಃ॑ ಸು॒ರುಚೋ॒ ಯಸ್ಯ॑ ದೇ॒ವಾ ಆ᳚ಶೃ॒ಣ್ವ‌ನ್ತಿ॒ ನವ॑ಮಾನಸ್ಯ॒ ಮರ್ತಾಃ᳚ || 1.190.1
ತಮೃ॒ತ್ವಿಯಾ॒ ಉಪ॒ ವಾಚಃ॑ ಸಚ‌ನ್ತೇ॒ ಸರ್ಗೋ॒ ನ ಯೋ ದೇ᳚ವಯ॒ತಾಮಸ॑ರ್ಜಿ |
ಬೃಹ॒ಸ್ಪತಿಃ॒ ಸ ಹ್ಯಂಜೋ॒ ವರಾಂ᳚ಸಿ॒ ವಿಭ್ವಾಭ॑ವ॒ತ್ಸಮೃ॒ತೇ ಮಾ᳚ತ॒ರಿಶ್ವಾ᳚ || 1.190.2
ಉಪ॑ಸ್ತುತಿಂ॒ ನಮ॑ಸ॒ ಉದ್ಯ॑ತಿಂ ಚ॒ ಶ್ಲೋಕಂ᳚ ಯಂಸತ್ಸವಿ॒ತೇವ॒ ಪ್ರ ಬಾ॒ಹೂ |
ಅ॒ಸ್ಯ ಕ್ರತ್ವಾ᳚ಹ॒ನ್ಯೋ॒3॒॑ ಯೋ ಅಸ್ತಿ॑ ಮೃ॒ಗೋ ನ ಭೀ॒ಮೋ ಅ॑ರ॒ಕ್ಷಸ॒ಸ್ತುವಿ॑ಷ್ಮಾನ್ || 1.190.3
ಅ॒ಸ್ಯ ಶ್ಲೋಕೋ᳚ ದಿ॒ವೀಯ॑ತೇ ಪೃಥಿ॒ವ್ಯಾಮತ್ಯೋ॒ ನ ಯಂ᳚ಸದ್ಯಕ್ಷ॒ಭೃದ್ವಿಚೇ᳚ತಾಃ |
ಮೃ॒ಗಾಣಾಂ॒ ನ ಹೇ॒ತಯೋ॒ ಯ‌ನ್ತಿ॑ ಚೇ॒ಮಾ ಬೃಹ॒ಸ್ಪತೇ॒ರಹಿ॑ಮಾಯಾಁ ಅ॒ಭಿ ದ್ಯೂನ್ || 1.190.4
ಯೇ ತ್ವಾ᳚ ದೇವೋಸ್ರಿ॒ಕಂ ಮನ್ಯ॑ಮಾನಾಃ ಪಾ॒ಪಾ ಭ॒ದ್ರಮು॑ಪ॒ಜೀವ᳚‌ನ್ತಿ ಪ॒ಜ್ರಾಃ |
ನ ದೂ॒ಢ್ಯೇ॒3॒॑ ಅನು॑ ದದಾಸಿ ವಾ॒ಮಂ ಬೃಹ॑ಸ್ಪತೇ॒ ಚಯ॑ಸ॒ ಇತ್ಪಿಯಾ᳚ರು‌ಮ್ || 1.190.5
ಸು॒ಪ್ರೈತುಃ॑ ಸೂ॒ಯವ॑ಸೋ॒ ನ ಪ‌ನ್ಥಾ᳚ ದುರ್ನಿ॒ಯ‌ನ್ತುಃ॒ ಪರಿ॑ಪ್ರೀತೋ॒ ನ ಮಿ॒ತ್ರಃ |
ಅ॒ನ॒ರ್ವಾಣೋ᳚ ಅ॒ಭಿ ಯೇ ಚಕ್ಷ॑ತೇ॒ ನೋಽಪೀ᳚ವೃತಾ ಅಪೋರ್ಣು॒ವ‌ನ್ತೋ᳚ ಅಸ್ಥುಃ || 1.190.6
ಸಂ ಯಂ ಸ್ತುಭೋ॒ಽವನ॑ಯೋ॒ ನ ಯ‌ನ್ತಿ॑ ಸಮು॒ದ್ರಂ ನ ಸ್ರ॒ವತೋ॒ ರೋಧ॑ಚಕ್ರಾಃ |
ಸ ವಿ॒ದ್ವಾಁ ಉ॒ಭಯಂ᳚ ಚಷ್ಟೇ ಅ॒‌ನ್ತರ್ಬೃಹ॒ಸ್ಪತಿ॒ಸ್ತರ॒ ಆಪ॑ಶ್ಚ॒ ಗೃಧ್ರಃ॑ || 1.190.7
ಏ॒ವಾ ಮ॒ಹಸ್ತು॑ವಿಜಾ॒ತಸ್ತುವಿ॑ಷ್ಮಾ॒ನ್ಬೃಹ॒ಸ್ಪತಿ᳚ರ್ವೃಷ॒ಭೋ ಧಾ᳚ಯಿ ದೇ॒ವಃ |
ಸ ನಃ॑ ಸ್ತು॒ತೋ ವೀ॒ರವ॑ದ್ಧಾತು॒ ಗೋಮ॑ದ್ವಿ॒ದ್ಯಾಮೇ॒ಷಂ ವೃ॒ಜನಂ᳚ ಜೀ॒ರದಾ᳚ನು‌ಮ್ || 1.190.8

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರಗಸ್ತ್ಯ ಋಷಿಃ ಅತೃಣಸೂರ್ಯಾ ದೇವತಾಃ (1-9, 14-16) ಪ್ರಥಮಾದಿನವರ್ಚಾಂ ಚತುದರ್ಶ ಯಾದಿತೃಚಸ್ಯ ಚಾನುಷ್ಟಪ್ (10-12) ದಶಮ್ಯಾದಿತೃಚಸ್ಯ ಮಹಾಪಂಕ್ತಿಃ (13) ತ್ರಯೋದಶ್ಯಾಶ್ಚ ಮಹಾಬೃಹತೀ ಛಂದಾಂಸ್ಇ

ಕಂಕ॑ತೋ॒ ನ ಕಂಕ॒ತೋಽಥೋ᳚ ಸತೀ॒ನಕಂ᳚ಕತಃ |
ದ್ವಾವಿತಿ॒ ಪ್ಲುಷೀ॒ ಇತಿ॒ ನ್ಯ1॒॑ದೃಷ್ಟಾ᳚ ಅಲಿಪ್ಸತ || 1.191.1
ಅ॒ದೃಷ್ಟಾ᳚ನ್ಹ‌ನ್ತ್ಯಾಯ॒ತ್ಯಥೋ᳚ ಹ‌ನ್ತಿ ಪರಾಯ॒ತೀ |
ಅಥೋ᳚ ಅವಘ್ನ॒ತೀ ಹ॒‌ನ್ತ್ಯಥೋ᳚ ಪಿನಷ್ಟಿ ಪಿಂಷ॒ತೀ || 1.191.2
ಶ॒ರಾಸಃ॒ ಕುಶ॑ರಾಸೋ ದ॒ರ್ಭಾಸಃ॑ ಸೈ॒ರ್ಯಾ ಉ॒ತ |
ಮೌಂ॒ಜಾ ಅ॒ದೃಷ್ಟಾ᳚ ವೈರಿ॒ಣಾಃ ಸರ್ವೇ᳚ ಸಾ॒ಕಂ ನ್ಯ॑ಲಿಪ್ಸತ || 1.191.3
ನಿ ಗಾವೋ᳚ ಗೋ॒ಷ್ಠೇ ಅ॑ಸದ॒ನ್ನಿ ಮೃ॒ಗಾಸೋ᳚ ಅವಿಕ್ಷತ |
ನಿ ಕೇ॒ತವೋ॒ ಜನಾ᳚ನಾಂ॒ ನ್ಯ1॒॑ದೃಷ್ಟಾ᳚ ಅಲಿಪ್ಸತ || 1.191.4
ಏ॒ತ ಉ॒ ತ್ಯೇ ಪ್ರತ್ಯ॑ದೃಶ್ರನ್ಪ್ರದೋ॒ಷಂ ತಸ್ಕ॑ರಾ ಇವ |
ಅದೃ॑ಷ್ಟಾ॒ ವಿಶ್ವ॑ದೃಷ್ಟಾಃ॒ ಪ್ರತಿ॑ಬುದ್ಧಾ ಅಭೂತನ || 1.191.5
ದ್ಯೌರ್ವಃ॑ ಪಿ॒ತಾ ಪೃ॑ಥಿ॒ವೀ ಮಾ॒ತಾ ಸೋಮೋ॒ ಭ್ರಾತಾದಿ॑ತಿಃ॒ ಸ್ವಸಾ᳚ |
ಅದೃ॑ಷ್ಟಾ॒ ವಿಶ್ವ॑ದೃಷ್ಟಾ॒ಸ್ತಿಷ್ಠ॑ತೇ॒ಲಯ॑ತಾ॒ ಸು ಕ‌ಮ್᳚ || 1.191.6
ಯೇ ಅಂಸ್ಯಾ॒ ಯೇ ಅಂಗ್ಯಾಃ᳚ ಸೂ॒ಚೀಕಾ॒ ಯೇ ಪ್ರ॑ಕಂಕ॒ತಾಃ |
ಅದೃ॑ಷ್ಟಾಃ॒ ಕಿಂ ಚ॒ನೇಹ ವಃ॒ ಸರ್ವೇ᳚ ಸಾ॒ಕಂ ನಿ ಜ॑ಸ್ಯತ || 1.191.7
ಉತ್ಪು॒ರಸ್ತಾ॒ತ್ಸೂರ್ಯ॑ ಏತಿ ವಿ॒ಶ್ವದೃ॑ಷ್ಟೋ ಅದೃಷ್ಟ॒ಹಾ |
ಅ॒ದೃಷ್ಟಾ॒‌‌ನ್ತ್ಸರ್ವಾಂ᳚ಜಂ॒ಭಯ॒‌‌ನ್ತ್ಸರ್ವಾ᳚ಶ್ಚ ಯಾತುಧಾ॒ನ್ಯಃ॑ || 1.191.8
ಉದ॑ಪಪ್ತದ॒ಸೌ ಸೂರ್ಯಃ॑ ಪು॒ರು ವಿಶ್ವಾ᳚ನಿ॒ ಜೂರ್ವನ್॑ |
ಆ॒ದಿ॒ತ್ಯಃ ಪರ್ವ॑ತೇಭ್ಯೋ ವಿ॒ಶ್ವದೃ॑ಷ್ಟೋ ಅದೃಷ್ಟ॒ಹಾ || 1.191.9
ಸೂರ್ಯೇ᳚ ವಿ॒ಷಮಾ ಸ॑ಜಾಮಿ॒ ದೃತಿಂ॒ ಸುರಾ᳚ವತೋ ಗೃ॒ಹೇ |
ಸೋ ಚಿ॒ನ್ನು ನ ಮ॑ರಾತಿ॒ ನೋ ವ॒ಯಂ ಮ॑ರಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ || 1.191.10
ಇ॒ಯ॒ತ್ತಿ॒ಕಾ ಶ॑ಕು‌ನ್ತಿ॒ಕಾ ಸ॒ಕಾ ಜ॑ಘಾಸ ತೇ ವಿ॒ಷ‌ಮ್ |
ಸೋ ಚಿ॒ನ್ನು ನ ಮ॑ರಾತಿ॒ ನೋ ವ॒ಯಂ ಮ॑ರಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ || 1.191.11
ತ್ರಿಃ ಸ॒ಪ್ತ ವಿ॑ಷ್ಪುಲಿಂಗ॒ಕಾ ವಿ॒ಷಸ್ಯ॒ ಪುಷ್ಯ॑ಮಕ್ಷನ್ |
ತಾಶ್ಚಿ॒ನ್ನು ನ ಮ॑ರ‌ನ್ತಿ॒ ನೋ ವ॒ಯಂ ಮ॑ರಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ || 1.191.12
ನ॒ವಾ॒ನಾಂ ನ॑ವತೀ॒ನಾಂ ವಿ॒ಷಸ್ಯ॒ ರೋಪು॑ಷೀಣಾ‌ಮ್ |
ಸರ್ವಾ᳚ಸಾಮಗ್ರಭಂ॒ ನಾಮಾ॒ರೇ ಅ॑ಸ್ಯ॒ ಯೋಜ॑ನಂ ಹರಿ॒ಷ್ಠಾ ಮಧು॑ ತ್ವಾ ಮಧು॒ಲಾ ಚ॑ಕಾರ || 1.191.13
ತ್ರಿಃ ಸ॒ಪ್ತ ಮ॑ಯೂ॒ರ್ಯಃ॑ ಸ॒ಪ್ತ ಸ್ವಸಾ᳚ರೋ ಅ॒ಗ್ರುವಃ॑ |
ತಾಸ್ತೇ᳚ ವಿ॒ಷಂ ವಿ ಜ॑ಭ್ರಿರ ಉದ॒ಕಂ ಕುಂ॒ಭಿನೀ᳚ರಿವ || 1.191.14
ಇ॒ಯ॒ತ್ತ॒ಕಃ ಕು॑ಷುಂಭ॒ಕಸ್ತ॒ಕಂ ಭಿ॑ನ॒ದ್ಮ್ಯಶ್ಮ॑ನಾ |
ತತೋ᳚ ವಿ॒ಷಂ ಪ್ರ ವಾ᳚ವೃತೇ॒ ಪರಾ᳚ಚೀ॒ರನು॑ ಸಂ॒ವತಃ॑ || 1.191.15
ಕು॒ಷುಂ॒ಭ॒ಕಸ್ತದ॑ಬ್ರವೀದ್ಗಿ॒ರೇಃ ಪ್ರ॑ವರ್ತಮಾನ॒ಕಃ |
ವೃಶ್ಚಿ॑ಕಸ್ಯಾರ॒ಸಂ ವಿ॒ಷಮ॑ರ॒ಸಂ ವೃ॑ಶ್ಚಿಕ ತೇ ವಿ॒ಷ‌ಮ್ || 1.191.16

|| ಇತಿ ಋಗ್ವೇದ ಮಂಡಲಮ್-೧ ||

|| ಅಥ ಋಗ್ವೇದ ಮಂಡಲಮ್-೨ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಗ್ನಿರ್ದೇವತಾ,ಜಗತೀ ಛಂದಃ

ತ್ವಮ॑ಗ್ನೇ॒ ದ್ಯುಭಿ॒ಸ್ತ್ವಮಾ᳚ಶುಶು॒ಕ್ಷಣಿ॒ಸ್ತ್ವಮ॒ದ್ಭ್ಯಸ್ತ್ವಮಶ್ಮ॑ನ॒ಸ್ಪರಿ॑ |
ತ್ವಂ ವನೇ᳚ಭ್ಯ॒ಸ್ತ್ವಮೋಷ॑ಧೀಭ್ಯ॒ಸ್ತ್ವಂ ನೃ॒ಣಾಂ ನೃ॑ಪತೇ ಜಾಯಸೇ॒ ಶುಚಿಃ॑ || 2.1.1
ತವಾ᳚ಗ್ನೇ ಹೋ॒ತ್ರಂ ತವ॑ ಪೋ॒ತ್ರಮೃ॒ತ್ವಿಯಂ॒ ತವ॑ ನೇ॒ಷ್ಟ್ರಂ ತ್ವಮ॒ಗ್ನಿದೃ॑ತಾಯ॒ತಃ |
ತವ॑ ಪ್ರಶಾ॒ಸ್ತ್ರಂ ತ್ವಮ॑ಧ್ವರೀಯಸಿ ಬ್ರ॒ಹ್ಮಾ ಚಾಸಿ॑ ಗೃ॒ಹಪ॑ತಿಶ್ಚ ನೋ॒ ದಮೇ᳚ || 2.1.2
ತ್ವಮ॑ಗ್ನ॒ ಇಂದ್ರೋ᳚ ವೃಷ॒ಭಃ ಸ॒ತಾಮ॑ಸಿ॒ ತ್ವಂ ವಿಷ್ಣು॑ರುರುಗಾ॒ಯೋ ನ॑ಮ॒ಸ್ಯಃ॑ |
ತ್ವಂ ಬ್ರ॒ಹ್ಮಾ ರ॑ಯಿ॒ವಿದ್ಬ್ರ᳚ಹ್ಮಣಸ್ಪತೇ॒ ತ್ವಂ ವಿ॑ಧರ್ತಃ ಸಚಸೇ॒ ಪುರಂ᳚ಧ್ಯಾ || 2.1.3
ತ್ವಮ॑ಗ್ನೇ॒ ರಾಜಾ॒ ವರು॑ಣೋ ಧೃ॒ತವ್ರ॑ತ॒ಸ್ತ್ವಂ ಮಿ॒ತ್ರೋ ಭ॑ವಸಿ ದ॒ಸ್ಮ ಈಡ್ಯಃ॑ |
ತ್ವಮ᳚ರ್ಯ॒ಮಾ ಸತ್ಪ॑ತಿ॒ರ್ಯಸ್ಯ॑ ಸಂ॒ಭುಜಂ॒ ತ್ವಮಂಶೋ᳚ ವಿ॒ದಥೇ᳚ ದೇವ ಭಾಜ॒ಯುಃ || 2.1.4
ತ್ವಮ॑ಗ್ನೇ॒ ತ್ವಷ್ಟಾ᳚ ವಿಧ॒ತೇ ಸು॒ವೀರ್ಯಂ॒ ತವ॒ ಗ್ನಾವೋ᳚ ಮಿತ್ರಮಹಃ ಸಜಾ॒ತ್ಯ‌ಮ್᳚ |
ತ್ವಮಾ᳚ಶು॒ಹೇಮಾ᳚ ರರಿಷೇ॒ ಸ್ವಶ್ವ್ಯಂ॒ ತ್ವಂ ನ॒ರಾಂ ಶರ್ಧೋ᳚ ಅಸಿ ಪುರೂ॒ವಸುಃ॑ || 2.1.5
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ᳚ಶಿಷೇ |
ತ್ವಂ ವಾತೈ᳚ರರು॒ಣೈರ್ಯಾ᳚ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ᳚ಸಿ॒ ನು ತ್ಮನಾ᳚ || 2.1.6
ತ್ವಮ॑ಗ್ನೇ ದ್ರವಿಣೋ॒ದಾ ಅ॑ರಂ॒ಕೃತೇ॒ ತ್ವಂ ದೇ॒ವಃ ಸ॑ವಿ॒ತಾ ರ॑ತ್ನ॒ಧಾ ಅ॑ಸಿ |
ತ್ವಂ ಭಗೋ᳚ ನೃಪತೇ॒ ವಸ್ವ॑ ಈಶಿಷೇ॒ ತ್ವಂ ಪಾ॒ಯುರ್ದಮೇ॒ ಯಸ್ತೇಽವಿ॑ಧತ್ || 2.1.7
ತ್ವಾಮ॑ಗ್ನೇ॒ ದಮ॒ ಆ ವಿ॒ಶ್ಪತಿಂ॒ ವಿಶ॒ಸ್ತ್ವಾಂ ರಾಜಾ᳚ನಂ ಸುವಿ॒ದತ್ರ॑ಮೃಂಜತೇ |
ತ್ವಂ ವಿಶ್ವಾ᳚ನಿ ಸ್ವನೀಕ ಪತ್ಯಸೇ॒ ತ್ವಂ ಸ॒ಹಸ್ರಾ᳚ಣಿ ಶ॒ತಾ ದಶ॒ ಪ್ರತಿ॑ || 2.1.8
ತ್ವಾಮ॑ಗ್ನೇ ಪಿ॒ತರ॑ಮಿ॒ಷ್ಟಿಭಿ॒ರ್ನರ॒ಸ್ತ್ವಾಂ ಭ್ರಾ॒ತ್ರಾಯ॒ ಶಮ್ಯಾ᳚ ತನೂ॒ರುಚ‌ಮ್᳚ |
ತ್ವಂ ಪು॒ತ್ರೋ ಭ॑ವಸಿ॒ ಯಸ್ತೇಽವಿ॑ಧ॒ತ್ತ್ವಂ ಸಖಾ᳚ ಸು॒ಶೇವಃ॑ ಪಾಸ್ಯಾ॒ಧೃಷಃ॑ || 2.1.9
ತ್ವಮ॑ಗ್ನ ಋ॒ಭುರಾ॒ಕೇ ನ॑ಮ॒ಸ್ಯ1॒॑ಸ್ತ್ವಂ ವಾಜ॑ಸ್ಯ ಕ್ಷು॒ಮತೋ᳚ ರಾ॒ಯ ಈ᳚ಶಿಷೇ |
ತ್ವಂ ವಿ ಭಾ॒ಸ್ಯನು॑ ದಕ್ಷಿ ದಾ॒ವನೇ॒ ತ್ವಂ ವಿ॒ಶಿಕ್ಷು॑ರಸಿ ಯ॒ಜ್ಞಮಾ॒ತನಿಃ॑ || 2.1.10
ತ್ವಮ॑ಗ್ನೇ॒ ಅದಿ॑ತಿರ್ದೇವ ದಾ॒ಶುಷೇ॒ ತ್ವಂ ಹೋತ್ರಾ॒ ಭಾರ॑ತೀ ವರ್ಧಸೇ ಗಿ॒ರಾ |
ತ್ವಮಿಳಾ᳚ ಶ॒ತಹಿ॑ಮಾಸಿ॒ ದಕ್ಷ॑ಸೇ॒ ತ್ವಂ ವೃ॑ತ್ರ॒ಹಾ ವ॑ಸುಪತೇ॒ ಸರ॑ಸ್ವತೀ || 2.1.11
ತ್ವಮ॑ಗ್ನೇ॒ ಸುಭೃ॑ತ ಉತ್ತ॒ಮಂ ವಯ॒ಸ್ತವ॑ ಸ್ಪಾ॒ರ್ಹೇ ವರ್ಣ॒ ಆ ಸಂ॒ದೃಶಿ॒ ಶ್ರಿಯಃ॑ |
ತ್ವಂ ವಾಜಃ॑ ಪ್ರ॒ತರ॑ಣೋ ಬೃ॒ಹನ್ನ॑ಸಿ॒ ತ್ವಂ ರ॒ಯಿರ್ಬ॑ಹು॒ಲೋ ವಿ॒ಶ್ವತ॑ಸ್ಪೃ॒ಥುಃ || 2.1.12
ತ್ವಾಮ॑ಗ್ನ ಆದಿ॒ತ್ಯಾಸ॑ ಆ॒ಸ್ಯಂ1॒॑ ತ್ವಾಂ ಜಿ॒ಹ್ವಾಂ ಶುಚ॑ಯಶ್ಚಕ್ರಿರೇ ಕವೇ |
ತ್ವಾಂ ರಾ᳚ತಿ॒ಷಾಚೋ᳚ ಅಧ್ವ॒ರೇಷು॑ ಸಶ್ಚಿರೇ॒ ತ್ವೇ ದೇ॒ವಾ ಹ॒ವಿರ॑ದ॒‌ನ್ತ್ಯಾಹು॑ತ‌ಮ್ || 2.1.13
ತ್ವೇ ಅ॑ಗ್ನೇ॒ ವಿಶ್ವೇ᳚ ಅ॒ಮೃತಾ᳚ಸೋ ಅ॒ದ್ರುಹ॑ ಆ॒ಸಾ ದೇ॒ವಾ ಹ॒ವಿರ॑ದ॒‌ನ್ತ್ಯಾಹು॑ತ‌ಮ್ |
ತ್ವಯಾ॒ ಮರ್ತಾ᳚ಸಃ ಸ್ವದ‌ನ್ತ ಆಸು॒ತಿಂ ತ್ವಂ ಗರ್ಭೋ᳚ ವೀ॒ರುಧಾಂ᳚ ಜಜ್ಞಿಷೇ॒ ಶುಚಿಃ॑ || 2.1.14
ತ್ವಂ ತಾ‌‌ನ್ತ್ಸಂ ಚ॒ ಪ್ರತಿ॑ ಚಾಸಿ ಮ॒ಜ್ಮನಾಗ್ನೇ᳚ ಸುಜಾತ॒ ಪ್ರ ಚ॑ ದೇವ ರಿಚ್ಯಸೇ |
ಪೃ॒ಕ್ಷೋ ಯದತ್ರ॑ ಮಹಿ॒ನಾ ವಿ ತೇ॒ ಭುವ॒ದನು॒ ದ್ಯಾವಾ᳚ಪೃಥಿ॒ವೀ ರೋದ॑ಸೀ ಉ॒ಭೇ || 2.1.15
ಯೇ ಸ್ತೋ॒ತೃಭ್ಯೋ॒ ಗೋಅ॑ಗ್ರಾ॒ಮಶ್ವ॑ಪೇಶಸ॒ಮಗ್ನೇ᳚ ರಾ॒ತಿಮು॑ಪಸೃ॒ಜ‌ನ್ತಿ॑ ಸೂ॒ರಯಃ॑ |
ಅ॒ಸ್ಮಾಂಚ॒ ತಾಁಶ್ಚ॒ ಪ್ರ ಹಿ ನೇಷಿ॒ ವಸ್ಯ॒ ಆ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.1.16

(1-13) ತ್ರಯೋದಶರ್ಚಸ್ಯಾಸ್ಯ ಸಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಗ್ನಿದೇರ್ವತಾ ಜಗತೀ ಛಂದಃ

ಯ॒ಜ್ಞೇನ॑ ವರ್ಧತ ಜಾ॒ತವೇ᳚ದಸಮ॒ಗ್ನಿಂ ಯ॑ಜಧ್ವಂ ಹ॒ವಿಷಾ॒ ತನಾ᳚ ಗಿ॒ರಾ |
ಸ॒ಮಿ॒ಧಾ॒ನಂ ಸು॑ಪ್ರ॒ಯಸಂ॒ ಸ್ವ᳚ರ್ಣರಂ ದ್ಯು॒ಕ್ಷಂ ಹೋತಾ᳚ರಂ ವೃ॒ಜನೇ᳚ಷು ಧೂ॒ರ್ಷದ‌ಮ್᳚ || 2.2.1
ಅ॒ಭಿ ತ್ವಾ॒ ನಕ್ತೀ᳚ರು॒ಷಸೋ᳚ ವವಾಶಿ॒ರೇಽಗ್ನೇ᳚ ವ॒ತ್ಸಂ ನ ಸ್ವಸ॑ರೇಷು ಧೇ॒ನವಃ॑ |
ದಿ॒ವ ಇ॒ವೇದ॑ರ॒ತಿರ್ಮಾನು॑ಷಾ ಯು॒ಗಾ ಕ್ಷಪೋ᳚ ಭಾಸಿ ಪುರುವಾರ ಸಂ॒ಯತಃ॑ || 2.2.2
ತಂ ದೇ॒ವಾ ಬು॒ಧ್ನೇ ರಜ॑ಸಃ ಸು॒ದಂಸ॑ಸಂ ದಿ॒ವಸ್ಪೃ॑ಥಿ॒ವ್ಯೋರ॑ರ॒ತಿಂ ನ್ಯೇ᳚ರಿರೇ |
ರಥ॑ಮಿವ॒ ವೇದ್ಯಂ᳚ ಶು॒ಕ್ರಶೋ᳚ಚಿಷಮ॒ಗ್ನಿಂ ಮಿ॒ತ್ರಂ ನ ಕ್ಷಿ॒ತಿಷು॑ ಪ್ರ॒ಶಂಸ್ಯ‌ಮ್᳚ || 2.2.3
ತಮು॒ಕ್ಷಮಾ᳚ಣಂ॒ ರಜ॑ಸಿ॒ ಸ್ವ ಆ ದಮೇ᳚ ಚಂ॒ದ್ರಮಿ॑ವ ಸು॒ರುಚಂ᳚ ಹ್ವಾ॒ರ ಆ ದ॑ಧುಃ |
ಪೃಶ್ನ್ಯಾಃ᳚ ಪತ॒ರಂ ಚಿ॒ತಯ᳚‌ನ್ತಮ॒ಕ್ಷಭಿಃ॑ ಪಾ॒ಥೋ ನ ಪಾ॒ಯುಂ ಜನ॑ಸೀ ಉ॒ಭೇ ಅನು॑ || 2.2.4
ಸ ಹೋತಾ॒ ವಿಶ್ವಂ॒ ಪರಿ॑ ಭೂತ್ವಧ್ವ॒ರಂ ತಮು॑ ಹ॒ವ್ಯೈರ್ಮನು॑ಷ ಋಂಜತೇ ಗಿ॒ರಾ |
ಹಿ॒ರಿ॒ಶಿ॒ಪ್ರೋ ವೃ॑ಧಸಾ॒ನಾಸು॒ ಜರ್ಭು॑ರ॒ದ್ದ್ಯೌರ್ನ ಸ್ತೃಭಿ॑ಶ್ಚಿತಯ॒ದ್ರೋದ॑ಸೀ॒ ಅನು॑ || 2.2.5
ಸ ನೋ᳚ ರೇ॒ವತ್ಸ॑ಮಿಧಾ॒ನಃ ಸ್ವ॒ಸ್ತಯೇ᳚ ಸಂದದ॒ಸ್ವಾನ್ರ॒ಯಿಮ॒ಸ್ಮಾಸು॑ ದೀದಿಹಿ |
ಆ ನಃ॑ ಕೃಣುಷ್ವ ಸುವಿ॒ತಾಯ॒ ರೋದ॑ಸೀ॒ ಅಗ್ನೇ᳚ ಹ॒ವ್ಯಾ ಮನು॑ಷೋ ದೇವ ವೀ॒ತಯೇ᳚ || 2.2.6
ದಾ ನೋ᳚ ಅಗ್ನೇ ಬೃಹ॒ತೋ ದಾಃ ಸ॑ಹ॒ಸ್ರಿಣೋ᳚ ದು॒ರೋ ನ ವಾಜಂ॒ ಶ್ರುತ್ಯಾ॒ ಅಪಾ᳚ ವೃಧಿ |
ಪ್ರಾಚೀ॒ ದ್ಯಾವಾ᳚ಪೃಥಿ॒ವೀ ಬ್ರಹ್ಮ॑ಣಾ ಕೃಧಿ॒ ಸ್ವ1॒᳚ರ್ಣ ಶು॒ಕ್ರಮು॒ಷಸೋ॒ ವಿ ದಿ॑ದ್ಯುತಃ || 2.2.7
ಸ ಇ॑ಧಾ॒ನ ಉ॒ಷಸೋ॒ ರಾಮ್ಯಾ॒ ಅನು॒ ಸ್ವ1॒᳚ರ್ಣ ದೀ᳚ದೇದರು॒ಷೇಣ॑ ಭಾ॒ನುನಾ᳚ |
ಹೋತ್ರಾ᳚ಭಿರ॒ಗ್ನಿರ್ಮನು॑ಷಃ ಸ್ವಧ್ವ॒ರೋ ರಾಜಾ᳚ ವಿ॒ಶಾಮತಿ॑ಥಿ॒ಶ್ಚಾರು॑ರಾ॒ಯವೇ᳚ || 2.2.8
ಏ॒ವಾ ನೋ᳚ ಅಗ್ನೇ ಅ॒ಮೃತೇ᳚ಷು ಪೂರ್ವ್ಯ॒ ಧೀಷ್ಪೀ᳚ಪಾಯ ಬೃ॒ಹದ್ದಿ॑ವೇಷು॒ ಮಾನು॑ಷಾ |
ದುಹಾ᳚ನಾ ಧೇ॒ನುರ್ವೃ॒ಜನೇ᳚ಷು ಕಾ॒ರವೇ॒ ತ್ಮನಾ᳚ ಶ॒ತಿನಂ᳚ ಪುರು॒ರೂಪ॑ಮಿ॒ಷಣಿ॑ || 2.2.9
ವ॒ಯಮ॑ಗ್ನೇ॒ ಅರ್ವ॑ತಾ ವಾ ಸು॒ವೀರ್ಯಂ॒ ಬ್ರಹ್ಮ॑ಣಾ ವಾ ಚಿತಯೇಮಾ॒ ಜನಾಁ॒ ಅತಿ॑ |
ಅ॒ಸ್ಮಾಕಂ᳚ ದ್ಯು॒ಮ್ನಮಧಿ॒ ಪಂಚ॑ ಕೃ॒ಷ್ಟಿಷೂ॒ಚ್ಚಾ ಸ್ವ1॒᳚ರ್ಣ ಶು॑ಶುಚೀತ ದು॒ಷ್ಟರ‌ಮ್᳚ || 2.2.10
ಸ ನೋ᳚ ಬೋಧಿ ಸಹಸ್ಯ ಪ್ರ॒ಶಂಸ್ಯೋ॒ ಯಸ್ಮಿ᳚‌‌ನ್ತ್ಸುಜಾ॒ತಾ ಇ॒ಷಯ᳚‌ನ್ತ ಸೂ॒ರಯಃ॑ |
ಯಮ॑ಗ್ನೇ ಯ॒ಜ್ಞಮು॑ಪ॒ಯ‌ನ್ತಿ॑ ವಾ॒ಜಿನೋ॒ ನಿತ್ಯೇ᳚ ತೋ॒ಕೇ ದೀ᳚ದಿ॒ವಾಂಸಂ॒ ಸ್ವೇ ದಮೇ᳚ || 2.2.11
ಉ॒ಭಯಾ᳚ಸೋ ಜಾತವೇದಃ ಸ್ಯಾಮ ತೇ ಸ್ತೋ॒ತಾರೋ᳚ ಅಗ್ನೇ ಸೂ॒ರಯ॑ಶ್ಚ॒ ಶರ್ಮ॑ಣಿ |
ವಸ್ವೋ᳚ ರಾ॒ಯಃ ಪು॑ರುಶ್ಚಂ॒ದ್ರಸ್ಯ॒ ಭೂಯ॑ಸಃ ಪ್ರ॒ಜಾವ॑ತಃ ಸ್ವಪ॒ತ್ಯಸ್ಯ॑ ಶಗ್ಧಿ ನಃ || 2.2.12
ಯೇ ಸ್ತೋ॒ತೃಭ್ಯೋ॒ ಗೋಅ॑ಗ್ರಾ॒ಮಶ್ವ॑ಪೇಶಸ॒ಮಗ್ನೇ᳚ ರಾ॒ತಿಮು॑ಪಸೃ॒ಜ‌ನ್ತಿ॑ ಸೂ॒ರಯಃ॑ |
ಅ॒ಸ್ಮಾಂಚ॒ ತಾಁಶ್ಚ॒ ಪ್ರ ಹಿ ನೇಷಿ॒ ವಸ್ಯ॒ ಆ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.2.13

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾ ನರಾಶಂಸಃ (3) ತೃತೀಯಾಯಾ ಇಳಃ (4) ಚತುರ್ಥ್ಯಾ ಬರ್ಹಿಃ (5) ಪಂಚಮ್ಯಾ ದೇವೀಭರಃ (6) ಷಷ್ಠ್ಯಾ ಉಷಾಸಾನಕ್ತಾ (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (9) ನವಮ್ಯಾಸ್ತ್ವಷ್ಟಾ (10) ದಶಮ್ಯಾ ವನಸ್ಪತಿಃ (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ (1-6, 8-11) ಪ್ರಥಮಾದಿತೃಚದ್ವಯಸ್ಯ ಅಷ್ಟಮ್ಯಾದಿಚತುರೃಚ ಞ್ಚ ತ್ರಿಷ್ಟುಪ್ (7) ಸಪ್ತಮ್ಯಾಶ್ಚ ಜಗತೀ ಛಂದಸೀ

ಸಮಿ॑ದ್ಧೋ ಅ॒ಗ್ನಿರ್ನಿಹಿ॑ತಃ ಪೃಥಿ॒ವ್ಯಾಂ ಪ್ರ॒ತ್ಯಙ್ವಿಶ್ವಾ᳚ನಿ॒ ಭುವ॑ನಾನ್ಯಸ್ಥಾತ್ |
ಹೋತಾ᳚ ಪಾವ॒ಕಃ ಪ್ರ॒ದಿವಃ॑ ಸುಮೇ॒ಧಾ ದೇ॒ವೋ ದೇ॒ವಾನ್ಯ॑ಜತ್ವ॒ಗ್ನಿರರ್ಹನ್॑ || 2.3.1
ನರಾ॒ಶಂಸಃ॒ ಪ್ರತಿ॒ ಧಾಮಾ᳚ನ್ಯಂ॒ಜ‌ನ್ತಿ॒ಸ್ರೋ ದಿವಃ॒ ಪ್ರತಿ॑ ಮ॒ಹ್ನಾ ಸ್ವ॒ರ್ಚಿಃ |
ಘೃ॒ತ॒ಪ್ರುಷಾ॒ ಮನ॑ಸಾ ಹ॒ವ್ಯಮುಂ॒ದನ್ಮೂ॒ರ್ಧನ್ಯ॒ಜ್ಞಸ್ಯ॒ ಸಮ॑ನಕ್ತು ದೇ॒ವಾನ್ || 2.3.2
ಈ॒ಳಿ॒ತೋ ಅ॑ಗ್ನೇ॒ ಮನ॑ಸಾ ನೋ॒ ಅರ್ಹಂ᳚ದೇ॒ವಾನ್ಯ॑ಕ್ಷಿ॒ ಮಾನು॑ಷಾ॒ತ್ಪೂರ್ವೋ᳚ ಅ॒ದ್ಯ |
ಸ ಆ ವ॑ಹ ಮ॒ರುತಾಂ॒ ಶರ್ಧೋ॒ ಅಚ್ಯು॑ತ॒ಮಿಂದ್ರಂ᳚ ನರೋ ಬರ್ಹಿ॒ಷದಂ᳚ ಯಜಧ್ವ‌ಮ್ || 2.3.3
ದೇವ॑ ಬರ್ಹಿ॒ರ್ವರ್ಧ॑ಮಾನಂ ಸು॒ವೀರಂ᳚ ಸ್ತೀ॒ರ್ಣಂ ರಾ॒ಯೇ ಸು॒ಭರಂ॒ ವೇದ್ಯ॒ಸ್ಯಾ‌ಮ್ |
ಘೃ॒ತೇನಾ॒ಕ್ತಂ ವ॑ಸವಃ ಸೀದತೇ॒ದಂ ವಿಶ್ವೇ᳚ ದೇವಾ ಆದಿತ್ಯಾ ಯ॒ಜ್ಞಿಯಾ᳚ಸಃ || 2.3.4
ವಿ ಶ್ರ॑ಯ‌ನ್ತಾಮುರ್ವಿ॒ಯಾ ಹೂ॒ಯಮಾ᳚ನಾ॒ ದ್ವಾರೋ᳚ ದೇ॒ವೀಃ ಸು॑ಪ್ರಾಯ॒ಣಾ ನಮೋ᳚ಭಿಃ |
ವ್ಯಚ॑ಸ್ವತೀ॒ರ್ವಿ ಪ್ರ॑ಥ‌ನ್ತಾಮಜು॒ರ್ಯಾ ವರ್ಣಂ᳚ ಪುನಾ॒ನಾ ಯ॒ಶಸಂ᳚ ಸು॒ವೀರ‌ಮ್᳚ || 2.3.5
ಸಾ॒ಧ್ವಪಾಂ᳚ಸಿ ಸ॒ನತಾ᳚ ನ ಉಕ್ಷಿ॒ತೇ ಉ॒ಷಾಸಾ॒ನಕ್ತಾ᳚ ವ॒ಯ್ಯೇ᳚ವ ರಣ್ವಿ॒ತೇ |
ತ‌ನ್ತುಂ᳚ ತ॒ತಂ ಸಂ॒ವಯ᳚‌ನ್ತೀ ಸಮೀ॒ಚೀ ಯ॒ಜ್ಞಸ್ಯ॒ ಪೇಶಃ॑ ಸು॒ದುಘೇ॒ ಪಯ॑ಸ್ವತೀ || 2.3.6
ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ವಿ॒ದುಷ್ಟ॑ರ ಋ॒ಜು ಯ॑ಕ್ಷತಃ॒ ಸಮೃ॒ಚಾ ವ॒ಪುಷ್ಟ॑ರಾ |
ದೇ॒ವಾನ್ಯಜ᳚‌ನ್ತಾವೃತು॒ಥಾ ಸಮಂ᳚ಜತೋ॒ ನಾಭಾ᳚ ಪೃಥಿ॒ವ್ಯಾ ಅಧಿ॒ ಸಾನು॑ಷು ತ್ರಿ॒ಷು || 2.3.7
ಸರ॑ಸ್ವತೀ ಸಾ॒ಧಯ᳚‌ನ್ತೀ॒ ಧಿಯಂ᳚ ನ॒ ಇಳಾ᳚ ದೇ॒ವೀ ಭಾರ॑ತೀ ವಿ॒ಶ್ವತೂ᳚ರ್ತಿಃ |
ತಿ॒ಸ್ರೋ ದೇ॒ವೀಃ ಸ್ವ॒ಧಯಾ᳚ ಬ॒ರ್ಹಿರೇದಮಚ್ಛಿ॑ದ್ರಂ ಪಾ‌ನ್ತು ಶರ॒ಣಂ ನಿ॒ಷದ್ಯ॑ || 2.3.8
ಪಿ॒ಶಂಗ॑ರೂಪಃ ಸು॒ಭರೋ᳚ ವಯೋ॒ಧಾಃ ಶ್ರು॒ಷ್ಟೀ ವೀ॒ರೋ ಜಾ᳚ಯತೇ ದೇ॒ವಕಾ᳚ಮಃ |
ಪ್ರ॒ಜಾಂ ತ್ವಷ್ಟಾ॒ ವಿ ಷ್ಯ॑ತು॒ ನಾಭಿ॑ಮ॒ಸ್ಮೇ ಅಥಾ᳚ ದೇ॒ವಾನಾ॒ಮಪ್ಯೇ᳚ತು॒ ಪಾಥಃ॑ || 2.3.9
ವನ॒ಸ್ಪತಿ॑ರವಸೃ॒ಜನ್ನುಪ॑ ಸ್ಥಾದ॒ಗ್ನಿರ್ಹ॒ವಿಃ ಸೂ᳚ದಯಾತಿ॒ ಪ್ರ ಧೀ॒ಭಿಃ |
ತ್ರಿಧಾ॒ ಸಮ॑ಕ್ತಂ ನಯತು ಪ್ರಜಾ॒ನಂದೇ॒ವೇಭ್ಯೋ॒ ದೈವ್ಯಃ॑ ಶಮಿ॒ತೋಪ॑ ಹ॒ವ್ಯ‌ಮ್ || 2.3.10
ಘೃ॒ತಂ ಮಿ॑ಮಿಕ್ಷೇ ಘೃ॒ತಮ॑ಸ್ಯ॒ ಯೋನಿ॑ರ್ಘೃ॒ತೇ ಶ್ರಿ॒ತೋ ಘೃ॒ತಮ್ವ॑ಸ್ಯ॒ ಧಾಮ॑ |
ಅ॒ನು॒ಷ್ವ॒ಧಮಾ ವ॑ಹ ಮಾ॒ದಯ॑ಸ್ವ॒ ಸ್ವಾಹಾ᳚ಕೃತಂ ವೃಷಭ ವಕ್ಷಿ ಹ॒ವ್ಯ‌ಮ್ || 2.3.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಸೋಮಾಹುತಿರೃಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಹು॒ವೇ ವಃ॑ ಸು॒ದ್ಯೋತ್ಮಾ᳚ನಂ ಸುವೃ॒ಕ್ತಿಂ ವಿ॒ಶಾಮ॒ಗ್ನಿಮತಿ॑ಥಿಂ ಸುಪ್ರ॒ಯಸ‌ಮ್᳚ |
ಮಿ॒ತ್ರ ಇ॑ವ॒ ಯೋ ದಿ॑ಧಿ॒ಷಾಯ್ಯೋ॒ ಭೂದ್ದೇ॒ವ ಆದೇ᳚ವೇ॒ ಜನೇ᳚ ಜಾ॒ತವೇ᳚ದಾಃ || 2.4.1
ಇ॒ಮಂ ವಿ॒ಧ‌ನ್ತೋ᳚ ಅ॒ಪಾಂ ಸ॒ಧಸ್ಥೇ᳚ ದ್ವಿ॒ತಾದ॑ಧು॒ರ್ಭೃಗ॑ವೋ ವಿ॒ಕ್ಷ್ವಾ॒3॒॑ಯೋಃ |
ಏ॒ಷ ವಿಶ್ವಾ᳚ನ್ಯ॒ಭ್ಯ॑ಸ್ತು॒ ಭೂಮಾ᳚ ದೇ॒ವಾನಾ᳚ಮ॒ಗ್ನಿರ॑ರ॒ತಿರ್ಜೀ॒ರಾಶ್ವಃ॑ || 2.4.2
ಅ॒ಗ್ನಿಂ ದೇ॒ವಾಸೋ॒ ಮಾನು॑ಷೀಷು ವಿ॒ಕ್ಷು ಪ್ರಿ॒ಯಂ ಧುಃ॑ ಕ್ಷೇ॒ಷ್ಯ‌ನ್ತೋ॒ ನ ಮಿ॒ತ್ರ‌ಮ್ |
ಸ ದೀ᳚ದಯದುಶ॒ತೀರೂರ್ಮ್ಯಾ॒ ಆ ದ॒ಕ್ಷಾಯ್ಯೋ॒ ಯೋ ದಾಸ್ವ॑ತೇ॒ ದಮ॒ ಆ || 2.4.3
ಅ॒ಸ್ಯ ರ॒ಣ್ವಾ ಸ್ವಸ್ಯೇ᳚ವ ಪು॒ಷ್ಟಿಃ ಸಂದೃ॑ಷ್ಟಿರಸ್ಯ ಹಿಯಾ॒ನಸ್ಯ॒ ದಕ್ಷೋಃ᳚ |
ವಿ ಯೋ ಭರಿ॑ಭ್ರ॒ದೋಷ॑ಧೀಷು ಜಿ॒ಹ್ವಾಮತ್ಯೋ॒ ನ ರಥ್ಯೋ᳚ ದೋಧವೀತಿ॒ ವಾರಾನ್॑ || 2.4.4
ಆ ಯನ್ಮೇ॒ ಅಭ್ವಂ᳚ ವ॒ನದಃ॒ ಪನ᳚‌ನ್ತೋ॒ಶಿಗ್ಭ್ಯೋ॒ ನಾಮಿ॑ಮೀತ॒ ವರ್ಣ‌ಮ್᳚ |
ಸ ಚಿ॒ತ್ರೇಣ॑ ಚಿಕಿತೇ॒ ರಂಸು॑ ಭಾ॒ಸಾ ಜು॑ಜು॒ರ್ವಾಁ ಯೋ ಮುಹು॒ರಾ ಯುವಾ॒ ಭೂತ್ || 2.4.5
ಆ ಯೋ ವನಾ᳚ ತಾತೃಷಾ॒ಣೋ ನ ಭಾತಿ॒ ವಾರ್ಣ ಪ॒ಥಾ ರಥ್ಯೇ᳚ವ ಸ್ವಾನೀತ್ |
ಕೃ॒ಷ್ಣಾಧ್ವಾ॒ ತಪೂ᳚ ರ॒ಣ್ವಶ್ಚಿ॑ಕೇತ॒ ದ್ಯೌರಿ॑ವ॒ ಸ್ಮಯ॑ಮಾನೋ॒ ನಭೋ᳚ಭಿಃ || 2.4.6
ಸ ಯೋ ವ್ಯಸ್ಥಾ᳚ದ॒ಭಿ ದಕ್ಷ॑ದು॒ರ್ವೀಂ ಪ॒ಶುರ್ನೈತಿ॑ ಸ್ವ॒ಯುರಗೋ᳚ಪಾಃ |
ಅ॒ಗ್ನಿಃ ಶೋ॒ಚಿಷ್ಮಾಁ᳚ ಅತ॒ಸಾನ್ಯು॒ಷ್ಣನ್ಕೃ॒ಷ್ಣವ್ಯ॑ಥಿರಸ್ವದಯ॒ನ್ನ ಭೂಮ॑ || 2.4.7
ನೂ ತೇ॒ ಪೂರ್ವ॒ಸ್ಯಾವ॑ಸೋ॒ ಅಧೀ᳚ತೌ ತೃ॒ತೀಯೇ᳚ ವಿ॒ದಥೇ॒ ಮನ್ಮ॑ ಶಂಸಿ |
ಅ॒ಸ್ಮೇ ಅ॑ಗ್ನೇ ಸಂ॒ಯದ್ವೀ᳚ರಂ ಬೃ॒ಹ‌ನ್ತಂ᳚ ಕ್ಷು॒ಮ‌ನ್ತಂ॒ ವಾಜಂ᳚ ಸ್ವಪ॒ತ್ಯಂ ರ॒ಯಿಂ ದಾಃ᳚ || 2.4.8
ತ್ವಯಾ॒ ಯಥಾ᳚ ಗೃತ್ಸಮ॒ದಾಸೋ᳚ ಅಗ್ನೇ॒ ಗುಹಾ᳚ ವ॒ನ್ವ‌ನ್ತ॒ ಉಪ॑ರಾಁ ಅ॒ಭಿ ಷ್ಯುಃ |
ಸು॒ವೀರಾ᳚ಸೋ ಅಭಿಮಾತಿ॒ಷಾಹಃ॒ ಸ್ಮತ್ಸೂ॒ರಿಭ್ಯೋ᳚ ಗೃಣ॒ತೇ ತದ್ವಯೋ᳚ ಧಾಃ || 2.4.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಸೋಮಾಹುತಿರೃಷಿಃ ಅಗ್ನಿರ್ದೇವತಾ,ಅನುಷ್ಟಪ್ ಛಂದಃ

ಹೋತಾ᳚ಜನಿಷ್ಟ॒ ಚೇತ॑ನಃ ಪಿ॒ತಾ ಪಿ॒ತೃಭ್ಯ॑ ಊ॒ತಯೇ᳚ |
ಪ್ರ॒ಯಕ್ಷಂ॒ಜೇನ್ಯಂ॒ ವಸು॑ ಶ॒ಕೇಮ॑ ವಾ॒ಜಿನೋ॒ ಯಮ‌ಮ್᳚ || 2.5.1
ಆ ಯಸ್ಮಿ᳚‌‌ನ್ತ್ಸ॒ಪ್ತ ರ॒ಶ್ಮಯ॑ಸ್ತ॒ತಾ ಯ॒ಜ್ಞಸ್ಯ॑ ನೇ॒ತರಿ॑ |
ಮ॒ನು॒ಷ್ವದ್ದೈವ್ಯ॑ಮಷ್ಟ॒ಮಂ ಪೋತಾ॒ ವಿಶ್ವಂ॒ ತದಿ᳚ನ್ವತಿ || 2.5.2
ದ॒ಧ॒ನ್ವೇ ವಾ॒ ಯದೀ॒ಮನು॒ ವೋಚ॒ದ್ಬ್ರಹ್ಮಾ᳚ಣಿ॒ ವೇರು॒ ತತ್ |
ಪರಿ॒ ವಿಶ್ವಾ᳚ನಿ॒ ಕಾವ್ಯಾ᳚ ನೇ॒ಮಿಶ್ಚ॒ಕ್ರಮಿ॑ವಾಭವತ್ || 2.5.3
ಸಾ॒ಕಂ ಹಿ ಶುಚಿ॑ನಾ॒ ಶುಚಿಃ॑ ಪ್ರಶಾ॒ಸ್ತಾ ಕ್ರತು॒ನಾಜ॑ನಿ |
ವಿ॒ದ್ವಾಁ ಅ॑ಸ್ಯ ವ್ರ॒ತಾ ಧ್ರು॒ವಾ ವ॒ಯಾ ಇ॒ವಾನು॑ ರೋಹತೇ || 2.5.4
ತಾ ಅ॑ಸ್ಯ॒ ವರ್ಣ॑ಮಾ॒ಯುವೋ॒ ನೇಷ್ಟುಃ॑ ಸಚ‌ನ್ತ ಧೇ॒ನವಃ॑ |
ಕು॒ವಿತ್ತಿ॒ಸೃಭ್ಯ॒ ಆ ವರಂ॒ ಸ್ವಸಾ᳚ರೋ॒ ಯಾ ಇ॒ದಂ ಯ॒ಯುಃ || 2.5.5
ಯದೀ᳚ ಮಾ॒ತುರುಪ॒ ಸ್ವಸಾ᳚ ಘೃ॒ತಂ ಭರ॒‌ನ್ತ್ಯಸ್ಥಿ॑ತ |
ತಾಸಾ᳚ಮಧ್ವ॒ರ್ಯುರಾಗ॑ತೌ॒ ಯವೋ᳚ ವೃ॒ಷ್ಟೀವ॑ ಮೋದತೇ || 2.5.6
ಸ್ವಃ ಸ್ವಾಯ॒ ಧಾಯ॑ಸೇ ಕೃಣು॒ತಾಮೃ॒ತ್ವಿಗೃ॒ತ್ವಿಜ‌ಮ್᳚ |
ಸ್ತೋಮಂ᳚ ಯ॒ಜ್ಞಂ ಚಾದರಂ᳚ ವ॒ನೇಮಾ᳚ ರರಿ॒ಮಾ ವ॒ಯ‌ಮ್ || 2.5.7
ಯಥಾ᳚ ವಿ॒ದ್ವಾಁ ಅರಂ॒ ಕರ॒ದ್ವಿಶ್ವೇ᳚ಭ್ಯೋ ಯಜ॒ತೇಭ್ಯಃ॑ |
ಅ॒ಯಮ॑ಗ್ನೇ॒ ತ್ವೇ ಅಪಿ॒ ಯಂ ಯ॒ಜ್ಞಂ ಚ॑ಕೃ॒ಮಾ ವ॒ಯ‌ಮ್ || 2.5.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಸೋಮಾಹುತಿಷಿಃ ಅಗ್ನಿರ್ದೇವತಾ,ಗಾಯತ್ರೀ ಛಂದಃ

ಇ॒ಮಾಂ ಮೇ᳚ ಅಗ್ನೇ ಸ॒ಮಿಧ॑ಮಿ॒ಮಾಮು॑ಪ॒ಸದಂ᳚ ವನೇಃ |
ಇ॒ಮಾ ಉ॒ ಷು ಶ್ರು॑ಧೀ॒ ಗಿರಃ॑ || 2.6.1
ಅ॒ಯಾ ತೇ᳚ ಅಗ್ನೇ ವಿಧೇ॒ಮೋರ್ಜೋ᳚ ನಪಾ॒ದಶ್ವ॑ಮಿಷ್ಟೇ |
ಏ॒ನಾ ಸೂ॒ಕ್ತೇನ॑ ಸುಜಾತ || 2.6.2
ತಂ ತ್ವಾ᳚ ಗೀ॒ರ್ಭಿರ್ಗಿರ್ವ॑ಣಸಂ ದ್ರವಿಣ॒ಸ್ಯುಂ ದ್ರ॑ವಿಣೋದಃ |
ಸ॒ಪ॒ರ್ಯೇಮ॑ ಸಪ॒ರ್ಯವಃ॑ || 2.6.3
ಸ ಬೋ᳚ಧಿ ಸೂ॒ರಿರ್ಮ॒ಘವಾ॒ ವಸು॑ಪತೇ॒ ವಸು॑ದಾವನ್ |
ಯು॒ಯೋ॒ಧ್ಯ1॒॑ಸ್ಮದ್ದ್ವೇಷಾಂ᳚ಸಿ || 2.6.4
ಸ ನೋ᳚ ವೃ॒ಷ್ಟಿಂ ದಿ॒ವಸ್ಪರಿ॒ ಸ ನೋ॒ ವಾಜ॑ಮನ॒ರ್ವಾಣ‌ಮ್᳚ |
ಸ ನಃ॑ ಸಹ॒ಸ್ರಿಣೀ॒ರಿಷಃ॑ || 2.6.5
ಈಳಾ᳚ನಾಯಾವ॒ಸ್ಯವೇ॒ ಯವಿ॑ಷ್ಠ ದೂತ ನೋ ಗಿ॒ರಾ |
ಯಜಿ॑ಷ್ಠ ಹೋತ॒ರಾ ಗ॑ಹಿ || 2.6.6
ಅ॒‌ನ್ತರ್ಹ್ಯ॑ಗ್ನ॒ ಈಯ॑ಸೇ ವಿ॒ದ್ವಾಂಜನ್ಮೋ॒ಭಯಾ᳚ ಕವೇ |
ದೂ॒ತೋ ಜನ್ಯೇ᳚ವ॒ ಮಿತ್ರ್ಯಃ॑ || 2.6.7
ಸ ವಿ॒ದ್ವಾಁ ಆ ಚ॑ ಪಿಪ್ರಯೋ॒ ಯಕ್ಷಿ॑ ಚಿಕಿತ್ವ ಆನು॒ಷಕ್ |
ಆ ಚಾ॒ಸ್ಮಿ‌‌ನ್ತ್ಸ॑ತ್ಸಿ ಬ॒ರ್ಹಿಷಿ॑ || 2.6.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಸೋಮಾಹುತಿರೃಷಿಃ ಅಗ್ನಿರ್ದೇವತಾ,ಗಾಯತ್ರೀ ಛಂದಃ

ಶ್ರೇಷ್ಠಂ᳚ ಯವಿಷ್ಠ ಭಾರ॒ತಾಗ್ನೇ᳚ ದ್ಯು॒ಮ‌ನ್ತ॒ಮಾ ಭ॑ರ |
ವಸೋ᳚ ಪುರು॒ಸ್ಪೃಹಂ᳚ ರ॒ಯಿ‌ಮ್ || 2.7.1
ಮಾ ನೋ॒ ಅರಾ᳚ತಿರೀಶತ ದೇ॒ವಸ್ಯ॒ ಮರ್ತ್ಯ॑ಸ್ಯ ಚ |
ಪರ್ಷಿ॒ ತಸ್ಯಾ᳚ ಉ॒ತ ದ್ವಿ॒ಷಃ || 2.7.2
ವಿಶ್ವಾ᳚ ಉ॒ತ ತ್ವಯಾ᳚ ವ॒ಯಂ ಧಾರಾ᳚ ಉದ॒ನ್ಯಾ᳚ ಇವ |
ಅತಿ॑ ಗಾಹೇಮಹಿ॒ ದ್ವಿಷಃ॑ || 2.7.3
ಶುಚಿಃ॑ ಪಾವಕ॒ ವಂದ್ಯೋಽಗ್ನೇ᳚ ಬೃ॒ಹದ್ವಿ ರೋ᳚ಚಸೇ |
ತ್ವಂ ಘೃ॒ತೇಭಿ॒ರಾಹು॑ತಃ || 2.7.4
ತ್ವಂ ನೋ᳚ ಅಸಿ ಭಾರ॒ತಾಗ್ನೇ᳚ ವ॒ಶಾಭಿ॑ರು॒ಕ್ಷಭಿಃ॑ |
ಅ॒ಷ್ಟಾಪ॑ದೀಭಿ॒ರಾಹು॑ತಃ || 2.7.5
ದ್ರ್ವ᳚ನ್ನಃ ಸ॒ರ್ಪಿರಾ᳚ಸುತಿಃ ಪ್ರ॒ತ್ನೋ ಹೋತಾ॒ ವರೇ᳚ಣ್ಯಃ |
ಸಹ॑ಸಸ್ಪು॒ತ್ರೋ ಅದ್ಭು॑ತಃ || 2.7.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಗ್ನಿರ್ದೇವತಾ,(1-5) ಪ್ರಥಮಾದಿಪಂಚರ್ಚಾಂ ಗಾಯತ್ರೀ (6) ಷಷ್ಠ್ಯಾಶ್ಚಾನುಷ್ಟಪ್ ಛಂದಸೀ

ವಾ॒ಜ॒ಯನ್ನಿ॑ವ॒ ನೂ ರಥಾ॒ನ್ಯೋಗಾಁ᳚ ಅ॒ಗ್ನೇರುಪ॑ ಸ್ತುಹಿ |
ಯ॒ಶಸ್ತ॑ಮಸ್ಯ ಮೀ॒ಳ್ಹುಷಃ॑ || 2.8.1
ಯಃ ಸು॑ನೀ॒ಥೋ ದ॑ದಾ॒ಶುಷೇ᳚ಽಜು॒ರ್ಯೋ ಜ॒ರಯ᳚ನ್ನ॒ರಿ‌ಮ್ |
ಚಾರು॑ಪ್ರತೀಕ॒ ಆಹು॑ತಃ || 2.8.2
ಯ ಉ॑ ಶ್ರಿ॒ಯಾ ದಮೇ॒ಷ್ವಾ ದೋ॒ಷೋಷಸಿ॑ ಪ್ರಶ॒ಸ್ಯತೇ᳚ |
ಯಸ್ಯ᳚ ವ್ರ॒ತಂ ನ ಮೀಯ॑ತೇ || 2.8.3
ಆ ಯಃ ಸ್ವ1॒᳚ರ್ಣ ಭಾ॒ನುನಾ᳚ ಚಿ॒ತ್ರೋ ವಿ॒ಭಾತ್ಯ॒ರ್ಚಿಷಾ᳚ |
ಅಂ॒ಜಾ॒ನೋ ಅ॒ಜರೈ᳚ರ॒ಭಿ || 2.8.4
ಅತ್ರಿ॒ಮನು॑ ಸ್ವ॒ರಾಜ್ಯ॑ಮ॒ಗ್ನಿಮು॒ಕ್ಥಾನಿ॑ ವಾವೃಧುಃ |
ವಿಶ್ವಾ॒ ಅಧಿ॒ ಶ್ರಿಯೋ᳚ ದಧೇ || 2.8.5
ಅ॒ಗ್ನೇರಿಂದ್ರ॑ಸ್ಯ॒ ಸೋಮ॑ಸ್ಯ ದೇ॒ವಾನಾ᳚ಮೂ॒ತಿಭಿ᳚ರ್ವ॒ಯ‌ಮ್ |
ಅರಿ॑ಷ್ಯ‌ನ್ತಃ ಸಚೇಮಹ್ಯ॒ಭಿ ಷ್ಯಾ᳚ಮ ಪೃತನ್ಯ॒ತಃ || 2.8.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ನಿ ಹೋತಾ᳚ ಹೋತೃ॒ಷದ॑ನೇ॒ ವಿದಾ᳚ನಸ್ತ್ವೇ॒ಷೋ ದೀ᳚ದಿ॒ವಾಁ ಅ॑ಸದತ್ಸು॒ದಕ್ಷಃ॑ |
ಅದ॑ಬ್ಧವ್ರತಪ್ರಮತಿ॒ರ್ವಸಿ॑ಷ್ಠಃ ಸಹಸ್ರಂಭ॒ರಃ ಶುಚಿ॑ಜಿಹ್ವೋ ಅ॒ಗ್ನಿಃ || 2.9.1
ತ್ವಂ ದೂ॒ತಸ್ತ್ವಮು॑ ನಃ ಪರ॒ಸ್ಪಾಸ್ತ್ವಂ ವಸ್ಯ॒ ಆ ವೃ॑ಷಭ ಪ್ರಣೇ॒ತಾ |
ಅಗ್ನೇ᳚ ತೋ॒ಕಸ್ಯ॑ ನ॒ಸ್ತನೇ᳚ ತ॒ನೂನಾ॒ಮಪ್ರ॑ಯುಚ್ಛಂ॒ದೀದ್ಯ॑ದ್ಬೋಧಿ ಗೋ॒ಪಾಃ || 2.9.2
ವಿ॒ಧೇಮ॑ ತೇ ಪರ॒ಮೇ ಜನ್ಮ᳚ನ್ನಗ್ನೇ ವಿ॒ಧೇಮ॒ ಸ್ತೋಮೈ॒ರವ॑ರೇ ಸ॒ಧಸ್ಥೇ᳚ |
ಯಸ್ಮಾ॒ದ್ಯೋನೇ᳚ರು॒ದಾರಿ॑ಥಾ॒ ಯಜೇ॒ ತಂ ಪ್ರ ತ್ವೇ ಹ॒ವೀಂಷಿ॑ ಜುಹುರೇ॒ ಸಮಿ॑ದ್ಧೇ || 2.9.3
ಅಗ್ನೇ॒ ಯಜ॑ಸ್ವ ಹ॒ವಿಷಾ॒ ಯಜೀ᳚ಯಾಂಛ್ರು॒ಷ್ಟೀ ದೇ॒ಷ್ಣಮ॒ಭಿ ಗೃ॑ಣೀಹಿ॒ ರಾಧಃ॑ |
ತ್ವಂ ಹ್ಯಸಿ॑ ರಯಿ॒ಪತೀ᳚ ರಯೀ॒ಣಾಂ ತ್ವಂ ಶು॒ಕ್ರಸ್ಯ॒ ವಚ॑ಸೋ ಮ॒ನೋತಾ᳚ || 2.9.4
ಉ॒ಭಯಂ᳚ ತೇ॒ ನ ಕ್ಷೀ᳚ಯತೇ ವಸ॒ವ್ಯಂ᳚ ದಿ॒ವೇದಿ॑ವೇ॒ ಜಾಯ॑ಮಾನಸ್ಯ ದಸ್ಮ |
ಕೃ॒ಧಿ ಕ್ಷು॒ಮ‌ನ್ತಂ᳚ ಜರಿ॒ತಾರ॑ಮಗ್ನೇ ಕೃ॒ಧಿ ಪತಿಂ᳚ ಸ್ವಪ॒ತ್ಯಸ್ಯ॑ ರಾ॒ಯಃ || 2.9.5
ಸೈನಾನೀ᳚ಕೇನ ಸುವಿ॒ದತ್ರೋ᳚ ಅ॒ಸ್ಮೇ ಯಷ್ಟಾ᳚ ದೇ॒ವಾಁ ಆಯ॑ಜಿಷ್ಠಃ ಸ್ವ॒ಸ್ತಿ |
ಅದ॑ಬ್ಧೋ ಗೋ॒ಪಾ ಉ॒ತ ನಃ॑ ಪರ॒ಸ್ಪಾ ಅಗ್ನೇ᳚ ದ್ಯು॒ಮದು॒ತ ರೇ॒ವದ್ದಿ॑ದೀಹಿ || 2.9.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಗ್ನಿದೇರ್ವತಾ ತ್ರಿಷ್ಟುಪ್ ಛಂದಃ

ಜೋ॒ಹೂತ್ರೋ᳚ ಅ॒ಗ್ನಿಃ ಪ್ರ॑ಥ॒ಮಃ ಪಿ॒ತೇವೇ॒ಳಸ್ಪ॒ದೇ ಮನು॑ಷಾ॒ ಯತ್ಸಮಿ॑ದ್ಧಃ |
ಶ್ರಿಯಂ॒ ವಸಾ᳚ನೋ ಅ॒ಮೃತೋ॒ ವಿಚೇ᳚ತಾ ಮರ್ಮೃ॒ಜೇನ್ಯಃ॑ ಶ್ರವ॒ಸ್ಯ1॒ಃ॑ ಸ ವಾ॒ಜೀ || 2.10.1
ಶ್ರೂ॒ಯಾ ಅ॒ಗ್ನಿಶ್ಚಿ॒ತ್ರಭಾ᳚ನು॒ರ್ಹವಂ᳚ ಮೇ॒ ವಿಶ್ವಾ᳚ಭಿರ್ಗೀ॒ರ್ಭಿರ॒ಮೃತೋ॒ ವಿಚೇ᳚ತಾಃ |
ಶ್ಯಾ॒ವಾ ರಥಂ᳚ ವಹತೋ॒ ರೋಹಿ॑ತಾ ವೋ॒ತಾರು॒ಷಾಹ॑ ಚಕ್ರೇ॒ ವಿಭೃ॑ತ್ರಃ || 2.10.2
ಉ॒ತ್ತಾ॒ನಾಯಾ᳚ಮಜನಯ॒‌‌ನ್ತ್ಸುಷೂ᳚ತಂ॒ ಭುವ॑ದ॒ಗ್ನಿಃ ಪು॑ರು॒ಪೇಶಾ᳚ಸು॒ ಗರ್ಭಃ॑ |
ಶಿರಿ॑ಣಾಯಾಂ ಚಿದ॒ಕ್ತುನಾ॒ ಮಹೋ᳚ಭಿ॒ರಪ॑ರೀವೃತೋ ವಸತಿ॒ ಪ್ರಚೇ᳚ತಾಃ || 2.10.3
ಜಿಘ᳚ರ್ಮ್ಯ॒ಗ್ನಿಂ ಹ॒ವಿಷಾ᳚ ಘೃ॒ತೇನ॑ ಪ್ರತಿಕ್ಷಿ॒ಯ‌ನ್ತಂ॒ ಭುವ॑ನಾನಿ॒ ವಿಶ್ವಾ᳚ |
ಪೃ॒ಥುಂ ತಿ॑ರ॒ಶ್ಚಾ ವಯ॑ಸಾ ಬೃ॒ಹ‌ನ್ತಂ॒ ವ್ಯಚಿ॑ಷ್ಠ॒ಮನ್ನೈ᳚ ರಭ॒ಸಂ ದೃಶಾ᳚ನ‌ಮ್ || 2.10.4
ಆ ವಿ॒ಶ್ವತಃ॑ ಪ್ರ॒ತ್ಯಂಚಂ᳚ ಜಿಘರ್ಮ್ಯರ॒ಕ್ಷಸಾ॒ ಮನ॑ಸಾ॒ ತಜ್ಜು॑ಷೇತ |
ಮರ್ಯ॑ಶ್ರೀಃ ಸ್ಪೃಹ॒ಯದ್ವ᳚ರ್ಣೋ ಅ॒ಗ್ನಿರ್ನಾಭಿ॒ಮೃಶೇ᳚ ತ॒ನ್ವಾ॒3॒॑ ಜರ್ಭು॑ರಾಣಃ || 2.10.5
ಜ್ಞೇ॒ಯಾ ಭಾ॒ಗಂ ಸ॑ಹಸಾ॒ನೋ ವರೇ᳚ಣ॒ ತ್ವಾದೂ᳚ತಾಸೋ ಮನು॒ವದ್ವ॑ದೇಮ |
ಅನೂ᳚ನಮ॒ಗ್ನಿಂ ಜು॒ಹ್ವಾ᳚ ವಚ॒ಸ್ಯಾ ಮ॑ಧು॒ಪೃಚಂ᳚ ಧನ॒ಸಾ ಜೋ᳚ಹವೀಮಿ || 2.10.6

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (1-20) ಪ್ರಥಮಾದಿವಿಂಶತ್ರ್ಯಚಾಂ ವಿರಾಟ್ಸ್ಥಾನಾ (21) ಏಕವಿಂಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಶ್ರು॒ಧೀ ಹವ॑ಮಿಂದ್ರ॒ ಮಾ ರಿ॑ಷಣ್ಯಃ॒ ಸ್ಯಾಮ॑ ತೇ ದಾ॒ವನೇ॒ ವಸೂ᳚ನಾ‌ಮ್ |
ಇ॒ಮಾ ಹಿ ತ್ವಾಮೂರ್ಜೋ᳚ ವ॒ರ್ಧಯ᳚‌ನ್ತಿ ವಸೂ॒ಯವಃ॒ ಸಿಂಧ॑ವೋ॒ ನ ಕ್ಷರ᳚‌ನ್ತಃ || 2.11.1
ಸೃ॒ಜೋ ಮ॒ಹೀರಿಂ᳚ದ್ರ॒ ಯಾ ಅಪಿ᳚ನ್ವಃ॒ ಪರಿ॑ಷ್ಠಿತಾ॒ ಅಹಿ॑ನಾ ಶೂರ ಪೂ॒ರ್ವೀಃ |
ಅಮ॑ರ್ತ್ಯಂ ಚಿದ್ದಾ॒ಸಂ ಮನ್ಯ॑ಮಾನ॒ಮವಾ᳚ಭಿನದು॒ಕ್ಥೈರ್ವಾ᳚ವೃಧಾ॒ನಃ || 2.11.2
ಉ॒ಕ್ಥೇಷ್ವಿನ್ನು ಶೂ᳚ರ॒ ಯೇಷು॑ ಚಾ॒ಕ‌‌ನ್ತ್ಸ್ತೋಮೇ᳚ಷ್ವಿಂದ್ರ ರು॒ದ್ರಿಯೇ᳚ಷು ಚ |
ತುಭ್ಯೇದೇ॒ತಾ ಯಾಸು॑ ಮಂದಸಾ॒ನಃ ಪ್ರ ವಾ॒ಯವೇ᳚ ಸಿಸ್ರತೇ॒ ನ ಶು॒ಭ್ರಾಃ || 2.11.3
ಶು॒ಭ್ರಂ ನು ತೇ॒ ಶುಷ್ಮಂ᳚ ವ॒ರ್ಧಯ᳚‌ನ್ತಃ ಶು॒ಭ್ರಂ ವಜ್ರಂ᳚ ಬಾ॒ಹ್ವೋರ್ದಧಾ᳚ನಾಃ |
ಶು॒ಭ್ರಸ್ತ್ವಮಿಂ᳚ದ್ರ ವಾವೃಧಾ॒ನೋ ಅ॒ಸ್ಮೇ ದಾಸೀ॒ರ್ವಿಶಃ॒ ಸೂರ್ಯೇ᳚ಣ ಸಹ್ಯಾಃ || 2.11.4
ಗುಹಾ᳚ ಹಿ॒ತಂ ಗುಹ್ಯಂ᳚ ಗೂ॒ಳ್ಹಮ॒ಪ್ಸ್ವಪೀ᳚ವೃತಂ ಮಾ॒ಯಿನಂ᳚ ಕ್ಷಿ॒ಯ‌ನ್ತ‌ಮ್᳚ |
ಉ॒ತೋ ಅ॒ಪೋ ದ್ಯಾಂ ತ॑ಸ್ತ॒ಭ್ವಾಂಸ॒ಮಹ॒ನ್ನಹಿಂ᳚ ಶೂರ ವೀ॒ರ್ಯೇ᳚ಣ || 2.11.5
ಸ್ತವಾ॒ ನು ತ॑ ಇಂದ್ರ ಪೂ॒ರ್ವ್ಯಾ ಮ॒ಹಾನ್ಯು॒ತ ಸ್ತ॑ವಾಮ॒ ನೂತ॑ನಾ ಕೃ॒ತಾನಿ॑ |
ಸ್ತವಾ॒ ವಜ್ರಂ᳚ ಬಾ॒ಹ್ವೋರು॒ಶ‌ನ್ತಂ॒ ಸ್ತವಾ॒ ಹರೀ॒ ಸೂರ್ಯ॑ಸ್ಯ ಕೇ॒ತೂ || 2.11.6
ಹರೀ॒ ನು ತ॑ ಇಂದ್ರ ವಾ॒ಜಯ᳚‌ನ್ತಾ ಘೃತ॒ಶ್ಚುತಂ᳚ ಸ್ವಾ॒ರಮ॑ಸ್ವಾರ್ಷ್ಟಾ‌ಮ್ |
ವಿ ಸ॑ಮ॒ನಾ ಭೂಮಿ॑ರಪ್ರಥಿ॒ಷ್ಟಾರಂ᳚ಸ್ತ॒ ಪರ್ವ॑ತಶ್ಚಿತ್ಸರಿ॒ಷ್ಯನ್ || 2.11.7
ನಿ ಪರ್ವ॑ತಃ ಸಾ॒ದ್ಯಪ್ರ॑ಯುಚ್ಛ॒‌‌ನ್ತ್ಸಂ ಮಾ॒ತೃಭಿ᳚ರ್ವಾವಶಾ॒ನೋ ಅ॑ಕ್ರಾನ್ |
ದೂ॒ರೇ ಪಾ॒ರೇ ವಾಣೀಂ᳚ ವ॒ರ್ಧಯ᳚‌ನ್ತ॒ ಇಂದ್ರೇ᳚ಷಿತಾಂ ಧ॒ಮನಿಂ᳚ ಪಪ್ರಥ॒ನ್ನಿ || 2.11.8
ಇಂದ್ರೋ᳚ ಮ॒ಹಾಂ ಸಿಂಧು॑ಮಾ॒ಶಯಾ᳚ನಂ ಮಾಯಾ॒ವಿನಂ᳚ ವೃ॒ತ್ರಮ॑ಸ್ಫುರ॒ನ್ನಿಃ |
ಅರೇ᳚ಜೇತಾಂ॒ ರೋದ॑ಸೀ ಭಿಯಾ॒ನೇ ಕನಿ॑ಕ್ರದತೋ॒ ವೃಷ್ಣೋ᳚ ಅಸ್ಯ॒ ವಜ್ರಾ᳚ತ್ || 2.11.9
ಅರೋ᳚ರವೀ॒ದ್ವೃಷ್ಣೋ᳚ ಅಸ್ಯ॒ ವಜ್ರೋಽಮಾ᳚ನುಷಂ॒ ಯನ್ಮಾನು॑ಷೋ ನಿ॒ಜೂರ್ವಾ᳚ತ್ |
ನಿ ಮಾ॒ಯಿನೋ᳚ ದಾನ॒ವಸ್ಯ॑ ಮಾ॒ಯಾ ಅಪಾ᳚ದಯತ್ಪಪಿ॒ವಾ‌‌ನ್ತ್ಸು॒ತಸ್ಯ॑ || 2.11.10
ಪಿಬಾ᳚ಪಿ॒ಬೇದಿಂ᳚ದ್ರ ಶೂರ॒ ಸೋಮಂ॒ ಮಂದ᳚‌ನ್ತು ತ್ವಾ ಮಂ॒ದಿನಃ॑ ಸು॒ತಾಸಃ॑ |
ಪೃ॒ಣ‌ನ್ತ॑ಸ್ತೇ ಕು॒ಕ್ಷೀ ವ॑ರ್ಧಯ‌ನ್ತ್ವಿ॒ತ್ಥಾ ಸು॒ತಃ ಪೌ॒ರ ಇಂದ್ರ॑ಮಾವ || 2.11.11
ತ್ವೇ ಇಂ॒ದ್ರಾಪ್ಯ॑ಭೂಮ॒ ವಿಪ್ರಾ॒ ಧಿಯಂ᳚ ವನೇಮ ಋತ॒ಯಾ ಸಪ᳚‌ನ್ತಃ |
ಅ॒ವ॒ಸ್ಯವೋ᳚ ಧೀಮಹಿ॒ ಪ್ರಶ॑ಸ್ತಿಂ ಸ॒ದ್ಯಸ್ತೇ᳚ ರಾ॒ಯೋ ದಾ॒ವನೇ᳚ ಸ್ಯಾಮ || 2.11.12
ಸ್ಯಾಮ॒ ತೇ ತ॑ ಇಂದ್ರ॒ ಯೇ ತ॑ ಊ॒ತೀ ಅ॑ವ॒ಸ್ಯವ॒ ಊರ್ಜಂ᳚ ವ॒ರ್ಧಯ᳚‌ನ್ತಃ |
ಶು॒ಷ್ಮಿ‌ನ್ತ॑ಮಂ॒ ಯಂ ಚಾ॒ಕನಾ᳚ಮ ದೇವಾ॒ಸ್ಮೇ ರ॒ಯಿಂ ರಾ᳚ಸಿ ವೀ॒ರವ᳚‌ನ್ತ‌ಮ್ || 2.11.13
ರಾಸಿ॒ ಕ್ಷಯಂ॒ ರಾಸಿ॑ ಮಿ॒ತ್ರಮ॒ಸ್ಮೇ ರಾಸಿ॒ ಶರ್ಧ॑ ಇಂದ್ರ॒ ಮಾರು॑ತಂ ನಃ |
ಸ॒ಜೋಷ॑ಸೋ॒ ಯೇ ಚ॑ ಮಂದಸಾ॒ನಾಃ ಪ್ರ ವಾ॒ಯವಃ॑ ಪಾ॒‌ನ್ತ್ಯಗ್ರ॑ಣೀತಿ‌ಮ್ || 2.11.14
ವ್ಯ‌ನ್ತ್ವಿನ್ನು ಯೇಷು॑ ಮಂದಸಾ॒ನಸ್ತೃ॒ಪತ್ಸೋಮಂ᳚ ಪಾಹಿ ದ್ರ॒ಹ್ಯದಿಂ᳚ದ್ರ |
ಅ॒ಸ್ಮಾ‌‌ನ್ತ್ಸು ಪೃ॒ತ್ಸ್ವಾ ತ॑ರು॒ತ್ರಾವ॑ರ್ಧಯೋ॒ ದ್ಯಾಂ ಬೃ॒ಹದ್ಭಿ॑ರ॒ರ್ಕೈಃ || 2.11.15
ಬೃ॒ಹ‌ನ್ತ॒ ಇನ್ನು ಯೇ ತೇ᳚ ತರುತ್ರೋ॒ಕ್ಥೇಭಿ᳚ರ್ವಾ ಸು॒ಮ್ನಮಾ॒ವಿವಾ᳚ಸಾನ್ |
ಸ್ತೃ॒ಣಾ॒ನಾಸೋ᳚ ಬ॒ರ್ಹಿಃ ಪ॒ಸ್ತ್ಯಾ᳚ವ॒ತ್ತ್ವೋತಾ॒ ಇದಿಂ᳚ದ್ರ॒ ವಾಜ॑ಮಗ್ಮನ್ || 2.11.16
ಉ॒ಗ್ರೇಷ್ವಿನ್ನು ಶೂ᳚ರ ಮಂದಸಾ॒ನಸ್ತ್ರಿಕ॑ದ್ರುಕೇಷು ಪಾಹಿ॒ ಸೋಮ॑ಮಿಂದ್ರ |
ಪ್ರ॒ದೋಧು॑ವ॒ಚ್ಛ್ಮಶ್ರು॑ಷು ಪ್ರೀಣಾ॒ನೋ ಯಾ॒ಹಿ ಹರಿ॑ಭ್ಯಾಂ ಸು॒ತಸ್ಯ॑ ಪೀ॒ತಿ‌ಮ್ || 2.11.17
ಧಿ॒ಷ್ವಾ ಶವಃ॑ ಶೂರ॒ ಯೇನ॑ ವೃ॒ತ್ರಮ॒ವಾಭಿ॑ನ॒ದ್ದಾನು॑ಮೌರ್ಣವಾ॒ಭ‌ಮ್ |
ಅಪಾ᳚ವೃಣೋ॒ರ್ಜ್ಯೋತಿ॒ರಾರ್ಯಾ᳚ಯ॒ ನಿ ಸ᳚ವ್ಯ॒ತಃ ಸಾ᳚ದಿ॒ ದಸ್ಯು॑ರಿಂದ್ರ || 2.11.18
ಸನೇ᳚ಮ॒ ಯೇ ತ॑ ಊ॒ತಿಭಿ॒ಸ್ತರ᳚‌ನ್ತೋ॒ ವಿಶ್ವಾಃ॒ ಸ್ಪೃಧ॒ ಆರ್ಯೇ᳚ಣ॒ ದಸ್ಯೂನ್॑ |
ಅ॒ಸ್ಮಭ್ಯಂ॒ ತತ್ತ್ವಾ॒ಷ್ಟ್ರಂ ವಿ॒ಶ್ವರೂ᳚ಪ॒ಮರಂ᳚ಧಯಃ ಸಾ॒ಖ್ಯಸ್ಯ॑ ತ್ರಿ॒ತಾಯ॑ || 2.11.19
ಅ॒ಸ್ಯ ಸು॑ವಾ॒ನಸ್ಯ॑ ಮಂ॒ದಿನ॑ಸ್ತ್ರಿ॒ತಸ್ಯ॒ ನ್ಯರ್ಬು॑ದಂ ವಾವೃಧಾ॒ನೋ ಅ॑ಸ್ತಃ |
ಅವ॑ರ್ತಯ॒ತ್ಸೂರ್ಯೋ॒ ನ ಚ॒ಕ್ರಂ ಭಿ॒ನದ್ವ॒ಲಮಿಂದ್ರೋ॒ ಅಂಗಿ॑ರಸ್ವಾನ್ || 2.11.20
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.11.21

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಯೋ ಜಾ॒ತ ಏ॒ವ ಪ್ರ॑ಥ॒ಮೋ ಮನ॑ಸ್ವಾಂದೇ॒ವೋ ದೇ॒ವಾನ್ಕ್ರತು॑ನಾ ಪ॒ರ್ಯಭೂ᳚ಷತ್ |
ಯಸ್ಯ॒ ಶುಷ್ಮಾ॒ದ್ರೋದ॑ಸೀ॒ ಅಭ್ಯ॑ಸೇತಾಂ ನೃ॒ಮ್ಣಸ್ಯ॑ ಮ॒ಹ್ನಾ ಸ ಜ॑ನಾಸ॒ ಇಂದ್ರಃ॑ || 2.12.1
ಯಃ ಪೃ॑ಥಿ॒ವೀಂ ವ್ಯಥ॑ಮಾನಾ॒ಮದೃಂ᳚ಹ॒ದ್ಯಃ ಪರ್ವ॑ತಾ॒ನ್ಪ್ರಕು॑ಪಿತಾಁ॒ ಅರ॑ಮ್ಣಾತ್ |
ಯೋ ಅ॒‌ನ್ತರಿ॑ಕ್ಷಂ ವಿಮ॒ಮೇ ವರೀ᳚ಯೋ॒ ಯೋ ದ್ಯಾಮಸ್ತ॑ಭ್ನಾ॒ತ್ಸ ಜ॑ನಾಸ॒ ಇಂದ್ರಃ॑ || 2.12.2
ಯೋ ಹ॒ತ್ವಾಹಿ॒ಮರಿ॑ಣಾತ್ಸ॒ಪ್ತ ಸಿಂಧೂ॒ನ್ಯೋ ಗಾ ಉ॒ದಾಜ॑ದಪ॒ಧಾ ವ॒ಲಸ್ಯ॑ |
ಯೋ ಅಶ್ಮ॑ನೋರ॒‌ನ್ತರ॒ಗ್ನಿಂ ಜ॒ಜಾನ॑ ಸಂ॒ವೃಕ್ಸ॒ಮತ್ಸು॒ ಸ ಜ॑ನಾಸ॒ ಇಂದ್ರಃ॑ || 2.12.3
ಯೇನೇ॒ಮಾ ವಿಶ್ವಾ॒ ಚ್ಯವ॑ನಾ ಕೃ॒ತಾನಿ॒ ಯೋ ದಾಸಂ॒ ವರ್ಣ॒ಮಧ॑ರಂ॒ ಗುಹಾಕಃ॑ |
ಶ್ವ॒ಘ್ನೀವ॒ ಯೋ ಜಿ॑ಗೀ॒ವಾಁಲ್ಲ॒ಕ್ಷಮಾದ॑ದ॒ರ್ಯಃ ಪು॒ಷ್ಟಾನಿ॒ ಸ ಜ॑ನಾಸ॒ ಇಂದ್ರಃ॑ || 2.12.4
ಯಂ ಸ್ಮಾ᳚ ಪೃ॒ಚ್ಛ‌ನ್ತಿ॒ ಕುಹ॒ ಸೇತಿ॑ ಘೋ॒ರಮು॒ತೇಮಾ᳚ಹು॒ರ್ನೈಷೋ ಅ॒ಸ್ತೀತ್ಯೇ᳚ನ‌ಮ್ |
ಸೋ ಅ॒ರ್ಯಃ ಪು॒ಷ್ಟೀರ್ವಿಜ॑ ಇ॒ವಾ ಮಿ॑ನಾತಿ॒ ಶ್ರದ॑ಸ್ಮೈ ಧತ್ತ॒ ಸ ಜ॑ನಾಸ॒ ಇಂದ್ರಃ॑ || 2.12.5
ಯೋ ರ॒ಧ್ರಸ್ಯ॑ ಚೋದಿ॒ತಾ ಯಃ ಕೃ॒ಶಸ್ಯ॒ ಯೋ ಬ್ರ॒ಹ್ಮಣೋ॒ ನಾಧ॑ಮಾನಸ್ಯ ಕೀ॒ರೇಃ |
ಯು॒ಕ್ತಗ್ರಾ᳚ವ್ಣೋ॒ ಯೋಽವಿ॒ತಾ ಸು॑ಶಿ॒ಪ್ರಃ ಸು॒ತಸೋ᳚ಮಸ್ಯ॒ ಸ ಜ॑ನಾಸ॒ ಇಂದ್ರಃ॑ || 2.12.6
ಯಸ್ಯಾಶ್ವಾ᳚ಸಃ ಪ್ರ॒ದಿಶಿ॒ ಯಸ್ಯ॒ ಗಾವೋ॒ ಯಸ್ಯ॒ ಗ್ರಾಮಾ॒ ಯಸ್ಯ॒ ವಿಶ್ವೇ॒ ರಥಾ᳚ಸಃ |
ಯಃ ಸೂರ್ಯಂ॒ ಯ ಉ॒ಷಸಂ᳚ ಜ॒ಜಾನ॒ ಯೋ ಅ॒ಪಾಂ ನೇ॒ತಾ ಸ ಜ॑ನಾಸ॒ ಇಂದ್ರಃ॑ || 2.12.7
ಯಂ ಕ್ರಂದ॑ಸೀ ಸಂಯ॒ತೀ ವಿ॒ಹ್ವಯೇ᳚ತೇ॒ ಪರೇಽವ॑ರ ಉ॒ಭಯಾ᳚ ಅ॒ಮಿತ್ರಾಃ᳚ |
ಸ॒ಮಾ॒ನಂ ಚಿ॒ದ್ರಥ॑ಮಾತಸ್ಥಿ॒ವಾಂಸಾ॒ ನಾನಾ᳚ ಹವೇತೇ॒ ಸ ಜ॑ನಾಸ॒ ಇಂದ್ರಃ॑ || 2.12.8
ಯಸ್ಮಾ॒ನ್ನ ಋ॒ತೇ ವಿ॒ಜಯ᳚‌ನ್ತೇ॒ ಜನಾ᳚ಸೋ॒ ಯಂ ಯುಧ್ಯ॑ಮಾನಾ॒ ಅವ॑ಸೇ॒ ಹವ᳚‌ನ್ತೇ |
ಯೋ ವಿಶ್ವ॑ಸ್ಯ ಪ್ರತಿ॒ಮಾನಂ᳚ ಬ॒ಭೂವ॒ ಯೋ ಅ॑ಚ್ಯುತ॒ಚ್ಯುತ್ಸ ಜ॑ನಾಸ॒ ಇಂದ್ರಃ॑ || 2.12.9
ಯಃ ಶಶ್ವ॑ತೋ॒ ಮಹ್ಯೇನೋ॒ ದಧಾ᳚ನಾ॒ನಮ᳚ನ್ಯಮಾನಾಂ॒ಛರ್ವಾ᳚ ಜ॒ಘಾನ॑ |
ಯಃ ಶರ್ಧ॑ತೇ॒ ನಾನು॒ದದಾ᳚ತಿ ಶೃ॒ಧ್ಯಾಂ ಯೋ ದಸ್ಯೋ᳚ರ್ಹ॒‌ನ್ತಾ ಸ ಜ॑ನಾಸ॒ ಇಂದ್ರಃ॑ || 2.12.10
ಯಃ ಶಂಬ॑ರಂ॒ ಪರ್ವ॑ತೇಷು ಕ್ಷಿ॒ಯ‌ನ್ತಂ᳚ ಚತ್ವಾರಿಂ॒ಶ್ಯಾಂ ಶ॒ರದ್ಯ॒ನ್ವವಿಂ᳚ದತ್ |
ಓ॒ಜಾ॒ಯಮಾ᳚ನಂ॒ ಯೋ ಅಹಿಂ᳚ ಜ॒ಘಾನ॒ ದಾನುಂ॒ ಶಯಾ᳚ನಂ॒ ಸ ಜ॑ನಾಸ॒ ಇಂದ್ರಃ॑ || 2.12.11
ಯಃ ಸ॒ಪ್ತರ॑ಶ್ಮಿರ್ವೃಷ॒ಭಸ್ತುವಿ॑ಷ್ಮಾನ॒ವಾಸೃ॑ಜ॒ತ್ಸರ್ತ॑ವೇ ಸ॒ಪ್ತ ಸಿಂಧೂನ್॑ |
ಯೋ ರೌ᳚ಹಿ॒ಣಮಸ್ಫು॑ರ॒ದ್ವಜ್ರ॑ಬಾಹು॒ರ್ದ್ಯಾಮಾ॒ರೋಹ᳚‌ನ್ತಂ॒ ಸ ಜ॑ನಾಸ॒ ಇಂದ್ರಃ॑ || 2.12.12
ದ್ಯಾವಾ᳚ ಚಿದಸ್ಮೈ ಪೃಥಿ॒ವೀ ನ॑ಮೇತೇ॒ ಶುಷ್ಮಾ᳚ಚ್ಚಿದಸ್ಯ॒ ಪರ್ವ॑ತಾ ಭಯ‌ನ್ತೇ |
ಯಃ ಸೋ᳚ಮ॒ಪಾ ನಿ॑ಚಿ॒ತೋ ವಜ್ರ॑ಬಾಹು॒ರ್ಯೋ ವಜ್ರ॑ಹಸ್ತಃ॒ ಸ ಜ॑ನಾಸ॒ ಇಂದ್ರಃ॑ || 2.12.13
ಯಃ ಸು॒ನ್ವ‌ನ್ತ॒ಮವ॑ತಿ॒ ಯಃ ಪಚ᳚‌ನ್ತಂ॒ ಯಃ ಶಂಸ᳚‌ನ್ತಂ॒ ಯಃ ಶ॑ಶಮಾ॒ನಮೂ॒ತೀ |
ಯಸ್ಯ॒ ಬ್ರಹ್ಮ॒ ವರ್ಧ॑ನಂ॒ ಯಸ್ಯ॒ ಸೋಮೋ॒ ಯಸ್ಯೇ॒ದಂ ರಾಧಃ॒ ಸ ಜ॑ನಾಸ॒ ಇಂದ್ರಃ॑ || 2.12.14
ಯಃ ಸು᳚ನ್ವ॒ತೇ ಪಚ॑ತೇ ದು॒ಧ್ರ ಆ ಚಿ॒ದ್ವಾಜಂ॒ ದರ್ದ॑ರ್ಷಿ॒ ಸ ಕಿಲಾ᳚ಸಿ ಸ॒ತ್ಯಃ |
ವ॒ಯಂ ತ॑ ಇಂದ್ರ ವಿ॒ಶ್ವಹ॑ ಪ್ರಿ॒ಯಾಸಃ॑ ಸು॒ವೀರಾ᳚ಸೋ ವಿ॒ದಥ॒ಮಾ ವ॑ದೇಮ || 2.12.15

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (112) ಪ್ರಥಮಾದಿದ್ವಾದಶಕ಼ ಜಗತೀ (13) ತ್ರಯೋದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಋ॒ತುರ್ಜನಿ॑ತ್ರೀ॒ ತಸ್ಯಾ᳚ ಅ॒ಪಸ್ಪರಿ॑ ಮ॒ಕ್ಷೂ ಜಾ॒ತ ಆವಿ॑ಶ॒ದ್ಯಾಸು॒ ವರ್ಧ॑ತೇ |
ತದಾ᳚ಹ॒ನಾ ಅ॑ಭವತ್ಪಿ॒ಪ್ಯುಷೀ॒ ಪಯೋಂ॒ಽಶೋಃ ಪೀ॒ಯೂಷಂ᳚ ಪ್ರಥ॒ಮಂ ತದು॒ಕ್ಥ್ಯ‌ಮ್᳚ || 2.13.1
ಸ॒ಧ್ರೀಮಾ ಯ᳚‌ನ್ತಿ॒ ಪರಿ॒ ಬಿಭ್ರ॑ತೀಃ॒ ಪಯೋ᳚ ವಿ॒ಶ್ವಪ್ಸ್ನ್ಯಾ᳚ಯ॒ ಪ್ರ ಭ॑ರ‌ನ್ತ॒ ಭೋಜ॑ನ‌ಮ್ |
ಸ॒ಮಾ॒ನೋ ಅಧ್ವಾ᳚ ಪ್ರ॒ವತಾ᳚ಮನು॒ಷ್ಯದೇ॒ ಯಸ್ತಾಕೃ॑ಣೋಃ ಪ್ರಥ॒ಮಂ ಸಾಸ್ಯು॒ಕ್ಥ್ಯಃ॑ || 2.13.2
ಅನ್ವೇಕೋ᳚ ವದತಿ॒ ಯದ್ದದಾ᳚ತಿ॒ ತದ್ರೂ॒ಪಾ ಮಿ॒ನ‌ನ್ತದ॑ಪಾ॒ ಏಕ॑ ಈಯತೇ |
ವಿಶ್ವಾ॒ ಏಕ॑ಸ್ಯ ವಿ॒ನುದ॑ಸ್ತಿತಿಕ್ಷತೇ॒ ಯಸ್ತಾಕೃ॑ಣೋಃ ಪ್ರಥ॒ಮಂ ಸಾಸ್ಯು॒ಕ್ಥ್ಯಃ॑ || 2.13.3
ಪ್ರ॒ಜಾಭ್ಯಃ॑ ಪು॒ಷ್ಟಿಂ ವಿ॒ಭಜ᳚‌ನ್ತ ಆಸತೇ ರ॒ಯಿಮಿ॑ವ ಪೃ॒ಷ್ಠಂ ಪ್ರ॒ಭವ᳚‌ನ್ತಮಾಯ॒ತೇ |
ಅಸಿ᳚ನ್ವಂ॒ದಂಷ್ಟ್ರೈಃ᳚ ಪಿ॒ತುರ॑ತ್ತಿ॒ ಭೋಜ॑ನಂ॒ ಯಸ್ತಾಕೃ॑ಣೋಃ ಪ್ರಥ॒ಮಂ ಸಾಸ್ಯು॒ಕ್ಥ್ಯಃ॑ || 2.13.4
ಅಧಾ᳚ಕೃಣೋಃ ಪೃಥಿ॒ವೀಂ ಸಂ॒ದೃಶೇ᳚ ದಿ॒ವೇ ಯೋ ಧೌ᳚ತೀ॒ನಾಮ॑ಹಿಹ॒ನ್ನಾರಿ॑ಣಕ್ಪ॒ಥಃ |
ತಂ ತ್ವಾ॒ ಸ್ತೋಮೇ᳚ಭಿರು॒ದಭಿ॒ರ್ನ ವಾ॒ಜಿನಂ᳚ ದೇ॒ವಂ ದೇ॒ವಾ ಅ॑ಜನ॒‌‌ನ್ತ್ಸಾಸ್ಯು॒ಕ್ಥ್ಯಃ॑ || 2.13.5
ಯೋ ಭೋಜ॑ನಂ ಚ॒ ದಯ॑ಸೇ ಚ॒ ವರ್ಧ॑ನಮಾ॒ರ್ದ್ರಾದಾ ಶುಷ್ಕಂ॒ ಮಧು॑ಮದ್ದು॒ದೋಹಿ॑ಥ |
ಸ ಶೇ᳚ವ॒ಧಿಂ ನಿ ದ॑ಧಿಷೇ ವಿ॒ವಸ್ವ॑ತಿ॒ ವಿಶ್ವ॒ಸ್ಯೈಕ॑ ಈಶಿಷೇ॒ ಸಾಸ್ಯು॒ಕ್ಥ್ಯಃ॑ || 2.13.6
ಯಃ ಪು॒ಷ್ಪಿಣೀ᳚ಶ್ಚ ಪ್ರ॒ಸ್ವ॑ಶ್ಚ॒ ಧರ್ಮ॒ಣಾಧಿ॒ ದಾನೇ॒ ವ್ಯ1॒॑ವನೀ॒ರಧಾ᳚ರಯಃ |
ಯಶ್ಚಾಸ॑ಮಾ॒ ಅಜ॑ನೋ ದಿ॒ದ್ಯುತೋ᳚ ದಿ॒ವ ಉ॒ರುರೂ॒ರ್ವಾಁ ಅ॒ಭಿತಃ॒ ಸಾಸ್ಯು॒ಕ್ಥ್ಯಃ॑ || 2.13.7
ಯೋ ನಾ᳚ರ್ಮ॒ರಂ ಸ॒ಹವ॑ಸುಂ॒ ನಿಹ᳚‌ನ್ತವೇ ಪೃ॒ಕ್ಷಾಯ॑ ಚ ದಾ॒ಸವೇ᳚ಶಾಯ॒ ಚಾವ॑ಹಃ |
ಊ॒ರ್ಜಯ᳚‌ನ್ತ್ಯಾ॒ ಅಪ॑ರಿವಿಷ್ಟಮಾ॒ಸ್ಯ॑ಮು॒ತೈವಾದ್ಯ ಪು॑ರುಕೃ॒ತ್ಸಾಸ್ಯು॒ಕ್ಥ್ಯಃ॑ || 2.13.8
ಶ॒ತಂ ವಾ॒ ಯಸ್ಯ॒ ದಶ॑ ಸಾ॒ಕಮಾದ್ಯ॒ ಏಕ॑ಸ್ಯ ಶ್ರು॒ಷ್ಟೌ ಯದ್ಧ॑ ಚೋ॒ದಮಾವಿ॑ಥ |
ಅ॒ರ॒ಜ್ಜೌ ದಸ್ಯೂ॒‌‌ನ್ತ್ಸಮು॑ನಬ್ದ॒ಭೀತ॑ಯೇ ಸುಪ್ರಾ॒ವ್ಯೋ᳚ ಅಭವಃ॒ ಸಾಸ್ಯು॒ಕ್ಥ್ಯಃ॑ || 2.13.9
ವಿಶ್ವೇದನು॑ ರೋಧ॒ನಾ ಅ॑ಸ್ಯ॒ ಪೌಂಸ್ಯಂ᳚ ದ॒ದುರ॑ಸ್ಮೈ ದಧಿ॒ರೇ ಕೃ॒ತ್ನವೇ॒ ಧನ‌ಮ್᳚ |
ಷಳ॑ಸ್ತಭ್ನಾ ವಿ॒ಷ್ಟಿರಃ॒ ಪಂಚ॑ ಸಂ॒ದೃಶಃ॒ ಪರಿ॑ ಪ॒ರೋ ಅ॑ಭವಃ॒ ಸಾಸ್ಯು॒ಕ್ಥ್ಯಃ॑ || 2.13.10
ಸು॒ಪ್ರ॒ವಾ॒ಚ॒ನಂ ತವ॑ ವೀರ ವೀ॒ರ್ಯಂ1॒॑ ಯದೇಕೇ᳚ನ॒ ಕ್ರತು॑ನಾ ವಿಂ॒ದಸೇ॒ ವಸು॑ |
ಜಾ॒ತೂಷ್ಠಿ॑ರಸ್ಯ॒ ಪ್ರ ವಯಃ॒ ಸಹ॑ಸ್ವತೋ॒ ಯಾ ಚ॒ಕರ್ಥ॒ ಸೇಂದ್ರ॒ ವಿಶ್ವಾ᳚ಸ್ಯು॒ಕ್ಥ್ಯಃ॑ || 2.13.11
ಅರ॑ಮಯಃ॒ ಸರ॑ಪಸ॒ಸ್ತರಾ᳚ಯ॒ ಕಂ ತು॒ರ್ವೀತ॑ಯೇ ಚ ವ॒ಯ್ಯಾ᳚ಯ ಚ ಸ್ರು॒ತಿ‌ಮ್ |
ನೀ॒ಚಾ ಸ‌ನ್ತ॒ಮುದ॑ನಯಃ ಪರಾ॒ವೃಜಂ॒ ಪ್ರಾಂಧಂ ಶ್ರೋ॒ಣಂ ಶ್ರ॒ವಯ॒‌‌ನ್ತ್ಸಾಸ್ಯು॒ಕ್ಥ್ಯಃ॑ || 2.13.12
ಅ॒ಸ್ಮಭ್ಯಂ॒ ತದ್ವ॑ಸೋ ದಾ॒ನಾಯ॒ ರಾಧಃ॒ ಸಮ॑ರ್ಥಯಸ್ವ ಬ॒ಹು ತೇ᳚ ವಸ॒ವ್ಯ‌ಮ್᳚ |
ಇಂದ್ರ॒ ಯಚ್ಚಿ॒ತ್ರಂ ಶ್ರ॑ವ॒ಸ್ಯಾ ಅನು॒ ದ್ಯೂನ್ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.13.13

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಅಧ್ವ᳚ರ್ಯವೋ॒ ಭರ॒ತೇಂದ್ರಾ᳚ಯ॒ ಸೋಮ॒ಮಾಮ॑ತ್ರೇಭಿಃ ಸಿಂಚತಾ॒ ಮದ್ಯ॒ಮಂಧಃ॑ |
ಕಾ॒ಮೀ ಹಿ ವೀ॒ರಃ ಸದ॑ಮಸ್ಯ ಪೀ॒ತಿಂ ಜು॒ಹೋತ॒ ವೃಷ್ಣೇ॒ ತದಿದೇ॒ಷ ವ॑ಷ್ಟಿ || 2.14.1
ಅಧ್ವ᳚ರ್ಯವೋ॒ ಯೋ ಅ॒ಪೋ ವ᳚ವ್ರಿ॒ವಾಂಸಂ᳚ ವೃ॒ತ್ರಂ ಜ॒ಘಾನಾ॒ಶನ್ಯೇ᳚ವ ವೃ॒ಕ್ಷ‌ಮ್ |
ತಸ್ಮಾ᳚ ಏ॒ತಂ ಭ॑ರತ ತದ್ವ॒ಶಾಯಁ॑ ಏ॒ಷ ಇಂದ್ರೋ᳚ ಅರ್ಹತಿ ಪೀ॒ತಿಮ॑ಸ್ಯ || 2.14.2
ಅಧ್ವ᳚ರ್ಯವೋ॒ ಯೋ ದೃಭೀ᳚ಕಂ ಜ॒ಘಾನ॒ ಯೋ ಗಾ ಉ॒ದಾಜ॒ದಪ॒ ಹಿ ವ॒ಲಂ ವಃ |
ತಸ್ಮಾ᳚ ಏ॒ತಮ॒‌ನ್ತರಿ॑ಕ್ಷೇ॒ ನ ವಾತ॒ಮಿಂದ್ರಂ॒ ಸೋಮೈ॒ರೋರ್ಣು॑ತ॒ ಜೂರ್ನ ವಸ್ತ್ರೈಃ᳚ || 2.14.3
ಅಧ್ವ᳚ರ್ಯವೋ॒ ಯ ಉರ॑ಣಂ ಜ॒ಘಾನ॒ ನವ॑ ಚ॒ಖ್ವಾಂಸಂ᳚ ನವ॒ತಿಂ ಚ॑ ಬಾ॒ಹೂನ್ |
ಯೋ ಅರ್ಬು॑ದ॒ಮವ॑ ನೀ॒ಚಾ ಬ॑ಬಾ॒ಧೇ ತಮಿಂದ್ರಂ॒ ಸೋಮ॑ಸ್ಯ ಭೃ॒ಥೇ ಹಿ॑ನೋತ || 2.14.4
ಅಧ್ವ᳚ರ್ಯವೋ॒ ಯಃ ಸ್ವಶ್ನಂ᳚ ಜ॒ಘಾನ॒ ಯಃ ಶುಷ್ಣ॑ಮ॒ಶುಷಂ॒ ಯೋ ವ್ಯಂ᳚ಸ‌ಮ್ |
ಯಃ ಪಿಪ್ರುಂ॒ ನಮು॑ಚಿಂ॒ ಯೋ ರು॑ಧಿ॒ಕ್ರಾಂ ತಸ್ಮಾ॒ ಇಂದ್ರಾ॒ಯಾಂಧ॑ಸೋ ಜುಹೋತ || 2.14.5
ಅಧ್ವ᳚ರ್ಯವೋ॒ ಯಃ ಶ॒ತಂ ಶಂಬ॑ರಸ್ಯ॒ ಪುರೋ᳚ ಬಿ॒ಭೇದಾಶ್ಮ॑ನೇವ ಪೂ॒ರ್ವೀಃ |
ಯೋ ವ॒ರ್ಚಿನಃ॑ ಶ॒ತಮಿಂದ್ರಃ॑ ಸ॒ಹಸ್ರ॑ಮ॒ಪಾವ॑ಪ॒ದ್ಭರ॑ತಾ॒ ಸೋಮ॑ಮಸ್ಮೈ || 2.14.6
ಅಧ್ವ᳚ರ್ಯವೋ॒ ಯಃ ಶ॒ತಮಾ ಸ॒ಹಸ್ರಂ॒ ಭೂಮ್ಯಾ᳚ ಉ॒ಪಸ್ಥೇಽವ॑ಪಜ್ಜಘ॒ನ್ವಾನ್ |
ಕುತ್ಸ॑ಸ್ಯಾ॒ಯೋರ॑ತಿಥಿ॒ಗ್ವಸ್ಯ॑ ವೀ॒ರಾನ್ನ್ಯಾವೃ॑ಣ॒ಗ್ಭರ॑ತಾ॒ ಸೋಮ॑ಮಸ್ಮೈ || 2.14.7
ಅಧ್ವ᳚ರ್ಯವೋ॒ ಯನ್ನ॑ರಃ ಕಾ॒ಮಯಾ᳚ಧ್ವೇ ಶ್ರು॒ಷ್ಟೀ ವಹ᳚‌ನ್ತೋ ನಶಥಾ॒ ತದಿಂದ್ರೇ᳚ |
ಗಭ॑ಸ್ತಿಪೂತಂ ಭರತ ಶ್ರು॒ತಾಯೇಂದ್ರಾ᳚ಯ॒ ಸೋಮಂ᳚ ಯಜ್ಯವೋ ಜುಹೋತ || 2.14.8
ಅಧ್ವ᳚ರ್ಯವಃ॒ ಕರ್ತ॑ನಾ ಶ್ರು॒ಷ್ಟಿಮ॑ಸ್ಮೈ॒ ವನೇ॒ ನಿಪೂ᳚ತಂ॒ ವನ॒ ಉನ್ನ॑ಯಧ್ವ‌ಮ್ |
ಜು॒ಷಾ॒ಣೋ ಹಸ್ತ್ಯ॑ಮ॒ಭಿ ವಾ᳚ವಶೇ ವ॒ ಇಂದ್ರಾ᳚ಯ॒ ಸೋಮಂ᳚ ಮದಿ॒ರಂ ಜು॑ಹೋತ || 2.14.9
ಅಧ್ವ᳚ರ್ಯವಃ॒ ಪಯ॒ಸೋಧ॒ರ್ಯಥಾ॒ ಗೋಃ ಸೋಮೇ᳚ಭಿರೀಂ ಪೃಣತಾ ಭೋ॒ಜಮಿಂದ್ರ‌ಮ್᳚ |
ವೇದಾ॒ಹಮ॑ಸ್ಯ॒ ನಿಭೃ॑ತಂ ಮ ಏ॒ತದ್ದಿತ್ಸ᳚‌ನ್ತಂ॒ ಭೂಯೋ᳚ ಯಜ॒ತಶ್ಚಿ॑ಕೇತ || 2.14.10
ಅಧ್ವ᳚ರ್ಯವೋ॒ ಯೋ ದಿ॒ವ್ಯಸ್ಯ॒ ವಸ್ವೋ॒ ಯಃ ಪಾರ್ಥಿ॑ವಸ್ಯ॒ ಕ್ಷಮ್ಯ॑ಸ್ಯ॒ ರಾಜಾ᳚ |
ತಮೂರ್ದ॑ರಂ॒ ನ ಪೃ॑ಣತಾ॒ ಯವೇ॒ನೇಂದ್ರಂ॒ ಸೋಮೇ᳚ಭಿ॒ಸ್ತದಪೋ᳚ ವೋ ಅಸ್ತು || 2.14.11
ಅ॒ಸ್ಮಭ್ಯಂ॒ ತದ್ವ॑ಸೋ ದಾ॒ನಾಯ॒ ರಾಧಃ॒ ಸಮ॑ರ್ಥಯಸ್ವ ಬ॒ಹು ತೇ᳚ ವಸ॒ವ್ಯ‌ಮ್᳚ |
ಇಂದ್ರ॒ ಯಚ್ಚಿ॒ತ್ರಂ ಶ್ರ॑ವ॒ಸ್ಯಾ ಅನು॒ ದ್ಯೂನ್ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.14.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಪ್ರ ಘಾ॒ ನ್ವ॑ಸ್ಯ ಮಹ॒ತೋ ಮ॒ಹಾನಿ॑ ಸ॒ತ್ಯಾ ಸ॒ತ್ಯಸ್ಯ॒ ಕರ॑ಣಾನಿ ವೋಚ‌ಮ್ |
ತ್ರಿಕ॑ದ್ರುಕೇಷ್ವಪಿಬತ್ಸು॒ತಸ್ಯಾ॒ಸ್ಯ ಮದೇ॒ ಅಹಿ॒ಮಿಂದ್ರೋ᳚ ಜಘಾನ || 2.15.1
ಅ॒ವಂ॒ಶೇ ದ್ಯಾಮ॑ಸ್ತಭಾಯದ್ಬೃ॒ಹ‌ನ್ತ॒ಮಾ ರೋದ॑ಸೀ ಅಪೃಣದ॒‌ನ್ತರಿ॑ಕ್ಷ‌ಮ್ |
ಸ ಧಾ᳚ರಯತ್ಪೃಥಿ॒ವೀಂ ಪ॒ಪ್ರಥ॑ಚ್ಚ॒ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.2
ಸದ್ಮೇ᳚ವ॒ ಪ್ರಾಚೋ॒ ವಿ ಮಿ॑ಮಾಯ॒ ಮಾನೈ॒ರ್ವಜ್ರೇ᳚ಣ॒ ಖಾನ್ಯ॑ತೃಣನ್ನ॒ದೀನಾ‌ಮ್᳚ |
ವೃಥಾ᳚ಸೃಜತ್ಪ॒ಥಿಭಿ॑ರ್ದೀರ್ಘಯಾ॒ಥೈಃ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.3
ಸ ಪ್ರ॑ವೋ॒ಳ್ಹೄನ್ಪ॑ರಿ॒ಗತ್ಯಾ᳚ ದ॒ಭೀತೇ॒ರ್ವಿಶ್ವ॑ಮಧಾ॒ಗಾಯು॑ಧಮಿ॒ದ್ಧೇ ಅ॒ಗ್ನೌ |
ಸಂ ಗೋಭಿ॒ರಶ್ವೈ᳚ರಸೃಜ॒ದ್ರಥೇ᳚ಭಿಃ॒ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.4
ಸ ಈಂ᳚ ಮ॒ಹೀಂ ಧುನಿ॒ಮೇತೋ᳚ರರಮ್ಣಾ॒ತ್ಸೋ ಅ॑ಸ್ನಾ॒ತೄನ॑ಪಾರಯತ್ಸ್ವ॒ಸ್ತಿ |
ತ ಉ॒ತ್ಸ್ನಾಯ॑ ರ॒ಯಿಮ॒ಭಿ ಪ್ರ ತ॑ಸ್ಥುಃ॒ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.5
ಸೋದಂ᳚ಚಂ॒ ಸಿಂಧು॑ಮರಿಣಾನ್ಮಹಿ॒ತ್ವಾ ವಜ್ರೇ॒ಣಾನ॑ ಉ॒ಷಸಃ॒ ಸಂ ಪಿ॑ಪೇಷ |
ಅ॒ಜ॒ವಸೋ᳚ ಜ॒ವಿನೀ᳚ಭಿರ್ವಿವೃ॒ಶ್ಚ‌‌ನ್ತ್ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.6
ಸ ವಿ॒ದ್ವಾಁ ಅ॑ಪಗೋ॒ಹಂ ಕ॒ನೀನಾ᳚ಮಾ॒ವಿರ್ಭವ॒ನ್ನುದ॑ತಿಷ್ಠತ್ಪರಾ॒ವೃಕ್ |
ಪ್ರತಿ॑ ಶ್ರೋ॒ಣಃ ಸ್ಥಾ॒ದ್ವ್ಯ1॒॑ನಗ॑ಚಷ್ಟ॒ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.7
ಭಿ॒ನದ್ವ॒ಲಮಂಗಿ॑ರೋಭಿರ್ಗೃಣಾ॒ನೋ ವಿ ಪರ್ವ॑ತಸ್ಯ ದೃಂಹಿ॒ತಾನ್ಯೈ᳚ರತ್ |
ರಿ॒ಣಗ್ರೋಧಾಂ᳚ಸಿ ಕೃ॒ತ್ರಿಮಾ᳚ಣ್ಯೇಷಾಂ॒ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.8
ಸ್ವಪ್ನೇ᳚ನಾ॒ಭ್ಯುಪ್ಯಾ॒ ಚುಮು॑ರಿಂ॒ ಧುನಿಂ᳚ ಚ ಜ॒ಘ‌ನ್ಥ॒ ದಸ್ಯುಂ॒ ಪ್ರ ದ॒ಭೀತಿ॑ಮಾವಃ |
ರಂ॒ಭೀ ಚಿ॒ದತ್ರ॑ ವಿವಿದೇ॒ ಹಿರ᳚ಣ್ಯಂ॒ ಸೋಮ॑ಸ್ಯ॒ ತಾ ಮದ॒ ಇಂದ್ರ॑ಶ್ಚಕಾರ || 2.15.9
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.15.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (1-8) ಪ್ರಥಮಾದ್ಯಶ್ಟರ್ಚಾಂ ಜಗತೀ (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ವಃ॑ ಸ॒ತಾಂ ಜ್ಯೇಷ್ಠ॑ತಮಾಯ ಸುಷ್ಟು॒ತಿಮ॒ಗ್ನಾವಿ॑ವ ಸಮಿಧಾ॒ನೇ ಹ॒ವಿರ್ಭ॑ರೇ |
ಇಂದ್ರ॑ಮಜು॒ರ್ಯಂ ಜ॒ರಯ᳚‌ನ್ತಮುಕ್ಷಿ॒ತಂ ಸ॒ನಾದ್ಯುವಾ᳚ನ॒ಮವ॑ಸೇ ಹವಾಮಹೇ || 2.16.1
ಯಸ್ಮಾ॒ದಿಂದ್ರಾ᳚ದ್ಬೃಹ॒ತಃ ಕಿಂ ಚ॒ನೇಮೃ॒ತೇ ವಿಶ್ವಾ᳚ನ್ಯಸ್ಮಿ॒‌‌ನ್ತ್ಸಂಭೃ॒ತಾಧಿ॑ ವೀ॒ರ್ಯಾ᳚ |
ಜ॒ಠರೇ॒ ಸೋಮಂ᳚ ತ॒ನ್ವೀ॒3॒॑ ಸಹೋ॒ ಮಹೋ॒ ಹಸ್ತೇ॒ ವಜ್ರಂ॒ ಭರ॑ತಿ ಶೀ॒ರ್ಷಣಿ॒ ಕ್ರತು‌ಮ್᳚ || 2.16.2
ನ ಕ್ಷೋ॒ಣೀಭ್ಯಾಂ᳚ ಪರಿ॒ಭ್ವೇ᳚ ತ ಇಂದ್ರಿ॒ಯಂ ನ ಸ॑ಮು॒ದ್ರೈಃ ಪರ್ವ॑ತೈರಿಂದ್ರ ತೇ॒ ರಥಃ॑ |
ನ ತೇ॒ ವಜ್ರ॒ಮನ್ವ॑ಶ್ನೋತಿ॒ ಕಶ್ಚ॒ನ ಯದಾ॒ಶುಭಿಃ॒ ಪತ॑ಸಿ॒ ಯೋಜ॑ನಾ ಪು॒ರು || 2.16.3
ವಿಶ್ವೇ॒ ಹ್ಯ॑ಸ್ಮೈ ಯಜ॒ತಾಯ॑ ಧೃ॒ಷ್ಣವೇ॒ ಕ್ರತುಂ॒ ಭರ᳚‌ನ್ತಿ ವೃಷ॒ಭಾಯ॒ ಸಶ್ಚ॑ತೇ |
ವೃಷಾ᳚ ಯಜಸ್ವ ಹ॒ವಿಷಾ᳚ ವಿ॒ದುಷ್ಟ॑ರಃ॒ ಪಿಬೇಂ᳚ದ್ರ॒ ಸೋಮಂ᳚ ವೃಷ॒ಭೇಣ॑ ಭಾ॒ನುನಾ᳚ || 2.16.4
ವೃಷ್ಣಃ॒ ಕೋಶಃ॑ ಪವತೇ॒ ಮಧ್ವ॑ ಊ॒ರ್ಮಿರ್ವೃ॑ಷ॒ಭಾನ್ನಾ᳚ಯ ವೃಷ॒ಭಾಯ॒ ಪಾತ॑ವೇ |
ವೃಷ॑ಣಾಧ್ವ॒ರ್ಯೂ ವೃ॑ಷ॒ಭಾಸೋ॒ ಅದ್ರ॑ಯೋ॒ ವೃಷ॑ಣಂ॒ ಸೋಮಂ᳚ ವೃಷ॒ಭಾಯ॑ ಸುಷ್ವತಿ || 2.16.5
ವೃಷಾ᳚ ತೇ॒ ವಜ್ರ॑ ಉ॒ತ ತೇ॒ ವೃಷಾ॒ ರಥೋ॒ ವೃಷ॑ಣಾ॒ ಹರೀ᳚ ವೃಷ॒ಭಾಣ್ಯಾಯು॑ಧಾ |
ವೃಷ್ಣೋ॒ ಮದ॑ಸ್ಯ ವೃಷಭ॒ ತ್ವಮೀ᳚ಶಿಷ॒ ಇಂದ್ರ॒ ಸೋಮ॑ಸ್ಯ ವೃಷ॒ಭಸ್ಯ॑ ತೃಪ್ಣುಹಿ || 2.16.6
ಪ್ರ ತೇ॒ ನಾವಂ॒ ನ ಸಮ॑ನೇ ವಚ॒ಸ್ಯುವಂ॒ ಬ್ರಹ್ಮ॑ಣಾ ಯಾಮಿ॒ ಸವ॑ನೇಷು॒ ದಾಧೃ॑ಷಿಃ |
ಕು॒ವಿನ್ನೋ᳚ ಅ॒ಸ್ಯ ವಚ॑ಸೋ ನಿ॒ಬೋಧಿ॑ಷ॒ದಿಂದ್ರ॒ಮುತ್ಸಂ॒ ನ ವಸು॑ನಃ ಸಿಚಾಮಹೇ || 2.16.7
ಪು॒ರಾ ಸಂ॑ಬಾ॒ಧಾದ॒ಭ್ಯಾ ವ॑ವೃತ್ಸ್ವ ನೋ ಧೇ॒ನುರ್ನ ವ॒ತ್ಸಂ ಯವ॑ಸಸ್ಯ ಪಿ॒ಪ್ಯುಷೀ᳚ |
ಸ॒ಕೃತ್ಸು ತೇ᳚ ಸುಮ॒ತಿಭಿಃ॑ ಶತಕ್ರತೋ॒ ಸಂ ಪತ್ನೀ᳚ಭಿ॒ರ್ನ ವೃಷ॑ಣೋ ನಸೀಮಹಿ || 2.16.8
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.16.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (1-7) ಪ್ರಥಮಾದಿಸಪ್ತರ್ಷೋಂ ಜಗತೀ (8-9) ಅಷ್ಟಮೀನವಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ತದ॑ಸ್ಮೈ॒ ನವ್ಯ॑ಮಂಗಿರ॒ಸ್ವದ॑ರ್ಚತ॒ ಶುಷ್ಮಾ॒ ಯದ॑ಸ್ಯ ಪ್ರ॒ತ್ನಥೋ॒ದೀರ॑ತೇ |
ವಿಶ್ವಾ॒ ಯದ್ಗೋ॒ತ್ರಾ ಸಹ॑ಸಾ॒ ಪರೀ᳚ವೃತಾ॒ ಮದೇ॒ ಸೋಮ॑ಸ್ಯ ದೃಂಹಿ॒ತಾನ್ಯೈರ॑ಯತ್ || 2.17.1
ಸ ಭೂ᳚ತು॒ ಯೋ ಹ॑ ಪ್ರಥ॒ಮಾಯ॒ ಧಾಯ॑ಸ॒ ಓಜೋ॒ ಮಿಮಾ᳚ನೋ ಮಹಿ॒ಮಾನ॒ಮಾತಿ॑ರತ್ |
ಶೂರೋ॒ ಯೋ ಯು॒ತ್ಸು ತ॒ನ್ವಂ᳚ ಪರಿ॒ವ್ಯತ॑ ಶೀ॒ರ್ಷಣಿ॒ ದ್ಯಾಂ ಮ॑ಹಿ॒ನಾ ಪ್ರತ್ಯ॑ಮುಂಚತ || 2.17.2
ಅಧಾ᳚ಕೃಣೋಃ ಪ್ರಥ॒ಮಂ ವೀ॒ರ್ಯಂ᳚ ಮ॒ಹದ್ಯದ॒ಸ್ಯಾಗ್ರೇ॒ ಬ್ರಹ್ಮ॑ಣಾ॒ ಶುಷ್ಮ॒ಮೈರ॑ಯಃ |
ರ॒ಥೇ॒ಷ್ಠೇನ॒ ಹರ್ಯ॑ಶ್ವೇನ॒ ವಿಚ್ಯು॑ತಾಃ॒ ಪ್ರ ಜೀ॒ರಯಃ॑ ಸಿಸ್ರತೇ ಸ॒ಧ್ರ್ಯ1॒॑ಕ್ಪೃಥ॑ಕ್ || 2.17.3
ಅಧಾ॒ ಯೋ ವಿಶ್ವಾ॒ ಭುವ॑ನಾ॒ಭಿ ಮ॒ಜ್ಮನೇ᳚ಶಾನ॒ಕೃತ್ಪ್ರವ॑ಯಾ ಅ॒ಭ್ಯವ॑ರ್ಧತ |
ಆದ್ರೋದ॑ಸೀ॒ ಜ್ಯೋತಿ॑ಷಾ॒ ವಹ್ನಿ॒ರಾತ॑ನೋ॒ತ್ಸೀವ್ಯ॒‌ನ್ತಮಾಂ᳚ಸಿ॒ ದುಧಿ॑ತಾ॒ ಸಮ᳚ವ್ಯಯತ್ || 2.17.4
ಸ ಪ್ರಾ॒ಚೀನಾ॒ನ್ಪರ್ವ॑ತಾಂದೃಂಹ॒ದೋಜ॑ಸಾಧರಾ॒ಚೀನ॑ಮಕೃಣೋದ॒ಪಾಮಪಃ॑ |
ಅಧಾ᳚ರಯತ್ಪೃಥಿ॒ವೀಂ ವಿ॒ಶ್ವಧಾ᳚ಯಸ॒ಮಸ್ತ॑ಭ್ನಾನ್ಮಾ॒ಯಯಾ॒ ದ್ಯಾಮ॑ವ॒ಸ್ರಸಃ॑ || 2.17.5
ಸಾಸ್ಮಾ॒ ಅರಂ᳚ ಬಾ॒ಹುಭ್ಯಾಂ॒ ಯಂ ಪಿ॒ತಾಕೃ॑ಣೋ॒ದ್ವಿಶ್ವ॑ಸ್ಮಾ॒ದಾ ಜ॒ನುಷೋ॒ ವೇದ॑ಸ॒ಸ್ಪರಿ॑ |
ಯೇನಾ᳚ ಪೃಥಿ॒ವ್ಯಾಂ ನಿ ಕ್ರಿವಿಂ᳚ ಶ॒ಯಧ್ಯೈ॒ ವಜ್ರೇ᳚ಣ ಹ॒ತ್ವ್ಯವೃ॑ಣಕ್ತುವಿ॒ಷ್ವಣಿಃ॑ || 2.17.6
ಅ॒ಮಾ॒ಜೂರಿ॑ವ ಪಿ॒ತ್ರೋಃ ಸಚಾ᳚ ಸ॒ತೀ ಸ॑ಮಾ॒ನಾದಾ ಸದ॑ಸ॒ಸ್ತ್ವಾಮಿ॑ಯೇ॒ ಭಗ‌ಮ್᳚ |
ಕೃ॒ಧಿ ಪ್ರ॑ಕೇ॒ತಮುಪ॑ ಮಾ॒ಸ್ಯಾ ಭ॑ರ ದ॒ದ್ಧಿ ಭಾ॒ಗಂ ತ॒ನ್ವೋ॒3॒॑ ಯೇನ॑ ಮಾ॒ಮಹಃ॑ || 2.17.7
ಭೋ॒ಜಂ ತ್ವಾಮಿಂ᳚ದ್ರ ವ॒ಯಂ ಹು॑ವೇಮ ದ॒ದಿಷ್ಟ್ವಮಿಂ॒ದ್ರಾಪಾಂ᳚ಸಿ॒ ವಾಜಾನ್॑ |
ಅ॒ವಿ॒ಡ್ಢೀಂ᳚ದ್ರ ಚಿ॒ತ್ರಯಾ᳚ ನ ಊ॒ತೀ ಕೃ॒ಧಿ ವೃ॑ಷನ್ನಿಂದ್ರ॒ ವಸ್ಯ॑ಸೋ ನಃ || 2.17.8
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.17.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಪ್ರಾ॒ತಾ ರಥೋ॒ ನವೋ᳚ ಯೋಜಿ॒ ಸಸ್ನಿ॒ಶ್ಚತು᳚ರ್ಯುಗಸ್ತ್ರಿಕ॒ಶಃ ಸ॒ಪ್ತರ॑ಶ್ಮಿಃ |
ದಶಾ᳚ರಿತ್ರೋ ಮನು॒ಷ್ಯಃ॑ ಸ್ವ॒ರ್ಷಾಃ ಸ ಇ॒ಷ್ಟಿಭಿ᳚ರ್ಮ॒ತಿಭೀ॒ ರಂಹ್ಯೋ᳚ ಭೂತ್ || 2.18.1
ಸಾಸ್ಮಾ॒ ಅರಂ᳚ ಪ್ರಥ॒ಮಂ ಸ ದ್ವಿ॒ತೀಯ॑ಮು॒ತೋ ತೃ॒ತೀಯಂ॒ ಮನು॑ಷಃ॒ ಸ ಹೋತಾ᳚ |
ಅ॒ನ್ಯಸ್ಯಾ॒ ಗರ್ಭ॑ಮ॒ನ್ಯ ಊ᳚ ಜನ‌ನ್ತ॒ ಸೋ ಅ॒ನ್ಯೇಭಿಃ॑ ಸಚತೇ॒ ಜೇನ್ಯೋ॒ ವೃಷಾ᳚ || 2.18.2
ಹರೀ॒ ನು ಕಂ॒ ರಥ॒ ಇಂದ್ರ॑ಸ್ಯ ಯೋಜಮಾ॒ಯೈ ಸೂ॒ಕ್ತೇನ॒ ವಚ॑ಸಾ॒ ನವೇ᳚ನ |
ಮೋ ಷು ತ್ವಾಮತ್ರ॑ ಬ॒ಹವೋ॒ ಹಿ ವಿಪ್ರಾ॒ ನಿ ರೀ᳚ರಮ॒ನ್ಯಜ॑ಮಾನಾಸೋ ಅ॒ನ್ಯೇ || 2.18.3
ಆ ದ್ವಾಭ್ಯಾಂ॒ ಹರಿ॑ಭ್ಯಾಮಿಂದ್ರ ಯಾ॒ಹ್ಯಾ ಚ॒ತುರ್ಭಿ॒ರಾ ಷ॒ಡ್ಭಿರ್ಹೂ॒ಯಮಾ᳚ನಃ |
ಆಷ್ಟಾ॒ಭಿರ್ದ॒ಶಭಿಃ॑ ಸೋಮ॒ಪೇಯ॑ಮ॒ಯಂ ಸು॒ತಃ ಸು॑ಮಖ॒ ಮಾ ಮೃಧ॑ಸ್ಕಃ || 2.18.4
ಆ ವಿಂ᳚ಶ॒ತ್ಯಾ ತ್ರಿಂ॒ಶತಾ᳚ ಯಾಹ್ಯ॒ರ್ವಾಙಾ ಚ॑ತ್ವಾರಿಂ॒ಶತಾ॒ ಹರಿ॑ಭಿರ್ಯುಜಾ॒ನಃ |
ಆ ಪಂ᳚ಚಾ॒ಶತಾ᳚ ಸು॒ರಥೇ᳚ಭಿರಿಂ॒ದ್ರಾ ಷ॒ಷ್ಟ್ಯಾ ಸ॑ಪ್ತ॒ತ್ಯಾ ಸೋ᳚ಮ॒ಪೇಯ‌ಮ್᳚ || 2.18.5
ಆಶೀ॒ತ್ಯಾ ನ॑ವ॒ತ್ಯಾ ಯಾ᳚ಹ್ಯ॒ರ್ವಾಙಾ ಶ॒ತೇನ॒ ಹರಿ॑ಭಿರು॒ಹ್ಯಮಾ᳚ನಃ |
ಅ॒ಯಂ ಹಿ ತೇ᳚ ಶು॒ನಹೋ᳚ತ್ರೇಷು॒ ಸೋಮ॒ ಇಂದ್ರ॑ ತ್ವಾ॒ಯಾ ಪರಿ॑ಷಿಕ್ತೋ॒ ಮದಾ᳚ಯ || 2.18.6
ಮಮ॒ ಬ್ರಹ್ಮೇಂ᳚ದ್ರ ಯಾ॒ಹ್ಯಚ್ಛಾ॒ ವಿಶ್ವಾ॒ ಹರೀ᳚ ಧು॒ರಿ ಧಿ॑ಷ್ವಾ॒ ರಥ॑ಸ್ಯ |
ಪು॒ರು॒ತ್ರಾ ಹಿ ವಿ॒ಹವ್ಯೋ᳚ ಬ॒ಭೂಥಾ॒ಸ್ಮಿಂಛೂ᳚ರ॒ ಸವ॑ನೇ ಮಾದಯಸ್ವ || 2.18.7
ನ ಮ॒ ಇಂದ್ರೇ᳚ಣ ಸ॒ಖ್ಯಂ ವಿ ಯೋ᳚ಷದ॒ಸ್ಮಭ್ಯ॑ಮಸ್ಯ॒ ದಕ್ಷಿ॑ಣಾ ದುಹೀತ |
ಉಪ॒ ಜ್ಯೇಷ್ಠೇ॒ ವರೂ᳚ಥೇ॒ ಗಭ॑ಸ್ತೌ ಪ್ರಾ॒ಯೇಪ್ರಾ᳚ಯೇ ಜಿಗೀ॒ವಾಂಸಃ॑ ಸ್ಯಾಮ || 2.18.8
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.18.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಅಪಾ᳚ಯ್ಯ॒ಸ್ಯಾಂಧ॑ಸೋ॒ ಮದಾ᳚ಯ॒ ಮನೀ᳚ಷಿಣಃ ಸುವಾ॒ನಸ್ಯ॒ ಪ್ರಯ॑ಸಃ |
ಯಸ್ಮಿ॒ನ್ನಿಂದ್ರಃ॑ ಪ್ರ॒ದಿವಿ॑ ವಾವೃಧಾ॒ನ ಓಕೋ᳚ ದ॒ಧೇ ಬ್ರ᳚ಹ್ಮ॒ಣ್ಯ‌ನ್ತ॑ಶ್ಚ॒ ನರಃ॑ || 2.19.1
ಅ॒ಸ್ಯ ಮಂ᳚ದಾ॒ನೋ ಮಧ್ವೋ॒ ವಜ್ರ॑ಹ॒ಸ್ತೋಽಹಿ॒ಮಿಂದ್ರೋ᳚ ಅರ್ಣೋ॒ವೃತಂ॒ ವಿ ವೃ॑ಶ್ಚತ್ |
ಪ್ರ ಯದ್ವಯೋ॒ ನ ಸ್ವಸ॑ರಾ॒ಣ್ಯಚ್ಛಾ॒ ಪ್ರಯಾಂ᳚ಸಿ ಚ ನ॒ದೀನಾಂ॒ ಚಕ್ರ॑ಮ‌ನ್ತ || 2.19.2
ಸ ಮಾಹಿ॑ನ॒ ಇಂದ್ರೋ॒ ಅರ್ಣೋ᳚ ಅ॒ಪಾಂ ಪ್ರೈರ॑ಯದಹಿ॒ಹಾಚ್ಛಾ᳚ ಸಮು॒ದ್ರ‌ಮ್ |
ಅಜ॑ನಯ॒ತ್ಸೂರ್ಯಂ᳚ ವಿ॒ದದ್ಗಾ ಅ॒ಕ್ತುನಾಹ್ನಾಂ᳚ ವ॒ಯುನಾ᳚ನಿ ಸಾಧತ್ || 2.19.3
ಸೋ ಅ॑ಪ್ರ॒ತೀನಿ॒ ಮನ॑ವೇ ಪು॒ರೂಣೀಂದ್ರೋ᳚ ದಾಶದ್ದಾ॒ಶುಷೇ॒ ಹ‌ನ್ತಿ॑ ವೃ॒ತ್ರ‌ಮ್ |
ಸ॒ದ್ಯೋ ಯೋ ನೃಭ್ಯೋ᳚ ಅತ॒ಸಾಯ್ಯೋ॒ ಭೂತ್ಪ॑ಸ್ಪೃಧಾ॒ನೇಭ್ಯಃ॒ ಸೂರ್ಯ॑ಸ್ಯ ಸಾ॒ತೌ || 2.19.4
ಸ ಸು᳚ನ್ವ॒ತ ಇಂದ್ರಃ॒ ಸೂರ್ಯ॒ಮಾ ದೇ॒ವೋ ರಿ॑ಣ॒ಙ್ಮರ್ತ್ಯಾ᳚ಯ ಸ್ತ॒ವಾನ್ |
ಆ ಯದ್ರ॒ಯಿಂ ಗು॒ಹದ॑ವದ್ಯಮಸ್ಮೈ॒ ಭರ॒ದಂಶಂ॒ ನೈತ॑ಶೋ ದಶ॒ಸ್ಯನ್ || 2.19.5
ಸ ರಂ᳚ಧಯತ್ಸ॒ದಿವಃ॒ ಸಾರ॑ಥಯೇ॒ ಶುಷ್ಣ॑ಮ॒ಶುಷಂ॒ ಕುಯ॑ವಂ॒ ಕುತ್ಸಾ᳚ಯ |
ದಿವೋ᳚ದಾಸಾಯ ನವ॒ತಿಂ ಚ॒ ನವೇಂದ್ರಃ॒ ಪುರೋ॒ ವ್ಯೈ᳚ರ॒ಚ್ಛಂಬ॑ರಸ್ಯ || 2.19.6
ಏ॒ವಾ ತ॑ ಇಂದ್ರೋ॒ಚಥ॑ಮಹೇಮ ಶ್ರವ॒ಸ್ಯಾ ನ ತ್ಮನಾ᳚ ವಾ॒ಜಯ᳚‌ನ್ತಃ |
ಅ॒ಶ್ಯಾಮ॒ ತತ್ಸಾಪ್ತ॑ಮಾಶುಷಾ॒ಣಾ ನ॒ನಮೋ॒ ವಧ॒ರದೇ᳚ವಸ್ಯ ಪೀ॒ಯೋಃ || 2.19.7
ಏ॒ವಾ ತೇ᳚ ಗೃತ್ಸಮ॒ದಾಃ ಶೂ᳚ರ॒ ಮನ್ಮಾ᳚ವ॒ಸ್ಯವೋ॒ ನ ವ॒ಯುನಾ᳚ನಿ ತಕ್ಷುಃ |
ಬ್ರ॒ಹ್ಮ॒ಣ್ಯ‌ನ್ತ॑ ಇಂದ್ರ ತೇ॒ ನವೀ᳚ಯ॒ ಇಷ॒ಮೂರ್ಜಂ᳚ ಸುಕ್ಷಿ॒ತಿಂ ಸು॒ಮ್ನಮ॑ಶ್ಯುಃ || 2.19.8
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.19.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (1-2, 4-9) ಪ್ರಥಮಾದ್ವಿತೀಯಯೋರ್ಚ್ಚೋಶ್ಚತುರ್ಥ್ಯಾದಿತೃಚದ್ವಯಸ್ಯ ಚ ತ್ರಿಷ್ಟುಪ್ (3) ತೃತೀಯಾಯಾಶ್ಚ ವಿರಾಙ್ಪಾ ಛಂದಸೀ

ವ॒ಯಂ ತೇ॒ ವಯ॑ ಇಂದ್ರ ವಿ॒ದ್ಧಿ ಷು ಣಃ॒ ಪ್ರ ಭ॑ರಾಮಹೇ ವಾಜ॒ಯುರ್ನ ರಥ‌ಮ್᳚ |
ವಿ॒ಪ॒ನ್ಯವೋ॒ ದೀಧ್ಯ॑ತೋ ಮನೀ॒ಷಾ ಸು॒ಮ್ನಮಿಯ॑ಕ್ಷ‌ನ್ತ॒ಸ್ತ್ವಾವ॑ತೋ॒ ನೄನ್ || 2.20.1
ತ್ವಂ ನ॑ ಇಂದ್ರ॒ ತ್ವಾಭಿ॑ರೂ॒ತೀ ತ್ವಾ᳚ಯ॒ತೋ ಅ॑ಭಿಷ್ಟಿ॒ಪಾಸಿ॒ ಜನಾನ್॑ |
ತ್ವಮಿ॒ನೋ ದಾ॒ಶುಷೋ᳚ ವರೂ॒ತೇತ್ಥಾಧೀ᳚ರ॒ಭಿ ಯೋ ನಕ್ಷ॑ತಿ ತ್ವಾ || 2.20.2
ಸ ನೋ॒ ಯುವೇಂದ್ರೋ᳚ ಜೋ॒ಹೂತ್ರಃ॒ ಸಖಾ᳚ ಶಿ॒ವೋ ನ॒ರಾಮ॑ಸ್ತು ಪಾ॒ತಾ |
ಯಃ ಶಂಸ᳚‌ನ್ತಂ॒ ಯಃ ಶ॑ಶಮಾ॒ನಮೂ॒ತೀ ಪಚ᳚‌ನ್ತಂ ಚ ಸ್ತು॒ವ‌ನ್ತಂ᳚ ಚ ಪ್ರ॒ಣೇಷ॑ತ್ || 2.20.3
ತಮು॑ ಸ್ತುಷ॒ ಇಂದ್ರಂ॒ ತಂ ಗೃ॑ಣೀಷೇ॒ ಯಸ್ಮಿ᳚ನ್ಪು॒ರಾ ವಾ᳚ವೃ॒ಧುಃ ಶಾ᳚ಶ॒ದುಶ್ಚ॑ |
ಸ ವಸ್ವಃ॒ ಕಾಮಂ᳚ ಪೀಪರದಿಯಾ॒ನೋ ಬ್ರ᳚ಹ್ಮಣ್ಯ॒ತೋ ನೂತ॑ನಸ್ಯಾ॒ಯೋಃ || 2.20.4
ಸೋ ಅಂಗಿ॑ರಸಾಮು॒ಚಥಾ᳚ ಜುಜು॒ಷ್ವಾನ್ಬ್ರಹ್ಮಾ᳚ ತೂತೋ॒ದಿಂದ್ರೋ᳚ ಗಾ॒ತುಮಿ॒ಷ್ಣನ್ |
ಮು॒ಷ್ಣನ್ನು॒ಷಸಃ॒ ಸೂರ್ಯೇ᳚ಣ ಸ್ತ॒ವಾನಶ್ನ॑ಸ್ಯ ಚಿಚ್ಛಿಶ್ನಥತ್ಪೂ॒ರ್ವ್ಯಾಣಿ॑ || 2.20.5
ಸ ಹ॑ ಶ್ರು॒ತ ಇಂದ್ರೋ॒ ನಾಮ॑ ದೇ॒ವ ಊ॒ರ್ಧ್ವೋ ಭು॑ವ॒ನ್ಮನು॑ಷೇ ದ॒ಸ್ಮತ॑ಮಃ |
ಅವ॑ ಪ್ರಿ॒ಯಮ॑ರ್ಶಸಾ॒ನಸ್ಯ॑ ಸಾ॒ಹ್ವಾಂಛಿರೋ᳚ ಭರದ್ದಾ॒ಸಸ್ಯ॑ ಸ್ವ॒ಧಾವಾನ್॑ || 2.20.6
ಸ ವೃ॑ತ್ರ॒ಹೇಂದ್ರಃ॑ ಕೃ॒ಷ್ಣಯೋ᳚ನೀಃ ಪುರಂದ॒ರೋ ದಾಸೀ᳚ರೈರಯ॒ದ್ವಿ |
ಅಜ॑ನಯ॒ನ್ಮನ॑ವೇ॒ ಕ್ಷಾಮ॒ಪಶ್ಚ॑ ಸ॒ತ್ರಾ ಶಂಸಂ॒ ಯಜ॑ಮಾನಸ್ಯ ತೂತೋತ್ || 2.20.7
ತಸ್ಮೈ᳚ ತವ॒ಸ್ಯ1॒॑ಮನು॑ ದಾಯಿ ಸ॒ತ್ರೇಂದ್ರಾ᳚ಯ ದೇ॒ವೇಭಿ॒ರರ್ಣ॑ಸಾತೌ |
ಪ್ರತಿ॒ ಯದ॑ಸ್ಯ॒ ವಜ್ರಂ᳚ ಬಾ॒ಹ್ವೋರ್ಧುರ್ಹ॒ತ್ವೀ ದಸ್ಯೂ॒ನ್ಪುರ॒ ಆಯ॑ಸೀ॒ರ್ನಿ ತಾ᳚ರೀತ್ || 2.20.8
ನೂ॒ನಂ ಸಾ ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ ದು॑ಹೀ॒ಯದಿಂ᳚ದ್ರ॒ ದಕ್ಷಿ॑ಣಾ ಮ॒ಘೋನೀ᳚ |
ಶಿಕ್ಷಾ᳚ ಸ್ತೋ॒ತೃಭ್ಯೋ॒ ಮಾತಿ॑ ಧ॒ಗ್ಭಗೋ᳚ ನೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.20.9

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (1-5) ಪ್ರಥಮಾದಿಪಂಚ! ಜಗತೀ (6) ಷಷ್ಟ್ಯಾಶ್ಚ ತ್ರಿಷ್ಟುಪ್ ಛಂದಸೀ

ವಿ॒ಶ್ವ॒ಜಿತೇ᳚ ಧನ॒ಜಿತೇ᳚ ಸ್ವ॒ರ್ಜಿತೇ᳚ ಸತ್ರಾ॒ಜಿತೇ᳚ ನೃ॒ಜಿತ॑ ಉರ್ವರಾ॒ಜಿತೇ᳚ |
ಅ॒ಶ್ವ॒ಜಿತೇ᳚ ಗೋ॒ಜಿತೇ᳚ ಅ॒ಬ್ಜಿತೇ᳚ ಭ॒ರೇಂದ್ರಾ᳚ಯ॒ ಸೋಮಂ᳚ ಯಜ॒ತಾಯ॑ ಹರ್ಯ॒ತ‌ಮ್ || 2.21.1
ಅ॒ಭಿ॒ಭುವೇ᳚ಽಭಿಭಂ॒ಗಾಯ॑ ವನ್ವ॒ತೇಽಷಾ᳚ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ᳚ |
ತು॒ವಿ॒ಗ್ರಯೇ॒ ವಹ್ನ॑ಯೇ ದು॒ಷ್ಟರೀ᳚ತವೇ ಸತ್ರಾ॒ಸಾಹೇ॒ ನಮ॒ ಇಂದ್ರಾ᳚ಯ ವೋಚತ || 2.21.2
ಸ॒ತ್ರಾ॒ಸಾ॒ಹೋ ಜ॑ನಭ॒ಕ್ಷೋ ಜ॑ನಂಸ॒ಹಶ್ಚ್ಯವ॑ನೋ ಯು॒ಧ್ಮೋ ಅನು॒ ಜೋಷ॑ಮುಕ್ಷಿ॒ತಃ |
ವೃ॒ತಂ॒ಚ॒ಯಃ ಸಹು॑ರಿರ್ವಿ॒ಕ್ಷ್ವಾ᳚ರಿ॒ತ ಇಂದ್ರ॑ಸ್ಯ ವೋಚಂ॒ ಪ್ರ ಕೃ॒ತಾನಿ॑ ವೀ॒ರ್ಯಾ᳚ || 2.21.3
ಅ॒ನಾ॒ನು॒ದೋ ವೃ॑ಷ॒ಭೋ ದೋಧ॑ತೋ ವ॒ಧೋ ಗಂ᳚ಭೀ॒ರ ಋ॒ಷ್ವೋ ಅಸ॑ಮಷ್ಟಕಾವ್ಯಃ |
ರ॒ಧ್ರ॒ಚೋ॒ದಃ ಶ್ನಥ॑ನೋ ವೀಳಿ॒ತಸ್ಪೃ॒ಥುರಿಂದ್ರಃ॑ ಸುಯ॒ಜ್ಞ ಉ॒ಷಸಃ॒ ಸ್ವ॑ರ್ಜನತ್ || 2.21.4
ಯ॒ಜ್ಞೇನ॑ ಗಾ॒ತುಮ॒ಪ್ತುರೋ᳚ ವಿವಿದ್ರಿರೇ॒ ಧಿಯೋ᳚ ಹಿನ್ವಾ॒ನಾ ಉ॒ಶಿಜೋ᳚ ಮನೀ॒ಷಿಣಃ॑ |
ಅ॒ಭಿ॒ಸ್ವರಾ᳚ ನಿ॒ಷದಾ॒ ಗಾ ಅ॑ವ॒ಸ್ಯವ॒ ಇಂದ್ರೇ᳚ ಹಿನ್ವಾ॒ನಾ ದ್ರವಿ॑ಣಾನ್ಯಾಶತ || 2.21.5
ಇಂದ್ರ॒ ಶ್ರೇಷ್ಠಾ᳚ನಿ॒ ದ್ರವಿ॑ಣಾನಿ ಧೇಹಿ॒ ಚಿತ್ತಿಂ॒ ದಕ್ಷ॑ಸ್ಯ ಸುಭಗ॒ತ್ವಮ॒ಸ್ಮೇ |
ಪೋಷಂ᳚ ರಯೀ॒ಣಾಮರಿ॑ಷ್ಟಿಂ ತ॒ನೂನಾಂ᳚ ಸ್ವಾ॒ದ್ಮಾನಂ᳚ ವಾ॒ಚಃ ಸು॑ದಿನ॒ತ್ವಮಹ್ನಾ‌ಮ್᳚ || 2.21.6

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಇಂದ್ರೋ ದೇವತಾ (1) ಪ್ರಥಮರ್ಚ ಅಷ್ಟಿಃ (2-4) ದ್ವಿತೀಯಾದಿತೃಚಸ್ಯ ಚಾತಿಶಕ್ವರೀ (4) ಚತುರ್ಥ್ಯಾ ಅಷ್ಟಿಆ ಛಂದಸೀ

ತ್ರಿಕ॑ದ್ರುಕೇಷು ಮಹಿ॒ಷೋ ಯವಾ᳚ಶಿರಂ ತುವಿ॒ಶುಷ್ಮ॑ಸ್ತೃ॒ಪತ್ಸೋಮ॑ಮಪಿಬ॒ದ್ವಿಷ್ಣು॑ನಾ ಸು॒ತಂ ಯಥಾವ॑ಶತ್ |
ಸ ಈಂ᳚ ಮಮಾದ॒ ಮಹಿ॒ ಕರ್ಮ॒ ಕರ್ತ॑ವೇ ಮ॒ಹಾಮು॒ರುಂ ಸೈನಂ᳚ ಸಶ್ಚದ್ದೇ॒ವೋ ದೇ॒ವಂ ಸ॒ತ್ಯಮಿಂದ್ರಂ᳚ ಸ॒ತ್ಯ ಇಂದುಃ॑ || 2.22.1
ಅಧ॒ ತ್ವಿಷೀ᳚ಮಾಁ ಅ॒ಭ್ಯೋಜ॑ಸಾ॒ ಕ್ರಿವಿಂ᳚ ಯು॒ಧಾಭ॑ವ॒ದಾ ರೋದ॑ಸೀ ಅಪೃಣದಸ್ಯ ಮ॒ಜ್ಮನಾ॒ ಪ್ರ ವಾ᳚ವೃಧೇ |
ಅಧ॑ತ್ತಾ॒ನ್ಯಂ ಜ॒ಠರೇ॒ ಪ್ರೇಮ॑ರಿಚ್ಯತ॒ ಸೈನಂ᳚ ಸಶ್ಚದ್ದೇ॒ವೋ ದೇ॒ವಂ ಸ॒ತ್ಯಮಿಂದ್ರಂ᳚ ಸ॒ತ್ಯ ಇಂದುಃ॑ || 2.22.2
ಸಾ॒ಕಂ ಜಾ॒ತಃ ಕ್ರತು॑ನಾ ಸಾ॒ಕಮೋಜ॑ಸಾ ವವಕ್ಷಿಥ ಸಾ॒ಕಂ ವೃ॒ದ್ಧೋ ವೀ॒ರ್ಯೈಃ᳚ ಸಾಸ॒ಹಿರ್ಮೃಧೋ॒ ವಿಚ॑ರ್ಷಣಿಃ |
ದಾತಾ॒ ರಾಧಃ॑ ಸ್ತುವ॒ತೇ ಕಾಮ್ಯಂ॒ ವಸು॒ ಸೈನಂ᳚ ಸಶ್ಚದ್ದೇ॒ವೋ ದೇ॒ವಂ ಸ॒ತ್ಯಮಿಂದ್ರಂ᳚ ಸ॒ತ್ಯ ಇಂದುಃ॑ || 2.22.3
ತವ॒ ತ್ಯನ್ನರ್ಯಂ᳚ ನೃ॒ತೋಽಪ॑ ಇಂದ್ರ ಪ್ರಥ॒ಮಂ ಪೂ॒ರ್ವ್ಯಂ ದಿ॒ವಿ ಪ್ರ॒ವಾಚ್ಯಂ᳚ ಕೃ॒ತ‌ಮ್ |
ಯದ್ದೇ॒ವಸ್ಯ॒ ಶವ॑ಸಾ॒ ಪ್ರಾರಿ॑ಣಾ॒ ಅಸುಂ᳚ ರಿ॒ಣನ್ನ॒ಪಃ |
ಭುವ॒ದ್ವಿಶ್ವ॑ಮ॒ಭ್ಯಾದೇ᳚ವ॒ಮೋಜ॑ಸಾ ವಿ॒ದಾದೂರ್ಜಂ᳚ ಶ॒ತಕ್ರ॑ತುರ್ವಿ॒ದಾದಿಷ‌ಮ್᳚ || 2.22.4

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1, 5, 9, 11, 17, 19) ಪ್ರಥಮಾಪಂಚಮೀನವಮ್ಯೇಕಾದಶೀಸಪ್ತದಶ್ಯೇಕೋನವಿಂಶ್ಯಚಾಂ ಬ್ರಹ್ಮಣಸ್ಪತಿಃ (24, 6-8, 10, 12-16, 18) ದ್ವಿತೀಯಾದಿಷಷ್ಠ್ಯಾದಿತೃಚಯೋರ್ದಶಮ್ಯಾ ದ್ವಾದಶ್ಯಾದಿಪಂಚಾನಾಮಷ್ಟಾದಶ್ಯಾಶ್ಚ ಬೃಹಸ್ಪತಿದೇವ ತೇ (1-14, 16-18) ಪ್ರಥಮಾದಿಚತುದಶ ! ಷೋಡಶ್ಯಾದಿತೃಚಸ್ಯ ಚ ಜಗತೀ (15, 19) ಪಂಚದಶ್ಯೇಕೋನವಿಂಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಗ॒ಣಾನಾಂ᳚ ತ್ವಾ ಗ॒ಣಪ॑ತಿಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮ‌ಮ್ |
ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿಃ॑ ಸೀದ॒ ಸಾದ॑ನ‌ಮ್ || 2.23.1
ದೇ॒ವಾಶ್ಚಿ॑ತ್ತೇ ಅಸುರ್ಯ॒ ಪ್ರಚೇ᳚ತಸೋ॒ ಬೃಹ॑ಸ್ಪತೇ ಯ॒ಜ್ಞಿಯಂ᳚ ಭಾ॒ಗಮಾ᳚ನಶುಃ |
ಉ॒ಸ್ರಾ ಇ॑ವ॒ ಸೂರ್ಯೋ॒ ಜ್ಯೋತಿ॑ಷಾ ಮ॒ಹೋ ವಿಶ್ವೇ᳚ಷಾ॒ಮಿಜ್ಜ॑ನಿ॒ತಾ ಬ್ರಹ್ಮ॑ಣಾಮಸಿ || 2.23.2
ಆ ವಿ॒ಬಾಧ್ಯಾ᳚ ಪರಿ॒ರಾಪ॒ಸ್ತಮಾಂ᳚ಸಿ ಚ॒ ಜ್ಯೋತಿ॑ಷ್ಮ‌ನ್ತಂ॒ ರಥ॑ಮೃ॒ತಸ್ಯ॑ ತಿಷ್ಠಸಿ |
ಬೃಹ॑ಸ್ಪತೇ ಭೀ॒ಮಮ॑ಮಿತ್ರ॒ದಂಭ॑ನಂ ರಕ್ಷೋ॒ಹಣಂ᳚ ಗೋತ್ರ॒ಭಿದಂ᳚ ಸ್ವ॒ರ್ವಿದ‌ಮ್᳚ || 2.23.3
ಸು॒ನೀ॒ತಿಭಿ᳚ರ್ನಯಸಿ॒ ತ್ರಾಯ॑ಸೇ॒ ಜನಂ॒ ಯಸ್ತುಭ್ಯಂ॒ ದಾಶಾ॒ನ್ನ ತಮಂಹೋ᳚ ಅಶ್ನವತ್ |
ಬ್ರ॒ಹ್ಮ॒ದ್ವಿಷ॒ಸ್ತಪ॑ನೋ ಮನ್ಯು॒ಮೀರ॑ಸಿ॒ ಬೃಹ॑ಸ್ಪತೇ॒ ಮಹಿ॒ ತತ್ತೇ᳚ ಮಹಿತ್ವ॒ನ‌ಮ್ || 2.23.4
ನ ತಮಂಹೋ॒ ನ ದು॑ರಿ॒ತಂ ಕುತ॑ಶ್ಚ॒ನ ನಾರಾ᳚ತಯಸ್ತಿತಿರು॒ರ್ನ ದ್ವ॑ಯಾ॒ವಿನಃ॑ |
ವಿಶ್ವಾ॒ ಇದ॑ಸ್ಮಾದ್ಧ್ವ॒ರಸೋ॒ ವಿ ಬಾ᳚ಧಸೇ॒ ಯಂ ಸು॑ಗೋ॒ಪಾ ರಕ್ಷ॑ಸಿ ಬ್ರಹ್ಮಣಸ್ಪತೇ || 2.23.5
ತ್ವಂ ನೋ᳚ ಗೋ॒ಪಾಃ ಪ॑ಥಿ॒ಕೃದ್ವಿ॑ಚಕ್ಷ॒ಣಸ್ತವ᳚ ವ್ರ॒ತಾಯ॑ ಮ॒ತಿಭಿ॑ರ್ಜರಾಮಹೇ |
ಬೃಹ॑ಸ್ಪತೇ॒ ಯೋ ನೋ᳚ ಅ॒ಭಿ ಹ್ವರೋ᳚ ದ॒ಧೇ ಸ್ವಾ ತಂ ಮ᳚ರ್ಮರ್ತು ದು॒ಚ್ಛುನಾ॒ ಹರ॑ಸ್ವತೀ || 2.23.6
ಉ॒ತ ವಾ॒ ಯೋ ನೋ᳚ ಮ॒ರ್ಚಯಾ॒ದನಾ᳚ಗಸೋಽರಾತೀ॒ವಾ ಮರ್ತಃ॑ ಸಾನು॒ಕೋ ವೃಕಃ॑ |
ಬೃಹ॑ಸ್ಪತೇ॒ ಅಪ॒ ತಂ ವ॑ರ್ತಯಾ ಪ॒ಥಃ ಸು॒ಗಂ ನೋ᳚ ಅ॒ಸ್ಯೈ ದೇ॒ವವೀ᳚ತಯೇ ಕೃಧಿ || 2.23.7
ತ್ರಾ॒ತಾರಂ᳚ ತ್ವಾ ತ॒ನೂನಾಂ᳚ ಹವಾಮ॒ಹೇಽವ॑ಸ್ಪರ್ತರಧಿವ॒ಕ್ತಾರ॑ಮಸ್ಮ॒ಯು‌ಮ್ |
ಬೃಹ॑ಸ್ಪತೇ ದೇವ॒ನಿದೋ॒ ನಿ ಬ॑ರ್ಹಯ॒ ಮಾ ದು॒ರೇವಾ॒ ಉತ್ತ॑ರಂ ಸು॒ಮ್ನಮುನ್ನ॑ಶನ್ || 2.23.8
ತ್ವಯಾ᳚ ವ॒ಯಂ ಸು॒ವೃಧಾ᳚ ಬ್ರಹ್ಮಣಸ್ಪತೇ ಸ್ಪಾ॒ರ್ಹಾ ವಸು॑ ಮನು॒ಷ್ಯಾ ದ॑ದೀಮಹಿ |
ಯಾ ನೋ᳚ ದೂ॒ರೇ ತ॒ಳಿತೋ॒ ಯಾ ಅರಾ᳚ತಯೋ॒ಽಭಿ ಸ‌ನ್ತಿ॑ ಜಂ॒ಭಯಾ॒ ತಾ ಅ॑ನ॒ಪ್ನಸಃ॑ || 2.23.9
ತ್ವಯಾ᳚ ವ॒ಯಮು॑ತ್ತ॒ಮಂ ಧೀ᳚ಮಹೇ॒ ವಯೋ॒ ಬೃಹ॑ಸ್ಪತೇ॒ ಪಪ್ರಿ॑ಣಾ॒ ಸಸ್ನಿ॑ನಾ ಯು॒ಜಾ |
ಮಾ ನೋ᳚ ದುಃ॒ಶಂಸೋ᳚ ಅಭಿದಿ॒ಪ್ಸುರೀ᳚ಶತ॒ ಪ್ರ ಸು॒ಶಂಸಾ᳚ ಮ॒ತಿಭಿ॑ಸ್ತಾರಿಷೀಮಹಿ || 2.23.10
ಅ॒ನಾ॒ನು॒ದೋ ವೃ॑ಷ॒ಭೋ ಜಗ್ಮಿ॑ರಾಹ॒ವಂ ನಿಷ್ಟ॑ಪ್ತಾ॒ ಶತ್ರುಂ॒ ಪೃತ॑ನಾಸು ಸಾಸ॒ಹಿಃ |
ಅಸಿ॑ ಸ॒ತ್ಯ ಋ॑ಣ॒ಯಾ ಬ್ರ᳚ಹ್ಮಣಸ್ಪತ ಉ॒ಗ್ರಸ್ಯ॑ ಚಿದ್ದಮಿ॒ತಾ ವೀ᳚ಳುಹ॒ರ್ಷಿಣಃ॑ || 2.23.11
ಅದೇ᳚ವೇನ॒ ಮನ॑ಸಾ॒ ಯೋ ರಿ॑ಷ॒ಣ್ಯತಿ॑ ಶಾ॒ಸಾಮು॒ಗ್ರೋ ಮನ್ಯ॑ಮಾನೋ॒ ಜಿಘಾಂ᳚ಸತಿ |
ಬೃಹ॑ಸ್ಪತೇ॒ ಮಾ ಪ್ರಣ॒ಕ್ತಸ್ಯ॑ ನೋ ವ॒ಧೋ ನಿ ಕ᳚ರ್ಮ ಮ॒ನ್ಯುಂ ದು॒ರೇವ॑ಸ್ಯ॒ ಶರ್ಧ॑ತಃ || 2.23.12
ಭರೇ᳚ಷು॒ ಹವ್ಯೋ॒ ನಮ॑ಸೋಪ॒ಸದ್ಯೋ॒ ಗ‌ನ್ತಾ॒ ವಾಜೇ᳚ಷು॒ ಸನಿ॑ತಾ॒ ಧನಂ᳚ಧನ‌ಮ್ |
ವಿಶ್ವಾ॒ ಇದ॒ರ್ಯೋ ಅ॑ಭಿದಿ॒ಪ್ಸ್ವೋ॒3॒॑ ಮೃಧೋ॒ ಬೃಹ॒ಸ್ಪತಿ॒ರ್ವಿ ವ॑ವರ್ಹಾ॒ ರಥಾಁ᳚ ಇವ || 2.23.13
ತೇಜಿ॑ಷ್ಠಯಾ ತಪ॒ನೀ ರ॒ಕ್ಷಸ॑ಸ್ತಪ॒ ಯೇ ತ್ವಾ᳚ ನಿ॒ದೇ ದ॑ಧಿ॒ರೇ ದೃ॒ಷ್ಟವೀ᳚ರ್ಯ‌ಮ್ |
ಆ॒ವಿಸ್ತತ್ಕೃ॑ಷ್ವ॒ ಯದಸ॑ತ್ತ ಉ॒ಕ್ಥ್ಯಂ1॒॑ ಬೃಹ॑ಸ್ಪತೇ॒ ವಿ ಪ॑ರಿ॒ರಾಪೋ᳚ ಅರ್ದಯ || 2.23.14
ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್ಹಾ᳚ದ್ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ᳚ಷು |
ಯದ್ದೀ॒ದಯ॒ಚ್ಛವ॑ಸ ಋತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರ‌ಮ್ || 2.23.15
ಮಾ ನಃ॑ ಸ್ತೇ॒ನೇಭ್ಯೋ॒ ಯೇ ಅ॒ಭಿ ದ್ರು॒ಹಸ್ಪ॒ದೇ ನಿ॑ರಾ॒ಮಿಣೋ᳚ ರಿ॒ಪವೋಽನ್ನೇ᳚ಷು ಜಾಗೃ॒ಧುಃ |
ಆ ದೇ॒ವಾನಾ॒ಮೋಹ॑ತೇ॒ ವಿ ವ್ರಯೋ᳚ ಹೃ॒ದಿ ಬೃಹ॑ಸ್ಪತೇ॒ ನ ಪ॒ರಃ ಸಾಮ್ನೋ᳚ ವಿದುಃ || 2.23.16
ವಿಶ್ವೇ᳚ಭ್ಯೋ॒ ಹಿ ತ್ವಾ॒ ಭುವ॑ನೇಭ್ಯ॒ಸ್ಪರಿ॒ ತ್ವಷ್ಟಾಜ॑ನ॒ತ್ಸಾಮ್ನಃ॑ಸಾಮ್ನಃ ಕ॒ವಿಃ |
ಸ ಋ॑ಣ॒ಚಿದೃ॑ಣ॒ಯಾ ಬ್ರಹ್ಮ॑ಣ॒ಸ್ಪತಿ॑ರ್ದ್ರು॒ಹೋ ಹ॒‌ನ್ತಾ ಮ॒ಹ ಋ॒ತಸ್ಯ॑ ಧ॒ರ್ತರಿ॑ || 2.23.17
ತವ॑ ಶ್ರಿ॒ಯೇ ವ್ಯ॑ಜಿಹೀತ॒ ಪರ್ವ॑ತೋ॒ ಗವಾಂ᳚ ಗೋ॒ತ್ರಮು॒ದಸೃ॑ಜೋ॒ ಯದಂ᳚ಗಿರಃ |
ಇಂದ್ರೇ᳚ಣ ಯು॒ಜಾ ತಮ॑ಸಾ॒ ಪರೀ᳚ವೃತಂ॒ ಬೃಹ॑ಸ್ಪತೇ॒ ನಿರ॒ಪಾಮೌ᳚ಬ್ಜೋ ಅರ್ಣ॒ವ‌ಮ್ || 2.23.18
ಬ್ರಹ್ಮ॑ಣಸ್ಪತೇ॒ ತ್ವಮ॒ಸ್ಯ ಯ॒‌ನ್ತಾ ಸೂ॒ಕ್ತಸ್ಯ॑ ಬೋಧಿ॒ ತನ॑ಯಂ ಚ ಜಿನ್ವ |
ವಿಶ್ವಂ॒ ತದ್ಭ॒ದ್ರಂ ಯದವ᳚‌ನ್ತಿ ದೇ॒ವಾ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.23.19

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1, 10) ಪ್ರಥಮ! ದಶಮ್ಯಾಶ್ಚ ಬೃಹಸ್ಪತಿಃ (2-9, 11, 13-16) ದ್ವಿತೀಯಾದ್ಯಷ್ಟಾನಾಮೇಕಾದಶ್ಯಾಸ್ತ್ರಯೋದಶ್ಯಾದಿಚತಸೃಣಾಂಚ ಬ್ರಹ್ಮಣಸ್ಪತಿಃ (12) ದ್ವಾದಶ್ಯಾಶ್ಚೇಂದ್ರಾಬ್ರಹ್ಮಣಸ್ಪತೀ ದೇವತಾಃ (1-11, 13-15) ಪ್ರಥಮಾಯೇಕಾದಶೋಂ ತ್ರಯೋದಶ್ಯಾದಿತೃಚಸ್ಯ ಚ ಜಗತೀ (12, 16) ದ್ವಾದಶೀಷೋಡಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಸೇಮಾಮ॑ವಿಡ್ಢಿ॒ ಪ್ರಭೃ॑ತಿಂ॒ ಯ ಈಶಿ॑ಷೇ॒ಽಯಾ ವಿ॑ಧೇಮ॒ ನವ॑ಯಾ ಮ॒ಹಾ ಗಿ॒ರಾ |
ಯಥಾ᳚ ನೋ ಮೀ॒ಢ್ವಾ‌‌ನ್ತ್ಸ್ತವ॑ತೇ॒ ಸಖಾ॒ ತವ॒ ಬೃಹ॑ಸ್ಪತೇ॒ ಸೀಷ॑ಧಃ॒ ಸೋತ ನೋ᳚ ಮ॒ತಿ‌ಮ್ || 2.24.1
ಯೋ ನ‌ನ್ತ್ವಾ॒ನ್ಯನ॑ಮ॒ನ್ನ್ಯೋಜ॑ಸೋ॒ತಾದ॑ರ್ದರ್ಮ॒ನ್ಯುನಾ॒ ಶಂಬ॑ರಾಣಿ॒ ವಿ |
ಪ್ರಾಚ್ಯಾ᳚ವಯ॒ದಚ್ಯು॑ತಾ॒ ಬ್ರಹ್ಮ॑ಣ॒ಸ್ಪತಿ॒ರಾ ಚಾವಿ॑ಶ॒ದ್ವಸು॑ಮ‌ನ್ತಂ॒ ವಿ ಪರ್ವ॑ತ‌ಮ್ || 2.24.2
ತದ್ದೇ॒ವಾನಾಂ᳚ ದೇ॒ವತ॑ಮಾಯ॒ ಕರ್ತ್ವ॒ಮಶ್ರ॑ಥ್ನಂದೃ॒ಳ್ಹಾವ್ರ॑ದ‌ನ್ತ ವೀಳಿ॒ತಾ |
ಉದ್ಗಾ ಆ᳚ಜ॒ದಭಿ॑ನ॒ದ್ಬ್ರಹ್ಮ॑ಣಾ ವ॒ಲಮಗೂ᳚ಹ॒ತ್ತಮೋ॒ ವ್ಯ॑ಚಕ್ಷಯ॒ತ್ಸ್ವಃ॑ || 2.24.3
ಅಶ್ಮಾ᳚ಸ್ಯಮವ॒ತಂ ಬ್ರಹ್ಮ॑ಣ॒ಸ್ಪತಿ॒ರ್ಮಧು॑ಧಾರಮ॒ಭಿ ಯಮೋಜ॒ಸಾತೃ॑ಣತ್ |
ತಮೇ॒ವ ವಿಶ್ವೇ᳚ ಪಪಿರೇ ಸ್ವ॒ರ್ದೃಶೋ᳚ ಬ॒ಹು ಸಾ॒ಕಂ ಸಿ॑ಸಿಚು॒ರುತ್ಸ॑ಮು॒ದ್ರಿಣ‌ಮ್᳚ || 2.24.4
ಸನಾ॒ ತಾ ಕಾ ಚಿ॒ದ್ಭುವ॑ನಾ॒ ಭವೀ᳚ತ್ವಾ ಮಾ॒ದ್ಭಿಃ ಶ॒ರದ್ಭಿ॒ರ್ದುರೋ᳚ ವರ‌ನ್ತ ವಃ |
ಅಯ॑ತ‌ನ್ತಾ ಚರತೋ ಅ॒ನ್ಯದ᳚ನ್ಯ॒ದಿದ್ಯಾ ಚ॒ಕಾರ॑ ವ॒ಯುನಾ॒ ಬ್ರಹ್ಮ॑ಣ॒ಸ್ಪತಿಃ॑ || 2.24.5
ಅ॒ಭಿ॒ನಕ್ಷ᳚‌ನ್ತೋ ಅ॒ಭಿ ಯೇ ತಮಾ᳚ನ॒ಶುರ್ನಿ॒ಧಿಂ ಪ॑ಣೀ॒ನಾಂ ಪ॑ರ॒ಮಂ ಗುಹಾ᳚ ಹಿ॒ತ‌ಮ್ |
ತೇ ವಿ॒ದ್ವಾಂಸಃ॑ ಪ್ರತಿ॒ಚಕ್ಷ್ಯಾನೃ॑ತಾ॒ ಪುನ॒ರ್ಯತ॑ ಉ॒ ಆಯ॒‌ನ್ತದುದೀ᳚ಯುರಾ॒ವಿಶ‌ಮ್᳚ || 2.24.6
ಋ॒ತಾವಾ᳚ನಃ ಪ್ರತಿ॒ಚಕ್ಷ್ಯಾನೃ॑ತಾ॒ ಪುನ॒ರಾತ॒ ಆ ತ॑ಸ್ಥುಃ ಕ॒ವಯೋ᳚ ಮ॒ಹಸ್ಪ॒ಥಃ |
ತೇ ಬಾ॒ಹುಭ್ಯಾಂ᳚ ಧಮಿ॒ತಮ॒ಗ್ನಿಮಶ್ಮ॑ನಿ॒ ನಕಿಃ॒ ಷೋ ಅ॒ಸ್ತ್ಯರ॑ಣೋ ಜ॒ಹುರ್ಹಿ ತ‌ಮ್ || 2.24.7
ಋ॒ತಜ್ಯೇ᳚ನ ಕ್ಷಿ॒ಪ್ರೇಣ॒ ಬ್ರಹ್ಮ॑ಣ॒ಸ್ಪತಿ॒ರ್ಯತ್ರ॒ ವಷ್ಟಿ॒ ಪ್ರ ತದ॑ಶ್ನೋತಿ॒ ಧನ್ವ॑ನಾ |
ತಸ್ಯ॑ ಸಾ॒ಧ್ವೀರಿಷ॑ವೋ॒ ಯಾಭಿ॒ರಸ್ಯ॑ತಿ ನೃ॒ಚಕ್ಷ॑ಸೋ ದೃ॒ಶಯೇ॒ ಕರ್ಣ॑ಯೋನಯಃ || 2.24.8
ಸ ಸಂ᳚ನ॒ಯಃ ಸ ವಿ॑ನ॒ಯಃ ಪು॒ರೋಹಿ॑ತಃ॒ ಸ ಸುಷ್ಟು॑ತಃ॒ ಸ ಯು॒ಧಿ ಬ್ರಹ್ಮ॑ಣ॒ಸ್ಪತಿಃ॑ |
ಚಾ॒ಕ್ಷ್ಮೋ ಯದ್ವಾಜಂ॒ ಭರ॑ತೇ ಮ॒ತೀ ಧನಾದಿತ್ಸೂರ್ಯ॑ಸ್ತಪತಿ ತಪ್ಯ॒ತುರ್ವೃಥಾ᳚ || 2.24.9
ವಿ॒ಭು ಪ್ರ॒ಭು ಪ್ರ॑ಥ॒ಮಂ ಮೇ॒ಹನಾ᳚ವತೋ॒ ಬೃಹ॒ಸ್ಪತೇಃ᳚ ಸುವಿ॒ದತ್ರಾ᳚ಣಿ॒ ರಾಧ್ಯಾ᳚ |
ಇ॒ಮಾ ಸಾ॒ತಾನಿ॑ ವೇ॒ನ್ಯಸ್ಯ॑ ವಾ॒ಜಿನೋ॒ ಯೇನ॒ ಜನಾ᳚ ಉ॒ಭಯೇ᳚ ಭುಂಜ॒ತೇ ವಿಶಃ॑ || 2.24.10
ಯೋಽವ॑ರೇ ವೃ॒ಜನೇ᳚ ವಿ॒ಶ್ವಥಾ᳚ ವಿ॒ಭುರ್ಮ॒ಹಾಮು॑ ರ॒ಣ್ವಃ ಶವ॑ಸಾ ವ॒ವಕ್ಷಿ॑ಥ |
ಸ ದೇ॒ವೋ ದೇ॒ವಾನ್ಪ್ರತಿ॑ ಪಪ್ರಥೇ ಪೃ॒ಥು ವಿಶ್ವೇದು॒ ತಾ ಪ॑ರಿ॒ಭೂರ್ಬ್ರಹ್ಮ॑ಣ॒ಸ್ಪತಿಃ॑ || 2.24.11
ವಿಶ್ವಂ᳚ ಸ॒ತ್ಯಂ ಮ॑ಘವಾನಾ ಯು॒ವೋರಿದಾಪ॑ಶ್ಚ॒ನ ಪ್ರ ಮಿ॑ನ‌ನ್ತಿ ವ್ರ॒ತಂ ವಾ‌ಮ್᳚ |
ಅಚ್ಛೇಂ᳚ದ್ರಾಬ್ರಹ್ಮಣಸ್ಪತೀ ಹ॒ವಿರ್ನೋಽನ್ನಂ॒ ಯುಜೇ᳚ವ ವಾ॒ಜಿನಾ᳚ ಜಿಗಾತ‌ಮ್ || 2.24.12
ಉ॒ತಾಶಿ॑ಷ್ಠಾ॒ ಅನು॑ ಶೃಣ್ವ‌ನ್ತಿ॒ ವಹ್ನ॑ಯಃ ಸ॒ಭೇಯೋ॒ ವಿಪ್ರೋ᳚ ಭರತೇ ಮ॒ತೀ ಧನಾ᳚ |
ವೀ॒ಳು॒ದ್ವೇಷಾ॒ ಅನು॒ ವಶ॑ ಋ॒ಣಮಾ᳚ದ॒ದಿಃ ಸ ಹ॑ ವಾ॒ಜೀ ಸ॑ಮಿ॒ಥೇ ಬ್ರಹ್ಮ॑ಣ॒ಸ್ಪತಿಃ॑ || 2.24.13
ಬ್ರಹ್ಮ॑ಣ॒ಸ್ಪತೇ᳚ರಭವದ್ಯಥಾವ॒ಶಂ ಸ॒ತ್ಯೋ ಮ॒ನ್ಯುರ್ಮಹಿ॒ ಕರ್ಮಾ᳚ ಕರಿಷ್ಯ॒ತಃ |
ಯೋ ಗಾ ಉ॒ದಾಜ॒ತ್ಸ ದಿ॒ವೇ ವಿ ಚಾ᳚ಭಜನ್ಮ॒ಹೀವ॑ ರೀ॒ತಿಃ ಶವ॑ಸಾಸರ॒ತ್ಪೃಥ॑ಕ್ || 2.24.14
ಬ್ರಹ್ಮ॑ಣಸ್ಪತೇ ಸು॒ಯಮ॑ಸ್ಯ ವಿ॒ಶ್ವಹಾ᳚ ರಾ॒ಯಃ ಸ್ಯಾ᳚ಮ ರ॒ಥ್ಯೋ॒3॒॑ ವಯ॑ಸ್ವತಃ |
ವೀ॒ರೇಷು॑ ವೀ॒ರಾಁ ಉಪ॑ ಪೃಙ್ಧಿ ನ॒ಸ್ತ್ವಂ ಯದೀಶಾ᳚ನೋ॒ ಬ್ರಹ್ಮ॑ಣಾ॒ ವೇಷಿ॑ ಮೇ॒ ಹವ‌ಮ್᳚ || 2.24.15
ಬ್ರಹ್ಮ॑ಣಸ್ಪತೇ॒ ತ್ವಮ॒ಸ್ಯ ಯ॒‌ನ್ತಾ ಸೂ॒ಕ್ತಸ್ಯ॑ ಬೋಧಿ॒ ತನ॑ಯಂ ಚ ಜಿನ್ವ |
ವಿಶ್ವಂ॒ ತದ್ಭ॒ದ್ರಂ ಯದವ᳚‌ನ್ತಿ ದೇ॒ವಾ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.24.16

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಬ್ರಹ್ಮಣಸ್ಪತಿರ್ದೇವತಾ ಜಗತೀ ಛಂದಃ

ಇಂಧಾ᳚ನೋ ಅ॒ಗ್ನಿಂ ವ॑ನವದ್ವನುಷ್ಯ॒ತಃ ಕೃ॒ತಬ್ರ᳚ಹ್ಮಾ ಶೂಶುವದ್ರಾ॒ತಹ᳚ವ್ಯ॒ ಇತ್ |
ಜಾ॒ತೇನ॑ ಜಾ॒ತಮತಿ॒ ಸ ಪ್ರ ಸ॑ರ್ಸೃತೇ॒ ಯಂಯಂ॒ ಯುಜಂ᳚ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ || 2.25.1
ವೀ॒ರೇಭಿ᳚ರ್ವೀ॒ರಾನ್ವ॑ನವದ್ವನುಷ್ಯ॒ತೋ ಗೋಭೀ᳚ ರ॒ಯಿಂ ಪ॑ಪ್ರಥ॒ದ್ಬೋಧ॑ತಿ॒ ತ್ಮನಾ᳚ |
ತೋ॒ಕಂ ಚ॒ ತಸ್ಯ॒ ತನ॑ಯಂ ಚ ವರ್ಧತೇ॒ ಯಂಯಂ॒ ಯುಜಂ᳚ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ || 2.25.2
ಸಿಂಧು॒ರ್ನ ಕ್ಷೋದಃ॒ ಶಿಮೀ᳚ವಾಁ ಋಘಾಯ॒ತೋ ವೃಷೇ᳚ವ॒ ವಧ್ರೀಁ᳚ರ॒ಭಿ ವ॒ಷ್ಟ್ಯೋಜ॑ಸಾ |
ಅ॒ಗ್ನೇರಿ॑ವ॒ ಪ್ರಸಿ॑ತಿ॒ರ್ನಾಹ॒ ವರ್ತ॑ವೇ॒ ಯಂಯಂ॒ ಯುಜಂ᳚ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ || 2.25.3
ತಸ್ಮಾ᳚ ಅರ್ಷ‌ನ್ತಿ ದಿ॒ವ್ಯಾ ಅ॑ಸ॒ಶ್ಚತಃ॒ ಸ ಸತ್ವ॑ಭಿಃ ಪ್ರಥ॒ಮೋ ಗೋಷು॑ ಗಚ್ಛತಿ |
ಅನಿ॑ಭೃಷ್ಟತವಿಷಿರ್ಹ॒‌ನ್ತ್ಯೋಜ॑ಸಾ॒ ಯಂಯಂ॒ ಯುಜಂ᳚ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ || 2.25.4
ತಸ್ಮಾ॒ ಇದ್ವಿಶ್ವೇ᳚ ಧುನಯ‌ನ್ತ॒ ಸಿಂಧ॒ವೋಽಚ್ಛಿ॑ದ್ರಾ॒ ಶರ್ಮ॑ ದಧಿರೇ ಪು॒ರೂಣಿ॑ |
ದೇ॒ವಾನಾಂ᳚ ಸು॒ಮ್ನೇ ಸು॒ಭಗಃ॒ ಸ ಏ᳚ಧತೇ॒ ಯಂಯಂ॒ ಯುಜಂ᳚ ಕೃಣು॒ತೇ ಬ್ರಹ್ಮ॑ಣ॒ಸ್ಪತಿಃ॑ || 2.25.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಬ್ರಹ್ಮಣಸ್ಪತಿರ್ದೇವತಾ ಜಗತೀ ಛಂದಃ

ಋ॒ಜುರಿಚ್ಛಂಸೋ᳚ ವನವದ್ವನುಷ್ಯ॒ತೋ ದೇ᳚ವ॒ಯನ್ನಿದದೇ᳚ವಯ‌ನ್ತಮ॒ಭ್ಯ॑ಸತ್ |
ಸು॒ಪ್ರಾ॒ವೀರಿದ್ವ॑ನವತ್ಪೃ॒ತ್ಸು ದು॒ಷ್ಟರಂ॒ ಯಜ್ವೇದಯ॑ಜ್ಯೋ॒ರ್ವಿ ಭ॑ಜಾತಿ॒ ಭೋಜ॑ನ‌ಮ್ || 2.26.1
ಯಜ॑ಸ್ವ ವೀರ॒ ಪ್ರ ವಿ॑ಹಿ ಮನಾಯ॒ತೋ ಭ॒ದ್ರಂ ಮನಃ॑ ಕೃಣುಷ್ವ ವೃತ್ರ॒ತೂರ್ಯೇ᳚ |
ಹ॒ವಿಷ್ಕೃ॑ಣುಷ್ವ ಸು॒ಭಗೋ॒ ಯಥಾಸ॑ಸಿ॒ ಬ್ರಹ್ಮ॑ಣ॒ಸ್ಪತೇ॒ರವ॒ ಆ ವೃ॑ಣೀಮಹೇ || 2.26.2
ಸ ಇಜ್ಜನೇ᳚ನ॒ ಸ ವಿ॒ಶಾ ಸ ಜನ್ಮ॑ನಾ॒ ಸ ಪು॒ತ್ರೈರ್ವಾಜಂ᳚ ಭರತೇ॒ ಧನಾ॒ ನೃಭಿಃ॑ |
ದೇ॒ವಾನಾಂ॒ ಯಃ ಪಿ॒ತರ॑ಮಾ॒ವಿವಾ᳚ಸತಿ ಶ್ರ॒ದ್ಧಾಮ॑ನಾ ಹ॒ವಿಷಾ॒ ಬ್ರಹ್ಮ॑ಣ॒ಸ್ಪತಿ‌ಮ್᳚ || 2.26.3
ಯೋ ಅ॑ಸ್ಮೈ ಹ॒ವ್ಯೈರ್ಘೃ॒ತವ॑ದ್ಭಿ॒ರವಿ॑ಧ॒ತ್ಪ್ರ ತಂ ಪ್ರಾ॒ಚಾ ನ॑ಯತಿ॒ ಬ್ರಹ್ಮ॑ಣ॒ಸ್ಪತಿಃ॑ |
ಉ॒ರು॒ಷ್ಯತೀ॒ಮಂಹ॑ಸೋ॒ ರಕ್ಷ॑ತೀ ರಿ॒ಷೋಂ॒3॒॑ಽಹೋಶ್ಚಿ॑ದಸ್ಮಾ ಉರು॒ಚಕ್ರಿ॒ರದ್ಭು॑ತಃ || 2.26.4

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯ ಗೃತ್ಸಮದೋ ಗಾರ್ಲ್ಸಮದಃ ಕೂರ್ಮೋ ವಾ ಋಷಿಃ ಆದಿತ್ಯಾ ದೇವತಾಃ ತ್ರಿಷ್ಟುಪ್ ಛಂದಃ

ಇ॒ಮಾ ಗಿರ॑ ಆದಿ॒ತ್ಯೇಭ್ಯೋ᳚ ಘೃ॒ತಸ್ನೂಃ᳚ ಸ॒ನಾದ್ರಾಜ॑ಭ್ಯೋ ಜು॒ಹ್ವಾ᳚ ಜುಹೋಮಿ |
ಶೃ॒ಣೋತು॑ ಮಿ॒ತ್ರೋ ಅ᳚ರ್ಯ॒ಮಾ ಭಗೋ᳚ ನಸ್ತುವಿಜಾ॒ತೋ ವರು॑ಣೋ॒ ದಕ್ಷೋ॒ ಅಂಶಃ॑ || 2.27.1
ಇ॒ಮಂ ಸ್ತೋಮಂ॒ ಸಕ್ರ॑ತವೋ ಮೇ ಅ॒ದ್ಯ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣೋ ಜುಷ‌ನ್ತ |
ಆ॒ದಿ॒ತ್ಯಾಸಃ॒ ಶುಚ॑ಯೋ॒ ಧಾರ॑ಪೂತಾ॒ ಅವೃ॑ಜಿನಾ ಅನವ॒ದ್ಯಾ ಅರಿ॑ಷ್ಟಾಃ || 2.27.2
ತ ಆ᳚ದಿ॒ತ್ಯಾಸ॑ ಉ॒ರವೋ᳚ ಗಭೀ॒ರಾ ಅದ॑ಬ್ಧಾಸೋ॒ ದಿಪ್ಸ᳚‌ನ್ತೋ ಭೂರ್ಯ॒ಕ್ಷಾಃ |
ಅ॒‌ನ್ತಃ ಪ॑ಶ್ಯ‌ನ್ತಿ ವೃಜಿ॒ನೋತ ಸಾ॒ಧು ಸರ್ವಂ॒ ರಾಜ॑ಭ್ಯಃ ಪರ॒ಮಾ ಚಿ॒ದ‌ನ್ತಿ॑ || 2.27.3
ಧಾ॒ರಯ᳚‌ನ್ತ ಆದಿ॒ತ್ಯಾಸೋ॒ ಜಗ॒ತ್ಸ್ಥಾ ದೇ॒ವಾ ವಿಶ್ವ॑ಸ್ಯ॒ ಭುವ॑ನಸ್ಯ ಗೋ॒ಪಾಃ |
ದೀ॒ರ್ಘಾಧಿ॑ಯೋ॒ ರಕ್ಷ॑ಮಾಣಾ ಅಸು॒ರ್ಯ॑ಮೃ॒ತಾವಾ᳚ನ॒ಶ್ಚಯ॑ಮಾನಾ ಋ॒ಣಾನಿ॑ || 2.27.4
ವಿ॒ದ್ಯಾಮಾ᳚ದಿತ್ಯಾ॒ ಅವ॑ಸೋ ವೋ ಅ॒ಸ್ಯ ಯದ᳚ರ್ಯಮನ್ಭ॒ಯ ಆ ಚಿ᳚ನ್ಮಯೋ॒ಭು |
ಯು॒ಷ್ಮಾಕಂ᳚ ಮಿತ್ರಾವರುಣಾ॒ ಪ್ರಣೀ᳚ತೌ॒ ಪರಿ॒ ಶ್ವಭ್ರೇ᳚ವ ದುರಿ॒ತಾನಿ॑ ವೃಜ್ಯಾ‌ಮ್ || 2.27.5
ಸು॒ಗೋ ಹಿ ವೋ᳚ ಅರ್ಯಮನ್ಮಿತ್ರ॒ ಪ‌ನ್ಥಾ᳚ ಅನೃಕ್ಷ॒ರೋ ವ॑ರುಣ ಸಾ॒ಧುರಸ್ತಿ॑ |
ತೇನಾ᳚ದಿತ್ಯಾ॒ ಅಧಿ॑ ವೋಚತಾ ನೋ॒ ಯಚ್ಛ॑ತಾ ನೋ ದುಷ್ಪರಿ॒ಹ‌ನ್ತು॒ ಶರ್ಮ॑ || 2.27.6
ಪಿಪ॑ರ್ತು ನೋ॒ ಅದಿ॑ತೀ॒ ರಾಜ॑ಪು॒ತ್ರಾತಿ॒ ದ್ವೇಷಾಂ᳚ಸ್ಯರ್ಯ॒ಮಾ ಸು॒ಗೇಭಿಃ॑ |
ಬೃ॒ಹನ್ಮಿ॒ತ್ರಸ್ಯ॒ ವರು॑ಣಸ್ಯ॒ ಶರ್ಮೋಪ॑ ಸ್ಯಾಮ ಪುರು॒ವೀರಾ॒ ಅರಿ॑ಷ್ಟಾಃ || 2.27.7
ತಿ॒ಸ್ರೋ ಭೂಮೀ᳚ರ್ಧಾರಯ॒‌ನ್ತ್ರೀಁರು॒ತ ದ್ಯೂ‌ನ್ತ್ರೀಣಿ᳚ ವ್ರ॒ತಾ ವಿ॒ದಥೇ᳚ ಅ॒‌ನ್ತರೇ᳚ಷಾ‌ಮ್ |
ಋ॒ತೇನಾ᳚ದಿತ್ಯಾ॒ ಮಹಿ॑ ವೋ ಮಹಿ॒ತ್ವಂ ತದ᳚ರ್ಯಮನ್ವರುಣ ಮಿತ್ರ॒ ಚಾರು॑ || 2.27.8
ತ್ರೀ ರೋ᳚ಚ॒ನಾ ದಿ॒ವ್ಯಾ ಧಾ᳚ರಯ‌ನ್ತ ಹಿರ॒ಣ್ಯಯಾಃ॒ ಶುಚ॑ಯೋ॒ ಧಾರ॑ಪೂತಾಃ |
ಅಸ್ವ॑ಪ್ನಜೋ ಅನಿಮಿ॒ಷಾ ಅದ॑ಬ್ಧಾ ಉರು॒ಶಂಸಾ᳚ ಋ॒ಜವೇ॒ ಮರ್ತ್ಯಾ᳚ಯ || 2.27.9
ತ್ವಂ ವಿಶ್ವೇ᳚ಷಾಂ ವರುಣಾಸಿ॒ ರಾಜಾ॒ ಯೇ ಚ॑ ದೇ॒ವಾ ಅ॑ಸುರ॒ ಯೇ ಚ॒ ಮರ್ತಾಃ᳚ |
ಶ॒ತಂ ನೋ᳚ ರಾಸ್ವ ಶ॒ರದೋ᳚ ವಿ॒ಚಕ್ಷೇ॒ಽಶ್ಯಾಮಾಯೂಂ᳚ಷಿ॒ ಸುಧಿ॑ತಾನಿ॒ ಪೂರ್ವಾ᳚ || 2.27.10
ನ ದ॑ಕ್ಷಿ॒ಣಾ ವಿ ಚಿ॑ಕಿತೇ॒ ನ ಸ॒ವ್ಯಾ ನ ಪ್ರಾ॒ಚೀನ॑ಮಾದಿತ್ಯಾ॒ ನೋತ ಪ॒ಶ್ಚಾ |
ಪಾ॒ಕ್ಯಾ᳚ ಚಿದ್ವಸವೋ ಧೀ॒ರ್ಯಾ᳚ ಚಿದ್ಯು॒ಷ್ಮಾನೀ᳚ತೋ॒ ಅಭ॑ಯಂ॒ ಜ್ಯೋತಿ॑ರಶ್ಯಾ‌ಮ್ || 2.27.11
ಯೋ ರಾಜ॑ಭ್ಯ ಋತ॒ನಿಭ್ಯೋ᳚ ದ॒ದಾಶ॒ ಯಂ ವ॒ರ್ಧಯ᳚‌ನ್ತಿ ಪು॒ಷ್ಟಯ॑ಶ್ಚ॒ ನಿತ್ಯಾಃ᳚ |
ಸ ರೇ॒ವಾನ್ಯಾ᳚ತಿ ಪ್ರಥ॒ಮೋ ರಥೇ᳚ನ ವಸು॒ದಾವಾ᳚ ವಿ॒ದಥೇ᳚ಷು ಪ್ರಶ॒ಸ್ತಃ || 2.27.12
ಶುಚಿ॑ರ॒ಪಃ ಸೂ॒ಯವ॑ಸಾ॒ ಅದ॑ಬ್ಧ॒ ಉಪ॑ ಕ್ಷೇತಿ ವೃ॒ದ್ಧವ॑ಯಾಃ ಸು॒ವೀರಃ॑ |
ನಕಿ॒ಷ್ಟಂ ಘ್ನ॒‌ನ್ತ್ಯ‌ನ್ತಿ॑ತೋ॒ ನ ದೂ॒ರಾದ್ಯ ಆ᳚ದಿ॒ತ್ಯಾನಾಂ॒ ಭವ॑ತಿ॒ ಪ್ರಣೀ᳚ತೌ || 2.27.13
ಅದಿ॑ತೇ॒ ಮಿತ್ರ॒ ವರು॑ಣೋ॒ತ ಮೃ॑ಳ॒ ಯದ್ವೋ᳚ ವ॒ಯಂ ಚ॑ಕೃ॒ಮಾ ಕಚ್ಚಿ॒ದಾಗಃ॑ |
ಉ॒ರ್ವ॑ಶ್ಯಾ॒ಮಭ॑ಯಂ॒ ಜ್ಯೋತಿ॑ರಿಂದ್ರ॒ ಮಾ ನೋ᳚ ದೀ॒ರ್ಘಾ ಅ॒ಭಿ ನ॑ಶ॒‌ನ್ತಮಿ॑ಸ್ರಾಃ || 2.27.14
ಉ॒ಭೇ ಅ॑ಸ್ಮೈ ಪೀಪಯತಃ ಸಮೀ॒ಚೀ ದಿ॒ವೋ ವೃ॒ಷ್ಟಿಂ ಸು॒ಭಗೋ॒ ನಾಮ॒ ಪುಷ್ಯನ್॑ |
ಉ॒ಭಾ ಕ್ಷಯಾ᳚ವಾ॒ಜಯ᳚ನ್ಯಾತಿ ಪೃ॒ತ್ಸೂಭಾವರ್ಧೌ᳚ ಭವತಃ ಸಾ॒ಧೂ ಅ॑ಸ್ಮೈ || 2.27.15
ಯಾ ವೋ᳚ ಮಾ॒ಯಾ ಅ॑ಭಿ॒ದ್ರುಹೇ᳚ ಯಜತ್ರಾಃ॒ ಪಾಶಾ᳚ ಆದಿತ್ಯಾ ರಿ॒ಪವೇ॒ ವಿಚೃ॑ತ್ತಾಃ |
ಅ॒ಶ್ವೀವ॒ ತಾಁ ಅತಿ॑ ಯೇಷಂ॒ ರಥೇ॒ನಾರಿ॑ಷ್ಟಾ ಉ॒ರಾವಾ ಶರ್ಮ᳚‌‌ನ್ತ್ಸ್ಯಾಮ || 2.27.16
ಮಾಹಂ ಮ॒ಘೋನೋ᳚ ವರುಣ ಪ್ರಿ॒ಯಸ್ಯ॑ ಭೂರಿ॒ದಾವ್ನ॒ ಆ ವಿ॑ದಂ॒ ಶೂನ॑ಮಾ॒ಪೇಃ |
ಮಾ ರಾ॒ಯೋ ರಾ᳚ಜ‌‌ನ್ತ್ಸು॒ಯಮಾ॒ದವ॑ ಸ್ಥಾಂ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.27.17

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೃತ್ಸಮದೋ ಗಾರ್ಲ್ಸಮದಃ ಕೂರ್ಮೋ ವಾ ಋಷಿಃ ವರುಣೋ ದೇವತಾ ತ್ರಿಷ್ಟುಪ್ ಛಂದಃ

ಇ॒ದಂ ಕ॒ವೇರಾ᳚ದಿ॒ತ್ಯಸ್ಯ॑ ಸ್ವ॒ರಾಜೋ॒ ವಿಶ್ವಾ᳚ನಿ॒ ಸಾ‌ನ್ತ್ಯ॒ಭ್ಯ॑ಸ್ತು ಮ॒ಹ್ನಾ |
ಅತಿ॒ ಯೋ ಮಂ॒ದ್ರೋ ಯ॒ಜಥಾ᳚ಯ ದೇ॒ವಃ ಸು॑ಕೀ॒ರ್ತಿಂ ಭಿ॑ಕ್ಷೇ॒ ವರು॑ಣಸ್ಯ॒ ಭೂರೇಃ᳚ || 2.28.1
ತವ᳚ ವ್ರ॒ತೇ ಸು॒ಭಗಾ᳚ಸಃ ಸ್ಯಾಮ ಸ್ವಾ॒ಧ್ಯೋ᳚ ವರುಣ ತುಷ್ಟು॒ವಾಂಸಃ॑ |
ಉ॒ಪಾಯ॑ನ ಉ॒ಷಸಾಂ॒ ಗೋಮ॑ತೀನಾಮ॒ಗ್ನಯೋ॒ ನ ಜರ॑ಮಾಣಾ॒ ಅನು॒ ದ್ಯೂನ್ || 2.28.2
ತವ॑ ಸ್ಯಾಮ ಪುರು॒ವೀರ॑ಸ್ಯ॒ ಶರ್ಮ᳚ನ್ನುರು॒ಶಂಸ॑ಸ್ಯ ವರುಣ ಪ್ರಣೇತಃ |
ಯೂ॒ಯಂ ನಃ॑ ಪುತ್ರಾ ಅದಿತೇರದಬ್ಧಾ ಅ॒ಭಿ ಕ್ಷ॑ಮಧ್ವಂ॒ ಯುಜ್ಯಾ᳚ಯ ದೇವಾಃ || 2.28.3
ಪ್ರ ಸೀ᳚ಮಾದಿ॒ತ್ಯೋ ಅ॑ಸೃಜದ್ವಿಧ॒ರ್ತಾಁ ಋ॒ತಂ ಸಿಂಧ॑ವೋ॒ ವರು॑ಣಸ್ಯ ಯ‌ನ್ತಿ |
ನ ಶ್ರಾ᳚ಮ್ಯ‌ನ್ತಿ॒ ನ ವಿ ಮು॑ಚ‌ನ್ತ್ಯೇ॒ತೇ ವಯೋ॒ ನ ಪ॑ಪ್ತೂ ರಘು॒ಯಾ ಪರಿ॑ಜ್ಮನ್ || 2.28.4
ವಿ ಮಚ್ಛ್ರ॑ಥಾಯ ರಶ॒ನಾಮಿ॒ವಾಗ॑ ಋ॒ಧ್ಯಾಮ॑ ತೇ ವರುಣ॒ ಖಾಮೃ॒ತಸ್ಯ॑ |
ಮಾ ತ‌ನ್ತು॑ಶ್ಛೇದಿ॒ ವಯ॑ತೋ॒ ಧಿಯಂ᳚ ಮೇ॒ ಮಾ ಮಾತ್ರಾ᳚ ಶಾರ್ಯ॒ಪಸಃ॑ ಪು॒ರ ಋ॒ತೋಃ || 2.28.5
ಅಪೋ॒ ಸು ಮ್ಯ॑ಕ್ಷ ವರುಣ ಭಿ॒ಯಸಂ॒ ಮತ್ಸಮ್ರಾ॒ಳೃತಾ॒ವೋಽನು॑ ಮಾ ಗೃಭಾಯ |
ದಾಮೇ᳚ವ ವ॒ತ್ಸಾದ್ವಿ ಮು॑ಮು॒ಗ್ಧ್ಯಂಹೋ᳚ ನ॒ಹಿ ತ್ವದಾ॒ರೇ ನಿ॒ಮಿಷ॑ಶ್ಚ॒ನೇಶೇ᳚ || 2.28.6
ಮಾ ನೋ᳚ ವ॒ಧೈರ್ವ॑ರುಣ॒ ಯೇ ತ॑ ಇ॒ಷ್ಟಾವೇನಃ॑ ಕೃ॒ಣ್ವ‌ನ್ತ॑ಮಸುರ ಭ್ರೀ॒ಣ‌ನ್ತಿ॑ |
ಮಾ ಜ್ಯೋತಿ॑ಷಃ ಪ್ರವಸ॒ಥಾನಿ॑ ಗನ್ಮ॒ ವಿ ಷೂ ಮೃಧಃ॑ ಶಿಶ್ರಥೋ ಜೀ॒ವಸೇ᳚ ನಃ || 2.28.7
ನಮಃ॑ ಪು॒ರಾ ತೇ᳚ ವರುಣೋ॒ತ ನೂ॒ನಮು॒ತಾಪ॒ರಂ ತು॑ವಿಜಾತ ಬ್ರವಾಮ |
ತ್ವೇ ಹಿ ಕಂ॒ ಪರ್ವ॑ತೇ॒ ನ ಶ್ರಿ॒ತಾನ್ಯಪ್ರ॑ಚ್ಯುತಾನಿ ದೂಳಭ ವ್ರ॒ತಾನಿ॑ || 2.28.8
ಪರ॑ ಋ॒ಣಾ ಸಾ᳚ವೀ॒ರಧ॒ ಮತ್ಕೃ॑ತಾನಿ॒ ಮಾಹಂ ರಾ᳚ಜನ್ನ॒ನ್ಯಕೃ॑ತೇನ ಭೋಜ‌ಮ್ |
ಅವ್ಯು॑ಷ್ಟಾ॒ ಇನ್ನು ಭೂಯ॑ಸೀರು॒ಷಾಸ॒ ಆ ನೋ᳚ ಜೀ॒ವಾನ್ವ॑ರುಣ॒ ತಾಸು॑ ಶಾಧಿ || 2.28.9
ಯೋ ಮೇ᳚ ರಾಜ॒ನ್ಯುಜ್ಯೋ᳚ ವಾ॒ ಸಖಾ᳚ ವಾ॒ ಸ್ವಪ್ನೇ᳚ ಭ॒ಯಂ ಭೀ॒ರವೇ॒ ಮಹ್ಯ॒ಮಾಹ॑ |
ಸ್ತೇ॒ನೋ ವಾ॒ ಯೋ ದಿಪ್ಸ॑ತಿ ನೋ॒ ವೃಕೋ᳚ ವಾ॒ ತ್ವಂ ತಸ್ಮಾ᳚ದ್ವರುಣ ಪಾಹ್ಯ॒ಸ್ಮಾನ್ || 2.28.10
ಮಾಹಂ ಮ॒ಘೋನೋ᳚ ವರುಣ ಪ್ರಿ॒ಯಸ್ಯ॑ ಭೂರಿ॒ದಾವ್ನ॒ ಆ ವಿ॑ದಂ॒ ಶೂನ॑ಮಾ॒ಪೇಃ |
ಮಾ ರಾ॒ಯೋ ರಾ᳚ಜ‌‌ನ್ತ್ಸು॒ಯಮಾ॒ದವ॑ ಸ್ಥಾಂ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.28.11

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗೃತ್ಸಮದೋ ಗಾರ್ಲ್ಸಮದಃ ಕರ್ಮೋ ವಾ ಋಷಿಃ ವಿಶ್ವೇ ದೇವಾ ದೇವತಾಃ ತ್ರಿಷ್ಟುಪ್ ಛಂದಃ

ಧೃತ᳚ವ್ರತಾ॒ ಆದಿ॑ತ್ಯಾ॒ ಇಷಿ॑ರಾ ಆ॒ರೇ ಮತ್ಕ॑ರ್ತ ರಹ॒ಸೂರಿ॒ವಾಗಃ॑ |
ಶೃ॒ಣ್ವ॒ತೋ ವೋ॒ ವರು॑ಣ॒ ಮಿತ್ರ॒ ದೇವಾ᳚ ಭ॒ದ್ರಸ್ಯ॑ ವಿ॒ದ್ವಾಁ ಅವ॑ಸೇ ಹುವೇ ವಃ || 2.29.1
ಯೂ॒ಯಂ ದೇ᳚ವಾಃ॒ ಪ್ರಮ॑ತಿರ್ಯೂ॒ಯಮೋಜೋ᳚ ಯೂ॒ಯಂ ದ್ವೇಷಾಂ᳚ಸಿ ಸನು॒ತರ್ಯು॑ಯೋತ |
ಅ॒ಭಿ॒ಕ್ಷ॒ತ್ತಾರೋ᳚ ಅ॒ಭಿ ಚ॒ ಕ್ಷಮ॑ಧ್ವಮ॒ದ್ಯಾ ಚ॑ ನೋ ಮೃ॒ಳಯ॑ತಾಪ॒ರಂ ಚ॑ || 2.29.2
ಕಿಮೂ॒ ನು ವಃ॑ ಕೃಣವಾ॒ಮಾಪ॑ರೇಣ॒ ಕಿಂ ಸನೇ᳚ನ ವಸವ॒ ಆಪ್ಯೇ᳚ನ |
ಯೂ॒ಯಂ ನೋ᳚ ಮಿತ್ರಾವರುಣಾದಿತೇ ಚ ಸ್ವ॒ಸ್ತಿಮಿಂ᳚ದ್ರಾಮರುತೋ ದಧಾತ || 2.29.3
ಹ॒ಯೇ ದೇ᳚ವಾ ಯೂ॒ಯಮಿದಾ॒ಪಯಃ॑ ಸ್ಥ॒ ತೇ ಮೃ॑ಳತ॒ ನಾಧ॑ಮಾನಾಯ॒ ಮಹ್ಯ‌ಮ್᳚ |
ಮಾ ವೋ॒ ರಥೋ᳚ ಮಧ್ಯಮ॒ವಾಳೃ॒ತೇ ಭೂ॒ನ್ಮಾ ಯು॒ಷ್ಮಾವ॑ತ್ಸ್ವಾ॒ಪಿಷು॑ ಶ್ರಮಿಷ್ಮ || 2.29.4
ಪ್ರ ವ॒ ಏಕೋ᳚ ಮಿಮಯ॒ ಭೂರ್ಯಾಗೋ॒ ಯನ್ಮಾ᳚ ಪಿ॒ತೇವ॑ ಕಿತ॒ವಂ ಶ॑ಶಾ॒ಸ |
ಆ॒ರೇ ಪಾಶಾ᳚ ಆ॒ರೇ ಅ॒ಘಾನಿ॑ ದೇವಾ॒ ಮಾ ಮಾಧಿ॑ ಪು॒ತ್ರೇ ವಿಮಿ॑ವ ಗ್ರಭೀಷ್ಟ || 2.29.5
ಅ॒ರ್ವಾಂಚೋ᳚ ಅ॒ದ್ಯಾ ಭ॑ವತಾ ಯಜತ್ರಾ॒ ಆ ವೋ॒ ಹಾರ್ದಿ॒ ಭಯ॑ಮಾನೋ ವ್ಯಯೇಯ‌ಮ್ |
ತ್ರಾಧ್ವಂ᳚ ನೋ ದೇವಾ ನಿ॒ಜುರೋ॒ ವೃಕ॑ಸ್ಯ॒ ತ್ರಾಧ್ವಂ᳚ ಕ॒ರ್ತಾದ॑ವ॒ಪದೋ᳚ ಯಜತ್ರಾಃ || 2.29.6
ಮಾಹಂ ಮ॒ಘೋನೋ᳚ ವರುಣ ಪ್ರಿ॒ಯಸ್ಯ॑ ಭೂರಿ॒ದಾವ್ನ॒ ಆ ವಿ॑ದಂ॒ ಶೂನ॑ಮಾ॒ಪೇಃ |
ಮಾ ರಾ॒ಯೋ ರಾ᳚ಜ‌‌ನ್ತ್ಸು॒ಯಮಾ॒ದವ॑ ಸ್ಥಾಂ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.29.7

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1-5, 7, 8, 10) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾ ಅಷ್ಟಮ್ಯಾ ಉತ್ತರಾರ್ಧಚರ್ಸ- ಯ ದಶಮ್ಯಾಶ್ಚೇಂದ್ರಃ (6) ಷಷ್ಠ್ಯಾ ಇಂದ್ರಾಸೋಮೌ (8) ಅಷ್ಟಮ್ಯಾ ಪೂರ್ವಾಧರ್ಚ ಯ ಸರಸ್ವತೀ (9) ನವಮ್ಯಾ ಬೃಹಸ್ಪತಿಃ (11) | ಏಕಾದಶ್ಯಾಶ್ಚ ಮರುತೋ ದೇವತಾಃ (1-10) ಪ್ರಥಮಾದಿದಶೋಂ ತ್ರಿಷ್ಟುಪ್ (11) ಏಕಾದಶ್ಯಾಶ್ಚ ಜಗತೀ ಛಂದಸೀ

ಋ॒ತಂ ದೇ॒ವಾಯ॑ ಕೃಣ್ವ॒ತೇ ಸ॑ವಿ॒ತ್ರ ಇಂದ್ರಾ᳚ಯಾಹಿ॒ಘ್ನೇ ನ ರ॑ಮ‌ನ್ತ॒ ಆಪಃ॑ |
ಅಹ॑ರಹರ್ಯಾತ್ಯ॒ಕ್ತುರ॒ಪಾಂ ಕಿಯಾ॒ತ್ಯಾ ಪ್ರ॑ಥ॒ಮಃ ಸರ್ಗ॑ ಆಸಾ‌ಮ್ || 2.30.1
ಯೋ ವೃ॒ತ್ರಾಯ॒ ಸಿನ॒ಮತ್ರಾಭ॑ರಿಷ್ಯ॒ತ್ಪ್ರ ತಂ ಜನಿ॑ತ್ರೀ ವಿ॒ದುಷ॑ ಉವಾಚ |
ಪ॒ಥೋ ರದ᳚‌ನ್ತೀ॒ರನು॒ ಜೋಷ॑ಮಸ್ಮೈ ದಿ॒ವೇದಿ॑ವೇ॒ ಧುನ॑ಯೋ ಯ॒‌ನ್ತ್ಯರ್ಥ‌ಮ್᳚ || 2.30.2
ಊ॒ರ್ಧ್ವೋ ಹ್ಯಸ್ಥಾ॒ದಧ್ಯ॒‌ನ್ತರಿ॒ಕ್ಷೇಽಧಾ᳚ ವೃ॒ತ್ರಾಯ॒ ಪ್ರ ವ॒ಧಂ ಜ॑ಭಾರ |
ಮಿಹಂ॒ ವಸಾ᳚ನ॒ ಉಪ॒ ಹೀಮದು॑ದ್ರೋತ್ತಿ॒ಗ್ಮಾಯು॑ಧೋ ಅಜಯ॒ಚ್ಛತ್ರು॒ಮಿಂದ್ರಃ॑ || 2.30.3
ಬೃಹ॑ಸ್ಪತೇ॒ ತಪು॒ಷಾಶ್ನೇ᳚ವ ವಿಧ್ಯ॒ ವೃಕ॑ದ್ವರಸೋ॒ ಅಸು॑ರಸ್ಯ ವೀ॒ರಾನ್ |
ಯಥಾ᳚ ಜ॒ಘ‌ನ್ಥ॑ ಧೃಷ॒ತಾ ಪು॒ರಾ ಚಿ॑ದೇ॒ವಾ ಜ॑ಹಿ॒ ಶತ್ರು॑ಮ॒ಸ್ಮಾಕ॑ಮಿಂದ್ರ || 2.30.4
ಅವ॑ ಕ್ಷಿಪ ದಿ॒ವೋ ಅಶ್ಮಾ᳚ನಮು॒ಚ್ಚಾ ಯೇನ॒ ಶತ್ರುಂ᳚ ಮಂದಸಾ॒ನೋ ನಿ॒ಜೂರ್ವಾಃ᳚ |
ತೋ॒ಕಸ್ಯ॑ ಸಾ॒ತೌ ತನ॑ಯಸ್ಯ॒ ಭೂರೇ᳚ರ॒ಸ್ಮಾಁ ಅ॒ರ್ಧಂ ಕೃ॑ಣುತಾದಿಂದ್ರ॒ ಗೋನಾ‌ಮ್᳚ || 2.30.5
ಪ್ರ ಹಿ ಕ್ರತುಂ᳚ ವೃ॒ಹಥೋ॒ ಯಂ ವ॑ನು॒ಥೋ ರ॒ಧ್ರಸ್ಯ॑ ಸ್ಥೋ॒ ಯಜ॑ಮಾನಸ್ಯ ಚೋ॒ದೌ |
ಇಂದ್ರಾ᳚ಸೋಮಾ ಯು॒ವಮ॒ಸ್ಮಾಁ ಅ॑ವಿಷ್ಟಮ॒ಸ್ಮಿನ್ಭ॒ಯಸ್ಥೇ᳚ ಕೃಣುತಮು ಲೋ॒ಕ‌ಮ್ || 2.30.6
ನ ಮಾ᳚ ತಮ॒ನ್ನ ಶ್ರ॑ಮ॒ನ್ನೋತ ತಂ᳚ದ್ರ॒ನ್ನ ವೋ᳚ಚಾಮ॒ ಮಾ ಸು॑ನೋ॒ತೇತಿ॒ ಸೋಮ‌ಮ್᳚ |
ಯೋ ಮೇ᳚ ಪೃ॒ಣಾದ್ಯೋ ದದ॒ದ್ಯೋ ನಿ॒ಬೋಧಾ॒ದ್ಯೋ ಮಾ᳚ ಸು॒ನ್ವ‌ನ್ತ॒ಮುಪ॒ ಗೋಭಿ॒ರಾಯ॑ತ್ || 2.30.7
ಸರ॑ಸ್ವತಿ॒ ತ್ವಮ॒ಸ್ಮಾಁ ಅ॑ವಿಡ್ಢಿ ಮ॒ರುತ್ವ॑ತೀ ಧೃಷ॒ತೀ ಜೇ᳚ಷಿ॒ ಶತ್ರೂನ್॑ |
ತ್ಯಂ ಚಿ॒ಚ್ಛರ್ಧ᳚‌ನ್ತಂ ತವಿಷೀ॒ಯಮಾ᳚ಣ॒ಮಿಂದ್ರೋ᳚ ಹ‌ನ್ತಿ ವೃಷ॒ಭಂ ಶಂಡಿ॑ಕಾನಾ‌ಮ್ || 2.30.8
ಯೋ ನಃ॒ ಸನು॑ತ್ಯ ಉ॒ತ ವಾ᳚ ಜಿಘ॒ತ್ನುರ॑ಭಿ॒ಖ್ಯಾಯ॒ ತಂ ತಿ॑ಗಿ॒ತೇನ॑ ವಿಧ್ಯ |
ಬೃಹ॑ಸ್ಪತ॒ ಆಯು॑ಧೈರ್ಜೇಷಿ॒ ಶತ್ರೂಂ᳚ದ್ರು॒ಹೇ ರೀಷ᳚‌ನ್ತಂ॒ ಪರಿ॑ ಧೇಹಿ ರಾಜನ್ || 2.30.9
ಅ॒ಸ್ಮಾಕೇ᳚ಭಿಃ॒ ಸತ್ವ॑ಭಿಃ ಶೂರ॒ ಶೂರೈ᳚ರ್ವೀ॒ರ್ಯಾ᳚ ಕೃಧಿ॒ ಯಾನಿ॑ ತೇ॒ ಕರ್ತ್ವಾ᳚ನಿ |
ಜ್ಯೋಗ॑ಭೂವ॒ನ್ನನು॑ಧೂಪಿತಾಸೋ ಹ॒ತ್ವೀ ತೇಷಾ॒ಮಾ ಭ॑ರಾ ನೋ॒ ವಸೂ᳚ನಿ || 2.30.10
ತಂ ವಃ॒ ಶರ್ಧಂ॒ ಮಾರು॑ತಂ ಸುಮ್ನ॒ಯುರ್ಗಿ॒ರೋಪ॑ ಬ್ರುವೇ॒ ನಮ॑ಸಾ॒ ದೈವ್ಯಂ॒ ಜನ‌ಮ್᳚ |
ಯಥಾ᳚ ರ॒ಯಿಂ ಸರ್ವ॑ವೀರಂ॒ ನಶಾ᳚ಮಹಾ ಅಪತ್ಯ॒ಸಾಚಂ॒ ಶ್ರುತ್ಯಂ᳚ ದಿ॒ವೇದಿ॑ವೇ || 2.30.11

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ವಿಶ್ವೇ ದೇವಾ ದೇವತಾಃ (1-6) ಪ್ರಥಮಾದಿಷಡಚಾಂ ಜಗತೀ (7) ಸಪ್ತಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅ॒ಸ್ಮಾಕಂ᳚ ಮಿತ್ರಾವರುಣಾವತಂ॒ ರಥ॑ಮಾದಿ॒ತ್ಯೈ ರು॒ದ್ರೈರ್ವಸು॑ಭಿಃ ಸಚಾ॒ಭುವಾ᳚ |
ಪ್ರ ಯದ್ವಯೋ॒ ನ ಪಪ್ತ॒ನ್ವಸ್ಮ॑ನ॒ಸ್ಪರಿ॑ ಶ್ರವ॒ಸ್ಯವೋ॒ ಹೃಷೀ᳚ವ‌ನ್ತೋ ವನ॒ರ್ಷದಃ॑ || 2.31.1
ಅಧ॑ ಸ್ಮಾ ನ॒ ಉದ॑ವತಾ ಸಜೋಷಸೋ॒ ರಥಂ᳚ ದೇವಾಸೋ ಅ॒ಭಿ ವಿ॒ಕ್ಷು ವಾ᳚ಜ॒ಯು‌ಮ್ |
ಯದಾ॒ಶವಃ॒ ಪದ್ಯಾ᳚ಭಿ॒ಸ್ತಿತ್ರ॑ತೋ॒ ರಜಃ॑ ಪೃಥಿ॒ವ್ಯಾಃ ಸಾನೌ॒ ಜಂಘ॑ನ‌ನ್ತ ಪಾ॒ಣಿಭಿಃ॑ || 2.31.2
ಉ॒ತ ಸ್ಯ ನ॒ ಇಂದ್ರೋ᳚ ವಿ॒ಶ್ವಚ॑ರ್ಷಣಿರ್ದಿ॒ವಃ ಶರ್ಧೇ᳚ನ॒ ಮಾರು॑ತೇನ ಸು॒ಕ್ರತುಃ॑ |
ಅನು॒ ನು ಸ್ಥಾ᳚ತ್ಯವೃ॒ಕಾಭಿ॑ರೂ॒ತಿಭೀ॒ ರಥಂ᳚ ಮ॒ಹೇ ಸ॒ನಯೇ॒ ವಾಜ॑ಸಾತಯೇ || 2.31.3
ಉ॒ತ ಸ್ಯ ದೇ॒ವೋ ಭುವ॑ನಸ್ಯ ಸ॒ಕ್ಷಣಿ॒ಸ್ತ್ವಷ್ಟಾ॒ ಗ್ನಾಭಿಃ॑ ಸ॒ಜೋಷಾ᳚ ಜೂಜುವ॒ದ್ರಥ‌ಮ್᳚ |
ಇಳಾ॒ ಭಗೋ᳚ ಬೃಹದ್ದಿ॒ವೋತ ರೋದ॑ಸೀ ಪೂ॒ಷಾ ಪುರಂ᳚ಧಿರ॒ಶ್ವಿನಾ॒ವಧಾ॒ ಪತೀ᳚ || 2.31.4
ಉ॒ತ ತ್ಯೇ ದೇ॒ವೀ ಸು॒ಭಗೇ᳚ ಮಿಥೂ॒ದೃಶೋ॒ಷಾಸಾ॒ನಕ್ತಾ॒ ಜಗ॑ತಾಮಪೀ॒ಜುವಾ᳚ |
ಸ್ತು॒ಷೇ ಯದ್ವಾಂ᳚ ಪೃಥಿವಿ॒ ನವ್ಯ॑ಸಾ॒ ವಚಃ॑ ಸ್ಥಾ॒ತುಶ್ಚ॒ ವಯ॒ಸ್ತ್ರಿವ॑ಯಾ ಉಪ॒ಸ್ತಿರೇ᳚ || 2.31.5
ಉ॒ತ ವಃ॒ ಶಂಸ॑ಮು॒ಶಿಜಾ᳚ಮಿವ ಶ್ಮ॒ಸ್ಯಹಿ॑ರ್ಬು॒ಧ್ನ್ಯೋ॒3॒॑ಽಜ ಏಕ॑ಪಾದು॒ತ |
ತ್ರಿ॒ತ ಋ॑ಭು॒ಕ್ಷಾಃ ಸ॑ವಿ॒ತಾ ಚನೋ᳚ ದಧೇ॒ಽಪಾಂ ನಪಾ᳚ದಾಶು॒ಹೇಮಾ᳚ ಧಿ॒ಯಾ ಶಮಿ॑ || 2.31.6
ಏ॒ತಾ ವೋ᳚ ವ॒ಶ್ಮ್ಯುದ್ಯ॑ತಾ ಯಜತ್ರಾ॒ ಅತ॑ಕ್ಷನ್ನಾ॒ಯವೋ॒ ನವ್ಯ॑ಸೇ॒ ಸ‌ಮ್ |
ಶ್ರ॒ವ॒ಸ್ಯವೋ॒ ವಾಜಂ᳚ ಚಕಾ॒ನಾಃ ಸಪ್ತಿ॒ರ್ನ ರಥ್ಯೋ॒ ಅಹ॑ ಧೀ॒ತಿಮ॑ಶ್ಯಾಃ || 2.31.7

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1) ಪ್ರಥಮ! ದ್ಯಾವಾಪೃಥಿವ್ಯೌ (2-3) ದ್ವಿತೀಯಾತೃತೀಯಯೋರಿಂದ್ರಸ್ತ್ವಷ್ಟಾ ವಾ (4-5) ಚತುರ್ಥೀಪಂಚಮ್ಯೋ ರಾಕಾ (6-7) ಷಷ್ಠೀಸಪ್ತಮ್ಯೋಃ ಸಿನೀವಾಲೀ (8) ಅಷ್ಟಮ್ಯಾಶ್ಚ ಲಿಂಗೋಕ್ತಾ ದೇವತಾಃ (1-5) ಪ್ರಥಮಾದಿಪಂಚರ್ಚಾಂ ಜಗತೀ (6-8) ಷಷ್ಠ್ಯಾದಿತೃಚಸ್ಯ ಚಾನುಷ್ಟಪು, ಛಂದಸೀ

ಅ॒ಸ್ಯ ಮೇ᳚ ದ್ಯಾವಾಪೃಥಿವೀ ಋತಾಯ॒ತೋ ಭೂ॒ತಮ॑ವಿ॒ತ್ರೀ ವಚ॑ಸಃ॒ ಸಿಷಾ᳚ಸತಃ |
ಯಯೋ॒ರಾಯುಃ॑ ಪ್ರತ॒ರಂ ತೇ ಇ॒ದಂ ಪು॒ರ ಉಪ॑ಸ್ತುತೇ ವಸೂ॒ಯುರ್ವಾಂ᳚ ಮ॒ಹೋ ದ॑ಧೇ || 2.32.1
ಮಾ ನೋ॒ ಗುಹ್ಯಾ॒ ರಿಪ॑ ಆ॒ಯೋರಹಂ᳚ದಭ॒ನ್ಮಾ ನ॑ ಆ॒ಭ್ಯೋ ರೀ᳚ರಧೋ ದು॒ಚ್ಛುನಾ᳚ಭ್ಯಃ |
ಮಾ ನೋ॒ ವಿ ಯೌಃ᳚ ಸ॒ಖ್ಯಾ ವಿ॒ದ್ಧಿ ತಸ್ಯ॑ ನಃ ಸುಮ್ನಾಯ॒ತಾ ಮನ॑ಸಾ॒ ತತ್ತ್ವೇ᳚ಮಹೇ || 2.32.2
ಅಹೇ᳚ಳತಾ॒ ಮನ॑ಸಾ ಶ್ರು॒ಷ್ಟಿಮಾ ವ॑ಹ॒ ದುಹಾ᳚ನಾಂ ಧೇ॒ನುಂ ಪಿ॒ಪ್ಯುಷೀ᳚ಮಸ॒ಶ್ಚತ‌ಮ್᳚ |
ಪದ್ಯಾ᳚ಭಿರಾ॒ಶುಂ ವಚ॑ಸಾ ಚ ವಾ॒ಜಿನಂ॒ ತ್ವಾಂ ಹಿ॑ನೋಮಿ ಪುರುಹೂತ ವಿ॒ಶ್ವಹಾ᳚ || 2.32.3
ರಾ॒ಕಾಮ॒ಹಂ ಸು॒ಹವಾಂ᳚ ಸುಷ್ಟು॒ತೀ ಹು॑ವೇ ಶೃ॒ಣೋತು॑ ನಃ ಸು॒ಭಗಾ॒ ಬೋಧ॑ತು॒ ತ್ಮನಾ᳚ |
ಸೀವ್ಯ॒ತ್ವಪಃ॑ ಸೂ॒ಚ್ಯಾಚ್ಛಿ॑ದ್ಯಮಾನಯಾ॒ ದದಾ᳚ತು ವೀ॒ರಂ ಶ॒ತದಾ᳚ಯಮು॒ಕ್ಥ್ಯ‌ಮ್᳚ || 2.32.4
ಯಾಸ್ತೇ᳚ ರಾಕೇ ಸುಮ॒ತಯಃ॑ ಸು॒ಪೇಶ॑ಸೋ॒ ಯಾಭಿ॒ರ್ದದಾ᳚ಸಿ ದಾ॒ಶುಷೇ॒ ವಸೂ᳚ನಿ |
ತಾಭಿ᳚ರ್ನೋ ಅ॒ದ್ಯ ಸು॒ಮನಾ᳚ ಉ॒ಪಾಗ॑ಹಿ ಸಹಸ್ರಪೋ॒ಷಂ ಸು॑ಭಗೇ॒ ರರಾ᳚ಣಾ || 2.32.5
ಸಿನೀ᳚ವಾಲಿ॒ ಪೃಥು॑ಷ್ಟುಕೇ॒ ಯಾ ದೇ॒ವಾನಾ॒ಮಸಿ॒ ಸ್ವಸಾ᳚ |
ಜು॒ಷಸ್ವ॑ ಹ॒ವ್ಯಮಾಹು॑ತಂ ಪ್ರ॒ಜಾಂ ದೇ᳚ವಿ ದಿದಿಡ್ಢಿ ನಃ || 2.32.6
ಯಾ ಸು॑ಬಾ॒ಹುಃ ಸ್ವಂ᳚ಗು॒ರಿಃ ಸು॒ಷೂಮಾ᳚ ಬಹು॒ಸೂವ॑ರೀ |
ತಸ್ಯೈ᳚ ವಿ॒ಶ್ಪತ್ನ್ಯೈ᳚ ಹ॒ವಿಃ ಸಿ॑ನೀವಾ॒ಲ್ಯೈ ಜು॑ಹೋತನ || 2.32.7
ಯಾ ಗುಂ॒ಗೂರ್ಯಾ ಸಿ॑ನೀವಾ॒ಲೀ ಯಾ ರಾ॒ಕಾ ಯಾ ಸರ॑ಸ್ವತೀ |
ಇಂ॒ದ್ರಾ॒ಣೀಮ॑ಹ್ವ ಊ॒ತಯೇ᳚ ವರುಣಾ॒ನೀಂ ಸ್ವ॒ಸ್ತಯೇ᳚ || 2.32.8

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ರುದ್ರೋ ದೇವತಾ ತ್ರಿಷ್ಟುಪ್ ಛಂದಃ

ಆ ತೇ᳚ ಪಿತರ್ಮರುತಾಂ ಸು॒ಮ್ನಮೇ᳚ತು॒ ಮಾ ನಃ॒ ಸೂರ್ಯ॑ಸ್ಯ ಸಂ॒ದೃಶೋ᳚ ಯುಯೋಥಾಃ |
ಅ॒ಭಿ ನೋ᳚ ವೀ॒ರೋ ಅರ್ವ॑ತಿ ಕ್ಷಮೇತ॒ ಪ್ರ ಜಾ᳚ಯೇಮಹಿ ರುದ್ರ ಪ್ರ॒ಜಾಭಿಃ॑ || 2.33.1
ತ್ವಾದ॑ತ್ತೇಭೀ ರುದ್ರ॒ ಶಂತ॑ಮೇಭಿಃ ಶ॒ತಂ ಹಿಮಾ᳚ ಅಶೀಯ ಭೇಷ॒ಜೇಭಿಃ॑ |
ವ್ಯ1॒॑ಸ್ಮದ್ದ್ವೇಷೋ᳚ ವಿತ॒ರಂ ವ್ಯಂಹೋ॒ ವ್ಯಮೀ᳚ವಾಶ್ಚಾತಯಸ್ವಾ॒ ವಿಷೂ᳚ಚೀಃ || 2.33.2
ಶ್ರೇಷ್ಠೋ᳚ ಜಾ॒ತಸ್ಯ॑ ರುದ್ರ ಶ್ರಿ॒ಯಾಸಿ॑ ತ॒ವಸ್ತ॑ಮಸ್ತ॒ವಸಾಂ᳚ ವಜ್ರಬಾಹೋ |
ಪರ್ಷಿ॑ ಣಃ ಪಾ॒ರಮಂಹ॑ಸಃ ಸ್ವ॒ಸ್ತಿ ವಿಶ್ವಾ᳚ ಅ॒ಭೀ᳚ತೀ॒ ರಪ॑ಸೋ ಯುಯೋಧಿ || 2.33.3
ಮಾ ತ್ವಾ᳚ ರುದ್ರ ಚುಕ್ರುಧಾಮಾ॒ ನಮೋ᳚ಭಿ॒ರ್ಮಾ ದುಷ್ಟು॑ತೀ ವೃಷಭ॒ ಮಾ ಸಹೂ᳚ತೀ |
ಉನ್ನೋ᳚ ವೀ॒ರಾಁ ಅ॑ರ್ಪಯ ಭೇಷ॒ಜೇಭಿ॑ರ್ಭಿ॒ಷಕ್ತ॑ಮಂ ತ್ವಾ ಭಿ॒ಷಜಾಂ᳚ ಶೃಣೋಮಿ || 2.33.4
ಹವೀ᳚ಮಭಿ॒ರ್ಹವ॑ತೇ॒ ಯೋ ಹ॒ವಿರ್ಭಿ॒ರವ॒ ಸ್ತೋಮೇ᳚ಭೀ ರು॒ದ್ರಂ ದಿ॑ಷೀಯ |
ಋ॒ದೂ॒ದರಃ॑ ಸು॒ಹವೋ॒ ಮಾ ನೋ᳚ ಅ॒ಸ್ಯೈ ಬ॒ಭ್ರುಃ ಸು॒ಶಿಪ್ರೋ᳚ ರೀರಧನ್ಮ॒ನಾಯೈ᳚ || 2.33.5
ಉನ್ಮಾ᳚ ಮಮಂದ ವೃಷ॒ಭೋ ಮ॒ರುತ್ವಾ॒‌ನ್ತ್ವಕ್ಷೀ᳚ಯಸಾ॒ ವಯ॑ಸಾ॒ ನಾಧ॑ಮಾನ‌ಮ್ |
ಘೃಣೀ᳚ವ ಚ್ಛಾ॒ಯಾಮ॑ರ॒ಪಾ ಅ॑ಶೀ॒ಯಾ ವಿ॑ವಾಸೇಯಂ ರು॒ದ್ರಸ್ಯ॑ ಸು॒ಮ್ನ‌ಮ್ || 2.33.6
ಕ್ವ1॒॑ ಸ್ಯ ತೇ᳚ ರುದ್ರ ಮೃಳ॒ಯಾಕು॒ರ್ಹಸ್ತೋ॒ ಯೋ ಅಸ್ತಿ॑ ಭೇಷ॒ಜೋ ಜಲಾ᳚ಷಃ |
ಅ॒ಪ॒ಭ॒ರ್ತಾ ರಪ॑ಸೋ॒ ದೈವ್ಯ॑ಸ್ಯಾ॒ಭೀ ನು ಮಾ᳚ ವೃಷಭ ಚಕ್ಷಮೀಥಾಃ || 2.33.7
ಪ್ರ ಬ॒ಭ್ರವೇ᳚ ವೃಷ॒ಭಾಯ॑ ಶ್ವಿತೀ॒ಚೇ ಮ॒ಹೋ ಮ॒ಹೀಂ ಸು॑ಷ್ಟು॒ತಿಮೀ᳚ರಯಾಮಿ |
ನ॒ಮ॒ಸ್ಯಾ ಕ॑ಲ್ಮಲೀ॒ಕಿನಂ॒ ನಮೋ᳚ಭಿರ್ಗೃಣೀ॒ಮಸಿ॑ ತ್ವೇ॒ಷಂ ರು॒ದ್ರಸ್ಯ॒ ನಾಮ॑ || 2.33.8
ಸ್ಥಿ॒ರೇಭಿ॒ರಂಗೈಃ᳚ ಪುರು॒ರೂಪ॑ ಉ॒ಗ್ರೋ ಬ॒ಭ್ರುಃ ಶು॒ಕ್ರೇಭಿಃ॑ ಪಿಪಿಶೇ॒ ಹಿರ᳚ಣ್ಯೈಃ |
ಈಶಾ᳚ನಾದ॒ಸ್ಯ ಭುವ॑ನಸ್ಯ॒ ಭೂರೇ॒ರ್ನ ವಾ ಉ॑ ಯೋಷದ್ರು॒ದ್ರಾದ॑ಸು॒ರ್ಯ‌ಮ್᳚ || 2.33.9
ಅರ್ಹ᳚ನ್ಬಿಭರ್ಷಿ॒ ಸಾಯ॑ಕಾನಿ॒ ಧನ್ವಾರ್ಹ᳚ನ್ನಿ॒ಷ್ಕಂ ಯ॑ಜ॒ತಂ ವಿ॒ಶ್ವರೂ᳚ಪ‌ಮ್ |
ಅರ್ಹ᳚ನ್ನಿ॒ದಂ ದ॑ಯಸೇ॒ ವಿಶ್ವ॒ಮಭ್ವಂ॒ ನ ವಾ ಓಜೀ᳚ಯೋ ರುದ್ರ॒ ತ್ವದ॑ಸ್ತಿ || 2.33.10
ಸ್ತು॒ಹಿ ಶ್ರು॒ತಂ ಗ॑ರ್ತ॒ಸದಂ॒ ಯುವಾ᳚ನಂ ಮೃ॒ಗಂ ನ ಭೀ॒ಮಮು॑ಪಹ॒ತ್ನುಮು॒ಗ್ರ‌ಮ್ |
ಮೃ॒ಳಾ ಜ॑ರಿ॒ತ್ರೇ ರು॑ದ್ರ॒ ಸ್ತವಾ᳚ನೋ॒ಽನ್ಯಂ ತೇ᳚ ಅ॒ಸ್ಮನ್ನಿ ವ॑ಪ‌ನ್ತು॒ ಸೇನಾಃ᳚ || 2.33.11
ಕು॒ಮಾ॒ರಶ್ಚಿ॑ತ್ಪಿ॒ತರಂ॒ ವಂದ॑ಮಾನಂ॒ ಪ್ರತಿ॑ ನಾನಾಮ ರುದ್ರೋಪ॒ಯ‌ನ್ತ‌ಮ್᳚ |
ಭೂರೇ᳚ರ್ದಾ॒ತಾರಂ॒ ಸತ್ಪ॑ತಿಂ ಗೃಣೀಷೇ ಸ್ತು॒ತಸ್ತ್ವಂ ಭೇ᳚ಷ॒ಜಾ ರಾ᳚ಸ್ಯ॒ಸ್ಮೇ || 2.33.12
ಯಾ ವೋ᳚ ಭೇಷ॒ಜಾ ಮ॑ರುತಃ॒ ಶುಚೀ᳚ನಿ॒ ಯಾ ಶಂತ॑ಮಾ ವೃಷಣೋ॒ ಯಾ ಮ॑ಯೋ॒ಭು |
ಯಾನಿ॒ ಮನು॒ರವೃ॑ಣೀತಾ ಪಿ॒ತಾ ನ॒ಸ್ತಾ ಶಂ ಚ॒ ಯೋಶ್ಚ॑ ರು॒ದ್ರಸ್ಯ॑ ವಶ್ಮಿ || 2.33.13
ಪರಿ॑ ಣೋ ಹೇ॒ತೀ ರು॒ದ್ರಸ್ಯ॑ ವೃಜ್ಯಾಃ॒ ಪರಿ॑ ತ್ವೇ॒ಷಸ್ಯ॑ ದುರ್ಮ॒ತಿರ್ಮ॒ಹೀ ಗಾ᳚ತ್ |
ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಳ || 2.33.14
ಏ॒ವಾ ಬ॑ಭ್ರೋ ವೃಷಭ ಚೇಕಿತಾನ॒ ಯಥಾ᳚ ದೇವ॒ ನ ಹೃ॑ಣೀ॒ಷೇ ನ ಹಂಸಿ॑ |
ಹ॒ವ॒ನ॒ಶ್ರುನ್ನೋ᳚ ರುದ್ರೇ॒ಹ ಬೋ᳚ಧಿ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.33.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಮರುತೋ ದೇವತಾಃ (1-14) ಪ್ರಥಮಾದಿಚತುದರ್ಶ ! ಜಗತೀ (15) ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಧಾ॒ರಾ॒ವ॒ರಾ ಮ॒ರುತೋ᳚ ಧೃ॒ಷ್ಣ್ವೋ᳚ಜಸೋ ಮೃ॒ಗಾ ನ ಭೀ॒ಮಾಸ್ತವಿ॑ಷೀಭಿರ॒ರ್ಚಿನಃ॑ |
ಅ॒ಗ್ನಯೋ॒ ನ ಶು॑ಶುಚಾ॒ನಾ ಋ॑ಜೀ॒ಷಿಣೋ॒ ಭೃಮಿಂ॒ ಧಮ᳚‌ನ್ತೋ॒ ಅಪ॒ ಗಾ ಅ॑ವೃಣ್ವತ || 2.34.1
ದ್ಯಾವೋ॒ ನ ಸ್ತೃಭಿ॑ಶ್ಚಿತಯ‌ನ್ತ ಖಾ॒ದಿನೋ॒ ವ್ಯ1॒॑ಭ್ರಿಯಾ॒ ನ ದ್ಯು॑ತಯ‌ನ್ತ ವೃ॒ಷ್ಟಯಃ॑ |
ರು॒ದ್ರೋ ಯದ್ವೋ᳚ ಮರುತೋ ರುಕ್ಮವಕ್ಷಸೋ॒ ವೃಷಾಜ॑ನಿ॒ ಪೃಶ್ನ್ಯಾಃ᳚ ಶು॒ಕ್ರ ಊಧ॑ನಿ || 2.34.2
ಉ॒ಕ್ಷ‌ನ್ತೇ॒ ಅಶ್ವಾಁ॒ ಅತ್ಯಾಁ᳚ ಇವಾ॒ಜಿಷು॑ ನ॒ದಸ್ಯ॒ ಕರ್ಣೈ᳚ಸ್ತುರಯ‌ನ್ತ ಆ॒ಶುಭಿಃ॑ |
ಹಿರ᳚ಣ್ಯಶಿಪ್ರಾ ಮರುತೋ॒ ದವಿ॑ಧ್ವತಃ ಪೃ॒ಕ್ಷಂ ಯಾ᳚ಥ॒ ಪೃಷ॑ತೀಭಿಃ ಸಮನ್ಯವಃ || 2.34.3
ಪೃ॒ಕ್ಷೇ ತಾ ವಿಶ್ವಾ॒ ಭುವ॑ನಾ ವವಕ್ಷಿರೇ ಮಿ॒ತ್ರಾಯ॑ ವಾ॒ ಸದ॒ಮಾ ಜೀ॒ರದಾ᳚ನವಃ |
ಪೃಷ॑ದಶ್ವಾಸೋ ಅನವ॒ಭ್ರರಾ᳚ಧಸ ಋಜಿ॒ಪ್ಯಾಸೋ॒ ನ ವ॒ಯುನೇ᳚ಷು ಧೂ॒ರ್ಷದಃ॑ || 2.34.4
ಇಂಧ᳚ನ್ವಭಿರ್ಧೇ॒ನುಭೀ᳚ ರ॒ಪ್ಶದೂ᳚ಧಭಿರಧ್ವ॒ಸ್ಮಭಿಃ॑ ಪ॒ಥಿಭಿ॑ರ್ಭ್ರಾಜದೃಷ್ಟಯಃ |
ಆ ಹಂ॒ಸಾಸೋ॒ ನ ಸ್ವಸ॑ರಾಣಿ ಗ‌ನ್ತನ॒ ಮಧೋ॒ರ್ಮದಾ᳚ಯ ಮರುತಃ ಸಮನ್ಯವಃ || 2.34.5
ಆ ನೋ॒ ಬ್ರಹ್ಮಾ᳚ಣಿ ಮರುತಃ ಸಮನ್ಯವೋ ನ॒ರಾಂ ನ ಶಂಸಃ॒ ಸವ॑ನಾನಿ ಗ‌ನ್ತನ |
ಅಶ್ವಾ᳚ಮಿವ ಪಿಪ್ಯತ ಧೇ॒ನುಮೂಧ॑ನಿ॒ ಕರ್ತಾ॒ ಧಿಯಂ᳚ ಜರಿ॒ತ್ರೇ ವಾಜ॑ಪೇಶಸ‌ಮ್ || 2.34.6
ತಂ ನೋ᳚ ದಾತ ಮರುತೋ ವಾ॒ಜಿನಂ॒ ರಥ॑ ಆಪಾ॒ನಂ ಬ್ರಹ್ಮ॑ ಚಿ॒ತಯ॑ದ್ದಿ॒ವೇದಿ॑ವೇ |
ಇಷಂ᳚ ಸ್ತೋ॒ತೃಭ್ಯೋ᳚ ವೃ॒ಜನೇ᳚ಷು ಕಾ॒ರವೇ᳚ ಸ॒ನಿಂ ಮೇ॒ಧಾಮರಿ॑ಷ್ಟಂ ದು॒ಷ್ಟರಂ॒ ಸಹಃ॑ || 2.34.7
ಯದ್ಯುಂ॒ಜತೇ᳚ ಮ॒ರುತೋ᳚ ರು॒ಕ್ಮವ॑ಕ್ಷ॒ಸೋಽಶ್ವಾ॒ನ್ರಥೇ᳚ಷು॒ ಭಗ॒ ಆ ಸು॒ದಾನ॑ವಃ |
ಧೇ॒ನುರ್ನ ಶಿಶ್ವೇ॒ ಸ್ವಸ॑ರೇಷು ಪಿನ್ವತೇ॒ ಜನಾ᳚ಯ ರಾ॒ತಹ॑ವಿಷೇ ಮ॒ಹೀಮಿಷ‌ಮ್᳚ || 2.34.8
ಯೋ ನೋ᳚ ಮರುತೋ ವೃ॒ಕತಾ᳚ತಿ॒ ಮರ್ತ್ಯೋ᳚ ರಿ॒ಪುರ್ದ॒ಧೇ ವ॑ಸವೋ॒ ರಕ್ಷ॑ತಾ ರಿ॒ಷಃ |
ವ॒ರ್ತಯ॑ತ॒ ತಪು॑ಷಾ ಚ॒ಕ್ರಿಯಾ॒ಭಿ ತಮವ॑ ರುದ್ರಾ ಅ॒ಶಸೋ᳚ ಹ‌ನ್ತನಾ॒ ವಧಃ॑ || 2.34.9
ಚಿ॒ತ್ರಂ ತದ್ವೋ᳚ ಮರುತೋ॒ ಯಾಮ॑ ಚೇಕಿತೇ॒ ಪೃಶ್ನ್ಯಾ॒ ಯದೂಧ॒ರಪ್ಯಾ॒ಪಯೋ᳚ ದು॒ಹುಃ |
ಯದ್ವಾ᳚ ನಿ॒ದೇ ನವ॑ಮಾನಸ್ಯ ರುದ್ರಿಯಾಸ್ತ್ರಿ॒ತಂ ಜರಾ᳚ಯ ಜುರ॒ತಾಮ॑ದಾಭ್ಯಾಃ || 2.34.10
ತಾನ್ವೋ᳚ ಮ॒ಹೋ ಮ॒ರುತ॑ ಏವ॒ಯಾವ್ನೋ॒ ವಿಷ್ಣೋ᳚ರೇ॒ಷಸ್ಯ॑ ಪ್ರಭೃ॒ಥೇ ಹ॑ವಾಮಹೇ |
ಹಿರ᳚ಣ್ಯವರ್ಣಾನ್ಕಕು॒ಹಾನ್ಯ॒ತಸ್ರು॑ಚೋ ಬ್ರಹ್ಮ॒ಣ್ಯ‌ನ್ತಃ॒ ಶಂಸ್ಯಂ॒ ರಾಧ॑ ಈಮಹೇ || 2.34.11
ತೇ ದಶ॑ಗ್ವಾಃ ಪ್ರಥ॒ಮಾ ಯ॒ಜ್ಞಮೂ᳚ಹಿರೇ॒ ತೇ ನೋ᳚ ಹಿನ್ವ‌ನ್ತೂ॒ಷಸೋ॒ ವ್ಯು॑ಷ್ಟಿಷು |
ಉ॒ಷಾ ನ ರಾ॒ಮೀರ॑ರು॒ಣೈರಪೋ᳚ರ್ಣುತೇ ಮ॒ಹೋ ಜ್ಯೋತಿ॑ಷಾ ಶುಚ॒ತಾ ಗೋಅ᳚ರ್ಣಸಾ || 2.34.12
ತೇ ಕ್ಷೋ॒ಣೀಭಿ॑ರರು॒ಣೇಭಿ॒ರ್ನಾಂಜಿಭೀ᳚ ರು॒ದ್ರಾ ಋ॒ತಸ್ಯ॒ ಸದ॑ನೇಷು ವಾವೃಧುಃ |
ನಿ॒ಮೇಘ॑ಮಾನಾ॒ ಅತ್ಯೇ᳚ನ॒ ಪಾಜ॑ಸಾ ಸುಶ್ಚಂ॒ದ್ರಂ ವರ್ಣಂ᳚ ದಧಿರೇ ಸು॒ಪೇಶ॑ಸ‌ಮ್ || 2.34.13
ತಾಁ ಇ॑ಯಾ॒ನೋ ಮಹಿ॒ ವರೂ᳚ಥಮೂ॒ತಯ॒ ಉಪ॒ ಘೇದೇ॒ನಾ ನಮ॑ಸಾ ಗೃಣೀಮಸಿ |
ತ್ರಿ॒ತೋ ನ ಯಾನ್ಪಂಚ॒ ಹೋತೄ᳚ನ॒ಭಿಷ್ಟ॑ಯ ಆವ॒ವರ್ತ॒ದವ॑ರಾಂಚ॒ಕ್ರಿಯಾವ॑ಸೇ || 2.34.14
ಯಯಾ᳚ ರ॒ಧ್ರಂ ಪಾ॒ರಯ॒ಥಾತ್ಯಂಹೋ॒ ಯಯಾ᳚ ನಿ॒ದೋ ಮುಂ॒ಚಥ॑ ವಂದಿ॒ತಾರ‌ಮ್᳚ |
ಅ॒ರ್ವಾಚೀ॒ ಸಾ ಮ॑ರುತೋ॒ ಯಾ ವ॑ ಊ॒ತಿರೋ ಷು ವಾ॒ಶ್ರೇವ॑ ಸುಮ॒ತಿರ್ಜಿ॑ಗಾತು || 2.34.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಪಾಂ ನಪಾತ್ ದೇವತಾ ತ್ರಿಷ್ಟುಪ್ ಛಂದಃ

ಉಪೇ᳚ಮಸೃಕ್ಷಿ ವಾಜ॒ಯುರ್ವ॑ಚ॒ಸ್ಯಾಂ ಚನೋ᳚ ದಧೀತ ನಾ॒ದ್ಯೋ ಗಿರೋ᳚ ಮೇ |
ಅ॒ಪಾಂ ನಪಾ᳚ದಾಶು॒ಹೇಮಾ᳚ ಕು॒ವಿತ್ಸ ಸು॒ಪೇಶ॑ಸಸ್ಕರತಿ॒ ಜೋಷಿ॑ಷ॒ದ್ಧಿ || 2.35.1
ಇ॒ಮಂ ಸ್ವ॑ಸ್ಮೈ ಹೃ॒ದ ಆ ಸುತ॑ಷ್ಟಂ॒ ಮ‌ನ್ತ್ರಂ᳚ ವೋಚೇಮ ಕು॒ವಿದ॑ಸ್ಯ॒ ವೇದ॑ತ್ |
ಅ॒ಪಾಂ ನಪಾ᳚ದಸು॒ರ್ಯ॑ಸ್ಯ ಮ॒ಹ್ನಾ ವಿಶ್ವಾ᳚ನ್ಯ॒ರ್ಯೋ ಭುವ॑ನಾ ಜಜಾನ || 2.35.2
ಸಮ॒ನ್ಯಾ ಯ‌ನ್ತ್ಯುಪ॑ ಯ‌ನ್ತ್ಯ॒ನ್ಯಾಃ ಸ॑ಮಾ॒ನಮೂ॒ರ್ವಂ ನ॒ದ್ಯಃ॑ ಪೃಣ‌ನ್ತಿ |
ತಮೂ॒ ಶುಚಿಂ॒ ಶುಚ॑ಯೋ ದೀದಿ॒ವಾಂಸ॑ಮ॒ಪಾಂ ನಪಾ᳚ತಂ॒ ಪರಿ॑ ತಸ್ಥು॒ರಾಪಃ॑ || 2.35.3
ತಮಸ್ಮೇ᳚ರಾ ಯುವ॒ತಯೋ॒ ಯುವಾ᳚ನಂ ಮರ್ಮೃ॒ಜ್ಯಮಾ᳚ನಾಃ॒ ಪರಿ॑ ಯ॒‌ನ್ತ್ಯಾಪಃ॑ |
ಸ ಶು॒ಕ್ರೇಭಿಃ॒ ಶಿಕ್ವ॑ಭೀ ರೇ॒ವದ॒ಸ್ಮೇ ದೀ॒ದಾಯಾ᳚ನಿ॒ಧ್ಮೋ ಘೃ॒ತನಿ᳚ರ್ಣಿಗ॒ಪ್ಸು || 2.35.4
ಅ॒ಸ್ಮೈ ತಿ॒ಸ್ರೋ ಅ᳚ವ್ಯ॒ಥ್ಯಾಯ॒ ನಾರೀ᳚ರ್ದೇ॒ವಾಯ॑ ದೇ॒ವೀರ್ದಿ॑ಧಿಷ॒‌ನ್ತ್ಯನ್ನ‌ಮ್᳚ |
ಕೃತಾ᳚ ಇ॒ವೋಪ॒ ಹಿ ಪ್ರ॑ಸ॒ರ್ಸ್ರೇ ಅ॒ಪ್ಸು ಸ ಪೀ॒ಯೂಷಂ᳚ ಧಯತಿ ಪೂರ್ವ॒ಸೂನಾ‌ಮ್᳚ || 2.35.5
ಅಶ್ವ॒ಸ್ಯಾತ್ರ॒ ಜನಿ॑ಮಾ॒ಸ್ಯ ಚ॒ ಸ್ವ॑ರ್ದ್ರು॒ಹೋ ರಿ॒ಷಃ ಸಂ॒ಪೃಚಃ॑ ಪಾಹಿ ಸೂ॒ರೀನ್ |
ಆ॒ಮಾಸು॑ ಪೂ॒ರ್ಷು ಪ॒ರೋ ಅ॑ಪ್ರಮೃ॒ಷ್ಯಂ ನಾರಾ᳚ತಯೋ॒ ವಿ ನ॑ಶ॒ನ್ನಾನೃ॑ತಾನಿ || 2.35.6
ಸ್ವ ಆ ದಮೇ᳚ ಸು॒ದುಘಾ॒ ಯಸ್ಯ॑ ಧೇ॒ನುಃ ಸ್ವ॒ಧಾಂ ಪೀ᳚ಪಾಯ ಸು॒ಭ್ವನ್ನ॑ಮತ್ತಿ |
ಸೋ ಅ॒ಪಾಂ ನಪಾ᳚ದೂ॒ರ್ಜಯ᳚ನ್ನ॒ಪ್ಸ್ವ1॒᳚‌ನ್ತರ್ವ॑ಸು॒ದೇಯಾ᳚ಯ ವಿಧ॒ತೇ ವಿ ಭಾ᳚ತಿ || 2.35.7
ಯೋ ಅ॒ಪ್ಸ್ವಾ ಶುಚಿ॑ನಾ॒ ದೈವ್ಯೇ᳚ನ ಋ॒ತಾವಾಜ॑ಸ್ರ ಉರ್ವಿ॒ಯಾ ವಿ॒ಭಾತಿ॑ |
ವ॒ಯಾ ಇದ॒ನ್ಯಾ ಭುವ॑ನಾನ್ಯಸ್ಯ॒ ಪ್ರ ಜಾ᳚ಯ‌ನ್ತೇ ವೀ॒ರುಧ॑ಶ್ಚ ಪ್ರ॒ಜಾಭಿಃ॑ || 2.35.8
ಅ॒ಪಾಂ ನಪಾ॒ದಾ ಹ್ಯಸ್ಥಾ᳚ದು॒ಪಸ್ಥಂ᳚ ಜಿ॒ಹ್ಮಾನಾ᳚ಮೂ॒ರ್ಧ್ವೋ ವಿ॒ದ್ಯುತಂ॒ ವಸಾ᳚ನಃ |
ತಸ್ಯ॒ ಜ್ಯೇಷ್ಠಂ᳚ ಮಹಿ॒ಮಾನಂ॒ ವಹ᳚‌ನ್ತೀ॒ರ್ಹಿರ᳚ಣ್ಯವರ್ಣಾಃ॒ ಪರಿ॑ ಯ‌ನ್ತಿ ಯ॒ಹ್ವೀಃ || 2.35.9
ಹಿರ᳚ಣ್ಯರೂಪಃ॒ ಸ ಹಿರ᳚ಣ್ಯಸಂದೃಗ॒ಪಾಂ ನಪಾ॒ತ್ಸೇದು॒ ಹಿರ᳚ಣ್ಯವರ್ಣಃ |
ಹಿ॒ರ॒ಣ್ಯಯಾ॒ತ್ಪರಿ॒ ಯೋನೇ᳚ರ್ನಿ॒ಷದ್ಯಾ᳚ ಹಿರಣ್ಯ॒ದಾ ದ॑ದ॒ತ್ಯನ್ನ॑ಮಸ್ಮೈ || 2.35.10
ತದ॒ಸ್ಯಾನೀ᳚ಕಮು॒ತ ಚಾರು॒ ನಾಮಾ᳚ಪೀ॒ಚ್ಯಂ᳚ ವರ್ಧತೇ॒ ನಪ್ತು॑ರ॒ಪಾ‌ಮ್ |
ಯಮಿಂ॒ಧತೇ᳚ ಯುವ॒ತಯಃ॒ ಸಮಿ॒ತ್ಥಾ ಹಿರ᳚ಣ್ಯವರ್ಣಂ ಘೃ॒ತಮನ್ನ॑ಮಸ್ಯ || 2.35.11
ಅ॒ಸ್ಮೈ ಬ॑ಹೂ॒ನಾಮ॑ವ॒ಮಾಯ॒ ಸಖ್ಯೇ᳚ ಯ॒ಜ್ಞೈರ್ವಿ॑ಧೇಮ॒ ನಮ॑ಸಾ ಹ॒ವಿರ್ಭಿಃ॑ |
ಸಂ ಸಾನು॒ ಮಾರ್ಜ್ಮಿ॒ ದಿಧಿ॑ಷಾಮಿ॒ ಬಿಲ್ಮೈ॒ರ್ದಧಾ॒ಮ್ಯನ್ನೈಃ॒ ಪರಿ॑ ವಂದ ಋ॒ಗ್ಭಿಃ || 2.35.12
ಸ ಈಂ॒ ವೃಷಾ᳚ಜನಯ॒ತ್ತಾಸು॒ ಗರ್ಭಂ॒ ಸ ಈಂ॒ ಶಿಶು॑ರ್ಧಯತಿ॒ ತಂ ರಿ॑ಹ‌ನ್ತಿ |
ಸೋ ಅ॒ಪಾಂ ನಪಾ॒ದನ॑ಭಿಮ್ಲಾತವರ್ಣೋ॒ಽನ್ಯಸ್ಯೇ᳚ವೇ॒ಹ ತ॒ನ್ವಾ᳚ ವಿವೇಷ || 2.35.13
ಅ॒ಸ್ಮಿನ್ಪ॒ದೇ ಪ॑ರ॒ಮೇ ತ॑ಸ್ಥಿ॒ವಾಂಸ॑ಮಧ್ವ॒ಸ್ಮಭಿ᳚ರ್ವಿ॒ಶ್ವಹಾ᳚ ದೀದಿ॒ವಾಂಸ‌ಮ್᳚ |
ಆಪೋ॒ ನಪ್ತ್ರೇ᳚ ಘೃ॒ತಮನ್ನಂ॒ ವಹ᳚‌ನ್ತೀಃ ಸ್ವ॒ಯಮತ್ಕೈಃ॒ ಪರಿ॑ ದೀಯ‌ನ್ತಿ ಯ॒ಹ್ವೀಃ || 2.35.14
ಅಯಾಂ᳚ಸಮಗ್ನೇ ಸುಕ್ಷಿ॒ತಿಂ ಜನಾ॒ಯಾಯಾಂ᳚ಸಮು ಮ॒ಘವ॑ದ್ಭ್ಯಃ ಸುವೃ॒ಕ್ತಿ‌ಮ್ |
ವಿಶ್ವಂ॒ ತದ್ಭ॒ದ್ರಂ ಯದವ᳚‌ನ್ತಿ ದೇ॒ವಾ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.35.15

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1) ಪ್ರಥಮರ್ಚ ಇಂದ್ರೋ ಮಧುಶ್ಚ (2) ದ್ವಿತೀಯಾಯಾ ಮರುತೋ ಮಾಧವಶ್ಚ (3) ತೃತೀಯಾಯಾಸ್ತ್ವಷ್ಟಾ ಶುಕ್ರಶ್ಚ (4) ಚತುರ್ಥ್ಯಾ ಅಗ್ನಿಃ ಶುಚಿಶ್ಚ (5) ಪಂಚಮ್ಯಾ ಇಂದ್ರೋ ನಭಶ್ಚ (6) ಷಷ್ಠ್ಯಾಶ್ಚ ಮಿತ್ರಾವರುಣೌ ನಭಸ್ಯಶ್ಚ ದೇವತಾಃ ಜಗತೀ ಛಂದಃ

ತುಭ್ಯಂ᳚ ಹಿನ್ವಾ॒ನೋ ವ॑ಸಿಷ್ಟ॒ ಗಾ ಅ॒ಪೋಽಧು॑ಕ್ಷ‌‌ನ್ತ್ಸೀ॒ಮವಿ॑ಭಿ॒ರದ್ರಿ॑ಭಿ॒ರ್ನರಃ॑ |
ಪಿಬೇಂ᳚ದ್ರ॒ ಸ್ವಾಹಾ॒ ಪ್ರಹು॑ತಂ॒ ವಷ॑ಟ್ಕೃತಂ ಹೋ॒ತ್ರಾದಾ ಸೋಮಂ᳚ ಪ್ರಥ॒ಮೋ ಯ ಈಶಿ॑ಷೇ || 2.36.1
ಯ॒ಜ್ಞೈಃ ಸಮ್ಮಿ॑ಶ್ಲಾಃ॒ ಪೃಷ॑ತೀಭಿರ್‌ಋ॒ಷ್ಟಿಭಿ॒ರ್ಯಾಮಂ᳚ಛು॒ಭ್ರಾಸೋ᳚ ಅಂ॒ಜಿಷು॑ ಪ್ರಿ॒ಯಾ ಉ॒ತ |
ಆ॒ಸದ್ಯಾ᳚ ಬ॒ರ್ಹಿರ್ಭ॑ರತಸ್ಯ ಸೂನವಃ ಪೋ॒ತ್ರಾದಾ ಸೋಮಂ᳚ ಪಿಬತಾ ದಿವೋ ನರಃ || 2.36.2
ಅ॒ಮೇವ॑ ನಃ ಸುಹವಾ॒ ಆ ಹಿ ಗ‌ನ್ತ॑ನ॒ ನಿ ಬ॒ರ್ಹಿಷಿ॑ ಸದತನಾ॒ ರಣಿ॑ಷ್ಟನ |
ಅಥಾ᳚ ಮಂದಸ್ವ ಜುಜುಷಾ॒ಣೋ ಅಂಧ॑ಸ॒ಸ್ತ್ವಷ್ಟ॑ರ್ದೇ॒ವೇಭಿ॒ರ್ಜನಿ॑ಭಿಃ ಸು॒ಮದ್ಗ॑ಣಃ || 2.36.3
ಆ ವ॑ಕ್ಷಿ ದೇ॒ವಾಁ ಇ॒ಹ ವಿ॑ಪ್ರ॒ ಯಕ್ಷಿ॑ ಚೋ॒ಶನ್ಹೋ᳚ತ॒ರ್ನಿ ಷ॑ದಾ॒ ಯೋನಿ॑ಷು ತ್ರಿ॒ಷು |
ಪ್ರತಿ॑ ವೀಹಿ॒ ಪ್ರಸ್ಥಿ॑ತಂ ಸೋ॒ಮ್ಯಂ ಮಧು॒ ಪಿಬಾಗ್ನೀ᳚ಧ್ರಾ॒ತ್ತವ॑ ಭಾ॒ಗಸ್ಯ॑ ತೃಪ್ಣುಹಿ || 2.36.4
ಏ॒ಷ ಸ್ಯ ತೇ᳚ ತ॒ನ್ವೋ᳚ ನೃಮ್ಣ॒ವರ್ಧ॑ನಃ॒ ಸಹ॒ ಓಜಃ॑ ಪ್ರ॒ದಿವಿ॑ ಬಾ॒ಹ್ವೋರ್ಹಿ॒ತಃ |
ತುಭ್ಯಂ᳚ ಸು॒ತೋ ಮ॑ಘವ॒‌ನ್ತುಭ್ಯ॒ಮಾಭೃ॑ತ॒ಸ್ತ್ವಮ॑ಸ್ಯ॒ ಬ್ರಾಹ್ಮ॑ಣಾ॒ದಾ ತೃ॒ಪತ್ಪಿ॑ಬ || 2.36.5
ಜು॒ಷೇಥಾಂ᳚ ಯ॒ಜ್ಞಂ ಬೋಧ॑ತಂ॒ ಹವ॑ಸ್ಯ ಮೇ ಸ॒ತ್ತೋ ಹೋತಾ᳚ ನಿ॒ವಿದಃ॑ ಪೂ॒ರ್ವ್ಯಾ ಅನು॑ |
ಅಚ್ಛಾ॒ ರಾಜಾ᳚ನಾ॒ ನಮ॑ ಏತ್ಯಾ॒ವೃತಂ᳚ ಪ್ರಶಾ॒ಸ್ತ್ರಾದಾ ಪಿ॑ಬತಂ ಸೋ॒ಮ್ಯಂ ಮಧು॑ || 2.36.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1-4) ಪ್ರಥಮಾದಿಚತುರೃಚಾಂ ದ್ರವಿಣೋದಾಃ (5) ಪಂಚಮ್ಯಾ ಅಶ್ವಿನೌ (6) ಷಷ್ಠ್ಯಾಶ್ಚಾಗ್ನಿದೇರ್ವತಾಃ ಜಗತೀ ಛಂದಃ

ಮಂದ॑ಸ್ವ ಹೋ॒ತ್ರಾದನು॒ ಜೋಷ॒ಮಂಧ॒ಸೋಽಧ್ವ᳚ರ್ಯವಃ॒ ಸ ಪೂ॒ರ್ಣಾಂ ವ॑ಷ್ಟ್ಯಾ॒ಸಿಚ‌ಮ್᳚ |
ತಸ್ಮಾ᳚ ಏ॒ತಂ ಭ॑ರತ ತದ್ವ॒ಶೋ ದ॒ದಿರ್ಹೋ॒ತ್ರಾತ್ಸೋಮಂ᳚ ದ್ರವಿಣೋದಃ॒ ಪಿಬ॑ ಋ॒ತುಭಿಃ॑ || 2.37.1
ಯಮು॒ ಪೂರ್ವ॒ಮಹು॑ವೇ॒ ತಮಿ॒ದಂ ಹು॑ವೇ॒ ಸೇದು॒ ಹವ್ಯೋ᳚ ದ॒ದಿರ್ಯೋ ನಾಮ॒ ಪತ್ಯ॑ತೇ |
ಅ॒ಧ್ವ॒ರ್ಯುಭಿಃ॒ ಪ್ರಸ್ಥಿ॑ತಂ ಸೋ॒ಮ್ಯಂ ಮಧು॑ ಪೋ॒ತ್ರಾತ್ಸೋಮಂ᳚ ದ್ರವಿಣೋದಃ॒ ಪಿಬ॑ ಋ॒ತುಭಿಃ॑ || 2.37.2
ಮೇದ್ಯ᳚‌ನ್ತು ತೇ॒ ವಹ್ನ॑ಯೋ॒ ಯೇಭಿ॒ರೀಯ॒ಸೇಽರಿ॑ಷಣ್ಯನ್ವೀಳಯಸ್ವಾ ವನಸ್ಪತೇ |
ಆ॒ಯೂಯಾ᳚ ಧೃಷ್ಣೋ ಅಭಿ॒ಗೂರ್ಯಾ॒ ತ್ವಂ ನೇ॒ಷ್ಟ್ರಾತ್ಸೋಮಂ᳚ ದ್ರವಿಣೋದಃ॒ ಪಿಬ॑ ಋ॒ತುಭಿಃ॑ || 2.37.3
ಅಪಾ᳚ದ್ಧೋ॒ತ್ರಾದು॒ತ ಪೋ॒ತ್ರಾದ॑ಮತ್ತೋ॒ತ ನೇ॒ಷ್ಟ್ರಾದ॑ಜುಷತ॒ ಪ್ರಯೋ᳚ ಹಿ॒ತ‌ಮ್ |
ತು॒ರೀಯಂ॒ ಪಾತ್ರ॒ಮಮೃ॑ಕ್ತ॒ಮಮ॑ರ್ತ್ಯಂ ದ್ರವಿಣೋ॒ದಾಃ ಪಿ॑ಬತು ದ್ರಾವಿಣೋದ॒ಸಃ || 2.37.4
ಅ॒ರ್ವಾಂಚ॑ಮ॒ದ್ಯ ಯ॒ಯ್ಯಂ᳚ ನೃ॒ವಾಹ॑ಣಂ॒ ರಥಂ᳚ ಯುಂಜಾಥಾಮಿ॒ಹ ವಾಂ᳚ ವಿ॒ಮೋಚ॑ನ‌ಮ್ |
ಪೃಂ॒ಕ್ತಂ ಹ॒ವೀಂಷಿ॒ ಮಧು॒ನಾ ಹಿ ಕಂ᳚ ಗ॒ತಮಥಾ॒ ಸೋಮಂ᳚ ಪಿಬತಂ ವಾಜಿನೀವಸೂ || 2.37.5
ಜೋಷ್ಯ॑ಗ್ನೇ ಸ॒ಮಿಧಂ॒ ಜೋಷ್ಯಾಹು॑ತಿಂ॒ ಜೋಷಿ॒ ಬ್ರಹ್ಮ॒ ಜನ್ಯಂ॒ ಜೋಷಿ॑ ಸುಷ್ಟು॒ತಿ‌ಮ್ |
ವಿಶ್ವೇ᳚ಭಿ॒ರ್ವಿಶ್ವಾಁ᳚ ಋ॒ತುನಾ᳚ ವಸೋ ಮ॒ಹ ಉ॒ಶಂದೇ॒ವಾಁ ಉ॑ಶ॒ತಃ ಪಾ᳚ಯಯಾ ಹ॒ವಿಃ || 2.37.6

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಸವಿತಾ ದೇವತಾ ತ್ರಿಷ್ಟುಪ್ ಛಂದಃ

ಉದು॒ ಷ್ಯ ದೇ॒ವಃ ಸ॑ವಿ॒ತಾ ಸ॒ವಾಯ॑ ಶಶ್ವತ್ತ॒ಮಂ ತದ॑ಪಾ॒ ವಹ್ನಿ॑ರಸ್ಥಾತ್ |
ನೂ॒ನಂ ದೇ॒ವೇಭ್ಯೋ॒ ವಿ ಹಿ ಧಾತಿ॒ ರತ್ನ॒ಮಥಾಭ॑ಜದ್ವೀ॒ತಿಹೋ᳚ತ್ರಂ ಸ್ವ॒ಸ್ತೌ || 2.38.1
ವಿಶ್ವ॑ಸ್ಯ॒ ಹಿ ಶ್ರು॒ಷ್ಟಯೇ᳚ ದೇ॒ವ ಊ॒ರ್ಧ್ವಃ ಪ್ರ ಬಾ॒ಹವಾ᳚ ಪೃ॒ಥುಪಾ᳚ಣಿಃ॒ ಸಿಸ॑ರ್ತಿ |
ಆಪ॑ಶ್ಚಿದಸ್ಯ ವ್ರ॒ತ ಆ ನಿಮೃ॑ಗ್ರಾ ಅ॒ಯಂ ಚಿ॒ದ್ವಾತೋ᳚ ರಮತೇ॒ ಪರಿ॑ಜ್ಮನ್ || 2.38.2
ಆ॒ಶುಭಿ॑ಶ್ಚಿ॒ದ್ಯಾನ್ವಿ ಮು॑ಚಾತಿ ನೂ॒ನಮರೀ᳚ರಮ॒ದತ॑ಮಾನಂ ಚಿ॒ದೇತೋಃ᳚ |
ಅ॒ಹ್ಯರ್ಷೂ᳚ಣಾಂ ಚಿ॒ನ್ನ್ಯ॑ಯಾಁ ಅವಿ॒ಷ್ಯಾಮನು᳚ ವ್ರ॒ತಂ ಸ॑ವಿ॒ತುರ್ಮೋಕ್ಯಾಗಾ᳚ತ್ || 2.38.3
ಪುನಃ॒ ಸಮ᳚ವ್ಯ॒ದ್ವಿತ॑ತಂ॒ ವಯ᳚‌ನ್ತೀ ಮ॒ಧ್ಯಾ ಕರ್ತೋ॒ರ್ನ್ಯ॑ಧಾ॒ಚ್ಛಕ್ಮ॒ ಧೀರಃ॑ |
ಉತ್ಸಂ॒ಹಾಯಾ᳚ಸ್ಥಾ॒ದ್ವ್ಯೃ1॒॑ತೂಁರ॑ದರ್ಧರ॒ರಮ॑ತಿಃ ಸವಿ॒ತಾ ದೇ॒ವ ಆಗಾ᳚ತ್ || 2.38.4
ನಾನೌಕಾಂ᳚ಸಿ॒ ದುರ್ಯೋ॒ ವಿಶ್ವ॒ಮಾಯು॒ರ್ವಿ ತಿ॑ಷ್ಠತೇ ಪ್ರಭ॒ವಃ ಶೋಕೋ᳚ ಅ॒ಗ್ನೇಃ |
ಜ್ಯೇಷ್ಠಂ᳚ ಮಾ॒ತಾ ಸೂ॒ನವೇ᳚ ಭಾ॒ಗಮಾಧಾ॒ದನ್ವ॑ಸ್ಯ॒ ಕೇತ॑ಮಿಷಿ॒ತಂ ಸ॑ವಿ॒ತ್ರಾ || 2.38.5
ಸ॒ಮಾವ॑ವರ್ತಿ॒ ವಿಷ್ಠಿ॑ತೋ ಜಿಗೀ॒ಷುರ್ವಿಶ್ವೇ᳚ಷಾಂ॒ ಕಾಮ॒ಶ್ಚರ॑ತಾಮ॒ಮಾಭೂ᳚ತ್ |
ಶಶ್ವಾಁ॒ ಅಪೋ॒ ವಿಕೃ॑ತಂ ಹಿ॒ತ್ವ್ಯಾಗಾ॒ದನು᳚ ವ್ರ॒ತಂ ಸ॑ವಿ॒ತುರ್ದೈವ್ಯ॑ಸ್ಯ || 2.38.6
ತ್ವಯಾ᳚ ಹಿ॒ತಮಪ್ಯ॑ಮ॒ಪ್ಸು ಭಾ॒ಗಂ ಧನ್ವಾನ್ವಾ ಮೃ॑ಗ॒ಯಸೋ॒ ವಿ ತ॑ಸ್ಥುಃ |
ವನಾ᳚ನಿ॒ ವಿಭ್ಯೋ॒ ನಕಿ॑ರಸ್ಯ॒ ತಾನಿ᳚ ವ್ರ॒ತಾ ದೇ॒ವಸ್ಯ॑ ಸವಿ॒ತುರ್ಮಿ॑ನ‌ನ್ತಿ || 2.38.7
ಯಾ॒ದ್ರಾ॒ಧ್ಯಂ1॒॑ ವರು॑ಣೋ॒ ಯೋನಿ॒ಮಪ್ಯ॒ಮನಿ॑ಶಿತಂ ನಿ॒ಮಿಷಿ॒ ಜರ್ಭು॑ರಾಣಃ |
ವಿಶ್ವೋ᳚ ಮಾರ್ತಾಂ॒ಡೋ ವ್ರ॒ಜಮಾ ಪ॒ಶುರ್ಗಾ᳚ತ್ಸ್ಥ॒ಶೋ ಜನ್ಮಾ᳚ನಿ ಸವಿ॒ತಾ ವ್ಯಾಕಃ॑ || 2.38.8
ನ ಯಸ್ಯೇಂದ್ರೋ॒ ವರು॑ಣೋ॒ ನ ಮಿ॒ತ್ರೋ ವ್ರ॒ತಮ᳚ರ್ಯ॒ಮಾ ನ ಮಿ॒ನ‌ನ್ತಿ॑ ರು॒ದ್ರಃ |
ನಾರಾ᳚ತಯ॒ಸ್ತಮಿ॒ದಂ ಸ್ವ॒ಸ್ತಿ ಹು॒ವೇ ದೇ॒ವಂ ಸ॑ವಿ॒ತಾರಂ॒ ನಮೋ᳚ಭಿಃ || 2.38.9
ಭಗಂ॒ ಧಿಯಂ᳚ ವಾ॒ಜಯ᳚‌ನ್ತಃ॒ ಪುರಂ᳚ಧಿಂ॒ ನರಾ॒ಶಂಸೋ॒ ಗ್ನಾಸ್ಪತಿ᳚ರ್ನೋ ಅವ್ಯಾಃ |
ಆ॒ಯೇ ವಾ॒ಮಸ್ಯ॑ ಸಂಗ॒ಥೇ ರ॑ಯೀ॒ಣಾಂ ಪ್ರಿ॒ಯಾ ದೇ॒ವಸ್ಯ॑ ಸವಿ॒ತುಃ ಸ್ಯಾ᳚ಮ || 2.38.10
ಅ॒ಸ್ಮಭ್ಯಂ॒ ತದ್ದಿ॒ವೋ ಅ॒ದ್ಭ್ಯಃ ಪೃ॑ಥಿ॒ವ್ಯಾಸ್ತ್ವಯಾ᳚ ದ॒ತ್ತಂ ಕಾಮ್ಯಂ॒ ರಾಧ॒ ಆ ಗಾ᳚ತ್ |
ಶಂ ಯತ್ಸ್ತೋ॒ತೃಭ್ಯ॑ ಆ॒ಪಯೇ॒ ಭವಾ᳚ತ್ಯುರು॒ಶಂಸಾ᳚ಯ ಸವಿತರ್ಜರಿ॒ತ್ರೇ || 2.38.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಅಶ್ವಿನೌ ದೇವತೇ ತ್ರಿಷ್ಟುಪ್ ಛಂದಃ

ಗ್ರಾವಾ᳚ಣೇವ॒ ತದಿದರ್ಥಂ᳚ ಜರೇಥೇ॒ ಗೃಧ್ರೇ᳚ವ ವೃ॒ಕ್ಷಂ ನಿ॑ಧಿ॒ಮ‌ನ್ತ॒ಮಚ್ಛ॑ |
ಬ್ರ॒ಹ್ಮಾಣೇ᳚ವ ವಿ॒ದಥ॑ ಉಕ್ಥ॒ಶಾಸಾ᳚ ದೂ॒ತೇವ॒ ಹವ್ಯಾ॒ ಜನ್ಯಾ᳚ ಪುರು॒ತ್ರಾ || 2.39.1
ಪ್ರಾ॒ತ॒ರ್ಯಾವಾ᳚ಣಾ ರ॒ಥ್ಯೇ᳚ವ ವೀ॒ರಾಜೇವ॑ ಯ॒ಮಾ ವರ॒ಮಾ ಸ॑ಚೇಥೇ |
ಮೇನೇ᳚ ಇವ ತ॒ನ್ವಾ॒3॒॑ ಶುಂಭ॑ಮಾನೇ॒ ದಂಪ॑ತೀವ ಕ್ರತು॒ವಿದಾ॒ ಜನೇ᳚ಷು || 2.39.2
ಶೃಂಗೇ᳚ವ ನಃ ಪ್ರಥ॒ಮಾ ಗ᳚‌ನ್ತಮ॒ರ್ವಾಕ್ಛ॒ಫಾವಿ॑ವ॒ ಜರ್ಭು॑ರಾಣಾ॒ ತರೋ᳚ಭಿಃ |
ಚ॒ಕ್ರ॒ವಾ॒ಕೇವ॒ ಪ್ರತಿ॒ ವಸ್ತೋ᳚ರುಸ್ರಾ॒ರ್ವಾಂಚಾ᳚ ಯಾತಂ ರ॒ಥ್ಯೇ᳚ವ ಶಕ್ರಾ || 2.39.3
ನಾ॒ವೇವ॑ ನಃ ಪಾರಯತಂ ಯು॒ಗೇವ॒ ನಭ್ಯೇ᳚ವ ನ ಉಪ॒ಧೀವ॑ ಪ್ರ॒ಧೀವ॑ |
ಶ್ವಾನೇ᳚ವ ನೋ॒ ಅರಿ॑ಷಣ್ಯಾ ತ॒ನೂನಾಂ॒ ಖೃಗ॑ಲೇವ ವಿ॒ಸ್ರಸಃ॑ ಪಾತಮ॒ಸ್ಮಾನ್ || 2.39.4
ವಾತೇ᳚ವಾಜು॒ರ್ಯಾ ನ॒ದ್ಯೇ᳚ವ ರೀ॒ತಿರ॒ಕ್ಷೀ ಇ॑ವ॒ ಚಕ್ಷು॒ಷಾ ಯಾ᳚ತಮ॒ರ್ವಾಕ್ |
ಹಸ್ತಾ᳚ವಿವ ತ॒ನ್ವೇ॒3॒॑ ಶಂಭ॑ವಿಷ್ಠಾ॒ ಪಾದೇ᳚ವ ನೋ ನಯತಂ॒ ವಸ್ಯೋ॒ ಅಚ್ಛ॑ || 2.39.5
ಓಷ್ಠಾ᳚ವಿವ॒ ಮಧ್ವಾ॒ಸ್ನೇ ವದ᳚‌ನ್ತಾ॒ ಸ್ತನಾ᳚ವಿವ ಪಿಪ್ಯತಂ ಜೀ॒ವಸೇ᳚ ನಃ |
ನಾಸೇ᳚ವ ನಸ್ತ॒ನ್ವೋ᳚ ರಕ್ಷಿ॒ತಾರಾ॒ ಕರ್ಣಾ᳚ವಿವ ಸು॒ಶ್ರುತಾ᳚ ಭೂತಮ॒ಸ್ಮೇ || 2.39.6
ಹಸ್ತೇ᳚ವ ಶ॒ಕ್ತಿಮ॒ಭಿ ಸಂ᳚ದ॒ದೀ ನಃ॒ ಕ್ಷಾಮೇ᳚ವ ನಃ॒ ಸಮ॑ಜತಂ॒ ರಜಾಂ᳚ಸಿ |
ಇ॒ಮಾ ಗಿರೋ᳚ ಅಶ್ವಿನಾ ಯುಷ್ಮ॒ಯ‌ನ್ತೀಃ॒ ಕ್ಷ್ಣೋತ್ರೇ᳚ಣೇವ॒ ಸ್ವಧಿ॑ತಿಂ॒ ಸಂ ಶಿ॑ಶೀತ‌ಮ್ || 2.39.7
ಏ॒ತಾನಿ॑ ವಾಮಶ್ವಿನಾ॒ ವರ್ಧ॑ನಾನಿ॒ ಬ್ರಹ್ಮ॒ ಸ್ತೋಮಂ᳚ ಗೃತ್ಸಮ॒ದಾಸೋ᳚ ಅಕ್ರನ್ |
ತಾನಿ॑ ನರಾ ಜುಜುಷಾ॒ಣೋಪ॑ ಯಾತಂ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.39.8

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1-5, 6) ಪ್ರಥಮಾದಿಪಂಚಕ್ರಂ ಷಷ್ಠ್ಯಾಃ ಪೂರ್ವಾಧರೀ ಯ ಚ ಸೋಮಾಪೂಷಣೌ (6) ಷಷ್ಠ್ಯಾ ಉತ್ತರಾರ್ಧಸ್ಯ ಚಾದಿತಿದೇರ್ವತಾಃ ತ್ರಿಷ್ಟುಪ್ ಛಂದಃ

ಸೋಮಾ᳚ಪೂಷಣಾ॒ ಜನ॑ನಾ ರಯೀ॒ಣಾಂ ಜನ॑ನಾ ದಿ॒ವೋ ಜನ॑ನಾ ಪೃಥಿ॒ವ್ಯಾಃ |
ಜಾ॒ತೌ ವಿಶ್ವ॑ಸ್ಯ॒ ಭುವ॑ನಸ್ಯ ಗೋ॒ಪೌ ದೇ॒ವಾ ಅ॑ಕೃಣ್ವನ್ನ॒ಮೃತ॑ಸ್ಯ॒ ನಾಭಿ‌ಮ್᳚ || 2.40.1
ಇ॒ಮೌ ದೇ॒ವೌ ಜಾಯ॑ಮಾನೌ ಜುಷ‌ನ್ತೇ॒ಮೌ ತಮಾಂ᳚ಸಿ ಗೂಹತಾ॒ಮಜು॑ಷ್ಟಾ |
ಆ॒ಭ್ಯಾಮಿಂದ್ರಃ॑ ಪ॒ಕ್ವಮಾ॒ಮಾಸ್ವ॒‌ನ್ತಃ ಸೋ᳚ಮಾಪೂ॒ಷಭ್ಯಾಂ᳚ ಜನದು॒ಸ್ರಿಯಾ᳚ಸು || 2.40.2
ಸೋಮಾ᳚ಪೂಷಣಾ॒ ರಜ॑ಸೋ ವಿ॒ಮಾನಂ᳚ ಸ॒ಪ್ತಚ॑ಕ್ರಂ॒ ರಥ॒ಮವಿ॑ಶ್ವಮಿನ್ವ‌ಮ್ |
ವಿ॒ಷೂ॒ವೃತಂ॒ ಮನ॑ಸಾ ಯು॒ಜ್ಯಮಾ᳚ನಂ॒ ತಂ ಜಿ᳚ನ್ವಥೋ ವೃಷಣಾ॒ ಪಂಚ॑ರಶ್ಮಿ‌ಮ್ || 2.40.3
ದಿ॒ವ್ಯ1॒᳚ನ್ಯಃ ಸದ॑ನಂ ಚ॒ಕ್ರ ಉ॒ಚ್ಚಾ ಪೃ॑ಥಿ॒ವ್ಯಾಮ॒ನ್ಯೋ ಅಧ್ಯ॒‌ನ್ತರಿ॑ಕ್ಷೇ |
ತಾವ॒ಸ್ಮಭ್ಯಂ᳚ ಪುರು॒ವಾರಂ᳚ ಪುರು॒ಕ್ಷುಂ ರಾ॒ಯಸ್ಪೋಷಂ॒ ವಿ ಷ್ಯ॑ತಾಂ॒ ನಾಭಿ॑ಮ॒ಸ್ಮೇ || 2.40.4
ವಿಶ್ವಾ᳚ನ್ಯ॒ನ್ಯೋ ಭುವ॑ನಾ ಜ॒ಜಾನ॒ ವಿಶ್ವ॑ಮ॒ನ್ಯೋ ಅ॑ಭಿ॒ಚಕ್ಷಾ᳚ಣ ಏತಿ |
ಸೋಮಾ᳚ಪೂಷಣಾ॒ವವ॑ತಂ॒ ಧಿಯಂ᳚ ಮೇ ಯು॒ವಾಭ್ಯಾಂ॒ ವಿಶ್ವಾಃ॒ ಪೃತ॑ನಾ ಜಯೇಮ || 2.40.5
ಧಿಯಂ᳚ ಪೂ॒ಷಾ ಜಿ᳚ನ್ವತು ವಿಶ್ವಮಿ॒ನ್ವೋ ರ॒ಯಿಂ ಸೋಮೋ᳚ ರಯಿ॒ಪತಿ॑ರ್ದಧಾತು |
ಅವ॑ತು ದೇ॒ವ್ಯದಿ॑ತಿರನ॒ರ್ವಾ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.40.6

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ (1-2) ಪ್ರಥಮಾದ್ವಿತೀಯಯೋರೃಚೋರ್ವಾಯಃ (3) ತೃತೀಯಾಯಾ ಇಂದ್ರವಾಯೂ (4-6) ಚತುರ್ಥ್ಯಾದಿತೃಚಸ್ಯ ಮಿತ್ರಾವರುಣೌ (7-9) ಸಪ್ತಮ್ಯಾದಿತೃಚಸ್ಯಾಶ್ವಿನೌ (10-12) ದಶಮ್ಯಾದಿತೃಚಸ್ಯೇಂದ್ರಃ (13-15) ತ್ರಯೋದಶ್ಯಾದಿತೃಚಸ್ಯ ವಿಶ್ವೇ ದೇವಾಃ (16-18) ಷೋಡಶ್ಯಾದಿತೃಚಸ್ಯ ಸರಸ್ವತೀ (19-21) ಏಕೋನವಿಂಶ್ಯಾದಿತೃಚಸ್ಯ ದ್ಯಾವಾಪೃಥಿವ್ಯೌ ಹವಿರ್ಧಾನೇ ವಾ (19) ಏಕೋನವಿಂಶ್ಯಾಸ್ತೃತೀಯಪಾದಸ್ಯ ಚಾಗ್ನಿರ್ವಾ ದೇವತಾಃ (1-15, 19-21) ಪ್ರಥಮಾದಿಪಂಚದಶರ್ಚಾಮಕ ನವಿಂಶ್ಯಾದಿತೃಚಸ್ಯ ಚ ಗಾಯತ್ರೀ (16-17) ಷೋಡಶೀಸಪ್ತದಶ್ಯೋರನಷ್ಟಪ (18) ಅಷ್ಟಾದಶ್ಯಾಶ್ಚ ಬೃಹತೀ ಛಂದಾಂಸ್ಇ

ವಾಯೋ॒ ಯೇ ತೇ᳚ ಸಹ॒ಸ್ರಿಣೋ॒ ರಥಾ᳚ಸ॒ಸ್ತೇಭಿ॒ರಾ ಗ॑ಹಿ |
ನಿ॒ಯುತ್ವಾ॒‌‌ನ್ತ್ಸೋಮ॑ಪೀತಯೇ || 2.41.1
ನಿ॒ಯುತ್ವಾ᳚ನ್ವಾಯ॒ವಾ ಗ॑ಹ್ಯ॒ಯಂ ಶು॒ಕ್ರೋ ಅ॑ಯಾಮಿ ತೇ |
ಗ‌ನ್ತಾ᳚ಸಿ ಸುನ್ವ॒ತೋ ಗೃ॒ಹ‌ಮ್ || 2.41.2
ಶು॒ಕ್ರಸ್ಯಾ॒ದ್ಯ ಗವಾ᳚ಶಿರ॒ ಇಂದ್ರ॑ವಾಯೂ ನಿ॒ಯುತ್ವ॑ತಃ |
ಆ ಯಾ᳚ತಂ॒ ಪಿಬ॑ತಂ ನರಾ || 2.41.3
ಅ॒ಯಂ ವಾಂ᳚ ಮಿತ್ರಾವರುಣಾ ಸು॒ತಃ ಸೋಮ॑ ಋತಾವೃಧಾ |
ಮಮೇದಿ॒ಹ ಶ್ರು॑ತಂ॒ ಹವ‌ಮ್᳚ || 2.41.4
ರಾಜಾ᳚ನಾ॒ವನ॑ಭಿದ್ರುಹಾ ಧ್ರು॒ವೇ ಸದ॑ಸ್ಯುತ್ತ॒ಮೇ |
ಸ॒ಹಸ್ರ॑ಸ್ಥೂಣ ಆಸಾತೇ || 2.41.5
ತಾ ಸ॒ಮ್ರಾಜಾ᳚ ಘೃ॒ತಾಸು॑ತೀ ಆದಿ॒ತ್ಯಾ ದಾನು॑ನ॒ಸ್ಪತೀ᳚ |
ಸಚೇ᳚ತೇ॒ ಅನ॑ವಹ್ವರ‌ಮ್ || 2.41.6
ಗೋಮ॑ದೂ॒ ಷು ನಾ᳚ಸ॒ತ್ಯಾಶ್ವಾ᳚ವದ್ಯಾತಮಶ್ವಿನಾ |
ವ॒ರ್ತೀ ರು॑ದ್ರಾ ನೃ॒ಪಾಯ್ಯ‌ಮ್᳚ || 2.41.7
ನ ಯತ್ಪರೋ॒ ನಾ‌ನ್ತ॑ರ ಆದ॒ಧರ್ಷ॑ದ್ವೃಷಣ್ವಸೂ |
ದುಃ॒ಶಂಸೋ॒ ಮರ್ತ್ಯೋ᳚ ರಿ॒ಪುಃ || 2.41.8
ತಾ ನ॒ ಆ ವೋ᳚ಳ್ಹಮಶ್ವಿನಾ ರ॒ಯಿಂ ಪಿ॒ಶಂಗ॑ಸಂದೃಶ‌ಮ್ |
ಧಿಷ್ಣ್ಯಾ᳚ ವರಿವೋ॒ವಿದ‌ಮ್᳚ || 2.41.9
ಇಂದ್ರೋ᳚ ಅಂ॒ಗ ಮ॒ಹದ್ಭ॒ಯಮ॒ಭೀ ಷದಪ॑ ಚುಚ್ಯವತ್ |
ಸ ಹಿ ಸ್ಥಿ॒ರೋ ವಿಚ॑ರ್ಷಣಿಃ || 2.41.10
ಇಂದ್ರ॑ಶ್ಚ ಮೃ॒ಳಯಾ᳚ತಿ ನೋ॒ ನ ನಃ॑ ಪ॒ಶ್ಚಾದ॒ಘಂ ನ॑ಶತ್ |
ಭ॒ದ್ರಂ ಭ॑ವಾತಿ ನಃ ಪು॒ರಃ || 2.41.11
ಇಂದ್ರ॒ ಆಶಾ᳚ಭ್ಯ॒ಸ್ಪರಿ॒ ಸರ್ವಾ᳚ಭ್ಯೋ॒ ಅಭ॑ಯಂ ಕರತ್ |
ಜೇತಾ॒ ಶತ್ರೂ॒ನ್ವಿಚ॑ರ್ಷಣಿಃ || 2.41.12
ವಿಶ್ವೇ᳚ ದೇವಾಸ॒ ಆ ಗ॑ತ ಶೃಣು॒ತಾ ಮ॑ ಇ॒ಮಂ ಹವ‌ಮ್᳚ |
ಏದಂ ಬ॒ರ್ಹಿರ್ನಿ ಷೀ᳚ದತ || 2.41.13
ತೀ॒ವ್ರೋ ವೋ॒ ಮಧು॑ಮಾಁ ಅ॒ಯಂ ಶು॒ನಹೋ᳚ತ್ರೇಷು ಮತ್ಸ॒ರಃ |
ಏ॒ತಂ ಪಿ॑ಬತ॒ ಕಾಮ್ಯ‌ಮ್᳚ || 2.41.14
ಇಂದ್ರ॑ಜ್ಯೇಷ್ಠಾ॒ ಮರು॑ದ್ಗಣಾ॒ ದೇವಾ᳚ಸಃ॒ ಪೂಷ॑ರಾತಯಃ |
ವಿಶ್ವೇ॒ ಮಮ॑ ಶ್ರುತಾ॒ ಹವ‌ಮ್᳚ || 2.41.15
ಅಂಬಿ॑ತಮೇ॒ ನದೀ᳚ತಮೇ॒ ದೇವಿ॑ತಮೇ॒ ಸರ॑ಸ್ವತಿ |
ಅ॒ಪ್ರ॒ಶ॒ಸ್ತಾ ಇ॑ವ ಸ್ಮಸಿ॒ ಪ್ರಶ॑ಸ್ತಿಮಂಬ ನಸ್ಕೃಧಿ || 2.41.16
ತ್ವೇ ವಿಶ್ವಾ᳚ ಸರಸ್ವತಿ ಶ್ರಿ॒ತಾಯೂಂ᳚ಷಿ ದೇ॒ವ್ಯಾ‌ಮ್ |
ಶು॒ನಹೋ᳚ತ್ರೇಷು ಮತ್ಸ್ವ ಪ್ರ॒ಜಾಂ ದೇ᳚ವಿ ದಿದಿಡ್ಢಿ ನಃ || 2.41.17
ಇ॒ಮಾ ಬ್ರಹ್ಮ॑ ಸರಸ್ವತಿ ಜು॒ಷಸ್ವ॑ ವಾಜಿನೀವತಿ |
ಯಾ ತೇ॒ ಮನ್ಮ॑ ಗೃತ್ಸಮ॒ದಾ ಋ॑ತಾವರಿ ಪ್ರಿ॒ಯಾ ದೇ॒ವೇಷು॒ ಜುಹ್ವ॑ತಿ || 2.41.18
ಪ್ರೇತಾಂ᳚ ಯ॒ಜ್ಞಸ್ಯ॑ ಶಂ॒ಭುವಾ᳚ ಯು॒ವಾಮಿದಾ ವೃ॑ಣೀಮಹೇ |
ಅ॒ಗ್ನಿಂ ಚ॑ ಹವ್ಯ॒ವಾಹ॑ನ‌ಮ್ || 2.41.19
ದ್ಯಾವಾ᳚ ನಃ ಪೃಥಿ॒ವೀ ಇ॒ಮಂ ಸಿ॒ಧ್ರಮ॒ದ್ಯ ದಿ॑ವಿ॒ಸ್ಪೃಶ‌ಮ್᳚ |
ಯ॒ಜ್ಞಂ ದೇ॒ವೇಷು॑ ಯಚ್ಛತಾ‌ಮ್ || 2.41.20
ಆ ವಾ᳚ಮು॒ಪಸ್ಥ॑ಮದ್ರುಹಾ ದೇ॒ವಾಃ ಸೀ᳚ದ‌ನ್ತು ಯ॒ಜ್ಞಿಯಾಃ᳚ |
ಇ॒ಹಾದ್ಯ ಸೋಮ॑ಪೀತಯೇ || 2.41.21

(1-3) ತೃಚಸ್ಯಾಸ್ಯ ಸುಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಶಕುಂತೋ (ಕಪಿಂಜಲರೂಪೀಂದ್ರಃ) ದೇವತಾ ತ್ರಿಷ್ಟುಪ್ ಛಂದಃ

ಕನಿ॑ಕ್ರದಜ್ಜ॒ನುಷಂ᳚ ಪ್ರಬ್ರುವಾ॒ಣ ಇಯ॑ರ್ತಿ॒ ವಾಚ॑ಮರಿ॒ತೇವ॒ ನಾವ‌ಮ್᳚ |
ಸು॒ಮಂ॒ಗಲ॑ಶ್ಚ ಶಕುನೇ॒ ಭವಾ᳚ಸಿ॒ ಮಾ ತ್ವಾ॒ ಕಾ ಚಿ॑ದಭಿ॒ಭಾ ವಿಶ್ವ್ಯಾ᳚ ವಿದತ್ || 2.42.1
ಮಾ ತ್ವಾ᳚ ಶ್ಯೇ॒ನ ಉದ್ವ॑ಧೀ॒ನ್ಮಾ ಸು॑ಪ॒ರ್ಣೋ ಮಾ ತ್ವಾ᳚ ವಿದ॒ದಿಷು॑ಮಾನ್ವೀ॒ರೋ ಅಸ್ತಾ᳚ |
ಪಿತ್ರ್ಯಾ॒ಮನು॑ ಪ್ರ॒ದಿಶಂ॒ ಕನಿ॑ಕ್ರದತ್ಸುಮಂ॒ಗಲೋ᳚ ಭದ್ರವಾ॒ದೀ ವ॑ದೇ॒ಹ || 2.42.2
ಅವ॑ ಕ್ರಂದ ದಕ್ಷಿಣ॒ತೋ ಗೃ॒ಹಾಣಾಂ᳚ ಸುಮಂ॒ಗಲೋ᳚ ಭದ್ರವಾ॒ದೀ ಶ॑ಕು‌ನ್ತೇ |
ಮಾ ನಃ॑ ಸ್ತೇ॒ನ ಈ᳚ಶತ॒ ಮಾಘಶಂ᳚ಸೋ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.42.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಶೌನಕೋ ಗೃತ್ಸಮದ ಋಷಿಃ ಶಕುಂತೋ (ಕಪಿಂಜಲರೂಪೀಂದ್ರಃ) ದೇವತಾ (1, 3) ಪ್ರಥಮಾತೃತೀಯಯೋರೃಚೋರ್ಜಗತೀ (2) ದ್ವಿತೀಯಾಯಾಶ್ಚಾತಿಶಕ್ವರ್ಯಷ್ಟಿರ್ವಾ ಛಂದಸೀ

ಪ್ರ॒ದ॒ಕ್ಷಿ॒ಣಿದ॒ಭಿ ಗೃ॑ಣ‌ನ್ತಿ ಕಾ॒ರವೋ॒ ವಯೋ॒ ವದ᳚‌ನ್ತ ಋತು॒ಥಾ ಶ॒ಕು‌ನ್ತ॑ಯಃ |
ಉ॒ಭೇ ವಾಚೌ᳚ ವದತಿ ಸಾಮ॒ಗಾ ಇ॑ವ ಗಾಯ॒ತ್ರಂ ಚ॒ ತ್ರೈಷ್ಟು॑ಭಂ॒ ಚಾನು॑ ರಾಜತಿ || 2.43.1
ಉ॒ದ್ಗಾ॒ತೇವ॑ ಶಕುನೇ॒ ಸಾಮ॑ ಗಾಯಸಿ ಬ್ರಹ್ಮಪು॒ತ್ರ ಇ॑ವ॒ ಸವ॑ನೇಷು ಶಂಸಸಿ |
ವೃಷೇ᳚ವ ವಾ॒ಜೀ ಶಿಶು॑ಮತೀರ॒ಪೀತ್ಯಾ᳚ ಸ॒ರ್ವತೋ᳚ ನಃ ಶಕುನೇ ಭ॒ದ್ರಮಾ ವ॑ದ ವಿ॒ಶ್ವತೋ᳚ ನಃ ಶಕುನೇ॒ ಪುಣ್ಯ॒ಮಾ ವ॑ದ || 2.43.2
ಆ॒ವದಁ॒ಸ್ತ್ವಂ ಶ॑ಕುನೇ ಭ॒ದ್ರಮಾ ವ॑ದ ತೂ॒ಷ್ಣೀಮಾಸೀ᳚ನಃ ಸುಮ॒ತಿಂ ಚಿ॑ಕಿದ್ಧಿ ನಃ |
ಯದು॒ತ್ಪತ॒ನ್ವದ॑ಸಿ ಕರ್ಕ॒ರಿರ್ಯ॑ಥಾ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 2.43.3

|| ಇತಿ ಋಗ್ವೇದ ಮಂಡಲಮ್-೨ ||

|| ಅಥ ಋಗ್ವೇದ ಮಂಡಲಮ್-೩ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-23) ತ್ರಯೋವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಸೋಮ॑ಸ್ಯ ಮಾ ತ॒ವಸಂ॒ ವಕ್ಷ್ಯ॑ಗ್ನೇ॒ ವಹ್ನಿಂ᳚ ಚಕರ್ಥ ವಿ॒ದಥೇ॒ ಯಜ॑ಧ್ಯೈ |
ದೇ॒ವಾಁ ಅಚ್ಛಾ॒ ದೀದ್ಯ॑ದ್ಯುಂ॒ಜೇ ಅದ್ರಿಂ᳚ ಶಮಾ॒ಯೇ ಅ॑ಗ್ನೇ ತ॒ನ್ವಂ᳚ ಜುಷಸ್ವ || 3.1.1
ಪ್ರಾಂಚಂ᳚ ಯ॒ಜ್ಞಂ ಚ॑ಕೃಮ॒ ವರ್ಧ॑ತಾಂ॒ ಗೀಃ ಸ॒ಮಿದ್ಭಿ॑ರ॒ಗ್ನಿಂ ನಮ॑ಸಾ ದುವಸ್ಯನ್ |
ದಿ॒ವಃ ಶ॑ಶಾಸುರ್ವಿ॒ದಥಾ᳚ ಕವೀ॒ನಾಂ ಗೃತ್ಸಾ᳚ಯ ಚಿತ್ತ॒ವಸೇ᳚ ಗಾ॒ತುಮೀ᳚ಷುಃ || 3.1.2
ಮಯೋ᳚ ದಧೇ॒ ಮೇಧಿ॑ರಃ ಪೂ॒ತದ॑ಕ್ಷೋ ದಿ॒ವಃ ಸು॒ಬಂಧು॑ರ್ಜ॒ನುಷಾ᳚ ಪೃಥಿ॒ವ್ಯಾಃ |
ಅವಿಂ᳚ದನ್ನು ದರ್ಶ॒ತಮ॒ಪ್ಸ್ವ1॒᳚‌ನ್ತರ್ದೇ॒ವಾಸೋ᳚ ಅ॒ಗ್ನಿಮ॒ಪಸಿ॒ ಸ್ವಸೄ᳚ಣಾ‌ಮ್ || 3.1.3
ಅವ॑ರ್ಧಯ‌‌ನ್ತ್ಸು॒ಭಗಂ᳚ ಸ॒ಪ್ತ ಯ॒ಹ್ವೀಃ ಶ್ವೇ॒ತಂ ಜ॑ಜ್ಞಾ॒ನಮ॑ರು॒ಷಂ ಮ॑ಹಿ॒ತ್ವಾ |
ಶಿಶುಂ॒ ನ ಜಾ॒ತಮ॒ಭ್ಯಾ᳚ರು॒ರಶ್ವಾ᳚ ದೇ॒ವಾಸೋ᳚ ಅ॒ಗ್ನಿಂ ಜನಿ॑ಮನ್ವಪುಷ್ಯನ್ || 3.1.4
ಶು॒ಕ್ರೇಭಿ॒ರಂಗೈ॒ ರಜ॑ ಆತತ॒ನ್ವಾನ್ಕ್ರತುಂ᳚ ಪುನಾ॒ನಃ ಕ॒ವಿಭಿಃ॑ ಪ॒ವಿತ್ರೈಃ᳚ |
ಶೋ॒ಚಿರ್ವಸಾ᳚ನಃ॒ ಪರ್ಯಾಯು॑ರ॒ಪಾಂ ಶ್ರಿಯೋ᳚ ಮಿಮೀತೇ ಬೃಹ॒ತೀರನೂ᳚ನಾಃ || 3.1.5
ವ॒ವ್ರಾಜಾ᳚ ಸೀ॒ಮನ॑ದತೀ॒ರದ॑ಬ್ಧಾ ದಿ॒ವೋ ಯ॒ಹ್ವೀರವ॑ಸಾನಾ॒ ಅನ॑ಗ್ನಾಃ |
ಸನಾ॒ ಅತ್ರ॑ ಯುವ॒ತಯಃ॒ ಸಯೋ᳚ನೀ॒ರೇಕಂ॒ ಗರ್ಭಂ᳚ ದಧಿರೇ ಸ॒ಪ್ತ ವಾಣೀಃ᳚ || 3.1.6
ಸ್ತೀ॒ರ್ಣಾ ಅ॑ಸ್ಯ ಸಂ॒ಹತೋ᳚ ವಿ॒ಶ್ವರೂ᳚ಪಾ ಘೃ॒ತಸ್ಯ॒ ಯೋನೌ᳚ ಸ್ರ॒ವಥೇ॒ ಮಧೂ᳚ನಾ‌ಮ್ |
ಅಸ್ಥು॒ರತ್ರ॑ ಧೇ॒ನವಃ॒ ಪಿನ್ವ॑ಮಾನಾ ಮ॒ಹೀ ದ॒ಸ್ಮಸ್ಯ॑ ಮಾ॒ತರಾ᳚ ಸಮೀ॒ಚೀ || 3.1.7
ಬ॒ಭ್ರಾ॒ಣಃ ಸೂ᳚ನೋ ಸಹಸೋ॒ ವ್ಯ॑ದ್ಯೌ॒ದ್ದಧಾ᳚ನಃ ಶು॒ಕ್ರಾ ರ॑ಭ॒ಸಾ ವಪೂಂ᳚ಷಿ |
ಶ್ಚೋತ᳚‌ನ್ತಿ॒ ಧಾರಾ॒ ಮಧು॑ನೋ ಘೃ॒ತಸ್ಯ॒ ವೃಷಾ॒ ಯತ್ರ॑ ವಾವೃ॒ಧೇ ಕಾವ್ಯೇ᳚ನ || 3.1.8
ಪಿ॒ತುಶ್ಚಿ॒ದೂಧ॑ರ್ಜ॒ನುಷಾ᳚ ವಿವೇದ॒ ವ್ಯ॑ಸ್ಯ॒ ಧಾರಾ᳚ ಅಸೃಜ॒ದ್ವಿ ಧೇನಾಃ᳚ |
ಗುಹಾ॒ ಚರ᳚‌ನ್ತಂ॒ ಸಖಿ॑ಭಿಃ ಶಿ॒ವೇಭಿ॑ರ್ದಿ॒ವೋ ಯ॒ಹ್ವೀಭಿ॒ರ್ನ ಗುಹಾ᳚ ಬಭೂವ || 3.1.9
ಪಿ॒ತುಶ್ಚ॒ ಗರ್ಭಂ᳚ ಜನಿ॒ತುಶ್ಚ॑ ಬಭ್ರೇ ಪೂ॒ರ್ವೀರೇಕೋ᳚ ಅಧಯ॒ತ್ಪೀಪ್ಯಾ᳚ನಾಃ |
ವೃಷ್ಣೇ᳚ ಸ॒ಪತ್ನೀ॒ ಶುಚ॑ಯೇ॒ ಸಬಂ᳚ಧೂ ಉ॒ಭೇ ಅ॑ಸ್ಮೈ ಮನು॒ಷ್ಯೇ॒3॒॑ ನಿ ಪಾ᳚ಹಿ || 3.1.10
ಉ॒ರೌ ಮ॒ಹಾಁ ಅ॑ನಿಬಾ॒ಧೇ ವ॑ವ॒ರ್ಧಾಪೋ᳚ ಅ॒ಗ್ನಿಂ ಯ॒ಶಸಃ॒ ಸಂ ಹಿ ಪೂ॒ರ್ವೀಃ |
ಋ॒ತಸ್ಯ॒ ಯೋನಾ᳚ವಶಯ॒ದ್ದಮೂ᳚ನಾ ಜಾಮೀ॒ನಾಮ॒ಗ್ನಿರ॒ಪಸಿ॒ ಸ್ವಸೄ᳚ಣಾ‌ಮ್ || 3.1.11
ಅ॒ಕ್ರೋ ನ ಬ॒ಭ್ರಿಃ ಸ॑ಮಿ॒ಥೇ ಮ॒ಹೀನಾಂ᳚ ದಿದೃ॒ಕ್ಷೇಯಃ॑ ಸೂ॒ನವೇ॒ ಭಾಋ॑ಜೀಕಃ |
ಉದು॒ಸ್ರಿಯಾ॒ ಜನಿ॑ತಾ॒ ಯೋ ಜ॒ಜಾನಾ॒ಪಾಂ ಗರ್ಭೋ॒ ನೃತ॑ಮೋ ಯ॒ಹ್ವೋ ಅ॒ಗ್ನಿಃ || 3.1.12
ಅ॒ಪಾಂ ಗರ್ಭಂ᳚ ದರ್ಶ॒ತಮೋಷ॑ಧೀನಾಂ॒ ವನಾ᳚ ಜಜಾನ ಸು॒ಭಗಾ॒ ವಿರೂ᳚ಪ‌ಮ್ |
ದೇ॒ವಾಸ॑ಶ್ಚಿ॒ನ್ಮನ॑ಸಾ॒ ಸಂ ಹಿ ಜ॒ಗ್ಮುಃ ಪನಿ॑ಷ್ಠಂ ಜಾ॒ತಂ ತ॒ವಸಂ᳚ ದುವಸ್ಯನ್ || 3.1.13
ಬೃ॒ಹ‌ನ್ತ॒ ಇದ್ಭಾ॒ನವೋ॒ ಭಾಋ॑ಜೀಕಮ॒ಗ್ನಿಂ ಸ॑ಚ‌ನ್ತ ವಿ॒ದ್ಯುತೋ॒ ನ ಶು॒ಕ್ರಾಃ |
ಗುಹೇ᳚ವ ವೃ॒ದ್ಧಂ ಸದ॑ಸಿ॒ ಸ್ವೇ ಅ॒‌ನ್ತರ॑ಪಾ॒ರ ಊ॒ರ್ವೇ ಅ॒ಮೃತಂ॒ ದುಹಾ᳚ನಾಃ || 3.1.14
ಈಳೇ᳚ ಚ ತ್ವಾ॒ ಯಜ॑ಮಾನೋ ಹ॒ವಿರ್ಭಿ॒ರೀಳೇ᳚ ಸಖಿ॒ತ್ವಂ ಸು॑ಮ॒ತಿಂ ನಿಕಾ᳚ಮಃ |
ದೇ॒ವೈರವೋ᳚ ಮಿಮೀಹಿ॒ ಸಂ ಜ॑ರಿ॒ತ್ರೇ ರಕ್ಷಾ᳚ ಚ ನೋ॒ ದಮ್ಯೇ᳚ಭಿ॒ರನೀ᳚ಕೈಃ || 3.1.15
ಉ॒ಪ॒ಕ್ಷೇ॒ತಾರ॒ಸ್ತವ॑ ಸುಪ್ರಣೀ॒ತೇಽಗ್ನೇ॒ ವಿಶ್ವಾ᳚ನಿ॒ ಧನ್ಯಾ॒ ದಧಾ᳚ನಾಃ |
ಸು॒ರೇತ॑ಸಾ॒ ಶ್ರವ॑ಸಾ॒ ತುಂಜ॑ಮಾನಾ ಅ॒ಭಿ ಷ್ಯಾ᳚ಮ ಪೃತನಾ॒ಯೂಁರದೇ᳚ವಾನ್ || 3.1.16
ಆ ದೇ॒ವಾನಾ᳚ಮಭವಃ ಕೇ॒ತುರ॑ಗ್ನೇ ಮಂ॒ದ್ರೋ ವಿಶ್ವಾ᳚ನಿ॒ ಕಾವ್ಯಾ᳚ನಿ ವಿ॒ದ್ವಾನ್ |
ಪ್ರತಿ॒ ಮರ್ತಾಁ᳚ ಅವಾಸಯೋ॒ ದಮೂ᳚ನಾ॒ ಅನು॑ ದೇ॒ವಾನ್ರ॑ಥಿ॒ರೋ ಯಾ᳚ಸಿ॒ ಸಾಧನ್॑ || 3.1.17
ನಿ ದು॑ರೋ॒ಣೇ ಅ॒ಮೃತೋ॒ ಮರ್ತ್ಯಾ᳚ನಾಂ॒ ರಾಜಾ᳚ ಸಸಾದ ವಿ॒ದಥಾ᳚ನಿ॒ ಸಾಧನ್॑ |
ಘೃ॒ತಪ್ರ॑ತೀಕ ಉರ್ವಿ॒ಯಾ ವ್ಯ॑ದ್ಯೌದ॒ಗ್ನಿರ್ವಿಶ್ವಾ᳚ನಿ॒ ಕಾವ್ಯಾ᳚ನಿ ವಿ॒ದ್ವಾನ್ || 3.1.18
ಆ ನೋ᳚ ಗಹಿ ಸ॒ಖ್ಯೇಭಿಃ॑ ಶಿ॒ವೇಭಿ᳚ರ್ಮ॒ಹಾನ್ಮ॒ಹೀಭಿ॑ರೂ॒ತಿಭಿಃ॑ ಸರ॒ಣ್ಯನ್ |
ಅ॒ಸ್ಮೇ ರ॒ಯಿಂ ಬ॑ಹು॒ಲಂ ಸಂತ॑ರುತ್ರಂ ಸು॒ವಾಚಂ᳚ ಭಾ॒ಗಂ ಯ॒ಶಸಂ᳚ ಕೃಧೀ ನಃ || 3.1.19
ಏ॒ತಾ ತೇ᳚ ಅಗ್ನೇ॒ ಜನಿ॑ಮಾ॒ ಸನಾ᳚ನಿ॒ ಪ್ರ ಪೂ॒ರ್ವ್ಯಾಯ॒ ನೂತ॑ನಾನಿ ವೋಚ‌ಮ್ |
ಮ॒ಹಾ‌ನ್ತಿ॒ ವೃಷ್ಣೇ॒ ಸವ॑ನಾ ಕೃ॒ತೇಮಾ ಜನ್ಮಂ᳚ಜನ್ಮ॒ನ್ನಿಹಿ॑ತೋ ಜಾ॒ತವೇ᳚ದಾಃ || 3.1.20
ಜನ್ಮಂ᳚ಜನ್ಮ॒ನ್ನಿಹಿ॑ತೋ ಜಾ॒ತವೇ᳚ದಾ ವಿ॒ಶ್ವಾಮಿ॑ತ್ರೇಭಿರಿಧ್ಯತೇ॒ ಅಜ॑ಸ್ರಃ |
ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ || 3.1.21
ಇ॒ಮಂ ಯ॒ಜ್ಞಂ ಸ॑ಹಸಾವ॒‌ನ್ತ್ವಂ ನೋ᳚ ದೇವ॒ತ್ರಾ ಧೇ᳚ಹಿ ಸುಕ್ರತೋ॒ ರರಾ᳚ಣಃ |
ಪ್ರ ಯಂ᳚ಸಿ ಹೋತರ್ಬೃಹ॒ತೀರಿಷೋ॒ ನೋಽಗ್ನೇ॒ ಮಹಿ॒ ದ್ರವಿ॑ಣ॒ಮಾ ಯ॑ಜಸ್ವ || 3.1.22
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.1.23

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ ವೈಶ್ವಾನರೋಽಗ್ನಿರ್ದೇವತಾ,ಜಗತೀ ಛಂದಃ

ವೈ॒ಶ್ವಾ॒ನ॒ರಾಯ॑ ಧಿ॒ಷಣಾ᳚ಮೃತಾ॒ವೃಧೇ᳚ ಘೃ॒ತಂ ನ ಪೂ॒ತಮ॒ಗ್ನಯೇ᳚ ಜನಾಮಸಿ |
ದ್ವಿ॒ತಾ ಹೋತಾ᳚ರಂ॒ ಮನು॑ಷಶ್ಚ ವಾ॒ಘತೋ᳚ ಧಿ॒ಯಾ ರಥಂ॒ ನ ಕುಲಿ॑ಶಃ॒ ಸಮೃ᳚ಣ್ವತಿ || 3.2.1
ಸ ರೋ᳚ಚಯಜ್ಜ॒ನುಷಾ॒ ರೋದ॑ಸೀ ಉ॒ಭೇ ಸ ಮಾ॒ತ್ರೋರ॑ಭವತ್ಪು॒ತ್ರ ಈಡ್ಯಃ॑ |
ಹ॒ವ್ಯ॒ವಾಳ॒ಗ್ನಿರ॒ಜರ॒ಶ್ಚನೋ᳚ಹಿತೋ ದೂ॒ಳಭೋ᳚ ವಿ॒ಶಾಮತಿ॑ಥಿರ್ವಿ॒ಭಾವ॑ಸುಃ || 3.2.2
ಕ್ರತ್ವಾ॒ ದಕ್ಷ॑ಸ್ಯ॒ ತರು॑ಷೋ॒ ವಿಧ᳚ರ್ಮಣಿ ದೇ॒ವಾಸೋ᳚ ಅ॒ಗ್ನಿಂ ಜ॑ನಯ‌ನ್ತ॒ ಚಿತ್ತಿ॑ಭಿಃ |
ರು॒ರು॒ಚಾ॒ನಂ ಭಾ॒ನುನಾ॒ ಜ್ಯೋತಿ॑ಷಾ ಮ॒ಹಾಮತ್ಯಂ॒ ನ ವಾಜಂ᳚ ಸನಿ॒ಷ್ಯನ್ನುಪ॑ ಬ್ರುವೇ || 3.2.3
ಆ ಮಂ॒ದ್ರಸ್ಯ॑ ಸನಿ॒ಷ್ಯ‌ನ್ತೋ॒ ವರೇ᳚ಣ್ಯಂ ವೃಣೀ॒ಮಹೇ॒ ಅಹ್ರ॑ಯಂ॒ ವಾಜ॑ಮೃ॒ಗ್ಮಿಯ‌ಮ್᳚ |
ರಾ॒ತಿಂ ಭೃಗೂ᳚ಣಾಮು॒ಶಿಜಂ᳚ ಕ॒ವಿಕ್ರ॑ತುಮ॒ಗ್ನಿಂ ರಾಜ᳚‌ನ್ತಂ ದಿ॒ವ್ಯೇನ॑ ಶೋ॒ಚಿಷಾ᳚ || 3.2.4
ಅ॒ಗ್ನಿಂ ಸು॒ಮ್ನಾಯ॑ ದಧಿರೇ ಪು॒ರೋ ಜನಾ॒ ವಾಜ॑ಶ್ರವಸಮಿ॒ಹ ವೃ॒ಕ್ತಬ॑ರ್ಹಿಷಃ |
ಯ॒ತಸ್ರು॑ಚಃ ಸು॒ರುಚಂ᳚ ವಿ॒ಶ್ವದೇ᳚ವ್ಯಂ ರು॒ದ್ರಂ ಯ॒ಜ್ಞಾನಾಂ॒ ಸಾಧ॑ದಿಷ್ಟಿಮ॒ಪಸಾ᳚‌ಮ್ || 3.2.5
ಪಾವ॑ಕಶೋಚೇ॒ ತವ॒ ಹಿ ಕ್ಷಯಂ॒ ಪರಿ॒ ಹೋತ᳚ರ್ಯ॒ಜ್ಞೇಷು॑ ವೃ॒ಕ್ತಬ॑ರ್ಹಿಷೋ॒ ನರಃ॑ |
ಅಗ್ನೇ॒ ದುವ॑ ಇ॒ಚ್ಛಮಾ᳚ನಾಸ॒ ಆಪ್ಯ॒ಮುಪಾ᳚ಸತೇ॒ ದ್ರವಿ॑ಣಂ ಧೇಹಿ॒ ತೇಭ್ಯಃ॑ || 3.2.6
ಆ ರೋದ॑ಸೀ ಅಪೃಣ॒ದಾ ಸ್ವ᳚ರ್ಮ॒ಹಜ್ಜಾ॒ತಂ ಯದೇ᳚ನಮ॒ಪಸೋ॒ ಅಧಾ᳚ರಯನ್ |
ಸೋ ಅ॑ಧ್ವ॒ರಾಯ॒ ಪರಿ॑ ಣೀಯತೇ ಕ॒ವಿರತ್ಯೋ॒ ನ ವಾಜ॑ಸಾತಯೇ॒ ಚನೋ᳚ಹಿತಃ || 3.2.7
ನ॒ಮ॒ಸ್ಯತ॑ ಹ॒ವ್ಯದಾ᳚ತಿಂ ಸ್ವಧ್ವ॒ರಂ ದು॑ವ॒ಸ್ಯತ॒ ದಮ್ಯಂ᳚ ಜಾ॒ತವೇ᳚ದಸ‌ಮ್ |
ರ॒ಥೀರ್‌ಋ॒ತಸ್ಯ॑ ಬೃಹ॒ತೋ ವಿಚ॑ರ್ಷಣಿರ॒ಗ್ನಿರ್ದೇ॒ವಾನಾ᳚ಮಭವತ್ಪು॒ರೋಹಿ॑ತಃ || 3.2.8
ತಿ॒ಸ್ರೋ ಯ॒ಹ್ವಸ್ಯ॑ ಸ॒ಮಿಧಃ॒ ಪರಿ॑ಜ್ಮನೋ॒ಽಗ್ನೇರ॑ಪುನನ್ನು॒ಶಿಜೋ॒ ಅಮೃ॑ತ್ಯವಃ |
ತಾಸಾ॒ಮೇಕಾ॒ಮದ॑ಧು॒ರ್ಮರ್ತ್ಯೇ॒ ಭುಜ॑ಮು ಲೋ॒ಕಮು॒ ದ್ವೇ ಉಪ॑ ಜಾ॒ಮಿಮೀ᳚ಯತುಃ || 3.2.9
ವಿ॒ಶಾಂ ಕ॒ವಿಂ ವಿ॒ಶ್ಪತಿಂ॒ ಮಾನು॑ಷೀ॒ರಿಷಃ॒ ಸಂ ಸೀ᳚ಮಕೃಣ್ವ॒‌‌ನ್ತ್ಸ್ವಧಿ॑ತಿಂ॒ ನ ತೇಜ॑ಸೇ |
ಸ ಉ॒ದ್ವತೋ᳚ ನಿ॒ವತೋ᳚ ಯಾತಿ॒ ವೇವಿ॑ಷ॒ತ್ಸ ಗರ್ಭ॑ಮೇ॒ಷು ಭುವ॑ನೇಷು ದೀಧರತ್ || 3.2.10
ಸ ಜಿ᳚ನ್ವತೇ ಜ॒ಠರೇ᳚ಷು ಪ್ರಜಜ್ಞಿ॒ವಾನ್ವೃಷಾ᳚ ಚಿ॒ತ್ರೇಷು॒ ನಾನ॑ದ॒ನ್ನ ಸಿಂ॒ಹಃ |
ವೈ॒ಶ್ವಾ॒ನ॒ರಃ ಪೃ॑ಥು॒ಪಾಜಾ॒ ಅಮ॑ರ್ತ್ಯೋ॒ ವಸು॒ ರತ್ನಾ॒ ದಯ॑ಮಾನೋ॒ ವಿ ದಾ॒ಶುಷೇ᳚ || 3.2.11
ವೈ॒ಶ್ವಾ॒ನ॒ರಃ ಪ್ರ॒ತ್ನಥಾ॒ ನಾಕ॒ಮಾರು॑ಹದ್ದಿ॒ವಸ್ಪೃ॒ಷ್ಠಂ ಭಂದ॑ಮಾನಃ ಸು॒ಮನ್ಮ॑ಭಿಃ |
ಸ ಪೂ᳚ರ್ವ॒ವಜ್ಜ॒ನಯಂ᳚ಜ॒‌ನ್ತವೇ॒ ಧನಂ᳚ ಸಮಾ॒ನಮಜ್ಮಂ॒ ಪರ್ಯೇ᳚ತಿ॒ ಜಾಗೃ॑ವಿಃ || 3.2.12
ಋ॒ತಾವಾ᳚ನಂ ಯ॒ಜ್ಞಿಯಂ॒ ವಿಪ್ರ॑ಮು॒ಕ್ಥ್ಯ1॒॑ಮಾ ಯಂ ದ॒ಧೇ ಮಾ᳚ತ॒ರಿಶ್ವಾ᳚ ದಿ॒ವಿ ಕ್ಷಯ‌ಮ್᳚ |
ತಂ ಚಿ॒ತ್ರಯಾ᳚ಮಂ॒ ಹರಿ॑ಕೇಶಮೀಮಹೇ ಸುದೀ॒ತಿಮ॒ಗ್ನಿಂ ಸು॑ವಿ॒ತಾಯ॒ ನವ್ಯ॑ಸೇ || 3.2.13
ಶುಚಿಂ॒ ನ ಯಾಮ᳚ನ್ನಿಷಿ॒ರಂ ಸ್ವ॒ರ್ದೃಶಂ᳚ ಕೇ॒ತುಂ ದಿ॒ವೋ ರೋ᳚ಚನ॒ಸ್ಥಾಮು॑ಷ॒ರ್ಬುಧ‌ಮ್᳚ |
ಅ॒ಗ್ನಿಂ ಮೂ॒ರ್ಧಾನಂ᳚ ದಿ॒ವೋ ಅಪ್ರ॑ತಿಷ್ಕುತಂ॒ ತಮೀ᳚ಮಹೇ॒ ನಮ॑ಸಾ ವಾ॒ಜಿನಂ᳚ ಬೃ॒ಹತ್ || 3.2.14
ಮಂ॒ದ್ರಂ ಹೋತಾ᳚ರಂ॒ ಶುಚಿ॒ಮದ್ವ॑ಯಾವಿನಂ॒ ದಮೂ᳚ನಸಮು॒ಕ್ಥ್ಯಂ᳚ ವಿ॒ಶ್ವಚ॑ರ್ಷಣಿ‌ಮ್ |
ರಥಂ॒ ನ ಚಿ॒ತ್ರಂ ವಪು॑ಷಾಯ ದರ್ಶ॒ತಂ ಮನು॑ರ್ಹಿತಂ॒ ಸದ॒ಮಿದ್ರಾ॒ಯ ಈ᳚ಮಹೇ || 3.2.15

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ ವೈಶ್ವಾನರೋಽಗ್ನಿರ್ದೇವತಾ,ಜಗತೀ ಛಂದಃ

ವೈ॒ಶ್ವಾ॒ನ॒ರಾಯ॑ ಪೃಥು॒ಪಾಜ॑ಸೇ॒ ವಿಪೋ॒ ರತ್ನಾ᳚ ವಿಧ‌ನ್ತ ಧ॒ರುಣೇ᳚ಷು॒ ಗಾತ॑ವೇ |
ಅ॒ಗ್ನಿರ್ಹಿ ದೇ॒ವಾಁ ಅ॒ಮೃತೋ᳚ ದುವ॒ಸ್ಯತ್ಯಥಾ॒ ಧರ್ಮಾ᳚ಣಿ ಸ॒ನತಾ॒ ನ ದೂ᳚ದುಷತ್ || 3.3.1
ಅ॒‌ನ್ತರ್ದೂ॒ತೋ ರೋದ॑ಸೀ ದ॒ಸ್ಮ ಈ᳚ಯತೇ॒ ಹೋತಾ॒ ನಿಷ॑ತ್ತೋ॒ ಮನು॑ಷಃ ಪು॒ರೋಹಿ॑ತಃ |
ಕ್ಷಯಂ᳚ ಬೃ॒ಹ‌ನ್ತಂ॒ ಪರಿ॑ ಭೂಷತಿ॒ ದ್ಯುಭಿ॑ರ್ದೇ॒ವೇಭಿ॑ರ॒ಗ್ನಿರಿ॑ಷಿ॒ತೋ ಧಿ॒ಯಾವ॑ಸುಃ || 3.3.2
ಕೇ॒ತುಂ ಯ॒ಜ್ಞಾನಾಂ᳚ ವಿ॒ದಥ॑ಸ್ಯ॒ ಸಾಧ॑ನಂ॒ ವಿಪ್ರಾ᳚ಸೋ ಅ॒ಗ್ನಿಂ ಮ॑ಹಯ‌ನ್ತ॒ ಚಿತ್ತಿ॑ಭಿಃ |
ಅಪಾಂ᳚ಸಿ॒ ಯಸ್ಮಿ॒ನ್ನಧಿ॑ ಸಂದ॒ಧುರ್ಗಿರ॒ಸ್ತಸ್ಮಿ᳚‌‌ನ್ತ್ಸು॒ಮ್ನಾನಿ॒ ಯಜ॑ಮಾನ॒ ಆ ಚ॑ಕೇ || 3.3.3
ಪಿ॒ತಾ ಯ॒ಜ್ಞಾನಾ॒ಮಸು॑ರೋ ವಿಪ॒ಶ್ಚಿತಾಂ᳚ ವಿ॒ಮಾನ॑ಮ॒ಗ್ನಿರ್ವ॒ಯುನಂ᳚ ಚ ವಾ॒ಘತಾ᳚‌ಮ್ |
ಆ ವಿ॑ವೇಶ॒ ರೋದ॑ಸೀ॒ ಭೂರಿ॑ವರ್ಪಸಾ ಪುರುಪ್ರಿ॒ಯೋ ಭಂ᳚ದತೇ॒ ಧಾಮ॑ಭಿಃ ಕ॒ವಿಃ || 3.3.4
ಚಂ॒ದ್ರಮ॒ಗ್ನಿಂ ಚಂ॒ದ್ರರ॑ಥಂ॒ ಹರಿ᳚ವ್ರತಂ ವೈಶ್ವಾನ॒ರಮ॑ಪ್ಸು॒ಷದಂ᳚ ಸ್ವ॒ರ್ವಿದ‌ಮ್᳚ |
ವಿ॒ಗಾ॒ಹಂ ತೂರ್ಣಿಂ॒ ತವಿ॑ಷೀಭಿ॒ರಾವೃ॑ತಂ॒ ಭೂರ್ಣಿಂ᳚ ದೇ॒ವಾಸ॑ ಇ॒ಹ ಸು॒ಶ್ರಿಯಂ᳚ ದಧುಃ || 3.3.5
ಅ॒ಗ್ನಿರ್ದೇ॒ವೇಭಿ॒ರ್ಮನು॑ಷಶ್ಚ ಜ॒‌ನ್ತುಭಿ॑ಸ್ತನ್ವಾ॒ನೋ ಯ॒ಜ್ಞಂ ಪು॑ರು॒ಪೇಶ॑ಸಂ ಧಿ॒ಯಾ |
ರ॒ಥೀರ॒‌ನ್ತರೀ᳚ಯತೇ॒ ಸಾಧ॑ದಿಷ್ಟಿಭಿರ್ಜೀ॒ರೋ ದಮೂ᳚ನಾ ಅಭಿಶಸ್ತಿ॒ಚಾತ॑ನಃ || 3.3.6
ಅಗ್ನೇ॒ ಜರ॑ಸ್ವ ಸ್ವಪ॒ತ್ಯ ಆಯು᳚ನ್ಯೂ॒ರ್ಜಾ ಪಿ᳚ನ್ವಸ್ವ॒ ಸಮಿಷೋ᳚ ದಿದೀಹಿ ನಃ |
ವಯಾಂ᳚ಸಿ ಜಿನ್ವ ಬೃಹ॒ತಶ್ಚ॑ ಜಾಗೃವ ಉ॒ಶಿಗ್ದೇ॒ವಾನಾ॒ಮಸಿ॑ ಸು॒ಕ್ರತು᳚ರ್ವಿ॒ಪಾ‌ಮ್ || 3.3.7
ವಿ॒ಶ್ಪತಿಂ᳚ ಯ॒ಹ್ವಮತಿ॑ಥಿಂ॒ ನರಃ॒ ಸದಾ᳚ ಯ॒‌ನ್ತಾರಂ᳚ ಧೀ॒ನಾಮು॒ಶಿಜಂ᳚ ಚ ವಾ॒ಘತಾ᳚‌ಮ್ |
ಅ॒ಧ್ವ॒ರಾಣಾಂ॒ ಚೇತ॑ನಂ ಜಾ॒ತವೇ᳚ದಸಂ॒ ಪ್ರ ಶಂ᳚ಸ‌ನ್ತಿ॒ ನಮ॑ಸಾ ಜೂ॒ತಿಭಿ᳚ರ್ವೃ॒ಧೇ || 3.3.8
ವಿ॒ಭಾವಾ᳚ ದೇ॒ವಃ ಸು॒ರಣಃ॒ ಪರಿ॑ ಕ್ಷಿ॒ತೀರ॒ಗ್ನಿರ್ಬ॑ಭೂವ॒ ಶವ॑ಸಾ ಸು॒ಮದ್ರ॑ಥಃ |
ತಸ್ಯ᳚ ವ್ರ॒ತಾನಿ॑ ಭೂರಿಪೋ॒ಷಿಣೋ᳚ ವ॒ಯಮುಪ॑ ಭೂಷೇಮ॒ ದಮ॒ ಆ ಸು॑ವೃ॒ಕ್ತಿಭಿಃ॑ || 3.3.9
ವೈಶ್ವಾ᳚ನರ॒ ತವ॒ ಧಾಮಾ॒ನ್ಯಾ ಚ॑ಕೇ॒ ಯೇಭಿಃ॑ ಸ್ವ॒ರ್ವಿದಭ॑ವೋ ವಿಚಕ್ಷಣ |
ಜಾ॒ತ ಆಪೃ॑ಣೋ॒ ಭುವ॑ನಾನಿ॒ ರೋದ॑ಸೀ॒ ಅಗ್ನೇ॒ ತಾ ವಿಶ್ವಾ᳚ ಪರಿ॒ಭೂರ॑ಸಿ॒ ತ್ಮನಾ᳚ || 3.3.10
ವೈ॒ಶ್ವಾ॒ನ॒ರಸ್ಯ॑ ದಂ॒ಸನಾ᳚ಭ್ಯೋ ಬೃ॒ಹದರಿ॑ಣಾ॒ದೇಕಃ॑ ಸ್ವಪ॒ಸ್ಯಯಾ᳚ ಕ॒ವಿಃ |
ಉ॒ಭಾ ಪಿ॒ತರಾ᳚ ಮ॒ಹಯ᳚ನ್ನಜಾಯತಾ॒ಗ್ನಿರ್ದ್ಯಾವಾ᳚ಪೃಥಿ॒ವೀ ಭೂರಿ॑ರೇತಸಾ || 3.3.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾಸ್ತನೂನಪಾತ್ (3) ತೃತೀಯಾಯಾ ಇಳಃ (4) ಚತುರ್ಥ್ಯಾ ಬರ್ಹಿಃ (5) ಪಂಚಮ್ಯಾ ದೇವೀಪುರಃ (6) ಷಷ್ಠ್ಯಾ ಉಷಾಸಾನಕ್ತಾ (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (9) ನವಮ್ಯಾಸ್ತ್ವಷ್ಟಾ (10) ದಶಮ್ಯಾ ವನಸ್ಪತಿಃ (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ ತ್ರಿಷ್ಟುಪ್ ಛಂದಃ

ಸ॒ಮಿತ್ಸ॑ಮಿತ್ಸು॒ಮನಾ᳚ ಬೋಧ್ಯ॒ಸ್ಮೇ ಶು॒ಚಾಶು॑ಚಾ ಸುಮ॒ತಿಂ ರಾ᳚ಸಿ॒ ವಸ್ವಃ॑ |
ಆ ದೇ᳚ವ ದೇ॒ವಾನ್ಯ॒ಜಥಾ᳚ಯ ವಕ್ಷಿ॒ ಸಖಾ॒ ಸಖೀ᳚‌‌ನ್ತ್ಸು॒ಮನಾ᳚ ಯಕ್ಷ್ಯಗ್ನೇ || 3.4.1
ಯಂ ದೇ॒ವಾಸ॒ಸ್ತ್ರಿರಹ᳚ನ್ನಾ॒ಯಜ᳚‌ನ್ತೇ ದಿ॒ವೇದಿ॑ವೇ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ |
ಸೇಮಂ ಯ॒ಜ್ಞಂ ಮಧು॑ಮ‌ನ್ತಂ ಕೃಧೀ ನ॒ಸ್ತನೂ᳚ನಪಾದ್ಘೃ॒ತಯೋ᳚ನಿಂ ವಿ॒ಧ‌ನ್ತ‌ಮ್᳚ || 3.4.2
ಪ್ರ ದೀಧಿ॑ತಿರ್ವಿ॒ಶ್ವವಾ᳚ರಾ ಜಿಗಾತಿ॒ ಹೋತಾ᳚ರಮಿ॒ಳಃ ಪ್ರ॑ಥ॒ಮಂ ಯಜ॑ಧ್ಯೈ |
ಅಚ್ಛಾ॒ ನಮೋ᳚ಭಿರ್ವೃಷ॒ಭಂ ವಂ॒ದಧ್ಯೈ॒ ಸ ದೇ॒ವಾನ್ಯ॑ಕ್ಷದಿಷಿ॒ತೋ ಯಜೀ᳚ಯಾನ್ || 3.4.3
ಊ॒ರ್ಧ್ವೋ ವಾಂ᳚ ಗಾ॒ತುರ॑ಧ್ವ॒ರೇ ಅ॑ಕಾರ್ಯೂ॒ರ್ಧ್ವಾ ಶೋ॒ಚೀಂಷಿ॒ ಪ್ರಸ್ಥಿ॑ತಾ॒ ರಜಾಂ᳚ಸಿ |
ದಿ॒ವೋ ವಾ॒ ನಾಭಾ॒ ನ್ಯ॑ಸಾದಿ॒ ಹೋತಾ᳚ ಸ್ತೃಣೀ॒ಮಹಿ॑ ದೇ॒ವವ್ಯ॑ಚಾ॒ ವಿ ಬ॒ರ್ಹಿಃ || 3.4.4
ಸ॒ಪ್ತ ಹೋ॒ತ್ರಾಣಿ॒ ಮನ॑ಸಾ ವೃಣಾ॒ನಾ ಇನ್ವ᳚‌ನ್ತೋ॒ ವಿಶ್ವಂ॒ ಪ್ರತಿ॑ ಯನ್ನೃ॒ತೇನ॑ |
ನೃ॒ಪೇಶ॑ಸೋ ವಿ॒ದಥೇ᳚ಷು॒ ಪ್ರ ಜಾ॒ತಾ ಅ॒ಭೀ॒3॒॑ಮಂ ಯ॒ಜ್ಞಂ ವಿ ಚ॑ರ‌ನ್ತ ಪೂ॒ರ್ವೀಃ || 3.4.5
ಆ ಭಂದ॑ಮಾನೇ ಉ॒ಷಸಾ॒ ಉಪಾ᳚ಕೇ ಉ॒ತ ಸ್ಮ॑ಯೇತೇ ತ॒ನ್ವಾ॒3॒॑ ವಿರೂ᳚ಪೇ |
ಯಥಾ᳚ ನೋ ಮಿ॒ತ್ರೋ ವರು॑ಣೋ॒ ಜುಜೋ᳚ಷ॒ದಿಂದ್ರೋ᳚ ಮ॒ರುತ್ವಾಁ᳚ ಉ॒ತ ವಾ॒ ಮಹೋ᳚ಭಿಃ || 3.4.6
ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ನ್ಯೃಂ᳚ಜೇ ಸ॒ಪ್ತ ಪೃ॒ಕ್ಷಾಸಃ॑ ಸ್ವ॒ಧಯಾ᳚ ಮದ‌ನ್ತಿ |
ಋ॒ತಂ ಶಂಸ᳚‌ನ್ತ ಋ॒ತಮಿತ್ತ ಆ᳚ಹು॒ರನು᳚ ವ್ರ॒ತಂ ವ್ರ॑ತ॒ಪಾ ದೀಧ್ಯಾ᳚ನಾಃ || 3.4.7
ಆ ಭಾರ॑ತೀ॒ ಭಾರ॑ತೀಭಿಃ ಸ॒ಜೋಷಾ॒ ಇಳಾ᳚ ದೇ॒ವೈರ್ಮ॑ನು॒ಷ್ಯೇ᳚ಭಿರ॒ಗ್ನಿಃ |
ಸರ॑ಸ್ವತೀ ಸಾರಸ್ವ॒ತೇಭಿ॑ರ॒ರ್ವಾಕ್ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ॑ದ‌ನ್ತು || 3.4.8
ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣಃ ಸ್ಯ॑ಸ್ವ |
ಯತೋ᳚ ವೀ॒ರಃ ಕ᳚ರ್ಮ॒ಣ್ಯಃ॑ ಸು॒ದಕ್ಷೋ᳚ ಯು॒ಕ್ತಗ್ರಾ᳚ವಾ॒ ಜಾಯ॑ತೇ ದೇ॒ವಕಾ᳚ಮಃ || 3.4.9
ವನ॑ಸ್ಪ॒ತೇಽವ॑ ಸೃ॒ಜೋಪ॑ ದೇ॒ವಾನ॒ಗ್ನಿರ್ಹ॒ವಿಃ ಶ॑ಮಿ॒ತಾ ಸೂ᳚ದಯಾತಿ |
ಸೇದು॒ ಹೋತಾ᳚ ಸ॒ತ್ಯತ॑ರೋ ಯಜಾತಿ॒ ಯಥಾ᳚ ದೇ॒ವಾನಾಂ॒ ಜನಿ॑ಮಾನಿ॒ ವೇದ॑ || 3.4.10
ಆ ಯಾ᳚ಹ್ಯಗ್ನೇ ಸಮಿಧಾ॒ನೋ ಅ॒ರ್ವಾಙಿಂದ್ರೇ᳚ಣ ದೇ॒ವೈಃ ಸ॒ರಥಂ᳚ ತು॒ರೇಭಿಃ॑ |
ಬ॒ರ್ಹಿರ್ನ॑ ಆಸ್ತಾ॒ಮದಿ॑ತಿಃ ಸುಪು॒ತ್ರಾ ಸ್ವಾಹಾ᳚ ದೇ॒ವಾ ಅ॒ಮೃತಾ᳚ ಮಾದಯ‌ನ್ತಾ‌ಮ್ || 3.4.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಪ್ರತ್ಯ॒ಗ್ನಿರು॒ಷಸ॒ಶ್ಚೇಕಿ॑ತಾ॒ನೋಽಬೋ᳚ಧಿ॒ ವಿಪ್ರಃ॑ ಪದ॒ವೀಃ ಕ॑ವೀ॒ನಾ‌ಮ್ |
ಪೃ॒ಥು॒ಪಾಜಾ᳚ ದೇವ॒ಯದ್ಭಿಃ॒ ಸಮಿ॒ದ್ಧೋಽಪ॒ ದ್ವಾರಾ॒ ತಮ॑ಸೋ॒ ವಹ್ನಿ॑ರಾವಃ || 3.5.1
ಪ್ರೇದ್ವ॒ಗ್ನಿರ್ವಾ᳚ವೃಧೇ॒ ಸ್ತೋಮೇ᳚ಭಿರ್ಗೀ॒ರ್ಭಿಃ ಸ್ತೋ᳚ತೄ॒ಣಾಂ ನ॑ಮ॒ಸ್ಯ॑ ಉ॒ಕ್ಥೈಃ |
ಪೂ॒ರ್ವೀರ್‌ಋ॒ತಸ್ಯ॑ ಸಂ॒ದೃಶ॑ಶ್ಚಕಾ॒ನಃ ಸಂ ದೂ॒ತೋ ಅ॑ದ್ಯೌದು॒ಷಸೋ᳚ ವಿರೋ॒ಕೇ || 3.5.2
ಅಧಾ᳚ಯ್ಯ॒ಗ್ನಿರ್ಮಾನು॑ಷೀಷು ವಿ॒ಕ್ಷ್ವ1॒॑ಪಾಂ ಗರ್ಭೋ᳚ ಮಿ॒ತ್ರ ಋ॒ತೇನ॒ ಸಾಧನ್॑ |
ಆ ಹ᳚ರ್ಯ॒ತೋ ಯ॑ಜ॒ತಃ ಸಾನ್ವ॑ಸ್ಥಾ॒ದಭೂ᳚ದು॒ ವಿಪ್ರೋ॒ ಹವ್ಯೋ᳚ ಮತೀ॒ನಾ‌ಮ್ || 3.5.3
ಮಿ॒ತ್ರೋ ಅ॒ಗ್ನಿರ್ಭ॑ವತಿ॒ ಯತ್ಸಮಿ॑ದ್ಧೋ ಮಿ॒ತ್ರೋ ಹೋತಾ॒ ವರು॑ಣೋ ಜಾ॒ತವೇ᳚ದಾಃ |
ಮಿ॒ತ್ರೋ ಅ॑ಧ್ವ॒ರ್ಯುರಿ॑ಷಿ॒ರೋ ದಮೂ᳚ನಾ ಮಿ॒ತ್ರಃ ಸಿಂಧೂ᳚ನಾಮು॒ತ ಪರ್ವ॑ತಾನಾ‌ಮ್ || 3.5.4
ಪಾತಿ॑ ಪ್ರಿ॒ಯಂ ರಿ॒ಪೋ ಅಗ್ರಂ᳚ ಪ॒ದಂ ವೇಃ ಪಾತಿ॑ ಯ॒ಹ್ವಶ್ಚರ॑ಣಂ॒ ಸೂರ್ಯ॑ಸ್ಯ |
ಪಾತಿ॒ ನಾಭಾ᳚ ಸ॒ಪ್ತಶೀ᳚ರ್ಷಾಣಮ॒ಗ್ನಿಃ ಪಾತಿ॑ ದೇ॒ವಾನಾ᳚ಮುಪ॒ಮಾದ॑ಮೃ॒ಷ್ವಃ || 3.5.5
ಋ॒ಭುಶ್ಚ॑ಕ್ರ॒ ಈಡ್ಯಂ॒ ಚಾರು॒ ನಾಮ॒ ವಿಶ್ವಾ᳚ನಿ ದೇ॒ವೋ ವ॒ಯುನಾ᳚ನಿ ವಿ॒ದ್ವಾನ್ |
ಸ॒ಸಸ್ಯ॒ ಚರ್ಮ॑ ಘೃ॒ತವ॑ತ್ಪ॒ದಂ ವೇಸ್ತದಿದ॒ಗ್ನೀ ರ॑ಕ್ಷ॒ತ್ಯಪ್ರ॑ಯುಚ್ಛನ್ || 3.5.6
ಆ ಯೋನಿ॑ಮ॒ಗ್ನಿರ್ಘೃ॒ತವ᳚‌ನ್ತಮಸ್ಥಾತ್ಪೃ॒ಥುಪ್ರ॑ಗಾಣಮು॒ಶ‌ನ್ತ॑ಮುಶಾ॒ನಃ |
ದೀದ್ಯಾ᳚ನಃ॒ ಶುಚಿ॑ರ್‌ಋ॒ಷ್ವಃ ಪಾ᳚ವ॒ಕಃ ಪುನಃ॑ಪುನರ್ಮಾ॒ತರಾ॒ ನವ್ಯ॑ಸೀ ಕಃ || 3.5.7
ಸ॒ದ್ಯೋ ಜಾ॒ತ ಓಷ॑ಧೀಭಿರ್ವವಕ್ಷೇ॒ ಯದೀ॒ ವರ್ಧ᳚‌ನ್ತಿ ಪ್ರ॒ಸ್ವೋ᳚ ಘೃ॒ತೇನ॑ |
ಆಪ॑ ಇವ ಪ್ರ॒ವತಾ॒ ಶುಂಭ॑ಮಾನಾ ಉರು॒ಷ್ಯದ॒ಗ್ನಿಃ ಪಿ॒ತ್ರೋರು॒ಪಸ್ಥೇ᳚ || 3.5.8
ಉದು॑ ಷ್ಟು॒ತಃ ಸ॒ಮಿಧಾ᳚ ಯ॒ಹ್ವೋ ಅ॑ದ್ಯೌ॒ದ್ವರ್ಷ್ಮಂ᳚ದಿ॒ವೋ ಅಧಿ॒ ನಾಭಾ᳚ ಪೃಥಿ॒ವ್ಯಾಃ |
ಮಿ॒ತ್ರೋ ಅ॒ಗ್ನಿರೀಡ್ಯೋ᳚ ಮಾತ॒ರಿಶ್ವಾ ದೂ॒ತೋ ವ॑ಕ್ಷದ್ಯ॒ಜಥಾ᳚ಯ ದೇ॒ವಾನ್ || 3.5.9
ಉದ॑ಸ್ತಂಭೀತ್ಸ॒ಮಿಧಾ॒ ನಾಕ॑ಮೃ॒ಷ್ವೋ॒3॒॑ಽಗ್ನಿರ್ಭವ᳚ನ್ನುತ್ತ॒ಮೋ ರೋ᳚ಚ॒ನಾನಾ᳚‌ಮ್ |
ಯದೀ॒ ಭೃಗು॑ಭ್ಯಃ॒ ಪರಿ॑ ಮಾತ॒ರಿಶ್ವಾ॒ ಗುಹಾ॒ ಸ‌ನ್ತಂ᳚ ಹವ್ಯ॒ವಾಹಂ᳚ ಸಮೀ॒ಧೇ || 3.5.10
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.5.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ ಅಗ್ನಿರ್ದೇವತಾ,ತ್ರಿಷ್ಟುಪ್ ಛಂದಃ

ಪ್ರ ಕಾ᳚ರವೋ ಮನ॒ನಾ ವ॒ಚ್ಯಮಾ᳚ನಾ ದೇವ॒ದ್ರೀಚೀಂ᳚ ನಯತ ದೇವ॒ಯ‌ನ್ತಃ॑ |
ದ॒ಕ್ಷಿ॒ಣಾ॒ವಾಡ್ವಾ॒ಜಿನೀ॒ ಪ್ರಾಚ್ಯೇ᳚ತಿ ಹ॒ವಿರ್ಭರ᳚‌ನ್ತ್ಯ॒ಗ್ನಯೇ᳚ ಘೃ॒ತಾಚೀ᳚ || 3.6.1
ಆ ರೋದ॑ಸೀ ಅಪೃಣಾ॒ ಜಾಯ॑ಮಾನ ಉ॒ತ ಪ್ರ ರಿ॑ಕ್ಥಾ॒ ಅಧ॒ ನು ಪ್ರ॑ಯಜ್ಯೋ |
ದಿ॒ವಶ್ಚಿ॑ದಗ್ನೇ ಮಹಿ॒ನಾ ಪೃ॑ಥಿ॒ವ್ಯಾ ವ॒ಚ್ಯ‌ನ್ತಾಂ᳚ ತೇ॒ ವಹ್ನ॑ಯಃ ಸ॒ಪ್ತಜಿ॑ಹ್ವಾಃ || 3.6.2
ದ್ಯೌಶ್ಚ॑ ತ್ವಾ ಪೃಥಿ॒ವೀ ಯ॒ಜ್ಞಿಯಾ᳚ಸೋ॒ ನಿ ಹೋತಾ᳚ರಂ ಸಾದಯ‌ನ್ತೇ॒ ದಮಾ᳚ಯ |
ಯದೀ॒ ವಿಶೋ॒ ಮಾನು॑ಷೀರ್ದೇವ॒ಯ‌ನ್ತೀಃ॒ ಪ್ರಯ॑ಸ್ವತೀ॒ರೀಳ॑ತೇ ಶು॒ಕ್ರಮ॒ರ್ಚಿಃ || 3.6.3
ಮ॒ಹಾ‌‌ನ್ತ್ಸ॒ಧಸ್ಥೇ᳚ ಧ್ರು॒ವ ಆ ನಿಷ॑ತ್ತೋ॒ಽ‌ನ್ತರ್ದ್ಯಾವಾ॒ ಮಾಹಿ॑ನೇ॒ ಹರ್ಯ॑ಮಾಣಃ |
ಆಸ್ಕ್ರೇ᳚ ಸ॒ಪತ್ನೀ᳚ ಅ॒ಜರೇ॒ ಅಮೃ॑ಕ್ತೇ ಸಬ॒ರ್ದುಘೇ᳚ ಉರುಗಾ॒ಯಸ್ಯ॑ ಧೇ॒ನೂ || 3.6.4
ವ್ರ॒ತಾ ತೇ᳚ ಅಗ್ನೇ ಮಹ॒ತೋ ಮ॒ಹಾನಿ॒ ತವ॒ ಕ್ರತ್ವಾ॒ ರೋದ॑ಸೀ॒ ಆ ತ॑ತ‌ನ್ಥ |
ತ್ವಂ ದೂ॒ತೋ ಅ॑ಭವೋ॒ ಜಾಯ॑ಮಾನ॒ಸ್ತ್ವಂ ನೇ॒ತಾ ವೃ॑ಷಭ ಚರ್ಷಣೀ॒ನಾ‌ಮ್ || 3.6.5
ಋ॒ತಸ್ಯ॑ ವಾ ಕೇ॒ಶಿನಾ᳚ ಯೋ॒ಗ್ಯಾಭಿ॑ರ್ಘೃತ॒ಸ್ನುವಾ॒ ರೋಹಿ॑ತಾ ಧು॒ರಿ ಧಿ॑ಷ್ವ |
ಅಥಾ ವ॑ಹ ದೇ॒ವಾಂದೇ᳚ವ॒ ವಿಶ್ವಾ᳚‌‌ನ್ತ್ಸ್ವಧ್ವ॒ರಾ ಕೃ॑ಣುಹಿ ಜಾತವೇದಃ || 3.6.6
ದಿ॒ವಶ್ಚಿ॒ದಾ ತೇ᳚ ರುಚಯ‌ನ್ತ ರೋ॒ಕಾ ಉ॒ಷೋ ವಿ॑ಭಾ॒ತೀರನು॑ ಭಾಸಿ ಪೂ॒ರ್ವೀಃ |
ಅ॒ಪೋ ಯದ॑ಗ್ನ ಉ॒ಶಧ॒ಗ್ವನೇ᳚ಷು॒ ಹೋತು᳚ರ್ಮಂ॒ದ್ರಸ್ಯ॑ ಪ॒ನಯ᳚‌ನ್ತ ದೇ॒ವಾಃ || 3.6.7
ಉ॒ರೌ ವಾ॒ ಯೇ ಅ॒‌ನ್ತರಿ॑ಕ್ಷೇ॒ ಮದ᳚‌ನ್ತಿ ದಿ॒ವೋ ವಾ॒ ಯೇ ರೋ᳚ಚ॒ನೇ ಸ‌ನ್ತಿ॑ ದೇ॒ವಾಃ |
ಊಮಾ᳚ ವಾ॒ ಯೇ ಸು॒ಹವಾ᳚ಸೋ॒ ಯಜ॑ತ್ರಾ ಆಯೇಮಿ॒ರೇ ರ॒ಥ್ಯೋ᳚ ಅಗ್ನೇ॒ ಅಶ್ವಾಃ᳚ || 3.6.8
ಐಭಿ॑ರಗ್ನೇ ಸ॒ರಥಂ᳚ ಯಾಹ್ಯ॒ರ್ವಾಙ್ನಾ᳚ನಾರ॒ಥಂ ವಾ᳚ ವಿ॒ಭವೋ॒ ಹ್ಯಶ್ವಾಃ᳚ |
ಪತ್ನೀ᳚ವತಸ್ತ್ರಿಂ॒ಶತಂ॒ ತ್ರೀಁಶ್ಚ॑ ದೇ॒ವಾನ॑ನುಷ್ವ॒ಧಮಾ ವ॑ಹ ಮಾ॒ದಯ॑ಸ್ವ || 3.6.9
ಸ ಹೋತಾ॒ ಯಸ್ಯ॒ ರೋದ॑ಸೀ ಚಿದು॒ರ್ವೀ ಯ॒ಜ್ಞಂಯ॑ಜ್ಞಮ॒ಭಿ ವೃ॒ಧೇ ಗೃ॑ಣೀ॒ತಃ |
ಪ್ರಾಚೀ᳚ ಅಧ್ವ॒ರೇವ॑ ತಸ್ಥತುಃ ಸು॒ಮೇಕೇ᳚ ಋ॒ತಾವ॑ರೀ ಋ॒ತಜಾ᳚ತಸ್ಯ ಸ॒ತ್ಯೇ || 3.6.10
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.6.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಯ ಆ॒ರುಃ ಶಿ॑ತಿಪೃ॒ಷ್ಠಸ್ಯ॑ ಧಾ॒ಸೇರಾ ಮಾ॒ತರಾ᳚ ವಿವಿಶುಃ ಸ॒ಪ್ತ ವಾಣೀಃ᳚ |
ಪ॒ರಿ॒ಕ್ಷಿತಾ᳚ ಪಿ॒ತರಾ॒ ಸಂ ಚ॑ರೇತೇ॒ ಪ್ರ ಸ॑ರ್ಸ್ರಾತೇ ದೀ॒ರ್ಘಮಾಯುಃ॑ ಪ್ರ॒ಯಕ್ಷೇ᳚ || 3.7.1
ದಿ॒ವಕ್ಷ॑ಸೋ ಧೇ॒ನವೋ॒ ವೃಷ್ಣೋ॒ ಅಶ್ವಾ᳚ ದೇ॒ವೀರಾ ತ॑ಸ್ಥೌ॒ ಮಧು॑ಮ॒ದ್ವಹ᳚‌ನ್ತೀಃ |
ಋ॒ತಸ್ಯ॑ ತ್ವಾ॒ ಸದ॑ಸಿ ಕ್ಷೇಮ॒ಯ‌ನ್ತಂ॒ ಪರ್ಯೇಕಾ᳚ ಚರತಿ ವರ್ತ॒ನಿಂ ಗೌಃ || 3.7.2
ಆ ಸೀ᳚ಮರೋಹತ್ಸು॒ಯಮಾ॒ ಭವ᳚‌ನ್ತೀಃ॒ ಪತಿ॑ಶ್ಚಿಕಿ॒ತ್ವಾನ್ರ॑ಯಿ॒ವಿದ್ರ॑ಯೀ॒ಣಾ‌ಮ್ |
ಪ್ರ ನೀಲ॑ಪೃಷ್ಠೋ ಅತ॒ಸಸ್ಯ॑ ಧಾ॒ಸೇಸ್ತಾ ಅ॑ವಾಸಯತ್ಪುರು॒ಧಪ್ರ॑ತೀಕಃ || 3.7.3
ಮಹಿ॑ ತ್ವಾ॒ಷ್ಟ್ರಮೂ॒ರ್ಜಯ᳚‌ನ್ತೀರಜು॒ರ್ಯಂ ಸ್ತ॑ಭೂ॒ಯಮಾ᳚ನಂ ವ॒ಹತೋ᳚ ವಹ‌ನ್ತಿ |
ವ್ಯಂಗೇ᳚ಭಿರ್ದಿದ್ಯುತಾ॒ನಃ ಸ॒ಧಸ್ಥ॒ ಏಕಾ᳚ಮಿವ॒ ರೋದ॑ಸೀ॒ ಆ ವಿ॑ವೇಶ || 3.7.4
ಜಾ॒ನ‌ನ್ತಿ॒ ವೃಷ್ಣೋ᳚ ಅರು॒ಷಸ್ಯ॒ ಶೇವ॑ಮು॒ತ ಬ್ರ॒ಧ್ನಸ್ಯ॒ ಶಾಸ॑ನೇ ರಣ‌ನ್ತಿ |
ದಿ॒ವೋ॒ರುಚಃ॑ ಸು॒ರುಚೋ॒ ರೋಚ॑ಮಾನಾ॒ ಇಳಾ॒ ಯೇಷಾಂ॒ ಗಣ್ಯಾ॒ ಮಾಹಿ॑ನಾ॒ ಗೀಃ || 3.7.5
ಉ॒ತೋ ಪಿ॒ತೃಭ್ಯಾಂ᳚ ಪ್ರ॒ವಿದಾನು॒ ಘೋಷಂ᳚ ಮ॒ಹೋ ಮ॒ಹದ್ಭ್ಯಾ᳚ಮನಯ‌ನ್ತ ಶೂ॒ಷ‌ಮ್ |
ಉ॒ಕ್ಷಾ ಹ॒ ಯತ್ರ॒ ಪರಿ॒ ಧಾನ॑ಮ॒ಕ್ತೋರನು॒ ಸ್ವಂ ಧಾಮ॑ ಜರಿ॒ತುರ್ವ॒ವಕ್ಷ॑ || 3.7.6
ಅ॒ಧ್ವ॒ರ್ಯುಭಿಃ॑ ಪಂ॒ಚಭಿಃ॑ ಸ॒ಪ್ತ ವಿಪ್ರಾಃ᳚ ಪ್ರಿ॒ಯಂ ರ॑ಕ್ಷ‌ನ್ತೇ॒ ನಿಹಿ॑ತಂ ಪ॒ದಂ ವೇಃ |
ಪ್ರಾಂಚೋ᳚ ಮದ‌ನ್ತ್ಯು॒ಕ್ಷಣೋ᳚ ಅಜು॒ರ್ಯಾ ದೇ॒ವಾ ದೇ॒ವಾನಾ॒ಮನು॒ ಹಿ ವ್ರ॒ತಾ ಗುಃ || 3.7.7
ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ನ್ಯೃಂ᳚ಜೇ ಸ॒ಪ್ತ ಪೃ॒ಕ್ಷಾಸಃ॑ ಸ್ವ॒ಧಯಾ᳚ ಮದ‌ನ್ತಿ |
ಋ॒ತಂ ಶಂಸ᳚‌ನ್ತ ಋ॒ತಮಿತ್ತ ಆ᳚ಹು॒ರನು᳚ ವ್ರ॒ತಂ ವ್ರ॑ತ॒ಪಾ ದೀಧ್ಯಾ᳚ನಾಃ || 3.7.8
ವೃ॒ಷಾ॒ಯ‌ನ್ತೇ᳚ ಮ॒ಹೇ ಅತ್ಯಾ᳚ಯ ಪೂ॒ರ್ವೀರ್ವೃಷ್ಣೇ᳚ ಚಿ॒ತ್ರಾಯ॑ ರ॒ಶ್ಮಯಃ॑ ಸುಯಾ॒ಮಾಃ |
ದೇವ॑ ಹೋತರ್ಮಂ॒ದ್ರತ॑ರಶ್ಚಿಕಿ॒ತ್ವಾನ್ಮ॒ಹೋ ದೇ॒ವಾನ್ರೋದ॑ಸೀ॒ ಏಹ ವ॑ಕ್ಷಿ || 3.7.9
ಪೃ॒ಕ್ಷಪ್ರ॑ಯಜೋ ದ್ರವಿಣಃ ಸು॒ವಾಚಃ॑ ಸುಕೇ॒ತವ॑ ಉ॒ಷಸೋ᳚ ರೇ॒ವದೂ᳚ಷುಃ |
ಉ॒ತೋ ಚಿ॑ದಗ್ನೇ ಮಹಿ॒ನಾ ಪೃ॑ಥಿ॒ವ್ಯಾಃ ಕೃ॒ತಂ ಚಿ॒ದೇನಃ॒ ಸಂ ಮ॒ಹೇ ದ॑ಶಸ್ಯ || 3.7.10
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.7.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1-5) ಪ್ರಥಮಾದಿಪಂಚರ್ಚಾಂ ಯೂಪಃ (6-10) ಷಷ್ಠ್ಯಾದಿಪಂಚಾನಾಂ ಯೂಪಾಃ (8) ಅಷ್ಟಮ್ಯಾ ವಿಶ್ವೇ ದೇವಾ ವಾ 11 ಏಕಾದಶ್ಯಾಶ್ಚ ವ್ರಶ್ಚನೋ ದೇವತಾಃ (1-2, 4-6, 8-11) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿತೃಚಸ್ಯಾಷ್ಟಮ್ಯಾದಿಚತಸೃಣಾಂಚ ತ್ರಿಷ್ಟುಪ್ (3, 7) ತೃತೀಯಾಸಪ್ತಮ್ಯೋಶ್ಚಾನುಷ್ಟಪ್ ಛಂದಸೀ

ಅಂ॒ಜ‌ನ್ತಿ॒ ತ್ವಾಮ॑ಧ್ವ॒ರೇ ದೇ᳚ವ॒ಯ‌ನ್ತೋ॒ ವನ॑ಸ್ಪತೇ॒ ಮಧು॑ನಾ॒ ದೈವ್ಯೇ᳚ನ |
ಯದೂ॒ರ್ಧ್ವಸ್ತಿಷ್ಠಾ॒ ದ್ರವಿ॑ಣೇ॒ಹ ಧ॑ತ್ತಾ॒ದ್ಯದ್ವಾ॒ ಕ್ಷಯೋ᳚ ಮಾ॒ತುರ॒ಸ್ಯಾ ಉ॒ಪಸ್ಥೇ᳚ || 3.8.1
ಸಮಿ॑ದ್ಧಸ್ಯ॒ ಶ್ರಯ॑ಮಾಣಃ ಪು॒ರಸ್ತಾ॒ದ್ಬ್ರಹ್ಮ॑ ವನ್ವಾ॒ನೋ ಅ॒ಜರಂ᳚ ಸು॒ವೀರ‌ಮ್᳚ |
ಆ॒ರೇ ಅ॒ಸ್ಮದಮ॑ತಿಂ॒ ಬಾಧ॑ಮಾನ॒ ಉಚ್ಛ್ರ॑ಯಸ್ವ ಮಹ॒ತೇ ಸೌಭ॑ಗಾಯ || 3.8.2
ಉಚ್ಛ್ರ॑ಯಸ್ವ ವನಸ್ಪತೇ॒ ವರ್ಷ್ಮ᳚ನ್ಪೃಥಿ॒ವ್ಯಾ ಅಧಿ॑ |
ಸುಮಿ॑ತೀ ಮೀ॒ಯಮಾ᳚ನೋ॒ ವರ್ಚೋ᳚ ಧಾ ಯ॒ಜ್ಞವಾ᳚ಹಸೇ || 3.8.3
ಯುವಾ᳚ ಸು॒ವಾಸಾಃ॒ ಪರಿ॑ವೀತ॒ ಆಗಾ॒ತ್ಸ ಉ॒ ಶ್ರೇಯಾ᳚ನ್ಭವತಿ॒ ಜಾಯ॑ಮಾನಃ |
ತಂ ಧೀರಾ᳚ಸಃ ಕ॒ವಯ॒ ಉನ್ನ॑ಯ‌ನ್ತಿ ಸ್ವಾ॒ಧ್ಯೋ॒3॒॑ ಮನ॑ಸಾ ದೇವ॒ಯ‌ನ್ತಃ॑ || 3.8.4
ಜಾ॒ತೋ ಜಾ᳚ಯತೇ ಸುದಿನ॒ತ್ವೇ ಅಹ್ನಾಂ᳚ ಸಮ॒ರ್ಯ ಆ ವಿ॒ದಥೇ॒ ವರ್ಧ॑ಮಾನಃ |
ಪು॒ನ‌ನ್ತಿ॒ ಧೀರಾ᳚ ಅ॒ಪಸೋ᳚ ಮನೀ॒ಷಾ ದೇ᳚ವ॒ಯಾ ವಿಪ್ರ॒ ಉದಿ॑ಯರ್ತಿ॒ ವಾಚ‌ಮ್᳚ || 3.8.5
ಯಾನ್ವೋ॒ ನರೋ᳚ ದೇವ॒ಯ‌ನ್ತೋ᳚ ನಿಮಿ॒ಮ್ಯುರ್ವನ॑ಸ್ಪತೇ॒ ಸ್ವಧಿ॑ತಿರ್ವಾ ತ॒ತಕ್ಷ॑ |
ತೇ ದೇ॒ವಾಸಃ॒ ಸ್ವರ॑ವಸ್ತಸ್ಥಿ॒ವಾಂಸಃ॑ ಪ್ರ॒ಜಾವ॑ದ॒ಸ್ಮೇ ದಿ॑ಧಿಷ‌ನ್ತು॒ ರತ್ನ‌ಮ್᳚ || 3.8.6
ಯೇ ವೃ॒ಕ್ಣಾಸೋ॒ ಅಧಿ॒ ಕ್ಷಮಿ॒ ನಿಮಿ॑ತಾಸೋ ಯ॒ತಸ್ರು॑ಚಃ |
ತೇ ನೋ᳚ ವ್ಯ‌ನ್ತು॒ ವಾರ್ಯಂ᳚ ದೇವ॒ತ್ರಾ ಕ್ಷೇ᳚ತ್ರ॒ಸಾಧ॑ಸಃ || 3.8.7
ಆ॒ದಿ॒ತ್ಯಾ ರು॒ದ್ರಾ ವಸ॑ವಃ ಸುನೀ॒ಥಾ ದ್ಯಾವಾ॒ಕ್ಷಾಮಾ᳚ ಪೃಥಿ॒ವೀ ಅ॒‌ನ್ತರಿ॑ಕ್ಷ‌ಮ್ |
ಸ॒ಜೋಷ॑ಸೋ ಯ॒ಜ್ಞಮ॑ವ‌ನ್ತು ದೇ॒ವಾ ಊ॒ರ್ಧ್ವಂ ಕೃ᳚ಣ್ವ‌ನ್ತ್ವಧ್ವ॒ರಸ್ಯ॑ ಕೇ॒ತು‌ಮ್ || 3.8.8
ಹಂ॒ಸಾ ಇ॑ವ ಶ್ರೇಣಿ॒ಶೋ ಯತಾ᳚ನಾಃ ಶು॒ಕ್ರಾ ವಸಾ᳚ನಾಃ॒ ಸ್ವರ॑ವೋ ನ॒ ಆಗುಃ॑ |
ಉ॒ನ್ನೀ॒ಯಮಾ᳚ನಾಃ ಕ॒ವಿಭಿಃ॑ ಪು॒ರಸ್ತಾ᳚ದ್ದೇ॒ವಾ ದೇ॒ವಾನಾ॒ಮಪಿ॑ ಯ‌ನ್ತಿ॒ ಪಾಥಃ॑ || 3.8.9
ಶೃಂಗಾ᳚ಣೀ॒ವೇಚ್ಛೃಂ॒ಗಿಣಾಂ॒ ಸಂ ದ॑ದೃಶ್ರೇ ಚ॒ಷಾಲ॑ವ‌ನ್ತಃ॒ ಸ್ವರ॑ವಃ ಪೃಥಿ॒ವ್ಯಾ‌ಮ್ |
ವಾ॒ಘದ್ಭಿ᳚ರ್ವಾ ವಿಹ॒ವೇ ಶ್ರೋಷ॑ಮಾಣಾ ಅ॒ಸ್ಮಾಁ ಅ॑ವ‌ನ್ತು ಪೃತ॒ನಾಜ್ಯೇ᳚ಷು || 3.8.10
ವನ॑ಸ್ಪತೇ ಶ॒ತವ॑ಲ್ಶೋ॒ ವಿ ರೋ᳚ಹ ಸ॒ಹಸ್ರ॑ವಲ್ಶಾ॒ ವಿ ವ॒ಯಂ ರು॑ಹೇಮ |
ಯಂ ತ್ವಾಮ॒ಯಂ ಸ್ವಧಿ॑ತಿ॒ಸ್ತೇಜ॑ಮಾನಃ ಪ್ರಣಿ॒ನಾಯ॑ ಮಹ॒ತೇ ಸೌಭ॑ಗಾಯ || 3.8.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಗ್ನಿರ್ದೇವತಾ,(1-8) ಪ್ರಥಮಾದ್ಯಷ್ಟರ್ಚಾಂ ಬೃಹತೀ (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಸಖಾ᳚ಯಸ್ತ್ವಾ ವವೃಮಹೇ ದೇ॒ವಂ ಮರ್ತಾ᳚ಸ ಊ॒ತಯೇ᳚ |
ಅ॒ಪಾಂ ನಪಾ᳚ತಂ ಸು॒ಭಗಂ᳚ ಸು॒ದೀದಿ॑ತಿಂ ಸು॒ಪ್ರತೂ᳚ರ್ತಿಮನೇ॒ಹಸ‌ಮ್᳚ || 3.9.1
ಕಾಯ॑ಮಾನೋ ವ॒ನಾ ತ್ವಂ ಯನ್ಮಾ॒ತೄರಜ॑ಗನ್ನ॒ಪಃ |
ನ ತತ್ತೇ᳚ ಅಗ್ನೇ ಪ್ರ॒ಮೃಷೇ᳚ ನಿ॒ವರ್ತ॑ನಂ॒ ಯದ್ದೂ॒ರೇ ಸನ್ನಿ॒ಹಾಭ॑ವಃ || 3.9.2
ಅತಿ॑ ತೃ॒ಷ್ಟಂ ವ॑ವಕ್ಷಿ॒ಥಾಥೈ॒ವ ಸು॒ಮನಾ᳚ ಅಸಿ |
ಪ್ರಪ್ರಾ॒ನ್ಯೇ ಯ‌ನ್ತಿ॒ ಪರ್ಯ॒ನ್ಯ ಆ᳚ಸತೇ॒ ಯೇಷಾಂ᳚ ಸ॒ಖ್ಯೇ ಅಸಿ॑ ಶ್ರಿ॒ತಃ || 3.9.3
ಈ॒ಯಿ॒ವಾಂಸ॒ಮತಿ॒ ಸ್ರಿಧಃ॒ ಶಶ್ವ॑ತೀ॒ರತಿ॑ ಸ॒ಶ್ಚತಃ॑ |
ಅನ್ವೀ᳚ಮವಿಂದನ್ನಿಚಿ॒ರಾಸೋ᳚ ಅ॒ದ್ರುಹೋ॒ಽಪ್ಸು ಸಿಂ॒ಹಮಿ॑ವ ಶ್ರಿ॒ತ‌ಮ್ || 3.9.4
ಸ॒ಸೃ॒ವಾಂಸ॑ಮಿವ॒ ತ್ಮನಾ॒ಗ್ನಿಮಿ॒ತ್ಥಾ ತಿ॒ರೋಹಿ॑ತ‌ಮ್ |
ಐನಂ᳚ ನಯನ್ಮಾತ॒ರಿಶ್ವಾ᳚ ಪರಾ॒ವತೋ᳚ ದೇ॒ವೇಭ್ಯೋ᳚ ಮಥಿ॒ತಂ ಪರಿ॑ || 3.9.5
ತಂ ತ್ವಾ॒ ಮರ್ತಾ᳚ ಅಗೃಭ್ಣತ ದೇ॒ವೇಭ್ಯೋ᳚ ಹವ್ಯವಾಹನ |
ವಿಶ್ವಾ॒ನ್ಯದ್ಯ॒ಜ್ಞಾಁ ಅ॑ಭಿ॒ಪಾಸಿ॑ ಮಾನುಷ॒ ತವ॒ ಕ್ರತ್ವಾ᳚ ಯವಿಷ್ಠ್ಯ || 3.9.6
ತದ್ಭ॒ದ್ರಂ ತವ॑ ದಂ॒ಸನಾ॒ ಪಾಕಾ᳚ಯ ಚಿಚ್ಛದಯತಿ |
ತ್ವಾಂ ಯದ॑ಗ್ನೇ ಪ॒ಶವಃ॑ ಸ॒ಮಾಸ॑ತೇ॒ ಸಮಿ॑ದ್ಧಮಪಿಶರ್ವ॒ರೇ || 3.9.7
ಆ ಜು॑ಹೋತಾ ಸ್ವಧ್ವ॒ರಂ ಶೀ॒ರಂ ಪಾ᳚ವ॒ಕಶೋ᳚ಚಿಷ‌ಮ್ |
ಆ॒ಶುಂ ದೂ॒ತಮ॑ಜಿ॒ರಂ ಪ್ರ॒ತ್ನಮೀಡ್ಯಂ᳚ ಶ್ರು॒ಷ್ಟೀ ದೇ॒ವಂ ಸ॑ಪರ್ಯತ || 3.9.8
ತ್ರೀಣಿ॑ ಶ॒ತಾ ತ್ರೀ ಸ॒ಹಸ್ರಾ᳚ಣ್ಯ॒ಗ್ನಿಂ ತ್ರಿಂ॒ಶಚ್ಚ॑ ದೇ॒ವಾ ನವ॑ ಚಾಸಪರ್ಯನ್ |
ಔಕ್ಷ॑ನ್ಘೃ॒ತೈರಸ್ತೃ॑ಣನ್ಬ॒ರ್ಹಿರ॑ಸ್ಮಾ॒ ಆದಿದ್ಧೋತಾ᳚ರಂ॒ ನ್ಯ॑ಸಾದಯ‌ನ್ತ || 3.9.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಗ್ನಿರ್ದೇವತಾ, ಉಷ್ಣಿಕ್ ಛಂದಃ

ತ್ವಾಮ॑ಗ್ನೇ ಮನೀ॒ಷಿಣಃ॑ ಸ॒ಮ್ರಾಜಂ᳚ ಚರ್ಷಣೀ॒ನಾ‌ಮ್ |
ದೇ॒ವಂ ಮರ್ತಾ᳚ಸ ಇಂಧತೇ॒ ಸಮ॑ಧ್ವ॒ರೇ || 3.10.1
ತ್ವಾಂ ಯ॒ಜ್ಞೇಷ್ವೃ॒ತ್ವಿಜ॒ಮಗ್ನೇ॒ ಹೋತಾ᳚ರಮೀಳತೇ |
ಗೋ॒ಪಾ ಋ॒ತಸ್ಯ॑ ದೀದಿಹಿ॒ ಸ್ವೇ ದಮೇ᳚ || 3.10.2
ಸ ಘಾ॒ ಯಸ್ತೇ॒ ದದಾ᳚ಶತಿ ಸ॒ಮಿಧಾ᳚ ಜಾ॒ತವೇ᳚ದಸೇ |
ಸೋ ಅ॑ಗ್ನೇ ಧತ್ತೇ ಸು॒ವೀರ್ಯಂ॒ ಸ ಪು॑ಷ್ಯತಿ || 3.10.3
ಸ ಕೇ॒ತುರ॑ಧ್ವ॒ರಾಣಾ᳚ಮ॒ಗ್ನಿರ್ದೇ॒ವೇಭಿ॒ರಾ ಗ॑ಮತ್ |
ಅಂ॒ಜಾ॒ನಃ ಸ॒ಪ್ತ ಹೋತೃ॑ಭಿರ್ಹ॒ವಿಷ್ಮ॑ತೇ || 3.10.4
ಪ್ರ ಹೋತ್ರೇ᳚ ಪೂ॒ರ್ವ್ಯಂ ವಚೋ॒ಽಗ್ನಯೇ᳚ ಭರತಾ ಬೃ॒ಹತ್ |
ವಿ॒ಪಾಂ ಜ್ಯೋತೀಂ᳚ಷಿ॒ ಬಿಭ್ರ॑ತೇ॒ ನ ವೇ॒ಧಸೇ᳚ || 3.10.5
ಅ॒ಗ್ನಿಂ ವ॑ರ್ಧ‌ನ್ತು ನೋ॒ ಗಿರೋ॒ ಯತೋ॒ ಜಾಯ॑ತ ಉ॒ಕ್ಥ್ಯಃ॑ |
ಮ॒ಹೇ ವಾಜಾ᳚ಯ॒ ದ್ರವಿ॑ಣಾಯ ದರ್ಶ॒ತಃ || 3.10.6
ಅಗ್ನೇ॒ ಯಜಿ॑ಷ್ಠೋ ಅಧ್ವ॒ರೇ ದೇ॒ವಾಂದೇ᳚ವಯ॒ತೇ ಯ॑ಜ |
ಹೋತಾ᳚ ಮಂ॒ದ್ರೋ ವಿ ರಾ᳚ಜ॒ಸ್ಯತಿ॒ ಸ್ರಿಧಃ॑ || 3.10.7
ಸ ನಃ॑ ಪಾವಕ ದೀದಿಹಿ ದ್ಯು॒ಮದ॒ಸ್ಮೇ ಸು॒ವೀರ್ಯ‌ಮ್᳚ |
ಭವಾ᳚ ಸ್ತೋ॒ತೃಭ್ಯೋ॒ ಅ‌ನ್ತ॑ಮಃ ಸ್ವ॒ಸ್ತಯೇ᳚ || 3.10.8
ತಂ ತ್ವಾ॒ ವಿಪ್ರಾ᳚ ವಿಪ॒ನ್ಯವೋ᳚ ಜಾಗೃ॒ವಾಂಸಃ॒ ಸಮಿಂ᳚ಧತೇ |
ಹ॒ವ್ಯ॒ವಾಹ॒ಮಮ॑ರ್ತ್ಯಂ ಸಹೋ॒ವೃಧ‌ಮ್᳚ || 3.10.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಅ॒ಗ್ನಿರ್ಹೋತಾ᳚ ಪು॒ರೋಹಿ॑ತೋಽಧ್ವ॒ರಸ್ಯ॒ ವಿಚ॑ರ್ಷಣಿಃ |
ಸ ವೇ᳚ದ ಯ॒ಜ್ಞಮಾ᳚ನು॒ಷಕ್ || 3.11.1
ಸ ಹ᳚ವ್ಯ॒ವಾಳಮ॑ರ್ತ್ಯ ಉ॒ಶಿಗ್ದೂ॒ತಶ್ಚನೋ᳚ಹಿತಃ |
ಅ॒ಗ್ನಿರ್ಧಿ॒ಯಾ ಸಮೃ᳚ಣ್ವತಿ || 3.11.2
ಅ॒ಗ್ನಿರ್ಧಿ॒ಯಾ ಸ ಚೇ᳚ತತಿ ಕೇ॒ತುರ್ಯ॒ಜ್ಞಸ್ಯ॑ ಪೂ॒ರ್ವ್ಯಃ |
ಅರ್ಥಂ॒ ಹ್ಯ॑ಸ್ಯ ತ॒ರಣಿ॑ || 3.11.3
ಅ॒ಗ್ನಿಂ ಸೂ॒ನುಂ ಸನ॑ಶ್ರುತಂ॒ ಸಹ॑ಸೋ ಜಾ॒ತವೇ᳚ದಸ‌ಮ್ |
ವಹ್ನಿಂ᳚ ದೇ॒ವಾ ಅ॑ಕೃಣ್ವತ || 3.11.4
ಅದಾ᳚ಭ್ಯಃ ಪುರಏ॒ತಾ ವಿ॒ಶಾಮ॒ಗ್ನಿರ್ಮಾನು॑ಷೀಣಾ‌ಮ್ |
ತೂರ್ಣೀ॒ ರಥಃ॒ ಸದಾ॒ ನವಃ॑ || 3.11.5
ಸಾ॒ಹ್ವಾನ್ವಿಶ್ವಾ᳚ ಅಭಿ॒ಯುಜಃ॒ ಕ್ರತು॑ರ್ದೇ॒ವಾನಾ॒ಮಮೃ॑ಕ್ತಃ |
ಅ॒ಗ್ನಿಸ್ತು॒ವಿಶ್ರ॑ವಸ್ತಮಃ || 3.11.6
ಅ॒ಭಿ ಪ್ರಯಾಂ᳚ಸಿ॒ ವಾಹ॑ಸಾ ದಾ॒ಶ್ವಾಁ ಅ॑ಶ್ನೋತಿ॒ ಮರ್ತ್ಯಃ॑ |
ಕ್ಷಯಂ᳚ ಪಾವ॒ಕಶೋ᳚ಚಿಷಃ || 3.11.7
ಪರಿ॒ ವಿಶ್ವಾ᳚ನಿ॒ ಸುಧಿ॑ತಾ॒ಗ್ನೇರ॑ಶ್ಯಾಮ॒ ಮನ್ಮ॑ಭಿಃ |
ವಿಪ್ರಾ᳚ಸೋ ಜಾ॒ತವೇ᳚ದಸಃ || 3.11.8
ಅಗ್ನೇ॒ ವಿಶ್ವಾ᳚ನಿ॒ ವಾರ್ಯಾ॒ ವಾಜೇ᳚ಷು ಸನಿಷಾಮಹೇ |
ತ್ವೇ ದೇ॒ವಾಸ॒ ಏರಿ॑ರೇ || 3.11.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರಾಗ್ನೀ ದೇವತೇ, ಗಾಯತ್ರೀ ಛಂದಃ

ಇಂದ್ರಾ᳚ಗ್ನೀ॒ ಆ ಗ॑ತಂ ಸು॒ತಂ ಗೀ॒ರ್ಭಿರ್ನಭೋ॒ ವರೇ᳚ಣ್ಯ‌ಮ್ |
ಅ॒ಸ್ಯ ಪಾ᳚ತಂ ಧಿ॒ಯೇಷಿ॒ತಾ || 3.12.1
ಇಂದ್ರಾ᳚ಗ್ನೀ ಜರಿ॒ತುಃ ಸಚಾ᳚ ಯ॒ಜ್ಞೋ ಜಿ॑ಗಾತಿ॒ ಚೇತ॑ನಃ |
ಅ॒ಯಾ ಪಾ᳚ತಮಿ॒ಮಂ ಸು॒ತ‌ಮ್ || 3.12.2
ಇಂದ್ರ॑ಮ॒ಗ್ನಿಂ ಕ॑ವಿ॒ಚ್ಛದಾ᳚ ಯ॒ಜ್ಞಸ್ಯ॑ ಜೂ॒ತ್ಯಾ ವೃ॑ಣೇ |
ತಾ ಸೋಮ॑ಸ್ಯೇ॒ಹ ತೃಂ᳚ಪತಾ‌ಮ್ || 3.12.3
ತೋ॒ಶಾ ವೃ॑ತ್ರ॒ಹಣಾ᳚ ಹುವೇ ಸ॒ಜಿತ್ವಾ॒ನಾಪ॑ರಾಜಿತಾ |
ಇಂ॒ದ್ರಾ॒ಗ್ನೀ ವಾ᳚ಜ॒ಸಾತ॑ಮಾ || 3.12.4
ಪ್ರ ವಾ᳚ಮರ್ಚ‌ನ್ತ್ಯು॒ಕ್ಥಿನೋ᳚ ನೀಥಾ॒ವಿದೋ᳚ ಜರಿ॒ತಾರಃ॑ |
ಇಂದ್ರಾ᳚ಗ್ನೀ॒ ಇಷ॒ ಆ ವೃ॑ಣೇ || 3.12.5
ಇಂದ್ರಾ᳚ಗ್ನೀ ನವ॒ತಿಂ ಪುರೋ᳚ ದಾ॒ಸಪ॑ತ್ನೀರಧೂನುತ‌ಮ್ |
ಸಾ॒ಕಮೇಕೇ᳚ನ॒ ಕರ್ಮ॑ಣಾ || 3.12.6
ಇಂದ್ರಾ᳚ಗ್ನೀ॒ ಅಪ॑ಸ॒ಸ್ಪರ್ಯುಪ॒ ಪ್ರ ಯ᳚‌ನ್ತಿ ಧೀ॒ತಯಃ॑ |
ಋ॒ತಸ್ಯ॑ ಪ॒ಥ್ಯಾ॒3॒॑ ಅನು॑ || 3.12.7
ಇಂದ್ರಾ᳚ಗ್ನೀ ತವಿ॒ಷಾಣಿ॑ ವಾಂ ಸ॒ಧಸ್ಥಾ᳚ನಿ॒ ಪ್ರಯಾಂ᳚ಸಿ ಚ |
ಯು॒ವೋರ॒ಪ್ತೂರ್ಯಂ᳚ ಹಿ॒ತ‌ಮ್ || 3.12.8
ಇಂದ್ರಾ᳚ಗ್ನೀ ರೋಚ॒ನಾ ದಿ॒ವಃ ಪರಿ॒ ವಾಜೇ᳚ಷು ಭೂಷಥಃ |
ತದ್ವಾಂ᳚ ಚೇತಿ॒ ಪ್ರ ವೀ॒ರ್ಯ‌ಮ್᳚ || 3.12.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರ ಋಷಭ ಋಷಿಃ, ಅಗ್ನಿರ್ದೇವತಾ, ಅನುಷ್ಟಪ್ ಛಂದಃ

ಪ್ರ ವೋ᳚ ದೇ॒ವಾಯಾ॒ಗ್ನಯೇ॒ ಬರ್ಹಿ॑ಷ್ಠಮರ್ಚಾಸ್ಮೈ |
ಗಮ॑ದ್ದೇ॒ವೇಭಿ॒ರಾ ಸ ನೋ॒ ಯಜಿ॑ಷ್ಠೋ ಬ॒ರ್ಹಿರಾ ಸ॑ದತ್ || 3.13.1
ಋ॒ತಾವಾ॒ ಯಸ್ಯ॒ ರೋದ॑ಸೀ॒ ದಕ್ಷಂ॒ ಸಚ᳚‌ನ್ತ ಊ॒ತಯಃ॑ |
ಹ॒ವಿಷ್ಮ᳚‌ನ್ತ॒ಸ್ತಮೀ᳚ಳತೇ॒ ತಂ ಸ॑ನಿ॒ಷ್ಯ‌ನ್ತೋಽವ॑ಸೇ || 3.13.2
ಸ ಯ॒‌ನ್ತಾ ವಿಪ್ರ॑ ಏಷಾಂ॒ ಸ ಯ॒ಜ್ಞಾನಾ॒ಮಥಾ॒ ಹಿ ಷಃ |
ಅ॒ಗ್ನಿಂ ತಂ ವೋ᳚ ದುವಸ್ಯತ॒ ದಾತಾ॒ ಯೋ ವನಿ॑ತಾ ಮ॒ಘ‌ಮ್ || 3.13.3
ಸ ನಃ॒ ಶರ್ಮಾ᳚ಣಿ ವೀ॒ತಯೇ॒ಽಗ್ನಿರ್ಯ॑ಚ್ಛತು॒ ಶಂತ॑ಮಾ |
ಯತೋ᳚ ನಃ ಪ್ರು॒ಷ್ಣವ॒ದ್ವಸು॑ ದಿ॒ವಿ ಕ್ಷಿ॒ತಿಭ್ಯೋ᳚ ಅ॒ಪ್ಸ್ವಾ || 3.13.4
ದೀ॒ದಿ॒ವಾಂಸ॒ಮಪೂ᳚ರ್ವ್ಯಂ॒ ವಸ್ವೀ᳚ಭಿರಸ್ಯ ಧೀ॒ತಿಭಿಃ॑ |
ಋಕ್ವಾ᳚ಣೋ ಅ॒ಗ್ನಿಮಿಂ᳚ಧತೇ॒ ಹೋತಾ᳚ರಂ ವಿ॒ಶ್ಪತಿಂ᳚ ವಿ॒ಶಾ‌ಮ್ || 3.13.5
ಉ॒ತ ನೋ॒ ಬ್ರಹ್ಮ᳚ನ್ನವಿಷ ಉ॒ಕ್ಥೇಷು॑ ದೇವ॒ಹೂತ॑ಮಃ |
ಶಂ ನಃ॑ ಶೋಚಾ ಮ॒ರುದ್ವೃ॒ಧೋಽಗ್ನೇ᳚ ಸಹಸ್ರ॒ಸಾತ॑ಮಃ || 3.13.6
ನೂ ನೋ᳚ ರಾಸ್ವ ಸ॒ಹಸ್ರ॑ವತ್ತೋ॒ಕವ॑ತ್ಪುಷ್ಟಿ॒ಮದ್ವಸು॑ |
ದ್ಯು॒ಮದ॑ಗ್ನೇ ಸು॒ವೀರ್ಯಂ॒ ವರ್ಷಿ॑ಷ್ಠ॒ಮನು॑ಪಕ್ಷಿತ‌ಮ್ || 3.13.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರ ಋಷಭ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಆ ಹೋತಾ᳚ ಮಂ॒ದ್ರೋ ವಿ॒ದಥಾ᳚ನ್ಯಸ್ಥಾತ್ಸ॒ತ್ಯೋ ಯಜ್ವಾ᳚ ಕ॒ವಿತ॑ಮಃ॒ ಸ ವೇ॒ಧಾಃ |
ವಿ॒ದ್ಯುದ್ರ॑ಥಃ॒ ಸಹ॑ಸಸ್ಪು॒ತ್ರೋ ಅ॒ಗ್ನಿಃ ಶೋ॒ಚಿಷ್ಕೇ᳚ಶಃ ಪೃಥಿ॒ವ್ಯಾಂ ಪಾಜೋ᳚ ಅಶ್ರೇತ್ || 3.14.1
ಅಯಾ᳚ಮಿ ತೇ॒ ನಮ॑‌ಉಕ್ತಿಂ ಜುಷಸ್ವ॒ ಋತಾ᳚ವ॒ಸ್ತುಭ್ಯಂ॒ ಚೇತ॑ತೇ ಸಹಸ್ವಃ |
ವಿ॒ದ್ವಾಁ ಆ ವ॑ಕ್ಷಿ ವಿ॒ದುಷೋ॒ ನಿ ಷ॑ತ್ಸಿ॒ ಮಧ್ಯ॒ ಆ ಬ॒ರ್ಹಿರೂ॒ತಯೇ᳚ ಯಜತ್ರ || 3.14.2
ದ್ರವ॑ತಾಂ ತ ಉ॒ಷಸಾ᳚ ವಾ॒ಜಯ᳚‌ನ್ತೀ॒ ಅಗ್ನೇ॒ ವಾತ॑ಸ್ಯ ಪ॒ಥ್ಯಾ᳚ಭಿ॒ರಚ್ಛ॑ |
ಯತ್ಸೀ᳚ಮಂ॒ಜ‌ನ್ತಿ॑ ಪೂ॒ರ್ವ್ಯಂ ಹ॒ವಿರ್ಭಿ॒ರಾ ವಂ॒ಧುರೇ᳚ವ ತಸ್ಥತುರ್ದುರೋ॒ಣೇ || 3.14.3
ಮಿ॒ತ್ರಶ್ಚ॒ ತುಭ್ಯಂ॒ ವರು॑ಣಃ ಸಹ॒ಸ್ವೋಽಗ್ನೇ॒ ವಿಶ್ವೇ᳚ ಮ॒ರುತಃ॑ ಸು॒ಮ್ನಮ॑ರ್ಚನ್ |
ಯಚ್ಛೋ॒ಚಿಷಾ᳚ ಸಹಸಸ್ಪುತ್ರ॒ ತಿಷ್ಠಾ᳚ ಅ॒ಭಿ ಕ್ಷಿ॒ತೀಃ ಪ್ರ॒ಥಯ॒‌‌ನ್ತ್ಸೂರ್ಯೋ॒ ನೄನ್ || 3.14.4
ವ॒ಯಂ ತೇ᳚ ಅ॒ದ್ಯ ರ॑ರಿ॒ಮಾ ಹಿ ಕಾಮ॑ಮುತ್ತಾ॒ನಹ॑ಸ್ತಾ॒ ನಮ॑ಸೋಪ॒ಸದ್ಯ॑ |
ಯಜಿ॑ಷ್ಠೇನ॒ ಮನ॑ಸಾ ಯಕ್ಷಿ ದೇ॒ವಾನಸ್ರೇ᳚ಧತಾ॒ ಮನ್ಮ॑ನಾ॒ ವಿಪ್ರೋ᳚ ಅಗ್ನೇ || 3.14.5
ತ್ವದ್ಧಿ ಪು॑ತ್ರ ಸಹಸೋ॒ ವಿ ಪೂ॒ರ್ವೀರ್ದೇ॒ವಸ್ಯ॒ ಯ‌ನ್ತ್ಯೂ॒ತಯೋ॒ ವಿ ವಾಜಾಃ᳚ |
ತ್ವಂ ದೇ᳚ಹಿ ಸಹ॒ಸ್ರಿಣಂ᳚ ರ॒ಯಿಂ ನೋ᳚ಽದ್ರೋ॒ಘೇಣ॒ ವಚ॑ಸಾ ಸ॒ತ್ಯಮ॑ಗ್ನೇ || 3.14.6
ತುಭ್ಯಂ᳚ ದಕ್ಷ ಕವಿಕ್ರತೋ॒ ಯಾನೀ॒ಮಾ ದೇವ॒ ಮರ್ತಾ᳚ಸೋ ಅಧ್ವ॒ರೇ ಅಕ᳚ರ್ಮ |
ತ್ವಂ ವಿಶ್ವ॑ಸ್ಯ ಸು॒ರಥ॑ಸ್ಯ ಬೋಧಿ॒ ಸರ್ವಂ॒ ತದ॑ಗ್ನೇ ಅಮೃತ ಸ್ವದೇ॒ಹ || 3.14.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾತ್ಯ ಉತ್ಕೀಲ ಋಷಿಃ, ಅಗ್ನಿದೇರ್ವತಾ. ತ್ರಿಷ್ಟುಪ್ ಛಂದಃ

ವಿ ಪಾಜ॑ಸಾ ಪೃ॒ಥುನಾ॒ ಶೋಶು॑ಚಾನೋ॒ ಬಾಧ॑ಸ್ವ ದ್ವಿ॒ಷೋ ರ॒ಕ್ಷಸೋ॒ ಅಮೀ᳚ವಾಃ |
ಸು॒ಶರ್ಮ॑ಣೋ ಬೃಹ॒ತಃ ಶರ್ಮ॑ಣಿ ಸ್ಯಾಮ॒ಗ್ನೇರ॒ಹಂ ಸು॒ಹವ॑ಸ್ಯ॒ ಪ್ರಣೀ᳚ತೌ || 3.15.1
ತ್ವಂ ನೋ᳚ ಅ॒ಸ್ಯಾ ಉ॒ಷಸೋ॒ ವ್ಯು॑ಷ್ಟೌ॒ ತ್ವಂ ಸೂರ॒ ಉದಿ॑ತೇ ಬೋಧಿ ಗೋ॒ಪಾಃ |
ಜನ್ಮೇ᳚ವ॒ ನಿತ್ಯಂ॒ ತನ॑ಯಂ ಜುಷಸ್ವ॒ ಸ್ತೋಮಂ᳚ ಮೇ ಅಗ್ನೇ ತ॒ನ್ವಾ᳚ ಸುಜಾತ || 3.15.2
ತ್ವಂ ನೃ॒ಚಕ್ಷಾ᳚ ವೃಷ॒ಭಾನು॑ ಪೂ॒ರ್ವೀಃ ಕೃ॒ಷ್ಣಾಸ್ವ॑ಗ್ನೇ ಅರು॒ಷೋ ವಿ ಭಾ᳚ಹಿ |
ವಸೋ॒ ನೇಷಿ॑ ಚ॒ ಪರ್ಷಿ॒ ಚಾತ್ಯಂಹಃ॑ ಕೃ॒ಧೀ ನೋ᳚ ರಾ॒ಯ ಉ॒ಶಿಜೋ᳚ ಯವಿಷ್ಠ || 3.15.3
ಅಷಾ᳚ಳ್ಹೋ ಅಗ್ನೇ ವೃಷ॒ಭೋ ದಿ॑ದೀಹಿ॒ ಪುರೋ॒ ವಿಶ್ವಾಃ॒ ಸೌಭ॑ಗಾ ಸಂಜಿಗೀ॒ವಾನ್ |
ಯ॒ಜ್ಞಸ್ಯ॑ ನೇ॒ತಾ ಪ್ರ॑ಥ॒ಮಸ್ಯ॑ ಪಾ॒ಯೋರ್ಜಾತ॑ವೇದೋ ಬೃಹ॒ತಃ ಸು॑ಪ್ರಣೀತೇ || 3.15.4
ಅಚ್ಛಿ॑ದ್ರಾ॒ ಶರ್ಮ॑ ಜರಿತಃ ಪು॒ರೂಣಿ॑ ದೇ॒ವಾಁ ಅಚ್ಛಾ॒ ದೀದ್ಯಾ᳚ನಃ ಸುಮೇ॒ಧಾಃ |
ರಥೋ॒ ನ ಸಸ್ನಿ॑ರ॒ಭಿ ವ॑ಕ್ಷಿ॒ ವಾಜ॒ಮಗ್ನೇ॒ ತ್ವಂ ರೋದ॑ಸೀ ನಃ ಸು॒ಮೇಕೇ᳚ || 3.15.5
ಪ್ರ ಪೀ᳚ಪಯ ವೃಷಭ॒ ಜಿನ್ವ॒ ವಾಜಾ॒ನಗ್ನೇ॒ ತ್ವಂ ರೋದ॑ಸೀ ನಃ ಸು॒ದೋಘೇ᳚ |
ದೇ॒ವೇಭಿ॑ರ್ದೇವ ಸು॒ರುಚಾ᳚ ರುಚಾ॒ನೋ ಮಾ ನೋ॒ ಮರ್ತ॑ಸ್ಯ ದುರ್ಮ॒ತಿಃ ಪರಿ॑ ಷ್ಠಾತ್ || 3.15.6
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.15.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾತ್ಯ ಉತ್ಕೀಲ ಋಷಿಃ, ಅಗ್ನಿದೇರ್ವತಾ. ಪ್ರಗಾಥಃ (ವಿಷಮರ್ಚಾಂ ಬೃಹತೀ ಸಮೋಂ ಸತೋಬೃಹತೀ) ಛಂದಃ

ಅ॒ಯಮ॒ಗ್ನಿಃ ಸು॒ವೀರ್ಯ॒ಸ್ಯೇಶೇ᳚ ಮ॒ಹಃ ಸೌಭ॑ಗಸ್ಯ |
ರಾ॒ಯ ಈ᳚ಶೇ ಸ್ವಪ॒ತ್ಯಸ್ಯ॒ ಗೋಮ॑ತ॒ ಈಶೇ᳚ ವೃತ್ರ॒ಹಥಾ᳚ನಾ‌ಮ್ || 3.16.1
ಇ॒ಮಂ ನ॑ರೋ ಮರುತಃ ಸಶ್ಚತಾ॒ ವೃಧಂ॒ ಯಸ್ಮಿ॒ನ್ರಾಯಃ॒ ಶೇವೃ॑ಧಾಸಃ |
ಅ॒ಭಿ ಯೇ ಸ‌ನ್ತಿ॒ ಪೃತ॑ನಾಸು ದೂ॒ಢ್ಯೋ᳚ ವಿ॒ಶ್ವಾಹಾ॒ ಶತ್ರು॑ಮಾದ॒ಭುಃ || 3.16.2
ಸ ತ್ವಂ ನೋ᳚ ರಾ॒ಯಃ ಶಿ॑ಶೀಹಿ॒ ಮೀಢ್ವೋ᳚ ಅಗ್ನೇ ಸು॒ವೀರ್ಯ॑ಸ್ಯ |
ತುವಿ॑ದ್ಯುಮ್ನ॒ ವರ್ಷಿ॑ಷ್ಠಸ್ಯ ಪ್ರ॒ಜಾವ॑ತೋಽನಮೀ॒ವಸ್ಯ॑ ಶು॒ಷ್ಮಿಣಃ॑ || 3.16.3
ಚಕ್ರಿ॒ರ್ಯೋ ವಿಶ್ವಾ॒ ಭುವ॑ನಾ॒ಭಿ ಸಾ᳚ಸ॒ಹಿಶ್ಚಕ್ರಿ॑ರ್ದೇ॒ವೇಷ್ವಾ ದುವಃ॑ |
ಆ ದೇ॒ವೇಷು॒ ಯತ॑ತ॒ ಆ ಸು॒ವೀರ್ಯ॒ ಆ ಶಂಸ॑ ಉ॒ತ ನೃ॒ಣಾ‌ಮ್ || 3.16.4
ಮಾ ನೋ᳚ ಅ॒ಗ್ನೇಽಮ॑ತಯೇ॒ ಮಾವೀರ॑ತಾಯೈ ರೀರಧಃ |
ಮಾಗೋತಾ᳚ಯೈ ಸಹಸಸ್ಪುತ್ರ॒ ಮಾ ನಿ॒ದೇಽಪ॒ ದ್ವೇಷಾಂ॒ಸ್ಯಾ ಕೃ॑ಧಿ || 3.16.5
ಶ॒ಗ್ಧಿ ವಾಜ॑ಸ್ಯ ಸುಭಗ ಪ್ರ॒ಜಾವ॒ತೋಽಗ್ನೇ᳚ ಬೃಹ॒ತೋ ಅ॑ಧ್ವ॒ರೇ |
ಸಂ ರಾ॒ಯಾ ಭೂಯ॑ಸಾ ಸೃಜ ಮಯೋ॒ಭುನಾ॒ ತುವಿ॑ದ್ಯುಮ್ನ॒ ಯಶ॑ಸ್ವತಾ || 3.16.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರಃ ಕತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಸ॒ಮಿ॒ಧ್ಯಮಾ᳚ನಃ ಪ್ರಥ॒ಮಾನು॒ ಧರ್ಮಾ॒ ಸಮ॒ಕ್ತುಭಿ॑ರಜ್ಯತೇ ವಿ॒ಶ್ವವಾ᳚ರಃ |
ಶೋ॒ಚಿಷ್ಕೇ᳚ಶೋ ಘೃ॒ತನಿ᳚ರ್ಣಿಕ್ಪಾವ॒ಕಃ ಸು॑ಯ॒ಜ್ಞೋ ಅ॒ಗ್ನಿರ್ಯ॒ಜಥಾ᳚ಯ ದೇ॒ವಾನ್ || 3.17.1
ಯಥಾಯ॑ಜೋ ಹೋ॒ತ್ರಮ॑ಗ್ನೇ ಪೃಥಿ॒ವ್ಯಾ ಯಥಾ᳚ ದಿ॒ವೋ ಜಾ᳚ತವೇದಶ್ಚಿಕಿ॒ತ್ವಾನ್ |
ಏ॒ವಾನೇನ॑ ಹ॒ವಿಷಾ᳚ ಯಕ್ಷಿ ದೇ॒ವಾನ್ಮ॑ನು॒ಷ್ವದ್ಯ॒ಜ್ಞಂ ಪ್ರ ತಿ॑ರೇ॒ಮಮ॒ದ್ಯ || 3.17.2
ತ್ರೀಣ್ಯಾಯೂಂ᳚ಷಿ॒ ತವ॑ ಜಾತವೇದಸ್ತಿ॒ಸ್ರ ಆ॒ಜಾನೀ᳚ರು॒ಷಸ॑ಸ್ತೇ ಅಗ್ನೇ |
ತಾಭಿ॑ರ್ದೇ॒ವಾನಾ॒ಮವೋ᳚ ಯಕ್ಷಿ ವಿ॒ದ್ವಾನಥಾ᳚ ಭವ॒ ಯಜ॑ಮಾನಾಯ॒ ಶಂ ಯೋಃ || 3.17.3
ಅ॒ಗ್ನಿಂ ಸು॑ದೀ॒ತಿಂ ಸು॒ದೃಶಂ᳚ ಗೃ॒ಣ‌ನ್ತೋ᳚ ನಮ॒ಸ್ಯಾಮ॒ಸ್ತ್ವೇಡ್ಯಂ᳚ ಜಾತವೇದಃ |
ತ್ವಾಂ ದೂ॒ತಮ॑ರ॒ತಿಂ ಹ᳚ವ್ಯ॒ವಾಹಂ᳚ ದೇ॒ವಾ ಅ॑ಕೃಣ್ವನ್ನ॒ಮೃತ॑ಸ್ಯ॒ ನಾಭಿ‌ಮ್᳚ || 3.17.4
ಯಸ್ತ್ವದ್ಧೋತಾ॒ ಪೂರ್ವೋ᳚ ಅಗ್ನೇ॒ ಯಜೀ᳚ಯಾಂದ್ವಿ॒ತಾ ಚ॒ ಸತ್ತಾ᳚ ಸ್ವ॒ಧಯಾ᳚ ಚ ಶಂ॒ಭುಃ |
ತಸ್ಯಾನು॒ ಧರ್ಮ॒ ಪ್ರ ಯ॑ಜಾ ಚಿಕಿ॒ತ್ವೋಽಥ॑ ನೋ ಧಾ ಅಧ್ವ॒ರಂ ದೇ॒ವವೀ᳚ತೌ || 3.17.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರಃ ಕತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಭವಾ᳚ ನೋ ಅಗ್ನೇ ಸು॒ಮನಾ॒ ಉಪೇ᳚ತೌ॒ ಸಖೇ᳚ವ॒ ಸಖ್ಯೇ᳚ ಪಿ॒ತರೇ᳚ವ ಸಾ॒ಧುಃ |
ಪು॒ರು॒ದ್ರುಹೋ॒ ಹಿ ಕ್ಷಿ॒ತಯೋ॒ ಜನಾ᳚ನಾಂ॒ ಪ್ರತಿ॑ ಪ್ರತೀ॒ಚೀರ್ದ॑ಹತಾ॒ದರಾ᳚ತೀಃ || 3.18.1
ತಪೋ॒ ಷ್ವ॑ಗ್ನೇ॒ ಅ‌ನ್ತ॑ರಾಁ ಅ॒ಮಿತ್ರಾ॒‌ನ್ತಪಾ॒ ಶಂಸ॒ಮರ॑ರುಷಃ॒ ಪರ॑ಸ್ಯ |
ತಪೋ᳚ ವಸೋ ಚಿಕಿತಾ॒ನೋ ಅ॒ಚಿತ್ತಾ॒ನ್ವಿ ತೇ᳚ ತಿಷ್ಠ‌ನ್ತಾಮ॒ಜರಾ᳚ ಅ॒ಯಾಸಃ॑ || 3.18.2
ಇ॒ಧ್ಮೇನಾ᳚ಗ್ನ ಇ॒ಚ್ಛಮಾ᳚ನೋ ಘೃ॒ತೇನ॑ ಜು॒ಹೋಮಿ॑ ಹ॒ವ್ಯಂ ತರ॑ಸೇ॒ ಬಲಾ᳚ಯ |
ಯಾವ॒ದೀಶೇ॒ ಬ್ರಹ್ಮ॑ಣಾ॒ ವಂದ॑ಮಾನ ಇ॒ಮಾಂ ಧಿಯಂ᳚ ಶತ॒ಸೇಯಾ᳚ಯ ದೇ॒ವೀ‌ಮ್ || 3.18.3
ಉಚ್ಛೋ॒ಚಿಷಾ᳚ ಸಹಸಸ್ಪುತ್ರ ಸ್ತು॒ತೋ ಬೃ॒ಹದ್ವಯಃ॑ ಶಶಮಾ॒ನೇಷು॑ ಧೇಹಿ |
ರೇ॒ವದ॑ಗ್ನೇ ವಿ॒ಶ್ವಾಮಿ॑ತ್ರೇಷು॒ ಶಂ ಯೋರ್ಮ᳚ರ್ಮೃ॒ಜ್ಮಾ ತೇ᳚ ತ॒ನ್ವ1॒॑ ಅಂಭೂರಿ॒ ಕೃತ್ವಃ॑ || 3.18.4
ಕೃ॒ಧಿ ರತ್ನಂ᳚ ಸುಸನಿತ॒ರ್ಧನಾ᳚ನಾಂ॒ ಸ ಘೇದ॑ಗ್ನೇ ಭವಸಿ॒ ಯತ್ಸಮಿ॑ದ್ಧಃ |
ಸ್ತೋ॒ತುರ್ದು॑ರೋ॒ಣೇ ಸು॒ಭಗ॑ಸ್ಯ ರೇ॒ವತ್ಸೃ॒ಪ್ರಾ ಕ॒ರಸ್ನಾ᳚ ದಧಿಷೇ॒ ವಪೂಂ᳚ಷಿ || 3.18.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅ॒ಗ್ನಿಂ ಹೋತಾ᳚ರಂ॒ ಪ್ರ ವೃ॑ಣೇ ಮಿ॒ಯೇಧೇ॒ ಗೃತ್ಸಂ᳚ ಕ॒ವಿಂ ವಿ॑ಶ್ವ॒ವಿದ॒ಮಮೂ᳚ರ‌ಮ್ |
ಸ ನೋ᳚ ಯಕ್ಷದ್ದೇ॒ವತಾ᳚ತಾ॒ ಯಜೀ᳚ಯಾನ್ರಾ॒ಯೇ ವಾಜಾ᳚ಯ ವನತೇ ಮ॒ಘಾನಿ॑ || 3.19.1
ಪ್ರ ತೇ᳚ ಅಗ್ನೇ ಹ॒ವಿಷ್ಮ॑ತೀಮಿಯ॒ರ್ಮ್ಯಚ್ಛಾ᳚ ಸುದ್ಯು॒ಮ್ನಾಂ ರಾ॒ತಿನೀಂ᳚ ಘೃ॒ತಾಚೀ᳚‌ಮ್ |
ಪ್ರ॒ದ॒ಕ್ಷಿ॒ಣಿದ್ದೇ॒ವತಾ᳚ತಿಮುರಾ॒ಣಃ ಸಂ ರಾ॒ತಿಭಿ॒ರ್ವಸು॑ಭಿರ್ಯ॒ಜ್ಞಮ॑ಶ್ರೇತ್ || 3.19.2
ಸ ತೇಜೀ᳚ಯಸಾ॒ ಮನ॑ಸಾ॒ ತ್ವೋತ॑ ಉ॒ತ ಶಿ॑ಕ್ಷ ಸ್ವಪ॒ತ್ಯಸ್ಯ॑ ಶಿ॒ಕ್ಷೋಃ |
ಅಗ್ನೇ᳚ ರಾ॒ಯೋ ನೃತ॑ಮಸ್ಯ॒ ಪ್ರಭೂ᳚ತೌ ಭೂ॒ಯಾಮ॑ ತೇ ಸುಷ್ಟು॒ತಯ॑ಶ್ಚ॒ ವಸ್ವಃ॑ || 3.19.3
ಭೂರೀ᳚ಣಿ॒ ಹಿ ತ್ವೇ ದ॑ಧಿ॒ರೇ ಅನೀ॒ಕಾಗ್ನೇ᳚ ದೇ॒ವಸ್ಯ॒ ಯಜ್ಯ॑ವೋ॒ ಜನಾ᳚ಸಃ |
ಸ ಆ ವ॑ಹ ದೇ॒ವತಾ᳚ತಿಂ ಯವಿಷ್ಠ॒ ಶರ್ಧೋ॒ ಯದ॒ದ್ಯ ದಿ॒ವ್ಯಂ ಯಜಾ᳚ಸಿ || 3.19.4
ಯತ್ತ್ವಾ॒ ಹೋತಾ᳚ರಮ॒ನಜ᳚ನ್ಮಿ॒ಯೇಧೇ᳚ ನಿಷಾ॒ದಯ᳚‌ನ್ತೋ ಯ॒ಜಥಾ᳚ಯ ದೇ॒ವಾಃ |
ಸ ತ್ವಂ ನೋ᳚ ಅಗ್ನೇಽವಿ॒ತೇಹ ಬೋ॒ಧ್ಯಧಿ॒ ಶ್ರವಾಂ᳚ಸಿ ಧೇಹಿ ನಸ್ತ॒ನೂಷು॑ || 3.19.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ (1, 5) ಪ್ರಥಮಾಪಂಚಮ್ಯೋರೃಚೋರ್ವಿಶ್ವೇ ದೇವಾಃ (2-4) ದ್ವಿತೀಯಾದಿತೃಚಸ್ಯ ಚಾಗ್ನಿದೇರ್ವ ತಾಃ, ತ್ರಿಷ್ಟುಪ್ ಛಂದಃ

ಅ॒ಗ್ನಿಮು॒ಷಸ॑ಮ॒ಶ್ವಿನಾ᳚ ದಧಿ॒ಕ್ರಾಂ ವ್ಯು॑ಷ್ಟಿಷು ಹವತೇ॒ ವಹ್ನಿ॑ರು॒ಕ್ಥೈಃ |
ಸು॒ಜ್ಯೋತಿ॑ಷೋ ನಃ ಶೃಣ್ವ‌ನ್ತು ದೇ॒ವಾಃ ಸ॒ಜೋಷ॑ಸೋ ಅಧ್ವ॒ರಂ ವಾ᳚ವಶಾ॒ನಾಃ || 3.20.1
ಅಗ್ನೇ॒ ತ್ರೀ ತೇ॒ ವಾಜಿ॑ನಾ॒ ತ್ರೀ ಷ॒ಧಸ್ಥಾ᳚ ತಿ॒ಸ್ರಸ್ತೇ᳚ ಜಿ॒ಹ್ವಾ ಋ॑ತಜಾತ ಪೂ॒ರ್ವೀಃ |
ತಿ॒ಸ್ರ ಉ॑ ತೇ ತ॒ನ್ವೋ᳚ ದೇ॒ವವಾ᳚ತಾ॒ಸ್ತಾಭಿ᳚ರ್ನಃ ಪಾಹಿ॒ ಗಿರೋ॒ ಅಪ್ರ॑ಯುಚ್ಛನ್ || 3.20.2
ಅಗ್ನೇ॒ ಭೂರೀ᳚ಣಿ॒ ತವ॑ ಜಾತವೇದೋ॒ ದೇವ॑ ಸ್ವಧಾವೋ॒ಽಮೃತ॑ಸ್ಯ॒ ನಾಮ॑ |
ಯಾಶ್ಚ॑ ಮಾ॒ಯಾ ಮಾ॒ಯಿನಾಂ᳚ ವಿಶ್ವಮಿನ್ವ॒ ತ್ವೇ ಪೂ॒ರ್ವೀಃ ಸಂ᳚ದ॒ಧುಃ ಪೃ॑ಷ್ಟಬಂಧೋ || 3.20.3
ಅ॒ಗ್ನಿರ್ನೇ॒ತಾ ಭಗ॑ ಇವ ಕ್ಷಿತೀ॒ನಾಂ ದೈವೀ᳚ನಾಂ ದೇ॒ವ ಋ॑ತು॒ಪಾ ಋ॒ತಾವಾ᳚ |
ಸ ವೃ॑ತ್ರ॒ಹಾ ಸ॒ನಯೋ᳚ ವಿ॒ಶ್ವವೇ᳚ದಾಃ॒ ಪರ್ಷ॒ದ್ವಿಶ್ವಾತಿ॑ ದುರಿ॒ತಾ ಗೃ॒ಣ‌ನ್ತ‌ಮ್᳚ || 3.20.4
ದ॒ಧಿ॒ಕ್ರಾಮ॒ಗ್ನಿಮು॒ಷಸಂ᳚ ಚ ದೇ॒ವೀಂ ಬೃಹ॒ಸ್ಪತಿಂ᳚ ಸವಿ॒ತಾರಂ᳚ ಚ ದೇ॒ವ‌ಮ್ |
ಅ॒ಶ್ವಿನಾ᳚ ಮಿ॒ತ್ರಾವರು॑ಣಾ॒ ಭಗಂ᳚ ಚ॒ ವಸೂ᳚ನ್ರು॒ದ್ರಾಁ ಆ᳚ದಿ॒ತ್ಯಾಁ ಇ॒ಹ ಹು॑ವೇ || 3.20.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ, ಅಗ್ನಿರ್ದೇವತಾ,(1) ಪ್ರಥಮರ್ಚಸ್ತ್ರಿಷ್ಟುಪ್ (2-3) ದ್ವಿತೀಯಾತೃತೀಯಯೋರನುಷ್ಟಪ್(4) ಚತುರ್ಥ್ಯಾ ವಿರಾಙ್ಪಾ (5) ಪಂಚಮ್ಯಾಶ್ಚ ಸತೋಬೃಹತೀ ಛಂದಾಂಸಿ

ಇ॒ಮಂ ನೋ᳚ ಯ॒ಜ್ಞಮ॒ಮೃತೇ᳚ಷು ಧೇಹೀ॒ಮಾ ಹ॒ವ್ಯಾ ಜಾ᳚ತವೇದೋ ಜುಷಸ್ವ |
ಸ್ತೋ॒ಕಾನಾ᳚ಮಗ್ನೇ॒ ಮೇದ॑ಸೋ ಘೃ॒ತಸ್ಯ॒ ಹೋತಃ॒ ಪ್ರಾಶಾ᳚ನ ಪ್ರಥ॒ಮೋ ನಿ॒ಷದ್ಯ॑ || 3.21.1
ಘೃ॒ತವ᳚‌ನ್ತಃ ಪಾವಕ ತೇ ಸ್ತೋ॒ಕಾಃ ಶ್ಚೋ᳚ತ‌ನ್ತಿ॒ ಮೇದ॑ಸಃ |
ಸ್ವಧ᳚ರ್ಮಂದೇ॒ವವೀ᳚ತಯೇ॒ ಶ್ರೇಷ್ಠಂ᳚ ನೋ ಧೇಹಿ॒ ವಾರ್ಯ‌ಮ್᳚ || 3.21.2
ತುಭ್ಯಂ᳚ ಸ್ತೋ॒ಕಾ ಘೃ॑ತ॒ಶ್ಚುತೋಽಗ್ನೇ॒ ವಿಪ್ರಾ᳚ಯ ಸ‌ನ್ತ್ಯ |
ಋಷಿಃ॒ ಶ್ರೇಷ್ಠಃ॒ ಸಮಿ॑ಧ್ಯಸೇ ಯ॒ಜ್ಞಸ್ಯ॑ ಪ್ರಾವಿ॒ತಾ ಭ॑ವ || 3.21.3
ತುಭ್ಯಂ᳚ ಶ್ಚೋತ‌ನ್ತ್ಯಧ್ರಿಗೋ ಶಚೀವಃ ಸ್ತೋ॒ಕಾಸೋ᳚ ಅಗ್ನೇ॒ ಮೇದ॑ಸೋ ಘೃ॒ತಸ್ಯ॑ |
ಕ॒ವಿ॒ಶ॒ಸ್ತೋ ಬೃ॑ಹ॒ತಾ ಭಾ॒ನುನಾಗಾ᳚ ಹ॒ವ್ಯಾ ಜು॑ಷಸ್ವ ಮೇಧಿರ || 3.21.4
ಓಜಿ॑ಷ್ಠಂ ತೇ ಮಧ್ಯ॒ತೋ ಮೇದ॒ ಉದ್ಭೃ॑ತಂ॒ ಪ್ರ ತೇ᳚ ವ॒ಯಂ ದ॑ದಾಮಹೇ |
ಶ್ಚೋತ᳚‌ನ್ತಿ ತೇ ವಸೋ ಸ್ತೋ॒ಕಾ ಅಧಿ॑ ತ್ವ॒ಚಿ ಪ್ರತಿ॒ ತಾಂದೇ᳚ವ॒ಶೋ ವಿ॑ಹಿ || 3.21.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಋಚಶ್ಚಾಗ್ನಿಃ (4) ಚತುರ್ಥ್ಯಾಶ್ಚ ಪುರೀಷ್ಯಾ ಅಗ್ನಯೋ ದೇವತಾಃ (13, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಚಶ್ಚ ತ್ರಿಷ್ಟುಪ್ (4) ಚತುರ್ಥ್ಯಾಶ್ಚಾನುಷ್ಟಪ್ ಛಂದಸೀ

ಅ॒ಯಂ ಸೋ ಅ॒ಗ್ನಿರ್ಯಸ್ಮಿ॒‌‌ನ್ತ್ಸೋಮ॒ಮಿಂದ್ರಃ॑ ಸು॒ತಂ ದ॒ಧೇ ಜ॒ಠರೇ᳚ ವಾವಶಾ॒ನಃ |
ಸ॒ಹ॒ಸ್ರಿಣಂ॒ ವಾಜ॒ಮತ್ಯಂ॒ ನ ಸಪ್ತಿಂ᳚ ಸಸ॒ವಾ‌‌ನ್ತ್ಸ‌‌ನ್ತ್ಸ್ತೂ᳚ಯಸೇ ಜಾತವೇದಃ || 3.22.1
ಅಗ್ನೇ॒ ಯತ್ತೇ᳚ ದಿ॒ವಿ ವರ್ಚಃ॑ ಪೃಥಿ॒ವ್ಯಾಂ ಯದೋಷ॑ಧೀಷ್ವ॒ಪ್ಸ್ವಾ ಯ॑ಜತ್ರ |
ಯೇನಾ॒‌ನ್ತರಿ॑ಕ್ಷಮು॒ರ್ವಾ᳚ತ॒ತ‌ನ್ಥ॑ ತ್ವೇ॒ಷಃ ಸ ಭಾ॒ನುರ᳚ರ್ಣ॒ವೋ ನೃ॒ಚಕ್ಷಾಃ᳚ || 3.22.2
ಅಗ್ನೇ᳚ ದಿ॒ವೋ ಅರ್ಣ॒ಮಚ್ಛಾ᳚ ಜಿಗಾ॒ಸ್ಯಚ್ಛಾ᳚ ದೇ॒ವಾಁ ಊ᳚ಚಿಷೇ॒ ಧಿಷ್ಣ್ಯಾ॒ ಯೇ |
ಯಾ ರೋ᳚ಚ॒ನೇ ಪ॒ರಸ್ತಾ॒ತ್ಸೂರ್ಯ॑ಸ್ಯ॒ ಯಾಶ್ಚಾ॒ವಸ್ತಾ᳚ದುಪ॒ತಿಷ್ಠ᳚‌ನ್ತ॒ ಆಪಃ॑ || 3.22.3
ಪು॒ರೀ॒ಷ್ಯಾ᳚ಸೋ ಅ॒ಗ್ನಯಃ॑ ಪ್ರಾವ॒ಣೇಭಿಃ॑ ಸ॒ಜೋಷ॑ಸಃ |
ಜು॒ಷ‌ನ್ತಾಂ᳚ ಯ॒ಜ್ಞಮ॒ದ್ರುಹೋ᳚ಽನಮೀ॒ವಾ ಇಷೋ᳚ ಮ॒ಹೀಃ || 3.22.4
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.22.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರತೌ ದೇವಶ್ರವೋದೇವವಾತಾವೃಷೀ. ಅಗ್ನಿದೇರ್ವತಾ(12, 4-5) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥೀಪಂಚಮ್ಯೋಶ್ಚ ತ್ರಿಷ್ಟುಪ್ (3) ತೃತೀಯಾಯಾಶ್ಚ ಸತೋಬೃಹತೀ ಛಂದಸೀ

ನಿರ್ಮ॑ಥಿತಃ॒ ಸುಧಿ॑ತ॒ ಆ ಸ॒ಧಸ್ಥೇ॒ ಯುವಾ᳚ ಕ॒ವಿರ॑ಧ್ವ॒ರಸ್ಯ॑ ಪ್ರಣೇ॒ತಾ |
ಜೂರ್ಯ॑ತ್ಸ್ವ॒ಗ್ನಿರ॒ಜರೋ॒ ವನೇ॒ಷ್ವತ್ರಾ᳚ ದಧೇ ಅ॒ಮೃತಂ᳚ ಜಾ॒ತವೇ᳚ದಾಃ || 3.23.1
ಅಮ᳚‌ನ್ಥಿಷ್ಟಾಂ॒ ಭಾರ॑ತಾ ರೇ॒ವದ॒ಗ್ನಿಂ ದೇ॒ವಶ್ರ॑ವಾ ದೇ॒ವವಾ᳚ತಃ ಸು॒ದಕ್ಷ‌ಮ್᳚ |
ಅಗ್ನೇ॒ ವಿ ಪ॑ಶ್ಯ ಬೃಹ॒ತಾಭಿ ರಾ॒ಯೇಷಾಂ ನೋ᳚ ನೇ॒ತಾ ಭ॑ವತಾ॒ದನು॒ ದ್ಯೂನ್ || 3.23.2
ದಶ॒ ಕ್ಷಿಪಃ॑ ಪೂ॒ರ್ವ್ಯಂ ಸೀ᳚ಮಜೀಜನ॒‌‌ನ್ತ್ಸುಜಾ᳚ತಂ ಮಾ॒ತೃಷು॑ ಪ್ರಿ॒ಯ‌ಮ್ |
ಅ॒ಗ್ನಿಂ ಸ್ತು॑ಹಿ ದೈವವಾ॒ತಂ ದೇ᳚ವಶ್ರವೋ॒ ಯೋ ಜನಾ᳚ನಾ॒ಮಸ॑ದ್ವ॒ಶೀ || 3.23.3
ನಿ ತ್ವಾ᳚ ದಧೇ॒ ವರ॒ ಆ ಪೃ॑ಥಿ॒ವ್ಯಾ ಇಳಾ᳚ಯಾಸ್ಪ॒ದೇ ಸು॑ದಿನ॒ತ್ವೇ ಅಹ್ನಾ᳚‌ಮ್ |
ದೃ॒ಷದ್ವ॑ತ್ಯಾಂ॒ ಮಾನು॑ಷ ಆಪ॒ಯಾಯಾಂ॒ ಸರ॑ಸ್ವತ್ಯಾಂ ರೇ॒ವದ॑ಗ್ನೇ ದಿದೀಹಿ || 3.23.4
ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ |
ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ || 3.23.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಗ್ನಿರ್ದೇವತಾ, (1) ಪ್ರಥಮರ್ಚೋಽನಷ್ಟಪ (2-5) ದ್ವಿತೀಯಾದಿಚತಸೃಣಾಂಚ ಗಾಯತ್ರೀ ಛಂದಸೀ

ಅಗ್ನೇ॒ ಸಹ॑ಸ್ವ॒ ಪೃತ॑ನಾ ಅ॒ಭಿಮಾ᳚ತೀ॒ರಪಾ᳚ಸ್ಯ |
ದು॒ಷ್ಟರ॒ಸ್ತರ॒ನ್ನರಾ᳚ತೀ॒ರ್ವರ್ಚೋ᳚ ಧಾ ಯ॒ಜ್ಞವಾ᳚ಹಸೇ || 3.24.1
ಅಗ್ನ॑ ಇ॒ಳಾ ಸಮಿ॑ಧ್ಯಸೇ ವೀ॒ತಿಹೋ᳚ತ್ರೋ॒ ಅಮ॑ರ್ತ್ಯಃ |
ಜು॒ಷಸ್ವ॒ ಸೂ ನೋ᳚ ಅಧ್ವ॒ರ‌ಮ್ || 3.24.2
ಅಗ್ನೇ᳚ ದ್ಯು॒ಮ್ನೇನ॑ ಜಾಗೃವೇ॒ ಸಹ॑ಸಃ ಸೂನವಾಹುತ |
ಏದಂ ಬ॒ರ್ಹಿಃ ಸ॑ದೋ॒ ಮಮ॑ || 3.24.3
ಅಗ್ನೇ॒ ವಿಶ್ವೇ᳚ಭಿರ॒ಗ್ನಿಭಿ॑ರ್ದೇ॒ವೇಭಿ᳚ರ್ಮಹಯಾ॒ ಗಿರಃ॑ |
ಯ॒ಜ್ಞೇಷು॒ ಯ ಉ॑ ಚಾ॒ಯವಃ॑ || 3.24.4
ಅಗ್ನೇ॒ ದಾ ದಾ॒ಶುಷೇ᳚ ರ॒ಯಿಂ ವೀ॒ರವ᳚‌ನ್ತಂ॒ ಪರೀ᳚ಣಸ‌ಮ್ |
ಶಿ॒ಶೀ॒ಹಿ ನಃ॑ ಸೂನು॒ಮತಃ॑ || 3.24.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಋಚಶ್ಚಾಗ್ನಿಃ (4) ಚತುರ್ಥ್ಯಾಶ್ಚಂದ್ರಾಗ್ನೀ ದೇವತೇ, ವಿರಾಟ್ ಛಂದಃ

ಅಗ್ನೇ᳚ ದಿ॒ವಃ ಸೂ॒ನುರ॑ಸಿ॒ ಪ್ರಚೇ᳚ತಾ॒ಸ್ತನಾ᳚ ಪೃಥಿ॒ವ್ಯಾ ಉ॒ತ ವಿ॒ಶ್ವವೇ᳚ದಾಃ |
ಋಧ॑ಗ್ದೇ॒ವಾಁ ಇ॒ಹ ಯ॑ಜಾ ಚಿಕಿತ್ವಃ || 3.25.1
ಅ॒ಗ್ನಿಃ ಸ॑ನೋತಿ ವೀ॒ರ್ಯಾ᳚ಣಿ ವಿ॒ದ್ವಾ‌‌ನ್ತ್ಸ॒ನೋತಿ॒ ವಾಜ॑ಮ॒ಮೃತಾ᳚ಯ॒ ಭೂಷನ್॑ |
ಸ ನೋ᳚ ದೇ॒ವಾಁ ಏಹ ವ॑ಹಾ ಪುರುಕ್ಷೋ || 3.25.2
ಅ॒ಗ್ನಿರ್ದ್ಯಾವಾ᳚ಪೃಥಿ॒ವೀ ವಿ॒ಶ್ವಜ᳚ನ್ಯೇ॒ ಆ ಭಾ᳚ತಿ ದೇ॒ವೀ ಅ॒ಮೃತೇ॒ ಅಮೂ᳚ರಃ |
ಕ್ಷಯ॒ನ್ವಾಜೈಃ᳚ ಪುರುಶ್ಚಂ॒ದ್ರೋ ನಮೋ᳚ಭಿಃ || 3.25.3
ಅಗ್ನ॒ ಇಂದ್ರ॑ಶ್ಚ ದಾ॒ಶುಷೋ᳚ ದುರೋ॒ಣೇ ಸು॒ತಾವ॑ತೋ ಯ॒ಜ್ಞಮಿ॒ಹೋಪ॑ ಯಾತ‌ಮ್ |
ಅಮ॑ರ್ಧ‌ನ್ತಾ ಸೋಮ॒ಪೇಯಾ᳚ಯ ದೇವಾ || 3.25.4
ಅಗ್ನೇ᳚ ಅ॒ಪಾಂ ಸಮಿ॑ಧ್ಯಸೇ ದುರೋ॒ಣೇ ನಿತ್ಯಃ॑ ಸೂನೋ ಸಹಸೋ ಜಾತವೇದಃ |
ಸ॒ಧಸ್ಥಾ᳚ನಿ ಮ॒ಹಯ॑ಮಾನ ಊ॒ತೀ || 3.25.5

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ (1-6, 8-9) ಪ್ರಥಮತೃಚದ್ವಯಸ್ಯಾಷ್ಟಮೀನವಮ್ಯೋರೃಚೋಶ್ಚ ಗಾಥಿನೋ ವಿಶ್ವಾಮಿತ್ರಃ (7) ಸಪ್ತಮ್ಯಾಶ್ಚ ಬ್ರಹ್ಮ ಋಷೀ(1-3) ಪ್ರಥಮಾದಿತೃಚಸ್ಯ ವೈಶ್ವಾನರೋಽಗ್ನಿಃ (4-6) ಚತುರ್ಥ್ಯಾದಿತೃಚಸ್ಯ ಮಾರುತೋಽಗ್ನಿಃ (7-8) ಸಪ್ತಮ್ಯಷ್ಟಮ್ಯೋರೃಚೋರಗ್ನಿಃ ಪರಂ ಬ್ರಹ್ಮ ವಾ (9) ನವಮ್ಯಾಶ್ಚ ವಿಶ್ವಾಮಿತ್ರೋಪಾಧ್ಯಾಯೋ ದೇವತಾಃ (1-6) ಪ್ರಥಮತೃಚದ್ವಯಸ್ಯ ಜಗತೀ (7-9) ತೃತೀಯತೃಚಸ್ಯ ಚ ತ್ರಿಷ್ಟುಪ್ ಛಂದಸೀ

ವೈ॒ಶ್ವಾ॒ನ॒ರಂ ಮನ॑ಸಾ॒ಗ್ನಿಂ ನಿ॒ಚಾಯ್ಯಾ᳚ ಹ॒ವಿಷ್ಮ᳚‌ನ್ತೋ ಅನುಷ॒ತ್ಯಂ ಸ್ವ॒ರ್ವಿದ‌ಮ್᳚ |
ಸು॒ದಾನುಂ᳚ ದೇ॒ವಂ ರ॑ಥಿ॒ರಂ ವ॑ಸೂ॒ಯವೋ᳚ ಗೀ॒ರ್ಭೀ ರ॒ಣ್ವಂ ಕು॑ಶಿ॒ಕಾಸೋ᳚ ಹವಾಮಹೇ || 3.26.1
ತಂ ಶು॒ಭ್ರಮ॒ಗ್ನಿಮವ॑ಸೇ ಹವಾಮಹೇ ವೈಶ್ವಾನ॒ರಂ ಮಾ᳚ತ॒ರಿಶ್ವಾ᳚ನಮು॒ಕ್ಥ್ಯ‌ಮ್᳚ |
ಬೃಹ॒ಸ್ಪತಿಂ॒ ಮನು॑ಷೋ ದೇ॒ವತಾ᳚ತಯೇ॒ ವಿಪ್ರಂ॒ ಶ್ರೋತಾ᳚ರ॒ಮತಿ॑ಥಿಂ ರಘು॒ಷ್ಯದ‌ಮ್᳚ || 3.26.2
ಅಶ್ವೋ॒ ನ ಕ್ರಂದಂ॒ಜನಿ॑ಭಿಃ॒ ಸಮಿ॑ಧ್ಯತೇ ವೈಶ್ವಾನ॒ರಃ ಕು॑ಶಿ॒ಕೇಭಿ᳚ರ್ಯು॒ಗೇಯು॑ಗೇ |
ಸ ನೋ᳚ ಅ॒ಗ್ನಿಃ ಸು॒ವೀರ್ಯಂ॒ ಸ್ವಶ್ವ್ಯಂ॒ ದಧಾ᳚ತು॒ ರತ್ನ॑ಮ॒ಮೃತೇ᳚ಷು॒ ಜಾಗೃ॑ವಿಃ || 3.26.3
ಪ್ರ ಯ᳚‌ನ್ತು॒ ವಾಜಾ॒ಸ್ತವಿ॑ಷೀಭಿರ॒ಗ್ನಯಃ॑ ಶು॒ಭೇ ಸಮ್ಮಿ॑ಶ್ಲಾಃ॒ ಪೃಷ॑ತೀರಯುಕ್ಷತ |
ಬೃ॒ಹ॒ದುಕ್ಷೋ᳚ ಮ॒ರುತೋ᳚ ವಿ॒ಶ್ವವೇ᳚ದಸಃ॒ ಪ್ರ ವೇ᳚ಪಯ‌ನ್ತಿ॒ ಪರ್ವ॑ತಾಁ॒ ಅದಾ᳚ಭ್ಯಾಃ || 3.26.4
ಅ॒ಗ್ನಿ॒ಶ್ರಿಯೋ᳚ ಮ॒ರುತೋ᳚ ವಿ॒ಶ್ವಕೃ॑ಷ್ಟಯ॒ ಆ ತ್ವೇ॒ಷಮು॒ಗ್ರಮವ॑ ಈಮಹೇ ವ॒ಯ‌ಮ್ |
ತೇ ಸ್ವಾ॒ನಿನೋ᳚ ರು॒ದ್ರಿಯಾ᳚ ವ॒ರ್ಷನಿ᳚ರ್ಣಿಜಃ ಸಿಂ॒ಹಾ ನ ಹೇ॒ಷಕ್ರ॑ತವಃ ಸು॒ದಾನ॑ವಃ || 3.26.5
ವ್ರಾತಂ᳚ವ್ರಾತಂ ಗ॒ಣಂಗ॑ಣಂ ಸುಶ॒ಸ್ತಿಭಿ॑ರ॒ಗ್ನೇರ್ಭಾಮಂ᳚ ಮ॒ರುತಾ॒ಮೋಜ॑ ಈಮಹೇ |
ಪೃಷ॑ದಶ್ವಾಸೋ ಅನವ॒ಭ್ರರಾ᳚ಧಸೋ॒ ಗ‌ನ್ತಾ᳚ರೋ ಯ॒ಜ್ಞಂ ವಿ॒ದಥೇ᳚ಷು॒ ಧೀರಾಃ᳚ || 3.26.6
ಅ॒ಗ್ನಿರ॑ಸ್ಮಿ॒ ಜನ್ಮ॑ನಾ ಜಾ॒ತವೇ᳚ದಾ ಘೃ॒ತಂ ಮೇ॒ ಚಕ್ಷು॑ರ॒ಮೃತಂ᳚ ಮ ಆ॒ಸನ್ |
ಅ॒ರ್ಕಸ್ತ್ರಿ॒ಧಾತೂ॒ ರಜ॑ಸೋ ವಿ॒ಮಾನೋಽಜ॑ಸ್ರೋ ಘ॒ರ್ಮೋ ಹ॒ವಿರ॑ಸ್ಮಿ॒ ನಾಮ॑ || 3.26.7
ತ್ರಿ॒ಭಿಃ ಪ॒ವಿತ್ರೈ॒ರಪು॑ಪೋ॒ದ್ಧ್ಯ1॒॑ರ್ಕಂ ಹೃ॒ದಾ ಮ॒ತಿಂ ಜ್ಯೋತಿ॒ರನು॑ ಪ್ರಜಾ॒ನನ್ |
ವರ್ಷಿ॑ಷ್ಠಂ॒ ರತ್ನ॑ಮಕೃತ ಸ್ವ॒ಧಾಭಿ॒ರಾದಿದ್ದ್ಯಾವಾ᳚ಪೃಥಿ॒ವೀ ಪರ್ಯ॑ಪಶ್ಯತ್ || 3.26.8
ಶ॒ತಧಾ᳚ರ॒ಮುತ್ಸ॒ಮಕ್ಷೀ᳚ಯಮಾಣಂ ವಿಪ॒ಶ್ಚಿತಂ᳚ ಪಿ॒ತರಂ॒ ವಕ್ತ್ವಾ᳚ನಾ‌ಮ್ |
ಮೇ॒ಳಿಂ ಮದ᳚‌ನ್ತಂ ಪಿ॒ತ್ರೋರು॒ಪಸ್ಥೇ॒ ತಂ ರೋ᳚ದಸೀ ಪಿಪೃತಂ ಸತ್ಯ॒ವಾಚ‌ಮ್᳚ || 3.26.9

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1-15) ಪಂಚದಶರ್ಚಾಮಗ್ನಿಃ (1) ಪ್ರಥಮಾಯಾ ತವೋ ವಾ ದೇವತಾಃ, ಗಾಯತ್ರೀ ಛಂದಃ

ಪ್ರ ವೋ॒ ವಾಜಾ᳚ ಅ॒ಭಿದ್ಯ॑ವೋ ಹ॒ವಿಷ್ಮ᳚‌ನ್ತೋ ಘೃ॒ತಾಚ್ಯಾ᳚ |
ದೇ॒ವಾಂಜಿ॑ಗಾತಿ ಸುಮ್ನ॒ಯುಃ || 3.27.1
ಈಳೇ᳚ ಅ॒ಗ್ನಿಂ ವಿ॑ಪ॒ಶ್ಚಿತಂ᳚ ಗಿ॒ರಾ ಯ॒ಜ್ಞಸ್ಯ॒ ಸಾಧ॑ನ‌ಮ್ |
ಶ್ರು॒ಷ್ಟೀ॒ವಾನಂ᳚ ಧಿ॒ತಾವಾ᳚ನ‌ಮ್ || 3.27.2
ಅಗ್ನೇ᳚ ಶ॒ಕೇಮ॑ ತೇ ವ॒ಯಂ ಯಮಂ᳚ ದೇ॒ವಸ್ಯ॑ ವಾ॒ಜಿನಃ॑ |
ಅತಿ॒ ದ್ವೇಷಾಂ᳚ಸಿ ತರೇಮ || 3.27.3
ಸ॒ಮಿ॒ಧ್ಯಮಾ᳚ನೋ ಅಧ್ವ॒ರೇ॒3॒॑ಽಗ್ನಿಃ ಪಾ᳚ವ॒ಕ ಈಡ್ಯಃ॑ |
ಶೋ॒ಚಿಷ್ಕೇ᳚ಶ॒ಸ್ತಮೀ᳚ಮಹೇ || 3.27.4
ಪೃ॒ಥು॒ಪಾಜಾ॒ ಅಮ॑ರ್ತ್ಯೋ ಘೃ॒ತನಿ᳚ರ್ಣಿ॒ಕ್ಸ್ವಾ᳚ಹುತಃ |
ಅ॒ಗ್ನಿರ್ಯ॒ಜ್ಞಸ್ಯ॑ ಹವ್ಯ॒ವಾಟ್ || 3.27.5
ತಂ ಸ॒ಬಾಧೋ᳚ ಯ॒ತಸ್ರು॑ಚ ಇ॒ತ್ಥಾ ಧಿ॒ಯಾ ಯ॒ಜ್ಞವ᳚‌ನ್ತಃ |
ಆ ಚ॑ಕ್ರುರ॒ಗ್ನಿಮೂ॒ತಯೇ᳚ || 3.27.6
ಹೋತಾ᳚ ದೇ॒ವೋ ಅಮ॑ರ್ತ್ಯಃ ಪು॒ರಸ್ತಾ᳚ದೇತಿ ಮಾ॒ಯಯಾ᳚ |
ವಿ॒ದಥಾ᳚ನಿ ಪ್ರಚೋ॒ದಯನ್॑ || 3.27.7
ವಾ॒ಜೀ ವಾಜೇ᳚ಷು ಧೀಯತೇಽಧ್ವ॒ರೇಷು॒ ಪ್ರ ಣೀ᳚ಯತೇ |
ವಿಪ್ರೋ᳚ ಯ॒ಜ್ಞಸ್ಯ॒ ಸಾಧ॑ನಃ || 3.27.8
ಧಿ॒ಯಾ ಚ॑ಕ್ರೇ॒ ವರೇ᳚ಣ್ಯೋ ಭೂ॒ತಾನಾಂ॒ ಗರ್ಭ॒ಮಾ ದ॑ಧೇ |
ದಕ್ಷ॑ಸ್ಯ ಪಿ॒ತರಂ॒ ತನಾ᳚ || 3.27.9
ನಿ ತ್ವಾ᳚ ದಧೇ॒ ವರೇ᳚ಣ್ಯಂ॒ ದಕ್ಷ॑ಸ್ಯೇ॒ಳಾ ಸ॑ಹಸ್ಕೃತ |
ಅಗ್ನೇ᳚ ಸುದೀ॒ತಿಮು॒ಶಿಜ‌ಮ್᳚ || 3.27.10
ಅ॒ಗ್ನಿಂ ಯ॒‌ನ್ತುರ॑ಮ॒ಪ್ತುರ॑ಮೃ॒ತಸ್ಯ॒ ಯೋಗೇ᳚ ವ॒ನುಷಃ॑ |
ವಿಪ್ರಾ॒ ವಾಜೈಃ॒ ಸಮಿಂ᳚ಧತೇ || 3.27.11
ಊ॒ರ್ಜೋ ನಪಾ᳚ತಮಧ್ವ॒ರೇ ದೀ᳚ದಿ॒ವಾಂಸ॒ಮುಪ॒ ದ್ಯವಿ॑ |
ಅ॒ಗ್ನಿಮೀ᳚ಳೇ ಕ॒ವಿಕ್ರ॑ತು‌ಮ್ || 3.27.12
ಈ॒ಳೇನ್ಯೋ᳚ ನಮ॒ಸ್ಯ॑ಸ್ತಿ॒ರಸ್ತಮಾಂ᳚ಸಿ ದರ್ಶ॒ತಃ |
ಸಮ॒ಗ್ನಿರಿ॑ಧ್ಯತೇ॒ ವೃಷಾ᳚ || 3.27.13
ವೃಷೋ᳚ ಅ॒ಗ್ನಿಃ ಸಮಿ॑ಧ್ಯ॒ತೇಽಶ್ವೋ॒ ನ ದೇ᳚ವ॒ವಾಹ॑ನಃ |
ತಂ ಹ॒ವಿಷ್ಮ᳚‌ನ್ತ ಈಳತೇ || 3.27.14
ವೃಷ॑ಣಂ ತ್ವಾ ವ॒ಯಂ ವೃ॑ಷ॒ನ್ವೃಷ॑ಣಃ॒ ಸಮಿ॑ಧೀಮಹಿ |
ಅಗ್ನೇ॒ ದೀದ್ಯ॑ತಂ ಬೃ॒ಹತ್ || 3.27.15

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಗ್ನಿರ್ದೇವತಾ, (1-2, 6) ಪ್ರಥಮಾದ್ವಿತೀಯಯೋರೃಚೋಃ ಷಷ್ಠ್ಯಾಶ್ಚ ಗಾಯತ್ರೀ (3) ತೃತೀಯಾಯಾ ಉಷ್ಣಿಕ್ (4) ಚತುರ್ಥ್ಯಾಸ್ತ್ರಿಷ್ಟುಪ್ (5) ಪಂಚಮ್ಯಾಶ್ಚ ಜಗತೀ ಛಂದಾಂಸಿ

ಅಗ್ನೇ᳚ ಜು॒ಷಸ್ವ॑ ನೋ ಹ॒ವಿಃ ಪು॑ರೋ॒ಳಾಶಂ᳚ ಜಾತವೇದಃ |
ಪ್ರಾ॒ತಃ॒ಸಾ॒ವೇ ಧಿ॑ಯಾವಸೋ || 3.28.1
ಪು॒ರೋ॒ಳಾ ಅ॑ಗ್ನೇ ಪಚ॒ತಸ್ತುಭ್ಯಂ᳚ ವಾ ಘಾ॒ ಪರಿ॑ಷ್ಕೃತಃ |
ತಂ ಜು॑ಷಸ್ವ ಯವಿಷ್ಠ್ಯ || 3.28.2
ಅಗ್ನೇ᳚ ವೀ॒ಹಿ ಪು॑ರೋ॒ಳಾಶ॒ಮಾಹು॑ತಂ ತಿ॒ರೋಅ᳚ಹ್ನ್ಯ‌ಮ್ |
ಸಹ॑ಸಃ ಸೂ॒ನುರ॑ಸ್ಯಧ್ವ॒ರೇ ಹಿ॒ತಃ || 3.28.3
ಮಾಧ್ಯಂ᳚ದಿನೇ॒ ಸವ॑ನೇ ಜಾತವೇದಃ ಪುರೋ॒ಳಾಶ॑ಮಿ॒ಹ ಕ॑ವೇ ಜುಷಸ್ವ |
ಅಗ್ನೇ᳚ ಯ॒ಹ್ವಸ್ಯ॒ ತವ॑ ಭಾಗ॒ಧೇಯಂ॒ ನ ಪ್ರ ಮಿ॑ನ‌ನ್ತಿ ವಿ॒ದಥೇ᳚ಷು॒ ಧೀರಾಃ᳚ || 3.28.4
ಅಗ್ನೇ᳚ ತೃ॒ತೀಯೇ॒ ಸವ॑ನೇ॒ ಹಿ ಕಾನಿ॑ಷಃ ಪುರೋ॒ಳಾಶಂ᳚ ಸಹಸಃ ಸೂನ॒ವಾಹು॑ತ‌ಮ್ |
ಅಥಾ᳚ ದೇ॒ವೇಷ್ವ॑ಧ್ವ॒ರಂ ವಿ॑ಪ॒ನ್ಯಯಾ॒ ಧಾ ರತ್ನ॑ವ‌ನ್ತಮ॒ಮೃತೇ᳚ಷು॒ ಜಾಗೃ॑ವಿ‌ಮ್ || 3.28.5
ಅಗ್ನೇ᳚ ವೃಧಾ॒ನ ಆಹು॑ತಿಂ ಪುರೋ॒ಳಾಶಂ᳚ ಜಾತವೇದಃ |
ಜು॒ಷಸ್ವ॑ ತಿ॒ರೋಅ᳚ಹ್ನ್ಯ‌ಮ್ || 3.28.6

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1-4, 6-16) ಪ್ರಥಮಾದಿಚತುರೃಚ, ಷಷ್ಠ್ಯಾಯೇಕಾದಶಾನಾಂಚಾಗ್ನಿಃ (5) ಪಂಚಮ್ಯಾಶ್ಚ ಅಗ್ನಿರೃತ್ವಿಜೋ ವಾ ದೇವತಾಃ (1, 4, 10, 12) ಪ್ರಥಮಾಚತುರ್ಥೀದಶಮೀದ್ವಾದಶೀನಾಮನುಷ್ಟಪ್(2, 3, 5, 7-9, 13, 16) ದ್ವಿತೀಯಾತೃತೀಯಯೋಃ ಪಂಚಮ್ಯಾಃ ಸಪ್ತಮ್ಯಾದಿತೃಚಸ್ಯ ತ್ರಯೋದಶೀಷೋಡಶ್ಯೋಶ್ಚ ತ್ರಿಷ್ಟುಪ್ (6, 11, 14, 15) ಷಷ್ಠ್ಯೇಕಾದಶೀಚತುರ್ದಶೀಪಂಚದಶೀನಾಂಚ ಜಗತೀ ಛಂದಾಂಸಿ

ಅಸ್ತೀ॒ದಮ॑ಧಿ॒ಮ‌ನ್ಥ॑ನ॒ಮಸ್ತಿ॑ ಪ್ರ॒ಜನ॑ನಂ ಕೃ॒ತ‌ಮ್ |
ಏ॒ತಾಂ ವಿ॒ಶ್ಪತ್ನೀ॒ಮಾ ಭ॑ರಾ॒ಗ್ನಿಂ ಮ᳚‌ನ್ಥಾಮ ಪೂ॒ರ್ವಥಾ᳚ || 3.29.1
ಅ॒ರಣ್ಯೋ॒ರ್ನಿಹಿ॑ತೋ ಜಾ॒ತವೇ᳚ದಾ॒ ಗರ್ಭ॑ ಇವ॒ ಸುಧಿ॑ತೋ ಗ॒ರ್ಭಿಣೀ᳚ಷು |
ದಿ॒ವೇದಿ॑ವ॒ ಈಡ್ಯೋ᳚ ಜಾಗೃ॒ವದ್ಭಿ॑ರ್ಹ॒ವಿಷ್ಮ॑ದ್ಭಿರ್ಮನು॒ಷ್ಯೇ᳚ಭಿರ॒ಗ್ನಿಃ || 3.29.2
ಉ॒ತ್ತಾ॒ನಾಯಾ॒ಮವ॑ ಭರಾ ಚಿಕಿ॒ತ್ವಾ‌‌ನ್ತ್ಸ॒ದ್ಯಃ ಪ್ರವೀ᳚ತಾ॒ ವೃಷ॑ಣಂ ಜಜಾನ |
ಅ॒ರು॒ಷಸ್ತೂ᳚ಪೋ॒ ರುಶ॑ದಸ್ಯ॒ ಪಾಜ॒ ಇಳಾ᳚ಯಾಸ್ಪು॒ತ್ರೋ ವ॒ಯುನೇ᳚ಽಜನಿಷ್ಟ || 3.29.3
ಇಳಾ᳚ಯಾಸ್ತ್ವಾ ಪ॒ದೇ ವ॒ಯಂ ನಾಭಾ᳚ ಪೃಥಿ॒ವ್ಯಾ ಅಧಿ॑ |
ಜಾತ॑ವೇದೋ॒ ನಿ ಧೀ᳚ಮ॒ಹ್ಯಗ್ನೇ᳚ ಹ॒ವ್ಯಾಯ॒ ವೋಳ್ಹ॑ವೇ || 3.29.4
ಮ‌ನ್ಥ॑ತಾ ನರಃ ಕ॒ವಿಮದ್ವ॑ಯ‌ನ್ತಂ॒ ಪ್ರಚೇ᳚ತಸಮ॒ಮೃತಂ᳚ ಸು॒ಪ್ರತೀ᳚ಕ‌ಮ್ |
ಯ॒ಜ್ಞಸ್ಯ॑ ಕೇ॒ತುಂ ಪ್ರ॑ಥ॒ಮಂ ಪು॒ರಸ್ತಾ᳚ದ॒ಗ್ನಿಂ ನ॑ರೋ ಜನಯತಾ ಸು॒ಶೇವ‌ಮ್᳚ || 3.29.5
ಯದೀ॒ ಮ‌ನ್ಥ᳚‌ನ್ತಿ ಬಾ॒ಹುಭಿ॒ರ್ವಿ ರೋ᳚ಚ॒ತೇಽಶ್ವೋ॒ ನ ವಾ॒ಜ್ಯ॑ರು॒ಷೋ ವನೇ॒ಷ್ವಾ |
ಚಿ॒ತ್ರೋ ನ ಯಾಮ᳚ನ್ನ॒ಶ್ವಿನೋ॒ರನಿ॑ವೃತಃ॒ ಪರಿ॑ ವೃಣ॒ಕ್ತ್ಯಶ್ಮ॑ನ॒ಸ್ತೃಣಾ॒ ದಹನ್॑ || 3.29.6
ಜಾ॒ತೋ ಅ॒ಗ್ನೀ ರೋ᳚ಚತೇ॒ ಚೇಕಿ॑ತಾನೋ ವಾ॒ಜೀ ವಿಪ್ರಃ॑ ಕವಿಶ॒ಸ್ತಃ ಸು॒ದಾನುಃ॑ |
ಯಂ ದೇ॒ವಾಸ॒ ಈಡ್ಯಂ᳚ ವಿಶ್ವ॒ವಿದಂ᳚ ಹವ್ಯ॒ವಾಹ॒ಮದ॑ಧುರಧ್ವ॒ರೇಷು॑ || 3.29.7
ಸೀದ॑ ಹೋತಃ॒ ಸ್ವ ಉ॑ ಲೋ॒ಕೇ ಚಿ॑ಕಿ॒ತ್ವಾ‌‌ನ್ತ್ಸಾ॒ದಯಾ᳚ ಯ॒ಜ್ಞಂ ಸು॑ಕೃ॒ತಸ್ಯ॒ ಯೋನೌ᳚ |
ದೇ॒ವಾ॒ವೀರ್ದೇ॒ವಾನ್ಹ॒ವಿಷಾ᳚ ಯಜಾ॒ಸ್ಯಗ್ನೇ᳚ ಬೃ॒ಹದ್ಯಜ॑ಮಾನೇ॒ ವಯೋ᳚ ಧಾಃ || 3.29.8
ಕೃ॒ಣೋತ॑ ಧೂ॒ಮಂ ವೃಷ॑ಣಂ ಸಖಾ॒ಯೋಽಸ್ರೇ᳚ಧ‌ನ್ತ ಇತನ॒ ವಾಜ॒ಮಚ್ಛ॑ |
ಅ॒ಯಮ॒ಗ್ನಿಃ ಪೃ॑ತನಾ॒ಷಾಟ್ ಸು॒ವೀರೋ॒ ಯೇನ॑ ದೇ॒ವಾಸೋ॒ ಅಸ॑ಹ‌ನ್ತ॒ ದಸ್ಯೂನ್॑ || 3.29.9
ಅ॒ಯಂ ತೇ॒ ಯೋನಿ॑ರ್‌ಋ॒ತ್ವಿಯೋ॒ ಯತೋ᳚ ಜಾ॒ತೋ ಅರೋ᳚ಚಥಾಃ |
ತಂ ಜಾ॒ನನ್ನ॑ಗ್ನ॒ ಆ ಸೀ॒ದಾಥಾ᳚ ನೋ ವರ್ಧಯಾ॒ ಗಿರಃ॑ || 3.29.10
ತನೂ॒ನಪಾ᳚ದುಚ್ಯತೇ॒ ಗರ್ಭ॑ ಆಸು॒ರೋ ನರಾ॒ಶಂಸೋ᳚ ಭವತಿ॒ ಯದ್ವಿ॒ಜಾಯ॑ತೇ |
ಮಾ॒ತ॒ರಿಶ್ವಾ॒ ಯದಮಿ॑ಮೀತ ಮಾ॒ತರಿ॒ ವಾತ॑ಸ್ಯ॒ ಸರ್ಗೋ᳚ ಅಭವ॒ತ್ಸರೀ᳚ಮಣಿ || 3.29.11
ಸು॒ನಿ॒ರ್ಮಥಾ॒ ನಿರ್ಮ॑ಥಿತಃ ಸುನಿ॒ಧಾ ನಿಹಿ॑ತಃ ಕ॒ವಿಃ |
ಅಗ್ನೇ᳚ ಸ್ವಧ್ವ॒ರಾ ಕೃ॑ಣು ದೇ॒ವಾಂದೇ᳚ವಯ॒ತೇ ಯ॑ಜ || 3.29.12
ಅಜೀ᳚ಜನನ್ನ॒ಮೃತಂ॒ ಮರ್ತ್ಯಾ᳚ಸೋಽಸ್ರೇ॒ಮಾಣಂ᳚ ತ॒ರಣಿಂ᳚ ವೀ॒ಳುಜಂ᳚ಭ‌ಮ್ |
ದಶ॒ ಸ್ವಸಾ᳚ರೋ ಅ॒ಗ್ರುವಃ॑ ಸಮೀ॒ಚೀಃ ಪುಮಾಂ᳚ಸಂ ಜಾ॒ತಮ॒ಭಿ ಸಂ ರ॑ಭ‌ನ್ತೇ || 3.29.13
ಪ್ರ ಸ॒ಪ್ತಹೋ᳚ತಾ ಸನ॒ಕಾದ॑ರೋಚತ ಮಾ॒ತುರು॒ಪಸ್ಥೇ॒ ಯದಶೋ᳚ಚ॒ದೂಧ॑ನಿ |
ನ ನಿ ಮಿ॑ಷತಿ ಸು॒ರಣೋ᳚ ದಿ॒ವೇದಿ॑ವೇ॒ ಯದಸು॑ರಸ್ಯ ಜ॒ಠರಾ॒ದಜಾ᳚ಯತ || 3.29.14
ಅ॒ಮಿ॒ತ್ರಾ॒ಯುಧೋ᳚ ಮ॒ರುತಾ᳚ಮಿವ ಪ್ರ॒ಯಾಃ ಪ್ರ॑ಥಮ॒ಜಾ ಬ್ರಹ್ಮ॑ಣೋ॒ ವಿಶ್ವ॒ಮಿದ್ವಿ॑ದುಃ |
ದ್ಯು॒ಮ್ನವ॒ದ್ಬ್ರಹ್ಮ॑ ಕುಶಿ॒ಕಾಸ॒ ಏರಿ॑ರ॒ ಏಕ॑ಏಕೋ॒ ದಮೇ᳚ ಅ॒ಗ್ನಿಂ ಸಮೀ᳚ಧಿರೇ || 3.29.15
ಯದ॒ದ್ಯ ತ್ವಾ᳚ ಪ್ರಯ॒ತಿ ಯ॒ಜ್ಞೇ ಅ॒ಸ್ಮಿನ್ಹೋತ॑ಶ್ಚಿಕಿ॒ತ್ವೋಽವೃ॑ಣೀಮಹೀ॒ಹ |
ಧ್ರು॒ವಮ॑ಯಾ ಧ್ರು॒ವಮು॒ತಾಶ॑ಮಿಷ್ಠಾಃ ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮ‌ಮ್᳚ || 3.29.16

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇ॒ಚ್ಛ‌ನ್ತಿ॑ ತ್ವಾ ಸೋ॒ಮ್ಯಾಸಃ॒ ಸಖಾ᳚ಯಃ ಸು॒ನ್ವ‌ನ್ತಿ॒ ಸೋಮಂ॒ ದಧ॑ತಿ॒ ಪ್ರಯಾಂ᳚ಸಿ |
ತಿತಿ॑ಕ್ಷ‌ನ್ತೇ ಅ॒ಭಿಶ॑ಸ್ತಿಂ॒ ಜನಾ᳚ನಾ॒ಮಿಂದ್ರ॒ ತ್ವದಾ ಕಶ್ಚ॒ನ ಹಿ ಪ್ರ॑ಕೇ॒ತಃ || 3.30.1
ನ ತೇ᳚ ದೂ॒ರೇ ಪ॑ರ॒ಮಾ ಚಿ॒ದ್ರಜಾಂ॒ಸ್ಯಾ ತು ಪ್ರ ಯಾ᳚ಹಿ ಹರಿವೋ॒ ಹರಿ॑ಭ್ಯಾ‌ಮ್ |
ಸ್ಥಿ॒ರಾಯ॒ ವೃಷ್ಣೇ॒ ಸವ॑ನಾ ಕೃ॒ತೇಮಾ ಯು॒ಕ್ತಾ ಗ್ರಾವಾ᳚ಣಃ ಸಮಿಧಾ॒ನೇ ಅ॒ಗ್ನೌ || 3.30.2
ಇಂದ್ರಃ॑ ಸು॒ಶಿಪ್ರೋ᳚ ಮ॒ಘವಾ॒ ತರು॑ತ್ರೋ ಮ॒ಹಾವ್ರಾ᳚ತಸ್ತುವಿಕೂ॒ರ್ಮಿರ್‌ಋಘಾ᳚ವಾನ್ |
ಯದು॒ಗ್ರೋ ಧಾ ಬಾ᳚ಧಿ॒ತೋ ಮರ್ತ್ಯೇ᳚ಷು॒ ಕ್ವ1॒॑ ತ್ಯಾ ತೇ᳚ ವೃಷಭ ವೀ॒ರ್ಯಾ᳚ಣಿ || 3.30.3
ತ್ವಂ ಹಿ ಷ್ಮಾ᳚ ಚ್ಯಾ॒ವಯ॒ನ್ನಚ್ಯು॑ತಾ॒ನ್ಯೇಕೋ᳚ ವೃ॒ತ್ರಾ ಚರ॑ಸಿ॒ ಜಿಘ್ನ॑ಮಾನಃ |
ತವ॒ ದ್ಯಾವಾ᳚ಪೃಥಿ॒ವೀ ಪರ್ವ॑ತಾ॒ಸೋಽನು᳚ ವ್ರ॒ತಾಯ॒ ನಿಮಿ॑ತೇವ ತಸ್ಥುಃ || 3.30.4
ಉ॒ತಾಭ॑ಯೇ ಪುರುಹೂತ॒ ಶ್ರವೋ᳚ಭಿ॒ರೇಕೋ᳚ ದೃ॒ಳ್ಹಮ॑ವದೋ ವೃತ್ರ॒ಹಾ ಸನ್ |
ಇ॒ಮೇ ಚಿ॑ದಿಂದ್ರ॒ ರೋದ॑ಸೀ ಅಪಾ॒ರೇ ಯತ್ಸಂ᳚ಗೃ॒ಭ್ಣಾ ಮ॑ಘವನ್ಕಾ॒ಶಿರಿತ್ತೇ᳚ || 3.30.5
ಪ್ರ ಸೂ ತ॑ ಇಂದ್ರ ಪ್ರ॒ವತಾ॒ ಹರಿ॑ಭ್ಯಾಂ॒ ಪ್ರ ತೇ॒ ವಜ್ರಃ॑ ಪ್ರಮೃ॒ಣನ್ನೇ᳚ತು॒ ಶತ್ರೂನ್॑ |
ಜ॒ಹಿ ಪ್ರ॑ತೀ॒ಚೋ ಅ॑ನೂ॒ಚಃ ಪರಾ᳚ಚೋ॒ ವಿಶ್ವಂ᳚ ಸ॒ತ್ಯಂ ಕೃ॑ಣುಹಿ ವಿ॒ಷ್ಟಮ॑ಸ್ತು || 3.30.6
ಯಸ್ಮೈ॒ ಧಾಯು॒ರದ॑ಧಾ॒ ಮರ್ತ್ಯಾ॒ಯಾಭ॑ಕ್ತಂ ಚಿದ್ಭಜತೇ ಗೇ॒ಹ್ಯ1॒॑ ಅಂಸಃ |
ಭ॒ದ್ರಾ ತ॑ ಇಂದ್ರ ಸುಮ॒ತಿರ್ಘೃ॒ತಾಚೀ᳚ ಸ॒ಹಸ್ರ॑ದಾನಾ ಪುರುಹೂತ ರಾ॒ತಿಃ || 3.30.7
ಸ॒ಹದಾ᳚ನುಂ ಪುರುಹೂತ ಕ್ಷಿ॒ಯ‌ನ್ತ॑ಮಹ॒ಸ್ತಮಿಂ᳚ದ್ರ॒ ಸಂ ಪಿ॑ಣ॒ಕ್ಕುಣಾ᳚ರು‌ಮ್ |
ಅ॒ಭಿ ವೃ॒ತ್ರಂ ವರ್ಧ॑ಮಾನಂ॒ ಪಿಯಾ᳚ರುಮ॒ಪಾದ॑ಮಿಂದ್ರ ತ॒ವಸಾ᳚ ಜಘ‌ನ್ಥ || 3.30.8
ನಿ ಸಾ᳚ಮ॒ನಾಮಿ॑ಷಿ॒ರಾಮಿಂ᳚ದ್ರ॒ ಭೂಮಿಂ᳚ ಮ॒ಹೀಮ॑ಪಾ॒ರಾಂ ಸದ॑ನೇ ಸಸತ್ಥ |
ಅಸ್ತ॑ಭ್ನಾ॒ದ್ದ್ಯಾಂ ವೃ॑ಷ॒ಭೋ ಅ॒‌ನ್ತರಿ॑ಕ್ಷ॒ಮರ್ಷ॒‌ನ್ತ್ವಾಪ॒ಸ್ತ್ವಯೇ॒ಹ ಪ್ರಸೂ᳚ತಾಃ || 3.30.9
ಅ॒ಲಾ॒ತೃ॒ಣೋ ವ॒ಲ ಇಂ᳚ದ್ರ ವ್ರ॒ಜೋ ಗೋಃ ಪು॒ರಾ ಹ‌ನ್ತೋ॒ರ್ಭಯ॑ಮಾನೋ॒ ವ್ಯಾ᳚ರ |
ಸು॒ಗಾನ್ಪ॒ಥೋ ಅ॑ಕೃಣೋನ್ನಿ॒ರಜೇ॒ ಗಾಃ ಪ್ರಾವ॒ನ್ವಾಣೀಃ᳚ ಪುರುಹೂ॒ತಂ ಧಮ᳚‌ನ್ತೀಃ || 3.30.10
ಏಕೋ॒ ದ್ವೇ ವಸು॑ಮತೀ ಸಮೀ॒ಚೀ ಇಂದ್ರ॒ ಆ ಪ॑ಪ್ರೌ ಪೃಥಿ॒ವೀಮು॒ತ ದ್ಯಾ‌ಮ್ |
ಉ॒ತಾ‌ನ್ತರಿ॑ಕ್ಷಾದ॒ಭಿ ನಃ॑ ಸಮೀ॒ಕ ಇ॒ಷೋ ರ॒ಥೀಃ ಸ॒ಯುಜಃ॑ ಶೂರ॒ ವಾಜಾನ್॑ || 3.30.11
ದಿಶಃ॒ ಸೂರ್ಯೋ॒ ನ ಮಿ॑ನಾತಿ॒ ಪ್ರದಿ॑ಷ್ಟಾ ದಿ॒ವೇದಿ॑ವೇ॒ ಹರ್ಯ॑ಶ್ವಪ್ರಸೂತಾಃ |
ಸಂ ಯದಾನ॒ಳಧ್ವ॑ನ॒ ಆದಿದಶ್ವೈ᳚ರ್ವಿ॒ಮೋಚ॑ನಂ ಕೃಣುತೇ॒ ತತ್ತ್ವ॑ಸ್ಯ || 3.30.12
ದಿದೃ॑ಕ್ಷ‌ನ್ತ ಉ॒ಷಸೋ॒ ಯಾಮ᳚ನ್ನ॒ಕ್ತೋರ್ವಿ॒ವಸ್ವ॑ತ್ಯಾ॒ ಮಹಿ॑ ಚಿ॒ತ್ರಮನೀ᳚ಕ‌ಮ್ |
ವಿಶ್ವೇ᳚ ಜಾನ‌ನ್ತಿ ಮಹಿ॒ನಾ ಯದಾಗಾ॒ದಿಂದ್ರ॑ಸ್ಯ॒ ಕರ್ಮ॒ ಸುಕೃ॑ತಾ ಪು॒ರೂಣಿ॑ || 3.30.13
ಮಹಿ॒ ಜ್ಯೋತಿ॒ರ್ನಿಹಿ॑ತಂ ವ॒ಕ್ಷಣಾ᳚ಸ್ವಾ॒ಮಾ ಪ॒ಕ್ವಂ ಚ॑ರತಿ॒ ಬಿಭ್ರ॑ತೀ॒ ಗೌಃ |
ವಿಶ್ವಂ॒ ಸ್ವಾದ್ಮ॒ ಸಂಭೃ॑ತಮು॒ಸ್ರಿಯಾ᳚ಯಾಂ॒ ಯತ್ಸೀ॒ಮಿಂದ್ರೋ॒ ಅದ॑ಧಾ॒ದ್ಭೋಜ॑ನಾಯ || 3.30.14
ಇಂದ್ರ॒ ದೃಹ್ಯ॑ ಯಾಮಕೋ॒ಶಾ ಅ॑ಭೂವನ್ಯ॒ಜ್ಞಾಯ॑ ಶಿಕ್ಷ ಗೃಣ॒ತೇ ಸಖಿ॑ಭ್ಯಃ |
ದು॒ರ್ಮಾ॒ಯವೋ᳚ ದು॒ರೇವಾ॒ ಮರ್ತ್ಯಾ᳚ಸೋ ನಿಷಂ॒ಗಿಣೋ᳚ ರಿ॒ಪವೋ॒ ಹ‌ನ್ತ್ವಾ᳚ಸಃ || 3.30.15
ಸಂ ಘೋಷಃ॑ ಶೃಣ್ವೇಽವ॒ಮೈರ॒ಮಿತ್ರೈ᳚ರ್ಜ॒ಹೀ ನ್ಯೇ᳚ಷ್ವ॒ಶನಿಂ॒ ತಪಿ॑ಷ್ಠಾ‌ಮ್ |
ವೃ॒ಶ್ಚೇಮ॒ಧಸ್ತಾ॒ದ್ವಿ ರು॑ಜಾ॒ ಸಹ॑ಸ್ವ ಜ॒ಹಿ ರಕ್ಷೋ᳚ ಮಘವನ್ರಂ॒ಧಯ॑ಸ್ವ || 3.30.16
ಉದ್ವೃ॑ಹ॒ ರಕ್ಷಃ॑ ಸ॒ಹಮೂ᳚ಲಮಿಂದ್ರ ವೃ॒ಶ್ಚಾ ಮಧ್ಯಂ॒ ಪ್ರತ್ಯಗ್ರಂ᳚ ಶೃಣೀಹಿ |
ಆ ಕೀವ॑ತಃ ಸಲ॒ಲೂಕಂ᳚ ಚಕರ್ಥ ಬ್ರಹ್ಮ॒ದ್ವಿಷೇ॒ ತಪು॑ಷಿಂ ಹೇ॒ತಿಮ॑ಸ್ಯ || 3.30.17
ಸ್ವ॒ಸ್ತಯೇ᳚ ವಾ॒ಜಿಭಿ॑ಶ್ಚ ಪ್ರಣೇತಃ॒ ಸಂ ಯನ್ಮ॒ಹೀರಿಷ॑ ಆ॒ಸತ್ಸಿ॑ ಪೂ॒ರ್ವೀಃ |
ರಾ॒ಯೋ ವ॒‌ನ್ತಾರೋ᳚ ಬೃಹ॒ತಃ ಸ್ಯಾ᳚ಮಾ॒ಸ್ಮೇ ಅ॑ಸ್ತು॒ ಭಗ॑ ಇಂದ್ರ ಪ್ರ॒ಜಾವಾನ್॑ || 3.30.18
ಆ ನೋ᳚ ಭರ॒ ಭಗ॑ಮಿಂದ್ರ ದ್ಯು॒ಮ‌ನ್ತಂ॒ ನಿ ತೇ᳚ ದೇ॒ಷ್ಣಸ್ಯ॑ ಧೀಮಹಿ ಪ್ರರೇ॒ಕೇ |
ಊ॒ರ್ವ ಇ॑ವ ಪಪ್ರಥೇ॒ ಕಾಮೋ᳚ ಅ॒ಸ್ಮೇ ತಮಾ ಪೃ॑ಣ ವಸುಪತೇ॒ ವಸೂ᳚ನಾ‌ಮ್ || 3.30.19
ಇ॒ಮಂ ಕಾಮಂ᳚ ಮಂದಯಾ॒ ಗೋಭಿ॒ರಶ್ವೈ᳚ಶ್ಚಂ॒ದ್ರವ॑ತಾ॒ ರಾಧ॑ಸಾ ಪ॒ಪ್ರಥ॑ಶ್ಚ |
ಸ್ವ॒ರ್ಯವೋ᳚ ಮ॒ತಿಭಿ॒ಸ್ತುಭ್ಯಂ॒ ವಿಪ್ರಾ॒ ಇಂದ್ರಾ᳚ಯ॒ ವಾಹಃ॑ ಕುಶಿ॒ಕಾಸೋ᳚ ಅಕ್ರನ್ || 3.30.20
ಆ ನೋ᳚ ಗೋ॒ತ್ರಾ ದ॑ರ್ದೃಹಿ ಗೋಪತೇ॒ ಗಾಃ ಸಮ॒ಸ್ಮಭ್ಯಂ᳚ ಸ॒ನಯೋ᳚ ಯ‌ನ್ತು॒ ವಾಜಾಃ᳚ |
ದಿ॒ವಕ್ಷಾ᳚ ಅಸಿ ವೃಷಭ ಸ॒ತ್ಯಶು॑ಷ್ಮೋ॒ಽಸ್ಮಭ್ಯಂ॒ ಸು ಮ॑ಘವನ್ಬೋಧಿ ಗೋ॒ದಾಃ || 3.30.21
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.30.22

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಐಷೀರಥಿಃ ಕಶಿಕೋ ವಾ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಶಾಸ॒ದ್ವಹ್ನಿ॑ರ್ದುಹಿ॒ತುರ್ನ॒ಪ್ತ್ಯಂ᳚ ಗಾದ್ವಿ॒ದ್ವಾಁ ಋ॒ತಸ್ಯ॒ ದೀಧಿ॑ತಿಂ ಸಪ॒ರ್ಯನ್ |
ಪಿ॒ತಾ ಯತ್ರ॑ ದುಹಿ॒ತುಃ ಸೇಕ॑ಮೃಂ॒ಜ‌‌ನ್ತ್ಸಂ ಶ॒ಗ್ಮ್ಯೇ᳚ನ॒ ಮನ॑ಸಾ ದಧ॒ನ್ವೇ || 3.31.1
ನ ಜಾ॒ಮಯೇ॒ ತಾನ್ವೋ᳚ ರಿ॒ಕ್ಥಮಾ᳚ರೈಕ್ಚ॒ಕಾರ॒ ಗರ್ಭಂ᳚ ಸನಿ॒ತುರ್ನಿ॒ಧಾನ‌ಮ್᳚ |
ಯದೀ᳚ ಮಾ॒ತರೋ᳚ ಜ॒ನಯ᳚‌ನ್ತ॒ ವಹ್ನಿ॑ಮ॒ನ್ಯಃ ಕ॒ರ್ತಾ ಸು॒ಕೃತೋ᳚ರ॒ನ್ಯ ಋಂ॒ಧನ್ || 3.31.2
ಅ॒ಗ್ನಿರ್ಜ॑ಜ್ಞೇ ಜು॒ಹ್ವಾ॒3॒॑ ರೇಜ॑ಮಾನೋ ಮ॒ಹಸ್ಪು॒ತ್ರಾಁ ಅ॑ರು॒ಷಸ್ಯ॑ ಪ್ರ॒ಯಕ್ಷೇ᳚ |
ಮ॒ಹಾನ್ಗರ್ಭೋ॒ ಮಹ್ಯಾ ಜಾ॒ತಮೇ᳚ಷಾಂ ಮ॒ಹೀ ಪ್ರ॒ವೃದ್ಧರ್ಯ॑ಶ್ವಸ್ಯ ಯ॒ಜ್ಞೈಃ || 3.31.3
ಅ॒ಭಿ ಜೈತ್ರೀ᳚ರಸಚ‌ನ್ತ ಸ್ಪೃಧಾ॒ನಂ ಮಹಿ॒ ಜ್ಯೋತಿ॒ಸ್ತಮ॑ಸೋ॒ ನಿರ॑ಜಾನನ್ |
ತಂ ಜಾ᳚ನ॒ತೀಃ ಪ್ರತ್ಯುದಾ᳚ಯನ್ನು॒ಷಾಸಃ॒ ಪತಿ॒ರ್ಗವಾ᳚ಮಭವ॒ದೇಕ॒ ಇಂದ್ರಃ॑ || 3.31.4
ವೀ॒ಳೌ ಸ॒ತೀರ॒ಭಿ ಧೀರಾ᳚ ಅತೃಂದನ್ಪ್ರಾ॒ಚಾಹಿ᳚ನ್ವ॒ನ್ಮನ॑ಸಾ ಸ॒ಪ್ತ ವಿಪ್ರಾಃ᳚ |
ವಿಶ್ವಾ᳚ಮವಿಂದನ್ಪ॒ಥ್ಯಾ᳚ಮೃ॒ತಸ್ಯ॑ ಪ್ರಜಾ॒ನನ್ನಿತ್ತಾ ನಮ॒ಸಾ ವಿ॑ವೇಶ || 3.31.5
ವಿ॒ದದ್ಯದೀ᳚ ಸ॒ರಮಾ᳚ ರು॒ಗ್ಣಮದ್ರೇ॒ರ್ಮಹಿ॒ ಪಾಥಃ॑ ಪೂ॒ರ್ವ್ಯಂ ಸ॒ಧ್ರ್ಯ॑ಕ್ಕಃ |
ಅಗ್ರಂ᳚ ನಯತ್ಸು॒ಪದ್ಯಕ್ಷ॑ರಾಣಾ॒ಮಚ್ಛಾ॒ ರವಂ᳚ ಪ್ರಥ॒ಮಾ ಜಾ᳚ನ॒ತೀ ಗಾ᳚ತ್ || 3.31.6
ಅಗ॑ಚ್ಛದು॒ ವಿಪ್ರ॑ತಮಃ ಸಖೀ॒ಯನ್ನಸೂ᳚ದಯತ್ಸು॒ಕೃತೇ॒ ಗರ್ಭ॒ಮದ್ರಿಃ॑ |
ಸ॒ಸಾನ॒ ಮರ್ಯೋ॒ ಯುವ॑ಭಿರ್ಮಖ॒ಸ್ಯನ್ನಥಾ᳚ಭವ॒ದಂಗಿ॑ರಾಃ ಸ॒ದ್ಯೋ ಅರ್ಚನ್॑ || 3.31.7
ಸ॒ತಃಸ॑ತಃ ಪ್ರತಿ॒ಮಾನಂ᳚ ಪುರೋ॒ಭೂರ್ವಿಶ್ವಾ᳚ ವೇದ॒ ಜನಿ॑ಮಾ॒ ಹ‌ನ್ತಿ॒ ಶುಷ್ಣ‌ಮ್᳚ |
ಪ್ರ ಣೋ᳚ ದಿ॒ವಃ ಪ॑ದ॒ವೀರ್ಗ॒ವ್ಯುರರ್ಚ॒‌‌ನ್ತ್ಸಖಾ॒ ಸಖೀಁ᳚ರಮುಂಚ॒ನ್ನಿರ॑ವ॒ದ್ಯಾತ್ || 3.31.8
ನಿ ಗ᳚ವ್ಯ॒ತಾ ಮನ॑ಸಾ ಸೇದುರ॒ರ್ಕೈಃ ಕೃ᳚ಣ್ವಾ॒ನಾಸೋ᳚ ಅಮೃತ॒ತ್ವಾಯ॑ ಗಾ॒ತು‌ಮ್ |
ಇ॒ದಂ ಚಿ॒ನ್ನು ಸದ॑ನಂ॒ ಭೂರ್ಯೇ᳚ಷಾಂ॒ ಯೇನ॒ ಮಾಸಾಁ॒ ಅಸಿ॑ಷಾಸನ್ನೃ॒ತೇನ॑ || 3.31.9
ಸಂ॒ಪಶ್ಯ॑ಮಾನಾ ಅಮದನ್ನ॒ಭಿ ಸ್ವಂ ಪಯಃ॑ ಪ್ರ॒ತ್ನಸ್ಯ॒ ರೇತ॑ಸೋ॒ ದುಘಾ᳚ನಾಃ |
ವಿ ರೋದ॑ಸೀ ಅತಪ॒ದ್ಘೋಷ॑ ಏಷಾಂ ಜಾ॒ತೇ ನಿ॒ಷ್ಠಾಮದ॑ಧು॒ರ್ಗೋಷು॑ ವೀ॒ರಾನ್ || 3.31.10
ಸ ಜಾ॒ತೇಭಿ᳚ರ್ವೃತ್ರ॒ಹಾ ಸೇದು॑ ಹ॒ವ್ಯೈರುದು॒ಸ್ರಿಯಾ᳚ ಅಸೃಜ॒ದಿಂದ್ರೋ᳚ ಅ॒ರ್ಕೈಃ |
ಉ॒ರೂ॒ಚ್ಯ॑ಸ್ಮೈ ಘೃ॒ತವ॒ದ್ಭರ᳚‌ನ್ತೀ॒ ಮಧು॒ ಸ್ವಾದ್ಮ॑ ದುದುಹೇ॒ ಜೇನ್ಯಾ॒ ಗೌಃ || 3.31.11
ಪಿ॒ತ್ರೇ ಚಿ॑ಚ್ಚಕ್ರುಃ॒ ಸದ॑ನಂ॒ ಸಮ॑ಸ್ಮೈ॒ ಮಹಿ॒ ತ್ವಿಷೀ᳚ಮತ್ಸು॒ಕೃತೋ॒ ವಿ ಹಿ ಖ್ಯನ್ |
ವಿ॒ಷ್ಕ॒ಭ್ನ‌ನ್ತಃ॒ ಸ್ಕಂಭ॑ನೇನಾ॒ ಜನಿ॑ತ್ರೀ॒ ಆಸೀ᳚ನಾ ಊ॒ರ್ಧ್ವಂ ರ॑ಭ॒ಸಂ ವಿ ಮಿ᳚ನ್ವನ್ || 3.31.12
ಮ॒ಹೀ ಯದಿ॑ ಧಿ॒ಷಣಾ᳚ ಶಿ॒ಶ್ನಥೇ॒ ಧಾತ್ಸ॑ದ್ಯೋ॒ವೃಧಂ᳚ ವಿ॒ಭ್ವ1॒॑ ಅಂರೋದ॑ಸ್ಯೋಃ |
ಗಿರೋ॒ ಯಸ್ಮಿ᳚ನ್ನನವ॒ದ್ಯಾಃ ಸ॑ಮೀ॒ಚೀರ್ವಿಶ್ವಾ॒ ಇಂದ್ರಾ᳚ಯ॒ ತವಿ॑ಷೀ॒ರನು॑ತ್ತಾಃ || 3.31.13
ಮಹ್ಯಾ ತೇ᳚ ಸ॒ಖ್ಯಂ ವ॑ಶ್ಮಿ ಶ॒ಕ್ತೀರಾ ವೃ॑ತ್ರ॒ಘ್ನೇ ನಿ॒ಯುತೋ᳚ ಯ‌ನ್ತಿ ಪೂ॒ರ್ವೀಃ |
ಮಹಿ॑ ಸ್ತೋ॒ತ್ರಮವ॒ ಆಗ᳚ನ್ಮ ಸೂ॒ರೇರ॒ಸ್ಮಾಕಂ॒ ಸು ಮ॑ಘವನ್ಬೋಧಿ ಗೋ॒ಪಾಃ || 3.31.14
ಮಹಿ॒ ಕ್ಷೇತ್ರಂ᳚ ಪು॒ರು ಶ್ಚಂ॒ದ್ರಂ ವಿ॑ವಿ॒ದ್ವಾನಾದಿತ್ಸಖಿ॑ಭ್ಯಶ್ಚ॒ರಥಂ॒ ಸಮೈ᳚ರತ್ |
ಇಂದ್ರೋ॒ ನೃಭಿ॑ರಜನ॒ದ್ದೀದ್ಯಾ᳚ನಃ ಸಾ॒ಕಂ ಸೂರ್ಯ॑ಮು॒ಷಸಂ᳚ ಗಾ॒ತುಮ॒ಗ್ನಿ‌ಮ್ || 3.31.15
ಅ॒ಪಶ್ಚಿ॑ದೇ॒ಷ ವಿ॒ಭ್ವೋ॒3॒॑ ದಮೂ᳚ನಾಃ॒ ಪ್ರ ಸ॒ಧ್ರೀಚೀ᳚ರಸೃಜದ್ವಿ॒ಶ್ವಶ್ಚಂ᳚ದ್ರಾಃ |
ಮಧ್ವಃ॑ ಪುನಾ॒ನಾಃ ಕ॒ವಿಭಿಃ॑ ಪ॒ವಿತ್ರೈ॒ರ್ದ್ಯುಭಿ॑ರ್ಹಿನ್ವ‌ನ್ತ್ಯ॒ಕ್ತುಭಿ॒ರ್ಧನು॑ತ್ರೀಃ || 3.31.16
ಅನು॑ ಕೃ॒ಷ್ಣೇ ವಸು॑ಧಿತೀ ಜಿಹಾತೇ ಉ॒ಭೇ ಸೂರ್ಯ॑ಸ್ಯ ಮಂ॒ಹನಾ॒ ಯಜ॑ತ್ರೇ |
ಪರಿ॒ ಯತ್ತೇ᳚ ಮಹಿ॒ಮಾನಂ᳚ ವೃ॒ಜಧ್ಯೈ॒ ಸಖಾ᳚ಯ ಇಂದ್ರ॒ ಕಾಮ್ಯಾ᳚ ಋಜಿ॒ಪ್ಯಾಃ || 3.31.17
ಪತಿ॑ರ್ಭವ ವೃತ್ರಹ‌‌ನ್ತ್ಸೂ॒ನೃತಾ᳚ನಾಂ ಗಿ॒ರಾಂ ವಿ॒ಶ್ವಾಯು᳚ರ್ವೃಷ॒ಭೋ ವ॑ಯೋ॒ಧಾಃ |
ಆ ನೋ᳚ ಗಹಿ ಸ॒ಖ್ಯೇಭಿಃ॑ ಶಿ॒ವೇಭಿ᳚ರ್ಮ॒ಹಾನ್ಮ॒ಹೀಭಿ॑ರೂ॒ತಿಭಿಃ॑ ಸರ॒ಣ್ಯನ್ || 3.31.18
ತಮಂ᳚ಗಿರ॒ಸ್ವನ್ನಮ॑ಸಾ ಸಪ॒ರ್ಯನ್ನವ್ಯಂ᳚ ಕೃಣೋಮಿ॒ ಸನ್ಯ॑ಸೇ ಪುರಾ॒ಜಾ‌ಮ್ |
ದ್ರುಹೋ॒ ವಿ ಯಾ᳚ಹಿ ಬಹು॒ಲಾ ಅದೇ᳚ವೀಃ॒ ಸ್ವ॑ಶ್ಚ ನೋ ಮಘವ‌‌ನ್ತ್ಸಾ॒ತಯೇ᳚ ಧಾಃ || 3.31.19
ಮಿಹಃ॑ ಪಾವ॒ಕಾಃ ಪ್ರತ॑ತಾ ಅಭೂವ‌‌ನ್ತ್ಸ್ವ॒ಸ್ತಿ ನಃ॑ ಪಿಪೃಹಿ ಪಾ॒ರಮಾ᳚ಸಾ‌ಮ್ |
ಇಂದ್ರ॒ ತ್ವಂ ರ॑ಥಿ॒ರಃ ಪಾ᳚ಹಿ ನೋ ರಿ॒ಷೋ ಮ॒ಕ್ಷೂಮ॑ಕ್ಷೂ ಕೃಣುಹಿ ಗೋ॒ಜಿತೋ᳚ ನಃ || 3.31.20
ಅದೇ᳚ದಿಷ್ಟ ವೃತ್ರ॒ಹಾ ಗೋಪ॑ತಿ॒ರ್ಗಾ ಅ॒‌ನ್ತಃ ಕೃ॒ಷ್ಣಾಁ ಅ॑ರು॒ಷೈರ್ಧಾಮ॑ಭಿರ್ಗಾತ್ |
ಪ್ರ ಸೂ॒ನೃತಾ᳚ ದಿ॒ಶಮಾ᳚ನ ಋ॒ತೇನ॒ ದುರ॑ಶ್ಚ॒ ವಿಶ್ವಾ᳚ ಅವೃಣೋ॒ದಪ॒ ಸ್ವಾಃ || 3.31.21
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.31.22

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರ॒ ಸೋಮಂ᳚ ಸೋಮಪತೇ॒ ಪಿಬೇ॒ಮಂ ಮಾಧ್ಯಂ᳚ದಿನಂ॒ ಸವ॑ನಂ॒ ಚಾರು॒ ಯತ್ತೇ᳚ |
ಪ್ರ॒ಪ್ರುಥ್ಯಾ॒ ಶಿಪ್ರೇ᳚ ಮಘವನ್ನೃಜೀಷಿನ್ವಿ॒ಮುಚ್ಯಾ॒ ಹರೀ᳚ ಇ॒ಹ ಮಾ᳚ದಯಸ್ವ || 3.32.1
ಗವಾ᳚ಶಿರಂ ಮ॒‌ನ್ಥಿನ॑ಮಿಂದ್ರ ಶು॒ಕ್ರಂ ಪಿಬಾ॒ ಸೋಮಂ᳚ ರರಿ॒ಮಾ ತೇ॒ ಮದಾ᳚ಯ |
ಬ್ರ॒ಹ್ಮ॒ಕೃತಾ॒ ಮಾರು॑ತೇನಾ ಗ॒ಣೇನ॑ ಸ॒ಜೋಷಾ᳚ ರು॒ದ್ರೈಸ್ತೃ॒ಪದಾ ವೃ॑ಷಸ್ವ || 3.32.2
ಯೇ ತೇ॒ ಶುಷ್ಮಂ॒ ಯೇ ತವಿ॑ಷೀ॒ಮವ॑ರ್ಧ॒ನ್ನರ್ಚ᳚‌ನ್ತ ಇಂದ್ರ ಮ॒ರುತ॑ಸ್ತ॒ ಓಜಃ॑ |
ಮಾಧ್ಯಂ᳚ದಿನೇ॒ ಸವ॑ನೇ ವಜ್ರಹಸ್ತ॒ ಪಿಬಾ᳚ ರು॒ದ್ರೇಭಿಃ॒ ಸಗ॑ಣಃ ಸುಶಿಪ್ರ || 3.32.3
ತ ಇನ್ನ್ವ॑ಸ್ಯ॒ ಮಧು॑ಮದ್ವಿವಿಪ್ರ॒ ಇಂದ್ರ॑ಸ್ಯ॒ ಶರ್ಧೋ᳚ ಮ॒ರುತೋ॒ ಯ ಆಸನ್॑ |
ಯೇಭಿ᳚ರ್ವೃ॒ತ್ರಸ್ಯೇ᳚ಷಿ॒ತೋ ವಿ॒ವೇದಾ᳚ಮ॒ರ್ಮಣೋ॒ ಮನ್ಯ॑ಮಾನಸ್ಯ॒ ಮರ್ಮ॑ || 3.32.4
ಮ॒ನು॒ಷ್ವದಿಂ᳚ದ್ರ॒ ಸವ॑ನಂ ಜುಷಾ॒ಣಃ ಪಿಬಾ॒ ಸೋಮಂ॒ ಶಶ್ವ॑ತೇ ವೀ॒ರ್ಯಾ᳚ಯ |
ಸ ಆ ವ॑ವೃತ್ಸ್ವ ಹರ್ಯಶ್ವ ಯ॒ಜ್ಞೈಃ ಸ॑ರ॒ಣ್ಯುಭಿ॑ರ॒ಪೋ ಅರ್ಣಾ᳚ ಸಿಸರ್ಷಿ || 3.32.5
ತ್ವಮ॒ಪೋ ಯದ್ಧ॑ ವೃ॒ತ್ರಂ ಜ॑ಘ॒ನ್ವಾಁ ಅತ್ಯಾಁ᳚ ಇವ॒ ಪ್ರಾಸೃ॑ಜಃ॒ ಸರ್ತ॒ವಾಜೌ |
ಶಯಾ᳚ನಮಿಂದ್ರ॒ ಚರ॑ತಾ ವ॒ಧೇನ॑ ವವ್ರಿ॒ವಾಂಸಂ॒ ಪರಿ॑ ದೇ॒ವೀರದೇ᳚ವ‌ಮ್ || 3.32.6
ಯಜಾ᳚ಮ॒ ಇನ್ನಮ॑ಸಾ ವೃ॒ದ್ಧಮಿಂದ್ರಂ᳚ ಬೃ॒ಹ‌ನ್ತ॑ಮೃ॒ಷ್ವಮ॒ಜರಂ॒ ಯುವಾ᳚ನ‌ಮ್ |
ಯಸ್ಯ॑ ಪ್ರಿ॒ಯೇ ಮ॒ಮತು᳚ರ್ಯ॒ಜ್ಞಿಯ॑ಸ್ಯ॒ ನ ರೋದ॑ಸೀ ಮಹಿ॒ಮಾನಂ᳚ ಮ॒ಮಾತೇ᳚ || 3.32.7
ಇಂದ್ರ॑ಸ್ಯ॒ ಕರ್ಮ॒ ಸುಕೃ॑ತಾ ಪು॒ರೂಣಿ᳚ ವ್ರ॒ತಾನಿ॑ ದೇ॒ವಾ ನ ಮಿ॑ನ‌ನ್ತಿ॒ ವಿಶ್ವೇ᳚ |
ದಾ॒ಧಾರ॒ ಯಃ ಪೃ॑ಥಿ॒ವೀಂ ದ್ಯಾಮು॒ತೇಮಾಂ ಜ॒ಜಾನ॒ ಸೂರ್ಯ॑ಮು॒ಷಸಂ᳚ ಸು॒ದಂಸಾಃ᳚ || 3.32.8
ಅದ್ರೋ᳚ಘ ಸ॒ತ್ಯಂ ತವ॒ ತನ್ಮ॑ಹಿ॒ತ್ವಂ ಸ॒ದ್ಯೋ ಯಜ್ಜಾ॒ತೋ ಅಪಿ॑ಬೋ ಹ॒ ಸೋಮ‌ಮ್᳚ |
ನ ದ್ಯಾವ॑ ಇಂದ್ರ ತ॒ವಸ॑ಸ್ತ॒ ಓಜೋ॒ ನಾಹಾ॒ ನ ಮಾಸಾಃ᳚ ಶ॒ರದೋ᳚ ವರ‌ನ್ತ || 3.32.9
ತ್ವಂ ಸ॒ದ್ಯೋ ಅ॑ಪಿಬೋ ಜಾ॒ತ ಇಂ᳚ದ್ರ॒ ಮದಾ᳚ಯ॒ ಸೋಮಂ᳚ ಪರ॒ಮೇ ವ್ಯೋ᳚ಮನ್ |
ಯದ್ಧ॒ ದ್ಯಾವಾ᳚ಪೃಥಿ॒ವೀ ಆವಿ॑ವೇಶೀ॒ರಥಾ᳚ಭವಃ ಪೂ॒ರ್ವ್ಯಃ ಕಾ॒ರುಧಾ᳚ಯಾಃ || 3.32.10
ಅಹ॒ನ್ನಹಿಂ᳚ ಪರಿ॒ಶಯಾ᳚ನ॒ಮರ್ಣ॑ ಓಜಾ॒ಯಮಾ᳚ನಂ ತುವಿಜಾತ॒ ತವ್ಯಾನ್॑ |
ನ ತೇ᳚ ಮಹಿ॒ತ್ವಮನು॑ ಭೂ॒ದಧ॒ ದ್ಯೌರ್ಯದ॒ನ್ಯಯಾ᳚ ಸ್ಫಿ॒ಗ್ಯಾ॒3॒॑ ಕ್ಷಾಮವ॑ಸ್ಥಾಃ || 3.32.11
ಯ॒ಜ್ಞೋ ಹಿ ತ॑ ಇಂದ್ರ॒ ವರ್ಧ॑ನೋ॒ ಭೂದು॒ತ ಪ್ರಿ॒ಯಃ ಸು॒ತಸೋ᳚ಮೋ ಮಿ॒ಯೇಧಃ॑ |
ಯ॒ಜ್ಞೇನ॑ ಯ॒ಜ್ಞಮ॑ವ ಯ॒ಜ್ಞಿಯಃ॒ ಸನ್ಯ॒ಜ್ಞಸ್ತೇ॒ ವಜ್ರ॑ಮಹಿ॒ಹತ್ಯ॑ ಆವತ್ || 3.32.12
ಯ॒ಜ್ಞೇನೇಂದ್ರ॒ಮವ॒ಸಾ ಚ॑ಕ್ರೇ ಅ॒ರ್ವಾಗೈನಂ᳚ ಸು॒ಮ್ನಾಯ॒ ನವ್ಯ॑ಸೇ ವವೃತ್ಯಾ‌ಮ್ |
ಯಃ ಸ್ತೋಮೇ᳚ಭಿರ್ವಾವೃ॒ಧೇ ಪೂ॒ರ್ವ್ಯೇಭಿ॒ರ್ಯೋ ಮ॑ಧ್ಯ॒ಮೇಭಿ॑ರು॒ತ ನೂತ॑ನೇಭಿಃ || 3.32.13
ವಿ॒ವೇಷ॒ ಯನ್ಮಾ᳚ ಧಿ॒ಷಣಾ᳚ ಜ॒ಜಾನ॒ ಸ್ತವೈ᳚ ಪು॒ರಾ ಪಾರ್ಯಾ॒ದಿಂದ್ರ॒ಮಹ್ನಃ॑ |
ಅಂಹ॑ಸೋ॒ ಯತ್ರ॑ ಪೀ॒ಪರ॒ದ್ಯಥಾ᳚ ನೋ ನಾ॒ವೇವ॒ ಯಾ‌ನ್ತ॑ಮು॒ಭಯೇ᳚ ಹವ‌ನ್ತೇ || 3.32.14
ಆಪೂ᳚ರ್ಣೋ ಅಸ್ಯ ಕ॒ಲಶಃ॒ ಸ್ವಾಹಾ॒ ಸೇಕ್ತೇ᳚ವ॒ ಕೋಶಂ᳚ ಸಿಸಿಚೇ॒ ಪಿಬ॑ಧ್ಯೈ |
ಸಮು॑ ಪ್ರಿ॒ಯಾ ಆವ॑ವೃತ್ರ॒ನ್ಮದಾ᳚ಯ ಪ್ರದಕ್ಷಿ॒ಣಿದ॒ಭಿ ಸೋಮಾ᳚ಸ॒ ಇಂದ್ರ‌ಮ್᳚ || 3.32.15
ನ ತ್ವಾ᳚ ಗಭೀ॒ರಃ ಪು॑ರುಹೂತ॒ ಸಿಂಧು॒ರ್ನಾದ್ರ॑ಯಃ॒ ಪರಿ॒ ಷ‌ನ್ತೋ᳚ ವರ‌ನ್ತ |
ಇ॒ತ್ಥಾ ಸಖಿ॑ಭ್ಯ ಇಷಿ॒ತೋ ಯದಿಂ॒ದ್ರಾ ದೃ॒ಳ್ಹಂ ಚಿ॒ದರು॑ಜೋ॒ ಗವ್ಯ॑ಮೂ॒ರ್ವ‌ಮ್ || 3.32.16
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.32.17

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ (1-3, 5, 7, 9, 11-13) ಪ್ರಥಮಾದಿತೃಚಸ್ಯ ಪಂಚಮೀಸಪ್ತಮೀನವಮ್ಯುಚಾಮೇಕಾದಶ್ಯಾದಿತೃಚಸ್ಯ ಚ ಗಾಥಿನೋ ವಿಶ್ವಾಮಿತ್ರ ಋಷಿಃ (4, 6, 8, 10) ಚತುರ್ಥೀಷಷ್ಠ್ಯಷ್ಟಮೀದಶಮೀನಾಂಚ ನದ್ಯ ಋಷಿಕಾಃ (1-3, 5, 9, 11-13) ಪ್ರಥಮಾದಿತೃಚಸ್ಯ ಪಂಚಮೀನವಮ್ಯೋರೃಚೋರೇಕಾದಶ್ಯಾದಿತೃಚಸ್ಯ ಚ ನದ್ಯಃ (4, 8, 10) ಚತುರ್ಥ್ಯಷ್ಟಮೀದಶಮೀನಾಂ ವಿಶ್ವಾಮಿತ್ರಃ (6, 7) ಷಷ್ಠೀಸಪ್ತಮ್ಯೋಶ್ಚೇಂದ್ರೋ ದೇವತಾಃ (1-12) ಪ್ರಥಮಾದಿದ್ವಾದಶಾ ತ್ರಿಷ್ಟುಪ್ (13) ತ್ರಯೋದಶ್ಯಾಶ್ಚಾನುಷ್ಟಪ್ ಛಂದಸೀ

ಪ್ರ ಪರ್ವ॑ತಾನಾಮುಶ॒ತೀ ಉ॒ಪಸ್ಥಾ॒ದಶ್ವೇ᳚ ಇವ॒ ವಿಷಿ॑ತೇ॒ ಹಾಸ॑ಮಾನೇ |
ಗಾವೇ᳚ವ ಶು॒ಭ್ರೇ ಮಾ॒ತರಾ᳚ ರಿಹಾ॒ಣೇ ವಿಪಾ᳚ಟ್ ಛುತು॒ದ್ರೀ ಪಯ॑ಸಾ ಜವೇತೇ || 3.33.1
ಇಂದ್ರೇ᳚ಷಿತೇ ಪ್ರಸ॒ವಂ ಭಿಕ್ಷ॑ಮಾಣೇ॒ ಅಚ್ಛಾ᳚ ಸಮು॒ದ್ರಂ ರ॒ಥ್ಯೇ᳚ವ ಯಾಥಃ |
ಸ॒ಮಾ॒ರಾ॒ಣೇ ಊ॒ರ್ಮಿಭಿಃ॒ ಪಿನ್ವ॑ಮಾನೇ ಅ॒ನ್ಯಾ ವಾ᳚ಮ॒ನ್ಯಾಮಪ್ಯೇ᳚ತಿ ಶುಭ್ರೇ || 3.33.2
ಅಚ್ಛಾ॒ ಸಿಂಧುಂ᳚ ಮಾ॒ತೃತ॑ಮಾಮಯಾಸಂ॒ ವಿಪಾ᳚ಶಮು॒ರ್ವೀಂ ಸು॒ಭಗಾ᳚ಮಗನ್ಮ |
ವ॒ತ್ಸಮಿ॑ವ ಮಾ॒ತರಾ᳚ ಸಂರಿಹಾ॒ಣೇ ಸ॑ಮಾ॒ನಂ ಯೋನಿ॒ಮನು॑ ಸಂ॒ಚರ᳚‌ನ್ತೀ || 3.33.3
ಏ॒ನಾ ವ॒ಯಂ ಪಯ॑ಸಾ॒ ಪಿನ್ವ॑ಮಾನಾ॒ ಅನು॒ ಯೋನಿಂ᳚ ದೇ॒ವಕೃ॑ತಂ॒ ಚರ᳚‌ನ್ತೀಃ |
ನ ವರ್ತ॑ವೇ ಪ್ರಸ॒ವಃ ಸರ್ಗ॑ತಕ್ತಃ ಕಿಂ॒ಯುರ್ವಿಪ್ರೋ᳚ ನ॒ದ್ಯೋ᳚ ಜೋಹವೀತಿ || 3.33.4
ರಮ॑ಧ್ವಂ ಮೇ॒ ವಚ॑ಸೇ ಸೋ॒ಮ್ಯಾಯ॒ ಋತಾ᳚ವರೀ॒ರುಪ॑ ಮುಹೂ॒ರ್ತಮೇವೈಃ᳚ |
ಪ್ರ ಸಿಂಧು॒ಮಚ್ಛಾ᳚ ಬೃಹ॒ತೀ ಮ॑ನೀ॒ಷಾವ॒ಸ್ಯುರ॑ಹ್ವೇ ಕುಶಿ॒ಕಸ್ಯ॑ ಸೂ॒ನುಃ || 3.33.5
ಇಂದ್ರೋ᳚ ಅ॒ಸ್ಮಾಁ ಅ॑ರದ॒ದ್ವಜ್ರ॑ಬಾಹು॒ರಪಾ᳚ಹನ್ವೃ॒ತ್ರಂ ಪ॑ರಿ॒ಧಿಂ ನ॒ದೀನಾ᳚‌ಮ್ |
ದೇ॒ವೋ᳚ಽನಯತ್ಸವಿ॒ತಾ ಸು॑ಪಾ॒ಣಿಸ್ತಸ್ಯ॑ ವ॒ಯಂ ಪ್ರ॑ಸ॒ವೇ ಯಾ᳚ಮ ಉ॒ರ್ವೀಃ || 3.33.6
ಪ್ರ॒ವಾಚ್ಯಂ᳚ ಶಶ್ವ॒ಧಾ ವೀ॒ರ್ಯ1॒॑ ಅಂತದಿಂದ್ರ॑ಸ್ಯ॒ ಕರ್ಮ॒ ಯದಹಿಂ᳚ ವಿವೃ॒ಶ್ಚತ್ |
ವಿ ವಜ್ರೇ᳚ಣ ಪರಿ॒ಷದೋ᳚ ಜಘಾ॒ನಾಯ॒ನ್ನಾಪೋಽಯ॑ನಮಿ॒ಚ್ಛಮಾ᳚ನಾಃ || 3.33.7
ಏ॒ತದ್ವಚೋ᳚ ಜರಿತ॒ರ್ಮಾಪಿ॑ ಮೃಷ್ಠಾ॒ ಆ ಯತ್ತೇ॒ ಘೋಷಾ॒ನುತ್ತ॑ರಾ ಯು॒ಗಾನಿ॑ |
ಉ॒ಕ್ಥೇಷು॑ ಕಾರೋ॒ ಪ್ರತಿ॑ ನೋ ಜುಷಸ್ವ॒ ಮಾ ನೋ॒ ನಿ ಕಃ॑ ಪುರುಷ॒ತ್ರಾ ನಮ॑ಸ್ತೇ || 3.33.8
ಓ ಷು ಸ್ವ॑ಸಾರಃ ಕಾ॒ರವೇ᳚ ಶೃಣೋತ ಯ॒ಯೌ ವೋ᳚ ದೂ॒ರಾದನ॑ಸಾ॒ ರಥೇ᳚ನ |
ನಿ ಷೂ ನ॑ಮಧ್ವಂ॒ ಭವ॑ತಾ ಸುಪಾ॒ರಾ ಅ॑ಧೋಅ॒ಕ್ಷಾಃ ಸಿಂ᳚ಧವಃ ಸ್ರೋ॒ತ್ಯಾಭಿಃ॑ || 3.33.9
ಆ ತೇ᳚ ಕಾರೋ ಶೃಣವಾಮಾ॒ ವಚಾಂ᳚ಸಿ ಯ॒ಯಾಥ॑ ದೂ॒ರಾದನ॑ಸಾ॒ ರಥೇ᳚ನ |
ನಿ ತೇ᳚ ನಂಸೈ ಪೀಪ್ಯಾ॒ನೇವ॒ ಯೋಷಾ॒ ಮರ್ಯಾ᳚ಯೇವ ಕ॒ನ್ಯಾ᳚ ಶಶ್ವ॒ಚೈ ತೇ᳚ || 3.33.10
ಯದಂ॒ಗ ತ್ವಾ᳚ ಭರ॒ತಾಃ ಸಂ॒ತರೇ᳚ಯುರ್ಗ॒ವ್ಯನ್ಗ್ರಾಮ॑ ಇಷಿ॒ತ ಇಂದ್ರ॑ಜೂತಃ |
ಅರ್ಷಾ॒ದಹ॑ ಪ್ರಸ॒ವಃ ಸರ್ಗ॑ತಕ್ತ॒ ಆ ವೋ᳚ ವೃಣೇ ಸುಮ॒ತಿಂ ಯ॒ಜ್ಞಿಯಾ᳚ನಾ‌ಮ್ || 3.33.11
ಅತಾ᳚ರಿಷುರ್ಭರ॒ತಾ ಗ॒ವ್ಯವಃ॒ ಸಮಭ॑ಕ್ತ॒ ವಿಪ್ರಃ॑ ಸುಮ॒ತಿಂ ನ॒ದೀನಾ᳚‌ಮ್ |
ಪ್ರ ಪಿ᳚ನ್ವಧ್ವಮಿ॒ಷಯ᳚‌ನ್ತೀಃ ಸು॒ರಾಧಾ॒ ಆ ವ॒ಕ್ಷಣಾಃ᳚ ಪೃ॒ಣಧ್ವಂ᳚ ಯಾ॒ತ ಶೀಭ‌ಮ್᳚ || 3.33.12
ಉದ್ವ॑ ಊ॒ರ್ಮಿಃ ಶಮ್ಯಾ᳚ ಹ॒‌ನ್ತ್ವಾಪೋ॒ ಯೋಕ್ತ್ರಾ᳚ಣಿ ಮುಂಚತ |
ಮಾದು॑ಷ್ಕೃತೌ॒ ವ್ಯೇ᳚ನಸಾ॒ಘ್ನ್ಯೌ ಶೂನ॒ಮಾರ॑ತಾ‌ಮ್ || 3.33.13

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರಃ॑ ಪೂ॒ರ್ಭಿದಾತಿ॑ರ॒ದ್ದಾಸ॑ಮ॒ರ್ಕೈರ್ವಿ॒ದದ್ವ॑ಸು॒ರ್ದಯ॑ಮಾನೋ॒ ವಿ ಶತ್ರೂನ್॑ |
ಬ್ರಹ್ಮ॑ಜೂತಸ್ತ॒ನ್ವಾ᳚ ವಾವೃಧಾ॒ನೋ ಭೂರಿ॑ದಾತ್ರ॒ ಆಪೃ॑ಣ॒ದ್ರೋದ॑ಸೀ ಉ॒ಭೇ || 3.34.1
ಮ॒ಖಸ್ಯ॑ ತೇ ತವಿ॒ಷಸ್ಯ॒ ಪ್ರ ಜೂ॒ತಿಮಿಯ᳚ರ್ಮಿ॒ ವಾಚ॑ಮ॒ಮೃತಾ᳚ಯ॒ ಭೂಷನ್॑ |
ಇಂದ್ರ॑ ಕ್ಷಿತೀ॒ನಾಮ॑ಸಿ॒ ಮಾನು॑ಷೀಣಾಂ ವಿ॒ಶಾಂ ದೈವೀ᳚ನಾಮು॒ತ ಪೂ᳚ರ್ವ॒ಯಾವಾ᳚ || 3.34.2
ಇಂದ್ರೋ᳚ ವೃ॒ತ್ರಮ॑ವೃಣೋ॒ಚ್ಛರ್ಧ॑ನೀತಿಃ॒ ಪ್ರ ಮಾ॒ಯಿನಾ᳚ಮಮಿನಾ॒ದ್ವರ್ಪ॑ಣೀತಿಃ |
ಅಹ॒ನ್ವ್ಯಂ᳚ಸಮು॒ಶಧ॒ಗ್ವನೇ᳚ಷ್ವಾ॒ವಿರ್ಧೇನಾ᳚ ಅಕೃಣೋದ್ರಾ॒ಮ್ಯಾಣಾ᳚‌ಮ್ || 3.34.3
ಇಂದ್ರಃ॑ ಸ್ವ॒ರ್ಷಾ ಜ॒ನಯ॒ನ್ನಹಾ᳚ನಿ ಜಿ॒ಗಾಯೋ॒ಶಿಗ್ಭಿಃ॒ ಪೃತ॑ನಾ ಅಭಿ॒ಷ್ಟಿಃ |
ಪ್ರಾರೋ᳚ಚಯ॒ನ್ಮನ॑ವೇ ಕೇ॒ತುಮಹ್ನಾ॒ಮವಿಂ᳚ದ॒ಜ್ಜ್ಯೋತಿ॑ರ್ಬೃಹ॒ತೇ ರಣಾ᳚ಯ || 3.34.4
ಇಂದ್ರ॒ಸ್ತುಜೋ᳚ ಬ॒ರ್ಹಣಾ॒ ಆ ವಿ॑ವೇಶ ನೃ॒ವದ್ದಧಾ᳚ನೋ॒ ನರ್ಯಾ᳚ ಪು॒ರೂಣಿ॑ |
ಅಚೇ᳚ತಯ॒ದ್ಧಿಯ॑ ಇ॒ಮಾ ಜ॑ರಿ॒ತ್ರೇ ಪ್ರೇಮಂ ವರ್ಣ॑ಮತಿರಚ್ಛು॒ಕ್ರಮಾ᳚ಸಾ‌ಮ್ || 3.34.5
ಮ॒ಹೋ ಮ॒ಹಾನಿ॑ ಪನಯ‌ನ್ತ್ಯ॒ಸ್ಯೇಂದ್ರ॑ಸ್ಯ॒ ಕರ್ಮ॒ ಸುಕೃ॑ತಾ ಪು॒ರೂಣಿ॑ |
ವೃ॒ಜನೇ᳚ನ ವೃಜಿ॒ನಾ‌‌ನ್ತ್ಸಂ ಪಿ॑ಪೇಷ ಮಾ॒ಯಾಭಿ॒ರ್ದಸ್ಯೂಁ᳚ರ॒ಭಿಭೂ᳚ತ್ಯೋಜಾಃ || 3.34.6
ಯು॒ಧೇಂದ್ರೋ᳚ ಮ॒ಹ್ನಾ ವರಿ॑ವಶ್ಚಕಾರ ದೇ॒ವೇಭ್ಯಃ॒ ಸತ್ಪ॑ತಿಶ್ಚರ್ಷಣಿ॒ಪ್ರಾಃ |
ವಿ॒ವಸ್ವ॑ತಃ॒ ಸದ॑ನೇ ಅಸ್ಯ॒ ತಾನಿ॒ ವಿಪ್ರಾ᳚ ಉ॒ಕ್ಥೇಭಿಃ॑ ಕ॒ವಯೋ᳚ ಗೃಣ‌ನ್ತಿ || 3.34.7
ಸ॒ತ್ರಾ॒ಸಾಹಂ॒ ವರೇ᳚ಣ್ಯಂ ಸಹೋ॒ದಾಂ ಸ॑ಸ॒ವಾಂಸಂ॒ ಸ್ವ॑ರ॒ಪಶ್ಚ॑ ದೇ॒ವೀಃ |
ಸ॒ಸಾನ॒ ಯಃ ಪೃ॑ಥಿ॒ವೀಂ ದ್ಯಾಮು॒ತೇಮಾಮಿಂದ್ರಂ᳚ ಮದ॒‌ನ್ತ್ಯನು॒ ಧೀರ॑ಣಾಸಃ || 3.34.8
ಸ॒ಸಾನಾತ್ಯಾಁ᳚ ಉ॒ತ ಸೂರ್ಯಂ᳚ ಸಸಾ॒ನೇಂದ್ರಃ॑ ಸಸಾನ ಪುರು॒ಭೋಜ॑ಸಂ॒ ಗಾ‌ಮ್ |
ಹಿ॒ರ॒ಣ್ಯಯ॑ಮು॒ತ ಭೋಗಂ᳚ ಸಸಾನ ಹ॒ತ್ವೀ ದಸ್ಯೂ॒ನ್ಪ್ರಾರ್ಯಂ॒ ವರ್ಣ॑ಮಾವತ್ || 3.34.9
ಇಂದ್ರ॒ ಓಷ॑ಧೀರಸನೋ॒ದಹಾ᳚ನಿ॒ ವನ॒ಸ್ಪತೀಁ᳚ರಸನೋದ॒‌ನ್ತರಿ॑ಕ್ಷ‌ಮ್ |
ಬಿ॒ಭೇದ॑ ವ॒ಲಂ ನು॑ನು॒ದೇ ವಿವಾ॒ಚೋಽಥಾ᳚ಭವದ್ದಮಿ॒ತಾಭಿಕ್ರ॑ತೂನಾ‌ಮ್ || 3.34.10
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.34.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ತಿಷ್ಠಾ॒ ಹರೀ॒ ರಥ॒ ಆ ಯು॒ಜ್ಯಮಾ᳚ನಾ ಯಾ॒ಹಿ ವಾ॒ಯುರ್ನ ನಿ॒ಯುತೋ᳚ ನೋ॒ ಅಚ್ಛ॑ |
ಪಿಬಾ॒ಸ್ಯಂಧೋ᳚ ಅ॒ಭಿಸೃ॑ಷ್ಟೋ ಅ॒ಸ್ಮೇ ಇಂದ್ರ॒ ಸ್ವಾಹಾ᳚ ರರಿ॒ಮಾ ತೇ॒ ಮದಾ᳚ಯ || 3.35.1
ಉಪಾ᳚ಜಿ॒ರಾ ಪು॑ರುಹೂ॒ತಾಯ॒ ಸಪ್ತೀ॒ ಹರೀ॒ ರಥ॑ಸ್ಯ ಧೂ॒ರ್ಷ್ವಾ ಯು॑ನಜ್ಮಿ |
ದ್ರ॒ವದ್ಯಥಾ॒ ಸಂಭೃ॑ತಂ ವಿ॒ಶ್ವತ॑ಶ್ಚಿ॒ದುಪೇ॒ಮಂ ಯ॒ಜ್ಞಮಾ ವ॑ಹಾತ॒ ಇಂದ್ರ‌ಮ್᳚ || 3.35.2
ಉಪೋ᳚ ನಯಸ್ವ॒ ವೃಷ॑ಣಾ ತಪು॒ಷ್ಪೋತೇಮ॑ವ॒ ತ್ವಂ ವೃ॑ಷಭ ಸ್ವಧಾವಃ |
ಗ್ರಸೇ᳚ತಾ॒ಮಶ್ವಾ॒ ವಿ ಮು॑ಚೇ॒ಹ ಶೋಣಾ᳚ ದಿ॒ವೇದಿ॑ವೇ ಸ॒ದೃಶೀ᳚ರದ್ಧಿ ಧಾ॒ನಾಃ || 3.35.3
ಬ್ರಹ್ಮ॑ಣಾ ತೇ ಬ್ರಹ್ಮ॒ಯುಜಾ᳚ ಯುನಜ್ಮಿ॒ ಹರೀ॒ ಸಖಾ᳚ಯಾ ಸಧ॒ಮಾದ॑ ಆ॒ಶೂ |
ಸ್ಥಿ॒ರಂ ರಥಂ᳚ ಸು॒ಖಮಿಂ᳚ದ್ರಾಧಿ॒ತಿಷ್ಠ᳚ನ್ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮ‌ಮ್᳚ || 3.35.4
ಮಾ ತೇ॒ ಹರೀ॒ ವೃಷ॑ಣಾ ವೀ॒ತಪೃ॑ಷ್ಠಾ॒ ನಿ ರೀ᳚ರಮ॒ನ್ಯಜ॑ಮಾನಾಸೋ ಅ॒ನ್ಯೇ |
ಅ॒ತ್ಯಾಯಾ᳚ಹಿ॒ ಶಶ್ವ॑ತೋ ವ॒ಯಂ ತೇಽರಂ᳚ ಸು॒ತೇಭಿಃ॑ ಕೃಣವಾಮ॒ ಸೋಮೈಃ᳚ || 3.35.5
ತವಾ॒ಯಂ ಸೋಮ॒ಸ್ತ್ವಮೇಹ್ಯ॒ರ್ವಾಙ್ಛ॑ಶ್ವತ್ತ॒ಮಂ ಸು॒ಮನಾ᳚ ಅ॒ಸ್ಯ ಪಾ᳚ಹಿ |
ಅ॒ಸ್ಮಿನ್ಯ॒ಜ್ಞೇ ಬ॒ರ್ಹಿಷ್ಯಾ ನಿ॒ಷದ್ಯಾ᳚ ದಧಿ॒ಷ್ವೇಮಂ ಜ॒ಠರ॒ ಇಂದು॑ಮಿಂದ್ರ || 3.35.6
ಸ್ತೀ॒ರ್ಣಂ ತೇ᳚ ಬ॒ರ್ಹಿಃ ಸು॒ತ ಇಂ᳚ದ್ರ॒ ಸೋಮಃ॑ ಕೃ॒ತಾ ಧಾ॒ನಾ ಅತ್ತ॑ವೇ ತೇ॒ ಹರಿ॑ಭ್ಯಾ‌ಮ್ |
ತದೋ᳚ಕಸೇ ಪುರು॒ಶಾಕಾ᳚ಯ॒ ವೃಷ್ಣೇ᳚ ಮ॒ರುತ್ವ॑ತೇ॒ ತುಭ್ಯಂ᳚ ರಾ॒ತಾ ಹ॒ವೀಂಷಿ॑ || 3.35.7
ಇ॒ಮಂ ನರಃ॒ ಪರ್ವ॑ತಾ॒ಸ್ತುಭ್ಯ॒ಮಾಪಃ॒ ಸಮಿಂ᳚ದ್ರ॒ ಗೋಭಿ॒ರ್ಮಧು॑ಮ‌ನ್ತಮಕ್ರನ್ |
ತಸ್ಯಾ॒ಗತ್ಯಾ᳚ ಸು॒ಮನಾ᳚ ಋಷ್ವ ಪಾಹಿ ಪ್ರಜಾ॒ನನ್ವಿ॒ದ್ವಾನ್ಪ॒ಥ್ಯಾ॒3॒॑ ಅನು॒ ಸ್ವಾಃ || 3.35.8
ಯಾಁ ಆಭ॑ಜೋ ಮ॒ರುತ॑ ಇಂದ್ರ॒ ಸೋಮೇ॒ ಯೇ ತ್ವಾಮವ॑ರ್ಧ॒ನ್ನಭ॑ವನ್ಗ॒ಣಸ್ತೇ᳚ |
ತೇಭಿ॑ರೇ॒ತಂ ಸ॒ಜೋಷಾ᳚ ವಾವಶಾ॒ನೋ॒3॒॑ಽಗ್ನೇಃ ಪಿ॑ಬ ಜಿ॒ಹ್ವಯಾ॒ ಸೋಮ॑ಮಿಂದ್ರ || 3.35.9
ಇಂದ್ರ॒ ಪಿಬ॑ ಸ್ವ॒ಧಯಾ᳚ ಚಿತ್ಸು॒ತಸ್ಯಾ॒ಗ್ನೇರ್ವಾ᳚ ಪಾಹಿ ಜಿ॒ಹ್ವಯಾ᳚ ಯಜತ್ರ |
ಅ॒ಧ್ವ॒ರ್ಯೋರ್ವಾ॒ ಪ್ರಯ॑ತಂ ಶಕ್ರ॒ ಹಸ್ತಾ॒ದ್ಧೋತು᳚ರ್ವಾ ಯ॒ಜ್ಞಂ ಹ॒ವಿಷೋ᳚ ಜುಷಸ್ವ || 3.35.10
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.35.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ (1-9, 11) ಪ್ರಥಮಾದಿನವರ್ಚಾಮಕ ದಿಶ್ಯಾಶ್ಚ ಗಾಥಿನೋ ವಿಶ್ವಾಮಿತ್ರಃ (10) ದಶಮ್ಯಾಶ್ಚಾಂಗಿರಸೋ ಘೋರ ಋಷೀ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇ॒ಮಾಮೂ॒ ಷು ಪ್ರಭೃ॑ತಿಂ ಸಾ॒ತಯೇ᳚ ಧಾಃ॒ ಶಶ್ವ॑ಚ್ಛಶ್ವದೂ॒ತಿಭಿ॒ರ್ಯಾದ॑ಮಾನಃ |
ಸು॒ತೇಸು॑ತೇ ವಾವೃಧೇ॒ ವರ್ಧ॑ನೇಭಿ॒ರ್ಯಃ ಕರ್ಮ॑ಭಿರ್ಮ॒ಹದ್ಭಿಃ॒ ಸುಶ್ರು॑ತೋ॒ ಭೂತ್ || 3.36.1
ಇಂದ್ರಾ᳚ಯ॒ ಸೋಮಾಃ᳚ ಪ್ರ॒ದಿವೋ॒ ವಿದಾ᳚ನಾ ಋ॒ಭುರ್ಯೇಭಿ॒ರ್ವೃಷ॑ಪರ್ವಾ॒ ವಿಹಾ᳚ಯಾಃ |
ಪ್ರ॒ಯ॒ಮ್ಯಮಾ᳚ನಾ॒ನ್ಪ್ರತಿ॒ ಷೂ ಗೃ॑ಭಾ॒ಯೇಂದ್ರ॒ ಪಿಬ॒ ವೃಷ॑ಧೂತಸ್ಯ॒ ವೃಷ್ಣಃ॑ || 3.36.2
ಪಿಬಾ॒ ವರ್ಧ॑ಸ್ವ॒ ತವ॑ ಘಾ ಸು॒ತಾಸ॒ ಇಂದ್ರ॒ ಸೋಮಾ᳚ಸಃ ಪ್ರಥ॒ಮಾ ಉ॒ತೇಮೇ |
ಯಥಾಪಿ॑ಬಃ ಪೂ॒ರ್ವ್ಯಾಁ ಇಂ᳚ದ್ರ॒ ಸೋಮಾಁ᳚ ಏ॒ವಾ ಪಾ᳚ಹಿ॒ ಪನ್ಯೋ᳚ ಅ॒ದ್ಯಾ ನವೀ᳚ಯಾನ್ || 3.36.3
ಮ॒ಹಾಁ ಅಮ॑ತ್ರೋ ವೃ॒ಜನೇ᳚ ವಿರ॒ಪ್ಶ್ಯು1॒॑ಗ್ರಂ ಶವಃ॑ ಪತ್ಯತೇ ಧೃ॒ಷ್ಣ್ವೋಜಃ॑ |
ನಾಹ॑ ವಿವ್ಯಾಚ ಪೃಥಿ॒ವೀ ಚ॒ನೈನಂ॒ ಯತ್ಸೋಮಾ᳚ಸೋ॒ ಹರ್ಯ॑ಶ್ವ॒ಮಮಂ᳚ದನ್ || 3.36.4
ಮ॒ಹಾಁ ಉ॒ಗ್ರೋ ವಾ᳚ವೃಧೇ ವೀ॒ರ್ಯಾ᳚ಯ ಸ॒ಮಾಚ॑ಕ್ರೇ ವೃಷ॒ಭಃ ಕಾವ್ಯೇ᳚ನ |
ಇಂದ್ರೋ॒ ಭಗೋ᳚ ವಾಜ॒ದಾ ಅ॑ಸ್ಯ॒ ಗಾವಃ॒ ಪ್ರ ಜಾ᳚ಯ‌ನ್ತೇ॒ ದಕ್ಷಿ॑ಣಾ ಅಸ್ಯ ಪೂ॒ರ್ವೀಃ || 3.36.5
ಪ್ರ ಯತ್ಸಿಂಧ॑ವಃ ಪ್ರಸ॒ವಂ ಯಥಾಯ॒ನ್ನಾಪಃ॑ ಸಮು॒ದ್ರಂ ರ॒ಥ್ಯೇ᳚ವ ಜಗ್ಮುಃ |
ಅತ॑ಶ್ಚಿ॒ದಿಂದ್ರಃ॒ ಸದ॑ಸೋ॒ ವರೀ᳚ಯಾ॒ನ್ಯದೀಂ॒ ಸೋಮಃ॑ ಪೃ॒ಣತಿ॑ ದು॒ಗ್ಧೋ ಅಂ॒ಶುಃ || 3.36.6
ಸ॒ಮು॒ದ್ರೇಣ॒ ಸಿಂಧ॑ವೋ॒ ಯಾದ॑ಮಾನಾ॒ ಇಂದ್ರಾ᳚ಯ॒ ಸೋಮಂ॒ ಸುಷು॑ತಂ॒ ಭರ᳚‌ನ್ತಃ |
ಅಂ॒ಶುಂ ದು॑ಹ‌ನ್ತಿ ಹ॒ಸ್ತಿನೋ᳚ ಭ॒ರಿತ್ರೈ॒ರ್ಮಧ್ವಃ॑ ಪುನ‌ನ್ತಿ॒ ಧಾರ॑ಯಾ ಪ॒ವಿತ್ರೈಃ᳚ || 3.36.7
ಹ್ರ॒ದಾ ಇ॑ವ ಕು॒ಕ್ಷಯಃ॑ ಸೋಮ॒ಧಾನಾಃ॒ ಸಮೀ᳚ ವಿವ್ಯಾಚ॒ ಸವ॑ನಾ ಪು॒ರೂಣಿ॑ |
ಅನ್ನಾ॒ ಯದಿಂದ್ರಃ॑ ಪ್ರಥ॒ಮಾ ವ್ಯಾಶ॑ ವೃ॒ತ್ರಂ ಜ॑ಘ॒ನ್ವಾಁ ಅ॑ವೃಣೀತ॒ ಸೋಮ‌ಮ್᳚ || 3.36.8
ಆ ತೂ ಭ॑ರ॒ ಮಾಕಿ॑ರೇ॒ತತ್ಪರಿ॑ ಷ್ಠಾದ್ವಿ॒ದ್ಮಾ ಹಿ ತ್ವಾ॒ ವಸು॑ಪತಿಂ॒ ವಸೂ᳚ನಾ‌ಮ್ |
ಇಂದ್ರ॒ ಯತ್ತೇ॒ ಮಾಹಿ॑ನಂ॒ ದತ್ರ॒ಮಸ್ತ್ಯ॒ಸ್ಮಭ್ಯಂ॒ ತದ್ಧ᳚ರ್ಯಶ್ವ॒ ಪ್ರ ಯಂ᳚ಧಿ || 3.36.9
ಅ॒ಸ್ಮೇ ಪ್ರ ಯಂ᳚ಧಿ ಮಘವನ್ನೃಜೀಷಿ॒ನ್ನಿಂದ್ರ॑ ರಾ॒ಯೋ ವಿ॒ಶ್ವವಾ᳚ರಸ್ಯ॒ ಭೂರೇಃ᳚ |
ಅ॒ಸ್ಮೇ ಶ॒ತಂ ಶ॒ರದೋ᳚ ಜೀ॒ವಸೇ᳚ ಧಾ ಅ॒ಸ್ಮೇ ವೀ॒ರಾಂಛಶ್ವ॑ತ ಇಂದ್ರ ಶಿಪ್ರಿನ್ || 3.36.10
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.36.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ (1-10) ಪ್ರಥಮಾದಿದಶೋಂ ಗಾಯತ್ರೀ (11) ಏಕಾದಶ್ಯಾಶ್ಚಾನುಷ್ಟಪ್ ಛಂದಸೀ

ವಾರ್ತ್ರ॑ಹತ್ಯಾಯ॒ ಶವ॑ಸೇ ಪೃತನಾ॒ಷಾಹ್ಯಾ᳚ಯ ಚ |
ಇಂದ್ರ॒ ತ್ವಾ ವ॑ರ್ತಯಾಮಸಿ || 3.37.1
ಅ॒ರ್ವಾ॒ಚೀನಂ॒ ಸು ತೇ॒ ಮನ॑ ಉ॒ತ ಚಕ್ಷುಃ॑ ಶತಕ್ರತೋ |
ಇಂದ್ರ॑ ಕೃ॒ಣ್ವ‌ನ್ತು॑ ವಾ॒ಘತಃ॑ || 3.37.2
ನಾಮಾ᳚ನಿ ತೇ ಶತಕ್ರತೋ॒ ವಿಶ್ವಾ᳚ಭಿರ್ಗೀ॒ರ್ಭಿರೀ᳚ಮಹೇ |
ಇಂದ್ರಾ᳚ಭಿಮಾತಿ॒ಷಾಹ್ಯೇ᳚ || 3.37.3
ಪು॒ರು॒ಷ್ಟು॒ತಸ್ಯ॒ ಧಾಮ॑ಭಿಃ ಶ॒ತೇನ॑ ಮಹಯಾಮಸಿ |
ಇಂದ್ರ॑ಸ್ಯ ಚರ್ಷಣೀ॒ಧೃತಃ॑ || 3.37.4
ಇಂದ್ರಂ᳚ ವೃ॒ತ್ರಾಯ॒ ಹ‌ನ್ತ॑ವೇ ಪುರುಹೂ॒ತಮುಪ॑ ಬ್ರುವೇ |
ಭರೇ᳚ಷು॒ ವಾಜ॑ಸಾತಯೇ || 3.37.5
ವಾಜೇ᳚ಷು ಸಾಸ॒ಹಿರ್ಭ॑ವ॒ ತ್ವಾಮೀ᳚ಮಹೇ ಶತಕ್ರತೋ |
ಇಂದ್ರ॑ ವೃ॒ತ್ರಾಯ॒ ಹ‌ನ್ತ॑ವೇ || 3.37.6
ದ್ಯು॒ಮ್ನೇಷು॑ ಪೃತ॒ನಾಜ್ಯೇ᳚ ಪೃತ್ಸು॒ತೂರ್ಷು॒ ಶ್ರವ॑ಸ್ಸು ಚ |
ಇಂದ್ರ॒ ಸಾಕ್ಷ್ವಾ॒ಭಿಮಾ᳚ತಿಷು || 3.37.7
ಶು॒ಷ್ಮಿ‌ನ್ತ॑ಮಂ ನ ಊ॒ತಯೇ᳚ ದ್ಯು॒ಮ್ನಿನಂ᳚ ಪಾಹಿ॒ ಜಾಗೃ॑ವಿ‌ಮ್ |
ಇಂದ್ರ॒ ಸೋಮಂ᳚ ಶತಕ್ರತೋ || 3.37.8
ಇಂ॒ದ್ರಿ॒ಯಾಣಿ॑ ಶತಕ್ರತೋ॒ ಯಾ ತೇ॒ ಜನೇ᳚ಷು ಪಂ॒ಚಸು॑ |
ಇಂದ್ರ॒ ತಾನಿ॑ ತ॒ ಆ ವೃ॑ಣೇ || 3.37.9
ಅಗ᳚ನ್ನಿಂದ್ರ॒ ಶ್ರವೋ᳚ ಬೃ॒ಹದ್ದ್ಯು॒ಮ್ನಂ ದ॑ಧಿಷ್ವ ದು॒ಷ್ಟರ‌ಮ್᳚ |
ಉತ್ತೇ॒ ಶುಷ್ಮಂ᳚ ತಿರಾಮಸಿ || 3.37.10
ಅ॒ರ್ವಾ॒ವತೋ᳚ ನ॒ ಆ ಗ॒ಹ್ಯಥೋ᳚ ಶಕ್ರ ಪರಾ॒ವತಃ॑ |
ಉ॒ ಲೋ॒ಕೋ ಯಸ್ತೇ᳚ ಅದ್ರಿವ॒ ಇಂದ್ರೇ॒ಹ ತತ॒ ಆ ಗ॑ಹಿ || 3.37.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿಃ ತಾವುಭೌ ವಾ ಗಾಥಿನೋ ವಿಶ್ವಾಮಿತ್ರೋ ವಾ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಅ॒ಭಿ ತಷ್ಟೇ᳚ವ ದೀಧಯಾ ಮನೀ॒ಷಾಮತ್ಯೋ॒ ನ ವಾ॒ಜೀ ಸು॒ಧುರೋ॒ ಜಿಹಾ᳚ನಃ |
ಅ॒ಭಿ ಪ್ರಿ॒ಯಾಣಿ॒ ಮರ್ಮೃ॑ಶ॒ತ್ಪರಾ᳚ಣಿ ಕ॒ವೀಁರಿ॑ಚ್ಛಾಮಿ ಸಂ॒ದೃಶೇ᳚ ಸುಮೇ॒ಧಾಃ || 3.38.1
ಇ॒ನೋತ ಪೃ॑ಚ್ಛ॒ ಜನಿ॑ಮಾ ಕವೀ॒ನಾಂ ಮ॑ನೋ॒ಧೃತಃ॑ ಸು॒ಕೃತ॑ಸ್ತಕ್ಷತ॒ ದ್ಯಾ‌ಮ್ |
ಇ॒ಮಾ ಉ॑ ತೇ ಪ್ರ॒ಣ್ಯೋ॒3॒॑ ವರ್ಧ॑ಮಾನಾ॒ ಮನೋ᳚ವಾತಾ॒ ಅಧ॒ ನು ಧರ್ಮ॑ಣಿ ಗ್ಮನ್ || 3.38.2
ನಿ ಷೀ॒ಮಿದತ್ರ॒ ಗುಹ್ಯಾ॒ ದಧಾ᳚ನಾ ಉ॒ತ ಕ್ಷ॒ತ್ರಾಯ॒ ರೋದ॑ಸೀ॒ ಸಮಂ᳚ಜನ್ |
ಸಂ ಮಾತ್ರಾ᳚ಭಿರ್ಮಮಿ॒ರೇ ಯೇ॒ಮುರು॒ರ್ವೀ ಅ॒‌ನ್ತರ್ಮ॒ಹೀ ಸಮೃ॑ತೇ॒ ಧಾಯ॑ಸೇ ಧುಃ || 3.38.3
ಆ॒ತಿಷ್ಠ᳚‌ನ್ತಂ॒ ಪರಿ॒ ವಿಶ್ವೇ᳚ ಅಭೂಷಂ॒ಛ್ರಿಯೋ॒ ವಸಾ᳚ನಶ್ಚರತಿ॒ ಸ್ವರೋ᳚ಚಿಃ |
ಮ॒ಹತ್ತದ್ವೃಷ್ಣೋ॒ ಅಸು॑ರಸ್ಯ॒ ನಾಮಾ ವಿ॒ಶ್ವರೂ᳚ಪೋ ಅ॒ಮೃತಾ᳚ನಿ ತಸ್ಥೌ || 3.38.4
ಅಸೂ᳚ತ॒ ಪೂರ್ವೋ᳚ ವೃಷ॒ಭೋ ಜ್ಯಾಯಾ᳚ನಿ॒ಮಾ ಅ॑ಸ್ಯ ಶು॒ರುಧಃ॑ ಸ‌ನ್ತಿ ಪೂ॒ರ್ವೀಃ |
ದಿವೋ᳚ ನಪಾತಾ ವಿ॒ದಥ॑ಸ್ಯ ಧೀ॒ಭಿಃ ಕ್ಷ॒ತ್ರಂ ರಾ᳚ಜಾನಾ ಪ್ರ॒ದಿವೋ᳚ ದಧಾಥೇ || 3.38.5
ತ್ರೀಣಿ॑ ರಾಜಾನಾ ವಿ॒ದಥೇ᳚ ಪು॒ರೂಣಿ॒ ಪರಿ॒ ವಿಶ್ವಾ᳚ನಿ ಭೂಷಥಃ॒ ಸದಾಂ᳚ಸಿ |
ಅಪ॑ಶ್ಯ॒ಮತ್ರ॒ ಮನ॑ಸಾ ಜಗ॒ನ್ವಾನ್ವ್ರ॒ತೇ ಗಂ᳚ಧ॒ರ್ವಾಁ ಅಪಿ॑ ವಾ॒ಯುಕೇ᳚ಶಾನ್ || 3.38.6
ತದಿನ್ನ್ವ॑ಸ್ಯ ವೃಷ॒ಭಸ್ಯ॑ ಧೇ॒ನೋರಾ ನಾಮ॑ಭಿರ್ಮಮಿರೇ॒ ಸಕ್ಮ್ಯಂ॒ ಗೋಃ |
ಅ॒ನ್ಯದ᳚ನ್ಯದಸು॒ರ್ಯ1॒॑ ಅಂವಸಾ᳚ನಾ॒ ನಿ ಮಾ॒ಯಿನೋ᳚ ಮಮಿರೇ ರೂ॒ಪಮ॑ಸ್ಮಿನ್ || 3.38.7
ತದಿನ್ನ್ವ॑ಸ್ಯ ಸವಿ॒ತುರ್ನಕಿ᳚ರ್ಮೇ ಹಿರ॒ಣ್ಯಯೀ᳚ಮ॒ಮತಿಂ॒ ಯಾಮಶಿ॑ಶ್ರೇತ್ |
ಆ ಸು॑ಷ್ಟು॒ತೀ ರೋದ॑ಸೀ ವಿಶ್ವಮಿ॒ನ್ವೇ ಅಪೀ᳚ವ॒ ಯೋಷಾ॒ ಜನಿ॑ಮಾನಿ ವವ್ರೇ || 3.38.8
ಯು॒ವಂ ಪ್ರ॒ತ್ನಸ್ಯ॑ ಸಾಧಥೋ ಮ॒ಹೋ ಯದ್ದೈವೀ᳚ ಸ್ವ॒ಸ್ತಿಃ ಪರಿ॑ ಣಃ ಸ್ಯಾತ‌ಮ್ |
ಗೋ॒ಪಾಜಿ॑ಹ್ವಸ್ಯ ತ॒ಸ್ಥುಷೋ॒ ವಿರೂ᳚ಪಾ॒ ವಿಶ್ವೇ᳚ ಪಶ್ಯ‌ನ್ತಿ ಮಾ॒ಯಿನಃ॑ ಕೃ॒ತಾನಿ॑ || 3.38.9
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.38.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರಂ᳚ ಮ॒ತಿರ್ಹೃ॒ದ ಆ ವ॒ಚ್ಯಮಾ॒ನಾಚ್ಛಾ॒ ಪತಿಂ॒ ಸ್ತೋಮ॑ತಷ್ಟಾ ಜಿಗಾತಿ |
ಯಾ ಜಾಗೃ॑ವಿರ್ವಿ॒ದಥೇ᳚ ಶ॒ಸ್ಯಮಾ॒ನೇಂದ್ರ॒ ಯತ್ತೇ॒ ಜಾಯ॑ತೇ ವಿ॒ದ್ಧಿ ತಸ್ಯ॑ || 3.39.1
ದಿ॒ವಶ್ಚಿ॒ದಾ ಪೂ॒ರ್ವ್ಯಾ ಜಾಯ॑ಮಾನಾ॒ ವಿ ಜಾಗೃ॑ವಿರ್ವಿ॒ದಥೇ᳚ ಶ॒ಸ್ಯಮಾ᳚ನಾ |
ಭ॒ದ್ರಾ ವಸ್ತ್ರಾ॒ಣ್ಯರ್ಜು॑ನಾ॒ ವಸಾ᳚ನಾ॒ ಸೇಯಮ॒ಸ್ಮೇ ಸ॑ನ॒ಜಾ ಪಿತ್ರ್ಯಾ॒ ಧೀಃ || 3.39.2
ಯ॒ಮಾ ಚಿ॒ದತ್ರ॑ ಯಮ॒ಸೂರ॑ಸೂತ ಜಿ॒ಹ್ವಾಯಾ॒ ಅಗ್ರಂ॒ ಪತ॒ದಾ ಹ್ಯಸ್ಥಾ᳚ತ್ |
ವಪೂಂ᳚ಷಿ ಜಾ॒ತಾ ಮಿ॑ಥು॒ನಾ ಸ॑ಚೇತೇ ತಮೋ॒ಹನಾ॒ ತಪು॑ಷೋ ಬು॒ಧ್ನ ಏತಾ᳚ || 3.39.3
ನಕಿ॑ರೇಷಾಂ ನಿಂದಿ॒ತಾ ಮರ್ತ್ಯೇ᳚ಷು॒ ಯೇ ಅ॒ಸ್ಮಾಕಂ᳚ ಪಿ॒ತರೋ॒ ಗೋಷು॑ ಯೋ॒ಧಾಃ |
ಇಂದ್ರ॑ ಏಷಾಂ ದೃಂಹಿ॒ತಾ ಮಾಹಿ॑ನಾವಾ॒ನುದ್ಗೋ॒ತ್ರಾಣಿ॑ ಸಸೃಜೇ ದಂ॒ಸನಾ᳚ವಾನ್ || 3.39.4
ಸಖಾ᳚ ಹ॒ ಯತ್ರ॒ ಸಖಿ॑ಭಿ॒ರ್ನವ॑ಗ್ವೈರಭಿ॒ಜ್ಞ್ವಾ ಸತ್ವ॑ಭಿ॒ರ್ಗಾ ಅ॑ನು॒ಗ್ಮನ್ |
ಸ॒ತ್ಯಂ ತದಿಂದ್ರೋ᳚ ದ॒ಶಭಿ॒ರ್ದಶ॑ಗ್ವೈಃ॒ ಸೂರ್ಯಂ᳚ ವಿವೇದ॒ ತಮ॑ಸಿ ಕ್ಷಿ॒ಯ‌ನ್ತ‌ಮ್᳚ || 3.39.5
ಇಂದ್ರೋ॒ ಮಧು॒ ಸಂಭೃ॑ತಮು॒ಸ್ರಿಯಾ᳚ಯಾಂ ಪ॒ದ್ವದ್ವಿ॑ವೇದ ಶ॒ಫವ॒ನ್ನಮೇ॒ ಗೋಃ |
ಗುಹಾ᳚ ಹಿ॒ತಂ ಗುಹ್ಯಂ᳚ ಗೂ॒ಳ್ಹಮ॒ಪ್ಸು ಹಸ್ತೇ᳚ ದಧೇ॒ ದಕ್ಷಿ॑ಣೇ॒ ದಕ್ಷಿ॑ಣಾವಾನ್ || 3.39.6
ಜ್ಯೋತಿ᳚ರ್ವೃಣೀತ॒ ತಮ॑ಸೋ ವಿಜಾ॒ನನ್ನಾ॒ರೇ ಸ್ಯಾ᳚ಮ ದುರಿ॒ತಾದ॒ಭೀಕೇ᳚ |
ಇ॒ಮಾ ಗಿರಃ॑ ಸೋಮಪಾಃ ಸೋಮವೃದ್ಧ ಜು॒ಷಸ್ವೇಂ᳚ದ್ರ ಪುರು॒ತಮ॑ಸ್ಯ ಕಾ॒ರೋಃ || 3.39.7
ಜ್ಯೋತಿ᳚ರ್ಯ॒ಜ್ಞಾಯ॒ ರೋದ॑ಸೀ॒ ಅನು॑ ಷ್ಯಾದಾ॒ರೇ ಸ್ಯಾ᳚ಮ ದುರಿ॒ತಸ್ಯ॒ ಭೂರೇಃ᳚ |
ಭೂರಿ॑ ಚಿ॒ದ್ಧಿ ತು॑ಜ॒ತೋ ಮರ್ತ್ಯ॑ಸ್ಯ ಸುಪಾ॒ರಾಸೋ᳚ ವಸವೋ ಬ॒ರ್ಹಣಾ᳚ವತ್ || 3.39.8
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.39.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಇಂದ್ರ॑ ತ್ವಾ ವೃಷ॒ಭಂ ವ॒ಯಂ ಸು॒ತೇ ಸೋಮೇ᳚ ಹವಾಮಹೇ |
ಸ ಪಾ᳚ಹಿ॒ ಮಧ್ವೋ॒ ಅಂಧ॑ಸಃ || 3.40.1
ಇಂದ್ರ॑ ಕ್ರತು॒ವಿದಂ᳚ ಸು॒ತಂ ಸೋಮಂ᳚ ಹರ್ಯ ಪುರುಷ್ಟುತ |
ಪಿಬಾ ವೃ॑ಷಸ್ವ॒ ತಾತೃ॑ಪಿ‌ಮ್ || 3.40.2
ಇಂದ್ರ॒ ಪ್ರ ಣೋ᳚ ಧಿ॒ತಾವಾ᳚ನಂ ಯ॒ಜ್ಞಂ ವಿಶ್ವೇ᳚ಭಿರ್ದೇ॒ವೇಭಿಃ॑ |
ತಿ॒ರ ಸ್ತ॑ವಾನ ವಿಶ್ಪತೇ || 3.40.3
ಇಂದ್ರ॒ ಸೋಮಾಃ᳚ ಸು॒ತಾ ಇ॒ಮೇ ತವ॒ ಪ್ರ ಯ᳚‌ನ್ತಿ ಸತ್ಪತೇ |
ಕ್ಷಯಂ᳚ ಚಂ॒ದ್ರಾಸ॒ ಇಂದ॑ವಃ || 3.40.4
ದ॒ಧಿ॒ಷ್ವಾ ಜ॒ಠರೇ᳚ ಸು॒ತಂ ಸೋಮ॑ಮಿಂದ್ರ॒ ವರೇ᳚ಣ್ಯ‌ಮ್ |
ತವ॑ ದ್ಯು॒ಕ್ಷಾಸ॒ ಇಂದ॑ವಃ || 3.40.5
ಗಿರ್ವ॑ಣಃ ಪಾ॒ಹಿ ನಃ॑ ಸು॒ತಂ ಮಧೋ॒ರ್ಧಾರಾ᳚ಭಿರಜ್ಯಸೇ |
ಇಂದ್ರ॒ ತ್ವಾದಾ᳚ತ॒ಮಿದ್ಯಶಃ॑ || 3.40.6
ಅ॒ಭಿ ದ್ಯು॒ಮ್ನಾನಿ॑ ವ॒ನಿನ॒ ಇಂದ್ರಂ᳚ ಸಚ‌ನ್ತೇ॒ ಅಕ್ಷಿ॑ತಾ |
ಪೀ॒ತ್ವೀ ಸೋಮ॑ಸ್ಯ ವಾವೃಧೇ || 3.40.7
ಅ॒ರ್ವಾ॒ವತೋ᳚ ನ॒ ಆ ಗ॑ಹಿ ಪರಾ॒ವತ॑ಶ್ಚ ವೃತ್ರಹನ್ |
ಇ॒ಮಾ ಜು॑ಷಸ್ವ ನೋ॒ ಗಿರಃ॑ || 3.40.8
ಯದ᳚‌ನ್ತ॒ರಾ ಪ॑ರಾ॒ವತ॑ಮರ್ವಾ॒ವತಂ᳚ ಚ ಹೂ॒ಯಸೇ᳚ |
ಇಂದ್ರೇ॒ಹ ತತ॒ ಆ ಗ॑ಹಿ || 3.40.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ಗಾಯತ್ರೀ ಛಂದಃ

ಆ ತೂ ನ॑ ಇಂದ್ರ ಮ॒ದ್ರ್ಯ॑ಗ್ಘುವಾ॒ನಃ ಸೋಮ॑ಪೀತಯೇ |
ಹರಿ॑ಭ್ಯಾಂ ಯಾಹ್ಯದ್ರಿವಃ || 3.41.1
ಸ॒ತ್ತೋ ಹೋತಾ᳚ ನ ಋ॒ತ್ವಿಯ॑ಸ್ತಿಸ್ತಿ॒ರೇ ಬ॒ರ್ಹಿರಾ᳚ನು॒ಷಕ್ |
ಅಯು॑ಜ್ರನ್ಪ್ರಾ॒ತರದ್ರ॑ಯಃ || 3.41.2
ಇ॒ಮಾ ಬ್ರಹ್ಮ॑ ಬ್ರಹ್ಮವಾಹಃ ಕ್ರಿ॒ಯ‌ನ್ತ॒ ಆ ಬ॒ರ್ಹಿಃ ಸೀ᳚ದ |
ವೀ॒ಹಿ ಶೂ᳚ರ ಪುರೋ॒ಳಾಶ‌ಮ್᳚ || 3.41.3
ರಾ॒ರಂ॒ಧಿ ಸವ॑ನೇಷು ಣ ಏ॒ಷು ಸ್ತೋಮೇ᳚ಷು ವೃತ್ರಹನ್ |
ಉ॒ಕ್ಥೇಷ್ವಿಂ᳚ದ್ರ ಗಿರ್ವಣಃ || 3.41.4
ಮ॒ತಯಃ॑ ಸೋಮ॒ಪಾಮು॒ರುಂ ರಿ॒ಹ‌ನ್ತಿ॒ ಶವ॑ಸ॒ಸ್ಪತಿ‌ಮ್᳚ |
ಇಂದ್ರಂ᳚ ವ॒ತ್ಸಂ ನ ಮಾ॒ತರಃ॑ || 3.41.5
ಸ ಮಂ᳚ದಸ್ವಾ॒ ಹ್ಯಂಧ॑ಸೋ॒ ರಾಧ॑ಸೇ ತ॒ನ್ವಾ᳚ ಮ॒ಹೇ |
ನ ಸ್ತೋ॒ತಾರಂ᳚ ನಿ॒ದೇ ಕ॑ರಃ || 3.41.6
ವ॒ಯಮಿಂ᳚ದ್ರ ತ್ವಾ॒ಯವೋ᳚ ಹ॒ವಿಷ್ಮ᳚‌ನ್ತೋ ಜರಾಮಹೇ |
ಉ॒ತ ತ್ವಮ॑ಸ್ಮ॒ಯುರ್ವ॑ಸೋ || 3.41.7
ಮಾರೇ ಅ॒ಸ್ಮದ್ವಿ ಮು॑ಮುಚೋ॒ ಹರಿ॑ಪ್ರಿಯಾ॒ರ್ವಾಙ್ಯಾ᳚ಹಿ |
ಇಂದ್ರ॑ ಸ್ವಧಾವೋ॒ ಮತ್ಸ್ವೇ॒ಹ || 3.41.8
ಅ॒ರ್ವಾಂಚಂ᳚ ತ್ವಾ ಸು॒ಖೇ ರಥೇ॒ ವಹ॑ತಾಮಿಂದ್ರ ಕೇ॒ಶಿನಾ᳚ |
ಘೃ॒ತಸ್ನೂ᳚ ಬ॒ರ್ಹಿರಾ॒ಸದೇ᳚ || 3.41.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ .ಗಾಯತ್ರೀ ಛಂದಃ

ಉಪ॑ ನಃ ಸು॒ತಮಾ ಗ॑ಹಿ॒ ಸೋಮ॑ಮಿಂದ್ರ॒ ಗವಾ᳚ಶಿರ‌ಮ್ |
ಹರಿ॑ಭ್ಯಾಂ॒ ಯಸ್ತೇ᳚ ಅಸ್ಮ॒ಯುಃ || 3.42.1
ತಮಿಂ᳚ದ್ರ॒ ಮದ॒ಮಾ ಗ॑ಹಿ ಬರ್ಹಿಃ॒ಷ್ಠಾಂ ಗ್ರಾವ॑ಭಿಃ ಸು॒ತ‌ಮ್ |
ಕು॒ವಿನ್ನ್ವ॑ಸ್ಯ ತೃ॒ಪ್ಣವಃ॑ || 3.42.2
ಇಂದ್ರ॑ಮಿ॒ತ್ಥಾ ಗಿರೋ॒ ಮಮಾಚ್ಛಾ᳚ಗುರಿಷಿ॒ತಾ ಇ॒ತಃ |
ಆ॒ವೃತೇ॒ ಸೋಮ॑ಪೀತಯೇ || 3.42.3
ಇಂದ್ರಂ॒ ಸೋಮ॑ಸ್ಯ ಪೀ॒ತಯೇ॒ ಸ್ತೋಮೈ᳚ರಿ॒ಹ ಹ॑ವಾಮಹೇ |
ಉ॒ಕ್ಥೇಭಿಃ॑ ಕು॒ವಿದಾ॒ಗಮ॑ತ್ || 3.42.4
ಇಂದ್ರ॒ ಸೋಮಾಃ᳚ ಸು॒ತಾ ಇ॒ಮೇ ತಾಂದ॑ಧಿಷ್ವ ಶತಕ್ರತೋ |
ಜ॒ಠರೇ᳚ ವಾಜಿನೀವಸೋ || 3.42.5
ವಿ॒ದ್ಮಾ ಹಿ ತ್ವಾ᳚ ಧನಂಜ॒ಯಂ ವಾಜೇ᳚ಷು ದಧೃ॒ಷಂ ಕ॑ವೇ |
ಅಧಾ᳚ ತೇ ಸು॒ಮ್ನಮೀ᳚ಮಹೇ || 3.42.6
ಇ॒ಮಮಿಂ᳚ದ್ರ॒ ಗವಾ᳚ಶಿರಂ॒ ಯವಾ᳚ಶಿರಂ ಚ ನಃ ಪಿಬ |
ಆ॒ಗತ್ಯಾ॒ ವೃಷ॑ಭಿಃ ಸು॒ತ‌ಮ್ || 3.42.7
ತುಭ್ಯೇದಿಂ᳚ದ್ರ॒ ಸ್ವ ಓ॒ಕ್ಯೇ॒3॒॑ ಸೋಮಂ᳚ ಚೋದಾಮಿ ಪೀ॒ತಯೇ᳚ |
ಏ॒ಷ ರಾ᳚ರ‌ನ್ತು ತೇ ಹೃ॒ದಿ || 3.42.8
ತ್ವಾಂ ಸು॒ತಸ್ಯ॑ ಪೀ॒ತಯೇ᳚ ಪ್ರ॒ತ್ನಮಿಂ᳚ದ್ರ ಹವಾಮಹೇ |
ಕು॒ಶಿ॒ಕಾಸೋ᳚ ಅವ॒ಸ್ಯವಃ॑ || 3.42.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಆ ಯಾ᳚ಹ್ಯ॒ರ್ವಾಙುಪ॑ ವಂಧುರೇ॒ಷ್ಠಾಸ್ತವೇದನು॑ ಪ್ರ॒ದಿವಃ॑ ಸೋಮ॒ಪೇಯ‌ಮ್᳚ |
ಪ್ರಿ॒ಯಾ ಸಖಾ᳚ಯಾ॒ ವಿ ಮು॒ಚೋಪ॑ ಬ॒ರ್ಹಿಸ್ತ್ವಾಮಿ॒ಮೇ ಹ᳚ವ್ಯ॒ವಾಹೋ᳚ ಹವ‌ನ್ತೇ || 3.43.1
ಆ ಯಾ᳚ಹಿ ಪೂ॒ರ್ವೀರತಿ॑ ಚರ್ಷ॒ಣೀರಾಁ ಅ॒ರ್ಯ ಆ॒ಶಿಷ॒ ಉಪ॑ ನೋ॒ ಹರಿ॑ಭ್ಯಾ‌ಮ್ |
ಇ॒ಮಾ ಹಿ ತ್ವಾ᳚ ಮ॒ತಯಃ॒ ಸ್ತೋಮ॑ತಷ್ಟಾ॒ ಇಂದ್ರ॒ ಹವ᳚‌ನ್ತೇ ಸ॒ಖ್ಯಂ ಜು॑ಷಾ॒ಣಾಃ || 3.43.2
ಆ ನೋ᳚ ಯ॒ಜ್ಞಂ ನ॑ಮೋ॒ವೃಧಂ᳚ ಸ॒ಜೋಷಾ॒ ಇಂದ್ರ॑ ದೇವ॒ ಹರಿ॑ಭಿರ್ಯಾಹಿ॒ ತೂಯ‌ಮ್᳚ |
ಅ॒ಹಂ ಹಿ ತ್ವಾ᳚ ಮ॒ತಿಭಿ॒ರ್ಜೋಹ॑ವೀಮಿ ಘೃ॒ತಪ್ರ॑ಯಾಃ ಸಧ॒ಮಾದೇ॒ ಮಧೂ᳚ನಾ‌ಮ್ || 3.43.3
ಆ ಚ॒ ತ್ವಾಮೇ॒ತಾ ವೃಷ॑ಣಾ॒ ವಹಾ᳚ತೋ॒ ಹರೀ॒ ಸಖಾ᳚ಯಾ ಸು॒ಧುರಾ॒ ಸ್ವಂಗಾ᳚ |
ಧಾ॒ನಾವ॒ದಿಂದ್ರಃ॒ ಸವ॑ನಂ ಜುಷಾ॒ಣಃ ಸಖಾ॒ ಸಖ್ಯುಃ॑ ಶೃಣವ॒ದ್ವಂದ॑ನಾನಿ || 3.43.4
ಕು॒ವಿನ್ಮಾ᳚ ಗೋ॒ಪಾಂ ಕರ॑ಸೇ॒ ಜನ॑ಸ್ಯ ಕು॒ವಿದ್ರಾಜಾ᳚ನಂ ಮಘವನ್ನೃಜೀಷಿನ್ |
ಕು॒ವಿನ್ಮ॒ ಋಷಿಂ᳚ ಪಪಿ॒ವಾಂಸಂ᳚ ಸು॒ತಸ್ಯ॑ ಕು॒ವಿನ್ಮೇ॒ ವಸ್ವೋ᳚ ಅ॒ಮೃತ॑ಸ್ಯ॒ ಶಿಕ್ಷಾಃ᳚ || 3.43.5
ಆ ತ್ವಾ᳚ ಬೃ॒ಹ‌ನ್ತೋ॒ ಹರ॑ಯೋ ಯುಜಾ॒ನಾ ಅ॒ರ್ವಾಗಿಂ᳚ದ್ರ ಸಧ॒ಮಾದೋ᳚ ವಹ‌ನ್ತು |
ಪ್ರ ಯೇ ದ್ವಿ॒ತಾ ದಿ॒ವ ಋಂ॒ಜ‌ನ್ತ್ಯಾತಾಃ॒ ಸುಸ᳚ಮ್ಮೃಷ್ಟಾಸೋ ವೃಷ॒ಭಸ್ಯ॑ ಮೂ॒ರಾಃ || 3.43.6
ಇಂದ್ರ॒ ಪಿಬ॒ ವೃಷ॑ಧೂತಸ್ಯ॒ ವೃಷ್ಣ॒ ಆ ಯಂ ತೇ᳚ ಶ್ಯೇ॒ನ ಉ॑ಶ॒ತೇ ಜ॒ಭಾರ॑ |
ಯಸ್ಯ॒ ಮದೇ᳚ ಚ್ಯಾ॒ವಯ॑ಸಿ॒ ಪ್ರ ಕೃ॒ಷ್ಟೀರ್ಯಸ್ಯ॒ ಮದೇ॒ ಅಪ॑ ಗೋ॒ತ್ರಾ ವ॒ವರ್ಥ॑ || 3.43.7
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.43.8

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ಬೃಹತೀ ಛಂದಃ

ಅ॒ಯಂ ತೇ᳚ ಅಸ್ತು ಹರ್ಯ॒ತಃ ಸೋಮ॒ ಆ ಹರಿ॑ಭಿಃ ಸು॒ತಃ |
ಜು॒ಷಾ॒ಣ ಇಂ᳚ದ್ರ॒ ಹರಿ॑ಭಿರ್ನ॒ ಆ ಗ॒ಹ್ಯಾ ತಿ॑ಷ್ಠ॒ ಹರಿ॑ತಂ॒ ರಥ‌ಮ್᳚ || 3.44.1
ಹ॒ರ್ಯನ್ನು॒ಷಸ॑ಮರ್ಚಯಃ॒ ಸೂರ್ಯಂ᳚ ಹ॒ರ್ಯನ್ನ॑ರೋಚಯಃ |
ವಿ॒ದ್ವಾಁಶ್ಚಿ॑ಕಿ॒ತ್ವಾನ್ಹ᳚ರ್ಯಶ್ವ ವರ್ಧಸ॒ ಇಂದ್ರ॒ ವಿಶ್ವಾ᳚ ಅ॒ಭಿ ಶ್ರಿಯಃ॑ || 3.44.2
ದ್ಯಾಮಿಂದ್ರೋ॒ ಹರಿ॑ಧಾಯಸಂ ಪೃಥಿ॒ವೀಂ ಹರಿ॑ವರ್ಪಸ‌ಮ್ |
ಅಧಾ᳚ರಯದ್ಧ॒ರಿತೋ॒ರ್ಭೂರಿ॒ ಭೋಜ॑ನಂ॒ ಯಯೋ᳚ರ॒‌ನ್ತರ್ಹರಿ॒ಶ್ಚರ॑ತ್ || 3.44.3
ಜ॒ಜ್ಞಾ॒ನೋ ಹರಿ॑ತೋ॒ ವೃಷಾ॒ ವಿಶ್ವ॒ಮಾ ಭಾ᳚ತಿ ರೋಚ॒ನ‌ಮ್ |
ಹರ್ಯ॑ಶ್ವೋ॒ ಹರಿ॑ತಂ ಧತ್ತ॒ ಆಯು॑ಧ॒ಮಾ ವಜ್ರಂ᳚ ಬಾ॒ಹ್ವೋರ್ಹರಿ‌ಮ್᳚ || 3.44.4
ಇಂದ್ರೋ᳚ ಹ॒ರ್ಯ‌ನ್ತ॒ಮರ್ಜು॑ನಂ॒ ವಜ್ರಂ᳚ ಶು॒ಕ್ರೈರ॒ಭೀವೃ॑ತ‌ಮ್ |
ಅಪಾ᳚ವೃಣೋ॒ದ್ಧರಿ॑ಭಿ॒ರದ್ರಿ॑ಭಿಃ ಸು॒ತಮುದ್ಗಾ ಹರಿ॑ಭಿರಾಜತ || 3.44.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ಬೃಹತೀ ಛಂದಃ

ಆ ಮಂ॒ದ್ರೈರಿಂ᳚ದ್ರ॒ ಹರಿ॑ಭಿರ್ಯಾ॒ಹಿ ಮ॒ಯೂರ॑ರೋಮಭಿಃ |
ಮಾ ತ್ವಾ॒ ಕೇ ಚಿ॒ನ್ನಿ ಯ॑ಮ॒ನ್ವಿಂ ನ ಪಾ॒ಶಿನೋಽತಿ॒ ಧನ್ವೇ᳚ವ॒ ತಾಁ ಇ॑ಹಿ || 3.45.1
ವೃ॒ತ್ರ॒ಖಾ॒ದೋ ವ॑ಲಂರು॒ಜಃ ಪು॒ರಾಂ ದ॒ರ್ಮೋ ಅ॒ಪಾಮ॒ಜಃ |
ಸ್ಥಾತಾ॒ ರಥ॑ಸ್ಯ॒ ಹರ್ಯೋ᳚ರಭಿಸ್ವ॒ರ ಇಂದ್ರೋ᳚ ದೃ॒ಳ್ಹಾ ಚಿ॑ದಾರು॒ಜಃ || 3.45.2
ಗಂ॒ಭೀ॒ರಾಁ ಉ॑ದ॒ಧೀಁರಿ॑ವ॒ ಕ್ರತುಂ᳚ ಪುಷ್ಯಸಿ॒ ಗಾ ಇ॑ವ |
ಪ್ರ ಸು॑ಗೋ॒ಪಾ ಯವ॑ಸಂ ಧೇ॒ನವೋ᳚ ಯಥಾ ಹ್ರ॒ದಂ ಕು॒ಲ್ಯಾ ಇ॑ವಾಶತ || 3.45.3
ಆ ನ॒ಸ್ತುಜಂ᳚ ರ॒ಯಿಂ ಭ॒ರಾಂಶಂ॒ ನ ಪ್ರ॑ತಿಜಾನ॒ತೇ |
ವೃ॒ಕ್ಷಂ ಪ॒ಕ್ವಂ ಫಲ॑ಮಂ॒ಕೀವ॑ ಧೂನು॒ಹೀಂದ್ರ॑ ಸಂ॒ಪಾರ॑ಣಂ॒ ವಸು॑ || 3.45.4
ಸ್ವ॒ಯುರಿಂ᳚ದ್ರ ಸ್ವ॒ರಾಳ॑ಸಿ॒ ಸ್ಮದ್ದಿ॑ಷ್ಟಿಃ॒ ಸ್ವಯ॑ಶಸ್ತರಃ |
ಸ ವಾ᳚ವೃಧಾ॒ನ ಓಜ॑ಸಾ ಪುರುಷ್ಟುತ॒ ಭವಾ᳚ ನಃ ಸು॒ಶ್ರವ॑ಸ್ತಮಃ || 3.45.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಯು॒ಧ್ಮಸ್ಯ॑ ತೇ ವೃಷ॒ಭಸ್ಯ॑ ಸ್ವ॒ರಾಜ॑ ಉ॒ಗ್ರಸ್ಯ॒ ಯೂನಃ॒ ಸ್ಥವಿ॑ರಸ್ಯ॒ ಘೃಷ್ವೇಃ᳚ |
ಅಜೂ᳚ರ್ಯತೋ ವ॒ಜ್ರಿಣೋ᳚ ವೀ॒ರ್ಯಾ॒3॒॑ಣೀಂದ್ರ॑ ಶ್ರು॒ತಸ್ಯ॑ ಮಹ॒ತೋ ಮ॒ಹಾನಿ॑ || 3.46.1
ಮ॒ಹಾಁ ಅ॑ಸಿ ಮಹಿಷ॒ ವೃಷ್ಣ್ಯೇ᳚ಭಿರ್ಧನ॒ಸ್ಪೃದು॑ಗ್ರ॒ ಸಹ॑ಮಾನೋ ಅ॒ನ್ಯಾನ್ |
ಏಕೋ॒ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ॒ ಸ ಯೋ॒ಧಯಾ᳚ ಚ ಕ್ಷ॒ಯಯಾ᳚ ಚ॒ ಜನಾನ್॑ || 3.46.2
ಪ್ರ ಮಾತ್ರಾ᳚ಭೀ ರಿರಿಚೇ॒ ರೋಚ॑ಮಾನಃ॒ ಪ್ರ ದೇ॒ವೇಭಿ᳚ರ್ವಿ॒ಶ್ವತೋ॒ ಅಪ್ರ॑ತೀತಃ |
ಪ್ರ ಮ॒ಜ್ಮನಾ᳚ ದಿ॒ವ ಇಂದ್ರಃ॑ ಪೃಥಿ॒ವ್ಯಾಃ ಪ್ರೋರೋರ್ಮ॒ಹೋ ಅ॒‌ನ್ತರಿ॑ಕ್ಷಾದೃಜೀ॒ಷೀ || 3.46.3
ಉ॒ರುಂ ಗ॑ಭೀ॒ರಂ ಜ॒ನುಷಾ॒ಭ್ಯು1॒॑ಗ್ರಂ ವಿ॒ಶ್ವವ್ಯ॑ಚಸಮವ॒ತಂ ಮ॑ತೀ॒ನಾ‌ಮ್ |
ಇಂದ್ರಂ॒ ಸೋಮಾ᳚ಸಃ ಪ್ರ॒ದಿವಿ॑ ಸು॒ತಾಸಃ॑ ಸಮು॒ದ್ರಂ ನ ಸ್ರ॒ವತ॒ ಆ ವಿ॑ಶ‌ನ್ತಿ || 3.46.4
ಯಂ ಸೋಮ॑ಮಿಂದ್ರ ಪೃಥಿ॒ವೀದ್ಯಾವಾ॒ ಗರ್ಭಂ॒ ನ ಮಾ॒ತಾ ಬಿ॑ಭೃ॒ತಸ್ತ್ವಾ॒ಯಾ |
ತಂ ತೇ᳚ ಹಿನ್ವ‌ನ್ತಿ॒ ತಮು॑ ತೇ ಮೃಜ‌ನ್ತ್ಯಧ್ವ॒ರ್ಯವೋ᳚ ವೃಷಭ॒ ಪಾತ॒ವಾ ಉ॑ || 3.46.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಮ॒ರುತ್ವಾಁ᳚ ಇಂದ್ರ ವೃಷ॒ಭೋ ರಣಾ᳚ಯ॒ ಪಿಬಾ॒ ಸೋಮ॑ಮನುಷ್ವ॒ಧಂ ಮದಾ᳚ಯ |
ಆ ಸಿಂ᳚ಚಸ್ವ ಜ॒ಠರೇ॒ ಮಧ್ವ॑ ಊ॒ರ್ಮಿಂ ತ್ವಂ ರಾಜಾ᳚ಸಿ ಪ್ರ॒ದಿವಃ॑ ಸು॒ತಾನಾ᳚‌ಮ್ || 3.47.1
ಸ॒ಜೋಷಾ᳚ ಇಂದ್ರ॒ ಸಗ॑ಣೋ ಮ॒ರುದ್ಭಿಃ॒ ಸೋಮಂ᳚ ಪಿಬ ವೃತ್ರ॒ಹಾ ಶೂ᳚ರ ವಿ॒ದ್ವಾನ್ |
ಜ॒ಹಿ ಶತ್ರೂಁ॒ರಪ॒ ಮೃಧೋ᳚ ನುದ॒ಸ್ವಾಥಾಭ॑ಯಂ ಕೃಣುಹಿ ವಿ॒ಶ್ವತೋ᳚ ನಃ || 3.47.2
ಉ॒ತ ಋ॒ತುಭಿ॑ರ್‌ಋತುಪಾಃ ಪಾಹಿ॒ ಸೋಮ॒ಮಿಂದ್ರ॑ ದೇ॒ವೇಭಿಃ॒ ಸಖಿ॑ಭಿಃ ಸು॒ತಂ ನಃ॑ |
ಯಾಁ ಆಭ॑ಜೋ ಮ॒ರುತೋ॒ ಯೇ ತ್ವಾನ್ವಹ᳚ನ್ವೃ॒ತ್ರಮದ॑ಧು॒ಸ್ತುಭ್ಯ॒ಮೋಜಃ॑ || 3.47.3
ಯೇ ತ್ವಾ᳚ಹಿ॒ಹತ್ಯೇ᳚ ಮಘವ॒ನ್ನವ॑ರ್ಧ॒ನ್ಯೇ ಶಾಂ᳚ಬ॒ರೇ ಹ॑ರಿವೋ॒ ಯೇ ಗವಿ॑ಷ್ಟೌ |
ಯೇ ತ್ವಾ᳚ ನೂ॒ನಮ॑ನು॒ಮದ᳚‌ನ್ತಿ॒ ವಿಪ್ರಾಃ॒ ಪಿಬೇಂ᳚ದ್ರ॒ ಸೋಮಂ॒ ಸಗ॑ಣೋ ಮ॒ರುದ್ಭಿಃ॑ || 3.47.4
ಮ॒ರುತ್ವ᳚‌ನ್ತಂ ವೃಷ॒ಭಂ ವಾ᳚ವೃಧಾ॒ನಮಕ॑ವಾರಿಂ ದಿ॒ವ್ಯಂ ಶಾ॒ಸಮಿಂದ್ರ‌ಮ್᳚ |
ವಿ॒ಶ್ವಾ॒ಸಾಹ॒ಮವ॑ಸೇ॒ ನೂತ॑ನಾಯೋ॒ಗ್ರಂ ಸ॑ಹೋ॒ದಾಮಿ॒ಹ ತಂ ಹು॑ವೇಮ || 3.47.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಸ॒ದ್ಯೋ ಹ॑ ಜಾ॒ತೋ ವೃ॑ಷ॒ಭಃ ಕ॒ನೀನಃ॒ ಪ್ರಭ॑ರ್ತುಮಾವ॒ದಂಧ॑ಸಃ ಸು॒ತಸ್ಯ॑ |
ಸಾ॒ಧೋಃ ಪಿ॑ಬ ಪ್ರತಿಕಾ॒ಮಂ ಯಥಾ᳚ ತೇ॒ ರಸಾ᳚ಶಿರಃ ಪ್ರಥ॒ಮಂ ಸೋ॒ಮ್ಯಸ್ಯ॑ || 3.48.1
ಯಜ್ಜಾಯ॑ಥಾ॒ಸ್ತದಹ॑ರಸ್ಯ॒ ಕಾಮೇಂ॒ಽಶೋಃ ಪೀ॒ಯೂಷ॑ಮಪಿಬೋ ಗಿರಿ॒ಷ್ಠಾ‌ಮ್ |
ತಂ ತೇ᳚ ಮಾ॒ತಾ ಪರಿ॒ ಯೋಷಾ॒ ಜನಿ॑ತ್ರೀ ಮ॒ಹಃ ಪಿ॒ತುರ್ದಮ॒ ಆಸಿಂ᳚ಚ॒ದಗ್ರೇ᳚ || 3.48.2
ಉ॒ಪ॒ಸ್ಥಾಯ॑ ಮಾ॒ತರ॒ಮನ್ನ॑ಮೈಟ್ಟ ತಿ॒ಗ್ಮಮ॑ಪಶ್ಯದ॒ಭಿ ಸೋಮ॒ಮೂಧಃ॑ |
ಪ್ರ॒ಯಾ॒ವಯ᳚ನ್ನಚರ॒ದ್ಗೃತ್ಸೋ᳚ ಅ॒ನ್ಯಾನ್ಮ॒ಹಾನಿ॑ ಚಕ್ರೇ ಪುರು॒ಧಪ್ರ॑ತೀಕಃ || 3.48.3
ಉ॒ಗ್ರಸ್ತು॑ರಾ॒ಷಾಳ॒ಭಿಭೂ᳚ತ್ಯೋಜಾ ಯಥಾವ॒ಶಂ ತ॒ನ್ವಂ᳚ ಚಕ್ರ ಏ॒ಷಃ |
ತ್ವಷ್ಟಾ᳚ರ॒ಮಿಂದ್ರೋ᳚ ಜ॒ನುಷಾ᳚ಭಿ॒ಭೂಯಾ॒ಮುಷ್ಯಾ॒ ಸೋಮ॑ಮಪಿಬಚ್ಚ॒ಮೂಷು॑ || 3.48.4
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.48.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಶಂಸಾ᳚ ಮ॒ಹಾಮಿಂದ್ರಂ॒ ಯಸ್ಮಿ॒ನ್ವಿಶ್ವಾ॒ ಆ ಕೃ॒ಷ್ಟಯಃ॑ ಸೋಮ॒ಪಾಃ ಕಾಮ॒ಮವ್ಯನ್॑ |
ಯಂ ಸು॒ಕ್ರತುಂ᳚ ಧಿ॒ಷಣೇ᳚ ವಿಭ್ವತ॒ಷ್ಟಂ ಘ॒ನಂ ವೃ॒ತ್ರಾಣಾಂ᳚ ಜ॒ನಯ᳚‌ನ್ತ ದೇ॒ವಾಃ || 3.49.1
ಯಂ ನು ನಕಿಃ॒ ಪೃತ॑ನಾಸು ಸ್ವ॒ರಾಜಂ᳚ ದ್ವಿ॒ತಾ ತರ॑ತಿ॒ ನೃತ॑ಮಂ ಹರಿ॒ಷ್ಠಾ‌ಮ್ |
ಇ॒ನತ॑ಮಃ॒ ಸತ್ವ॑ಭಿ॒ರ್ಯೋ ಹ॑ ಶೂ॒ಷೈಃ ಪೃ॑ಥು॒ಜ್ರಯಾ᳚ ಅಮಿನಾ॒ದಾಯು॒ರ್ದಸ್ಯೋಃ᳚ || 3.49.2
ಸ॒ಹಾವಾ᳚ ಪೃ॒ತ್ಸು ತ॒ರಣಿ॒ರ್ನಾರ್ವಾ᳚ ವ್ಯಾನ॒ಶೀ ರೋದ॑ಸೀ ಮೇ॒ಹನಾ᳚ವಾನ್ |
ಭಗೋ॒ ನ ಕಾ॒ರೇ ಹವ್ಯೋ᳚ ಮತೀ॒ನಾಂ ಪಿ॒ತೇವ॒ ಚಾರುಃ॑ ಸು॒ಹವೋ᳚ ವಯೋ॒ಧಾಃ || 3.49.3
ಧ॒ರ್ತಾ ದಿ॒ವೋ ರಜ॑ಸಸ್ಪೃ॒ಷ್ಟ ಊ॒ರ್ಧ್ವೋ ರಥೋ॒ ನ ವಾ॒ಯುರ್ವಸು॑ಭಿರ್ನಿ॒ಯುತ್ವಾನ್॑ |
ಕ್ಷ॒ಪಾಂ ವ॒ಸ್ತಾ ಜ॑ನಿ॒ತಾ ಸೂರ್ಯ॑ಸ್ಯ॒ ವಿಭ॑ಕ್ತಾ ಭಾ॒ಗಂ ಧಿ॒ಷಣೇ᳚ವ॒ ವಾಜ‌ಮ್᳚ || 3.49.4
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.49.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರಃ॒ ಸ್ವಾಹಾ᳚ ಪಿಬತು॒ ಯಸ್ಯ॒ ಸೋಮ॑ ಆ॒ಗತ್ಯಾ॒ ತುಮ್ರೋ᳚ ವೃಷ॒ಭೋ ಮ॒ರುತ್ವಾನ್॑ |
ಓರು॒ವ್ಯಚಾಃ᳚ ಪೃಣತಾಮೇ॒ಭಿರನ್ನೈ॒ರಾಸ್ಯ॑ ಹ॒ವಿಸ್ತ॒ನ್ವ1॒ಃ॑ ಕಾಮ॑ಮೃಧ್ಯಾಃ || 3.50.1
ಆ ತೇ᳚ ಸಪ॒ರ್ಯೂ ಜ॒ವಸೇ᳚ ಯುನಜ್ಮಿ॒ ಯಯೋ॒ರನು॑ ಪ್ರ॒ದಿವಃ॑ ಶ್ರು॒ಷ್ಟಿಮಾವಃ॑ |
ಇ॒ಹ ತ್ವಾ᳚ ಧೇಯು॒ರ್ಹರ॑ಯಃ ಸುಶಿಪ್ರ॒ ಪಿಬಾ॒ ತ್ವ1॒॑ಸ್ಯ ಸುಷು॑ತಸ್ಯ॒ ಚಾರೋಃ᳚ || 3.50.2
ಗೋಭಿ᳚ರ್ಮಿಮಿ॒ಕ್ಷುಂ ದ॑ಧಿರೇ ಸುಪಾ॒ರಮಿಂದ್ರಂ॒ ಜ್ಯೈಷ್ಠ್ಯಾ᳚ಯ॒ ಧಾಯ॑ಸೇ ಗೃಣಾ॒ನಾಃ |
ಮಂ॒ದಾ॒ನಃ ಸೋಮಂ᳚ ಪಪಿ॒ವಾಁ ಋ॑ಜೀಷಿ॒‌‌ನ್ತ್ಸಮ॒ಸ್ಮಭ್ಯಂ᳚ ಪುರು॒ಧಾ ಗಾ ಇ॑ಷಣ್ಯ || 3.50.3
ಇ॒ಮಂ ಕಾಮಂ᳚ ಮಂದಯಾ॒ ಗೋಭಿ॒ರಶ್ವೈ᳚ಶ್ಚಂ॒ದ್ರವ॑ತಾ॒ ರಾಧ॑ಸಾ ಪ॒ಪ್ರಥ॑ಶ್ಚ |
ಸ್ವ॒ರ್ಯವೋ᳚ ಮ॒ತಿಭಿ॒ಸ್ತುಭ್ಯಂ॒ ವಿಪ್ರಾ॒ ಇಂದ್ರಾ᳚ಯ॒ ವಾಹಃ॑ ಕುಶಿ॒ಕಾಸೋ᳚ ಅಕ್ರನ್ || 3.50.4
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ |
ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 3.50.5

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, (1-3) ಪ್ರಥಮಾದಿತೃಚಸ್ಯ ಜಗತೀ (4-9) ಚತುರ್ಥ್ಯಾದಿತೃಚದ್ಯಸ್ಯ ತ್ರಿಷ್ಟುಪ್ (10-12) ದಶಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸಿ

ಚ॒ರ್ಷ॒ಣೀ॒ಧೃತಂ᳚ ಮ॒ಘವಾ᳚ನಮು॒ಕ್ಥ್ಯ1॒॑ಮಿಂದ್ರಂ॒ ಗಿರೋ᳚ ಬೃಹ॒ತೀರ॒ಭ್ಯ॑ನೂಷತ |
ವಾ॒ವೃ॒ಧಾ॒ನಂ ಪು॑ರುಹೂ॒ತಂ ಸು॑ವೃ॒ಕ್ತಿಭಿ॒ರಮ॑ರ್ತ್ಯಂ॒ ಜರ॑ಮಾಣಂ ದಿ॒ವೇದಿ॑ವೇ || 3.51.1
ಶ॒ತಕ್ರ॑ತುಮರ್ಣ॒ವಂ ಶಾ॒ಕಿನಂ॒ ನರಂ॒ ಗಿರೋ᳚ ಮ॒ ಇಂದ್ರ॒ಮುಪ॑ ಯ‌ನ್ತಿ ವಿ॒ಶ್ವತಃ॑ |
ವಾ॒ಜ॒ಸನಿಂ᳚ ಪೂ॒ರ್ಭಿದಂ॒ ತೂರ್ಣಿ॑ಮ॒ಪ್ತುರಂ᳚ ಧಾಮ॒ಸಾಚ॑ಮಭಿ॒ಷಾಚಂ᳚ ಸ್ವ॒ರ್ವಿದ‌ಮ್᳚ || 3.51.2
ಆ॒ಕ॒ರೇ ವಸೋ᳚ರ್ಜರಿ॒ತಾ ಪ॑ನಸ್ಯತೇಽನೇ॒ಹಸಃ॒ ಸ್ತುಭ॒ ಇಂದ್ರೋ᳚ ದುವಸ್ಯತಿ |
ವಿ॒ವಸ್ವ॑ತಃ॒ ಸದ॑ನ॒ ಆ ಹಿ ಪಿ॑ಪ್ರಿ॒ಯೇ ಸ॑ತ್ರಾ॒ಸಾಹ॑ಮಭಿಮಾತಿ॒ಹನಂ᳚ ಸ್ತುಹಿ || 3.51.3
ನೃ॒ಣಾಮು॑ ತ್ವಾ॒ ನೃತ॑ಮಂ ಗೀ॒ರ್ಭಿರು॒ಕ್ಥೈರ॒ಭಿ ಪ್ರ ವೀ॒ರಮ॑ರ್ಚತಾ ಸ॒ಬಾಧಃ॑ |
ಸಂ ಸಹ॑ಸೇ ಪುರುಮಾ॒ಯೋ ಜಿ॑ಹೀತೇ॒ ನಮೋ᳚ ಅಸ್ಯ ಪ್ರ॒ದಿವ॒ ಏಕ॑ ಈಶೇ || 3.51.4
ಪೂ॒ರ್ವೀರ॑ಸ್ಯ ನಿ॒ಷ್ಷಿಧೋ॒ ಮರ್ತ್ಯೇ᳚ಷು ಪು॒ರೂ ವಸೂ᳚ನಿ ಪೃಥಿ॒ವೀ ಬಿ॑ಭರ್ತಿ |
ಇಂದ್ರಾ᳚ಯ॒ ದ್ಯಾವ॒ ಓಷ॑ಧೀರು॒ತಾಪೋ᳚ ರ॒ಯಿಂ ರ॑ಕ್ಷ‌ನ್ತಿ ಜೀ॒ರಯೋ॒ ವನಾ᳚ನಿ || 3.51.5
ತುಭ್ಯಂ॒ ಬ್ರಹ್ಮಾ᳚ಣಿ॒ ಗಿರ॑ ಇಂದ್ರ॒ ತುಭ್ಯಂ᳚ ಸ॒ತ್ರಾ ದ॑ಧಿರೇ ಹರಿವೋ ಜು॒ಷಸ್ವ॑ |
ಬೋ॒ಧ್ಯಾ॒3॒॑ಪಿರವ॑ಸೋ॒ ನೂತ॑ನಸ್ಯ॒ ಸಖೇ᳚ ವಸೋ ಜರಿ॒ತೃಭ್ಯೋ॒ ವಯೋ᳚ ಧಾಃ || 3.51.6
ಇಂದ್ರ॑ ಮರುತ್ವ ಇ॒ಹ ಪಾ᳚ಹಿ॒ ಸೋಮಂ॒ ಯಥಾ᳚ ಶಾರ್ಯಾ॒ತೇ ಅಪಿ॑ಬಃ ಸು॒ತಸ್ಯ॑ |
ತವ॒ ಪ್ರಣೀ᳚ತೀ॒ ತವ॑ ಶೂರ॒ ಶರ್ಮ॒ನ್ನಾ ವಿ॑ವಾಸ‌ನ್ತಿ ಕ॒ವಯಃ॑ ಸುಯ॒ಜ್ಞಾಃ || 3.51.7
ಸ ವಾ᳚ವಶಾ॒ನ ಇ॒ಹ ಪಾ᳚ಹಿ॒ ಸೋಮಂ᳚ ಮ॒ರುದ್ಭಿ॑ರಿಂದ್ರ॒ ಸಖಿ॑ಭಿಃ ಸು॒ತಂ ನಃ॑ |
ಜಾ॒ತಂ ಯತ್ತ್ವಾ॒ ಪರಿ॑ ದೇ॒ವಾ ಅಭೂ᳚ಷನ್ಮ॒ಹೇ ಭರಾ᳚ಯ ಪುರುಹೂತ॒ ವಿಶ್ವೇ᳚ || 3.51.8
ಅ॒ಪ್ತೂರ್ಯೇ᳚ ಮರುತ ಆ॒ಪಿರೇ॒ಷೋಽಮಂ᳚ದ॒ನ್ನಿಂದ್ರ॒ಮನು॒ ದಾತಿ॑ವಾರಾಃ |
ತೇಭಿಃ॑ ಸಾ॒ಕಂ ಪಿ॑ಬತು ವೃತ್ರಖಾ॒ದಃ ಸು॒ತಂ ಸೋಮಂ᳚ ದಾ॒ಶುಷಃ॒ ಸ್ವೇ ಸ॒ಧಸ್ಥೇ᳚ || 3.51.9
ಇ॒ದಂ ಹ್ಯನ್ವೋಜ॑ಸಾ ಸು॒ತಂ ರಾ᳚ಧಾನಾಂ ಪತೇ |
ಪಿಬಾ॒ ತ್ವ1॒॑ಸ್ಯ ಗಿ᳚ರ್ವಣಃ || 3.51.10
ಯಸ್ತೇ॒ ಅನು॑ ಸ್ವ॒ಧಾಮಸ॑ತ್ಸು॒ತೇ ನಿ ಯ॑ಚ್ಛ ತ॒ನ್ವ‌ಮ್᳚ |
ಸ ತ್ವಾ᳚ ಮಮತ್ತು ಸೋ॒ಮ್ಯ‌ಮ್ || 3.51.11
ಪ್ರ ತೇ᳚ ಅಶ್ನೋತು ಕು॒ಕ್ಷ್ಯೋಃ ಪ್ರೇಂದ್ರ॒ ಬ್ರಹ್ಮ॑ಣಾ॒ ಶಿರಃ॑ |
ಪ್ರ ಬಾ॒ಹೂ ಶೂ᳚ರ॒ ರಾಧ॑ಸೇ || 3.51.12

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಇಂದ್ರೋ ದೇವತಾ, (1-4) ಪ್ರಥಮಾದಿಚರ್ಚಾಂ ಗಾಯತ್ರೀ (5, 7-8) ಪಂಚಮ್ಯಾಃ ಸಪ್ತಮ್ಯಷ್ಟಮ್ಯೋಶ್ಚ ತ್ರಿಷ್ಟುಪ್ (6) ಷಷ್ಠ್ಯಾಶ್ಚ ಜಗತೀ ಛಂದಾಂಸಿ

ಧಾ॒ನಾವ᳚‌ನ್ತಂ ಕರಂ॒ಭಿಣ॑ಮಪೂ॒ಪವ᳚‌ನ್ತಮು॒ಕ್ಥಿನ‌ಮ್᳚ |
ಇಂದ್ರ॑ ಪ್ರಾ॒ತರ್ಜು॑ಷಸ್ವ ನಃ || 3.52.1
ಪು॒ರೋ॒ಳಾಶಂ᳚ ಪಚ॒ತ್ಯಂ᳚ ಜು॒ಷಸ್ವೇಂ॒ದ್ರಾ ಗು॑ರಸ್ವ ಚ |
ತುಭ್ಯಂ᳚ ಹ॒ವ್ಯಾನಿ॑ ಸಿಸ್ರತೇ || 3.52.2
ಪು॒ರೋ॒ಳಾಶಂ᳚ ಚ ನೋ॒ ಘಸೋ᳚ ಜೋ॒ಷಯಾ᳚ಸೇ॒ ಗಿರ॑ಶ್ಚ ನಃ |
ವ॒ಧೂ॒ಯುರಿ॑ವ॒ ಯೋಷ॑ಣಾ‌ಮ್ || 3.52.3
ಪು॒ರೋ॒ಳಾಶಂ᳚ ಸನಶ್ರುತ ಪ್ರಾತಃಸಾ॒ವೇ ಜು॑ಷಸ್ವ ನಃ |
ಇಂದ್ರ॒ ಕ್ರತು॒ರ್ಹಿ ತೇ᳚ ಬೃ॒ಹನ್ || 3.52.4
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ಧಾ॒ನಾಃ ಪು॑ರೋ॒ಳಾಶ॑ಮಿಂದ್ರ ಕೃಷ್ವೇ॒ಹ ಚಾರು‌ಮ್᳚ |
ಪ್ರ ಯತ್ಸ್ತೋ॒ತಾ ಜ॑ರಿ॒ತಾ ತೂರ್ಣ್ಯ॑ರ್ಥೋ ವೃಷಾ॒ಯಮಾ᳚ಣ॒ ಉಪ॑ ಗೀ॒ರ್ಭಿರೀಟ್ಟೇ᳚ || 3.52.5
ತೃ॒ತೀಯೇ᳚ ಧಾ॒ನಾಃ ಸವ॑ನೇ ಪುರುಷ್ಟುತ ಪುರೋ॒ಳಾಶ॒ಮಾಹು॑ತಂ ಮಾಮಹಸ್ವ ನಃ |
ಋ॒ಭು॒ಮ‌ನ್ತಂ॒ ವಾಜ॑ವ‌ನ್ತಂ ತ್ವಾ ಕವೇ॒ ಪ್ರಯ॑ಸ್ವ‌ನ್ತ॒ ಉಪ॑ ಶಿಕ್ಷೇಮ ಧೀ॒ತಿಭಿಃ॑ || 3.52.6
ಪೂ॒ಷ॒ಣ್ವತೇ᳚ ತೇ ಚಕೃಮಾ ಕರಂ॒ಭಂ ಹರಿ॑ವತೇ॒ ಹರ್ಯ॑ಶ್ವಾಯ ಧಾ॒ನಾಃ |
ಅ॒ಪೂ॒ಪಮ॑ದ್ಧಿ॒ ಸಗ॑ಣೋ ಮ॒ರುದ್ಭಿಃ॒ ಸೋಮಂ᳚ ಪಿಬ ವೃತ್ರ॒ಹಾ ಶೂ᳚ರ ವಿ॒ದ್ವಾನ್ || 3.52.7
ಪ್ರತಿ॑ ಧಾ॒ನಾ ಭ॑ರತ॒ ತೂಯ॑ಮಸ್ಮೈ ಪುರೋ॒ಳಾಶಂ᳚ ವೀ॒ರತ॑ಮಾಯ ನೃ॒ಣಾ‌ಮ್ |
ದಿ॒ವೇದಿ॑ವೇ ಸ॒ದೃಶೀ᳚ರಿಂದ್ರ॒ ತುಭ್ಯಂ॒ ವರ್ಧ᳚‌ನ್ತು ತ್ವಾ ಸೋಮ॒ಪೇಯಾ᳚ಯ ಧೃಷ್ಣೋ || 3.52.8

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1) ಪ್ರಥಮರ್ಚ ಇಂದ್ರಾಪರ್ವತೌ (2-14) ದ್ವಿತೀಯಾದಿತ್ರಯೋದಶಾನಾಮಿಂದ್ರಃ (15-16) ಪಂಚದಶೀಷೋಡಶ್ಯೋಃ ಸಸರ್ಪರೀ ವಾಕ್ (17-20) ಸಪ್ತದಶ್ಯಾದಿಚತಸೃಣಾಂ ರಥಾಂಗಾನಿ (21-24) ಏಕವಿಂಶ್ಯಾದಿಚತಸೃಣಾಂಚಾಭಿಶಾಪೋ ದೇವತಾಃ (1-9, 11, 14-15, 17, 19, 21, 23-24) ಪ್ರಥಮಾದಿನವರ್ಚಾಮಕ ದಿಶೀಚತುರ್ದಶೀಪಂಚದಶೀಸಪ್ತದಶ್ಯೇಕೋನವಿಂಶ್ಯೇಕವಿಂಶೀತ್ರಯೋವಿಂಶೀಚತುರ್ವಿಂ ಶೀನಾಂಚ ತ್ರಿಷ್ಟುಪ್ (10, 16) ದಶಮೀಷೋಡಶ್ಯೋರ್ಜಗತೀ (12, 20, 22) ದ್ವಾದಶೀವಿಂಶೀದ್ವಾವಿಂಶೀನಾಮನುಷ್ಟಪ್ (13) ತ್ರಯೋದಶ್ಯಾ ಗಾಯತ್ರೀ (18) ಅಷ್ಟಾದಶ್ಯಾಶ್ಚ ಬೃಹತೀ ಛಂದಾಂಸಿ

ಇಂದ್ರಾ᳚ಪರ್ವತಾ ಬೃಹ॒ತಾ ರಥೇ᳚ನ ವಾ॒ಮೀರಿಷ॒ ಆ ವ॑ಹತಂ ಸು॒ವೀರಾಃ᳚ |
ವೀ॒ತಂ ಹ॒ವ್ಯಾನ್ಯ॑ಧ್ವ॒ರೇಷು॑ ದೇವಾ॒ ವರ್ಧೇ᳚ಥಾಂ ಗೀ॒ರ್ಭಿರಿಳ॑ಯಾ॒ ಮದ᳚‌ನ್ತಾ || 3.53.1
ತಿಷ್ಠಾ॒ ಸು ಕಂ᳚ ಮಘವ॒ನ್ಮಾ ಪರಾ᳚ ಗಾಃ॒ ಸೋಮ॑ಸ್ಯ॒ ನು ತ್ವಾ॒ ಸುಷು॑ತಸ್ಯ ಯಕ್ಷಿ |
ಪಿ॒ತುರ್ನ ಪು॒ತ್ರಃ ಸಿಚ॒ಮಾ ರ॑ಭೇ ತ॒ ಇಂದ್ರ॒ ಸ್ವಾದಿ॑ಷ್ಠಯಾ ಗಿ॒ರಾ ಶ॑ಚೀವಃ || 3.53.2
ಶಂಸಾ᳚ವಾಧ್ವರ್ಯೋ॒ ಪ್ರತಿ॑ ಮೇ ಗೃಣೀ॒ಹೀಂದ್ರಾ᳚ಯ॒ ವಾಹಃ॑ ಕೃಣವಾವ॒ ಜುಷ್ಟ‌ಮ್᳚ |
ಏದಂ ಬ॒ರ್ಹಿರ್ಯಜ॑ಮಾನಸ್ಯ ಸೀ॒ದಾಥಾ᳚ ಚ ಭೂದು॒ಕ್ಥಮಿಂದ್ರಾ᳚ಯ ಶ॒ಸ್ತ‌ಮ್ || 3.53.3
ಜಾ॒ಯೇದಸ್ತಂ᳚ ಮಘವ॒‌‌ನ್ತ್ಸೇದು॒ ಯೋನಿ॒ಸ್ತದಿತ್ತ್ವಾ᳚ ಯು॒ಕ್ತಾ ಹರ॑ಯೋ ವಹ‌ನ್ತು |
ಯ॒ದಾ ಕ॒ದಾ ಚ॑ ಸು॒ನವಾ᳚ಮ॒ ಸೋಮ॑ಮ॒ಗ್ನಿಷ್ಟ್ವಾ᳚ ದೂ॒ತೋ ಧ᳚ನ್ವಾ॒ತ್ಯಚ್ಛ॑ || 3.53.4
ಪರಾ᳚ ಯಾಹಿ ಮಘವ॒ನ್ನಾ ಚ॑ ಯಾ॒ಹೀಂದ್ರ॑ ಭ್ರಾತರುಭ॒ಯತ್ರಾ᳚ ತೇ॒ ಅರ್ಥ‌ಮ್᳚ |
ಯತ್ರಾ॒ ರಥ॑ಸ್ಯ ಬೃಹ॒ತೋ ನಿ॒ಧಾನಂ᳚ ವಿ॒ಮೋಚ॑ನಂ ವಾ॒ಜಿನೋ॒ ರಾಸ॑ಭಸ್ಯ || 3.53.5
ಅಪಾಃ॒ ಸೋಮ॒ಮಸ್ತ॑ಮಿಂದ್ರ॒ ಪ್ರ ಯಾ᳚ಹಿ ಕಲ್ಯಾ॒ಣೀರ್ಜಾ॒ಯಾ ಸು॒ರಣಂ᳚ ಗೃ॒ಹೇ ತೇ᳚ |
ಯತ್ರಾ॒ ರಥ॑ಸ್ಯ ಬೃಹ॒ತೋ ನಿ॒ಧಾನಂ᳚ ವಿ॒ಮೋಚ॑ನಂ ವಾ॒ಜಿನೋ॒ ದಕ್ಷಿ॑ಣಾವತ್ || 3.53.6
ಇ॒ಮೇ ಭೋ॒ಜಾ ಅಂಗಿ॑ರಸೋ॒ ವಿರೂ᳚ಪಾ ದಿ॒ವಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾಃ |
ವಿ॒ಶ್ವಾಮಿ॑ತ್ರಾಯ॒ ದದ॑ತೋ ಮ॒ಘಾನಿ॑ ಸಹಸ್ರಸಾ॒ವೇ ಪ್ರ ತಿ॑ರ‌ನ್ತ॒ ಆಯುಃ॑ || 3.53.7
ರೂ॒ಪಂರೂ᳚ಪಂ ಮ॒ಘವಾ᳚ ಬೋಭವೀತಿ ಮಾ॒ಯಾಃ ಕೃ᳚ಣ್ವಾ॒ನಸ್ತ॒ನ್ವ1॒॑ ಅಂಪರಿ॒ ಸ್ವಾ‌ಮ್ |
ತ್ರಿರ್ಯದ್ದಿ॒ವಃ ಪರಿ॑ ಮುಹೂ॒ರ್ತಮಾಗಾ॒ತ್ಸ್ವೈರ್ಮ‌ನ್ತ್ರೈ॒ರನೃ॑ತುಪಾ ಋ॒ತಾವಾ᳚ || 3.53.8
ಮ॒ಹಾಁ ಋಷಿ॑ರ್ದೇವ॒ಜಾ ದೇ॒ವಜೂ॒ತೋಽಸ್ತ॑ಭ್ನಾ॒ತ್ಸಿಂಧು॑ಮರ್ಣ॒ವಂ ನೃ॒ಚಕ್ಷಾಃ᳚ |
ವಿ॒ಶ್ವಾಮಿ॑ತ್ರೋ॒ ಯದವ॑ಹತ್ಸು॒ದಾಸ॒ಮಪ್ರಿ॑ಯಾಯತ ಕುಶಿ॒ಕೇಭಿ॒ರಿಂದ್ರಃ॑ || 3.53.9
ಹಂ॒ಸಾ ಇ॑ವ ಕೃಣುಥ॒ ಶ್ಲೋಕ॒ಮದ್ರಿ॑ಭಿ॒ರ್ಮದ᳚‌ನ್ತೋ ಗೀ॒ರ್ಭಿರ॑ಧ್ವ॒ರೇ ಸು॒ತೇ ಸಚಾ᳚ |
ದೇ॒ವೇಭಿ᳚ರ್ವಿಪ್ರಾ ಋಷಯೋ ನೃಚಕ್ಷಸೋ॒ ವಿ ಪಿ॑ಬಧ್ವಂ ಕುಶಿಕಾಃ ಸೋ॒ಮ್ಯಂ ಮಧು॑ || 3.53.10
ಉಪ॒ ಪ್ರೇತ॑ ಕುಶಿಕಾಶ್ಚೇ॒ತಯ॑ಧ್ವ॒ಮಶ್ವಂ᳚ ರಾ॒ಯೇ ಪ್ರ ಮುಂ᳚ಚತಾ ಸು॒ದಾಸಃ॑ |
ರಾಜಾ᳚ ವೃ॒ತ್ರಂ ಜಂ᳚ಘನ॒ತ್ಪ್ರಾಗಪಾ॒ಗುದ॒ಗಥಾ᳚ ಯಜಾತೇ॒ ವರ॒ ಆ ಪೃ॑ಥಿ॒ವ್ಯಾಃ || 3.53.11
ಯ ಇ॒ಮೇ ರೋದ॑ಸೀ ಉ॒ಭೇ ಅ॒ಹಮಿಂದ್ರ॒ಮತು॑ಷ್ಟವ‌ಮ್ |
ವಿ॒ಶ್ವಾಮಿ॑ತ್ರಸ್ಯ ರಕ್ಷತಿ॒ ಬ್ರಹ್ಮೇ॒ದಂ ಭಾರ॑ತಂ॒ ಜನ‌ಮ್᳚ || 3.53.12
ವಿ॒ಶ್ವಾಮಿ॑ತ್ರಾ ಅರಾಸತ॒ ಬ್ರಹ್ಮೇಂದ್ರಾ᳚ಯ ವ॒ಜ್ರಿಣೇ᳚ |
ಕರ॒ದಿನ್ನಃ॑ ಸು॒ರಾಧ॑ಸಃ || 3.53.13
ಕಿಂ ತೇ᳚ ಕೃಣ್ವ‌ನ್ತಿ॒ ಕೀಕ॑ಟೇಷು॒ ಗಾವೋ॒ ನಾಶಿರಂ᳚ ದು॒ಹ್ರೇ ನ ತ॑ಪ‌ನ್ತಿ ಘ॒ರ್ಮ‌ಮ್ |
ಆ ನೋ᳚ ಭರ॒ ಪ್ರಮ॑ಗಂದಸ್ಯ॒ ವೇದೋ᳚ ನೈಚಾಶಾ॒ಖಂ ಮ॑ಘವನ್ರಂಧಯಾ ನಃ || 3.53.14
ಸ॒ಸ॒ರ್ಪ॒ರೀರಮ॑ತಿಂ॒ ಬಾಧ॑ಮಾನಾ ಬೃ॒ಹನ್ಮಿ॑ಮಾಯ ಜ॒ಮದ॑ಗ್ನಿದತ್ತಾ |
ಆ ಸೂರ್ಯ॑ಸ್ಯ ದುಹಿ॒ತಾ ತ॑ತಾನ॒ ಶ್ರವೋ᳚ ದೇ॒ವೇಷ್ವ॒ಮೃತ॑ಮಜು॒ರ್ಯ‌ಮ್ || 3.53.15
ಸ॒ಸ॒ರ್ಪ॒ರೀರ॑ಭರ॒ತ್ತೂಯ॑ಮೇ॒ಭ್ಯೋಽಧಿ॒ ಶ್ರವಃ॒ ಪಾಂಚ॑ಜನ್ಯಾಸು ಕೃ॒ಷ್ಟಿಷು॑ |
ಸಾ ಪ॒ಕ್ಷ್ಯಾ॒3॒॑ ನವ್ಯ॒ಮಾಯು॒ರ್ದಧಾ᳚ನಾ॒ ಯಾಂ ಮೇ᳚ ಪಲಸ್ತಿಜಮದ॒ಗ್ನಯೋ᳚ ದ॒ದುಃ || 3.53.16
ಸ್ಥಿ॒ರೌ ಗಾವೌ᳚ ಭವತಾಂ ವೀ॒ಳುರಕ್ಷೋ॒ ಮೇಷಾ ವಿ ವ॑ರ್ಹಿ॒ ಮಾ ಯು॒ಗಂ ವಿ ಶಾ᳚ರಿ |
ಇಂದ್ರಃ॑ ಪಾತ॒ಲ್ಯೇ᳚ ದದತಾಂ॒ ಶರೀ᳚ತೋ॒ರರಿ॑ಷ್ಟನೇಮೇ ಅ॒ಭಿ ನಃ॑ ಸಚಸ್ವ || 3.53.17
ಬಲಂ᳚ ಧೇಹಿ ತ॒ನೂಷು॑ ನೋ॒ ಬಲ॑ಮಿಂದ್ರಾನ॒ಳುತ್ಸು॑ ನಃ |
ಬಲಂ᳚ ತೋ॒ಕಾಯ॒ ತನ॑ಯಾಯ ಜೀ॒ವಸೇ॒ ತ್ವಂ ಹಿ ಬ॑ಲ॒ದಾ ಅಸಿ॑ || 3.53.18
ಅ॒ಭಿ ವ್ಯ॑ಯಸ್ವ ಖದಿ॒ರಸ್ಯ॒ ಸಾರ॒ಮೋಜೋ᳚ ಧೇಹಿ ಸ್ಪಂದ॒ನೇ ಶಿಂ॒ಶಪಾ᳚ಯಾ‌ಮ್ |
ಅಕ್ಷ॑ ವೀಳೋ ವೀಳಿತ ವೀ॒ಳಯ॑ಸ್ವ॒ ಮಾ ಯಾಮಾ᳚ದ॒ಸ್ಮಾದವ॑ ಜೀಹಿಪೋ ನಃ || 3.53.19
ಅ॒ಯಮ॒ಸ್ಮಾನ್ವನ॒ಸ್ಪತಿ॒ರ್ಮಾ ಚ॒ ಹಾ ಮಾ ಚ॑ ರೀರಿಷತ್ |
ಸ್ವ॒ಸ್ತ್ಯಾ ಗೃ॒ಹೇಭ್ಯ॒ ಆವ॒ಸಾ ಆ ವಿ॒ಮೋಚ॑ನಾತ್ || 3.53.20
ಇಂದ್ರೋ॒ತಿಭಿ॑ರ್ಬಹು॒ಲಾಭಿ᳚ರ್ನೋ ಅ॒ದ್ಯ ಯಾ᳚ಚ್ಛ್ರೇ॒ಷ್ಠಾಭಿ᳚ರ್ಮಘವಂಛೂರ ಜಿನ್ವ |
ಯೋ ನೋ॒ ದ್ವೇಷ್ಟ್ಯಧ॑ರಃ॒ ಸಸ್ಪ॑ದೀಷ್ಟ॒ ಯಮು॑ ದ್ವಿ॒ಷ್ಮಸ್ತಮು॑ ಪ್ರಾ॒ಣೋ ಜ॑ಹಾತು || 3.53.21
ಪ॒ರ॒ಶುಂ ಚಿ॒ದ್ವಿ ತ॑ಪತಿ ಶಿಂಬ॒ಲಂ ಚಿ॒ದ್ವಿ ವೃ॑ಶ್ಚತಿ |
ಉ॒ಖಾ ಚಿ॑ದಿಂದ್ರ॒ ಯೇಷ᳚‌ನ್ತೀ॒ ಪ್ರಯ॑ಸ್ತಾ॒ ಫೇನ॑ಮಸ್ಯತಿ || 3.53.22
ನ ಸಾಯ॑ಕಸ್ಯ ಚಿಕಿತೇ ಜನಾಸೋ ಲೋ॒ಧಂ ನ॑ಯ‌ನ್ತಿ॒ ಪಶು॒ ಮನ್ಯ॑ಮಾನಾಃ |
ನಾವಾ᳚ಜಿನಂ ವಾ॒ಜಿನಾ᳚ ಹಾಸಯ‌ನ್ತಿ॒ ನ ಗ॑ರ್ದ॒ಭಂ ಪು॒ರೋ ಅಶ್ವಾ᳚ನ್ನಯ‌ನ್ತಿ || 3.53.23
ಇ॒ಮ ಇಂ᳚ದ್ರ ಭರ॒ತಸ್ಯ॑ ಪು॒ತ್ರಾ ಅ॑ಪಪಿ॒ತ್ವಂ ಚಿ॑ಕಿತು॒ರ್ನ ಪ್ರ॑ಪಿ॒ತ್ವ‌ಮ್ |
ಹಿ॒ನ್ವ‌ನ್ತ್ಯಶ್ವ॒ಮರ॑ಣಂ॒ ನ ನಿತ್ಯಂ॒ ಜ್ಯಾ᳚ವಾಜಂ॒ ಪರಿ॑ ಣಯ‌ನ್ತ್ಯಾ॒ಜೌ || 3.53.24

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿರೃಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಇ॒ಮಂ ಮ॒ಹೇ ವಿ॑ದ॒ಥ್ಯಾ᳚ಯ ಶೂ॒ಷಂ ಶಶ್ವ॒ತ್ಕೃತ್ವ॒ ಈಡ್ಯಾ᳚ಯ॒ ಪ್ರ ಜ॑ಭ್ರುಃ |
ಶೃ॒ಣೋತು॑ ನೋ॒ ದಮ್ಯೇ᳚ಭಿ॒ರನೀ᳚ಕೈಃ ಶೃ॒ಣೋತ್ವ॒ಗ್ನಿರ್ದಿ॒ವ್ಯೈರಜ॑ಸ್ರಃ || 3.54.1
ಮಹಿ॑ ಮ॒ಹೇ ದಿ॒ವೇ ಅ॑ರ್ಚಾ ಪೃಥಿ॒ವ್ಯೈ ಕಾಮೋ᳚ ಮ ಇ॒ಚ್ಛಂಚ॑ರತಿ ಪ್ರಜಾ॒ನನ್ |
ಯಯೋ᳚ರ್ಹ॒ ಸ್ತೋಮೇ᳚ ವಿ॒ದಥೇ᳚ಷು ದೇ॒ವಾಃ ಸ॑ಪ॒ರ್ಯವೋ᳚ ಮಾ॒ದಯ᳚‌ನ್ತೇ॒ ಸಚಾ॒ಯೋಃ || 3.54.2
ಯು॒ವೋರ್‌ಋ॒ತಂ ರೋ᳚ದಸೀ ಸ॒ತ್ಯಮ॑ಸ್ತು ಮ॒ಹೇ ಷು ಣಃ॑ ಸುವಿ॒ತಾಯ॒ ಪ್ರ ಭೂ᳚ತ‌ಮ್ |
ಇ॒ದಂ ದಿ॒ವೇ ನಮೋ᳚ ಅಗ್ನೇ ಪೃಥಿ॒ವ್ಯೈ ಸ॑ಪ॒ರ್ಯಾಮಿ॒ ಪ್ರಯ॑ಸಾ॒ ಯಾಮಿ॒ ರತ್ನ‌ಮ್᳚ || 3.54.3
ಉ॒ತೋ ಹಿ ವಾಂ᳚ ಪೂ॒ರ್ವ್ಯಾ ಆ᳚ವಿವಿ॒ದ್ರ ಋತಾ᳚ವರೀ ರೋದಸೀ ಸತ್ಯ॒ವಾಚಃ॑ |
ನರ॑ಶ್ಚಿದ್ವಾಂ ಸಮಿ॒ಥೇ ಶೂರ॑ಸಾತೌ ವವಂದಿ॒ರೇ ಪೃ॑ಥಿವಿ॒ ವೇವಿ॑ದಾನಾಃ || 3.54.4
ಕೋ ಅ॒ದ್ಧಾ ವೇ᳚ದ॒ ಕ ಇ॒ಹ ಪ್ರ ವೋ᳚ಚದ್ದೇ॒ವಾಁ ಅಚ್ಛಾ᳚ ಪ॒ಥ್ಯಾ॒3॒॑ ಕಾ ಸಮೇ᳚ತಿ |
ದದೃ॑ಶ್ರ ಏಷಾಮವ॒ಮಾ ಸದಾಂ᳚ಸಿ॒ ಪರೇ᳚ಷು॒ ಯಾ ಗುಹ್ಯೇ᳚ಷು ವ್ರ॒ತೇಷು॑ || 3.54.5
ಕ॒ವಿರ್ನೃ॒ಚಕ್ಷಾ᳚ ಅ॒ಭಿ ಷೀ᳚ಮಚಷ್ಟ ಋ॒ತಸ್ಯ॒ ಯೋನಾ॒ ವಿಘೃ॑ತೇ॒ ಮದ᳚‌ನ್ತೀ |
ನಾನಾ᳚ ಚಕ್ರಾತೇ॒ ಸದ॑ನಂ॒ ಯಥಾ॒ ವೇಃ ಸ॑ಮಾ॒ನೇನ॒ ಕ್ರತು॑ನಾ ಸಂವಿದಾ॒ನೇ || 3.54.6
ಸ॒ಮಾ॒ನ್ಯಾ ವಿಯು॑ತೇ ದೂ॒ರೇಅ᳚‌ನ್ತೇ ಧ್ರು॒ವೇ ಪ॒ದೇ ತ॑ಸ್ಥತುರ್ಜಾಗ॒ರೂಕೇ᳚ |
ಉ॒ತ ಸ್ವಸಾ᳚ರಾ ಯುವ॒ತೀ ಭವ᳚‌ನ್ತೀ॒ ಆದು॑ ಬ್ರುವಾತೇ ಮಿಥು॒ನಾನಿ॒ ನಾಮ॑ || 3.54.7
ವಿಶ್ವೇದೇ॒ತೇ ಜನಿ॑ಮಾ॒ ಸಂ ವಿ॑ವಿಕ್ತೋ ಮ॒ಹೋ ದೇ॒ವಾನ್ಬಿಭ್ರ॑ತೀ॒ ನ ವ್ಯ॑ಥೇತೇ |
ಏಜ॑ದ್ಧ್ರು॒ವಂ ಪ॑ತ್ಯತೇ॒ ವಿಶ್ವ॒ಮೇಕಂ॒ ಚರ॑ತ್ಪತ॒ತ್ರಿ ವಿಷು॑ಣಂ॒ ವಿ ಜಾ॒ತ‌ಮ್ || 3.54.8
ಸನಾ᳚ ಪುರಾ॒ಣಮಧ್ಯೇ᳚ಮ್ಯಾ॒ರಾನ್ಮ॒ಹಃ ಪಿ॒ತುರ್ಜ॑ನಿ॒ತುರ್ಜಾ॒ಮಿ ತನ್ನಃ॑ |
ದೇ॒ವಾಸೋ॒ ಯತ್ರ॑ ಪನಿ॒ತಾರ॒ ಏವೈ᳚ರು॒ರೌ ಪ॒ಥಿ ವ್ಯು॑ತೇ ತ॒ಸ್ಥುರ॒‌ನ್ತಃ || 3.54.9
ಇ॒ಮಂ ಸ್ತೋಮಂ᳚ ರೋದಸೀ॒ ಪ್ರ ಬ್ರ॑ವೀಮ್ಯೃದೂ॒ದರಾಃ᳚ ಶೃಣವನ್ನಗ್ನಿಜಿ॒ಹ್ವಾಃ |
ಮಿ॒ತ್ರಃ ಸ॒ಮ್ರಾಜೋ॒ ವರು॑ಣೋ॒ ಯುವಾ᳚ನ ಆದಿ॒ತ್ಯಾಸಃ॑ ಕ॒ವಯಃ॑ ಪಪ್ರಥಾ॒ನಾಃ || 3.54.10
ಹಿರ᳚ಣ್ಯಪಾಣಿಃ ಸವಿ॒ತಾ ಸು॑ಜಿ॒ಹ್ವಸ್ತ್ರಿರಾ ದಿ॒ವೋ ವಿ॒ದಥೇ॒ ಪತ್ಯ॑ಮಾನಃ |
ದೇ॒ವೇಷು॑ ಚ ಸವಿತಃ॒ ಶ್ಲೋಕ॒ಮಶ್ರೇ॒ರಾದ॒ಸ್ಮಭ್ಯ॒ಮಾ ಸು॑ವ ಸ॒ರ್ವತಾ᳚ತಿ‌ಮ್ || 3.54.11
ಸು॒ಕೃತ್ಸು॑ಪಾ॒ಣಿಃ ಸ್ವವಾಁ᳚ ಋ॒ತಾವಾ᳚ ದೇ॒ವಸ್ತ್ವಷ್ಟಾವ॑ಸೇ॒ ತಾನಿ॑ ನೋ ಧಾತ್ |
ಪೂ॒ಷ॒ಣ್ವ‌ನ್ತ॑ ಋಭವೋ ಮಾದಯಧ್ವಮೂ॒ರ್ಧ್ವಗ್ರಾ᳚ವಾಣೋ ಅಧ್ವ॒ರಮ॑ತಷ್ಟ || 3.54.12
ವಿ॒ದ್ಯುದ್ರ॑ಥಾ ಮ॒ರುತ॑ ಋಷ್ಟಿ॒ಮ‌ನ್ತೋ᳚ ದಿ॒ವೋ ಮರ್ಯಾ᳚ ಋ॒ತಜಾ᳚ತಾ ಅ॒ಯಾಸಃ॑ |
ಸರ॑ಸ್ವತೀ ಶೃಣವನ್ಯ॒ಜ್ಞಿಯಾ᳚ಸೋ॒ ಧಾತಾ᳚ ರ॒ಯಿಂ ಸ॒ಹವೀ᳚ರಂ ತುರಾಸಃ || 3.54.13
ವಿಷ್ಣುಂ॒ ಸ್ತೋಮಾ᳚ಸಃ ಪುರುದ॒ಸ್ಮಮ॒ರ್ಕಾ ಭಗ॑ಸ್ಯೇವ ಕಾ॒ರಿಣೋ॒ ಯಾಮ॑ನಿ ಗ್ಮನ್ |
ಉ॒ರು॒ಕ್ರ॒ಮಃ ಕ॑ಕು॒ಹೋ ಯಸ್ಯ॑ ಪೂ॒ರ್ವೀರ್ನ ಮ॑ರ್ಧ‌ನ್ತಿ ಯುವ॒ತಯೋ॒ ಜನಿ॑ತ್ರೀಃ || 3.54.14
ಇಂದ್ರೋ॒ ವಿಶ್ವೈ᳚ರ್ವೀ॒ರ್ಯೈ॒3॒ಃ॑ ಪತ್ಯ॑ಮಾನ ಉ॒ಭೇ ಆ ಪ॑ಪ್ರೌ॒ ರೋದ॑ಸೀ ಮಹಿ॒ತ್ವಾ |
ಪು॒ರಂ॒ದ॒ರೋ ವೃ॑ತ್ರ॒ಹಾ ಧೃ॒ಷ್ಣುಷೇ᳚ಣಃ ಸಂ॒ಗೃಭ್ಯಾ᳚ ನ॒ ಆ ಭ॑ರಾ॒ ಭೂರಿ॑ ಪ॒ಶ್ವಃ || 3.54.15
ನಾಸ॑ತ್ಯಾ ಮೇ ಪಿ॒ತರಾ᳚ ಬಂಧು॒ಪೃಚ್ಛಾ᳚ ಸಜಾ॒ತ್ಯ॑ಮ॒ಶ್ವಿನೋ॒ಶ್ಚಾರು॒ ನಾಮ॑ |
ಯು॒ವಂ ಹಿ ಸ್ಥೋ ರ॑ಯಿ॒ದೌ ನೋ᳚ ರಯೀ॒ಣಾಂ ದಾ॒ತ್ರಂ ರ॑ಕ್ಷೇಥೇ॒ ಅಕ॑ವೈ॒ರದ॑ಬ್ಧಾ || 3.54.16
ಮ॒ಹತ್ತದ್ವಃ॑ ಕವಯ॒ಶ್ಚಾರು॒ ನಾಮ॒ ಯದ್ಧ॑ ದೇವಾ॒ ಭವ॑ಥ॒ ವಿಶ್ವ॒ ಇಂದ್ರೇ᳚ |
ಸಖ॑ ಋ॒ಭುಭಿಃ॑ ಪುರುಹೂತ ಪ್ರಿ॒ಯೇಭಿ॑ರಿ॒ಮಾಂ ಧಿಯಂ᳚ ಸಾ॒ತಯೇ᳚ ತಕ್ಷತಾ ನಃ || 3.54.17
ಅ॒ರ್ಯ॒ಮಾ ಣೋ॒ ಅದಿ॑ತಿರ್ಯ॒ಜ್ಞಿಯಾ॒ಸೋಽದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ |
ಯು॒ಯೋತ॑ ನೋ ಅನಪ॒ತ್ಯಾನಿ॒ ಗ‌ನ್ತೋಃ᳚ ಪ್ರ॒ಜಾವಾ᳚ನ್ನಃ ಪಶು॒ಮಾಁ ಅ॑ಸ್ತು ಗಾ॒ತುಃ || 3.54.18
ದೇ॒ವಾನಾಂ᳚ ದೂ॒ತಃ ಪು॑ರು॒ಧ ಪ್ರಸೂ॒ತೋಽನಾ᳚ಗಾನ್ನೋ ವೋಚತು ಸ॒ರ್ವತಾ᳚ತಾ |
ಶೃ॒ಣೋತು॑ ನಃ ಪೃಥಿ॒ವೀ ದ್ಯೌರು॒ತಾಪಃ॒ ಸೂರ್ಯೋ॒ ನಕ್ಷ॑ತ್ರೈರು॒ರ್ವ1॒᳚‌ನ್ತರಿ॑ಕ್ಷ‌ಮ್ || 3.54.19
ಶೃ॒ಣ್ವ‌ನ್ತು॑ ನೋ॒ ವೃಷ॑ಣಃ॒ ಪರ್ವ॑ತಾಸೋ ಧ್ರು॒ವಕ್ಷೇ᳚ಮಾಸ॒ ಇಳ॑ಯಾ॒ ಮದ᳚‌ನ್ತಃ |
ಆ॒ದಿ॒ತ್ಯೈರ್ನೋ॒ ಅದಿ॑ತಿಃ ಶೃಣೋತು॒ ಯಚ್ಛ᳚‌ನ್ತು ನೋ ಮ॒ರುತಃ॒ ಶರ್ಮ॑ ಭ॒ದ್ರ‌ಮ್ || 3.54.20
ಸದಾ᳚ ಸು॒ಗಃ ಪಿ॑ತು॒ಮಾಁ ಅ॑ಸ್ತು॒ ಪ‌ನ್ಥಾ॒ ಮಧ್ವಾ᳚ ದೇವಾ॒ ಓಷ॑ಧೀಃ॒ ಸಂ ಪಿ॑ಪೃಕ್ತ |
ಭಗೋ᳚ ಮೇ ಅಗ್ನೇ ಸ॒ಖ್ಯೇ ನ ಮೃ॑ಧ್ಯಾ॒ ಉದ್ರಾ॒ಯೋ ಅ॑ಶ್ಯಾಂ॒ ಸದ॑ನಂ ಪುರು॒ಕ್ಷೋಃ || 3.54.21
ಸ್ವದ॑ಸ್ವ ಹ॒ವ್ಯಾ ಸಮಿಷೋ᳚ ದಿದೀಹ್ಯಸ್ಮ॒ದ್ರ್ಯ1॒॑ಕ್ಸಂ ಮಿ॑ಮೀಹಿ॒ ಶ್ರವಾಂ᳚ಸಿ |
ವಿಶ್ವಾಁ᳚ ಅಗ್ನೇ ಪೃ॒ತ್ಸು ತಾಂಜೇ᳚ಷಿ॒ ಶತ್ರೂ॒ನಹಾ॒ ವಿಶ್ವಾ᳚ ಸು॒ಮನಾ᳚ ದೀದಿಹೀ ನಃ || 3.54.22

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಉ॒ಷಸಃ॒ ಪೂರ್ವಾ॒ ಅಧ॒ ಯದ್ವ್ಯೂ॒ಷುರ್ಮ॒ಹದ್ವಿ ಜ॑ಜ್ಞೇ ಅ॒ಕ್ಷರಂ᳚ ಪ॒ದೇ ಗೋಃ |
ವ್ರ॒ತಾ ದೇ॒ವಾನಾ॒ಮುಪ॒ ನು ಪ್ರ॒ಭೂಷ᳚ನ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.1
ಮೋ ಷೂ ಣೋ॒ ಅತ್ರ॑ ಜುಹುರ‌ನ್ತ ದೇ॒ವಾ ಮಾ ಪೂರ್ವೇ᳚ ಅಗ್ನೇ ಪಿ॒ತರಃ॑ ಪದ॒ಜ್ಞಾಃ |
ಪು॒ರಾ॒ಣ್ಯೋಃ ಸದ್ಮ॑ನೋಃ ಕೇ॒ತುರ॒‌ನ್ತರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.2
ವಿ ಮೇ᳚ ಪುರು॒ತ್ರಾ ಪ॑ತಯ‌ನ್ತಿ॒ ಕಾಮಾಃ॒ ಶಮ್ಯಚ್ಛಾ᳚ ದೀದ್ಯೇ ಪೂ॒ರ್ವ್ಯಾಣಿ॑ |
ಸಮಿ॑ದ್ಧೇ ಅ॒ಗ್ನಾವೃ॒ತಮಿದ್ವ॑ದೇಮ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.3
ಸ॒ಮಾ॒ನೋ ರಾಜಾ॒ ವಿಭೃ॑ತಃ ಪುರು॒ತ್ರಾ ಶಯೇ᳚ ಶ॒ಯಾಸು॒ ಪ್ರಯು॑ತೋ॒ ವನಾನು॑ |
ಅ॒ನ್ಯಾ ವ॒ತ್ಸಂ ಭರ॑ತಿ॒ ಕ್ಷೇತಿ॑ ಮಾ॒ತಾ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.4
ಆ॒ಕ್ಷಿತ್ಪೂರ್ವಾ॒ಸ್ವಪ॑ರಾ ಅನೂ॒ರುತ್ಸ॒ದ್ಯೋ ಜಾ॒ತಾಸು॒ ತರು॑ಣೀಷ್ವ॒‌ನ್ತಃ |
ಅ॒‌ನ್ತರ್ವ॑ತೀಃ ಸುವತೇ॒ ಅಪ್ರ॑ವೀತಾ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.5
ಶ॒ಯುಃ ಪ॒ರಸ್ತಾ॒ದಧ॒ ನು ದ್ವಿ॑ಮಾ॒ತಾಬಂ᳚ಧ॒ನಶ್ಚ॑ರತಿ ವ॒ತ್ಸ ಏಕಃ॑ |
ಮಿ॒ತ್ರಸ್ಯ॒ ತಾ ವರು॑ಣಸ್ಯ ವ್ರ॒ತಾನಿ॑ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.6
ದ್ವಿ॒ಮಾ॒ತಾ ಹೋತಾ᳚ ವಿ॒ದಥೇ᳚ಷು ಸ॒ಮ್ರಾಳನ್ವಗ್ರಂ॒ ಚರ॑ತಿ॒ ಕ್ಷೇತಿ॑ ಬು॒ಧ್ನಃ |
ಪ್ರ ರಣ್ಯಾ᳚ನಿ ರಣ್ಯ॒ವಾಚೋ᳚ ಭರ‌ನ್ತೇ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.7
ಶೂರ॑ಸ್ಯೇವ॒ ಯುಧ್ಯ॑ತೋ ಅ‌ನ್ತ॒ಮಸ್ಯ॑ ಪ್ರತೀ॒ಚೀನಂ᳚ ದದೃಶೇ॒ ವಿಶ್ವ॑ಮಾ॒ಯತ್ |
ಅ॒‌ನ್ತರ್ಮ॒ತಿಶ್ಚ॑ರತಿ ನಿ॒ಷ್ಷಿಧಂ॒ ಗೋರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.8
ನಿ ವೇ᳚ವೇತಿ ಪಲಿ॒ತೋ ದೂ॒ತ ಆ᳚ಸ್ವ॒‌ನ್ತರ್ಮ॒ಹಾಁಶ್ಚ॑ರತಿ ರೋಚ॒ನೇನ॑ |
ವಪೂಂ᳚ಷಿ॒ ಬಿಭ್ರ॑ದ॒ಭಿ ನೋ॒ ವಿ ಚ॑ಷ್ಟೇ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.9
ವಿಷ್ಣು॑ರ್ಗೋ॒ಪಾಃ ಪ॑ರ॒ಮಂ ಪಾ᳚ತಿ॒ ಪಾಥಃ॑ ಪ್ರಿ॒ಯಾ ಧಾಮಾ᳚ನ್ಯ॒ಮೃತಾ॒ ದಧಾ᳚ನಃ |
ಅ॒ಗ್ನಿಷ್ಟಾ ವಿಶ್ವಾ॒ ಭುವ॑ನಾನಿ ವೇದ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.10
ನಾನಾ᳚ ಚಕ್ರಾತೇ ಯ॒ಮ್ಯಾ॒3॒॑ ವಪೂಂ᳚ಷಿ॒ ತಯೋ᳚ರ॒ನ್ಯದ್ರೋಚ॑ತೇ ಕೃ॒ಷ್ಣಮ॒ನ್ಯತ್ |
ಶ್ಯಾವೀ᳚ ಚ॒ ಯದರು॑ಷೀ ಚ॒ ಸ್ವಸಾ᳚ರೌ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.11
ಮಾ॒ತಾ ಚ॒ ಯತ್ರ॑ ದುಹಿ॒ತಾ ಚ॑ ಧೇ॒ನೂ ಸ॑ಬ॒ರ್ದುಘೇ᳚ ಧಾ॒ಪಯೇ᳚ತೇ ಸಮೀ॒ಚೀ |
ಋ॒ತಸ್ಯ॒ ತೇ ಸದ॑ಸೀಳೇ ಅ॒‌ನ್ತರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.12
ಅ॒ನ್ಯಸ್ಯಾ᳚ ವ॒ತ್ಸಂ ರಿ॑ಹ॒ತೀ ಮಿ॑ಮಾಯ॒ ಕಯಾ᳚ ಭು॒ವಾ ನಿ ದ॑ಧೇ ಧೇ॒ನುರೂಧಃ॑ |
ಋ॒ತಸ್ಯ॒ ಸಾ ಪಯ॑ಸಾಪಿನ್ವ॒ತೇಳಾ᳚ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.13
ಪದ್ಯಾ᳚ ವಸ್ತೇ ಪುರು॒ರೂಪಾ॒ ವಪೂಂ᳚ಷ್ಯೂ॒ರ್ಧ್ವಾ ತ॑ಸ್ಥೌ॒ ತ್ರ್ಯವಿಂ॒ ರೇರಿ॑ಹಾಣಾ |
ಋ॒ತಸ್ಯ॒ ಸದ್ಮ॒ ವಿ ಚ॑ರಾಮಿ ವಿ॒ದ್ವಾನ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.14
ಪ॒ದೇ ಇ॑ವ॒ ನಿಹಿ॑ತೇ ದ॒ಸ್ಮೇ ಅ॒‌ನ್ತಸ್ತಯೋ᳚ರ॒ನ್ಯದ್ಗುಹ್ಯ॑ಮಾ॒ವಿರ॒ನ್ಯತ್ |
ಸ॒ಧ್ರೀ॒ಚೀ॒ನಾ ಪ॒ಥ್ಯಾ॒3॒॑ ಸಾ ವಿಷೂ᳚ಚೀ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.15
ಆ ಧೇ॒ನವೋ᳚ ಧುನಯ‌ನ್ತಾ॒ಮಶಿ॑ಶ್ವೀಃ ಸಬ॒ರ್ದುಘಾಃ᳚ ಶಶ॒ಯಾ ಅಪ್ರ॑ದುಗ್ಧಾಃ |
ನವ್ಯಾ᳚ನವ್ಯಾ ಯುವ॒ತಯೋ॒ ಭವ᳚‌ನ್ತೀರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.16
ಯದ॒ನ್ಯಾಸು॑ ವೃಷ॒ಭೋ ರೋರ॑ವೀತಿ॒ ಸೋ ಅ॒ನ್ಯಸ್ಮಿ᳚ನ್ಯೂ॒ಥೇ ನಿ ದ॑ಧಾತಿ॒ ರೇತಃ॑ |
ಸ ಹಿ ಕ್ಷಪಾ᳚ವಾ॒‌‌ನ್ತ್ಸ ಭಗಃ॒ ಸ ರಾಜಾ᳚ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.17
ವೀ॒ರಸ್ಯ॒ ನು ಸ್ವಶ್ವ್ಯಂ᳚ ಜನಾಸಃ॒ ಪ್ರ ನು ವೋ᳚ಚಾಮ ವಿ॒ದುರ॑ಸ್ಯ ದೇ॒ವಾಃ |
ಷೋ॒ಳ್ಹಾ ಯು॒ಕ್ತಾಃ ಪಂಚ॑ಪಂ॒ಚಾ ವ॑ಹ‌ನ್ತಿ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.18
ದೇ॒ವಸ್ತ್ವಷ್ಟಾ᳚ ಸವಿ॒ತಾ ವಿ॒ಶ್ವರೂ᳚ಪಃ ಪು॒ಪೋಷ॑ ಪ್ರ॒ಜಾಃ ಪು॑ರು॒ಧಾ ಜ॑ಜಾನ |
ಇ॒ಮಾ ಚ॒ ವಿಶ್ವಾ॒ ಭುವ॑ನಾನ್ಯಸ್ಯ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.19
ಮ॒ಹೀ ಸಮೈ᳚ರಚ್ಚ॒ಮ್ವಾ᳚ ಸಮೀ॒ಚೀ ಉ॒ಭೇ ತೇ ಅ॑ಸ್ಯ॒ ವಸು॑ನಾ॒ ನ್ಯೃ॑ಷ್ಟೇ |
ಶೃ॒ಣ್ವೇ ವೀ॒ರೋ ವಿಂ॒ದಮಾ᳚ನೋ॒ ವಸೂ᳚ನಿ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.20
ಇ॒ಮಾಂ ಚ॑ ನಃ ಪೃಥಿ॒ವೀಂ ವಿ॒ಶ್ವಧಾ᳚ಯಾ॒ ಉಪ॑ ಕ್ಷೇತಿ ಹಿ॒ತಮಿ॑ತ್ರೋ॒ ನ ರಾಜಾ᳚ |
ಪು॒ರಃ॒ಸದಃ॑ ಶರ್ಮ॒ಸದೋ॒ ನ ವೀ॒ರಾ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.21
ನಿ॒ಷ್ಷಿಧ್ವ॑ರೀಸ್ತ॒ ಓಷ॑ಧೀರು॒ತಾಪೋ᳚ ರ॒ಯಿಂ ತ॑ ಇಂದ್ರ ಪೃಥಿ॒ವೀ ಬಿ॑ಭರ್ತಿ |
ಸಖಾ᳚ಯಸ್ತೇ ವಾಮ॒ಭಾಜಃ॑ ಸ್ಯಾಮ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕ‌ಮ್᳚ || 3.55.22

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿರೃಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ನ ತಾ ಮಿ॑ನ‌ನ್ತಿ ಮಾ॒ಯಿನೋ॒ ನ ಧೀರಾ᳚ ವ್ರ॒ತಾ ದೇ॒ವಾನಾಂ᳚ ಪ್ರಥ॒ಮಾ ಧ್ರು॒ವಾಣಿ॑ |
ನ ರೋದ॑ಸೀ ಅ॒ದ್ರುಹಾ᳚ ವೇ॒ದ್ಯಾಭಿ॒ರ್ನ ಪರ್ವ॑ತಾ ನಿ॒ನಮೇ᳚ ತಸ್ಥಿ॒ವಾಂಸಃ॑ || 3.56.1
ಷಡ್ಭಾ॒ರಾಁ ಏಕೋ॒ ಅಚ॑ರನ್ಬಿಭರ್ತ್ಯೃ॒ತಂ ವರ್ಷಿ॑ಷ್ಠ॒ಮುಪ॒ ಗಾವ॒ ಆಗುಃ॑ |
ತಿ॒ಸ್ರೋ ಮ॒ಹೀರುಪ॑ರಾಸ್ತಸ್ಥು॒ರತ್ಯಾ॒ ಗುಹಾ॒ ದ್ವೇ ನಿಹಿ॑ತೇ॒ ದರ್ಶ್ಯೇಕಾ᳚ || 3.56.2
ತ್ರಿ॒ಪಾ॒ಜ॒ಸ್ಯೋ ವೃ॑ಷ॒ಭೋ ವಿ॒ಶ್ವರೂ᳚ಪ ಉ॒ತ ತ್ರ್ಯು॒ಧಾ ಪು॑ರು॒ಧ ಪ್ರ॒ಜಾವಾನ್॑ |
ತ್ರ್ಯ॒ನೀ॒ಕಃ ಪ॑ತ್ಯತೇ॒ ಮಾಹಿ॑ನಾವಾ॒‌‌ನ್ತ್ಸ ರೇ᳚ತೋ॒ಧಾ ವೃ॑ಷ॒ಭಃ ಶಶ್ವ॑ತೀನಾ‌ಮ್ || 3.56.3
ಅ॒ಭೀಕ॑ ಆಸಾಂ ಪದ॒ವೀರ॑ಬೋಧ್ಯಾದಿ॒ತ್ಯಾನಾ᳚ಮಹ್ವೇ॒ ಚಾರು॒ ನಾಮ॑ |
ಆಪ॑ಶ್ಚಿದಸ್ಮಾ ಅರಮ‌ನ್ತ ದೇ॒ವೀಃ ಪೃಥ॒ಗ್ವ್ರಜ᳚‌ನ್ತೀಃ॒ ಪರಿ॑ ಷೀಮವೃಂಜನ್ || 3.56.4
ತ್ರೀ ಷ॒ಧಸ್ಥಾ᳚ ಸಿಂಧವ॒ಸ್ತ್ರಿಃ ಕ॑ವೀ॒ನಾಮು॒ತ ತ್ರಿ॑ಮಾ॒ತಾ ವಿ॒ದಥೇ᳚ಷು ಸ॒ಮ್ರಾಟ್ |
ಋ॒ತಾವ॑ರೀ॒ರ್ಯೋಷ॑ಣಾಸ್ತಿ॒ಸ್ರೋ ಅಪ್ಯಾ॒ಸ್ತ್ರಿರಾ ದಿ॒ವೋ ವಿ॒ದಥೇ॒ ಪತ್ಯ॑ಮಾನಾಃ || 3.56.5
ತ್ರಿರಾ ದಿ॒ವಃ ಸ॑ವಿತ॒ರ್ವಾರ್ಯಾ᳚ಣಿ ದಿ॒ವೇದಿ॑ವ॒ ಆ ಸು॑ವ॒ ತ್ರಿರ್ನೋ॒ ಅಹ್ನಃ॑ |
ತ್ರಿ॒ಧಾತು॑ ರಾ॒ಯ ಆ ಸು॑ವಾ॒ ವಸೂ᳚ನಿ॒ ಭಗ॑ ತ್ರಾತರ್ಧಿಷಣೇ ಸಾ॒ತಯೇ᳚ ಧಾಃ || 3.56.6
ತ್ರಿರಾ ದಿ॒ವಃ ಸ॑ವಿ॒ತಾ ಸೋ᳚ಷವೀತಿ॒ ರಾಜಾ᳚ನಾ ಮಿ॒ತ್ರಾವರು॑ಣಾ ಸುಪಾ॒ಣೀ |
ಆಪ॑ಶ್ಚಿದಸ್ಯ॒ ರೋದ॑ಸೀ ಚಿದು॒ರ್ವೀ ರತ್ನಂ᳚ ಭಿಕ್ಷ‌ನ್ತ ಸವಿ॒ತುಃ ಸ॒ವಾಯ॑ || 3.56.7
ತ್ರಿರು॑ತ್ತ॒ಮಾ ದೂ॒ಣಶಾ᳚ ರೋಚ॒ನಾನಿ॒ ತ್ರಯೋ᳚ ರಾಜ॒‌ನ್ತ್ಯಸು॑ರಸ್ಯ ವೀ॒ರಾಃ |
ಋ॒ತಾವಾ᳚ನ ಇಷಿ॒ರಾ ದೂ॒ಳಭಾ᳚ಸ॒ಸ್ತ್ರಿರಾ ದಿ॒ವೋ ವಿ॒ದಥೇ᳚ ಸ‌ನ್ತು ದೇ॒ವಾಃ || 3.56.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ ಮೇ᳚ ವಿವಿ॒ಕ್ವಾಁ ಅ॑ವಿದನ್ಮನೀ॒ಷಾಂ ಧೇ॒ನುಂ ಚರ᳚‌ನ್ತೀಂ॒ ಪ್ರಯು॑ತಾ॒ಮಗೋ᳚ಪಾ‌ಮ್ |
ಸ॒ದ್ಯಶ್ಚಿ॒ದ್ಯಾ ದು॑ದು॒ಹೇ ಭೂರಿ॑ ಧಾ॒ಸೇರಿಂದ್ರ॒ಸ್ತದ॒ಗ್ನಿಃ ಪ॑ನಿ॒ತಾರೋ᳚ ಅಸ್ಯಾಃ || 3.57.1
ಇಂದ್ರಃ॒ ಸು ಪೂ॒ಷಾ ವೃಷ॑ಣಾ ಸು॒ಹಸ್ತಾ᳚ ದಿ॒ವೋ ನ ಪ್ರೀ॒ತಾಃ ಶ॑ಶ॒ಯಂ ದು॑ದುಹ್ರೇ |
ವಿಶ್ವೇ॒ ಯದ॑ಸ್ಯಾಂ ರ॒ಣಯ᳚‌ನ್ತ ದೇ॒ವಾಃ ಪ್ರ ವೋಽತ್ರ॑ ವಸವಃ ಸು॒ಮ್ನಮ॑ಶ್ಯಾ‌ಮ್ || 3.57.2
ಯಾ ಜಾ॒ಮಯೋ॒ ವೃಷ್ಣ॑ ಇ॒ಚ್ಛ‌ನ್ತಿ॑ ಶ॒ಕ್ತಿಂ ನ॑ಮ॒ಸ್ಯ‌ನ್ತೀ᳚ರ್ಜಾನತೇ॒ ಗರ್ಭ॑ಮಸ್ಮಿನ್ |
ಅಚ್ಛಾ᳚ ಪು॒ತ್ರಂ ಧೇ॒ನವೋ᳚ ವಾವಶಾ॒ನಾ ಮ॒ಹಶ್ಚ॑ರ‌ನ್ತಿ॒ ಬಿಭ್ರ॑ತಂ॒ ವಪೂಂ᳚ಷಿ || 3.57.3
ಅಚ್ಛಾ᳚ ವಿವಕ್ಮಿ॒ ರೋದ॑ಸೀ ಸು॒ಮೇಕೇ॒ ಗ್ರಾವ್ಣೋ᳚ ಯುಜಾ॒ನೋ ಅ॑ಧ್ವ॒ರೇ ಮ॑ನೀ॒ಷಾ |
ಇ॒ಮಾ ಉ॑ ತೇ॒ ಮನ॑ವೇ॒ ಭೂರಿ॑ವಾರಾ ಊ॒ರ್ಧ್ವಾ ಭ॑ವ‌ನ್ತಿ ದರ್ಶ॒ತಾ ಯಜ॑ತ್ರಾಃ || 3.57.4
ಯಾ ತೇ᳚ ಜಿ॒ಹ್ವಾ ಮಧು॑ಮತೀ ಸುಮೇ॒ಧಾ ಅಗ್ನೇ᳚ ದೇ॒ವೇಷೂ॒ಚ್ಯತ॑ ಉರೂ॒ಚೀ |
ತಯೇ॒ಹ ವಿಶ್ವಾಁ॒ ಅವ॑ಸೇ॒ ಯಜ॑ತ್ರಾ॒ನಾ ಸಾ᳚ದಯ ಪಾ॒ಯಯಾ᳚ ಚಾ॒ ಮಧೂ᳚ನಿ || 3.57.5
ಯಾ ತೇ᳚ ಅಗ್ನೇ॒ ಪರ್ವ॑ತಸ್ಯೇವ॒ ಧಾರಾಸ॑ಶ್ಚ‌ನ್ತೀ ಪೀ॒ಪಯ॑ದ್ದೇವ ಚಿ॒ತ್ರಾ |
ತಾಮ॒ಸ್ಮಭ್ಯಂ॒ ಪ್ರಮ॑ತಿಂ ಜಾತವೇದೋ॒ ವಸೋ॒ ರಾಸ್ವ॑ ಸುಮ॒ತಿಂ ವಿ॒ಶ್ವಜ᳚ನ್ಯಾ‌ಮ್ || 3.57.6

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಧೇ॒ನುಃ ಪ್ರ॒ತ್ನಸ್ಯ॒ ಕಾಮ್ಯಂ॒ ದುಹಾ᳚ನಾ॒‌ನ್ತಃ ಪು॒ತ್ರಶ್ಚ॑ರತಿ॒ ದಕ್ಷಿ॑ಣಾಯಾಃ |
ಆ ದ್ಯೋ᳚ತ॒ನಿಂ ವ॑ಹತಿ ಶು॒ಭ್ರಯಾ᳚ಮೋ॒ಷಸಃ॒ ಸ್ತೋಮೋ᳚ ಅ॒ಶ್ವಿನಾ᳚ವಜೀಗಃ || 3.58.1
ಸು॒ಯುಗ್ವ॑ಹ‌ನ್ತಿ॒ ಪ್ರತಿ॑ ವಾಮೃ॒ತೇನೋ॒ರ್ಧ್ವಾ ಭ॑ವ‌ನ್ತಿ ಪಿ॒ತರೇ᳚ವ॒ ಮೇಧಾಃ᳚ |
ಜರೇ᳚ಥಾಮ॒ಸ್ಮದ್ವಿ ಪ॒ಣೇರ್ಮ॑ನೀ॒ಷಾಂ ಯು॒ವೋರವ॑ಶ್ಚಕೃ॒ಮಾ ಯಾ᳚ತಮ॒ರ್ವಾಕ್ || 3.58.2
ಸು॒ಯುಗ್ಭಿ॒ರಶ್ವೈಃ᳚ ಸು॒ವೃತಾ॒ ರಥೇ᳚ನ॒ ದಸ್ರಾ᳚ವಿ॒ಮಂ ಶೃ॑ಣುತಂ॒ ಶ್ಲೋಕ॒ಮದ್ರೇಃ᳚ |
ಕಿಮಂ॒ಗ ವಾಂ॒ ಪ್ರತ್ಯವ॑ರ್ತಿಂ॒ ಗಮಿ॑ಷ್ಠಾ॒ಹುರ್ವಿಪ್ರಾ᳚ಸೋ ಅಶ್ವಿನಾ ಪುರಾ॒ಜಾಃ || 3.58.3
ಆ ಮ᳚ನ್ಯೇಥಾ॒ಮಾ ಗ॑ತಂ॒ ಕಚ್ಚಿ॒ದೇವೈ॒ರ್ವಿಶ್ವೇ॒ ಜನಾ᳚ಸೋ ಅ॒ಶ್ವಿನಾ᳚ ಹವ‌ನ್ತೇ |
ಇ॒ಮಾ ಹಿ ವಾಂ॒ ಗೋಋ॑ಜೀಕಾ॒ ಮಧೂ᳚ನಿ॒ ಪ್ರ ಮಿ॒ತ್ರಾಸೋ॒ ನ ದ॒ದುರು॒ಸ್ರೋ ಅಗ್ರೇ᳚ || 3.58.4
ತಿ॒ರಃ ಪು॒ರೂ ಚಿ॑ದಶ್ವಿನಾ॒ ರಜಾಂ᳚ಸ್ಯಾಂಗೂ॒ಷೋ ವಾಂ᳚ ಮಘವಾನಾ॒ ಜನೇ᳚ಷು |
ಏಹ ಯಾ᳚ತಂ ಪ॒ಥಿಭಿ॑ರ್ದೇವ॒ಯಾನೈ॒ರ್ದಸ್ರಾ᳚ವಿ॒ಮೇ ವಾಂ᳚ ನಿ॒ಧಯೋ॒ ಮಧೂ᳚ನಾ‌ಮ್ || 3.58.5
ಪು॒ರಾ॒ಣಮೋಕಃ॑ ಸ॒ಖ್ಯಂ ಶಿ॒ವಂ ವಾಂ᳚ ಯು॒ವೋರ್ನ॑ರಾ॒ ದ್ರವಿ॑ಣಂ ಜ॒ಹ್ನಾವ್ಯಾ᳚‌ಮ್ |
ಪುನಃ॑ ಕೃಣ್ವಾ॒ನಾಃ ಸ॒ಖ್ಯಾ ಶಿ॒ವಾನಿ॒ ಮಧ್ವಾ᳚ ಮದೇಮ ಸ॒ಹ ನೂ ಸ॑ಮಾ॒ನಾಃ || 3.58.6
ಅಶ್ವಿ॑ನಾ ವಾ॒ಯುನಾ᳚ ಯು॒ವಂ ಸು॑ದಕ್ಷಾ ನಿ॒ಯುದ್ಭಿ॑ಷ್ಚ ಸ॒ಜೋಷ॑ಸಾ ಯುವಾನಾ |
ನಾಸ॑ತ್ಯಾ ತಿ॒ರೋಅ᳚ಹ್ನ್ಯಂ ಜುಷಾ॒ಣಾ ಸೋಮಂ᳚ ಪಿಬತಮ॒ಸ್ರಿಧಾ᳚ ಸುದಾನೂ || 3.58.7
ಅಶ್ವಿ॑ನಾ॒ ಪರಿ॑ ವಾ॒ಮಿಷಃ॑ ಪುರೂ॒ಚೀರೀ॒ಯುರ್ಗೀ॒ರ್ಭಿರ್ಯತ॑ಮಾನಾ॒ ಅಮೃ॑ಧ್ರಾಃ |
ರಥೋ᳚ ಹ ವಾಮೃತ॒ಜಾ ಅದ್ರಿ॑ಜೂತಃ॒ ಪರಿ॒ ದ್ಯಾವಾ᳚ಪೃಥಿ॒ವೀ ಯಾ᳚ತಿ ಸ॒ದ್ಯಃ || 3.58.8
ಅಶ್ವಿ॑ನಾ ಮಧು॒ಷುತ್ತ॑ಮೋ ಯು॒ವಾಕುಃ॒ ಸೋಮ॒ಸ್ತಂ ಪಾ᳚ತ॒ಮಾ ಗ॑ತಂ ದುರೋ॒ಣೇ |
ರಥೋ᳚ ಹ ವಾಂ॒ ಭೂರಿ॒ ವರ್ಪಃ॒ ಕರಿ॑ಕ್ರತ್ಸು॒ತಾವ॑ತೋ ನಿಷ್ಕೃ॒ತಮಾಗ॑ಮಿಷ್ಠಃ || 3.58.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಮಿತ್ರೋ ದೇವತಾ, (1-5) ಪ್ರಥಮಾದಿಪಂಚಾ ತ್ರಿಷ್ಟುಪ್ (6-9) ಷಷ್ಠ್ಯಾದಿಚತಸೃಣಾಂಚ ಗಾಯತ್ರೀ ಛಂದಸೀ

ಮಿ॒ತ್ರೋ ಜನಾ᳚ನ್ಯಾತಯತಿ ಬ್ರುವಾ॒ಣೋ ಮಿ॒ತ್ರೋ ದಾ᳚ಧಾರ ಪೃಥಿ॒ವೀಮು॒ತ ದ್ಯಾ‌ಮ್ |
ಮಿ॒ತ್ರಃ ಕೃ॒ಷ್ಟೀರನಿ॑ಮಿಷಾ॒ಭಿ ಚ॑ಷ್ಟೇ ಮಿ॒ತ್ರಾಯ॑ ಹ॒ವ್ಯಂ ಘೃ॒ತವ॑ಜ್ಜುಹೋತ || 3.59.1
ಪ್ರ ಸ ಮಿ॑ತ್ರ॒ ಮರ್ತೋ᳚ ಅಸ್ತು॒ ಪ್ರಯ॑ಸ್ವಾ॒ನ್ಯಸ್ತ॑ ಆದಿತ್ಯ॒ ಶಿಕ್ಷ॑ತಿ ವ್ರ॒ತೇನ॑ |
ನ ಹ᳚ನ್ಯತೇ॒ ನ ಜೀ᳚ಯತೇ॒ ತ್ವೋತೋ॒ ನೈನ॒ಮಂಹೋ᳚ ಅಶ್ನೋ॒ತ್ಯ‌ನ್ತಿ॑ತೋ॒ ನ ದೂ॒ರಾತ್ || 3.59.2
ಅ॒ನ॒ಮೀ॒ವಾಸ॒ ಇಳ॑ಯಾ॒ ಮದ᳚‌ನ್ತೋ ಮಿ॒ತಜ್ಞ॑ವೋ॒ ವರಿ॑ಮ॒ನ್ನಾ ಪೃ॑ಥಿ॒ವ್ಯಾಃ |
ಆ॒ದಿ॒ತ್ಯಸ್ಯ᳚ ವ್ರ॒ತಮು॑ಪಕ್ಷಿ॒ಯ‌ನ್ತೋ᳚ ವ॒ಯಂ ಮಿ॒ತ್ರಸ್ಯ॑ ಸುಮ॒ತೌ ಸ್ಯಾ᳚ಮ || 3.59.3
ಅ॒ಯಂ ಮಿ॒ತ್ರೋ ನ॑ಮ॒ಸ್ಯಃ॑ ಸು॒ಶೇವೋ॒ ರಾಜಾ᳚ ಸುಕ್ಷ॒ತ್ರೋ ಅ॑ಜನಿಷ್ಟ ವೇ॒ಧಾಃ |
ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ || 3.59.4
ಮ॒ಹಾಁ ಆ᳚ದಿ॒ತ್ಯೋ ನಮ॑ಸೋಪ॒ಸದ್ಯೋ᳚ ಯಾತ॒ಯಜ್ಜ॑ನೋ ಗೃಣ॒ತೇ ಸು॒ಶೇವಃ॑ |
ತಸ್ಮಾ᳚ ಏ॒ತತ್ಪನ್ಯ॑ತಮಾಯ॒ ಜುಷ್ಟ॑ಮ॒ಗ್ನೌ ಮಿ॒ತ್ರಾಯ॑ ಹ॒ವಿರಾ ಜು॑ಹೋತ || 3.59.5
ಮಿ॒ತ್ರಸ್ಯ॑ ಚರ್ಷಣೀ॒ಧೃತೋಽವೋ᳚ ದೇ॒ವಸ್ಯ॑ ಸಾನ॒ಸಿ |
ದ್ಯು॒ಮ್ನಂ ಚಿ॒ತ್ರಶ್ರ॑ವಸ್ತಮ‌ಮ್ || 3.59.6
ಅ॒ಭಿ ಯೋ ಮ॑ಹಿ॒ನಾ ದಿವಂ᳚ ಮಿ॒ತ್ರೋ ಬ॒ಭೂವ॑ ಸ॒ಪ್ರಥಾಃ᳚ |
ಅ॒ಭಿ ಶ್ರವೋ᳚ಭಿಃ ಪೃಥಿ॒ವೀ‌ಮ್ || 3.59.7
ಮಿ॒ತ್ರಾಯ॒ ಪಂಚ॑ ಯೇಮಿರೇ॒ ಜನಾ᳚ ಅ॒ಭಿಷ್ಟಿ॑ಶವಸೇ |
ಸ ದೇ॒ವಾನ್ವಿಶ್ವಾ᳚ನ್ಬಿಭರ್ತಿ || 3.59.8
ಮಿ॒ತ್ರೋ ದೇ॒ವೇಷ್ವಾ॒ಯುಷು॒ ಜನಾ᳚ಯ ವೃ॒ಕ್ತಬ॑ರ್ಹಿಷೇ |
ಇಷ॑ ಇ॒ಷ್ಟವ್ರ॑ತಾ ಅಕಃ || 3.59.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ (1-4) ಪ್ರಥಮಾದಿಚತುರೃಚ ಮೃಭವಃ (5-7) ಪಂಚಮ್ಯಾದಿತೃಚಸ್ಯ ಚ ಭವ ಇಂದ್ರಶ್ಚ ದೇವತಾಃ, ಜಗತೀ ಛಂದಃ

ಇ॒ಹೇಹ॑ ವೋ॒ ಮನ॑ಸಾ ಬಂ॒ಧುತಾ᳚ ನರ ಉ॒ಶಿಜೋ᳚ ಜಗ್ಮುರ॒ಭಿ ತಾನಿ॒ ವೇದ॑ಸಾ |
ಯಾಭಿ᳚ರ್ಮಾ॒ಯಾಭಿಃ॒ ಪ್ರತಿ॑ಜೂತಿವರ್ಪಸಃ॒ ಸೌಧ᳚ನ್ವನಾ ಯ॒ಜ್ಞಿಯಂ᳚ ಭಾ॒ಗಮಾ᳚ನ॒ಶ || 3.60.1
ಯಾಭಿಃ॒ ಶಚೀ᳚ಭಿಶ್ಚಮ॒ಸಾಁ ಅಪಿಂ᳚ಶತ॒ ಯಯಾ᳚ ಧಿ॒ಯಾ ಗಾಮರಿ॑ಣೀತ॒ ಚರ್ಮ॑ಣಃ |
ಯೇನ॒ ಹರೀ॒ ಮನ॑ಸಾ ನಿ॒ರತ॑ಕ್ಷತ॒ ತೇನ॑ ದೇವ॒ತ್ವಮೃ॑ಭವಃ॒ ಸಮಾ᳚ನಶ || 3.60.2
ಇಂದ್ರ॑ಸ್ಯ ಸ॒ಖ್ಯಮೃ॒ಭವಃ॒ ಸಮಾ᳚ನಶು॒ರ್ಮನೋ॒ರ್ನಪಾ᳚ತೋ ಅ॒ಪಸೋ᳚ ದಧನ್ವಿರೇ |
ಸೌ॒ಧ॒ನ್ವ॒ನಾಸೋ᳚ ಅಮೃತ॒ತ್ವಮೇರಿ॑ರೇ ವಿ॒ಷ್ಟ್ವೀ ಶಮೀ᳚ಭಿಃ ಸು॒ಕೃತಃ॑ ಸುಕೃ॒ತ್ಯಯಾ᳚ || 3.60.3
ಇಂದ್ರೇ᳚ಣ ಯಾಥ ಸ॒ರಥಂ᳚ ಸು॒ತೇ ಸಚಾಁ॒ ಅಥೋ॒ ವಶಾ᳚ನಾಂ ಭವಥಾ ಸ॒ಹ ಶ್ರಿ॒ಯಾ |
ನ ವಃ॑ ಪ್ರತಿ॒ಮೈ ಸು॑ಕೃ॒ತಾನಿ॑ ವಾಘತಃ॒ ಸೌಧ᳚ನ್ವನಾ ಋಭವೋ ವೀ॒ರ್ಯಾ᳚ಣಿ ಚ || 3.60.4
ಇಂದ್ರ॑ ಋ॒ಭುಭಿ॒ರ್ವಾಜ॑ವದ್ಭಿಃ॒ ಸಮು॑ಕ್ಷಿತಂ ಸು॒ತಂ ಸೋಮ॒ಮಾ ವೃ॑ಷಸ್ವಾ॒ ಗಭ॑ಸ್ತ್ಯೋಃ |
ಧಿ॒ಯೇಷಿ॒ತೋ ಮ॑ಘವಂದಾ॒ಶುಷೋ᳚ ಗೃ॒ಹೇ ಸೌ᳚ಧನ್ವ॒ನೇಭಿಃ॑ ಸ॒ಹ ಮ॑ತ್ಸ್ವಾ॒ ನೃಭಿಃ॑ || 3.60.5
ಇಂದ್ರ॑ ಋಭು॒ಮಾನ್ವಾಜ॑ವಾನ್ಮತ್ಸ್ವೇ॒ಹ ನೋ॒ಽಸ್ಮಿ‌‌ನ್ತ್ಸವ॑ನೇ॒ ಶಚ್ಯಾ᳚ ಪುರುಷ್ಟುತ |
ಇ॒ಮಾನಿ॒ ತುಭ್ಯಂ॒ ಸ್ವಸ॑ರಾಣಿ ಯೇಮಿರೇ ವ್ರ॒ತಾ ದೇ॒ವಾನಾಂ॒ ಮನು॑ಷಶ್ಚ॒ ಧರ್ಮ॑ಭಿಃ || 3.60.6
ಇಂದ್ರ॑ ಋ॒ಭುಭಿ᳚ರ್ವಾ॒ಜಿಭಿ᳚ರ್ವಾ॒ಜಯ᳚ನ್ನಿ॒ಹ ಸ್ತೋಮಂ᳚ ಜರಿ॒ತುರುಪ॑ ಯಾಹಿ ಯ॒ಜ್ಞಿಯ‌ಮ್᳚ |
ಶ॒ತಂ ಕೇತೇ᳚ಭಿರಿಷಿ॒ರೇಭಿ॑ರಾ॒ಯವೇ᳚ ಸ॒ಹಸ್ರ॑ಣೀಥೋ ಅಧ್ವ॒ರಸ್ಯ॒ ಹೋಮ॑ನಿ || 3.60.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ, ಉಷಾ ದೇವತಾ, ತ್ರಿಷ್ಟುಪ್ ಛಂದಃ

ಉಷೋ॒ ವಾಜೇ᳚ನ ವಾಜಿನಿ॒ ಪ್ರಚೇ᳚ತಾಃ॒ ಸ್ತೋಮಂ᳚ ಜುಷಸ್ವ ಗೃಣ॒ತೋ ಮ॑ಘೋನಿ |
ಪು॒ರಾ॒ಣೀ ದೇ᳚ವಿ ಯುವ॒ತಿಃ ಪುರಂ᳚ಧಿ॒ರನು᳚ ವ್ರ॒ತಂ ಚ॑ರಸಿ ವಿಶ್ವವಾರೇ || 3.61.1
ಉಷೋ᳚ ದೇ॒ವ್ಯಮ॑ರ್ತ್ಯಾ॒ ವಿ ಭಾ᳚ಹಿ ಚಂ॒ದ್ರರ॑ಥಾ ಸೂ॒ನೃತಾ᳚ ಈ॒ರಯ᳚‌ನ್ತೀ |
ಆ ತ್ವಾ᳚ ವಹ‌ನ್ತು ಸು॒ಯಮಾ᳚ಸೋ॒ ಅಶ್ವಾ॒ ಹಿರ᳚ಣ್ಯವರ್ಣಾಂ ಪೃಥು॒ಪಾಜ॑ಸೋ॒ ಯೇ || 3.61.2
ಉಷಃ॑ ಪ್ರತೀ॒ಚೀ ಭುವ॑ನಾನಿ॒ ವಿಶ್ವೋ॒ರ್ಧ್ವಾ ತಿ॑ಷ್ಠಸ್ಯ॒ಮೃತ॑ಸ್ಯ ಕೇ॒ತುಃ |
ಸ॒ಮಾ॒ನಮರ್ಥಂ᳚ ಚರಣೀ॒ಯಮಾ᳚ನಾ ಚ॒ಕ್ರಮಿ॑ವ ನವ್ಯ॒ಸ್ಯಾ ವ॑ವೃತ್ಸ್ವ || 3.61.3
ಅವ॒ ಸ್ಯೂಮೇ᳚ವ ಚಿನ್ವ॒ತೀ ಮ॒ಘೋನ್ಯು॒ಷಾ ಯಾ᳚ತಿ॒ ಸ್ವಸ॑ರಸ್ಯ॒ ಪತ್ನೀ᳚ |
ಸ್ವ1॒॑ರ್ಜನ᳚‌ನ್ತೀ ಸು॒ಭಗಾ᳚ ಸು॒ದಂಸಾ॒ ಆ‌ನ್ತಾ᳚ದ್ದಿ॒ವಃ ಪ॑ಪ್ರಥ॒ ಆ ಪೃ॑ಥಿ॒ವ್ಯಾಃ || 3.61.4
ಅಚ್ಛಾ᳚ ವೋ ದೇ॒ವೀಮು॒ಷಸಂ᳚ ವಿಭಾ॒ತೀಂ ಪ್ರ ವೋ᳚ ಭರಧ್ವಂ॒ ನಮ॑ಸಾ ಸುವೃ॒ಕ್ತಿ‌ಮ್ |
ಊ॒ರ್ಧ್ವಂ ಮ॑ಧು॒ಧಾ ದಿ॒ವಿ ಪಾಜೋ᳚ ಅಶ್ರೇ॒ತ್ಪ್ರ ರೋ᳚ಚ॒ನಾ ರು॑ರುಚೇ ರ॒ಣ್ವಸಂ᳚ದೃಕ್ || 3.61.5
ಋ॒ತಾವ॑ರೀ ದಿ॒ವೋ ಅ॒ರ್ಕೈರ॑ಬೋ॒ಧ್ಯಾ ರೇ॒ವತೀ॒ ರೋದ॑ಸೀ ಚಿ॒ತ್ರಮ॑ಸ್ಥಾತ್ |
ಆ॒ಯ॒ತೀಮ॑ಗ್ನ ಉ॒ಷಸಂ᳚ ವಿಭಾ॒ತೀಂ ವಾ॒ಮಮೇ᳚ಷಿ॒ ದ್ರವಿ॑ಣಂ॒ ಭಿಕ್ಷ॑ಮಾಣಃ || 3.61.6
ಋ॒ತಸ್ಯ॑ ಬು॒ಧ್ನ ಉ॒ಷಸಾ᳚ಮಿಷ॒ಣ್ಯನ್ವೃಷಾ᳚ ಮ॒ಹೀ ರೋದ॑ಸೀ॒ ಆ ವಿ॑ವೇಶ |
ಮ॒ಹೀ ಮಿ॒ತ್ರಸ್ಯ॒ ವರು॑ಣಸ್ಯ ಮಾ॒ಯಾ ಚಂ॒ದ್ರೇವ॑ ಭಾ॒ನುಂ ವಿ ದ॑ಧೇ ಪುರು॒ತ್ರಾ || 3.61.7

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರಃ (16-18) ಷೋಡಶ್ಯಾದಿತೃಚಸ್ಯ ಚ ಜಮದಗ್ನಿರ್ವಾ ಋಷಿಃ (1-3) ಪ್ರಥಮಾದಿತೃಚಸ್ಯೇಂದ್ರಾವರುಣೌ (46) ಚತುರ್ಥ್ಯಾದಿತೃಚಸ್ಯ ಬೃಹಸ್ಪತಿಃ (7-9) ಸಪ್ತಮ್ಯಾದಿತೃಚಸ್ಯ ಪೂಷಾ (10-12) ದಶಮ್ಯಾದಿತೃಚಸ್ಯ ಸವಿತಾ (13-15) ತ್ರಯೋದಶ್ಯಾದಿತೃಚಸ್ಯ ಸೋಮಃ (16-18) ಷೋಡಶ್ಯಾದಿತೃಚಸ್ಯ ಚ ಮಿತ್ರಾವರುಣೌ ದೇವತಾಃ (1-3) ಪ್ರಥಮತೃಚಸ್ಯ ತ್ರಿಷ್ಟುಪ್ (4-18) ಚತುರ್ಥ್ಯಾದಿಪಂಚದಶರ್ಚಾಂಚ ಗಾಯತ್ರೀ ಛಂದಸೀ

ಇ॒ಮಾ ಉ॑ ವಾಂ ಭೃ॒ಮಯೋ॒ ಮನ್ಯ॑ಮಾನಾ ಯು॒ವಾವ॑ತೇ॒ ನ ತುಜ್ಯಾ᳚ ಅಭೂವನ್ |
ಕ್ವ1॒॑ ತ್ಯದಿಂ᳚ದ್ರಾವರುಣಾ॒ ಯಶೋ᳚ ವಾಂ॒ ಯೇನ॑ ಸ್ಮಾ॒ ಸಿನಂ॒ ಭರ॑ಥಃ॒ ಸಖಿ॑ಭ್ಯಃ || 3.62.1
ಅ॒ಯಮು॑ ವಾಂ ಪುರು॒ತಮೋ᳚ ರಯೀ॒ಯಂಛ॑ಶ್ವತ್ತ॒ಮಮವ॑ಸೇ ಜೋಹವೀತಿ |
ಸ॒ಜೋಷಾ᳚ವಿಂದ್ರಾವರುಣಾ ಮ॒ರುದ್ಭಿ॑ರ್ದಿ॒ವಾ ಪೃ॑ಥಿ॒ವ್ಯಾ ಶೃ॑ಣುತಂ॒ ಹವಂ᳚ ಮೇ || 3.62.2
ಅ॒ಸ್ಮೇ ತದಿಂ᳚ದ್ರಾವರುಣಾ॒ ವಸು॑ ಷ್ಯಾದ॒ಸ್ಮೇ ರ॒ಯಿರ್ಮ॑ರುತಃ॒ ಸರ್ವ॑ವೀರಃ |
ಅ॒ಸ್ಮಾನ್ವರೂ᳚ತ್ರೀಃ ಶರ॒ಣೈರ॑ವ‌ನ್ತ್ವ॒ಸ್ಮಾನ್ಹೋತ್ರಾ॒ ಭಾರ॑ತೀ॒ ದಕ್ಷಿ॑ಣಾಭಿಃ || 3.62.3
ಬೃಹ॑ಸ್ಪತೇ ಜು॒ಷಸ್ವ॑ ನೋ ಹ॒ವ್ಯಾನಿ॑ ವಿಶ್ವದೇವ್ಯ |
ರಾಸ್ವ॒ ರತ್ನಾ᳚ನಿ ದಾ॒ಶುಷೇ᳚ || 3.62.4
ಶುಚಿ॑ಮ॒ರ್ಕೈರ್ಬೃಹ॒ಸ್ಪತಿ॑ಮಧ್ವ॒ರೇಷು॑ ನಮಸ್ಯತ |
ಅನಾ॒ಮ್ಯೋಜ॒ ಆ ಚ॑ಕೇ || 3.62.5
ವೃ॒ಷ॒ಭಂ ಚ॑ರ್ಷಣೀ॒ನಾಂ ವಿ॒ಶ್ವರೂ᳚ಪ॒ಮದಾ᳚ಭ್ಯ‌ಮ್ |
ಬೃಹ॒ಸ್ಪತಿಂ॒ ವರೇ᳚ಣ್ಯ‌ಮ್ || 3.62.6
ಇ॒ಯಂ ತೇ᳚ ಪೂಷನ್ನಾಘೃಣೇ ಸುಷ್ಟು॒ತಿರ್ದೇ᳚ವ॒ ನವ್ಯ॑ಸೀ |
ಅ॒ಸ್ಮಾಭಿ॒ಸ್ತುಭ್ಯಂ᳚ ಶಸ್ಯತೇ || 3.62.7
ತಾಂ ಜು॑ಷಸ್ವ॒ ಗಿರಂ॒ ಮಮ॑ ವಾಜ॒ಯ‌ನ್ತೀ᳚ಮವಾ॒ ಧಿಯ‌ಮ್᳚ |
ವ॒ಧೂ॒ಯುರಿ॑ವ॒ ಯೋಷ॑ಣಾ‌ಮ್ || 3.62.8
ಯೋ ವಿಶ್ವಾ॒ಭಿ ವಿ॒ಪಶ್ಯ॑ತಿ॒ ಭುವ॑ನಾ॒ ಸಂ ಚ॒ ಪಶ್ಯ॑ತಿ |
ಸ ನಃ॑ ಪೂ॒ಷಾವಿ॒ತಾ ಭು॑ವತ್ || 3.62.9
ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ᳚ ದೇ॒ವಸ್ಯ॑ ಧೀಮಹಿ |
ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ || 3.62.10
ದೇ॒ವಸ್ಯ॑ ಸವಿ॒ತುರ್ವ॒ಯಂ ವಾ᳚ಜ॒ಯ‌ನ್ತಃ॒ ಪುರಂ᳚ಧ್ಯಾ |
ಭಗ॑ಸ್ಯ ರಾ॒ತಿಮೀ᳚ಮಹೇ || 3.62.11
ದೇ॒ವಂ ನರಃ॑ ಸವಿ॒ತಾರಂ॒ ವಿಪ್ರಾ᳚ ಯ॒ಜ್ಞೈಃ ಸು॑ವೃ॒ಕ್ತಿಭಿಃ॑ |
ನ॒ಮ॒ಸ್ಯ‌ನ್ತಿ॑ ಧಿ॒ಯೇಷಿ॒ತಾಃ || 3.62.12
ಸೋಮೋ᳚ ಜಿಗಾತಿ ಗಾತು॒ವಿದ್ದೇ॒ವಾನಾ᳚ಮೇತಿ ನಿಷ್ಕೃ॒ತ‌ಮ್ |
ಋ॒ತಸ್ಯ॒ ಯೋನಿ॑ಮಾ॒ಸದ‌ಮ್᳚ || 3.62.13
ಸೋಮೋ᳚ ಅ॒ಸ್ಮಭ್ಯಂ᳚ ದ್ವಿ॒ಪದೇ॒ ಚತು॑ಷ್ಪದೇ ಚ ಪ॒ಶವೇ᳚ |
ಅ॒ನ॒ಮೀ॒ವಾ ಇಷ॑ಸ್ಕರತ್ || 3.62.14
ಅ॒ಸ್ಮಾಕ॒ಮಾಯು᳚ರ್ವ॒ರ್ಧಯ᳚ನ್ನ॒ಭಿಮಾ᳚ತೀಃ॒ ಸಹ॑ಮಾನಃ |
ಸೋಮಃ॑ ಸ॒ಧಸ್ಥ॒ಮಾಸ॑ದತ್ || 3.62.15
ಆ ನೋ᳚ ಮಿತ್ರಾವರುಣಾ ಘೃ॒ತೈರ್ಗವ್ಯೂ᳚ತಿಮುಕ್ಷತ‌ಮ್ |
ಮಧ್ವಾ॒ ರಜಾಂ᳚ಸಿ ಸುಕ್ರತೂ || 3.62.16
ಉ॒ರು॒ಶಂಸಾ᳚ ನಮೋ॒ವೃಧಾ᳚ ಮ॒ಹ್ನಾ ದಕ್ಷ॑ಸ್ಯ ರಾಜಥಃ |
ದ್ರಾಘಿ॑ಷ್ಠಾಭಿಃ ಶುಚಿವ್ರತಾ || 3.62.17
ಗೃ॒ಣಾ॒ನಾ ಜ॒ಮದ॑ಗ್ನಿನಾ॒ ಯೋನಾ᳚ವೃ॒ತಸ್ಯ॑ ಸೀದತ‌ಮ್ |
ಪಾ॒ತಂ ಸೋಮ॑ಮೃತಾವೃಧಾ || 3.62.18

|| ಇತಿ ಋಗ್ವೇದ ಮಂಡಲಮ್-೩ ||

|| ಅಥ ಋಗ್ವೇದ ಮಂಡಲಮ್-೪ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1, 6-20) ಪ್ರಥಮರ್ಚಃ ಷಷ್ಠ್ಯಾದಿಪಂಚದಶಾನಾಂಚಾಗ್ನಿಃ (2-5) ದ್ವಿತೀಯಾದಿಚತಸೃಣಾಂಚಾಗ್ನಿವರುಣೋ ವಾ ದೇವತಾ, (1) ಪ್ರಥಮರ್ಚ ಅಷ್ಟಿಃ (2) ದ್ವಿತೀಯಾಯಾ ಅತಿಜಗತೀ (3) ತೃತೀಯಾಯಾ ಧೃತಿಃ (4-20) ಚತಾದಿಸಪ್ತದಶಾನಾಂಚ ತ್ರಿಷ್ಟುಪ್ ಛಂದಾಂಸಿ

ತ್ವಾಂ ಹ್ಯ॑ಗ್ನೇ॒ ಸದ॒ಮಿತ್ಸ॑ಮ॒ನ್ಯವೋ᳚ ದೇ॒ವಾಸೋ᳚ ದೇ॒ವಮ॑ರ॒ತಿಂ ನ್ಯೇ᳚ರಿ॒ರ ಇತಿ॒ ಕ್ರತ್ವಾ᳚ ನ್ಯೇರಿ॒ರೇ |
ಅಮ॑ರ್ತ್ಯಂ ಯಜತ॒ ಮರ್ತ್ಯೇ॒ಷ್ವಾ ದೇ॒ವಮಾದೇ᳚ವಂ ಜನತ॒ ಪ್ರಚೇ᳚ತಸಂ॒ ವಿಶ್ವ॒ಮಾದೇ᳚ವಂ ಜನತ॒ ಪ್ರಚೇ᳚ತಸ‌ಮ್ || 4.1.1
ಸ ಭ್ರಾತ॑ರಂ॒ ವರು॑ಣಮಗ್ನ॒ ಆ ವ॑ವೃತ್ಸ್ವ ದೇ॒ವಾಁ ಅಚ್ಛಾ᳚ ಸುಮ॒ತೀ ಯ॒ಜ್ಞವ॑ನಸಂ॒ ಜ್ಯೇಷ್ಠಂ᳚ ಯ॒ಜ್ಞವ॑ನಸ‌ಮ್ |
ಋ॒ತಾವಾ᳚ನಮಾದಿ॒ತ್ಯಂ ಚ॑ರ್ಷಣೀ॒ಧೃತಂ॒ ರಾಜಾ᳚ನಂ ಚರ್ಷಣೀ॒ಧೃತ‌ಮ್᳚ || 4.1.2
ಸಖೇ॒ ಸಖಾ᳚ಯಮ॒ಭ್ಯಾ ವ॑ವೃತ್ಸ್ವಾ॒ಶುಂ ನ ಚ॒ಕ್ರಂ ರಥ್ಯೇ᳚ವ॒ ರಂಹ್ಯಾ॒ಸ್ಮಭ್ಯಂ᳚ ದಸ್ಮ॒ ರಂಹ್ಯಾ᳚ |
ಅಗ್ನೇ᳚ ಮೃಳೀ॒ಕಂ ವರು॑ಣೇ॒ ಸಚಾ᳚ ವಿದೋ ಮ॒ರುತ್ಸು॑ ವಿ॒ಶ್ವಭಾ᳚ನುಷು |
ತೋ॒ಕಾಯ॑ ತು॒ಜೇ ಶು॑ಶುಚಾನ॒ ಶಂ ಕೃ॑ಧ್ಯ॒ಸ್ಮಭ್ಯಂ᳚ ದಸ್ಮ॒ ಶಂ ಕೃ॑ಧಿ || 4.1.3
ತ್ವಂ ನೋ᳚ ಅಗ್ನೇ॒ ವರು॑ಣಸ್ಯ ವಿ॒ದ್ವಾಂದೇ॒ವಸ್ಯ॒ ಹೇಳೋಽವ॑ ಯಾಸಿಸೀಷ್ಠಾಃ |
ಯಜಿ॑ಷ್ಠೋ॒ ವಹ್ನಿ॑ತಮಃ॒ ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾಂ᳚ಸಿ॒ ಪ್ರ ಮು॑ಮುಗ್ಧ್ಯ॒ಸ್ಮತ್ || 4.1.4
ಸ ತ್ವಂ ನೋ᳚ ಅಗ್ನೇಽವ॒ಮೋ ಭ॑ವೋ॒ತೀ ನೇದಿ॑ಷ್ಠೋ ಅ॒ಸ್ಯಾ ಉ॒ಷಸೋ॒ ವ್ಯು॑ಷ್ಟೌ |
ಅವ॑ ಯಕ್ಷ್ವ ನೋ॒ ವರು॑ಣಂ॒ ರರಾ᳚ಣೋ ವೀ॒ಹಿ ಮೃ॑ಳೀ॒ಕಂ ಸು॒ಹವೋ᳚ ನ ಏಧಿ || 4.1.5
ಅ॒ಸ್ಯ ಶ್ರೇಷ್ಠಾ᳚ ಸು॒ಭಗ॑ಸ್ಯ ಸಂ॒ದೃಗ್ದೇ॒ವಸ್ಯ॑ ಚಿ॒ತ್ರತ॑ಮಾ॒ ಮರ್ತ್ಯೇ᳚ಷು |
ಶುಚಿ॑ ಘೃ॒ತಂ ನ ತ॒ಪ್ತಮಘ್ನ್ಯಾ᳚ಯಾಃ ಸ್ಪಾ॒ರ್ಹಾ ದೇ॒ವಸ್ಯ॑ ಮಂ॒ಹನೇ᳚ವ ಧೇ॒ನೋಃ || 4.1.6
ತ್ರಿರ॑ಸ್ಯ॒ ತಾ ಪ॑ರ॒ಮಾ ಸ᳚‌ನ್ತಿ ಸ॒ತ್ಯಾ ಸ್ಪಾ॒ರ್ಹಾ ದೇ॒ವಸ್ಯ॒ ಜನಿ॑ಮಾನ್ಯ॒ಗ್ನೇಃ |
ಅ॒ನ॒‌ನ್ತೇ ಅ॒‌ನ್ತಃ ಪರಿ॑ವೀತ॒ ಆಗಾ॒ಚ್ಛುಚಿಃ॑ ಶು॒ಕ್ರೋ ಅ॒ರ್ಯೋ ರೋರು॑ಚಾನಃ || 4.1.7
ಸ ದೂ॒ತೋ ವಿಶ್ವೇದ॒ಭಿ ವ॑ಷ್ಟಿ॒ ಸದ್ಮಾ॒ ಹೋತಾ॒ ಹಿರ᳚ಣ್ಯರಥೋ॒ ರಂಸು॑ಜಿಹ್ವಃ |
ರೋ॒ಹಿದ॑ಶ್ವೋ ವಪು॒ಷ್ಯೋ᳚ ವಿ॒ಭಾವಾ॒ ಸದಾ᳚ ರ॒ಣ್ವಃ ಪಿ॑ತು॒ಮತೀ᳚ವ ಸಂ॒ಸತ್ || 4.1.8
ಸ ಚೇ᳚ತಯ॒ನ್ಮನು॑ಷೋ ಯ॒ಜ್ಞಬಂ᳚ಧುಃ॒ ಪ್ರ ತಂ ಮ॒ಹ್ಯಾ ರ॑ಶ॒ನಯಾ᳚ ನಯ‌ನ್ತಿ |
ಸ ಕ್ಷೇ᳚ತ್ಯಸ್ಯ॒ ದುರ್ಯಾ᳚ಸು॒ ಸಾಧಂ᳚ದೇ॒ವೋ ಮರ್ತ॑ಸ್ಯ ಸಧನಿ॒ತ್ವಮಾ᳚ಪ || 4.1.9
ಸ ತೂ ನೋ᳚ ಅ॒ಗ್ನಿರ್ನ॑ಯತು ಪ್ರಜಾ॒ನನ್ನಚ್ಛಾ॒ ರತ್ನಂ᳚ ದೇ॒ವಭ॑ಕ್ತಂ॒ ಯದ॑ಸ್ಯ |
ಧಿ॒ಯಾ ಯದ್ವಿಶ್ವೇ᳚ ಅ॒ಮೃತಾ॒ ಅಕೃ᳚ಣ್ವಂ॒ದ್ಯೌಷ್ಪಿ॒ತಾ ಜ॑ನಿ॒ತಾ ಸ॒ತ್ಯಮು॑ಕ್ಷನ್ || 4.1.10
ಸ ಜಾ᳚ಯತ ಪ್ರಥ॒ಮಃ ಪ॒ಸ್ತ್ಯಾ᳚ಸು ಮ॒ಹೋ ಬು॒ಧ್ನೇ ರಜ॑ಸೋ ಅ॒ಸ್ಯ ಯೋನೌ᳚ |
ಅ॒ಪಾದ॑ಶೀ॒ರ್ಷಾ ಗು॒ಹಮಾ᳚ನೋ॒ ಅ‌ನ್ತಾ॒ಯೋಯು॑ವಾನೋ ವೃಷ॒ಭಸ್ಯ॑ ನೀ॒ಳೇ || 4.1.11
ಪ್ರ ಶರ್ಧ॑ ಆರ್ತ ಪ್ರಥ॒ಮಂ ವಿ॑ಪ॒ನ್ಯಾಁ ಋ॒ತಸ್ಯ॒ ಯೋನಾ᳚ ವೃಷ॒ಭಸ್ಯ॑ ನೀ॒ಳೇ |
ಸ್ಪಾ॒ರ್ಹೋ ಯುವಾ᳚ ವಪು॒ಷ್ಯೋ᳚ ವಿ॒ಭಾವಾ᳚ ಸ॒ಪ್ತ ಪ್ರಿ॒ಯಾಸೋ᳚ಽಜನಯ‌ನ್ತ॒ ವೃಷ್ಣೇ᳚ || 4.1.12
ಅ॒ಸ್ಮಾಕ॒ಮತ್ರ॑ ಪಿ॒ತರೋ᳚ ಮನು॒ಷ್ಯಾ᳚ ಅ॒ಭಿ ಪ್ರ ಸೇ᳚ದುರ್‌ಋ॒ತಮಾ᳚ಶುಷಾ॒ಣಾಃ |
ಅಶ್ಮ᳚ವ್ರಜಾಃ ಸು॒ದುಘಾ᳚ ವ॒ವ್ರೇ ಅ॒‌ನ್ತರುದು॒ಸ್ರಾ ಆ᳚ಜನ್ನು॒ಷಸೋ᳚ ಹುವಾ॒ನಾಃ || 4.1.13
ತೇ ಮ᳚ರ್ಮೃಜತ ದದೃ॒ವಾಂಸೋ॒ ಅದ್ರಿಂ॒ ತದೇ᳚ಷಾಮ॒ನ್ಯೇ ಅ॒ಭಿತೋ॒ ವಿ ವೋ᳚ಚನ್ |
ಪ॒ಶ್ವಯ᳚‌ನ್ತ್ರಾಸೋ ಅ॒ಭಿ ಕಾ॒ರಮ॑ರ್ಚನ್ವಿ॒ದ‌ನ್ತ॒ ಜ್ಯೋತಿ॑ಶ್ಚಕೃ॒ಪ‌ನ್ತ॑ ಧೀ॒ಭಿಃ || 4.1.14
ತೇ ಗ᳚ವ್ಯ॒ತಾ ಮನ॑ಸಾ ದೃ॒ಧ್ರಮು॒ಬ್ಧಂ ಗಾ ಯೇ᳚ಮಾ॒ನಂ ಪರಿ॒ ಷ‌ನ್ತ॒ಮದ್ರಿ‌ಮ್᳚ |
ದೃ॒ಳ್ಹಂ ನರೋ॒ ವಚ॑ಸಾ॒ ದೈವ್ಯೇ᳚ನ ವ್ರ॒ಜಂ ಗೋಮ᳚‌ನ್ತಮು॒ಶಿಜೋ॒ ವಿ ವ᳚ವ್ರುಃ || 4.1.15
ತೇ ಮ᳚ನ್ವತ ಪ್ರಥ॒ಮಂ ನಾಮ॑ ಧೇ॒ನೋಸ್ತ್ರಿಃ ಸ॒ಪ್ತ ಮಾ॒ತುಃ ಪ॑ರ॒ಮಾಣಿ॑ ವಿಂದನ್ |
ತಜ್ಜಾ᳚ನ॒ತೀರ॒ಭ್ಯ॑ನೂಷತ॒ ವ್ರಾ ಆ॒ವಿರ್ಭು॑ವದರು॒ಣೀರ್ಯ॒ಶಸಾ॒ ಗೋಃ || 4.1.16
ನೇಶ॒ತ್ತಮೋ॒ ದುಧಿ॑ತಂ॒ ರೋಚ॑ತ॒ ದ್ಯೌರುದ್ದೇ॒ವ್ಯಾ ಉ॒ಷಸೋ᳚ ಭಾ॒ನುರ॑ರ್ತ |
ಆ ಸೂರ್ಯೋ᳚ ಬೃಹ॒ತಸ್ತಿ॑ಷ್ಠ॒ದಜ್ರಾಁ᳚ ಋ॒ಜು ಮರ್ತೇ᳚ಷು ವೃಜಿ॒ನಾ ಚ॒ ಪಶ್ಯನ್॑ || 4.1.17
ಆದಿತ್ಪ॒ಶ್ಚಾ ಬು॑ಬುಧಾ॒ನಾ ವ್ಯ॑ಖ್ಯ॒ನ್ನಾದಿದ್ರತ್ನಂ᳚ ಧಾರಯ‌ನ್ತ॒ ದ್ಯುಭ॑ಕ್ತ‌ಮ್ |
ವಿಶ್ವೇ॒ ವಿಶ್ವಾ᳚ಸು॒ ದುರ್ಯಾ᳚ಸು ದೇ॒ವಾ ಮಿತ್ರ॑ ಧಿ॒ಯೇ ವ॑ರುಣ ಸ॒ತ್ಯಮ॑ಸ್ತು || 4.1.18
ಅಚ್ಛಾ᳚ ವೋಚೇಯ ಶುಶುಚಾ॒ನಮ॒ಗ್ನಿಂ ಹೋತಾ᳚ರಂ ವಿ॒ಶ್ವಭ॑ರಸಂ॒ ಯಜಿ॑ಷ್ಠ‌ಮ್ |
ಶುಚ್ಯೂಧೋ᳚ ಅತೃಣ॒ನ್ನ ಗವಾ॒ಮಂಧೋ॒ ನ ಪೂ॒ತಂ ಪರಿ॑ಷಿಕ್ತಮಂ॒ಶೋಃ || 4.1.19
ವಿಶ್ವೇ᳚ಷಾ॒ಮದಿ॑ತಿರ್ಯ॒ಜ್ಞಿಯಾ᳚ನಾಂ॒ ವಿಶ್ವೇ᳚ಷಾ॒ಮತಿ॑ಥಿ॒ರ್ಮಾನು॑ಷಾಣಾ‌ಮ್ |
ಅ॒ಗ್ನಿರ್ದೇ॒ವಾನಾ॒ಮವ॑ ಆವೃಣಾ॒ನಃ ಸು॑ಮೃಳೀ॒ಕೋ ಭ॑ವತು ಜಾ॒ತವೇ᳚ದಾಃ || 4.1.20

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಯೋ ಮರ್ತ್ಯೇ᳚ಷ್ವ॒ಮೃತ॑ ಋ॒ತಾವಾ᳚ ದೇ॒ವೋ ದೇ॒ವೇಷ್ವ॑ರ॒ತಿರ್ನಿ॒ಧಾಯಿ॑ |
ಹೋತಾ॒ ಯಜಿ॑ಷ್ಠೋ ಮ॒ಹ್ನಾ ಶು॒ಚಧ್ಯೈ᳚ ಹ॒ವ್ಯೈರ॒ಗ್ನಿರ್ಮನು॑ಷ ಈರ॒ಯಧ್ಯೈ᳚ || 4.2.1
ಇ॒ಹ ತ್ವಂ ಸೂ᳚ನೋ ಸಹಸೋ ನೋ ಅ॒ದ್ಯ ಜಾ॒ತೋ ಜಾ॒ತಾಁ ಉ॒ಭಯಾಁ᳚ ಅ॒‌ನ್ತರ॑ಗ್ನೇ |
ದೂ॒ತ ಈ᳚ಯಸೇ ಯುಯುಜಾ॒ನ ಋ॑ಷ್ವ ಋಜುಮು॒ಷ್ಕಾನ್ವೃಷ॑ಣಃ ಶು॒ಕ್ರಾಁಶ್ಚ॑ || 4.2.2
ಅತ್ಯಾ᳚ ವೃಧ॒ಸ್ನೂ ರೋಹಿ॑ತಾ ಘೃ॒ತಸ್ನೂ᳚ ಋ॒ತಸ್ಯ॑ ಮನ್ಯೇ॒ ಮನ॑ಸಾ॒ ಜವಿ॑ಷ್ಠಾ |
ಅ॒‌ನ್ತರೀ᳚ಯಸೇ ಅರು॒ಷಾ ಯು॑ಜಾ॒ನೋ ಯು॒ಷ್ಮಾಁಶ್ಚ॑ ದೇ॒ವಾನ್ವಿಶ॒ ಆ ಚ॒ ಮರ್ತಾನ್॑ || 4.2.3
ಅ॒ರ್ಯ॒ಮಣಂ॒ ವರು॑ಣಂ ಮಿ॒ತ್ರಮೇ᳚ಷಾ॒ಮಿಂದ್ರಾ॒ವಿಷ್ಣೂ᳚ ಮ॒ರುತೋ᳚ ಅ॒ಶ್ವಿನೋ॒ತ |
ಸ್ವಶ್ವೋ᳚ ಅಗ್ನೇ ಸು॒ರಥಃ॑ ಸು॒ರಾಧಾ॒ ಏದು॑ ವಹ ಸುಹ॒ವಿಷೇ॒ ಜನಾ᳚ಯ || 4.2.4
ಗೋಮಾಁ᳚ ಅ॒ಗ್ನೇಽವಿ॑ಮಾಁ ಅ॒ಶ್ವೀ ಯ॒ಜ್ಞೋ ನೃ॒ವತ್ಸ॑ಖಾ॒ ಸದ॒ಮಿದ॑ಪ್ರಮೃ॒ಷ್ಯಃ |
ಇಳಾ᳚ವಾಁ ಏ॒ಷೋ ಅ॑ಸುರ ಪ್ರ॒ಜಾವಾಂ᳚ದೀ॒ರ್ಘೋ ರ॒ಯಿಃ ಪೃ॑ಥುಬು॒ಧ್ನಃ ಸ॒ಭಾವಾನ್॑ || 4.2.5
ಯಸ್ತ॑ ಇ॒ಧ್ಮಂ ಜ॒ಭರ॑ತ್ಸಿಷ್ವಿದಾ॒ನೋ ಮೂ॒ರ್ಧಾನಂ᳚ ವಾ ತ॒ತಪ॑ತೇ ತ್ವಾ॒ಯಾ |
ಭುವ॒ಸ್ತಸ್ಯ॒ ಸ್ವತ॑ವಾಁಃ ಪಾ॒ಯುರ॑ಗ್ನೇ॒ ವಿಶ್ವ॑ಸ್ಮಾತ್ಸೀಮಘಾಯ॒ತ ಉ॑ರುಷ್ಯ || 4.2.6
ಯಸ್ತೇ॒ ಭರಾ॒ದನ್ನಿ॑ಯತೇ ಚಿ॒ದನ್ನಂ᳚ ನಿ॒ಶಿಷ᳚ನ್ಮಂ॒ದ್ರಮತಿ॑ಥಿಮು॒ದೀರ॑ತ್ |
ಆ ದೇ᳚ವ॒ಯುರಿ॒ನಧ॑ತೇ ದುರೋ॒ಣೇ ತಸ್ಮಿ᳚ನ್ರ॒ಯಿರ್ಧ್ರು॒ವೋ ಅ॑ಸ್ತು॒ ದಾಸ್ವಾನ್॑ || 4.2.7
ಯಸ್ತ್ವಾ᳚ ದೋ॒ಷಾ ಯ ಉ॒ಷಸಿ॑ ಪ್ರ॒ಶಂಸಾ᳚ತ್ಪ್ರಿ॒ಯಂ ವಾ᳚ ತ್ವಾ ಕೃ॒ಣವ॑ತೇ ಹ॒ವಿಷ್ಮಾನ್॑ |
ಅಶ್ವೋ॒ ನ ಸ್ವೇ ದಮ॒ ಆ ಹೇ॒ಮ್ಯಾವಾ॒‌ನ್ತಮಂಹ॑ಸಃ ಪೀಪರೋ ದಾ॒ಶ್ವಾಂಸ‌ಮ್᳚ || 4.2.8
ಯಸ್ತುಭ್ಯ॑ಮಗ್ನೇ ಅ॒ಮೃತಾ᳚ಯ॒ ದಾಶ॒ದ್ದುವ॒ಸ್ತ್ವೇ ಕೃ॒ಣವ॑ತೇ ಯ॒ತಸ್ರು॑ಕ್ |
ನ ಸ ರಾ॒ಯಾ ಶ॑ಶಮಾ॒ನೋ ವಿ ಯೋ᳚ಷ॒ನ್ನೈನ॒ಮಂಹಃ॒ ಪರಿ॑ ವರದಘಾ॒ಯೋಃ || 4.2.9
ಯಸ್ಯ॒ ತ್ವಮ॑ಗ್ನೇ ಅಧ್ವ॒ರಂ ಜುಜೋ᳚ಷೋ ದೇ॒ವೋ ಮರ್ತ॑ಸ್ಯ॒ ಸುಧಿ॑ತಂ॒ ರರಾ᳚ಣಃ |
ಪ್ರೀ॒ತೇದ॑ಸ॒ದ್ಧೋತ್ರಾ॒ ಸಾ ಯ॑ವಿ॒ಷ್ಠಾಸಾ᳚ಮ॒ ಯಸ್ಯ॑ ವಿಧ॒ತೋ ವೃ॒ಧಾಸಃ॑ || 4.2.10
ಚಿತ್ತಿ॒ಮಚಿ॑ತ್ತಿಂ ಚಿನವ॒ದ್ವಿ ವಿ॒ದ್ವಾನ್ಪೃ॒ಷ್ಠೇವ॑ ವೀ॒ತಾ ವೃ॑ಜಿ॒ನಾ ಚ॒ ಮರ್ತಾನ್॑ |
ರಾ॒ಯೇ ಚ॑ ನಃ ಸ್ವಪ॒ತ್ಯಾಯ॑ ದೇವ॒ ದಿತಿಂ᳚ ಚ॒ ರಾಸ್ವಾದಿ॑ತಿಮುರುಷ್ಯ || 4.2.11
ಕ॒ವಿಂ ಶ॑ಶಾಸುಃ ಕ॒ವಯೋಽದ॑ಬ್ಧಾ ನಿಧಾ॒ರಯ᳚‌ನ್ತೋ॒ ದುರ್ಯಾ᳚ಸ್ವಾ॒ಯೋಃ |
ಅತ॒ಸ್ತ್ವಂ ದೃಶ್ಯಾಁ᳚ ಅಗ್ನ ಏ॒ತಾನ್ಪ॒ಡ್ಭಿಃ ಪ॑ಶ್ಯೇ॒ರದ್ಭು॑ತಾಁ ಅ॒ರ್ಯ ಏವೈಃ᳚ || 4.2.12
ತ್ವಮ॑ಗ್ನೇ ವಾ॒ಘತೇ᳚ ಸು॒ಪ್ರಣೀ᳚ತಿಃ ಸು॒ತಸೋ᳚ಮಾಯ ವಿಧ॒ತೇ ಯ॑ವಿಷ್ಠ |
ರತ್ನಂ᳚ ಭರ ಶಶಮಾ॒ನಾಯ॑ ಘೃಷ್ವೇ ಪೃ॒ಥು ಶ್ಚಂ॒ದ್ರಮವ॑ಸೇ ಚರ್ಷಣಿ॒ಪ್ರಾಃ || 4.2.13
ಅಧಾ᳚ ಹ॒ ಯದ್ವ॒ಯಮ॑ಗ್ನೇ ತ್ವಾ॒ಯಾ ಪ॒ಡ್ಭಿರ್ಹಸ್ತೇ᳚ಭಿಶ್ಚಕೃ॒ಮಾ ತ॒ನೂಭಿಃ॑ |
ರಥಂ॒ ನ ಕ್ರ‌ನ್ತೋ॒ ಅಪ॑ಸಾ ಭು॒ರಿಜೋ᳚ರ್‌ಋ॒ತಂ ಯೇ᳚ಮುಃ ಸು॒ಧ್ಯ॑ ಆಶುಷಾ॒ಣಾಃ || 4.2.14
ಅಧಾ᳚ ಮಾ॒ತುರು॒ಷಸಃ॑ ಸ॒ಪ್ತ ವಿಪ್ರಾ॒ ಜಾಯೇ᳚ಮಹಿ ಪ್ರಥ॒ಮಾ ವೇ॒ಧಸೋ॒ ನೄನ್ |
ದಿ॒ವಸ್ಪು॒ತ್ರಾ ಅಂಗಿ॑ರಸೋ ಭವೇ॒ಮಾದ್ರಿಂ᳚ ರುಜೇಮ ಧ॒ನಿನಂ᳚ ಶು॒ಚ‌ನ್ತಃ॑ || 4.2.15
ಅಧಾ॒ ಯಥಾ᳚ ನಃ ಪಿ॒ತರಃ॒ ಪರಾ᳚ಸಃ ಪ್ರ॒ತ್ನಾಸೋ᳚ ಅಗ್ನ ಋ॒ತಮಾ᳚ಶುಷಾ॒ಣಾಃ |
ಶುಚೀದ॑ಯಂ॒ದೀಧಿ॑ತಿಮುಕ್ಥ॒ಶಾಸಃ॒ ಕ್ಷಾಮಾ᳚ ಭಿಂ॒ದ‌ನ್ತೋ᳚ ಅರು॒ಣೀರಪ᳚ ವ್ರನ್ || 4.2.16
ಸು॒ಕರ್ಮಾ᳚ಣಃ ಸು॒ರುಚೋ᳚ ದೇವ॒ಯ‌ನ್ತೋಽಯೋ॒ ನ ದೇ॒ವಾ ಜನಿ॑ಮಾ॒ ಧಮ᳚‌ನ್ತಃ |
ಶು॒ಚ‌ನ್ತೋ᳚ ಅ॒ಗ್ನಿಂ ವ॑ವೃ॒ಧ‌ನ್ತ॒ ಇಂದ್ರ॑ಮೂ॒ರ್ವಂ ಗವ್ಯಂ᳚ ಪರಿ॒ಷದ᳚‌ನ್ತೋ ಅಗ್ಮನ್ || 4.2.17
ಆ ಯೂ॒ಥೇವ॑ ಕ್ಷು॒ಮತಿ॑ ಪ॒ಶ್ವೋ ಅ॑ಖ್ಯದ್ದೇ॒ವಾನಾಂ॒ ಯಜ್ಜನಿ॒ಮಾ‌ನ್ತ್ಯು॑ಗ್ರ |
ಮರ್ತಾ᳚ನಾಂ ಚಿದು॒ರ್ವಶೀ᳚ರಕೃಪ್ರನ್ವೃ॒ಧೇ ಚಿ॑ದ॒ರ್ಯ ಉಪ॑ರಸ್ಯಾ॒ಯೋಃ || 4.2.18
ಅಕ᳚ರ್ಮ ತೇ॒ ಸ್ವಪ॑ಸೋ ಅಭೂಮ ಋ॒ತಮ॑ವಸ್ರನ್ನು॒ಷಸೋ᳚ ವಿಭಾ॒ತೀಃ |
ಅನೂ᳚ನಮ॒ಗ್ನಿಂ ಪು॑ರು॒ಧಾ ಸು॑ಶ್ಚಂ॒ದ್ರಂ ದೇ॒ವಸ್ಯ॒ ಮರ್ಮೃ॑ಜತ॒ಶ್ಚಾರು॒ ಚಕ್ಷುಃ॑ || 4.2.19
ಏ॒ತಾ ತೇ᳚ ಅಗ್ನ ಉ॒ಚಥಾ᳚ನಿ ವೇ॒ಧೋಽವೋ᳚ಚಾಮ ಕ॒ವಯೇ॒ ತಾ ಜು॑ಷಸ್ವ |
ಉಚ್ಛೋ᳚ಚಸ್ವ ಕೃಣು॒ಹಿ ವಸ್ಯ॑ಸೋ ನೋ ಮ॒ಹೋ ರಾ॒ಯಃ ಪು॑ರುವಾರ॒ ಪ್ರ ಯಂ᳚ಧಿ || 4.2.20

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1) ಪ್ರಥಮರ್ಚೋಽಗ್ನೀ ರುದ್ರೋ ವಾ (2-16) ದ್ವಿತೀಯಾದಿಪಂಚದಶಾನಾಂಚಾಗ್ನಿದೇವ ತಾ, ತ್ರಿಷ್ಟುಪ್ ಛಂದಃ

ಆ ವೋ॒ ರಾಜಾ᳚ನಮಧ್ವ॒ರಸ್ಯ॑ ರು॒ದ್ರಂ ಹೋತಾ᳚ರಂ ಸತ್ಯ॒ಯಜಂ॒ ರೋದ॑ಸ್ಯೋಃ |
ಅ॒ಗ್ನಿಂ ಪು॒ರಾ ತ॑ನಯಿ॒ತ್ನೋರ॒ಚಿತ್ತಾ॒ದ್ಧಿರ᳚ಣ್ಯರೂಪ॒ಮವ॑ಸೇ ಕೃಣುಧ್ವ‌ಮ್ || 4.3.1
ಅ॒ಯಂ ಯೋನಿ॑ಶ್ಚಕೃ॒ಮಾ ಯಂ ವ॒ಯಂ ತೇ᳚ ಜಾ॒ಯೇವ॒ ಪತ್ಯ॑ ಉಶ॒ತೀ ಸು॒ವಾಸಾಃ᳚ |
ಅ॒ರ್ವಾ॒ಚೀ॒ನಃ ಪರಿ॑ವೀತೋ॒ ನಿ ಷೀ᳚ದೇ॒ಮಾ ಉ॑ ತೇ ಸ್ವಪಾಕ ಪ್ರತೀ॒ಚೀಃ || 4.3.2
ಆ॒ಶೃ॒ಣ್ವ॒ತೇ ಅದೃ॑ಪಿತಾಯ॒ ಮನ್ಮ॑ ನೃ॒ಚಕ್ಷ॑ಸೇ ಸುಮೃಳೀ॒ಕಾಯ॑ ವೇಧಃ |
ದೇ॒ವಾಯ॑ ಶ॒ಸ್ತಿಮ॒ಮೃತಾ᳚ಯ ಶಂಸ॒ ಗ್ರಾವೇ᳚ವ॒ ಸೋತಾ᳚ ಮಧು॒ಷುದ್ಯಮೀ॒ಳೇ || 4.3.3
ತ್ವಂ ಚಿ᳚ನ್ನಃ॒ ಶಮ್ಯಾ᳚ ಅಗ್ನೇ ಅ॒ಸ್ಯಾ ಋ॒ತಸ್ಯ॑ ಬೋಧ್ಯೃತಚಿತ್ಸ್ವಾ॒ಧೀಃ |
ಕ॒ದಾ ತ॑ ಉ॒ಕ್ಥಾ ಸ॑ಧ॒ಮಾದ್ಯಾ᳚ನಿ ಕ॒ದಾ ಭ॑ವ‌ನ್ತಿ ಸ॒ಖ್ಯಾ ಗೃ॒ಹೇ ತೇ᳚ || 4.3.4
ಕ॒ಥಾ ಹ॒ ತದ್ವರು॑ಣಾಯ॒ ತ್ವಮ॑ಗ್ನೇ ಕ॒ಥಾ ದಿ॒ವೇ ಗ॑ರ್ಹಸೇ॒ ಕನ್ನ॒ ಆಗಃ॑ |
ಕ॒ಥಾ ಮಿ॒ತ್ರಾಯ॑ ಮೀ॒ಳ್ಹುಷೇ᳚ ಪೃಥಿ॒ವ್ಯೈ ಬ್ರವಃ॒ ಕದ᳚ರ್ಯ॒ಮ್ಣೇ ಕದ್ಭಗಾ᳚ಯ || 4.3.5
ಕದ್ಧಿಷ್ಣ್ಯಾ᳚ಸು ವೃಧಸಾ॒ನೋ ಅ॑ಗ್ನೇ॒ ಕದ್ವಾತಾ᳚ಯ॒ ಪ್ರತ॑ವಸೇ ಶುಭಂ॒ಯೇ |
ಪರಿ॑ಜ್ಮನೇ॒ ನಾಸ॑ತ್ಯಾಯ॒ ಕ್ಷೇ ಬ್ರವಃ॒ ಕದ॑ಗ್ನೇ ರು॒ದ್ರಾಯ॑ ನೃ॒ಘ್ನೇ || 4.3.6
ಕ॒ಥಾ ಮ॒ಹೇ ಪು॑ಷ್ಟಿಂಭ॒ರಾಯ॑ ಪೂ॒ಷ್ಣೇ ಕದ್ರು॒ದ್ರಾಯ॒ ಸುಮ॑ಖಾಯ ಹವಿ॒ರ್ದೇ |
ಕದ್ವಿಷ್ಣ॑ವ ಉರುಗಾ॒ಯಾಯ॒ ರೇತೋ॒ ಬ್ರವಃ॒ ಕದ॑ಗ್ನೇ॒ ಶರ॑ವೇ ಬೃಹ॒ತ್ಯೈ || 4.3.7
ಕ॒ಥಾ ಶರ್ಧಾ᳚ಯ ಮ॒ರುತಾ᳚ಮೃ॒ತಾಯ॑ ಕ॒ಥಾ ಸೂ॒ರೇ ಬೃ॑ಹ॒ತೇ ಪೃ॒ಚ್ಛ್ಯಮಾ᳚ನಃ |
ಪ್ರತಿ॑ ಬ್ರ॒ವೋಽದಿ॑ತಯೇ ತು॒ರಾಯ॒ ಸಾಧಾ᳚ ದಿ॒ವೋ ಜಾ᳚ತವೇದಶ್ಚಿಕಿ॒ತ್ವಾನ್ || 4.3.8
ಋ॒ತೇನ॑ ಋ॒ತಂ ನಿಯ॑ತಮೀಳ॒ ಆ ಗೋರಾ॒ಮಾ ಸಚಾ॒ ಮಧು॑ಮತ್ಪ॒ಕ್ವಮ॑ಗ್ನೇ |
ಕೃ॒ಷ್ಣಾ ಸ॒ತೀ ರುಶ॑ತಾ ಧಾ॒ಸಿನೈ॒ಷಾ ಜಾಮ᳚ರ್ಯೇಣ॒ ಪಯ॑ಸಾ ಪೀಪಾಯ || 4.3.9
ಋ॒ತೇನ॒ ಹಿ ಷ್ಮಾ᳚ ವೃಷ॒ಭಶ್ಚಿ॑ದ॒ಕ್ತಃ ಪುಮಾಁ᳚ ಅ॒ಗ್ನಿಃ ಪಯ॑ಸಾ ಪೃ॒ಷ್ಠ್ಯೇ᳚ನ |
ಅಸ್ಪಂ᳚ದಮಾನೋ ಅಚರದ್ವಯೋ॒ಧಾ ವೃಷಾ᳚ ಶು॒ಕ್ರಂ ದು॑ದುಹೇ॒ ಪೃಶ್ನಿ॒ರೂಧಃ॑ || 4.3.10
ಋ॒ತೇನಾದ್ರಿಂ॒ ವ್ಯ॑ಸನ್ಭಿ॒ದ‌ನ್ತಃ॒ ಸಮಂಗಿ॑ರಸೋ ನವ‌ನ್ತ॒ ಗೋಭಿಃ॑ |
ಶು॒ನಂ ನರಃ॒ ಪರಿ॑ ಷದನ್ನು॒ಷಾಸ॑ಮಾ॒ವಿಃ ಸ್ವ॑ರಭವಜ್ಜಾ॒ತೇ ಅ॒ಗ್ನೌ || 4.3.11
ಋ॒ತೇನ॑ ದೇ॒ವೀರ॒ಮೃತಾ॒ ಅಮೃ॑ಕ್ತಾ॒ ಅರ್ಣೋ᳚ಭಿ॒ರಾಪೋ॒ ಮಧು॑ಮದ್ಭಿರಗ್ನೇ |
ವಾ॒ಜೀ ನ ಸರ್ಗೇ᳚ಷು ಪ್ರಸ್ತುಭಾ॒ನಃ ಪ್ರ ಸದ॒ಮಿತ್ಸ್ರವಿ॑ತವೇ ದಧನ್ಯುಃ || 4.3.12
ಮಾ ಕಸ್ಯ॑ ಯ॒ಕ್ಷಂ ಸದ॒ಮಿದ್ಧು॒ರೋ ಗಾ॒ ಮಾ ವೇ॒ಶಸ್ಯ॑ ಪ್ರಮಿನ॒ತೋ ಮಾಪೇಃ |
ಮಾ ಭ್ರಾತು॑ರಗ್ನೇ॒ ಅನೃ॑ಜೋರ್‌ಋ॒ಣಂ ವೇ॒ರ್ಮಾ ಸಖ್ಯು॒ರ್ದಕ್ಷಂ᳚ ರಿ॒ಪೋರ್ಭು॑ಜೇಮ || 4.3.13
ರಕ್ಷಾ᳚ ಣೋ ಅಗ್ನೇ॒ ತವ॒ ರಕ್ಷ॑ಣೇಭೀ ರಾರಕ್ಷಾ॒ಣಃ ಸು॑ಮಖ ಪ್ರೀಣಾ॒ನಃ |
ಪ್ರತಿ॑ ಷ್ಫುರ॒ ವಿ ರು॑ಜ ವೀ॒ಡ್ವಂಹೋ᳚ ಜ॒ಹಿ ರಕ್ಷೋ॒ ಮಹಿ॑ ಚಿದ್ವಾವೃಧಾ॒ನ‌ಮ್ || 4.3.14
ಏ॒ಭಿರ್ಭ॑ವ ಸು॒ಮನಾ᳚ ಅಗ್ನೇ ಅ॒ರ್ಕೈರಿ॒ಮಾ‌‌ನ್ತ್ಸ್ಪೃ॑ಶ॒ ಮನ್ಮ॑ಭಿಃ ಶೂರ॒ ವಾಜಾನ್॑ |
ಉ॒ತ ಬ್ರಹ್ಮಾ᳚ಣ್ಯಂಗಿರೋ ಜುಷಸ್ವ॒ ಸಂ ತೇ᳚ ಶ॒ಸ್ತಿರ್ದೇ॒ವವಾ᳚ತಾ ಜರೇತ || 4.3.15
ಏ॒ತಾ ವಿಶ್ವಾ᳚ ವಿ॒ದುಷೇ॒ ತುಭ್ಯಂ᳚ ವೇಧೋ ನೀ॒ಥಾನ್ಯ॑ಗ್ನೇ ನಿ॒ಣ್ಯಾ ವಚಾಂ᳚ಸಿ |
ನಿ॒ವಚ॑ನಾ ಕ॒ವಯೇ॒ ಕಾವ್ಯಾ॒ನ್ಯಶಂ᳚ಸಿಷಂ ಮ॒ತಿಭಿ॒ರ್ವಿಪ್ರ॑ ಉ॒ಕ್ಥೈಃ || 4.3.16

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ರಕ್ಷೋಹಾಗ್ನಿದೇವ ತಾ, ತ್ರಿಷ್ಟುಪ್ ಛಂದಃ

ಕೃ॒ಣು॒ಷ್ವ ಪಾಜಃ॒ ಪ್ರಸಿ॑ತಿಂ॒ ನ ಪೃ॒ಥ್ವೀಂ ಯಾ॒ಹಿ ರಾಜೇ॒ವಾಮ॑ವಾಁ॒ ಇಭೇ᳚ನ |
ತೃ॒ಷ್ವೀಮನು॒ ಪ್ರಸಿ॑ತಿಂ ದ್ರೂಣಾ॒ನೋಽಸ್ತಾ᳚ಸಿ॒ ವಿಧ್ಯ॑ ರ॒ಕ್ಷಸ॒ಸ್ತಪಿ॑ಷ್ಠೈಃ || 4.4.1
ತವ॑ ಭ್ರ॒ಮಾಸ॑ ಆಶು॒ಯಾ ಪ॑ತ॒‌ನ್ತ್ಯನು॑ ಸ್ಪೃಶ ಧೃಷ॒ತಾ ಶೋಶು॑ಚಾನಃ |
ತಪೂಂ᳚ಷ್ಯಗ್ನೇ ಜು॒ಹ್ವಾ᳚ ಪತಂ॒ಗಾನಸಂ᳚ದಿತೋ॒ ವಿ ಸೃ॑ಜ॒ ವಿಷ್ವ॑ಗು॒ಲ್ಕಾಃ || 4.4.2
ಪ್ರತಿ॒ ಸ್ಪಶೋ॒ ವಿ ಸೃ॑ಜ॒ ತೂರ್ಣಿ॑ತಮೋ॒ ಭವಾ᳚ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ |
ಯೋ ನೋ᳚ ದೂ॒ರೇ ಅ॒ಘಶಂ᳚ಸೋ॒ ಯೋ ಅ‌ನ್ತ್ಯಗ್ನೇ॒ ಮಾಕಿ॑ಷ್ಟೇ॒ ವ್ಯಥಿ॒ರಾ ದ॑ಧರ್ಷೀತ್ || 4.4.3
ಉದ॑ಗ್ನೇ ತಿಷ್ಠ॒ ಪ್ರತ್ಯಾ ತ॑ನುಷ್ವ॒ ನ್ಯ1॒॑ಮಿತ್ರಾಁ᳚ ಓಷತಾತ್ತಿಗ್ಮಹೇತೇ |
ಯೋ ನೋ॒ ಅರಾ᳚ತಿಂ ಸಮಿಧಾನ ಚ॒ಕ್ರೇ ನೀ॒ಚಾ ತಂ ಧ॑ಕ್ಷ್ಯತ॒ಸಂ ನ ಶುಷ್ಕ‌ಮ್᳚ || 4.4.4
ಊ॒ರ್ಧ್ವೋ ಭ॑ವ॒ ಪ್ರತಿ॑ ವಿ॒ಧ್ಯಾಧ್ಯ॒ಸ್ಮದಾ॒ವಿಷ್ಕೃ॑ಣುಷ್ವ॒ ದೈವ್ಯಾ᳚ನ್ಯಗ್ನೇ |
ಅವ॑ ಸ್ಥಿ॒ರಾ ತ॑ನುಹಿ ಯಾತು॒ಜೂನಾಂ᳚ ಜಾ॒ಮಿಮಜಾ᳚ಮಿಂ॒ ಪ್ರ ಮೃ॑ಣೀಹಿ॒ ಶತ್ರೂನ್॑ || 4.4.5
ಸ ತೇ᳚ ಜಾನಾತಿ ಸುಮ॒ತಿಂ ಯ॑ವಿಷ್ಠ॒ ಯ ಈವ॑ತೇ॒ ಬ್ರಹ್ಮ॑ಣೇ ಗಾ॒ತುಮೈರ॑ತ್ |
ವಿಶ್ವಾ᳚ನ್ಯಸ್ಮೈ ಸು॒ದಿನಾ᳚ನಿ ರಾ॒ಯೋ ದ್ಯು॒ಮ್ನಾನ್ಯ॒ರ್ಯೋ ವಿ ದುರೋ᳚ ಅ॒ಭಿ ದ್ಯೌ᳚ತ್ || 4.4.6
ಸೇದ॑ಗ್ನೇ ಅಸ್ತು ಸು॒ಭಗಃ॑ ಸು॒ದಾನು॒ರ್ಯಸ್ತ್ವಾ॒ ನಿತ್ಯೇ᳚ನ ಹ॒ವಿಷಾ॒ ಯ ಉ॒ಕ್ಥೈಃ |
ಪಿಪ್ರೀ᳚ಷತಿ॒ ಸ್ವ ಆಯು॑ಷಿ ದುರೋ॒ಣೇ ವಿಶ್ವೇದ॑ಸ್ಮೈ ಸು॒ದಿನಾ॒ ಸಾಸ॑ದಿ॒ಷ್ಟಿಃ || 4.4.7
ಅರ್ಚಾ᳚ಮಿ ತೇ ಸುಮ॒ತಿಂ ಘೋಷ್ಯ॒ರ್ವಾಕ್ಸಂ ತೇ᳚ ವಾ॒ವಾತಾ᳚ ಜರತಾಮಿ॒ಯಂ ಗೀಃ |
ಸ್ವಶ್ವಾ᳚ಸ್ತ್ವಾ ಸು॒ರಥಾ᳚ ಮರ್ಜಯೇಮಾ॒ಸ್ಮೇ ಕ್ಷ॒ತ್ರಾಣಿ॑ ಧಾರಯೇ॒ರನು॒ ದ್ಯೂನ್ || 4.4.8
ಇ॒ಹ ತ್ವಾ॒ ಭೂರ್ಯಾ ಚ॑ರೇ॒ದುಪ॒ ತ್ಮಂದೋಷಾ᳚ವಸ್ತರ್ದೀದಿ॒ವಾಂಸ॒ಮನು॒ ದ್ಯೂನ್ |
ಕ್ರೀಳ᳚‌ನ್ತಸ್ತ್ವಾ ಸು॒ಮನ॑ಸಃ ಸಪೇಮಾ॒ಭಿ ದ್ಯು॒ಮ್ನಾ ತ॑ಸ್ಥಿ॒ವಾಂಸೋ॒ ಜನಾ᳚ನಾ‌ಮ್ || 4.4.9
ಯಸ್ತ್ವಾ॒ ಸ್ವಶ್ವಃ॑ ಸುಹಿರ॒ಣ್ಯೋ ಅ॑ಗ್ನ ಉಪ॒ಯಾತಿ॒ ವಸು॑ಮತಾ॒ ರಥೇ᳚ನ |
ತಸ್ಯ॑ ತ್ರಾ॒ತಾ ಭ॑ವಸಿ॒ ತಸ್ಯ॒ ಸಖಾ॒ ಯಸ್ತ॑ ಆತಿ॒ಥ್ಯಮಾ᳚ನು॒ಷಗ್ಜುಜೋ᳚ಷತ್ || 4.4.10
ಮ॒ಹೋ ರು॑ಜಾಮಿ ಬಂ॒ಧುತಾ॒ ವಚೋ᳚ಭಿ॒ಸ್ತನ್ಮಾ᳚ ಪಿ॒ತುರ್ಗೋತ॑ಮಾ॒ದನ್ವಿ॑ಯಾಯ |
ತ್ವಂ ನೋ᳚ ಅ॒ಸ್ಯ ವಚ॑ಸಶ್ಚಿಕಿದ್ಧಿ॒ ಹೋತ᳚ರ್ಯವಿಷ್ಠ ಸುಕ್ರತೋ॒ ದಮೂ᳚ನಾಃ || 4.4.11
ಅಸ್ವ॑ಪ್ನಜಸ್ತ॒ರಣ॑ಯಃ ಸು॒ಶೇವಾ॒ ಅತಂ᳚ದ್ರಾಸೋಽವೃ॒ಕಾ ಅಶ್ರ॑ಮಿಷ್ಠಾಃ |
ತೇ ಪಾ॒ಯವಃ॑ ಸ॒ಧ್ರ್ಯಂ᳚ಚೋ ನಿ॒ಷದ್ಯಾಗ್ನೇ॒ ತವ॑ ನಃ ಪಾ‌ನ್ತ್ವಮೂರ || 4.4.12
ಯೇ ಪಾ॒ಯವೋ᳚ ಮಾಮತೇ॒ಯಂ ತೇ᳚ ಅಗ್ನೇ॒ ಪಶ್ಯ᳚‌ನ್ತೋ ಅಂ॒ಧಂ ದು॑ರಿ॒ತಾದರ॑ಕ್ಷನ್ |
ರ॒ರಕ್ಷ॒ ತಾ‌‌ನ್ತ್ಸು॒ಕೃತೋ᳚ ವಿ॒ಶ್ವವೇ᳚ದಾ॒ ದಿಪ್ಸ᳚‌ನ್ತ॒ ಇದ್ರಿ॒ಪವೋ॒ ನಾಹ॑ ದೇಭುಃ || 4.4.13
ತ್ವಯಾ᳚ ವ॒ಯಂ ಸ॑ಧ॒ನ್ಯ1॒॑ಸ್ತ್ವೋತಾ॒ಸ್ತವ॒ ಪ್ರಣೀ᳚ತ್ಯಶ್ಯಾಮ॒ ವಾಜಾನ್॑ |
ಉ॒ಭಾ ಶಂಸಾ᳚ ಸೂದಯ ಸತ್ಯತಾತೇಽನುಷ್ಠು॒ಯಾ ಕೃ॑ಣುಹ್ಯಹ್ರಯಾಣ || 4.4.14
ಅ॒ಯಾ ತೇ᳚ ಅಗ್ನೇ ಸ॒ಮಿಧಾ᳚ ವಿಧೇಮ॒ ಪ್ರತಿ॒ ಸ್ತೋಮಂ᳚ ಶ॒ಸ್ಯಮಾ᳚ನಂ ಗೃಭಾಯ |
ದಹಾ॒ಶಸೋ᳚ ರ॒ಕ್ಷಸಃ॑ ಪಾ॒ಹ್ಯ1॒॑ಸ್ಮಾಂದ್ರು॒ಹೋ ನಿ॒ದೋ ಮಿ॑ತ್ರಮಹೋ ಅವ॒ದ್ಯಾತ್ || 4.4.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ವೈ॒ಶ್ವಾ॒ನ॒ರಾಯ॑ ಮೀ॒ಳ್ಹುಷೇ᳚ ಸ॒ಜೋಷಾಃ᳚ ಕ॒ಥಾ ದಾ᳚ಶೇಮಾ॒ಗ್ನಯೇ᳚ ಬೃ॒ಹದ್ಭಾಃ |
ಅನೂ᳚ನೇನ ಬೃಹ॒ತಾ ವ॒ಕ್ಷಥೇ॒ನೋಪ॑ ಸ್ತಭಾಯದುಪ॒ಮಿನ್ನ ರೋಧಃ॑ || 4.5.1
ಮಾ ನಿಂ᳚ದತ॒ ಯ ಇ॒ಮಾಂ ಮಹ್ಯಂ᳚ ರಾ॒ತಿಂ ದೇ॒ವೋ ದ॒ದೌ ಮರ್ತ್ಯಾ᳚ಯ ಸ್ವ॒ಧಾವಾನ್॑ |
ಪಾಕಾ᳚ಯ॒ ಗೃತ್ಸೋ᳚ ಅ॒ಮೃತೋ॒ ವಿಚೇ᳚ತಾ ವೈಶ್ವಾನ॒ರೋ ನೃತ॑ಮೋ ಯ॒ಹ್ವೋ ಅ॒ಗ್ನಿಃ || 4.5.2
ಸಾಮ॑ ದ್ವಿ॒ಬರ್ಹಾ॒ ಮಹಿ॑ ತಿ॒ಗ್ಮಭೃ॑ಷ್ಟಿಃ ಸ॒ಹಸ್ರ॑ರೇತಾ ವೃಷ॒ಭಸ್ತುವಿ॑ಷ್ಮಾನ್ |
ಪ॒ದಂ ನ ಗೋರಪ॑ಗೂಳ್ಹಂ ವಿವಿ॒ದ್ವಾನ॒ಗ್ನಿರ್ಮಹ್ಯಂ॒ ಪ್ರೇದು॑ ವೋಚನ್ಮನೀ॒ಷಾ‌ಮ್ || 4.5.3
ಪ್ರ ತಾಁ ಅ॒ಗ್ನಿರ್ಬ॑ಭಸತ್ತಿ॒ಗ್ಮಜಂ᳚ಭ॒ಸ್ತಪಿ॑ಷ್ಠೇನ ಶೋ॒ಚಿಷಾ॒ ಯಃ ಸು॒ರಾಧಾಃ᳚ |
ಪ್ರ ಯೇ ಮಿ॒ನ‌ನ್ತಿ॒ ವರು॑ಣಸ್ಯ॒ ಧಾಮ॑ ಪ್ರಿ॒ಯಾ ಮಿ॒ತ್ರಸ್ಯ॒ ಚೇತ॑ತೋ ಧ್ರು॒ವಾಣಿ॑ || 4.5.4
ಅ॒ಭ್ರಾ॒ತರೋ॒ ನ ಯೋಷ॑ಣೋ॒ ವ್ಯ‌ನ್ತಃ॑ ಪತಿ॒ರಿಪೋ॒ ನ ಜನ॑ಯೋ ದು॒ರೇವಾಃ᳚ |
ಪಾ॒ಪಾಸಃ॒ ಸ‌ನ್ತೋ᳚ ಅನೃ॒ತಾ ಅ॑ಸ॒ತ್ಯಾ ಇ॒ದಂ ಪ॒ದಮ॑ಜನತಾ ಗಭೀ॒ರ‌ಮ್ || 4.5.5
ಇ॒ದಂ ಮೇ᳚ ಅಗ್ನೇ॒ ಕಿಯ॑ತೇ ಪಾವ॒ಕಾಮಿ॑ನತೇ ಗು॒ರುಂ ಭಾ॒ರಂ ನ ಮನ್ಮ॑ |
ಬೃ॒ಹದ್ದ॑ಧಾಥ ಧೃಷ॒ತಾ ಗ॑ಭೀ॒ರಂ ಯ॒ಹ್ವಂ ಪೃ॒ಷ್ಠಂ ಪ್ರಯ॑ಸಾ ಸ॒ಪ್ತಧಾ᳚ತು || 4.5.6
ತಮಿನ್ನ್ವೇ॒3॒॑ವ ಸ॑ಮ॒ನಾ ಸ॑ಮಾ॒ನಮ॒ಭಿ ಕ್ರತ್ವಾ᳚ ಪುನ॒ತೀ ಧೀ॒ತಿರ॑ಶ್ಯಾಃ |
ಸ॒ಸಸ್ಯ॒ ಚರ್ಮ॒ನ್ನಧಿ॒ ಚಾರು॒ ಪೃಶ್ನೇ॒ರಗ್ರೇ᳚ ರು॒ಪ ಆರು॑ಪಿತಂ॒ ಜಬಾ᳚ರು || 4.5.7
ಪ್ರ॒ವಾಚ್ಯಂ॒ ವಚ॑ಸಃ॒ ಕಿಂ ಮೇ᳚ ಅ॒ಸ್ಯ ಗುಹಾ᳚ ಹಿ॒ತಮುಪ॑ ನಿ॒ಣಿಗ್ವ॑ದ‌ನ್ತಿ |
ಯದು॒ಸ್ರಿಯಾ᳚ಣಾ॒ಮಪ॒ ವಾರಿ॑ವ॒ ವ್ರನ್ಪಾತಿ॑ ಪ್ರಿ॒ಯಂ ರು॒ಪೋ ಅಗ್ರಂ᳚ ಪ॒ದಂ ವೇಃ || 4.5.8
ಇ॒ದಮು॒ ತ್ಯನ್ಮಹಿ॑ ಮ॒ಹಾಮನೀ᳚ಕಂ॒ ಯದು॒ಸ್ರಿಯಾ॒ ಸಚ॑ತ ಪೂ॒ರ್ವ್ಯಂ ಗೌಃ |
ಋ॒ತಸ್ಯ॑ ಪ॒ದೇ ಅಧಿ॒ ದೀದ್ಯಾ᳚ನಂ॒ ಗುಹಾ᳚ ರಘು॒ಷ್ಯದ್ರ॑ಘು॒ಯದ್ವಿ॑ವೇದ || 4.5.9
ಅಧ॑ ದ್ಯುತಾ॒ನಃ ಪಿ॒ತ್ರೋಃ ಸಚಾ॒ಸಾಮ॑ನುತ॒ ಗುಹ್ಯಂ॒ ಚಾರು॒ ಪೃಶ್ನೇಃ᳚ |
ಮಾ॒ತುಷ್ಪ॒ದೇ ಪ॑ರ॒ಮೇ ಅ‌ನ್ತಿ॒ ಷದ್ಗೋರ್ವೃಷ್ಣಃ॑ ಶೋ॒ಚಿಷಃ॒ ಪ್ರಯ॑ತಸ್ಯ ಜಿ॒ಹ್ವಾ || 4.5.10
ಋ॒ತಂ ವೋ᳚ಚೇ॒ ನಮ॑ಸಾ ಪೃ॒ಚ್ಛ್ಯಮಾ᳚ನ॒ಸ್ತವಾ॒ಶಸಾ᳚ ಜಾತವೇದೋ॒ ಯದೀ॒ದ‌ಮ್ |
ತ್ವಮ॒ಸ್ಯ ಕ್ಷ॑ಯಸಿ॒ ಯದ್ಧ॒ ವಿಶ್ವಂ᳚ ದಿ॒ವಿ ಯದು॒ ದ್ರವಿ॑ಣಂ॒ ಯತ್ಪೃ॑ಥಿ॒ವ್ಯಾ‌ಮ್ || 4.5.11
ಕಿಂ ನೋ᳚ ಅ॒ಸ್ಯ ದ್ರವಿ॑ಣಂ॒ ಕದ್ಧ॒ ರತ್ನಂ॒ ವಿ ನೋ᳚ ವೋಚೋ ಜಾತವೇದಶ್ಚಿಕಿ॒ತ್ವಾನ್ |
ಗುಹಾಧ್ವ॑ನಃ ಪರ॒ಮಂ ಯನ್ನೋ᳚ ಅ॒ಸ್ಯ ರೇಕು॑ ಪ॒ದಂ ನ ನಿ॑ದಾ॒ನಾ ಅಗ᳚ನ್ಮ || 4.5.12
ಕಾ ಮ॒ರ್ಯಾದಾ᳚ ವ॒ಯುನಾ॒ ಕದ್ಧ॑ ವಾ॒ಮಮಚ್ಛಾ᳚ ಗಮೇಮ ರ॒ಘವೋ॒ ನ ವಾಜ‌ಮ್᳚ |
ಕ॒ದಾ ನೋ᳚ ದೇ॒ವೀರ॒ಮೃತ॑ಸ್ಯ॒ ಪತ್ನೀಃ॒ ಸೂರೋ॒ ವರ್ಣೇ᳚ನ ತತನನ್ನು॒ಷಾಸಃ॑ || 4.5.13
ಅ॒ನಿ॒ರೇಣ॒ ವಚ॑ಸಾ ಫ॒ಲ್ಗ್ವೇ᳚ನ ಪ್ರ॒ತೀತ್ಯೇ᳚ನ ಕೃ॒ಧುನಾ᳚ತೃ॒ಪಾಸಃ॑ |
ಅಧಾ॒ ತೇ ಅ॑ಗ್ನೇ॒ ಕಿಮಿ॒ಹಾ ವ॑ದ‌ನ್ತ್ಯನಾಯು॒ಧಾಸ॒ ಆಸ॑ತಾ ಸಚ‌ನ್ತಾ‌ಮ್ || 4.5.14
ಅ॒ಸ್ಯ ಶ್ರಿ॒ಯೇ ಸ॑ಮಿಧಾ॒ನಸ್ಯ॒ ವೃಷ್ಣೋ॒ ವಸೋ॒ರನೀ᳚ಕಂ॒ ದಮ॒ ಆ ರು॑ರೋಚ |
ರುಶ॒ದ್ವಸಾ᳚ನಃ ಸು॒ದೃಶೀ᳚ಕರೂಪಃ ಕ್ಷಿ॒ತಿರ್ನ ರಾ॒ಯಾ ಪು॑ರು॒ವಾರೋ᳚ ಅದ್ಯೌತ್ || 4.5.15

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಊ॒ರ್ಧ್ವ ಊ॒ ಷು ಣೋ᳚ ಅಧ್ವರಸ್ಯ ಹೋತ॒ರಗ್ನೇ॒ ತಿಷ್ಠ॑ ದೇ॒ವತಾ᳚ತಾ॒ ಯಜೀ᳚ಯಾನ್ |
ತ್ವಂ ಹಿ ವಿಶ್ವ॑ಮ॒ಭ್ಯಸಿ॒ ಮನ್ಮ॒ ಪ್ರ ವೇ॒ಧಸ॑ಶ್ಚಿತ್ತಿರಸಿ ಮನೀ॒ಷಾ‌ಮ್ || 4.6.1
ಅಮೂ᳚ರೋ॒ ಹೋತಾ॒ ನ್ಯ॑ಸಾದಿ ವಿ॒ಕ್ಷ್ವ1॒॑ಗ್ನಿರ್ಮಂ॒ದ್ರೋ ವಿ॒ದಥೇ᳚ಷು॒ ಪ್ರಚೇ᳚ತಾಃ |
ಊ॒ರ್ಧ್ವಂ ಭಾ॒ನುಂ ಸ॑ವಿ॒ತೇವಾ᳚ಶ್ರೇ॒ನ್ಮೇತೇ᳚ವ ಧೂ॒ಮಂ ಸ್ತ॑ಭಾಯ॒ದುಪ॒ ದ್ಯಾ‌ಮ್ || 4.6.2
ಯ॒ತಾ ಸು॑ಜೂ॒ರ್ಣೀ ರಾ॒ತಿನೀ᳚ ಘೃ॒ತಾಚೀ᳚ ಪ್ರದಕ್ಷಿ॒ಣಿದ್ದೇ॒ವತಾ᳚ತಿಮುರಾ॒ಣಃ |
ಉದು॒ ಸ್ವರು᳚ರ್ನವ॒ಜಾ ನಾಕ್ರಃ ಪ॒ಶ್ವೋ ಅ॑ನಕ್ತಿ॒ ಸುಧಿ॑ತಃ ಸು॒ಮೇಕಃ॑ || 4.6.3
ಸ್ತೀ॒ರ್ಣೇ ಬ॒ರ್ಹಿಷಿ॑ ಸಮಿಧಾ॒ನೇ ಅ॒ಗ್ನಾ ಊ॒ರ್ಧ್ವೋ ಅ॑ಧ್ವ॒ರ್ಯುರ್ಜು॑ಜುಷಾ॒ಣೋ ಅ॑ಸ್ಥಾತ್ |
ಪರ್ಯ॒ಗ್ನಿಃ ಪ॑ಶು॒ಪಾ ನ ಹೋತಾ᳚ ತ್ರಿವಿ॒ಷ್ಟ್ಯೇ᳚ತಿ ಪ್ರ॒ದಿವ॑ ಉರಾ॒ಣಃ || 4.6.4
ಪರಿ॒ ತ್ಮನಾ᳚ ಮಿ॒ತದ್ರು॑ರೇತಿ॒ ಹೋತಾ॒ಗ್ನಿರ್ಮಂ॒ದ್ರೋ ಮಧು॑ವಚಾ ಋ॒ತಾವಾ᳚ |
ದ್ರವ᳚‌ನ್ತ್ಯಸ್ಯ ವಾ॒ಜಿನೋ॒ ನ ಶೋಕಾ॒ ಭಯ᳚‌ನ್ತೇ॒ ವಿಶ್ವಾ॒ ಭುವ॑ನಾ॒ ಯದಭ್ರಾ᳚ಟ್ || 4.6.5
ಭ॒ದ್ರಾ ತೇ᳚ ಅಗ್ನೇ ಸ್ವನೀಕ ಸಂ॒ದೃಗ್ಘೋ॒ರಸ್ಯ॑ ಸ॒ತೋ ವಿಷು॑ಣಸ್ಯ॒ ಚಾರುಃ॑ |
ನ ಯತ್ತೇ᳚ ಶೋ॒ಚಿಸ್ತಮ॑ಸಾ॒ ವರ᳚‌ನ್ತ॒ ನ ಧ್ವ॒ಸ್ಮಾನ॑ಸ್ತ॒ನ್ವೀ॒3॒॑ ರೇಪ॒ ಆ ಧುಃ॑ || 4.6.6
ನ ಯಸ್ಯ॒ ಸಾತು॒ರ್ಜನಿ॑ತೋ॒ರವಾ᳚ರಿ॒ ನ ಮಾ॒ತರಾ᳚ಪಿ॒ತರಾ॒ ನೂ ಚಿ॑ದಿ॒ಷ್ಟೌ |
ಅಧಾ᳚ ಮಿ॒ತ್ರೋ ನ ಸುಧಿ॑ತಃ ಪಾವ॒ಕೋ॒3॒॑ಽಗ್ನಿರ್ದೀ᳚ದಾಯ॒ ಮಾನು॑ಷೀಷು ವಿ॒ಕ್ಷು || 4.6.7
ದ್ವಿರ್ಯಂ ಪಂಚ॒ ಜೀಜ॑ನ‌‌ನ್ತ್ಸಂ॒ವಸಾ᳚ನಾಃ॒ ಸ್ವಸಾ᳚ರೋ ಅ॒ಗ್ನಿಂ ಮಾನು॑ಷೀಷು ವಿ॒ಕ್ಷು |
ಉ॒ಷ॒ರ್ಬುಧ॑ಮಥ॒ರ್ಯೋ॒3॒॑ ನ ದ‌ನ್ತಂ᳚ ಶು॒ಕ್ರಂ ಸ್ವಾಸಂ᳚ ಪರ॒ಶುಂ ನ ತಿ॒ಗ್ಮ‌ಮ್ || 4.6.8
ತವ॒ ತ್ಯೇ ಅ॑ಗ್ನೇ ಹ॒ರಿತೋ᳚ ಘೃತ॒ಸ್ನಾ ರೋಹಿ॑ತಾಸ ಋ॒ಜ್ವಂಚಃ॒ ಸ್ವಂಚಃ॑ |
ಅ॒ರು॒ಷಾಸೋ॒ ವೃಷ॑ಣ ಋಜುಮು॒ಷ್ಕಾ ಆ ದೇ॒ವತಾ᳚ತಿಮಹ್ವ‌ನ್ತ ದ॒ಸ್ಮಾಃ || 4.6.9
ಯೇ ಹ॒ ತ್ಯೇ ತೇ॒ ಸಹ॑ಮಾನಾ ಅ॒ಯಾಸ॑ಸ್ತ್ವೇ॒ಷಾಸೋ᳚ ಅಗ್ನೇ ಅ॒ರ್ಚಯ॒ಶ್ಚರ᳚‌ನ್ತಿ |
ಶ್ಯೇ॒ನಾಸೋ॒ ನ ದು॑ವಸ॒ನಾಸೋ॒ ಅರ್ಥಂ᳚ ತುವಿಷ್ವ॒ಣಸೋ॒ ಮಾರು॑ತಂ॒ ನ ಶರ್ಧಃ॑ || 4.6.10
ಅಕಾ᳚ರಿ॒ ಬ್ರಹ್ಮ॑ ಸಮಿಧಾನ॒ ತುಭ್ಯಂ॒ ಶಂಸಾ᳚ತ್ಯು॒ಕ್ಥಂ ಯಜ॑ತೇ॒ ವ್ಯೂ᳚ ಧಾಃ |
ಹೋತಾ᳚ರಮ॒ಗ್ನಿಂ ಮನು॑ಷೋ॒ ನಿ ಷೇ᳚ದುರ್ನಮ॒ಸ್ಯ‌ನ್ತ॑ ಉ॒ಶಿಜಃ॒ ಶಂಸ॑ಮಾ॒ಯೋಃ || 4.6.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿದೇರ್ವತಾ(1) ಪ್ರಥಮ] ಜಗತೀ (2-6) ದ್ವಿತೀಯಾದಿಪಂಚಾನಾಮನಷ್ಟಪ (7-11) ಸಪ್ತಮ್ಯಾದಿಪಂಚಾನಾಂಚ ತ್ರಿಷ್ಟುಪ್ ಛಂದಾಂಸಿ

ಅ॒ಯಮಿ॒ಹ ಪ್ರ॑ಥ॒ಮೋ ಧಾ᳚ಯಿ ಧಾ॒ತೃಭಿ॒ರ್ಹೋತಾ॒ ಯಜಿ॑ಷ್ಠೋ ಅಧ್ವ॒ರೇಷ್ವೀಡ್ಯಃ॑ |
ಯಮಪ್ನ॑ವಾನೋ॒ ಭೃಗ॑ವೋ ವಿರುರು॒ಚುರ್ವನೇ᳚ಷು ಚಿ॒ತ್ರಂ ವಿ॒ಭ್ವಂ᳚ ವಿ॒ಶೇವಿ॑ಶೇ || 4.7.1
ಅಗ್ನೇ᳚ ಕ॒ದಾ ತ॑ ಆನು॒ಷಗ್ಭುವ॑ದ್ದೇ॒ವಸ್ಯ॒ ಚೇತ॑ನ‌ಮ್ |
ಅಧಾ॒ ಹಿ ತ್ವಾ᳚ ಜಗೃಭ್ರಿ॒ರೇ ಮರ್ತಾ᳚ಸೋ ವಿ॒ಕ್ಷ್ವೀಡ್ಯ‌ಮ್᳚ || 4.7.2
ಋ॒ತಾವಾ᳚ನಂ॒ ವಿಚೇ᳚ತಸಂ॒ ಪಶ್ಯ᳚‌ನ್ತೋ॒ ದ್ಯಾಮಿ॑ವ॒ ಸ್ತೃಭಿಃ॑ |
ವಿಶ್ವೇ᳚ಷಾಮಧ್ವ॒ರಾಣಾಂ᳚ ಹಸ್ಕ॒ರ್ತಾರಂ॒ ದಮೇ᳚ದಮೇ || 4.7.3
ಆ॒ಶುಂ ದೂ॒ತಂ ವಿ॒ವಸ್ವ॑ತೋ॒ ವಿಶ್ವಾ॒ ಯಶ್ಚ॑ರ್ಷ॒ಣೀರ॒ಭಿ |
ಆ ಜ॑ಭ್ರುಃ ಕೇ॒ತುಮಾ॒ಯವೋ॒ ಭೃಗ॑ವಾಣಂ ವಿ॒ಶೇವಿ॑ಶೇ || 4.7.4
ತಮೀಂ॒ ಹೋತಾ᳚ರಮಾನು॒ಷಕ್ಚಿ॑ಕಿ॒ತ್ವಾಂಸಂ॒ ನಿ ಷೇ᳚ದಿರೇ |
ರ॒ಣ್ವಂ ಪಾ᳚ವ॒ಕಶೋ᳚ಚಿಷಂ॒ ಯಜಿ॑ಷ್ಠಂ ಸ॒ಪ್ತ ಧಾಮ॑ಭಿಃ || 4.7.5
ತಂ ಶಶ್ವ॑ತೀಷು ಮಾ॒ತೃಷು॒ ವನ॒ ಆ ವೀ॒ತಮಶ್ರಿ॑ತ‌ಮ್ |
ಚಿ॒ತ್ರಂ ಸ‌ನ್ತಂ॒ ಗುಹಾ᳚ ಹಿ॒ತಂ ಸು॒ವೇದಂ᳚ ಕೂಚಿದ॒ರ್ಥಿನ‌ಮ್᳚ || 4.7.6
ಸ॒ಸಸ್ಯ॒ ಯದ್ವಿಯು॑ತಾ॒ ಸಸ್ಮಿ॒ನ್ನೂಧ᳚ನ್ನೃ॒ತಸ್ಯ॒ ಧಾಮ᳚ನ್ರ॒ಣಯ᳚‌ನ್ತ ದೇ॒ವಾಃ |
ಮ॒ಹಾಁ ಅ॒ಗ್ನಿರ್ನಮ॑ಸಾ ರಾ॒ತಹ᳚ವ್ಯೋ॒ ವೇರ॑ಧ್ವ॒ರಾಯ॒ ಸದ॒ಮಿದೃ॒ತಾವಾ᳚ || 4.7.7
ವೇರ॑ಧ್ವ॒ರಸ್ಯ॑ ದೂ॒ತ್ಯಾ᳚ನಿ ವಿ॒ದ್ವಾನು॒ಭೇ ಅ॒‌ನ್ತಾ ರೋದ॑ಸೀ ಸಂಚಿಕಿ॒ತ್ವಾನ್ |
ದೂ॒ತ ಈ᳚ಯಸೇ ಪ್ರ॒ದಿವ॑ ಉರಾ॒ಣೋ ವಿ॒ದುಷ್ಟ॑ರೋ ದಿ॒ವ ಆ॒ರೋಧ॑ನಾನಿ || 4.7.8
ಕೃ॒ಷ್ಣಂ ತ॒ ಏಮ॒ ರುಶ॑ತಃ ಪು॒ರೋ ಭಾಶ್ಚ॑ರಿ॒ಷ್ಣ್ವ1॒॑ರ್ಚಿರ್ವಪು॑ಷಾ॒ಮಿದೇಕ‌ಮ್᳚ |
ಯದಪ್ರ॑ವೀತಾ॒ ದಧ॑ತೇ ಹ॒ ಗರ್ಭಂ᳚ ಸ॒ದ್ಯಶ್ಚಿ॑ಜ್ಜಾ॒ತೋ ಭವ॒ಸೀದು॑ ದೂ॒ತಃ || 4.7.9
ಸ॒ದ್ಯೋ ಜಾ॒ತಸ್ಯ॒ ದದೃ॑ಶಾನ॒ಮೋಜೋ॒ ಯದ॑ಸ್ಯ॒ ವಾತೋ᳚ ಅನು॒ವಾತಿ॑ ಶೋ॒ಚಿಃ |
ವೃ॒ಣಕ್ತಿ॑ ತಿ॒ಗ್ಮಾಮ॑ತ॒ಸೇಷು॑ ಜಿ॒ಹ್ವಾಂ ಸ್ಥಿ॒ರಾ ಚಿ॒ದನ್ನಾ᳚ ದಯತೇ॒ ವಿ ಜಂಭೈಃ᳚ || 4.7.10
ತೃ॒ಷು ಯದನ್ನಾ᳚ ತೃ॒ಷುಣಾ᳚ ವ॒ವಕ್ಷ॑ ತೃ॒ಷುಂ ದೂ॒ತಂ ಕೃ॑ಣುತೇ ಯ॒ಹ್ವೋ ಅ॒ಗ್ನಿಃ |
ವಾತ॑ಸ್ಯ ಮೇ॒ಳಿಂ ಸ॑ಚತೇ ನಿ॒ಜೂರ್ವ᳚ನ್ನಾ॒ಶುಂ ನ ವಾ᳚ಜಯತೇ ಹಿ॒ನ್ವೇ ಅರ್ವಾ᳚ || 4.7.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ದೂ॒ತಂ ವೋ᳚ ವಿ॒ಶ್ವವೇ᳚ದಸಂ ಹವ್ಯ॒ವಾಹ॒ಮಮ॑ರ್ತ್ಯ‌ಮ್ |
ಯಜಿ॑ಷ್ಠಮೃಂಜಸೇ ಗಿ॒ರಾ || 4.8.1
ಸ ಹಿ ವೇದಾ॒ ವಸು॑ಧಿತಿಂ ಮ॒ಹಾಁ ಆ॒ರೋಧ॑ನಂ ದಿ॒ವಃ |
ಸ ದೇ॒ವಾಁ ಏಹ ವ॑ಕ್ಷತಿ || 4.8.2
ಸ ವೇ᳚ದ ದೇ॒ವ ಆ॒ನಮಂ᳚ ದೇ॒ವಾಁ ಋ॑ತಾಯ॒ತೇ ದಮೇ᳚ |
ದಾತಿ॑ ಪ್ರಿ॒ಯಾಣಿ॑ ಚಿ॒ದ್ವಸು॑ || 4.8.3
ಸ ಹೋತಾ॒ ಸೇದು॑ ದೂ॒ತ್ಯಂ᳚ ಚಿಕಿ॒ತ್ವಾಁ ಅ॒‌ನ್ತರೀ᳚ಯತೇ |
ವಿ॒ದ್ವಾಁ ಆ॒ರೋಧ॑ನಂ ದಿ॒ವಃ || 4.8.4
ತೇ ಸ್ಯಾ᳚ಮ॒ ಯೇ ಅ॒ಗ್ನಯೇ᳚ ದದಾ॒ಶುರ್ಹ॒ವ್ಯದಾ᳚ತಿಭಿಃ |
ಯ ಈಂ॒ ಪುಷ್ಯ᳚‌ನ್ತ ಇಂಧ॒ತೇ || 4.8.5
ತೇ ರಾ॒ಯಾ ತೇ ಸು॒ವೀರ್ಯೈಃ᳚ ಸಸ॒ವಾಂಸೋ॒ ವಿ ಶೃ᳚ಣ್ವಿರೇ |
ಯೇ ಅ॒ಗ್ನಾ ದ॑ಧಿ॒ರೇ ದುವಃ॑ || 4.8.6
ಅ॒ಸ್ಮೇ ರಾಯೋ᳚ ದಿ॒ವೇದಿ॑ವೇ॒ ಸಂ ಚ॑ರ‌ನ್ತು ಪುರು॒ಸ್ಪೃಹಃ॑ |
ಅ॒ಸ್ಮೇ ವಾಜಾ᳚ಸ ಈರತಾ‌ಮ್ || 4.8.7
ಸ ವಿಪ್ರ॑ಶ್ಚರ್ಷಣೀ॒ನಾಂ ಶವ॑ಸಾ॒ ಮಾನು॑ಷಾಣಾ‌ಮ್ |
ಅತಿ॑ ಕ್ಷಿ॒ಪ್ರೇವ॑ ವಿಧ್ಯತಿ || 4.8.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಅಗ್ನೇ᳚ ಮೃ॒ಳ ಮ॒ಹಾಁ ಅ॑ಸಿ॒ ಯ ಈ॒ಮಾ ದೇ᳚ವ॒ಯುಂ ಜನ‌ಮ್᳚ |
ಇ॒ಯೇಥ॑ ಬ॒ರ್ಹಿರಾ॒ಸದ‌ಮ್᳚ || 4.9.1
ಸ ಮಾನು॑ಷೀಷು ದೂ॒ಳಭೋ᳚ ವಿ॒ಕ್ಷು ಪ್ರಾ॒ವೀರಮ॑ರ್ತ್ಯಃ |
ದೂ॒ತೋ ವಿಶ್ವೇ᳚ಷಾಂ ಭುವತ್ || 4.9.2
ಸ ಸದ್ಮ॒ ಪರಿ॑ ಣೀಯತೇ॒ ಹೋತಾ᳚ ಮಂ॒ದ್ರೋ ದಿವಿ॑ಷ್ಟಿಷು |
ಉ॒ತ ಪೋತಾ॒ ನಿ ಷೀ᳚ದತಿ || 4.9.3
ಉ॒ತ ಗ್ನಾ ಅ॒ಗ್ನಿರ॑ಧ್ವ॒ರ ಉ॒ತೋ ಗೃ॒ಹಪ॑ತಿ॒ರ್ದಮೇ᳚ |
ಉ॒ತ ಬ್ರ॒ಹ್ಮಾ ನಿ ಷೀ᳚ದತಿ || 4.9.4
ವೇಷಿ॒ ಹ್ಯ॑ಧ್ವರೀಯ॒ತಾಮು॑ಪವ॒ಕ್ತಾ ಜನಾ᳚ನಾ‌ಮ್ |
ಹ॒ವ್ಯಾ ಚ॒ ಮಾನು॑ಷಾಣಾ‌ಮ್ || 4.9.5
ವೇಷೀದ್ವ॑ಸ್ಯ ದೂ॒ತ್ಯ1॒॑ ಅಂಯಸ್ಯ॒ ಜುಜೋ᳚ಷೋ ಅಧ್ವ॒ರ‌ಮ್ |
ಹ॒ವ್ಯಂ ಮರ್ತ॑ಸ್ಯ॒ ವೋಳ್ಹ॑ವೇ || 4.9.6
ಅ॒ಸ್ಮಾಕಂ᳚ ಜೋಷ್ಯಧ್ವ॒ರಮ॒ಸ್ಮಾಕಂ᳚ ಯ॒ಜ್ಞಮಂ᳚ಗಿರಃ |
ಅ॒ಸ್ಮಾಕಂ᳚ ಶೃಣುಧೀ॒ ಹವ‌ಮ್᳚ || 4.9.7
ಪರಿ॑ ತೇ ದೂ॒ಳಭೋ॒ ರಥೋ॒ಽಸ್ಮಾಁ ಅ॑ಶ್ನೋತು ವಿ॒ಶ್ವತಃ॑ |
ಯೇನ॒ ರಕ್ಷ॑ಸಿ ದಾ॒ಶುಷಃ॑ || 4.9.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ದೇವತಾ, (1-3) ಪ್ರಥಮತೃಚಸ್ಯ ಪದಪತಿಃ (4, 6, 7) ಚತುರ್ಥೀಷಷ್ಠೀಸಪ್ತಮೀನಾಮೃಚಾಂ ಪದಪತಿರುಷ್ಣಿಗ್ವಾ (5) ಪಂಚಮ್ಯಾ ಮಹಾಪದಪಂಕ್ತಿಃ (8) ಅಷ್ಟಮ್ಯಾಶ್ಚೋಷ್ಣಿಕ್ ಛಂದಾಂಸಿ

ಅಗ್ನೇ॒ ತಮ॒ದ್ಯಾಶ್ವಂ॒ ನ ಸ್ತೋಮೈಃ॒ ಕ್ರತುಂ॒ ನ ಭ॒ದ್ರಂ ಹೃ॑ದಿ॒ಸ್ಪೃಶ‌ಮ್᳚ |
ಋ॒ಧ್ಯಾಮಾ᳚ ತ॒ ಓಹೈಃ᳚ || 4.10.1
ಅಧಾ॒ ಹ್ಯ॑ಗ್ನೇ॒ ಕ್ರತೋ᳚ರ್ಭ॒ದ್ರಸ್ಯ॒ ದಕ್ಷ॑ಸ್ಯ ಸಾ॒ಧೋಃ |
ರ॒ಥೀರ್‌ಋ॒ತಸ್ಯ॑ ಬೃಹ॒ತೋ ಬ॒ಭೂಥ॑ || 4.10.2
ಏ॒ಭಿರ್ನೋ᳚ ಅ॒ರ್ಕೈರ್ಭವಾ᳚ ನೋ ಅ॒ರ್ವಾಙ್ಸ್ವ1॒᳚ರ್ಣ ಜ್ಯೋತಿಃ॑ |
ಅಗ್ನೇ॒ ವಿಶ್ವೇ᳚ಭಿಃ ಸು॒ಮನಾ॒ ಅನೀ᳚ಕೈಃ || 4.10.3
ಆ॒ಭಿಷ್ಟೇ᳚ ಅ॒ದ್ಯ ಗೀ॒ರ್ಭಿರ್ಗೃ॒ಣ‌ನ್ತೋಽಗ್ನೇ॒ ದಾಶೇ᳚ಮ |
ಪ್ರ ತೇ᳚ ದಿ॒ವೋ ನ ಸ್ತ॑ನಯ‌ನ್ತಿ॒ ಶುಷ್ಮಾಃ᳚ || 4.10.4
ತವ॒ ಸ್ವಾದಿ॒ಷ್ಠಾಗ್ನೇ॒ ಸಂದೃ॑ಷ್ಟಿರಿ॒ದಾ ಚಿ॒ದಹ್ನ॑ ಇ॒ದಾ ಚಿ॑ದ॒ಕ್ತೋಃ |
ಶ್ರಿ॒ಯೇ ರು॒ಕ್ಮೋ ನ ರೋ᳚ಚತ ಉಪಾ॒ಕೇ || 4.10.5
ಘೃ॒ತಂ ನ ಪೂ॒ತಂ ತ॒ನೂರ॑ರೇ॒ಪಾಃ ಶುಚಿ॒ ಹಿರ᳚ಣ್ಯ‌ಮ್ |
ತತ್ತೇ᳚ ರು॒ಕ್ಮೋ ನ ರೋ᳚ಚತ ಸ್ವಧಾವಃ || 4.10.6
ಕೃ॒ತಂ ಚಿ॒ದ್ಧಿ ಷ್ಮಾ॒ ಸನೇ᳚ಮಿ॒ ದ್ವೇಷೋಽಗ್ನ॑ ಇ॒ನೋಷಿ॒ ಮರ್ತಾ᳚ತ್ |
ಇ॒ತ್ಥಾ ಯಜ॑ಮಾನಾದೃತಾವಃ || 4.10.7
ಶಿ॒ವಾ ನಃ॑ ಸ॒ಖ್ಯಾ ಸ‌ನ್ತು॑ ಭ್ರಾ॒ತ್ರಾಗ್ನೇ᳚ ದೇ॒ವೇಷು॑ ಯು॒ಷ್ಮೇ |
ಸಾ ನೋ॒ ನಾಭಿಃ॒ ಸದ॑ನೇ॒ ಸಸ್ಮಿ॒ನ್ನೂಧನ್॑ || 4.10.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿದೇರ್ವತಾ, ತ್ರಿಷ್ಟುಪ್ ಛಂದಃ

ಭ॒ದ್ರಂ ತೇ᳚ ಅಗ್ನೇ ಸಹಸಿ॒ನ್ನನೀ᳚ಕಮುಪಾ॒ಕ ಆ ರೋ᳚ಚತೇ॒ ಸೂರ್ಯ॑ಸ್ಯ |
ರುಶ॑ದ್ದೃ॒ಶೇ ದ॑ದೃಶೇ ನಕ್ತ॒ಯಾ ಚಿ॒ದರೂ᳚ಕ್ಷಿತಂ ದೃ॒ಶ ಆ ರೂ॒ಪೇ ಅನ್ನ‌ಮ್᳚ || 4.11.1
ವಿ ಷಾ᳚ಹ್ಯಗ್ನೇ ಗೃಣ॒ತೇ ಮ॑ನೀ॒ಷಾಂ ಖಂ ವೇಪ॑ಸಾ ತುವಿಜಾತ॒ ಸ್ತವಾ᳚ನಃ |
ವಿಶ್ವೇ᳚ಭಿ॒ರ್ಯದ್ವಾ॒ವನಃ॑ ಶುಕ್ರ ದೇ॒ವೈಸ್ತನ್ನೋ᳚ ರಾಸ್ವ ಸುಮಹೋ॒ ಭೂರಿ॒ ಮನ್ಮ॑ || 4.11.2
ತ್ವದ॑ಗ್ನೇ॒ ಕಾವ್ಯಾ॒ ತ್ವನ್ಮ॑ನೀ॒ಷಾಸ್ತ್ವದು॒ಕ್ಥಾ ಜಾ᳚ಯ‌ನ್ತೇ॒ ರಾಧ್ಯಾ᳚ನಿ |
ತ್ವದೇ᳚ತಿ॒ ದ್ರವಿ॑ಣಂ ವೀ॒ರಪೇ᳚ಶಾ ಇ॒ತ್ಥಾಧಿ॑ಯೇ ದಾ॒ಶುಷೇ॒ ಮರ್ತ್ಯಾ᳚ಯ || 4.11.3
ತ್ವದ್ವಾ॒ಜೀ ವಾ᳚ಜಂಭ॒ರೋ ವಿಹಾ᳚ಯಾ ಅಭಿಷ್ಟಿ॒ಕೃಜ್ಜಾ᳚ಯತೇ ಸ॒ತ್ಯಶು॑ಷ್ಮಃ |
ತ್ವದ್ರ॒ಯಿರ್ದೇ॒ವಜೂ᳚ತೋ ಮಯೋ॒ಭುಸ್ತ್ವದಾ॒ಶುರ್ಜೂ᳚ಜು॒ವಾಁ ಅ॑ಗ್ನೇ॒ ಅರ್ವಾ᳚ || 4.11.4
ತ್ವಾಮ॑ಗ್ನೇ ಪ್ರಥ॒ಮಂ ದೇ᳚ವ॒ಯ‌ನ್ತೋ᳚ ದೇ॒ವಂ ಮರ್ತಾ᳚ ಅಮೃತ ಮಂ॒ದ್ರಜಿ॑ಹ್ವ‌ಮ್ |
ದ್ವೇ॒ಷೋ॒ಯುತ॒ಮಾ ವಿ॑ವಾಸ‌ನ್ತಿ ಧೀ॒ಭಿರ್ದಮೂ᳚ನಸಂ ಗೃ॒ಹಪ॑ತಿ॒ಮಮೂ᳚ರ‌ಮ್ || 4.11.5
ಆ॒ರೇ ಅ॒ಸ್ಮದಮ॑ತಿಮಾ॒ರೇ ಅಂಹ॑ ಆ॒ರೇ ವಿಶ್ವಾಂ᳚ ದುರ್ಮ॒ತಿಂ ಯನ್ನಿ॒ಪಾಸಿ॑ |
ದೋ॒ಷಾ ಶಿ॒ವಃ ಸ॑ಹಸಃ ಸೂನೋ ಅಗ್ನೇ॒ ಯಂ ದೇ॒ವ ಆ ಚಿ॒ತ್ಸಚ॑ಸೇ ಸ್ವ॒ಸ್ತಿ || 4.11.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಯಸ್ತ್ವಾಮ॑ಗ್ನ ಇ॒ನಧ॑ತೇ ಯ॒ತಸ್ರು॒ಕ್ತ್ರಿಸ್ತೇ॒ ಅನ್ನಂ᳚ ಕೃ॒ಣವ॒ತ್ಸಸ್ಮಿ॒ನ್ನಹನ್॑ |
ಸ ಸು ದ್ಯು॒ಮ್ನೈರ॒ಭ್ಯ॑ಸ್ತು ಪ್ರ॒ಸಕ್ಷ॒ತ್ತವ॒ ಕ್ರತ್ವಾ᳚ ಜಾತವೇದಶ್ಚಿಕಿ॒ತ್ವಾನ್ || 4.12.1
ಇ॒ಧ್ಮಂ ಯಸ್ತೇ᳚ ಜ॒ಭರ॑ಚ್ಛಶ್ರಮಾ॒ಣೋ ಮ॒ಹೋ ಅ॑ಗ್ನೇ॒ ಅನೀ᳚ಕ॒ಮಾ ಸ॑ಪ॒ರ್ಯನ್ |
ಸ ಇ॑ಧಾ॒ನಃ ಪ್ರತಿ॑ ದೋ॒ಷಾಮು॒ಷಾಸಂ॒ ಪುಷ್ಯ᳚ನ್ರ॒ಯಿಂ ಸ॑ಚತೇ॒ ಘ್ನನ್ನ॒ಮಿತ್ರಾನ್॑ || 4.12.2
ಅ॒ಗ್ನಿರೀ᳚ಶೇ ಬೃಹ॒ತಃ ಕ್ಷ॒ತ್ರಿಯ॑ಸ್ಯಾ॒ಗ್ನಿರ್ವಾಜ॑ಸ್ಯ ಪರ॒ಮಸ್ಯ॑ ರಾ॒ಯಃ |
ದಧಾ᳚ತಿ॒ ರತ್ನಂ᳚ ವಿಧ॒ತೇ ಯವಿ॑ಷ್ಠೋ॒ ವ್ಯಾ᳚ನು॒ಷಙ್ಮರ್ತ್ಯಾ᳚ಯ ಸ್ವ॒ಧಾವಾನ್॑ || 4.12.3
ಯಚ್ಚಿ॒ದ್ಧಿ ತೇ᳚ ಪುರುಷ॒ತ್ರಾ ಯ॑ವಿ॒ಷ್ಠಾಚಿ॑ತ್ತಿಭಿಶ್ಚಕೃ॒ಮಾ ಕಚ್ಚಿ॒ದಾಗಃ॑ |
ಕೃ॒ಧೀ ಷ್ವ1॒॑ಸ್ಮಾಁ ಅದಿ॑ತೇ॒ರನಾ᳚ಗಾ॒ನ್ವ್ಯೇನಾಂ᳚ಸಿ ಶಿಶ್ರಥೋ॒ ವಿಷ್ವ॑ಗಗ್ನೇ || 4.12.4
ಮ॒ಹಶ್ಚಿ॑ದಗ್ನ॒ ಏನ॑ಸೋ ಅ॒ಭೀಕ॑ ಊ॒ರ್ವಾದ್ದೇ॒ವಾನಾ᳚ಮು॒ತ ಮರ್ತ್ಯಾ᳚ನಾ‌ಮ್ |
ಮಾ ತೇ॒ ಸಖಾ᳚ಯಃ॒ ಸದ॒ಮಿದ್ರಿ॑ಷಾಮ॒ ಯಚ್ಛಾ᳚ ತೋ॒ಕಾಯ॒ ತನ॑ಯಾಯ॒ ಶಂ ಯೋಃ || 4.12.5
ಯಥಾ᳚ ಹ॒ ತ್ಯದ್ವ॑ಸವೋ ಗೌ॒ರ್ಯಂ᳚ ಚಿತ್ಪ॒ದಿ ಷಿ॒ತಾಮಮುಂ᳚ಚತಾ ಯಜತ್ರಾಃ |
ಏ॒ವೋ ಷ್ವ1॒॑ಸ್ಮನ್ಮುಂ᳚ಚತಾ॒ ವ್ಯಂಹಃ॒ ಪ್ರ ತಾ᳚ರ್ಯಗ್ನೇ ಪ್ರತ॒ರಂ ನ॒ ಆಯುಃ॑ || 4.12.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ಲಿಂಗೋಕ್ತಾ ವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರತ್ಯ॒ಗ್ನಿರು॒ಷಸಾ॒ಮಗ್ರ॑ಮಖ್ಯದ್ವಿಭಾತೀ॒ನಾಂ ಸು॒ಮನಾ᳚ ರತ್ನ॒ಧೇಯ‌ಮ್᳚ |
ಯಾ॒ತಮ॑ಶ್ವಿನಾ ಸು॒ಕೃತೋ᳚ ದುರೋ॒ಣಮುತ್ಸೂರ್ಯೋ॒ ಜ್ಯೋತಿ॑ಷಾ ದೇ॒ವ ಏ᳚ತಿ || 4.13.1
ಊ॒ರ್ಧ್ವಂ ಭಾ॒ನುಂ ಸ॑ವಿ॒ತಾ ದೇ॒ವೋ ಅ॑ಶ್ರೇದ್ದ್ರ॒ಪ್ಸಂ ದವಿ॑ಧ್ವದ್ಗವಿ॒ಷೋ ನ ಸತ್ವಾ᳚ |
ಅನು᳚ ವ್ರ॒ತಂ ವರು॑ಣೋ ಯ‌ನ್ತಿ ಮಿ॒ತ್ರೋ ಯತ್ಸೂರ್ಯಂ᳚ ದಿ॒ವ್ಯಾ᳚ರೋ॒ಹಯ᳚‌ನ್ತಿ || 4.13.2
ಯಂ ಸೀ॒ಮಕೃ᳚ಣ್ವ॒‌ನ್ತಮ॑ಸೇ ವಿ॒ಪೃಚೇ᳚ ಧ್ರು॒ವಕ್ಷೇ᳚ಮಾ॒ ಅನ॑ವಸ್ಯ‌ನ್ತೋ॒ ಅರ್ಥ‌ಮ್᳚ |
ತಂ ಸೂರ್ಯಂ᳚ ಹ॒ರಿತಃ॑ ಸ॒ಪ್ತ ಯ॒ಹ್ವೀಃ ಸ್ಪಶಂ॒ ವಿಶ್ವ॑ಸ್ಯ॒ ಜಗ॑ತೋ ವಹ‌ನ್ತಿ || 4.13.3
ವಹಿ॑ಷ್ಠೇಭಿರ್ವಿ॒ಹರ᳚ನ್ಯಾಸಿ॒ ತ‌ನ್ತು॑ಮವ॒ವ್ಯಯ॒ನ್ನಸಿ॑ತಂ ದೇವ॒ ವಸ್ಮ॑ |
ದವಿ॑ಧ್ವತೋ ರ॒ಶ್ಮಯಃ॒ ಸೂರ್ಯ॑ಸ್ಯ॒ ಚರ್ಮೇ॒ವಾವಾ᳚ಧು॒ಸ್ತಮೋ᳚ ಅ॒ಪ್ಸ್ವ1॒᳚‌ನ್ತಃ || 4.13.4
ಅನಾ᳚ಯತೋ॒ ಅನಿ॑ಬದ್ಧಃ ಕ॒ಥಾಯಂ ನ್ಯ᳚ಙ್ಙುತ್ತಾ॒ನೋಽವ॑ ಪದ್ಯತೇ॒ ನ |
ಕಯಾ᳚ ಯಾತಿ ಸ್ವ॒ಧಯಾ॒ ಕೋ ದ॑ದರ್ಶ ದಿ॒ವಃ ಸ್ಕಂ॒ಭಃ ಸಮೃ॑ತಃ ಪಾತಿ॒ ನಾಕ‌ಮ್᳚ || 4.13.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿರ್ಲಿಂಗೋಕ್ತಾ ವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರತ್ಯ॒ಗ್ನಿರು॒ಷಸೋ᳚ ಜಾ॒ತವೇ᳚ದಾ॒ ಅಖ್ಯ॑ದ್ದೇ॒ವೋ ರೋಚ॑ಮಾನಾ॒ ಮಹೋ᳚ಭಿಃ |
ಆ ನಾ᳚ಸತ್ಯೋರುಗಾ॒ಯಾ ರಥೇ᳚ನೇ॒ಮಂ ಯ॒ಜ್ಞಮುಪ॑ ನೋ ಯಾತ॒ಮಚ್ಛ॑ || 4.14.1
ಊ॒ರ್ಧ್ವಂ ಕೇ॒ತುಂ ಸ॑ವಿ॒ತಾ ದೇ॒ವೋ ಅ॑ಶ್ರೇ॒ಜ್ಜ್ಯೋತಿ॒ರ್ವಿಶ್ವ॑ಸ್ಮೈ॒ ಭುವ॑ನಾಯ ಕೃ॒ಣ್ವನ್ |
ಆಪ್ರಾ॒ ದ್ಯಾವಾ᳚ಪೃಥಿ॒ವೀ ಅ॒‌ನ್ತರಿ॑ಕ್ಷಂ॒ ವಿ ಸೂರ್ಯೋ᳚ ರ॒ಶ್ಮಿಭಿ॒ಶ್ಚೇಕಿ॑ತಾನಃ || 4.14.2
ಆ॒ವಹ᳚‌ನ್ತ್ಯರು॒ಣೀರ್ಜ್ಯೋತಿ॒ಷಾಗಾ᳚ನ್ಮ॒ಹೀ ಚಿ॒ತ್ರಾ ರ॒ಶ್ಮಿಭಿ॒ಶ್ಚೇಕಿ॑ತಾನಾ |
ಪ್ರ॒ಬೋ॒ಧಯ᳚‌ನ್ತೀ ಸುವಿ॒ತಾಯ॑ ದೇ॒ವ್ಯು1॒॑ಷಾ ಈ᳚ಯತೇ ಸು॒ಯುಜಾ॒ ರಥೇ᳚ನ || 4.14.3
ಆ ವಾಂ॒ ವಹಿ॑ಷ್ಠಾ ಇ॒ಹ ತೇ ವ॑ಹ‌ನ್ತು॒ ರಥಾ॒ ಅಶ್ವಾ᳚ಸ ಉ॒ಷಸೋ॒ ವ್ಯು॑ಷ್ಟೌ |
ಇ॒ಮೇ ಹಿ ವಾಂ᳚ ಮಧು॒ಪೇಯಾ᳚ಯ॒ ಸೋಮಾ᳚ ಅ॒ಸ್ಮಿನ್ಯ॒ಜ್ಞೇ ವೃ॑ಷಣಾ ಮಾದಯೇಥಾ‌ಮ್ || 4.14.4
ಅನಾ᳚ಯತೋ॒ ಅನಿ॑ಬದ್ಧಃ ಕ॒ಥಾಯಂ ನ್ಯ᳚ಙ್ಙುತ್ತಾ॒ನೋಽವ॑ ಪದ್ಯತೇ॒ ನ |
ಕಯಾ᳚ ಯಾತಿ ಸ್ವ॒ಧಯಾ॒ ಕೋ ದ॑ದರ್ಶ ದಿ॒ವಃ ಸ್ಕಂ॒ಭಃ ಸಮೃ॑ತಃ ಪಾತಿ॒ ನಾಕ‌ಮ್᳚ || 4.14.5

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-6) ಪ್ರಥಮಾದಿಷಡಚಾಮಗ್ನಿಃ (7-8) ಸಪ್ತಮ್ಯಷ್ಟಮ್ಯೋಃ ಸಾಹದೇವ್ಯಃ ಸೋಮಕಃ (9-10) ನವಮೀದಶಮ್ಯೋಶ್ಚಾಶ್ವಿನೌ ದೇವತಾಃ, ಗಾಯತ್ರೀ ಛಂದಃ

ಅ॒ಗ್ನಿರ್ಹೋತಾ᳚ ನೋ ಅಧ್ವ॒ರೇ ವಾ॒ಜೀ ಸನ್ಪರಿ॑ ಣೀಯತೇ |
ದೇ॒ವೋ ದೇ॒ವೇಷು॑ ಯ॒ಜ್ಞಿಯಃ॑ || 4.15.1
ಪರಿ॑ ತ್ರಿವಿ॒ಷ್ಟ್ಯ॑ಧ್ವ॒ರಂ ಯಾತ್ಯ॒ಗ್ನೀ ರ॒ಥೀರಿ॑ವ |
ಆ ದೇ॒ವೇಷು॒ ಪ್ರಯೋ॒ ದಧ॑ತ್ || 4.15.2
ಪರಿ॒ ವಾಜ॑ಪತಿಃ ಕ॒ವಿರ॒ಗ್ನಿರ್ಹ॒ವ್ಯಾನ್ಯ॑ಕ್ರಮೀತ್ |
ದಧ॒ದ್ರತ್ನಾ᳚ನಿ ದಾ॒ಶುಷೇ᳚ || 4.15.3
ಅ॒ಯಂ ಯಃ ಸೃಂಜ॑ಯೇ ಪು॒ರೋ ದೈ᳚ವವಾ॒ತೇ ಸ॑ಮಿ॒ಧ್ಯತೇ᳚ |
ದ್ಯು॒ಮಾಁ ಅ॑ಮಿತ್ರ॒ದಂಭ॑ನಃ || 4.15.4
ಅಸ್ಯ॑ ಘಾ ವೀ॒ರ ಈವ॑ತೋ॒ಽಗ್ನೇರೀ᳚ಶೀತ॒ ಮರ್ತ್ಯಃ॑ |
ತಿ॒ಗ್ಮಜಂ᳚ಭಸ್ಯ ಮೀ॒ಳ್ಹುಷಃ॑ || 4.15.5
ತಮರ್ವ᳚‌ನ್ತಂ॒ ನ ಸಾ᳚ನ॒ಸಿಮ॑ರು॒ಷಂ ನ ದಿ॒ವಃ ಶಿಶು‌ಮ್᳚ |
ಮ॒ರ್ಮೃ॒ಜ್ಯ‌ನ್ತೇ᳚ ದಿ॒ವೇದಿ॑ವೇ || 4.15.6
ಬೋಧ॒ದ್ಯನ್ಮಾ॒ ಹರಿ॑ಭ್ಯಾಂ ಕುಮಾ॒ರಃ ಸಾ᳚ಹದೇ॒ವ್ಯಃ |
ಅಚ್ಛಾ॒ ನ ಹೂ॒ತ ಉದ॑ರ‌ಮ್ || 4.15.7
ಉ॒ತ ತ್ಯಾ ಯ॑ಜ॒ತಾ ಹರೀ᳚ ಕುಮಾ॒ರಾತ್ಸಾ᳚ಹದೇ॒ವ್ಯಾತ್ |
ಪ್ರಯ॑ತಾ ಸ॒ದ್ಯ ಆ ದ॑ದೇ || 4.15.8
ಏ॒ಷ ವಾಂ᳚ ದೇವಾವಶ್ವಿನಾ ಕುಮಾ॒ರಃ ಸಾ᳚ಹದೇ॒ವ್ಯಃ |
ದೀ॒ರ್ಘಾಯು॑ರಸ್ತು॒ ಸೋಮ॑ಕಃ || 4.15.9
ತಂ ಯು॒ವಂ ದೇ᳚ವಾವಶ್ವಿನಾ ಕುಮಾ॒ರಂ ಸಾ᳚ಹದೇ॒ವ್ಯ‌ಮ್ |
ದೀ॒ರ್ಘಾಯು॑ಷಂ ಕೃಣೋತನ || 4.15.10

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಆ ಸ॒ತ್ಯೋ ಯಾ᳚ತು ಮ॒ಘವಾಁ᳚ ಋಜೀ॒ಷೀ ದ್ರವ᳚‌ನ್ತ್ವಸ್ಯ॒ ಹರ॑ಯ॒ ಉಪ॑ ನಃ |
ತಸ್ಮಾ॒ ಇದಂಧಃ॑ ಸುಷುಮಾ ಸು॒ದಕ್ಷ॑ಮಿ॒ಹಾಭಿ॑ಪಿ॒ತ್ವಂ ಕ॑ರತೇ ಗೃಣಾ॒ನಃ || 4.16.1
ಅವ॑ ಸ್ಯ ಶೂ॒ರಾಧ್ವ॑ನೋ॒ ನಾ‌ನ್ತೇ॒ಽಸ್ಮಿನ್ನೋ᳚ ಅ॒ದ್ಯ ಸವ॑ನೇ ಮಂ॒ದಧ್ಯೈ᳚ |
ಶಂಸಾ᳚ತ್ಯು॒ಕ್ಥಮು॒ಶನೇ᳚ವ ವೇ॒ಧಾಶ್ಚಿ॑ಕಿ॒ತುಷೇ᳚ ಅಸು॒ರ್ಯಾ᳚ಯ॒ ಮನ್ಮ॑ || 4.16.2
ಕ॒ವಿರ್ನ ನಿ॒ಣ್ಯಂ ವಿ॒ದಥಾ᳚ನಿ॒ ಸಾಧ॒ನ್ವೃಷಾ॒ ಯತ್ಸೇಕಂ᳚ ವಿಪಿಪಾ॒ನೋ ಅರ್ಚಾ᳚ತ್ |
ದಿ॒ವ ಇ॒ತ್ಥಾ ಜೀ᳚ಜನತ್ಸ॒ಪ್ತ ಕಾ॒ರೂನಹ್ನಾ᳚ ಚಿಚ್ಚಕ್ರುರ್ವ॒ಯುನಾ᳚ ಗೃ॒ಣ‌ನ್ತಃ॑ || 4.16.3
ಸ್ವ1॒᳚ರ್ಯದ್ವೇದಿ॑ ಸು॒ದೃಶೀ᳚ಕಮ॒ರ್ಕೈರ್ಮಹಿ॒ ಜ್ಯೋತೀ᳚ ರುರುಚು॒ರ್ಯದ್ಧ॒ ವಸ್ತೋಃ᳚ |
ಅಂ॒ಧಾ ತಮಾಂ᳚ಸಿ॒ ದುಧಿ॑ತಾ ವಿ॒ಚಕ್ಷೇ॒ ನೃಭ್ಯ॑ಶ್ಚಕಾರ॒ ನೃತ॑ಮೋ ಅ॒ಭಿಷ್ಟೌ᳚ || 4.16.4
ವ॒ವ॒ಕ್ಷ ಇಂದ್ರೋ॒ ಅಮಿ॑ತಮೃಜೀ॒ಷ್ಯು1॒॑ಭೇ ಆ ಪ॑ಪ್ರೌ॒ ರೋದ॑ಸೀ ಮಹಿ॒ತ್ವಾ |
ಅತ॑ಶ್ಚಿದಸ್ಯ ಮಹಿ॒ಮಾ ವಿ ರೇ᳚ಚ್ಯ॒ಭಿ ಯೋ ವಿಶ್ವಾ॒ ಭುವ॑ನಾ ಬ॒ಭೂವ॑ || 4.16.5
ವಿಶ್ವಾ᳚ನಿ ಶ॒ಕ್ರೋ ನರ್ಯಾ᳚ಣಿ ವಿ॒ದ್ವಾನ॒ಪೋ ರಿ॑ರೇಚ॒ ಸಖಿ॑ಭಿ॒ರ್ನಿಕಾ᳚ಮೈಃ |
ಅಶ್ಮಾ᳚ನಂ ಚಿ॒ದ್ಯೇ ಬಿ॑ಭಿ॒ದುರ್ವಚೋ᳚ಭಿರ್ವ್ರ॒ಜಂ ಗೋಮ᳚‌ನ್ತಮು॒ಶಿಜೋ॒ ವಿ ವ᳚ವ್ರುಃ || 4.16.6
ಅ॒ಪೋ ವೃ॒ತ್ರಂ ವ᳚ವ್ರಿ॒ವಾಂಸಂ॒ ಪರಾ᳚ಹ॒ನ್ಪ್ರಾವ॑ತ್ತೇ॒ ವಜ್ರಂ᳚ ಪೃಥಿ॒ವೀ ಸಚೇ᳚ತಾಃ |
ಪ್ರಾರ್ಣಾಂ᳚ಸಿ ಸಮು॒ದ್ರಿಯಾ᳚ಣ್ಯೈನೋಃ॒ ಪತಿ॒ರ್ಭವಂ॒ಛವ॑ಸಾ ಶೂರ ಧೃಷ್ಣೋ || 4.16.7
ಅ॒ಪೋ ಯದದ್ರಿಂ᳚ ಪುರುಹೂತ॒ ದರ್ದ॑ರಾ॒ವಿರ್ಭು॑ವತ್ಸ॒ರಮಾ᳚ ಪೂ॒ರ್ವ್ಯಂ ತೇ᳚ |
ಸ ನೋ᳚ ನೇ॒ತಾ ವಾಜ॒ಮಾ ದ॑ರ್ಷಿ॒ ಭೂರಿಂ᳚ ಗೋ॒ತ್ರಾ ರು॒ಜನ್ನಂಗಿ॑ರೋಭಿರ್ಗೃಣಾ॒ನಃ || 4.16.8
ಅಚ್ಛಾ᳚ ಕ॒ವಿಂ ನೃ॑ಮಣೋ ಗಾ ಅ॒ಭಿಷ್ಟೌ॒ ಸ್ವ॑ರ್ಷಾತಾ ಮಘವ॒ನ್ನಾಧ॑ಮಾನ‌ಮ್ |
ಊ॒ತಿಭಿ॒ಸ್ತಮಿ॑ಷಣೋ ದ್ಯು॒ಮ್ನಹೂ᳚ತೌ॒ ನಿ ಮಾ॒ಯಾವಾ॒ನಬ್ರ᳚ಹ್ಮಾ॒ ದಸ್ಯು॑ರರ್ತ || 4.16.9
ಆ ದ॑ಸ್ಯು॒ಘ್ನಾ ಮನ॑ಸಾ ಯಾ॒ಹ್ಯಸ್ತಂ॒ ಭುವ॑ತ್ತೇ॒ ಕುತ್ಸಃ॑ ಸ॒ಖ್ಯೇ ನಿಕಾ᳚ಮಃ |
ಸ್ವೇ ಯೋನೌ॒ ನಿ ಷ॑ದತಂ॒ ಸರೂ᳚ಪಾ॒ ವಿ ವಾಂ᳚ ಚಿಕಿತ್ಸದೃತ॒ಚಿದ್ಧ॒ ನಾರೀ᳚ || 4.16.10
ಯಾಸಿ॒ ಕುತ್ಸೇ᳚ನ ಸ॒ರಥ॑ಮವ॒ಸ್ಯುಸ್ತೋ॒ದೋ ವಾತ॑ಸ್ಯ॒ ಹರ್ಯೋ॒ರೀಶಾ᳚ನಃ |
ಋ॒ಜ್ರಾ ವಾಜಂ॒ ನ ಗಧ್ಯಂ॒ ಯುಯೂ᳚ಷನ್ಕ॒ವಿರ್ಯದಹ॒ನ್ಪಾರ್ಯಾ᳚ಯ॒ ಭೂಷಾ᳚ತ್ || 4.16.11
ಕುತ್ಸಾ᳚ಯ॒ ಶುಷ್ಣ॑ಮ॒ಶುಷಂ॒ ನಿ ಬ॑ರ್ಹೀಃ ಪ್ರಪಿ॒ತ್ವೇ ಅಹ್ನಃ॒ ಕುಯ॑ವಂ ಸ॒ಹಸ್ರಾ᳚ |
ಸ॒ದ್ಯೋ ದಸ್ಯೂ॒ನ್ಪ್ರ ಮೃ॑ಣ ಕು॒ತ್ಸ್ಯೇನ॒ ಪ್ರ ಸೂರ॑ಶ್ಚ॒ಕ್ರಂ ವೃ॑ಹತಾದ॒ಭೀಕೇ᳚ || 4.16.12
ತ್ವಂ ಪಿಪ್ರುಂ॒ ಮೃಗ॑ಯಂ ಶೂಶು॒ವಾಂಸ॑ಮೃ॒ಜಿಶ್ವ॑ನೇ ವೈದಥಿ॒ನಾಯ॑ ರಂಧೀಃ |
ಪಂ॒ಚಾ॒ಶತ್ಕೃ॒ಷ್ಣಾ ನಿ ವ॑ಪಃ ಸ॒ಹಸ್ರಾತ್ಕಂ॒ ನ ಪುರೋ᳚ ಜರಿ॒ಮಾ ವಿ ದ॑ರ್ದಃ || 4.16.13
ಸೂರ॑ ಉಪಾ॒ಕೇ ತ॒ನ್ವ1॒॑ ಅಂದಧಾ᳚ನೋ॒ ವಿ ಯತ್ತೇ॒ ಚೇತ್ಯ॒ಮೃತ॑ಸ್ಯ॒ ವರ್ಪಃ॑ |
ಮೃ॒ಗೋ ನ ಹ॒ಸ್ತೀ ತವಿ॑ಷೀಮುಷಾ॒ಣಃ ಸಿಂ॒ಹೋ ನ ಭೀ॒ಮ ಆಯು॑ಧಾನಿ॒ ಬಿಭ್ರ॑ತ್ || 4.16.14
ಇಂದ್ರಂ॒ ಕಾಮಾ᳚ ವಸೂ॒ಯ‌ನ್ತೋ᳚ ಅಗ್ಮ॒‌‌ನ್ತ್ಸ್ವ᳚ರ್ಮೀಳ್ಹೇ॒ ನ ಸವ॑ನೇ ಚಕಾ॒ನಾಃ |
ಶ್ರ॒ವ॒ಸ್ಯವಃ॑ ಶಶಮಾ॒ನಾಸ॑ ಉ॒ಕ್ಥೈರೋಕೋ॒ ನ ರ॒ಣ್ವಾ ಸು॒ದೃಶೀ᳚ವ ಪು॒ಷ್ಟಿಃ || 4.16.15
ತಮಿದ್ವ॒ ಇಂದ್ರಂ᳚ ಸು॒ಹವಂ᳚ ಹುವೇಮ॒ ಯಸ್ತಾ ಚ॒ಕಾರ॒ ನರ್ಯಾ᳚ ಪು॒ರೂಣಿ॑ |
ಯೋ ಮಾವ॑ತೇ ಜರಿ॒ತ್ರೇ ಗಧ್ಯಂ᳚ ಚಿನ್ಮ॒ಕ್ಷೂ ವಾಜಂ॒ ಭರ॑ತಿ ಸ್ಪಾ॒ರ್ಹರಾ᳚ಧಾಃ || 4.16.16
ತಿ॒ಗ್ಮಾ ಯದ॒‌ನ್ತರ॒ಶನಿಃ॒ ಪತಾ᳚ತಿ॒ ಕಸ್ಮಿಂ᳚ಚಿಚ್ಛೂರ ಮುಹು॒ಕೇ ಜನಾ᳚ನಾ‌ಮ್ |
ಘೋ॒ರಾ ಯದ᳚ರ್ಯ॒ ಸಮೃ॑ತಿ॒ರ್ಭವಾ॒ತ್ಯಧ॑ ಸ್ಮಾ ನಸ್ತ॒ನ್ವೋ᳚ ಬೋಧಿ ಗೋ॒ಪಾಃ || 4.16.17
ಭುವೋ᳚ಽವಿ॒ತಾ ವಾ॒ಮದೇ᳚ವಸ್ಯ ಧೀ॒ನಾಂ ಭುವಃ॒ ಸಖಾ᳚ವೃ॒ಕೋ ವಾಜ॑ಸಾತೌ |
ತ್ವಾಮನು॒ ಪ್ರಮ॑ತಿ॒ಮಾ ಜ॑ಗನ್ಮೋರು॒ಶಂಸೋ᳚ ಜರಿ॒ತ್ರೇ ವಿ॒ಶ್ವಧ॑ ಸ್ಯಾಃ || 4.16.18
ಏ॒ಭಿರ್ನೃಭಿ॑ರಿಂದ್ರ ತ್ವಾ॒ಯುಭಿ॑ಷ್ಟ್ವಾ ಮ॒ಘವ॑ದ್ಭಿರ್ಮಘವ॒ನ್ವಿಶ್ವ॑ ಆ॒ಜೌ |
ದ್ಯಾವೋ॒ ನ ದ್ಯು॒ಮ್ನೈರ॒ಭಿ ಸ‌ನ್ತೋ᳚ ಅ॒ರ್ಯಃ ಕ್ಷ॒ಪೋ ಮ॑ದೇಮ ಶ॒ರದ॑ಶ್ಚ ಪೂ॒ರ್ವೀಃ || 4.16.19
ಏ॒ವೇದಿಂದ್ರಾ᳚ಯ ವೃಷ॒ಭಾಯ॒ ವೃಷ್ಣೇ॒ ಬ್ರಹ್ಮಾ᳚ಕರ್ಮ॒ ಭೃಗ॑ವೋ॒ ನ ರಥ‌ಮ್᳚ |
ನೂ ಚಿ॒ದ್ಯಥಾ᳚ ನಃ ಸ॒ಖ್ಯಾ ವಿ॒ಯೋಷ॒ದಸ᳚ನ್ನ ಉ॒ಗ್ರೋ᳚ಽವಿ॒ತಾ ತ॑ನೂ॒ಪಾಃ || 4.16.20
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.16.21

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ (1-14, 16-21) ಪ್ರಥಮಾದಿಚತುದಶ ! ಷೋಡಶ್ಯಾದಿಷಣ್ಣಾಂಚ ತ್ರಿಷ್ಟುಪ್ (15) ಪಂಚದಶ್ಯಾಶ್ಚೈಕಪದಾ ವಿರಾಟ್ ಛಂದಸೀ

ತ್ವಂ ಮ॒ಹಾಁ ಇಂ᳚ದ್ರ॒ ತುಭ್ಯಂ᳚ ಹ॒ ಕ್ಷಾ ಅನು॑ ಕ್ಷ॒ತ್ರಂ ಮಂ॒ಹನಾ᳚ ಮನ್ಯತ॒ ದ್ಯೌಃ |
ತ್ವಂ ವೃ॒ತ್ರಂ ಶವ॑ಸಾ ಜಘ॒ನ್ವಾ‌‌ನ್ತ್ಸೃ॒ಜಃ ಸಿಂಧೂಁ॒ರಹಿ॑ನಾ ಜಗ್ರಸಾ॒ನಾನ್ || 4.17.1
ತವ॑ ತ್ವಿ॒ಷೋ ಜನಿ॑ಮನ್ರೇಜತ॒ ದ್ಯೌ ರೇಜ॒ದ್ಭೂಮಿ॑ರ್ಭಿ॒ಯಸಾ॒ ಸ್ವಸ್ಯ॑ ಮ॒ನ್ಯೋಃ |
ಋ॒ಘಾ॒ಯ‌ನ್ತ॑ ಸು॒ಭ್ವ1॒ಃ॑ ಪರ್ವ॑ತಾಸ॒ ಆರ್ದಂ॒ಧನ್ವಾ᳚ನಿ ಸ॒ರಯ᳚‌ನ್ತ॒ ಆಪಃ॑ || 4.17.2
ಭಿ॒ನದ್ಗಿ॒ರಿಂ ಶವ॑ಸಾ॒ ವಜ್ರ॑ಮಿ॒ಷ್ಣನ್ನಾ᳚ವಿಷ್ಕೃಣ್ವಾ॒ನಃ ಸ॑ಹಸಾ॒ನ ಓಜಃ॑ |
ವಧೀ᳚ದ್ವೃ॒ತ್ರಂ ವಜ್ರೇ᳚ಣ ಮಂದಸಾ॒ನಃ ಸರ॒ನ್ನಾಪೋ॒ ಜವ॑ಸಾ ಹ॒ತವೃ॑ಷ್ಣೀಃ || 4.17.3
ಸು॒ವೀರ॑ಸ್ತೇ ಜನಿ॒ತಾ ಮ᳚ನ್ಯತ॒ ದ್ಯೌರಿಂದ್ರ॑ಸ್ಯ ಕ॒ರ್ತಾ ಸ್ವಪ॑ಸ್ತಮೋ ಭೂತ್ |
ಯ ಈಂ᳚ ಜ॒ಜಾನ॑ ಸ್ವ॒ರ್ಯಂ᳚ ಸು॒ವಜ್ರ॒ಮನ॑ಪಚ್ಯುತಂ॒ ಸದ॑ಸೋ॒ ನ ಭೂಮ॑ || 4.17.4
ಯ ಏಕ॑ ಇಚ್ಚ್ಯಾ॒ವಯ॑ತಿ॒ ಪ್ರ ಭೂಮಾ॒ ರಾಜಾ᳚ ಕೃಷ್ಟೀ॒ನಾಂ ಪು॑ರುಹೂ॒ತ ಇಂದ್ರಃ॑ |
ಸ॒ತ್ಯಮೇ᳚ನ॒ಮನು॒ ವಿಶ್ವೇ᳚ ಮದ‌ನ್ತಿ ರಾ॒ತಿಂ ದೇ॒ವಸ್ಯ॑ ಗೃಣ॒ತೋ ಮ॒ಘೋನಃ॑ || 4.17.5
ಸ॒ತ್ರಾ ಸೋಮಾ᳚ ಅಭವನ್ನಸ್ಯ॒ ವಿಶ್ವೇ᳚ ಸ॒ತ್ರಾ ಮದಾ᳚ಸೋ ಬೃಹ॒ತೋ ಮದಿ॑ಷ್ಠಾಃ |
ಸ॒ತ್ರಾಭ॑ವೋ॒ ವಸು॑ಪತಿ॒ರ್ವಸೂ᳚ನಾಂ॒ ದತ್ರೇ॒ ವಿಶ್ವಾ᳚ ಅಧಿಥಾ ಇಂದ್ರ ಕೃ॒ಷ್ಟೀಃ || 4.17.6
ತ್ವಮಧ॑ ಪ್ರಥ॒ಮಂ ಜಾಯ॑ಮಾ॒ನೋಽಮೇ॒ ವಿಶ್ವಾ᳚ ಅಧಿಥಾ ಇಂದ್ರ ಕೃ॒ಷ್ಟೀಃ |
ತ್ವಂ ಪ್ರತಿ॑ ಪ್ರ॒ವತ॑ ಆ॒ಶಯಾ᳚ನ॒ಮಹಿಂ॒ ವಜ್ರೇ᳚ಣ ಮಘವ॒ನ್ವಿ ವೃ॑ಶ್ಚಃ || 4.17.7
ಸ॒ತ್ರಾ॒ಹಣಂ॒ ದಾಧೃ॑ಷಿಂ॒ ತುಮ್ರ॒ಮಿಂದ್ರಂ᳚ ಮ॒ಹಾಮ॑ಪಾ॒ರಂ ವೃ॑ಷ॒ಭಂ ಸು॒ವಜ್ರ‌ಮ್᳚ |
ಹ‌ನ್ತಾ॒ ಯೋ ವೃ॒ತ್ರಂ ಸನಿ॑ತೋ॒ತ ವಾಜಂ॒ ದಾತಾ᳚ ಮ॒ಘಾನಿ॑ ಮ॒ಘವಾ᳚ ಸು॒ರಾಧಾಃ᳚ || 4.17.8
ಅ॒ಯಂ ವೃತ॑ಶ್ಚಾತಯತೇ ಸಮೀ॒ಚೀರ್ಯ ಆ॒ಜಿಷು॑ ಮ॒ಘವಾ᳚ ಶೃ॒ಣ್ವ ಏಕಃ॑ |
ಅ॒ಯಂ ವಾಜಂ᳚ ಭರತಿ॒ ಯಂ ಸ॒ನೋತ್ಯ॒ಸ್ಯ ಪ್ರಿ॒ಯಾಸಃ॑ ಸ॒ಖ್ಯೇ ಸ್ಯಾ᳚ಮ || 4.17.9
ಅ॒ಯಂ ಶೃ᳚ಣ್ವೇ॒ ಅಧ॒ ಜಯ᳚ನ್ನು॒ತ ಘ್ನನ್ನ॒ಯಮು॒ತ ಪ್ರ ಕೃ॑ಣುತೇ ಯು॒ಧಾ ಗಾಃ |
ಯ॒ದಾ ಸ॒ತ್ಯಂ ಕೃ॑ಣು॒ತೇ ಮ॒ನ್ಯುಮಿಂದ್ರೋ॒ ವಿಶ್ವಂ᳚ ದೃ॒ಳ್ಹಂ ಭ॑ಯತ॒ ಏಜ॑ದಸ್ಮಾತ್ || 4.17.10
ಸಮಿಂದ್ರೋ॒ ಗಾ ಅ॑ಜಯ॒ತ್ಸಂ ಹಿರ᳚ಣ್ಯಾ॒ ಸಮ॑ಶ್ವಿ॒ಯಾ ಮ॒ಘವಾ॒ ಯೋ ಹ॑ ಪೂ॒ರ್ವೀಃ |
ಏ॒ಭಿರ್ನೃಭಿ॒ರ್ನೃತ॑ಮೋ ಅಸ್ಯ ಶಾ॒ಕೈ ರಾ॒ಯೋ ವಿ॑ಭ॒ಕ್ತಾ ಸಂ᳚ಭ॒ರಶ್ಚ॒ ವಸ್ವಃ॑ || 4.17.11
ಕಿಯ॑ತ್ಸ್ವಿ॒ದಿಂದ್ರೋ॒ ಅಧ್ಯೇ᳚ತಿ ಮಾ॒ತುಃ ಕಿಯ॑ತ್ಪಿ॒ತುರ್ಜ॑ನಿ॒ತುರ್ಯೋ ಜ॒ಜಾನ॑ |
ಯೋ ಅ॑ಸ್ಯ॒ ಶುಷ್ಮಂ᳚ ಮುಹು॒ಕೈರಿಯ॑ರ್ತಿ॒ ವಾತೋ॒ ನ ಜೂ॒ತಃ ಸ್ತ॒ನಯ॑ದ್ಭಿರ॒ಭ್ರೈಃ || 4.17.12
ಕ್ಷಿ॒ಯ‌ನ್ತಂ᳚ ತ್ವ॒ಮಕ್ಷಿ॑ಯ‌ನ್ತಂ ಕೃಣೋ॒ತೀಯ॑ರ್ತಿ ರೇ॒ಣುಂ ಮ॒ಘವಾ᳚ ಸ॒ಮೋಹ‌ಮ್᳚ |
ವಿ॒ಭಂ॒ಜ॒ನುರ॒ಶನಿ॑ಮಾಁ ಇವ॒ ದ್ಯೌರು॒ತ ಸ್ತೋ॒ತಾರಂ᳚ ಮ॒ಘವಾ॒ ವಸೌ᳚ ಧಾತ್ || 4.17.13
ಅ॒ಯಂ ಚ॒ಕ್ರಮಿ॑ಷಣ॒ತ್ಸೂರ್ಯ॑ಸ್ಯ॒ ನ್ಯೇತ॑ಶಂ ರೀರಮತ್ಸಸೃಮಾ॒ಣ‌ಮ್ |
ಆ ಕೃ॒ಷ್ಣ ಈಂ᳚ ಜುಹುರಾ॒ಣೋ ಜಿ॑ಘರ್ತಿ ತ್ವ॒ಚೋ ಬು॒ಧ್ನೇ ರಜ॑ಸೋ ಅ॒ಸ್ಯ ಯೋನೌ᳚ || 4.17.14
ಅಸಿ॑ಕ್ನ್ಯಾಂ॒ ಯಜ॑ಮಾನೋ॒ ನ ಹೋತಾ᳚ || 4.17.15
ಗ॒ವ್ಯ‌ನ್ತ॒ ಇಂದ್ರಂ᳚ ಸ॒ಖ್ಯಾಯ॒ ವಿಪ್ರಾ᳚ ಅಶ್ವಾ॒ಯ‌ನ್ತೋ॒ ವೃಷ॑ಣಂ ವಾ॒ಜಯ᳚‌ನ್ತಃ |
ಜ॒ನೀ॒ಯ‌ನ್ತೋ᳚ ಜನಿ॒ದಾಮಕ್ಷಿ॑ತೋತಿ॒ಮಾ ಚ್ಯಾ᳚ವಯಾಮೋಽವ॒ತೇ ನ ಕೋಶ‌ಮ್᳚ || 4.17.16
ತ್ರಾ॒ತಾ ನೋ᳚ ಬೋಧಿ॒ ದದೃ॑ಶಾನ ಆ॒ಪಿರ॑ಭಿಖ್ಯಾ॒ತಾ ಮ॑ರ್ಡಿ॒ತಾ ಸೋ॒ಮ್ಯಾನಾ᳚‌ಮ್ |
ಸಖಾ᳚ ಪಿ॒ತಾ ಪಿ॒ತೃತ॑ಮಃ ಪಿತೄ॒ಣಾಂ ಕರ್ತೇ᳚ಮು ಲೋ॒ಕಮು॑ಶ॒ತೇ ವ॑ಯೋ॒ಧಾಃ || 4.17.17
ಸ॒ಖೀ॒ಯ॒ತಾಮ॑ವಿ॒ತಾ ಬೋ᳚ಧಿ॒ ಸಖಾ᳚ ಗೃಣಾ॒ನ ಇಂ᳚ದ್ರ ಸ್ತುವ॒ತೇ ವಯೋ᳚ ಧಾಃ |
ವ॒ಯಂ ಹ್ಯಾ ತೇ᳚ ಚಕೃ॒ಮಾ ಸ॒ಬಾಧ॑ ಆ॒ಭಿಃ ಶಮೀ᳚ಭಿರ್ಮ॒ಹಯ᳚‌ನ್ತ ಇಂದ್ರ || 4.17.18
ಸ್ತು॒ತ ಇಂದ್ರೋ᳚ ಮ॒ಘವಾ॒ ಯದ್ಧ॑ ವೃ॒ತ್ರಾ ಭೂರೀ॒ಣ್ಯೇಕೋ᳚ ಅಪ್ರ॒ತೀನಿ॑ ಹ‌ನ್ತಿ |
ಅ॒ಸ್ಯ ಪ್ರಿ॒ಯೋ ಜ॑ರಿ॒ತಾ ಯಸ್ಯ॒ ಶರ್ಮ॒ನ್ನಕಿ॑ರ್ದೇ॒ವಾ ವಾ॒ರಯ᳚‌ನ್ತೇ॒ ನ ಮರ್ತಾಃ᳚ || 4.17.19
ಏ॒ವಾ ನ॒ ಇಂದ್ರೋ᳚ ಮ॒ಘವಾ᳚ ವಿರ॒ಪ್ಶೀ ಕರ॑ತ್ಸ॒ತ್ಯಾ ಚ॑ರ್ಷಣೀ॒ಧೃದ॑ನ॒ರ್ವಾ |
ತ್ವಂ ರಾಜಾ᳚ ಜ॒ನುಷಾಂ᳚ ಧೇಹ್ಯ॒ಸ್ಮೇ ಅಧಿ॒ ಶ್ರವೋ॒ ಮಾಹಿ॑ನಂ॒ ಯಜ್ಜ॑ರಿ॒ತ್ರೇ || 4.17.20
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.17.21

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ (1) ಪ್ರಥಮರ್ಚ ಇಂದ್ರಃ (2-3, 4, 8-13) ದ್ವಿತೀಯಾತೃತೀಯಯೋರ್ಚತಥ್ಯ ಪರ್ವಾಧರ್ಸ ಯಾಷ್ಟಮ್ಯಾದಿಷರಾಣಾಂಚ ಗೌತಮೋ ವಾಮದೇವ ಋಷೀ (4, 57) ಚತಾ ಉತ್ತರಾರ್ಧಸ್ಯ ಪಂಚಮ್ಯಾದಿತೃಚಸ್ಯ ಚಾದಿತಿ[ಷಿಕಾ (1, 4, 5-7) ಪ್ರಥಮರ್ಚಶ್ಚತುರ್ಥ್ಯಾ ಉತ್ತರಾರ್ಧಸ್ಯ ಪಂಚಮ್ಯಾದಿತೃಚಸ್ಯ ಚ ವಾಮದೇವಃ (2-3, 4, 8-13) ದ್ವಿತೀಯಾತೃತೀಯಯೋಶ್ಚತುರ್ಥ್ಯಾಃ ಪೂರ್ವಾಧರ್ಸ ಯಾಷ್ಟಮ್ಯಾದಿಷಣ್ಣಾಂಚೇಂದ್ರೋ ದೇವತೇ, ತ್ರಿಷ್ಟುಪ್ ಛಂದಃ

ಅ॒ಯಂ ಪ‌ನ್ಥಾ॒ ಅನು॑ವಿತ್ತಃ ಪುರಾ॒ಣೋ ಯತೋ᳚ ದೇ॒ವಾ ಉ॒ದಜಾ᳚ಯ‌ನ್ತ॒ ವಿಶ್ವೇ᳚ |
ಅತ॑ಶ್ಚಿ॒ದಾ ಜ॑ನಿಷೀಷ್ಟ॒ ಪ್ರವೃ॑ದ್ಧೋ॒ ಮಾ ಮಾ॒ತರ॑ಮಮು॒ಯಾ ಪತ್ತ॑ವೇ ಕಃ || 4.18.1
ನಾಹಮತೋ॒ ನಿರ॑ಯಾ ದು॒ರ್ಗಹೈ॒ತತ್ತಿ॑ರ॒ಶ್ಚತಾ᳚ ಪಾ॒ರ್ಶ್ವಾನ್ನಿರ್ಗ॑ಮಾಣಿ |
ಬ॒ಹೂನಿ॑ ಮೇ॒ ಅಕೃ॑ತಾ॒ ಕರ್ತ್ವಾ᳚ನಿ॒ ಯುಧ್ಯೈ᳚ ತ್ವೇನ॒ ಸಂ ತ್ವೇ᳚ನ ಪೃಚ್ಛೈ || 4.18.2
ಪ॒ರಾ॒ಯ॒ತೀಂ ಮಾ॒ತರ॒ಮನ್ವ॑ಚಷ್ಟ॒ ನ ನಾನು॑ ಗಾ॒ನ್ಯನು॒ ನೂ ಗ॑ಮಾನಿ |
ತ್ವಷ್ಟು॑ರ್ಗೃ॒ಹೇ ಅ॑ಪಿಬ॒ತ್ಸೋಮ॒ಮಿಂದ್ರಃ॑ ಶತಧ॒ನ್ಯಂ᳚ ಚ॒ಮ್ವೋಃ᳚ ಸು॒ತಸ್ಯ॑ || 4.18.3
ಕಿಂ ಸ ಋಧ॑ಕ್ಕೃಣವ॒ದ್ಯಂ ಸ॒ಹಸ್ರಂ᳚ ಮಾ॒ಸೋ ಜ॒ಭಾರ॑ ಶ॒ರದ॑ಶ್ಚ ಪೂ॒ರ್ವೀಃ |
ನ॒ಹೀ ನ್ವ॑ಸ್ಯ ಪ್ರತಿ॒ಮಾನ॒ಮಸ್ತ್ಯ॒‌ನ್ತರ್ಜಾ॒ತೇಷೂ॒ತ ಯೇ ಜನಿ॑ತ್ವಾಃ || 4.18.4
ಅ॒ವ॒ದ್ಯಮಿ॑ವ॒ ಮನ್ಯ॑ಮಾನಾ॒ ಗುಹಾ᳚ಕ॒ರಿಂದ್ರಂ᳚ ಮಾ॒ತಾ ವೀ॒ರ್ಯೇ᳚ಣಾ॒ ನ್ಯೃ॑ಷ್ಟ‌ಮ್ |
ಅಥೋದ॑ಸ್ಥಾತ್ಸ್ವ॒ಯಮತ್ಕಂ॒ ವಸಾ᳚ನ॒ ಆ ರೋದ॑ಸೀ ಅಪೃಣಾ॒ಜ್ಜಾಯ॑ಮಾನಃ || 4.18.5
ಏ॒ತಾ ಅ॑ರ್ಷ‌ನ್ತ್ಯಲಲಾ॒ಭವ᳚‌ನ್ತೀರ್‌ಋ॒ತಾವ॑ರೀರಿವ ಸಂ॒ಕ್ರೋಶ॑ಮಾನಾಃ |
ಏ॒ತಾ ವಿ ಪೃ॑ಚ್ಛ॒ ಕಿಮಿ॒ದಂ ಭ॑ನ‌ನ್ತಿ॒ ಕಮಾಪೋ॒ ಅದ್ರಿಂ᳚ ಪರಿ॒ಧಿಂ ರು॑ಜ‌ನ್ತಿ || 4.18.6
ಕಿಮು॑ ಷ್ವಿದಸ್ಮೈ ನಿ॒ವಿದೋ᳚ ಭನ॒‌ನ್ತೇಂದ್ರ॑ಸ್ಯಾವ॒ದ್ಯಂ ದಿ॑ಧಿಷ‌ನ್ತ॒ ಆಪಃ॑ |
ಮಮೈ॒ತಾನ್ಪು॒ತ್ರೋ ಮ॑ಹ॒ತಾ ವ॒ಧೇನ॑ ವೃ॒ತ್ರಂ ಜ॑ಘ॒ನ್ವಾಁ ಅ॑ಸೃಜ॒ದ್ವಿ ಸಿಂಧೂನ್॑ || 4.18.7
ಮಮ॑ಚ್ಚ॒ನ ತ್ವಾ᳚ ಯುವ॒ತಿಃ ಪ॒ರಾಸ॒ ಮಮ॑ಚ್ಚ॒ನ ತ್ವಾ᳚ ಕು॒ಷವಾ᳚ ಜ॒ಗಾರ॑ |
ಮಮ॑ಚ್ಚಿ॒ದಾಪಃ॒ ಶಿಶ॑ವೇ ಮಮೃಡ್ಯು॒ರ್ಮಮ॑ಚ್ಚಿ॒ದಿಂದ್ರಃ॒ ಸಹ॒ಸೋದ॑ತಿಷ್ಠತ್ || 4.18.8
ಮಮ॑ಚ್ಚ॒ನ ತೇ᳚ ಮಘವ॒ನ್ವ್ಯಂ᳚ಸೋ ನಿವಿವಿ॒ಧ್ವಾಁ ಅಪ॒ ಹನೂ᳚ ಜ॒ಘಾನ॑ |
ಅಧಾ॒ ನಿವಿ॑ದ್ಧ॒ ಉತ್ತ॑ರೋ ಬಭೂ॒ವಾಂಛಿರೋ᳚ ದಾ॒ಸಸ್ಯ॒ ಸಂ ಪಿ॑ಣಗ್ವ॒ಧೇನ॑ || 4.18.9
ಗೃ॒ಷ್ಟಿಃ ಸ॑ಸೂವ॒ ಸ್ಥವಿ॑ರಂ ತವಾ॒ಗಾಮ॑ನಾಧೃ॒ಷ್ಯಂ ವೃ॑ಷ॒ಭಂ ತುಮ್ರ॒ಮಿಂದ್ರ‌ಮ್᳚ |
ಅರೀ᳚ಳ್ಹಂ ವ॒ತ್ಸಂ ಚ॒ರಥಾ᳚ಯ ಮಾ॒ತಾ ಸ್ವ॒ಯಂ ಗಾ॒ತುಂ ತ॒ನ್ವ॑ ಇ॒ಚ್ಛಮಾ᳚ನ‌ಮ್ || 4.18.10
ಉ॒ತ ಮಾ॒ತಾ ಮ॑ಹಿ॒ಷಮನ್ವ॑ವೇನದ॒ಮೀ ತ್ವಾ᳚ ಜಹತಿ ಪುತ್ರ ದೇ॒ವಾಃ |
ಅಥಾ᳚ಬ್ರವೀದ್ವೃ॒ತ್ರಮಿಂದ್ರೋ᳚ ಹನಿ॒ಷ್ಯ‌‌ನ್ತ್ಸಖೇ᳚ ವಿಷ್ಣೋ ವಿತ॒ರಂ ವಿ ಕ್ರ॑ಮಸ್ವ || 4.18.11
ಕಸ್ತೇ᳚ ಮಾ॒ತರಂ᳚ ವಿ॒ಧವಾ᳚ಮಚಕ್ರಚ್ಛ॒ಯುಂ ಕಸ್ತ್ವಾಮ॑ಜಿಘಾಂಸ॒ಚ್ಚರ᳚‌ನ್ತ‌ಮ್ |
ಕಸ್ತೇ᳚ ದೇ॒ವೋ ಅಧಿ॑ ಮಾರ್ಡೀ॒ಕ ಆ᳚ಸೀ॒ದ್ಯತ್ಪ್ರಾಕ್ಷಿ॑ಣಾಃ ಪಿ॒ತರಂ᳚ ಪಾದ॒ಗೃಹ್ಯ॑ || 4.18.12
ಅವ॑ರ್ತ್ಯಾ॒ ಶುನ॑ ಆ॒‌ನ್ತ್ರಾಣಿ॑ ಪೇಚೇ॒ ನ ದೇ॒ವೇಷು॑ ವಿವಿದೇ ಮರ್ಡಿ॒ತಾರ‌ಮ್᳚ |
ಅಪ॑ಶ್ಯಂ ಜಾ॒ಯಾಮಮ॑ಹೀಯಮಾನಾ॒ಮಧಾ᳚ ಮೇ ಶ್ಯೇ॒ನೋ ಮಧ್ವಾ ಜ॑ಭಾರ || 4.18.13

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಏ॒ವಾ ತ್ವಾಮಿಂ᳚ದ್ರ ವಜ್ರಿ॒ನ್ನತ್ರ॒ ವಿಶ್ವೇ᳚ ದೇ॒ವಾಸಃ॑ ಸು॒ಹವಾ᳚ಸ॒ ಊಮಾಃ᳚ |
ಮ॒ಹಾಮು॒ಭೇ ರೋದ॑ಸೀ ವೃ॒ದ್ಧಮೃ॒ಷ್ವಂ ನಿರೇಕ॒ಮಿದ್ವೃ॑ಣತೇ ವೃತ್ರ॒ಹತ್ಯೇ᳚ || 4.19.1
ಅವಾ᳚ಸೃಜ‌ನ್ತ॒ ಜಿವ್ರ॑ಯೋ॒ ನ ದೇ॒ವಾ ಭುವಃ॑ ಸ॒ಮ್ರಾಳಿಂ᳚ದ್ರ ಸ॒ತ್ಯಯೋ᳚ನಿಃ |
ಅಹ॒ನ್ನಹಿಂ᳚ ಪರಿ॒ಶಯಾ᳚ನ॒ಮರ್ಣಃ॒ ಪ್ರ ವ॑ರ್ತ॒ನೀರ॑ರದೋ ವಿ॒ಶ್ವಧೇ᳚ನಾಃ || 4.19.2
ಅತೃ॑ಪ್ಣುವ‌ನ್ತಂ॒ ವಿಯ॑ತಮಬು॒ಧ್ಯಮಬು॑ಧ್ಯಮಾನಂ ಸುಷುಪಾ॒ಣಮಿಂ᳚ದ್ರ |
ಸ॒ಪ್ತ ಪ್ರತಿ॑ ಪ್ರ॒ವತ॑ ಆ॒ಶಯಾ᳚ನ॒ಮಹಿಂ॒ ವಜ್ರೇ᳚ಣ॒ ವಿ ರಿ॑ಣಾ ಅಪ॒ರ್ವನ್ || 4.19.3
ಅಕ್ಷೋ᳚ದಯ॒ಚ್ಛವ॑ಸಾ॒ ಕ್ಷಾಮ॑ ಬು॒ಧ್ನಂ ವಾರ್ಣ ವಾತ॒ಸ್ತವಿ॑ಷೀಭಿ॒ರಿಂದ್ರಃ॑ |
ದೃ॒ಳ್ಹಾನ್ಯೌ᳚ಭ್ನಾದು॒ಶಮಾ᳚ನ॒ ಓಜೋಽವಾ᳚ಭಿನತ್ಕ॒ಕುಭಃ॒ ಪರ್ವ॑ತಾನಾ‌ಮ್ || 4.19.4
ಅ॒ಭಿ ಪ್ರ ದ॑ದ್ರು॒ರ್ಜನ॑ಯೋ॒ ನ ಗರ್ಭಂ॒ ರಥಾ᳚ ಇವ॒ ಪ್ರ ಯ॑ಯುಃ ಸಾ॒ಕಮದ್ರ॑ಯಃ |
ಅತ॑ರ್ಪಯೋ ವಿ॒ಸೃತ॑ ಉ॒ಬ್ಜ ಊ॒ರ್ಮೀ‌ನ್ತ್ವಂ ವೃ॒ತಾಁ ಅ॑ರಿಣಾ ಇಂದ್ರ॒ ಸಿಂಧೂನ್॑ || 4.19.5
ತ್ವಂ ಮ॒ಹೀಮ॒ವನಿಂ᳚ ವಿ॒ಶ್ವಧೇ᳚ನಾಂ ತು॒ರ್ವೀತ॑ಯೇ ವ॒ಯ್ಯಾ᳚ಯ॒ ಕ್ಷರ᳚‌ನ್ತೀ‌ಮ್ |
ಅರ॑ಮಯೋ॒ ನಮ॒ಸೈಜ॒ದರ್ಣಃ॑ ಸುತರ॒ಣಾಁ ಅ॑ಕೃಣೋರಿಂದ್ರ॒ ಸಿಂಧೂನ್॑ || 4.19.6
ಪ್ರಾಗ್ರುವೋ᳚ ನಭ॒ನ್ವೋ॒3॒॑ ನ ವಕ್ವಾ᳚ ಧ್ವ॒ಸ್ರಾ ಅ॑ಪಿನ್ವದ್ಯುವ॒ತೀರ್‌ಋ॑ತ॒ಜ್ಞಾಃ |
ಧನ್ವಾ॒ನ್ಯಜ್ರಾಁ᳚ ಅಪೃಣಕ್ತೃಷಾ॒ಣಾಁ ಅಧೋ॒ಗಿಂದ್ರಃ॑ ಸ್ತ॒ರ್ಯೋ॒3॒॑ ದಂಸು॑ಪತ್ನೀಃ || 4.19.7
ಪೂ॒ರ್ವೀರು॒ಷಸಃ॑ ಶ॒ರದ॑ಶ್ಚ ಗೂ॒ರ್ತಾ ವೃ॒ತ್ರಂ ಜ॑ಘ॒ನ್ವಾಁ ಅ॑ಸೃಜ॒ದ್ವಿ ಸಿಂಧೂನ್॑ |
ಪರಿ॑ಷ್ಠಿತಾ ಅತೃಣದ್ಬದ್ಬಧಾ॒ನಾಃ ಸೀ॒ರಾ ಇಂದ್ರಃ॒ ಸ್ರವಿ॑ತವೇ ಪೃಥಿ॒ವ್ಯಾ || 4.19.8
ವ॒ಮ್ರೀಭಿಃ॑ ಪು॒ತ್ರಮ॒ಗ್ರುವೋ᳚ ಅದಾ॒ನಂ ನಿ॒ವೇಶ॑ನಾದ್ಧರಿವ॒ ಆ ಜ॑ಭರ್ಥ |
ವ್ಯ1॒᳚ನ್ಧೋ ಅ॑ಖ್ಯ॒ದಹಿ॑ಮಾದದಾ॒ನೋ ನಿರ್ಭೂ᳚ದುಖ॒ಚ್ಛಿತ್ಸಮ॑ರ‌ನ್ತ॒ ಪರ್ವ॑ || 4.19.9
ಪ್ರ ತೇ॒ ಪೂರ್ವಾ᳚ಣಿ॒ ಕರ॑ಣಾನಿ ವಿಪ್ರಾವಿ॒ದ್ವಾಁ ಆ᳚ಹ ವಿ॒ದುಷೇ॒ ಕರಾಂ᳚ಸಿ |
ಯಥಾ᳚ಯಥಾ॒ ವೃಷ್ಣ್ಯಾ᳚ನಿ॒ ಸ್ವಗೂ॒ರ್ತಾಪಾಂ᳚ಸಿ ರಾಜ॒ನ್ನರ್ಯಾವಿ॑ವೇಷೀಃ || 4.19.10
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.19.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಆ ನ॒ ಇಂದ್ರೋ᳚ ದೂ॒ರಾದಾ ನ॑ ಆ॒ಸಾದ॑ಭಿಷ್ಟಿ॒ಕೃದವ॑ಸೇ ಯಾಸದು॒ಗ್ರಃ |
ಓಜಿ॑ಷ್ಠೇಭಿರ್ನೃ॒ಪತಿ॒ರ್ವಜ್ರ॑ಬಾಹುಃ ಸಂ॒ಗೇ ಸ॒ಮತ್ಸು॑ ತು॒ರ್ವಣಿಃ॑ ಪೃತ॒ನ್ಯೂನ್ || 4.20.1
ಆ ನ॒ ಇಂದ್ರೋ॒ ಹರಿ॑ಭಿರ್ಯಾ॒ತ್ವಚ್ಛಾ᳚ರ್ವಾಚೀ॒ನೋಽವ॑ಸೇ॒ ರಾಧ॑ಸೇ ಚ |
ತಿಷ್ಠಾ᳚ತಿ ವ॒ಜ್ರೀ ಮ॒ಘವಾ᳚ ವಿರ॒ಪ್ಶೀಮಂ ಯ॒ಜ್ಞಮನು॑ ನೋ॒ ವಾಜ॑ಸಾತೌ || 4.20.2
ಇ॒ಮಂ ಯ॒ಜ್ಞಂ ತ್ವಮ॒ಸ್ಮಾಕ॑ಮಿಂದ್ರ ಪು॒ರೋ ದಧ॑ತ್ಸನಿಷ್ಯಸಿ॒ ಕ್ರತುಂ᳚ ನಃ |
ಶ್ವ॒ಘ್ನೀವ॑ ವಜ್ರಿ‌‌ನ್ತ್ಸ॒ನಯೇ॒ ಧನಾ᳚ನಾಂ॒ ತ್ವಯಾ᳚ ವ॒ಯಮ॒ರ್ಯ ಆ॒ಜಿಂ ಜ॑ಯೇಮ || 4.20.3
ಉ॒ಶನ್ನು॒ ಷು ಣಃ॑ ಸು॒ಮನಾ᳚ ಉಪಾ॒ಕೇ ಸೋಮ॑ಸ್ಯ॒ ನು ಸುಷು॑ತಸ್ಯ ಸ್ವಧಾವಃ |
ಪಾ ಇಂ᳚ದ್ರ॒ ಪ್ರತಿ॑ಭೃತಸ್ಯ॒ ಮಧ್ವಃ॒ ಸಮಂಧ॑ಸಾ ಮಮದಃ ಪೃ॒ಷ್ಠ್ಯೇ᳚ನ || 4.20.4
ವಿ ಯೋ ರ॑ರ॒ಪ್ಶ ಋಷಿ॑ಭಿ॒ರ್ನವೇ᳚ಭಿರ್ವೃ॒ಕ್ಷೋ ನ ಪ॒ಕ್ವಃ ಸೃಣ್ಯೋ॒ ನ ಜೇತಾ᳚ |
ಮರ್ಯೋ॒ ನ ಯೋಷಾ᳚ಮ॒ಭಿ ಮನ್ಯ॑ಮಾ॒ನೋಽಚ್ಛಾ᳚ ವಿವಕ್ಮಿ ಪುರುಹೂ॒ತಮಿಂದ್ರ‌ಮ್᳚ || 4.20.5
ಗಿ॒ರಿರ್ನ ಯಃ ಸ್ವತ॑ವಾಁ ಋ॒ಷ್ವ ಇಂದ್ರಃ॑ ಸ॒ನಾದೇ॒ವ ಸಹ॑ಸೇ ಜಾ॒ತ ಉ॒ಗ್ರಃ |
ಆದ॑ರ್ತಾ॒ ವಜ್ರಂ॒ ಸ್ಥವಿ॑ರಂ॒ ನ ಭೀ॒ಮ ಉ॒ದ್ನೇವ॒ ಕೋಶಂ॒ ವಸು॑ನಾ॒ ನ್ಯೃ॑ಷ್ಟ‌ಮ್ || 4.20.6
ನ ಯಸ್ಯ॑ ವ॒ರ್ತಾ ಜ॒ನುಷಾ॒ ನ್ವಸ್ತಿ॒ ನ ರಾಧ॑ಸ ಆಮರೀ॒ತಾ ಮ॒ಘಸ್ಯ॑ |
ಉ॒ದ್ವಾ॒ವೃ॒ಷಾ॒ಣಸ್ತ॑ವಿಷೀವ ಉಗ್ರಾ॒ಸ್ಮಭ್ಯಂ᳚ ದದ್ಧಿ ಪುರುಹೂತ ರಾ॒ಯಃ || 4.20.7
ಈಕ್ಷೇ᳚ ರಾ॒ಯಃ ಕ್ಷಯ॑ಸ್ಯ ಚರ್ಷಣೀ॒ನಾಮು॒ತ ವ್ರ॒ಜಮ॑ಪವ॒ರ್ತಾಸಿ॒ ಗೋನಾ᳚‌ಮ್ |
ಶಿ॒ಕ್ಷಾ॒ನ॒ರಃ ಸ॑ಮಿ॒ಥೇಷು॑ ಪ್ರ॒ಹಾವಾ॒ನ್ವಸ್ವೋ᳚ ರಾ॒ಶಿಮ॑ಭಿನೇ॒ತಾಸಿ॒ ಭೂರಿ‌ಮ್᳚ || 4.20.8
ಕಯಾ॒ ತಚ್ಛೃ᳚ಣ್ವೇ॒ ಶಚ್ಯಾ॒ ಶಚಿ॑ಷ್ಠೋ॒ ಯಯಾ᳚ ಕೃ॒ಣೋತಿ॒ ಮುಹು॒ ಕಾ ಚಿ॑ದೃ॒ಷ್ವಃ |
ಪು॒ರು ದಾ॒ಶುಷೇ॒ ವಿಚ॑ಯಿಷ್ಠೋ॒ ಅಂಹೋಽಥಾ᳚ ದಧಾತಿ॒ ದ್ರವಿ॑ಣಂ ಜರಿ॒ತ್ರೇ || 4.20.9
ಮಾ ನೋ᳚ ಮರ್ಧೀ॒ರಾ ಭ॑ರಾ ದ॒ದ್ಧಿ ತನ್ನಃ॒ ಪ್ರ ದಾ॒ಶುಷೇ॒ ದಾತ॑ವೇ॒ ಭೂರಿ॒ ಯತ್ತೇ᳚ |
ನವ್ಯೇ᳚ ದೇ॒ಷ್ಣೇ ಶ॒ಸ್ತೇ ಅ॒ಸ್ಮಿ‌ನ್ತ॑ ಉ॒ಕ್ಥೇ ಪ್ರ ಬ್ರ॑ವಾಮ ವ॒ಯಮಿಂ᳚ದ್ರ ಸ್ತು॒ವ‌ನ್ತಃ॑ || 4.20.10
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.20.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಆ ಯಾ॒ತ್ವಿಂದ್ರೋಽವ॑ಸ॒ ಉಪ॑ ನ ಇ॒ಹ ಸ್ತು॒ತಃ ಸ॑ಧ॒ಮಾದ॑ಸ್ತು॒ ಶೂರಃ॑ |
ವಾ॒ವೃ॒ಧಾ॒ನಸ್ತವಿ॑ಷೀ॒ರ್ಯಸ್ಯ॑ ಪೂ॒ರ್ವೀರ್ದ್ಯೌರ್ನ ಕ್ಷ॒ತ್ರಮ॒ಭಿಭೂ᳚ತಿ॒ ಪುಷ್ಯಾ᳚ತ್ || 4.21.1
ತಸ್ಯೇದಿ॒ಹ ಸ್ತ॑ವಥ॒ ವೃಷ್ಣ್ಯಾ᳚ನಿ ತುವಿದ್ಯು॒ಮ್ನಸ್ಯ॑ ತುವಿ॒ರಾಧ॑ಸೋ॒ ನೄನ್ |
ಯಸ್ಯ॒ ಕ್ರತು᳚ರ್ವಿದ॒ಥ್ಯೋ॒3॒॑ ನ ಸ॒ಮ್ರಾಟ್ ಸಾ॒ಹ್ವಾ‌ನ್ತರು॑ತ್ರೋ ಅ॒ಭ್ಯಸ್ತಿ॑ ಕೃ॒ಷ್ಟೀಃ || 4.21.2
ಆ ಯಾ॒ತ್ವಿಂದ್ರೋ᳚ ದಿ॒ವ ಆ ಪೃ॑ಥಿ॒ವ್ಯಾ ಮ॒ಕ್ಷೂ ಸ॑ಮು॒ದ್ರಾದು॒ತ ವಾ॒ ಪುರೀ᳚ಷಾತ್ |
ಸ್ವ᳚ರ್ಣರಾ॒ದವ॑ಸೇ ನೋ ಮ॒ರುತ್ವಾ᳚ನ್ಪರಾ॒ವತೋ᳚ ವಾ॒ ಸದ॑ನಾದೃ॒ತಸ್ಯ॑ || 4.21.3
ಸ್ಥೂ॒ರಸ್ಯ॑ ರಾ॒ಯೋ ಬೃ॑ಹ॒ತೋ ಯ ಈಶೇ॒ ತಮು॑ ಷ್ಟವಾಮ ವಿ॒ದಥೇ॒ಷ್ವಿಂದ್ರ‌ಮ್᳚ |
ಯೋ ವಾ॒ಯುನಾ॒ ಜಯ॑ತಿ॒ ಗೋಮ॑ತೀಷು॒ ಪ್ರ ಧೃ॑ಷ್ಣು॒ಯಾ ನಯ॑ತಿ॒ ವಸ್ಯೋ॒ ಅಚ್ಛ॑ || 4.21.4
ಉಪ॒ ಯೋ ನಮೋ॒ ನಮ॑ಸಿ ಸ್ತಭಾ॒ಯನ್ನಿಯ॑ರ್ತಿ॒ ವಾಚಂ᳚ ಜ॒ನಯ॒ನ್ಯಜ॑ಧ್ಯೈ |
ಋಂ॒ಜ॒ಸಾ॒ನಃ ಪು॑ರು॒ವಾರ॑ ಉ॒ಕ್ಥೈರೇಂದ್ರಂ᳚ ಕೃಣ್ವೀತ॒ ಸದ॑ನೇಷು॒ ಹೋತಾ᳚ || 4.21.5
ಧಿ॒ಷಾ ಯದಿ॑ ಧಿಷ॒ಣ್ಯ‌ನ್ತಃ॑ ಸರ॒ಣ್ಯಾ‌‌ನ್ತ್ಸದ᳚‌ನ್ತೋ॒ ಅದ್ರಿ॑ಮೌಶಿ॒ಜಸ್ಯ॒ ಗೋಹೇ᳚ |
ಆ ದು॒ರೋಷಾಃ᳚ ಪಾ॒ಸ್ತ್ಯಸ್ಯ॒ ಹೋತಾ॒ ಯೋ ನೋ᳚ ಮ॒ಹಾ‌‌ನ್ತ್ಸಂ॒ವರ॑ಣೇಷು॒ ವಹ್ನಿಃ॑ || 4.21.6
ಸ॒ತ್ರಾ ಯದೀಂ᳚ ಭಾರ್ವ॒ರಸ್ಯ॒ ವೃಷ್ಣಃ॒ ಸಿಷ॑ಕ್ತಿ॒ ಶುಷ್ಮಃ॑ ಸ್ತುವ॒ತೇ ಭರಾ᳚ಯ |
ಗುಹಾ॒ ಯದೀ᳚ಮೌಶಿ॒ಜಸ್ಯ॒ ಗೋಹೇ॒ ಪ್ರ ಯದ್ಧಿ॒ಯೇ ಪ್ರಾಯ॑ಸೇ॒ ಮದಾ᳚ಯ || 4.21.7
ವಿ ಯದ್ವರಾಂ᳚ಸಿ॒ ಪರ್ವ॑ತಸ್ಯ ವೃ॒ಣ್ವೇ ಪಯೋ᳚ಭಿರ್ಜಿ॒ನ್ವೇ ಅ॒ಪಾಂ ಜವಾಂ᳚ಸಿ |
ವಿ॒ದದ್ಗೌ॒ರಸ್ಯ॑ ಗವ॒ಯಸ್ಯ॒ ಗೋಹೇ॒ ಯದೀ॒ ವಾಜಾ᳚ಯ ಸು॒ಧ್ಯೋ॒3॒॑ ವಹ᳚‌ನ್ತಿ || 4.21.8
ಭ॒ದ್ರಾ ತೇ॒ ಹಸ್ತಾ॒ ಸುಕೃ॑ತೋ॒ತ ಪಾ॒ಣೀ ಪ್ರ॑ಯ॒‌ನ್ತಾರಾ᳚ ಸ್ತುವ॒ತೇ ರಾಧ॑ ಇಂದ್ರ |
ಕಾ ತೇ॒ ನಿಷ॑ತ್ತಿಃ॒ ಕಿಮು॒ ನೋ ಮ॑ಮತ್ಸಿ॒ ಕಿಂ ನೋದು॑ದು ಹರ್ಷಸೇ॒ ದಾತ॒ವಾ ಉ॑ || 4.21.9
ಏ॒ವಾ ವಸ್ವ॒ ಇಂದ್ರಃ॑ ಸ॒ತ್ಯಃ ಸ॒ಮ್ರಾಡ್ಢ‌ನ್ತಾ᳚ ವೃ॒ತ್ರಂ ವರಿ॑ವಃ ಪೂ॒ರವೇ᳚ ಕಃ |
ಪುರು॑ಷ್ಟುತ॒ ಕ್ರತ್ವಾ᳚ ನಃ ಶಗ್ಧಿ ರಾ॒ಯೋ ಭ॑ಕ್ಷೀ॒ಯ ತೇಽವ॑ಸೋ॒ ದೈವ್ಯ॑ಸ್ಯ || 4.21.10
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.21.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಯನ್ನ॒ ಇಂದ್ರೋ᳚ ಜುಜು॒ಷೇ ಯಚ್ಚ॒ ವಷ್ಟಿ॒ ತನ್ನೋ᳚ ಮ॒ಹಾನ್ಕ॑ರತಿ ಶು॒ಷ್ಮ್ಯಾ ಚಿ॑ತ್ |
ಬ್ರಹ್ಮ॒ ಸ್ತೋಮಂ᳚ ಮ॒ಘವಾ॒ ಸೋಮ॑ಮು॒ಕ್ಥಾ ಯೋ ಅಶ್ಮಾ᳚ನಂ॒ ಶವ॑ಸಾ॒ ಬಿಭ್ರ॒ದೇತಿ॑ || 4.22.1
ವೃಷಾ॒ ವೃಷಂ᳚ಧಿಂ॒ ಚತು॑ರಶ್ರಿ॒ಮಸ್ಯ᳚ನ್ನು॒ಗ್ರೋ ಬಾ॒ಹುಭ್ಯಾಂ॒ ನೃತ॑ಮಃ॒ ಶಚೀ᳚ವಾನ್ |
ಶ್ರಿ॒ಯೇ ಪರು॑ಷ್ಣೀಮು॒ಷಮಾ᳚ಣ॒ ಊರ್ಣಾಂ॒ ಯಸ್ಯಾಃ॒ ಪರ್ವಾ᳚ಣಿ ಸ॒ಖ್ಯಾಯ॑ ವಿ॒ವ್ಯೇ || 4.22.2
ಯೋ ದೇ॒ವೋ ದೇ॒ವತ॑ಮೋ॒ ಜಾಯ॑ಮಾನೋ ಮ॒ಹೋ ವಾಜೇ᳚ಭಿರ್ಮ॒ಹದ್ಭಿ॑ಶ್ಚ॒ ಶುಷ್ಮೈಃ᳚ |
ದಧಾ᳚ನೋ॒ ವಜ್ರಂ᳚ ಬಾ॒ಹ್ವೋರು॒ಶ‌ನ್ತಂ॒ ದ್ಯಾಮಮೇ᳚ನ ರೇಜಯ॒ತ್ಪ್ರ ಭೂಮ॑ || 4.22.3
ವಿಶ್ವಾ॒ ರೋಧಾಂ᳚ಸಿ ಪ್ರ॒ವತ॑ಶ್ಚ ಪೂ॒ರ್ವೀರ್ದ್ಯೌರ್‌ಋ॒ಷ್ವಾಜ್ಜನಿ॑ಮನ್ರೇಜತ॒ ಕ್ಷಾಃ |
ಆ ಮಾ॒ತರಾ॒ ಭರ॑ತಿ ಶು॒ಷ್ಮ್ಯಾ ಗೋರ್ನೃ॒ವತ್ಪರಿ॑ಜ್ಮನ್ನೋನುವ‌ನ್ತ॒ ವಾತಾಃ᳚ || 4.22.4
ತಾ ತೂ ತ॑ ಇಂದ್ರ ಮಹ॒ತೋ ಮ॒ಹಾನಿ॒ ವಿಶ್ವೇ॒ಷ್ವಿತ್ಸವ॑ನೇಷು ಪ್ರ॒ವಾಚ್ಯಾ᳚ |
ಯಚ್ಛೂ᳚ರ ಧೃಷ್ಣೋ ಧೃಷ॒ತಾ ದ॑ಧೃ॒ಷ್ವಾನಹಿಂ॒ ವಜ್ರೇ᳚ಣ॒ ಶವ॒ಸಾವಿ॑ವೇಷೀಃ || 4.22.5
ತಾ ತೂ ತೇ᳚ ಸ॒ತ್ಯಾ ತು॑ವಿನೃಮ್ಣ॒ ವಿಶ್ವಾ॒ ಪ್ರ ಧೇ॒ನವಃ॑ ಸಿಸ್ರತೇ॒ ವೃಷ್ಣ॒ ಊಧ್ನಃ॑ |
ಅಧಾ᳚ ಹ॒ ತ್ವದ್ವೃ॑ಷಮಣೋ ಭಿಯಾ॒ನಾಃ ಪ್ರ ಸಿಂಧ॑ವೋ॒ ಜವ॑ಸಾ ಚಕ್ರಮ‌ನ್ತ || 4.22.6
ಅತ್ರಾಹ॑ ತೇ ಹರಿವ॒ಸ್ತಾ ಉ॑ ದೇ॒ವೀರವೋ᳚ಭಿರಿಂದ್ರ ಸ್ತವ‌ನ್ತ॒ ಸ್ವಸಾ᳚ರಃ |
ಯತ್ಸೀ॒ಮನು॒ ಪ್ರ ಮು॒ಚೋ ಬ॑ದ್ಬಧಾ॒ನಾ ದೀ॒ರ್ಘಾಮನು॒ ಪ್ರಸಿ॑ತಿಂ ಸ್ಯಂದ॒ಯಧ್ಯೈ᳚ || 4.22.7
ಪಿ॒ಪೀ॒ಳೇ ಅಂ॒ಶುರ್ಮದ್ಯೋ॒ ನ ಸಿಂಧು॒ರಾ ತ್ವಾ॒ ಶಮೀ᳚ ಶಶಮಾ॒ನಸ್ಯ॑ ಶ॒ಕ್ತಿಃ |
ಅ॒ಸ್ಮ॒ದ್ರ್ಯ॑ಕ್ಛುಶುಚಾ॒ನಸ್ಯ॑ ಯಮ್ಯಾ ಆ॒ಶುರ್ನ ರ॒ಶ್ಮಿಂ ತು॒ವ್ಯೋಜ॑ಸಂ॒ ಗೋಃ || 4.22.8
ಅ॒ಸ್ಮೇ ವರ್ಷಿ॑ಷ್ಠಾ ಕೃಣುಹಿ॒ ಜ್ಯೇಷ್ಠಾ᳚ ನೃ॒ಮ್ಣಾನಿ॑ ಸ॒ತ್ರಾ ಸ॑ಹುರೇ॒ ಸಹಾಂ᳚ಸಿ |
ಅ॒ಸ್ಮಭ್ಯಂ᳚ ವೃ॒ತ್ರಾ ಸು॒ಹನಾ᳚ನಿ ರಂಧಿ ಜ॒ಹಿ ವಧ᳚ರ್ವ॒ನುಷೋ॒ ಮರ್ತ್ಯ॑ಸ್ಯ || 4.22.9
ಅ॒ಸ್ಮಾಕ॒ಮಿತ್ಸು ಶೃ॑ಣುಹಿ॒ ತ್ವಮಿಂ᳚ದ್ರಾ॒ಸ್ಮಭ್ಯಂ᳚ ಚಿ॒ತ್ರಾಁ ಉಪ॑ ಮಾಹಿ॒ ವಾಜಾನ್॑ |
ಅ॒ಸ್ಮಭ್ಯಂ॒ ವಿಶ್ವಾ᳚ ಇಷಣಃ॒ ಪುರಂ᳚ಧೀರ॒ಸ್ಮಾಕಂ॒ ಸು ಮ॑ಘವನ್ಬೋಧಿ ಗೋ॒ದಾಃ || 4.22.10
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.22.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-7, 11) ಪ್ರಥಮಾದಿಸಪ್ತರ್ಚಾಮಕ ದಿಶ್ಯಾಶ್ಚೇಂದ್ರಃ (8-10) ಅಷ್ಟಮ್ಯಾದಿತೃಚಸ್ಯೇಂದ್ರ ಋತಂ ವಾ ದೇವತಾ, ತ್ರಿಷ್ಟುಪ್ ಛಂದಃ

ಕ॒ಥಾ ಮ॒ಹಾಮ॑ವೃಧ॒ತ್ಕಸ್ಯ॒ ಹೋತು᳚ರ್ಯ॒ಜ್ಞಂ ಜು॑ಷಾ॒ಣೋ ಅ॒ಭಿ ಸೋಮ॒ಮೂಧಃ॑ |
ಪಿಬ᳚ನ್ನುಶಾ॒ನೋ ಜು॒ಷಮಾ᳚ಣೋ॒ ಅಂಧೋ᳚ ವವ॒ಕ್ಷ ಋ॒ಷ್ವಃ ಶು॑ಚ॒ತೇ ಧನಾ᳚ಯ || 4.23.1
ಕೋ ಅ॑ಸ್ಯ ವೀ॒ರಃ ಸ॑ಧ॒ಮಾದ॑ಮಾಪ॒ ಸಮಾ᳚ನಂಶ ಸುಮ॒ತಿಭಿಃ॒ ಕೋ ಅ॑ಸ್ಯ |
ಕದ॑ಸ್ಯ ಚಿ॒ತ್ರಂ ಚಿ॑ಕಿತೇ॒ ಕದೂ॒ತೀ ವೃ॒ಧೇ ಭು॑ವಚ್ಛಶಮಾ॒ನಸ್ಯ॒ ಯಜ್ಯೋಃ᳚ || 4.23.2
ಕ॒ಥಾ ಶೃ॑ಣೋತಿ ಹೂ॒ಯಮಾ᳚ನ॒ಮಿಂದ್ರಃ॑ ಕ॒ಥಾ ಶೃ॒ಣ್ವನ್ನವ॑ಸಾಮಸ್ಯ ವೇದ |
ಕಾ ಅ॑ಸ್ಯ ಪೂ॒ರ್ವೀರುಪ॑ಮಾತಯೋ ಹ ಕ॒ಥೈನ॑ಮಾಹುಃ॒ ಪಪು॑ರಿಂ ಜರಿ॒ತ್ರೇ || 4.23.3
ಕ॒ಥಾ ಸ॒ಬಾಧಃ॑ ಶಶಮಾ॒ನೋ ಅ॑ಸ್ಯ॒ ನಶ॑ದ॒ಭಿ ದ್ರವಿ॑ಣಂ॒ ದೀಧ್ಯಾ᳚ನಃ |
ದೇ॒ವೋ ಭು॑ವ॒ನ್ನವೇ᳚ದಾ ಮ ಋ॒ತಾನಾಂ॒ ನಮೋ᳚ ಜಗೃ॒ಭ್ವಾಁ ಅ॒ಭಿ ಯಜ್ಜುಜೋ᳚ಷತ್ || 4.23.4
ಕ॒ಥಾ ಕದ॒ಸ್ಯಾ ಉ॒ಷಸೋ॒ ವ್ಯು॑ಷ್ಟೌ ದೇ॒ವೋ ಮರ್ತ॑ಸ್ಯ ಸ॒ಖ್ಯಂ ಜು॑ಜೋಷ |
ಕ॒ಥಾ ಕದ॑ಸ್ಯ ಸ॒ಖ್ಯಂ ಸಖಿ॑ಭ್ಯೋ॒ ಯೇ ಅ॑ಸ್ಮಿ॒ನ್ಕಾಮಂ᳚ ಸು॒ಯುಜಂ᳚ ತತ॒ಸ್ರೇ || 4.23.5
ಕಿಮಾದಮ॑ತ್ರಂ ಸ॒ಖ್ಯಂ ಸಖಿ॑ಭ್ಯಃ ಕ॒ದಾ ನು ತೇ᳚ ಭ್ರಾ॒ತ್ರಂ ಪ್ರ ಬ್ರ॑ವಾಮ |
ಶ್ರಿ॒ಯೇ ಸು॒ದೃಶೋ॒ ವಪು॑ರಸ್ಯ॒ ಸರ್ಗಾಃ॒ ಸ್ವ1॒᳚ರ್ಣ ಚಿ॒ತ್ರತ॑ಮಮಿಷ॒ ಆ ಗೋಃ || 4.23.6
ದ್ರುಹಂ॒ ಜಿಘಾಂ᳚ಸಂಧ್ವ॒ರಸ॑ಮನಿಂ॒ದ್ರಾಂ ತೇತಿ॑ಕ್ತೇ ತಿ॒ಗ್ಮಾ ತು॒ಜಸೇ॒ ಅನೀ᳚ಕಾ |
ಋ॒ಣಾ ಚಿ॒ದ್ಯತ್ರ॑ ಋಣ॒ಯಾ ನ॑ ಉ॒ಗ್ರೋ ದೂ॒ರೇ ಅಜ್ಞಾ᳚ತಾ ಉ॒ಷಸೋ᳚ ಬಬಾ॒ಧೇ || 4.23.7
ಋ॒ತಸ್ಯ॒ ಹಿ ಶು॒ರುಧಃ॒ ಸ‌ನ್ತಿ॑ ಪೂ॒ರ್ವೀರ್‌ಋ॒ತಸ್ಯ॑ ಧೀ॒ತಿರ್ವೃ॑ಜಿ॒ನಾನಿ॑ ಹ‌ನ್ತಿ |
ಋ॒ತಸ್ಯ॒ ಶ್ಲೋಕೋ᳚ ಬಧಿ॒ರಾ ತ॑ತರ್ದ॒ ಕರ್ಣಾ᳚ ಬುಧಾ॒ನಃ ಶು॒ಚಮಾ᳚ನ ಆ॒ಯೋಃ || 4.23.8
ಋ॒ತಸ್ಯ॑ ದೃ॒ಳ್ಹಾ ಧ॒ರುಣಾ᳚ನಿ ಸ‌ನ್ತಿ ಪು॒ರೂಣಿ॑ ಚಂ॒ದ್ರಾ ವಪು॑ಷೇ॒ ವಪೂಂ᳚ಷಿ |
ಋ॒ತೇನ॑ ದೀ॒ರ್ಘಮಿ॑ಷಣ‌ನ್ತ॒ ಪೃಕ್ಷ॑ ಋ॒ತೇನ॒ ಗಾವ॑ ಋ॒ತಮಾ ವಿ॑ವೇಶುಃ || 4.23.9
ಋ॒ತಂ ಯೇ᳚ಮಾ॒ನ ಋ॒ತಮಿದ್ವ॑ನೋತ್ಯೃ॒ತಸ್ಯ॒ ಶುಷ್ಮ॑ಸ್ತುರ॒ಯಾ ಉ॑ ಗ॒ವ್ಯುಃ |
ಋ॒ತಾಯ॑ ಪೃ॒ಥ್ವೀ ಬ॑ಹು॒ಲೇ ಗ॑ಭೀ॒ರೇ ಋ॒ತಾಯ॑ ಧೇ॒ನೂ ಪ॑ರ॒ಮೇ ದು॑ಹಾತೇ || 4.23.10
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.23.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ, (19, 11) ಪ್ರಥಮಾದಿನವರ್ಚಾಮಕ ದಿಶ್ಯಾಶ್ಚ ತ್ರಿಷ್ಟುಪ್ (10) ದಶಮ್ಯಾಶ್ಚಾನುಷ್ಟಪ್ ಛಂದಸೀ

ಕಾ ಸು॑ಷ್ಟು॒ತಿಃ ಶವ॑ಸಃ ಸೂ॒ನುಮಿಂದ್ರ॑ಮರ್ವಾಚೀ॒ನಂ ರಾಧ॑ಸ॒ ಆ ವ॑ವರ್ತತ್ |
ದ॒ದಿರ್ಹಿ ವೀ॒ರೋ ಗೃ॑ಣ॒ತೇ ವಸೂ᳚ನಿ॒ ಸ ಗೋಪ॑ತಿರ್ನಿ॒ಷ್ಷಿಧಾಂ᳚ ನೋ ಜನಾಸಃ || 4.24.1
ಸ ವೃ॑ತ್ರ॒ಹತ್ಯೇ॒ ಹವ್ಯಃ॒ ಸ ಈಡ್ಯಃ॒ ಸ ಸುಷ್ಟು॑ತ॒ ಇಂದ್ರಃ॑ ಸ॒ತ್ಯರಾ᳚ಧಾಃ |
ಸ ಯಾಮ॒ನ್ನಾ ಮ॒ಘವಾ॒ ಮರ್ತ್ಯಾ᳚ಯ ಬ್ರಹ್ಮಣ್ಯ॒ತೇ ಸುಷ್ವ॑ಯೇ॒ ವರಿ॑ವೋ ಧಾತ್ || 4.24.2
ತಮಿನ್ನರೋ॒ ವಿ ಹ್ವ॑ಯ‌ನ್ತೇ ಸಮೀ॒ಕೇ ರಿ॑ರಿ॒ಕ್ವಾಂಸ॑ಸ್ತ॒ನ್ವಃ॑ ಕೃಣ್ವತ॒ ತ್ರಾ‌ಮ್ |
ಮಿ॒ಥೋ ಯತ್ತ್ಯಾ॒ಗಮು॒ಭಯಾ᳚ಸೋ॒ ಅಗ್ಮ॒ನ್ನರ॑ಸ್ತೋ॒ಕಸ್ಯ॒ ತನ॑ಯಸ್ಯ ಸಾ॒ತೌ || 4.24.3
ಕ್ರ॒ತೂ॒ಯ‌ನ್ತಿ॑ ಕ್ಷಿ॒ತಯೋ॒ ಯೋಗ॑ ಉಗ್ರಾಶುಷಾ॒ಣಾಸೋ᳚ ಮಿ॒ಥೋ ಅರ್ಣ॑ಸಾತೌ |
ಸಂ ಯದ್ವಿಶೋಽವ॑ವೃತ್ರ‌ನ್ತ ಯು॒ಧ್ಮಾ ಆದಿನ್ನೇಮ॑ ಇಂದ್ರಯ‌ನ್ತೇ ಅ॒ಭೀಕೇ᳚ || 4.24.4
ಆದಿದ್ಧ॒ ನೇಮ॑ ಇಂದ್ರಿ॒ಯಂ ಯ॑ಜ‌ನ್ತ॒ ಆದಿತ್ಪ॒ಕ್ತಿಃ ಪು॑ರೋ॒ಳಾಶಂ᳚ ರಿರಿಚ್ಯಾತ್ |
ಆದಿತ್ಸೋಮೋ॒ ವಿ ಪ॑ಪೃಚ್ಯಾ॒ದಸು॑ಷ್ವೀ॒ನಾದಿಜ್ಜು॑ಜೋಷ ವೃಷ॒ಭಂ ಯಜ॑ಧ್ಯೈ || 4.24.5
ಕೃ॒ಣೋತ್ಯ॑ಸ್ಮೈ॒ ವರಿ॑ವೋ॒ ಯ ಇ॒ತ್ಥೇಂದ್ರಾ᳚ಯ॒ ಸೋಮ॑ಮುಶ॒ತೇ ಸು॒ನೋತಿ॑ |
ಸ॒ಧ್ರೀ॒ಚೀನೇ᳚ನ॒ ಮನ॒ಸಾವಿ॑ವೇನ॒‌ನ್ತಮಿತ್ಸಖಾ᳚ಯಂ ಕೃಣುತೇ ಸ॒ಮತ್ಸು॑ || 4.24.6
ಯ ಇಂದ್ರಾ᳚ಯ ಸು॒ನವ॒ತ್ಸೋಮ॑ಮ॒ದ್ಯ ಪಚಾ᳚ತ್ಪ॒ಕ್ತೀರು॒ತ ಭೃ॒ಜ್ಜಾತಿ॑ ಧಾ॒ನಾಃ |
ಪ್ರತಿ॑ ಮನಾ॒ಯೋರು॒ಚಥಾ᳚ನಿ॒ ಹರ್ಯ॒‌ನ್ತಸ್ಮಿಂ᳚ದಧ॒ದ್ವೃಷ॑ಣಂ॒ ಶುಷ್ಮ॒ಮಿಂದ್ರಃ॑ || 4.24.7
ಯ॒ದಾ ಸ॑ಮ॒ರ್ಯಂ ವ್ಯಚೇ॒ದೃಘಾ᳚ವಾ ದೀ॒ರ್ಘಂ ಯದಾ॒ಜಿಮ॒ಭ್ಯಖ್ಯ॑ದ॒ರ್ಯಃ |
ಅಚಿ॑ಕ್ರದ॒ದ್ವೃಷ॑ಣಂ॒ ಪತ್ನ್ಯಚ್ಛಾ᳚ ದುರೋ॒ಣ ಆ ನಿಶಿ॑ತಂ ಸೋಮ॒ಸುದ್ಭಿಃ॑ || 4.24.8
ಭೂಯ॑ಸಾ ವ॒ಸ್ನಮ॑ಚರ॒ತ್ಕನೀ॒ಯೋಽವಿ॑ಕ್ರೀತೋ ಅಕಾನಿಷಂ॒ ಪುನ॒ರ್ಯನ್ |
ಸ ಭೂಯ॑ಸಾ॒ ಕನೀ᳚ಯೋ॒ ನಾರಿ॑ರೇಚೀದ್ದೀ॒ನಾ ದಕ್ಷಾ॒ ವಿ ದು॑ಹ‌ನ್ತಿ॒ ಪ್ರ ವಾ॒ಣ‌ಮ್ || 4.24.9
ಕ ಇ॒ಮಂ ದ॒ಶಭಿ॒ರ್ಮಮೇಂದ್ರಂ᳚ ಕ್ರೀಣಾತಿ ಧೇ॒ನುಭಿಃ॑ |
ಯ॒ದಾ ವೃ॒ತ್ರಾಣಿ॒ ಜಂಘ॑ನ॒ದಥೈ᳚ನಂ ಮೇ॒ ಪುನ॑ರ್ದದತ್ || 4.24.10
ನೂ ಷ್ಟು॒ತ ಇಂ᳚ದ್ರ॒ ನೂ ಗೃ॑ಣಾ॒ನ ಇಷಂ᳚ ಜರಿ॒ತ್ರೇ ನ॒ದ್ಯೋ॒3॒॑ ನ ಪೀ᳚ಪೇಃ |
ಅಕಾ᳚ರಿ ತೇ ಹರಿವೋ॒ ಬ್ರಹ್ಮ॒ ನವ್ಯಂ᳚ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.24.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಕೋ ಅ॒ದ್ಯ ನರ್ಯೋ᳚ ದೇ॒ವಕಾ᳚ಮ ಉ॒ಶನ್ನಿಂದ್ರ॑ಸ್ಯ ಸ॒ಖ್ಯಂ ಜು॑ಜೋಷ |
ಕೋ ವಾ᳚ ಮ॒ಹೇಽವ॑ಸೇ॒ ಪಾರ್ಯಾ᳚ಯ॒ ಸಮಿ॑ದ್ಧೇ ಅ॒ಗ್ನೌ ಸು॒ತಸೋ᳚ಮ ಈಟ್ಟೇ || 4.25.1
ಕೋ ನಾ᳚ನಾಮ॒ ವಚ॑ಸಾ ಸೋ॒ಮ್ಯಾಯ॑ ಮನಾ॒ಯುರ್ವಾ᳚ ಭವತಿ॒ ವಸ್ತ॑ ಉ॒ಸ್ರಾಃ |
ಕ ಇಂದ್ರ॑ಸ್ಯ॒ ಯುಜ್ಯಂ॒ ಕಃ ಸ॑ಖಿ॒ತ್ವಂ ಕೋ ಭ್ರಾ॒ತ್ರಂ ವ॑ಷ್ಟಿ ಕ॒ವಯೇ॒ ಕ ಊ॒ತೀ || 4.25.2
ಕೋ ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀತೇ॒ ಕ ಆ᳚ದಿ॒ತ್ಯಾಁ ಅದಿ॑ತಿಂ॒ ಜ್ಯೋತಿ॑ರೀಟ್ಟೇ |
ಕಸ್ಯಾ॒ಶ್ವಿನಾ॒ವಿಂದ್ರೋ᳚ ಅ॒ಗ್ನಿಃ ಸು॒ತಸ್ಯಾಂ॒ಶೋಃ ಪಿ॑ಬ‌ನ್ತಿ॒ ಮನ॒ಸಾವಿ॑ವೇನ‌ಮ್ || 4.25.3
ತಸ್ಮಾ᳚ ಅ॒ಗ್ನಿರ್ಭಾರ॑ತಃ॒ ಶರ್ಮ॑ ಯಂಸ॒ಜ್ಜ್ಯೋಕ್ಪ॑ಶ್ಯಾ॒ತ್ಸೂರ್ಯ॑ಮು॒ಚ್ಚರ᳚‌ನ್ತ‌ಮ್ |
ಯ ಇಂದ್ರಾ᳚ಯ ಸು॒ನವಾ॒ಮೇತ್ಯಾಹ॒ ನರೇ॒ ನರ್ಯಾ᳚ಯ॒ ನೃತ॑ಮಾಯ ನೃ॒ಣಾ‌ಮ್ || 4.25.4
ನ ತಂ ಜಿ॑ನ‌ನ್ತಿ ಬ॒ಹವೋ॒ ನ ದ॒ಭ್ರಾ ಉ॒ರ್ವ॑ಸ್ಮಾ॒ ಅದಿ॑ತಿಃ॒ ಶರ್ಮ॑ ಯಂಸತ್ |
ಪ್ರಿ॒ಯಃ ಸು॒ಕೃತ್ಪ್ರಿ॒ಯ ಇಂದ್ರೇ᳚ ಮನಾ॒ಯುಃ ಪ್ರಿ॒ಯಃ ಸು॑ಪ್ರಾ॒ವೀಃ ಪ್ರಿ॒ಯೋ ಅ॑ಸ್ಯ ಸೋ॒ಮೀ || 4.25.5
ಸು॒ಪ್ರಾ॒ವ್ಯಃ॑ ಪ್ರಾಶು॒ಷಾಳೇ॒ಷ ವೀ॒ರಃ ಸುಷ್ವೇಃ᳚ ಪ॒ಕ್ತಿಂ ಕೃ॑ಣುತೇ॒ ಕೇವ॒ಲೇಂದ್ರಃ॑ |
ನಾಸು॑ಷ್ವೇರಾ॒ಪಿರ್ನ ಸಖಾ॒ ನ ಜಾ॒ಮಿರ್ದು॑ಷ್ಪ್ರಾ॒ವ್ಯೋ᳚ಽವಹ॒‌ನ್ತೇದವಾ᳚ಚಃ || 4.25.6
ನ ರೇ॒ವತಾ᳚ ಪ॒ಣಿನಾ᳚ ಸ॒ಖ್ಯಮಿಂದ್ರೋಽಸು᳚ನ್ವತಾ ಸುತ॒ಪಾಃ ಸಂ ಗೃ॑ಣೀತೇ |
ಆಸ್ಯ॒ ವೇದಃ॑ ಖಿ॒ದತಿ॒ ಹ‌ನ್ತಿ॑ ನ॒ಗ್ನಂ ವಿ ಸುಷ್ವ॑ಯೇ ಪ॒ಕ್ತಯೇ॒ ಕೇವ॑ಲೋ ಭೂತ್ || 4.25.7
ಇಂದ್ರಂ॒ ಪರೇಽವ॑ರೇ ಮಧ್ಯ॒ಮಾಸ॒ ಇಂದ್ರಂ॒ ಯಾ‌ನ್ತೋಽವ॑ಸಿತಾಸ॒ ಇಂದ್ರ‌ಮ್᳚ |
ಇಂದ್ರಂ᳚ ಕ್ಷಿ॒ಯ‌ನ್ತ॑ ಉ॒ತ ಯುಧ್ಯ॑ಮಾನಾ॒ ಇಂದ್ರಂ॒ ನರೋ᳚ ವಾಜ॒ಯ‌ನ್ತೋ᳚ ಹವ‌ನ್ತೇ || 4.25.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ (1-3) ಪ್ರಥಮಾದಿತೃಚಸ್ಯ ಗೌತಮೋ ವಾಮದೇವ ಇಂದ್ರೋ ವಾ (4-7) ಚತುರ್ಥ್ಯಾದಿಚತಸೃಣಾಂಚ ಗೌತಮೋ ವಾಮದೇವ ಋಷಿಃ (1-3) ಪ್ರಥಮಾದಿತೃಚಸ್ಯೇಂದ್ರ ಆತ್ಮಾ ವಾ (4-7) ಚತುರ್ಥ್ಯಾದಿಚತಸೃಣಾಂಚ ಶ್ಯೇನೋ ದೇವತೇ, ತ್ರಿಷ್ಟುಪ್ ಛಂದಃ

ಅ॒ಹಂ ಮನು॑ರಭವಂ॒ ಸೂರ್ಯ॑ಶ್ಚಾ॒ಹಂ ಕ॒ಕ್ಷೀವಾಁ॒ ಋಷಿ॑ರಸ್ಮಿ॒ ವಿಪ್ರಃ॑ |
ಅ॒ಹಂ ಕುತ್ಸ॑ಮಾರ್ಜುನೇ॒ಯಂ ನ್ಯೃಂ᳚ಜೇ॒ಽಹಂ ಕ॒ವಿರು॒ಶನಾ॒ ಪಶ್ಯ॑ತಾ ಮಾ || 4.26.1
ಅ॒ಹಂ ಭೂಮಿ॑ಮದದಾ॒ಮಾರ್ಯಾ᳚ಯಾ॒ಹಂ ವೃ॒ಷ್ಟಿಂ ದಾ॒ಶುಷೇ॒ ಮರ್ತ್ಯಾ᳚ಯ |
ಅ॒ಹಮ॒ಪೋ ಅ॑ನಯಂ ವಾವಶಾ॒ನಾ ಮಮ॑ ದೇ॒ವಾಸೋ॒ ಅನು॒ ಕೇತ॑ಮಾಯನ್ || 4.26.2
ಅ॒ಹಂ ಪುರೋ᳚ ಮಂದಸಾ॒ನೋ ವ್ಯೈ᳚ರಂ॒ ನವ॑ ಸಾ॒ಕಂ ನ॑ವ॒ತೀಃ ಶಂಬ॑ರಸ್ಯ |
ಶ॒ತ॒ತ॒ಮಂ ವೇ॒ಶ್ಯಂ᳚ ಸ॒ರ್ವತಾ᳚ತಾ॒ ದಿವೋ᳚ದಾಸಮತಿಥಿ॒ಗ್ವಂ ಯದಾವ‌ಮ್᳚ || 4.26.3
ಪ್ರ ಸು ಷ ವಿಭ್ಯೋ᳚ ಮರುತೋ॒ ವಿರ॑ಸ್ತು॒ ಪ್ರ ಶ್ಯೇ॒ನಃ ಶ್ಯೇ॒ನೇಭ್ಯ॑ ಆಶು॒ಪತ್ವಾ᳚ |
ಅ॒ಚ॒ಕ್ರಯಾ॒ ಯತ್ಸ್ವ॒ಧಯಾ᳚ ಸುಪ॒ರ್ಣೋ ಹ॒ವ್ಯಂ ಭರ॒ನ್ಮನ॑ವೇ ದೇ॒ವಜು॑ಷ್ಟ‌ಮ್ || 4.26.4
ಭರ॒ದ್ಯದಿ॒ ವಿರತೋ॒ ವೇವಿ॑ಜಾನಃ ಪ॒ಥೋರುಣಾ॒ ಮನೋ᳚ಜವಾ ಅಸರ್ಜಿ |
ತೂಯಂ᳚ ಯಯೌ॒ ಮಧು॑ನಾ ಸೋ॒ಮ್ಯೇನೋ॒ತ ಶ್ರವೋ᳚ ವಿವಿದೇ ಶ್ಯೇ॒ನೋ ಅತ್ರ॑ || 4.26.5
ಋ॒ಜೀ॒ಪೀ ಶ್ಯೇ॒ನೋ ದದ॑ಮಾನೋ ಅಂ॒ಶುಂ ಪ॑ರಾ॒ವತಃ॑ ಶಕು॒ನೋ ಮಂ॒ದ್ರಂ ಮದ‌ಮ್᳚ |
ಸೋಮಂ᳚ ಭರದ್ದಾದೃಹಾ॒ಣೋ ದೇ॒ವಾವಾಂ᳚ದಿ॒ವೋ ಅ॒ಮುಷ್ಮಾ॒ದುತ್ತ॑ರಾದಾ॒ದಾಯ॑ || 4.26.6
ಆ॒ದಾಯ॑ ಶ್ಯೇ॒ನೋ ಅ॑ಭರ॒ತ್ಸೋಮಂ᳚ ಸ॒ಹಸ್ರಂ᳚ ಸ॒ವಾಁ ಅ॒ಯುತಂ᳚ ಚ ಸಾ॒ಕ‌ಮ್ |
ಅತ್ರಾ॒ ಪುರಂ᳚ಧಿರಜಹಾ॒ದರಾ᳚ತೀ॒ರ್ಮದೇ॒ ಸೋಮ॑ಸ್ಯ ಮೂ॒ರಾ ಅಮೂ᳚ರಃ || 4.26.7

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-4) ಪ್ರಥಮಾದಿಚತುರೃಚ, ಶ್ಯೇನಃ (5) ಪಂಚಮ್ಯಾಶ್ಚ ಶ್ಯೇನ ಇಂದ್ರೋ ವಾ ದೇವತಾ, (1-4) ಪ್ರಥಮಾದಿಚತುರೃಚ. ತ್ರಿಷ್ಟುಪ್ (5) ಪಂಚಮ್ಯಾಶ್ಚ ಶಕ್ವರೀ ಛಂದಸೀ

ಗರ್ಭೇ॒ ನು ಸನ್ನನ್ವೇ᳚ಷಾಮವೇದಮ॒ಹಂ ದೇ॒ವಾನಾಂ॒ ಜನಿ॑ಮಾನಿ॒ ವಿಶ್ವಾ᳚ |
ಶ॒ತಂ ಮಾ॒ ಪುರ॒ ಆಯ॑ಸೀರರಕ್ಷ॒ನ್ನಧ॑ ಶ್ಯೇ॒ನೋ ಜ॒ವಸಾ॒ ನಿರ॑ದೀಯ‌ಮ್ || 4.27.1
ನ ಘಾ॒ ಸ ಮಾಮಪ॒ ಜೋಷಂ᳚ ಜಭಾರಾ॒ಭೀಮಾ᳚ಸ॒ ತ್ವಕ್ಷ॑ಸಾ ವೀ॒ರ್ಯೇ᳚ಣ |
ಈ॒ರ್ಮಾ ಪುರಂ᳚ಧಿರಜಹಾ॒ದರಾ᳚ತೀರು॒ತ ವಾತಾಁ᳚ ಅತರ॒ಚ್ಛೂಶು॑ವಾನಃ || 4.27.2
ಅವ॒ ಯಚ್ಛ್ಯೇ॒ನೋ ಅಸ್ವ॑ನೀ॒ದಧ॒ ದ್ಯೋರ್ವಿ ಯದ್ಯದಿ॒ ವಾತ॑ ಊ॒ಹುಃ ಪುರಂ᳚ಧಿ‌ಮ್ |
ಸೃ॒ಜದ್ಯದ॑ಸ್ಮಾ॒ ಅವ॑ ಹ ಕ್ಷಿ॒ಪಜ್ಜ್ಯಾಂ ಕೃ॒ಶಾನು॒ರಸ್ತಾ॒ ಮನ॑ಸಾ ಭುರ॒ಣ್ಯನ್ || 4.27.3
ಋ॒ಜಿ॒ಪ್ಯ ಈ॒ಮಿಂದ್ರಾ᳚ವತೋ॒ ನ ಭು॒ಜ್ಯುಂ ಶ್ಯೇ॒ನೋ ಜ॑ಭಾರ ಬೃಹ॒ತೋ ಅಧಿ॒ ಷ್ಣೋಃ |
ಅ॒‌ನ್ತಃ ಪ॑ತತ್ಪತ॒ತ್ರ್ಯ॑ಸ್ಯ ಪ॒ರ್ಣಮಧ॒ ಯಾಮ॑ನಿ॒ ಪ್ರಸಿ॑ತಸ್ಯ॒ ತದ್ವೇಃ || 4.27.4
ಅಧ॑ ಶ್ವೇ॒ತಂ ಕ॒ಲಶಂ॒ ಗೋಭಿ॑ರ॒ಕ್ತಮಾ᳚ಪಿಪ್ಯಾ॒ನಂ ಮ॒ಘವಾ᳚ ಶು॒ಕ್ರಮಂಧಃ॑ |
ಅ॒ಧ್ವ॒ರ್ಯುಭಿಃ॒ ಪ್ರಯ॑ತಂ॒ ಮಧ್ವೋ॒ ಅಗ್ರ॒ಮಿಂದ್ರೋ॒ ಮದಾ᳚ಯ॒ ಪ್ರತಿ॑ ಧ॒ತ್ಪಿಬ॑ಧ್ಯೈ॒ ಶೂರೋ॒ ಮದಾ᳚ಯ॒ ಪ್ರತಿ॑ ಧ॒ತ್ಪಿಬ॑ಧ್ಯೈ || 4.27.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರ ಇಂದ್ರಾಸೋಮೌ ವಾ ದೇವತೇ, ತ್ರಿಷ್ಟುಪ್ ಛಂದಃ

ತ್ವಾ ಯು॒ಜಾ ತವ॒ ತತ್ಸೋ᳚ಮ ಸ॒ಖ್ಯ ಇಂದ್ರೋ᳚ ಅ॒ಪೋ ಮನ॑ವೇ ಸ॒ಸ್ರುತ॑ಸ್ಕಃ |
ಅಹ॒ನ್ನಹಿ॒ಮರಿ॑ಣಾತ್ಸ॒ಪ್ತ ಸಿಂಧೂ॒ನಪಾ᳚ವೃಣೋ॒ದಪಿ॑ಹಿತೇವ॒ ಖಾನಿ॑ || 4.28.1
ತ್ವಾ ಯು॒ಜಾ ನಿ ಖಿ॑ದ॒ತ್ಸೂರ್ಯ॒ಸ್ಯೇಂದ್ರ॑ಶ್ಚ॒ಕ್ರಂ ಸಹ॑ಸಾ ಸ॒ದ್ಯ ಇಂ᳚ದೋ |
ಅಧಿ॒ ಷ್ಣುನಾ᳚ ಬೃಹ॒ತಾ ವರ್ತ॑ಮಾನಂ ಮ॒ಹೋ ದ್ರು॒ಹೋ ಅಪ॑ ವಿ॒ಶ್ವಾಯು॑ ಧಾಯಿ || 4.28.2
ಅಹ॒ನ್ನಿಂದ್ರೋ॒ ಅದ॑ಹದ॒ಗ್ನಿರಿಂ᳚ದೋ ಪು॒ರಾ ದಸ್ಯೂ᳚ನ್ಮ॒ಧ್ಯಂದಿ॑ನಾದ॒ಭೀಕೇ᳚ |
ದು॒ರ್ಗೇ ದು॑ರೋ॒ಣೇ ಕ್ರತ್ವಾ॒ ನ ಯಾ॒ತಾಂ ಪು॒ರೂ ಸ॒ಹಸ್ರಾ॒ ಶರ್ವಾ॒ ನಿ ಬ॑ರ್ಹೀತ್ || 4.28.3
ವಿಶ್ವ॑ಸ್ಮಾತ್ಸೀಮಧ॒ಮಾಁ ಇಂ᳚ದ್ರ॒ ದಸ್ಯೂ॒ನ್ವಿಶೋ॒ ದಾಸೀ᳚ರಕೃಣೋರಪ್ರಶ॒ಸ್ತಾಃ |
ಅಬಾ᳚ಧೇಥಾ॒ಮಮೃ॑ಣತಂ॒ ನಿ ಶತ್ರೂ॒ನವಿಂ᳚ದೇಥಾ॒ಮಪ॑ಚಿತಿಂ॒ ವಧ॑ತ್ರೈಃ || 4.28.4
ಏ॒ವಾ ಸ॒ತ್ಯಂ ಮ॑ಘವಾನಾ ಯು॒ವಂ ತದಿಂದ್ರ॑ಶ್ಚ ಸೋಮೋ॒ರ್ವಮಶ್ವ್ಯಂ॒ ಗೋಃ |
ಆದ॑ರ್ದೃತ॒ಮಪಿ॑ಹಿತಾ॒ನ್ಯಶ್ನಾ᳚ ರಿರಿ॒ಚಥುಃ॒ ಕ್ಷಾಶ್ಚಿ॑ತ್ತತೃದಾ॒ನಾ || 4.28.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಆ ನಃ॑ ಸ್ತು॒ತ ಉಪ॒ ವಾಜೇ᳚ಭಿರೂ॒ತೀ ಇಂದ್ರ॑ ಯಾ॒ಹಿ ಹರಿ॑ಭಿರ್ಮಂದಸಾ॒ನಃ |
ತಿ॒ರಶ್ಚಿ॑ದ॒ರ್ಯಃ ಸವ॑ನಾ ಪು॒ರೂಣ್ಯಾಂ᳚ಗೂ॒ಷೇಭಿ॑ರ್ಗೃಣಾ॒ನಃ ಸ॒ತ್ಯರಾ᳚ಧಾಃ || 4.29.1
ಆ ಹಿ ಷ್ಮಾ॒ ಯಾತಿ॒ ನರ್ಯ॑ಶ್ಚಿಕಿ॒ತ್ವಾನ್ಹೂ॒ಯಮಾ᳚ನಃ ಸೋ॒ತೃಭಿ॒ರುಪ॑ ಯ॒ಜ್ಞ‌ಮ್ |
ಸ್ವಶ್ವೋ॒ ಯೋ ಅಭೀ᳚ರು॒ರ್ಮನ್ಯ॑ಮಾನಃ ಸುಷ್ವಾ॒ಣೇಭಿ॒ರ್ಮದ॑ತಿ॒ ಸಂ ಹ॑ ವೀ॒ರೈಃ || 4.29.2
ಶ್ರಾ॒ವಯೇದ॑ಸ್ಯ॒ ಕರ್ಣಾ᳚ ವಾಜ॒ಯಧ್ಯೈ॒ ಜುಷ್ಟಾ॒ಮನು॒ ಪ್ರ ದಿಶಂ᳚ ಮಂದ॒ಯಧ್ಯೈ᳚ |
ಉ॒ದ್ವಾ॒ವೃ॒ಷಾ॒ಣೋ ರಾಧ॑ಸೇ॒ ತುವಿ॑ಷ್ಮಾ॒ನ್ಕರ᳚ನ್ನ॒ ಇಂದ್ರಃ॑ ಸುತೀ॒ರ್ಥಾಭ॑ಯಂ ಚ || 4.29.3
ಅಚ್ಛಾ॒ ಯೋ ಗ‌ನ್ತಾ॒ ನಾಧ॑ಮಾನಮೂ॒ತೀ ಇ॒ತ್ಥಾ ವಿಪ್ರಂ॒ ಹವ॑ಮಾನಂ ಗೃ॒ಣ‌ನ್ತ‌ಮ್᳚ |
ಉಪ॒ ತ್ಮನಿ॒ ದಧಾ᳚ನೋ ಧು॒ರ್ಯಾ॒3॒॑ಶೂ‌‌ನ್ತ್ಸ॒ಹಸ್ರಾ᳚ಣಿ ಶ॒ತಾನಿ॒ ವಜ್ರ॑ಬಾಹುಃ || 4.29.4
ತ್ವೋತಾ᳚ಸೋ ಮಘವನ್ನಿಂದ್ರ॒ ವಿಪ್ರಾ᳚ ವ॒ಯಂ ತೇ᳚ ಸ್ಯಾಮ ಸೂ॒ರಯೋ᳚ ಗೃ॒ಣ‌ನ್ತಃ॑ |
ಭೇ॒ಜಾ॒ನಾಸೋ᳚ ಬೃ॒ಹದ್ದಿ॑ವಸ್ಯ ರಾ॒ಯ ಆ᳚ಕಾ॒ಯ್ಯ॑ಸ್ಯ ದಾ॒ವನೇ᳚ ಪುರು॒ಕ್ಷೋಃ || 4.29.5

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-8, 12-24) ಪ್ರಥಮಾದ್ಯಶ್ಟರ್ಚಾಂ ದ್ವಾದಶ್ಯಾದಿತ್ರಯೋದಶಾನಾಂಚೇಂದ್ರಃ (9-11) ನವಮ್ಯಾದಿತೃಚಸ್ಯ ಚೇಂದ್ರೋಷಸೌ ದೇವತೇ (1-7, 9-23) ಪ್ರಥಮಾದಿಸಪ್ತರ್ಚಾಂ ನವಮ್ಯಾದಿಪಂಚದಶಾನಾಂಚ ಗಾಯತ್ರೀ (8, 24) ಅಷ್ಟಮೀಚತುರ್ವಿಂಶ್ಯೋಶ್ಚಾನುಷ್ಟಪು, ಛಂದಸೀ

ನಕಿ॑ರಿಂದ್ರ॒ ತ್ವದುತ್ತ॑ರೋ॒ ನ ಜ್ಯಾಯಾಁ᳚ ಅಸ್ತಿ ವೃತ್ರಹನ್ |
ನಕಿ॑ರೇ॒ವಾ ಯಥಾ॒ ತ್ವ‌ಮ್ || 4.30.1
ಸ॒ತ್ರಾ ತೇ॒ ಅನು॑ ಕೃ॒ಷ್ಟಯೋ॒ ವಿಶ್ವಾ᳚ ಚ॒ಕ್ರೇವ॑ ವಾವೃತುಃ |
ಸ॒ತ್ರಾ ಮ॒ಹಾಁ ಅ॑ಸಿ ಶ್ರು॒ತಃ || 4.30.2
ವಿಶ್ವೇ᳚ ಚ॒ನೇದ॒ನಾ ತ್ವಾ᳚ ದೇ॒ವಾಸ॑ ಇಂದ್ರ ಯುಯುಧುಃ |
ಯದಹಾ॒ ನಕ್ತ॒ಮಾತಿ॑ರಃ || 4.30.3
ಯತ್ರೋ॒ತ ಬಾ᳚ಧಿ॒ತೇಭ್ಯ॑ಶ್ಚ॒ಕ್ರಂ ಕುತ್ಸಾ᳚ಯ॒ ಯುಧ್ಯ॑ತೇ |
ಮು॒ಷಾ॒ಯ ಇಂ᳚ದ್ರ॒ ಸೂರ್ಯ‌ಮ್᳚ || 4.30.4
ಯತ್ರ॑ ದೇ॒ವಾಁ ಋ॑ಘಾಯ॒ತೋ ವಿಶ್ವಾಁ॒ ಅಯು॑ಧ್ಯ॒ ಏಕ॒ ಇತ್ |
ತ್ವಮಿಂ᳚ದ್ರ ವ॒ನೂಁರಹನ್॑ || 4.30.5
ಯತ್ರೋ॒ತ ಮರ್ತ್ಯಾ᳚ಯ॒ ಕಮರಿ॑ಣಾ ಇಂದ್ರ॒ ಸೂರ್ಯ‌ಮ್᳚ |
ಪ್ರಾವಃ॒ ಶಚೀ᳚ಭಿ॒ರೇತ॑ಶ‌ಮ್ || 4.30.6
ಕಿಮಾದು॒ತಾಸಿ॑ ವೃತ್ರಹ॒ನ್ಮಘ॑ವನ್ಮನ್ಯು॒ಮತ್ತ॑ಮಃ |
ಅತ್ರಾಹ॒ ದಾನು॒ಮಾತಿ॑ರಃ || 4.30.7
ಏ॒ತದ್ಘೇದು॒ತ ವೀ॒ರ್ಯ1॒॑ಮಿಂದ್ರ॑ ಚ॒ಕರ್ಥ॒ ಪೌಂಸ್ಯ‌ಮ್᳚ |
ಸ್ತ್ರಿಯಂ॒ ಯದ್ದು॑ರ್ಹಣಾ॒ಯುವಂ॒ ವಧೀ᳚ರ್ದುಹಿ॒ತರಂ᳚ ದಿ॒ವಃ || 4.30.8
ದಿ॒ವಶ್ಚಿ॑ದ್ಘಾ ದುಹಿ॒ತರಂ᳚ ಮ॒ಹಾನ್ಮ॑ಹೀ॒ಯಮಾ᳚ನಾ‌ಮ್ |
ಉ॒ಷಾಸ॑ಮಿಂದ್ರ॒ ಸಂ ಪಿ॑ಣಕ್ || 4.30.9
ಅಪೋ॒ಷಾ ಅನ॑ಸಃ ಸರ॒ತ್ಸಂಪಿ॑ಷ್ಟಾ॒ದಹ॑ ಬಿ॒ಭ್ಯುಷೀ᳚ |
ನಿ ಯತ್ಸೀಂ᳚ ಶಿ॒ಶ್ನಥ॒ದ್ವೃಷಾ᳚ || 4.30.10
ಏ॒ತದ॑ಸ್ಯಾ॒ ಅನಃ॑ ಶಯೇ॒ ಸುಸಂ᳚ಪಿಷ್ಟಂ॒ ವಿಪಾ॒ಶ್ಯಾ |
ಸ॒ಸಾರ॑ ಸೀಂ ಪರಾ॒ವತಃ॑ || 4.30.11
ಉ॒ತ ಸಿಂಧುಂ᳚ ವಿಬಾ॒ಲ್ಯಂ᳚ ವಿತಸ್ಥಾ॒ನಾಮಧಿ॒ ಕ್ಷಮಿ॑ |
ಪರಿ॑ ಷ್ಠಾ ಇಂದ್ರ ಮಾ॒ಯಯಾ᳚ || 4.30.12
ಉ॒ತ ಶುಷ್ಣ॑ಸ್ಯ ಧೃಷ್ಣು॒ಯಾ ಪ್ರ ಮೃ॑ಕ್ಷೋ ಅ॒ಭಿ ವೇದ॑ನ‌ಮ್ |
ಪುರೋ॒ ಯದ॑ಸ್ಯ ಸಂಪಿ॒ಣಕ್ || 4.30.13
ಉ॒ತ ದಾ॒ಸಂ ಕೌ᳚ಲಿತ॒ರಂ ಬೃ॑ಹ॒ತಃ ಪರ್ವ॑ತಾ॒ದಧಿ॑ |
ಅವಾ᳚ಹನ್ನಿಂದ್ರ॒ ಶಂಬ॑ರ‌ಮ್ || 4.30.14
ಉ॒ತ ದಾ॒ಸಸ್ಯ॑ ವ॒ರ್ಚಿನಃ॑ ಸ॒ಹಸ್ರಾ᳚ಣಿ ಶ॒ತಾವ॑ಧೀಃ |
ಅಧಿ॒ ಪಂಚ॑ ಪ್ರ॒ಧೀಁರಿ॑ವ || 4.30.15
ಉ॒ತ ತ್ಯಂ ಪು॒ತ್ರಮ॒ಗ್ರುವಃ॒ ಪರಾ᳚ವೃಕ್ತಂ ಶ॒ತಕ್ರ॑ತುಃ |
ಉ॒ಕ್ಥೇಷ್ವಿಂದ್ರ॒ ಆಭ॑ಜತ್ || 4.30.16
ಉ॒ತ ತ್ಯಾ ತು॒ರ್ವಶಾ॒ಯದೂ᳚ ಅಸ್ನಾ॒ತಾರಾ॒ ಶಚೀ॒ಪತಿಃ॑ |
ಇಂದ್ರೋ᳚ ವಿ॒ದ್ವಾಁ ಅ॑ಪಾರಯತ್ || 4.30.17
ಉ॒ತ ತ್ಯಾ ಸ॒ದ್ಯ ಆರ್ಯಾ᳚ ಸ॒ರಯೋ᳚ರಿಂದ್ರ ಪಾ॒ರತಃ॑ |
ಅರ್ಣಾ᳚ಚಿ॒ತ್ರರ॑ಥಾವಧೀಃ || 4.30.18
ಅನು॒ ದ್ವಾ ಜ॑ಹಿ॒ತಾ ನ॑ಯೋ॒ಽನ್ಧಂ ಶ್ರೋ॒ಣಂ ಚ॑ ವೃತ್ರಹನ್ |
ನ ತತ್ತೇ᳚ ಸು॒ಮ್ನಮಷ್ಟ॑ವೇ || 4.30.19
ಶ॒ತಮ॑ಶ್ಮ॒ನ್ಮಯೀ᳚ನಾಂ ಪು॒ರಾಮಿಂದ್ರೋ॒ ವ್ಯಾ᳚ಸ್ಯತ್ |
ದಿವೋ᳚ದಾಸಾಯ ದಾ॒ಶುಷೇ᳚ || 4.30.20
ಅಸ್ವಾ᳚ಪಯದ್ದ॒ಭೀತ॑ಯೇ ಸ॒ಹಸ್ರಾ᳚ ತ್ರಿಂ॒ಶತಂ॒ ಹಥೈಃ᳚ |
ದಾ॒ಸಾನಾ॒ಮಿಂದ್ರೋ᳚ ಮಾ॒ಯಯಾ᳚ || 4.30.21
ಸ ಘೇದು॒ತಾಸಿ॑ ವೃತ್ರಹ‌‌ನ್ತ್ಸಮಾ॒ನ ಇಂ᳚ದ್ರ॒ ಗೋಪ॑ತಿಃ |
ಯಸ್ತಾ ವಿಶ್ವಾ᳚ನಿ ಚಿಚ್ಯು॒ಷೇ || 4.30.22
ಉ॒ತ ನೂ॒ನಂ ಯದಿಂ᳚ದ್ರಿ॒ಯಂ ಕ॑ರಿ॒ಷ್ಯಾ ಇಂ᳚ದ್ರ॒ ಪೌಂಸ್ಯ‌ಮ್᳚ |
ಅ॒ದ್ಯಾ ನಕಿ॒ಷ್ಟದಾ ಮಿ॑ನತ್ || 4.30.23
ವಾ॒ಮಂವಾ᳚ಮಂ ತ ಆದುರೇ ದೇ॒ವೋ ದ॑ದಾತ್ವರ್ಯ॒ಮಾ |
ವಾ॒ಮಂ ಪೂ॒ಷಾ ವಾ॒ಮಂ ಭಗೋ᳚ ವಾ॒ಮಂ ದೇ॒ವಃ ಕರೂ᳚ಳತೀ || 4.30.24

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರೋ ದೇವತಾ (12, 4-15) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿದ್ವಾದಶಾನಾಂಚ ಗಾಯತ್ರೀ (3) ತೃತೀಯಾಯಾಶ್ಚ ಪಾದನಿಘೃಚ್ಛಂದಸೀ

ಕಯಾ᳚ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧಃ॒ ಸಖಾ᳚ |
ಕಯಾ॒ ಶಚಿ॑ಷ್ಠಯಾ ವೃ॒ತಾ || 4.31.1
ಕಸ್ತ್ವಾ᳚ ಸ॒ತ್ಯೋ ಮದಾ᳚ನಾಂ॒ ಮಂಹಿ॑ಷ್ಠೋ ಮತ್ಸ॒ದಂಧ॑ಸಃ |
ದೃ॒ಳ್ಹಾ ಚಿ॑ದಾ॒ರುಜೇ॒ ವಸು॑ || 4.31.2
ಅ॒ಭೀ ಷು ಣಃ॒ ಸಖೀ᳚ನಾಮವಿ॒ತಾ ಜ॑ರಿತೄ॒ಣಾ‌ಮ್ |
ಶ॒ತಂ ಭ॑ವಾಸ್ಯೂ॒ತಿಭಿಃ॑ || 4.31.3
ಅ॒ಭೀ ನ॒ ಆ ವ॑ವೃತ್ಸ್ವ ಚ॒ಕ್ರಂ ನ ವೃ॒ತ್ತಮರ್ವ॑ತಃ |
ನಿ॒ಯುದ್ಭಿ॑ಶ್ಚರ್ಷಣೀ॒ನಾ‌ಮ್ || 4.31.4
ಪ್ರ॒ವತಾ॒ ಹಿ ಕ್ರತೂ᳚ನಾ॒ಮಾ ಹಾ᳚ ಪ॒ದೇವ॒ ಗಚ್ಛ॑ಸಿ |
ಅಭ॑ಕ್ಷಿ॒ ಸೂರ್ಯೇ॒ ಸಚಾ᳚ || 4.31.5
ಸಂ ಯತ್ತ॑ ಇಂದ್ರ ಮ॒ನ್ಯವಃ॒ ಸಂ ಚ॒ಕ್ರಾಣಿ॑ ದಧನ್ವಿ॒ರೇ |
ಅಧ॒ ತ್ವೇ ಅಧ॒ ಸೂರ್ಯೇ᳚ || 4.31.6
ಉ॒ತ ಸ್ಮಾ॒ ಹಿ ತ್ವಾಮಾ॒ಹುರಿನ್ಮ॒ಘವಾ᳚ನಂ ಶಚೀಪತೇ |
ದಾತಾ᳚ರ॒ಮವಿ॑ದೀಧಯು‌ಮ್ || 4.31.7
ಉ॒ತ ಸ್ಮಾ᳚ ಸ॒ದ್ಯ ಇತ್ಪರಿ॑ ಶಶಮಾ॒ನಾಯ॑ ಸುನ್ವ॒ತೇ |
ಪು॒ರೂ ಚಿ᳚ನ್ಮಂಹಸೇ॒ ವಸು॑ || 4.31.8
ನ॒ಹಿ ಷ್ಮಾ᳚ ತೇ ಶ॒ತಂ ಚ॒ನ ರಾಧೋ॒ ವರ᳚‌ನ್ತ ಆ॒ಮುರಃ॑ |
ನ ಚ್ಯೌ॒ತ್ನಾನಿ॑ ಕರಿಷ್ಯ॒ತಃ || 4.31.9
ಅ॒ಸ್ಮಾಁ ಅ॑ವ‌ನ್ತು ತೇ ಶ॒ತಮ॒ಸ್ಮಾ‌‌ನ್ತ್ಸ॒ಹಸ್ರ॑ಮೂ॒ತಯಃ॑ |
ಅ॒ಸ್ಮಾನ್ವಿಶ್ವಾ᳚ ಅ॒ಭಿಷ್ಟ॑ಯಃ || 4.31.10
ಅ॒ಸ್ಮಾಁ ಇ॒ಹಾ ವೃ॑ಣೀಷ್ವ ಸ॒ಖ್ಯಾಯ॑ ಸ್ವ॒ಸ್ತಯೇ᳚ |
ಮ॒ಹೋ ರಾ॒ಯೇ ದಿ॒ವಿತ್ಮ॑ತೇ || 4.31.11
ಅ॒ಸ್ಮಾಁ ಅ॑ವಿಡ್ಢಿ ವಿ॒ಶ್ವಹೇಂದ್ರ॑ ರಾ॒ಯಾ ಪರೀ᳚ಣಸಾ |
ಅ॒ಸ್ಮಾನ್ವಿಶ್ವಾ᳚ಭಿರೂ॒ತಿಭಿಃ॑ || 4.31.12
ಅ॒ಸ್ಮಭ್ಯಂ॒ ತಾಁ ಅಪಾ᳚ ವೃಧಿ ವ್ರ॒ಜಾಁ ಅಸ್ತೇ᳚ವ॒ ಗೋಮ॑ತಃ |
ನವಾ᳚ಭಿರಿಂದ್ರೋ॒ತಿಭಿಃ॑ || 4.31.13
ಅ॒ಸ್ಮಾಕಂ᳚ ಧೃಷ್ಣು॒ಯಾ ರಥೋ᳚ ದ್ಯು॒ಮಾಁ ಇಂ॒ದ್ರಾನ॑ಪಚ್ಯುತಃ |
ಗ॒ವ್ಯುರ॑ಶ್ವ॒ಯುರೀ᳚ಯತೇ || 4.31.14
ಅ॒ಸ್ಮಾಕ॑ಮುತ್ತ॒ಮಂ ಕೃ॑ಧಿ॒ ಶ್ರವೋ᳚ ದೇ॒ವೇಷು॑ ಸೂರ್ಯ |
ವರ್ಷಿ॑ಷ್ಠಂ॒ ದ್ಯಾಮಿ॑ವೋ॒ಪರಿ॑ || 4.31.15

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-22) ಪ್ರಥಮಾದಿದ್ವಾವಿಂಶತ್ರ್ಯಚಾಮಿಂದ್ರಃ (23-24) ತ್ರಯೋವಿಂಶೀಚತುರ್ವಿಶ್ಯೋಶ್ಚೇಂದ್ರಸ್ಯಾಶ್ವೌ ದೇವತಾಃ, ಗಾಯತ್ರೀ ಛಂದಃ

ಆ ತೂ ನ॑ ಇಂದ್ರ ವೃತ್ರಹನ್ನ॒ಸ್ಮಾಕ॑ಮ॒ರ್ಧಮಾ ಗ॑ಹಿ |
ಮ॒ಹಾನ್ಮ॒ಹೀಭಿ॑ರೂ॒ತಿಭಿಃ॑ || 4.32.1
ಭೃಮಿ॑ಶ್ಚಿದ್ಘಾಸಿ॒ ತೂತು॑ಜಿ॒ರಾ ಚಿ॑ತ್ರ ಚಿ॒ತ್ರಿಣೀ॒ಷ್ವಾ |
ಚಿ॒ತ್ರಂ ಕೃ॑ಣೋಷ್ಯೂ॒ತಯೇ᳚ || 4.32.2
ದ॒ಭ್ರೇಭಿ॑ಶ್ಚಿ॒ಚ್ಛಶೀ᳚ಯಾಂಸಂ॒ ಹಂಸಿ॒ ವ್ರಾಧ᳚‌ನ್ತ॒ಮೋಜ॑ಸಾ |
ಸಖಿ॑ಭಿ॒ರ್ಯೇ ತ್ವೇ ಸಚಾ᳚ || 4.32.3
ವ॒ಯಮಿಂ᳚ದ್ರ॒ ತ್ವೇ ಸಚಾ᳚ ವ॒ಯಂ ತ್ವಾ॒ಭಿ ನೋ᳚ನುಮಃ |
ಅ॒ಸ್ಮಾಁಅ॑ಸ್ಮಾಁ॒ ಇದುದ॑ವ || 4.32.4
ಸ ನ॑ಶ್ಚಿ॒ತ್ರಾಭಿ॑ರದ್ರಿವೋಽನವ॒ದ್ಯಾಭಿ॑ರೂ॒ತಿಭಿಃ॑ |
ಅನಾ᳚ಧೃಷ್ಟಾಭಿ॒ರಾ ಗ॑ಹಿ || 4.32.5
ಭೂ॒ಯಾಮೋ॒ ಷು ತ್ವಾವ॑ತಃ॒ ಸಖಾ᳚ಯ ಇಂದ್ರ॒ ಗೋಮ॑ತಃ |
ಯುಜೋ॒ ವಾಜಾ᳚ಯ॒ ಘೃಷ್ವ॑ಯೇ || 4.32.6
ತ್ವಂ ಹ್ಯೇಕ॒ ಈಶಿ॑ಷ॒ ಇಂದ್ರ॒ ವಾಜ॑ಸ್ಯ॒ ಗೋಮ॑ತಃ |
ಸ ನೋ᳚ ಯಂಧಿ ಮ॒ಹೀಮಿಷ‌ಮ್᳚ || 4.32.7
ನ ತ್ವಾ᳚ ವರ‌ನ್ತೇ ಅ॒ನ್ಯಥಾ॒ ಯದ್ದಿತ್ಸ॑ಸಿ ಸ್ತು॒ತೋ ಮ॒ಘ‌ಮ್ |
ಸ್ತೋ॒ತೃಭ್ಯ॑ ಇಂದ್ರ ಗಿರ್ವಣಃ || 4.32.8
ಅ॒ಭಿ ತ್ವಾ॒ ಗೋತ॑ಮಾ ಗಿ॒ರಾನೂ᳚ಷತ॒ ಪ್ರ ದಾ॒ವನೇ᳚ |
ಇಂದ್ರ॒ ವಾಜಾ᳚ಯ॒ ಘೃಷ್ವ॑ಯೇ || 4.32.9
ಪ್ರ ತೇ᳚ ವೋಚಾಮ ವೀ॒ರ್ಯಾ॒3॒॑ ಯಾ ಮಂ᳚ದಸಾ॒ನ ಆರು॑ಜಃ |
ಪುರೋ॒ ದಾಸೀ᳚ರ॒ಭೀತ್ಯ॑ || 4.32.10
ತಾ ತೇ᳚ ಗೃಣ‌ನ್ತಿ ವೇ॒ಧಸೋ॒ ಯಾನಿ॑ ಚ॒ಕರ್ಥ॒ ಪೌಂಸ್ಯಾ᳚ |
ಸು॒ತೇಷ್ವಿಂ᳚ದ್ರ ಗಿರ್ವಣಃ || 4.32.11
ಅವೀ᳚ವೃಧ‌ನ್ತ॒ ಗೋತ॑ಮಾ॒ ಇಂದ್ರ॒ ತ್ವೇ ಸ್ತೋಮ॑ವಾಹಸಃ |
ಐಷು॑ ಧಾ ವೀ॒ರವ॒ದ್ಯಶಃ॑ || 4.32.12
ಯಚ್ಚಿ॒ದ್ಧಿ ಶಶ್ವ॑ತಾ॒ಮಸೀಂದ್ರ॒ ಸಾಧಾ᳚ರಣ॒ಸ್ತ್ವ‌ಮ್ |
ತಂ ತ್ವಾ᳚ ವ॒ಯಂ ಹ॑ವಾಮಹೇ || 4.32.13
ಅ॒ರ್ವಾ॒ಚೀ॒ನೋ ವ॑ಸೋ ಭವಾ॒ಸ್ಮೇ ಸು ಮ॒ತ್ಸ್ವಾಂಧ॑ಸಃ |
ಸೋಮಾ᳚ನಾಮಿಂದ್ರ ಸೋಮಪಾಃ || 4.32.14
ಅ॒ಸ್ಮಾಕಂ᳚ ತ್ವಾ ಮತೀ॒ನಾಮಾ ಸ್ತೋಮ॑ ಇಂದ್ರ ಯಚ್ಛತು |
ಅ॒ರ್ವಾಗಾ ವ॑ರ್ತಯಾ॒ ಹರೀ᳚ || 4.32.15
ಪು॒ರೋ॒ಳಾಶಂ᳚ ಚ ನೋ॒ ಘಸೋ᳚ ಜೋ॒ಷಯಾ᳚ಸೇ॒ ಗಿರ॑ಶ್ಚ ನಃ |
ವ॒ಧೂ॒ಯುರಿ॑ವ॒ ಯೋಷ॑ಣಾ‌ಮ್ || 4.32.16
ಸ॒ಹಸ್ರಂ॒ ವ್ಯತೀ᳚ನಾಂ ಯು॒ಕ್ತಾನಾ॒ಮಿಂದ್ರ॑ಮೀಮಹೇ |
ಶ॒ತಂ ಸೋಮ॑ಸ್ಯ ಖಾ॒ರ್ಯಃ॑ || 4.32.17
ಸ॒ಹಸ್ರಾ᳚ ತೇ ಶ॒ತಾ ವ॒ಯಂ ಗವಾ॒ಮಾ ಚ್ಯಾ᳚ವಯಾಮಸಿ |
ಅ॒ಸ್ಮ॒ತ್ರಾ ರಾಧ॑ ಏತು ತೇ || 4.32.18
ದಶ॑ ತೇ ಕ॒ಲಶಾ᳚ನಾಂ॒ ಹಿರ᳚ಣ್ಯಾನಾಮಧೀಮಹಿ |
ಭೂ॒ರಿ॒ದಾ ಅ॑ಸಿ ವೃತ್ರಹನ್ || 4.32.19
ಭೂರಿ॑ದಾ॒ ಭೂರಿ॑ ದೇಹಿ ನೋ॒ ಮಾ ದ॒ಭ್ರಂ ಭೂರ್ಯಾ ಭ॑ರ |
ಭೂರಿ॒ ಘೇದಿಂ᳚ದ್ರ ದಿತ್ಸಸಿ || 4.32.20
ಭೂ॒ರಿ॒ದಾ ಹ್ಯಸಿ॑ ಶ್ರು॒ತಃ ಪು॑ರು॒ತ್ರಾ ಶೂ᳚ರ ವೃತ್ರಹನ್ |
ಆ ನೋ᳚ ಭಜಸ್ವ॒ ರಾಧ॑ಸಿ || 4.32.21
ಪ್ರ ತೇ᳚ ಬ॒ಭ್ರೂ ವಿ॑ಚಕ್ಷಣ॒ ಶಂಸಾ᳚ಮಿ ಗೋಷಣೋ ನಪಾತ್ |
ಮಾಭ್ಯಾಂ॒ ಗಾ ಅನು॑ ಶಿಶ್ರಥಃ || 4.32.22
ಕ॒ನೀ॒ನ॒ಕೇವ॑ ವಿದ್ರ॒ಧೇ ನವೇ᳚ ದ್ರುಪ॒ದೇ ಅ॑ರ್ಭ॒ಕೇ |
ಬ॒ಭ್ರೂ ಯಾಮೇ᳚ಷು ಶೋಭೇತೇ || 4.32.23
ಅರಂ᳚ ಮ ಉ॒ಸ್ರಯಾ॒ಮ್ಣೇಽರ॒ಮನು॑ಸ್ರಯಾಮ್ಣೇ |
ಬ॒ಭ್ರೂ ಯಾಮೇ᳚ಷ್ವ॒ಸ್ರಿಧಾ᳚ || 4.32.24

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ ಋಭವೋ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ ಋ॒ಭುಭ್ಯೋ᳚ ದೂ॒ತಮಿ॑ವ॒ ವಾಚ॑ಮಿಷ್ಯ ಉಪ॒ಸ್ತಿರೇ॒ ಶ್ವೈತ॑ರೀಂ ಧೇ॒ನುಮೀ᳚ಳೇ |
ಯೇ ವಾತ॑ಜೂತಾಸ್ತ॒ರಣಿ॑ಭಿ॒ರೇವೈಃ॒ ಪರಿ॒ ದ್ಯಾಂ ಸ॒ದ್ಯೋ ಅ॒ಪಸೋ᳚ ಬಭೂ॒ವುಃ || 4.33.1
ಯ॒ದಾರ॒ಮಕ್ರ᳚ನ್ನೃ॒ಭವಃ॑ ಪಿ॒ತೃಭ್ಯಾಂ॒ ಪರಿ॑ವಿಷ್ಟೀ ವೇ॒ಷಣಾ᳚ ದಂ॒ಸನಾ᳚ಭಿಃ |
ಆದಿದ್ದೇ॒ವಾನಾ॒ಮುಪ॑ ಸ॒ಖ್ಯಮಾ᳚ಯಂ॒ಧೀರಾ᳚ಸಃ ಪು॒ಷ್ಟಿಮ॑ವಹನ್ಮ॒ನಾಯೈ᳚ || 4.33.2
ಪುನ॒ರ್ಯೇ ಚ॒ಕ್ರುಃ ಪಿ॒ತರಾ॒ ಯುವಾ᳚ನಾ॒ ಸನಾ॒ ಯೂಪೇ᳚ವ ಜರ॒ಣಾ ಶಯಾ᳚ನಾ |
ತೇ ವಾಜೋ॒ ವಿಭ್ವಾಁ᳚ ಋ॒ಭುರಿಂದ್ರ॑ವ‌ನ್ತೋ॒ ಮಧು॑ಪ್ಸರಸೋ ನೋಽವ‌ನ್ತು ಯ॒ಜ್ಞ‌ಮ್ || 4.33.3
ಯತ್ಸಂ॒ವತ್ಸ॑ಮೃ॒ಭವೋ॒ ಗಾಮರ॑ಕ್ಷ॒ನ್ಯತ್ಸಂ॒ವತ್ಸ॑ಮೃ॒ಭವೋ॒ ಮಾ ಅಪಿಂ᳚ಶನ್ |
ಯತ್ಸಂ॒ವತ್ಸ॒ಮಭ॑ರ॒ನ್ಭಾಸೋ᳚ ಅಸ್ಯಾ॒ಸ್ತಾಭಿಃ॒ ಶಮೀ᳚ಭಿರಮೃತ॒ತ್ವಮಾ᳚ಶುಃ || 4.33.4
ಜ್ಯೇ॒ಷ್ಠ ಆ᳚ಹ ಚಮ॒ಸಾ ದ್ವಾ ಕ॒ರೇತಿ॒ ಕನೀ᳚ಯಾ॒‌ನ್ತ್ರೀನ್ಕೃ॑ಣವಾ॒ಮೇತ್ಯಾ᳚ಹ |
ಕ॒ನಿ॒ಷ್ಠ ಆ᳚ಹ ಚ॒ತುರ॑ಸ್ಕ॒ರೇತಿ॒ ತ್ವಷ್ಟ॑ ಋಭವ॒ಸ್ತತ್ಪ॑ನಯ॒ದ್ವಚೋ᳚ ವಃ || 4.33.5
ಸ॒ತ್ಯಮೂ᳚ಚು॒ರ್ನರ॑ ಏ॒ವಾ ಹಿ ಚ॒ಕ್ರುರನು॑ ಸ್ವ॒ಧಾಮೃ॒ಭವೋ᳚ ಜಗ್ಮುರೇ॒ತಾ‌ಮ್ |
ವಿ॒ಭ್ರಾಜ॑ಮಾನಾಁಶ್ಚಮ॒ಸಾಁ ಅಹೇ॒ವಾವೇ᳚ನ॒ತ್ತ್ವಷ್ಟಾ᳚ ಚ॒ತುರೋ᳚ ದದೃ॒ಶ್ವಾನ್ || 4.33.6
ದ್ವಾದ॑ಶ॒ ದ್ಯೂನ್ಯದಗೋ᳚ಹ್ಯಸ್ಯಾತಿ॒ಥ್ಯೇ ರಣ᳚ನ್ನೃ॒ಭವಃ॑ ಸ॒ಸ‌ನ್ತಃ॑ |
ಸು॒ಕ್ಷೇತ್ರಾ᳚ಕೃಣ್ವ॒ನ್ನನ॑ಯ‌ನ್ತ॒ ಸಿಂಧೂಂ॒ಧನ್ವಾತಿ॑ಷ್ಠ॒ನ್ನೋಷ॑ಧೀರ್ನಿ॒ಮ್ನಮಾಪಃ॑ || 4.33.7
ರಥಂ॒ ಯೇ ಚ॒ಕ್ರುಃ ಸು॒ವೃತಂ᳚ ನರೇ॒ಷ್ಠಾಂ ಯೇ ಧೇ॒ನುಂ ವಿ॑ಶ್ವ॒ಜುವಂ᳚ ವಿ॒ಶ್ವರೂ᳚ಪಾ‌ಮ್ |
ತ ಆ ತ॑ಕ್ಷ‌ನ್ತ್ವೃ॒ಭವೋ᳚ ರ॒ಯಿಂ ನಃ॒ ಸ್ವವ॑ಸಃ॒ ಸ್ವಪ॑ಸಃ ಸು॒ಹಸ್ತಾಃ᳚ || 4.33.8
ಅಪೋ॒ ಹ್ಯೇ᳚ಷಾ॒ಮಜು॑ಷ‌ನ್ತ ದೇ॒ವಾ ಅ॒ಭಿ ಕ್ರತ್ವಾ॒ ಮನ॑ಸಾ॒ ದೀಧ್ಯಾ᳚ನಾಃ |
ವಾಜೋ᳚ ದೇ॒ವಾನಾ᳚ಮಭವತ್ಸು॒ಕರ್ಮೇಂದ್ರ॑ಸ್ಯ ಋಭು॒ಕ್ಷಾ ವರು॑ಣಸ್ಯ॒ ವಿಭ್ವಾ᳚ || 4.33.9
ಯೇ ಹರೀ᳚ ಮೇ॒ಧಯೋ॒ಕ್ಥಾ ಮದ᳚‌ನ್ತ॒ ಇಂದ್ರಾ᳚ಯ ಚ॒ಕ್ರುಃ ಸು॒ಯುಜಾ॒ ಯೇ ಅಶ್ವಾ᳚ |
ತೇ ರಾ॒ಯಸ್ಪೋಷಂ॒ ದ್ರವಿ॑ಣಾನ್ಯ॒ಸ್ಮೇ ಧ॒ತ್ತ ಋ॑ಭವಃ ಕ್ಷೇಮ॒ಯ‌ನ್ತೋ॒ ನ ಮಿ॒ತ್ರ‌ಮ್ || 4.33.10
ಇ॒ದಾಹ್ನಃ॑ ಪೀ॒ತಿಮು॒ತ ವೋ॒ ಮದಂ᳚ ಧು॒ರ್ನ ಋ॒ತೇ ಶ್ರಾ॒‌ನ್ತಸ್ಯ॑ ಸ॒ಖ್ಯಾಯ॑ ದೇ॒ವಾಃ |
ತೇ ನೂ॒ನಮ॒ಸ್ಮೇ ಋ॑ಭವೋ॒ ವಸೂ᳚ನಿ ತೃ॒ತೀಯೇ᳚ ಅ॒ಸ್ಮಿ‌‌ನ್ತ್ಸವ॑ನೇ ದಧಾತ || 4.33.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ ಋಭವೋ ದೇವತಾಃ, ತ್ರಿಷ್ಟುಪ್ ಛಂದಃ

ಋ॒ಭುರ್ವಿಭ್ವಾ॒ ವಾಜ॒ ಇಂದ್ರೋ᳚ ನೋ॒ ಅಚ್ಛೇ॒ಮಂ ಯ॒ಜ್ಞಂ ರ॑ತ್ನ॒ಧೇಯೋಪ॑ ಯಾತ |
ಇ॒ದಾ ಹಿ ವೋ᳚ ಧಿ॒ಷಣಾ᳚ ದೇ॒ವ್ಯಹ್ನಾ॒ಮಧಾ᳚ತ್ಪೀ॒ತಿಂ ಸಂ ಮದಾ᳚ ಅಗ್ಮತಾ ವಃ || 4.34.1
ವಿ॒ದಾ॒ನಾಸೋ॒ ಜನ್ಮ॑ನೋ ವಾಜರತ್ನಾ ಉ॒ತ ಋ॒ತುಭಿ॑ರ್‌ಋಭವೋ ಮಾದಯಧ್ವ‌ಮ್ |
ಸಂ ವೋ॒ ಮದಾ॒ ಅಗ್ಮ॑ತ॒ ಸಂ ಪುರಂ᳚ಧಿಃ ಸು॒ವೀರಾ᳚ಮ॒ಸ್ಮೇ ರ॒ಯಿಮೇರ॑ಯಧ್ವ‌ಮ್ || 4.34.2
ಅ॒ಯಂ ವೋ᳚ ಯ॒ಜ್ಞ ಋ॑ಭವೋಽಕಾರಿ॒ ಯಮಾ ಮ॑ನು॒ಷ್ವತ್ಪ್ರ॒ದಿವೋ᳚ ದಧಿ॒ಧ್ವೇ |
ಪ್ರ ವೋಽಚ್ಛಾ᳚ ಜುಜುಷಾ॒ಣಾಸೋ᳚ ಅಸ್ಥು॒ರಭೂ᳚ತ॒ ವಿಶ್ವೇ᳚ ಅಗ್ರಿ॒ಯೋತ ವಾ᳚ಜಾಃ || 4.34.3
ಅಭೂ᳚ದು ವೋ ವಿಧ॒ತೇ ರ॑ತ್ನ॒ಧೇಯ॑ಮಿ॒ದಾ ನ॑ರೋ ದಾ॒ಶುಷೇ॒ ಮರ್ತ್ಯಾ᳚ಯ |
ಪಿಬ॑ತ ವಾಜಾ ಋಭವೋ ದ॒ದೇ ವೋ॒ ಮಹಿ॑ ತೃ॒ತೀಯಂ॒ ಸವ॑ನಂ॒ ಮದಾ᳚ಯ || 4.34.4
ಆ ವಾ᳚ಜಾ ಯಾ॒ತೋಪ॑ ನ ಋಭುಕ್ಷಾ ಮ॒ಹೋ ನ॑ರೋ॒ ದ್ರವಿ॑ಣಸೋ ಗೃಣಾ॒ನಾಃ |
ಆ ವಃ॑ ಪೀ॒ತಯೋ᳚ಽಭಿಪಿ॒ತ್ವೇ ಅಹ್ನಾ᳚ಮಿ॒ಮಾ ಅಸ್ತಂ᳚ ನವ॒ಸ್ವ॑ ಇವ ಗ್ಮನ್ || 4.34.5
ಆ ನ॑ಪಾತಃ ಶವಸೋ ಯಾತ॒ನೋಪೇ॒ಮಂ ಯ॒ಜ್ಞಂ ನಮ॑ಸಾ ಹೂ॒ಯಮಾ᳚ನಾಃ |
ಸ॒ಜೋಷ॑ಸಃ ಸೂರಯೋ॒ ಯಸ್ಯ॑ ಚ॒ ಸ್ಥ ಮಧ್ವಃ॑ ಪಾತ ರತ್ನ॒ಧಾ ಇಂದ್ರ॑ವ‌ನ್ತಃ || 4.34.6
ಸ॒ಜೋಷಾ᳚ ಇಂದ್ರ॒ ವರು॑ಣೇನ॒ ಸೋಮಂ᳚ ಸ॒ಜೋಷಾಃ᳚ ಪಾಹಿ ಗಿರ್ವಣೋ ಮ॒ರುದ್ಭಿಃ॑ |
ಅ॒ಗ್ರೇ॒ಪಾಭಿ॑ರ್‌ಋತು॒ಪಾಭಿಃ॑ ಸ॒ಜೋಷಾ॒ ಗ್ನಾಸ್ಪತ್ನೀ᳚ಭೀ ರತ್ನ॒ಧಾಭಿಃ॑ ಸ॒ಜೋಷಾಃ᳚ || 4.34.7
ಸ॒ಜೋಷ॑ಸ ಆದಿ॒ತ್ಯೈರ್ಮಾ᳚ದಯಧ್ವಂ ಸ॒ಜೋಷ॑ಸ ಋಭವಃ॒ ಪರ್ವ॑ತೇಭಿಃ |
ಸ॒ಜೋಷ॑ಸೋ॒ ದೈವ್ಯೇ᳚ನಾ ಸವಿ॒ತ್ರಾ ಸ॒ಜೋಷ॑ಸಃ॒ ಸಿಂಧು॑ಭೀ ರತ್ನ॒ಧೇಭಿಃ॑ || 4.34.8
ಯೇ ಅ॒ಶ್ವಿನಾ॒ ಯೇ ಪಿ॒ತರಾ॒ ಯ ಊ॒ತೀ ಧೇ॒ನುಂ ತ॑ತ॒ಕ್ಷುರ್‌ಋ॒ಭವೋ॒ ಯೇ ಅಶ್ವಾ᳚ |
ಯೇ ಅಂಸ॑ತ್ರಾ॒ ಯ ಋಧ॒ಗ್ರೋದ॑ಸೀ॒ ಯೇ ವಿಭ್ವೋ॒ ನರಃ॑ ಸ್ವಪ॒ತ್ಯಾನಿ॑ ಚ॒ಕ್ರುಃ || 4.34.9
ಯೇ ಗೋಮ᳚‌ನ್ತಂ॒ ವಾಜ॑ವ‌ನ್ತಂ ಸು॒ವೀರಂ᳚ ರ॒ಯಿಂ ಧ॒ತ್ಥ ವಸು॑ಮ‌ನ್ತಂ ಪುರು॒ಕ್ಷು‌ಮ್ |
ತೇ ಅ॑ಗ್ರೇ॒ಪಾ ಋ॑ಭವೋ ಮಂದಸಾ॒ನಾ ಅ॒ಸ್ಮೇ ಧ॑ತ್ತ॒ ಯೇ ಚ॑ ರಾ॒ತಿಂ ಗೃ॒ಣ‌ನ್ತಿ॑ || 4.34.10
ನಾಪಾ᳚ಭೂತ॒ ನ ವೋ᳚ಽತೀತೃಷಾ॒ಮಾನಿಃ॑ಶಸ್ತಾ ಋಭವೋ ಯ॒ಜ್ಞೇ ಅ॒ಸ್ಮಿನ್ |
ಸಮಿಂದ್ರೇ᳚ಣ॒ ಮದ॑ಥ॒ ಸಂ ಮ॒ರುದ್ಭಿಃ॒ ಸಂ ರಾಜ॑ಭೀ ರತ್ನ॒ಧೇಯಾ᳚ಯ ದೇವಾಃ || 4.34.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಋಭವೋ ದೇವತಾಃ, ತ್ರಿಷ್ಟುಪ್ ಛಂದಃ

ಇ॒ಹೋಪ॑ ಯಾತ ಶವಸೋ ನಪಾತಃ॒ ಸೌಧ᳚ನ್ವನಾ ಋಭವೋ॒ ಮಾಪ॑ ಭೂತ |
ಅ॒ಸ್ಮಿನ್ಹಿ ವಃ॒ ಸವ॑ನೇ ರತ್ನ॒ಧೇಯಂ॒ ಗಮ॒‌ನ್ತ್ವಿಂದ್ರ॒ಮನು॑ ವೋ॒ ಮದಾ᳚ಸಃ || 4.35.1
ಆಗ᳚ನ್ನೃಭೂ॒ಣಾಮಿ॒ಹ ರ॑ತ್ನ॒ಧೇಯ॒ಮಭೂ॒ತ್ಸೋಮ॑ಸ್ಯ॒ ಸುಷು॑ತಸ್ಯ ಪೀ॒ತಿಃ |
ಸು॒ಕೃ॒ತ್ಯಯಾ॒ ಯತ್ಸ್ವ॑ಪ॒ಸ್ಯಯಾ᳚ ಚಁ॒ ಏಕಂ᳚ ವಿಚ॒ಕ್ರ ಚ॑ಮ॒ಸಂ ಚ॑ತು॒ರ್ಧಾ || 4.35.2
ವ್ಯ॑ಕೃಣೋತ ಚಮ॒ಸಂ ಚ॑ತು॒ರ್ಧಾ ಸಖೇ॒ ವಿ ಶಿ॒ಕ್ಷೇತ್ಯ॑ಬ್ರವೀತ |
ಅಥೈ᳚ತ ವಾಜಾ ಅ॒ಮೃತ॑ಸ್ಯ॒ ಪ‌ನ್ಥಾಂ᳚ ಗ॒ಣಂ ದೇ॒ವಾನಾ᳚ಮೃಭವಃ ಸುಹಸ್ತಾಃ || 4.35.3
ಕಿ॒ಮ್ಮಯಃ॑ ಸ್ವಿಚ್ಚಮ॒ಸ ಏ॒ಷ ಆ᳚ಸ॒ ಯಂ ಕಾವ್ಯೇ᳚ನ ಚ॒ತುರೋ᳚ ವಿಚ॒ಕ್ರ |
ಅಥಾ᳚ ಸುನುಧ್ವಂ॒ ಸವ॑ನಂ॒ ಮದಾ᳚ಯ ಪಾ॒ತ ಋ॑ಭವೋ॒ ಮಧು॑ನಃ ಸೋ॒ಮ್ಯಸ್ಯ॑ || 4.35.4
ಶಚ್ಯಾ᳚ಕರ್ತ ಪಿ॒ತರಾ॒ ಯುವಾ᳚ನಾ॒ ಶಚ್ಯಾ᳚ಕರ್ತ ಚಮ॒ಸಂ ದೇ᳚ವ॒ಪಾನ‌ಮ್᳚ |
ಶಚ್ಯಾ॒ ಹರೀ॒ ಧನು॑ತರಾವತಷ್ಟೇಂದ್ರ॒ವಾಹಾ᳚ವೃಭವೋ ವಾಜರತ್ನಾಃ || 4.35.5
ಯೋ ವಃ॑ ಸು॒ನೋತ್ಯ॑ಭಿಪಿ॒ತ್ವೇ ಅಹ್ನಾಂ᳚ ತೀ॒ವ್ರಂ ವಾ᳚ಜಾಸಃ॒ ಸವ॑ನಂ॒ ಮದಾ᳚ಯ |
ತಸ್ಮೈ᳚ ರ॒ಯಿಮೃ॑ಭವಃ॒ ಸರ್ವ॑ವೀರ॒ಮಾ ತ॑ಕ್ಷತ ವೃಷಣೋ ಮಂದಸಾ॒ನಾಃ || 4.35.6
ಪ್ರಾ॒ತಃ ಸು॒ತಮ॑ಪಿಬೋ ಹರ್ಯಶ್ವ॒ ಮಾಧ್ಯಂ᳚ದಿನಂ॒ ಸವ॑ನಂ॒ ಕೇವ॑ಲಂ ತೇ |
ಸಮೃ॒ಭುಭಿಃ॑ ಪಿಬಸ್ವ ರತ್ನ॒ಧೇಭಿಃ॒ ಸಖೀಁ॒ರ್ಯಾಁ ಇಂ᳚ದ್ರ ಚಕೃ॒ಷೇ ಸು॑ಕೃ॒ತ್ಯಾ || 4.35.7
ಯೇ ದೇ॒ವಾಸೋ॒ ಅಭ॑ವತಾ ಸುಕೃ॒ತ್ಯಾ ಶ್ಯೇ॒ನಾ ಇ॒ವೇದಧಿ॑ ದಿ॒ವಿ ನಿ॑ಷೇ॒ದ |
ತೇ ರತ್ನಂ᳚ ಧಾತ ಶವಸೋ ನಪಾತಃ॒ ಸೌಧ᳚ನ್ವನಾ॒ ಅಭ॑ವತಾ॒ಮೃತಾ᳚ಸಃ || 4.35.8
ಯತ್ತೃ॒ತೀಯಂ॒ ಸವ॑ನಂ ರತ್ನ॒ಧೇಯ॒ಮಕೃ॑ಣುಧ್ವಂ ಸ್ವಪ॒ಸ್ಯಾ ಸು॑ಹಸ್ತಾಃ |
ತದೃ॑ಭವಃ॒ ಪರಿ॑ಷಿಕ್ತಂ ವ ಏ॒ತತ್ಸಂ ಮದೇ᳚ಭಿರಿಂದ್ರಿ॒ಯೇಭಿಃ॑ ಪಿಬಧ್ವ‌ಮ್ || 4.35.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಋಭವೋ ದೇವತಾಃ (1-8) ಪ್ರಥಮಾದ್ಯಶ್ಟರ್ಚಾಂ ಜಗತೀ (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅ॒ನ॒ಶ್ವೋ ಜಾ॒ತೋ ಅ॑ನಭೀ॒ಶುರು॒ಕ್ಥ್ಯೋ॒3॒॑ ರಥ॑ಸ್ತ್ರಿಚ॒ಕ್ರಃ ಪರಿ॑ ವರ್ತತೇ॒ ರಜಃ॑ |
ಮ॒ಹತ್ತದ್ವೋ᳚ ದೇ॒ವ್ಯ॑ಸ್ಯ ಪ್ರ॒ವಾಚ॑ನಂ॒ ದ್ಯಾಮೃ॑ಭವಃ ಪೃಥಿ॒ವೀಂ ಯಚ್ಚ॒ ಪುಷ್ಯ॑ಥ || 4.36.1
ರಥಂ॒ ಯೇ ಚ॒ಕ್ರುಃ ಸು॒ವೃತಂ᳚ ಸು॒ಚೇತ॒ಸೋಽವಿ॑ಹ್ವರ‌ನ್ತಂ॒ ಮನ॑ಸ॒ಸ್ಪರಿ॒ ಧ್ಯಯಾ᳚ |
ತಾಁ ಊ॒ ನ್ವ1॒॑ಸ್ಯ ಸವ॑ನಸ್ಯ ಪೀ॒ತಯ॒ ಆ ವೋ᳚ ವಾಜಾ ಋಭವೋ ವೇದಯಾಮಸಿ || 4.36.2
ತದ್ವೋ᳚ ವಾಜಾ ಋಭವಃ ಸುಪ್ರವಾಚ॒ನಂ ದೇ॒ವೇಷು॑ ವಿಭ್ವೋ ಅಭವನ್ಮಹಿತ್ವ॒ನ‌ಮ್ |
ಜಿವ್ರೀ॒ ಯತ್ಸ‌ನ್ತಾ᳚ ಪಿ॒ತರಾ᳚ ಸನಾ॒ಜುರಾ॒ ಪುನ॒ರ್ಯುವಾ᳚ನಾ ಚ॒ರಥಾ᳚ಯ॒ ತಕ್ಷ॑ಥ || 4.36.3
ಏಕಂ॒ ವಿ ಚ॑ಕ್ರ ಚಮ॒ಸಂ ಚತು᳚ರ್ವಯಂ॒ ನಿಶ್ಚರ್ಮ॑ಣೋ॒ ಗಾಮ॑ರಿಣೀತ ಧೀ॒ತಿಭಿಃ॑ |
ಅಥಾ᳚ ದೇ॒ವೇಷ್ವ॑ಮೃತ॒ತ್ವಮಾ᳚ನಶ ಶ್ರು॒ಷ್ಟೀ ವಾ᳚ಜಾ ಋಭವ॒ಸ್ತದ್ವ॑ ಉ॒ಕ್ಥ್ಯ‌ಮ್᳚ || 4.36.4
ಋ॒ಭು॒ತೋ ರ॒ಯಿಃ ಪ್ರ॑ಥ॒ಮಶ್ರ॑ವಸ್ತಮೋ॒ ವಾಜ॑ಶ್ರುತಾಸೋ॒ ಯಮಜೀ᳚ಜನ॒ನ್ನರಃ॑ |
ವಿ॒ಭ್ವ॒ತ॒ಷ್ಟೋ ವಿ॒ದಥೇ᳚ಷು ಪ್ರ॒ವಾಚ್ಯೋ॒ ಯಂ ದೇ᳚ವಾ॒ಸೋಽವ॑ಥಾ॒ ಸ ವಿಚ॑ರ್ಷಣಿಃ || 4.36.5
ಸ ವಾ॒ಜ್ಯರ್ವಾ॒ ಸ ಋಷಿ᳚ರ್ವಚ॒ಸ್ಯಯಾ॒ ಸ ಶೂರೋ॒ ಅಸ್ತಾ॒ ಪೃತ॑ನಾಸು ದು॒ಷ್ಟರಃ॑ |
ಸ ರಾ॒ಯಸ್ಪೋಷಂ॒ ಸ ಸು॒ವೀರ್ಯಂ᳚ ದಧೇ॒ ಯಂ ವಾಜೋ॒ ವಿಭ್ವಾಁ᳚ ಋ॒ಭವೋ॒ ಯಮಾವಿ॑ಷುಃ || 4.36.6
ಶ್ರೇಷ್ಠಂ᳚ ವಃ॒ ಪೇಶೋ॒ ಅಧಿ॑ ಧಾಯಿ ದರ್ಶ॒ತಂ ಸ್ತೋಮೋ᳚ ವಾಜಾ ಋಭವ॒ಸ್ತಂ ಜು॑ಜುಷ್ಟನ |
ಧೀರಾ᳚ಸೋ॒ ಹಿ ಷ್ಠಾ ಕ॒ವಯೋ᳚ ವಿಪ॒ಶ್ಚಿತ॒ಸ್ತಾನ್ವ॑ ಏ॒ನಾ ಬ್ರಹ್ಮ॒ಣಾ ವೇ᳚ದಯಾಮಸಿ || 4.36.7
ಯೂ॒ಯಮ॒ಸ್ಮಭ್ಯಂ᳚ ಧಿ॒ಷಣಾ᳚ಭ್ಯ॒ಸ್ಪರಿ॑ ವಿ॒ದ್ವಾಂಸೋ॒ ವಿಶ್ವಾ॒ ನರ್ಯಾ᳚ಣಿ॒ ಭೋಜ॑ನಾ |
ದ್ಯು॒ಮ‌ನ್ತಂ॒ ವಾಜಂ॒ ವೃಷ॑ಶುಷ್ಮಮುತ್ತ॒ಮಮಾ ನೋ᳚ ರ॒ಯಿಮೃ॑ಭವಸ್ತಕ್ಷ॒ತಾ ವಯಃ॑ || 4.36.8
ಇ॒ಹ ಪ್ರ॒ಜಾಮಿ॒ಹ ರ॒ಯಿಂ ರರಾ᳚ಣಾ ಇ॒ಹ ಶ್ರವೋ᳚ ವೀ॒ರವ॑ತ್ತಕ್ಷತಾ ನಃ |
ಯೇನ॑ ವ॒ಯಂ ಚಿ॒ತಯೇ॒ಮಾತ್ಯ॒ನ್ಯಾ‌ನ್ತಂ ವಾಜಂ᳚ ಚಿ॒ತ್ರಮೃ॑ಭವೋ ದದಾ ನಃ || 4.36.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಋಭವೋ ದೇವತಾಃ (1-4) ಪ್ರಥಮಾದಿಚತುರೃಚ ಆಂ ತ್ರಿಷ್ಟುಪ್ (5-8) ಪಂಚಮ್ಯಾದಿಚತಸೃಣಾಂಚಾನುಷ್ಟಪ್ ಛಂದಸೀ

ಉಪ॑ ನೋ ವಾಜಾ ಅಧ್ವ॒ರಮೃ॑ಭುಕ್ಷಾ॒ ದೇವಾ᳚ ಯಾ॒ತ ಪ॒ಥಿಭಿ॑ರ್ದೇವ॒ಯಾನೈಃ᳚ |
ಯಥಾ᳚ ಯ॒ಜ್ಞಂ ಮನು॑ಷೋ ವಿ॒ಕ್ಷ್ವಾ॒3॒॑ಸು ದ॑ಧಿ॒ಧ್ವೇ ರ᳚ಣ್ವಾಃ ಸು॒ದಿನೇ॒ಷ್ವಹ್ನಾ᳚‌ಮ್ || 4.37.1
ತೇ ವೋ᳚ ಹೃ॒ದೇ ಮನ॑ಸೇ ಸ‌ನ್ತು ಯ॒ಜ್ಞಾ ಜುಷ್ಟಾ᳚ಸೋ ಅ॒ದ್ಯ ಘೃ॒ತನಿ᳚ರ್ಣಿಜೋ ಗುಃ |
ಪ್ರ ವಃ॑ ಸು॒ತಾಸೋ᳚ ಹರಯ‌ನ್ತ ಪೂ॒ರ್ಣಾಃ ಕ್ರತ್ವೇ॒ ದಕ್ಷಾ᳚ಯ ಹರ್ಷಯ‌ನ್ತ ಪೀ॒ತಾಃ || 4.37.2
ತ್ರ್ಯು॒ದಾ॒ಯಂ ದೇ॒ವಹಿ॑ತಂ॒ ಯಥಾ᳚ ವಃ॒ ಸ್ತೋಮೋ᳚ ವಾಜಾ ಋಭುಕ್ಷಣೋ ದ॒ದೇ ವಃ॑ |
ಜು॒ಹ್ವೇ ಮ॑ನು॒ಷ್ವದುಪ॑ರಾಸು ವಿ॒ಕ್ಷು ಯು॒ಷ್ಮೇ ಸಚಾ᳚ ಬೃ॒ಹದ್ದಿ॑ವೇಷು॒ ಸೋಮ‌ಮ್᳚ || 4.37.3
ಪೀವೋ᳚ಅಶ್ವಾಃ ಶು॒ಚದ್ರ॑ಥಾ॒ ಹಿ ಭೂ॒ತಾಯಃ॑ಶಿಪ್ರಾ ವಾಜಿನಃ ಸುನಿ॒ಷ್ಕಾಃ |
ಇಂದ್ರ॑ಸ್ಯ ಸೂನೋ ಶವಸೋ ನಪಾ॒ತೋಽನು॑ ವಶ್ಚೇತ್ಯಗ್ರಿ॒ಯಂ ಮದಾ᳚ಯ || 4.37.4
ಋ॒ಭುಮೃ॑ಭುಕ್ಷಣೋ ರ॒ಯಿಂ ವಾಜೇ᳚ ವಾ॒ಜಿ‌ನ್ತ॑ಮಂ॒ ಯುಜ‌ಮ್᳚ |
ಇಂದ್ರ॑ಸ್ವ‌ನ್ತಂ ಹವಾಮಹೇ ಸದಾ॒ಸಾತ॑ಮಮ॒ಶ್ವಿನ‌ಮ್᳚ || 4.37.5
ಸೇದೃ॑ಭವೋ॒ ಯಮವ॑ಥ ಯೂ॒ಯಮಿಂದ್ರ॑ಶ್ಚ॒ ಮರ್ತ್ಯ‌ಮ್᳚ |
ಸ ಧೀ॒ಭಿರ॑ಸ್ತು॒ ಸನಿ॑ತಾ ಮೇ॒ಧಸಾ᳚ತಾ॒ ಸೋ ಅರ್ವ॑ತಾ || 4.37.6
ವಿ ನೋ᳚ ವಾಜಾ ಋಭುಕ್ಷಣಃ ಪ॒ಥಶ್ಚಿ॑ತನ॒ ಯಷ್ಟ॑ವೇ |
ಅ॒ಸ್ಮಭ್ಯಂ᳚ ಸೂರಯಃ ಸ್ತು॒ತಾ ವಿಶ್ವಾ॒ ಆಶಾ᳚ಸ್ತರೀ॒ಷಣಿ॑ || 4.37.7
ತಂ ನೋ᳚ ವಾಜಾ ಋಭುಕ್ಷಣ॒ ಇಂದ್ರ॒ ನಾಸ॑ತ್ಯಾ ರ॒ಯಿ‌ಮ್ |
ಸಮಶ್ವಂ᳚ ಚರ್ಷ॒ಣಿಭ್ಯ॒ ಆ ಪು॒ರು ಶ॑ಸ್ತ ಮ॒ಘತ್ತ॑ಯೇ || 4.37.8

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1) ಪ್ರಥಮ] ದ್ಯಾವಾಪೃಥಿವ್ಯೌ (2-10) ದ್ವಿತೀಯಾದಿನವಾನಾಂಚ ದಧಿಕ್ರಾ ದೇವತಾಃ, ತ್ರಿಷ್ಟುಪ್ ಛಂದಃ

ಉ॒ತೋ ಹಿ ವಾಂ᳚ ದಾ॒ತ್ರಾ ಸ‌ನ್ತಿ॒ ಪೂರ್ವಾ॒ ಯಾ ಪೂ॒ರುಭ್ಯ॑ಸ್ತ್ರ॒ಸದ॑ಸ್ಯುರ್ನಿತೋ॒ಶೇ |
ಕ್ಷೇ॒ತ್ರಾ॒ಸಾಂ ದ॑ದಥುರುರ್ವರಾ॒ಸಾಂ ಘ॒ನಂ ದಸ್ಯು॑ಭ್ಯೋ ಅ॒ಭಿಭೂ᳚ತಿಮು॒ಗ್ರ‌ಮ್ || 4.38.1
ಉ॒ತ ವಾ॒ಜಿನಂ᳚ ಪುರುನಿ॒ಷ್ಷಿಧ್ವಾ᳚ನಂ ದಧಿ॒ಕ್ರಾಮು॑ ದದಥುರ್ವಿ॒ಶ್ವಕೃ॑ಷ್ಟಿ‌ಮ್ |
ಋ॒ಜಿ॒ಪ್ಯಂ ಶ್ಯೇ॒ನಂ ಪ್ರು॑ಷಿ॒ತಪ್ಸು॑ಮಾ॒ಶುಂ ಚ॒ರ್ಕೃತ್ಯ॑ಮ॒ರ್ಯೋ ನೃ॒ಪತಿಂ॒ ನ ಶೂರ‌ಮ್᳚ || 4.38.2
ಯಂ ಸೀ॒ಮನು॑ ಪ್ರ॒ವತೇ᳚ವ॒ ದ್ರವ᳚‌ನ್ತಂ॒ ವಿಶ್ವಃ॑ ಪೂ॒ರುರ್ಮದ॑ತಿ॒ ಹರ್ಷ॑ಮಾಣಃ |
ಪ॒ಡ್ಭಿರ್ಗೃಧ್ಯ᳚‌ನ್ತಂ ಮೇಧ॒ಯುಂ ನ ಶೂರಂ᳚ ರಥ॒ತುರಂ॒ ವಾತ॑ಮಿವ॒ ಧ್ರಜ᳚‌ನ್ತ‌ಮ್ || 4.38.3
ಯಃ ಸ್ಮಾ᳚ರುಂಧಾ॒ನೋ ಗಧ್ಯಾ᳚ ಸ॒ಮತ್ಸು॒ ಸನು॑ತರ॒ಶ್ಚರ॑ತಿ॒ ಗೋಷು॒ ಗಚ್ಛನ್॑ |
ಆ॒ವಿರ್‌ಋ॑ಜೀಕೋ ವಿ॒ದಥಾ᳚ ನಿ॒ಚಿಕ್ಯ॑ತ್ತಿ॒ರೋ ಅ॑ರ॒ತಿಂ ಪರ್ಯಾಪ॑ ಆ॒ಯೋಃ || 4.38.4
ಉ॒ತ ಸ್ಮೈ᳚ನಂ ವಸ್ತ್ರ॒ಮಥಿಂ॒ ನ ತಾ॒ಯುಮನು॑ ಕ್ರೋಶ‌ನ್ತಿ ಕ್ಷಿ॒ತಯೋ॒ ಭರೇ᳚ಷು |
ನೀ॒ಚಾಯ॑ಮಾನಂ॒ ಜಸು॑ರಿಂ॒ ನ ಶ್ಯೇ॒ನಂ ಶ್ರವ॒ಶ್ಚಾಚ್ಛಾ᳚ ಪಶು॒ಮಚ್ಚ॑ ಯೂ॒ಥ‌ಮ್ || 4.38.5
ಉ॒ತ ಸ್ಮಾ᳚ಸು ಪ್ರಥ॒ಮಃ ಸ॑ರಿ॒ಷ್ಯನ್ನಿ ವೇ᳚ವೇತಿ॒ ಶ್ರೇಣಿ॑ಭೀ॒ ರಥಾ᳚ನಾ‌ಮ್ |
ಸ್ರಜಂ᳚ ಕೃಣ್ವಾ॒ನೋ ಜನ್ಯೋ॒ ನ ಶುಭ್ವಾ᳚ ರೇ॒ಣುಂ ರೇರಿ॑ಹತ್ಕಿ॒ರಣಂ᳚ ದದ॒ಶ್ವಾನ್ || 4.38.6
ಉ॒ತ ಸ್ಯ ವಾ॒ಜೀ ಸಹು॑ರಿರ್‌ಋ॒ತಾವಾ॒ ಶುಶ್ರೂ᳚ಷಮಾಣಸ್ತ॒ನ್ವಾ᳚ ಸಮ॒ರ್ಯೇ |
ತುರಂ᳚ ಯ॒ತೀಷು॑ ತು॒ರಯ᳚ನ್ನೃಜಿ॒ಪ್ಯೋಽಧಿ॑ ಭ್ರು॒ವೋಃ ಕಿ॑ರತೇ ರೇ॒ಣುಮೃಂ॒ಜನ್ || 4.38.7
ಉ॒ತ ಸ್ಮಾ᳚ಸ್ಯ ತನ್ಯ॒ತೋರಿ॑ವ॒ ದ್ಯೋರ್‌ಋ॑ಘಾಯ॒ತೋ ಅ॑ಭಿ॒ಯುಜೋ᳚ ಭಯ‌ನ್ತೇ |
ಯ॒ದಾ ಸ॒ಹಸ್ರ॑ಮ॒ಭಿ ಷೀ॒ಮಯೋ᳚ಧೀದ್ದು॒ರ್ವರ್ತುಃ॑ ಸ್ಮಾ ಭವತಿ ಭೀ॒ಮ ಋಂ॒ಜನ್ || 4.38.8
ಉ॒ತ ಸ್ಮಾ᳚ಸ್ಯ ಪನಯ‌ನ್ತಿ॒ ಜನಾ᳚ ಜೂ॒ತಿಂ ಕೃ॑ಷ್ಟಿ॒ಪ್ರೋ ಅ॒ಭಿಭೂ᳚ತಿಮಾ॒ಶೋಃ |
ಉ॒ತೈನ॑ಮಾಹುಃ ಸಮಿ॒ಥೇ ವಿ॒ಯ‌ನ್ತಃ॒ ಪರಾ᳚ ದಧಿ॒ಕ್ರಾ ಅ॑ಸರತ್ಸ॒ಹಸ್ರೈಃ᳚ || 4.38.9
ಆ ದ॑ಧಿ॒ಕ್ರಾಃ ಶವ॑ಸಾ॒ ಪಂಚ॑ ಕೃ॒ಷ್ಟೀಃ ಸೂರ್ಯ॑ ಇವ॒ ಜ್ಯೋತಿ॑ಷಾ॒ಪಸ್ತ॑ತಾನ |
ಸ॒ಹ॒ಸ್ರ॒ಸಾಃ ಶ॑ತ॒ಸಾ ವಾ॒ಜ್ಯರ್ವಾ᳚ ಪೃ॒ಣಕ್ತು॒ ಮಧ್ವಾ॒ ಸಮಿ॒ಮಾ ವಚಾಂ᳚ಸಿ || 4.38.10

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ದಧಿಕ್ರಾ ದೇವತಾ (1-5) ಪ್ರಥಮಾದಿಪಂಚಕ್ರಂ ತ್ರಿಷ್ಟುಪ್ (6) ಷಷ್ಠ್ಯಾಶ್ಚಾನುಷ್ಟಪು, ಛಂದಸೀ

ಆ॒ಶುಂ ದ॑ಧಿ॒ಕ್ರಾಂ ತಮು॒ ನು ಷ್ಟ॑ವಾಮ ದಿ॒ವಸ್ಪೃ॑ಥಿ॒ವ್ಯಾ ಉ॒ತ ಚ॑ರ್ಕಿರಾಮ |
ಉ॒ಚ್ಛ‌ನ್ತೀ॒ರ್ಮಾಮು॒ಷಸಃ॑ ಸೂದಯ॒‌ನ್ತ್ವತಿ॒ ವಿಶ್ವಾ᳚ನಿ ದುರಿ॒ತಾನಿ॑ ಪರ್ಷನ್ || 4.39.1
ಮ॒ಹಶ್ಚ॑ರ್ಕ॒ರ್ಮ್ಯರ್ವ॑ತಃ ಕ್ರತು॒ಪ್ರಾ ದ॑ಧಿ॒ಕ್ರಾವ್ಣಃ॑ ಪುರು॒ವಾರ॑ಸ್ಯ॒ ವೃಷ್ಣಃ॑ |
ಯಂ ಪೂ॒ರುಭ್ಯೋ᳚ ದೀದಿ॒ವಾಂಸಂ॒ ನಾಗ್ನಿಂ ದ॒ದಥು᳚ರ್ಮಿತ್ರಾವರುಣಾ॒ ತತು॑ರಿ‌ಮ್ || 4.39.2
ಯೋ ಅಶ್ವ॑ಸ್ಯ ದಧಿ॒ಕ್ರಾವ್ಣೋ॒ ಅಕಾ᳚ರೀ॒ತ್ಸಮಿ॑ದ್ಧೇ ಅ॒ಗ್ನಾ ಉ॒ಷಸೋ॒ ವ್ಯು॑ಷ್ಟೌ |
ಅನಾ᳚ಗಸಂ॒ ತಮದಿ॑ತಿಃ ಕೃಣೋತು॒ ಸ ಮಿ॒ತ್ರೇಣ॒ ವರು॑ಣೇನಾ ಸ॒ಜೋಷಾಃ᳚ || 4.39.3
ದ॒ಧಿ॒ಕ್ರಾವ್ಣ॑ ಇ॒ಷ ಊ॒ರ್ಜೋ ಮ॒ಹೋ ಯದಮ᳚ನ್ಮಹಿ ಮ॒ರುತಾಂ॒ ನಾಮ॑ ಭ॒ದ್ರ‌ಮ್ |
ಸ್ವ॒ಸ್ತಯೇ॒ ವರು॑ಣಂ ಮಿ॒ತ್ರಮ॒ಗ್ನಿಂ ಹವಾ᳚ಮಹ॒ ಇಂದ್ರಂ॒ ವಜ್ರ॑ಬಾಹು‌ಮ್ || 4.39.4
ಇಂದ್ರ॑ಮಿ॒ವೇದು॒ಭಯೇ॒ ವಿ ಹ್ವ॑ಯ‌ನ್ತ ಉ॒ದೀರಾ᳚ಣಾ ಯ॒ಜ್ಞಮು॑ಪಪ್ರ॒ಯ‌ನ್ತಃ॑ |
ದ॒ಧಿ॒ಕ್ರಾಮು॒ ಸೂದ॑ನಂ॒ ಮರ್ತ್ಯಾ᳚ಯ ದ॒ದಥು᳚ರ್ಮಿತ್ರಾವರುಣಾ ನೋ॒ ಅಶ್ವ‌ಮ್᳚ || 4.39.5
ದ॒ಧಿ॒ಕ್ರಾವ್ಣೋ᳚ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನಃ॑ |
ಸು॒ರ॒ಭಿ ನೋ॒ ಮುಖಾ᳚ ಕರ॒ತ್ಪ್ರ ಣ॒ ಆಯೂಂ᳚ಷಿ ತಾರಿಷತ್ || 4.39.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-4) ಪ್ರಥಮಾದಿಚತುರೃಚ, ದಧಿಕ್ರಾಃ (5) ಪಂಚಮ್ಯಾಶ್ಚ ಸೂರ್ಯೋ ದೇವತೇ (1) ಪ್ರಥಮರ್ಚಸ್ತ್ರಿಷ್ಟುಪ್ (2-5) ದ್ವಿತೀಯಾದಿಚತಸೃಣಾಂಚ ಜಗತೀ ಛಂದಸೀ

ದ॒ಧಿ॒ಕ್ರಾವ್ಣ॒ ಇದು॒ ನು ಚ॑ರ್ಕಿರಾಮ॒ ವಿಶ್ವಾ॒ ಇನ್ಮಾಮು॒ಷಸಃ॑ ಸೂದಯ‌ನ್ತು |
ಅ॒ಪಾಮ॒ಗ್ನೇರು॒ಷಸಃ॒ ಸೂರ್ಯ॑ಸ್ಯ॒ ಬೃಹ॒ಸ್ಪತೇ᳚ರಾಂಗಿರ॒ಸಸ್ಯ॑ ಜಿ॒ಷ್ಣೋಃ || 4.40.1
ಸತ್ವಾ᳚ ಭರಿ॒ಷೋ ಗ॑ವಿ॒ಷೋ ದು॑ವನ್ಯ॒ಸಚ್ಛ್ರ॑ವ॒ಸ್ಯಾದಿ॒ಷ ಉ॒ಷಸ॑ಸ್ತುರಣ್ಯ॒ಸತ್ |
ಸ॒ತ್ಯೋ ದ್ರ॒ವೋ ದ್ರ॑ವ॒ರಃ ಪ॑ತಂಗ॒ರೋ ದ॑ಧಿ॒ಕ್ರಾವೇಷ॒ಮೂರ್ಜಂ॒ ಸ್ವ॑ರ್ಜನತ್ || 4.40.2
ಉ॒ತ ಸ್ಮಾ᳚ಸ್ಯ॒ ದ್ರವ॑ತಸ್ತುರಣ್ಯ॒ತಃ ಪ॒ರ್ಣಂ ನ ವೇರನು॑ ವಾತಿ ಪ್ರಗ॒ರ್ಧಿನಃ॑ |
ಶ್ಯೇ॒ನಸ್ಯೇ᳚ವ॒ ಧ್ರಜ॑ತೋ ಅಂಕ॒ಸಂ ಪರಿ॑ ದಧಿ॒ಕ್ರಾವ್ಣಃ॑ ಸ॒ಹೋರ್ಜಾ ತರಿ॑ತ್ರತಃ || 4.40.3
ಉ॒ತ ಸ್ಯ ವಾ॒ಜೀ ಕ್ಷಿ॑ಪ॒ಣಿಂ ತು॑ರಣ್ಯತಿ ಗ್ರೀ॒ವಾಯಾಂ᳚ ಬ॒ದ್ಧೋ ಅ॑ಪಿಕ॒ಕ್ಷ ಆ॒ಸನಿ॑ |
ಕ್ರತುಂ᳚ ದಧಿ॒ಕ್ರಾ ಅನು॑ ಸಂ॒ತವೀ᳚ತ್ವತ್ಪ॒ಥಾಮಂಕಾಂ॒ಸ್ಯನ್ವಾ॒ಪನೀ᳚ಫಣತ್ || 4.40.4
ಹಂ॒ಸಃ ಶು॑ಚಿ॒ಷದ್ವಸು॑ರ‌ನ್ತರಿಕ್ಷ॒ಸದ್ಧೋತಾ᳚ ವೇದಿ॒ಷದತಿ॑ಥಿರ್ದುರೋಣ॒ಸತ್ |
ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ᳚ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತ‌ಮ್ || 4.40.5

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರಾವರುಣೋ ದೇವತೇ, ತ್ರಿಷ್ಟುಪ್ ಛಂದಃ

ಇಂದ್ರಾ॒ ಕೋ ವಾಂ᳚ ವರುಣಾ ಸು॒ಮ್ನಮಾ᳚ಪ॒ ಸ್ತೋಮೋ᳚ ಹ॒ವಿಷ್ಮಾಁ᳚ ಅ॒ಮೃತೋ॒ ನ ಹೋತಾ᳚ |
ಯೋ ವಾಂ᳚ ಹೃ॒ದಿ ಕ್ರತು॑ಮಾಁ ಅ॒ಸ್ಮದು॒ಕ್ತಃ ಪ॒ಸ್ಪರ್ಶ॑ದಿಂದ್ರಾವರುಣಾ॒ ನಮ॑ಸ್ವಾನ್ || 4.41.1
ಇಂದ್ರಾ᳚ ಹ॒ ಯೋ ವರು॑ಣಾ ಚ॒ಕ್ರ ಆ॒ಪೀ ದೇ॒ವೌ ಮರ್ತಃ॑ ಸ॒ಖ್ಯಾಯ॒ ಪ್ರಯ॑ಸ್ವಾನ್ |
ಸ ಹ᳚‌ನ್ತಿ ವೃ॒ತ್ರಾ ಸ॑ಮಿ॒ಥೇಷು॒ ಶತ್ರೂ॒ನವೋ᳚ಭಿರ್ವಾ ಮ॒ಹದ್ಭಿಃ॒ ಸ ಪ್ರ ಶೃ᳚ಣ್ವೇ || 4.41.2
ಇಂದ್ರಾ᳚ ಹ॒ ರತ್ನಂ॒ ವರು॑ಣಾ॒ ಧೇಷ್ಠೇ॒ತ್ಥಾ ನೃಭ್ಯಃ॑ ಶಶಮಾ॒ನೇಭ್ಯ॒ಸ್ತಾ |
ಯದೀ॒ ಸಖಾ᳚ಯಾ ಸ॒ಖ್ಯಾಯ॒ ಸೋಮೈಃ᳚ ಸು॒ತೇಭಿಃ॑ ಸುಪ್ರ॒ಯಸಾ᳚ ಮಾ॒ದಯೈ᳚ತೇ || 4.41.3
ಇಂದ್ರಾ᳚ ಯು॒ವಂ ವ॑ರುಣಾ ದಿ॒ದ್ಯುಮ॑ಸ್ಮಿ॒ನ್ನೋಜಿ॑ಷ್ಠಮುಗ್ರಾ॒ ನಿ ವ॑ಧಿಷ್ಟಂ॒ ವಜ್ರ‌ಮ್᳚ |
ಯೋ ನೋ᳚ ದು॒ರೇವೋ᳚ ವೃ॒ಕತಿ॑ರ್ದ॒ಭೀತಿ॒ಸ್ತಸ್ಮಿ᳚ನ್ಮಿಮಾಥಾಮ॒ಭಿಭೂ॒ತ್ಯೋಜಃ॑ || 4.41.4
ಇಂದ್ರಾ᳚ ಯು॒ವಂ ವ॑ರುಣಾ ಭೂ॒ತಮ॒ಸ್ಯಾ ಧಿ॒ಯಃ ಪ್ರೇ॒ತಾರಾ᳚ ವೃಷ॒ಭೇವ॑ ಧೇ॒ನೋಃ |
ಸಾ ನೋ᳚ ದುಹೀಯ॒ದ್ಯವ॑ಸೇವ ಗ॒ತ್ವೀ ಸ॒ಹಸ್ರ॑ಧಾರಾ॒ ಪಯ॑ಸಾ ಮ॒ಹೀ ಗೌಃ || 4.41.5
ತೋ॒ಕೇ ಹಿ॒ತೇ ತನ॑ಯ ಉ॒ರ್ವರಾ᳚ಸು॒ ಸೂರೋ॒ ದೃಶೀ᳚ಕೇ॒ ವೃಷ॑ಣಶ್ಚ॒ ಪೌಂಸ್ಯೇ᳚ |
ಇಂದ್ರಾ᳚ ನೋ॒ ಅತ್ರ॒ ವರು॑ಣಾ ಸ್ಯಾತಾ॒ಮವೋ᳚ಭಿರ್ದ॒ಸ್ಮಾ ಪರಿ॑ತಕ್ಮ್ಯಾಯಾ‌ಮ್ || 4.41.6
ಯು॒ವಾಮಿದ್ಧ್ಯವ॑ಸೇ ಪೂ॒ರ್ವ್ಯಾಯ॒ ಪರಿ॒ ಪ್ರಭೂ᳚ತೀ ಗ॒ವಿಷಃ॑ ಸ್ವಾಪೀ |
ವೃ॒ಣೀ॒ಮಹೇ᳚ ಸ॒ಖ್ಯಾಯ॑ ಪ್ರಿ॒ಯಾಯ॒ ಶೂರಾ॒ ಮಂಹಿ॑ಷ್ಠಾ ಪಿ॒ತರೇ᳚ವ ಶಂ॒ಭೂ || 4.41.7
ತಾ ವಾಂ॒ ಧಿಯೋಽವ॑ಸೇ ವಾಜ॒ಯ‌ನ್ತೀ᳚ರಾ॒ಜಿಂ ನ ಜ॑ಗ್ಮುರ್ಯುವ॒ಯೂಃ ಸು॑ದಾನೂ |
ಶ್ರಿ॒ಯೇ ನ ಗಾವ॒ ಉಪ॒ ಸೋಮ॑ಮಸ್ಥು॒ರಿಂದ್ರಂ॒ ಗಿರೋ॒ ವರು॑ಣಂ ಮೇ ಮನೀ॒ಷಾಃ || 4.41.8
ಇ॒ಮಾ ಇಂದ್ರಂ॒ ವರು॑ಣಂ ಮೇ ಮನೀ॒ಷಾ ಅಗ್ಮ॒ನ್ನುಪ॒ ದ್ರವಿ॑ಣಮಿ॒ಚ್ಛಮಾ᳚ನಾಃ |
ಉಪೇ᳚ಮಸ್ಥುರ್ಜೋ॒ಷ್ಟಾರ॑ ಇವ॒ ವಸ್ವೋ᳚ ರ॒ಘ್ವೀರಿ॑ವ॒ ಶ್ರವ॑ಸೋ॒ ಭಿಕ್ಷ॑ಮಾಣಾಃ || 4.41.9
ಅಶ್ವ್ಯ॑ಸ್ಯ॒ ತ್ಮನಾ॒ ರಥ್ಯ॑ಸ್ಯ ಪು॒ಷ್ಟೇರ್ನಿತ್ಯ॑ಸ್ಯ ರಾ॒ಯಃ ಪತ॑ಯಃ ಸ್ಯಾಮ |
ತಾ ಚ॑ಕ್ರಾ॒ಣಾ ಊ॒ತಿಭಿ॒ರ್ನವ್ಯ॑ಸೀಭಿರಸ್ಮ॒ತ್ರಾ ರಾಯೋ᳚ ನಿ॒ಯುತಃ॑ ಸಚ‌ನ್ತಾ‌ಮ್ || 4.41.10
ಆ ನೋ᳚ ಬೃಹ‌ನ್ತಾ ಬೃಹ॒ತೀಭಿ॑ರೂ॒ತೀ ಇಂದ್ರ॑ ಯಾ॒ತಂ ವ॑ರುಣ॒ ವಾಜ॑ಸಾತೌ |
ಯದ್ದಿ॒ದ್ಯವಃ॒ ಪೃತ॑ನಾಸು ಪ್ರ॒ಕ್ರೀಳಾ॒‌ನ್ತಸ್ಯ॑ ವಾಂ ಸ್ಯಾಮ ಸನಿ॒ತಾರ॑ ಆ॒ಜೇಃ || 4.41.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಪೌರುಕುತ್ಸ್ಯಸ್ತ್ರಸದಸ್ಯುಋಷಿಃ (1-6) ಪ್ರಥಮಾದಿಷಡಚಾಮಾತ್ಮಾ (7-10) ಸಪ್ತಮ್ಯಾದಿಚತಸೃಣಾಂಚೇಂದ್ರಾವರುಣೌ ದೇವತಾಃ, ತ್ರಿಷ್ಟುಪ್ ಛಂದಃ

ಮಮ॑ ದ್ವಿ॒ತಾ ರಾ॒ಷ್ಟ್ರಂ ಕ್ಷ॒ತ್ರಿಯ॑ಸ್ಯ ವಿ॒ಶ್ವಾಯೋ॒ರ್ವಿಶ್ವೇ᳚ ಅ॒ಮೃತಾ॒ ಯಥಾ᳚ ನಃ |
ಕ್ರತುಂ᳚ ಸಚ‌ನ್ತೇ॒ ವರು॑ಣಸ್ಯ ದೇ॒ವಾ ರಾಜಾ᳚ಮಿ ಕೃ॒ಷ್ಟೇರು॑ಪ॒ಮಸ್ಯ॑ ವ॒ವ್ರೇಃ || 4.42.1
ಅ॒ಹಂ ರಾಜಾ॒ ವರು॑ಣೋ॒ ಮಹ್ಯಂ॒ ತಾನ್ಯ॑ಸು॒ರ್ಯಾ᳚ಣಿ ಪ್ರಥ॒ಮಾ ಧಾ᳚ರಯ‌ನ್ತ |
ಕ್ರತುಂ᳚ ಸಚ‌ನ್ತೇ॒ ವರು॑ಣಸ್ಯ ದೇ॒ವಾ ರಾಜಾ᳚ಮಿ ಕೃ॒ಷ್ಟೇರು॑ಪ॒ಮಸ್ಯ॑ ವ॒ವ್ರೇಃ || 4.42.2
ಅ॒ಹಮಿಂದ್ರೋ॒ ವರು॑ಣ॒ಸ್ತೇ ಮ॑ಹಿ॒ತ್ವೋರ್ವೀ ಗ॑ಭೀ॒ರೇ ರಜ॑ಸೀ ಸು॒ಮೇಕೇ᳚ |
ತ್ವಷ್ಟೇ᳚ವ॒ ವಿಶ್ವಾ॒ ಭುವ॑ನಾನಿ ವಿ॒ದ್ವಾ‌‌ನ್ತ್ಸಮೈ᳚ರಯಂ॒ ರೋದ॑ಸೀ ಧಾ॒ರಯಂ᳚ ಚ || 4.42.3
ಅ॒ಹಮ॒ಪೋ ಅ॑ಪಿನ್ವಮು॒ಕ್ಷಮಾ᳚ಣಾ ಧಾ॒ರಯಂ॒ ದಿವಂ॒ ಸದ॑ನ ಋ॒ತಸ್ಯ॑ |
ಋ॒ತೇನ॑ ಪು॒ತ್ರೋ ಅದಿ॑ತೇರ್‌ಋ॒ತಾವೋ॒ತ ತ್ರಿ॒ಧಾತು॑ ಪ್ರಥಯ॒ದ್ವಿ ಭೂಮ॑ || 4.42.4
ಮಾಂ ನರಃ॒ ಸ್ವಶ್ವಾ᳚ ವಾ॒ಜಯ᳚‌ನ್ತೋ॒ ಮಾಂ ವೃ॒ತಾಃ ಸ॒ಮರ॑ಣೇ ಹವ‌ನ್ತೇ |
ಕೃ॒ಣೋಮ್ಯಾ॒ಜಿಂ ಮ॒ಘವಾ॒ಹಮಿಂದ್ರ॒ ಇಯ᳚ರ್ಮಿ ರೇ॒ಣುಮ॒ಭಿಭೂ᳚ತ್ಯೋಜಾಃ || 4.42.5
ಅ॒ಹಂ ತಾ ವಿಶ್ವಾ᳚ ಚಕರಂ॒ ನಕಿ᳚ರ್ಮಾ॒ ದೈವ್ಯಂ॒ ಸಹೋ᳚ ವರತೇ॒ ಅಪ್ರ॑ತೀತ‌ಮ್ |
ಯನ್ಮಾ॒ ಸೋಮಾ᳚ಸೋ ಮ॒ಮದ॒ನ್ಯದು॒ಕ್ಥೋಭೇ ಭ॑ಯೇತೇ॒ ರಜ॑ಸೀ ಅಪಾ॒ರೇ || 4.42.6
ವಿ॒ದುಷ್ಟೇ॒ ವಿಶ್ವಾ॒ ಭುವ॑ನಾನಿ॒ ತಸ್ಯ॒ ತಾ ಪ್ರ ಬ್ರ॑ವೀಷಿ॒ ವರು॑ಣಾಯ ವೇಧಃ |
ತ್ವಂ ವೃ॒ತ್ರಾಣಿ॑ ಶೃಣ್ವಿಷೇ ಜಘ॒ನ್ವಾ‌ನ್ತ್ವಂ ವೃ॒ತಾಁ ಅ॑ರಿಣಾ ಇಂದ್ರ॒ ಸಿಂಧೂನ್॑ || 4.42.7
ಅ॒ಸ್ಮಾಕ॒ಮತ್ರ॑ ಪಿ॒ತರ॒ಸ್ತ ಆ᳚ಸ‌‌ನ್ತ್ಸ॒ಪ್ತ ಋಷ॑ಯೋ ದೌರ್ಗ॒ಹೇ ಬ॒ಧ್ಯಮಾ᳚ನೇ |
ತ ಆಯ॑ಜ‌ನ್ತ ತ್ರ॒ಸದ॑ಸ್ಯುಮಸ್ಯಾ॒ ಇಂದ್ರಂ॒ ನ ವೃ॑ತ್ರ॒ತುರ॑ಮರ್ಧದೇ॒ವ‌ಮ್ || 4.42.8
ಪು॒ರು॒ಕುತ್ಸಾ᳚ನೀ॒ ಹಿ ವಾ॒ಮದಾ᳚ಶದ್ಧ॒ವ್ಯೇಭಿ॑ರಿಂದ್ರಾವರುಣಾ॒ ನಮೋ᳚ಭಿಃ |
ಅಥಾ॒ ರಾಜಾ᳚ನಂ ತ್ರ॒ಸದ॑ಸ್ಯುಮಸ್ಯಾ ವೃತ್ರ॒ಹಣಂ᳚ ದದಥುರರ್ಧದೇ॒ವ‌ಮ್ || 4.42.9
ರಾ॒ಯಾ ವ॒ಯಂ ಸ॑ಸ॒ವಾಂಸೋ᳚ ಮದೇಮ ಹ॒ವ್ಯೇನ॑ ದೇ॒ವಾ ಯವ॑ಸೇನ॒ ಗಾವಃ॑ |
ತಾಂ ಧೇ॒ನುಮಿಂ᳚ದ್ರಾವರುಣಾ ಯು॒ವಂ ನೋ᳚ ವಿ॒ಶ್ವಾಹಾ᳚ ಧತ್ತ॒ಮನ॑ಪಸ್ಫುರ‌ನ್ತೀ‌ಮ್ || 4.42.10

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಸೌಹೋತ್ರೌ ಪುರುಮೀ ಹಾಜಮೀ ಹಾವೃಷೀ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಕ ಉ॑ ಶ್ರವತ್ಕತ॒ಮೋ ಯ॒ಜ್ಞಿಯಾ᳚ನಾಂ ವಂ॒ದಾರು॑ ದೇ॒ವಃ ಕ॑ತ॒ಮೋ ಜು॑ಷಾತೇ |
ಕಸ್ಯೇ॒ಮಾಂ ದೇ॒ವೀಮ॒ಮೃತೇ᳚ಷು॒ ಪ್ರೇಷ್ಠಾಂ᳚ ಹೃ॒ದಿ ಶ್ರೇ᳚ಷಾಮ ಸುಷ್ಟು॒ತಿಂ ಸು॑ಹ॒ವ್ಯಾ‌ಮ್ || 4.43.1
ಕೋ ಮೃ॑ಳಾತಿ ಕತ॒ಮ ಆಗ॑ಮಿಷ್ಠೋ ದೇ॒ವಾನಾ᳚ಮು ಕತ॒ಮಃ ಶಂಭ॑ವಿಷ್ಠಃ |
ರಥಂ॒ ಕಮಾ᳚ಹುರ್ದ್ರ॒ವದ॑ಶ್ವಮಾ॒ಶುಂ ಯಂ ಸೂರ್ಯ॑ಸ್ಯ ದುಹಿ॒ತಾವೃ॑ಣೀತ || 4.43.2
ಮ॒ಕ್ಷೂ ಹಿ ಷ್ಮಾ॒ ಗಚ್ಛ॑ಥ॒ ಈವ॑ತೋ॒ ದ್ಯೂನಿಂದ್ರೋ॒ ನ ಶ॒ಕ್ತಿಂ ಪರಿ॑ತಕ್ಮ್ಯಾಯಾ‌ಮ್ |
ದಿ॒ವ ಆಜಾ᳚ತಾ ದಿ॒ವ್ಯಾ ಸು॑ಪ॒ರ್ಣಾ ಕಯಾ॒ ಶಚೀ᳚ನಾಂ ಭವಥಃ॒ ಶಚಿ॑ಷ್ಠಾ || 4.43.3
ಕಾ ವಾಂ᳚ ಭೂ॒ದುಪ॑ಮಾತಿಃ॒ ಕಯಾ᳚ ನ॒ ಆಶ್ವಿ॑ನಾ ಗಮಥೋ ಹೂ॒ಯಮಾ᳚ನಾ |
ಕೋ ವಾಂ᳚ ಮ॒ಹಶ್ಚಿ॒ತ್ತ್ಯಜ॑ಸೋ ಅ॒ಭೀಕ॑ ಉರು॒ಷ್ಯತಂ᳚ ಮಾಧ್ವೀ ದಸ್ರಾ ನ ಊ॒ತೀ || 4.43.4
ಉ॒ರು ವಾಂ॒ ರಥಃ॒ ಪರಿ॑ ನಕ್ಷತಿ॒ ದ್ಯಾಮಾ ಯತ್ಸ॑ಮು॒ದ್ರಾದ॒ಭಿ ವರ್ತ॑ತೇ ವಾ‌ಮ್ |
ಮಧ್ವಾ᳚ ಮಾಧ್ವೀ॒ ಮಧು॑ ವಾಂ ಪ್ರುಷಾಯ॒ನ್ಯತ್ಸೀಂ᳚ ವಾಂ॒ ಪೃಕ್ಷೋ᳚ ಭು॒ರಜ᳚‌ನ್ತ ಪ॒ಕ್ವಾಃ || 4.43.5
ಸಿಂಧು॑ರ್ಹ ವಾಂ ರ॒ಸಯಾ᳚ ಸಿಂಚ॒ದಶ್ವಾ᳚ನ್ಘೃ॒ಣಾ ವಯೋ᳚ಽರು॒ಷಾಸಃ॒ ಪರಿ॑ ಗ್ಮನ್ |
ತದೂ॒ ಷು ವಾ᳚ಮಜಿ॒ರಂ ಚೇ᳚ತಿ॒ ಯಾನಂ॒ ಯೇನ॒ ಪತೀ॒ ಭವ॑ಥಃ ಸೂ॒ರ್ಯಾಯಾಃ᳚ || 4.43.6
ಇ॒ಹೇಹ॒ ಯದ್ವಾಂ᳚ ಸಮ॒ನಾ ಪ॑ಪೃ॒ಕ್ಷೇ ಸೇಯಮ॒ಸ್ಮೇ ಸು॑ಮ॒ತಿರ್ವಾ᳚ಜರತ್ನಾ |
ಉ॒ರು॒ಷ್ಯತಂ᳚ ಜರಿ॒ತಾರಂ᳚ ಯು॒ವಂ ಹ॑ ಶ್ರಿ॒ತಃ ಕಾಮೋ᳚ ನಾಸತ್ಯಾ ಯುವ॒ದ್ರಿಕ್ || 4.43.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಸೌಹೋತ್ರೌ ಪುರುಮೀ ಹಾಜಮೀ ಹಾವೃಷೀ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ತಂ ವಾಂ॒ ರಥಂ᳚ ವ॒ಯಮ॒ದ್ಯಾ ಹು॑ವೇಮ ಪೃಥು॒ಜ್ರಯ॑ಮಶ್ವಿನಾ॒ ಸಂಗ॑ತಿಂ॒ ಗೋಃ |
ಯಃ ಸೂ॒ರ್ಯಾಂ ವಹ॑ತಿ ವಂಧುರಾ॒ಯುರ್ಗಿರ್ವಾ᳚ಹಸಂ ಪುರು॒ತಮಂ᳚ ವಸೂ॒ಯು‌ಮ್ || 4.44.1
ಯು॒ವಂ ಶ್ರಿಯ॑ಮಶ್ವಿನಾ ದೇ॒ವತಾ॒ ತಾಂ ದಿವೋ᳚ ನಪಾತಾ ವನಥಃ॒ ಶಚೀ᳚ಭಿಃ |
ಯು॒ವೋರ್ವಪು॑ರ॒ಭಿ ಪೃಕ್ಷಃ॑ ಸಚ‌ನ್ತೇ॒ ವಹ᳚‌ನ್ತಿ॒ ಯತ್ಕ॑ಕು॒ಹಾಸೋ॒ ರಥೇ᳚ ವಾ‌ಮ್ || 4.44.2
ಕೋ ವಾ᳚ಮ॒ದ್ಯಾ ಕ॑ರತೇ ರಾ॒ತಹ᳚ವ್ಯ ಊ॒ತಯೇ᳚ ವಾ ಸುತ॒ಪೇಯಾ᳚ಯ ವಾ॒ರ್ಕೈಃ |
ಋ॒ತಸ್ಯ॑ ವಾ ವ॒ನುಷೇ᳚ ಪೂ॒ರ್ವ್ಯಾಯ॒ ನಮೋ᳚ ಯೇಮಾ॒ನೋ ಅ॑ಶ್ವಿ॒ನಾ ವ॑ವರ್ತತ್ || 4.44.3
ಹಿ॒ರ॒ಣ್ಯಯೇ᳚ನ ಪುರುಭೂ॒ ರಥೇ᳚ನೇ॒ಮಂ ಯ॒ಜ್ಞಂ ನಾ᳚ಸ॒ತ್ಯೋಪ॑ ಯಾತ‌ಮ್ |
ಪಿಬಾ᳚ಥ॒ ಇನ್ಮಧು॑ನಃ ಸೋ॒ಮ್ಯಸ್ಯ॒ ದಧ॑ಥೋ॒ ರತ್ನಂ᳚ ವಿಧ॒ತೇ ಜನಾ᳚ಯ || 4.44.4
ಆ ನೋ᳚ ಯಾತಂ ದಿ॒ವೋ ಅಚ್ಛಾ᳚ ಪೃಥಿ॒ವ್ಯಾ ಹಿ॑ರ॒ಣ್ಯಯೇ᳚ನ ಸು॒ವೃತಾ॒ ರಥೇ᳚ನ |
ಮಾ ವಾ᳚ಮ॒ನ್ಯೇ ನಿ ಯ॑ಮಂದೇವ॒ಯ‌ನ್ತಃ॒ ಸಂ ಯದ್ದ॒ದೇ ನಾಭಿಃ॑ ಪೂ॒ರ್ವ್ಯಾ ವಾ᳚‌ಮ್ || 4.44.5
ನೂ ನೋ᳚ ರ॒ಯಿಂ ಪು॑ರು॒ವೀರಂ᳚ ಬೃ॒ಹ‌ನ್ತಂ॒ ದಸ್ರಾ॒ ಮಿಮಾ᳚ಥಾಮು॒ಭಯೇ᳚ಷ್ವ॒ಸ್ಮೇ |
ನರೋ॒ ಯದ್ವಾ᳚ಮಶ್ವಿನಾ॒ ಸ್ತೋಮ॒ಮಾವ᳚‌‌ನ್ತ್ಸ॒ಧಸ್ತು॑ತಿಮಾಜಮೀ॒ಳ್ಹಾಸೋ᳚ ಅಗ್ಮನ್ || 4.44.6
ಇ॒ಹೇಹ॒ ಯದ್ವಾಂ᳚ ಸಮ॒ನಾ ಪ॑ಪೃ॒ಕ್ಷೇ ಸೇಯಮ॒ಸ್ಮೇ ಸು॑ಮ॒ತಿರ್ವಾ᳚ಜರತ್ನಾ |
ಉ॒ರು॒ಷ್ಯತಂ᳚ ಜರಿ॒ತಾರಂ᳚ ಯು॒ವಂ ಹ॑ ಶ್ರಿ॒ತಃ ಕಾಮೋ᳚ ನಾಸತ್ಯಾ ಯುವ॒ದ್ರಿಕ್ || 4.44.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಶ್ವಿನೌ ದೇವತೇ (1-6) ಪ್ರಥಮಾದಿಷಡ಼ಚಾಂ ಜಗತೀ (7) ಸಪ್ತಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಏ॒ಷ ಸ್ಯ ಭಾ॒ನುರುದಿ॑ಯರ್ತಿ ಯು॒ಜ್ಯತೇ॒ ರಥಃ॒ ಪರಿ॑ಜ್ಮಾ ದಿ॒ವೋ ಅ॒ಸ್ಯ ಸಾನ॑ವಿ |
ಪೃ॒ಕ್ಷಾಸೋ᳚ ಅಸ್ಮಿನ್ಮಿಥು॒ನಾ ಅಧಿ॒ ತ್ರಯೋ॒ ದೃತಿ॑ಸ್ತು॒ರೀಯೋ॒ ಮಧು॑ನೋ॒ ವಿ ರ॑ಪ್ಶತೇ || 4.45.1
ಉದ್ವಾಂ᳚ ಪೃ॒ಕ್ಷಾಸೋ॒ ಮಧು॑ಮ‌ನ್ತ ಈರತೇ॒ ರಥಾ॒ ಅಶ್ವಾ᳚ಸ ಉ॒ಷಸೋ॒ ವ್ಯು॑ಷ್ಟಿಷು |
ಅ॒ಪೋ॒ರ್ಣು॒ವ‌ನ್ತ॒ಸ್ತಮ॒ ಆ ಪರೀ᳚ವೃತಂ॒ ಸ್ವ1॒᳚ರ್ಣ ಶು॒ಕ್ರಂ ತ॒ನ್ವ‌ನ್ತ॒ ಆ ರಜಃ॑ || 4.45.2
ಮಧ್ವಃ॑ ಪಿಬತಂ ಮಧು॒ಪೇಭಿ॑ರಾ॒ಸಭಿ॑ರು॒ತ ಪ್ರಿ॒ಯಂ ಮಧು॑ನೇ ಯುಂಜಾಥಾಂ॒ ರಥ‌ಮ್᳚ |
ಆ ವ॑ರ್ತ॒ನಿಂ ಮಧು॑ನಾ ಜಿನ್ವಥಸ್ಪ॒ಥೋ ದೃತಿಂ᳚ ವಹೇಥೇ॒ ಮಧು॑ಮ‌ನ್ತಮಶ್ವಿನಾ || 4.45.3
ಹಂ॒ಸಾಸೋ॒ ಯೇ ವಾಂ॒ ಮಧು॑ಮ‌ನ್ತೋ ಅ॒ಸ್ರಿಧೋ॒ ಹಿರ᳚ಣ್ಯಪರ್ಣಾ ಉ॒ಹುವ॑ ಉಷ॒ರ್ಬುಧಃ॑ |
ಉ॒ದ॒ಪ್ರುತೋ᳚ ಮಂ॒ದಿನೋ᳚ ಮಂದಿನಿ॒ಸ್ಪೃಶೋ॒ ಮಧ್ವೋ॒ ನ ಮಕ್ಷಃ॒ ಸವ॑ನಾನಿ ಗಚ್ಛಥಃ || 4.45.4
ಸ್ವ॒ಧ್ವ॒ರಾಸೋ॒ ಮಧು॑ಮ‌ನ್ತೋ ಅ॒ಗ್ನಯ॑ ಉ॒ಸ್ರಾ ಜ॑ರ‌ನ್ತೇ॒ ಪ್ರತಿ॒ ವಸ್ತೋ᳚ರ॒ಶ್ವಿನಾ᳚ |
ಯನ್ನಿ॒ಕ್ತಹ॑ಸ್ತಸ್ತ॒ರಣಿ᳚ರ್ವಿಚಕ್ಷ॒ಣಃ ಸೋಮಂ᳚ ಸು॒ಷಾವ॒ ಮಧು॑ಮ‌ನ್ತ॒ಮದ್ರಿ॑ಭಿಃ || 4.45.5
ಆ॒ಕೇ॒ನಿ॒ಪಾಸೋ॒ ಅಹ॑ಭಿ॒ರ್ದವಿ॑ಧ್ವತಃ॒ ಸ್ವ1॒᳚ರ್ಣ ಶು॒ಕ್ರಂ ತ॒ನ್ವ‌ನ್ತ॒ ಆ ರಜಃ॑ |
ಸೂರ॑ಶ್ಚಿ॒ದಶ್ವಾ᳚ನ್ಯುಯುಜಾ॒ನ ಈ᳚ಯತೇ॒ ವಿಶ್ವಾಁ॒ ಅನು॑ ಸ್ವ॒ಧಯಾ᳚ ಚೇತಥಸ್ಪ॒ಥಃ || 4.45.6
ಪ್ರ ವಾ᳚ಮವೋಚಮಶ್ವಿನಾ ಧಿಯಂ॒ಧಾ ರಥಃ॒ ಸ್ವಶ್ವೋ᳚ ಅ॒ಜರೋ॒ ಯೋ ಅಸ್ತಿ॑ |
ಯೇನ॑ ಸ॒ದ್ಯಃ ಪರಿ॒ ರಜಾಂ᳚ಸಿ ಯಾ॒ಥೋ ಹ॒ವಿಷ್ಮ᳚‌ನ್ತಂ ತ॒ರಣಿಂ᳚ ಭೋ॒ಜಮಚ್ಛ॑ || 4.45.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1) ಪ್ರಥಮ! ವಾಯುಃ (2-7) ದ್ವಿತೀಯಾದಿಷಣ್ಣಾಂಚೇಂದ್ರವಾಯೂ ದೇವತೇ, ಗಾಯತ್ರೀ ಛಂದಃ

ಅಗ್ರಂ᳚ ಪಿಬಾ॒ ಮಧೂ᳚ನಾಂ ಸು॒ತಂ ವಾ᳚ಯೋ॒ ದಿವಿ॑ಷ್ಟಿಷು |
ತ್ವಂ ಹಿ ಪೂ᳚ರ್ವ॒ಪಾ ಅಸಿ॑ || 4.46.1
ಶ॒ತೇನಾ᳚ ನೋ ಅ॒ಭಿಷ್ಟಿ॑ಭಿರ್ನಿ॒ಯುತ್ವಾಁ॒ ಇಂದ್ರ॑ಸಾರಥಿಃ |
ವಾಯೋ᳚ ಸು॒ತಸ್ಯ॑ ತೃಂಪತ‌ಮ್ || 4.46.2
ಆ ವಾಂ᳚ ಸ॒ಹಸ್ರಂ॒ ಹರ॑ಯ॒ ಇಂದ್ರ॑ವಾಯೂ ಅ॒ಭಿ ಪ್ರಯಃ॑ |
ವಹ᳚‌ನ್ತು॒ ಸೋಮ॑ಪೀತಯೇ || 4.46.3
ರಥಂ॒ ಹಿರ᳚ಣ್ಯವಂಧುರ॒ಮಿಂದ್ರ॑ವಾಯೂ ಸ್ವಧ್ವ॒ರ‌ಮ್ |
ಆ ಹಿ ಸ್ಥಾಥೋ᳚ ದಿವಿ॒ಸ್ಪೃಶ‌ಮ್᳚ || 4.46.4
ರಥೇ᳚ನ ಪೃಥು॒ಪಾಜ॑ಸಾ ದಾ॒ಶ್ವಾಂಸ॒ಮುಪ॑ ಗಚ್ಛತ‌ಮ್ |
ಇಂದ್ರ॑ವಾಯೂ ಇ॒ಹಾ ಗ॑ತ‌ಮ್ || 4.46.5
ಇಂದ್ರ॑ವಾಯೂ ಅ॒ಯಂ ಸು॒ತಸ್ತಂ ದೇ॒ವೇಭಿಃ॑ ಸ॒ಜೋಷ॑ಸಾ |
ಪಿಬ॑ತಂ ದಾ॒ಶುಷೋ᳚ ಗೃ॒ಹೇ || 4.46.6
ಇ॒ಹ ಪ್ರ॒ಯಾಣ॑ಮಸ್ತು ವಾ॒ಮಿಂದ್ರ॑ವಾಯೂ ವಿ॒ಮೋಚ॑ನ‌ಮ್ |
ಇ॒ಹ ವಾಂ॒ ಸೋಮ॑ಪೀತಯೇ || 4.46.7

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1) ಪ್ರಥಮ] ವಾಯುಃ (2-4) ದ್ವಿತೀಯಾದಿತೃಚಸ್ಯ ಚೇಂದ್ರವಾಯೂ ದೇವತೇ, ಅನುಷ್ಟಪ್, ಛಂದಃ

ವಾಯೋ᳚ ಶು॒ಕ್ರೋ ಅ॑ಯಾಮಿ ತೇ॒ ಮಧ್ವೋ॒ ಅಗ್ರಂ॒ ದಿವಿ॑ಷ್ಟಿಷು |
ಆ ಯಾ᳚ಹಿ॒ ಸೋಮ॑ಪೀತಯೇ ಸ್ಪಾ॒ರ್ಹೋ ದೇ᳚ವ ನಿ॒ಯುತ್ವ॑ತಾ || 4.47.1
ಇಂದ್ರ॑ಶ್ಚ ವಾಯವೇಷಾಂ॒ ಸೋಮಾ᳚ನಾಂ ಪೀ॒ತಿಮ॑ರ್ಹಥಃ |
ಯು॒ವಾಂ ಹಿ ಯ‌ನ್ತೀಂದ॑ವೋ ನಿ॒ಮ್ನಮಾಪೋ॒ ನ ಸ॒ಧ್ರ್ಯ॑ಕ್ || 4.47.2
ವಾಯ॒ವಿಂದ್ರ॑ಶ್ಚ ಶು॒ಷ್ಮಿಣಾ᳚ ಸ॒ರಥಂ᳚ ಶವಸಸ್ಪತೀ |
ನಿ॒ಯುತ್ವ᳚‌ನ್ತಾ ನ ಊ॒ತಯ॒ ಆ ಯಾ᳚ತಂ॒ ಸೋಮ॑ಪೀತಯೇ || 4.47.3
ಯಾ ವಾಂ॒ ಸ‌ನ್ತಿ॑ ಪುರು॒ಸ್ಪೃಹೋ᳚ ನಿ॒ಯುತೋ᳚ ದಾ॒ಶುಷೇ᳚ ನರಾ |
ಅ॒ಸ್ಮೇ ತಾ ಯ॑ಜ್ಞವಾಹ॒ಸೇಂದ್ರ॑ವಾಯೂ॒ ನಿ ಯ॑ಚ್ಛತ‌ಮ್ || 4.47.4

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ವಾಯುದರ್ವೇ ತಾ. ಅನುಷ್ಟಪ್ ಛಂದಃ

ವಿ॒ಹಿ ಹೋತ್ರಾ॒ ಅವೀ᳚ತಾ॒ ವಿಪೋ॒ ನ ರಾಯೋ᳚ ಅ॒ರ್ಯಃ |
ವಾಯ॒ವಾ ಚಂ॒ದ್ರೇಣ॒ ರಥೇ᳚ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ᳚ || 4.48.1
ನಿ॒ರ್ಯು॒ವಾ॒ಣೋ ಅಶ॑ಸ್ತೀರ್ನಿ॒ಯುತ್ವಾಁ॒ ಇಂದ್ರ॑ಸಾರಥಿಃ |
ವಾಯ॒ವಾ ಚಂ॒ದ್ರೇಣ॒ ರಥೇ᳚ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ᳚ || 4.48.2
ಅನು॑ ಕೃ॒ಷ್ಣೇ ವಸು॑ಧಿತೀ ಯೇ॒ಮಾತೇ᳚ ವಿ॒ಶ್ವಪೇ᳚ಶಸಾ |
ವಾಯ॒ವಾ ಚಂ॒ದ್ರೇಣ॒ ರಥೇ᳚ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ᳚ || 4.48.3
ವಹ᳚‌ನ್ತು ತ್ವಾ ಮನೋ॒ಯುಜೋ᳚ ಯು॒ಕ್ತಾಸೋ᳚ ನವ॒ತಿರ್ನವ॑ |
ವಾಯ॒ವಾ ಚಂ॒ದ್ರೇಣ॒ ರಥೇ᳚ನ ಯಾ॒ಹಿ ಸು॒ತಸ್ಯ॑ ಪೀ॒ತಯೇ᳚ || 4.48.4
ವಾಯೋ᳚ ಶ॒ತಂ ಹರೀ᳚ಣಾಂ ಯು॒ವಸ್ವ॒ ಪೋಷ್ಯಾ᳚ಣಾ‌ಮ್ |
ಉ॒ತ ವಾ᳚ ತೇ ಸಹ॒ಸ್ರಿಣೋ॒ ರಥ॒ ಆ ಯಾ᳚ತು॒ ಪಾಜ॑ಸಾ || 4.48.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಇಂದ್ರಾಬೃಹಸ್ಪತೀ ದೇವತೇ, ಗಾಯತ್ರೀ ಛಂದಃ

ಇ॒ದಂ ವಾ᳚ಮಾ॒ಸ್ಯೇ᳚ ಹ॒ವಿಃ ಪ್ರಿ॒ಯಮಿಂ᳚ದ್ರಾಬೃಹಸ್ಪತೀ |
ಉ॒ಕ್ಥಂ ಮದ॑ಶ್ಚ ಶಸ್ಯತೇ || 4.49.1
ಅ॒ಯಂ ವಾಂ॒ ಪರಿ॑ ಷಿಚ್ಯತೇ॒ ಸೋಮ॑ ಇಂದ್ರಾಬೃಹಸ್ಪತೀ |
ಚಾರು॒ರ್ಮದಾ᳚ಯ ಪೀ॒ತಯೇ᳚ || 4.49.2
ಆ ನ॑ ಇಂದ್ರಾಬೃಹಸ್ಪತೀ ಗೃ॒ಹಮಿಂದ್ರ॑ಶ್ಚ ಗಚ್ಛತ‌ಮ್ |
ಸೋ॒ಮ॒ಪಾ ಸೋಮ॑ಪೀತಯೇ || 4.49.3
ಅ॒ಸ್ಮೇ ಇಂ᳚ದ್ರಾಬೃಹಸ್ಪತೀ ರ॒ಯಿಂ ಧ॑ತ್ತಂ ಶತ॒ಗ್ವಿನ‌ಮ್᳚ |
ಅಶ್ವಾ᳚ವ‌ನ್ತಂ ಸಹ॒ಸ್ರಿಣ‌ಮ್᳚ || 4.49.4
ಇಂದ್ರಾ॒ಬೃಹ॒ಸ್ಪತೀ᳚ ವ॒ಯಂ ಸು॒ತೇ ಗೀ॒ರ್ಭಿರ್ಹ॑ವಾಮಹೇ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 4.49.5
ಸೋಮ॑ಮಿಂದ್ರಾಬೃಹಸ್ಪತೀ॒ ಪಿಬ॑ತಂ ದಾ॒ಶುಷೋ᳚ ಗೃ॒ಹೇ |
ಮಾ॒ದಯೇ᳚ಥಾಂ॒ ತದೋ᳚ಕಸಾ || 4.49.6

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-9) ಪ್ರಥಮಾದಿನವರ್ಚಾಂ ಬೃಹಸ್ಪತಿಃ (10-11) ದಶಮ್ಯೇಕಾದಶ್ಯೋಶ್ಚೇಂದ್ರಾಬೃಹಸ್ಪತೀ ದೇವತೇ (1-9, 11) ಪ್ರಥಮಾದಿನವರ್ಚಾಮಕ ದಿಶ್ಯಾಶ್ಚ ತ್ರಿಷ್ಟುಪ್ (10) ದಶಮ್ಯಾಶ್ಚ ಜಗತೀ ಛಂದಸೀ

ಯಸ್ತ॒ಸ್ತಂಭ॒ ಸಹ॑ಸಾ॒ ವಿ ಜ್ಮೋ ಅ‌ನ್ತಾ॒ನ್ಬೃಹ॒ಸ್ಪತಿ॑ಸ್ತ್ರಿಷಧ॒ಸ್ಥೋ ರವೇ᳚ಣ |
ತಂ ಪ್ರ॒ತ್ನಾಸ॒ ಋಷ॑ಯೋ॒ ದೀಧ್ಯಾ᳚ನಾಃ ಪು॒ರೋ ವಿಪ್ರಾ᳚ ದಧಿರೇ ಮಂ॒ದ್ರಜಿ॑ಹ್ವ‌ಮ್ || 4.50.1
ಧು॒ನೇತ॑ಯಃ ಸುಪ್ರಕೇ॒ತಂ ಮದ᳚‌ನ್ತೋ॒ ಬೃಹ॑ಸ್ಪತೇ ಅ॒ಭಿ ಯೇ ನ॑ಸ್ತತ॒ಸ್ರೇ |
ಪೃಷ᳚‌ನ್ತಂ ಸೃ॒ಪ್ರಮದ॑ಬ್ಧಮೂ॒ರ್ವಂ ಬೃಹ॑ಸ್ಪತೇ॒ ರಕ್ಷ॑ತಾದಸ್ಯ॒ ಯೋನಿ‌ಮ್᳚ || 4.50.2
ಬೃಹ॑ಸ್ಪತೇ॒ ಯಾ ಪ॑ರ॒ಮಾ ಪ॑ರಾ॒ವದತ॒ ಆ ತ॑ ಋತ॒ಸ್ಪೃಶೋ॒ ನಿ ಷೇ᳚ದುಃ |
ತುಭ್ಯಂ᳚ ಖಾ॒ತಾ ಅ॑ವ॒ತಾ ಅದ್ರಿ॑ದುಗ್ಧಾ॒ ಮಧ್ವಃ॑ ಶ್ಚೋತ‌ನ್ತ್ಯ॒ಭಿತೋ᳚ ವಿರ॒ಪ್ಶ‌ಮ್ || 4.50.3
ಬೃಹ॒ಸ್ಪತಿಃ॑ ಪ್ರಥ॒ಮಂ ಜಾಯ॑ಮಾನೋ ಮ॒ಹೋ ಜ್ಯೋತಿ॑ಷಃ ಪರ॒ಮೇ ವ್ಯೋ᳚ಮನ್ |
ಸ॒ಪ್ತಾಸ್ಯ॑ಸ್ತುವಿಜಾ॒ತೋ ರವೇ᳚ಣ॒ ವಿ ಸ॒ಪ್ತರ॑ಶ್ಮಿರಧಮ॒ತ್ತಮಾಂ᳚ಸಿ || 4.50.4
ಸ ಸು॒ಷ್ಟುಭಾ॒ ಸ ಋಕ್ವ॑ತಾ ಗ॒ಣೇನ॑ ವ॒ಲಂ ರು॑ರೋಜ ಫಲಿ॒ಗಂ ರವೇ᳚ಣ |
ಬೃಹ॒ಸ್ಪತಿ॑ರು॒ಸ್ರಿಯಾ᳚ ಹವ್ಯ॒ಸೂದಃ॒ ಕನಿ॑ಕ್ರದ॒ದ್ವಾವ॑ಶತೀ॒ರುದಾ᳚ಜತ್ || 4.50.5
ಏ॒ವಾ ಪಿ॒ತ್ರೇ ವಿ॒ಶ್ವದೇ᳚ವಾಯ॒ ವೃಷ್ಣೇ᳚ ಯ॒ಜ್ಞೈರ್ವಿ॑ಧೇಮ॒ ನಮ॑ಸಾ ಹ॒ವಿರ್ಭಿಃ॑ |
ಬೃಹ॑ಸ್ಪತೇ ಸುಪ್ರ॒ಜಾ ವೀ॒ರವ᳚‌ನ್ತೋ ವ॒ಯಂ ಸ್ಯಾ᳚ಮ॒ ಪತ॑ಯೋ ರಯೀ॒ಣಾ‌ಮ್ || 4.50.6
ಸ ಇದ್ರಾಜಾ॒ ಪ್ರತಿ॑ಜನ್ಯಾನಿ॒ ವಿಶ್ವಾ॒ ಶುಷ್ಮೇ᳚ಣ ತಸ್ಥಾವ॒ಭಿ ವೀ॒ರ್ಯೇ᳚ಣ |
ಬೃಹ॒ಸ್ಪತಿಂ॒ ಯಃ ಸುಭೃ॑ತಂ ಬಿ॒ಭರ್ತಿ॑ ವಲ್ಗೂ॒ಯತಿ॒ ವಂದ॑ತೇ ಪೂರ್ವ॒ಭಾಜ‌ಮ್᳚ || 4.50.7
ಸ ಇತ್ಕ್ಷೇ᳚ತಿ॒ ಸುಧಿ॑ತ॒ ಓಕ॑ಸಿ॒ ಸ್ವೇ ತಸ್ಮಾ॒ ಇಳಾ᳚ ಪಿನ್ವತೇ ವಿಶ್ವ॒ದಾನೀ᳚‌ಮ್ |
ತಸ್ಮೈ॒ ವಿಶಃ॑ ಸ್ವ॒ಯಮೇ॒ವಾ ನ॑ಮ‌ನ್ತೇ॒ ಯಸ್ಮಿ᳚ನ್ಬ್ರ॒ಹ್ಮಾ ರಾಜ॑ನಿ॒ ಪೂರ್ವ॒ ಏತಿ॑ || 4.50.8
ಅಪ್ರ॑ತೀತೋ ಜಯತಿ॒ ಸಂ ಧನಾ᳚ನಿ॒ ಪ್ರತಿ॑ಜನ್ಯಾನ್ಯು॒ತ ಯಾ ಸಜ᳚ನ್ಯಾ |
ಅ॒ವ॒ಸ್ಯವೇ॒ ಯೋ ವರಿ॑ವಃ ಕೃ॒ಣೋತಿ॑ ಬ್ರ॒ಹ್ಮಣೇ॒ ರಾಜಾ॒ ತಮ॑ವ‌ನ್ತಿ ದೇ॒ವಾಃ || 4.50.9
ಇಂದ್ರ॑ಶ್ಚ॒ ಸೋಮಂ᳚ ಪಿಬತಂ ಬೃಹಸ್ಪತೇ॒ಽಸ್ಮಿನ್ಯ॒ಜ್ಞೇ ಮಂ᳚ದಸಾ॒ನಾ ವೃ॑ಷಣ್ವಸೂ |
ಆ ವಾಂ᳚ ವಿಶ॒‌ನ್ತ್ವಿಂದ॑ವಃ ಸ್ವಾ॒ಭುವೋ॒ಽಸ್ಮೇ ರ॒ಯಿಂ ಸರ್ವ॑ವೀರಂ॒ ನಿ ಯ॑ಚ್ಛತ‌ಮ್ || 4.50.10
ಬೃಹ॑ಸ್ಪತ ಇಂದ್ರ॒ ವರ್ಧ॑ತಂ ನಃ॒ ಸಚಾ॒ ಸಾ ವಾಂ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ |
ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಜಜ॒ಸ್ತಮ॒ರ್ಯೋ ವ॒ನುಷಾ॒ಮರಾ᳚ತೀಃ || 4.50.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಉಷಾ ದೇವತಾ. ತ್ರಿಷ್ಟುಪ್ ಛಂದಃ

ಇ॒ದಮು॒ ತ್ಯತ್ಪು॑ರು॒ತಮಂ᳚ ಪು॒ರಸ್ತಾ॒ಜ್ಜ್ಯೋತಿ॒ಸ್ತಮ॑ಸೋ ವ॒ಯುನಾ᳚ವದಸ್ಥಾತ್ |
ನೂ॒ನಂ ದಿ॒ವೋ ದು॑ಹಿ॒ತರೋ᳚ ವಿಭಾ॒ತೀರ್ಗಾ॒ತುಂ ಕೃ॑ಣವನ್ನು॒ಷಸೋ॒ ಜನಾ᳚ಯ || 4.51.1
ಅಸ್ಥು॑ರು ಚಿ॒ತ್ರಾ ಉ॒ಷಸಃ॑ ಪು॒ರಸ್ತಾ᳚ನ್ಮಿ॒ತಾ ಇ॑ವ॒ ಸ್ವರ॑ವೋಽಧ್ವ॒ರೇಷು॑ |
ವ್ಯೂ᳚ ವ್ರ॒ಜಸ್ಯ॒ ತಮ॑ಸೋ॒ ದ್ವಾರೋ॒ಚ್ಛ‌ನ್ತೀ᳚ರವ್ರಂ॒ಛುಚ॑ಯಃ ಪಾವ॒ಕಾಃ || 4.51.2
ಉ॒ಚ್ಛ‌ನ್ತೀ᳚ರ॒ದ್ಯ ಚಿ॑ತಯ‌ನ್ತ ಭೋ॒ಜಾನ್ರಾ᳚ಧೋ॒ದೇಯಾ᳚ಯೋ॒ಷಸೋ᳚ ಮ॒ಘೋನೀಃ᳚ |
ಅ॒ಚಿ॒ತ್ರೇ ಅ॒‌ನ್ತಃ ಪ॒ಣಯಃ॑ ಸಸ॒‌ನ್ತ್ವಬು॑ಧ್ಯಮಾನಾ॒ಸ್ತಮ॑ಸೋ॒ ವಿಮ॑ಧ್ಯೇ || 4.51.3
ಕು॒ವಿತ್ಸ ದೇ᳚ವೀಃ ಸ॒ನಯೋ॒ ನವೋ᳚ ವಾ॒ ಯಾಮೋ᳚ ಬಭೂ॒ಯಾದು॑ಷಸೋ ವೋ ಅ॒ದ್ಯ |
ಯೇನಾ॒ ನವ॑ಗ್ವೇ॒ ಅಂಗಿ॑ರೇ॒ ದಶ॑ಗ್ವೇ ಸ॒ಪ್ತಾಸ್ಯೇ᳚ ರೇವತೀ ರೇ॒ವದೂ॒ಷ || 4.51.4
ಯೂ॒ಯಂ ಹಿ ದೇ᳚ವೀರ್‌ಋತ॒ಯುಗ್ಭಿ॒ರಶ್ವೈಃ᳚ ಪರಿಪ್ರಯಾ॒ಥ ಭುವ॑ನಾನಿ ಸ॒ದ್ಯಃ |
ಪ್ರ॒ಬೋ॒ಧಯ᳚‌ನ್ತೀರುಷಸಃ ಸ॒ಸ‌ನ್ತಂ᳚ ದ್ವಿ॒ಪಾಚ್ಚತು॑ಷ್ಪಾಚ್ಚ॒ರಥಾ᳚ಯ ಜೀ॒ವ‌ಮ್ || 4.51.5
ಕ್ವ॑ ಸ್ವಿದಾಸಾಂ ಕತ॒ಮಾ ಪು॑ರಾ॒ಣೀ ಯಯಾ᳚ ವಿ॒ಧಾನಾ᳚ ವಿದ॒ಧುರ್‌ಋ॑ಭೂ॒ಣಾ‌ಮ್ |
ಶುಭಂ॒ ಯಚ್ಛು॒ಭ್ರಾ ಉ॒ಷಸ॒ಶ್ಚರ᳚‌ನ್ತಿ॒ ನ ವಿ ಜ್ಞಾ᳚ಯ‌ನ್ತೇ ಸ॒ದೃಶೀ᳚ರಜು॒ರ್ಯಾಃ || 4.51.6
ತಾ ಘಾ॒ ತಾ ಭ॒ದ್ರಾ ಉ॒ಷಸಃ॑ ಪು॒ರಾಸು॑ರಭಿ॒ಷ್ಟಿದ್ಯು᳚ಮ್ನಾ ಋ॒ತಜಾ᳚ತಸತ್ಯಾಃ |
ಯಾಸ್ವೀ᳚ಜಾ॒ನಃ ಶ॑ಶಮಾ॒ನ ಉ॒ಕ್ಥೈಃ ಸ್ತು॒ವಂಛಂಸಂ॒ದ್ರವಿ॑ಣಂ ಸ॒ದ್ಯ ಆಪ॑ || 4.51.7
ತಾ ಆ ಚ॑ರ‌ನ್ತಿ ಸಮ॒ನಾ ಪು॒ರಸ್ತಾ᳚ತ್ಸಮಾ॒ನತಃ॑ ಸಮ॒ನಾ ಪ॑ಪ್ರಥಾ॒ನಾಃ |
ಋ॒ತಸ್ಯ॑ ದೇ॒ವೀಃ ಸದ॑ಸೋ ಬುಧಾ॒ನಾ ಗವಾಂ॒ ನ ಸರ್ಗಾ᳚ ಉ॒ಷಸೋ᳚ ಜರ‌ನ್ತೇ || 4.51.8
ತಾ ಇನ್ನ್ವೇ॒3॒॑ವ ಸ॑ಮ॒ನಾ ಸ॑ಮಾ॒ನೀರಮೀ᳚ತವರ್ಣಾ ಉ॒ಷಸ॑ಶ್ಚರ‌ನ್ತಿ |
ಗೂಹ᳚‌ನ್ತೀ॒ರಭ್ವ॒ಮಸಿ॑ತಂ॒ ರುಶ॑ದ್ಭಿಃ ಶು॒ಕ್ರಾಸ್ತ॒ನೂಭಿಃ॒ ಶುಚ॑ಯೋ ರುಚಾ॒ನಾಃ || 4.51.9
ರ॒ಯಿಂ ದಿ॑ವೋ ದುಹಿತರೋ ವಿಭಾ॒ತೀಃ ಪ್ರ॒ಜಾವ᳚‌ನ್ತಂ ಯಚ್ಛತಾ॒ಸ್ಮಾಸು॑ ದೇವೀಃ |
ಸ್ಯೋ॒ನಾದಾ ವಃ॑ ಪ್ರತಿ॒ಬುಧ್ಯ॑ಮಾನಾಃ ಸು॒ವೀರ್ಯ॑ಸ್ಯ॒ ಪತ॑ಯಃ ಸ್ಯಾಮ || 4.51.10
ತದ್ವೋ᳚ ದಿವೋ ದುಹಿತರೋ ವಿಭಾ॒ತೀರುಪ॑ ಬ್ರುವ ಉಷಸೋ ಯ॒ಜ್ಞಕೇ᳚ತುಃ |
ವ॒ಯಂ ಸ್ಯಾ᳚ಮ ಯ॒ಶಸೋ॒ ಜನೇ᳚ಷು॒ ತದ್ದ್ಯೌಶ್ಚ॑ ಧ॒ತ್ತಾಂ ಪೃ॑ಥಿ॒ವೀ ಚ॑ ದೇ॒ವೀ || 4.51.11

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಉಷಾ ದೇವತಾ. ಗಾಯತ್ರೀ ಛಂದಃ

ಪ್ರತಿ॒ ಷ್ಯಾ ಸೂ॒ನರೀ॒ ಜನೀ᳚ ವ್ಯು॒ಚ್ಛ‌ನ್ತೀ॒ ಪರಿ॒ ಸ್ವಸುಃ॑ |
ದಿ॒ವೋ ಅ॑ದರ್ಶಿ ದುಹಿ॒ತಾ || 4.52.1
ಅಶ್ವೇ᳚ವ ಚಿ॒ತ್ರಾರು॑ಷೀ ಮಾ॒ತಾ ಗವಾ᳚ಮೃ॒ತಾವ॑ರೀ |
ಸಖಾ᳚ಭೂದ॒ಶ್ವಿನೋ᳚ರು॒ಷಾಃ || 4.52.2
ಉ॒ತ ಸಖಾ᳚ಸ್ಯ॒ಶ್ವಿನೋ᳚ರು॒ತ ಮಾ॒ತಾ ಗವಾ᳚ಮಸಿ |
ಉ॒ತೋಷೋ॒ ವಸ್ವ॑ ಈಶಿಷೇ || 4.52.3
ಯಾ॒ವ॒ಯದ್ದ್ವೇ᳚ಷಸಂ ತ್ವಾ ಚಿಕಿ॒ತ್ವಿತ್ಸೂ᳚ನೃತಾವರಿ |
ಪ್ರತಿ॒ ಸ್ತೋಮೈ᳚ರಭುತ್ಸ್ಮಹಿ || 4.52.4
ಪ್ರತಿ॑ ಭ॒ದ್ರಾ ಅ॑ದೃಕ್ಷತ॒ ಗವಾಂ॒ ಸರ್ಗಾ॒ ನ ರ॒ಶ್ಮಯಃ॑ |
ಓಷಾ ಅ॑ಪ್ರಾ ಉ॒ರು ಜ್ರಯಃ॑ || 4.52.5
ಆ॒ಪ॒ಪ್ರುಷೀ᳚ ವಿಭಾವರಿ॒ ವ್ಯಾ᳚ವ॒ರ್ಜ್ಯೋತಿ॑ಷಾ॒ ತಮಃ॑ |
ಉಷೋ॒ ಅನು॑ ಸ್ವ॒ಧಾಮ॑ವ || 4.52.6
ಆ ದ್ಯಾಂ ತ॑ನೋಷಿ ರ॒ಶ್ಮಿಭಿ॒ರಾ‌ನ್ತರಿ॑ಕ್ಷಮು॒ರು ಪ್ರಿ॒ಯ‌ಮ್ |
ಉಷಃ॑ ಶು॒ಕ್ರೇಣ॑ ಶೋ॒ಚಿಷಾ᳚ || 4.52.7

(1-7) ಸಪ್ತರ್ಚಸ್ಯಾಸ್ಯ ಸುಕ್ತಸ್ಯ ಗೌತಮೋ ವಾಮದೇವ ಋಷಿಃ, ಸವಿತಾ ದೇವತಾ, ಜಗತೀ ಛಂದಃ

ತದ್ದೇ॒ವಸ್ಯ॑ ಸವಿ॒ತುರ್ವಾರ್ಯಂ᳚ ಮ॒ಹದ್ವೃ॑ಣೀ॒ಮಹೇ॒ ಅಸು॑ರಸ್ಯ॒ ಪ್ರಚೇ᳚ತಸಃ |
ಛ॒ರ್ದಿರ್ಯೇನ॑ ದಾ॒ಶುಷೇ॒ ಯಚ್ಛ॑ತಿ॒ ತ್ಮನಾ॒ ತನ್ನೋ᳚ ಮ॒ಹಾಁ ಉದ॑ಯಾಂದೇ॒ವೋ ಅ॒ಕ್ತುಭಿಃ॑ || 4.53.1
ದಿ॒ವೋ ಧ॒ರ್ತಾ ಭುವ॑ನಸ್ಯ ಪ್ರ॒ಜಾಪ॑ತಿಃ ಪಿ॒ಶಂಗಂ᳚ ದ್ರಾ॒ಪಿಂ ಪ್ರತಿ॑ ಮುಂಚತೇ ಕ॒ವಿಃ |
ವಿ॒ಚ॒ಕ್ಷ॒ಣಃ ಪ್ರ॒ಥಯ᳚ನ್ನಾಪೃ॒ಣನ್ನು॒ರ್ವಜೀ᳚ಜನತ್ಸವಿ॒ತಾ ಸು॒ಮ್ನಮು॒ಕ್ಥ್ಯ‌ಮ್᳚ || 4.53.2
ಆಪ್ರಾ॒ ರಜಾಂ᳚ಸಿ ದಿ॒ವ್ಯಾನಿ॒ ಪಾರ್ಥಿ॑ವಾ॒ ಶ್ಲೋಕಂ᳚ ದೇ॒ವಃ ಕೃ॑ಣುತೇ॒ ಸ್ವಾಯ॒ ಧರ್ಮ॑ಣೇ |
ಪ್ರ ಬಾ॒ಹೂ ಅ॑ಸ್ರಾಕ್ಸವಿ॒ತಾ ಸವೀ᳚ಮನಿ ನಿವೇ॒ಶಯ᳚ನ್ಪ್ರಸು॒ವನ್ನ॒ಕ್ತುಭಿ॒ರ್ಜಗ॑ತ್ || 4.53.3
ಅದಾ᳚ಭ್ಯೋ॒ ಭುವ॑ನಾನಿ ಪ್ರ॒ಚಾಕ॑ಶದ್ವ್ರ॒ತಾನಿ॑ ದೇ॒ವಃ ಸ॑ವಿ॒ತಾಭಿ ರ॑ಕ್ಷತೇ |
ಪ್ರಾಸ್ರಾ᳚ಗ್ಬಾ॒ಹೂ ಭುವ॑ನಸ್ಯ ಪ್ರ॒ಜಾಭ್ಯೋ᳚ ಧೃ॒ತವ್ರ॑ತೋ ಮ॒ಹೋ ಅಜ್ಮ॑ಸ್ಯ ರಾಜತಿ || 4.53.4
ತ್ರಿರ॒‌ನ್ತರಿ॑ಕ್ಷಂ ಸವಿ॒ತಾ ಮ॑ಹಿತ್ವ॒ನಾ ತ್ರೀ ರಜಾಂ᳚ಸಿ ಪರಿ॒ಭುಸ್ತ್ರೀಣಿ॑ ರೋಚ॒ನಾ |
ತಿ॒ಸ್ರೋ ದಿವಃ॑ ಪೃಥಿ॒ವೀಸ್ತಿ॒ಸ್ರ ಇ᳚ನ್ವತಿ ತ್ರಿ॒ಭಿರ್ವ್ರ॒ತೈರ॒ಭಿ ನೋ᳚ ರಕ್ಷತಿ॒ ತ್ಮನಾ᳚ || 4.53.5
ಬೃ॒ಹತ್ಸು᳚ಮ್ನಃ ಪ್ರಸವೀ॒ತಾ ನಿ॒ವೇಶ॑ನೋ॒ ಜಗ॑ತಃ ಸ್ಥಾ॒ತುರು॒ಭಯ॑ಸ್ಯ॒ ಯೋ ವ॒ಶೀ |
ಸ ನೋ᳚ ದೇ॒ವಃ ಸ॑ವಿ॒ತಾ ಶರ್ಮ॑ ಯಚ್ಛತ್ವ॒ಸ್ಮೇ ಕ್ಷಯಾ᳚ಯ ತ್ರಿ॒ವರೂ᳚ಥ॒ಮಂಹ॑ಸಃ || 4.53.6
ಆಗಂ᳚ದೇ॒ವ ಋ॒ತುಭಿ॒ರ್ವರ್ಧ॑ತು॒ ಕ್ಷಯಂ॒ ದಧಾ᳚ತು ನಃ ಸವಿ॒ತಾ ಸು॑ಪ್ರ॒ಜಾಮಿಷ‌ಮ್᳚ |
ಸ ನಃ॑ ಕ್ಷ॒ಪಾಭಿ॒ರಹ॑ಭಿಶ್ಚ ಜಿನ್ವತು ಪ್ರ॒ಜಾವ᳚‌ನ್ತಂ ರ॒ಯಿಮ॒ಸ್ಮೇ ಸಮಿ᳚ನ್ವತು || 4.53.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಸವಿತಾ ದೇವತಾ, (1-5) ಪ್ರಥಮಾದಿಪಂಚರ್ಚಾಂ ಜಗತೀ (6) ಷಷ್ಟ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅಭೂ᳚ದ್ದೇ॒ವಃ ಸ॑ವಿ॒ತಾ ವಂದ್ಯೋ॒ ನು ನ॑ ಇ॒ದಾನೀ॒ಮಹ್ನ॑ ಉಪ॒ವಾಚ್ಯೋ॒ ನೃಭಿಃ॑ |
ವಿ ಯೋ ರತ್ನಾ॒ ಭಜ॑ತಿ ಮಾನ॒ವೇಭ್ಯಃ॒ ಶ್ರೇಷ್ಠಂ᳚ ನೋ॒ ಅತ್ರ॒ ದ್ರವಿ॑ಣಂ॒ ಯಥಾ॒ ದಧ॑ತ್ || 4.54.1
ದೇ॒ವೇಭ್ಯೋ॒ ಹಿ ಪ್ರ॑ಥ॒ಮಂ ಯ॒ಜ್ಞಿಯೇ᳚ಭ್ಯೋಽಮೃತ॒ತ್ವಂ ಸು॒ವಸಿ॑ ಭಾ॒ಗಮು॑ತ್ತ॒ಮ‌ಮ್ |
ಆದಿದ್ದಾ॒ಮಾನಂ᳚ ಸವಿತ॒ರ್ವ್ಯೂ᳚ರ್ಣುಷೇಽನೂಚೀ॒ನಾ ಜೀ᳚ವಿ॒ತಾ ಮಾನು॑ಷೇಭ್ಯಃ || 4.54.2
ಅಚಿ॑ತ್ತೀ॒ ಯಚ್ಚ॑ಕೃ॒ಮಾ ದೈವ್ಯೇ॒ ಜನೇ᳚ ದೀ॒ನೈರ್ದಕ್ಷೈಃ॒ ಪ್ರಭೂ᳚ತೀ ಪೂರುಷ॒ತ್ವತಾ᳚ |
ದೇ॒ವೇಷು॑ ಚ ಸವಿತ॒ರ್ಮಾನು॑ಷೇಷು ಚ॒ ತ್ವಂ ನೋ॒ ಅತ್ರ॑ ಸುವತಾ॒ದನಾ᳚ಗಸಃ || 4.54.3
ನ ಪ್ರ॒ಮಿಯೇ᳚ ಸವಿ॒ತುರ್ದೈವ್ಯ॑ಸ್ಯ॒ ತದ್ಯಥಾ॒ ವಿಶ್ವಂ॒ ಭುವ॑ನಂ ಧಾರಯಿ॒ಷ್ಯತಿ॑ |
ಯತ್ಪೃ॑ಥಿ॒ವ್ಯಾ ವರಿ॑ಮ॒ನ್ನಾ ಸ್ವಂ᳚ಗು॒ರಿರ್ವರ್ಷ್ಮಂ᳚ದಿ॒ವಃ ಸು॒ವತಿ॑ ಸ॒ತ್ಯಮ॑ಸ್ಯ॒ ತತ್ || 4.54.4
ಇಂದ್ರ॑ಜ್ಯೇಷ್ಠಾನ್ಬೃ॒ಹದ್ಭ್ಯಃ॒ ಪರ್ವ॑ತೇಭ್ಯಃ॒ ಕ್ಷಯಾಁ᳚ ಏಭ್ಯಃ ಸುವಸಿ ಪ॒ಸ್ತ್ಯಾ᳚ವತಃ |
ಯಥಾ᳚ಯಥಾ ಪ॒ತಯ᳚‌ನ್ತೋ ವಿಯೇಮಿ॒ರ ಏ॒ವೈವ ತ॑ಸ್ಥುಃ ಸವಿತಃ ಸ॒ವಾಯ॑ ತೇ || 4.54.5
ಯೇ ತೇ॒ ತ್ರಿರಹ᳚‌‌ನ್ತ್ಸವಿತಃ ಸ॒ವಾಸೋ᳚ ದಿ॒ವೇದಿ॑ವೇ॒ ಸೌಭ॑ಗಮಾಸು॒ವ‌ನ್ತಿ॑ |
ಇಂದ್ರೋ॒ ದ್ಯಾವಾ᳚ಪೃಥಿ॒ವೀ ಸಿಂಧು॑ರ॒ದ್ಭಿರಾ᳚ದಿ॒ತ್ಯೈರ್ನೋ॒ ಅದಿ॑ತಿಃ॒ ಶರ್ಮ॑ ಯಂಸತ್ || 4.54.6

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ವಿಶ್ವೇ ದೇವಾ ದೇವತಾಃ (1-7) ಪ್ರಥಮಾದಿಸಪ್ತರ್ಚಾಂ ತ್ರಿಷ್ಟುಪ್ (8-10) ಅಷ್ಟಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಸೀ

ಕೋ ವ॑ಸ್ತ್ರಾ॒ತಾ ವ॑ಸವಃ॒ ಕೋ ವ॑ರೂ॒ತಾ ದ್ಯಾವಾ᳚ಭೂಮೀ ಅದಿತೇ॒ ತ್ರಾಸೀ᳚ಥಾಂ ನಃ |
ಸಹೀ᳚ಯಸೋ ವರುಣ ಮಿತ್ರ॒ ಮರ್ತಾ॒ತ್ಕೋ ವೋ᳚ಽಧ್ವ॒ರೇ ವರಿ॑ವೋ ಧಾತಿ ದೇವಾಃ || 4.55.1
ಪ್ರ ಯೇ ಧಾಮಾ᳚ನಿ ಪೂ॒ರ್ವ್ಯಾಣ್ಯರ್ಚಾ॒ನ್ವಿ ಯದು॒ಚ್ಛಾನ್ವಿ॑ಯೋ॒ತಾರೋ॒ ಅಮೂ᳚ರಾಃ |
ವಿ॒ಧಾ॒ತಾರೋ॒ ವಿ ತೇ ದ॑ಧು॒ರಜ॑ಸ್ರಾ ಋ॒ತಧೀ᳚ತಯೋ ರುರುಚ‌ನ್ತ ದ॒ಸ್ಮಾಃ || 4.55.2
ಪ್ರ ಪ॒ಸ್ತ್ಯಾ॒3॒॑ಮದಿ॑ತಿಂ॒ ಸಿಂಧು॑ಮ॒ರ್ಕೈಃ ಸ್ವ॒ಸ್ತಿಮೀ᳚ಳೇ ಸ॒ಖ್ಯಾಯ॑ ದೇ॒ವೀ‌ಮ್ |
ಉ॒ಭೇ ಯಥಾ᳚ ನೋ॒ ಅಹ॑ನೀ ನಿ॒ಪಾತ॑ ಉ॒ಷಾಸಾ॒ನಕ್ತಾ᳚ ಕರತಾ॒ಮದ॑ಬ್ಧೇ || 4.55.3
ವ್ಯ᳚ರ್ಯ॒ಮಾ ವರು॑ಣಶ್ಚೇತಿ॒ ಪ‌ನ್ಥಾ᳚ಮಿ॒ಷಸ್ಪತಿಃ॑ ಸುವಿ॒ತಂ ಗಾ॒ತುಮ॒ಗ್ನಿಃ |
ಇಂದ್ರಾ᳚ವಿಷ್ಣೂ ನೃ॒ವದು॒ ಷು ಸ್ತವಾ᳚ನಾ॒ ಶರ್ಮ॑ ನೋ ಯ‌ನ್ತ॒ಮಮ॑ವ॒ದ್ವರೂ᳚ಥ‌ಮ್ || 4.55.4
ಆ ಪರ್ವ॑ತಸ್ಯ ಮ॒ರುತಾ॒ಮವಾಂ᳚ಸಿ ದೇ॒ವಸ್ಯ॑ ತ್ರಾ॒ತುರ᳚ವ್ರಿ॒ ಭಗ॑ಸ್ಯ |
ಪಾತ್ಪತಿ॒ರ್ಜನ್ಯಾ॒ದಂಹ॑ಸೋ ನೋ ಮಿ॒ತ್ರೋ ಮಿ॒ತ್ರಿಯಾ᳚ದು॒ತ ನ॑ ಉರುಷ್ಯೇತ್ || 4.55.5
ನೂ ರೋ᳚ದಸೀ॒ ಅಹಿ॑ನಾ ಬು॒ಧ್ನ್ಯೇ᳚ನ ಸ್ತುವೀ॒ತ ದೇ᳚ವೀ॒ ಅಪ್ಯೇ᳚ಭಿರಿ॒ಷ್ಟೈಃ |
ಸ॒ಮು॒ದ್ರಂ ನ ಸಂ॒ಚರ॑ಣೇ ಸನಿ॒ಷ್ಯವೋ᳚ ಘ॒ರ್ಮಸ್ವ॑ರಸೋ ನ॒ದ್ಯೋ॒3॒॑ ಅಪ᳚ ವ್ರನ್ || 4.55.6
ದೇ॒ವೈರ್ನೋ᳚ ದೇ॒ವ್ಯದಿ॑ತಿ॒ರ್ನಿ ಪಾ᳚ತು ದೇ॒ವಸ್ತ್ರಾ॒ತಾ ತ್ರಾ᳚ಯತಾ॒ಮಪ್ರ॑ಯುಚ್ಛನ್ |
ನ॒ಹಿ ಮಿ॒ತ್ರಸ್ಯ॒ ವರು॑ಣಸ್ಯ ಧಾ॒ಸಿಮರ್ಹಾ᳚ಮಸಿ ಪ್ರ॒ಮಿಯಂ॒ ಸಾನ್ವ॒ಗ್ನೇಃ || 4.55.7
ಅ॒ಗ್ನಿರೀ᳚ಶೇ ವಸ॒ವ್ಯ॑ಸ್ಯಾ॒ಗ್ನಿರ್ಮ॒ಹಃ ಸೌಭ॑ಗಸ್ಯ |
ತಾನ್ಯ॒ಸ್ಮಭ್ಯಂ᳚ ರಾಸತೇ || 4.55.8
ಉಷೋ᳚ ಮಘೋ॒ನ್ಯಾ ವ॑ಹ॒ ಸೂನೃ॑ತೇ॒ ವಾರ್ಯಾ᳚ ಪು॒ರು |
ಅ॒ಸ್ಮಭ್ಯಂ᳚ ವಾಜಿನೀವತಿ || 4.55.9
ತತ್ಸು ನಃ॑ ಸವಿ॒ತಾ ಭಗೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ |
ಇಂದ್ರೋ᳚ ನೋ॒ ರಾಧ॒ಸಾ ಗ॑ಮತ್ || 4.55.10

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ದ್ಯಾವಾಪೃಥಿವ್ಯೌ ದೇವತೇ (1-4) ಪ್ರಥಮಾದಿಚತುರೃಚಾಂ ತ್ರಿಷ್ಟುಪ್ (5-7) ಪಂಚಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಸೀ

ಮ॒ಹೀ ದ್ಯಾವಾ᳚ಪೃಥಿ॒ವೀ ಇ॒ಹ ಜ್ಯೇಷ್ಠೇ᳚ ರು॒ಚಾ ಭ॑ವತಾಂ ಶು॒ಚಯ॑ದ್ಭಿರ॒ರ್ಕೈಃ |
ಯತ್ಸೀಂ॒ ವರಿ॑ಷ್ಠೇ ಬೃಹ॒ತೀ ವಿ॑ಮಿ॒ನ್ವನ್ರು॒ವದ್ಧೋ॒ಕ್ಷಾ ಪ॑ಪ್ರಥಾ॒ನೇಭಿ॒ರೇವೈಃ᳚ || 4.56.1
ದೇ॒ವೀ ದೇ॒ವೇಭಿ᳚ರ್ಯಜ॒ತೇ ಯಜ॑ತ್ರೈ॒ರಮಿ॑ನತೀ ತಸ್ಥತುರು॒ಕ್ಷಮಾ᳚ಣೇ |
ಋ॒ತಾವ॑ರೀ ಅ॒ದ್ರುಹಾ᳚ ದೇ॒ವಪು॑ತ್ರೇ ಯ॒ಜ್ಞಸ್ಯ॑ ನೇ॒ತ್ರೀ ಶು॒ಚಯ॑ದ್ಭಿರ॒ರ್ಕೈಃ || 4.56.2
ಸ ಇತ್ಸ್ವಪಾ॒ ಭುವ॑ನೇಷ್ವಾಸ॒ ಯ ಇ॒ಮೇ ದ್ಯಾವಾ᳚ಪೃಥಿ॒ವೀ ಜ॒ಜಾನ॑ |
ಉ॒ರ್ವೀ ಗ॑ಭೀ॒ರೇ ರಜ॑ಸೀ ಸು॒ಮೇಕೇ᳚ ಅವಂ॒ಶೇ ಧೀರಃ॒ ಶಚ್ಯಾ॒ ಸಮೈ᳚ರತ್ || 4.56.3
ನೂ ರೋ᳚ದಸೀ ಬೃ॒ಹದ್ಭಿ᳚ರ್ನೋ॒ ವರೂ᳚ಥೈಃ॒ ಪತ್ನೀ᳚ವದ್ಭಿರಿ॒ಷಯ᳚‌ನ್ತೀ ಸ॒ಜೋಷಾಃ᳚ |
ಉ॒ರೂ॒ಚೀ ವಿಶ್ವೇ᳚ ಯಜ॒ತೇ ನಿ ಪಾ᳚ತಂ ಧಿ॒ಯಾ ಸ್ಯಾ᳚ಮ ರ॒ಥ್ಯಃ॑ ಸದಾ॒ಸಾಃ || 4.56.4
ಪ್ರ ವಾಂ॒ ಮಹಿ॒ ದ್ಯವೀ᳚ ಅ॒ಭ್ಯುಪ॑ಸ್ತುತಿಂ ಭರಾಮಹೇ |
ಶುಚೀ॒ ಉಪ॒ ಪ್ರಶ॑ಸ್ತಯೇ || 4.56.5
ಪು॒ನಾ॒ನೇ ತ॒ನ್ವಾ᳚ ಮಿ॒ಥಃ ಸ್ವೇನ॒ ದಕ್ಷೇ᳚ಣ ರಾಜಥಃ |
ಊ॒ಹ್ಯಾಥೇ᳚ ಸ॒ನಾದೃ॒ತ‌ಮ್ || 4.56.6
ಮ॒ಹೀ ಮಿ॒ತ್ರಸ್ಯ॑ ಸಾಧಥ॒ಸ್ತರ᳚‌ನ್ತೀ॒ ಪಿಪ್ರ॑ತೀ ಋ॒ತ‌ಮ್ |
ಪರಿ॑ ಯ॒ಜ್ಞಂ ನಿ ಷೇ᳚ದಥುಃ || 4.56.7

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ (1-3) ಪ್ರಥಮಾದಿತೃಚಸ್ಯ ಕ್ಷೇತ್ರಪತಿಃ (4) ಚತುರ್ಥ್ಯಾ ಋಚಃ ಶುನಃ (5, 8) ಪಂಚಮ್ಯಷ್ಟಮ್ಯೋಃ ಶುನಾಸೀರೌ (6-7) ಷಷ್ಠೀಸಪ್ತಮ್ಯೋಶ್ಚ ಸೀತಾ ದೇವತಾಃ (1, 4, 6-7) ಪ್ರಥಮಾಚತುರ್ಥೀಷಷ್ಠೀಸಪ್ತಮೀನಾಮೃಚಾಮನಷ್ಟಪ (2-3, 8) ದ್ವಿತೀಯಾತೃತೀಯಾಷ್ಟಮೀನಾಂ ತ್ರಿಷ್ಟುಪ್ (5) ಪಂಚಮ್ಯಾಶ್ಚ ಪುರ ಉಷ್ಣಿಕ್ ಛಂದಾಂಸಿ

ಕ್ಷೇತ್ರ॑ಸ್ಯ॒ ಪತಿ॑ನಾ ವ॒ಯಂ ಹಿ॒ತೇನೇ᳚ವ ಜಯಾಮಸಿ |
ಗಾಮಶ್ವಂ᳚ ಪೋಷಯಿ॒ತ್ನ್ವಾ ಸ ನೋ᳚ ಮೃಳಾತೀ॒ದೃಶೇ᳚ || 4.57.1
ಕ್ಷೇತ್ರ॑ಸ್ಯ ಪತೇ॒ ಮಧು॑ಮ‌ನ್ತಮೂ॒ರ್ಮಿಂ ಧೇ॒ನುರಿ॑ವ॒ ಪಯೋ᳚ ಅ॒ಸ್ಮಾಸು॑ ಧುಕ್ಷ್ವ |
ಮ॒ಧು॒ಶ್ಚುತಂ᳚ ಘೃ॒ತಮಿ॑ವ॒ ಸುಪೂ᳚ತಮೃ॒ತಸ್ಯ॑ ನಃ॒ ಪತ॑ಯೋ ಮೃಳಯ‌ನ್ತು || 4.57.2
ಮಧು॑ಮತೀ॒ರೋಷ॑ಧೀ॒ರ್ದ್ಯಾವ॒ ಆಪೋ॒ ಮಧು॑ಮನ್ನೋ ಭವತ್ವ॒‌ನ್ತರಿ॑ಕ್ಷ‌ಮ್ |
ಕ್ಷೇತ್ರ॑ಸ್ಯ॒ ಪತಿ॒ರ್ಮಧು॑ಮಾನ್ನೋ ಅ॒ಸ್ತ್ವರಿ॑ಷ್ಯ‌ನ್ತೋ॒ ಅನ್ವೇ᳚ನಂ ಚರೇಮ || 4.57.3
ಶು॒ನಂ ವಾ॒ಹಾಃ ಶು॒ನಂ ನರಃ॑ ಶು॒ನಂ ಕೃ॑ಷತು॒ ಲಾಂಗ॑ಲ‌ಮ್ |
ಶು॒ನಂ ವ॑ರ॒ತ್ರಾ ಬ॑ಧ್ಯ‌ನ್ತಾಂ ಶು॒ನಮಷ್ಟ್ರಾ॒ಮುದಿಂ᳚ಗಯ || 4.57.4
ಶುನಾ᳚ಸೀರಾವಿ॒ಮಾಂ ವಾಚಂ᳚ ಜುಷೇಥಾಂ॒ ಯದ್ದಿ॒ವಿ ಚ॒ಕ್ರಥುಃ॒ ಪಯಃ॑ |
ತೇನೇ॒ಮಾಮುಪ॑ ಸಿಂಚತ‌ಮ್ || 4.57.5
ಅ॒ರ್ವಾಚೀ᳚ ಸುಭಗೇ ಭವ॒ ಸೀತೇ॒ ವಂದಾ᳚ಮಹೇ ತ್ವಾ |
ಯಥಾ᳚ ನಃ ಸು॒ಭಗಾಸ॑ಸಿ॒ ಯಥಾ᳚ ನಃ ಸು॒ಫಲಾಸ॑ಸಿ || 4.57.6
ಇಂದ್ರಃ॒ ಸೀತಾಂ॒ ನಿ ಗೃ॑ಹ್ಣಾತು॒ ತಾಂ ಪೂ॒ಷಾನು॑ ಯಚ್ಛತು |
ಸಾ ನಃ॒ ಪಯ॑ಸ್ವತೀ ದುಹಾ॒ಮುತ್ತ॑ರಾಮುತ್ತರಾಂ॒ ಸಮಾ᳚‌ಮ್ || 4.57.7
ಶು॒ನಂ ನಃ॒ ಫಾಲಾ॒ ವಿ ಕೃ॑ಷ‌ನ್ತು॒ ಭೂಮಿಂ᳚ ಶು॒ನಂ ಕೀ॒ನಾಶಾ᳚ ಅ॒ಭಿ ಯ᳚‌ನ್ತು ವಾ॒ಹೈಃ |
ಶು॒ನಂ ಪ॒ರ್ಜನ್ಯೋ॒ ಮಧು॑ನಾ॒ ಪಯೋ᳚ಭಿಃ॒ ಶುನಾ᳚ಸೀರಾ ಶು॒ನಮ॒ಸ್ಮಾಸು॑ ಧತ್ತ‌ಮ್ || 4.57.8

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ವಾಮದೇವ ಋಷಿಃ, ಅಗ್ನಿಃ ಸೂರ್ಯೋ ವಾಽಽಪೋ ವಾ ಗಾವೋ ವಾ ಘೃತಂ ವಾ ದೇವತಾ, (1-10) ಪ್ರಥಮಾದಿದಶಕ್ರಂ ತ್ರಿಷ್ಟುಪ್ (11) ಏಕಾದಶ್ಯಾಶ್ಚ ಜಗತೀ ಛಂದಸೀ

ಸ॒ಮು॒ದ್ರಾದೂ॒ರ್ಮಿರ್ಮಧು॑ಮಾಁ॒ ಉದಾ᳚ರ॒ದುಪಾಂ॒ಶುನಾ॒ ಸಮ॑ಮೃತ॒ತ್ವಮಾ᳚ನಟ್ |
ಘೃ॒ತಸ್ಯ॒ ನಾಮ॒ ಗುಹ್ಯಂ॒ ಯದಸ್ತಿ॑ ಜಿ॒ಹ್ವಾ ದೇ॒ವಾನಾ᳚ಮ॒ಮೃತ॑ಸ್ಯ॒ ನಾಭಿಃ॑ || 4.58.1
ವ॒ಯಂ ನಾಮ॒ ಪ್ರ ಬ್ರ॑ವಾಮಾ ಘೃ॒ತಸ್ಯಾ॒ಸ್ಮಿನ್ಯ॒ಜ್ಞೇ ಧಾ᳚ರಯಾಮಾ॒ ನಮೋ᳚ಭಿಃ |
ಉಪ॑ ಬ್ರ॒ಹ್ಮಾ ಶೃ॑ಣವಚ್ಛ॒ಸ್ಯಮಾ᳚ನಂ॒ ಚತುಃ॑ಶೃಂಗೋಽವಮೀದ್ಗೌ॒ರ ಏ॒ತತ್ || 4.58.2
ಚ॒ತ್ವಾರಿ॒ ಶೃಂಗಾ॒ ತ್ರಯೋ᳚ ಅಸ್ಯ॒ ಪಾದಾ॒ ದ್ವೇ ಶೀ॒ರ್ಷೇ ಸ॒ಪ್ತ ಹಸ್ತಾ᳚ಸೋ ಅಸ್ಯ |
ತ್ರಿಧಾ᳚ ಬ॒ದ್ಧೋ ವೃ॑ಷ॒ಭೋ ರೋ᳚ರವೀತಿ ಮ॒ಹೋ ದೇ॒ವೋ ಮರ್ತ್ಯಾಁ॒ ಆ ವಿ॑ವೇಶ || 4.58.3
ತ್ರಿಧಾ᳚ ಹಿ॒ತಂ ಪ॒ಣಿಭಿ॑ರ್ಗು॒ಹ್ಯಮಾ᳚ನಂ॒ ಗವಿ॑ ದೇ॒ವಾಸೋ᳚ ಘೃ॒ತಮನ್ವ॑ವಿಂದನ್ |
ಇಂದ್ರ॒ ಏಕಂ॒ ಸೂರ್ಯ॒ ಏಕಂ᳚ ಜಜಾನ ವೇ॒ನಾದೇಕಂ᳚ ಸ್ವ॒ಧಯಾ॒ ನಿಷ್ಟ॑ತಕ್ಷುಃ || 4.58.4
ಏ॒ತಾ ಅ॑ರ್ಷ‌ನ್ತಿ॒ ಹೃದ್ಯಾ᳚ತ್ಸಮು॒ದ್ರಾಚ್ಛ॒ತವ್ರ॑ಜಾ ರಿ॒ಪುಣಾ॒ ನಾವ॒ಚಕ್ಷೇ᳚ |
ಘೃ॒ತಸ್ಯ॒ ಧಾರಾ᳚ ಅ॒ಭಿ ಚಾ᳚ಕಶೀಮಿ ಹಿರ॒ಣ್ಯಯೋ᳚ ವೇತ॒ಸೋ ಮಧ್ಯ॑ ಆಸಾ‌ಮ್ || 4.58.5
ಸ॒ಮ್ಯಕ್ಸ್ರ॑ವ‌ನ್ತಿ ಸ॒ರಿತೋ॒ ನ ಧೇನಾ᳚ ಅ॒‌ನ್ತರ್ಹೃ॒ದಾ ಮನ॑ಸಾ ಪೂ॒ಯಮಾ᳚ನಾಃ |
ಏ॒ತೇ ಅ॑ರ್ಷ‌ನ್ತ್ಯೂ॒ರ್ಮಯೋ᳚ ಘೃ॒ತಸ್ಯ॑ ಮೃ॒ಗಾ ಇ॑ವ ಕ್ಷಿಪ॒ಣೋರೀಷ॑ಮಾಣಾಃ || 4.58.6
ಸಿಂಧೋ᳚ರಿವ ಪ್ರಾಧ್ವ॒ನೇ ಶೂ᳚ಘ॒ನಾಸೋ॒ ವಾತ॑ಪ್ರಮಿಯಃ ಪತಯ‌ನ್ತಿ ಯ॒ಹ್ವಾಃ |
ಘೃ॒ತಸ್ಯ॒ ಧಾರಾ᳚ ಅರು॒ಷೋ ನ ವಾ॒ಜೀ ಕಾಷ್ಠಾ᳚ ಭಿಂ॒ದನ್ನೂ॒ರ್ಮಿಭಿಃ॒ ಪಿನ್ವ॑ಮಾನಃ || 4.58.7
ಅ॒ಭಿ ಪ್ರ॑ವ‌ನ್ತ॒ ಸಮ॑ನೇವ॒ ಯೋಷಾಃ᳚ ಕಲ್ಯಾ॒ಣ್ಯ1॒ಃ॑ ಸ್ಮಯ॑ಮಾನಾಸೋ ಅ॒ಗ್ನಿ‌ಮ್ |
ಘೃ॒ತಸ್ಯ॒ ಧಾರಾಃ᳚ ಸ॒ಮಿಧೋ᳚ ನಸ‌ನ್ತ॒ ತಾ ಜು॑ಷಾ॒ಣೋ ಹ᳚ರ್ಯತಿ ಜಾ॒ತವೇ᳚ದಾಃ || 4.58.8
ಕ॒ನ್ಯಾ᳚ ಇವ ವಹ॒ತುಮೇತ॒ವಾ ಉ॑ ಅಂ॒ಜ್ಯಂ᳚ಜಾ॒ನಾ ಅ॒ಭಿ ಚಾ᳚ಕಶೀಮಿ |
ಯತ್ರ॒ ಸೋಮಃ॑ ಸೂ॒ಯತೇ॒ ಯತ್ರ॑ ಯ॒ಜ್ಞೋ ಘೃ॒ತಸ್ಯ॒ ಧಾರಾ᳚ ಅ॒ಭಿ ತತ್ಪ॑ವ‌ನ್ತೇ || 4.58.9
ಅ॒ಭ್ಯ॑ರ್ಷತ ಸುಷ್ಟು॒ತಿಂ ಗವ್ಯ॑ಮಾ॒ಜಿಮ॒ಸ್ಮಾಸು॑ ಭ॒ದ್ರಾ ದ್ರವಿ॑ಣಾನಿ ಧತ್ತ |
ಇ॒ಮಂ ಯ॒ಜ್ಞಂ ನ॑ಯತ ದೇ॒ವತಾ᳚ ನೋ ಘೃ॒ತಸ್ಯ॒ ಧಾರಾ॒ ಮಧು॑ಮತ್ಪವ‌ನ್ತೇ || 4.58.10
ಧಾಮ᳚‌ನ್ತೇ॒ ವಿಶ್ವಂ॒ ಭುವ॑ನ॒ಮಧಿ॑ ಶ್ರಿ॒ತಮ॒‌ನ್ತಃ ಸ॑ಮು॒ದ್ರೇ ಹೃ॒ದ್ಯ1॒᳚‌ನ್ತರಾಯು॑ಷಿ |
ಅ॒ಪಾಮನೀ᳚ಕೇ ಸಮಿ॒ಥೇ ಯ ಆಭೃ॑ತ॒ಸ್ತಮ॑ಶ್ಯಾಮ॒ ಮಧು॑ಮ‌ನ್ತಂ ತ ಊ॒ರ್ಮಿ‌ಮ್ || 4.58.11

|| ಇತಿ ಋಗ್ವೇದ ಮಂಡಲಮ್-೪ ||

|| ಅಥ ಋಗ್ವೇದ ಮಂಡಲಮ್-೫ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೌ ಬುಧಗವಿಷ್ಠಿರಾವೃಷೀ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಬೋ᳚ಧ್ಯ॒ಗ್ನಿಃ ಸ॒ಮಿಧಾ॒ ಜನಾ᳚ನಾಂ॒ ಪ್ರತಿ॑ ಧೇ॒ನುಮಿ॑ವಾಯ॒ತೀಮು॒ಷಾಸ‌ಮ್᳚ |
ಯ॒ಹ್ವಾ ಇ॑ವ॒ ಪ್ರ ವ॒ಯಾಮು॒ಜ್ಜಿಹಾ᳚ನಾಃ॒ ಪ್ರ ಭಾ॒ನವಃ॑ ಸಿಸ್ರತೇ॒ ನಾಕ॒ಮಚ್ಛ॑ || 5.1.1
ಅಬೋ᳚ಧಿ॒ ಹೋತಾ᳚ ಯ॒ಜಥಾ᳚ಯ ದೇ॒ವಾನೂ॒ರ್ಧ್ವೋ ಅ॒ಗ್ನಿಃ ಸು॒ಮನಾಃ᳚ ಪ್ರಾ॒ತರ॑ಸ್ಥಾತ್ |
ಸಮಿ॑ದ್ಧಸ್ಯ॒ ರುಶ॑ದದರ್ಶಿ॒ ಪಾಜೋ᳚ ಮ॒ಹಾಂದೇ॒ವಸ್ತಮ॑ಸೋ॒ ನಿರ॑ಮೋಚಿ || 5.1.2
ಯದೀಂ᳚ ಗ॒ಣಸ್ಯ॑ ರಶ॒ನಾಮಜೀ᳚ಗಃ॒ ಶುಚಿ॑ರಂಕ್ತೇ॒ ಶುಚಿ॑ಭಿ॒ರ್ಗೋಭಿ॑ರ॒ಗ್ನಿಃ |
ಆದ್ದಕ್ಷಿ॑ಣಾ ಯುಜ್ಯತೇ ವಾಜ॒ಯ‌ನ್ತ್ಯು॑ತ್ತಾ॒ನಾಮೂ॒ರ್ಧ್ವೋ ಅ॑ಧಯಜ್ಜು॒ಹೂಭಿಃ॑ || 5.1.3
ಅ॒ಗ್ನಿಮಚ್ಛಾ᳚ ದೇವಯ॒ತಾಂ ಮನಾಂ᳚ಸಿ॒ ಚಕ್ಷೂಂ᳚ಷೀವ॒ ಸೂರ್ಯೇ॒ ಸಂ ಚ॑ರ‌ನ್ತಿ |
ಯದೀಂ॒ ಸುವಾ᳚ತೇ ಉ॒ಷಸಾ॒ ವಿರೂ᳚ಪೇ ಶ್ವೇ॒ತೋ ವಾ॒ಜೀ ಜಾ᳚ಯತೇ॒ ಅಗ್ರೇ॒ ಅಹ್ನಾ᳚‌ಮ್ || 5.1.4
ಜನಿ॑ಷ್ಟ॒ ಹಿ ಜೇನ್ಯೋ॒ ಅಗ್ರೇ॒ ಅಹ್ನಾಂ᳚ ಹಿ॒ತೋ ಹಿ॒ತೇಷ್ವ॑ರು॒ಷೋ ವನೇ᳚ಷು |
ದಮೇ᳚ದಮೇ ಸ॒ಪ್ತ ರತ್ನಾ॒ ದಧಾ᳚ನೋ॒ಽಗ್ನಿರ್ಹೋತಾ॒ ನಿ ಷ॑ಸಾದಾ॒ ಯಜೀ᳚ಯಾನ್ || 5.1.5
ಅ॒ಗ್ನಿರ್ಹೋತಾ॒ ನ್ಯ॑ಸೀದ॒ದ್ಯಜೀ᳚ಯಾನು॒ಪಸ್ಥೇ᳚ ಮಾ॒ತುಃ ಸು॑ರ॒ಭಾ ಉ॑ ಲೋ॒ಕೇ |
ಯುವಾ᳚ ಕ॒ವಿಃ ಪು॑ರುನಿ॒ಷ್ಠ ಋ॒ತಾವಾ᳚ ಧ॒ರ್ತಾ ಕೃ॑ಷ್ಟೀ॒ನಾಮು॒ತ ಮಧ್ಯ॑ ಇ॒ದ್ಧಃ || 5.1.6
ಪ್ರ ಣು ತ್ಯಂ ವಿಪ್ರ॑ಮಧ್ವ॒ರೇಷು॑ ಸಾ॒ಧುಮ॒ಗ್ನಿಂ ಹೋತಾ᳚ರಮೀಳತೇ॒ ನಮೋ᳚ಭಿಃ |
ಆ ಯಸ್ತ॒ತಾನ॒ ರೋದ॑ಸೀ ಋ॒ತೇನ॒ ನಿತ್ಯಂ᳚ ಮೃಜ‌ನ್ತಿ ವಾ॒ಜಿನಂ᳚ ಘೃ॒ತೇನ॑ || 5.1.7
ಮಾ॒ರ್ಜಾ॒ಲ್ಯೋ᳚ ಮೃಜ್ಯತೇ॒ ಸ್ವೇ ದಮೂ᳚ನಾಃ ಕವಿಪ್ರಶ॒ಸ್ತೋ ಅತಿ॑ಥಿಃ ಶಿ॒ವೋ ನಃ॑ |
ಸ॒ಹಸ್ರ॑ಶೃಂಗೋ ವೃಷ॒ಭಸ್ತದೋ᳚ಜಾ॒ ವಿಶ್ವಾಁ᳚ ಅಗ್ನೇ॒ ಸಹ॑ಸಾ॒ ಪ್ರಾಸ್ಯ॒ನ್ಯಾನ್ || 5.1.8
ಪ್ರ ಸ॒ದ್ಯೋ ಅ॑ಗ್ನೇ॒ ಅತ್ಯೇ᳚ಷ್ಯ॒ನ್ಯಾನಾ॒ವಿರ್ಯಸ್ಮೈ॒ ಚಾರು॑ತಮೋ ಬ॒ಭೂಥ॑ |
ಈ॒ಳೇನ್ಯೋ᳚ ವಪು॒ಷ್ಯೋ᳚ ವಿ॒ಭಾವಾ᳚ ಪ್ರಿ॒ಯೋ ವಿ॒ಶಾಮತಿ॑ಥಿ॒ರ್ಮಾನು॑ಷೀಣಾ‌ಮ್ || 5.1.9
ತುಭ್ಯಂ᳚ ಭರ‌ನ್ತಿ ಕ್ಷಿ॒ತಯೋ᳚ ಯವಿಷ್ಠ ಬ॒ಲಿಮ॑ಗ್ನೇ॒ ಅ‌ನ್ತಿ॑ತ॒ ಓತ ದೂ॒ರಾತ್ |
ಆ ಭಂದಿ॑ಷ್ಠಸ್ಯ ಸುಮ॒ತಿಂ ಚಿ॑ಕಿದ್ಧಿ ಬೃ॒ಹತ್ತೇ᳚ ಅಗ್ನೇ॒ ಮಹಿ॒ ಶರ್ಮ॑ ಭ॒ದ್ರ‌ಮ್ || 5.1.10
ಆದ್ಯ ರಥಂ᳚ ಭಾನುಮೋ ಭಾನು॒ಮ‌ನ್ತ॒ಮಗ್ನೇ॒ ತಿಷ್ಠ॑ ಯಜ॒ತೇಭಿಃ॒ ಸಮ᳚‌ನ್ತ‌ಮ್ |
ವಿ॒ದ್ವಾನ್ಪ॑ಥೀ॒ನಾಮು॒ರ್ವ1॒᳚‌ನ್ತರಿ॑ಕ್ಷ॒ಮೇಹ ದೇ॒ವಾನ್ಹ॑ವಿ॒ರದ್ಯಾ᳚ಯ ವಕ್ಷಿ || 5.1.11
ಅವೋ᳚ಚಾಮ ಕ॒ವಯೇ॒ ಮೇಧ್ಯಾ᳚ಯ॒ ವಚೋ᳚ ವಂ॒ದಾರು॑ ವೃಷ॒ಭಾಯ॒ ವೃಷ್ಣೇ᳚ |
ಗವಿ॑ಷ್ಠಿರೋ॒ ನಮ॑ಸಾ॒ ಸ್ತೋಮ॑ಮ॒ಗ್ನೌ ದಿ॒ವೀ᳚ವ ರು॒ಕ್ಮಮು॑ರು॒ವ್ಯಂಚ॑ಮಶ್ರೇತ್ || 5.1.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ (1, 3-8, 10-12) ಪ್ರಥಮರ್ಚಸ್ತೃತೀಯಾದಿಷಣ್ಣಾಂ ದಶಮ್ಯಾದಿತೃಚಸ್ಯ ಚಾತ್ರೇಯಃ ಕುಮಾರೋ ಜಾನೋ ವೃಶೋ ವಾ, ಉಭೌ ವಾ, (2, 9) ದ್ವಿತೀಯಾನವಮ್ಯೋಶ್ಚ ಜಾನೋ ವೃಶ ಋಷಿಃ, ಅಗ್ನಿರ್ದೇವತಾ, (1-11) ಪ್ರಥಮಾದ್ಯೇಕಾದಶೋಂ ತ್ರಿಷ್ಟುಪ್, (12) ದ್ವಾದಶ್ಯಾಶ್ಚ ಶಕ್ವರೀ ಛಂದಸೀ

ಕು॒ಮಾ॒ರಂ ಮಾ॒ತಾ ಯು॑ವ॒ತಿಃ ಸಮು॑ಬ್ಧಂ॒ ಗುಹಾ᳚ ಬಿಭರ್ತಿ॒ ನ ದ॑ದಾತಿ ಪಿ॒ತ್ರೇ |
ಅನೀ᳚ಕಮಸ್ಯ॒ ನ ಮಿ॒ನಜ್ಜನಾ᳚ಸಃ ಪು॒ರಃ ಪ॑ಶ್ಯ‌ನ್ತಿ॒ ನಿಹಿ॑ತಮರ॒ತೌ || 5.2.1
ಕಮೇ॒ತಂ ತ್ವಂ ಯು॑ವತೇ ಕುಮಾ॒ರಂ ಪೇಷೀ᳚ ಬಿಭರ್ಷಿ॒ ಮಹಿ॑ಷೀ ಜಜಾನ |
ಪೂ॒ರ್ವೀರ್ಹಿ ಗರ್ಭಃ॑ ಶ॒ರದೋ᳚ ವ॒ವರ್ಧಾಪ॑ಶ್ಯಂ ಜಾ॒ತಂ ಯದಸೂ᳚ತ ಮಾ॒ತಾ || 5.2.2
ಹಿರ᳚ಣ್ಯದ‌ನ್ತಂ॒ ಶುಚಿ॑ವರ್ಣಮಾ॒ರಾತ್ಕ್ಷೇತ್ರಾ᳚ದಪಶ್ಯ॒ಮಾಯು॑ಧಾ॒ ಮಿಮಾ᳚ನ‌ಮ್ |
ದ॒ದಾ॒ನೋ ಅ॑ಸ್ಮಾ ಅ॒ಮೃತಂ᳚ ವಿ॒ಪೃಕ್ವ॒ತ್ಕಿಂ ಮಾಮ॑ನಿಂ॒ದ್ರಾಃ ಕೃ॑ಣವನ್ನನು॒ಕ್ಥಾಃ || 5.2.3
ಕ್ಷೇತ್ರಾ᳚ದಪಶ್ಯಂ ಸನು॒ತಶ್ಚರ᳚‌ನ್ತಂ ಸು॒ಮದ್ಯೂ॒ಥಂ ನ ಪು॒ರು ಶೋಭ॑ಮಾನ‌ಮ್ |
ನ ತಾ ಅ॑ಗೃಭ್ರ॒ನ್ನಜ॑ನಿಷ್ಟ॒ ಹಿ ಷಃ ಪಲಿ॑ಕ್ನೀ॒ರಿದ್ಯು॑ವ॒ತಯೋ᳚ ಭವ‌ನ್ತಿ || 5.2.4
ಕೇ ಮೇ᳚ ಮರ್ಯ॒ಕಂ ವಿ ಯ॑ವ‌ನ್ತ॒ ಗೋಭಿ॒ರ್ನ ಯೇಷಾಂ᳚ ಗೋ॒ಪಾ ಅರ॑ಣಶ್ಚಿ॒ದಾಸ॑ |
ಯ ಈಂ᳚ ಜಗೃ॒ಭುರವ॒ ತೇ ಸೃ॑ಜ॒‌ನ್ತ್ವಾಜಾ᳚ತಿ ಪ॒ಶ್ವ ಉಪ॑ ನಶ್ಚಿಕಿ॒ತ್ವಾನ್ || 5.2.5
ವ॒ಸಾಂ ರಾಜಾ᳚ನಂ ವಸ॒ತಿಂ ಜನಾ᳚ನಾ॒ಮರಾ᳚ತಯೋ॒ ನಿ ದ॑ಧು॒ರ್ಮರ್ತ್ಯೇ᳚ಷು |
ಬ್ರಹ್ಮಾ॒ಣ್ಯತ್ರೇ॒ರವ॒ ತಂ ಸೃ॑ಜ‌ನ್ತು ನಿಂದಿ॒ತಾರೋ॒ ನಿಂದ್ಯಾ᳚ಸೋ ಭವ‌ನ್ತು || 5.2.6
ಶುನ॑ಶ್ಚಿ॒ಚ್ಛೇಪಂ॒ ನಿದಿ॑ತಂ ಸ॒ಹಸ್ರಾ॒ದ್ಯೂಪಾ᳚ದಮುಂಚೋ॒ ಅಶ॑ಮಿಷ್ಟ॒ ಹಿ ಷಃ |
ಏ॒ವಾಸ್ಮದ॑ಗ್ನೇ॒ ವಿ ಮು॑ಮುಗ್ಧಿ॒ ಪಾಶಾ॒ನ್ಹೋತ॑ಶ್ಚಿಕಿತ್ವ ಇ॒ಹ ತೂ ನಿ॒ಷದ್ಯ॑ || 5.2.7
ಹೃ॒ಣೀ॒ಯಮಾ᳚ನೋ॒ ಅಪ॒ ಹಿ ಮದೈಯೇಃ॒ ಪ್ರ ಮೇ᳚ ದೇ॒ವಾನಾಂ᳚ ವ್ರತ॒ಪಾ ಉ॑ವಾಚ |
ಇಂದ್ರೋ᳚ ವಿ॒ದ್ವಾಁ ಅನು॒ ಹಿ ತ್ವಾ᳚ ಚ॒ಚಕ್ಷ॒ ತೇನಾ॒ಹಮ॑ಗ್ನೇ॒ ಅನು॑ಶಿಷ್ಟ॒ ಆಗಾ᳚‌ಮ್ || 5.2.8
ವಿ ಜ್ಯೋತಿ॑ಷಾ ಬೃಹ॒ತಾ ಭಾ᳚ತ್ಯ॒ಗ್ನಿರಾ॒ವಿರ್ವಿಶ್ವಾ᳚ನಿ ಕೃಣುತೇ ಮಹಿ॒ತ್ವಾ |
ಪ್ರಾದೇ᳚ವೀರ್ಮಾ॒ಯಾಃ ಸ॑ಹತೇ ದು॒ರೇವಾಃ॒ ಶಿಶೀ᳚ತೇ॒ ಶೃಂಗೇ॒ ರಕ್ಷ॑ಸೇ ವಿ॒ನಿಕ್ಷೇ᳚ || 5.2.9
ಉ॒ತ ಸ್ವಾ॒ನಾಸೋ᳚ ದಿ॒ವಿ ಷ᳚‌ನ್ತ್ವ॒ಗ್ನೇಸ್ತಿ॒ಗ್ಮಾಯು॑ಧಾ॒ ರಕ್ಷ॑ಸೇ॒ ಹ‌ನ್ತ॒ವಾ ಉ॑ |
ಮದೇ᳚ ಚಿದಸ್ಯ॒ ಪ್ರ ರು॑ಜ‌ನ್ತಿ॒ ಭಾಮಾ॒ ನ ವ॑ರ‌ನ್ತೇ ಪರಿ॒ಬಾಧೋ॒ ಅದೇ᳚ವೀಃ || 5.2.10
ಏ॒ತಂ ತೇ॒ ಸ್ತೋಮಂ᳚ ತುವಿಜಾತ॒ ವಿಪ್ರೋ॒ ರಥಂ॒ ನ ಧೀರಃ॒ ಸ್ವಪಾ᳚ ಅತಕ್ಷ‌ಮ್ |
ಯದೀದ॑ಗ್ನೇ॒ ಪ್ರತಿ॒ ತ್ವಂ ದೇ᳚ವ॒ ಹರ್ಯಾಃ॒ ಸ್ವ᳚ರ್ವತೀರ॒ಪ ಏ᳚ನಾ ಜಯೇಮ || 5.2.11
ತು॒ವಿ॒ಗ್ರೀವೋ᳚ ವೃಷ॒ಭೋ ವಾ᳚ವೃಧಾ॒ನೋ᳚ಽಶ॒ತ್ರ್ವ1॒᳚ರ್ಯಃ ಸಮ॑ಜಾತಿ॒ ವೇದಃ॑ |
ಇತೀ॒ಮಮ॒ಗ್ನಿಮ॒ಮೃತಾ᳚ ಅವೋಚನ್ಬ॒ರ್ಹಿಷ್ಮ॑ತೇ॒ ಮನ॑ವೇ॒ ಶರ್ಮ॑ ಯಂಸದ್ಧ॒ವಿಷ್ಮ॑ತೇ॒ ಮನ॑ವೇ॒ ಶರ್ಮ॑ ಯಂಸತ್ || 5.2.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಸುಶ್ರತು ಋಷಿಃ (1-2, 4-12) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿನವಾನಾಂಚಾಗ್ನಿಃ, (3) ತೃತೀಯಾಯಾಶ್ಚ ಮರುದ್ರುದ್ರವಿಷ್ಣವೋ ದೇವತಾಃ (1) ಪ್ರಥಮ! ವಿರಾಟ್, (2-12) ದ್ವಿತೀಯಾದ್ಯೇಕಾದಶಾನಾಂಚ ತ್ರಿಷ್ಟುಪ್ ಛಂದಸೀ

ತ್ವಮ॑ಗ್ನೇ॒ ವರು॑ಣೋ॒ ಜಾಯ॑ಸೇ॒ ಯತ್ತ್ವಂ ಮಿ॒ತ್ರೋ ಭ॑ವಸಿ॒ ಯತ್ಸಮಿ॑ದ್ಧಃ |
ತ್ವೇ ವಿಶ್ವೇ᳚ ಸಹಸಸ್ಪುತ್ರ ದೇ॒ವಾಸ್ತ್ವಮಿಂದ್ರೋ᳚ ದಾ॒ಶುಷೇ॒ ಮರ್ತ್ಯಾ᳚ಯ || 5.3.1
ತ್ವಮ᳚ರ್ಯ॒ಮಾ ಭ॑ವಸಿ॒ ಯತ್ಕ॒ನೀನಾಂ॒ ನಾಮ॑ ಸ್ವಧಾವ॒ನ್ಗುಹ್ಯಂ᳚ ಬಿಭರ್ಷಿ |
ಅಂ॒ಜ‌ನ್ತಿ॑ ಮಿ॒ತ್ರಂ ಸುಧಿ॑ತಂ॒ ನ ಗೋಭಿ॒ರ್ಯದ್ದಂಪ॑ತೀ॒ ಸಮ॑ನಸಾ ಕೃ॒ಣೋಷಿ॑ || 5.3.2
ತವ॑ ಶ್ರಿ॒ಯೇ ಮ॒ರುತೋ᳚ ಮರ್ಜಯ‌ನ್ತ॒ ರುದ್ರ॒ ಯತ್ತೇ॒ ಜನಿ॑ಮ॒ ಚಾರು॑ ಚಿ॒ತ್ರ‌ಮ್ |
ಪ॒ದಂ ಯದ್ವಿಷ್ಣೋ᳚ರುಪ॒ಮಂ ನಿ॒ಧಾಯಿ॒ ತೇನ॑ ಪಾಸಿ॒ ಗುಹ್ಯಂ॒ ನಾಮ॒ ಗೋನಾ᳚‌ಮ್ || 5.3.3
ತವ॑ ಶ್ರಿ॒ಯಾ ಸು॒ದೃಶೋ᳚ ದೇವ ದೇ॒ವಾಃ ಪು॒ರೂ ದಧಾ᳚ನಾ ಅ॒ಮೃತಂ᳚ ಸಪ‌ನ್ತ |
ಹೋತಾ᳚ರಮ॒ಗ್ನಿಂ ಮನು॑ಷೋ॒ ನಿ ಷೇ᳚ದುರ್ದಶ॒ಸ್ಯ‌ನ್ತ॑ ಉ॒ಶಿಜಃ॒ ಶಂಸ॑ಮಾ॒ಯೋಃ || 5.3.4
ನ ತ್ವದ್ಧೋತಾ॒ ಪೂರ್ವೋ᳚ ಅಗ್ನೇ॒ ಯಜೀ᳚ಯಾ॒ನ್ನ ಕಾವ್ಯೈಃ᳚ ಪ॒ರೋ ಅ॑ಸ್ತಿ ಸ್ವಧಾವಃ |
ವಿ॒ಶಶ್ಚ॒ ಯಸ್ಯಾ॒ ಅತಿ॑ಥಿ॒ರ್ಭವಾ᳚ಸಿ॒ ಸ ಯ॒ಜ್ಞೇನ॑ ವನವದ್ದೇವ॒ ಮರ್ತಾನ್॑ || 5.3.5
ವ॒ಯಮ॑ಗ್ನೇ ವನುಯಾಮ॒ ತ್ವೋತಾ᳚ ವಸೂ॒ಯವೋ᳚ ಹ॒ವಿಷಾ॒ ಬುಧ್ಯ॑ಮಾನಾಃ |
ವ॒ಯಂ ಸ॑ಮ॒ರ್ಯೇ ವಿ॒ದಥೇ॒ಷ್ವಹ್ನಾಂ᳚ ವ॒ಯಂ ರಾ॒ಯಾ ಸ॑ಹಸಸ್ಪುತ್ರ॒ ಮರ್ತಾನ್॑ || 5.3.6
ಯೋ ನ॒ ಆಗೋ᳚ ಅ॒ಭ್ಯೇನೋ॒ ಭರಾ॒ತ್ಯಧೀದ॒ಘಮ॒ಘಶಂ᳚ಸೇ ದಧಾತ |
ಜ॒ಹೀ ಚಿ॑ಕಿತ್ವೋ ಅ॒ಭಿಶ॑ಸ್ತಿಮೇ॒ತಾಮಗ್ನೇ॒ ಯೋ ನೋ᳚ ಮ॒ರ್ಚಯ॑ತಿ ದ್ವ॒ಯೇನ॑ || 5.3.7
ತ್ವಾಮ॒ಸ್ಯಾ ವ್ಯುಷಿ॑ ದೇವ॒ ಪೂರ್ವೇ᳚ ದೂ॒ತಂ ಕೃ᳚ಣ್ವಾ॒ನಾ ಅ॑ಯಜ‌ನ್ತ ಹ॒ವ್ಯೈಃ |
ಸಂ॒ಸ್ಥೇ ಯದ॑ಗ್ನ॒ ಈಯ॑ಸೇ ರಯೀ॒ಣಾಂ ದೇ॒ವೋ ಮರ್ತೈ॒ರ್ವಸು॑ಭಿರಿ॒ಧ್ಯಮಾ᳚ನಃ || 5.3.8
ಅವ॑ ಸ್ಪೃಧಿ ಪಿ॒ತರಂ॒ ಯೋಧಿ॑ ವಿ॒ದ್ವಾನ್ಪು॒ತ್ರೋ ಯಸ್ತೇ᳚ ಸಹಸಃ ಸೂನ ಊ॒ಹೇ |
ಕ॒ದಾ ಚಿ॑ಕಿತ್ವೋ ಅ॒ಭಿ ಚ॑ಕ್ಷಸೇ॒ ನೋಽಗ್ನೇ᳚ ಕ॒ದಾಁ ಋ॑ತ॒ಚಿದ್ಯಾ᳚ತಯಾಸೇ || 5.3.9
ಭೂರಿ॒ ನಾಮ॒ ವಂದ॑ಮಾನೋ ದಧಾತಿ ಪಿ॒ತಾ ವ॑ಸೋ॒ ಯದಿ॒ ತಜ್ಜೋ॒ಷಯಾ᳚ಸೇ |
ಕು॒ವಿದ್ದೇ॒ವಸ್ಯ॒ ಸಹ॑ಸಾ ಚಕಾ॒ನಃ ಸು॒ಮ್ನಮ॒ಗ್ನಿರ್ವ॑ನತೇ ವಾವೃಧಾ॒ನಃ || 5.3.10
ತ್ವಮಂ॒ಗ ಜ॑ರಿ॒ತಾರಂ᳚ ಯವಿಷ್ಠ॒ ವಿಶ್ವಾ᳚ನ್ಯಗ್ನೇ ದುರಿ॒ತಾತಿ॑ ಪರ್ಷಿ |
ಸ್ತೇ॒ನಾ ಅ॑ದೃಶ್ರನ್ರಿ॒ಪವೋ॒ ಜನಾ॒ಸೋಽಜ್ಞಾ᳚ತಕೇತಾ ವೃಜಿ॒ನಾ ಅ॑ಭೂವನ್ || 5.3.11
ಇ॒ಮೇ ಯಾಮಾ᳚ಸಸ್ತ್ವ॒ದ್ರಿಗ॑ಭೂವ॒ನ್ವಸ॑ವೇ ವಾ॒ ತದಿದಾಗೋ᳚ ಅವಾಚಿ |
ನಾಹಾ॒ಯಮ॒ಗ್ನಿರ॒ಭಿಶ॑ಸ್ತಯೇ ನೋ॒ ನ ರೀಷ॑ತೇ ವಾವೃಧಾ॒ನಃ ಪರಾ᳚ ದಾತ್ || 5.3.12

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಸುಶ್ರುತು ಋಷಿಃ, ಅಗ್ನಿದೇರ್ವತಾ, ತ್ರಿಷ್ಟುಪ್ ಛಂದಃ

ತ್ವಾಮ॑ಗ್ನೇ॒ ವಸು॑ಪತಿಂ॒ ವಸೂ᳚ನಾಮ॒ಭಿ ಪ್ರ ಮಂ᳚ದೇ ಅಧ್ವ॒ರೇಷು॑ ರಾಜನ್ |
ತ್ವಯಾ॒ ವಾಜಂ᳚ ವಾಜ॒ಯ‌ನ್ತೋ᳚ ಜಯೇಮಾ॒ಭಿ ಷ್ಯಾ᳚ಮ ಪೃತ್ಸು॒ತೀರ್ಮರ್ತ್ಯಾ᳚ನಾ‌ಮ್ || 5.4.1
ಹ॒ವ್ಯ॒ವಾಳ॒ಗ್ನಿರ॒ಜರಃ॑ ಪಿ॒ತಾ ನೋ᳚ ವಿ॒ಭುರ್ವಿ॒ಭಾವಾ᳚ ಸು॒ದೃಶೀ᳚ಕೋ ಅ॒ಸ್ಮೇ |
ಸು॒ಗಾ॒ರ್ಹ॒ಪ॒ತ್ಯಾಃ ಸಮಿಷೋ᳚ ದಿದೀಹ್ಯಸ್ಮ॒ದ್ರ್ಯ1॒॑ಕ್ಸಂ ಮಿ॑ಮೀಹಿ॒ ಶ್ರವಾಂ᳚ಸಿ || 5.4.2
ವಿ॒ಶಾಂ ಕ॒ವಿಂ ವಿ॒ಶ್ಪತಿಂ॒ ಮಾನು॑ಷೀಣಾಂ॒ ಶುಚಿಂ᳚ ಪಾವ॒ಕಂ ಘೃ॒ತಪೃ॑ಷ್ಠಮ॒ಗ್ನಿ‌ಮ್ |
ನಿ ಹೋತಾ᳚ರಂ ವಿಶ್ವ॒ವಿದಂ᳚ ದಧಿಧ್ವೇ॒ ಸ ದೇ॒ವೇಷು॑ ವನತೇ॒ ವಾರ್ಯಾ᳚ಣಿ || 5.4.3
ಜು॒ಷಸ್ವಾ᳚ಗ್ನ॒ ಇಳ॑ಯಾ ಸ॒ಜೋಷಾ॒ ಯತ॑ಮಾನೋ ರ॒ಶ್ಮಿಭಿಃ॒ ಸೂರ್ಯ॑ಸ್ಯ |
ಜು॒ಷಸ್ವ॑ ನಃ ಸ॒ಮಿಧಂ᳚ ಜಾತವೇದ॒ ಆ ಚ॑ ದೇ॒ವಾನ್ಹ॑ವಿ॒ರದ್ಯಾ᳚ಯ ವಕ್ಷಿ || 5.4.4
ಜುಷ್ಟೋ॒ ದಮೂ᳚ನಾ॒ ಅತಿ॑ಥಿರ್ದುರೋ॒ಣ ಇ॒ಮಂ ನೋ᳚ ಯ॒ಜ್ಞಮುಪ॑ ಯಾಹಿ ವಿ॒ದ್ವಾನ್ |
ವಿಶ್ವಾ᳚ ಅಗ್ನೇ ಅಭಿ॒ಯುಜೋ᳚ ವಿ॒ಹತ್ಯಾ᳚ ಶತ್ರೂಯ॒ತಾಮಾ ಭ॑ರಾ॒ ಭೋಜ॑ನಾನಿ || 5.4.5
ವ॒ಧೇನ॒ ದಸ್ಯುಂ॒ ಪ್ರ ಹಿ ಚಾ॒ತಯ॑ಸ್ವ॒ ವಯಃ॑ ಕೃಣ್ವಾ॒ನಸ್ತ॒ನ್ವೇ॒3॒॑ ಸ್ವಾಯೈ᳚ |
ಪಿಪ॑ರ್ಷಿ॒ ಯತ್ಸ॑ಹಸಸ್ಪುತ್ರ ದೇ॒ವಾ‌ನ್ತ್ಸೋ ಅ॑ಗ್ನೇ ಪಾಹಿ ನೃತಮ॒ ವಾಜೇ᳚ ಅ॒ಸ್ಮಾನ್ || 5.4.6
ವ॒ಯಂ ತೇ᳚ ಅಗ್ನ ಉ॒ಕ್ಥೈರ್ವಿ॑ಧೇಮ ವ॒ಯಂ ಹ॒ವ್ಯೈಃ ಪಾ᳚ವಕ ಭದ್ರಶೋಚೇ |
ಅ॒ಸ್ಮೇ ರ॒ಯಿಂ ವಿ॒ಶ್ವವಾ᳚ರಂ॒ ಸಮಿ᳚ನ್ವಾ॒ಸ್ಮೇ ವಿಶ್ವಾ᳚ನಿ॒ ದ್ರವಿ॑ಣಾನಿ ಧೇಹಿ || 5.4.7
ಅ॒ಸ್ಮಾಕ॑ಮಗ್ನೇ ಅಧ್ವ॒ರಂ ಜು॑ಷಸ್ವ॒ ಸಹ॑ಸಃ ಸೂನೋ ತ್ರಿಷಧಸ್ಥ ಹ॒ವ್ಯ‌ಮ್ |
ವ॒ಯಂ ದೇ॒ವೇಷು॑ ಸು॒ಕೃತಃ॑ ಸ್ಯಾಮ॒ ಶರ್ಮ॑ಣಾ ನಸ್ತ್ರಿ॒ವರೂ᳚ಥೇನ ಪಾಹಿ || 5.4.8
ವಿಶ್ವಾ᳚ನಿ ನೋ ದು॒ರ್ಗಹಾ᳚ ಜಾತವೇದಃ॒ ಸಿಂಧುಂ॒ ನ ನಾ॒ವಾ ದು॑ರಿ॒ತಾತಿ॑ ಪರ್ಷಿ |
ಅಗ್ನೇ᳚ ಅತ್ರಿ॒ವನ್ನಮ॑ಸಾ ಗೃಣಾ॒ನೋ॒3॒॑ಽಸ್ಮಾಕಂ᳚ ಬೋಧ್ಯವಿ॒ತಾ ತ॒ನೂನಾ᳚‌ಮ್ || 5.4.9
ಯಸ್ತ್ವಾ᳚ ಹೃ॒ದಾ ಕೀ॒ರಿಣಾ॒ ಮನ್ಯ॑ಮಾ॒ನೋಽಮ॑ರ್ತ್ಯಂ॒ ಮರ್ತ್ಯೋ॒ ಜೋಹ॑ವೀಮಿ |
ಜಾತ॑ವೇದೋ॒ ಯಶೋ᳚ ಅ॒ಸ್ಮಾಸು॑ ಧೇಹಿ ಪ್ರ॒ಜಾಭಿ॑ರಗ್ನೇ ಅಮೃತ॒ತ್ವಮ॑ಶ್ಯಾ‌ಮ್ || 5.4.10
ಯಸ್ಮೈ॒ ತ್ವಂ ಸು॒ಕೃತೇ᳚ ಜಾತವೇದ ಉ ಲೋ॒ಕಮ॑ಗ್ನೇ ಕೃ॒ಣವಃ॑ ಸ್ಯೋ॒ನ‌ಮ್ |
ಅ॒ಶ್ವಿನಂ॒ ಸ ಪು॒ತ್ರಿಣಂ᳚ ವೀ॒ರವ᳚‌ನ್ತಂ॒ ಗೋಮ᳚‌ನ್ತಂ ರ॒ಯಿಂ ನ॑ಶತೇ ಸ್ವ॒ಸ್ತಿ || 5.4.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಸುಶ್ರತು ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ, (2) ದ್ವಿತೀಯಾಯಾ ನರಾಶಂಸಃ, (3) ತೃತೀಯಾಯಾ ಇಳಃ, (4) ಚತುರ್ಥ್ಯಾ ಬರ್ಹಿಃ, (5) ಪಂಚಮ್ಯಾ ದೇವೀರ್ದ್ವಾರಃ, (6) ಷಷ್ಠ್ಯಾ ಉಷಾಸಾನಕ್ತಾ, (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ, (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ, (9) ನವಮ್ಯಾಸ್ತ್ವಷ್ಟಾ, (10) ದಶಮ್ಯಾ ವನಸ್ಪತಿಃ, (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ, ಗಾಯತ್ರೀ ಛಂದಃ

ಸುಸ॑ಮಿದ್ಧಾಯ ಶೋ॒ಚಿಷೇ᳚ ಘೃ॒ತಂ ತೀ॒ವ್ರಂ ಜು॑ಹೋತನ |
ಅ॒ಗ್ನಯೇ᳚ ಜಾ॒ತವೇ᳚ದಸೇ || 5.5.1
ನರಾ॒ಶಂಸಃ॑ ಸುಷೂದತೀ॒ಮಂ ಯ॒ಜ್ಞಮದಾ᳚ಭ್ಯಃ |
ಕ॒ವಿರ್ಹಿ ಮಧು॑ಹಸ್ತ್ಯಃ || 5.5.2
ಈ॒ಳಿ॒ತೋ ಅ॑ಗ್ನ॒ ಆ ವ॒ಹೇಂದ್ರಂ᳚ ಚಿ॒ತ್ರಮಿ॒ಹ ಪ್ರಿ॒ಯ‌ಮ್ |
ಸು॒ಖೈ ರಥೇ᳚ಭಿರೂ॒ತಯೇ᳚ || 5.5.3
ಊರ್ಣ᳚ಮ್ರದಾ॒ ವಿ ಪ್ರ॑ಥಸ್ವಾ॒ಭ್ಯ1॒॑ರ್ಕಾ ಅ॑ನೂಷತ |
ಭವಾ᳚ ನಃ ಶುಭ್ರ ಸಾ॒ತಯೇ᳚ || 5.5.4
ದೇವೀ᳚ರ್ದ್ವಾರೋ॒ ವಿ ಶ್ರ॑ಯಧ್ವಂ ಸುಪ್ರಾಯ॒ಣಾ ನ॑ ಊ॒ತಯೇ᳚ |
ಪ್ರಪ್ರ॑ ಯ॒ಜ್ಞಂ ಪೃ॑ಣೀತನ || 5.5.5
ಸು॒ಪ್ರತೀ᳚ಕೇ ವಯೋ॒ವೃಧಾ᳚ ಯ॒ಹ್ವೀ ಋ॒ತಸ್ಯ॑ ಮಾ॒ತರಾ᳚ |
ದೋ॒ಷಾಮು॒ಷಾಸ॑ಮೀಮಹೇ || 5.5.6
ವಾತ॑ಸ್ಯ॒ ಪತ್ಮ᳚ನ್ನೀಳಿ॒ತಾ ದೈವ್ಯಾ॒ ಹೋತಾ᳚ರಾ॒ ಮನು॑ಷಃ |
ಇ॒ಮಂ ನೋ᳚ ಯ॒ಜ್ಞಮಾ ಗ॑ತ‌ಮ್ || 5.5.7
ಇಳಾ॒ ಸರ॑ಸ್ವತೀ ಮ॒ಹೀ ತಿ॒ಸ್ರೋ ದೇ॒ವೀರ್ಮ॑ಯೋ॒ಭುವಃ॑ |
ಬ॒ರ್ಹಿಃ ಸೀ᳚ದ‌ನ್ತ್ವ॒ಸ್ರಿಧಃ॑ || 5.5.8
ಶಿ॒ವಸ್ತ್ವ॑ಷ್ಟರಿ॒ಹಾ ಗ॑ಹಿ ವಿ॒ಭುಃ ಪೋಷ॑ ಉ॒ತ ತ್ಮನಾ᳚ |
ಯ॒ಜ್ಞೇಯ॑ಜ್ಞೇ ನ॒ ಉದ॑ವ || 5.5.9
ಯತ್ರ॒ ವೇತ್ಥ॑ ವನಸ್ಪತೇ ದೇ॒ವಾನಾಂ॒ ಗುಹ್ಯಾ॒ ನಾಮಾ᳚ನಿ |
ತತ್ರ॑ ಹ॒ವ್ಯಾನಿ॑ ಗಾಮಯ || 5.5.10
ಸ್ವಾಹಾ॒ಗ್ನಯೇ॒ ವರು॑ಣಾಯ॒ ಸ್ವಾಹೇಂದ್ರಾ᳚ಯ ಮ॒ರುದ್ಭ್ಯಃ॑ |
ಸ್ವಾಹಾ᳚ ದೇ॒ವೇಭ್ಯೋ᳚ ಹ॒ವಿಃ || 5.5.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಸುಶ್ರುತು ಋಷಿಃ, ಅಗ್ನಿದೇರ್ವತಾ, ಪಂಕ್ತಿಶ್ಛಂದಃ

ಅ॒ಗ್ನಿಂ ತಂ ಮ᳚ನ್ಯೇ॒ ಯೋ ವಸು॒ರಸ್ತಂ॒ ಯಂ ಯ‌ನ್ತಿ॑ ಧೇ॒ನವಃ॑ |
ಅಸ್ತ॒ಮರ್ವ᳚‌ನ್ತ ಆ॒ಶವೋಽಸ್ತಂ॒ ನಿತ್ಯಾ᳚ಸೋ ವಾ॒ಜಿನ॒ ಇಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.1
ಸೋ ಅ॒ಗ್ನಿರ್ಯೋ ವಸು॑ರ್ಗೃ॒ಣೇ ಸಂ ಯಮಾ॒ಯ‌ನ್ತಿ॑ ಧೇ॒ನವಃ॑ |
ಸಮರ್ವ᳚‌ನ್ತೋ ರಘು॒ದ್ರುವಃ॒ ಸಂ ಸು॑ಜಾ॒ತಾಸಃ॑ ಸೂ॒ರಯ॒ ಇಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.2
ಅ॒ಗ್ನಿರ್ಹಿ ವಾ॒ಜಿನಂ᳚ ವಿ॒ಶೇ ದದಾ᳚ತಿ ವಿ॒ಶ್ವಚ॑ರ್ಷಣಿಃ |
ಅ॒ಗ್ನೀ ರಾ॒ಯೇ ಸ್ವಾ॒ಭುವಂ॒ ಸ ಪ್ರೀ॒ತೋ ಯಾ᳚ತಿ॒ ವಾರ್ಯ॒ಮಿಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.3
ಆ ತೇ᳚ ಅಗ್ನ ಇಧೀಮಹಿ ದ್ಯು॒ಮ‌ನ್ತಂ᳚ ದೇವಾ॒ಜರ‌ಮ್᳚ |
ಯದ್ಧ॒ ಸ್ಯಾ ತೇ॒ ಪನೀ᳚ಯಸೀ ಸ॒ಮಿದ್ದೀ॒ದಯ॑ತಿ॒ ದ್ಯವೀಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.4
ಆ ತೇ᳚ ಅಗ್ನ ಋ॒ಚಾ ಹ॒ವಿಃ ಶುಕ್ರ॑ಸ್ಯ ಶೋಚಿಷಸ್ಪತೇ |
ಸುಶ್ಚಂ᳚ದ್ರ॒ ದಸ್ಮ॒ ವಿಶ್ಪ॑ತೇ॒ ಹವ್ಯ॑ವಾ॒ಟ್ ತುಭ್ಯಂ᳚ ಹೂಯತ॒ ಇಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.5
ಪ್ರೋ ತ್ಯೇ ಅ॒ಗ್ನಯೋ॒ಽಗ್ನಿಷು॒ ವಿಶ್ವಂ᳚ ಪುಷ್ಯ‌ನ್ತಿ॒ ವಾರ್ಯ‌ಮ್᳚ |
ತೇ ಹಿ᳚ನ್ವಿರೇ॒ ತ ಇ᳚ನ್ವಿರೇ॒ ತ ಇ॑ಷಣ್ಯ‌ನ್ತ್ಯಾನು॒ಷಗಿಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.6
ತವ॒ ತ್ಯೇ ಅ॑ಗ್ನೇ ಅ॒ರ್ಚಯೋ॒ ಮಹಿ᳚ ವ್ರಾಧ‌ನ್ತ ವಾ॒ಜಿನಃ॑ |
ಯೇ ಪತ್ವ॑ಭಿಃ ಶ॒ಫಾನಾಂ᳚ ವ್ರ॒ಜಾ ಭು॒ರ‌ನ್ತ॒ ಗೋನಾ॒ಮಿಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.7
ನವಾ᳚ ನೋ ಅಗ್ನ॒ ಆ ಭ॑ರ ಸ್ತೋ॒ತೃಭ್ಯಃ॑ ಸುಕ್ಷಿ॒ತೀರಿಷಃ॑ |
ತೇ ಸ್ಯಾ᳚ಮ॒ ಯ ಆ᳚ನೃ॒ಚುಸ್ತ್ವಾದೂ᳚ತಾಸೋ॒ ದಮೇ᳚ದಮ॒ ಇಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.8
ಉ॒ಭೇ ಸು॑ಶ್ಚಂದ್ರ ಸ॒ರ್ಪಿಷೋ॒ ದರ್ವೀ᳚ ಶ್ರೀಣೀಷ ಆ॒ಸನಿ॑ |
ಉ॒ತೋ ನ॒ ಉತ್ಪು॑ಪೂರ್ಯಾ ಉ॒ಕ್ಥೇಷು॑ ಶವಸಸ್ಪತ॒ ಇಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.9
ಏ॒ವಾಁ ಅ॒ಗ್ನಿಮ॑ಜುರ್ಯಮುರ್ಗೀ॒ರ್ಭಿರ್ಯ॒ಜ್ಞೇಭಿ॑ರಾನು॒ಷಕ್ |
ದಧ॑ದ॒ಸ್ಮೇ ಸು॒ವೀರ್ಯ॑ಮು॒ತ ತ್ಯದಾ॒ಶ್ವಶ್ವ್ಯ॒ಮಿಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 5.6.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯ ಇಷ ಋಷಿಃ, ಅಗ್ನಿದೇರ್ವತಾ(1-9) ಪ್ರಥಮಾದಿನವರ್ಚಾಮನುಷ್ಟಪ್ , (10) ದಶಮ್ಯಾಶ್ಚ ಪಂಕ್ತಿಶ್ಛಂದಸೀ

ಸಖಾ᳚ಯಃ॒ ಸಂ ವಃ॑ ಸ॒ಮ್ಯಂಚ॒ಮಿಷಂ॒ ಸ್ತೋಮಂ᳚ ಚಾ॒ಗ್ನಯೇ᳚ |
ವರ್ಷಿ॑ಷ್ಠಾಯ ಕ್ಷಿತೀ॒ನಾಮೂ॒ರ್ಜೋ ನಪ್ತ್ರೇ॒ ಸಹ॑ಸ್ವತೇ || 5.7.1
ಕುತ್ರಾ᳚ ಚಿ॒ದ್ಯಸ್ಯ॒ ಸಮೃ॑ತೌ ರ॒ಣ್ವಾ ನರೋ᳚ ನೃ॒ಷದ॑ನೇ |
ಅರ್ಹ᳚‌ನ್ತಶ್ಚಿ॒ದ್ಯಮಿಂ᳚ಧ॒ತೇ ಸಂ᳚ಜ॒ನಯ᳚‌ನ್ತಿ ಜ॒‌ನ್ತವಃ॑ || 5.7.2
ಸಂ ಯದಿ॒ಷೋ ವನಾ᳚ಮಹೇ॒ ಸಂ ಹ॒ವ್ಯಾ ಮಾನು॑ಷಾಣಾ‌ಮ್ |
ಉ॒ತ ದ್ಯು॒ಮ್ನಸ್ಯ॒ ಶವ॑ಸ ಋ॒ತಸ್ಯ॑ ರ॒ಶ್ಮಿಮಾ ದ॑ದೇ || 5.7.3
ಸ ಸ್ಮಾ᳚ ಕೃಣೋತಿ ಕೇ॒ತುಮಾ ನಕ್ತಂ᳚ ಚಿದ್ದೂ॒ರ ಆ ಸ॒ತೇ |
ಪಾ॒ವ॒ಕೋ ಯದ್ವನ॒ಸ್ಪತೀ॒ನ್ಪ್ರ ಸ್ಮಾ᳚ ಮಿ॒ನಾತ್ಯ॒ಜರಃ॑ || 5.7.4
ಅವ॑ ಸ್ಮ॒ ಯಸ್ಯ॒ ವೇಷ॑ಣೇ॒ ಸ್ವೇದಂ᳚ ಪ॒ಥಿಷು॒ ಜುಹ್ವ॑ತಿ |
ಅ॒ಭೀಮಹ॒ ಸ್ವಜೇ᳚ನ್ಯಂ॒ ಭೂಮಾ᳚ ಪೃ॒ಷ್ಠೇವ॑ ರುರುಹುಃ || 5.7.5
ಯಂ ಮರ್ತ್ಯಃ॑ ಪುರು॒ಸ್ಪೃಹಂ᳚ ವಿ॒ದದ್ವಿಶ್ವ॑ಸ್ಯ॒ ಧಾಯ॑ಸೇ |
ಪ್ರ ಸ್ವಾದ॑ನಂ ಪಿತೂ॒ನಾಮಸ್ತ॑ತಾತಿಂ ಚಿದಾ॒ಯವೇ᳚ || 5.7.6
ಸ ಹಿ ಷ್ಮಾ॒ ಧನ್ವಾಕ್ಷಿ॑ತಂ॒ ದಾತಾ॒ ನ ದಾತ್ಯಾ ಪ॒ಶುಃ |
ಹಿರಿ॑ಶ್ಮಶ್ರುಃ॒ ಶುಚಿ॑ದನ್ನೃ॒ಭುರನಿ॑ಭೃಷ್ಟತವಿಷಿಃ || 5.7.7
ಶುಚಿಃ॑ ಷ್ಮ॒ ಯಸ್ಮಾ᳚ ಅತ್ರಿ॒ವತ್ಪ್ರ ಸ್ವಧಿ॑ತೀವ॒ ರೀಯ॑ತೇ |
ಸು॒ಷೂರ॑ಸೂತ ಮಾ॒ತಾ ಕ್ರಾ॒ಣಾ ಯದಾ᳚ನ॒ಶೇ ಭಗ‌ಮ್᳚ || 5.7.8
ಆ ಯಸ್ತೇ᳚ ಸರ್ಪಿರಾಸು॒ತೇಽಗ್ನೇ॒ ಶಮಸ್ತಿ॒ ಧಾಯ॑ಸೇ |
ಐಷು॑ ದ್ಯು॒ಮ್ನಮು॒ತ ಶ್ರವ॒ ಆ ಚಿ॒ತ್ತಂ ಮರ್ತ್ಯೇ᳚ಷು ಧಾಃ || 5.7.9
ಇತಿ॑ ಚಿನ್ಮ॒ನ್ಯುಮ॒ಧ್ರಿಜ॒ಸ್ತ್ವಾದಾ᳚ತ॒ಮಾ ಪ॒ಶುಂ ದ॑ದೇ |
ಆದ॑ಗ್ನೇ॒ ಅಪೃ॑ಣ॒ತೋಽತ್ರಿಃ॑ ಸಾಸಹ್ಯಾ॒ದ್ದಸ್ಯೂ᳚ನಿ॒ಷಃ ಸಾ᳚ಸಹ್ಯಾ॒ನ್ನೄನ್ || 5.7.10

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯ ಇಷ ಋಷಿಃ, ಅಗ್ನಿರ್ದೇವತಾ, ಜಗತೀ ಛಂದಃ

ತ್ವಾಮ॑ಗ್ನ ಋತಾ॒ಯವಃ॒ ಸಮೀ᳚ಧಿರೇ ಪ್ರ॒ತ್ನಂ ಪ್ರ॒ತ್ನಾಸ॑ ಊ॒ತಯೇ᳚ ಸಹಸ್ಕೃತ |
ಪು॒ರು॒ಶ್ಚಂ॒ದ್ರಂ ಯ॑ಜ॒ತಂ ವಿ॒ಶ್ವಧಾ᳚ಯಸಂ॒ ದಮೂ᳚ನಸಂ ಗೃ॒ಹಪ॑ತಿಂ॒ ವರೇ᳚ಣ್ಯ‌ಮ್ || 5.8.1
ತ್ವಾಮ॑ಗ್ನೇ॒ ಅತಿ॑ಥಿಂ ಪೂ॒ರ್ವ್ಯಂ ವಿಶಃ॑ ಶೋ॒ಚಿಷ್ಕೇ᳚ಶಂ ಗೃ॒ಹಪ॑ತಿಂ॒ ನಿ ಷೇ᳚ದಿರೇ |
ಬೃ॒ಹತ್ಕೇ᳚ತುಂ ಪುರು॒ರೂಪಂ᳚ ಧನ॒ಸ್ಪೃತಂ᳚ ಸು॒ಶರ್ಮಾ᳚ಣಂ॒ ಸ್ವವ॑ಸಂ ಜರ॒ದ್ವಿಷ‌ಮ್᳚ || 5.8.2
ತ್ವಾಮ॑ಗ್ನೇ॒ ಮಾನು॑ಷೀರೀಳತೇ॒ ವಿಶೋ᳚ ಹೋತ್ರಾ॒ವಿದಂ॒ ವಿವಿ॑ಚಿಂ ರತ್ನ॒ಧಾತ॑ಮ‌ಮ್ |
ಗುಹಾ॒ ಸ‌ನ್ತಂ᳚ ಸುಭಗ ವಿ॒ಶ್ವದ॑ರ್ಶತಂ ತುವಿಷ್ವ॒ಣಸಂ᳚ ಸು॒ಯಜಂ᳚ ಘೃತ॒ಶ್ರಿಯ‌ಮ್᳚ || 5.8.3
ತ್ವಾಮ॑ಗ್ನೇ ಧರ್ಣ॒ಸಿಂ ವಿ॒ಶ್ವಧಾ᳚ ವ॒ಯಂ ಗೀ॒ರ್ಭಿರ್ಗೃ॒ಣ‌ನ್ತೋ॒ ನಮ॒ಸೋಪ॑ ಸೇದಿಮ |
ಸ ನೋ᳚ ಜುಷಸ್ವ ಸಮಿಧಾ॒ನೋ ಅಂ᳚ಗಿರೋ ದೇ॒ವೋ ಮರ್ತ॑ಸ್ಯ ಯ॒ಶಸಾ᳚ ಸುದೀ॒ತಿಭಿಃ॑ || 5.8.4
ತ್ವಮ॑ಗ್ನೇ ಪುರು॒ರೂಪೋ᳚ ವಿ॒ಶೇವಿ॑ಶೇ॒ ವಯೋ᳚ ದಧಾಸಿ ಪ್ರ॒ತ್ನಥಾ᳚ ಪುರುಷ್ಟುತ |
ಪು॒ರೂಣ್ಯನ್ನಾ॒ ಸಹ॑ಸಾ॒ ವಿ ರಾ᳚ಜಸಿ॒ ತ್ವಿಷಿಃ॒ ಸಾ ತೇ᳚ ತಿತ್ವಿಷಾ॒ಣಸ್ಯ॒ ನಾಧೃಷೇ᳚ || 5.8.5
ತ್ವಾಮ॑ಗ್ನೇ ಸಮಿಧಾ॒ನಂ ಯ॑ವಿಷ್ಠ್ಯ ದೇ॒ವಾ ದೂ॒ತಂ ಚ॑ಕ್ರಿರೇ ಹವ್ಯ॒ವಾಹ॑ನ‌ಮ್ |
ಉ॒ರು॒ಜ್ರಯ॑ಸಂ ಘೃ॒ತಯೋ᳚ನಿ॒ಮಾಹು॑ತಂ ತ್ವೇ॒ಷಂ ಚಕ್ಷು॑ರ್ದಧಿರೇ ಚೋದ॒ಯನ್ಮ॑ತಿ || 5.8.6
ತ್ವಾಮ॑ಗ್ನೇ ಪ್ರ॒ದಿವ॒ ಆಹು॑ತಂ ಘೃ॒ತೈಃ ಸು᳚ಮ್ನಾ॒ಯವಃ॑ ಸುಷ॒ಮಿಧಾ॒ ಸಮೀ᳚ಧಿರೇ |
ಸ ವಾ᳚ವೃಧಾ॒ನ ಓಷ॑ಧೀಭಿರುಕ್ಷಿ॒ತೋ॒3॒॑ಽಭಿ ಜ್ರಯಾಂ᳚ಸಿ॒ ಪಾರ್ಥಿ॑ವಾ॒ ವಿ ತಿ॑ಷ್ಠಸೇ || 5.8.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಗಯ ಋಷಿಃ, ಅಗ್ನಿರ್ದೇವತಾ, (1-4, 6) ಪ್ರಥಮಾದಿಚತುರೃಚ ಆಂ ಷಷ್ಟ್ಯಾಶ್ಚಾನುಷ್ಟಪ್ , (5, 7) ಪಂಚಮೀಸಪ್ತಮ್ಯೋಶ್ಚ ಪತಿಶ್ಛಂದಸೀ

ತ್ವಾಮ॑ಗ್ನೇ ಹ॒ವಿಷ್ಮ᳚‌ನ್ತೋ ದೇ॒ವಂ ಮರ್ತಾ᳚ಸ ಈಳತೇ |
ಮನ್ಯೇ᳚ ತ್ವಾ ಜಾ॒ತವೇ᳚ದಸಂ॒ ಸ ಹ॒ವ್ಯಾ ವ॑ಕ್ಷ್ಯಾನು॒ಷಕ್ || 5.9.1
ಅ॒ಗ್ನಿರ್ಹೋತಾ॒ ದಾಸ್ವ॑ತಃ॒ ಕ್ಷಯ॑ಸ್ಯ ವೃ॒ಕ್ತಬ॑ರ್ಹಿಷಃ |
ಸಂ ಯ॒ಜ್ಞಾಸ॒ಶ್ಚರ᳚‌ನ್ತಿ॒ ಯಂ ಸಂ ವಾಜಾ᳚ಸಃ ಶ್ರವ॒ಸ್ಯವಃ॑ || 5.9.2
ಉ॒ತ ಸ್ಮ॒ ಯಂ ಶಿಶುಂ᳚ ಯಥಾ॒ ನವಂ॒ ಜನಿ॑ಷ್ಟಾ॒ರಣೀ᳚ |
ಧ॒ರ್ತಾರಂ॒ ಮಾನು॑ಷೀಣಾಂ ವಿ॒ಶಾಮ॒ಗ್ನಿಂ ಸ್ವ॑ಧ್ವ॒ರ‌ಮ್ || 5.9.3
ಉ॒ತ ಸ್ಮ॑ ದುರ್ಗೃಭೀಯಸೇ ಪು॒ತ್ರೋ ನ ಹ್ವಾ॒ರ್ಯಾಣಾ᳚‌ಮ್ |
ಪು॒ರೂ ಯೋ ದಗ್ಧಾಸಿ॒ ವನಾಗ್ನೇ᳚ ಪ॒ಶುರ್ನ ಯವ॑ಸೇ || 5.9.4
ಅಧ॑ ಸ್ಮ॒ ಯಸ್ಯಾ॒ರ್ಚಯಃ॑ ಸ॒ಮ್ಯಕ್ಸಂ॒ಯ‌ನ್ತಿ॑ ಧೂ॒ಮಿನಃ॑ |
ಯದೀ॒ಮಹ॑ ತ್ರಿ॒ತೋ ದಿ॒ವ್ಯುಪ॒ ಧ್ಮಾತೇ᳚ವ॒ ಧಮ॑ತಿ॒ ಶಿಶೀ᳚ತೇ ಧ್ಮಾ॒ತರೀ᳚ ಯಥಾ || 5.9.5
ತವಾ॒ಹಮ॑ಗ್ನ ಊ॒ತಿಭಿ᳚ರ್ಮಿ॒ತ್ರಸ್ಯ॑ ಚ॒ ಪ್ರಶ॑ಸ್ತಿಭಿಃ |
ದ್ವೇ॒ಷೋ॒ಯುತೋ॒ ನ ದು॑ರಿ॒ತಾ ತು॒ರ್ಯಾಮ॒ ಮರ್ತ್ಯಾ᳚ನಾ‌ಮ್ || 5.9.6
ತಂ ನೋ᳚ ಅಗ್ನೇ ಅ॒ಭೀ ನರೋ᳚ ರ॒ಯಿಂ ಸ॑ಹಸ್ವ॒ ಆ ಭ॑ರ |
ಸ ಕ್ಷೇ᳚ಪಯ॒ತ್ಸ ಪೋ᳚ಷಯ॒ದ್ಭುವ॒ದ್ವಾಜ॑ಸ್ಯ ಸಾ॒ತಯ॑ ಉ॒ತೈಧಿ॑ ಪೃ॒ತ್ಸು ನೋ᳚ ವೃ॒ಧೇ || 5.9.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಗಯ ಋಷಿಃ, ಅಗ್ನಿದೇರ್ವತಾ(1-3, 5-6) ಪ್ರಥಮಾದಿತೃಚಸ್ಯ ಪಂಚಮೀಷಷ್ಠ್ಯೋರೃಚೋಶ್ಚಾನುಷ್ಟಪ್ (4, 7) ಚತುರ್ಥೀಸಪ್ತಮ್ಯೋಶ್ಚ ಪತಿಶ್ಛಂದಸೀ

ಅಗ್ನ॒ ಓಜಿ॑ಷ್ಠ॒ಮಾ ಭ॑ರ ದ್ಯು॒ಮ್ನಮ॒ಸ್ಮಭ್ಯ॑ಮಧ್ರಿಗೋ |
ಪ್ರ ನೋ᳚ ರಾ॒ಯಾ ಪರೀ᳚ಣಸಾ॒ ರತ್ಸಿ॒ ವಾಜಾ᳚ಯ॒ ಪ‌ನ್ಥಾ᳚‌ಮ್ || 5.10.1
ತ್ವಂ ನೋ᳚ ಅಗ್ನೇ ಅದ್ಭುತ॒ ಕ್ರತ್ವಾ॒ ದಕ್ಷ॑ಸ್ಯ ಮಂ॒ಹನಾ᳚ |
ತ್ವೇ ಅ॑ಸು॒ರ್ಯ1॒॑ಮಾರು॑ಹತ್ಕ್ರಾ॒ಣಾ ಮಿ॒ತ್ರೋ ನ ಯ॒ಜ್ಞಿಯಃ॑ || 5.10.2
ತ್ವಂ ನೋ᳚ ಅಗ್ನ ಏಷಾಂ॒ ಗಯಂ᳚ ಪು॒ಷ್ಟಿಂ ಚ॑ ವರ್ಧಯ |
ಯೇ ಸ್ತೋಮೇ᳚ಭಿಃ॒ ಪ್ರ ಸೂ॒ರಯೋ॒ ನರೋ᳚ ಮ॒ಘಾನ್ಯಾ᳚ನ॒ಶುಃ || 5.10.3
ಯೇ ಅ॑ಗ್ನೇ ಚಂದ್ರ ತೇ॒ ಗಿರಃ॑ ಶುಂ॒ಭ‌ನ್ತ್ಯಶ್ವ॑ರಾಧಸಃ |
ಶುಷ್ಮೇ᳚ಭಿಃ ಶು॒ಷ್ಮಿಣೋ॒ ನರೋ᳚ ದಿ॒ವಶ್ಚಿ॒ದ್ಯೇಷಾಂ᳚ ಬೃ॒ಹತ್ಸು॑ಕೀ॒ರ್ತಿರ್ಬೋಧ॑ತಿ॒ ತ್ಮನಾ᳚ || 5.10.4
ತವ॒ ತ್ಯೇ ಅ॑ಗ್ನೇ ಅ॒ರ್ಚಯೋ॒ ಭ್ರಾಜ᳚‌ನ್ತೋ ಯ‌ನ್ತಿ ಧೃಷ್ಣು॒ಯಾ |
ಪರಿ॑ಜ್ಮಾನೋ॒ ನ ವಿ॒ದ್ಯುತಃ॑ ಸ್ವಾ॒ನೋ ರಥೋ॒ ನ ವಾ᳚ಜ॒ಯುಃ || 5.10.5
ನೂ ನೋ᳚ ಅಗ್ನ ಊ॒ತಯೇ᳚ ಸ॒ಬಾಧ॑ಸಶ್ಚ ರಾ॒ತಯೇ᳚ |
ಅ॒ಸ್ಮಾಕಾ᳚ಸಶ್ಚ ಸೂ॒ರಯೋ॒ ವಿಶ್ವಾ॒ ಆಶಾ᳚ಸ್ತರೀ॒ಷಣಿ॑ || 5.10.6
ತ್ವಂ ನೋ᳚ ಅಗ್ನೇ ಅಂಗಿರಃ ಸ್ತು॒ತಃ ಸ್ತವಾ᳚ನ॒ ಆ ಭ॑ರ |
ಹೋತ᳚ರ್ವಿಭ್ವಾ॒ಸಹಂ᳚ ರ॒ಯಿಂ ಸ್ತೋ॒ತೃಭ್ಯಃ॒ ಸ್ತವ॑ಸೇ ಚ ನ ಉ॒ತೈಧಿ॑ ಪೃ॒ತ್ಸು ನೋ᳚ ವೃ॒ಧೇ || 5.10.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸುತಂಭರ ಋಷಿಃ, ಅಗ್ನಿರ್ದೇವತಾ, ಜಗತೀ ಛಂದಃ

ಜನ॑ಸ್ಯ ಗೋ॒ಪಾ ಅ॑ಜನಿಷ್ಟ॒ ಜಾಗೃ॑ವಿರ॒ಗ್ನಿಃ ಸು॒ದಕ್ಷಃ॑ ಸುವಿ॒ತಾಯ॒ ನವ್ಯ॑ಸೇ |
ಘೃ॒ತಪ್ರ॑ತೀಕೋ ಬೃಹ॒ತಾ ದಿ॑ವಿ॒ಸ್ಪೃಶಾ᳚ ದ್ಯು॒ಮದ್ವಿ ಭಾ᳚ತಿ ಭರ॒ತೇಭ್ಯಃ॒ ಶುಚಿಃ॑ || 5.11.1
ಯ॒ಜ್ಞಸ್ಯ॑ ಕೇ॒ತುಂ ಪ್ರ॑ಥ॒ಮಂ ಪು॒ರೋಹಿ॑ತಮ॒ಗ್ನಿಂ ನರ॑ಸ್ತ್ರಿಷಧ॒ಸ್ಥೇ ಸಮೀ᳚ಧಿರೇ |
ಇಂದ್ರೇ᳚ಣ ದೇ॒ವೈಃ ಸ॒ರಥಂ॒ ಸ ಬ॒ರ್ಹಿಷಿ॒ ಸೀದ॒ನ್ನಿ ಹೋತಾ᳚ ಯ॒ಜಥಾ᳚ಯ ಸು॒ಕ್ರತುಃ॑ || 5.11.2
ಅಸ᳚ಮ್ಮೃಷ್ಟೋ ಜಾಯಸೇ ಮಾ॒ತ್ರೋಃ ಶುಚಿ᳚ರ್ಮಂ॒ದ್ರಃ ಕ॒ವಿರುದ॑ತಿಷ್ಠೋ ವಿ॒ವಸ್ವ॑ತಃ |
ಘೃ॒ತೇನ॑ ತ್ವಾವರ್ಧಯನ್ನಗ್ನ ಆಹುತ ಧೂ॒ಮಸ್ತೇ᳚ ಕೇ॒ತುರ॑ಭವದ್ದಿ॒ವಿ ಶ್ರಿ॒ತಃ || 5.11.3
ಅ॒ಗ್ನಿರ್ನೋ᳚ ಯ॒ಜ್ಞಮುಪ॑ ವೇತು ಸಾಧು॒ಯಾಗ್ನಿಂ ನರೋ॒ ವಿ ಭ॑ರ‌ನ್ತೇ ಗೃ॒ಹೇಗೃ॑ಹೇ |
ಅ॒ಗ್ನಿರ್ದೂ॒ತೋ ಅ॑ಭವದ್ಧವ್ಯ॒ವಾಹ॑ನೋ॒ಽಗ್ನಿಂ ವೃ॑ಣಾ॒ನಾ ವೃ॑ಣತೇ ಕ॒ವಿಕ್ರ॑ತು‌ಮ್ || 5.11.4
ತುಭ್ಯೇ॒ದಮ॑ಗ್ನೇ॒ ಮಧು॑ಮತ್ತಮಂ॒ ವಚ॒ಸ್ತುಭ್ಯಂ᳚ ಮನೀ॒ಷಾ ಇ॒ಯಮ॑ಸ್ತು॒ ಶಂ ಹೃ॒ದೇ |
ತ್ವಾಂ ಗಿರಃ॒ ಸಿಂಧು॑ಮಿವಾ॒ವನೀ᳚ರ್ಮ॒ಹೀರಾ ಪೃ॑ಣ‌ನ್ತಿ॒ ಶವ॑ಸಾ ವ॒ರ್ಧಯ᳚‌ನ್ತಿ ಚ || 5.11.5
ತ್ವಾಮ॑ಗ್ನೇ॒ ಅಂಗಿ॑ರಸೋ॒ ಗುಹಾ᳚ ಹಿ॒ತಮನ್ವ॑ವಿಂದಂಛಿಶ್ರಿಯಾ॒ಣಂ ವನೇ᳚ವನೇ |
ಸ ಜಾ᳚ಯಸೇ ಮ॒ಥ್ಯಮಾ᳚ನಃ॒ ಸಹೋ᳚ ಮ॒ಹತ್ತ್ವಾಮಾ᳚ಹುಃ॒ ಸಹ॑ಸಸ್ಪು॒ತ್ರಮಂ᳚ಗಿರಃ || 5.11.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸುತಂಭರ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರಾಗ್ನಯೇ᳚ ಬೃಹ॒ತೇ ಯ॒ಜ್ಞಿಯಾ᳚ಯ ಋ॒ತಸ್ಯ॒ ವೃಷ್ಣೇ॒ ಅಸು॑ರಾಯ॒ ಮನ್ಮ॑ |
ಘೃ॒ತಂ ನ ಯ॒ಜ್ಞ ಆ॒ಸ್ಯೇ॒3॒॑ ಸುಪೂ᳚ತಂ॒ ಗಿರಂ᳚ ಭರೇ ವೃಷ॒ಭಾಯ॑ ಪ್ರತೀ॒ಚೀ‌ಮ್ || 5.12.1
ಋ॒ತಂ ಚಿ॑ಕಿತ್ವ ಋ॒ತಮಿಚ್ಚಿ॑ಕಿದ್ಧ್ಯೃ॒ತಸ್ಯ॒ ಧಾರಾ॒ ಅನು॑ ತೃಂಧಿ ಪೂ॒ರ್ವೀಃ |
ನಾಹಂ ಯಾ॒ತುಂ ಸಹ॑ಸಾ॒ ನ ದ್ವ॒ಯೇನ॑ ಋ॒ತಂ ಸ॑ಪಾಮ್ಯರು॒ಷಸ್ಯ॒ ವೃಷ್ಣಃ॑ || 5.12.2
ಕಯಾ᳚ ನೋ ಅಗ್ನ ಋ॒ತಯ᳚ನ್ನೃ॒ತೇನ॒ ಭುವೋ॒ ನವೇ᳚ದಾ ಉ॒ಚಥ॑ಸ್ಯ॒ ನವ್ಯಃ॑ |
ವೇದಾ᳚ ಮೇ ದೇ॒ವ ಋ॑ತು॒ಪಾ ಋ॑ತೂ॒ನಾಂ ನಾಹಂ ಪತಿಂ᳚ ಸನಿ॒ತುರ॒ಸ್ಯ ರಾ॒ಯಃ || 5.12.3
ಕೇ ತೇ᳚ ಅಗ್ನೇ ರಿ॒ಪವೇ॒ ಬಂಧ॑ನಾಸಃ॒ ಕೇ ಪಾ॒ಯವಃ॑ ಸನಿಷ‌ನ್ತ ದ್ಯು॒ಮ‌ನ್ತಃ॑ |
ಕೇ ಧಾ॒ಸಿಮ॑ಗ್ನೇ॒ ಅನೃ॑ತಸ್ಯ ಪಾ‌ನ್ತಿ॒ ಕ ಆಸ॑ತೋ॒ ವಚ॑ಸಃ ಸ‌ನ್ತಿ ಗೋ॒ಪಾಃ || 5.12.4
ಸಖಾ᳚ಯಸ್ತೇ॒ ವಿಷು॑ಣಾ ಅಗ್ನ ಏ॒ತೇ ಶಿ॒ವಾಸಃ॒ ಸ‌ನ್ತೋ॒ ಅಶಿ॑ವಾ ಅಭೂವನ್ |
ಅಧೂ᳚ರ್ಷತ ಸ್ವ॒ಯಮೇ॒ತೇ ವಚೋ᳚ಭಿರ್‌ಋಜೂಯ॒ತೇ ವೃ॑ಜಿ॒ನಾನಿ॑ ಬ್ರು॒ವ‌ನ್ತಃ॑ || 5.12.5
ಯಸ್ತೇ᳚ ಅಗ್ನೇ॒ ನಮ॑ಸಾ ಯ॒ಜ್ಞಮೀಟ್ಟ॑ ಋ॒ತಂ ಸ ಪಾ᳚ತ್ಯರು॒ಷಸ್ಯ॒ ವೃಷ್ಣಃ॑ |
ತಸ್ಯ॒ ಕ್ಷಯಃ॑ ಪೃ॒ಥುರಾ ಸಾ॒ಧುರೇ᳚ತು ಪ್ರ॒ಸರ್ಸ್ರಾ᳚ಣಸ್ಯ॒ ನಹು॑ಷಸ್ಯ॒ ಶೇಷಃ॑ || 5.12.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸುತಂಭರ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಅರ್ಚ᳚‌ನ್ತಸ್ತ್ವಾ ಹವಾಮ॒ಹೇಽರ್ಚ᳚‌ನ್ತಃ॒ ಸಮಿ॑ಧೀಮಹಿ |
ಅಗ್ನೇ॒ ಅರ್ಚ᳚‌ನ್ತ ಊ॒ತಯೇ᳚ || 5.13.1
ಅ॒ಗ್ನೇಃ ಸ್ತೋಮಂ᳚ ಮನಾಮಹೇ ಸಿ॒ಧ್ರಮ॒ದ್ಯ ದಿ॑ವಿ॒ಸ್ಪೃಶಃ॑ |
ದೇ॒ವಸ್ಯ॑ ದ್ರವಿಣ॒ಸ್ಯವಃ॑ || 5.13.2
ಅ॒ಗ್ನಿರ್ಜು॑ಷತ ನೋ॒ ಗಿರೋ॒ ಹೋತಾ॒ ಯೋ ಮಾನು॑ಷೇ॒ಷ್ವಾ |
ಸ ಯ॑ಕ್ಷ॒ದ್ದೈವ್ಯಂ॒ ಜನ‌ಮ್᳚ || 5.13.3
ತ್ವಮ॑ಗ್ನೇ ಸ॒ಪ್ರಥಾ᳚ ಅಸಿ॒ ಜುಷ್ಟೋ॒ ಹೋತಾ॒ ವರೇ᳚ಣ್ಯಃ |
ತ್ವಯಾ᳚ ಯ॒ಜ್ಞಂ ವಿ ತ᳚ನ್ವತೇ || 5.13.4
ತ್ವಾಮ॑ಗ್ನೇ ವಾಜ॒ಸಾತ॑ಮಂ॒ ವಿಪ್ರಾ᳚ ವರ್ಧ‌ನ್ತಿ॒ ಸುಷ್ಟು॑ತ‌ಮ್ |
ಸ ನೋ᳚ ರಾಸ್ವ ಸು॒ವೀರ್ಯ‌ಮ್᳚ || 5.13.5
ಅಗ್ನೇ᳚ ನೇ॒ಮಿರ॒ರಾಁ ಇ॑ವ ದೇ॒ವಾಁಸ್ತ್ವಂ ಪ॑ರಿ॒ಭೂರ॑ಸಿ |
ಆ ರಾಧ॑ಶ್ಚಿ॒ತ್ರಮೃಂ᳚ಜಸೇ || 5.13.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸುತಂಭರ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದ

ಅ॒ಗ್ನಿಂ ಸ್ತೋಮೇ᳚ನ ಬೋಧಯ ಸಮಿಧಾ॒ನೋ ಅಮ॑ರ್ತ್ಯ‌ಮ್ |
ಹ॒ವ್ಯಾ ದೇ॒ವೇಷು॑ ನೋ ದಧತ್ || 5.14.1
ತಮ॑ಧ್ವ॒ರೇಷ್ವೀ᳚ಳತೇ ದೇ॒ವಂ ಮರ್ತಾ॒ ಅಮ॑ರ್ತ್ಯ‌ಮ್ |
ಯಜಿ॑ಷ್ಠಂ॒ ಮಾನು॑ಷೇ॒ ಜನೇ᳚ || 5.14.2
ತಂ ಹಿ ಶಶ್ವ᳚‌ನ್ತ॒ ಈಳ॑ತೇ ಸ್ರು॒ಚಾ ದೇ॒ವಂ ಘೃ॑ತ॒ಶ್ಚುತಾ᳚ |
ಅ॒ಗ್ನಿಂ ಹ॒ವ್ಯಾಯ॒ ವೋಳ್ಹ॑ವೇ || 5.14.3
ಅ॒ಗ್ನಿರ್ಜಾ॒ತೋ ಅ॑ರೋಚತ॒ ಘ್ನಂದಸ್ಯೂಂ॒ಜ್ಯೋತಿ॑ಷಾ॒ ತಮಃ॑ |
ಅವಿಂ᳚ದ॒ದ್ಗಾ ಅ॒ಪಃ ಸ್ವಃ॑ || 5.14.4
ಅ॒ಗ್ನಿಮೀ॒ಳೇನ್ಯಂ᳚ ಕ॒ವಿಂ ಘೃ॒ತಪೃ॑ಷ್ಠಂ ಸಪರ್ಯತ |
ವೇತು॑ ಮೇ ಶೃ॒ಣವ॒ದ್ಧವ‌ಮ್᳚ || 5.14.5
ಅ॒ಗ್ನಿಂ ಘೃ॒ತೇನ॑ ವಾವೃಧುಃ॒ ಸ್ತೋಮೇ᳚ಭಿರ್ವಿ॒ಶ್ವಚ॑ರ್ಷಣಿ‌ಮ್ |
ಸ್ವಾ॒ಧೀಭಿ᳚ರ್ವಚ॒ಸ್ಯುಭಿಃ॑ || 5.14.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಧರುಣ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ವೇ॒ಧಸೇ᳚ ಕ॒ವಯೇ॒ ವೇದ್ಯಾ᳚ಯ॒ ಗಿರಂ᳚ ಭರೇ ಯ॒ಶಸೇ᳚ ಪೂ॒ರ್ವ್ಯಾಯ॑ |
ಘೃ॒ತಪ್ರ॑ಸತ್ತೋ॒ ಅಸು॑ರಃ ಸು॒ಶೇವೋ᳚ ರಾ॒ಯೋ ಧ॒ರ್ತಾ ಧ॒ರುಣೋ॒ ವಸ್ವೋ᳚ ಅ॒ಗ್ನಿಃ || 5.15.1
ಋ॒ತೇನ॑ ಋ॒ತಂ ಧ॒ರುಣಂ᳚ ಧಾರಯ‌ನ್ತ ಯ॒ಜ್ಞಸ್ಯ॑ ಶಾ॒ಕೇ ಪ॑ರ॒ಮೇ ವ್ಯೋ᳚ಮನ್ |
ದಿ॒ವೋ ಧರ್ಮಂ᳚ಧ॒ರುಣೇ᳚ ಸೇ॒ದುಷೋ॒ ನೄಂಜಾ॒ತೈರಜಾ᳚ತಾಁ ಅ॒ಭಿ ಯೇ ನ॑ನ॒ಕ್ಷುಃ || 5.15.2
ಅ॒ಙ್ಹೋ॒ಯುವ॑ಸ್ತ॒ನ್ವ॑ಸ್ತನ್ವತೇ॒ ವಿ ವಯೋ᳚ ಮ॒ಹದ್ದು॒ಷ್ಟರಂ᳚ ಪೂ॒ರ್ವ್ಯಾಯ॑ |
ಸ ಸಂ॒ವತೋ॒ ನವ॑ಜಾತಸ್ತುತುರ್ಯಾತ್ಸಿ॒ಙ್ಹಂ ನ ಕ್ರು॒ದ್ಧಮ॒ಭಿತಃ॒ ಪರಿ॑ ಷ್ಠುಃ || 5.15.3
ಮಾ॒ತೇವ॒ ಯದ್ಭರ॑ಸೇ ಪಪ್ರಥಾ॒ನೋ ಜನಂ᳚ಜನಂ॒ ಧಾಯ॑ಸೇ॒ ಚಕ್ಷ॑ಸೇ ಚ |
ವಯೋ᳚ವಯೋ ಜರಸೇ॒ ಯದ್ದಧಾ᳚ನಃ॒ ಪರಿ॒ ತ್ಮನಾ॒ ವಿಷು॑ರೂಪೋ ಜಿಗಾಸಿ || 5.15.4
ವಾಜೋ॒ ನು ತೇ॒ ಶವ॑ಸಸ್ಪಾ॒ತ್ವ‌ನ್ತ॑ಮು॒ರುಂ ದೋಘಂ᳚ ಧ॒ರುಣಂ᳚ ದೇವ ರಾ॒ಯಃ |
ಪ॒ದಂ ನ ತಾ॒ಯುರ್ಗುಹಾ॒ ದಧಾ᳚ನೋ ಮ॒ಹೋ ರಾ॒ಯೇ ಚಿ॒ತಯ॒ನ್ನತ್ರಿ॑ಮಸ್ಪಃ || 5.15.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪೂರುಷಿಃ, ಅಗ್ನಿರ್ದೇವತಾ,(1-4) ಪ್ರಥಮಾದಿಚತುರೃಚ ಮಿನುಷ್ಟಪು , (5) ಪಂಚಮ್ಯಾಶ್ಚ ಪಂಕ್ತಿಶ್ಛಂದಸೀ

ಬೃ॒ಹದ್ವಯೋ॒ ಹಿ ಭಾ॒ನವೇಽರ್ಚಾ᳚ ದೇ॒ವಾಯಾ॒ಗ್ನಯೇ᳚ |
ಯಂ ಮಿ॒ತ್ರಂ ನ ಪ್ರಶ॑ಸ್ತಿಭಿ॒ರ್ಮರ್ತಾ᳚ಸೋ ದಧಿ॒ರೇ ಪು॒ರಃ || 5.16.1
ಸ ಹಿ ದ್ಯುಭಿ॒ರ್ಜನಾ᳚ನಾಂ॒ ಹೋತಾ॒ ದಕ್ಷ॑ಸ್ಯ ಬಾ॒ಹ್ವೋಃ |
ವಿ ಹ॒ವ್ಯಮ॒ಗ್ನಿರಾ᳚ನು॒ಷಗ್ಭಗೋ॒ ನ ವಾರ॑ಮೃಣ್ವತಿ || 5.16.2
ಅ॒ಸ್ಯ ಸ್ತೋಮೇ᳚ ಮ॒ಘೋನಃ॑ ಸ॒ಖ್ಯೇ ವೃ॒ದ್ಧಶೋ᳚ಚಿಷಃ |
ವಿಶ್ವಾ॒ ಯಸ್ಮಿ᳚‌ನ್ತುವಿ॒ಷ್ವಣಿ॒ ಸಮ॒ರ್ಯೇ ಶುಷ್ಮ॑ಮಾದ॒ಧುಃ || 5.16.3
ಅಧಾ॒ ಹ್ಯ॑ಗ್ನ ಏಷಾಂ ಸು॒ವೀರ್ಯ॑ಸ್ಯ ಮಂ॒ಹನಾ᳚ |
ತಮಿದ್ಯ॒ಹ್ವಂ ನ ರೋದ॑ಸೀ॒ ಪರಿ॒ ಶ್ರವೋ᳚ ಬಭೂವತುಃ || 5.16.4
ನೂ ನ॒ ಏಹಿ॒ ವಾರ್ಯ॒ಮಗ್ನೇ᳚ ಗೃಣಾ॒ನ ಆ ಭ॑ರ |
ಯೇ ವ॒ಯಂ ಯೇ ಚ॑ ಸೂ॒ರಯಃ॑ ಸ್ವ॒ಸ್ತಿ ಧಾಮ॑ಹೇ॒ ಸಚೋ॒ತೈಧಿ॑ ಪೃ॒ತ್ಸು ನೋ᳚ ವೃ॒ಧೇ || 5.16.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪುರುಋಷಿಃ, ಅಗ್ನಿರ್ದೇವತಾ, (1-4) ಪ್ರಥಮಾದಿಚತುರೃಚ ಮಿನಷ್ಟಪ, (5) ಪಂಚಮ್ಯಾಶ್ಚ ಪತಿಶ್ಛಂದಸೀ

ಆ ಯ॒ಜ್ಞೈರ್ದೇ᳚ವ॒ ಮರ್ತ್ಯ॑ ಇ॒ತ್ಥಾ ತವ್ಯಾಂ᳚ಸಮೂ॒ತಯೇ᳚ |
ಅ॒ಗ್ನಿಂ ಕೃ॒ತೇ ಸ್ವ॑ಧ್ವ॒ರೇ ಪೂ॒ರುರೀ᳚ಳೀ॒ತಾವ॑ಸೇ || 5.17.1
ಅಸ್ಯ॒ ಹಿ ಸ್ವಯ॑ಶಸ್ತರ ಆ॒ಸಾ ವಿ॑ಧರ್ಮ॒ನ್ಮನ್ಯ॑ಸೇ |
ತಂ ನಾಕಂ᳚ ಚಿ॒ತ್ರಶೋ᳚ಚಿಷಂ ಮಂ॒ದ್ರಂ ಪ॒ರೋ ಮ॑ನೀ॒ಷಯಾ᳚ || 5.17.2
ಅ॒ಸ್ಯ ವಾಸಾ ಉ॑ ಅ॒ರ್ಚಿಷಾ॒ ಯ ಆಯು॑ಕ್ತ ತು॒ಜಾ ಗಿ॒ರಾ |
ದಿ॒ವೋ ನ ಯಸ್ಯ॒ ರೇತ॑ಸಾ ಬೃ॒ಹಚ್ಛೋಚ᳚‌ನ್ತ್ಯ॒ರ್ಚಯಃ॑ || 5.17.3
ಅ॒ಸ್ಯ ಕ್ರತ್ವಾ॒ ವಿಚೇ᳚ತಸೋ ದ॒ಸ್ಮಸ್ಯ॒ ವಸು॒ ರಥ॒ ಆ |
ಅಧಾ॒ ವಿಶ್ವಾ᳚ಸು॒ ಹವ್ಯೋ॒ಽಗ್ನಿರ್ವಿ॒ಕ್ಷು ಪ್ರ ಶ॑ಸ್ಯತೇ || 5.17.4
ನೂ ನ॒ ಇದ್ಧಿ ವಾರ್ಯ॑ಮಾ॒ಸಾ ಸ॑ಚ‌ನ್ತ ಸೂ॒ರಯಃ॑ |
ಊರ್ಜೋ᳚ ನಪಾದ॒ಭಿಷ್ಟ॑ಯೇ ಪಾ॒ಹಿ ಶ॒ಗ್ಧಿ ಸ್ವ॒ಸ್ತಯ॑ ಉ॒ತೈಧಿ॑ ಪೃ॒ತ್ಸು ನೋ᳚ ವೃ॒ಧೇ || 5.17.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೃಕ್ತವಾಹಾ ಆತ್ರೇಯೋ ದ್ವಿತ ಋಷಿಃ, ಅಗ್ನಿರ್ದೇವತಾ, (1-4) ಪ್ರಥಮಾದಿಚತುರೃಚ ಮಿನುಷ್ಟಪ, (5) ಪಂಚಮ್ಯಾಶ್ಚ ಪತಿಶ್ಛಂದಸೀ

ಪ್ರಾ॒ತರ॒ಗ್ನಿಃ ಪು॑ರುಪ್ರಿ॒ಯೋ ವಿ॒ಶಃ ಸ್ತ॑ವೇ॒ತಾತಿ॑ಥಿಃ |
ವಿಶ್ವಾ᳚ನಿ॒ ಯೋ ಅಮ॑ರ್ತ್ಯೋ ಹ॒ವ್ಯಾ ಮರ್ತೇ᳚ಷು॒ ರಣ್ಯ॑ತಿ || 5.18.1
ದ್ವಿ॒ತಾಯ॑ ಮೃ॒ಕ್ತವಾ᳚ಹಸೇ॒ ಸ್ವಸ್ಯ॒ ದಕ್ಷ॑ಸ್ಯ ಮಂ॒ಹನಾ᳚ |
ಇಂದುಂ॒ ಸ ಧ॑ತ್ತ ಆನು॒ಷಕ್ಸ್ತೋ॒ತಾ ಚಿ॑ತ್ತೇ ಅಮರ್ತ್ಯ || 5.18.2
ತಂ ವೋ᳚ ದೀ॒ರ್ಘಾಯು॑ಶೋಚಿಷಂ ಗಿ॒ರಾ ಹು॑ವೇ ಮ॒ಘೋನಾ᳚‌ಮ್ |
ಅರಿ॑ಷ್ಟೋ॒ ಯೇಷಾಂ॒ ರಥೋ॒ ವ್ಯ॑ಶ್ವದಾವ॒ನ್ನೀಯ॑ತೇ || 5.18.3
ಚಿ॒ತ್ರಾ ವಾ॒ ಯೇಷು॒ ದೀಧಿ॑ತಿರಾ॒ಸನ್ನು॒ಕ್ಥಾ ಪಾ‌ನ್ತಿ॒ ಯೇ |
ಸ್ತೀ॒ರ್ಣಂ ಬ॒ರ್ಹಿಃ ಸ್ವ᳚ರ್ಣರೇ॒ ಶ್ರವಾಂ᳚ಸಿ ದಧಿರೇ॒ ಪರಿ॑ || 5.18.4
ಯೇ ಮೇ᳚ ಪಂಚಾ॒ಶತಂ᳚ ದ॒ದುರಶ್ವಾ᳚ನಾಂ ಸ॒ಧಸ್ತು॑ತಿ |
ದ್ಯು॒ಮದ॑ಗ್ನೇ॒ ಮಹಿ॒ ಶ್ರವೋ᳚ ಬೃ॒ಹತ್ಕೃ॑ಧಿ ಮ॒ಘೋನಾಂ᳚ ನೃ॒ವದ॑ಮೃತ ನೃ॒ಣಾ‌ಮ್ || 5.18.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವವ್ರಿಆ ಷಃ, ಅಗ್ನಿರ್ದೇವತಾ, (1-2) ಪ್ರಥಮಾದ್ವಿತೀಯಯೋರೃಚೋರ್ಗಾಯತ್ರೀ, (3-4) ತೃತೀಯಾಚತುಓರನುಷ್ಟಪ್., (5) ಪಂಚಮ್ಯಾಶ್ಚ ವಿರಾಪಾ ಛಂದಾಂಸಿ

ಅ॒ಭ್ಯ॑ವ॒ಸ್ಥಾಃ ಪ್ರ ಜಾ᳚ಯ‌ನ್ತೇ॒ ಪ್ರ ವ॒ವ್ರೇರ್ವ॒ವ್ರಿಶ್ಚಿ॑ಕೇತ |
ಉ॒ಪಸ್ಥೇ᳚ ಮಾ॒ತುರ್ವಿ ಚ॑ಷ್ಟೇ || 5.19.1
ಜು॒ಹು॒ರೇ ವಿ ಚಿ॒ತಯ॒‌ನ್ತೋಽನಿ॑ಮಿಷಂ ನೃ॒ಮ್ಣಂ ಪಾ᳚‌ನ್ತಿ |
ಆ ದೃ॒ಳ್ಹಾಂ ಪುರಂ᳚ ವಿವಿಶುಃ || 5.19.2
ಆ ಶ್ವೈ᳚ತ್ರೇ॒ಯಸ್ಯ॑ ಜ॒‌ನ್ತವೋ᳚ ದ್ಯು॒ಮದ್ವ॑ರ್ಧ‌ನ್ತ ಕೃ॒ಷ್ಟಯಃ॑ |
ನಿ॒ಷ್ಕಗ್ರೀ᳚ವೋ ಬೃ॒ಹದು॑ಕ್ಥ ಏ॒ನಾ ಮಧ್ವಾ॒ ನ ವಾ᳚ಜ॒ಯುಃ || 5.19.3
ಪ್ರಿ॒ಯಂ ದು॒ಗ್ಧಂ ನ ಕಾಮ್ಯ॒ಮಜಾ᳚ಮಿ ಜಾ॒ಮ್ಯೋಃ ಸಚಾ᳚ |
ಘ॒ರ್ಮೋ ನ ವಾಜ॑ಜಠ॒ರೋಽದ॑ಬ್ಧಃ॒ ಶಶ್ವ॑ತೋ॒ ದಭಃ॑ || 5.19.4
ಕ್ರೀಳ᳚ನ್ನೋ ರಶ್ಮ॒ ಆ ಭು॑ವಃ॒ ಸಂ ಭಸ್ಮ॑ನಾ ವಾ॒ಯುನಾ॒ ವೇವಿ॑ದಾನಃ |
ತಾ ಅ॑ಸ್ಯ ಸಂಧೃ॒ಷಜೋ॒ ನ ತಿ॒ಗ್ಮಾಃ ಸುಸಂ᳚ಶಿತಾ ವ॒ಕ್ಷ್ಯೋ᳚ ವಕ್ಷಣೇ॒ಸ್ಥಾಃ || 5.19.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯಾಃ ಪ್ರಯಸ್ವಂತ ಋಷಯಃ, ಅಗ್ನಿರ್ದೇವತಾ, (1-3) ಪ್ರಥಮಾದಿತೃಚಸ್ಯಾನುಷ್ಟಪ್ , (4) ಚತುರ್ಥ್ಯಾ ಋಚಶ್ಚ ಪಂಕ್ತಿಶ್ಛಂದಸೀ

ಯಮ॑ಗ್ನೇ ವಾಜಸಾತಮ॒ ತ್ವಂ ಚಿ॒ನ್ಮನ್ಯ॑ಸೇ ರ॒ಯಿ‌ಮ್ |
ತಂ ನೋ᳚ ಗೀ॒ರ್ಭಿಃ ಶ್ರ॒ವಾಯ್ಯಂ᳚ ದೇವ॒ತ್ರಾ ಪ॑ನಯಾ॒ ಯುಜ‌ಮ್᳚ || 5.20.1
ಯೇ ಅ॑ಗ್ನೇ॒ ನೇರಯ᳚‌ನ್ತಿ ತೇ ವೃ॒ದ್ಧಾ ಉ॒ಗ್ರಸ್ಯ॒ ಶವ॑ಸಃ |
ಅಪ॒ ದ್ವೇಷೋ॒ ಅಪ॒ ಹ್ವರೋ॒ಽನ್ಯವ್ರ॑ತಸ್ಯ ಸಶ್ಚಿರೇ || 5.20.2
ಹೋತಾ᳚ರಂ ತ್ವಾ ವೃಣೀಮ॒ಹೇಽಗ್ನೇ॒ ದಕ್ಷ॑ಸ್ಯ॒ ಸಾಧ॑ನ‌ಮ್ |
ಯ॒ಜ್ಞೇಷು॑ ಪೂ॒ರ್ವ್ಯಂ ಗಿ॒ರಾ ಪ್ರಯ॑ಸ್ವ‌ನ್ತೋ ಹವಾಮಹೇ || 5.20.3
ಇ॒ತ್ಥಾ ಯಥಾ᳚ ತ ಊ॒ತಯೇ॒ ಸಹ॑ಸಾವಂದಿ॒ವೇದಿ॑ವೇ |
ರಾ॒ಯ ಋ॒ತಾಯ॑ ಸುಕ್ರತೋ॒ ಗೋಭಿಃ॑ ಷ್ಯಾಮ ಸಧ॒ಮಾದೋ᳚ ವೀ॒ರೈಃ ಸ್ಯಾ᳚ಮ ಸಧ॒ಮಾದಃ॑ || 5.20.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸಸ ಋಷಿಃ, ಅಗ್ನಿರ್ದೇವತಾ, (1-3) ಪ್ರಥಮಾದಿತೃಚಸ್ಯಾನುಷ್ಟಪು., (4) ಚತುರ್ಥ್ಯಾ ಚಶ್ಚ ಪತಿಶ್ಛಂದಸೀ

ಮ॒ನು॒ಷ್ವತ್ತ್ವಾ॒ ನಿ ಧೀ᳚ಮಹಿ ಮನು॒ಷ್ವತ್ಸಮಿ॑ಧೀಮಹಿ |
ಅಗ್ನೇ᳚ ಮನು॒ಷ್ವದಂ᳚ಗಿರೋ ದೇ॒ವಾಂದೇ᳚ವಯ॒ತೇ ಯ॑ಜ || 5.21.1
ತ್ವಂ ಹಿ ಮಾನು॑ಷೇ॒ ಜನೇಽಗ್ನೇ॒ ಸುಪ್ರೀ᳚ತ ಇ॒ಧ್ಯಸೇ᳚ |
ಸ್ರುಚ॑ಸ್ತ್ವಾ ಯ‌ನ್ತ್ಯಾನು॒ಷಕ್ಸುಜಾ᳚ತ॒ ಸರ್ಪಿ॑ರಾಸುತೇ || 5.21.2
ತ್ವಾಂ ವಿಶ್ವೇ᳚ ಸ॒ಜೋಷ॑ಸೋ ದೇ॒ವಾಸೋ᳚ ದೂ॒ತಮ॑ಕ್ರತ |
ಸ॒ಪ॒ರ್ಯ‌ನ್ತ॑ಸ್ತ್ವಾ ಕವೇ ಯ॒ಜ್ಞೇಷು॑ ದೇ॒ವಮೀ᳚ಳತೇ || 5.21.3
ದೇ॒ವಂ ವೋ᳚ ದೇವಯ॒ಜ್ಯಯಾ॒ಗ್ನಿಮೀ᳚ಳೀತ॒ ಮರ್ತ್ಯಃ॑ |
ಸಮಿ॑ದ್ಧಃ ಶುಕ್ರ ದೀದಿಹ್ಯೃ॒ತಸ್ಯ॒ ಯೋನಿ॒ಮಾಸ॑ದಃ ಸ॒ಸಸ್ಯ॒ ಯೋನಿ॒ಮಾಸ॑ದಃ || 5.21.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಿಶ್ವಸಾಮಾ ಋಷಿಃ, ಅಗ್ನಿರ್ದೇವತಾ, (1-3) ಪ್ರಥಮಾದಿತೃಚಸ್ಯಾನುಷ್ಟಪು., (4) ಚತುರ್ಥ್ಯಾ ಋಚಶ್ಚ ಪತಿಶ್ಛಂದಸೀ

ಪ್ರ ವಿ॑ಶ್ವಸಾಮನ್ನತ್ರಿ॒ವದರ್ಚಾ᳚ ಪಾವ॒ಕಶೋ᳚ಚಿಷೇ |
ಯೋ ಅ॑ಧ್ವ॒ರೇಷ್ವೀಡ್ಯೋ॒ ಹೋತಾ᳚ ಮಂ॒ದ್ರತ॑ಮೋ ವಿ॒ಶಿ || 5.22.1
ನ್ಯ1॒॑ಗ್ನಿಂ ಜಾ॒ತವೇ᳚ದಸಂ॒ ದಧಾ᳚ತಾ ದೇ॒ವಮೃ॒ತ್ವಿಜ‌ಮ್᳚ |
ಪ್ರ ಯ॒ಜ್ಞ ಏ᳚ತ್ವಾನು॒ಷಗ॒ದ್ಯಾ ದೇ॒ವವ್ಯ॑ಚಸ್ತಮಃ || 5.22.2
ಚಿ॒ಕಿ॒ತ್ವಿನ್ಮ॑ನಸಂ ತ್ವಾ ದೇ॒ವಂ ಮರ್ತಾ᳚ಸ ಊ॒ತಯೇ᳚ |
ವರೇ᳚ಣ್ಯಸ್ಯ॒ ತೇಽವ॑ಸ ಇಯಾ॒ನಾಸೋ᳚ ಅಮನ್ಮಹಿ || 5.22.3
ಅಗ್ನೇ᳚ ಚಿಕಿ॒ದ್ಧ್ಯ1॒॑ಸ್ಯ ನ॑ ಇ॒ದಂ ವಚಃ॑ ಸಹಸ್ಯ |
ತಂ ತ್ವಾ᳚ ಸುಶಿಪ್ರ ದಂಪತೇ॒ ಸ್ತೋಮೈ᳚ರ್ವರ್ಧ॒‌ನ್ತ್ಯತ್ರ॑ಯೋ ಗೀ॒ರ್ಭಿಃ ಶುಂ᳚ಭ॒‌ನ್ತ್ಯತ್ರ॑ಯಃ || 5.22.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಿಶ್ವಚರ್ಷಾ ಣಧರ್ಮ ಋಷಿಃ, ಅಗ್ನಿರ್ದೇವತಾ,(13) ಪ್ರಥಮಾದಿತೃಚಸ್ಯಾನುಷ್ಟಪ, (4) ಚತುರ್ಥ್ಯಾ ಋಚಶ್ಚ ಪಂಕ್ತಿಶ್ಛಂದಸೀ

ಅಗ್ನೇ॒ ಸಹ᳚‌ನ್ತ॒ಮಾ ಭ॑ರ ದ್ಯು॒ಮ್ನಸ್ಯ॑ ಪ್ರಾ॒ಸಹಾ᳚ ರ॒ಯಿ‌ಮ್ |
ವಿಶ್ವಾ॒ ಯಶ್ಚ॑ರ್ಷ॒ಣೀರ॒ಭ್ಯಾ॒3॒॑ಸಾ ವಾಜೇ᳚ಷು ಸಾ॒ಸಹ॑ತ್ || 5.23.1
ತಮ॑ಗ್ನೇ ಪೃತನಾ॒ಷಹಂ᳚ ರ॒ಯಿಂ ಸ॑ಹಸ್ವ॒ ಆ ಭ॑ರ |
ತ್ವಂ ಹಿ ಸ॒ತ್ಯೋ ಅದ್ಭು॑ತೋ ದಾ॒ತಾ ವಾಜ॑ಸ್ಯ॒ ಗೋಮ॑ತಃ || 5.23.2
ವಿಶ್ವೇ॒ ಹಿ ತ್ವಾ᳚ ಸ॒ಜೋಷ॑ಸೋ॒ ಜನಾ᳚ಸೋ ವೃ॒ಕ್ತಬ॑ರ್ಹಿಷಃ |
ಹೋತಾ᳚ರಂ॒ ಸದ್ಮ॑ಸು ಪ್ರಿ॒ಯಂ ವ್ಯ‌ನ್ತಿ॒ ವಾರ್ಯಾ᳚ ಪು॒ರು || 5.23.3
ಸ ಹಿ ಷ್ಮಾ᳚ ವಿ॒ಶ್ವಚ॑ರ್ಷಣಿರ॒ಭಿಮಾ᳚ತಿ॒ ಸಹೋ᳚ ದ॒ಧೇ |
ಅಗ್ನ॑ ಏ॒ಷು ಕ್ಷಯೇ॒ಷ್ವಾ ರೇ॒ವನ್ನಃ॑ ಶುಕ್ರ ದೀದಿಹಿ ದ್ಯು॒ಮತ್ಪಾ᳚ವಕ ದೀದಿಹಿ || 5.23.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಬಂಧುಃ ಸುಬಂಧುಃ ಶ್ರುತಬಂಧುರ್ವಿಪಬ್ರ ನ್ಧುಶ್ಚ ಗೌಪಾಯನಾ ಲೌಪಾಯನಾ ವಾ ಕ್ರಮೇಣರ್ಷಯಃ, ಅಗ್ನಿರ್ದೇವತಾ, ದ್ವಿಪದಾ ವಿರಾಟ್ ಛಂದಃ

ಅಗ್ನೇ॒ ತ್ವಂ ನೋ॒ ಅ‌ನ್ತ॑ಮ ಉ॒ತ ತ್ರಾ॒ತಾ ಶಿ॒ವೋ ಭ॑ವಾ ವರೂ॒ಥ್ಯಃ॑ || 5.24.1
ವಸು॑ರ॒ಗ್ನಿರ್ವಸು॑ಶ್ರವಾ॒ ಅಚ್ಛಾ᳚ ನಕ್ಷಿ ದ್ಯು॒ಮತ್ತ॑ಮಂ ರ॒ಯಿಂ ದಾಃ᳚ || 5.24.2
ಸ ನೋ᳚ ಬೋಧಿ ಶ್ರು॒ಧೀ ಹವ॑ಮುರು॒ಷ್ಯಾ ಣೋ᳚ ಅಘಾಯ॒ತಃ ಸ॑ಮಸ್ಮಾತ್ || 5.24.3
ತಂ ತ್ವಾ᳚ ಶೋಚಿಷ್ಠ ದೀದಿವಃ ಸು॒ಮ್ನಾಯ॑ ನೂ॒ನಮೀ᳚ಮಹೇ॒ ಸಖಿ॑ಭ್ಯಃ || 5.24.4

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಾ ವಸೂಯವ ಋಷಯಃ, ಅಗ್ನಿರ್ದೇವತಾ, ಅನುಷ್ಟಪ್ ಛಂದಃ

ಅಚ್ಛಾ᳚ ವೋ ಅ॒ಗ್ನಿಮವ॑ಸೇ ದೇ॒ವಂ ಗಾ᳚ಸಿ॒ ಸ ನೋ॒ ವಸುಃ॑ |
ರಾಸ॑ತ್ಪು॒ತ್ರ ಋ॑ಷೂ॒ಣಾಮೃ॒ತಾವಾ᳚ ಪರ್ಷತಿ ದ್ವಿ॒ಷಃ || 5.25.1
ಸ ಹಿ ಸ॒ತ್ಯೋ ಯಂ ಪೂರ್ವೇ᳚ ಚಿದ್ದೇ॒ವಾಸ॑ಶ್ಚಿ॒ದ್ಯಮೀ᳚ಧಿ॒ರೇ |
ಹೋತಾ᳚ರಂ ಮಂ॒ದ್ರಜಿ॑ಹ್ವ॒ಮಿತ್ಸು॑ದೀ॒ತಿಭಿ᳚ರ್ವಿ॒ಭಾವ॑ಸು‌ಮ್ || 5.25.2
ಸ ನೋ᳚ ಧೀ॒ತೀ ವರಿ॑ಷ್ಠಯಾ॒ ಶ್ರೇಷ್ಠ॑ಯಾ ಚ ಸುಮ॒ತ್ಯಾ |
ಅಗ್ನೇ᳚ ರಾ॒ಯೋ ದಿ॑ದೀಹಿ ನಃ ಸುವೃ॒ಕ್ತಿಭಿ᳚ರ್ವರೇಣ್ಯ || 5.25.3
ಅ॒ಗ್ನಿರ್ದೇ॒ವೇಷು॑ ರಾಜತ್ಯ॒ಗ್ನಿರ್ಮರ್ತೇ᳚ಷ್ವಾವಿ॒ಶನ್ |
ಅ॒ಗ್ನಿರ್ನೋ᳚ ಹವ್ಯ॒ವಾಹ॑ನೋ॒ಽಗ್ನಿಂ ಧೀ॒ಭಿಃ ಸ॑ಪರ್ಯತ || 5.25.4
ಅ॒ಗ್ನಿಸ್ತು॒ವಿಶ್ರ॑ವಸ್ತಮಂ ತು॒ವಿಬ್ರ᳚ಹ್ಮಾಣಮುತ್ತ॒ಮ‌ಮ್ |
ಅ॒ತೂರ್ತಂ᳚ ಶ್ರಾವ॒ಯತ್ಪ॑ತಿಂ ಪು॒ತ್ರಂ ದ॑ದಾತಿ ದಾ॒ಶುಷೇ᳚ || 5.25.5
ಅ॒ಗ್ನಿರ್ದ॑ದಾತಿ॒ ಸತ್ಪ॑ತಿಂ ಸಾ॒ಸಾಹ॒ ಯೋ ಯು॒ಧಾ ನೃಭಿಃ॑ |
ಅ॒ಗ್ನಿರತ್ಯಂ᳚ ರಘು॒ಷ್ಯದಂ॒ ಜೇತಾ᳚ರ॒ಮಪ॑ರಾಜಿತ‌ಮ್ || 5.25.6
ಯದ್ವಾಹಿ॑ಷ್ಠಂ॒ ತದ॒ಗ್ನಯೇ᳚ ಬೃ॒ಹದ॑ರ್ಚ ವಿಭಾವಸೋ |
ಮಹಿ॑ಷೀವ॒ ತ್ವದ್ರ॒ಯಿಸ್ತ್ವದ್ವಾಜಾ॒ ಉದೀ᳚ರತೇ || 5.25.7
ತವ॑ ದ್ಯು॒ಮ‌ನ್ತೋ᳚ ಅ॒ರ್ಚಯೋ॒ ಗ್ರಾವೇ᳚ವೋಚ್ಯತೇ ಬೃ॒ಹತ್ |
ಉ॒ತೋ ತೇ᳚ ತನ್ಯ॒ತುರ್ಯ॑ಥಾ ಸ್ವಾ॒ನೋ ಅ॑ರ್ತ॒ ತ್ಮನಾ᳚ ದಿ॒ವಃ || 5.25.8
ಏ॒ವಾಁ ಅ॒ಗ್ನಿಂ ವ॑ಸೂ॒ಯವಃ॑ ಸಹಸಾ॒ನಂ ವ॑ವಂದಿಮ |
ಸ ನೋ॒ ವಿಶ್ವಾ॒ ಅತಿ॒ ದ್ವಿಷಃ॒ ಪರ್ಷ᳚ನ್ನಾ॒ವೇವ॑ ಸು॒ಕ್ರತುಃ॑ || 5.25.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಾ ವಸೂಯವ ಋಷಯಃ (1-8) ಪ್ರಥಮಾದ್ಯಷ್ಟರ್ಚಾಮಗ್ನಿಃ, (9) ನವಮ್ಯಾಶ್ಚ ಲಿಂಗೋಕ್ತಾ ದೇವತಾಃ, ಗಾಯತ್ರೀ ಛಂದಃ

ಅಗ್ನೇ᳚ ಪಾವಕ ರೋ॒ಚಿಷಾ᳚ ಮಂ॒ದ್ರಯಾ᳚ ದೇವ ಜಿ॒ಹ್ವಯಾ᳚ |
ಆ ದೇ॒ವಾನ್ವ॑ಕ್ಷಿ॒ ಯಕ್ಷಿ॑ ಚ || 5.26.1
ತಂ ತ್ವಾ᳚ ಘೃತಸ್ನವೀಮಹೇ॒ ಚಿತ್ರ॑ಭಾನೋ ಸ್ವ॒ರ್ದೃಶ‌ಮ್᳚ |
ದೇ॒ವಾಁ ಆ ವೀ॒ತಯೇ᳚ ವಹ || 5.26.2
ವೀ॒ತಿಹೋ᳚ತ್ರಂ ತ್ವಾ ಕವೇ ದ್ಯು॒ಮ‌ನ್ತಂ॒ ಸಮಿ॑ಧೀಮಹಿ |
ಅಗ್ನೇ᳚ ಬೃ॒ಹ‌ನ್ತ॑ಮಧ್ವ॒ರೇ || 5.26.3
ಅಗ್ನೇ॒ ವಿಶ್ವೇ᳚ಭಿ॒ರಾ ಗ॑ಹಿ ದೇ॒ವೇಭಿ॑ರ್ಹ॒ವ್ಯದಾ᳚ತಯೇ |
ಹೋತಾ᳚ರಂ ತ್ವಾ ವೃಣೀಮಹೇ || 5.26.4
ಯಜ॑ಮಾನಾಯ ಸುನ್ವ॒ತ ಆಗ್ನೇ᳚ ಸು॒ವೀರ್ಯಂ᳚ ವಹ |
ದೇ॒ವೈರಾ ಸ॑ತ್ಸಿ ಬ॒ರ್ಹಿಷಿ॑ || 5.26.5
ಸ॒ಮಿ॒ಧಾ॒ನಃ ಸ॑ಹಸ್ರಜಿ॒ದಗ್ನೇ॒ ಧರ್ಮಾ᳚ಣಿ ಪುಷ್ಯಸಿ |
ದೇ॒ವಾನಾಂ᳚ ದೂ॒ತ ಉ॒ಕ್ಥ್ಯಃ॑ || 5.26.6
ನ್ಯ1॒॑ಗ್ನಿಂ ಜಾ॒ತವೇ᳚ದಸಂ ಹೋತ್ರ॒ವಾಹಂ॒ ಯವಿ॑ಷ್ಠ್ಯ‌ಮ್ |
ದಧಾ᳚ತಾ ದೇ॒ವಮೃ॒ತ್ವಿಜ‌ಮ್᳚ || 5.26.7
ಪ್ರ ಯ॒ಜ್ಞ ಏ᳚ತ್ವಾನು॒ಷಗ॒ದ್ಯಾ ದೇ॒ವವ್ಯ॑ಚಸ್ತಮಃ |
ಸ್ತೃ॒ಣೀ॒ತ ಬ॒ರ್ಹಿರಾ॒ಸದೇ᳚ || 5.26.8
ಏದಂ ಮ॒ರುತೋ᳚ ಅ॒ಶ್ವಿನಾ᳚ ಮಿ॒ತ್ರಃ ಸೀ᳚ದ‌ನ್ತು॒ ವರು॑ಣಃ |
ದೇ॒ವಾಸಃ॒ ಸರ್ವ॑ಯಾ ವಿ॒ಶಾ || 5.26.9

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ತ್ರೈವಷ್ ಣಜ್ಯರುಣಃ ಪೌರುಕುತ್ಸ್ಯಸ್ತ್ರಸದಸ್ಯು ರತೋಽಶ್ಚಮೇಧಶ್ಚ ರಾಜಾನೋ ಭೋಮೌಽತ್ರಿರ್ವಾ ಋಷಿಃ (1-5) ಪ್ರಥಮಾದಿಪಂಚರ್ಚಾಮಗ್ನಿಃ, (6) ಷಷ್ಠ್ಯಾಶ್ಚೇಂದ್ರಾಗ್ನೀ ದೇವತೇ (1-3) ಪ್ರಥಮತೃಚಸ್ಯ ತ್ರಿಷ್ಟುಪ್ , (4-6) ದ್ವಿತೀಯತೃಚಸ್ಯ ಚಾನುಷ್ಟಪು, ಛಂದಸೀ

ಅನ॑ಸ್ವ‌ನ್ತಾ॒ ಸತ್ಪ॑ತಿರ್ಮಾಮಹೇ ಮೇ॒ ಗಾವಾ॒ ಚೇತಿ॑ಷ್ಠೋ॒ ಅಸು॑ರೋ ಮ॒ಘೋನಃ॑ |
ತ್ರೈ॒ವೃ॒ಷ್ಣೋ ಅ॑ಗ್ನೇ ದ॒ಶಭಿಃ॑ ಸ॒ಹಸ್ರೈ॒ರ್ವೈಶ್ವಾ᳚ನರ॒ ತ್ರ್ಯ॑ರುಣಶ್ಚಿಕೇತ || 5.27.1
ಯೋ ಮೇ᳚ ಶ॒ತಾ ಚ॑ ವಿಂಶ॒ತಿಂ ಚ॒ ಗೋನಾಂ॒ ಹರೀ᳚ ಚ ಯು॒ಕ್ತಾ ಸು॒ಧುರಾ॒ ದದಾ᳚ತಿ |
ವೈಶ್ವಾ᳚ನರ॒ ಸುಷ್ಟು॑ತೋ ವಾವೃಧಾ॒ನೋಽಗ್ನೇ॒ ಯಚ್ಛ॒ ತ್ರ್ಯ॑ರುಣಾಯ॒ ಶರ್ಮ॑ || 5.27.2
ಏ॒ವಾ ತೇ᳚ ಅಗ್ನೇ ಸುಮ॒ತಿಂ ಚ॑ಕಾ॒ನೋ ನವಿ॑ಷ್ಠಾಯ ನವ॒ಮಂ ತ್ರ॒ಸದ॑ಸ್ಯುಃ |
ಯೋ ಮೇ॒ ಗಿರ॑ಸ್ತುವಿಜಾ॒ತಸ್ಯ॑ ಪೂ॒ರ್ವೀರ್ಯು॒ಕ್ತೇನಾ॒ಭಿ ತ್ರ್ಯ॑ರುಣೋ ಗೃ॒ಣಾತಿ॑ || 5.27.3
ಯೋ ಮ॒ ಇತಿ॑ ಪ್ರ॒ವೋಚ॒ತ್ಯಶ್ವ॑ಮೇಧಾಯ ಸೂ॒ರಯೇ᳚ |
ದದ॑ದೃ॒ಚಾ ಸ॒ನಿಂ ಯ॒ತೇ ದದ᳚ನ್ಮೇ॒ಧಾಮೃ॑ತಾಯ॒ತೇ || 5.27.4
ಯಸ್ಯ॑ ಮಾ ಪರು॒ಷಾಃ ಶ॒ತಮು॑ದ್ಧ॒ರ್ಷಯ᳚‌ನ್ತ್ಯು॒ಕ್ಷಣಃ॑ |
ಅಶ್ವ॑ಮೇಧಸ್ಯ॒ ದಾನಾಃ॒ ಸೋಮಾ᳚ ಇವ॒ ತ್ರ್ಯಾ᳚ಶಿರಃ || 5.27.5
ಇಂದ್ರಾ᳚ಗ್ನೀ ಶತ॒ದಾವ್ನ್ಯಶ್ವ॑ಮೇಧೇ ಸು॒ವೀರ್ಯ‌ಮ್᳚ |
ಕ್ಷ॒ತ್ರಂ ಧಾ᳚ರಯತಂ ಬೃ॒ಹದ್ದಿ॒ವಿ ಸೂರ್ಯ॑ಮಿವಾ॒ಜರ‌ಮ್᳚ || 5.27.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೀ ವಿಶ್ವವಾರಾ ಋಷಿಕಾ, ಅಗ್ನಿದೇರ್ವತಾ (1, 3) ಪ್ರಥಮರ್ಚಸ್ತೃತೀಯಾಯಾಶ್ಚ ತ್ರಿಷ್ಟುಪ್ , (2) ದ್ವಿತೀಯಾಯಾ ಜಗತೀ, (4) ಚತುರ್ಥ್ಯಾ ಅನುಷ್ಟುಪ್, (5-6) ಪಂಚಮೀಷಷ್ಠ್ಯೋಶ್ಚ ಗಾಯತ್ರೀ ಛಂದಾಂಸಿ

ಸಮಿ॑ದ್ಧೋ ಅ॒ಗ್ನಿರ್ದಿ॒ವಿ ಶೋ॒ಚಿರ॑ಶ್ರೇತ್ಪ್ರ॒ತ್ಯಙ್ಙು॒ಷಸ॑ಮುರ್ವಿ॒ಯಾ ವಿ ಭಾ᳚ತಿ |
ಏತಿ॒ ಪ್ರಾಚೀ᳚ ವಿ॒ಶ್ವವಾ᳚ರಾ॒ ನಮೋ᳚ಭಿರ್ದೇ॒ವಾಁ ಈಳಾ᳚ನಾ ಹ॒ವಿಷಾ᳚ ಘೃ॒ತಾಚೀ᳚ || 5.28.1
ಸ॒ಮಿ॒ಧ್ಯಮಾ᳚ನೋ ಅ॒ಮೃತ॑ಸ್ಯ ರಾಜಸಿ ಹ॒ವಿಷ್ಕೃ॒ಣ್ವ‌ನ್ತಂ᳚ ಸಚಸೇ ಸ್ವ॒ಸ್ತಯೇ᳚ |
ವಿಶ್ವಂ॒ ಸ ಧ॑ತ್ತೇ॒ ದ್ರವಿ॑ಣಂ॒ ಯಮಿನ್ವ॑ಸ್ಯಾತಿ॒ಥ್ಯಮ॑ಗ್ನೇ॒ ನಿ ಚ॑ ಧತ್ತ॒ ಇತ್ಪು॒ರಃ || 5.28.2
ಅಗ್ನೇ॒ ಶರ್ಧ॑ ಮಹ॒ತೇ ಸೌಭ॑ಗಾಯ॒ ತವ॑ ದ್ಯು॒ಮ್ನಾನ್ಯು॑ತ್ತ॒ಮಾನಿ॑ ಸ‌ನ್ತು |
ಸಂ ಜಾ᳚ಸ್ಪ॒ತ್ಯಂ ಸು॒ಯಮ॒ಮಾ ಕೃ॑ಣುಷ್ವ ಶತ್ರೂಯ॒ತಾಮ॒ಭಿ ತಿ॑ಷ್ಠಾ॒ ಮಹಾಂ᳚ಸಿ || 5.28.3
ಸಮಿ॑ದ್ಧಸ್ಯ॒ ಪ್ರಮ॑ಹ॒ಸೋಽಗ್ನೇ॒ ವಂದೇ॒ ತವ॒ ಶ್ರಿಯ‌ಮ್᳚ |
ವೃ॒ಷ॒ಭೋ ದ್ಯು॒ಮ್ನವಾಁ᳚ ಅಸಿ॒ ಸಮ॑ಧ್ವ॒ರೇಷ್ವಿ॑ಧ್ಯಸೇ || 5.28.4
ಸಮಿ॑ದ್ಧೋ ಅಗ್ನ ಆಹುತ ದೇ॒ವಾನ್ಯ॑ಕ್ಷಿ ಸ್ವಧ್ವರ |
ತ್ವಂ ಹಿ ಹ᳚ವ್ಯ॒ವಾಳಸಿ॑ || 5.28.5
ಆ ಜು॑ಹೋತಾ ದುವ॒ಸ್ಯತಾ॒ಗ್ನಿಂ ಪ್ರ॑ಯ॒ತ್ಯ॑ಧ್ವ॒ರೇ |
ವೃ॒ಣೀ॒ಧ್ವಂ ಹ᳚ವ್ಯ॒ವಾಹ॑ನ‌ಮ್ || 5.28.6

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯೋ ಗೌರಿವೀತಿಷಿಃ, ಇಂದ್ರೋ ದೇವತಾ, ತತ್ರಾಪಿ (9) ನವಮ್ಯಾ ಋಚಃ ಪ್ರಥಮಪಾದಸ್ಯೋಶನಾ ವಾ ದೇವತಾ, ತ್ರಿಷ್ಟುಪ್ ಛಂದಃ

ತ್ರ್ಯ᳚ರ್ಯ॒ಮಾ ಮನು॑ಷೋ ದೇ॒ವತಾ᳚ತಾ॒ ತ್ರೀ ರೋ᳚ಚ॒ನಾ ದಿ॒ವ್ಯಾ ಧಾ᳚ರಯ‌ನ್ತ |
ಅರ್ಚ᳚‌ನ್ತಿ ತ್ವಾ ಮ॒ರುತಃ॑ ಪೂ॒ತದ॑ಕ್ಷಾ॒ಸ್ತ್ವಮೇ᳚ಷಾ॒ಮೃಷಿ॑ರಿಂದ್ರಾಸಿ॒ ಧೀರಃ॑ || 5.29.1
ಅನು॒ ಯದೀಂ᳚ ಮ॒ರುತೋ᳚ ಮಂದಸಾ॒ನಮಾರ್ಚ॒ನ್ನಿಂದ್ರಂ᳚ ಪಪಿ॒ವಾಂಸಂ᳚ ಸು॒ತಸ್ಯ॑ |
ಆದ॑ತ್ತ॒ ವಜ್ರ॑ಮ॒ಭಿ ಯದಹಿಂ॒ ಹನ್ನ॒ಪೋ ಯ॒ಹ್ವೀರ॑ಸೃಜ॒ತ್ಸರ್ತ॒ವಾ ಉ॑ || 5.29.2
ಉ॒ತ ಬ್ರ᳚ಹ್ಮಾಣೋ ಮರುತೋ ಮೇ ಅ॒ಸ್ಯೇಂದ್ರಃ॒ ಸೋಮ॑ಸ್ಯ॒ ಸುಷು॑ತಸ್ಯ ಪೇಯಾಃ |
ತದ್ಧಿ ಹ॒ವ್ಯಂ ಮನು॑ಷೇ॒ ಗಾ ಅವಿಂ᳚ದ॒ದಹ॒ನ್ನಹಿಂ᳚ ಪಪಿ॒ವಾಁ ಇಂದ್ರೋ᳚ ಅಸ್ಯ || 5.29.3
ಆದ್ರೋದ॑ಸೀ ವಿತ॒ರಂ ವಿ ಷ್ಕ॑ಭಾಯತ್ಸಂವಿವ್ಯಾ॒ನಶ್ಚಿ॑ದ್ಭಿ॒ಯಸೇ᳚ ಮೃ॒ಗಂ ಕಃ॑ |
ಜಿಗ॑ರ್ತಿ॒ಮಿಂದ್ರೋ᳚ ಅಪ॒ಜರ್ಗು॑ರಾಣಃ॒ ಪ್ರತಿ॑ ಶ್ವ॒ಸ‌ನ್ತ॒ಮವ॑ ದಾನ॒ವಂ ಹನ್॑ || 5.29.4
ಅಧ॒ ಕ್ರತ್ವಾ᳚ ಮಘವ॒‌ನ್ತುಭ್ಯಂ᳚ ದೇ॒ವಾ ಅನು॒ ವಿಶ್ವೇ᳚ ಅದದುಃ ಸೋಮ॒ಪೇಯ‌ಮ್᳚ |
ಯತ್ಸೂರ್ಯ॑ಸ್ಯ ಹ॒ರಿತಃ॒ ಪತ᳚‌ನ್ತೀಃ ಪು॒ರಃ ಸ॒ತೀರುಪ॑ರಾ॒ ಏತ॑ಶೇ॒ ಕಃ || 5.29.5
ನವ॒ ಯದ॑ಸ್ಯ ನವ॒ತಿಂ ಚ॑ ಭೋ॒ಗಾ‌‌ನ್ತ್ಸಾ॒ಕಂ ವಜ್ರೇ᳚ಣ ಮ॒ಘವಾ᳚ ವಿವೃ॒ಶ್ಚತ್ |
ಅರ್ಚ॒‌ನ್ತೀಂದ್ರಂ᳚ ಮ॒ರುತಃ॑ ಸ॒ಧಸ್ಥೇ॒ ತ್ರೈಷ್ಟು॑ಭೇನ॒ ವಚ॑ಸಾ ಬಾಧತ॒ ದ್ಯಾ‌ಮ್ || 5.29.6
ಸಖಾ॒ ಸಖ್ಯೇ᳚ ಅಪಚ॒ತ್ತೂಯ॑ಮ॒ಗ್ನಿರ॒ಸ್ಯ ಕ್ರತ್ವಾ᳚ ಮಹಿ॒ಷಾ ತ್ರೀ ಶ॒ತಾನಿ॑ |
ತ್ರೀ ಸಾ॒ಕಮಿಂದ್ರೋ॒ ಮನು॑ಷಃ॒ ಸರಾಂ᳚ಸಿ ಸು॒ತಂ ಪಿ॑ಬದ್ವೃತ್ರ॒ಹತ್ಯಾ᳚ಯ॒ ಸೋಮ‌ಮ್᳚ || 5.29.7
ತ್ರೀ ಯಚ್ಛ॒ತಾ ಮ॑ಹಿ॒ಷಾಣಾ॒ಮಘೋ॒ ಮಾಸ್ತ್ರೀ ಸರಾಂ᳚ಸಿ ಮ॒ಘವಾ᳚ ಸೋ॒ಮ್ಯಾಪಾಃ᳚ |
ಕಾ॒ರಂ ನ ವಿಶ್ವೇ᳚ ಅಹ್ವ‌ನ್ತ ದೇ॒ವಾ ಭರ॒ಮಿಂದ್ರಾ᳚ಯ॒ ಯದಹಿಂ᳚ ಜ॒ಘಾನ॑ || 5.29.8
ಉ॒ಶನಾ॒ ಯತ್ಸ॑ಹ॒ಸ್ಯೈ॒3॒॑ರಯಾ᳚ತಂ ಗೃ॒ಹಮಿಂ᳚ದ್ರ ಜೂಜುವಾ॒ನೇಭಿ॒ರಶ್ವೈಃ᳚ |
ವ॒ನ್ವಾ॒ನೋ ಅತ್ರ॑ ಸ॒ರಥಂ᳚ ಯಯಾಥ॒ ಕುತ್ಸೇ᳚ನ ದೇ॒ವೈರವ॑ನೋರ್ಹ॒ ಶುಷ್ಣ‌ಮ್᳚ || 5.29.9
ಪ್ರಾನ್ಯಚ್ಚ॒ಕ್ರಮ॑ವೃಹಃ॒ ಸೂರ್ಯ॑ಸ್ಯ॒ ಕುತ್ಸಾ᳚ಯಾ॒ನ್ಯದ್ವರಿ॑ವೋ॒ ಯಾತ॑ವೇಽಕಃ |
ಅ॒ನಾಸೋ॒ ದಸ್ಯೂಁ᳚ರಮೃಣೋ ವ॒ಧೇನ॒ ನಿ ದು᳚ರ್ಯೋ॒ಣ ಆ᳚ವೃಣಙ್ಮೃ॒ಧ್ರವಾ᳚ಚಃ || 5.29.10
ಸ್ತೋಮಾ᳚ಸಸ್ತ್ವಾ॒ ಗೌರಿ॑ವೀತೇರವರ್ಧ॒ನ್ನರಂ᳚ಧಯೋ ವೈದಥಿ॒ನಾಯ॒ ಪಿಪ್ರು‌ಮ್᳚ |
ಆ ತ್ವಾಮೃ॒ಜಿಶ್ವಾ᳚ ಸ॒ಖ್ಯಾಯ॑ ಚಕ್ರೇ॒ ಪಚ᳚ನ್ಪ॒ಕ್ತೀರಪಿ॑ಬಃ॒ ಸೋಮ॑ಮಸ್ಯ || 5.29.11
ನವ॑ಗ್ವಾಸಃ ಸು॒ತಸೋ᳚ಮಾಸ॒ ಇಂದ್ರಂ॒ ದಶ॑ಗ್ವಾಸೋ ಅ॒ಭ್ಯ॑ರ್ಚ‌ನ್ತ್ಯ॒ರ್ಕೈಃ |
ಗವ್ಯಂ᳚ ಚಿದೂ॒ರ್ವಮ॑ಪಿ॒ಧಾನ॑ವ‌ನ್ತಂ॒ ತಂ ಚಿ॒ನ್ನರಃ॑ ಶಶಮಾ॒ನಾ ಅಪ᳚ ವ್ರನ್ || 5.29.12
ಕ॒ಥೋ ನು ತೇ॒ ಪರಿ॑ ಚರಾಣಿ ವಿ॒ದ್ವಾನ್ವೀ॒ರ್ಯಾ᳚ ಮಘವ॒ನ್ಯಾ ಚ॒ಕರ್ಥ॑ |
ಯಾ ಚೋ॒ ನು ನವ್ಯಾ᳚ ಕೃ॒ಣವಃ॑ ಶವಿಷ್ಠ॒ ಪ್ರೇದು॒ ತಾ ತೇ᳚ ವಿ॒ದಥೇ᳚ಷು ಬ್ರವಾಮ || 5.29.13
ಏ॒ತಾ ವಿಶ್ವಾ᳚ ಚಕೃ॒ವಾಁ ಇಂ᳚ದ್ರ॒ ಭೂರ್ಯಪ॑ರೀತೋ ಜ॒ನುಷಾ᳚ ವೀ॒ರ್ಯೇ᳚ಣ |
ಯಾ ಚಿ॒ನ್ನು ವ॑ಜ್ರಿನ್ಕೃ॒ಣವೋ᳚ ದಧೃ॒ಷ್ವಾನ್ನ ತೇ᳚ ವ॒ರ್ತಾ ತವಿ॑ಷ್ಯಾ ಅಸ್ತಿ॒ ತಸ್ಯಾಃ᳚ || 5.29.14
ಇಂದ್ರ॒ ಬ್ರಹ್ಮ॑ ಕ್ರಿ॒ಯಮಾ᳚ಣಾ ಜುಷಸ್ವ॒ ಯಾ ತೇ᳚ ಶವಿಷ್ಠ॒ ನವ್ಯಾ॒ ಅಕ᳚ರ್ಮ |
ವಸ್ತ್ರೇ᳚ವ ಭ॒ದ್ರಾ ಸುಕೃ॑ತಾ ವಸೂ॒ಯೂ ರಥಂ॒ ನ ಧೀರಃ॒ ಸ್ವಪಾ᳚ ಅತಕ್ಷ‌ಮ್ || 5.29.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ವಭಋಷಿಃ (1-11) ಪ್ರಥಮಾಯೇಕಾದಶಚಾಮಿಂದ್ರಃ, (12-15) ದ್ವಾದಶ್ಯಾದಿಚತಸೃಣಾಂಚ ಋಣಂಚಯೇಂದ್ರೌ ದೇವತೇ, ತ್ರಿಷ್ಟುಪ್ ಛಂದಃ

ಕ್ವ1॒॑ ಸ್ಯ ವೀ॒ರಃ ಕೋ ಅ॑ಪಶ್ಯ॒ದಿಂದ್ರಂ᳚ ಸು॒ಖರ॑ಥ॒ಮೀಯ॑ಮಾನಂ॒ ಹರಿ॑ಭ್ಯಾ‌ಮ್ |
ಯೋ ರಾ॒ಯಾ ವ॒ಜ್ರೀ ಸು॒ತಸೋ᳚ಮಮಿ॒ಚ್ಛ‌ನ್ತದೋಕೋ॒ ಗ‌ನ್ತಾ᳚ ಪುರುಹೂ॒ತ ಊ॒ತೀ || 5.30.1
ಅವಾ᳚ಚಚಕ್ಷಂ ಪ॒ದಮ॑ಸ್ಯ ಸ॒ಸ್ವರು॒ಗ್ರಂ ನಿ॑ಧಾ॒ತುರನ್ವಾ᳚ಯಮಿ॒ಚ್ಛನ್ |
ಅಪೃ॑ಚ್ಛಮ॒ನ್ಯಾಁ ಉ॒ತ ತೇ ಮ॑ ಆಹು॒ರಿಂದ್ರಂ॒ ನರೋ᳚ ಬುಬುಧಾ॒ನಾ ಅ॑ಶೇಮ || 5.30.2
ಪ್ರ ನು ವ॒ಯಂ ಸು॒ತೇ ಯಾ ತೇ᳚ ಕೃ॒ತಾನೀಂದ್ರ॒ ಬ್ರವಾ᳚ಮ॒ ಯಾನಿ॑ ನೋ॒ ಜುಜೋ᳚ಷಃ |
ವೇದ॒ದವಿ॑ದ್ವಾಂಛೃ॒ಣವ॑ಚ್ಚ ವಿ॒ದ್ವಾನ್ವಹ॑ತೇ॒ಽಯಂ ಮ॒ಘವಾ॒ ಸರ್ವ॑ಸೇನಃ || 5.30.3
ಸ್ಥಿ॒ರಂ ಮನ॑ಶ್ಚಕೃಷೇ ಜಾ॒ತ ಇಂ᳚ದ್ರ॒ ವೇಷೀದೇಕೋ᳚ ಯು॒ಧಯೇ॒ ಭೂಯ॑ಸಶ್ಚಿತ್ |
ಅಶ್ಮಾ᳚ನಂ ಚಿ॒ಚ್ಛವ॑ಸಾ ದಿದ್ಯುತೋ॒ ವಿ ವಿ॒ದೋ ಗವಾ᳚ಮೂ॒ರ್ವಮು॒ಸ್ರಿಯಾ᳚ಣಾ‌ಮ್ || 5.30.4
ಪ॒ರೋ ಯತ್ತ್ವಂ ಪ॑ರ॒ಮ ಆ॒ಜನಿ॑ಷ್ಠಾಃ ಪರಾ॒ವತಿ॒ ಶ್ರುತ್ಯಂ॒ ನಾಮ॒ ಬಿಭ್ರ॑ತ್ |
ಅತ॑ಶ್ಚಿ॒ದಿಂದ್ರಾ᳚ದಭಯ‌ನ್ತ ದೇ॒ವಾ ವಿಶ್ವಾ᳚ ಅ॒ಪೋ ಅ॑ಜಯದ್ದಾ॒ಸಪ॑ತ್ನೀಃ || 5.30.5
ತುಭ್ಯೇದೇ॒ತೇ ಮ॒ರುತಃ॑ ಸು॒ಶೇವಾ॒ ಅರ್ಚ᳚‌ನ್ತ್ಯ॒ರ್ಕಂ ಸು॒ನ್ವ‌ನ್ತ್ಯಂಧಃ॑ |
ಅಹಿ॑ಮೋಹಾ॒ನಮ॒ಪ ಆ॒ಶಯಾ᳚ನಂ॒ ಪ್ರ ಮಾ॒ಯಾಭಿ᳚ರ್ಮಾ॒ಯಿನಂ᳚ ಸಕ್ಷ॒ದಿಂದ್ರಃ॑ || 5.30.6
ವಿ ಷೂ ಮೃಧೋ᳚ ಜ॒ನುಷಾ॒ ದಾನ॒ಮಿನ್ವ॒ನ್ನಹ॒ನ್ಗವಾ᳚ ಮಘವ‌‌ನ್ತ್ಸಂಚಕಾ॒ನಃ |
ಅತ್ರಾ᳚ ದಾ॒ಸಸ್ಯ॒ ನಮು॑ಚೇಃ॒ ಶಿರೋ॒ ಯದವ॑ರ್ತಯೋ॒ ಮನ॑ವೇ ಗಾ॒ತುಮಿ॒ಚ್ಛನ್ || 5.30.7
ಯುಜಂ॒ ಹಿ ಮಾಮಕೃ॑ಥಾ॒ ಆದಿದಿಂ᳚ದ್ರ॒ ಶಿರೋ᳚ ದಾ॒ಸಸ್ಯ॒ ನಮು॑ಚೇರ್ಮಥಾ॒ಯನ್ |
ಅಶ್ಮಾ᳚ನಂ ಚಿತ್ಸ್ವ॒ರ್ಯ1॒॑ ಅಂವರ್ತ॑ಮಾನಂ॒ ಪ್ರ ಚ॒ಕ್ರಿಯೇ᳚ವ॒ ರೋದ॑ಸೀ ಮ॒ರುದ್ಭ್ಯಃ॑ || 5.30.8
ಸ್ತ್ರಿಯೋ॒ ಹಿ ದಾ॒ಸ ಆಯು॑ಧಾನಿ ಚ॒ಕ್ರೇ ಕಿಂ ಮಾ᳚ ಕರನ್ನಬ॒ಲಾ ಅ॑ಸ್ಯ॒ ಸೇನಾಃ᳚ |
ಅ॒‌ನ್ತರ್ಹ್ಯಖ್ಯ॑ದು॒ಭೇ ಅ॑ಸ್ಯ॒ ಧೇನೇ॒ ಅಥೋಪ॒ ಪ್ರೈದ್ಯು॒ಧಯೇ॒ ದಸ್ಯು॒ಮಿಂದ್ರಃ॑ || 5.30.9
ಸಮತ್ರ॒ ಗಾವೋ॒ಽಭಿತೋ᳚ಽನವ‌ನ್ತೇ॒ಹೇಹ॑ ವ॒ತ್ಸೈರ್ವಿಯು॑ತಾ॒ ಯದಾಸನ್॑ |
ಸಂ ತಾ ಇಂದ್ರೋ᳚ ಅಸೃಜದಸ್ಯ ಶಾ॒ಕೈರ್ಯದೀಂ॒ ಸೋಮಾ᳚ಸಃ॒ ಸುಷು॑ತಾ॒ ಅಮಂ᳚ದನ್ || 5.30.10
ಯದೀಂ॒ ಸೋಮಾ᳚ ಬ॒ಭ್ರುಧೂ᳚ತಾ॒ ಅಮಂ᳚ದ॒ನ್ನರೋ᳚ರವೀದ್ವೃಷ॒ಭಃ ಸಾದ॑ನೇಷು |
ಪು॒ರಂ॒ದ॒ರಃ ಪ॑ಪಿ॒ವಾಁ ಇಂದ್ರೋ᳚ ಅಸ್ಯ॒ ಪುನ॒ರ್ಗವಾ᳚ಮದದಾದು॒ಸ್ರಿಯಾ᳚ಣಾ‌ಮ್ || 5.30.11
ಭ॒ದ್ರಮಿ॒ದಂ ರು॒ಶಮಾ᳚ ಅಗ್ನೇ ಅಕ್ರ॒ನ್ಗವಾಂ᳚ ಚ॒ತ್ವಾರಿ॒ ದದ॑ತಃ ಸ॒ಹಸ್ರಾ᳚ |
ಋ॒ಣಂ॒ಚ॒ಯಸ್ಯ॒ ಪ್ರಯ॑ತಾ ಮ॒ಘಾನಿ॒ ಪ್ರತ್ಯ॑ಗ್ರಭೀಷ್ಮ॒ ನೃತ॑ಮಸ್ಯ ನೃ॒ಣಾ‌ಮ್ || 5.30.12
ಸು॒ಪೇಶ॑ಸಂ॒ ಮಾವ॑ ಸೃಜ॒‌ನ್ತ್ಯಸ್ತಂ॒ ಗವಾಂ᳚ ಸ॒ಹಸ್ರೈ᳚ ರು॒ಶಮಾ᳚ಸೋ ಅಗ್ನೇ |
ತೀ॒ವ್ರಾ ಇಂದ್ರ॑ಮಮಮಂದುಃ ಸು॒ತಾಸೋ॒ಽಕ್ತೋರ್ವ್ಯು॑ಷ್ಟೌ॒ ಪರಿ॑ತಕ್ಮ್ಯಾಯಾಃ || 5.30.13
ಔಚ್ಛ॒ತ್ಸಾ ರಾತ್ರೀ॒ ಪರಿ॑ತಕ್ಮ್ಯಾ॒ ಯಾಁ ಋ॑ಣಂಚ॒ಯೇ ರಾಜ॑ನಿ ರು॒ಶಮಾ᳚ನಾ‌ಮ್ |
ಅತ್ಯೋ॒ ನ ವಾ॒ಜೀ ರ॒ಘುರ॒ಜ್ಯಮಾ᳚ನೋ ಬ॒ಭ್ರುಶ್ಚ॒ತ್ವಾರ್ಯ॑ಸನತ್ಸ॒ಹಸ್ರಾ᳚ || 5.30.14
ಚತುಃ॑ಸಹಸ್ರಂ॒ ಗವ್ಯ॑ಸ್ಯ ಪ॒ಶ್ವಃ ಪ್ರತ್ಯ॑ಗ್ರಭೀಷ್ಮ ರು॒ಶಮೇ᳚ಷ್ವಗ್ನೇ |
ಘ॒ರ್ಮಶ್ಚಿ॑ತ್ತ॒ಪ್ತಃ ಪ್ರ॒ವೃಜೇ॒ ಯ ಆಸೀ᳚ದಯ॒ಸ್ಮಯ॒ಸ್ತಮ್ವಾದಾ᳚ಮ॒ ವಿಪ್ರಾಃ᳚ || 5.30.15

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯ ಅವಸ್ಯಋಷಿಃ (1-7, 8, 10-13) ಪ್ರಥಮಾದಿಸಪ್ತರ್ಚಾಮಷ್ಟಮ್ಯಾಃ ಪ್ರಥಮದ್ವಿತೀಯಪಾದಯೋರ್ದಶಮ್ಯಾದಿಚತಸೃಣಾಂಚೇಂದ್ರಃ (8) ಅಷ್ಟಮ್ಯಾಸ್ತೃತೀಯಪಾದಸ್ಯೇಂದ್ರಃ ಕತ್ಸೋ ವಾ, ಚತುಥರ್ಪ ದಿಸ್ಯೇಂದ್ರ ಉಶನಾ ವಾ, (9) ನವಮ್ಯಾಶ್ಚೇಂದ್ರಾಕುತ್ಸೌ ದೇವತಾಃ, ತ್ರಿಷ್ಟುಪ್ ಛಂದಃ

ಇಂದ್ರೋ॒ ರಥಾ᳚ಯ ಪ್ರ॒ವತಂ᳚ ಕೃಣೋತಿ॒ ಯಮ॒ಧ್ಯಸ್ಥಾ᳚ನ್ಮ॒ಘವಾ᳚ ವಾಜ॒ಯ‌ನ್ತ‌ಮ್᳚ |
ಯೂ॒ಥೇವ॑ ಪ॒ಶ್ವೋ ವ್ಯು॑ನೋತಿ ಗೋ॒ಪಾ ಅರಿ॑ಷ್ಟೋ ಯಾತಿ ಪ್ರಥ॒ಮಃ ಸಿಷಾ᳚ಸನ್ || 5.31.1
ಆ ಪ್ರ ದ್ರ॑ವ ಹರಿವೋ॒ ಮಾ ವಿ ವೇ᳚ನಃ॒ ಪಿಶಂ᳚ಗರಾತೇ ಅ॒ಭಿ ನಃ॑ ಸಚಸ್ವ |
ನ॒ಹಿ ತ್ವದಿಂ᳚ದ್ರ॒ ವಸ್ಯೋ᳚ ಅ॒ನ್ಯದಸ್ತ್ಯ॑ಮೇ॒ನಾಁಶ್ಚಿ॒ಜ್ಜನಿ॑ವತಶ್ಚಕರ್ಥ || 5.31.2
ಉದ್ಯತ್ಸಹಃ॒ ಸಹ॑ಸ॒ ಆಜ॑ನಿಷ್ಟ॒ ದೇದಿ॑ಷ್ಟ॒ ಇಂದ್ರ॑ ಇಂದ್ರಿ॒ಯಾಣಿ॒ ವಿಶ್ವಾ᳚ |
ಪ್ರಾಚೋ᳚ದಯತ್ಸು॒ದುಘಾ᳚ ವ॒ವ್ರೇ ಅ॒‌ನ್ತರ್ವಿ ಜ್ಯೋತಿ॑ಷಾ ಸಂವವೃ॒ತ್ವತ್ತಮೋ᳚ಽವಃ || 5.31.3
ಅನ॑ವಸ್ತೇ॒ ರಥ॒ಮಶ್ವಾ᳚ಯ ತಕ್ಷ॒‌ನ್ತ್ವಷ್ಟಾ॒ ವಜ್ರಂ᳚ ಪುರುಹೂತ ದ್ಯು॒ಮ‌ನ್ತ‌ಮ್᳚ |
ಬ್ರ॒ಹ್ಮಾಣ॒ ಇಂದ್ರಂ᳚ ಮ॒ಹಯ᳚‌ನ್ತೋ ಅ॒ರ್ಕೈರವ॑ರ್ಧಯ॒ನ್ನಹ॑ಯೇ॒ ಹ‌ನ್ತ॒ವಾ ಉ॑ || 5.31.4
ವೃಷ್ಣೇ॒ ಯತ್ತೇ॒ ವೃಷ॑ಣೋ ಅ॒ರ್ಕಮರ್ಚಾ॒ನಿಂದ್ರ॒ ಗ್ರಾವಾ᳚ಣೋ॒ ಅದಿ॑ತಿಃ ಸ॒ಜೋಷಾಃ᳚ |
ಅ॒ನ॒ಶ್ವಾಸೋ॒ ಯೇ ಪ॒ವಯೋ᳚ಽರ॒ಥಾ ಇಂದ್ರೇ᳚ಷಿತಾ ಅ॒ಭ್ಯವ॑ರ್ತ‌ನ್ತ॒ ದಸ್ಯೂನ್॑ || 5.31.5
ಪ್ರ ತೇ॒ ಪೂರ್ವಾ᳚ಣಿ॒ ಕರ॑ಣಾನಿ ವೋಚಂ॒ ಪ್ರ ನೂತ॑ನಾ ಮಘವ॒ನ್ಯಾ ಚ॒ಕರ್ಥ॑ |
ಶಕ್ತೀ᳚ವೋ॒ ಯದ್ವಿ॒ಭರಾ॒ ರೋದ॑ಸೀ ಉ॒ಭೇ ಜಯ᳚ನ್ನ॒ಪೋ ಮನ॑ವೇ॒ ದಾನು॑ಚಿತ್ರಾಃ || 5.31.6
ತದಿನ್ನು ತೇ॒ ಕರ॑ಣಂ ದಸ್ಮ ವಿ॒ಪ್ರಾಹಿಂ॒ ಯದ್ಘ್ನನ್ನೋಜೋ॒ ಅತ್ರಾಮಿ॑ಮೀಥಾಃ |
ಶುಷ್ಣ॑ಸ್ಯ ಚಿ॒ತ್ಪರಿ॑ ಮಾ॒ಯಾ ಅ॑ಗೃಭ್ಣಾಃ ಪ್ರಪಿ॒ತ್ವಂ ಯನ್ನಪ॒ ದಸ್ಯೂಁ᳚ರಸೇಧಃ || 5.31.7
ತ್ವಮ॒ಪೋ ಯದ॑ವೇ ತು॒ರ್ವಶಾ॒ಯಾರ॑ಮಯಃ ಸು॒ದುಘಾಃ᳚ ಪಾ॒ರ ಇಂ᳚ದ್ರ |
ಉ॒ಗ್ರಮ॑ಯಾತ॒ಮವ॑ಹೋ ಹ॒ ಕುತ್ಸಂ॒ ಸಂ ಹ॒ ಯದ್ವಾ᳚ಮು॒ಶನಾರ᳚‌ನ್ತ ದೇ॒ವಾಃ || 5.31.8
ಇಂದ್ರಾ᳚ಕುತ್ಸಾ॒ ವಹ॑ಮಾನಾ॒ ರಥೇ॒ನಾ ವಾ॒ಮತ್ಯಾ॒ ಅಪಿ॒ ಕರ್ಣೇ᳚ ವಹ‌ನ್ತು |
ನಿಃ ಷೀ᳚ಮ॒ದ್ಭ್ಯೋ ಧಮ॑ಥೋ॒ ನಿಃ ಷ॒ಧಸ್ಥಾ᳚ನ್ಮ॒ಘೋನೋ᳚ ಹೃ॒ದೋ ವ॑ರಥ॒ಸ್ತಮಾಂ᳚ಸಿ || 5.31.9
ವಾತ॑ಸ್ಯ ಯು॒ಕ್ತಾ‌‌ನ್ತ್ಸು॒ಯುಜ॑ಶ್ಚಿ॒ದಶ್ವಾ᳚ನ್ಕ॒ವಿಶ್ಚಿ॑ದೇ॒ಷೋ ಅ॑ಜಗನ್ನವ॒ಸ್ಯುಃ |
ವಿಶ್ವೇ᳚ ತೇ॒ ಅತ್ರ॑ ಮ॒ರುತಃ॒ ಸಖಾ᳚ಯ॒ ಇಂದ್ರ॒ ಬ್ರಹ್ಮಾ᳚ಣಿ॒ ತವಿ॑ಷೀಮವರ್ಧನ್ || 5.31.10
ಸೂರ॑ಶ್ಚಿ॒ದ್ರಥಂ॒ ಪರಿ॑ತಕ್ಮ್ಯಾಯಾಂ॒ ಪೂರ್ವಂ᳚ ಕರ॒ದುಪ॑ರಂ ಜೂಜು॒ವಾಂಸ‌ಮ್᳚ |
ಭರ॑ಚ್ಚ॒ಕ್ರಮೇತ॑ಶಃ॒ ಸಂ ರಿ॑ಣಾತಿ ಪು॒ರೋ ದಧ॑ತ್ಸನಿಷ್ಯತಿ॒ ಕ್ರತುಂ᳚ ನಃ || 5.31.11
ಆಯಂ ಜ॑ನಾ ಅಭಿ॒ಚಕ್ಷೇ᳚ ಜಗಾ॒ಮೇಂದ್ರಃ॒ ಸಖಾ᳚ಯಂ ಸು॒ತಸೋ᳚ಮಮಿ॒ಚ್ಛನ್ |
ವದ॒ನ್ಗ್ರಾವಾವ॒ ವೇದಿಂ᳚ ಭ್ರಿಯಾತೇ॒ ಯಸ್ಯ॑ ಜೀ॒ರಮ॑ಧ್ವ॒ರ್ಯವ॒ಶ್ಚರ᳚‌ನ್ತಿ || 5.31.12
ಯೇ ಚಾ॒ಕನ᳚‌ನ್ತ ಚಾ॒ಕನ᳚‌ನ್ತ॒ ನೂ ತೇ ಮರ್ತಾ᳚ ಅಮೃತ॒ ಮೋ ತೇ ಅಂಹ॒ ಆರನ್॑ |
ವಾ॒ವಂ॒ಧಿ ಯಜ್ಯೂಁ᳚ರು॒ತ ತೇಷು॑ ಧೇ॒ಹ್ಯೋಜೋ॒ ಜನೇ᳚ಷು॒ ಯೇಷು॑ ತೇ॒ ಸ್ಯಾಮ॑ || 5.31.13

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಗಾತಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಅದ॑ರ್ದ॒ರುತ್ಸ॒ಮಸೃ॑ಜೋ॒ ವಿ ಖಾನಿ॒ ತ್ವಮ᳚ರ್ಣ॒ವಾನ್ಬ॑ದ್ಬಧಾ॒ನಾಁ ಅ॑ರಮ್ಣಾಃ |
ಮ॒ಹಾ‌ನ್ತ॑ಮಿಂದ್ರ॒ ಪರ್ವ॑ತಂ॒ ವಿ ಯದ್ವಃ ಸೃ॒ಜೋ ವಿ ಧಾರಾ॒ ಅವ॑ ದಾನ॒ವಂ ಹನ್॑ || 5.32.1
ತ್ವಮುತ್ಸಾಁ᳚ ಋ॒ತುಭಿ॑ರ್ಬದ್ಬಧಾ॒ನಾಁ ಅರಂ᳚ಹ॒ ಊಧಃ॒ ಪರ್ವ॑ತಸ್ಯ ವಜ್ರಿನ್ |
ಅಹಿಂ᳚ ಚಿದುಗ್ರ॒ ಪ್ರಯು॑ತಂ॒ ಶಯಾ᳚ನಂ ಜಘ॒ನ್ವಾಁ ಇಂ᳚ದ್ರ॒ ತವಿ॑ಷೀಮಧತ್ಥಾಃ || 5.32.2
ತ್ಯಸ್ಯ॑ ಚಿನ್ಮಹ॒ತೋ ನಿರ್ಮೃ॒ಗಸ್ಯ॒ ವಧ॑ರ್ಜಘಾನ॒ ತವಿ॑ಷೀಭಿ॒ರಿಂದ್ರಃ॑ |
ಯ ಏಕ॒ ಇದ॑ಪ್ರ॒ತಿರ್ಮನ್ಯ॑ಮಾನ॒ ಆದ॑ಸ್ಮಾದ॒ನ್ಯೋ ಅ॑ಜನಿಷ್ಟ॒ ತವ್ಯಾನ್॑ || 5.32.3
ತ್ಯಂ ಚಿ॑ದೇಷಾಂ ಸ್ವ॒ಧಯಾ॒ ಮದ᳚‌ನ್ತಂ ಮಿ॒ಹೋ ನಪಾ᳚ತಂ ಸು॒ವೃಧಂ᳚ ತಮೋ॒ಗಾ‌ಮ್ |
ವೃಷ॑ಪ್ರಭರ್ಮಾ ದಾನ॒ವಸ್ಯ॒ ಭಾಮಂ॒ ವಜ್ರೇ᳚ಣ ವ॒ಜ್ರೀ ನಿ ಜ॑ಘಾನ॒ ಶುಷ್ಣ‌ಮ್᳚ || 5.32.4
ತ್ಯಂ ಚಿ॑ದಸ್ಯ॒ ಕ್ರತು॑ಭಿ॒ರ್ನಿಷ॑ತ್ತಮಮ॒ರ್ಮಣೋ᳚ ವಿ॒ದದಿದ॑ಸ್ಯ॒ ಮರ್ಮ॑ |
ಯದೀಂ᳚ ಸುಕ್ಷತ್ರ॒ ಪ್ರಭೃ॑ತಾ॒ ಮದ॑ಸ್ಯ॒ ಯುಯು॑ತ್ಸ‌ನ್ತಂ॒ ತಮ॑ಸಿ ಹ॒ರ್ಮ್ಯೇ ಧಾಃ || 5.32.5
ತ್ಯಂ ಚಿ॑ದಿ॒ತ್ಥಾ ಕ॑ತ್ಪ॒ಯಂ ಶಯಾ᳚ನಮಸೂ॒ರ್ಯೇ ತಮ॑ಸಿ ವಾವೃಧಾ॒ನ‌ಮ್ |
ತಂ ಚಿ᳚ನ್ಮಂದಾ॒ನೋ ವೃ॑ಷ॒ಭಃ ಸು॒ತಸ್ಯೋ॒ಚ್ಚೈರಿಂದ್ರೋ᳚ ಅಪ॒ಗೂರ್ಯಾ᳚ ಜಘಾನ || 5.32.6
ಉದ್ಯದಿಂದ್ರೋ᳚ ಮಹ॒ತೇ ದಾ᳚ನ॒ವಾಯ॒ ವಧ॒ರ್ಯಮಿ॑ಷ್ಟ॒ ಸಹೋ॒ ಅಪ್ರ॑ತೀತ‌ಮ್ |
ಯದೀಂ॒ ವಜ್ರ॑ಸ್ಯ॒ ಪ್ರಭೃ॑ತೌ ದ॒ದಾಭ॒ ವಿಶ್ವ॑ಸ್ಯ ಜ॒‌ನ್ತೋರ॑ಧ॒ಮಂ ಚ॑ಕಾರ || 5.32.7
ತ್ಯಂ ಚಿ॒ದರ್ಣಂ᳚ ಮಧು॒ಪಂ ಶಯಾ᳚ನಮಸಿ॒ನ್ವಂ ವ॒ವ್ರಂ ಮಹ್ಯಾದ॑ದು॒ಗ್ರಃ |
ಅ॒ಪಾದ॑ಮ॒ತ್ರಂ ಮ॑ಹ॒ತಾ ವ॒ಧೇನ॒ ನಿ ದು᳚ರ್ಯೋ॒ಣ ಆ᳚ವೃಣಙ್ಮೃ॒ಧ್ರವಾ᳚ಚ‌ಮ್ || 5.32.8
ಕೋ ಅ॑ಸ್ಯ॒ ಶುಷ್ಮಂ॒ ತವಿ॑ಷೀಂ ವರಾತ॒ ಏಕೋ॒ ಧನಾ᳚ ಭರತೇ॒ ಅಪ್ರ॑ತೀತಃ |
ಇ॒ಮೇ ಚಿ॑ದಸ್ಯ॒ ಜ್ರಯ॑ಸೋ॒ ನು ದೇ॒ವೀ ಇಂದ್ರ॒ಸ್ಯೌಜ॑ಸೋ ಭಿ॒ಯಸಾ᳚ ಜಿಹಾತೇ || 5.32.9
ನ್ಯ॑ಸ್ಮೈ ದೇ॒ವೀ ಸ್ವಧಿ॑ತಿರ್ಜಿಹೀತ॒ ಇಂದ್ರಾ᳚ಯ ಗಾ॒ತುರು॑ಶ॒ತೀವ॑ ಯೇಮೇ |
ಸಂ ಯದೋಜೋ᳚ ಯು॒ವತೇ॒ ವಿಶ್ವ॑ಮಾಭಿ॒ರನು॑ ಸ್ವ॒ಧಾವ್ನೇ᳚ ಕ್ಷಿ॒ತಯೋ᳚ ನಮ‌ನ್ತ || 5.32.10
ಏಕಂ॒ ನು ತ್ವಾ॒ ಸತ್ಪ॑ತಿಂ॒ ಪಾಂಚ॑ಜನ್ಯಂ ಜಾ॒ತಂ ಶೃ॑ಣೋಮಿ ಯ॒ಶಸಂ॒ ಜನೇ᳚ಷು |
ತಂ ಮೇ᳚ ಜಗೃಭ್ರ ಆ॒ಶಸೋ॒ ನವಿ॑ಷ್ಠಂ ದೋ॒ಷಾ ವಸ್ತೋ॒ರ್ಹವ॑ಮಾನಾಸ॒ ಇಂದ್ರ‌ಮ್᳚ || 5.32.11
ಏ॒ವಾ ಹಿ ತ್ವಾಮೃ॑ತು॒ಥಾ ಯಾ॒ತಯ᳚‌ನ್ತಂ ಮ॒ಘಾ ವಿಪ್ರೇ᳚ಭ್ಯೋ॒ ದದ॑ತಂ ಶೃ॒ಣೋಮಿ॑ |
ಕಿಂ ತೇ᳚ ಬ್ರ॒ಹ್ಮಾಣೋ᳚ ಗೃಹತೇ॒ ಸಖಾ᳚ಯೋ॒ ಯೇ ತ್ವಾ॒ಯಾ ನಿ॑ದ॒ಧುಃ ಕಾಮ॑ಮಿಂದ್ರ || 5.32.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯಃ ಸಂವರಣ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಮಹಿ॑ ಮ॒ಹೇ ತ॒ವಸೇ᳚ ದೀಧ್ಯೇ॒ ನೄನಿಂದ್ರಾ᳚ಯೇ॒ತ್ಥಾ ತ॒ವಸೇ॒ ಅತ᳚ವ್ಯಾನ್ |
ಯೋ ಅ॑ಸ್ಮೈ ಸುಮ॒ತಿಂ ವಾಜ॑ಸಾತೌ ಸ್ತು॒ತೋ ಜನೇ᳚ ಸಮ॒ರ್ಯ॑ಶ್ಚಿ॒ಕೇತ॑ || 5.33.1
ಸ ತ್ವಂ ನ॑ ಇಂದ್ರ ಧಿಯಸಾ॒ನೋ ಅ॒ರ್ಕೈರ್ಹರೀ᳚ಣಾಂ ವೃಷ॒ನ್ಯೋಕ್ತ್ರ॑ಮಶ್ರೇಃ |
ಯಾ ಇ॒ತ್ಥಾ ಮ॑ಘವ॒ನ್ನನು॒ ಜೋಷಂ॒ ವಕ್ಷೋ᳚ ಅ॒ಭಿ ಪ್ರಾರ್ಯಃ ಸ॑ಕ್ಷಿ॒ ಜನಾನ್॑ || 5.33.2
ನ ತೇ ತ॑ ಇಂದ್ರಾ॒ಭ್ಯ1॒॑ಸ್ಮದೃ॒ಷ್ವಾಯು॑ಕ್ತಾಸೋ ಅಬ್ರ॒ಹ್ಮತಾ॒ ಯದಸನ್॑ |
ತಿಷ್ಠಾ॒ ರಥ॒ಮಧಿ॒ ತಂ ವ॑ಜ್ರಹ॒ಸ್ತಾ ರ॒ಶ್ಮಿಂ ದೇ᳚ವ ಯಮಸೇ॒ ಸ್ವಶ್ವಃ॑ || 5.33.3
ಪು॒ರೂ ಯತ್ತ॑ ಇಂದ್ರ॒ ಸ‌ನ್ತ್ಯು॒ಕ್ಥಾ ಗವೇ᳚ ಚ॒ಕರ್ಥೋ॒ರ್ವರಾ᳚ಸು॒ ಯುಧ್ಯನ್॑ |
ತ॒ತ॒ಕ್ಷೇ ಸೂರ್ಯಾ᳚ಯ ಚಿ॒ದೋಕ॑ಸಿ॒ ಸ್ವೇ ವೃಷಾ᳚ ಸ॒ಮತ್ಸು॑ ದಾ॒ಸಸ್ಯ॒ ನಾಮ॑ ಚಿತ್ || 5.33.4
ವ॒ಯಂ ತೇ ತ॑ ಇಂದ್ರ॒ ಯೇ ಚ॒ ನರಃ॒ ಶರ್ಧೋ᳚ ಜಜ್ಞಾ॒ನಾ ಯಾ॒ತಾಶ್ಚ॒ ರಥಾಃ᳚ |
ಆಸ್ಮಾಂಜ॑ಗಮ್ಯಾದಹಿಶುಷ್ಮ॒ ಸತ್ವಾ॒ ಭಗೋ॒ ನ ಹವ್ಯಃ॑ ಪ್ರಭೃ॒ಥೇಷು॒ ಚಾರುಃ॑ || 5.33.5
ಪ॒ಪೃ॒ಕ್ಷೇಣ್ಯ॑ಮಿಂದ್ರ॒ ತ್ವೇ ಹ್ಯೋಜೋ᳚ ನೃ॒ಮ್ಣಾನಿ॑ ಚ ನೃ॒ತಮಾ᳚ನೋ॒ ಅಮ॑ರ್ತಃ |
ಸ ನ॒ ಏನೀಂ᳚ ವಸವಾನೋ ರ॒ಯಿಂ ದಾಃ॒ ಪ್ರಾರ್ಯಃ ಸ್ತು॑ಷೇ ತುವಿಮ॒ಘಸ್ಯ॒ ದಾನ‌ಮ್᳚ || 5.33.6
ಏ॒ವಾ ನ॑ ಇಂದ್ರೋ॒ತಿಭಿ॑ರವ ಪಾ॒ಹಿ ಗೃ॑ಣ॒ತಃ ಶೂ᳚ರ ಕಾ॒ರೂನ್ |
ಉ॒ತ ತ್ವಚಂ॒ ದದ॑ತೋ॒ ವಾಜ॑ಸಾತೌ ಪಿಪ್ರೀ॒ಹಿ ಮಧ್ವಃ॒ ಸುಷು॑ತಸ್ಯ॒ ಚಾರೋಃ᳚ || 5.33.7
ಉ॒ತ ತ್ಯೇ ಮಾ᳚ ಪೌರುಕು॒ತ್ಸ್ಯಸ್ಯ॑ ಸೂ॒ರೇಸ್ತ್ರ॒ಸದ॑ಸ್ಯೋರ್ಹಿರ॒ಣಿನೋ॒ ರರಾ᳚ಣಾಃ |
ವಹ᳚‌ನ್ತು ಮಾ॒ ದಶ॒ ಶ್ಯೇತಾ᳚ಸೋ ಅಸ್ಯ ಗೈರಿಕ್ಷಿ॒ತಸ್ಯ॒ ಕ್ರತು॑ಭಿ॒ರ್ನು ಸ॑ಶ್ಚೇ || 5.33.8
ಉ॒ತ ತ್ಯೇ ಮಾ᳚ ಮಾರು॒ತಾಶ್ವ॑ಸ್ಯ॒ ಶೋಣಾಃ॒ ಕ್ರತ್ವಾ᳚ಮಘಾಸೋ ವಿ॒ದಥ॑ಸ್ಯ ರಾ॒ತೌ |
ಸ॒ಹಸ್ರಾ᳚ ಮೇ॒ ಚ್ಯವ॑ತಾನೋ॒ ದದಾ᳚ನ ಆನೂ॒ಕಮ॒ರ್ಯೋ ವಪು॑ಷೇ॒ ನಾರ್ಚ॑ತ್ || 5.33.9
ಉ॒ತ ತ್ಯೇ ಮಾ᳚ ಧ್ವ॒ನ್ಯ॑ಸ್ಯ॒ ಜುಷ್ಟಾ᳚ ಲಕ್ಷ್ಮ॒ಣ್ಯ॑ಸ್ಯ ಸು॒ರುಚೋ॒ ಯತಾ᳚ನಾಃ |
ಮ॒ಹ್ನಾ ರಾ॒ಯಃ ಸಂ॒ವರ॑ಣಸ್ಯ॒ ಋಷೇ᳚ರ್ವ್ರ॒ಜಂ ನ ಗಾವಃ॒ ಪ್ರಯ॑ತಾ॒ ಅಪಿ॑ ಗ್ಮನ್ || 5.33.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯಃ ಸಂವರಣ ಋಷಿಃ, ಇಂದ್ರೋ ದೇವತಾ, (1-8) ಪ್ರಥಮಾದ್ಯಶ್ಟರ್ಚಾಂ ಜಗತೀ (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅಜಾ᳚ತಶತ್ರುಮ॒ಜರಾ॒ ಸ್ವ᳚ರ್ವ॒ತ್ಯನು॑ ಸ್ವ॒ಧಾಮಿ॑ತಾ ದ॒ಸ್ಮಮೀ᳚ಯತೇ |
ಸು॒ನೋತ॑ನ॒ ಪಚ॑ತ॒ ಬ್ರಹ್ಮ॑ವಾಹಸೇ ಪುರುಷ್ಟು॒ತಾಯ॑ ಪ್ರತ॒ರಂ ದ॑ಧಾತನ || 5.34.1
ಆ ಯಃ ಸೋಮೇ᳚ನ ಜ॒ಠರ॒ಮಪಿ॑ಪ್ರ॒ತಾಮಂ᳚ದತ ಮ॒ಘವಾ॒ ಮಧ್ವೋ॒ ಅಂಧ॑ಸಃ |
ಯದೀಂ᳚ ಮೃ॒ಗಾಯ॒ ಹ‌ನ್ತ॑ವೇ ಮ॒ಹಾವ॑ಧಃ ಸ॒ಹಸ್ರ॑ಭೃಷ್ಟಿಮು॒ಶನಾ᳚ ವ॒ಧಂ ಯಮ॑ತ್ || 5.34.2
ಯೋ ಅ॑ಸ್ಮೈ ಘ್ರಂ॒ಸ ಉ॒ತ ವಾ॒ ಯ ಊಧ॑ನಿ॒ ಸೋಮಂ᳚ ಸು॒ನೋತಿ॒ ಭವ॑ತಿ ದ್ಯು॒ಮಾಁ ಅಹ॑ |
ಅಪಾ᳚ಪ ಶ॒ಕ್ರಸ್ತ॑ತ॒ನುಷ್ಟಿ॑ಮೂಹತಿ ತ॒ನೂಶು॑ಭ್ರಂ ಮ॒ಘವಾ॒ ಯಃ ಕ॑ವಾಸ॒ಖಃ || 5.34.3
ಯಸ್ಯಾವ॑ಧೀತ್ಪಿ॒ತರಂ॒ ಯಸ್ಯ॑ ಮಾ॒ತರಂ॒ ಯಸ್ಯ॑ ಶ॒ಕ್ರೋ ಭ್ರಾತ॑ರಂ॒ ನಾತ॑ ಈಷತೇ |
ವೇತೀದ್ವ॑ಸ್ಯ॒ ಪ್ರಯ॑ತಾ ಯತಂಕ॒ರೋ ನ ಕಿಲ್ಬಿ॑ಷಾದೀಷತೇ॒ ವಸ್ವ॑ ಆಕ॒ರಃ || 5.34.4
ನ ಪಂ॒ಚಭಿ॑ರ್ದ॒ಶಭಿ᳚ರ್ವಷ್ಟ್ಯಾ॒ರಭಂ॒ ನಾಸು᳚ನ್ವತಾ ಸಚತೇ॒ ಪುಷ್ಯ॑ತಾ ಚ॒ನ |
ಜಿ॒ನಾತಿ॒ ವೇದ॑ಮು॒ಯಾ ಹ‌ನ್ತಿ॑ ವಾ॒ ಧುನಿ॒ರಾ ದೇ᳚ವ॒ಯುಂ ಭ॑ಜತಿ॒ ಗೋಮ॑ತಿ ವ್ರ॒ಜೇ || 5.34.5
ವಿ॒ತ್ವಕ್ಷ॑ಣಃ॒ ಸಮೃ॑ತೌ ಚಕ್ರಮಾಸ॒ಜೋಽಸು᳚ನ್ವತೋ॒ ವಿಷು॑ಣಃ ಸುನ್ವ॒ತೋ ವೃ॒ಧಃ |
ಇಂದ್ರೋ॒ ವಿಶ್ವ॑ಸ್ಯ ದಮಿ॒ತಾ ವಿ॒ಭೀಷ॑ಣೋ ಯಥಾವ॒ಶಂ ನ॑ಯತಿ॒ ದಾಸ॒ಮಾರ್ಯಃ॑ || 5.34.6
ಸಮೀಂ᳚ ಪ॒ಣೇರ॑ಜತಿ॒ ಭೋಜ॑ನಂ ಮು॒ಷೇ ವಿ ದಾ॒ಶುಷೇ᳚ ಭಜತಿ ಸೂ॒ನರಂ॒ ವಸು॑ |
ದು॒ರ್ಗೇ ಚ॒ನ ಧ್ರಿ॑ಯತೇ॒ ವಿಶ್ವ॒ ಆ ಪು॒ರು ಜನೋ॒ ಯೋ ಅ॑ಸ್ಯ॒ ತವಿ॑ಷೀ॒ಮಚು॑ಕ್ರುಧತ್ || 5.34.7
ಸಂ ಯಜ್ಜನೌ᳚ ಸು॒ಧನೌ᳚ ವಿ॒ಶ್ವಶ॑ರ್ಧಸಾ॒ವವೇ॒ದಿಂದ್ರೋ᳚ ಮ॒ಘವಾ॒ ಗೋಷು॑ ಶು॒ಭ್ರಿಷು॑ |
ಯುಜಂ॒ ಹ್ಯ1॒᳚ನ್ಯಮಕೃ॑ತ ಪ್ರವೇಪ॒ನ್ಯುದೀಂ॒ ಗವ್ಯಂ᳚ ಸೃಜತೇ॒ ಸತ್ವ॑ಭಿ॒ರ್ಧುನಿಃ॑ || 5.34.8
ಸ॒ಹ॒ಸ್ರ॒ಸಾಮಾಗ್ನಿ॑ವೇಶಿಂ ಗೃಣೀಷೇ॒ ಶತ್ರಿ॑ಮಗ್ನ ಉಪ॒ಮಾಂ ಕೇ॒ತುಮ॒ರ್ಯಃ |
ತಸ್ಮಾ॒ ಆಪಃ॑ ಸಂ॒ಯತಃ॑ ಪೀಪಯ‌ನ್ತ॒ ತಸ್ಮಿ᳚ನ್ಕ್ಷ॒ತ್ರಮಮ॑ವತ್ತ್ವೇ॒ಷಮ॑ಸ್ತು || 5.34.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಭವೂ ಸುಋಷಿಃ, ಇಂದ್ರೋ ದೇವತಾ, (1-7) ಪ್ರಥಮಾದಿಸಪ್ತರ್ಚಾಮನುಷ್ಟಪ್. , (8) ಅಷ್ಟಮ್ಯಾಶ್ಚ ಪತಿಶ್ಛಂದಸೀ

ಯಸ್ತೇ॒ ಸಾಧಿ॒ಷ್ಠೋಽವ॑ಸ॒ ಇಂದ್ರ॒ ಕ್ರತು॒ಷ್ಟಮಾ ಭ॑ರ |
ಅ॒ಸ್ಮಭ್ಯಂ᳚ ಚರ್ಷಣೀ॒ಸಹಂ॒ ಸಸ್ನಿಂ॒ ವಾಜೇ᳚ಷು ದು॒ಷ್ಟರ‌ಮ್᳚ || 5.35.1
ಯದಿಂ᳚ದ್ರ ತೇ॒ ಚತ॑ಸ್ರೋ॒ ಯಚ್ಛೂ᳚ರ॒ ಸ‌ನ್ತಿ॑ ತಿ॒ಸ್ರಃ |
ಯದ್ವಾ॒ ಪಂಚ॑ ಕ್ಷಿತೀ॒ನಾಮವ॒ಸ್ತತ್ಸು ನ॒ ಆ ಭ॑ರ || 5.35.2
ಆ ತೇಽವೋ॒ ವರೇ᳚ಣ್ಯಂ॒ ವೃಷ᳚‌ನ್ತಮಸ್ಯ ಹೂಮಹೇ |
ವೃಷ॑ಜೂತಿ॒ರ್ಹಿ ಜ॑ಜ್ಞಿ॒ಷ ಆ॒ಭೂಭಿ॑ರಿಂದ್ರ ತು॒ರ್ವಣಿಃ॑ || 5.35.3
ವೃಷಾ॒ ಹ್ಯಸಿ॒ ರಾಧ॑ಸೇ ಜಜ್ಞಿ॒ಷೇ ವೃಷ್ಣಿ॑ ತೇ॒ ಶವಃ॑ |
ಸ್ವಕ್ಷ॑ತ್ರಂ ತೇ ಧೃ॒ಷನ್ಮನಃ॑ ಸತ್ರಾ॒ಹಮಿಂ᳚ದ್ರ॒ ಪೌಂಸ್ಯ‌ಮ್᳚ || 5.35.4
ತ್ವಂ ತಮಿಂ᳚ದ್ರ॒ ಮರ್ತ್ಯ॑ಮಮಿತ್ರ॒ಯ‌ನ್ತ॑ಮದ್ರಿವಃ |
ಸ॒ರ್ವ॒ರ॒ಥಾ ಶ॑ತಕ್ರತೋ॒ ನಿ ಯಾ᳚ಹಿ ಶವಸಸ್ಪತೇ || 5.35.5
ತ್ವಾಮಿದ್ವೃ॑ತ್ರಹ‌ನ್ತಮ॒ ಜನಾ᳚ಸೋ ವೃ॒ಕ್ತಬ॑ರ್ಹಿಷಃ |
ಉ॒ಗ್ರಂ ಪೂ॒ರ್ವೀಷು॑ ಪೂ॒ರ್ವ್ಯಂ ಹವ᳚‌ನ್ತೇ॒ ವಾಜ॑ಸಾತಯೇ || 5.35.6
ಅ॒ಸ್ಮಾಕ॑ಮಿಂದ್ರ ದು॒ಷ್ಟರಂ᳚ ಪುರೋ॒ಯಾವಾ᳚ನಮಾ॒ಜಿಷು॑ |
ಸ॒ಯಾವಾ᳚ನಂ॒ ಧನೇ᳚ಧನೇ ವಾಜ॒ಯ‌ನ್ತ॑ಮವಾ॒ ರಥ‌ಮ್᳚ || 5.35.7
ಅ॒ಸ್ಮಾಕ॑ಮಿಂ॒ದ್ರೇಹಿ॑ ನೋ॒ ರಥ॑ಮವಾ॒ ಪುರಂ᳚ಧ್ಯಾ |
ವ॒ಯಂ ಶ॑ವಿಷ್ಠ॒ ವಾರ್ಯಂ᳚ ದಿ॒ವಿ ಶ್ರವೋ᳚ ದಧೀಮಹಿ ದಿ॒ವಿ ಸ್ತೋಮಂ᳚ ಮನಾಮಹೇ || 5.35.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಭವೂ ಸುಋಷಿಃ, ಇಂದ್ರೋ ದೇವತಾ, (1-2, 46) ಪ್ರಥಮಾದ್ವಿತೀಯಯೋ[ಚೋಶ್ಚತುರ್ಥ್ಯಾದಿತೃಚಸ್ಯ ಚ ತ್ರಿಷ್ಟುಪ್ , (3) ತೃತೀಯಾಯಾಶ್ಚ ಜಗತೀ ಛಂದಸೀ

ಸ ಆ ಗ॑ಮ॒ದಿಂದ್ರೋ॒ ಯೋ ವಸೂ᳚ನಾಂ॒ ಚಿಕೇ᳚ತ॒ದ್ದಾತುಂ॒ ದಾಮ॑ನೋ ರಯೀ॒ಣಾ‌ಮ್ |
ಧ॒ನ್ವ॒ಚ॒ರೋ ನ ವಂಸ॑ಗಸ್ತೃಷಾ॒ಣಶ್ಚ॑ಕಮಾ॒ನಃ ಪಿ॑ಬತು ದು॒ಗ್ಧಮಂ॒ಶು‌ಮ್ || 5.36.1
ಆ ತೇ॒ ಹನೂ᳚ ಹರಿವಃ ಶೂರ॒ ಶಿಪ್ರೇ॒ ರುಹ॒ತ್ಸೋಮೋ॒ ನ ಪರ್ವ॑ತಸ್ಯ ಪೃ॒ಷ್ಠೇ |
ಅನು॑ ತ್ವಾ ರಾಜ॒ನ್ನರ್ವ॑ತೋ॒ ನ ಹಿ॒ನ್ವನ್ಗೀ॒ರ್ಭಿರ್ಮ॑ದೇಮ ಪುರುಹೂತ॒ ವಿಶ್ವೇ᳚ || 5.36.2
ಚ॒ಕ್ರಂ ನ ವೃ॒ತ್ತಂ ಪು॑ರುಹೂತ ವೇಪತೇ॒ ಮನೋ᳚ ಭಿ॒ಯಾ ಮೇ॒ ಅಮ॑ತೇ॒ರಿದ॑ದ್ರಿವಃ |
ರಥಾ॒ದಧಿ॑ ತ್ವಾ ಜರಿ॒ತಾ ಸ॑ದಾವೃಧ ಕು॒ವಿನ್ನು ಸ್ತೋ᳚ಷನ್ಮಘವನ್ಪುರೂ॒ವಸುಃ॑ || 5.36.3
ಏ॒ಷ ಗ್ರಾವೇ᳚ವ ಜರಿ॒ತಾ ತ॑ ಇಂ॒ದ್ರೇಯ॑ರ್ತಿ॒ ವಾಚಂ᳚ ಬೃ॒ಹದಾ᳚ಶುಷಾ॒ಣಃ |
ಪ್ರ ಸ॒ವ್ಯೇನ॑ ಮಘವ॒ನ್ಯಂಸಿ॑ ರಾ॒ಯಃ ಪ್ರ ದ॑ಕ್ಷಿ॒ಣಿದ್ಧ॑ರಿವೋ॒ ಮಾ ವಿ ವೇ᳚ನಃ || 5.36.4
ವೃಷಾ᳚ ತ್ವಾ॒ ವೃಷ॑ಣಂ ವರ್ಧತು॒ ದ್ಯೌರ್ವೃಷಾ॒ ವೃಷ॑ಭ್ಯಾಂ ವಹಸೇ॒ ಹರಿ॑ಭ್ಯಾ‌ಮ್ |
ಸ ನೋ॒ ವೃಷಾ॒ ವೃಷ॑ರಥಃ ಸುಶಿಪ್ರ॒ ವೃಷ॑ಕ್ರತೋ॒ ವೃಷಾ᳚ ವಜ್ರಿ॒ನ್ಭರೇ᳚ ಧಾಃ || 5.36.5
ಯೋ ರೋಹಿ॑ತೌ ವಾ॒ಜಿನೌ᳚ ವಾ॒ಜಿನೀ᳚ವಾ‌ನ್ತ್ರಿ॒ಭಿಃ ಶ॒ತೈಃ ಸಚ॑ಮಾನಾ॒ವದಿ॑ಷ್ಟ |
ಯೂನೇ॒ ಸಮ॑ಸ್ಮೈ ಕ್ಷಿ॒ತಯೋ᳚ ನಮ‌ನ್ತಾಂ ಶ್ರು॒ತರ॑ಥಾಯ ಮರುತೋ ದುವೋ॒ಯಾ || 5.36.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಸಂ ಭಾ॒ನುನಾ᳚ ಯತತೇ॒ ಸೂರ್ಯ॑ಸ್ಯಾ॒ಜುಹ್ವಾ᳚ನೋ ಘೃ॒ತಪೃ॑ಷ್ಠಃ॒ ಸ್ವಂಚಾಃ᳚ |
ತಸ್ಮಾ॒ ಅಮೃ॑ಧ್ರಾ ಉ॒ಷಸೋ॒ ವ್ಯು॑ಚ್ಛಾ॒ನ್ಯ ಇಂದ್ರಾ᳚ಯ ಸು॒ನವಾ॒ಮೇತ್ಯಾಹ॑ || 5.37.1
ಸಮಿ॑ದ್ಧಾಗ್ನಿರ್ವನವತ್ಸ್ತೀ॒ರ್ಣಬ॑ರ್ಹಿರ್ಯು॒ಕ್ತಗ್ರಾ᳚ವಾ ಸು॒ತಸೋ᳚ಮೋ ಜರಾತೇ |
ಗ್ರಾವಾ᳚ಣೋ॒ ಯಸ್ಯೇ᳚ಷಿ॒ರಂ ವದ॒‌ನ್ತ್ಯಯ॑ದಧ್ವ॒ರ್ಯುರ್ಹ॒ವಿಷಾವ॒ ಸಿಂಧು‌ಮ್᳚ || 5.37.2
ವ॒ಧೂರಿ॒ಯಂ ಪತಿ॑ಮಿ॒ಚ್ಛ‌ನ್ತ್ಯೇ᳚ತಿ॒ ಯ ಈಂ॒ ವಹಾ᳚ತೇ॒ ಮಹಿ॑ಷೀಮಿಷಿ॒ರಾ‌ಮ್ |
ಆಸ್ಯ॑ ಶ್ರವಸ್ಯಾ॒ದ್ರಥ॒ ಆ ಚ॑ ಘೋಷಾತ್ಪು॒ರೂ ಸ॒ಹಸ್ರಾ॒ ಪರಿ॑ ವರ್ತಯಾತೇ || 5.37.3
ನ ಸ ರಾಜಾ᳚ ವ್ಯಥತೇ॒ ಯಸ್ಮಿ॒ನ್ನಿಂದ್ರ॑ಸ್ತೀ॒ವ್ರಂ ಸೋಮಂ॒ ಪಿಬ॑ತಿ॒ ಗೋಸ॑ಖಾಯ‌ಮ್ |
ಆ ಸ॑ತ್ವ॒ನೈರಜ॑ತಿ॒ ಹ‌ನ್ತಿ॑ ವೃ॒ತ್ರಂ ಕ್ಷೇತಿ॑ ಕ್ಷಿ॒ತೀಃ ಸು॒ಭಗೋ॒ ನಾಮ॒ ಪುಷ್ಯನ್॑ || 5.37.4
ಪುಷ್ಯಾ॒ತ್ಕ್ಷೇಮೇ᳚ ಅ॒ಭಿ ಯೋಗೇ᳚ ಭವಾತ್ಯು॒ಭೇ ವೃತೌ᳚ ಸಂಯ॒ತೀ ಸಂ ಜ॑ಯಾತಿ |
ಪ್ರಿ॒ಯಃ ಸೂರ್ಯೇ᳚ ಪ್ರಿ॒ಯೋ ಅ॒ಗ್ನಾ ಭ॑ವಾತಿ॒ ಯ ಇಂದ್ರಾ᳚ಯ ಸು॒ತಸೋ᳚ಮೋ॒ ದದಾ᳚ಶತ್ || 5.37.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿರೃಷಿಃ, ಇಂದ್ರೋ ದೇವತಾ, ಅನುಷ್ಟಪ್. ಛಂದಃ

ಉ॒ರೋಷ್ಟ॑ ಇಂದ್ರ॒ ರಾಧ॑ಸೋ ವಿ॒ಭ್ವೀ ರಾ॒ತಿಃ ಶ॑ತಕ್ರತೋ |
ಅಧಾ᳚ ನೋ ವಿಶ್ವಚರ್ಷಣೇ ದ್ಯು॒ಮ್ನಾ ಸು॑ಕ್ಷತ್ರ ಮಂಹಯ || 5.38.1
ಯದೀ᳚ಮಿಂದ್ರ ಶ್ರ॒ವಾಯ್ಯ॒ಮಿಷಂ᳚ ಶವಿಷ್ಠ ದಧಿ॒ಷೇ |
ಪ॒ಪ್ರ॒ಥೇ ದೀ᳚ರ್ಘ॒ಶ್ರುತ್ತ॑ಮಂ॒ ಹಿರ᳚ಣ್ಯವರ್ಣ ದು॒ಷ್ಟರ‌ಮ್᳚ || 5.38.2
ಶುಷ್ಮಾ᳚ಸೋ॒ ಯೇ ತೇ᳚ ಅದ್ರಿವೋ ಮೇ॒ಹನಾ᳚ ಕೇತ॒ಸಾಪಃ॑ |
ಉ॒ಭಾ ದೇ॒ವಾವ॒ಭಿಷ್ಟ॑ಯೇ ದಿ॒ವಶ್ಚ॒ ಗ್ಮಶ್ಚ॑ ರಾಜಥಃ || 5.38.3
ಉ॒ತೋ ನೋ᳚ ಅ॒ಸ್ಯ ಕಸ್ಯ॑ ಚಿ॒ದ್ದಕ್ಷ॑ಸ್ಯ॒ ತವ॑ ವೃತ್ರಹನ್ |
ಅ॒ಸ್ಮಭ್ಯಂ᳚ ನೃ॒ಮ್ಣಮಾ ಭ॑ರಾ॒ಸ್ಮಭ್ಯಂ᳚ ನೃಮಣಸ್ಯಸೇ || 5.38.4
ನೂ ತ॑ ಆ॒ಭಿರ॒ಭಿಷ್ಟಿ॑ಭಿ॒ಸ್ತವ॒ ಶರ್ಮಂ᳚ಛತಕ್ರತೋ |
ಇಂದ್ರ॒ ಸ್ಯಾಮ॑ ಸುಗೋ॒ಪಾಃ ಶೂರ॒ ಸ್ಯಾಮ॑ ಸುಗೋ॒ಪಾಃ || 5.38.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿರೃಷಿಃ, ಇಂದ್ರೋ ದೇವತಾ, (1-4) ಪ್ರಥಮಾದಿಚತುರೃಚ ಮಿನುಷ್ಟಪು. , (5) ಪಂಚಮ್ಯಾಶ್ಚ ಪಂಕ್ತಿಶ್ಛಂದಸೀ

ಯದಿಂ᳚ದ್ರ ಚಿತ್ರ ಮೇ॒ಹನಾಸ್ತಿ॒ ತ್ವಾದಾ᳚ತಮದ್ರಿವಃ |
ರಾಧ॒ಸ್ತನ್ನೋ᳚ ವಿದದ್ವಸ ಉಭಯಾಹ॒ಸ್ತ್ಯಾ ಭ॑ರ || 5.39.1
ಯನ್ಮನ್ಯ॑ಸೇ॒ ವರೇ᳚ಣ್ಯ॒ಮಿಂದ್ರ॑ ದ್ಯು॒ಕ್ಷಂ ತದಾ ಭ॑ರ |
ವಿ॒ದ್ಯಾಮ॒ ತಸ್ಯ॑ ತೇ ವ॒ಯಮಕೂ᳚ಪಾರಸ್ಯ ದಾ॒ವನೇ᳚ || 5.39.2
ಯತ್ತೇ᳚ ದಿ॒ತ್ಸು ಪ್ರ॒ರಾಧ್ಯಂ॒ ಮನೋ॒ ಅಸ್ತಿ॑ ಶ್ರು॒ತಂ ಬೃ॒ಹತ್ |
ತೇನ॑ ದೃ॒ಳ್ಹಾ ಚಿ॑ದದ್ರಿವ॒ ಆ ವಾಜಂ᳚ ದರ್ಷಿ ಸಾ॒ತಯೇ᳚ || 5.39.3
ಮಂಹಿ॑ಷ್ಠಂ ವೋ ಮ॒ಘೋನಾಂ॒ ರಾಜಾ᳚ನಂ ಚರ್ಷಣೀ॒ನಾ‌ಮ್ |
ಇಂದ್ರ॒ಮುಪ॒ ಪ್ರಶ॑ಸ್ತಯೇ ಪೂ॒ರ್ವೀಭಿ॑ರ್ಜುಜುಷೇ॒ ಗಿರಃ॑ || 5.39.4
ಅಸ್ಮಾ॒ ಇತ್ಕಾವ್ಯಂ॒ ವಚ॑ ಉ॒ಕ್ಥಮಿಂದ್ರಾ᳚ಯ॒ ಶಂಸ್ಯ‌ಮ್᳚ |
ತಸ್ಮಾ᳚ ಉ॒ ಬ್ರಹ್ಮ॑ವಾಹಸೇ॒ ಗಿರೋ᳚ ವರ್ಧ॒‌ನ್ತ್ಯತ್ರ॑ಯೋ॒ ಗಿರಃ॑ ಶುಂಭ॒‌ನ್ತ್ಯತ್ರ॑ಯಃ || 5.39.5

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿರೃಷಿಃ (1-4) ಪ್ರಥಮಾದಿಚತುರೃಚಚಾಮಿಂದ್ರಃ (5) ಪಂಚಮ್ಯಾಃ ಸೂಯಃ (6-9) ಷಷ್ಠ್ಯಾದಿಚತಸೃಣಾಂಚಾತ್ರಿದೇವ ತಾಃ (1-3) ಪ್ರಥಮಾದಿತೃಚಸ್ಯೋಷ್ಣಿಕ್, (4, 6-8) ಚತುರ್ಥ್ಯಾಃ ಷಷ್ಠ್ಯಾದಿತೃಚಸ್ಯ ಚ ತ್ರಿಷ್ಟುಪ್ , (5, 9) ಪಂಚಮೀನವಮ್ಯೋಶ್ಚಾನಷ್ಟಪ ಛಂದಾಂಸಿ

ಆ ಯಾ॒ಹ್ಯದ್ರಿ॑ಭಿಃ ಸು॒ತಂ ಸೋಮಂ᳚ ಸೋಮಪತೇ ಪಿಬ |
ವೃಷ᳚ನ್ನಿಂದ್ರ॒ ವೃಷ॑ಭಿರ್ವೃತ್ರಹ‌ನ್ತಮ || 5.40.1
ವೃಷಾ॒ ಗ್ರಾವಾ॒ ವೃಷಾ॒ ಮದೋ॒ ವೃಷಾ॒ ಸೋಮೋ᳚ ಅ॒ಯಂ ಸು॒ತಃ |
ವೃಷ᳚ನ್ನಿಂದ್ರ॒ ವೃಷ॑ಭಿರ್ವೃತ್ರಹ‌ನ್ತಮ || 5.40.2
ವೃಷಾ᳚ ತ್ವಾ॒ ವೃಷ॑ಣಂ ಹುವೇ॒ ವಜ್ರಿಂ᳚ಚಿ॒ತ್ರಾಭಿ॑ರೂ॒ತಿಭಿಃ॑ |
ವೃಷ᳚ನ್ನಿಂದ್ರ॒ ವೃಷ॑ಭಿರ್ವೃತ್ರಹ‌ನ್ತಮ || 5.40.3
ಋ॒ಜೀ॒ಷೀ ವ॒ಜ್ರೀ ವೃ॑ಷ॒ಭಸ್ತು॑ರಾ॒ಷಾಟ್ ಛು॒ಷ್ಮೀ ರಾಜಾ᳚ ವೃತ್ರ॒ಹಾ ಸೋ᳚ಮ॒ಪಾವಾ᳚ |
ಯು॒ಕ್ತ್ವಾ ಹರಿ॑ಭ್ಯಾ॒ಮುಪ॑ ಯಾಸದ॒ರ್ವಾಙ್ಮಾಧ್ಯಂ᳚ದಿನೇ॒ ಸವ॑ನೇ ಮತ್ಸ॒ದಿಂದ್ರಃ॑ || 5.40.4
ಯತ್ತ್ವಾ᳚ ಸೂರ್ಯ॒ ಸ್ವ॑ರ್ಭಾನು॒ಸ್ತಮ॒ಸಾವಿ॑ಧ್ಯದಾಸು॒ರಃ |
ಅಕ್ಷೇ᳚ತ್ರವಿ॒ದ್ಯಥಾ᳚ ಮು॒ಗ್ಧೋ ಭುವ॑ನಾನ್ಯದೀಧಯುಃ || 5.40.5
ಸ್ವ॑ರ್ಭಾನೋ॒ರಧ॒ ಯದಿಂ᳚ದ್ರ ಮಾ॒ಯಾ ಅ॒ವೋ ದಿ॒ವೋ ವರ್ತ॑ಮಾನಾ ಅ॒ವಾಹನ್॑ |
ಗೂ॒ಳ್ಹಂ ಸೂರ್ಯಂ॒ ತಮ॒ಸಾಪ᳚ವ್ರತೇನ ತು॒ರೀಯೇ᳚ಣ॒ ಬ್ರಹ್ಮ॑ಣಾವಿಂದ॒ದತ್ರಿಃ॑ || 5.40.6
ಮಾ ಮಾಮಿ॒ಮಂ ತವ॒ ಸ‌ನ್ತ॑ಮತ್ರ ಇರ॒ಸ್ಯಾ ದ್ರು॒ಗ್ಧೋ ಭಿ॒ಯಸಾ॒ ನಿ ಗಾ᳚ರೀತ್ |
ತ್ವಂ ಮಿ॒ತ್ರೋ ಅ॑ಸಿ ಸ॒ತ್ಯರಾ᳚ಧಾ॒ಸ್ತೌ ಮೇ॒ಹಾವ॑ತಂ॒ ವರು॑ಣಶ್ಚ॒ ರಾಜಾ᳚ || 5.40.7
ಗ್ರಾವ್ಣೋ᳚ ಬ್ರ॒ಹ್ಮಾ ಯು॑ಯುಜಾ॒ನಃ ಸ॑ಪ॒ರ್ಯನ್ಕೀ॒ರಿಣಾ᳚ ದೇ॒ವಾನ್ನಮ॑ಸೋಪ॒ಶಿಕ್ಷನ್॑ |
ಅತ್ರಿಃ॒ ಸೂರ್ಯ॑ಸ್ಯ ದಿ॒ವಿ ಚಕ್ಷು॒ರಾಧಾ॒ತ್ಸ್ವ॑ರ್ಭಾನೋ॒ರಪ॑ ಮಾ॒ಯಾ ಅ॑ಘುಕ್ಷತ್ || 5.40.8
ಯಂ ವೈ ಸೂರ್ಯಂ॒ ಸ್ವ॑ರ್ಭಾನು॒ಸ್ತಮ॒ಸಾವಿ॑ಧ್ಯದಾಸು॒ರಃ |
ಅತ್ರ॑ಯ॒ಸ್ತಮನ್ವ॑ವಿಂದನ್ನ॒ಹ್ಯ1॒᳚ನ್ಯೇ ಅಶ॑ಕ್ನುವನ್ || 5.40.9

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ, ವಿಶ್ವೇ ದೇವಾ ದೇವತಾಃ (115, 18-19) ಪ್ರಥಮಾದಿಪಂಚದಶರ್ಚಾಮಷ್ಟಾದಶ್ಯೇಕೋನವಿಂಶ್ಯೋಶ್ಚ ತ್ರಿಷ್ಟುಪ್, (16-17) ಷೋಡಶೀಸಪ್ತದಶ್ಯೋರತಿಜಗತೀ, (20) ವಿಂಶ್ಯಾಶ್ಚೈಕಪದಾ ವಿರಾಟ್ ಛಂದಾಂಸಿ

ಕೋ ನು ವಾಂ᳚ ಮಿತ್ರಾವರುಣಾವೃತಾ॒ಯಂದಿ॒ವೋ ವಾ᳚ ಮ॒ಹಃ ಪಾರ್ಥಿ॑ವಸ್ಯ ವಾ॒ ದೇ |
ಋ॒ತಸ್ಯ॑ ವಾ॒ ಸದ॑ಸಿ॒ ತ್ರಾಸೀ᳚ಥಾಂ ನೋ ಯಜ್ಞಾಯ॒ತೇ ವಾ᳚ ಪಶು॒ಷೋ ನ ವಾಜಾನ್॑ || 5.41.1
ತೇ ನೋ᳚ ಮಿ॒ತ್ರೋ ವರು॑ಣೋ ಅರ್ಯ॒ಮಾಯುರಿಂದ್ರ॑ ಋಭು॒ಕ್ಷಾ ಮ॒ರುತೋ᳚ ಜುಷ‌ನ್ತ |
ನಮೋ᳚ಭಿರ್ವಾ॒ ಯೇ ದಧ॑ತೇ ಸುವೃ॒ಕ್ತಿಂ ಸ್ತೋಮಂ᳚ ರು॒ದ್ರಾಯ॑ ಮೀ॒ಳ್ಹುಷೇ᳚ ಸ॒ಜೋಷಾಃ᳚ || 5.41.2
ಆ ವಾಂ॒ ಯೇಷ್ಠಾ᳚ಶ್ವಿನಾ ಹು॒ವಧ್ಯೈ॒ ವಾತ॑ಸ್ಯ॒ ಪತ್ಮ॒ನ್ರಥ್ಯ॑ಸ್ಯ ಪು॒ಷ್ಟೌ |
ಉ॒ತ ವಾ᳚ ದಿ॒ವೋ ಅಸು॑ರಾಯ॒ ಮನ್ಮ॒ ಪ್ರಾಂಧಾಂ᳚ಸೀವ॒ ಯಜ್ಯ॑ವೇ ಭರಧ್ವ‌ಮ್ || 5.41.3
ಪ್ರ ಸ॒ಕ್ಷಣೋ᳚ ದಿ॒ವ್ಯಃ ಕಣ್ವ॑ಹೋತಾ ತ್ರಿ॒ತೋ ದಿ॒ವಃ ಸ॒ಜೋಷಾ॒ ವಾತೋ᳚ ಅ॒ಗ್ನಿಃ |
ಪೂ॒ಷಾ ಭಗಃ॑ ಪ್ರಭೃ॒ಥೇ ವಿ॒ಶ್ವಭೋ᳚ಜಾ ಆ॒ಜಿಂ ನ ಜ॑ಗ್ಮುರಾ॒ಶ್ವ॑ಶ್ವತಮಾಃ || 5.41.4
ಪ್ರ ವೋ᳚ ರ॒ಯಿಂ ಯು॒ಕ್ತಾಶ್ವಂ᳚ ಭರಧ್ವಂ ರಾ॒ಯ ಏಷೇಽವ॑ಸೇ ದಧೀತ॒ ಧೀಃ |
ಸು॒ಶೇವ॒ ಏವೈ᳚ರೌಶಿ॒ಜಸ್ಯ॒ ಹೋತಾ॒ ಯೇ ವ॒ ಏವಾ᳚ ಮರುತಸ್ತು॒ರಾಣಾ᳚‌ಮ್ || 5.41.5
ಪ್ರ ವೋ᳚ ವಾ॒ಯುಂ ರ॑ಥ॒ಯುಜಂ᳚ ಕೃಣುಧ್ವಂ॒ ಪ್ರ ದೇ॒ವಂ ವಿಪ್ರಂ᳚ ಪನಿ॒ತಾರ॑ಮ॒ರ್ಕೈಃ |
ಇ॒ಷು॒ಧ್ಯವ॑ ಋತ॒ಸಾಪಃ॒ ಪುರಂ᳚ಧೀ॒ರ್ವಸ್ವೀ᳚ರ್ನೋ॒ ಅತ್ರ॒ ಪತ್ನೀ॒ರಾ ಧಿ॒ಯೇ ಧುಃ॑ || 5.41.6
ಉಪ॑ ವ॒ ಏಷೇ॒ ವಂದ್ಯೇ᳚ಭಿಃ ಶೂ॒ಷೈಃ ಪ್ರ ಯ॒ಹ್ವೀ ದಿ॒ವಶ್ಚಿ॒ತಯ॑ದ್ಭಿರ॒ರ್ಕೈಃ |
ಉ॒ಷಾಸಾ॒ನಕ್ತಾ᳚ ವಿ॒ದುಷೀ᳚ವ॒ ವಿಶ್ವ॒ಮಾ ಹಾ᳚ ವಹತೋ॒ ಮರ್ತ್ಯಾ᳚ಯ ಯ॒ಜ್ಞ‌ಮ್ || 5.41.7
ಅ॒ಭಿ ವೋ᳚ ಅರ್ಚೇ ಪೋ॒ಷ್ಯಾವ॑ತೋ॒ ನೄನ್ವಾಸ್ತೋ॒ಷ್ಪತಿಂ॒ ತ್ವಷ್ಟಾ᳚ರಂ॒ ರರಾ᳚ಣಃ |
ಧನ್ಯಾ᳚ ಸ॒ಜೋಷಾ᳚ ಧಿ॒ಷಣಾ॒ ನಮೋ᳚ಭಿ॒ರ್ವನ॒ಸ್ಪತೀಁ॒ರೋಷ॑ಧೀ ರಾ॒ಯ ಏಷೇ᳚ || 5.41.8
ತು॒ಜೇ ನ॒ಸ್ತನೇ॒ ಪರ್ವ॑ತಾಃ ಸ‌ನ್ತು॒ ಸ್ವೈತ॑ವೋ॒ ಯೇ ವಸ॑ವೋ॒ ನ ವೀ॒ರಾಃ |
ಪ॒ನಿ॒ತ ಆ॒ಪ್ತ್ಯೋ ಯ॑ಜ॒ತಃ ಸದಾ᳚ ನೋ॒ ವರ್ಧಾ᳚ನ್ನಃ॒ ಶಂಸಂ॒ ನರ್ಯೋ᳚ ಅ॒ಭಿಷ್ಟೌ᳚ || 5.41.9
ವೃಷ್ಣೋ᳚ ಅಸ್ತೋಷಿ ಭೂ॒ಮ್ಯಸ್ಯ॒ ಗರ್ಭಂ᳚ ತ್ರಿ॒ತೋ ನಪಾ᳚ತಮ॒ಪಾಂ ಸು॑ವೃ॒ಕ್ತಿ |
ಗೃ॒ಣೀ॒ತೇ ಅ॒ಗ್ನಿರೇ॒ತರೀ॒ ನ ಶೂ॒ಷೈಃ ಶೋ॒ಚಿಷ್ಕೇ᳚ಶೋ॒ ನಿ ರಿ॑ಣಾತಿ॒ ವನಾ᳚ || 5.41.10
ಕ॒ಥಾ ಮ॒ಹೇ ರು॒ದ್ರಿಯಾ᳚ಯ ಬ್ರವಾಮ॒ ಕದ್ರಾ॒ಯೇ ಚಿ॑ಕಿ॒ತುಷೇ॒ ಭಗಾ᳚ಯ |
ಆಪ॒ ಓಷ॑ಧೀರು॒ತ ನೋ᳚ಽವ‌ನ್ತು॒ ದ್ಯೌರ್ವನಾ᳚ ಗಿ॒ರಯೋ᳚ ವೃ॒ಕ್ಷಕೇ᳚ಶಾಃ || 5.41.11
ಶೃ॒ಣೋತು॑ ನ ಊ॒ರ್ಜಾಂ ಪತಿ॒ರ್ಗಿರಃ॒ ಸ ನಭ॒ಸ್ತರೀ᳚ಯಾಁ ಇಷಿ॒ರಃ ಪರಿ॑ಜ್ಮಾ |
ಶೃ॒ಣ್ವ‌ನ್ತ್ವಾಪಃ॒ ಪುರೋ॒ ನ ಶು॒ಭ್ರಾಃ ಪರಿ॒ ಸ್ರುಚೋ᳚ ಬಬೃಹಾ॒ಣಸ್ಯಾದ್ರೇಃ᳚ || 5.41.12
ವಿ॒ದಾ ಚಿ॒ನ್ನು ಮ॑ಹಾ‌ನ್ತೋ॒ ಯೇ ವ॒ ಏವಾ॒ ಬ್ರವಾ᳚ಮ ದಸ್ಮಾ॒ ವಾರ್ಯಂ॒ ದಧಾ᳚ನಾಃ |
ವಯ॑ಶ್ಚ॒ನ ಸು॒ಭ್ವ1॒॑ ಆವ॑ ಯ‌ನ್ತಿ ಕ್ಷು॒ಭಾ ಮರ್ತ॒ಮನು॑ಯತಂ ವಧ॒ಸ್ನೈಃ || 5.41.13
ಆ ದೈವ್ಯಾ᳚ನಿ॒ ಪಾರ್ಥಿ॑ವಾನಿ॒ ಜನ್ಮಾ॒ಪಶ್ಚಾಚ್ಛಾ॒ ಸುಮ॑ಖಾಯ ವೋಚ‌ಮ್ |
ವರ್ಧ᳚‌ನ್ತಾಂ॒ ದ್ಯಾವೋ॒ ಗಿರ॑ಶ್ಚಂ॒ದ್ರಾಗ್ರಾ᳚ ಉ॒ದಾ ವ॑ರ್ಧ‌ನ್ತಾಮ॒ಭಿಷಾ᳚ತಾ॒ ಅರ್ಣಾಃ᳚ || 5.41.14
ಪ॒ದೇಪ॑ದೇ ಮೇ ಜರಿ॒ಮಾ ನಿ ಧಾ᳚ಯಿ॒ ವರೂ᳚ತ್ರೀ ವಾ ಶ॒ಕ್ರಾ ಯಾ ಪಾ॒ಯುಭಿ॑ಶ್ಚ |
ಸಿಷ॑ಕ್ತು ಮಾ॒ತಾ ಮ॒ಹೀ ರ॒ಸಾ ನಃ॒ ಸ್ಮತ್ಸೂ॒ರಿಭಿ॑ರ್‌ಋಜು॒ಹಸ್ತ॑ ಋಜು॒ವನಿಃ॑ || 5.41.15
ಕ॒ಥಾ ದಾ᳚ಶೇಮ॒ ನಮ॑ಸಾ ಸು॒ದಾನೂ᳚ನೇವ॒ಯಾ ಮ॒ರುತೋ॒ ಅಚ್ಛೋ᳚ಕ್ತೌ॒ ಪ್ರಶ್ರ॑ವಸೋ ಮ॒ರುತೋ॒ ಅಚ್ಛೋ᳚ಕ್ತೌ |
ಮಾ ನೋಽಹಿ॑ರ್ಬು॒ಧ್ನ್ಯೋ᳚ ರಿ॒ಷೇ ಧಾ᳚ದ॒ಸ್ಮಾಕಂ᳚ ಭೂದುಪಮಾತಿ॒ವನಿಃ॑ || 5.41.16
ಇತಿ॑ ಚಿ॒ನ್ನು ಪ್ರ॒ಜಾಯೈ᳚ ಪಶು॒ಮತ್ಯೈ॒ ದೇವಾ᳚ಸೋ॒ ವನ॑ತೇ॒ ಮರ್ತ್ಯೋ᳚ ವ॒ ಆ ದೇ᳚ವಾಸೋ ವನತೇ॒ ಮರ್ತ್ಯೋ᳚ ವಃ |
ಅತ್ರಾ᳚ ಶಿ॒ವಾಂ ತ॒ನ್ವೋ᳚ ಧಾ॒ಸಿಮ॒ಸ್ಯಾ ಜ॒ರಾಂ ಚಿ᳚ನ್ಮೇ॒ ನಿರ್‌ಋ॑ತಿರ್ಜಗ್ರಸೀತ || 5.41.17
ತಾಂ ವೋ᳚ ದೇವಾಃ ಸುಮ॒ತಿಮೂ॒ರ್ಜಯ᳚‌ನ್ತೀ॒ಮಿಷ॑ಮಶ್ಯಾಮ ವಸವಃ॒ ಶಸಾ॒ ಗೋಃ |
ಸಾ ನಃ॑ ಸು॒ದಾನು᳚ರ್ಮೃ॒ಳಯ᳚‌ನ್ತೀ ದೇ॒ವೀ ಪ್ರತಿ॒ ದ್ರವ᳚‌ನ್ತೀ ಸುವಿ॒ತಾಯ॑ ಗಮ್ಯಾಃ || 5.41.18
ಅ॒ಭಿ ನ॒ ಇಳಾ᳚ ಯೂ॒ಥಸ್ಯ॑ ಮಾ॒ತಾ ಸ್ಮನ್ನ॒ದೀಭಿ॑ರು॒ರ್ವಶೀ᳚ ವಾ ಗೃಣಾತು |
ಉ॒ರ್ವಶೀ᳚ ವಾ ಬೃಹದ್ದಿ॒ವಾ ಗೃ॑ಣಾ॒ನಾಭ್ಯೂ᳚ರ್ಣ್ವಾ॒ನಾ ಪ್ರ॑ಭೃ॒ಥಸ್ಯಾ॒ಯೋಃ || 5.41.19
ಸಿಷ॑ಕ್ತು ನ ಊರ್ಜ॒ವ್ಯ॑ಸ್ಯ ಪು॒ಷ್ಟೇಃ || 5.41.20

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ (1-10, 12-18) ಪ್ರಥಮಾದಿದಶರ್ಚಾಂ ದ್ವಾದಶ್ಯಾದಿಸಪ್ತಾನಾಂಚ ವಿಶ್ವೇ ದೇವಾಃ, (11) ಏಕಾದಶ್ಯಾಶ್ಚ ರುದ್ರೋ ದೇವತಾಃ (1-16, 18) ಪ್ರಥಮಾದಿಷೋಡಶರ್ಚಾಮಷ್ಟಾದಶ್ಯಾಶ್ಚ ತ್ರಿಷ್ಟುಪ್ , (17) ಸಪ್ತದಶ್ಯಾಶ್ಚೈಕಪದಾ ವಿರಾಟ ಛಂದಸೀ

ಪ್ರ ಶಂತ॑ಮಾ॒ ವರು॑ಣಂ॒ ದೀಧಿ॑ತೀ॒ ಗೀರ್ಮಿ॒ತ್ರಂ ಭಗ॒ಮದಿ॑ತಿಂ ನೂ॒ನಮ॑ಶ್ಯಾಃ |
ಪೃಷ॑ದ್ಯೋನಿಃ॒ ಪಂಚ॑ಹೋತಾ ಶೃಣೋ॒ತ್ವತೂ᳚ರ್ತಪ‌ನ್ಥಾ॒ ಅಸು॑ರೋ ಮಯೋ॒ಭುಃ || 5.42.1
ಪ್ರತಿ॑ ಮೇ॒ ಸ್ತೋಮ॒ಮದಿ॑ತಿರ್ಜಗೃಭ್ಯಾತ್ಸೂ॒ನುಂ ನ ಮಾ॒ತಾ ಹೃದ್ಯಂ᳚ ಸು॒ಶೇವ‌ಮ್᳚ |
ಬ್ರಹ್ಮ॑ ಪ್ರಿ॒ಯಂ ದೇ॒ವಹಿ॑ತಂ॒ ಯದಸ್ತ್ಯ॒ಹಂ ಮಿ॒ತ್ರೇ ವರು॑ಣೇ॒ ಯನ್ಮ॑ಯೋ॒ಭು || 5.42.2
ಉದೀ᳚ರಯ ಕ॒ವಿತ॑ಮಂ ಕವೀ॒ನಾಮು॒ನತ್ತೈ᳚ನಮ॒ಭಿ ಮಧ್ವಾ᳚ ಘೃ॒ತೇನ॑ |
ಸ ನೋ॒ ವಸೂ᳚ನಿ॒ ಪ್ರಯ॑ತಾ ಹಿ॒ತಾನಿ॑ ಚಂ॒ದ್ರಾಣಿ॑ ದೇ॒ವಃ ಸ॑ವಿ॒ತಾ ಸು॑ವಾತಿ || 5.42.3
ಸಮಿಂ᳚ದ್ರ ಣೋ॒ ಮನ॑ಸಾ ನೇಷಿ॒ ಗೋಭಿಃ॒ ಸಂ ಸೂ॒ರಿಭಿ॑ರ್ಹರಿವಃ॒ ಸಂ ಸ್ವ॒ಸ್ತಿ |
ಸಂ ಬ್ರಹ್ಮ॑ಣಾ ದೇ॒ವಹಿ॑ತಂ॒ ಯದಸ್ತಿ॒ ಸಂ ದೇ॒ವಾನಾಂ᳚ ಸುಮ॒ತ್ಯಾ ಯ॒ಜ್ಞಿಯಾ᳚ನಾ‌ಮ್ || 5.42.4
ದೇ॒ವೋ ಭಗಃ॑ ಸವಿ॒ತಾ ರಾ॒ಯೋ ಅಂಶ॒ ಇಂದ್ರೋ᳚ ವೃ॒ತ್ರಸ್ಯ॑ ಸಂ॒ಜಿತೋ॒ ಧನಾ᳚ನಾ‌ಮ್ |
ಋ॒ಭು॒ಕ್ಷಾ ವಾಜ॑ ಉ॒ತ ವಾ॒ ಪುರಂ᳚ಧಿ॒ರವ᳚‌ನ್ತು ನೋ ಅ॒ಮೃತಾ᳚ಸಸ್ತು॒ರಾಸಃ॑ || 5.42.5
ಮ॒ರುತ್ವ॑ತೋ॒ ಅಪ್ರ॑ತೀತಸ್ಯ ಜಿ॒ಷ್ಣೋರಜೂ᳚ರ್ಯತಃ॒ ಪ್ರ ಬ್ರ॑ವಾಮಾ ಕೃ॒ತಾನಿ॑ |
ನ ತೇ॒ ಪೂರ್ವೇ᳚ ಮಘವ॒ನ್ನಾಪ॑ರಾಸೋ॒ ನ ವೀ॒ರ್ಯ1॒॑ ಅಂನೂತ॑ನಃ॒ ಕಶ್ಚ॒ನಾಪ॑ || 5.42.6
ಉಪ॑ ಸ್ತುಹಿ ಪ್ರಥ॒ಮಂ ರ॑ತ್ನ॒ಧೇಯಂ॒ ಬೃಹ॒ಸ್ಪತಿಂ᳚ ಸನಿ॒ತಾರಂ॒ ಧನಾ᳚ನಾ‌ಮ್ |
ಯಃ ಶಂಸ॑ತೇ ಸ್ತುವ॒ತೇ ಶಂಭ॑ವಿಷ್ಠಃ ಪುರೂ॒ವಸು॑ರಾ॒ಗಮ॒ಜ್ಜೋಹು॑ವಾನ‌ಮ್ || 5.42.7
ತವೋ॒ತಿಭಿಃ॒ ಸಚ॑ಮಾನಾ॒ ಅರಿ॑ಷ್ಟಾ॒ ಬೃಹ॑ಸ್ಪತೇ ಮ॒ಘವಾ᳚ನಃ ಸು॒ವೀರಾಃ᳚ |
ಯೇ ಅ॑ಶ್ವ॒ದಾ ಉ॒ತ ವಾ॒ ಸ‌ನ್ತಿ॑ ಗೋ॒ದಾ ಯೇ ವ॑ಸ್ತ್ರ॒ದಾಃ ಸು॒ಭಗಾ॒ಸ್ತೇಷು॒ ರಾಯಃ॑ || 5.42.8
ವಿ॒ಸ॒ರ್ಮಾಣಂ᳚ ಕೃಣುಹಿ ವಿ॒ತ್ತಮೇ᳚ಷಾಂ॒ ಯೇ ಭುಂ॒ಜತೇ॒ ಅಪೃ॑ಣ‌ನ್ತೋ ನ ಉ॒ಕ್ಥೈಃ |
ಅಪ᳚ವ್ರತಾನ್ಪ್ರಸ॒ವೇ ವಾ᳚ವೃಧಾ॒ನಾನ್ಬ್ರ᳚ಹ್ಮ॒ದ್ವಿಷಃ॒ ಸೂರ್ಯಾ᳚ದ್ಯಾವಯಸ್ವ || 5.42.9
ಯ ಓಹ॑ತೇ ರ॒ಕ್ಷಸೋ᳚ ದೇ॒ವವೀ᳚ತಾವಚ॒ಕ್ರೇಭಿ॒ಸ್ತಂ ಮ॑ರುತೋ॒ ನಿ ಯಾ᳚ತ |
ಯೋ ವಃ॒ ಶಮೀಂ᳚ ಶಶಮಾ॒ನಸ್ಯ॒ ನಿಂದಾ᳚ತ್ತು॒ಚ್ಛ್ಯಾನ್ಕಾಮಾ᳚ನ್ಕರತೇ ಸಿಷ್ವಿದಾ॒ನಃ || 5.42.10
ತಮು॑ ಷ್ಟುಹಿ॒ ಯಃ ಸ್ವಿ॒ಷುಃ ಸು॒ಧನ್ವಾ॒ ಯೋ ವಿಶ್ವ॑ಸ್ಯ॒ ಕ್ಷಯ॑ತಿ ಭೇಷ॒ಜಸ್ಯ॑ |
ಯಕ್ಷ್ವಾ᳚ ಮ॒ಹೇ ಸೌ᳚ಮನ॒ಸಾಯ॑ ರು॒ದ್ರಂ ನಮೋ᳚ಭಿರ್ದೇ॒ವಮಸು॑ರಂ ದುವಸ್ಯ || 5.42.11
ದಮೂ᳚ನಸೋ ಅ॒ಪಸೋ॒ ಯೇ ಸು॒ಹಸ್ತಾ॒ ವೃಷ್ಣಃ॒ ಪತ್ನೀ᳚ರ್ನ॒ದ್ಯೋ᳚ ವಿಭ್ವತ॒ಷ್ಟಾಃ |
ಸರ॑ಸ್ವತೀ ಬೃಹದ್ದಿ॒ವೋತ ರಾ॒ಕಾ ದ॑ಶ॒ಸ್ಯ‌ನ್ತೀ᳚ರ್ವರಿವಸ್ಯ‌ನ್ತು ಶು॒ಭ್ರಾಃ || 5.42.12
ಪ್ರ ಸೂ ಮ॒ಹೇ ಸು॑ಶರ॒ಣಾಯ॑ ಮೇ॒ಧಾಂ ಗಿರಂ᳚ ಭರೇ॒ ನವ್ಯ॑ಸೀಂ॒ ಜಾಯ॑ಮಾನಾ‌ಮ್ |
ಯ ಆ᳚ಹ॒ನಾ ದು॑ಹಿ॒ತುರ್ವ॒ಕ್ಷಣಾ᳚ಸು ರೂ॒ಪಾ ಮಿ॑ನಾ॒ನೋ ಅಕೃ॑ಣೋದಿ॒ದಂ ನಃ॑ || 5.42.13
ಪ್ರ ಸು॑ಷ್ಟು॒ತಿಃ ಸ್ತ॒ನಯ᳚‌ನ್ತಂ ರು॒ವ‌ನ್ತ॑ಮಿ॒ಳಸ್ಪತಿಂ᳚ ಜರಿತರ್ನೂ॒ನಮ॑ಶ್ಯಾಃ |
ಯೋ ಅ॑ಬ್ದಿ॒ಮಾಁ ಉ॑ದನಿ॒ಮಾಁ ಇಯ॑ರ್ತಿ॒ ಪ್ರ ವಿ॒ದ್ಯುತಾ॒ ರೋದ॑ಸೀ ಉ॒ಕ್ಷಮಾ᳚ಣಃ || 5.42.14
ಏ॒ಷ ಸ್ತೋಮೋ॒ ಮಾರು॑ತಂ॒ ಶರ್ಧೋ॒ ಅಚ್ಛಾ᳚ ರು॒ದ್ರಸ್ಯ॑ ಸೂ॒ನೂಁರ್ಯು॑ವ॒ನ್ಯೂಁರುದ॑ಶ್ಯಾಃ |
ಕಾಮೋ᳚ ರಾ॒ಯೇ ಹ॑ವತೇ ಮಾ ಸ್ವ॒ಸ್ತ್ಯುಪ॑ ಸ್ತುಹಿ॒ ಪೃಷ॑ದಶ್ವಾಁ ಅ॒ಯಾಸಃ॑ || 5.42.15
ಪ್ರೈಷ ಸ್ತೋಮಃ॑ ಪೃಥಿ॒ವೀಮ॒‌ನ್ತರಿ॑ಕ್ಷಂ॒ ವನ॒ಸ್ಪತೀಁ॒ರೋಷ॑ಧೀ ರಾ॒ಯೇ ಅ॑ಶ್ಯಾಃ |
ದೇ॒ವೋದೇ᳚ವಃ ಸು॒ಹವೋ᳚ ಭೂತು॒ ಮಹ್ಯಂ॒ ಮಾ ನೋ᳚ ಮಾ॒ತಾ ಪೃ॑ಥಿ॒ವೀ ದು᳚ರ್ಮ॒ತೌ ಧಾ᳚ತ್ || 5.42.16
ಉ॒ರೌ ದೇ᳚ವಾ ಅನಿಬಾ॒ಧೇ ಸ್ಯಾ᳚ಮ || 5.42.17
ಸಮ॒ಶ್ವಿನೋ॒ರವ॑ಸಾ॒ ನೂತ॑ನೇನ ಮಯೋ॒ಭುವಾ᳚ ಸು॒ಪ್ರಣೀ᳚ತೀ ಗಮೇಮ |
ಆ ನೋ᳚ ರ॒ಯಿಂ ವ॑ಹತ॒ಮೋತ ವೀ॒ರಾನಾ ವಿಶ್ವಾ᳚ನ್ಯಮೃತಾ॒ ಸೌಭ॑ಗಾನಿ || 5.42.18

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿರೃಷಿಃ, ವಿಶ್ವೇ ದೇವಾ ದೇವತಾಃ (115, 17) ಪ್ರಥಮಾದಿಪಂಚದಶ! ಸಪ್ತದಶ್ಯಾಶ್ಚ ತ್ರಿಷ್ಟುಪ್ , (16) ಷೋಡಶ್ಯಾಶ್ಚೈಕಪದಾ ವಿರಾಟ್ ಛಂದಸೀ

ಆ ಧೇ॒ನವಃ॒ ಪಯ॑ಸಾ॒ ತೂರ್ಣ್ಯ॑ರ್ಥಾ॒ ಅಮ॑ರ್ಧ‌ನ್ತೀ॒ರುಪ॑ ನೋ ಯ‌ನ್ತು॒ ಮಧ್ವಾ᳚ |
ಮ॒ಹೋ ರಾ॒ಯೇ ಬೃ॑ಹ॒ತೀಃ ಸ॒ಪ್ತ ವಿಪ್ರೋ᳚ ಮಯೋ॒ಭುವೋ᳚ ಜರಿ॒ತಾ ಜೋ᳚ಹವೀತಿ || 5.43.1
ಆ ಸು॑ಷ್ಟು॒ತೀ ನಮ॑ಸಾ ವರ್ತ॒ಯಧ್ಯೈ॒ ದ್ಯಾವಾ॒ ವಾಜಾ᳚ಯ ಪೃಥಿ॒ವೀ ಅಮೃ॑ಧ್ರೇ |
ಪಿ॒ತಾ ಮಾ॒ತಾ ಮಧು॑ವಚಾಃ ಸು॒ಹಸ್ತಾ॒ ಭರೇ᳚ಭರೇ ನೋ ಯ॒ಶಸಾ᳚ವವಿಷ್ಟಾ‌ಮ್ || 5.43.2
ಅಧ್ವ᳚ರ್ಯವಶ್ಚಕೃ॒ವಾಂಸೋ॒ ಮಧೂ᳚ನಿ॒ ಪ್ರ ವಾ॒ಯವೇ᳚ ಭರತ॒ ಚಾರು॑ ಶು॒ಕ್ರ‌ಮ್ |
ಹೋತೇ᳚ವ ನಃ ಪ್ರಥ॒ಮಃ ಪಾ᳚ಹ್ಯ॒ಸ್ಯ ದೇವ॒ ಮಧ್ವೋ᳚ ರರಿ॒ಮಾ ತೇ॒ ಮದಾ᳚ಯ || 5.43.3
ದಶ॒ ಕ್ಷಿಪೋ᳚ ಯುಂಜತೇ ಬಾ॒ಹೂ ಅದ್ರಿಂ॒ ಸೋಮ॑ಸ್ಯ॒ ಯಾ ಶ॑ಮಿ॒ತಾರಾ᳚ ಸು॒ಹಸ್ತಾ᳚ |
ಮಧ್ವೋ॒ ರಸಂ᳚ ಸು॒ಗಭ॑ಸ್ತಿರ್ಗಿರಿ॒ಷ್ಠಾಂ ಚನಿ॑ಶ್ಚದದ್ದುದುಹೇ ಶು॒ಕ್ರಮಂ॒ಶುಃ || 5.43.4
ಅಸಾ᳚ವಿ ತೇ ಜುಜುಷಾ॒ಣಾಯ॒ ಸೋಮಃ॒ ಕ್ರತ್ವೇ॒ ದಕ್ಷಾ᳚ಯ ಬೃಹ॒ತೇ ಮದಾ᳚ಯ |
ಹರೀ॒ ರಥೇ᳚ ಸು॒ಧುರಾ॒ ಯೋಗೇ᳚ ಅ॒ರ್ವಾಗಿಂದ್ರ॑ ಪ್ರಿ॒ಯಾ ಕೃ॑ಣುಹಿ ಹೂ॒ಯಮಾ᳚ನಃ || 5.43.5
ಆ ನೋ᳚ ಮ॒ಹೀಮ॒ರಮ॑ತಿಂ ಸ॒ಜೋಷಾ॒ ಗ್ನಾಂ ದೇ॒ವೀಂ ನಮ॑ಸಾ ರಾ॒ತಹ᳚ವ್ಯಾ‌ಮ್ |
ಮಧೋ॒ರ್ಮದಾ᳚ಯ ಬೃಹ॒ತೀಮೃ॑ತ॒ಜ್ಞಾಮಾಗ್ನೇ᳚ ವಹ ಪ॒ಥಿಭಿ॑ರ್ದೇವ॒ಯಾನೈಃ᳚ || 5.43.6
ಅಂ॒ಜ‌ನ್ತಿ॒ ಯಂ ಪ್ರ॒ಥಯ᳚‌ನ್ತೋ॒ ನ ವಿಪ್ರಾ᳚ ವ॒ಪಾವ᳚‌ನ್ತಂ॒ ನಾಗ್ನಿನಾ॒ ತಪ᳚‌ನ್ತಃ |
ಪಿ॒ತುರ್ನ ಪು॒ತ್ರ ಉ॒ಪಸಿ॒ ಪ್ರೇಷ್ಠ॒ ಆ ಘ॒ರ್ಮೋ ಅ॒ಗ್ನಿಮೃ॒ತಯ᳚ನ್ನಸಾದಿ || 5.43.7
ಅಚ್ಛಾ᳚ ಮ॒ಹೀ ಬೃ॑ಹ॒ತೀ ಶಂತ॑ಮಾ॒ ಗೀರ್ದೂ॒ತೋ ನ ಗ᳚‌ನ್ತ್ವ॒ಶ್ವಿನಾ᳚ ಹು॒ವಧ್ಯೈ᳚ |
ಮ॒ಯೋ॒ಭುವಾ᳚ ಸ॒ರಥಾ ಯಾ᳚ತಮ॒ರ್ವಾಗ್ಗ॒‌ನ್ತಂ ನಿ॒ಧಿಂ ಧುರ॑ಮಾ॒ಣಿರ್ನ ನಾಭಿ‌ಮ್᳚ || 5.43.8
ಪ್ರ ತವ್ಯ॑ಸೋ॒ ನಮ॑‌ಉಕ್ತಿಂ ತು॒ರಸ್ಯಾ॒ಹಂ ಪೂ॒ಷ್ಣ ಉ॒ತ ವಾ॒ಯೋರ॑ದಿಕ್ಷಿ |
ಯಾ ರಾಧ॑ಸಾ ಚೋದಿ॒ತಾರಾ᳚ ಮತೀ॒ನಾಂ ಯಾ ವಾಜ॑ಸ್ಯ ದ್ರವಿಣೋ॒ದಾ ಉ॒ತ ತ್ಮನ್ || 5.43.9
ಆ ನಾಮ॑ಭಿರ್ಮ॒ರುತೋ᳚ ವಕ್ಷಿ॒ ವಿಶ್ವಾ॒ನಾ ರೂ॒ಪೇಭಿ॑ರ್ಜಾತವೇದೋ ಹುವಾ॒ನಃ |
ಯ॒ಜ್ಞಂ ಗಿರೋ᳚ ಜರಿ॒ತುಃ ಸು॑ಷ್ಟು॒ತಿಂ ಚ॒ ವಿಶ್ವೇ᳚ ಗ‌ನ್ತ ಮರುತೋ॒ ವಿಶ್ವ॑ ಊ॒ತೀ || 5.43.10
ಆ ನೋ᳚ ದಿ॒ವೋ ಬೃ॑ಹ॒ತಃ ಪರ್ವ॑ತಾ॒ದಾ ಸರ॑ಸ್ವತೀ ಯಜ॒ತಾ ಗ᳚‌ನ್ತು ಯ॒ಜ್ಞ‌ಮ್ |
ಹವಂ᳚ ದೇ॒ವೀ ಜು॑ಜುಷಾ॒ಣಾ ಘೃ॒ತಾಚೀ᳚ ಶ॒ಗ್ಮಾಂ ನೋ॒ ವಾಚ॑ಮುಶ॒ತೀ ಶೃ॑ಣೋತು || 5.43.11
ಆ ವೇ॒ಧಸಂ॒ ನೀಲ॑ಪೃಷ್ಠಂ ಬೃ॒ಹ‌ನ್ತಂ॒ ಬೃಹ॒ಸ್ಪತಿಂ॒ ಸದ॑ನೇ ಸಾದಯಧ್ವ‌ಮ್ |
ಸಾ॒ದದ್ಯೋ᳚ನಿಂ॒ ದಮ॒ ಆ ದೀ᳚ದಿ॒ವಾಂಸಂ॒ ಹಿರ᳚ಣ್ಯವರ್ಣಮರು॒ಷಂ ಸ॑ಪೇಮ || 5.43.12
ಆ ಧ᳚ರ್ಣ॒ಸಿರ್ಬೃ॒ಹದ್ದಿ॑ವೋ॒ ರರಾ᳚ಣೋ॒ ವಿಶ್ವೇ᳚ಭಿರ್ಗ॒‌ನ್ತ್ವೋಮ॑ಭಿರ್ಹುವಾ॒ನಃ |
ಗ್ನಾ ವಸಾ᳚ನ॒ ಓಷ॑ಧೀ॒ರಮೃ॑ಧ್ರಸ್ತ್ರಿ॒ಧಾತು॑ಶೃಂಗೋ ವೃಷ॒ಭೋ ವ॑ಯೋ॒ಧಾಃ || 5.43.13
ಮಾ॒ತುಷ್ಪ॒ದೇ ಪ॑ರ॒ಮೇ ಶು॒ಕ್ರ ಆ॒ಯೋರ್ವಿ॑ಪ॒ನ್ಯವೋ᳚ ರಾಸ್ಪಿ॒ರಾಸೋ᳚ ಅಗ್ಮನ್ |
ಸು॒ಶೇವ್ಯಂ॒ ನಮ॑ಸಾ ರಾ॒ತಹ᳚ವ್ಯಾಃ॒ ಶಿಶುಂ᳚ ಮೃಜ‌ನ್ತ್ಯಾ॒ಯವೋ॒ ನ ವಾ॒ಸೇ || 5.43.14
ಬೃ॒ಹದ್ವಯೋ᳚ ಬೃಹ॒ತೇ ತುಭ್ಯ॑ಮಗ್ನೇ ಧಿಯಾ॒ಜುರೋ᳚ ಮಿಥು॒ನಾಸಃ॑ ಸಚ‌ನ್ತ |
ದೇ॒ವೋದೇ᳚ವಃ ಸು॒ಹವೋ᳚ ಭೂತು॒ ಮಹ್ಯಂ॒ ಮಾ ನೋ᳚ ಮಾ॒ತಾ ಪೃ॑ಥಿ॒ವೀ ದು᳚ರ್ಮ॒ತೌ ಧಾ᳚ತ್ || 5.43.15
ಉ॒ರೌ ದೇ᳚ವಾ ಅನಿಬಾ॒ಧೇ ಸ್ಯಾ᳚ಮ || 5.43.16
ಸಮ॒ಶ್ವಿನೋ॒ರವ॑ಸಾ॒ ನೂತ॑ನೇನ ಮಯೋ॒ಭುವಾ᳚ ಸು॒ಪ್ರಣೀ᳚ತೀ ಗಮೇಮ |
ಆ ನೋ᳚ ರ॒ಯಿಂ ವ॑ಹತ॒ಮೋತ ವೀ॒ರಾನಾ ವಿಶ್ವಾ᳚ನ್ಯಮೃತಾ॒ ಸೌಭ॑ಗಾನಿ || 5.43.17

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರೋ ಲಿಂಗೋಕ್ತಾಶ್ಚ ಋಷಯಃ, ವಿಶ್ವೇ ದೇವಾ ದೇವತಾಃ (1-13) ಪ್ರಥಮಾದಿತ್ರಯೋದಶರ್ಚಾಂ ಜಗತೀ, (14-15) ಚತುರ್ದಶೀಪಂಚದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ತಂ ಪ್ರ॒ತ್ನಥಾ᳚ ಪೂ॒ರ್ವಥಾ᳚ ವಿ॒ಶ್ವಥೇ॒ಮಥಾ᳚ ಜ್ಯೇ॒ಷ್ಠತಾ᳚ತಿಂ ಬರ್ಹಿ॒ಷದಂ᳚ ಸ್ವ॒ರ್ವಿದ‌ಮ್᳚ |
ಪ್ರ॒ತೀ॒ಚೀ॒ನಂ ವೃ॒ಜನಂ᳚ ದೋಹಸೇ ಗಿ॒ರಾಶುಂ ಜಯ᳚‌ನ್ತ॒ಮನು॒ ಯಾಸು॒ ವರ್ಧ॑ಸೇ || 5.44.1
ಶ್ರಿ॒ಯೇ ಸು॒ದೃಶೀ॒ರುಪ॑ರಸ್ಯ॒ ಯಾಃ ಸ್ವ᳚ರ್ವಿ॒ರೋಚ॑ಮಾನಃ ಕ॒ಕುಭಾ᳚ಮಚೋ॒ದತೇ᳚ |
ಸು॒ಗೋ॒ಪಾ ಅ॑ಸಿ॒ ನ ದಭಾ᳚ಯ ಸುಕ್ರತೋ ಪ॒ರೋ ಮಾ॒ಯಾಭಿ॑ರ್‌ಋ॒ತ ಆ᳚ಸ॒ ನಾಮ॑ ತೇ || 5.44.2
ಅತ್ಯಂ᳚ ಹ॒ವಿಃ ಸ॑ಚತೇ॒ ಸಚ್ಚ॒ ಧಾತು॒ ಚಾರಿ॑ಷ್ಟಗಾತುಃ॒ ಸ ಹೋತಾ᳚ ಸಹೋ॒ಭರಿಃ॑ |
ಪ್ರ॒ಸರ್ಸ್ರಾ᳚ಣೋ॒ ಅನು॑ ಬ॒ರ್ಹಿರ್ವೃಷಾ॒ ಶಿಶು॒ರ್ಮಧ್ಯೇ॒ ಯುವಾ॒ಜರೋ᳚ ವಿ॒ಸ್ರುಹಾ᳚ ಹಿ॒ತಃ || 5.44.3
ಪ್ರ ವ॑ ಏ॒ತೇ ಸು॒ಯುಜೋ॒ ಯಾಮ᳚ನ್ನಿ॒ಷ್ಟಯೇ॒ ನೀಚೀ᳚ರ॒ಮುಷ್ಮೈ᳚ ಯ॒ಮ್ಯ॑ ಋತಾ॒ವೃಧಃ॑ |
ಸು॒ಯ‌ನ್ತು॑ಭಿಃ ಸರ್ವಶಾ॒ಸೈರ॒ಭೀಶು॑ಭಿಃ॒ ಕ್ರಿವಿ॒ರ್ನಾಮಾ᳚ನಿ ಪ್ರವ॒ಣೇ ಮು॑ಷಾಯತಿ || 5.44.4
ಸಂ॒ಜರ್ಭು॑ರಾಣ॒ಸ್ತರು॑ಭಿಃ ಸುತೇ॒ಗೃಭಂ᳚ ವಯಾ॒ಕಿನಂ᳚ ಚಿ॒ತ್ತಗ॑ರ್ಭಾಸು ಸು॒ಸ್ವರುಃ॑ |
ಧಾ॒ರ॒ವಾ॒ಕೇಷ್ವೃ॑ಜುಗಾಥ ಶೋಭಸೇ॒ ವರ್ಧ॑ಸ್ವ॒ ಪತ್ನೀ᳚ರ॒ಭಿ ಜೀ॒ವೋ ಅ॑ಧ್ವ॒ರೇ || 5.44.5
ಯಾ॒ದೃಗೇ॒ವ ದದೃ॑ಶೇ ತಾ॒ದೃಗು॑ಚ್ಯತೇ॒ ಸಂ ಛಾ॒ಯಯಾ᳚ ದಧಿರೇ ಸಿ॒ಧ್ರಯಾ॒ಪ್ಸ್ವಾ |
ಮ॒ಹೀಮ॒ಸ್ಮಭ್ಯ॑ಮುರು॒ಷಾಮು॒ರು ಜ್ರಯೋ᳚ ಬೃ॒ಹತ್ಸು॒ವೀರ॒ಮನ॑ಪಚ್ಯುತಂ॒ ಸಹಃ॑ || 5.44.6
ವೇತ್ಯಗ್ರು॒ರ್ಜನಿ॑ವಾ॒ನ್ವಾ ಅತಿ॒ ಸ್ಪೃಧಃ॑ ಸಮರ್ಯ॒ತಾ ಮನ॑ಸಾ॒ ಸೂರ್ಯಃ॑ ಕ॒ವಿಃ |
ಘ್ರಂ॒ಸಂ ರಕ್ಷ᳚‌ನ್ತಂ॒ ಪರಿ॑ ವಿ॒ಶ್ವತೋ॒ ಗಯ॑ಮ॒ಸ್ಮಾಕಂ॒ ಶರ್ಮ॑ ವನವ॒ತ್ಸ್ವಾವ॑ಸುಃ || 5.44.7
ಜ್ಯಾಯಾಂ᳚ಸಮ॒ಸ್ಯ ಯ॒ತುನ॑ಸ್ಯ ಕೇ॒ತುನ॑ ಋಷಿಸ್ವ॒ರಂ ಚ॑ರತಿ॒ ಯಾಸು॒ ನಾಮ॑ ತೇ |
ಯಾ॒ದೃಶ್ಮಿಂ॒ಧಾಯಿ॒ ತಮ॑ಪ॒ಸ್ಯಯಾ᳚ ವಿದ॒ದ್ಯ ಉ॑ ಸ್ವ॒ಯಂ ವಹ॑ತೇ॒ ಸೋ ಅರಂ᳚ ಕರತ್ || 5.44.8
ಸ॒ಮು॒ದ್ರಮಾ᳚ಸಾ॒ಮವ॑ ತಸ್ಥೇ ಅಗ್ರಿ॒ಮಾ ನ ರಿ॑ಷ್ಯತಿ॒ ಸವ॑ನಂ॒ ಯಸ್ಮಿ॒ನ್ನಾಯ॑ತಾ |
ಅತ್ರಾ॒ ನ ಹಾರ್ದಿ॑ ಕ್ರವ॒ಣಸ್ಯ॑ ರೇಜತೇ॒ ಯತ್ರಾ᳚ ಮ॒ತಿರ್ವಿ॒ದ್ಯತೇ᳚ ಪೂತ॒ಬಂಧ॑ನೀ || 5.44.9
ಸ ಹಿ ಕ್ಷ॒ತ್ರಸ್ಯ॑ ಮನ॒ಸಸ್ಯ॒ ಚಿತ್ತಿ॑ಭಿರೇವಾವ॒ದಸ್ಯ॑ ಯಜ॒ತಸ್ಯ॒ ಸಧ್ರೇಃ᳚ |
ಅ॒ವ॒ತ್ಸಾ॒ರಸ್ಯ॑ ಸ್ಪೃಣವಾಮ॒ ರಣ್ವ॑ಭಿಃ॒ ಶವಿ॑ಷ್ಠಂ॒ ವಾಜಂ᳚ ವಿ॒ದುಷಾ᳚ ಚಿ॒ದರ್ಧ್ಯ‌ಮ್᳚ || 5.44.10
ಶ್ಯೇ॒ನ ಆ᳚ಸಾ॒ಮದಿ॑ತಿಃ ಕ॒ಕ್ಷ್ಯೋ॒3॒॑ ಮದೋ᳚ ವಿ॒ಶ್ವವಾ᳚ರಸ್ಯ ಯಜ॒ತಸ್ಯ॑ ಮಾ॒ಯಿನಃ॑ |
ಸಮ॒ನ್ಯಮ᳚ನ್ಯಮರ್ಥಯ॒‌ನ್ತ್ಯೇತ॑ವೇ ವಿ॒ದುರ್ವಿ॒ಷಾಣಂ᳚ ಪರಿ॒ಪಾನ॒ಮ‌ನ್ತಿ॒ ತೇ || 5.44.11
ಸ॒ದಾ॒ಪೃ॒ಣೋ ಯ॑ಜ॒ತೋ ವಿ ದ್ವಿಷೋ᳚ ವಧೀದ್ಬಾಹುವೃ॒ಕ್ತಃ ಶ್ರು॑ತ॒ವಿತ್ತರ್ಯೋ᳚ ವಃ॒ ಸಚಾ᳚ |
ಉ॒ಭಾ ಸ ವರಾ॒ ಪ್ರತ್ಯೇ᳚ತಿ॒ ಭಾತಿ॑ ಚ॒ ಯದೀಂ᳚ ಗ॒ಣಂ ಭಜ॑ತೇ ಸುಪ್ರ॒ಯಾವ॑ಭಿಃ || 5.44.12
ಸು॒ತಂ॒ಭ॒ರೋ ಯಜ॑ಮಾನಸ್ಯ॒ ಸತ್ಪ॑ತಿ॒ರ್ವಿಶ್ವಾ᳚ಸಾ॒ಮೂಧಃ॒ ಸ ಧಿ॒ಯಾಮು॒ದಂಚ॑ನಃ |
ಭರ॑ದ್ಧೇ॒ನೂ ರಸ॑ವಚ್ಛಿಶ್ರಿಯೇ॒ ಪಯೋ᳚ಽನುಬ್ರುವಾ॒ಣೋ ಅಧ್ಯೇ᳚ತಿ॒ ನ ಸ್ವ॒ಪನ್ || 5.44.13
ಯೋ ಜಾ॒ಗಾರ॒ ತಮೃಚಃ॑ ಕಾಮಯ‌ನ್ತೇ॒ ಯೋ ಜಾ॒ಗಾರ॒ ತಮು॒ ಸಾಮಾ᳚ನಿ ಯ‌ನ್ತಿ |
ಯೋ ಜಾ॒ಗಾರ॒ ತಮ॒ಯಂ ಸೋಮ॑ ಆಹ॒ ತವಾ॒ಹಮ॑ಸ್ಮಿ ಸ॒ಖ್ಯೇ ನ್ಯೋ᳚ಕಾಃ || 5.44.14
ಅ॒ಗ್ನಿರ್ಜಾ᳚ಗಾರ॒ ತಮೃಚಃ॑ ಕಾಮಯ‌ನ್ತೇ॒ಽಗ್ನಿರ್ಜಾ᳚ಗಾರ॒ ತಮು॒ ಸಾಮಾ᳚ನಿ ಯ‌ನ್ತಿ |
ಅ॒ಗ್ನಿರ್ಜಾ᳚ಗಾರ॒ ತಮ॒ಯಂ ಸೋಮ॑ ಆಹ॒ ತವಾ॒ಹಮ॑ಸ್ಮಿ ಸ॒ಖ್ಯೇ ನ್ಯೋ᳚ಕಾಃ || 5.44.15

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸದಾಪೃಣ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ವಿ॒ದಾ ದಿ॒ವೋ ವಿ॒ಷ್ಯನ್ನದ್ರಿ॑ಮು॒ಕ್ಥೈರಾ᳚ಯ॒ತ್ಯಾ ಉ॒ಷಸೋ᳚ ಅ॒ರ್ಚಿನೋ᳚ ಗುಃ |
ಅಪಾ᳚ವೃತ ವ್ರ॒ಜಿನೀ॒ರುತ್ಸ್ವ॑ರ್ಗಾ॒ದ್ವಿ ದುರೋ॒ ಮಾನು॑ಷೀರ್ದೇ॒ವ ಆ᳚ವಃ || 5.45.1
ವಿ ಸೂರ್ಯೋ᳚ ಅ॒ಮತಿಂ॒ ನ ಶ್ರಿಯಂ᳚ ಸಾ॒ದೋರ್ವಾದ್ಗವಾಂ᳚ ಮಾ॒ತಾ ಜಾ᳚ನ॒ತೀ ಗಾ᳚ತ್ |
ಧನ್ವ᳚ರ್ಣಸೋ ನ॒ದ್ಯ1॒ಃ॑ ಖಾದೋ᳚ಅರ್ಣಾಃ॒ ಸ್ಥೂಣೇ᳚ವ॒ ಸುಮಿ॑ತಾ ದೃಂಹತ॒ ದ್ಯೌಃ || 5.45.2
ಅ॒ಸ್ಮಾ ಉ॒ಕ್ಥಾಯ॒ ಪರ್ವ॑ತಸ್ಯ॒ ಗರ್ಭೋ᳚ ಮ॒ಹೀನಾಂ᳚ ಜ॒ನುಷೇ᳚ ಪೂ॒ರ್ವ್ಯಾಯ॑ |
ವಿ ಪರ್ವ॑ತೋ॒ ಜಿಹೀ᳚ತ॒ ಸಾಧ॑ತ॒ ದ್ಯೌರಾ॒ವಿವಾ᳚ಸ‌ನ್ತೋ ದಸಯ‌ನ್ತ॒ ಭೂಮ॑ || 5.45.3
ಸೂ॒ಕ್ತೇಭಿ᳚ರ್ವೋ॒ ವಚೋ᳚ಭಿರ್ದೇ॒ವಜು॑ಷ್ಟೈ॒ರಿಂದ್ರಾ॒ ನ್ವ1॒॑ಗ್ನೀ ಅವ॑ಸೇ ಹು॒ವಧ್ಯೈ᳚ |
ಉ॒ಕ್ಥೇಭಿ॒ರ್ಹಿ ಷ್ಮಾ᳚ ಕ॒ವಯಃ॑ ಸುಯ॒ಜ್ಞಾ ಆ॒ವಿವಾ᳚ಸ‌ನ್ತೋ ಮ॒ರುತೋ॒ ಯಜ᳚‌ನ್ತಿ || 5.45.4
ಏತೋ॒ ನ್ವ1॒॑ದ್ಯ ಸು॒ಧ್ಯೋ॒3॒॑ ಭವಾ᳚ಮ॒ ಪ್ರ ದು॒ಚ್ಛುನಾ᳚ ಮಿನವಾಮಾ॒ ವರೀ᳚ಯಃ |
ಆ॒ರೇ ದ್ವೇಷಾಂ᳚ಸಿ ಸನು॒ತರ್ದ॑ಧಾ॒ಮಾಯಾ᳚ಮ॒ ಪ್ರಾಂಚೋ॒ ಯಜ॑ಮಾನ॒ಮಚ್ಛ॑ || 5.45.5
ಏತಾ॒ ಧಿಯಂ᳚ ಕೃ॒ಣವಾ᳚ಮಾ ಸಖಾ॒ಯೋಽಪ॒ ಯಾ ಮಾ॒ತಾಁ ಋ॑ಣು॒ತ ವ್ರ॒ಜಂ ಗೋಃ |
ಯಯಾ॒ ಮನು᳚ರ್ವಿಶಿಶಿ॒ಪ್ರಂ ಜಿ॒ಗಾಯ॒ ಯಯಾ᳚ ವ॒ಣಿಗ್ವಂ॒ಕುರಾಪಾ॒ ಪುರೀ᳚ಷ‌ಮ್ || 5.45.6
ಅನೂ᳚ನೋ॒ದತ್ರ॒ ಹಸ್ತ॑ಯತೋ॒ ಅದ್ರಿ॒ರಾರ್ಚ॒ನ್ಯೇನ॒ ದಶ॑ ಮಾ॒ಸೋ ನವ॑ಗ್ವಾಃ |
ಋ॒ತಂ ಯ॒ತೀ ಸ॒ರಮಾ॒ ಗಾ ಅ॑ವಿಂದ॒ದ್ವಿಶ್ವಾ᳚ನಿ ಸ॒ತ್ಯಾಂಗಿ॑ರಾಶ್ಚಕಾರ || 5.45.7
ವಿಶ್ವೇ᳚ ಅ॒ಸ್ಯಾ ವ್ಯುಷಿ॒ ಮಾಹಿ॑ನಾಯಾಃ॒ ಸಂ ಯದ್ಗೋಭಿ॒ರಂಗಿ॑ರಸೋ॒ ನವ᳚‌ನ್ತ |
ಉತ್ಸ॑ ಆಸಾಂ ಪರ॒ಮೇ ಸ॒ಧಸ್ಥ॑ ಋ॒ತಸ್ಯ॑ ಪ॒ಥಾ ಸ॒ರಮಾ᳚ ವಿದ॒ದ್ಗಾಃ || 5.45.8
ಆ ಸೂರ್ಯೋ᳚ ಯಾತು ಸ॒ಪ್ತಾಶ್ವಃ॒ ಕ್ಷೇತ್ರಂ॒ ಯದ॑ಸ್ಯೋರ್ವಿ॒ಯಾ ದೀ᳚ರ್ಘಯಾ॒ಥೇ |
ರ॒ಘುಃ ಶ್ಯೇ॒ನಃ ಪ॑ತಯ॒ದಂಧೋ॒ ಅಚ್ಛಾ॒ ಯುವಾ᳚ ಕ॒ವಿರ್ದೀ᳚ದಯ॒ದ್ಗೋಷು॒ ಗಚ್ಛನ್॑ || 5.45.9
ಆ ಸೂರ್ಯೋ᳚ ಅರುಹಚ್ಛು॒ಕ್ರಮರ್ಣೋಽಯು॑ಕ್ತ॒ ಯದ್ಧ॒ರಿತೋ᳚ ವೀ॒ತಪೃ॑ಷ್ಠಾಃ |
ಉ॒ದ್ನಾ ನ ನಾವ॑ಮನಯ‌ನ್ತ॒ ಧೀರಾ᳚ ಆಶೃಣ್ವ॒ತೀರಾಪೋ᳚ ಅ॒ರ್ವಾಗ॑ತಿಷ್ಠನ್ || 5.45.10
ಧಿಯಂ᳚ ವೋ ಅ॒ಪ್ಸು ದ॑ಧಿಷೇ ಸ್ವ॒ರ್ಷಾಂ ಯಯಾತ॑ರಂ॒ದಶ॑ ಮಾ॒ಸೋ ನವ॑ಗ್ವಾಃ |
ಅ॒ಯಾ ಧಿ॒ಯಾ ಸ್ಯಾ᳚ಮ ದೇ॒ವಗೋ᳚ಪಾ ಅ॒ಯಾ ಧಿ॒ಯಾ ತು॑ತುರ್ಯಾ॒ಮಾತ್ಯಂಹಃ॑ || 5.45.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪ್ರತಿಕ್ಷತ್ರ ಋಷಿಃ (1-6) ಪ್ರಥಮಾದಿಷಡಚಾಂ ವಿಶ್ವೇ ದೇವಾಃ, (7-8) ಸಪ್ತಮ್ಯಷ್ಟಮ್ಯೋಶ್ಚ ದೇವಪತ್ನಯೋ ದೇವತಾಃ (1, 3-7) ಪ್ರಥಮರ್ಚಸ್ತೃತೀಯಾದಿಪಂಚಾನಾಂಚ ಜಗತೀ, (2, 8) ದ್ವಿತೀಯಾಷ್ಟಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಹಯೋ॒ ನ ವಿ॒ದ್ವಾಁ ಅ॑ಯುಜಿ ಸ್ವ॒ಯಂ ಧು॒ರಿ ತಾಂ ವ॑ಹಾಮಿ ಪ್ರ॒ತರ॑ಣೀಮವ॒ಸ್ಯುವ‌ಮ್᳚ |
ನಾಸ್ಯಾ᳚ ವಶ್ಮಿ ವಿ॒ಮುಚಂ॒ ನಾವೃತಂ॒ ಪುನ᳚ರ್ವಿ॒ದ್ವಾನ್ಪ॒ಥಃ ಪು॑ರಏ॒ತ ಋ॒ಜು ನೇ᳚ಷತಿ || 5.46.1
ಅಗ್ನ॒ ಇಂದ್ರ॒ ವರು॑ಣ॒ ಮಿತ್ರ॒ ದೇವಾಃ॒ ಶರ್ಧಃ॒ ಪ್ರ ಯ᳚‌ನ್ತ॒ ಮಾರು॑ತೋ॒ತ ವಿ॑ಷ್ಣೋ |
ಉ॒ಭಾ ನಾಸ॑ತ್ಯಾ ರು॒ದ್ರೋ ಅಧ॒ ಗ್ನಾಃ ಪೂ॒ಷಾ ಭಗಃ॒ ಸರ॑ಸ್ವತೀ ಜುಷ‌ನ್ತ || 5.46.2
ಇಂ॒ದ್ರಾ॒ಗ್ನೀ ಮಿ॒ತ್ರಾವರು॒ಣಾದಿ॑ತಿಂ॒ ಸ್ವಃ॑ ಪೃಥಿ॒ವೀಂ ದ್ಯಾಂ ಮ॒ರುತಃ॒ ಪರ್ವ॑ತಾಁ ಅ॒ಪಃ |
ಹು॒ವೇ ವಿಷ್ಣುಂ᳚ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॒ ಭಗಂ॒ ನು ಶಂಸಂ᳚ ಸವಿ॒ತಾರ॑ಮೂ॒ತಯೇ᳚ || 5.46.3
ಉ॒ತ ನೋ॒ ವಿಷ್ಣು॑ರು॒ತ ವಾತೋ᳚ ಅ॒ಸ್ರಿಧೋ᳚ ದ್ರವಿಣೋ॒ದಾ ಉ॒ತ ಸೋಮೋ॒ ಮಯ॑ಸ್ಕರತ್ |
ಉ॒ತ ಋ॒ಭವ॑ ಉ॒ತ ರಾ॒ಯೇ ನೋ᳚ ಅ॒ಶ್ವಿನೋ॒ತ ತ್ವಷ್ಟೋ॒ತ ವಿಭ್ವಾನು॑ ಮಂಸತೇ || 5.46.4
ಉ॒ತ ತ್ಯನ್ನೋ॒ ಮಾರು॑ತಂ॒ ಶರ್ಧ॒ ಆ ಗ॑ಮದ್ದಿವಿಕ್ಷ॒ಯಂ ಯ॑ಜ॒ತಂ ಬ॒ರ್ಹಿರಾ॒ಸದೇ᳚ |
ಬೃಹ॒ಸ್ಪತಿಃ॒ ಶರ್ಮ॑ ಪೂ॒ಷೋತ ನೋ᳚ ಯಮದ್ವರೂ॒ಥ್ಯ1॒॑ ಅಂವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ || 5.46.5
ಉ॒ತ ತ್ಯೇ ನಃ॒ ಪರ್ವ॑ತಾಸಃ ಸುಶ॒ಸ್ತಯಃ॑ ಸುದೀ॒ತಯೋ᳚ ನ॒ದ್ಯ1॒॑ಸ್ತ್ರಾಮ॑ಣೇ ಭುವನ್ |
ಭಗೋ᳚ ವಿಭ॒ಕ್ತಾ ಶವ॒ಸಾವ॒ಸಾ ಗ॑ಮದುರು॒ವ್ಯಚಾ॒ ಅದಿ॑ತಿಃ ಶ್ರೋತು ಮೇ॒ ಹವ‌ಮ್᳚ || 5.46.6
ದೇ॒ವಾನಾಂ॒ ಪತ್ನೀ᳚ರುಶ॒ತೀರ॑ವ‌ನ್ತು ನಃ॒ ಪ್ರಾವ᳚‌ನ್ತು ನಸ್ತು॒ಜಯೇ॒ ವಾಜ॑ಸಾತಯೇ |
ಯಾಃ ಪಾರ್ಥಿ॑ವಾಸೋ॒ ಯಾ ಅ॒ಪಾಮಪಿ᳚ ವ್ರ॒ತೇ ತಾ ನೋ᳚ ದೇವೀಃ ಸುಹವಾಃ॒ ಶರ್ಮ॑ ಯಚ್ಛತ || 5.46.7
ಉ॒ತ ಗ್ನಾ ವ್ಯ᳚‌ನ್ತು ದೇ॒ವಪ॑ತ್ನೀರಿಂದ್ರಾ॒ಣ್ಯ1॒॑ಗ್ನಾಯ್ಯ॒ಶ್ವಿನೀ॒ ರಾಟ್ |
ಆ ರೋದ॑ಸೀ ವರುಣಾ॒ನೀ ಶೃ॑ಣೋತು॒ ವ್ಯ‌ನ್ತು॑ ದೇ॒ವೀರ್ಯ ಋ॒ತುರ್ಜನೀ᳚ನಾ‌ಮ್ || 5.46.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪ್ರತಿರಥ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ॒ಯುಂ॒ಜ॒ತೀ ದಿ॒ವ ಏ᳚ತಿ ಬ್ರುವಾ॒ಣಾ ಮ॒ಹೀ ಮಾ॒ತಾ ದು॑ಹಿ॒ತುರ್ಬೋ॒ಧಯ᳚‌ನ್ತೀ |
ಆ॒ವಿವಾ᳚ಸ‌ನ್ತೀ ಯುವ॒ತಿರ್ಮ॑ನೀ॒ಷಾ ಪಿ॒ತೃಭ್ಯ॒ ಆ ಸದ॑ನೇ॒ ಜೋಹು॑ವಾನಾ || 5.47.1
ಅ॒ಜಿ॒ರಾಸ॒ಸ್ತದ॑ಪ॒ ಈಯ॑ಮಾನಾ ಆತಸ್ಥಿ॒ವಾಂಸೋ᳚ ಅ॒ಮೃತ॑ಸ್ಯ॒ ನಾಭಿ‌ಮ್᳚ |
ಅ॒ನ॒‌ನ್ತಾಸ॑ ಉ॒ರವೋ᳚ ವಿ॒ಶ್ವತಃ॑ ಸೀಂ॒ ಪರಿ॒ ದ್ಯಾವಾ᳚ಪೃಥಿ॒ವೀ ಯ᳚‌ನ್ತಿ॒ ಪ‌ನ್ಥಾಃ᳚ || 5.47.2
ಉ॒ಕ್ಷಾ ಸ॑ಮು॒ದ್ರೋ ಅ॑ರು॒ಷಃ ಸು॑ಪ॒ರ್ಣಃ ಪೂರ್ವ॑ಸ್ಯ॒ ಯೋನಿಂ᳚ ಪಿ॒ತುರಾ ವಿ॑ವೇಶ |
ಮಧ್ಯೇ᳚ ದಿ॒ವೋ ನಿಹಿ॑ತಃ॒ ಪೃಶ್ನಿ॒ರಶ್ಮಾ॒ ವಿ ಚ॑ಕ್ರಮೇ॒ ರಜ॑ಸಸ್ಪಾ॒ತ್ಯ‌ನ್ತೌ᳚ || 5.47.3
ಚ॒ತ್ವಾರ॑ ಈಂ ಬಿಭ್ರತಿ ಕ್ಷೇಮ॒ಯ‌ನ್ತೋ॒ ದಶ॒ ಗರ್ಭಂ᳚ ಚ॒ರಸೇ᳚ ಧಾಪಯ‌ನ್ತೇ |
ತ್ರಿ॒ಧಾತ॑ವಃ ಪರ॒ಮಾ ಅ॑ಸ್ಯ॒ ಗಾವೋ᳚ ದಿ॒ವಶ್ಚ॑ರ‌ನ್ತಿ॒ ಪರಿ॑ ಸ॒ದ್ಯೋ ಅ‌ನ್ತಾನ್॑ || 5.47.4
ಇ॒ದಂ ವಪು᳚ರ್ನಿ॒ವಚ॑ನಂ ಜನಾಸ॒ಶ್ಚರ᳚‌ನ್ತಿ॒ ಯನ್ನ॒ದ್ಯ॑ಸ್ತ॒ಸ್ಥುರಾಪಃ॑ |
ದ್ವೇ ಯದೀಂ᳚ ಬಿಭೃ॒ತೋ ಮಾ॒ತುರ॒ನ್ಯೇ ಇ॒ಹೇಹ॑ ಜಾ॒ತೇ ಯ॒ಮ್ಯಾ॒3॒॑ ಸಬಂ᳚ಧೂ || 5.47.5
ವಿ ತ᳚ನ್ವತೇ॒ ಧಿಯೋ᳚ ಅಸ್ಮಾ॒ ಅಪಾಂ᳚ಸಿ॒ ವಸ್ತ್ರಾ᳚ ಪು॒ತ್ರಾಯ॑ ಮಾ॒ತರೋ᳚ ವಯ‌ನ್ತಿ |
ಉ॒ಪ॒ಪ್ರ॒ಕ್ಷೇ ವೃಷ॑ಣೋ॒ ಮೋದ॑ಮಾನಾ ದಿ॒ವಸ್ಪ॒ಥಾ ವ॒ಧ್ವೋ᳚ ಯ॒‌ನ್ತ್ಯಚ್ಛ॑ || 5.47.6
ತದ॑ಸ್ತು ಮಿತ್ರಾವರುಣಾ॒ ತದ॑ಗ್ನೇ॒ ಶಂ ಯೋರ॒ಸ್ಮಭ್ಯ॑ಮಿ॒ದಮ॑ಸ್ತು ಶ॒ಸ್ತ‌ಮ್ |
ಅ॒ಶೀ॒ಮಹಿ॑ ಗಾ॒ಧಮು॒ತ ಪ್ರ॑ತಿ॒ಷ್ಠಾಂ ನಮೋ᳚ ದಿ॒ವೇ ಬೃ॑ಹ॒ತೇ ಸಾದ॑ನಾಯ || 5.47.7

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪ್ರತಿಭಾನುಋಷಿಃ, ವಿಶ್ವೇ ದೇವಾ ದೇವತಾಃ, ಜಗತೀ ಛಂದಃ

ಕದು॑ ಪ್ರಿ॒ಯಾಯ॒ ಧಾಮ್ನೇ᳚ ಮನಾಮಹೇ॒ ಸ್ವಕ್ಷ॑ತ್ರಾಯ॒ ಸ್ವಯ॑ಶಸೇ ಮ॒ಹೇ ವ॒ಯ‌ಮ್ |
ಆ॒ಮೇ॒ನ್ಯಸ್ಯ॒ ರಜ॑ಸೋ॒ ಯದ॒ಭ್ರ ಆಁ ಅ॒ಪೋ ವೃ॑ಣಾ॒ನಾ ವಿ॑ತ॒ನೋತಿ॑ ಮಾ॒ಯಿನೀ᳚ || 5.48.1
ತಾ ಅ॑ತ್ನತ ವ॒ಯುನಂ᳚ ವೀ॒ರವ॑ಕ್ಷಣಂ ಸಮಾ॒ನ್ಯಾ ವೃ॒ತಯಾ॒ ವಿಶ್ವ॒ಮಾ ರಜಃ॑ |
ಅಪೋ॒ ಅಪಾ᳚ಚೀ॒ರಪ॑ರಾ॒ ಅಪೇ᳚ಜತೇ॒ ಪ್ರ ಪೂರ್ವಾ᳚ಭಿಸ್ತಿರತೇ ದೇವ॒ಯುರ್ಜನಃ॑ || 5.48.2
ಆ ಗ್ರಾವ॑ಭಿರಹ॒ನ್ಯೇ᳚ಭಿರ॒ಕ್ತುಭಿ॒ರ್ವರಿ॑ಷ್ಠಂ॒ ವಜ್ರ॒ಮಾ ಜಿ॑ಘರ್ತಿ ಮಾ॒ಯಿನಿ॑ |
ಶ॒ತಂ ವಾ॒ ಯಸ್ಯ॑ ಪ್ರ॒ಚರ॒‌‌ನ್ತ್ಸ್ವೇ ದಮೇ᳚ ಸಂವ॒ರ್ತಯ᳚‌ನ್ತೋ॒ ವಿ ಚ॑ ವರ್ತಯ॒ನ್ನಹಾ᳚ || 5.48.3
ತಾಮ॑ಸ್ಯ ರೀ॒ತಿಂ ಪ॑ರ॒ಶೋರಿ॑ವ॒ ಪ್ರತ್ಯನೀ᳚ಕಮಖ್ಯಂ ಭು॒ಜೇ ಅ॑ಸ್ಯ॒ ವರ್ಪ॑ಸಃ |
ಸಚಾ॒ ಯದಿ॑ ಪಿತು॒ಮ‌ನ್ತ॑ಮಿವ॒ ಕ್ಷಯಂ॒ ರತ್ನಂ॒ ದಧಾ᳚ತಿ॒ ಭರ॑ಹೂತಯೇ ವಿ॒ಶೇ || 5.48.4
ಸ ಜಿ॒ಹ್ವಯಾ॒ ಚತು॑ರನೀಕ ಋಂಜತೇ॒ ಚಾರು॒ ವಸಾ᳚ನೋ॒ ವರು॑ಣೋ॒ ಯತ᳚ನ್ನ॒ರಿ‌ಮ್ |
ನ ತಸ್ಯ॑ ವಿದ್ಮ ಪುರುಷ॒ತ್ವತಾ᳚ ವ॒ಯಂ ಯತೋ॒ ಭಗಃ॑ ಸವಿ॒ತಾ ದಾತಿ॒ ವಾರ್ಯ‌ಮ್᳚ || 5.48.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪ್ರತಿಪ್ರಭ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ದೇ॒ವಂ ವೋ᳚ ಅ॒ದ್ಯ ಸ॑ವಿ॒ತಾರ॒ಮೇಷೇ॒ ಭಗಂ᳚ ಚ॒ ರತ್ನಂ᳚ ವಿ॒ಭಜ᳚‌ನ್ತಮಾ॒ಯೋಃ |
ಆ ವಾಂ᳚ ನರಾ ಪುರುಭುಜಾ ವವೃತ್ಯಾಂ ದಿ॒ವೇದಿ॑ವೇ ಚಿದಶ್ವಿನಾ ಸಖೀ॒ಯನ್ || 5.49.1
ಪ್ರತಿ॑ ಪ್ರ॒ಯಾಣ॒ಮಸು॑ರಸ್ಯ ವಿ॒ದ್ವಾ‌‌ನ್ತ್ಸೂ॒ಕ್ತೈರ್ದೇ॒ವಂ ಸ॑ವಿ॒ತಾರಂ᳚ ದುವಸ್ಯ |
ಉಪ॑ ಬ್ರುವೀತ॒ ನಮ॑ಸಾ ವಿಜಾ॒ನಂಜ್ಯೇಷ್ಠಂ᳚ ಚ॒ ರತ್ನಂ᳚ ವಿ॒ಭಜ᳚‌ನ್ತಮಾ॒ಯೋಃ || 5.49.2
ಅ॒ದ॒ತ್ರ॒ಯಾ ದ॑ಯತೇ॒ ವಾರ್ಯಾ᳚ಣಿ ಪೂ॒ಷಾ ಭಗೋ॒ ಅದಿ॑ತಿ॒ರ್ವಸ್ತ॑ ಉ॒ಸ್ರಃ |
ಇಂದ್ರೋ॒ ವಿಷ್ಣು॒ರ್ವರು॑ಣೋ ಮಿ॒ತ್ರೋ ಅ॒ಗ್ನಿರಹಾ᳚ನಿ ಭ॒ದ್ರಾ ಜ॑ನಯ‌ನ್ತ ದ॒ಸ್ಮಾಃ || 5.49.3
ತನ್ನೋ᳚ ಅನ॒ರ್ವಾ ಸ॑ವಿ॒ತಾ ವರೂ᳚ಥಂ॒ ತತ್ಸಿಂಧ॑ವ ಇ॒ಷಯ᳚‌ನ್ತೋ॒ ಅನು॑ ಗ್ಮನ್ |
ಉಪ॒ ಯದ್ವೋಚೇ᳚ ಅಧ್ವ॒ರಸ್ಯ॒ ಹೋತಾ᳚ ರಾ॒ಯಃ ಸ್ಯಾ᳚ಮ॒ ಪತ॑ಯೋ॒ ವಾಜ॑ರತ್ನಾಃ || 5.49.4
ಪ್ರ ಯೇ ವಸು॑ಭ್ಯ॒ ಈವ॒ದಾ ನಮೋ॒ ದುರ್ಯೇ ಮಿ॒ತ್ರೇ ವರು॑ಣೇ ಸೂ॒ಕ್ತವಾ᳚ಚಃ |
ಅವೈ॒ತ್ವಭ್ವಂ᳚ ಕೃಣು॒ತಾ ವರೀ᳚ಯೋ ದಿ॒ವಸ್ಪೃ॑ಥಿ॒ವ್ಯೋರವ॑ಸಾ ಮದೇಮ || 5.49.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸ್ವಸ್ತ್ಯಾತ್ರೇಯ ಋಷಿಃ, ವಿಶ್ವೇ ದೇವಾ ದೇವತಾಃ (1-4) ಪ್ರಥಮಾದಿಚತುರೃಚ ಮಿನುಷ್ಟಪು. , (5) ಪಂಚಮ್ಯಾಶ್ಚ ಪತಿಶ್ಛಂದಸೀ

ವಿಶ್ವೋ᳚ ದೇ॒ವಸ್ಯ॑ ನೇ॒ತುರ್ಮರ್ತೋ᳚ ವುರೀತ ಸ॒ಖ್ಯ‌ಮ್ |
ವಿಶ್ವೋ᳚ ರಾ॒ಯ ಇ॑ಷುಧ್ಯತಿ ದ್ಯು॒ಮ್ನಂ ವೃ॑ಣೀತ ಪು॒ಷ್ಯಸೇ᳚ || 5.50.1
ತೇ ತೇ᳚ ದೇವ ನೇತ॒ರ್ಯೇ ಚೇ॒ಮಾಁ ಅ॑ನು॒ಶಸೇ᳚ |
ತೇ ರಾ॒ಯಾ ತೇ ಹ್ಯಾ॒3॒॑ಪೃಚೇ॒ ಸಚೇ᳚ಮಹಿ ಸಚ॒ಥ್ಯೈಃ᳚ || 5.50.2
ಅತೋ᳚ ನ॒ ಆ ನೄನತಿ॑ಥೀ॒ನತಃ॒ ಪತ್ನೀ᳚ರ್ದಶಸ್ಯತ |
ಆ॒ರೇ ವಿಶ್ವಂ᳚ ಪಥೇ॒ಷ್ಠಾಂ ದ್ವಿ॒ಷೋ ಯು॑ಯೋತು॒ ಯೂಯು॑ವಿಃ || 5.50.3
ಯತ್ರ॒ ವಹ್ನಿ॑ರ॒ಭಿಹಿ॑ತೋ ದು॒ದ್ರವ॒ದ್ದ್ರೋಣ್ಯಃ॑ ಪ॒ಶುಃ |
ನೃ॒ಮಣಾ᳚ ವೀ॒ರಪ॒ಸ್ತ್ಯೋಽರ್ಣಾ॒ ಧೀರೇ᳚ವ॒ ಸನಿ॑ತಾ || 5.50.4
ಏ॒ಷ ತೇ᳚ ದೇವ ನೇತಾ॒ ರಥ॒ಸ್ಪತಿಃ॒ ಶಂ ರ॒ಯಿಃ |
ಶಂ ರಾ॒ಯೇ ಶಂ ಸ್ವ॒ಸ್ತಯ॑ ಇಷಃ॒ಸ್ತುತೋ᳚ ಮನಾಮಹೇ ದೇವ॒ಸ್ತುತೋ᳚ ಮನಾಮಹೇ || 5.50.5

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸ್ವಸ್ತ್ಯಾತ್ರೇಯ ಋಷಿಃ (1-3, 8-15) ಪ್ರಥಮಾದಿತೃಚಸ್ಯಾಷ್ಟಮ್ಯಾದ್ಯಷ್ಟರ್ಚಾಂಚ ವಿಶ್ವೇ ದೇವಾಃ, (4, 6-7) ಚತುರ್ಥ್ಯಾಃ ಷಷ್ಠೀಸಪ್ತಮ್ಯೋಶ್ಚೇಂದ್ರವಾಯ, (5) ಪಂಚಮ್ಯಾಶ್ಚ ವಾಯುದರ್ವೇ ತಾಃ (1-4) ಪ್ರಥಮಾದಿಚರ್ಚಾಂ ಗಾಯತ್ರೀ, (5-10) ಪಂಚಮ್ಯಾದಿಷಣ್ಣಾಮುಷ್ಣಿಕ್, (11-13) ಏಕಾದಶ್ಯಾದಿತೃಚಸ್ಯ ಜಗತೀ ತ್ರಿಷ್ಟುಬ್ ವಾ, (14-15) ಚತುರ್ದಶೀಪಂಚದಶ್ಯೋಶ್ಚಾನುಷ್ಟಪ್ ಛಂದಾಂಸಿ

ಅಗ್ನೇ᳚ ಸು॒ತಸ್ಯ॑ ಪೀ॒ತಯೇ॒ ವಿಶ್ವೈ॒ರೂಮೇ᳚ಭಿ॒ರಾ ಗ॑ಹಿ |
ದೇ॒ವೇಭಿ॑ರ್ಹ॒ವ್ಯದಾ᳚ತಯೇ || 5.51.1
ಋತ॑ಧೀತಯ॒ ಆ ಗ॑ತ॒ ಸತ್ಯ॑ಧರ್ಮಾಣೋ ಅಧ್ವ॒ರ‌ಮ್ |
ಅ॒ಗ್ನೇಃ ಪಿ॑ಬತ ಜಿ॒ಹ್ವಯಾ᳚ || 5.51.2
ವಿಪ್ರೇ᳚ಭಿರ್ವಿಪ್ರ ಸ‌ನ್ತ್ಯ ಪ್ರಾತ॒ರ್ಯಾವ॑ಭಿ॒ರಾ ಗ॑ಹಿ |
ದೇ॒ವೇಭಿಃ॒ ಸೋಮ॑ಪೀತಯೇ || 5.51.3
ಅ॒ಯಂ ಸೋಮ॑ಶ್ಚ॒ಮೂ ಸು॒ತೋಽಮ॑ತ್ರೇ॒ ಪರಿ॑ ಷಿಚ್ಯತೇ |
ಪ್ರಿ॒ಯ ಇಂದ್ರಾ᳚ಯ ವಾ॒ಯವೇ᳚ || 5.51.4
ವಾಯ॒ವಾ ಯಾ᳚ಹಿ ವೀ॒ತಯೇ᳚ ಜುಷಾ॒ಣೋ ಹ॒ವ್ಯದಾ᳚ತಯೇ |
ಪಿಬಾ᳚ ಸು॒ತಸ್ಯಾಂಧ॑ಸೋ ಅ॒ಭಿ ಪ್ರಯಃ॑ || 5.51.5
ಇಂದ್ರ॑ಶ್ಚ ವಾಯವೇಷಾಂ ಸು॒ತಾನಾಂ᳚ ಪೀ॒ತಿಮ॑ರ್ಹಥಃ |
ತಾಂಜು॑ಷೇಥಾಮರೇ॒ಪಸಾ᳚ವ॒ಭಿ ಪ್ರಯಃ॑ || 5.51.6
ಸು॒ತಾ ಇಂದ್ರಾ᳚ಯ ವಾ॒ಯವೇ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ |
ನಿ॒ಮ್ನಂ ನ ಯ᳚‌ನ್ತಿ॒ ಸಿಂಧ॑ವೋ॒ಽಭಿ ಪ್ರಯಃ॑ || 5.51.7
ಸ॒ಜೂರ್ವಿಶ್ವೇ᳚ಭಿರ್ದೇ॒ವೇಭಿ॑ರ॒ಶ್ವಿಭ್ಯಾ᳚ಮು॒ಷಸಾ᳚ ಸ॒ಜೂಃ |
ಆ ಯಾ᳚ಹ್ಯಗ್ನೇ ಅತ್ರಿ॒ವತ್ಸು॒ತೇ ರ॑ಣ || 5.51.8
ಸ॒ಜೂರ್ಮಿ॒ತ್ರಾವರು॑ಣಾಭ್ಯಾಂ ಸ॒ಜೂಃ ಸೋಮೇ᳚ನ॒ ವಿಷ್ಣು॑ನಾ |
ಆ ಯಾ᳚ಹ್ಯಗ್ನೇ ಅತ್ರಿ॒ವತ್ಸು॒ತೇ ರ॑ಣ || 5.51.9
ಸ॒ಜೂರಾ᳚ದಿ॒ತ್ಯೈರ್ವಸು॑ಭಿಃ ಸ॒ಜೂರಿಂದ್ರೇ᳚ಣ ವಾ॒ಯುನಾ᳚ |
ಆ ಯಾ᳚ಹ್ಯಗ್ನೇ ಅತ್ರಿ॒ವತ್ಸು॒ತೇ ರ॑ಣ || 5.51.10
ಸ್ವ॒ಸ್ತಿ ನೋ᳚ ಮಿಮೀತಾಮ॒ಶ್ವಿನಾ॒ ಭಗಃ॑ ಸ್ವ॒ಸ್ತಿ ದೇ॒ವ್ಯದಿ॑ತಿರನ॒ರ್ವಣಃ॑ |
ಸ್ವ॒ಸ್ತಿ ಪೂ॒ಷಾ ಅಸು॑ರೋ ದಧಾತು ನಃ ಸ್ವ॒ಸ್ತಿ ದ್ಯಾವಾ᳚ಪೃಥಿ॒ವೀ ಸು॑ಚೇ॒ತುನಾ᳚ || 5.51.11
ಸ್ವ॒ಸ್ತಯೇ᳚ ವಾ॒ಯುಮುಪ॑ ಬ್ರವಾಮಹೈ॒ ಸೋಮಂ᳚ ಸ್ವ॒ಸ್ತಿ ಭುವ॑ನಸ್ಯ॒ ಯಸ್ಪತಿಃ॑ |
ಬೃಹ॒ಸ್ಪತಿಂ॒ ಸರ್ವ॑ಗಣಂ ಸ್ವ॒ಸ್ತಯೇ᳚ ಸ್ವ॒ಸ್ತಯ॑ ಆದಿ॒ತ್ಯಾಸೋ᳚ ಭವ‌ನ್ತು ನಃ || 5.51.12
ವಿಶ್ವೇ᳚ ದೇ॒ವಾ ನೋ᳚ ಅ॒ದ್ಯಾ ಸ್ವ॒ಸ್ತಯೇ᳚ ವೈಶ್ವಾನ॒ರೋ ವಸು॑ರ॒ಗ್ನಿಃ ಸ್ವ॒ಸ್ತಯೇ᳚ |
ದೇ॒ವಾ ಅ॑ವ‌ನ್ತ್ವೃ॒ಭವಃ॑ ಸ್ವ॒ಸ್ತಯೇ᳚ ಸ್ವ॒ಸ್ತಿ ನೋ᳚ ರು॒ದ್ರಃ ಪಾ॒ತ್ವಂಹ॑ಸಃ || 5.51.13
ಸ್ವ॒ಸ್ತಿ ಮಿ॑ತ್ರಾವರುಣಾ ಸ್ವ॒ಸ್ತಿ ಪ॑ಥ್ಯೇ ರೇವತಿ |
ಸ್ವ॒ಸ್ತಿ ನ॒ ಇಂದ್ರ॑ಶ್ಚಾ॒ಗ್ನಿಶ್ಚ॑ ಸ್ವ॒ಸ್ತಿ ನೋ᳚ ಅದಿತೇ ಕೃಧಿ || 5.51.14
ಸ್ವ॒ಸ್ತಿ ಪ‌ನ್ಥಾ॒ಮನು॑ ಚರೇಮ ಸೂರ್ಯಾಚಂದ್ರ॒ಮಸಾ᳚ವಿವ |
ಪುನ॒ರ್ದದ॒ತಾಘ್ನ॑ತಾ ಜಾನ॒ತಾ ಸಂ ಗ॑ಮೇಮಹಿ || 5.51.15

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (15, 7-15) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾದಿನವಾನಾಂಚಾನಷ್ಟಪ (6, 16-17) ಷಷ್ಠ್ಯಾಃ ಷೋಡಶೀಸಪ್ತದಶ್ಯೋಶ್ಚ ಪತಿಶ್ಛಂದಸೀ

ಪ್ರ ಶ್ಯಾ᳚ವಾಶ್ವ ಧೃಷ್ಣು॒ಯಾರ್ಚಾ᳚ ಮ॒ರುದ್ಭಿ॒ರ್‌ಋಕ್ವ॑ಭಿಃ |
ಯೇ ಅ॑ದ್ರೋ॒ಘಮ॑ನುಷ್ವ॒ಧಂ ಶ್ರವೋ॒ ಮದ᳚‌ನ್ತಿ ಯ॒ಜ್ಞಿಯಾಃ᳚ || 5.52.1
ತೇ ಹಿ ಸ್ಥಿ॒ರಸ್ಯ॒ ಶವ॑ಸಃ॒ ಸಖಾ᳚ಯಃ॒ ಸ‌ನ್ತಿ॑ ಧೃಷ್ಣು॒ಯಾ |
ತೇ ಯಾಮ॒ನ್ನಾ ಧೃ॑ಷ॒ದ್ವಿನ॒ಸ್ತ್ಮನಾ᳚ ಪಾ‌ನ್ತಿ॒ ಶಶ್ವ॑ತಃ || 5.52.2
ತೇ ಸ್ಯಂ॒ದ್ರಾಸೋ॒ ನೋಕ್ಷಣೋಽತಿ॑ ಷ್ಕಂದ‌ನ್ತಿ॒ ಶರ್ವ॑ರೀಃ |
ಮ॒ರುತಾ॒ಮಧಾ॒ ಮಹೋ᳚ ದಿ॒ವಿ ಕ್ಷ॒ಮಾ ಚ॑ ಮನ್ಮಹೇ || 5.52.3
ಮ॒ರುತ್ಸು॑ ವೋ ದಧೀಮಹಿ॒ ಸ್ತೋಮಂ᳚ ಯ॒ಜ್ಞಂ ಚ॑ ಧೃಷ್ಣು॒ಯಾ |
ವಿಶ್ವೇ॒ ಯೇ ಮಾನು॑ಷಾ ಯು॒ಗಾ ಪಾ‌ನ್ತಿ॒ ಮರ್ತ್ಯಂ᳚ ರಿ॒ಷಃ || 5.52.4
ಅರ್ಹ᳚‌ನ್ತೋ॒ ಯೇ ಸು॒ದಾನ॑ವೋ॒ ನರೋ॒ ಅಸಾ᳚ಮಿಶವಸಃ |
ಪ್ರ ಯ॒ಜ್ಞಂ ಯ॒ಜ್ಞಿಯೇ᳚ಭ್ಯೋ ದಿ॒ವೋ ಅ॑ರ್ಚಾ ಮ॒ರುದ್ಭ್ಯಃ॑ || 5.52.5
ಆ ರು॒ಕ್ಮೈರಾ ಯು॒ಧಾ ನರ॑ ಋ॒ಷ್ವಾ ಋ॒ಷ್ಟೀರ॑ಸೃಕ್ಷತ |
ಅನ್ವೇ᳚ನಾಁ॒ ಅಹ॑ ವಿ॒ದ್ಯುತೋ᳚ ಮ॒ರುತೋ॒ ಜಜ್ಝ॑ತೀರಿವ ಭಾ॒ನುರ॑ರ್ತ॒ ತ್ಮನಾ᳚ ದಿ॒ವಃ || 5.52.6
ಯೇ ವಾ᳚ವೃ॒ಧ‌ನ್ತ॒ ಪಾರ್ಥಿ॑ವಾ॒ ಯ ಉ॒ರಾವ॒‌ನ್ತರಿ॑ಕ್ಷ॒ ಆ |
ವೃ॒ಜನೇ᳚ ವಾ ನ॒ದೀನಾಂ᳚ ಸ॒ಧಸ್ಥೇ᳚ ವಾ ಮ॒ಹೋ ದಿ॒ವಃ || 5.52.7
ಶರ್ಧೋ॒ ಮಾರು॑ತ॒ಮುಚ್ಛಂ᳚ಸ ಸ॒ತ್ಯಶ॑ವಸ॒ಮೃಭ್ವ॑ಸ‌ಮ್ |
ಉ॒ತ ಸ್ಮ॒ ತೇ ಶು॒ಭೇ ನರಃ॒ ಪ್ರ ಸ್ಯಂ॒ದ್ರಾ ಯು॑ಜತ॒ ತ್ಮನಾ᳚ || 5.52.8
ಉ॒ತ ಸ್ಮ॒ ತೇ ಪರು॑ಷ್ಣ್ಯಾ॒ಮೂರ್ಣಾ᳚ ವಸತ ಶುಂ॒ಧ್ಯವಃ॑ |
ಉ॒ತ ಪ॒ವ್ಯಾ ರಥಾ᳚ನಾ॒ಮದ್ರಿಂ᳚ ಭಿಂದ॒‌ನ್ತ್ಯೋಜ॑ಸಾ || 5.52.9
ಆಪ॑ಥಯೋ॒ ವಿಪ॑ಥ॒ಯೋಽ‌ನ್ತ॑ಸ್ಪಥಾ॒ ಅನು॑ಪಥಾಃ |
ಏ॒ತೇಭಿ॒ರ್ಮಹ್ಯಂ॒ ನಾಮ॑ಭಿರ್ಯ॒ಜ್ಞಂ ವಿ॑ಷ್ಟಾ॒ರ ಓ᳚ಹತೇ || 5.52.10
ಅಧಾ॒ ನರೋ॒ ನ್ಯೋ᳚ಹ॒ತೇಽಧಾ᳚ ನಿ॒ಯುತ॑ ಓಹತೇ |
ಅಧಾ॒ ಪಾರಾ᳚ವತಾ॒ ಇತಿ॑ ಚಿ॒ತ್ರಾ ರೂ॒ಪಾಣಿ॒ ದರ್ಶ್ಯಾ᳚ || 5.52.11
ಛಂ॒ದಃ॒ಸ್ತುಭಃ॑ ಕುಭ॒ನ್ಯವ॒ ಉತ್ಸ॒ಮಾ ಕೀ॒ರಿಣೋ᳚ ನೃತುಃ |
ತೇ ಮೇ॒ ಕೇ ಚಿ॒ನ್ನ ತಾ॒ಯವ॒ ಊಮಾ᳚ ಆಸಂದೃ॒ಶಿ ತ್ವಿ॒ಷೇ || 5.52.12
ಯ ಋ॒ಷ್ವಾ ಋ॒ಷ್ಟಿವಿ॑ದ್ಯುತಃ ಕ॒ವಯಃ॒ ಸ‌ನ್ತಿ॑ ವೇ॒ಧಸಃ॑ |
ತಮೃ॑ಷೇ॒ ಮಾರು॑ತಂ ಗ॒ಣಂ ನ॑ಮ॒ಸ್ಯಾ ರ॒ಮಯಾ᳚ ಗಿ॒ರಾ || 5.52.13
ಅಚ್ಛ॑ ಋಷೇ॒ ಮಾರು॑ತಂ ಗ॒ಣಂ ದಾ॒ನಾ ಮಿ॒ತ್ರಂ ನ ಯೋ॒ಷಣಾ᳚ |
ದಿ॒ವೋ ವಾ᳚ ಧೃಷ್ಣವ॒ ಓಜ॑ಸಾ ಸ್ತು॒ತಾ ಧೀ॒ಭಿರಿ॑ಷಣ್ಯತ || 5.52.14
ನೂ ಮ᳚ನ್ವಾ॒ನ ಏ᳚ಷಾಂ ದೇ॒ವಾಁ ಅಚ್ಛಾ॒ ನ ವ॒ಕ್ಷಣಾ᳚ |
ದಾ॒ನಾ ಸ॑ಚೇತ ಸೂ॒ರಿಭಿ॒ರ್ಯಾಮ॑ಶ್ರುತೇಭಿರಂ॒ಜಿಭಿಃ॑ || 5.52.15
ಪ್ರ ಯೇ ಮೇ᳚ ಬಂಧ್ವೇ॒ಷೇ ಗಾಂ ವೋಚ᳚‌ನ್ತ ಸೂ॒ರಯಃ॒ ಪೃಶ್ನಿಂ᳚ ವೋಚ‌ನ್ತ ಮಾ॒ತರ‌ಮ್᳚ |
ಅಧಾ᳚ ಪಿ॒ತರ॑ಮಿ॒ಷ್ಮಿಣಂ᳚ ರು॒ದ್ರಂ ವೋ᳚ಚ‌ನ್ತ॒ ಶಿಕ್ವ॑ಸಃ || 5.52.16
ಸ॒ಪ್ತ ಮೇ᳚ ಸ॒ಪ್ತ ಶಾ॒ಕಿನ॒ ಏಕ॑ಮೇಕಾ ಶ॒ತಾ ದ॑ದುಃ |
ಯ॒ಮುನಾ᳚ಯಾ॒ಮಧಿ॑ ಶ್ರು॒ತಮುದ್ರಾಧೋ॒ ಗವ್ಯಂ᳚ ಮೃಜೇ॒ ನಿ ರಾಧೋ॒ ಅಶ್ವ್ಯಂ᳚ ಮೃಜೇ || 5.52.17

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (1, 5, 10-11, 15) ಪ್ರಥಮಾಪಂಚಮೀದಶಮ್ಯೇಕಾದಶೀಪಂಚದಶೀನಾಮೃಚಾಂ ಕಕುಭ್ , (2) ದ್ವಿತೀಯಾಯಾ ಬೃಹತೀ, (3) ತೃತೀಯಾಯಾ ಅನುಷ್ಟಪ್. , (4) ಚತುರ್ಥ್ಯಾಃ ಪುರ ಉಷ್ಣಿಕ್, (6-7, 9, 13-14, 16) ಷಷ್ಠೀಸಪ್ತಮೀನವಮೀತ್ರಯೋದಶೀಚತುರ್ದಶೀಷೋಡಶೀನಾಂ ಸತೋಬೃಹತಿ, (8, 12) ಅಷ್ಟಮೀದ್ವಾದಶ್ಯೋಶ್ಚ ಗಾಯತ್ರೀ ಛಂದಾಂಸಿ

ಕೋ ವೇ᳚ದ॒ ಜಾನ॑ಮೇಷಾಂ॒ ಕೋ ವಾ᳚ ಪು॒ರಾ ಸು॒ಮ್ನೇಷ್ವಾ᳚ಸ ಮ॒ರುತಾ᳚‌ಮ್ |
ಯದ್ಯು॑ಯು॒ಜ್ರೇ ಕಿ॑ಲಾ॒ಸ್ಯಃ॑ || 5.53.1
ಐತಾನ್ರಥೇ᳚ಷು ತ॒ಸ್ಥುಷಃ॒ ಕಃ ಶು॑ಶ್ರಾವ ಕ॒ಥಾ ಯ॑ಯುಃ |
ಕಸ್ಮೈ᳚ ಸಸ್ರುಃ ಸು॒ದಾಸೇ॒ ಅನ್ವಾ॒ಪಯ॒ ಇಳಾ᳚ಭಿರ್ವೃ॒ಷ್ಟಯಃ॑ ಸ॒ಹ || 5.53.2
ತೇ ಮ॑ ಆಹು॒ರ್ಯ ಆ᳚ಯ॒ಯುರುಪ॒ ದ್ಯುಭಿ॒ರ್ವಿಭಿ॒ರ್ಮದೇ᳚ |
ನರೋ॒ ಮರ್ಯಾ᳚ ಅರೇ॒ಪಸ॑ ಇ॒ಮಾನ್ಪಶ್ಯ॒ನ್ನಿತಿ॑ ಷ್ಟುಹಿ || 5.53.3
ಯೇ ಅಂ॒ಜಿಷು॒ ಯೇ ವಾಶೀ᳚ಷು॒ ಸ್ವಭಾ᳚ನವಃ ಸ್ರ॒ಕ್ಷು ರು॒ಕ್ಮೇಷು॑ ಖಾ॒ದಿಷು॑ |
ಶ್ರಾ॒ಯಾ ರಥೇ᳚ಷು॒ ಧನ್ವ॑ಸು || 5.53.4
ಯು॒ಷ್ಮಾಕಂ᳚ ಸ್ಮಾ॒ ರಥಾಁ॒ ಅನು॑ ಮು॒ದೇ ದ॑ಧೇ ಮರುತೋ ಜೀರದಾನವಃ |
ವೃ॒ಷ್ಟೀ ದ್ಯಾವೋ᳚ ಯ॒ತೀರಿ॑ವ || 5.53.5
ಆ ಯಂ ನರಃ॑ ಸು॒ದಾನ॑ವೋ ದದಾ॒ಶುಷೇ᳚ ದಿ॒ವಃ ಕೋಶ॒ಮಚು॑ಚ್ಯವುಃ |
ವಿ ಪ॒ರ್ಜನ್ಯಂ᳚ ಸೃಜ‌ನ್ತಿ॒ ರೋದ॑ಸೀ॒ ಅನು॒ ಧನ್ವ॑ನಾ ಯ‌ನ್ತಿ ವೃ॒ಷ್ಟಯಃ॑ || 5.53.6
ತ॒ತೃ॒ದಾ॒ನಾಃ ಸಿಂಧ॑ವಃ॒ ಕ್ಷೋದ॑ಸಾ॒ ರಜಃ॒ ಪ್ರ ಸ॑ಸ್ರುರ್ಧೇ॒ನವೋ᳚ ಯಥಾ |
ಸ್ಯ॒ನ್ನಾ ಅಶ್ವಾ᳚ ಇ॒ವಾಧ್ವ॑ನೋ ವಿ॒ಮೋಚ॑ನೇ॒ ವಿ ಯದ್ವರ್ತ᳚‌ನ್ತ ಏ॒ನ್ಯಃ॑ || 5.53.7
ಆ ಯಾ᳚ತ ಮರುತೋ ದಿ॒ವ ಆ‌ನ್ತರಿ॑ಕ್ಷಾದ॒ಮಾದು॒ತ |
ಮಾವ॑ ಸ್ಥಾತ ಪರಾ॒ವತಃ॑ || 5.53.8
ಮಾ ವೋ᳚ ರ॒ಸಾನಿ॑ತಭಾ॒ ಕುಭಾ॒ ಕ್ರುಮು॒ರ್ಮಾ ವಃ॒ ಸಿಂಧು॒ರ್ನಿ ರೀ᳚ರಮತ್ |
ಮಾ ವಃ॒ ಪರಿ॑ ಷ್ಠಾತ್ಸ॒ರಯುಃ॑ ಪುರೀ॒ಷಿಣ್ಯ॒ಸ್ಮೇ ಇತ್ಸು॒ಮ್ನಮ॑ಸ್ತು ವಃ || 5.53.9
ತಂ ವಃ॒ ಶರ್ಧಂ॒ ರಥಾ᳚ನಾಂ ತ್ವೇ॒ಷಂ ಗ॒ಣಂ ಮಾರು॑ತಂ॒ ನವ್ಯ॑ಸೀನಾ‌ಮ್ |
ಅನು॒ ಪ್ರ ಯ᳚‌ನ್ತಿ ವೃ॒ಷ್ಟಯಃ॑ || 5.53.10
ಶರ್ಧಂ᳚ಶರ್ಧಂ ವ ಏಷಾಂ॒ ವ್ರಾತಂ᳚ವ್ರಾತಂ ಗ॒ಣಂಗ॑ಣಂ ಸುಶ॒ಸ್ತಿಭಿಃ॑ |
ಅನು॑ ಕ್ರಾಮೇಮ ಧೀ॒ತಿಭಿಃ॑ || 5.53.11
ಕಸ್ಮಾ᳚ ಅ॒ದ್ಯ ಸುಜಾ᳚ತಾಯ ರಾ॒ತಹ᳚ವ್ಯಾಯ॒ ಪ್ರ ಯ॑ಯುಃ |
ಏ॒ನಾ ಯಾಮೇ᳚ನ ಮ॒ರುತಃ॑ || 5.53.12
ಯೇನ॑ ತೋ॒ಕಾಯ॒ ತನ॑ಯಾಯ ಧಾ॒ನ್ಯ1॒॑ ಅಂಬೀಜಂ॒ ವಹ॑ಧ್ವೇ॒ ಅಕ್ಷಿ॑ತ‌ಮ್ |
ಅ॒ಸ್ಮಭ್ಯಂ॒ ತದ್ಧ॑ತ್ತನ॒ ಯದ್ವ॒ ಈಮ॑ಹೇ॒ ರಾಧೋ᳚ ವಿ॒ಶ್ವಾಯು॒ ಸೌಭ॑ಗ‌ಮ್ || 5.53.13
ಅತೀ᳚ಯಾಮ ನಿ॒ದಸ್ತಿ॒ರಃ ಸ್ವ॒ಸ್ತಿಭಿ॑ರ್ಹಿ॒ತ್ವಾವ॒ದ್ಯಮರಾ᳚ತೀಃ |
ವೃ॒ಷ್ಟ್ವೀ ಶಂ ಯೋರಾಪ॑ ಉ॒ಸ್ರಿ ಭೇ᳚ಷ॒ಜಂ ಸ್ಯಾಮ॑ ಮರುತಃ ಸ॒ಹ || 5.53.14
ಸು॒ದೇ॒ವಃ ಸ॑ಮಹಾಸತಿ ಸು॒ವೀರೋ᳚ ನರೋ ಮರುತಃ॒ ಸ ಮರ್ತ್ಯಃ॑ |
ಯಂ ತ್ರಾಯ॑ಧ್ವೇ॒ ಸ್ಯಾಮ॒ ತೇ || 5.53.15
ಸ್ತು॒ಹಿ ಭೋ॒ಜಾ‌‌ನ್ತ್ಸ್ತು॑ವ॒ತೋ ಅ॑ಸ್ಯ॒ ಯಾಮ॑ನಿ॒ ರಣ॒ನ್ಗಾವೋ॒ ನ ಯವ॑ಸೇ |
ಯ॒ತಃ ಪೂರ್ವಾಁ᳚ ಇವ॒ ಸಖೀಁ॒ರನು॑ ಹ್ವಯ ಗಿ॒ರಾ ಗೃ॑ಣೀಹಿ ಕಾ॒ಮಿನಃ॑ || 5.53.16

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (113, 15) ಪ್ರಥಮಾದಿತ್ರಯೋದಶೋಂ ಪಂಚದಶ್ಯಾಶ್ಚ ಜಗತೀ, (14) ಚತುರ್ದರ್ಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ಶರ್ಧಾ᳚ಯ॒ ಮಾರು॑ತಾಯ॒ ಸ್ವಭಾ᳚ನವ ಇ॒ಮಾಂ ವಾಚ॑ಮನಜಾ ಪರ್ವತ॒ಚ್ಯುತೇ᳚ |
ಘ॒ರ್ಮ॒ಸ್ತುಭೇ᳚ ದಿ॒ವ ಆ ಪೃ॑ಷ್ಠ॒ಯಜ್ವ॑ನೇ ದ್ಯು॒ಮ್ನಶ್ರ॑ವಸೇ॒ ಮಹಿ॑ ನೃ॒ಮ್ಣಮ॑ರ್ಚತ || 5.54.1
ಪ್ರ ವೋ᳚ ಮರುತಸ್ತವಿ॒ಷಾ ಉ॑ದ॒ನ್ಯವೋ᳚ ವಯೋ॒ವೃಧೋ᳚ ಅಶ್ವ॒ಯುಜಃ॒ ಪರಿ॑ಜ್ರಯಃ |
ಸಂ ವಿ॒ದ್ಯುತಾ॒ ದಧ॑ತಿ॒ ವಾಶ॑ತಿ ತ್ರಿ॒ತಃ ಸ್ವರ॒‌ನ್ತ್ಯಾಪೋ॒ಽವನಾ॒ ಪರಿ॑ಜ್ರಯಃ || 5.54.2
ವಿ॒ದ್ಯುನ್ಮ॑ಹಸೋ॒ ನರೋ॒ ಅಶ್ಮ॑ದಿದ್ಯವೋ॒ ವಾತ॑ತ್ವಿಷೋ ಮ॒ರುತಃ॑ ಪರ್ವತ॒ಚ್ಯುತಃ॑ |
ಅ॒ಬ್ದ॒ಯಾ ಚಿ॒ನ್ಮುಹು॒ರಾ ಹ್ರಾ᳚ದುನೀ॒ವೃತಃ॑ ಸ್ತ॒ನಯ॑ದಮಾ ರಭ॒ಸಾ ಉದೋ᳚ಜಸಃ || 5.54.3
ವ್ಯ1॒॑ಕ್ತೂನ್ರು॑ದ್ರಾ॒ ವ್ಯಹಾ᳚ನಿ ಶಿಕ್ವಸೋ॒ ವ್ಯ1॒᳚‌ನ್ತರಿ॑ಕ್ಷಂ॒ ವಿ ರಜಾಂ᳚ಸಿ ಧೂತಯಃ |
ವಿ ಯದಜ್ರಾಁ॒ ಅಜ॑ಥ॒ ನಾವ॑ ಈಂ ಯಥಾ॒ ವಿ ದು॒ರ್ಗಾಣಿ॑ ಮರುತೋ॒ ನಾಹ॑ ರಿಷ್ಯಥ || 5.54.4
ತದ್ವೀ॒ರ್ಯಂ᳚ ವೋ ಮರುತೋ ಮಹಿತ್ವ॒ನಂ ದೀ॒ರ್ಘಂ ತ॑ತಾನ॒ ಸೂರ್ಯೋ॒ ನ ಯೋಜ॑ನ‌ಮ್ |
ಏತಾ॒ ನ ಯಾಮೇ॒ ಅಗೃ॑ಭೀತಶೋಚಿ॒ಷೋಽನ॑ಶ್ವದಾಂ॒ ಯನ್ನ್ಯಯಾ᳚ತನಾ ಗಿ॒ರಿ‌ಮ್ || 5.54.5
ಅಭ್ರಾ᳚ಜಿ॒ ಶರ್ಧೋ᳚ ಮರುತೋ॒ ಯದ᳚ರ್ಣ॒ಸಂ ಮೋಷ॑ಥಾ ವೃ॒ಕ್ಷಂ ಕ॑ಪ॒ನೇವ॑ ವೇಧಸಃ |
ಅಧ॑ ಸ್ಮಾ ನೋ ಅ॒ರಮ॑ತಿಂ ಸಜೋಷಸ॒ಶ್ಚಕ್ಷು॑ರಿವ॒ ಯ‌ನ್ತ॒ಮನು॑ ನೇಷಥಾ ಸು॒ಗ‌ಮ್ || 5.54.6
ನ ಸ ಜೀ᳚ಯತೇ ಮರುತೋ॒ ನ ಹ᳚ನ್ಯತೇ॒ ನ ಸ್ರೇ᳚ಧತಿ॒ ನ ವ್ಯ॑ಥತೇ॒ ನ ರಿ॑ಷ್ಯತಿ |
ನಾಸ್ಯ॒ ರಾಯ॒ ಉಪ॑ ದಸ್ಯ‌ನ್ತಿ॒ ನೋತಯ॒ ಋಷಿಂ᳚ ವಾ॒ ಯಂ ರಾಜಾ᳚ನಂ ವಾ॒ ಸುಷೂ᳚ದಥ || 5.54.7
ನಿ॒ಯುತ್ವ᳚‌ನ್ತೋ ಗ್ರಾಮ॒ಜಿತೋ॒ ಯಥಾ॒ ನರೋ᳚ಽರ್ಯ॒ಮಣೋ॒ ನ ಮ॒ರುತಃ॑ ಕಬಂ॒ಧಿನಃ॑ |
ಪಿನ್ವ॒‌ನ್ತ್ಯುತ್ಸಂ॒ ಯದಿ॒ನಾಸೋ॒ ಅಸ್ವ॑ರ॒ನ್ವ್ಯುಂ᳚ದ‌ನ್ತಿ ಪೃಥಿ॒ವೀಂ ಮಧ್ವೋ॒ ಅಂಧ॑ಸಾ || 5.54.8
ಪ್ರ॒ವತ್ವ॑ತೀ॒ಯಂ ಪೃ॑ಥಿ॒ವೀ ಮ॒ರುದ್ಭ್ಯಃ॑ ಪ್ರ॒ವತ್ವ॑ತೀ॒ ದ್ಯೌರ್ಭ॑ವತಿ ಪ್ರ॒ಯದ್ಭ್ಯಃ॑ |
ಪ್ರ॒ವತ್ವ॑ತೀಃ ಪ॒ಥ್ಯಾ᳚ ಅ॒‌ನ್ತರಿ॑ಕ್ಷ್ಯಾಃ ಪ್ರ॒ವತ್ವ᳚‌ನ್ತಃ॒ ಪರ್ವ॑ತಾ ಜೀ॒ರದಾ᳚ನವಃ || 5.54.9
ಯನ್ಮ॑ರುತಃ ಸಭರಸಃ ಸ್ವರ್ಣರಃ॒ ಸೂರ್ಯ॒ ಉದಿ॑ತೇ॒ ಮದ॑ಥಾ ದಿವೋ ನರಃ |
ನ ವೋಽಶ್ವಾಃ᳚ ಶ್ರಥಯ॒‌ನ್ತಾಹ॒ ಸಿಸ್ರ॑ತಃ ಸ॒ದ್ಯೋ ಅ॒ಸ್ಯಾಧ್ವ॑ನಃ ಪಾ॒ರಮ॑ಶ್ನುಥ || 5.54.10
ಅಂಸೇ᳚ಷು ವ ಋ॒ಷ್ಟಯಃ॑ ಪ॒ತ್ಸು ಖಾ॒ದಯೋ॒ ವಕ್ಷ॑ಸ್ಸು ರು॒ಕ್ಮಾ ಮ॑ರುತೋ॒ ರಥೇ॒ ಶುಭಃ॑ |
ಅ॒ಗ್ನಿಭ್ರಾ᳚ಜಸೋ ವಿ॒ದ್ಯುತೋ॒ ಗಭ॑ಸ್ತ್ಯೋಃ॒ ಶಿಪ್ರಾಃ᳚ ಶೀ॒ರ್ಷಸು॒ ವಿತ॑ತಾ ಹಿರ॒ಣ್ಯಯೀಃ᳚ || 5.54.11
ತಂ ನಾಕ॑ಮ॒ರ್ಯೋ ಅಗೃ॑ಭೀತಶೋಚಿಷಂ॒ ರುಶ॒ತ್ಪಿಪ್ಪ॑ಲಂ ಮರುತೋ॒ ವಿ ಧೂ᳚ನುಥ |
ಸಮ॑ಚ್ಯ‌ನ್ತ ವೃ॒ಜನಾತಿ॑ತ್ವಿಷ‌ನ್ತ॒ ಯತ್ಸ್ವರ᳚‌ನ್ತಿ॒ ಘೋಷಂ॒ ವಿತ॑ತಮೃತಾ॒ಯವಃ॑ || 5.54.12
ಯು॒ಷ್ಮಾದ॑ತ್ತಸ್ಯ ಮರುತೋ ವಿಚೇತಸೋ ರಾ॒ಯಃ ಸ್ಯಾ᳚ಮ ರ॒ಥ್ಯೋ॒3॒॑ ವಯ॑ಸ್ವತಃ |
ನ ಯೋ ಯುಚ್ಛ॑ತಿ ತಿ॒ಷ್ಯೋ॒3॒॑ ಯಥಾ᳚ ದಿ॒ವೋ॒3॒॑ಽಸ್ಮೇ ರಾ᳚ರ‌ನ್ತ ಮರುತಃ ಸಹ॒ಸ್ರಿಣ‌ಮ್᳚ || 5.54.13
ಯೂ॒ಯಂ ರ॒ಯಿಂ ಮ॑ರುತಃ ಸ್ಪಾ॒ರ್ಹವೀ᳚ರಂ ಯೂ॒ಯಮೃಷಿ॑ಮವಥ॒ ಸಾಮ॑ವಿಪ್ರ‌ಮ್ |
ಯೂ॒ಯಮರ್ವ᳚‌ನ್ತಂ ಭರ॒ತಾಯ॒ ವಾಜಂ᳚ ಯೂ॒ಯಂ ಧ॑ತ್ಥ॒ ರಾಜಾ᳚ನಂ ಶ್ರುಷ್ಟಿ॒ಮ‌ನ್ತ‌ಮ್᳚ || 5.54.14
ತದ್ವೋ᳚ ಯಾಮಿ॒ ದ್ರವಿ॑ಣಂ ಸದ್ಯಊತಯೋ॒ ಯೇನಾ॒ ಸ್ವ1॒᳚ರ್ಣ ತ॒ತನಾ᳚ಮ॒ ನೄಁರ॒ಭಿ |
ಇ॒ದಂ ಸು ಮೇ᳚ ಮರುತೋ ಹರ್ಯತಾ॒ ವಚೋ॒ ಯಸ್ಯ॒ ತರೇ᳚ಮ॒ ತರ॑ಸಾ ಶ॒ತಂ ಹಿಮಾಃ᳚ || 5.54.15

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (1-9) ಪ್ರಥಮಾದಿನವರ್ತಾ ಜಗತೀ, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರಯ॑ಜ್ಯವೋ ಮ॒ರುತೋ॒ ಭ್ರಾಜ॑ದೃಷ್ಟಯೋ ಬೃ॒ಹದ್ವಯೋ᳚ ದಧಿರೇ ರು॒ಕ್ಮವ॑ಕ್ಷಸಃ |
ಈಯ᳚‌ನ್ತೇ॒ ಅಶ್ವೈಃ᳚ ಸು॒ಯಮೇ᳚ಭಿರಾ॒ಶುಭಿಃ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.1
ಸ್ವ॒ಯಂ ದ॑ಧಿಧ್ವೇ॒ ತವಿ॑ಷೀಂ॒ ಯಥಾ᳚ ವಿ॒ದ ಬೃ॒ಹನ್ಮ॑ಹಾ‌ನ್ತ ಉರ್ವಿ॒ಯಾ ವಿ ರಾ᳚ಜಥ |
ಉ॒ತಾ‌ನ್ತರಿ॑ಕ್ಷಂ ಮಮಿರೇ॒ ವ್ಯೋಜ॑ಸಾ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.2
ಸಾ॒ಕಂ ಜಾ॒ತಾಃ ಸು॒ಭ್ವಃ॑ ಸಾ॒ಕಮು॑ಕ್ಷಿ॒ತಾಃ ಶ್ರಿ॒ಯೇ ಚಿ॒ದಾ ಪ್ರ॑ತ॒ರಂ ವಾ᳚ವೃಧು॒ರ್ನರಃ॑ |
ವಿ॒ರೋ॒ಕಿಣಃ॒ ಸೂರ್ಯ॑ಸ್ಯೇವ ರ॒ಶ್ಮಯಃ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.3
ಆ॒ಭೂ॒ಷೇಣ್ಯಂ᳚ ವೋ ಮರುತೋ ಮಹಿತ್ವ॒ನಂ ದಿ॑ದೃ॒ಕ್ಷೇಣ್ಯಂ॒ ಸೂರ್ಯ॑ಸ್ಯೇವ॒ ಚಕ್ಷ॑ಣ‌ಮ್ |
ಉ॒ತೋ ಅ॒ಸ್ಮಾಁ ಅ॑ಮೃತ॒ತ್ವೇ ದ॑ಧಾತನ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.4
ಉದೀ᳚ರಯಥಾ ಮರುತಃ ಸಮುದ್ರ॒ತೋ ಯೂ॒ಯಂ ವೃ॒ಷ್ಟಿಂ ವ॑ರ್ಷಯಥಾ ಪುರೀಷಿಣಃ |
ನ ವೋ᳚ ದಸ್ರಾ॒ ಉಪ॑ ದಸ್ಯ‌ನ್ತಿ ಧೇ॒ನವಃ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.5
ಯದಶ್ವಾಂ᳚ಧೂ॒ರ್ಷು ಪೃಷ॑ತೀ॒ರಯು॑ಗ್ಧ್ವಂ ಹಿರ॒ಣ್ಯಯಾ॒ನ್ಪ್ರತ್ಯತ್ಕಾಁ॒ ಅಮು॑ಗ್ಧ್ವ‌ಮ್ |
ವಿಶ್ವಾ॒ ಇತ್ಸ್ಪೃಧೋ᳚ ಮರುತೋ॒ ವ್ಯ॑ಸ್ಯಥ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.6
ನ ಪರ್ವ॑ತಾ॒ ನ ನ॒ದ್ಯೋ᳚ ವರ‌ನ್ತ ವೋ॒ ಯತ್ರಾಚಿ॑ಧ್ವಂ ಮರುತೋ॒ ಗಚ್ಛ॒ಥೇದು॒ ತತ್ |
ಉ॒ತ ದ್ಯಾವಾ᳚ಪೃಥಿ॒ವೀ ಯಾ᳚ಥನಾ॒ ಪರಿ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.7
ಯತ್ಪೂ॒ರ್ವ್ಯಂ ಮ॑ರುತೋ॒ ಯಚ್ಚ॒ ನೂತ॑ನಂ॒ ಯದು॒ದ್ಯತೇ᳚ ವಸವೋ॒ ಯಚ್ಚ॑ ಶ॒ಸ್ಯತೇ᳚ |
ವಿಶ್ವ॑ಸ್ಯ॒ ತಸ್ಯ॑ ಭವಥಾ॒ ನವೇ᳚ದಸಃ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.8
ಮೃ॒ಳತ॑ ನೋ ಮರುತೋ॒ ಮಾ ವ॑ಧಿಷ್ಟನಾ॒ಸ್ಮಭ್ಯಂ॒ ಶರ್ಮ॑ ಬಹು॒ಲಂ ವಿ ಯ᳚‌ನ್ತನ |
ಅಧಿ॑ ಸ್ತೋ॒ತ್ರಸ್ಯ॑ ಸ॒ಖ್ಯಸ್ಯ॑ ಗಾತನ॒ ಶುಭಂ᳚ ಯಾ॒ತಾಮನು॒ ರಥಾ᳚ ಅವೃತ್ಸತ || 5.55.9
ಯೂ॒ಯಮ॒ಸ್ಮಾನ್ನ॑ಯತ॒ ವಸ್ಯೋ॒ ಅಚ್ಛಾ॒ ನಿರಂ᳚ಹ॒ತಿಭ್ಯೋ᳚ ಮರುತೋ ಗೃಣಾ॒ನಾಃ |
ಜು॒ಷಧ್ವಂ᳚ ನೋ ಹ॒ವ್ಯದಾ᳚ತಿಂ ಯಜತ್ರಾ ವ॒ಯಂ ಸ್ಯಾ᳚ಮ॒ ಪತ॑ಯೋ ರಯೀ॒ಣಾ‌ಮ್ || 5.55.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (1-2, 4-6, 8-9) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿತೃಚಸ್ಯಾಷ್ಟಮೀನವಮ್ಯೋಶ್ಚ ಬೃಹತೀ, (3, 7) ತೃತೀಯಾಸಪ್ತಮ್ಯೋಶ್ಚ ಸತೋಬೃಹತೀ ಛಂದಸೀ

ಅಗ್ನೇ॒ ಶರ್ಧ᳚‌ನ್ತ॒ಮಾ ಗ॒ಣಂ ಪಿ॒ಷ್ಟಂ ರು॒ಕ್ಮೇಭಿ॑ರಂ॒ಜಿಭಿಃ॑ |
ವಿಶೋ᳚ ಅ॒ದ್ಯ ಮ॒ರುತಾ॒ಮವ॑ ಹ್ವಯೇ ದಿ॒ವಶ್ಚಿ॑ದ್ರೋಚ॒ನಾದಧಿ॑ || 5.56.1
ಯಥಾ᳚ ಚಿ॒ನ್ಮನ್ಯ॑ಸೇ ಹೃ॒ದಾ ತದಿನ್ಮೇ᳚ ಜಗ್ಮುರಾ॒ಶಸಃ॑ |
ಯೇ ತೇ॒ ನೇದಿ॑ಷ್ಠಂ॒ ಹವ॑ನಾನ್ಯಾ॒ಗಮ॒‌ನ್ತಾನ್ವ॑ರ್ಧ ಭೀ॒ಮಸಂ᳚ದೃಶಃ || 5.56.2
ಮೀ॒ಳ್ಹುಷ್ಮ॑ತೀವ ಪೃಥಿ॒ವೀ ಪರಾ᳚ಹತಾ॒ ಮದ᳚‌ನ್ತ್ಯೇತ್ಯ॒ಸ್ಮದಾ |
ಋಕ್ಷೋ॒ ನ ವೋ᳚ ಮರುತಃ॒ ಶಿಮೀ᳚ವಾಁ॒ ಅಮೋ᳚ ದು॒ಧ್ರೋ ಗೌರಿ॑ವ ಭೀಮ॒ಯುಃ || 5.56.3
ನಿ ಯೇ ರಿ॒ಣ‌ನ್ತ್ಯೋಜ॑ಸಾ॒ ವೃಥಾ॒ ಗಾವೋ॒ ನ ದು॒ರ್ಧುರಃ॑ |
ಅಶ್ಮಾ᳚ನಂ ಚಿತ್ಸ್ವ॒ರ್ಯ1॒॑ ಅಂಪರ್ವ॑ತಂ ಗಿ॒ರಿಂ ಪ್ರ ಚ್ಯಾ᳚ವಯ‌ನ್ತಿ॒ ಯಾಮ॑ಭಿಃ || 5.56.4
ಉತ್ತಿ॑ಷ್ಠ ನೂ॒ನಮೇ᳚ಷಾಂ॒ ಸ್ತೋಮೈಃ॒ ಸಮು॑ಕ್ಷಿತಾನಾ‌ಮ್ |
ಮ॒ರುತಾಂ᳚ ಪುರು॒ತಮ॒ಮಪೂ᳚ರ್ವ್ಯಂ॒ ಗವಾಂ॒ ಸರ್ಗ॑ಮಿವ ಹ್ವಯೇ || 5.56.5
ಯುಂ॒ಗ್ಧ್ವಂ ಹ್ಯರು॑ಷೀ॒ ರಥೇ᳚ ಯುಂ॒ಗ್ಧ್ವಂ ರಥೇ᳚ಷು ರೋ॒ಹಿತಃ॑ |
ಯುಂ॒ಗ್ಧ್ವಂ ಹರೀ᳚ ಅಜಿ॒ರಾ ಧು॒ರಿ ವೋಳ್ಹ॑ವೇ॒ ವಹಿ॑ಷ್ಠಾ ಧು॒ರಿ ವೋಳ್ಹ॑ವೇ || 5.56.6
ಉ॒ತ ಸ್ಯ ವಾ॒ಜ್ಯ॑ರು॒ಷಸ್ತು॑ವಿ॒ಷ್ವಣಿ॑ರಿ॒ಹ ಸ್ಮ॑ ಧಾಯಿ ದರ್ಶ॒ತಃ |
ಮಾ ವೋ॒ ಯಾಮೇ᳚ಷು ಮರುತಶ್ಚಿ॒ರಂ ಕ॑ರ॒ತ್ಪ್ರ ತಂ ರಥೇ᳚ಷು ಚೋದತ || 5.56.7
ರಥಂ॒ ನು ಮಾರು॑ತಂ ವ॒ಯಂ ಶ್ರ॑ವ॒ಸ್ಯುಮಾ ಹು॑ವಾಮಹೇ |
ಆ ಯಸ್ಮಿ᳚‌ನ್ತ॒ಸ್ಥೌ ಸು॒ರಣಾ᳚ನಿ॒ ಬಿಭ್ರ॑ತೀ॒ ಸಚಾ᳚ ಮ॒ರುತ್ಸು॑ ರೋದ॒ಸೀ || 5.56.8
ತಂ ವಃ॒ ಶರ್ಧಂ᳚ ರಥೇ॒ಶುಭಂ᳚ ತ್ವೇ॒ಷಂ ಪ॑ನ॒ಸ್ಯುಮಾ ಹು॑ವೇ |
ಯಸ್ಮಿ॒‌‌ನ್ತ್ಸುಜಾ᳚ತಾ ಸು॒ಭಗಾ᳚ ಮಹೀ॒ಯತೇ॒ ಸಚಾ᳚ ಮ॒ರುತ್ಸು॑ ಮೀಳ್ಹು॒ಷೀ || 5.56.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (1-6) ಪ್ರಥಮಾದಿಷಡಚಾಂ ಜಗತೀ, (7-8) ಸಪ್ತಮ್ಯಷ್ಟಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಆ ರು॑ದ್ರಾಸ॒ ಇಂದ್ರ॑ವ‌ನ್ತಃ ಸ॒ಜೋಷ॑ಸೋ॒ ಹಿರ᳚ಣ್ಯರಥಾಃ ಸುವಿ॒ತಾಯ॑ ಗ‌ನ್ತನ |
ಇ॒ಯಂ ವೋ᳚ ಅ॒ಸ್ಮತ್ಪ್ರತಿ॑ ಹರ್ಯತೇ ಮ॒ತಿಸ್ತೃ॒ಷ್ಣಜೇ॒ ನ ದಿ॒ವ ಉತ್ಸಾ᳚ ಉದ॒ನ್ಯವೇ᳚ || 5.57.1
ವಾಶೀ᳚ಮ‌ನ್ತ ಋಷ್ಟಿ॒ಮ‌ನ್ತೋ᳚ ಮನೀ॒ಷಿಣಃ॑ ಸು॒ಧನ್ವಾ᳚ನ॒ ಇಷು॑ಮ‌ನ್ತೋ ನಿಷಂ॒ಗಿಣಃ॑ |
ಸ್ವಶ್ವಾಃ᳚ ಸ್ಥ ಸು॒ರಥಾಃ᳚ ಪೃಶ್ನಿಮಾತರಃ ಸ್ವಾಯು॒ಧಾ ಮ॑ರುತೋ ಯಾಥನಾ॒ ಶುಭ‌ಮ್᳚ || 5.57.2
ಧೂ॒ನು॒ಥ ದ್ಯಾಂ ಪರ್ವ॑ತಾಂದಾ॒ಶುಷೇ॒ ವಸು॒ ನಿ ವೋ॒ ವನಾ᳚ ಜಿಹತೇ॒ ಯಾಮ॑ನೋ ಭಿ॒ಯಾ |
ಕೋ॒ಪಯ॑ಥ ಪೃಥಿ॒ವೀಂ ಪೃ॑ಶ್ನಿಮಾತರಃ ಶು॒ಭೇ ಯದು॑ಗ್ರಾಃ॒ ಪೃಷ॑ತೀ॒ರಯು॑ಗ್ಧ್ವ‌ಮ್ || 5.57.3
ವಾತ॑ತ್ವಿಷೋ ಮ॒ರುತೋ᳚ ವ॒ರ್ಷನಿ᳚ರ್ಣಿಜೋ ಯ॒ಮಾ ಇ॑ವ॒ ಸುಸ॑ದೃಶಃ ಸು॒ಪೇಶ॑ಸಃ |
ಪಿ॒ಶಂಗಾ᳚ಶ್ವಾ ಅರು॒ಣಾಶ್ವಾ᳚ ಅರೇ॒ಪಸಃ॒ ಪ್ರತ್ವ॑ಕ್ಷಸೋ ಮಹಿ॒ನಾ ದ್ಯೌರಿ॑ವೋ॒ರವಃ॑ || 5.57.4
ಪು॒ರು॒ದ್ರ॒ಪ್ಸಾ ಅಂ᳚ಜಿ॒ಮ‌ನ್ತಃ॑ ಸು॒ದಾನ॑ವಸ್ತ್ವೇ॒ಷಸಂ᳚ದೃಶೋ ಅನವ॒ಭ್ರರಾ᳚ಧಸಃ |
ಸು॒ಜಾ॒ತಾಸೋ᳚ ಜ॒ನುಷಾ᳚ ರು॒ಕ್ಮವ॑ಕ್ಷಸೋ ದಿ॒ವೋ ಅ॒ರ್ಕಾ ಅ॒ಮೃತಂ॒ ನಾಮ॑ ಭೇಜಿರೇ || 5.57.5
ಋ॒ಷ್ಟಯೋ᳚ ವೋ ಮರುತೋ॒ ಅಂಸ॑ಯೋ॒ರಧಿ॒ ಸಹ॒ ಓಜೋ᳚ ಬಾ॒ಹ್ವೋರ್ವೋ॒ ಬಲಂ᳚ ಹಿ॒ತ‌ಮ್ |
ನೃ॒ಮ್ಣಾ ಶೀ॒ರ್ಷಸ್ವಾಯು॑ಧಾ॒ ರಥೇ᳚ಷು ವೋ॒ ವಿಶ್ವಾ᳚ ವಃ॒ ಶ್ರೀರಧಿ॑ ತ॒ನೂಷು॑ ಪಿಪಿಶೇ || 5.57.6
ಗೋಮ॒ದಶ್ವಾ᳚ವ॒ದ್ರಥ॑ವತ್ಸು॒ವೀರಂ᳚ ಚಂ॒ದ್ರವ॒ದ್ರಾಧೋ᳚ ಮರುತೋ ದದಾ ನಃ |
ಪ್ರಶ॑ಸ್ತಿಂ ನಃ ಕೃಣುತ ರುದ್ರಿಯಾಸೋ ಭಕ್ಷೀ॒ಯ ವೋಽವ॑ಸೋ॒ ದೈವ್ಯ॑ಸ್ಯ || 5.57.7
ಹ॒ಯೇ ನರೋ॒ ಮರು॑ತೋ ಮೃ॒ಳತಾ᳚ ನ॒ಸ್ತುವೀ᳚ಮಘಾಸೋ॒ ಅಮೃ॑ತಾ॒ ಋತ॑ಜ್ಞಾಃ |
ಸತ್ಯ॑ಶ್ರುತಃ॒ ಕವ॑ಯೋ॒ ಯುವಾ᳚ನೋ॒ ಬೃಹ॑ದ್ಗಿರಯೋ ಬೃ॒ಹದು॒ಕ್ಷಮಾ᳚ಣಾಃ || 5.57.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ, ತ್ರಿಷ್ಟುಪ್ ಛಂದಃ

ತಮು॑ ನೂ॒ನಂ ತವಿ॑ಷೀಮ‌ನ್ತಮೇಷಾಂ ಸ್ತು॒ಷೇ ಗ॒ಣಂ ಮಾರು॑ತಂ॒ ನವ್ಯ॑ಸೀನಾ‌ಮ್ |
ಯ ಆ॒ಶ್ವ॑ಶ್ವಾ॒ ಅಮ॑ವ॒ದ್ವಹ᳚‌ನ್ತ ಉ॒ತೇಶಿ॑ರೇ ಅ॒ಮೃತ॑ಸ್ಯ ಸ್ವ॒ರಾಜಃ॑ || 5.58.1
ತ್ವೇ॒ಷಂ ಗ॒ಣಂ ತ॒ವಸಂ॒ ಖಾದಿ॑ಹಸ್ತಂ॒ ಧುನಿ᳚ವ್ರತಂ ಮಾ॒ಯಿನಂ॒ ದಾತಿ॑ವಾರ‌ಮ್ |
ಮ॒ಯೋ॒ಭುವೋ॒ ಯೇ ಅಮಿ॑ತಾ ಮಹಿ॒ತ್ವಾ ವಂದ॑ಸ್ವ ವಿಪ್ರ ತುವಿ॒ರಾಧ॑ಸೋ॒ ನೄನ್ || 5.58.2
ಆ ವೋ᳚ ಯ‌ನ್ತೂದವಾ॒ಹಾಸೋ᳚ ಅ॒ದ್ಯ ವೃ॒ಷ್ಟಿಂ ಯೇ ವಿಶ್ವೇ᳚ ಮ॒ರುತೋ᳚ ಜು॒ನ‌ನ್ತಿ॑ |
ಅ॒ಯಂ ಯೋ ಅ॒ಗ್ನಿರ್ಮ॑ರುತಃ॒ ಸಮಿ॑ದ್ಧ ಏ॒ತಂ ಜು॑ಷಧ್ವಂ ಕವಯೋ ಯುವಾನಃ || 5.58.3
ಯೂ॒ಯಂ ರಾಜಾ᳚ನ॒ಮಿರ್ಯಂ॒ ಜನಾ᳚ಯ ವಿಭ್ವತ॒ಷ್ಟಂ ಜ॑ನಯಥಾ ಯಜತ್ರಾಃ |
ಯು॒ಷ್ಮದೇ᳚ತಿ ಮುಷ್ಟಿ॒ಹಾ ಬಾ॒ಹುಜೂ᳚ತೋ ಯು॒ಷ್ಮತ್ಸದ॑ಶ್ವೋ ಮರುತಃ ಸು॒ವೀರಃ॑ || 5.58.4
ಅ॒ರಾ ಇ॒ವೇದಚ॑ರಮಾ॒ ಅಹೇ᳚ವ॒ ಪ್ರಪ್ರ॑ ಜಾಯ‌ನ್ತೇ॒ ಅಕ॑ವಾ॒ ಮಹೋ᳚ಭಿಃ |
ಪೃಶ್ನೇಃ᳚ ಪು॒ತ್ರಾ ಉ॑ಪ॒ಮಾಸೋ॒ ರಭಿ॑ಷ್ಠಾಃ॒ ಸ್ವಯಾ᳚ ಮ॒ತ್ಯಾ ಮ॒ರುತಃ॒ ಸಂ ಮಿ॑ಮಿಕ್ಷುಃ || 5.58.5
ಯತ್ಪ್ರಾಯಾ᳚ಸಿಷ್ಟ॒ ಪೃಷ॑ತೀಭಿ॒ರಶ್ವೈ᳚ರ್ವೀಳುಪ॒ವಿಭಿ᳚ರ್ಮರುತೋ॒ ರಥೇ᳚ಭಿಃ |
ಕ್ಷೋದ᳚‌ನ್ತ॒ ಆಪೋ᳚ ರಿಣ॒ತೇ ವನಾ॒ನ್ಯವೋ॒ಸ್ರಿಯೋ᳚ ವೃಷ॒ಭಃ ಕ್ರಂ᳚ದತು॒ ದ್ಯೌಃ || 5.58.6
ಪ್ರಥಿ॑ಷ್ಟ॒ ಯಾಮ᳚ನ್ಪೃಥಿ॒ವೀ ಚಿ॑ದೇಷಾಂ॒ ಭರ್ತೇ᳚ವ॒ ಗರ್ಭಂ॒ ಸ್ವಮಿಚ್ಛವೋ᳚ ಧುಃ |
ವಾತಾ॒ನ್ಹ್ಯಶ್ವಾಂ᳚ಧು॒ರ್ಯಾ᳚ಯುಯು॒ಜ್ರೇ ವ॒ರ್ಷಂ ಸ್ವೇದಂ᳚ ಚಕ್ರಿರೇ ರು॒ದ್ರಿಯಾ᳚ಸಃ || 5.58.7
ಹ॒ಯೇ ನರೋ॒ ಮರು॑ತೋ ಮೃ॒ಳತಾ᳚ ನ॒ಸ್ತುವೀ᳚ಮಘಾಸೋ॒ ಅಮೃ॑ತಾ॒ ಋತ॑ಜ್ಞಾಃ |
ಸತ್ಯ॑ಶ್ರುತಃ॒ ಕವ॑ಯೋ॒ ಯುವಾ᳚ನೋ॒ ಬೃಹ॑ದ್ಗಿರಯೋ ಬೃ॒ಹದು॒ಕ್ಷಮಾ᳚ಣಾಃ || 5.58.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋ ದೇವತಾಃ (1-7) ಪ್ರಥಮಾದಿಸಪ್ತರ್ಚಾಂ ಜಗತೀ, (8) ಅಷ್ಟಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ವಃ॒ ಸ್ಪಳ॑ಕ್ರ‌‌ನ್ತ್ಸುವಿ॒ತಾಯ॑ ದಾ॒ವನೇಽರ್ಚಾ᳚ ದಿ॒ವೇ ಪ್ರ ಪೃ॑ಥಿ॒ವ್ಯಾ ಋ॒ತಂ ಭ॑ರೇ |
ಉ॒ಕ್ಷ‌ನ್ತೇ॒ ಅಶ್ವಾ॒‌ನ್ತರು॑ಷ‌ನ್ತ॒ ಆ ರಜೋಽನು॒ ಸ್ವಂ ಭಾ॒ನುಂ ಶ್ರ॑ಥಯ‌ನ್ತೇ ಅರ್ಣ॒ವೈಃ || 5.59.1
ಅಮಾ᳚ದೇಷಾಂ ಭಿ॒ಯಸಾ॒ ಭೂಮಿ॑ರೇಜತಿ॒ ನೌರ್ನ ಪೂ॒ರ್ಣಾ ಕ್ಷ॑ರತಿ॒ ವ್ಯಥಿ᳚ರ್ಯ॒ತೀ |
ದೂ॒ರೇ॒ದೃಶೋ॒ ಯೇ ಚಿ॒ತಯ᳚‌ನ್ತ॒ ಏಮ॑ಭಿರ॒‌ನ್ತರ್ಮ॒ಹೇ ವಿ॒ದಥೇ᳚ ಯೇತಿರೇ॒ ನರಃ॑ || 5.59.2
ಗವಾ᳚ಮಿವ ಶ್ರಿ॒ಯಸೇ॒ ಶೃಂಗ॑ಮುತ್ತ॒ಮಂ ಸೂರ್ಯೋ॒ ನ ಚಕ್ಷೂ॒ ರಜ॑ಸೋ ವಿ॒ಸರ್ಜ॑ನೇ |
ಅತ್ಯಾ᳚ ಇವ ಸು॒ಭ್ವ1॒॑ಶ್ಚಾರ॑ವಃ ಸ್ಥನ॒ ಮರ್ಯಾ᳚ ಇವ ಶ್ರಿ॒ಯಸೇ᳚ ಚೇತಥಾ ನರಃ || 5.59.3
ಕೋ ವೋ᳚ ಮ॒ಹಾ‌ನ್ತಿ॑ ಮಹ॒ತಾಮುದ॑ಶ್ನವ॒ತ್ಕಸ್ಕಾವ್ಯಾ᳚ ಮರುತಃ॒ ಕೋ ಹ॒ ಪೌಂಸ್ಯಾ᳚ |
ಯೂ॒ಯಂ ಹ॒ ಭೂಮಿಂ᳚ ಕಿ॒ರಣಂ॒ ನ ರೇ᳚ಜಥ॒ ಪ್ರ ಯದ್ಭರ॑ಧ್ವೇ ಸುವಿ॒ತಾಯ॑ ದಾ॒ವನೇ᳚ || 5.59.4
ಅಶ್ವಾ᳚ ಇ॒ವೇದ॑ರು॒ಷಾಸಃ॒ ಸಬಂ᳚ಧವಃ॒ ಶೂರಾ᳚ ಇವ ಪ್ರ॒ಯುಧಃ॒ ಪ್ರೋತ ಯು॑ಯುಧುಃ |
ಮರ್ಯಾ᳚ ಇವ ಸು॒ವೃಧೋ᳚ ವಾವೃಧು॒ರ್ನರಃ॒ ಸೂರ್ಯ॑ಸ್ಯ॒ ಚಕ್ಷುಃ॒ ಪ್ರ ಮಿ॑ನ‌ನ್ತಿ ವೃ॒ಷ್ಟಿಭಿಃ॑ || 5.59.5
ತೇ ಅ॑ಜ್ಯೇ॒ಷ್ಠಾ ಅಕ॑ನಿಷ್ಠಾಸ ಉ॒ದ್ಭಿದೋಽಮ॑ಧ್ಯಮಾಸೋ॒ ಮಹ॑ಸಾ॒ ವಿ ವಾ᳚ವೃಧುಃ |
ಸು॒ಜಾ॒ತಾಸೋ᳚ ಜ॒ನುಷಾ॒ ಪೃಶ್ನಿ॑ಮಾತರೋ ದಿ॒ವೋ ಮರ್ಯಾ॒ ಆ ನೋ॒ ಅಚ್ಛಾ᳚ ಜಿಗಾತನ || 5.59.6
ವಯೋ॒ ನ ಯೇ ಶ್ರೇಣೀಃ᳚ ಪ॒ಪ್ತುರೋಜ॒ಸಾ‌ನ್ತಾಂ᳚ದಿ॒ವೋ ಬೃ॑ಹ॒ತಃ ಸಾನು॑ನ॒ಸ್ಪರಿ॑ |
ಅಶ್ವಾ᳚ಸ ಏಷಾಮು॒ಭಯೇ॒ ಯಥಾ᳚ ವಿ॒ದುಃ ಪ್ರ ಪರ್ವ॑ತಸ್ಯ ನಭ॒ನೂಁರ॑ಚುಚ್ಯವುಃ || 5.59.7
ಮಿಮಾ᳚ತು॒ ದ್ಯೌರದಿ॑ತಿರ್ವೀ॒ತಯೇ᳚ ನಃ॒ ಸಂ ದಾನು॑ಚಿತ್ರಾ ಉ॒ಷಸೋ᳚ ಯತ‌ನ್ತಾ‌ಮ್ |
ಆಚು॑ಚ್ಯವುರ್ದಿ॒ವ್ಯಂ ಕೋಶ॑ಮೇ॒ತ ಋಷೇ᳚ ರು॒ದ್ರಸ್ಯ॑ ಮ॒ರುತೋ᳚ ಗೃಣಾ॒ನಾಃ || 5.59.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಮರುತೋಽಗ್ನಾಮರುತೌ ವಾ ದೇವತೇ (1-6) ಪ್ರಥಮಾದಿತೃಚದ್ಯಸ್ಯ ತ್ರಿಷ್ಟುಪ್ , (7-8) ಸಪ್ತಮ್ಯಷ್ಟಮ್ಯೋರೃಚೋಶ್ಚ ಜಗತೀ ಛಂದಸೀ

ಈಳೇ᳚ ಅ॒ಗ್ನಿಂ ಸ್ವವ॑ಸಂ॒ ನಮೋ᳚ಭಿರಿ॒ಹ ಪ್ರ॑ಸ॒ತ್ತೋ ವಿ ಚ॑ಯತ್ಕೃ॒ತಂ ನಃ॑ |
ರಥೈ᳚ರಿವ॒ ಪ್ರ ಭ॑ರೇ ವಾಜ॒ಯದ್ಭಿಃ॑ ಪ್ರದಕ್ಷಿ॒ಣಿನ್ಮ॒ರುತಾಂ॒ ಸ್ತೋಮ॑ಮೃಧ್ಯಾ‌ಮ್ || 5.60.1
ಆ ಯೇ ತ॒ಸ್ಥುಃ ಪೃಷ॑ತೀಷು ಶ್ರು॒ತಾಸು॑ ಸು॒ಖೇಷು॑ ರು॒ದ್ರಾ ಮ॒ರುತೋ॒ ರಥೇ᳚ಷು |
ವನಾ᳚ ಚಿದುಗ್ರಾ ಜಿಹತೇ॒ ನಿ ವೋ᳚ ಭಿ॒ಯಾ ಪೃ॑ಥಿ॒ವೀ ಚಿ॑ದ್ರೇಜತೇ॒ ಪರ್ವ॑ತಶ್ಚಿತ್ || 5.60.2
ಪರ್ವ॑ತಶ್ಚಿ॒ನ್ಮಹಿ॑ ವೃ॒ದ್ಧೋ ಬಿ॑ಭಾಯ ದಿ॒ವಶ್ಚಿ॒ತ್ಸಾನು॑ ರೇಜತ ಸ್ವ॒ನೇ ವಃ॑ |
ಯತ್ಕ್ರೀಳ॑ಥ ಮರುತ ಋಷ್ಟಿ॒ಮ‌ನ್ತ॒ ಆಪ॑ ಇವ ಸ॒ಧ್ರ್ಯಂ᳚ಚೋ ಧವಧ್ವೇ || 5.60.3
ವ॒ರಾ ಇ॒ವೇದ್ರೈ᳚ವ॒ತಾಸೋ॒ ಹಿರ᳚ಣ್ಯೈರ॒ಭಿ ಸ್ವ॒ಧಾಭಿ॑ಸ್ತ॒ನ್ವಃ॑ ಪಿಪಿಶ್ರೇ |
ಶ್ರಿ॒ಯೇ ಶ್ರೇಯಾಂ᳚ಸಸ್ತ॒ವಸೋ॒ ರಥೇ᳚ಷು ಸ॒ತ್ರಾ ಮಹಾಂ᳚ಸಿ ಚಕ್ರಿರೇ ತ॒ನೂಷು॑ || 5.60.4
ಅ॒ಜ್ಯೇ॒ಷ್ಠಾಸೋ॒ ಅಕ॑ನಿಷ್ಠಾಸ ಏ॒ತೇ ಸಂ ಭ್ರಾತ॑ರೋ ವಾವೃಧುಃ॒ ಸೌಭ॑ಗಾಯ |
ಯುವಾ᳚ ಪಿ॒ತಾ ಸ್ವಪಾ᳚ ರು॒ದ್ರ ಏ᳚ಷಾಂ ಸು॒ದುಘಾ॒ ಪೃಶ್ನಿಃ॑ ಸು॒ದಿನಾ᳚ ಮ॒ರುದ್ಭ್ಯಃ॑ || 5.60.5
ಯದು॑ತ್ತ॒ಮೇ ಮ॑ರುತೋ ಮಧ್ಯ॒ಮೇ ವಾ॒ ಯದ್ವಾ᳚ವ॒ಮೇ ಸು॑ಭಗಾಸೋ ದಿ॒ವಿ ಷ್ಠ |
ಅತೋ᳚ ನೋ ರುದ್ರಾ ಉ॒ತ ವಾ॒ ನ್ವ1॒॑ಸ್ಯಾಗ್ನೇ᳚ ವಿ॒ತ್ತಾದ್ಧ॒ವಿಷೋ॒ ಯದ್ಯಜಾ᳚ಮ || 5.60.6
ಅ॒ಗ್ನಿಶ್ಚ॒ ಯನ್ಮ॑ರುತೋ ವಿಶ್ವವೇದಸೋ ದಿ॒ವೋ ವಹ॑ಧ್ವ॒ ಉತ್ತ॑ರಾ॒ದಧಿ॒ ಷ್ಣುಭಿಃ॑ |
ತೇ ಮಂ᳚ದಸಾ॒ನಾ ಧುನ॑ಯೋ ರಿಶಾದಸೋ ವಾ॒ಮಂ ಧ॑ತ್ತ॒ ಯಜ॑ಮಾನಾಯ ಸುನ್ವ॒ತೇ || 5.60.7
ಅಗ್ನೇ᳚ ಮ॒ರುದ್ಭಿಃ॑ ಶು॒ಭಯ॑ದ್ಭಿ॒ರ್‌ಋಕ್ವ॑ಭಿಃ॒ ಸೋಮಂ᳚ ಪಿಬ ಮಂದಸಾ॒ನೋ ಗ॑ಣ॒ಶ್ರಿಭಿಃ॑ |
ಪಾ॒ವ॒ಕೇಭಿ᳚ರ್ವಿಶ್ವಮಿ॒ನ್ವೇಭಿ॑ರಾ॒ಯುಭಿ॒ರ್ವೈಶ್ವಾ᳚ನರ ಪ್ರ॒ದಿವಾ᳚ ಕೇ॒ತುನಾ᳚ ಸ॒ಜೂಃ || 5.60.8

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ (1-4, 11-16) ಪ್ರಥಮಾದಿಚತುರೃಚ ಮೇಇಕಾದಶ್ಯಾದಿಷಣ್ಣಾಂಚ ಮರುತಃ, (5-8) ಪಂಚಮ್ಯಾದಿಚತಸೃಣಾಂ ತರಂತಮಹಿಷೀ ಶಶೀಯಸೀ, (9) ನವಮ್ಯಾ ವೈದದಶ್ಚಿಃ ಪುರುಮೀ ಹಃ, (10) ದಶಮ್ಯಾ ವೈದದಶ್ವಿಸ್ತರಂತಃ, (17-19) ಸತದಶ್ಯಾದಿತೃಚಸ್ಯ ಚ ದಾಓ ರಥವೀತಿದೇವ ತಾಃ (1-4, 6-8, 10-11) ಪ್ರಥಮಾದಿಚರ್ಚಾಂ ಷಷ್ಠ್ಯಾದಿತೃಚಸ್ಯ ದಶಮ್ಯಾದಿದ್ವಾದಶಾನಾಂಚ ಗಾಯತ್ರೀ, (5) ಪಂಚಮ್ಯಾ ಅನುಷ್ಟುಪ್, (9) ನವಮ್ಯಾಶ್ಚ ಸತೋಬೃಹತೀ ಛಂದಾಂಸಿ

ಕೇ ಷ್ಠಾ᳚ ನರಃ॒ ಶ್ರೇಷ್ಠ॑ತಮಾ॒ ಯ ಏಕ॑ಏಕ ಆಯ॒ಯ |
ಪ॒ರ॒ಮಸ್ಯಾಃ᳚ ಪರಾ॒ವತಃ॑ || 5.61.1
ಕ್ವ1॒॑ ವೋಽಶ್ವಾಃ॒ ಕ್ವಾ॒3॒॑ಭೀಶ॑ವಃ ಕ॒ಥಂ ಶೇ᳚ಕ ಕ॒ಥಾ ಯ॑ಯ |
ಪೃ॒ಷ್ಠೇ ಸದೋ᳚ ನ॒ಸೋರ್ಯಮಃ॑ || 5.61.2
ಜ॒ಘನೇ॒ ಚೋದ॑ ಏಷಾಂ॒ ವಿ ಸ॒ಕ್ಥಾನಿ॒ ನರೋ᳚ ಯಮುಃ |
ಪು॒ತ್ರ॒ಕೃ॒ಥೇ ನ ಜನ॑ಯಃ || 5.61.3
ಪರಾ᳚ ವೀರಾಸ ಏತನ॒ ಮರ್ಯಾ᳚ಸೋ॒ ಭದ್ರ॑ಜಾನಯಃ |
ಅ॒ಗ್ನಿ॒ತಪೋ॒ ಯಥಾಸ॑ಥ || 5.61.4
ಸನ॒ತ್ಸಾಶ್ವ್ಯಂ᳚ ಪ॒ಶುಮು॒ತ ಗವ್ಯಂ᳚ ಶ॒ತಾವ॑ಯ‌ಮ್ |
ಶ್ಯಾ॒ವಾಶ್ವ॑ಸ್ತುತಾಯ॒ ಯಾ ದೋರ್ವೀ॒ರಾಯೋ᳚ಪ॒ಬರ್ಬೃ॑ಹತ್ || 5.61.5
ಉ॒ತ ತ್ವಾ॒ ಸ್ತ್ರೀ ಶಶೀ᳚ಯಸೀ ಪುಂ॒ಸೋ ಭ॑ವತಿ॒ ವಸ್ಯ॑ಸೀ |
ಅದೇ᳚ವತ್ರಾದರಾ॒ಧಸಃ॑ || 5.61.6
ವಿ ಯಾ ಜಾ॒ನಾತಿ॒ ಜಸು॑ರಿಂ॒ ವಿ ತೃಷ್ಯ᳚‌ನ್ತಂ॒ ವಿ ಕಾ॒ಮಿನ‌ಮ್᳚ |
ದೇ॒ವ॒ತ್ರಾ ಕೃ॑ಣು॒ತೇ ಮನಃ॑ || 5.61.7
ಉ॒ತ ಘಾ॒ ನೇಮೋ॒ ಅಸ್ತು॑ತಃ॒ ಪುಮಾಁ॒ ಇತಿ॑ ಬ್ರುವೇ ಪ॒ಣಿಃ |
ಸ ವೈರ॑ದೇಯ॒ ಇತ್ಸ॒ಮಃ || 5.61.8
ಉ॒ತ ಮೇ᳚ಽರಪದ್ಯುವ॒ತಿರ್ಮ॑ಮಂ॒ದುಷೀ॒ ಪ್ರತಿ॑ ಶ್ಯಾ॒ವಾಯ॑ ವರ್ತ॒ನಿ‌ಮ್ |
ವಿ ರೋಹಿ॑ತಾ ಪುರುಮೀ॒ಳ್ಹಾಯ॑ ಯೇಮತು॒ರ್ವಿಪ್ರಾ᳚ಯ ದೀ॒ರ್ಘಯ॑ಶಸೇ || 5.61.9
ಯೋ ಮೇ᳚ ಧೇನೂ॒ನಾಂ ಶ॒ತಂ ವೈದ॑ದಶ್ವಿ॒ರ್ಯಥಾ॒ ದದ॑ತ್ |
ತ॒ರ॒‌ನ್ತ ಇ॑ವ ಮಂ॒ಹನಾ᳚ || 5.61.10
ಯ ಈಂ॒ ವಹ᳚‌ನ್ತ ಆ॒ಶುಭಿಃ॒ ಪಿಬ᳚‌ನ್ತೋ ಮದಿ॒ರಂ ಮಧು॑ |
ಅತ್ರ॒ ಶ್ರವಾಂ᳚ಸಿ ದಧಿರೇ || 5.61.11
ಯೇಷಾಂ᳚ ಶ್ರಿ॒ಯಾಧಿ॒ ರೋದ॑ಸೀ ವಿ॒ಭ್ರಾಜ᳚‌ನ್ತೇ॒ ರಥೇ॒ಷ್ವಾ |
ದಿ॒ವಿ ರು॒ಕ್ಮ ಇ॑ವೋ॒ಪರಿ॑ || 5.61.12
ಯುವಾ॒ ಸ ಮಾರು॑ತೋ ಗ॒ಣಸ್ತ್ವೇ॒ಷರ॑ಥೋ॒ ಅನೇ᳚ದ್ಯಃ |
ಶು॒ಭಂ॒ಯಾವಾಪ್ರ॑ತಿಷ್ಕುತಃ || 5.61.13
ಕೋ ವೇ᳚ದ ನೂ॒ನಮೇ᳚ಷಾಂ॒ ಯತ್ರಾ॒ ಮದ᳚‌ನ್ತಿ॒ ಧೂತ॑ಯಃ |
ಋ॒ತಜಾ᳚ತಾ ಅರೇ॒ಪಸಃ॑ || 5.61.14
ಯೂ॒ಯಂ ಮರ್ತಂ᳚ ವಿಪನ್ಯವಃ ಪ್ರಣೇ॒ತಾರ॑ ಇ॒ತ್ಥಾ ಧಿ॒ಯಾ |
ಶ್ರೋತಾ᳚ರೋ॒ ಯಾಮ॑ಹೂತಿಷು || 5.61.15
ತೇ ನೋ॒ ವಸೂ᳚ನಿ॒ ಕಾಮ್ಯಾ᳚ ಪುರುಶ್ಚಂ॒ದ್ರಾ ರಿ॑ಶಾದಸಃ |
ಆ ಯ॑ಜ್ಞಿಯಾಸೋ ವವೃತ್ತನ || 5.61.16
ಏ॒ತಂ ಮೇ॒ ಸ್ತೋಮ॑ಮೂರ್ಮ್ಯೇ ದಾ॒ರ್ಭ್ಯಾಯ॒ ಪರಾ᳚ ವಹ |
ಗಿರೋ᳚ ದೇವಿ ರ॒ಥೀರಿ॑ವ || 5.61.17
ಉ॒ತ ಮೇ᳚ ವೋಚತಾ॒ದಿತಿ॑ ಸು॒ತಸೋ᳚ಮೇ॒ ರಥ॑ವೀತೌ |
ನ ಕಾಮೋ॒ ಅಪ॑ ವೇತಿ ಮೇ || 5.61.18
ಏ॒ಷ ಕ್ಷೇ᳚ತಿ॒ ರಥ॑ವೀತಿರ್ಮ॒ಘವಾ॒ ಗೋಮ॑ತೀ॒ರನು॑ |
ಪರ್ವ॑ತೇ॒ಷ್ವಪ॑ಶ್ರಿತಃ || 5.61.19

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ರುತವಿದೃಷಿಃ, ಮಿತ್ರಾವರುಣೌ ದೇವತೇ, ತ್ರಿಷ್ಟುಪ್ ಛಂದಃ

ಋ॒ತೇನ॑ ಋ॒ತಮಪಿ॑ಹಿತಂ ಧ್ರು॒ವಂ ವಾಂ॒ ಸೂರ್ಯ॑ಸ್ಯ॒ ಯತ್ರ॑ ವಿಮು॒ಚ‌ನ್ತ್ಯಶ್ವಾನ್॑ |
ದಶ॑ ಶ॒ತಾ ಸ॒ಹ ತ॑ಸ್ಥು॒ಸ್ತದೇಕಂ᳚ ದೇ॒ವಾನಾಂ॒ ಶ್ರೇಷ್ಠಂ॒ ವಪು॑ಷಾಮಪಶ್ಯ‌ಮ್ || 5.62.1
ತತ್ಸು ವಾಂ᳚ ಮಿತ್ರಾವರುಣಾ ಮಹಿ॒ತ್ವಮೀ॒ರ್ಮಾ ತ॒ಸ್ಥುಷೀ॒ರಹ॑ಭಿರ್ದುದುಹ್ರೇ |
ವಿಶ್ವಾಃ᳚ ಪಿನ್ವಥಃ॒ ಸ್ವಸ॑ರಸ್ಯ॒ ಧೇನಾ॒ ಅನು॑ ವಾ॒ಮೇಕಃ॑ ಪ॒ವಿರಾ ವ॑ವರ್ತ || 5.62.2
ಅಧಾ᳚ರಯತಂ ಪೃಥಿ॒ವೀಮು॒ತ ದ್ಯಾಂ ಮಿತ್ರ॑ರಾಜಾನಾ ವರುಣಾ॒ ಮಹೋ᳚ಭಿಃ |
ವ॒ರ್ಧಯ॑ತ॒ಮೋಷ॑ಧೀಃ॒ ಪಿನ್ವ॑ತಂ॒ ಗಾ ಅವ॑ ವೃ॒ಷ್ಟಿಂ ಸೃ॑ಜತಂ ಜೀರದಾನೂ || 5.62.3
ಆ ವಾ॒ಮಶ್ವಾ᳚ಸಃ ಸು॒ಯುಜೋ᳚ ವಹ‌ನ್ತು ಯ॒ತರ॑ಶ್ಮಯ॒ ಉಪ॑ ಯ‌ನ್ತ್ವ॒ರ್ವಾಕ್ |
ಘೃ॒ತಸ್ಯ॑ ನಿ॒ರ್ಣಿಗನು॑ ವರ್ತತೇ ವಾ॒ಮುಪ॒ ಸಿಂಧ॑ವಃ ಪ್ರ॒ದಿವಿ॑ ಕ್ಷರ‌ನ್ತಿ || 5.62.4
ಅನು॑ ಶ್ರು॒ತಾಮ॒ಮತಿಂ॒ ವರ್ಧ॑ದು॒ರ್ವೀಂ ಬ॒ರ್ಹಿರಿ॑ವ॒ ಯಜು॑ಷಾ॒ ರಕ್ಷ॑ಮಾಣಾ |
ನಮ॑ಸ್ವ‌ನ್ತಾ ಧೃತದ॒ಕ್ಷಾಧಿ॒ ಗರ್ತೇ॒ ಮಿತ್ರಾಸಾ᳚ಥೇ ವರು॒ಣೇಳಾ᳚ಸ್ವ॒‌ನ್ತಃ || 5.62.5
ಅಕ್ರ॑ವಿಹಸ್ತಾ ಸು॒ಕೃತೇ᳚ ಪರ॒ಸ್ಪಾ ಯಂ ತ್ರಾಸಾ᳚ಥೇ ವರು॒ಣೇಳಾ᳚ಸ್ವ॒‌ನ್ತಃ |
ರಾಜಾ᳚ನಾ ಕ್ಷ॒ತ್ರಮಹೃ॑ಣೀಯಮಾನಾ ಸ॒ಹಸ್ರ॑ಸ್ಥೂಣಂ ಬಿಭೃಥಃ ಸ॒ಹ ದ್ವೌ || 5.62.6
ಹಿರ᳚ಣ್ಯನಿರ್ಣಿ॒ಗಯೋ᳚ ಅಸ್ಯ॒ ಸ್ಥೂಣಾ॒ ವಿ ಭ್ರಾ᳚ಜತೇ ದಿ॒ವ್ಯ1॒॑ಶ್ವಾಜ॑ನೀವ |
ಭ॒ದ್ರೇ ಕ್ಷೇತ್ರೇ॒ ನಿಮಿ॑ತಾ॒ ತಿಲ್ವಿ॑ಲೇ ವಾ ಸ॒ನೇಮ॒ ಮಧ್ವೋ॒ ಅಧಿ॑ಗರ್ತ್ಯಸ್ಯ || 5.62.7
ಹಿರ᳚ಣ್ಯರೂಪಮು॒ಷಸೋ॒ ವ್ಯು॑ಷ್ಟಾ॒ವಯಃ॑ಸ್ಥೂಣ॒ಮುದಿ॑ತಾ॒ ಸೂರ್ಯ॑ಸ್ಯ |
ಆ ರೋ᳚ಹಥೋ ವರುಣ ಮಿತ್ರ॒ ಗರ್ತ॒ಮತ॑ಶ್ಚಕ್ಷಾಥೇ॒ ಅದಿ॑ತಿಂ॒ ದಿತಿಂ᳚ ಚ || 5.62.8
ಯದ್ಬಂಹಿ॑ಷ್ಠಂ॒ ನಾತಿ॒ವಿಧೇ᳚ ಸುದಾನೂ॒ ಅಚ್ಛಿ॑ದ್ರಂ॒ ಶರ್ಮ॑ ಭುವನಸ್ಯ ಗೋಪಾ |
ತೇನ॑ ನೋ ಮಿತ್ರಾವರುಣಾವವಿಷ್ಟಂ॒ ಸಿಷಾ᳚ಸ‌ನ್ತೋ ಜಿಗೀ॒ವಾಂಸಃ॑ ಸ್ಯಾಮ || 5.62.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋಽರ್ಚನಾನಾ ಋಷಿಃ, ಮಿತ್ರಾವರುಣೌ ದೇವತೇ, ಜಗತೀ ಛಂದಃ

ಋತ॑ಸ್ಯ ಗೋಪಾ॒ವಧಿ॑ ತಿಷ್ಠಥೋ॒ ರಥಂ॒ ಸತ್ಯ॑ಧರ್ಮಾಣಾ ಪರ॒ಮೇ ವ್ಯೋ᳚ಮನಿ |
ಯಮತ್ರ॑ ಮಿತ್ರಾವರು॒ಣಾವ॑ಥೋ ಯು॒ವಂ ತಸ್ಮೈ᳚ ವೃ॒ಷ್ಟಿರ್ಮಧು॑ಮತ್ಪಿನ್ವತೇ ದಿ॒ವಃ || 5.63.1
ಸ॒ಮ್ರಾಜಾ᳚ವ॒ಸ್ಯ ಭುವ॑ನಸ್ಯ ರಾಜಥೋ॒ ಮಿತ್ರಾ᳚ವರುಣಾ ವಿ॒ದಥೇ᳚ ಸ್ವ॒ರ್ದೃಶಾ᳚ |
ವೃ॒ಷ್ಟಿಂ ವಾಂ॒ ರಾಧೋ᳚ ಅಮೃತ॒ತ್ವಮೀ᳚ಮಹೇ॒ ದ್ಯಾವಾ᳚ಪೃಥಿ॒ವೀ ವಿ ಚ॑ರ‌ನ್ತಿ ತ॒ನ್ಯವಃ॑ || 5.63.2
ಸ॒ಮ್ರಾಜಾ᳚ ಉ॒ಗ್ರಾ ವೃ॑ಷ॒ಭಾ ದಿ॒ವಸ್ಪತೀ᳚ ಪೃಥಿ॒ವ್ಯಾ ಮಿ॒ತ್ರಾವರು॑ಣಾ॒ ವಿಚ॑ರ್ಷಣೀ |
ಚಿ॒ತ್ರೇಭಿ॑ರ॒ಭ್ರೈರುಪ॑ ತಿಷ್ಠಥೋ॒ ರವಂ॒ ದ್ಯಾಂ ವ॑ರ್ಷಯಥೋ॒ ಅಸು॑ರಸ್ಯ ಮಾ॒ಯಯಾ᳚ || 5.63.3
ಮಾ॒ಯಾ ವಾಂ᳚ ಮಿತ್ರಾವರುಣಾ ದಿ॒ವಿ ಶ್ರಿ॒ತಾ ಸೂರ್ಯೋ॒ ಜ್ಯೋತಿ॑ಶ್ಚರತಿ ಚಿ॒ತ್ರಮಾಯು॑ಧ‌ಮ್ |
ತಮ॒ಭ್ರೇಣ॑ ವೃ॒ಷ್ಟ್ಯಾ ಗೂ᳚ಹಥೋ ದಿ॒ವಿ ಪರ್ಜ᳚ನ್ಯ ದ್ರ॒ಪ್ಸಾ ಮಧು॑ಮ‌ನ್ತ ಈರತೇ || 5.63.4
ರಥಂ᳚ ಯುಂಜತೇ ಮ॒ರುತಃ॑ ಶು॒ಭೇ ಸು॒ಖಂ ಶೂರೋ॒ ನ ಮಿ॑ತ್ರಾವರುಣಾ॒ ಗವಿ॑ಷ್ಟಿಷು |
ರಜಾಂ᳚ಸಿ ಚಿ॒ತ್ರಾ ವಿ ಚ॑ರ‌ನ್ತಿ ತ॒ನ್ಯವೋ᳚ ದಿ॒ವಃ ಸ᳚ಮ್ರಾಜಾ॒ ಪಯ॑ಸಾ ನ ಉಕ್ಷತ‌ಮ್ || 5.63.5
ವಾಚಂ॒ ಸು ಮಿ॑ತ್ರಾವರುಣಾ॒ವಿರಾ᳚ವತೀಂ ಪ॒ರ್ಜನ್ಯ॑ಶ್ಚಿ॒ತ್ರಾಂ ವ॑ದತಿ॒ ತ್ವಿಷೀ᳚ಮತೀ‌ಮ್ |
ಅ॒ಭ್ರಾ ವ॑ಸತ ಮ॒ರುತಃ॒ ಸು ಮಾ॒ಯಯಾ॒ ದ್ಯಾಂ ವ॑ರ್ಷಯತಮರು॒ಣಾಮ॑ರೇ॒ಪಸ‌ಮ್᳚ || 5.63.6
ಧರ್ಮ॑ಣಾ ಮಿತ್ರಾವರುಣಾ ವಿಪಶ್ಚಿತಾ ವ್ರ॒ತಾ ರ॑ಕ್ಷೇಥೇ॒ ಅಸು॑ರಸ್ಯ ಮಾ॒ಯಯಾ᳚ |
ಋ॒ತೇನ॒ ವಿಶ್ವಂ॒ ಭುವ॑ನಂ॒ ವಿ ರಾ᳚ಜಥಃ॒ ಸೂರ್ಯ॒ಮಾ ಧ॑ತ್ಥೋ ದಿ॒ವಿ ಚಿತ್ರ್ಯಂ॒ ರಥ‌ಮ್᳚ || 5.63.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋಽರ್ಚನಾನಾ ಋಷಿಃ, ಮಿತ್ರಾವರುಣೌ ದೇವತೇ (1-6) ಪ್ರಥಮಾದಿಷಡಚಾಮನುಷ್ಟಪ್. , (7) ಸಪ್ತಮ್ಯಾಶ್ಚ ಪಂಕ್ತಿಶ್ಛಂದಸೀ

ವರು॑ಣಂ ವೋ ರಿ॒ಶಾದ॑ಸಮೃ॒ಚಾ ಮಿ॒ತ್ರಂ ಹ॑ವಾಮಹೇ |
ಪರಿ᳚ ವ್ರ॒ಜೇವ॑ ಬಾ॒ಹ್ವೋರ್ಜ॑ಗ॒ನ್ವಾಂಸಾ॒ ಸ್ವ᳚ರ್ಣರ‌ಮ್ || 5.64.1
ತಾ ಬಾ॒ಹವಾ᳚ ಸುಚೇ॒ತುನಾ॒ ಪ್ರ ಯ᳚‌ನ್ತಮಸ್ಮಾ॒ ಅರ್ಚ॑ತೇ |
ಶೇವಂ॒ ಹಿ ಜಾ॒ರ್ಯಂ᳚ ವಾಂ॒ ವಿಶ್ವಾ᳚ಸು॒ ಕ್ಷಾಸು॒ ಜೋಗು॑ವೇ || 5.64.2
ಯನ್ನೂ॒ನಮ॒ಶ್ಯಾಂ ಗತಿಂ᳚ ಮಿ॒ತ್ರಸ್ಯ॑ ಯಾಯಾಂ ಪ॒ಥಾ |
ಅಸ್ಯ॑ ಪ್ರಿ॒ಯಸ್ಯ॒ ಶರ್ಮ॒ಣ್ಯಹಿಂ᳚ಸಾನಸ್ಯ ಸಶ್ಚಿರೇ || 5.64.3
ಯು॒ವಾಭ್ಯಾಂ᳚ ಮಿತ್ರಾವರುಣೋಪ॒ಮಂ ಧೇ᳚ಯಾಮೃ॒ಚಾ |
ಯದ್ಧ॒ ಕ್ಷಯೇ᳚ ಮ॒ಘೋನಾಂ᳚ ಸ್ತೋತೄ॒ಣಾಂ ಚ॑ ಸ್ಪೂ॒ರ್ಧಸೇ᳚ || 5.64.4
ಆ ನೋ᳚ ಮಿತ್ರ ಸುದೀ॒ತಿಭಿ॒ರ್ವರು॑ಣಶ್ಚ ಸ॒ಧಸ್ಥ॒ ಆ |
ಸ್ವೇ ಕ್ಷಯೇ᳚ ಮ॒ಘೋನಾಂ॒ ಸಖೀ᳚ನಾಂ ಚ ವೃ॒ಧಸೇ᳚ || 5.64.5
ಯು॒ವಂ ನೋ॒ ಯೇಷು॑ ವರುಣ ಕ್ಷ॒ತ್ರಂ ಬೃ॒ಹಚ್ಚ॑ ಬಿಭೃ॒ಥಃ |
ಉ॒ರು ಣೋ॒ ವಾಜ॑ಸಾತಯೇ ಕೃ॒ತಂ ರಾ॒ಯೇ ಸ್ವ॒ಸ್ತಯೇ᳚ || 5.64.6
ಉ॒ಚ್ಛ‌ನ್ತ್ಯಾಂ᳚ ಮೇ ಯಜ॒ತಾ ದೇ॒ವಕ್ಷ॑ತ್ರೇ॒ ರುಶ॑ದ್ಗವಿ |
ಸು॒ತಂ ಸೋಮಂ॒ ನ ಹ॒ಸ್ತಿಭಿ॒ರಾ ಪ॒ಡ್ಭಿರ್ಧಾ᳚ವತಂ ನರಾ॒ ಬಿಭ್ರ॑ತಾವರ್ಚ॒ನಾನ॑ಸ‌ಮ್ || 5.64.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ರಾತಹವ್ಯ ಋಷಿಃ, ಮಿತ್ರಾವರುಣೌ ದೇವತೇ (1-5) ಪ್ರಥಮಾದಿಪಂಚರ್ಚಾಮನುಷ್ಟಪ್. , (6) ಷಷ್ಠ್ಯಾಶ್ಚ ಪತಿಶ್ಛಂದಸೀ

ಯಶ್ಚಿ॒ಕೇತ॒ ಸ ಸು॒ಕ್ರತು॑ರ್ದೇವ॒ತ್ರಾ ಸ ಬ್ರ॑ವೀತು ನಃ |
ವರು॑ಣೋ॒ ಯಸ್ಯ॑ ದರ್ಶ॒ತೋ ಮಿ॒ತ್ರೋ ವಾ॒ ವನ॑ತೇ॒ ಗಿರಃ॑ || 5.65.1
ತಾ ಹಿ ಶ್ರೇಷ್ಠ॑ವರ್ಚಸಾ॒ ರಾಜಾ᳚ನಾ ದೀರ್ಘ॒ಶ್ರುತ್ತ॑ಮಾ |
ತಾ ಸತ್ಪ॑ತೀ ಋತಾ॒ವೃಧ॑ ಋ॒ತಾವಾ᳚ನಾ॒ ಜನೇ᳚ಜನೇ || 5.65.2
ತಾ ವಾ᳚ಮಿಯಾ॒ನೋಽವ॑ಸೇ॒ ಪೂರ್ವಾ॒ ಉಪ॑ ಬ್ರುವೇ॒ ಸಚಾ᳚ |
ಸ್ವಶ್ವಾ᳚ಸಃ॒ ಸು ಚೇ॒ತುನಾ॒ ವಾಜಾಁ᳚ ಅ॒ಭಿ ಪ್ರ ದಾ॒ವನೇ᳚ || 5.65.3
ಮಿ॒ತ್ರೋ ಅಂ॒ಹೋಶ್ಚಿ॒ದಾದು॒ರು ಕ್ಷಯಾ᳚ಯ ಗಾ॒ತುಂ ವ॑ನತೇ |
ಮಿ॒ತ್ರಸ್ಯ॒ ಹಿ ಪ್ರ॒ತೂರ್ವ॑ತಃ ಸುಮ॒ತಿರಸ್ತಿ॑ ವಿಧ॒ತಃ || 5.65.4
ವ॒ಯಂ ಮಿ॒ತ್ರಸ್ಯಾವ॑ಸಿ॒ ಸ್ಯಾಮ॑ ಸ॒ಪ್ರಥ॑ಸ್ತಮೇ |
ಅ॒ನೇ॒ಹಸ॒ಸ್ತ್ವೋತ॑ಯಃ ಸ॒ತ್ರಾ ವರು॑ಣಶೇಷಸಃ || 5.65.5
ಯು॒ವಂ ಮಿ॑ತ್ರೇ॒ಮಂ ಜನಂ॒ ಯತ॑ಥಃ॒ ಸಂ ಚ॑ ನಯಥಃ |
ಮಾ ಮ॒ಘೋನಃ॒ ಪರಿ॑ ಖ್ಯತಂ॒ ಮೋ ಅ॒ಸ್ಮಾಕ॒ಮೃಷೀ᳚ಣಾಂ ಗೋಪೀ॒ಥೇ ನ॑ ಉರುಷ್ಯತ‌ಮ್ || 5.65.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ರಾತಹವ್ಯ ಋಷಿಃ, ಮಿತ್ರಾವರುಣೋ ದೇವತೇ. ಅನುಷ್ಟಪ್. ಛಂದಃ

ಆ ಚಿ॑ಕಿತಾನ ಸು॒ಕ್ರತೂ᳚ ದೇ॒ವೌ ಮ॑ರ್ತ ರಿ॒ಶಾದ॑ಸಾ |
ವರು॑ಣಾಯ ಋ॒ತಪೇ᳚ಶಸೇ ದಧೀ॒ತ ಪ್ರಯ॑ಸೇ ಮ॒ಹೇ || 5.66.1
ತಾ ಹಿ ಕ್ಷ॒ತ್ರಮವಿ॑ಹ್ರುತಂ ಸ॒ಮ್ಯಗ॑ಸು॒ರ್ಯ1॒॑ಮಾಶಾ᳚ತೇ |
ಅಧ᳚ ವ್ರ॒ತೇವ॒ ಮಾನು॑ಷಂ॒ ಸ್ವ1॒᳚ರ್ಣ ಧಾ᳚ಯಿ ದರ್ಶ॒ತ‌ಮ್ || 5.66.2
ತಾ ವಾ॒ಮೇಷೇ॒ ರಥಾ᳚ನಾಮು॒ರ್ವೀಂ ಗವ್ಯೂ᳚ತಿಮೇಷಾ‌ಮ್ |
ರಾ॒ತಹ᳚ವ್ಯಸ್ಯ ಸುಷ್ಟು॒ತಿಂ ದ॒ಧೃಕ್ಸ್ತೋಮೈ᳚ರ್ಮನಾಮಹೇ || 5.66.3
ಅಧಾ॒ ಹಿ ಕಾವ್ಯಾ᳚ ಯು॒ವಂ ದಕ್ಷ॑ಸ್ಯ ಪೂ॒ರ್ಭಿರ॑ದ್ಭುತಾ |
ನಿ ಕೇ॒ತುನಾ॒ ಜನಾ᳚ನಾಂ ಚಿ॒ಕೇಥೇ᳚ ಪೂತದಕ್ಷಸಾ || 5.66.4
ತದೃ॒ತಂ ಪೃ॑ಥಿವಿ ಬೃ॒ಹಚ್ಛ್ರ॑ವಏ॒ಷ ಋಷೀ᳚ಣಾ‌ಮ್ |
ಜ್ರ॒ಯ॒ಸಾ॒ನಾವರಂ᳚ ಪೃ॒ಥ್ವತಿ॑ ಕ್ಷರ‌ನ್ತಿ॒ ಯಾಮ॑ಭಿಃ || 5.66.5
ಆ ಯದ್ವಾ᳚ಮೀಯಚಕ್ಷಸಾ॒ ಮಿತ್ರ॑ ವ॒ಯಂ ಚ॑ ಸೂ॒ರಯಃ॑ |
ವ್ಯಚಿ॑ಷ್ಠೇ ಬಹು॒ಪಾಯ್ಯೇ॒ ಯತೇ᳚ಮಹಿ ಸ್ವ॒ರಾಜ್ಯೇ᳚ || 5.66.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಯಜತ ಋಷಿಃ, ಮಿತ್ರಾವರುಣೌ ದೇವತೇ, ಅನುಷ್ಟಪ್. ಛಂದಃ

ಬಳಿ॒ತ್ಥಾ ದೇ᳚ವ ನಿಷ್ಕೃ॒ತಮಾದಿ॑ತ್ಯಾ ಯಜ॒ತಂ ಬೃ॒ಹತ್ |
ವರು॑ಣ॒ ಮಿತ್ರಾರ್ಯ॑ಮ॒ನ್ವರ್ಷಿ॑ಷ್ಠಂ ಕ್ಷ॒ತ್ರಮಾ᳚ಶಾಥೇ || 5.67.1
ಆ ಯದ್ಯೋನಿಂ᳚ ಹಿರ॒ಣ್ಯಯಂ॒ ವರು॑ಣ॒ ಮಿತ್ರ॒ ಸದ॑ಥಃ |
ಧ॒ರ್ತಾರಾ᳚ ಚರ್ಷಣೀ॒ನಾಂ ಯ॒‌ನ್ತಂ ಸು॒ಮ್ನಂ ರಿ॑ಶಾದಸಾ || 5.67.2
ವಿಶ್ವೇ॒ ಹಿ ವಿ॒ಶ್ವವೇ᳚ದಸೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ |
ವ್ರ॒ತಾ ಪ॒ದೇವ॑ ಸಶ್ಚಿರೇ॒ ಪಾ‌ನ್ತಿ॒ ಮರ್ತ್ಯಂ᳚ ರಿ॒ಷಃ || 5.67.3
ತೇ ಹಿ ಸ॒ತ್ಯಾ ಋ॑ತ॒ಸ್ಪೃಶ॑ ಋ॒ತಾವಾ᳚ನೋ॒ ಜನೇ᳚ಜನೇ |
ಸು॒ನೀ॒ಥಾಸಃ॑ ಸು॒ದಾನ॑ವೋಂ॒ಽಹೋಶ್ಚಿ॑ದುರು॒ಚಕ್ರ॑ಯಃ || 5.67.4
ಕೋ ನು ವಾಂ᳚ ಮಿ॒ತ್ರಾಸ್ತು॑ತೋ॒ ವರು॑ಣೋ ವಾ ತ॒ನೂನಾ᳚‌ಮ್ |
ತತ್ಸು ವಾ॒ಮೇಷ॑ತೇ ಮ॒ತಿರತ್ರಿ॑ಭ್ಯ॒ ಏಷ॑ತೇ ಮ॒ತಿಃ || 5.67.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಯಜತ ಋಷಿಃ, ಮಿತ್ರಾವರುಣೋ ದೇವತೇ, 326 ಅಕ್ ವೇದ ಗಾಯತ್ರೀ ಛಂದಃ

ಪ್ರ ವೋ᳚ ಮಿ॒ತ್ರಾಯ॑ ಗಾಯತ॒ ವರು॑ಣಾಯ ವಿ॒ಪಾ ಗಿ॒ರಾ |
ಮಹಿ॑ಕ್ಷತ್ರಾವೃ॒ತಂ ಬೃ॒ಹತ್ || 5.68.1
ಸ॒ಮ್ರಾಜಾ॒ ಯಾ ಘೃ॒ತಯೋ᳚ನೀ ಮಿ॒ತ್ರಶ್ಚೋ॒ಭಾ ವರು॑ಣಶ್ಚ |
ದೇ॒ವಾ ದೇ॒ವೇಷು॑ ಪ್ರಶ॒ಸ್ತಾ || 5.68.2
ತಾ ನಃ॑ ಶಕ್ತಂ॒ ಪಾರ್ಥಿ॑ವಸ್ಯ ಮ॒ಹೋ ರಾ॒ಯೋ ದಿ॒ವ್ಯಸ್ಯ॑ |
ಮಹಿ॑ ವಾಂ ಕ್ಷ॒ತ್ರಂ ದೇ॒ವೇಷು॑ || 5.68.3
ಋ॒ತಮೃ॒ತೇನ॒ ಸಪ᳚‌ನ್ತೇಷಿ॒ರಂ ದಕ್ಷ॑ಮಾಶಾತೇ |
ಅ॒ದ್ರುಹಾ᳚ ದೇ॒ವೌ ವ॑ರ್ಧೇತೇ || 5.68.4
ವೃ॒ಷ್ಟಿದ್ಯಾ᳚ವಾ ರೀ॒ತ್ಯಾ᳚ಪೇ॒ಷಸ್ಪತೀ॒ ದಾನು॑ಮತ್ಯಾಃ |
ಬೃ॒ಹ‌ನ್ತಂ॒ ಗರ್ತ॑ಮಾಶಾತೇ || 5.68.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯ ಉರುಚಕ್ರಿರೃಷಿಃ, ಮಿತ್ರಾವರುಣೌ ದೇವತೇ, ತ್ರಿಷ್ಟುಪ್ ಛಂದಃ

ತ್ರೀ ರೋ᳚ಚ॒ನಾ ವ॑ರುಣ॒ ತ್ರೀಁರು॒ತ ದ್ಯೂ‌ನ್ತ್ರೀಣಿ॑ ಮಿತ್ರ ಧಾರಯಥೋ॒ ರಜಾಂ᳚ಸಿ |
ವಾ॒ವೃ॒ಧಾ॒ನಾವ॒ಮತಿಂ᳚ ಕ್ಷ॒ತ್ರಿಯ॒ಸ್ಯಾನು᳚ ವ್ರ॒ತಂ ರಕ್ಷ॑ಮಾಣಾವಜು॒ರ್ಯ‌ಮ್ || 5.69.1
ಇರಾ᳚ವತೀರ್ವರುಣ ಧೇ॒ನವೋ᳚ ವಾಂ॒ ಮಧು॑ಮದ್ವಾಂ॒ ಸಿಂಧ॑ವೋ ಮಿತ್ರ ದುಹ್ರೇ |
ತ್ರಯ॑ಸ್ತಸ್ಥುರ್ವೃಷ॒ಭಾಸ॑ಸ್ತಿಸೃ॒ಣಾಂ ಧಿ॒ಷಣಾ᳚ನಾಂ ರೇತೋ॒ಧಾ ವಿ ದ್ಯು॒ಮ‌ನ್ತಃ॑ || 5.69.2
ಪ್ರಾ॒ತರ್ದೇ॒ವೀಮದಿ॑ತಿಂ ಜೋಹವೀಮಿ ಮ॒ಧ್ಯಂದಿ॑ನ॒ ಉದಿ॑ತಾ॒ ಸೂರ್ಯ॑ಸ್ಯ |
ರಾ॒ಯೇ ಮಿ॑ತ್ರಾವರುಣಾ ಸ॒ರ್ವತಾ॒ತೇಳೇ᳚ ತೋ॒ಕಾಯ॒ ತನ॑ಯಾಯ॒ ಶಂ ಯೋಃ || 5.69.3
ಯಾ ಧ॒ರ್ತಾರಾ॒ ರಜ॑ಸೋ ರೋಚ॒ನಸ್ಯೋ॒ತಾದಿ॒ತ್ಯಾ ದಿ॒ವ್ಯಾ ಪಾರ್ಥಿ॑ವಸ್ಯ |
ನ ವಾಂ᳚ ದೇ॒ವಾ ಅ॒ಮೃತಾ॒ ಆ ಮಿ॑ನ‌ನ್ತಿ ವ್ರ॒ತಾನಿ॑ ಮಿತ್ರಾವರುಣಾ ಧ್ರು॒ವಾಣಿ॑ || 5.69.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯ ಉರುಚಕ್ರಿರೃಷಿಃ, ಮಿತ್ರಾವರುಣೌ ದೇವತೇ, ಗಾಯತ್ರೀ ಛಂದಃ

ಪು॒ರೂ॒ರುಣಾ᳚ ಚಿ॒ದ್ಧ್ಯಸ್ತ್ಯವೋ᳚ ನೂ॒ನಂ ವಾಂ᳚ ವರುಣ |
ಮಿತ್ರ॒ ವಂಸಿ॑ ವಾಂ ಸುಮ॒ತಿ‌ಮ್ || 5.70.1
ತಾ ವಾಂ᳚ ಸ॒ಮ್ಯಗ॑ದ್ರುಹ್ವಾ॒ಣೇಷ॑ಮಶ್ಯಾಮ॒ ಧಾಯ॑ಸೇ |
ವ॒ಯಂ ತೇ ರು॑ದ್ರಾ ಸ್ಯಾಮ || 5.70.2
ಪಾ॒ತಂ ನೋ᳚ ರುದ್ರಾ ಪಾ॒ಯುಭಿ॑ರು॒ತ ತ್ರಾ᳚ಯೇಥಾಂ ಸುತ್ರಾ॒ತ್ರಾ |
ತು॒ರ್ಯಾಮ॒ ದಸ್ಯೂ᳚‌ನ್ತ॒ನೂಭಿಃ॑ || 5.70.3
ಮಾ ಕಸ್ಯಾ᳚ದ್ಭುತಕ್ರತೂ ಯ॒ಕ್ಷಂ ಭು॑ಜೇಮಾ ತ॒ನೂಭಿಃ॑ |
ಮಾ ಶೇಷ॑ಸಾ॒ ಮಾ ತನ॑ಸಾ || 5.70.4

(1-3) ತೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಬಾಹುವೃಕ್ತ ಋಷಿಃ, ಮಿತ್ರಾವರುಣೋ ದೇವತೇ, ಗಾಯತ್ರೀ ಛಂದಃ

ಆ ನೋ᳚ ಗ‌ನ್ತಂ ರಿಶಾದಸಾ॒ ವರು॑ಣ॒ ಮಿತ್ರ॑ ಬ॒ರ್ಹಣಾ᳚ |
ಉಪೇ॒ಮಂ ಚಾರು॑ಮಧ್ವ॒ರ‌ಮ್ || 5.71.1
ವಿಶ್ವ॑ಸ್ಯ॒ ಹಿ ಪ್ರ॑ಚೇತಸಾ॒ ವರು॑ಣ॒ ಮಿತ್ರ॒ ರಾಜ॑ಥಃ |
ಈ॒ಶಾ॒ನಾ ಪಿ॑ಪ್ಯತಂ॒ ಧಿಯಃ॑ || 5.71.2
ಉಪ॑ ನಃ ಸು॒ತಮಾ ಗ॑ತಂ॒ ವರು॑ಣ॒ ಮಿತ್ರ॑ ದಾ॒ಶುಷಃ॑ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 5.71.3

(1-3) ತೃಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಬಾಹುವೃಕ್ತ ಋಷಿಃ, ಮಿತ್ರಾವರುಣೌ ದೇವತೇ, ಉಷ್ಣಿಕ್ ಛಂದಃ

ಆ ಮಿ॒ತ್ರೇ ವರು॑ಣೇ ವ॒ಯಂ ಗೀ॒ರ್ಭಿರ್ಜು॑ಹುಮೋ ಅತ್ರಿ॒ವತ್ |
ನಿ ಬ॒ರ್ಹಿಷಿ॑ ಸದತಂ॒ ಸೋಮ॑ಪೀತಯೇ || 5.72.1
ವ್ರ॒ತೇನ॑ ಸ್ಥೋ ಧ್ರು॒ವಕ್ಷೇ᳚ಮಾ॒ ಧರ್ಮ॑ಣಾ ಯಾತ॒ಯಜ್ಜ॑ನಾ |
ನಿ ಬ॒ರ್ಹಿಷಿ॑ ಸದತಂ॒ ಸೋಮ॑ಪೀತಯೇ || 5.72.2
ಮಿ॒ತ್ರಶ್ಚ॑ ನೋ॒ ವರು॑ಣಶ್ಚ ಜು॒ಷೇತಾಂ᳚ ಯ॒ಜ್ಞಮಿ॒ಷ್ಟಯೇ᳚ |
ನಿ ಬ॒ರ್ಹಿಷಿ॑ ಸದತಾಂ॒ ಸೋಮ॑ಪೀತಯೇ || 5.72.3

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪೌರ ಋಷಿಃ, ಅಶ್ವಿನೌ ದೇವತೇ, ಅನುಷ್ಟಪ್ ಛಂದ

ಯದ॒ದ್ಯ ಸ್ಥಃ ಪ॑ರಾ॒ವತಿ॒ ಯದ᳚ರ್ವಾ॒ವತ್ಯ॑ಶ್ವಿನಾ |
ಯದ್ವಾ᳚ ಪು॒ರೂ ಪು॑ರುಭುಜಾ॒ ಯದ॒‌ನ್ತರಿ॑ಕ್ಷ॒ ಆ ಗ॑ತ‌ಮ್ || 5.73.1
ಇ॒ಹ ತ್ಯಾ ಪು॑ರು॒ಭೂತ॑ಮಾ ಪು॒ರೂ ದಂಸಾಂ᳚ಸಿ॒ ಬಿಭ್ರ॑ತಾ |
ವ॒ರ॒ಸ್ಯಾ ಯಾ॒ಮ್ಯಧ್ರಿ॑ಗೂ ಹು॒ವೇ ತು॒ವಿಷ್ಟ॑ಮಾ ಭು॒ಜೇ || 5.73.2
ಈ॒ರ್ಮಾನ್ಯದ್ವಪು॑ಷೇ॒ ವಪು॑ಶ್ಚ॒ಕ್ರಂ ರಥ॑ಸ್ಯ ಯೇಮಥುಃ |
ಪರ್ಯ॒ನ್ಯಾ ನಾಹು॑ಷಾ ಯು॒ಗಾ ಮ॒ಹ್ನಾ ರಜಾಂ᳚ಸಿ ದೀಯಥಃ || 5.73.3
ತದೂ॒ ಷು ವಾ᳚ಮೇ॒ನಾ ಕೃ॒ತಂ ವಿಶ್ವಾ॒ ಯದ್ವಾ॒ಮನು॒ ಷ್ಟವೇ᳚ |
ನಾನಾ᳚ ಜಾ॒ತಾವ॑ರೇ॒ಪಸಾ॒ ಸಮ॒ಸ್ಮೇ ಬಂಧು॒ಮೇಯ॑ಥುಃ || 5.73.4
ಆ ಯದ್ವಾಂ᳚ ಸೂ॒ರ್ಯಾ ರಥಂ॒ ತಿಷ್ಠ॑ದ್ರಘು॒ಷ್ಯದಂ॒ ಸದಾ᳚ |
ಪರಿ॑ ವಾಮರು॒ಷಾ ವಯೋ᳚ ಘೃ॒ಣಾ ವ॑ರ‌ನ್ತ ಆ॒ತಪಃ॑ || 5.73.5
ಯು॒ವೋರತ್ರಿ॑ಶ್ಚಿಕೇತತಿ॒ ನರಾ᳚ ಸು॒ಮ್ನೇನ॒ ಚೇತ॑ಸಾ |
ಘ॒ರ್ಮಂ ಯದ್ವಾ᳚ಮರೇ॒ಪಸಂ॒ ನಾಸ॑ತ್ಯಾ॒ಸ್ನಾ ಭು॑ರ॒ಣ್ಯತಿ॑ || 5.73.6
ಉ॒ಗ್ರೋ ವಾಂ᳚ ಕಕು॒ಹೋ ಯ॒ಯಿಃ ಶೃ॒ಣ್ವೇ ಯಾಮೇ᳚ಷು ಸಂತ॒ನಿಃ |
ಯದ್ವಾಂ॒ ದಂಸೋ᳚ಭಿರಶ್ವಿ॒ನಾತ್ರಿ᳚ರ್ನರಾವ॒ವರ್ತ॑ತಿ || 5.73.7
ಮಧ್ವ॑ ಊ॒ ಷು ಮ॑ಧೂಯುವಾ॒ ರುದ್ರಾ॒ ಸಿಷ॑ಕ್ತಿ ಪಿ॒ಪ್ಯುಷೀ᳚ |
ಯತ್ಸ॑ಮು॒ದ್ರಾತಿ॒ ಪರ್ಷ॑ಥಃ ಪ॒ಕ್ವಾಃ ಪೃಕ್ಷೋ᳚ ಭರ‌ನ್ತ ವಾ‌ಮ್ || 5.73.8
ಸ॒ತ್ಯಮಿದ್ವಾ ಉ॑ ಅಶ್ವಿನಾ ಯು॒ವಾಮಾ᳚ಹುರ್ಮಯೋ॒ಭುವಾ᳚ |
ತಾ ಯಾಮ᳚ನ್ಯಾಮ॒ಹೂತ॑ಮಾ॒ ಯಾಮ॒ನ್ನಾ ಮೃ॑ಳ॒ಯತ್ತ॑ಮಾ || 5.73.9
ಇ॒ಮಾ ಬ್ರಹ್ಮಾ᳚ಣಿ॒ ವರ್ಧ॑ನಾ॒ಶ್ವಿಭ್ಯಾಂ᳚ ಸ‌ನ್ತು॒ ಶಂತ॑ಮಾ |
ಯಾ ತಕ್ಷಾ᳚ಮ॒ ರಥಾಁ᳚ ಇ॒ವಾವೋ᳚ಚಾಮ ಬೃ॒ಹನ್ನಮಃ॑ || 5.73.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಪೌರ ಋಷಿಃ, ಅಶ್ವಿನೌ ದೇವತೇ, ಅನುಷ್ಟಪ್, ಛಂದಃ

ಕೂಷ್ಠೋ᳚ ದೇವಾವಶ್ವಿನಾ॒ದ್ಯಾ ದಿ॒ವೋ ಮ॑ನಾವಸೂ |
ತಚ್ಛ್ರ॑ವಥೋ ವೃಷಣ್ವಸೂ॒ ಅತ್ರಿ᳚ರ್ವಾ॒ಮಾ ವಿ॑ವಾಸತಿ || 5.74.1
ಕುಹ॒ ತ್ಯಾ ಕುಹ॒ ನು ಶ್ರು॒ತಾ ದಿ॒ವಿ ದೇ॒ವಾ ನಾಸ॑ತ್ಯಾ |
ಕಸ್ಮಿ॒ನ್ನಾ ಯ॑ತಥೋ॒ ಜನೇ॒ ಕೋ ವಾಂ᳚ ನ॒ದೀನಾಂ॒ ಸಚಾ᳚ || 5.74.2
ಕಂ ಯಾ᳚ಥಃ॒ ಕಂ ಹ॑ ಗಚ್ಛಥಃ॒ ಕಮಚ್ಛಾ᳚ ಯುಂಜಾಥೇ॒ ರಥ‌ಮ್᳚ |
ಕಸ್ಯ॒ ಬ್ರಹ್ಮಾ᳚ಣಿ ರಣ್ಯಥೋ ವ॒ಯಂ ವಾ᳚ಮುಶ್ಮಸೀ॒ಷ್ಟಯೇ᳚ || 5.74.3
ಪೌ॒ರಂ ಚಿ॒ದ್ಧ್ಯು॑ದ॒ಪ್ರುತಂ॒ ಪೌರ॑ ಪೌ॒ರಾಯ॒ ಜಿನ್ವ॑ಥಃ |
ಯದೀಂ᳚ ಗೃಭೀ॒ತತಾ᳚ತಯೇ ಸಿಂ॒ಹಮಿ॑ವ ದ್ರು॒ಹಸ್ಪ॒ದೇ || 5.74.4
ಪ್ರ ಚ್ಯವಾ᳚ನಾಜ್ಜುಜು॒ರುಷೋ᳚ ವ॒ವ್ರಿಮತ್ಕಂ॒ ನ ಮುಂ᳚ಚಥಃ |
ಯುವಾ॒ ಯದೀ᳚ ಕೃ॒ಥಃ ಪುನ॒ರಾ ಕಾಮ॑ಮೃಣ್ವೇ ವ॒ಧ್ವಃ॑ || 5.74.5
ಅಸ್ತಿ॒ ಹಿ ವಾ᳚ಮಿ॒ಹ ಸ್ತೋ॒ತಾ ಸ್ಮಸಿ॑ ವಾಂ ಸಂ॒ದೃಶಿ॑ ಶ್ರಿ॒ಯೇ |
ನೂ ಶ್ರು॒ತಂ ಮ॒ ಆ ಗ॑ತ॒ಮವೋ᳚ಭಿರ್ವಾಜಿನೀವಸೂ || 5.74.6
ಕೋ ವಾ᳚ಮ॒ದ್ಯ ಪು॑ರೂ॒ಣಾಮಾ ವ᳚ವ್ನೇ॒ ಮರ್ತ್ಯಾ᳚ನಾ‌ಮ್ |
ಕೋ ವಿಪ್ರೋ᳚ ವಿಪ್ರವಾಹಸಾ॒ ಕೋ ಯ॒ಜ್ಞೈರ್ವಾ᳚ಜಿನೀವಸೂ || 5.74.7
ಆ ವಾಂ॒ ರಥೋ॒ ರಥಾ᳚ನಾಂ॒ ಯೇಷ್ಠೋ᳚ ಯಾತ್ವಶ್ವಿನಾ |
ಪು॒ರೂ ಚಿ॑ದಸ್ಮ॒ಯುಸ್ತಿ॒ರ ಆಂ᳚ಗೂ॒ಷೋ ಮರ್ತ್ಯೇ॒ಷ್ವಾ || 5.74.8
ಶಮೂ॒ ಷು ವಾಂ᳚ ಮಧೂಯುವಾ॒ಸ್ಮಾಕ॑ಮಸ್ತು ಚರ್ಕೃ॒ತಿಃ |
ಅ॒ರ್ವಾ॒ಚೀ॒ನಾ ವಿ॑ಚೇತಸಾ॒ ವಿಭಿಃ॑ ಶ್ಯೇ॒ನೇವ॑ ದೀಯತ‌ಮ್ || 5.74.9
ಅಶ್ವಿ॑ನಾ॒ ಯದ್ಧ॒ ಕರ್ಹಿ॑ ಚಿಚ್ಛುಶ್ರೂ॒ಯಾತ॑ಮಿ॒ಮಂ ಹವ‌ಮ್᳚ |
ವಸ್ವೀ᳚ರೂ॒ ಷು ವಾಂ॒ ಭುಜಃ॑ ಪೃಂ॒ಚ‌ನ್ತಿ॒ ಸು ವಾಂ॒ ಪೃಚಃ॑ || 5.74.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋಽವಸ್ಯುಋಷಿಃ, ಅಶ್ವಿನೌ ದೇವತೇ, ಪತಿಶ್ಛಂದಃ

ಪ್ರತಿ॑ ಪ್ರಿ॒ಯತ॑ಮಂ॒ ರಥಂ॒ ವೃಷ॑ಣಂ ವಸು॒ವಾಹ॑ನ‌ಮ್ |
ಸ್ತೋ॒ತಾ ವಾ᳚ಮಶ್ವಿನಾ॒ವೃಷಿಃ॒ ಸ್ತೋಮೇ᳚ನ॒ ಪ್ರತಿ॑ ಭೂಷತಿ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.1
ಅ॒ತ್ಯಾಯಾ᳚ತಮಶ್ವಿನಾ ತಿ॒ರೋ ವಿಶ್ವಾ᳚ ಅ॒ಹಂ ಸನಾ᳚ |
ದಸ್ರಾ॒ ಹಿರ᳚ಣ್ಯವರ್ತನೀ॒ ಸುಷು᳚ಮ್ನಾ॒ ಸಿಂಧು॑ವಾಹಸಾ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.2
ಆ ನೋ॒ ರತ್ನಾ᳚ನಿ॒ ಬಿಭ್ರ॑ತಾ॒ವಶ್ವಿ॑ನಾ॒ ಗಚ್ಛ॑ತಂ ಯು॒ವ‌ಮ್ |
ರುದ್ರಾ॒ ಹಿರ᳚ಣ್ಯವರ್ತನೀ ಜುಷಾ॒ಣಾ ವಾ᳚ಜಿನೀವಸೂ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.3
ಸು॒ಷ್ಟುಭೋ᳚ ವಾಂ ವೃಷಣ್ವಸೂ॒ ರಥೇ॒ ವಾಣೀ॒ಚ್ಯಾಹಿ॑ತಾ |
ಉ॒ತ ವಾಂ᳚ ಕಕು॒ಹೋ ಮೃ॒ಗಃ ಪೃಕ್ಷಃ॑ ಕೃಣೋತಿ ವಾಪು॒ಷೋ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.4
ಬೋ॒ಧಿನ್ಮ॑ನಸಾ ರ॒ಥ್ಯೇ᳚ಷಿ॒ರಾ ಹ॑ವನ॒ಶ್ರುತಾ᳚ |
ವಿಭಿ॒ಶ್ಚ್ಯವಾ᳚ನಮಶ್ವಿನಾ॒ ನಿ ಯಾ᳚ಥೋ॒ ಅದ್ವ॑ಯಾವಿನಂ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.5
ಆ ವಾಂ᳚ ನರಾ ಮನೋ॒ಯುಜೋಽಶ್ವಾ᳚ಸಃ ಪ್ರುಷಿ॒ತಪ್ಸ॑ವಃ |
ವಯೋ᳚ ವಹ‌ನ್ತು ಪೀ॒ತಯೇ᳚ ಸ॒ಹ ಸು॒ಮ್ನೇಭಿ॑ರಶ್ವಿನಾ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.6
ಅಶ್ವಿ॑ನಾ॒ವೇಹ ಗ॑ಚ್ಛತಂ॒ ನಾಸ॑ತ್ಯಾ॒ ಮಾ ವಿ ವೇ᳚ನತ‌ಮ್ |
ತಿ॒ರಶ್ಚಿ॑ದರ್ಯ॒ಯಾ ಪರಿ॑ ವ॒ರ್ತಿರ್ಯಾ᳚ತಮದಾಭ್ಯಾ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.7
ಅ॒ಸ್ಮಿನ್ಯ॒ಜ್ಞೇ ಅ॑ದಾಭ್ಯಾ ಜರಿ॒ತಾರಂ᳚ ಶುಭಸ್ಪತೀ |
ಅ॒ವ॒ಸ್ಯುಮ॑ಶ್ವಿನಾ ಯು॒ವಂ ಗೃ॒ಣ‌ನ್ತ॒ಮುಪ॑ ಭೂಷಥೋ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.8
ಅಭೂ᳚ದು॒ಷಾ ರುಶ॑ತ್ಪಶು॒ರಾಗ್ನಿರ॑ಧಾಯ್ಯೃ॒ತ್ವಿಯಃ॑ |
ಅಯೋ᳚ಜಿ ವಾಂ ವೃಷಣ್ವಸೂ॒ ರಥೋ᳚ ದಸ್ರಾ॒ವಮ॑ರ್ತ್ಯೋ॒ ಮಾಧ್ವೀ॒ ಮಮ॑ ಶ್ರುತಂ॒ ಹವ‌ಮ್᳚ || 5.75.9

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿರೃಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಆ ಭಾ᳚ತ್ಯ॒ಗ್ನಿರು॒ಷಸಾ॒ಮನೀ᳚ಕ॒ಮುದ್ವಿಪ್ರಾ᳚ಣಾಂ ದೇವ॒ಯಾ ವಾಚೋ᳚ ಅಸ್ಥುಃ |
ಅ॒ರ್ವಾಂಚಾ᳚ ನೂ॒ನಂ ರ॑ಥ್ಯೇ॒ಹ ಯಾ᳚ತಂ ಪೀಪಿ॒ವಾಂಸ॑ಮಶ್ವಿನಾ ಘ॒ರ್ಮಮಚ್ಛ॑ || 5.76.1
ನ ಸಂ᳚ಸ್ಕೃ॒ತಂ ಪ್ರ ಮಿ॑ಮೀತೋ॒ ಗಮಿ॒ಷ್ಠಾ‌ನ್ತಿ॑ ನೂ॒ನಮ॒ಶ್ವಿನೋಪ॑ಸ್ತುತೇ॒ಹ |
ದಿವಾ᳚ಭಿಪಿ॒ತ್ವೇಽವ॒ಸಾಗ॑ಮಿಷ್ಠಾ॒ ಪ್ರತ್ಯವ॑ರ್ತಿಂ ದಾ॒ಶುಷೇ॒ ಶಂಭ॑ವಿಷ್ಠಾ || 5.76.2
ಉ॒ತಾ ಯಾ᳚ತಂ ಸಂಗ॒ವೇ ಪ್ರಾ॒ತರಹ್ನೋ᳚ ಮ॒ಧ್ಯಂದಿ॑ನ॒ ಉದಿ॑ತಾ॒ ಸೂರ್ಯ॑ಸ್ಯ |
ದಿವಾ॒ ನಕ್ತ॒ಮವ॑ಸಾ॒ ಶಂತ॑ಮೇನ॒ ನೇದಾನೀಂ᳚ ಪೀ॒ತಿರ॒ಶ್ವಿನಾ ತ॑ತಾನ || 5.76.3
ಇ॒ದಂ ಹಿ ವಾಂ᳚ ಪ್ರ॒ದಿವಿ॒ ಸ್ಥಾನ॒ಮೋಕ॑ ಇ॒ಮೇ ಗೃ॒ಹಾ ಅ॑ಶ್ವಿನೇ॒ದಂ ದು॑ರೋ॒ಣ‌ಮ್ |
ಆ ನೋ᳚ ದಿ॒ವೋ ಬೃ॑ಹ॒ತಃ ಪರ್ವ॑ತಾ॒ದಾದ್ಭ್ಯೋ ಯಾ᳚ತ॒ಮಿಷ॒ಮೂರ್ಜಂ॒ ವಹ᳚‌ನ್ತಾ || 5.76.4
ಸಮ॒ಶ್ವಿನೋ॒ರವ॑ಸಾ॒ ನೂತ॑ನೇನ ಮಯೋ॒ಭುವಾ᳚ ಸು॒ಪ್ರಣೀ᳚ತೀ ಗಮೇಮ |
ಆ ನೋ᳚ ರ॒ಯಿಂ ವ॑ಹತ॒ಮೋತ ವೀ॒ರಾನಾ ವಿಶ್ವಾ᳚ನ್ಯಮೃತಾ॒ ಸೌಭ॑ಗಾನಿ || 5.76.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿರೃಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಪ್ರಾ॒ತ॒ರ್ಯಾವಾ᳚ಣಾ ಪ್ರಥ॒ಮಾ ಯ॑ಜಧ್ವಂ ಪು॒ರಾ ಗೃಧ್ರಾ॒ದರ॑ರುಷಃ ಪಿಬಾತಃ |
ಪ್ರಾ॒ತರ್ಹಿ ಯ॒ಜ್ಞಮ॒ಶ್ವಿನಾ᳚ ದ॒ಧಾತೇ॒ ಪ್ರ ಶಂ᳚ಸ‌ನ್ತಿ ಕ॒ವಯಃ॑ ಪೂರ್ವ॒ಭಾಜಃ॑ || 5.77.1
ಪ್ರಾ॒ತರ್ಯ॑ಜಧ್ವಮ॒ಶ್ವಿನಾ᳚ ಹಿನೋತ॒ ನ ಸಾ॒ಯಮ॑ಸ್ತಿ ದೇವ॒ಯಾ ಅಜು॑ಷ್ಟ‌ಮ್ |
ಉ॒ತಾನ್ಯೋ ಅ॒ಸ್ಮದ್ಯ॑ಜತೇ॒ ವಿ ಚಾವಃ॒ ಪೂರ್ವಃ॑ಪೂರ್ವೋ॒ ಯಜ॑ಮಾನೋ॒ ವನೀ᳚ಯಾನ್ || 5.77.2
ಹಿರ᳚ಣ್ಯತ್ವ॒ಙ್ಮಧು॑ವರ್ಣೋ ಘೃ॒ತಸ್ನುಃ॒ ಪೃಕ್ಷೋ॒ ವಹ॒ನ್ನಾ ರಥೋ᳚ ವರ್ತತೇ ವಾ‌ಮ್ |
ಮನೋ᳚ಜವಾ ಅಶ್ವಿನಾ॒ ವಾತ॑ರಂಹಾ॒ ಯೇನಾ᳚ತಿಯಾ॒ಥೋ ದು॑ರಿ॒ತಾನಿ॒ ವಿಶ್ವಾ᳚ || 5.77.3
ಯೋ ಭೂಯಿ॑ಷ್ಠಂ॒ ನಾಸ॑ತ್ಯಾಭ್ಯಾಂ ವಿ॒ವೇಷ॒ ಚನಿ॑ಷ್ಠಂ ಪಿ॒ತ್ವೋ ರರ॑ತೇ ವಿಭಾ॒ಗೇ |
ಸ ತೋ॒ಕಮ॑ಸ್ಯ ಪೀಪರ॒ಚ್ಛಮೀ᳚ಭಿ॒ರನೂ᳚ರ್ಧ್ವಭಾಸಃ॒ ಸದ॒ಮಿತ್ತು॑ತುರ್ಯಾತ್ || 5.77.4
ಸಮ॒ಶ್ವಿನೋ॒ರವ॑ಸಾ॒ ನೂತ॑ನೇನ ಮಯೋ॒ಭುವಾ᳚ ಸು॒ಪ್ರಣೀ᳚ತೀ ಗಮೇಮ |
ಆ ನೋ᳚ ರ॒ಯಿಂ ವ॑ಹತ॒ಮೋತ ವೀ॒ರಾನಾ ವಿಶ್ವಾ᳚ನ್ಯಮೃತಾ॒ ಸೌಭ॑ಗಾನಿ || 5.77.5

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸಪ್ತವಧ್ರಿಋಷಿಃ, ಅಶ್ವಿನೌ ದೇವತೇ (1-3) ಪ್ರಥಮಾದಿತೃಚಸ್ಯೋಷ್ಣಿಕ್, (4) ಚತುರ್ಥ್ಯಾ ಚಸ್ತ್ರಿಷ್ಟುಪ್ , (5-9) ಪಂಚಮ್ಯಾದಿಪಂಚಾನಾಂಚಾನುಷ್ಟಪ ಛಂದಾಂಸಿ

ಅಶ್ವಿ॑ನಾ॒ವೇಹ ಗ॑ಚ್ಛತಂ॒ ನಾಸ॑ತ್ಯಾ॒ ಮಾ ವಿ ವೇ᳚ನತ‌ಮ್ |
ಹಂ॒ಸಾವಿ॑ವ ಪತತ॒ಮಾ ಸು॒ತಾಁ ಉಪ॑ || 5.78.1
ಅಶ್ವಿ॑ನಾ ಹರಿ॒ಣಾವಿ॑ವ ಗೌ॒ರಾವಿ॒ವಾನು॒ ಯವ॑ಸ‌ಮ್ |
ಹಂ॒ಸಾವಿ॑ವ ಪತತ॒ಮಾ ಸು॒ತಾಁ ಉಪ॑ || 5.78.2
ಅಶ್ವಿ॑ನಾ ವಾಜಿನೀವಸೂ ಜು॒ಷೇಥಾಂ᳚ ಯ॒ಜ್ಞಮಿ॒ಷ್ಟಯೇ᳚ |
ಹಂ॒ಸಾವಿ॑ವ ಪತತ॒ಮಾ ಸು॒ತಾಁ ಉಪ॑ || 5.78.3
ಅತ್ರಿ॒ರ್ಯದ್ವಾ᳚ಮವ॒ರೋಹ᳚ನ್ನೃ॒ಬೀಸ॒ಮಜೋ᳚ಹವೀ॒ನ್ನಾಧ॑ಮಾನೇವ॒ ಯೋಷಾ᳚ |
ಶ್ಯೇ॒ನಸ್ಯ॑ ಚಿ॒ಜ್ಜವ॑ಸಾ॒ ನೂತ॑ನೇ॒ನಾಗ॑ಚ್ಛತಮಶ್ವಿನಾ॒ ಶಂತ॑ಮೇನ || 5.78.4
ವಿ ಜಿ॑ಹೀಷ್ವ ವನಸ್ಪತೇ॒ ಯೋನಿಃ॒ ಸೂಷ್ಯ᳚‌ನ್ತ್ಯಾ ಇವ |
ಶ್ರು॒ತಂ ಮೇ᳚ ಅಶ್ವಿನಾ॒ ಹವಂ᳚ ಸ॒ಪ್ತವ॑ಧ್ರಿಂ ಚ ಮುಂಚತ‌ಮ್ || 5.78.5
ಭೀ॒ತಾಯ॒ ನಾಧ॑ಮಾನಾಯ॒ ಋಷ॑ಯೇ ಸ॒ಪ್ತವ॑ಧ್ರಯೇ |
ಮಾ॒ಯಾಭಿ॑ರಶ್ವಿನಾ ಯು॒ವಂ ವೃ॒ಕ್ಷಂ ಸಂ ಚ॒ ವಿ ಚಾ᳚ಚಥಃ || 5.78.6
ಯಥಾ॒ ವಾತಃ॑ ಪುಷ್ಕ॒ರಿಣೀಂ᳚ ಸಮಿಂ॒ಗಯ॑ತಿ ಸ॒ರ್ವತಃ॑ |
ಏ॒ವಾ ತೇ॒ ಗರ್ಭ॑ ಏಜತು ನಿ॒ರೈತು॒ ದಶ॑ಮಾಸ್ಯಃ || 5.78.7
ಯಥಾ॒ ವಾತೋ॒ ಯಥಾ॒ ವನಂ॒ ಯಥಾ᳚ ಸಮು॒ದ್ರ ಏಜ॑ತಿ |
ಏ॒ವಾ ತ್ವಂ ದ॑ಶಮಾಸ್ಯ ಸ॒ಹಾವೇ᳚ಹಿ ಜ॒ರಾಯು॑ಣಾ || 5.78.8
ದಶ॒ ಮಾಸಾಂ᳚ಛಶಯಾ॒ನಃ ಕು॑ಮಾ॒ರೋ ಅಧಿ॑ ಮಾ॒ತರಿ॑ |
ನಿ॒ರೈತು॑ ಜೀ॒ವೋ ಅಕ್ಷ॑ತೋ ಜೀ॒ವೋ ಜೀವ᳚‌ನ್ತ್ಯಾ॒ ಅಧಿ॑ || 5.78.9

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸತ್ಯಶ್ರವಾ ಋಷಿಃ, ಉಷಾ ದೇವತಾ. ಪಂಕ್ತಿಶ್ಛಂದಃ

ಮ॒ಹೇ ನೋ᳚ ಅ॒ದ್ಯ ಬೋ᳚ಧ॒ಯೋಷೋ᳚ ರಾ॒ಯೇ ದಿ॒ವಿತ್ಮ॑ತೀ |
ಯಥಾ᳚ ಚಿನ್ನೋ॒ ಅಬೋ᳚ಧಯಃ ಸ॒ತ್ಯಶ್ರ॑ವಸಿ ವಾ॒ಯ್ಯೇ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.1
ಯಾ ಸು॑ನೀ॒ಥೇ ಶೌ᳚ಚದ್ರ॒ಥೇ ವ್ಯೌಚ್ಛೋ᳚ ದುಹಿತರ್ದಿವಃ |
ಸಾ ವ್ಯು॑ಚ್ಛ॒ ಸಹೀ᳚ಯಸಿ ಸ॒ತ್ಯಶ್ರ॑ವಸಿ ವಾ॒ಯ್ಯೇ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.2
ಸಾ ನೋ᳚ ಅ॒ದ್ಯಾಭ॒ರದ್ವ॑ಸು॒ರ್ವ್ಯು॑ಚ್ಛಾ ದುಹಿತರ್ದಿವಃ |
ಯೋ ವ್ಯೌಚ್ಛಃ॒ ಸಹೀ᳚ಯಸಿ ಸ॒ತ್ಯಶ್ರ॑ವಸಿ ವಾ॒ಯ್ಯೇ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.3
ಅ॒ಭಿ ಯೇ ತ್ವಾ᳚ ವಿಭಾವರಿ॒ ಸ್ತೋಮೈ᳚ರ್ಗೃ॒ಣ‌ನ್ತಿ॒ ವಹ್ನ॑ಯಃ |
ಮ॒ಘೈರ್ಮ॑ಘೋನಿ ಸು॒ಶ್ರಿಯೋ॒ ದಾಮ᳚ನ್ವ‌ನ್ತಃ ಸುರಾ॒ತಯಃ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.4
ಯಚ್ಚಿ॒ದ್ಧಿ ತೇ᳚ ಗ॒ಣಾ ಇ॒ಮೇ ಛ॒ದಯ᳚‌ನ್ತಿ ಮ॒ಘತ್ತ॑ಯೇ |
ಪರಿ॑ ಚಿ॒ದ್ವಷ್ಟ॑ಯೋ ದಧು॒ರ್ದದ॑ತೋ॒ ರಾಧೋ॒ ಅಹ್ರ॑ಯಂ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.5
ಐಷು॑ ಧಾ ವೀ॒ರವ॒ದ್ಯಶ॒ ಉಷೋ᳚ ಮಘೋನಿ ಸೂ॒ರಿಷು॑ |
ಯೇ ನೋ॒ ರಾಧಾಂ॒ಸ್ಯಹ್ರ॑ಯಾ ಮ॒ಘವಾ᳚ನೋ॒ ಅರಾ᳚ಸತ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.6
ತೇಭ್ಯೋ᳚ ದ್ಯು॒ಮ್ನಂ ಬೃ॒ಹದ್ಯಶ॒ ಉಷೋ᳚ ಮಘೋ॒ನ್ಯಾ ವ॑ಹ |
ಯೇ ನೋ॒ ರಾಧಾಂ॒ಸ್ಯಶ್ವ್ಯಾ᳚ ಗ॒ವ್ಯಾ ಭಜ᳚‌ನ್ತ ಸೂ॒ರಯಃ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.7
ಉ॒ತ ನೋ॒ ಗೋಮ॑ತೀ॒ರಿಷ॒ ಆ ವ॑ಹಾ ದುಹಿತರ್ದಿವಃ |
ಸಾ॒ಕಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ ಶು॒ಕ್ರೈಃ ಶೋಚ॑ದ್ಭಿರ॒ರ್ಚಿಭಿಃ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.8
ವ್ಯು॑ಚ್ಛಾ ದುಹಿತರ್ದಿವೋ॒ ಮಾ ಚಿ॒ರಂ ತ॑ನುಥಾ॒ ಅಪಃ॑ |
ನೇತ್ತ್ವಾ᳚ ಸ್ತೇ॒ನಂ ಯಥಾ᳚ ರಿ॒ಪುಂ ತಪಾ᳚ತಿ॒ ಸೂರೋ᳚ ಅ॒ರ್ಚಿಷಾ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.9
ಏ॒ತಾವ॒ದ್ವೇದು॑ಷ॒ಸ್ತ್ವಂ ಭೂಯೋ᳚ ವಾ॒ ದಾತು॑ಮರ್ಹಸಿ |
ಯಾ ಸ್ತೋ॒ತೃಭ್ಯೋ᳚ ವಿಭಾವರ್ಯು॒ಚ್ಛ‌ನ್ತೀ॒ ನ ಪ್ರ॒ಮೀಯ॑ಸೇ॒ ಸುಜಾ᳚ತೇ॒ ಅಶ್ವ॑ಸೂನೃತೇ || 5.79.10

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಸತ್ಯಶ್ರವಾ ಋಷಿಃ, ಉಷಾ ದೇವತಾ, ತ್ರಿಷ್ಟುಪ್ ಛಂದಃ

ದ್ಯು॒ತದ್ಯಾ᳚ಮಾನಂ ಬೃಹ॒ತೀಮೃ॒ತೇನ॑ ಋ॒ತಾವ॑ರೀಮರು॒ಣಪ್ಸುಂ᳚ ವಿಭಾ॒ತೀ‌ಮ್ |
ದೇ॒ವೀಮು॒ಷಸಂ॒ ಸ್ವ॑ರಾ॒ವಹ᳚‌ನ್ತೀಂ॒ ಪ್ರತಿ॒ ವಿಪ್ರಾ᳚ಸೋ ಮ॒ತಿಭಿ॑ರ್ಜರ‌ನ್ತೇ || 5.80.1
ಏ॒ಷಾ ಜನಂ᳚ ದರ್ಶ॒ತಾ ಬೋ॒ಧಯ᳚‌ನ್ತೀ ಸು॒ಗಾನ್ಪ॒ಥಃ ಕೃ᳚ಣ್ವ॒ತೀ ಯಾ॒ತ್ಯಗ್ರೇ᳚ |
ಬೃ॒ಹ॒ದ್ರ॒ಥಾ ಬೃ॑ಹ॒ತೀ ವಿ॑ಶ್ವಮಿ॒ನ್ವೋಷಾ ಜ್ಯೋತಿ᳚ರ್ಯಚ್ಛ॒ತ್ಯಗ್ರೇ॒ ಅಹ್ನಾ᳚‌ಮ್ || 5.80.2
ಏ॒ಷಾ ಗೋಭಿ॑ರರು॒ಣೇಭಿ᳚ರ್ಯುಜಾ॒ನಾಸ್ರೇ᳚ಧ‌ನ್ತೀ ರ॒ಯಿಮಪ್ರಾ᳚ಯು ಚಕ್ರೇ |
ಪ॒ಥೋ ರದ᳚‌ನ್ತೀ ಸುವಿ॒ತಾಯ॑ ದೇ॒ವೀ ಪು॑ರುಷ್ಟು॒ತಾ ವಿ॒ಶ್ವವಾ᳚ರಾ॒ ವಿ ಭಾ᳚ತಿ || 5.80.3
ಏ॒ಷಾ ವ್ಯೇ᳚ನೀ ಭವತಿ ದ್ವಿ॒ಬರ್ಹಾ᳚ ಆವಿಷ್ಕೃಣ್ವಾ॒ನಾ ತ॒ನ್ವಂ᳚ ಪು॒ರಸ್ತಾ᳚ತ್ |
ಋ॒ತಸ್ಯ॒ ಪ‌ನ್ಥಾ॒ಮನ್ವೇ᳚ತಿ ಸಾ॒ಧು ಪ್ರ॑ಜಾನ॒ತೀವ॒ ನ ದಿಶೋ᳚ ಮಿನಾತಿ || 5.80.4
ಏ॒ಷಾ ಶು॒ಭ್ರಾ ನ ತ॒ನ್ವೋ᳚ ವಿದಾ॒ನೋರ್ಧ್ವೇವ॑ ಸ್ನಾ॒ತೀ ದೃ॒ಶಯೇ᳚ ನೋ ಅಸ್ಥಾತ್ |
ಅಪ॒ ದ್ವೇಷೋ॒ ಬಾಧ॑ಮಾನಾ॒ ತಮಾಂ᳚ಸ್ಯು॒ಷಾ ದಿ॒ವೋ ದು॑ಹಿ॒ತಾ ಜ್ಯೋತಿ॒ಷಾಗಾ᳚ತ್ || 5.80.5
ಏ॒ಷಾ ಪ್ರ॑ತೀ॒ಚೀ ದು॑ಹಿ॒ತಾ ದಿ॒ವೋ ನೄನ್ಯೋಷೇ᳚ವ ಭ॒ದ್ರಾ ನಿ ರಿ॑ಣೀತೇ॒ ಅಪ್ಸಃ॑ |
ವ್ಯೂ॒ರ್ಣ್ವ॒ತೀ ದಾ॒ಶುಷೇ॒ ವಾರ್ಯಾ᳚ಣಿ॒ ಪುನ॒ರ್ಜ್ಯೋತಿ᳚ರ್ಯುವ॒ತಿಃ ಪೂ॒ರ್ವಥಾ᳚ಕಃ || 5.80.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಸವಿತಾ ದೇವತಾ, ಜಗತೀ ಛಂದಃ

ಯುಂ॒ಜತೇ॒ ಮನ॑ ಉ॒ತ ಯುಂ᳚ಜತೇ॒ ಧಿಯೋ॒ ವಿಪ್ರಾ॒ ವಿಪ್ರ॑ಸ್ಯ ಬೃಹ॒ತೋ ವಿ॑ಪ॒ಶ್ಚಿತಃ॑ |
ವಿ ಹೋತ್ರಾ᳚ ದಧೇ ವಯುನಾ॒ವಿದೇಕ॒ ಇನ್ಮ॒ಹೀ ದೇ॒ವಸ್ಯ॑ ಸವಿ॒ತುಃ ಪರಿ॑ಷ್ಟುತಿಃ || 5.81.1
ವಿಶ್ವಾ᳚ ರೂ॒ಪಾಣಿ॒ ಪ್ರತಿ॑ ಮುಂಚತೇ ಕ॒ವಿಃ ಪ್ರಾಸಾ᳚ವೀದ್ಭ॒ದ್ರಂ ದ್ವಿ॒ಪದೇ॒ ಚತು॑ಷ್ಪದೇ |
ವಿ ನಾಕ॑ಮಖ್ಯತ್ಸವಿ॒ತಾ ವರೇ॒ಣ್ಯೋಽನು॑ ಪ್ರ॒ಯಾಣ॑ಮು॒ಷಸೋ॒ ವಿ ರಾ᳚ಜತಿ || 5.81.2
ಯಸ್ಯ॑ ಪ್ರ॒ಯಾಣ॒ಮನ್ವ॒ನ್ಯ ಇದ್ಯ॒ಯುರ್ದೇ॒ವಾ ದೇ॒ವಸ್ಯ॑ ಮಹಿ॒ಮಾನ॒ಮೋಜ॑ಸಾ |
ಯಃ ಪಾರ್ಥಿ॑ವಾನಿ ವಿಮ॒ಮೇ ಸ ಏತ॑ಶೋ॒ ರಜಾಂ᳚ಸಿ ದೇ॒ವಃ ಸ॑ವಿ॒ತಾ ಮ॑ಹಿತ್ವ॒ನಾ || 5.81.3
ಉ॒ತ ಯಾ᳚ಸಿ ಸವಿತ॒ಸ್ತ್ರೀಣಿ॑ ರೋಚ॒ನೋತ ಸೂರ್ಯ॑ಸ್ಯ ರ॒ಶ್ಮಿಭಿಃ॒ ಸಮು॑ಚ್ಯಸಿ |
ಉ॒ತ ರಾತ್ರೀ᳚ಮುಭ॒ಯತಃ॒ ಪರೀ᳚ಯಸ ಉ॒ತ ಮಿ॒ತ್ರೋ ಭ॑ವಸಿ ದೇವ॒ ಧರ್ಮ॑ಭಿಃ || 5.81.4
ಉ॒ತೇಶಿ॑ಷೇ ಪ್ರಸ॒ವಸ್ಯ॒ ತ್ವಮೇಕ॒ ಇದು॒ತ ಪೂ॒ಷಾ ಭ॑ವಸಿ ದೇವ॒ ಯಾಮ॑ಭಿಃ |
ಉ॒ತೇದಂ ವಿಶ್ವಂ॒ ಭುವ॑ನಂ॒ ವಿ ರಾ᳚ಜಸಿ ಶ್ಯಾ॒ವಾಶ್ವ॑ಸ್ತೇ ಸವಿತಃ॒ ಸ್ತೋಮ॑ಮಾನಶೇ || 5.81.5

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಸವಿತಾ ದೇವತಾ (1) ಪ್ರಥಮರ್ಚೋಽನುಷ್ಟಪ್. , (2-9) ದ್ವಿತೀಯಾದ್ಯಷ್ಟಾನಾಂಚ ಗಾಯತ್ರೀ ಛಂದಸೀ

ತತ್ಸ॑ವಿ॒ತುರ್ವೃ॑ಣೀಮಹೇ ವ॒ಯಂ ದೇ॒ವಸ್ಯ॒ ಭೋಜ॑ನ‌ಮ್ |
ಶ್ರೇಷ್ಠಂ᳚ ಸರ್ವ॒ಧಾತ॑ಮಂ॒ ತುರಂ॒ ಭಗ॑ಸ್ಯ ಧೀಮಹಿ || 5.82.1
ಅಸ್ಯ॒ ಹಿ ಸ್ವಯ॑ಶಸ್ತರಂ ಸವಿ॒ತುಃ ಕಚ್ಚ॒ನ ಪ್ರಿ॒ಯ‌ಮ್ |
ನ ಮಿ॒ನ‌ನ್ತಿ॑ ಸ್ವ॒ರಾಜ್ಯ‌ಮ್᳚ || 5.82.2
ಸ ಹಿ ರತ್ನಾ᳚ನಿ ದಾ॒ಶುಷೇ᳚ ಸು॒ವಾತಿ॑ ಸವಿ॒ತಾ ಭಗಃ॑ |
ತಂ ಭಾ॒ಗಂ ಚಿ॒ತ್ರಮೀ᳚ಮಹೇ || 5.82.3
ಅ॒ದ್ಯಾ ನೋ᳚ ದೇವ ಸವಿತಃ ಪ್ರ॒ಜಾವ॑ತ್ಸಾವೀಃ॒ ಸೌಭ॑ಗ‌ಮ್ |
ಪರಾ᳚ ದು॒ಷ್ಷ್ವಪ್ನ್ಯಂ᳚ ಸುವ || 5.82.4
ವಿಶ್ವಾ᳚ನಿ ದೇವ ಸವಿತರ್ದುರಿ॒ತಾನಿ॒ ಪರಾ᳚ ಸುವ |
ಯದ್ಭ॒ದ್ರಂ ತನ್ನ॒ ಆ ಸು॑ವ || 5.82.5
ಅನಾ᳚ಗಸೋ॒ ಅದಿ॑ತಯೇ ದೇ॒ವಸ್ಯ॑ ಸವಿ॒ತುಃ ಸ॒ವೇ |
ವಿಶ್ವಾ᳚ ವಾ॒ಮಾನಿ॑ ಧೀಮಹಿ || 5.82.6
ಆ ವಿ॒ಶ್ವದೇ᳚ವಂ॒ ಸತ್ಪ॑ತಿಂ ಸೂ॒ಕ್ತೈರ॒ದ್ಯಾ ವೃ॑ಣೀಮಹೇ |
ಸ॒ತ್ಯಸ॑ವಂ ಸವಿ॒ತಾರ‌ಮ್᳚ || 5.82.7
ಯ ಇ॒ಮೇ ಉ॒ಭೇ ಅಹ॑ನೀ ಪು॒ರ ಏತ್ಯಪ್ರ॑ಯುಚ್ಛನ್ |
ಸ್ವಾ॒ಧೀರ್ದೇ॒ವಃ ಸ॑ವಿ॒ತಾ || 5.82.8
ಯ ಇ॒ಮಾ ವಿಶ್ವಾ᳚ ಜಾ॒ತಾನ್ಯಾ᳚ಶ್ರಾ॒ವಯ॑ತಿ॒ ಶ್ಲೋಕೇ᳚ನ |
ಪ್ರ ಚ॑ ಸು॒ವಾತಿ॑ ಸವಿ॒ತಾ || 5.82.9

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ, ಪರ್ಜನ್ಯೋ ದೇವತಾ, (1, 5-8, 10) ಪ್ರಥಮರ್ಚಃ ಪಂಚಮ್ಯಾದಿಚತಸೃಣಾಂ ದಶಮ್ಯಾಶ್ಚ ತ್ರಿಷ್ಟುಪ್ , (2-4) ದ್ವಿತೀಯಾದಿತೃಚಸ್ಯ ಜಗತೀ (9) ನವಮ್ಯಾಶ್ಚಾನುಷ್ಟಪ್ ಛಂದಾಂಸಿ

ಅಚ್ಛಾ᳚ ವದ ತ॒ವಸಂ᳚ ಗೀ॒ರ್ಭಿರಾ॒ಭಿಃ ಸ್ತು॒ಹಿ ಪ॒ರ್ಜನ್ಯಂ॒ ನಮ॒ಸಾ ವಿ॑ವಾಸ |
ಕನಿ॑ಕ್ರದದ್ವೃಷ॒ಭೋ ಜೀ॒ರದಾ᳚ನೂ॒ ರೇತೋ᳚ ದಧಾ॒ತ್ಯೋಷ॑ಧೀಷು॒ ಗರ್ಭ‌ಮ್᳚ || 5.83.1
ವಿ ವೃ॒ಕ್ಷಾನ್ಹ᳚‌ನ್ತ್ಯು॒ತ ಹ᳚‌ನ್ತಿ ರ॒ಕ್ಷಸೋ॒ ವಿಶ್ವಂ᳚ ಬಿಭಾಯ॒ ಭುವ॑ನಂ ಮ॒ಹಾವ॑ಧಾತ್ |
ಉ॒ತಾನಾ᳚ಗಾ ಈಷತೇ॒ ವೃಷ್ಣ್ಯಾ᳚ವತೋ॒ ಯತ್ಪ॒ರ್ಜನ್ಯಃ॑ ಸ್ತ॒ನಯ॒ನ್ಹ‌ನ್ತಿ॑ ದು॒ಷ್ಕೃತಃ॑ || 5.83.2
ರ॒ಥೀವ॒ ಕಶ॒ಯಾಶ್ವಾಁ᳚ ಅಭಿಕ್ಷಿ॒ಪನ್ನಾ॒ವಿರ್ದೂ॒ತಾನ್ಕೃ॑ಣುತೇ ವ॒ರ್ಷ್ಯಾಁ॒3॒॑ ಅಹ॑ |
ದೂ॒ರಾತ್ಸಿಂ॒ಹಸ್ಯ॑ ಸ್ತ॒ನಥಾ॒ ಉದೀ᳚ರತೇ॒ ಯತ್ಪ॒ರ್ಜನ್ಯಃ॑ ಕೃಣು॒ತೇ ವ॒ರ್ಷ್ಯ1॒॑ ಅಂನಭಃ॑ || 5.83.3
ಪ್ರ ವಾತಾ॒ ವಾ‌ನ್ತಿ॑ ಪ॒ತಯ᳚‌ನ್ತಿ ವಿ॒ದ್ಯುತ॒ ಉದೋಷ॑ಧೀ॒ರ್ಜಿಹ॑ತೇ॒ ಪಿನ್ವ॑ತೇ॒ ಸ್ವಃ॑ |
ಇರಾ॒ ವಿಶ್ವ॑ಸ್ಮೈ॒ ಭುವ॑ನಾಯ ಜಾಯತೇ॒ ಯತ್ಪ॒ರ್ಜನ್ಯಃ॑ ಪೃಥಿ॒ವೀಂ ರೇತ॒ಸಾವ॑ತಿ || 5.83.4
ಯಸ್ಯ᳚ ವ್ರ॒ತೇ ಪೃ॑ಥಿ॒ವೀ ನನ್ನ॑ಮೀತಿ॒ ಯಸ್ಯ᳚ ವ್ರ॒ತೇ ಶ॒ಫವ॒ಜ್ಜರ್ಭು॑ರೀತಿ |
ಯಸ್ಯ᳚ ವ್ರ॒ತ ಓಷ॑ಧೀರ್ವಿ॒ಶ್ವರೂ᳚ಪಾಃ॒ ಸ ನಃ॑ ಪರ್ಜನ್ಯ॒ ಮಹಿ॒ ಶರ್ಮ॑ ಯಚ್ಛ || 5.83.5
ದಿ॒ವೋ ನೋ᳚ ವೃ॒ಷ್ಟಿಂ ಮ॑ರುತೋ ರರೀಧ್ವಂ॒ ಪ್ರ ಪಿ᳚ನ್ವತ॒ ವೃಷ್ಣೋ॒ ಅಶ್ವ॑ಸ್ಯ॒ ಧಾರಾಃ᳚ |
ಅ॒ರ್ವಾಙೇ॒ತೇನ॑ ಸ್ತನಯಿ॒ತ್ನುನೇಹ್ಯ॒ಪೋ ನಿ॑ಷಿಂ॒ಚನ್ನಸು॑ರಃ ಪಿ॒ತಾ ನಃ॑ || 5.83.6
ಅ॒ಭಿ ಕ್ರಂ᳚ದ ಸ್ತ॒ನಯ॒ ಗರ್ಭ॒ಮಾ ಧಾ᳚ ಉದ॒ನ್ವತಾ॒ ಪರಿ॑ ದೀಯಾ॒ ರಥೇ᳚ನ |
ದೃತಿಂ॒ ಸು ಕ॑ರ್ಷ॒ ವಿಷಿ॑ತಂ॒ ನ್ಯಂ᳚ಚಂ ಸ॒ಮಾ ಭ॑ವ‌ನ್ತೂ॒ದ್ವತೋ᳚ ನಿಪಾ॒ದಾಃ || 5.83.7
ಮ॒ಹಾ‌ನ್ತಂ॒ ಕೋಶ॒ಮುದ॑ಚಾ॒ ನಿ ಷಿಂ᳚ಚ॒ ಸ್ಯಂದ᳚‌ನ್ತಾಂ ಕು॒ಲ್ಯಾ ವಿಷಿ॑ತಾಃ ಪು॒ರಸ್ತಾ᳚ತ್ |
ಘೃ॒ತೇನ॒ ದ್ಯಾವಾ᳚ಪೃಥಿ॒ವೀ ವ್ಯುಂ᳚ಧಿ ಸುಪ್ರಪಾ॒ಣಂ ಭ॑ವತ್ವ॒ಘ್ನ್ಯಾಭ್ಯಃ॑ || 5.83.8
ಯತ್ಪ॑ರ್ಜನ್ಯ॒ ಕನಿ॑ಕ್ರದತ್ಸ್ತ॒ನಯ॒ನ್ಹಂಸಿ॑ ದು॒ಷ್ಕೃತಃ॑ |
ಪ್ರತೀ॒ದಂ ವಿಶ್ವಂ᳚ ಮೋದತೇ॒ ಯತ್ಕಿಂ ಚ॑ ಪೃಥಿ॒ವ್ಯಾಮಧಿ॑ || 5.83.9
ಅವ॑ರ್ಷೀರ್ವ॒ರ್ಷಮುದು॒ ಷೂ ಗೃ॑ಭಾ॒ಯಾಕ॒ರ್ಧನ್ವಾ॒ನ್ಯತ್ಯೇ᳚ತ॒ವಾ ಉ॑ |
ಅಜೀ᳚ಜನ॒ ಓಷ॑ಧೀ॒ರ್ಭೋಜ॑ನಾಯ॒ ಕಮು॒ತ ಪ್ರ॒ಜಾಭ್ಯೋ᳚ಽವಿದೋ ಮನೀ॒ಷಾ‌ಮ್ || 5.83.10

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ, ಪೃಥಿವೀ ದೇವತಾ, ಅನುಷ್ಟಪ್. ಛಂದಃ

ಬಳಿ॒ತ್ಥಾ ಪರ್ವ॑ತಾನಾಂ ಖಿ॒ದ್ರಂ ಬಿ॑ಭರ್ಷಿ ಪೃಥಿವಿ |
ಪ್ರ ಯಾ ಭೂಮಿಂ᳚ ಪ್ರವತ್ವತಿ ಮ॒ಹ್ನಾ ಜಿ॒ನೋಷಿ॑ ಮಹಿನಿ || 5.84.1
ಸ್ತೋಮಾ᳚ಸಸ್ತ್ವಾ ವಿಚಾರಿಣಿ॒ ಪ್ರತಿ॑ ಷ್ಟೋಭ‌ನ್ತ್ಯ॒ಕ್ತುಭಿಃ॑ |
ಪ್ರ ಯಾ ವಾಜಂ॒ ನ ಹೇಷ᳚‌ನ್ತಂ ಪೇ॒ರುಮಸ್ಯ॑ಸ್ಯರ್ಜುನಿ || 5.84.2
ದೃ॒ಳ್ಹಾ ಚಿ॒ದ್ಯಾ ವನ॒ಸ್ಪತೀ᳚ನ್ಕ್ಷ್ಮ॒ಯಾ ದರ್ಧ॒ರ್ಷ್ಯೋಜ॑ಸಾ |
ಯತ್ತೇ᳚ ಅ॒ಭ್ರಸ್ಯ॑ ವಿ॒ದ್ಯುತೋ᳚ ದಿ॒ವೋ ವರ್ಷ᳚‌ನ್ತಿ ವೃ॒ಷ್ಟಯಃ॑ || 5.84.3

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ, ವರುಣೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಸ॒ಮ್ರಾಜೇ᳚ ಬೃ॒ಹದ॑ರ್ಚಾ ಗಭೀ॒ರಂ ಬ್ರಹ್ಮ॑ ಪ್ರಿ॒ಯಂ ವರು॑ಣಾಯ ಶ್ರು॒ತಾಯ॑ |
ವಿ ಯೋ ಜ॒ಘಾನ॑ ಶಮಿ॒ತೇವ॒ ಚರ್ಮೋ᳚ಪ॒ಸ್ತಿರೇ᳚ ಪೃಥಿ॒ವೀಂ ಸೂರ್ಯಾ᳚ಯ || 5.85.1
ವನೇ᳚ಷು॒ ವ್ಯ1॒᳚‌ನ್ತರಿ॑ಕ್ಷಂ ತತಾನ॒ ವಾಜ॒ಮರ್ವ॑ತ್ಸು॒ ಪಯ॑ ಉ॒ಸ್ರಿಯಾ᳚ಸು |
ಹೃ॒ತ್ಸು ಕ್ರತುಂ॒ ವರು॑ಣೋ ಅ॒ಪ್ಸ್ವ1॒॑ಗ್ನಿಂ ದಿ॒ವಿ ಸೂರ್ಯ॑ಮದಧಾ॒ತ್ಸೋಮ॒ಮದ್ರೌ᳚ || 5.85.2
ನೀ॒ಚೀನ॑ಬಾರಂ॒ ವರು॑ಣಃ॒ ಕವಂ᳚ಧಂ॒ ಪ್ರ ಸ॑ಸರ್ಜ॒ ರೋದ॑ಸೀ ಅ॒‌ನ್ತರಿ॑ಕ್ಷ‌ಮ್ |
ತೇನ॒ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ॒ ಯವಂ॒ ನ ವೃ॒ಷ್ಟಿರ್ವ್ಯು॑ನತ್ತಿ॒ ಭೂಮ॑ || 5.85.3
ಉ॒ನತ್ತಿ॒ ಭೂಮಿಂ᳚ ಪೃಥಿ॒ವೀಮು॒ತ ದ್ಯಾಂ ಯ॒ದಾ ದು॒ಗ್ಧಂ ವರು॑ಣೋ॒ ವಷ್ಟ್ಯಾದಿತ್ |
ಸಮ॒ಭ್ರೇಣ॑ ವಸತ॒ ಪರ್ವ॑ತಾಸಸ್ತವಿಷೀ॒ಯ‌ನ್ತಃ॑ ಶ್ರಥಯ‌ನ್ತ ವೀ॒ರಾಃ || 5.85.4
ಇ॒ಮಾಮೂ॒ ಷ್ವಾ᳚ಸು॒ರಸ್ಯ॑ ಶ್ರು॒ತಸ್ಯ॑ ಮ॒ಹೀಂ ಮಾ॒ಯಾಂ ವರು॑ಣಸ್ಯ॒ ಪ್ರ ವೋ᳚ಚ‌ಮ್ |
ಮಾನೇ᳚ನೇವ ತಸ್ಥಿ॒ವಾಁ ಅ॒‌ನ್ತರಿ॑ಕ್ಷೇ॒ ವಿ ಯೋ ಮ॒ಮೇ ಪೃ॑ಥಿ॒ವೀಂ ಸೂರ್ಯೇ᳚ಣ || 5.85.5
ಇ॒ಮಾಮೂ॒ ನು ಕ॒ವಿತ॑ಮಸ್ಯ ಮಾ॒ಯಾಂ ಮ॒ಹೀಂ ದೇ॒ವಸ್ಯ॒ ನಕಿ॒ರಾ ದ॑ಧರ್ಷ |
ಏಕಂ॒ ಯದು॒ದ್ನಾ ನ ಪೃ॒ಣ‌ನ್ತ್ಯೇನೀ᳚ರಾಸಿಂ॒ಚ‌ನ್ತೀ᳚ರ॒ವನ॑ಯಃ ಸಮು॒ದ್ರ‌ಮ್ || 5.85.6
ಅ॒ರ್ಯ॒ಮ್ಯಂ᳚ ವರುಣ ಮಿ॒ತ್ರ್ಯಂ᳚ ವಾ॒ ಸಖಾ᳚ಯಂ ವಾ॒ ಸದ॒ಮಿದ್ಭ್ರಾತ॑ರಂ ವಾ |
ವೇ॒ಶಂ ವಾ॒ ನಿತ್ಯಂ᳚ ವರು॒ಣಾರ॑ಣಂ ವಾ॒ ಯತ್ಸೀ॒ಮಾಗ॑ಶ್ಚಕೃ॒ಮಾ ಶಿ॒ಶ್ರಥ॒ಸ್ತತ್ || 5.85.7
ಕಿ॒ತ॒ವಾಸೋ॒ ಯದ್ರಿ॑ರಿ॒ಪುರ್ನ ದೀ॒ವಿ ಯದ್ವಾ᳚ ಘಾ ಸ॒ತ್ಯಮು॒ತ ಯನ್ನ ವಿ॒ದ್ಮ |
ಸರ್ವಾ॒ ತಾ ವಿ ಷ್ಯ॑ ಶಿಥಿ॒ರೇವ॑ ದೇ॒ವಾಧಾ᳚ ತೇ ಸ್ಯಾಮ ವರುಣ ಪ್ರಿ॒ಯಾಸಃ॑ || 5.85.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಭೌಮೋಽತ್ರಿಷಿಃ, ಇಂದ್ರಾಗ್ನೀ ದೇವತೇ (1-5) ಪ್ರಥಮಾದಿಪಂಚರ್ಚಾಮನಷ್ಟಪ (6) ಷಷ್ಠ್ಯಾಶ್ಚ ವಿರಾಟ್ಪ ಛಂದಸೀ

ಇಂದ್ರಾ᳚ಗ್ನೀ॒ ಯಮವ॑ಥ ಉ॒ಭಾ ವಾಜೇ᳚ಷು॒ ಮರ್ತ್ಯ‌ಮ್᳚ |
ದೃ॒ಳ್ಹಾ ಚಿ॒ತ್ಸ ಪ್ರ ಭೇ᳚ದತಿ ದ್ಯು॒ಮ್ನಾ ವಾಣೀ᳚ರಿವ ತ್ರಿ॒ತಃ || 5.86.1
ಯಾ ಪೃತ॑ನಾಸು ದು॒ಷ್ಟರಾ॒ ಯಾ ವಾಜೇ᳚ಷು ಶ್ರ॒ವಾಯ್ಯಾ᳚ |
ಯಾ ಪಂಚ॑ ಚರ್ಷ॒ಣೀರ॒ಭೀಂ᳚ದ್ರಾ॒ಗ್ನೀ ತಾ ಹ॑ವಾಮಹೇ || 5.86.2
ತಯೋ॒ರಿದಮ॑ವ॒ಚ್ಛವ॑ಸ್ತಿ॒ಗ್ಮಾ ದಿ॒ದ್ಯುನ್ಮ॒ಘೋನೋಃ᳚ |
ಪ್ರತಿ॒ ದ್ರುಣಾ॒ ಗಭ॑ಸ್ತ್ಯೋ॒ರ್ಗವಾಂ᳚ ವೃತ್ರ॒ಘ್ನ ಏಷ॑ತೇ || 5.86.3
ತಾ ವಾ॒ಮೇಷೇ॒ ರಥಾ᳚ನಾಮಿಂದ್ರಾ॒ಗ್ನೀ ಹ॑ವಾಮಹೇ |
ಪತೀ᳚ ತು॒ರಸ್ಯ॒ ರಾಧ॑ಸೋ ವಿ॒ದ್ವಾಂಸಾ॒ ಗಿರ್ವ॑ಣಸ್ತಮಾ || 5.86.4
ತಾ ವೃ॒ಧ‌ನ್ತಾ॒ವನು॒ ದ್ಯೂನ್ಮರ್ತಾ᳚ಯ ದೇ॒ವಾವ॒ದಭಾ᳚ |
ಅರ್ಹ᳚‌ನ್ತಾ ಚಿತ್ಪು॒ರೋ ದ॒ಧೇಂಽಶೇ᳚ವ ದೇ॒ವಾವರ್ವ॑ತೇ || 5.86.5
ಏ॒ವೇಂದ್ರಾ॒ಗ್ನಿಭ್ಯಾ॒ಮಹಾ᳚ವಿ ಹ॒ವ್ಯಂ ಶೂ॒ಷ್ಯಂ᳚ ಘೃ॒ತಂ ನ ಪೂ॒ತಮದ್ರಿ॑ಭಿಃ |
ತಾ ಸೂ॒ರಿಷು॒ ಶ್ರವೋ᳚ ಬೃ॒ಹದ್ರ॒ಯಿಂ ಗೃ॒ಣತ್ಸು॑ ದಿಧೃತ॒ಮಿಷಂ᳚ ಗೃ॒ಣತ್ಸು॑ ದಿಧೃತ‌ಮ್ || 5.86.6

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯ ಏವಯಾಮರುದೃಷಿಃ, ಮರುತೋ ದೇವತಾಃ, ಅತಿಜಗತೀ ಛಂದಃ

ಪ್ರ ವೋ᳚ ಮ॒ಹೇ ಮ॒ತಯೋ᳚ ಯ‌ನ್ತು॒ ವಿಷ್ಣ॑ವೇ ಮ॒ರುತ್ವ॑ತೇ ಗಿರಿ॒ಜಾ ಏ᳚ವ॒ಯಾಮ॑ರುತ್ |
ಪ್ರ ಶರ್ಧಾ᳚ಯ॒ ಪ್ರಯ॑ಜ್ಯವೇ ಸುಖಾ॒ದಯೇ᳚ ತ॒ವಸೇ᳚ ಭಂ॒ದದಿ॑ಷ್ಟಯೇ॒ ಧುನಿ᳚ವ್ರತಾಯ॒ ಶವ॑ಸೇ || 5.87.1
ಪ್ರ ಯೇ ಜಾ॒ತಾ ಮ॑ಹಿ॒ನಾ ಯೇ ಚ॒ ನು ಸ್ವ॒ಯಂ ಪ್ರ ವಿ॒ದ್ಮನಾ᳚ ಬ್ರು॒ವತ॑ ಏವ॒ಯಾಮ॑ರುತ್ |
ಕ್ರತ್ವಾ॒ ತದ್ವೋ᳚ ಮರುತೋ॒ ನಾಧೃಷೇ॒ ಶವೋ᳚ ದಾ॒ನಾ ಮ॒ಹ್ನಾ ತದೇ᳚ಷಾ॒ಮಧೃ॑ಷ್ಟಾಸೋ॒ ನಾದ್ರ॑ಯಃ || 5.87.2
ಪ್ರ ಯೇ ದಿ॒ವೋ ಬೃ॑ಹ॒ತಃ ಶೃ᳚ಣ್ವಿ॒ರೇ ಗಿ॒ರಾ ಸು॒ಶುಕ್ವಾ᳚ನಃ ಸು॒ಭ್ವ॑ ಏವ॒ಯಾಮ॑ರುತ್ |
ನ ಯೇಷಾ॒ಮಿರೀ᳚ ಸ॒ಧಸ್ಥ॒ ಈಷ್ಟ॒ ಆಁ ಅ॒ಗ್ನಯೋ॒ ನ ಸ್ವವಿ॑ದ್ಯುತಃ॒ ಪ್ರ ಸ್ಯಂ॒ದ್ರಾಸೋ॒ ಧುನೀ᳚ನಾ‌ಮ್ || 5.87.3
ಸ ಚ॑ಕ್ರಮೇ ಮಹ॒ತೋ ನಿರು॑ರುಕ್ರ॒ಮಃ ಸ॑ಮಾ॒ನಸ್ಮಾ॒ತ್ಸದ॑ಸ ಏವ॒ಯಾಮ॑ರುತ್ |
ಯ॒ದಾಯು॑ಕ್ತ॒ ತ್ಮನಾ॒ ಸ್ವಾದಧಿ॒ ಷ್ಣುಭಿ॒ರ್ವಿಷ್ಪ॑ರ್ಧಸೋ॒ ವಿಮ॑ಹಸೋ॒ ಜಿಗಾ᳚ತಿ॒ ಶೇವೃ॑ಧೋ॒ ನೃಭಿಃ॑ || 5.87.4
ಸ್ವ॒ನೋ ನ ವೋಽಮ॑ವಾನ್ರೇಜಯ॒ದ್ವೃಷಾ᳚ ತ್ವೇ॒ಷೋ ಯ॒ಯಿಸ್ತ॑ವಿ॒ಷ ಏ᳚ವ॒ಯಾಮ॑ರುತ್ |
ಯೇನಾ॒ ಸಹ᳚‌ನ್ತ ಋಂ॒ಜತ॒ ಸ್ವರೋ᳚ಚಿಷಃ॒ ಸ್ಥಾರ॑ಶ್ಮಾನೋ ಹಿರ॒ಣ್ಯಯಾಃ᳚ ಸ್ವಾಯು॒ಧಾಸ॑ ಇ॒ಷ್ಮಿಣಃ॑ || 5.87.5
ಅ॒ಪಾ॒ರೋ ವೋ᳚ ಮಹಿ॒ಮಾ ವೃ॑ದ್ಧಶವಸಸ್ತ್ವೇ॒ಷಂ ಶವೋ᳚ಽವತ್ವೇವ॒ಯಾಮ॑ರುತ್ |
ಸ್ಥಾತಾ᳚ರೋ॒ ಹಿ ಪ್ರಸಿ॑ತೌ ಸಂ॒ದೃಶಿ॒ ಸ್ಥನ॒ ತೇ ನ॑ ಉರುಷ್ಯತಾ ನಿ॒ದಃ ಶು॑ಶು॒ಕ್ವಾಂಸೋ॒ ನಾಗ್ನಯಃ॑ || 5.87.6
ತೇ ರು॒ದ್ರಾಸಃ॒ ಸುಮ॑ಖಾ ಅ॒ಗ್ನಯೋ᳚ ಯಥಾ ತುವಿದ್ಯು॒ಮ್ನಾ ಅ॑ವ‌ನ್ತ್ವೇವ॒ಯಾಮ॑ರುತ್ |
ದೀ॒ರ್ಘಂ ಪೃ॒ಥು ಪ॑ಪ್ರಥೇ॒ ಸದ್ಮ॒ ಪಾರ್ಥಿ॑ವಂ॒ ಯೇಷಾ॒ಮಜ್ಮೇ॒ಷ್ವಾ ಮ॒ಹಃ ಶರ್ಧಾಂ॒ಸ್ಯದ್ಭು॑ತೈನಸಾ‌ಮ್ || 5.87.7
ಅ॒ದ್ವೇ॒ಷೋ ನೋ᳚ ಮರುತೋ ಗಾ॒ತುಮೇತ॑ನ॒ ಶ್ರೋತಾ॒ ಹವಂ᳚ ಜರಿ॒ತುರೇ᳚ವ॒ಯಾಮ॑ರುತ್ |
ವಿಷ್ಣೋ᳚ರ್ಮ॒ಹಃ ಸ॑ಮನ್ಯವೋ ಯುಯೋತನ॒ ಸ್ಮದ್ರ॒ಥ್ಯೋ॒3॒॑ ನ ದಂ॒ಸನಾಪ॒ ದ್ವೇಷಾಂ᳚ಸಿ ಸನು॒ತಃ || 5.87.8
ಗ‌ನ್ತಾ᳚ ನೋ ಯ॒ಜ್ಞಂ ಯ॑ಜ್ಞಿಯಾಃ ಸು॒ಶಮಿ॒ ಶ್ರೋತಾ॒ ಹವ॑ಮರ॒ಕ್ಷ ಏ᳚ವ॒ಯಾಮ॑ರುತ್ |
ಜ್ಯೇಷ್ಠಾ᳚ಸೋ॒ ನ ಪರ್ವ॑ತಾಸೋ॒ ವ್ಯೋ᳚ಮನಿ ಯೂ॒ಯಂ ತಸ್ಯ॑ ಪ್ರಚೇತಸಃ॒ ಸ್ಯಾತ॑ ದು॒ರ್ಧರ್ತ॑ವೋ ನಿ॒ದಃ || 5.87.9

|| ಇತಿ ಋಗ್ವೇದ ಮಂಡಲಮ್-೫ ||

|| ಅಥ ಋಗ್ವೇದ ಮಂಡಲಮ್-೬ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ತ್ವಂ ಹ್ಯ॑ಗ್ನೇ ಪ್ರಥ॒ಮೋ ಮ॒ನೋತಾ॒ಸ್ಯಾ ಧಿ॒ಯೋ ಅಭ॑ವೋ ದಸ್ಮ॒ ಹೋತಾ᳚ |
ತ್ವಂ ಸೀಂ᳚ ವೃಷನ್ನಕೃಣೋರ್ದು॒ಷ್ಟರೀ᳚ತು॒ ಸಹೋ॒ ವಿಶ್ವ॑ಸ್ಮೈ॒ ಸಹ॑ಸೇ॒ ಸಹ॑ಧ್ಯೈ || 6.1.1
ಅಧಾ॒ ಹೋತಾ॒ ನ್ಯ॑ಸೀದೋ॒ ಯಜೀ᳚ಯಾನಿ॒ಳಸ್ಪ॒ದ ಇ॒ಷಯ॒ನ್ನೀಡ್ಯಃ॒ ಸನ್ |
ತಂ ತ್ವಾ॒ ನರಃ॑ ಪ್ರಥ॒ಮಂ ದೇ᳚ವ॒ಯ‌ನ್ತೋ᳚ ಮ॒ಹೋ ರಾ॒ಯೇ ಚಿ॒ತಯ᳚‌ನ್ತೋ॒ ಅನು॑ ಗ್ಮನ್ || 6.1.2
ವೃ॒ತೇವ॒ ಯ‌ನ್ತಂ᳚ ಬ॒ಹುಭಿ᳚ರ್ವಸ॒ವ್ಯೈ॒3॒॑ಸ್ತ್ವೇ ರ॒ಯಿಂ ಜಾ᳚ಗೃ॒ವಾಂಸೋ॒ ಅನು॑ ಗ್ಮನ್ |
ರುಶ᳚‌ನ್ತಮ॒ಗ್ನಿಂ ದ॑ರ್ಶ॒ತಂ ಬೃ॒ಹ‌ನ್ತಂ᳚ ವ॒ಪಾವ᳚‌ನ್ತಂ ವಿ॒ಶ್ವಹಾ᳚ ದೀದಿ॒ವಾಂಸ‌ಮ್᳚ || 6.1.3
ಪ॒ದಂ ದೇ॒ವಸ್ಯ॒ ನಮ॑ಸಾ॒ ವ್ಯ‌ನ್ತಃ॑ ಶ್ರವ॒ಸ್ಯವಃ॒ ಶ್ರವ॑ ಆಪ॒ನ್ನಮೃ॑ಕ್ತ‌ಮ್ |
ನಾಮಾ᳚ನಿ ಚಿದ್ದಧಿರೇ ಯ॒ಜ್ಞಿಯಾ᳚ನಿ ಭ॒ದ್ರಾಯಾಂ᳚ ತೇ ರಣಯ‌ನ್ತ॒ ಸಂದೃ॑ಷ್ಟೌ || 6.1.4
ತ್ವಾಂ ವ॑ರ್ಧ‌ನ್ತಿ ಕ್ಷಿ॒ತಯಃ॑ ಪೃಥಿ॒ವ್ಯಾಂ ತ್ವಾಂ ರಾಯ॑ ಉ॒ಭಯಾ᳚ಸೋ॒ ಜನಾ᳚ನಾ‌ಮ್ |
ತ್ವಂ ತ್ರಾ॒ತಾ ತ॑ರಣೇ॒ ಚೇತ್ಯೋ᳚ ಭೂಃ ಪಿ॒ತಾ ಮಾ॒ತಾ ಸದ॒ಮಿನ್ಮಾನು॑ಷಾಣಾ‌ಮ್ || 6.1.5
ಸ॒ಪ॒ರ್ಯೇಣ್ಯಃ॒ ಸ ಪ್ರಿ॒ಯೋ ವಿ॒ಕ್ಷ್ವ1॒॑ಗ್ನಿರ್ಹೋತಾ᳚ ಮಂ॒ದ್ರೋ ನಿ ಷ॑ಸಾದಾ॒ ಯಜೀ᳚ಯಾನ್ |
ತಂ ತ್ವಾ᳚ ವ॒ಯಂ ದಮ॒ ಆ ದೀ᳚ದಿ॒ವಾಂಸ॒ಮುಪ॑ ಜ್ಞು॒ಬಾಧೋ॒ ನಮ॑ಸಾ ಸದೇಮ || 6.1.6
ತಂ ತ್ವಾ᳚ ವ॒ಯಂ ಸು॒ಧ್ಯೋ॒3॒॑ ನವ್ಯ॑ಮಗ್ನೇ ಸುಮ್ನಾ॒ಯವ॑ ಈಮಹೇ ದೇವ॒ಯ‌ನ್ತಃ॑ |
ತ್ವಂ ವಿಶೋ᳚ ಅನಯೋ॒ ದೀದ್ಯಾ᳚ನೋ ದಿ॒ವೋ ಅ॑ಗ್ನೇ ಬೃಹ॒ತಾ ರೋ᳚ಚ॒ನೇನ॑ || 6.1.7
ವಿ॒ಶಾಂ ಕ॒ವಿಂ ವಿ॒ಶ್ಪತಿಂ॒ ಶಶ್ವ॑ತೀನಾಂ ನಿ॒ತೋಶ॑ನಂ ವೃಷ॒ಭಂ ಚ॑ರ್ಷಣೀ॒ನಾ‌ಮ್ |
ಪ್ರೇತೀ᳚ಷಣಿಮಿ॒ಷಯ᳚‌ನ್ತಂ ಪಾವ॒ಕಂ ರಾಜ᳚‌ನ್ತಮ॒ಗ್ನಿಂ ಯ॑ಜ॒ತಂ ರ॑ಯೀ॒ಣಾ‌ಮ್ || 6.1.8
ಸೋ ಅ॑ಗ್ನ ಈಜೇ ಶಶ॒ಮೇ ಚ॒ ಮರ್ತೋ॒ ಯಸ್ತ॒ ಆನ॑ಟ್ ಸ॒ಮಿಧಾ᳚ ಹ॒ವ್ಯದಾ᳚ತಿ‌ಮ್ |
ಯ ಆಹು॑ತಿಂ॒ ಪರಿ॒ ವೇದಾ॒ ನಮೋ᳚ಭಿ॒ರ್ವಿಶ್ವೇತ್ಸ ವಾ॒ಮಾ ದ॑ಧತೇ॒ ತ್ವೋತಃ॑ || 6.1.9
ಅ॒ಸ್ಮಾ ಉ॑ ತೇ॒ ಮಹಿ॑ ಮ॒ಹೇ ವಿ॑ಧೇಮ॒ ನಮೋ᳚ಭಿರಗ್ನೇ ಸ॒ಮಿಧೋ॒ತ ಹ॒ವ್ಯೈಃ |
ವೇದೀ᳚ ಸೂನೋ ಸಹಸೋ ಗೀ॒ರ್ಭಿರು॒ಕ್ಥೈರಾ ತೇ᳚ ಭ॒ದ್ರಾಯಾಂ᳚ ಸುಮ॒ತೌ ಯ॑ತೇಮ || 6.1.10
ಆ ಯಸ್ತ॒ತ‌ನ್ಥ॒ ರೋದ॑ಸೀ॒ ವಿ ಭಾ॒ಸಾ ಶ್ರವೋ᳚ಭಿಶ್ಚ ಶ್ರವ॒ಸ್ಯ1॒॑ಸ್ತರು॑ತ್ರಃ |
ಬೃ॒ಹದ್ಭಿ॒ರ್ವಾಜೈಃ॒ ಸ್ಥವಿ॑ರೇಭಿರ॒ಸ್ಮೇ ರೇ॒ವದ್ಭಿ॑ರಗ್ನೇ ವಿತ॒ರಂ ವಿ ಭಾ᳚ಹಿ || 6.1.11
ನೃ॒ವದ್ವ॑ಸೋ॒ ಸದ॒ಮಿದ್ಧೇ᳚ಹ್ಯ॒ಸ್ಮೇ ಭೂರಿ॑ ತೋ॒ಕಾಯ॒ ತನ॑ಯಾಯ ಪ॒ಶ್ವಃ |
ಪೂ॒ರ್ವೀರಿಷೋ᳚ ಬೃಹ॒ತೀರಾ॒ರೇಅ॑ಘಾ ಅ॒ಸ್ಮೇ ಭ॒ದ್ರಾ ಸೌ᳚ಶ್ರವ॒ಸಾನಿ॑ ಸ‌ನ್ತು || 6.1.12
ಪು॒ರೂಣ್ಯ॑ಗ್ನೇ ಪುರು॒ಧಾ ತ್ವಾ॒ಯಾ ವಸೂ᳚ನಿ ರಾಜನ್ವ॒ಸುತಾ᳚ ತೇ ಅಶ್ಯಾ‌ಮ್ |
ಪು॒ರೂಣಿ॒ ಹಿ ತ್ವೇ ಪು॑ರುವಾರ॒ ಸ‌ನ್ತ್ಯಗ್ನೇ॒ ವಸು॑ ವಿಧ॒ತೇ ರಾಜ॑ನಿ॒ ತ್ವೇ || 6.1.13

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, (1-10) ಪ್ರಥಮಾದಿದಶರ್ಚಾಮನುಷ್ಟಪ್ , (11) ಏಕಾದಶ್ಯಾಶ್ಚ ಶಕ್ವರೀ ಛಂದಸೀ

ತ್ವಂ ಹಿ ಕ್ಷೈತ॑ವ॒ದ್ಯಶೋಽಗ್ನೇ᳚ ಮಿ॒ತ್ರೋ ನ ಪತ್ಯ॑ಸೇ |
ತ್ವಂ ವಿ॑ಚರ್ಷಣೇ॒ ಶ್ರವೋ॒ ವಸೋ᳚ ಪು॒ಷ್ಟಿಂ ನ ಪು॑ಷ್ಯಸಿ || 6.2.1
ತ್ವಾಂ ಹಿ ಷ್ಮಾ᳚ ಚರ್ಷ॒ಣಯೋ᳚ ಯ॒ಜ್ಞೇಭಿ॑ರ್ಗೀ॒ರ್ಭಿರೀಳ॑ತೇ |
ತ್ವಾಂ ವಾ॒ಜೀ ಯಾ᳚ತ್ಯವೃ॒ಕೋ ರ॑ಜ॒ಸ್ತೂರ್ವಿ॒ಶ್ವಚ॑ರ್ಷಣಿಃ || 6.2.2
ಸ॒ಜೋಷ॑ಸ್ತ್ವಾ ದಿ॒ವೋ ನರೋ᳚ ಯ॒ಜ್ಞಸ್ಯ॑ ಕೇ॒ತುಮಿಂ᳚ಧತೇ |
ಯದ್ಧ॒ ಸ್ಯ ಮಾನು॑ಷೋ॒ ಜನಃ॑ ಸುಮ್ನಾ॒ಯುರ್ಜು॒ಹ್ವೇ ಅ॑ಧ್ವ॒ರೇ || 6.2.3
ಋಧ॒ದ್ಯಸ್ತೇ᳚ ಸು॒ದಾನ॑ವೇ ಧಿ॒ಯಾ ಮರ್ತಃ॑ ಶ॒ಶಮ॑ತೇ |
ಊ॒ತೀ ಷ ಬೃ॑ಹ॒ತೋ ದಿ॒ವೋ ದ್ವಿ॒ಷೋ ಅಂಹೋ॒ ನ ತ॑ರತಿ || 6.2.4
ಸ॒ಮಿಧಾ॒ ಯಸ್ತ॒ ಆಹು॑ತಿಂ॒ ನಿಶಿ॑ತಿಂ॒ ಮರ್ತ್ಯೋ॒ ನಶ॑ತ್ |
ವ॒ಯಾವ᳚‌ನ್ತಂ॒ ಸ ಪು॑ಷ್ಯತಿ॒ ಕ್ಷಯ॑ಮಗ್ನೇ ಶ॒ತಾಯು॑ಷ‌ಮ್ || 6.2.5
ತ್ವೇ॒ಷಸ್ತೇ᳚ ಧೂ॒ಮ ಋ᳚ಣ್ವತಿ ದಿ॒ವಿ ಷಂಛು॒ಕ್ರ ಆತ॑ತಃ |
ಸೂರೋ॒ ನ ಹಿ ದ್ಯು॒ತಾ ತ್ವಂ ಕೃ॒ಪಾ ಪಾ᳚ವಕ॒ ರೋಚ॑ಸೇ || 6.2.6
ಅಧಾ॒ ಹಿ ವಿ॒ಕ್ಷ್ವೀಡ್ಯೋಽಸಿ॑ ಪ್ರಿ॒ಯೋ ನೋ॒ ಅತಿ॑ಥಿಃ |
ರ॒ಣ್ವಃ ಪು॒ರೀ᳚ವ॒ ಜೂರ್ಯಃ॑ ಸೂ॒ನುರ್ನ ತ್ರ॑ಯ॒ಯಾಯ್ಯಃ॑ || 6.2.7
ಕ್ರತ್ವಾ॒ ಹಿ ದ್ರೋಣೇ᳚ ಅ॒ಜ್ಯಸೇಽಗ್ನೇ᳚ ವಾ॒ಜೀ ನ ಕೃತ್ವ್ಯಃ॑ |
ಪರಿ॑ಜ್ಮೇವ ಸ್ವ॒ಧಾ ಗಯೋಽತ್ಯೋ॒ ನ ಹ್ವಾ॒ರ್ಯಃ ಶಿಶುಃ॑ || 6.2.8
ತ್ವಂ ತ್ಯಾ ಚಿ॒ದಚ್ಯು॒ತಾಗ್ನೇ᳚ ಪ॒ಶುರ್ನ ಯವ॑ಸೇ |
ಧಾಮಾ᳚ ಹ॒ ಯತ್ತೇ᳚ ಅಜರ॒ ವನಾ᳚ ವೃ॒ಶ್ಚ‌ನ್ತಿ॒ ಶಿಕ್ವ॑ಸಃ || 6.2.9
ವೇಷಿ॒ ಹ್ಯ॑ಧ್ವರೀಯ॒ತಾಮಗ್ನೇ॒ ಹೋತಾ॒ ದಮೇ᳚ ವಿ॒ಶಾ‌ಮ್ |
ಸ॒ಮೃಧೋ᳚ ವಿಶ್ಪತೇ ಕೃಣು ಜು॒ಷಸ್ವ॑ ಹ॒ವ್ಯಮಂ᳚ಗಿರಃ || 6.2.10
ಅಚ್ಛಾ᳚ ನೋ ಮಿತ್ರಮಹೋ ದೇವ ದೇ॒ವಾನಗ್ನೇ॒ ವೋಚಃ॑ ಸುಮ॒ತಿಂ ರೋದ॑ಸ್ಯೋಃ |
ವೀ॒ಹಿ ಸ್ವ॒ಸ್ತಿಂ ಸು॑ಕ್ಷಿ॒ತಿಂ ದಿ॒ವೋ ನೄಂದ್ವಿ॒ಷೋ ಅಂಹಾಂ᳚ಸಿ ದುರಿ॒ತಾ ತ॑ರೇಮ॒ ತಾ ತ॑ರೇಮ॒ ತವಾವ॑ಸಾ ತರೇಮ || 6.2.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಗ್ನೇ॒ ಸ ಕ್ಷೇ᳚ಷದೃತ॒ಪಾ ಋ॑ತೇ॒ಜಾ ಉ॒ರು ಜ್ಯೋತಿ᳚ರ್ನಶತೇ ದೇವ॒ಯುಷ್ಟೇ᳚ |
ಯಂ ತ್ವಂ ಮಿ॒ತ್ರೇಣ॒ ವರು॑ಣಃ ಸ॒ಜೋಷಾ॒ ದೇವ॒ ಪಾಸಿ॒ ತ್ಯಜ॑ಸಾ॒ ಮರ್ತ॒ಮಂಹಃ॑ || 6.3.1
ಈ॒ಜೇ ಯ॒ಜ್ಞೇಭಿಃ॑ ಶಶ॒ಮೇ ಶಮೀ᳚ಭಿರ್‌ಋ॒ಧದ್ವಾ᳚ರಾಯಾ॒ಗ್ನಯೇ᳚ ದದಾಶ |
ಏ॒ವಾ ಚ॒ನ ತಂ ಯ॒ಶಸಾ॒ಮಜು॑ಷ್ಟಿ॒ರ್ನಾಂಹೋ॒ ಮರ್ತಂ᳚ ನಶತೇ॒ ನ ಪ್ರದೃ॑ಪ್ತಿಃ || 6.3.2
ಸೂರೋ॒ ನ ಯಸ್ಯ॑ ದೃಶ॒ತಿರ॑ರೇ॒ಪಾ ಭೀ॒ಮಾ ಯದೇತಿ॑ ಶುಚ॒ತಸ್ತ॒ ಆ ಧೀಃ |
ಹೇಷ॑ಸ್ವತಃ ಶು॒ರುಧೋ॒ ನಾಯಮ॒ಕ್ತೋಃ ಕುತ್ರಾ᳚ ಚಿದ್ರ॒ಣ್ವೋ ವ॑ಸ॒ತಿರ್ವ॑ನೇ॒ಜಾಃ || 6.3.3
ತಿ॒ಗ್ಮಂ ಚಿ॒ದೇಮ॒ ಮಹಿ॒ ವರ್ಪೋ᳚ ಅಸ್ಯ॒ ಭಸ॒ದಶ್ವೋ॒ ನ ಯ॑ಮಸಾ॒ನ ಆ॒ಸಾ |
ವಿ॒ಜೇಹ॑ಮಾನಃ ಪರ॒ಶುರ್ನ ಜಿ॒ಹ್ವಾಂ ದ್ರ॒ವಿರ್ನ ದ್ರಾ᳚ವಯತಿ॒ ದಾರು॒ ಧಕ್ಷ॑ತ್ || 6.3.4
ಸ ಇದಸ್ತೇ᳚ವ॒ ಪ್ರತಿ॑ ಧಾದಸಿ॒ಷ್ಯಂಛಿಶೀ᳚ತ॒ ತೇಜೋಽಯ॑ಸೋ॒ ನ ಧಾರಾ᳚‌ಮ್ |
ಚಿ॒ತ್ರಧ್ರ॑ಜತಿರರ॒ತಿರ್ಯೋ ಅ॒ಕ್ತೋರ್ವೇರ್ನ ದ್ರು॒ಷದ್ವಾ᳚ ರಘು॒ಪತ್ಮ॑ಜಂಹಾಃ || 6.3.5
ಸ ಈಂ᳚ ರೇ॒ಭೋ ನ ಪ್ರತಿ॑ ವಸ್ತ ಉ॒ಸ್ರಾಃ ಶೋ॒ಚಿಷಾ᳚ ರಾರಪೀತಿ ಮಿ॒ತ್ರಮ॑ಹಾಃ |
ನಕ್ತಂ॒ ಯ ಈ᳚ಮರು॒ಷೋ ಯೋ ದಿವಾ॒ ನೄನಮ॑ರ್ತ್ಯೋ ಅರು॒ಷೋ ಯೋ ದಿವಾ॒ ನೄನ್ || 6.3.6
ದಿ॒ವೋ ನ ಯಸ್ಯ॑ ವಿಧ॒ತೋ ನವೀ᳚ನೋ॒ದ್ವೃಷಾ᳚ ರು॒ಕ್ಷ ಓಷ॑ಧೀಷು ನೂನೋತ್ |
ಘೃಣಾ॒ ನ ಯೋ ಧ್ರಜ॑ಸಾ॒ ಪತ್ಮ॑ನಾ॒ ಯನ್ನಾ ರೋದ॑ಸೀ॒ ವಸು॑ನಾ॒ ದಂ ಸು॒ಪತ್ನೀ᳚ || 6.3.7
ಧಾಯೋ᳚ಭಿರ್ವಾ॒ ಯೋ ಯುಜ್ಯೇ᳚ಭಿರ॒ರ್ಕೈರ್ವಿ॒ದ್ಯುನ್ನ ದ॑ವಿದ್ಯೋ॒ತ್ಸ್ವೇಭಿಃ॒ ಶುಷ್ಮೈಃ᳚ |
ಶರ್ಧೋ᳚ ವಾ॒ ಯೋ ಮ॒ರುತಾಂ᳚ ತ॒ತಕ್ಷ॑ ಋ॒ಭುರ್ನ ತ್ವೇ॒ಷೋ ರ॑ಭಸಾ॒ನೋ ಅ॑ದ್ಯೌತ್ || 6.3.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಯಥಾ᳚ ಹೋತ॒ರ್ಮನು॑ಷೋ ದೇ॒ವತಾ᳚ತಾ ಯ॒ಜ್ಞೇಭಿಃ॑ ಸೂನೋ ಸಹಸೋ॒ ಯಜಾ᳚ಸಿ |
ಏ॒ವಾ ನೋ᳚ ಅ॒ದ್ಯ ಸ॑ಮ॒ನಾ ಸ॑ಮಾ॒ನಾನು॒ಶನ್ನ॑ಗ್ನ ಉಶ॒ತೋ ಯ॑ಕ್ಷಿ ದೇ॒ವಾನ್ || 6.4.1
ಸ ನೋ᳚ ವಿ॒ಭಾವಾ᳚ ಚ॒ಕ್ಷಣಿ॒ರ್ನ ವಸ್ತೋ᳚ರ॒ಗ್ನಿರ್ವಂ॒ದಾರು॒ ವೇದ್ಯ॒ಶ್ಚನೋ᳚ ಧಾತ್ |
ವಿ॒ಶ್ವಾಯು॒ರ್ಯೋ ಅ॒ಮೃತೋ॒ ಮರ್ತ್ಯೇ᳚ಷೂಷ॒ರ್ಭುದ್ಭೂದತಿ॑ಥಿರ್ಜಾ॒ತವೇ᳚ದಾಃ || 6.4.2
ದ್ಯಾವೋ॒ ನ ಯಸ್ಯ॑ ಪ॒ನಯ॒‌ನ್ತ್ಯಭ್ವಂ॒ ಭಾಸಾಂ᳚ಸಿ ವಸ್ತೇ॒ ಸೂರ್ಯೋ॒ ನ ಶು॒ಕ್ರಃ |
ವಿ ಯ ಇ॒ನೋತ್ಯ॒ಜರಃ॑ ಪಾವ॒ಕೋಽಶ್ನ॑ಸ್ಯ ಚಿಚ್ಛಿಶ್ನಥತ್ಪೂ॒ರ್ವ್ಯಾಣಿ॑ || 6.4.3
ವ॒ದ್ಮಾ ಹಿ ಸೂ᳚ನೋ॒ ಅಸ್ಯ॑ದ್ಮ॒ಸದ್ವಾ᳚ ಚ॒ಕ್ರೇ ಅ॒ಗ್ನಿರ್ಜ॒ನುಷಾಜ್ಮಾನ್ನ‌ಮ್᳚ |
ಸ ತ್ವಂ ನ॑ ಊರ್ಜಸನ॒ ಊರ್ಜಂ᳚ ಧಾ॒ ರಾಜೇ᳚ವ ಜೇರವೃ॒ಕೇ ಕ್ಷೇ᳚ಷ್ಯ॒‌ನ್ತಃ || 6.4.4
ನಿತಿ॑ಕ್ತಿ॒ ಯೋ ವಾ᳚ರ॒ಣಮನ್ನ॒ಮತ್ತಿ॑ ವಾ॒ಯುರ್ನ ರಾಷ್ಟ್ರ್ಯತ್ಯೇ᳚ತ್ಯ॒ಕ್ತೂನ್ |
ತು॒ರ್ಯಾಮ॒ ಯಸ್ತ॑ ಆ॒ದಿಶಾ॒ಮರಾ᳚ತೀ॒ರತ್ಯೋ॒ ನ ಹ್ರುತಃ॒ ಪತ॑ತಃ ಪರಿ॒ಹ್ರುತ್ || 6.4.5
ಆ ಸೂರ್ಯೋ॒ ನ ಭಾ᳚ನು॒ಮದ್ಭಿ॑ರ॒ರ್ಕೈರಗ್ನೇ᳚ ತ॒ತ‌ನ್ಥ॒ ರೋದ॑ಸೀ॒ ವಿ ಭಾ॒ಸಾ |
ಚಿ॒ತ್ರೋ ನ॑ಯ॒ತ್ಪರಿ॒ ತಮಾಂ᳚ಸ್ಯ॒ಕ್ತಃ ಶೋ॒ಚಿಷಾ॒ ಪತ್ಮ᳚ನ್ನೌಶಿ॒ಜೋ ನ ದೀಯನ್॑ || 6.4.6
ತ್ವಾಂ ಹಿ ಮಂ॒ದ್ರತ॑ಮಮರ್ಕಶೋ॒ಕೈರ್ವ॑ವೃ॒ಮಹೇ॒ ಮಹಿ॑ ನಃ॒ ಶ್ರೋಷ್ಯ॑ಗ್ನೇ |
ಇಂದ್ರಂ॒ ನ ತ್ವಾ॒ ಶವ॑ಸಾ ದೇ॒ವತಾ᳚ ವಾ॒ಯುಂ ಪೃ॑ಣ‌ನ್ತಿ॒ ರಾಧ॑ಸಾ॒ ನೃತ॑ಮಾಃ || 6.4.7
ನೂ ನೋ᳚ ಅಗ್ನೇಽವೃ॒ಕೇಭಿಃ॑ ಸ್ವ॒ಸ್ತಿ ವೇಷಿ॑ ರಾ॒ಯಃ ಪ॒ಥಿಭಿಃ॒ ಪರ್ಷ್ಯಂಹಃ॑ |
ತಾ ಸೂ॒ರಿಭ್ಯೋ᳚ ಗೃಣ॒ತೇ ರಾ᳚ಸಿ ಸು॒ಮ್ನಂ ಮದೇ᳚ಮ ಶ॒ತಹಿ॑ಮಾಃ ಸು॒ವೀರಾಃ᳚ || 6.4.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಹು॒ವೇ ವಃ॑ ಸೂ॒ನುಂ ಸಹ॑ಸೋ॒ ಯುವಾ᳚ನ॒ಮದ್ರೋ᳚ಘವಾಚಂ ಮ॒ತಿಭಿ॒ರ್ಯವಿ॑ಷ್ಠ‌ಮ್ |
ಯ ಇನ್ವ॑ತಿ॒ ದ್ರವಿ॑ಣಾನಿ॒ ಪ್ರಚೇ᳚ತಾ ವಿ॒ಶ್ವವಾ᳚ರಾಣಿ ಪುರು॒ವಾರೋ᳚ ಅ॒ಧ್ರುಕ್ || 6.5.1
ತ್ವೇ ವಸೂ᳚ನಿ ಪುರ್ವಣೀಕ ಹೋತರ್ದೋ॒ಷಾ ವಸ್ತೋ॒ರೇರಿ॑ರೇ ಯ॒ಜ್ಞಿಯಾ᳚ಸಃ |
ಕ್ಷಾಮೇ᳚ವ॒ ವಿಶ್ವಾ॒ ಭುವ॑ನಾನಿ॒ ಯಸ್ಮಿ॒‌‌ನ್ತ್ಸಂ ಸೌಭ॑ಗಾನಿ ದಧಿ॒ರೇ ಪಾ᳚ವ॒ಕೇ || 6.5.2
ತ್ವಂ ವಿ॒ಕ್ಷು ಪ್ರ॒ದಿವಃ॑ ಸೀದ ಆ॒ಸು ಕ್ರತ್ವಾ᳚ ರ॒ಥೀರ॑ಭವೋ॒ ವಾರ್ಯಾ᳚ಣಾ‌ಮ್ |
ಅತ॑ ಇನೋಷಿ ವಿಧ॒ತೇ ಚಿ॑ಕಿತ್ವೋ॒ ವ್ಯಾ᳚ನು॒ಷಗ್ಜಾ᳚ತವೇದೋ॒ ವಸೂ᳚ನಿ || 6.5.3
ಯೋ ನಃ॒ ಸನು॑ತ್ಯೋ ಅಭಿ॒ದಾಸ॑ದಗ್ನೇ॒ ಯೋ ಅ‌ನ್ತ॑ರೋ ಮಿತ್ರಮಹೋ ವನು॒ಷ್ಯಾತ್ |
ತಮ॒ಜರೇ᳚ಭಿ॒ರ್ವೃಷ॑ಭಿ॒ಸ್ತವ॒ ಸ್ವೈಸ್ತಪಾ᳚ ತಪಿಷ್ಠ॒ ತಪ॑ಸಾ॒ ತಪ॑ಸ್ವಾನ್ || 6.5.4
ಯಸ್ತೇ᳚ ಯ॒ಜ್ಞೇನ॑ ಸ॒ಮಿಧಾ॒ ಯ ಉ॒ಕ್ಥೈರ॒ರ್ಕೇಭಿಃ॑ ಸೂನೋ ಸಹಸೋ॒ ದದಾ᳚ಶತ್ |
ಸ ಮರ್ತ್ಯೇ᳚ಷ್ವಮೃತ॒ ಪ್ರಚೇ᳚ತಾ ರಾ॒ಯಾ ದ್ಯು॒ಮ್ನೇನ॒ ಶ್ರವ॑ಸಾ॒ ವಿ ಭಾ᳚ತಿ || 6.5.5
ಸ ತತ್ಕೃ॑ಧೀಷಿ॒ತಸ್ತೂಯ॑ಮಗ್ನೇ॒ ಸ್ಪೃಧೋ᳚ ಬಾಧಸ್ವ॒ ಸಹ॑ಸಾ॒ ಸಹ॑ಸ್ವಾನ್ |
ಯಚ್ಛ॒ಸ್ಯಸೇ॒ ದ್ಯುಭಿ॑ರ॒ಕ್ತೋ ವಚೋ᳚ಭಿ॒ಸ್ತಜ್ಜು॑ಷಸ್ವ ಜರಿ॒ತುರ್ಘೋಷಿ॒ ಮನ್ಮ॑ || 6.5.6
ಅ॒ಶ್ಯಾಮ॒ ತಂ ಕಾಮ॑ಮಗ್ನೇ॒ ತವೋ॒ತೀ ಅ॒ಶ್ಯಾಮ॑ ರ॒ಯಿಂ ರ॑ಯಿವಃ ಸು॒ವೀರ‌ಮ್᳚ |
ಅ॒ಶ್ಯಾಮ॒ ವಾಜ॑ಮ॒ಭಿ ವಾ॒ಜಯ᳚‌ನ್ತೋ॒ಽಶ್ಯಾಮ॑ ದ್ಯು॒ಮ್ನಮ॑ಜರಾ॒ಜರಂ᳚ ತೇ || 6.5.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ನವ್ಯ॑ಸಾ॒ ಸಹ॑ಸಃ ಸೂ॒ನುಮಚ್ಛಾ᳚ ಯ॒ಜ್ಞೇನ॑ ಗಾ॒ತುಮವ॑ ಇ॒ಚ್ಛಮಾ᳚ನಃ |
ವೃ॒ಶ್ಚದ್ವ॑ನಂ ಕೃ॒ಷ್ಣಯಾ᳚ಮಂ॒ ರುಶ᳚‌ನ್ತಂ ವೀ॒ತೀ ಹೋತಾ᳚ರಂ ದಿ॒ವ್ಯಂ ಜಿ॑ಗಾತಿ || 6.6.1
ಸ ಶ್ವಿ॑ತಾ॒ನಸ್ತ᳚ನ್ಯ॒ತೂ ರೋ᳚ಚನ॒ಸ್ಥಾ ಅ॒ಜರೇ᳚ಭಿ॒ರ್ನಾನ॑ದದ್ಭಿ॒ರ್ಯವಿ॑ಷ್ಠಃ |
ಯಃ ಪಾ᳚ವ॒ಕಃ ಪು॑ರು॒ತಮಃ॑ ಪು॒ರೂಣಿ॑ ಪೃ॒ಥೂನ್ಯ॒ಗ್ನಿರ॑ನು॒ಯಾತಿ॒ ಭರ್ವನ್॑ || 6.6.2
ವಿ ತೇ॒ ವಿಷ್ವ॒ಗ್ವಾತ॑ಜೂತಾಸೋ ಅಗ್ನೇ॒ ಭಾಮಾ᳚ಸಃ ಶುಚೇ॒ ಶುಚ॑ಯಶ್ಚರ‌ನ್ತಿ |
ತು॒ವಿ॒ಮ್ರ॒ಕ್ಷಾಸೋ᳚ ದಿ॒ವ್ಯಾ ನವ॑ಗ್ವಾ॒ ವನಾ᳚ ವನ‌ನ್ತಿ ಧೃಷ॒ತಾ ರು॒ಜ‌ನ್ತಃ॑ || 6.6.3
ಯೇ ತೇ᳚ ಶು॒ಕ್ರಾಸಃ॒ ಶುಚ॑ಯಃ ಶುಚಿಷ್ಮಃ॒ ಕ್ಷಾಂ ವಪ᳚‌ನ್ತಿ॒ ವಿಷಿ॑ತಾಸೋ॒ ಅಶ್ವಾಃ᳚ |
ಅಧ॑ ಭ್ರ॒ಮಸ್ತ॑ ಉರ್ವಿ॒ಯಾ ವಿ ಭಾ᳚ತಿ ಯಾ॒ತಯ॑ಮಾನೋ॒ ಅಧಿ॒ ಸಾನು॒ ಪೃಶ್ನೇಃ᳚ || 6.6.4
ಅಧ॑ ಜಿ॒ಹ್ವಾ ಪಾ᳚ಪತೀತಿ॒ ಪ್ರ ವೃಷ್ಣೋ᳚ ಗೋಷು॒ಯುಧೋ॒ ನಾಶನಿಃ॑ ಸೃಜಾ॒ನಾ |
ಶೂರ॑ಸ್ಯೇವ॒ ಪ್ರಸಿ॑ತಿಃ ಕ್ಷಾ॒ತಿರ॒ಗ್ನೇರ್ದು॒ರ್ವರ್ತು॑ರ್ಭೀ॒ಮೋ ದ॑ಯತೇ॒ ವನಾ᳚ನಿ || 6.6.5
ಆ ಭಾ॒ನುನಾ॒ ಪಾರ್ಥಿ॑ವಾನಿ॒ ಜ್ರಯಾಂ᳚ಸಿ ಮ॒ಹಸ್ತೋ॒ದಸ್ಯ॑ ಧೃಷ॒ತಾ ತ॑ತ‌ನ್ಥ |
ಸ ಬಾ᳚ಧ॒ಸ್ವಾಪ॑ ಭ॒ಯಾ ಸಹೋ᳚ಭಿಃ॒ ಸ್ಪೃಧೋ᳚ ವನು॒ಷ್ಯನ್ವ॒ನುಷೋ॒ ನಿ ಜೂ᳚ರ್ವ || 6.6.6
ಸ ಚಿ॑ತ್ರ ಚಿ॒ತ್ರಂ ಚಿ॒ತಯ᳚‌ನ್ತಮ॒ಸ್ಮೇ ಚಿತ್ರ॑ಕ್ಷತ್ರ ಚಿ॒ತ್ರತ॑ಮಂ ವಯೋ॒ಧಾ‌ಮ್ |
ಚಂ॒ದ್ರಂ ರ॒ಯಿಂ ಪು॑ರು॒ವೀರಂ᳚ ಬೃ॒ಹ‌ನ್ತಂ॒ ಚಂದ್ರ॑ ಚಂ॒ದ್ರಾಭಿ॑ರ್ಗೃಣ॒ತೇ ಯು॑ವಸ್ವ || 6.6.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, (1-5) ಪ್ರಥಮಾದಿಪಂಚರ್ಚಾಂ ತ್ರಿಷ್ಟುಪ್, (6-7) ಷಷ್ಠೀಸಪ್ತಮ್ಯೋಶ್ಚ ಜಗತೀ ಛಂದಸೀ

ಮೂ॒ರ್ಧಾನಂ᳚ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ᳚ಶ್ವಾನ॒ರಮೃ॒ತ ಆ ಜಾ॒ತಮ॒ಗ್ನಿ‌ಮ್ |
ಕ॒ವಿಂ ಸ॒ಮ್ರಾಜ॒ಮತಿ॑ಥಿಂ॒ ಜನಾ᳚ನಾಮಾ॒ಸನ್ನಾ ಪಾತ್ರಂ᳚ ಜನಯ‌ನ್ತ ದೇ॒ವಾಃ || 6.7.1
ನಾಭಿಂ᳚ ಯ॒ಜ್ಞಾನಾಂ॒ ಸದ॑ನಂ ರಯೀ॒ಣಾಂ ಮ॒ಹಾಮಾ᳚ಹಾ॒ವಮ॒ಭಿ ಸಂ ನ॑ವ‌ನ್ತ |
ವೈ॒ಶ್ವಾ॒ನ॒ರಂ ರ॒ಥ್ಯ॑ಮಧ್ವ॒ರಾಣಾಂ᳚ ಯ॒ಜ್ಞಸ್ಯ॑ ಕೇ॒ತುಂ ಜ॑ನಯ‌ನ್ತ ದೇ॒ವಾಃ || 6.7.2
ತ್ವದ್ವಿಪ್ರೋ᳚ ಜಾಯತೇ ವಾ॒ಜ್ಯ॑ಗ್ನೇ॒ ತ್ವದ್ವೀ॒ರಾಸೋ᳚ ಅಭಿಮಾತಿ॒ಷಾಹಃ॑ |
ವೈಶ್ವಾ᳚ನರ॒ ತ್ವಮ॒ಸ್ಮಾಸು॑ ಧೇಹಿ॒ ವಸೂ᳚ನಿ ರಾಜ‌‌ನ್ತ್ಸ್ಪೃಹ॒ಯಾಯ್ಯಾ᳚ಣಿ || 6.7.3
ತ್ವಾಂ ವಿಶ್ವೇ᳚ ಅಮೃತ॒ ಜಾಯ॑ಮಾನಂ॒ ಶಿಶುಂ॒ ನ ದೇ॒ವಾ ಅ॒ಭಿ ಸಂ ನ॑ವ‌ನ್ತೇ |
ತವ॒ ಕ್ರತು॑ಭಿರಮೃತ॒ತ್ವಮಾ᳚ಯ॒ನ್ವೈಶ್ವಾ᳚ನರ॒ ಯತ್ಪಿ॒ತ್ರೋರದೀ᳚ದೇಃ || 6.7.4
ವೈಶ್ವಾ᳚ನರ॒ ತವ॒ ತಾನಿ᳚ ವ್ರ॒ತಾನಿ॑ ಮ॒ಹಾನ್ಯ॑ಗ್ನೇ॒ ನಕಿ॒ರಾ ದ॑ಧರ್ಷ |
ಯಜ್ಜಾಯ॑ಮಾನಃ ಪಿ॒ತ್ರೋರು॒ಪಸ್ಥೇಽವಿಂ᳚ದಃ ಕೇ॒ತುಂ ವ॒ಯುನೇ॒ಷ್ವಹ್ನಾ᳚‌ಮ್ || 6.7.5
ವೈ॒ಶ್ವಾ॒ನ॒ರಸ್ಯ॒ ವಿಮಿ॑ತಾನಿ॒ ಚಕ್ಷ॑ಸಾ॒ ಸಾನೂ᳚ನಿ ದಿ॒ವೋ ಅ॒ಮೃತ॑ಸ್ಯ ಕೇ॒ತುನಾ᳚ |
ತಸ್ಯೇದು॒ ವಿಶ್ವಾ॒ ಭುವ॒ನಾಧಿ॑ ಮೂ॒ರ್ಧನಿ॑ ವ॒ಯಾ ಇ॑ವ ರುರುಹುಃ ಸ॒ಪ್ತ ವಿ॒ಸ್ರುಹಃ॑ || 6.7.6
ವಿ ಯೋ ರಜಾಂ॒ಸ್ಯಮಿ॑ಮೀತ ಸು॒ಕ್ರತು᳚ರ್ವೈಶ್ವಾನ॒ರೋ ವಿ ದಿ॒ವೋ ರೋ᳚ಚ॒ನಾ ಕ॒ವಿಃ |
ಪರಿ॒ ಯೋ ವಿಶ್ವಾ॒ ಭುವ॑ನಾನಿ ಪಪ್ರ॒ಥೇಽದ॑ಬ್ಧೋ ಗೋ॒ಪಾ ಅ॒ಮೃತ॑ಸ್ಯ ರಕ್ಷಿ॒ತಾ || 6.7.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, (1-6) ಪ್ರಥಮಾದಿತೃಚದ್ವಯಸ್ಯ ಜಗತೀ, (7) ಸಪ್ತಮ್ಯಾ ಚಶ್ಚ ತ್ರಿಷ್ಟುಪ್ ಛಂದಸೀ

ಪೃ॒ಕ್ಷಸ್ಯ॒ ವೃಷ್ಣೋ᳚ ಅರು॒ಷಸ್ಯ॒ ನೂ ಸಹಃ॒ ಪ್ರ ನು ವೋ᳚ಚಂ ವಿ॒ದಥಾ᳚ ಜಾ॒ತವೇ᳚ದಸಃ |
ವೈ॒ಶ್ವಾ॒ನ॒ರಾಯ॑ ಮ॒ತಿರ್ನವ್ಯ॑ಸೀ॒ ಶುಚಿಃ॒ ಸೋಮ॑ ಇವ ಪವತೇ॒ ಚಾರು॑ರ॒ಗ್ನಯೇ᳚ || 6.8.1
ಸ ಜಾಯ॑ಮಾನಃ ಪರ॒ಮೇ ವ್ಯೋ᳚ಮನಿ ವ್ರ॒ತಾನ್ಯ॒ಗ್ನಿರ್ವ್ರ॑ತ॒ಪಾ ಅ॑ರಕ್ಷತ |
ವ್ಯ1॒᳚‌ನ್ತರಿ॑ಕ್ಷಮಮಿಮೀತ ಸು॒ಕ್ರತು᳚ರ್ವೈಶ್ವಾನ॒ರೋ ಮ॑ಹಿ॒ನಾ ನಾಕ॑ಮಸ್ಪೃಶತ್ || 6.8.2
ವ್ಯ॑ಸ್ತಭ್ನಾ॒ದ್ರೋದ॑ಸೀ ಮಿ॒ತ್ರೋ ಅದ್ಭು॑ತೋಽ‌ನ್ತ॒ರ್ವಾವ॑ದಕೃಣೋ॒ಜ್ಜ್ಯೋತಿ॑ಷಾ॒ ತಮಃ॑ |
ವಿ ಚರ್ಮ॑ಣೀವ ಧಿ॒ಷಣೇ᳚ ಅವರ್ತಯದ್ವೈಶ್ವಾನ॒ರೋ ವಿಶ್ವ॑ಮಧತ್ತ॒ ವೃಷ್ಣ್ಯ‌ಮ್᳚ || 6.8.3
ಅ॒ಪಾಮು॒ಪಸ್ಥೇ᳚ ಮಹಿ॒ಷಾ ಅ॑ಗೃಭ್ಣತ॒ ವಿಶೋ॒ ರಾಜಾ᳚ನ॒ಮುಪ॑ ತಸ್ಥುರ್‌ಋ॒ಗ್ಮಿಯ‌ಮ್᳚ |
ಆ ದೂ॒ತೋ ಅ॒ಗ್ನಿಮ॑ಭರದ್ವಿ॒ವಸ್ವ॑ತೋ ವೈಶ್ವಾನ॒ರಂ ಮಾ᳚ತ॒ರಿಶ್ವಾ᳚ ಪರಾ॒ವತಃ॑ || 6.8.4
ಯು॒ಗೇಯು॑ಗೇ ವಿದ॒ಥ್ಯಂ᳚ ಗೃ॒ಣದ್ಭ್ಯೋಽಗ್ನೇ᳚ ರ॒ಯಿಂ ಯ॒ಶಸಂ᳚ ಧೇಹಿ॒ ನವ್ಯ॑ಸೀ‌ಮ್ |
ಪ॒ವ್ಯೇವ॑ ರಾಜನ್ನ॒ಘಶಂ᳚ಸಮಜರ ನೀ॒ಚಾ ನಿ ವೃ॑ಶ್ಚ ವ॒ನಿನಂ॒ ನ ತೇಜ॑ಸಾ || 6.8.5
ಅ॒ಸ್ಮಾಕ॑ಮಗ್ನೇ ಮ॒ಘವ॑ತ್ಸು ಧಾರ॒ಯಾನಾ᳚ಮಿ ಕ್ಷ॒ತ್ರಮ॒ಜರಂ᳚ ಸು॒ವೀರ್ಯ‌ಮ್᳚ |
ವ॒ಯಂ ಜ॑ಯೇಮ ಶ॒ತಿನಂ᳚ ಸಹ॒ಸ್ರಿಣಂ॒ ವೈಶ್ವಾ᳚ನರ॒ ವಾಜ॑ಮಗ್ನೇ॒ ತವೋ॒ತಿಭಿಃ॑ || 6.8.6
ಅದ॑ಬ್ಧೇಭಿ॒ಸ್ತವ॑ ಗೋ॒ಪಾಭಿ॑ರಿಷ್ಟೇ॒ಽಸ್ಮಾಕಂ᳚ ಪಾಹಿ ತ್ರಿಷಧಸ್ಥ ಸೂ॒ರೀನ್ |
ರಕ್ಷಾ᳚ ಚ ನೋ ದ॒ದುಷಾಂ॒ ಶರ್ಧೋ᳚ ಅಗ್ನೇ॒ ವೈಶ್ವಾ᳚ನರ॒ ಪ್ರ ಚ॑ ತಾರೀಃ॒ ಸ್ತವಾ᳚ನಃ || 6.8.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಹ॑ಶ್ಚ ಕೃ॒ಷ್ಣಮಹ॒ರರ್ಜು॑ನಂ ಚ॒ ವಿ ವ॑ರ್ತೇತೇ॒ ರಜ॑ಸೀ ವೇ॒ದ್ಯಾಭಿಃ॑ |
ವೈ॒ಶ್ವಾ॒ನ॒ರೋ ಜಾಯ॑ಮಾನೋ॒ ನ ರಾಜಾವಾ᳚ತಿರ॒ಜ್ಜ್ಯೋತಿ॑ಷಾ॒ಗ್ನಿಸ್ತಮಾಂ᳚ಸಿ || 6.9.1
ನಾಹಂ ತ‌ನ್ತುಂ॒ ನ ವಿ ಜಾ᳚ನಾ॒ಮ್ಯೋತುಂ॒ ನ ಯಂ ವಯ᳚‌ನ್ತಿ ಸಮ॒ರೇಽತ॑ಮಾನಾಃ |
ಕಸ್ಯ॑ ಸ್ವಿತ್ಪು॒ತ್ರ ಇ॒ಹ ವಕ್ತ್ವಾ᳚ನಿ ಪ॒ರೋ ವ॑ದಾ॒ತ್ಯವ॑ರೇಣ ಪಿ॒ತ್ರಾ || 6.9.2
ಸ ಇತ್ತ‌ನ್ತುಂ॒ ಸ ವಿ ಜಾ᳚ನಾ॒ತ್ಯೋತುಂ॒ ಸ ವಕ್ತ್ವಾ᳚ನ್ಯೃತು॒ಥಾ ವ॑ದಾತಿ |
ಯ ಈಂ॒ ಚಿಕೇ᳚ತದ॒ಮೃತ॑ಸ್ಯ ಗೋ॒ಪಾ ಅ॒ವಶ್ಚರ᳚ನ್ಪ॒ರೋ ಅ॒ನ್ಯೇನ॒ ಪಶ್ಯನ್॑ || 6.9.3
ಅ॒ಯಂ ಹೋತಾ᳚ ಪ್ರಥ॒ಮಃ ಪಶ್ಯ॑ತೇ॒ಮಮಿ॒ದಂ ಜ್ಯೋತಿ॑ರ॒ಮೃತಂ॒ ಮರ್ತ್ಯೇ᳚ಷು |
ಅ॒ಯಂ ಸ ಜ॑ಜ್ಞೇ ಧ್ರು॒ವ ಆ ನಿಷ॒ತ್ತೋಽಮ॑ರ್ತ್ಯಸ್ತ॒ನ್ವಾ॒3॒॑ ವರ್ಧ॑ಮಾನಃ || 6.9.4
ಧ್ರು॒ವಂ ಜ್ಯೋತಿ॒ರ್ನಿಹಿ॑ತಂ ದೃ॒ಶಯೇ॒ ಕಂ ಮನೋ॒ ಜವಿ॑ಷ್ಠಂ ಪ॒ತಯ॑ತ್ಸ್ವ॒‌ನ್ತಃ |
ವಿಶ್ವೇ᳚ ದೇ॒ವಾಃ ಸಮ॑ನಸಃ॒ ಸಕೇ᳚ತಾ॒ ಏಕಂ॒ ಕ್ರತು॑ಮ॒ಭಿ ವಿ ಯ᳚‌ನ್ತಿ ಸಾ॒ಧು || 6.9.5
ವಿ ಮೇ॒ ಕರ್ಣಾ᳚ ಪತಯತೋ॒ ವಿ ಚಕ್ಷು॒ರ್ವೀ॒3॒॑ದಂ ಜ್ಯೋತಿ॒ರ್ಹೃದ॑ಯ॒ ಆಹಿ॑ತಂ॒ ಯತ್ |
ವಿ ಮೇ॒ ಮನ॑ಶ್ಚರತಿ ದೂ॒ರಆ᳚ಧೀಃ॒ ಕಿಂ ಸ್ವಿ॑ದ್ವ॒ಕ್ಷ್ಯಾಮಿ॒ ಕಿಮು॒ ನೂ ಮ॑ನಿಷ್ಯೇ || 6.9.6
ವಿಶ್ವೇ᳚ ದೇ॒ವಾ ಅ॑ನಮಸ್ಯನ್ಭಿಯಾ॒ನಾಸ್ತ್ವಾಮ॑ಗ್ನೇ॒ ತಮ॑ಸಿ ತಸ್ಥಿ॒ವಾಂಸ‌ಮ್᳚ |
ವೈ॒ಶ್ವಾ॒ನ॒ರೋ᳚ಽವತೂ॒ತಯೇ॒ ನೋಽಮ॑ರ್ತ್ಯೋಽವತೂ॒ತಯೇ᳚ ನಃ || 6.9.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, (1-6) ಪ್ರಥಮಾದಿತೃಚದ್ಯಸ್ಯ ತ್ರಿಷ್ಟುಪ್, (7) ಸಪ್ತಮ್ಯಾ ಚಶ್ಚ ದ್ವಿಪದಾ ವಿರಾಟ್ ಛಂದಸೀ

ಪು॒ರೋ ವೋ᳚ ಮಂ॒ದ್ರಂ ದಿ॒ವ್ಯಂ ಸು॑ವೃ॒ಕ್ತಿಂ ಪ್ರ॑ಯ॒ತಿ ಯ॒ಜ್ಞೇ ಅ॒ಗ್ನಿಮ॑ಧ್ವ॒ರೇ ದ॑ಧಿಧ್ವ‌ಮ್ |
ಪು॒ರ ಉ॒ಕ್ಥೇಭಿಃ॒ ಸ ಹಿ ನೋ᳚ ವಿ॒ಭಾವಾ᳚ ಸ್ವಧ್ವ॒ರಾ ಕ॑ರತಿ ಜಾ॒ತವೇ᳚ದಾಃ || 6.10.1
ತಮು॑ ದ್ಯುಮಃ ಪುರ್ವಣೀಕ ಹೋತ॒ರಗ್ನೇ᳚ ಅ॒ಗ್ನಿಭಿ॒ರ್ಮನು॑ಷ ಇಧಾ॒ನಃ |
ಸ್ತೋಮಂ॒ ಯಮ॑ಸ್ಮೈ ಮ॒ಮತೇ᳚ವ ಶೂ॒ಷಂ ಘೃ॒ತಂ ನ ಶುಚಿ॑ ಮ॒ತಯಃ॑ ಪವ‌ನ್ತೇ || 6.10.2
ಪೀ॒ಪಾಯ॒ ಸ ಶ್ರವ॑ಸಾ॒ ಮರ್ತ್ಯೇ᳚ಷು॒ ಯೋ ಅ॒ಗ್ನಯೇ᳚ ದ॒ದಾಶ॒ ವಿಪ್ರ॑ ಉ॒ಕ್ಥೈಃ |
ಚಿ॒ತ್ರಾಭಿ॒ಸ್ತಮೂ॒ತಿಭಿ॑ಶ್ಚಿ॒ತ್ರಶೋ᳚ಚಿರ್ವ್ರ॒ಜಸ್ಯ॑ ಸಾ॒ತಾ ಗೋಮ॑ತೋ ದಧಾತಿ || 6.10.3
ಆ ಯಃ ಪ॒ಪ್ರೌ ಜಾಯ॑ಮಾನ ಉ॒ರ್ವೀ ದೂ᳚ರೇ॒ದೃಶಾ᳚ ಭಾ॒ಸಾ ಕೃ॒ಷ್ಣಾಧ್ವಾ᳚ |
ಅಧ॑ ಬ॒ಹು ಚಿ॒ತ್ತಮ॒ ಊರ್ಮ್ಯಾ᳚ಯಾಸ್ತಿ॒ರಃ ಶೋ॒ಚಿಷಾ᳚ ದದೃಶೇ ಪಾವ॒ಕಃ || 6.10.4
ನೂ ನ॑ಶ್ಚಿ॒ತ್ರಂ ಪು॑ರು॒ವಾಜಾ᳚ಭಿರೂ॒ತೀ ಅಗ್ನೇ᳚ ರ॒ಯಿಂ ಮ॒ಘವ॑ದ್ಭ್ಯಶ್ಚ ಧೇಹಿ |
ಯೇ ರಾಧ॑ಸಾ॒ ಶ್ರವ॑ಸಾ॒ ಚಾತ್ಯ॒ನ್ಯಾ‌‌ನ್ತ್ಸು॒ವೀರ್ಯೇ᳚ಭಿಶ್ಚಾ॒ಭಿ ಸ‌ನ್ತಿ॒ ಜನಾನ್॑ || 6.10.5
ಇ॒ಮಂ ಯ॒ಜ್ಞಂ ಚನೋ᳚ ಧಾ ಅಗ್ನ ಉ॒ಶನ್ಯಂ ತ॑ ಆಸಾ॒ನೋ ಜು॑ಹು॒ತೇ ಹ॒ವಿಷ್ಮಾನ್॑ |
ಭ॒ರದ್ವಾ᳚ಜೇಷು ದಧಿಷೇ ಸುವೃ॒ಕ್ತಿಮವೀ॒ರ್ವಾಜ॑ಸ್ಯ॒ ಗಧ್ಯ॑ಸ್ಯ ಸಾ॒ತೌ || 6.10.6
ವಿ ದ್ವೇಷಾಂ᳚ಸೀನು॒ಹಿ ವ॒ರ್ಧಯೇಳಾಂ॒ ಮದೇ᳚ಮ ಶ॒ತಹಿ॑ಮಾಃ ಸು॒ವೀರಾಃ᳚ || 6.10.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಯಜ॑ಸ್ವ ಹೋತರಿಷಿ॒ತೋ ಯಜೀ᳚ಯಾ॒ನಗ್ನೇ॒ ಬಾಧೋ᳚ ಮ॒ರುತಾಂ॒ ನ ಪ್ರಯು॑ಕ್ತಿ |
ಆ ನೋ᳚ ಮಿ॒ತ್ರಾವರು॑ಣಾ॒ ನಾಸ॑ತ್ಯಾ॒ ದ್ಯಾವಾ᳚ ಹೋ॒ತ್ರಾಯ॑ ಪೃಥಿ॒ವೀ ವ॑ವೃತ್ಯಾಃ || 6.11.1
ತ್ವಂ ಹೋತಾ᳚ ಮಂ॒ದ್ರತ॑ಮೋ ನೋ ಅ॒ಧ್ರುಗ॒‌ನ್ತರ್ದೇ॒ವೋ ವಿ॒ದಥಾ॒ ಮರ್ತ್ಯೇ᳚ಷು |
ಪಾ॒ವ॒ಕಯಾ᳚ ಜು॒ಹ್ವಾ॒3॒॑ ವಹ್ನಿ॑ರಾ॒ಸಾಗ್ನೇ॒ ಯಜ॑ಸ್ವ ತ॒ನ್ವ1॒॑ ಅಂತವ॒ ಸ್ವಾ‌ಮ್ || 6.11.2
ಧನ್ಯಾ᳚ ಚಿ॒ದ್ಧಿ ತ್ವೇ ಧಿ॒ಷಣಾ॒ ವಷ್ಟಿ॒ ಪ್ರ ದೇ॒ವಾಂಜನ್ಮ॑ ಗೃಣ॒ತೇ ಯಜ॑ಧ್ಯೈ |
ವೇಪಿ॑ಷ್ಠೋ॒ ಅಂಗಿ॑ರಸಾಂ॒ ಯದ್ಧ॒ ವಿಪ್ರೋ॒ ಮಧು॑ ಚ್ಛಂ॒ದೋ ಭನ॑ತಿ ರೇ॒ಭ ಇ॒ಷ್ಟೌ || 6.11.3
ಅದಿ॑ದ್ಯುತ॒ತ್ಸ್ವಪಾ᳚ಕೋ ವಿ॒ಭಾವಾಗ್ನೇ॒ ಯಜ॑ಸ್ವ॒ ರೋದ॑ಸೀ ಉರೂ॒ಚೀ |
ಆ॒ಯುಂ ನ ಯಂ ನಮ॑ಸಾ ರಾ॒ತಹ᳚ವ್ಯಾ ಅಂ॒ಜ‌ನ್ತಿ॑ ಸುಪ್ರ॒ಯಸಂ॒ ಪಂಚ॒ ಜನಾಃ᳚ || 6.11.4
ವೃಂ॒ಜೇ ಹ॒ ಯನ್ನಮ॑ಸಾ ಬ॒ರ್ಹಿರ॒ಗ್ನಾವಯಾ᳚ಮಿ॒ ಸ್ರುಗ್ಘೃ॒ತವ॑ತೀ ಸುವೃ॒ಕ್ತಿಃ |
ಅಮ್ಯ॑ಕ್ಷಿ॒ ಸದ್ಮ॒ ಸದ॑ನೇ ಪೃಥಿ॒ವ್ಯಾ ಅಶ್ರಾ᳚ಯಿ ಯ॒ಜ್ಞಃ ಸೂರ್ಯೇ॒ ನ ಚಕ್ಷುಃ॑ || 6.11.5
ದ॒ಶ॒ಸ್ಯಾ ನಃ॑ ಪುರ್ವಣೀಕ ಹೋತರ್ದೇ॒ವೇಭಿ॑ರಗ್ನೇ ಅ॒ಗ್ನಿಭಿ॑ರಿಧಾ॒ನಃ |
ರಾ॒ಯಃ ಸೂ᳚ನೋ ಸಹಸೋ ವಾವಸಾ॒ನಾ ಅತಿ॑ ಸ್ರಸೇಮ ವೃ॒ಜನಂ॒ ನಾಂಹಃ॑ || 6.11.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಮಧ್ಯೇ॒ ಹೋತಾ᳚ ದುರೋ॒ಣೇ ಬ॒ರ್ಹಿಷೋ॒ ರಾಳ॒ಗ್ನಿಸ್ತೋ॒ದಸ್ಯ॒ ರೋದ॑ಸೀ॒ ಯಜ॑ಧ್ಯೈ |
ಅ॒ಯಂ ಸ ಸೂ॒ನುಃ ಸಹ॑ಸ ಋ॒ತಾವಾ᳚ ದೂ॒ರಾತ್ಸೂರ್ಯೋ॒ ನ ಶೋ॒ಚಿಷಾ᳚ ತತಾನ || 6.12.1
ಆ ಯಸ್ಮಿ॒‌ನ್ತ್ವೇ ಸ್ವಪಾ᳚ಕೇ ಯಜತ್ರ॒ ಯಕ್ಷ॑ದ್ರಾಜ‌‌ನ್ತ್ಸ॒ರ್ವತಾ᳚ತೇವ॒ ನು ದ್ಯೌಃ |
ತ್ರಿ॒ಷ॒ಧಸ್ಥ॑ಸ್ತತ॒ರುಷೋ॒ ನ ಜಂಹೋ᳚ ಹ॒ವ್ಯಾ ಮ॒ಘಾನಿ॒ ಮಾನು॑ಷಾ॒ ಯಜ॑ಧ್ಯೈ || 6.12.2
ತೇಜಿ॑ಷ್ಠಾ॒ ಯಸ್ಯಾ᳚ರ॒ತಿರ್ವ॑ನೇ॒ರಾಟ್ ತೋ॒ದೋ ಅಧ್ವ॒ನ್ನ ವೃ॑ಧಸಾ॒ನೋ ಅ॑ದ್ಯೌತ್ |
ಅ॒ದ್ರೋ॒ಘೋ ನ ದ್ರ॑ವಿ॒ತಾ ಚೇ᳚ತತಿ॒ ತ್ಮನ್ನಮ॑ರ್ತ್ಯೋಽವ॒ರ್ತ್ರ ಓಷ॑ಧೀಷು || 6.12.3
ಸಾಸ್ಮಾಕೇ᳚ಭಿರೇ॒ತರೀ॒ ನ ಶೂ॒ಷೈರ॒ಗ್ನಿಃ ಷ್ಟ॑ವೇ॒ ದಮ॒ ಆ ಜಾ॒ತವೇ᳚ದಾಃ |
ದ್ರ್ವ᳚ನ್ನೋ ವ॒ನ್ವನ್ಕ್ರತ್ವಾ॒ ನಾರ್ವೋ॒ಸ್ರಃ ಪಿ॒ತೇವ॑ ಜಾರ॒ಯಾಯಿ॑ ಯ॒ಜ್ಞೈಃ || 6.12.4
ಅಧ॑ ಸ್ಮಾಸ್ಯ ಪನಯ‌ನ್ತಿ॒ ಭಾಸೋ॒ ವೃಥಾ॒ ಯತ್ತಕ್ಷ॑ದನು॒ಯಾತಿ॑ ಪೃ॒ಥ್ವೀ‌ಮ್ |
ಸ॒ದ್ಯೋ ಯಃ ಸ್ಯಂ॒ದ್ರೋ ವಿಷಿ॑ತೋ॒ ಧವೀ᳚ಯಾನೃ॒ಣೋ ನ ತಾ॒ಯುರತಿ॒ ಧನ್ವಾ᳚ ರಾಟ್ || 6.12.5
ಸ ತ್ವಂ ನೋ᳚ ಅರ್ವ॒ನ್ನಿದಾ᳚ಯಾ॒ ವಿಶ್ವೇ᳚ಭಿರಗ್ನೇ ಅ॒ಗ್ನಿಭಿ॑ರಿಧಾ॒ನಃ |
ವೇಷಿ॑ ರಾ॒ಯೋ ವಿ ಯಾ᳚ಸಿ ದು॒ಚ್ಛುನಾ॒ ಮದೇ᳚ಮ ಶ॒ತಹಿ॑ಮಾಃ ಸು॒ವೀರಾಃ᳚ || 6.12.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ತ್ವದ್ವಿಶ್ವಾ᳚ ಸುಭಗ॒ ಸೌಭ॑ಗಾ॒ನ್ಯಗ್ನೇ॒ ವಿ ಯ᳚‌ನ್ತಿ ವ॒ನಿನೋ॒ ನ ವ॒ಯಾಃ |
ಶ್ರು॒ಷ್ಟೀ ರ॒ಯಿರ್ವಾಜೋ᳚ ವೃತ್ರ॒ತೂರ್ಯೇ᳚ ದಿ॒ವೋ ವೃ॒ಷ್ಟಿರೀಡ್ಯೋ᳚ ರೀ॒ತಿರ॒ಪಾ‌ಮ್ || 6.13.1
ತ್ವಂ ಭಗೋ᳚ ನ॒ ಆ ಹಿ ರತ್ನ॑ಮಿ॒ಷೇ ಪರಿ॑ಜ್ಮೇವ ಕ್ಷಯಸಿ ದ॒ಸ್ಮವ॑ರ್ಚಾಃ |
ಅಗ್ನೇ᳚ ಮಿ॒ತ್ರೋ ನ ಬೃ॑ಹ॒ತ ಋ॒ತಸ್ಯಾಸಿ॑ ಕ್ಷ॒ತ್ತಾ ವಾ॒ಮಸ್ಯ॑ ದೇವ॒ ಭೂರೇಃ᳚ || 6.13.2
ಸ ಸತ್ಪ॑ತಿಃ॒ ಶವ॑ಸಾ ಹ‌ನ್ತಿ ವೃ॒ತ್ರಮಗ್ನೇ॒ ವಿಪ್ರೋ॒ ವಿ ಪ॒ಣೇರ್ಭ॑ರ್ತಿ॒ ವಾಜ‌ಮ್᳚ |
ಯಂ ತ್ವಂ ಪ್ರ॑ಚೇತ ಋತಜಾತ ರಾ॒ಯಾ ಸ॒ಜೋಷಾ॒ ನಪ್ತ್ರಾ॒ಪಾಂ ಹಿ॒ನೋಷಿ॑ || 6.13.3
ಯಸ್ತೇ᳚ ಸೂನೋ ಸಹಸೋ ಗೀ॒ರ್ಭಿರು॒ಕ್ಥೈರ್ಯ॒ಜ್ಞೈರ್ಮರ್ತೋ॒ ನಿಶಿ॑ತಿಂ ವೇ॒ದ್ಯಾನ॑ಟ್ |
ವಿಶ್ವಂ॒ ಸ ದೇ᳚ವ॒ ಪ್ರತಿ॒ ವಾರ॑ಮಗ್ನೇ ಧ॒ತ್ತೇ ಧಾ॒ನ್ಯ1॒॑ ಅಂಪತ್ಯ॑ತೇ ವಸ॒ವ್ಯೈಃ᳚ || 6.13.4
ತಾ ನೃಭ್ಯ॒ ಆ ಸೌ᳚ಶ್ರವ॒ಸಾ ಸು॒ವೀರಾಗ್ನೇ᳚ ಸೂನೋ ಸಹಸಃ ಪು॒ಷ್ಯಸೇ᳚ ಧಾಃ |
ಕೃ॒ಣೋಷಿ॒ ಯಚ್ಛವ॑ಸಾ॒ ಭೂರಿ॑ ಪ॒ಶ್ವೋ ವಯೋ॒ ವೃಕಾ᳚ಯಾ॒ರಯೇ॒ ಜಸು॑ರಯೇ || 6.13.5
ವ॒ದ್ಮಾ ಸೂ᳚ನೋ ಸಹಸೋ ನೋ॒ ವಿಹಾ᳚ಯಾ॒ ಅಗ್ನೇ᳚ ತೋ॒ಕಂ ತನ॑ಯಂ ವಾ॒ಜಿ ನೋ᳚ ದಾಃ |
ವಿಶ್ವಾ᳚ಭಿರ್ಗೀ॒ರ್ಭಿರ॒ಭಿ ಪೂ॒ರ್ತಿಮ॑ಶ್ಯಾಂ॒ ಮದೇ᳚ಮ ಶ॒ತಹಿ॑ಮಾಃ ಸು॒ವೀರಾಃ᳚ || 6.13.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿರ್ದೇವತಾ, (1-5) ಪ್ರಥಮಾದಿಪಂಚರ್ಚಾಮನುಷ್ಟಪ್(6) ಷಷ್ಠ್ಯಾ ಚಶ್ಚ ಶಕ್ವರೀ ಛಂದಸೀ

ಅ॒ಗ್ನಾ ಯೋ ಮರ್ತ್ಯೋ॒ ದುವೋ॒ ಧಿಯಂ᳚ ಜು॒ಜೋಷ॑ ಧೀ॒ತಿಭಿಃ॑ |
ಭಸ॒ನ್ನು ಷ ಪ್ರ ಪೂ॒ರ್ವ್ಯ ಇಷಂ᳚ ವುರೀ॒ತಾವ॑ಸೇ || 6.14.1
ಅ॒ಗ್ನಿರಿದ್ಧಿ ಪ್ರಚೇ᳚ತಾ ಅ॒ಗ್ನಿರ್ವೇ॒ಧಸ್ತ॑ಮ॒ ಋಷಿಃ॑ |
ಅ॒ಗ್ನಿಂ ಹೋತಾ᳚ರಮೀಳತೇ ಯ॒ಜ್ಞೇಷು॒ ಮನು॑ಷೋ॒ ವಿಶಃ॑ || 6.14.2
ನಾನಾ॒ ಹ್ಯ1॒॑ಗ್ನೇಽವ॑ಸೇ॒ ಸ್ಪರ್ಧ᳚‌ನ್ತೇ॒ ರಾಯೋ᳚ ಅ॒ರ್ಯಃ |
ತೂರ್ವ᳚‌ನ್ತೋ॒ ದಸ್ಯು॑ಮಾ॒ಯವೋ᳚ ವ್ರ॒ತೈಃ ಸೀಕ್ಷ᳚‌ನ್ತೋ ಅವ್ರ॒ತ‌ಮ್ || 6.14.3
ಅ॒ಗ್ನಿರ॒ಪ್ಸಾಮೃ॑ತೀ॒ಷಹಂ᳚ ವೀ॒ರಂ ದ॑ದಾತಿ॒ ಸತ್ಪ॑ತಿ‌ಮ್ |
ಯಸ್ಯ॒ ತ್ರಸ᳚‌ನ್ತಿ॒ ಶವ॑ಸಃ ಸಂ॒ಚಕ್ಷಿ॒ ಶತ್ರ॑ವೋ ಭಿ॒ಯಾ || 6.14.4
ಅ॒ಗ್ನಿರ್ಹಿ ವಿ॒ದ್ಮನಾ᳚ ನಿ॒ದೋ ದೇ॒ವೋ ಮರ್ತ॑ಮುರು॒ಷ್ಯತಿ॑ |
ಸ॒ಹಾವಾ॒ ಯಸ್ಯಾವೃ॑ತೋ ರ॒ಯಿರ್ವಾಜೇ॒ಷ್ವವೃ॑ತಃ || 6.14.5
ಅಚ್ಛಾ᳚ ನೋ ಮಿತ್ರಮಹೋ ದೇವ ದೇ॒ವಾನಗ್ನೇ॒ ವೋಚಃ॑ ಸುಮ॒ತಿಂ ರೋದ॑ಸ್ಯೋಃ |
ವೀ॒ಹಿ ಸ್ವ॒ಸ್ತಿಂ ಸು॑ಕ್ಷಿ॒ತಿಂ ದಿ॒ವೋ ನೄಂದ್ವಿ॒ಷೋ ಅಂಹಾಂ᳚ಸಿ ದುರಿ॒ತಾ ತ॑ರೇಮ॒ ತಾ ತ॑ರೇಮ॒ ತವಾವ॑ಸಾ ತರೇಮ || 6.14.6

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಆಂಗಿರಸೋ ವೀತಹವ್ಯೋ ವಾ ಋಷಿಃ, ಅಗ್ನಿದೇರ್ವತಾ(1-2, 4-5, 7-9) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥೀಪಂಚಮ್ಯೋಃ ಸಪ್ತಮೀನವಮ್ಯೋಶ್ಚ ಜಗತೀ, (3, 15) ತೃತೀಯಾಪಂಚದಶ್ಯೋಃ ಶಕ್ವರೀ, (6) ಷಷ್ಠ್ಯಾ ಅತಿಶಕ್ವರೀ, (10-14, 16, 19) ದಶಮ್ಯಾದಿಪಂಚಾನಾಂ ಷೋಡಶ್ಯಾ ಏಕೋನವಿಂಶ್ಯಾಶ್ಚ ತ್ರಿಷ್ಟುಪ್, (17) ಸಪ್ತದಶ್ಯಾ ಅನುಷ್ಟುಪ್ (18) ಅಷ್ಟಾದಶ್ಯಾಶ್ಚ ಬೃಹತೀ ಛಂದಾಂಸಿ

ಇ॒ಮಮೂ॒ ಷು ವೋ॒ ಅತಿ॑ಥಿಮುಷ॒ರ್ಬುಧಂ॒ ವಿಶ್ವಾ᳚ಸಾಂ ವಿ॒ಶಾಂ ಪತಿ॑ಮೃಂಜಸೇ ಗಿ॒ರಾ |
ವೇತೀದ್ದಿ॒ವೋ ಜ॒ನುಷಾ॒ ಕಚ್ಚಿ॒ದಾ ಶುಚಿ॒ರ್ಜ್ಯೋಕ್ಚಿ॑ದತ್ತಿ॒ ಗರ್ಭೋ॒ ಯದಚ್ಯು॑ತ‌ಮ್ || 6.15.1
ಮಿ॒ತ್ರಂ ನ ಯಂ ಸುಧಿ॑ತಂ॒ ಭೃಗ॑ವೋ ದ॒ಧುರ್ವನ॒ಸ್ಪತಾ॒ವೀಡ್ಯ॑ಮೂ॒ರ್ಧ್ವಶೋ᳚ಚಿಷ‌ಮ್ |
ಸ ತ್ವಂ ಸುಪ್ರೀ᳚ತೋ ವೀ॒ತಹ᳚ವ್ಯೇ ಅದ್ಭುತ॒ ಪ್ರಶ॑ಸ್ತಿಭಿರ್ಮಹಯಸೇ ದಿ॒ವೇದಿ॑ವೇ || 6.15.2
ಸ ತ್ವಂ ದಕ್ಷ॑ಸ್ಯಾವೃ॒ಕೋ ವೃ॒ಧೋ ಭೂ᳚ರ॒ರ್ಯಃ ಪರ॒ಸ್ಯಾ‌ನ್ತ॑ರಸ್ಯ॒ ತರು॑ಷಃ |
ರಾ॒ಯಃ ಸೂ᳚ನೋ ಸಹಸೋ॒ ಮರ್ತ್ಯೇ॒ಷ್ವಾ ಛ॒ರ್ದಿರ್ಯ॑ಚ್ಛ ವೀ॒ತಹ᳚ವ್ಯಾಯ ಸ॒ಪ್ರಥೋ᳚ ಭ॒ರದ್ವಾ᳚ಜಾಯ ಸ॒ಪ್ರಥಃ॑ || 6.15.3
ದ್ಯು॒ತಾ॒ನಂ ವೋ॒ ಅತಿ॑ಥಿಂ॒ ಸ್ವ᳚ರ್ಣರಮ॒ಗ್ನಿಂ ಹೋತಾ᳚ರಂ॒ ಮನು॑ಷಃ ಸ್ವಧ್ವ॒ರ‌ಮ್ |
ವಿಪ್ರಂ॒ ನ ದ್ಯು॒ಕ್ಷವ॑ಚಸಂ ಸುವೃ॒ಕ್ತಿಭಿ॑ರ್ಹವ್ಯ॒ವಾಹ॑ಮರ॒ತಿಂ ದೇ॒ವಮೃಂ᳚ಜಸೇ || 6.15.4
ಪಾ॒ವ॒ಕಯಾ॒ ಯಶ್ಚಿ॒ತಯ᳚‌ನ್ತ್ಯಾ ಕೃ॒ಪಾ ಕ್ಷಾಮ᳚ನ್ರುರು॒ಚ ಉ॒ಷಸೋ॒ ನ ಭಾ॒ನುನಾ᳚ |
ತೂರ್ವ॒ನ್ನ ಯಾಮ॒ನ್ನೇತ॑ಶಸ್ಯ॒ ನೂ ರಣ॒ ಆ ಯೋ ಘೃ॒ಣೇ ನ ತ॑ತೃಷಾ॒ಣೋ ಅ॒ಜರಃ॑ || 6.15.5
ಅ॒ಗ್ನಿಮ॑ಗ್ನಿಂ ವಃ ಸ॒ಮಿಧಾ᳚ ದುವಸ್ಯತ ಪ್ರಿ॒ಯಂಪ್ರಿ॑ಯಂ ವೋ॒ ಅತಿ॑ಥಿಂ ಗೃಣೀ॒ಷಣಿ॑ |
ಉಪ॑ ವೋ ಗೀ॒ರ್ಭಿರ॒ಮೃತಂ᳚ ವಿವಾಸತ ದೇ॒ವೋ ದೇ॒ವೇಷು॒ ವನ॑ತೇ॒ ಹಿ ವಾರ್ಯಂ᳚ ದೇ॒ವೋ ದೇ॒ವೇಷು॒ ವನ॑ತೇ॒ ಹಿ ನೋ॒ ದುವಃ॑ || 6.15.6
ಸಮಿ॑ದ್ಧಮ॒ಗ್ನಿಂ ಸ॒ಮಿಧಾ᳚ ಗಿ॒ರಾ ಗೃ॑ಣೇ॒ ಶುಚಿಂ᳚ ಪಾವ॒ಕಂ ಪು॒ರೋ ಅ॑ಧ್ವ॒ರೇ ಧ್ರು॒ವ‌ಮ್ |
ವಿಪ್ರಂ॒ ಹೋತಾ᳚ರಂ ಪುರು॒ವಾರ॑ಮ॒ದ್ರುಹಂ᳚ ಕ॒ವಿಂ ಸು॒ಮ್ನೈರೀ᳚ಮಹೇ ಜಾ॒ತವೇ᳚ದಸ‌ಮ್ || 6.15.7
ತ್ವಾಂ ದೂ॒ತಮ॑ಗ್ನೇ ಅ॒ಮೃತಂ᳚ ಯು॒ಗೇಯು॑ಗೇ ಹವ್ಯ॒ವಾಹಂ᳚ ದಧಿರೇ ಪಾ॒ಯುಮೀಡ್ಯ‌ಮ್᳚ |
ದೇ॒ವಾಸ॑ಶ್ಚ॒ ಮರ್ತಾ᳚ಸಶ್ಚ॒ ಜಾಗೃ॑ವಿಂ ವಿ॒ಭುಂ ವಿ॒ಶ್ಪತಿಂ॒ ನಮ॑ಸಾ॒ ನಿ ಷೇ᳚ದಿರೇ || 6.15.8
ವಿ॒ಭೂಷ᳚ನ್ನಗ್ನ ಉ॒ಭಯಾಁ॒ ಅನು᳚ ವ್ರ॒ತಾ ದೂ॒ತೋ ದೇ॒ವಾನಾಂ॒ ರಜ॑ಸೀ॒ ಸಮೀ᳚ಯಸೇ |
ಯತ್ತೇ᳚ ಧೀ॒ತಿಂ ಸು॑ಮ॒ತಿಮಾ᳚ವೃಣೀ॒ಮಹೇಽಧ॑ ಸ್ಮಾ ನಸ್ತ್ರಿ॒ವರೂ᳚ಥಃ ಶಿ॒ವೋ ಭ॑ವ || 6.15.9
ತಂ ಸು॒ಪ್ರತೀ᳚ಕಂ ಸು॒ದೃಶಂ॒ ಸ್ವಂಚ॒ಮವಿ॑ದ್ವಾಂಸೋ ವಿ॒ದುಷ್ಟ॑ರಂ ಸಪೇಮ |
ಸ ಯ॑ಕ್ಷ॒ದ್ವಿಶ್ವಾ᳚ ವ॒ಯುನಾ᳚ನಿ ವಿ॒ದ್ವಾನ್ಪ್ರ ಹ॒ವ್ಯಮ॒ಗ್ನಿರ॒ಮೃತೇ᳚ಷು ವೋಚತ್ || 6.15.10
ತಮ॑ಗ್ನೇ ಪಾಸ್ಯು॒ತ ತಂ ಪಿ॑ಪರ್ಷಿ॒ ಯಸ್ತ॒ ಆನ॑ಟ್ ಕ॒ವಯೇ᳚ ಶೂರ ಧೀ॒ತಿ‌ಮ್ |
ಯ॒ಜ್ಞಸ್ಯ॑ ವಾ॒ ನಿಶಿ॑ತಿಂ॒ ವೋದಿ॑ತಿಂ ವಾ॒ ತಮಿತ್ಪೃ॑ಣಕ್ಷಿ॒ ಶವ॑ಸೋ॒ತ ರಾ॒ಯಾ || 6.15.11
ತ್ವಮ॑ಗ್ನೇ ವನುಷ್ಯ॒ತೋ ನಿ ಪಾ᳚ಹಿ॒ ತ್ವಮು॑ ನಃ ಸಹಸಾವನ್ನವ॒ದ್ಯಾತ್ |
ಸಂ ತ್ವಾ᳚ ಧ್ವಸ್ಮ॒ನ್ವದ॒ಭ್ಯೇ᳚ತು॒ ಪಾಥಃ॒ ಸಂ ರ॒ಯಿಃ ಸ್ಪೃ॑ಹ॒ಯಾಯ್ಯಃ॑ ಸಹ॒ಸ್ರೀ || 6.15.12
ಅ॒ಗ್ನಿರ್ಹೋತಾ᳚ ಗೃ॒ಹಪ॑ತಿಃ॒ ಸ ರಾಜಾ॒ ವಿಶ್ವಾ᳚ ವೇದ॒ ಜನಿ॑ಮಾ ಜಾ॒ತವೇ᳚ದಾಃ |
ದೇ॒ವಾನಾ᳚ಮು॒ತ ಯೋ ಮರ್ತ್ಯಾ᳚ನಾಂ॒ ಯಜಿ॑ಷ್ಠಃ॒ ಸ ಪ್ರ ಯ॑ಜತಾಮೃ॒ತಾವಾ᳚ || 6.15.13
ಅಗ್ನೇ॒ ಯದ॒ದ್ಯ ವಿ॒ಶೋ ಅ॑ಧ್ವರಸ್ಯ ಹೋತಃ॒ ಪಾವ॑ಕಶೋಚೇ॒ ವೇಷ್ಟ್ವಂ ಹಿ ಯಜ್ವಾ᳚ |
ಋ॒ತಾ ಯ॑ಜಾಸಿ ಮಹಿ॒ನಾ ವಿ ಯದ್ಭೂರ್ಹ॒ವ್ಯಾ ವ॑ಹ ಯವಿಷ್ಠ॒ ಯಾ ತೇ᳚ ಅ॒ದ್ಯ || 6.15.14
ಅ॒ಭಿ ಪ್ರಯಾಂ᳚ಸಿ॒ ಸುಧಿ॑ತಾನಿ॒ ಹಿ ಖ್ಯೋ ನಿ ತ್ವಾ᳚ ದಧೀತ॒ ರೋದ॑ಸೀ॒ ಯಜ॑ಧ್ಯೈ |
ಅವಾ᳚ ನೋ ಮಘವ॒ನ್ವಾಜ॑ಸಾತಾ॒ವಗ್ನೇ॒ ವಿಶ್ವಾ᳚ನಿ ದುರಿ॒ತಾ ತ॑ರೇಮ॒ ತಾ ತ॑ರೇಮ॒ ತವಾವ॑ಸಾ ತರೇಮ || 6.15.15
ಅಗ್ನೇ॒ ವಿಶ್ವೇ᳚ಭಿಃ ಸ್ವನೀಕ ದೇ॒ವೈರೂರ್ಣಾ᳚ವ‌ನ್ತಂ ಪ್ರಥ॒ಮಃ ಸೀ᳚ದ॒ ಯೋನಿ‌ಮ್᳚ |
ಕು॒ಲಾ॒ಯಿನಂ᳚ ಘೃ॒ತವ᳚‌ನ್ತಂ ಸವಿ॒ತ್ರೇ ಯ॒ಜ್ಞಂ ನ॑ಯ॒ ಯಜ॑ಮಾನಾಯ ಸಾ॒ಧು || 6.15.16
ಇ॒ಮಮು॒ ತ್ಯಮ॑ಥರ್ವ॒ವದ॒ಗ್ನಿಂ ಮ᳚‌ನ್ಥ‌ನ್ತಿ ವೇ॒ಧಸಃ॑ |
ಯಮಂ᳚ಕೂ॒ಯ‌ನ್ತ॒ಮಾನ॑ಯ॒ನ್ನಮೂ᳚ರಂ ಶ್ಯಾ॒ವ್ಯಾ᳚ಭ್ಯಃ || 6.15.17
ಜನಿ॑ಷ್ವಾ ದೇ॒ವವೀ᳚ತಯೇ ಸ॒ರ್ವತಾ᳚ತಾ ಸ್ವ॒ಸ್ತಯೇ᳚ |
ಆ ದೇ॒ವಾನ್ವ॑ಕ್ಷ್ಯ॒ಮೃತಾಁ᳚ ಋತಾ॒ವೃಧೋ᳚ ಯ॒ಜ್ಞಂ ದೇ॒ವೇಷು॑ ಪಿಸ್ಪೃಶಃ || 6.15.18
ವ॒ಯಮು॑ ತ್ವಾ ಗೃಹಪತೇ ಜನಾನಾ॒ಮಗ್ನೇ॒ ಅಕ᳚ರ್ಮ ಸ॒ಮಿಧಾ᳚ ಬೃ॒ಹ‌ನ್ತ‌ಮ್᳚ |
ಅ॒ಸ್ಥೂ॒ರಿ ನೋ॒ ಗಾರ್ಹ॑ಪತ್ಯಾನಿ ಸ‌ನ್ತು ತಿ॒ಗ್ಮೇನ॑ ನ॒ಸ್ತೇಜ॑ಸಾ॒ ಸಂ ಶಿ॑ಶಾಧಿ || 6.15.19

(1-48) ಅಷ್ಟಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಗ್ನಿದೇರ್ವತಾ(1, 6) ಪ್ರಥಮಾಷಷ್ಠ್ಯೋರೃಚೋರ್ವಧರ್ಮ ನಿಆ, (2-5, 7-26, 28-45) ದ್ವಿತೀಯಾದಿಚತಸೃಣಾಂ ಸಪ್ತಮ್ಯಾದಿವಿಂಶತೇರಷ್ಟಾವಿಂಶ್ಯಾದ್ಯಷ್ಟಾದಶಾನಾಂಚ ಗಾಯತ್ರೀ, (27, 4748) ಸಪ್ತವಿಂಶ್ಯಾಃ ಸಪ್ತಚತ್ವಾರಿಂಶ್ಯಷ್ಟಚತ್ವಾರಿಂಶ್ಯೋಶ್ಚಾನುಷ್ಟಪ್ (46) ಷಟ್ಚತ್ವಾರಿಂಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ತ್ವಮ॑ಗ್ನೇ ಯ॒ಜ್ಞಾನಾಂ॒ ಹೋತಾ॒ ವಿಶ್ವೇ᳚ಷಾಂ ಹಿ॒ತಃ |
ದೇ॒ವೇಭಿ॒ರ್ಮಾನು॑ಷೇ॒ ಜನೇ᳚ || 6.16.1
ಸ ನೋ᳚ ಮಂ॒ದ್ರಾಭಿ॑ರಧ್ವ॒ರೇ ಜಿ॒ಹ್ವಾಭಿ᳚ರ್ಯಜಾ ಮ॒ಹಃ |
ಆ ದೇ॒ವಾನ್ವ॑ಕ್ಷಿ॒ ಯಕ್ಷಿ॑ ಚ || 6.16.2
ವೇತ್ಥಾ॒ ಹಿ ವೇ᳚ಧೋ॒ ಅಧ್ವ॑ನಃ ಪ॒ಥಶ್ಚ॑ ದೇ॒ವಾಂಜ॑ಸಾ |
ಅಗ್ನೇ᳚ ಯ॒ಜ್ಞೇಷು॑ ಸುಕ್ರತೋ || 6.16.3
ತ್ವಾಮೀ᳚ಳೇ॒ ಅಧ॑ ದ್ವಿ॒ತಾ ಭ॑ರ॒ತೋ ವಾ॒ಜಿಭಿಃ॑ ಶು॒ನ‌ಮ್ |
ಈ॒ಜೇ ಯ॒ಜ್ಞೇಷು॑ ಯ॒ಜ್ಞಿಯ‌ಮ್᳚ || 6.16.4
ತ್ವಮಿ॒ಮಾ ವಾರ್ಯಾ᳚ ಪು॒ರು ದಿವೋ᳚ದಾಸಾಯ ಸುನ್ವ॒ತೇ |
ಭ॒ರದ್ವಾ᳚ಜಾಯ ದಾ॒ಶುಷೇ᳚ || 6.16.5
ತ್ವಂ ದೂ॒ತೋ ಅಮ॑ರ್ತ್ಯ॒ ಆ ವ॑ಹಾ॒ ದೈವ್ಯಂ॒ ಜನ‌ಮ್᳚ |
ಶೃ॒ಣ್ವನ್ವಿಪ್ರ॑ಸ್ಯ ಸುಷ್ಟು॒ತಿ‌ಮ್ || 6.16.6
ತ್ವಾಮ॑ಗ್ನೇ ಸ್ವಾ॒ಧ್ಯೋ॒3॒॑ ಮರ್ತಾ᳚ಸೋ ದೇ॒ವವೀ᳚ತಯೇ |
ಯ॒ಜ್ಞೇಷು॑ ದೇ॒ವಮೀ᳚ಳತೇ || 6.16.7
ತವ॒ ಪ್ರ ಯ॑ಕ್ಷಿ ಸಂ॒ದೃಶ॑ಮು॒ತ ಕ್ರತುಂ᳚ ಸು॒ದಾನ॑ವಃ |
ವಿಶ್ವೇ᳚ ಜುಷ‌ನ್ತ ಕಾ॒ಮಿನಃ॑ || 6.16.8
ತ್ವಂ ಹೋತಾ॒ ಮನು॑ರ್ಹಿತೋ॒ ವಹ್ನಿ॑ರಾ॒ಸಾ ವಿ॒ದುಷ್ಟ॑ರಃ |
ಅಗ್ನೇ॒ ಯಕ್ಷಿ॑ ದಿ॒ವೋ ವಿಶಃ॑ || 6.16.9
ಅಗ್ನ॒ ಆ ಯಾ᳚ಹಿ ವೀ॒ತಯೇ᳚ ಗೃಣಾ॒ನೋ ಹ॒ವ್ಯದಾ᳚ತಯೇ |
ನಿ ಹೋತಾ᳚ ಸತ್ಸಿ ಬ॒ರ್ಹಿಷಿ॑ || 6.16.10
ತಂ ತ್ವಾ᳚ ಸ॒ಮಿದ್ಭಿ॑ರಂಗಿರೋ ಘೃ॒ತೇನ॑ ವರ್ಧಯಾಮಸಿ |
ಬೃ॒ಹಚ್ಛೋ᳚ಚಾ ಯವಿಷ್ಠ್ಯ || 6.16.11
ಸ ನಃ॑ ಪೃ॒ಥು ಶ್ರ॒ವಾಯ್ಯ॒ಮಚ್ಛಾ᳚ ದೇವ ವಿವಾಸಸಿ |
ಬೃ॒ಹದ॑ಗ್ನೇ ಸು॒ವೀರ್ಯ‌ಮ್᳚ || 6.16.12
ತ್ವಾಮ॑ಗ್ನೇ॒ ಪುಷ್ಕ॑ರಾ॒ದಧ್ಯಥ᳚ರ್ವಾ॒ ನಿರ॑ಮ‌ನ್ಥತ |
ಮೂ॒ರ್ಧ್ನೋ ವಿಶ್ವ॑ಸ್ಯ ವಾ॒ಘತಃ॑ || 6.16.13
ತಮು॑ ತ್ವಾ ದ॒ಧ್ಯಙ್ಙೃಷಿಃ॑ ಪು॒ತ್ರ ಈ᳚ಧೇ॒ ಅಥ᳚ರ್ವಣಃ |
ವೃ॒ತ್ರ॒ಹಣಂ᳚ ಪುರಂದ॒ರ‌ಮ್ || 6.16.14
ತಮು॑ ತ್ವಾ ಪಾ॒ಥ್ಯೋ ವೃಷಾ॒ ಸಮೀ᳚ಧೇ ದಸ್ಯು॒ಹ‌ನ್ತ॑ಮ‌ಮ್ |
ಧ॒ನಂ॒ಜ॒ಯಂ ರಣೇ᳚ರಣೇ || 6.16.15
ಏಹ್ಯೂ॒ ಷು ಬ್ರವಾ᳚ಣಿ॒ ತೇಽಗ್ನ॑ ಇ॒ತ್ಥೇತ॑ರಾ॒ ಗಿರಃ॑ |
ಏ॒ಭಿರ್ವ॑ರ್ಧಾಸ॒ ಇಂದು॑ಭಿಃ || 6.16.16
ಯತ್ರ॒ ಕ್ವ॑ ಚ ತೇ॒ ಮನೋ॒ ದಕ್ಷಂ᳚ ದಧಸ॒ ಉತ್ತ॑ರ‌ಮ್ |
ತತ್ರಾ॒ ಸದಃ॑ ಕೃಣವಸೇ || 6.16.17
ನ॒ಹಿ ತೇ᳚ ಪೂ॒ರ್ತಮ॑ಕ್ಷಿ॒ಪದ್ಭುವ᳚ನ್ನೇಮಾನಾಂ ವಸೋ |
ಅಥಾ॒ ದುವೋ᳚ ವನವಸೇ || 6.16.18
ಆಗ್ನಿರ॑ಗಾಮಿ॒ ಭಾರ॑ತೋ ವೃತ್ರ॒ಹಾ ಪು॑ರು॒ಚೇತ॑ನಃ |
ದಿವೋ᳚ದಾಸಸ್ಯ॒ ಸತ್ಪ॑ತಿಃ || 6.16.19
ಸ ಹಿ ವಿಶ್ವಾತಿ॒ ಪಾರ್ಥಿ॑ವಾ ರ॒ಯಿಂ ದಾಶ᳚ನ್ಮಹಿತ್ವ॒ನಾ |
ವ॒ನ್ವನ್ನವಾ᳚ತೋ॒ ಅಸ್ತೃ॑ತಃ || 6.16.20
ಸ ಪ್ರ॑ತ್ನ॒ವನ್ನವೀ᳚ಯ॒ಸಾಗ್ನೇ᳚ ದ್ಯು॒ಮ್ನೇನ॑ ಸಂ॒ಯತಾ᳚ |
ಬೃ॒ಹತ್ತ॑ತ‌ನ್ಥ ಭಾ॒ನುನಾ᳚ || 6.16.21
ಪ್ರ ವಃ॑ ಸಖಾಯೋ ಅ॒ಗ್ನಯೇ॒ ಸ್ತೋಮಂ᳚ ಯ॒ಜ್ಞಂ ಚ॑ ಧೃಷ್ಣು॒ಯಾ |
ಅರ್ಚ॒ ಗಾಯ॑ ಚ ವೇ॒ಧಸೇ᳚ || 6.16.22
ಸ ಹಿ ಯೋ ಮಾನು॑ಷಾ ಯು॒ಗಾ ಸೀದ॒ದ್ಧೋತಾ᳚ ಕ॒ವಿಕ್ರ॑ತುಃ |
ದೂ॒ತಶ್ಚ॑ ಹವ್ಯ॒ವಾಹ॑ನಃ || 6.16.23
ತಾ ರಾಜಾ᳚ನಾ॒ ಶುಚಿ᳚ವ್ರತಾದಿ॒ತ್ಯಾನ್ಮಾರು॑ತಂ ಗ॒ಣ‌ಮ್ |
ವಸೋ॒ ಯಕ್ಷೀ॒ಹ ರೋದ॑ಸೀ || 6.16.24
ವಸ್ವೀ᳚ ತೇ ಅಗ್ನೇ॒ ಸಂದೃ॑ಷ್ಟಿರಿಷಯ॒ತೇ ಮರ್ತ್ಯಾ᳚ಯ |
ಊರ್ಜೋ᳚ ನಪಾದ॒ಮೃತ॑ಸ್ಯ || 6.16.25
ಕ್ರತ್ವಾ॒ ದಾ ಅ॑ಸ್ತು॒ ಶ್ರೇಷ್ಠೋ॒ಽದ್ಯ ತ್ವಾ᳚ ವ॒ನ್ವ‌‌ನ್ತ್ಸು॒ರೇಕ್ಣಾಃ᳚ |
ಮರ್ತ॑ ಆನಾಶ ಸುವೃ॒ಕ್ತಿ‌ಮ್ || 6.16.26
ತೇ ತೇ᳚ ಅಗ್ನೇ॒ ತ್ವೋತಾ᳚ ಇ॒ಷಯ᳚‌ನ್ತೋ॒ ವಿಶ್ವ॒ಮಾಯುಃ॑ |
ತರ᳚‌ನ್ತೋ ಅ॒ರ್ಯೋ ಅರಾ᳚ತೀರ್ವ॒ನ್ವ‌ನ್ತೋ᳚ ಅ॒ರ್ಯೋ ಅರಾ᳚ತೀಃ || 6.16.27
ಅ॒ಗ್ನಿಸ್ತಿ॒ಗ್ಮೇನ॑ ಶೋ॒ಚಿಷಾ॒ ಯಾಸ॒ದ್ವಿಶ್ವಂ॒ ನ್ಯ1॒॑ತ್ರಿಣ‌ಮ್᳚ |
ಅ॒ಗ್ನಿರ್ನೋ᳚ ವನತೇ ರ॒ಯಿ‌ಮ್ || 6.16.28
ಸು॒ವೀರಂ᳚ ರ॒ಯಿಮಾ ಭ॑ರ॒ ಜಾತ॑ವೇದೋ॒ ವಿಚ॑ರ್ಷಣೇ |
ಜ॒ಹಿ ರಕ್ಷಾಂ᳚ಸಿ ಸುಕ್ರತೋ || 6.16.29
ತ್ವಂ ನಃ॑ ಪಾ॒ಹ್ಯಂಹ॑ಸೋ॒ ಜಾತ॑ವೇದೋ ಅಘಾಯ॒ತಃ |
ರಕ್ಷಾ᳚ ಣೋ ಬ್ರಹ್ಮಣಸ್ಕವೇ || 6.16.30
ಯೋ ನೋ᳚ ಅಗ್ನೇ ದು॒ರೇವ॒ ಆ ಮರ್ತೋ᳚ ವ॒ಧಾಯ॒ ದಾಶ॑ತಿ |
ತಸ್ಮಾ᳚ನ್ನಃ ಪಾ॒ಹ್ಯಂಹ॑ಸಃ || 6.16.31
ತ್ವಂ ತಂ ದೇ᳚ವ ಜಿ॒ಹ್ವಯಾ॒ ಪರಿ॑ ಬಾಧಸ್ವ ದು॒ಷ್ಕೃತ‌ಮ್᳚ |
ಮರ್ತೋ॒ ಯೋ ನೋ॒ ಜಿಘಾಂ᳚ಸತಿ || 6.16.32
ಭ॒ರದ್ವಾ᳚ಜಾಯ ಸ॒ಪ್ರಥಃ॒ ಶರ್ಮ॑ ಯಚ್ಛ ಸಹ‌ನ್ತ್ಯ |
ಅಗ್ನೇ॒ ವರೇ᳚ಣ್ಯಂ॒ ವಸು॑ || 6.16.33
ಅ॒ಗ್ನಿರ್ವೃ॒ತ್ರಾಣಿ॑ ಜಂಘನದ್ದ್ರವಿಣ॒ಸ್ಯುರ್ವಿ॑ಪ॒ನ್ಯಯಾ᳚ |
ಸಮಿ॑ದ್ಧಃ ಶು॒ಕ್ರ ಆಹು॑ತಃ || 6.16.34
ಗರ್ಭೇ᳚ ಮಾ॒ತುಃ ಪಿ॒ತುಷ್ಪಿ॒ತಾ ವಿ॑ದಿದ್ಯುತಾ॒ನೋ ಅ॒ಕ್ಷರೇ᳚ |
ಸೀದ᳚ನ್ನೃ॒ತಸ್ಯ॒ ಯೋನಿ॒ಮಾ || 6.16.35
ಬ್ರಹ್ಮ॑ ಪ್ರ॒ಜಾವ॒ದಾ ಭ॑ರ॒ ಜಾತ॑ವೇದೋ॒ ವಿಚ॑ರ್ಷಣೇ |
ಅಗ್ನೇ॒ ಯದ್ದೀ॒ದಯ॑ದ್ದಿ॒ವಿ || 6.16.36
ಉಪ॑ ತ್ವಾ ರ॒ಣ್ವಸಂ᳚ದೃಶಂ॒ ಪ್ರಯ॑ಸ್ವ‌ನ್ತಃ ಸಹಸ್ಕೃತ |
ಅಗ್ನೇ᳚ ಸಸೃ॒ಜ್ಮಹೇ॒ ಗಿರಃ॑ || 6.16.37
ಉಪ॑ ಚ್ಛಾ॒ಯಾಮಿ॑ವ॒ ಘೃಣೇ॒ರಗ᳚ನ್ಮ॒ ಶರ್ಮ॑ ತೇ ವ॒ಯ‌ಮ್ |
ಅಗ್ನೇ॒ ಹಿರ᳚ಣ್ಯಸಂದೃಶಃ || 6.16.38
ಯ ಉ॒ಗ್ರ ಇ॑ವ ಶರ್ಯ॒ಹಾ ತಿ॒ಗ್ಮಶೃಂ᳚ಗೋ॒ ನ ವಂಸ॑ಗಃ |
ಅಗ್ನೇ॒ ಪುರೋ᳚ ರು॒ರೋಜಿ॑ಥ || 6.16.39
ಆ ಯಂ ಹಸ್ತೇ॒ ನ ಖಾ॒ದಿನಂ॒ ಶಿಶುಂ᳚ ಜಾ॒ತಂ ನ ಬಿಭ್ರ॑ತಿ |
ವಿ॒ಶಾಮ॒ಗ್ನಿಂ ಸ್ವ॑ಧ್ವ॒ರ‌ಮ್ || 6.16.40
ಪ್ರ ದೇ॒ವಂ ದೇ॒ವವೀ᳚ತಯೇ॒ ಭರ॑ತಾ ವಸು॒ವಿತ್ತ॑ಮ‌ಮ್ |
ಆ ಸ್ವೇ ಯೋನೌ॒ ನಿ ಷೀ᳚ದತು || 6.16.41
ಆ ಜಾ॒ತಂ ಜಾ॒ತವೇ᳚ದಸಿ ಪ್ರಿ॒ಯಂ ಶಿ॑ಶೀ॒ತಾತಿ॑ಥಿ‌ಮ್ |
ಸ್ಯೋ॒ನ ಆ ಗೃ॒ಹಪ॑ತಿ‌ಮ್ || 6.16.42
ಅಗ್ನೇ᳚ ಯು॒ಕ್ಷ್ವಾ ಹಿ ಯೇ ತವಾಶ್ವಾ᳚ಸೋ ದೇವ ಸಾ॒ಧವಃ॑ |
ಅರಂ॒ ವಹ᳚‌ನ್ತಿ ಮ॒ನ್ಯವೇ᳚ || 6.16.43
ಅಚ್ಛಾ᳚ ನೋ ಯಾ॒ಹ್ಯಾ ವ॑ಹಾ॒ಭಿ ಪ್ರಯಾಂ᳚ಸಿ ವೀ॒ತಯೇ᳚ |
ಆ ದೇ॒ವಾ‌‌ನ್ತ್ಸೋಮ॑ಪೀತಯೇ || 6.16.44
ಉದ॑ಗ್ನೇ ಭಾರತ ದ್ಯು॒ಮದಜ॑ಸ್ರೇಣ॒ ದವಿ॑ದ್ಯುತತ್ |
ಶೋಚಾ॒ ವಿ ಭಾ᳚ಹ್ಯಜರ || 6.16.45
ವೀ॒ತೀ ಯೋ ದೇ॒ವಂ ಮರ್ತೋ᳚ ದುವ॒ಸ್ಯೇದ॒ಗ್ನಿಮೀ᳚ಳೀತಾಧ್ವ॒ರೇ ಹ॒ವಿಷ್ಮಾನ್॑ |
ಹೋತಾ᳚ರಂ ಸತ್ಯ॒ಯಜಂ॒ ರೋದ॑ಸ್ಯೋರುತ್ತಾ॒ನಹ॑ಸ್ತೋ॒ ನಮ॒ಸಾ ವಿ॑ವಾಸೇತ್ || 6.16.46
ಆ ತೇ᳚ ಅಗ್ನ ಋ॒ಚಾ ಹ॒ವಿರ್ಹೃ॒ದಾ ತ॒ಷ್ಟಂ ಭ॑ರಾಮಸಿ |
ತೇ ತೇ᳚ ಭವ‌ನ್ತೂ॒ಕ್ಷಣ॑ ಋಷ॒ಭಾಸೋ᳚ ವ॒ಶಾ ಉ॒ತ || 6.16.47
ಅ॒ಗ್ನಿಂ ದೇ॒ವಾಸೋ᳚ ಅಗ್ರಿ॒ಯಮಿಂ॒ಧತೇ᳚ ವೃತ್ರ॒ಹ‌ನ್ತ॑ಮ‌ಮ್ |
ಯೇನಾ॒ ವಸೂ॒ನ್ಯಾಭೃ॑ತಾ ತೃ॒ಳ್ಹಾ ರಕ್ಷಾಂ᳚ಸಿ ವಾ॒ಜಿನಾ᳚ || 6.16.48

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ (1-14) ಪ್ರಥಮಾದಿಚತುದಶ ಚರ್ಚಾಂ ತ್ರಿಷ್ಟುಪ್, (15) ಪಂಚದಶ್ಯಾಶ್ಚ ದ್ವಿಪದಾ ತ್ರಿಷ್ಟುಪ್ ಛಂದಸೀ

ಪಿಬಾ॒ ಸೋಮ॑ಮ॒ಭಿ ಯಮು॑ಗ್ರ॒ ತರ್ದ॑ ಊ॒ರ್ವಂ ಗವ್ಯಂ॒ ಮಹಿ॑ ಗೃಣಾ॒ನ ಇಂ᳚ದ್ರ |
ವಿ ಯೋ ಧೃ॑ಷ್ಣೋ॒ ವಧಿ॑ಷೋ ವಜ್ರಹಸ್ತ॒ ವಿಶ್ವಾ᳚ ವೃ॒ತ್ರಮ॑ಮಿ॒ತ್ರಿಯಾ॒ ಶವೋ᳚ಭಿಃ || 6.17.1
ಸ ಈಂ᳚ ಪಾಹಿ॒ ಯ ಋ॑ಜೀ॒ಷೀ ತರು॑ತ್ರೋ॒ ಯಃ ಶಿಪ್ರ॑ವಾನ್ವೃಷ॒ಭೋ ಯೋ ಮ॑ತೀ॒ನಾ‌ಮ್ |
ಯೋ ಗೋ᳚ತ್ರ॒ಭಿದ್ವ॑ಜ್ರ॒ಭೃದ್ಯೋ ಹ॑ರಿ॒ಷ್ಠಾಃ ಸ ಇಂ᳚ದ್ರ ಚಿ॒ತ್ರಾಁ ಅ॒ಭಿ ತೃಂ᳚ಧಿ॒ ವಾಜಾನ್॑ || 6.17.2
ಏ॒ವಾ ಪಾ᳚ಹಿ ಪ್ರ॒ತ್ನಥಾ॒ ಮಂದ॑ತು ತ್ವಾ ಶ್ರು॒ಧಿ ಬ್ರಹ್ಮ॑ ವಾವೃ॒ಧಸ್ವೋ॒ತ ಗೀ॒ರ್ಭಿಃ |
ಆ॒ವಿಃ ಸೂರ್ಯಂ᳚ ಕೃಣು॒ಹಿ ಪೀ᳚ಪಿ॒ಹೀಷೋ᳚ ಜ॒ಹಿ ಶತ್ರೂಁ᳚ರ॒ಭಿ ಗಾ ಇಂ᳚ದ್ರ ತೃಂಧಿ || 6.17.3
ತೇ ತ್ವಾ॒ ಮದಾ᳚ ಬೃ॒ಹದಿಂ᳚ದ್ರ ಸ್ವಧಾವ ಇ॒ಮೇ ಪೀ॒ತಾ ಉ॑ಕ್ಷಯ‌ನ್ತ ದ್ಯು॒ಮ‌ನ್ತ‌ಮ್᳚ |
ಮ॒ಹಾಮನೂ᳚ನಂ ತ॒ವಸಂ॒ ವಿಭೂ᳚ತಿಂ ಮತ್ಸ॒ರಾಸೋ᳚ ಜರ್ಹೃಷ‌ನ್ತ ಪ್ರ॒ಸಾಹ‌ಮ್᳚ || 6.17.4
ಯೇಭಿಃ॒ ಸೂರ್ಯ॑ಮು॒ಷಸಂ᳚ ಮಂದಸಾ॒ನೋಽವಾ᳚ಸ॒ಯೋಽಪ॑ ದೃ॒ಳ್ಹಾನಿ॒ ದರ್ದ್ರ॑ತ್ |
ಮ॒ಹಾಮದ್ರಿಂ॒ ಪರಿ॒ ಗಾ ಇಂ᳚ದ್ರ॒ ಸ‌ನ್ತಂ᳚ ನು॒ತ್ಥಾ ಅಚ್ಯು॑ತಂ॒ ಸದ॑ಸ॒ಸ್ಪರಿ॒ ಸ್ವಾತ್ || 6.17.5
ತವ॒ ಕ್ರತ್ವಾ॒ ತವ॒ ತದ್ದಂ॒ಸನಾ᳚ಭಿರಾ॒ಮಾಸು॑ ಪ॒ಕ್ವಂ ಶಚ್ಯಾ॒ ನಿ ದೀ᳚ಧಃ |
ಔರ್ಣೋ॒ರ್ದುರ॑ ಉ॒ಸ್ರಿಯಾ᳚ಭ್ಯೋ॒ ವಿ ದೃ॒ಳ್ಹೋದೂ॒ರ್ವಾದ್ಗಾ ಅ॑ಸೃಜೋ॒ ಅಂಗಿ॑ರಸ್ವಾನ್ || 6.17.6
ಪ॒ಪ್ರಾಥ॒ ಕ್ಷಾಂ ಮಹಿ॒ ದಂಸೋ॒ ವ್ಯು1॒᳚ರ್ವೀಮುಪ॒ ದ್ಯಾಮೃ॒ಷ್ವೋ ಬೃ॒ಹದಿಂ᳚ದ್ರ ಸ್ತಭಾಯಃ |
ಅಧಾ᳚ರಯೋ॒ ರೋದ॑ಸೀ ದೇ॒ವಪು॑ತ್ರೇ ಪ್ರ॒ತ್ನೇ ಮಾ॒ತರಾ᳚ ಯ॒ಹ್ವೀ ಋ॒ತಸ್ಯ॑ || 6.17.7
ಅಧ॑ ತ್ವಾ॒ ವಿಶ್ವೇ᳚ ಪು॒ರ ಇಂ᳚ದ್ರ ದೇ॒ವಾ ಏಕಂ᳚ ತ॒ವಸಂ᳚ ದಧಿರೇ॒ ಭರಾ᳚ಯ |
ಅದೇ᳚ವೋ॒ ಯದ॒ಭ್ಯೌಹಿ॑ಷ್ಟ ದೇ॒ವಾ‌‌ನ್ತ್ಸ್ವ॑ರ್ಷಾತಾ ವೃಣತ॒ ಇಂದ್ರ॒ಮತ್ರ॑ || 6.17.8
ಅಧ॒ ದ್ಯೌಶ್ಚಿ॑ತ್ತೇ॒ ಅಪ॒ ಸಾ ನು ವಜ್ರಾ᳚ದ್ದ್ವಿ॒ತಾನ॑ಮದ್ಭಿ॒ಯಸಾ॒ ಸ್ವಸ್ಯ॑ ಮ॒ನ್ಯೋಃ |
ಅಹಿಂ॒ ಯದಿಂದ್ರೋ᳚ ಅ॒ಭ್ಯೋಹ॑ಸಾನಂ॒ ನಿ ಚಿ॑ದ್ವಿ॒ಶ್ವಾಯುಃ॑ ಶ॒ಯಥೇ᳚ ಜ॒ಘಾನ॑ || 6.17.9
ಅಧ॒ ತ್ವಷ್ಟಾ᳚ ತೇ ಮ॒ಹ ಉ॑ಗ್ರ॒ ವಜ್ರಂ᳚ ಸ॒ಹಸ್ರ॑ಭೃಷ್ಟಿಂ ವವೃತಚ್ಛ॒ತಾಶ್ರಿ‌ಮ್᳚ |
ನಿಕಾ᳚ಮಮ॒ರಮ॑ಣಸಂ॒ ಯೇನ॒ ನವ᳚‌ನ್ತ॒ಮಹಿಂ॒ ಸಂ ಪಿ॑ಣಗೃಜೀಷಿನ್ || 6.17.10
ವರ್ಧಾ॒ನ್ಯಂ ವಿಶ್ವೇ᳚ ಮ॒ರುತಃ॑ ಸ॒ಜೋಷಾಃ॒ ಪಚ॑ಚ್ಛ॒ತಂ ಮ॑ಹಿ॒ಷಾಁ ಇಂ᳚ದ್ರ॒ ತುಭ್ಯ‌ಮ್᳚ |
ಪೂ॒ಷಾ ವಿಷ್ಣು॒ಸ್ತ್ರೀಣಿ॒ ಸರಾಂ᳚ಸಿ ಧಾವನ್ವೃತ್ರ॒ಹಣಂ᳚ ಮದಿ॒ರಮಂ॒ಶುಮ॑ಸ್ಮೈ || 6.17.11
ಆ ಕ್ಷೋದೋ॒ ಮಹಿ॑ ವೃ॒ತಂ ನ॒ದೀನಾಂ॒ ಪರಿ॑ಷ್ಠಿತಮಸೃಜ ಊ॒ರ್ಮಿಮ॒ಪಾ‌ಮ್ |
ತಾಸಾ॒ಮನು॑ ಪ್ರ॒ವತ॑ ಇಂದ್ರ॒ ಪ‌ನ್ಥಾಂ॒ ಪ್ರಾರ್ದ॑ಯೋ॒ ನೀಚೀ᳚ರ॒ಪಸಃ॑ ಸಮು॒ದ್ರ‌ಮ್ || 6.17.12
ಏ॒ವಾ ತಾ ವಿಶ್ವಾ᳚ ಚಕೃ॒ವಾಂಸ॒ಮಿಂದ್ರಂ᳚ ಮ॒ಹಾಮು॒ಗ್ರಮ॑ಜು॒ರ್ಯಂ ಸ॑ಹೋ॒ದಾ‌ಮ್ |
ಸು॒ವೀರಂ᳚ ತ್ವಾ ಸ್ವಾಯು॒ಧಂ ಸು॒ವಜ್ರ॒ಮಾ ಬ್ರಹ್ಮ॒ ನವ್ಯ॒ಮವ॑ಸೇ ವವೃತ್ಯಾತ್ || 6.17.13
ಸ ನೋ॒ ವಾಜಾ᳚ಯ॒ ಶ್ರವ॑ಸ ಇ॒ಷೇ ಚ॑ ರಾ॒ಯೇ ಧೇ᳚ಹಿ ದ್ಯು॒ಮತ॑ ಇಂದ್ರ॒ ವಿಪ್ರಾನ್॑ |
ಭ॒ರದ್ವಾ᳚ಜೇ ನೃ॒ವತ॑ ಇಂದ್ರ ಸೂ॒ರೀಂದಿ॒ವಿ ಚ॑ ಸ್ಮೈಧಿ॒ ಪಾರ್ಯೇ᳚ ನ ಇಂದ್ರ || 6.17.14
ಅ॒ಯಾ ವಾಜಂ᳚ ದೇ॒ವಹಿ॑ತಂ ಸನೇಮ॒ ಮದೇ᳚ಮ ಶ॒ತಹಿ॑ಮಾಃ ಸು॒ವೀರಾಃ᳚ || 6.17.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ತಮು॑ ಷ್ಟುಹಿ॒ ಯೋ ಅ॒ಭಿಭೂ᳚ತ್ಯೋಜಾ ವ॒ನ್ವನ್ನವಾ᳚ತಃ ಪುರುಹೂ॒ತ ಇಂದ್ರಃ॑ |
ಅಷಾ᳚ಳ್ಹಮು॒ಗ್ರಂ ಸಹ॑ಮಾನಮಾ॒ಭಿರ್ಗೀ॒ರ್ಭಿರ್ವ॑ರ್ಧ ವೃಷ॒ಭಂ ಚ॑ರ್ಷಣೀ॒ನಾ‌ಮ್ || 6.18.1
ಸ ಯು॒ಧ್ಮಃ ಸತ್ವಾ᳚ ಖಜ॒ಕೃತ್ಸ॒ಮದ್ವಾ᳚ ತುವಿಮ್ರ॒ಕ್ಷೋ ನ॑ದನು॒ಮಾಁ ಋ॑ಜೀ॒ಷೀ |
ಬೃ॒ಹದ್ರೇ᳚ಣು॒ಶ್ಚ್ಯವ॑ನೋ॒ ಮಾನು॑ಷೀಣಾ॒ಮೇಕಃ॑ ಕೃಷ್ಟೀ॒ನಾಮ॑ಭವತ್ಸ॒ಹಾವಾ᳚ || 6.18.2
ತ್ವಂ ಹ॒ ನು ತ್ಯದ॑ದಮಾಯೋ॒ ದಸ್ಯೂಁ॒ರೇಕಃ॑ ಕೃ॒ಷ್ಟೀರ॑ವನೋ॒ರಾರ್ಯಾ᳚ಯ |
ಅಸ್ತಿ॑ ಸ್ವಿ॒ನ್ನು ವೀ॒ರ್ಯ1॒॑ ಅಂತತ್ತ॑ ಇಂದ್ರ॒ ನ ಸ್ವಿ॑ದಸ್ತಿ॒ ತದೃ॑ತು॒ಥಾ ವಿ ವೋ᳚ಚಃ || 6.18.3
ಸದಿದ್ಧಿ ತೇ᳚ ತುವಿಜಾ॒ತಸ್ಯ॒ ಮನ್ಯೇ॒ ಸಹಃ॑ ಸಹಿಷ್ಠ ತುರ॒ತಸ್ತು॒ರಸ್ಯ॑ |
ಉ॒ಗ್ರಮು॒ಗ್ರಸ್ಯ॑ ತ॒ವಸ॒ಸ್ತವೀ॒ಯೋಽರ॑ಧ್ರಸ್ಯ ರಧ್ರ॒ತುರೋ᳚ ಬಭೂವ || 6.18.4
ತನ್ನಃ॑ ಪ್ರ॒ತ್ನಂ ಸ॒ಖ್ಯಮ॑ಸ್ತು ಯು॒ಷ್ಮೇ ಇ॒ತ್ಥಾ ವದ॑ದ್ಭಿರ್ವ॒ಲಮಂಗಿ॑ರೋಭಿಃ |
ಹನ್ನ॑ಚ್ಯುತಚ್ಯುದ್ದಸ್ಮೇ॒ಷಯ᳚‌ನ್ತಮೃ॒ಣೋಃ ಪುರೋ॒ ವಿ ದುರೋ᳚ ಅಸ್ಯ॒ ವಿಶ್ವಾಃ᳚ || 6.18.5
ಸ ಹಿ ಧೀ॒ಭಿರ್ಹವ್ಯೋ॒ ಅಸ್ತ್ಯು॒ಗ್ರ ಈ᳚ಶಾನ॒ಕೃನ್ಮ॑ಹ॒ತಿ ವೃ॑ತ್ರ॒ತೂರ್ಯೇ᳚ |
ಸ ತೋ॒ಕಸಾ᳚ತಾ॒ ತನ॑ಯೇ॒ ಸ ವ॒ಜ್ರೀ ವಿ॑ತ‌ನ್ತ॒ಸಾಯ್ಯೋ᳚ ಅಭವತ್ಸ॒ಮತ್ಸು॑ || 6.18.6
ಸ ಮ॒ಜ್ಮನಾ॒ ಜನಿ॑ಮ॒ ಮಾನು॑ಷಾಣಾ॒ಮಮ॑ರ್ತ್ಯೇನ॒ ನಾಮ್ನಾತಿ॒ ಪ್ರ ಸ॑ರ್ಸ್ರೇ |
ಸ ದ್ಯು॒ಮ್ನೇನ॒ ಸ ಶವ॑ಸೋ॒ತ ರಾ॒ಯಾ ಸ ವೀ॒ರ್ಯೇ᳚ಣ॒ ನೃತ॑ಮಃ॒ ಸಮೋ᳚ಕಾಃ || 6.18.7
ಸ ಯೋ ನ ಮು॒ಹೇ ನ ಮಿಥೂ॒ ಜನೋ॒ ಭೂತ್ಸು॒ಮ‌ನ್ತು॑ನಾಮಾ॒ ಚುಮು॑ರಿಂ॒ ಧುನಿಂ᳚ ಚ |
ವೃ॒ಣಕ್ಪಿಪ್ರುಂ॒ ಶಂಬ॑ರಂ॒ ಶುಷ್ಣ॒ಮಿಂದ್ರಃ॑ ಪು॒ರಾಂ ಚ್ಯೌ॒ತ್ನಾಯ॑ ಶ॒ಯಥಾ᳚ಯ॒ ನೂ ಚಿ॑ತ್ || 6.18.8
ಉ॒ದಾವ॑ತಾ॒ ತ್ವಕ್ಷ॑ಸಾ॒ ಪನ್ಯ॑ಸಾ ಚ ವೃತ್ರ॒ಹತ್ಯಾ᳚ಯ॒ ರಥ॑ಮಿಂದ್ರ ತಿಷ್ಠ |
ಧಿ॒ಷ್ವ ವಜ್ರಂ॒ ಹಸ್ತ॒ ಆ ದ॑ಕ್ಷಿಣ॒ತ್ರಾಭಿ ಪ್ರ ಮಂ᳚ದ ಪುರುದತ್ರ ಮಾ॒ಯಾಃ || 6.18.9
ಅ॒ಗ್ನಿರ್ನ ಶುಷ್ಕಂ॒ ವನ॑ಮಿಂದ್ರ ಹೇ॒ತೀ ರಕ್ಷೋ॒ ನಿ ಧ॑ಕ್ಷ್ಯ॒ಶನಿ॒ರ್ನ ಭೀ॒ಮಾ |
ಗಂ॒ಭೀ॒ರಯ॑ ಋ॒ಷ್ವಯಾ॒ ಯೋ ರು॒ರೋಜಾಧ್ವಾ᳚ನಯದ್ದುರಿ॒ತಾ ದಂ॒ಭಯ॑ಚ್ಚ || 6.18.10
ಆ ಸ॒ಹಸ್ರಂ᳚ ಪ॒ಥಿಭಿ॑ರಿಂದ್ರ ರಾ॒ಯಾ ತುವಿ॑ದ್ಯುಮ್ನ ತುವಿ॒ವಾಜೇ᳚ಭಿರ॒ರ್ವಾಕ್ |
ಯಾ॒ಹಿ ಸೂ᳚ನೋ ಸಹಸೋ॒ ಯಸ್ಯ॒ ನೂ ಚಿ॒ದದೇ᳚ವ॒ ಈಶೇ᳚ ಪುರುಹೂತ॒ ಯೋತೋಃ᳚ || 6.18.11
ಪ್ರ ತು॑ವಿದ್ಯು॒ಮ್ನಸ್ಯ॒ ಸ್ಥವಿ॑ರಸ್ಯ॒ ಘೃಷ್ವೇ᳚ರ್ದಿ॒ವೋ ರ॑ರಪ್ಶೇ ಮಹಿ॒ಮಾ ಪೃ॑ಥಿ॒ವ್ಯಾಃ |
ನಾಸ್ಯ॒ ಶತ್ರು॒ರ್ನ ಪ್ರ॑ತಿ॒ಮಾನ॑ಮಸ್ತಿ॒ ನ ಪ್ರ॑ತಿ॒ಷ್ಠಿಃ ಪು॑ರುಮಾ॒ಯಸ್ಯ॒ ಸಹ್ಯೋಃ᳚ || 6.18.12
ಪ್ರ ತತ್ತೇ᳚ ಅ॒ದ್ಯಾ ಕರ॑ಣಂ ಕೃ॒ತಂ ಭೂ॒ತ್ಕುತ್ಸಂ॒ ಯದಾ॒ಯುಮ॑ತಿಥಿ॒ಗ್ವಮ॑ಸ್ಮೈ |
ಪು॒ರೂ ಸ॒ಹಸ್ರಾ॒ ನಿ ಶಿ॑ಶಾ ಅ॒ಭಿ ಕ್ಷಾಮುತ್ತೂರ್ವ॑ಯಾಣಂ ಧೃಷ॒ತಾ ನಿ॑ನೇಥ || 6.18.13
ಅನು॒ ತ್ವಾಹಿ॑ಘ್ನೇ॒ ಅಧ॑ ದೇವ ದೇ॒ವಾ ಮದ॒ನ್ವಿಶ್ವೇ᳚ ಕ॒ವಿತ॑ಮಂ ಕವೀ॒ನಾ‌ಮ್ |
ಕರೋ॒ ಯತ್ರ॒ ವರಿ॑ವೋ ಬಾಧಿ॒ತಾಯ॑ ದಿ॒ವೇ ಜನಾ᳚ಯ ತ॒ನ್ವೇ᳚ ಗೃಣಾ॒ನಃ || 6.18.14
ಅನು॒ ದ್ಯಾವಾ᳚ಪೃಥಿ॒ವೀ ತತ್ತ॒ ಓಜೋಽಮ॑ರ್ತ್ಯಾ ಜಿಹತ ಇಂದ್ರ ದೇ॒ವಾಃ |
ಕೃ॒ಷ್ವಾ ಕೃ॑ತ್ನೋ॒ ಅಕೃ॑ತಂ॒ ಯತ್ತೇ॒ ಅಸ್ತ್ಯು॒ಕ್ಥಂ ನವೀ᳚ಯೋ ಜನಯಸ್ವ ಯ॒ಜ್ಞೈಃ || 6.18.15

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಮ॒ಹಾಁ ಇಂದ್ರೋ᳚ ನೃ॒ವದಾ ಚ॑ರ್ಷಣಿ॒ಪ್ರಾ ಉ॒ತ ದ್ವಿ॒ಬರ್ಹಾ᳚ ಅಮಿ॒ನಃ ಸಹೋ᳚ಭಿಃ |
ಅ॒ಸ್ಮ॒ದ್ರ್ಯ॑ಗ್ವಾವೃಧೇ ವೀ॒ರ್ಯಾ᳚ಯೋ॒ರುಃ ಪೃ॒ಥುಃ ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ || 6.19.1
ಇಂದ್ರ॑ಮೇ॒ವ ಧಿ॒ಷಣಾ᳚ ಸಾ॒ತಯೇ᳚ ಧಾದ್ಬೃ॒ಹ‌ನ್ತ॑ಮೃ॒ಷ್ವಮ॒ಜರಂ॒ ಯುವಾ᳚ನ‌ಮ್ |
ಅಷಾ᳚ಳ್ಹೇನ॒ ಶವ॑ಸಾ ಶೂಶು॒ವಾಂಸಂ᳚ ಸ॒ದ್ಯಶ್ಚಿ॒ದ್ಯೋ ವಾ᳚ವೃ॒ಧೇ ಅಸಾ᳚ಮಿ || 6.19.2
ಪೃ॒ಥೂ ಕ॒ರಸ್ನಾ᳚ ಬಹು॒ಲಾ ಗಭ॑ಸ್ತೀ ಅಸ್ಮ॒ದ್ರ್ಯ1॒॑ಕ್ಸಂ ಮಿ॑ಮೀಹಿ॒ ಶ್ರವಾಂ᳚ಸಿ |
ಯೂ॒ಥೇವ॑ ಪ॒ಶ್ವಃ ಪ॑ಶು॒ಪಾ ದಮೂ᳚ನಾ ಅ॒ಸ್ಮಾಁ ಇಂ᳚ದ್ರಾ॒ಭ್ಯಾ ವ॑ವೃತ್ಸ್ವಾ॒ಜೌ || 6.19.3
ತಂ ವ॒ ಇಂದ್ರಂ᳚ ಚ॒ತಿನ॑ಮಸ್ಯ ಶಾ॒ಕೈರಿ॒ಹ ನೂ॒ನಂ ವಾ᳚ಜ॒ಯ‌ನ್ತೋ᳚ ಹುವೇಮ |
ಯಥಾ᳚ ಚಿ॒ತ್ಪೂರ್ವೇ᳚ ಜರಿ॒ತಾರ॑ ಆ॒ಸುರನೇ᳚ದ್ಯಾ ಅನವ॒ದ್ಯಾ ಅರಿ॑ಷ್ಟಾಃ || 6.19.4
ಧೃ॒ತವ್ರ॑ತೋ ಧನ॒ದಾಃ ಸೋಮ॑ವೃದ್ಧಃ॒ ಸ ಹಿ ವಾ॒ಮಸ್ಯ॒ ವಸು॑ನಃ ಪುರು॒ಕ್ಷುಃ |
ಸಂ ಜ॑ಗ್ಮಿರೇ ಪ॒ಥ್ಯಾ॒3॒॑ ರಾಯೋ᳚ ಅಸ್ಮಿ‌‌ನ್ತ್ಸಮು॒ದ್ರೇ ನ ಸಿಂಧ॑ವೋ॒ ಯಾದ॑ಮಾನಾಃ || 6.19.5
ಶವಿ॑ಷ್ಠಂ ನ॒ ಆ ಭ॑ರ ಶೂರ॒ ಶವ॒ ಓಜಿ॑ಷ್ಠ॒ಮೋಜೋ᳚ ಅಭಿಭೂತ ಉ॒ಗ್ರ‌ಮ್ |
ವಿಶ್ವಾ᳚ ದ್ಯು॒ಮ್ನಾ ವೃಷ್ಣ್ಯಾ॒ ಮಾನು॑ಷಾಣಾಮ॒ಸ್ಮಭ್ಯಂ᳚ ದಾ ಹರಿವೋ ಮಾದ॒ಯಧ್ಯೈ᳚ || 6.19.6
ಯಸ್ತೇ॒ ಮದಃ॑ ಪೃತನಾ॒ಷಾಳಮೃ॑ಧ್ರ॒ ಇಂದ್ರ॒ ತಂ ನ॒ ಆ ಭ॑ರ ಶೂಶು॒ವಾಂಸ‌ಮ್᳚ |
ಯೇನ॑ ತೋ॒ಕಸ್ಯ॒ ತನ॑ಯಸ್ಯ ಸಾ॒ತೌ ಮಂ᳚ಸೀ॒ಮಹಿ॑ ಜಿಗೀ॒ವಾಂಸ॒ಸ್ತ್ವೋತಾಃ᳚ || 6.19.7
ಆ ನೋ᳚ ಭರ॒ ವೃಷ॑ಣಂ॒ ಶುಷ್ಮ॑ಮಿಂದ್ರ ಧನ॒ಸ್ಪೃತಂ᳚ ಶೂಶು॒ವಾಂಸಂ᳚ ಸು॒ದಕ್ಷ‌ಮ್᳚ |
ಯೇನ॒ ವಂಸಾ᳚ಮ॒ ಪೃತ॑ನಾಸು॒ ಶತ್ರೂ॒‌ನ್ತವೋ॒ತಿಭಿ॑ರು॒ತ ಜಾ॒ಮೀಁರಜಾ᳚ಮೀನ್ || 6.19.8
ಆ ತೇ॒ ಶುಷ್ಮೋ᳚ ವೃಷ॒ಭ ಏ᳚ತು ಪ॒ಶ್ಚಾದೋತ್ತ॒ರಾದ॑ಧ॒ರಾದಾ ಪು॒ರಸ್ತಾ᳚ತ್ |
ಆ ವಿ॒ಶ್ವತೋ᳚ ಅ॒ಭಿ ಸಮೇ᳚ತ್ವ॒ರ್ವಾಙಿಂದ್ರ॑ ದ್ಯು॒ಮ್ನಂ ಸ್ವ᳚ರ್ವದ್ಧೇಹ್ಯ॒ಸ್ಮೇ || 6.19.9
ನೃ॒ವತ್ತ॑ ಇಂದ್ರ॒ ನೃತ॑ಮಾಭಿರೂ॒ತೀ ವಂ᳚ಸೀ॒ಮಹಿ॑ ವಾ॒ಮಂ ಶ್ರೋಮ॑ತೇಭಿಃ |
ಈಕ್ಷೇ॒ ಹಿ ವಸ್ವ॑ ಉ॒ಭಯ॑ಸ್ಯ ರಾಜಂ॒ಧಾ ರತ್ನಂ॒ ಮಹಿ॑ ಸ್ಥೂ॒ರಂ ಬೃ॒ಹ‌ನ್ತ‌ಮ್᳚ || 6.19.10
ಮ॒ರುತ್ವ᳚‌ನ್ತಂ ವೃಷ॒ಭಂ ವಾ᳚ವೃಧಾ॒ನಮಕ॑ವಾರಿಂ ದಿ॒ವ್ಯಂ ಶಾ॒ಸಮಿಂದ್ರ‌ಮ್᳚ |
ವಿ॒ಶ್ವಾ॒ಸಾಹ॒ಮವ॑ಸೇ॒ ನೂತ॑ನಾಯೋ॒ಗ್ರಂ ಸ॑ಹೋ॒ದಾಮಿ॒ಹ ತಂ ಹು॑ವೇಮ || 6.19.11
ಜನಂ᳚ ವಜ್ರಿ॒ನ್ಮಹಿ॑ ಚಿ॒ನ್ಮನ್ಯ॑ಮಾನಮೇ॒ಭ್ಯೋ ನೃಭ್ಯೋ᳚ ರಂಧಯಾ॒ ಯೇಷ್ವಸ್ಮಿ॑ |
ಅಧಾ॒ ಹಿ ತ್ವಾ᳚ ಪೃಥಿ॒ವ್ಯಾಂ ಶೂರ॑ಸಾತೌ॒ ಹವಾ᳚ಮಹೇ॒ ತನ॑ಯೇ॒ ಗೋಷ್ವ॒ಪ್ಸು || 6.19.12
ವ॒ಯಂ ತ॑ ಏ॒ಭಿಃ ಪು॑ರುಹೂತ ಸ॒ಖ್ಯೈಃ ಶತ್ರೋಃ᳚ಶತ್ರೋ॒ರುತ್ತ॑ರ॒ ಇತ್ಸ್ಯಾ᳚ಮ |
ಘ್ನ‌ನ್ತೋ᳚ ವೃ॒ತ್ರಾಣ್ಯು॒ಭಯಾ᳚ನಿ ಶೂರ ರಾ॒ಯಾ ಮ॑ದೇಮ ಬೃಹ॒ತಾ ತ್ವೋತಾಃ᳚ || 6.19.13

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ (1-6, 8-13) ಪ್ರಥಮಾದಿತೃಚದ್ವಯಸ್ಯಾಷ್ಟಮ್ಯಾದಿತೃಚದ್ಯಸ್ಯ ಚ ತ್ರಿಷ್ಟುಪ್, (7) ಸಪ್ತಮ್ಯಾಶ್ಚ ವಿರಾಟ್ ಛಂದಸೀ

ದ್ಯೌರ್ನ ಯ ಇಂ᳚ದ್ರಾ॒ಭಿ ಭೂಮಾ॒ರ್ಯಸ್ತ॒ಸ್ಥೌ ರ॒ಯಿಃ ಶವ॑ಸಾ ಪೃ॒ತ್ಸು ಜನಾನ್॑ |
ತಂ ನಃ॑ ಸ॒ಹಸ್ರ॑ಭರಮುರ್ವರಾ॒ಸಾಂ ದ॒ದ್ಧಿ ಸೂ᳚ನೋ ಸಹಸೋ ವೃತ್ರ॒ತುರ‌ಮ್᳚ || 6.20.1
ದಿ॒ವೋ ನ ತುಭ್ಯ॒ಮನ್ವಿಂ᳚ದ್ರ ಸ॒ತ್ರಾಸು॒ರ್ಯಂ᳚ ದೇ॒ವೇಭಿ॑ರ್ಧಾಯಿ॒ ವಿಶ್ವ‌ಮ್᳚ |
ಅಹಿಂ॒ ಯದ್ವೃ॒ತ್ರಮ॒ಪೋ ವ᳚ವ್ರಿ॒ವಾಂಸಂ॒ ಹನ್ನೃ॑ಜೀಷಿ॒ನ್ವಿಷ್ಣು॑ನಾ ಸಚಾ॒ನಃ || 6.20.2
ತೂರ್ವ॒ನ್ನೋಜೀ᳚ಯಾ‌ನ್ತ॒ವಸ॒ಸ್ತವೀ᳚ಯಾನ್ಕೃ॒ತಬ್ರ॒ಹ್ಮೇಂದ್ರೋ᳚ ವೃ॒ದ್ಧಮ॑ಹಾಃ |
ರಾಜಾ᳚ಭವ॒ನ್ಮಧು॑ನಃ ಸೋ॒ಮ್ಯಸ್ಯ॒ ವಿಶ್ವಾ᳚ಸಾಂ॒ ಯತ್ಪು॒ರಾಂ ದ॒ರ್ತ್ನುಮಾವ॑ತ್ || 6.20.3
ಶ॒ತೈರ॑ಪದ್ರನ್ಪ॒ಣಯ॑ ಇಂ॒ದ್ರಾತ್ರ॒ ದಶೋ᳚ಣಯೇ ಕ॒ವಯೇ॒ಽರ್ಕಸಾ᳚ತೌ |
ವ॒ಧೈಃ ಶುಷ್ಣ॑ಸ್ಯಾ॒ಶುಷ॑ಸ್ಯ ಮಾ॒ಯಾಃ ಪಿ॒ತ್ವೋ ನಾರಿ॑ರೇಚೀ॒ತ್ಕಿಂ ಚ॒ನ ಪ್ರ || 6.20.4
ಮ॒ಹೋ ದ್ರು॒ಹೋ ಅಪ॑ ವಿ॒ಶ್ವಾಯು॑ ಧಾಯಿ॒ ವಜ್ರ॑ಸ್ಯ॒ ಯತ್ಪತ॑ನೇ॒ ಪಾದಿ॒ ಶುಷ್ಣಃ॑ |
ಉ॒ರು ಷ ಸ॒ರಥಂ॒ ಸಾರ॑ಥಯೇ ಕ॒ರಿಂದ್ರಃ॒ ಕುತ್ಸಾ᳚ಯ॒ ಸೂರ್ಯ॑ಸ್ಯ ಸಾ॒ತೌ || 6.20.5
ಪ್ರ ಶ್ಯೇ॒ನೋ ನ ಮ॑ದಿ॒ರಮಂ॒ಶುಮ॑ಸ್ಮೈ॒ ಶಿರೋ᳚ ದಾ॒ಸಸ್ಯ॒ ನಮು॑ಚೇರ್ಮಥಾ॒ಯನ್ |
ಪ್ರಾವ॒ನ್ನಮೀಂ᳚ ಸಾ॒ಪ್ಯಂ ಸ॒ಸ‌ನ್ತಂ᳚ ಪೃ॒ಣಗ್ರಾ॒ಯಾ ಸಮಿ॒ಷಾ ಸಂ ಸ್ವ॒ಸ್ತಿ || 6.20.6
ವಿ ಪಿಪ್ರೋ॒ರಹಿ॑ಮಾಯಸ್ಯ ದೃ॒ಳ್ಹಾಃ ಪುರೋ᳚ ವಜ್ರಿಂ॒ಛವ॑ಸಾ॒ ನ ದ॑ರ್ದಃ |
ಸುದಾ᳚ಮ॒‌ನ್ತದ್ರೇಕ್ಣೋ᳚ ಅಪ್ರಮೃ॒ಷ್ಯಮೃ॒ಜಿಶ್ವ॑ನೇ ದಾ॒ತ್ರಂ ದಾ॒ಶುಷೇ᳚ ದಾಃ || 6.20.7
ಸ ವೇ᳚ತ॒ಸುಂ ದಶ॑ಮಾಯಂ॒ ದಶೋ᳚ಣಿಂ॒ ತೂತು॑ಜಿ॒ಮಿಂದ್ರಃ॑ ಸ್ವಭಿ॒ಷ್ಟಿಸು᳚ಮ್ನಃ |
ಆ ತುಗ್ರಂ॒ ಶಶ್ವ॒ದಿಭಂ॒ ದ್ಯೋತ॑ನಾಯ ಮಾ॒ತುರ್ನ ಸೀ॒ಮುಪ॑ ಸೃಜಾ ಇ॒ಯಧ್ಯೈ᳚ || 6.20.8
ಸ ಈಂ॒ ಸ್ಪೃಧೋ᳚ ವನತೇ॒ ಅಪ್ರ॑ತೀತೋ॒ ಬಿಭ್ರ॒ದ್ವಜ್ರಂ᳚ ವೃತ್ರ॒ಹಣಂ॒ ಗಭ॑ಸ್ತೌ |
ತಿಷ್ಠ॒ದ್ಧರೀ॒ ಅಧ್ಯಸ್ತೇ᳚ವ॒ ಗರ್ತೇ᳚ ವಚೋ॒ಯುಜಾ᳚ ವಹತ॒ ಇಂದ್ರ॑ಮೃ॒ಷ್ವ‌ಮ್ || 6.20.9
ಸ॒ನೇಮ॒ ತೇಽವ॑ಸಾ॒ ನವ್ಯ॑ ಇಂದ್ರ॒ ಪ್ರ ಪೂ॒ರವಃ॑ ಸ್ತವ‌ನ್ತ ಏ॒ನಾ ಯ॒ಜ್ಞೈಃ |
ಸ॒ಪ್ತ ಯತ್ಪುರಃ॒ ಶರ್ಮ॒ ಶಾರ॑ದೀ॒ರ್ದರ್ದ್ಧಂದಾಸೀಃ᳚ ಪುರು॒ಕುತ್ಸಾ᳚ಯ॒ ಶಿಕ್ಷನ್॑ || 6.20.10
ತ್ವಂ ವೃ॒ಧ ಇಂ᳚ದ್ರ ಪೂ॒ರ್ವ್ಯೋ ಭೂ᳚ರ್ವರಿವ॒ಸ್ಯನ್ನು॒ಶನೇ᳚ ಕಾ॒ವ್ಯಾಯ॑ |
ಪರಾ॒ ನವ॑ವಾಸ್ತ್ವಮನು॒ದೇಯಂ᳚ ಮ॒ಹೇ ಪಿ॒ತ್ರೇ ದ॑ದಾಥ॒ ಸ್ವಂ ನಪಾ᳚ತ‌ಮ್ || 6.20.11
ತ್ವಂ ಧುನಿ॑ರಿಂದ್ರ॒ ಧುನಿ॑ಮತೀರ್‌ಋ॒ಣೋರ॒ಪಃ ಸೀ॒ರಾ ನ ಸ್ರವ᳚‌ನ್ತೀಃ |
ಪ್ರ ಯತ್ಸ॑ಮು॒ದ್ರಮತಿ॑ ಶೂರ॒ ಪರ್ಷಿ॑ ಪಾ॒ರಯಾ᳚ ತು॒ರ್ವಶಂ॒ ಯದುಂ᳚ ಸ್ವ॒ಸ್ತಿ || 6.20.12
ತವ॑ ಹ॒ ತ್ಯದಿಂ᳚ದ್ರ॒ ವಿಶ್ವ॑ಮಾ॒ಜೌ ಸ॒ಸ್ತೋ ಧುನೀ॒ಚುಮು॑ರೀ॒ ಯಾ ಹ॒ ಸಿಷ್ವ॑ಪ್ |
ದೀ॒ದಯ॒ದಿತ್ತುಭ್ಯಂ॒ ಸೋಮೇ᳚ಭಿಃ ಸು॒ನ್ವಂದ॒ಭೀತಿ॑ರಿ॒ಧ್ಮಭೃ॑ತಿಃ ಪ॒ಕ್ಥ್ಯ1॒॑ರ್ಕೈಃ || 6.20.13

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ (1-8, 10, 12) ಪ್ರಥಮಾದ್ಯಷ್ಟಾ ದಶಮೀದ್ವಾದಶ್ಯೋಶ್ಚೇಂದ್ರಃ, (9, 11) ನವಮ್ಯೇಕಾದಶ್ಯೋಶ್ಚ ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಇ॒ಮಾ ಉ॑ ತ್ವಾ ಪುರು॒ತಮ॑ಸ್ಯ ಕಾ॒ರೋರ್ಹವ್ಯಂ᳚ ವೀರ॒ ಹವ್ಯಾ᳚ ಹವ‌ನ್ತೇ |
ಧಿಯೋ᳚ ರಥೇ॒ಷ್ಠಾಮ॒ಜರಂ॒ ನವೀ᳚ಯೋ ರ॒ಯಿರ್ವಿಭೂ᳚ತಿರೀಯತೇ ವಚ॒ಸ್ಯಾ || 6.21.1
ತಮು॑ ಸ್ತುಷ॒ ಇಂದ್ರಂ॒ ಯೋ ವಿದಾ᳚ನೋ॒ ಗಿರ್ವಾ᳚ಹಸಂ ಗೀ॒ರ್ಭಿರ್ಯ॒ಜ್ಞವೃ॑ದ್ಧ‌ಮ್ |
ಯಸ್ಯ॒ ದಿವ॒ಮತಿ॑ ಮ॒ಹ್ನಾ ಪೃ॑ಥಿ॒ವ್ಯಾಃ ಪು॑ರುಮಾ॒ಯಸ್ಯ॑ ರಿರಿ॒ಚೇ ಮ॑ಹಿ॒ತ್ವ‌ಮ್ || 6.21.2
ಸ ಇತ್ತಮೋ᳚ಽವಯು॒ನಂ ತ॑ತ॒ನ್ವತ್ಸೂರ್ಯೇ᳚ಣ ವ॒ಯುನ॑ವಚ್ಚಕಾರ |
ಕ॒ದಾ ತೇ॒ ಮರ್ತಾ᳚ ಅ॒ಮೃತ॑ಸ್ಯ॒ ಧಾಮೇಯ॑ಕ್ಷ‌ನ್ತೋ॒ ನ ಮಿ॑ನ‌ನ್ತಿ ಸ್ವಧಾವಃ || 6.21.3
ಯಸ್ತಾ ಚ॒ಕಾರ॒ ಸ ಕುಹ॑ ಸ್ವಿ॒ದಿಂದ್ರಃ॒ ಕಮಾ ಜನಂ᳚ ಚರತಿ॒ ಕಾಸು॑ ವಿ॒ಕ್ಷು |
ಕಸ್ತೇ᳚ ಯ॒ಜ್ಞೋ ಮನ॑ಸೇ॒ ಶಂ ವರಾ᳚ಯ॒ ಕೋ ಅ॒ರ್ಕ ಇಂ᳚ದ್ರ ಕತ॒ಮಃ ಸ ಹೋತಾ᳚ || 6.21.4
ಇ॒ದಾ ಹಿ ತೇ॒ ವೇವಿ॑ಷತಃ ಪುರಾ॒ಜಾಃ ಪ್ರ॒ತ್ನಾಸ॑ ಆ॒ಸುಃ ಪು॑ರುಕೃ॒ತ್ಸಖಾ᳚ಯಃ |
ಯೇ ಮ॑ಧ್ಯ॒ಮಾಸ॑ ಉ॒ತ ನೂತ॑ನಾಸ ಉ॒ತಾವ॒ಮಸ್ಯ॑ ಪುರುಹೂತ ಬೋಧಿ || 6.21.5
ತಂ ಪೃ॒ಚ್ಛ‌ನ್ತೋಽವ॑ರಾಸಃ॒ ಪರಾ᳚ಣಿ ಪ್ರ॒ತ್ನಾ ತ॑ ಇಂದ್ರ॒ ಶ್ರುತ್ಯಾನು॑ ಯೇಮುಃ |
ಅರ್ಚಾ᳚ಮಸಿ ವೀರ ಬ್ರಹ್ಮವಾಹೋ॒ ಯಾದೇ॒ವ ವಿ॒ದ್ಮ ತಾತ್ತ್ವಾ᳚ ಮ॒ಹಾ‌ನ್ತ‌ಮ್᳚ || 6.21.6
ಅ॒ಭಿ ತ್ವಾ॒ ಪಾಜೋ᳚ ರ॒ಕ್ಷಸೋ॒ ವಿ ತ॑ಸ್ಥೇ॒ ಮಹಿ॑ ಜಜ್ಞಾ॒ನಮ॒ಭಿ ತತ್ಸು ತಿ॑ಷ್ಠ |
ತವ॑ ಪ್ರ॒ತ್ನೇನ॒ ಯುಜ್ಯೇ᳚ನ॒ ಸಖ್ಯಾ॒ ವಜ್ರೇ᳚ಣ ಧೃಷ್ಣೋ॒ ಅಪ॒ ತಾ ನು॑ದಸ್ವ || 6.21.7
ಸ ತು ಶ್ರು॑ಧೀಂದ್ರ॒ ನೂತ॑ನಸ್ಯ ಬ್ರಹ್ಮಣ್ಯ॒ತೋ ವೀ᳚ರ ಕಾರುಧಾಯಃ |
ತ್ವಂ ಹ್ಯಾ॒3॒॑ಪಿಃ ಪ್ರ॒ದಿವಿ॑ ಪಿತೄ॒ಣಾಂ ಶಶ್ವ॑ದ್ಬ॒ಭೂಥ॑ ಸು॒ಹವ॒ ಏಷ್ಟೌ᳚ || 6.21.8
ಪ್ರೋತಯೇ॒ ವರು॑ಣಂ ಮಿ॒ತ್ರಮಿಂದ್ರಂ᳚ ಮ॒ರುತಃ॑ ಕೃ॒ಷ್ವಾವ॑ಸೇ ನೋ ಅ॒ದ್ಯ |
ಪ್ರ ಪೂ॒ಷಣಂ॒ ವಿಷ್ಣು॑ಮ॒ಗ್ನಿಂ ಪುರಂ᳚ಧಿಂ ಸವಿ॒ತಾರ॒ಮೋಷ॑ಧೀಃ॒ ಪರ್ವ॑ತಾಁಶ್ಚ || 6.21.9
ಇ॒ಮ ಉ॑ ತ್ವಾ ಪುರುಶಾಕ ಪ್ರಯಜ್ಯೋ ಜರಿ॒ತಾರೋ᳚ ಅ॒ಭ್ಯ॑ರ್ಚ‌ನ್ತ್ಯ॒ರ್ಕೈಃ |
ಶ್ರು॒ಧೀ ಹವ॒ಮಾ ಹು॑ವ॒ತೋ ಹು॑ವಾ॒ನೋ ನ ತ್ವಾವಾಁ᳚ ಅ॒ನ್ಯೋ ಅ॑ಮೃತ॒ ತ್ವದ॑ಸ್ತಿ || 6.21.10
ನೂ ಮ॒ ಆ ವಾಚ॒ಮುಪ॑ ಯಾಹಿ ವಿ॒ದ್ವಾನ್ವಿಶ್ವೇ᳚ಭಿಃ ಸೂನೋ ಸಹಸೋ॒ ಯಜ॑ತ್ರೈಃ |
ಯೇ ಅ॑ಗ್ನಿಜಿ॒ಹ್ವಾ ಋ॑ತ॒ಸಾಪ॑ ಆ॒ಸುರ್ಯೇ ಮನುಂ᳚ ಚ॒ಕ್ರುರುಪ॑ರಂ॒ ದಸಾ᳚ಯ || 6.21.11
ಸ ನೋ᳚ ಬೋಧಿ ಪುರಏ॒ತಾ ಸು॒ಗೇಷೂ॒ತ ದು॒ರ್ಗೇಷು॑ ಪಥಿ॒ಕೃದ್ವಿದಾ᳚ನಃ |
ಯೇ ಅಶ್ರ॑ಮಾಸ ಉ॒ರವೋ॒ ವಹಿ॑ಷ್ಠಾ॒ಸ್ತೇಭಿ᳚ರ್ನ ಇಂದ್ರಾ॒ಭಿ ವ॑ಕ್ಷಿ॒ ವಾಜ‌ಮ್᳚ || 6.21.12

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಯ ಏಕ॒ ಇದ್ಧವ್ಯ॑ಶ್ಚರ್ಷಣೀ॒ನಾಮಿಂದ್ರಂ॒ ತಂ ಗೀ॒ರ್ಭಿರ॒ಭ್ಯ॑ರ್ಚ ಆ॒ಭಿಃ |
ಯಃ ಪತ್ಯ॑ತೇ ವೃಷ॒ಭೋ ವೃಷ್ಣ್ಯಾ᳚ವಾ‌‌ನ್ತ್ಸ॒ತ್ಯಃ ಸತ್ವಾ᳚ ಪುರುಮಾ॒ಯಃ ಸಹ॑ಸ್ವಾನ್ || 6.22.1
ತಮು॑ ನಃ॒ ಪೂರ್ವೇ᳚ ಪಿ॒ತರೋ॒ ನವ॑ಗ್ವಾಃ ಸ॒ಪ್ತ ವಿಪ್ರಾ᳚ಸೋ ಅ॒ಭಿ ವಾ॒ಜಯ᳚‌ನ್ತಃ |
ನ॒ಕ್ಷ॒ದ್ದಾ॒ಭಂ ತತು॑ರಿಂ ಪರ್ವತೇ॒ಷ್ಠಾಮದ್ರೋ᳚ಘವಾಚಂ ಮ॒ತಿಭಿಃ॒ ಶವಿ॑ಷ್ಠ‌ಮ್ || 6.22.2
ತಮೀ᳚ಮಹ॒ ಇಂದ್ರ॑ಮಸ್ಯ ರಾ॒ಯಃ ಪು॑ರು॒ವೀರ॑ಸ್ಯ ನೃ॒ವತಃ॑ ಪುರು॒ಕ್ಷೋಃ |
ಯೋ ಅಸ್ಕೃ॑ಧೋಯುರ॒ಜರಃ॒ ಸ್ವ᳚ರ್ವಾ॒‌ನ್ತಮಾ ಭ॑ರ ಹರಿವೋ ಮಾದ॒ಯಧ್ಯೈ᳚ || 6.22.3
ತನ್ನೋ॒ ವಿ ವೋ᳚ಚೋ॒ ಯದಿ॑ ತೇ ಪು॒ರಾ ಚಿ॑ಜ್ಜರಿ॒ತಾರ॑ ಆನ॒ಶುಃ ಸು॒ಮ್ನಮಿಂ᳚ದ್ರ |
ಕಸ್ತೇ᳚ ಭಾ॒ಗಃ ಕಿಂ ವಯೋ᳚ ದುಧ್ರ ಖಿದ್ವಃ॒ ಪುರು॑ಹೂತ ಪುರೂವಸೋಽಸುರ॒ಘ್ನಃ || 6.22.4
ತಂ ಪೃ॒ಚ್ಛ‌ನ್ತೀ॒ ವಜ್ರ॑ಹಸ್ತಂ ರಥೇ॒ಷ್ಠಾಮಿಂದ್ರಂ॒ ವೇಪೀ॒ ವಕ್ವ॑ರೀ॒ ಯಸ್ಯ॒ ನೂ ಗೀಃ |
ತು॒ವಿ॒ಗ್ರಾ॒ಭಂ ತು॑ವಿಕೂ॒ರ್ಮಿಂ ರ॑ಭೋ॒ದಾಂ ಗಾ॒ತುಮಿ॑ಷೇ॒ ನಕ್ಷ॑ತೇ॒ ತುಮ್ರ॒ಮಚ್ಛ॑ || 6.22.5
ಅ॒ಯಾ ಹ॒ ತ್ಯಂ ಮಾ॒ಯಯಾ᳚ ವಾವೃಧಾ॒ನಂ ಮ॑ನೋ॒ಜುವಾ᳚ ಸ್ವತವಃ॒ ಪರ್ವ॑ತೇನ |
ಅಚ್ಯು॑ತಾ ಚಿದ್ವೀಳಿ॒ತಾ ಸ್ವೋ᳚ಜೋ ರು॒ಜೋ ವಿ ದೃ॒ಳ್ಹಾ ಧೃ॑ಷ॒ತಾ ವಿ॑ರಪ್ಶಿನ್ || 6.22.6
ತಂ ವೋ᳚ ಧಿ॒ಯಾ ನವ್ಯ॑ಸ್ಯಾ॒ ಶವಿ॑ಷ್ಠಂ ಪ್ರ॒ತ್ನಂ ಪ್ರ॑ತ್ನ॒ವತ್ಪ॑ರಿತಂಸ॒ಯಧ್ಯೈ᳚ |
ಸ ನೋ᳚ ವಕ್ಷದನಿಮಾ॒ನಃ ಸು॒ವಹ್ಮೇಂದ್ರೋ॒ ವಿಶ್ವಾ॒ನ್ಯತಿ॑ ದು॒ರ್ಗಹಾ᳚ಣಿ || 6.22.7
ಆ ಜನಾ᳚ಯ॒ ದ್ರುಹ್ವ॑ಣೇ॒ ಪಾರ್ಥಿ॑ವಾನಿ ದಿ॒ವ್ಯಾನಿ॑ ದೀಪಯೋ॒ಽ‌ನ್ತರಿ॑ಕ್ಷಾ |
ತಪಾ᳚ ವೃಷನ್ವಿ॒ಶ್ವತಃ॑ ಶೋ॒ಚಿಷಾ॒ ತಾನ್ಬ್ರ᳚ಹ್ಮ॒ದ್ವಿಷೇ᳚ ಶೋಚಯ॒ ಕ್ಷಾಮ॒ಪಶ್ಚ॑ || 6.22.8
ಭುವೋ॒ ಜನ॑ಸ್ಯ ದಿ॒ವ್ಯಸ್ಯ॒ ರಾಜಾ॒ ಪಾರ್ಥಿ॑ವಸ್ಯ॒ ಜಗ॑ತಸ್ತ್ವೇಷಸಂದೃಕ್ |
ಧಿ॒ಷ್ವ ವಜ್ರಂ॒ ದಕ್ಷಿ॑ಣ ಇಂದ್ರ॒ ಹಸ್ತೇ॒ ವಿಶ್ವಾ᳚ ಅಜುರ್ಯ ದಯಸೇ॒ ವಿ ಮಾ॒ಯಾಃ || 6.22.9
ಆ ಸಂ॒ಯತ॑ಮಿಂದ್ರ ಣಃ ಸ್ವ॒ಸ್ತಿಂ ಶ॑ತ್ರು॒ತೂರ್ಯಾ᳚ಯ ಬೃಹ॒ತೀಮಮೃ॑ಧ್ರಾ‌ಮ್ |
ಯಯಾ॒ ದಾಸಾ॒ನ್ಯಾರ್ಯಾ᳚ಣಿ ವೃ॒ತ್ರಾ ಕರೋ᳚ ವಜ್ರಿ‌‌ನ್ತ್ಸು॒ತುಕಾ॒ ನಾಹು॑ಷಾಣಿ || 6.22.10
ಸ ನೋ᳚ ನಿ॒ಯುದ್ಭಿಃ॑ ಪುರುಹೂತ ವೇಧೋ ವಿ॒ಶ್ವವಾ᳚ರಾಭಿ॒ರಾ ಗ॑ಹಿ ಪ್ರಯಜ್ಯೋ |
ನ ಯಾ ಅದೇ᳚ವೋ॒ ವರ॑ತೇ॒ ನ ದೇ॒ವ ಆಭಿ᳚ರ್ಯಾಹಿ॒ ತೂಯ॒ಮಾ ಮ॑ದ್ರ್ಯ॒ದ್ರಿಕ್ || 6.22.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಸು॒ತ ಇತ್ತ್ವಂ ನಿಮಿ॑ಶ್ಲ ಇಂದ್ರ॒ ಸೋಮೇ॒ ಸ್ತೋಮೇ॒ ಬ್ರಹ್ಮ॑ಣಿ ಶ॒ಸ್ಯಮಾ᳚ನ ಉ॒ಕ್ಥೇ |
ಯದ್ವಾ᳚ ಯು॒ಕ್ತಾಭ್ಯಾಂ᳚ ಮಘವ॒ನ್ಹರಿ॑ಭ್ಯಾಂ॒ ಬಿಭ್ರ॒ದ್ವಜ್ರಂ᳚ ಬಾ॒ಹ್ವೋರಿಂ᳚ದ್ರ॒ ಯಾಸಿ॑ || 6.23.1
ಯದ್ವಾ᳚ ದಿ॒ವಿ ಪಾರ್ಯೇ॒ ಸುಷ್ವಿ॑ಮಿಂದ್ರ ವೃತ್ರ॒ಹತ್ಯೇಽವ॑ಸಿ॒ ಶೂರ॑ಸಾತೌ |
ಯದ್ವಾ॒ ದಕ್ಷ॑ಸ್ಯ ಬಿ॒ಭ್ಯುಷೋ॒ ಅಬಿ॑ಭ್ಯ॒ದರಂ᳚ಧಯಃ॒ ಶರ್ಧ॑ತ ಇಂದ್ರ॒ ದಸ್ಯೂನ್॑ || 6.23.2
ಪಾತಾ᳚ ಸು॒ತಮಿಂದ್ರೋ᳚ ಅಸ್ತು॒ ಸೋಮಂ᳚ ಪ್ರಣೇ॒ನೀರು॒ಗ್ರೋ ಜ॑ರಿ॒ತಾರ॑ಮೂ॒ತೀ |
ಕರ್ತಾ᳚ ವೀ॒ರಾಯ॒ ಸುಷ್ವ॑ಯ ಉ ಲೋ॒ಕಂ ದಾತಾ॒ ವಸು॑ ಸ್ತುವ॒ತೇ ಕೀ॒ರಯೇ᳚ ಚಿತ್ || 6.23.3
ಗ‌ನ್ತೇಯಾ᳚‌ನ್ತಿ॒ ಸವ॑ನಾ॒ ಹರಿ॑ಭ್ಯಾಂ ಬ॒ಭ್ರಿರ್ವಜ್ರಂ᳚ ಪ॒ಪಿಃ ಸೋಮಂ᳚ ದ॒ದಿರ್ಗಾಃ |
ಕರ್ತಾ᳚ ವೀ॒ರಂ ನರ್ಯಂ॒ ಸರ್ವ॑ವೀರಂ॒ ಶ್ರೋತಾ॒ ಹವಂ᳚ ಗೃಣ॒ತಃ ಸ್ತೋಮ॑ವಾಹಾಃ || 6.23.4
ಅಸ್ಮೈ᳚ ವ॒ಯಂ ಯದ್ವಾ॒ವಾನ॒ ತದ್ವಿ॑ವಿಷ್ಮ॒ ಇಂದ್ರಾ᳚ಯ॒ ಯೋ ನಃ॑ ಪ್ರ॒ದಿವೋ॒ ಅಪ॒ಸ್ಕಃ |
ಸು॒ತೇ ಸೋಮೇ᳚ ಸ್ತು॒ಮಸಿ॒ ಶಂಸ॑ದು॒ಕ್ಥೇಂದ್ರಾ᳚ಯ॒ ಬ್ರಹ್ಮ॒ ವರ್ಧ॑ನಂ॒ ಯಥಾಸ॑ತ್ || 6.23.5
ಬ್ರಹ್ಮಾ᳚ಣಿ॒ ಹಿ ಚ॑ಕೃ॒ಷೇ ವರ್ಧ॑ನಾನಿ॒ ತಾವ॑ತ್ತ ಇಂದ್ರ ಮ॒ತಿಭಿ᳚ರ್ವಿವಿಷ್ಮಃ |
ಸು॒ತೇ ಸೋಮೇ᳚ ಸುತಪಾಃ॒ ಶಂತ॑ಮಾನಿ॒ ರಾಂಡ್ಯಾ᳚ ಕ್ರಿಯಾಸ್ಮ॒ ವಕ್ಷ॑ಣಾನಿ ಯ॒ಜ್ಞೈಃ || 6.23.6
ಸ ನೋ᳚ ಬೋಧಿ ಪುರೋ॒ಳಾಶಂ॒ ರರಾ᳚ಣಃ॒ ಪಿಬಾ॒ ತು ಸೋಮಂ॒ ಗೋಋ॑ಜೀಕಮಿಂದ್ರ |
ಏದಂ ಬ॒ರ್ಹಿರ್ಯಜ॑ಮಾನಸ್ಯ ಸೀದೋ॒ರುಂ ಕೃ॑ಧಿ ತ್ವಾಯ॒ತ ಉ॑ ಲೋ॒ಕ‌ಮ್ || 6.23.7
ಸ ಮಂ᳚ದಸ್ವಾ॒ ಹ್ಯನು॒ ಜೋಷ॑ಮುಗ್ರ॒ ಪ್ರ ತ್ವಾ᳚ ಯ॒ಜ್ಞಾಸ॑ ಇ॒ಮೇ ಅ॑ಶ್ನುವ‌ನ್ತು |
ಪ್ರೇಮೇ ಹವಾ᳚ಸಃ ಪುರುಹೂ॒ತಮ॒ಸ್ಮೇ ಆ ತ್ವೇ॒ಯಂ ಧೀರವ॑ಸ ಇಂದ್ರ ಯಮ್ಯಾಃ || 6.23.8
ತಂ ವಃ॑ ಸಖಾಯಃ॒ ಸಂ ಯಥಾ᳚ ಸು॒ತೇಷು॒ ಸೋಮೇ᳚ಭಿರೀಂ ಪೃಣತಾ ಭೋ॒ಜಮಿಂದ್ರ‌ಮ್᳚ |
ಕು॒ವಿತ್ತಸ್ಮಾ॒ ಅಸ॑ತಿ ನೋ॒ ಭರಾ᳚ಯ॒ ನ ಸುಷ್ವಿ॒ಮಿಂದ್ರೋಽವ॑ಸೇ ಮೃಧಾತಿ || 6.23.9
ಏ॒ವೇದಿಂದ್ರಃ॑ ಸು॒ತೇ ಅ॑ಸ್ತಾವಿ॒ ಸೋಮೇ᳚ ಭ॒ರದ್ವಾ᳚ಜೇಷು॒ ಕ್ಷಯ॒ದಿನ್ಮ॒ಘೋನಃ॑ |
ಅಸ॒ದ್ಯಥಾ᳚ ಜರಿ॒ತ್ರ ಉ॒ತ ಸೂ॒ರಿರಿಂದ್ರೋ᳚ ರಾ॒ಯೋ ವಿ॒ಶ್ವವಾ᳚ರಸ್ಯ ದಾ॒ತಾ || 6.23.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ವೃಷಾ॒ ಮದ॒ ಇಂದ್ರೇ॒ ಶ್ಲೋಕ॑ ಉ॒ಕ್ಥಾ ಸಚಾ॒ ಸೋಮೇ᳚ಷು ಸುತ॒ಪಾ ಋ॑ಜೀ॒ಷೀ |
ಅ॒ರ್ಚ॒ತ್ರ್ಯೋ᳚ ಮ॒ಘವಾ॒ ನೃಭ್ಯ॑ ಉ॒ಕ್ಥೈರ್ದ್ಯು॒ಕ್ಷೋ ರಾಜಾ᳚ ಗಿ॒ರಾಮಕ್ಷಿ॑ತೋತಿಃ || 6.24.1
ತತು॑ರಿರ್ವೀ॒ರೋ ನರ್ಯೋ॒ ವಿಚೇ᳚ತಾಃ॒ ಶ್ರೋತಾ॒ ಹವಂ᳚ ಗೃಣ॒ತ ಉ॒ರ್ವ್ಯೂ᳚ತಿಃ |
ವಸುಃ॒ ಶಂಸೋ᳚ ನ॒ರಾಂ ಕಾ॒ರುಧಾ᳚ಯಾ ವಾ॒ಜೀ ಸ್ತು॒ತೋ ವಿ॒ದಥೇ᳚ ದಾತಿ॒ ವಾಜ‌ಮ್᳚ || 6.24.2
ಅಕ್ಷೋ॒ ನ ಚ॒ಕ್ರ್ಯೋಃ᳚ ಶೂರ ಬೃ॒ಹನ್ಪ್ರ ತೇ᳚ ಮ॒ಹ್ನಾ ರಿ॑ರಿಚೇ॒ ರೋದ॑ಸ್ಯೋಃ |
ವೃ॒ಕ್ಷಸ್ಯ॒ ನು ತೇ᳚ ಪುರುಹೂತ ವ॒ಯಾ ವ್ಯೂ॒3॒॑ತಯೋ᳚ ರುರುಹುರಿಂದ್ರ ಪೂ॒ರ್ವೀಃ || 6.24.3
ಶಚೀ᳚ವತಸ್ತೇ ಪುರುಶಾಕ॒ ಶಾಕಾ॒ ಗವಾ᳚ಮಿವ ಸ್ರು॒ತಯಃ॑ ಸಂ॒ಚರ॑ಣೀಃ |
ವ॒ತ್ಸಾನಾಂ॒ ನ ತ॒‌ನ್ತಯ॑ಸ್ತ ಇಂದ್ರ॒ ದಾಮ᳚ನ್ವ‌ನ್ತೋ ಅದಾ॒ಮಾನಃ॑ ಸುದಾಮನ್ || 6.24.4
ಅ॒ನ್ಯದ॒ದ್ಯ ಕರ್ವ॑ರಮ॒ನ್ಯದು॒ ಶ್ವೋಽಸ॑ಚ್ಚ॒ ಸನ್ಮುಹು॑ರಾಚ॒ಕ್ರಿರಿಂದ್ರಃ॑ |
ಮಿ॒ತ್ರೋ ನೋ॒ ಅತ್ರ॒ ವರು॑ಣಶ್ಚ ಪೂ॒ಷಾರ್ಯೋ ವಶ॑ಸ್ಯ ಪರ್ಯೇ॒ತಾಸ್ತಿ॑ || 6.24.5
ವಿ ತ್ವದಾಪೋ॒ ನ ಪರ್ವ॑ತಸ್ಯ ಪೃ॒ಷ್ಠಾದು॒ಕ್ಥೇಭಿ॑ರಿಂದ್ರಾನಯ‌ನ್ತ ಯ॒ಜ್ಞೈಃ |
ತಂ ತ್ವಾ॒ಭಿಃ ಸು॑ಷ್ಟು॒ತಿಭಿ᳚ರ್ವಾ॒ಜಯ᳚‌ನ್ತ ಆ॒ಜಿಂ ನ ಜ॑ಗ್ಮುರ್ಗಿರ್ವಾಹೋ॒ ಅಶ್ವಾಃ᳚ || 6.24.6
ನ ಯಂ ಜರ᳚‌ನ್ತಿ ಶ॒ರದೋ॒ ನ ಮಾಸಾ॒ ನ ದ್ಯಾವ॒ ಇಂದ್ರ॑ಮವಕ॒ರ್ಶಯ᳚‌ನ್ತಿ |
ವೃ॒ದ್ಧಸ್ಯ॑ ಚಿದ್ವರ್ಧತಾಮಸ್ಯ ತ॒ನೂಃ ಸ್ತೋಮೇ᳚ಭಿರು॒ಕ್ಥೈಶ್ಚ॑ ಶ॒ಸ್ಯಮಾ᳚ನಾ || 6.24.7
ನ ವೀ॒ಳವೇ॒ ನಮ॑ತೇ॒ ನ ಸ್ಥಿ॒ರಾಯ॒ ನ ಶರ್ಧ॑ತೇ॒ ದಸ್ಯು॑ಜೂತಾಯ ಸ್ತ॒ವಾನ್ |
ಅಜ್ರಾ॒ ಇಂದ್ರ॑ಸ್ಯ ಗಿ॒ರಯ॑ಶ್ಚಿದೃ॒ಷ್ವಾ ಗಂ᳚ಭೀ॒ರೇ ಚಿ॑ದ್ಭವತಿ ಗಾ॒ಧಮ॑ಸ್ಮೈ || 6.24.8
ಗಂ॒ಭೀ॒ರೇಣ॑ ನ ಉ॒ರುಣಾ᳚ಮತ್ರಿ॒ನ್ಪ್ರೇಷೋ ಯಂ᳚ಧಿ ಸುತಪಾವ॒ನ್ವಾಜಾನ್॑ |
ಸ್ಥಾ ಊ॒ ಷು ಊ॒ರ್ಧ್ವ ಊ॒ತೀ ಅರಿ॑ಷಣ್ಯನ್ನ॒ಕ್ತೋರ್ವ್ಯು॑ಷ್ಟೌ॒ ಪರಿ॑ತಕ್ಮ್ಯಾಯಾ‌ಮ್ || 6.24.9
ಸಚ॑ಸ್ವ ನಾ॒ಯಮವ॑ಸೇ ಅ॒ಭೀಕ॑ ಇ॒ತೋ ವಾ॒ ತಮಿಂ᳚ದ್ರ ಪಾಹಿ ರಿ॒ಷಃ |
ಅ॒ಮಾ ಚೈ᳚ನ॒ಮರ᳚ಣ್ಯೇ ಪಾಹಿ ರಿ॒ಷೋ ಮದೇ᳚ಮ ಶ॒ತಹಿ॑ಮಾಃ ಸು॒ವೀರಾಃ᳚ || 6.24.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಯಾ ತ॑ ಊ॒ತಿರ॑ವ॒ಮಾ ಯಾ ಪ॑ರ॒ಮಾ ಯಾ ಮ॑ಧ್ಯ॒ಮೇಂದ್ರ॑ ಶುಷ್ಮಿ॒ನ್ನಸ್ತಿ॑ |
ತಾಭಿ॑ರೂ॒ ಷು ವೃ॑ತ್ರ॒ಹತ್ಯೇ᳚ಽವೀರ್ನ ಏ॒ಭಿಶ್ಚ॒ ವಾಜೈ᳚ರ್ಮ॒ಹಾನ್ನ॑ ಉಗ್ರ || 6.25.1
ಆಭಿಃ॒ ಸ್ಪೃಧೋ᳚ ಮಿಥ॒ತೀರರಿ॑ಷಣ್ಯನ್ನ॒ಮಿತ್ರ॑ಸ್ಯ ವ್ಯಥಯಾ ಮ॒ನ್ಯುಮಿಂ᳚ದ್ರ |
ಆಭಿ॒ರ್ವಿಶ್ವಾ᳚ ಅಭಿ॒ಯುಜೋ॒ ವಿಷೂ᳚ಚೀ॒ರಾರ್ಯಾ᳚ಯ॒ ವಿಶೋಽವ॑ ತಾರೀ॒ರ್ದಾಸೀಃ᳚ || 6.25.2
ಇಂದ್ರ॑ ಜಾ॒ಮಯ॑ ಉ॒ತ ಯೇಽಜಾ᳚ಮಯೋಽರ್ವಾಚೀ॒ನಾಸೋ᳚ ವ॒ನುಷೋ᳚ ಯುಯು॒ಜ್ರೇ |
ತ್ವಮೇ᳚ಷಾಂ ವಿಥು॒ರಾ ಶವಾಂ᳚ಸಿ ಜ॒ಹಿ ವೃಷ್ಣ್ಯಾ᳚ನಿ ಕೃಣು॒ಹೀ ಪರಾ᳚ಚಃ || 6.25.3
ಶೂರೋ᳚ ವಾ॒ ಶೂರಂ᳚ ವನತೇ॒ ಶರೀ᳚ರೈಸ್ತನೂ॒ರುಚಾ॒ ತರು॑ಷಿ॒ ಯತ್ಕೃ॒ಣ್ವೈತೇ᳚ |
ತೋ॒ಕೇ ವಾ॒ ಗೋಷು॒ ತನ॑ಯೇ॒ ಯದ॒ಪ್ಸು ವಿ ಕ್ರಂದ॑ಸೀ ಉ॒ರ್ವರಾ᳚ಸು॒ ಬ್ರವೈ᳚ತೇ || 6.25.4
ನ॒ಹಿ ತ್ವಾ॒ ಶೂರೋ॒ ನ ತು॒ರೋ ನ ಧೃ॒ಷ್ಣುರ್ನ ತ್ವಾ᳚ ಯೋ॒ಧೋ ಮನ್ಯ॑ಮಾನೋ ಯು॒ಯೋಧ॑ |
ಇಂದ್ರ॒ ನಕಿ॑ಷ್ಟ್ವಾ॒ ಪ್ರತ್ಯ॑ಸ್ತ್ಯೇಷಾಂ॒ ವಿಶ್ವಾ᳚ ಜಾ॒ತಾನ್ಯ॒ಭ್ಯ॑ಸಿ॒ ತಾನಿ॑ || 6.25.5
ಸ ಪ॑ತ್ಯತ ಉ॒ಭಯೋ᳚ರ್ನೃ॒ಮ್ಣಮ॒ಯೋರ್ಯದೀ᳚ ವೇ॒ಧಸಃ॑ ಸಮಿ॒ಥೇ ಹವ᳚‌ನ್ತೇ |
ವೃ॒ತ್ರೇ ವಾ᳚ ಮ॒ಹೋ ನೃ॒ವತಿ॒ ಕ್ಷಯೇ᳚ ವಾ॒ ವ್ಯಚ॑ಸ್ವ‌ನ್ತಾ॒ ಯದಿ॑ ವಿತ‌ನ್ತ॒ಸೈತೇ᳚ || 6.25.6
ಅಧ॑ ಸ್ಮಾ ತೇ ಚರ್ಷ॒ಣಯೋ॒ ಯದೇಜಾ॒ನಿಂದ್ರ॑ ತ್ರಾ॒ತೋತ ಭ॑ವಾ ವರೂ॒ತಾ |
ಅ॒ಸ್ಮಾಕಾ᳚ಸೋ॒ ಯೇ ನೃತ॑ಮಾಸೋ ಅ॒ರ್ಯ ಇಂದ್ರ॑ ಸೂ॒ರಯೋ᳚ ದಧಿ॒ರೇ ಪು॒ರೋ ನಃ॑ || 6.25.7
ಅನು॑ ತೇ ದಾಯಿ ಮ॒ಹ ಇಂ᳚ದ್ರಿ॒ಯಾಯ॑ ಸ॒ತ್ರಾ ತೇ॒ ವಿಶ್ವ॒ಮನು॑ ವೃತ್ರ॒ಹತ್ಯೇ᳚ |
ಅನು॑ ಕ್ಷ॒ತ್ರಮನು॒ ಸಹೋ᳚ ಯಜ॒ತ್ರೇಂದ್ರ॑ ದೇ॒ವೇಭಿ॒ರನು॑ ತೇ ನೃ॒ಷಹ್ಯೇ᳚ || 6.25.8
ಏ॒ವಾ ನಃ॒ ಸ್ಪೃಧಃ॒ ಸಮ॑ಜಾ ಸ॒ಮತ್ಸ್ವಿಂದ್ರ॑ ರಾರಂ॒ಧಿ ಮಿ॑ಥ॒ತೀರದೇ᳚ವೀಃ |
ವಿ॒ದ್ಯಾಮ॒ ವಸ್ತೋ॒ರವ॑ಸಾ ಗೃ॒ಣ‌ನ್ತೋ᳚ ಭ॒ರದ್ವಾ᳚ಜಾ ಉ॒ತ ತ॑ ಇಂದ್ರ ನೂ॒ನ‌ಮ್ || 6.25.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಶ್ರು॒ಧೀ ನ॑ ಇಂದ್ರ॒ ಹ್ವಯಾ᳚ಮಸಿ ತ್ವಾ ಮ॒ಹೋ ವಾಜ॑ಸ್ಯ ಸಾ॒ತೌ ವಾ᳚ವೃಷಾ॒ಣಾಃ |
ಸಂ ಯದ್ವಿಶೋಽಯ᳚‌ನ್ತ॒ ಶೂರ॑ಸಾತಾ ಉ॒ಗ್ರಂ ನೋಽವಃ॒ ಪಾರ್ಯೇ॒ ಅಹಂ᳚ದಾಃ || 6.26.1
ತ್ವಾಂ ವಾ॒ಜೀ ಹ॑ವತೇ ವಾಜಿನೇ॒ಯೋ ಮ॒ಹೋ ವಾಜ॑ಸ್ಯ॒ ಗಧ್ಯ॑ಸ್ಯ ಸಾ॒ತೌ |
ತ್ವಾಂ ವೃ॒ತ್ರೇಷ್ವಿಂ᳚ದ್ರ॒ ಸತ್ಪ॑ತಿಂ॒ ತರು॑ತ್ರಂ॒ ತ್ವಾಂ ಚ॑ಷ್ಟೇ ಮುಷ್ಟಿ॒ಹಾ ಗೋಷು॒ ಯುಧ್ಯನ್॑ || 6.26.2
ತ್ವಂ ಕ॒ವಿಂ ಚೋ᳚ದಯೋ॒ಽರ್ಕಸಾ᳚ತೌ॒ ತ್ವಂ ಕುತ್ಸಾ᳚ಯ॒ ಶುಷ್ಣಂ᳚ ದಾ॒ಶುಷೇ᳚ ವರ್ಕ್ |
ತ್ವಂ ಶಿರೋ᳚ ಅಮ॒ರ್ಮಣಃ॒ ಪರಾ᳚ಹನ್ನತಿಥಿ॒ಗ್ವಾಯ॒ ಶಂಸ್ಯಂ᳚ ಕರಿ॒ಷ್ಯನ್ || 6.26.3
ತ್ವಂ ರಥಂ॒ ಪ್ರ ಭ॑ರೋ ಯೋ॒ಧಮೃ॒ಷ್ವಮಾವೋ॒ ಯುಧ್ಯ᳚‌ನ್ತಂ ವೃಷ॒ಭಂ ದಶ॑ದ್ಯು‌ಮ್ |
ತ್ವಂ ತುಗ್ರಂ᳚ ವೇತ॒ಸವೇ॒ ಸಚಾ᳚ಹ॒‌ನ್ತ್ವಂ ತುಜಿಂ᳚ ಗೃ॒ಣ‌ನ್ತ॑ಮಿಂದ್ರ ತೂತೋಃ || 6.26.4
ತ್ವಂ ತದು॒ಕ್ಥಮಿಂ᳚ದ್ರ ಬ॒ರ್ಹಣಾ᳚ ಕಃ॒ ಪ್ರ ಯಚ್ಛ॒ತಾ ಸ॒ಹಸ್ರಾ᳚ ಶೂರ॒ ದರ್ಷಿ॑ |
ಅವ॑ ಗಿ॒ರೇರ್ದಾಸಂ॒ ಶಂಬ॑ರಂ ಹ॒ನ್ಪ್ರಾವೋ॒ ದಿವೋ᳚ದಾಸಂ ಚಿ॒ತ್ರಾಭಿ॑ರೂ॒ತೀ || 6.26.5
ತ್ವಂ ಶ್ರ॒ದ್ಧಾಭಿ᳚ರ್ಮಂದಸಾ॒ನಃ ಸೋಮೈ᳚ರ್ದ॒ಭೀತ॑ಯೇ॒ ಚುಮು॑ರಿಮಿಂದ್ರ ಸಿಷ್ವಪ್ |
ತ್ವಂ ರ॒ಜಿಂ ಪಿಠೀ᳚ನಸೇ ದಶ॒ಸ್ಯನ್ಷ॒ಷ್ಟಿಂ ಸ॒ಹಸ್ರಾ॒ ಶಚ್ಯಾ॒ ಸಚಾ᳚ಹನ್ || 6.26.6
ಅ॒ಹಂ ಚ॒ನ ತತ್ಸೂ॒ರಿಭಿ॑ರಾನಶ್ಯಾಂ॒ ತವ॒ ಜ್ಯಾಯ॑ ಇಂದ್ರ ಸು॒ಮ್ನಮೋಜಃ॑ |
ತ್ವಯಾ॒ ಯತ್ಸ್ತವ᳚‌ನ್ತೇ ಸಧವೀರ ವೀ॒ರಾಸ್ತ್ರಿ॒ವರೂ᳚ಥೇನ॒ ನಹು॑ಷಾ ಶವಿಷ್ಠ || 6.26.7
ವ॒ಯಂ ತೇ᳚ ಅ॒ಸ್ಯಾಮಿಂ᳚ದ್ರ ದ್ಯು॒ಮ್ನಹೂ᳚ತೌ॒ ಸಖಾ᳚ಯಃ ಸ್ಯಾಮ ಮಹಿನ॒ ಪ್ರೇಷ್ಠಾಃ᳚ |
ಪ್ರಾತ॑ರ್ದನಿಃ ಕ್ಷತ್ರ॒ಶ್ರೀರ॑ಸ್ತು॒ ಶ್ರೇಷ್ಠೋ᳚ ಘ॒ನೇ ವೃ॒ತ್ರಾಣಾಂ᳚ ಸ॒ನಯೇ॒ ಧನಾ᳚ನಾ‌ಮ್ || 6.26.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ (1-7) ಪ್ರಥಮಾದಿಸಪ್ತರ್ಚಾಮಿಂದ್ರಃ, (8) ಅಷ್ಟಮ್ಯಾಶ್ಚ ಚಾಯಮಾನಸ್ಯಾಭ್ಯಾವರ್ತಿನೋ ದಾನಂ ದೇವತೇ, ತ್ರಿಷ್ಟುಪ್ ಛಂದಃ

ಕಿಮ॑ಸ್ಯ॒ ಮದೇ॒ ಕಿಮ್ವ॑ಸ್ಯ ಪೀ॒ತಾವಿಂದ್ರಃ॒ ಕಿಮ॑ಸ್ಯ ಸ॒ಖ್ಯೇ ಚ॑ಕಾರ |
ರಣಾ᳚ ವಾ॒ ಯೇ ನಿ॒ಷದಿ॒ ಕಿಂ ತೇ ಅ॑ಸ್ಯ ಪು॒ರಾ ವಿ॑ವಿದ್ರೇ॒ ಕಿಮು॒ ನೂತ॑ನಾಸಃ || 6.27.1
ಸದ॑ಸ್ಯ॒ ಮದೇ॒ ಸದ್ವ॑ಸ್ಯ ಪೀ॒ತಾವಿಂದ್ರಃ॒ ಸದ॑ಸ್ಯ ಸ॒ಖ್ಯೇ ಚ॑ಕಾರ |
ರಣಾ᳚ ವಾ॒ ಯೇ ನಿ॒ಷದಿ॒ ಸತ್ತೇ ಅ॑ಸ್ಯ ಪು॒ರಾ ವಿ॑ವಿದ್ರೇ॒ ಸದು॒ ನೂತ॑ನಾಸಃ || 6.27.2
ನ॒ಹಿ ನು ತೇ᳚ ಮಹಿ॒ಮನಃ॑ ಸಮಸ್ಯ॒ ನ ಮ॑ಘವನ್ಮಘವ॒ತ್ತ್ವಸ್ಯ॑ ವಿ॒ದ್ಮ |
ನ ರಾಧ॑ಸೋರಾಧಸೋ॒ ನೂತ॑ನ॒ಸ್ಯೇಂದ್ರ॒ ನಕಿ॑ರ್ದದೃಶ ಇಂದ್ರಿ॒ಯಂ ತೇ᳚ || 6.27.3
ಏ॒ತತ್ತ್ಯತ್ತ॑ ಇಂದ್ರಿ॒ಯಮ॑ಚೇತಿ॒ ಯೇನಾವ॑ಧೀರ್ವ॒ರಶಿ॑ಖಸ್ಯ॒ ಶೇಷಃ॑ |
ವಜ್ರ॑ಸ್ಯ॒ ಯತ್ತೇ॒ ನಿಹ॑ತಸ್ಯ॒ ಶುಷ್ಮಾ᳚ತ್ಸ್ವ॒ನಾಚ್ಚಿ॑ದಿಂದ್ರ ಪರ॒ಮೋ ದ॒ದಾರ॑ || 6.27.4
ವಧೀ॒ದಿಂದ್ರೋ᳚ ವ॒ರಶಿ॑ಖಸ್ಯ॒ ಶೇಷೋ᳚ಽಭ್ಯಾವ॒ರ್ತಿನೇ᳚ ಚಾಯಮಾ॒ನಾಯ॒ ಶಿಕ್ಷನ್॑ |
ವೃ॒ಚೀವ॑ತೋ॒ ಯದ್ಧ॑ರಿಯೂ॒ಪೀಯಾ᳚ಯಾಂ॒ ಹನ್ಪೂರ್ವೇ॒ ಅರ್ಧೇ᳚ ಭಿ॒ಯಸಾಪ॑ರೋ॒ ದರ್ತ್ || 6.27.5
ತ್ರಿಂ॒ಶಚ್ಛ॑ತಂ ವ॒ರ್ಮಿಣ॑ ಇಂದ್ರ ಸಾ॒ಕಂ ಯ॒ವ್ಯಾವ॑ತ್ಯಾಂ ಪುರುಹೂತ ಶ್ರವ॒ಸ್ಯಾ |
ವೃ॒ಚೀವ᳚‌ನ್ತಃ॒ ಶರ॑ವೇ॒ ಪತ್ಯ॑ಮಾನಾಃ॒ ಪಾತ್ರಾ᳚ ಭಿಂದಾ॒ನಾ ನ್ಯ॒ರ್ಥಾನ್ಯಾ᳚ಯನ್ || 6.27.6
ಯಸ್ಯ॒ ಗಾವಾ᳚ವರು॒ಷಾ ಸೂ᳚ಯವ॒ಸ್ಯೂ ಅ॒‌ನ್ತರೂ॒ ಷು ಚರ॑ತೋ॒ ರೇರಿ॑ಹಾಣಾ |
ಸ ಸೃಂಜ॑ಯಾಯ ತು॒ರ್ವಶಂ॒ ಪರಾ᳚ದಾದ್ವೃ॒ಚೀವ॑ತೋ ದೈವವಾ॒ತಾಯ॒ ಶಿಕ್ಷನ್॑ || 6.27.7
ದ್ವ॒ಯಾಁ ಅ॑ಗ್ನೇ ರ॒ಥಿನೋ᳚ ವಿಂಶ॒ತಿಂ ಗಾ ವ॒ಧೂಮ॑ತೋ ಮ॒ಘವಾ॒ ಮಹ್ಯಂ᳚ ಸ॒ಮ್ರಾಟ್ |
ಅ॒ಭ್ಯಾ॒ವ॒ರ್ತೀ ಚಾ᳚ಯಮಾ॒ನೋ ದ॑ದಾತಿ ದೂ॒ಣಾಶೇ॒ಯಂ ದಕ್ಷಿ॑ಣಾ ಪಾರ್ಥ॒ವಾನಾ᳚‌ಮ್ || 6.27.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ (1, 3-7) ಪ್ರಥಮರ್ಚಸ್ತೃತೀಯಾದಿಪಂಚಾನಾಂಚ ಗಾವಃ, (2, 8) ದ್ವಿತೀಯಾಷ್ಟಮ್ಯೋರಿಂದ್ರೋ ಗಾವೋ ವಾ ದೇವತಾಃ (1, 5-7) ಪ್ರಥಮರ್ಚಃ ಪಂಚಮ್ಯಾದಿತೃಚಸ್ಯ ಚ ತ್ರಿಷ್ಟುಪ್, (2-4) ದ್ವಿತೀಯಾದಿತೃಚಸ್ಯ ಜಗತೀ, (8) ಅಷ್ಟಮ್ಯಾಶ್ಚಾನುಷ್ಟಪ್ ಛಂದಾಂಸಿ

ಆ ಗಾವೋ᳚ ಅಗ್ಮನ್ನು॒ತ ಭ॒ದ್ರಮ॑ಕ್ರ॒‌‌ನ್ತ್ಸೀದ᳚‌ನ್ತು ಗೋ॒ಷ್ಠೇ ರ॒ಣಯ᳚‌ನ್ತ್ವ॒ಸ್ಮೇ |
ಪ್ರ॒ಜಾವ॑ತೀಃ ಪುರು॒ರೂಪಾ᳚ ಇ॒ಹ ಸ್ಯು॒ರಿಂದ್ರಾ᳚ಯ ಪೂ॒ರ್ವೀರು॒ಷಸೋ॒ ದುಹಾ᳚ನಾಃ || 6.28.1
ಇಂದ್ರೋ॒ ಯಜ್ವ॑ನೇ ಪೃಣ॒ತೇ ಚ॑ ಶಿಕ್ಷ॒ತ್ಯುಪೇದ್ದ॑ದಾತಿ॒ ನ ಸ್ವಂ ಮು॑ಷಾಯತಿ |
ಭೂಯೋ᳚ಭೂಯೋ ರ॒ಯಿಮಿದ॑ಸ್ಯ ವ॒ರ್ಧಯ॒ನ್ನಭಿ᳚ನ್ನೇ ಖಿ॒ಲ್ಯೇ ನಿ ದ॑ಧಾತಿ ದೇವ॒ಯು‌ಮ್ || 6.28.2
ನ ತಾ ನ॑ಶ‌ನ್ತಿ॒ ನ ದ॑ಭಾತಿ॒ ತಸ್ಕ॑ರೋ॒ ನಾಸಾ᳚ಮಾಮಿ॒ತ್ರೋ ವ್ಯಥಿ॒ರಾ ದ॑ಧರ್ಷತಿ |
ದೇ॒ವಾಁಶ್ಚ॒ ಯಾಭಿ॒ರ್ಯಜ॑ತೇ॒ ದದಾ᳚ತಿ ಚ॒ ಜ್ಯೋಗಿತ್ತಾಭಿಃ॑ ಸಚತೇ॒ ಗೋಪ॑ತಿಃ ಸ॒ಹ || 6.28.3
ನ ತಾ ಅರ್ವಾ᳚ ರೇ॒ಣುಕ॑ಕಾಟೋ ಅಶ್ನುತೇ॒ ನ ಸಂ᳚ಸ್ಕೃತ॒ತ್ರಮುಪ॑ ಯ‌ನ್ತಿ॒ ತಾ ಅ॒ಭಿ |
ಉ॒ರು॒ಗಾ॒ಯಮಭ॑ಯಂ॒ ತಸ್ಯ॒ ತಾ ಅನು॒ ಗಾವೋ॒ ಮರ್ತ॑ಸ್ಯ॒ ವಿ ಚ॑ರ‌ನ್ತಿ॒ ಯಜ್ವ॑ನಃ || 6.28.4
ಗಾವೋ॒ ಭಗೋ॒ ಗಾವ॒ ಇಂದ್ರೋ᳚ ಮೇ ಅಚ್ಛಾ॒ನ್ಗಾವಃ॒ ಸೋಮ॑ಸ್ಯ ಪ್ರಥ॒ಮಸ್ಯ॑ ಭ॒ಕ್ಷಃ |
ಇ॒ಮಾ ಯಾ ಗಾವಃ॒ ಸ ಜ॑ನಾಸ॒ ಇಂದ್ರ॑ ಇ॒ಚ್ಛಾಮೀದ್ಧೃ॒ದಾ ಮನ॑ಸಾ ಚಿ॒ದಿಂದ್ರ‌ಮ್᳚ || 6.28.5
ಯೂ॒ಯಂ ಗಾ᳚ವೋ ಮೇದಯಥಾ ಕೃ॒ಶಂ ಚಿ॑ದಶ್ರೀ॒ರಂ ಚಿ॑ತ್ಕೃಣುಥಾ ಸು॒ಪ್ರತೀ᳚ಕ‌ಮ್ |
ಭ॒ದ್ರಂ ಗೃ॒ಹಂ ಕೃ॑ಣುಥ ಭದ್ರವಾಚೋ ಬೃ॒ಹದ್ವೋ॒ ವಯ॑ ಉಚ್ಯತೇ ಸ॒ಭಾಸು॑ || 6.28.6
ಪ್ರ॒ಜಾವ॑ತೀಃ ಸೂ॒ಯವ॑ಸಂ ರಿ॒ಶ‌ನ್ತೀಃ᳚ ಶು॒ದ್ಧಾ ಅ॒ಪಃ ಸು॑ಪ್ರಪಾ॒ಣೇ ಪಿಬ᳚‌ನ್ತೀಃ |
ಮಾ ವಃ॑ ಸ್ತೇ॒ನ ಈ᳚ಶತ॒ ಮಾಘಶಂ᳚ಸಃ॒ ಪರಿ॑ ವೋ ಹೇ॒ತೀ ರು॒ದ್ರಸ್ಯ॑ ವೃಜ್ಯಾಃ || 6.28.7
ಉಪೇ॒ದಮು॑ಪ॒ಪರ್ಚ॑ನಮಾ॒ಸು ಗೋಷೂಪ॑ ಪೃಚ್ಯತಾ‌ಮ್ |
ಉಪ॑ ಋಷ॒ಭಸ್ಯ॒ ರೇತ॒ಸ್ಯುಪೇಂ᳚ದ್ರ॒ ತವ॑ ವೀ॒ರ್ಯೇ᳚ || 6.28.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರಂ᳚ ವೋ॒ ನರಃ॑ ಸ॒ಖ್ಯಾಯ॑ ಸೇಪುರ್ಮ॒ಹೋ ಯ‌ನ್ತಃ॑ ಸುಮ॒ತಯೇ᳚ ಚಕಾ॒ನಾಃ |
ಮ॒ಹೋ ಹಿ ದಾ॒ತಾ ವಜ್ರ॑ಹಸ್ತೋ॒ ಅಸ್ತಿ॑ ಮ॒ಹಾಮು॑ ರ॒ಣ್ವಮವ॑ಸೇ ಯಜಧ್ವ‌ಮ್ || 6.29.1
ಆ ಯಸ್ಮಿ॒ನ್ಹಸ್ತೇ॒ ನರ್ಯಾ᳚ ಮಿಮಿ॒ಕ್ಷುರಾ ರಥೇ᳚ ಹಿರ॒ಣ್ಯಯೇ᳚ ರಥೇ॒ಷ್ಠಾಃ |
ಆ ರ॒ಶ್ಮಯೋ॒ ಗಭ॑ಸ್ತ್ಯೋಃ ಸ್ಥೂ॒ರಯೋ॒ರಾಧ್ವ॒ನ್ನಶ್ವಾ᳚ಸೋ॒ ವೃಷ॑ಣೋ ಯುಜಾ॒ನಾಃ || 6.29.2
ಶ್ರಿ॒ಯೇ ತೇ॒ ಪಾದಾ॒ ದುವ॒ ಆ ಮಿ॑ಮಿಕ್ಷುರ್ಧೃ॒ಷ್ಣುರ್ವ॒ಜ್ರೀ ಶವ॑ಸಾ॒ ದಕ್ಷಿ॑ಣಾವಾನ್ |
ವಸಾ᳚ನೋ॒ ಅತ್ಕಂ᳚ ಸುರ॒ಭಿಂ ದೃ॒ಶೇ ಕಂ ಸ್ವ1॒᳚ರ್ಣ ನೃ॑ತವಿಷಿ॒ರೋ ಬ॑ಭೂಥ || 6.29.3
ಸ ಸೋಮ॒ ಆಮಿ॑ಶ್ಲತಮಃ ಸು॒ತೋ ಭೂ॒ದ್ಯಸ್ಮಿ᳚ನ್ಪ॒ಕ್ತಿಃ ಪ॒ಚ್ಯತೇ॒ ಸ‌ನ್ತಿ॑ ಧಾ॒ನಾಃ |
ಇಂದ್ರಂ॒ ನರಃ॑ ಸ್ತು॒ವ‌ನ್ತೋ᳚ ಬ್ರಹ್ಮಕಾ॒ರಾ ಉ॒ಕ್ಥಾ ಶಂಸ᳚‌ನ್ತೋ ದೇ॒ವವಾ᳚ತತಮಾಃ || 6.29.4
ನ ತೇ॒ ಅ‌ನ್ತಃ॒ ಶವ॑ಸೋ ಧಾಯ್ಯ॒ಸ್ಯ ವಿ ತು ಬಾ᳚ಬಧೇ॒ ರೋದ॑ಸೀ ಮಹಿ॒ತ್ವಾ |
ಆ ತಾ ಸೂ॒ರಿಃ ಪೃ॑ಣತಿ॒ ತೂತು॑ಜಾನೋ ಯೂ॒ಥೇವಾ॒ಪ್ಸು ಸ॒ಮೀಜ॑ಮಾನ ಊ॒ತೀ || 6.29.5
ಏ॒ವೇದಿಂದ್ರಃ॑ ಸು॒ಹವ॑ ಋ॒ಷ್ವೋ ಅ॑ಸ್ತೂ॒ತೀ ಅನೂ᳚ತೀ ಹಿರಿಶಿ॒ಪ್ರಃ ಸತ್ವಾ᳚ |
ಏ॒ವಾ ಹಿ ಜಾ॒ತೋ ಅಸ॑ಮಾತ್ಯೋಜಾಃ ಪು॒ರೂ ಚ॑ ವೃ॒ತ್ರಾ ಹ॑ನತಿ॒ ನಿ ದಸ್ಯೂನ್॑ || 6.29.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಭೂಯ॒ ಇದ್ವಾ᳚ವೃಧೇ ವೀ॒ರ್ಯಾ᳚ಯಁ॒ ಏಕೋ᳚ ಅಜು॒ರ್ಯೋ ದ॑ಯತೇ॒ ವಸೂ᳚ನಿ |
ಪ್ರ ರಿ॑ರಿಚೇ ದಿ॒ವ ಇಂದ್ರಃ॑ ಪೃಥಿ॒ವ್ಯಾ ಅ॒ರ್ಧಮಿದ॑ಸ್ಯ॒ ಪ್ರತಿ॒ ರೋದ॑ಸೀ ಉ॒ಭೇ || 6.30.1
ಅಧಾ᳚ ಮನ್ಯೇ ಬೃ॒ಹದ॑ಸು॒ರ್ಯ॑ಮಸ್ಯ॒ ಯಾನಿ॑ ದಾ॒ಧಾರ॒ ನಕಿ॒ರಾ ಮಿ॑ನಾತಿ |
ದಿ॒ವೇದಿ॑ವೇ॒ ಸೂರ್ಯೋ᳚ ದರ್ಶ॒ತೋ ಭೂ॒ದ್ವಿ ಸದ್ಮಾ᳚ನ್ಯುರ್ವಿ॒ಯಾ ಸು॒ಕ್ರತು॑ರ್ಧಾತ್ || 6.30.2
ಅ॒ದ್ಯಾ ಚಿ॒ನ್ನೂ ಚಿ॒ತ್ತದಪೋ᳚ ನ॒ದೀನಾಂ॒ ಯದಾ᳚ಭ್ಯೋ॒ ಅರ॑ದೋ ಗಾ॒ತುಮಿಂ᳚ದ್ರ |
ನಿ ಪರ್ವ॑ತಾ ಅದ್ಮ॒ಸದೋ॒ ನ ಸೇ᳚ದು॒ಸ್ತ್ವಯಾ᳚ ದೃ॒ಳ್ಹಾನಿ॑ ಸುಕ್ರತೋ॒ ರಜಾಂ᳚ಸಿ || 6.30.3
ಸ॒ತ್ಯಮಿತ್ತನ್ನ ತ್ವಾವಾಁ᳚ ಅ॒ನ್ಯೋ ಅ॒ಸ್ತೀಂದ್ರ॑ ದೇ॒ವೋ ನ ಮರ್ತ್ಯೋ॒ ಜ್ಯಾಯಾನ್॑ |
ಅಹ॒ನ್ನಹಿಂ᳚ ಪರಿ॒ಶಯಾ᳚ನ॒ಮರ್ಣೋಽವಾ᳚ಸೃಜೋ ಅ॒ಪೋ ಅಚ್ಛಾ᳚ ಸಮು॒ದ್ರ‌ಮ್ || 6.30.4
ತ್ವಮ॒ಪೋ ವಿ ದುರೋ॒ ವಿಷೂ᳚ಚೀ॒ರಿಂದ್ರ॑ ದೃ॒ಳ್ಹಮ॑ರುಜಃ॒ ಪರ್ವ॑ತಸ್ಯ |
ರಾಜಾ᳚ಭವೋ॒ ಜಗ॑ತಶ್ಚರ್ಷಣೀ॒ನಾಂ ಸಾ॒ಕಂ ಸೂರ್ಯಂ᳚ ಜ॒ನಯಂ॒ದ್ಯಾಮು॒ಷಾಸ‌ಮ್᳚ || 6.30.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಸುಹೋತ್ರ ಋಷಿಃ, ಇಂದ್ರೋ ದೇವತಾ, (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಋಚಶ್ಚ ತ್ರಿಷ್ಟುಪ, (4) ಚತುರ್ಥ್ಯಾಶ್ಚ ಶಕ್ವರೀ ಛಂದಸೀ

ಅಭೂ॒ರೇಕೋ᳚ ರಯಿಪತೇ ರಯೀ॒ಣಾಮಾ ಹಸ್ತ॑ಯೋರಧಿಥಾ ಇಂದ್ರ ಕೃ॒ಷ್ಟೀಃ |
ವಿ ತೋ॒ಕೇ ಅ॒ಪ್ಸು ತನ॑ಯೇ ಚ॒ ಸೂರೇಽವೋ᳚ಚ‌ನ್ತ ಚರ್ಷ॒ಣಯೋ॒ ವಿವಾ᳚ಚಃ || 6.31.1
ತ್ವದ್ಭಿ॒ಯೇಂದ್ರ॒ ಪಾರ್ಥಿ॑ವಾನಿ॒ ವಿಶ್ವಾಚ್ಯು॑ತಾ ಚಿಚ್ಚ್ಯಾವಯ‌ನ್ತೇ॒ ರಜಾಂ᳚ಸಿ |
ದ್ಯಾವಾ॒ಕ್ಷಾಮಾ॒ ಪರ್ವ॑ತಾಸೋ॒ ವನಾ᳚ನಿ॒ ವಿಶ್ವಂ᳚ ದೃ॒ಳ್ಹಂ ಭ॑ಯತೇ॒ ಅಜ್ಮ॒ನ್ನಾ ತೇ᳚ || 6.31.2
ತ್ವಂ ಕುತ್ಸೇ᳚ನಾ॒ಭಿ ಶುಷ್ಣ॑ಮಿಂದ್ರಾ॒ಶುಷಂ᳚ ಯುಧ್ಯ॒ ಕುಯ॑ವಂ॒ ಗವಿ॑ಷ್ಟೌ |
ದಶ॑ ಪ್ರಪಿ॒ತ್ವೇ ಅಧ॒ ಸೂರ್ಯ॑ಸ್ಯ ಮುಷಾ॒ಯಶ್ಚ॒ಕ್ರಮವಿ॑ವೇ॒ ರಪಾಂ᳚ಸಿ || 6.31.3
ತ್ವಂ ಶ॒ತಾನ್ಯವ॒ ಶಂಬ॑ರಸ್ಯ॒ ಪುರೋ᳚ ಜಘ‌ನ್ಥಾಪ್ರ॒ತೀನಿ॒ ದಸ್ಯೋಃ᳚ |
ಅಶಿ॑ಕ್ಷೋ॒ ಯತ್ರ॒ ಶಚ್ಯಾ᳚ ಶಚೀವೋ॒ ದಿವೋ᳚ದಾಸಾಯ ಸುನ್ವ॒ತೇ ಸು॑ತಕ್ರೇ ಭ॒ರದ್ವಾ᳚ಜಾಯ ಗೃಣ॒ತೇ ವಸೂ᳚ನಿ || 6.31.4
ಸ ಸ॑ತ್ಯಸತ್ವನ್ಮಹ॒ತೇ ರಣಾ᳚ಯ॒ ರಥ॒ಮಾ ತಿ॑ಷ್ಠ ತುವಿನೃಮ್ಣ ಭೀ॒ಮ‌ಮ್ |
ಯಾ॒ಹಿ ಪ್ರ॑ಪಥಿ॒ನ್ನವ॒ಸೋಪ॑ ಮ॒ದ್ರಿಕ್ಪ್ರ ಚ॑ ಶ್ರುತ ಶ್ರಾವಯ ಚರ್ಷ॒ಣಿಭ್ಯಃ॑ || 6.31.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಸುಹೋತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಅಪೂ᳚ರ್ವ್ಯಾ ಪುರು॒ತಮಾ᳚ನ್ಯಸ್ಮೈ ಮ॒ಹೇ ವೀ॒ರಾಯ॑ ತ॒ವಸೇ᳚ ತು॒ರಾಯ॑ |
ವಿ॒ರ॒ಪ್ಶಿನೇ᳚ ವ॒ಜ್ರಿಣೇ॒ ಶಂತ॑ಮಾನಿ॒ ವಚಾಂ᳚ಸ್ಯಾ॒ಸಾ ಸ್ಥವಿ॑ರಾಯ ತಕ್ಷ‌ಮ್ || 6.32.1
ಸ ಮಾ॒ತರಾ॒ ಸೂರ್ಯೇ᳚ಣಾ ಕವೀ॒ನಾಮವಾ᳚ಸಯದ್ರು॒ಜದದ್ರಿಂ᳚ ಗೃಣಾ॒ನಃ |
ಸ್ವಾ॒ಧೀಭಿ॒ರ್‌ಋಕ್ವ॑ಭಿರ್ವಾವಶಾ॒ನ ಉದು॒ಸ್ರಿಯಾ᳚ಣಾಮಸೃಜನ್ನಿ॒ದಾನ‌ಮ್᳚ || 6.32.2
ಸ ವಹ್ನಿ॑ಭಿ॒ರ್‌ಋಕ್ವ॑ಭಿ॒ರ್ಗೋಷು॒ ಶಶ್ವ᳚ನ್ಮಿ॒ತಜ್ಞು॑ಭಿಃ ಪುರು॒ಕೃತ್ವಾ᳚ ಜಿಗಾಯ |
ಪುರಃ॑ ಪುರೋ॒ಹಾ ಸಖಿ॑ಭಿಃ ಸಖೀ॒ಯಂದೃ॒ಳ್ಹಾ ರು॑ರೋಜ ಕ॒ವಿಭಿಃ॑ ಕ॒ವಿಃ ಸನ್ || 6.32.3
ಸ ನೀ॒ವ್ಯಾ᳚ಭಿರ್ಜರಿ॒ತಾರ॒ಮಚ್ಛಾ᳚ ಮ॒ಹೋ ವಾಜೇ᳚ಭಿರ್ಮ॒ಹದ್ಭಿ॑ಶ್ಚ॒ ಶುಷ್ಮೈಃ᳚ |
ಪು॒ರು॒ವೀರಾ᳚ಭಿರ್ವೃಷಭ ಕ್ಷಿತೀ॒ನಾಮಾ ಗಿ᳚ರ್ವಣಃ ಸುವಿ॒ತಾಯ॒ ಪ್ರ ಯಾ᳚ಹಿ || 6.32.4
ಸ ಸರ್ಗೇ᳚ಣ॒ ಶವ॑ಸಾ ತ॒ಕ್ತೋ ಅತ್ಯೈ᳚ರ॒ಪ ಇಂದ್ರೋ᳚ ದಕ್ಷಿಣ॒ತಸ್ತು॑ರಾ॒ಷಾಟ್ |
ಇ॒ತ್ಥಾ ಸೃ॑ಜಾ॒ನಾ ಅನ॑ಪಾವೃ॒ದರ್ಥಂ᳚ ದಿ॒ವೇದಿ॑ವೇ ವಿವಿಷುರಪ್ರಮೃ॒ಷ್ಯ‌ಮ್ || 6.32.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಶುನಹೋತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಯ ಓಜಿ॑ಷ್ಠ ಇಂದ್ರ॒ ತಂ ಸು ನೋ᳚ ದಾ॒ ಮದೋ᳚ ವೃಷ‌‌ನ್ತ್ಸ್ವಭಿ॒ಷ್ಟಿರ್ದಾಸ್ವಾನ್॑ |
ಸೌವ॑ಶ್ವ್ಯಂ॒ ಯೋ ವ॒ನವ॒ತ್ಸ್ವಶ್ವೋ᳚ ವೃ॒ತ್ರಾ ಸ॒ಮತ್ಸು॑ ಸಾ॒ಸಹ॑ದ॒ಮಿತ್ರಾನ್॑ || 6.33.1
ತ್ವಾಂ ಹೀ॒3॒᳚ನ್ದ್ರಾವ॑ಸೇ॒ ವಿವಾ᳚ಚೋ॒ ಹವ᳚‌ನ್ತೇ ಚರ್ಷ॒ಣಯಃ॒ ಶೂರ॑ಸಾತೌ |
ತ್ವಂ ವಿಪ್ರೇ᳚ಭಿ॒ರ್ವಿ ಪ॒ಣೀಁರ॑ಶಾಯ॒ಸ್ತ್ವೋತ॒ ಇತ್ಸನಿ॑ತಾ॒ ವಾಜ॒ಮರ್ವಾ᳚ || 6.33.2
ತ್ವಂ ತಾಁ ಇಂ᳚ದ್ರೋ॒ಭಯಾಁ᳚ ಅ॒ಮಿತ್ರಾಂ॒ದಾಸಾ᳚ ವೃ॒ತ್ರಾಣ್ಯಾರ್ಯಾ᳚ ಚ ಶೂರ |
ವಧೀ॒ರ್ವನೇ᳚ವ॒ ಸುಧಿ॑ತೇಭಿ॒ರತ್ಕೈ॒ರಾ ಪೃ॒ತ್ಸು ದ॑ರ್ಷಿ ನೃ॒ಣಾಂ ನೃ॑ತಮ || 6.33.3
ಸ ತ್ವಂ ನ॑ ಇಂ॒ದ್ರಾಕ॑ವಾಭಿರೂ॒ತೀ ಸಖಾ᳚ ವಿ॒ಶ್ವಾಯು॑ರವಿ॒ತಾ ವೃ॒ಧೇ ಭೂಃ᳚ |
ಸ್ವ॑ರ್ಷಾತಾ॒ ಯದ್ಧ್ವಯಾ᳚ಮಸಿ ತ್ವಾ॒ ಯುಧ್ಯ᳚‌ನ್ತೋ ನೇ॒ಮಧಿ॑ತಾ ಪೃ॒ತ್ಸು ಶೂ᳚ರ || 6.33.4
ನೂ॒ನಂ ನ॑ ಇಂದ್ರಾಪ॒ರಾಯ॑ ಚ ಸ್ಯಾ॒ ಭವಾ᳚ ಮೃಳೀ॒ಕ ಉ॒ತ ನೋ᳚ ಅ॒ಭಿಷ್ಟೌ᳚ |
ಇ॒ತ್ಥಾ ಗೃ॒ಣ‌ನ್ತೋ᳚ ಮ॒ಹಿನ॑ಸ್ಯ॒ ಶರ್ಮಂ᳚ದಿ॒ವಿ ಷ್ಯಾ᳚ಮ॒ ಪಾರ್ಯೇ᳚ ಗೋ॒ಷತ॑ಮಾಃ || 6.33.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಶುನಹೋತ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಸಂ ಚ॒ ತ್ವೇ ಜ॒ಗ್ಮುರ್ಗಿರ॑ ಇಂದ್ರ ಪೂ॒ರ್ವೀರ್ವಿ ಚ॒ ತ್ವದ್ಯ᳚‌ನ್ತಿ ವಿ॒ಭ್ವೋ᳚ ಮನೀ॒ಷಾಃ |
ಪು॒ರಾ ನೂ॒ನಂ ಚ॑ ಸ್ತು॒ತಯ॒ ಋಷೀ᳚ಣಾಂ ಪಸ್ಪೃ॒ಧ್ರ ಇಂದ್ರೇ॒ ಅಧ್ಯು॑ಕ್ಥಾ॒ರ್ಕಾ || 6.34.1
ಪು॒ರು॒ಹೂ॒ತೋ ಯಃ ಪು॑ರುಗೂ॒ರ್ತ ಋಭ್ವಾಁ॒ ಏಕಃ॑ ಪುರುಪ್ರಶ॒ಸ್ತೋ ಅಸ್ತಿ॑ ಯ॒ಜ್ಞೈಃ |
ರಥೋ॒ ನ ಮ॒ಹೇ ಶವ॑ಸೇ ಯುಜಾ॒ನೋ॒3॒॑ಽಸ್ಮಾಭಿ॒ರಿಂದ್ರೋ᳚ ಅನು॒ಮಾದ್ಯೋ᳚ ಭೂತ್ || 6.34.2
ನ ಯಂ ಹಿಂಸ᳚‌ನ್ತಿ ಧೀ॒ತಯೋ॒ ನ ವಾಣೀ॒ರಿಂದ್ರಂ॒ ನಕ್ಷ॒‌ನ್ತೀದ॒ಭಿ ವ॒ರ್ಧಯ᳚‌ನ್ತೀಃ |
ಯದಿ॑ ಸ್ತೋ॒ತಾರಃ॑ ಶ॒ತಂ ಯತ್ಸ॒ಹಸ್ರಂ᳚ ಗೃ॒ಣ‌ನ್ತಿ॒ ಗಿರ್ವ॑ಣಸಂ॒ ಶಂ ತದ॑ಸ್ಮೈ || 6.34.3
ಅಸ್ಮಾ᳚ ಏ॒ತದ್ದಿ॒ವ್ಯ1॒॑ರ್ಚೇವ॑ ಮಾ॒ಸಾ ಮಿ॑ಮಿ॒ಕ್ಷ ಇಂದ್ರೇ॒ ನ್ಯ॑ಯಾಮಿ॒ ಸೋಮಃ॑ |
ಜನಂ॒ ನ ಧನ್ವ᳚ನ್ನ॒ಭಿ ಸಂ ಯದಾಪಃ॑ ಸ॒ತ್ರಾ ವಾ᳚ವೃಧು॒ರ್ಹವ॑ನಾನಿ ಯ॒ಜ್ಞೈಃ || 6.34.4
ಅಸ್ಮಾ᳚ ಏ॒ತನ್ಮಹ್ಯಾಂ᳚ಗೂ॒ಷಮ॑ಸ್ಮಾ॒ ಇಂದ್ರಾ᳚ಯ ಸ್ತೋ॒ತ್ರಂ ಮ॒ತಿಭಿ॑ರವಾಚಿ |
ಅಸ॒ದ್ಯಥಾ᳚ ಮಹ॒ತಿ ವೃ॑ತ್ರ॒ತೂರ್ಯ॒ ಇಂದ್ರೋ᳚ ವಿ॒ಶ್ವಾಯು॑ರವಿ॒ತಾ ವೃ॒ಧಶ್ಚ॑ || 6.34.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜೋ ನರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಕ॒ದಾ ಭು॑ವ॒ನ್ರಥ॑ಕ್ಷಯಾಣಿ॒ ಬ್ರಹ್ಮ॑ ಕ॒ದಾ ಸ್ತೋ॒ತ್ರೇ ಸ॑ಹಸ್ರಪೋ॒ಷ್ಯಂ᳚ ದಾಃ |
ಕ॒ದಾ ಸ್ತೋಮಂ᳚ ವಾಸಯೋಽಸ್ಯ ರಾ॒ಯಾ ಕ॒ದಾ ಧಿಯಃ॑ ಕರಸಿ॒ ವಾಜ॑ರತ್ನಾಃ || 6.35.1
ಕರ್ಹಿ॑ ಸ್ವಿ॒ತ್ತದಿಂ᳚ದ್ರ॒ ಯನ್ನೃಭಿ॒ರ್ನೄನ್ವೀ॒ರೈರ್ವೀ॒ರಾನ್ನೀ॒ಳಯಾ᳚ಸೇ॒ ಜಯಾ॒ಜೀನ್ |
ತ್ರಿ॒ಧಾತು॒ ಗಾ ಅಧಿ॑ ಜಯಾಸಿ॒ ಗೋಷ್ವಿಂದ್ರ॑ ದ್ಯು॒ಮ್ನಂ ಸ್ವ᳚ರ್ವದ್ಧೇಹ್ಯ॒ಸ್ಮೇ || 6.35.2
ಕರ್ಹಿ॑ ಸ್ವಿ॒ತ್ತದಿಂ᳚ದ್ರ॒ ಯಜ್ಜ॑ರಿ॒ತ್ರೇ ವಿ॒ಶ್ವಪ್ಸು॒ ಬ್ರಹ್ಮ॑ ಕೃ॒ಣವಃ॑ ಶವಿಷ್ಠ |
ಕ॒ದಾ ಧಿಯೋ॒ ನ ನಿ॒ಯುತೋ᳚ ಯುವಾಸೇ ಕ॒ದಾ ಗೋಮ॑ಘಾ॒ ಹವ॑ನಾನಿ ಗಚ್ಛಾಃ || 6.35.3
ಸ ಗೋಮ॑ಘಾ ಜರಿ॒ತ್ರೇ ಅಶ್ವ॑ಶ್ಚಂದ್ರಾ॒ ವಾಜ॑ಶ್ರವಸೋ॒ ಅಧಿ॑ ಧೇಹಿ॒ ಪೃಕ್ಷಃ॑ |
ಪೀ॒ಪಿ॒ಹೀಷಃ॑ ಸು॒ದುಘಾ᳚ಮಿಂದ್ರ ಧೇ॒ನುಂ ಭ॒ರದ್ವಾ᳚ಜೇಷು ಸು॒ರುಚೋ᳚ ರುರುಚ್ಯಾಃ || 6.35.4
ತಮಾ ನೂ॒ನಂ ವೃ॒ಜನ॑ಮ॒ನ್ಯಥಾ᳚ ಚಿ॒ಚ್ಛೂರೋ॒ ಯಚ್ಛ॑ಕ್ರ॒ ವಿ ದುರೋ᳚ ಗೃಣೀ॒ಷೇ |
ಮಾ ನಿರ॑ರಂ ಶುಕ್ರ॒ದುಘ॑ಸ್ಯ ಧೇ॒ನೋರಾಂ᳚ಗಿರ॒ಸಾನ್ಬ್ರಹ್ಮ॑ಣಾ ವಿಪ್ರ ಜಿನ್ವ || 6.35.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜೋ ನರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಸ॒ತ್ರಾ ಮದಾ᳚ಸ॒ಸ್ತವ॑ ವಿ॒ಶ್ವಜ᳚ನ್ಯಾಃ ಸ॒ತ್ರಾ ರಾಯೋಽಧ॒ ಯೇ ಪಾರ್ಥಿ॑ವಾಸಃ |
ಸ॒ತ್ರಾ ವಾಜಾ᳚ನಾಮಭವೋ ವಿಭ॒ಕ್ತಾ ಯದ್ದೇ॒ವೇಷು॑ ಧಾ॒ರಯ॑ಥಾ ಅಸು॒ರ್ಯ‌ಮ್᳚ || 6.36.1
ಅನು॒ ಪ್ರ ಯೇ᳚ಜೇ॒ ಜನ॒ ಓಜೋ᳚ ಅಸ್ಯ ಸ॒ತ್ರಾ ದ॑ಧಿರೇ॒ ಅನು॑ ವೀ॒ರ್ಯಾ᳚ಯ |
ಸ್ಯೂ॒ಮ॒ಗೃಭೇ॒ ದುಧ॒ಯೇಽರ್ವ॑ತೇ ಚ॒ ಕ್ರತುಂ᳚ ವೃಂಜ॒‌ನ್ತ್ಯಪಿ॑ ವೃತ್ರ॒ಹತ್ಯೇ᳚ || 6.36.2
ತಂ ಸ॒ಧ್ರೀಚೀ᳚ರೂ॒ತಯೋ॒ ವೃಷ್ಣ್ಯಾ᳚ನಿ॒ ಪೌಂಸ್ಯಾ᳚ನಿ ನಿ॒ಯುತಃ॑ ಸಶ್ಚು॒ರಿಂದ್ರ‌ಮ್᳚ |
ಸ॒ಮು॒ದ್ರಂ ನ ಸಿಂಧ॑ವ ಉ॒ಕ್ಥಶು॑ಷ್ಮಾ ಉರು॒ವ್ಯಚ॑ಸಂ॒ ಗಿರ॒ ಆ ವಿ॑ಶ‌ನ್ತಿ || 6.36.3
ಸ ರಾ॒ಯಸ್ಖಾಮುಪ॑ ಸೃಜಾ ಗೃಣಾ॒ನಃ ಪು॑ರುಶ್ಚಂ॒ದ್ರಸ್ಯ॒ ತ್ವಮಿಂ᳚ದ್ರ॒ ವಸ್ವಃ॑ |
ಪತಿ॑ರ್ಬಭೂ॒ಥಾಸ॑ಮೋ॒ ಜನಾ᳚ನಾ॒ಮೇಕೋ॒ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ᳚ || 6.36.4
ಸ ತು ಶ್ರು॑ಧಿ॒ ಶ್ರುತ್ಯಾ॒ ಯೋ ದು॑ವೋ॒ಯುರ್ದ್ಯೌರ್ನ ಭೂಮಾ॒ಭಿ ರಾಯೋ᳚ ಅ॒ರ್ಯಃ |
ಅಸೋ॒ ಯಥಾ᳚ ನಃ॒ ಶವ॑ಸಾ ಚಕಾ॒ನೋ ಯು॒ಗೇಯು॑ಗೇ॒ ವಯ॑ಸಾ॒ ಚೇಕಿ॑ತಾನಃ || 6.36.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಅ॒ರ್ವಾಗ್ರಥಂ᳚ ವಿ॒ಶ್ವವಾ᳚ರಂ ತ ಉ॒ಗ್ರೇಂದ್ರ॑ ಯು॒ಕ್ತಾಸೋ॒ ಹರ॑ಯೋ ವಹ‌ನ್ತು |
ಕೀ॒ರಿಶ್ಚಿ॒ದ್ಧಿ ತ್ವಾ॒ ಹವ॑ತೇ॒ ಸ್ವ᳚ರ್ವಾನೃಧೀ॒ಮಹಿ॑ ಸಧ॒ಮಾದ॑ಸ್ತೇ ಅ॒ದ್ಯ || 6.37.1
ಪ್ರೋ ದ್ರೋಣೇ॒ ಹರ॑ಯಃ॒ ಕರ್ಮಾ᳚ಗ್ಮನ್ಪುನಾ॒ನಾಸ॒ ಋಜ್ಯ᳚‌ನ್ತೋ ಅಭೂವನ್ |
ಇಂದ್ರೋ᳚ ನೋ ಅ॒ಸ್ಯ ಪೂ॒ರ್ವ್ಯಃ ಪ॑ಪೀಯಾದ್ದ್ಯು॒ಕ್ಷೋ ಮದ॑ಸ್ಯ ಸೋ॒ಮ್ಯಸ್ಯ॒ ರಾಜಾ᳚ || 6.37.2
ಆ॒ಸ॒ಸ್ರಾ॒ಣಾಸಃ॑ ಶವಸಾ॒ನಮಚ್ಛೇಂದ್ರಂ᳚ ಸುಚ॒ಕ್ರೇ ರ॒ಥ್ಯಾ᳚ಸೋ॒ ಅಶ್ವಾಃ᳚ |
ಅ॒ಭಿ ಶ್ರವ॒ ಋಜ್ಯ᳚‌ನ್ತೋ ವಹೇಯು॒ರ್ನೂ ಚಿ॒ನ್ನು ವಾ॒ಯೋರ॒ಮೃತಂ॒ ವಿ ದ॑ಸ್ಯೇತ್ || 6.37.3
ವರಿ॑ಷ್ಠೋ ಅಸ್ಯ॒ ದಕ್ಷಿ॑ಣಾಮಿಯ॒ರ್ತೀಂದ್ರೋ᳚ ಮ॒ಘೋನಾಂ᳚ ತುವಿಕೂ॒ರ್ಮಿತ॑ಮಃ |
ಯಯಾ᳚ ವಜ್ರಿವಃ ಪರಿ॒ಯಾಸ್ಯಂಹೋ᳚ ಮ॒ಘಾ ಚ॑ ಧೃಷ್ಣೋ॒ ದಯ॑ಸೇ॒ ವಿ ಸೂ॒ರೀನ್ || 6.37.4
ಇಂದ್ರೋ॒ ವಾಜ॑ಸ್ಯ॒ ಸ್ಥವಿ॑ರಸ್ಯ ದಾ॒ತೇಂದ್ರೋ᳚ ಗೀ॒ರ್ಭಿರ್ವ॑ರ್ಧತಾಂ ವೃ॒ದ್ಧಮ॑ಹಾಃ |
ಇಂದ್ರೋ᳚ ವೃ॒ತ್ರಂ ಹನಿ॑ಷ್ಠೋ ಅಸ್ತು॒ ಸತ್ವಾ ತಾ ಸೂ॒ರಿಃ ಪೃ॑ಣತಿ॒ ತೂತು॑ಜಾನಃ || 6.37.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಅಪಾ᳚ದಿ॒ತ ಉದು॑ ನಶ್ಚಿ॒ತ್ರತ॑ಮೋ ಮ॒ಹೀಂ ಭ॑ರ್ಷದ್ದ್ಯು॒ಮತೀ॒ಮಿಂದ್ರ॑ಹೂತಿ‌ಮ್ |
ಪನ್ಯ॑ಸೀಂ ಧೀ॒ತಿಂ ದೈವ್ಯ॑ಸ್ಯ॒ ಯಾಮಂ॒ಜನ॑ಸ್ಯ ರಾ॒ತಿಂ ವ॑ನತೇ ಸು॒ದಾನುಃ॑ || 6.38.1
ದೂ॒ರಾಚ್ಚಿ॒ದಾ ವ॑ಸತೋ ಅಸ್ಯ॒ ಕರ್ಣಾ॒ ಘೋಷಾ॒ದಿಂದ್ರ॑ಸ್ಯ ತನ್ಯತಿ ಬ್ರುವಾ॒ಣಃ |
ಏಯಮೇ᳚ನಂ ದೇ॒ವಹೂ᳚ತಿರ್ವವೃತ್ಯಾನ್ಮ॒ದ್ರ್ಯ1॒॑ಗಿಂದ್ರ॑ಮಿ॒ಯಮೃ॒ಚ್ಯಮಾ᳚ನಾ || 6.38.2
ತಂ ವೋ᳚ ಧಿ॒ಯಾ ಪ॑ರ॒ಮಯಾ᳚ ಪುರಾ॒ಜಾಮ॒ಜರ॒ಮಿಂದ್ರ॑ಮ॒ಭ್ಯ॑ನೂಷ್ಯ॒ರ್ಕೈಃ |
ಬ್ರಹ್ಮಾ᳚ ಚ॒ ಗಿರೋ᳚ ದಧಿ॒ರೇ ಸಮ॑ಸ್ಮಿನ್ಮ॒ಹಾಁಶ್ಚ॒ ಸ್ತೋಮೋ॒ ಅಧಿ॑ ವರ್ಧ॒ದಿಂದ್ರೇ᳚ || 6.38.3
ವರ್ಧಾ॒ದ್ಯಂ ಯ॒ಜ್ಞ ಉ॒ತ ಸೋಮ॒ ಇಂದ್ರಂ॒ ವರ್ಧಾ॒ದ್ಬ್ರಹ್ಮ॒ ಗಿರ॑ ಉ॒ಕ್ಥಾ ಚ॒ ಮನ್ಮ॑ |
ವರ್ಧಾಹೈ᳚ನಮು॒ಷಸೋ॒ ಯಾಮ᳚ನ್ನ॒ಕ್ತೋರ್ವರ್ಧಾ॒ನ್ಮಾಸಾಃ᳚ ಶ॒ರದೋ॒ ದ್ಯಾವ॒ ಇಂದ್ರ‌ಮ್᳚ || 6.38.4
ಏ॒ವಾ ಜ॑ಜ್ಞಾ॒ನಂ ಸಹ॑ಸೇ॒ ಅಸಾ᳚ಮಿ ವಾವೃಧಾ॒ನಂ ರಾಧ॑ಸೇ ಚ ಶ್ರು॒ತಾಯ॑ |
ಮ॒ಹಾಮು॒ಗ್ರಮವ॑ಸೇ ವಿಪ್ರ ನೂ॒ನಮಾ ವಿ॑ವಾಸೇಮ ವೃತ್ರ॒ತೂರ್ಯೇ᳚ಷು || 6.38.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಮಂ॒ದ್ರಸ್ಯ॑ ಕ॒ವೇರ್ದಿ॒ವ್ಯಸ್ಯ॒ ವಹ್ನೇ॒ರ್ವಿಪ್ರ॑ಮನ್ಮನೋ ವಚ॒ನಸ್ಯ॒ ಮಧ್ವಃ॑ |
ಅಪಾ᳚ ನ॒ಸ್ತಸ್ಯ॑ ಸಚ॒ನಸ್ಯ॑ ದೇ॒ವೇಷೋ᳚ ಯುವಸ್ವ ಗೃಣ॒ತೇ ಗೋಅ॑ಗ್ರಾಃ || 6.39.1
ಅ॒ಯಮು॑ಶಾ॒ನಃ ಪರ್ಯದ್ರಿ॑ಮು॒ಸ್ರಾ ಋ॒ತಧೀ᳚ತಿಭಿರ್‌ಋತ॒ಯುಗ್ಯು॑ಜಾ॒ನಃ |
ರು॒ಜದರು॑ಗ್ಣಂ॒ ವಿ ವ॒ಲಸ್ಯ॒ ಸಾನುಂ᳚ ಪ॒ಣೀಁರ್ವಚೋ᳚ಭಿರ॒ಭಿ ಯೋ᳚ಧ॒ದಿಂದ್ರಃ॑ || 6.39.2
ಅ॒ಯಂ ದ್ಯೋ᳚ತಯದ॒ದ್ಯುತೋ॒ ವ್ಯ1॒॑ಕ್ತೂಂದೋ॒ಷಾ ವಸ್ತೋಃ᳚ ಶ॒ರದ॒ ಇಂದು॑ರಿಂದ್ರ |
ಇ॒ಮಂ ಕೇ॒ತುಮ॑ದಧು॒ರ್ನೂ ಚಿ॒ದಹ್ನಾಂ॒ ಶುಚಿ॑ಜನ್ಮನ ಉ॒ಷಸ॑ಶ್ಚಕಾರ || 6.39.3
ಅ॒ಯಂ ರೋ᳚ಚಯದ॒ರುಚೋ᳚ ರುಚಾ॒ನೋ॒3॒॑ಽಯಂ ವಾ᳚ಸಯ॒ದ್ವ್ಯೃ1॒॑ತೇನ॑ ಪೂ॒ರ್ವೀಃ |
ಅ॒ಯಮೀ᳚ಯತ ಋತ॒ಯುಗ್ಭಿ॒ರಶ್ವೈಃ᳚ ಸ್ವ॒ರ್ವಿದಾ॒ ನಾಭಿ॑ನಾ ಚರ್ಷಣಿ॒ಪ್ರಾಃ || 6.39.4
ನೂ ಗೃ॑ಣಾ॒ನೋ ಗೃ॑ಣ॒ತೇ ಪ್ರ॑ತ್ನ ರಾಜ॒ನ್ನಿಷಃ॑ ಪಿನ್ವ ವಸು॒ದೇಯಾ᳚ಯ ಪೂ॒ರ್ವೀಃ |
ಅ॒ಪ ಓಷ॑ಧೀರವಿ॒ಷಾ ವನಾ᳚ನಿ॒ ಗಾ ಅರ್ವ॑ತೋ॒ ನೄನೃ॒ಚಸೇ᳚ ರಿರೀಹಿ || 6.39.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರ॒ ಪಿಬ॒ ತುಭ್ಯಂ᳚ ಸು॒ತೋ ಮದಾ॒ಯಾವ॑ ಸ್ಯ॒ ಹರೀ॒ ವಿ ಮು॑ಚಾ॒ ಸಖಾ᳚ಯಾ |
ಉ॒ತ ಪ್ರ ಗಾ᳚ಯ ಗ॒ಣ ಆ ನಿ॒ಷದ್ಯಾಥಾ᳚ ಯ॒ಜ್ಞಾಯ॑ ಗೃಣ॒ತೇ ವಯೋ᳚ ಧಾಃ || 6.40.1
ಅಸ್ಯ॑ ಪಿಬ॒ ಯಸ್ಯ॑ ಜಜ್ಞಾ॒ನ ಇಂ᳚ದ್ರ॒ ಮದಾ᳚ಯ॒ ಕ್ರತ್ವೇ॒ ಅಪಿ॑ಬೋ ವಿರಪ್ಶಿನ್ |
ತಮು॑ ತೇ॒ ಗಾವೋ॒ ನರ॒ ಆಪೋ॒ ಅದ್ರಿ॒ರಿಂದುಂ॒ ಸಮ॑ಹ್ಯನ್ಪೀ॒ತಯೇ॒ ಸಮ॑ಸ್ಮೈ || 6.40.2
ಸಮಿ॑ದ್ಧೇ ಅ॒ಗ್ನೌ ಸು॒ತ ಇಂ᳚ದ್ರ॒ ಸೋಮ॒ ಆ ತ್ವಾ᳚ ವಹ‌ನ್ತು॒ ಹರ॑ಯೋ॒ ವಹಿ॑ಷ್ಠಾಃ |
ತ್ವಾ॒ಯ॒ತಾ ಮನ॑ಸಾ ಜೋಹವೀ॒ಮೀಂದ್ರಾ ಯಾ᳚ಹಿ ಸುವಿ॒ತಾಯ॑ ಮ॒ಹೇ ನಃ॑ || 6.40.3
ಆ ಯಾ᳚ಹಿ॒ ಶಶ್ವ॑ದುಶ॒ತಾ ಯ॑ಯಾ॒ಥೇಂದ್ರ॑ ಮ॒ಹಾ ಮನ॑ಸಾ ಸೋಮ॒ಪೇಯ‌ಮ್᳚ |
ಉಪ॒ ಬ್ರಹ್ಮಾ᳚ಣಿ ಶೃಣವ ಇ॒ಮಾ ನೋಽಥಾ᳚ ತೇ ಯ॒ಜ್ಞಸ್ತ॒ನ್ವೇ॒3॒॑ ವಯೋ᳚ ಧಾತ್ || 6.40.4
ಯದಿಂ᳚ದ್ರ ದಿ॒ವಿ ಪಾರ್ಯೇ॒ ಯದೃಧ॒ಗ್ಯದ್ವಾ॒ ಸ್ವೇ ಸದ॑ನೇ॒ ಯತ್ರ॒ ವಾಸಿ॑ |
ಅತೋ᳚ ನೋ ಯ॒ಜ್ಞಮವ॑ಸೇ ನಿ॒ಯುತ್ವಾ᳚‌‌ನ್ತ್ಸ॒ಜೋಷಾಃ᳚ ಪಾಹಿ ಗಿರ್ವಣೋ ಮ॒ರುದ್ಭಿಃ॑ || 6.40.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಅಹೇ᳚ಳಮಾನ॒ ಉಪ॑ ಯಾಹಿ ಯ॒ಜ್ಞಂ ತುಭ್ಯಂ᳚ ಪವ‌ನ್ತ॒ ಇಂದ॑ವಃ ಸು॒ತಾಸಃ॑ |
ಗಾವೋ॒ ನ ವ॑ಜ್ರಿ॒‌‌ನ್ತ್ಸ್ವಮೋಕೋ॒ ಅಚ್ಛೇಂದ್ರಾ ಗ॑ಹಿ ಪ್ರಥ॒ಮೋ ಯ॒ಜ್ಞಿಯಾ᳚ನಾ‌ಮ್ || 6.41.1
ಯಾ ತೇ᳚ ಕಾ॒ಕುತ್ಸುಕೃ॑ತಾ॒ ಯಾ ವರಿ॑ಷ್ಠಾ॒ ಯಯಾ॒ ಶಶ್ವ॒ತ್ಪಿಬ॑ಸಿ॒ ಮಧ್ವ॑ ಊ॒ರ್ಮಿ‌ಮ್ |
ತಯಾ᳚ ಪಾಹಿ॒ ಪ್ರ ತೇ᳚ ಅಧ್ವ॒ರ್ಯುರ॑ಸ್ಥಾ॒ತ್ಸಂ ತೇ॒ ವಜ್ರೋ᳚ ವರ್ತತಾಮಿಂದ್ರ ಗ॒ವ್ಯುಃ || 6.41.2
ಏ॒ಷ ದ್ರ॒ಪ್ಸೋ ವೃ॑ಷ॒ಭೋ ವಿ॒ಶ್ವರೂ᳚ಪ॒ ಇಂದ್ರಾ᳚ಯ॒ ವೃಷ್ಣೇ॒ ಸಮ॑ಕಾರಿ॒ ಸೋಮಃ॑ |
ಏ॒ತಂ ಪಿ॑ಬ ಹರಿವಃ ಸ್ಥಾತರುಗ್ರ॒ ಯಸ್ಯೇಶಿ॑ಷೇ ಪ್ರ॒ದಿವಿ॒ ಯಸ್ತೇ॒ ಅನ್ನ‌ಮ್᳚ || 6.41.3
ಸು॒ತಃ ಸೋಮೋ॒ ಅಸು॑ತಾದಿಂದ್ರ॒ ವಸ್ಯಾ᳚ನ॒ಯಂ ಶ್ರೇಯಾಂ᳚ಚಿಕಿ॒ತುಷೇ॒ ರಣಾ᳚ಯ |
ಏ॒ತಂ ತಿ॑ತಿರ್ವ॒ ಉಪ॑ ಯಾಹಿ ಯ॒ಜ್ಞಂ ತೇನ॒ ವಿಶ್ವಾ॒ಸ್ತವಿ॑ಷೀ॒ರಾ ಪೃ॑ಣಸ್ವ || 6.41.4
ಹ್ವಯಾ᳚ಮಸಿ॒ ತ್ವೇಂದ್ರ॑ ಯಾಹ್ಯ॒ರ್ವಾಙರಂ᳚ ತೇ॒ ಸೋಮ॑ಸ್ತ॒ನ್ವೇ᳚ ಭವಾತಿ |
ಶತ॑ಕ್ರತೋ ಮಾ॒ದಯ॑ಸ್ವಾ ಸು॒ತೇಷು॒ ಪ್ರಾಸ್ಮಾಁ ಅ॑ವ॒ ಪೃತ॑ನಾಸು॒ ಪ್ರ ವಿ॒ಕ್ಷು || 6.41.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, (13) ಪ್ರಥಮಾದಿತೃಚಸ್ಯಾನಷ್ಟಪ (4) ಚತುರ್ಥ್ಯಾ ಋಚಶ್ಚ ಬೃಹತೀ ಛಂದಸೀ

ಪ್ರತ್ಯ॑ಸ್ಮೈ॒ ಪಿಪೀ᳚ಷತೇ॒ ವಿಶ್ವಾ᳚ನಿ ವಿ॒ದುಷೇ᳚ ಭರ |
ಅ॒ರಂ॒ಗ॒ಮಾಯ॒ ಜಗ್ಮ॒ಯೇಽಪ॑ಶ್ಚಾದ್ದಘ್ವನೇ॒ ನರೇ᳚ || 6.42.1
ಏಮೇ᳚ನಂ ಪ್ರ॒ತ್ಯೇತ॑ನ॒ ಸೋಮೇ᳚ಭಿಃ ಸೋಮ॒ಪಾತ॑ಮ‌ಮ್ |
ಅಮ॑ತ್ರೇಭಿರ್‌ಋಜೀ॒ಷಿಣ॒ಮಿಂದ್ರಂ᳚ ಸು॒ತೇಭಿ॒ರಿಂದು॑ಭಿಃ || 6.42.2
ಯದೀ᳚ ಸು॒ತೇಭಿ॒ರಿಂದು॑ಭಿಃ॒ ಸೋಮೇ᳚ಭಿಃ ಪ್ರತಿ॒ಭೂಷ॑ಥ |
ವೇದಾ॒ ವಿಶ್ವ॑ಸ್ಯ॒ ಮೇಧಿ॑ರೋ ಧೃ॒ಷತ್ತಂತ॒ಮಿದೇಷ॑ತೇ || 6.42.3
ಅ॒ಸ್ಮಾಅ॑ಸ್ಮಾ॒ ಇದಂಧ॒ಸೋಽಧ್ವ᳚ರ್ಯೋ॒ ಪ್ರ ಭ॑ರಾ ಸು॒ತ‌ಮ್ |
ಕು॒ವಿತ್ಸ॑ಮಸ್ಯ॒ ಜೇನ್ಯ॑ಸ್ಯ॒ ಶರ್ಧ॑ತೋ॒ಽಭಿಶ॑ಸ್ತೇರವ॒ಸ್ಪರ॑ತ್ || 6.42.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರೋ ದೇವತಾ, ಉಷ್ಣಿಕ್ ಛಂದಃ

ಯಸ್ಯ॒ ತ್ಯಚ್ಛಂಬ॑ರಂ॒ ಮದೇ॒ ದಿವೋ᳚ದಾಸಾಯ ರಂ॒ಧಯಃ॑ |
ಅ॒ಯಂ ಸ ಸೋಮ॑ ಇಂದ್ರ ತೇ ಸು॒ತಃ ಪಿಬ॑ || 6.43.1
ಯಸ್ಯ॑ ತೀವ್ರ॒ಸುತಂ॒ ಮದಂ॒ ಮಧ್ಯ॒ಮ‌ನ್ತಂ᳚ ಚ॒ ರಕ್ಷ॑ಸೇ |
ಅ॒ಯಂ ಸ ಸೋಮ॑ ಇಂದ್ರ ತೇ ಸು॒ತಃ ಪಿಬ॑ || 6.43.2
ಯಸ್ಯ॒ ಗಾ ಅ॒‌ನ್ತರಶ್ಮ॑ನೋ॒ ಮದೇ᳚ ದೃ॒ಳ್ಹಾ ಅ॒ವಾಸೃ॑ಜಃ |
ಅ॒ಯಂ ಸ ಸೋಮ॑ ಇಂದ್ರ ತೇ ಸು॒ತಃ ಪಿಬ॑ || 6.43.3
ಯಸ್ಯ॑ ಮಂದಾ॒ನೋ ಅಂಧ॑ಸೋ॒ ಮಾಘೋ᳚ನಂ ದಧಿ॒ಷೇ ಶವಃ॑ |
ಅ॒ಯಂ ಸ ಸೋಮ॑ ಇಂದ್ರ ತೇ ಸು॒ತಃ ಪಿಬ॑ || 6.43.4

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯಃ ಶಂಯಋ ಷಿಃ, ಇಂದ್ರೋ ದೇವತಾ (1-6) ಪ್ರಥಮಾದಿತೃಚದ್ವಯಸ್ಯಾನುಷ್ಟಪ್ , (7, 9-24) ಸಪ್ತಮ್ಯಾ ನವಮ್ಯಾದಿಷೋಡಶರ್ಚಾಂಚ ತ್ರಿಷ್ಟುಪ, (8) ಅಷ್ಟಮ್ಯಾಶ್ಚ ವಿರಾಟ್ ಛಂದಾಂಸಿ

ಯೋ ರ॑ಯಿವೋ ರ॒ಯಿಂತ॑ಮೋ॒ ಯೋ ದ್ಯು॒ಮ್ನೈರ್ದ್ಯು॒ಮ್ನವ॑ತ್ತಮಃ |
ಸೋಮಃ॑ ಸು॒ತಃ ಸ ಇಂ᳚ದ್ರ॒ ತೇಽಸ್ತಿ॑ ಸ್ವಧಾಪತೇ॒ ಮದಃ॑ || 6.44.1
ಯಃ ಶ॒ಗ್ಮಸ್ತು॑ವಿಶಗ್ಮ ತೇ ರಾ॒ಯೋ ದಾ॒ಮಾ ಮ॑ತೀ॒ನಾ‌ಮ್ |
ಸೋಮಃ॑ ಸು॒ತಃ ಸ ಇಂ᳚ದ್ರ॒ ತೇಽಸ್ತಿ॑ ಸ್ವಧಾಪತೇ॒ ಮದಃ॑ || 6.44.2
ಯೇನ॑ ವೃ॒ದ್ಧೋ ನ ಶವ॑ಸಾ ತು॒ರೋ ನ ಸ್ವಾಭಿ॑ರೂ॒ತಿಭಿಃ॑ |
ಸೋಮಃ॑ ಸು॒ತಃ ಸ ಇಂ᳚ದ್ರ॒ ತೇಽಸ್ತಿ॑ ಸ್ವಧಾಪತೇ॒ ಮದಃ॑ || 6.44.3
ತ್ಯಮು॑ ವೋ॒ ಅಪ್ರ॑ಹಣಂ ಗೃಣೀ॒ಷೇ ಶವ॑ಸ॒ಸ್ಪತಿ‌ಮ್᳚ |
ಇಂದ್ರಂ᳚ ವಿಶ್ವಾ॒ಸಾಹಂ॒ ನರಂ॒ ಮಂಹಿ॑ಷ್ಠಂ ವಿ॒ಶ್ವಚ॑ರ್ಷಣಿ‌ಮ್ || 6.44.4
ಯಂ ವ॒ರ್ಧಯ॒‌ನ್ತೀದ್ಗಿರಃ॒ ಪತಿಂ᳚ ತು॒ರಸ್ಯ॒ ರಾಧ॑ಸಃ |
ತಮಿನ್ನ್ವ॑ಸ್ಯ॒ ರೋದ॑ಸೀ ದೇ॒ವೀ ಶುಷ್ಮಂ᳚ ಸಪರ್ಯತಃ || 6.44.5
ತದ್ವ॑ ಉ॒ಕ್ಥಸ್ಯ॑ ಬ॒ರ್ಹಣೇಂದ್ರಾ᳚ಯೋಪಸ್ತೃಣೀ॒ಷಣಿ॑ |
ವಿಪೋ॒ ನ ಯಸ್ಯೋ॒ತಯೋ॒ ವಿ ಯದ್ರೋಹ᳚‌ನ್ತಿ ಸ॒ಕ್ಷಿತಃ॑ || 6.44.6
ಅವಿ॑ದ॒ದ್ದಕ್ಷಂ᳚ ಮಿ॒ತ್ರೋ ನವೀ᳚ಯಾನ್ಪಪಾ॒ನೋ ದೇ॒ವೇಭ್ಯೋ॒ ವಸ್ಯೋ᳚ ಅಚೈತ್ |
ಸ॒ಸ॒ವಾ‌‌ನ್ತ್ಸ್ತೌ॒ಲಾಭಿ॑ರ್ಧೌ॒ತರೀ᳚ಭಿರುರು॒ಷ್ಯಾ ಪಾ॒ಯುರ॑ಭವ॒ತ್ಸಖಿ॑ಭ್ಯಃ || 6.44.7
ಋ॒ತಸ್ಯ॑ ಪ॒ಥಿ ವೇ॒ಧಾ ಅ॑ಪಾಯಿ ಶ್ರಿ॒ಯೇ ಮನಾಂ᳚ಸಿ ದೇ॒ವಾಸೋ᳚ ಅಕ್ರನ್ |
ದಧಾ᳚ನೋ॒ ನಾಮ॑ ಮ॒ಹೋ ವಚೋ᳚ಭಿ॒ರ್ವಪು॑ರ್ದೃ॒ಶಯೇ᳚ ವೇ॒ನ್ಯೋ ವ್ಯಾ᳚ವಃ || 6.44.8
ದ್ಯು॒ಮತ್ತ॑ಮಂ॒ ದಕ್ಷಂ᳚ ಧೇಹ್ಯ॒ಸ್ಮೇ ಸೇಧಾ॒ ಜನಾ᳚ನಾಂ ಪೂ॒ರ್ವೀರರಾ᳚ತೀಃ |
ವರ್ಷೀ᳚ಯೋ॒ ವಯಃ॑ ಕೃಣುಹಿ॒ ಶಚೀ᳚ಭಿ॒ರ್ಧನ॑ಸ್ಯ ಸಾ॒ತಾವ॒ಸ್ಮಾಁ ಅ॑ವಿಡ್ಢಿ || 6.44.9
ಇಂದ್ರ॒ ತುಭ್ಯ॒ಮಿನ್ಮ॑ಘವನ್ನಭೂಮ ವ॒ಯಂ ದಾ॒ತ್ರೇ ಹ॑ರಿವೋ॒ ಮಾ ವಿ ವೇ᳚ನಃ |
ನಕಿ॑ರಾ॒ಪಿರ್ದ॑ದೃಶೇ ಮರ್ತ್ಯ॒ತ್ರಾ ಕಿಮಂ॒ಗ ರ॑ಧ್ರ॒ಚೋದ॑ನಂ ತ್ವಾಹುಃ || 6.44.10
ಮಾ ಜಸ್ವ॑ನೇ ವೃಷಭ ನೋ ರರೀಥಾ॒ ಮಾ ತೇ᳚ ರೇ॒ವತಃ॑ ಸ॒ಖ್ಯೇ ರಿ॑ಷಾಮ |
ಪೂ॒ರ್ವೀಷ್ಟ॑ ಇಂದ್ರ ನಿ॒ಷ್ಷಿಧೋ॒ ಜನೇ᳚ಷು ಜ॒ಹ್ಯಸು॑ಷ್ವೀ॒ನ್ಪ್ರ ವೃ॒ಹಾಪೃ॑ಣತಃ || 6.44.11
ಉದ॒ಭ್ರಾಣೀ᳚ವ ಸ್ತ॒ನಯ᳚ನ್ನಿಯ॒ರ್ತೀಂದ್ರೋ॒ ರಾಧಾಂ॒ಸ್ಯಶ್ವ್ಯಾ᳚ನಿ॒ ಗವ್ಯಾ᳚ |
ತ್ವಮ॑ಸಿ ಪ್ರ॒ದಿವಃ॑ ಕಾ॒ರುಧಾ᳚ಯಾ॒ ಮಾ ತ್ವಾ᳚ದಾ॒ಮಾನ॒ ಆ ದ॑ಭನ್ಮ॒ಘೋನಃ॑ || 6.44.12
ಅಧ್ವ᳚ರ್ಯೋ ವೀರ॒ ಪ್ರ ಮ॒ಹೇ ಸು॒ತಾನಾ॒ಮಿಂದ್ರಾ᳚ಯ ಭರ॒ ಸ ಹ್ಯ॑ಸ್ಯ॒ ರಾಜಾ᳚ |
ಯಃ ಪೂ॒ರ್ವ್ಯಾಭಿ॑ರು॒ತ ನೂತ॑ನಾಭಿರ್ಗೀ॒ರ್ಭಿರ್ವಾ᳚ವೃ॒ಧೇ ಗೃ॑ಣ॒ತಾಮೃಷೀ᳚ಣಾ‌ಮ್ || 6.44.13
ಅ॒ಸ್ಯ ಮದೇ᳚ ಪು॒ರು ವರ್ಪಾಂ᳚ಸಿ ವಿ॒ದ್ವಾನಿಂದ್ರೋ᳚ ವೃ॒ತ್ರಾಣ್ಯ॑ಪ್ರ॒ತೀ ಜ॑ಘಾನ |
ತಮು॒ ಪ್ರ ಹೋ᳚ಷಿ॒ ಮಧು॑ಮ‌ನ್ತಮಸ್ಮೈ॒ ಸೋಮಂ᳚ ವೀ॒ರಾಯ॑ ಶಿ॒ಪ್ರಿಣೇ॒ ಪಿಬ॑ಧ್ಯೈ || 6.44.14
ಪಾತಾ᳚ ಸು॒ತಮಿಂದ್ರೋ᳚ ಅಸ್ತು॒ ಸೋಮಂ॒ ಹ‌ನ್ತಾ᳚ ವೃ॒ತ್ರಂ ವಜ್ರೇ᳚ಣ ಮಂದಸಾ॒ನಃ |
ಗ‌ನ್ತಾ᳚ ಯ॒ಜ್ಞಂ ಪ॑ರಾ॒ವತ॑ಶ್ಚಿ॒ದಚ್ಛಾ॒ ವಸು॑ರ್ಧೀ॒ನಾಮ॑ವಿ॒ತಾ ಕಾ॒ರುಧಾ᳚ಯಾಃ || 6.44.15
ಇ॒ದಂ ತ್ಯತ್ಪಾತ್ರ॑ಮಿಂದ್ರ॒ಪಾನ॒ಮಿಂದ್ರ॑ಸ್ಯ ಪ್ರಿ॒ಯಮ॒ಮೃತ॑ಮಪಾಯಿ |
ಮತ್ಸ॒ದ್ಯಥಾ᳚ ಸೌಮನ॒ಸಾಯ॑ ದೇ॒ವಂ ವ್ಯ1॒॑ಸ್ಮದ್ದ್ವೇಷೋ᳚ ಯು॒ಯವ॒ದ್ವ್ಯಂಹಃ॑ || 6.44.16
ಏ॒ನಾ ಮಂ᳚ದಾ॒ನೋ ಜ॒ಹಿ ಶೂ᳚ರ॒ ಶತ್ರೂಂ᳚ಜಾ॒ಮಿಮಜಾ᳚ಮಿಂ ಮಘವನ್ನ॒ಮಿತ್ರಾನ್॑ |
ಅ॒ಭಿ॒ಷೇ॒ಣಾಁ ಅ॒ಭ್ಯಾ॒3॒॑ದೇದಿ॑ಶಾನಾ॒ನ್ಪರಾ᳚ಚ ಇಂದ್ರ॒ ಪ್ರ ಮೃ॑ಣಾ ಜ॒ಹೀ ಚ॑ || 6.44.17
ಆ॒ಸು ಷ್ಮಾ᳚ ಣೋ ಮಘವನ್ನಿಂದ್ರ ಪೃ॒ತ್ಸ್ವ1॒॑ಸ್ಮಭ್ಯಂ॒ ಮಹಿ॒ ವರಿ॑ವಃ ಸು॒ಗಂ ಕಃ॑ |
ಅ॒ಪಾಂ ತೋ॒ಕಸ್ಯ॒ ತನ॑ಯಸ್ಯ ಜೇ॒ಷ ಇಂದ್ರ॑ ಸೂ॒ರೀನ್ಕೃ॑ಣು॒ಹಿ ಸ್ಮಾ᳚ ನೋ ಅ॒ರ್ಧ‌ಮ್ || 6.44.18
ಆ ತ್ವಾ॒ ಹರ॑ಯೋ॒ ವೃಷ॑ಣೋ ಯುಜಾ॒ನಾ ವೃಷ॑ರಥಾಸೋ॒ ವೃಷ॑ರಶ್ಮ॒ಯೋಽತ್ಯಾಃ᳚ |
ಅ॒ಸ್ಮ॒ತ್ರಾಂಚೋ॒ ವೃಷ॑ಣೋ ವಜ್ರ॒ವಾಹೋ॒ ವೃಷ್ಣೇ॒ ಮದಾ᳚ಯ ಸು॒ಯುಜೋ᳚ ವಹ‌ನ್ತು || 6.44.19
ಆ ತೇ᳚ ವೃಷ॒ನ್ವೃಷ॑ಣೋ॒ ದ್ರೋಣ॑ಮಸ್ಥುರ್ಘೃತ॒ಪ್ರುಷೋ॒ ನೋರ್ಮಯೋ॒ ಮದ᳚‌ನ್ತಃ |
ಇಂದ್ರ॒ ಪ್ರ ತುಭ್ಯಂ॒ ವೃಷ॑ಭಿಃ ಸು॒ತಾನಾಂ॒ ವೃಷ್ಣೇ᳚ ಭರ‌ನ್ತಿ ವೃಷ॒ಭಾಯ॒ ಸೋಮ‌ಮ್᳚ || 6.44.20
ವೃಷಾ᳚ಸಿ ದಿ॒ವೋ ವೃ॑ಷ॒ಭಃ ಪೃ॑ಥಿ॒ವ್ಯಾ ವೃಷಾ॒ ಸಿಂಧೂ᳚ನಾಂ ವೃಷ॒ಭಃ ಸ್ತಿಯಾ᳚ನಾ‌ಮ್ |
ವೃಷ್ಣೇ᳚ ತ॒ ಇಂದು᳚ರ್ವೃಷಭ ಪೀಪಾಯ ಸ್ವಾ॒ದೂ ರಸೋ᳚ ಮಧು॒ಪೇಯೋ॒ ವರಾ᳚ಯ || 6.44.21
ಅ॒ಯಂ ದೇ॒ವಃ ಸಹ॑ಸಾ॒ ಜಾಯ॑ಮಾನ॒ ಇಂದ್ರೇ᳚ಣ ಯು॒ಜಾ ಪ॒ಣಿಮ॑ಸ್ತಭಾಯತ್ |
ಅ॒ಯಂ ಸ್ವಸ್ಯ॑ ಪಿ॒ತುರಾಯು॑ಧಾ॒ನೀಂದು॑ರಮುಷ್ಣಾ॒ದಶಿ॑ವಸ್ಯ ಮಾ॒ಯಾಃ || 6.44.22
ಅ॒ಯಮ॑ಕೃಣೋದು॒ಷಸಃ॑ ಸು॒ಪತ್ನೀ᳚ರ॒ಯಂ ಸೂರ್ಯೇ᳚ ಅದಧಾ॒ಜ್ಜ್ಯೋತಿ॑ರ॒‌ನ್ತಃ |
ಅ॒ಯಂ ತ್ರಿ॒ಧಾತು॑ ದಿ॒ವಿ ರೋ᳚ಚ॒ನೇಷು॑ ತ್ರಿ॒ತೇಷು॑ ವಿಂದದ॒ಮೃತಂ॒ ನಿಗೂ᳚ಳ್ಹ‌ಮ್ || 6.44.23
ಅ॒ಯಂ ದ್ಯಾವಾ᳚ಪೃಥಿ॒ವೀ ವಿ ಷ್ಕ॑ಭಾಯದ॒ಯಂ ರಥ॑ಮಯುನಕ್ಸ॒ಪ್ತರ॑ಶ್ಮಿ‌ಮ್ |
ಅ॒ಯಂ ಗೋಷು॒ ಶಚ್ಯಾ᳚ ಪ॒ಕ್ವಮ॒‌ನ್ತಃ ಸೋಮೋ᳚ ದಾಧಾರ॒ ದಶ॑ಯ‌ನ್ತ್ರ॒ಮುತ್ಸ‌ಮ್᳚ || 6.44.24

(1-33) ತ್ರಯಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯಃ ಶಂಯಋ ಷಿಃ (1-30) ಪ್ರಥಮಾದಿತ್ರಿಂಶದೃಚಾಮಿಂದ್ರಃ, (31-33) ಏಕತ್ರಿಂಶ್ಯಾದಿತೃಚಸ್ಯ ಚ ಬೃಬರ ತಕ್ಷಾದೇವತೇ (1-28, 30-32) ಪ್ರಥಮಾದ್ಯಷ್ಟಾವಿಂಶತ್ರ್ಯಚಾಂ ತ್ರಿಂಶ್ಯಾದಿತೃಚಸ್ಯ ಚ ಗಾಯತ್ರೀ, (29) ಏಕೋನತ್ರಿಂಶ್ಯಾ ಪ್ರತಿನಿಘೃತ, (33) ತ್ರಯಸ್ತ್ರಿಂಶ್ಯಾಶ್ಚಾನುಷ್ಟಪ, ಛಂದಾಂಸಿ

ಯ ಆನ॑ಯತ್ಪರಾ॒ವತಃ॒ ಸುನೀ᳚ತೀ ತು॒ರ್ವಶಂ॒ ಯದು‌ಮ್᳚ |
ಇಂದ್ರಃ॒ ಸ ನೋ॒ ಯುವಾ॒ ಸಖಾ᳚ || 6.45.1
ಅ॒ವಿ॒ಪ್ರೇ ಚಿ॒ದ್ವಯೋ॒ ದಧ॑ದನಾ॒ಶುನಾ᳚ ಚಿ॒ದರ್ವ॑ತಾ |
ಇಂದ್ರೋ॒ ಜೇತಾ᳚ ಹಿ॒ತಂ ಧನ‌ಮ್᳚ || 6.45.2
ಮ॒ಹೀರ॑ಸ್ಯ॒ ಪ್ರಣೀ᳚ತಯಃ ಪೂ॒ರ್ವೀರು॒ತ ಪ್ರಶ॑ಸ್ತಯಃ |
ನಾಸ್ಯ॑ ಕ್ಷೀಯ‌ನ್ತ ಊ॒ತಯಃ॑ || 6.45.3
ಸಖಾ᳚ಯೋ॒ ಬ್ರಹ್ಮ॑ವಾಹ॒ಸೇಽರ್ಚ॑ತ॒ ಪ್ರ ಚ॑ ಗಾಯತ |
ಸ ಹಿ ನಃ॒ ಪ್ರಮ॑ತಿರ್ಮ॒ಹೀ || 6.45.4
ತ್ವಮೇಕ॑ಸ್ಯ ವೃತ್ರಹನ್ನವಿ॒ತಾ ದ್ವಯೋ᳚ರಸಿ |
ಉ॒ತೇದೃಶೇ॒ ಯಥಾ᳚ ವ॒ಯ‌ಮ್ || 6.45.5
ನಯ॒ಸೀದ್ವತಿ॒ ದ್ವಿಷಃ॑ ಕೃ॒ಣೋಷ್ಯು॑ಕ್ಥಶಂ॒ಸಿನಃ॑ |
ನೃಭಿಃ॑ ಸು॒ವೀರ॑ ಉಚ್ಯಸೇ || 6.45.6
ಬ್ರ॒ಹ್ಮಾಣಂ॒ ಬ್ರಹ್ಮ॑ವಾಹಸಂ ಗೀ॒ರ್ಭಿಃ ಸಖಾ᳚ಯಮೃ॒ಗ್ಮಿಯ‌ಮ್᳚ |
ಗಾಂ ನ ದೋ॒ಹಸೇ᳚ ಹುವೇ || 6.45.7
ಯಸ್ಯ॒ ವಿಶ್ವಾ᳚ನಿ॒ ಹಸ್ತ॑ಯೋರೂ॒ಚುರ್ವಸೂ᳚ನಿ॒ ನಿ ದ್ವಿ॒ತಾ |
ವೀ॒ರಸ್ಯ॑ ಪೃತನಾ॒ಷಹಃ॑ || 6.45.8
ವಿ ದೃ॒ಳ್ಹಾನಿ॑ ಚಿದದ್ರಿವೋ॒ ಜನಾ᳚ನಾಂ ಶಚೀಪತೇ |
ವೃ॒ಹ ಮಾ॒ಯಾ ಅ॑ನಾನತ || 6.45.9
ತಮು॑ ತ್ವಾ ಸತ್ಯ ಸೋಮಪಾ॒ ಇಂದ್ರ॑ ವಾಜಾನಾಂ ಪತೇ |
ಅಹೂ᳚ಮಹಿ ಶ್ರವ॒ಸ್ಯವಃ॑ || 6.45.10
ತಮು॑ ತ್ವಾ॒ ಯಃ ಪು॒ರಾಸಿ॑ಥ॒ ಯೋ ವಾ᳚ ನೂ॒ನಂ ಹಿ॒ತೇ ಧನೇ᳚ |
ಹವ್ಯಃ॒ ಸ ಶ್ರು॑ಧೀ॒ ಹವ‌ಮ್᳚ || 6.45.11
ಧೀ॒ಭಿರರ್ವ॑ದ್ಭಿ॒ರರ್ವ॑ತೋ॒ ವಾಜಾಁ᳚ ಇಂದ್ರ ಶ್ರ॒ವಾಯ್ಯಾನ್॑ |
ತ್ವಯಾ᳚ ಜೇಷ್ಮ ಹಿ॒ತಂ ಧನ‌ಮ್᳚ || 6.45.12
ಅಭೂ᳚ರು ವೀರ ಗಿರ್ವಣೋ ಮ॒ಹಾಁ ಇಂ᳚ದ್ರ॒ ಧನೇ᳚ ಹಿ॒ತೇ |
ಭರೇ᳚ ವಿತ‌ನ್ತ॒ಸಾಯ್ಯಃ॑ || 6.45.13
ಯಾ ತ॑ ಊ॒ತಿರ॑ಮಿತ್ರಹನ್ಮ॒ಕ್ಷೂಜ॑ವಸ್ತ॒ಮಾಸ॑ತಿ |
ತಯಾ᳚ ನೋ ಹಿನುಹೀ॒ ರಥ‌ಮ್᳚ || 6.45.14
ಸ ರಥೇ᳚ನ ರ॒ಥೀತ॑ಮೋ॒ಽಸ್ಮಾಕೇ᳚ನಾಭಿ॒ಯುಗ್ವ॑ನಾ |
ಜೇಷಿ॑ ಜಿಷ್ಣೋ ಹಿ॒ತಂ ಧನ‌ಮ್᳚ || 6.45.15
ಯ ಏಕ॒ ಇತ್ತಮು॑ ಷ್ಟುಹಿ ಕೃಷ್ಟೀ॒ನಾಂ ವಿಚ॑ರ್ಷಣಿಃ |
ಪತಿ॑ರ್ಜ॒ಜ್ಞೇ ವೃಷ॑ಕ್ರತುಃ || 6.45.16
ಯೋ ಗೃ॑ಣ॒ತಾಮಿದಾಸಿ॑ಥಾ॒ಪಿರೂ॒ತೀ ಶಿ॒ವಃ ಸಖಾ᳚ |
ಸ ತ್ವಂ ನ॑ ಇಂದ್ರ ಮೃಳಯ || 6.45.17
ಧಿ॒ಷ್ವ ವಜ್ರಂ॒ ಗಭ॑ಸ್ತ್ಯೋ ರಕ್ಷೋ॒ಹತ್ಯಾ᳚ಯ ವಜ್ರಿವಃ |
ಸಾ॒ಸ॒ಹೀ॒ಷ್ಠಾ ಅ॒ಭಿ ಸ್ಪೃಧಃ॑ || 6.45.18
ಪ್ರ॒ತ್ನಂ ರ॑ಯೀ॒ಣಾಂ ಯುಜಂ॒ ಸಖಾ᳚ಯಂ ಕೀರಿ॒ಚೋದ॑ನ‌ಮ್ |
ಬ್ರಹ್ಮ॑ವಾಹಸ್ತಮಂ ಹುವೇ || 6.45.19
ಸ ಹಿ ವಿಶ್ವಾ᳚ನಿ॒ ಪಾರ್ಥಿ॑ವಾಁ॒ ಏಕೋ॒ ವಸೂ᳚ನಿ॒ ಪತ್ಯ॑ತೇ |
ಗಿರ್ವ॑ಣಸ್ತಮೋ॒ ಅಧ್ರಿ॑ಗುಃ || 6.45.20
ಸ ನೋ᳚ ನಿ॒ಯುದ್ಭಿ॒ರಾ ಪೃ॑ಣ॒ ಕಾಮಂ॒ ವಾಜೇ᳚ಭಿರ॒ಶ್ವಿಭಿಃ॑ |
ಗೋಮ॑ದ್ಭಿರ್ಗೋಪತೇ ಧೃ॒ಷತ್ || 6.45.21
ತದ್ವೋ᳚ ಗಾಯ ಸು॒ತೇ ಸಚಾ᳚ ಪುರುಹೂ॒ತಾಯ॒ ಸತ್ವ॑ನೇ |
ಶಂ ಯದ್ಗವೇ॒ ನ ಶಾ॒ಕಿನೇ᳚ || 6.45.22
ನ ಘಾ॒ ವಸು॒ರ್ನಿ ಯ॑ಮತೇ ದಾ॒ನಂ ವಾಜ॑ಸ್ಯ॒ ಗೋಮ॑ತಃ |
ಯತ್ಸೀ॒ಮುಪ॒ ಶ್ರವ॒ದ್ಗಿರಃ॑ || 6.45.23
ಕು॒ವಿತ್ಸ॑ಸ್ಯ॒ ಪ್ರ ಹಿ ವ್ರ॒ಜಂ ಗೋಮ᳚‌ನ್ತಂ ದಸ್ಯು॒ಹಾ ಗಮ॑ತ್ |
ಶಚೀ᳚ಭಿ॒ರಪ॑ ನೋ ವರತ್ || 6.45.24
ಇ॒ಮಾ ಉ॑ ತ್ವಾ ಶತಕ್ರತೋ॒ಽಭಿ ಪ್ರ ಣೋ᳚ನುವು॒ರ್ಗಿರಃ॑ |
ಇಂದ್ರ॑ ವ॒ತ್ಸಂ ನ ಮಾ॒ತರಃ॑ || 6.45.25
ದೂ॒ಣಾಶಂ᳚ ಸ॒ಖ್ಯಂ ತವ॒ ಗೌರ॑ಸಿ ವೀರ ಗವ್ಯ॒ತೇ |
ಅಶ್ವೋ᳚ ಅಶ್ವಾಯ॒ತೇ ಭ॑ವ || 6.45.26
ಸ ಮಂ᳚ದಸ್ವಾ॒ ಹ್ಯಂಧ॑ಸೋ॒ ರಾಧ॑ಸೇ ತ॒ನ್ವಾ᳚ ಮ॒ಹೇ |
ನ ಸ್ತೋ॒ತಾರಂ᳚ ನಿ॒ದೇ ಕ॑ರಃ || 6.45.27
ಇ॒ಮಾ ಉ॑ ತ್ವಾ ಸು॒ತೇಸು॑ತೇ॒ ನಕ್ಷ᳚‌ನ್ತೇ ಗಿರ್ವಣೋ॒ ಗಿರಃ॑ |
ವ॒ತ್ಸಂ ಗಾವೋ॒ ನ ಧೇ॒ನವಃ॑ || 6.45.28
ಪು॒ರೂ॒ತಮಂ᳚ ಪುರೂ॒ಣಾಂ ಸ್ತೋ᳚ತೄ॒ಣಾಂ ವಿವಾ᳚ಚಿ |
ವಾಜೇ᳚ಭಿರ್ವಾಜಯ॒ತಾ‌ಮ್ || 6.45.29
ಅ॒ಸ್ಮಾಕ॑ಮಿಂದ್ರ ಭೂತು ತೇ॒ ಸ್ತೋಮೋ॒ ವಾಹಿ॑ಷ್ಠೋ॒ ಅ‌ನ್ತ॑ಮಃ |
ಅ॒ಸ್ಮಾನ್ರಾ॒ಯೇ ಮ॒ಹೇ ಹಿ॑ನು || 6.45.30
ಅಧಿ॑ ಬೃ॒ಬುಃ ಪ॑ಣೀ॒ನಾಂ ವರ್ಷಿ॑ಷ್ಠೇ ಮೂ॒ರ್ಧನ್ನ॑ಸ್ಥಾತ್ |
ಉ॒ರುಃ ಕಕ್ಷೋ॒ ನ ಗಾಂ॒ಗ್ಯಃ || 6.45.31
ಯಸ್ಯ॑ ವಾ॒ಯೋರಿ॑ವ ದ್ರ॒ವದ್ಭ॒ದ್ರಾ ರಾ॒ತಿಃ ಸ॑ಹ॒ಸ್ರಿಣೀ᳚ |
ಸ॒ದ್ಯೋ ದಾ॒ನಾಯ॒ ಮಂಹ॑ತೇ || 6.45.32
ತತ್ಸು ನೋ॒ ವಿಶ್ವೇ᳚ ಅ॒ರ್ಯ ಆ ಸದಾ᳚ ಗೃಣ‌ನ್ತಿ ಕಾ॒ರವಃ॑ |
ಬೃ॒ಬುಂ ಸ॑ಹಸ್ರ॒ದಾತ॑ಮಂ ಸೂ॒ರಿಂ ಸ॑ಹಸ್ರ॒ಸಾತ॑ಮ‌ಮ್ || 6.45.33

(1-14) ಚತುದರ್ಶ ರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯಃ ಶಂಯ ಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ತ್ವಾಮಿದ್ಧಿ ಹವಾ᳚ಮಹೇ ಸಾ॒ತಾ ವಾಜ॑ಸ್ಯ ಕಾ॒ರವಃ॑ |
ತ್ವಾಂ ವೃ॒ತ್ರೇಷ್ವಿಂ᳚ದ್ರ॒ ಸತ್ಪ॑ತಿಂ॒ ನರ॒ಸ್ತ್ವಾಂ ಕಾಷ್ಠಾ॒ಸ್ವರ್ವ॑ತಃ || 6.46.1
ಸ ತ್ವಂ ನ॑ಶ್ಚಿತ್ರ ವಜ್ರಹಸ್ತ ಧೃಷ್ಣು॒ಯಾ ಮ॒ಹಃ ಸ್ತ॑ವಾ॒ನೋ ಅ॑ದ್ರಿವಃ |
ಗಾಮಶ್ವಂ᳚ ರ॒ಥ್ಯ॑ಮಿಂದ್ರ॒ ಸಂ ಕಿ॑ರ ಸ॒ತ್ರಾ ವಾಜಂ॒ ನ ಜಿ॒ಗ್ಯುಷೇ᳚ || 6.46.2
ಯಃ ಸ॑ತ್ರಾ॒ಹಾ ವಿಚ॑ರ್ಷಣಿ॒ರಿಂದ್ರಂ॒ ತಂ ಹೂ᳚ಮಹೇ ವ॒ಯ‌ಮ್ |
ಸಹ॑ಸ್ರಮುಷ್ಕ॒ ತುವಿ॑ನೃಮ್ಣ॒ ಸತ್ಪ॑ತೇ॒ ಭವಾ᳚ ಸ॒ಮತ್ಸು॑ ನೋ ವೃ॒ಧೇ || 6.46.3
ಬಾಧ॑ಸೇ॒ ಜನಾ᳚ನ್ವೃಷ॒ಭೇವ॑ ಮ॒ನ್ಯುನಾ॒ ಘೃಷೌ᳚ ಮೀ॒ಳ್ಹ ಋ॑ಚೀಷಮ |
ಅ॒ಸ್ಮಾಕಂ᳚ ಬೋಧ್ಯವಿ॒ತಾ ಮ॑ಹಾಧ॒ನೇ ತ॒ನೂಷ್ವ॒ಪ್ಸು ಸೂರ್ಯೇ᳚ || 6.46.4
ಇಂದ್ರ॒ ಜ್ಯೇಷ್ಠಂ᳚ ನ॒ ಆ ಭ॑ರಁ॒ ಓಜಿ॑ಷ್ಠಂ॒ ಪಪು॑ರಿ॒ ಶ್ರವಃ॑ |
ಯೇನೇ॒ಮೇ ಚಿ॑ತ್ರ ವಜ್ರಹಸ್ತ॒ ರೋದ॑ಸೀ॒ ಓಭೇ ಸು॑ಶಿಪ್ರ॒ ಪ್ರಾಃ || 6.46.5
ತ್ವಾಮು॒ಗ್ರಮವ॑ಸೇ ಚರ್ಷಣೀ॒ಸಹಂ॒ ರಾಜಂ᳚ದೇ॒ವೇಷು॑ ಹೂಮಹೇ |
ವಿಶ್ವಾ॒ ಸು ನೋ᳚ ವಿಥು॒ರಾ ಪಿ॑ಬ್ದ॒ನಾ ವ॑ಸೋ॒ಽಮಿತ್ರಾ᳚‌‌ನ್ತ್ಸು॒ಷಹಾ᳚ನ್ಕೃಧಿ || 6.46.6
ಯದಿಂ᳚ದ್ರ॒ ನಾಹು॑ಷೀ॒ಷ್ವಾಁ ಓಜೋ᳚ ನೃ॒ಮ್ಣಂ ಚ॑ ಕೃ॒ಷ್ಟಿಷು॑ |
ಯದ್ವಾ॒ ಪಂಚ॑ ಕ್ಷಿತೀ॒ನಾಂ ದ್ಯು॒ಮ್ನಮಾ ಭ॑ರ ಸ॒ತ್ರಾ ವಿಶ್ವಾ᳚ನಿ॒ ಪೌಂಸ್ಯಾ᳚ || 6.46.7
ಯದ್ವಾ᳚ ತೃ॒ಕ್ಷೌ ಮ॑ಘವಂದ್ರು॒ಹ್ಯಾವಾ ಜನೇ॒ ಯತ್ಪೂ॒ರೌ ಕಚ್ಚ॒ ವೃಷ್ಣ್ಯ‌ಮ್᳚ |
ಅ॒ಸ್ಮಭ್ಯಂ॒ ತದ್ರಿ॑ರೀಹಿ॒ ಸಂ ನೃ॒ಷಾಹ್ಯೇ॒ಽಮಿತ್ರಾ᳚ನ್ಪೃ॒ತ್ಸು ತು॒ರ್ವಣೇ᳚ || 6.46.8
ಇಂದ್ರ॑ ತ್ರಿ॒ಧಾತು॑ ಶರ॒ಣಂ ತ್ರಿ॒ವರೂ᳚ಥಂ ಸ್ವಸ್ತಿ॒ಮತ್ |
ಛ॒ರ್ದಿರ್ಯ॑ಚ್ಛ ಮ॒ಘವ॑ದ್ಭ್ಯಶ್ಚ॒ ಮಹ್ಯಂ᳚ ಚ ಯಾ॒ವಯಾ᳚ ದಿ॒ದ್ಯುಮೇ᳚ಭ್ಯಃ || 6.46.9
ಯೇ ಗ᳚ವ್ಯ॒ತಾ ಮನ॑ಸಾ॒ ಶತ್ರು॑ಮಾದ॒ಭುರ॑ಭಿಪ್ರ॒ಘ್ನ‌ನ್ತಿ॑ ಧೃಷ್ಣು॒ಯಾ |
ಅಧ॑ ಸ್ಮಾ ನೋ ಮಘವನ್ನಿಂದ್ರ ಗಿರ್ವಣಸ್ತನೂ॒ಪಾ ಅ‌ನ್ತ॑ಮೋ ಭವ || 6.46.10
ಅಧ॑ ಸ್ಮಾ ನೋ ವೃ॒ಧೇ ಭ॒ವೇಂದ್ರ॑ ನಾ॒ಯಮ॑ವಾ ಯು॒ಧಿ |
ಯದ॒‌ನ್ತರಿ॑ಕ್ಷೇ ಪ॒ತಯ᳚‌ನ್ತಿ ಪ॒ರ್ಣಿನೋ᳚ ದಿ॒ದ್ಯವ॑ಸ್ತಿ॒ಗ್ಮಮೂ᳚ರ್ಧಾನಃ || 6.46.11
ಯತ್ರ॒ ಶೂರಾ᳚ಸಸ್ತ॒ನ್ವೋ᳚ ವಿತನ್ವ॒ತೇ ಪ್ರಿ॒ಯಾ ಶರ್ಮ॑ ಪಿತೄ॒ಣಾ‌ಮ್ |
ಅಧ॑ ಸ್ಮಾ ಯಚ್ಛ ತ॒ನ್ವೇ॒3॒॑ ತನೇ᳚ ಚ ಛ॒ರ್ದಿರ॒ಚಿತ್ತಂ᳚ ಯಾ॒ವಯ॒ ದ್ವೇಷಃ॑ || 6.46.12
ಯದಿಂ᳚ದ್ರ॒ ಸರ್ಗೇ॒ ಅರ್ವ॑ತಶ್ಚೋ॒ದಯಾ᳚ಸೇ ಮಹಾಧ॒ನೇ |
ಅ॒ಸ॒ಮ॒ನೇ ಅಧ್ವ॑ನಿ ವೃಜಿ॒ನೇ ಪ॒ಥಿ ಶ್ಯೇ॒ನಾಁ ಇ॑ವ ಶ್ರವಸ್ಯ॒ತಃ || 6.46.13
ಸಿಂಧೂಁ᳚ರಿವ ಪ್ರವ॒ಣ ಆ᳚ಶು॒ಯಾ ಯ॒ತೋ ಯದಿ॒ ಕ್ಲೋಶ॒ಮನು॒ ಷ್ವಣಿ॑ |
ಆ ಯೇ ವಯೋ॒ ನ ವರ್ವೃ॑ತ॒ತ್ಯಾಮಿ॑ಷಿ ಗೃಭೀ॒ತಾ ಬಾ॒ಹ್ವೋರ್ಗವಿ॑ || 6.46.14

(1-31) ಏಕತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜೋ ಗರ್ಗ ಋಷಿಃ (1-5) ಪ್ರಥಮಾದಿಪಂಚರ್ಚಾಂ ಸೋಮಃ, (6-19, 21) ಷಷ್ಠ್ಯಾದಿಚತುದರ್ಶ ನಿಆಮೇಕವಿಂಶ್ಯಾಶ್ಚೇಂದ್ರಃ, (20) ವಿಂಶ್ಯಾಃ ಪ್ರಥಮಪಾದಸ್ಯ ದೇವಾಃ, ದ್ವಿತೀಯಪಾದಸ್ಯ ಭೂಮಿಃ, ತೃತೀಯಪಾದಸ್ಯ ಬೃಹಸ್ಪತಿಃ, ಚತುಥರ್ಪ ದಿಸ್ಯ ಚೇಂದ್ರಃ, (22-25) ದ್ವಾವಿಂಶ್ಯಾದಿಚತಸೃಣಾಂ ಸಾಂಜಯಸ್ಯ ಪ್ರಸ್ತೋಕಸ್ಯ ದಾನಸ್ತುತಿಃ, (26-28) ಷಡ್ವಿಶಂ ಯಾದಿತೃಚಸ್ಯ ರಥಃ, (29-31) ಏಕೋನತ್ರಿಂಶ್ಯಾದಿತೃಚಸ್ಯ ದುಂದುಭಿಃ, (31) ಏಕತ್ರಿಂಶ್ಯಾ ಉತ್ತರಾರ್ಧಸ್ಯ ಚ ಇಂದ್ರೋ ದೇವತಾಃ (1-18, 20-22, 26, 28-31) ಪ್ರಥಮಾದ್ಯಷ್ಟಾದಶೋಂ ವಿಂಶ್ಯಾದಿತೃಚಸ್ಯ ಷಡ಼ಿವಶಂ ಯಾ ಅಷ್ಟಾವಿಂಶ್ಯಾದಿಚತಸೃಣಾಂಚ ತ್ರಿಷ್ಟುಪ್, (19) ಏಕೋನವಿಂಶ್ಯಾ ಬೃಹತೀ, (23) ತ್ರಯೋವಿಂಶ್ಯಾ ಅನುಷ್ಟುಪ್ (24) ಚತುರ್ವಿಂಶ್ಯಾ ಗಾಯತ್ರೀ, (25) ಪಂಚವಿಂಶ್ಯಾ ದ್ವಿಪದಾ ತ್ರಿಷ್ಟುಪ್, (27) ಸಪ್ತವಿಂಶ್ಯಾಶ್ಚ ಜಗತೀ ಛಂದಾಂಸಿ

ಸ್ವಾ॒ದುಷ್ಕಿಲಾ॒ಯಂ ಮಧು॑ಮಾಁ ಉ॒ತಾಯಂ ತೀ॒ವ್ರಃ ಕಿಲಾ॒ಯಂ ರಸ॑ವಾಁ ಉ॒ತಾಯ‌ಮ್ |
ಉ॒ತೋ ನ್ವ1॒॑ಸ್ಯ ಪ॑ಪಿ॒ವಾಂಸ॒ಮಿಂದ್ರಂ॒ ನ ಕಶ್ಚ॒ನ ಸ॑ಹತ ಆಹ॒ವೇಷು॑ || 6.47.1
ಅ॒ಯಂ ಸ್ವಾ॒ದುರಿ॒ಹ ಮದಿ॑ಷ್ಠ ಆಸ॒ ಯಸ್ಯೇಂದ್ರೋ᳚ ವೃತ್ರ॒ಹತ್ಯೇ᳚ ಮ॒ಮಾದ॑ |
ಪು॒ರೂಣಿ॒ ಯಶ್ಚ್ಯೌ॒ತ್ನಾ ಶಂಬ॑ರಸ್ಯ॒ ವಿ ನ॑ವ॒ತಿಂ ನವ॑ ಚ ದೇ॒ಹ್ಯೋ॒3॒॑ ಹನ್ || 6.47.2
ಅ॒ಯಂ ಮೇ᳚ ಪೀ॒ತ ಉದಿ॑ಯರ್ತಿ॒ ವಾಚ॑ಮ॒ಯಂ ಮ॑ನೀ॒ಷಾಮು॑ಶ॒ತೀಮ॑ಜೀಗಃ |
ಅ॒ಯಂ ಷಳು॒ರ್ವೀರ॑ಮಿಮೀತ॒ ಧೀರೋ॒ ನ ಯಾಭ್ಯೋ॒ ಭುವ॑ನಂ॒ ಕಚ್ಚ॒ನಾರೇ || 6.47.3
ಅ॒ಯಂ ಸ ಯೋ ವ॑ರಿ॒ಮಾಣಂ᳚ ಪೃಥಿ॒ವ್ಯಾ ವ॒ರ್ಷ್ಮಾಣಂ᳚ ದಿ॒ವೋ ಅಕೃ॑ಣೋದ॒ಯಂ ಸಃ |
ಅ॒ಯಂ ಪೀ॒ಯೂಷಂ᳚ ತಿ॒ಸೃಷು॑ ಪ್ರ॒ವತ್ಸು॒ ಸೋಮೋ᳚ ದಾಧಾರೋ॒ರ್ವ1॒᳚‌ನ್ತರಿ॑ಕ್ಷ‌ಮ್ || 6.47.4
ಅ॒ಯಂ ವಿ॑ದಚ್ಚಿತ್ರ॒ದೃಶೀ᳚ಕ॒ಮರ್ಣಃ॑ ಶು॒ಕ್ರಸ॑ದ್ಮನಾಮು॒ಷಸಾ॒ಮನೀ᳚ಕೇ |
ಅ॒ಯಂ ಮ॒ಹಾನ್ಮ॑ಹ॒ತಾ ಸ್ಕಂಭ॑ನೇ॒ನೋದ್ದ್ಯಾಮ॑ಸ್ತಭ್ನಾದ್ವೃಷ॒ಭೋ ಮ॒ರುತ್ವಾನ್॑ || 6.47.5
ಧೃ॒ಷತ್ಪಿ॑ಬ ಕ॒ಲಶೇ॒ ಸೋಮ॑ಮಿಂದ್ರ ವೃತ್ರ॒ಹಾ ಶೂ᳚ರ ಸಮ॒ರೇ ವಸೂ᳚ನಾ‌ಮ್ |
ಮಾಧ್ಯಂ᳚ದಿನೇ॒ ಸವ॑ನ॒ ಆ ವೃ॑ಷಸ್ವ ರಯಿ॒ಸ್ಥಾನೋ᳚ ರ॒ಯಿಮ॒ಸ್ಮಾಸು॑ ಧೇಹಿ || 6.47.6
ಇಂದ್ರ॒ ಪ್ರ ಣಃ॑ ಪುರಏ॒ತೇವ॑ ಪಶ್ಯ॒ ಪ್ರ ನೋ᳚ ನಯ ಪ್ರತ॒ರಂ ವಸ್ಯೋ॒ ಅಚ್ಛ॑ |
ಭವಾ᳚ ಸುಪಾ॒ರೋ ಅ॑ತಿಪಾರ॒ಯೋ ನೋ॒ ಭವಾ॒ ಸುನೀ᳚ತಿರು॒ತ ವಾ॒ಮನೀ᳚ತಿಃ || 6.47.7
ಉ॒ರುಂ ನೋ᳚ ಲೋ॒ಕಮನು॑ ನೇಷಿ ವಿ॒ದ್ವಾ‌‌ನ್ತ್ಸ್ವ᳚ರ್ವ॒ಜ್ಜ್ಯೋತಿ॒ರಭ॑ಯಂ ಸ್ವ॒ಸ್ತಿ |
ಋ॒ಷ್ವಾ ತ॑ ಇಂದ್ರ॒ ಸ್ಥವಿ॑ರಸ್ಯ ಬಾ॒ಹೂ ಉಪ॑ ಸ್ಥೇಯಾಮ ಶರ॒ಣಾ ಬೃ॒ಹ‌ನ್ತಾ᳚ || 6.47.8
ವರಿ॑ಷ್ಠೇ ನ ಇಂದ್ರ ವಂ॒ಧುರೇ᳚ ಧಾ॒ ವಹಿ॑ಷ್ಠಯೋಃ ಶತಾವ॒ನ್ನಶ್ವ॑ಯೋ॒ರಾ |
ಇಷ॒ಮಾ ವ॑ಕ್ಷೀ॒ಷಾಂ ವರ್ಷಿ॑ಷ್ಠಾಂ॒ ಮಾ ನ॑ಸ್ತಾರೀನ್ಮಘವ॒ನ್ರಾಯೋ᳚ ಅ॒ರ್ಯಃ || 6.47.9
ಇಂದ್ರ॑ ಮೃ॒ಳ ಮಹ್ಯಂ᳚ ಜೀ॒ವಾತು॑ಮಿಚ್ಛ ಚೋ॒ದಯ॒ ಧಿಯ॒ಮಯ॑ಸೋ॒ ನ ಧಾರಾ᳚‌ಮ್ |
ಯತ್ಕಿಂ ಚಾ॒ಹಂ ತ್ವಾ॒ಯುರಿ॒ದಂ ವದಾ᳚ಮಿ॒ ತಜ್ಜು॑ಷಸ್ವ ಕೃ॒ಧಿ ಮಾ᳚ ದೇ॒ವವ᳚‌ನ್ತ‌ಮ್ || 6.47.10
ತ್ರಾ॒ತಾರ॒ಮಿಂದ್ರ॑ಮವಿ॒ತಾರ॒ಮಿಂದ್ರಂ॒ ಹವೇ᳚ಹವೇ ಸು॒ಹವಂ॒ ಶೂರ॒ಮಿಂದ್ರ‌ಮ್᳚ |
ಹ್ವಯಾ᳚ಮಿ ಶ॒ಕ್ರಂ ಪು॑ರುಹೂ॒ತಮಿಂದ್ರಂ᳚ ಸ್ವ॒ಸ್ತಿ ನೋ᳚ ಮ॒ಘವಾ᳚ ಧಾ॒ತ್ವಿಂದ್ರಃ॑ || 6.47.11
ಇಂದ್ರಃ॑ ಸು॒ತ್ರಾಮಾ॒ ಸ್ವವಾಁ॒ ಅವೋ᳚ಭಿಃ ಸುಮೃಳೀ॒ಕೋ ಭ॑ವತು ವಿ॒ಶ್ವವೇ᳚ದಾಃ |
ಬಾಧ॑ತಾಂ॒ ದ್ವೇಷೋ॒ ಅಭ॑ಯಂ ಕೃಣೋತು ಸು॒ವೀರ್ಯ॑ಸ್ಯ॒ ಪತ॑ಯಃ ಸ್ಯಾಮ || 6.47.12
ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ |
ಸ ಸು॒ತ್ರಾಮಾ॒ ಸ್ವವಾಁ॒ ಇಂದ್ರೋ᳚ ಅ॒ಸ್ಮೇ ಆ॒ರಾಚ್ಚಿ॒ದ್ದ್ವೇಷಃ॑ ಸನು॒ತರ್ಯು॑ಯೋತು || 6.47.13
ಅವ॒ ತ್ವೇ ಇಂ᳚ದ್ರ ಪ್ರ॒ವತೋ॒ ನೋರ್ಮಿರ್ಗಿರೋ॒ ಬ್ರಹ್ಮಾ᳚ಣಿ ನಿ॒ಯುತೋ᳚ ಧವ‌ನ್ತೇ |
ಉ॒ರೂ ನ ರಾಧಃ॒ ಸವ॑ನಾ ಪು॒ರೂಣ್ಯ॒ಪೋ ಗಾ ವ॑ಜ್ರಿನ್ಯುವಸೇ॒ ಸಮಿಂದೂನ್॑ || 6.47.14
ಕ ಈಂ᳚ ಸ್ತವ॒ತ್ಕಃ ಪೃ॑ಣಾ॒ತ್ಕೋ ಯ॑ಜಾತೇ॒ ಯದು॒ಗ್ರಮಿನ್ಮ॒ಘವಾ᳚ ವಿ॒ಶ್ವಹಾವೇ᳚ತ್ |
ಪಾದಾ᳚ವಿವ ಪ್ರ॒ಹರ᳚ನ್ನ॒ನ್ಯಮ᳚ನ್ಯಂ ಕೃ॒ಣೋತಿ॒ ಪೂರ್ವ॒ಮಪ॑ರಂ॒ ಶಚೀ᳚ಭಿಃ || 6.47.15
ಶೃ॒ಣ್ವೇ ವೀ॒ರ ಉ॒ಗ್ರಮು॑ಗ್ರಂ ದಮಾ॒ಯನ್ನ॒ನ್ಯಮ᳚ನ್ಯಮತಿನೇನೀ॒ಯಮಾ᳚ನಃ |
ಏ॒ಧ॒ಮಾ॒ನ॒ದ್ವಿಳು॒ಭಯ॑ಸ್ಯ॒ ರಾಜಾ᳚ ಚೋಷ್ಕೂ॒ಯತೇ॒ ವಿಶ॒ ಇಂದ್ರೋ᳚ ಮನು॒ಷ್ಯಾನ್॑ || 6.47.16
ಪರಾ॒ ಪೂರ್ವೇ᳚ಷಾಂ ಸ॒ಖ್ಯಾ ವೃ॑ಣಕ್ತಿ ವಿ॒ತರ್ತು॑ರಾಣೋ॒ ಅಪ॑ರೇಭಿರೇತಿ |
ಅನಾ᳚ನುಭೂತೀರವಧೂನ್ವಾ॒ನಃ ಪೂ॒ರ್ವೀರಿಂದ್ರಃ॑ ಶ॒ರದ॑ಸ್ತರ್ತರೀತಿ || 6.47.17
ರೂ॒ಪಂರೂ᳚ಪಂ॒ ಪ್ರತಿ॑ರೂಪೋ ಬಭೂವ॒ ತದ॑ಸ್ಯ ರೂ॒ಪಂ ಪ್ರ॑ತಿ॒ಚಕ್ಷ॑ಣಾಯ |
ಇಂದ್ರೋ᳚ ಮಾ॒ಯಾಭಿಃ॑ ಪುರು॒ರೂಪ॑ ಈಯತೇ ಯು॒ಕ್ತಾ ಹ್ಯ॑ಸ್ಯ॒ ಹರ॑ಯಃ ಶ॒ತಾ ದಶ॑ || 6.47.18
ಯು॒ಜಾ॒ನೋ ಹ॒ರಿತಾ॒ ರಥೇ॒ ಭೂರಿ॒ ತ್ವಷ್ಟೇ॒ಹ ರಾ᳚ಜತಿ |
ಕೋ ವಿ॒ಶ್ವಾಹಾ᳚ ದ್ವಿಷ॒ತಃ ಪಕ್ಷ॑ ಆಸತ ಉ॒ತಾಸೀ᳚ನೇಷು ಸೂ॒ರಿಷು॑ || 6.47.19
ಅ॒ಗ॒ವ್ಯೂ॒ತಿ ಕ್ಷೇತ್ರ॒ಮಾಗ᳚ನ್ಮ ದೇವಾ ಉ॒ರ್ವೀ ಸ॒ತೀ ಭೂಮಿ॑ರಂಹೂರ॒ಣಾಭೂ᳚ತ್ |
ಬೃಹ॑ಸ್ಪತೇ॒ ಪ್ರ ಚಿ॑ಕಿತ್ಸಾ॒ ಗವಿ॑ಷ್ಟಾವಿ॒ತ್ಥಾ ಸ॒ತೇ ಜ॑ರಿ॒ತ್ರ ಇಂ᳚ದ್ರ॒ ಪ‌ನ್ಥಾ᳚‌ಮ್ || 6.47.20
ದಿ॒ವೇದಿ॑ವೇ ಸ॒ದೃಶೀ᳚ರ॒ನ್ಯಮರ್ಧಂ᳚ ಕೃ॒ಷ್ಣಾ ಅ॑ಸೇಧ॒ದಪ॒ ಸದ್ಮ॑ನೋ॒ ಜಾಃ |
ಅಹಂ᳚ದಾ॒ಸಾ ವೃ॑ಷ॒ಭೋ ವ॑ಸ್ನ॒ಯ‌ನ್ತೋ॒ದವ್ರ॑ಜೇ ವ॒ರ್ಚಿನಂ॒ ಶಂಬ॑ರಂ ಚ || 6.47.21
ಪ್ರ॒ಸ್ತೋ॒ಕ ಇನ್ನು ರಾಧ॑ಸಸ್ತ ಇಂದ್ರ॒ ದಶ॒ ಕೋಶ॑ಯೀ॒ರ್ದಶ॑ ವಾ॒ಜಿನೋ᳚ಽದಾತ್ |
ದಿವೋ᳚ದಾಸಾದತಿಥಿ॒ಗ್ವಸ್ಯ॒ ರಾಧಃ॑ ಶಾಂಬ॒ರಂ ವಸು॒ ಪ್ರತ್ಯ॑ಗ್ರಭೀಷ್ಮ || 6.47.22
ದಶಾಶ್ವಾಂ॒ದಶ॒ ಕೋಶಾಂ॒ದಶ॒ ವಸ್ತ್ರಾಧಿ॑ಭೋಜನಾ |
ದಶೋ᳚ ಹಿರಣ್ಯಪಿಂ॒ಡಾಂದಿವೋ᳚ದಾಸಾದಸಾನಿಷ‌ಮ್ || 6.47.23
ದಶ॒ ರಥಾ॒ನ್ಪ್ರಷ್ಟಿ॑ಮತಃ ಶ॒ತಂ ಗಾ ಅಥ᳚ರ್ವಭ್ಯಃ |
ಅ॒ಶ್ವ॒ಥಃ ಪಾ॒ಯವೇ᳚ಽದಾತ್ || 6.47.24
ಮಹಿ॒ ರಾಧೋ᳚ ವಿ॒ಶ್ವಜ᳚ನ್ಯಂ॒ ದಧಾ᳚ನಾನ್ಭ॒ರದ್ವಾ᳚ಜಾ‌‌ನ್ತ್ಸಾರ್ಞ್ಜ॒ಯೋ ಅ॒ಭ್ಯ॑ಯಷ್ಟ || 6.47.25
ವನ॑ಸ್ಪತೇ ವೀ॒ಡ್ವಂ᳚ಗೋ॒ ಹಿ ಭೂ॒ಯಾ ಅ॒ಸ್ಮತ್ಸ॑ಖಾ ಪ್ರ॒ತರ॑ಣಃ ಸು॒ವೀರಃ॑ |
ಗೋಭಿಃ॒ ಸಂನ॑ದ್ಧೋ ಅಸಿ ವೀ॒ಳಯ॑ಸ್ವಾಸ್ಥಾ॒ತಾ ತೇ᳚ ಜಯತು॒ ಜೇತ್ವಾ᳚ನಿ || 6.47.26
ದಿ॒ವಸ್ಪೃ॑ಥಿ॒ವ್ಯಾಃ ಪರ್ಯೋಜ॒ ಉದ್ಭೃ॑ತಂ॒ ವನ॒ಸ್ಪತಿ॑ಭ್ಯಃ॒ ಪರ್ಯಾಭೃ॑ತಂ॒ ಸಹಃ॑ |
ಅ॒ಪಾಮೋ॒ಜ್ಮಾನಂ॒ ಪರಿ॒ ಗೋಭಿ॒ರಾವೃ॑ತ॒ಮಿಂದ್ರ॑ಸ್ಯ॒ ವಜ್ರಂ᳚ ಹ॒ವಿಷಾ॒ ರಥಂ᳚ ಯಜ || 6.47.27
ಇಂದ್ರ॑ಸ್ಯ॒ ವಜ್ರೋ᳚ ಮ॒ರುತಾ॒ಮನೀ᳚ಕಂ ಮಿ॒ತ್ರಸ್ಯ॒ ಗರ್ಭೋ॒ ವರು॑ಣಸ್ಯ॒ ನಾಭಿಃ॑ |
ಸೇಮಾಂ ನೋ᳚ ಹ॒ವ್ಯದಾ᳚ತಿಂ ಜುಷಾ॒ಣೋ ದೇವ॑ ರಥ॒ ಪ್ರತಿ॑ ಹ॒ವ್ಯಾ ಗೃ॑ಭಾಯ || 6.47.28
ಉಪ॑ ಶ್ವಾಸಯ ಪೃಥಿ॒ವೀಮು॒ತ ದ್ಯಾಂ ಪು॑ರು॒ತ್ರಾ ತೇ᳚ ಮನುತಾಂ॒ ವಿಷ್ಠಿ॑ತಂ॒ ಜಗ॑ತ್ |
ಸ ದುಂ᳚ದುಭೇ ಸ॒ಜೂರಿಂದ್ರೇ᳚ಣ ದೇ॒ವೈರ್ದೂ॒ರಾದ್ದವೀ᳚ಯೋ॒ ಅಪ॑ ಸೇಧ॒ ಶತ್ರೂನ್॑ || 6.47.29
ಆ ಕ್ರಂ᳚ದಯ॒ ಬಲ॒ಮೋಜೋ᳚ ನ॒ ಆ ಧಾ॒ ನಿಃ ಷ್ಟ॑ನಿಹಿ ದುರಿ॒ತಾ ಬಾಧ॑ಮಾನಃ |
ಅಪ॑ ಪ್ರೋಥ ದುಂದುಭೇ ದು॒ಚ್ಛುನಾ᳚ ಇ॒ತ ಇಂದ್ರ॑ಸ್ಯ ಮು॒ಷ್ಟಿರ॑ಸಿ ವೀ॒ಳಯ॑ಸ್ವ || 6.47.30
ಆಮೂರ॑ಜ ಪ್ರ॒ತ್ಯಾವ॑ರ್ತಯೇ॒ಮಾಃ ಕೇ᳚ತು॒ಮದ್ದುಂ᳚ದು॒ಭಿರ್ವಾ᳚ವದೀತಿ |
ಸಮಶ್ವ॑ಪರ್ಣಾ॒ಶ್ಚರ᳚‌ನ್ತಿ ನೋ॒ ನರೋ॒ಽಸ್ಮಾಕ॑ಮಿಂದ್ರ ರ॒ಥಿನೋ᳚ ಜಯ‌ನ್ತು || 6.47.31

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯಃ ಶಂಯ ಷಿಃ (1-10) ಪ್ರಥಮಾದಿದಶರ್ಚಾಮಗ್ನಿಃ, (11-15, 20-21) ಏಕಾದಶ್ಯಾದಿಪಂಚಾನಾಂ ವಿಂಶ್ಯೇಕವಿಂಶ್ಯೋಶ್ಚ ಮರುತಃ (13-15) ತ್ರಯೋದಶ್ಯಾದಿತೃಚಸ್ಯ ಲಿಂಗೋಕ್ತಾ ವಾ ), (13-19) ಷೋಡಶ್ಯಾದಿಚತಸೃಣಾಂ ಪೂಷಾ, (22) ದ್ವಾವಿಂಶ್ಯಾಶ್ಚ ದ್ಯಾವಾಭೂಮೀ ವಾ ಪೃಶ್ನಿರ್ವಾ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ಪ್ರಗಾಥಃ ( (1, 3, 5, 9) ಪ್ರಥಮಾತೃತೀಯಾಪಂಚಮೀನವಮೀನಾಂ ಬೃಹತೀ, (2, 4, 10, 12) ದ್ವಿತೀಯಾಚತುರ್ಥೀದಶಮೀದ್ವಾದಶೀನಾಂ ಸತೋಬೃಹತೀ, (6, 8), ಷಷ್ಠ್ಯಷ್ಟಮ್ಯೋರ್ಮಹಾಸತೋಬೃಹತೀ, (7) ಸಪ್ತಮ್ಯಾ ಮಹಾಬೃಹತೀ, (11) ಏಕಾದಶ್ಯಾಶ್ಚ ಕಕುಪ) , (13, 18) ತ್ರಯೋದಶ್ಯಷ್ಟಾದಶ್ಯೋಃ ಪುರ ಉಷ್ಣಿಕ್, (14, 19-20) ಚತುದರ್ಶ ಯೇಕೋನವಿಂಶೀವಿಂಶೀನಾಂ ಬೃಹತೀ, (15) ಪಂಚದಶ್ಯಾ ಅತಿಜಗತೀ, (16) ಷೋಡಶ್ಯಾಃ ಕಕುಪ, (17) ಸಪ್ತದಶ್ಯಾಃ ಸತೋಬೃಹತೀ, (21) ಏಕವಿಂಶ್ಯಾ ಯವಮಧ್ಯಾ ಮಹಾಬೃಹತೀ, 374 ಋಕ್ ವೇದ (22) ದ್ವಾವಿಂಶ್ಯಾಶ್ಚಾನುಷ್ಟಪ್ ಛಂದಾಂಸಿ

ಯ॒ಜ್ಞಾಯ॑ಜ್ಞಾ ವೋ ಅ॒ಗ್ನಯೇ᳚ ಗಿ॒ರಾಗಿ॑ರಾ ಚ॒ ದಕ್ಷ॑ಸೇ |
ಪ್ರಪ್ರ॑ ವ॒ಯಮ॒ಮೃತಂ᳚ ಜಾ॒ತವೇ᳚ದಸಂ ಪ್ರಿ॒ಯಂ ಮಿ॒ತ್ರಂ ನ ಶಂ᳚ಸಿಷ‌ಮ್ || 6.48.1
ಊ॒ರ್ಜೋ ನಪಾ᳚ತಂ॒ ಸ ಹಿ॒ನಾಯಮ॑ಸ್ಮ॒ಯುರ್ದಾಶೇ᳚ಮ ಹ॒ವ್ಯದಾ᳚ತಯೇ |
ಭುವ॒ದ್ವಾಜೇ᳚ಷ್ವವಿ॒ತಾ ಭುವ॑ದ್ವೃ॒ಧ ಉ॒ತ ತ್ರಾ॒ತಾ ತ॒ನೂನಾ᳚‌ಮ್ || 6.48.2
ವೃಷಾ॒ ಹ್ಯ॑ಗ್ನೇ ಅ॒ಜರೋ᳚ ಮ॒ಹಾನ್ವಿ॒ಭಾಸ್ಯ॒ರ್ಚಿಷಾ᳚ |
ಅಜ॑ಸ್ರೇಣ ಶೋ॒ಚಿಷಾ॒ ಶೋಶು॑ಚಚ್ಛುಚೇ ಸುದೀ॒ತಿಭಿಃ॒ ಸು ದೀ᳚ದಿಹಿ || 6.48.3
ಮ॒ಹೋ ದೇ॒ವಾನ್ಯಜ॑ಸಿ॒ ಯಕ್ಷ್ಯಾ᳚ನು॒ಷಕ್ತವ॒ ಕ್ರತ್ವೋ॒ತ ದಂ॒ಸನಾ᳚ |
ಅ॒ರ್ವಾಚಃ॑ ಸೀಂ ಕೃಣುಹ್ಯ॒ಗ್ನೇಽವ॑ಸೇ॒ ರಾಸ್ವ॒ ವಾಜೋ॒ತ ವಂ᳚ಸ್ವ || 6.48.4
ಯಮಾಪೋ॒ ಅದ್ರ॑ಯೋ॒ ವನಾ॒ ಗರ್ಭ॑ಮೃ॒ತಸ್ಯ॒ ಪಿಪ್ರ॑ತಿ |
ಸಹ॑ಸಾ॒ ಯೋ ಮ॑ಥಿ॒ತೋ ಜಾಯ॑ತೇ॒ ನೃಭಿಃ॑ ಪೃಥಿ॒ವ್ಯಾ ಅಧಿ॒ ಸಾನ॑ವಿ || 6.48.5
ಆ ಯಃ ಪ॒ಪ್ರೌ ಭಾ॒ನುನಾ॒ ರೋದ॑ಸೀ ಉ॒ಭೇ ಧೂ॒ಮೇನ॑ ಧಾವತೇ ದಿ॒ವಿ |
ತಿ॒ರಸ್ತಮೋ᳚ ದದೃಶ॒ ಊರ್ಮ್ಯಾ॒ಸ್ವಾ ಶ್ಯಾ॒ವಾಸ್ವ॑ರು॒ಷೋ ವೃಷಾ ಶ್ಯಾ॒ವಾ ಅ॑ರು॒ಷೋ ವೃಷಾ᳚ || 6.48.6
ಬೃ॒ಹದ್ಭಿ॑ರಗ್ನೇ ಅ॒ರ್ಚಿಭಿಃ॑ ಶು॒ಕ್ರೇಣ॑ ದೇವ ಶೋ॒ಚಿಷಾ᳚ |
ಭ॒ರದ್ವಾ᳚ಜೇ ಸಮಿಧಾ॒ನೋ ಯ॑ವಿಷ್ಠ್ಯ ರೇ॒ವನ್ನಃ॑ ಶುಕ್ರ ದೀದಿಹಿ ದ್ಯು॒ಮತ್ಪಾ᳚ವಕ ದೀದಿಹಿ || 6.48.7
ವಿಶ್ವಾ᳚ಸಾಂ ಗೃ॒ಹಪ॑ತಿರ್ವಿ॒ಶಾಮ॑ಸಿ॒ ತ್ವಮ॑ಗ್ನೇ॒ ಮಾನು॑ಷೀಣಾ‌ಮ್ |
ಶ॒ತಂ ಪೂ॒ರ್ಭಿರ್ಯ॑ವಿಷ್ಠ ಪಾ॒ಹ್ಯಂಹ॑ಸಃ ಸಮೇ॒ದ್ಧಾರಂ᳚ ಶ॒ತಂ ಹಿಮಾಃ᳚ ಸ್ತೋ॒ತೃಭ್ಯೋ॒ ಯೇ ಚ॒ ದದ॑ತಿ || 6.48.8
ತ್ವಂ ನ॑ಶ್ಚಿ॒ತ್ರ ಊ॒ತ್ಯಾ ವಸೋ॒ ರಾಧಾಂ᳚ಸಿ ಚೋದಯ |
ಅ॒ಸ್ಯ ರಾ॒ಯಸ್ತ್ವಮ॑ಗ್ನೇ ರ॒ಥೀರ॑ಸಿ ವಿ॒ದಾ ಗಾ॒ಧಂ ತು॒ಚೇ ತು ನಃ॑ || 6.48.9
ಪರ್ಷಿ॑ ತೋ॒ಕಂ ತನ॑ಯಂ ಪ॒ರ್ತೃಭಿ॒ಷ್ಟ್ವಮದ॑ಬ್ಧೈ॒ರಪ್ರ॑ಯುತ್ವಭಿಃ |
ಅಗ್ನೇ॒ ಹೇಳಾಂ᳚ಸಿ॒ ದೈವ್ಯಾ᳚ ಯುಯೋಧಿ॒ ನೋಽದೇ᳚ವಾನಿ॒ ಹ್ವರಾಂ᳚ಸಿ ಚ || 6.48.10
ಆ ಸ॑ಖಾಯಃ ಸಬ॒ರ್ದುಘಾಂ᳚ ಧೇ॒ನುಮ॑ಜಧ್ವ॒ಮುಪ॒ ನವ್ಯ॑ಸಾ॒ ವಚಃ॑ |
ಸೃ॒ಜಧ್ವ॒ಮನ॑ಪಸ್ಫುರಾ‌ಮ್ || 6.48.11
ಯಾ ಶರ್ಧಾ᳚ಯ॒ ಮಾರು॑ತಾಯ॒ ಸ್ವಭಾ᳚ನವೇ॒ ಶ್ರವೋಽಮೃ॑ತ್ಯು॒ ಧುಕ್ಷ॑ತ |
ಯಾ ಮೃ॑ಳೀ॒ಕೇ ಮ॒ರುತಾಂ᳚ ತು॒ರಾಣಾಂ॒ ಯಾ ಸು॒ಮ್ನೈರೇ᳚ವ॒ಯಾವ॑ರೀ || 6.48.12
ಭ॒ರದ್ವಾ᳚ಜಾ॒ಯಾವ॑ ಧುಕ್ಷತ ದ್ವಿ॒ತಾ |
ಧೇ॒ನುಂ ಚ॑ ವಿ॒ಶ್ವದೋ᳚ಹಸ॒ಮಿಷಂ᳚ ಚ ವಿ॒ಶ್ವಭೋ᳚ಜಸ‌ಮ್ || 6.48.13
ತಂ ವ॒ ಇಂದ್ರಂ॒ ನ ಸು॒ಕ್ರತುಂ॒ ವರು॑ಣಮಿವ ಮಾ॒ಯಿನ‌ಮ್᳚ |
ಅ॒ರ್ಯ॒ಮಣಂ॒ ನ ಮಂ॒ದ್ರಂ ಸೃ॒ಪ್ರಭೋ᳚ಜಸಂ॒ ವಿಷ್ಣುಂ॒ ನ ಸ್ತು॑ಷ ಆ॒ದಿಶೇ᳚ || 6.48.14
ತ್ವೇ॒ಷಂ ಶರ್ಧೋ॒ ನ ಮಾರು॑ತಂ ತುವಿ॒ಷ್ವಣ್ಯ॑ನ॒ರ್ವಾಣಂ᳚ ಪೂ॒ಷಣಂ॒ ಸಂ ಯಥಾ᳚ ಶ॒ತಾ |
ಸಂ ಸ॒ಹಸ್ರಾ॒ ಕಾರಿ॑ಷಚ್ಚರ್ಷ॒ಣಿಭ್ಯ॒ ಆಁ ಆ॒ವಿರ್ಗೂ॒ಳ್ಹಾ ವಸೂ᳚ ಕರತ್ಸು॒ವೇದಾ᳚ ನೋ॒ ವಸೂ᳚ ಕರತ್ || 6.48.15
ಆ ಮಾ᳚ ಪೂಷ॒ನ್ನುಪ॑ ದ್ರವ॒ ಶಂಸಿ॑ಷಂ॒ ನು ತೇ᳚ ಅಪಿಕ॒ರ್ಣ ಆ᳚ಘೃಣೇ |
ಅ॒ಘಾ ಅ॒ರ್ಯೋ ಅರಾ᳚ತಯಃ || 6.48.16
ಮಾ ಕಾ᳚ಕಂ॒ಬೀರ॒ಮುದ್ವೃ॑ಹೋ॒ ವನ॒ಸ್ಪತಿ॒ಮಶ॑ಸ್ತೀ॒ರ್ವಿ ಹಿ ನೀನ॑ಶಃ |
ಮೋತ ಸೂರೋ॒ ಅಹ॑ ಏ॒ವಾ ಚ॒ನ ಗ್ರೀ॒ವಾ ಆ॒ದಧ॑ತೇ॒ ವೇಃ || 6.48.17
ದೃತೇ᳚ರಿವ ತೇಽವೃ॒ಕಮ॑ಸ್ತು ಸ॒ಖ್ಯ‌ಮ್ |
ಅಚ್ಛಿ॑ದ್ರಸ್ಯ ದಧ॒ನ್ವತಃ॒ ಸುಪೂ᳚ರ್ಣಸ್ಯ ದಧ॒ನ್ವತಃ॑ || 6.48.18
ಪ॒ರೋ ಹಿ ಮರ್ತ್ಯೈ॒ರಸಿ॑ ಸ॒ಮೋ ದೇ॒ವೈರು॒ತ ಶ್ರಿ॒ಯಾ |
ಅ॒ಭಿ ಖ್ಯಃ॑ ಪೂಷ॒ನ್ಪೃತ॑ನಾಸು ನ॒ಸ್ತ್ವಮವಾ᳚ ನೂ॒ನಂ ಯಥಾ᳚ ಪು॒ರಾ || 6.48.19
ವಾ॒ಮೀ ವಾ॒ಮಸ್ಯ॑ ಧೂತಯಃ॒ ಪ್ರಣೀ᳚ತಿರಸ್ತು ಸೂ॒ನೃತಾ᳚ |
ದೇ॒ವಸ್ಯ॑ ವಾ ಮರುತೋ॒ ಮರ್ತ್ಯ॑ಸ್ಯ ವೇಜಾ॒ನಸ್ಯ॑ ಪ್ರಯಜ್ಯವಃ || 6.48.20
ಸ॒ದ್ಯಶ್ಚಿ॒ದ್ಯಸ್ಯ॑ ಚರ್ಕೃ॒ತಿಃ ಪರಿ॒ ದ್ಯಾಂ ದೇ॒ವೋ ನೈತಿ॒ ಸೂರ್ಯಃ॑ |
ತ್ವೇ॒ಷಂ ಶವೋ᳚ ದಧಿರೇ॒ ನಾಮ॑ ಯ॒ಜ್ಞಿಯಂ᳚ ಮ॒ರುತೋ᳚ ವೃತ್ರ॒ಹಂ ಶವೋ॒ ಜ್ಯೇಷ್ಠಂ᳚ ವೃತ್ರ॒ಹಂ ಶವಃ॑ || 6.48.21
ಸ॒ಕೃದ್ಧ॒ ದ್ಯೌರ॑ಜಾಯತ ಸ॒ಕೃದ್ಭೂಮಿ॑ರಜಾಯತ |
ಪೃಶ್ನ್ಯಾ᳚ ದು॒ಗ್ಧಂ ಸ॒ಕೃತ್ಪಯ॒ಸ್ತದ॒ನ್ಯೋ ನಾನು॑ ಜಾಯತೇ || 6.48.22

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜ ಋಜಿಶ್ವಾ ಋಷಿಃ, ವಿಶ್ವೇ ದೇವಾ ದೇವತಾಃ (1-14) ಪ್ರಥಮಾದಿಚತುದಶ ! ತ್ರಿಷ್ಟುಪ, (15) ಪಂಚದಶ್ಯಾಶ್ಚ ಶಕ್ವರೀ ಛಂದಸೀ

ಸ್ತು॒ಷೇ ಜನಂ᳚ ಸುವ್ರ॒ತಂ ನವ್ಯ॑ಸೀಭಿರ್ಗೀ॒ರ್ಭಿರ್ಮಿ॒ತ್ರಾವರು॑ಣಾ ಸುಮ್ನ॒ಯ‌ನ್ತಾ᳚ |
ತ ಆ ಗ॑ಮ‌ನ್ತು॒ ತ ಇ॒ಹ ಶ್ರು॑ವ‌ನ್ತು ಸುಕ್ಷ॒ತ್ರಾಸೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ || 6.49.1
ವಿ॒ಶೋವಿ॑ಶ॒ ಈಡ್ಯ॑ಮಧ್ವ॒ರೇಷ್ವದೃ॑ಪ್ತಕ್ರತುಮರ॒ತಿಂ ಯು॑ವ॒ತ್ಯೋಃ |
ದಿ॒ವಃ ಶಿಶುಂ॒ ಸಹ॑ಸಃ ಸೂ॒ನುಮ॒ಗ್ನಿಂ ಯ॒ಜ್ಞಸ್ಯ॑ ಕೇ॒ತುಮ॑ರು॒ಷಂ ಯಜ॑ಧ್ಯೈ || 6.49.2
ಅ॒ರು॒ಷಸ್ಯ॑ ದುಹಿ॒ತರಾ॒ ವಿರೂ᳚ಪೇ॒ ಸ್ತೃಭಿ॑ರ॒ನ್ಯಾ ಪಿ॑ಪಿ॒ಶೇ ಸೂರೋ᳚ ಅ॒ನ್ಯಾ |
ಮಿ॒ಥ॒ಸ್ತುರಾ᳚ ವಿ॒ಚರ᳚‌ನ್ತೀ ಪಾವ॒ಕೇ ಮನ್ಮ॑ ಶ್ರು॒ತಂ ನ॑ಕ್ಷತ ಋ॒ಚ್ಯಮಾ᳚ನೇ || 6.49.3
ಪ್ರ ವಾ॒ಯುಮಚ್ಛಾ᳚ ಬೃಹ॒ತೀ ಮ॑ನೀ॒ಷಾ ಬೃ॒ಹದ್ರ॑ಯಿಂ ವಿ॒ಶ್ವವಾ᳚ರಂ ರಥ॒ಪ್ರಾ‌ಮ್ |
ದ್ಯು॒ತದ್ಯಾ᳚ಮಾ ನಿ॒ಯುತಃ॒ ಪತ್ಯ॑ಮಾನಃ ಕ॒ವಿಃ ಕ॒ವಿಮಿ॑ಯಕ್ಷಸಿ ಪ್ರಯಜ್ಯೋ || 6.49.4
ಸ ಮೇ॒ ವಪು॑ಶ್ಛದಯದ॒ಶ್ವಿನೋ॒ರ್ಯೋ ರಥೋ᳚ ವಿ॒ರುಕ್ಮಾ॒ನ್ಮನ॑ಸಾ ಯುಜಾ॒ನಃ |
ಯೇನ॑ ನರಾ ನಾಸತ್ಯೇಷ॒ಯಧ್ಯೈ᳚ ವ॒ರ್ತಿರ್ಯಾ॒ಥಸ್ತನ॑ಯಾಯ॒ ತ್ಮನೇ᳚ ಚ || 6.49.5
ಪರ್ಜ᳚ನ್ಯವಾತಾ ವೃಷಭಾ ಪೃಥಿ॒ವ್ಯಾಃ ಪುರೀ᳚ಷಾಣಿ ಜಿನ್ವತ॒ಮಪ್ಯಾ᳚ನಿ |
ಸತ್ಯ॑ಶ್ರುತಃ ಕವಯೋ॒ ಯಸ್ಯ॑ ಗೀ॒ರ್ಭಿರ್ಜಗ॑ತಃ ಸ್ಥಾತ॒ರ್ಜಗ॒ದಾ ಕೃ॑ಣುಧ್ವ‌ಮ್ || 6.49.6
ಪಾವೀ᳚ರವೀ ಕ॒ನ್ಯಾ᳚ ಚಿ॒ತ್ರಾಯುಃ॒ ಸರ॑ಸ್ವತೀ ವೀ॒ರಪ॑ತ್ನೀ॒ ಧಿಯಂ᳚ ಧಾತ್ |
ಗ್ನಾಭಿ॒ರಚ್ಛಿ॑ದ್ರಂ ಶರ॒ಣಂ ಸ॒ಜೋಷಾ᳚ ದುರಾ॒ಧರ್ಷಂ᳚ ಗೃಣ॒ತೇ ಶರ್ಮ॑ ಯಂಸತ್ || 6.49.7
ಪ॒ಥಸ್ಪ॑ಥಃ॒ ಪರಿ॑ಪತಿಂ ವಚ॒ಸ್ಯಾ ಕಾಮೇ᳚ನ ಕೃ॒ತೋ ಅ॒ಭ್ಯಾ᳚ನಳ॒ರ್ಕ‌ಮ್ |
ಸ ನೋ᳚ ರಾಸಚ್ಛು॒ರುಧ॑ಶ್ಚಂ॒ದ್ರಾಗ್ರಾ॒ ಧಿಯಂ᳚ಧಿಯಂ ಸೀಷಧಾತಿ॒ ಪ್ರ ಪೂ॒ಷಾ || 6.49.8
ಪ್ರ॒ಥ॒ಮ॒ಭಾಜಂ᳚ ಯ॒ಶಸಂ᳚ ವಯೋ॒ಧಾಂ ಸು॑ಪಾ॒ಣಿಂ ದೇ॒ವಂ ಸು॒ಗಭ॑ಸ್ತಿ॒ಮೃಭ್ವ‌ಮ್᳚ |
ಹೋತಾ᳚ ಯಕ್ಷದ್ಯಜ॒ತಂ ಪ॒ಸ್ತ್ಯಾ᳚ನಾಮ॒ಗ್ನಿಸ್ತ್ವಷ್ಟಾ᳚ರಂ ಸು॒ಹವಂ᳚ ವಿ॒ಭಾವಾ᳚ || 6.49.9
ಭುವ॑ನಸ್ಯ ಪಿ॒ತರಂ᳚ ಗೀ॒ರ್ಭಿರಾ॒ಭೀ ರು॒ದ್ರಂ ದಿವಾ᳚ ವ॒ರ್ಧಯಾ᳚ ರು॒ದ್ರಮ॒ಕ್ತೌ |
ಬೃ॒ಹ‌ನ್ತ॑ಮೃ॒ಷ್ವಮ॒ಜರಂ᳚ ಸುಷು॒ಮ್ನಮೃಧ॑ಗ್ಘುವೇಮ ಕ॒ವಿನೇ᳚ಷಿ॒ತಾಸಃ॑ || 6.49.10
ಆ ಯು॑ವಾನಃ ಕವಯೋ ಯಜ್ಞಿಯಾಸೋ॒ ಮರು॑ತೋ ಗ॒‌ನ್ತ ಗೃ॑ಣ॒ತೋ ವ॑ರ॒ಸ್ಯಾ‌ಮ್ |
ಅ॒ಚಿ॒ತ್ರಂ ಚಿ॒ದ್ಧಿ ಜಿನ್ವ॑ಥಾ ವೃ॒ಧ‌ನ್ತ॑ ಇ॒ತ್ಥಾ ನಕ್ಷ᳚‌ನ್ತೋ ನರೋ ಅಂಗಿರ॒ಸ್ವತ್ || 6.49.11
ಪ್ರ ವೀ॒ರಾಯ॒ ಪ್ರ ತ॒ವಸೇ᳚ ತು॒ರಾಯಾಜಾ᳚ ಯೂ॒ಥೇವ॑ ಪಶು॒ರಕ್ಷಿ॒ರಸ್ತ‌ಮ್᳚ |
ಸ ಪಿ॑ಸ್ಪೃಶತಿ ತ॒ನ್ವಿ॑ ಶ್ರು॒ತಸ್ಯ॒ ಸ್ತೃಭಿ॒ರ್ನ ನಾಕಂ᳚ ವಚ॒ನಸ್ಯ॒ ವಿಪಃ॑ || 6.49.12
ಯೋ ರಜಾಂ᳚ಸಿ ವಿಮ॒ಮೇ ಪಾರ್ಥಿ॑ವಾನಿ॒ ತ್ರಿಶ್ಚಿ॒ದ್ವಿಷ್ಣು॒ರ್ಮನ॑ವೇ ಬಾಧಿ॒ತಾಯ॑ |
ತಸ್ಯ॑ ತೇ॒ ಶರ್ಮ᳚ನ್ನುಪದ॒ದ್ಯಮಾ᳚ನೇ ರಾ॒ಯಾ ಮ॑ದೇಮ ತ॒ನ್ವಾ॒3॒॑ ತನಾ᳚ ಚ || 6.49.13
ತನ್ನೋಽಹಿ॑ರ್ಬು॒ಧ್ನ್ಯೋ᳚ ಅ॒ದ್ಭಿರ॒ರ್ಕೈಸ್ತತ್ಪರ್ವ॑ತ॒ಸ್ತತ್ಸ॑ವಿ॒ತಾ ಚನೋ᳚ ಧಾತ್ |
ತದೋಷ॑ಧೀಭಿರ॒ಭಿ ರಾ᳚ತಿ॒ಷಾಚೋ॒ ಭಗಃ॒ ಪುರಂ᳚ಧಿರ್ಜಿನ್ವತು॒ ಪ್ರ ರಾ॒ಯೇ || 6.49.14
ನು ನೋ᳚ ರ॒ಯಿಂ ರ॒ಥ್ಯಂ᳚ ಚರ್ಷಣಿ॒ಪ್ರಾಂ ಪು॑ರು॒ವೀರಂ᳚ ಮ॒ಹ ಋ॒ತಸ್ಯ॑ ಗೋ॒ಪಾ‌ಮ್ |
ಕ್ಷಯಂ᳚ ದಾತಾ॒ಜರಂ॒ ಯೇನ॒ ಜನಾ॒‌‌ನ್ತ್ಸ್ಪೃಧೋ॒ ಅದೇ᳚ವೀರ॒ಭಿ ಚ॒ ಕ್ರಮಾ᳚ಮ॒ ವಿಶ॒ ಆದೇ᳚ವೀರ॒ಭ್ಯ1॒॑ಶ್ನವಾ᳚ಮ || 6.49.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜ ಋಜಿಶ್ವಾ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಹು॒ವೇ ವೋ᳚ ದೇ॒ವೀಮದಿ॑ತಿಂ॒ ನಮೋ᳚ಭಿರ್ಮೃಳೀ॒ಕಾಯ॒ ವರು॑ಣಂ ಮಿ॒ತ್ರಮ॒ಗ್ನಿ‌ಮ್ |
ಅ॒ಭಿ॒ಕ್ಷ॒ದಾಮ᳚ರ್ಯ॒ಮಣಂ᳚ ಸು॒ಶೇವಂ᳚ ತ್ರಾ॒ತೄಂದೇ॒ವಾ‌‌ನ್ತ್ಸ॑ವಿ॒ತಾರಂ॒ ಭಗಂ᳚ ಚ || 6.50.1
ಸು॒ಜ್ಯೋತಿ॑ಷಃ ಸೂರ್ಯ॒ ದಕ್ಷ॑ಪಿತೄನನಾಗಾ॒ಸ್ತ್ವೇ ಸು॑ಮಹೋ ವೀಹಿ ದೇ॒ವಾನ್ |
ದ್ವಿ॒ಜನ್ಮಾ᳚ನೋ॒ ಯ ಋ॑ತ॒ಸಾಪಃ॑ ಸ॒ತ್ಯಾಃ ಸ್ವ᳚ರ್ವ‌ನ್ತೋ ಯಜ॒ತಾ ಅ॑ಗ್ನಿಜಿ॒ಹ್ವಾಃ || 6.50.2
ಉ॒ತ ದ್ಯಾ᳚ವಾಪೃಥಿವೀ ಕ್ಷ॒ತ್ರಮು॒ರು ಬೃ॒ಹದ್ರೋ᳚ದಸೀ ಶರ॒ಣಂ ಸು॑ಷುಮ್ನೇ |
ಮ॒ಹಸ್ಕ॑ರಥೋ॒ ವರಿ॑ವೋ॒ ಯಥಾ᳚ ನೋ॒ಽಸ್ಮೇ ಕ್ಷಯಾ᳚ಯ ಧಿಷಣೇ ಅನೇ॒ಹಃ || 6.50.3
ಆ ನೋ᳚ ರು॒ದ್ರಸ್ಯ॑ ಸೂ॒ನವೋ᳚ ನಮ‌ನ್ತಾಮ॒ದ್ಯಾ ಹೂ॒ತಾಸೋ॒ ವಸ॒ವೋಽಧೃ॑ಷ್ಟಾಃ |
ಯದೀ॒ಮರ್ಭೇ᳚ ಮಹ॒ತಿ ವಾ᳚ ಹಿ॒ತಾಸೋ᳚ ಬಾ॒ಧೇ ಮ॒ರುತೋ॒ ಅಹ್ವಾ᳚ಮ ದೇ॒ವಾನ್ || 6.50.4
ಮಿ॒ಮ್ಯಕ್ಷ॒ ಯೇಷು॑ ರೋದ॒ಸೀ ನು ದೇ॒ವೀ ಸಿಷ॑ಕ್ತಿ ಪೂ॒ಷಾ ಅ॑ಭ್ಯರ್ಧ॒ಯಜ್ವಾ᳚ |
ಶ್ರು॒ತ್ವಾ ಹವಂ᳚ ಮರುತೋ॒ ಯದ್ಧ॑ ಯಾ॒ಥ ಭೂಮಾ᳚ ರೇಜ‌ನ್ತೇ॒ ಅಧ್ವ॑ನಿ॒ ಪ್ರವಿ॑ಕ್ತೇ || 6.50.5
ಅ॒ಭಿ ತ್ಯಂ ವೀ॒ರಂ ಗಿರ್ವ॑ಣಸಮ॒ರ್ಚೇಂದ್ರಂ॒ ಬ್ರಹ್ಮ॑ಣಾ ಜರಿತ॒ರ್ನವೇ᳚ನ |
ಶ್ರವ॒ದಿದ್ಧವ॒ಮುಪ॑ ಚ॒ ಸ್ತವಾ᳚ನೋ॒ ರಾಸ॒ದ್ವಾಜಾಁ॒ ಉಪ॑ ಮ॒ಹೋ ಗೃ॑ಣಾ॒ನಃ || 6.50.6
ಓ॒ಮಾನ॑ಮಾಪೋ ಮಾನುಷೀ॒ರಮೃ॑ಕ್ತಂ॒ ಧಾತ॑ ತೋ॒ಕಾಯ॒ ತನ॑ಯಾಯ॒ ಶಂ ಯೋಃ |
ಯೂ॒ಯಂ ಹಿ ಷ್ಠಾ ಭಿ॒ಷಜೋ᳚ ಮಾ॒ತೃತ॑ಮಾ॒ ವಿಶ್ವ॑ಸ್ಯ ಸ್ಥಾ॒ತುರ್ಜಗ॑ತೋ॒ ಜನಿ॑ತ್ರೀಃ || 6.50.7
ಆ ನೋ᳚ ದೇ॒ವಃ ಸ॑ವಿ॒ತಾ ತ್ರಾಯ॑ಮಾಣೋ॒ ಹಿರ᳚ಣ್ಯಪಾಣಿರ್ಯಜ॒ತೋ ಜ॑ಗಮ್ಯಾತ್ |
ಯೋ ದತ್ರ॑ವಾಁ ಉ॒ಷಸೋ॒ ನ ಪ್ರತೀ᳚ಕಂ ವ್ಯೂರ್ಣು॒ತೇ ದಾ॒ಶುಷೇ॒ ವಾರ್ಯಾ᳚ಣಿ || 6.50.8
ಉ॒ತ ತ್ವಂ ಸೂ᳚ನೋ ಸಹಸೋ ನೋ ಅ॒ದ್ಯಾ ದೇ॒ವಾಁ ಅ॒ಸ್ಮಿನ್ನ॑ಧ್ವ॒ರೇ ವ॑ವೃತ್ಯಾಃ |
ಸ್ಯಾಮ॒ಹಂ ತೇ॒ ಸದ॒ಮಿದ್ರಾ॒ತೌ ತವ॑ ಸ್ಯಾಮ॒ಗ್ನೇಽವ॑ಸಾ ಸು॒ವೀರಃ॑ || 6.50.9
ಉ॒ತ ತ್ಯಾ ಮೇ॒ ಹವ॒ಮಾ ಜ॑ಗ್ಮ್ಯಾತಂ॒ ನಾಸ॑ತ್ಯಾ ಧೀ॒ಭಿರ್ಯು॒ವಮಂ॒ಗ ವಿ॑ಪ್ರಾ |
ಅತ್ರಿಂ॒ ನ ಮ॒ಹಸ್ತಮ॑ಸೋಽಮುಮುಕ್ತಂ॒ ತೂರ್ವ॑ತಂ ನರಾ ದುರಿ॒ತಾದ॒ಭೀಕೇ᳚ || 6.50.10
ತೇ ನೋ᳚ ರಾ॒ಯೋ ದ್ಯು॒ಮತೋ॒ ವಾಜ॑ವತೋ ದಾ॒ತಾರೋ᳚ ಭೂತ ನೃ॒ವತಃ॑ ಪುರು॒ಕ್ಷೋಃ |
ದ॒ಶ॒ಸ್ಯ‌ನ್ತೋ᳚ ದಿ॒ವ್ಯಾಃ ಪಾರ್ಥಿ॑ವಾಸೋ॒ ಗೋಜಾ᳚ತಾ॒ ಅಪ್ಯಾ᳚ ಮೃ॒ಳತಾ᳚ ಚ ದೇವಾಃ || 6.50.11
ತೇ ನೋ᳚ ರು॒ದ್ರಃ ಸರ॑ಸ್ವತೀ ಸ॒ಜೋಷಾ᳚ ಮೀ॒ಳ್ಹುಷ್ಮ᳚‌ನ್ತೋ॒ ವಿಷ್ಣು᳚ರ್ಮೃಳ‌ನ್ತು ವಾ॒ಯುಃ |
ಋ॒ಭು॒ಕ್ಷಾ ವಾಜೋ॒ ದೈವ್ಯೋ᳚ ವಿಧಾ॒ತಾ ಪ॒ರ್ಜನ್ಯಾ॒ವಾತಾ᳚ ಪಿಪ್ಯತಾ॒ಮಿಷಂ᳚ ನಃ || 6.50.12
ಉ॒ತ ಸ್ಯ ದೇ॒ವಃ ಸ॑ವಿ॒ತಾ ಭಗೋ᳚ ನೋ॒ಽಪಾಂ ನಪಾ᳚ದವತು॒ ದಾನು॒ ಪಪ್ರಿಃ॑ |
ತ್ವಷ್ಟಾ᳚ ದೇ॒ವೇಭಿ॒ರ್ಜನಿ॑ಭಿಃ ಸ॒ಜೋಷಾ॒ ದ್ಯೌರ್ದೇ॒ವೇಭಿಃ॑ ಪೃಥಿ॒ವೀ ಸ॑ಮು॒ದ್ರೈಃ || 6.50.13
ಉ॒ತ ನೋಽಹಿ॑ರ್ಬು॒ಧ್ನ್ಯಃ॑ ಶೃಣೋತ್ವ॒ಜ ಏಕ॑ಪಾತ್ಪೃಥಿ॒ವೀ ಸ॑ಮು॒ದ್ರಃ |
ವಿಶ್ವೇ᳚ ದೇ॒ವಾ ಋ॑ತಾ॒ವೃಧೋ᳚ ಹುವಾ॒ನಾಃ ಸ್ತು॒ತಾ ಮ‌ನ್ತ್ರಾಃ᳚ ಕವಿಶ॒ಸ್ತಾ ಅ॑ವ‌ನ್ತು || 6.50.14
ಏ॒ವಾ ನಪಾ᳚ತೋ॒ ಮಮ॒ ತಸ್ಯ॑ ಧೀ॒ಭಿರ್ಭ॒ರದ್ವಾ᳚ಜಾ ಅ॒ಭ್ಯ॑ರ್ಚ‌ನ್ತ್ಯ॒ರ್ಕೈಃ |
ಗ್ನಾ ಹು॒ತಾಸೋ॒ ವಸ॒ವೋಽಧೃ॑ಷ್ಟಾ॒ ವಿಶ್ವೇ᳚ ಸ್ತು॒ತಾಸೋ᳚ ಭೂತಾ ಯಜತ್ರಾಃ || 6.50.15

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜ ಋಜಿಶ್ವಾ ಋಷಿಃ, ವಿಶ್ವೇ ದೇವಾ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ತ್ರಿಷ್ಟುಪ, (13-15) ತ್ರಯೋದಶ್ಯಾದಿತೃಚಸ್ಯೋಷ್ಣಿಕ್, (16) ಷೋಡಶ್ಯಾಶ್ಚಾನುಷ್ಟಪ್ ಛಂದಾಂಸಿ

ಉದು॒ ತ್ಯಚ್ಚಕ್ಷು॒ರ್ಮಹಿ॑ ಮಿ॒ತ್ರಯೋ॒ರಾಁ ಏತಿ॑ ಪ್ರಿ॒ಯಂ ವರು॑ಣಯೋ॒ರದ॑ಬ್ಧ‌ಮ್ |
ಋ॒ತಸ್ಯ॒ ಶುಚಿ॑ ದರ್ಶ॒ತಮನೀ᳚ಕಂ ರು॒ಕ್ಮೋ ನ ದಿ॒ವ ಉದಿ॑ತಾ॒ ವ್ಯ॑ದ್ಯೌತ್ || 6.51.1
ವೇದ॒ ಯಸ್ತ್ರೀಣಿ॑ ವಿ॒ದಥಾ᳚ನ್ಯೇಷಾಂ ದೇ॒ವಾನಾಂ॒ ಜನ್ಮ॑ ಸನು॒ತರಾ ಚ॒ ವಿಪ್ರಃ॑ |
ಋ॒ಜು ಮರ್ತೇ᳚ಷು ವೃಜಿ॒ನಾ ಚ॒ ಪಶ್ಯ᳚ನ್ನ॒ಭಿ ಚ॑ಷ್ಟೇ॒ ಸೂರೋ᳚ ಅ॒ರ್ಯ ಏವಾನ್॑ || 6.51.2
ಸ್ತು॒ಷ ಉ॑ ವೋ ಮ॒ಹ ಋ॒ತಸ್ಯ॑ ಗೋ॒ಪಾನದಿ॑ತಿಂ ಮಿ॒ತ್ರಂ ವರು॑ಣಂ ಸುಜಾ॒ತಾನ್ |
ಅ॒ರ್ಯ॒ಮಣಂ॒ ಭಗ॒ಮದ॑ಬ್ಧಧೀತೀ॒ನಚ್ಛಾ᳚ ವೋಚೇ ಸಧ॒ನ್ಯಃ॑ ಪಾವ॒ಕಾನ್ || 6.51.3
ರಿ॒ಶಾದ॑ಸಃ॒ ಸತ್ಪ॑ತೀಁ॒ರದ॑ಬ್ಧಾನ್ಮ॒ಹೋ ರಾಜ್ಞಃ॑ ಸುವಸ॒ನಸ್ಯ॑ ದಾ॒ತೄನ್ |
ಯೂನಃ॑ ಸುಕ್ಷ॒ತ್ರಾನ್ಕ್ಷಯ॑ತೋ ದಿ॒ವೋ ನೄನಾ᳚ದಿ॒ತ್ಯಾನ್ಯಾ॒ಮ್ಯದಿ॑ತಿಂ ದುವೋ॒ಯು || 6.51.4
ದ್ಯೌ॒3॒॑ಷ್ಪಿತಃ॒ ಪೃಥಿ॑ವಿ॒ ಮಾತ॒ರಧ್ರು॒ಗಗ್ನೇ᳚ ಭ್ರಾತರ್ವಸವೋ ಮೃ॒ಳತಾ᳚ ನಃ |
ವಿಶ್ವ॑ ಆದಿತ್ಯಾ ಅದಿತೇ ಸ॒ಜೋಷಾ᳚ ಅ॒ಸ್ಮಭ್ಯಂ॒ ಶರ್ಮ॑ ಬಹು॒ಲಂ ವಿ ಯ᳚‌ನ್ತ || 6.51.5
ಮಾ ನೋ॒ ವೃಕಾ᳚ಯ ವೃ॒ಕ್ಯೇ᳚ ಸಮಸ್ಮಾ ಅಘಾಯ॒ತೇ ರೀ᳚ರಧತಾ ಯಜತ್ರಾಃ |
ಯೂ॒ಯಂ ಹಿ ಷ್ಠಾ ರ॒ಥ್ಯೋ᳚ ನಸ್ತ॒ನೂನಾಂ᳚ ಯೂ॒ಯಂ ದಕ್ಷ॑ಸ್ಯ॒ ವಚ॑ಸೋ ಬಭೂ॒ವ || 6.51.6
ಮಾ ವ॒ ಏನೋ᳚ ಅ॒ನ್ಯಕೃ॑ತಂ ಭುಜೇಮ॒ ಮಾ ತತ್ಕ᳚ರ್ಮ ವಸವೋ॒ ಯಚ್ಚಯ॑ಧ್ವೇ |
ವಿಶ್ವ॑ಸ್ಯ॒ ಹಿ ಕ್ಷಯ॑ಥ ವಿಶ್ವದೇವಾಃ ಸ್ವ॒ಯಂ ರಿ॒ಪುಸ್ತ॒ನ್ವಂ᳚ ರೀರಿಷೀಷ್ಟ || 6.51.7
ನಮ॒ ಇದು॒ಗ್ರಂ ನಮ॒ ಆ ವಿ॑ವಾಸೇ॒ ನಮೋ᳚ ದಾಧಾರ ಪೃಥಿ॒ವೀಮು॒ತ ದ್ಯಾ‌ಮ್ |
ನಮೋ᳚ ದೇ॒ವೇಭ್ಯೋ॒ ನಮ॑ ಈಶ ಏಷಾಂ ಕೃ॒ತಂ ಚಿ॒ದೇನೋ॒ ನಮ॒ಸಾ ವಿ॑ವಾಸೇ || 6.51.8
ಋ॒ತಸ್ಯ॑ ವೋ ರ॒ಥ್ಯಃ॑ ಪೂ॒ತದ॑ಕ್ಷಾನೃ॒ತಸ್ಯ॑ ಪಸ್ತ್ಯ॒ಸದೋ॒ ಅದ॑ಬ್ಧಾನ್ |
ತಾಁ ಆ ನಮೋ᳚ಭಿರುರು॒ಚಕ್ಷ॑ಸೋ॒ ನೄನ್ವಿಶ್ವಾ᳚ನ್ವ॒ ಆ ನ॑ಮೇ ಮ॒ಹೋ ಯ॑ಜತ್ರಾಃ || 6.51.9
ತೇ ಹಿ ಶ್ರೇಷ್ಠ॑ವರ್ಚಸ॒ಸ್ತ ಉ॑ ನಸ್ತಿ॒ರೋ ವಿಶ್ವಾ᳚ನಿ ದುರಿ॒ತಾ ನಯ᳚‌ನ್ತಿ |
ಸು॒ಕ್ಷ॒ತ್ರಾಸೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿರ್‌ಋ॒ತಧೀ᳚ತಯೋ ವಕ್ಮ॒ರಾಜ॑ಸತ್ಯಾಃ || 6.51.10
ತೇ ನ॒ ಇಂದ್ರಃ॑ ಪೃಥಿ॒ವೀ ಕ್ಷಾಮ॑ ವರ್ಧನ್ಪೂ॒ಷಾ ಭಗೋ॒ ಅದಿ॑ತಿಃ॒ ಪಂಚ॒ ಜನಾಃ᳚ |
ಸು॒ಶರ್ಮಾ᳚ಣಃ॒ ಸ್ವವ॑ಸಃ ಸುನೀ॒ಥಾ ಭವ᳚‌ನ್ತು ನಃ ಸುತ್ರಾ॒ತ್ರಾಸಃ॑ ಸುಗೋ॒ಪಾಃ || 6.51.11
ನೂ ಸ॒ದ್ಮಾನಂ᳚ ದಿ॒ವ್ಯಂ ನಂಶಿ॑ ದೇವಾ॒ ಭಾರ॑ದ್ವಾಜಃ ಸುಮ॒ತಿಂ ಯಾ᳚ತಿ॒ ಹೋತಾ᳚ |
ಆ॒ಸಾ॒ನೇಭಿ॒ರ್ಯಜ॑ಮಾನೋ ಮಿ॒ಯೇಧೈ᳚ರ್ದೇ॒ವಾನಾಂ॒ ಜನ್ಮ॑ ವಸೂ॒ಯುರ್ವ॑ವಂದ || 6.51.12
ಅಪ॒ ತ್ಯಂ ವೃ॑ಜಿ॒ನಂ ರಿ॒ಪುಂ ಸ್ತೇ॒ನಮ॑ಗ್ನೇ ದುರಾ॒ಧ್ಯ‌ಮ್᳚ |
ದ॒ವಿ॒ಷ್ಠಮ॑ಸ್ಯ ಸತ್ಪತೇ ಕೃ॒ಧೀ ಸು॒ಗ‌ಮ್ || 6.51.13
ಗ್ರಾವಾ᳚ಣಃ ಸೋಮ ನೋ॒ ಹಿ ಕಂ᳚ ಸಖಿತ್ವ॒ನಾಯ॑ ವಾವ॒ಶುಃ |
ಜ॒ಹೀ ನ್ಯ1॒॑ತ್ರಿಣಂ᳚ ಪ॒ಣಿಂ ವೃಕೋ॒ ಹಿ ಷಃ || 6.51.14
ಯೂ॒ಯಂ ಹಿ ಷ್ಠಾ ಸು॑ದಾನವ॒ ಇಂದ್ರ॑ಜ್ಯೇಷ್ಠಾ ಅ॒ಭಿದ್ಯ॑ವಃ |
ಕರ್ತಾ᳚ ನೋ॒ ಅಧ್ವ॒ನ್ನಾ ಸು॒ಗಂ ಗೋ॒ಪಾ ಅ॒ಮಾ || 6.51.15
ಅಪಿ॒ ಪ‌ನ್ಥಾ᳚ಮಗನ್ಮಹಿ ಸ್ವಸ್ತಿ॒ಗಾಮ॑ನೇ॒ಹಸ‌ಮ್᳚ |
ಯೇನ॒ ವಿಶ್ವಾಃ॒ ಪರಿ॒ ದ್ವಿಷೋ᳚ ವೃ॒ಣಕ್ತಿ॑ ವಿಂ॒ದತೇ॒ ವಸು॑ || 6.51.16

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜ ಋಜಿಶ್ವಾ ಋಷಿಃ, ವಿಶ್ವೇ ದೇವಾ ದೇವತಾಃ (1-6, 13, 15-17) ಪ್ರಥಮಾದಿತೃಚದ್ಯಸ್ಯ ತ್ರಯೋದಶ್ಯಾ ಚಃ ಪಂಚದಶ್ಯಾದಿತೃಚಸ್ಯ ಚ ತ್ರಿಷ್ಟುಪ್, (7-12) ಸಪ್ತಮ್ಯಾದಿತೃಚದ್ಯಸ್ಯ ಗಾಯತ್ರೀ, (14) ಚತುರ್ದರ್ಶ್ಯಾಶ್ಚ ಜಗತೀ ಛಂದಾಂಸಿ

ನ ತದ್ದಿ॒ವಾ ನ ಪೃ॑ಥಿ॒ವ್ಯಾನು॑ ಮನ್ಯೇ॒ ನ ಯ॒ಜ್ಞೇನ॒ ನೋತ ಶಮೀ᳚ಭಿರಾ॒ಭಿಃ |
ಉ॒ಬ್ಜ‌ನ್ತು॒ ತಂ ಸು॒ಭ್ವ1॒ಃ॑ ಪರ್ವ॑ತಾಸೋ॒ ನಿ ಹೀ᳚ಯತಾಮತಿಯಾ॒ಜಸ್ಯ॑ ಯ॒ಷ್ಟಾ || 6.52.1
ಅತಿ॑ ವಾ॒ ಯೋ ಮ॑ರುತೋ॒ ಮನ್ಯ॑ತೇ ನೋ॒ ಬ್ರಹ್ಮ॑ ವಾ॒ ಯಃ ಕ್ರಿ॒ಯಮಾ᳚ಣಂ॒ ನಿನಿ॑ತ್ಸಾತ್ |
ತಪೂಂ᳚ಷಿ॒ ತಸ್ಮೈ᳚ ವೃಜಿ॒ನಾನಿ॑ ಸ‌ನ್ತು ಬ್ರಹ್ಮ॒ದ್ವಿಷ॑ಮ॒ಭಿ ತಂ ಶೋ᳚ಚತು॒ ದ್ಯೌಃ || 6.52.2
ಕಿಮಂ॒ಗ ತ್ವಾ॒ ಬ್ರಹ್ಮ॑ಣಃ ಸೋಮ ಗೋ॒ಪಾಂ ಕಿಮಂ॒ಗ ತ್ವಾ᳚ಹುರಭಿಶಸ್ತಿ॒ಪಾಂ ನಃ॑ |
ಕಿಮಂ॒ಗ ನಃ॑ ಪಶ್ಯಸಿ ನಿ॒ದ್ಯಮಾ᳚ನಾನ್ಬ್ರಹ್ಮ॒ದ್ವಿಷೇ॒ ತಪು॑ಷಿಂ ಹೇ॒ತಿಮ॑ಸ್ಯ || 6.52.3
ಅವ᳚‌ನ್ತು॒ ಮಾಮು॒ಷಸೋ॒ ಜಾಯ॑ಮಾನಾ॒ ಅವ᳚‌ನ್ತು ಮಾ॒ ಸಿಂಧ॑ವಃ॒ ಪಿನ್ವ॑ಮಾನಾಃ |
ಅವ᳚‌ನ್ತು ಮಾ॒ ಪರ್ವ॑ತಾಸೋ ಧ್ರು॒ವಾಸೋಽವ᳚‌ನ್ತು ಮಾ ಪಿ॒ತರೋ᳚ ದೇ॒ವಹೂ᳚ತೌ || 6.52.4
ವಿ॒ಶ್ವ॒ದಾನೀಂ᳚ ಸು॒ಮನ॑ಸಃ ಸ್ಯಾಮ॒ ಪಶ್ಯೇ᳚ಮ॒ ನು ಸೂರ್ಯ॑ಮು॒ಚ್ಚರ᳚‌ನ್ತ‌ಮ್ |
ತಥಾ᳚ ಕರ॒ದ್ವಸು॑ಪತಿ॒ರ್ವಸೂ᳚ನಾಂ ದೇ॒ವಾಁ ಓಹಾ॒ನೋಽವ॒ಸಾಗ॑ಮಿಷ್ಠಃ || 6.52.5
ಇಂದ್ರೋ॒ ನೇದಿ॑ಷ್ಠ॒ಮವ॒ಸಾಗ॑ಮಿಷ್ಠಃ॒ ಸರ॑ಸ್ವತೀ॒ ಸಿಂಧು॑ಭಿಃ॒ ಪಿನ್ವ॑ಮಾನಾ |
ಪ॒ರ್ಜನ್ಯೋ᳚ ನ॒ ಓಷ॑ಧೀಭಿರ್ಮಯೋ॒ಭುರ॒ಗ್ನಿಃ ಸು॒ಶಂಸಃ॑ ಸು॒ಹವಃ॑ ಪಿ॒ತೇವ॑ || 6.52.6
ವಿಶ್ವೇ᳚ ದೇವಾಸ॒ ಆ ಗ॑ತ ಶೃಣು॒ತಾ ಮ॑ ಇ॒ಮಂ ಹವ‌ಮ್᳚ |
ಏದಂ ಬ॒ರ್ಹಿರ್ನಿ ಷೀ᳚ದತ || 6.52.7
ಯೋ ವೋ᳚ ದೇವಾ ಘೃ॒ತಸ್ನು॑ನಾ ಹ॒ವ್ಯೇನ॑ ಪ್ರತಿ॒ಭೂಷ॑ತಿ |
ತಂ ವಿಶ್ವ॒ ಉಪ॑ ಗಚ್ಛಥ || 6.52.8
ಉಪ॑ ನಃ ಸೂ॒ನವೋ॒ ಗಿರಃ॑ ಶೃ॒ಣ್ವ‌ನ್ತ್ವ॒ಮೃತ॑ಸ್ಯ॒ ಯೇ |
ಸು॒ಮೃ॒ಳೀ॒ಕಾ ಭ॑ವ‌ನ್ತು ನಃ || 6.52.9
ವಿಶ್ವೇ᳚ ದೇ॒ವಾ ಋ॑ತಾ॒ವೃಧ॑ ಋ॒ತುಭಿ॑ರ್ಹವನ॒ಶ್ರುತಃ॑ |
ಜು॒ಷ‌ನ್ತಾಂ॒ ಯುಜ್ಯಂ॒ ಪಯಃ॑ || 6.52.10
ಸ್ತೋ॒ತ್ರಮಿಂದ್ರೋ᳚ ಮ॒ರುದ್ಗ॑ಣ॒ಸ್ತ್ವಷ್ಟೃ॑ಮಾನ್ಮಿ॒ತ್ರೋ ಅ᳚ರ್ಯ॒ಮಾ |
ಇ॒ಮಾ ಹ॒ವ್ಯಾ ಜು॑ಷ‌ನ್ತ ನಃ || 6.52.11
ಇ॒ಮಂ ನೋ᳚ ಅಗ್ನೇ ಅಧ್ವ॒ರಂ ಹೋತ᳚ರ್ವಯುನ॒ಶೋ ಯ॑ಜ |
ಚಿ॒ಕಿ॒ತ್ವಾಂದೈವ್ಯಂ॒ ಜನ‌ಮ್᳚ || 6.52.12
ವಿಶ್ವೇ᳚ ದೇವಾಃ ಶೃಣು॒ತೇಮಂ ಹವಂ᳚ ಮೇ॒ ಯೇ ಅ॒‌ನ್ತರಿ॑ಕ್ಷೇ॒ ಯ ಉಪ॒ ದ್ಯವಿ॒ ಷ್ಠ |
ಯೇ ಅ॑ಗ್ನಿಜಿ॒ಹ್ವಾ ಉ॒ತ ವಾ॒ ಯಜ॑ತ್ರಾ ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯಧ್ವ‌ಮ್ || 6.52.13
ವಿಶ್ವೇ᳚ ದೇ॒ವಾ ಮಮ॑ ಶೃಣ್ವ‌ನ್ತು ಯ॒ಜ್ಞಿಯಾ᳚ ಉ॒ಭೇ ರೋದ॑ಸೀ ಅ॒ಪಾಂ ನಪಾ᳚ಚ್ಚ॒ ಮನ್ಮ॑ |
ಮಾ ವೋ॒ ವಚಾಂ᳚ಸಿ ಪರಿ॒ಚಕ್ಷ್ಯಾ᳚ಣಿ ವೋಚಂ ಸು॒ಮ್ನೇಷ್ವಿದ್ವೋ॒ ಅ‌ನ್ತ॑ಮಾ ಮದೇಮ || 6.52.14
ಯೇ ಕೇ ಚ॒ ಜ್ಮಾ ಮ॒ಹಿನೋ॒ ಅಹಿ॑ಮಾಯಾ ದಿ॒ವೋ ಜ॑ಜ್ಞಿ॒ರೇ ಅ॒ಪಾಂ ಸ॒ಧಸ್ಥೇ᳚ |
ತೇ ಅ॒ಸ್ಮಭ್ಯ॑ಮಿ॒ಷಯೇ॒ ವಿಶ್ವ॒ಮಾಯುಃ॒ ಕ್ಷಪ॑ ಉ॒ಸ್ರಾ ವ॑ರಿವಸ್ಯ‌ನ್ತು ದೇ॒ವಾಃ || 6.52.15
ಅಗ್ನೀ᳚ಪರ್ಜನ್ಯಾ॒ವವ॑ತಂ॒ ಧಿಯಂ᳚ ಮೇ॒ಽಸ್ಮಿನ್ಹವೇ᳚ ಸುಹವಾ ಸುಷ್ಟು॒ತಿಂ ನಃ॑ |
ಇಳಾ᳚ಮ॒ನ್ಯೋ ಜ॒ನಯ॒ದ್ಗರ್ಭ॑ಮ॒ನ್ಯಃ ಪ್ರ॒ಜಾವ॑ತೀ॒ರಿಷ॒ ಆ ಧ॑ತ್ತಮ॒ಸ್ಮೇ || 6.52.16
ಸ್ತೀ॒ರ್ಣೇ ಬ॒ರ್ಹಿಷಿ॑ ಸಮಿಧಾ॒ನೇ ಅ॒ಗ್ನೌ ಸೂ॒ಕ್ತೇನ॑ ಮ॒ಹಾ ನಮ॒ಸಾ ವಿ॑ವಾಸೇ |
ಅ॒ಸ್ಮಿನ್ನೋ᳚ ಅ॒ದ್ಯ ವಿ॒ದಥೇ᳚ ಯಜತ್ರಾ॒ ವಿಶ್ವೇ᳚ ದೇವಾ ಹ॒ವಿಷಿ॑ ಮಾದಯಧ್ವ‌ಮ್ || 6.52.17

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಪೂಷಾ ದೇವತಾ, (17, 9-10) ಪ್ರಥಮಾದಿಸಪ್ತರ್ಚಾಂ ನವಮೀದಶಮ್ಯೋಶ್ಚ ಗಾಯತ್ರೀ, (8) ಅಷ್ಟಮ್ಯಾಶ್ಚಾನುಷ್ಟಪ್ ಛಂದಸೀ

ವ॒ಯಮು॑ ತ್ವಾ ಪಥಸ್ಪತೇ॒ ರಥಂ॒ ನ ವಾಜ॑ಸಾತಯೇ |
ಧಿ॒ಯೇ ಪೂ᳚ಷನ್ನಯುಜ್ಮಹಿ || 6.53.1
ಅ॒ಭಿ ನೋ॒ ನರ್ಯಂ॒ ವಸು॑ ವೀ॒ರಂ ಪ್ರಯ॑ತದಕ್ಷಿಣ‌ಮ್ |
ವಾ॒ಮಂ ಗೃ॒ಹಪ॑ತಿಂ ನಯ || 6.53.2
ಅದಿ॑ತ್ಸ‌ನ್ತಂ ಚಿದಾಘೃಣೇ॒ ಪೂಷಂ॒ದಾನಾ᳚ಯ ಚೋದಯ |
ಪ॒ಣೇಶ್ಚಿ॒ದ್ವಿ ಮ್ರ॑ದಾ॒ ಮನಃ॑ || 6.53.3
ವಿ ಪ॒ಥೋ ವಾಜ॑ಸಾತಯೇ ಚಿನು॒ಹಿ ವಿ ಮೃಧೋ᳚ ಜಹಿ |
ಸಾಧ᳚‌ನ್ತಾಮುಗ್ರ ನೋ॒ ಧಿಯಃ॑ || 6.53.4
ಪರಿ॑ ತೃಂಧಿ ಪಣೀ॒ನಾಮಾರ॑ಯಾ॒ ಹೃದ॑ಯಾ ಕವೇ |
ಅಥೇ᳚ಮ॒ಸ್ಮಭ್ಯಂ᳚ ರಂಧಯ || 6.53.5
ವಿ ಪೂ᳚ಷ॒ನ್ನಾರ॑ಯಾ ತುದ ಪ॒ಣೇರಿ॑ಚ್ಛ ಹೃ॒ದಿ ಪ್ರಿ॒ಯ‌ಮ್ |
ಅಥೇ᳚ಮ॒ಸ್ಮಭ್ಯಂ᳚ ರಂಧಯ || 6.53.6
ಆ ರಿ॑ಖ ಕಿಕಿ॒ರಾ ಕೃ॑ಣು ಪಣೀ॒ನಾಂ ಹೃದ॑ಯಾ ಕವೇ |
ಅಥೇ᳚ಮ॒ಸ್ಮಭ್ಯಂ᳚ ರಂಧಯ || 6.53.7
ಯಾಂ ಪೂ᳚ಷನ್ಬ್ರಹ್ಮ॒ಚೋದ॑ನೀ॒ಮಾರಾಂ॒ ಬಿಭ॑ರ್ಷ್ಯಾಘೃಣೇ |
ತಯಾ᳚ ಸಮಸ್ಯ॒ ಹೃದ॑ಯ॒ಮಾ ರಿ॑ಖ ಕಿಕಿ॒ರಾ ಕೃ॑ಣು || 6.53.8
ಯಾ ತೇ॒ ಅಷ್ಟ್ರಾ॒ ಗೋಓ᳚ಪ॒ಶಾಘೃ॑ಣೇ ಪಶು॒ಸಾಧ॑ನೀ |
ತಸ್ಯಾ᳚ಸ್ತೇ ಸು॒ಮ್ನಮೀ᳚ಮಹೇ || 6.53.9
ಉ॒ತ ನೋ᳚ ಗೋ॒ಷಣಿಂ॒ ಧಿಯ॑ಮಶ್ವ॒ಸಾಂ ವಾ᳚ಜ॒ಸಾಮು॒ತ |
ನೃ॒ವತ್ಕೃ॑ಣುಹಿ ವೀ॒ತಯೇ᳚ || 6.53.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಪೂಷಾ ದೇವತಾ, ಗಾಯತ್ರೀ ಛಂದಃ

ಸಂ ಪೂ᳚ಷನ್ವಿ॒ದುಷಾ᳚ ನಯ॒ ಯೋ ಅಂಜ॑ಸಾನು॒ಶಾಸ॑ತಿ |
ಯ ಏ॒ವೇದಮಿತಿ॒ ಬ್ರವ॑ತ್ || 6.54.1
ಸಮು॑ ಪೂ॒ಷ್ಣಾ ಗ॑ಮೇಮಹಿ॒ ಯೋ ಗೃ॒ಹಾಁ ಅ॑ಭಿ॒ಶಾಸ॑ತಿ |
ಇ॒ಮ ಏ॒ವೇತಿ॑ ಚ॒ ಬ್ರವ॑ತ್ || 6.54.2
ಪೂ॒ಷ್ಣಶ್ಚ॒ಕ್ರಂ ನ ರಿ॑ಷ್ಯತಿ॒ ನ ಕೋಶೋಽವ॑ ಪದ್ಯತೇ |
ನೋ ಅ॑ಸ್ಯ ವ್ಯಥತೇ ಪ॒ವಿಃ || 6.54.3
ಯೋ ಅ॑ಸ್ಮೈ ಹ॒ವಿಷಾವಿ॑ಧ॒ನ್ನ ತಂ ಪೂ॒ಷಾಪಿ॑ ಮೃಷ್ಯತೇ |
ಪ್ರ॒ಥ॒ಮೋ ವಿಂ᳚ದತೇ॒ ವಸು॑ || 6.54.4
ಪೂ॒ಷಾ ಗಾ ಅನ್ವೇ᳚ತು ನಃ ಪೂ॒ಷಾ ರ॑ಕ್ಷ॒ತ್ವರ್ವ॑ತಃ |
ಪೂ॒ಷಾ ವಾಜಂ᳚ ಸನೋತು ನಃ || 6.54.5
ಪೂಷ॒ನ್ನನು॒ ಪ್ರ ಗಾ ಇ॑ಹಿ॒ ಯಜ॑ಮಾನಸ್ಯ ಸುನ್ವ॒ತಃ |
ಅ॒ಸ್ಮಾಕಂ᳚ ಸ್ತುವ॒ತಾಮು॒ತ || 6.54.6
ಮಾಕಿ᳚ರ್ನೇಶ॒ನ್ಮಾಕೀಂ᳚ ರಿಷ॒ನ್ಮಾಕೀಂ॒ ಸಂ ಶಾ᳚ರಿ॒ ಕೇವ॑ಟೇ |
ಅಥಾರಿ॑ಷ್ಟಾಭಿ॒ರಾ ಗ॑ಹಿ || 6.54.7
ಶೃ॒ಣ್ವ‌ನ್ತಂ᳚ ಪೂ॒ಷಣಂ᳚ ವ॒ಯಮಿರ್ಯ॒ಮನ॑ಷ್ಟವೇದಸ‌ಮ್ |
ಈಶಾ᳚ನಂ ರಾ॒ಯ ಈ᳚ಮಹೇ || 6.54.8
ಪೂಷ॒‌ನ್ತವ᳚ ವ್ರ॒ತೇ ವ॒ಯಂ ನ ರಿ॑ಷ್ಯೇಮ॒ ಕದಾ᳚ ಚ॒ನ |
ಸ್ತೋ॒ತಾರ॑ಸ್ತ ಇ॒ಹ ಸ್ಮ॑ಸಿ || 6.54.9
ಪರಿ॑ ಪೂ॒ಷಾ ಪ॒ರಸ್ತಾ॒ದ್ಧಸ್ತಂ᳚ ದಧಾತು॒ ದಕ್ಷಿ॑ಣ‌ಮ್ |
ಪುನ᳚ರ್ನೋ ನ॒ಷ್ಟಮಾಜ॑ತು || 6.54.10

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಪೂಷಾ ದೇವತಾ. ಗಾಯತ್ರೀ ಛಂದಃ

ಏಹಿ॒ ವಾಂ ವಿ॑ಮುಚೋ ನಪಾ॒ದಾಘೃ॑ಣೇ॒ ಸಂ ಸ॑ಚಾವಹೈ |
ರ॒ಥೀರ್‌ಋ॒ತಸ್ಯ॑ ನೋ ಭವ || 6.55.1
ರ॒ಥೀತ॑ಮಂ ಕಪ॒ರ್ದಿನ॒ಮೀಶಾ᳚ನಂ॒ ರಾಧ॑ಸೋ ಮ॒ಹಃ |
ರಾ॒ಯಃ ಸಖಾ᳚ಯಮೀಮಹೇ || 6.55.2
ರಾ॒ಯೋ ಧಾರಾ᳚ಸ್ಯಾಘೃಣೇ॒ ವಸೋ᳚ ರಾ॒ಶಿರ॑ಜಾಶ್ವ |
ಧೀವ॑ತೋಧೀವತಃ॒ ಸಖಾ᳚ || 6.55.3
ಪೂ॒ಷಣಂ॒ ನ್ವ1॒॑ಜಾಶ್ವ॒ಮುಪ॑ ಸ್ತೋಷಾಮ ವಾ॒ಜಿನ‌ಮ್᳚ |
ಸ್ವಸು॒ರ್ಯೋ ಜಾ॒ರ ಉ॒ಚ್ಯತೇ᳚ || 6.55.4
ಮಾ॒ತುರ್ದಿ॑ಧಿ॒ಷುಮ॑ಬ್ರವಂ॒ ಸ್ವಸು॑ರ್ಜಾ॒ರಃ ಶೃ॑ಣೋತು ನಃ |
ಭ್ರಾತೇಂದ್ರ॑ಸ್ಯ॒ ಸಖಾ॒ ಮಮ॑ || 6.55.5
ಆಜಾಸಃ॑ ಪೂ॒ಷಣಂ॒ ರಥೇ᳚ ನಿಶೃಂ॒ಭಾಸ್ತೇ ಜ॑ನ॒ಶ್ರಿಯ‌ಮ್᳚ |
ದೇ॒ವಂ ವ॑ಹ‌ನ್ತು॒ ಬಿಭ್ರ॑ತಃ || 6.55.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಪೂಷಾ ದೇವತಾ, (1-5) ಪ್ರಥಮಾದಿಪಂಚರ್ಚಾಂ ಗಾಯತ್ರೀ, (6) ಷಷ್ಠ್ಯಾಶ್ಚಾನುಷ್ಟಪ್ ಛಂದಸೀ

ಯ ಏ᳚ನಮಾ॒ದಿದೇ᳚ಶತಿ ಕರಂ॒ಭಾದಿತಿ॑ ಪೂ॒ಷಣ‌ಮ್᳚ |
ನ ತೇನ॑ ದೇ॒ವ ಆ॒ದಿಶೇ᳚ || 6.56.1
ಉ॒ತ ಘಾ॒ ಸ ರ॒ಥೀತ॑ಮಃ॒ ಸಖ್ಯಾ॒ ಸತ್ಪ॑ತಿರ್ಯು॒ಜಾ |
ಇಂದ್ರೋ᳚ ವೃ॒ತ್ರಾಣಿ॑ ಜಿಘ್ನತೇ || 6.56.2
ಉ॒ತಾದಃ ಪ॑ರು॒ಷೇ ಗವಿ॒ ಸೂರ॑ಶ್ಚ॒ಕ್ರಂ ಹಿ॑ರ॒ಣ್ಯಯ‌ಮ್᳚ |
ನ್ಯೈ᳚ರಯದ್ರ॒ಥೀತ॑ಮಃ || 6.56.3
ಯದ॒ದ್ಯ ತ್ವಾ᳚ ಪುರುಷ್ಟುತ॒ ಬ್ರವಾ᳚ಮ ದಸ್ರ ಮ‌ನ್ತುಮಃ |
ತತ್ಸು ನೋ॒ ಮನ್ಮ॑ ಸಾಧಯ || 6.56.4
ಇ॒ಮಂ ಚ॑ ನೋ ಗ॒ವೇಷ॑ಣಂ ಸಾ॒ತಯೇ᳚ ಸೀಷಧೋ ಗ॒ಣ‌ಮ್ |
ಆ॒ರಾತ್ಪೂ᳚ಷನ್ನಸಿ ಶ್ರು॒ತಃ || 6.56.5
ಆ ತೇ᳚ ಸ್ವ॒ಸ್ತಿಮೀ᳚ಮಹ ಆ॒ರೇಅ॑ಘಾ॒ಮುಪಾ᳚ವಸು‌ಮ್ |
ಅ॒ದ್ಯಾ ಚ॑ ಸ॒ರ್ವತಾ᳚ತಯೇ॒ ಶ್ವಶ್ಚ॑ ಸ॒ರ್ವತಾ᳚ತಯೇ || 6.56.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರಾಪೂಷಣೌ ದೇವತೇ, ಗಾಯತ್ರೀ ಛಂದಃ

ಇಂದ್ರಾ॒ ನು ಪೂ॒ಷಣಾ᳚ ವ॒ಯಂ ಸ॒ಖ್ಯಾಯ॑ ಸ್ವ॒ಸ್ತಯೇ᳚ |
ಹು॒ವೇಮ॒ ವಾಜ॑ಸಾತಯೇ || 6.57.1
ಸೋಮ॑ಮ॒ನ್ಯ ಉಪಾ᳚ಸದ॒ತ್ಪಾತ॑ವೇ ಚ॒ಮ್ವೋಃ᳚ ಸು॒ತ‌ಮ್ |
ಕ॒ರಂ॒ಭಮ॒ನ್ಯ ಇ॑ಚ್ಛತಿ || 6.57.2
ಅ॒ಜಾ ಅ॒ನ್ಯಸ್ಯ॒ ವಹ್ನ॑ಯೋ॒ ಹರೀ᳚ ಅ॒ನ್ಯಸ್ಯ॒ ಸಂಭೃ॑ತಾ |
ತಾಭ್ಯಾಂ᳚ ವೃ॒ತ್ರಾಣಿ॑ ಜಿಘ್ನತೇ || 6.57.3
ಯದಿಂದ್ರೋ॒ ಅನ॑ಯ॒ದ್ರಿತೋ᳚ ಮ॒ಹೀರ॒ಪೋ ವೃಷ᳚‌ನ್ತಮಃ |
ತತ್ರ॑ ಪೂ॒ಷಾಭ॑ವ॒ತ್ಸಚಾ᳚ || 6.57.4
ತಾಂ ಪೂ॒ಷ್ಣಃ ಸು॑ಮ॒ತಿಂ ವ॒ಯಂ ವೃ॒ಕ್ಷಸ್ಯ॒ ಪ್ರ ವ॒ಯಾಮಿ॑ವ |
ಇಂದ್ರ॑ಸ್ಯ॒ ಚಾ ರ॑ಭಾಮಹೇ || 6.57.5
ಉತ್ಪೂ॒ಷಣಂ᳚ ಯುವಾಮಹೇ॒ಽಭೀಶೂಁ᳚ರಿವ॒ ಸಾರ॑ಥಿಃ |
ಮ॒ಹ್ಯಾ ಇಂದ್ರಂ᳚ ಸ್ವ॒ಸ್ತಯೇ᳚ || 6.57.6

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಪೂಷಾ ದೇವತಾ, (1, 3-4) ಪ್ರಥಮರ್ಚಸ್ತೃತೀಯಾಚತುರ್ಯೋಶ್ಚ ತ್ರಿಷ್ಟುಪ್, (2) ದ್ವಿತೀಯಾಯಾಶ್ಚ ಜಗತೀ ಛಂದಸೀ

ಶು॒ಕ್ರಂ ತೇ᳚ ಅ॒ನ್ಯದ್ಯ॑ಜ॒ತಂ ತೇ᳚ ಅ॒ನ್ಯದ್ವಿಷು॑ರೂಪೇ॒ ಅಹ॑ನೀ॒ ದ್ಯೌರಿ॑ವಾಸಿ |
ವಿಶ್ವಾ॒ ಹಿ ಮಾ॒ಯಾ ಅವ॑ಸಿ ಸ್ವಧಾವೋ ಭ॒ದ್ರಾ ತೇ᳚ ಪೂಷನ್ನಿ॒ಹ ರಾ॒ತಿರ॑ಸ್ತು || 6.58.1
ಅ॒ಜಾಶ್ವಃ॑ ಪಶು॒ಪಾ ವಾಜ॑ಪಸ್ತ್ಯೋ ಧಿಯಂಜಿ॒ನ್ವೋ ಭುವ॑ನೇ॒ ವಿಶ್ವೇ॒ ಅರ್ಪಿ॑ತಃ |
ಅಷ್ಟ್ರಾಂ᳚ ಪೂ॒ಷಾ ಶಿ॑ಥಿ॒ರಾಮು॒ದ್ವರೀ᳚ವೃಜತ್ಸಂ॒ಚಕ್ಷಾ᳚ಣೋ॒ ಭುವ॑ನಾ ದೇ॒ವ ಈ᳚ಯತೇ || 6.58.2
ಯಾಸ್ತೇ᳚ ಪೂಷ॒ನ್ನಾವೋ᳚ ಅ॒‌ನ್ತಃ ಸ॑ಮು॒ದ್ರೇ ಹಿ॑ರ॒ಣ್ಯಯೀ᳚ರ॒‌ನ್ತರಿ॑ಕ್ಷೇ॒ ಚರ᳚‌ನ್ತಿ |
ತಾಭಿ᳚ರ್ಯಾಸಿ ದೂ॒ತ್ಯಾಂ ಸೂರ್ಯ॑ಸ್ಯ॒ ಕಾಮೇ᳚ನ ಕೃತ॒ ಶ್ರವ॑ ಇ॒ಚ್ಛಮಾ᳚ನಃ || 6.58.3
ಪೂ॒ಷಾ ಸು॒ಬಂಧು॑ರ್ದಿ॒ವ ಆ ಪೃ॑ಥಿ॒ವ್ಯಾ ಇ॒ಳಸ್ಪತಿ᳚ರ್ಮ॒ಘವಾ᳚ ದ॒ಸ್ಮವ॑ರ್ಚಾಃ |
ಯಂ ದೇ॒ವಾಸೋ॒ ಅದ॑ದುಃ ಸೂ॒ರ್ಯಾಯೈ॒ ಕಾಮೇ᳚ನ ಕೃ॒ತಂ ತ॒ವಸಂ॒ ಸ್ವಂಚ‌ಮ್᳚ || 6.58.4

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರಾಗ್ನೀ ದೇವತೇ (16) ಪ್ರಥಮಾದಿತೃಚದ್ವಯಸ್ಯ ಬೃಹತೀ, (7-10) ಸಪ್ತಮ್ಯಾದಿಚತುರೃಚ ಞ್ಚಿಆನಷ್ಟಪ ಛಂದಸೀ

ಪ್ರ ನು ವೋ᳚ಚಾ ಸು॒ತೇಷು॑ ವಾಂ ವೀ॒ರ್ಯಾ॒3॒॑ ಯಾನಿ॑ ಚ॒ಕ್ರಥುಃ॑ |
ಹ॒ತಾಸೋ᳚ ವಾಂ ಪಿ॒ತರೋ᳚ ದೇ॒ವಶ॑ತ್ರವ॒ ಇಂದ್ರಾ᳚ಗ್ನೀ॒ ಜೀವ॑ಥೋ ಯು॒ವ‌ಮ್ || 6.59.1
ಬಳಿ॒ತ್ಥಾ ಮ॑ಹಿ॒ಮಾ ವಾ॒ಮಿಂದ್ರಾ᳚ಗ್ನೀ॒ ಪನಿ॑ಷ್ಠ॒ ಆ |
ಸ॒ಮಾ॒ನೋ ವಾಂ᳚ ಜನಿ॒ತಾ ಭ್ರಾತ॑ರಾ ಯು॒ವಂ ಯ॒ಮಾವಿ॒ಹೇಹ॑ಮಾತರಾ || 6.59.2
ಓ॒ಕಿ॒ವಾಂಸಾ᳚ ಸು॒ತೇ ಸಚಾಁ॒ ಅಶ್ವಾ॒ ಸಪ್ತೀ᳚ ಇ॒ವಾದ॑ನೇ |
ಇಂದ್ರಾ॒ ನ್ವ1॒॑ಗ್ನೀ ಅವ॑ಸೇ॒ಹ ವ॒ಜ್ರಿಣಾ᳚ ವ॒ಯಂ ದೇ॒ವಾ ಹ॑ವಾಮಹೇ || 6.59.3
ಯ ಇಂ᳚ದ್ರಾಗ್ನೀ ಸು॒ತೇಷು॑ ವಾಂ॒ ಸ್ತವ॒ತ್ತೇಷ್ವೃ॑ತಾವೃಧಾ |
ಜೋ॒ಷ॒ವಾ॒ಕಂ ವದ॑ತಃ ಪಜ್ರಹೋಷಿಣಾ॒ ನ ದೇ᳚ವಾ ಭ॒ಸಥ॑ಶ್ಚ॒ನ || 6.59.4
ಇಂದ್ರಾ᳚ಗ್ನೀ॒ ಕೋ ಅ॒ಸ್ಯ ವಾಂ॒ ದೇವೌ॒ ಮರ್ತ॑ಶ್ಚಿಕೇತತಿ |
ವಿಷೂ᳚ಚೋ॒ ಅಶ್ವಾ᳚ನ್ಯುಯುಜಾ॒ನ ಈ᳚ಯತ॒ ಏಕಃ॑ ಸಮಾ॒ನ ಆ ರಥೇ᳚ || 6.59.5
ಇಂದ್ರಾ᳚ಗ್ನೀ ಅ॒ಪಾದಿ॒ಯಂ ಪೂರ್ವಾಗಾ᳚ತ್ಪ॒ದ್ವತೀ᳚ಭ್ಯಃ |
ಹಿ॒ತ್ವೀ ಶಿರೋ᳚ ಜಿ॒ಹ್ವಯಾ॒ ವಾವ॑ದ॒ಚ್ಚರ॑ತ್ತ್ರಿಂ॒ಶತ್ಪ॒ದಾ ನ್ಯ॑ಕ್ರಮೀತ್ || 6.59.6
ಇಂದ್ರಾ᳚ಗ್ನೀ॒ ಆ ಹಿ ತ᳚ನ್ವ॒ತೇ ನರೋ॒ ಧನ್ವಾ᳚ನಿ ಬಾ॒ಹ್ವೋಃ |
ಮಾ ನೋ᳚ ಅ॒ಸ್ಮಿನ್ಮ॑ಹಾಧ॒ನೇ ಪರಾ᳚ ವರ್ಕ್ತಂ॒ ಗವಿ॑ಷ್ಟಿಷು || 6.59.7
ಇಂದ್ರಾ᳚ಗ್ನೀ॒ ತಪ᳚‌ನ್ತಿ ಮಾ॒ಘಾ ಅ॒ರ್ಯೋ ಅರಾ᳚ತಯಃ |
ಅಪ॒ ದ್ವೇಷಾಂ॒ಸ್ಯಾ ಕೃ॑ತಂ ಯುಯು॒ತಂ ಸೂರ್ಯಾ॒ದಧಿ॑ || 6.59.8
ಇಂದ್ರಾ᳚ಗ್ನೀ ಯು॒ವೋರಪಿ॒ ವಸು॑ ದಿ॒ವ್ಯಾನಿ॒ ಪಾರ್ಥಿ॑ವಾ |
ಆ ನ॑ ಇ॒ಹ ಪ್ರ ಯ॑ಚ್ಛತಂ ರ॒ಯಿಂ ವಿ॒ಶ್ವಾಯು॑ಪೋಷಸ‌ಮ್ || 6.59.9
ಇಂದ್ರಾ᳚ಗ್ನೀ ಉಕ್ಥವಾಹಸಾ॒ ಸ್ತೋಮೇ᳚ಭಿರ್ಹವನಶ್ರುತಾ |
ವಿಶ್ವಾ᳚ಭಿರ್ಗೀ॒ರ್ಭಿರಾ ಗ॑ತಮ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 6.59.10

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರಾಗ್ನೀ ದೇವತೇ (1-3, 13) ಪ್ರಥಮಾದಿತೃಚಸ್ಯ ತ್ರಯೋದಶ್ಯಾ ಚಶ್ಚ ತ್ರಿಷ್ಟುಪ, (4-12) ಚತುರ್ಥ್ಯಾದಿನವಾನಾಂ ಗಾಯತ್ರೀ, (14) ಚತುದರ್ಶಯಾ ಬೃಹತೀ, (15) ಪಂಚದಶ್ಯಾಶ್ಚಾನುಷ್ಟಪು, ಛಂದಾಂಸಿ

ಶ್ನಥ॑ದ್ವೃ॒ತ್ರಮು॒ತ ಸ॑ನೋತಿ॒ ವಾಜ॒ಮಿಂದ್ರಾ॒ ಯೋ ಅ॒ಗ್ನೀ ಸಹು॑ರೀ ಸಪ॒ರ್ಯಾತ್ |
ಇ॒ರ॒ಜ್ಯ‌ನ್ತಾ᳚ ವಸ॒ವ್ಯ॑ಸ್ಯ॒ ಭೂರೇಃ॒ ಸಹ॑ಸ್ತಮಾ॒ ಸಹ॑ಸಾ ವಾಜ॒ಯ‌ನ್ತಾ᳚ || 6.60.1
ತಾ ಯೋ᳚ಧಿಷ್ಟಮ॒ಭಿ ಗಾ ಇಂ᳚ದ್ರ ನೂ॒ನಮ॒ಪಃ ಸ್ವ॑ರು॒ಷಸೋ᳚ ಅಗ್ನ ಊ॒ಳ್ಹಾಃ |
ದಿಶಃ॒ ಸ್ವ॑ರು॒ಷಸ॑ ಇಂದ್ರ ಚಿ॒ತ್ರಾ ಅ॒ಪೋ ಗಾ ಅ॑ಗ್ನೇ ಯುವಸೇ ನಿ॒ಯುತ್ವಾನ್॑ || 6.60.2
ಆ ವೃ॑ತ್ರಹಣಾ ವೃತ್ರ॒ಹಭಿಃ॒ ಶುಷ್ಮೈ॒ರಿಂದ್ರ॑ ಯಾ॒ತಂ ನಮೋ᳚ಭಿರಗ್ನೇ ಅ॒ರ್ವಾಕ್ |
ಯು॒ವಂ ರಾಧೋ᳚ಭಿ॒ರಕ॑ವೇಭಿರಿಂ॒ದ್ರಾಗ್ನೇ᳚ ಅ॒ಸ್ಮೇ ಭ॑ವತಮುತ್ತ॒ಮೇಭಿಃ॑ || 6.60.3
ತಾ ಹು॑ವೇ॒ ಯಯೋ᳚ರಿ॒ದಂ ಪ॒ಪ್ನೇ ವಿಶ್ವಂ᳚ ಪು॒ರಾ ಕೃ॒ತ‌ಮ್ |
ಇಂ॒ದ್ರಾ॒ಗ್ನೀ ನ ಮ॑ರ್ಧತಃ || 6.60.4
ಉ॒ಗ್ರಾ ವಿ॑ಘ॒ನಿನಾ॒ ಮೃಧ॑ ಇಂದ್ರಾ॒ಗ್ನೀ ಹ॑ವಾಮಹೇ |
ತಾ ನೋ᳚ ಮೃಳಾತ ಈ॒ದೃಶೇ᳚ || 6.60.5
ಹ॒ತೋ ವೃ॒ತ್ರಾಣ್ಯಾರ್ಯಾ᳚ ಹ॒ತೋ ದಾಸಾ᳚ನಿ॒ ಸತ್ಪ॑ತೀ |
ಹ॒ತೋ ವಿಶ್ವಾ॒ ಅಪ॒ ದ್ವಿಷಃ॑ || 6.60.6
ಇಂದ್ರಾ᳚ಗ್ನೀ ಯು॒ವಾಮಿ॒ಮೇ॒3॒॑ಽಭಿ ಸ್ತೋಮಾ᳚ ಅನೂಷತ |
ಪಿಬ॑ತಂ ಶಂಭುವಾ ಸು॒ತ‌ಮ್ || 6.60.7
ಯಾ ವಾಂ॒ ಸ‌ನ್ತಿ॑ ಪುರು॒ಸ್ಪೃಹೋ᳚ ನಿ॒ಯುತೋ᳚ ದಾ॒ಶುಷೇ᳚ ನರಾ |
ಇಂದ್ರಾ᳚ಗ್ನೀ॒ ತಾಭಿ॒ರಾ ಗ॑ತ‌ಮ್ || 6.60.8
ತಾಭಿ॒ರಾ ಗ॑ಚ್ಛತಂ ನ॒ರೋಪೇ॒ದಂ ಸವ॑ನಂ ಸು॒ತ‌ಮ್ |
ಇಂದ್ರಾ᳚ಗ್ನೀ॒ ಸೋಮ॑ಪೀತಯೇ || 6.60.9
ತಮೀ᳚ಳಿಷ್ವ॒ ಯೋ ಅ॒ರ್ಚಿಷಾ॒ ವನಾ॒ ವಿಶ್ವಾ᳚ ಪರಿ॒ಷ್ವಜ॑ತ್ |
ಕೃ॒ಷ್ಣಾ ಕೃ॒ಣೋತಿ॑ ಜಿ॒ಹ್ವಯಾ᳚ || 6.60.10
ಯ ಇ॒ದ್ಧ ಆ॒ವಿವಾ᳚ಸತಿ ಸು॒ಮ್ನಮಿಂದ್ರ॑ಸ್ಯ॒ ಮರ್ತ್ಯಃ॑ |
ದ್ಯು॒ಮ್ನಾಯ॑ ಸು॒ತರಾ᳚ ಅ॒ಪಃ || 6.60.11
ತಾ ನೋ॒ ವಾಜ॑ವತೀ॒ರಿಷ॑ ಆ॒ಶೂನ್ಪಿ॑ಪೃತ॒ಮರ್ವ॑ತಃ |
ಇಂದ್ರ॑ಮ॒ಗ್ನಿಂ ಚ॒ ವೋಳ್ಹ॑ವೇ || 6.60.12
ಉ॒ಭಾ ವಾ᳚ಮಿಂದ್ರಾಗ್ನೀ ಆಹು॒ವಧ್ಯಾ᳚ ಉ॒ಭಾ ರಾಧ॑ಸಃ ಸ॒ಹ ಮಾ᳚ದ॒ಯಧ್ಯೈ᳚ |
ಉ॒ಭಾ ದಾ॒ತಾರಾ᳚ವಿ॒ಷಾಂ ರ॑ಯೀ॒ಣಾಮು॒ಭಾ ವಾಜ॑ಸ್ಯ ಸಾ॒ತಯೇ᳚ ಹುವೇ ವಾ‌ಮ್ || 6.60.13
ಆ ನೋ॒ ಗವ್ಯೇ᳚ಭಿ॒ರಶ್ವ್ಯೈ᳚ರ್ವಸ॒ವ್ಯೈ॒3॒॑ರುಪ॑ ಗಚ್ಛತ‌ಮ್ |
ಸಖಾ᳚ಯೌ ದೇ॒ವೌ ಸ॒ಖ್ಯಾಯ॑ ಶಂ॒ಭುವೇಂ᳚ದ್ರಾ॒ಗ್ನೀ ತಾ ಹ॑ವಾಮಹೇ || 6.60.14
ಇಂದ್ರಾ᳚ಗ್ನೀ ಶೃಣು॒ತಂ ಹವಂ॒ ಯಜ॑ಮಾನಸ್ಯ ಸುನ್ವ॒ತಃ |
ವೀ॒ತಂ ಹ॒ವ್ಯಾನ್ಯಾ ಗ॑ತಂ॒ ಪಿಬ॑ತಂ ಸೋ॒ಮ್ಯಂ ಮಧು॑ || 6.60.15

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಸರಸ್ವತೀ ದೇವತಾ, (1-3, 13) ಪ್ರಥಮಾದಿತೃಚಸ್ಯ ತ್ರಯೋದಶ್ಯಾ ಋಚಶ್ಚ ಜಗತೀ, (4-12) ಚತುರ್ಥ್ಯಾದಿನವಾನಾಂ ಗಾಯತ್ರೀ, (14) ಚತುರ್ದರ್ಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಇ॒ಯಮ॑ದದಾದ್ರಭ॒ಸಮೃ॑ಣ॒ಚ್ಯುತಂ॒ ದಿವೋ᳚ದಾಸಂ ವಧ್ರ್ಯ॒ಶ್ವಾಯ॑ ದಾ॒ಶುಷೇ᳚ |
ಯಾ ಶಶ್ವ᳚‌ನ್ತಮಾಚ॒ಖಾದಾ᳚ವ॒ಸಂ ಪ॒ಣಿಂ ತಾ ತೇ᳚ ದಾ॒ತ್ರಾಣಿ॑ ತವಿ॒ಷಾ ಸ॑ರಸ್ವತಿ || 6.61.1
ಇ॒ಯಂ ಶುಷ್ಮೇ᳚ಭಿರ್ಬಿಸ॒ಖಾ ಇ॑ವಾರುಜ॒ತ್ಸಾನು॑ ಗಿರೀ॒ಣಾಂ ತ॑ವಿ॒ಷೇಭಿ॑ರೂ॒ರ್ಮಿಭಿಃ॑ |
ಪಾ॒ರಾ॒ವ॒ತ॒ಘ್ನೀಮವ॑ಸೇ ಸುವೃ॒ಕ್ತಿಭಿಃ॒ ಸರ॑ಸ್ವತೀ॒ಮಾ ವಿ॑ವಾಸೇಮ ಧೀ॒ತಿಭಿಃ॑ || 6.61.2
ಸರ॑ಸ್ವತಿ ದೇವ॒ನಿದೋ॒ ನಿ ಬ॑ರ್ಹಯ ಪ್ರ॒ಜಾಂ ವಿಶ್ವ॑ಸ್ಯ॒ ಬೃಸ॑ಯಸ್ಯ ಮಾ॒ಯಿನಃ॑ |
ಉ॒ತ ಕ್ಷಿ॒ತಿಭ್ಯೋ॒ಽವನೀ᳚ರವಿಂದೋ ವಿ॒ಷಮೇ᳚ಭ್ಯೋ ಅಸ್ರವೋ ವಾಜಿನೀವತಿ || 6.61.3
ಪ್ರ ಣೋ᳚ ದೇ॒ವೀ ಸರ॑ಸ್ವತೀ॒ ವಾಜೇ᳚ಭಿರ್ವಾ॒ಜಿನೀ᳚ವತೀ |
ಧೀ॒ನಾಮ॑ವಿ॒ತ್ರ್ಯ॑ವತು || 6.61.4
ಯಸ್ತ್ವಾ᳚ ದೇವಿ ಸರಸ್ವತ್ಯುಪಬ್ರೂ॒ತೇ ಧನೇ᳚ ಹಿ॒ತೇ |
ಇಂದ್ರಂ॒ ನ ವೃ॑ತ್ರ॒ತೂರ್ಯೇ᳚ || 6.61.5
ತ್ವಂ ದೇ᳚ವಿ ಸರಸ್ವ॒ತ್ಯವಾ॒ ವಾಜೇ᳚ಷು ವಾಜಿನಿ |
ರದಾ᳚ ಪೂ॒ಷೇವ॑ ನಃ ಸ॒ನಿ‌ಮ್ || 6.61.6
ಉ॒ತ ಸ್ಯಾ ನಃ॒ ಸರ॑ಸ್ವತೀ ಘೋ॒ರಾ ಹಿರ᳚ಣ್ಯವರ್ತನಿಃ |
ವೃ॒ತ್ರ॒ಘ್ನೀ ವ॑ಷ್ಟಿ ಸುಷ್ಟು॒ತಿ‌ಮ್ || 6.61.7
ಯಸ್ಯಾ᳚ ಅನ॒‌ನ್ತೋ ಅಹ್ರು॑ತಸ್ತ್ವೇ॒ಷಶ್ಚ॑ರಿ॒ಷ್ಣುರ᳚ರ್ಣ॒ವಃ |
ಅಮ॒ಶ್ಚರ॑ತಿ॒ ರೋರು॑ವತ್ || 6.61.8
ಸಾ ನೋ॒ ವಿಶ್ವಾ॒ ಅತಿ॒ ದ್ವಿಷಃ॒ ಸ್ವಸೄ᳚ರ॒ನ್ಯಾ ಋ॒ತಾವ॑ರೀ |
ಅತ॒ನ್ನಹೇ᳚ವ॒ ಸೂರ್ಯಃ॑ || 6.61.9
ಉ॒ತ ನಃ॑ ಪ್ರಿ॒ಯಾ ಪ್ರಿ॒ಯಾಸು॑ ಸ॒ಪ್ತಸ್ವ॑ಸಾ॒ ಸುಜು॑ಷ್ಟಾ |
ಸರ॑ಸ್ವತೀ॒ ಸ್ತೋಮ್ಯಾ᳚ ಭೂತ್ || 6.61.10
ಆ॒ಪ॒ಪ್ರುಷೀ॒ ಪಾರ್ಥಿ॑ವಾನ್ಯು॒ರು ರಜೋ᳚ ಅ॒‌ನ್ತರಿ॑ಕ್ಷ‌ಮ್ |
ಸರ॑ಸ್ವತೀ ನಿ॒ದಸ್ಪಾ᳚ತು || 6.61.11
ತ್ರಿ॒ಷ॒ಧಸ್ಥಾ᳚ ಸ॒ಪ್ತಧಾ᳚ತುಃ॒ ಪಂಚ॑ ಜಾ॒ತಾ ವ॒ರ್ಧಯ᳚‌ನ್ತೀ |
ವಾಜೇ᳚ವಾಜೇ॒ ಹವ್ಯಾ᳚ ಭೂತ್ || 6.61.12
ಪ್ರ ಯಾ ಮ॑ಹಿ॒ಮ್ನಾ ಮ॒ಹಿನಾ᳚ಸು॒ ಚೇಕಿ॑ತೇ ದ್ಯು॒ಮ್ನೇಭಿ॑ರ॒ನ್ಯಾ ಅ॒ಪಸಾ᳚ಮ॒ಪಸ್ತ॑ಮಾ |
ರಥ॑ ಇವ ಬೃಹ॒ತೀ ವಿ॒ಭ್ವನೇ᳚ ಕೃ॒ತೋಪ॒ಸ್ತುತ್ಯಾ᳚ ಚಿಕಿ॒ತುಷಾ॒ ಸರ॑ಸ್ವತೀ || 6.61.13
ಸರ॑ಸ್ವತ್ಯ॒ಭಿ ನೋ᳚ ನೇಷಿ॒ ವಸ್ಯೋ॒ ಮಾಪ॑ ಸ್ಫರೀಃ॒ ಪಯ॑ಸಾ॒ ಮಾ ನ॒ ಆ ಧ॑ಕ್ |
ಜು॒ಷಸ್ವ॑ ನಃ ಸ॒ಖ್ಯಾ ವೇ॒ಶ್ಯಾ᳚ ಚ॒ ಮಾ ತ್ವತ್ಕ್ಷೇತ್ರಾ॒ಣ್ಯರ॑ಣಾನಿ ಗನ್ಮ || 6.61.14

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ , ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಸ್ತು॒ಷೇ ನರಾ᳚ ದಿ॒ವೋ ಅ॒ಸ್ಯ ಪ್ರ॒ಸ‌ನ್ತಾ॒ಶ್ವಿನಾ᳚ ಹುವೇ॒ ಜರ॑ಮಾಣೋ ಅ॒ರ್ಕೈಃ |
ಯಾ ಸ॒ದ್ಯ ಉ॒ಸ್ರಾ ವ್ಯುಷಿ॒ ಜ್ಮೋ ಅ‌ನ್ತಾ॒ನ್ಯುಯೂ᳚ಷತಃ॒ ಪರ್ಯು॒ರೂ ವರಾಂ᳚ಸಿ || 6.62.1
ತಾ ಯ॒ಜ್ಞಮಾ ಶುಚಿ॑ಭಿಶ್ಚಕ್ರಮಾ॒ಣಾ ರಥ॑ಸ್ಯ ಭಾ॒ನುಂ ರು॑ರುಚೂ॒ ರಜೋ᳚ಭಿಃ |
ಪು॒ರೂ ವರಾಂ॒ಸ್ಯಮಿ॑ತಾ॒ ಮಿಮಾ᳚ನಾ॒ಪೋ ಧನ್ವಾ॒ನ್ಯತಿ॑ ಯಾಥೋ॒ ಅಜ್ರಾನ್॑ || 6.62.2
ತಾ ಹ॒ ತ್ಯದ್ವ॒ರ್ತಿರ್ಯದರ॑ಧ್ರಮುಗ್ರೇ॒ತ್ಥಾ ಧಿಯ॑ ಊಹಥುಃ॒ ಶಶ್ವ॒ದಶ್ವೈಃ᳚ |
ಮನೋ᳚ಜವೇಭಿರಿಷಿ॒ರೈಃ ಶ॒ಯಧ್ಯೈ॒ ಪರಿ॒ ವ್ಯಥಿ॑ರ್ದಾ॒ಶುಷೋ॒ ಮರ್ತ್ಯ॑ಸ್ಯ || 6.62.3
ತಾ ನವ್ಯ॑ಸೋ॒ ಜರ॑ಮಾಣಸ್ಯ॒ ಮನ್ಮೋಪ॑ ಭೂಷತೋ ಯುಯುಜಾ॒ನಸ॑ಪ್ತೀ |
ಶುಭಂ॒ ಪೃಕ್ಷ॒ಮಿಷ॒ಮೂರ್ಜಂ॒ ವಹ᳚‌ನ್ತಾ॒ ಹೋತಾ᳚ ಯಕ್ಷತ್ಪ್ರ॒ತ್ನೋ ಅ॒ಧ್ರುಗ್ಯುವಾ᳚ನಾ || 6.62.4
ತಾ ವ॒ಲ್ಗೂ ದ॒ಸ್ರಾ ಪು॑ರು॒ಶಾಕ॑ತಮಾ ಪ್ರ॒ತ್ನಾ ನವ್ಯ॑ಸಾ॒ ವಚ॒ಸಾ ವಿ॑ವಾಸೇ |
ಯಾ ಶಂಸ॑ತೇ ಸ್ತುವ॒ತೇ ಶಂಭ॑ವಿಷ್ಠಾ ಬಭೂ॒ವತು॑ರ್ಗೃಣ॒ತೇ ಚಿ॒ತ್ರರಾ᳚ತೀ || 6.62.5
ತಾ ಭು॒ಜ್ಯುಂ ವಿಭಿ॑ರ॒ದ್ಭ್ಯಃ ಸ॑ಮು॒ದ್ರಾತ್ತುಗ್ರ॑ಸ್ಯ ಸೂ॒ನುಮೂ᳚ಹಥೂ॒ ರಜೋ᳚ಭಿಃ |
ಅ॒ರೇ॒ಣುಭಿ॒ರ್ಯೋಜ॑ನೇಭಿರ್ಭು॒ಜ‌ನ್ತಾ᳚ ಪತ॒ತ್ರಿಭಿ॒ರರ್ಣ॑ಸೋ॒ ನಿರು॒ಪಸ್ಥಾ᳚ತ್ || 6.62.6
ವಿ ಜ॒ಯುಷಾ᳚ ರಥ್ಯಾ ಯಾತ॒ಮದ್ರಿಂ᳚ ಶ್ರು॒ತಂ ಹವಂ᳚ ವೃಷಣಾ ವಧ್ರಿಮ॒ತ್ಯಾಃ |
ದ॒ಶ॒ಸ್ಯ‌ನ್ತಾ᳚ ಶ॒ಯವೇ᳚ ಪಿಪ್ಯಥು॒ರ್ಗಾಮಿತಿ॑ ಚ್ಯವಾನಾ ಸುಮ॒ತಿಂ ಭು॑ರಣ್ಯೂ || 6.62.7
ಯದ್ರೋ᳚ದಸೀ ಪ್ರ॒ದಿವೋ॒ ಅಸ್ತಿ॒ ಭೂಮಾ॒ ಹೇಳೋ᳚ ದೇ॒ವಾನಾ᳚ಮು॒ತ ಮ॑ರ್ತ್ಯ॒ತ್ರಾ |
ತದಾ᳚ದಿತ್ಯಾ ವಸವೋ ರುದ್ರಿಯಾಸೋ ರಕ್ಷೋ॒ಯುಜೇ॒ ತಪು॑ರ॒ಘಂ ದ॑ಧಾತ || 6.62.8
ಯ ಈಂ॒ ರಾಜಾ᳚ನಾವೃತು॒ಥಾ ವಿ॒ದಧ॒ದ್ರಜ॑ಸೋ ಮಿ॒ತ್ರೋ ವರು॑ಣ॒ಶ್ಚಿಕೇ᳚ತತ್ |
ಗಂ॒ಭೀ॒ರಾಯ॒ ರಕ್ಷ॑ಸೇ ಹೇ॒ತಿಮ॑ಸ್ಯ॒ ದ್ರೋಘಾ᳚ಯ ಚಿ॒ದ್ವಚ॑ಸ॒ ಆನ॑ವಾಯ || 6.62.9
ಅ‌ನ್ತ॑ರೈಶ್ಚ॒ಕ್ರೈಸ್ತನ॑ಯಾಯ ವ॒ರ್ತಿರ್ದ್ಯು॒ಮತಾ ಯಾ᳚ತಂ ನೃ॒ವತಾ॒ ರಥೇ᳚ನ |
ಸನು॑ತ್ಯೇನ॒ ತ್ಯಜ॑ಸಾ॒ ಮರ್ತ್ಯ॑ಸ್ಯ ವನುಷ್ಯ॒ತಾಮಪಿ॑ ಶೀ॒ರ್ಷಾ ವ॑ವೃಕ್ತ‌ಮ್ || 6.62.10
ಆ ಪ॑ರ॒ಮಾಭಿ॑ರು॒ತ ಮ॑ಧ್ಯ॒ಮಾಭಿ᳚ರ್ನಿ॒ಯುದ್ಭಿ᳚ರ್ಯಾತಮವ॒ಮಾಭಿ॑ರ॒ರ್ವಾಕ್ |
ದೃ॒ಳ್ಹಸ್ಯ॑ ಚಿ॒ದ್ಗೋಮ॑ತೋ॒ ವಿ ವ್ರ॒ಜಸ್ಯ॒ ದುರೋ᳚ ವರ್ತಂ ಗೃಣ॒ತೇ ಚಿ॑ತ್ರರಾತೀ || 6.62.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಅಶ್ವಿನೌ ದೇವತೇ (1-10) ಪ್ರಥಮಾದಿದಶರ್ಚಾಂ ತ್ರಿಷ್ಟುಪ್, (11) ಏಕಾದಶ್ಯಾಶ್ಚೈಕಪದಾ ತ್ರಿಷ್ಟುಪ್ ಛಂದಸೀ

ಕ್ವ1॒॑ ತ್ಯಾ ವ॒ಲ್ಗೂ ಪು॑ರುಹೂ॒ತಾದ್ಯ ದೂ॒ತೋ ನ ಸ್ತೋಮೋ᳚ಽವಿದ॒ನ್ನಮ॑ಸ್ವಾನ್ |
ಆ ಯೋ ಅ॒ರ್ವಾಙ್ನಾಸ॑ತ್ಯಾ ವ॒ವರ್ತ॒ ಪ್ರೇಷ್ಠಾ॒ ಹ್ಯಸ॑ಥೋ ಅಸ್ಯ॒ ಮನ್ಮನ್॑ || 6.63.1
ಅರಂ᳚ ಮೇ ಗ‌ನ್ತಂ॒ ಹವ॑ನಾಯಾ॒ಸ್ಮೈ ಗೃ॑ಣಾ॒ನಾ ಯಥಾ॒ ಪಿಬಾ᳚ಥೋ॒ ಅಂಧಃ॑ |
ಪರಿ॑ ಹ॒ ತ್ಯದ್ವ॒ರ್ತಿರ್ಯಾ᳚ಥೋ ರಿ॒ಷೋ ನ ಯತ್ಪರೋ॒ ನಾ‌ನ್ತ॑ರಸ್ತುತು॒ರ್ಯಾತ್ || 6.63.2
ಅಕಾ᳚ರಿ ವಾ॒ಮಂಧ॑ಸೋ॒ ವರೀ᳚ಮ॒ನ್ನಸ್ತಾ᳚ರಿ ಬ॒ರ್ಹಿಃ ಸು॑ಪ್ರಾಯ॒ಣತ॑ಮ‌ಮ್ |
ಉ॒ತ್ತಾ॒ನಹ॑ಸ್ತೋ ಯುವ॒ಯುರ್ವ॑ವಂ॒ದಾ ವಾಂ॒ ನಕ್ಷ᳚‌ನ್ತೋ॒ ಅದ್ರ॑ಯ ಆಂಜನ್ || 6.63.3
ಊ॒ರ್ಧ್ವೋ ವಾ᳚ಮ॒ಗ್ನಿರ॑ಧ್ವ॒ರೇಷ್ವ॑ಸ್ಥಾ॒ತ್ಪ್ರ ರಾ॒ತಿರೇ᳚ತಿ ಜೂ॒ರ್ಣಿನೀ᳚ ಘೃ॒ತಾಚೀ᳚ |
ಪ್ರ ಹೋತಾ᳚ ಗೂ॒ರ್ತಮ॑ನಾ ಉರಾ॒ಣೋಽಯು॑ಕ್ತ॒ ಯೋ ನಾಸ॑ತ್ಯಾ॒ ಹವೀ᳚ಮನ್ || 6.63.4
ಅಧಿ॑ ಶ್ರಿ॒ಯೇ ದು॑ಹಿ॒ತಾ ಸೂರ್ಯ॑ಸ್ಯ॒ ರಥಂ᳚ ತಸ್ಥೌ ಪುರುಭುಜಾ ಶ॒ತೋತಿ‌ಮ್᳚ |
ಪ್ರ ಮಾ॒ಯಾಭಿ᳚ರ್ಮಾಯಿನಾ ಭೂತ॒ಮತ್ರ॒ ನರಾ᳚ ನೃತೂ॒ ಜನಿ॑ಮನ್ಯ॒ಜ್ಞಿಯಾ᳚ನಾ‌ಮ್ || 6.63.5
ಯು॒ವಂ ಶ್ರೀ॒ಭಿರ್ದ॑ರ್ಶ॒ತಾಭಿ॑ರಾ॒ಭಿಃ ಶು॒ಭೇ ಪು॒ಷ್ಟಿಮೂ᳚ಹಥುಃ ಸೂ॒ರ್ಯಾಯಾಃ᳚ |
ಪ್ರ ವಾಂ॒ ವಯೋ॒ ವಪು॒ಷೇಽನು॑ ಪಪ್ತ॒ನ್ನಕ್ಷ॒ದ್ವಾಣೀ॒ ಸುಷ್ಟು॑ತಾ ಧಿಷ್ಣ್ಯಾ ವಾ‌ಮ್ || 6.63.6
ಆ ವಾಂ॒ ವಯೋಽಶ್ವಾ᳚ಸೋ॒ ವಹಿ॑ಷ್ಠಾ ಅ॒ಭಿ ಪ್ರಯೋ᳚ ನಾಸತ್ಯಾ ವಹ‌ನ್ತು |
ಪ್ರ ವಾಂ॒ ರಥೋ॒ ಮನೋ᳚ಜವಾ ಅಸರ್ಜೀ॒ಷಃ ಪೃ॒ಕ್ಷ ಇ॒ಷಿಧೋ॒ ಅನು॑ ಪೂ॒ರ್ವೀಃ || 6.63.7
ಪು॒ರು ಹಿ ವಾಂ᳚ ಪುರುಭುಜಾ ದೇ॒ಷ್ಣಂ ಧೇ॒ನುಂ ನ॒ ಇಷಂ᳚ ಪಿನ್ವತ॒ಮಸ॑ಕ್ರಾ‌ಮ್ |
ಸ್ತುತ॑ಶ್ಚ ವಾಂ ಮಾಧ್ವೀ ಸುಷ್ಟು॒ತಿಶ್ಚ॒ ರಸಾ᳚ಶ್ಚ॒ ಯೇ ವಾ॒ಮನು॑ ರಾ॒ತಿಮಗ್ಮನ್॑ || 6.63.8
ಉ॒ತ ಮ॑ ಋ॒ಜ್ರೇ ಪುರ॑ಯಸ್ಯ ರ॒ಘ್ವೀ ಸು॑ಮೀ॒ಳ್ಹೇ ಶ॒ತಂ ಪೇ᳚ರು॒ಕೇ ಚ॑ ಪ॒ಕ್ವಾ |
ಶಾಂ॒ಡೋ ದಾ᳚ದ್ಧಿರ॒ಣಿನಃ॒ ಸ್ಮದ್ದಿ॑ಷ್ಟೀಂ॒ದಶ॑ ವ॒ಶಾಸೋ᳚ ಅಭಿ॒ಷಾಚ॑ ಋ॒ಷ್ವಾನ್ || 6.63.9
ಸಂ ವಾಂ᳚ ಶ॒ತಾ ನಾ᳚ಸತ್ಯಾ ಸ॒ಹಸ್ರಾಶ್ವಾ᳚ನಾಂ ಪುರು॒ಪ‌ನ್ಥಾ᳚ ಗಿ॒ರೇ ದಾ᳚ತ್ |
ಭ॒ರದ್ವಾ᳚ಜಾಯ ವೀರ॒ ನೂ ಗಿ॒ರೇ ದಾ᳚ದ್ಧ॒ತಾ ರಕ್ಷಾಂ᳚ಸಿ ಪುರುದಂಸಸಾ ಸ್ಯುಃ || 6.63.10
ಆ ವಾಂ᳚ ಸು॒ಮ್ನೇ ವರಿ॑ಮ‌‌ನ್ತ್ಸೂ॒ರಿಭಿಃ॑ ಷ್ಯಾ‌ಮ್ || 6.63.11

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಉಷಾ ದೇವತಾ, ತ್ರಿಷ್ಟುಪ್ ಛಂದಃ

ಉದು॑ ಶ್ರಿ॒ಯ ಉ॒ಷಸೋ॒ ರೋಚ॑ಮಾನಾ॒ ಅಸ್ಥು॑ರ॒ಪಾಂ ನೋರ್ಮಯೋ॒ ರುಶ᳚‌ನ್ತಃ |
ಕೃ॒ಣೋತಿ॒ ವಿಶ್ವಾ᳚ ಸು॒ಪಥಾ᳚ ಸು॒ಗಾನ್ಯಭೂ᳚ದು॒ ವಸ್ವೀ॒ ದಕ್ಷಿ॑ಣಾ ಮ॒ಘೋನೀ᳚ || 6.64.1
ಭ॒ದ್ರಾ ದ॑ದೃಕ್ಷ ಉರ್ವಿ॒ಯಾ ವಿ ಭಾ॒ಸ್ಯುತ್ತೇ᳚ ಶೋ॒ಚಿರ್ಭಾ॒ನವೋ॒ ದ್ಯಾಮ॑ಪಪ್ತನ್ |
ಆ॒ವಿರ್ವಕ್ಷಃ॑ ಕೃಣುಷೇ ಶುಂ॒ಭಮಾ॒ನೋಷೋ᳚ ದೇವಿ॒ ರೋಚ॑ಮಾನಾ॒ ಮಹೋ᳚ಭಿಃ || 6.64.2
ವಹ᳚‌ನ್ತಿ ಸೀಮರು॒ಣಾಸೋ॒ ರುಶ᳚‌ನ್ತೋ॒ ಗಾವಃ॑ ಸು॒ಭಗಾ᳚ಮುರ್ವಿ॒ಯಾ ಪ್ರ॑ಥಾ॒ನಾ‌ಮ್ |
ಅಪೇ᳚ಜತೇ॒ ಶೂರೋ॒ ಅಸ್ತೇ᳚ವ॒ ಶತ್ರೂ॒ನ್ಬಾಧ॑ತೇ॒ ತಮೋ᳚ ಅಜಿ॒ರೋ ನ ವೋಳ್ಹಾ᳚ || 6.64.3
ಸು॒ಗೋತ ತೇ᳚ ಸು॒ಪಥಾ॒ ಪರ್ವ॑ತೇಷ್ವವಾ॒ತೇ ಅ॒ಪಸ್ತ॑ರಸಿ ಸ್ವಭಾನೋ |
ಸಾ ನ॒ ಆ ವ॑ಹ ಪೃಥುಯಾಮನ್ನೃಷ್ವೇ ರ॒ಯಿಂ ದಿ॑ವೋ ದುಹಿತರಿಷ॒ಯಧ್ಯೈ᳚ || 6.64.4
ಸಾ ವ॑ಹ॒ ಯೋಕ್ಷಭಿ॒ರವಾ॒ತೋಷೋ॒ ವರಂ॒ ವಹ॑ಸಿ॒ ಜೋಷ॒ಮನು॑ |
ತ್ವಂ ದಿ॑ವೋ ದುಹಿತ॒ರ್ಯಾ ಹ॑ ದೇ॒ವೀ ಪೂ॒ರ್ವಹೂ᳚ತೌ ಮಂ॒ಹನಾ᳚ ದರ್ಶ॒ತಾ ಭೂಃ᳚ || 6.64.5
ಉತ್ತೇ॒ ವಯ॑ಶ್ಚಿದ್ವಸ॒ತೇರ॑ಪಪ್ತ॒ನ್ನರ॑ಶ್ಚ॒ ಯೇ ಪಿ॑ತು॒ಭಾಜೋ॒ ವ್ಯು॑ಷ್ಟೌ |
ಅ॒ಮಾ ಸ॒ತೇ ವ॑ಹಸಿ॒ ಭೂರಿ॑ ವಾ॒ಮಮುಷೋ᳚ ದೇವಿ ದಾ॒ಶುಷೇ॒ ಮರ್ತ್ಯಾ᳚ಯ || 6.64.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಉಷಾ ದೇವತಾ, ತ್ರಿಷ್ಟುಪ್ ಛಂದಃ

ಏ॒ಷಾ ಸ್ಯಾ ನೋ᳚ ದುಹಿ॒ತಾ ದಿ॑ವೋ॒ಜಾಃ ಕ್ಷಿ॒ತೀರು॒ಚ್ಛ‌ನ್ತೀ॒ ಮಾನು॑ಷೀರಜೀಗಃ |
ಯಾ ಭಾ॒ನುನಾ॒ ರುಶ॑ತಾ ರಾ॒ಮ್ಯಾಸ್ವಜ್ಞಾ᳚ಯಿ ತಿ॒ರಸ್ತಮ॑ಸಶ್ಚಿದ॒ಕ್ತೂನ್ || 6.65.1
ವಿ ತದ್ಯ॑ಯುರರುಣ॒ಯುಗ್ಭಿ॒ರಶ್ವೈ᳚ಶ್ಚಿ॒ತ್ರಂ ಭಾ᳚‌ನ್ತ್ಯು॒ಷಸ॑ಶ್ಚಂ॒ದ್ರರ॑ಥಾಃ |
ಅಗ್ರಂ᳚ ಯ॒ಜ್ಞಸ್ಯ॑ ಬೃಹ॒ತೋ ನಯ᳚‌ನ್ತೀ॒ರ್ವಿ ತಾ ಬಾ᳚ಧ‌ನ್ತೇ॒ ತಮ॒ ಊರ್ಮ್ಯಾ᳚ಯಾಃ || 6.65.2
ಶ್ರವೋ॒ ವಾಜ॒ಮಿಷ॒ಮೂರ್ಜಂ॒ ವಹ᳚‌ನ್ತೀ॒ರ್ನಿ ದಾ॒ಶುಷ॑ ಉಷಸೋ॒ ಮರ್ತ್ಯಾ᳚ಯ |
ಮ॒ಘೋನೀ᳚ರ್ವೀ॒ರವ॒ತ್ಪತ್ಯ॑ಮಾನಾ॒ ಅವೋ᳚ ಧಾತ ವಿಧ॒ತೇ ರತ್ನ॑ಮ॒ದ್ಯ || 6.65.3
ಇ॒ದಾ ಹಿ ವೋ᳚ ವಿಧ॒ತೇ ರತ್ನ॒ಮಸ್ತೀ॒ದಾ ವೀ॒ರಾಯ॑ ದಾ॒ಶುಷ॑ ಉಷಾಸಃ |
ಇ॒ದಾ ವಿಪ್ರಾ᳚ಯ॒ ಜರ॑ತೇ॒ ಯದು॒ಕ್ಥಾ ನಿ ಷ್ಮ॒ ಮಾವ॑ತೇ ವಹಥಾ ಪು॒ರಾ ಚಿ॑ತ್ || 6.65.4
ಇ॒ದಾ ಹಿ ತ॑ ಉಷೋ ಅದ್ರಿಸಾನೋ ಗೋ॒ತ್ರಾ ಗವಾ॒ಮಂಗಿ॑ರಸೋ ಗೃ॒ಣ‌ನ್ತಿ॑ |
ವ್ಯ1॒॑ರ್ಕೇಣ॑ ಬಿಭಿದು॒ರ್ಬ್ರಹ್ಮ॑ಣಾ ಚ ಸ॒ತ್ಯಾ ನೃ॒ಣಾಮ॑ಭವದ್ದೇ॒ವಹೂ᳚ತಿಃ || 6.65.5
ಉ॒ಚ್ಛಾ ದಿ॑ವೋ ದುಹಿತಃ ಪ್ರತ್ನ॒ವನ್ನೋ᳚ ಭರದ್ವಾಜ॒ವದ್ವಿ॑ಧ॒ತೇ ಮ॑ಘೋನಿ |
ಸು॒ವೀರಂ᳚ ರ॒ಯಿಂ ಗೃ॑ಣ॒ತೇ ರಿ॑ರೀಹ್ಯುರುಗಾ॒ಯಮಧಿ॑ ಧೇಹಿ॒ ಶ್ರವೋ᳚ ನಃ || 6.65.6

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಮರುತೋ ದೇವತಾಃ, ತ್ರಿಷ್ಟುಪ್ ಛಂದಃ

ವಪು॒ರ್ನು ತಚ್ಚಿ॑ಕಿ॒ತುಷೇ᳚ ಚಿದಸ್ತು ಸಮಾ॒ನಂ ನಾಮ॑ ಧೇ॒ನು ಪತ್ಯ॑ಮಾನ‌ಮ್ |
ಮರ್ತೇ᳚ಷ್ವ॒ನ್ಯದ್ದೋ॒ಹಸೇ᳚ ಪೀ॒ಪಾಯ॑ ಸ॒ಕೃಚ್ಛು॒ಕ್ರಂ ದು॑ದುಹೇ॒ ಪೃಶ್ನಿ॒ರೂಧಃ॑ || 6.66.1
ಯೇ ಅ॒ಗ್ನಯೋ॒ ನ ಶೋಶು॑ಚನ್ನಿಧಾ॒ನಾ ದ್ವಿರ್ಯತ್ತ್ರಿರ್ಮ॒ರುತೋ᳚ ವಾವೃ॒ಧ‌ನ್ತ॑ |
ಅ॒ರೇ॒ಣವೋ᳚ ಹಿರ॒ಣ್ಯಯಾ᳚ಸ ಏಷಾಂ ಸಾ॒ಕಂ ನೃ॒ಮ್ಣೈಃ ಪೌಂಸ್ಯೇ᳚ಭಿಶ್ಚ ಭೂವನ್ || 6.66.2
ರು॒ದ್ರಸ್ಯ॒ ಯೇ ಮೀ॒ಳ್ಹುಷಃ॒ ಸ‌ನ್ತಿ॑ ಪು॒ತ್ರಾ ಯಾಁಶ್ಚೋ॒ ನು ದಾಧೃ॑ವಿ॒ರ್ಭರ॑ಧ್ಯೈ |
ವಿ॒ದೇ ಹಿ ಮಾ॒ತಾ ಮ॒ಹೋ ಮ॒ಹೀ ಷಾ ಸೇತ್ಪೃಶ್ನಿಃ॑ ಸು॒ಭ್ವೇ॒3॒॑ ಗರ್ಭ॒ಮಾಧಾ᳚ತ್ || 6.66.3
ನ ಯ ಈಷ᳚‌ನ್ತೇ ಜ॒ನುಷೋಽಯಾ॒ ನ್ವ1॒᳚‌ನ್ತಃ ಸ‌ನ್ತೋ᳚ಽವ॒ದ್ಯಾನಿ॑ ಪುನಾ॒ನಾಃ |
ನಿರ್ಯದ್ದು॒ಹ್ರೇ ಶುಚ॒ಯೋಽನು॒ ಜೋಷ॒ಮನು॑ ಶ್ರಿ॒ಯಾ ತ॒ನ್ವ॑ಮು॒ಕ್ಷಮಾ᳚ಣಾಃ || 6.66.4
ಮ॒ಕ್ಷೂ ನ ಯೇಷು॑ ದೋ॒ಹಸೇ᳚ ಚಿದ॒ಯಾ ಆ ನಾಮ॑ ಧೃ॒ಷ್ಣು ಮಾರು॑ತಂ॒ ದಧಾ᳚ನಾಃ |
ನ ಯೇ ಸ್ತೌ॒ನಾ ಅ॒ಯಾಸೋ᳚ ಮ॒ಹ್ನಾ ನೂ ಚಿ॑ತ್ಸು॒ದಾನು॒ರವ॑ ಯಾಸದು॒ಗ್ರಾನ್ || 6.66.5
ತ ಇದು॒ಗ್ರಾಃ ಶವ॑ಸಾ ಧೃ॒ಷ್ಣುಷೇ᳚ಣಾ ಉ॒ಭೇ ಯು॑ಜ‌ನ್ತ॒ ರೋದ॑ಸೀ ಸು॒ಮೇಕೇ᳚ |
ಅಧ॑ ಸ್ಮೈಷು ರೋದ॒ಸೀ ಸ್ವಶೋ᳚ಚಿ॒ರಾಮ॑ವತ್ಸು ತಸ್ಥೌ॒ ನ ರೋಕಃ॑ || 6.66.6
ಅ॒ನೇ॒ನೋ ವೋ᳚ ಮರುತೋ॒ ಯಾಮೋ᳚ ಅಸ್ತ್ವನ॒ಶ್ವಶ್ಚಿ॒ದ್ಯಮಜ॒ತ್ಯರ॑ಥೀಃ |
ಅ॒ನ॒ವ॒ಸೋ ಅ॑ನಭೀ॒ಶೂ ರ॑ಜ॒ಸ್ತೂರ್ವಿ ರೋದ॑ಸೀ ಪ॒ಥ್ಯಾ᳚ ಯಾತಿ॒ ಸಾಧನ್॑ || 6.66.7
ನಾಸ್ಯ॑ ವ॒ರ್ತಾ ನ ತ॑ರು॒ತಾ ನ್ವ॑ಸ್ತಿ॒ ಮರು॑ತೋ॒ ಯಮವ॑ಥ॒ ವಾಜ॑ಸಾತೌ |
ತೋ॒ಕೇ ವಾ॒ ಗೋಷು॒ ತನ॑ಯೇ॒ ಯಮ॒ಪ್ಸು ಸ ವ್ರ॒ಜಂ ದರ್ತಾ॒ ಪಾರ್ಯೇ॒ ಅಧ॒ ದ್ಯೋಃ || 6.66.8
ಪ್ರ ಚಿ॒ತ್ರಮ॒ರ್ಕಂ ಗೃ॑ಣ॒ತೇ ತು॒ರಾಯ॒ ಮಾರು॑ತಾಯ॒ ಸ್ವತ॑ವಸೇ ಭರಧ್ವ‌ಮ್ |
ಯೇ ಸಹಾಂ᳚ಸಿ॒ ಸಹ॑ಸಾ॒ ಸಹ᳚‌ನ್ತೇ॒ ರೇಜ॑ತೇ ಅಗ್ನೇ ಪೃಥಿ॒ವೀ ಮ॒ಖೇಭ್ಯಃ॑ || 6.66.9
ತ್ವಿಷೀ᳚ಮ‌ನ್ತೋ ಅಧ್ವ॒ರಸ್ಯೇ᳚ವ ದಿ॒ದ್ಯುತ್ತೃ॑ಷು॒ಚ್ಯವ॑ಸೋ ಜು॒ಹ್ವೋ॒3॒॑ ನಾಗ್ನೇಃ |
ಅ॒ರ್ಚತ್ರ॑ಯೋ॒ ಧುನ॑ಯೋ॒ ನ ವೀ॒ರಾ ಭ್ರಾಜ॑ಜ್ಜನ್ಮಾನೋ ಮ॒ರುತೋ॒ ಅಧೃ॑ಷ್ಟಾಃ || 6.66.10
ತಂ ವೃ॒ಧ‌ನ್ತಂ॒ ಮಾರು॑ತಂ॒ ಭ್ರಾಜ॑ದೃಷ್ಟಿಂ ರು॒ದ್ರಸ್ಯ॑ ಸೂ॒ನುಂ ಹ॒ವಸಾ ವಿ॑ವಾಸೇ |
ದಿ॒ವಃ ಶರ್ಧಾ᳚ಯ॒ ಶುಚ॑ಯೋ ಮನೀ॒ಷಾ ಗಿ॒ರಯೋ॒ ನಾಪ॑ ಉ॒ಗ್ರಾ ಅ॑ಸ್ಪೃಧ್ರನ್ || 6.66.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಮಿತ್ರಾವರುಣೌ ದೇವತೇ, ತ್ರಿಷ್ಟುಪ್ ಛಂದಃ

ವಿಶ್ವೇ᳚ಷಾಂ ವಃ ಸ॒ತಾಂ ಜ್ಯೇಷ್ಠ॑ತಮಾ ಗೀ॒ರ್ಭಿರ್ಮಿ॒ತ್ರಾವರು॑ಣಾ ವಾವೃ॒ಧಧ್ಯೈ᳚ |
ಸಂ ಯಾ ರ॒ಶ್ಮೇವ॑ ಯ॒ಮತು॒ರ್ಯಮಿ॑ಷ್ಠಾ॒ ದ್ವಾ ಜನಾಁ॒ ಅಸ॑ಮಾ ಬಾ॒ಹುಭಿಃ॒ ಸ್ವೈಃ || 6.67.1
ಇ॒ಯಂ ಮದ್ವಾಂ॒ ಪ್ರ ಸ್ತೃ॑ಣೀತೇ ಮನೀ॒ಷೋಪ॑ ಪ್ರಿ॒ಯಾ ನಮ॑ಸಾ ಬ॒ರ್ಹಿರಚ್ಛ॑ |
ಯ॒‌ನ್ತಂ ನೋ᳚ ಮಿತ್ರಾವರುಣಾ॒ವಧೃ॑ಷ್ಟಂ ಛ॒ರ್ದಿರ್ಯದ್ವಾಂ᳚ ವರೂ॒ಥ್ಯಂ᳚ ಸುದಾನೂ || 6.67.2
ಆ ಯಾ᳚ತಂ ಮಿತ್ರಾವರುಣಾ ಸುಶ॒ಸ್ತ್ಯುಪ॑ ಪ್ರಿ॒ಯಾ ನಮ॑ಸಾ ಹೂ॒ಯಮಾ᳚ನಾ |
ಸಂ ಯಾವ॑ಪ್ನಃ॒ಸ್ಥೋ ಅ॒ಪಸೇ᳚ವ॒ ಜನಾಂ᳚ಛ್ರುಧೀಯ॒ತಶ್ಚಿ॑ದ್ಯತಥೋ ಮಹಿ॒ತ್ವಾ || 6.67.3
ಅಶ್ವಾ॒ ನ ಯಾ ವಾ॒ಜಿನಾ᳚ ಪೂ॒ತಬಂ᳚ಧೂ ಋ॒ತಾ ಯದ್ಗರ್ಭ॒ಮದಿ॑ತಿ॒ರ್ಭರ॑ಧ್ಯೈ |
ಪ್ರ ಯಾ ಮಹಿ॑ ಮ॒ಹಾ‌ನ್ತಾ॒ ಜಾಯ॑ಮಾನಾ ಘೋ॒ರಾ ಮರ್ತಾ᳚ಯ ರಿ॒ಪವೇ॒ ನಿ ದೀ᳚ಧಃ || 6.67.4
ವಿಶ್ವೇ॒ ಯದ್ವಾಂ᳚ ಮಂ॒ಹನಾ॒ ಮಂದ॑ಮಾನಾಃ ಕ್ಷ॒ತ್ರಂ ದೇ॒ವಾಸೋ॒ ಅದ॑ಧುಃ ಸ॒ಜೋಷಾಃ᳚ |
ಪರಿ॒ ಯದ್ಭೂ॒ಥೋ ರೋದ॑ಸೀ ಚಿದು॒ರ್ವೀ ಸ‌ನ್ತಿ॒ ಸ್ಪಶೋ॒ ಅದ॑ಬ್ಧಾಸೋ॒ ಅಮೂ᳚ರಾಃ || 6.67.5
ತಾ ಹಿ ಕ್ಷ॒ತ್ರಂ ಧಾ॒ರಯೇ᳚ಥೇ॒ ಅನು॒ ದ್ಯೂಂದೃಂ॒ಹೇಥೇ॒ ಸಾನು॑ಮುಪ॒ಮಾದಿ॑ವ॒ ದ್ಯೋಃ |
ದೃ॒ಳ್ಹೋ ನಕ್ಷ॑ತ್ರ ಉ॒ತ ವಿ॒ಶ್ವದೇ᳚ವೋ॒ ಭೂಮಿ॒ಮಾತಾಂ॒ದ್ಯಾಂ ಧಾ॒ಸಿನಾ॒ಯೋಃ || 6.67.6
ತಾ ವಿ॒ಗ್ರಂ ಧೈ᳚ಥೇ ಜ॒ಠರಂ᳚ ಪೃ॒ಣಧ್ಯಾ॒ ಆ ಯತ್ಸದ್ಮ॒ ಸಭೃ॑ತಯಃ ಪೃ॒ಣ‌ನ್ತಿ॑ |
ನ ಮೃ॑ಷ್ಯ‌ನ್ತೇ ಯುವ॒ತಯೋಽವಾ᳚ತಾ॒ ವಿ ಯತ್ಪಯೋ᳚ ವಿಶ್ವಜಿನ್ವಾ॒ ಭರ᳚‌ನ್ತೇ || 6.67.7
ತಾ ಜಿ॒ಹ್ವಯಾ॒ ಸದ॒ಮೇದಂ ಸು॑ಮೇ॒ಧಾ ಆ ಯದ್ವಾಂ᳚ ಸ॒ತ್ಯೋ ಅ॑ರ॒ತಿರ್‌ಋ॒ತೇ ಭೂತ್ |
ತದ್ವಾಂ᳚ ಮಹಿ॒ತ್ವಂ ಘೃ॑ತಾನ್ನಾವಸ್ತು ಯು॒ವಂ ದಾ॒ಶುಷೇ॒ ವಿ ಚ॑ಯಿಷ್ಟ॒ಮಂಹಃ॑ || 6.67.8
ಪ್ರ ಯದ್ವಾಂ᳚ ಮಿತ್ರಾವರುಣಾ ಸ್ಪೂ॒ರ್ಧನ್ಪ್ರಿ॒ಯಾ ಧಾಮ॑ ಯು॒ವಧಿ॑ತಾ ಮಿ॒ನ‌ನ್ತಿ॑ |
ನ ಯೇ ದೇ॒ವಾಸ॒ ಓಹ॑ಸಾ॒ ನ ಮರ್ತಾ॒ ಅಯ॑ಜ್ಞಸಾಚೋ॒ ಅಪ್ಯೋ॒ ನ ಪು॒ತ್ರಾಃ || 6.67.9
ವಿ ಯದ್ವಾಚಂ᳚ ಕೀ॒ಸ್ತಾಸೋ॒ ಭರ᳚‌ನ್ತೇ॒ ಶಂಸ᳚‌ನ್ತಿ॒ ಕೇ ಚಿ᳚ನ್ನಿ॒ವಿದೋ᳚ ಮನಾ॒ನಾಃ |
ಆದ್ವಾಂ᳚ ಬ್ರವಾಮ ಸ॒ತ್ಯಾನ್ಯು॒ಕ್ಥಾ ನಕಿ॑ರ್ದೇ॒ವೇಭಿ᳚ರ್ಯತಥೋ ಮಹಿ॒ತ್ವಾ || 6.67.10
ಅ॒ವೋರಿ॒ತ್ಥಾ ವಾಂ᳚ ಛ॒ರ್ದಿಷೋ᳚ ಅ॒ಭಿಷ್ಟೌ᳚ ಯು॒ವೋರ್ಮಿ॑ತ್ರಾವರುಣಾ॒ವಸ್ಕೃ॑ಧೋಯು |
ಅನು॒ ಯದ್ಗಾವಃ॑ ಸ್ಫು॒ರಾನೃ॑ಜಿ॒ಪ್ಯಂ ಧೃ॒ಷ್ಣುಂ ಯದ್ರಣೇ॒ ವೃಷ॑ಣಂ ಯು॒ನಜನ್॑ || 6.67.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರಾವರುಣೌ ದೇವತೇ (1-8, 11) ಪ್ರಥಮಾದ್ಯಷ್ಟರ್ಚಾಮಕ ದಿಶ್ಯಾಶ್ಚ ತ್ರಿಷ್ಟುಪ, (9-10) ನವಮೀದಶಮ್ಯೋಶ್ಚ ಜಗತೀ ಛಂದಸೀ

ಶ್ರು॒ಷ್ಟೀ ವಾಂ᳚ ಯ॒ಜ್ಞ ಉದ್ಯ॑ತಃ ಸ॒ಜೋಷಾ᳚ ಮನು॒ಷ್ವದ್ವೃ॒ಕ್ತಬ॑ರ್ಹಿಷೋ॒ ಯಜ॑ಧ್ಯೈ |
ಆ ಯ ಇಂದ್ರಾ॒ವರು॑ಣಾವಿ॒ಷೇ ಅ॒ದ್ಯ ಮ॒ಹೇ ಸು॒ಮ್ನಾಯ॑ ಮ॒ಹ ಆ᳚ವ॒ವರ್ತ॑ತ್ || 6.68.1
ತಾ ಹಿ ಶ್ರೇಷ್ಠಾ᳚ ದೇ॒ವತಾ᳚ತಾ ತು॒ಜಾ ಶೂರಾ᳚ಣಾಂ॒ ಶವಿ॑ಷ್ಠಾ॒ ತಾ ಹಿ ಭೂ॒ತ‌ಮ್ |
ಮ॒ಘೋನಾಂ॒ ಮಂಹಿ॑ಷ್ಠಾ ತುವಿ॒ಶುಷ್ಮ॑ ಋ॒ತೇನ॑ ವೃತ್ರ॒ತುರಾ॒ ಸರ್ವ॑ಸೇನಾ || 6.68.2
ತಾ ಗೃ॑ಣೀಹಿ ನಮ॒ಸ್ಯೇ᳚ಭಿಃ ಶೂ॒ಷೈಃ ಸು॒ಮ್ನೇಭಿ॒ರಿಂದ್ರಾ॒ವರು॑ಣಾ ಚಕಾ॒ನಾ |
ವಜ್ರೇ᳚ಣಾ॒ನ್ಯಃ ಶವ॑ಸಾ॒ ಹ‌ನ್ತಿ॑ ವೃ॒ತ್ರಂ ಸಿಷ॑ಕ್ತ್ಯ॒ನ್ಯೋ ವೃ॒ಜನೇ᳚ಷು॒ ವಿಪ್ರಃ॑ || 6.68.3
ಗ್ನಾಶ್ಚ॒ ಯನ್ನರ॑ಶ್ಚ ವಾವೃ॒ಧ‌ನ್ತ॒ ವಿಶ್ವೇ᳚ ದೇ॒ವಾಸೋ᳚ ನ॒ರಾಂ ಸ್ವಗೂ᳚ರ್ತಾಃ |
ಪ್ರೈಭ್ಯ॑ ಇಂದ್ರಾವರುಣಾ ಮಹಿ॒ತ್ವಾ ದ್ಯೌಶ್ಚ॑ ಪೃಥಿವಿ ಭೂತಮು॒ರ್ವೀ || 6.68.4
ಸ ಇತ್ಸು॒ದಾನುಃ॒ ಸ್ವವಾಁ᳚ ಋ॒ತಾವೇಂದ್ರಾ॒ ಯೋ ವಾಂ᳚ ವರುಣ॒ ದಾಶ॑ತಿ॒ ತ್ಮನ್ |
ಇ॒ಷಾ ಸ ದ್ವಿ॒ಷಸ್ತ॑ರೇ॒ದ್ದಾಸ್ವಾ॒ನ್ವಂಸ॑ದ್ರ॒ಯಿಂ ರ॑ಯಿ॒ವತ॑ಶ್ಚ॒ ಜನಾನ್॑ || 6.68.5
ಯಂ ಯು॒ವಂ ದಾ॒ಶ್ವ॑ಧ್ವರಾಯ ದೇವಾ ರ॒ಯಿಂ ಧ॒ತ್ಥೋ ವಸು॑ಮ‌ನ್ತಂ ಪುರು॒ಕ್ಷು‌ಮ್ |
ಅ॒ಸ್ಮೇ ಸ ಇಂ᳚ದ್ರಾವರುಣಾ॒ವಪಿ॑ ಷ್ಯಾ॒ತ್ಪ್ರ ಯೋ ಭ॒ನಕ್ತಿ॑ ವ॒ನುಷಾ॒ಮಶ॑ಸ್ತೀಃ || 6.68.6
ಉ॒ತ ನಃ॑ ಸುತ್ರಾ॒ತ್ರೋ ದೇ॒ವಗೋ᳚ಪಾಃ ಸೂ॒ರಿಭ್ಯ॑ ಇಂದ್ರಾವರುಣಾ ರ॒ಯಿಃ ಷ್ಯಾ᳚ತ್ |
ಯೇಷಾಂ॒ ಶುಷ್ಮಃ॒ ಪೃತ॑ನಾಸು ಸಾ॒ಹ್ವಾನ್ಪ್ರ ಸ॒ದ್ಯೋ ದ್ಯು॒ಮ್ನಾ ತಿ॒ರತೇ॒ ತತು॑ರಿಃ || 6.68.7
ನೂ ನ॑ ಇಂದ್ರಾವರುಣಾ ಗೃಣಾ॒ನಾ ಪೃಂ॒ಕ್ತಂ ರ॒ಯಿಂ ಸೌ᳚ಶ್ರವ॒ಸಾಯ॑ ದೇವಾ |
ಇ॒ತ್ಥಾ ಗೃ॒ಣ‌ನ್ತೋ᳚ ಮ॒ಹಿನ॑ಸ್ಯ॒ ಶರ್ಧೋ॒ಽಪೋ ನ ನಾ॒ವಾ ದು॑ರಿ॒ತಾ ತ॑ರೇಮ || 6.68.8
ಪ್ರ ಸ॒ಮ್ರಾಜೇ᳚ ಬೃಹ॒ತೇ ಮನ್ಮ॒ ನು ಪ್ರಿ॒ಯಮರ್ಚ॑ ದೇ॒ವಾಯ॒ ವರು॑ಣಾಯ ಸ॒ಪ್ರಥಃ॑ |
ಅ॒ಯಂ ಯ ಉ॒ರ್ವೀ ಮ॑ಹಿ॒ನಾ ಮಹಿ᳚ವ್ರತಃ॒ ಕ್ರತ್ವಾ᳚ ವಿ॒ಭಾತ್ಯ॒ಜರೋ॒ ನ ಶೋ॒ಚಿಷಾ᳚ || 6.68.9
ಇಂದ್ರಾ᳚ವರುಣಾ ಸುತಪಾವಿ॒ಮಂ ಸು॒ತಂ ಸೋಮಂ᳚ ಪಿಬತಂ॒ ಮದ್ಯಂ᳚ ಧೃತವ್ರತಾ |
ಯು॒ವೋ ರಥೋ᳚ ಅಧ್ವ॒ರಂ ದೇ॒ವವೀ᳚ತಯೇ॒ ಪ್ರತಿ॒ ಸ್ವಸ॑ರ॒ಮುಪ॑ ಯಾತಿ ಪೀ॒ತಯೇ᳚ || 6.68.10
ಇಂದ್ರಾ᳚ವರುಣಾ॒ ಮಧು॑ಮತ್ತಮಸ್ಯ॒ ವೃಷ್ಣಃ॒ ಸೋಮ॑ಸ್ಯ ವೃಷ॒ಣಾ ವೃ॑ಷೇಥಾ‌ಮ್ |
ಇ॒ದಂ ವಾ॒ಮಂಧಃ॒ ಪರಿ॑ಷಿಕ್ತಮ॒ಸ್ಮೇ ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯೇಥಾ‌ಮ್ || 6.68.11

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರಾವಿಷ್ಣೂ ದೇವತೇ, ತ್ರಿಷ್ಟುಪ್ ಛಂದಃ

ಸಂ ವಾಂ॒ ಕರ್ಮ॑ಣಾ॒ ಸಮಿ॒ಷಾ ಹಿ॑ನೋ॒ಮೀಂದ್ರಾ᳚ವಿಷ್ಣೂ॒ ಅಪ॑ಸಸ್ಪಾ॒ರೇ ಅ॒ಸ್ಯ |
ಜು॒ಷೇಥಾಂ᳚ ಯ॒ಜ್ಞಂ ದ್ರವಿ॑ಣಂ ಚ ಧತ್ತ॒ಮರಿ॑ಷ್ಟೈರ್ನಃ ಪ॒ಥಿಭಿಃ॑ ಪಾ॒ರಯ᳚‌ನ್ತಾ || 6.69.1
ಯಾ ವಿಶ್ವಾ᳚ಸಾಂ ಜನಿ॒ತಾರಾ᳚ ಮತೀ॒ನಾಮಿಂದ್ರಾ॒ವಿಷ್ಣೂ᳚ ಕ॒ಲಶಾ᳚ ಸೋಮ॒ಧಾನಾ᳚ |
ಪ್ರ ವಾಂ॒ ಗಿರಃ॑ ಶ॒ಸ್ಯಮಾ᳚ನಾ ಅವ‌ನ್ತು॒ ಪ್ರ ಸ್ತೋಮಾ᳚ಸೋ ಗೀ॒ಯಮಾ᳚ನಾಸೋ ಅ॒ರ್ಕೈಃ || 6.69.2
ಇಂದ್ರಾ᳚ವಿಷ್ಣೂ ಮದಪತೀ ಮದಾನಾ॒ಮಾ ಸೋಮಂ᳚ ಯಾತಂ॒ ದ್ರವಿ॑ಣೋ॒ ದಧಾ᳚ನಾ |
ಸಂ ವಾ᳚ಮಂಜ‌ನ್ತ್ವ॒ಕ್ತುಭಿ᳚ರ್ಮತೀ॒ನಾಂ ಸಂ ಸ್ತೋಮಾ᳚ಸಃ ಶ॒ಸ್ಯಮಾ᳚ನಾಸ ಉ॒ಕ್ಥೈಃ || 6.69.3
ಆ ವಾ॒ಮಶ್ವಾ᳚ಸೋ ಅಭಿಮಾತಿ॒ಷಾಹ॒ ಇಂದ್ರಾ᳚ವಿಷ್ಣೂ ಸಧ॒ಮಾದೋ᳚ ವಹ‌ನ್ತು |
ಜು॒ಷೇಥಾಂ॒ ವಿಶ್ವಾ॒ ಹವ॑ನಾ ಮತೀ॒ನಾಮುಪ॒ ಬ್ರಹ್ಮಾ᳚ಣಿ ಶೃಣುತಂ॒ ಗಿರೋ᳚ ಮೇ || 6.69.4
ಇಂದ್ರಾ᳚ವಿಷ್ಣೂ॒ ತತ್ಪ॑ನ॒ಯಾಯ್ಯಂ᳚ ವಾಂ॒ ಸೋಮ॑ಸ್ಯ॒ ಮದ॑ ಉ॒ರು ಚ॑ಕ್ರಮಾಥೇ |
ಅಕೃ॑ಣುತಮ॒‌ನ್ತರಿ॑ಕ್ಷಂ॒ ವರೀ॒ಯೋಽಪ್ರ॑ಥತಂ ಜೀ॒ವಸೇ᳚ ನೋ॒ ರಜಾಂ᳚ಸಿ || 6.69.5
ಇಂದ್ರಾ᳚ವಿಷ್ಣೂ ಹ॒ವಿಷಾ᳚ ವಾವೃಧಾ॒ನಾಗ್ರಾ᳚ದ್ವಾನಾ॒ ನಮ॑ಸಾ ರಾತಹವ್ಯಾ |
ಘೃತಾ᳚ಸುತೀ॒ ದ್ರವಿ॑ಣಂ ಧತ್ತಮ॒ಸ್ಮೇ ಸ॑ಮು॒ದ್ರಃ ಸ್ಥಃ॑ ಕ॒ಲಶಃ॑ ಸೋಮ॒ಧಾನಃ॑ || 6.69.6
ಇಂದ್ರಾ᳚ವಿಷ್ಣೂ॒ ಪಿಬ॑ತಂ॒ ಮಧ್ವೋ᳚ ಅ॒ಸ್ಯ ಸೋಮ॑ಸ್ಯ ದಸ್ರಾ ಜ॒ಠರಂ᳚ ಪೃಣೇಥಾ‌ಮ್ |
ಆ ವಾ॒ಮಂಧಾಂ᳚ಸಿ ಮದಿ॒ರಾಣ್ಯ॑ಗ್ಮ॒ನ್ನುಪ॒ ಬ್ರಹ್ಮಾ᳚ಣಿ ಶೃಣುತಂ॒ ಹವಂ᳚ ಮೇ || 6.69.7
ಉ॒ಭಾ ಜಿ॑ಗ್ಯಥು॒ರ್ನ ಪರಾ᳚ ಜಯೇಥೇ॒ ನ ಪರಾ᳚ ಜಿಗ್ಯೇ ಕತ॒ರಶ್ಚ॒ನೈನೋಃ᳚ |
ಇಂದ್ರ॑ಶ್ಚ ವಿಷ್ಣೋ॒ ಯದಪ॑ಸ್ಪೃಧೇಥಾಂ ತ್ರೇ॒ಧಾ ಸ॒ಹಸ್ರಂ॒ ವಿ ತದೈ᳚ರಯೇಥಾ‌ಮ್ || 6.69.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ದ್ಯಾವಾಪೃಥಿವ್ಯೌ ದೇವತೇ, ಜಗತೀ ಛಂದಃ

ಘೃ॒ತವ॑ತೀ॒ ಭುವ॑ನಾನಾಮಭಿ॒ಶ್ರಿಯೋ॒ರ್ವೀ ಪೃ॒ಥ್ವೀ ಮ॑ಧು॒ದುಘೇ᳚ ಸು॒ಪೇಶ॑ಸಾ |
ದ್ಯಾವಾ᳚ಪೃಥಿ॒ವೀ ವರು॑ಣಸ್ಯ॒ ಧರ್ಮ॑ಣಾ॒ ವಿಷ್ಕ॑ಭಿತೇ ಅ॒ಜರೇ॒ ಭೂರಿ॑ರೇತಸಾ || 6.70.1
ಅಸ॑ಶ್ಚ‌ನ್ತೀ॒ ಭೂರಿ॑ಧಾರೇ॒ ಪಯ॑ಸ್ವತೀ ಘೃ॒ತಂ ದು॑ಹಾತೇ ಸು॒ಕೃತೇ॒ ಶುಚಿ᳚ವ್ರತೇ |
ರಾಜ᳚‌ನ್ತೀ ಅ॒ಸ್ಯ ಭುವ॑ನಸ್ಯ ರೋದಸೀ ಅ॒ಸ್ಮೇ ರೇತಃ॑ ಸಿಂಚತಂ॒ ಯನ್ಮನು॑ರ್ಹಿತ‌ಮ್ || 6.70.2
ಯೋ ವಾ᳚ಮೃ॒ಜವೇ॒ ಕ್ರಮ॑ಣಾಯ ರೋದಸೀ॒ ಮರ್ತೋ᳚ ದ॒ದಾಶ॑ ಧಿಷಣೇ॒ ಸ ಸಾ᳚ಧತಿ |
ಪ್ರ ಪ್ರ॒ಜಾಭಿ॑ರ್ಜಾಯತೇ॒ ಧರ್ಮ॑ಣ॒ಸ್ಪರಿ॑ ಯು॒ವೋಃ ಸಿ॒ಕ್ತಾ ವಿಷು॑ರೂಪಾಣಿ॒ ಸವ್ರ॑ತಾ || 6.70.3
ಘೃ॒ತೇನ॒ ದ್ಯಾವಾ᳚ಪೃಥಿ॒ವೀ ಅ॒ಭೀವೃ॑ತೇ ಘೃತ॒ಶ್ರಿಯಾ᳚ ಘೃತ॒ಪೃಚಾ᳚ ಘೃತಾ॒ವೃಧಾ᳚ |
ಉ॒ರ್ವೀ ಪೃ॒ಥ್ವೀ ಹೋ᳚ತೃ॒ವೂರ್ಯೇ᳚ ಪು॒ರೋಹಿ॑ತೇ॒ ತೇ ಇದ್ವಿಪ್ರಾ᳚ ಈಳತೇ ಸು॒ಮ್ನಮಿ॒ಷ್ಟಯೇ᳚ || 6.70.4
ಮಧು॑ ನೋ॒ ದ್ಯಾವಾ᳚ಪೃಥಿ॒ವೀ ಮಿ॑ಮಿಕ್ಷತಾಂ ಮಧು॒ಶ್ಚುತಾ᳚ ಮಧು॒ದುಘೇ॒ ಮಧು᳚ವ್ರತೇ |
ದಧಾ᳚ನೇ ಯ॒ಜ್ಞಂ ದ್ರವಿ॑ಣಂ ಚ ದೇ॒ವತಾ॒ ಮಹಿ॒ ಶ್ರವೋ॒ ವಾಜ॑ಮ॒ಸ್ಮೇ ಸು॒ವೀರ್ಯ‌ಮ್᳚ || 6.70.5
ಊರ್ಜಂ᳚ ನೋ॒ ದ್ಯೌಶ್ಚ॑ ಪೃಥಿ॒ವೀ ಚ॑ ಪಿನ್ವತಾಂ ಪಿ॒ತಾ ಮಾ॒ತಾ ವಿ॑ಶ್ವ॒ವಿದಾ᳚ ಸು॒ದಂಸ॑ಸಾ |
ಸಂ॒ರ॒ರಾ॒ಣೇ ರೋದ॑ಸೀ ವಿ॒ಶ್ವಶಂ᳚ಭುವಾ ಸ॒ನಿಂ ವಾಜಂ᳚ ರ॒ಯಿಮ॒ಸ್ಮೇ ಸಮಿ᳚ನ್ವತಾ‌ಮ್ || 6.70.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಸವಿತಾ ದೇವತಾ, (13) ಪ್ರಥಮತೃಚಸ್ಯ ಜಗತೀ, (4-6) ದ್ವಿತೀಯತೃಚಸ್ಯ ಚ ತ್ರಿಷ್ಟುಪ್ ಛಂದಸೀ

ಉದು॒ ಷ್ಯ ದೇ॒ವಃ ಸ॑ವಿ॒ತಾ ಹಿ॑ರ॒ಣ್ಯಯಾ᳚ ಬಾ॒ಹೂ ಅ॑ಯಂಸ್ತ॒ ಸವ॑ನಾಯ ಸು॒ಕ್ರತುಃ॑ |
ಘೃ॒ತೇನ॑ ಪಾ॒ಣೀ ಅ॒ಭಿ ಪ್ರು॑ಷ್ಣುತೇ ಮ॒ಖೋ ಯುವಾ᳚ ಸು॒ದಕ್ಷೋ॒ ರಜ॑ಸೋ॒ ವಿಧ᳚ರ್ಮಣಿ || 6.71.1
ದೇ॒ವಸ್ಯ॑ ವ॒ಯಂ ಸ॑ವಿ॒ತುಃ ಸವೀ᳚ಮನಿ॒ ಶ್ರೇಷ್ಠೇ᳚ ಸ್ಯಾಮ॒ ವಸು॑ನಶ್ಚ ದಾ॒ವನೇ᳚ |
ಯೋ ವಿಶ್ವ॑ಸ್ಯ ದ್ವಿ॒ಪದೋ॒ ಯಶ್ಚತು॑ಷ್ಪದೋ ನಿ॒ವೇಶ॑ನೇ ಪ್ರಸ॒ವೇ ಚಾಸಿ॒ ಭೂಮ॑ನಃ || 6.71.2
ಅದ॑ಬ್ಧೇಭಿಃ ಸವಿತಃ ಪಾ॒ಯುಭಿ॒ಷ್ಟ್ವಂ ಶಿ॒ವೇಭಿ॑ರ॒ದ್ಯ ಪರಿ॑ ಪಾಹಿ ನೋ॒ ಗಯ‌ಮ್᳚ |
ಹಿರ᳚ಣ್ಯಜಿಹ್ವಃ ಸುವಿ॒ತಾಯ॒ ನವ್ಯ॑ಸೇ॒ ರಕ್ಷಾ॒ ಮಾಕಿ᳚ರ್ನೋ ಅ॒ಘಶಂ᳚ಸ ಈಶತ || 6.71.3
ಉದು॒ ಷ್ಯ ದೇ॒ವಃ ಸ॑ವಿ॒ತಾ ದಮೂ᳚ನಾ॒ ಹಿರ᳚ಣ್ಯಪಾಣಿಃ ಪ್ರತಿದೋ॒ಷಮ॑ಸ್ಥಾತ್ |
ಅಯೋ᳚ಹನುರ್ಯಜ॒ತೋ ಮಂ॒ದ್ರಜಿ॑ಹ್ವ॒ ಆ ದಾ॒ಶುಷೇ᳚ ಸುವತಿ॒ ಭೂರಿ॑ ವಾ॒ಮ‌ಮ್ || 6.71.4
ಉದೂ᳚ ಅಯಾಁ ಉಪವ॒ಕ್ತೇವ॑ ಬಾ॒ಹೂ ಹಿ॑ರ॒ಣ್ಯಯಾ᳚ ಸವಿ॒ತಾ ಸು॒ಪ್ರತೀ᳚ಕಾ |
ದಿ॒ವೋ ರೋಹಾಂ᳚ಸ್ಯರುಹತ್ಪೃಥಿ॒ವ್ಯಾ ಅರೀ᳚ರಮತ್ಪ॒ತಯ॒ತ್ಕಚ್ಚಿ॒ದಭ್ವ‌ಮ್᳚ || 6.71.5
ವಾ॒ಮಮ॒ದ್ಯ ಸ॑ವಿತರ್ವಾ॒ಮಮು॒ ಶ್ವೋ ದಿ॒ವೇದಿ॑ವೇ ವಾ॒ಮಮ॒ಸ್ಮಭ್ಯಂ᳚ ಸಾವೀಃ |
ವಾ॒ಮಸ್ಯ॒ ಹಿ ಕ್ಷಯ॑ಸ್ಯ ದೇವ॒ ಭೂರೇ᳚ರ॒ಯಾ ಧಿ॒ಯಾ ವಾ᳚ಮ॒ಭಾಜಃ॑ ಸ್ಯಾಮ || 6.71.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಇಂದ್ರಾಸೋಮೋ ದೇವತೇ, ತ್ರಿಷ್ಟುಪ್ ಛಂದಃ

ಇಂದ್ರಾ᳚ಸೋಮಾ॒ ಮಹಿ॒ ತದ್ವಾಂ᳚ ಮಹಿ॒ತ್ವಂ ಯು॒ವಂ ಮ॒ಹಾನಿ॑ ಪ್ರಥ॒ಮಾನಿ॑ ಚಕ್ರಥುಃ |
ಯು॒ವಂ ಸೂರ್ಯಂ᳚ ವಿವಿ॒ದಥು᳚ರ್ಯು॒ವಂ ಸ್ವ1॒᳚ರ್ವಿಶ್ವಾ॒ ತಮಾಂ᳚ಸ್ಯಹತಂ ನಿ॒ದಶ್ಚ॑ || 6.72.1
ಇಂದ್ರಾ᳚ಸೋಮಾ ವಾ॒ಸಯ॑ಥ ಉ॒ಷಾಸ॒ಮುತ್ಸೂರ್ಯಂ᳚ ನಯಥೋ॒ ಜ್ಯೋತಿ॑ಷಾ ಸ॒ಹ |
ಉಪ॒ ದ್ಯಾಂ ಸ್ಕಂ॒ಭಥುಃ॒ ಸ್ಕಂಭ॑ನೇ॒ನಾಪ್ರ॑ಥತಂ ಪೃಥಿ॒ವೀಂ ಮಾ॒ತರಂ॒ ವಿ || 6.72.2
ಇಂದ್ರಾ᳚ಸೋಮಾ॒ವಹಿ॑ಮ॒ಪಃ ಪ॑ರಿ॒ಷ್ಠಾಂ ಹ॒ಥೋ ವೃ॒ತ್ರಮನು॑ ವಾಂ॒ ದ್ಯೌರ॑ಮನ್ಯತ |
ಪ್ರಾರ್ಣಾಂ᳚ಸ್ಯೈರಯತಂ ನ॒ದೀನಾ॒ಮಾ ಸ॑ಮು॒ದ್ರಾಣಿ॑ ಪಪ್ರಥುಃ ಪು॒ರೂಣಿ॑ || 6.72.3
ಇಂದ್ರಾ᳚ಸೋಮಾ ಪ॒ಕ್ವಮಾ॒ಮಾಸ್ವ॒‌ನ್ತರ್ನಿ ಗವಾ॒ಮಿದ್ದ॑ಧಥುರ್ವ॒ಕ್ಷಣಾ᳚ಸು |
ಜ॒ಗೃ॒ಭಥು॒ರನ॑ಪಿನದ್ಧಮಾಸು॒ ರುಶ॑ಚ್ಚಿ॒ತ್ರಾಸು॒ ಜಗ॑ತೀಷ್ವ॒‌ನ್ತಃ || 6.72.4
ಇಂದ್ರಾ᳚ಸೋಮಾ ಯು॒ವಮಂ॒ಗ ತರು॑ತ್ರಮಪತ್ಯ॒ಸಾಚಂ॒ ಶ್ರುತ್ಯಂ᳚ ರರಾಥೇ |
ಯು॒ವಂ ಶುಷ್ಮಂ॒ ನರ್ಯಂ᳚ ಚರ್ಷ॒ಣಿಭ್ಯಃ॒ ಸಂ ವಿ᳚ವ್ಯಥುಃ ಪೃತನಾ॒ಷಾಹ॑ಮುಗ್ರಾ || 6.72.5

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಬೃಹಸ್ಪತಿದೇವ ತಾ, ತ್ರಿಷ್ಟುಪ್ ಛಂದಃ

ಯೋ ಅ॑ದ್ರಿ॒ಭಿತ್ಪ್ರ॑ಥಮ॒ಜಾ ಋ॒ತಾವಾ॒ ಬೃಹ॒ಸ್ಪತಿ॑ರಾಂಗಿರ॒ಸೋ ಹ॒ವಿಷ್ಮಾನ್॑ |
ದ್ವಿ॒ಬರ್ಹ॑ಜ್ಮಾ ಪ್ರಾಘರ್ಮ॒ಸತ್ಪಿ॒ತಾ ನ॒ ಆ ರೋದ॑ಸೀ ವೃಷ॒ಭೋ ರೋ᳚ರವೀತಿ || 6.73.1
ಜನಾ᳚ಯ ಚಿ॒ದ್ಯ ಈವ॑ತ ಉ ಲೋ॒ಕಂ ಬೃಹ॒ಸ್ಪತಿ॑ರ್ದೇ॒ವಹೂ᳚ತೌ ಚ॒ಕಾರ॑ |
ಘ್ನನ್ವೃ॒ತ್ರಾಣಿ॒ ವಿ ಪುರೋ᳚ ದರ್ದರೀತಿ॒ ಜಯಂ॒ಛತ್ರೂಁ᳚ರ॒ಮಿತ್ರಾ᳚ನ್ಪೃ॒ತ್ಸು ಸಾಹನ್॑ || 6.73.2
ಬೃಹ॒ಸ್ಪತಿಃ॒ ಸಮ॑ಜಯ॒ದ್ವಸೂ᳚ನಿ ಮ॒ಹೋ ವ್ರ॒ಜಾನ್ಗೋಮ॑ತೋ ದೇ॒ವ ಏ॒ಷಃ |
ಅ॒ಪಃ ಸಿಷಾ᳚ಸ॒‌‌ನ್ತ್ಸ್ವ1॒॑ರಪ್ರ॑ತೀತೋ॒ ಬೃಹ॒ಸ್ಪತಿ॒ರ್ಹ‌ನ್ತ್ಯ॒ಮಿತ್ರ॑ಮ॒ರ್ಕೈಃ || 6.73.3

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜ ಋಷಿಃ, ಸೋಮಾರುದ್ರೌ ದೇವತೇ, ತ್ರಿಷ್ಟುಪ್ ಛಂದಃ

ಸೋಮಾ᳚ರುದ್ರಾ ಧಾ॒ರಯೇ᳚ಥಾಮಸು॒ರ್ಯ1॒॑ ಅಂಪ್ರ ವಾ᳚ಮಿ॒ಷ್ಟಯೋಽರ॑ಮಶ್ನುವ‌ನ್ತು |
ದಮೇ᳚ದಮೇ ಸ॒ಪ್ತ ರತ್ನಾ॒ ದಧಾ᳚ನಾ॒ ಶಂ ನೋ᳚ ಭೂತಂ ದ್ವಿ॒ಪದೇ॒ ಶಂ ಚತು॑ಷ್ಪದೇ || 6.74.1
ಸೋಮಾ᳚ರುದ್ರಾ॒ ವಿ ವೃ॑ಹತಂ॒ ವಿಷೂ᳚ಚೀ॒ಮಮೀ᳚ವಾ॒ ಯಾ ನೋ॒ ಗಯ॑ಮಾವಿ॒ವೇಶ॑ |
ಆ॒ರೇ ಬಾ᳚ಧೇಥಾಂ॒ ನಿರ್‌ಋ॑ತಿಂ ಪರಾ॒ಚೈರ॒ಸ್ಮೇ ಭ॒ದ್ರಾ ಸೌ᳚ಶ್ರವ॒ಸಾನಿ॑ ಸ‌ನ್ತು || 6.74.2
ಸೋಮಾ᳚ರುದ್ರಾ ಯು॒ವಮೇ॒ತಾನ್ಯ॒ಸ್ಮೇ ವಿಶ್ವಾ᳚ ತ॒ನೂಷು॑ ಭೇಷ॒ಜಾನಿ॑ ಧತ್ತ‌ಮ್ |
ಅವ॑ ಸ್ಯತಂ ಮುಂ॒ಚತಂ॒ ಯನ್ನೋ॒ ಅಸ್ತಿ॑ ತ॒ನೂಷು॑ ಬ॒ದ್ಧಂ ಕೃ॒ತಮೇನೋ᳚ ಅ॒ಸ್ಮತ್ || 6.74.3
ತಿ॒ಗ್ಮಾಯು॑ಧೌ ತಿ॒ಗ್ಮಹೇ᳚ತೀ ಸು॒ಶೇವೌ॒ ಸೋಮಾ᳚ರುದ್ರಾವಿ॒ಹ ಸು ಮೃ॑ಳತಂ ನಃ |
ಪ್ರ ನೋ᳚ ಮುಂಚತಂ॒ ವರು॑ಣಸ್ಯ॒ ಪಾಶಾ᳚ದ್ಗೋಪಾ॒ಯತಂ᳚ ನಃ ಸುಮನ॒ಸ್ಯಮಾ᳚ನಾ || 6.74.4

(1-19) ಏಕೋನವಿಂಶ್ಯರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಪಾಯುಋಷಿಃ (1) ಪ್ರಥಮರ್ಚೀ ವರ್ಮ, (2) ದ್ವಿತೀಯಾಯಾ ಧನುಃ, (3) ತೃತೀಯಾಯಾ ಜ್ಯಾ, (4) ಚತುರ್ಥ್ಯಾ ಪ್ರಾರ್ಲೀ, (5) ಪಂಚಮ್ಯಾ ಇಷುಧಿಃ, (6) ಷಷ್ಠ್ಯಾಃ ಪೂರ್ವಾರ್ಧಸ್ಯ ಸಾರಥಿರುತ್ತರಾರ್ಧಸ್ಯ ಚ ರಶ್ಮಯಃ, (7) ಸಪ್ತಮ್ಯಾ ಅಶ್ವಾಃ, (8) ಅಷ್ಟಮ್ಯಾ ರಥಃ, (9) ನವಮ್ಯಾ ರಥಗೋಪಾಃ, (10) ದಶಮ್ಯಾ ಬ್ರಾಹ್ಮಣಪಿತೃಸೋಮದ್ಯಾವಾಪೃಥಿವೀಪೂಷಾಣಃ, (11-12, 15-16) ಏಕಾದಶೀದ್ವಾದಶೀಪಂಚದಶೀಷೋಡಶೀನಾಮಿಷವಃ, (13) ತ್ರಯೋದಶ್ಯಾಃ ಪ್ರತೋದಃ, (14) ಚತುದರ್ಶಯಾ ಹಸ್ತಘ್ನಃ, (17) ಸಪ್ತದಶ್ಯಾ ಯುದ್ಧಭೂಮಿಕವಚಬ್ರಹ್ಮಣಸ್ಪತ್ಯಾದಯಃ, (18) ಅಷ್ಟಾದಶ್ಯಾ ವರ್ಮಸೋಮವರುಣಾಃ, (19) ಏಕೋನವಿಂಶ್ಯಾಶ್ಚ ದೇವಾ ಬ್ರಹ್ಮ ಚ ದೇವತಾಃ (1-5, 7-9, 11, 14, 18) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾದಿತೃಚಸ್ಯೈಕಾದಶೀಚತುದರ್ಶ ಯಷ್ಟಾದಶೀನಾಂಚ ತ್ರಿಷ್ಟುಪ್, (6, 10) ಷಷ್ಠೀದಶಮ್ಯೋರ್ಜಗತೀ (12-13, 15-16, 19) ದ್ವಾದಶೀತ್ರಯೋದಶೀಪಂಚದಶೀಷೋಡಶ್ಯೇಕೋನವಿಂಶೀನಾಮನುಷ್ಟುಪ್ (17) ಸಪ್ತದಶ್ಯಾಶ್ಚ ಪತಿಶ್ಛಂದಾಂಸಿ

ಜೀ॒ಮೂತ॑ಸ್ಯೇವ ಭವತಿ॒ ಪ್ರತೀ᳚ಕಂ॒ ಯದ್ವ॒ರ್ಮೀ ಯಾತಿ॑ ಸ॒ಮದಾ᳚ಮು॒ಪಸ್ಥೇ᳚ |
ಅನಾ᳚ವಿದ್ಧಯಾ ತ॒ನ್ವಾ᳚ ಜಯ॒ ತ್ವಂ ಸ ತ್ವಾ॒ ವರ್ಮ॑ಣೋ ಮಹಿ॒ಮಾ ಪಿ॑ಪರ್ತು || 6.75.1
ಧನ್ವ॑ನಾ॒ ಗಾ ಧನ್ವ॑ನಾ॒ಜಿಂ ಜ॑ಯೇಮ॒ ಧನ್ವ॑ನಾ ತೀ॒ವ್ರಾಃ ಸ॒ಮದೋ᳚ ಜಯೇಮ |
ಧನುಃ॒ ಶತ್ರೋ᳚ರಪಕಾ॒ಮಂ ಕೃ॑ಣೋತಿ॒ ಧನ್ವ॑ನಾ॒ ಸರ್ವಾಃ᳚ ಪ್ರ॒ದಿಶೋ᳚ ಜಯೇಮ || 6.75.2
ವ॒ಕ್ಷ್ಯ‌ನ್ತೀ॒ವೇದಾ ಗ॑ನೀಗ‌ನ್ತಿ॒ ಕರ್ಣಂ᳚ ಪ್ರಿ॒ಯಂ ಸಖಾ᳚ಯಂ ಪರಿಷಸ್ವಜಾ॒ನಾ |
ಯೋಷೇ᳚ವ ಶಿಂಕ್ತೇ॒ ವಿತ॒ತಾಧಿ॒ ಧನ್ವಂ॒ಜ್ಯಾ ಇ॒ಯಂ ಸಮ॑ನೇ ಪಾ॒ರಯ᳚‌ನ್ತೀ || 6.75.3
ತೇ ಆ॒ಚರ᳚‌ನ್ತೀ॒ ಸಮ॑ನೇವ॒ ಯೋಷಾ᳚ ಮಾ॒ತೇವ॑ ಪು॒ತ್ರಂ ಬಿ॑ಭೃತಾಮು॒ಪಸ್ಥೇ᳚ |
ಅಪ॒ ಶತ್ರೂ᳚ನ್ವಿಧ್ಯತಾಂ ಸಂವಿದಾ॒ನೇ ಆರ್ತ್ನೀ᳚ ಇ॒ಮೇ ವಿ॑ಷ್ಫು॒ರ‌ನ್ತೀ᳚ ಅ॒ಮಿತ್ರಾನ್॑ || 6.75.4
ಬ॒ಹ್ವೀ॒ನಾಂ ಪಿ॒ತಾ ಬ॒ಹುರ॑ಸ್ಯ ಪು॒ತ್ರಶ್ಚಿ॒ಶ್ಚಾ ಕೃ॑ಣೋತಿ॒ ಸಮ॑ನಾವ॒ಗತ್ಯ॑ |
ಇ॒ಷು॒ಧಿಃ ಸಂಕಾಃ॒ ಪೃತ॑ನಾಶ್ಚ॒ ಸರ್ವಾಃ᳚ ಪೃ॒ಷ್ಠೇ ನಿನ॑ದ್ಧೋ ಜಯತಿ॒ ಪ್ರಸೂ᳚ತಃ || 6.75.5
ರಥೇ॒ ತಿಷ್ಠ᳚ನ್ನಯತಿ ವಾ॒ಜಿನಃ॑ ಪು॒ರೋ ಯತ್ರ॑ಯತ್ರ ಕಾ॒ಮಯ॑ತೇ ಸುಷಾರ॒ಥಿಃ |
ಅ॒ಭೀಶೂ᳚ನಾಂ ಮಹಿ॒ಮಾನಂ᳚ ಪನಾಯತ॒ ಮನಃ॑ ಪ॒ಶ್ಚಾದನು॑ ಯಚ್ಛ‌ನ್ತಿ ರ॒ಶ್ಮಯಃ॑ || 6.75.6
ತೀ॒ವ್ರಾನ್ಘೋಷಾ᳚ನ್ಕೃಣ್ವತೇ॒ ವೃಷ॑ಪಾಣ॒ಯೋಽಶ್ವಾ॒ ರಥೇ᳚ಭಿಃ ಸ॒ಹ ವಾ॒ಜಯ᳚‌ನ್ತಃ |
ಅ॒ವ॒ಕ್ರಾಮ᳚‌ನ್ತಃ॒ ಪ್ರಪ॑ದೈರ॒ಮಿತ್ರಾ᳚ನ್ಕ್ಷಿ॒ಣ‌ನ್ತಿ॒ ಶತ್ರೂಁ॒ರನ॑ಪವ್ಯಯ‌ನ್ತಃ || 6.75.7
ರ॒ಥ॒ವಾಹ॑ನಂ ಹ॒ವಿರ॑ಸ್ಯ॒ ನಾಮ॒ ಯತ್ರಾಯು॑ಧಂ॒ ನಿಹಿ॑ತಮಸ್ಯ॒ ವರ್ಮ॑ |
ತತ್ರಾ॒ ರಥ॒ಮುಪ॑ ಶ॒ಗ್ಮಂ ಸ॑ದೇಮ ವಿ॒ಶ್ವಾಹಾ᳚ ವ॒ಯಂ ಸು॑ಮನ॒ಸ್ಯಮಾ᳚ನಾಃ || 6.75.8
ಸ್ವಾ॒ದು॒ಷಂ॒ಸದಃ॑ ಪಿ॒ತರೋ᳚ ವಯೋ॒ಧಾಃ ಕೃ॑ಚ್ಛ್ರೇ॒ಶ್ರಿತಃ॒ ಶಕ್ತೀ᳚ವ‌ನ್ತೋ ಗಭೀ॒ರಾಃ |
ಚಿ॒ತ್ರಸೇ᳚ನಾ॒ ಇಷು॑ಬಲಾ॒ ಅಮೃ॑ಧ್ರಾಃ ಸ॒ತೋವೀ᳚ರಾ ಉ॒ರವೋ᳚ ವ್ರಾತಸಾ॒ಹಾಃ || 6.75.9
ಬ್ರಾಹ್ಮ॑ಣಾಸಃ॒ ಪಿತ॑ರಃ॒ ಸೋಮ್ಯಾ᳚ಸಃ ಶಿ॒ವೇ ನೋ॒ ದ್ಯಾವಾ᳚ಪೃಥಿ॒ವೀ ಅ॑ನೇ॒ಹಸಾ᳚ |
ಪೂ॒ಷಾ ನಃ॑ ಪಾತು ದುರಿ॒ತಾದೃ॑ತಾವೃಧೋ॒ ರಕ್ಷಾ॒ ಮಾಕಿ᳚ರ್ನೋ ಅ॒ಘಶಂ᳚ಸ ಈಶತ || 6.75.10
ಸು॒ಪ॒ರ್ಣಂ ವ॑ಸ್ತೇ ಮೃ॒ಗೋ ಅ॑ಸ್ಯಾ॒ ದ‌ನ್ತೋ॒ ಗೋಭಿಃ॒ ಸಂನ॑ದ್ಧಾ ಪತತಿ॒ ಪ್ರಸೂ᳚ತಾ |
ಯತ್ರಾ॒ ನರಃ॒ ಸಂ ಚ॒ ವಿ ಚ॒ ದ್ರವ᳚‌ನ್ತಿ॒ ತತ್ರಾ॒ಸ್ಮಭ್ಯ॒ಮಿಷ॑ವಃ॒ ಶರ್ಮ॑ ಯಂಸನ್ || 6.75.11
ಋಜೀ᳚ತೇ॒ ಪರಿ॑ ವೃಙ್ಧಿ॒ ನೋಽಶ್ಮಾ᳚ ಭವತು ನಸ್ತ॒ನೂಃ |
ಸೋಮೋ॒ ಅಧಿ॑ ಬ್ರವೀತು॒ ನೋಽದಿ॑ತಿಃ॒ ಶರ್ಮ॑ ಯಚ್ಛತು || 6.75.12
ಆ ಜಂ᳚ಘ‌ನ್ತಿ॒ ಸಾನ್ವೇ᳚ಷಾಂ ಜ॒ಘನಾಁ॒ ಉಪ॑ ಜಿಘ್ನತೇ |
ಅಶ್ವಾ᳚ಜನಿ॒ ಪ್ರಚೇ᳚ತ॒ಸೋಽಶ್ವಾ᳚‌‌ನ್ತ್ಸ॒ಮತ್ಸು॑ ಚೋದಯ || 6.75.13
ಅಹಿ॑ರಿವ ಭೋ॒ಗೈಃ ಪರ್ಯೇ᳚ತಿ ಬಾ॒ಹುಂ ಜ್ಯಾಯಾ᳚ ಹೇ॒ತಿಂ ಪ॑ರಿ॒ಬಾಧ॑ಮಾನಃ |
ಹ॒ಸ್ತ॒ಘ್ನೋ ವಿಶ್ವಾ᳚ ವ॒ಯುನಾ᳚ನಿ ವಿ॒ದ್ವಾನ್ಪುಮಾ॒ನ್ಪುಮಾಂ᳚ಸಂ॒ ಪರಿ॑ ಪಾತು ವಿ॒ಶ್ವತಃ॑ || 6.75.14
ಆಲಾ᳚ಕ್ತಾ॒ ಯಾ ರುರು॑ಶೀ॒ರ್ಷ್ಣ್ಯಥೋ॒ ಯಸ್ಯಾ॒ ಅಯೋ॒ ಮುಖ‌ಮ್᳚ |
ಇ॒ದಂ ಪ॒ರ್ಜನ್ಯ॑ರೇತಸ॒ ಇಷ್ವೈ᳚ ದೇ॒ವ್ಯೈ ಬೃ॒ಹನ್ನಮಃ॑ || 6.75.15
ಅವ॑ಸೃಷ್ಟಾ॒ ಪರಾ᳚ ಪತ॒ ಶರ᳚ವ್ಯೇ॒ ಬ್ರಹ್ಮ॑ಸಂಶಿತೇ |
ಗಚ್ಛಾ॒ಮಿತ್ರಾ॒ನ್ಪ್ರ ಪ॑ದ್ಯಸ್ವ॒ ಮಾಮೀಷಾಂ॒ ಕಂ ಚ॒ನೋಚ್ಛಿ॑ಷಃ || 6.75.16
ಯತ್ರ॑ ಬಾ॒ಣಾಃ ಸಂ॒ಪತ᳚‌ನ್ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ |
ತತ್ರಾ᳚ ನೋ॒ ಬ್ರಹ್ಮ॑ಣ॒ಸ್ಪತಿ॒ರದಿ॑ತಿಃ॒ ಶರ್ಮ॑ ಯಚ್ಛತು ವಿ॒ಶ್ವಾಹಾ॒ ಶರ್ಮ॑ ಯಚ್ಛತು || 6.75.17
ಮರ್ಮಾ᳚ಣಿ ತೇ॒ ವರ್ಮ॑ಣಾ ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಮೃತೇ॒ನಾನು॑ ವಸ್ತಾ‌ಮ್ |
ಉ॒ರೋರ್ವರೀ᳚ಯೋ॒ ವರು॑ಣಸ್ತೇ ಕೃಣೋತು॒ ಜಯ᳚‌ನ್ತಂ॒ ತ್ವಾನು॑ ದೇ॒ವಾ ಮ॑ದ‌ನ್ತು || 6.75.18
ಯೋ ನಃ॒ ಸ್ವೋ ಅರ॑ಣೋ॒ ಯಶ್ಚ॒ ನಿಷ್ಟ್ಯೋ॒ ಜಿಘಾಂ᳚ಸತಿ |
ದೇ॒ವಾಸ್ತಂ ಸರ್ವೇ᳚ ಧೂರ್ವ‌ನ್ತು॒ ಬ್ರಹ್ಮ॒ ವರ್ಮ॒ ಮಮಾ‌ನ್ತ॑ರ‌ಮ್ || 6.75.19

|| ಇತಿ ಋಗ್ವೇದ ಮಂಡಲಮ್-೬ ||

|| ಅಥ ಋಗ್ವೇದ ಮಂಡಲಮ್-೭ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, (1-18) ಪ್ರಥಮಾದ್ಯಷ್ಟಾದಶೋಂ ವಿರಾಟ, (19-25) ಏಕೋನವಿಂಶ್ಯಾದಿಸಪ್ತಾನಾಂಚ ತ್ರಿಷ್ಟುಪ್ ಛಂದಸೀ

ಅ॒ಗ್ನಿಂ ನರೋ॒ ದೀಧಿ॑ತಿಭಿರ॒ರಣ್ಯೋ॒ರ್ಹಸ್ತ॑ಚ್ಯುತೀ ಜನಯ‌ನ್ತ ಪ್ರಶ॒ಸ್ತ‌ಮ್ |
ದೂ॒ರೇ॒ದೃಶಂ᳚ ಗೃ॒ಹಪ॑ತಿಮಥ॒ರ್ಯು‌ಮ್ || 7.1.1
ತಮ॒ಗ್ನಿಮಸ್ತೇ॒ ವಸ॑ವೋ॒ ನ್ಯೃ᳚ಣ್ವ‌‌ನ್ತ್ಸುಪ್ರತಿ॒ಚಕ್ಷ॒ಮವ॑ಸೇ॒ ಕುತ॑ಶ್ಚಿತ್ |
ದ॒ಕ್ಷಾಯ್ಯೋ॒ ಯೋ ದಮ॒ ಆಸ॒ ನಿತ್ಯಃ॑ || 7.1.2
ಪ್ರೇದ್ಧೋ᳚ ಅಗ್ನೇ ದೀದಿಹಿ ಪು॒ರೋ ನೋಽಜ॑ಸ್ರಯಾ ಸೂ॒ರ್ಮ್ಯಾ᳚ ಯವಿಷ್ಠ |
ತ್ವಾಂ ಶಶ್ವ᳚‌ನ್ತ॒ ಉಪ॑ ಯ‌ನ್ತಿ॒ ವಾಜಾಃ᳚ || 7.1.3
ಪ್ರ ತೇ ಅ॒ಗ್ನಯೋ॒ಽಗ್ನಿಭ್ಯೋ॒ ವರಂ॒ ನಿಃ ಸು॒ವೀರಾ᳚ಸಃ ಶೋಶುಚ‌ನ್ತ ದ್ಯು॒ಮ‌ನ್ತಃ॑ |
ಯತ್ರಾ॒ ನರಃ॑ ಸ॒ಮಾಸ॑ತೇ ಸುಜಾ॒ತಾಃ || 7.1.4
ದಾ ನೋ᳚ ಅಗ್ನೇ ಧಿ॒ಯಾ ರ॒ಯಿಂ ಸು॒ವೀರಂ᳚ ಸ್ವಪ॒ತ್ಯಂ ಸ॑ಹಸ್ಯ ಪ್ರಶ॒ಸ್ತ‌ಮ್ |
ನ ಯಂ ಯಾವಾ॒ ತರ॑ತಿ ಯಾತು॒ಮಾವಾನ್॑ || 7.1.5
ಉಪ॒ ಯಮೇತಿ॑ ಯುವ॒ತಿಃ ಸು॒ದಕ್ಷಂ᳚ ದೋ॒ಷಾ ವಸ್ತೋ᳚ರ್ಹ॒ವಿಷ್ಮ॑ತೀ ಘೃ॒ತಾಚೀ᳚ |
ಉಪ॒ ಸ್ವೈನ॑ಮ॒ರಮ॑ತಿರ್ವಸೂ॒ಯುಃ || 7.1.6
ವಿಶ್ವಾ᳚ ಅ॒ಗ್ನೇಽಪ॑ ದ॒ಹಾರಾ᳚ತೀ॒ರ್ಯೇಭಿ॒ಸ್ತಪೋ᳚ಭಿ॒ರದ॑ಹೋ॒ ಜರೂ᳚ಥ‌ಮ್ |
ಪ್ರ ನಿ॑ಸ್ವ॒ರಂ ಚಾ᳚ತಯ॒ಸ್ವಾಮೀ᳚ವಾ‌ಮ್ || 7.1.7
ಆ ಯಸ್ತೇ᳚ ಅಗ್ನ ಇಧ॒ತೇ ಅನೀ᳚ಕಂ॒ ವಸಿ॑ಷ್ಠ॒ ಶುಕ್ರ॒ ದೀದಿ॑ವಃ॒ ಪಾವ॑ಕ |
ಉ॒ತೋ ನ॑ ಏ॒ಭಿಃ ಸ್ತ॒ವಥೈ᳚ರಿ॒ಹ ಸ್ಯಾಃ᳚ || 7.1.8
ವಿ ಯೇ ತೇ᳚ ಅಗ್ನೇ ಭೇಜಿ॒ರೇ ಅನೀ᳚ಕಂ॒ ಮರ್ತಾ॒ ನರಃ॒ ಪಿತ್ರ್ಯಾ᳚ಸಃ ಪುರು॒ತ್ರಾ |
ಉ॒ತೋ ನ॑ ಏ॒ಭಿಃ ಸು॒ಮನಾ᳚ ಇ॒ಹ ಸ್ಯಾಃ᳚ || 7.1.9
ಇ॒ಮೇ ನರೋ᳚ ವೃತ್ರ॒ಹತ್ಯೇ᳚ಷು॒ ಶೂರಾ॒ ವಿಶ್ವಾ॒ ಅದೇ᳚ವೀರ॒ಭಿ ಸ᳚‌ನ್ತು ಮಾ॒ಯಾಃ |
ಯೇ ಮೇ॒ ಧಿಯಂ᳚ ಪ॒ನಯ᳚‌ನ್ತ ಪ್ರಶ॒ಸ್ತಾ‌ಮ್ || 7.1.10
ಮಾ ಶೂನೇ᳚ ಅಗ್ನೇ॒ ನಿ ಷ॑ದಾಮ ನೃ॒ಣಾಂ ಮಾಶೇಷ॑ಸೋ॒ಽವೀರ॑ತಾ॒ ಪರಿ॑ ತ್ವಾ |
ಪ್ರ॒ಜಾವ॑ತೀಷು॒ ದುರ್ಯಾ᳚ಸು ದುರ್ಯ || 7.1.11
ಯಮ॒ಶ್ವೀ ನಿತ್ಯ॑ಮುಪ॒ಯಾತಿ॑ ಯ॒ಜ್ಞಂ ಪ್ರ॒ಜಾವ᳚‌ನ್ತಂ ಸ್ವಪ॒ತ್ಯಂ ಕ್ಷಯಂ᳚ ನಃ |
ಸ್ವಜ᳚ನ್ಮನಾ॒ ಶೇಷ॑ಸಾ ವಾವೃಧಾ॒ನ‌ಮ್ || 7.1.12
ಪಾ॒ಹಿ ನೋ᳚ ಅಗ್ನೇ ರ॒ಕ್ಷಸೋ॒ ಅಜು॑ಷ್ಟಾತ್ಪಾ॒ಹಿ ಧೂ॒ರ್ತೇರರ॑ರುಷೋ ಅಘಾ॒ಯೋಃ |
ತ್ವಾ ಯು॒ಜಾ ಪೃ॑ತನಾ॒ಯೂಁರ॒ಭಿ ಷ್ಯಾ᳚‌ಮ್ || 7.1.13
ಸೇದ॒ಗ್ನಿರ॒ಗ್ನೀಁರತ್ಯ॑ಸ್ತ್ವ॒ನ್ಯಾನ್ಯತ್ರ॑ ವಾ॒ಜೀ ತನ॑ಯೋ ವೀ॒ಳುಪಾ᳚ಣಿಃ |
ಸ॒ಹಸ್ರ॑ಪಾಥಾ ಅ॒ಕ್ಷರಾ᳚ ಸ॒ಮೇತಿ॑ || 7.1.14
ಸೇದ॒ಗ್ನಿರ್ಯೋ ವ॑ನುಷ್ಯ॒ತೋ ನಿ॒ಪಾತಿ॑ ಸಮೇ॒ದ್ಧಾರ॒ಮಂಹ॑ಸ ಉರು॒ಷ್ಯಾತ್ |
ಸು॒ಜಾ॒ತಾಸಃ॒ ಪರಿ॑ ಚರ‌ನ್ತಿ ವೀ॒ರಾಃ || 7.1.15
ಅ॒ಯಂ ಸೋ ಅ॒ಗ್ನಿರಾಹು॑ತಃ ಪುರು॒ತ್ರಾ ಯಮೀಶಾ᳚ನಃ॒ ಸಮಿದಿಂ॒ಧೇ ಹ॒ವಿಷ್ಮಾನ್॑ |
ಪರಿ॒ ಯಮೇತ್ಯ॑ಧ್ವ॒ರೇಷು॒ ಹೋತಾ᳚ || 7.1.16
ತ್ವೇ ಅ॑ಗ್ನ ಆ॒ಹವ॑ನಾನಿ॒ ಭೂರೀ᳚ಶಾ॒ನಾಸ॒ ಆ ಜು॑ಹುಯಾಮ॒ ನಿತ್ಯಾ᳚ |
ಉ॒ಭಾ ಕೃ॒ಣ್ವ‌ನ್ತೋ᳚ ವಹ॒ತೂ ಮಿ॒ಯೇಧೇ᳚ || 7.1.17
ಇ॒ಮೋ ಅ॑ಗ್ನೇ ವೀ॒ತತ॑ಮಾನಿ ಹ॒ವ್ಯಾಜ॑ಸ್ರೋ ವಕ್ಷಿ ದೇ॒ವತಾ᳚ತಿ॒ಮಚ್ಛ॑ |
ಪ್ರತಿ॑ ನ ಈಂ ಸುರ॒ಭೀಣಿ᳚ ವ್ಯ‌ನ್ತು || 7.1.18
ಮಾ ನೋ᳚ ಅಗ್ನೇ॒ಽವೀರ॑ತೇ॒ ಪರಾ᳚ ದಾ ದು॒ರ್ವಾಸ॒ಸೇಽಮ॑ತಯೇ॒ ಮಾ ನೋ᳚ ಅ॒ಸ್ಯೈ |
ಮಾ ನಃ॑ ಕ್ಷು॒ಧೇ ಮಾ ರ॒ಕ್ಷಸ॑ ಋತಾವೋ॒ ಮಾ ನೋ॒ ದಮೇ॒ ಮಾ ವನ॒ ಆ ಜು॑ಹೂರ್ಥಾಃ || 7.1.19
ನೂ ಮೇ॒ ಬ್ರಹ್ಮಾ᳚ಣ್ಯಗ್ನ॒ ಉಚ್ಛ॑ಶಾಧಿ॒ ತ್ವಂ ದೇ᳚ವ ಮ॒ಘವ॑ದ್ಭ್ಯಃ ಸುಷೂದಃ |
ರಾ॒ತೌ ಸ್ಯಾ᳚ಮೋ॒ಭಯಾ᳚ಸ॒ ಆ ತೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.1.20
ತ್ವಮ॑ಗ್ನೇ ಸು॒ಹವೋ᳚ ರ॒ಣ್ವಸಂ᳚ದೃಕ್ಸುದೀ॒ತೀ ಸೂ᳚ನೋ ಸಹಸೋ ದಿದೀಹಿ |
ಮಾ ತ್ವೇ ಸಚಾ॒ ತನ॑ಯೇ॒ ನಿತ್ಯ॒ ಆ ಧ॒ಙ್ಮಾ ವೀ॒ರೋ ಅ॒ಸ್ಮನ್ನರ್ಯೋ॒ ವಿ ದಾ᳚ಸೀತ್ || 7.1.21
ಮಾ ನೋ᳚ ಅಗ್ನೇ ದುರ್ಭೃ॒ತಯೇ॒ ಸಚೈ॒ಷು ದೇ॒ವೇದ್ಧೇ᳚ಷ್ವ॒ಗ್ನಿಷು॒ ಪ್ರ ವೋ᳚ಚಃ |
ಮಾ ತೇ᳚ ಅ॒ಸ್ಮಾಂದು᳚ರ್ಮ॒ತಯೋ᳚ ಭೃ॒ಮಾಚ್ಚಿ॑ದ್ದೇ॒ವಸ್ಯ॑ ಸೂನೋ ಸಹಸೋ ನಶ‌ನ್ತ || 7.1.22
ಸ ಮರ್ತೋ᳚ ಅಗ್ನೇ ಸ್ವನೀಕ ರೇ॒ವಾನಮ॑ರ್ತ್ಯೇ॒ ಯ ಆ᳚ಜು॒ಹೋತಿ॑ ಹ॒ವ್ಯ‌ಮ್ |
ಸ ದೇ॒ವತಾ᳚ ವಸು॒ವನಿಂ᳚ ದಧಾತಿ॒ ಯಂ ಸೂ॒ರಿರ॒ರ್ಥೀ ಪೃ॒ಚ್ಛಮಾ᳚ನ॒ ಏತಿ॑ || 7.1.23
ಮ॒ಹೋ ನೋ᳚ ಅಗ್ನೇ ಸುವಿ॒ತಸ್ಯ॑ ವಿ॒ದ್ವಾನ್ರ॒ಯಿಂ ಸೂ॒ರಿಭ್ಯ॒ ಆ ವ॑ಹಾ ಬೃ॒ಹ‌ನ್ತ‌ಮ್᳚ |
ಯೇನ॑ ವ॒ಯಂ ಸ॑ಹಸಾವ॒ನ್ಮದೇ॒ಮಾವಿ॑ಕ್ಷಿತಾಸ॒ ಆಯು॑ಷಾ ಸು॒ವೀರಾಃ᳚ || 7.1.24
ನೂ ಮೇ॒ ಬ್ರಹ್ಮಾ᳚ಣ್ಯಗ್ನ॒ ಉಚ್ಛ॑ಶಾಧಿ॒ ತ್ವಂ ದೇ᳚ವ ಮ॒ಘವ॑ದ್ಭ್ಯಃ ಸುಷೂದಃ |
ರಾ॒ತೌ ಸ್ಯಾ᳚ಮೋ॒ಭಯಾ᳚ಸ॒ ಆ ತೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.1.25

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ, (2) ದ್ವಿತೀಯಾಯಾ ನರಾಶಂಸಃ, (3) ತೃತೀಯಾಯಾ ಇಳಃ, (4) ಚತುರ್ಥ್ಯಾ ಬರ್ಹಿಃ, (5) ಪಂಚಮ್ಯಾ ದೇವೀರ್ದ್ವಾರಃ, (6) ಷಷ್ಠ್ಯಾ ಉಷಾಸಾನಕ್ತಾ, (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ, (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ, (9) ನವಮ್ಯಾಸ್ತ್ವಷ್ಟಾ, (10) ದಶಮ್ಯಾ ವನಸ್ಪತಿಃ, (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ, ತ್ರಿಷ್ಟುಪ್ ಛಂದಃ

ಜು॒ಷಸ್ವ॑ ನಃ ಸ॒ಮಿಧ॑ಮಗ್ನೇ ಅ॒ದ್ಯ ಶೋಚಾ᳚ ಬೃ॒ಹದ್ಯ॑ಜ॒ತಂ ಧೂ॒ಮಮೃ॒ಣ್ವನ್ |
ಉಪ॑ ಸ್ಪೃಶ ದಿ॒ವ್ಯಂ ಸಾನು॒ ಸ್ತೂಪೈಃ॒ ಸಂ ರ॒ಶ್ಮಿಭಿ॑ಸ್ತತನಃ॒ ಸೂರ್ಯ॑ಸ್ಯ || 7.2.1
ನರಾ॒ಶಂಸ॑ಸ್ಯ ಮಹಿ॒ಮಾನ॑ಮೇಷಾ॒ಮುಪ॑ ಸ್ತೋಷಾಮ ಯಜ॒ತಸ್ಯ॑ ಯ॒ಜ್ಞೈಃ |
ಯೇ ಸು॒ಕ್ರತ॑ವಃ॒ ಶುಚ॑ಯೋ ಧಿಯಂ॒ಧಾಃ ಸ್ವದ᳚‌ನ್ತಿ ದೇ॒ವಾ ಉ॒ಭಯಾ᳚ನಿ ಹ॒ವ್ಯಾ || 7.2.2
ಈ॒ಳೇನ್ಯಂ᳚ ವೋ॒ ಅಸು॑ರಂ ಸು॒ದಕ್ಷ॑ಮ॒‌ನ್ತರ್ದೂ॒ತಂ ರೋದ॑ಸೀ ಸತ್ಯ॒ವಾಚ‌ಮ್᳚ |
ಮ॒ನು॒ಷ್ವದ॒ಗ್ನಿಂ ಮನು॑ನಾ॒ ಸಮಿ॑ದ್ಧಂ॒ ಸಮ॑ಧ್ವ॒ರಾಯ॒ ಸದ॒ಮಿನ್ಮ॑ಹೇಮ || 7.2.3
ಸ॒ಪ॒ರ್ಯವೋ॒ ಭರ॑ಮಾಣಾ ಅಭಿ॒ಜ್ಞು ಪ್ರ ವೃಂ᳚ಜತೇ॒ ನಮ॑ಸಾ ಬ॒ರ್ಹಿರ॒ಗ್ನೌ |
ಆ॒ಜುಹ್ವಾ᳚ನಾ ಘೃ॒ತಪೃ॑ಷ್ಠಂ॒ ಪೃಷ॑ದ್ವ॒ದಧ್ವ᳚ರ್ಯವೋ ಹ॒ವಿಷಾ᳚ ಮರ್ಜಯಧ್ವ‌ಮ್ || 7.2.4
ಸ್ವಾ॒ಧ್ಯೋ॒3॒॑ ವಿ ದುರೋ᳚ ದೇವ॒ಯ‌ನ್ತೋಽಶಿ॑ಶ್ರಯೂ ರಥ॒ಯುರ್ದೇ॒ವತಾ᳚ತಾ |
ಪೂ॒ರ್ವೀ ಶಿಶುಂ॒ ನ ಮಾ॒ತರಾ᳚ ರಿಹಾ॒ಣೇ ಸಮ॒ಗ್ರುವೋ॒ ನ ಸಮ॑ನೇಷ್ವಂಜನ್ || 7.2.5
ಉ॒ತ ಯೋಷ॑ಣೇ ದಿ॒ವ್ಯೇ ಮ॒ಹೀ ನ॑ ಉ॒ಷಾಸಾ॒ನಕ್ತಾ᳚ ಸು॒ದುಘೇ᳚ವ ಧೇ॒ನುಃ |
ಬ॒ರ್ಹಿ॒ಷದಾ᳚ ಪುರುಹೂ॒ತೇ ಮ॒ಘೋನೀ॒ ಆ ಯ॒ಜ್ಞಿಯೇ᳚ ಸುವಿ॒ತಾಯ॑ ಶ್ರಯೇತಾ‌ಮ್ || 7.2.6
ವಿಪ್ರಾ᳚ ಯ॒ಜ್ಞೇಷು॒ ಮಾನು॑ಷೇಷು ಕಾ॒ರೂ ಮನ್ಯೇ᳚ ವಾಂ ಜಾ॒ತವೇ᳚ದಸಾ॒ ಯಜ॑ಧ್ಯೈ |
ಊ॒ರ್ಧ್ವಂ ನೋ᳚ ಅಧ್ವ॒ರಂ ಕೃ॑ತಂ॒ ಹವೇ᳚ಷು॒ ತಾ ದೇ॒ವೇಷು॑ ವನಥೋ॒ ವಾರ್ಯಾ᳚ಣಿ || 7.2.7
ಆ ಭಾರ॑ತೀ॒ ಭಾರ॑ತೀಭಿಃ ಸ॒ಜೋಷಾ॒ ಇಳಾ᳚ ದೇ॒ವೈರ್ಮ॑ನು॒ಷ್ಯೇ᳚ಭಿರ॒ಗ್ನಿಃ |
ಸರ॑ಸ್ವತೀ ಸಾರಸ್ವ॒ತೇಭಿ॑ರ॒ರ್ವಾಕ್ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ॑ದ‌ನ್ತು || 7.2.8
ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣಃ ಸ್ಯ॑ಸ್ವ |
ಯತೋ᳚ ವೀ॒ರಃ ಕ᳚ರ್ಮ॒ಣ್ಯಃ॑ ಸು॒ದಕ್ಷೋ᳚ ಯು॒ಕ್ತಗ್ರಾ᳚ವಾ॒ ಜಾಯ॑ತೇ ದೇ॒ವಕಾ᳚ಮಃ || 7.2.9
ವನ॑ಸ್ಪ॒ತೇಽವ॑ ಸೃ॒ಜೋಪ॑ ದೇ॒ವಾನ॒ಗ್ನಿರ್ಹ॒ವಿಃ ಶ॑ಮಿ॒ತಾ ಸೂ᳚ದಯಾತಿ |
ಸೇದು॒ ಹೋತಾ᳚ ಸ॒ತ್ಯತ॑ರೋ ಯಜಾತಿ॒ ಯಥಾ᳚ ದೇ॒ವಾನಾಂ॒ ಜನಿ॑ಮಾನಿ॒ ವೇದ॑ || 7.2.10
ಆ ಯಾ᳚ಹ್ಯಗ್ನೇ ಸಮಿಧಾ॒ನೋ ಅ॒ರ್ವಾಙಿಂದ್ರೇ᳚ಣ ದೇ॒ವೈಃ ಸ॒ರಥಂ᳚ ತು॒ರೇಭಿಃ॑ |
ಬ॒ರ್ಹಿರ್ನ॑ ಆಸ್ತಾ॒ಮದಿ॑ತಿಃ ಸುಪು॒ತ್ರಾ ಸ್ವಾಹಾ᳚ ದೇ॒ವಾ ಅ॒ಮೃತಾ᳚ ಮಾದಯ‌ನ್ತಾ‌ಮ್ || 7.2.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅ॒ಗ್ನಿಂ ವೋ᳚ ದೇ॒ವಮ॒ಗ್ನಿಭಿಃ॑ ಸ॒ಜೋಷಾ॒ ಯಜಿ॑ಷ್ಠಂ ದೂ॒ತಮ॑ಧ್ವ॒ರೇ ಕೃ॑ಣುಧ್ವ‌ಮ್ |
ಯೋ ಮರ್ತ್ಯೇ᳚ಷು॒ ನಿಧ್ರು॑ವಿರ್‌ಋ॒ತಾವಾ॒ ತಪು᳚ರ್ಮೂರ್ಧಾ ಘೃ॒ತಾನ್ನಃ॑ ಪಾವ॒ಕಃ || 7.3.1
ಪ್ರೋಥ॒ದಶ್ವೋ॒ ನ ಯವ॑ಸೇಽವಿ॒ಷ್ಯನ್ಯ॒ದಾ ಮ॒ಹಃ ಸಂ॒ವರ॑ಣಾ॒ದ್ವ್ಯಸ್ಥಾ᳚ತ್ |
ಆದ॑ಸ್ಯ॒ ವಾತೋ॒ ಅನು॑ ವಾತಿ ಶೋ॒ಚಿರಧ॑ ಸ್ಮ ತೇ॒ ವ್ರಜ॑ನಂ ಕೃ॒ಷ್ಣಮ॑ಸ್ತಿ || 7.3.2
ಉದ್ಯಸ್ಯ॑ ತೇ॒ ನವ॑ಜಾತಸ್ಯ॒ ವೃಷ್ಣೋಽಗ್ನೇ॒ ಚರ᳚‌ನ್ತ್ಯ॒ಜರಾ᳚ ಇಧಾ॒ನಾಃ |
ಅಚ್ಛಾ॒ ದ್ಯಾಮ॑ರು॒ಷೋ ಧೂ॒ಮ ಏ᳚ತಿ॒ ಸಂ ದೂ॒ತೋ ಅ॑ಗ್ನ॒ ಈಯ॑ಸೇ॒ ಹಿ ದೇ॒ವಾನ್ || 7.3.3
ವಿ ಯಸ್ಯ॑ ತೇ ಪೃಥಿ॒ವ್ಯಾಂ ಪಾಜೋ॒ ಅಶ್ರೇ᳚ತ್ತೃ॒ಷು ಯದನ್ನಾ᳚ ಸ॒ಮವೃ॑ಕ್ತ॒ ಜಂಭೈಃ᳚ |
ಸೇನೇ᳚ವ ಸೃ॒ಷ್ಟಾ ಪ್ರಸಿ॑ತಿಷ್ಟ ಏತಿ॒ ಯವಂ॒ ನ ದ॑ಸ್ಮ ಜು॒ಹ್ವಾ᳚ ವಿವೇಕ್ಷಿ || 7.3.4
ತಮಿದ್ದೋ॒ಷಾ ತಮು॒ಷಸಿ॒ ಯವಿ॑ಷ್ಠಮ॒ಗ್ನಿಮತ್ಯಂ॒ ನ ಮ॑ರ್ಜಯ‌ನ್ತ॒ ನರಃ॑ |
ನಿ॒ಶಿಶಾ᳚ನಾ॒ ಅತಿ॑ಥಿಮಸ್ಯ॒ ಯೋನೌ᳚ ದೀ॒ದಾಯ॑ ಶೋ॒ಚಿರಾಹು॑ತಸ್ಯ॒ ವೃಷ್ಣಃ॑ || 7.3.5
ಸು॒ಸಂ॒ದೃಕ್ತೇ᳚ ಸ್ವನೀಕ॒ ಪ್ರತೀ᳚ಕಂ॒ ವಿ ಯದ್ರು॒ಕ್ಮೋ ನ ರೋಚ॑ಸ ಉಪಾ॒ಕೇ |
ದಿ॒ವೋ ನ ತೇ᳚ ತನ್ಯ॒ತುರೇ᳚ತಿ॒ ಶುಷ್ಮ॑ಶ್ಚಿ॒ತ್ರೋ ನ ಸೂರಃ॒ ಪ್ರತಿ॑ ಚಕ್ಷಿ ಭಾ॒ನು‌ಮ್ || 7.3.6
ಯಥಾ᳚ ವಃ॒ ಸ್ವಾಹಾ॒ಗ್ನಯೇ॒ ದಾಶೇ᳚ಮ॒ ಪರೀಳಾ᳚ಭಿರ್ಘೃ॒ತವ॑ದ್ಭಿಶ್ಚ ಹ॒ವ್ಯೈಃ |
ತೇಭಿ᳚ರ್ನೋ ಅಗ್ನೇ॒ ಅಮಿ॑ತೈ॒ರ್ಮಹೋ᳚ಭಿಃ ಶ॒ತಂ ಪೂ॒ರ್ಭಿರಾಯ॑ಸೀಭಿ॒ರ್ನಿ ಪಾ᳚ಹಿ || 7.3.7
ಯಾ ವಾ᳚ ತೇ॒ ಸ‌ನ್ತಿ॑ ದಾ॒ಶುಷೇ॒ ಅಧೃ॑ಷ್ಟಾ॒ ಗಿರೋ᳚ ವಾ॒ ಯಾಭಿ᳚ರ್ನೃ॒ವತೀ᳚ರುರು॒ಷ್ಯಾಃ |
ತಾಭಿ᳚ರ್ನಃ ಸೂನೋ ಸಹಸೋ॒ ನಿ ಪಾ᳚ಹಿ॒ ಸ್ಮತ್ಸೂ॒ರೀಂಜ॑ರಿ॒ತೄಂಜಾ᳚ತವೇದಃ || 7.3.8
ನಿರ್ಯತ್ಪೂ॒ತೇವ॒ ಸ್ವಧಿ॑ತಿಃ॒ ಶುಚಿ॒ರ್ಗಾತ್ಸ್ವಯಾ᳚ ಕೃ॒ಪಾ ತ॒ನ್ವಾ॒3॒॑ ರೋಚ॑ಮಾನಃ |
ಆ ಯೋ ಮಾ॒ತ್ರೋರು॒ಶೇನ್ಯೋ॒ ಜನಿ॑ಷ್ಟ ದೇವ॒ಯಜ್ಯಾ᳚ಯ ಸು॒ಕ್ರತುಃ॑ ಪಾವ॒ಕಃ || 7.3.9
ಏ॒ತಾ ನೋ᳚ ಅಗ್ನೇ॒ ಸೌಭ॑ಗಾ ದಿದೀ॒ಹ್ಯಪಿ॒ ಕ್ರತುಂ᳚ ಸು॒ಚೇತ॑ಸಂ ವತೇಮ |
ವಿಶ್ವಾ᳚ ಸ್ತೋ॒ತೃಭ್ಯೋ᳚ ಗೃಣ॒ತೇ ಚ॑ ಸ‌ನ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.3.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ವಃ॑ ಶು॒ಕ್ರಾಯ॑ ಭಾ॒ನವೇ᳚ ಭರಧ್ವಂ ಹ॒ವ್ಯಂ ಮ॒ತಿಂ ಚಾ॒ಗ್ನಯೇ॒ ಸುಪೂ᳚ತ‌ಮ್ |
ಯೋ ದೈವ್ಯಾ᳚ನಿ॒ ಮಾನು॑ಷಾ ಜ॒ನೂಂಷ್ಯ॒‌ನ್ತರ್ವಿಶ್ವಾ᳚ನಿ ವಿ॒ದ್ಮನಾ॒ ಜಿಗಾ᳚ತಿ || 7.4.1
ಸ ಗೃತ್ಸೋ᳚ ಅ॒ಗ್ನಿಸ್ತರು॑ಣಶ್ಚಿದಸ್ತು॒ ಯತೋ॒ ಯವಿ॑ಷ್ಠೋ॒ ಅಜ॑ನಿಷ್ಟ ಮಾ॒ತುಃ |
ಸಂ ಯೋ ವನಾ᳚ ಯು॒ವತೇ॒ ಶುಚಿ॑ದ॒ನ್ಭೂರಿ॑ ಚಿ॒ದನ್ನಾ॒ ಸಮಿದ॑ತ್ತಿ ಸ॒ದ್ಯಃ || 7.4.2
ಅ॒ಸ್ಯ ದೇ॒ವಸ್ಯ॑ ಸಂ॒ಸದ್ಯನೀ᳚ಕೇ॒ ಯಂ ಮರ್ತಾ᳚ಸಃ ಶ್ಯೇ॒ತಂ ಜ॑ಗೃ॒ಭ್ರೇ |
ನಿ ಯೋ ಗೃಭಂ॒ ಪೌರು॑ಷೇಯೀಮು॒ವೋಚ॑ ದು॒ರೋಕ॑ಮ॒ಗ್ನಿರಾ॒ಯವೇ᳚ ಶುಶೋಚ || 7.4.3
ಅ॒ಯಂ ಕ॒ವಿರಕ॑ವಿಷು॒ ಪ್ರಚೇ᳚ತಾ॒ ಮರ್ತೇ᳚ಷ್ವ॒ಗ್ನಿರ॒ಮೃತೋ॒ ನಿ ಧಾ᳚ಯಿ |
ಸ ಮಾ ನೋ॒ ಅತ್ರ॑ ಜುಹುರಃ ಸಹಸ್ವಃ॒ ಸದಾ॒ ತ್ವೇ ಸು॒ಮನ॑ಸಃ ಸ್ಯಾಮ || 7.4.4
ಆ ಯೋ ಯೋನಿಂ᳚ ದೇ॒ವಕೃ॑ತಂ ಸ॒ಸಾದ॒ ಕ್ರತ್ವಾ॒ ಹ್ಯ1॒॑ಗ್ನಿರ॒ಮೃತಾಁ॒ ಅತಾ᳚ರೀತ್ |
ತಮೋಷ॑ಧೀಶ್ಚ ವ॒ನಿನ॑ಶ್ಚ॒ ಗರ್ಭಂ॒ ಭೂಮಿ॑ಶ್ಚ ವಿ॒ಶ್ವಧಾ᳚ಯಸಂ ಬಿಭರ್ತಿ || 7.4.5
ಈಶೇ॒ ಹ್ಯ1॒॑ಗ್ನಿರ॒ಮೃತ॑ಸ್ಯ॒ ಭೂರೇ॒ರೀಶೇ᳚ ರಾ॒ಯಃ ಸು॒ವೀರ್ಯ॑ಸ್ಯ॒ ದಾತೋಃ᳚ |
ಮಾ ತ್ವಾ᳚ ವ॒ಯಂ ಸ॑ಹಸಾವನ್ನ॒ವೀರಾ॒ ಮಾಪ್ಸ॑ವಃ॒ ಪರಿ॑ ಷದಾಮ॒ ಮಾದು॑ವಃ || 7.4.6
ಪ॒ರಿ॒ಷದ್ಯಂ॒ ಹ್ಯರ॑ಣಸ್ಯ॒ ರೇಕ್ಣೋ॒ ನಿತ್ಯ॑ಸ್ಯ ರಾ॒ಯಃ ಪತ॑ಯಃ ಸ್ಯಾಮ |
ನ ಶೇಷೋ᳚ ಅಗ್ನೇ ಅ॒ನ್ಯಜಾ᳚ತಮ॒ಸ್ತ್ಯಚೇ᳚ತಾನಸ್ಯ॒ ಮಾ ಪ॒ಥೋ ವಿ ದು॑ಕ್ಷಃ || 7.4.7
ನ॒ಹಿ ಗ್ರಭಾ॒ಯಾರ॑ಣಃ ಸು॒ಶೇವೋ॒ಽನ್ಯೋದ᳚ರ್ಯೋ॒ ಮನ॑ಸಾ॒ ಮ‌ನ್ತ॒ವಾ ಉ॑ |
ಅಧಾ᳚ ಚಿ॒ದೋಕಃ॒ ಪುನ॒ರಿತ್ಸ ಏ॒ತ್ಯಾ ನೋ᳚ ವಾ॒ಜ್ಯ॑ಭೀ॒ಷಾಳೇ᳚ತು॒ ನವ್ಯಃ॑ || 7.4.8
ತ್ವಮ॑ಗ್ನೇ ವನುಷ್ಯ॒ತೋ ನಿ ಪಾ᳚ಹಿ॒ ತ್ವಮು॑ ನಃ ಸಹಸಾವನ್ನವ॒ದ್ಯಾತ್ |
ಸಂ ತ್ವಾ᳚ ಧ್ವಸ್ಮ॒ನ್ವದ॒ಭ್ಯೇ᳚ತು॒ ಪಾಥಃ॒ ಸಂ ರ॒ಯಿಃ ಸ್ಪೃ॑ಹ॒ಯಾಯ್ಯಃ॑ ಸಹ॒ಸ್ರೀ || 7.4.9
ಏ॒ತಾ ನೋ᳚ ಅಗ್ನೇ॒ ಸೌಭ॑ಗಾ ದಿದೀ॒ಹ್ಯಪಿ॒ ಕ್ರತುಂ᳚ ಸು॒ಚೇತ॑ಸಂ ವತೇಮ |
ವಿಶ್ವಾ᳚ ಸ್ತೋ॒ತೃಭ್ಯೋ᳚ ಗೃಣ॒ತೇ ಚ॑ ಸ‌ನ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.4.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರಾಗ್ನಯೇ᳚ ತ॒ವಸೇ᳚ ಭರಧ್ವಂ॒ ಗಿರಂ᳚ ದಿ॒ವೋ ಅ॑ರ॒ತಯೇ᳚ ಪೃಥಿ॒ವ್ಯಾಃ |
ಯೋ ವಿಶ್ವೇ᳚ಷಾಮ॒ಮೃತಾ᳚ನಾಮು॒ಪಸ್ಥೇ᳚ ವೈಶ್ವಾನ॒ರೋ ವಾ᳚ವೃ॒ಧೇ ಜಾ᳚ಗೃ॒ವದ್ಭಿಃ॑ || 7.5.1
ಪೃ॒ಷ್ಟೋ ದಿ॒ವಿ ಧಾಯ್ಯ॒ಗ್ನಿಃ ಪೃ॑ಥಿ॒ವ್ಯಾಂ ನೇ॒ತಾ ಸಿಂಧೂ᳚ನಾಂ ವೃಷ॒ಭಃ ಸ್ತಿಯಾ᳚ನಾ‌ಮ್ |
ಸ ಮಾನು॑ಷೀರ॒ಭಿ ವಿಶೋ॒ ವಿ ಭಾ᳚ತಿ ವೈಶ್ವಾನ॒ರೋ ವಾ᳚ವೃಧಾ॒ನೋ ವರೇ᳚ಣ || 7.5.2
ತ್ವದ್ಭಿ॒ಯಾ ವಿಶ॑ ಆಯ॒ನ್ನಸಿ॑ಕ್ನೀರಸಮ॒ನಾ ಜಹ॑ತೀ॒ರ್ಭೋಜ॑ನಾನಿ |
ವೈಶ್ವಾ᳚ನರ ಪೂ॒ರವೇ॒ ಶೋಶು॑ಚಾನಃ॒ ಪುರೋ॒ ಯದ॑ಗ್ನೇ ದ॒ರಯ॒ನ್ನದೀ᳚ದೇಃ || 7.5.3
ತವ॑ ತ್ರಿ॒ಧಾತು॑ ಪೃಥಿ॒ವೀ ಉ॒ತ ದ್ಯೌರ್ವೈಶ್ವಾ᳚ನರ ವ್ರ॒ತಮ॑ಗ್ನೇ ಸಚ‌ನ್ತ |
ತ್ವಂ ಭಾ॒ಸಾ ರೋದ॑ಸೀ॒ ಆ ತ॑ತ॒‌ನ್ಥಾಜ॑ಸ್ರೇಣ ಶೋ॒ಚಿಷಾ॒ ಶೋಶು॑ಚಾನಃ || 7.5.4
ತ್ವಾಮ॑ಗ್ನೇ ಹ॒ರಿತೋ᳚ ವಾವಶಾ॒ನಾ ಗಿರಃ॑ ಸಚ‌ನ್ತೇ॒ ಧುನ॑ಯೋ ಘೃ॒ತಾಚೀಃ᳚ |
ಪತಿಂ᳚ ಕೃಷ್ಟೀ॒ನಾಂ ರ॒ಥ್ಯಂ᳚ ರಯೀ॒ಣಾಂ ವೈ᳚ಶ್ವಾನ॒ರಮು॒ಷಸಾಂ᳚ ಕೇ॒ತುಮಹ್ನಾ᳚‌ಮ್ || 7.5.5
ತ್ವೇ ಅ॑ಸು॒ರ್ಯ1॒॑ ಅಂವಸ॑ವೋ॒ ನ್ಯೃ᳚ಣ್ವ॒ನ್ಕ್ರತುಂ॒ ಹಿ ತೇ᳚ ಮಿತ್ರಮಹೋ ಜು॒ಷ‌ನ್ತ॑ |
ತ್ವಂ ದಸ್ಯೂಁ॒ರೋಕ॑ಸೋ ಅಗ್ನ ಆಜ ಉ॒ರು ಜ್ಯೋತಿ॑ರ್ಜ॒ನಯ॒ನ್ನಾರ್ಯಾ᳚ಯ || 7.5.6
ಸ ಜಾಯ॑ಮಾನಃ ಪರ॒ಮೇ ವ್ಯೋ᳚ಮನ್ವಾ॒ಯುರ್ನ ಪಾಥಃ॒ ಪರಿ॑ ಪಾಸಿ ಸ॒ದ್ಯಃ |
ತ್ವಂ ಭುವ॑ನಾ ಜ॒ನಯ᳚ನ್ನ॒ಭಿ ಕ್ರ॒ನ್ನಪ॑ತ್ಯಾಯ ಜಾತವೇದೋ ದಶ॒ಸ್ಯನ್ || 7.5.7
ತಾಮ॑ಗ್ನೇ ಅ॒ಸ್ಮೇ ಇಷ॒ಮೇರ॑ಯಸ್ವ॒ ವೈಶ್ವಾ᳚ನರ ದ್ಯು॒ಮತೀಂ᳚ ಜಾತವೇದಃ |
ಯಯಾ॒ ರಾಧಃ॒ ಪಿನ್ವ॑ಸಿ ವಿಶ್ವವಾರ ಪೃ॒ಥು ಶ್ರವೋ᳚ ದಾ॒ಶುಷೇ॒ ಮರ್ತ್ಯಾ᳚ಯ || 7.5.8
ತಂ ನೋ᳚ ಅಗ್ನೇ ಮ॒ಘವ॑ದ್ಭ್ಯಃ ಪುರು॒ಕ್ಷುಂ ರ॒ಯಿಂ ನಿ ವಾಜಂ॒ ಶ್ರುತ್ಯಂ᳚ ಯುವಸ್ವ |
ವೈಶ್ವಾ᳚ನರ॒ ಮಹಿ॑ ನಃ॒ ಶರ್ಮ॑ ಯಚ್ಛ ರು॒ದ್ರೇಭಿ॑ರಗ್ನೇ॒ ವಸು॑ಭಿಃ ಸ॒ಜೋಷಾಃ᳚ || 7.5.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಸ॒ಮ್ರಾಜೋ॒ ಅಸು॑ರಸ್ಯ॒ ಪ್ರಶ॑ಸ್ತಿಂ ಪುಂ॒ಸಃ ಕೃ॑ಷ್ಟೀ॒ನಾಮ॑ನು॒ಮಾದ್ಯ॑ಸ್ಯ |
ಇಂದ್ರ॑ಸ್ಯೇವ॒ ಪ್ರ ತ॒ವಸ॑ಸ್ಕೃ॒ತಾನಿ॒ ವಂದೇ᳚ ದಾ॒ರುಂ ವಂದ॑ಮಾನೋ ವಿವಕ್ಮಿ || 7.6.1
ಕ॒ವಿಂ ಕೇ॒ತುಂ ಧಾ॒ಸಿಂ ಭಾ॒ನುಮದ್ರೇ᳚ರ್ಹಿ॒ನ್ವ‌ನ್ತಿ॒ ಶಂ ರಾ॒ಜ್ಯಂ ರೋದ॑ಸ್ಯೋಃ |
ಪು॒ರಂ॒ದ॒ರಸ್ಯ॑ ಗೀ॒ರ್ಭಿರಾ ವಿ॑ವಾಸೇ॒ಽಗ್ನೇರ್ವ್ರ॒ತಾನಿ॑ ಪೂ॒ರ್ವ್ಯಾ ಮ॒ಹಾನಿ॑ || 7.6.2
ನ್ಯ॑ಕ್ರ॒ತೂನ್ಗ್ರ॒ಥಿನೋ᳚ ಮೃ॒ಧ್ರವಾ᳚ಚಃ ಪ॒ಣೀಁರ॑ಶ್ರ॒ದ್ಧಾಁ ಅ॑ವೃ॒ಧಾಁ ಅ॑ಯ॒ಜ್ಞಾನ್ |
ಪ್ರಪ್ರ॒ ತಾಂದಸ್ಯೂಁ᳚ರ॒ಗ್ನಿರ್ವಿ॑ವಾಯ॒ ಪೂರ್ವ॑ಶ್ಚಕಾ॒ರಾಪ॑ರಾಁ॒ ಅಯ॑ಜ್ಯೂನ್ || 7.6.3
ಯೋ ಅ॑ಪಾ॒ಚೀನೇ॒ ತಮ॑ಸಿ॒ ಮದ᳚‌ನ್ತೀಃ॒ ಪ್ರಾಚೀ᳚ಶ್ಚ॒ಕಾರ॒ ನೃತ॑ಮಃ॒ ಶಚೀ᳚ಭಿಃ |
ತಮೀಶಾ᳚ನಂ॒ ವಸ್ವೋ᳚ ಅ॒ಗ್ನಿಂ ಗೃ॑ಣೀ॒ಷೇಽನಾ᳚ನತಂ ದ॒ಮಯ᳚‌ನ್ತಂ ಪೃತ॒ನ್ಯೂನ್ || 7.6.4
ಯೋ ದೇ॒ಹ್ಯೋ॒3॒॑ ಅನ॑ಮಯದ್ವಧ॒ಸ್ನೈರ್ಯೋ ಅ॒ರ್ಯಪ॑ತ್ನೀರು॒ಷಸ॑ಶ್ಚ॒ಕಾರ॑ |
ಸ ನಿ॒ರುಧ್ಯಾ॒ ನಹು॑ಷೋ ಯ॒ಹ್ವೋ ಅ॒ಗ್ನಿರ್ವಿಶ॑ಶ್ಚಕ್ರೇ ಬಲಿ॒ಹೃತಃ॒ ಸಹೋ᳚ಭಿಃ || 7.6.5
ಯಸ್ಯ॒ ಶರ್ಮ॒ನ್ನುಪ॒ ವಿಶ್ವೇ॒ ಜನಾ᳚ಸ॒ ಏವೈ᳚ಸ್ತ॒ಸ್ಥುಃ ಸು॑ಮ॒ತಿಂ ಭಿಕ್ಷ॑ಮಾಣಾಃ |
ವೈ॒ಶ್ವಾ॒ನ॒ರೋ ವರ॒ಮಾ ರೋದ॑ಸ್ಯೋ॒ರಾಗ್ನಿಃ ಸ॑ಸಾದ ಪಿ॒ತ್ರೋರು॒ಪಸ್ಥ‌ಮ್᳚ || 7.6.6
ಆ ದೇ॒ವೋ ದ॑ದೇ ಬು॒ಧ್ನ್ಯಾ॒3॒॑ ವಸೂ᳚ನಿ ವೈಶ್ವಾನ॒ರ ಉದಿ॑ತಾ॒ ಸೂರ್ಯ॑ಸ್ಯ |
ಆ ಸ॑ಮು॒ದ್ರಾದವ॑ರಾ॒ದಾ ಪರ॑ಸ್ಮಾ॒ದಾಗ್ನಿರ್ದ॑ದೇ ದಿ॒ವ ಆ ಪೃ॑ಥಿ॒ವ್ಯಾಃ || 7.6.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ವೋ᳚ ದೇ॒ವಂ ಚಿ॑ತ್ಸಹಸಾ॒ನಮ॒ಗ್ನಿಮಶ್ವಂ॒ ನ ವಾ॒ಜಿನಂ᳚ ಹಿಷೇ॒ ನಮೋ᳚ಭಿಃ |
ಭವಾ᳚ ನೋ ದೂ॒ತೋ ಅ॑ಧ್ವ॒ರಸ್ಯ॑ ವಿ॒ದ್ವಾ‌ನ್ತ್ಮನಾ᳚ ದೇ॒ವೇಷು॑ ವಿವಿದೇ ಮಿ॒ತದ್ರುಃ॑ || 7.7.1
ಆ ಯಾ᳚ಹ್ಯಗ್ನೇ ಪ॒ಥ್ಯಾ॒3॒॑ ಅನು॒ ಸ್ವಾ ಮಂ॒ದ್ರೋ ದೇ॒ವಾನಾಂ᳚ ಸ॒ಖ್ಯಂ ಜು॑ಷಾ॒ಣಃ |
ಆ ಸಾನು॒ ಶುಷ್ಮೈ᳚ರ್ನ॒ದಯ᳚ನ್ಪೃಥಿ॒ವ್ಯಾ ಜಂಭೇ᳚ಭಿ॒ರ್ವಿಶ್ವ॑ಮು॒ಶಧ॒ಗ್ವನಾ᳚ನಿ || 7.7.2
ಪ್ರಾ॒ಚೀನೋ᳚ ಯ॒ಜ್ಞಃ ಸುಧಿ॑ತಂ॒ ಹಿ ಬ॒ರ್ಹಿಃ ಪ್ರೀ᳚ಣೀ॒ತೇ ಅ॒ಗ್ನಿರೀ᳚ಳಿ॒ತೋ ನ ಹೋತಾ᳚ |
ಆ ಮಾ॒ತರಾ᳚ ವಿ॒ಶ್ವವಾ᳚ರೇ ಹುವಾ॒ನೋ ಯತೋ᳚ ಯವಿಷ್ಠ ಜಜ್ಞಿ॒ಷೇ ಸು॒ಶೇವಃ॑ || 7.7.3
ಸ॒ದ್ಯೋ ಅ॑ಧ್ವ॒ರೇ ರ॑ಥಿ॒ರಂ ಜ॑ನ‌ನ್ತ॒ ಮಾನು॑ಷಾಸೋ॒ ವಿಚೇ᳚ತಸೋ॒ ಯ ಏ᳚ಷಾ‌ಮ್ |
ವಿ॒ಶಾಮ॑ಧಾಯಿ ವಿ॒ಶ್ಪತಿ॑ರ್ದುರೋ॒ಣೇ॒3॒॑ಽಗ್ನಿರ್ಮಂ॒ದ್ರೋ ಮಧು॑ವಚಾ ಋ॒ತಾವಾ᳚ || 7.7.4
ಅಸಾ᳚ದಿ ವೃ॒ತೋ ವಹ್ನಿ॑ರಾಜಗ॒ನ್ವಾನ॒ಗ್ನಿರ್ಬ್ರ॒ಹ್ಮಾ ನೃ॒ಷದ॑ನೇ ವಿಧ॒ರ್ತಾ |
ದ್ಯೌಶ್ಚ॒ ಯಂ ಪೃ॑ಥಿ॒ವೀ ವಾ᳚ವೃ॒ಧಾತೇ॒ ಆ ಯಂ ಹೋತಾ॒ ಯಜ॑ತಿ ವಿ॒ಶ್ವವಾ᳚ರ‌ಮ್ || 7.7.5
ಏ॒ತೇ ದ್ಯು॒ಮ್ನೇಭಿ॒ರ್ವಿಶ್ವ॒ಮಾತಿ॑ರ‌ನ್ತ॒ ಮ‌ನ್ತ್ರಂ॒ ಯೇ ವಾರಂ॒ ನರ್ಯಾ॒ ಅತ॑ಕ್ಷನ್ |
ಪ್ರ ಯೇ ವಿಶ॑ಸ್ತಿ॒ರ‌ನ್ತ॒ ಶ್ರೋಷ॑ಮಾಣಾ॒ ಆ ಯೇ ಮೇ᳚ ಅ॒ಸ್ಯ ದೀಧ॑ಯನ್ನೃ॒ತಸ್ಯ॑ || 7.7.6
ನೂ ತ್ವಾಮ॑ಗ್ನ ಈಮಹೇ॒ ವಸಿ॑ಷ್ಠಾ ಈಶಾ॒ನಂ ಸೂ᳚ನೋ ಸಹಸೋ॒ ವಸೂ᳚ನಾ‌ಮ್ |
ಇಷಂ᳚ ಸ್ತೋ॒ತೃಭ್ಯೋ᳚ ಮ॒ಘವ॑ದ್ಭ್ಯ ಆನಡ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.7.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಇಂ॒ಧೇ ರಾಜಾ॒ ಸಮ॒ರ್ಯೋ ನಮೋ᳚ಭಿ॒ರ್ಯಸ್ಯ॒ ಪ್ರತೀ᳚ಕ॒ಮಾಹು॑ತಂ ಘೃ॒ತೇನ॑ |
ನರೋ᳚ ಹ॒ವ್ಯೇಭಿ॑ರೀಳತೇ ಸ॒ಬಾಧ॒ ಆಗ್ನಿರಗ್ರ॑ ಉ॒ಷಸಾ᳚ಮಶೋಚಿ || 7.8.1
ಅ॒ಯಮು॒ ಷ್ಯ ಸುಮ॑ಹಾಁ ಅವೇದಿ॒ ಹೋತಾ᳚ ಮಂ॒ದ್ರೋ ಮನು॑ಷೋ ಯ॒ಹ್ವೋ ಅ॒ಗ್ನಿಃ |
ವಿ ಭಾ ಅ॑ಕಃ ಸಸೃಜಾ॒ನಃ ಪೃ॑ಥಿ॒ವ್ಯಾಂ ಕೃ॒ಷ್ಣಪ॑ವಿ॒ರೋಷ॑ಧೀಭಿರ್ವವಕ್ಷೇ || 7.8.2
ಕಯಾ᳚ ನೋ ಅಗ್ನೇ॒ ವಿ ವ॑ಸಃ ಸುವೃ॒ಕ್ತಿಂ ಕಾಮು॑ ಸ್ವ॒ಧಾಮೃ॑ಣವಃ ಶ॒ಸ್ಯಮಾ᳚ನಃ |
ಕ॒ದಾ ಭ॑ವೇಮ॒ ಪತ॑ಯಃ ಸುದತ್ರ ರಾ॒ಯೋ ವ॒‌ನ್ತಾರೋ᳚ ದು॒ಷ್ಟರ॑ಸ್ಯ ಸಾ॒ಧೋಃ || 7.8.3
ಪ್ರಪ್ರಾ॒ಯಮ॒ಗ್ನಿರ್ಭ॑ರ॒ತಸ್ಯ॑ ಶೃಣ್ವೇ॒ ವಿ ಯತ್ಸೂರ್ಯೋ॒ ನ ರೋಚ॑ತೇ ಬೃ॒ಹದ್ಭಾಃ |
ಅ॒ಭಿ ಯಃ ಪೂ॒ರುಂ ಪೃತ॑ನಾಸು ತ॒ಸ್ಥೌ ದ್ಯು॑ತಾ॒ನೋ ದೈವ್ಯೋ॒ ಅತಿ॑ಥಿಃ ಶುಶೋಚ || 7.8.4
ಅಸ॒ನ್ನಿತ್ತ್ವೇ ಆ॒ಹವ॑ನಾನಿ॒ ಭೂರಿ॒ ಭುವೋ॒ ವಿಶ್ವೇ᳚ಭಿಃ ಸು॒ಮನಾ॒ ಅನೀ᳚ಕೈಃ |
ಸ್ತು॒ತಶ್ಚಿ॑ದಗ್ನೇ ಶೃಣ್ವಿಷೇ ಗೃಣಾ॒ನಃ ಸ್ವ॒ಯಂ ವ॑ರ್ಧಸ್ವ ತ॒ನ್ವಂ᳚ ಸುಜಾತ || 7.8.5
ಇ॒ದಂ ವಚಃ॑ ಶತ॒ಸಾಃ ಸಂಸ॑ಹಸ್ರ॒ಮುದ॒ಗ್ನಯೇ᳚ ಜನಿಷೀಷ್ಟ ದ್ವಿ॒ಬರ್ಹಾಃ᳚ |
ಶಂ ಯತ್ಸ್ತೋ॒ತೃಭ್ಯ॑ ಆ॒ಪಯೇ॒ ಭವಾ᳚ತಿ ದ್ಯು॒ಮದ॑ಮೀವ॒ಚಾತ॑ನಂ ರಕ್ಷೋ॒ಹಾ || 7.8.6
ನೂ ತ್ವಾಮ॑ಗ್ನ ಈಮಹೇ॒ ವಸಿ॑ಷ್ಠಾ ಈಶಾ॒ನಂ ಸೂ᳚ನೋ ಸಹಸೋ॒ ವಸೂ᳚ನಾ‌ಮ್ |
ಇಷಂ᳚ ಸ್ತೋ॒ತೃಭ್ಯೋ᳚ ಮ॒ಘವ॑ದ್ಭ್ಯ ಆನಡ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.8.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಬೋ᳚ಧಿ ಜಾ॒ರ ಉ॒ಷಸಾ᳚ಮು॒ಪಸ್ಥಾ॒ದ್ಧೋತಾ᳚ ಮಂ॒ದ್ರಃ ಕ॒ವಿತ॑ಮಃ ಪಾವ॒ಕಃ |
ದಧಾ᳚ತಿ ಕೇ॒ತುಮು॒ಭಯ॑ಸ್ಯ ಜ॒‌ನ್ತೋರ್ಹ॒ವ್ಯಾ ದೇ॒ವೇಷು॒ ದ್ರವಿ॑ಣಂ ಸು॒ಕೃತ್ಸು॑ || 7.9.1
ಸ ಸು॒ಕ್ರತು॒ರ್ಯೋ ವಿ ದುರಃ॑ ಪಣೀ॒ನಾಂ ಪು॑ನಾ॒ನೋ ಅ॒ರ್ಕಂ ಪು॑ರು॒ಭೋಜ॑ಸಂ ನಃ |
ಹೋತಾ᳚ ಮಂ॒ದ್ರೋ ವಿ॒ಶಾಂ ದಮೂ᳚ನಾಸ್ತಿ॒ರಸ್ತಮೋ᳚ ದದೃಶೇ ರಾ॒ಮ್ಯಾಣಾ᳚‌ಮ್ || 7.9.2
ಅಮೂ᳚ರಃ ಕ॒ವಿರದಿ॑ತಿರ್ವಿ॒ವಸ್ವಾ᳚‌‌ನ್ತ್ಸುಸಂ॒ಸನ್ಮಿ॒ತ್ರೋ ಅತಿ॑ಥಿಃ ಶಿ॒ವೋ ನಃ॑ |
ಚಿ॒ತ್ರಭಾ᳚ನುರು॒ಷಸಾಂ᳚ ಭಾ॒ತ್ಯಗ್ರೇ॒ಽಪಾಂ ಗರ್ಭಃ॑ ಪ್ರ॒ಸ್ವ1॒॑ ಆ ವಿ॑ವೇಶ || 7.9.3
ಈ॒ಳೇನ್ಯೋ᳚ ವೋ॒ ಮನು॑ಷೋ ಯು॒ಗೇಷು॑ ಸಮನ॒ಗಾ ಅ॑ಶುಚಜ್ಜಾ॒ತವೇ᳚ದಾಃ |
ಸು॒ಸಂ॒ದೃಶಾ᳚ ಭಾ॒ನುನಾ॒ ಯೋ ವಿ॒ಭಾತಿ॒ ಪ್ರತಿ॒ ಗಾವಃ॑ ಸಮಿಧಾ॒ನಂ ಬು॑ಧ‌ನ್ತ || 7.9.4
ಅಗ್ನೇ᳚ ಯಾ॒ಹಿ ದೂ॒ತ್ಯ1॒॑ ಅಂಮಾ ರಿ॑ಷಣ್ಯೋ ದೇ॒ವಾಁ ಅಚ್ಛಾ᳚ ಬ್ರಹ್ಮ॒ಕೃತಾ᳚ ಗ॒ಣೇನ॑ |
ಸರ॑ಸ್ವತೀಂ ಮ॒ರುತೋ᳚ ಅ॒ಶ್ವಿನಾ॒ಪೋ ಯಕ್ಷಿ॑ ದೇ॒ವಾನ್ರ॑ತ್ನ॒ಧೇಯಾ᳚ಯ॒ ವಿಶ್ವಾನ್॑ || 7.9.5
ತ್ವಾಮ॑ಗ್ನೇ ಸಮಿಧಾ॒ನೋ ವಸಿ॑ಷ್ಠೋ॒ ಜರೂ᳚ಥಂ ಹ॒ನ್ಯಕ್ಷಿ॑ ರಾ॒ಯೇ ಪುರಂ᳚ಧಿ‌ಮ್ |
ಪು॒ರು॒ಣೀ॒ಥಾ ಜಾ᳚ತವೇದೋ ಜರಸ್ವ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.9.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಉ॒ಷೋ ನ ಜಾ॒ರಃ ಪೃ॒ಥು ಪಾಜೋ᳚ ಅಶ್ರೇ॒ದ್ದವಿ॑ದ್ಯುತ॒ದ್ದೀದ್ಯ॒ಚ್ಛೋಶು॑ಚಾನಃ |
ವೃಷಾ॒ ಹರಿಃ॒ ಶುಚಿ॒ರಾ ಭಾ᳚ತಿ ಭಾ॒ಸಾ ಧಿಯೋ᳚ ಹಿನ್ವಾ॒ನ ಉ॑ಶ॒ತೀರ॑ಜೀಗಃ || 7.10.1
ಸ್ವ1॒᳚ರ್ಣ ವಸ್ತೋ᳚ರು॒ಷಸಾ᳚ಮರೋಚಿ ಯ॒ಜ್ಞಂ ತ᳚ನ್ವಾ॒ನಾ ಉ॒ಶಿಜೋ॒ ನ ಮನ್ಮ॑ |
ಅ॒ಗ್ನಿರ್ಜನ್ಮಾ᳚ನಿ ದೇ॒ವ ಆ ವಿ ವಿ॒ದ್ವಾಂದ್ರ॒ವದ್ದೂ॒ತೋ ದೇ᳚ವ॒ಯಾವಾ॒ ವನಿ॑ಷ್ಠಃ || 7.10.2
ಅಚ್ಛಾ॒ ಗಿರೋ᳚ ಮ॒ತಯೋ᳚ ದೇವ॒ಯ‌ನ್ತೀ᳚ರ॒ಗ್ನಿಂ ಯ᳚‌ನ್ತಿ॒ ದ್ರವಿ॑ಣಂ॒ ಭಿಕ್ಷ॑ಮಾಣಾಃ |
ಸು॒ಸಂ॒ದೃಶಂ᳚ ಸು॒ಪ್ರತೀ᳚ಕಂ॒ ಸ್ವಂಚಂ᳚ ಹವ್ಯ॒ವಾಹ॑ಮರ॒ತಿಂ ಮಾನು॑ಷಾಣಾ‌ಮ್ || 7.10.3
ಇಂದ್ರಂ᳚ ನೋ ಅಗ್ನೇ॒ ವಸು॑ಭಿಃ ಸ॒ಜೋಷಾ᳚ ರು॒ದ್ರಂ ರು॒ದ್ರೇಭಿ॒ರಾ ವ॑ಹಾ ಬೃ॒ಹ‌ನ್ತ‌ಮ್᳚ |
ಆ॒ದಿ॒ತ್ಯೇಭಿ॒ರದಿ॑ತಿಂ ವಿ॒ಶ್ವಜ᳚ನ್ಯಾಂ॒ ಬೃಹ॒ಸ್ಪತಿ॒ಮೃಕ್ವ॑ಭಿರ್ವಿ॒ಶ್ವವಾ᳚ರ‌ಮ್ || 7.10.4
ಮಂ॒ದ್ರಂ ಹೋತಾ᳚ರಮು॒ಶಿಜೋ॒ ಯವಿ॑ಷ್ಠಮ॒ಗ್ನಿಂ ವಿಶ॑ ಈಳತೇ ಅಧ್ವ॒ರೇಷು॑ |
ಸ ಹಿ ಕ್ಷಪಾ᳚ವಾಁ॒ ಅಭ॑ವದ್ರಯೀ॒ಣಾಮತಂ᳚ದ್ರೋ ದೂ॒ತೋ ಯ॒ಜಥಾ᳚ಯ ದೇ॒ವಾನ್ || 7.10.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಮ॒ಹಾಁ ಅ॑ಸ್ಯಧ್ವ॒ರಸ್ಯ॑ ಪ್ರಕೇ॒ತೋ ನ ಋ॒ತೇ ತ್ವದ॒ಮೃತಾ᳚ ಮಾದಯ‌ನ್ತೇ |
ಆ ವಿಶ್ವೇ᳚ಭಿಃ ಸ॒ರಥಂ᳚ ಯಾಹಿ ದೇ॒ವೈರ್ನ್ಯ॑ಗ್ನೇ॒ ಹೋತಾ᳚ ಪ್ರಥ॒ಮಃ ಸ॑ದೇ॒ಹ || 7.11.1
ತ್ವಾಮೀ᳚ಳತೇ ಅಜಿ॒ರಂ ದೂ॒ತ್ಯಾ᳚ಯ ಹ॒ವಿಷ್ಮ᳚‌ನ್ತಃ॒ ಸದ॒ಮಿನ್ಮಾನು॑ಷಾಸಃ |
ಯಸ್ಯ॑ ದೇ॒ವೈರಾಸ॑ದೋ ಬ॒ರ್ಹಿರ॒ಗ್ನೇಽಹಾ᳚ನ್ಯಸ್ಮೈ ಸು॒ದಿನಾ᳚ ಭವ‌ನ್ತಿ || 7.11.2
ತ್ರಿಶ್ಚಿ॑ದ॒ಕ್ತೋಃ ಪ್ರ ಚಿ॑ಕಿತು॒ರ್ವಸೂ᳚ನಿ॒ ತ್ವೇ ಅ॒‌ನ್ತರ್ದಾ॒ಶುಷೇ॒ ಮರ್ತ್ಯಾ᳚ಯ |
ಮ॒ನು॒ಷ್ವದ॑ಗ್ನ ಇ॒ಹ ಯ॑ಕ್ಷಿ ದೇ॒ವಾನ್ಭವಾ᳚ ನೋ ದೂ॒ತೋ ಅ॑ಭಿಶಸ್ತಿ॒ಪಾವಾ᳚ || 7.11.3
ಅ॒ಗ್ನಿರೀ᳚ಶೇ ಬೃಹ॒ತೋ ಅ॑ಧ್ವ॒ರಸ್ಯಾ॒ಗ್ನಿರ್ವಿಶ್ವ॑ಸ್ಯ ಹ॒ವಿಷಃ॑ ಕೃ॒ತಸ್ಯ॑ |
ಕ್ರತುಂ॒ ಹ್ಯ॑ಸ್ಯ॒ ವಸ॑ವೋ ಜು॒ಷ‌ನ್ತಾಥಾ᳚ ದೇ॒ವಾ ದ॑ಧಿರೇ ಹವ್ಯ॒ವಾಹ‌ಮ್᳚ || 7.11.4
ಆಗ್ನೇ᳚ ವಹ ಹವಿ॒ರದ್ಯಾ᳚ಯ ದೇ॒ವಾನಿಂದ್ರ॑ಜ್ಯೇಷ್ಠಾಸ ಇ॒ಹ ಮಾ᳚ದಯ‌ನ್ತಾ‌ಮ್ |
ಇ॒ಮಂ ಯ॒ಜ್ಞಂ ದಿ॒ವಿ ದೇ॒ವೇಷು॑ ಧೇಹಿ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.11.5

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಗ᳚ನ್ಮ ಮ॒ಹಾ ನಮ॑ಸಾ॒ ಯವಿ॑ಷ್ಠಂ॒ ಯೋ ದೀ॒ದಾಯ॒ ಸಮಿ॑ದ್ಧಃ॒ ಸ್ವೇ ದು॑ರೋ॒ಣೇ |
ಚಿ॒ತ್ರಭಾ᳚ನುಂ॒ ರೋದ॑ಸೀ ಅ॒‌ನ್ತರು॒ರ್ವೀ ಸ್ವಾ᳚ಹುತಂ ವಿ॒ಶ್ವತಃ॑ ಪ್ರ॒ತ್ಯಂಚ‌ಮ್᳚ || 7.12.1
ಸ ಮ॒ಹ್ನಾ ವಿಶ್ವಾ᳚ ದುರಿ॒ತಾನಿ॑ ಸಾ॒ಹ್ವಾನ॒ಗ್ನಿಃ ಷ್ಟ॑ವೇ॒ ದಮ॒ ಆ ಜಾ॒ತವೇ᳚ದಾಃ |
ಸ ನೋ᳚ ರಕ್ಷಿಷದ್ದುರಿ॒ತಾದ॑ವ॒ದ್ಯಾದ॒ಸ್ಮಾನ್ಗೃ॑ಣ॒ತ ಉ॒ತ ನೋ᳚ ಮ॒ಘೋನಃ॑ || 7.12.2
ತ್ವಂ ವರು॑ಣ ಉ॒ತ ಮಿ॒ತ್ರೋ ಅ॑ಗ್ನೇ॒ ತ್ವಾಂ ವ॑ರ್ಧ‌ನ್ತಿ ಮ॒ತಿಭಿ॒ರ್ವಸಿ॑ಷ್ಠಾಃ |
ತ್ವೇ ವಸು॑ ಸುಷಣ॒ನಾನಿ॑ ಸ‌ನ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.12.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವೈಶ್ವಾನರೋಽಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರಾಗ್ನಯೇ᳚ ವಿಶ್ವ॒ಶುಚೇ᳚ ಧಿಯಂ॒ಧೇ᳚ಽಸುರ॒ಘ್ನೇ ಮನ್ಮ॑ ಧೀ॒ತಿಂ ಭ॑ರಧ್ವ‌ಮ್ |
ಭರೇ᳚ ಹ॒ವಿರ್ನ ಬ॒ರ್ಹಿಷಿ॑ ಪ್ರೀಣಾ॒ನೋ ವೈ᳚ಶ್ವಾನ॒ರಾಯ॒ ಯತ॑ಯೇ ಮತೀ॒ನಾ‌ಮ್ || 7.13.1
ತ್ವಮ॑ಗ್ನೇ ಶೋ॒ಚಿಷಾ॒ ಶೋಶು॑ಚಾನ॒ ಆ ರೋದ॑ಸೀ ಅಪೃಣಾ॒ ಜಾಯ॑ಮಾನಃ |
ತ್ವಂ ದೇ॒ವಾಁ ಅ॒ಭಿಶ॑ಸ್ತೇರಮುಂಚೋ॒ ವೈಶ್ವಾ᳚ನರ ಜಾತವೇದೋ ಮಹಿ॒ತ್ವಾ || 7.13.2
ಜಾ॒ತೋ ಯದ॑ಗ್ನೇ॒ ಭುವ॑ನಾ॒ ವ್ಯಖ್ಯಃ॑ ಪ॒ಶೂನ್ನ ಗೋ॒ಪಾ ಇರ್ಯಃ॒ ಪರಿ॑ಜ್ಮಾ |
ವೈಶ್ವಾ᳚ನರ॒ ಬ್ರಹ್ಮ॑ಣೇ ವಿಂದ ಗಾ॒ತುಂ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.13.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, (1) ಪ್ರಥಮ! ಬೃಹತೀ, (2-3) ದ್ವಿತೀಯಾತೃತೀಯಯೋಶ್ಚ ತ್ರಿಷ್ಟುಪ್ ಛಂದಸೀ

ಸ॒ಮಿಧಾ᳚ ಜಾ॒ತವೇ᳚ದಸೇ ದೇ॒ವಾಯ॑ ದೇ॒ವಹೂ᳚ತಿಭಿಃ |
ಹ॒ವಿರ್ಭಿಃ॑ ಶು॒ಕ್ರಶೋ᳚ಚಿಷೇ ನಮ॒ಸ್ವಿನೋ᳚ ವ॒ಯಂ ದಾ᳚ಶೇಮಾ॒ಗ್ನಯೇ᳚ || 7.14.1
ವ॒ಯಂ ತೇ᳚ ಅಗ್ನೇ ಸ॒ಮಿಧಾ᳚ ವಿಧೇಮ ವ॒ಯಂ ದಾ᳚ಶೇಮ ಸುಷ್ಟು॒ತೀ ಯ॑ಜತ್ರ |
ವ॒ಯಂ ಘೃ॒ತೇನಾ᳚ಧ್ವರಸ್ಯ ಹೋತರ್ವ॒ಯಂ ದೇ᳚ವ ಹ॒ವಿಷಾ᳚ ಭದ್ರಶೋಚೇ || 7.14.2
ಆ ನೋ᳚ ದೇ॒ವೇಭಿ॒ರುಪ॑ ದೇ॒ವಹೂ᳚ತಿ॒ಮಗ್ನೇ᳚ ಯಾ॒ಹಿ ವಷ॑ಟ್ಕೃತಿಂ ಜುಷಾ॒ಣಃ |
ತುಭ್ಯಂ᳚ ದೇ॒ವಾಯ॒ ದಾಶ॑ತಃ ಸ್ಯಾಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.14.3

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಉ॒ಪ॒ಸದ್ಯಾ᳚ಯ ಮೀ॒ಳ್ಹುಷ॑ ಆ॒ಸ್ಯೇ᳚ ಜುಹುತಾ ಹ॒ವಿಃ |
ಯೋ ನೋ॒ ನೇದಿ॑ಷ್ಠ॒ಮಾಪ್ಯ‌ಮ್᳚ || 7.15.1
ಯಃ ಪಂಚ॑ ಚರ್ಷ॒ಣೀರ॒ಭಿ ನಿ॑ಷ॒ಸಾದ॒ ದಮೇ᳚ದಮೇ |
ಕ॒ವಿರ್ಗೃ॒ಹಪ॑ತಿ॒ರ್ಯುವಾ᳚ || 7.15.2
ಸ ನೋ॒ ವೇದೋ᳚ ಅ॒ಮಾತ್ಯ॑ಮ॒ಗ್ನೀ ರ॑ಕ್ಷತು ವಿ॒ಶ್ವತಃ॑ |
ಉ॒ತಾಸ್ಮಾನ್ಪಾ॒ತ್ವಂಹ॑ಸಃ || 7.15.3
ನವಂ॒ ನು ಸ್ತೋಮ॑ಮ॒ಗ್ನಯೇ᳚ ದಿ॒ವಃ ಶ್ಯೇ॒ನಾಯ॑ ಜೀಜನ‌ಮ್ |
ವಸ್ವಃ॑ ಕು॒ವಿದ್ವ॒ನಾತಿ॑ ನಃ || 7.15.4
ಸ್ಪಾ॒ರ್ಹಾ ಯಸ್ಯ॒ ಶ್ರಿಯೋ᳚ ದೃ॒ಶೇ ರ॒ಯಿರ್ವೀ॒ರವ॑ತೋ ಯಥಾ |
ಅಗ್ರೇ᳚ ಯ॒ಜ್ಞಸ್ಯ॒ ಶೋಚ॑ತಃ || 7.15.5
ಸೇಮಾಂ ವೇ᳚ತು॒ ವಷ॑ಟ್ಕೃತಿಮ॒ಗ್ನಿರ್ಜು॑ಷತ ನೋ॒ ಗಿರಃ॑ |
ಯಜಿ॑ಷ್ಠೋ ಹವ್ಯ॒ವಾಹ॑ನಃ || 7.15.6
ನಿ ತ್ವಾ᳚ ನಕ್ಷ್ಯ ವಿಶ್ಪತೇ ದ್ಯು॒ಮ‌ನ್ತಂ᳚ ದೇವ ಧೀಮಹಿ |
ಸು॒ವೀರ॑ಮಗ್ನ ಆಹುತ || 7.15.7
ಕ್ಷಪ॑ ಉ॒ಸ್ರಶ್ಚ॑ ದೀದಿಹಿ ಸ್ವ॒ಗ್ನಯ॒ಸ್ತ್ವಯಾ᳚ ವ॒ಯ‌ಮ್ |
ಸು॒ವೀರ॒ಸ್ತ್ವಮ॑ಸ್ಮ॒ಯುಃ || 7.15.8
ಉಪ॑ ತ್ವಾ ಸಾ॒ತಯೇ॒ ನರೋ॒ ವಿಪ್ರಾ᳚ಸೋ ಯ‌ನ್ತಿ ಧೀ॒ತಿಭಿಃ॑ |
ಉಪಾಕ್ಷ॑ರಾ ಸಹ॒ಸ್ರಿಣೀ᳚ || 7.15.9
ಅ॒ಗ್ನೀ ರಕ್ಷಾಂ᳚ಸಿ ಸೇಧತಿ ಶು॒ಕ್ರಶೋ᳚ಚಿ॒ರಮ॑ರ್ತ್ಯಃ |
ಶುಚಿಃ॑ ಪಾವ॒ಕ ಈಡ್ಯಃ॑ || 7.15.10
ಸ ನೋ॒ ರಾಧಾಂ॒ಸ್ಯಾ ಭ॒ರೇಶಾ᳚ನಃ ಸಹಸೋ ಯಹೋ |
ಭಗ॑ಶ್ಚ ದಾತು॒ ವಾರ್ಯ‌ಮ್᳚ || 7.15.11
ತ್ವಮ॑ಗ್ನೇ ವೀ॒ರವ॒ದ್ಯಶೋ᳚ ದೇ॒ವಶ್ಚ॑ ಸವಿ॒ತಾ ಭಗಃ॑ |
ದಿತಿ॑ಶ್ಚ ದಾತಿ॒ ವಾರ್ಯ‌ಮ್᳚ || 7.15.12
ಅಗ್ನೇ॒ ರಕ್ಷಾ᳚ ಣೋ॒ ಅಂಹ॑ಸಃ॒ ಪ್ರತಿ॑ ಷ್ಮ ದೇವ॒ ರೀಷ॑ತಃ |
ತಪಿ॑ಷ್ಠೈರ॒ಜರೋ᳚ ದಹ || 7.15.13
ಅಧಾ᳚ ಮ॒ಹೀ ನ॒ ಆಯ॒ಸ್ಯನಾ᳚ಧೃಷ್ಟೋ॒ ನೃಪೀ᳚ತಯೇ |
ಪೂರ್ಭ॑ವಾ ಶ॒ತಭು॑ಜಿಃ || 7.15.14
ತ್ವಂ ನಃ॑ ಪಾ॒ಹ್ಯಂಹ॑ಸೋ॒ ದೋಷಾ᳚ವಸ್ತರಘಾಯ॒ತಃ |
ದಿವಾ॒ ನಕ್ತ॑ಮದಾಭ್ಯ || 7.15.15

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿರ್ದೇವತಾ, ಪ್ರಗಾಥಃ ( ವಿಷಮರ್ಚೀ ಬೃಹತೀ ಸಮರ್ಚಾಂ ಸತೋಬೃಹತೀ ) ಛಂದಃ

ಏ॒ನಾ ವೋ᳚ ಅ॒ಗ್ನಿಂ ನಮ॑ಸೋ॒ರ್ಜೋ ನಪಾ᳚ತ॒ಮಾ ಹು॑ವೇ |
ಪ್ರಿ॒ಯಂ ಚೇತಿ॑ಷ್ಠಮರ॒ತಿಂ ಸ್ವ॑ಧ್ವ॒ರಂ ವಿಶ್ವ॑ಸ್ಯ ದೂ॒ತಮ॒ಮೃತ‌ಮ್᳚ || 7.16.1
ಸ ಯೋ᳚ಜತೇ ಅರು॒ಷಾ ವಿ॒ಶ್ವಭೋ᳚ಜಸಾ॒ ಸ ದು॑ದ್ರವ॒ತ್ಸ್ವಾ᳚ಹುತಃ |
ಸು॒ಬ್ರಹ್ಮಾ᳚ ಯ॒ಜ್ಞಃ ಸು॒ಶಮೀ॒ ವಸೂ᳚ನಾಂ ದೇ॒ವಂ ರಾಧೋ॒ ಜನಾ᳚ನಾ‌ಮ್ || 7.16.2
ಉದ॑ಸ್ಯ ಶೋ॒ಚಿರ॑ಸ್ಥಾದಾ॒ಜುಹ್ವಾ᳚ನಸ್ಯ ಮೀ॒ಳ್ಹುಷಃ॑ |
ಉದ್ಧೂ॒ಮಾಸೋ᳚ ಅರು॒ಷಾಸೋ᳚ ದಿವಿ॒ಸ್ಪೃಶಃ॒ ಸಮ॒ಗ್ನಿಮಿಂ᳚ಧತೇ॒ ನರಃ॑ || 7.16.3
ತಂ ತ್ವಾ᳚ ದೂ॒ತಂ ಕೃ॑ಣ್ಮಹೇ ಯ॒ಶಸ್ತ॑ಮಂ ದೇ॒ವಾಁ ಆ ವೀ॒ತಯೇ᳚ ವಹ |
ವಿಶ್ವಾ᳚ ಸೂನೋ ಸಹಸೋ ಮರ್ತ॒ಭೋಜ॑ನಾ॒ ರಾಸ್ವ॒ ತದ್ಯತ್ತ್ವೇಮ॑ಹೇ || 7.16.4
ತ್ವಮ॑ಗ್ನೇ ಗೃ॒ಹಪ॑ತಿ॒ಸ್ತ್ವಂ ಹೋತಾ᳚ ನೋ ಅಧ್ವ॒ರೇ |
ತ್ವಂ ಪೋತಾ᳚ ವಿಶ್ವವಾರ॒ ಪ್ರಚೇ᳚ತಾ॒ ಯಕ್ಷಿ॒ ವೇಷಿ॑ ಚ॒ ವಾರ್ಯ‌ಮ್᳚ || 7.16.5
ಕೃ॒ಧಿ ರತ್ನಂ॒ ಯಜ॑ಮಾನಾಯ ಸುಕ್ರತೋ॒ ತ್ವಂ ಹಿ ರ॑ತ್ನ॒ಧಾ ಅಸಿ॑ |
ಆ ನ॑ ಋ॒ತೇ ಶಿ॑ಶೀಹಿ॒ ವಿಶ್ವ॑ಮೃ॒ತ್ವಿಜಂ᳚ ಸು॒ಶಂಸೋ॒ ಯಶ್ಚ॒ ದಕ್ಷ॑ತೇ || 7.16.6
ತ್ವೇ ಅ॑ಗ್ನೇ ಸ್ವಾಹುತ ಪ್ರಿ॒ಯಾಸಃ॑ ಸ‌ನ್ತು ಸೂ॒ರಯಃ॑ |
ಯ॒‌ನ್ತಾರೋ॒ ಯೇ ಮ॒ಘವಾ᳚ನೋ॒ ಜನಾ᳚ನಾಮೂ॒ರ್ವಾಂದಯ᳚‌ನ್ತ॒ ಗೋನಾ᳚‌ಮ್ || 7.16.7
ಯೇಷಾ॒ಮಿಳಾ᳚ ಘೃ॒ತಹ॑ಸ್ತಾ ದುರೋ॒ಣ ಆಁ ಅಪಿ॑ ಪ್ರಾ॒ತಾ ನಿ॒ಷೀದ॑ತಿ |
ತಾಁಸ್ತ್ರಾ᳚ಯಸ್ವ ಸಹಸ್ಯ ದ್ರು॒ಹೋ ನಿ॒ದೋ ಯಚ್ಛಾ᳚ ನಃ॒ ಶರ್ಮ॑ ದೀರ್ಘ॒ಶ್ರುತ್ || 7.16.8
ಸ ಮಂ॒ದ್ರಯಾ᳚ ಚ ಜಿ॒ಹ್ವಯಾ॒ ವಹ್ನಿ॑ರಾ॒ಸಾ ವಿ॒ದುಷ್ಟ॑ರಃ |
ಅಗ್ನೇ᳚ ರ॒ಯಿಂ ಮ॒ಘವ॑ದ್ಭ್ಯೋ ನ॒ ಆ ವ॑ಹ ಹ॒ವ್ಯದಾ᳚ತಿಂ ಚ ಸೂದಯ || 7.16.9
ಯೇ ರಾಧಾಂ᳚ಸಿ॒ ದದ॒ತ್ಯಶ್ವ್ಯಾ᳚ ಮ॒ಘಾ ಕಾಮೇ᳚ನ॒ ಶ್ರವ॑ಸೋ ಮ॒ಹಃ |
ತಾಁ ಅಂಹ॑ಸಃ ಪಿಪೃಹಿ ಪ॒ರ್ತೃಭಿ॒ಷ್ಟ್ವಂ ಶ॒ತಂ ಪೂ॒ರ್ಭಿರ್ಯ॑ವಿಷ್ಠ್ಯ || 7.16.10
ದೇ॒ವೋ ವೋ᳚ ದ್ರವಿಣೋ॒ದಾಃ ಪೂ॒ರ್ಣಾಂ ವಿ॑ವಷ್ಟ್ಯಾ॒ಸಿಚ‌ಮ್᳚ |
ಉದ್ವಾ᳚ ಸಿಂ॒ಚಧ್ವ॒ಮುಪ॑ ವಾ ಪೃಣಧ್ವ॒ಮಾದಿದ್ವೋ᳚ ದೇ॒ವ ಓ᳚ಹತೇ || 7.16.11
ತಂ ಹೋತಾ᳚ರಮಧ್ವ॒ರಸ್ಯ॒ ಪ್ರಚೇ᳚ತಸಂ॒ ವಹ್ನಿಂ᳚ ದೇ॒ವಾ ಅ॑ಕೃಣ್ವತ |
ದಧಾ᳚ತಿ॒ ರತ್ನಂ᳚ ವಿಧ॒ತೇ ಸು॒ವೀರ್ಯ॑ಮ॒ಗ್ನಿರ್ಜನಾ᳚ಯ ದಾ॒ಶುಷೇ᳚ || 7.16.12

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಗ್ನಿದೇರ್ವತಾ. ದ್ವಿಪದಾ ತ್ರಿಷ್ಟುಪ್ ಛಂದಃ

ಅಗ್ನೇ॒ ಭವ॑ ಸುಷ॒ಮಿಧಾ॒ ಸಮಿ॑ದ್ಧ ಉ॒ತ ಬ॒ರ್ಹಿರು᳚ರ್ವಿ॒ಯಾ ವಿ ಸ್ತೃ॑ಣೀತಾ‌ಮ್ || 7.17.1
ಉ॒ತ ದ್ವಾರ॑ ಉಶ॒ತೀರ್ವಿ ಶ್ರ॑ಯ‌ನ್ತಾಮು॒ತ ದೇ॒ವಾಁ ಉ॑ಶ॒ತ ಆ ವ॑ಹೇ॒ಹ || 7.17.2
ಅಗ್ನೇ᳚ ವೀ॒ಹಿ ಹ॒ವಿಷಾ॒ ಯಕ್ಷಿ॑ ದೇ॒ವಾ‌‌ನ್ತ್ಸ್ವ॑ಧ್ವ॒ರಾ ಕೃ॑ಣುಹಿ ಜಾತವೇದಃ || 7.17.3
ಸ್ವ॒ಧ್ವ॒ರಾ ಕ॑ರತಿ ಜಾ॒ತವೇ᳚ದಾ॒ ಯಕ್ಷ॑ದ್ದೇ॒ವಾಁ ಅ॒ಮೃತಾ᳚ನ್ಪಿ॒ಪ್ರಯ॑ಚ್ಚ || 7.17.4
ವಂಸ್ವ॒ ವಿಶ್ವಾ॒ ವಾರ್ಯಾ᳚ಣಿ ಪ್ರಚೇತಃ ಸ॒ತ್ಯಾ ಭ॑ವ‌ನ್ತ್ವಾ॒ಶಿಷೋ᳚ ನೋ ಅ॒ದ್ಯ || 7.17.5
ತ್ವಾಮು॒ ತೇ ದ॑ಧಿರೇ ಹವ್ಯ॒ವಾಹಂ᳚ ದೇ॒ವಾಸೋ᳚ ಅಗ್ನ ಊ॒ರ್ಜ ಆ ನಪಾ᳚ತ‌ಮ್ || 7.17.6
ತೇ ತೇ᳚ ದೇ॒ವಾಯ॒ ದಾಶ॑ತಃ ಸ್ಯಾಮ ಮ॒ಹೋ ನೋ॒ ರತ್ನಾ॒ ವಿ ದ॑ಧ ಇಯಾ॒ನಃ || 7.17.7

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-21) ಪ್ರಥಮಾಯೇಕವಿಂಶತ್ರ್ಯಚಾಮಿಂದ್ರಃ, (22-25) ದ್ವಾವಿಂಶ್ಯಾದಿಚತಸೃಣಾಂಚ ಪೈಜವನಸ್ಯ ಸುದಾಸೋ ದಾನಸ್ತುತಿದೇವ ತೇ, ತ್ರಿಷ್ಟುಪ್ ಛಂದಃ

ತ್ವೇ ಹ॒ ಯತ್ಪಿ॒ತರ॑ಶ್ಚಿನ್ನ ಇಂದ್ರ॒ ವಿಶ್ವಾ᳚ ವಾ॒ಮಾ ಜ॑ರಿ॒ತಾರೋ॒ ಅಸ᳚ನ್ವನ್ |
ತ್ವೇ ಗಾವಃ॑ ಸು॒ದುಘಾ॒ಸ್ತ್ವೇ ಹ್ಯಶ್ವಾ॒ಸ್ತ್ವಂ ವಸು॑ ದೇವಯ॒ತೇ ವನಿ॑ಷ್ಠಃ || 7.18.1
ರಾಜೇ᳚ವ॒ ಹಿ ಜನಿ॑ಭಿಃ॒ ಕ್ಷೇಷ್ಯೇ॒ವಾವ॒ ದ್ಯುಭಿ॑ರ॒ಭಿ ವಿ॒ದುಷ್ಕ॒ವಿಃ ಸನ್ |
ಪಿ॒ಶಾ ಗಿರೋ᳚ ಮಘವ॒ನ್ಗೋಭಿ॒ರಶ್ವೈ᳚ಸ್ತ್ವಾಯ॒ತಃ ಶಿ॑ಶೀಹಿ ರಾ॒ಯೇ ಅ॒ಸ್ಮಾನ್ || 7.18.2
ಇ॒ಮಾ ಉ॑ ತ್ವಾ ಪಸ್ಪೃಧಾ॒ನಾಸೋ॒ ಅತ್ರ॑ ಮಂ॒ದ್ರಾ ಗಿರೋ᳚ ದೇವ॒ಯ‌ನ್ತೀ॒ರುಪ॑ ಸ್ಥುಃ |
ಅ॒ರ್ವಾಚೀ᳚ ತೇ ಪ॒ಥ್ಯಾ᳚ ರಾ॒ಯ ಏ᳚ತು॒ ಸ್ಯಾಮ॑ ತೇ ಸುಮ॒ತಾವಿಂ᳚ದ್ರ॒ ಶರ್ಮನ್॑ || 7.18.3
ಧೇ॒ನುಂ ನ ತ್ವಾ᳚ ಸೂ॒ಯವ॑ಸೇ॒ ದುದು॑ಕ್ಷ॒ನ್ನುಪ॒ ಬ್ರಹ್ಮಾ᳚ಣಿ ಸಸೃಜೇ॒ ವಸಿ॑ಷ್ಠಃ |
ತ್ವಾಮಿನ್ಮೇ॒ ಗೋಪ॑ತಿಂ॒ ವಿಶ್ವ॑ ಆ॒ಹಾ ನ॒ ಇಂದ್ರಃ॑ ಸುಮ॒ತಿಂ ಗ॒‌ನ್ತ್ವಚ್ಛ॑ || 7.18.4
ಅರ್ಣಾಂ᳚ಸಿ ಚಿತ್ಪಪ್ರಥಾ॒ನಾ ಸು॒ದಾಸ॒ ಇಂದ್ರೋ᳚ ಗಾ॒ಧಾನ್ಯ॑ಕೃಣೋತ್ಸುಪಾ॒ರಾ |
ಶರ್ಧ᳚‌ನ್ತಂ ಶಿ॒ಮ್ಯುಮು॒ಚಥ॑ಸ್ಯ॒ ನವ್ಯಃ॒ ಶಾಪಂ॒ ಸಿಂಧೂ᳚ನಾಮಕೃಣೋ॒ದಶ॑ಸ್ತೀಃ || 7.18.5
ಪು॒ರೋ॒ಳಾ ಇತ್ತು॒ರ್ವಶೋ॒ ಯಕ್ಷು॑ರಾಸೀದ್ರಾ॒ಯೇ ಮತ್ಸ್ಯಾ᳚ಸೋ॒ ನಿಶಿ॑ತಾ॒ ಅಪೀ᳚ವ |
ಶ್ರು॒ಷ್ಟಿಂ ಚ॑ಕ್ರು॒ರ್ಭೃಗ॑ವೋ ದ್ರು॒ಹ್ಯವ॑ಶ್ಚ॒ ಸಖಾ॒ ಸಖಾ᳚ಯಮತರ॒ದ್ವಿಷೂ᳚ಚೋಃ || 7.18.6
ಆ ಪ॒ಕ್ಥಾಸೋ᳚ ಭಲಾ॒ನಸೋ᳚ ಭನ॒‌ನ್ತಾಲಿ॑ನಾಸೋ ವಿಷಾ॒ಣಿನಃ॑ ಶಿ॒ವಾಸಃ॑ |
ಆ ಯೋಽನ॑ಯತ್ಸಧ॒ಮಾ ಆರ್ಯ॑ಸ್ಯ ಗ॒ವ್ಯಾ ತೃತ್ಸು॑ಭ್ಯೋ ಅಜಗನ್ಯು॒ಧಾ ನೄನ್ || 7.18.7
ದು॒ರಾ॒ಧ್ಯೋ॒3॒॑ ಅದಿ॑ತಿಂ ಸ್ರೇ॒ವಯ᳚‌ನ್ತೋಽಚೇ॒ತಸೋ॒ ವಿ ಜ॑ಗೃಭ್ರೇ॒ ಪರು॑ಷ್ಣೀ‌ಮ್ |
ಮ॒ಹ್ನಾವಿ᳚ವ್ಯಕ್ಪೃಥಿ॒ವೀಂ ಪತ್ಯ॑ಮಾನಃ ಪ॒ಶುಷ್ಕ॒ವಿರ॑ಶಯ॒ಚ್ಚಾಯ॑ಮಾನಃ || 7.18.8
ಈ॒ಯುರರ್ಥಂ॒ ನ ನ್ಯ॒ರ್ಥಂ ಪರು॑ಷ್ಣೀಮಾ॒ಶುಶ್ಚ॒ನೇದ॑ಭಿಪಿ॒ತ್ವಂ ಜ॑ಗಾಮ |
ಸು॒ದಾಸ॒ ಇಂದ್ರಃ॑ ಸು॒ತುಕಾಁ᳚ ಅ॒ಮಿತ್ರಾ॒ನರಂ᳚ಧಯ॒ನ್ಮಾನು॑ಷೇ॒ ವಧ್ರಿ॑ವಾಚಃ || 7.18.9
ಈ॒ಯುರ್ಗಾವೋ॒ ನ ಯವ॑ಸಾ॒ದಗೋ᳚ಪಾ ಯಥಾಕೃ॒ತಮ॒ಭಿ ಮಿ॒ತ್ರಂ ಚಿ॒ತಾಸಃ॑ |
ಪೃಶ್ನಿ॑ಗಾವಃ॒ ಪೃಶ್ನಿ॑ನಿಪ್ರೇಷಿತಾಸಃ ಶ್ರು॒ಷ್ಟಿಂ ಚ॑ಕ್ರುರ್ನಿ॒ಯುತೋ॒ ರ‌ನ್ತ॑ಯಶ್ಚ || 7.18.10
ಏಕಂ᳚ ಚ॒ ಯೋ ವಿಂ᳚ಶ॒ತಿಂ ಚ॑ ಶ್ರವ॒ಸ್ಯಾ ವೈ᳚ಕ॒ರ್ಣಯೋ॒ರ್ಜನಾ॒ನ್ರಾಜಾ॒ ನ್ಯಸ್ತಃ॑ |
ದ॒ಸ್ಮೋ ನ ಸದ್ಮ॒ನ್ನಿ ಶಿ॑ಶಾತಿ ಬ॒ರ್ಹಿಃ ಶೂರಃ॒ ಸರ್ಗ॑ಮಕೃಣೋ॒ದಿಂದ್ರ॑ ಏಷಾ‌ಮ್ || 7.18.11
ಅಧ॑ ಶ್ರು॒ತಂ ಕ॒ವಷಂ᳚ ವೃ॒ದ್ಧಮ॒ಪ್ಸ್ವನು॑ ದ್ರು॒ಹ್ಯುಂ ನಿ ವೃ॑ಣ॒ಗ್ವಜ್ರ॑ಬಾಹುಃ |
ವೃ॒ಣಾ॒ನಾ ಅತ್ರ॑ ಸ॒ಖ್ಯಾಯ॑ ಸ॒ಖ್ಯಂ ತ್ವಾ॒ಯ‌ನ್ತೋ॒ ಯೇ ಅಮ॑ದ॒ನ್ನನು॑ ತ್ವಾ || 7.18.12
ವಿ ಸ॒ದ್ಯೋ ವಿಶ್ವಾ᳚ ದೃಂಹಿ॒ತಾನ್ಯೇ᳚ಷಾ॒ಮಿಂದ್ರಃ॒ ಪುರಃ॒ ಸಹ॑ಸಾ ಸ॒ಪ್ತ ದ॑ರ್ದಃ |
ವ್ಯಾನ॑ವಸ್ಯ॒ ತೃತ್ಸ॑ವೇ॒ ಗಯಂ᳚ ಭಾ॒ಗ್ಜೇಷ್ಮ॑ ಪೂ॒ರುಂ ವಿ॒ದಥೇ᳚ ಮೃ॒ಧ್ರವಾ᳚ಚ‌ಮ್ || 7.18.13
ನಿ ಗ॒ವ್ಯವೋಽನ॑ವೋ ದ್ರು॒ಹ್ಯವ॑ಶ್ಚ ಷ॒ಷ್ಟಿಃ ಶ॒ತಾ ಸು॑ಷುಪುಃ॒ ಷಟ್ ಸ॒ಹಸ್ರಾ᳚ |
ಷ॒ಷ್ಟಿರ್ವೀ॒ರಾಸೋ॒ ಅಧಿ॒ ಷಡ್ದು॑ವೋ॒ಯು ವಿಶ್ವೇದಿಂದ್ರ॑ಸ್ಯ ವೀ॒ರ್ಯಾ᳚ ಕೃ॒ತಾನಿ॑ || 7.18.14
ಇಂದ್ರೇ᳚ಣೈ॒ತೇ ತೃತ್ಸ॑ವೋ॒ ವೇವಿ॑ಷಾಣಾ॒ ಆಪೋ॒ ನ ಸೃ॒ಷ್ಟಾ ಅ॑ಧವ‌ನ್ತ॒ ನೀಚೀಃ᳚ |
ದು॒ರ್ಮಿ॒ತ್ರಾಸಃ॑ ಪ್ರಕಲ॒ವಿನ್ಮಿಮಾ᳚ನಾ ಜ॒ಹುರ್ವಿಶ್ವಾ᳚ನಿ॒ ಭೋಜ॑ನಾ ಸು॒ದಾಸೇ᳚ || 7.18.15
ಅ॒ರ್ಧಂ ವೀ॒ರಸ್ಯ॑ ಶೃತ॒ಪಾಮ॑ನಿಂ॒ದ್ರಂ ಪರಾ॒ ಶರ್ಧ᳚‌ನ್ತಂ ನುನುದೇ ಅ॒ಭಿ ಕ್ಷಾ‌ಮ್ |
ಇಂದ್ರೋ᳚ ಮ॒ನ್ಯುಂ ಮ᳚ನ್ಯು॒ಮ್ಯೋ᳚ ಮಿಮಾಯ ಭೇ॒ಜೇ ಪ॒ಥೋ ವ॑ರ್ತ॒ನಿಂ ಪತ್ಯ॑ಮಾನಃ || 7.18.16
ಆ॒ಧ್ರೇಣ॑ ಚಿ॒ತ್ತದ್ವೇಕಂ᳚ ಚಕಾರ ಸಿಂ॒ಹ್ಯಂ᳚ ಚಿ॒ತ್ಪೇತ್ವೇ᳚ನಾ ಜಘಾನ |
ಅವ॑ ಸ್ರ॒ಕ್ತೀರ್ವೇ॒ಶ್ಯಾ᳚ವೃಶ್ಚ॒ದಿಂದ್ರಃ॒ ಪ್ರಾಯ॑ಚ್ಛ॒ದ್ವಿಶ್ವಾ॒ ಭೋಜ॑ನಾ ಸು॒ದಾಸೇ᳚ || 7.18.17
ಶಶ್ವ᳚‌ನ್ತೋ॒ ಹಿ ಶತ್ರ॑ವೋ ರಾರ॒ಧುಷ್ಟೇ᳚ ಭೇ॒ದಸ್ಯ॑ ಚಿ॒ಚ್ಛರ್ಧ॑ತೋ ವಿಂದ॒ ರಂಧಿ‌ಮ್᳚ |
ಮರ್ತಾಁ॒ ಏನಃ॑ ಸ್ತುವ॒ತೋ ಯಃ ಕೃ॒ಣೋತಿ॑ ತಿ॒ಗ್ಮಂ ತಸ್ಮಿ॒ನ್ನಿ ಜ॑ಹಿ॒ ವಜ್ರ॑ಮಿಂದ್ರ || 7.18.18
ಆವ॒ದಿಂದ್ರಂ᳚ ಯ॒ಮುನಾ॒ ತೃತ್ಸ॑ವಶ್ಚ॒ ಪ್ರಾತ್ರ॑ ಭೇ॒ದಂ ಸ॒ರ್ವತಾ᳚ತಾ ಮುಷಾಯತ್ |
ಅ॒ಜಾಸ॑ಶ್ಚ॒ ಶಿಗ್ರ॑ವೋ॒ ಯಕ್ಷ॑ವಶ್ಚ ಬ॒ಲಿಂ ಶೀ॒ರ್ಷಾಣಿ॑ ಜಭ್ರು॒ರಶ್ವ್ಯಾ᳚ನಿ || 7.18.19
ನ ತ॑ ಇಂದ್ರ ಸುಮ॒ತಯೋ॒ ನ ರಾಯಃ॑ ಸಂ॒ಚಕ್ಷೇ॒ ಪೂರ್ವಾ᳚ ಉ॒ಷಸೋ॒ ನ ನೂತ್ನಾಃ᳚ |
ದೇವ॑ಕಂ ಚಿನ್ಮಾನ್ಯಮಾ॒ನಂ ಜ॑ಘ॒‌ನ್ಥಾವ॒ ತ್ಮನಾ᳚ ಬೃಹ॒ತಃ ಶಂಬ॑ರಂ ಭೇತ್ || 7.18.20
ಪ್ರ ಯೇ ಗೃ॒ಹಾದಮ॑ಮದುಸ್ತ್ವಾ॒ಯಾ ಪ॑ರಾಶ॒ರಃ ಶ॒ತಯಾ᳚ತು॒ರ್ವಸಿ॑ಷ್ಠಃ |
ನ ತೇ᳚ ಭೋ॒ಜಸ್ಯ॑ ಸ॒ಖ್ಯಂ ಮೃ॑ಷ॒‌ನ್ತಾಧಾ᳚ ಸೂ॒ರಿಭ್ಯಃ॑ ಸು॒ದಿನಾ॒ ವ್ಯು॑ಚ್ಛಾನ್ || 7.18.21
ದ್ವೇ ನಪ್ತು॑ರ್ದೇ॒ವವ॑ತಃ ಶ॒ತೇ ಗೋರ್ದ್ವಾ ರಥಾ᳚ ವ॒ಧೂಮ᳚‌ನ್ತಾ ಸು॒ದಾಸಃ॑ |
ಅರ್ಹ᳚ನ್ನಗ್ನೇ ಪೈಜವ॒ನಸ್ಯ॒ ದಾನಂ॒ ಹೋತೇ᳚ವ॒ ಸದ್ಮ॒ ಪರ್ಯೇ᳚ಮಿ॒ ರೇಭನ್॑ || 7.18.22
ಚ॒ತ್ವಾರೋ᳚ ಮಾ ಪೈಜವ॒ನಸ್ಯ॒ ದಾನಾಃ॒ ಸ್ಮದ್ದಿ॑ಷ್ಟಯಃ ಕೃಶ॒ನಿನೋ᳚ ನಿರೇ॒ಕೇ |
ಋ॒ಜ್ರಾಸೋ᳚ ಮಾ ಪೃಥಿವಿ॒ಷ್ಠಾಃ ಸು॒ದಾಸ॑ಸ್ತೋ॒ಕಂ ತೋ॒ಕಾಯ॒ ಶ್ರವ॑ಸೇ ವಹ‌ನ್ತಿ || 7.18.23
ಯಸ್ಯ॒ ಶ್ರವೋ॒ ರೋದ॑ಸೀ ಅ॒‌ನ್ತರು॒ರ್ವೀ ಶೀ॒ರ್ಷ್ಣೇಶೀ᳚ರ್ಷ್ಣೇ ವಿಬ॒ಭಾಜಾ᳚ ವಿಭ॒ಕ್ತಾ |
ಸ॒ಪ್ತೇದಿಂದ್ರಂ॒ ನ ಸ್ರ॒ವತೋ᳚ ಗೃಣ‌ನ್ತಿ॒ ನಿ ಯು॑ಧ್ಯಾಮ॒ಧಿಮ॑ಶಿಶಾದ॒ಭೀಕೇ᳚ || 7.18.24
ಇ॒ಮಂ ನ॑ರೋ ಮರುತಃ ಸಶ್ಚ॒ತಾನು॒ ದಿವೋ᳚ದಾಸಂ॒ ನ ಪಿ॒ತರಂ᳚ ಸು॒ದಾಸಃ॑ |
ಅ॒ವಿ॒ಷ್ಟನಾ᳚ ಪೈಜವ॒ನಸ್ಯ॒ ಕೇತಂ᳚ ದೂ॒ಣಾಶಂ᳚ ಕ್ಷ॒ತ್ರಮ॒ಜರಂ᳚ ದುವೋ॒ಯು || 7.18.25

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಯಸ್ತಿ॒ಗ್ಮಶೃಂ᳚ಗೋ ವೃಷ॒ಭೋ ನ ಭೀ॒ಮ ಏಕಃ॑ ಕೃ॒ಷ್ಟೀಶ್ಚ್ಯಾ॒ವಯ॑ತಿ॒ ಪ್ರ ವಿಶ್ವಾಃ᳚ |
ಯಃ ಶಶ್ವ॑ತೋ॒ ಅದಾ᳚ಶುಷೋ॒ ಗಯ॑ಸ್ಯ ಪ್ರಯ॒‌ನ್ತಾಸಿ॒ ಸುಷ್ವಿ॑ತರಾಯ॒ ವೇದಃ॑ || 7.19.1
ತ್ವಂ ಹ॒ ತ್ಯದಿಂ᳚ದ್ರ॒ ಕುತ್ಸ॑ಮಾವಃ॒ ಶುಶ್ರೂ᳚ಷಮಾಣಸ್ತ॒ನ್ವಾ᳚ ಸಮ॒ರ್ಯೇ |
ದಾಸಂ॒ ಯಚ್ಛುಷ್ಣಂ॒ ಕುಯ॑ವಂ॒ ನ್ಯ॑ಸ್ಮಾ॒ ಅರಂ᳚ಧಯ ಆರ್ಜುನೇ॒ಯಾಯ॒ ಶಿಕ್ಷನ್॑ || 7.19.2
ತ್ವಂ ಧೃ॑ಷ್ಣೋ ಧೃಷ॒ತಾ ವೀ॒ತಹ᳚ವ್ಯಂ॒ ಪ್ರಾವೋ॒ ವಿಶ್ವಾ᳚ಭಿರೂ॒ತಿಭಿಃ॑ ಸು॒ದಾಸ‌ಮ್᳚ |
ಪ್ರ ಪೌರು॑ಕುತ್ಸಿಂ ತ್ರ॒ಸದ॑ಸ್ಯುಮಾವಃ॒ ಕ್ಷೇತ್ರ॑ಸಾತಾ ವೃತ್ರ॒ಹತ್ಯೇ᳚ಷು ಪೂ॒ರು‌ಮ್ || 7.19.3
ತ್ವಂ ನೃಭಿ᳚ರ್ನೃಮಣೋ ದೇ॒ವವೀ᳚ತೌ॒ ಭೂರೀ᳚ಣಿ ವೃ॒ತ್ರಾ ಹ᳚ರ್ಯಶ್ವ ಹಂಸಿ |
ತ್ವಂ ನಿ ದಸ್ಯುಂ॒ ಚುಮು॑ರಿಂ॒ ಧುನಿಂ॒ ಚಾಸ್ವಾ᳚ಪಯೋ ದ॒ಭೀತ॑ಯೇ ಸು॒ಹ‌ನ್ತು॑ || 7.19.4
ತವ॑ ಚ್ಯೌ॒ತ್ನಾನಿ॑ ವಜ್ರಹಸ್ತ॒ ತಾನಿ॒ ನವ॒ ಯತ್ಪುರೋ᳚ ನವ॒ತಿಂ ಚ॑ ಸ॒ದ್ಯಃ |
ನಿ॒ವೇಶ॑ನೇ ಶತತ॒ಮಾವಿ॑ವೇಷೀ॒ರಹಂ᳚ಚ ವೃ॒ತ್ರಂ ನಮು॑ಚಿಮು॒ತಾಹನ್॑ || 7.19.5
ಸನಾ॒ ತಾ ತ॑ ಇಂದ್ರ॒ ಭೋಜ॑ನಾನಿ ರಾ॒ತಹ᳚ವ್ಯಾಯ ದಾ॒ಶುಷೇ᳚ ಸು॒ದಾಸೇ᳚ |
ವೃಷ್ಣೇ᳚ ತೇ॒ ಹರೀ॒ ವೃಷ॑ಣಾ ಯುನಜ್ಮಿ॒ ವ್ಯ‌ನ್ತು॒ ಬ್ರಹ್ಮಾ᳚ಣಿ ಪುರುಶಾಕ॒ ವಾಜ‌ಮ್᳚ || 7.19.6
ಮಾ ತೇ᳚ ಅ॒ಸ್ಯಾಂ ಸ॑ಹಸಾವ॒ನ್ಪರಿ॑ಷ್ಟಾವ॒ಘಾಯ॑ ಭೂಮ ಹರಿವಃ ಪರಾ॒ದೈ |
ತ್ರಾಯ॑ಸ್ವ ನೋಽವೃ॒ಕೇಭಿ॒ರ್ವರೂ᳚ಥೈ॒ಸ್ತವ॑ ಪ್ರಿ॒ಯಾಸಃ॑ ಸೂ॒ರಿಷು॑ ಸ್ಯಾಮ || 7.19.7
ಪ್ರಿ॒ಯಾಸ॒ ಇತ್ತೇ᳚ ಮಘವನ್ನ॒ಭಿಷ್ಟೌ॒ ನರೋ᳚ ಮದೇಮ ಶರ॒ಣೇ ಸಖಾ᳚ಯಃ |
ನಿ ತು॒ರ್ವಶಂ॒ ನಿ ಯಾದ್ವಂ᳚ ಶಿಶೀಹ್ಯತಿಥಿ॒ಗ್ವಾಯ॒ ಶಂಸ್ಯಂ᳚ ಕರಿ॒ಷ್ಯನ್ || 7.19.8
ಸ॒ದ್ಯಶ್ಚಿ॒ನ್ನು ತೇ ಮ॑ಘವನ್ನ॒ಭಿಷ್ಟೌ॒ ನರಃ॑ ಶಂಸ‌ನ್ತ್ಯುಕ್ಥ॒ಶಾಸ॑ ಉ॒ಕ್ಥಾ |
ಯೇ ತೇ॒ ಹವೇ᳚ಭಿ॒ರ್ವಿ ಪ॒ಣೀಁರದಾ᳚ಶನ್ನ॒ಸ್ಮಾನ್ವೃ॑ಣೀಷ್ವ॒ ಯುಜ್ಯಾ᳚ಯ॒ ತಸ್ಮೈ᳚ || 7.19.9
ಏ॒ತೇ ಸ್ತೋಮಾ᳚ ನ॒ರಾಂ ನೃ॑ತಮ॒ ತುಭ್ಯ॑ಮಸ್ಮ॒ದ್ರ್ಯಂ᳚ಚೋ॒ ದದ॑ತೋ ಮ॒ಘಾನಿ॑ |
ತೇಷಾ᳚ಮಿಂದ್ರ ವೃತ್ರ॒ಹತ್ಯೇ᳚ ಶಿ॒ವೋ ಭೂಃ॒ ಸಖಾ᳚ ಚ॒ ಶೂರೋ᳚ಽವಿ॒ತಾ ಚ॑ ನೃ॒ಣಾ‌ಮ್ || 7.19.10
ನೂ ಇಂ᳚ದ್ರ ಶೂರ॒ ಸ್ತವ॑ಮಾನ ಊ॒ತೀ ಬ್ರಹ್ಮ॑ಜೂತಸ್ತ॒ನ್ವಾ᳚ ವಾವೃಧಸ್ವ |
ಉಪ॑ ನೋ॒ ವಾಜಾ᳚ನ್ಮಿಮೀ॒ಹ್ಯುಪ॒ ಸ್ತೀನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.19.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಉ॒ಗ್ರೋ ಜ॑ಜ್ಞೇ ವೀ॒ರ್ಯಾ᳚ಯ ಸ್ವ॒ಧಾವಾಂ॒ಚಕ್ರಿ॒ರಪೋ॒ ನರ್ಯೋ॒ ಯತ್ಕ॑ರಿ॒ಷ್ಯನ್ |
ಜಗ್ಮಿ॒ರ್ಯುವಾ᳚ ನೃ॒ಷದ॑ನ॒ಮವೋ᳚ಭಿಸ್ತ್ರಾ॒ತಾ ನ॒ ಇಂದ್ರ॒ ಏನ॑ಸೋ ಮ॒ಹಶ್ಚಿ॑ತ್ || 7.20.1
ಹ‌ನ್ತಾ᳚ ವೃ॒ತ್ರಮಿಂದ್ರಃ॒ ಶೂಶು॑ವಾನಃ॒ ಪ್ರಾವೀ॒ನ್ನು ವೀ॒ರೋ ಜ॑ರಿ॒ತಾರ॑ಮೂ॒ತೀ |
ಕರ್ತಾ᳚ ಸು॒ದಾಸೇ॒ ಅಹ॒ ವಾ ಉ॑ ಲೋ॒ಕಂ ದಾತಾ॒ ವಸು॒ ಮುಹು॒ರಾ ದಾ॒ಶುಷೇ᳚ ಭೂತ್ || 7.20.2
ಯು॒ಧ್ಮೋ ಅ॑ನ॒ರ್ವಾ ಖ॑ಜ॒ಕೃತ್ಸ॒ಮದ್ವಾ॒ ಶೂರಃ॑ ಸತ್ರಾ॒ಷಾಡ್ಜ॒ನುಷೇ॒ಮಷಾ᳚ಳ್ಹಃ |
ವ್ಯಾ᳚ಸ॒ ಇಂದ್ರಃ॒ ಪೃತ॑ನಾಃ॒ ಸ್ವೋಜಾ॒ ಅಧಾ॒ ವಿಶ್ವಂ᳚ ಶತ್ರೂ॒ಯ‌ನ್ತಂ᳚ ಜಘಾನ || 7.20.3
ಉ॒ಭೇ ಚಿ॑ದಿಂದ್ರ॒ ರೋದ॑ಸೀ ಮಹಿ॒ತ್ವಾ ಪ॑ಪ್ರಾಥ॒ ತವಿ॑ಷೀಭಿಸ್ತುವಿಷ್ಮಃ |
ನಿ ವಜ್ರ॒ಮಿಂದ್ರೋ॒ ಹರಿ॑ವಾ॒ನ್ಮಿಮಿ॑ಕ್ಷ॒‌‌ನ್ತ್ಸಮಂಧ॑ಸಾ॒ ಮದೇ᳚ಷು॒ ವಾ ಉ॑ವೋಚ || 7.20.4
ವೃಷಾ᳚ ಜಜಾನ॒ ವೃಷ॑ಣಂ॒ ರಣಾ᳚ಯ॒ ತಮು॑ ಚಿ॒ನ್ನಾರೀ॒ ನರ್ಯಂ᳚ ಸಸೂವ |
ಪ್ರ ಯಃ ಸೇ᳚ನಾ॒ನೀರಧ॒ ನೃಭ್ಯೋ॒ ಅಸ್ತೀ॒ನಃ ಸತ್ವಾ᳚ ಗ॒ವೇಷ॑ಣಃ॒ ಸ ಧೃ॒ಷ್ಣುಃ || 7.20.5
ನೂ ಚಿ॒ತ್ಸ ಭ್ರೇ᳚ಷತೇ॒ ಜನೋ॒ ನ ರೇ᳚ಷ॒ನ್ಮನೋ॒ ಯೋ ಅ॑ಸ್ಯ ಘೋ॒ರಮಾ॒ವಿವಾ᳚ಸಾತ್ |
ಯ॒ಜ್ಞೈರ್ಯ ಇಂದ್ರೇ॒ ದಧ॑ತೇ॒ ದುವಾಂ᳚ಸಿ॒ ಕ್ಷಯ॒ತ್ಸ ರಾ॒ಯ ಋ॑ತ॒ಪಾ ಋ॑ತೇ॒ಜಾಃ || 7.20.6
ಯದಿಂ᳚ದ್ರ॒ ಪೂರ್ವೋ॒ ಅಪ॑ರಾಯ॒ ಶಿಕ್ಷ॒ನ್ನಯ॒ಜ್ಜ್ಯಾಯಾ॒ನ್ಕನೀ᳚ಯಸೋ ದೇ॒ಷ್ಣ‌ಮ್ |
ಅ॒ಮೃತ॒ ಇತ್ಪರ್ಯಾ᳚ಸೀತ ದೂ॒ರಮಾ ಚಿ॑ತ್ರ॒ ಚಿತ್ರ್ಯಂ᳚ ಭರಾ ರ॒ಯಿಂ ನಃ॑ || 7.20.7
ಯಸ್ತ॑ ಇಂದ್ರ ಪ್ರಿ॒ಯೋ ಜನೋ॒ ದದಾ᳚ಶ॒ದಸ᳚ನ್ನಿರೇ॒ಕೇ ಅ॑ದ್ರಿವಃ॒ ಸಖಾ᳚ ತೇ |
ವ॒ಯಂ ತೇ᳚ ಅ॒ಸ್ಯಾಂ ಸು॑ಮ॒ತೌ ಚನಿ॑ಷ್ಠಾಃ॒ ಸ್ಯಾಮ॒ ವರೂ᳚ಥೇ॒ ಅಘ್ನ॑ತೋ॒ ನೃಪೀ᳚ತೌ || 7.20.8
ಏ॒ಷ ಸ್ತೋಮೋ᳚ ಅಚಿಕ್ರದ॒ದ್ವೃಷಾ᳚ ತ ಉ॒ತ ಸ್ತಾ॒ಮುರ್ಮ॑ಘವನ್ನಕ್ರಪಿಷ್ಟ |
ರಾ॒ಯಸ್ಕಾಮೋ᳚ ಜರಿ॒ತಾರಂ᳚ ತ॒ ಆಗ॒‌ನ್ತ್ವಮಂ॒ಗ ಶ॑ಕ್ರ॒ ವಸ್ವ॒ ಆ ಶ॑ಕೋ ನಃ || 7.20.9
ಸ ನ॑ ಇಂದ್ರ॒ ತ್ವಯ॑ತಾಯಾ ಇ॒ಷೇ ಧಾ॒ಸ್ತ್ಮನಾ᳚ ಚ॒ ಯೇ ಮ॒ಘವಾ᳚ನೋ ಜು॒ನ‌ನ್ತಿ॑ |
ವಸ್ವೀ॒ ಷು ತೇ᳚ ಜರಿ॒ತ್ರೇ ಅ॑ಸ್ತು ಶ॒ಕ್ತಿರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.20.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಅಸಾ᳚ವಿ ದೇ॒ವಂ ಗೋಋ॑ಜೀಕ॒ಮಂಧೋ॒ ನ್ಯ॑ಸ್ಮಿ॒ನ್ನಿಂದ್ರೋ᳚ ಜ॒ನುಷೇ᳚ಮುವೋಚ |
ಬೋಧಾ᳚ಮಸಿ ತ್ವಾ ಹರ್ಯಶ್ವ ಯ॒ಜ್ಞೈರ್ಬೋಧಾ᳚ ನಃ॒ ಸ್ತೋಮ॒ಮಂಧ॑ಸೋ॒ ಮದೇ᳚ಷು || 7.21.1
ಪ್ರ ಯ᳚‌ನ್ತಿ ಯ॒ಜ್ಞಂ ವಿ॒ಪಯ᳚‌ನ್ತಿ ಬ॒ರ್ಹಿಃ ಸೋ᳚ಮ॒ಮಾದೋ᳚ ವಿ॒ದಥೇ᳚ ದು॒ಧ್ರವಾ᳚ಚಃ |
ನ್ಯು॑ ಭ್ರಿಯ‌ನ್ತೇ ಯ॒ಶಸೋ᳚ ಗೃ॒ಭಾದಾ ದೂ॒ರ‌ಉ॑ಪಬ್ದೋ॒ ವೃಷ॑ಣೋ ನೃ॒ಷಾಚಃ॑ || 7.21.2
ತ್ವಮಿಂ᳚ದ್ರ॒ ಸ್ರವಿ॑ತ॒ವಾ ಅ॒ಪಸ್ಕಃ॒ ಪರಿ॑ಷ್ಠಿತಾ॒ ಅಹಿ॑ನಾ ಶೂರ ಪೂ॒ರ್ವೀಃ |
ತ್ವದ್ವಾ᳚ವಕ್ರೇ ರ॒ಥ್ಯೋ॒3॒॑ ನ ಧೇನಾ॒ ರೇಜ᳚‌ನ್ತೇ॒ ವಿಶ್ವಾ᳚ ಕೃ॒ತ್ರಿಮಾ᳚ಣಿ ಭೀ॒ಷಾ || 7.21.3
ಭೀ॒ಮೋ ವಿ॑ವೇ॒ಷಾಯು॑ಧೇಭಿರೇಷಾ॒ಮಪಾಂ᳚ಸಿ॒ ವಿಶ್ವಾ॒ ನರ್ಯಾ᳚ಣಿ ವಿ॒ದ್ವಾನ್ |
ಇಂದ್ರಃ॒ ಪುರೋ॒ ಜರ್ಹೃ॑ಷಾಣೋ॒ ವಿ ದೂ᳚ಧೋ॒ದ್ವಿ ವಜ್ರ॑ಹಸ್ತೋ ಮಹಿ॒ನಾ ಜ॑ಘಾನ || 7.21.4
ನ ಯಾ॒ತವ॑ ಇಂದ್ರ ಜೂಜುವುರ್ನೋ॒ ನ ವಂದ॑ನಾ ಶವಿಷ್ಠ ವೇ॒ದ್ಯಾಭಿಃ॑ |
ಸ ಶ॑ರ್ಧದ॒ರ್ಯೋ ವಿಷು॑ಣಸ್ಯ ಜ॒‌ನ್ತೋರ್ಮಾ ಶಿ॒ಶ್ನದೇ᳚ವಾ॒ ಅಪಿ॑ ಗುರ್‌ಋ॒ತಂ ನಃ॑ || 7.21.5
ಅ॒ಭಿ ಕ್ರತ್ವೇಂ᳚ದ್ರ ಭೂ॒ರಧ॒ ಜ್ಮನ್ನ ತೇ᳚ ವಿವ್ಯಙ್ಮಹಿ॒ಮಾನಂ॒ ರಜಾಂ᳚ಸಿ |
ಸ್ವೇನಾ॒ ಹಿ ವೃ॒ತ್ರಂ ಶವ॑ಸಾ ಜ॒ಘ‌ನ್ಥ॒ ನ ಶತ್ರು॒ರ‌ನ್ತಂ᳚ ವಿವಿದದ್ಯು॒ಧಾ ತೇ᳚ || 7.21.6
ದೇ॒ವಾಶ್ಚಿ॑ತ್ತೇ ಅಸು॒ರ್ಯಾ᳚ಯ॒ ಪೂರ್ವೇಽನು॑ ಕ್ಷ॒ತ್ರಾಯ॑ ಮಮಿರೇ॒ ಸಹಾಂ᳚ಸಿ |
ಇಂದ್ರೋ᳚ ಮ॒ಘಾನಿ॑ ದಯತೇ ವಿ॒ಷಹ್ಯೇಂದ್ರಂ॒ ವಾಜ॑ಸ್ಯ ಜೋಹುವ‌ನ್ತ ಸಾ॒ತೌ || 7.21.7
ಕೀ॒ರಿಶ್ಚಿ॒ದ್ಧಿ ತ್ವಾಮವ॑ಸೇ ಜು॒ಹಾವೇಶಾ᳚ನಮಿಂದ್ರ॒ ಸೌಭ॑ಗಸ್ಯ॒ ಭೂರೇಃ᳚ |
ಅವೋ᳚ ಬಭೂಥ ಶತಮೂತೇ ಅ॒ಸ್ಮೇ ಅ॑ಭಿಕ್ಷ॒ತ್ತುಸ್ತ್ವಾವ॑ತೋ ವರೂ॒ತಾ || 7.21.8
ಸಖಾ᳚ಯಸ್ತ ಇಂದ್ರ ವಿ॒ಶ್ವಹ॑ ಸ್ಯಾಮ ನಮೋವೃ॒ಧಾಸೋ᳚ ಮಹಿ॒ನಾ ತ॑ರುತ್ರ |
ವ॒ನ್ವ‌ನ್ತು॑ ಸ್ಮಾ॒ ತೇಽವ॑ಸಾ ಸಮೀ॒ಕೇ॒3॒॑ಽಭೀ᳚ತಿಮ॒ರ್ಯೋ ವ॒ನುಷಾಂ॒ ಶವಾಂ᳚ಸಿ || 7.21.9
ಸ ನ॑ ಇಂದ್ರ॒ ತ್ವಯ॑ತಾಯಾ ಇ॒ಷೇ ಧಾ॒ಸ್ತ್ಮನಾ᳚ ಚ॒ ಯೇ ಮ॒ಘವಾ᳚ನೋ ಜು॒ನ‌ನ್ತಿ॑ |
ವಸ್ವೀ॒ ಷು ತೇ᳚ ಜರಿ॒ತ್ರೇ ಅ॑ಸ್ತು ಶ॒ಕ್ತಿರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.21.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, (1-8) ಪ್ರಥಮಾದ್ಯಷ್ಟರ್ಚಾಂ ವಿರಾಟ್, (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪಿಬಾ॒ ಸೋಮ॑ಮಿಂದ್ರ॒ ಮಂದ॑ತು ತ್ವಾ॒ ಯಂ ತೇ᳚ ಸು॒ಷಾವ॑ ಹರ್ಯ॒ಶ್ವಾದ್ರಿಃ॑ |
ಸೋ॒ತುರ್ಬಾ॒ಹುಭ್ಯಾಂ॒ ಸುಯ॑ತೋ॒ ನಾರ್ವಾ᳚ || 7.22.1
ಯಸ್ತೇ॒ ಮದೋ॒ ಯುಜ್ಯ॒ಶ್ಚಾರು॒ರಸ್ತಿ॒ ಯೇನ॑ ವೃ॒ತ್ರಾಣಿ॑ ಹರ್ಯಶ್ವ॒ ಹಂಸಿ॑ |
ಸ ತ್ವಾಮಿಂ᳚ದ್ರ ಪ್ರಭೂವಸೋ ಮಮತ್ತು || 7.22.2
ಬೋಧಾ॒ ಸು ಮೇ᳚ ಮಘವ॒ನ್ವಾಚ॒ಮೇಮಾಂ ಯಾಂ ತೇ॒ ವಸಿ॑ಷ್ಠೋ॒ ಅರ್ಚ॑ತಿ॒ ಪ್ರಶ॑ಸ್ತಿ‌ಮ್ |
ಇ॒ಮಾ ಬ್ರಹ್ಮ॑ ಸಧ॒ಮಾದೇ᳚ ಜುಷಸ್ವ || 7.22.3
ಶ್ರು॒ಧೀ ಹವಂ᳚ ವಿಪಿಪಾ॒ನಸ್ಯಾದ್ರೇ॒ರ್ಬೋಧಾ॒ ವಿಪ್ರ॒ಸ್ಯಾರ್ಚ॑ತೋ ಮನೀ॒ಷಾ‌ಮ್ |
ಕೃ॒ಷ್ವಾ ದುವಾಂ॒ಸ್ಯ‌ನ್ತ॑ಮಾ॒ ಸಚೇ॒ಮಾ || 7.22.4
ನ ತೇ॒ ಗಿರೋ॒ ಅಪಿ॑ ಮೃಷ್ಯೇ ತು॒ರಸ್ಯ॒ ನ ಸು॑ಷ್ಟು॒ತಿಮ॑ಸು॒ರ್ಯ॑ಸ್ಯ ವಿ॒ದ್ವಾನ್ |
ಸದಾ᳚ ತೇ॒ ನಾಮ॑ ಸ್ವಯಶೋ ವಿವಕ್ಮಿ || 7.22.5
ಭೂರಿ॒ ಹಿ ತೇ॒ ಸವ॑ನಾ॒ ಮಾನು॑ಷೇಷು॒ ಭೂರಿ॑ ಮನೀ॒ಷೀ ಹ॑ವತೇ॒ ತ್ವಾಮಿತ್ |
ಮಾರೇ ಅ॒ಸ್ಮನ್ಮ॑ಘವಂ॒ಜ್ಯೋಕ್ಕಃ॑ || 7.22.6
ತುಭ್ಯೇದಿ॒ಮಾ ಸವ॑ನಾ ಶೂರ॒ ವಿಶ್ವಾ॒ ತುಭ್ಯಂ॒ ಬ್ರಹ್ಮಾ᳚ಣಿ॒ ವರ್ಧ॑ನಾ ಕೃಣೋಮಿ |
ತ್ವಂ ನೃಭಿ॒ರ್ಹವ್ಯೋ᳚ ವಿ॒ಶ್ವಧಾ᳚ಸಿ || 7.22.7
ನೂ ಚಿ॒ನ್ನು ತೇ॒ ಮನ್ಯ॑ಮಾನಸ್ಯ ದ॒ಸ್ಮೋದ॑ಶ್ನುವ‌ನ್ತಿ ಮಹಿ॒ಮಾನ॑ಮುಗ್ರ |
ನ ವೀ॒ರ್ಯ॑ಮಿಂದ್ರ ತೇ॒ ನ ರಾಧಃ॑ || 7.22.8
ಯೇ ಚ॒ ಪೂರ್ವ॒ ಋಷ॑ಯೋ॒ ಯೇ ಚ॒ ನೂತ್ನಾ॒ ಇಂದ್ರ॒ ಬ್ರಹ್ಮಾ᳚ಣಿ ಜ॒ನಯ᳚‌ನ್ತ॒ ವಿಪ್ರಾಃ᳚ |
ಅ॒ಸ್ಮೇ ತೇ᳚ ಸ‌ನ್ತು ಸ॒ಖ್ಯಾ ಶಿ॒ವಾನಿ॑ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.22.9

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಉದು॒ ಬ್ರಹ್ಮಾ᳚ಣ್ಯೈರತ ಶ್ರವ॒ಸ್ಯೇಂದ್ರಂ᳚ ಸಮ॒ರ್ಯೇ ಮ॑ಹಯಾ ವಸಿಷ್ಠ |
ಆ ಯೋ ವಿಶ್ವಾ᳚ನಿ॒ ಶವ॑ಸಾ ತ॒ತಾನೋ᳚ಪಶ್ರೋ॒ತಾ ಮ॒ ಈವ॑ತೋ॒ ವಚಾಂ᳚ಸಿ || 7.23.1
ಅಯಾ᳚ಮಿ॒ ಘೋಷ॑ ಇಂದ್ರ ದೇ॒ವಜಾ᳚ಮಿರಿರ॒ಜ್ಯ‌ನ್ತ॒ ಯಚ್ಛು॒ರುಧೋ॒ ವಿವಾ᳚ಚಿ |
ನ॒ಹಿ ಸ್ವಮಾಯು॑ಶ್ಚಿಕಿ॒ತೇ ಜನೇ᳚ಷು॒ ತಾನೀದಂಹಾಂ॒ಸ್ಯತಿ॑ ಪರ್ಷ್ಯ॒ಸ್ಮಾನ್ || 7.23.2
ಯು॒ಜೇ ರಥಂ᳚ ಗ॒ವೇಷ॑ಣಂ॒ ಹರಿ॑ಭ್ಯಾ॒ಮುಪ॒ ಬ್ರಹ್ಮಾ᳚ಣಿ ಜುಜುಷಾ॒ಣಮ॑ಸ್ಥುಃ |
ವಿ ಬಾ᳚ಧಿಷ್ಟ॒ ಸ್ಯ ರೋದ॑ಸೀ ಮಹಿ॒ತ್ವೇಂದ್ರೋ᳚ ವೃ॒ತ್ರಾಣ್ಯ॑ಪ್ರ॒ತೀ ಜ॑ಘ॒ನ್ವಾನ್ || 7.23.3
ಆಪ॑ಶ್ಚಿತ್ಪಿಪ್ಯುಃ ಸ್ತ॒ರ್ಯೋ॒3॒॑ ನ ಗಾವೋ॒ ನಕ್ಷ᳚ನ್ನೃ॒ತಂ ಜ॑ರಿ॒ತಾರ॑ಸ್ತ ಇಂದ್ರ |
ಯಾ॒ಹಿ ವಾ॒ಯುರ್ನ ನಿ॒ಯುತೋ᳚ ನೋ॒ ಅಚ್ಛಾ॒ ತ್ವಂ ಹಿ ಧೀ॒ಭಿರ್ದಯ॑ಸೇ॒ ವಿ ವಾಜಾನ್॑ || 7.23.4
ತೇ ತ್ವಾ॒ ಮದಾ᳚ ಇಂದ್ರ ಮಾದಯ‌ನ್ತು ಶು॒ಷ್ಮಿಣಂ᳚ ತುವಿ॒ರಾಧ॑ಸಂ ಜರಿ॒ತ್ರೇ |
ಏಕೋ᳚ ದೇವ॒ತ್ರಾ ದಯ॑ಸೇ॒ ಹಿ ಮರ್ತಾ᳚ನ॒ಸ್ಮಿಂಛೂ᳚ರ॒ ಸವ॑ನೇ ಮಾದಯಸ್ವ || 7.23.5
ಏ॒ವೇದಿಂದ್ರಂ॒ ವೃಷ॑ಣಂ॒ ವಜ್ರ॑ಬಾಹುಂ॒ ವಸಿ॑ಷ್ಠಾಸೋ ಅ॒ಭ್ಯ॑ರ್ಚ‌ನ್ತ್ಯ॒ರ್ಕೈಃ |
ಸ ನಃ॑ ಸ್ತು॒ತೋ ವೀ॒ರವ॑ದ್ಧಾತು॒ ಗೋಮ॑ದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.23.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಯೋನಿ॑ಷ್ಟ ಇಂದ್ರ॒ ಸದ॑ನೇ ಅಕಾರಿ॒ ತಮಾ ನೃಭಿಃ॑ ಪುರುಹೂತ॒ ಪ್ರ ಯಾ᳚ಹಿ |
ಅಸೋ॒ ಯಥಾ᳚ ನೋಽವಿ॒ತಾ ವೃ॒ಧೇ ಚ॒ ದದೋ॒ ವಸೂ᳚ನಿ ಮ॒ಮದ॑ಶ್ಚ॒ ಸೋಮೈಃ᳚ || 7.24.1
ಗೃ॒ಭೀ॒ತಂ ತೇ॒ ಮನ॑ ಇಂದ್ರ ದ್ವಿ॒ಬರ್ಹಾಃ᳚ ಸು॒ತಃ ಸೋಮಃ॒ ಪರಿ॑ಷಿಕ್ತಾ॒ ಮಧೂ᳚ನಿ |
ವಿಸೃ॑ಷ್ಟಧೇನಾ ಭರತೇ ಸುವೃ॒ಕ್ತಿರಿ॒ಯಮಿಂದ್ರಂ॒ ಜೋಹು॑ವತೀ ಮನೀ॒ಷಾ || 7.24.2
ಆ ನೋ᳚ ದಿ॒ವ ಆ ಪೃ॑ಥಿ॒ವ್ಯಾ ಋ॑ಜೀಷಿನ್ನಿ॒ದಂ ಬ॒ರ್ಹಿಃ ಸೋ᳚ಮ॒ಪೇಯಾ᳚ಯ ಯಾಹಿ |
ವಹ᳚‌ನ್ತು ತ್ವಾ॒ ಹರ॑ಯೋ ಮ॒ದ್ರ್ಯಂ᳚ಚಮಾಂಗೂ॒ಷಮಚ್ಛಾ᳚ ತ॒ವಸಂ॒ ಮದಾ᳚ಯ || 7.24.3
ಆ ನೋ॒ ವಿಶ್ವಾ᳚ಭಿರೂ॒ತಿಭಿಃ॑ ಸ॒ಜೋಷಾ॒ ಬ್ರಹ್ಮ॑ ಜುಷಾ॒ಣೋ ಹ᳚ರ್ಯಶ್ವ ಯಾಹಿ |
ವರೀ᳚ವೃಜ॒ತ್ಸ್ಥವಿ॑ರೇಭಿಃ ಸುಶಿಪ್ರಾ॒ಸ್ಮೇ ದಧ॒ದ್ವೃಷ॑ಣಂ॒ ಶುಷ್ಮ॑ಮಿಂದ್ರ || 7.24.4
ಏ॒ಷ ಸ್ತೋಮೋ᳚ ಮ॒ಹ ಉ॒ಗ್ರಾಯ॒ ವಾಹೇ᳚ ಧು॒ರೀ॒3॒॑ವಾತ್ಯೋ॒ ನ ವಾ॒ಜಯ᳚ನ್ನಧಾಯಿ |
ಇಂದ್ರ॑ ತ್ವಾ॒ಯಮ॒ರ್ಕ ಈ᳚ಟ್ಟೇ॒ ವಸೂ᳚ನಾಂ ದಿ॒ವೀ᳚ವ॒ ದ್ಯಾಮಧಿ॑ ನಃ॒ ಶ್ರೋಮ॑ತಂ ಧಾಃ || 7.24.5
ಏ॒ವಾ ನ॑ ಇಂದ್ರ॒ ವಾರ್ಯ॑ಸ್ಯ ಪೂರ್ಧಿ॒ ಪ್ರ ತೇ᳚ ಮ॒ಹೀಂ ಸು॑ಮ॒ತಿಂ ವೇ᳚ವಿದಾಮ |
ಇಷಂ᳚ ಪಿನ್ವ ಮ॒ಘವ॑ದ್ಭ್ಯಃ ಸು॒ವೀರಾಂ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.24.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಆ ತೇ᳚ ಮ॒ಹ ಇಂ᳚ದ್ರೋ॒ತ್ಯು॑ಗ್ರ॒ ಸಮ᳚ನ್ಯವೋ॒ ಯತ್ಸ॒ಮರ᳚‌ನ್ತ॒ ಸೇನಾಃ᳚ |
ಪತಾ᳚ತಿ ದಿ॒ದ್ಯುನ್ನರ್ಯ॑ಸ್ಯ ಬಾ॒ಹ್ವೋರ್ಮಾ ತೇ॒ ಮನೋ᳚ ವಿಷ್ವ॒ದ್ರ್ಯ1॒॑ಗ್ವಿ ಚಾ᳚ರೀತ್ || 7.25.1
ನಿ ದು॒ರ್ಗ ಇಂ᳚ದ್ರ ಶ್ನಥಿಹ್ಯ॒ಮಿತ್ರಾಁ᳚ ಅ॒ಭಿ ಯೇ ನೋ॒ ಮರ್ತಾ᳚ಸೋ ಅ॒ಮ‌ನ್ತಿ॑ |
ಆ॒ರೇ ತಂ ಶಂಸಂ᳚ ಕೃಣುಹಿ ನಿನಿ॒ತ್ಸೋರಾ ನೋ᳚ ಭರ ಸಂ॒ಭರ॑ಣಂ॒ ವಸೂ᳚ನಾ‌ಮ್ || 7.25.2
ಶ॒ತಂ ತೇ᳚ ಶಿಪ್ರಿನ್ನೂ॒ತಯಃ॑ ಸು॒ದಾಸೇ᳚ ಸ॒ಹಸ್ರಂ॒ ಶಂಸಾ᳚ ಉ॒ತ ರಾ॒ತಿರ॑ಸ್ತು |
ಜ॒ಹಿ ವಧ᳚ರ್ವ॒ನುಷೋ॒ ಮರ್ತ್ಯ॑ಸ್ಯಾ॒ಸ್ಮೇ ದ್ಯು॒ಮ್ನಮಧಿ॒ ರತ್ನಂ᳚ ಚ ಧೇಹಿ || 7.25.3
ತ್ವಾವ॑ತೋ॒ ಹೀಂ᳚ದ್ರ॒ ಕ್ರತ್ವೇ॒ ಅಸ್ಮಿ॒ ತ್ವಾವ॑ತೋಽವಿ॒ತುಃ ಶೂ᳚ರ ರಾ॒ತೌ |
ವಿಶ್ವೇದಹಾ᳚ನಿ ತವಿಷೀವ ಉಗ್ರಁ॒ ಓಕಃ॑ ಕೃಣುಷ್ವ ಹರಿವೋ॒ ನ ಮ॑ರ್ಧೀಃ || 7.25.4
ಕುತ್ಸಾ᳚ ಏ॒ತೇ ಹರ್ಯ॑ಶ್ವಾಯ ಶೂ॒ಷಮಿಂದ್ರೇ॒ ಸಹೋ᳚ ದೇ॒ವಜೂ᳚ತಮಿಯಾ॒ನಾಃ |
ಸ॒ತ್ರಾ ಕೃ॑ಧಿ ಸು॒ಹನಾ᳚ ಶೂರ ವೃ॒ತ್ರಾ ವ॒ಯಂ ತರು॑ತ್ರಾಃ ಸನುಯಾಮ॒ ವಾಜ‌ಮ್᳚ || 7.25.5
ಏ॒ವಾ ನ॑ ಇಂದ್ರ॒ ವಾರ್ಯ॑ಸ್ಯ ಪೂರ್ಧಿ॒ ಪ್ರ ತೇ᳚ ಮ॒ಹೀಂ ಸು॑ಮ॒ತಿಂ ವೇ᳚ವಿದಾಮ |
ಇಷಂ᳚ ಪಿನ್ವ ಮ॒ಘವ॑ದ್ಭ್ಯಃ ಸು॒ವೀರಾಂ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.25.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ನ ಸೋಮ॒ ಇಂದ್ರ॒ಮಸು॑ತೋ ಮಮಾದ॒ ನಾಬ್ರ᳚ಹ್ಮಾಣೋ ಮ॒ಘವಾ᳚ನಂ ಸು॒ತಾಸಃ॑ |
ತಸ್ಮಾ᳚ ಉ॒ಕ್ಥಂ ಜ॑ನಯೇ॒ ಯಜ್ಜುಜೋ᳚ಷನ್ನೃ॒ವನ್ನವೀ᳚ಯಃ ಶೃ॒ಣವ॒ದ್ಯಥಾ᳚ ನಃ || 7.26.1
ಉ॒ಕ್ಥೌ᳚ಕ್ಥೇ॒ ಸೋಮ॒ ಇಂದ್ರಂ᳚ ಮಮಾದ ನೀ॒ಥೇನೀ᳚ಥೇ ಮ॒ಘವಾ᳚ನಂ ಸು॒ತಾಸಃ॑ |
ಯದೀಂ᳚ ಸ॒ಬಾಧಃ॑ ಪಿ॒ತರಂ॒ ನ ಪು॒ತ್ರಾಃ ಸ॑ಮಾ॒ನದ॑ಕ್ಷಾ॒ ಅವ॑ಸೇ॒ ಹವ᳚‌ನ್ತೇ || 7.26.2
ಚ॒ಕಾರ॒ ತಾ ಕೃ॒ಣವ᳚ನ್ನೂ॒ನಮ॒ನ್ಯಾ ಯಾನಿ॑ ಬ್ರು॒ವ‌ನ್ತಿ॑ ವೇ॒ಧಸಃ॑ ಸು॒ತೇಷು॑ |
ಜನೀ᳚ರಿವ॒ ಪತಿ॒ರೇಕಃ॑ ಸಮಾ॒ನೋ ನಿ ಮಾ᳚ಮೃಜೇ॒ ಪುರ॒ ಇಂದ್ರಃ॒ ಸು ಸರ್ವಾಃ᳚ || 7.26.3
ಏ॒ವಾ ತಮಾ᳚ಹುರು॒ತ ಶೃ᳚ಣ್ವ॒ ಇಂದ್ರ॒ ಏಕೋ᳚ ವಿಭ॒ಕ್ತಾ ತ॒ರಣಿ᳚ರ್ಮ॒ಘಾನಾ᳚‌ಮ್ |
ಮಿ॒ಥ॒ಸ್ತುರ॑ ಊ॒ತಯೋ॒ ಯಸ್ಯ॑ ಪೂ॒ರ್ವೀರ॒ಸ್ಮೇ ಭ॒ದ್ರಾಣಿ॑ ಸಶ್ಚತ ಪ್ರಿ॒ಯಾಣಿ॑ || 7.26.4
ಏ॒ವಾ ವಸಿ॑ಷ್ಠ॒ ಇಂದ್ರ॑ಮೂ॒ತಯೇ॒ ನೄನ್ಕೃ॑ಷ್ಟೀ॒ನಾಂ ವೃ॑ಷ॒ಭಂ ಸು॒ತೇ ಗೃ॑ಣಾತಿ |
ಸ॒ಹ॒ಸ್ರಿಣ॒ ಉಪ॑ ನೋ ಮಾಹಿ॒ ವಾಜಾ᳚ನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.26.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರಂ॒ ನರೋ᳚ ನೇ॒ಮಧಿ॑ತಾ ಹವ‌ನ್ತೇ॒ ಯತ್ಪಾರ್ಯಾ᳚ ಯು॒ನಜ॑ತೇ॒ ಧಿಯ॒ಸ್ತಾಃ |
ಶೂರೋ॒ ನೃಷಾ᳚ತಾ॒ ಶವ॑ಸಶ್ಚಕಾ॒ನ ಆ ಗೋಮ॑ತಿ ವ್ರ॒ಜೇ ಭ॑ಜಾ॒ ತ್ವಂ ನಃ॑ || 7.27.1
ಯ ಇಂ᳚ದ್ರ॒ ಶುಷ್ಮೋ᳚ ಮಘವ‌ನ್ತೇ॒ ಅಸ್ತಿ॒ ಶಿಕ್ಷಾ॒ ಸಖಿ॑ಭ್ಯಃ ಪುರುಹೂತ॒ ನೃಭ್ಯಃ॑ |
ತ್ವಂ ಹಿ ದೃ॒ಳ್ಹಾ ಮ॑ಘವ॒ನ್ವಿಚೇ᳚ತಾ॒ ಅಪಾ᳚ ವೃಧಿ॒ ಪರಿ॑ವೃತಂ॒ ನ ರಾಧಃ॑ || 7.27.2
ಇಂದ್ರೋ॒ ರಾಜಾ॒ ಜಗ॑ತಶ್ಚರ್ಷಣೀ॒ನಾಮಧಿ॒ ಕ್ಷಮಿ॒ ವಿಷು॑ರೂಪಂ॒ ಯದಸ್ತಿ॑ |
ತತೋ᳚ ದದಾತಿ ದಾ॒ಶುಷೇ॒ ವಸೂ᳚ನಿ॒ ಚೋದ॒ದ್ರಾಧ॒ ಉಪ॑ಸ್ತುತಶ್ಚಿದ॒ರ್ವಾಕ್ || 7.27.3
ನೂ ಚಿ᳚ನ್ನ॒ ಇಂದ್ರೋ᳚ ಮ॒ಘವಾ॒ ಸಹೂ᳚ತೀ ದಾ॒ನೋ ವಾಜಂ॒ ನಿ ಯ॑ಮತೇ ನ ಊ॒ತೀ |
ಅನೂ᳚ನಾ॒ ಯಸ್ಯ॒ ದಕ್ಷಿ॑ಣಾ ಪೀ॒ಪಾಯ॑ ವಾ॒ಮಂ ನೃಭ್ಯೋ᳚ ಅ॒ಭಿವೀ᳚ತಾ॒ ಸಖಿ॑ಭ್ಯಃ || 7.27.4
ನೂ ಇಂ᳚ದ್ರ ರಾ॒ಯೇ ವರಿ॑ವಸ್ಕೃಧೀ ನ॒ ಆ ತೇ॒ ಮನೋ᳚ ವವೃತ್ಯಾಮ ಮ॒ಘಾಯ॑ |
ಗೋಮ॒ದಶ್ವಾ᳚ವ॒ದ್ರಥ॑ವ॒ದ್ವ್ಯ‌ನ್ತೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.27.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಬ್ರಹ್ಮಾ᳚ ಣ ಇಂ॒ದ್ರೋಪ॑ ಯಾಹಿ ವಿ॒ದ್ವಾನ॒ರ್ವಾಂಚ॑ಸ್ತೇ॒ ಹರ॑ಯಃ ಸ‌ನ್ತು ಯು॒ಕ್ತಾಃ |
ವಿಶ್ವೇ᳚ ಚಿ॒ದ್ಧಿ ತ್ವಾ᳚ ವಿ॒ಹವ᳚‌ನ್ತ॒ ಮರ್ತಾ᳚ ಅ॒ಸ್ಮಾಕ॒ಮಿಚ್ಛೃ॑ಣುಹಿ ವಿಶ್ವಮಿನ್ವ || 7.28.1
ಹವಂ᳚ ತ ಇಂದ್ರ ಮಹಿ॒ಮಾ ವ್ಯಾ᳚ನ॒ಡ್ಬ್ರಹ್ಮ॒ ಯತ್ಪಾಸಿ॑ ಶವಸಿ॒ನ್ನೃಷೀ᳚ಣಾ‌ಮ್ |
ಆ ಯದ್ವಜ್ರಂ᳚ ದಧಿ॒ಷೇ ಹಸ್ತ॑ ಉಗ್ರ ಘೋ॒ರಃ ಸನ್ಕ್ರತ್ವಾ᳚ ಜನಿಷ್ಠಾ॒ ಅಷಾ᳚ಳ್ಹಃ || 7.28.2
ತವ॒ ಪ್ರಣೀ᳚ತೀಂದ್ರ॒ ಜೋಹು॑ವಾನಾ॒‌‌ನ್ತ್ಸಂ ಯನ್ನೄನ್ನ ರೋದ॑ಸೀ ನಿ॒ನೇಥ॑ |
ಮ॒ಹೇ ಕ್ಷ॒ತ್ರಾಯ॒ ಶವ॑ಸೇ॒ ಹಿ ಜ॒ಜ್ಞೇಽತೂ᳚ತುಜಿಂ ಚಿ॒ತ್ತೂತು॑ಜಿರಶಿಶ್ನತ್ || 7.28.3
ಏ॒ಭಿರ್ನ॑ ಇಂ॒ದ್ರಾಹ॑ಭಿರ್ದಶಸ್ಯ ದುರ್ಮಿ॒ತ್ರಾಸೋ॒ ಹಿ ಕ್ಷಿ॒ತಯಃ॒ ಪವ᳚‌ನ್ತೇ |
ಪ್ರತಿ॒ ಯಚ್ಚಷ್ಟೇ॒ ಅನೃ॑ತಮನೇ॒ನಾ ಅವ॑ ದ್ವಿ॒ತಾ ವರು॑ಣೋ ಮಾ॒ಯೀ ನಃ॑ ಸಾತ್ || 7.28.4
ವೋ॒ಚೇಮೇದಿಂದ್ರಂ᳚ ಮ॒ಘವಾ᳚ನಮೇನಂ ಮ॒ಹೋ ರಾ॒ಯೋ ರಾಧ॑ಸೋ॒ ಯದ್ದದ᳚ನ್ನಃ |
ಯೋ ಅರ್ಚ॑ತೋ॒ ಬ್ರಹ್ಮ॑ಕೃತಿ॒ಮವಿ॑ಷ್ಠೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.28.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಅ॒ಯಂ ಸೋಮ॑ ಇಂದ್ರ॒ ತುಭ್ಯಂ᳚ ಸುನ್ವ॒ ಆ ತು ಪ್ರ ಯಾ᳚ಹಿ ಹರಿವ॒ಸ್ತದೋ᳚ಕಾಃ |
ಪಿಬಾ॒ ತ್ವ1॒॑ಸ್ಯ ಸುಷು॑ತಸ್ಯ॒ ಚಾರೋ॒ರ್ದದೋ᳚ ಮ॒ಘಾನಿ॑ ಮಘವನ್ನಿಯಾ॒ನಃ || 7.29.1
ಬ್ರಹ್ಮ᳚ನ್ವೀರ॒ ಬ್ರಹ್ಮ॑ಕೃತಿಂ ಜುಷಾ॒ಣೋ᳚ಽರ್ವಾಚೀ॒ನೋ ಹರಿ॑ಭಿರ್ಯಾಹಿ॒ ತೂಯ‌ಮ್᳚ |
ಅ॒ಸ್ಮಿನ್ನೂ॒ ಷು ಸವ॑ನೇ ಮಾದಯ॒ಸ್ವೋಪ॒ ಬ್ರಹ್ಮಾ᳚ಣಿ ಶೃಣವ ಇ॒ಮಾ ನಃ॑ || 7.29.2
ಕಾ ತೇ᳚ ಅ॒ಸ್ತ್ಯರಂ᳚ಕೃತಿಃ ಸೂ॒ಕ್ತೈಃ ಕ॒ದಾ ನೂ॒ನಂ ತೇ᳚ ಮಘವಂದಾಶೇಮ |
ವಿಶ್ವಾ᳚ ಮ॒ತೀರಾ ತ॑ತನೇ ತ್ವಾ॒ಯಾಧಾ᳚ ಮ ಇಂದ್ರ ಶೃಣವೋ॒ ಹವೇ॒ಮಾ || 7.29.3
ಉ॒ತೋ ಘಾ॒ ತೇ ಪು॑ರು॒ಷ್ಯಾ॒3॒॑ ಇದಾ᳚ಸ॒ನ್ಯೇಷಾಂ॒ ಪೂರ್ವೇ᳚ಷಾ॒ಮಶೃ॑ಣೋ॒ರ್‌ಋಷೀ᳚ಣಾ‌ಮ್ |
ಅಧಾ॒ಹಂ ತ್ವಾ᳚ ಮಘವಂಜೋಹವೀಮಿ॒ ತ್ವಂ ನ॑ ಇಂದ್ರಾಸಿ॒ ಪ್ರಮ॑ತಿಃ ಪಿ॒ತೇವ॑ || 7.29.4
ವೋ॒ಚೇಮೇದಿಂದ್ರಂ᳚ ಮ॒ಘವಾ᳚ನಮೇನಂ ಮ॒ಹೋ ರಾ॒ಯೋ ರಾಧ॑ಸೋ॒ ಯದ್ದದ᳚ನ್ನಃ |
ಯೋ ಅರ್ಚ॑ತೋ॒ ಬ್ರಹ್ಮ॑ಕೃತಿ॒ಮವಿ॑ಷ್ಠೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.29.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಆ ನೋ᳚ ದೇವ॒ ಶವ॑ಸಾ ಯಾಹಿ ಶುಷ್ಮಿ॒ನ್ಭವಾ᳚ ವೃ॒ಧ ಇಂ᳚ದ್ರ ರಾ॒ಯೋ ಅ॒ಸ್ಯ |
ಮ॒ಹೇ ನೃ॒ಮ್ಣಾಯ॑ ನೃಪತೇ ಸುವಜ್ರ॒ ಮಹಿ॑ ಕ್ಷ॒ತ್ರಾಯ॒ ಪೌಂಸ್ಯಾ᳚ಯ ಶೂರ || 7.30.1
ಹವ᳚‌ನ್ತ ಉ ತ್ವಾ॒ ಹವ್ಯಂ॒ ವಿವಾ᳚ಚಿ ತ॒ನೂಷು॒ ಶೂರಾಃ॒ ಸೂರ್ಯ॑ಸ್ಯ ಸಾ॒ತೌ |
ತ್ವಂ ವಿಶ್ವೇ᳚ಷು॒ ಸೇನ್ಯೋ॒ ಜನೇ᳚ಷು॒ ತ್ವಂ ವೃ॒ತ್ರಾಣಿ॑ ರಂಧಯಾ ಸು॒ಹ‌ನ್ತು॑ || 7.30.2
ಅಹಾ॒ ಯದಿಂ᳚ದ್ರ ಸು॒ದಿನಾ᳚ ವ್ಯು॒ಚ್ಛಾಂದಧೋ॒ ಯತ್ಕೇ॒ತುಮು॑ಪ॒ಮಂ ಸ॒ಮತ್ಸು॑ |
ನ್ಯ1॒॑ಗ್ನಿಃ ಸೀ᳚ದ॒ದಸು॑ರೋ॒ ನ ಹೋತಾ᳚ ಹುವಾ॒ನೋ ಅತ್ರ॑ ಸು॒ಭಗಾ᳚ಯ ದೇ॒ವಾನ್ || 7.30.3
ವ॒ಯಂ ತೇ ತ॑ ಇಂದ್ರ॒ ಯೇ ಚ॑ ದೇವ॒ ಸ್ತವ᳚‌ನ್ತ ಶೂರ॒ ದದ॑ತೋ ಮ॒ಘಾನಿ॑ |
ಯಚ್ಛಾ᳚ ಸೂ॒ರಿಭ್ಯ॑ ಉಪ॒ಮಂ ವರೂ᳚ಥಂ ಸ್ವಾ॒ಭುವೋ᳚ ಜರ॒ಣಾಮ॑ಶ್ನವ‌ನ್ತ || 7.30.4
ವೋ॒ಚೇಮೇದಿಂದ್ರಂ᳚ ಮ॒ಘವಾ᳚ನಮೇನಂ ಮ॒ಹೋ ರಾ॒ಯೋ ರಾಧ॑ಸೋ॒ ಯದ್ದದ᳚ನ್ನಃ |
ಯೋ ಅರ್ಚ॑ತೋ॒ ಬ್ರಹ್ಮ॑ಕೃತಿ॒ಮವಿ॑ಷ್ಠೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.30.5

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರೋ ದೇವತಾ, (19) ಪ್ರಥಮಾದಿನವೋಂ ಗಾಯತ್ರೀ, (10-12) ದಶಮ್ಯಾದಿತೃಚಸ್ಯ ಚ ವಿರಾಟ್ ಛಂದಸೀ

ಪ್ರ ವ॒ ಇಂದ್ರಾ᳚ಯ॒ ಮಾದ॑ನಂ॒ ಹರ್ಯ॑ಶ್ವಾಯ ಗಾಯತ |
ಸಖಾ᳚ಯಃ ಸೋಮ॒ಪಾವ್ನೇ᳚ || 7.31.1
ಶಂಸೇದು॒ಕ್ಥಂ ಸು॒ದಾನ॑ವ ಉ॒ತ ದ್ಯು॒ಕ್ಷಂ ಯಥಾ॒ ನರಃ॑ |
ಚ॒ಕೃ॒ಮಾ ಸ॒ತ್ಯರಾ᳚ಧಸೇ || 7.31.2
ತ್ವಂ ನ॑ ಇಂದ್ರ ವಾಜ॒ಯುಸ್ತ್ವಂ ಗ॒ವ್ಯುಃ ಶ॑ತಕ್ರತೋ |
ತ್ವಂ ಹಿ॑ರಣ್ಯ॒ಯುರ್ವ॑ಸೋ || 7.31.3
ವ॒ಯಮಿಂ᳚ದ್ರ ತ್ವಾ॒ಯವೋ॒ಽಭಿ ಪ್ರ ಣೋ᳚ನುಮೋ ವೃಷನ್ |
ವಿ॒ದ್ಧೀ ತ್ವ1॒॑ಸ್ಯ ನೋ᳚ ವಸೋ || 7.31.4
ಮಾ ನೋ᳚ ನಿ॒ದೇ ಚ॒ ವಕ್ತ॑ವೇ॒ಽರ್ಯೋ ರಂ᳚ಧೀ॒ರರಾ᳚ವ್ಣೇ |
ತ್ವೇ ಅಪಿ॒ ಕ್ರತು॒ರ್ಮಮ॑ || 7.31.5
ತ್ವಂ ವರ್ಮಾ᳚ಸಿ ಸ॒ಪ್ರಥಃ॑ ಪುರೋಯೋ॒ಧಶ್ಚ॑ ವೃತ್ರಹನ್ |
ತ್ವಯಾ॒ ಪ್ರತಿ॑ ಬ್ರುವೇ ಯು॒ಜಾ || 7.31.6
ಮ॒ಹಾಁ ಉ॒ತಾಸಿ॒ ಯಸ್ಯ॒ ತೇಽನು॑ ಸ್ವ॒ಧಾವ॑ರೀ॒ ಸಹಃ॑ |
ಮ॒ಮ್ನಾತೇ᳚ ಇಂದ್ರ॒ ರೋದ॑ಸೀ || 7.31.7
ತಂ ತ್ವಾ᳚ ಮ॒ರುತ್ವ॑ತೀ॒ ಪರಿ॒ ಭುವ॒ದ್ವಾಣೀ᳚ ಸ॒ಯಾವ॑ರೀ |
ನಕ್ಷ॑ಮಾಣಾ ಸ॒ಹ ದ್ಯುಭಿಃ॑ || 7.31.8
ಊ॒ರ್ಧ್ವಾಸ॒ಸ್ತ್ವಾನ್ವಿಂದ॑ವೋ॒ ಭುವಂ᳚ದ॒ಸ್ಮಮುಪ॒ ದ್ಯವಿ॑ |
ಸಂ ತೇ᳚ ನಮ‌ನ್ತ ಕೃ॒ಷ್ಟಯಃ॑ || 7.31.9
ಪ್ರ ವೋ᳚ ಮ॒ಹೇ ಮ॑ಹಿ॒ವೃಧೇ᳚ ಭರಧ್ವಂ॒ ಪ್ರಚೇ᳚ತಸೇ॒ ಪ್ರ ಸು॑ಮ॒ತಿಂ ಕೃ॑ಣುಧ್ವ‌ಮ್ |
ವಿಶಃ॑ ಪೂ॒ರ್ವೀಃ ಪ್ರ ಚ॑ರಾ ಚರ್ಷಣಿ॒ಪ್ರಾಃ || 7.31.10
ಉ॒ರು॒ವ್ಯಚ॑ಸೇ ಮ॒ಹಿನೇ᳚ ಸುವೃ॒ಕ್ತಿಮಿಂದ್ರಾ᳚ಯ॒ ಬ್ರಹ್ಮ॑ ಜನಯ‌ನ್ತ॒ ವಿಪ್ರಾಃ᳚ |
ತಸ್ಯ᳚ ವ್ರ॒ತಾನಿ॒ ನ ಮಿ॑ನ‌ನ್ತಿ॒ ಧೀರಾಃ᳚ || 7.31.11
ಇಂದ್ರಂ॒ ವಾಣೀ॒ರನು॑ತ್ತಮನ್ಯುಮೇ॒ವ ಸ॒ತ್ರಾ ರಾಜಾ᳚ನಂ ದಧಿರೇ॒ ಸಹ॑ಧ್ಯೈ |
ಹರ್ಯ॑ಶ್ವಾಯ ಬರ್ಹಯಾ॒ ಸಮಾ॒ಪೀನ್ || 7.31.12

(1-27) ಸಪ್ತವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ, (26) ಷಡ್ವಿಶಂ ಯಾ ಋಚಃ ಪೂರ್ವಾರ್ಧಸ್ಯ ವಾಸಿಷ್ಠಃ ಶಕ್ತಿರ್ವಾ ಋಷಿಃ, ಇಂದ್ರೋ ದೇವತಾ, (1-2, 4-27) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿಚತುರ್ವಿಶತೇಶ್ಚ ಪ್ರಗಾಥಃ ( ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ ), (3) ತೃತೀಯಾಯಾಶ್ಚ ದ್ವಿಪದಾ ವಿರಾಟ್ ಛಂದಸೀ

ಮೋ ಷು ತ್ವಾ᳚ ವಾ॒ಘತ॑ಶ್ಚ॒ನಾರೇ ಅ॒ಸ್ಮನ್ನಿ ರೀ᳚ರಮನ್ |
ಆ॒ರಾತ್ತಾ᳚ಚ್ಚಿತ್ಸಧ॒ಮಾದಂ᳚ ನ॒ ಆ ಗ॑ಹೀ॒ಹ ವಾ॒ ಸನ್ನುಪ॑ ಶ್ರುಧಿ || 7.32.1
ಇ॒ಮೇ ಹಿ ತೇ᳚ ಬ್ರಹ್ಮ॒ಕೃತಃ॑ ಸು॒ತೇ ಸಚಾ॒ ಮಧೌ॒ ನ ಮಕ್ಷ॒ ಆಸ॑ತೇ |
ಇಂದ್ರೇ॒ ಕಾಮಂ᳚ ಜರಿ॒ತಾರೋ᳚ ವಸೂ॒ಯವೋ॒ ರಥೇ॒ ನ ಪಾದ॒ಮಾ ದ॑ಧುಃ || 7.32.2
ರಾ॒ಯಸ್ಕಾ᳚ಮೋ॒ ವಜ್ರ॑ಹಸ್ತಂ ಸು॒ದಕ್ಷಿ॑ಣಂ ಪು॒ತ್ರೋ ನ ಪಿ॒ತರಂ᳚ ಹುವೇ || 7.32.3
ಇ॒ಮ ಇಂದ್ರಾ᳚ಯ ಸುನ್ವಿರೇ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ |
ತಾಁ ಆ ಮದಾ᳚ಯ ವಜ್ರಹಸ್ತ ಪೀ॒ತಯೇ॒ ಹರಿ॑ಭ್ಯಾಂ ಯಾ॒ಹ್ಯೋಕ॒ ಆ || 7.32.4
ಶ್ರವ॒ಚ್ಛ್ರುತ್ಕ᳚ರ್ಣ ಈಯತೇ॒ ವಸೂ᳚ನಾಂ॒ ನೂ ಚಿ᳚ನ್ನೋ ಮರ್ಧಿಷ॒ದ್ಗಿರಃ॑ |
ಸ॒ದ್ಯಶ್ಚಿ॒ದ್ಯಃ ಸ॒ಹಸ್ರಾ᳚ಣಿ ಶ॒ತಾ ದದ॒ನ್ನಕಿ॒ರ್ದಿತ್ಸ᳚‌ನ್ತ॒ಮಾ ಮಿ॑ನತ್ || 7.32.5
ಸ ವೀ॒ರೋ ಅಪ್ರ॑ತಿಷ್ಕುತ॒ ಇಂದ್ರೇ᳚ಣ ಶೂಶುವೇ॒ ನೃಭಿಃ॑ |
ಯಸ್ತೇ᳚ ಗಭೀ॒ರಾ ಸವ॑ನಾನಿ ವೃತ್ರಹ‌‌ನ್ತ್ಸು॒ನೋತ್ಯಾ ಚ॒ ಧಾವ॑ತಿ || 7.32.6
ಭವಾ॒ ವರೂ᳚ಥಂ ಮಘವನ್ಮ॒ಘೋನಾಂ॒ ಯತ್ಸ॒ಮಜಾ᳚ಸಿ॒ ಶರ್ಧ॑ತಃ |
ವಿ ತ್ವಾಹ॑ತಸ್ಯ॒ ವೇದ॑ನಂ ಭಜೇಮ॒ಹ್ಯಾ ದೂ॒ಣಾಶೋ᳚ ಭರಾ॒ ಗಯ‌ಮ್᳚ || 7.32.7
ಸು॒ನೋತಾ᳚ ಸೋಮ॒ಪಾವ್ನೇ॒ ಸೋಮ॒ಮಿಂದ್ರಾ᳚ಯ ವ॒ಜ್ರಿಣೇ᳚ |
ಪಚ॑ತಾ ಪ॒ಕ್ತೀರವ॑ಸೇ ಕೃಣು॒ಧ್ವಮಿತ್ಪೃ॒ಣನ್ನಿತ್ಪೃ॑ಣ॒ತೇ ಮಯಃ॑ || 7.32.8
ಮಾ ಸ್ರೇ᳚ಧತ ಸೋಮಿನೋ॒ ದಕ್ಷ॑ತಾ ಮ॒ಹೇ ಕೃ॑ಣು॒ಧ್ವಂ ರಾ॒ಯ ಆ॒ತುಜೇ᳚ |
ತ॒ರಣಿ॒ರಿಜ್ಜ॑ಯತಿ॒ ಕ್ಷೇತಿ॒ ಪುಷ್ಯ॑ತಿ॒ ನ ದೇ॒ವಾಸಃ॑ ಕವ॒ತ್ನವೇ᳚ || 7.32.9
ನಕಿಃ॑ ಸು॒ದಾಸೋ॒ ರಥಂ॒ ಪರ್ಯಾ᳚ಸ॒ ನ ರೀ᳚ರಮತ್ |
ಇಂದ್ರೋ॒ ಯಸ್ಯಾ᳚ವಿ॒ತಾ ಯಸ್ಯ॑ ಮ॒ರುತೋ॒ ಗಮ॒ತ್ಸ ಗೋಮ॑ತಿ ವ್ರ॒ಜೇ || 7.32.10
ಗಮ॒ದ್ವಾಜಂ᳚ ವಾ॒ಜಯ᳚ನ್ನಿಂದ್ರ॒ ಮರ್ತ್ಯೋ॒ ಯಸ್ಯ॒ ತ್ವಮ॑ವಿ॒ತಾ ಭುವಃ॑ |
ಅ॒ಸ್ಮಾಕಂ᳚ ಬೋಧ್ಯವಿ॒ತಾ ರಥಾ᳚ನಾಮ॒ಸ್ಮಾಕಂ᳚ ಶೂರ ನೃ॒ಣಾ‌ಮ್ || 7.32.11
ಉದಿನ್ನ್ವ॑ಸ್ಯ ರಿಚ್ಯ॒ತೇಂಽಶೋ॒ ಧನಂ॒ ನ ಜಿ॒ಗ್ಯುಷಃ॑ |
ಯ ಇಂದ್ರೋ॒ ಹರಿ॑ವಾ॒ನ್ನ ದ॑ಭ‌ನ್ತಿ॒ ತಂ ರಿಪೋ॒ ದಕ್ಷಂ᳚ ದಧಾತಿ ಸೋ॒ಮಿನಿ॑ || 7.32.12
ಮ‌ನ್ತ್ರ॒ಮಖ᳚ರ್ವಂ॒ ಸುಧಿ॑ತಂ ಸು॒ಪೇಶ॑ಸಂ॒ ದಧಾ᳚ತ ಯ॒ಜ್ಞಿಯೇ॒ಷ್ವಾ |
ಪೂ॒ರ್ವೀಶ್ಚ॒ನ ಪ್ರಸಿ॑ತಯಸ್ತರ‌ನ್ತಿ॒ ತಂ ಯ ಇಂದ್ರೇ॒ ಕರ್ಮ॑ಣಾ॒ ಭುವ॑ತ್ || 7.32.13
ಕಸ್ತಮಿಂ᳚ದ್ರ॒ ತ್ವಾವ॑ಸು॒ಮಾ ಮರ್ತ್ಯೋ᳚ ದಧರ್ಷತಿ |
ಶ್ರ॒ದ್ಧಾ ಇತ್ತೇ᳚ ಮಘವ॒ನ್ಪಾರ್ಯೇ᳚ ದಿ॒ವಿ ವಾ॒ಜೀ ವಾಜಂ᳚ ಸಿಷಾಸತಿ || 7.32.14
ಮ॒ಘೋನಃ॑ ಸ್ಮ ವೃತ್ರ॒ಹತ್ಯೇ᳚ಷು ಚೋದಯ॒ ಯೇ ದದ॑ತಿ ಪ್ರಿ॒ಯಾ ವಸು॑ |
ತವ॒ ಪ್ರಣೀ᳚ತೀ ಹರ್ಯಶ್ವ ಸೂ॒ರಿಭಿ॒ರ್ವಿಶ್ವಾ᳚ ತರೇಮ ದುರಿ॒ತಾ || 7.32.15
ತವೇದಿಂ᳚ದ್ರಾವ॒ಮಂ ವಸು॒ ತ್ವಂ ಪು॑ಷ್ಯಸಿ ಮಧ್ಯ॒ಮ‌ಮ್ |
ಸ॒ತ್ರಾ ವಿಶ್ವ॑ಸ್ಯ ಪರ॒ಮಸ್ಯ॑ ರಾಜಸಿ॒ ನಕಿ॑ಷ್ಟ್ವಾ॒ ಗೋಷು॑ ವೃಣ್ವತೇ || 7.32.16
ತ್ವಂ ವಿಶ್ವ॑ಸ್ಯ ಧನ॒ದಾ ಅ॑ಸಿ ಶ್ರು॒ತೋ ಯ ಈಂ॒ ಭವ᳚‌ನ್ತ್ಯಾ॒ಜಯಃ॑ |
ತವಾ॒ಯಂ ವಿಶ್ವಃ॑ ಪುರುಹೂತ॒ ಪಾರ್ಥಿ॑ವೋಽವ॒ಸ್ಯುರ್ನಾಮ॑ ಭಿಕ್ಷತೇ || 7.32.17
ಯದಿಂ᳚ದ್ರ॒ ಯಾವ॑ತ॒ಸ್ತ್ವಮೇ॒ತಾವ॑ದ॒ಹಮೀಶೀ᳚ಯ |
ಸ್ತೋ॒ತಾರ॒ಮಿದ್ದಿ॑ಧಿಷೇಯ ರದಾವಸೋ॒ ನ ಪಾ᳚ಪ॒ತ್ವಾಯ॑ ರಾಸೀಯ || 7.32.18
ಶಿಕ್ಷೇ᳚ಯ॒ಮಿನ್ಮ॑ಹಯ॒ತೇ ದಿ॒ವೇದಿ॑ವೇ ರಾ॒ಯ ಆ ಕು॑ಹಚಿ॒ದ್ವಿದೇ᳚ |
ನ॒ಹಿ ತ್ವದ॒ನ್ಯನ್ಮ॑ಘವನ್ನ॒ ಆಪ್ಯಂ॒ ವಸ್ಯೋ॒ ಅಸ್ತಿ॑ ಪಿ॒ತಾ ಚ॒ನ || 7.32.19
ತ॒ರಣಿ॒ರಿತ್ಸಿ॑ಷಾಸತಿ॒ ವಾಜಂ॒ ಪುರಂ᳚ಧ್ಯಾ ಯು॒ಜಾ |
ಆ ವ॒ ಇಂದ್ರಂ᳚ ಪುರುಹೂ॒ತಂ ನ॑ಮೇ ಗಿ॒ರಾ ನೇ॒ಮಿಂ ತಷ್ಟೇ᳚ವ ಸು॒ದ್ರ್ವ‌ಮ್᳚ || 7.32.20
ನ ದು॑ಷ್ಟು॒ತೀ ಮರ್ತ್ಯೋ᳚ ವಿಂದತೇ॒ ವಸು॒ ನ ಸ್ರೇಧ᳚‌ನ್ತಂ ರ॒ಯಿರ್ನ॑ಶತ್ |
ಸು॒ಶಕ್ತಿ॒ರಿನ್ಮ॑ಘವ॒‌ನ್ತುಭ್ಯಂ॒ ಮಾವ॑ತೇ ದೇ॒ಷ್ಣಂ ಯತ್ಪಾರ್ಯೇ᳚ ದಿ॒ವಿ || 7.32.21
ಅ॒ಭಿ ತ್ವಾ᳚ ಶೂರ ನೋನು॒ಮೋಽದು॑ಗ್ಧಾ ಇವ ಧೇ॒ನವಃ॑ |
ಈಶಾ᳚ನಮ॒ಸ್ಯ ಜಗ॑ತಃ ಸ್ವ॒ರ್ದೃಶ॒ಮೀಶಾ᳚ನಮಿಂದ್ರ ತ॒ಸ್ಥುಷಃ॑ || 7.32.22
ನ ತ್ವಾವಾಁ᳚ ಅ॒ನ್ಯೋ ದಿ॒ವ್ಯೋ ನ ಪಾರ್ಥಿ॑ವೋ॒ ನ ಜಾ॒ತೋ ನ ಜ॑ನಿಷ್ಯತೇ |
ಅ॒ಶ್ವಾ॒ಯ‌ನ್ತೋ᳚ ಮಘವನ್ನಿಂದ್ರ ವಾ॒ಜಿನೋ᳚ ಗ॒ವ್ಯ‌ನ್ತ॑ಸ್ತ್ವಾ ಹವಾಮಹೇ || 7.32.23
ಅ॒ಭೀ ಷ॒ತಸ್ತದಾ ಭ॒ರೇಂದ್ರ॒ ಜ್ಯಾಯಃ॒ ಕನೀ᳚ಯಸಃ |
ಪು॒ರೂ॒ವಸು॒ರ್ಹಿ ಮ॑ಘವ‌‌ನ್ತ್ಸ॒ನಾದಸಿ॒ ಭರೇ᳚ಭರೇ ಚ॒ ಹವ್ಯಃ॑ || 7.32.24
ಪರಾ᳚ ಣುದಸ್ವ ಮಘವನ್ನ॒ಮಿತ್ರಾ᳚‌‌ನ್ತ್ಸು॒ವೇದಾ᳚ ನೋ॒ ವಸೂ᳚ ಕೃಧಿ |
ಅ॒ಸ್ಮಾಕಂ᳚ ಬೋಧ್ಯವಿ॒ತಾ ಮ॑ಹಾಧ॒ನೇ ಭವಾ᳚ ವೃ॒ಧಃ ಸಖೀ᳚ನಾ‌ಮ್ || 7.32.25
ಇಂದ್ರ॒ ಕ್ರತುಂ᳚ ನ॒ ಆ ಭ॑ರ ಪಿ॒ತಾ ಪು॒ತ್ರೇಭ್ಯೋ॒ ಯಥಾ᳚ |
ಶಿಕ್ಷಾ᳚ ಣೋ ಅ॒ಸ್ಮಿನ್ಪು॑ರುಹೂತ॒ ಯಾಮ॑ನಿ ಜೀ॒ವಾ ಜ್ಯೋತಿ॑ರಶೀಮಹಿ || 7.32.26
ಮಾ ನೋ॒ ಅಜ್ಞಾ᳚ತಾ ವೃ॒ಜನಾ᳚ ದುರಾ॒ಧ್ಯೋ॒3॒॑ ಮಾಶಿ॑ವಾಸೋ॒ ಅವ॑ ಕ್ರಮುಃ |
ತ್ವಯಾ᳚ ವ॒ಯಂ ಪ್ರ॒ವತಃ॒ ಶಶ್ವ॑ತೀರ॒ಪೋಽತಿ॑ ಶೂರ ತರಾಮಸಿ || 7.32.27

(1-14) ಚತುದಶ ಚಸ್ಯಾಸ್ಯ ಸೂಕ್ತಸ್ಯ (1-9) ಪ್ರಥಮಾದಿನವರ್ಚಾಂ ಮೈತ್ರಾವರುಣಿರ್ವಸಿಷ್ಠಃ, (10-14) ದಶಮ್ಯಾದಿಪಂಚಾನಾಂಚ ವಸಿಷ್ಠಪತ್ರಾ ಇಂದ್ರೋ ವಾ ಋಷಯಃ (1-9) ಪ್ರಥಮಾದಿನವರ್ಚಾಂ ವಸಿಷ್ಠಪತ್ರಾಃ, (10-14) ದಶಮ್ಯಾದಿಪಂಚಾನಾಂಚ ವಸಿಷ್ಠೋ ದೇವತಾಃ, ತ್ರಿಷ್ಟುಪ್ ಛಂದಃ

ಶ್ವಿ॒ತ್ಯಂಚೋ᳚ ಮಾ ದಕ್ಷಿಣ॒ತಸ್ಕ॑ಪರ್ದಾ ಧಿಯಂಜಿ॒ನ್ವಾಸೋ᳚ ಅ॒ಭಿ ಹಿ ಪ್ರ॑ಮಂ॒ದುಃ |
ಉ॒ತ್ತಿಷ್ಠ᳚ನ್ವೋಚೇ॒ ಪರಿ॑ ಬ॒ರ್ಹಿಷೋ॒ ನೄನ್ನ ಮೇ᳚ ದೂ॒ರಾದವಿ॑ತವೇ॒ ವಸಿ॑ಷ್ಠಾಃ || 7.33.1
ದೂ॒ರಾದಿಂದ್ರ॑ಮನಯ॒ನ್ನಾ ಸು॒ತೇನ॑ ತಿ॒ರೋ ವೈ᳚ಶ॒‌ನ್ತಮತಿ॒ ಪಾ‌ನ್ತ॑ಮು॒ಗ್ರ‌ಮ್ |
ಪಾಶ॑ದ್ಯುಮ್ನಸ್ಯ ವಾಯ॒ತಸ್ಯ॒ ಸೋಮಾ᳚ತ್ಸು॒ತಾದಿಂದ್ರೋ᳚ಽವೃಣೀತಾ॒ ವಸಿ॑ಷ್ಠಾನ್ || 7.33.2
ಏ॒ವೇನ್ನು ಕಂ॒ ಸಿಂಧು॑ಮೇಭಿಸ್ತತಾರೇ॒ವೇನ್ನು ಕಂ᳚ ಭೇ॒ದಮೇ᳚ಭಿರ್ಜಘಾನ |
ಏ॒ವೇನ್ನು ಕಂ᳚ ದಾಶರಾ॒ಜ್ಞೇ ಸು॒ದಾಸಂ॒ ಪ್ರಾವ॒ದಿಂದ್ರೋ॒ ಬ್ರಹ್ಮ॑ಣಾ ವೋ ವಸಿಷ್ಠಾಃ || 7.33.3
ಜುಷ್ಟೀ᳚ ನರೋ॒ ಬ್ರಹ್ಮ॑ಣಾ ವಃ ಪಿತೄ॒ಣಾಮಕ್ಷ॑ಮವ್ಯಯಂ॒ ನ ಕಿಲಾ᳚ ರಿಷಾಥ |
ಯಚ್ಛಕ್ವ॑ರೀಷು ಬೃಹ॒ತಾ ರವೇ॒ಣೇಂದ್ರೇ॒ ಶುಷ್ಮ॒ಮದ॑ಧಾತಾ ವಸಿಷ್ಠಾಃ || 7.33.4
ಉದ್ದ್ಯಾಮಿ॒ವೇತ್ತೃ॒ಷ್ಣಜೋ᳚ ನಾಥಿ॒ತಾಸೋಽದೀ᳚ಧಯುರ್ದಾಶರಾ॒ಜ್ಞೇ ವೃ॒ತಾಸಃ॑ |
ವಸಿ॑ಷ್ಠಸ್ಯ ಸ್ತುವ॒ತ ಇಂದ್ರೋ᳚ ಅಶ್ರೋದು॒ರುಂ ತೃತ್ಸು॑ಭ್ಯೋ ಅಕೃಣೋದು ಲೋ॒ಕ‌ಮ್ || 7.33.5
ದಂ॒ಡಾ ಇ॒ವೇದ್ಗೋ॒ಅಜ॑ನಾಸ ಆಸ॒ನ್ಪರಿ॑ಚ್ಛಿನ್ನಾ ಭರ॒ತಾ ಅ॑ರ್ಭ॒ಕಾಸಃ॑ |
ಅಭ॑ವಚ್ಚ ಪುರಏ॒ತಾ ವಸಿ॑ಷ್ಠ॒ ಆದಿತ್ತೃತ್ಸೂ᳚ನಾಂ॒ ವಿಶೋ᳚ ಅಪ್ರಥ‌ನ್ತ || 7.33.6
ತ್ರಯಃ॑ ಕೃಣ್ವ‌ನ್ತಿ॒ ಭುವ॑ನೇಷು॒ ರೇತ॑ಸ್ತಿ॒ಸ್ರಃ ಪ್ರ॒ಜಾ ಆರ್ಯಾ॒ ಜ್ಯೋತಿ॑ರಗ್ರಾಃ |
ತ್ರಯೋ᳚ ಘ॒ರ್ಮಾಸ॑ ಉ॒ಷಸಂ᳚ ಸಚ‌ನ್ತೇ॒ ಸರ್ವಾಁ॒ ಇತ್ತಾಁ ಅನು॑ ವಿದು॒ರ್ವಸಿ॑ಷ್ಠಾಃ || 7.33.7
ಸೂರ್ಯ॑ಸ್ಯೇವ ವ॒ಕ್ಷಥೋ॒ ಜ್ಯೋತಿ॑ರೇಷಾಂ ಸಮು॒ದ್ರಸ್ಯೇ᳚ವ ಮಹಿ॒ಮಾ ಗ॑ಭೀ॒ರಃ |
ವಾತ॑ಸ್ಯೇವ ಪ್ರಜ॒ವೋ ನಾನ್ಯೇನ॒ ಸ್ತೋಮೋ᳚ ವಸಿಷ್ಠಾ॒ ಅನ್ವೇ᳚ತವೇ ವಃ || 7.33.8
ತ ಇನ್ನಿ॒ಣ್ಯಂ ಹೃದ॑ಯಸ್ಯ ಪ್ರಕೇ॒ತೈಃ ಸ॒ಹಸ್ರ॑ವಲ್ಶಮ॒ಭಿ ಸಂ ಚ॑ರ‌ನ್ತಿ |
ಯ॒ಮೇನ॑ ತ॒ತಂ ಪ॑ರಿ॒ಧಿಂ ವಯ᳚‌ನ್ತೋಽಪ್ಸ॒ರಸ॒ ಉಪ॑ ಸೇದು॒ರ್ವಸಿ॑ಷ್ಠಾಃ || 7.33.9
ವಿ॒ದ್ಯುತೋ॒ ಜ್ಯೋತಿಃ॒ ಪರಿ॑ ಸಂ॒ಜಿಹಾ᳚ನಂ ಮಿ॒ತ್ರಾವರು॑ಣಾ॒ ಯದಪ॑ಶ್ಯತಾಂ ತ್ವಾ |
ತತ್ತೇ॒ ಜನ್ಮೋ॒ತೈಕಂ᳚ ವಸಿಷ್ಠಾ॒ಗಸ್ತ್ಯೋ॒ ಯತ್ತ್ವಾ᳚ ವಿ॒ಶ ಆ᳚ಜ॒ಭಾರ॑ || 7.33.10
ಉ॒ತಾಸಿ॑ ಮೈತ್ರಾವರು॒ಣೋ ವ॑ಸಿಷ್ಠೋ॒ರ್ವಶ್ಯಾ᳚ ಬ್ರಹ್ಮ॒ನ್ಮನ॒ಸೋಽಧಿ॑ ಜಾ॒ತಃ |
ದ್ರ॒ಪ್ಸಂ ಸ್ಕ॒ನ್ನಂ ಬ್ರಹ್ಮ॑ಣಾ॒ ದೈವ್ಯೇ᳚ನ॒ ವಿಶ್ವೇ᳚ ದೇ॒ವಾಃ ಪುಷ್ಕ॑ರೇ ತ್ವಾದದ‌ನ್ತ || 7.33.11
ಸ ಪ್ರ॑ಕೇ॒ತ ಉ॒ಭಯ॑ಸ್ಯ ಪ್ರವಿ॒ದ್ವಾ‌‌ನ್ತ್ಸ॒ಹಸ್ರ॑ದಾನ ಉ॒ತ ವಾ॒ ಸದಾ᳚ನಃ |
ಯ॒ಮೇನ॑ ತ॒ತಂ ಪ॑ರಿ॒ಧಿಂ ವ॑ಯಿ॒ಷ್ಯನ್ನ॑ಪ್ಸ॒ರಸಃ॒ ಪರಿ॑ ಜಜ್ಞೇ॒ ವಸಿ॑ಷ್ಠಃ || 7.33.12
ಸ॒ತ್ರೇ ಹ॑ ಜಾ॒ತಾವಿ॑ಷಿ॒ತಾ ನಮೋ᳚ಭಿಃ ಕುಂ॒ಭೇ ರೇತಃ॑ ಸಿಷಿಚತುಃ ಸಮಾ॒ನ‌ಮ್ |
ತತೋ᳚ ಹ॒ ಮಾನ॒ ಉದಿ॑ಯಾಯ॒ ಮಧ್ಯಾ॒ತ್ತತೋ᳚ ಜಾ॒ತಮೃಷಿ॑ಮಾಹು॒ರ್ವಸಿ॑ಷ್ಠ‌ಮ್ || 7.33.13
ಉ॒ಕ್ಥ॒ಭೃತಂ᳚ ಸಾಮ॒ಭೃತಂ᳚ ಬಿಭರ್ತಿ॒ ಗ್ರಾವಾ᳚ಣಂ॒ ಬಿಭ್ರ॒ತ್ಪ್ರ ವ॑ದಾ॒ತ್ಯಗ್ರೇ᳚ |
ಉಪೈ᳚ನಮಾಧ್ವಂ ಸುಮನ॒ಸ್ಯಮಾ᳚ನಾ॒ ಆ ವೋ᳚ ಗಚ್ಛಾತಿ ಪ್ರತೃದೋ॒ ವಸಿ॑ಷ್ಠಃ || 7.33.14

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-15, 1825) ಪ್ರಥಮಾದಿಪಂಚದಶರ್ಚಾಮಷ್ಟಾದಶ್ಯಾದ್ಯಷ್ಟಾನಾಂಚ ವಿಶ್ವೇ ದೇವಾಃ, (16) ಷೋಡಶ್ಯಾ ಅಹಿಃ, (17) ಸಪ್ತದಶ್ಯಾಶ್ಚಾಹಿಬ, ಯೋ ದೇವತಾಃ (1-21) ಪ್ರಥಮಾದ್ಯೇಕವಿಂಶತ್ರ್ಯಚಾಂ ದ್ವಿಪದಾ ವಿರಾಟ್ (22-25) ದ್ವಾವಿಂಶ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ

ಪ್ರ ಶು॒ಕ್ರೈತು॑ ದೇ॒ವೀ ಮ॑ನೀ॒ಷಾ ಅ॒ಸ್ಮತ್ಸುತ॑ಷ್ಟೋ॒ ರಥೋ॒ ನ ವಾ॒ಜೀ || 7.34.1
ವಿ॒ದುಃ ಪೃ॑ಥಿ॒ವ್ಯಾ ದಿ॒ವೋ ಜ॒ನಿತ್ರಂ᳚ ಶೃ॒ಣ್ವ‌ನ್ತ್ಯಾಪೋ॒ ಅಧ॒ ಕ್ಷರ᳚‌ನ್ತೀಃ || 7.34.2
ಆಪ॑ಶ್ಚಿದಸ್ಮೈ॒ ಪಿನ್ವ᳚‌ನ್ತ ಪೃ॒ಥ್ವೀರ್ವೃ॒ತ್ರೇಷು॒ ಶೂರಾ॒ ಮಂಸ᳚‌ನ್ತ ಉ॒ಗ್ರಾಃ || 7.34.3
ಆ ಧೂ॒ರ್ಷ್ವ॑ಸ್ಮೈ॒ ದಧಾ॒ತಾಶ್ವಾ॒ನಿಂದ್ರೋ॒ ನ ವ॒ಜ್ರೀ ಹಿರ᳚ಣ್ಯಬಾಹುಃ || 7.34.4
ಅ॒ಭಿ ಪ್ರ ಸ್ಥಾ॒ತಾಹೇ᳚ವ ಯ॒ಜ್ಞಂ ಯಾತೇ᳚ವ॒ ಪತ್ಮ॒‌ನ್ತ್ಮನಾ᳚ ಹಿನೋತ || 7.34.5
ತ್ಮನಾ᳚ ಸ॒ಮತ್ಸು॑ ಹಿ॒ನೋತ॑ ಯ॒ಜ್ಞಂ ದಧಾ᳚ತ ಕೇ॒ತುಂ ಜನಾ᳚ಯ ವೀ॒ರ‌ಮ್ || 7.34.6
ಉದ॑ಸ್ಯ॒ ಶುಷ್ಮಾ᳚ದ್ಭಾ॒ನುರ್ನಾರ್ತ॒ ಬಿಭ॑ರ್ತಿ ಭಾ॒ರಂ ಪೃ॑ಥಿ॒ವೀ ನ ಭೂಮ॑ || 7.34.7
ಹ್ವಯಾ᳚ಮಿ ದೇ॒ವಾಁ ಅಯಾ᳚ತುರಗ್ನೇ॒ ಸಾಧ᳚ನ್ನೃ॒ತೇನ॒ ಧಿಯಂ᳚ ದಧಾಮಿ || 7.34.8
ಅ॒ಭಿ ವೋ᳚ ದೇ॒ವೀಂ ಧಿಯಂ᳚ ದಧಿಧ್ವಂ॒ ಪ್ರ ವೋ᳚ ದೇವ॒ತ್ರಾ ವಾಚಂ᳚ ಕೃಣುಧ್ವ‌ಮ್ || 7.34.9
ಆ ಚ॑ಷ್ಟ ಆಸಾಂ॒ ಪಾಥೋ᳚ ನ॒ದೀನಾಂ॒ ವರು॑ಣ ಉ॒ಗ್ರಃ ಸ॒ಹಸ್ರ॑ಚಕ್ಷಾಃ || 7.34.10
ರಾಜಾ᳚ ರಾ॒ಷ್ಟ್ರಾನಾಂ॒ ಪೇಶೋ᳚ ನ॒ದೀನಾ॒ಮನು॑ತ್ತಮಸ್ಮೈ ಕ್ಷ॒ತ್ರಂ ವಿ॒ಶ್ವಾಯು॑ || 7.34.11
ಅವಿ॑ಷ್ಟೋ ಅ॒ಸ್ಮಾನ್ವಿಶ್ವಾ᳚ಸು ವಿ॒ಕ್ಷ್ವದ್ಯುಂ᳚ ಕೃಣೋತ॒ ಶಂಸಂ᳚ ನಿನಿ॒ತ್ಸೋಃ || 7.34.12
ವ್ಯೇ᳚ತು ದಿ॒ದ್ಯುದ್ದ್ವಿ॒ಷಾಮಶೇ᳚ವಾ ಯು॒ಯೋತ॒ ವಿಷ್ವ॒ಗ್ರಪ॑ಸ್ತ॒ನೂನಾ᳚‌ಮ್ || 7.34.13
ಅವೀ᳚ನ್ನೋ ಅ॒ಗ್ನಿರ್ಹ॒ವ್ಯಾನ್ನಮೋ᳚ಭಿಃ॒ ಪ್ರೇಷ್ಠೋ᳚ ಅಸ್ಮಾ ಅಧಾಯಿ॒ ಸ್ತೋಮಃ॑ || 7.34.14
ಸ॒ಜೂರ್ದೇ॒ವೇಭಿ॑ರ॒ಪಾಂ ನಪಾ᳚ತಂ॒ ಸಖಾ᳚ಯಂ ಕೃಧ್ವಂ ಶಿ॒ವೋ ನೋ᳚ ಅಸ್ತು || 7.34.15
ಅ॒ಬ್ಜಾಮು॒ಕ್ಥೈರಹಿಂ᳚ ಗೃಣೀಷೇ ಬು॒ಧ್ನೇ ನ॒ದೀನಾಂ॒ ರಜ॑ಸ್ಸು॒ ಷೀದನ್॑ || 7.34.16
ಮಾ ನೋಽಹಿ॑ರ್ಬು॒ಧ್ನ್ಯೋ᳚ ರಿ॒ಷೇ ಧಾ॒ನ್ಮಾ ಯ॒ಜ್ಞೋ ಅ॑ಸ್ಯ ಸ್ರಿಧದೃತಾ॒ಯೋಃ || 7.34.17
ಉ॒ತ ನ॑ ಏ॒ಷು ನೃಷು॒ ಶ್ರವೋ᳚ ಧುಃ॒ ಪ್ರ ರಾ॒ಯೇ ಯ᳚‌ನ್ತು॒ ಶರ್ಧ᳚‌ನ್ತೋ ಅ॒ರ್ಯಃ || 7.34.18
ತಪ᳚‌ನ್ತಿ॒ ಶತ್ರುಂ॒ ಸ್ವ1॒᳚ರ್ಣ ಭೂಮಾ᳚ ಮ॒ಹಾಸೇ᳚ನಾಸೋ॒ ಅಮೇ᳚ಭಿರೇಷಾ‌ಮ್ || 7.34.19
ಆ ಯನ್ನಃ॒ ಪತ್ನೀ॒ರ್ಗಮ॒‌ನ್ತ್ಯಚ್ಛಾ॒ ತ್ವಷ್ಟಾ᳚ ಸುಪಾ॒ಣಿರ್ದಧಾ᳚ತು ವೀ॒ರಾನ್ || 7.34.20
ಪ್ರತಿ॑ ನಃ॒ ಸ್ತೋಮಂ॒ ತ್ವಷ್ಟಾ᳚ ಜುಷೇತ॒ ಸ್ಯಾದ॒ಸ್ಮೇ ಅ॒ರಮ॑ತಿರ್ವಸೂ॒ಯುಃ || 7.34.21
ತಾ ನೋ᳚ ರಾಸನ್ರಾತಿ॒ಷಾಚೋ॒ ವಸೂ॒ನ್ಯಾ ರೋದ॑ಸೀ ವರುಣಾ॒ನೀ ಶೃ॑ಣೋತು |
ವರೂ᳚ತ್ರೀಭಿಃ ಸುಶರ॒ಣೋ ನೋ᳚ ಅಸ್ತು॒ ತ್ವಷ್ಟಾ᳚ ಸು॒ದತ್ರೋ॒ ವಿ ದ॑ಧಾತು॒ ರಾಯಃ॑ || 7.34.22
ತನ್ನೋ॒ ರಾಯಃ॒ ಪರ್ವ॑ತಾ॒ಸ್ತನ್ನ॒ ಆಪ॒ಸ್ತದ್ರಾ᳚ತಿ॒ಷಾಚ॒ ಓಷ॑ಧೀರು॒ತ ದ್ಯೌಃ |
ವನ॒ಸ್ಪತಿ॑ಭಿಃ ಪೃಥಿ॒ವೀ ಸ॒ಜೋಷಾ᳚ ಉ॒ಭೇ ರೋದ॑ಸೀ॒ ಪರಿ॑ ಪಾಸತೋ ನಃ || 7.34.23
ಅನು॒ ತದು॒ರ್ವೀ ರೋದ॑ಸೀ ಜಿಹಾತಾ॒ಮನು॑ ದ್ಯು॒ಕ್ಷೋ ವರು॑ಣ॒ ಇಂದ್ರ॑ಸಖಾ |
ಅನು॒ ವಿಶ್ವೇ᳚ ಮ॒ರುತೋ॒ ಯೇ ಸ॒ಹಾಸೋ᳚ ರಾ॒ಯಃ ಸ್ಯಾ᳚ಮ ಧ॒ರುಣಂ᳚ ಧಿ॒ಯಧ್ಯೈ᳚ || 7.34.24
ತನ್ನ॒ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿರಾಪ॒ ಓಷ॑ಧೀರ್ವ॒ನಿನೋ᳚ ಜುಷ‌ನ್ತ |
ಶರ್ಮ᳚‌‌ನ್ತ್ಸ್ಯಾಮ ಮ॒ರುತಾ᳚ಮು॒ಪಸ್ಥೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.34.25

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾ, ತ್ರಿಷ್ಟುಪ್ ಛಂದಃ

ಶಂ ನ॑ ಇಂದ್ರಾ॒ಗ್ನೀ ಭ॑ವತಾ॒ಮವೋ᳚ಭಿಃ॒ ಶಂ ನ॒ ಇಂದ್ರಾ॒ವರು॑ಣಾ ರಾ॒ತಹ᳚ವ್ಯಾ |
ಶಮಿಂದ್ರಾ॒ಸೋಮಾ᳚ ಸುವಿ॒ತಾಯ॒ ಶಂ ಯೋಃ ಶಂ ನ॒ ಇಂದ್ರಾ᳚ಪೂ॒ಷಣಾ॒ ವಾಜ॑ಸಾತೌ || 7.35.1
ಶಂ ನೋ॒ ಭಗಃ॒ ಶಮು॑ ನಃ॒ ಶಂಸೋ᳚ ಅಸ್ತು॒ ಶಂ ನಃ॒ ಪುರಂ᳚ಧಿಃ॒ ಶಮು॑ ಸ‌ನ್ತು॒ ರಾಯಃ॑ |
ಶಂ ನಃ॑ ಸ॒ತ್ಯಸ್ಯ॑ ಸು॒ಯಮ॑ಸ್ಯ॒ ಶಂಸಃ॒ ಶಂ ನೋ᳚ ಅರ್ಯ॒ಮಾ ಪು॑ರುಜಾ॒ತೋ ಅ॑ಸ್ತು || 7.35.2
ಶಂ ನೋ᳚ ಧಾ॒ತಾ ಶಮು॑ ಧ॒ರ್ತಾ ನೋ᳚ ಅಸ್ತು॒ ಶಂ ನ॑ ಉರೂ॒ಚೀ ಭ॑ವತು ಸ್ವ॒ಧಾಭಿಃ॑ |
ಶಂ ರೋದ॑ಸೀ ಬೃಹ॒ತೀ ಶಂ ನೋ॒ ಅದ್ರಿಃ॒ ಶಂ ನೋ᳚ ದೇ॒ವಾನಾಂ᳚ ಸು॒ಹವಾ᳚ನಿ ಸ‌ನ್ತು || 7.35.3
ಶಂ ನೋ᳚ ಅ॒ಗ್ನಿರ್ಜ್ಯೋತಿ॑ರನೀಕೋ ಅಸ್ತು॒ ಶಂ ನೋ᳚ ಮಿ॒ತ್ರಾವರು॑ಣಾವ॒ಶ್ವಿನಾ॒ ಶ‌ಮ್ |
ಶಂ ನಃ॑ ಸು॒ಕೃತಾಂ᳚ ಸುಕೃ॒ತಾನಿ॑ ಸ‌ನ್ತು॒ ಶಂ ನ॑ ಇಷಿ॒ರೋ ಅ॒ಭಿ ವಾ᳚ತು॒ ವಾತಃ॑ || 7.35.4
ಶಂ ನೋ॒ ದ್ಯಾವಾ᳚ಪೃಥಿ॒ವೀ ಪೂ॒ರ್ವಹೂ᳚ತೌ॒ ಶಮ॒‌ನ್ತರಿ॑ಕ್ಷಂ ದೃ॒ಶಯೇ᳚ ನೋ ಅಸ್ತು |
ಶಂ ನ॒ ಓಷ॑ಧೀರ್ವ॒ನಿನೋ᳚ ಭವ‌ನ್ತು॒ ಶಂ ನೋ॒ ರಜ॑ಸ॒ಸ್ಪತಿ॑ರಸ್ತು ಜಿ॒ಷ್ಣುಃ || 7.35.5
ಶಂ ನ॒ ಇಂದ್ರೋ॒ ವಸು॑ಭಿರ್ದೇ॒ವೋ ಅ॑ಸ್ತು॒ ಶಮಾ᳚ದಿ॒ತ್ಯೇಭಿ॒ರ್ವರು॑ಣಃ ಸು॒ಶಂಸಃ॑ |
ಶಂ ನೋ᳚ ರು॒ದ್ರೋ ರು॒ದ್ರೇಭಿ॒ರ್ಜಲಾ᳚ಷಃ॒ ಶಂ ನ॒ಸ್ತ್ವಷ್ಟಾ॒ ಗ್ನಾಭಿ॑ರಿ॒ಹ ಶೃ॑ಣೋತು || 7.35.6
ಶಂ ನಃ॒ ಸೋಮೋ᳚ ಭವತು॒ ಬ್ರಹ್ಮ॒ ಶಂ ನಃ॒ ಶಂ ನೋ॒ ಗ್ರಾವಾ᳚ಣಃ॒ ಶಮು॑ ಸ‌ನ್ತು ಯ॒ಜ್ಞಾಃ |
ಶಂ ನಃ॒ ಸ್ವರೂ᳚ಣಾಂ ಮಿ॒ತಯೋ᳚ ಭವ‌ನ್ತು॒ ಶಂ ನಃ॑ ಪ್ರ॒ಸ್ವ1॒ಃ॑ ಶಮ್ವ॑ಸ್ತು॒ ವೇದಿಃ॑ || 7.35.7
ಶಂ ನಃ॒ ಸೂರ್ಯ॑ ಉರು॒ಚಕ್ಷಾ॒ ಉದೇ᳚ತು॒ ಶಂ ನ॒ಶ್ಚತ॑ಸ್ರಃ ಪ್ರ॒ದಿಶೋ᳚ ಭವ‌ನ್ತು |
ಶಂ ನಃ॒ ಪರ್ವ॑ತಾ ಧ್ರು॒ವಯೋ᳚ ಭವ‌ನ್ತು॒ ಶಂ ನಃ॒ ಸಿಂಧ॑ವಃ॒ ಶಮು॑ ಸ॒‌ನ್ತ್ವಾಪಃ॑ || 7.35.8
ಶಂ ನೋ॒ ಅದಿ॑ತಿರ್ಭವತು ವ್ರ॒ತೇಭಿಃ॒ ಶಂ ನೋ᳚ ಭವ‌ನ್ತು ಮ॒ರುತಃ॑ ಸ್ವ॒ರ್ಕಾಃ |
ಶಂ ನೋ॒ ವಿಷ್ಣುಃ॒ ಶಮು॑ ಪೂ॒ಷಾ ನೋ᳚ ಅಸ್ತು॒ ಶಂ ನೋ᳚ ಭ॒ವಿತ್ರಂ॒ ಶಮ್ವ॑ಸ್ತು ವಾ॒ಯುಃ || 7.35.9
ಶಂ ನೋ᳚ ದೇ॒ವಃ ಸ॑ವಿ॒ತಾ ತ್ರಾಯ॑ಮಾಣಃ॒ ಶಂ ನೋ᳚ ಭವ‌ನ್ತೂ॒ಷಸೋ᳚ ವಿಭಾ॒ತೀಃ |
ಶಂ ನಃ॑ ಪ॒ರ್ಜನ್ಯೋ᳚ ಭವತು ಪ್ರ॒ಜಾಭ್ಯಃ॒ ಶಂ ನಃ॒ ಕ್ಷೇತ್ರ॑ಸ್ಯ॒ ಪತಿ॑ರಸ್ತು ಶಂ॒ಭುಃ || 7.35.10
ಶಂ ನೋ᳚ ದೇ॒ವಾ ವಿ॒ಶ್ವದೇ᳚ವಾ ಭವ‌ನ್ತು॒ ಶಂ ಸರ॑ಸ್ವತೀ ಸ॒ಹ ಧೀ॒ಭಿರ॑ಸ್ತು |
ಶಮ॑ಭಿ॒ಷಾಚಃ॒ ಶಮು॑ ರಾತಿ॒ಷಾಚಃ॒ ಶಂ ನೋ᳚ ದಿ॒ವ್ಯಾಃ ಪಾರ್ಥಿ॑ವಾಃ॒ ಶಂ ನೋ॒ ಅಪ್ಯಾಃ᳚ || 7.35.11
ಶಂ ನಃ॑ ಸ॒ತ್ಯಸ್ಯ॒ ಪತ॑ಯೋ ಭವ‌ನ್ತು॒ ಶಂ ನೋ॒ ಅರ್ವ᳚‌ನ್ತಃ॒ ಶಮು॑ ಸ‌ನ್ತು॒ ಗಾವಃ॑ |
ಶಂ ನ॑ ಋ॒ಭವಃ॑ ಸು॒ಕೃತಃ॑ ಸು॒ಹಸ್ತಾಃ॒ ಶಂ ನೋ᳚ ಭವ‌ನ್ತು ಪಿ॒ತರೋ॒ ಹವೇ᳚ಷು || 7.35.12
ಶಂ ನೋ᳚ ಅ॒ಜ ಏಕ॑ಪಾದ್ದೇ॒ವೋ ಅ॑ಸ್ತು॒ ಶಂ ನೋಽಹಿ॑ರ್ಬು॒ಧ್ನ್ಯ1॒ಃ॑ ಶಂ ಸ॑ಮು॒ದ್ರಃ |
ಶಂ ನೋ᳚ ಅ॒ಪಾಂ ನಪಾ᳚ತ್ಪೇ॒ರುರ॑ಸ್ತು॒ ಶಂ ನಃ॒ ಪೃಶ್ನಿ॑ರ್ಭವತು ದೇ॒ವಗೋ᳚ಪಾ || 7.35.13
ಆ॒ದಿ॒ತ್ಯಾ ರು॒ದ್ರಾ ವಸ॑ವೋ ಜುಷ‌ನ್ತೇ॒ದಂ ಬ್ರಹ್ಮ॑ ಕ್ರಿ॒ಯಮಾ᳚ಣಂ॒ ನವೀ᳚ಯಃ |
ಶೃ॒ಣ್ವ‌ನ್ತು॑ ನೋ ದಿ॒ವ್ಯಾಃ ಪಾರ್ಥಿ॑ವಾಸೋ॒ ಗೋಜಾ᳚ತಾ ಉ॒ತ ಯೇ ಯ॒ಜ್ಞಿಯಾ᳚ಸಃ || 7.35.14
ಯೇ ದೇ॒ವಾನಾಂ᳚ ಯ॒ಜ್ಞಿಯಾ᳚ ಯ॒ಜ್ಞಿಯಾ᳚ನಾಂ॒ ಮನೋ॒ರ್ಯಜ॑ತ್ರಾ ಅ॒ಮೃತಾ᳚ ಋತ॒ಜ್ಞಾಃ |
ತೇ ನೋ᳚ ರಾಸ‌ನ್ತಾಮುರುಗಾ॒ಯಮ॒ದ್ಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.35.15

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ ಬ್ರಹ್ಮೈ᳚ತು॒ ಸದ॑ನಾದೃ॒ತಸ್ಯ॒ ವಿ ರ॒ಶ್ಮಿಭಿಃ॑ ಸಸೃಜೇ॒ ಸೂರ್ಯೋ॒ ಗಾಃ |
ವಿ ಸಾನು॑ನಾ ಪೃಥಿ॒ವೀ ಸ॑ಸ್ರ ಉ॒ರ್ವೀ ಪೃ॒ಥು ಪ್ರತೀ᳚ಕ॒ಮಧ್ಯೇಧೇ᳚ ಅ॒ಗ್ನಿಃ || 7.36.1
ಇ॒ಮಾಂ ವಾಂ᳚ ಮಿತ್ರಾವರುಣಾ ಸುವೃ॒ಕ್ತಿಮಿಷಂ॒ ನ ಕೃ᳚ಣ್ವೇ ಅಸುರಾ॒ ನವೀ᳚ಯಃ |
ಇ॒ನೋ ವಾ᳚ಮ॒ನ್ಯಃ ಪ॑ದ॒ವೀರದ॑ಬ್ಧೋ॒ ಜನಂ᳚ ಚ ಮಿ॒ತ್ರೋ ಯ॑ತತಿ ಬ್ರುವಾ॒ಣಃ || 7.36.2
ಆ ವಾತ॑ಸ್ಯ॒ ಧ್ರಜ॑ತೋ ರ‌ನ್ತ ಇ॒ತ್ಯಾ ಅಪೀ᳚ಪಯ‌ನ್ತ ಧೇ॒ನವೋ॒ ನ ಸೂದಾಃ᳚ |
ಮ॒ಹೋ ದಿ॒ವಃ ಸದ॑ನೇ॒ ಜಾಯ॑ಮಾ॒ನೋಽಚಿ॑ಕ್ರದದ್ವೃಷ॒ಭಃ ಸಸ್ಮಿ॒ನ್ನೂಧನ್॑ || 7.36.3
ಗಿ॒ರಾ ಯ ಏ॒ತಾ ಯು॒ನಜ॒ದ್ಧರೀ᳚ ತ॒ ಇಂದ್ರ॑ ಪ್ರಿ॒ಯಾ ಸು॒ರಥಾ᳚ ಶೂರ ಧಾ॒ಯೂ |
ಪ್ರ ಯೋ ಮ॒ನ್ಯುಂ ರಿರಿ॑ಕ್ಷತೋ ಮಿ॒ನಾತ್ಯಾ ಸು॒ಕ್ರತು॑ಮರ್ಯ॒ಮಣಂ᳚ ವವೃತ್ಯಾ‌ಮ್ || 7.36.4
ಯಜ᳚‌ನ್ತೇ ಅಸ್ಯ ಸ॒ಖ್ಯಂ ವಯ॑ಶ್ಚ ನಮ॒ಸ್ವಿನಃ॒ ಸ್ವ ಋ॒ತಸ್ಯ॒ ಧಾಮನ್॑ |
ವಿ ಪೃಕ್ಷೋ᳚ ಬಾಬಧೇ॒ ನೃಭಿಃ॒ ಸ್ತವಾ᳚ನ ಇ॒ದಂ ನಮೋ᳚ ರು॒ದ್ರಾಯ॒ ಪ್ರೇಷ್ಠ‌ಮ್᳚ || 7.36.5
ಆ ಯತ್ಸಾ॒ಕಂ ಯ॒ಶಸೋ᳚ ವಾವಶಾ॒ನಾಃ ಸರ॑ಸ್ವತೀ ಸ॒ಪ್ತಥೀ॒ ಸಿಂಧು॑ಮಾತಾ |
ಯಾಃ ಸು॒ಷ್ವಯ᳚‌ನ್ತ ಸು॒ದುಘಾಃ᳚ ಸುಧಾ॒ರಾ ಅ॒ಭಿ ಸ್ವೇನ॒ ಪಯ॑ಸಾ॒ ಪೀಪ್ಯಾ᳚ನಾಃ || 7.36.6
ಉ॒ತ ತ್ಯೇ ನೋ᳚ ಮ॒ರುತೋ᳚ ಮಂದಸಾ॒ನಾ ಧಿಯಂ᳚ ತೋ॒ಕಂ ಚ॑ ವಾ॒ಜಿನೋ᳚ಽವ‌ನ್ತು |
ಮಾ ನಃ॒ ಪರಿ॑ ಖ್ಯ॒ದಕ್ಷ॑ರಾ॒ ಚರ॒‌ನ್ತ್ಯವೀ᳚ವೃಧ॒ನ್ಯುಜ್ಯಂ॒ ತೇ ರ॒ಯಿಂ ನಃ॑ || 7.36.7
ಪ್ರ ವೋ᳚ ಮ॒ಹೀಮ॒ರಮ॑ತಿಂ ಕೃಣುಧ್ವಂ॒ ಪ್ರ ಪೂ॒ಷಣಂ᳚ ವಿದ॒ಥ್ಯ1॒॑ ಅಂನ ವೀ॒ರ‌ಮ್ |
ಭಗಂ᳚ ಧಿ॒ಯೋ᳚ಽವಿ॒ತಾರಂ᳚ ನೋ ಅ॒ಸ್ಯಾಃ ಸಾ॒ತೌ ವಾಜಂ᳚ ರಾತಿ॒ಷಾಚಂ॒ ಪುರಂ᳚ಧಿ‌ಮ್ || 7.36.8
ಅಚ್ಛಾ॒ಯಂ ವೋ᳚ ಮರುತಃ॒ ಶ್ಲೋಕ॑ ಏ॒ತ್ವಚ್ಛಾ॒ ವಿಷ್ಣುಂ᳚ ನಿಷಿಕ್ತ॒ಪಾಮವೋ᳚ಭಿಃ |
ಉ॒ತ ಪ್ರ॒ಜಾಯೈ᳚ ಗೃಣ॒ತೇ ವಯೋ᳚ ಧುರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.36.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಆ ವೋ॒ ವಾಹಿ॑ಷ್ಠೋ ವಹತು ಸ್ತ॒ವಧ್ಯೈ॒ ರಥೋ᳚ ವಾಜಾ ಋಭುಕ್ಷಣೋ॒ ಅಮೃ॑ಕ್ತಃ |
ಅ॒ಭಿ ತ್ರಿ॑ಪೃ॒ಷ್ಠೈಃ ಸವ॑ನೇಷು॒ ಸೋಮೈ॒ರ್ಮದೇ᳚ ಸುಶಿಪ್ರಾ ಮ॒ಹಭಿಃ॑ ಪೃಣಧ್ವ‌ಮ್ || 7.37.1
ಯೂ॒ಯಂ ಹ॒ ರತ್ನಂ᳚ ಮ॒ಘವ॑ತ್ಸು ಧತ್ಥ ಸ್ವ॒ರ್ದೃಶ॑ ಋಭುಕ್ಷಣೋ॒ ಅಮೃ॑ಕ್ತ‌ಮ್ |
ಸಂ ಯ॒ಜ್ಞೇಷು॑ ಸ್ವಧಾವ‌ನ್ತಃ ಪಿಬಧ್ವಂ॒ ವಿ ನೋ॒ ರಾಧಾಂ᳚ಸಿ ಮ॒ತಿಭಿ॑ರ್ದಯಧ್ವ‌ಮ್ || 7.37.2
ಉ॒ವೋಚಿ॑ಥ॒ ಹಿ ಮ॑ಘವಂದೇ॒ಷ್ಣಂ ಮ॒ಹೋ ಅರ್ಭ॑ಸ್ಯ॒ ವಸು॑ನೋ ವಿಭಾ॒ಗೇ |
ಉ॒ಭಾ ತೇ᳚ ಪೂ॒ರ್ಣಾ ವಸು॑ನಾ॒ ಗಭ॑ಸ್ತೀ॒ ನ ಸೂ॒ನೃತಾ॒ ನಿ ಯ॑ಮತೇ ವಸ॒ವ್ಯಾ᳚ || 7.37.3
ತ್ವಮಿಂ᳚ದ್ರ॒ ಸ್ವಯ॑ಶಾ ಋಭು॒ಕ್ಷಾ ವಾಜೋ॒ ನ ಸಾ॒ಧುರಸ್ತ॑ಮೇ॒ಷ್ಯೃಕ್ವಾ᳚ |
ವ॒ಯಂ ನು ತೇ᳚ ದಾ॒ಶ್ವಾಂಸಃ॑ ಸ್ಯಾಮ॒ ಬ್ರಹ್ಮ॑ ಕೃ॒ಣ್ವ‌ನ್ತೋ᳚ ಹರಿವೋ॒ ವಸಿ॑ಷ್ಠಾಃ || 7.37.4
ಸನಿ॑ತಾಸಿ ಪ್ರ॒ವತೋ᳚ ದಾ॒ಶುಷೇ᳚ ಚಿ॒ದ್ಯಾಭಿ॒ರ್ವಿವೇ᳚ಷೋ ಹರ್ಯಶ್ವ ಧೀ॒ಭಿಃ |
ವ॒ವ॒ನ್ಮಾ ನು ತೇ॒ ಯುಜ್ಯಾ᳚ಭಿರೂ॒ತೀ ಕ॒ದಾ ನ॑ ಇಂದ್ರ ರಾ॒ಯ ಆ ದ॑ಶಸ್ಯೇಃ || 7.37.5
ವಾ॒ಸಯ॑ಸೀವ ವೇ॒ಧಸ॒ಸ್ತ್ವಂ ನಃ॑ ಕ॒ದಾ ನ॑ ಇಂದ್ರ॒ ವಚ॑ಸೋ ಬುಬೋಧಃ |
ಅಸ್ತಂ᳚ ತಾ॒ತ್ಯಾ ಧಿ॒ಯಾ ರ॒ಯಿಂ ಸು॒ವೀರಂ᳚ ಪೃ॒ಕ್ಷೋ ನೋ॒ ಅರ್ವಾ॒ ನ್ಯು॑ಹೀತ ವಾ॒ಜೀ || 7.37.6
ಅ॒ಭಿ ಯಂ ದೇ॒ವೀ ನಿರ್‌ಋ॑ತಿಶ್ಚಿ॒ದೀಶೇ॒ ನಕ್ಷ᳚‌ನ್ತ॒ ಇಂದ್ರಂ᳚ ಶ॒ರದಃ॑ ಸು॒ಪೃಕ್ಷಃ॑ |
ಉಪ॑ ತ್ರಿಬಂ॒ಧುರ್ಜ॒ರದ॑ಷ್ಟಿಮೇ॒ತ್ಯಸ್ವ॑ವೇಶಂ॒ ಯಂ ಕೃ॒ಣವ᳚‌ನ್ತ॒ ಮರ್ತಾಃ᳚ || 7.37.7
ಆ ನೋ॒ ರಾಧಾಂ᳚ಸಿ ಸವಿತಃ ಸ್ತ॒ವಧ್ಯಾ॒ ಆ ರಾಯೋ᳚ ಯ‌ನ್ತು॒ ಪರ್ವ॑ತಸ್ಯ ರಾ॒ತೌ |
ಸದಾ᳚ ನೋ ದಿ॒ವ್ಯಃ ಪಾ॒ಯುಃ ಸಿ॑ಷಕ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.37.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-6) ಪ್ರಥಮಾದಿಷಡಚಾಂ ಸವಿತಾ, (6) ಷಷ್ಠ್ಯಾ ಉತ್ತರಾರ್ಧಸ್ಯ ಭಗೋ ವಾ, (7-8) ಸಪ್ತಮ್ಯಷ್ಟಮ್ಯೋಶ್ಚ ವಾಜಿನೋ ದೇವತಾಃ, ತ್ರಿಷ್ಟುಪ್ ಛಂದಃ

ಉದು॒ ಷ್ಯ ದೇ॒ವಃ ಸ॑ವಿ॒ತಾ ಯ॑ಯಾಮ ಹಿರ॒ಣ್ಯಯೀ᳚ಮ॒ಮತಿಂ॒ ಯಾಮಶಿ॑ಶ್ರೇತ್ |
ನೂ॒ನಂ ಭಗೋ॒ ಹವ್ಯೋ॒ ಮಾನು॑ಷೇಭಿ॒ರ್ವಿ ಯೋ ರತ್ನಾ᳚ ಪುರೂ॒ವಸು॒ರ್ದಧಾ᳚ತಿ || 7.38.1
ಉದು॑ ತಿಷ್ಠ ಸವಿತಃ ಶ್ರು॒ಧ್ಯ1॒॑ಸ್ಯ ಹಿರ᳚ಣ್ಯಪಾಣೇ॒ ಪ್ರಭೃ॑ತಾವೃ॒ತಸ್ಯ॑ |
ವ್ಯು1॒᳚ರ್ವೀಂ ಪೃ॒ಥ್ವೀಮ॒ಮತಿಂ᳚ ಸೃಜಾ॒ನ ಆ ನೃಭ್ಯೋ᳚ ಮರ್ತ॒ಭೋಜ॑ನಂ ಸುವಾ॒ನಃ || 7.38.2
ಅಪಿ॑ ಷ್ಟು॒ತಃ ಸ॑ವಿ॒ತಾ ದೇ॒ವೋ ಅ॑ಸ್ತು॒ ಯಮಾ ಚಿ॒ದ್ವಿಶ್ವೇ॒ ವಸ॑ವೋ ಗೃ॒ಣ‌ನ್ತಿ॑ |
ಸ ನಃ॒ ಸ್ತೋಮಾ᳚ನ್ನಮ॒ಸ್ಯ1॒॑ಶ್ಚನೋ᳚ ಧಾ॒ದ್ವಿಶ್ವೇ᳚ಭಿಃ ಪಾತು ಪಾ॒ಯುಭಿ॒ರ್ನಿ ಸೂ॒ರೀನ್ || 7.38.3
ಅ॒ಭಿ ಯಂ ದೇ॒ವ್ಯದಿ॑ತಿರ್ಗೃ॒ಣಾತಿ॑ ಸ॒ವಂ ದೇ॒ವಸ್ಯ॑ ಸವಿ॒ತುರ್ಜು॑ಷಾ॒ಣಾ |
ಅ॒ಭಿ ಸ॒ಮ್ರಾಜೋ॒ ವರು॑ಣೋ ಗೃಣ‌ನ್ತ್ಯ॒ಭಿ ಮಿ॒ತ್ರಾಸೋ᳚ ಅರ್ಯ॒ಮಾ ಸ॒ಜೋಷಾಃ᳚ || 7.38.4
ಅ॒ಭಿ ಯೇ ಮಿ॒ಥೋ ವ॒ನುಷಃ॒ ಸಪ᳚‌ನ್ತೇ ರಾ॒ತಿಂ ದಿ॒ವೋ ರಾ᳚ತಿ॒ಷಾಚಃ॑ ಪೃಥಿ॒ವ್ಯಾಃ |
ಅಹಿ॑ರ್ಬು॒ಧ್ನ್ಯ॑ ಉ॒ತ ನಃ॑ ಶೃಣೋತು॒ ವರೂ॒ತ್ರ್ಯೇಕ॑ಧೇನುಭಿ॒ರ್ನಿ ಪಾ᳚ತು || 7.38.5
ಅನು॒ ತನ್ನೋ॒ ಜಾಸ್ಪತಿ᳚ರ್ಮಂಸೀಷ್ಟ॒ ರತ್ನಂ᳚ ದೇ॒ವಸ್ಯ॑ ಸವಿ॒ತುರಿ॑ಯಾ॒ನಃ |
ಭಗ॑ಮು॒ಗ್ರೋಽವ॑ಸೇ॒ ಜೋಹ॑ವೀತಿ॒ ಭಗ॒ಮನು॑ಗ್ರೋ॒ ಅಧ॑ ಯಾತಿ॒ ರತ್ನ‌ಮ್᳚ || 7.38.6
ಶಂ ನೋ᳚ ಭವ‌ನ್ತು ವಾ॒ಜಿನೋ॒ ಹವೇ᳚ಷು ದೇ॒ವತಾ᳚ತಾ ಮಿ॒ತದ್ರ॑ವಃ ಸ್ವ॒ರ್ಕಾಃ |
ಜಂ॒ಭಯ॒‌ನ್ತೋಽಹಿಂ॒ ವೃಕಂ॒ ರಕ್ಷಾಂ᳚ಸಿ॒ ಸನೇ᳚ಮ್ಯ॒ಸ್ಮದ್ಯು॑ಯವ॒ನ್ನಮೀ᳚ವಾಃ || 7.38.7
ವಾಜೇ᳚ವಾಜೇಽವತ ವಾಜಿನೋ ನೋ॒ ಧನೇ᳚ಷು ವಿಪ್ರಾ ಅಮೃತಾ ಋತಜ್ಞಾಃ |
ಅ॒ಸ್ಯ ಮಧ್ವಃ॑ ಪಿಬತ ಮಾ॒ದಯ॑ಧ್ವಂ ತೃ॒ಪ್ತಾ ಯಾ᳚ತ ಪ॒ಥಿಭಿ॑ರ್ದೇವ॒ಯಾನೈಃ᳚ || 7.38.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಊ॒ರ್ಧ್ವೋ ಅ॒ಗ್ನಿಃ ಸು॑ಮ॒ತಿಂ ವಸ್ವೋ᳚ ಅಶ್ರೇತ್ಪ್ರತೀ॒ಚೀ ಜೂ॒ರ್ಣಿರ್ದೇ॒ವತಾ᳚ತಿಮೇತಿ |
ಭೇ॒ಜಾತೇ॒ ಅದ್ರೀ᳚ ರ॒ಥ್ಯೇ᳚ವ॒ ಪ‌ನ್ಥಾ᳚ಮೃ॒ತಂ ಹೋತಾ᳚ ನ ಇಷಿ॒ತೋ ಯ॑ಜಾತಿ || 7.39.1
ಪ್ರ ವಾ᳚ವೃಜೇ ಸುಪ್ರ॒ಯಾ ಬ॒ರ್ಹಿರೇ᳚ಷಾ॒ಮಾ ವಿ॒ಶ್ಪತೀ᳚ವ॒ ಬೀರಿ॑ಟ ಇಯಾತೇ |
ವಿ॒ಶಾಮ॒ಕ್ತೋರು॒ಷಸಃ॑ ಪೂ॒ರ್ವಹೂ᳚ತೌ ವಾ॒ಯುಃ ಪೂ॒ಷಾ ಸ್ವ॒ಸ್ತಯೇ᳚ ನಿ॒ಯುತ್ವಾನ್॑ || 7.39.2
ಜ್ಮ॒ಯಾ ಅತ್ರ॒ ವಸ॑ವೋ ರ‌ನ್ತ ದೇ॒ವಾ ಉ॒ರಾವ॒‌ನ್ತರಿ॑ಕ್ಷೇ ಮರ್ಜಯ‌ನ್ತ ಶು॒ಭ್ರಾಃ |
ಅ॒ರ್ವಾಕ್ಪ॒ಥ ಉ॑ರುಜ್ರಯಃ ಕೃಣುಧ್ವಂ॒ ಶ್ರೋತಾ᳚ ದೂ॒ತಸ್ಯ॑ ಜ॒ಗ್ಮುಷೋ᳚ ನೋ ಅ॒ಸ್ಯ || 7.39.3
ತೇ ಹಿ ಯ॒ಜ್ಞೇಷು॑ ಯ॒ಜ್ಞಿಯಾ᳚ಸ॒ ಊಮಾಃ᳚ ಸ॒ಧಸ್ಥಂ॒ ವಿಶ್ವೇ᳚ ಅ॒ಭಿ ಸ‌ನ್ತಿ॑ ದೇ॒ವಾಃ |
ತಾಁ ಅ॑ಧ್ವ॒ರ ಉ॑ಶ॒ತೋ ಯ॑ಕ್ಷ್ಯಗ್ನೇ ಶ್ರು॒ಷ್ಟೀ ಭಗಂ॒ ನಾಸ॑ತ್ಯಾ॒ ಪುರಂ᳚ಧಿ‌ಮ್ || 7.39.4
ಆಗ್ನೇ॒ ಗಿರೋ᳚ ದಿ॒ವ ಆ ಪೃ॑ಥಿ॒ವ್ಯಾ ಮಿ॒ತ್ರಂ ವ॑ಹ॒ ವರು॑ಣ॒ಮಿಂದ್ರ॑ಮ॒ಗ್ನಿ‌ಮ್ |
ಆರ್ಯ॒ಮಣ॒ಮದಿ॑ತಿಂ॒ ವಿಷ್ಣು॑ಮೇಷಾಂ॒ ಸರ॑ಸ್ವತೀ ಮ॒ರುತೋ᳚ ಮಾದಯ‌ನ್ತಾ‌ಮ್ || 7.39.5
ರ॒ರೇ ಹ॒ವ್ಯಂ ಮ॒ತಿಭಿ᳚ರ್ಯ॒ಜ್ಞಿಯಾ᳚ನಾಂ॒ ನಕ್ಷ॒ತ್ಕಾಮಂ॒ ಮರ್ತ್ಯಾ᳚ನಾ॒ಮಸಿ᳚ನ್ವನ್ |
ಧಾತಾ᳚ ರ॒ಯಿಮ॑ವಿದ॒ಸ್ಯಂ ಸ॑ದಾ॒ಸಾಂ ಸ॑ಕ್ಷೀ॒ಮಹಿ॒ ಯುಜ್ಯೇ᳚ಭಿ॒ರ್ನು ದೇ॒ವೈಃ || 7.39.6
ನೂ ರೋದ॑ಸೀ ಅ॒ಭಿಷ್ಟು॑ತೇ॒ ವಸಿ॑ಷ್ಠೈರ್‌ಋ॒ತಾವಾ᳚ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ |
ಯಚ್ಛ᳚‌ನ್ತು ಚಂ॒ದ್ರಾ ಉ॑ಪ॒ಮಂ ನೋ᳚ ಅ॒ರ್ಕಂ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.39.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಓ ಶ್ರು॒ಷ್ಟಿರ್ವಿ॑ದ॒ಥ್ಯಾ॒3॒॑ ಸಮೇ᳚ತು॒ ಪ್ರತಿ॒ ಸ್ತೋಮಂ᳚ ದಧೀಮಹಿ ತು॒ರಾಣಾ᳚‌ಮ್ |
ಯದ॒ದ್ಯ ದೇ॒ವಃ ಸ॑ವಿ॒ತಾ ಸು॒ವಾತಿ॒ ಸ್ಯಾಮಾ᳚ಸ್ಯ ರ॒ತ್ನಿನೋ᳚ ವಿಭಾ॒ಗೇ || 7.40.1
ಮಿ॒ತ್ರಸ್ತನ್ನೋ॒ ವರು॑ಣೋ॒ ರೋದ॑ಸೀ ಚ॒ ದ್ಯುಭ॑ಕ್ತ॒ಮಿಂದ್ರೋ᳚ ಅರ್ಯ॒ಮಾ ದ॑ದಾತು |
ದಿದೇ᳚ಷ್ಟು ದೇ॒ವ್ಯದಿ॑ತೀ॒ ರೇಕ್ಣೋ᳚ ವಾ॒ಯುಶ್ಚ॒ ಯನ್ನಿ॑ಯು॒ವೈತೇ॒ ಭಗ॑ಶ್ಚ || 7.40.2
ಸೇದು॒ಗ್ರೋ ಅ॑ಸ್ತು ಮರುತಃ॒ ಸ ಶು॒ಷ್ಮೀ ಯಂ ಮರ್ತ್ಯಂ᳚ ಪೃಷದಶ್ವಾ॒ ಅವಾ᳚ಥ |
ಉ॒ತೇಮ॒ಗ್ನಿಃ ಸರ॑ಸ್ವತೀ ಜು॒ನ‌ನ್ತಿ॒ ನ ತಸ್ಯ॑ ರಾ॒ಯಃ ಪ᳚ರ್ಯೇ॒ತಾಸ್ತಿ॑ || 7.40.3
ಅ॒ಯಂ ಹಿ ನೇ॒ತಾ ವರು॑ಣ ಋ॒ತಸ್ಯ॑ ಮಿ॒ತ್ರೋ ರಾಜಾ᳚ನೋ ಅರ್ಯ॒ಮಾಪೋ॒ ಧುಃ |
ಸು॒ಹವಾ᳚ ದೇ॒ವ್ಯದಿ॑ತಿರನ॒ರ್ವಾ ತೇ ನೋ॒ ಅಂಹೋ॒ ಅತಿ॑ ಪರ್ಷ॒ನ್ನರಿ॑ಷ್ಟಾನ್ || 7.40.4
ಅ॒ಸ್ಯ ದೇ॒ವಸ್ಯ॑ ಮೀ॒ಳ್ಹುಷೋ᳚ ವ॒ಯಾ ವಿಷ್ಣೋ᳚ರೇ॒ಷಸ್ಯ॑ ಪ್ರಭೃ॒ಥೇ ಹ॒ವಿರ್ಭಿಃ॑ |
ವಿ॒ದೇ ಹಿ ರು॒ದ್ರೋ ರು॒ದ್ರಿಯಂ᳚ ಮಹಿ॒ತ್ವಂ ಯಾ᳚ಸಿ॒ಷ್ಟಂ ವ॒ರ್ತಿರ॑ಶ್ವಿನಾ॒ವಿರಾ᳚ವತ್ || 7.40.5
ಮಾತ್ರ॑ ಪೂಷನ್ನಾಘೃಣ ಇರಸ್ಯೋ॒ ವರೂ᳚ತ್ರೀ॒ ಯದ್ರಾ᳚ತಿ॒ಷಾಚ॑ಶ್ಚ॒ ರಾಸನ್॑ |
ಮ॒ಯೋ॒ಭುವೋ᳚ ನೋ॒ ಅರ್ವ᳚‌ನ್ತೋ॒ ನಿ ಪಾ᳚‌ನ್ತು ವೃ॒ಷ್ಟಿಂ ಪರಿ॑ಜ್ಮಾ॒ ವಾತೋ᳚ ದದಾತು || 7.40.6
ನೂ ರೋದ॑ಸೀ ಅ॒ಭಿಷ್ಟು॑ತೇ॒ ವಸಿ॑ಷ್ಠೈರ್‌ಋ॒ತಾವಾ᳚ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ |
ಯಚ್ಛ᳚‌ನ್ತು ಚಂ॒ದ್ರಾ ಉ॑ಪ॒ಮಂ ನೋ᳚ ಅ॒ರ್ಕಂ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.40.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮರ್ಚೋಽಗ್ನೀಂದ್ರಮಿತ್ರಾವರುಣಾಶ್ವಿಭಗಪೂಷಬ್ರಹ್ಮಣಸ್ಪತಿಸೋಮರುದ್ರಾಃ, (2-6) ದ್ವಿತೀಯಾದಿಪಂಚಾನಾಂ ಭಗಃ, (7) ಸಪ್ತಮ್ಯಾಶ್ಚೋಷಸೋ ದೇವತಾಃ (1) ಪ್ರಥಮ] ಜಗತೀ, (2-7) ದ್ವಿತೀಯಾದಿಷಣ್ಣಾಂಚ ತ್ರಿಷ್ಟುಪ್ ಛಂದಸೀ

ಪ್ರಾ॒ತರ॒ಗ್ನಿಂ ಪ್ರಾ॒ತರಿಂದ್ರಂ᳚ ಹವಾಮಹೇ ಪ್ರಾ॒ತರ್ಮಿ॒ತ್ರಾವರು॑ಣಾ ಪ್ರಾ॒ತರ॒ಶ್ವಿನಾ᳚ |
ಪ್ರಾ॒ತರ್ಭಗಂ᳚ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ᳚ ಪ್ರಾ॒ತಃ ಸೋಮ॑ಮು॒ತ ರು॒ದ್ರಂ ಹು॑ವೇಮ || 7.41.1
ಪ್ರಾ॒ತ॒ರ್ಜಿತಂ॒ ಭಗ॑ಮು॒ಗ್ರಂ ಹು॑ವೇಮ ವ॒ಯಂ ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ |
ಆ॒ಧ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ᳚ ಚಿ॒ದ್ಯಂ ಭಗಂ᳚ ಭ॒ಕ್ಷೀತ್ಯಾಹ॑ || 7.41.2
ಭಗ॒ ಪ್ರಣೇ᳚ತ॒ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾಂ ಧಿಯ॒ಮುದ॑ವಾ॒ ದದ᳚ನ್ನಃ |
ಭಗ॒ ಪ್ರ ಣೋ᳚ ಜನಯ॒ ಗೋಭಿ॒ರಶ್ವೈ॒ರ್ಭಗ॒ ಪ್ರ ನೃಭಿ᳚ರ್ನೃ॒ವ‌ನ್ತಃ॑ ಸ್ಯಾಮ || 7.41.3
ಉ॒ತೇದಾನೀಂ॒ ಭಗ॑ವ‌ನ್ತಃ ಸ್ಯಾಮೋ॒ತ ಪ್ರ॑ಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾ᳚‌ಮ್ |
ಉ॒ತೋದಿ॑ತಾ ಮಘವ॒‌‌ನ್ತ್ಸೂರ್ಯ॑ಸ್ಯ ವ॒ಯಂ ದೇ॒ವಾನಾಂ᳚ ಸುಮ॒ತೌ ಸ್ಯಾ᳚ಮ || 7.41.4
ಭಗ॑ ಏ॒ವ ಭಗ॑ವಾಁ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವ‌ನ್ತಃ ಸ್ಯಾಮ |
ತಂ ತ್ವಾ᳚ ಭಗ॒ ಸರ್ವ॒ ಇಜ್ಜೋ᳚ಹವೀತಿ॒ ಸ ನೋ᳚ ಭಗ ಪುರಏ॒ತಾ ಭ॑ವೇ॒ಹ || 7.41.5
ಸಮ॑ಧ್ವ॒ರಾಯೋ॒ಷಸೋ᳚ ನಮ‌ನ್ತ ದಧಿ॒ಕ್ರಾವೇ᳚ವ॒ ಶುಚ॑ಯೇ ಪ॒ದಾಯ॑ |
ಅ॒ರ್ವಾ॒ಚೀ॒ನಂ ವ॑ಸು॒ವಿದಂ॒ ಭಗಂ᳚ ನೋ॒ ರಥ॑ಮಿ॒ವಾಶ್ವಾ᳚ ವಾ॒ಜಿನ॒ ಆ ವ॑ಹ‌ನ್ತು || 7.41.6
ಅಶ್ವಾ᳚ವತೀ॒ರ್ಗೋಮ॑ತೀರ್ನ ಉ॒ಷಾಸೋ᳚ ವೀ॒ರವ॑ತೀಃ॒ ಸದ॑ಮುಚ್ಛ‌ನ್ತು ಭ॒ದ್ರಾಃ |
ಘೃ॒ತಂ ದುಹಾ᳚ನಾ ವಿ॒ಶ್ವತಃ॒ ಪ್ರಪೀ᳚ತಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.41.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ ಬ್ರ॒ಹ್ಮಾಣೋ॒ ಅಂಗಿ॑ರಸೋ ನಕ್ಷ‌ನ್ತ॒ ಪ್ರ ಕ್ರಂ᳚ದ॒ನುರ್ನ॑ಭ॒ನ್ಯ॑ಸ್ಯ ವೇತು |
ಪ್ರ ಧೇ॒ನವ॑ ಉದ॒ಪ್ರುತೋ᳚ ನವ‌ನ್ತ ಯು॒ಜ್ಯಾತಾ॒ಮದ್ರೀ᳚ ಅಧ್ವ॒ರಸ್ಯ॒ ಪೇಶಃ॑ || 7.42.1
ಸು॒ಗಸ್ತೇ᳚ ಅಗ್ನೇ॒ ಸನ॑ವಿತ್ತೋ॒ ಅಧ್ವಾ᳚ ಯು॒ಕ್ಷ್ವಾ ಸು॒ತೇ ಹ॒ರಿತೋ᳚ ರೋ॒ಹಿತ॑ಶ್ಚ |
ಯೇ ವಾ॒ ಸದ್ಮ᳚ನ್ನರು॒ಷಾ ವೀ᳚ರ॒ವಾಹೋ᳚ ಹು॒ವೇ ದೇ॒ವಾನಾಂ॒ ಜನಿ॑ಮಾನಿ ಸ॒ತ್ತಃ || 7.42.2
ಸಮು॑ ವೋ ಯ॒ಜ್ಞಂ ಮ॑ಹಯ॒ನ್ನಮೋ᳚ಭಿಃ॒ ಪ್ರ ಹೋತಾ᳚ ಮಂ॒ದ್ರೋ ರಿ॑ರಿಚ ಉಪಾ॒ಕೇ |
ಯಜ॑ಸ್ವ॒ ಸು ಪು᳚ರ್ವಣೀಕ ದೇ॒ವಾನಾ ಯ॒ಜ್ಞಿಯಾ᳚ಮ॒ರಮ॑ತಿಂ ವವೃತ್ಯಾಃ || 7.42.3
ಯ॒ದಾ ವೀ॒ರಸ್ಯ॑ ರೇ॒ವತೋ᳚ ದುರೋ॒ಣೇ ಸ್ಯೋ᳚ನ॒ಶೀರತಿ॑ಥಿರಾ॒ಚಿಕೇ᳚ತತ್ |
ಸುಪ್ರೀ᳚ತೋ ಅ॒ಗ್ನಿಃ ಸುಧಿ॑ತೋ॒ ದಮ॒ ಆ ಸ ವಿ॒ಶೇ ದಾ᳚ತಿ॒ ವಾರ್ಯ॒ಮಿಯ॑ತ್ಯೈ || 7.42.4
ಇ॒ಮಂ ನೋ᳚ ಅಗ್ನೇ ಅಧ್ವ॒ರಂ ಜು॑ಷಸ್ವ ಮ॒ರುತ್ಸ್ವಿಂದ್ರೇ᳚ ಯ॒ಶಸಂ᳚ ಕೃಧೀ ನಃ |
ಆ ನಕ್ತಾ᳚ ಬ॒ರ್ಹಿಃ ಸ॑ದತಾಮು॒ಷಾಸೋ॒ಶ‌ನ್ತಾ᳚ ಮಿ॒ತ್ರಾವರು॑ಣಾ ಯಜೇ॒ಹ || 7.42.5
ಏ॒ವಾಗ್ನಿಂ ಸ॑ಹ॒ಸ್ಯ1॒॑ ಅಂವಸಿ॑ಷ್ಠೋ ರಾ॒ಯಸ್ಕಾ᳚ಮೋ ವಿ॒ಶ್ವಪ್ಸ್ನ್ಯ॑ಸ್ಯ ಸ್ತೌತ್ |
ಇಷಂ᳚ ರ॒ಯಿಂ ಪ॑ಪ್ರಥ॒ದ್ವಾಜ॑ಮ॒ಸ್ಮೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.42.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ ವೋ᳚ ಯ॒ಜ್ಞೇಷು॑ ದೇವ॒ಯ‌ನ್ತೋ᳚ ಅರ್ಚಂ॒ದ್ಯಾವಾ॒ ನಮೋ᳚ಭಿಃ ಪೃಥಿ॒ವೀ ಇ॒ಷಧ್ಯೈ᳚ |
ಯೇಷಾಂ॒ ಬ್ರಹ್ಮಾ॒ಣ್ಯಸ॑ಮಾನಿ॒ ವಿಪ್ರಾ॒ ವಿಷ್ವ॑ಗ್ವಿ॒ಯ‌ನ್ತಿ॑ ವ॒ನಿನೋ॒ ನ ಶಾಖಾಃ᳚ || 7.43.1
ಪ್ರ ಯ॒ಜ್ಞ ಏ᳚ತು॒ ಹೇತ್ವೋ॒ ನ ಸಪ್ತಿ॒ರುದ್ಯ॑ಚ್ಛಧ್ವಂ॒ ಸಮ॑ನಸೋ ಘೃ॒ತಾಚೀಃ᳚ |
ಸ್ತೃ॒ಣೀ॒ತ ಬ॒ರ್ಹಿರ॑ಧ್ವ॒ರಾಯ॑ ಸಾ॒ಧೂರ್ಧ್ವಾ ಶೋ॒ಚೀಂಷಿ॑ ದೇವ॒ಯೂನ್ಯ॑ಸ್ಥುಃ || 7.43.2
ಆ ಪು॒ತ್ರಾಸೋ॒ ನ ಮಾ॒ತರಂ॒ ವಿಭೃ॑ತ್ರಾಃ॒ ಸಾನೌ᳚ ದೇ॒ವಾಸೋ᳚ ಬ॒ರ್ಹಿಷಃ॑ ಸದ‌ನ್ತು |
ಆ ವಿ॒ಶ್ವಾಚೀ᳚ ವಿದ॒ಥ್ಯಾ᳚ಮನ॒ಕ್ತ್ವಗ್ನೇ॒ ಮಾ ನೋ᳚ ದೇ॒ವತಾ᳚ತಾ॒ ಮೃಧ॑ಸ್ಕಃ || 7.43.3
ತೇ ಸೀ᳚ಷಪ‌ನ್ತ॒ ಜೋಷ॒ಮಾ ಯಜ॑ತ್ರಾ ಋ॒ತಸ್ಯ॒ ಧಾರಾಃ᳚ ಸು॒ದುಘಾ॒ ದುಹಾ᳚ನಾಃ |
ಜ್ಯೇಷ್ಠಂ᳚ ವೋ ಅ॒ದ್ಯ ಮಹ॒ ಆ ವಸೂ᳚ನಾ॒ಮಾ ಗ᳚‌ನ್ತನ॒ ಸಮ॑ನಸೋ॒ ಯತಿ॒ ಷ್ಠ || 7.43.4
ಏ॒ವಾ ನೋ᳚ ಅಗ್ನೇ ವಿ॒ಕ್ಷ್ವಾ ದ॑ಶಸ್ಯ॒ ತ್ವಯಾ᳚ ವ॒ಯಂ ಸ॑ಹಸಾವ॒ನ್ನಾಸ್ಕ್ರಾಃ᳚ |
ರಾ॒ಯಾ ಯು॒ಜಾ ಸ॑ಧ॒ಮಾದೋ॒ ಅರಿ॑ಷ್ಟಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.43.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮ! ದಧಿಕ್ರಾಶ್ವ್ಯುಷೋಽಗ್ನಿಭಗೇಂದ್ರವಿಷ್ಣಪಷಂ ಬ್ರಹ್ಮಣಸ್ಪತ್ಯಾದಿತ್ಯದ್ಯಾವಾಪೃಥಿವ್ಯಾಪಃ, (2-5) ದ್ವಿತೀಯಾದಿಚತಸೃಣಾಂಚ ದಧಿಕ್ರಾ ದೇವತಾಃ (1) ಪ್ರಥಮ! ಜಗತೀ, (2-5) ದ್ವಿತೀಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ

ದ॒ಧಿ॒ಕ್ರಾಂ ವಃ॑ ಪ್ರಥ॒ಮಮ॒ಶ್ವಿನೋ॒ಷಸ॑ಮ॒ಗ್ನಿಂ ಸಮಿ॑ದ್ಧಂ॒ ಭಗ॑ಮೂ॒ತಯೇ᳚ ಹುವೇ |
ಇಂದ್ರಂ॒ ವಿಷ್ಣುಂ᳚ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿ॑ಮಾದಿ॒ತ್ಯಾಂದ್ಯಾವಾ᳚ಪೃಥಿ॒ವೀ ಅ॒ಪಃ ಸ್ವಃ॑ || 7.44.1
ದ॒ಧಿ॒ಕ್ರಾಮು॒ ನಮ॑ಸಾ ಬೋ॒ಧಯ᳚‌ನ್ತ ಉ॒ದೀರಾ᳚ಣಾ ಯ॒ಜ್ಞಮು॑ಪಪ್ರ॒ಯ‌ನ್ತಃ॑ |
ಇಳಾಂ᳚ ದೇ॒ವೀಂ ಬ॒ರ್ಹಿಷಿ॑ ಸಾ॒ದಯ᳚‌ನ್ತೋ॒ಽಶ್ವಿನಾ॒ ವಿಪ್ರಾ᳚ ಸು॒ಹವಾ᳚ ಹುವೇಮ || 7.44.2
ದ॒ಧಿ॒ಕ್ರಾವಾ᳚ಣಂ ಬುಬುಧಾ॒ನೋ ಅ॒ಗ್ನಿಮುಪ॑ ಬ್ರುವ ಉ॒ಷಸಂ॒ ಸೂರ್ಯಂ॒ ಗಾ‌ಮ್ |
ಬ್ರ॒ಧ್ನಂ ಮಾಁ᳚ಶ್ಚ॒ತೋರ್ವರು॑ಣಸ್ಯ ಬ॒ಭ್ರುಂ ತೇ ವಿಶ್ವಾ॒ಸ್ಮದ್ದು॑ರಿ॒ತಾ ಯಾ᳚ವಯ‌ನ್ತು || 7.44.3
ದ॒ಧಿ॒ಕ್ರಾವಾ᳚ ಪ್ರಥ॒ಮೋ ವಾ॒ಜ್ಯರ್ವಾಗ್ರೇ॒ ರಥಾ᳚ನಾಂ ಭವತಿ ಪ್ರಜಾ॒ನನ್ |
ಸಂ॒ವಿ॒ದಾ॒ನ ಉ॒ಷಸಾ॒ ಸೂರ್ಯೇ᳚ಣಾದಿ॒ತ್ಯೇಭಿ॒ರ್ವಸು॑ಭಿ॒ರಂಗಿ॑ರೋಭಿಃ || 7.44.4
ಆ ನೋ᳚ ದಧಿ॒ಕ್ರಾಃ ಪ॒ಥ್ಯಾ᳚ಮನಕ್ತ್ವೃ॒ತಸ್ಯ॒ ಪ‌ನ್ಥಾ॒ಮನ್ವೇ᳚ತ॒ವಾ ಉ॑ |
ಶೃ॒ಣೋತು॑ ನೋ॒ ದೈವ್ಯಂ॒ ಶರ್ಧೋ᳚ ಅ॒ಗ್ನಿಃ ಶೃ॒ಣ್ವ‌ನ್ತು॒ ವಿಶ್ವೇ᳚ ಮಹಿ॒ಷಾ ಅಮೂ᳚ರಾಃ || 7.44.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಸವಿತಾ ದೇವತಾ, ತ್ರಿಷ್ಟುಪ್ ಛಂದಃ

ಆ ದೇ॒ವೋ ಯಾ᳚ತು ಸವಿ॒ತಾ ಸು॒ರತ್ನೋ᳚ಽ‌ನ್ತರಿಕ್ಷ॒ಪ್ರಾ ವಹ॑ಮಾನೋ॒ ಅಶ್ವೈಃ᳚ |
ಹಸ್ತೇ॒ ದಧಾ᳚ನೋ॒ ನರ್ಯಾ᳚ ಪು॒ರೂಣಿ॑ ನಿವೇ॒ಶಯಂ᳚ಚ ಪ್ರಸು॒ವಂಚ॒ ಭೂಮ॑ || 7.45.1
ಉದ॑ಸ್ಯ ಬಾ॒ಹೂ ಶಿ॑ಥಿ॒ರಾ ಬೃ॒ಹ‌ನ್ತಾ᳚ ಹಿರ॒ಣ್ಯಯಾ᳚ ದಿ॒ವೋ ಅ‌ನ್ತಾಁ᳚ ಅನಷ್ಟಾ‌ಮ್ |
ನೂ॒ನಂ ಸೋ ಅ॑ಸ್ಯ ಮಹಿ॒ಮಾ ಪ॑ನಿಷ್ಟ॒ ಸೂರ॑ಶ್ಚಿದಸ್ಮಾ॒ ಅನು॑ ದಾದಪ॒ಸ್ಯಾ‌ಮ್ || 7.45.2
ಸ ಘಾ᳚ ನೋ ದೇ॒ವಃ ಸ॑ವಿ॒ತಾ ಸ॒ಹಾವಾ ಸಾ᳚ವಿಷ॒ದ್ವಸು॑ಪತಿ॒ರ್ವಸೂ᳚ನಿ |
ವಿ॒ಶ್ರಯ॑ಮಾಣೋ ಅ॒ಮತಿ॑ಮುರೂ॒ಚೀಂ ಮ॑ರ್ತ॒ಭೋಜ॑ನ॒ಮಧ॑ ರಾಸತೇ ನಃ || 7.45.3
ಇ॒ಮಾ ಗಿರಃ॑ ಸವಿ॒ತಾರಂ᳚ ಸುಜಿ॒ಹ್ವಂ ಪೂ॒ರ್ಣಗ॑ಭಸ್ತಿಮೀಳತೇ ಸುಪಾ॒ಣಿ‌ಮ್ |
ಚಿ॒ತ್ರಂ ವಯೋ᳚ ಬೃ॒ಹದ॒ಸ್ಮೇ ದ॑ಧಾತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.45.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ರುದ್ರೋ ದೇವತಾ, (1-3) ಪ್ರಥಮಾದಿತೃಚಸ್ಯ ಜಗತೀ, (4) ಚತುರ್ಥ್ಯಾ ಋಚಶ್ಚ ತ್ರಿಷ್ಟುಪ್ ಛಂದಸೀ

ಇ॒ಮಾ ರು॒ದ್ರಾಯ॑ ಸ್ಥಿ॒ರಧ᳚ನ್ವನೇ॒ ಗಿರಃ॑ ಕ್ಷಿ॒ಪ್ರೇಷ॑ವೇ ದೇ॒ವಾಯ॑ ಸ್ವ॒ಧಾವ್ನೇ᳚ |
ಅಷಾ᳚ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ᳚ ತಿ॒ಗ್ಮಾಯು॑ಧಾಯ ಭರತಾ ಶೃ॒ಣೋತು॑ ನಃ || 7.46.1
ಸ ಹಿ ಕ್ಷಯೇ᳚ಣ॒ ಕ್ಷಮ್ಯ॑ಸ್ಯ॒ ಜನ್ಮ॑ನಃ॒ ಸಾಮ್ರಾ᳚ಜ್ಯೇನ ದಿ॒ವ್ಯಸ್ಯ॒ ಚೇತ॑ತಿ |
ಅವ॒ನ್ನವ᳚‌ನ್ತೀ॒ರುಪ॑ ನೋ॒ ದುರ॑ಶ್ಚರಾನಮೀ॒ವೋ ರು॑ದ್ರ॒ ಜಾಸು॑ ನೋ ಭವ || 7.46.2
ಯಾ ತೇ᳚ ದಿ॒ದ್ಯುದವ॑ಸೃಷ್ಟಾ ದಿ॒ವಸ್ಪರಿ॑ ಕ್ಷ್ಮ॒ಯಾ ಚರ॑ತಿ॒ ಪರಿ॒ ಸಾ ವೃ॑ಣಕ್ತು ನಃ |
ಸ॒ಹಸ್ರಂ᳚ ತೇ ಸ್ವಪಿವಾತ ಭೇಷ॒ಜಾ ಮಾ ನ॑ಸ್ತೋ॒ಕೇಷು॒ ತನ॑ಯೇಷು ರೀರಿಷಃ || 7.46.3
ಮಾ ನೋ᳚ ವಧೀ ರುದ್ರ॒ ಮಾ ಪರಾ᳚ ದಾ॒ ಮಾ ತೇ᳚ ಭೂಮ॒ ಪ್ರಸಿ॑ತೌ ಹೀಳಿ॒ತಸ್ಯ॑ |
ಆ ನೋ᳚ ಭಜ ಬ॒ರ್ಹಿಷಿ॑ ಜೀವಶಂ॒ಸೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.46.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಆಪೋ ದೇವತಾಃ, ತ್ರಿಷ್ಟುಪ್ ಛಂದಃ

ಆಪೋ॒ ಯಂ ವಃ॑ ಪ್ರಥ॒ಮಂ ದೇ᳚ವ॒ಯ‌ನ್ತ॑ ಇಂದ್ರ॒ಪಾನ॑ಮೂ॒ರ್ಮಿಮಕೃ᳚ಣ್ವತೇ॒ಳಃ |
ತಂ ವೋ᳚ ವ॒ಯಂ ಶುಚಿ॑ಮರಿ॒ಪ್ರಮ॒ದ್ಯ ಘೃ॑ತ॒ಪ್ರುಷಂ॒ ಮಧು॑ಮ‌ನ್ತಂ ವನೇಮ || 7.47.1
ತಮೂ॒ರ್ಮಿಮಾ᳚ಪೋ॒ ಮಧು॑ಮತ್ತಮಂ ವೋ॒ಽಪಾಂ ನಪಾ᳚ದವತ್ವಾಶು॒ಹೇಮಾ᳚ |
ಯಸ್ಮಿ॒ನ್ನಿಂದ್ರೋ॒ ವಸು॑ಭಿರ್ಮಾ॒ದಯಾ᳚ತೇ॒ ತಮ॑ಶ್ಯಾಮ ದೇವ॒ಯ‌ನ್ತೋ᳚ ವೋ ಅ॒ದ್ಯ || 7.47.2
ಶ॒ತಪ॑ವಿತ್ರಾಃ ಸ್ವ॒ಧಯಾ॒ ಮದ᳚‌ನ್ತೀರ್ದೇ॒ವೀರ್ದೇ॒ವಾನಾ॒ಮಪಿ॑ ಯ‌ನ್ತಿ॒ ಪಾಥಃ॑ |
ತಾ ಇಂದ್ರ॑ಸ್ಯ॒ ನ ಮಿ॑ನ‌ನ್ತಿ ವ್ರ॒ತಾನಿ॒ ಸಿಂಧು॑ಭ್ಯೋ ಹ॒ವ್ಯಂ ಘೃ॒ತವ॑ಜ್ಜುಹೋತ || 7.47.3
ಯಾಃ ಸೂರ್ಯೋ᳚ ರ॒ಶ್ಮಿಭಿ॑ರಾತ॒ತಾನ॒ ಯಾಭ್ಯ॒ ಇಂದ್ರೋ॒ ಅರ॑ದದ್ಗಾ॒ತುಮೂ॒ರ್ಮಿ‌ಮ್ |
ತೇ ಸಿಂ᳚ಧವೋ॒ ವರಿ॑ವೋ ಧಾತನಾ ನೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.47.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-3) ಪ್ರಥಮಾದಿತೃಚಸ್ಯ ಅಭವಃ, (4) ಚತುರ್ಥ್ಯಾ ಋಚಶ್ಚ ಭವೋ ವಿಶ್ವೇ ದೇವಾ ವಾ ದೇವತಾಃ, ತ್ರಿಷ್ಟುಪ್ ಛಂದಃ

ಋಭು॑ಕ್ಷಣೋ ವಾಜಾ ಮಾ॒ದಯ॑ಧ್ವಮ॒ಸ್ಮೇ ನ॑ರೋ ಮಘವಾನಃ ಸು॒ತಸ್ಯ॑ |
ಆ ವೋ॒ಽರ್ವಾಚಃ॒ ಕ್ರತ॑ವೋ॒ ನ ಯಾ॒ತಾಂ ವಿಭ್ವೋ॒ ರಥಂ॒ ನರ್ಯಂ᳚ ವರ್ತಯ‌ನ್ತು || 7.48.1
ಋ॒ಭುರ್‌ಋ॒ಭುಭಿ॑ರ॒ಭಿ ವಃ॑ ಸ್ಯಾಮ॒ ವಿಭ್ವೋ᳚ ವಿ॒ಭುಭಿಃ॒ ಶವ॑ಸಾ॒ ಶವಾಂ᳚ಸಿ |
ವಾಜೋ᳚ ಅ॒ಸ್ಮಾಁ ಅ॑ವತು॒ ವಾಜ॑ಸಾತಾ॒ವಿಂದ್ರೇ᳚ಣ ಯು॒ಜಾ ತ॑ರುಷೇಮ ವೃ॒ತ್ರ‌ಮ್ || 7.48.2
ತೇ ಚಿ॒ದ್ಧಿ ಪೂ॒ರ್ವೀರ॒ಭಿ ಸ‌ನ್ತಿ॑ ಶಾ॒ಸಾ ವಿಶ್ವಾಁ᳚ ಅ॒ರ್ಯ ಉ॑ಪ॒ರತಾ᳚ತಿ ವನ್ವನ್ |
ಇಂದ್ರೋ॒ ವಿಭ್ವಾಁ᳚ ಋಭು॒ಕ್ಷಾ ವಾಜೋ᳚ ಅ॒ರ್ಯಃ ಶತ್ರೋ᳚ರ್ಮಿಥ॒ತ್ಯಾ ಕೃ॑ಣವ॒ನ್ವಿ ನೃ॒ಮ್ಣ‌ಮ್ || 7.48.3
ನೂ ದೇ᳚ವಾಸೋ॒ ವರಿ॑ವಃ ಕರ್ತನಾ ನೋ ಭೂ॒ತ ನೋ॒ ವಿಶ್ವೇಽವ॑ಸೇ ಸ॒ಜೋಷಾಃ᳚ |
ಸಮ॒ಸ್ಮೇ ಇಷಂ॒ ವಸ॑ವೋ ದದೀರನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.48.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಆಪೋ ದೇವತಾಃ, ತ್ರಿಷ್ಟುಪ್ ಛಂದಃ

ಸ॒ಮು॒ದ್ರಜ್ಯೇ᳚ಷ್ಠಾಃ ಸಲಿ॒ಲಸ್ಯ॒ ಮಧ್ಯಾ᳚ತ್ಪುನಾ॒ನಾ ಯ॒‌ನ್ತ್ಯನಿ॑ವಿಶಮಾನಾಃ |
ಇಂದ್ರೋ॒ ಯಾ ವ॒ಜ್ರೀ ವೃ॑ಷ॒ಭೋ ರ॒ರಾದ॒ ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವ‌ನ್ತು || 7.49.1
ಯಾ ಆಪೋ᳚ ದಿ॒ವ್ಯಾ ಉ॒ತ ವಾ॒ ಸ್ರವ᳚‌ನ್ತಿ ಖ॒ನಿತ್ರಿ॑ಮಾ ಉ॒ತ ವಾ॒ ಯಾಃ ಸ್ವ॑ಯಂ॒ಜಾಃ |
ಸ॒ಮು॒ದ್ರಾರ್ಥಾ॒ ಯಾಃ ಶುಚ॑ಯಃ ಪಾವ॒ಕಾಸ್ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವ‌ನ್ತು || 7.49.2
ಯಾಸಾಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ᳚ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ಜನಾ᳚ನಾ‌ಮ್ |
ಮ॒ಧು॒ಶ್ಚುತಃ॒ ಶುಚ॑ಯೋ॒ ಯಾಃ ಪಾ᳚ವ॒ಕಾಸ್ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವ‌ನ್ತು || 7.49.3
ಯಾಸು॒ ರಾಜಾ॒ ವರು॑ಣೋ॒ ಯಾಸು॒ ಸೋಮೋ॒ ವಿಶ್ವೇ᳚ ದೇ॒ವಾ ಯಾಸೂರ್ಜಂ॒ ಮದ᳚‌ನ್ತಿ |
ವೈ॒ಶ್ವಾ॒ನ॒ರೋ ಯಾಸ್ವ॒ಗ್ನಿಃ ಪ್ರವಿ॑ಷ್ಟ॒ಸ್ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವ‌ನ್ತು || 7.49.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮ! ಮಿತ್ರಾವರುಣೌ, (2) ದ್ವಿತೀಯಾಯಾ ಅಗ್ನಿಃ, (3) ತೃತೀಯಾಯಾ ವಿಶ್ವೇ ದೇವಾಃ, (4) ಚತುರ್ಥ್ಯಾಶ್ಚ ನದ್ಯೋ ದೇವತಾಃ (1-3) ಪ್ರಥಮಾದಿತೃಚಸ್ಯ ಜಗತೀ, (4) ಚತುರ್ಥ್ಯಾ ಚಶ್ಚಾತಿಜಗತೀ ಶಕ್ವರೀ ವಾ ಛಂದಸೀ

ಆ ಮಾಂ ಮಿ॑ತ್ರಾವರುಣೇ॒ಹ ರ॑ಕ್ಷತಂ ಕುಲಾ॒ಯಯ॑ದ್ವಿ॒ಶ್ವಯ॒ನ್ಮಾ ನ॒ ಆ ಗನ್॑ |
ಅ॒ಜ॒ಕಾ॒ವಂ ದು॒ರ್ದೃಶೀ᳚ಕಂ ತಿ॒ರೋ ದ॑ಧೇ॒ ಮಾ ಮಾಂ ಪದ್ಯೇ᳚ನ॒ ರಪ॑ಸಾ ವಿದ॒ತ್ತ್ಸರುಃ॑ || 7.50.1
ಯದ್ವಿ॒ಜಾಮ॒ನ್ಪರು॑ಷಿ॒ ವಂದ॑ನಂ॒ ಭುವ॑ದಷ್ಠೀ॒ವ‌ನ್ತೌ॒ ಪರಿ॑ ಕು॒ಲ್ಫೌ ಚ॒ ದೇಹ॑ತ್ |
ಅ॒ಗ್ನಿಷ್ಟಚ್ಛೋಚ॒ನ್ನಪ॑ ಬಾಧತಾಮಿ॒ತೋ ಮಾ ಮಾಂ ಪದ್ಯೇ᳚ನ॒ ರಪ॑ಸಾ ವಿದ॒ತ್ತ್ಸರುಃ॑ || 7.50.2
ಯಚ್ಛ॑ಲ್ಮ॒ಲೌ ಭವ॑ತಿ॒ ಯನ್ನ॒ದೀಷು॒ ಯದೋಷ॑ಧೀಭ್ಯಃ॒ ಪರಿ॒ ಜಾಯ॑ತೇ ವಿ॒ಷ‌ಮ್ |
ವಿಶ್ವೇ᳚ ದೇ॒ವಾ ನಿರಿ॒ತಸ್ತತ್ಸು॑ವ‌ನ್ತು॒ ಮಾ ಮಾಂ ಪದ್ಯೇ᳚ನ॒ ರಪ॑ಸಾ ವಿದ॒ತ್ತ್ಸರುಃ॑ || 7.50.3
ಯಾಃ ಪ್ರ॒ವತೋ᳚ ನಿ॒ವತ॑ ಉ॒ದ್ವತ॑ ಉದ॒ನ್ವತೀ᳚ರನುದ॒ಕಾಶ್ಚ॒ ಯಾಃ |
ತಾ ಅ॒ಸ್ಮಭ್ಯಂ॒ ಪಯ॑ಸಾ॒ ಪಿನ್ವ॑ಮಾನಾಃ ಶಿ॒ವಾ ದೇ॒ವೀರ॑ಶಿಪ॒ದಾ ಭ॑ವ‌ನ್ತು॒ ಸರ್ವಾ᳚ ನ॒ದ್ಯೋ᳚ ಅಶಿಮಿ॒ದಾ ಭ॑ವ‌ನ್ತು || 7.50.4

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಆದಿತ್ಯಾ ದೇವತಾಃ, ತ್ರಿಷ್ಟುಪ್ ಛಂದಃ

ಆ॒ದಿ॒ತ್ಯಾನಾ॒ಮವ॑ಸಾ॒ ನೂತ॑ನೇನ ಸಕ್ಷೀ॒ಮಹಿ॒ ಶರ್ಮ॑ಣಾ॒ ಶಂತ॑ಮೇನ |
ಅ॒ನಾ॒ಗಾ॒ಸ್ತ್ವೇ ಅ॑ದಿತಿ॒ತ್ವೇ ತು॒ರಾಸ॑ ಇ॒ಮಂ ಯ॒ಜ್ಞಂ ದ॑ಧತು॒ ಶ್ರೋಷ॑ಮಾಣಾಃ || 7.51.1
ಆ॒ದಿ॒ತ್ಯಾಸೋ॒ ಅದಿ॑ತಿರ್ಮಾದಯ‌ನ್ತಾಂ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣೋ॒ ರಜಿ॑ಷ್ಠಾಃ |
ಅ॒ಸ್ಮಾಕಂ᳚ ಸ‌ನ್ತು॒ ಭುವ॑ನಸ್ಯ ಗೋ॒ಪಾಃ ಪಿಬ᳚‌ನ್ತು॒ ಸೋಮ॒ಮವ॑ಸೇ ನೋ ಅ॒ದ್ಯ || 7.51.2
ಆ॒ದಿ॒ತ್ಯಾ ವಿಶ್ವೇ᳚ ಮ॒ರುತ॑ಶ್ಚ॒ ವಿಶ್ವೇ᳚ ದೇ॒ವಾಶ್ಚ॒ ವಿಶ್ವ॑ ಋ॒ಭವ॑ಶ್ಚ॒ ವಿಶ್ವೇ᳚ |
ಇಂದ್ರೋ᳚ ಅ॒ಗ್ನಿರ॒ಶ್ವಿನಾ᳚ ತುಷ್ಟುವಾ॒ನಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.51.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಆದಿತ್ಯೋ ದೇವತಾಃ, ತ್ರಿಷ್ಟುಪ್ ಛಂದಃ

ಆ॒ದಿ॒ತ್ಯಾಸೋ॒ ಅದಿ॑ತಯಃ ಸ್ಯಾಮ॒ ಪೂರ್ದೇ᳚ವ॒ತ್ರಾ ವ॑ಸವೋ ಮರ್ತ್ಯ॒ತ್ರಾ |
ಸನೇ᳚ಮ ಮಿತ್ರಾವರುಣಾ॒ ಸನ᳚‌ನ್ತೋ॒ ಭವೇ᳚ಮ ದ್ಯಾವಾಪೃಥಿವೀ॒ ಭವ᳚‌ನ್ತಃ || 7.52.1
ಮಿ॒ತ್ರಸ್ತನ್ನೋ॒ ವರು॑ಣೋ ಮಾಮಹ‌ನ್ತ॒ ಶರ್ಮ॑ ತೋ॒ಕಾಯ॒ ತನ॑ಯಾಯ ಗೋ॒ಪಾಃ |
ಮಾ ವೋ᳚ ಭುಜೇಮಾ॒ನ್ಯಜಾ᳚ತ॒ಮೇನೋ॒ ಮಾ ತತ್ಕ᳚ರ್ಮ ವಸವೋ॒ ಯಚ್ಚಯ॑ಧ್ವೇ || 7.52.2
ತು॒ರ॒ಣ್ಯವೋಽಙ್ಗಿ॑ರಸೋ ನಕ್ಷ‌ನ್ತ॒ ರತ್ನಂ᳚ ದೇ॒ವಸ್ಯ॑ ಸವಿ॒ತುರಿ॑ಯಾ॒ನಾಃ |
ಪಿ॒ತಾ ಚ॒ ತನ್ನೋ᳚ ಮ॒ಹಾನ್ಯಜ॑ತ್ರೋ॒ ವಿಶ್ವೇ᳚ ದೇ॒ವಾಃ ಸಮ॑ನಸೋ ಜುಷ‌ನ್ತ || 7.52.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ದ್ಯಾವಾಪೃಥಿವ್ಯೌ ದೇವತೇ, ತ್ರಿಷ್ಟುಪ್ ಛಂದಃ

ಪ್ರ ದ್ಯಾವಾ᳚ ಯ॒ಜ್ಞೈಃ ಪೃ॑ಥಿ॒ವೀ ನಮೋ᳚ಭಿಃ ಸ॒ಬಾಧ॑ ಈಳೇ ಬೃಹ॒ತೀ ಯಜ॑ತ್ರೇ |
ತೇ ಚಿ॒ದ್ಧಿ ಪೂರ್ವೇ᳚ ಕ॒ವಯೋ᳚ ಗೃ॒ಣ‌ನ್ತಃ॑ ಪು॒ರೋ ಮ॒ಹೀ ದ॑ಧಿ॒ರೇ ದೇ॒ವಪು॑ತ್ರೇ || 7.53.1
ಪ್ರ ಪೂ᳚ರ್ವ॒ಜೇ ಪಿ॒ತರಾ॒ ನವ್ಯ॑ಸೀಭಿರ್ಗೀ॒ರ್ಭಿಃ ಕೃ॑ಣುಧ್ವಂ॒ ಸದ॑ನೇ ಋ॒ತಸ್ಯ॑ |
ಆ ನೋ᳚ ದ್ಯಾವಾಪೃಥಿವೀ॒ ದೈವ್ಯೇ᳚ನ॒ ಜನೇ᳚ನ ಯಾತಂ॒ ಮಹಿ॑ ವಾಂ॒ ವರೂ᳚ಥ‌ಮ್ || 7.53.2
ಉ॒ತೋ ಹಿ ವಾಂ᳚ ರತ್ನ॒ಧೇಯಾ᳚ನಿ॒ ಸ‌ನ್ತಿ॑ ಪು॒ರೂಣಿ॑ ದ್ಯಾವಾಪೃಥಿವೀ ಸು॒ದಾಸೇ᳚ |
ಅ॒ಸ್ಮೇ ಧ॑ತ್ತಂ॒ ಯದಸ॒ದಸ್ಕೃ॑ಧೋಯು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.53.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಾಸ್ತೋಷ್ಪತಿದೇವ ತಾ, ತ್ರಿಷ್ಟುಪ್ ಛಂದಃ

ವಾಸ್ತೋ᳚ಷ್ಪತೇ॒ ಪ್ರತಿ॑ ಜಾನೀಹ್ಯ॒ಸ್ಮಾ‌‌ನ್ತ್ಸ್ವಾ᳚ವೇ॒ಶೋ ಅ॑ನಮೀ॒ವೋ ಭ॑ವಾ ನಃ |
ಯತ್ತ್ವೇಮ॑ಹೇ॒ ಪ್ರತಿ॒ ತನ್ನೋ᳚ ಜುಷಸ್ವ॒ ಶಂ ನೋ᳚ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ || 7.54.1
ವಾಸ್ತೋ᳚ಷ್ಪತೇ ಪ್ರ॒ತರ॑ಣೋ ನ ಏಧಿ ಗಯ॒ಸ್ಫಾನೋ॒ ಗೋಭಿ॒ರಶ್ವೇ᳚ಭಿರಿಂದೋ |
ಅ॒ಜರಾ᳚ಸಸ್ತೇ ಸ॒ಖ್ಯೇ ಸ್ಯಾ᳚ಮ ಪಿ॒ತೇವ॑ ಪು॒ತ್ರಾನ್ಪ್ರತಿ॑ ನೋ ಜುಷಸ್ವ || 7.54.2
ವಾಸ್ತೋ᳚ಷ್ಪತೇ ಶ॒ಗ್ಮಯಾ᳚ ಸಂ॒ಸದಾ᳚ ತೇ ಸಕ್ಷೀ॒ಮಹಿ॑ ರ॒ಣ್ವಯಾ᳚ ಗಾತು॒ಮತ್ಯಾ᳚ |
ಪಾ॒ಹಿ ಕ್ಷೇಮ॑ ಉ॒ತ ಯೋಗೇ॒ ವರಂ᳚ ನೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.54.3

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮ! ವಾಸ್ತೋಷ್ಪತಿಃ, (2-8) ದ್ವಿತೀಯಾದಿಸಪ್ತಾನಾಂಚೇಂದ್ರೋ ದೇವತೇ (1) ಪ್ರಥಮ! ಗಾಯತ್ರೀ, (2-4) ದ್ವಿತೀಯಾದಿತೃಚಸ್ಯೋಪರಿಷ್ಟಾದ್ಹತೀ, (5-8) ಪಂಚಮ್ಯಾದಿಚತಸೃಣಾಂಚಾನುಷ್ಟಪ ಛಂದಾಂಸಿ

ಅ॒ಮೀ॒ವ॒ಹಾ ವಾ᳚ಸ್ತೋಷ್ಪತೇ॒ ವಿಶ್ವಾ᳚ ರೂ॒ಪಾಣ್ಯಾ᳚ವಿ॒ಶನ್ |
ಸಖಾ᳚ ಸು॒ಶೇವ॑ ಏಧಿ ನಃ || 7.55.1
ಯದ॑ರ್ಜುನ ಸಾರಮೇಯ ದ॒ತಃ ಪಿ॑ಶಂಗ॒ ಯಚ್ಛ॑ಸೇ |
ವೀ᳚ವ ಭ್ರಾಜ‌ನ್ತ ಋ॒ಷ್ಟಯ॒ ಉಪ॒ ಸ್ರಕ್ವೇ᳚ಷು॒ ಬಪ್ಸ॑ತೋ॒ ನಿ ಷು ಸ್ವ॑ಪ || 7.55.2
ಸ್ತೇ॒ನಂ ರಾ᳚ಯ ಸಾರಮೇಯ॒ ತಸ್ಕ॑ರಂ ವಾ ಪುನಃಸರ |
ಸ್ತೋ॒ತೄನಿಂದ್ರ॑ಸ್ಯ ರಾಯಸಿ॒ ಕಿಮ॒ಸ್ಮಾಂದು॑ಚ್ಛುನಾಯಸೇ॒ ನಿ ಷು ಸ್ವ॑ಪ || 7.55.3
ತ್ವಂ ಸೂ᳚ಕ॒ರಸ್ಯ॑ ದರ್ದೃಹಿ॒ ತವ॑ ದರ್ದರ್ತು ಸೂಕ॒ರಃ |
ಸ್ತೋ॒ತೄನಿಂದ್ರ॑ಸ್ಯ ರಾಯಸಿ॒ ಕಿಮ॒ಸ್ಮಾಂದು॑ಚ್ಛುನಾಯಸೇ॒ ನಿ ಷು ಸ್ವ॑ಪ || 7.55.4
ಸಸ್ತು॑ ಮಾ॒ತಾ ಸಸ್ತು॑ ಪಿ॒ತಾ ಸಸ್ತು॒ ಶ್ವಾ ಸಸ್ತು॑ ವಿ॒ಶ್ಪತಿಃ॑ |
ಸ॒ಸ‌ನ್ತು॒ ಸರ್ವೇ᳚ ಜ್ಞಾ॒ತಯಃ॒ ಸಸ್ತ್ವ॒ಯಮ॒ಭಿತೋ॒ ಜನಃ॑ || 7.55.5
ಯ ಆಸ್ತೇ॒ ಯಶ್ಚ॒ ಚರ॑ತಿ॒ ಯಶ್ಚ॒ ಪಶ್ಯ॑ತಿ ನೋ॒ ಜನಃ॑ |
ತೇಷಾಂ॒ ಸಂ ಹ᳚ನ್ಮೋ ಅ॒ಕ್ಷಾಣಿ॒ ಯಥೇ॒ದಂ ಹ॒ರ್ಮ್ಯಂ ತಥಾ᳚ || 7.55.6
ಸ॒ಹಸ್ರ॑ಶೃಂಗೋ ವೃಷ॒ಭೋ ಯಃ ಸ॑ಮು॒ದ್ರಾದು॒ದಾಚ॑ರತ್ |
ತೇನಾ᳚ ಸಹ॒ಸ್ಯೇ᳚ನಾ ವ॒ಯಂ ನಿ ಜನಾ᳚‌‌ನ್ತ್ಸ್ವಾಪಯಾಮಸಿ || 7.55.7
ಪ್ರೋ॒ಷ್ಠೇ॒ಶ॒ಯಾ ವ॑ಹ್ಯೇಶ॒ಯಾ ನಾರೀ॒ರ್ಯಾಸ್ತ॑ಲ್ಪ॒ಶೀವ॑ರೀಃ |
ಸ್ತ್ರಿಯೋ॒ ಯಾಃ ಪುಣ್ಯ॑ಗಂಧಾ॒ಸ್ತಾಃ ಸರ್ವಾಃ᳚ ಸ್ವಾಪಯಾಮಸಿ || 7.55.8

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಮರುತೋ ದೇವತಾಃ (1-11) ಪ್ರಥಮಾಯೇಕಾದಶಾ ದ್ವಿಪದಾ ವಿರಾಟ್, (12-25) ದ್ವಾದಶ್ಯಾದಿಚತುದಶ ನಾಂಚ ತ್ರಿಷ್ಟುಪ್ ಛಂದಸೀ

ಕ ಈಂ॒ ವ್ಯ॑ಕ್ತಾ॒ ನರಃ॒ ಸನೀ᳚ಳಾ ರು॒ದ್ರಸ್ಯ॒ ಮರ್ಯಾ॒ ಅಧ॒ ಸ್ವಶ್ವಾಃ᳚ || 7.56.1
ನಕಿ॒ರ್ಹ್ಯೇ᳚ಷಾಂ ಜ॒ನೂಂಷಿ॒ ವೇದ॒ ತೇ ಅಂ॒ಗ ವಿ॑ದ್ರೇ ಮಿ॒ಥೋ ಜ॒ನಿತ್ರ‌ಮ್᳚ || 7.56.2
ಅ॒ಭಿ ಸ್ವ॒ಪೂಭಿ᳚ರ್ಮಿ॒ಥೋ ವ॑ಪ‌ನ್ತ॒ ವಾತ॑ಸ್ವನಸಃ ಶ್ಯೇ॒ನಾ ಅ॑ಸ್ಪೃಧ್ರನ್ || 7.56.3
ಏ॒ತಾನಿ॒ ಧೀರೋ᳚ ನಿ॒ಣ್ಯಾ ಚಿ॑ಕೇತ॒ ಪೃಶ್ನಿ॒ರ್ಯದೂಧೋ᳚ ಮ॒ಹೀ ಜ॒ಭಾರ॑ || 7.56.4
ಸಾ ವಿಟ್ ಸು॒ವೀರಾ᳚ ಮ॒ರುದ್ಭಿ॑ರಸ್ತು ಸ॒ನಾತ್ಸಹ᳚‌ನ್ತೀ॒ ಪುಷ್ಯ᳚‌ನ್ತೀ ನೃ॒ಮ್ಣ‌ಮ್ || 7.56.5
ಯಾಮಂ॒ ಯೇಷ್ಠಾಃ᳚ ಶು॒ಭಾ ಶೋಭಿ॑ಷ್ಠಾಃ ಶ್ರಿ॒ಯಾ ಸಮ್ಮಿ॑ಶ್ಲಾ॒ ಓಜೋ᳚ಭಿರು॒ಗ್ರಾಃ || 7.56.6
ಉ॒ಗ್ರಂ ವ॒ ಓಜಃ॑ ಸ್ಥಿ॒ರಾ ಶವಾಂ॒ಸ್ಯಧಾ᳚ ಮ॒ರುದ್ಭಿ॑ರ್ಗ॒ಣಸ್ತುವಿ॑ಷ್ಮಾನ್ || 7.56.7
ಶು॒ಭ್ರೋ ವಃ॒ ಶುಷ್ಮಃ॒ ಕ್ರುಧ್ಮೀ॒ ಮನಾಂ᳚ಸಿ॒ ಧುನಿ॒ರ್ಮುನಿ॑ರಿವ॒ ಶರ್ಧ॑ಸ್ಯ ಧೃ॒ಷ್ಣೋಃ || 7.56.8
ಸನೇ᳚ಮ್ಯ॒ಸ್ಮದ್ಯು॒ಯೋತ॑ ದಿ॒ದ್ಯುಂ ಮಾ ವೋ᳚ ದುರ್ಮ॒ತಿರಿ॒ಹ ಪ್ರಣ᳚ಙ್ನಃ || 7.56.9
ಪ್ರಿ॒ಯಾ ವೋ॒ ನಾಮ॑ ಹುವೇ ತು॒ರಾಣಾ॒ಮಾ ಯತ್ತೃ॒ಪನ್ಮ॑ರುತೋ ವಾವಶಾ॒ನಾಃ || 7.56.10
ಸ್ವಾ॒ಯು॒ಧಾಸ॑ ಇ॒ಷ್ಮಿಣಃ॑ ಸುನಿ॒ಷ್ಕಾ ಉ॒ತ ಸ್ವ॒ಯಂ ತ॒ನ್ವ1॒ಃ॑ ಶುಂಭ॑ಮಾನಾಃ || 7.56.11
ಶುಚೀ᳚ ವೋ ಹ॒ವ್ಯಾ ಮ॑ರುತಃ॒ ಶುಚೀ᳚ನಾಂ॒ ಶುಚಿಂ᳚ ಹಿನೋಮ್ಯಧ್ವ॒ರಂ ಶುಚಿ॑ಭ್ಯಃ |
ಋ॒ತೇನ॑ ಸ॒ತ್ಯಮೃ॑ತ॒ಸಾಪ॑ ಆಯಂ॒ಛುಚಿ॑ಜನ್ಮಾನಃ॒ ಶುಚ॑ಯಃ ಪಾವ॒ಕಾಃ || 7.56.12
ಅಂಸೇ॒ಷ್ವಾ ಮ॑ರುತಃ ಖಾ॒ದಯೋ᳚ ವೋ॒ ವಕ್ಷ॑ಸ್ಸು ರು॒ಕ್ಮಾ ಉ॑ಪಶಿಶ್ರಿಯಾ॒ಣಾಃ |
ವಿ ವಿ॒ದ್ಯುತೋ॒ ನ ವೃ॒ಷ್ಟಿಭೀ᳚ ರುಚಾ॒ನಾ ಅನು॑ ಸ್ವ॒ಧಾಮಾಯು॑ಧೈ॒ರ್ಯಚ್ಛ॑ಮಾನಾಃ || 7.56.13
ಪ್ರ ಬು॒ಧ್ನ್ಯಾ᳚ ವ ಈರತೇ॒ ಮಹಾಂ᳚ಸಿ॒ ಪ್ರ ನಾಮಾ᳚ನಿ ಪ್ರಯಜ್ಯವಸ್ತಿರಧ್ವ‌ಮ್ |
ಸ॒ಹ॒ಸ್ರಿಯಂ॒ ದಮ್ಯಂ᳚ ಭಾ॒ಗಮೇ॒ತಂ ಗೃ॑ಹಮೇ॒ಧೀಯಂ᳚ ಮರುತೋ ಜುಷಧ್ವ‌ಮ್ || 7.56.14
ಯದಿ॑ ಸ್ತು॒ತಸ್ಯ॑ ಮರುತೋ ಅಧೀ॒ಥೇತ್ಥಾ ವಿಪ್ರ॑ಸ್ಯ ವಾ॒ಜಿನೋ॒ ಹವೀ᳚ಮನ್ |
ಮ॒ಕ್ಷೂ ರಾ॒ಯಃ ಸು॒ವೀರ್ಯ॑ಸ್ಯ ದಾತ॒ ನೂ ಚಿ॒ದ್ಯಮ॒ನ್ಯ ಆ॒ದಭ॒ದರಾ᳚ವಾ || 7.56.15
ಅತ್ಯಾ᳚ಸೋ॒ ನ ಯೇ ಮ॒ರುತಃ॒ ಸ್ವಂಚೋ᳚ ಯಕ್ಷ॒ದೃಶೋ॒ ನ ಶು॒ಭಯ᳚‌ನ್ತ॒ ಮರ್ಯಾಃ᳚ |
ತೇ ಹ᳚ರ್ಮ್ಯೇ॒ಷ್ಠಾಃ ಶಿಶ॑ವೋ॒ ನ ಶು॒ಭ್ರಾ ವ॒ತ್ಸಾಸೋ॒ ನ ಪ್ರ॑ಕ್ರೀ॒ಳಿನಃ॑ ಪಯೋ॒ಧಾಃ || 7.56.16
ದ॒ಶ॒ಸ್ಯ‌ನ್ತೋ᳚ ನೋ ಮ॒ರುತೋ᳚ ಮೃಳ‌ನ್ತು ವರಿವ॒ಸ್ಯ‌ನ್ತೋ॒ ರೋದ॑ಸೀ ಸು॒ಮೇಕೇ᳚ |
ಆ॒ರೇ ಗೋ॒ಹಾ ನೃ॒ಹಾ ವ॒ಧೋ ವೋ᳚ ಅಸ್ತು ಸು॒ಮ್ನೇಭಿ॑ರ॒ಸ್ಮೇ ವ॑ಸವೋ ನಮಧ್ವ‌ಮ್ || 7.56.17
ಆ ವೋ॒ ಹೋತಾ᳚ ಜೋಹವೀತಿ ಸ॒ತ್ತಃ ಸ॒ತ್ರಾಚೀಂ᳚ ರಾ॒ತಿಂ ಮ॑ರುತೋ ಗೃಣಾ॒ನಃ |
ಯ ಈವ॑ತೋ ವೃಷಣೋ॒ ಅಸ್ತಿ॑ ಗೋ॒ಪಾಃ ಸೋ ಅದ್ವ॑ಯಾವೀ ಹವತೇ ವ ಉ॒ಕ್ಥೈಃ || 7.56.18
ಇ॒ಮೇ ತು॒ರಂ ಮ॒ರುತೋ᳚ ರಾಮಯ‌ನ್ತೀ॒ಮೇ ಸಹಃ॒ ಸಹ॑ಸ॒ ಆ ನ॑ಮ‌ನ್ತಿ |
ಇ॒ಮೇ ಶಂಸಂ᳚ ವನುಷ್ಯ॒ತೋ ನಿ ಪಾ᳚‌ನ್ತಿ ಗು॒ರು ದ್ವೇಷೋ॒ ಅರ॑ರುಷೇ ದಧ‌ನ್ತಿ || 7.56.19
ಇ॒ಮೇ ರ॒ಧ್ರಂ ಚಿ᳚ನ್ಮ॒ರುತೋ᳚ ಜುನ‌ನ್ತಿ॒ ಭೃಮಿಂ᳚ ಚಿ॒ದ್ಯಥಾ॒ ವಸ॑ವೋ ಜು॒ಷ‌ನ್ತ॑ |
ಅಪ॑ ಬಾಧಧ್ವಂ ವೃಷಣ॒ಸ್ತಮಾಂ᳚ಸಿ ಧ॒ತ್ತ ವಿಶ್ವಂ॒ ತನ॑ಯಂ ತೋ॒ಕಮ॒ಸ್ಮೇ || 7.56.20
ಮಾ ವೋ᳚ ದಾ॒ತ್ರಾನ್ಮ॑ರುತೋ॒ ನಿರ॑ರಾಮ॒ ಮಾ ಪ॒ಶ್ಚಾದ್ದ॑ಘ್ಮ ರಥ್ಯೋ ವಿಭಾ॒ಗೇ |
ಆ ನಃ॑ ಸ್ಪಾ॒ರ್ಹೇ ಭ॑ಜತನಾ ವಸ॒ವ್ಯೇ॒3॒॑ ಯದೀಂ᳚ ಸುಜಾ॒ತಂ ವೃ॑ಷಣೋ ವೋ॒ ಅಸ್ತಿ॑ || 7.56.21
ಸಂ ಯದ್ಧನ᳚‌ನ್ತ ಮ॒ನ್ಯುಭಿ॒ರ್ಜನಾ᳚ಸಃ॒ ಶೂರಾ᳚ ಯ॒ಹ್ವೀಷ್ವೋಷ॑ಧೀಷು ವಿ॒ಕ್ಷು |
ಅಧ॑ ಸ್ಮಾ ನೋ ಮರುತೋ ರುದ್ರಿಯಾಸಸ್ತ್ರಾ॒ತಾರೋ᳚ ಭೂತ॒ ಪೃತ॑ನಾಸ್ವ॒ರ್ಯಃ || 7.56.22
ಭೂರಿ॑ ಚಕ್ರ ಮರುತಃ॒ ಪಿತ್ರ್ಯಾ᳚ಣ್ಯು॒ಕ್ಥಾನಿ॒ ಯಾ ವಃ॑ ಶ॒ಸ್ಯ‌ನ್ತೇ᳚ ಪು॒ರಾ ಚಿ॑ತ್ |
ಮ॒ರುದ್ಭಿ॑ರು॒ಗ್ರಃ ಪೃತ॑ನಾಸು॒ ಸಾಳ್ಹಾ᳚ ಮ॒ರುದ್ಭಿ॒ರಿತ್ಸನಿ॑ತಾ॒ ವಾಜ॒ಮರ್ವಾ᳚ || 7.56.23
ಅ॒ಸ್ಮೇ ವೀ॒ರೋ ಮ॑ರುತಃ ಶು॒ಷ್ಮ್ಯ॑ಸ್ತು॒ ಜನಾ᳚ನಾಂ॒ ಯೋ ಅಸು॑ರೋ ವಿಧ॒ರ್ತಾ |
ಅ॒ಪೋ ಯೇನ॑ ಸುಕ್ಷಿ॒ತಯೇ॒ ತರೇ॒ಮಾಧ॒ ಸ್ವಮೋಕೋ᳚ ಅ॒ಭಿ ವಃ॑ ಸ್ಯಾಮ || 7.56.24
ತನ್ನ॒ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿರಾಪ॒ ಓಷ॑ಧೀರ್ವ॒ನಿನೋ᳚ ಜುಷ‌ನ್ತ |
ಶರ್ಮ᳚‌‌ನ್ತ್ಸ್ಯಾಮ ಮ॒ರುತಾ᳚ಮು॒ಪಸ್ಥೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.56.25

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಮರುತೋ ದೇವತಾಃ, ತ್ರಿಷ್ಟುಪ್ ಛಂದಃ

ಮಧ್ವೋ᳚ ವೋ॒ ನಾಮ॒ ಮಾರು॑ತಂ ಯಜತ್ರಾಃ॒ ಪ್ರ ಯ॒ಜ್ಞೇಷು॒ ಶವ॑ಸಾ ಮದ‌ನ್ತಿ |
ಯೇ ರೇ॒ಜಯ᳚‌ನ್ತಿ॒ ರೋದ॑ಸೀ ಚಿದು॒ರ್ವೀ ಪಿನ್ವ॒‌ನ್ತ್ಯುತ್ಸಂ॒ ಯದಯಾ᳚ಸುರು॒ಗ್ರಾಃ || 7.57.1
ನಿ॒ಚೇ॒ತಾರೋ॒ ಹಿ ಮ॒ರುತೋ᳚ ಗೃ॒ಣ‌ನ್ತಂ᳚ ಪ್ರಣೇ॒ತಾರೋ॒ ಯಜ॑ಮಾನಸ್ಯ॒ ಮನ್ಮ॑ |
ಅ॒ಸ್ಮಾಕ॑ಮ॒ದ್ಯ ವಿ॒ದಥೇ᳚ಷು ಬ॒ರ್ಹಿರಾ ವೀ॒ತಯೇ᳚ ಸದತ ಪಿಪ್ರಿಯಾ॒ಣಾಃ || 7.57.2
ನೈತಾವ॑ದ॒ನ್ಯೇ ಮ॒ರುತೋ॒ ಯಥೇ॒ಮೇ ಭ್ರಾಜ᳚‌ನ್ತೇ ರು॒ಕ್ಮೈರಾಯು॑ಧೈಸ್ತ॒ನೂಭಿಃ॑ |
ಆ ರೋದ॑ಸೀ ವಿಶ್ವ॒ಪಿಶಃ॑ ಪಿಶಾ॒ನಾಃ ಸ॑ಮಾ॒ನಮಂ॒ಜ್ಯಂ᳚ಜತೇ ಶು॒ಭೇ ಕ‌ಮ್ || 7.57.3
ಋಧ॒ಕ್ಸಾ ವೋ᳚ ಮರುತೋ ದಿ॒ದ್ಯುದ॑ಸ್ತು॒ ಯದ್ವ॒ ಆಗಃ॑ ಪುರು॒ಷತಾ॒ ಕರಾ᳚ಮ |
ಮಾ ವ॒ಸ್ತಸ್ಯಾ॒ಮಪಿ॑ ಭೂಮಾ ಯಜತ್ರಾ ಅ॒ಸ್ಮೇ ವೋ᳚ ಅಸ್ತು ಸುಮ॒ತಿಶ್ಚನಿ॑ಷ್ಠಾ || 7.57.4
ಕೃ॒ತೇ ಚಿ॒ದತ್ರ॑ ಮ॒ರುತೋ᳚ ರಣ‌ನ್ತಾನವ॒ದ್ಯಾಸಃ॒ ಶುಚ॑ಯಃ ಪಾವ॒ಕಾಃ |
ಪ್ರ ಣೋ᳚ಽವತ ಸುಮ॒ತಿಭಿ᳚ರ್ಯಜತ್ರಾಃ॒ ಪ್ರ ವಾಜೇ᳚ಭಿಸ್ತಿರತ ಪು॒ಷ್ಯಸೇ᳚ ನಃ || 7.57.5
ಉ॒ತ ಸ್ತು॒ತಾಸೋ᳚ ಮ॒ರುತೋ᳚ ವ್ಯ‌ನ್ತು॒ ವಿಶ್ವೇ᳚ಭಿ॒ರ್ನಾಮ॑ಭಿ॒ರ್ನರೋ᳚ ಹ॒ವೀಂಷಿ॑ |
ದದಾ᳚ತ ನೋ ಅ॒ಮೃತ॑ಸ್ಯ ಪ್ರ॒ಜಾಯೈ᳚ ಜಿಗೃ॒ತ ರಾ॒ಯಃ ಸೂ॒ನೃತಾ᳚ ಮ॒ಘಾನಿ॑ || 7.57.6
ಆ ಸ್ತು॒ತಾಸೋ᳚ ಮರುತೋ॒ ವಿಶ್ವ॑ ಊ॒ತೀ ಅಚ್ಛಾ᳚ ಸೂ॒ರೀ‌‌ನ್ತ್ಸ॒ರ್ವತಾ᳚ತಾ ಜಿಗಾತ |
ಯೇ ನ॒ಸ್ತ್ಮನಾ᳚ ಶ॒ತಿನೋ᳚ ವ॒ರ್ಧಯ᳚‌ನ್ತಿ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.57.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಮರುತೋ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರ ಸಾ᳚ಕ॒ಮುಕ್ಷೇ᳚ ಅರ್ಚತಾ ಗ॒ಣಾಯ॒ ಯೋ ದೈವ್ಯ॑ಸ್ಯ॒ ಧಾಮ್ನ॒ಸ್ತುವಿ॑ಷ್ಮಾನ್ |
ಉ॒ತ ಕ್ಷೋ᳚ದ‌ನ್ತಿ॒ ರೋದ॑ಸೀ ಮಹಿ॒ತ್ವಾ ನಕ್ಷ᳚‌ನ್ತೇ॒ ನಾಕಂ॒ ನಿರ್‌ಋ॑ತೇರವಂ॒ಶಾತ್ || 7.58.1
ಜ॒ನೂಶ್ಚಿ॑ದ್ವೋ ಮರುತಸ್ತ್ವೇ॒ಷ್ಯೇ᳚ಣ॒ ಭೀಮಾ᳚ಸ॒ಸ್ತುವಿ॑ಮನ್ಯ॒ವೋಽಯಾ᳚ಸಃ |
ಪ್ರ ಯೇ ಮಹೋ᳚ಭಿ॒ರೋಜ॑ಸೋ॒ತ ಸ‌ನ್ತಿ॒ ವಿಶ್ವೋ᳚ ವೋ॒ ಯಾಮ᳚ನ್ಭಯತೇ ಸ್ವ॒ರ್ದೃಕ್ || 7.58.2
ಬೃ॒ಹದ್ವಯೋ᳚ ಮ॒ಘವ॑ದ್ಭ್ಯೋ ದಧಾತ॒ ಜುಜೋ᳚ಷ॒ನ್ನಿನ್ಮ॒ರುತಃ॑ ಸುಷ್ಟು॒ತಿಂ ನಃ॑ |
ಗ॒ತೋ ನಾಧ್ವಾ॒ ವಿ ತಿ॑ರಾತಿ ಜ॒‌ನ್ತುಂ ಪ್ರ ಣಃ॑ ಸ್ಪಾ॒ರ್ಹಾಭಿ॑ರೂ॒ತಿಭಿ॑ಸ್ತಿರೇತ || 7.58.3
ಯು॒ಷ್ಮೋತೋ॒ ವಿಪ್ರೋ᳚ ಮರುತಃ ಶತ॒ಸ್ವೀ ಯು॒ಷ್ಮೋತೋ॒ ಅರ್ವಾ॒ ಸಹು॑ರಿಃ ಸಹ॒ಸ್ರೀ |
ಯು॒ಷ್ಮೋತಃ॑ ಸ॒ಮ್ರಾಳು॒ತ ಹ᳚‌ನ್ತಿ ವೃ॒ತ್ರಂ ಪ್ರ ತದ್ವೋ᳚ ಅಸ್ತು ಧೂತಯೋ ದೇ॒ಷ್ಣ‌ಮ್ || 7.58.4
ತಾಁ ಆ ರು॒ದ್ರಸ್ಯ॑ ಮೀ॒ಳ್ಹುಷೋ᳚ ವಿವಾಸೇ ಕು॒ವಿನ್ನಂಸ᳚‌ನ್ತೇ ಮ॒ರುತಃ॒ ಪುನ᳚ರ್ನಃ |
ಯತ್ಸ॒ಸ್ವರ್ತಾ᳚ ಜಿಹೀಳಿ॒ರೇ ಯದಾ॒ವಿರವ॒ ತದೇನ॑ ಈಮಹೇ ತು॒ರಾಣಾ᳚‌ಮ್ || 7.58.5
ಪ್ರ ಸಾ ವಾ᳚ಚಿ ಸುಷ್ಟು॒ತಿರ್ಮ॒ಘೋನಾ᳚ಮಿ॒ದಂ ಸೂ॒ಕ್ತಂ ಮ॒ರುತೋ᳚ ಜುಷ‌ನ್ತ |
ಆ॒ರಾಚ್ಚಿ॒ದ್ದ್ವೇಷೋ᳚ ವೃಷಣೋ ಯುಯೋತ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.58.6

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-11) ಪ್ರಥಮಾಯೇಕಾದಶೋಂ ಮರುತಃ (12) ದ್ವಾದಶ್ಯಾಶ್ಚ ರುದ್ರೋ ದೇವತಾಃ (1-6) ಪ್ರಥಮಾದಿತೃಚದ್ವಯಸ್ಯ ಪ್ರಗಾಥಃ ( ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ ), (7-8) ಸಪ್ತಮ್ಯಷ್ಟಮ್ಯೋರೃಚೋಸ್ತ್ರಿಷ್ಟುಪ್, (9-11) ನವಮ್ಯಾದಿತೃಚಸ್ಯ ಗಾಯತ್ರೀ, (12) ದ್ವಾದಶ್ಯಾಶ್ಚಾನುಷ್ಟಪ್ ಛಂದಾಂಸಿ

ಯಂ ತ್ರಾಯ॑ಧ್ವ ಇ॒ದಮಿ॑ದಂ॒ ದೇವಾ᳚ಸೋ॒ ಯಂ ಚ॒ ನಯ॑ಥ |
ತಸ್ಮಾ᳚ ಅಗ್ನೇ॒ ವರು॑ಣ॒ ಮಿತ್ರಾರ್ಯ॑ಮ॒ನ್ಮರು॑ತಃ॒ ಶರ್ಮ॑ ಯಚ್ಛತ || 7.59.1
ಯು॒ಷ್ಮಾಕಂ᳚ ದೇವಾ॒ ಅವ॒ಸಾಹ॑ನಿ ಪ್ರಿ॒ಯ ಈ᳚ಜಾ॒ನಸ್ತ॑ರತಿ॒ ದ್ವಿಷಃ॑ |
ಪ್ರ ಸ ಕ್ಷಯಂ᳚ ತಿರತೇ॒ ವಿ ಮ॒ಹೀರಿಷೋ॒ ಯೋ ವೋ॒ ವರಾ᳚ಯ॒ ದಾಶ॑ತಿ || 7.59.2
ನ॒ಹಿ ವ॑ಶ್ಚರ॒ಮಂ ಚ॒ನ ವಸಿ॑ಷ್ಠಃ ಪರಿ॒ಮಂಸ॑ತೇ |
ಅ॒ಸ್ಮಾಕ॑ಮ॒ದ್ಯ ಮ॑ರುತಃ ಸು॒ತೇ ಸಚಾ॒ ವಿಶ್ವೇ᳚ ಪಿಬತ ಕಾ॒ಮಿನಃ॑ || 7.59.3
ನ॒ಹಿ ವ॑ ಊ॒ತಿಃ ಪೃತ॑ನಾಸು॒ ಮರ್ಧ॑ತಿ॒ ಯಸ್ಮಾ॒ ಅರಾ᳚ಧ್ವಂ ನರಃ |
ಅ॒ಭಿ ವ॒ ಆವ॑ರ್ತ್ಸುಮ॒ತಿರ್ನವೀ᳚ಯಸೀ॒ ತೂಯಂ᳚ ಯಾತ ಪಿಪೀಷವಃ || 7.59.4
ಓ ಷು ಘೃ॑ಷ್ವಿರಾಧಸೋ ಯಾ॒ತನಾಂಧಾಂ᳚ಸಿ ಪೀ॒ತಯೇ᳚ |
ಇ॒ಮಾ ವೋ᳚ ಹ॒ವ್ಯಾ ಮ॑ರುತೋ ರ॒ರೇ ಹಿ ಕಂ॒ ಮೋ ಷ್ವ1॒᳚ನ್ಯತ್ರ॑ ಗ‌ನ್ತನ || 7.59.5
ಆ ಚ॑ ನೋ ಬ॒ರ್ಹಿಃ ಸದ॑ತಾವಿ॒ತಾ ಚ॑ ನಃ ಸ್ಪಾ॒ರ್ಹಾಣಿ॒ ದಾತ॑ವೇ॒ ವಸು॑ |
ಅಸ್ರೇ᳚ಧ‌ನ್ತೋ ಮರುತಃ ಸೋ॒ಮ್ಯೇ ಮಧೌ॒ ಸ್ವಾಹೇ॒ಹ ಮಾ᳚ದಯಾಧ್ವೈ || 7.59.6
ಸ॒ಸ್ವಶ್ಚಿ॒ದ್ಧಿ ತ॒ನ್ವ1॒ಃ॑ ಶುಂಭ॑ಮಾನಾ॒ ಆ ಹಂ॒ಸಾಸೋ॒ ನೀಲ॑ಪೃಷ್ಠಾ ಅಪಪ್ತನ್ |
ವಿಶ್ವಂ॒ ಶರ್ಧೋ᳚ ಅ॒ಭಿತೋ᳚ ಮಾ॒ ನಿ ಷೇ᳚ದ॒ ನರೋ॒ ನ ರ॒ಣ್ವಾಃ ಸವ॑ನೇ॒ ಮದ᳚‌ನ್ತಃ || 7.59.7
ಯೋ ನೋ᳚ ಮರುತೋ ಅ॒ಭಿ ದು॑ರ್ಹೃಣಾ॒ಯುಸ್ತಿ॒ರಶ್ಚಿ॒ತ್ತಾನಿ॑ ವಸವೋ॒ ಜಿಘಾಂ᳚ಸತಿ |
ದ್ರು॒ಹಃ ಪಾಶಾ॒ನ್ಪ್ರತಿ॒ ಸ ಮು॑ಚೀಷ್ಟ॒ ತಪಿ॑ಷ್ಠೇನ॒ ಹನ್ಮ॑ನಾ ಹ‌ನ್ತನಾ॒ ತ‌ಮ್ || 7.59.8
ಸಾಂತ॑ಪನಾ ಇ॒ದಂ ಹ॒ವಿರ್ಮರು॑ತ॒ಸ್ತಜ್ಜು॑ಜುಷ್ಟನ |
ಯು॒ಷ್ಮಾಕೋ॒ತೀ ರಿ॑ಶಾದಸಃ || 7.59.9
ಗೃಹ॑ಮೇಧಾಸ॒ ಆ ಗ॑ತ॒ ಮರು॑ತೋ॒ ಮಾಪ॑ ಭೂತನ |
ಯು॒ಷ್ಮಾಕೋ॒ತೀ ಸು॑ದಾನವಃ || 7.59.10
ಇ॒ಹೇಹ॑ ವಃ ಸ್ವತವಸಃ॒ ಕವ॑ಯಃ॒ ಸೂರ್ಯ॑ತ್ವಚಃ |
ಯ॒ಜ್ಞಂ ಮ॑ರುತ॒ ಆ ವೃ॑ಣೇ || 7.59.11
ತ್ರ್ಯಂ॑ಬಕಂ ಯಜಾಮಹೇ ಸು॒ಗಂಧಿಂ᳚ ಪುಷ್ಟಿ॒ವರ್ಧ॑ನ‌ಮ್ |
ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಮೃತಾ᳚ತ್ || 7.59.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮರ್ಚಃ ಸೂಯಃ , (2-12) ದ್ವಿತೀಯಾದ್ಯೇಕಾದಶಾನಾಂಚ ಮಿತ್ರಾವರುಣೌ ದೇವತಾಃ, ತ್ರಿಷ್ಟುಪ್ ಛಂದಃ

ಯದ॒ದ್ಯ ಸೂ᳚ರ್ಯ॒ ಬ್ರವೋಽನಾ᳚ಗಾ ಉ॒ದ್ಯನ್ಮಿ॒ತ್ರಾಯ॒ ವರು॑ಣಾಯ ಸ॒ತ್ಯ‌ಮ್ |
ವ॒ಯಂ ದೇ᳚ವ॒ತ್ರಾದಿ॑ತೇ ಸ್ಯಾಮ॒ ತವ॑ ಪ್ರಿ॒ಯಾಸೋ᳚ ಅರ್ಯಮನ್ಗೃ॒ಣ‌ನ್ತಃ॑ || 7.60.1
ಏ॒ಷ ಸ್ಯ ಮಿ॑ತ್ರಾವರುಣಾ ನೃ॒ಚಕ್ಷಾ᳚ ಉ॒ಭೇ ಉದೇ᳚ತಿ॒ ಸೂರ್ಯೋ᳚ ಅ॒ಭಿ ಜ್ಮನ್ |
ವಿಶ್ವ॑ಸ್ಯ ಸ್ಥಾ॒ತುರ್ಜಗ॑ತಶ್ಚ ಗೋ॒ಪಾ ಋ॒ಜು ಮರ್ತೇ᳚ಷು ವೃಜಿ॒ನಾ ಚ॒ ಪಶ್ಯನ್॑ || 7.60.2
ಅಯು॑ಕ್ತ ಸ॒ಪ್ತ ಹ॒ರಿತಃ॑ ಸ॒ಧಸ್ಥಾ॒ದ್ಯಾ ಈಂ॒ ವಹ᳚‌ನ್ತಿ॒ ಸೂರ್ಯಂ᳚ ಘೃ॒ತಾಚೀಃ᳚ |
ಧಾಮಾ᳚ನಿ ಮಿತ್ರಾವರುಣಾ ಯು॒ವಾಕುಃ॒ ಸಂ ಯೋ ಯೂ॒ಥೇವ॒ ಜನಿ॑ಮಾನಿ॒ ಚಷ್ಟೇ᳚ || 7.60.3
ಉದ್ವಾಂ᳚ ಪೃ॒ಕ್ಷಾಸೋ॒ ಮಧು॑ಮ‌ನ್ತೋ ಅಸ್ಥು॒ರಾ ಸೂರ್ಯೋ᳚ ಅರುಹಚ್ಛು॒ಕ್ರಮರ್ಣಃ॑ |
ಯಸ್ಮಾ᳚ ಆದಿ॒ತ್ಯಾ ಅಧ್ವ॑ನೋ॒ ರದ᳚‌ನ್ತಿ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣಃ ಸ॒ಜೋಷಾಃ᳚ || 7.60.4
ಇ॒ಮೇ ಚೇ॒ತಾರೋ॒ ಅನೃ॑ತಸ್ಯ॒ ಭೂರೇ᳚ರ್ಮಿ॒ತ್ರೋ ಅ᳚ರ್ಯ॒ಮಾ ವರು॑ಣೋ॒ ಹಿ ಸ‌ನ್ತಿ॑ |
ಇ॒ಮ ಋ॒ತಸ್ಯ॑ ವಾವೃಧುರ್ದುರೋ॒ಣೇ ಶ॒ಗ್ಮಾಸಃ॑ ಪು॒ತ್ರಾ ಅದಿ॑ತೇ॒ರದ॑ಬ್ಧಾಃ || 7.60.5
ಇ॒ಮೇ ಮಿ॒ತ್ರೋ ವರು॑ಣೋ ದೂ॒ಳಭಾ᳚ಸೋಽಚೇ॒ತಸಂ᳚ ಚಿಚ್ಚಿತಯ‌ನ್ತಿ॒ ದಕ್ಷೈಃ᳚ |
ಅಪಿ॒ ಕ್ರತುಂ᳚ ಸು॒ಚೇತ॑ಸಂ॒ ವತ᳚‌ನ್ತಸ್ತಿ॒ರಶ್ಚಿ॒ದಂಹಃ॑ ಸು॒ಪಥಾ᳚ ನಯ‌ನ್ತಿ || 7.60.6
ಇ॒ಮೇ ದಿ॒ವೋ ಅನಿ॑ಮಿಷಾ ಪೃಥಿ॒ವ್ಯಾಶ್ಚಿ॑ಕಿ॒ತ್ವಾಂಸೋ᳚ ಅಚೇ॒ತಸಂ᳚ ನಯ‌ನ್ತಿ |
ಪ್ರ॒ವ್ರಾ॒ಜೇ ಚಿ᳚ನ್ನ॒ದ್ಯೋ᳚ ಗಾ॒ಧಮ॑ಸ್ತಿ ಪಾ॒ರಂ ನೋ᳚ ಅ॒ಸ್ಯ ವಿ॑ಷ್ಪಿ॒ತಸ್ಯ॑ ಪರ್ಷನ್ || 7.60.7
ಯದ್ಗೋ॒ಪಾವ॒ದದಿ॑ತಿಃ॒ ಶರ್ಮ॑ ಭ॒ದ್ರಂ ಮಿ॒ತ್ರೋ ಯಚ್ಛ᳚‌ನ್ತಿ॒ ವರು॑ಣಃ ಸು॒ದಾಸೇ᳚ |
ತಸ್ಮಿ॒ನ್ನಾ ತೋ॒ಕಂ ತನ॑ಯಂ॒ ದಧಾ᳚ನಾ॒ ಮಾ ಕ᳚ರ್ಮ ದೇವ॒ಹೇಳ॑ನಂ ತುರಾಸಃ || 7.60.8
ಅವ॒ ವೇದಿಂ॒ ಹೋತ್ರಾ᳚ಭಿರ್ಯಜೇತ॒ ರಿಪಃ॒ ಕಾಶ್ಚಿ॑ದ್ವರುಣ॒ಧ್ರುತಃ॒ ಸಃ |
ಪರಿ॒ ದ್ವೇಷೋ᳚ಭಿರರ್ಯ॒ಮಾ ವೃ॑ಣಕ್ತೂ॒ರುಂ ಸು॒ದಾಸೇ᳚ ವೃಷಣಾ ಉ ಲೋ॒ಕ‌ಮ್ || 7.60.9
ಸ॒ಸ್ವಶ್ಚಿ॒ದ್ಧಿ ಸಮೃ॑ತಿಸ್ತ್ವೇ॒ಷ್ಯೇ᳚ಷಾಮಪೀ॒ಚ್ಯೇ᳚ನ॒ ಸಹ॑ಸಾ॒ ಸಹ᳚‌ನ್ತೇ |
ಯು॒ಷ್ಮದ್ಭಿ॒ಯಾ ವೃ॑ಷಣೋ॒ ರೇಜ॑ಮಾನಾ॒ ದಕ್ಷ॑ಸ್ಯ ಚಿನ್ಮಹಿ॒ನಾ ಮೃ॒ಳತಾ᳚ ನಃ || 7.60.10
ಯೋ ಬ್ರಹ್ಮ॑ಣೇ ಸುಮ॒ತಿಮಾ॒ಯಜಾ᳚ತೇ॒ ವಾಜ॑ಸ್ಯ ಸಾ॒ತೌ ಪ॑ರ॒ಮಸ್ಯ॑ ರಾ॒ಯಃ |
ಸೀಕ್ಷ᳚‌ನ್ತ ಮ॒ನ್ಯುಂ ಮ॒ಘವಾ᳚ನೋ ಅ॒ರ್ಯ ಉ॒ರು ಕ್ಷಯಾ᳚ಯ ಚಕ್ರಿರೇ ಸು॒ಧಾತು॑ || 7.60.11
ಇ॒ಯಂ ದೇ᳚ವ ಪು॒ರೋಹಿ॑ತಿರ್ಯು॒ವಭ್ಯಾಂ᳚ ಯ॒ಜ್ಞೇಷು॑ ಮಿತ್ರಾವರುಣಾವಕಾರಿ |
ವಿಶ್ವಾ᳚ನಿ ದು॒ರ್ಗಾ ಪಿ॑ಪೃತಂ ತಿ॒ರೋ ನೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.60.12

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಮಿತ್ರಾವರುಣೌ ದೇವತೇ, ತ್ರಿಷ್ಟುಪ್ ಛಂದಃ

ಉದ್ವಾಂ॒ ಚಕ್ಷು᳚ರ್ವರುಣ ಸು॒ಪ್ರತೀ᳚ಕಂ ದೇ॒ವಯೋ᳚ರೇತಿ॒ ಸೂರ್ಯ॑ಸ್ತತ॒ನ್ವಾನ್ |
ಅ॒ಭಿ ಯೋ ವಿಶ್ವಾ॒ ಭುವ॑ನಾನಿ॒ ಚಷ್ಟೇ॒ ಸ ಮ॒ನ್ಯುಂ ಮರ್ತ್ಯೇ॒ಷ್ವಾ ಚಿ॑ಕೇತ || 7.61.1
ಪ್ರ ವಾಂ॒ ಸ ಮಿ॑ತ್ರಾವರುಣಾವೃ॒ತಾವಾ॒ ವಿಪ್ರೋ॒ ಮನ್ಮಾ᳚ನಿ ದೀರ್ಘ॒ಶ್ರುದಿ॑ಯರ್ತಿ |
ಯಸ್ಯ॒ ಬ್ರಹ್ಮಾ᳚ಣಿ ಸುಕ್ರತೂ॒ ಅವಾ᳚ಥ॒ ಆ ಯತ್ಕ್ರತ್ವಾ॒ ನ ಶ॒ರದಃ॑ ಪೃ॒ಣೈಥೇ᳚ || 7.61.2
ಪ್ರೋರೋರ್ಮಿ॑ತ್ರಾವರುಣಾ ಪೃಥಿ॒ವ್ಯಾಃ ಪ್ರ ದಿ॒ವ ಋ॒ಷ್ವಾದ್ಬೃ॑ಹ॒ತಃ ಸು॑ದಾನೂ |
ಸ್ಪಶೋ᳚ ದಧಾಥೇ॒ ಓಷ॑ಧೀಷು ವಿ॒ಕ್ಷ್ವೃಧ॑ಗ್ಯ॒ತೋ ಅನಿ॑ಮಿಷಂ॒ ರಕ್ಷ॑ಮಾಣಾ || 7.61.3
ಶಂಸಾ᳚ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಮ॒ ಶುಷ್ಮೋ॒ ರೋದ॑ಸೀ ಬದ್ಬಧೇ ಮಹಿ॒ತ್ವಾ |
ಅಯ॒ನ್ಮಾಸಾ॒ ಅಯ॑ಜ್ವನಾಮ॒ವೀರಾಃ॒ ಪ್ರ ಯ॒ಜ್ಞಮ᳚ನ್ಮಾ ವೃ॒ಜನಂ᳚ ತಿರಾತೇ || 7.61.4
ಅಮೂ᳚ರಾ॒ ವಿಶ್ವಾ᳚ ವೃಷಣಾವಿ॒ಮಾ ವಾಂ॒ ನ ಯಾಸು॑ ಚಿ॒ತ್ರಂ ದದೃ॑ಶೇ॒ ನ ಯ॒ಕ್ಷ‌ಮ್ |
ದ್ರುಹಃ॑ ಸಚ‌ನ್ತೇ॒ ಅನೃ॑ತಾ॒ ಜನಾ᳚ನಾಂ॒ ನ ವಾಂ᳚ ನಿ॒ಣ್ಯಾನ್ಯ॒ಚಿತೇ᳚ ಅಭೂವನ್ || 7.61.5
ಸಮು॑ ವಾಂ ಯ॒ಜ್ಞಂ ಮ॑ಹಯಂ॒ ನಮೋ᳚ಭಿರ್ಹು॒ವೇ ವಾಂ᳚ ಮಿತ್ರಾವರುಣಾ ಸ॒ಬಾಧಃ॑ |
ಪ್ರ ವಾಂ॒ ಮನ್ಮಾ᳚ನ್ಯೃ॒ಚಸೇ॒ ನವಾ᳚ನಿ ಕೃ॒ತಾನಿ॒ ಬ್ರಹ್ಮ॑ ಜುಜುಷನ್ನಿ॒ಮಾನಿ॑ || 7.61.6
ಇ॒ಯಂ ದೇ᳚ವ ಪು॒ರೋಹಿ॑ತಿರ್ಯು॒ವಭ್ಯಾಂ᳚ ಯ॒ಜ್ಞೇಷು॑ ಮಿತ್ರಾವರುಣಾವಕಾರಿ |
ವಿಶ್ವಾ᳚ನಿ ದು॒ರ್ಗಾ ಪಿ॑ಪೃತಂ ತಿ॒ರೋ ನೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.61.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-3) ಪ್ರಥಮತೃಚಸ್ಯ ಸೂರ್ಯಃ , (4-6) ದ್ವಿತೀಯತೃಚಸ್ಯ ಚ ಮಿತ್ರಾವರುಣೋ ದೇವತಾಃ, ತ್ರಿಷ್ಟುಪ್ ಛಂದಃ

ಉತ್ಸೂರ್ಯೋ᳚ ಬೃ॒ಹದ॒ರ್ಚೀಂಷ್ಯ॑ಶ್ರೇತ್ಪು॒ರು ವಿಶ್ವಾ॒ ಜನಿ॑ಮ॒ ಮಾನು॑ಷಾಣಾ‌ಮ್ |
ಸ॒ಮೋ ದಿ॒ವಾ ದ॑ದೃಶೇ॒ ರೋಚ॑ಮಾನಃ॒ ಕ್ರತ್ವಾ᳚ ಕೃ॒ತಃ ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ || 7.62.1
ಸ ಸೂ᳚ರ್ಯ॒ ಪ್ರತಿ॑ ಪು॒ರೋ ನ॒ ಉದ್ಗಾ᳚ ಏ॒ಭಿಃ ಸ್ತೋಮೇ᳚ಭಿರೇತ॒ಶೇಭಿ॒ರೇವೈಃ᳚ |
ಪ್ರ ನೋ᳚ ಮಿ॒ತ್ರಾಯ॒ ವರು॑ಣಾಯ ವೋ॒ಚೋಽನಾ᳚ಗಸೋ ಅರ್ಯ॒ಮ್ಣೇ ಅ॒ಗ್ನಯೇ᳚ ಚ || 7.62.2
ವಿ ನಃ॑ ಸ॒ಹಸ್ರಂ᳚ ಶು॒ರುಧೋ᳚ ರದ‌ನ್ತ್ವೃ॒ತಾವಾ᳚ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ |
ಯಚ್ಛ᳚‌ನ್ತು ಚಂ॒ದ್ರಾ ಉ॑ಪ॒ಮಂ ನೋ᳚ ಅ॒ರ್ಕಮಾ ನಃ॒ ಕಾಮಂ᳚ ಪೂಪುರ‌ನ್ತು॒ ಸ್ತವಾ᳚ನಾಃ || 7.62.3
ದ್ಯಾವಾ᳚ಭೂಮೀ ಅದಿತೇ॒ ತ್ರಾಸೀ᳚ಥಾಂ ನೋ॒ ಯೇ ವಾಂ᳚ ಜ॒ಜ್ಞುಃ ಸು॒ಜನಿ॑ಮಾನ ಋಷ್ವೇ |
ಮಾ ಹೇಳೇ᳚ ಭೂಮ॒ ವರು॑ಣಸ್ಯ ವಾ॒ಯೋರ್ಮಾ ಮಿ॒ತ್ರಸ್ಯ॑ ಪ್ರಿ॒ಯತ॑ಮಸ್ಯ ನೃ॒ಣಾ‌ಮ್ || 7.62.4
ಪ್ರ ಬಾ॒ಹವಾ᳚ ಸಿಸೃತಂ ಜೀ॒ವಸೇ᳚ ನ॒ ಆ ನೋ॒ ಗವ್ಯೂ᳚ತಿಮುಕ್ಷತಂ ಘೃ॒ತೇನ॑ |
ಆ ನೋ॒ ಜನೇ᳚ ಶ್ರವಯತಂ ಯುವಾನಾ ಶ್ರು॒ತಂ ಮೇ᳚ ಮಿತ್ರಾವರುಣಾ॒ ಹವೇ॒ಮಾ || 7.62.5
ನೂ ಮಿ॒ತ್ರೋ ವರು॑ಣೋ ಅರ್ಯ॒ಮಾ ನ॒ಸ್ತ್ಮನೇ᳚ ತೋ॒ಕಾಯ॒ ವರಿ॑ವೋ ದಧ‌ನ್ತು |
ಸು॒ಗಾ ನೋ॒ ವಿಶ್ವಾ᳚ ಸು॒ಪಥಾ᳚ನಿ ಸ‌ನ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.62.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ (1-4, 5) ಪ್ರಥಮಾದಿಚತುರೃಚ ಆಂ ಪಂಚಮ್ಯಾಃ ಪೂರ್ವಾರ್ಧಸ್ಯ ಚ ಸೂಯಃ , (5-6) ಪಂಚಮ್ಯಾ ಉತ್ತರಾರ್ಧಸ್ಯ ಷಷ್ಟ್ಯಾಶ್ಚ ಮಿತ್ರಾವರುಣೌ ದೇವತಾಃ, ತ್ರಿಷ್ಟುಪ್ ಛಂದಃ

ಉದ್ವೇ᳚ತಿ ಸು॒ಭಗೋ᳚ ವಿ॒ಶ್ವಚ॑ಕ್ಷಾಃ॒ ಸಾಧಾ᳚ರಣಃ॒ ಸೂರ್ಯೋ॒ ಮಾನು॑ಷಾಣಾ‌ಮ್ |
ಚಕ್ಷು᳚ರ್ಮಿ॒ತ್ರಸ್ಯ॒ ವರು॑ಣಸ್ಯ ದೇ॒ವಶ್ಚರ್ಮೇ᳚ವ॒ ಯಃ ಸ॒ಮವಿ᳚ವ್ಯ॒ಕ್ತಮಾಂ᳚ಸಿ || 7.63.1
ಉದ್ವೇ᳚ತಿ ಪ್ರಸವೀ॒ತಾ ಜನಾ᳚ನಾಂ ಮ॒ಹಾನ್ಕೇ॒ತುರ᳚ರ್ಣ॒ವಃ ಸೂರ್ಯ॑ಸ್ಯ |
ಸ॒ಮಾ॒ನಂ ಚ॒ಕ್ರಂ ಪ᳚ರ್ಯಾ॒ವಿವೃ॑ತ್ಸ॒ನ್ಯದೇ᳚ತ॒ಶೋ ವಹ॑ತಿ ಧೂ॒ರ್ಷು ಯು॒ಕ್ತಃ || 7.63.2
ವಿ॒ಭ್ರಾಜ॑ಮಾನ ಉ॒ಷಸಾ᳚ಮು॒ಪಸ್ಥಾ᳚ದ್ರೇ॒ಭೈರುದೇ᳚ತ್ಯನುಮ॒ದ್ಯಮಾ᳚ನಃ |
ಏ॒ಷ ಮೇ᳚ ದೇ॒ವಃ ಸ॑ವಿ॒ತಾ ಚ॑ಚ್ಛಂದ॒ ಯಃ ಸ॑ಮಾ॒ನಂ ನ ಪ್ರ॑ಮಿ॒ನಾತಿ॒ ಧಾಮ॑ || 7.63.3
ದಿ॒ವೋ ರು॒ಕ್ಮ ಉ॑ರು॒ಚಕ್ಷಾ॒ ಉದೇ᳚ತಿ ದೂ॒ರೇಅ॑ರ್ಥಸ್ತ॒ರಣಿ॒ರ್ಭ್ರಾಜ॑ಮಾನಃ |
ನೂ॒ನಂ ಜನಾಃ॒ ಸೂರ್ಯೇ᳚ಣ॒ ಪ್ರಸೂ᳚ತಾ॒ ಅಯ॒ನ್ನರ್ಥಾ᳚ನಿ ಕೃ॒ಣವ॒ನ್ನಪಾಂ᳚ಸಿ || 7.63.4
ಯತ್ರಾ᳚ ಚ॒ಕ್ರುರ॒ಮೃತಾ᳚ ಗಾ॒ತುಮ॑ಸ್ಮೈ ಶ್ಯೇ॒ನೋ ನ ದೀಯ॒ನ್ನನ್ವೇ᳚ತಿ॒ ಪಾಥಃ॑ |
ಪ್ರತಿ॑ ವಾಂ॒ ಸೂರ॒ ಉದಿ॑ತೇ ವಿಧೇಮ॒ ನಮೋ᳚ಭಿರ್ಮಿತ್ರಾವರುಣೋ॒ತ ಹ॒ವ್ಯೈಃ || 7.63.5
ನೂ ಮಿ॒ತ್ರೋ ವರು॑ಣೋ ಅರ್ಯ॒ಮಾ ನ॒ಸ್ತ್ಮನೇ᳚ ತೋ॒ಕಾಯ॒ ವರಿ॑ವೋ ದಧ‌ನ್ತು |
ಸು॒ಗಾ ನೋ॒ ವಿಶ್ವಾ᳚ ಸು॒ಪಥಾ᳚ನಿ ಸ‌ನ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.63.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ಮಿತ್ರಾವರುಣೋ ದೇವತೇ, ತ್ರಿಷ್ಟುಪ್ ಛಂದಃ

ದಿ॒ವಿ ಕ್ಷಯ᳚‌ನ್ತಾ॒ ರಜ॑ಸಃ ಪೃಥಿ॒ವ್ಯಾಂ ಪ್ರ ವಾಂ᳚ ಘೃ॒ತಸ್ಯ॑ ನಿ॒ರ್ಣಿಜೋ᳚ ದದೀರನ್ |
ಹ॒ವ್ಯಂ ನೋ᳚ ಮಿ॒ತ್ರೋ ಅ᳚ರ್ಯ॒ಮಾ ಸುಜಾ᳚ತೋ॒ ರಾಜಾ᳚ ಸುಕ್ಷ॒ತ್ರೋ ವರು॑ಣೋ ಜುಷ‌ನ್ತ || 7.64.1
ಆ ರಾ᳚ಜಾನಾ ಮಹ ಋತಸ್ಯ ಗೋಪಾ॒ ಸಿಂಧು॑ಪತೀ ಕ್ಷತ್ರಿಯಾ ಯಾತಮ॒ರ್ವಾಕ್ |
ಇಳಾಂ᳚ ನೋ ಮಿತ್ರಾವರುಣೋ॒ತ ವೃ॒ಷ್ಟಿಮವ॑ ದಿ॒ವ ಇ᳚ನ್ವತಂ ಜೀರದಾನೂ || 7.64.2
ಮಿ॒ತ್ರಸ್ತನ್ನೋ॒ ವರು॑ಣೋ ದೇ॒ವೋ ಅ॒ರ್ಯಃ ಪ್ರ ಸಾಧಿ॑ಷ್ಠೇಭಿಃ ಪ॒ಥಿಭಿ᳚ರ್ನಯ‌ನ್ತು |
ಬ್ರವ॒ದ್ಯಥಾ᳚ ನ॒ ಆದ॒ರಿಃ ಸು॒ದಾಸ॑ ಇ॒ಷಾ ಮ॑ದೇಮ ಸ॒ಹ ದೇ॒ವಗೋ᳚ಪಾಃ || 7.64.3
ಯೋ ವಾಂ॒ ಗರ್ತಂ॒ ಮನ॑ಸಾ॒ ತಕ್ಷ॑ದೇ॒ತಮೂ॒ರ್ಧ್ವಾಂ ಧೀ॒ತಿಂ ಕೃ॒ಣವ॑ದ್ಧಾ॒ರಯ॑ಚ್ಚ |
ಉ॒ಕ್ಷೇಥಾಂ᳚ ಮಿತ್ರಾವರುಣಾ ಘೃ॒ತೇನ॒ ತಾ ರಾ᳚ಜಾನಾ ಸುಕ್ಷಿ॒ತೀಸ್ತ॑ರ್ಪಯೇಥಾ‌ಮ್ || 7.64.4
ಏ॒ಷ ಸ್ತೋಮೋ᳚ ವರುಣ ಮಿತ್ರ॒ ತುಭ್ಯಂ॒ ಸೋಮಃ॑ ಶು॒ಕ್ರೋ ನ ವಾ॒ಯವೇ᳚ಽಯಾಮಿ |
ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.64.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಮಿತ್ರಾವರುಣೌ ದೇವತೇ, ತ್ರಿಷ್ಟುಪ್ ಛಂದಃ

ಪ್ರತಿ॑ ವಾಂ॒ ಸೂರ॒ ಉದಿ॑ತೇ ಸೂ॒ಕ್ತೈರ್ಮಿ॒ತ್ರಂ ಹು॑ವೇ॒ ವರು॑ಣಂ ಪೂ॒ತದ॑ಕ್ಷ‌ಮ್ |
ಯಯೋ᳚ರಸು॒ರ್ಯ1॒॑ಮಕ್ಷಿ॑ತಂ॒ ಜ್ಯೇಷ್ಠಂ॒ ವಿಶ್ವ॑ಸ್ಯ॒ ಯಾಮ᳚ನ್ನಾ॒ಚಿತಾ᳚ ಜಿಗ॒ತ್ನು || 7.65.1
ತಾ ಹಿ ದೇ॒ವಾನಾ॒ಮಸು॑ರಾ॒ ತಾವ॒ರ್ಯಾ ತಾ ನಃ॑ ಕ್ಷಿ॒ತೀಃ ಕ॑ರತಮೂ॒ರ್ಜಯ᳚‌ನ್ತೀಃ |
ಅ॒ಶ್ಯಾಮ॑ ಮಿತ್ರಾವರುಣಾ ವ॒ಯಂ ವಾಂ॒ ದ್ಯಾವಾ᳚ ಚ॒ ಯತ್ರ॑ ಪೀ॒ಪಯ॒ನ್ನಹಾ᳚ ಚ || 7.65.2
ತಾ ಭೂರಿ॑ಪಾಶಾ॒ವನೃ॑ತಸ್ಯ॒ ಸೇತೂ᳚ ದುರ॒ತ್ಯೇತೂ᳚ ರಿ॒ಪವೇ॒ ಮರ್ತ್ಯಾ᳚ಯ |
ಋ॒ತಸ್ಯ॑ ಮಿತ್ರಾವರುಣಾ ಪ॒ಥಾ ವಾ᳚ಮ॒ಪೋ ನ ನಾ॒ವಾ ದು॑ರಿ॒ತಾ ತ॑ರೇಮ || 7.65.3
ಆ ನೋ᳚ ಮಿತ್ರಾವರುಣಾ ಹ॒ವ್ಯಜು॑ಷ್ಟಿಂ ಘೃ॒ತೈರ್ಗವ್ಯೂ᳚ತಿಮುಕ್ಷತ॒ಮಿಳಾ᳚ಭಿಃ |
ಪ್ರತಿ॑ ವಾ॒ಮತ್ರ॒ ವರ॒ಮಾ ಜನಾ᳚ಯ ಪೃಣೀ॒ತಮು॒ದ್ನೋ ದಿ॒ವ್ಯಸ್ಯ॒ ಚಾರೋಃ᳚ || 7.65.4
ಏ॒ಷ ಸ್ತೋಮೋ᳚ ವರುಣ ಮಿತ್ರ॒ ತುಭ್ಯಂ॒ ಸೋಮಃ॑ ಶು॒ಕ್ರೋ ನ ವಾ॒ಯವೇ᳚ಽಯಾಮಿ |
ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.65.5

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-3, 17-19) ಪ್ರಥಮಾದಿತೃಚಸ್ಯ ಸಪ್ತದಶ್ಯಾದಿತೃಚಸ್ಯ ಚ ಮಿತ್ರಾವರುಣೌ, (4-13) ಚತುರ್ಥ್ಯಾದಿದಶರ್ಚಾಮಾದಿತ್ಯಾಃ, (14-16) ಚತುದರ್ಶ ಯಾದಿತೃಚಸ್ಯ ಚ ಸೂರ್ಯೋ ದೇವತಾಃ (19, 17-19) ಪ್ರಥಮಾದಿನವರ್ಚಾಂ ಸಪ್ತದಶ್ಯಾದಿತೃಚಸ್ಯ ಚ ಗಾಯತ್ರೀ, (10-15) ದಶಮ್ಯಾದಿತೃಚದ್ಯಸ್ಯ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), (16) ಷೋಡಶ್ಯಾಶ್ಚ ಪುರ ಉಷ್ಣಿಕ್ ಛಂದಾಂಸಿ

ಪ್ರ ಮಿ॒ತ್ರಯೋ॒ರ್ವರು॑ಣಯೋಃ॒ ಸ್ತೋಮೋ᳚ ನ ಏತು ಶೂ॒ಷ್ಯಃ॑ |
ನಮ॑ಸ್ವಾ‌ನ್ತುವಿಜಾ॒ತಯೋಃ᳚ || 7.66.1
ಯಾ ಧಾ॒ರಯ᳚‌ನ್ತ ದೇ॒ವಾಃ ಸು॒ದಕ್ಷಾ॒ ದಕ್ಷ॑ಪಿತರಾ |
ಅ॒ಸು॒ರ್ಯಾ᳚ಯ॒ ಪ್ರಮ॑ಹಸಾ || 7.66.2
ತಾ ನಃ॑ ಸ್ತಿ॒ಪಾ ತ॑ನೂ॒ಪಾ ವರು॑ಣ ಜರಿತೄ॒ಣಾ‌ಮ್ |
ಮಿತ್ರ॑ ಸಾ॒ಧಯ॑ತಂ॒ ಧಿಯಃ॑ || 7.66.3
ಯದ॒ದ್ಯ ಸೂರ॒ ಉದಿ॒ತೇಽನಾ᳚ಗಾ ಮಿ॒ತ್ರೋ ಅ᳚ರ್ಯ॒ಮಾ |
ಸು॒ವಾತಿ॑ ಸವಿ॒ತಾ ಭಗಃ॑ || 7.66.4
ಸು॒ಪ್ರಾ॒ವೀರ॑ಸ್ತು॒ ಸ ಕ್ಷಯಃ॒ ಪ್ರ ನು ಯಾಮ᳚‌‌ನ್ತ್ಸುದಾನವಃ |
ಯೇ ನೋ॒ ಅಂಹೋ᳚ಽತಿ॒ಪಿಪ್ರ॑ತಿ || 7.66.5
ಉ॒ತ ಸ್ವ॒ರಾಜೋ॒ ಅದಿ॑ತಿ॒ರದ॑ಬ್ಧಸ್ಯ ವ್ರ॒ತಸ್ಯ॒ ಯೇ |
ಮ॒ಹೋ ರಾಜಾ᳚ನ ಈಶತೇ || 7.66.6
ಪ್ರತಿ॑ ವಾಂ॒ ಸೂರ॒ ಉದಿ॑ತೇ ಮಿ॒ತ್ರಂ ಗೃ॑ಣೀಷೇ॒ ವರು॑ಣ‌ಮ್ |
ಅ॒ರ್ಯ॒ಮಣಂ᳚ ರಿ॒ಶಾದ॑ಸ‌ಮ್ || 7.66.7
ರಾ॒ಯಾ ಹಿ॑ರಣ್ಯ॒ಯಾ ಮ॒ತಿರಿ॒ಯಮ॑ವೃ॒ಕಾಯ॒ ಶವ॑ಸೇ |
ಇ॒ಯಂ ವಿಪ್ರಾ᳚ ಮೇ॒ಧಸಾ᳚ತಯೇ || 7.66.8
ತೇ ಸ್ಯಾ᳚ಮ ದೇವ ವರುಣ॒ ತೇ ಮಿ॑ತ್ರ ಸೂ॒ರಿಭಿಃ॑ ಸ॒ಹ |
ಇಷಂ॒ ಸ್ವ॑ಶ್ಚ ಧೀಮಹಿ || 7.66.9
ಬ॒ಹವಃ॒ ಸೂರ॑ಚಕ್ಷಸೋಽಗ್ನಿಜಿ॒ಹ್ವಾ ಋ॑ತಾ॒ವೃಧಃ॑ |
ತ್ರೀಣಿ॒ ಯೇ ಯೇ॒ಮುರ್ವಿ॒ದಥಾ᳚ನಿ ಧೀ॒ತಿಭಿ॒ರ್ವಿಶ್ವಾ᳚ನಿ॒ ಪರಿ॑ಭೂತಿಭಿಃ || 7.66.10
ವಿ ಯೇ ದ॒ಧುಃ ಶ॒ರದಂ॒ ಮಾಸ॒ಮಾದಹ᳚ರ್ಯ॒ಜ್ಞಮ॒ಕ್ತುಂ ಚಾದೃಚ‌ಮ್᳚ |
ಅ॒ನಾ॒ಪ್ಯಂ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಕ್ಷ॒ತ್ರಂ ರಾಜಾ᳚ನ ಆಶತ || 7.66.11
ತದ್ವೋ᳚ ಅ॒ದ್ಯ ಮ॑ನಾಮಹೇ ಸೂ॒ಕ್ತೈಃ ಸೂರ॒ ಉದಿ॑ತೇ |
ಯದೋಹ॑ತೇ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಯೂ॒ಯಮೃ॒ತಸ್ಯ॑ ರಥ್ಯಃ || 7.66.12
ಋ॒ತಾವಾ᳚ನ ಋ॒ತಜಾ᳚ತಾ ಋತಾ॒ವೃಧೋ᳚ ಘೋ॒ರಾಸೋ᳚ ಅನೃತ॒ದ್ವಿಷಃ॑ |
ತೇಷಾಂ᳚ ವಃ ಸು॒ಮ್ನೇ ಸು॑ಚ್ಛ॒ರ್ದಿಷ್ಟ॑ಮೇ ನರಃ॒ ಸ್ಯಾಮ॒ ಯೇ ಚ॑ ಸೂ॒ರಯಃ॑ || 7.66.13
ಉದು॒ ತ್ಯದ್ದ॑ರ್ಶ॒ತಂ ವಪು॑ರ್ದಿ॒ವ ಏ᳚ತಿ ಪ್ರತಿಹ್ವ॒ರೇ |
ಯದೀ᳚ಮಾ॒ಶುರ್ವಹ॑ತಿ ದೇ॒ವ ಏತ॑ಶೋ॒ ವಿಶ್ವ॑ಸ್ಮೈ॒ ಚಕ್ಷ॑ಸೇ॒ ಅರ‌ಮ್᳚ || 7.66.14
ಶೀ॒ರ್ಷ್ಣಃಶೀ᳚ರ್ಷ್ಣೋ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಸ॒ಮಯಾ॒ ವಿಶ್ವ॒ಮಾ ರಜಃ॑ |
ಸ॒ಪ್ತ ಸ್ವಸಾ᳚ರಃ ಸುವಿ॒ತಾಯ॒ ಸೂರ್ಯಂ॒ ವಹ᳚‌ನ್ತಿ ಹ॒ರಿತೋ॒ ರಥೇ᳚ || 7.66.15
ತಚ್ಚಕ್ಷು॑ರ್ದೇ॒ವಹಿ॑ತಂ ಶು॒ಕ್ರಮು॒ಚ್ಚರ॑ತ್ |
ಪಶ್ಯೇ᳚ಮ ಶ॒ರದಃ॑ ಶ॒ತಂ ಜೀವೇ᳚ಮ ಶ॒ರದಃ॑ ಶ॒ತ‌ಮ್ || 7.66.16
ಕಾವ್ಯೇ᳚ಭಿರದಾ॒ಭ್ಯಾ ಯಾ᳚ತಂ ವರುಣ ದ್ಯು॒ಮತ್ |
ಮಿ॒ತ್ರಶ್ಚ॒ ಸೋಮ॑ಪೀತಯೇ || 7.66.17
ದಿ॒ವೋ ಧಾಮ॑ಭಿರ್ವರುಣ ಮಿ॒ತ್ರಶ್ಚಾ ಯಾ᳚ತಮ॒ದ್ರುಹಾ᳚ |
ಪಿಬ॑ತಂ॒ ಸೋಮ॑ಮಾತು॒ಜೀ || 7.66.18
ಆ ಯಾ᳚ತಂ ಮಿತ್ರಾವರುಣಾ ಜುಷಾ॒ಣಾವಾಹು॑ತಿಂ ನರಾ |
ಪಾ॒ತಂ ಸೋಮ॑ಮೃತಾವೃಧಾ || 7.66.19

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಪ್ರತಿ॑ ವಾಂ॒ ರಥಂ᳚ ನೃಪತೀ ಜ॒ರಧ್ಯೈ᳚ ಹ॒ವಿಷ್ಮ॑ತಾ॒ ಮನ॑ಸಾ ಯ॒ಜ್ಞಿಯೇ᳚ನ |
ಯೋ ವಾಂ᳚ ದೂ॒ತೋ ನ ಧಿ॑ಷ್ಣ್ಯಾ॒ವಜೀ᳚ಗ॒ರಚ್ಛಾ᳚ ಸೂ॒ನುರ್ನ ಪಿ॒ತರಾ᳚ ವಿವಕ್ಮಿ || 7.67.1
ಅಶೋ᳚ಚ್ಯ॒ಗ್ನಿಃ ಸ॑ಮಿಧಾ॒ನೋ ಅ॒ಸ್ಮೇ ಉಪೋ᳚ ಅದೃಶ್ರ॒‌ನ್ತಮ॑ಸಶ್ಚಿ॒ದ‌ನ್ತಾಃ᳚ |
ಅಚೇ᳚ತಿ ಕೇ॒ತುರು॒ಷಸಃ॑ ಪು॒ರಸ್ತಾ᳚ಚ್ಛ್ರಿ॒ಯೇ ದಿ॒ವೋ ದು॑ಹಿ॒ತುರ್ಜಾಯ॑ಮಾನಃ || 7.67.2
ಅ॒ಭಿ ವಾಂ᳚ ನೂ॒ನಮ॑ಶ್ವಿನಾ॒ ಸುಹೋ᳚ತಾ॒ ಸ್ತೋಮೈಃ᳚ ಸಿಷಕ್ತಿ ನಾಸತ್ಯಾ ವಿವ॒ಕ್ವಾನ್ |
ಪೂ॒ರ್ವೀಭಿ᳚ರ್ಯಾತಂ ಪ॒ಥ್ಯಾ᳚ಭಿರ॒ರ್ವಾಕ್ಸ್ವ॒ರ್ವಿದಾ॒ ವಸು॑ಮತಾ॒ ರಥೇ᳚ನ || 7.67.3
ಅ॒ವೋರ್ವಾಂ᳚ ನೂ॒ನಮ॑ಶ್ವಿನಾ ಯು॒ವಾಕು॑ರ್ಹು॒ವೇ ಯದ್ವಾಂ᳚ ಸು॒ತೇ ಮಾ᳚ಧ್ವೀ ವಸೂ॒ಯುಃ |
ಆ ವಾಂ᳚ ವಹ‌ನ್ತು॒ ಸ್ಥವಿ॑ರಾಸೋ॒ ಅಶ್ವಾಃ॒ ಪಿಬಾ᳚ಥೋ ಅ॒ಸ್ಮೇ ಸುಷು॑ತಾ॒ ಮಧೂ᳚ನಿ || 7.67.4
ಪ್ರಾಚೀ᳚ಮು ದೇವಾಶ್ವಿನಾ॒ ಧಿಯಂ॒ ಮೇಽಮೃ॑ಧ್ರಾಂ ಸಾ॒ತಯೇ᳚ ಕೃತಂ ವಸೂ॒ಯು‌ಮ್ |
ವಿಶ್ವಾ᳚ ಅವಿಷ್ಟಂ॒ ವಾಜ॒ ಆ ಪುರಂ᳚ಧೀ॒ಸ್ತಾ ನಃ॑ ಶಕ್ತಂ ಶಚೀಪತೀ॒ ಶಚೀ᳚ಭಿಃ || 7.67.5
ಅ॒ವಿ॒ಷ್ಟಂ ಧೀ॒ಷ್ವ॑ಶ್ವಿನಾ ನ ಆ॒ಸು ಪ್ರ॒ಜಾವ॒ದ್ರೇತೋ॒ ಅಹ್ರ॑ಯಂ ನೋ ಅಸ್ತು |
ಆ ವಾಂ᳚ ತೋ॒ಕೇ ತನ॑ಯೇ॒ ತೂತು॑ಜಾನಾಃ ಸು॒ರತ್ನಾ᳚ಸೋ ದೇ॒ವವೀ᳚ತಿಂ ಗಮೇಮ || 7.67.6
ಏ॒ಷ ಸ್ಯ ವಾಂ᳚ ಪೂರ್ವ॒ಗತ್ವೇ᳚ವ॒ ಸಖ್ಯೇ᳚ ನಿ॒ಧಿರ್ಹಿ॒ತೋ ಮಾ᳚ಧ್ವೀ ರಾ॒ತೋ ಅ॒ಸ್ಮೇ |
ಅಹೇ᳚ಳತಾ॒ ಮನ॒ಸಾ ಯಾ᳚ತಮ॒ರ್ವಾಗ॒ಶ್ನ‌ನ್ತಾ᳚ ಹ॒ವ್ಯಂ ಮಾನು॑ಷೀಷು ವಿ॒ಕ್ಷು || 7.67.7
ಏಕ॑ಸ್ಮಿ॒ನ್ಯೋಗೇ᳚ ಭುರಣಾ ಸಮಾ॒ನೇ ಪರಿ॑ ವಾಂ ಸ॒ಪ್ತ ಸ್ರ॒ವತೋ॒ ರಥೋ᳚ ಗಾತ್ |
ನ ವಾ᳚ಯ‌ನ್ತಿ ಸು॒ಭ್ವೋ᳚ ದೇ॒ವಯು॑ಕ್ತಾ॒ ಯೇ ವಾಂ᳚ ಧೂ॒ರ್ಷು ತ॒ರಣ॑ಯೋ॒ ವಹ᳚‌ನ್ತಿ || 7.67.8
ಅ॒ಸ॒ಶ್ಚತಾ᳚ ಮ॒ಘವ॑ದ್ಭ್ಯೋ॒ ಹಿ ಭೂ॒ತಂ ಯೇ ರಾ॒ಯಾ ಮ॑ಘ॒ದೇಯಂ᳚ ಜು॒ನ‌ನ್ತಿ॑ |
ಪ್ರ ಯೇ ಬಂಧುಂ᳚ ಸೂ॒ನೃತಾ᳚ಭಿಸ್ತಿ॒ರ‌ನ್ತೇ॒ ಗವ್ಯಾ᳚ ಪೃಂ॒ಚ‌ನ್ತೋ॒ ಅಶ್ವ್ಯಾ᳚ ಮ॒ಘಾನಿ॑ || 7.67.9
ನೂ ಮೇ॒ ಹವ॒ಮಾ ಶೃ॑ಣುತಂ ಯುವಾನಾ ಯಾಸಿ॒ಷ್ಟಂ ವ॒ರ್ತಿರ॑ಶ್ವಿನಾ॒ವಿರಾ᳚ವತ್ |
ಧ॒ತ್ತಂ ರತ್ನಾ᳚ನಿ॒ ಜರ॑ತಂ ಚ ಸೂ॒ರೀನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.67.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ (1-7) ಪ್ರಥಮಾದಿಸಪ್ತರ್ಚಾಂ ವಿರಾಟ್, (8-9) ಅಷ್ಟಮೀನವಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಆ ಶು॑ಭ್ರಾ ಯಾತಮಶ್ವಿನಾ॒ ಸ್ವಶ್ವಾ॒ ಗಿರೋ᳚ ದಸ್ರಾ ಜುಜುಷಾ॒ಣಾ ಯು॒ವಾಕೋಃ᳚ |
ಹ॒ವ್ಯಾನಿ॑ ಚ॒ ಪ್ರತಿ॑ಭೃತಾ ವೀ॒ತಂ ನಃ॑ || 7.68.1
ಪ್ರ ವಾ॒ಮಂಧಾಂ᳚ಸಿ॒ ಮದ್ಯಾ᳚ನ್ಯಸ್ಥು॒ರರಂ᳚ ಗ‌ನ್ತಂ ಹ॒ವಿಷೋ᳚ ವೀ॒ತಯೇ᳚ ಮೇ |
ತಿ॒ರೋ ಅ॒ರ್ಯೋ ಹವ॑ನಾನಿ ಶ್ರು॒ತಂ ನಃ॑ || 7.68.2
ಪ್ರ ವಾಂ॒ ರಥೋ॒ ಮನೋ᳚ಜವಾ ಇಯರ್ತಿ ತಿ॒ರೋ ರಜಾಂ᳚ಸ್ಯಶ್ವಿನಾ ಶ॒ತೋತಿಃ॑ |
ಅ॒ಸ್ಮಭ್ಯಂ᳚ ಸೂರ್ಯಾವಸೂ ಇಯಾ॒ನಃ || 7.68.3
ಅ॒ಯಂ ಹ॒ ಯದ್ವಾಂ᳚ ದೇವ॒ಯಾ ಉ॒ ಅದ್ರಿ॑ರೂ॒ರ್ಧ್ವೋ ವಿವ॑ಕ್ತಿ ಸೋಮ॒ಸುದ್ಯು॒ವಭ್ಯಾ᳚‌ಮ್ |
ಆ ವ॒ಲ್ಗೂ ವಿಪ್ರೋ᳚ ವವೃತೀತ ಹ॒ವ್ಯೈಃ || 7.68.4
ಚಿ॒ತ್ರಂ ಹ॒ ಯದ್ವಾಂ॒ ಭೋಜ॑ನಂ॒ ನ್ವಸ್ತಿ॒ ನ್ಯತ್ರ॑ಯೇ॒ ಮಹಿ॑ಷ್ವ‌ನ್ತಂ ಯುಯೋತ‌ಮ್ |
ಯೋ ವಾ᳚ಮೋ॒ಮಾನಂ॒ ದಧ॑ತೇ ಪ್ರಿ॒ಯಃ ಸನ್ || 7.68.5
ಉ॒ತ ತ್ಯದ್ವಾಂ᳚ ಜುರ॒ತೇ ಅ॑ಶ್ವಿನಾ ಭೂ॒ಚ್ಚ್ಯವಾ᳚ನಾಯ ಪ್ರ॒ತೀತ್ಯಂ᳚ ಹವಿ॒ರ್ದೇ |
ಅಧಿ॒ ಯದ್ವರ್ಪ॑ ಇ॒ತಊ᳚ತಿ ಧ॒ತ್ಥಃ || 7.68.6
ಉ॒ತ ತ್ಯಂ ಭು॒ಜ್ಯುಮ॑ಶ್ವಿನಾ॒ ಸಖಾ᳚ಯೋ॒ ಮಧ್ಯೇ᳚ ಜಹುರ್ದು॒ರೇವಾ᳚ಸಃ ಸಮು॒ದ್ರೇ |
ನಿರೀಂ᳚ ಪರ್ಷ॒ದರಾ᳚ವಾ॒ ಯೋ ಯು॒ವಾಕುಃ॑ || 7.68.7
ವೃಕಾ᳚ಯ ಚಿ॒ಜ್ಜಸ॑ಮಾನಾಯ ಶಕ್ತಮು॒ತ ಶ್ರು॑ತಂ ಶ॒ಯವೇ᳚ ಹೂ॒ಯಮಾ᳚ನಾ |
ಯಾವ॒ಘ್ನ್ಯಾಮಪಿ᳚ನ್ವತಮ॒ಪೋ ನ ಸ್ತ॒ರ್ಯಂ᳚ ಚಿಚ್ಛ॒ಕ್ತ್ಯ॑ಶ್ವಿನಾ॒ ಶಚೀ᳚ಭಿಃ || 7.68.8
ಏ॒ಷ ಸ್ಯ ಕಾ॒ರುರ್ಜ॑ರತೇ ಸೂ॒ಕ್ತೈರಗ್ರೇ᳚ ಬುಧಾ॒ನ ಉ॒ಷಸಾಂ᳚ ಸು॒ಮನ್ಮಾ᳚ |
ಇ॒ಷಾ ತಂ ವ॑ರ್ಧದ॒ಘ್ನ್ಯಾ ಪಯೋ᳚ಭಿರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.68.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಆ ವಾಂ॒ ರಥೋ॒ ರೋದ॑ಸೀ ಬದ್ಬಧಾ॒ನೋ ಹಿ॑ರ॒ಣ್ಯಯೋ॒ ವೃಷ॑ಭಿರ್ಯಾ॒ತ್ವಶ್ವೈಃ᳚ |
ಘೃ॒ತವ॑ರ್ತನಿಃ ಪ॒ವಿಭೀ᳚ ರುಚಾ॒ನ ಇ॒ಷಾಂ ವೋ॒ಳ್ಹಾ ನೃ॒ಪತಿ᳚ರ್ವಾ॒ಜಿನೀ᳚ವಾನ್ || 7.69.1
ಸ ಪ॑ಪ್ರಥಾ॒ನೋ ಅ॒ಭಿ ಪಂಚ॒ ಭೂಮಾ᳚ ತ್ರಿವಂಧು॒ರೋ ಮನ॒ಸಾ ಯಾ᳚ತು ಯು॒ಕ್ತಃ |
ವಿಶೋ॒ ಯೇನ॒ ಗಚ್ಛ॑ಥೋ ದೇವ॒ಯ‌ನ್ತೀಃ॒ ಕುತ್ರಾ᳚ ಚಿ॒ದ್ಯಾಮ॑ಮಶ್ವಿನಾ॒ ದಧಾ᳚ನಾ || 7.69.2
ಸ್ವಶ್ವಾ᳚ ಯ॒ಶಸಾ ಯಾ᳚ತಮ॒ರ್ವಾಗ್ದಸ್ರಾ᳚ ನಿ॒ಧಿಂ ಮಧು॑ಮ‌ನ್ತಂ ಪಿಬಾಥಃ |
ವಿ ವಾಂ॒ ರಥೋ᳚ ವ॒ಧ್ವಾ॒3॒॑ ಯಾದ॑ಮಾ॒ನೋಽ‌ನ್ತಾಂ᳚ದಿ॒ವೋ ಬಾ᳚ಧತೇ ವರ್ತ॒ನಿಭ್ಯಾ᳚‌ಮ್ || 7.69.3
ಯು॒ವೋಃ ಶ್ರಿಯಂ॒ ಪರಿ॒ ಯೋಷಾ᳚ವೃಣೀತ॒ ಸೂರೋ᳚ ದುಹಿ॒ತಾ ಪರಿ॑ತಕ್ಮ್ಯಾಯಾ‌ಮ್ |
ಯದ್ದೇ᳚ವ॒ಯ‌ನ್ತ॒ಮವ॑ಥಃ॒ ಶಚೀ᳚ಭಿಃ॒ ಪರಿ॑ ಘ್ರಂ॒ಸಮೋ॒ಮನಾ᳚ ವಾಂ॒ ವಯೋ᳚ ಗಾತ್ || 7.69.4
ಯೋ ಹ॒ ಸ್ಯ ವಾಂ᳚ ರಥಿರಾ॒ ವಸ್ತ॑ ಉ॒ಸ್ರಾ ರಥೋ᳚ ಯುಜಾ॒ನಃ ಪ॑ರಿ॒ಯಾತಿ॑ ವ॒ರ್ತಿಃ |
ತೇನ॑ ನಃ॒ ಶಂ ಯೋರು॒ಷಸೋ॒ ವ್ಯು॑ಷ್ಟೌ॒ ನ್ಯ॑ಶ್ವಿನಾ ವಹತಂ ಯ॒ಜ್ಞೇ ಅ॒ಸ್ಮಿನ್ || 7.69.5
ನರಾ᳚ ಗೌ॒ರೇವ॑ ವಿ॒ದ್ಯುತಂ᳚ ತೃಷಾ॒ಣಾಸ್ಮಾಕ॑ಮ॒ದ್ಯ ಸವ॒ನೋಪ॑ ಯಾತ‌ಮ್ |
ಪು॒ರು॒ತ್ರಾ ಹಿ ವಾಂ᳚ ಮ॒ತಿಭಿ॒ರ್ಹವ᳚‌ನ್ತೇ॒ ಮಾ ವಾ᳚ಮ॒ನ್ಯೇ ನಿ ಯ॑ಮಂದೇವ॒ಯ‌ನ್ತಃ॑ || 7.69.6
ಯು॒ವಂ ಭು॒ಜ್ಯುಮವ॑ವಿದ್ಧಂ ಸಮು॒ದ್ರ ಉದೂ᳚ಹಥು॒ರರ್ಣ॑ಸೋ॒ ಅಸ್ರಿ॑ಧಾನೈಃ |
ಪ॒ತ॒ತ್ರಿಭಿ॑ರಶ್ರ॒ಮೈರ᳚ವ್ಯ॒ಥಿಭಿ॑ರ್ದಂ॒ಸನಾ᳚ಭಿರಶ್ವಿನಾ ಪಾ॒ರಯ᳚‌ನ್ತಾ || 7.69.7
ನೂ ಮೇ॒ ಹವ॒ಮಾ ಶೃ॑ಣುತಂ ಯುವಾನಾ ಯಾಸಿ॒ಷ್ಟಂ ವ॒ರ್ತಿರ॑ಶ್ವಿನಾ॒ವಿರಾ᳚ವತ್ |
ಧ॒ತ್ತಂ ರತ್ನಾ᳚ನಿ॒ ಜರ॑ತಂ ಚ ಸೂ॒ರೀನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.69.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಆ ವಿ॑ಶ್ವವಾರಾಶ್ವಿನಾ ಗತಂ ನಃ॒ ಪ್ರ ತತ್ಸ್ಥಾನ॑ಮವಾಚಿ ವಾಂ ಪೃಥಿ॒ವ್ಯಾ‌ಮ್ |
ಅಶ್ವೋ॒ ನ ವಾ॒ಜೀ ಶು॒ನಪೃ॑ಷ್ಠೋ ಅಸ್ಥಾ॒ದಾ ಯತ್ಸೇ॒ದಥು॑ರ್ಧ್ರು॒ವಸೇ॒ ನ ಯೋನಿ‌ಮ್᳚ || 7.70.1
ಸಿಷ॑ಕ್ತಿ॒ ಸಾ ವಾಂ᳚ ಸುಮ॒ತಿಶ್ಚನಿ॒ಷ್ಠಾತಾ᳚ಪಿ ಘ॒ರ್ಮೋ ಮನು॑ಷೋ ದುರೋ॒ಣೇ |
ಯೋ ವಾಂ᳚ ಸಮು॒ದ್ರಾ‌‌ನ್ತ್ಸ॒ರಿತಃ॒ ಪಿಪ॒ರ್ತ್ಯೇತ॑ಗ್ವಾ ಚಿ॒ನ್ನ ಸು॒ಯುಜಾ᳚ ಯುಜಾ॒ನಃ || 7.70.2
ಯಾನಿ॒ ಸ್ಥಾನಾ᳚ನ್ಯಶ್ವಿನಾ ದ॒ಧಾಥೇ᳚ ದಿ॒ವೋ ಯ॒ಹ್ವೀಷ್ವೋಷ॑ಧೀಷು ವಿ॒ಕ್ಷು |
ನಿ ಪರ್ವ॑ತಸ್ಯ ಮೂ॒ರ್ಧನಿ॒ ಸದ॒‌ನ್ತೇಷಂ॒ ಜನಾ᳚ಯ ದಾ॒ಶುಷೇ॒ ವಹ᳚‌ನ್ತಾ || 7.70.3
ಚ॒ನಿ॒ಷ್ಟಂ ದೇ᳚ವಾ॒ ಓಷ॑ಧೀಷ್ವ॒ಪ್ಸು ಯದ್ಯೋ॒ಗ್ಯಾ ಅ॒ಶ್ನವೈ᳚ಥೇ॒ ಋಷೀ᳚ಣಾ‌ಮ್ |
ಪು॒ರೂಣಿ॒ ರತ್ನಾ॒ ದಧ॑ತೌ॒ ನ್ಯ1॒॑ಸ್ಮೇ ಅನು॒ ಪೂರ್ವಾ᳚ಣಿ ಚಖ್ಯಥುರ್ಯು॒ಗಾನಿ॑ || 7.70.4
ಶು॒ಶ್ರು॒ವಾಂಸಾ᳚ ಚಿದಶ್ವಿನಾ ಪು॒ರೂಣ್ಯ॒ಭಿ ಬ್ರಹ್ಮಾ᳚ಣಿ ಚಕ್ಷಾಥೇ॒ ಋಷೀ᳚ಣಾ‌ಮ್ |
ಪ್ರತಿ॒ ಪ್ರ ಯಾ᳚ತಂ॒ ವರ॒ಮಾ ಜನಾ᳚ಯಾ॒ಸ್ಮೇ ವಾ᳚ಮಸ್ತು ಸುಮ॒ತಿಶ್ಚನಿ॑ಷ್ಠಾ || 7.70.5
ಯೋ ವಾಂ᳚ ಯ॒ಜ್ಞೋ ನಾ᳚ಸತ್ಯಾ ಹ॒ವಿಷ್ಮಾ᳚ನ್ಕೃ॒ತಬ್ರ᳚ಹ್ಮಾ ಸಮ॒ರ್ಯೋ॒3॒॑ ಭವಾ᳚ತಿ |
ಉಪ॒ ಪ್ರ ಯಾ᳚ತಂ॒ ವರ॒ಮಾ ವಸಿ॑ಷ್ಠಮಿ॒ಮಾ ಬ್ರಹ್ಮಾ᳚ಣ್ಯೃಚ್ಯ‌ನ್ತೇ ಯು॒ವಭ್ಯಾ᳚‌ಮ್ || 7.70.6
ಇ॒ಯಂ ಮ॑ನೀ॒ಷಾ ಇ॒ಯಮ॑ಶ್ವಿನಾ॒ ಗೀರಿ॒ಮಾಂ ಸು॑ವೃ॒ಕ್ತಿಂ ವೃ॑ಷಣಾ ಜುಷೇಥಾ‌ಮ್ |
ಇ॒ಮಾ ಬ್ರಹ್ಮಾ᳚ಣಿ ಯುವ॒ಯೂನ್ಯ॑ಗ್ಮನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.70.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಅಪ॒ ಸ್ವಸು॑ರು॒ಷಸೋ॒ ನಗ್ಜಿ॑ಹೀತೇ ರಿ॒ಣಕ್ತಿ॑ ಕೃ॒ಷ್ಣೀರ॑ರು॒ಷಾಯ॒ ಪ‌ನ್ಥಾ᳚‌ಮ್ |
ಅಶ್ವಾ᳚ಮಘಾ॒ ಗೋಮ॑ಘಾ ವಾಂ ಹುವೇಮ॒ ದಿವಾ॒ ನಕ್ತಂ॒ ಶರು॑ಮ॒ಸ್ಮದ್ಯು॑ಯೋತ‌ಮ್ || 7.71.1
ಉ॒ಪಾಯಾ᳚ತಂ ದಾ॒ಶುಷೇ॒ ಮರ್ತ್ಯಾ᳚ಯ॒ ರಥೇ᳚ನ ವಾ॒ಮಮ॑ಶ್ವಿನಾ॒ ವಹ᳚‌ನ್ತಾ |
ಯು॒ಯು॒ತಮ॒ಸ್ಮದನಿ॑ರಾ॒ಮಮೀ᳚ವಾಂ॒ ದಿವಾ॒ ನಕ್ತಂ᳚ ಮಾಧ್ವೀ॒ ತ್ರಾಸೀ᳚ಥಾಂ ನಃ || 7.71.2
ಆ ವಾಂ॒ ರಥ॑ಮವ॒ಮಸ್ಯಾಂ॒ ವ್ಯು॑ಷ್ಟೌ ಸುಮ್ನಾ॒ಯವೋ॒ ವೃಷ॑ಣೋ ವರ್ತಯ‌ನ್ತು |
ಸ್ಯೂಮ॑ಗಭಸ್ತಿಮೃತ॒ಯುಗ್ಭಿ॒ರಶ್ವೈ॒ರಾಶ್ವಿ॑ನಾ॒ ವಸು॑ಮ‌ನ್ತಂ ವಹೇಥಾ‌ಮ್ || 7.71.3
ಯೋ ವಾಂ॒ ರಥೋ᳚ ನೃಪತೀ॒ ಅಸ್ತಿ॑ ವೋ॒ಳ್ಹಾ ತ್ರಿ॑ವಂಧು॒ರೋ ವಸು॑ಮಾಁ ಉ॒ಸ್ರಯಾ᳚ಮಾ |
ಆ ನ॑ ಏ॒ನಾ ನಾ᳚ಸ॒ತ್ಯೋಪ॑ ಯಾತಮ॒ಭಿ ಯದ್ವಾಂ᳚ ವಿ॒ಶ್ವಪ್ಸ್ನ್ಯೋ॒ ಜಿಗಾ᳚ತಿ || 7.71.4
ಯು॒ವಂ ಚ್ಯವಾ᳚ನಂ ಜ॒ರಸೋ᳚ಽಮುಮುಕ್ತಂ॒ ನಿ ಪೇ॒ದವ॑ ಊಹಥುರಾ॒ಶುಮಶ್ವ‌ಮ್᳚ |
ನಿರಂಹ॑ಸ॒ಸ್ತಮ॑ಸಃ ಸ್ಪರ್ತ॒ಮತ್ರಿಂ॒ ನಿ ಜಾ᳚ಹು॒ಷಂ ಶಿ॑ಥಿ॒ರೇ ಧಾ᳚ತಮ॒‌ನ್ತಃ || 7.71.5
ಇ॒ಯಂ ಮ॑ನೀ॒ಷಾ ಇ॒ಯಮ॑ಶ್ವಿನಾ॒ ಗೀರಿ॒ಮಾಂ ಸು॑ವೃ॒ಕ್ತಿಂ ವೃ॑ಷಣಾ ಜುಷೇಥಾ‌ಮ್ |
ಇ॒ಮಾ ಬ್ರಹ್ಮಾ᳚ಣಿ ಯುವ॒ಯೂನ್ಯ॑ಗ್ಮನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.71.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಆ ಗೋಮ॑ತಾ ನಾಸತ್ಯಾ॒ ರಥೇ॒ನಾಶ್ವಾ᳚ವತಾ ಪುರುಶ್ಚಂ॒ದ್ರೇಣ॑ ಯಾತ‌ಮ್ |
ಅ॒ಭಿ ವಾಂ॒ ವಿಶ್ವಾ᳚ ನಿ॒ಯುತಃ॑ ಸಚ‌ನ್ತೇ ಸ್ಪಾ॒ರ್ಹಯಾ᳚ ಶ್ರಿ॒ಯಾ ತ॒ನ್ವಾ᳚ ಶುಭಾ॒ನಾ || 7.72.1
ಆ ನೋ᳚ ದೇ॒ವೇಭಿ॒ರುಪ॑ ಯಾತಮ॒ರ್ವಾಕ್ಸ॒ಜೋಷ॑ಸಾ ನಾಸತ್ಯಾ॒ ರಥೇ᳚ನ |
ಯು॒ವೋರ್ಹಿ ನಃ॑ ಸ॒ಖ್ಯಾ ಪಿತ್ರ್ಯಾ᳚ಣಿ ಸಮಾ॒ನೋ ಬಂಧು॑ರು॒ತ ತಸ್ಯ॑ ವಿತ್ತ‌ಮ್ || 7.72.2
ಉದು॒ ಸ್ತೋಮಾ᳚ಸೋ ಅ॒ಶ್ವಿನೋ᳚ರಬುಧ್ರಂಜಾ॒ಮಿ ಬ್ರಹ್ಮಾ᳚ಣ್ಯು॒ಷಸ॑ಶ್ಚ ದೇ॒ವೀಃ |
ಆ॒ವಿವಾ᳚ಸ॒ನ್ರೋದ॑ಸೀ॒ ಧಿಷ್ಣ್ಯೇ॒ಮೇ ಅಚ್ಛಾ॒ ವಿಪ್ರೋ॒ ನಾಸ॑ತ್ಯಾ ವಿವಕ್ತಿ || 7.72.3
ವಿ ಚೇದು॒ಚ್ಛ‌ನ್ತ್ಯ॑ಶ್ವಿನಾ ಉ॒ಷಾಸಃ॒ ಪ್ರ ವಾಂ॒ ಬ್ರಹ್ಮಾ᳚ಣಿ ಕಾ॒ರವೋ᳚ ಭರ‌ನ್ತೇ |
ಊ॒ರ್ಧ್ವಂ ಭಾ॒ನುಂ ಸ॑ವಿ॒ತಾ ದೇ॒ವೋ ಅ॑ಶ್ರೇದ್ಬೃ॒ಹದ॒ಗ್ನಯಃ॑ ಸ॒ಮಿಧಾ᳚ ಜರ‌ನ್ತೇ || 7.72.4
ಆ ಪ॒ಶ್ಚಾತಾ᳚ನ್ನಾಸ॒ತ್ಯಾ ಪು॒ರಸ್ತಾ॒ದಾಶ್ವಿ॑ನಾ ಯಾತಮಧ॒ರಾದುದ॑ಕ್ತಾತ್ |
ಆ ವಿ॒ಶ್ವತಃ॒ ಪಾಂಚ॑ಜನ್ಯೇನ ರಾ॒ಯಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.72.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಅತಾ᳚ರಿಷ್ಮ॒ ತಮ॑ಸಸ್ಪಾ॒ರಮ॒ಸ್ಯ ಪ್ರತಿ॒ ಸ್ತೋಮಂ᳚ ದೇವ॒ಯ‌ನ್ತೋ॒ ದಧಾ᳚ನಾಃ |
ಪು॒ರು॒ದಂಸಾ᳚ ಪುರು॒ತಮಾ᳚ ಪುರಾ॒ಜಾಮ॑ರ್ತ್ಯಾ ಹವತೇ ಅ॒ಶ್ವಿನಾ॒ ಗೀಃ || 7.73.1
ನ್ಯು॑ ಪ್ರಿ॒ಯೋ ಮನು॑ಷಃ ಸಾದಿ॒ ಹೋತಾ॒ ನಾಸ॑ತ್ಯಾ॒ ಯೋ ಯಜ॑ತೇ॒ ವಂದ॑ತೇ ಚ |
ಅ॒ಶ್ನೀ॒ತಂ ಮಧ್ವೋ᳚ ಅಶ್ವಿನಾ ಉಪಾ॒ಕ ಆ ವಾಂ᳚ ವೋಚೇ ವಿ॒ದಥೇ᳚ಷು॒ ಪ್ರಯ॑ಸ್ವಾನ್ || 7.73.2
ಅಹೇ᳚ಮ ಯ॒ಜ್ಞಂ ಪ॒ಥಾಮು॑ರಾ॒ಣಾ ಇ॒ಮಾಂ ಸು॑ವೃ॒ಕ್ತಿಂ ವೃ॑ಷಣಾ ಜುಷೇಥಾ‌ಮ್ |
ಶ್ರು॒ಷ್ಟೀ॒ವೇವ॒ ಪ್ರೇಷಿ॑ತೋ ವಾಮಬೋಧಿ॒ ಪ್ರತಿ॒ ಸ್ತೋಮೈ॒ರ್ಜರ॑ಮಾಣೋ॒ ವಸಿ॑ಷ್ಠಃ || 7.73.3
ಉಪ॒ ತ್ಯಾ ವಹ್ನೀ᳚ ಗಮತೋ॒ ವಿಶಂ᳚ ನೋ ರಕ್ಷೋ॒ಹಣಾ॒ ಸಂಭೃ॑ತಾ ವೀ॒ಳುಪಾ᳚ಣೀ |
ಸಮಂಧಾಂ᳚ಸ್ಯಗ್ಮತ ಮತ್ಸ॒ರಾಣಿ॒ ಮಾ ನೋ᳚ ಮರ್ಧಿಷ್ಟ॒ಮಾ ಗ॑ತಂ ಶಿ॒ವೇನ॑ || 7.73.4
ಆ ಪ॒ಶ್ಚಾತಾ᳚ನ್ನಾಸ॒ತ್ಯಾ ಪು॒ರಸ್ತಾ॒ದಾಶ್ವಿ॑ನಾ ಯಾತಮಧ॒ರಾದುದ॑ಕ್ತಾತ್ |
ಆ ವಿ॒ಶ್ವತಃ॒ ಪಾಂಚ॑ಜನ್ಯೇನ ರಾ॒ಯಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.73.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಅಶ್ವಿನೌ ದೇವತೇ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಇ॒ಮಾ ಉ॑ ವಾಂ॒ ದಿವಿ॑ಷ್ಟಯ ಉ॒ಸ್ರಾ ಹ॑ವ‌ನ್ತೇ ಅಶ್ವಿನಾ |
ಅ॒ಯಂ ವಾ᳚ಮ॒ಹ್ವೇಽವ॑ಸೇ ಶಚೀವಸೂ॒ ವಿಶಂ᳚ವಿಶಂ॒ ಹಿ ಗಚ್ಛ॑ಥಃ || 7.74.1
ಯು॒ವಂ ಚಿ॒ತ್ರಂ ದ॑ದಥು॒ರ್ಭೋಜ॑ನಂ ನರಾ॒ ಚೋದೇ᳚ಥಾಂ ಸೂ॒ನೃತಾ᳚ವತೇ |
ಅ॒ರ್ವಾಗ್ರಥಂ॒ ಸಮ॑ನಸಾ॒ ನಿ ಯ॑ಚ್ಛತಂ॒ ಪಿಬ॑ತಂ ಸೋ॒ಮ್ಯಂ ಮಧು॑ || 7.74.2
ಆ ಯಾ᳚ತ॒ಮುಪ॑ ಭೂಷತಂ॒ ಮಧ್ವಃ॑ ಪಿಬತಮಶ್ವಿನಾ |
ದು॒ಗ್ಧಂ ಪಯೋ᳚ ವೃಷಣಾ ಜೇನ್ಯಾವಸೂ॒ ಮಾ ನೋ᳚ ಮರ್ಧಿಷ್ಟ॒ಮಾ ಗ॑ತ‌ಮ್ || 7.74.3
ಅಶ್ವಾ᳚ಸೋ॒ ಯೇ ವಾ॒ಮುಪ॑ ದಾ॒ಶುಷೋ᳚ ಗೃ॒ಹಂ ಯು॒ವಾಂ ದೀಯ᳚‌ನ್ತಿ॒ ಬಿಭ್ರ॑ತಃ |
ಮ॒ಕ್ಷೂ॒ಯುಭಿ᳚ರ್ನರಾ॒ ಹಯೇ᳚ಭಿರಶ್ವಿ॒ನಾ ದೇ᳚ವಾ ಯಾತಮಸ್ಮ॒ಯೂ || 7.74.4
ಅಧಾ᳚ ಹ॒ ಯ‌ನ್ತೋ᳚ ಅ॒ಶ್ವಿನಾ॒ ಪೃಕ್ಷಃ॑ ಸಚ‌ನ್ತ ಸೂ॒ರಯಃ॑ |
ತಾ ಯಂ᳚ಸತೋ ಮ॒ಘವ॑ದ್ಭ್ಯೋ ಧ್ರು॒ವಂ ಯಶ॑ಶ್ಛ॒ರ್ದಿರ॒ಸ್ಮಭ್ಯಂ॒ ನಾಸ॑ತ್ಯಾ || 7.74.5
ಪ್ರ ಯೇ ಯ॒ಯುರ॑ವೃ॒ಕಾಸೋ॒ ರಥಾ᳚ ಇವ ನೃಪಾ॒ತಾರೋ॒ ಜನಾ᳚ನಾ‌ಮ್ |
ಉ॒ತ ಸ್ವೇನ॒ ಶವ॑ಸಾ ಶೂಶುವು॒ರ್ನರ॑ ಉ॒ತ ಕ್ಷಿ॑ಯ‌ನ್ತಿ ಸುಕ್ಷಿ॒ತಿ‌ಮ್ || 7.74.6

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ತ್ರಿಷ್ಟುಪ್ ಛಂದಃ

ವ್ಯು1॒॑ಷಾ ಆ᳚ವೋ ದಿವಿ॒ಜಾ ಋ॒ತೇನಾ᳚ವಿಷ್ಕೃಣ್ವಾ॒ನಾ ಮ॑ಹಿ॒ಮಾನ॒ಮಾಗಾ᳚ತ್ |
ಅಪ॒ ದ್ರುಹ॒ಸ್ತಮ॑ ಆವ॒ರಜು॑ಷ್ಟ॒ಮಂಗಿ॑ರಸ್ತಮಾ ಪ॒ಥ್ಯಾ᳚ ಅಜೀಗಃ || 7.75.1
ಮ॒ಹೇ ನೋ᳚ ಅ॒ದ್ಯ ಸು॑ವಿ॒ತಾಯ॑ ಬೋ॒ಧ್ಯುಷೋ᳚ ಮ॒ಹೇ ಸೌಭ॑ಗಾಯ॒ ಪ್ರ ಯಂ᳚ಧಿ |
ಚಿ॒ತ್ರಂ ರ॒ಯಿಂ ಯ॒ಶಸಂ᳚ ಧೇಹ್ಯ॒ಸ್ಮೇ ದೇವಿ॒ ಮರ್ತೇ᳚ಷು ಮಾನುಷಿ ಶ್ರವ॒ಸ್ಯು‌ಮ್ || 7.75.2
ಏ॒ತೇ ತ್ಯೇ ಭಾ॒ನವೋ᳚ ದರ್ಶ॒ತಾಯಾ᳚ಶ್ಚಿ॒ತ್ರಾ ಉ॒ಷಸೋ᳚ ಅ॒ಮೃತಾ᳚ಸ॒ ಆಗುಃ॑ |
ಜ॒ನಯ᳚‌ನ್ತೋ॒ ದೈವ್ಯಾ᳚ನಿ ವ್ರ॒ತಾನ್ಯಾ᳚ಪೃ॒ಣ‌ನ್ತೋ᳚ ಅ॒‌ನ್ತರಿ॑ಕ್ಷಾ॒ ವ್ಯ॑ಸ್ಥುಃ || 7.75.3
ಏ॒ಷಾ ಸ್ಯಾ ಯು॑ಜಾ॒ನಾ ಪ॑ರಾ॒ಕಾತ್ಪಂಚ॑ ಕ್ಷಿ॒ತೀಃ ಪರಿ॑ ಸ॒ದ್ಯೋ ಜಿ॑ಗಾತಿ |
ಅ॒ಭಿ॒ಪಶ್ಯ᳚‌ನ್ತೀ ವ॒ಯುನಾ॒ ಜನಾ᳚ನಾಂ ದಿ॒ವೋ ದು॑ಹಿ॒ತಾ ಭುವ॑ನಸ್ಯ॒ ಪತ್ನೀ᳚ || 7.75.4
ವಾ॒ಜಿನೀ᳚ವತೀ॒ ಸೂರ್ಯ॑ಸ್ಯ॒ ಯೋಷಾ᳚ ಚಿ॒ತ್ರಾಮ॑ಘಾ ರಾ॒ಯ ಈ᳚ಶೇ॒ ವಸೂ᳚ನಾ‌ಮ್ |
ಋಷಿ॑ಷ್ಟುತಾ ಜ॒ರಯ᳚‌ನ್ತೀ ಮ॒ಘೋನ್ಯು॒ಷಾ ಉ॑ಚ್ಛತಿ॒ ವಹ್ನಿ॑ಭಿರ್ಗೃಣಾ॒ನಾ || 7.75.5
ಪ್ರತಿ॑ ದ್ಯುತಾ॒ನಾಮ॑ರು॒ಷಾಸೋ॒ ಅಶ್ವಾ᳚ಶ್ಚಿ॒ತ್ರಾ ಅ॑ದೃಶ್ರನ್ನು॒ಷಸಂ॒ ವಹ᳚‌ನ್ತಃ |
ಯಾತಿ॑ ಶು॒ಭ್ರಾ ವಿ॑ಶ್ವ॒ಪಿಶಾ॒ ರಥೇ᳚ನ॒ ದಧಾ᳚ತಿ॒ ರತ್ನಂ᳚ ವಿಧ॒ತೇ ಜನಾ᳚ಯ || 7.75.6
ಸ॒ತ್ಯಾ ಸ॒ತ್ಯೇಭಿ᳚ರ್ಮಹ॒ತೀ ಮ॒ಹದ್ಭಿ॑ರ್ದೇ॒ವೀ ದೇ॒ವೇಭಿ᳚ರ್ಯಜ॒ತಾ ಯಜ॑ತ್ರೈಃ |
ರು॒ಜದ್ದೃ॒ಳ್ಹಾನಿ॒ ದದ॑ದು॒ಸ್ರಿಯಾ᳚ಣಾಂ॒ ಪ್ರತಿ॒ ಗಾವ॑ ಉ॒ಷಸಂ᳚ ವಾವಶ‌ನ್ತ || 7.75.7
ನೂ ನೋ॒ ಗೋಮ॑ದ್ವೀ॒ರವ॑ದ್ಧೇಹಿ॒ ರತ್ನ॒ಮುಷೋ॒ ಅಶ್ವಾ᳚ವತ್ಪುರು॒ಭೋಜೋ᳚ ಅ॒ಸ್ಮೇ |
ಮಾ ನೋ᳚ ಬ॒ರ್ಹಿಃ ಪು॑ರು॒ಷತಾ᳚ ನಿ॒ದೇ ಕ᳚ರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.75.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ತ್ರಿಷ್ಟುಪ್ ಛಂದಃ

ಉದು॒ ಜ್ಯೋತಿ॑ರ॒ಮೃತಂ᳚ ವಿ॒ಶ್ವಜ᳚ನ್ಯಂ ವಿ॒ಶ್ವಾನ॑ರಃ ಸವಿ॒ತಾ ದೇ॒ವೋ ಅ॑ಶ್ರೇತ್ |
ಕ್ರತ್ವಾ᳚ ದೇ॒ವಾನಾ᳚ಮಜನಿಷ್ಟ॒ ಚಕ್ಷು॑ರಾ॒ವಿರ॑ಕ॒ರ್ಭುವ॑ನಂ॒ ವಿಶ್ವ॑ಮು॒ಷಾಃ || 7.76.1
ಪ್ರ ಮೇ॒ ಪ‌ನ್ಥಾ᳚ ದೇವ॒ಯಾನಾ᳚ ಅದೃಶ್ರ॒ನ್ನಮ॑ರ್ಧ‌ನ್ತೋ॒ ವಸು॑ಭಿ॒ರಿಷ್ಕೃ॑ತಾಸಃ |
ಅಭೂ᳚ದು ಕೇ॒ತುರು॒ಷಸಃ॑ ಪು॒ರಸ್ತಾ᳚ತ್ಪ್ರತೀ॒ಚ್ಯಾಗಾ॒ದಧಿ॑ ಹ॒ರ್ಮ್ಯೇಭ್ಯಃ॑ || 7.76.2
ತಾನೀದಹಾ᳚ನಿ ಬಹು॒ಲಾನ್ಯಾ᳚ಸ॒ನ್ಯಾ ಪ್ರಾ॒ಚೀನ॒ಮುದಿ॑ತಾ॒ ಸೂರ್ಯ॑ಸ್ಯ |
ಯತಃ॒ ಪರಿ॑ ಜಾ॒ರ ಇ॑ವಾ॒ಚರ॒‌ನ್ತ್ಯುಷೋ᳚ ದದೃ॒ಕ್ಷೇ ನ ಪುನ᳚ರ್ಯ॒ತೀವ॑ || 7.76.3
ತ ಇದ್ದೇ॒ವಾನಾಂ᳚ ಸಧ॒ಮಾದ॑ ಆಸನ್ನೃ॒ತಾವಾ᳚ನಃ ಕ॒ವಯಃ॑ ಪೂ॒ರ್ವ್ಯಾಸಃ॑ |
ಗೂ॒ಳ್ಹಂ ಜ್ಯೋತಿಃ॑ ಪಿ॒ತರೋ॒ ಅನ್ವ॑ವಿಂದ‌‌ನ್ತ್ಸ॒ತ್ಯಮ᳚‌ನ್ತ್ರಾ ಅಜನಯನ್ನು॒ಷಾಸ‌ಮ್᳚ || 7.76.4
ಸ॒ಮಾ॒ನ ಊ॒ರ್ವೇ ಅಧಿ॒ ಸಂಗ॑ತಾಸಃ॒ ಸಂ ಜಾ᳚ನತೇ॒ ನ ಯ॑ತ‌ನ್ತೇ ಮಿ॒ಥಸ್ತೇ |
ತೇ ದೇ॒ವಾನಾಂ॒ ನ ಮಿ॑ನ‌ನ್ತಿ ವ್ರ॒ತಾನ್ಯಮ॑ರ್ಧ‌ನ್ತೋ॒ ವಸು॑ಭಿ॒ರ್ಯಾದ॑ಮಾನಾಃ || 7.76.5
ಪ್ರತಿ॑ ತ್ವಾ॒ ಸ್ತೋಮೈ᳚ರೀಳತೇ॒ ವಸಿ॑ಷ್ಠಾ ಉಷ॒ರ್ಬುಧಃ॑ ಸುಭಗೇ ತುಷ್ಟು॒ವಾಂಸಃ॑ |
ಗವಾಂ᳚ ನೇ॒ತ್ರೀ ವಾಜ॑ಪತ್ನೀ ನ ಉ॒ಚ್ಛೋಷಃ॑ ಸುಜಾತೇ ಪ್ರಥ॒ಮಾ ಜ॑ರಸ್ವ || 7.76.6
ಏ॒ಷಾ ನೇ॒ತ್ರೀ ರಾಧ॑ಸಃ ಸೂ॒ನೃತಾ᳚ನಾಮು॒ಷಾ ಉ॒ಚ್ಛ‌ನ್ತೀ᳚ ರಿಭ್ಯತೇ॒ ವಸಿ॑ಷ್ಠೈಃ |
ದೀ॒ರ್ಘ॒ಶ್ರುತಂ᳚ ರ॒ಯಿಮ॒ಸ್ಮೇ ದಧಾ᳚ನಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.76.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ತ್ರಿಷ್ಟುಪ್ ಛಂದಃ

ಉಪೋ᳚ ರುರುಚೇ ಯುವ॒ತಿರ್ನ ಯೋಷಾ॒ ವಿಶ್ವಂ᳚ ಜೀ॒ವಂ ಪ್ರ॑ಸು॒ವ‌ನ್ತೀ᳚ ಚ॒ರಾಯೈ᳚ |
ಅಭೂ᳚ದ॒ಗ್ನಿಃ ಸ॒ಮಿಧೇ॒ ಮಾನು॑ಷಾಣಾ॒ಮಕ॒ರ್ಜ್ಯೋತಿ॒ರ್ಬಾಧ॑ಮಾನಾ॒ ತಮಾಂ᳚ಸಿ || 7.77.1
ವಿಶ್ವಂ᳚ ಪ್ರತೀ॒ಚೀ ಸ॒ಪ್ರಥಾ॒ ಉದ॑ಸ್ಥಾ॒ದ್ರುಶ॒ದ್ವಾಸೋ॒ ಬಿಭ್ರ॑ತೀ ಶು॒ಕ್ರಮ॑ಶ್ವೈತ್ |
ಹಿರ᳚ಣ್ಯವರ್ಣಾ ಸು॒ದೃಶೀ᳚ಕಸಂದೃ॒ಗ್ಗವಾಂ᳚ ಮಾ॒ತಾ ನೇ॒ತ್ರ್ಯಹ್ನಾ᳚ಮರೋಚಿ || 7.77.2
ದೇ॒ವಾನಾಂ॒ ಚಕ್ಷುಃ॑ ಸು॒ಭಗಾ॒ ವಹ᳚‌ನ್ತೀ ಶ್ವೇ॒ತಂ ನಯ᳚‌ನ್ತೀ ಸು॒ದೃಶೀ᳚ಕ॒ಮಶ್ವ‌ಮ್᳚ |
ಉ॒ಷಾ ಅ॑ದರ್ಶಿ ರ॒ಶ್ಮಿಭಿ॒ರ್ವ್ಯ॑ಕ್ತಾ ಚಿ॒ತ್ರಾಮ॑ಘಾ॒ ವಿಶ್ವ॒ಮನು॒ ಪ್ರಭೂ᳚ತಾ || 7.77.3
ಅ‌ನ್ತಿ॑ವಾಮಾ ದೂ॒ರೇ ಅ॒ಮಿತ್ರ॑ಮುಚ್ಛೋ॒ರ್ವೀಂ ಗವ್ಯೂ᳚ತಿ॒ಮಭ॑ಯಂ ಕೃಧೀ ನಃ |
ಯಾ॒ವಯ॒ ದ್ವೇಷ॒ ಆ ಭ॑ರಾ॒ ವಸೂ᳚ನಿ ಚೋ॒ದಯ॒ ರಾಧೋ᳚ ಗೃಣ॒ತೇ ಮ॑ಘೋನಿ || 7.77.4
ಅ॒ಸ್ಮೇ ಶ್ರೇಷ್ಠೇ᳚ಭಿರ್ಭಾ॒ನುಭಿ॒ರ್ವಿ ಭಾ॒ಹ್ಯುಷೋ᳚ ದೇವಿ ಪ್ರತಿ॒ರ‌ನ್ತೀ᳚ ನ॒ ಆಯುಃ॑ |
ಇಷಂ᳚ ಚ ನೋ॒ ದಧ॑ತೀ ವಿಶ್ವವಾರೇ॒ ಗೋಮ॒ದಶ್ವಾ᳚ವ॒ದ್ರಥ॑ವಚ್ಚ॒ ರಾಧಃ॑ || 7.77.5
ಯಾಂ ತ್ವಾ᳚ ದಿವೋ ದುಹಿತರ್ವ॒ರ್ಧಯ॒‌ನ್ತ್ಯುಷಃ॑ ಸುಜಾತೇ ಮ॒ತಿಭಿ॒ರ್ವಸಿ॑ಷ್ಠಾಃ |
ಸಾಸ್ಮಾಸು॑ ಧಾ ರ॒ಯಿಮೃ॒ಷ್ವಂ ಬೃ॒ಹ‌ನ್ತಂ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.77.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರತಿ॑ ಕೇ॒ತವಃ॑ ಪ್ರಥ॒ಮಾ ಅ॑ದೃಶ್ರನ್ನೂ॒ರ್ಧ್ವಾ ಅ॑ಸ್ಯಾ ಅಂ॒ಜಯೋ॒ ವಿ ಶ್ರ॑ಯ‌ನ್ತೇ |
ಉಷೋ᳚ ಅ॒ರ್ವಾಚಾ᳚ ಬೃಹ॒ತಾ ರಥೇ᳚ನ॒ ಜ್ಯೋತಿ॑ಷ್ಮತಾ ವಾ॒ಮಮ॒ಸ್ಮಭ್ಯಂ᳚ ವಕ್ಷಿ || 7.78.1
ಪ್ರತಿ॑ ಷೀಮ॒ಗ್ನಿರ್ಜ॑ರತೇ॒ ಸಮಿ॑ದ್ಧಃ॒ ಪ್ರತಿ॒ ವಿಪ್ರಾ᳚ಸೋ ಮ॒ತಿಭಿ॑ರ್ಗೃ॒ಣ‌ನ್ತಃ॑ |
ಉ॒ಷಾ ಯಾ᳚ತಿ॒ ಜ್ಯೋತಿ॑ಷಾ॒ ಬಾಧ॑ಮಾನಾ॒ ವಿಶ್ವಾ॒ ತಮಾಂ᳚ಸಿ ದುರಿ॒ತಾಪ॑ ದೇ॒ವೀ || 7.78.2
ಏ॒ತಾ ಉ॒ ತ್ಯಾಃ ಪ್ರತ್ಯ॑ದೃಶ್ರನ್ಪು॒ರಸ್ತಾ॒ಜ್ಜ್ಯೋತಿ॒ರ್ಯಚ್ಛ᳚‌ನ್ತೀರು॒ಷಸೋ᳚ ವಿಭಾ॒ತೀಃ |
ಅಜೀ᳚ಜನ॒‌‌ನ್ತ್ಸೂರ್ಯಂ᳚ ಯ॒ಜ್ಞಮ॒ಗ್ನಿಮ॑ಪಾ॒ಚೀನಂ॒ ತಮೋ᳚ ಅಗಾ॒ದಜು॑ಷ್ಟ‌ಮ್ || 7.78.3
ಅಚೇ᳚ತಿ ದಿ॒ವೋ ದು॑ಹಿ॒ತಾ ಮ॒ಘೋನೀ॒ ವಿಶ್ವೇ᳚ ಪಶ್ಯ‌ನ್ತ್ಯು॒ಷಸಂ᳚ ವಿಭಾ॒ತೀ‌ಮ್ |
ಆಸ್ಥಾ॒ದ್ರಥಂ᳚ ಸ್ವ॒ಧಯಾ᳚ ಯು॒ಜ್ಯಮಾ᳚ನ॒ಮಾ ಯಮಶ್ವಾ᳚ಸಃ ಸು॒ಯುಜೋ॒ ವಹ᳚‌ನ್ತಿ || 7.78.4
ಪ್ರತಿ॑ ತ್ವಾ॒ದ್ಯ ಸು॒ಮನ॑ಸೋ ಬುಧ‌ನ್ತಾ॒ಸ್ಮಾಕಾ᳚ಸೋ ಮ॒ಘವಾ᳚ನೋ ವ॒ಯಂ ಚ॑ |
ತಿ॒ಲ್ವಿ॒ಲಾ॒ಯಧ್ವ॑ಮುಷಸೋ ವಿಭಾ॒ತೀರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.78.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ತ್ರಿಷ್ಟುಪ್ ಛಂದಃ

ವ್ಯು1॒॑ಷಾ ಆ᳚ವಃ ಪ॒ಥ್ಯಾ॒3॒॑ ಜನಾ᳚ನಾಂ॒ ಪಂಚ॑ ಕ್ಷಿ॒ತೀರ್ಮಾನು॑ಷೀರ್ಬೋ॒ಧಯ᳚‌ನ್ತೀ |
ಸು॒ಸಂ॒ದೃಗ್ಭಿ॑ರು॒ಕ್ಷಭಿ॑ರ್ಭಾ॒ನುಮ॑ಶ್ರೇ॒ದ್ವಿ ಸೂರ್ಯೋ॒ ರೋದ॑ಸೀ॒ ಚಕ್ಷ॑ಸಾವಃ || 7.79.1
ವ್ಯಂ᳚ಜತೇ ದಿ॒ವೋ ಅ‌ನ್ತೇ᳚ಷ್ವ॒ಕ್ತೂನ್ವಿಶೋ॒ ನ ಯು॒ಕ್ತಾ ಉ॒ಷಸೋ᳚ ಯತ‌ನ್ತೇ |
ಸಂ ತೇ॒ ಗಾವ॒ಸ್ತಮ॒ ಆ ವ॑ರ್ತಯ‌ನ್ತಿ॒ ಜ್ಯೋತಿ᳚ರ್ಯಚ್ಛ‌ನ್ತಿ ಸವಿ॒ತೇವ॑ ಬಾ॒ಹೂ || 7.79.2
ಅಭೂ᳚ದು॒ಷಾ ಇಂದ್ರ॑ತಮಾ ಮ॒ಘೋನ್ಯಜೀ᳚ಜನತ್ಸುವಿ॒ತಾಯ॒ ಶ್ರವಾಂ᳚ಸಿ |
ವಿ ದಿ॒ವೋ ದೇ॒ವೀ ದು॑ಹಿ॒ತಾ ದ॑ಧಾ॒ತ್ಯಂಗಿ॑ರಸ್ತಮಾ ಸು॒ಕೃತೇ॒ ವಸೂ᳚ನಿ || 7.79.3
ತಾವ॑ದುಷೋ॒ ರಾಧೋ᳚ ಅ॒ಸ್ಮಭ್ಯಂ᳚ ರಾಸ್ವ॒ ಯಾವ॑ತ್ಸ್ತೋ॒ತೃಭ್ಯೋ॒ ಅರ॑ದೋ ಗೃಣಾ॒ನಾ |
ಯಾಂ ತ್ವಾ᳚ ಜ॒ಜ್ಞುರ್ವೃ॑ಷ॒ಭಸ್ಯಾ॒ ರವೇ᳚ಣ॒ ವಿ ದೃ॒ಳ್ಹಸ್ಯ॒ ದುರೋ॒ ಅದ್ರೇ᳚ರೌರ್ಣೋಃ || 7.79.4
ದೇ॒ವಂದೇ᳚ವಂ॒ ರಾಧ॑ಸೇ ಚೋ॒ದಯ᳚‌ನ್ತ್ಯಸ್ಮ॒ದ್ರ್ಯ॑ಕ್ಸೂ॒ನೃತಾ᳚ ಈ॒ರಯ᳚‌ನ್ತೀ |
ವ್ಯು॒ಚ್ಛ‌ನ್ತೀ᳚ ನಃ ಸ॒ನಯೇ॒ ಧಿಯೋ᳚ ಧಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.79.5

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರತಿ॒ ಸ್ತೋಮೇ᳚ಭಿರು॒ಷಸಂ॒ ವಸಿ॑ಷ್ಠಾ ಗೀ॒ರ್ಭಿರ್ವಿಪ್ರಾ᳚ಸಃ ಪ್ರಥ॒ಮಾ ಅ॑ಬುಧ್ರನ್ |
ವಿ॒ವ॒ರ್ತಯ᳚‌ನ್ತೀಂ॒ ರಜ॑ಸೀ॒ ಸಮ᳚‌ನ್ತೇ ಆವಿಷ್ಕೃಣ್ವ॒ತೀಂ ಭುವ॑ನಾನಿ॒ ವಿಶ್ವಾ᳚ || 7.80.1
ಏ॒ಷಾ ಸ್ಯಾ ನವ್ಯ॒ಮಾಯು॒ರ್ದಧಾ᳚ನಾ ಗೂ॒ಢ್ವೀ ತಮೋ॒ ಜ್ಯೋತಿ॑ಷೋ॒ಷಾ ಅ॑ಬೋಧಿ |
ಅಗ್ರ॑ ಏತಿ ಯುವ॒ತಿರಹ್ರ॑ಯಾಣಾ॒ ಪ್ರಾಚಿ॑ಕಿತ॒ತ್ಸೂರ್ಯಂ᳚ ಯ॒ಜ್ಞಮ॒ಗ್ನಿ‌ಮ್ || 7.80.2
ಅಶ್ವಾ᳚ವತೀ॒ರ್ಗೋಮ॑ತೀರ್ನ ಉ॒ಷಾಸೋ᳚ ವೀ॒ರವ॑ತೀಃ॒ ಸದ॑ಮುಚ್ಛ‌ನ್ತು ಭ॒ದ್ರಾಃ |
ಘೃ॒ತಂ ದುಹಾ᳚ನಾ ವಿ॒ಶ್ವತಃ॒ ಪ್ರಪೀ᳚ತಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.80.3

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಉಷಸೋ ದೇವತಾಃ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಪ್ರತ್ಯು॑ ಅದರ್ಶ್ಯಾಯ॒ತ್ಯು1॒॑ಚ್ಛ‌ನ್ತೀ᳚ ದುಹಿ॒ತಾ ದಿ॒ವಃ |
ಅಪೋ॒ ಮಹಿ᳚ ವ್ಯಯತಿ॒ ಚಕ್ಷ॑ಸೇ॒ ತಮೋ॒ ಜ್ಯೋತಿ॑ಷ್ಕೃಣೋತಿ ಸೂ॒ನರೀ᳚ || 7.81.1
ಉದು॒ಸ್ರಿಯಾಃ᳚ ಸೃಜತೇ॒ ಸೂರ್ಯಃ॒ ಸಚಾಁ᳚ ಉ॒ದ್ಯನ್ನಕ್ಷ॑ತ್ರಮರ್ಚಿ॒ವತ್ |
ತವೇದು॑ಷೋ॒ ವ್ಯುಷಿ॒ ಸೂರ್ಯ॑ಸ್ಯ ಚ॒ ಸಂ ಭ॒ಕ್ತೇನ॑ ಗಮೇಮಹಿ || 7.81.2
ಪ್ರತಿ॑ ತ್ವಾ ದುಹಿತರ್ದಿವ॒ ಉಷೋ᳚ ಜೀ॒ರಾ ಅ॑ಭುತ್ಸ್ಮಹಿ |
ಯಾ ವಹ॑ಸಿ ಪು॒ರು ಸ್ಪಾ॒ರ್ಹಂ ವ॑ನನ್ವತಿ॒ ರತ್ನಂ॒ ನ ದಾ॒ಶುಷೇ॒ ಮಯಃ॑ || 7.81.3
ಉ॒ಚ್ಛ‌ನ್ತೀ॒ ಯಾ ಕೃ॒ಣೋಷಿ॑ ಮಂ॒ಹನಾ᳚ ಮಹಿ ಪ್ರ॒ಖ್ಯೈ ದೇ᳚ವಿ॒ ಸ್ವ॑ರ್ದೃ॒ಶೇ |
ತಸ್ಯಾ᳚ಸ್ತೇ ರತ್ನ॒ಭಾಜ॑ ಈಮಹೇ ವ॒ಯಂ ಸ್ಯಾಮ॑ ಮಾ॒ತುರ್ನ ಸೂ॒ನವಃ॑ || 7.81.4
ತಚ್ಚಿ॒ತ್ರಂ ರಾಧ॒ ಆ ಭ॒ರೋಷೋ॒ ಯದ್ದೀ᳚ರ್ಘ॒ಶ್ರುತ್ತ॑ಮ‌ಮ್ |
ಯತ್ತೇ᳚ ದಿವೋ ದುಹಿತರ್ಮರ್ತ॒ಭೋಜ॑ನಂ॒ ತದ್ರಾ᳚ಸ್ವ ಭು॒ನಜಾ᳚ಮಹೈ || 7.81.5
ಶ್ರವಃ॑ ಸೂ॒ರಿಭ್ಯೋ᳚ ಅ॒ಮೃತಂ᳚ ವಸುತ್ವ॒ನಂ ವಾಜಾಁ᳚ ಅ॒ಸ್ಮಭ್ಯಂ॒ ಗೋಮ॑ತಃ |
ಚೋ॒ದ॒ಯಿ॒ತ್ರೀ ಮ॒ಘೋನಃ॑ ಸೂ॒ನೃತಾ᳚ವತ್ಯು॒ಷಾ ಉ॑ಚ್ಛ॒ದಪ॒ ಸ್ರಿಧಃ॑ || 7.81.6

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರಾವರುಣೋ ದೇವತೇ, ಜಗತೀ ಛಂದಃ

ಇಂದ್ರಾ᳚ವರುಣಾ ಯು॒ವಮ॑ಧ್ವ॒ರಾಯ॑ ನೋ ವಿ॒ಶೇ ಜನಾ᳚ಯ॒ ಮಹಿ॒ ಶರ್ಮ॑ ಯಚ್ಛತ‌ಮ್ |
ದೀ॒ರ್ಘಪ್ರ॑ಯಜ್ಯು॒ಮತಿ॒ ಯೋ ವ॑ನು॒ಷ್ಯತಿ॑ ವ॒ಯಂ ಜ॑ಯೇಮ॒ ಪೃತ॑ನಾಸು ದೂ॒ಢ್ಯಃ॑ || 7.82.1
ಸ॒ಮ್ರಾಳ॒ನ್ಯಃ ಸ್ವ॒ರಾಳ॒ನ್ಯ ಉ॑ಚ್ಯತೇ ವಾಂ ಮ॒ಹಾ‌ನ್ತಾ॒ವಿಂದ್ರಾ॒ವರು॑ಣಾ ಮ॒ಹಾವ॑ಸೂ |
ವಿಶ್ವೇ᳚ ದೇ॒ವಾಸಃ॑ ಪರ॒ಮೇ ವ್ಯೋ᳚ಮನಿ॒ ಸಂ ವಾ॒ಮೋಜೋ᳚ ವೃಷಣಾ॒ ಸಂ ಬಲಂ᳚ ದಧುಃ || 7.82.2
ಅನ್ವ॒ಪಾಂ ಖಾನ್ಯ॑ತೃ‌ನ್ತ॒ಮೋಜ॒ಸಾ ಸೂರ್ಯ॑ಮೈರಯತಂ ದಿ॒ವಿ ಪ್ರ॒ಭು‌ಮ್ |
ಇಂದ್ರಾ᳚ವರುಣಾ॒ ಮದೇ᳚ ಅಸ್ಯ ಮಾ॒ಯಿನೋಽಪಿ᳚ನ್ವತಮ॒ಪಿತಃ॒ ಪಿನ್ವ॑ತಂ॒ ಧಿಯಃ॑ || 7.82.3
ಯು॒ವಾಮಿದ್ಯು॒ತ್ಸು ಪೃತ॑ನಾಸು॒ ವಹ್ನ॑ಯೋ ಯು॒ವಾಂ ಕ್ಷೇಮ॑ಸ್ಯ ಪ್ರಸ॒ವೇ ಮಿ॒ತಜ್ಞ॑ವಃ |
ಈ॒ಶಾ॒ನಾ ವಸ್ವ॑ ಉ॒ಭಯ॑ಸ್ಯ ಕಾ॒ರವ॒ ಇಂದ್ರಾ᳚ವರುಣಾ ಸು॒ಹವಾ᳚ ಹವಾಮಹೇ || 7.82.4
ಇಂದ್ರಾ᳚ವರುಣಾ॒ ಯದಿ॒ಮಾನಿ॑ ಚ॒ಕ್ರಥು॒ರ್ವಿಶ್ವಾ᳚ ಜಾ॒ತಾನಿ॒ ಭುವ॑ನಸ್ಯ ಮ॒ಜ್ಮನಾ᳚ |
ಕ್ಷೇಮೇ᳚ಣ ಮಿ॒ತ್ರೋ ವರು॑ಣಂ ದುವ॒ಸ್ಯತಿ॑ ಮ॒ರುದ್ಭಿ॑ರು॒ಗ್ರಃ ಶುಭ॑ಮ॒ನ್ಯ ಈ᳚ಯತೇ || 7.82.5
ಮ॒ಹೇ ಶು॒ಲ್ಕಾಯ॒ ವರು॑ಣಸ್ಯ॒ ನು ತ್ವಿ॒ಷ ಓಜೋ᳚ ಮಿಮಾತೇ ಧ್ರು॒ವಮ॑ಸ್ಯ॒ ಯತ್ಸ್ವ‌ಮ್ |
ಅಜಾ᳚ಮಿಮ॒ನ್ಯಃ ಶ್ನ॒ಥಯ᳚‌ನ್ತ॒ಮಾತಿ॑ರದ್ದ॒ಭ್ರೇಭಿ॑ರ॒ನ್ಯಃ ಪ್ರ ವೃ॑ಣೋತಿ॒ ಭೂಯ॑ಸಃ || 7.82.6
ನ ತಮಂಹೋ॒ ನ ದು॑ರಿ॒ತಾನಿ॒ ಮರ್ತ್ಯ॒ಮಿಂದ್ರಾ᳚ವರುಣಾ॒ ನ ತಪಃ॒ ಕುತ॑ಶ್ಚ॒ನ |
ಯಸ್ಯ॑ ದೇವಾ॒ ಗಚ್ಛ॑ಥೋ ವೀ॒ಥೋ ಅ॑ಧ್ವ॒ರಂ ನ ತಂ ಮರ್ತ॑ಸ್ಯ ನಶತೇ॒ ಪರಿ॑ಹ್ವೃತಿಃ || 7.82.7
ಅ॒ರ್ವಾಙ್ನ॑ರಾ॒ ದೈವ್ಯೇ॒ನಾವ॒ಸಾ ಗ॑ತಂ ಶೃಣು॒ತಂ ಹವಂ॒ ಯದಿ॑ ಮೇ॒ ಜುಜೋ᳚ಷಥಃ |
ಯು॒ವೋರ್ಹಿ ಸ॒ಖ್ಯಮು॒ತ ವಾ॒ ಯದಾಪ್ಯಂ᳚ ಮಾರ್ಡೀ॒ಕಮಿಂ᳚ದ್ರಾವರುಣಾ॒ ನಿ ಯ॑ಚ್ಛತ‌ಮ್ || 7.82.8
ಅ॒ಸ್ಮಾಕ॑ಮಿಂದ್ರಾವರುಣಾ॒ ಭರೇ᳚ಭರೇ ಪುರೋಯೋ॒ಧಾ ಭ॑ವತಂ ಕೃಷ್ಟ್ಯೋಜಸಾ |
ಯದ್ವಾಂ॒ ಹವ᳚‌ನ್ತ ಉ॒ಭಯೇ॒ ಅಧ॑ ಸ್ಪೃ॒ಧಿ ನರ॑ಸ್ತೋ॒ಕಸ್ಯ॒ ತನ॑ಯಸ್ಯ ಸಾ॒ತಿಷು॑ || 7.82.9
ಅ॒ಸ್ಮೇ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ದ್ಯು॒ಮ್ನಂ ಯ॑ಚ್ಛ‌ನ್ತು॒ ಮಹಿ॒ ಶರ್ಮ॑ ಸ॒ಪ್ರಥಃ॑ |
ಅ॒ವ॒ಧ್ರಂ ಜ್ಯೋತಿ॒ರದಿ॑ತೇರ್‌ಋತಾ॒ವೃಧೋ᳚ ದೇ॒ವಸ್ಯ॒ ಶ್ಲೋಕಂ᳚ ಸವಿ॒ತುರ್ಮ॑ನಾಮಹೇ || 7.82.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರಾವರುಣೋ ದೇವತೇ, ಜಗತೀ ಛಂದಃ

ಯು॒ವಾಂ ನ॑ರಾ॒ ಪಶ್ಯ॑ಮಾನಾಸ॒ ಆಪ್ಯಂ᳚ ಪ್ರಾ॒ಚಾ ಗ॒ವ್ಯ‌ನ್ತಃ॑ ಪೃಥು॒ಪರ್ಶ॑ವೋ ಯಯುಃ |
ದಾಸಾ᳚ ಚ ವೃ॒ತ್ರಾ ಹ॒ತಮಾರ್ಯಾ᳚ಣಿ ಚ ಸು॒ದಾಸ॑ಮಿಂದ್ರಾವರು॒ಣಾವ॑ಸಾವತ‌ಮ್ || 7.83.1
ಯತ್ರಾ॒ ನರಃ॑ ಸ॒ಮಯ᳚‌ನ್ತೇ ಕೃ॒ತಧ್ವ॑ಜೋ॒ ಯಸ್ಮಿ᳚ನ್ನಾ॒ಜಾ ಭವ॑ತಿ॒ ಕಿಂ ಚ॒ನ ಪ್ರಿ॒ಯ‌ಮ್ |
ಯತ್ರಾ॒ ಭಯ᳚‌ನ್ತೇ॒ ಭುವ॑ನಾ ಸ್ವ॒ರ್ದೃಶ॒ಸ್ತತ್ರಾ᳚ ನ ಇಂದ್ರಾವರು॒ಣಾಧಿ॑ ವೋಚತ‌ಮ್ || 7.83.2
ಸಂ ಭೂಮ್ಯಾ॒ ಅ‌ನ್ತಾ᳚ ಧ್ವಸಿ॒ರಾ ಅ॑ದೃಕ್ಷ॒ತೇಂದ್ರಾ᳚ವರುಣಾ ದಿ॒ವಿ ಘೋಷ॒ ಆರು॑ಹತ್ |
ಅಸ್ಥು॒ರ್ಜನಾ᳚ನಾ॒ಮುಪ॒ ಮಾಮರಾ᳚ತಯೋ॒ಽರ್ವಾಗವ॑ಸಾ ಹವನಶ್ರು॒ತಾ ಗ॑ತ‌ಮ್ || 7.83.3
ಇಂದ್ರಾ᳚ವರುಣಾ ವ॒ಧನಾ᳚ಭಿರಪ್ರ॒ತಿ ಭೇ॒ದಂ ವ॒ನ್ವ‌ನ್ತಾ॒ ಪ್ರ ಸು॒ದಾಸ॑ಮಾವತ‌ಮ್ |
ಬ್ರಹ್ಮಾ᳚ಣ್ಯೇಷಾಂ ಶೃಣುತಂ॒ ಹವೀ᳚ಮನಿ ಸ॒ತ್ಯಾ ತೃತ್ಸೂ᳚ನಾಮಭವತ್ಪು॒ರೋಹಿ॑ತಿಃ || 7.83.4
ಇಂದ್ರಾ᳚ವರುಣಾವ॒ಭ್ಯಾ ತ॑ಪ‌ನ್ತಿ ಮಾ॒ಘಾನ್ಯ॒ರ್ಯೋ ವ॒ನುಷಾ॒ಮರಾ᳚ತಯಃ |
ಯು॒ವಂ ಹಿ ವಸ್ವ॑ ಉ॒ಭಯ॑ಸ್ಯ॒ ರಾಜ॒ಥೋಽಧ॑ ಸ್ಮಾ ನೋಽವತಂ॒ ಪಾರ್ಯೇ᳚ ದಿ॒ವಿ || 7.83.5
ಯು॒ವಾಂ ಹ॑ವ‌ನ್ತ ಉ॒ಭಯಾ᳚ಸ ಆ॒ಜಿಷ್ವಿಂದ್ರಂ᳚ ಚ॒ ವಸ್ವೋ॒ ವರು॑ಣಂ ಚ ಸಾ॒ತಯೇ᳚ |
ಯತ್ರ॒ ರಾಜ॑ಭಿರ್ದ॒ಶಭಿ॒ರ್ನಿಬಾ᳚ಧಿತಂ॒ ಪ್ರ ಸು॒ದಾಸ॒ಮಾವ॑ತಂ॒ ತೃತ್ಸು॑ಭಿಃ ಸ॒ಹ || 7.83.6
ದಶ॒ ರಾಜಾ᳚ನಃ॒ ಸಮಿ॑ತಾ॒ ಅಯ॑ಜ್ಯವಃ ಸು॒ದಾಸ॑ಮಿಂದ್ರಾವರುಣಾ॒ ನ ಯು॑ಯುಧುಃ |
ಸ॒ತ್ಯಾ ನೃ॒ಣಾಮ॑ದ್ಮ॒ಸದಾ॒ಮುಪ॑ಸ್ತುತಿರ್ದೇ॒ವಾ ಏ᳚ಷಾಮಭವಂದೇ॒ವಹೂ᳚ತಿಷು || 7.83.7
ದಾ॒ಶ॒ರಾ॒ಜ್ಞೇ ಪರಿ॑ಯತ್ತಾಯ ವಿ॒ಶ್ವತಃ॑ ಸು॒ದಾಸ॑ ಇಂದ್ರಾವರುಣಾವಶಿಕ್ಷತ‌ಮ್ |
ಶ್ವಿ॒ತ್ಯಂಚೋ॒ ಯತ್ರ॒ ನಮ॑ಸಾ ಕಪ॒ರ್ದಿನೋ᳚ ಧಿ॒ಯಾ ಧೀವ᳚‌ನ್ತೋ॒ ಅಸ॑ಪ‌ನ್ತ॒ ತೃತ್ಸ॑ವಃ || 7.83.8
ವೃ॒ತ್ರಾಣ್ಯ॒ನ್ಯಃ ಸ॑ಮಿ॒ಥೇಷು॒ ಜಿಘ್ನ॑ತೇ ವ್ರ॒ತಾನ್ಯ॒ನ್ಯೋ ಅ॒ಭಿ ರ॑ಕ್ಷತೇ॒ ಸದಾ᳚ |
ಹವಾ᳚ಮಹೇ ವಾಂ ವೃಷಣಾ ಸುವೃ॒ಕ್ತಿಭಿ॑ರ॒ಸ್ಮೇ ಇಂ᳚ದ್ರಾವರುಣಾ॒ ಶರ್ಮ॑ ಯಚ್ಛತ‌ಮ್ || 7.83.9
ಅ॒ಸ್ಮೇ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ದ್ಯು॒ಮ್ನಂ ಯ॑ಚ್ಛ‌ನ್ತು॒ ಮಹಿ॒ ಶರ್ಮ॑ ಸ॒ಪ್ರಥಃ॑ |
ಅ॒ವ॒ಧ್ರಂ ಜ್ಯೋತಿ॒ರದಿ॑ತೇರ್‌ಋತಾ॒ವೃಧೋ᳚ ದೇ॒ವಸ್ಯ॒ ಶ್ಲೋಕಂ᳚ ಸವಿ॒ತುರ್ಮ॑ನಾಮಹೇ || 7.83.10

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರಾವರುಣೋ ದೇವತೇ, ತ್ರಿಷ್ಟುಪ್ ಛಂದಃ

ಆ ವಾಂ᳚ ರಾಜಾನಾವಧ್ವ॒ರೇ ವ॑ವೃತ್ಯಾಂ ಹ॒ವ್ಯೇಭಿ॑ರಿಂದ್ರಾವರುಣಾ॒ ನಮೋ᳚ಭಿಃ |
ಪ್ರ ವಾಂ᳚ ಘೃ॒ತಾಚೀ᳚ ಬಾ॒ಹ್ವೋರ್ದಧಾ᳚ನಾ॒ ಪರಿ॒ ತ್ಮನಾ॒ ವಿಷು॑ರೂಪಾ ಜಿಗಾತಿ || 7.84.1
ಯು॒ವೋ ರಾ॒ಷ್ಟ್ರಂ ಬೃ॒ಹದಿ᳚ನ್ವತಿ॒ ದ್ಯೌರ್ಯೌ ಸೇ॒ತೃಭಿ॑ರರ॒ಜ್ಜುಭಿಃ॑ ಸಿನೀ॒ಥಃ |
ಪರಿ॑ ನೋ॒ ಹೇಳೋ॒ ವರು॑ಣಸ್ಯ ವೃಜ್ಯಾ ಉ॒ರುಂ ನ॒ ಇಂದ್ರಃ॑ ಕೃಣವದು ಲೋ॒ಕ‌ಮ್ || 7.84.2
ಕೃ॒ತಂ ನೋ᳚ ಯ॒ಜ್ಞಂ ವಿ॒ದಥೇ᳚ಷು॒ ಚಾರುಂ᳚ ಕೃ॒ತಂ ಬ್ರಹ್ಮಾ᳚ಣಿ ಸೂ॒ರಿಷು॑ ಪ್ರಶ॒ಸ್ತಾ |
ಉಪೋ᳚ ರ॒ಯಿರ್ದೇ॒ವಜೂ᳚ತೋ ನ ಏತು॒ ಪ್ರ ಣಃ॑ ಸ್ಪಾ॒ರ್ಹಾಭಿ॑ರೂ॒ತಿಭಿ॑ಸ್ತಿರೇತ‌ಮ್ || 7.84.3
ಅ॒ಸ್ಮೇ ಇಂ᳚ದ್ರಾವರುಣಾ ವಿ॒ಶ್ವವಾ᳚ರಂ ರ॒ಯಿಂ ಧ॑ತ್ತಂ॒ ವಸು॑ಮ‌ನ್ತಂ ಪುರು॒ಕ್ಷು‌ಮ್ |
ಪ್ರ ಯ ಆ᳚ದಿ॒ತ್ಯೋ ಅನೃ॑ತಾ ಮಿ॒ನಾತ್ಯಮಿ॑ತಾ॒ ಶೂರೋ᳚ ದಯತೇ॒ ವಸೂ᳚ನಿ || 7.84.4
ಇ॒ಯಮಿಂದ್ರಂ॒ ವರು॑ಣಮಷ್ಟ ಮೇ॒ ಗೀಃ ಪ್ರಾವ॑ತ್ತೋ॒ಕೇ ತನ॑ಯೇ॒ ತೂತು॑ಜಾನಾ |
ಸು॒ರತ್ನಾ᳚ಸೋ ದೇ॒ವವೀ᳚ತಿಂ ಗಮೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.84.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವರುಣೋ ದೇವತಾ, ತ್ರಿಷ್ಟುಪ್ ಛಂದಃ

ಪು॒ನೀ॒ಷೇ ವಾ᳚ಮರ॒ಕ್ಷಸಂ᳚ ಮನೀ॒ಷಾಂ ಸೋಮ॒ಮಿಂದ್ರಾ᳚ಯ॒ ವರು॑ಣಾಯ॒ ಜುಹ್ವ॑ತ್ |
ಘೃ॒ತಪ್ರ॑ತೀಕಾಮು॒ಷಸಂ॒ ನ ದೇ॒ವೀಂ ತಾ ನೋ॒ ಯಾಮ᳚ನ್ನುರುಷ್ಯತಾಮ॒ಭೀಕೇ᳚ || 7.85.1
ಸ್ಪರ್ಧ᳚‌ನ್ತೇ॒ ವಾ ಉ॑ ದೇವ॒ಹೂಯೇ॒ ಅತ್ರ॒ ಯೇಷು॑ ಧ್ವ॒ಜೇಷು॑ ದಿ॒ದ್ಯವಃ॒ ಪತ᳚‌ನ್ತಿ |
ಯು॒ವಂ ತಾಁ ಇಂ᳚ದ್ರಾವರುಣಾವ॒ಮಿತ್ರಾ᳚ನ್ಹ॒ತಂ ಪರಾ᳚ಚಃ॒ ಶರ್ವಾ॒ ವಿಷೂ᳚ಚಃ || 7.85.2
ಆಪ॑ಶ್ಚಿ॒ದ್ಧಿ ಸ್ವಯ॑ಶಸಃ॒ ಸದ॑ಸ್ಸು ದೇ॒ವೀರಿಂದ್ರಂ॒ ವರು॑ಣಂ ದೇ॒ವತಾ॒ ಧುಃ |
ಕೃ॒ಷ್ಟೀರ॒ನ್ಯೋ ಧಾ॒ರಯ॑ತಿ॒ ಪ್ರವಿ॑ಕ್ತಾ ವೃ॒ತ್ರಾಣ್ಯ॒ನ್ಯೋ ಅ॑ಪ್ರ॒ತೀನಿ॑ ಹ‌ನ್ತಿ || 7.85.3
ಸ ಸು॒ಕ್ರತು॑ರ್‌ಋತ॒ಚಿದ॑ಸ್ತು॒ ಹೋತಾ॒ ಯ ಆ᳚ದಿತ್ಯ॒ ಶವ॑ಸಾ ವಾಂ॒ ನಮ॑ಸ್ವಾನ್ |
ಆ॒ವ॒ವರ್ತ॒ದವ॑ಸೇ ವಾಂ ಹ॒ವಿಷ್ಮಾ॒ನಸ॒ದಿತ್ಸ ಸು॑ವಿ॒ತಾಯ॒ ಪ್ರಯ॑ಸ್ವಾನ್ || 7.85.4
ಇ॒ಯಮಿಂದ್ರಂ॒ ವರು॑ಣಮಷ್ಟ ಮೇ॒ ಗೀಃ ಪ್ರಾವ॑ತ್ತೋ॒ಕೇ ತನ॑ಯೇ॒ ತೂತು॑ಜಾನಾ |
ಸು॒ರತ್ನಾ᳚ಸೋ ದೇ॒ವವೀ᳚ತಿಂ ಗಮೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.85.5

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವರುಣೋ ದೇವತಾ. ತ್ರಿಷ್ಟುಪ್ ಛಂದಃ

ಧೀರಾ॒ ತ್ವ॑ಸ್ಯ ಮಹಿ॒ನಾ ಜ॒ನೂಂಷಿ॒ ವಿ ಯಸ್ತ॒ಸ್ತಂಭ॒ ರೋದ॑ಸೀ ಚಿದು॒ರ್ವೀ |
ಪ್ರ ನಾಕ॑ಮೃ॒ಷ್ವಂ ನು॑ನುದೇ ಬೃ॒ಹ‌ನ್ತಂ᳚ ದ್ವಿ॒ತಾ ನಕ್ಷ॑ತ್ರಂ ಪ॒ಪ್ರಥ॑ಚ್ಚ॒ ಭೂಮ॑ || 7.86.1
ಉ॒ತ ಸ್ವಯಾ᳚ ತ॒ನ್ವಾ॒3॒॑ ಸಂ ವ॑ದೇ॒ ತತ್ಕ॒ದಾ ನ್ವ1॒᳚‌ನ್ತರ್ವರು॑ಣೇ ಭುವಾನಿ |
ಕಿಂ ಮೇ᳚ ಹ॒ವ್ಯಮಹೃ॑ಣಾನೋ ಜುಷೇತ ಕ॒ದಾ ಮೃ॑ಳೀ॒ಕಂ ಸು॒ಮನಾ᳚ ಅ॒ಭಿ ಖ್ಯ‌ಮ್᳚ || 7.86.2
ಪೃ॒ಚ್ಛೇ ತದೇನೋ᳚ ವರುಣ ದಿ॒ದೃಕ್ಷೂಪೋ᳚ ಏಮಿ ಚಿಕಿ॒ತುಷೋ᳚ ವಿ॒ಪೃಚ್ಛ‌ಮ್᳚ |
ಸ॒ಮಾ॒ನಮಿನ್ಮೇ᳚ ಕ॒ವಯ॑ಶ್ಚಿದಾಹುರ॒ಯಂ ಹ॒ ತುಭ್ಯಂ॒ ವರು॑ಣೋ ಹೃಣೀತೇ || 7.86.3
ಕಿಮಾಗ॑ ಆಸ ವರುಣ॒ ಜ್ಯೇಷ್ಠಂ॒ ಯತ್ಸ್ತೋ॒ತಾರಂ॒ ಜಿಘಾಂ᳚ಸಸಿ॒ ಸಖಾ᳚ಯ‌ಮ್ |
ಪ್ರ ತನ್ಮೇ᳚ ವೋಚೋ ದೂಳಭ ಸ್ವಧಾ॒ವೋಽವ॑ ತ್ವಾನೇ॒ನಾ ನಮ॑ಸಾ ತು॒ರ ಇ॑ಯಾ‌ಮ್ || 7.86.4
ಅವ॑ ದ್ರು॒ಗ್ಧಾನಿ॒ ಪಿತ್ರ್ಯಾ᳚ ಸೃಜಾ॒ ನೋಽವ॒ ಯಾ ವ॒ಯಂ ಚ॑ಕೃ॒ಮಾ ತ॒ನೂಭಿಃ॑ |
ಅವ॑ ರಾಜನ್ಪಶು॒ತೃಪಂ॒ ನ ತಾ॒ಯುಂ ಸೃ॒ಜಾ ವ॒ತ್ಸಂ ನ ದಾಮ್ನೋ॒ ವಸಿ॑ಷ್ಠ‌ಮ್ || 7.86.5
ನ ಸ ಸ್ವೋ ದಕ್ಷೋ᳚ ವರುಣ॒ ಧ್ರುತಿಃ॒ ಸಾ ಸುರಾ᳚ ಮ॒ನ್ಯುರ್ವಿ॒ಭೀದ॑ಕೋ॒ ಅಚಿ॑ತ್ತಿಃ |
ಅಸ್ತಿ॒ ಜ್ಯಾಯಾ॒ನ್ಕನೀ᳚ಯಸ ಉಪಾ॒ರೇ ಸ್ವಪ್ನ॑ಶ್ಚ॒ನೇದನೃ॑ತಸ್ಯ ಪ್ರಯೋ॒ತಾ || 7.86.6
ಅರಂ᳚ ದಾ॒ಸೋ ನ ಮೀ॒ಳ್ಹುಷೇ᳚ ಕರಾಣ್ಯ॒ಹಂ ದೇ॒ವಾಯ॒ ಭೂರ್ಣ॒ಯೇಽನಾ᳚ಗಾಃ |
ಅಚೇ᳚ತಯದ॒ಚಿತೋ᳚ ದೇ॒ವೋ ಅ॒ರ್ಯೋ ಗೃತ್ಸಂ᳚ ರಾ॒ಯೇ ಕ॒ವಿತ॑ರೋ ಜುನಾತಿ || 7.86.7
ಅ॒ಯಂ ಸು ತುಭ್ಯಂ᳚ ವರುಣ ಸ್ವಧಾವೋ ಹೃ॒ದಿ ಸ್ತೋಮ॒ ಉಪ॑ಶ್ರಿತಶ್ಚಿದಸ್ತು |
ಶಂ ನಃ॒ ಕ್ಷೇಮೇ॒ ಶಮು॒ ಯೋಗೇ᳚ ನೋ ಅಸ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.86.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವರುಣೋ ದೇವತಾ, ತ್ರಿಷ್ಟುಪ್ ಛಂದಃ

ರದ॑ತ್ಪ॒ಥೋ ವರು॑ಣಃ॒ ಸೂರ್ಯಾ᳚ಯ॒ ಪ್ರಾರ್ಣಾಂ᳚ಸಿ ಸಮು॒ದ್ರಿಯಾ᳚ ನ॒ದೀನಾ᳚‌ಮ್ |
ಸರ್ಗೋ॒ ನ ಸೃ॒ಷ್ಟೋ ಅರ್ವ॑ತೀರ್‌ಋತಾ॒ಯಂಚ॒ಕಾರ॑ ಮ॒ಹೀರ॒ವನೀ॒ರಹ॑ಭ್ಯಃ || 7.87.1
ಆ॒ತ್ಮಾ ತೇ॒ ವಾತೋ॒ ರಜ॒ ಆ ನ॑ವೀನೋತ್ಪ॒ಶುರ್ನ ಭೂರ್ಣಿ॒ರ್ಯವ॑ಸೇ ಸಸ॒ವಾನ್ |
ಅ॒‌ನ್ತರ್ಮ॒ಹೀ ಬೃ॑ಹ॒ತೀ ರೋದ॑ಸೀ॒ಮೇ ವಿಶ್ವಾ᳚ ತೇ॒ ಧಾಮ॑ ವರುಣ ಪ್ರಿ॒ಯಾಣಿ॑ || 7.87.2
ಪರಿ॒ ಸ್ಪಶೋ॒ ವರು॑ಣಸ್ಯ॒ ಸ್ಮದಿ॑ಷ್ಟಾ ಉ॒ಭೇ ಪ॑ಶ್ಯ‌ನ್ತಿ॒ ರೋದ॑ಸೀ ಸು॒ಮೇಕೇ᳚ |
ಋ॒ತಾವಾ᳚ನಃ ಕ॒ವಯೋ᳚ ಯ॒ಜ್ಞಧೀ᳚ರಾಃ॒ ಪ್ರಚೇ᳚ತಸೋ॒ ಯ ಇ॒ಷಯ᳚‌ನ್ತ॒ ಮನ್ಮ॑ || 7.87.3
ಉ॒ವಾಚ॑ ಮೇ॒ ವರು॑ಣೋ॒ ಮೇಧಿ॑ರಾಯ॒ ತ್ರಿಃ ಸ॒ಪ್ತ ನಾಮಾಘ್ನ್ಯಾ᳚ ಬಿಭರ್ತಿ |
ವಿ॒ದ್ವಾನ್ಪ॒ದಸ್ಯ॒ ಗುಹ್ಯಾ॒ ನ ವೋ᳚ಚದ್ಯು॒ಗಾಯ॒ ವಿಪ್ರ॒ ಉಪ॑ರಾಯ॒ ಶಿಕ್ಷನ್॑ || 7.87.4
ತಿ॒ಸ್ರೋ ದ್ಯಾವೋ॒ ನಿಹಿ॑ತಾ ಅ॒‌ನ್ತರ॑ಸ್ಮಿ‌ನ್ತಿ॒ಸ್ರೋ ಭೂಮೀ॒ರುಪ॑ರಾಃ॒ ಷಡ್ವಿ॑ಧಾನಾಃ |
ಗೃತ್ಸೋ॒ ರಾಜಾ॒ ವರು॑ಣಶ್ಚಕ್ರ ಏ॒ತಂ ದಿ॒ವಿ ಪ್ರೇಂ॒ಖಂ ಹಿ॑ರ॒ಣ್ಯಯಂ᳚ ಶು॒ಭೇ ಕ‌ಮ್ || 7.87.5
ಅವ॒ ಸಿಂಧುಂ॒ ವರು॑ಣೋ॒ ದ್ಯೌರಿ॑ವ ಸ್ಥಾದ್ದ್ರ॒ಪ್ಸೋ ನ ಶ್ವೇ॒ತೋ ಮೃ॒ಗಸ್ತುವಿ॑ಷ್ಮಾನ್ |
ಗಂ॒ಭೀ॒ರಶಂ᳚ಸೋ॒ ರಜ॑ಸೋ ವಿ॒ಮಾನಃ॑ ಸುಪಾ॒ರಕ್ಷ॑ತ್ರಃ ಸ॒ತೋ ಅ॒ಸ್ಯ ರಾಜಾ᳚ || 7.87.6
ಯೋ ಮೃ॒ಳಯಾ᳚ತಿ ಚ॒ಕ್ರುಷೇ᳚ ಚಿ॒ದಾಗೋ᳚ ವ॒ಯಂ ಸ್ಯಾ᳚ಮ॒ ವರು॑ಣೇ॒ ಅನಾ᳚ಗಾಃ |
ಅನು᳚ ವ್ರ॒ತಾನ್ಯದಿ॑ತೇರ್‌ಋ॒ಧ‌ನ್ತೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.87.7

(1-7) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವರುಣೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಶುಂ॒ಧ್ಯುವಂ॒ ವರು॑ಣಾಯ॒ ಪ್ರೇಷ್ಠಾಂ᳚ ಮ॒ತಿಂ ವ॑ಸಿಷ್ಠ ಮೀ॒ಳ್ಹುಷೇ᳚ ಭರಸ್ವ |
ಯ ಈ᳚ಮ॒ರ್ವಾಂಚಂ॒ ಕರ॑ತೇ॒ ಯಜ॑ತ್ರಂ ಸ॒ಹಸ್ರಾ᳚ಮಘಂ॒ ವೃಷ॑ಣಂ ಬೃ॒ಹ‌ನ್ತ‌ಮ್᳚ || 7.88.1
ಅಧಾ॒ ನ್ವ॑ಸ್ಯ ಸಂ॒ದೃಶಂ᳚ ಜಗ॒ನ್ವಾನ॒ಗ್ನೇರನೀ᳚ಕಂ॒ ವರು॑ಣಸ್ಯ ಮಂಸಿ |
ಸ್ವ1॒᳚ರ್ಯದಶ್ಮ᳚ನ್ನಧಿ॒ಪಾ ಉ॒ ಅಂಧೋ॒ಽಭಿ ಮಾ॒ ವಪು॑ರ್ದೃ॒ಶಯೇ᳚ ನಿನೀಯಾತ್ || 7.88.2
ಆ ಯದ್ರು॒ಹಾವ॒ ವರು॑ಣಶ್ಚ॒ ನಾವಂ॒ ಪ್ರ ಯತ್ಸ॑ಮು॒ದ್ರಮೀ॒ರಯಾ᳚ವ॒ ಮಧ್ಯ‌ಮ್᳚ |
ಅಧಿ॒ ಯದ॒ಪಾಂ ಸ್ನುಭಿ॒ಶ್ಚರಾ᳚ವ॒ ಪ್ರ ಪ್ರೇಂ॒ಖ ಈಂ᳚ಖಯಾವಹೈ ಶು॒ಭೇ ಕ‌ಮ್ || 7.88.3
ವಸಿ॑ಷ್ಠಂ ಹ॒ ವರು॑ಣೋ ನಾ॒ವ್ಯಾಧಾ॒ದೃಷಿಂ᳚ ಚಕಾರ॒ ಸ್ವಪಾ॒ ಮಹೋ᳚ಭಿಃ |
ಸ್ತೋ॒ತಾರಂ॒ ವಿಪ್ರಃ॑ ಸುದಿನ॒ತ್ವೇ ಅಹ್ನಾಂ॒ ಯಾನ್ನು ದ್ಯಾವ॑ಸ್ತ॒ತನ॒ನ್ಯಾದು॒ಷಾಸಃ॑ || 7.88.4
ಕ್ವ1॒॑ ತ್ಯಾನಿ॑ ನೌ ಸ॒ಖ್ಯಾ ಬ॑ಭೂವುಃ॒ ಸಚಾ᳚ವಹೇ॒ ಯದ॑ವೃ॒ಕಂ ಪು॒ರಾ ಚಿ॑ತ್ |
ಬೃ॒ಹ‌ನ್ತಂ॒ ಮಾನಂ᳚ ವರುಣ ಸ್ವಧಾವಃ ಸ॒ಹಸ್ರ॑ದ್ವಾರಂ ಜಗಮಾ ಗೃ॒ಹಂ ತೇ᳚ || 7.88.5
ಯ ಆ॒ಪಿರ್ನಿತ್ಯೋ᳚ ವರುಣ ಪ್ರಿ॒ಯಃ ಸ‌ನ್ತ್ವಾಮಾಗಾಂ᳚ಸಿ ಕೃ॒ಣವ॒ತ್ಸಖಾ᳚ ತೇ |
ಮಾ ತ॒ ಏನ॑ಸ್ವ‌ನ್ತೋ ಯಕ್ಷಿನ್ಭುಜೇಮ ಯಂ॒ಧಿ ಷ್ಮಾ॒ ವಿಪ್ರಃ॑ ಸ್ತುವ॒ತೇ ವರೂ᳚ಥ‌ಮ್ || 7.88.6
ಧ್ರು॒ವಾಸು॑ ತ್ವಾ॒ಸು ಕ್ಷಿ॒ತಿಷು॑ ಕ್ಷಿ॒ಯ‌ನ್ತೋ॒ ವ್ಯ1॒॑ಸ್ಮತ್ಪಾಶಂ॒ ವರು॑ಣೋ ಮುಮೋಚತ್ |
ಅವೋ᳚ ವನ್ವಾ॒ನಾ ಅದಿ॑ತೇರು॒ಪಸ್ಥಾ᳚ದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.88.7

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವರುಣೋ ದೇವತಾ, (1-4) ಪ್ರಥಮಾದಿಚರ್ಚಾಂ ಗಾಯತ್ರೀ, (5) ಪಂಚಮ್ಯಾಶ್ಚ ಜಗತೀ ಛಂದಸೀ

ಮೋ ಷು ವ॑ರುಣ ಮೃ॒ನ್ಮಯಂ᳚ ಗೃ॒ಹಂ ರಾ᳚ಜನ್ನ॒ಹಂ ಗ॑ಮ‌ಮ್ |
ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ || 7.89.1
ಯದೇಮಿ॑ ಪ್ರಸ್ಫು॒ರನ್ನಿ॑ವ॒ ದೃತಿ॒ರ್ನ ಧ್ಮಾ॒ತೋ ಅ॑ದ್ರಿವಃ |
ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ || 7.89.2
ಕ್ರತ್ವಃ॑ ಸಮಹ ದೀ॒ನತಾ᳚ ಪ್ರತೀ॒ಪಂ ಜ॑ಗಮಾ ಶುಚೇ |
ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ || 7.89.3
ಅ॒ಪಾಂ ಮಧ್ಯೇ᳚ ತಸ್ಥಿ॒ವಾಂಸಂ॒ ತೃಷ್ಣಾ᳚ವಿದಜ್ಜರಿ॒ತಾರ‌ಮ್᳚ |
ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ || 7.89.4
ಯತ್ಕಿಂ ಚೇ॒ದಂ ವ॑ರುಣ॒ ದೈವ್ಯೇ॒ ಜನೇ᳚ಽಭಿದ್ರೋ॒ಹಂ ಮ॑ನು॒ಷ್ಯಾ॒3॒॑ಶ್ಚರಾ᳚ಮಸಿ |
ಅಚಿ॑ತ್ತೀ॒ ಯತ್ತವ॒ ಧರ್ಮಾ᳚ ಯುಯೋಪಿ॒ಮ ಮಾ ನ॒ಸ್ತಸ್ಮಾ॒ದೇನ॑ಸೋ ದೇವ ರೀರಿಷಃ || 7.89.5

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-4) ಪ್ರಥಮಾದಿಚತುರೃಚ, ವಾಯುಃ, (5-7) ಪಂಚಮ್ಯಾದಿತೃಚಸ್ಯ ಚೇಂದ್ರವಾಯೂ ದೇವತೇ, ತ್ರಿಷ್ಟುಪ್ ಛಂದಃ

ಪ್ರ ವೀ᳚ರ॒ಯಾ ಶುಚ॑ಯೋ ದದ್ರಿರೇ ವಾಮಧ್ವ॒ರ್ಯುಭಿ॒ರ್ಮಧು॑ಮ‌ನ್ತಃ ಸು॒ತಾಸಃ॑ |
ವಹ॑ ವಾಯೋ ನಿ॒ಯುತೋ᳚ ಯಾ॒ಹ್ಯಚ್ಛಾ॒ ಪಿಬಾ᳚ ಸು॒ತಸ್ಯಾಂಧ॑ಸೋ॒ ಮದಾ᳚ಯ || 7.90.1
ಈ॒ಶಾ॒ನಾಯ॒ ಪ್ರಹು॑ತಿಂ॒ ಯಸ್ತ॒ ಆನ॒ಟ್ ಛುಚಿಂ॒ ಸೋಮಂ᳚ ಶುಚಿಪಾ॒ಸ್ತುಭ್ಯಂ᳚ ವಾಯೋ |
ಕೃ॒ಣೋಷಿ॒ ತಂ ಮರ್ತ್ಯೇ᳚ಷು ಪ್ರಶ॒ಸ್ತಂ ಜಾ॒ತೋಜಾ᳚ತೋ ಜಾಯತೇ ವಾ॒ಜ್ಯ॑ಸ್ಯ || 7.90.2
ರಾ॒ಯೇ ನು ಯಂ ಜ॒ಜ್ಞತೂ॒ ರೋದ॑ಸೀ॒ಮೇ ರಾ॒ಯೇ ದೇ॒ವೀ ಧಿ॒ಷಣಾ᳚ ಧಾತಿ ದೇ॒ವ‌ಮ್ |
ಅಧ॑ ವಾ॒ಯುಂ ನಿ॒ಯುತಃ॑ ಸಶ್ಚತ॒ ಸ್ವಾ ಉ॒ತ ಶ್ವೇ॒ತಂ ವಸು॑ಧಿತಿಂ ನಿರೇ॒ಕೇ || 7.90.3
ಉ॒ಚ್ಛನ್ನು॒ಷಸಃ॑ ಸು॒ದಿನಾ᳚ ಅರಿ॒ಪ್ರಾ ಉ॒ರು ಜ್ಯೋತಿ᳚ರ್ವಿವಿದು॒ರ್ದೀಧ್ಯಾ᳚ನಾಃ |
ಗವ್ಯಂ᳚ ಚಿದೂ॒ರ್ವಮು॒ಶಿಜೋ॒ ವಿ ವ᳚ವ್ರು॒ಸ್ತೇಷಾ॒ಮನು॑ ಪ್ರ॒ದಿವಃ॑ ಸಸ್ರು॒ರಾಪಃ॑ || 7.90.4
ತೇ ಸ॒ತ್ಯೇನ॒ ಮನ॑ಸಾ॒ ದೀಧ್ಯಾ᳚ನಾಃ॒ ಸ್ವೇನ॑ ಯು॒ಕ್ತಾಸಃ॒ ಕ್ರತು॑ನಾ ವಹ‌ನ್ತಿ |
ಇಂದ್ರ॑ವಾಯೂ ವೀರ॒ವಾಹಂ॒ ರಥಂ᳚ ವಾಮೀಶಾ॒ನಯೋ᳚ರ॒ಭಿ ಪೃಕ್ಷಃ॑ ಸಚ‌ನ್ತೇ || 7.90.5
ಈ॒ಶಾ॒ನಾಸೋ॒ ಯೇ ದಧ॑ತೇ॒ ಸ್ವ᳚ರ್ಣೋ॒ ಗೋಭಿ॒ರಶ್ವೇ᳚ಭಿ॒ರ್ವಸು॑ಭಿ॒ರ್ಹಿರ᳚ಣ್ಯೈಃ |
ಇಂದ್ರ॑ವಾಯೂ ಸೂ॒ರಯೋ॒ ವಿಶ್ವ॒ಮಾಯು॒ರರ್ವ॑ದ್ಭಿರ್ವೀ॒ರೈಃ ಪೃತ॑ನಾಸು ಸಹ್ಯುಃ || 7.90.6
ಅರ್ವ᳚‌ನ್ತೋ॒ ನ ಶ್ರವ॑ಸೋ॒ ಭಿಕ್ಷ॑ಮಾಣಾ ಇಂದ್ರವಾ॒ಯೂ ಸು॑ಷ್ಟು॒ತಿಭಿ॒ರ್ವಸಿ॑ಷ್ಠಾಃ |
ವಾ॒ಜ॒ಯ‌ನ್ತಃ॒ ಸ್ವವ॑ಸೇ ಹುವೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.90.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1, 3) ಪ್ರಥಮಾತೃತೀಯಯೋರೃಚೋರ್ವಾಯಃ , (2, 4-7) ದ್ವಿತೀಯಾಯಾಶ್ಚತುರ್ಥ್ಯಾದಿಚತಸೃಣಾಂಚೇಂದ್ರವಾಯೂ ದೇವತೇ, ತ್ರಿಷ್ಟುಪ್ ಛಂದಃ

ಕು॒ವಿದಂ॒ಗ ನಮ॑ಸಾ॒ ಯೇ ವೃ॒ಧಾಸಃ॑ ಪು॒ರಾ ದೇ॒ವಾ ಅ॑ನವ॒ದ್ಯಾಸ॒ ಆಸನ್॑ |
ತೇ ವಾ॒ಯವೇ॒ ಮನ॑ವೇ ಬಾಧಿ॒ತಾಯಾವಾ᳚ಸಯನ್ನು॒ಷಸಂ॒ ಸೂರ್ಯೇ᳚ಣ || 7.91.1
ಉ॒ಶ‌ನ್ತಾ᳚ ದೂ॒ತಾ ನ ದಭಾ᳚ಯ ಗೋ॒ಪಾ ಮಾ॒ಸಶ್ಚ॑ ಪಾ॒ಥಃ ಶ॒ರದ॑ಶ್ಚ ಪೂ॒ರ್ವೀಃ |
ಇಂದ್ರ॑ವಾಯೂ ಸುಷ್ಟು॒ತಿರ್ವಾ᳚ಮಿಯಾ॒ನಾ ಮಾ᳚ರ್ಡೀ॒ಕಮೀ᳚ಟ್ಟೇ ಸುವಿ॒ತಂ ಚ॒ ನವ್ಯ‌ಮ್᳚ || 7.91.2
ಪೀವೋ᳚ಅನ್ನಾಁ ರಯಿ॒ವೃಧಃ॑ ಸುಮೇ॒ಧಾಃ ಶ್ವೇ॒ತಃ ಸಿ॑ಷಕ್ತಿ ನಿ॒ಯುತಾ᳚ಮಭಿ॒ಶ್ರೀಃ |
ತೇ ವಾ॒ಯವೇ॒ ಸಮ॑ನಸೋ॒ ವಿ ತ॑ಸ್ಥು॒ರ್ವಿಶ್ವೇನ್ನರಃ॑ ಸ್ವಪ॒ತ್ಯಾನಿ॑ ಚಕ್ರುಃ || 7.91.3
ಯಾವ॒ತ್ತರ॑ಸ್ತ॒ನ್ವೋ॒3॒॑ ಯಾವ॒ದೋಜೋ॒ ಯಾವ॒ನ್ನರ॒ಶ್ಚಕ್ಷ॑ಸಾ॒ ದೀಧ್ಯಾ᳚ನಾಃ |
ಶುಚಿಂ॒ ಸೋಮಂ᳚ ಶುಚಿಪಾ ಪಾತಮ॒ಸ್ಮೇ ಇಂದ್ರ॑ವಾಯೂ॒ ಸದ॑ತಂ ಬ॒ರ್ಹಿರೇದ‌ಮ್ || 7.91.4
ನಿ॒ಯು॒ವಾ॒ನಾ ನಿ॒ಯುತಃ॑ ಸ್ಪಾ॒ರ್ಹವೀ᳚ರಾ॒ ಇಂದ್ರ॑ವಾಯೂ ಸ॒ರಥಂ᳚ ಯಾತಮ॒ರ್ವಾಕ್ |
ಇ॒ದಂ ಹಿ ವಾಂ॒ ಪ್ರಭೃ॑ತಂ॒ ಮಧ್ವೋ॒ ಅಗ್ರ॒ಮಧ॑ ಪ್ರೀಣಾ॒ನಾ ವಿ ಮು॑ಮುಕ್ತಮ॒ಸ್ಮೇ || 7.91.5
ಯಾ ವಾಂ᳚ ಶ॒ತಂ ನಿ॒ಯುತೋ॒ ಯಾಃ ಸ॒ಹಸ್ರ॒ಮಿಂದ್ರ॑ವಾಯೂ ವಿ॒ಶ್ವವಾ᳚ರಾಃ॒ ಸಚ᳚‌ನ್ತೇ |
ಆಭಿ᳚ರ್ಯಾತಂ ಸುವಿ॒ದತ್ರಾ᳚ಭಿರ॒ರ್ವಾಕ್ಪಾ॒ತಂ ನ॑ರಾ॒ ಪ್ರತಿ॑ಭೃತಸ್ಯ॒ ಮಧ್ವಃ॑ || 7.91.6
ಅರ್ವ᳚‌ನ್ತೋ॒ ನ ಶ್ರವ॑ಸೋ॒ ಭಿಕ್ಷ॑ಮಾಣಾ ಇಂದ್ರವಾ॒ಯೂ ಸು॑ಷ್ಟು॒ತಿಭಿ॒ರ್ವಸಿ॑ಷ್ಠಾಃ |
ವಾ॒ಜ॒ಯ‌ನ್ತಃ॒ ಸ್ವವ॑ಸೇ ಹುವೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.91.7

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1, 3, 5) ಪ್ರಥಮಾತೃತೀಯಾಪಂಚಮೀನಾಮೃಚಾಂ ವಾಯುಃ, (2, 4) ದ್ವಿತೀಯಾಚತುರ್ಯೋಶ್ಚ ದ್ರವಾಯೂ ದೇವತೇ, ತ್ರಿಷ್ಟುಪ್ ಛಂದಃ

ಆ ವಾ᳚ಯೋ ಭೂಷ ಶುಚಿಪಾ॒ ಉಪ॑ ನಃ ಸ॒ಹಸ್ರಂ᳚ ತೇ ನಿ॒ಯುತೋ᳚ ವಿಶ್ವವಾರ |
ಉಪೋ᳚ ತೇ॒ ಅಂಧೋ॒ ಮದ್ಯ॑ಮಯಾಮಿ॒ ಯಸ್ಯ॑ ದೇವ ದಧಿ॒ಷೇ ಪೂ᳚ರ್ವ॒ಪೇಯ‌ಮ್᳚ || 7.92.1
ಪ್ರ ಸೋತಾ᳚ ಜೀ॒ರೋ ಅ॑ಧ್ವ॒ರೇಷ್ವ॑ಸ್ಥಾ॒ತ್ಸೋಮ॒ಮಿಂದ್ರಾ᳚ಯ ವಾ॒ಯವೇ॒ ಪಿಬ॑ಧ್ಯೈ |
ಪ್ರ ಯದ್ವಾಂ॒ ಮಧ್ವೋ᳚ ಅಗ್ರಿ॒ಯಂ ಭರ᳚‌ನ್ತ್ಯಧ್ವ॒ರ್ಯವೋ᳚ ದೇವ॒ಯ‌ನ್ತಃ॒ ಶಚೀ᳚ಭಿಃ || 7.92.2
ಪ್ರ ಯಾಭಿ॒ರ್ಯಾಸಿ॑ ದಾ॒ಶ್ವಾಂಸ॒ಮಚ್ಛಾ᳚ ನಿ॒ಯುದ್ಭಿ᳚ರ್ವಾಯವಿ॒ಷ್ಟಯೇ᳚ ದುರೋ॒ಣೇ |
ನಿ ನೋ᳚ ರ॒ಯಿಂ ಸು॒ಭೋಜ॑ಸಂ ಯುವಸ್ವ॒ ನಿ ವೀ॒ರಂ ಗವ್ಯ॒ಮಶ್ವ್ಯಂ᳚ ಚ॒ ರಾಧಃ॑ || 7.92.3
ಯೇ ವಾ॒ಯವ॑ ಇಂದ್ರ॒ಮಾದ॑ನಾಸ॒ ಆದೇ᳚ವಾಸೋ ನಿ॒ತೋಶ॑ನಾಸೋ ಅ॒ರ್ಯಃ |
ಘ್ನ‌ನ್ತೋ᳚ ವೃ॒ತ್ರಾಣಿ॑ ಸೂ॒ರಿಭಿಃ॑ ಷ್ಯಾಮ ಸಾಸ॒ಹ್ವಾಂಸೋ᳚ ಯು॒ಧಾ ನೃಭಿ॑ರ॒ಮಿತ್ರಾನ್॑ || 7.92.4
ಆ ನೋ᳚ ನಿ॒ಯುದ್ಭಿಃ॑ ಶ॒ತಿನೀ᳚ಭಿರಧ್ವ॒ರಂ ಸ॑ಹ॒ಸ್ರಿಣೀ᳚ಭಿ॒ರುಪ॑ ಯಾಹಿ ಯ॒ಜ್ಞ‌ಮ್ |
ವಾಯೋ᳚ ಅ॒ಸ್ಮಿ‌‌ನ್ತ್ಸವ॑ನೇ ಮಾದಯಸ್ವ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.92.5

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರಾಗ್ನೀ ದೇವತೇ, ತ್ರಿಷ್ಟುಪ್ ಛಂದಃ

ಶುಚಿಂ॒ ನು ಸ್ತೋಮಂ॒ ನವ॑ಜಾತಮ॒ದ್ಯೇಂದ್ರಾ᳚ಗ್ನೀ ವೃತ್ರಹಣಾ ಜು॒ಷೇಥಾ᳚‌ಮ್ |
ಉ॒ಭಾ ಹಿ ವಾಂ᳚ ಸು॒ಹವಾ॒ ಜೋಹ॑ವೀಮಿ॒ ತಾ ವಾಜಂ᳚ ಸ॒ದ್ಯ ಉ॑ಶ॒ತೇ ಧೇಷ್ಠಾ᳚ || 7.93.1
ತಾ ಸಾ᳚ನ॒ಸೀ ಶ॑ವಸಾನಾ॒ ಹಿ ಭೂ॒ತಂ ಸಾ᳚ಕಂ॒ವೃಧಾ॒ ಶವ॑ಸಾ ಶೂಶು॒ವಾಂಸಾ᳚ |
ಕ್ಷಯ᳚‌ನ್ತೌ ರಾ॒ಯೋ ಯವ॑ಸಸ್ಯ॒ ಭೂರೇಃ᳚ ಪೃಂ॒ಕ್ತಂ ವಾಜ॑ಸ್ಯ॒ ಸ್ಥವಿ॑ರಸ್ಯ॒ ಘೃಷ್ವೇಃ᳚ || 7.93.2
ಉಪೋ᳚ ಹ॒ ಯದ್ವಿ॒ದಥಂ᳚ ವಾ॒ಜಿನೋ॒ ಗುರ್ಧೀ॒ಭಿರ್ವಿಪ್ರಾಃ॒ ಪ್ರಮ॑ತಿಮಿ॒ಚ್ಛಮಾ᳚ನಾಃ |
ಅರ್ವ᳚‌ನ್ತೋ॒ ನ ಕಾಷ್ಠಾಂ॒ ನಕ್ಷ॑ಮಾಣಾ ಇಂದ್ರಾ॒ಗ್ನೀ ಜೋಹು॑ವತೋ॒ ನರ॒ಸ್ತೇ || 7.93.3
ಗೀ॒ರ್ಭಿರ್ವಿಪ್ರಃ॒ ಪ್ರಮ॑ತಿಮಿ॒ಚ್ಛಮಾ᳚ನ॒ ಈಟ್ಟೇ᳚ ರ॒ಯಿಂ ಯ॒ಶಸಂ᳚ ಪೂರ್ವ॒ಭಾಜ‌ಮ್᳚ |
ಇಂದ್ರಾ᳚ಗ್ನೀ ವೃತ್ರಹಣಾ ಸುವಜ್ರಾ॒ ಪ್ರ ನೋ॒ ನವ್ಯೇ᳚ಭಿಸ್ತಿರತಂ ದೇ॒ಷ್ಣೈಃ || 7.93.4
ಸಂ ಯನ್ಮ॒ಹೀ ಮಿ॑ಥ॒ತೀ ಸ್ಪರ್ಧ॑ಮಾನೇ ತನೂ॒ರುಚಾ॒ ಶೂರ॑ಸಾತಾ॒ ಯತೈ᳚ತೇ |
ಅದೇ᳚ವಯುಂ ವಿ॒ದಥೇ᳚ ದೇವ॒ಯುಭಿಃ॑ ಸ॒ತ್ರಾ ಹ॑ತಂ ಸೋಮ॒ಸುತಾ॒ ಜನೇ᳚ನ || 7.93.5
ಇ॒ಮಾಮು॒ ಷು ಸೋಮ॑ಸುತಿ॒ಮುಪ॑ ನ॒ ಏಂದ್ರಾ᳚ಗ್ನೀ ಸೌಮನ॒ಸಾಯ॑ ಯಾತ‌ಮ್ |
ನೂ ಚಿ॒ದ್ಧಿ ಪ॑ರಿಮ॒ಮ್ನಾಥೇ᳚ ಅ॒ಸ್ಮಾನಾ ವಾಂ॒ ಶಶ್ವ॑ದ್ಭಿರ್ವವೃತೀಯ॒ ವಾಜೈಃ᳚ || 7.93.6
ಸೋ ಅ॑ಗ್ನ ಏ॒ನಾ ನಮ॑ಸಾ॒ ಸಮಿ॒ದ್ಧೋಽಚ್ಛಾ᳚ ಮಿ॒ತ್ರಂ ವರು॑ಣ॒ಮಿಂದ್ರಂ᳚ ವೋಚೇಃ |
ಯತ್ಸೀ॒ಮಾಗ॑ಶ್ಚಕೃ॒ಮಾ ತತ್ಸು ಮೃ॑ಳ॒ ತದ᳚ರ್ಯ॒ಮಾದಿ॑ತಿಃ ಶಿಶ್ರಥ‌ನ್ತು || 7.93.7
ಏ॒ತಾ ಅ॑ಗ್ನ ಆಶುಷಾ॒ಣಾಸ॑ ಇ॒ಷ್ಟೀರ್ಯು॒ವೋಃ ಸಚಾ॒ಭ್ಯ॑ಶ್ಯಾಮ॒ ವಾಜಾನ್॑ |
ಮೇಂದ್ರೋ᳚ ನೋ॒ ವಿಷ್ಣು᳚ರ್ಮ॒ರುತಃ॒ ಪರಿ॑ ಖ್ಯನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.93.8

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಇಂದ್ರಾಗ್ನೀ ದೇವತೇ (1-11) ಪ್ರಥಮಾದ್ಯೇಕಾದಶೋಂ ಗಾಯತ್ರೀ, (12) ದ್ವಾದಶ್ಯಾಶ್ಚಾನುಷ್ಟಪ್ ಛಂದಸೀ

ಇ॒ಯಂ ವಾ᳚ಮ॒ಸ್ಯ ಮನ್ಮ॑ನ॒ ಇಂದ್ರಾ᳚ಗ್ನೀ ಪೂ॒ರ್ವ್ಯಸ್ತು॑ತಿಃ |
ಅ॒ಭ್ರಾದ್ವೃ॒ಷ್ಟಿರಿ॑ವಾಜನಿ || 7.94.1
ಶೃ॒ಣು॒ತಂ ಜ॑ರಿ॒ತುರ್ಹವ॒ಮಿಂದ್ರಾ᳚ಗ್ನೀ॒ ವನ॑ತಂ॒ ಗಿರಃ॑ |
ಈ॒ಶಾ॒ನಾ ಪಿ॑ಪ್ಯತಂ॒ ಧಿಯಃ॑ || 7.94.2
ಮಾ ಪಾ᳚ಪ॒ತ್ವಾಯ॑ ನೋ ನ॒ರೇಂದ್ರಾ᳚ಗ್ನೀ॒ ಮಾಭಿಶ॑ಸ್ತಯೇ |
ಮಾ ನೋ᳚ ರೀರಧತಂ ನಿ॒ದೇ || 7.94.3
ಇಂದ್ರೇ᳚ ಅ॒ಗ್ನಾ ನಮೋ᳚ ಬೃ॒ಹತ್ಸು॑ವೃ॒ಕ್ತಿಮೇರ॑ಯಾಮಹೇ |
ಧಿ॒ಯಾ ಧೇನಾ᳚ ಅವ॒ಸ್ಯವಃ॑ || 7.94.4
ತಾ ಹಿ ಶಶ್ವ᳚‌ನ್ತ॒ ಈಳ॑ತ ಇ॒ತ್ಥಾ ವಿಪ್ರಾ᳚ಸ ಊ॒ತಯೇ᳚ |
ಸ॒ಬಾಧೋ॒ ವಾಜ॑ಸಾತಯೇ || 7.94.5
ತಾ ವಾಂ᳚ ಗೀ॒ರ್ಭಿರ್ವಿ॑ಪ॒ನ್ಯವಃ॒ ಪ್ರಯ॑ಸ್ವ‌ನ್ತೋ ಹವಾಮಹೇ |
ಮೇ॒ಧಸಾ᳚ತಾ ಸನಿ॒ಷ್ಯವಃ॑ || 7.94.6
ಇಂದ್ರಾ᳚ಗ್ನೀ॒ ಅವ॒ಸಾ ಗ॑ತಮ॒ಸ್ಮಭ್ಯಂ᳚ ಚರ್ಷಣೀಸಹಾ |
ಮಾ ನೋ᳚ ದುಃ॒ಶಂಸ॑ ಈಶತ || 7.94.7
ಮಾ ಕಸ್ಯ॑ ನೋ॒ ಅರ॑ರುಷೋ ಧೂ॒ರ್ತಿಃ ಪ್ರಣ॒ಙ್ಮರ್ತ್ಯ॑ಸ್ಯ |
ಇಂದ್ರಾ᳚ಗ್ನೀ॒ ಶರ್ಮ॑ ಯಚ್ಛತ‌ಮ್ || 7.94.8
ಗೋಮ॒ದ್ಧಿರ᳚ಣ್ಯವ॒ದ್ವಸು॒ ಯದ್ವಾ॒ಮಶ್ವಾ᳚ವ॒ದೀಮ॑ಹೇ |
ಇಂದ್ರಾ᳚ಗ್ನೀ॒ ತದ್ವ॑ನೇಮಹಿ || 7.94.9
ಯತ್ಸೋಮ॒ ಆ ಸು॒ತೇ ನರ॑ ಇಂದ್ರಾ॒ಗ್ನೀ ಅಜೋ᳚ಹವುಃ |
ಸಪ್ತೀ᳚ವ‌ನ್ತಾ ಸಪ॒ರ್ಯವಃ॑ || 7.94.10
ಉ॒ಕ್ಥೇಭಿ᳚ರ್ವೃತ್ರ॒ಹ‌ನ್ತ॑ಮಾ॒ ಯಾ ಮಂ᳚ದಾ॒ನಾ ಚಿ॒ದಾ ಗಿ॒ರಾ |
ಆಂ॒ಗೂ॒ಷೈರಾ॒ವಿವಾ᳚ಸತಃ || 7.94.11
ತಾವಿದ್ದುಃ॒ಶಂಸಂ॒ ಮರ್ತ್ಯಂ॒ ದುರ್ವಿ॑ದ್ವಾಂಸಂ ರಕ್ಷ॒ಸ್ವಿನ‌ಮ್᳚ |
ಆ॒ಭೋ॒ಗಂ ಹನ್ಮ॑ನಾ ಹತಮುದ॒ಧಿಂ ಹನ್ಮ॑ನಾ ಹತ‌ಮ್ || 7.94.12

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-2, 4-6) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿತೃಚಸ್ಯ ಚ ಸರಸ್ವತೀ, (3) ತೃತೀಯಾಯಾಶ್ಚ ಸರಸ್ವಾನ್ ದೇವತೇ, ತ್ರಿಷ್ಟುಪ್ ಛಂದಃ

ಪ್ರ ಕ್ಷೋದ॑ಸಾ॒ ಧಾಯ॑ಸಾ ಸಸ್ರ ಏ॒ಷಾ ಸರ॑ಸ್ವತೀ ಧ॒ರುಣ॒ಮಾಯ॑ಸೀ॒ ಪೂಃ |
ಪ್ರ॒ಬಾಬ॑ಧಾನಾ ರ॒ಥ್ಯೇ᳚ವ ಯಾತಿ॒ ವಿಶ್ವಾ᳚ ಅ॒ಪೋ ಮ॑ಹಿ॒ನಾ ಸಿಂಧು॑ರ॒ನ್ಯಾಃ || 7.95.1
ಏಕಾ᳚ಚೇತ॒ತ್ಸರ॑ಸ್ವತೀ ನ॒ದೀನಾಂ॒ ಶುಚಿ᳚ರ್ಯ॒ತೀ ಗಿ॒ರಿಭ್ಯ॒ ಆ ಸ॑ಮು॒ದ್ರಾತ್ |
ರಾ॒ಯಶ್ಚೇತ᳚‌ನ್ತೀ॒ ಭುವ॑ನಸ್ಯ॒ ಭೂರೇ᳚ರ್ಘೃ॒ತಂ ಪಯೋ᳚ ದುದುಹೇ॒ ನಾಹು॑ಷಾಯ || 7.95.2
ಸ ವಾ᳚ವೃಧೇ॒ ನರ್ಯೋ॒ ಯೋಷ॑ಣಾಸು॒ ವೃಷಾ॒ ಶಿಶು᳚ರ್ವೃಷ॒ಭೋ ಯ॒ಜ್ಞಿಯಾ᳚ಸು |
ಸ ವಾ॒ಜಿನಂ᳚ ಮ॒ಘವ॑ದ್ಭ್ಯೋ ದಧಾತಿ॒ ವಿ ಸಾ॒ತಯೇ᳚ ತ॒ನ್ವಂ᳚ ಮಾಮೃಜೀತ || 7.95.3
ಉ॒ತ ಸ್ಯಾ ನಃ॒ ಸರ॑ಸ್ವತೀ ಜುಷಾ॒ಣೋಪ॑ ಶ್ರವತ್ಸು॒ಭಗಾ᳚ ಯ॒ಜ್ಣೇ ಅ॒ಸ್ಮಿನ್ |
ಮಿ॒ತಜ್ಞು॑ಭಿರ್ನಮ॒ಸ್ಯೈ᳚ರಿಯಾ॒ನಾ ರಾ॒ಯಾ ಯು॒ಜಾ ಚಿ॒ದುತ್ತ॑ರಾ॒ ಸಖಿ॑ಭ್ಯಃ || 7.95.4
ಇ॒ಮಾ ಜುಹ್ವಾ᳚ನಾ ಯು॒ಷ್ಮದಾ ನಮೋ᳚ಭಿಃ॒ ಪ್ರತಿ॒ ಸ್ತೋಮಂ᳚ ಸರಸ್ವತಿ ಜುಷಸ್ವ |
ತವ॒ ಶರ್ಮ᳚ನ್ಪ್ರಿ॒ಯತ॑ಮೇ॒ ದಧಾ᳚ನಾ॒ ಉಪ॑ ಸ್ಥೇಯಾಮ ಶರ॒ಣಂ ನ ವೃ॒ಕ್ಷ‌ಮ್ || 7.95.5
ಅ॒ಯಮು॑ ತೇ ಸರಸ್ವತಿ॒ ವಸಿ॑ಷ್ಠೋ॒ ದ್ವಾರಾ᳚ವೃ॒ತಸ್ಯ॑ ಸುಭಗೇ॒ ವ್ಯಾ᳚ವಃ |
ವರ್ಧ॑ ಶುಭ್ರೇ ಸ್ತುವ॒ತೇ ರಾ᳚ಸಿ॒ ವಾಜಾ᳚ನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.95.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-3) ಪ್ರಥಮತೃಚಸ್ಯ ಸರಸ್ವತೀ, (4-6) ದ್ವಿತೀಯತೃಚಸ್ಯ ಚ ಸರಸ್ವಾನ್ ದೇವತೇ (1-2) ಪ್ರಥಮಾದ್ವಿತೀಯಯೋಜೃಚೋಃ ಪ್ರಗಾಥಃ (ಪ್ರಥಮಾಯಾ ಬೃಹತೀ, ದ್ವಿತೀಯಾಯಾಃ ಸತೋಬೃಹತೀ), (3) ತೃತೀಯಾಯಾಃ ಪ್ರಸ್ತಾರಪಂಕ್ತಿಃ, (4-6) ಚತುರ್ಥ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸಿ

ಬೃ॒ಹದು॑ ಗಾಯಿಷೇ॒ ವಚೋ᳚ಽಸು॒ರ್ಯಾ᳚ ನ॒ದೀನಾ᳚‌ಮ್ |
ಸರ॑ಸ್ವತೀ॒ಮಿನ್ಮ॑ಹಯಾ ಸುವೃ॒ಕ್ತಿಭಿಃ॒ ಸ್ತೋಮೈ᳚ರ್ವಸಿಷ್ಠ॒ ರೋದ॑ಸೀ || 7.96.1
ಉ॒ಭೇ ಯತ್ತೇ᳚ ಮಹಿ॒ನಾ ಶು॑ಭ್ರೇ॒ ಅಂಧ॑ಸೀ ಅಧಿಕ್ಷಿ॒ಯ‌ನ್ತಿ॑ ಪೂ॒ರವಃ॑ |
ಸಾ ನೋ᳚ ಬೋಧ್ಯವಿ॒ತ್ರೀ ಮ॒ರುತ್ಸ॑ಖಾ॒ ಚೋದ॒ ರಾಧೋ᳚ ಮ॒ಘೋನಾ᳚‌ಮ್ || 7.96.2
ಭ॒ದ್ರಮಿದ್ಭ॒ದ್ರಾ ಕೃ॑ಣವ॒ತ್ಸರ॑ಸ್ವ॒ತ್ಯಕ॑ವಾರೀ ಚೇತತಿ ವಾ॒ಜಿನೀ᳚ವತೀ |
ಗೃ॒ಣಾ॒ನಾ ಜ॑ಮದಗ್ನಿ॒ವತ್ಸ್ತು॑ವಾ॒ನಾ ಚ॑ ವಸಿಷ್ಠ॒ವತ್ || 7.96.3
ಜ॒ನೀ॒ಯ‌ನ್ತೋ॒ ನ್ವಗ್ರ॑ವಃ ಪುತ್ರೀ॒ಯ‌ನ್ತಃ॑ ಸು॒ದಾನ॑ವಃ |
ಸರ॑ಸ್ವ‌ನ್ತಂ ಹವಾಮಹೇ || 7.96.4
ಯೇ ತೇ᳚ ಸರಸ್ವ ಊ॒ರ್ಮಯೋ॒ ಮಧು॑ಮ‌ನ್ತೋ ಘೃತ॒ಶ್ಚುತಃ॑ |
ತೇಭಿ᳚ರ್ನೋಽವಿ॒ತಾ ಭ॑ವ || 7.96.5
ಪೀ॒ಪಿ॒ವಾಂಸಂ॒ ಸರ॑ಸ್ವತಃ॒ ಸ್ತನಂ॒ ಯೋ ವಿ॒ಶ್ವದ॑ರ್ಶತಃ |
ಭ॒ಕ್ಷೀ॒ಮಹಿ॑ ಪ್ರ॒ಜಾಮಿಷ‌ಮ್᳚ || 7.96.6

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1) ಪ್ರಥಮರ್ಚ ಇಂದ್ರಃ, (2, 4-8) ದ್ವಿತೀಯಾಯಾಶ್ಚತುರ್ಥ್ಯಾದಿಪಂಚಾನಾಂಚ ಬೃಹಸ್ಪತಿಃ, (3, 9) ತೃತೀಯಾನವಮ್ಯೋರಿಂದ್ರಾಬ್ರಹ್ಮಣಸ್ಪತೀ, (10) ದಶಮ್ಯಾಶ್ಚೇಂದ್ರಾಬೃಹಸ್ಪತೀ ದೇವತಾಃ, ತ್ರಿಷ್ಟುಪ್ ಛಂದಃ

ಯ॒ಜ್ಞೇ ದಿ॒ವೋ ನೃ॒ಷದ॑ನೇ ಪೃಥಿ॒ವ್ಯಾ ನರೋ॒ ಯತ್ರ॑ ದೇವ॒ಯವೋ॒ ಮದ᳚‌ನ್ತಿ |
ಇಂದ್ರಾ᳚ಯ॒ ಯತ್ರ॒ ಸವ॑ನಾನಿ ಸು॒ನ್ವೇ ಗಮ॒ನ್ಮದಾ᳚ಯ ಪ್ರಥ॒ಮಂ ವಯ॑ಶ್ಚ || 7.97.1
ಆ ದೈವ್ಯಾ᳚ ವೃಣೀಮ॒ಹೇಽವಾಂ᳚ಸಿ॒ ಬೃಹ॒ಸ್ಪತಿ᳚ರ್ನೋ ಮಹ॒ ಆ ಸ॑ಖಾಯಃ |
ಯಥಾ॒ ಭವೇ᳚ಮ ಮೀ॒ಳ್ಹುಷೇ॒ ಅನಾ᳚ಗಾ॒ ಯೋ ನೋ᳚ ದಾ॒ತಾ ಪ॑ರಾ॒ವತಃ॑ ಪಿ॒ತೇವ॑ || 7.97.2
ತಮು॒ ಜ್ಯೇಷ್ಠಂ॒ ನಮ॑ಸಾ ಹ॒ವಿರ್ಭಿಃ॑ ಸು॒ಶೇವಂ॒ ಬ್ರಹ್ಮ॑ಣ॒ಸ್ಪತಿಂ᳚ ಗೃಣೀಷೇ |
ಇಂದ್ರಂ॒ ಶ್ಲೋಕೋ॒ ಮಹಿ॒ ದೈವ್ಯಃ॑ ಸಿಷಕ್ತು॒ ಯೋ ಬ್ರಹ್ಮ॑ಣೋ ದೇ॒ವಕೃ॑ತಸ್ಯ॒ ರಾಜಾ᳚ || 7.97.3
ಸ ಆ ನೋ॒ ಯೋನಿಂ᳚ ಸದತು॒ ಪ್ರೇಷ್ಠೋ॒ ಬೃಹ॒ಸ್ಪತಿ᳚ರ್ವಿ॒ಶ್ವವಾ᳚ರೋ॒ ಯೋ ಅಸ್ತಿ॑ |
ಕಾಮೋ᳚ ರಾ॒ಯಃ ಸು॒ವೀರ್ಯ॑ಸ್ಯ॒ ತಂ ದಾ॒ತ್ಪರ್ಷ᳚ನ್ನೋ॒ ಅತಿ॑ ಸ॒ಶ್ಚತೋ॒ ಅರಿ॑ಷ್ಟಾನ್ || 7.97.4
ತಮಾ ನೋ᳚ ಅ॒ರ್ಕಮ॒ಮೃತಾ᳚ಯ॒ ಜುಷ್ಟ॑ಮಿ॒ಮೇ ಧಾ᳚ಸುರ॒ಮೃತಾ᳚ಸಃ ಪುರಾ॒ಜಾಃ |
ಶುಚಿ॑ಕ್ರಂದಂ ಯಜ॒ತಂ ಪ॒ಸ್ತ್ಯಾ᳚ನಾಂ॒ ಬೃಹ॒ಸ್ಪತಿ॑ಮನ॒ರ್ವಾಣಂ᳚ ಹುವೇಮ || 7.97.5
ತಂ ಶ॒ಗ್ಮಾಸೋ᳚ ಅರು॒ಷಾಸೋ॒ ಅಶ್ವಾ॒ ಬೃಹ॒ಸ್ಪತಿಂ᳚ ಸಹ॒ವಾಹೋ᳚ ವಹ‌ನ್ತಿ |
ಸಹ॑ಶ್ಚಿ॒ದ್ಯಸ್ಯ॒ ನೀಲ॑ವತ್ಸ॒ಧಸ್ಥಂ॒ ನಭೋ॒ ನ ರೂ॒ಪಮ॑ರು॒ಷಂ ವಸಾ᳚ನಾಃ || 7.97.6
ಸ ಹಿ ಶುಚಿಃ॑ ಶ॒ತಪ॑ತ್ರಃ॒ ಸ ಶುಂ॒ಧ್ಯುರ್ಹಿರ᳚ಣ್ಯವಾಶೀರಿಷಿ॒ರಃ ಸ್ವ॒ರ್ಷಾಃ |
ಬೃಹ॒ಸ್ಪತಿಃ॒ ಸ ಸ್ವಾ᳚ವೇ॒ಶ ಋ॒ಷ್ವಃ ಪು॒ರೂ ಸಖಿ॑ಭ್ಯ ಆಸು॒ತಿಂ ಕರಿ॑ಷ್ಠಃ || 7.97.7
ದೇ॒ವೀ ದೇ॒ವಸ್ಯ॒ ರೋದ॑ಸೀ॒ ಜನಿ॑ತ್ರೀ॒ ಬೃಹ॒ಸ್ಪತಿಂ᳚ ವಾವೃಧತುರ್ಮಹಿ॒ತ್ವಾ |
ದ॒ಕ್ಷಾಯ್ಯಾ᳚ಯ ದಕ್ಷತಾ ಸಖಾಯಃ॒ ಕರ॒ದ್ಬ್ರಹ್ಮ॑ಣೇ ಸು॒ತರಾ᳚ ಸುಗಾ॒ಧಾ || 7.97.8
ಇ॒ಯಂ ವಾಂ᳚ ಬ್ರಹ್ಮಣಸ್ಪತೇ ಸುವೃ॒ಕ್ತಿರ್ಬ್ರಹ್ಮೇಂದ್ರಾ᳚ಯ ವ॒ಜ್ರಿಣೇ᳚ ಅಕಾರಿ |
ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಜಜ॒ಸ್ತಮ॒ರ್ಯೋ ವ॒ನುಷಾ॒ಮರಾ᳚ತೀಃ || 7.97.9
ಬೃಹ॑ಸ್ಪತೇ ಯು॒ವಮಿಂದ್ರ॑ಶ್ಚ॒ ವಸ್ವೋ᳚ ದಿ॒ವ್ಯಸ್ಯೇ᳚ಶಾಥೇ ಉ॒ತ ಪಾರ್ಥಿ॑ವಸ್ಯ |
ಧ॒ತ್ತಂ ರ॒ಯಿಂ ಸ್ತು॑ವ॒ತೇ ಕೀ॒ರಯೇ᳚ ಚಿದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.97.10

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-6) ಪ್ರಥಮಾದಿಷಡ಼ಚಾಮಿಂದ್ರಃ, (7) ಸಪ್ತಮ್ಯಾಶ್ಚೇಂದ್ರಾಬೃಹಸ್ಪತೀ ದೇವತೇ, ತ್ರಿಷ್ಟುಪ್ ಛಂದಃ

ಅಧ್ವ᳚ರ್ಯವೋಽರು॒ಣಂ ದು॒ಗ್ಧಮಂ॒ಶುಂ ಜು॒ಹೋತ॑ನ ವೃಷ॒ಭಾಯ॑ ಕ್ಷಿತೀ॒ನಾ‌ಮ್ |
ಗೌ॒ರಾದ್ವೇದೀ᳚ಯಾಁ ಅವ॒ಪಾನ॒ಮಿಂದ್ರೋ᳚ ವಿ॒ಶ್ವಾಹೇದ್ಯಾ᳚ತಿ ಸು॒ತಸೋ᳚ಮಮಿ॒ಚ್ಛನ್ || 7.98.1
ಯದ್ದ॑ಧಿ॒ಷೇ ಪ್ರ॒ದಿವಿ॒ ಚಾರ್ವನ್ನಂ᳚ ದಿ॒ವೇದಿ॑ವೇ ಪೀ॒ತಿಮಿದ॑ಸ್ಯ ವಕ್ಷಿ |
ಉ॒ತ ಹೃ॒ದೋತ ಮನ॑ಸಾ ಜುಷಾ॒ಣ ಉ॒ಶನ್ನಿಂ᳚ದ್ರ॒ ಪ್ರಸ್ಥಿ॑ತಾನ್ಪಾಹಿ॒ ಸೋಮಾನ್॑ || 7.98.2
ಜ॒ಜ್ಞಾ॒ನಃ ಸೋಮಂ॒ ಸಹ॑ಸೇ ಪಪಾಥ॒ ಪ್ರ ತೇ᳚ ಮಾ॒ತಾ ಮ॑ಹಿ॒ಮಾನ॑ಮುವಾಚ |
ಏಂದ್ರ॑ ಪಪ್ರಾಥೋ॒ರ್ವ1॒᳚‌ನ್ತರಿ॑ಕ್ಷಂ ಯು॒ಧಾ ದೇ॒ವೇಭ್ಯೋ॒ ವರಿ॑ವಶ್ಚಕರ್ಥ || 7.98.3
ಯದ್ಯೋ॒ಧಯಾ᳚ ಮಹ॒ತೋ ಮನ್ಯ॑ಮಾನಾ॒‌‌ನ್ತ್ಸಾಕ್ಷಾ᳚ಮ॒ ತಾನ್ಬಾ॒ಹುಭಿಃ॒ ಶಾಶ॑ದಾನಾನ್ |
ಯದ್ವಾ॒ ನೃಭಿ॒ರ್ವೃತ॑ ಇಂದ್ರಾಭಿ॒ಯುಧ್ಯಾ॒ಸ್ತಂ ತ್ವಯಾ॒ಜಿಂ ಸೌ᳚ಶ್ರವ॒ಸಂ ಜ॑ಯೇಮ || 7.98.4
ಪ್ರೇಂದ್ರ॑ಸ್ಯ ವೋಚಂ ಪ್ರಥ॒ಮಾ ಕೃ॒ತಾನಿ॒ ಪ್ರ ನೂತ॑ನಾ ಮ॒ಘವಾ॒ ಯಾ ಚ॒ಕಾರ॑ |
ಯ॒ದೇದದೇ᳚ವೀ॒ರಸ॑ಹಿಷ್ಟ ಮಾ॒ಯಾ ಅಥಾ᳚ಭವ॒ತ್ಕೇವ॑ಲಃ॒ ಸೋಮೋ᳚ ಅಸ್ಯ || 7.98.5
ತವೇ॒ದಂ ವಿಶ್ವ॑ಮ॒ಭಿತಃ॑ ಪಶ॒ವ್ಯ1॒॑ ಅಂಯತ್ಪಶ್ಯ॑ಸಿ॒ ಚಕ್ಷ॑ಸಾ॒ ಸೂರ್ಯ॑ಸ್ಯ |
ಗವಾ᳚ಮಸಿ॒ ಗೋಪ॑ತಿ॒ರೇಕ॑ ಇಂದ್ರ ಭಕ್ಷೀ॒ಮಹಿ॑ ತೇ॒ ಪ್ರಯ॑ತಸ್ಯ॒ ವಸ್ವಃ॑ || 7.98.6
ಬೃಹ॑ಸ್ಪತೇ ಯು॒ವಮಿಂದ್ರ॑ಶ್ಚ॒ ವಸ್ವೋ᳚ ದಿ॒ವ್ಯಸ್ಯೇ᳚ಶಾಥೇ ಉ॒ತ ಪಾರ್ಥಿ॑ವಸ್ಯ |
ಧ॒ತ್ತಂ ರ॒ಯಿಂ ಸ್ತು॑ವ॒ತೇ ಕೀ॒ರಯೇ᳚ ಚಿದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.98.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-3, 7) ಪ್ರಥಮಾದಿತೃಚಸ್ಯ ಸಪ್ತಮ್ಯಾ ಋಚಶ್ಚ ವಿಷ್ಣುಃ, (4-6) ಚತುರ್ಥ್ಯಾದಿತೃಚಸ್ಯ ಚಂದ್ರಾವಿಷ್ಣೂ ದೇವತೇ, ತ್ರಿಷ್ಟುಪ್ ಛಂದಃ

ಪ॒ರೋ ಮಾತ್ರ॑ಯಾ ತ॒ನ್ವಾ᳚ ವೃಧಾನ॒ ನ ತೇ᳚ ಮಹಿ॒ತ್ವಮನ್ವ॑ಶ್ನುವ‌ನ್ತಿ |
ಉ॒ಭೇ ತೇ᳚ ವಿದ್ಮ॒ ರಜ॑ಸೀ ಪೃಥಿ॒ವ್ಯಾ ವಿಷ್ಣೋ᳚ ದೇವ॒ ತ್ವಂ ಪ॑ರ॒ಮಸ್ಯ॑ ವಿತ್ಸೇ || 7.99.1
ನ ತೇ᳚ ವಿಷ್ಣೋ॒ ಜಾಯ॑ಮಾನೋ॒ ನ ಜಾ॒ತೋ ದೇವ॑ ಮಹಿ॒ಮ್ನಃ ಪರ॒ಮ‌ನ್ತ॑ಮಾಪ |
ಉದ॑ಸ್ತಭ್ನಾ॒ ನಾಕ॑ಮೃ॒ಷ್ವಂ ಬೃ॒ಹ‌ನ್ತಂ᳚ ದಾ॒ಧರ್ಥ॒ ಪ್ರಾಚೀಂ᳚ ಕ॒ಕುಭಂ᳚ ಪೃಥಿ॒ವ್ಯಾಃ || 7.99.2
ಇರಾ᳚ವತೀ ಧೇನು॒ಮತೀ॒ ಹಿ ಭೂ॒ತಂ ಸೂ᳚ಯವ॒ಸಿನೀ॒ ಮನು॑ಷೇ ದಶ॒ಸ್ಯಾ |
ವ್ಯ॑ಸ್ತಭ್ನಾ॒ ರೋದ॑ಸೀ ವಿಷ್ಣವೇ॒ತೇ ದಾ॒ಧರ್ಥ॑ ಪೃಥಿ॒ವೀಮ॒ಭಿತೋ᳚ ಮ॒ಯೂಖೈಃ᳚ || 7.99.3
ಉ॒ರುಂ ಯ॒ಜ್ಞಾಯ॑ ಚಕ್ರಥುರು ಲೋ॒ಕಂ ಜ॒ನಯ᳚‌ನ್ತಾ॒ ಸೂರ್ಯ॑ಮು॒ಷಾಸ॑ಮ॒ಗ್ನಿ‌ಮ್ |
ದಾಸ॑ಸ್ಯ ಚಿದ್ವೃಷಶಿ॒ಪ್ರಸ್ಯ॑ ಮಾ॒ಯಾ ಜ॒ಘ್ನಥು᳚ರ್ನರಾ ಪೃತ॒ನಾಜ್ಯೇ᳚ಷು || 7.99.4
ಇಂದ್ರಾ᳚ವಿಷ್ಣೂ ದೃಂಹಿ॒ತಾಃ ಶಂಬ॑ರಸ್ಯ॒ ನವ॒ ಪುರೋ᳚ ನವ॒ತಿಂ ಚ॑ ಶ್ನಥಿಷ್ಟ‌ಮ್ |
ಶ॒ತಂ ವ॒ರ್ಚಿನಃ॑ ಸ॒ಹಸ್ರಂ᳚ ಚ ಸಾ॒ಕಂ ಹ॒ಥೋ ಅ॑ಪ್ರ॒ತ್ಯಸು॑ರಸ್ಯ ವೀ॒ರಾನ್ || 7.99.5
ಇ॒ಯಂ ಮ॑ನೀ॒ಷಾ ಬೃ॑ಹ॒ತೀ ಬೃ॒ಹ‌ನ್ತೋ᳚ರುಕ್ರ॒ಮಾ ತ॒ವಸಾ᳚ ವ॒ರ್ಧಯ᳚‌ನ್ತೀ |
ರ॒ರೇ ವಾಂ॒ ಸ್ತೋಮಂ᳚ ವಿ॒ದಥೇ᳚ಷು ವಿಷ್ಣೋ॒ ಪಿನ್ವ॑ತ॒ಮಿಷೋ᳚ ವೃ॒ಜನೇ᳚ಷ್ವಿಂದ್ರ || 7.99.6
ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ᳚ ಜುಷಸ್ವ ಶಿಪಿವಿಷ್ಟ ಹ॒ವ್ಯ‌ಮ್ |
ವರ್ಧ᳚‌ನ್ತು ತ್ವಾ ಸುಷ್ಟು॒ತಯೋ॒ ಗಿರೋ᳚ ಮೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.99.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ವಿಷ್ಣುರ್ದೇವತಾ, ತ್ರಿಷ್ಟುಪ್ ಛಂದಃ

ನೂ ಮರ್ತೋ᳚ ದಯತೇ ಸನಿ॒ಷ್ಯನ್ಯೋ ವಿಷ್ಣ॑ವ ಉರುಗಾ॒ಯಾಯ॒ ದಾಶ॑ತ್ |
ಪ್ರ ಯಃ ಸ॒ತ್ರಾಚಾ॒ ಮನ॑ಸಾ॒ ಯಜಾ᳚ತ ಏ॒ತಾವ᳚‌ನ್ತಂ॒ ನರ್ಯ॑ಮಾ॒ವಿವಾ᳚ಸಾತ್ || 7.100.1
ತ್ವಂ ವಿ॑ಷ್ಣೋ ಸುಮ॒ತಿಂ ವಿ॒ಶ್ವಜ᳚ನ್ಯಾ॒ಮಪ್ರ॑ಯುತಾಮೇವಯಾವೋ ಮ॒ತಿಂ ದಾಃ᳚ |
ಪರ್ಚೋ॒ ಯಥಾ᳚ ನಃ ಸುವಿ॒ತಸ್ಯ॒ ಭೂರೇ॒ರಶ್ವಾ᳚ವತಃ ಪುರುಶ್ಚಂ॒ದ್ರಸ್ಯ॑ ರಾ॒ಯಃ || 7.100.2
ತ್ರಿರ್ದೇ॒ವಃ ಪೃ॑ಥಿ॒ವೀಮೇ॒ಷ ಏ॒ತಾಂ ವಿ ಚ॑ಕ್ರಮೇ ಶ॒ತರ್ಚ॑ಸಂ ಮಹಿ॒ತ್ವಾ |
ಪ್ರ ವಿಷ್ಣು॑ರಸ್ತು ತ॒ವಸ॒ಸ್ತವೀ᳚ಯಾ‌ನ್ತ್ವೇ॒ಷಂ ಹ್ಯ॑ಸ್ಯ॒ ಸ್ಥವಿ॑ರಸ್ಯ॒ ನಾಮ॑ || 7.100.3
ವಿ ಚ॑ಕ್ರಮೇ ಪೃಥಿ॒ವೀಮೇ॒ಷ ಏ॒ತಾಂ ಕ್ಷೇತ್ರಾ᳚ಯ॒ ವಿಷ್ಣು॒ರ್ಮನು॑ಷೇ ದಶ॒ಸ್ಯನ್ |
ಧ್ರು॒ವಾಸೋ᳚ ಅಸ್ಯ ಕೀ॒ರಯೋ॒ ಜನಾ᳚ಸ ಉರುಕ್ಷಿ॒ತಿಂ ಸು॒ಜನಿ॑ಮಾ ಚಕಾರ || 7.100.4
ಪ್ರ ತತ್ತೇ᳚ ಅ॒ದ್ಯ ಶಿ॑ಪಿವಿಷ್ಟ॒ ನಾಮಾ॒ರ್ಯಃ ಶಂ᳚ಸಾಮಿ ವ॒ಯುನಾ᳚ನಿ ವಿ॒ದ್ವಾನ್ |
ತಂ ತ್ವಾ᳚ ಗೃಣಾಮಿ ತ॒ವಸ॒ಮತ᳚ವ್ಯಾ॒ನ್ಕ್ಷಯ᳚‌ನ್ತಮ॒ಸ್ಯ ರಜ॑ಸಃ ಪರಾ॒ಕೇ || 7.100.5
ಕಿಮಿತ್ತೇ᳚ ವಿಷ್ಣೋ ಪರಿ॒ಚಕ್ಷ್ಯಂ᳚ ಭೂ॒ತ್ಪ್ರ ಯದ್ವ॑ವ॒ಕ್ಷೇ ಶಿ॑ಪಿವಿ॒ಷ್ಟೋ ಅ॑ಸ್ಮಿ |
ಮಾ ವರ್ಪೋ᳚ ಅ॒ಸ್ಮದಪ॑ ಗೂಹ ಏ॒ತದ್ಯದ॒ನ್ಯರೂ᳚ಪಃ ಸಮಿ॒ಥೇ ಬ॒ಭೂಥ॑ || 7.100.6
ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ᳚ ಜುಷಸ್ವ ಶಿಪಿವಿಷ್ಟ ಹ॒ವ್ಯ‌ಮ್ |
ವರ್ಧ᳚‌ನ್ತು ತ್ವಾ ಸುಷ್ಟು॒ತಯೋ॒ ಗಿರೋ᳚ ಮೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.100.7

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಆಗ್ನೇಯಃ ಕುಮಾರೋ ವಾ ಋಷಿಃ, ಪರ್ಜನ್ಯೋ ದೇವತಾ. ತ್ರಿಷ್ಟುಪ್ ಛಂದಃ

ತಿ॒ಸ್ರೋ ವಾಚಃ॒ ಪ್ರ ವ॑ದ॒ ಜ್ಯೋತಿ॑ರಗ್ರಾ॒ ಯಾ ಏ॒ತದ್ದು॒ಹ್ರೇ ಮ॑ಧುದೋ॒ಘಮೂಧಃ॑ |
ಸ ವ॒ತ್ಸಂ ಕೃ॒ಣ್ವನ್ಗರ್ಭ॒ಮೋಷ॑ಧೀನಾಂ ಸ॒ದ್ಯೋ ಜಾ॒ತೋ ವೃ॑ಷ॒ಭೋ ರೋ᳚ರವೀತಿ || 7.101.1
ಯೋ ವರ್ಧ॑ನ॒ ಓಷ॑ಧೀನಾಂ॒ ಯೋ ಅ॒ಪಾಂ ಯೋ ವಿಶ್ವ॑ಸ್ಯ॒ ಜಗ॑ತೋ ದೇ॒ವ ಈಶೇ᳚ |
ಸ ತ್ರಿ॒ಧಾತು॑ ಶರ॒ಣಂ ಶರ್ಮ॑ ಯಂಸತ್ತ್ರಿ॒ವರ್ತು॒ ಜ್ಯೋತಿಃ॑ ಸ್ವಭಿ॒ಷ್ಟ್ಯ1॒॑ಸ್ಮೇ || 7.101.2
ಸ್ತ॒ರೀರು॑ ತ್ವ॒ದ್ಭವ॑ತಿ॒ ಸೂತ॑ ಉ ತ್ವದ್ಯಥಾವ॒ಶಂ ತ॒ನ್ವಂ᳚ ಚಕ್ರ ಏ॒ಷಃ |
ಪಿ॒ತುಃ ಪಯಃ॒ ಪ್ರತಿ॑ ಗೃಭ್ಣಾತಿ ಮಾ॒ತಾ ತೇನ॑ ಪಿ॒ತಾ ವ॑ರ್ಧತೇ॒ ತೇನ॑ ಪು॒ತ್ರಃ || 7.101.3
ಯಸ್ಮಿ॒ನ್ವಿಶ್ವಾ᳚ನಿ॒ ಭುವ॑ನಾನಿ ತ॒ಸ್ಥುಸ್ತಿ॒ಸ್ರೋ ದ್ಯಾವ॑ಸ್ತ್ರೇ॒ಧಾ ಸ॒ಸ್ರುರಾಪಃ॑ |
ತ್ರಯಃ॒ ಕೋಶಾ᳚ಸ ಉಪ॒ಸೇಚ॑ನಾಸೋ॒ ಮಧ್ವಃ॑ ಶ್ಚೋತ‌ನ್ತ್ಯ॒ಭಿತೋ᳚ ವಿರ॒ಪ್ಶ‌ಮ್ || 7.101.4
ಇ॒ದಂ ವಚಃ॑ ಪ॒ರ್ಜನ್ಯಾ᳚ಯ ಸ್ವ॒ರಾಜೇ᳚ ಹೃ॒ದೋ ಅ॒ಸ್ತ್ವ‌ನ್ತ॑ರಂ॒ ತಜ್ಜು॑ಜೋಷತ್ |
ಮ॒ಯೋ॒ಭುವೋ᳚ ವೃ॒ಷ್ಟಯಃ॑ ಸ‌ನ್ತ್ವ॒ಸ್ಮೇ ಸು॑ಪಿಪ್ಪ॒ಲಾ ಓಷ॑ಧೀರ್ದೇ॒ವಗೋ᳚ಪಾಃ || 7.101.5
ಸ ರೇ᳚ತೋ॒ಧಾ ವೃ॑ಷ॒ಭಃ ಶಶ್ವ॑ತೀನಾಂ॒ ತಸ್ಮಿ᳚ನ್ನಾ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ |
ತನ್ಮ॑ ಋ॒ತಂ ಪಾ᳚ತು ಶ॒ತಶಾ᳚ರದಾಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 7.101.6

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಆಗ್ನೇಯಃ ಕಮಾರೋ ವಾ ಋಷಿಃ, ಪರ್ಜನ್ಯೋ ದೇವತಾ. ಗಾಯತ್ರೀ ಛಂದಃ

ಪ॒ರ್ಜನ್ಯಾ᳚ಯ॒ ಪ್ರ ಗಾ᳚ಯತ ದಿ॒ವಸ್ಪು॒ತ್ರಾಯ॑ ಮೀ॒ಳ್ಹುಷೇ᳚ |
ಸ ನೋ॒ ಯವ॑ಸಮಿಚ್ಛತು || 7.102.1
ಯೋ ಗರ್ಭ॒ಮೋಷ॑ಧೀನಾಂ॒ ಗವಾಂ᳚ ಕೃ॒ಣೋತ್ಯರ್ವ॑ತಾ‌ಮ್ |
ಪ॒ರ್ಜನ್ಯಃ॑ ಪುರು॒ಷೀಣಾ᳚‌ಮ್ || 7.102.2
ತಸ್ಮಾ॒ ಇದಾ॒ಸ್ಯೇ᳚ ಹ॒ವಿರ್ಜು॒ಹೋತಾ॒ ಮಧು॑ಮತ್ತಮ‌ಮ್ |
ಇಳಾಂ᳚ ನಃ ಸಂ॒ಯತಂ᳚ ಕರತ್ || 7.102.3

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ, ಮಂಡೂಕಾ ದೇವತಾಃ (1) ಪ್ರಥಮರ್ಚೋಽನುಷ್ಟಪ್ , (2-10) ದ್ವಿತೀಯಾದಿನವಾನಾಂಚ ತ್ರಿಷ್ಟುಪ್ ಛಂದಸೀ

ಸಂ॒ವ॒ತ್ಸ॒ರಂ ಶ॑ಶಯಾ॒ನಾ ಬ್ರಾ᳚ಹ್ಮ॒ಣಾ ವ್ರ॑ತಚಾ॒ರಿಣಃ॑ |
ವಾಚಂ᳚ ಪ॒ರ್ಜನ್ಯ॑ಜಿನ್ವಿತಾಂ॒ ಪ್ರ ಮಂ॒ಡೂಕಾ᳚ ಅವಾದಿಷುಃ || 7.103.1
ದಿ॒ವ್ಯಾ ಆಪೋ᳚ ಅ॒ಭಿ ಯದೇ᳚ನ॒ಮಾಯಂ॒ದೃತಿಂ॒ ನ ಶುಷ್ಕಂ᳚ ಸರ॒ಸೀ ಶಯಾ᳚ನ‌ಮ್ |
ಗವಾ॒ಮಹ॒ ನ ಮಾ॒ಯುರ್ವ॒ತ್ಸಿನೀ᳚ನಾಂ ಮಂ॒ಡೂಕಾ᳚ನಾಂ ವ॒ಗ್ನುರತ್ರಾ॒ ಸಮೇ᳚ತಿ || 7.103.2
ಯದೀ᳚ಮೇನಾಁ ಉಶ॒ತೋ ಅ॒ಭ್ಯವ॑ರ್ಷೀತ್ತೃ॒ಷ್ಯಾವ॑ತಃ ಪ್ರಾ॒ವೃಷ್ಯಾಗ॑ತಾಯಾ‌ಮ್ |
ಅ॒ಖ್ಖ॒ಲೀ॒ಕೃತ್ಯಾ᳚ ಪಿ॒ತರಂ॒ ನ ಪು॒ತ್ರೋ ಅ॒ನ್ಯೋ ಅ॒ನ್ಯಮುಪ॒ ವದ᳚‌ನ್ತಮೇತಿ || 7.103.3
ಅ॒ನ್ಯೋ ಅ॒ನ್ಯಮನು॑ ಗೃಭ್ಣಾತ್ಯೇನೋರ॒ಪಾಂ ಪ್ರ॑ಸ॒ರ್ಗೇ ಯದಮಂ᳚ದಿಷಾತಾ‌ಮ್ |
ಮಂ॒ಡೂಕೋ॒ ಯದ॒ಭಿವೃ॑ಷ್ಟಃ॒ ಕನಿ॑ಷ್ಕ॒ನ್ಪೃಶ್ನಿಃ॑ ಸಂಪೃಂ॒ಕ್ತೇ ಹರಿ॑ತೇನ॒ ವಾಚ‌ಮ್᳚ || 7.103.4
ಯದೇ᳚ಷಾಮ॒ನ್ಯೋ ಅ॒ನ್ಯಸ್ಯ॒ ವಾಚಂ᳚ ಶಾ॒ಕ್ತಸ್ಯೇ᳚ವ॒ ವದ॑ತಿ॒ ಶಿಕ್ಷ॑ಮಾಣಃ |
ಸರ್ವಂ॒ ತದೇ᳚ಷಾಂ ಸ॒ಮೃಧೇ᳚ವ॒ ಪರ್ವ॒ ಯತ್ಸು॒ವಾಚೋ॒ ವದ॑ಥ॒ನಾಧ್ಯ॒ಪ್ಸು || 7.103.5
ಗೋಮಾ᳚ಯು॒ರೇಕೋ᳚ ಅ॒ಜಮಾ᳚ಯು॒ರೇಕಃ॒ ಪೃಶ್ನಿ॒ರೇಕೋ॒ ಹರಿ॑ತ॒ ಏಕ॑ ಏಷಾ‌ಮ್ |
ಸ॒ಮಾ॒ನಂ ನಾಮ॒ ಬಿಭ್ರ॑ತೋ॒ ವಿರೂ᳚ಪಾಃ ಪುರು॒ತ್ರಾ ವಾಚಂ᳚ ಪಿಪಿಶು॒ರ್ವದ᳚‌ನ್ತಃ || 7.103.6
ಬ್ರಾ॒ಹ್ಮ॒ಣಾಸೋ᳚ ಅತಿರಾ॒ತ್ರೇ ನ ಸೋಮೇ॒ ಸರೋ॒ ನ ಪೂ॒ರ್ಣಮ॒ಭಿತೋ॒ ವದ᳚‌ನ್ತಃ |
ಸಂ॒ವ॒ತ್ಸ॒ರಸ್ಯ॒ ತದಹಃ॒ ಪರಿ॑ ಷ್ಠ॒ ಯನ್ಮಂ॑ಡೂಕಾಃ ಪ್ರಾವೃ॒ಷೀಣಂ᳚ ಬ॒ಭೂವ॑ || 7.103.7
ಬ್ರಾ॒ಹ್ಮ॒ಣಾಸಃ॑ ಸೋ॒ಮಿನೋ॒ ವಾಚ॑ಮಕ್ರತ॒ ಬ್ರಹ್ಮ॑ ಕೃ॒ಣ್ವ‌ನ್ತಃ॑ ಪರಿವತ್ಸ॒ರೀಣ‌ಮ್᳚ |
ಅ॒ಧ್ವ॒ರ್ಯವೋ᳚ ಘ॒ರ್ಮಿಣಃ॑ ಸಿಷ್ವಿದಾ॒ನಾ ಆ॒ವಿರ್ಭ॑ವ‌ನ್ತಿ॒ ಗುಹ್ಯಾ॒ ನ ಕೇ ಚಿ॑ತ್ || 7.103.8
ದೇ॒ವಹಿ॑ತಿಂ ಜುಗುಪುರ್ದ್ವಾದ॒ಶಸ್ಯ॑ ಋ॒ತುಂ ನರೋ॒ ನ ಪ್ರ ಮಿ॑ನ‌ನ್ತ್ಯೇ॒ತೇ |
ಸಂ॒ವ॒ತ್ಸ॒ರೇ ಪ್ರಾ॒ವೃಷ್ಯಾಗ॑ತಾಯಾಂ ತ॒ಪ್ತಾ ಘ॒ರ್ಮಾ ಅ॑ಶ್ನುವತೇ ವಿಸ॒ರ್ಗ‌ಮ್ || 7.103.9
ಗೋಮಾ᳚ಯುರದಾದ॒ಜಮಾ᳚ಯುರದಾ॒ತ್ಪೃಶ್ನಿ॑ರದಾ॒ದ್ಧರಿ॑ತೋ ನೋ॒ ವಸೂ᳚ನಿ |
ಗವಾಂ᳚ ಮಂ॒ಡೂಕಾ॒ ದದ॑ತಃ ಶ॒ತಾನಿ॑ ಸಹಸ್ರಸಾ॒ವೇ ಪ್ರ ತಿ॑ರ‌ನ್ತ॒ ಆಯುಃ॑ || 7.103.10

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ (1-7, 15, 24-25) ಪ್ರಥಮಾದಿಸಪ್ತರ್ಚಾಂ ಪಂಚದಶ್ಯಾಶ್ಚತುರ್ವಿಶೀಪಂಚವಿಂಶ್ಯೋಶ್ಚೇಂದ್ರಾಸೋಮೌ, (8, 16, 1922) ಅಷ್ಟಮೀಷೋಡಶ್ಯೋರೇಕೋನವಿಂಶ್ಯಾದಿಚತಸೃಣಾಂಚೇಂದ್ರಃ, (9, 12-13) ನವಮೀದ್ವಾದಶೀತ್ರಯೋದಶೀನಾಂ ಸೋಮಃ, (10, 14) ದಶಮೀಚತುದರ್ಶ ಯೋರಗ್ನಿಃ, (11) ಏಕಾದಶ್ಯಾ ದೇವಾಃ, (17) ಸಪ್ತದಶ್ಯಾ ಗ್ರಾವಾಣಃ, (18) ಅಷ್ಟಾದಶ್ಯಾ ಮರುತಃ, (23) ತ್ರಯೋವಿಂಶ್ಯಾಶ್ಚ ಪೂರ್ವಾಧರ್ಸಯ ವಸಿಷ್ಠಾಶೀರುತ್ತರಾರ್ಧಸ್ಯ ಚ ಪೃಥಿವ್ಯಂತರಿಕ್ಷೇ ದೇವತಾಃ (1-6, 18, 21, 23) ಪ್ರಥಮಾದಿಷಡ಼ಚಾಮಷ್ಟಾದಶ್ಯೇಕವಿಂಶೀತ್ರಯೋವಿಂಶೀನಾಂಚ ಜಗತೀ, (7) ಸಪ್ತಮ್ಯಾ ಜಗತೀ ತ್ರಿಷ್ಟಬ್ವಾ, (8-17, 19-20, 22, 24) ಅಷ್ಟಮ್ಯಾದಿದಶಾನಾಮೇಕೋನವಿಂಶೀವಿಂಶೀದ್ವಾವಿಂಶೀಚತುರ್ವಿಶೀನಾಂಚ ತ್ರಿಷ್ಟುಪ್ (25) ಪಂಚವಿಂಶ್ಯಾಶ್ಚಾನಷ್ಟಪ ಛಂದಾಂಸಿ

ಇಂದ್ರಾ᳚ಸೋಮಾ॒ ತಪ॑ತಂ॒ ರಕ್ಷ॑ ಉ॒ಬ್ಜತಂ॒ ನ್ಯ॑ರ್ಪಯತಂ ವೃಷಣಾ ತಮೋ॒ವೃಧಃ॑ |
ಪರಾ᳚ ಶೃಣೀತಮ॒ಚಿತೋ॒ ನ್ಯೋ᳚ಷತಂ ಹ॒ತಂ ನು॒ದೇಥಾಂ॒ ನಿ ಶಿ॑ಶೀತಮ॒ತ್ರಿಣಃ॑ || 7.104.1
ಇಂದ್ರಾ᳚ಸೋಮಾ॒ ಸಮ॒ಘಶಂ᳚ಸಮ॒ಭ್ಯ1॒॑ಘಂ ತಪು᳚ರ್ಯಯಸ್ತು ಚ॒ರುರ॑ಗ್ನಿ॒ವಾಁ ಇ॑ವ |
ಬ್ರ॒ಹ್ಮ॒ದ್ವಿಷೇ᳚ ಕ್ರ॒ವ್ಯಾದೇ᳚ ಘೋ॒ರಚ॑ಕ್ಷಸೇ॒ ದ್ವೇಷೋ᳚ ಧತ್ತಮನವಾ॒ಯಂ ಕಿ॑ಮೀ॒ದಿನೇ᳚ || 7.104.2
ಇಂದ್ರಾ᳚ಸೋಮಾ ದು॒ಷ್ಕೃತೋ᳚ ವ॒ವ್ರೇ ಅ॒‌ನ್ತರ॑ನಾರಂಭ॒ಣೇ ತಮ॑ಸಿ॒ ಪ್ರ ವಿ॑ಧ್ಯತ‌ಮ್ |
ಯಥಾ॒ ನಾತಃ॒ ಪುನ॒ರೇಕ॑ಶ್ಚ॒ನೋದಯ॒ತ್ತದ್ವಾ᳚ಮಸ್ತು॒ ಸಹ॑ಸೇ ಮನ್ಯು॒ಮಚ್ಛವಃ॑ || 7.104.3
ಇಂದ್ರಾ᳚ಸೋಮಾ ವ॒ರ್ತಯ॑ತಂ ದಿ॒ವೋ ವ॒ಧಂ ಸಂ ಪೃ॑ಥಿ॒ವ್ಯಾ ಅ॒ಘಶಂ᳚ಸಾಯ॒ ತರ್ಹ॑ಣ‌ಮ್ |
ಉತ್ತ॑ಕ್ಷತಂ ಸ್ವ॒ರ್ಯ1॒॑ ಅಂಪರ್ವ॑ತೇಭ್ಯೋ॒ ಯೇನ॒ ರಕ್ಷೋ᳚ ವಾವೃಧಾ॒ನಂ ನಿ॒ಜೂರ್ವ॑ಥಃ || 7.104.4
ಇಂದ್ರಾ᳚ಸೋಮಾ ವ॒ರ್ತಯ॑ತಂ ದಿ॒ವಸ್ಪರ್ಯ॑ಗ್ನಿತ॒ಪ್ತೇಭಿ᳚ರ್ಯು॒ವಮಶ್ಮ॑ಹನ್ಮಭಿಃ |
ತಪು᳚ರ್ವಧೇಭಿರ॒ಜರೇ᳚ಭಿರ॒ತ್ರಿಣೋ॒ ನಿ ಪರ್ಶಾ᳚ನೇ ವಿಧ್ಯತಂ॒ ಯ‌ನ್ತು॑ ನಿಸ್ವ॒ರ‌ಮ್ || 7.104.5
ಇಂದ್ರಾ᳚ಸೋಮಾ॒ ಪರಿ॑ ವಾಂ ಭೂತು ವಿ॒ಶ್ವತ॑ ಇ॒ಯಂ ಮ॒ತಿಃ ಕ॒ಕ್ಷ್ಯಾಶ್ವೇ᳚ವ ವಾ॒ಜಿನಾ᳚ |
ಯಾಂ ವಾಂ॒ ಹೋತ್ರಾಂ᳚ ಪರಿಹಿ॒ನೋಮಿ॑ ಮೇ॒ಧಯೇ॒ಮಾ ಬ್ರಹ್ಮಾ᳚ಣಿ ನೃ॒ಪತೀ᳚ವ ಜಿನ್ವತ‌ಮ್ || 7.104.6
ಪ್ರತಿ॑ ಸ್ಮರೇಥಾಂ ತು॒ಜಯ॑ದ್ಭಿ॒ರೇವೈ᳚ರ್ಹ॒ತಂ ದ್ರು॒ಹೋ ರ॒ಕ್ಷಸೋ᳚ ಭಂಗು॒ರಾವ॑ತಃ |
ಇಂದ್ರಾ᳚ಸೋಮಾ ದು॒ಷ್ಕೃತೇ॒ ಮಾ ಸು॒ಗಂ ಭೂ॒ದ್ಯೋ ನಃ॑ ಕ॒ದಾ ಚಿ॑ದಭಿ॒ದಾಸ॑ತಿ ದ್ರು॒ಹಾ || 7.104.7
ಯೋ ಮಾ॒ ಪಾಕೇ᳚ನ॒ ಮನ॑ಸಾ॒ ಚರ᳚‌ನ್ತಮಭಿ॒ಚಷ್ಟೇ॒ ಅನೃ॑ತೇಭಿ॒ರ್ವಚೋ᳚ಭಿಃ |
ಆಪ॑ ಇವ ಕಾ॒ಶಿನಾ॒ ಸಂಗೃ॑ಭೀತಾ॒ ಅಸ᳚ನ್ನ॒ಸ್ತ್ವಾಸ॑ತ ಇಂದ್ರ ವ॒ಕ್ತಾ || 7.104.8
ಯೇ ಪಾ᳚ಕಶಂ॒ಸಂ ವಿ॒ಹರ᳚‌ನ್ತ॒ ಏವೈ॒ರ್ಯೇ ವಾ᳚ ಭ॒ದ್ರಂ ದೂ॒ಷಯ᳚‌ನ್ತಿ ಸ್ವ॒ಧಾಭಿಃ॑ |
ಅಹ॑ಯೇ ವಾ॒ ತಾನ್ಪ್ರ॒ದದಾ᳚ತು॒ ಸೋಮ॒ ಆ ವಾ᳚ ದಧಾತು॒ ನಿರ್‌ಋ॑ತೇರು॒ಪಸ್ಥೇ᳚ || 7.104.9
ಯೋ ನೋ॒ ರಸಂ॒ ದಿಪ್ಸ॑ತಿ ಪಿ॒ತ್ವೋ ಅ॑ಗ್ನೇ॒ ಯೋ ಅಶ್ವಾ᳚ನಾಂ॒ ಯೋ ಗವಾಂ॒ ಯಸ್ತ॒ನೂನಾ᳚‌ಮ್ |
ರಿ॒ಪುಃ ಸ್ತೇ॒ನಃ ಸ್ತೇ᳚ಯ॒ಕೃದ್ದ॒ಭ್ರಮೇ᳚ತು॒ ನಿ ಷ ಹೀ᳚ಯತಾಂ ತ॒ನ್ವಾ॒3॒॑ ತನಾ᳚ ಚ || 7.104.10
ಪ॒ರಃ ಸೋ ಅ॑ಸ್ತು ತ॒ನ್ವಾ॒3॒॑ ತನಾ᳚ ಚ ತಿ॒ಸ್ರಃ ಪೃ॑ಥಿ॒ವೀರ॒ಧೋ ಅ॑ಸ್ತು॒ ವಿಶ್ವಾಃ᳚ |
ಪ್ರತಿ॑ ಶುಷ್ಯತು॒ ಯಶೋ᳚ ಅಸ್ಯ ದೇವಾ॒ ಯೋ ನೋ॒ ದಿವಾ॒ ದಿಪ್ಸ॑ತಿ॒ ಯಶ್ಚ॒ ನಕ್ತ‌ಮ್᳚ || 7.104.11
ಸು॒ವಿ॒ಜ್ಞಾ॒ನಂ ಚಿ॑ಕಿ॒ತುಷೇ॒ ಜನಾ᳚ಯ॒ ಸಚ್ಚಾಸ॑ಚ್ಚ॒ ವಚ॑ಸೀ ಪಸ್ಪೃಧಾತೇ |
ತಯೋ॒ರ್ಯತ್ಸ॒ತ್ಯಂ ಯ॑ತ॒ರದೃಜೀ᳚ಯ॒ಸ್ತದಿತ್ಸೋಮೋ᳚ಽವತಿ॒ ಹ‌ನ್ತ್ಯಾಸ॑ತ್ || 7.104.12
ನ ವಾ ಉ॒ ಸೋಮೋ᳚ ವೃಜಿ॒ನಂ ಹಿ॑ನೋತಿ॒ ನ ಕ್ಷ॒ತ್ರಿಯಂ᳚ ಮಿಥು॒ಯಾ ಧಾ॒ರಯ᳚‌ನ್ತ‌ಮ್ |
ಹ‌ನ್ತಿ॒ ರಕ್ಷೋ॒ ಹ‌ನ್ತ್ಯಾಸ॒ದ್ವದ᳚‌ನ್ತಮು॒ಭಾವಿಂದ್ರ॑ಸ್ಯ॒ ಪ್ರಸಿ॑ತೌ ಶಯಾತೇ || 7.104.13
ಯದಿ॑ ವಾ॒ಹಮನೃ॑ತದೇವ॒ ಆಸ॒ ಮೋಘಂ᳚ ವಾ ದೇ॒ವಾಁ ಅ॑ಪ್ಯೂ॒ಹೇ ಅ॑ಗ್ನೇ |
ಕಿಮ॒ಸ್ಮಭ್ಯಂ᳚ ಜಾತವೇದೋ ಹೃಣೀಷೇ ದ್ರೋಘ॒ವಾಚ॑ಸ್ತೇ ನಿರ್‌ಋ॒ಥಂ ಸ॑ಚ‌ನ್ತಾ‌ಮ್ || 7.104.14
ಅ॒ದ್ಯಾ ಮು॑ರೀಯ॒ ಯದಿ॑ ಯಾತು॒ಧಾನೋ॒ ಅಸ್ಮಿ॒ ಯದಿ॒ ವಾಯು॑ಸ್ತ॒ತಪ॒ ಪೂರು॑ಷಸ್ಯ |
ಅಧಾ॒ ಸ ವೀ॒ರೈರ್ದ॒ಶಭಿ॒ರ್ವಿ ಯೂ᳚ಯಾ॒ ಯೋ ಮಾ॒ ಮೋಘಂ॒ ಯಾತು॑ಧಾ॒ನೇತ್ಯಾಹ॑ || 7.104.15
ಯೋ ಮಾಯಾ᳚ತುಂ॒ ಯಾತು॑ಧಾ॒ನೇತ್ಯಾಹ॒ ಯೋ ವಾ᳚ ರ॒ಕ್ಷಾಃ ಶುಚಿ॑ರ॒ಸ್ಮೀತ್ಯಾಹ॑ |
ಇಂದ್ರ॒ಸ್ತಂ ಹ᳚‌ನ್ತು ಮಹ॒ತಾ ವ॒ಧೇನ॒ ವಿಶ್ವ॑ಸ್ಯ ಜ॒‌ನ್ತೋರ॑ಧ॒ಮಸ್ಪ॑ದೀಷ್ಟ || 7.104.16
ಪ್ರ ಯಾ ಜಿಗಾ᳚ತಿ ಖ॒ರ್ಗಲೇ᳚ವ॒ ನಕ್ತ॒ಮಪ॑ ದ್ರು॒ಹಾ ತ॒ನ್ವ1॒॑ ಅಂಗೂಹ॑ಮಾನಾ |
ವ॒ವ್ರಾಁ ಅ॑ನ॒‌ನ್ತಾಁ ಅವ॒ ಸಾ ಪ॑ದೀಷ್ಟ॒ ಗ್ರಾವಾ᳚ಣೋ ಘ್ನ‌ನ್ತು ರ॒ಕ್ಷಸ॑ ಉಪ॒ಬ್ದೈಃ || 7.104.17
ವಿ ತಿ॑ಷ್ಠಧ್ವಂ ಮರುತೋ ವಿ॒ಕ್ಷ್ವಿ1॒॑ಚ್ಛತ॑ ಗೃಭಾ॒ಯತ॑ ರ॒ಕ್ಷಸಃ॒ ಸಂ ಪಿ॑ನಷ್ಟನ |
ವಯೋ॒ ಯೇ ಭೂ॒ತ್ವೀ ಪ॒ತಯ᳚‌ನ್ತಿ ನ॒ಕ್ತಭಿ॒ರ್ಯೇ ವಾ॒ ರಿಪೋ᳚ ದಧಿ॒ರೇ ದೇ॒ವೇ ಅ॑ಧ್ವ॒ರೇ || 7.104.18
ಪ್ರ ವ॑ರ್ತಯ ದಿ॒ವೋ ಅಶ್ಮಾ᳚ನಮಿಂದ್ರ॒ ಸೋಮ॑ಶಿತಂ ಮಘವ॒‌‌ನ್ತ್ಸಂ ಶಿ॑ಶಾಧಿ |
ಪ್ರಾಕ್ತಾ॒ದಪಾ᳚ಕ್ತಾದಧ॒ರಾದುದ॑ಕ್ತಾದ॒ಭಿ ಜ॑ಹಿ ರ॒ಕ್ಷಸಃ॒ ಪರ್ವ॑ತೇನ || 7.104.19
ಏ॒ತ ಉ॒ ತ್ಯೇ ಪ॑ತಯ‌ನ್ತಿ॒ ಶ್ವಯಾ᳚ತವ॒ ಇಂದ್ರಂ᳚ ದಿಪ್ಸ‌ನ್ತಿ ದಿ॒ಪ್ಸವೋಽದಾ᳚ಭ್ಯ‌ಮ್ |
ಶಿಶೀ᳚ತೇ ಶ॒ಕ್ರಃ ಪಿಶು॑ನೇಭ್ಯೋ ವ॒ಧಂ ನೂ॒ನಂ ಸೃ॑ಜದ॒ಶನಿಂ᳚ ಯಾತು॒ಮದ್ಭ್ಯಃ॑ || 7.104.20
ಇಂದ್ರೋ᳚ ಯಾತೂ॒ನಾಮ॑ಭವತ್ಪರಾಶ॒ರೋ ಹ॑ವಿ॒ರ್ಮಥೀ᳚ನಾಮ॒ಭ್ಯಾ॒3॒॑ವಿವಾ᳚ಸತಾ‌ಮ್ |
ಅ॒ಭೀದು॑ ಶ॒ಕ್ರಃ ಪ॑ರ॒ಶುರ್ಯಥಾ॒ ವನಂ॒ ಪಾತ್ರೇ᳚ವ ಭಿಂ॒ದ‌‌ನ್ತ್ಸ॒ತ ಏ᳚ತಿ ರ॒ಕ್ಷಸಃ॑ || 7.104.21
ಉಲೂ᳚ಕಯಾತುಂ ಶುಶು॒ಲೂಕ॑ಯಾತುಂ ಜ॒ಹಿ ಶ್ವಯಾ᳚ತುಮು॒ತ ಕೋಕ॑ಯಾತು‌ಮ್ |
ಸು॒ಪ॒ರ್ಣಯಾ᳚ತುಮು॒ತ ಗೃಧ್ರ॑ಯಾತುಂ ದೃ॒ಷದೇ᳚ವ॒ ಪ್ರ ಮೃ॑ಣ॒ ರಕ್ಷ॑ ಇಂದ್ರ || 7.104.22
ಮಾ ನೋ॒ ರಕ್ಷೋ᳚ ಅ॒ಭಿ ನ॑ಡ್ಯಾತು॒ಮಾವ॑ತಾ॒ಮಪೋ᳚ಚ್ಛತು ಮಿಥು॒ನಾ ಯಾ ಕಿ॑ಮೀ॒ದಿನಾ᳚ |
ಪೃ॒ಥಿ॒ವೀ ನಃ॒ ಪಾರ್ಥಿ॑ವಾತ್ಪಾ॒ತ್ವಂಹ॑ಸೋ॒ಽ‌ನ್ತರಿ॑ಕ್ಷಂ ದಿ॒ವ್ಯಾತ್ಪಾ᳚ತ್ವ॒ಸ್ಮಾನ್ || 7.104.23
ಇಂದ್ರ॑ ಜ॒ಹಿ ಪುಮಾಂ᳚ಸಂ ಯಾತು॒ಧಾನ॑ಮು॒ತ ಸ್ತ್ರಿಯಂ᳚ ಮಾ॒ಯಯಾ॒ ಶಾಶ॑ದಾನಾ‌ಮ್ |
ವಿಗ್ರೀ᳚ವಾಸೋ॒ ಮೂರ॑ದೇವಾ ಋದ‌ನ್ತು॒ ಮಾ ತೇ ದೃ॑ಶ॒‌‌ನ್ತ್ಸೂರ್ಯ॑ಮು॒ಚ್ಚರ᳚‌ನ್ತ‌ಮ್ || 7.104.24
ಪ್ರತಿ॑ ಚಕ್ಷ್ವ॒ ವಿ ಚ॒ಕ್ಷ್ವೇಂದ್ರ॑ಶ್ಚ ಸೋಮ ಜಾಗೃತ‌ಮ್ |
ರಕ್ಷೋ᳚ಭ್ಯೋ ವ॒ಧಮ॑ಸ್ಯತಮ॒ಶನಿಂ᳚ ಯಾತು॒ಮದ್ಭ್ಯಃ॑ || 7.104.25

|| ಇತಿ ಋಗ್ವೇದ ಮಂಡಲಮ್-೭ ||

|| ಅಥ ಋಗ್ವೇದ ಮಂಡಲಮ್-೮ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-34) ಚತಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ (1-2) ಪ್ರಥಮಾದ್ವಿತೀಯಯೋರೃಚೋಓರಃ ಕಾಣ್ವಃ ಪ್ರಗಾಥಃ, (3-29) ತೃತೀಯಾದಿಸಪ್ತವಿಂಶತೇಃ ಕಾರಾವೌ ಮೇಧಾತಿಥಿಮೇಧ್ಯಾತಿಥೀ, (30-33) ತ್ರಿಂಶ್ಯಾದಿಚತಸೃಣಾಂ ಪ್ಲಾಯೋಗಿರಾಸಂಗ ಋಷಯಃ, (34) ಚತುಸ್ತ್ರಿಂಶ್ಯಾಶ್ಚಾಂಗಿರಸೀ ಶಶ್ವತೀ ಋಷಿಕಾ (1-29) ಪ್ರಥಮಾಯೇಕೋನತ್ರಿಂಶದೃಚಾಮಿಂದ್ರಃ, (30-34) ತ್ರಿಂಶ್ಯಾದಿಪಂಚಾನಾಂಚಾಸಂಗೋ ದೇವತೇ (1-4) ಪ್ರಥಮಾದಿಚತುರೃಚ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), (5-32) ಪಂಚಮ್ಯಾದ್ಯಷ್ಟಾವಿಂಶತೇಬಢೇ ತೀ, (33-34) ತ್ರಯಸ್ತ್ರಿಂಶೀಚತಸ್ತ್ರಿಂಶ್ಯೋಶ್ಚ ತ್ರಿಷ್ಟುಪ್ ಛಂದಾಂಸಿ

ಮಾ ಚಿ॑ದ॒ನ್ಯದ್ವಿ ಶಂ᳚ಸತ॒ ಸಖಾ᳚ಯೋ॒ ಮಾ ರಿ॑ಷಣ್ಯತ |
ಇಂದ್ರ॒ಮಿತ್ಸ್ತೋ᳚ತಾ॒ ವೃಷ॑ಣಂ॒ ಸಚಾ᳚ ಸು॒ತೇ ಮುಹು॑ರು॒ಕ್ಥಾ ಚ॑ ಶಂಸತ || 8.1.1
ಅ॒ವ॒ಕ್ರ॒ಕ್ಷಿಣಂ᳚ ವೃಷ॒ಭಂ ಯ॑ಥಾ॒ಜುರಂ॒ ಗಾಂ ನ ಚ॑ರ್ಷಣೀ॒ಸಹ‌ಮ್᳚ |
ವಿ॒ದ್ವೇಷ॑ಣಂ ಸಂ॒ವನ॑ನೋಭಯಂಕ॒ರಂ ಮಂಹಿ॑ಷ್ಠಮುಭಯಾ॒ವಿನ‌ಮ್᳚ || 8.1.2
ಯಚ್ಚಿ॒ದ್ಧಿ ತ್ವಾ॒ ಜನಾ᳚ ಇ॒ಮೇ ನಾನಾ॒ ಹವ᳚‌ನ್ತ ಊ॒ತಯೇ᳚ |
ಅ॒ಸ್ಮಾಕಂ॒ ಬ್ರಹ್ಮೇ॒ದಮಿಂ᳚ದ್ರ ಭೂತು॒ ತೇಽಹಾ॒ ವಿಶ್ವಾ᳚ ಚ॒ ವರ್ಧ॑ನ‌ಮ್ || 8.1.3
ವಿ ತ॑ರ್ತೂರ್ಯ‌ನ್ತೇ ಮಘವನ್ವಿಪ॒ಶ್ಚಿತೋ॒ಽರ್ಯೋ ವಿಪೋ॒ ಜನಾ᳚ನಾ‌ಮ್ |
ಉಪ॑ ಕ್ರಮಸ್ವ ಪುರು॒ರೂಪ॒ಮಾ ಭ॑ರ॒ ವಾಜಂ॒ ನೇದಿ॑ಷ್ಠಮೂ॒ತಯೇ᳚ || 8.1.4
ಮ॒ಹೇ ಚ॒ನ ತ್ವಾಮ॑ದ್ರಿವಃ॒ ಪರಾ᳚ ಶು॒ಲ್ಕಾಯ॑ ದೇಯಾ‌ಮ್ |
ನ ಸ॒ಹಸ್ರಾ᳚ಯ॒ ನಾಯುತಾ᳚ಯ ವಜ್ರಿವೋ॒ ನ ಶ॒ತಾಯ॑ ಶತಾಮಘ || 8.1.5
ವಸ್ಯಾಁ᳚ ಇಂದ್ರಾಸಿ ಮೇ ಪಿ॒ತುರು॒ತ ಭ್ರಾತು॒ರಭುಂ᳚ಜತಃ |
ಮಾ॒ತಾ ಚ॑ ಮೇ ಛದಯಥಃ ಸ॒ಮಾ ವ॑ಸೋ ವಸುತ್ವ॒ನಾಯ॒ ರಾಧ॑ಸೇ || 8.1.6
ಕ್ವೇ᳚ಯಥ॒ ಕ್ವೇದ॑ಸಿ ಪುರು॒ತ್ರಾ ಚಿ॒ದ್ಧಿ ತೇ॒ ಮನಃ॑ |
ಅಲ॑ರ್ಷಿ ಯುಧ್ಮ ಖಜಕೃತ್ಪುರಂದರ॒ ಪ್ರ ಗಾ᳚ಯ॒ತ್ರಾ ಅ॑ಗಾಸಿಷುಃ || 8.1.7
ಪ್ರಾಸ್ಮೈ᳚ ಗಾಯ॒ತ್ರಮ॑ರ್ಚತ ವಾ॒ವಾತು॒ರ್ಯಃ ಪು॑ರಂದ॒ರಃ |
ಯಾಭಿಃ॑ ಕಾ॒ಣ್ವಸ್ಯೋಪ॑ ಬ॒ರ್ಹಿರಾ॒ಸದಂ॒ ಯಾಸ॑ದ್ವ॒ಜ್ರೀ ಭಿ॒ನತ್ಪುರಃ॑ || 8.1.8
ಯೇ ತೇ॒ ಸ‌ನ್ತಿ॑ ದಶ॒ಗ್ವಿನಃ॑ ಶ॒ತಿನೋ॒ ಯೇ ಸ॑ಹ॒ಸ್ರಿಣಃ॑ |
ಅಶ್ವಾ᳚ಸೋ॒ ಯೇ ತೇ॒ ವೃಷ॑ಣೋ ರಘು॒ದ್ರುವ॒ಸ್ತೇಭಿ᳚ರ್ನ॒ಸ್ತೂಯ॒ಮಾ ಗ॑ಹಿ || 8.1.9
ಆ ತ್ವ1॒॑ದ್ಯ ಸ॑ಬ॒ರ್ದುಘಾಂ᳚ ಹು॒ವೇ ಗಾ᳚ಯ॒ತ್ರವೇ᳚ಪಸ‌ಮ್ |
ಇಂದ್ರಂ᳚ ಧೇ॒ನುಂ ಸು॒ದುಘಾ॒ಮನ್ಯಾ॒ಮಿಷ॑ಮು॒ರುಧಾ᳚ರಾಮರಂ॒ಕೃತ‌ಮ್᳚ || 8.1.10
ಯತ್ತು॒ದತ್ಸೂರ॒ ಏತ॑ಶಂ ವಂ॒ಕೂ ವಾತ॑ಸ್ಯ ಪ॒ರ್ಣಿನಾ᳚ |
ವಹ॒ತ್ಕುತ್ಸ॑ಮಾರ್ಜುನೇ॒ಯಂ ಶ॒ತಕ್ರ॑ತುಃ॒ ತ್ಸರ॑ದ್ಗಂಧ॒ರ್ವಮಸ್ತೃ॑ತ‌ಮ್ || 8.1.11
ಯ ಋ॒ತೇ ಚಿ॑ದಭಿ॒ಶ್ರಿಷಃ॑ ಪು॒ರಾ ಜ॒ತ್ರುಭ್ಯ॑ ಆ॒ತೃದಃ॑ |
ಸಂಧಾ᳚ತಾ ಸಂ॒ಧಿಂ ಮ॒ಘವಾ᳚ ಪುರೂ॒ವಸು॒ರಿಷ್ಕ॑ರ್ತಾ॒ ವಿಹ್ರು॑ತಂ॒ ಪುನಃ॑ || 8.1.12
ಮಾ ಭೂ᳚ಮ॒ ನಿಷ್ಟ್ಯಾ᳚ ಇ॒ವೇಂದ್ರ॒ ತ್ವದರ॑ಣಾ ಇವ |
ವನಾ᳚ನಿ॒ ನ ಪ್ರ॑ಜಹಿ॒ತಾನ್ಯ॑ದ್ರಿವೋ ದು॒ರೋಷಾ᳚ಸೋ ಅಮನ್ಮಹಿ || 8.1.13
ಅಮ᳚ನ್ಮ॒ಹೀದ॑ನಾ॒ಶವೋ᳚ಽನು॒ಗ್ರಾಸ॑ಶ್ಚ ವೃತ್ರಹನ್ |
ಸ॒ಕೃತ್ಸು ತೇ᳚ ಮಹ॒ತಾ ಶೂ᳚ರ॒ ರಾಧ॑ಸಾ॒ ಅನು॒ ಸ್ತೋಮಂ᳚ ಮುದೀಮಹಿ || 8.1.14
ಯದಿ॒ ಸ್ತೋಮಂ॒ ಮಮ॒ ಶ್ರವ॑ದ॒ಸ್ಮಾಕ॒ಮಿಂದ್ರ॒ಮಿಂದ॑ವಃ |
ತಿ॒ರಃ ಪ॒ವಿತ್ರಂ᳚ ಸಸೃ॒ವಾಂಸ॑ ಆ॒ಶವೋ॒ ಮಂದ᳚‌ನ್ತು ತುಗ್ರ್ಯಾ॒ವೃಧಃ॑ || 8.1.15
ಆ ತ್ವ1॒॑ದ್ಯ ಸ॒ಧಸ್ತು॑ತಿಂ ವಾ॒ವಾತುಃ॒ ಸಖ್ಯು॒ರಾ ಗ॑ಹಿ |
ಉಪ॑ಸ್ತುತಿರ್ಮ॒ಘೋನಾಂ॒ ಪ್ರ ತ್ವಾ᳚ವ॒ತ್ವಧಾ᳚ ತೇ ವಶ್ಮಿ ಸುಷ್ಟು॒ತಿ‌ಮ್ || 8.1.16
ಸೋತಾ॒ ಹಿ ಸೋಮ॒ಮದ್ರಿ॑ಭಿ॒ರೇಮೇ᳚ನಮ॒ಪ್ಸು ಧಾ᳚ವತ |
ಗ॒ವ್ಯಾ ವಸ್ತ್ರೇ᳚ವ ವಾ॒ಸಯ᳚‌ನ್ತ॒ ಇನ್ನರೋ॒ ನಿರ್ಧು॑ಕ್ಷನ್ವ॒ಕ್ಷಣಾ᳚ಭ್ಯಃ || 8.1.17
ಅಧ॒ ಜ್ಮೋ ಅಧ॑ ವಾ ದಿ॒ವೋ ಬೃ॑ಹ॒ತೋ ರೋ᳚ಚ॒ನಾದಧಿ॑ |
ಅ॒ಯಾ ವ॑ರ್ಧಸ್ವ ತ॒ನ್ವಾ᳚ ಗಿ॒ರಾ ಮಮಾ ಜಾ॒ತಾ ಸು॑ಕ್ರತೋ ಪೃಣ || 8.1.18
ಇಂದ್ರಾ᳚ಯ॒ ಸು ಮ॒ದಿ‌ನ್ತ॑ಮಂ॒ ಸೋಮಂ᳚ ಸೋತಾ॒ ವರೇ᳚ಣ್ಯ‌ಮ್ |
ಶ॒ಕ್ರ ಏ᳚ಣಂ ಪೀಪಯ॒ದ್ವಿಶ್ವ॑ಯಾ ಧಿ॒ಯಾ ಹಿ᳚ನ್ವಾ॒ನಂ ನ ವಾ᳚ಜ॒ಯು‌ಮ್ || 8.1.19
ಮಾ ತ್ವಾ॒ ಸೋಮ॑ಸ್ಯ॒ ಗಲ್ದ॑ಯಾ॒ ಸದಾ॒ ಯಾಚ᳚ನ್ನ॒ಹಂ ಗಿ॒ರಾ |
ಭೂರ್ಣಿಂ᳚ ಮೃ॒ಗಂ ನ ಸವ॑ನೇಷು ಚುಕ್ರುಧಂ॒ ಕ ಈಶಾ᳚ನಂ॒ ನ ಯಾ᳚ಚಿಷತ್ || 8.1.20
ಮದೇ᳚ನೇಷಿ॒ತಂ ಮದ॑ಮು॒ಗ್ರಮು॒ಗ್ರೇಣ॒ ಶವ॑ಸಾ |
ವಿಶ್ವೇ᳚ಷಾಂ ತರು॒ತಾರಂ᳚ ಮದ॒ಚ್ಯುತಂ॒ ಮದೇ॒ ಹಿ ಷ್ಮಾ॒ ದದಾ᳚ತಿ ನಃ || 8.1.21
ಶೇವಾ᳚ರೇ॒ ವಾರ್ಯಾ᳚ ಪು॒ರು ದೇ॒ವೋ ಮರ್ತಾ᳚ಯ ದಾ॒ಶುಷೇ᳚ |
ಸ ಸು᳚ನ್ವ॒ತೇ ಚ॑ ಸ್ತುವ॒ತೇ ಚ॑ ರಾಸತೇ ವಿ॒ಶ್ವಗೂ᳚ರ್ತೋ ಅರಿಷ್ಟು॒ತಃ || 8.1.22
ಏಂದ್ರ॑ ಯಾಹಿ॒ ಮತ್ಸ್ವ॑ ಚಿ॒ತ್ರೇಣ॑ ದೇವ॒ ರಾಧ॑ಸಾ |
ಸರೋ॒ ನ ಪ್ರಾ᳚ಸ್ಯು॒ದರಂ॒ ಸಪೀ᳚ತಿಭಿ॒ರಾ ಸೋಮೇ᳚ಭಿರು॒ರು ಸ್ಫಿ॒ರ‌ಮ್ || 8.1.23
ಆ ತ್ವಾ᳚ ಸ॒ಹಸ್ರ॒ಮಾ ಶ॒ತಂ ಯು॒ಕ್ತಾ ರಥೇ᳚ ಹಿರ॒ಣ್ಯಯೇ᳚ |
ಬ್ರ॒ಹ್ಮ॒ಯುಜೋ॒ ಹರ॑ಯ ಇಂದ್ರ ಕೇ॒ಶಿನೋ॒ ವಹ᳚‌ನ್ತು॒ ಸೋಮ॑ಪೀತಯೇ || 8.1.24
ಆ ತ್ವಾ॒ ರಥೇ᳚ ಹಿರ॒ಣ್ಯಯೇ॒ ಹರೀ᳚ ಮ॒ಯೂರ॑ಶೇಪ್ಯಾ |
ಶಿ॒ತಿ॒ಪೃ॒ಷ್ಠಾ ವ॑ಹತಾಂ॒ ಮಧ್ವೋ॒ ಅಂಧ॑ಸೋ ವಿ॒ವಕ್ಷ॑ಣಸ್ಯ ಪೀ॒ತಯೇ᳚ || 8.1.25
ಪಿಬಾ॒ ತ್ವ1॒॑ಸ್ಯ ಗಿ᳚ರ್ವಣಃ ಸು॒ತಸ್ಯ॑ ಪೂರ್ವ॒ಪಾ ಇ॑ವ |
ಪರಿ॑ಷ್ಕೃತಸ್ಯ ರ॒ಸಿನ॑ ಇ॒ಯಮಾ᳚ಸು॒ತಿಶ್ಚಾರು॒ರ್ಮದಾ᳚ಯ ಪತ್ಯತೇ || 8.1.26
ಯ ಏಕೋ॒ ಅಸ್ತಿ॑ ದಂ॒ಸನಾ᳚ ಮ॒ಹಾಁ ಉ॒ಗ್ರೋ ಅ॒ಭಿ ವ್ರ॒ತೈಃ |
ಗಮ॒ತ್ಸ ಶಿ॒ಪ್ರೀ ನ ಸ ಯೋ᳚ಷ॒ದಾ ಗ॑ಮ॒ದ್ಧವಂ॒ ನ ಪರಿ॑ ವರ್ಜತಿ || 8.1.27
ತ್ವಂ ಪುರಂ᳚ ಚರಿ॒ಷ್ಣ್ವಂ᳚ ವ॒ಧೈಃ ಶುಷ್ಣ॑ಸ್ಯ॒ ಸಂ ಪಿ॑ಣಕ್ |
ತ್ವಂ ಭಾ ಅನು॑ ಚರೋ॒ ಅಧ॑ ದ್ವಿ॒ತಾ ಯದಿಂ᳚ದ್ರ॒ ಹವ್ಯೋ॒ ಭುವಃ॑ || 8.1.28
ಮಮ॑ ತ್ವಾ॒ ಸೂರ॒ ಉದಿ॑ತೇ॒ ಮಮ॑ ಮ॒ಧ್ಯಂದಿ॑ನೇ ದಿ॒ವಃ |
ಮಮ॑ ಪ್ರಪಿ॒ತ್ವೇ ಅ॑ಪಿಶರ್ವ॒ರೇ ವ॑ಸ॒ವಾ ಸ್ತೋಮಾ᳚ಸೋ ಅವೃತ್ಸತ || 8.1.29
ಸ್ತು॒ಹಿ ಸ್ತು॒ಹೀದೇ॒ತೇ ಘಾ᳚ ತೇ॒ ಮಂಹಿ॑ಷ್ಠಾಸೋ ಮ॒ಘೋನಾ᳚‌ಮ್ |
ನಿಂ॒ದಿ॒ತಾಶ್ವಃ॑ ಪ್ರಪ॒ಥೀ ಪ॑ರಮ॒ಜ್ಯಾ ಮ॒ಘಸ್ಯ॑ ಮೇಧ್ಯಾತಿಥೇ || 8.1.30
ಆ ಯದಶ್ವಾ॒ನ್ವನ᳚ನ್ವತಃ ಶ್ರ॒ದ್ಧಯಾ॒ಹಂ ರಥೇ᳚ ರು॒ಹ‌ಮ್ |
ಉ॒ತ ವಾ॒ಮಸ್ಯ॒ ವಸು॑ನಶ್ಚಿಕೇತತಿ॒ ಯೋ ಅಸ್ತಿ॒ ಯಾದ್ವಃ॑ ಪ॒ಶುಃ || 8.1.31
ಯ ಋ॒ಜ್ರಾ ಮಹ್ಯಂ᳚ ಮಾಮ॒ಹೇ ಸ॒ಹ ತ್ವ॒ಚಾ ಹಿ॑ರ॒ಣ್ಯಯಾ᳚ |
ಏ॒ಷ ವಿಶ್ವಾ᳚ನ್ಯ॒ಭ್ಯ॑ಸ್ತು॒ ಸೌಭ॑ಗಾಸಂ॒ಗಸ್ಯ॑ ಸ್ವ॒ನದ್ರ॑ಥಃ || 8.1.32
ಅಧ॒ ಪ್ಲಾಯೋ᳚ಗಿ॒ರತಿ॑ ದಾಸದ॒ನ್ಯಾನಾ᳚ಸಂ॒ಗೋ ಅ॑ಗ್ನೇ ದ॒ಶಭಿಃ॑ ಸ॒ಹಸ್ರೈಃ᳚ |
ಅಧೋ॒ಕ್ಷಣೋ॒ ದಶ॒ ಮಹ್ಯಂ॒ ರುಶ᳚‌ನ್ತೋ ನ॒ಳಾ ಇ॑ವ॒ ಸರ॑ಸೋ॒ ನಿರ॑ತಿಷ್ಠನ್ || 8.1.33
ಅನ್ವ॑ಸ್ಯ ಸ್ಥೂ॒ರಂ ದ॑ದೃಶೇ ಪು॒ರಸ್ತಾ᳚ದನ॒ಸ್ಥ ಊ॒ರುರ॑ವ॒ರಂಬ॑ಮಾಣಃ |
ಶಶ್ವ॑ತೀ॒ ನಾರ್ಯ॑ಭಿ॒ಚಕ್ಷ್ಯಾ᳚ಹ॒ ಸುಭ॑ದ್ರಮರ್ಯ॒ ಭೋಜ॑ನಂ ಬಿಭರ್ಷಿ || 8.1.34

(1-42) ದ್ವಿಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ (1-40) ಪ್ರಥಮಾದಿಚತ್ವಾರಿಂಶದೃಚಾಂ ಕಾಣ್ವೋ ಮೇಧಾತಿಥಿರಾಂಗಿರಸಃ ಪ್ರಿಯಮೇಧಶ್ಚ, (41-42) ಏಕಚತ್ವಾರಿಂಶೀದ್ವಿಚತ್ವಾರಿಂಶ್ಯೋಶ್ಚ ಕಾಣ್ವೋ ಮೇಧಾತಿಥಿರೃಷೀ(1-40) ಪ್ರಥಮಾದಿಚತ್ವಾರಿಂಶದೃಚಾಮಿಂದ್ರಃ, (41-42) ಏಕಚತ್ವಾರಿಂಶೀದ್ವಿಚತ್ವಾರಿಂಶ್ಯೋಶ್ಚ ವಿಭಿಂದೋರ್ದಾನಸ್ತುತಿದೇವ ತೇ (1-27, 29-42) ಪ್ರಥಮಾದಿಸಪ್ತವಿಂಶತ್ರ್ಯಚಾಮೇಕೋನತ್ರಿಂಶ್ಯಾದಿಚತುದಶ ನಾಂಚ ಗಾಯತ್ರೀ, (28) ಅಷ್ಟಾವಿಂಶ್ಯಾಶ್ಚಾನಷ್ಟಪ ಛಂದಸೀ

ಇ॒ದಂ ವ॑ಸೋ ಸು॒ತಮಂಧಃ॒ ಪಿಬಾ॒ ಸುಪೂ᳚ರ್ಣಮು॒ದರ‌ಮ್᳚ |
ಅನಾ᳚ಭಯಿನ್ರರಿ॒ಮಾ ತೇ᳚ || 8.2.1
ನೃಭಿ॑ರ್ಧೂ॒ತಃ ಸು॒ತೋ ಅಶ್ನೈ॒ರವ್ಯೋ॒ ವಾರೈಃ॒ ಪರಿ॑ಪೂತಃ |
ಅಶ್ವೋ॒ ನ ನಿ॒ಕ್ತೋ ನ॒ದೀಷು॑ || 8.2.2
ತಂ ತೇ॒ ಯವಂ॒ ಯಥಾ॒ ಗೋಭಿಃ॑ ಸ್ವಾ॒ದುಮ॑ಕರ್ಮ ಶ್ರೀ॒ಣ‌ನ್ತಃ॑ |
ಇಂದ್ರ॑ ತ್ವಾ॒ಸ್ಮಿ‌‌ನ್ತ್ಸ॑ಧ॒ಮಾದೇ᳚ || 8.2.3
ಇಂದ್ರ॒ ಇತ್ಸೋ᳚ಮ॒ಪಾ ಏಕ॒ ಇಂದ್ರಃ॑ ಸುತ॒ಪಾ ವಿ॒ಶ್ವಾಯುಃ॑ |
ಅ॒‌ನ್ತರ್ದೇ॒ವಾನ್ಮರ್ತ್ಯಾಁ᳚ಶ್ಚ || 8.2.4
ನ ಯಂ ಶು॒ಕ್ರೋ ನ ದುರಾ᳚ಶೀ॒ರ್ನ ತೃ॒ಪ್ರಾ ಉ॑ರು॒ವ್ಯಚ॑ಸ‌ಮ್ |
ಅ॒ಪ॒ಸ್ಪೃ॒ಣ್ವ॒ತೇ ಸು॒ಹಾರ್ದ‌ಮ್᳚ || 8.2.5
ಗೋಭಿ॒ರ್ಯದೀ᳚ಮ॒ನ್ಯೇ ಅ॒ಸ್ಮನ್ಮೃ॒ಗಂ ನ ವ್ರಾ ಮೃ॒ಗಯ᳚‌ನ್ತೇ |
ಅ॒ಭಿ॒ತ್ಸರ᳚‌ನ್ತಿ ಧೇ॒ನುಭಿಃ॑ || 8.2.6
ತ್ರಯ॒ ಇಂದ್ರ॑ಸ್ಯ॒ ಸೋಮಾಃ᳚ ಸು॒ತಾಸಃ॑ ಸ‌ನ್ತು ದೇ॒ವಸ್ಯ॑ |
ಸ್ವೇ ಕ್ಷಯೇ᳚ ಸುತ॒ಪಾವ್ನಃ॑ || 8.2.7
ತ್ರಯಃ॒ ಕೋಶಾ᳚ಸಃ ಶ್ಚೋತ‌ನ್ತಿ ತಿ॒ಸ್ರಶ್ಚ॒ಮ್ವ1॒ಃ॑ ಸುಪೂ᳚ರ್ಣಾಃ |
ಸ॒ಮಾ॒ನೇ ಅಧಿ॒ ಭಾರ್ಮನ್॑ || 8.2.8
ಶುಚಿ॑ರಸಿ ಪುರುನಿಃ॒ಷ್ಠಾಃ ಕ್ಷೀ॒ರೈರ್ಮ॑ಧ್ಯ॒ತ ಆಶೀ᳚ರ್ತಃ |
ದ॒ಧ್ನಾ ಮಂದಿ॑ಷ್ಠಃ॒ ಶೂರ॑ಸ್ಯ || 8.2.9
ಇ॒ಮೇ ತ॑ ಇಂದ್ರ॒ ಸೋಮಾ᳚ಸ್ತೀ॒ವ್ರಾ ಅ॒ಸ್ಮೇ ಸು॒ತಾಸಃ॑ |
ಶು॒ಕ್ರಾ ಆ॒ಶಿರಂ᳚ ಯಾಚ‌ನ್ತೇ || 8.2.10
ತಾಁ ಆ॒ಶಿರಂ᳚ ಪುರೋ॒ಳಾಶ॒ಮಿಂದ್ರೇ॒ಮಂ ಸೋಮಂ᳚ ಶ್ರೀಣೀಹಿ |
ರೇ॒ವ‌ನ್ತಂ॒ ಹಿ ತ್ವಾ᳚ ಶೃ॒ಣೋಮಿ॑ || 8.2.11
ಹೃ॒ತ್ಸು ಪೀ॒ತಾಸೋ᳚ ಯುಧ್ಯ‌ನ್ತೇ ದು॒ರ್ಮದಾ᳚ಸೋ॒ ನ ಸುರಾ᳚ಯಾ‌ಮ್ |
ಊಧ॒ರ್ನ ನ॒ಗ್ನಾ ಜ॑ರ‌ನ್ತೇ || 8.2.12
ರೇ॒ವಾಁ ಇದ್ರೇ॒ವತಃ॑ ಸ್ತೋ॒ತಾ ಸ್ಯಾತ್ತ್ವಾವ॑ತೋ ಮ॒ಘೋನಃ॑ |
ಪ್ರೇದು॑ ಹರಿವಃ ಶ್ರು॒ತಸ್ಯ॑ || 8.2.13
ಉ॒ಕ್ಥಂ ಚ॒ನ ಶ॒ಸ್ಯಮಾ᳚ನ॒ಮಗೋ᳚ರ॒ರಿರಾ ಚಿ॑ಕೇತ |
ನ ಗಾ᳚ಯ॒ತ್ರಂ ಗೀ॒ಯಮಾ᳚ನ‌ಮ್ || 8.2.14
ಮಾ ನ॑ ಇಂದ್ರ ಪೀಯ॒ತ್ನವೇ॒ ಮಾ ಶರ್ಧ॑ತೇ॒ ಪರಾ᳚ ದಾಃ |
ಶಿಕ್ಷಾ᳚ ಶಚೀವಃ॒ ಶಚೀ᳚ಭಿಃ || 8.2.15
ವ॒ಯಮು॑ ತ್ವಾ ತ॒ದಿದ॑ರ್ಥಾ॒ ಇಂದ್ರ॑ ತ್ವಾ॒ಯ‌ನ್ತಃ॒ ಸಖಾ᳚ಯಃ |
ಕಣ್ವಾ᳚ ಉ॒ಕ್ಥೇಭಿ॑ರ್ಜರ‌ನ್ತೇ || 8.2.16
ನ ಘೇ᳚ಮ॒ನ್ಯದಾ ಪ॑ಪನ॒ ವಜ್ರಿ᳚ನ್ನ॒ಪಸೋ॒ ನವಿ॑ಷ್ಟೌ |
ತವೇದು॒ ಸ್ತೋಮಂ᳚ ಚಿಕೇತ || 8.2.17
ಇ॒ಚ್ಛ‌ನ್ತಿ॑ ದೇ॒ವಾಃ ಸು॒ನ್ವ‌ನ್ತಂ॒ ನ ಸ್ವಪ್ನಾ᳚ಯ ಸ್ಪೃಹಯ‌ನ್ತಿ |
ಯ‌ನ್ತಿ॑ ಪ್ರ॒ಮಾದ॒ಮತಂ᳚ದ್ರಾಃ || 8.2.18
ಓ ಷು ಪ್ರ ಯಾ᳚ಹಿ॒ ವಾಜೇ᳚ಭಿ॒ರ್ಮಾ ಹೃ॑ಣೀಥಾ ಅ॒ಭ್ಯ1॒॑ಸ್ಮಾನ್ |
ಮ॒ಹಾಁ ಇ॑ವ॒ ಯುವ॑ಜಾನಿಃ || 8.2.19
ಮೋ ಷ್ವ1॒॑ದ್ಯ ದು॒ರ್ಹಣಾ᳚ವಾ‌‌ನ್ತ್ಸಾ॒ಯಂ ಕ॑ರದಾ॒ರೇ ಅ॒ಸ್ಮತ್ |
ಅ॒ಶ್ರೀ॒ರ ಇ॑ವ॒ ಜಾಮಾ᳚ತಾ || 8.2.20
ವಿ॒ದ್ಮಾ ಹ್ಯ॑ಸ್ಯ ವೀ॒ರಸ್ಯ॑ ಭೂರಿ॒ದಾವ॑ರೀಂ ಸುಮ॒ತಿ‌ಮ್ |
ತ್ರಿ॒ಷು ಜಾ॒ತಸ್ಯ॒ ಮನಾಂ᳚ಸಿ || 8.2.21
ಆ ತೂ ಷಿಂ᳚ಚ॒ ಕಣ್ವ॑ಮ‌ನ್ತಂ॒ ನ ಘಾ᳚ ವಿದ್ಮ ಶವಸಾ॒ನಾತ್ |
ಯ॒ಶಸ್ತ॑ರಂ ಶ॒ತಮೂ᳚ತೇಃ || 8.2.22
ಜ್ಯೇಷ್ಠೇ᳚ನ ಸೋತ॒ರಿಂದ್ರಾ᳚ಯ॒ ಸೋಮಂ᳚ ವೀ॒ರಾಯ॑ ಶ॒ಕ್ರಾಯ॑ |
ಭರಾ॒ ಪಿಬ॒ನ್ನರ್ಯಾ᳚ಯ || 8.2.23
ಯೋ ವೇದಿ॑ಷ್ಠೋ ಅವ್ಯ॒ಥಿಷ್ವಶ್ವಾ᳚ವ‌ನ್ತಂ ಜರಿ॒ತೃಭ್ಯಃ॑ |
ವಾಜಂ᳚ ಸ್ತೋ॒ತೃಭ್ಯೋ॒ ಗೋಮ᳚‌ನ್ತ‌ಮ್ || 8.2.24
ಪನ್ಯಂ᳚ಪನ್ಯ॒ಮಿತ್ಸೋ᳚ತಾರ॒ ಆ ಧಾ᳚ವತ॒ ಮದ್ಯಾ᳚ಯ |
ಸೋಮಂ᳚ ವೀ॒ರಾಯ॒ ಶೂರಾ᳚ಯ || 8.2.25
ಪಾತಾ᳚ ವೃತ್ರ॒ಹಾ ಸು॒ತಮಾ ಘಾ᳚ ಗಮ॒ನ್ನಾರೇ ಅ॒ಸ್ಮತ್ |
ನಿ ಯ॑ಮತೇ ಶ॒ತಮೂ᳚ತಿಃ || 8.2.26
ಏಹ ಹರೀ᳚ ಬ್ರಹ್ಮ॒ಯುಜಾ᳚ ಶ॒ಗ್ಮಾ ವ॑ಕ್ಷತಃ॒ ಸಖಾ᳚ಯ‌ಮ್ |
ಗೀ॒ರ್ಭಿಃ ಶ್ರು॒ತಂ ಗಿರ್ವ॑ಣಸ‌ಮ್ || 8.2.27
ಸ್ವಾ॒ದವಃ॒ ಸೋಮಾ॒ ಆ ಯಾ᳚ಹಿ ಶ್ರೀ॒ತಾಃ ಸೋಮಾ॒ ಆ ಯಾ᳚ಹಿ |
ಶಿಪ್ರಿ॒ನ್ನೃಷೀ᳚ವಃ॒ ಶಚೀ᳚ವೋ॒ ನಾಯಮಚ್ಛಾ᳚ ಸಧ॒ಮಾದ‌ಮ್᳚ || 8.2.28
ಸ್ತುತ॑ಶ್ಚ॒ ಯಾಸ್ತ್ವಾ॒ ವರ್ಧ᳚‌ನ್ತಿ ಮ॒ಹೇ ರಾಧ॑ಸೇ ನೃ॒ಮ್ಣಾಯ॑ |
ಇಂದ್ರ॑ ಕಾ॒ರಿಣಂ᳚ ವೃ॒ಧ‌ನ್ತಃ॑ || 8.2.29
ಗಿರ॑ಶ್ಚ॒ ಯಾಸ್ತೇ᳚ ಗಿರ್ವಾಹ ಉ॒ಕ್ಥಾ ಚ॒ ತುಭ್ಯಂ॒ ತಾನಿ॑ |
ಸ॒ತ್ರಾ ದ॑ಧಿ॒ರೇ ಶವಾಂ᳚ಸಿ || 8.2.30
ಏ॒ವೇದೇ॒ಷ ತು॑ವಿಕೂ॒ರ್ಮಿರ್ವಾಜಾಁ॒ ಏಕೋ॒ ವಜ್ರ॑ಹಸ್ತಃ |
ಸ॒ನಾದಮೃ॑ಕ್ತೋ ದಯತೇ || 8.2.31
ಹ‌ನ್ತಾ᳚ ವೃ॒ತ್ರಂ ದಕ್ಷಿ॑ಣೇ॒ನೇಂದ್ರಃ॑ ಪು॒ರೂ ಪು॑ರುಹೂ॒ತಃ |
ಮ॒ಹಾನ್ಮ॒ಹೀಭಿಃ॒ ಶಚೀ᳚ಭಿಃ || 8.2.32
ಯಸ್ಮಿ॒ನ್ವಿಶ್ವಾ᳚ಶ್ಚರ್ಷ॒ಣಯ॑ ಉ॒ತ ಚ್ಯೌ॒ತ್ನಾ ಜ್ರಯಾಂ᳚ಸಿ ಚ |
ಅನು॒ ಘೇನ್ಮಂ॒ದೀ ಮ॒ಘೋನಃ॑ || 8.2.33
ಏ॒ಷ ಏ॒ತಾನಿ॑ ಚಕಾ॒ರೇಂದ್ರೋ॒ ವಿಶ್ವಾ॒ ಯೋಽತಿ॑ ಶೃ॒ಣ್ವೇ |
ವಾ॒ಜ॒ದಾವಾ᳚ ಮ॒ಘೋನಾ᳚‌ಮ್ || 8.2.34
ಪ್ರಭ॑ರ್ತಾ॒ ರಥಂ᳚ ಗ॒ವ್ಯ‌ನ್ತ॑ಮಪಾ॒ಕಾಚ್ಚಿ॒ದ್ಯಮವ॑ತಿ |
ಇ॒ನೋ ವಸು॒ ಸ ಹಿ ವೋಳ್ಹಾ᳚ || 8.2.35
ಸನಿ॑ತಾ॒ ವಿಪ್ರೋ॒ ಅರ್ವ॑ದ್ಭಿ॒ರ್ಹ‌ನ್ತಾ᳚ ವೃ॒ತ್ರಂ ನೃಭಿಃ॒ ಶೂರಃ॑ |
ಸ॒ತ್ಯೋ᳚ಽವಿ॒ತಾ ವಿ॒ಧ‌ನ್ತ‌ಮ್᳚ || 8.2.36
ಯಜ॑ಧ್ವೈನಂ ಪ್ರಿಯಮೇಧಾ॒ ಇಂದ್ರಂ᳚ ಸ॒ತ್ರಾಚಾ॒ ಮನ॑ಸಾ |
ಯೋ ಭೂತ್ಸೋಮೈಃ᳚ ಸ॒ತ್ಯಮ॑ದ್ವಾ || 8.2.37
ಗಾ॒ಥಶ್ರ॑ವಸಂ॒ ಸತ್ಪ॑ತಿಂ॒ ಶ್ರವ॑ಸ್ಕಾಮಂ ಪುರು॒ತ್ಮಾನ‌ಮ್᳚ |
ಕಣ್ವಾ᳚ಸೋ ಗಾ॒ತ ವಾ॒ಜಿನ‌ಮ್᳚ || 8.2.38
ಯ ಋ॒ತೇ ಚಿ॒ದ್ಗಾಸ್ಪ॒ದೇಭ್ಯೋ॒ ದಾತ್ಸಖಾ॒ ನೃಭ್ಯಃ॒ ಶಚೀ᳚ವಾನ್ |
ಯೇ ಅ॑ಸ್ಮಿ॒ನ್ಕಾಮ॒ಮಶ್ರಿ॑ಯನ್ || 8.2.39
ಇ॒ತ್ಥಾ ಧೀವ᳚‌ನ್ತಮದ್ರಿವಃ ಕಾ॒ಣ್ವಂ ಮೇಧ್ಯಾ᳚ತಿಥಿ‌ಮ್ |
ಮೇ॒ಷೋ ಭೂ॒ತೋ॒3॒॑ಽಭಿ ಯನ್ನಯಃ॑ || 8.2.40
ಶಿಕ್ಷಾ᳚ ವಿಭಿಂದೋ ಅಸ್ಮೈ ಚ॒ತ್ವಾರ್ಯ॒ಯುತಾ॒ ದದ॑ತ್ |
ಅ॒ಷ್ಟಾ ಪ॒ರಃ ಸ॒ಹಸ್ರಾ᳚ || 8.2.41
ಉ॒ತ ಸು ತ್ಯೇ ಪ॑ಯೋ॒ವೃಧಾ᳚ ಮಾ॒ಕೀ ರಣ॑ಸ್ಯ ನ॒ಪ್ತ್ಯಾ᳚ |
ಜ॒ನಿ॒ತ್ವ॒ನಾಯ॑ ಮಾಮಹೇ || 8.2.42

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯಾತಿಥಿರೃಷಿಃ (1-20) ಪ್ರಥಮಾದಿವಿಂಶತ್ರ್ಯಚಾಮಿಂದ್ರಃ, (21-24) ಏಕವಿಂಶ್ಯಾದಿಚತಸೃಣಾಂಚ ಕೌರಯಾಣಸ್ಯ ಪಾಕಸ್ಥಾಮ್ನೋ ದಾನಸ್ತುರ್ತಿದರ್ವೇ ತೇ (1-20) ಪ್ರಥಮಾದಿವಿಂಶತ್ರ್ಯಚಾಂ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), (21) ಏಕವಿಂಶ್ಯಾ ಅನುಷ್ಟುಪ್ (22-23) ದ್ವಾವಿಂಶೀತ್ರಯೋವಿಂಶ್ಯೋರ್ಗಾಯತ್ರೀ, (24) ಚತುರ್ವಿಂಶ್ಯಾಶ್ಚ ಬೃಹತೀ ಛಂದಾಂಸಿ

ಪಿಬಾ᳚ ಸು॒ತಸ್ಯ॑ ರ॒ಸಿನೋ॒ ಮತ್ಸ್ವಾ᳚ ನ ಇಂದ್ರ॒ ಗೋಮ॑ತಃ |
ಆ॒ಪಿರ್ನೋ᳚ ಬೋಧಿ ಸಧ॒ಮಾದ್ಯೋ᳚ ವೃ॒ಧೇ॒3॒॑ಽಸ್ಮಾಁ ಅ॑ವ‌ನ್ತು ತೇ॒ ಧಿಯಃ॑ || 8.3.1
ಭೂ॒ಯಾಮ॑ ತೇ ಸುಮ॒ತೌ ವಾ॒ಜಿನೋ᳚ ವ॒ಯಂ ಮಾ ನಃ॑ ಸ್ತರ॒ಭಿಮಾ᳚ತಯೇ |
ಅ॒ಸ್ಮಾಂಚಿ॒ತ್ರಾಭಿ॑ರವತಾದ॒ಭಿಷ್ಟಿ॑ಭಿ॒ರಾ ನಃ॑ ಸು॒ಮ್ನೇಷು॑ ಯಾಮಯ || 8.3.2
ಇ॒ಮಾ ಉ॑ ತ್ವಾ ಪುರೂವಸೋ॒ ಗಿರೋ᳚ ವರ್ಧ‌ನ್ತು॒ ಯಾ ಮಮ॑ |
ಪಾ॒ವ॒ಕವ᳚ರ್ಣಾಃ॒ ಶುಚ॑ಯೋ ವಿಪ॒ಶ್ಚಿತೋ॒ಽಭಿ ಸ್ತೋಮೈ᳚ರನೂಷತ || 8.3.3
ಅ॒ಯಂ ಸ॒ಹಸ್ರ॒ಮೃಷಿ॑ಭಿಃ॒ ಸಹ॑ಸ್ಕೃತಃ ಸಮು॒ದ್ರ ಇ॑ವ ಪಪ್ರಥೇ |
ಸ॒ತ್ಯಃ ಸೋ ಅ॑ಸ್ಯ ಮಹಿ॒ಮಾ ಗೃ॑ಣೇ॒ ಶವೋ᳚ ಯ॒ಜ್ಞೇಷು॑ ವಿಪ್ರ॒ರಾಜ್ಯೇ᳚ || 8.3.4
ಇಂದ್ರ॒ಮಿದ್ದೇ॒ವತಾ᳚ತಯ॒ ಇಂದ್ರಂ᳚ ಪ್ರಯ॒ತ್ಯ॑ಧ್ವ॒ರೇ |
ಇಂದ್ರಂ᳚ ಸಮೀ॒ಕೇ ವ॒ನಿನೋ᳚ ಹವಾಮಹ॒ ಇಂದ್ರಂ॒ ಧನ॑ಸ್ಯ ಸಾ॒ತಯೇ᳚ || 8.3.5
ಇಂದ್ರೋ᳚ ಮ॒ಹ್ನಾ ರೋದ॑ಸೀ ಪಪ್ರಥ॒ಚ್ಛವ॒ ಇಂದ್ರಃ॒ ಸೂರ್ಯ॑ಮರೋಚಯತ್ |
ಇಂದ್ರೇ᳚ ಹ॒ ವಿಶ್ವಾ॒ ಭುವ॑ನಾನಿ ಯೇಮಿರ॒ ಇಂದ್ರೇ᳚ ಸುವಾ॒ನಾಸ॒ ಇಂದ॑ವಃ || 8.3.6
ಅ॒ಭಿ ತ್ವಾ᳚ ಪೂ॒ರ್ವಪೀ᳚ತಯ॒ ಇಂದ್ರ॒ ಸ್ತೋಮೇ᳚ಭಿರಾ॒ಯವಃ॑ |
ಸ॒ಮೀ॒ಚೀ॒ನಾಸ॑ ಋ॒ಭವಃ॒ ಸಮ॑ಸ್ವರನ್ರು॒ದ್ರಾ ಗೃ॑ಣ‌ನ್ತ॒ ಪೂರ್ವ್ಯ‌ಮ್᳚ || 8.3.7
ಅ॒ಸ್ಯೇದಿಂದ್ರೋ᳚ ವಾವೃಧೇ॒ ವೃಷ್ಣ್ಯಂ॒ ಶವೋ॒ ಮದೇ᳚ ಸು॒ತಸ್ಯ॒ ವಿಷ್ಣ॑ವಿ |
ಅ॒ದ್ಯಾ ತಮ॑ಸ್ಯ ಮಹಿ॒ಮಾನ॑ಮಾ॒ಯವೋಽನು॑ ಷ್ಟುವ‌ನ್ತಿ ಪೂ॒ರ್ವಥಾ᳚ || 8.3.8
ತತ್ತ್ವಾ᳚ ಯಾಮಿ ಸು॒ವೀರ್ಯಂ॒ ತದ್ಬ್ರಹ್ಮ॑ ಪೂ॒ರ್ವಚಿ॑ತ್ತಯೇ |
ಯೇನಾ॒ ಯತಿ॑ಭ್ಯೋ॒ ಭೃಗ॑ವೇ॒ ಧನೇ᳚ ಹಿ॒ತೇ ಯೇನ॒ ಪ್ರಸ್ಕ᳚ಣ್ವ॒ಮಾವಿ॑ಥ || 8.3.9
ಯೇನಾ᳚ ಸಮು॒ದ್ರಮಸೃ॑ಜೋ ಮ॒ಹೀರ॒ಪಸ್ತದಿಂ᳚ದ್ರ॒ ವೃಷ್ಣಿ॑ ತೇ॒ ಶವಃ॑ |
ಸ॒ದ್ಯಃ ಸೋ ಅ॑ಸ್ಯ ಮಹಿ॒ಮಾ ನ ಸಂ॒ನಶೇ॒ ಯಂ ಕ್ಷೋ॒ಣೀರ॑ನುಚಕ್ರ॒ದೇ || 8.3.10
ಶ॒ಗ್ಧೀ ನ॑ ಇಂದ್ರ॒ ಯತ್ತ್ವಾ᳚ ರ॒ಯಿಂ ಯಾಮಿ॑ ಸು॒ವೀರ್ಯ‌ಮ್᳚ |
ಶ॒ಗ್ಧಿ ವಾಜಾ᳚ಯ ಪ್ರಥ॒ಮಂ ಸಿಷಾ᳚ಸತೇ ಶ॒ಗ್ಧಿ ಸ್ತೋಮಾ᳚ಯ ಪೂರ್ವ್ಯ || 8.3.11
ಶ॒ಗ್ಧೀ ನೋ᳚ ಅ॒ಸ್ಯ ಯದ್ಧ॑ ಪೌ॒ರಮಾವಿ॑ಥ॒ ಧಿಯ॑ ಇಂದ್ರ॒ ಸಿಷಾ᳚ಸತಃ |
ಶ॒ಗ್ಧಿ ಯಥಾ॒ ರುಶ॑ಮಂ॒ ಶ್ಯಾವ॑ಕಂ॒ ಕೃಪ॒ಮಿಂದ್ರ॒ ಪ್ರಾವಃ॒ ಸ್ವ᳚ರ್ಣರ‌ಮ್ || 8.3.12
ಕನ್ನವ್ಯೋ᳚ ಅತ॒ಸೀನಾಂ᳚ ತು॒ರೋ ಗೃ॑ಣೀತ॒ ಮರ್ತ್ಯಃ॑ |
ನ॒ಹೀ ನ್ವ॑ಸ್ಯ ಮಹಿ॒ಮಾನ॑ಮಿಂದ್ರಿ॒ಯಂ ಸ್ವ॑ರ್ಗೃ॒ಣ‌ನ್ತ॑ ಆನ॒ಶುಃ || 8.3.13
ಕದು॑ ಸ್ತು॒ವ‌ನ್ತ॑ ಋತಯ‌ನ್ತ ದೇ॒ವತ॒ ಋಷಿಃ॒ ಕೋ ವಿಪ್ರ॑ ಓಹತೇ |
ಕ॒ದಾ ಹವಂ᳚ ಮಘವನ್ನಿಂದ್ರ ಸುನ್ವ॒ತಃ ಕದು॑ ಸ್ತುವ॒ತ ಆ ಗ॑ಮಃ || 8.3.14
ಉದು॒ ತ್ಯೇ ಮಧು॑ಮತ್ತಮಾ॒ ಗಿರಃ॒ ಸ್ತೋಮಾ᳚ಸ ಈರತೇ |
ಸ॒ತ್ರಾ॒ಜಿತೋ᳚ ಧನ॒ಸಾ ಅಕ್ಷಿ॑ತೋತಯೋ ವಾಜ॒ಯ‌ನ್ತೋ॒ ರಥಾ᳚ ಇವ || 8.3.15
ಕಣ್ವಾ᳚ ಇವ॒ ಭೃಗ॑ವಃ॒ ಸೂರ್ಯಾ᳚ ಇವ॒ ವಿಶ್ವ॒ಮಿದ್ಧೀ॒ತಮಾ᳚ನಶುಃ |
ಇಂದ್ರಂ॒ ಸ್ತೋಮೇ᳚ಭಿರ್ಮ॒ಹಯ᳚‌ನ್ತ ಆ॒ಯವಃ॑ ಪ್ರಿ॒ಯಮೇ᳚ಧಾಸೋ ಅಸ್ವರನ್ || 8.3.16
ಯು॒ಕ್ಷ್ವಾ ಹಿ ವೃ॑ತ್ರಹ‌ನ್ತಮ॒ ಹರೀ᳚ ಇಂದ್ರ ಪರಾ॒ವತಃ॑ |
ಅ॒ರ್ವಾ॒ಚೀ॒ನೋ ಮ॑ಘವ॒‌‌ನ್ತ್ಸೋಮ॑ಪೀತಯ ಉ॒ಗ್ರ ಋ॒ಷ್ವೇಭಿ॒ರಾ ಗ॑ಹಿ || 8.3.17
ಇ॒ಮೇ ಹಿ ತೇ᳚ ಕಾ॒ರವೋ᳚ ವಾವ॒ಶುರ್ಧಿ॒ಯಾ ವಿಪ್ರಾ᳚ಸೋ ಮೇ॒ಧಸಾ᳚ತಯೇ |
ಸ ತ್ವಂ ನೋ᳚ ಮಘವನ್ನಿಂದ್ರ ಗಿರ್ವಣೋ ವೇ॒ನೋ ನ ಶೃ॑ಣುಧೀ॒ ಹವ‌ಮ್᳚ || 8.3.18
ನಿರಿಂ᳚ದ್ರ ಬೃಹ॒ತೀಭ್ಯೋ᳚ ವೃ॒ತ್ರಂ ಧನು॑ಭ್ಯೋ ಅಸ್ಫುರಃ |
ನಿರರ್ಬು॑ದಸ್ಯ॒ ಮೃಗ॑ಯಸ್ಯ ಮಾ॒ಯಿನೋ॒ ನಿಃ ಪರ್ವ॑ತಸ್ಯ॒ ಗಾ ಆ᳚ಜಃ || 8.3.19
ನಿರ॒ಗ್ನಯೋ᳚ ರುರುಚು॒ರ್ನಿರು॒ ಸೂರ್ಯೋ॒ ನಿಃ ಸೋಮ॑ ಇಂದ್ರಿ॒ಯೋ ರಸಃ॑ |
ನಿರ॒‌ನ್ತರಿ॑ಕ್ಷಾದಧಮೋ ಮ॒ಹಾಮಹಿಂ᳚ ಕೃ॒ಷೇ ತದಿಂ᳚ದ್ರ॒ ಪೌಂಸ್ಯ‌ಮ್᳚ || 8.3.20
ಯಂ ಮೇ॒ ದುರಿಂದ್ರೋ᳚ ಮ॒ರುತಃ॒ ಪಾಕ॑ಸ್ಥಾಮಾ॒ ಕೌರ॑ಯಾಣಃ |
ವಿಶ್ವೇ᳚ಷಾಂ॒ ತ್ಮನಾ॒ ಶೋಭಿ॑ಷ್ಠ॒ಮುಪೇ᳚ವ ದಿ॒ವಿ ಧಾವ॑ಮಾನ‌ಮ್ || 8.3.21
ರೋಹಿ॑ತಂ ಮೇ॒ ಪಾಕ॑ಸ್ಥಾಮಾ ಸು॒ಧುರಂ᳚ ಕಕ್ಷ್ಯ॒ಪ್ರಾ‌ಮ್ |
ಅದಾ᳚ದ್ರಾ॒ಯೋ ವಿ॒ಬೋಧ॑ನ‌ಮ್ || 8.3.22
ಯಸ್ಮಾ᳚ ಅ॒ನ್ಯೇ ದಶ॒ ಪ್ರತಿ॒ ಧುರಂ॒ ವಹ᳚‌ನ್ತಿ॒ ವಹ್ನ॑ಯಃ |
ಅಸ್ತಂ॒ ವಯೋ॒ ನ ತುಗ್ರ್ಯ‌ಮ್᳚ || 8.3.23
ಆ॒ತ್ಮಾ ಪಿ॒ತುಸ್ತ॒ನೂರ್ವಾಸ॑ ಓಜೋ॒ದಾ ಅ॒ಭ್ಯಂಜ॑ನ‌ಮ್ |
ತು॒ರೀಯ॒ಮಿದ್ರೋಹಿ॑ತಸ್ಯ॒ ಪಾಕ॑ಸ್ಥಾಮಾನಂ ಭೋ॒ಜಂ ದಾ॒ತಾರ॑ಮಬ್ರವ‌ಮ್ || 8.3.24

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ದೇವಾತಿಥಿರೃಷಿಃ (1-14) ಪ್ರಥಮಾದಿಚತುದಶಾಮಿಂದ್ರಃ, (15-18) ಪಂಚದಶ್ಯಾದಿಚತಸೃಣಾಮಿಂದ್ರಃ ಪೂಷಾ ವಾ, (1921) ಏಕೋನವಿಂಶ್ಯಾದಿತೃಚಸ್ಯ ಚ ಕುರುಂಗಸ್ಯ ದಾನಸ್ತುತಿದೇವ ತಾಃ (1-20) ಪ್ರಥಮಾದಿವಿಂಶತ್ರ್ಯಚಾಂ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), 21 ಏಕವಿಂಶ್ಯಾಶ್ಚ ಪುರ ಉಷ್ಣಿಕ್ ಛಂದಸೀ

ಯದಿಂ᳚ದ್ರ॒ ಪ್ರಾಗಪಾ॒ಗುದ॒ಙ್ನ್ಯ॑ಗ್ವಾ ಹೂ॒ಯಸೇ॒ ನೃಭಿಃ॑ |
ಸಿಮಾ᳚ ಪು॒ರೂ ನೃಷೂ᳚ತೋ ಅ॒ಸ್ಯಾನ॒ವೇಽಸಿ॑ ಪ್ರಶರ್ಧ ತು॒ರ್ವಶೇ᳚ || 8.4.1
ಯದ್ವಾ॒ ರುಮೇ॒ ರುಶ॑ಮೇ॒ ಶ್ಯಾವ॑ಕೇ॒ ಕೃಪ॒ ಇಂದ್ರ॑ ಮಾ॒ದಯ॑ಸೇ॒ ಸಚಾ᳚ |
ಕಣ್ವಾ᳚ಸಸ್ತ್ವಾ॒ ಬ್ರಹ್ಮ॑ಭಿಃ॒ ಸ್ತೋಮ॑ವಾಹಸ॒ ಇಂದ್ರಾ ಯ॑ಚ್ಛ॒‌ನ್ತ್ಯಾ ಗ॑ಹಿ || 8.4.2
ಯಥಾ᳚ ಗೌ॒ರೋ ಅ॒ಪಾ ಕೃ॒ತಂ ತೃಷ್ಯ॒ನ್ನೇತ್ಯವೇರಿ॑ಣ‌ಮ್ |
ಆ॒ಪಿ॒ತ್ವೇ ನಃ॑ ಪ್ರಪಿ॒ತ್ವೇ ತೂಯ॒ಮಾ ಗ॑ಹಿ॒ ಕಣ್ವೇ᳚ಷು॒ ಸು ಸಚಾ॒ ಪಿಬ॑ || 8.4.3
ಮಂದ᳚‌ನ್ತು ತ್ವಾ ಮಘವನ್ನಿಂ॒ದ್ರೇಂದ॑ವೋ ರಾಧೋ॒ದೇಯಾ᳚ಯ ಸುನ್ವ॒ತೇ |
ಆ॒ಮುಷ್ಯಾ॒ ಸೋಮ॑ಮಪಿಬಶ್ಚ॒ಮೂ ಸು॒ತಂ ಜ್ಯೇಷ್ಠಂ॒ ತದ್ದ॑ಧಿಷೇ॒ ಸಹಃ॑ || 8.4.4
ಪ್ರ ಚ॑ಕ್ರೇ॒ ಸಹ॑ಸಾ॒ ಸಹೋ᳚ ಬ॒ಭಂಜ॑ ಮ॒ನ್ಯುಮೋಜ॑ಸಾ |
ವಿಶ್ವೇ᳚ ತ ಇಂದ್ರ ಪೃತನಾ॒ಯವೋ᳚ ಯಹೋ॒ ನಿ ವೃ॒ಕ್ಷಾ ಇ॑ವ ಯೇಮಿರೇ || 8.4.5
ಸ॒ಹಸ್ರೇ᳚ಣೇವ ಸಚತೇ ಯವೀ॒ಯುಧಾ॒ ಯಸ್ತ॒ ಆನ॒ಳುಪ॑ಸ್ತುತಿ‌ಮ್ |
ಪು॒ತ್ರಂ ಪ್ರಾ᳚ವ॒ರ್ಗಂ ಕೃ॑ಣುತೇ ಸು॒ವೀರ್ಯೇ᳚ ದಾ॒ಶ್ನೋತಿ॒ ನಮ॑‌ಉಕ್ತಿಭಿಃ || 8.4.6
ಮಾ ಭೇ᳚ಮ॒ ಮಾ ಶ್ರ॑ಮಿಷ್ಮೋ॒ಗ್ರಸ್ಯ॑ ಸ॒ಖ್ಯೇ ತವ॑ |
ಮ॒ಹತ್ತೇ॒ ವೃಷ್ಣೋ᳚ ಅಭಿ॒ಚಕ್ಷ್ಯಂ᳚ ಕೃ॒ತಂ ಪಶ್ಯೇ᳚ಮ ತು॒ರ್ವಶಂ॒ ಯದು‌ಮ್᳚ || 8.4.7
ಸ॒ವ್ಯಾಮನು॑ ಸ್ಫಿ॒ಗ್ಯಂ᳚ ವಾವಸೇ॒ ವೃಷಾ॒ ನ ದಾ॒ನೋ ಅ॑ಸ್ಯ ರೋಷತಿ |
ಮಧ್ವಾ॒ ಸಂಪೃ॑ಕ್ತಾಃ ಸಾರ॒ಘೇಣ॑ ಧೇ॒ನವ॒ಸ್ತೂಯ॒ಮೇಹಿ॒ ದ್ರವಾ॒ ಪಿಬ॑ || 8.4.8
ಅ॒ಶ್ವೀ ರ॒ಥೀ ಸು॑ರೂ॒ಪ ಇದ್ಗೋಮಾಁ॒ ಇದಿಂ᳚ದ್ರ ತೇ॒ ಸಖಾ᳚ |
ಶ್ವಾ॒ತ್ರ॒ಭಾಜಾ॒ ವಯ॑ಸಾ ಸಚತೇ॒ ಸದಾ᳚ ಚಂ॒ದ್ರೋ ಯಾ᳚ತಿ ಸ॒ಭಾಮುಪ॑ || 8.4.9
ಋಶ್ಯೋ॒ ನ ತೃಷ್ಯ᳚ನ್ನವ॒ಪಾನ॒ಮಾ ಗ॑ಹಿ॒ ಪಿಬಾ॒ ಸೋಮಂ॒ ವಶಾಁ॒ ಅನು॑ |
ನಿ॒ಮೇಘ॑ಮಾನೋ ಮಘವಂದಿ॒ವೇದಿ॑ವ॒ ಓಜಿ॑ಷ್ಠಂ ದಧಿಷೇ॒ ಸಹಃ॑ || 8.4.10
ಅಧ್ವ᳚ರ್ಯೋ ದ್ರಾ॒ವಯಾ॒ ತ್ವಂ ಸೋಮ॒ಮಿಂದ್ರಃ॑ ಪಿಪಾಸತಿ |
ಉಪ॑ ನೂ॒ನಂ ಯು॑ಯುಜೇ॒ ವೃಷ॑ಣಾ॒ ಹರೀ॒ ಆ ಚ॑ ಜಗಾಮ ವೃತ್ರ॒ಹಾ || 8.4.11
ಸ್ವ॒ಯಂ ಚಿ॒ತ್ಸ ಮ᳚ನ್ಯತೇ॒ ದಾಶು॑ರಿ॒ರ್ಜನೋ॒ ಯತ್ರಾ॒ ಸೋಮ॑ಸ್ಯ ತೃಂ॒ಪಸಿ॑ |
ಇ॒ದಂ ತೇ॒ ಅನ್ನಂ॒ ಯುಜ್ಯಂ॒ ಸಮು॑ಕ್ಷಿತಂ॒ ತಸ್ಯೇಹಿ॒ ಪ್ರ ದ್ರ॑ವಾ॒ ಪಿಬ॑ || 8.4.12
ರ॒ಥೇ॒ಷ್ಠಾಯಾ᳚ಧ್ವರ್ಯವಃ॒ ಸೋಮ॒ಮಿಂದ್ರಾ᳚ಯ ಸೋತನ |
ಅಧಿ॑ ಬ್ರ॒ಧ್ನಸ್ಯಾದ್ರ॑ಯೋ॒ ವಿ ಚ॑ಕ್ಷತೇ ಸು॒ನ್ವ‌ನ್ತೋ᳚ ದಾ॒ಶ್ವ॑ಧ್ವರ‌ಮ್ || 8.4.13
ಉಪ॑ ಬ್ರ॒ಧ್ನಂ ವಾ॒ವಾತಾ॒ ವೃಷ॑ಣಾ॒ ಹರೀ॒ ಇಂದ್ರ॑ಮ॒ಪಸು॑ ವಕ್ಷತಃ |
ಅ॒ರ್ವಾಂಚಂ᳚ ತ್ವಾ॒ ಸಪ್ತ॑ಯೋಽಧ್ವರ॒ಶ್ರಿಯೋ॒ ವಹ᳚‌ನ್ತು॒ ಸವ॒ನೇದುಪ॑ || 8.4.14
ಪ್ರ ಪೂ॒ಷಣಂ᳚ ವೃಣೀಮಹೇ॒ ಯುಜ್ಯಾ᳚ಯ ಪುರೂ॒ವಸು‌ಮ್᳚ |
ಸ ಶ॑ಕ್ರ ಶಿಕ್ಷ ಪುರುಹೂತ ನೋ ಧಿ॒ಯಾ ತುಜೇ᳚ ರಾ॒ಯೇ ವಿ॑ಮೋಚನ || 8.4.15
ಸಂ ನಃ॑ ಶಿಶೀಹಿ ಭು॒ರಿಜೋ᳚ರಿವ ಕ್ಷು॒ರಂ ರಾಸ್ವ॑ ರಾ॒ಯೋ ವಿ॑ಮೋಚನ |
ತ್ವೇ ತನ್ನಃ॑ ಸು॒ವೇದ॑ಮು॒ಸ್ರಿಯಂ॒ ವಸು॒ ಯಂ ತ್ವಂ ಹಿ॒ನೋಷಿ॒ ಮರ್ತ್ಯ‌ಮ್᳚ || 8.4.16
ವೇಮಿ॑ ತ್ವಾ ಪೂಷನ್ನೃಂ॒ಜಸೇ॒ ವೇಮಿ॒ ಸ್ತೋತ॑ವ ಆಘೃಣೇ |
ನ ತಸ್ಯ॑ ವೇ॒ಮ್ಯರ॑ಣಂ॒ ಹಿ ತದ್ವ॑ಸೋ ಸ್ತು॒ಷೇ ಪ॒ಜ್ರಾಯ॒ ಸಾಮ್ನೇ᳚ || 8.4.17
ಪರಾ॒ ಗಾವೋ॒ ಯವ॑ಸಂ॒ ಕಚ್ಚಿ॑ದಾಘೃಣೇ॒ ನಿತ್ಯಂ॒ ರೇಕ್ಣೋ᳚ ಅಮರ್ತ್ಯ |
ಅ॒ಸ್ಮಾಕಂ᳚ ಪೂಷನ್ನವಿ॒ತಾ ಶಿ॒ವೋ ಭ॑ವ॒ ಮಂಹಿ॑ಷ್ಠೋ॒ ವಾಜ॑ಸಾತಯೇ || 8.4.18
ಸ್ಥೂ॒ರಂ ರಾಧಃ॑ ಶ॒ತಾಶ್ವಂ᳚ ಕುರುಂ॒ಗಸ್ಯ॒ ದಿವಿ॑ಷ್ಟಿಷು |
ರಾಜ್ಞ॑ಸ್ತ್ವೇ॒ಷಸ್ಯ॑ ಸು॒ಭಗ॑ಸ್ಯ ರಾ॒ತಿಷು॑ ತು॒ರ್ವಶೇ᳚ಷ್ವಮನ್ಮಹಿ || 8.4.19
ಧೀ॒ಭಿಃ ಸಾ॒ತಾನಿ॑ ಕಾ॒ಣ್ವಸ್ಯ॑ ವಾ॒ಜಿನಃ॑ ಪ್ರಿ॒ಯಮೇ᳚ಧೈರ॒ಭಿದ್ಯು॑ಭಿಃ |
ಷ॒ಷ್ಟಿಂ ಸ॒ಹಸ್ರಾನು॒ ನಿರ್ಮ॑ಜಾಮಜೇ॒ ನಿರ್ಯೂ॒ಥಾನಿ॒ ಗವಾ॒ಮೃಷಿಃ॑ || 8.4.20
ವೃ॒ಕ್ಷಾಶ್ಚಿ᳚ನ್ಮೇ ಅಭಿಪಿ॒ತ್ವೇ ಅ॑ರಾರಣುಃ |
ಗಾಂ ಭ॑ಜ‌ನ್ತ ಮೇ॒ಹನಾಶ್ವಂ᳚ ಭಜ‌ನ್ತ ಮೇ॒ಹನಾ᳚ || 8.4.21

(1-39) ಏಕೋನಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಬ್ರಹ್ಮಾತಿಥಿ ಷಿಃ (1-36, 37) ಪ್ರಥಮಾದಿಷತ್ರಿಶದೃಚಾಂ ಸಪ್ತತ್ರಿಂಶ್ಯಾಃ ಪೂರ್ವಾಧರ್ಸಯ ಚಾಶ್ವಿನೌ, (37, 38-39) ಸಪ್ತತ್ರಿಂಶ್ಯಾ ಉತ್ತರಾರ್ಧಸ್ಯಾಷ್ಟಾತ್ರಿಂಶ್ಯೇಕೋನಚತ್ವಾರಿಂಶ್ಯೋಶ್ಚ ಚೈದ್ಯಸ್ಯ ಕಶೋರ್ದಾನಸ್ತುತಿದೇವ ತಾಃ (1-36) ಪ್ರಥಮಾದಿಷತ್ರಿಶದೃಚಾಂ ಗಾಯತ್ರೀ, (37-38) ಸಪ್ತತ್ರಿಂಶ್ಯಷ್ಟಾತ್ರಿಂಶ್ಯೋಬೃಹಂ ತೀ, (39) ಏಕೋನಚತ್ವಾರಿಂಶ್ಯಾಶ್ಚಾನಷ್ಟಪ ಛಂದಾಂಸಿ

ದೂ॒ರಾದಿ॒ಹೇವ॒ ಯತ್ಸ॒ತ್ಯ॑ರು॒ಣಪ್ಸು॒ರಶಿ॑ಶ್ವಿತತ್ |
ವಿ ಭಾ॒ನುಂ ವಿ॒ಶ್ವಧಾ᳚ತನತ್ || 8.5.1
ನೃ॒ವದ್ದ॑ಸ್ರಾ ಮನೋ॒ಯುಜಾ॒ ರಥೇ᳚ನ ಪೃಥು॒ಪಾಜ॑ಸಾ |
ಸಚೇ᳚ಥೇ ಅಶ್ವಿನೋ॒ಷಸ‌ಮ್᳚ || 8.5.2
ಯು॒ವಾಭ್ಯಾಂ᳚ ವಾಜಿನೀವಸೂ॒ ಪ್ರತಿ॒ ಸ್ತೋಮಾ᳚ ಅದೃಕ್ಷತ |
ವಾಚಂ᳚ ದೂ॒ತೋ ಯಥೋ᳚ಹಿಷೇ || 8.5.3
ಪು॒ರು॒ಪ್ರಿ॒ಯಾ ಣ॑ ಊ॒ತಯೇ᳚ ಪುರುಮಂ॒ದ್ರಾ ಪು॑ರೂ॒ವಸೂ᳚ |
ಸ್ತು॒ಷೇ ಕಣ್ವಾ᳚ಸೋ ಅ॒ಶ್ವಿನಾ᳚ || 8.5.4
ಮಂಹಿ॑ಷ್ಠಾ ವಾಜ॒ಸಾತ॑ಮೇ॒ಷಯ᳚‌ನ್ತಾ ಶು॒ಭಸ್ಪತೀ᳚ |
ಗ‌ನ್ತಾ᳚ರಾ ದಾ॒ಶುಷೋ᳚ ಗೃ॒ಹ‌ಮ್ || 8.5.5
ತಾ ಸು॑ದೇ॒ವಾಯ॑ ದಾ॒ಶುಷೇ᳚ ಸುಮೇ॒ಧಾಮವಿ॑ತಾರಿಣೀ‌ಮ್ |
ಘೃ॒ತೈರ್ಗವ್ಯೂ᳚ತಿಮುಕ್ಷತ‌ಮ್ || 8.5.6
ಆ ನಃ॒ ಸ್ತೋಮ॒ಮುಪ॑ ದ್ರ॒ವತ್ತೂಯಂ᳚ ಶ್ಯೇ॒ನೇಭಿ॑ರಾ॒ಶುಭಿಃ॑ |
ಯಾ॒ತಮಶ್ವೇ᳚ಭಿರಶ್ವಿನಾ || 8.5.7
ಯೇಭಿ॑ಸ್ತಿ॒ಸ್ರಃ ಪ॑ರಾ॒ವತೋ᳚ ದಿ॒ವೋ ವಿಶ್ವಾ᳚ನಿ ರೋಚ॒ನಾ |
ತ್ರೀಁರ॒ಕ್ತೂನ್ಪ॑ರಿ॒ದೀಯ॑ಥಃ || 8.5.8
ಉ॒ತ ನೋ॒ ಗೋಮ॑ತೀ॒ರಿಷ॑ ಉ॒ತ ಸಾ॒ತೀರ॑ಹರ್ವಿದಾ |
ವಿ ಪ॒ಥಃ ಸಾ॒ತಯೇ᳚ ಸಿತ‌ಮ್ || 8.5.9
ಆ ನೋ॒ ಗೋಮ᳚‌ನ್ತಮಶ್ವಿನಾ ಸು॒ವೀರಂ᳚ ಸು॒ರಥಂ᳚ ರ॒ಯಿ‌ಮ್ |
ವೋ॒ಳ್ಹಮಶ್ವಾ᳚ವತೀ॒ರಿಷಃ॑ || 8.5.10
ವಾ॒ವೃ॒ಧಾ॒ನಾ ಶು॑ಭಸ್ಪತೀ ದಸ್ರಾ॒ ಹಿರ᳚ಣ್ಯವರ್ತನೀ |
ಪಿಬ॑ತಂ ಸೋ॒ಮ್ಯಂ ಮಧು॑ || 8.5.11
ಅ॒ಸ್ಮಭ್ಯಂ᳚ ವಾಜಿನೀವಸೂ ಮ॒ಘವ॑ದ್ಭ್ಯಶ್ಚ ಸ॒ಪ್ರಥಃ॑ |
ಛ॒ರ್ದಿರ್ಯ᳚‌ನ್ತ॒ಮದಾ᳚ಭ್ಯ‌ಮ್ || 8.5.12
ನಿ ಷು ಬ್ರಹ್ಮ॒ ಜನಾ᳚ನಾಂ॒ ಯಾವಿ॑ಷ್ಟಂ॒ ತೂಯ॒ಮಾ ಗ॑ತ‌ಮ್ |
ಮೋ ಷ್ವ1॒᳚ನ್ಯಾಁ ಉಪಾ᳚ರತ‌ಮ್ || 8.5.13
ಅ॒ಸ್ಯ ಪಿ॑ಬತಮಶ್ವಿನಾ ಯು॒ವಂ ಮದ॑ಸ್ಯ॒ ಚಾರು॑ಣಃ |
ಮಧ್ವೋ᳚ ರಾ॒ತಸ್ಯ॑ ಧಿಷ್ಣ್ಯಾ || 8.5.14
ಅ॒ಸ್ಮೇ ಆ ವ॑ಹತಂ ರ॒ಯಿಂ ಶ॒ತವ᳚‌ನ್ತಂ ಸಹ॒ಸ್ರಿಣ‌ಮ್᳚ |
ಪು॒ರು॒ಕ್ಷುಂ ವಿ॒ಶ್ವಧಾ᳚ಯಸ‌ಮ್ || 8.5.15
ಪು॒ರು॒ತ್ರಾ ಚಿ॒ದ್ಧಿ ವಾಂ᳚ ನರಾ ವಿ॒ಹ್ವಯ᳚‌ನ್ತೇ ಮನೀ॒ಷಿಣಃ॑ |
ವಾ॒ಘದ್ಭಿ॑ರಶ್ವಿ॒ನಾ ಗ॑ತ‌ಮ್ || 8.5.16
ಜನಾ᳚ಸೋ ವೃ॒ಕ್ತಬ॑ರ್ಹಿಷೋ ಹ॒ವಿಷ್ಮ᳚‌ನ್ತೋ ಅರಂ॒ಕೃತಃ॑ |
ಯು॒ವಾಂ ಹ॑ವ‌ನ್ತೇ ಅಶ್ವಿನಾ || 8.5.17
ಅ॒ಸ್ಮಾಕ॑ಮ॒ದ್ಯ ವಾ᳚ಮ॒ಯಂ ಸ್ತೋಮೋ॒ ವಾಹಿ॑ಷ್ಠೋ॒ ಅ‌ನ್ತ॑ಮಃ |
ಯು॒ವಾಭ್ಯಾಂ᳚ ಭೂತ್ವಶ್ವಿನಾ || 8.5.18
ಯೋ ಹ॑ ವಾಂ॒ ಮಧು॑ನೋ॒ ದೃತಿ॒ರಾಹಿ॑ತೋ ರಥ॒ಚರ್ಷ॑ಣೇ |
ತತಃ॑ ಪಿಬತಮಶ್ವಿನಾ || 8.5.19
ತೇನ॑ ನೋ ವಾಜಿನೀವಸೂ॒ ಪಶ್ವೇ᳚ ತೋ॒ಕಾಯ॒ ಶಂ ಗವೇ᳚ |
ವಹ॑ತಂ॒ ಪೀವ॑ರೀ॒ರಿಷಃ॑ || 8.5.20
ಉ॒ತ ನೋ᳚ ದಿ॒ವ್ಯಾ ಇಷ॑ ಉ॒ತ ಸಿಂಧೂಁ᳚ರಹರ್ವಿದಾ |
ಅಪ॒ ದ್ವಾರೇ᳚ವ ವರ್ಷಥಃ || 8.5.21
ಕ॒ದಾ ವಾಂ᳚ ತೌ॒ಗ್ರ್ಯೋ ವಿ॑ಧತ್ಸಮು॒ದ್ರೇ ಜ॑ಹಿ॒ತೋ ನ॑ರಾ |
ಯದ್ವಾಂ॒ ರಥೋ॒ ವಿಭಿ॒ಷ್ಪತಾ᳚ತ್ || 8.5.22
ಯು॒ವಂ ಕಣ್ವಾ᳚ಯ ನಾಸತ್ಯಾ॒ ಋಪಿ॑ರಿಪ್ತಾಯ ಹ॒ರ್ಮ್ಯೇ |
ಶಶ್ವ॑ದೂ॒ತೀರ್ದ॑ಶಸ್ಯಥಃ || 8.5.23
ತಾಭಿ॒ರಾ ಯಾ᳚ತಮೂ॒ತಿಭಿ॒ರ್ನವ್ಯ॑ಸೀಭಿಃ ಸುಶ॒ಸ್ತಿಭಿಃ॑ |
ಯದ್ವಾಂ᳚ ವೃಷಣ್ವಸೂ ಹು॒ವೇ || 8.5.24
ಯಥಾ᳚ ಚಿ॒ತ್ಕಣ್ವ॒ಮಾವ॑ತಂ ಪ್ರಿ॒ಯಮೇ᳚ಧಮುಪಸ್ತು॒ತ‌ಮ್ |
ಅತ್ರಿಂ᳚ ಶಿಂ॒ಜಾರ॑ಮಶ್ವಿನಾ || 8.5.25
ಯಥೋ॒ತ ಕೃತ್ವ್ಯೇ॒ ಧನೇಂ॒ಽಶುಂ ಗೋಷ್ವ॒ಗಸ್ತ್ಯ‌ಮ್᳚ |
ಯಥಾ॒ ವಾಜೇ᳚ಷು॒ ಸೋಭ॑ರಿ‌ಮ್ || 8.5.26
ಏ॒ತಾವ॑ದ್ವಾಂ ವೃಷಣ್ವಸೂ॒ ಅತೋ᳚ ವಾ॒ ಭೂಯೋ᳚ ಅಶ್ವಿನಾ |
ಗೃ॒ಣ‌ನ್ತಃ॑ ಸು॒ಮ್ನಮೀ᳚ಮಹೇ || 8.5.27
ರಥಂ॒ ಹಿರ᳚ಣ್ಯವಂಧುರಂ॒ ಹಿರ᳚ಣ್ಯಾಭೀಶುಮಶ್ವಿನಾ |
ಆ ಹಿ ಸ್ಥಾಥೋ᳚ ದಿವಿ॒ಸ್ಪೃಶ‌ಮ್᳚ || 8.5.28
ಹಿ॒ರ॒ಣ್ಯಯೀ᳚ ವಾಂ॒ ರಭಿ॑ರೀ॒ಷಾ ಅಕ್ಷೋ᳚ ಹಿರ॒ಣ್ಯಯಃ॑ |
ಉ॒ಭಾ ಚ॒ಕ್ರಾ ಹಿ॑ರ॒ಣ್ಯಯಾ᳚ || 8.5.29
ತೇನ॑ ನೋ ವಾಜಿನೀವಸೂ ಪರಾ॒ವತ॑ಶ್ಚಿ॒ದಾ ಗ॑ತ‌ಮ್ |
ಉಪೇ॒ಮಾಂ ಸು॑ಷ್ಟು॒ತಿಂ ಮಮ॑ || 8.5.30
ಆ ವ॑ಹೇಥೇ ಪರಾ॒ಕಾತ್ಪೂ॒ರ್ವೀರ॒ಶ್ನ‌ನ್ತಾ᳚ವಶ್ವಿನಾ |
ಇಷೋ॒ ದಾಸೀ᳚ರಮರ್ತ್ಯಾ || 8.5.31
ಆ ನೋ᳚ ದ್ಯು॒ಮ್ನೈರಾ ಶ್ರವೋ᳚ಭಿ॒ರಾ ರಾ॒ಯಾ ಯಾ᳚ತಮಶ್ವಿನಾ |
ಪುರು॑ಶ್ಚಂದ್ರಾ॒ ನಾಸ॑ತ್ಯಾ || 8.5.32
ಏಹ ವಾಂ᳚ ಪ್ರುಷಿ॒ತಪ್ಸ॑ವೋ॒ ವಯೋ᳚ ವಹ‌ನ್ತು ಪ॒ರ್ಣಿನಃ॑ |
ಅಚ್ಛಾ᳚ ಸ್ವಧ್ವ॒ರಂ ಜನ‌ಮ್᳚ || 8.5.33
ರಥಂ᳚ ವಾ॒ಮನು॑ಗಾಯಸಂ॒ ಯ ಇ॒ಷಾ ವರ್ತ॑ತೇ ಸ॒ಹ |
ನ ಚ॒ಕ್ರಮ॒ಭಿ ಬಾ᳚ಧತೇ || 8.5.34
ಹಿ॒ರ॒ಣ್ಯಯೇ᳚ನ॒ ರಥೇ᳚ನ ದ್ರ॒ವತ್ಪಾ᳚ಣಿಭಿ॒ರಶ್ವೈಃ᳚ |
ಧೀಜ॑ವನಾ॒ ನಾಸ॑ತ್ಯಾ || 8.5.35
ಯು॒ವಂ ಮೃ॒ಗಂ ಜಾ᳚ಗೃ॒ವಾಂಸಂ॒ ಸ್ವದ॑ಥೋ ವಾ ವೃಷಣ್ವಸೂ |
ತಾ ನಃ॑ ಪೃಂಕ್ತಮಿ॒ಷಾ ರ॒ಯಿ‌ಮ್ || 8.5.36
ತಾ ಮೇ᳚ ಅಶ್ವಿನಾ ಸನೀ॒ನಾಂ ವಿ॒ದ್ಯಾತಂ॒ ನವಾ᳚ನಾ‌ಮ್ |
ಯಥಾ᳚ ಚಿಚ್ಚೈ॒ದ್ಯಃ ಕ॒ಶುಃ ಶ॒ತಮುಷ್ಟ್ರಾ᳚ನಾಂ॒ ದದ॑ತ್ಸ॒ಹಸ್ರಾ॒ ದಶ॒ ಗೋನಾ᳚‌ಮ್ || 8.5.37
ಯೋ ಮೇ॒ ಹಿರ᳚ಣ್ಯಸಂದೃಶೋ॒ ದಶ॒ ರಾಜ್ಞೋ॒ ಅಮಂ᳚ಹತ |
ಅ॒ಧ॒ಸ್ಪ॒ದಾ ಇಚ್ಚೈ॒ದ್ಯಸ್ಯ॑ ಕೃ॒ಷ್ಟಯ॑ಶ್ಚರ್ಮ॒ಮ್ನಾ ಅ॒ಭಿತೋ॒ ಜನಾಃ᳚ || 8.5.38
ಮಾಕಿ॑ರೇ॒ನಾ ಪ॒ಥಾ ಗಾ॒ದ್ಯೇನೇ॒ಮೇ ಯ‌ನ್ತಿ॑ ಚೇ॒ದಯಃ॑ |
ಅ॒ನ್ಯೋ ನೇತ್ಸೂ॒ರಿರೋಹ॑ತೇ ಭೂರಿ॒ದಾವ॑ತ್ತರೋ॒ ಜನಃ॑ || 8.5.39

(1-48) ಅಷ್ಟಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ವತ್ಸ ಋಷಿಃ (1-45) ಪ್ರಥಮಾದಿಪಂಚಚತ್ವಾರಿಂಶದೃಚಾಮಿಂದ್ರಃ, (46-48) ಷಟ್ಚತ್ವಾರಿಂಶ್ಯಾದಿತೃಚಸ್ಯ ಚ ಪಾರಶವ್ಯಸ್ಯ ತಿರಿಂದಿರಸ್ಯ ದಾನಸ್ತುತಿದೇವ ತೇ, ಗಾಯತ್ರೀ ಛಂದಃ

ಮ॒ಹಾಁ ಇಂದ್ರೋ॒ ಯ ಓಜ॑ಸಾ ಪ॒ರ್ಜನ್ಯೋ᳚ ವೃಷ್ಟಿ॒ಮಾಁ ಇ॑ವ |
ಸ್ತೋಮೈ᳚ರ್ವ॒ತ್ಸಸ್ಯ॑ ವಾವೃಧೇ || 8.6.1
ಪ್ರ॒ಜಾಮೃ॒ತಸ್ಯ॒ ಪಿಪ್ರ॑ತಃ॒ ಪ್ರ ಯದ್ಭರ᳚‌ನ್ತ॒ ವಹ್ನ॑ಯಃ |
ವಿಪ್ರಾ᳚ ಋ॒ತಸ್ಯ॒ ವಾಹ॑ಸಾ || 8.6.2
ಕಣ್ವಾ॒ ಇಂದ್ರಂ॒ ಯದಕ್ರ॑ತ॒ ಸ್ತೋಮೈ᳚ರ್ಯ॒ಜ್ಞಸ್ಯ॒ ಸಾಧ॑ನ‌ಮ್ |
ಜಾ॒ಮಿ ಬ್ರು॑ವತ॒ ಆಯು॑ಧ‌ಮ್ || 8.6.3
ಸಮ॑ಸ್ಯ ಮ॒ನ್ಯವೇ॒ ವಿಶೋ॒ ವಿಶ್ವಾ᳚ ನಮ‌ನ್ತ ಕೃ॒ಷ್ಟಯಃ॑ |
ಸ॒ಮು॒ದ್ರಾಯೇ᳚ವ॒ ಸಿಂಧ॑ವಃ || 8.6.4
ಓಜ॒ಸ್ತದ॑ಸ್ಯ ತಿತ್ವಿಷ ಉ॒ಭೇ ಯತ್ಸ॒ಮವ॑ರ್ತಯತ್ |
ಇಂದ್ರ॒ಶ್ಚರ್ಮೇ᳚ವ॒ ರೋದ॑ಸೀ || 8.6.5
ವಿ ಚಿ॑ದ್ವೃ॒ತ್ರಸ್ಯ॒ ದೋಧ॑ತೋ॒ ವಜ್ರೇ᳚ಣ ಶ॒ತಪ᳚ರ್ವಣಾ |
ಶಿರೋ᳚ ಬಿಭೇದ ವೃ॒ಷ್ಣಿನಾ᳚ || 8.6.6
ಇ॒ಮಾ ಅ॒ಭಿ ಪ್ರ ಣೋ᳚ನುಮೋ ವಿ॒ಪಾಮಗ್ರೇ᳚ಷು ಧೀ॒ತಯಃ॑ |
ಅ॒ಗ್ನೇಃ ಶೋ॒ಚಿರ್ನ ದಿ॒ದ್ಯುತಃ॑ || 8.6.7
ಗುಹಾ᳚ ಸ॒ತೀರುಪ॒ ತ್ಮನಾ॒ ಪ್ರ ಯಚ್ಛೋಚ᳚‌ನ್ತ ಧೀ॒ತಯಃ॑ |
ಕಣ್ವಾ᳚ ಋ॒ತಸ್ಯ॒ ಧಾರ॑ಯಾ || 8.6.8
ಪ್ರ ತಮಿಂ᳚ದ್ರ ನಶೀಮಹಿ ರ॒ಯಿಂ ಗೋಮ᳚‌ನ್ತಮ॒ಶ್ವಿನ‌ಮ್᳚ |
ಪ್ರ ಬ್ರಹ್ಮ॑ ಪೂ॒ರ್ವಚಿ॑ತ್ತಯೇ || 8.6.9
ಅ॒ಹಮಿದ್ಧಿ ಪಿ॒ತುಷ್ಪರಿ॑ ಮೇ॒ಧಾಮೃ॒ತಸ್ಯ॑ ಜ॒ಗ್ರಭ॑ |
ಅ॒ಹಂ ಸೂರ್ಯ॑ ಇವಾಜನಿ || 8.6.10
ಅ॒ಹಂ ಪ್ರ॒ತ್ನೇನ॒ ಮನ್ಮ॑ನಾ॒ ಗಿರಃ॑ ಶುಂಭಾಮಿ ಕಣ್ವ॒ವತ್ |
ಯೇನೇಂದ್ರಃ॒ ಶುಷ್ಮ॒ಮಿದ್ದ॒ಧೇ || 8.6.11
ಯೇ ತ್ವಾಮಿಂ᳚ದ್ರ॒ ನ ತು॑ಷ್ಟು॒ವುರ್‌ಋಷ॑ಯೋ॒ ಯೇ ಚ॑ ತುಷ್ಟು॒ವುಃ |
ಮಮೇದ್ವ॑ರ್ಧಸ್ವ॒ ಸುಷ್ಟು॑ತಃ || 8.6.12
ಯದ॑ಸ್ಯ ಮ॒ನ್ಯುರಧ್ವ॑ನೀ॒ದ್ವಿ ವೃ॒ತ್ರಂ ಪ᳚ರ್ವ॒ಶೋ ರು॒ಜನ್ |
ಅ॒ಪಃ ಸ॑ಮು॒ದ್ರಮೈರ॑ಯತ್ || 8.6.13
ನಿ ಶುಷ್ಣ॑ ಇಂದ್ರ ಧರ್ಣ॒ಸಿಂ ವಜ್ರಂ᳚ ಜಘ‌ನ್ಥ॒ ದಸ್ಯ॑ವಿ |
ವೃಷಾ॒ ಹ್ಯು॑ಗ್ರ ಶೃಣ್ವಿ॒ಷೇ || 8.6.14
ನ ದ್ಯಾವ॒ ಇಂದ್ರ॒ಮೋಜ॑ಸಾ॒ ನಾ‌ನ್ತರಿ॑ಕ್ಷಾಣಿ ವ॒ಜ್ರಿಣ‌ಮ್᳚ |
ನ ವಿ᳚ವ್ಯಚ‌ನ್ತ॒ ಭೂಮ॑ಯಃ || 8.6.15
ಯಸ್ತ॑ ಇಂದ್ರ ಮ॒ಹೀರ॒ಪಃ ಸ್ತ॑ಭೂ॒ಯಮಾ᳚ನ॒ ಆಶ॑ಯತ್ |
ನಿ ತಂ ಪದ್ಯಾ᳚ಸು ಶಿಶ್ನಥಃ || 8.6.16
ಯ ಇ॒ಮೇ ರೋದ॑ಸೀ ಮ॒ಹೀ ಸ॑ಮೀ॒ಚೀ ಸ॒ಮಜ॑ಗ್ರಭೀತ್ |
ತಮೋ᳚ಭಿರಿಂದ್ರ॒ ತಂ ಗು॑ಹಃ || 8.6.17
ಯ ಇಂ᳚ದ್ರ॒ ಯತ॑ಯಸ್ತ್ವಾ॒ ಭೃಗ॑ವೋ॒ ಯೇ ಚ॑ ತುಷ್ಟು॒ವುಃ |
ಮಮೇದು॑ಗ್ರ ಶ್ರುಧೀ॒ ಹವ‌ಮ್᳚ || 8.6.18
ಇ॒ಮಾಸ್ತ॑ ಇಂದ್ರ॒ ಪೃಶ್ನ॑ಯೋ ಘೃ॒ತಂ ದು॑ಹತ ಆ॒ಶಿರ‌ಮ್᳚ |
ಏ॒ನಾಮೃ॒ತಸ್ಯ॑ ಪಿ॒ಪ್ಯುಷೀಃ᳚ || 8.6.19
ಯಾ ಇಂ᳚ದ್ರ ಪ್ರ॒ಸ್ವ॑ಸ್ತ್ವಾ॒ಸಾ ಗರ್ಭ॒ಮಚ॑ಕ್ರಿರನ್ |
ಪರಿ॒ ಧರ್ಮೇ᳚ವ॒ ಸೂರ್ಯ‌ಮ್᳚ || 8.6.20
ತ್ವಾಮಿಚ್ಛ॑ವಸಸ್ಪತೇ॒ ಕಣ್ವಾ᳚ ಉ॒ಕ್ಥೇನ॑ ವಾವೃಧುಃ |
ತ್ವಾಂ ಸು॒ತಾಸ॒ ಇಂದ॑ವಃ || 8.6.21
ತವೇದಿಂ᳚ದ್ರ॒ ಪ್ರಣೀ᳚ತಿಷೂ॒ತ ಪ್ರಶ॑ಸ್ತಿರದ್ರಿವಃ |
ಯ॒ಜ್ಞೋ ವಿ॑ತ‌ನ್ತ॒ಸಾಯ್ಯಃ॑ || 8.6.22
ಆ ನ॑ ಇಂದ್ರ ಮ॒ಹೀಮಿಷಂ॒ ಪುರಂ॒ ನ ದ॑ರ್ಷಿ॒ ಗೋಮ॑ತೀ‌ಮ್ |
ಉ॒ತ ಪ್ರ॒ಜಾಂ ಸು॒ವೀರ್ಯ‌ಮ್᳚ || 8.6.23
ಉ॒ತ ತ್ಯದಾ॒ಶ್ವಶ್ವ್ಯಂ॒ ಯದಿಂ᳚ದ್ರ॒ ನಾಹು॑ಷೀ॒ಷ್ವಾ |
ಅಗ್ರೇ᳚ ವಿ॒ಕ್ಷು ಪ್ರ॒ದೀದ॑ಯತ್ || 8.6.24
ಅ॒ಭಿ ವ್ರ॒ಜಂ ನ ತ॑ತ್ನಿಷೇ॒ ಸೂರ॑ ಉಪಾ॒ಕಚ॑ಕ್ಷಸ‌ಮ್ |
ಯದಿಂ᳚ದ್ರ ಮೃ॒ಳಯಾ᳚ಸಿ ನಃ || 8.6.25
ಯದಂ॒ಗ ತ॑ವಿಷೀ॒ಯಸ॒ ಇಂದ್ರ॑ ಪ್ರ॒ರಾಜ॑ಸಿ ಕ್ಷಿ॒ತೀಃ |
ಮ॒ಹಾಁ ಅ॑ಪಾ॒ರ ಓಜ॑ಸಾ || 8.6.26
ತಂ ತ್ವಾ᳚ ಹ॒ವಿಷ್ಮ॑ತೀ॒ರ್ವಿಶ॒ ಉಪ॑ ಬ್ರುವತ ಊ॒ತಯೇ᳚ |
ಉ॒ರು॒ಜ್ರಯ॑ಸ॒ಮಿಂದು॑ಭಿಃ || 8.6.27
ಉ॒ಪ॒ಹ್ವ॒ರೇ ಗಿ॑ರೀ॒ಣಾಂ ಸಂ᳚ಗ॒ಥೇ ಚ॑ ನ॒ದೀನಾ᳚‌ಮ್ |
ಧಿ॒ಯಾ ವಿಪ್ರೋ᳚ ಅಜಾಯತ || 8.6.28
ಅತಃ॑ ಸಮು॒ದ್ರಮು॒ದ್ವತ॑ಶ್ಚಿಕಿ॒ತ್ವಾಁ ಅವ॑ ಪಶ್ಯತಿ |
ಯತೋ᳚ ವಿಪಾ॒ನ ಏಜ॑ತಿ || 8.6.29
ಆದಿತ್ಪ್ರ॒ತ್ನಸ್ಯ॒ ರೇತ॑ಸೋ॒ ಜ್ಯೋತಿ॑ಷ್ಪಶ್ಯ‌ನ್ತಿ ವಾಸ॒ರ‌ಮ್ |
ಪ॒ರೋ ಯದಿ॒ಧ್ಯತೇ᳚ ದಿ॒ವಾ || 8.6.30
ಕಣ್ವಾ᳚ಸ ಇಂದ್ರ ತೇ ಮ॒ತಿಂ ವಿಶ್ವೇ᳚ ವರ್ಧ‌ನ್ತಿ॒ ಪೌಂಸ್ಯ‌ಮ್᳚ |
ಉ॒ತೋ ಶ॑ವಿಷ್ಠ॒ ವೃಷ್ಣ್ಯ‌ಮ್᳚ || 8.6.31
ಇ॒ಮಾಂ ಮ॑ ಇಂದ್ರ ಸುಷ್ಟು॒ತಿಂ ಜು॒ಷಸ್ವ॒ ಪ್ರ ಸು ಮಾಮ॑ವ |
ಉ॒ತ ಪ್ರ ವ॑ರ್ಧಯಾ ಮ॒ತಿ‌ಮ್ || 8.6.32
ಉ॒ತ ಬ್ರ᳚ಹ್ಮ॒ಣ್ಯಾ ವ॒ಯಂ ತುಭ್ಯಂ᳚ ಪ್ರವೃದ್ಧ ವಜ್ರಿವಃ |
ವಿಪ್ರಾ᳚ ಅತಕ್ಷ್ಮ ಜೀ॒ವಸೇ᳚ || 8.6.33
ಅ॒ಭಿ ಕಣ್ವಾ᳚ ಅನೂಷ॒ತಾಪೋ॒ ನ ಪ್ರ॒ವತಾ᳚ ಯ॒ತೀಃ |
ಇಂದ್ರಂ॒ ವನ᳚ನ್ವತೀ ಮ॒ತಿಃ || 8.6.34
ಇಂದ್ರ॑ಮು॒ಕ್ಥಾನಿ॑ ವಾವೃಧುಃ ಸಮು॒ದ್ರಮಿ॑ವ॒ ಸಿಂಧ॑ವಃ |
ಅನು॑ತ್ತಮನ್ಯುಮ॒ಜರ‌ಮ್᳚ || 8.6.35
ಆ ನೋ᳚ ಯಾಹಿ ಪರಾ॒ವತೋ॒ ಹರಿ॑ಭ್ಯಾಂ ಹರ್ಯ॒ತಾಭ್ಯಾ᳚‌ಮ್ |
ಇ॒ಮಮಿಂ᳚ದ್ರ ಸು॒ತಂ ಪಿ॑ಬ || 8.6.36
ತ್ವಾಮಿದ್ವೃ॑ತ್ರಹ‌ನ್ತಮ॒ ಜನಾ᳚ಸೋ ವೃ॒ಕ್ತಬ॑ರ್ಹಿಷಃ |
ಹವ᳚‌ನ್ತೇ॒ ವಾಜ॑ಸಾತಯೇ || 8.6.37
ಅನು॑ ತ್ವಾ॒ ರೋದ॑ಸೀ ಉ॒ಭೇ ಚ॒ಕ್ರಂ ನ ವ॒ರ್ತ್ಯೇತ॑ಶ‌ಮ್ |
ಅನು॑ ಸುವಾ॒ನಾಸ॒ ಇಂದ॑ವಃ || 8.6.38
ಮಂದ॑ಸ್ವಾ॒ ಸು ಸ್ವ᳚ರ್ಣರ ಉ॒ತೇಂದ್ರ॑ ಶರ್ಯ॒ಣಾವ॑ತಿ |
ಮತ್ಸ್ವಾ॒ ವಿವ॑ಸ್ವತೋ ಮ॒ತೀ || 8.6.39
ವಾ॒ವೃ॒ಧಾ॒ನ ಉಪ॒ ದ್ಯವಿ॒ ವೃಷಾ᳚ ವ॒ಜ್ರ್ಯ॑ರೋರವೀತ್ |
ವೃ॒ತ್ರ॒ಹಾ ಸೋ᳚ಮ॒ಪಾತ॑ಮಃ || 8.6.40
ಋಷಿ॒ರ್ಹಿ ಪೂ᳚ರ್ವ॒ಜಾ ಅಸ್ಯೇಕ॒ ಈಶಾ᳚ನ॒ ಓಜ॑ಸಾ |
ಇಂದ್ರ॑ ಚೋಷ್ಕೂ॒ಯಸೇ॒ ವಸು॑ || 8.6.41
ಅ॒ಸ್ಮಾಕಂ᳚ ತ್ವಾ ಸು॒ತಾಁ ಉಪ॑ ವೀ॒ತಪೃ॑ಷ್ಠಾ ಅ॒ಭಿ ಪ್ರಯಃ॑ |
ಶ॒ತಂ ವ॑ಹ‌ನ್ತು॒ ಹರ॑ಯಃ || 8.6.42
ಇ॒ಮಾಂ ಸು ಪೂ॒ರ್ವ್ಯಾಂ ಧಿಯಂ॒ ಮಧೋ᳚ರ್ಘೃ॒ತಸ್ಯ॑ ಪಿ॒ಪ್ಯುಷೀ᳚‌ಮ್ |
ಕಣ್ವಾ᳚ ಉ॒ಕ್ಥೇನ॑ ವಾವೃಧುಃ || 8.6.43
ಇಂದ್ರ॒ಮಿದ್ವಿಮ॑ಹೀನಾಂ॒ ಮೇಧೇ᳚ ವೃಣೀತ॒ ಮರ್ತ್ಯಃ॑ |
ಇಂದ್ರಂ᳚ ಸನಿ॒ಷ್ಯುರೂ॒ತಯೇ᳚ || 8.6.44
ಅ॒ರ್ವಾಂಚಂ᳚ ತ್ವಾ ಪುರುಷ್ಟುತ ಪ್ರಿ॒ಯಮೇ᳚ಧಸ್ತುತಾ॒ ಹರೀ᳚ |
ಸೋ॒ಮ॒ಪೇಯಾ᳚ಯ ವಕ್ಷತಃ || 8.6.45
ಶ॒ತಮ॒ಹಂ ತಿ॒ರಿಂದಿ॑ರೇ ಸ॒ಹಸ್ರಂ॒ ಪರ್ಶಾ॒ವಾ ದ॑ದೇ |
ರಾಧಾಂ᳚ಸಿ॒ ಯಾದ್ವಾ᳚ನಾ‌ಮ್ || 8.6.46
ತ್ರೀಣಿ॑ ಶ॒ತಾನ್ಯರ್ವ॑ತಾಂ ಸ॒ಹಸ್ರಾ॒ ದಶ॒ ಗೋನಾ᳚‌ಮ್ |
ದ॒ದುಷ್ಪ॒ಜ್ರಾಯ॒ ಸಾಮ್ನೇ᳚ || 8.6.47
ಉದಾ᳚ನಟ್ ಕಕು॒ಹೋ ದಿವ॒ಮುಷ್ಟ್ರಾಂ᳚ಚತು॒ರ್ಯುಜೋ॒ ದದ॑ತ್ |
ಶ್ರವ॑ಸಾ॒ ಯಾದ್ವಂ॒ ಜನ‌ಮ್᳚ || 8.6.48

(1-36) ಷಟ್ವಿಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪುನರ್ವತ್ಸ ಋಷಿಃ, ಮರುತೋ ದೇವತಾಃ, ಗಾಯತ್ರೀ ಛಂದಃ

ಪ್ರ ಯದ್ವ॑ಸ್ತ್ರಿ॒ಷ್ಟುಭ॒ಮಿಷಂ॒ ಮರು॑ತೋ॒ ವಿಪ್ರೋ॒ ಅಕ್ಷ॑ರತ್ |
ವಿ ಪರ್ವ॑ತೇಷು ರಾಜಥ || 8.7.1
ಯದಂ॒ಗ ತ॑ವಿಷೀಯವೋ॒ ಯಾಮಂ᳚ ಶುಭ್ರಾ॒ ಅಚಿ॑ಧ್ವ‌ಮ್ |
ನಿ ಪರ್ವ॑ತಾ ಅಹಾಸತ || 8.7.2
ಉದೀ᳚ರಯ‌ನ್ತ ವಾ॒ಯುಭಿ᳚ರ್ವಾ॒ಶ್ರಾಸಃ॒ ಪೃಶ್ನಿ॑ಮಾತರಃ |
ಧು॒ಕ್ಷ‌ನ್ತ॑ ಪಿ॒ಪ್ಯುಷೀ॒ಮಿಷ‌ಮ್᳚ || 8.7.3
ವಪ᳚‌ನ್ತಿ ಮ॒ರುತೋ॒ ಮಿಹಂ॒ ಪ್ರ ವೇ᳚ಪಯ‌ನ್ತಿ॒ ಪರ್ವ॑ತಾನ್ |
ಯದ್ಯಾಮಂ॒ ಯಾ‌ನ್ತಿ॑ ವಾ॒ಯುಭಿಃ॑ || 8.7.4
ನಿ ಯದ್ಯಾಮಾ᳚ಯ ವೋ ಗಿ॒ರಿರ್ನಿ ಸಿಂಧ॑ವೋ॒ ವಿಧ᳚ರ್ಮಣೇ |
ಮ॒ಹೇ ಶುಷ್ಮಾ᳚ಯ ಯೇಮಿ॒ರೇ || 8.7.5
ಯು॒ಷ್ಮಾಁ ಉ॒ ನಕ್ತ॑ಮೂ॒ತಯೇ᳚ ಯು॒ಷ್ಮಾಂದಿವಾ᳚ ಹವಾಮಹೇ |
ಯು॒ಷ್ಮಾನ್ಪ್ರ॑ಯ॒ತ್ಯ॑ಧ್ವ॒ರೇ || 8.7.6
ಉದು॒ ತ್ಯೇ ಅ॑ರು॒ಣಪ್ಸ॑ವಶ್ಚಿ॒ತ್ರಾ ಯಾಮೇ᳚ಭಿರೀರತೇ |
ವಾ॒ಶ್ರಾ ಅಧಿ॒ ಷ್ಣುನಾ᳚ ದಿ॒ವಃ || 8.7.7
ಸೃ॒ಜ‌ನ್ತಿ॑ ರ॒ಶ್ಮಿಮೋಜ॑ಸಾ॒ ಪ‌ನ್ಥಾಂ॒ ಸೂರ್ಯಾ᳚ಯ॒ ಯಾತ॑ವೇ |
ತೇ ಭಾ॒ನುಭಿ॒ರ್ವಿ ತ॑ಸ್ಥಿರೇ || 8.7.8
ಇ॒ಮಾಂ ಮೇ᳚ ಮರುತೋ॒ ಗಿರ॑ಮಿ॒ಮಂ ಸ್ತೋಮ॑ಮೃಭುಕ್ಷಣಃ |
ಇ॒ಮಂ ಮೇ᳚ ವನತಾ॒ ಹವ‌ಮ್᳚ || 8.7.9
ತ್ರೀಣಿ॒ ಸರಾಂ᳚ಸಿ॒ ಪೃಶ್ನ॑ಯೋ ದುದು॒ಹ್ರೇ ವ॒ಜ್ರಿಣೇ॒ ಮಧು॑ |
ಉತ್ಸಂ॒ ಕವಂ᳚ಧಮು॒ದ್ರಿಣ‌ಮ್᳚ || 8.7.10
ಮರು॑ತೋ॒ ಯದ್ಧ॑ ವೋ ದಿ॒ವಃ ಸು᳚ಮ್ನಾ॒ಯ‌ನ್ತೋ॒ ಹವಾ᳚ಮಹೇ |
ಆ ತೂ ನ॒ ಉಪ॑ ಗ‌ನ್ತನ || 8.7.11
ಯೂ॒ಯಂ ಹಿ ಷ್ಠಾ ಸು॑ದಾನವೋ॒ ರುದ್ರಾ᳚ ಋಭುಕ್ಷಣೋ॒ ದಮೇ᳚ |
ಉ॒ತ ಪ್ರಚೇ᳚ತಸೋ॒ ಮದೇ᳚ || 8.7.12
ಆ ನೋ᳚ ರ॒ಯಿಂ ಮ॑ದ॒ಚ್ಯುತಂ᳚ ಪುರು॒ಕ್ಷುಂ ವಿ॒ಶ್ವಧಾ᳚ಯಸ‌ಮ್ |
ಇಯ॑ರ್ತಾ ಮರುತೋ ದಿ॒ವಃ || 8.7.13
ಅಧೀ᳚ವ॒ ಯದ್ಗಿ॑ರೀ॒ಣಾಂ ಯಾಮಂ᳚ ಶುಭ್ರಾ॒ ಅಚಿ॑ಧ್ವ‌ಮ್ |
ಸು॒ವಾ॒ನೈರ್ಮಂ᳚ದಧ್ವ॒ ಇಂದು॑ಭಿಃ || 8.7.14
ಏ॒ತಾವ॑ತಶ್ಚಿದೇಷಾಂ ಸು॒ಮ್ನಂ ಭಿ॑ಕ್ಷೇತ॒ ಮರ್ತ್ಯಃ॑ |
ಅದಾ᳚ಭ್ಯಸ್ಯ॒ ಮನ್ಮ॑ಭಿಃ || 8.7.15
ಯೇ ದ್ರ॒ಪ್ಸಾ ಇ॑ವ॒ ರೋದ॑ಸೀ॒ ಧಮ॒‌ನ್ತ್ಯನು॑ ವೃ॒ಷ್ಟಿಭಿಃ॑ |
ಉತ್ಸಂ᳚ ದು॒ಹ‌ನ್ತೋ॒ ಅಕ್ಷಿ॑ತ‌ಮ್ || 8.7.16
ಉದು॑ ಸ್ವಾ॒ನೇಭಿ॑ರೀರತ॒ ಉದ್ರಥೈ॒ರುದು॑ ವಾ॒ಯುಭಿಃ॑ |
ಉತ್ಸ್ತೋಮೈಃ॒ ಪೃಶ್ನಿ॑ಮಾತರಃ || 8.7.17
ಯೇನಾ॒ವ ತು॒ರ್ವಶಂ॒ ಯದುಂ॒ ಯೇನ॒ ಕಣ್ವಂ᳚ ಧನ॒ಸ್ಪೃತ‌ಮ್᳚ |
ರಾ॒ಯೇ ಸು ತಸ್ಯ॑ ಧೀಮಹಿ || 8.7.18
ಇ॒ಮಾ ಉ॑ ವಃ ಸುದಾನವೋ ಘೃ॒ತಂ ನ ಪಿ॒ಪ್ಯುಷೀ॒ರಿಷಃ॑ |
ವರ್ಧಾ᳚ನ್ಕಾ॒ಣ್ವಸ್ಯ॒ ಮನ್ಮ॑ಭಿಃ || 8.7.19
ಕ್ವ॑ ನೂ॒ನಂ ಸು॑ದಾನವೋ॒ ಮದ॑ಥಾ ವೃಕ್ತಬರ್ಹಿಷಃ |
ಬ್ರ॒ಹ್ಮಾ ಕೋ ವಃ॑ ಸಪರ್ಯತಿ || 8.7.20
ನ॒ಹಿ ಷ್ಮ॒ ಯದ್ಧ॑ ವಃ ಪು॒ರಾ ಸ್ತೋಮೇ᳚ಭಿರ್ವೃಕ್ತಬರ್ಹಿಷಃ |
ಶರ್ಧಾಁ᳚ ಋ॒ತಸ್ಯ॒ ಜಿನ್ವ॑ಥ || 8.7.21
ಸಮು॒ ತ್ಯೇ ಮ॑ಹ॒ತೀರ॒ಪಃ ಸಂ ಕ್ಷೋ॒ಣೀ ಸಮು॒ ಸೂರ್ಯ‌ಮ್᳚ |
ಸಂ ವಜ್ರಂ᳚ ಪರ್ವ॒ಶೋ ದ॑ಧುಃ || 8.7.22
ವಿ ವೃ॒ತ್ರಂ ಪ᳚ರ್ವ॒ಶೋ ಯ॑ಯು॒ರ್ವಿ ಪರ್ವ॑ತಾಁ ಅರಾ॒ಜಿನಃ॑ |
ಚ॒ಕ್ರಾ॒ಣಾ ವೃಷ್ಣಿ॒ ಪೌಂಸ್ಯ‌ಮ್᳚ || 8.7.23
ಅನು॑ ತ್ರಿ॒ತಸ್ಯ॒ ಯುಧ್ಯ॑ತಃ॒ ಶುಷ್ಮ॑ಮಾವನ್ನು॒ತ ಕ್ರತು‌ಮ್᳚ |
ಅನ್ವಿಂದ್ರಂ᳚ ವೃತ್ರ॒ತೂರ್ಯೇ᳚ || 8.7.24
ವಿ॒ದ್ಯುದ್ಧ॑ಸ್ತಾ ಅ॒ಭಿದ್ಯ॑ವಃ॒ ಶಿಪ್ರಾಃ᳚ ಶೀ॒ರ್ಷನ್ಹಿ॑ರ॒ಣ್ಯಯೀಃ᳚ |
ಶು॒ಭ್ರಾ ವ್ಯಂ᳚ಜತ ಶ್ರಿ॒ಯೇ || 8.7.25
ಉ॒ಶನಾ॒ ಯತ್ಪ॑ರಾ॒ವತ॑ ಉ॒ಕ್ಷ್ಣೋ ರಂಧ್ರ॒ಮಯಾ᳚ತನ |
ದ್ಯೌರ್ನ ಚ॑ಕ್ರದದ್ಭಿ॒ಯಾ || 8.7.26
ಆ ನೋ᳚ ಮ॒ಖಸ್ಯ॑ ದಾ॒ವನೇಽಶ್ವೈ॒ರ್ಹಿರ᳚ಣ್ಯಪಾಣಿಭಿಃ |
ದೇವಾ᳚ಸ॒ ಉಪ॑ ಗ‌ನ್ತನ || 8.7.27
ಯದೇ᳚ಷಾಂ॒ ಪೃಷ॑ತೀ॒ ರಥೇ॒ ಪ್ರಷ್ಟಿ॒ರ್ವಹ॑ತಿ॒ ರೋಹಿ॑ತಃ |
ಯಾ‌ನ್ತಿ॑ ಶು॒ಭ್ರಾ ರಿ॒ಣನ್ನ॒ಪಃ || 8.7.28
ಸು॒ಷೋಮೇ᳚ ಶರ್ಯ॒ಣಾವ॑ತ್ಯಾರ್ಜೀ॒ಕೇ ಪ॒ಸ್ತ್ಯಾ᳚ವತಿ |
ಯ॒ಯುರ್ನಿಚ॑ಕ್ರಯಾ॒ ನರಃ॑ || 8.7.29
ಕ॒ದಾ ಗ॑ಚ್ಛಾಥ ಮರುತ ಇ॒ತ್ಥಾ ವಿಪ್ರಂ॒ ಹವ॑ಮಾನ‌ಮ್ |
ಮಾ॒ರ್ಡೀ॒ಕೇಭಿ॒ರ್ನಾಧ॑ಮಾನ‌ಮ್ || 8.7.30
ಕದ್ಧ॑ ನೂ॒ನಂ ಕ॑ಧಪ್ರಿಯೋ॒ ಯದಿಂದ್ರ॒ಮಜ॑ಹಾತನ |
ಕೋ ವಃ॑ ಸಖಿ॒ತ್ವ ಓ᳚ಹತೇ || 8.7.31
ಸ॒ಹೋ ಷು ಣೋ॒ ವಜ್ರ॑ಹಸ್ತೈಃ॒ ಕಣ್ವಾ᳚ಸೋ ಅ॒ಗ್ನಿಂ ಮ॒ರುದ್ಭಿಃ॑ |
ಸ್ತು॒ಷೇ ಹಿರ᳚ಣ್ಯವಾಶೀಭಿಃ || 8.7.32
ಓ ಷು ವೃಷ್ಣಃ॒ ಪ್ರಯ॑ಜ್ಯೂ॒ನಾ ನವ್ಯ॑ಸೇ ಸುವಿ॒ತಾಯ॑ |
ವ॒ವೃ॒ತ್ಯಾಂ ಚಿ॒ತ್ರವಾ᳚ಜಾನ್ || 8.7.33
ಗಿ॒ರಯ॑ಶ್ಚಿ॒ನ್ನಿ ಜಿ॑ಹತೇ॒ ಪರ್ಶಾ᳚ನಾಸೋ॒ ಮನ್ಯ॑ಮಾನಾಃ |
ಪರ್ವ॑ತಾಶ್ಚಿ॒ನ್ನಿ ಯೇ᳚ಮಿರೇ || 8.7.34
ಆಕ್ಷ್ಣ॒ಯಾವಾ᳚ನೋ ವಹ‌ನ್ತ್ಯ॒‌ನ್ತರಿ॑ಕ್ಷೇಣ॒ ಪತ॑ತಃ |
ಧಾತಾ᳚ರಃ ಸ್ತುವ॒ತೇ ವಯಃ॑ || 8.7.35
ಅ॒ಗ್ನಿರ್ಹಿ ಜಾನಿ॑ ಪೂ॒ರ್ವ್ಯಶ್ಛಂದೋ॒ ನ ಸೂರೋ᳚ ಅ॒ರ್ಚಿಷಾ᳚ |
ತೇ ಭಾ॒ನುಭಿ॒ರ್ವಿ ತ॑ಸ್ಥಿರೇ || 8.7.36

(1-23) ತ್ರಯೋವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸಧ್ವಂಸ ಋಷಿಃ, ಅಶ್ವಿನೌ ದೇವತೇ, ಅನುಷ್ಟಪ್ ಛಂದಃ

ಆ ನೋ॒ ವಿಶ್ವಾ᳚ಭಿರೂ॒ತಿಭಿ॒ರಶ್ವಿ॑ನಾ॒ ಗಚ್ಛ॑ತಂ ಯು॒ವ‌ಮ್ |
ದಸ್ರಾ॒ ಹಿರ᳚ಣ್ಯವರ್ತನೀ॒ ಪಿಬ॑ತಂ ಸೋ॒ಮ್ಯಂ ಮಧು॑ || 8.8.1
ಆ ನೂ॒ನಂ ಯಾ᳚ತಮಶ್ವಿನಾ॒ ರಥೇ᳚ನ॒ ಸೂರ್ಯ॑ತ್ವಚಾ |
ಭುಜೀ॒ ಹಿರ᳚ಣ್ಯಪೇಶಸಾ॒ ಕವೀ॒ ಗಂಭೀ᳚ರಚೇತಸಾ || 8.8.2
ಆ ಯಾ᳚ತಂ॒ ನಹು॑ಷ॒ಸ್ಪರ್ಯಾ‌ನ್ತರಿ॑ಕ್ಷಾತ್ಸುವೃ॒ಕ್ತಿಭಿಃ॑ |
ಪಿಬಾ᳚ಥೋ ಅಶ್ವಿನಾ॒ ಮಧು॒ ಕಣ್ವಾ᳚ನಾಂ॒ ಸವ॑ನೇ ಸು॒ತ‌ಮ್ || 8.8.3
ಆ ನೋ᳚ ಯಾತಂ ದಿ॒ವಸ್ಪರ್ಯಾ‌ನ್ತರಿ॑ಕ್ಷಾದಧಪ್ರಿಯಾ |
ಪು॒ತ್ರಃ ಕಣ್ವ॑ಸ್ಯ ವಾಮಿ॒ಹ ಸು॒ಷಾವ॑ ಸೋ॒ಮ್ಯಂ ಮಧು॑ || 8.8.4
ಆ ನೋ᳚ ಯಾತ॒ಮುಪ॑ಶ್ರು॒ತ್ಯಶ್ವಿ॑ನಾ॒ ಸೋಮ॑ಪೀತಯೇ |
ಸ್ವಾಹಾ॒ ಸ್ತೋಮ॑ಸ್ಯ ವರ್ಧನಾ॒ ಪ್ರ ಕ॑ವೀ ಧೀ॒ತಿಭಿ᳚ರ್ನರಾ || 8.8.5
ಯಚ್ಚಿ॒ದ್ಧಿ ವಾಂ᳚ ಪು॒ರ ಋಷ॑ಯೋ ಜುಹೂ॒ರೇಽವ॑ಸೇ ನರಾ |
ಆ ಯಾ᳚ತಮಶ್ವಿ॒ನಾ ಗ॑ತ॒ಮುಪೇ॒ಮಾಂ ಸು॑ಷ್ಟು॒ತಿಂ ಮಮ॑ || 8.8.6
ದಿ॒ವಶ್ಚಿ॑ದ್ರೋಚ॒ನಾದಧ್ಯಾ ನೋ᳚ ಗ‌ನ್ತಂ ಸ್ವರ್ವಿದಾ |
ಧೀ॒ಭಿರ್ವ॑ತ್ಸಪ್ರಚೇತಸಾ॒ ಸ್ತೋಮೇ᳚ಭಿರ್ಹವನಶ್ರುತಾ || 8.8.7
ಕಿಮ॒ನ್ಯೇ ಪರ್ಯಾ᳚ಸತೇ॒ಽಸ್ಮತ್ಸ್ತೋಮೇ᳚ಭಿರ॒ಶ್ವಿನಾ᳚ |
ಪು॒ತ್ರಃ ಕಣ್ವ॑ಸ್ಯ ವಾ॒ಮೃಷಿ॑ರ್ಗೀ॒ರ್ಭಿರ್ವ॒ತ್ಸೋ ಅ॑ವೀವೃಧತ್ || 8.8.8
ಆ ವಾಂ॒ ವಿಪ್ರ॑ ಇ॒ಹಾವ॒ಸೇಽಹ್ವ॒ತ್ಸ್ತೋಮೇ᳚ಭಿರಶ್ವಿನಾ |
ಅರಿ॑ಪ್ರಾ॒ ವೃತ್ರ॑ಹ‌ನ್ತಮಾ॒ ತಾ ನೋ᳚ ಭೂತಂ ಮಯೋ॒ಭುವಾ᳚ || 8.8.9
ಆ ಯದ್ವಾಂ॒ ಯೋಷ॑ಣಾ॒ ರಥ॒ಮತಿ॑ಷ್ಠದ್ವಾಜಿನೀವಸೂ |
ವಿಶ್ವಾ᳚ನ್ಯಶ್ವಿನಾ ಯು॒ವಂ ಪ್ರ ಧೀ॒ತಾನ್ಯ॑ಗಚ್ಛತ‌ಮ್ || 8.8.10
ಅತಃ॑ ಸ॒ಹಸ್ರ॑ನಿರ್ಣಿಜಾ॒ ರಥೇ॒ನಾ ಯಾ᳚ತಮಶ್ವಿನಾ |
ವ॒ತ್ಸೋ ವಾಂ॒ ಮಧು॑ಮ॒ದ್ವಚೋಽಶಂ᳚ಸೀತ್ಕಾ॒ವ್ಯಃ ಕ॒ವಿಃ || 8.8.11
ಪು॒ರು॒ಮಂ॒ದ್ರಾ ಪು॑ರೂ॒ವಸೂ᳚ ಮನೋ॒ತರಾ᳚ ರಯೀ॒ಣಾ‌ಮ್ |
ಸ್ತೋಮಂ᳚ ಮೇ ಅ॒ಶ್ವಿನಾ᳚ವಿ॒ಮಮ॒ಭಿ ವಹ್ನೀ᳚ ಅನೂಷಾತಾ‌ಮ್ || 8.8.12
ಆ ನೋ॒ ವಿಶ್ವಾ᳚ನ್ಯಶ್ವಿನಾ ಧ॒ತ್ತಂ ರಾಧಾಂ॒ಸ್ಯಹ್ರ॑ಯಾ |
ಕೃ॒ತಂ ನ॑ ಋ॒ತ್ವಿಯಾ᳚ವತೋ॒ ಮಾ ನೋ᳚ ರೀರಧತಂ ನಿ॒ದೇ || 8.8.13
ಯನ್ನಾ᳚ಸತ್ಯಾ ಪರಾ॒ವತಿ॒ ಯದ್ವಾ॒ ಸ್ಥೋ ಅಧ್ಯಂಬ॑ರೇ |
ಅತಃ॑ ಸ॒ಹಸ್ರ॑ನಿರ್ಣಿಜಾ॒ ರಥೇ॒ನಾ ಯಾ᳚ತಮಶ್ವಿನಾ || 8.8.14
ಯೋ ವಾಂ᳚ ನಾಸತ್ಯಾ॒ವೃಷಿ॑ರ್ಗೀ॒ರ್ಭಿರ್ವ॒ತ್ಸೋ ಅವೀ᳚ವೃಧತ್ |
ತಸ್ಮೈ᳚ ಸ॒ಹಸ್ರ॑ನಿರ್ಣಿಜ॒ಮಿಷಂ᳚ ಧತ್ತಂ ಘೃತ॒ಶ್ಚುತ‌ಮ್᳚ || 8.8.15
ಪ್ರಾಸ್ಮಾ॒ ಊರ್ಜಂ᳚ ಘೃತ॒ಶ್ಚುತ॒ಮಶ್ವಿ॑ನಾ॒ ಯಚ್ಛ॑ತಂ ಯು॒ವ‌ಮ್ |
ಯೋ ವಾಂ᳚ ಸು॒ಮ್ನಾಯ॑ ತು॒ಷ್ಟವ॑ದ್ವಸೂ॒ಯಾದ್ದಾ᳚ನುನಸ್ಪತೀ || 8.8.16
ಆ ನೋ᳚ ಗ‌ನ್ತಂ ರಿಶಾದಸೇ॒ಮಂ ಸ್ತೋಮಂ᳚ ಪುರುಭುಜಾ |
ಕೃ॒ತಂ ನಃ॑ ಸು॒ಶ್ರಿಯೋ᳚ ನರೇ॒ಮಾ ದಾ᳚ತಮ॒ಭಿಷ್ಟ॑ಯೇ || 8.8.17
ಆ ವಾಂ॒ ವಿಶ್ವಾ᳚ಭಿರೂ॒ತಿಭಿಃ॑ ಪ್ರಿ॒ಯಮೇ᳚ಧಾ ಅಹೂಷತ |
ರಾಜ᳚‌ನ್ತಾವಧ್ವ॒ರಾಣಾ॒ಮಶ್ವಿ॑ನಾ॒ ಯಾಮ॑ಹೂತಿಷು || 8.8.18
ಆ ನೋ᳚ ಗ‌ನ್ತಂ ಮಯೋ॒ಭುವಾಶ್ವಿ॑ನಾ ಶಂ॒ಭುವಾ᳚ ಯು॒ವ‌ಮ್ |
ಯೋ ವಾಂ᳚ ವಿಪನ್ಯೂ ಧೀ॒ತಿಭಿ॑ರ್ಗೀ॒ರ್ಭಿರ್ವ॒ತ್ಸೋ ಅವೀ᳚ವೃಧತ್ || 8.8.19
ಯಾಭಿಃ॒ ಕಣ್ವಂ॒ ಮೇಧಾ᳚ತಿಥಿಂ॒ ಯಾಭಿ॒ರ್ವಶಂ॒ ದಶ᳚ವ್ರಜ‌ಮ್ |
ಯಾಭಿ॒ರ್ಗೋಶ᳚ರ್ಯ॒ಮಾವ॑ತಂ॒ ತಾಭಿ᳚ರ್ನೋಽವತಂ ನರಾ || 8.8.20
ಯಾಭಿ᳚ರ್ನರಾ ತ್ರ॒ಸದ॑ಸ್ಯು॒ಮಾವ॑ತಂ॒ ಕೃತ್ವ್ಯೇ॒ ಧನೇ᳚ |
ತಾಭಿಃ॒ ಷ್ವ1॒॑ಸ್ಮಾಁ ಅ॑ಶ್ವಿನಾ॒ ಪ್ರಾವ॑ತಂ॒ ವಾಜ॑ಸಾತಯೇ || 8.8.21
ಪ್ರ ವಾಂ॒ ಸ್ತೋಮಾಃ᳚ ಸುವೃ॒ಕ್ತಯೋ॒ ಗಿರೋ᳚ ವರ್ಧ‌ನ್ತ್ವಶ್ವಿನಾ |
ಪುರು॑ತ್ರಾ॒ ವೃತ್ರ॑ಹ‌ನ್ತಮಾ॒ ತಾ ನೋ᳚ ಭೂತಂ ಪುರು॒ಸ್ಪೃಹಾ᳚ || 8.8.22
ತ್ರೀಣಿ॑ ಪ॒ದಾನ್ಯ॒ಶ್ವಿನೋ᳚ರಾ॒ವಿಃ ಸಾ‌ನ್ತಿ॒ ಗುಹಾ᳚ ಪ॒ರಃ |
ಕ॒ವೀ ಋ॒ತಸ್ಯ॒ ಪತ್ಮ॑ಭಿರ॒ರ್ವಾಗ್ಜೀ॒ವೇಭ್ಯ॒ಸ್ಪರಿ॑ || 8.8.23

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಶಶಕರ್ಣ ಋಷಿಃ, ಅಶ್ವಿನೌ ದೇವತೇ (1, 4, 6, 14-15) ಪ್ರಥಮಾಚತುರ್ಥೀಷಷ್ಠೀಚತುರ್ದಶೀಪಂಚದಶೀನಾಮೃಚಾಂ ಬೃಹತೀ, (2-3, 20-21) ದ್ವಿತೀಯಾತೃತೀಯಾವಿಂಶ್ಯೇಕವಿಂಶೀನಾಂ ಗಾಯತ್ರೀ, (5) ಪಂಚಮ್ಯಾಃ ಕಕುಪ (7-9, 13, 16-19) ಸಪ್ತಮ್ಯಾದಿತೃಚಸ್ಯ ತ್ರಯೋದಶ್ಯಾ ಷೋಡಶ್ಯಾದಿಚತಸೃಣಾಂಚಾನುಷ್ಟಪ್ , (10) ದಶಮ್ಯಾಸ್ತ್ರಿಷ್ಟುಪ್, (11) ಏಕಾದಶ್ಯಾ ವಿರಾಟ್, (12) ದ್ವಾದಶ್ಯಾಶ್ಚ ಜಗತೀ ಛಂದಾಂಸಿ

ಆ ನೂ॒ನಮ॑ಶ್ವಿನಾ ಯು॒ವಂ ವ॒ತ್ಸಸ್ಯ॑ ಗ‌ನ್ತ॒ಮವ॑ಸೇ |
ಪ್ರಾಸ್ಮೈ᳚ ಯಚ್ಛತಮವೃ॒ಕಂ ಪೃ॒ಥು ಚ್ಛ॒ರ್ದಿರ್ಯು॑ಯು॒ತಂ ಯಾ ಅರಾ᳚ತಯಃ || 8.9.1
ಯದ॒‌ನ್ತರಿ॑ಕ್ಷೇ॒ ಯದ್ದಿ॒ವಿ ಯತ್ಪಂಚ॒ ಮಾನು॑ಷಾಁ॒ ಅನು॑ |
ನೃ॒ಮ್ಣಂ ತದ್ಧ॑ತ್ತಮಶ್ವಿನಾ || 8.9.2
ಯೇ ವಾಂ॒ ದಂಸಾಂ᳚ಸ್ಯಶ್ವಿನಾ॒ ವಿಪ್ರಾ᳚ಸಃ ಪರಿಮಾಮೃ॒ಶುಃ |
ಏ॒ವೇತ್ಕಾ॒ಣ್ವಸ್ಯ॑ ಬೋಧತ‌ಮ್ || 8.9.3
ಅ॒ಯಂ ವಾಂ᳚ ಘ॒ರ್ಮೋ ಅ॑ಶ್ವಿನಾ॒ ಸ್ತೋಮೇ᳚ನ॒ ಪರಿ॑ ಷಿಚ್ಯತೇ |
ಅ॒ಯಂ ಸೋಮೋ॒ ಮಧು॑ಮಾನ್ವಾಜಿನೀವಸೂ॒ ಯೇನ॑ ವೃ॒ತ್ರಂ ಚಿಕೇ᳚ತಥಃ || 8.9.4
ಯದ॒ಪ್ಸು ಯದ್ವನ॒ಸ್ಪತೌ॒ ಯದೋಷ॑ಧೀಷು ಪುರುದಂಸಸಾ ಕೃ॒ತ‌ಮ್ |
ತೇನ॑ ಮಾವಿಷ್ಟಮಶ್ವಿನಾ || 8.9.5
ಯನ್ನಾ᳚ಸತ್ಯಾ ಭುರ॒ಣ್ಯಥೋ॒ ಯದ್ವಾ᳚ ದೇವ ಭಿಷ॒ಜ್ಯಥಃ॑ |
ಅ॒ಯಂ ವಾಂ᳚ ವ॒ತ್ಸೋ ಮ॒ತಿಭಿ॒ರ್ನ ವಿಂ᳚ಧತೇ ಹ॒ವಿಷ್ಮ᳚‌ನ್ತಂ॒ ಹಿ ಗಚ್ಛ॑ಥಃ || 8.9.6
ಆ ನೂ॒ನಮ॒ಶ್ವಿನೋ॒ರ್‌ಋಷಿಃ॒ ಸ್ತೋಮಂ᳚ ಚಿಕೇತ ವಾ॒ಮಯಾ᳚ |
ಆ ಸೋಮಂ॒ ಮಧು॑ಮತ್ತಮಂ ಘ॒ರ್ಮಂ ಸಿಂ᳚ಚಾ॒ದಥ᳚ರ್ವಣಿ || 8.9.7
ಆ ನೂ॒ನಂ ರ॒ಘುವ॑ರ್ತನಿಂ॒ ರಥಂ᳚ ತಿಷ್ಠಾಥೋ ಅಶ್ವಿನಾ |
ಆ ವಾಂ॒ ಸ್ತೋಮಾ᳚ ಇ॒ಮೇ ಮಮ॒ ನಭೋ॒ ನ ಚು॑ಚ್ಯವೀರತ || 8.9.8
ಯದ॒ದ್ಯ ವಾಂ᳚ ನಾಸತ್ಯೋ॒ಕ್ಥೈರಾ᳚ಚುಚ್ಯುವೀ॒ಮಹಿ॑ |
ಯದ್ವಾ॒ ವಾಣೀ᳚ಭಿರಶ್ವಿನೇ॒ವೇತ್ಕಾ॒ಣ್ವಸ್ಯ॑ ಬೋಧತ‌ಮ್ || 8.9.9
ಯದ್ವಾಂ᳚ ಕ॒ಕ್ಷೀವಾಁ᳚ ಉ॒ತ ಯದ್ವ್ಯ॑ಶ್ವ॒ ಋಷಿ॒ರ್ಯದ್ವಾಂ᳚ ದೀ॒ರ್ಘತ॑ಮಾ ಜು॒ಹಾವ॑ |
ಪೃಥೀ॒ ಯದ್ವಾಂ᳚ ವೈ॒ನ್ಯಃ ಸಾದ॑ನೇಷ್ವೇ॒ವೇದತೋ᳚ ಅಶ್ವಿನಾ ಚೇತಯೇಥಾ‌ಮ್ || 8.9.10
ಯಾ॒ತಂ ಛ॑ರ್ದಿ॒ಷ್ಪಾ ಉ॒ತ ನಃ॑ ಪರ॒ಸ್ಪಾ ಭೂ॒ತಂ ಜ॑ಗ॒ತ್ಪಾ ಉ॒ತ ನ॑ಸ್ತನೂ॒ಪಾ |
ವ॒ರ್ತಿಸ್ತೋ॒ಕಾಯ॒ ತನ॑ಯಾಯ ಯಾತ‌ಮ್ || 8.9.11
ಯದಿಂದ್ರೇ᳚ಣ ಸ॒ರಥಂ᳚ ಯಾ॒ಥೋ ಅ॑ಶ್ವಿನಾ॒ ಯದ್ವಾ᳚ ವಾ॒ಯುನಾ॒ ಭವ॑ಥಃ॒ ಸಮೋ᳚ಕಸಾ |
ಯದಾ᳚ದಿ॒ತ್ಯೇಭಿ॑ರ್‌ಋ॒ಭುಭಿಃ॑ ಸ॒ಜೋಷ॑ಸಾ॒ ಯದ್ವಾ॒ ವಿಷ್ಣೋ᳚ರ್ವಿ॒ಕ್ರಮ॑ಣೇಷು॒ ತಿಷ್ಠ॑ಥಃ || 8.9.12
ಯದ॒ದ್ಯಾಶ್ವಿನಾ᳚ವ॒ಹಂ ಹು॒ವೇಯ॒ ವಾಜ॑ಸಾತಯೇ |
ಯತ್ಪೃ॒ತ್ಸು ತು॒ರ್ವಣೇ॒ ಸಹ॒ಸ್ತಚ್ಛ್ರೇಷ್ಠ॑ಮ॒ಶ್ವಿನೋ॒ರವಃ॑ || 8.9.13
ಆ ನೂ॒ನಂ ಯಾ᳚ತಮಶ್ವಿನೇ॒ಮಾ ಹ॒ವ್ಯಾನಿ॑ ವಾಂ ಹಿ॒ತಾ |
ಇ॒ಮೇ ಸೋಮಾ᳚ಸೋ॒ ಅಧಿ॑ ತು॒ರ್ವಶೇ॒ ಯದಾ᳚ವಿ॒ಮೇ ಕಣ್ವೇ᳚ಷು ವಾ॒ಮಥ॑ || 8.9.14
ಯನ್ನಾ᳚ಸತ್ಯಾ ಪರಾ॒ಕೇ ಅ᳚ರ್ವಾ॒ಕೇ ಅಸ್ತಿ॑ ಭೇಷ॒ಜ‌ಮ್ |
ತೇನ॑ ನೂ॒ನಂ ವಿ॑ಮ॒ದಾಯ॑ ಪ್ರಚೇತಸಾ ಛ॒ರ್ದಿರ್ವ॒ತ್ಸಾಯ॑ ಯಚ್ಛತ‌ಮ್ || 8.9.15
ಅಭು॑ತ್ಸ್ಯು॒ ಪ್ರ ದೇ॒ವ್ಯಾ ಸಾ॒ಕಂ ವಾ॒ಚಾಹಮ॒ಶ್ವಿನೋಃ᳚ |
ವ್ಯಾ᳚ವರ್ದೇ॒ವ್ಯಾ ಮ॒ತಿಂ ವಿ ರಾ॒ತಿಂ ಮರ್ತ್ಯೇ᳚ಭ್ಯಃ || 8.9.16
ಪ್ರ ಬೋ᳚ಧಯೋಷೋ ಅ॒ಶ್ವಿನಾ॒ ಪ್ರ ದೇ᳚ವಿ ಸೂನೃತೇ ಮಹಿ |
ಪ್ರ ಯ॑ಜ್ಞಹೋತರಾನು॒ಷಕ್ಪ್ರ ಮದಾ᳚ಯ॒ ಶ್ರವೋ᳚ ಬೃ॒ಹತ್ || 8.9.17
ಯದು॑ಷೋ॒ ಯಾಸಿ॑ ಭಾ॒ನುನಾ॒ ಸಂ ಸೂರ್ಯೇ᳚ಣ ರೋಚಸೇ |
ಆ ಹಾ॒ಯಮ॒ಶ್ವಿನೋ॒ ರಥೋ᳚ ವ॒ರ್ತಿರ್ಯಾ᳚ತಿ ನೃ॒ಪಾಯ್ಯ‌ಮ್᳚ || 8.9.18
ಯದಾಪೀ᳚ತಾಸೋ ಅಂ॒ಶವೋ॒ ಗಾವೋ॒ ನ ದು॒ಹ್ರ ಊಧ॑ಭಿಃ |
ಯದ್ವಾ॒ ವಾಣೀ॒ರನೂ᳚ಷತ॒ ಪ್ರ ದೇ᳚ವ॒ಯ‌ನ್ತೋ᳚ ಅ॒ಶ್ವಿನಾ᳚ || 8.9.19
ಪ್ರ ದ್ಯು॒ಮ್ನಾಯ॒ ಪ್ರ ಶವ॑ಸೇ॒ ಪ್ರ ನೃ॒ಷಾಹ್ಯಾ᳚ಯ॒ ಶರ್ಮ॑ಣೇ |
ಪ್ರ ದಕ್ಷಾ᳚ಯ ಪ್ರಚೇತಸಾ || 8.9.20
ಯನ್ನೂ॒ನಂ ಧೀ॒ಭಿರ॑ಶ್ವಿನಾ ಪಿ॒ತುರ್ಯೋನಾ᳚ ನಿ॒ಷೀದ॑ಥಃ |
ಯದ್ವಾ᳚ ಸು॒ಮ್ನೇಭಿ॑ರುಕ್ಥ್ಯಾ || 8.9.21

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಪ್ರಗಾಥ ಋಷಿಃ, ಅಶ್ವಿನೌ ದೇವತೇ (1) ಪ್ರಥಮಾ ಬೃಹತೀ, (2) ದ್ವಿತೀಯಾಯಾ ಮಧ್ಯೇಜ್ಯೋತಿಸ್ತ್ರಿಷ್ಟುಪ್, (3) ತೃತೀಯಾಯಾ ಅನುಷ್ಟಪ್ , (4) ಚತುರ್ಥ್ಯಾ ಪ್ರಾಸ್ತಾರಪತಿಃ, (5-6) ಪಂಚಮೀಷಷ್ಠ್ಯೋಶ್ಚ ಪ್ರಗಾಥಃ (ಪಂಚಮ್ಯಾ ಬೃಹತೀ, ಷಷ್ಠ್ಯಾಃ ಸತೋಬೃಹತೀ) ಛಂದಾಂಸಿ

ಯತ್ಸ್ಥೋ ದೀ॒ರ್ಘಪ್ರ॑ಸದ್ಮನಿ॒ ಯದ್ವಾ॒ದೋ ರೋ᳚ಚ॒ನೇ ದಿ॒ವಃ |
ಯದ್ವಾ᳚ ಸಮು॒ದ್ರೇ ಅಧ್ಯಾಕೃ॑ತೇ ಗೃ॒ಹೇಽತ॒ ಆ ಯಾ᳚ತಮಶ್ವಿನಾ || 8.10.1
ಯದ್ವಾ᳚ ಯ॒ಜ್ಞಂ ಮನ॑ವೇ ಸಮ್ಮಿಮಿ॒ಕ್ಷಥು॑ರೇ॒ವೇತ್ಕಾ॒ಣ್ವಸ್ಯ॑ ಬೋಧತ‌ಮ್ |
ಬೃಹ॒ಸ್ಪತಿಂ॒ ವಿಶ್ವಾಂ᳚ದೇ॒ವಾಁ ಅ॒ಹಂ ಹು॑ವ॒ ಇಂದ್ರಾ॒ವಿಷ್ಣೂ᳚ ಅ॒ಶ್ವಿನಾ᳚ವಾಶು॒ಹೇಷ॑ಸಾ || 8.10.2
ತ್ಯಾ ನ್ವ1॒॑ಶ್ವಿನಾ᳚ ಹುವೇ ಸು॒ದಂಸ॑ಸಾ ಗೃ॒ಭೇ ಕೃ॒ತಾ |
ಯಯೋ॒ರಸ್ತಿ॒ ಪ್ರ ಣಃ॑ ಸ॒ಖ್ಯಂ ದೇ॒ವೇಷ್ವಧ್ಯಾಪ್ಯ‌ಮ್᳚ || 8.10.3
ಯಯೋ॒ರಧಿ॒ ಪ್ರ ಯ॒ಜ್ಞಾ ಅ॑ಸೂ॒ರೇ ಸ‌ನ್ತಿ॑ ಸೂ॒ರಯಃ॑ |
ತಾ ಯ॒ಜ್ಞಸ್ಯಾ᳚ಧ್ವ॒ರಸ್ಯ॒ ಪ್ರಚೇ᳚ತಸಾ ಸ್ವ॒ಧಾಭಿ॒ರ್ಯಾ ಪಿಬ॑ತಃ ಸೋ॒ಮ್ಯಂ ಮಧು॑ || 8.10.4
ಯದ॒ದ್ಯಾಶ್ವಿ॑ನಾ॒ವಪಾ॒ಗ್ಯತ್ಪ್ರಾಕ್ಸ್ಥೋ ವಾ᳚ಜಿನೀವಸೂ |
ಯದ್ದ್ರು॒ಹ್ಯವ್ಯನ॑ವಿ ತು॒ರ್ವಶೇ॒ ಯದೌ᳚ ಹು॒ವೇ ವಾ॒ಮಥ॒ ಮಾ ಗ॑ತ‌ಮ್ || 8.10.5
ಯದ॒‌ನ್ತರಿ॑ಕ್ಷೇ॒ ಪತ॑ಥಃ ಪುರುಭುಜಾ॒ ಯದ್ವೇ॒ಮೇ ರೋದ॑ಸೀ॒ ಅನು॑ |
ಯದ್ವಾ᳚ ಸ್ವ॒ಧಾಭಿ॑ರಧಿ॒ತಿಷ್ಠ॑ಥೋ॒ ರಥ॒ಮತ॒ ಆ ಯಾ᳚ತಮಶ್ವಿನಾ || 8.10.6

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ವತ್ಸ ಋಷಿಃ, ಅಗ್ನಿರ್ದೇವತಾ, (1) ಪ್ರಥಮರ್ಚಃ ಪ್ರತಿಷ್ಠಾ ಗಾಯತ್ರೀ, (2) ದ್ವಿತೀಯಾಯಾ ವರ್ಧಮಾನಾ ಗಾಯತ್ರೀ, (3-9) ತೃತೀಯಾದಿಸಪ್ತಾನಾಂ ಗಾಯತ್ರೀ, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ತ್ವಮ॑ಗ್ನೇ ವ್ರತ॒ಪಾ ಅ॑ಸಿ ದೇ॒ವ ಆ ಮರ್ತ್ಯೇ॒ಷ್ವಾ |
ತ್ವಂ ಯ॒ಜ್ಞೇಷ್ವೀಡ್ಯಃ॑ || 8.11.1
ತ್ವಮ॑ಸಿ ಪ್ರ॒ಶಸ್ಯೋ᳚ ವಿ॒ದಥೇ᳚ಷು ಸಹ‌ನ್ತ್ಯ |
ಅಗ್ನೇ᳚ ರ॒ಥೀರ॑ಧ್ವ॒ರಾಣಾ᳚‌ಮ್ || 8.11.2
ಸ ತ್ವಮ॒ಸ್ಮದಪ॒ ದ್ವಿಷೋ᳚ ಯುಯೋ॒ಧಿ ಜಾ᳚ತವೇದಃ |
ಅದೇ᳚ವೀರಗ್ನೇ॒ ಅರಾ᳚ತೀಃ || 8.11.3
ಅ‌ನ್ತಿ॑ ಚಿ॒ತ್ಸ‌ನ್ತ॒ಮಹ॑ ಯ॒ಜ್ಞಂ ಮರ್ತ॑ಸ್ಯ ರಿ॒ಪೋಃ |
ನೋಪ॑ ವೇಷಿ ಜಾತವೇದಃ || 8.11.4
ಮರ್ತಾ॒ ಅಮ॑ರ್ತ್ಯಸ್ಯ ತೇ॒ ಭೂರಿ॒ ನಾಮ॑ ಮನಾಮಹೇ |
ವಿಪ್ರಾ᳚ಸೋ ಜಾ॒ತವೇ᳚ದಸಃ || 8.11.5
ವಿಪ್ರಂ॒ ವಿಪ್ರಾ॒ಸೋಽವ॑ಸೇ ದೇ॒ವಂ ಮರ್ತಾ᳚ಸ ಊ॒ತಯೇ᳚ |
ಅ॒ಗ್ನಿಂ ಗೀ॒ರ್ಭಿರ್ಹ॑ವಾಮಹೇ || 8.11.6
ಆ ತೇ᳚ ವ॒ತ್ಸೋ ಮನೋ᳚ ಯಮತ್ಪರ॒ಮಾಚ್ಚಿ॑ತ್ಸ॒ಧಸ್ಥಾ᳚ತ್ |
ಅಗ್ನೇ॒ ತ್ವಾಂಕಾ᳚ಮಯಾ ಗಿ॒ರಾ || 8.11.7
ಪು॒ರು॒ತ್ರಾ ಹಿ ಸ॒ದೃಙ್ಙಸಿ॒ ವಿಶೋ॒ ವಿಶ್ವಾ॒ ಅನು॑ ಪ್ರ॒ಭುಃ |
ಸ॒ಮತ್ಸು॑ ತ್ವಾ ಹವಾಮಹೇ || 8.11.8
ಸ॒ಮತ್ಸ್ವ॒ಗ್ನಿಮವ॑ಸೇ ವಾಜ॒ಯ‌ನ್ತೋ᳚ ಹವಾಮಹೇ |
ವಾಜೇ᳚ಷು ಚಿ॒ತ್ರರಾ᳚ಧಸ‌ಮ್ || 8.11.9
ಪ್ರ॒ತ್ನೋ ಹಿ ಕ॒ಮೀಡ್ಯೋ᳚ ಅಧ್ವ॒ರೇಷು॑ ಸ॒ನಾಚ್ಚ॒ ಹೋತಾ॒ ನವ್ಯ॑ಶ್ಚ॒ ಸತ್ಸಿ॑ |
ಸ್ವಾಂ ಚಾ᳚ಗ್ನೇ ತ॒ನ್ವಂ᳚ ಪಿ॒ಪ್ರಯ॑ಸ್ವಾ॒ಸ್ಮಭ್ಯಂ᳚ ಚ॒ ಸೌಭ॑ಗ॒ಮಾ ಯ॑ಜಸ್ವ || 8.11.10

(1-33) ತ್ರಯಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪರ್ವತ ಋಷಿಃ , ಇಂದ್ರೋ ದೇವತಾ, ಉಷ್ಣಿಕ್ ಛಂದಃ

ಯ ಇಂ᳚ದ್ರ ಸೋಮ॒ಪಾತ॑ಮೋ॒ ಮದಃ॑ ಶವಿಷ್ಠ॒ ಚೇತ॑ತಿ |
ಯೇನಾ॒ ಹಂಸಿ॒ ನ್ಯ1॒॑ತ್ರಿಣಂ॒ ತಮೀ᳚ಮಹೇ || 8.12.1
ಯೇನಾ॒ ದಶ॑ಗ್ವ॒ಮಧ್ರಿ॑ಗುಂ ವೇ॒ಪಯ᳚‌ನ್ತಂ॒ ಸ್ವ᳚ರ್ಣರ‌ಮ್ |
ಯೇನಾ᳚ ಸಮು॒ದ್ರಮಾವಿ॑ಥಾ॒ ತಮೀ᳚ಮಹೇ || 8.12.2
ಯೇನ॒ ಸಿಂಧುಂ᳚ ಮ॒ಹೀರ॒ಪೋ ರಥಾಁ᳚ ಇವ ಪ್ರಚೋ॒ದಯಃ॑ |
ಪ‌ನ್ಥಾ᳚ಮೃ॒ತಸ್ಯ॒ ಯಾತ॑ವೇ॒ ತಮೀ᳚ಮಹೇ || 8.12.3
ಇ॒ಮಂ ಸ್ತೋಮ॑ಮ॒ಭಿಷ್ಟ॑ಯೇ ಘೃ॒ತಂ ನ ಪೂ॒ತಮ॑ದ್ರಿವಃ |
ಯೇನಾ॒ ನು ಸ॒ದ್ಯ ಓಜ॑ಸಾ ವ॒ವಕ್ಷಿ॑ಥ || 8.12.4
ಇ॒ಮಂ ಜು॑ಷಸ್ವ ಗಿರ್ವಣಃ ಸಮು॒ದ್ರ ಇ॑ವ ಪಿನ್ವತೇ |
ಇಂದ್ರ॒ ವಿಶ್ವಾ᳚ಭಿರೂ॒ತಿಭಿ᳚ರ್ವ॒ವಕ್ಷಿ॑ಥ || 8.12.5
ಯೋ ನೋ᳚ ದೇ॒ವಃ ಪ॑ರಾ॒ವತಃ॑ ಸಖಿತ್ವ॒ನಾಯ॑ ಮಾಮ॒ಹೇ |
ದಿ॒ವೋ ನ ವೃ॒ಷ್ಟಿಂ ಪ್ರ॒ಥಯ᳚ನ್ವ॒ವಕ್ಷಿ॑ಥ || 8.12.6
ವ॒ವ॒ಕ್ಷುರ॑ಸ್ಯ ಕೇ॒ತವೋ᳚ ಉ॒ತ ವಜ್ರೋ॒ ಗಭ॑ಸ್ತ್ಯೋಃ |
ಯತ್ಸೂರ್ಯೋ॒ ನ ರೋದ॑ಸೀ॒ ಅವ॑ರ್ಧಯತ್ || 8.12.7
ಯದಿ॑ ಪ್ರವೃದ್ಧ ಸತ್ಪತೇ ಸ॒ಹಸ್ರಂ᳚ ಮಹಿ॒ಷಾಁ ಅಘಃ॑ |
ಆದಿತ್ತ॑ ಇಂದ್ರಿ॒ಯಂ ಮಹಿ॒ ಪ್ರ ವಾ᳚ವೃಧೇ || 8.12.8
ಇಂದ್ರಃ॒ ಸೂರ್ಯ॑ಸ್ಯ ರ॒ಶ್ಮಿಭಿ॒ರ್ನ್ಯ॑ರ್ಶಸಾ॒ನಮೋ᳚ಷತಿ |
ಅ॒ಗ್ನಿರ್ವನೇ᳚ವ ಸಾಸ॒ಹಿಃ ಪ್ರ ವಾ᳚ವೃಧೇ || 8.12.9
ಇ॒ಯಂ ತ॑ ಋ॒ತ್ವಿಯಾ᳚ವತೀ ಧೀ॒ತಿರೇ᳚ತಿ॒ ನವೀ᳚ಯಸೀ |
ಸ॒ಪ॒ರ್ಯ‌ನ್ತೀ᳚ ಪುರುಪ್ರಿ॒ಯಾ ಮಿಮೀ᳚ತ॒ ಇತ್ || 8.12.10
ಗರ್ಭೋ᳚ ಯ॒ಜ್ಞಸ್ಯ॑ ದೇವ॒ಯುಃ ಕ್ರತುಂ᳚ ಪುನೀತ ಆನು॒ಷಕ್ |
ಸ್ತೋಮೈ॒ರಿಂದ್ರ॑ಸ್ಯ ವಾವೃಧೇ॒ ಮಿಮೀ᳚ತ॒ ಇತ್ || 8.12.11
ಸ॒ನಿರ್ಮಿ॒ತ್ರಸ್ಯ॑ ಪಪ್ರಥ॒ ಇಂದ್ರಃ॒ ಸೋಮ॑ಸ್ಯ ಪೀ॒ತಯೇ᳚ |
ಪ್ರಾಚೀ॒ ವಾಶೀ᳚ವ ಸುನ್ವ॒ತೇ ಮಿಮೀ᳚ತ॒ ಇತ್ || 8.12.12
ಯಂ ವಿಪ್ರಾ᳚ ಉ॒ಕ್ಥವಾ᳚ಹಸೋಽಭಿಪ್ರಮಂ॒ದುರಾ॒ಯವಃ॑ |
ಘೃ॒ತಂ ನ ಪಿ॑ಪ್ಯ ಆ॒ಸನ್ಯೃ॒ತಸ್ಯ॒ ಯತ್ || 8.12.13
ಉ॒ತ ಸ್ವ॒ರಾಜೇ॒ ಅದಿ॑ತಿಃ॒ ಸ್ತೋಮ॒ಮಿಂದ್ರಾ᳚ಯ ಜೀಜನತ್ |
ಪು॒ರು॒ಪ್ರ॒ಶ॒ಸ್ತಮೂ॒ತಯ॑ ಋ॒ತಸ್ಯ॒ ಯತ್ || 8.12.14
ಅ॒ಭಿ ವಹ್ನ॑ಯ ಊ॒ತಯೇಽನೂ᳚ಷತ॒ ಪ್ರಶ॑ಸ್ತಯೇ |
ನ ದೇ᳚ವ॒ ವಿವ್ರ॑ತಾ॒ ಹರೀ᳚ ಋ॒ತಸ್ಯ॒ ಯತ್ || 8.12.15
ಯತ್ಸೋಮ॑ಮಿಂದ್ರ॒ ವಿಷ್ಣ॑ವಿ॒ ಯದ್ವಾ᳚ ಘ ತ್ರಿ॒ತ ಆ॒ಪ್ತ್ಯೇ |
ಯದ್ವಾ᳚ ಮ॒ರುತ್ಸು॒ ಮಂದ॑ಸೇ॒ ಸಮಿಂದು॑ಭಿಃ || 8.12.16
ಯದ್ವಾ᳚ ಶಕ್ರ ಪರಾ॒ವತಿ॑ ಸಮು॒ದ್ರೇ ಅಧಿ॒ ಮಂದ॑ಸೇ |
ಅ॒ಸ್ಮಾಕ॒ಮಿತ್ಸು॒ತೇ ರ॑ಣಾ॒ ಸಮಿಂದು॑ಭಿಃ || 8.12.17
ಯದ್ವಾಸಿ॑ ಸುನ್ವ॒ತೋ ವೃ॒ಧೋ ಯಜ॑ಮಾನಸ್ಯ ಸತ್ಪತೇ |
ಉ॒ಕ್ಥೇ ವಾ॒ ಯಸ್ಯ॒ ರಣ್ಯ॑ಸಿ॒ ಸಮಿಂದು॑ಭಿಃ || 8.12.18
ದೇ॒ವಂದೇ᳚ವಂ॒ ವೋಽವ॑ಸ॒ ಇಂದ್ರ॑ಮಿಂದ್ರಂ ಗೃಣೀ॒ಷಣಿ॑ |
ಅಧಾ᳚ ಯ॒ಜ್ಞಾಯ॑ ತು॒ರ್ವಣೇ॒ ವ್ಯಾ᳚ನಶುಃ || 8.12.19
ಯ॒ಜ್ಞೇಭಿ᳚ರ್ಯ॒ಜ್ಞವಾ᳚ಹಸಂ॒ ಸೋಮೇ᳚ಭಿಃ ಸೋಮ॒ಪಾತ॑ಮ‌ಮ್ |
ಹೋತ್ರಾ᳚ಭಿ॒ರಿಂದ್ರಂ᳚ ವಾವೃಧು॒ರ್ವ್ಯಾ᳚ನಶುಃ || 8.12.20
ಮ॒ಹೀರ॑ಸ್ಯ॒ ಪ್ರಣೀ᳚ತಯಃ ಪೂ॒ರ್ವೀರು॒ತ ಪ್ರಶ॑ಸ್ತಯಃ |
ವಿಶ್ವಾ॒ ವಸೂ᳚ನಿ ದಾ॒ಶುಷೇ॒ ವ್ಯಾ᳚ನಶುಃ || 8.12.21
ಇಂದ್ರಂ᳚ ವೃ॒ತ್ರಾಯ॒ ಹ‌ನ್ತ॑ವೇ ದೇ॒ವಾಸೋ᳚ ದಧಿರೇ ಪು॒ರಃ |
ಇಂದ್ರಂ॒ ವಾಣೀ᳚ರನೂಷತಾ॒ ಸಮೋಜ॑ಸೇ || 8.12.22
ಮ॒ಹಾ‌ನ್ತಂ᳚ ಮಹಿ॒ನಾ ವ॒ಯಂ ಸ್ತೋಮೇ᳚ಭಿರ್ಹವನ॒ಶ್ರುತ‌ಮ್᳚ |
ಅ॒ರ್ಕೈರ॒ಭಿ ಪ್ರ ಣೋ᳚ನುಮಃ॒ ಸಮೋಜ॑ಸೇ || 8.12.23
ನ ಯಂ ವಿ॑ವಿ॒ಕ್ತೋ ರೋದ॑ಸೀ॒ ನಾ‌ನ್ತರಿ॑ಕ್ಷಾಣಿ ವ॒ಜ್ರಿಣ‌ಮ್᳚ |
ಅಮಾ॒ದಿದ॑ಸ್ಯ ತಿತ್ವಿಷೇ॒ ಸಮೋಜ॑ಸಃ || 8.12.24
ಯದಿಂ᳚ದ್ರ ಪೃತ॒ನಾಜ್ಯೇ᳚ ದೇ॒ವಾಸ್ತ್ವಾ᳚ ದಧಿ॒ರೇ ಪು॒ರಃ |
ಆದಿತ್ತೇ᳚ ಹರ್ಯ॒ತಾ ಹರೀ᳚ ವವಕ್ಷತುಃ || 8.12.25
ಯ॒ದಾ ವೃ॒ತ್ರಂ ನ॑ದೀ॒ವೃತಂ॒ ಶವ॑ಸಾ ವಜ್ರಿ॒ನ್ನವ॑ಧೀಃ |
ಆದಿತ್ತೇ᳚ ಹರ್ಯ॒ತಾ ಹರೀ᳚ ವವಕ್ಷತುಃ || 8.12.26
ಯ॒ದಾ ತೇ॒ ವಿಷ್ಣು॒ರೋಜ॑ಸಾ॒ ತ್ರೀಣಿ॑ ಪ॒ದಾ ವಿ॑ಚಕ್ರ॒ಮೇ |
ಆದಿತ್ತೇ᳚ ಹರ್ಯ॒ತಾ ಹರೀ᳚ ವವಕ್ಷತುಃ || 8.12.27
ಯ॒ದಾ ತೇ᳚ ಹರ್ಯ॒ತಾ ಹರೀ᳚ ವಾವೃ॒ಧಾತೇ᳚ ದಿ॒ವೇದಿ॑ವೇ |
ಆದಿತ್ತೇ॒ ವಿಶ್ವಾ॒ ಭುವ॑ನಾನಿ ಯೇಮಿರೇ || 8.12.28
ಯ॒ದಾ ತೇ॒ ಮಾರು॑ತೀ॒ರ್ವಿಶ॒ಸ್ತುಭ್ಯ॑ಮಿಂದ್ರ ನಿಯೇಮಿ॒ರೇ |
ಆದಿತ್ತೇ॒ ವಿಶ್ವಾ॒ ಭುವ॑ನಾನಿ ಯೇಮಿರೇ || 8.12.29
ಯ॒ದಾ ಸೂರ್ಯ॑ಮ॒ಮುಂ ದಿ॒ವಿ ಶು॒ಕ್ರಂ ಜ್ಯೋತಿ॒ರಧಾ᳚ರಯಃ |
ಆದಿತ್ತೇ॒ ವಿಶ್ವಾ॒ ಭುವ॑ನಾನಿ ಯೇಮಿರೇ || 8.12.30
ಇ॒ಮಾಂ ತ॑ ಇಂದ್ರ ಸುಷ್ಟು॒ತಿಂ ವಿಪ್ರ॑ ಇಯರ್ತಿ ಧೀ॒ತಿಭಿಃ॑ |
ಜಾ॒ಮಿಂ ಪ॒ದೇವ॒ ಪಿಪ್ರ॑ತೀಂ॒ ಪ್ರಾಧ್ವ॒ರೇ || 8.12.31
ಯದ॑ಸ್ಯ॒ ಧಾಮ॑ನಿ ಪ್ರಿ॒ಯೇ ಸ॑ಮೀಚೀ॒ನಾಸೋ॒ ಅಸ್ವ॑ರನ್ |
ನಾಭಾ᳚ ಯ॒ಜ್ಞಸ್ಯ॑ ದೋ॒ಹನಾ॒ ಪ್ರಾಧ್ವ॒ರೇ || 8.12.32
ಸು॒ವೀರ್ಯಂ॒ ಸ್ವಶ್ವ್ಯಂ᳚ ಸು॒ಗವ್ಯ॑ಮಿಂದ್ರ ದದ್ಧಿ ನಃ |
ಹೋತೇ᳚ವ ಪೂ॒ರ್ವಚಿ॑ತ್ತಯೇ॒ ಪ್ರಾಧ್ವ॒ರೇ || 8.12.33

(1-33) ತ್ರಯಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ನಾರದ ಋಷಿಃ, ಇಂದ್ರೋ ದೇವತಾ, ಉಷ್ಣಿಕ್ ಛಂದಃ

ಇಂದ್ರಃ॑ ಸು॒ತೇಷು॒ ಸೋಮೇ᳚ಷು॒ ಕ್ರತುಂ᳚ ಪುನೀತ ಉ॒ಕ್ಥ್ಯ‌ಮ್᳚ |
ವಿ॒ದೇ ವೃ॒ಧಸ್ಯ॒ ದಕ್ಷ॑ಸೋ ಮ॒ಹಾನ್ಹಿ ಷಃ || 8.13.1
ಸ ಪ್ರ॑ಥ॒ಮೇ ವ್ಯೋ᳚ಮನಿ ದೇ॒ವಾನಾಂ॒ ಸದ॑ನೇ ವೃ॒ಧಃ |
ಸು॒ಪಾ॒ರಃ ಸು॒ಶ್ರವ॑ಸ್ತಮಃ॒ ಸಮ॑ಪ್ಸು॒ಜಿತ್ || 8.13.2
ತಮ॑ಹ್ವೇ॒ ವಾಜ॑ಸಾತಯ॒ ಇಂದ್ರಂ॒ ಭರಾ᳚ಯ ಶು॒ಷ್ಮಿಣ‌ಮ್᳚ |
ಭವಾ᳚ ನಃ ಸು॒ಮ್ನೇ ಅ‌ನ್ತ॑ಮಃ॒ ಸಖಾ᳚ ವೃ॒ಧೇ || 8.13.3
ಇ॒ಯಂ ತ॑ ಇಂದ್ರ ಗಿರ್ವಣೋ ರಾ॒ತಿಃ ಕ್ಷ॑ರತಿ ಸುನ್ವ॒ತಃ |
ಮಂ॒ದಾ॒ನೋ ಅ॒ಸ್ಯ ಬ॒ರ್ಹಿಷೋ॒ ವಿ ರಾ᳚ಜಸಿ || 8.13.4
ನೂ॒ನಂ ತದಿಂ᳚ದ್ರ ದದ್ಧಿ ನೋ॒ ಯತ್ತ್ವಾ᳚ ಸು॒ನ್ವ‌ನ್ತ॒ ಈಮ॑ಹೇ |
ರ॒ಯಿಂ ನ॑ಶ್ಚಿ॒ತ್ರಮಾ ಭ॑ರಾ ಸ್ವ॒ರ್ವಿದ‌ಮ್᳚ || 8.13.5
ಸ್ತೋ॒ತಾ ಯತ್ತೇ॒ ವಿಚ॑ರ್ಷಣಿರತಿಪ್ರಶ॒ರ್ಧಯ॒ದ್ಗಿರಃ॑ |
ವ॒ಯಾ ಇ॒ವಾನು॑ ರೋಹತೇ ಜು॒ಷ‌ನ್ತ॒ ಯತ್ || 8.13.6
ಪ್ರ॒ತ್ನ॒ವಜ್ಜ॑ನಯಾ॒ ಗಿರಃ॑ ಶೃಣು॒ಧೀ ಜ॑ರಿ॒ತುರ್ಹವ‌ಮ್᳚ |
ಮದೇ᳚ಮದೇ ವವಕ್ಷಿಥಾ ಸು॒ಕೃತ್ವ॑ನೇ || 8.13.7
ಕ್ರೀಳ᳚‌ನ್ತ್ಯಸ್ಯ ಸೂ॒ನೃತಾ॒ ಆಪೋ॒ ನ ಪ್ರ॒ವತಾ᳚ ಯ॒ತೀಃ |
ಅ॒ಯಾ ಧಿ॒ಯಾ ಯ ಉ॒ಚ್ಯತೇ॒ ಪತಿ॑ರ್ದಿ॒ವಃ || 8.13.8
ಉ॒ತೋ ಪತಿ॒ರ್ಯ ಉ॒ಚ್ಯತೇ᳚ ಕೃಷ್ಟೀ॒ನಾಮೇಕ॒ ಇದ್ವ॒ಶೀ |
ನ॒ಮೋ॒ವೃ॒ಧೈರ॑ವ॒ಸ್ಯುಭಿಃ॑ ಸು॒ತೇ ರ॑ಣ || 8.13.9
ಸ್ತು॒ಹಿ ಶ್ರು॒ತಂ ವಿ॑ಪ॒ಶ್ಚಿತಂ॒ ಹರೀ॒ ಯಸ್ಯ॑ ಪ್ರಸ॒ಕ್ಷಿಣಾ᳚ |
ಗ‌ನ್ತಾ᳚ರಾ ದಾ॒ಶುಷೋ᳚ ಗೃ॒ಹಂ ನ॑ಮ॒ಸ್ವಿನಃ॑ || 8.13.10
ತೂ॒ತು॒ಜಾ॒ನೋ ಮ॑ಹೇಮ॒ತೇಽಶ್ವೇ᳚ಭಿಃ ಪ್ರುಷಿ॒ತಪ್ಸು॑ಭಿಃ |
ಆ ಯಾ᳚ಹಿ ಯ॒ಜ್ಞಮಾ॒ಶುಭಿಃ॒ ಶಮಿದ್ಧಿ ತೇ᳚ || 8.13.11
ಇಂದ್ರ॑ ಶವಿಷ್ಠ ಸತ್ಪತೇ ರ॒ಯಿಂ ಗೃ॒ಣತ್ಸು॑ ಧಾರಯ |
ಶ್ರವಃ॑ ಸೂ॒ರಿಭ್ಯೋ᳚ ಅ॒ಮೃತಂ᳚ ವಸುತ್ವ॒ನ‌ಮ್ || 8.13.12
ಹವೇ᳚ ತ್ವಾ॒ ಸೂರ॒ ಉದಿ॑ತೇ॒ ಹವೇ᳚ ಮ॒ಧ್ಯಂದಿ॑ನೇ ದಿ॒ವಃ |
ಜು॒ಷಾ॒ಣ ಇಂ᳚ದ್ರ॒ ಸಪ್ತಿ॑ಭಿರ್ನ॒ ಆ ಗ॑ಹಿ || 8.13.13
ಆ ತೂ ಗ॑ಹಿ॒ ಪ್ರ ತು ದ್ರ॑ವ॒ ಮತ್ಸ್ವಾ᳚ ಸು॒ತಸ್ಯ॒ ಗೋಮ॑ತಃ |
ತ‌ನ್ತುಂ᳚ ತನುಷ್ವ ಪೂ॒ರ್ವ್ಯಂ ಯಥಾ᳚ ವಿ॒ದೇ || 8.13.14
ಯಚ್ಛ॒ಕ್ರಾಸಿ॑ ಪರಾ॒ವತಿ॒ ಯದ᳚ರ್ವಾ॒ವತಿ॑ ವೃತ್ರಹನ್ |
ಯದ್ವಾ᳚ ಸಮು॒ದ್ರೇ ಅಂಧ॑ಸೋಽವಿ॒ತೇದ॑ಸಿ || 8.13.15
ಇಂದ್ರಂ᳚ ವರ್ಧ‌ನ್ತು ನೋ॒ ಗಿರ॒ ಇಂದ್ರಂ᳚ ಸು॒ತಾಸ॒ ಇಂದ॑ವಃ |
ಇಂದ್ರೇ᳚ ಹ॒ವಿಷ್ಮ॑ತೀ॒ರ್ವಿಶೋ᳚ ಅರಾಣಿಷುಃ || 8.13.16
ತಮಿದ್ವಿಪ್ರಾ᳚ ಅವ॒ಸ್ಯವಃ॑ ಪ್ರ॒ವತ್ವ॑ತೀಭಿರೂ॒ತಿಭಿಃ॑ |
ಇಂದ್ರಂ᳚ ಕ್ಷೋ॒ಣೀರ॑ವರ್ಧಯನ್ವ॒ಯಾ ಇ॑ವ || 8.13.17
ತ್ರಿಕ॑ದ್ರುಕೇಷು॒ ಚೇತ॑ನಂ ದೇ॒ವಾಸೋ᳚ ಯ॒ಜ್ಞಮ॑ತ್ನತ |
ತಮಿದ್ವ॑ರ್ಧ‌ನ್ತು ನೋ॒ ಗಿರಃ॑ ಸ॒ದಾವೃ॑ಧ‌ಮ್ || 8.13.18
ಸ್ತೋ॒ತಾ ಯತ್ತೇ॒ ಅನು᳚ವ್ರತ ಉ॒ಕ್ಥಾನ್ಯೃ॑ತು॒ಥಾ ದ॒ಧೇ |
ಶುಚಿಃ॑ ಪಾವ॒ಕ ಉ॑ಚ್ಯತೇ॒ ಸೋ ಅದ್ಭು॑ತಃ || 8.13.19
ತದಿದ್ರು॒ದ್ರಸ್ಯ॑ ಚೇತತಿ ಯ॒ಹ್ವಂ ಪ್ರ॒ತ್ನೇಷು॒ ಧಾಮ॑ಸು |
ಮನೋ॒ ಯತ್ರಾ॒ ವಿ ತದ್ದ॒ಧುರ್ವಿಚೇ᳚ತಸಃ || 8.13.20
ಯದಿ॑ ಮೇ ಸ॒ಖ್ಯಮಾ॒ವರ॑ ಇ॒ಮಸ್ಯ॑ ಪಾ॒ಹ್ಯಂಧ॑ಸಃ |
ಯೇನ॒ ವಿಶ್ವಾ॒ ಅತಿ॒ ದ್ವಿಷೋ॒ ಅತಾ᳚ರಿಮ || 8.13.21
ಕ॒ದಾ ತ॑ ಇಂದ್ರ ಗಿರ್ವಣಃ ಸ್ತೋ॒ತಾ ಭ॑ವಾತಿ॒ ಶಂತ॑ಮಃ |
ಕ॒ದಾ ನೋ॒ ಗವ್ಯೇ॒ ಅಶ್ವ್ಯೇ॒ ವಸೌ᳚ ದಧಃ || 8.13.22
ಉ॒ತ ತೇ॒ ಸುಷ್ಟು॑ತಾ॒ ಹರೀ॒ ವೃಷ॑ಣಾ ವಹತೋ॒ ರಥ‌ಮ್᳚ |
ಅ॒ಜು॒ರ್ಯಸ್ಯ॑ ಮ॒ದಿ‌ನ್ತ॑ಮಂ॒ ಯಮೀಮ॑ಹೇ || 8.13.23
ತಮೀ᳚ಮಹೇ ಪುರುಷ್ಟು॒ತಂ ಯ॒ಹ್ವಂ ಪ್ರ॒ತ್ನಾಭಿ॑ರೂ॒ತಿಭಿಃ॑ |
ನಿ ಬ॒ರ್ಹಿಷಿ॑ ಪ್ರಿ॒ಯೇ ಸ॑ದ॒ದಧ॑ ದ್ವಿ॒ತಾ || 8.13.24
ವರ್ಧ॑ಸ್ವಾ॒ ಸು ಪು॑ರುಷ್ಟುತ॒ ಋಷಿ॑ಷ್ಟುತಾಭಿರೂ॒ತಿಭಿಃ॑ |
ಧು॒ಕ್ಷಸ್ವ॑ ಪಿ॒ಪ್ಯುಷೀ॒ಮಿಷ॒ಮವಾ᳚ ಚ ನಃ || 8.13.25
ಇಂದ್ರ॒ ತ್ವಮ॑ವಿ॒ತೇದ॑ಸೀ॒ತ್ಥಾ ಸ್ತು॑ವ॒ತೋ ಅ॑ದ್ರಿವಃ |
ಋ॒ತಾದಿ॑ಯರ್ಮಿ ತೇ॒ ಧಿಯಂ᳚ ಮನೋ॒ಯುಜ‌ಮ್᳚ || 8.13.26
ಇ॒ಹ ತ್ಯಾ ಸ॑ಧ॒ಮಾದ್ಯಾ᳚ ಯುಜಾ॒ನಃ ಸೋಮ॑ಪೀತಯೇ |
ಹರೀ᳚ ಇಂದ್ರ ಪ್ರ॒ತದ್ವ॑ಸೂ ಅ॒ಭಿ ಸ್ವ॑ರ || 8.13.27
ಅ॒ಭಿ ಸ್ವ॑ರ‌ನ್ತು॒ ಯೇ ತವ॑ ರು॒ದ್ರಾಸಃ॑ ಸಕ್ಷತ॒ ಶ್ರಿಯ‌ಮ್᳚ |
ಉ॒ತೋ ಮ॒ರುತ್ವ॑ತೀ॒ರ್ವಿಶೋ᳚ ಅ॒ಭಿ ಪ್ರಯಃ॑ || 8.13.28
ಇ॒ಮಾ ಅ॑ಸ್ಯ॒ ಪ್ರತೂ᳚ರ್ತಯಃ ಪ॒ದಂ ಜು॑ಷ‌ನ್ತ॒ ಯದ್ದಿ॒ವಿ |
ನಾಭಾ᳚ ಯ॒ಜ್ಞಸ್ಯ॒ ಸಂ ದ॑ಧು॒ರ್ಯಥಾ᳚ ವಿ॒ದೇ || 8.13.29
ಅ॒ಯಂ ದೀ॒ರ್ಘಾಯ॒ ಚಕ್ಷ॑ಸೇ॒ ಪ್ರಾಚಿ॑ ಪ್ರಯ॒ತ್ಯ॑ಧ್ವ॒ರೇ |
ಮಿಮೀ᳚ತೇ ಯ॒ಜ್ಞಮಾ᳚ನು॒ಷಗ್ವಿ॒ಚಕ್ಷ್ಯ॑ || 8.13.30
ವೃಷಾ॒ಯಮಿಂ᳚ದ್ರ ತೇ॒ ರಥ॑ ಉ॒ತೋ ತೇ॒ ವೃಷ॑ಣಾ॒ ಹರೀ᳚ |
ವೃಷಾ॒ ತ್ವಂ ಶ॑ತಕ್ರತೋ॒ ವೃಷಾ॒ ಹವಃ॑ || 8.13.31
ವೃಷಾ॒ ಗ್ರಾವಾ॒ ವೃಷಾ॒ ಮದೋ॒ ವೃಷಾ॒ ಸೋಮೋ᳚ ಅ॒ಯಂ ಸು॒ತಃ |
ವೃಷಾ᳚ ಯ॒ಜ್ಞೋ ಯಮಿನ್ವ॑ಸಿ॒ ವೃಷಾ॒ ಹವಃ॑ || 8.13.32
ವೃಷಾ᳚ ತ್ವಾ॒ ವೃಷ॑ಣಂ ಹುವೇ॒ ವಜ್ರಿಂ᳚ಚಿ॒ತ್ರಾಭಿ॑ರೂ॒ತಿಭಿಃ॑ |
ವಾ॒ವ‌ನ್ಥ॒ ಹಿ ಪ್ರತಿ॑ಷ್ಟುತಿಂ॒ ವೃಷಾ॒ ಹವಃ॑ || 8.13.33

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಾಯನೌ ಗೋಷೂಕ್ತ್ಯಶ್ವಸೂಕ್ತಿನಾವೃಷೀ, ಇಂದ್ರೋ ದೇವತಾ, ಗಾಯತ್ರೀ ಛಂದಃ

ಯದಿಂ᳚ದ್ರಾ॒ಹಂ ಯಥಾ॒ ತ್ವಮೀಶೀ᳚ಯ॒ ವಸ್ವ॒ ಏಕ॒ ಇತ್ |
ಸ್ತೋ॒ತಾ ಮೇ॒ ಗೋಷ॑ಖಾ ಸ್ಯಾತ್ || 8.14.1
ಶಿಕ್ಷೇ᳚ಯಮಸ್ಮೈ॒ ದಿತ್ಸೇ᳚ಯಂ॒ ಶಚೀ᳚ಪತೇ ಮನೀ॒ಷಿಣೇ᳚ |
ಯದ॒ಹಂ ಗೋಪ॑ತಿಃ॒ ಸ್ಯಾ‌ಮ್ || 8.14.2
ಧೇ॒ನುಷ್ಟ॑ ಇಂದ್ರ ಸೂ॒ನೃತಾ॒ ಯಜ॑ಮಾನಾಯ ಸುನ್ವ॒ತೇ |
ಗಾಮಶ್ವಂ᳚ ಪಿ॒ಪ್ಯುಷೀ᳚ ದುಹೇ || 8.14.3
ನ ತೇ᳚ ವ॒ರ್ತಾಸ್ತಿ॒ ರಾಧ॑ಸ॒ ಇಂದ್ರ॑ ದೇ॒ವೋ ನ ಮರ್ತ್ಯಃ॑ |
ಯದ್ದಿತ್ಸ॑ಸಿ ಸ್ತು॒ತೋ ಮ॒ಘ‌ಮ್ || 8.14.4
ಯ॒ಜ್ಞ ಇಂದ್ರ॑ಮವರ್ಧಯ॒ದ್ಯದ್ಭೂಮಿಂ॒ ವ್ಯವ॑ರ್ತಯತ್ |
ಚ॒ಕ್ರಾ॒ಣ ಓ᳚ಪ॒ಶಂ ದಿ॒ವಿ || 8.14.5
ವಾ॒ವೃ॒ಧಾ॒ನಸ್ಯ॑ ತೇ ವ॒ಯಂ ವಿಶ್ವಾ॒ ಧನಾ᳚ನಿ ಜಿ॒ಗ್ಯುಷಃ॑ |
ಊ॒ತಿಮಿಂ॒ದ್ರಾ ವೃ॑ಣೀಮಹೇ || 8.14.6
ವ್ಯ1॒᳚‌ನ್ತರಿ॑ಕ್ಷಮತಿರ॒ನ್ಮದೇ॒ ಸೋಮ॑ಸ್ಯ ರೋಚ॒ನಾ |
ಇಂದ್ರೋ॒ ಯದಭಿ॑ನದ್ವ॒ಲ‌ಮ್ || 8.14.7
ಉದ್ಗಾ ಆ᳚ಜ॒ದಂಗಿ॑ರೋಭ್ಯ ಆ॒ವಿಷ್ಕೃ॒ಣ್ವನ್ಗುಹಾ᳚ ಸ॒ತೀಃ |
ಅ॒ರ್ವಾಂಚಂ᳚ ನುನುದೇ ವ॒ಲ‌ಮ್ || 8.14.8
ಇಂದ್ರೇ᳚ಣ ರೋಚ॒ನಾ ದಿ॒ವೋ ದೃ॒ಳ್ಹಾನಿ॑ ದೃಂಹಿ॒ತಾನಿ॑ ಚ |
ಸ್ಥಿ॒ರಾಣಿ॒ ನ ಪ॑ರಾ॒ಣುದೇ᳚ || 8.14.9
ಅ॒ಪಾಮೂ॒ರ್ಮಿರ್ಮದ᳚ನ್ನಿವ॒ ಸ್ತೋಮ॑ ಇಂದ್ರಾಜಿರಾಯತೇ |
ವಿ ತೇ॒ ಮದಾ᳚ ಅರಾಜಿಷುಃ || 8.14.10
ತ್ವಂ ಹಿ ಸ್ತೋ᳚ಮ॒ವರ್ಧ॑ನ॒ ಇಂದ್ರಾಸ್ಯು॑ಕ್ಥ॒ವರ್ಧ॑ನಃ |
ಸ್ತೋ॒ತೄ॒ಣಾಮು॒ತ ಭ॑ದ್ರ॒ಕೃತ್ || 8.14.11
ಇಂದ್ರ॒ಮಿತ್ಕೇ॒ಶಿನಾ॒ ಹರೀ᳚ ಸೋಮ॒ಪೇಯಾ᳚ಯ ವಕ್ಷತಃ |
ಉಪ॑ ಯ॒ಜ್ಞಂ ಸು॒ರಾಧ॑ಸ‌ಮ್ || 8.14.12
ಅ॒ಪಾಂ ಫೇನೇ᳚ನ॒ ನಮು॑ಚೇಃ॒ ಶಿರ॑ ಇಂ॒ದ್ರೋದ॑ವರ್ತಯಃ |
ವಿಶ್ವಾ॒ ಯದಜ॑ಯಃ॒ ಸ್ಪೃಧಃ॑ || 8.14.13
ಮಾ॒ಯಾಭಿ॑ರು॒ತ್ಸಿಸೃ॑ಪ್ಸತ॒ ಇಂದ್ರ॒ ದ್ಯಾಮಾ॒ರುರು॑ಕ್ಷತಃ |
ಅವ॒ ದಸ್ಯೂಁ᳚ರಧೂನುಥಾಃ || 8.14.14
ಅ॒ಸು॒ನ್ವಾಮಿಂ᳚ದ್ರ ಸಂ॒ಸದಂ॒ ವಿಷೂ᳚ಚೀಂ॒ ವ್ಯ॑ನಾಶಯಃ |
ಸೋ॒ಮ॒ಪಾ ಉತ್ತ॑ರೋ॒ ಭವನ್॑ || 8.14.15

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಾಯನೌ ಗೋಷೂಕ್ತ್ಯಶ್ವಸೂಕ್ತಿನಾವೃಷೀ, ಇಂದ್ರೋ ದೇವತಾ, ಉಷ್ಣಿಕ್ ಛಂದಃ

ತಮ್ವ॒ಭಿ ಪ್ರ ಗಾ᳚ಯತ ಪುರುಹೂ॒ತಂ ಪು॑ರುಷ್ಟು॒ತ‌ಮ್ |
ಇಂದ್ರಂ᳚ ಗೀ॒ರ್ಭಿಸ್ತ॑ವಿ॒ಷಮಾ ವಿ॑ವಾಸತ || 8.15.1
ಯಸ್ಯ॑ ದ್ವಿ॒ಬರ್ಹ॑ಸೋ ಬೃ॒ಹತ್ಸಹೋ᳚ ದಾ॒ಧಾರ॒ ರೋದ॑ಸೀ |
ಗಿ॒ರೀಁರಜ್ರಾಁ᳚ ಅ॒ಪಃ ಸ್ವ᳚ರ್ವೃಷತ್ವ॒ನಾ || 8.15.2
ಸ ರಾ᳚ಜಸಿ ಪುರುಷ್ಟುತಁ॒ ಏಕೋ᳚ ವೃ॒ತ್ರಾಣಿ॑ ಜಿಘ್ನಸೇ |
ಇಂದ್ರ॒ ಜೈತ್ರಾ᳚ ಶ್ರವ॒ಸ್ಯಾ᳚ ಚ॒ ಯ‌ನ್ತ॑ವೇ || 8.15.3
ತಂ ತೇ॒ ಮದಂ᳚ ಗೃಣೀಮಸಿ॒ ವೃಷ॑ಣಂ ಪೃ॒ತ್ಸು ಸಾ᳚ಸ॒ಹಿ‌ಮ್ |
ಉ॒ ಲೋ॒ಕ॒ಕೃ॒ತ್ನುಮ॑ದ್ರಿವೋ ಹರಿ॒ಶ್ರಿಯ‌ಮ್᳚ || 8.15.4
ಯೇನ॒ ಜ್ಯೋತೀಂ᳚ಷ್ಯಾ॒ಯವೇ॒ ಮನ॑ವೇ ಚ ವಿ॒ವೇದಿ॑ಥ |
ಮಂ॒ದಾ॒ನೋ ಅ॒ಸ್ಯ ಬ॒ರ್ಹಿಷೋ॒ ವಿ ರಾ᳚ಜಸಿ || 8.15.5
ತದ॒ದ್ಯಾ ಚಿ॑ತ್ತ ಉ॒ಕ್ಥಿನೋಽನು॑ ಷ್ಟುವ‌ನ್ತಿ ಪೂ॒ರ್ವಥಾ᳚ |
ವೃಷ॑ಪತ್ನೀರ॒ಪೋ ಜ॑ಯಾ ದಿ॒ವೇದಿ॑ವೇ || 8.15.6
ತವ॒ ತ್ಯದಿಂ᳚ದ್ರಿ॒ಯಂ ಬೃ॒ಹತ್ತವ॒ ಶುಷ್ಮ॑ಮು॒ತ ಕ್ರತು‌ಮ್᳚ |
ವಜ್ರಂ᳚ ಶಿಶಾತಿ ಧಿ॒ಷಣಾ॒ ವರೇ᳚ಣ್ಯ‌ಮ್ || 8.15.7
ತವ॒ ದ್ಯೌರಿಂ᳚ದ್ರ॒ ಪೌಂಸ್ಯಂ᳚ ಪೃಥಿ॒ವೀ ವ॑ರ್ಧತಿ॒ ಶ್ರವಃ॑ |
ತ್ವಾಮಾಪಃ॒ ಪರ್ವ॑ತಾಸಶ್ಚ ಹಿನ್ವಿರೇ || 8.15.8
ತ್ವಾಂ ವಿಷ್ಣು॑ರ್ಬೃ॒ಹನ್ಕ್ಷಯೋ᳚ ಮಿ॒ತ್ರೋ ಗೃ॑ಣಾತಿ॒ ವರು॑ಣಃ |
ತ್ವಾಂ ಶರ್ಧೋ᳚ ಮದ॒ತ್ಯನು॒ ಮಾರು॑ತ‌ಮ್ || 8.15.9
ತ್ವಂ ವೃಷಾ॒ ಜನಾ᳚ನಾಂ॒ ಮಂಹಿ॑ಷ್ಠ ಇಂದ್ರ ಜಜ್ಞಿಷೇ |
ಸ॒ತ್ರಾ ವಿಶ್ವಾ᳚ ಸ್ವಪ॒ತ್ಯಾನಿ॑ ದಧಿಷೇ || 8.15.10
ಸ॒ತ್ರಾ ತ್ವಂ ಪು॑ರುಷ್ಟುತಁ॒ ಏಕೋ᳚ ವೃ॒ತ್ರಾಣಿ॑ ತೋಶಸೇ |
ನಾನ್ಯ ಇಂದ್ರಾ॒ತ್ಕರ॑ಣಂ॒ ಭೂಯ॑ ಇನ್ವತಿ || 8.15.11
ಯದಿಂ᳚ದ್ರ ಮನ್ಮ॒ಶಸ್ತ್ವಾ॒ ನಾನಾ॒ ಹವ᳚‌ನ್ತ ಊ॒ತಯೇ᳚ |
ಅ॒ಸ್ಮಾಕೇ᳚ಭಿ॒ರ್ನೃಭಿ॒ರತ್ರಾ॒ ಸ್ವ॑ರ್ಜಯ || 8.15.12
ಅರಂ॒ ಕ್ಷಯಾ᳚ಯ ನೋ ಮ॒ಹೇ ವಿಶ್ವಾ᳚ ರೂ॒ಪಾಣ್ಯಾ᳚ವಿ॒ಶನ್ |
ಇಂದ್ರಂ॒ ಜೈತ್ರಾ᳚ಯ ಹರ್ಷಯಾ॒ ಶಚೀ॒ಪತಿ‌ಮ್᳚ || 8.15.13

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವ ಇರಿಂಬಿಠಿಷಿಃ, ಇಂದ್ರೋ ದೇವತಾ, ಗಾಯತ್ರೀ ಛಂದಃ

ಪ್ರ ಸ॒ಮ್ರಾಜಂ᳚ ಚರ್ಷಣೀ॒ನಾಮಿಂದ್ರಂ᳚ ಸ್ತೋತಾ॒ ನವ್ಯಂ᳚ ಗೀ॒ರ್ಭಿಃ |
ನರಂ᳚ ನೃ॒ಷಾಹಂ॒ ಮಂಹಿ॑ಷ್ಠ‌ಮ್ || 8.16.1
ಯಸ್ಮಿ᳚ನ್ನು॒ಕ್ಥಾನಿ॒ ರಣ್ಯ᳚‌ನ್ತಿ॒ ವಿಶ್ವಾ᳚ನಿ ಚ ಶ್ರವ॒ಸ್ಯಾ᳚ |
ಅ॒ಪಾಮವೋ॒ ನ ಸ॑ಮು॒ದ್ರೇ || 8.16.2
ತಂ ಸು॑ಷ್ಟು॒ತ್ಯಾ ವಿ॑ವಾಸೇ ಜ್ಯೇಷ್ಠ॒ರಾಜಂ॒ ಭರೇ᳚ ಕೃ॒ತ್ನು‌ಮ್ |
ಮ॒ಹೋ ವಾ॒ಜಿನಂ᳚ ಸ॒ನಿಭ್ಯಃ॑ || 8.16.3
ಯಸ್ಯಾನೂ᳚ನಾ ಗಭೀ॒ರಾ ಮದಾ᳚ ಉ॒ರವ॒ಸ್ತರು॑ತ್ರಾಃ |
ಹ॒ರ್ಷು॒ಮ‌ನ್ತಃ॒ ಶೂರ॑ಸಾತೌ || 8.16.4
ತಮಿದ್ಧನೇ᳚ಷು ಹಿ॒ತೇಷ್ವ॑ಧಿವಾ॒ಕಾಯ॑ ಹವ‌ನ್ತೇ |
ಯೇಷಾ॒ಮಿಂದ್ರ॒ಸ್ತೇ ಜ॑ಯ‌ನ್ತಿ || 8.16.5
ತಮಿಚ್ಚ್ಯೌ॒ತ್ನೈರಾರ್ಯ᳚‌ನ್ತಿ॒ ತಂ ಕೃ॒ತೇಭಿ॑ಶ್ಚರ್ಷ॒ಣಯಃ॑ |
ಏ॒ಷ ಇಂದ್ರೋ᳚ ವರಿವ॒ಸ್ಕೃತ್ || 8.16.6
ಇಂದ್ರೋ᳚ ಬ್ರ॒ಹ್ಮೇಂದ್ರ॒ ಋಷಿ॒ರಿಂದ್ರಃ॑ ಪು॒ರೂ ಪು॑ರುಹೂ॒ತಃ |
ಮ॒ಹಾನ್ಮ॒ಹೀಭಿಃ॒ ಶಚೀ᳚ಭಿಃ || 8.16.7
ಸ ಸ್ತೋಮ್ಯಃ॒ ಸ ಹವ್ಯಃ॑ ಸ॒ತ್ಯಃ ಸತ್ವಾ᳚ ತುವಿಕೂ॒ರ್ಮಿಃ |
ಏಕ॑ಶ್ಚಿ॒ತ್ಸನ್ನ॒ಭಿಭೂ᳚ತಿಃ || 8.16.8
ತಮ॒ರ್ಕೇಭಿ॒ಸ್ತಂ ಸಾಮ॑ಭಿ॒ಸ್ತಂ ಗಾ᳚ಯ॒ತ್ರೈಶ್ಚ॑ರ್ಷ॒ಣಯಃ॑ |
ಇಂದ್ರಂ᳚ ವರ್ಧ‌ನ್ತಿ ಕ್ಷಿ॒ತಯಃ॑ || 8.16.9
ಪ್ರ॒ಣೇ॒ತಾರಂ॒ ವಸ್ಯೋ॒ ಅಚ್ಛಾ॒ ಕರ್ತಾ᳚ರಂ॒ ಜ್ಯೋತಿಃ॑ ಸ॒ಮತ್ಸು॑ |
ಸಾ॒ಸ॒ಹ್ವಾಂಸಂ᳚ ಯು॒ಧಾಮಿತ್ರಾನ್॑ || 8.16.10
ಸ ನಃ॒ ಪಪ್ರಿಃ॑ ಪಾರಯಾತಿ ಸ್ವ॒ಸ್ತಿ ನಾ॒ವಾ ಪು॑ರುಹೂ॒ತಃ |
ಇಂದ್ರೋ॒ ವಿಶ್ವಾ॒ ಅತಿ॒ ದ್ವಿಷಃ॑ || 8.16.11
ಸ ತ್ವಂ ನ॑ ಇಂದ್ರ॒ ವಾಜೇ᳚ಭಿರ್ದಶ॒ಸ್ಯಾ ಚ॑ ಗಾತು॒ಯಾ ಚ॑ |
ಅಚ್ಛಾ᳚ ಚ ನಃ ಸು॒ಮ್ನಂ ನೇ᳚ಷಿ || 8.16.12

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವ ಇರಿಂಬಿಠಿಷಿಃ (1-13, 15) ಪ್ರಥಮಾದಿತ್ರಯೋದಶೋಂ ಪಂಚದಶ್ಯಾಶ್ಚೇಂದ್ರಃ, (14) ಚತುದರ್ಶ ಯಾಶ್ಚೇಂದ್ರೋ ವಾಸ್ತೋಷ್ಪತಿರ್ವಾ ದೇವತಾ, (1-13) ಪ್ರಥಮಾದಿತ್ರಯೋದಶಕ಼ ಗಾಯತ್ರೀ, (14-15) ಚತುರ್ದಶೀಪಂಚದಶ್ಯೋಶ್ಚ ಪ್ರಗಾಥಃ (ಚತುದರ್ಶ ಯಾ ಬೃಹತೀ, ಪಂಚದಶ್ಯಾಃ ಸತೋಬೃಹತೀ) ಛಂದಸೀ

ಆ ಯಾ᳚ಹಿ ಸುಷು॒ಮಾ ಹಿ ತ॒ ಇಂದ್ರ॒ ಸೋಮಂ॒ ಪಿಬಾ᳚ ಇ॒ಮ‌ಮ್ |
ಏದಂ ಬ॒ರ್ಹಿಃ ಸ॑ದೋ॒ ಮಮ॑ || 8.17.1
ಆ ತ್ವಾ᳚ ಬ್ರಹ್ಮ॒ಯುಜಾ॒ ಹರೀ॒ ವಹ॑ತಾಮಿಂದ್ರ ಕೇ॒ಶಿನಾ᳚ |
ಉಪ॒ ಬ್ರಹ್ಮಾ᳚ಣಿ ನಃ ಶೃಣು || 8.17.2
ಬ್ರ॒ಹ್ಮಾಣ॑ಸ್ತ್ವಾ ವ॒ಯಂ ಯು॒ಜಾ ಸೋ᳚ಮ॒ಪಾಮಿಂ᳚ದ್ರ ಸೋ॒ಮಿನಃ॑ |
ಸು॒ತಾವ᳚‌ನ್ತೋ ಹವಾಮಹೇ || 8.17.3
ಆ ನೋ᳚ ಯಾಹಿ ಸು॒ತಾವ॑ತೋ॒ಽಸ್ಮಾಕಂ᳚ ಸುಷ್ಟು॒ತೀರುಪ॑ |
ಪಿಬಾ॒ ಸು ಶಿ॑ಪ್ರಿ॒ನ್ನಂಧ॑ಸಃ || 8.17.4
ಆ ತೇ᳚ ಸಿಂಚಾಮಿ ಕು॒ಕ್ಷ್ಯೋರನು॒ ಗಾತ್ರಾ॒ ವಿ ಧಾ᳚ವತು |
ಗೃ॒ಭಾ॒ಯ ಜಿ॒ಹ್ವಯಾ॒ ಮಧು॑ || 8.17.5
ಸ್ವಾ॒ದುಷ್ಟೇ᳚ ಅಸ್ತು ಸಂ॒ಸುದೇ॒ ಮಧು॑ಮಾ‌ನ್ತ॒ನ್ವೇ॒3॒॑ ತವ॑ |
ಸೋಮಃ॒ ಶಮ॑ಸ್ತು ತೇ ಹೃ॒ದೇ || 8.17.6
ಅ॒ಯಮು॑ ತ್ವಾ ವಿಚರ್ಷಣೇ॒ ಜನೀ᳚ರಿವಾ॒ಭಿ ಸಂವೃ॑ತಃ |
ಪ್ರ ಸೋಮ॑ ಇಂದ್ರ ಸರ್ಪತು || 8.17.7
ತು॒ವಿ॒ಗ್ರೀವೋ᳚ ವ॒ಪೋದ॑ರಃ ಸುಬಾ॒ಹುರಂಧ॑ಸೋ॒ ಮದೇ᳚ |
ಇಂದ್ರೋ᳚ ವೃ॒ತ್ರಾಣಿ॑ ಜಿಘ್ನತೇ || 8.17.8
ಇಂದ್ರ॒ ಪ್ರೇಹಿ॑ ಪು॒ರಸ್ತ್ವಂ ವಿಶ್ವ॒ಸ್ಯೇಶಾ᳚ನ॒ ಓಜ॑ಸಾ |
ವೃ॒ತ್ರಾಣಿ॑ ವೃತ್ರಹಂಜಹಿ || 8.17.9
ದೀ॒ರ್ಘಸ್ತೇ᳚ ಅಸ್ತ್ವಂಕು॒ಶೋ ಯೇನಾ॒ ವಸು॑ ಪ್ರ॒ಯಚ್ಛ॑ಸಿ |
ಯಜ॑ಮಾನಾಯ ಸುನ್ವ॒ತೇ || 8.17.10
ಅ॒ಯಂ ತ॑ ಇಂದ್ರ॒ ಸೋಮೋ॒ ನಿಪೂ᳚ತೋ॒ ಅಧಿ॑ ಬ॒ರ್ಹಿಷಿ॑ |
ಏಹೀ᳚ಮ॒ಸ್ಯ ದ್ರವಾ॒ ಪಿಬ॑ || 8.17.11
ಶಾಚಿ॑ಗೋ॒ ಶಾಚಿ॑ಪೂಜನಾ॒ಯಂ ರಣಾ᳚ಯ ತೇ ಸು॒ತಃ |
ಆಖಂ॑ಡಲ॒ ಪ್ರ ಹೂ᳚ಯಸೇ || 8.17.12
ಯಸ್ತೇ᳚ ಶೃಂಗವೃಷೋ ನಪಾ॒ತ್ಪ್ರಣ॑ಪಾತ್ಕುಂಡ॒ಪಾಯ್ಯಃ॑ |
ನ್ಯ॑ಸ್ಮಿಂದಧ್ರ॒ ಆ ಮನಃ॑ || 8.17.13
ವಾಸ್ತೋ᳚ಷ್ಪತೇ ಧ್ರು॒ವಾ ಸ್ಥೂಣಾಂಸ॑ತ್ರಂ ಸೋ॒ಮ್ಯಾನಾ᳚‌ಮ್ |
ದ್ರ॒ಪ್ಸೋ ಭೇ॒ತ್ತಾ ಪು॒ರಾಂ ಶಶ್ವ॑ತೀನಾ॒ಮಿಂದ್ರೋ॒ ಮುನೀ᳚ನಾಂ॒ ಸಖಾ᳚ || 8.17.14
ಪೃದಾ᳚ಕುಸಾನುರ್ಯಜ॒ತೋ ಗ॒ವೇಷ॑ಣ॒ ಏಕಃ॒ ಸನ್ನ॒ಭಿ ಭೂಯ॑ಸಃ |
ಭೂರ್ಣಿ॒ಮಶ್ವಂ᳚ ನಯತ್ತು॒ಜಾ ಪು॒ರೋ ಗೃ॒ಭೇಂದ್ರಂ॒ ಸೋಮ॑ಸ್ಯ ಪೀ॒ತಯೇ᳚ || 8.17.15

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವ ಇರಿಂಬಿಠಿರೃಷಿಃ (1-3, 5, 1022) ಪ್ರಥಮಾದಿತೃಚಸ್ಯ ಪಂಚಮ್ಯಾ ಚೋ ದಶಮ್ಯಾದಿತ್ರಯೋದಶಾನಾಂಚಾದಿತ್ಯಾಃ, (4, 6-7) ಚತುರ್ಥೀಷಷ್ಠೀಸಪ್ತಮೀನಾಮದಿತಿಃ, (8) ಅಷ್ಟಮ್ಯಾ ಅಶ್ವಿನೌ, (9) ನವಮ್ಯಾಶ್ಚಾಗ್ನಿಸೂರ್ಯಾನಿಲಾ ದೇವತಾಃ, ಉಷ್ಣಿಕ್ ಛಂದಃ

ಇ॒ದಂ ಹ॑ ನೂ॒ನಮೇ᳚ಷಾಂ ಸು॒ಮ್ನಂ ಭಿ॑ಕ್ಷೇತ॒ ಮರ್ತ್ಯಃ॑ |
ಆ॒ದಿ॒ತ್ಯಾನಾ॒ಮಪೂ᳚ರ್ವ್ಯಂ॒ ಸವೀ᳚ಮನಿ || 8.18.1
ಅ॒ನ॒ರ್ವಾಣೋ॒ ಹ್ಯೇ᳚ಷಾಂ॒ ಪ‌ನ್ಥಾ᳚ ಆದಿ॒ತ್ಯಾನಾ᳚‌ಮ್ |
ಅದ॑ಬ್ಧಾಃ॒ ಸ‌ನ್ತಿ॑ ಪಾ॒ಯವಃ॑ ಸುಗೇ॒ವೃಧಃ॑ || 8.18.2
ತತ್ಸು ನಃ॑ ಸವಿ॒ತಾ ಭಗೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ |
ಶರ್ಮ॑ ಯಚ್ಛ‌ನ್ತು ಸ॒ಪ್ರಥೋ॒ ಯದೀಮ॑ಹೇ || 8.18.3
ದೇ॒ವೇಭಿ॑ರ್ದೇವ್ಯದಿ॒ತೇಽರಿ॑ಷ್ಟಭರ್ಮ॒ನ್ನಾ ಗ॑ಹಿ |
ಸ್ಮತ್ಸೂ॒ರಿಭಿಃ॑ ಪುರುಪ್ರಿಯೇ ಸು॒ಶರ್ಮ॑ಭಿಃ || 8.18.4
ತೇ ಹಿ ಪು॒ತ್ರಾಸೋ॒ ಅದಿ॑ತೇರ್ವಿ॒ದುರ್ದ್ವೇಷಾಂ᳚ಸಿ॒ ಯೋತ॑ವೇ |
ಅಂ॒ಹೋಶ್ಚಿ॑ದುರು॒ಚಕ್ರ॑ಯೋಽನೇ॒ಹಸಃ॑ || 8.18.5
ಅದಿ॑ತಿರ್ನೋ॒ ದಿವಾ᳚ ಪ॒ಶುಮದಿ॑ತಿ॒ರ್ನಕ್ತ॒ಮದ್ವ॑ಯಾಃ |
ಅದಿ॑ತಿಃ ಪಾ॒ತ್ವಂಹ॑ಸಃ ಸ॒ದಾವೃ॑ಧಾ || 8.18.6
ಉ॒ತ ಸ್ಯಾ ನೋ॒ ದಿವಾ᳚ ಮ॒ತಿರದಿ॑ತಿರೂ॒ತ್ಯಾ ಗ॑ಮತ್ |
ಸಾ ಶಂತಾ᳚ತಿ॒ ಮಯ॑ಸ್ಕರ॒ದಪ॒ ಸ್ರಿಧಃ॑ || 8.18.7
ಉ॒ತ ತ್ಯಾ ದೈವ್ಯಾ᳚ ಭಿ॒ಷಜಾ॒ ಶಂ ನಃ॑ ಕರತೋ ಅ॒ಶ್ವಿನಾ᳚ |
ಯು॒ಯು॒ಯಾತಾ᳚ಮಿ॒ತೋ ರಪೋ॒ ಅಪ॒ ಸ್ರಿಧಃ॑ || 8.18.8
ಶಮ॒ಗ್ನಿರ॒ಗ್ನಿಭಿಃ॑ ಕರ॒ಚ್ಛಂ ನ॑ಸ್ತಪತು॒ ಸೂರ್ಯಃ॑ |
ಶಂ ವಾತೋ᳚ ವಾತ್ವರ॒ಪಾ ಅಪ॒ ಸ್ರಿಧಃ॑ || 8.18.9
ಅಪಾಮೀ᳚ವಾ॒ಮಪ॒ ಸ್ರಿಧ॒ಮಪ॑ ಸೇಧತ ದುರ್ಮ॒ತಿ‌ಮ್ |
ಆದಿ॑ತ್ಯಾಸೋ ಯು॒ಯೋತ॑ನಾ ನೋ॒ ಅಂಹ॑ಸಃ || 8.18.10
ಯು॒ಯೋತಾ॒ ಶರು॑ಮ॒ಸ್ಮದಾಁ ಆದಿ॑ತ್ಯಾಸ ಉ॒ತಾಮ॑ತಿ‌ಮ್ |
ಋಧ॒ಗ್ದ್ವೇಷಃ॑ ಕೃಣುತ ವಿಶ್ವವೇದಸಃ || 8.18.11
ತತ್ಸು ನಃ॒ ಶರ್ಮ॑ ಯಚ್ಛ॒ತಾದಿ॑ತ್ಯಾ॒ ಯನ್ಮುಮೋ᳚ಚತಿ |
ಏನ॑ಸ್ವ‌ನ್ತಂ ಚಿ॒ದೇನ॑ಸಃ ಸುದಾನವಃ || 8.18.12
ಯೋ ನಃ॒ ಕಶ್ಚಿ॒ದ್ರಿರಿ॑ಕ್ಷತಿ ರಕ್ಷ॒ಸ್ತ್ವೇನ॒ ಮರ್ತ್ಯಃ॑ |
ಸ್ವೈಃ ಷ ಏವೈ᳚ ರಿರಿಷೀಷ್ಟ॒ ಯುರ್ಜನಃ॑ || 8.18.13
ಸಮಿತ್ತಮ॒ಘಮ॑ಶ್ನವದ್ದುಃ॒ಶಂಸಂ॒ ಮರ್ತ್ಯಂ᳚ ರಿ॒ಪು‌ಮ್ |
ಯೋ ಅ॑ಸ್ಮ॒ತ್ರಾ ದು॒ರ್ಹಣಾ᳚ವಾಁ॒ ಉಪ॑ ದ್ವ॒ಯುಃ || 8.18.14
ಪಾ॒ಕ॒ತ್ರಾ ಸ್ಥ॑ನ ದೇವಾ ಹೃ॒ತ್ಸು ಜಾ᳚ನೀಥ॒ ಮರ್ತ್ಯ‌ಮ್᳚ |
ಉಪ॑ ದ್ವ॒ಯುಂ ಚಾದ್ವ॑ಯುಂ ಚ ವಸವಃ || 8.18.15
ಆ ಶರ್ಮ॒ ಪರ್ವ॑ತಾನಾ॒ಮೋತಾಪಾಂ ವೃ॑ಣೀಮಹೇ |
ದ್ಯಾವಾ᳚ಕ್ಷಾಮಾ॒ರೇ ಅ॒ಸ್ಮದ್ರಪ॑ಸ್ಕೃತ‌ಮ್ || 8.18.16
ತೇ ನೋ᳚ ಭ॒ದ್ರೇಣ॒ ಶರ್ಮ॑ಣಾ ಯು॒ಷ್ಮಾಕಂ᳚ ನಾ॒ವಾ ವ॑ಸವಃ |
ಅತಿ॒ ವಿಶ್ವಾ᳚ನಿ ದುರಿ॒ತಾ ಪಿ॑ಪರ್ತನ || 8.18.17
ತು॒ಚೇ ತನಾ᳚ಯ॒ ತತ್ಸು ನೋ॒ ದ್ರಾಘೀ᳚ಯ॒ ಆಯು॑ರ್ಜೀ॒ವಸೇ᳚ |
ಆದಿ॑ತ್ಯಾಸಃ ಸುಮಹಸಃ ಕೃ॒ಣೋತ॑ನ || 8.18.18
ಯ॒ಜ್ಞೋ ಹೀ॒ಳೋ ವೋ॒ ಅ‌ನ್ತ॑ರ॒ ಆದಿ॑ತ್ಯಾ॒ ಅಸ್ತಿ॑ ಮೃ॒ಳತ॑ |
ಯು॒ಷ್ಮೇ ಇದ್ವೋ॒ ಅಪಿ॑ ಷ್ಮಸಿ ಸಜಾ॒ತ್ಯೇ᳚ || 8.18.19
ಬೃ॒ಹದ್ವರೂ᳚ಥಂ ಮ॒ರುತಾಂ᳚ ದೇ॒ವಂ ತ್ರಾ॒ತಾರ॑ಮ॒ಶ್ವಿನಾ᳚ |
ಮಿ॒ತ್ರಮೀ᳚ಮಹೇ॒ ವರು॑ಣಂ ಸ್ವ॒ಸ್ತಯೇ᳚ || 8.18.20
ಅ॒ನೇ॒ಹೋ ಮಿ॑ತ್ರಾರ್ಯಮನ್ನೃ॒ವದ್ವ॑ರುಣ॒ ಶಂಸ್ಯ‌ಮ್᳚ |
ತ್ರಿ॒ವರೂ᳚ಥಂ ಮರುತೋ ಯ‌ನ್ತ ನಶ್ಛ॒ರ್ದಿಃ || 8.18.21
ಯೇ ಚಿ॒ದ್ಧಿ ಮೃ॒ತ್ಯುಬಂ᳚ಧವ॒ ಆದಿ॑ತ್ಯಾ॒ ಮನ॑ವಃ॒ ಸ್ಮಸಿ॑ |
ಪ್ರ ಸೂ ನ॒ ಆಯು॑ರ್ಜೀ॒ವಸೇ᳚ ತಿರೇತನ || 8.18.22

(1-37) ಸಪ್ತತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸೋಭರಿರೃಷಿಃ (1-33) ಪ್ರಥಮಾದಿತ್ರಯಸ್ತ್ರಿಂಶದೃಚಾಮಗ್ನಿಃ, (34-35) ಚತುಸ್ತ್ರಿಂಶೀಪಂಚತ್ರಿಂಶ್ಯೋರಾದಿತ್ಯಾಃ, (3637) ಷಟ್ತ್ರಿಶಸಪ್ತತ್ರಿಂಶ್ಯೋಶ್ಚ ಪೌರುಕೃತ್ಸ್ಯಸ್ಯ ತ್ರಸದಸ್ಯೋರ್ದಾನಸ್ತುತಿದೇವ ತಾಃ (1-26,28-33) ಪ್ರಥಮಾದಿಷಡ಼ಿವಶತ್ಯೂಚಾಮಷ್ಟಾವಿಂಶ್ಯಾದಿಷಣ್ಣಾಂಚ ಪ್ರಗಾಥಃ (ವಿಷಮರ್ಚಾಂ ಕಕಪ, ಸಮರ್ಚಾಂ ಸತೋಬೃಹತೀ), (27) ಸಪ್ತವಿಂಶ್ಯಾ ದ್ವಿಪದಾ ವಿರಾಟ್, (34) ಚತಸ್ತ್ರಿಂಶ್ಯಾ ಉಷ್ಣಿಕ್, (35) ಪಂಚತ್ರಿಂಶ್ಯಾಃ ಸತೋಬೃಹತೀ, (36) ಷಟ್ವಿಶಂ ಯಾಃ ಕಕಪ, (37) ಸಪ್ತತ್ರಿಂಶ್ಯಾಶ್ಚ ಪತಿಶ್ಛಂದಾಂಸಿ

ತಂ ಗೂ᳚ರ್ಧಯಾ॒ ಸ್ವ᳚ರ್ಣರಂ ದೇ॒ವಾಸೋ᳚ ದೇ॒ವಮ॑ರ॒ತಿಂ ದ॑ಧನ್ವಿರೇ |
ದೇ॒ವ॒ತ್ರಾ ಹ॒ವ್ಯಮೋಹಿ॑ರೇ || 8.19.1
ವಿಭೂ᳚ತರಾತಿಂ ವಿಪ್ರ ಚಿ॒ತ್ರಶೋ᳚ಚಿಷಮ॒ಗ್ನಿಮೀ᳚ಳಿಷ್ವ ಯ॒‌ನ್ತುರ‌ಮ್᳚ |
ಅ॒ಸ್ಯ ಮೇಧ॑ಸ್ಯ ಸೋ॒ಮ್ಯಸ್ಯ॑ ಸೋಭರೇ॒ ಪ್ರೇಮ॑ಧ್ವ॒ರಾಯ॒ ಪೂರ್ವ್ಯ‌ಮ್᳚ || 8.19.2
ಯಜಿ॑ಷ್ಠಂ ತ್ವಾ ವವೃಮಹೇ ದೇ॒ವಂ ದೇ᳚ವ॒ತ್ರಾ ಹೋತಾ᳚ರ॒ಮಮ॑ರ್ತ್ಯ‌ಮ್ |
ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತು‌ಮ್᳚ || 8.19.3
ಊ॒ರ್ಜೋ ನಪಾ᳚ತಂ ಸು॒ಭಗಂ᳚ ಸು॒ದೀದಿ॑ತಿಮ॒ಗ್ನಿಂ ಶ್ರೇಷ್ಠ॑ಶೋಚಿಷ‌ಮ್ |
ಸ ನೋ᳚ ಮಿ॒ತ್ರಸ್ಯ॒ ವರು॑ಣಸ್ಯ॒ ಸೋ ಅ॒ಪಾಮಾ ಸು॒ಮ್ನಂ ಯ॑ಕ್ಷತೇ ದಿ॒ವಿ || 8.19.4
ಯಃ ಸ॒ಮಿಧಾ॒ ಯ ಆಹು॑ತೀ॒ ಯೋ ವೇದೇ᳚ನ ದ॒ದಾಶ॒ ಮರ್ತೋ᳚ ಅ॒ಗ್ನಯೇ᳚ |
ಯೋ ನಮ॑ಸಾ ಸ್ವಧ್ವ॒ರಃ || 8.19.5
ತಸ್ಯೇದರ್ವ᳚‌ನ್ತೋ ರಂಹಯ‌ನ್ತ ಆ॒ಶವ॒ಸ್ತಸ್ಯ॑ ದ್ಯು॒ಮ್ನಿತ॑ಮಂ॒ ಯಶಃ॑ |
ನ ತಮಂಹೋ᳚ ದೇ॒ವಕೃ॑ತಂ॒ ಕುತ॑ಶ್ಚ॒ನ ನ ಮರ್ತ್ಯ॑ಕೃತಂ ನಶತ್ || 8.19.6
ಸ್ವ॒ಗ್ನಯೋ᳚ ವೋ ಅ॒ಗ್ನಿಭಿಃ॒ ಸ್ಯಾಮ॑ ಸೂನೋ ಸಹಸ ಊರ್ಜಾಂ ಪತೇ |
ಸು॒ವೀರ॒ಸ್ತ್ವಮ॑ಸ್ಮ॒ಯುಃ || 8.19.7
ಪ್ರ॒ಶಂಸ॑ಮಾನೋ॒ ಅತಿ॑ಥಿ॒ರ್ನ ಮಿ॒ತ್ರಿಯೋ॒ಽಗ್ನೀ ರಥೋ॒ ನ ವೇದ್ಯಃ॑ |
ತ್ವೇ ಕ್ಷೇಮಾ᳚ಸೋ॒ ಅಪಿ॑ ಸ‌ನ್ತಿ ಸಾ॒ಧವ॒ಸ್ತ್ವಂ ರಾಜಾ᳚ ರಯೀ॒ಣಾ‌ಮ್ || 8.19.8
ಸೋ ಅ॒ದ್ಧಾ ದಾ॒ಶ್ವ॑ಧ್ವ॒ರೋಽಗ್ನೇ॒ ಮರ್ತಃ॑ ಸುಭಗ॒ ಸ ಪ್ರ॒ಶಂಸ್ಯಃ॑ |
ಸ ಧೀ॒ಭಿರ॑ಸ್ತು॒ ಸನಿ॑ತಾ || 8.19.9
ಯಸ್ಯ॒ ತ್ವಮೂ॒ರ್ಧ್ವೋ ಅ॑ಧ್ವ॒ರಾಯ॒ ತಿಷ್ಠ॑ಸಿ ಕ್ಷ॒ಯದ್ವೀ᳚ರಃ॒ ಸ ಸಾ᳚ಧತೇ |
ಸೋ ಅರ್ವ॑ದ್ಭಿಃ॒ ಸನಿ॑ತಾ॒ ಸ ವಿ॑ಪ॒ನ್ಯುಭಿಃ॒ ಸ ಶೂರೈಃ॒ ಸನಿ॑ತಾ ಕೃ॒ತ‌ಮ್ || 8.19.10
ಯಸ್ಯಾ॒ಗ್ನಿರ್ವಪು॑ರ್ಗೃ॒ಹೇ ಸ್ತೋಮಂ॒ ಚನೋ॒ ದಧೀ᳚ತ ವಿ॒ಶ್ವವಾ᳚ರ್ಯಃ |
ಹ॒ವ್ಯಾ ವಾ॒ ವೇವಿ॑ಷ॒ದ್ವಿಷಃ॑ || 8.19.11
ವಿಪ್ರ॑ಸ್ಯ ವಾ ಸ್ತುವ॒ತಃ ಸ॑ಹಸೋ ಯಹೋ ಮ॒ಕ್ಷೂತ॑ಮಸ್ಯ ರಾ॒ತಿಷು॑ |
ಅ॒ವೋದೇ᳚ವಮು॒ಪರಿ॑ಮರ್ತ್ಯಂ ಕೃಧಿ॒ ವಸೋ᳚ ವಿವಿ॒ದುಷೋ॒ ವಚಃ॑ || 8.19.12
ಯೋ ಅ॒ಗ್ನಿಂ ಹ॒ವ್ಯದಾ᳚ತಿಭಿ॒ರ್ನಮೋ᳚ಭಿರ್ವಾ ಸು॒ದಕ್ಷ॑ಮಾ॒ವಿವಾ᳚ಸತಿ |
ಗಿ॒ರಾ ವಾ᳚ಜಿ॒ರಶೋ᳚ಚಿಷ‌ಮ್ || 8.19.13
ಸ॒ಮಿಧಾ॒ ಯೋ ನಿಶಿ॑ತೀ॒ ದಾಶ॒ದದಿ॑ತಿಂ॒ ಧಾಮ॑ಭಿರಸ್ಯ॒ ಮರ್ತ್ಯಃ॑ |
ವಿಶ್ವೇತ್ಸ ಧೀ॒ಭಿಃ ಸು॒ಭಗೋ॒ ಜನಾಁ॒ ಅತಿ॑ ದ್ಯು॒ಮ್ನೈರು॒ದ್ನ ಇ॑ವ ತಾರಿಷತ್ || 8.19.14
ತದ॑ಗ್ನೇ ದ್ಯು॒ಮ್ನಮಾ ಭ॑ರ॒ ಯತ್ಸಾ॒ಸಹ॒ತ್ಸದ॑ನೇ॒ ಕಂ ಚಿ॑ದ॒ತ್ರಿಣ‌ಮ್᳚ |
ಮ॒ನ್ಯುಂ ಜನ॑ಸ್ಯ ದೂ॒ಢ್ಯಃ॑ || 8.19.15
ಯೇನ॒ ಚಷ್ಟೇ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಯೇನ॒ ನಾಸ॑ತ್ಯಾ॒ ಭಗಃ॑ |
ವ॒ಯಂ ತತ್ತೇ॒ ಶವ॑ಸಾ ಗಾತು॒ವಿತ್ತ॑ಮಾ॒ ಇಂದ್ರ॑ತ್ವೋತಾ ವಿಧೇಮಹಿ || 8.19.16
ತೇ ಘೇದ॑ಗ್ನೇ ಸ್ವಾ॒ಧ್ಯೋ॒3॒॑ ಯೇ ತ್ವಾ᳚ ವಿಪ್ರ ನಿದಧಿ॒ರೇ ನೃ॒ಚಕ್ಷ॑ಸ‌ಮ್ |
ವಿಪ್ರಾ᳚ಸೋ ದೇವ ಸು॒ಕ್ರತು‌ಮ್᳚ || 8.19.17
ತ ಇದ್ವೇದಿಂ᳚ ಸುಭಗ॒ ತ ಆಹು॑ತಿಂ॒ ತೇ ಸೋತುಂ᳚ ಚಕ್ರಿರೇ ದಿ॒ವಿ |
ತ ಇದ್ವಾಜೇ᳚ಭಿರ್ಜಿಗ್ಯುರ್ಮ॒ಹದ್ಧನಂ॒ ಯೇ ತ್ವೇ ಕಾಮಂ᳚ ನ್ಯೇರಿ॒ರೇ || 8.19.18
ಭ॒ದ್ರೋ ನೋ᳚ ಅ॒ಗ್ನಿರಾಹು॑ತೋ ಭ॒ದ್ರಾ ರಾ॒ತಿಃ ಸು॑ಭಗ ಭ॒ದ್ರೋ ಅ॑ಧ್ವ॒ರಃ |
ಭ॒ದ್ರಾ ಉ॒ತ ಪ್ರಶ॑ಸ್ತಯಃ || 8.19.19
ಭ॒ದ್ರಂ ಮನಃ॑ ಕೃಣುಷ್ವ ವೃತ್ರ॒ತೂರ್ಯೇ॒ ಯೇನಾ᳚ ಸ॒ಮತ್ಸು॑ ಸಾ॒ಸಹಃ॑ |
ಅವ॑ ಸ್ಥಿ॒ರಾ ತ॑ನುಹಿ॒ ಭೂರಿ॒ ಶರ್ಧ॑ತಾಂ ವ॒ನೇಮಾ᳚ ತೇ ಅ॒ಭಿಷ್ಟಿ॑ಭಿಃ || 8.19.20
ಈಳೇ᳚ ಗಿ॒ರಾ ಮನು॑ರ್ಹಿತಂ॒ ಯಂ ದೇ॒ವಾ ದೂ॒ತಮ॑ರ॒ತಿಂ ನ್ಯೇ᳚ರಿ॒ರೇ |
ಯಜಿ॑ಷ್ಠಂ ಹವ್ಯ॒ವಾಹ॑ನ‌ಮ್ || 8.19.21
ತಿ॒ಗ್ಮಜಂ᳚ಭಾಯ॒ ತರು॑ಣಾಯ॒ ರಾಜ॑ತೇ॒ ಪ್ರಯೋ᳚ ಗಾಯಸ್ಯ॒ಗ್ನಯೇ᳚ |
ಯಃ ಪಿಂ॒ಶತೇ᳚ ಸೂ॒ನೃತಾ᳚ಭಿಃ ಸು॒ವೀರ್ಯ॑ಮ॒ಗ್ನಿರ್ಘೃ॒ತೇಭಿ॒ರಾಹು॑ತಃ || 8.19.22
ಯದೀ᳚ ಘೃ॒ತೇಭಿ॒ರಾಹು॑ತೋ॒ ವಾಶೀ᳚ಮ॒ಗ್ನಿರ್ಭರ॑ತ॒ ಉಚ್ಚಾವ॑ ಚ |
ಅಸು॑ರ ಇವ ನಿ॒ರ್ಣಿಜ‌ಮ್᳚ || 8.19.23
ಯೋ ಹ॒ವ್ಯಾನ್ಯೈರ॑ಯತಾ॒ ಮನು॑ರ್ಹಿತೋ ದೇ॒ವ ಆ॒ಸಾ ಸು॑ಗಂ॒ಧಿನಾ᳚ |
ವಿವಾ᳚ಸತೇ॒ ವಾರ್ಯಾ᳚ಣಿ ಸ್ವಧ್ವ॒ರೋ ಹೋತಾ᳚ ದೇ॒ವೋ ಅಮ॑ರ್ತ್ಯಃ || 8.19.24
ಯದ॑ಗ್ನೇ॒ ಮರ್ತ್ಯ॒ಸ್ತ್ವಂ ಸ್ಯಾಮ॒ಹಂ ಮಿ॑ತ್ರಮಹೋ॒ ಅಮ॑ರ್ತ್ಯಃ |
ಸಹ॑ಸಃ ಸೂನವಾಹುತ || 8.19.25
ನ ತ್ವಾ᳚ ರಾಸೀಯಾ॒ಭಿಶ॑ಸ್ತಯೇ ವಸೋ॒ ನ ಪಾ᳚ಪ॒ತ್ವಾಯ॑ ಸ‌ನ್ತ್ಯ |
ನ ಮೇ᳚ ಸ್ತೋ॒ತಾಮ॑ತೀ॒ವಾ ನ ದುರ್ಹಿ॑ತಃ॒ ಸ್ಯಾದ॑ಗ್ನೇ॒ ನ ಪಾ॒ಪಯಾ᳚ || 8.19.26
ಪಿ॒ತುರ್ನ ಪು॒ತ್ರಃ ಸುಭೃ॑ತೋ ದುರೋ॒ಣ ಆ ದೇ॒ವಾಁ ಏ᳚ತು॒ ಪ್ರ ಣೋ᳚ ಹ॒ವಿಃ || 8.19.27
ತವಾ॒ಹಮ॑ಗ್ನ ಊ॒ತಿಭಿ॒ರ್ನೇದಿ॑ಷ್ಠಾಭಿಃ ಸಚೇಯ॒ ಜೋಷ॒ಮಾ ವ॑ಸೋ |
ಸದಾ᳚ ದೇ॒ವಸ್ಯ॒ ಮರ್ತ್ಯಃ॑ || 8.19.28
ತವ॒ ಕ್ರತ್ವಾ᳚ ಸನೇಯಂ॒ ತವ॑ ರಾ॒ತಿಭಿ॒ರಗ್ನೇ॒ ತವ॒ ಪ್ರಶ॑ಸ್ತಿಭಿಃ |
ತ್ವಾಮಿದಾ᳚ಹುಃ॒ ಪ್ರಮ॑ತಿಂ ವಸೋ॒ ಮಮಾಗ್ನೇ॒ ಹರ್ಷ॑ಸ್ವ॒ ದಾತ॑ವೇ || 8.19.29
ಪ್ರ ಸೋ ಅ॑ಗ್ನೇ॒ ತವೋ॒ತಿಭಿಃ॑ ಸು॒ವೀರಾ᳚ಭಿಸ್ತಿರತೇ॒ ವಾಜ॑ಭರ್ಮಭಿಃ |
ಯಸ್ಯ॒ ತ್ವಂ ಸ॒ಖ್ಯಮಾ॒ವರಃ॑ || 8.19.30
ತವ॑ ದ್ರ॒ಪ್ಸೋ ನೀಲ॑ವಾನ್ವಾ॒ಶ ಋ॒ತ್ವಿಯ॒ ಇಂಧಾ᳚ನಃ ಸಿಷ್ಣ॒ವಾ ದ॑ದೇ |
ತ್ವಂ ಮ॑ಹೀ॒ನಾಮು॒ಷಸಾ᳚ಮಸಿ ಪ್ರಿ॒ಯಃ ಕ್ಷ॒ಪೋ ವಸ್ತು॑ಷು ರಾಜಸಿ || 8.19.31
ತಮಾಗ᳚ನ್ಮ॒ ಸೋಭ॑ರಯಃ ಸ॒ಹಸ್ರ॑ಮುಷ್ಕಂ ಸ್ವಭಿ॒ಷ್ಟಿಮವ॑ಸೇ |
ಸ॒ಮ್ರಾಜಂ॒ ತ್ರಾಸ॑ದಸ್ಯವ‌ಮ್ || 8.19.32
ಯಸ್ಯ॑ ತೇ ಅಗ್ನೇ ಅ॒ನ್ಯೇ ಅ॒ಗ್ನಯ॑ ಉಪ॒ಕ್ಷಿತೋ᳚ ವ॒ಯಾ ಇ॑ವ |
ವಿಪೋ॒ ನ ದ್ಯು॒ಮ್ನಾ ನಿ ಯು॑ವೇ॒ ಜನಾ᳚ನಾಂ॒ ತವ॑ ಕ್ಷ॒ತ್ರಾಣಿ॑ ವ॒ರ್ಧಯನ್॑ || 8.19.33
ಯಮಾ᳚ದಿತ್ಯಾಸೋ ಅದ್ರುಹಃ ಪಾ॒ರಂ ನಯ॑ಥ॒ ಮರ್ತ್ಯ‌ಮ್᳚ |
ಮ॒ಘೋನಾಂ॒ ವಿಶ್ವೇ᳚ಷಾಂ ಸುದಾನವಃ || 8.19.34
ಯೂ॒ಯಂ ರಾ᳚ಜಾನಃ॒ ಕಂ ಚಿ॑ಚ್ಚರ್ಷಣೀಸಹಃ॒ ಕ್ಷಯ᳚‌ನ್ತಂ॒ ಮಾನು॑ಷಾಁ॒ ಅನು॑ |
ವ॒ಯಂ ತೇ ವೋ॒ ವರು॑ಣ॒ ಮಿತ್ರಾರ್ಯ॑ಮ॒‌‌ನ್ತ್ಸ್ಯಾಮೇದೃ॒ತಸ್ಯ॑ ರ॒ಥ್ಯಃ॑ || 8.19.35
ಅದಾ᳚ನ್ಮೇ ಪೌರುಕು॒ತ್ಸ್ಯಃ ಪಂ᳚ಚಾ॒ಶತಂ᳚ ತ್ರ॒ಸದ॑ಸ್ಯುರ್ವ॒ಧೂನಾ᳚‌ಮ್ |
ಮಂಹಿ॑ಷ್ಠೋ ಅ॒ರ್ಯಃ ಸತ್ಪ॑ತಿಃ || 8.19.36
ಉ॒ತ ಮೇ᳚ ಪ್ರ॒ಯಿಯೋ᳚ರ್ವ॒ಯಿಯೋಃ᳚ ಸು॒ವಾಸ್ತ್ವಾ॒ ಅಧಿ॒ ತುಗ್ವ॑ನಿ |
ತಿ॒ಸೄ॒ಣಾಂ ಸ॑ಪ್ತತೀ॒ನಾಂ ಶ್ಯಾ॒ವಃ ಪ್ರ॑ಣೇ॒ತಾ ಭು॑ವ॒ದ್ವಸು॒ರ್ದಿಯಾ᳚ನಾಂ॒ ಪತಿಃ॑ || 8.19.37

(1-26) ಷಡ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸೋಭರಿರೃಷಿಃ, ಮರುತೋ ದೇವತಾಃ, ಪ್ರಗಾಥಃ (ವಿಷಮರ್ಚಾಂ ಕಕುಪ, ಸಮರ್ಚಾಂ ಸತೋಬೃಹತೀ) ಛಂದಃ

ಆ ಗ᳚‌ನ್ತಾ॒ ಮಾ ರಿ॑ಷಣ್ಯತ॒ ಪ್ರಸ್ಥಾ᳚ವಾನೋ॒ ಮಾಪ॑ ಸ್ಥಾತಾ ಸಮನ್ಯವಃ |
ಸ್ಥಿ॒ರಾ ಚಿ᳚ನ್ನಮಯಿಷ್ಣವಃ || 8.20.1
ವೀ॒ಳು॒ಪ॒ವಿಭಿ᳚ರ್ಮರುತ ಋಭುಕ್ಷಣ॒ ಆ ರು॑ದ್ರಾಸಃ ಸುದೀ॒ತಿಭಿಃ॑ |
ಇ॒ಷಾ ನೋ᳚ ಅ॒ದ್ಯಾ ಗ॑ತಾ ಪುರುಸ್ಪೃಹೋ ಯ॒ಜ್ಞಮಾ ಸೋ᳚ಭರೀ॒ಯವಃ॑ || 8.20.2
ವಿ॒ದ್ಮಾ ಹಿ ರು॒ದ್ರಿಯಾ᳚ಣಾಂ॒ ಶುಷ್ಮ॑ಮು॒ಗ್ರಂ ಮ॒ರುತಾಂ॒ ಶಿಮೀ᳚ವತಾ‌ಮ್ |
ವಿಷ್ಣೋ᳚ರೇ॒ಷಸ್ಯ॑ ಮೀ॒ಳ್ಹುಷಾ᳚‌ಮ್ || 8.20.3
ವಿ ದ್ವೀ॒ಪಾನಿ॒ ಪಾಪ॑ತ॒‌ನ್ತಿಷ್ಠ॑ದ್ದು॒ಚ್ಛುನೋ॒ಭೇ ಯು॑ಜ‌ನ್ತ॒ ರೋದ॑ಸೀ |
ಪ್ರ ಧನ್ವಾ᳚ನ್ಯೈರತ ಶುಭ್ರಖಾದಯೋ॒ ಯದೇಜ॑ಥ ಸ್ವಭಾನವಃ || 8.20.4
ಅಚ್ಯು॑ತಾ ಚಿದ್ವೋ॒ ಅಜ್ಮ॒ನ್ನಾ ನಾನ॑ದತಿ॒ ಪರ್ವ॑ತಾಸೋ॒ ವನ॒ಸ್ಪತಿಃ॑ |
ಭೂಮಿ॒ರ್ಯಾಮೇ᳚ಷು ರೇಜತೇ || 8.20.5
ಅಮಾ᳚ಯ ವೋ ಮರುತೋ॒ ಯಾತ॑ವೇ॒ ದ್ಯೌರ್ಜಿಹೀ᳚ತ॒ ಉತ್ತ॑ರಾ ಬೃ॒ಹತ್ |
ಯತ್ರಾ॒ ನರೋ॒ ದೇದಿ॑ಶತೇ ತ॒ನೂಷ್ವಾ ತ್ವಕ್ಷಾಂ᳚ಸಿ ಬಾ॒ಹ್ವೋ᳚ಜಸಃ || 8.20.6
ಸ್ವ॒ಧಾಮನು॒ ಶ್ರಿಯಂ॒ ನರೋ॒ ಮಹಿ॑ ತ್ವೇ॒ಷಾ ಅಮ॑ವ‌ನ್ತೋ॒ ವೃಷ॑ಪ್ಸವಃ |
ವಹ᳚‌ನ್ತೇ॒ ಅಹ್ರು॑ತಪ್ಸವಃ || 8.20.7
ಗೋಭಿ᳚ರ್ವಾ॒ಣೋ ಅ॑ಜ್ಯತೇ॒ ಸೋಭ॑ರೀಣಾಂ॒ ರಥೇ॒ ಕೋಶೇ᳚ ಹಿರ॒ಣ್ಯಯೇ᳚ |
ಗೋಬಂ᳚ಧವಃ ಸುಜಾ॒ತಾಸ॑ ಇ॒ಷೇ ಭು॒ಜೇ ಮ॒ಹಾ‌ನ್ತೋ᳚ ನಃ॒ ಸ್ಪರ॑ಸೇ॒ ನು || 8.20.8
ಪ್ರತಿ॑ ವೋ ವೃಷದಂಜಯೋ॒ ವೃಷ್ಣೇ॒ ಶರ್ಧಾ᳚ಯ॒ ಮಾರು॑ತಾಯ ಭರಧ್ವ‌ಮ್ |
ಹ॒ವ್ಯಾ ವೃಷ॑ಪ್ರಯಾವ್ಣೇ || 8.20.9
ವೃ॒ಷ॒ಣ॒ಶ್ವೇನ॑ ಮರುತೋ॒ ವೃಷ॑ಪ್ಸುನಾ॒ ರಥೇ᳚ನ॒ ವೃಷ॑ನಾಭಿನಾ |
ಆ ಶ್ಯೇ॒ನಾಸೋ॒ ನ ಪ॒ಕ್ಷಿಣೋ॒ ವೃಥಾ᳚ ನರೋ ಹ॒ವ್ಯಾ ನೋ᳚ ವೀ॒ತಯೇ᳚ ಗತ || 8.20.10
ಸ॒ಮಾ॒ನಮಂ॒ಜ್ಯೇ᳚ಷಾಂ॒ ವಿ ಭ್ರಾ᳚ಜ‌ನ್ತೇ ರು॒ಕ್ಮಾಸೋ॒ ಅಧಿ॑ ಬಾ॒ಹುಷು॑ |
ದವಿ॑ದ್ಯುತತ್ಯೃ॒ಷ್ಟಯಃ॑ || 8.20.11
ತ ಉ॒ಗ್ರಾಸೋ॒ ವೃಷ॑ಣ ಉ॒ಗ್ರಬಾ᳚ಹವೋ॒ ನಕಿ॑ಷ್ಟ॒ನೂಷು॑ ಯೇತಿರೇ |
ಸ್ಥಿ॒ರಾ ಧನ್ವಾ॒ನ್ಯಾಯು॑ಧಾ॒ ರಥೇ᳚ಷು॒ ವೋಽನೀ᳚ಕೇ॒ಷ್ವಧಿ॒ ಶ್ರಿಯಃ॑ || 8.20.12
ಯೇಷಾ॒ಮರ್ಣೋ॒ ನ ಸ॒ಪ್ರಥೋ॒ ನಾಮ॑ ತ್ವೇ॒ಷಂ ಶಶ್ವ॑ತಾ॒ಮೇಕ॒ಮಿದ್ಭು॒ಜೇ |
ವಯೋ॒ ನ ಪಿತ್ರ್ಯಂ॒ ಸಹಃ॑ || 8.20.13
ತಾನ್ವಂ᳚ದಸ್ವ ಮ॒ರುತ॒ಸ್ತಾಁ ಉಪ॑ ಸ್ತುಹಿ॒ ತೇಷಾಂ॒ ಹಿ ಧುನೀ᳚ನಾ‌ಮ್ |
ಅ॒ರಾಣಾಂ॒ ನ ಚ॑ರ॒ಮಸ್ತದೇ᳚ಷಾಂ ದಾ॒ನಾ ಮ॒ಹ್ನಾ ತದೇ᳚ಷಾ‌ಮ್ || 8.20.14
ಸು॒ಭಗಃ॒ ಸ ವ॑ ಊ॒ತಿಷ್ವಾಸ॒ ಪೂರ್ವಾ᳚ಸು ಮರುತೋ॒ ವ್ಯು॑ಷ್ಟಿಷು |
ಯೋ ವಾ᳚ ನೂ॒ನಮು॒ತಾಸ॑ತಿ || 8.20.15
ಯಸ್ಯ॑ ವಾ ಯೂ॒ಯಂ ಪ್ರತಿ॑ ವಾ॒ಜಿನೋ᳚ ನರ॒ ಆ ಹ॒ವ್ಯಾ ವೀ॒ತಯೇ᳚ ಗ॒ಥ |
ಅ॒ಭಿ ಷ ದ್ಯು॒ಮ್ನೈರು॒ತ ವಾಜ॑ಸಾತಿಭಿಃ ಸು॒ಮ್ನಾ ವೋ᳚ ಧೂತಯೋ ನಶತ್ || 8.20.16
ಯಥಾ᳚ ರು॒ದ್ರಸ್ಯ॑ ಸೂ॒ನವೋ᳚ ದಿ॒ವೋ ವಶ॒‌ನ್ತ್ಯಸು॑ರಸ್ಯ ವೇ॒ಧಸಃ॑ |
ಯುವಾ᳚ನ॒ಸ್ತಥೇದ॑ಸತ್ || 8.20.17
ಯೇ ಚಾರ್ಹ᳚‌ನ್ತಿ ಮ॒ರುತಃ॑ ಸು॒ದಾನ॑ವಃ॒ ಸ್ಮನ್ಮೀ॒ಳ್ಹುಷ॒ಶ್ಚರ᳚‌ನ್ತಿ॒ ಯೇ |
ಅತ॑ಶ್ಚಿ॒ದಾ ನ॒ ಉಪ॒ ವಸ್ಯ॑ಸಾ ಹೃ॒ದಾ ಯುವಾ᳚ನ॒ ಆ ವ॑ವೃಧ್ವ‌ಮ್ || 8.20.18
ಯೂನ॑ ಊ॒ ಷು ನವಿ॑ಷ್ಠಯಾ॒ ವೃಷ್ಣಃ॑ ಪಾವ॒ಕಾಁ ಅ॒ಭಿ ಸೋ᳚ಭರೇ ಗಿ॒ರಾ |
ಗಾಯ॒ ಗಾ ಇ॑ವ॒ ಚರ್ಕೃ॑ಷತ್ || 8.20.19
ಸಾ॒ಹಾ ಯೇ ಸ‌ನ್ತಿ॑ ಮುಷ್ಟಿ॒ಹೇವ॒ ಹವ್ಯೋ॒ ವಿಶ್ವಾ᳚ಸು ಪೃ॒ತ್ಸು ಹೋತೃ॑ಷು |
ವೃಷ್ಣ॑ಶ್ಚಂ॒ದ್ರಾನ್ನ ಸು॒ಶ್ರವ॑ಸ್ತಮಾನ್ಗಿ॒ರಾ ವಂದ॑ಸ್ವ ಮ॒ರುತೋ॒ ಅಹ॑ || 8.20.20
ಗಾವ॑ಶ್ಚಿದ್ಘಾ ಸಮನ್ಯವಃ ಸಜಾ॒ತ್ಯೇ᳚ನ ಮರುತಃ॒ ಸಬಂ᳚ಧವಃ |
ರಿ॒ಹ॒ತೇ ಕ॒ಕುಭೋ᳚ ಮಿ॒ಥಃ || 8.20.21
ಮರ್ತ॑ಶ್ಚಿದ್ವೋ ನೃತವೋ ರುಕ್ಮವಕ್ಷಸ॒ ಉಪ॑ ಭ್ರಾತೃ॒ತ್ವಮಾಯ॑ತಿ |
ಅಧಿ॑ ನೋ ಗಾತ ಮರುತಃ॒ ಸದಾ॒ ಹಿ ವ॑ ಆಪಿ॒ತ್ವಮಸ್ತಿ॒ ನಿಧ್ರು॑ವಿ || 8.20.22
ಮರು॑ತೋ॒ ಮಾರು॑ತಸ್ಯ ನ॒ ಆ ಭೇ᳚ಷ॒ಜಸ್ಯ॑ ವಹತಾ ಸುದಾನವಃ |
ಯೂ॒ಯಂ ಸ॑ಖಾಯಃ ಸಪ್ತಯಃ || 8.20.23
ಯಾಭಿಃ॒ ಸಿಂಧು॒ಮವ॑ಥ॒ ಯಾಭಿ॒ಸ್ತೂರ್ವ॑ಥ॒ ಯಾಭಿ॑ರ್ದಶ॒ಸ್ಯಥಾ॒ ಕ್ರಿವಿ‌ಮ್᳚ |
ಮಯೋ᳚ ನೋ ಭೂತೋ॒ತಿಭಿ᳚ರ್ಮಯೋಭುವಃ ಶಿ॒ವಾಭಿ॑ರಸಚದ್ವಿಷಃ || 8.20.24
ಯತ್ಸಿಂಧೌ॒ ಯದಸಿ॑ಕ್ನ್ಯಾಂ॒ ಯತ್ಸ॑ಮು॒ದ್ರೇಷು॑ ಮರುತಃ ಸುಬರ್ಹಿಷಃ |
ಯತ್ಪರ್ವ॑ತೇಷು ಭೇಷ॒ಜ‌ಮ್ || 8.20.25
ವಿಶ್ವಂ॒ ಪಶ್ಯ᳚‌ನ್ತೋ ಬಿಭೃಥಾ ತ॒ನೂಷ್ವಾ ತೇನಾ᳚ ನೋ॒ ಅಧಿ॑ ವೋಚತ |
ಕ್ಷ॒ಮಾ ರಪೋ᳚ ಮರುತ॒ ಆತು॑ರಸ್ಯ ನ॒ ಇಷ್ಕ॑ರ್ತಾ॒ ವಿಹ್ರು॑ತಂ॒ ಪುನಃ॑ || 8.20.26

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸೋಭರಿಷಿಃ (1-16) ಪ್ರಥಮಾದಿಷೋಡಶರ್ಚಾಮಿಂದ್ರಃ, (17-18) ಸಪ್ತದಶ್ಯಷ್ಟಾದಶ್ಯೋಶ್ಚ ಚಿತ್ರಸ್ಯ ದಾನಸ್ತುತಿದೇವ ತೇ, ಪ್ರಗಾಥಃ (ವಿಷಮರ್ಚಾಂ ಕಕಪ, ಸಮರ್ಚಾಂ ಸತೋಬೃಹತೀ) ಛಂದಃ

ವ॒ಯಮು॒ ತ್ವಾಮ॑ಪೂರ್ವ್ಯ ಸ್ಥೂ॒ರಂ ನ ಕಚ್ಚಿ॒ದ್ಭರ᳚‌ನ್ತೋಽವ॒ಸ್ಯವಃ॑ |
ವಾಜೇ᳚ ಚಿ॒ತ್ರಂ ಹ॑ವಾಮಹೇ || 8.21.1
ಉಪ॑ ತ್ವಾ॒ ಕರ್ಮ᳚ನ್ನೂ॒ತಯೇ॒ ಸ ನೋ॒ ಯುವೋ॒ಗ್ರಶ್ಚ॑ಕ್ರಾಮ॒ ಯೋ ಧೃ॒ಷತ್ |
ತ್ವಾಮಿದ್ಧ್ಯ॑ವಿ॒ತಾರಂ᳚ ವವೃ॒ಮಹೇ॒ ಸಖಾ᳚ಯ ಇಂದ್ರ ಸಾನ॒ಸಿ‌ಮ್ || 8.21.2
ಆ ಯಾ᳚ಹೀ॒ಮ ಇಂದ॒ವೋಽಶ್ವ॑ಪತೇ॒ ಗೋಪ॑ತ॒ ಉರ್ವ॑ರಾಪತೇ |
ಸೋಮಂ᳚ ಸೋಮಪತೇ ಪಿಬ || 8.21.3
ವ॒ಯಂ ಹಿ ತ್ವಾ॒ ಬಂಧು॑ಮ‌ನ್ತಮಬಂ॒ಧವೋ॒ ವಿಪ್ರಾ᳚ಸ ಇಂದ್ರ ಯೇಮಿ॒ಮ |
ಯಾ ತೇ॒ ಧಾಮಾ᳚ನಿ ವೃಷಭ॒ ತೇಭಿ॒ರಾ ಗ॑ಹಿ॒ ವಿಶ್ವೇ᳚ಭಿಃ॒ ಸೋಮ॑ಪೀತಯೇ || 8.21.4
ಸೀದ᳚‌ನ್ತಸ್ತೇ॒ ವಯೋ᳚ ಯಥಾ॒ ಗೋಶ್ರೀ᳚ತೇ॒ ಮಧೌ᳚ ಮದಿ॒ರೇ ವಿ॒ವಕ್ಷ॑ಣೇ |
ಅ॒ಭಿ ತ್ವಾಮಿಂ᳚ದ್ರ ನೋನುಮಃ || 8.21.5
ಅಚ್ಛಾ᳚ ಚ ತ್ವೈ॒ನಾ ನಮ॑ಸಾ॒ ವದಾ᳚ಮಸಿ॒ ಕಿಂ ಮುಹು॑ಶ್ಚಿ॒ದ್ವಿ ದೀ᳚ಧಯಃ |
ಸ‌ನ್ತಿ॒ ಕಾಮಾ᳚ಸೋ ಹರಿವೋ ದ॒ದಿಷ್ಟ್ವಂ ಸ್ಮೋ ವ॒ಯಂ ಸ‌ನ್ತಿ॑ ನೋ॒ ಧಿಯಃ॑ || 8.21.6
ನೂತ್ನಾ॒ ಇದಿಂ᳚ದ್ರ ತೇ ವ॒ಯಮೂ॒ತೀ ಅ॑ಭೂಮ ನ॒ಹಿ ನೂ ತೇ᳚ ಅದ್ರಿವಃ |
ವಿ॒ದ್ಮಾ ಪು॒ರಾ ಪರೀ᳚ಣಸಃ || 8.21.7
ವಿ॒ದ್ಮಾ ಸ॑ಖಿ॒ತ್ವಮು॒ತ ಶೂ᳚ರ ಭೋ॒ಜ್ಯ1॒॑ಮಾ ತೇ॒ ತಾ ವ॑ಜ್ರಿನ್ನೀಮಹೇ |
ಉ॒ತೋ ಸ॑ಮಸ್ಮಿ॒ನ್ನಾ ಶಿ॑ಶೀಹಿ ನೋ ವಸೋ॒ ವಾಜೇ᳚ ಸುಶಿಪ್ರ॒ ಗೋಮ॑ತಿ || 8.21.8
ಯೋ ನ॑ ಇ॒ದಮಿ॑ದಂ ಪು॒ರಾ ಪ್ರ ವಸ್ಯ॑ ಆನಿ॒ನಾಯ॒ ತಮು॑ ವಃ ಸ್ತುಷೇ |
ಸಖಾ᳚ಯ॒ ಇಂದ್ರ॑ಮೂ॒ತಯೇ᳚ || 8.21.9
ಹರ್ಯ॑ಶ್ವಂ॒ ಸತ್ಪ॑ತಿಂ ಚರ್ಷಣೀ॒ಸಹಂ॒ ಸ ಹಿ ಷ್ಮಾ॒ ಯೋ ಅಮಂ᳚ದತ |
ಆ ತು ನಃ॒ ಸ ವ॑ಯತಿ॒ ಗವ್ಯ॒ಮಶ್ವ್ಯಂ᳚ ಸ್ತೋ॒ತೃಭ್ಯೋ᳚ ಮ॒ಘವಾ᳚ ಶ॒ತ‌ಮ್ || 8.21.10
ತ್ವಯಾ᳚ ಹ ಸ್ವಿದ್ಯು॒ಜಾ ವ॒ಯಂ ಪ್ರತಿ॑ ಶ್ವ॒ಸ‌ನ್ತಂ᳚ ವೃಷಭ ಬ್ರುವೀಮಹಿ |
ಸಂ॒ಸ್ಥೇ ಜನ॑ಸ್ಯ॒ ಗೋಮ॑ತಃ || 8.21.11
ಜಯೇ᳚ಮ ಕಾ॒ರೇ ಪು॑ರುಹೂತ ಕಾ॒ರಿಣೋ॒ಽಭಿ ತಿ॑ಷ್ಠೇಮ ದೂ॒ಢ್ಯಃ॑ |
ನೃಭಿ᳚ರ್ವೃ॒ತ್ರಂ ಹ॒ನ್ಯಾಮ॑ ಶೂಶು॒ಯಾಮ॒ ಚಾವೇ᳚ರಿಂದ್ರ॒ ಪ್ರ ಣೋ॒ ಧಿಯಃ॑ || 8.21.12
ಅ॒ಭ್ರಾ॒ತೃ॒ವ್ಯೋ ಅ॒ನಾ ತ್ವಮನಾ᳚ಪಿರಿಂದ್ರ ಜ॒ನುಷಾ᳚ ಸ॒ನಾದ॑ಸಿ |
ಯು॒ಧೇದಾ᳚ಪಿ॒ತ್ವಮಿ॑ಚ್ಛಸೇ || 8.21.13
ನಕೀ᳚ ರೇ॒ವ‌ನ್ತಂ᳚ ಸ॒ಖ್ಯಾಯ॑ ವಿಂದಸೇ॒ ಪೀಯ᳚‌ನ್ತಿ ತೇ ಸುರಾ॒ಶ್ವಃ॑ |
ಯ॒ದಾ ಕೃ॒ಣೋಷಿ॑ ನದ॒ನುಂ ಸಮೂ᳚ಹ॒ಸ್ಯಾದಿತ್ಪಿ॒ತೇವ॑ ಹೂಯಸೇ || 8.21.14
ಮಾ ತೇ᳚ ಅಮಾ॒ಜುರೋ᳚ ಯಥಾ ಮೂ॒ರಾಸ॑ ಇಂದ್ರ ಸ॒ಖ್ಯೇ ತ್ವಾವ॑ತಃ |
ನಿ ಷ॑ದಾಮ॒ ಸಚಾ᳚ ಸು॒ತೇ || 8.21.15
ಮಾ ತೇ᳚ ಗೋದತ್ರ॒ ನಿರ॑ರಾಮ॒ ರಾಧ॑ಸ॒ ಇಂದ್ರ॒ ಮಾ ತೇ᳚ ಗೃಹಾಮಹಿ |
ದೃ॒ಳ್ಹಾ ಚಿ॑ದ॒ರ್ಯಃ ಪ್ರ ಮೃ॑ಶಾ॒ಭ್ಯಾ ಭ॑ರ॒ ನ ತೇ᳚ ದಾ॒ಮಾನ॑ ಆ॒ದಭೇ᳚ || 8.21.16
ಇಂದ್ರೋ᳚ ವಾ॒ ಘೇದಿಯ᳚ನ್ಮ॒ಘಂ ಸರ॑ಸ್ವತೀ ವಾ ಸು॒ಭಗಾ᳚ ದ॒ದಿರ್ವಸು॑ |
ತ್ವಂ ವಾ᳚ ಚಿತ್ರ ದಾ॒ಶುಷೇ᳚ || 8.21.17
ಚಿತ್ರ॒ ಇದ್ರಾಜಾ᳚ ರಾಜ॒ಕಾ ಇದ᳚ನ್ಯ॒ಕೇ ಯ॒ಕೇ ಸರ॑ಸ್ವತೀ॒ಮನು॑ |
ಪ॒ರ್ಜನ್ಯ॑ ಇವ ತ॒ತನ॒ದ್ಧಿ ವೃ॒ಷ್ಟ್ಯಾ ಸ॒ಹಸ್ರ॑ಮ॒ಯುತಾ॒ ದದ॑ತ್ || 8.21.18

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸೋಭರಿಷಿಃ, ಅಶ್ವಿನೌ ದೇವತೇ (16) ಪ್ರಥಮಾದಿಷಡಚಾಂ ಪ್ರಗಾಥಃ (ವಿಷಮಾ ಬೃಹತೀ, ಸಮರ್ಚಾಂ ಸತೋಬೃಹತೀ), (7) ಸಪ್ತಮ್ಯಾ ಬೃಹತೀ, (8) ಅಷ್ಟಮ್ಯಾ ಅನುಷ್ಟಪ್ , (9-10, 13-18) ನವಮೀದಶಮ್ಯೋಸ್ತ್ರಯೋದಶ್ಯಾದಿಷರಾಣಾಂಚ ಕಾಕಭಃ ಪ್ರಗಾಥಃ (ವಿಷಮರ್ಚಾಂ ಕಕಪ, ಸಮರ್ಚಾಂ ಸತೋಬೃಹತೀ), (11) ಏಕಾದಶ್ಯಾಃ ಕಕಪ, (12) ದ್ವಾದಶ್ಯಾಶ್ಚ ಮಧ್ಯೇಜ್ಯೋತಿಸ್ತ್ರಿಷ್ಟುಪ್ ಛಂದಾಂಸಿ

ಓ ತ್ಯಮ॑ಹ್ವ॒ ಆ ರಥ॑ಮ॒ದ್ಯಾ ದಂಸಿ॑ಷ್ಠಮೂ॒ತಯೇ᳚ |
ಯಮ॑ಶ್ವಿನಾ ಸುಹವಾ ರುದ್ರವರ್ತನೀ॒ ಆ ಸೂ॒ರ್ಯಾಯೈ᳚ ತ॒ಸ್ಥಥುಃ॑ || 8.22.1
ಪೂ॒ರ್ವಾ॒ಯುಷಂ᳚ ಸು॒ಹವಂ᳚ ಪುರು॒ಸ್ಪೃಹಂ᳚ ಭು॒ಜ್ಯುಂ ವಾಜೇ᳚ಷು॒ ಪೂರ್ವ್ಯ‌ಮ್᳚ |
ಸ॒ಚ॒ನಾವ᳚‌ನ್ತಂ ಸುಮ॒ತಿಭಿಃ॑ ಸೋಭರೇ॒ ವಿದ್ವೇ᳚ಷಸಮನೇ॒ಹಸ‌ಮ್᳚ || 8.22.2
ಇ॒ಹ ತ್ಯಾ ಪು॑ರು॒ಭೂತ॑ಮಾ ದೇ॒ವಾ ನಮೋ᳚ಭಿರ॒ಶ್ವಿನಾ᳚ |
ಅ॒ರ್ವಾ॒ಚೀ॒ನಾ ಸ್ವವ॑ಸೇ ಕರಾಮಹೇ॒ ಗ‌ನ್ತಾ᳚ರಾ ದಾ॒ಶುಷೋ᳚ ಗೃ॒ಹ‌ಮ್ || 8.22.3
ಯು॒ವೋ ರಥ॑ಸ್ಯ॒ ಪರಿ॑ ಚ॒ಕ್ರಮೀ᳚ಯತ ಈ॒ರ್ಮಾನ್ಯದ್ವಾ᳚ಮಿಷಣ್ಯತಿ |
ಅ॒ಸ್ಮಾಁ ಅಚ್ಛಾ᳚ ಸುಮ॒ತಿರ್ವಾಂ᳚ ಶುಭಸ್ಪತೀ॒ ಆ ಧೇ॒ನುರಿ॑ವ ಧಾವತು || 8.22.4
ರಥೋ॒ ಯೋ ವಾಂ᳚ ತ್ರಿವಂಧು॒ರೋ ಹಿರ᳚ಣ್ಯಾಭೀಶುರಶ್ವಿನಾ |
ಪರಿ॒ ದ್ಯಾವಾ᳚ಪೃಥಿ॒ವೀ ಭೂಷ॑ತಿ ಶ್ರು॒ತಸ್ತೇನ॑ ನಾಸ॒ತ್ಯಾ ಗ॑ತ‌ಮ್ || 8.22.5
ದ॒ಶ॒ಸ್ಯ‌ನ್ತಾ॒ ಮನ॑ವೇ ಪೂ॒ರ್ವ್ಯಂ ದಿ॒ವಿ ಯವಂ॒ ವೃಕೇ᳚ಣ ಕರ್ಷಥಃ |
ತಾ ವಾ᳚ಮ॒ದ್ಯ ಸು॑ಮ॒ತಿಭಿಃ॑ ಶುಭಸ್ಪತೀ॒ ಅಶ್ವಿ॑ನಾ॒ ಪ್ರ ಸ್ತು॑ವೀಮಹಿ || 8.22.6
ಉಪ॑ ನೋ ವಾಜಿನೀವಸೂ ಯಾ॒ತಮೃ॒ತಸ್ಯ॑ ಪ॒ಥಿಭಿಃ॑ |
ಯೇಭಿ॑ಸ್ತೃ॒ಕ್ಷಿಂ ವೃ॑ಷಣಾ ತ್ರಾಸದಸ್ಯ॒ವಂ ಮ॒ಹೇ ಕ್ಷ॒ತ್ರಾಯ॒ ಜಿನ್ವ॑ಥಃ || 8.22.7
ಅ॒ಯಂ ವಾ॒ಮದ್ರಿ॑ಭಿಃ ಸು॒ತಃ ಸೋಮೋ᳚ ನರಾ ವೃಷಣ್ವಸೂ |
ಆ ಯಾ᳚ತಂ॒ ಸೋಮ॑ಪೀತಯೇ॒ ಪಿಬ॑ತಂ ದಾ॒ಶುಷೋ᳚ ಗೃ॒ಹೇ || 8.22.8
ಆ ಹಿ ರು॒ಹತ॑ಮಶ್ವಿನಾ॒ ರಥೇ॒ ಕೋಶೇ᳚ ಹಿರ॒ಣ್ಯಯೇ᳚ ವೃಷಣ್ವಸೂ |
ಯುಂ॒ಜಾಥಾಂ॒ ಪೀವ॑ರೀ॒ರಿಷಃ॑ || 8.22.9
ಯಾಭಿಃ॑ ಪ॒ಕ್ಥಮವ॑ಥೋ॒ ಯಾಭಿ॒ರಧ್ರಿ॑ಗುಂ॒ ಯಾಭಿ॑ರ್ಬ॒ಭ್ರುಂ ವಿಜೋ᳚ಷಸ‌ಮ್ |
ತಾಭಿ᳚ರ್ನೋ ಮ॒ಕ್ಷೂ ತೂಯ॑ಮಶ್ವಿ॒ನಾ ಗ॑ತಂ ಭಿಷ॒ಜ್ಯತಂ॒ ಯದಾತು॑ರ‌ಮ್ || 8.22.10
ಯದಧ್ರಿ॑ಗಾವೋ॒ ಅಧ್ರಿ॑ಗೂ ಇ॒ದಾ ಚಿ॒ದಹ್ನೋ᳚ ಅ॒ಶ್ವಿನಾ॒ ಹವಾ᳚ಮಹೇ |
ವ॒ಯಂ ಗೀ॒ರ್ಭಿರ್ವಿ॑ಪ॒ನ್ಯವಃ॑ || 8.22.11
ತಾಭಿ॒ರಾ ಯಾ᳚ತಂ ವೃಷ॒ಣೋಪ॑ ಮೇ॒ ಹವಂ᳚ ವಿ॒ಶ್ವಪ್ಸುಂ᳚ ವಿ॒ಶ್ವವಾ᳚ರ್ಯ‌ಮ್ |
ಇ॒ಷಾ ಮಂಹಿ॑ಷ್ಠಾ ಪುರು॒ಭೂತ॑ಮಾ ನರಾ॒ ಯಾಭಿಃ॒ ಕ್ರಿವಿಂ᳚ ವಾವೃ॒ಧುಸ್ತಾಭಿ॒ರಾ ಗ॑ತ‌ಮ್ || 8.22.12
ತಾವಿ॒ದಾ ಚಿ॒ದಹಾ᳚ನಾಂ॒ ತಾವ॒ಶ್ವಿನಾ॒ ವಂದ॑ಮಾನ॒ ಉಪ॑ ಬ್ರುವೇ |
ತಾ ಉ॒ ನಮೋ᳚ಭಿರೀಮಹೇ || 8.22.13
ತಾವಿದ್ದೋ॒ಷಾ ತಾ ಉ॒ಷಸಿ॑ ಶು॒ಭಸ್ಪತೀ॒ ತಾ ಯಾಮ᳚ನ್ರು॒ದ್ರವ॑ರ್ತನೀ |
ಮಾ ನೋ॒ ಮರ್ತಾ᳚ಯ ರಿ॒ಪವೇ᳚ ವಾಜಿನೀವಸೂ ಪ॒ರೋ ರು॑ದ್ರಾ॒ವತಿ॑ ಖ್ಯತ‌ಮ್ || 8.22.14
ಆ ಸುಗ್ಮ್ಯಾ᳚ಯ॒ ಸುಗ್ಮ್ಯಂ᳚ ಪ್ರಾ॒ತಾ ರಥೇ᳚ನಾ॒ಶ್ವಿನಾ᳚ ವಾ ಸ॒ಕ್ಷಣೀ᳚ |
ಹು॒ವೇ ಪಿ॒ತೇವ॒ ಸೋಭ॑ರೀ || 8.22.15
ಮನೋ᳚ಜವಸಾ ವೃಷಣಾ ಮದಚ್ಯುತಾ ಮಕ್ಷುಂಗ॒ಮಾಭಿ॑ರೂ॒ತಿಭಿಃ॑ |
ಆ॒ರಾತ್ತಾ᳚ಚ್ಚಿದ್ಭೂತಮ॒ಸ್ಮೇ ಅವ॑ಸೇ ಪೂ॒ರ್ವೀಭಿಃ॑ ಪುರುಭೋಜಸಾ || 8.22.16
ಆ ನೋ॒ ಅಶ್ವಾ᳚ವದಶ್ವಿನಾ ವ॒ರ್ತಿರ್ಯಾ᳚ಸಿಷ್ಟಂ ಮಧುಪಾತಮಾ ನರಾ |
ಗೋಮ॑ದ್ದಸ್ರಾ॒ ಹಿರ᳚ಣ್ಯವತ್ || 8.22.17
ಸು॒ಪ್ರಾ॒ವ॒ರ್ಗಂ ಸು॒ವೀರ್ಯಂ᳚ ಸು॒ಷ್ಠು ವಾರ್ಯ॒ಮನಾ᳚ಧೃಷ್ಟಂ ರಕ್ಷ॒ಸ್ವಿನಾ᳚ |
ಅ॒ಸ್ಮಿನ್ನಾ ವಾ᳚ಮಾ॒ಯಾನೇ᳚ ವಾಜಿನೀವಸೂ॒ ವಿಶ್ವಾ᳚ ವಾ॒ಮಾನಿ॑ ಧೀಮಹಿ || 8.22.18

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ವೈಯಶ್ವೋ ವಿಶ್ವಮನಾ ಋಷಿಃ, ಅಗ್ನಿದೇರ್ವತಾ, ಉಷ್ಣಿಕ್ ಛಂದಃ

ಈಳಿ॑ಷ್ವಾ॒ ಹಿ ಪ್ರ॑ತೀ॒ವ್ಯ1॒॑ ಅಂಯಜ॑ಸ್ವ ಜಾ॒ತವೇ᳚ದಸ‌ಮ್ |
ಚ॒ರಿ॒ಷ್ಣುಧೂ᳚ಮ॒ಮಗೃ॑ಭೀತಶೋಚಿಷ‌ಮ್ || 8.23.1
ದಾ॒ಮಾನಂ᳚ ವಿಶ್ವಚರ್ಷಣೇ॒ಽಗ್ನಿಂ ವಿ॑ಶ್ವಮನೋ ಗಿ॒ರಾ |
ಉ॒ತ ಸ್ತು॑ಷೇ॒ ವಿಷ್ಪ॑ರ್ಧಸೋ॒ ರಥಾ᳚ನಾ‌ಮ್ || 8.23.2
ಯೇಷಾ᳚ಮಾಬಾ॒ಧ ಋ॒ಗ್ಮಿಯ॑ ಇ॒ಷಃ ಪೃ॒ಕ್ಷಶ್ಚ॑ ನಿ॒ಗ್ರಭೇ᳚ |
ಉ॒ಪ॒ವಿದಾ॒ ವಹ್ನಿ᳚ರ್ವಿಂದತೇ॒ ವಸು॑ || 8.23.3
ಉದ॑ಸ್ಯ ಶೋ॒ಚಿರ॑ಸ್ಥಾದ್ದೀದಿ॒ಯುಷೋ॒ ವ್ಯ1॒॑ಜರ‌ಮ್᳚ |
ತಪು॑ರ್ಜಂಭಸ್ಯ ಸು॒ದ್ಯುತೋ᳚ ಗಣ॒ಶ್ರಿಯಃ॑ || 8.23.4
ಉದು॑ ತಿಷ್ಠ ಸ್ವಧ್ವರ॒ ಸ್ತವಾ᳚ನೋ ದೇ॒ವ್ಯಾ ಕೃ॒ಪಾ |
ಅ॒ಭಿ॒ಖ್ಯಾ ಭಾ॒ಸಾ ಬೃ॑ಹ॒ತಾ ಶು॑ಶು॒ಕ್ವನಿಃ॑ || 8.23.5
ಅಗ್ನೇ᳚ ಯಾ॒ಹಿ ಸು॑ಶ॒ಸ್ತಿಭಿ॑ರ್ಹ॒ವ್ಯಾ ಜುಹ್ವಾ᳚ನ ಆನು॒ಷಕ್ |
ಯಥಾ᳚ ದೂ॒ತೋ ಬ॒ಭೂಥ॑ ಹವ್ಯ॒ವಾಹ॑ನಃ || 8.23.6
ಅ॒ಗ್ನಿಂ ವಃ॑ ಪೂ॒ರ್ವ್ಯಂ ಹು॑ವೇ॒ ಹೋತಾ᳚ರಂ ಚರ್ಷಣೀ॒ನಾ‌ಮ್ |
ತಮ॒ಯಾ ವಾ॒ಚಾ ಗೃ॑ಣೇ॒ ತಮು॑ ವಃ ಸ್ತುಷೇ || 8.23.7
ಯ॒ಜ್ಞೇಭಿ॒ರದ್ಭು॑ತಕ್ರತುಂ॒ ಯಂ ಕೃ॒ಪಾ ಸೂ॒ದಯ᳚‌ನ್ತ॒ ಇತ್ |
ಮಿ॒ತ್ರಂ ನ ಜನೇ॒ ಸುಧಿ॑ತಮೃ॒ತಾವ॑ನಿ || 8.23.8
ಋ॒ತಾವಾ᳚ನಮೃತಾಯವೋ ಯ॒ಜ್ಞಸ್ಯ॒ ಸಾಧ॑ನಂ ಗಿ॒ರಾ |
ಉಪೋ᳚ ಏನಂ ಜುಜುಷು॒ರ್ನಮ॑ಸಸ್ಪ॒ದೇ || 8.23.9
ಅಚ್ಛಾ᳚ ನೋ॒ ಅಂಗಿ॑ರಸ್ತಮಂ ಯ॒ಜ್ಞಾಸೋ᳚ ಯ‌ನ್ತು ಸಂ॒ಯತಃ॑ |
ಹೋತಾ॒ ಯೋ ಅಸ್ತಿ॑ ವಿ॒ಕ್ಷ್ವಾ ಯ॒ಶಸ್ತ॑ಮಃ || 8.23.10
ಅಗ್ನೇ॒ ತವ॒ ತ್ಯೇ ಅ॑ಜ॒ರೇಂಧಾ᳚ನಾಸೋ ಬೃ॒ಹದ್ಭಾಃ |
ಅಶ್ವಾ᳚ ಇವ॒ ವೃಷ॑ಣಸ್ತವಿಷೀ॒ಯವಃ॑ || 8.23.11
ಸ ತ್ವಂ ನ॑ ಊರ್ಜಾಂ ಪತೇ ರ॒ಯಿಂ ರಾ᳚ಸ್ವ ಸು॒ವೀರ್ಯ‌ಮ್᳚ |
ಪ್ರಾವ॑ ನಸ್ತೋ॒ಕೇ ತನ॑ಯೇ ಸ॒ಮತ್ಸ್ವಾ || 8.23.12
ಯದ್ವಾ ಉ॑ ವಿ॒ಶ್ಪತಿಃ॑ ಶಿ॒ತಃ ಸುಪ್ರೀ᳚ತೋ॒ ಮನು॑ಷೋ ವಿ॒ಶಿ |
ವಿಶ್ವೇದ॒ಗ್ನಿಃ ಪ್ರತಿ॒ ರಕ್ಷಾಂ᳚ಸಿ ಸೇಧತಿ || 8.23.13
ಶ್ರು॒ಷ್ಟ್ಯ॑ಗ್ನೇ॒ ನವ॑ಸ್ಯ ಮೇ॒ ಸ್ತೋಮ॑ಸ್ಯ ವೀರ ವಿಶ್ಪತೇ |
ನಿ ಮಾ॒ಯಿನ॒ಸ್ತಪು॑ಷಾ ರ॒ಕ್ಷಸೋ᳚ ದಹ || 8.23.14
ನ ತಸ್ಯ॑ ಮಾ॒ಯಯಾ᳚ ಚ॒ನ ರಿ॒ಪುರೀ᳚ಶೀತ॒ ಮರ್ತ್ಯಃ॑ |
ಯೋ ಅ॒ಗ್ನಯೇ᳚ ದ॒ದಾಶ॑ ಹ॒ವ್ಯದಾ᳚ತಿಭಿಃ || 8.23.15
ವ್ಯ॑ಶ್ವಸ್ತ್ವಾ ವಸು॒ವಿದ॑ಮುಕ್ಷ॒ಣ್ಯುರ॑ಪ್ರೀಣಾ॒ದೃಷಿಃ॑ |
ಮ॒ಹೋ ರಾ॒ಯೇ ತಮು॑ ತ್ವಾ॒ ಸಮಿ॑ಧೀಮಹಿ || 8.23.16
ಉ॒ಶನಾ᳚ ಕಾ॒ವ್ಯಸ್ತ್ವಾ॒ ನಿ ಹೋತಾ᳚ರಮಸಾದಯತ್ |
ಆ॒ಯ॒ಜಿಂ ತ್ವಾ॒ ಮನ॑ವೇ ಜಾ॒ತವೇ᳚ದಸ‌ಮ್ || 8.23.17
ವಿಶ್ವೇ॒ ಹಿ ತ್ವಾ᳚ ಸ॒ಜೋಷ॑ಸೋ ದೇ॒ವಾಸೋ᳚ ದೂ॒ತಮಕ್ರ॑ತ |
ಶ್ರು॒ಷ್ಟೀ ದೇ᳚ವ ಪ್ರಥ॒ಮೋ ಯ॒ಜ್ಞಿಯೋ᳚ ಭುವಃ || 8.23.18
ಇ॒ಮಂ ಘಾ᳚ ವೀ॒ರೋ ಅ॒ಮೃತಂ᳚ ದೂ॒ತಂ ಕೃ᳚ಣ್ವೀತ॒ ಮರ್ತ್ಯಃ॑ |
ಪಾ॒ವ॒ಕಂ ಕೃ॒ಷ್ಣವ॑ರ್ತನಿಂ॒ ವಿಹಾ᳚ಯಸ‌ಮ್ || 8.23.19
ತಂ ಹು॑ವೇಮ ಯ॒ತಸ್ರು॑ಚಃ ಸು॒ಭಾಸಂ᳚ ಶು॒ಕ್ರಶೋ᳚ಚಿಷ‌ಮ್ |
ವಿ॒ಶಾಮ॒ಗ್ನಿಮ॒ಜರಂ᳚ ಪ್ರ॒ತ್ನಮೀಡ್ಯ‌ಮ್᳚ || 8.23.20
ಯೋ ಅ॑ಸ್ಮೈ ಹ॒ವ್ಯದಾ᳚ತಿಭಿ॒ರಾಹು॑ತಿಂ॒ ಮರ್ತೋಽವಿ॑ಧತ್ |
ಭೂರಿ॒ ಪೋಷಂ॒ ಸ ಧ॑ತ್ತೇ ವೀ॒ರವ॒ದ್ಯಶಃ॑ || 8.23.21
ಪ್ರ॒ಥ॒ಮಂ ಜಾ॒ತವೇ᳚ದಸಮ॒ಗ್ನಿಂ ಯ॒ಜ್ಞೇಷು॑ ಪೂ॒ರ್ವ್ಯ‌ಮ್ |
ಪ್ರತಿ॒ ಸ್ರುಗೇ᳚ತಿ॒ ನಮ॑ಸಾ ಹ॒ವಿಷ್ಮ॑ತೀ || 8.23.22
ಆಭಿ᳚ರ್ವಿಧೇಮಾ॒ಗ್ನಯೇ॒ ಜ್ಯೇಷ್ಠಾ᳚ಭಿರ್ವ್ಯಶ್ವ॒ವತ್ |
ಮಂಹಿ॑ಷ್ಠಾಭಿರ್ಮ॒ತಿಭಿಃ॑ ಶು॒ಕ್ರಶೋ᳚ಚಿಷೇ || 8.23.23
ನೂ॒ನಮ॑ರ್ಚ॒ ವಿಹಾ᳚ಯಸೇ॒ ಸ್ತೋಮೇ᳚ಭಿಃ ಸ್ಥೂರಯೂಪ॒ವತ್ |
ಋಷೇ᳚ ವೈಯಶ್ವ॒ ದಮ್ಯಾ᳚ಯಾ॒ಗ್ನಯೇ᳚ || 8.23.24
ಅತಿ॑ಥಿಂ॒ ಮಾನು॑ಷಾಣಾಂ ಸೂ॒ನುಂ ವನ॒ಸ್ಪತೀ᳚ನಾ‌ಮ್ |
ವಿಪ್ರಾ᳚ ಅ॒ಗ್ನಿಮವ॑ಸೇ ಪ್ರ॒ತ್ನಮೀ᳚ಳತೇ || 8.23.25
ಮ॒ಹೋ ವಿಶ್ವಾಁ᳚ ಅ॒ಭಿ ಷ॒ತೋ॒3॒॑ಽಭಿ ಹ॒ವ್ಯಾನಿ॒ ಮಾನು॑ಷಾ |
ಅಗ್ನೇ॒ ನಿ ಷ॑ತ್ಸಿ॒ ನಮ॒ಸಾಧಿ॑ ಬ॒ರ್ಹಿಷಿ॑ || 8.23.26
ವಂಸ್ವಾ᳚ ನೋ॒ ವಾರ್ಯಾ᳚ ಪು॒ರು ವಂಸ್ವ॑ ರಾ॒ಯಃ ಪು॑ರು॒ಸ್ಪೃಹಃ॑ |
ಸು॒ವೀರ್ಯ॑ಸ್ಯ ಪ್ರ॒ಜಾವ॑ತೋ॒ ಯಶ॑ಸ್ವತಃ || 8.23.27
ತ್ವಂ ವ॑ರೋ ಸು॒ಷಾಮ್ಣೇಽಗ್ನೇ॒ ಜನಾ᳚ಯ ಚೋದಯ |
ಸದಾ᳚ ವಸೋ ರಾ॒ತಿಂ ಯ॑ವಿಷ್ಠ॒ ಶಶ್ವ॑ತೇ || 8.23.28
ತ್ವಂ ಹಿ ಸು॑ಪ್ರ॒ತೂರಸಿ॒ ತ್ವಂ ನೋ॒ ಗೋಮ॑ತೀ॒ರಿಷಃ॑ |
ಮ॒ಹೋ ರಾ॒ಯಃ ಸಾ॒ತಿಮ॑ಗ್ನೇ॒ ಅಪಾ᳚ ವೃಧಿ || 8.23.29
ಅಗ್ನೇ॒ ತ್ವಂ ಯ॒ಶಾ ಅ॒ಸ್ಯಾ ಮಿ॒ತ್ರಾವರು॑ಣಾ ವಹ |
ಋ॒ತಾವಾ᳚ನಾ ಸ॒ಮ್ರಾಜಾ᳚ ಪೂ॒ತದ॑ಕ್ಷಸಾ || 8.23.30

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ವೈಯಶ್ವೋ ವಿಶ್ವಮನಾ ಋಷಿಃ (1-27) ಪ್ರಥಮಾದಿಸಪ್ತವಿಂಶತ್ರ್ಯಚಾಮಿಂದ್ರಃ, (28-30) ಅಷ್ಟಾವಿಂಶ್ಯಾದಿತೃಚಸ್ಯ ಚ ಸೌಷಾಮ್ಣಸ್ಯ ವರೋರ್ದಾನಸ್ತುತಿದೇವ ತೇ(1-29) ಪ್ರಥಮಾಯೇಕೋನತ್ರಿಂಶದೃಚಾಮಷ್ಣಿಕ್, (30) ತ್ರಿಂಶ್ಯಾಶ್ಚಾನಷ್ಟಪ ಛಂದಸೀ

ಸಖಾ᳚ಯ॒ ಆ ಶಿ॑ಷಾಮಹಿ॒ ಬ್ರಹ್ಮೇಂದ್ರಾ᳚ಯ ವ॒ಜ್ರಿಣೇ᳚ |
ಸ್ತು॒ಷ ಊ॒ ಷು ವೋ॒ ನೃತ॑ಮಾಯ ಧೃ॒ಷ್ಣವೇ᳚ || 8.24.1
ಶವ॑ಸಾ॒ ಹ್ಯಸಿ॑ ಶ್ರು॒ತೋ ವೃ॑ತ್ರ॒ಹತ್ಯೇ᳚ನ ವೃತ್ರ॒ಹಾ |
ಮ॒ಘೈರ್ಮ॒ಘೋನೋ॒ ಅತಿ॑ ಶೂರ ದಾಶಸಿ || 8.24.2
ಸ ನಃ॒ ಸ್ತವಾ᳚ನ॒ ಆ ಭ॑ರ ರ॒ಯಿಂ ಚಿ॒ತ್ರಶ್ರ॑ವಸ್ತಮ‌ಮ್ |
ನಿ॒ರೇ॒ಕೇ ಚಿ॒ದ್ಯೋ ಹ॑ರಿವೋ॒ ವಸು॑ರ್ದ॒ದಿಃ || 8.24.3
ಆ ನಿ॑ರೇ॒ಕಮು॒ತ ಪ್ರಿ॒ಯಮಿಂದ್ರ॒ ದರ್ಷಿ॒ ಜನಾ᳚ನಾ‌ಮ್ |
ಧೃ॒ಷ॒ತಾ ಧೃ॑ಷ್ಣೋ॒ ಸ್ತವ॑ಮಾನ॒ ಆ ಭ॑ರ || 8.24.4
ನ ತೇ᳚ ಸ॒ವ್ಯಂ ನ ದಕ್ಷಿ॑ಣಂ॒ ಹಸ್ತಂ᳚ ವರ‌ನ್ತ ಆ॒ಮುರಃ॑ |
ನ ಪ॑ರಿ॒ಬಾಧೋ᳚ ಹರಿವೋ॒ ಗವಿ॑ಷ್ಟಿಷು || 8.24.5
ಆ ತ್ವಾ॒ ಗೋಭಿ॑ರಿವ ವ್ರ॒ಜಂ ಗೀ॒ರ್ಭಿರ್‌ಋ॑ಣೋಮ್ಯದ್ರಿವಃ |
ಆ ಸ್ಮಾ॒ ಕಾಮಂ᳚ ಜರಿ॒ತುರಾ ಮನಃ॑ ಪೃಣ || 8.24.6
ವಿಶ್ವಾ᳚ನಿ ವಿ॒ಶ್ವಮ॑ನಸೋ ಧಿ॒ಯಾ ನೋ᳚ ವೃತ್ರಹ‌ನ್ತಮ |
ಉಗ್ರ॑ ಪ್ರಣೇತ॒ರಧಿ॒ ಷೂ ವ॑ಸೋ ಗಹಿ || 8.24.7
ವ॒ಯಂ ತೇ᳚ ಅ॒ಸ್ಯ ವೃ॑ತ್ರಹನ್ವಿ॒ದ್ಯಾಮ॑ ಶೂರ॒ ನವ್ಯ॑ಸಃ |
ವಸೋಃ᳚ ಸ್ಪಾ॒ರ್ಹಸ್ಯ॑ ಪುರುಹೂತ॒ ರಾಧ॑ಸಃ || 8.24.8
ಇಂದ್ರ॒ ಯಥಾ॒ ಹ್ಯಸ್ತಿ॒ ತೇಽಪ॑ರೀತಂ ನೃತೋ॒ ಶವಃ॑ |
ಅಮೃ॑ಕ್ತಾ ರಾ॒ತಿಃ ಪು॑ರುಹೂತ ದಾ॒ಶುಷೇ᳚ || 8.24.9
ಆ ವೃ॑ಷಸ್ವ ಮಹಾಮಹ ಮ॒ಹೇ ನೃ॑ತಮ॒ ರಾಧ॑ಸೇ |
ದೃ॒ಳ್ಹಶ್ಚಿ॑ದ್ದೃಹ್ಯ ಮಘವನ್ಮ॒ಘತ್ತ॑ಯೇ || 8.24.10
ನೂ ಅ॒ನ್ಯತ್ರಾ᳚ ಚಿದದ್ರಿವ॒ಸ್ತ್ವನ್ನೋ᳚ ಜಗ್ಮುರಾ॒ಶಸಃ॑ |
ಮಘ॑ವಂಛ॒ಗ್ಧಿ ತವ॒ ತನ್ನ॑ ಊ॒ತಿಭಿಃ॑ || 8.24.11
ನ॒ಹ್ಯ1॒᳚ಙ್ಗ ನೃ॑ತೋ॒ ತ್ವದ॒ನ್ಯಂ ವಿಂ॒ದಾಮಿ॒ ರಾಧ॑ಸೇ |
ರಾ॒ಯೇ ದ್ಯು॒ಮ್ನಾಯ॒ ಶವ॑ಸೇ ಚ ಗಿರ್ವಣಃ || 8.24.12
ಏಂದು॒ಮಿಂದ್ರಾ᳚ಯ ಸಿಂಚತ॒ ಪಿಬಾ᳚ತಿ ಸೋ॒ಮ್ಯಂ ಮಧು॑ |
ಪ್ರ ರಾಧ॑ಸಾ ಚೋದಯಾತೇ ಮಹಿತ್ವ॒ನಾ || 8.24.13
ಉಪೋ॒ ಹರೀ᳚ಣಾಂ॒ ಪತಿಂ॒ ದಕ್ಷಂ᳚ ಪೃಂ॒ಚ‌ನ್ತ॑ಮಬ್ರವ‌ಮ್ |
ನೂ॒ನಂ ಶ್ರು॑ಧಿ ಸ್ತುವ॒ತೋ ಅ॒ಶ್ವ್ಯಸ್ಯ॑ || 8.24.14
ನ॒ಹ್ಯ1॒᳚ಙ್ಗ ಪು॒ರಾ ಚ॒ನ ಜ॒ಜ್ಞೇ ವೀ॒ರತ॑ರ॒ಸ್ತ್ವತ್ |
ನಕೀ᳚ ರಾ॒ಯಾ ನೈವಥಾ॒ ನ ಭಂ॒ದನಾ᳚ || 8.24.15
ಏದು॒ ಮಧ್ವೋ᳚ ಮ॒ದಿ‌ನ್ತ॑ರಂ ಸಿಂ॒ಚ ವಾ᳚ಧ್ವರ್ಯೋ॒ ಅಂಧ॑ಸಃ |
ಏ॒ವಾ ಹಿ ವೀ॒ರಃ ಸ್ತವ॑ತೇ ಸ॒ದಾವೃ॑ಧಃ || 8.24.16
ಇಂದ್ರ॑ ಸ್ಥಾತರ್ಹರೀಣಾಂ॒ ನಕಿ॑ಷ್ಟೇ ಪೂ॒ರ್ವ್ಯಸ್ತು॑ತಿ‌ಮ್ |
ಉದಾ᳚ನಂಶ॒ ಶವ॑ಸಾ॒ ನ ಭಂ॒ದನಾ᳚ || 8.24.17
ತಂ ವೋ॒ ವಾಜಾ᳚ನಾಂ॒ ಪತಿ॒ಮಹೂ᳚ಮಹಿ ಶ್ರವ॒ಸ್ಯವಃ॑ |
ಅಪ್ರಾ᳚ಯುಭಿರ್ಯ॒ಜ್ಞೇಭಿ᳚ರ್ವಾವೃ॒ಧೇನ್ಯ‌ಮ್᳚ || 8.24.18
ಏತೋ॒ ನ್ವಿಂದ್ರಂ॒ ಸ್ತವಾ᳚ಮ॒ ಸಖಾ᳚ಯಃ॒ ಸ್ತೋಮ್ಯಂ॒ ನರ‌ಮ್᳚ |
ಕೃ॒ಷ್ಟೀರ್ಯೋ ವಿಶ್ವಾ᳚ ಅ॒ಭ್ಯಸ್ತ್ಯೇಕ॒ ಇತ್ || 8.24.19
ಅಗೋ᳚ರುಧಾಯ ಗ॒ವಿಷೇ᳚ ದ್ಯು॒ಕ್ಷಾಯ॒ ದಸ್ಮ್ಯಂ॒ ವಚಃ॑ |
ಘೃ॒ತಾತ್ಸ್ವಾದೀ᳚ಯೋ॒ ಮಧು॑ನಶ್ಚ ವೋಚತ || 8.24.20
ಯಸ್ಯಾಮಿ॑ತಾನಿ ವೀ॒ರ್ಯಾ॒3॒॑ ನ ರಾಧಃ॒ ಪರ್ಯೇ᳚ತವೇ |
ಜ್ಯೋತಿ॒ರ್ನ ವಿಶ್ವ॑ಮ॒ಭ್ಯಸ್ತಿ॒ ದಕ್ಷಿ॑ಣಾ || 8.24.21
ಸ್ತು॒ಹೀಂದ್ರಂ᳚ ವ್ಯಶ್ವ॒ವದನೂ᳚ರ್ಮಿಂ ವಾ॒ಜಿನಂ॒ ಯಮ‌ಮ್᳚ |
ಅ॒ರ್ಯೋ ಗಯಂ॒ ಮಂಹ॑ಮಾನಂ॒ ವಿ ದಾ॒ಶುಷೇ᳚ || 8.24.22
ಏ॒ವಾ ನೂ॒ನಮುಪ॑ ಸ್ತುಹಿ॒ ವೈಯ॑ಶ್ವ ದಶ॒ಮಂ ನವ‌ಮ್᳚ |
ಸುವಿ॑ದ್ವಾಂಸಂ ಚ॒ರ್ಕೃತ್ಯಂ᳚ ಚ॒ರಣೀ᳚ನಾ‌ಮ್ || 8.24.23
ವೇತ್ಥಾ॒ ಹಿ ನಿರ್‌ಋ॑ತೀನಾಂ॒ ವಜ್ರ॑ಹಸ್ತ ಪರಿ॒ವೃಜ‌ಮ್᳚ |
ಅಹ॑ರಹಃ ಶುಂ॒ಧ್ಯುಃ ಪ॑ರಿ॒ಪದಾ᳚ಮಿವ || 8.24.24
ತದಿಂ॒ದ್ರಾವ॒ ಆ ಭ॑ರ॒ ಯೇನಾ᳚ ದಂಸಿಷ್ಠ॒ ಕೃತ್ವ॑ನೇ |
ದ್ವಿ॒ತಾ ಕುತ್ಸಾ᳚ಯ ಶಿಶ್ನಥೋ॒ ನಿ ಚೋ᳚ದಯ || 8.24.25
ತಮು॑ ತ್ವಾ ನೂ॒ನಮೀ᳚ಮಹೇ॒ ನವ್ಯಂ᳚ ದಂಸಿಷ್ಠ॒ ಸನ್ಯ॑ಸೇ |
ಸ ತ್ವಂ ನೋ॒ ವಿಶ್ವಾ᳚ ಅ॒ಭಿಮಾ᳚ತೀಃ ಸ॒ಕ್ಷಣಿಃ॑ || 8.24.26
ಯ ಋಕ್ಷಾ॒ದಂಹ॑ಸೋ ಮು॒ಚದ್ಯೋ ವಾರ್ಯಾ᳚ತ್ಸ॒ಪ್ತ ಸಿಂಧು॑ಷು |
ವಧ॑ರ್ದಾ॒ಸಸ್ಯ॑ ತುವಿನೃಮ್ಣ ನೀನಮಃ || 8.24.27
ಯಥಾ᳚ ವರೋ ಸು॒ಷಾಮ್ಣೇ᳚ ಸ॒ನಿಭ್ಯ॒ ಆವ॑ಹೋ ರ॒ಯಿ‌ಮ್ |
ವ್ಯ॑ಶ್ವೇಭ್ಯಃ ಸುಭಗೇ ವಾಜಿನೀವತಿ || 8.24.28
ಆ ನಾ॒ರ್ಯಸ್ಯ॒ ದಕ್ಷಿ॑ಣಾ॒ ವ್ಯ॑ಶ್ವಾಁ ಏತು ಸೋ॒ಮಿನಃ॑ |
ಸ್ಥೂ॒ರಂ ಚ॒ ರಾಧಃ॑ ಶ॒ತವ॑ತ್ಸ॒ಹಸ್ರ॑ವತ್ || 8.24.29
ಯತ್ತ್ವಾ᳚ ಪೃ॒ಚ್ಛಾದೀ᳚ಜಾ॒ನಃ ಕು॑ಹ॒ಯಾ ಕು॑ಹಯಾಕೃತೇ |
ಏ॒ಷೋ ಅಪ॑ಶ್ರಿತೋ ವ॒ಲೋ ಗೋ᳚ಮ॒ತೀಮವ॑ ತಿಷ್ಠತಿ || 8.24.30

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ವೈಯಶ್ವೋ ವಿಶ್ವಮನಾ ಋಷಿಃ (1-9, 13-24) ಪ್ರಥಮಾದಿನವರ್ಚಾಂ ತ್ರಯೋದಶ್ಯಾದಿದ್ವಾದಶಾನಾಂಚ ಮಿತ್ರಾವರುಣೌ, (10-12) ದಶಮ್ಯಾದಿತೃಚಸ್ಯ ಚ ವಿಶ್ವೇ ದೇವಾ ದೇವತಾಃ (1-22, 24) ಪ್ರಥಮಾದಿದ್ವಾವಿಂಶತ್ರ್ಯಚಾಂ ಚತರ್ವಿಶ್ಯಾಶ್ಚೋಷ್ಣಿಕ್, (23) ತ್ರಯೋವಿಂಶ್ಯಾಶ್ಚೋಷ್ಣಿಗ್ಗರ್ಭಾ ಛಂದಸೀ

ತಾ ವಾಂ॒ ವಿಶ್ವ॑ಸ್ಯ ಗೋ॒ಪಾ ದೇ॒ವಾ ದೇ॒ವೇಷು॑ ಯ॒ಜ್ಞಿಯಾ᳚ |
ಋ॒ತಾವಾ᳚ನಾ ಯಜಸೇ ಪೂ॒ತದ॑ಕ್ಷಸಾ || 8.25.1
ಮಿ॒ತ್ರಾ ತನಾ॒ ನ ರ॒ಥ್ಯಾ॒3॒॑ ವರು॑ಣೋ॒ ಯಶ್ಚ॑ ಸು॒ಕ್ರತುಃ॑ |
ಸ॒ನಾತ್ಸು॑ಜಾ॒ತಾ ತನ॑ಯಾ ಧೃ॒ತವ್ರ॑ತಾ || 8.25.2
ತಾ ಮಾ॒ತಾ ವಿ॒ಶ್ವವೇ᳚ದಸಾಸು॒ರ್ಯಾ᳚ಯ॒ ಪ್ರಮ॑ಹಸಾ |
ಮ॒ಹೀ ಜ॑ಜಾ॒ನಾದಿ॑ತಿರ್‌ಋ॒ತಾವ॑ರೀ || 8.25.3
ಮ॒ಹಾ‌ನ್ತಾ᳚ ಮಿ॒ತ್ರಾವರು॑ಣಾ ಸ॒ಮ್ರಾಜಾ᳚ ದೇ॒ವಾವಸು॑ರಾ |
ಋ॒ತಾವಾ᳚ನಾವೃ॒ತಮಾ ಘೋ᳚ಷತೋ ಬೃ॒ಹತ್ || 8.25.4
ನಪಾ᳚ತಾ॒ ಶವ॑ಸೋ ಮ॒ಹಃ ಸೂ॒ನೂ ದಕ್ಷ॑ಸ್ಯ ಸು॒ಕ್ರತೂ᳚ |
ಸೃ॒ಪ್ರದಾ᳚ನೂ ಇ॒ಷೋ ವಾಸ್ತ್ವಧಿ॑ ಕ್ಷಿತಃ || 8.25.5
ಸಂ ಯಾ ದಾನೂ᳚ನಿ ಯೇ॒ಮಥು॑ರ್ದಿ॒ವ್ಯಾಃ ಪಾರ್ಥಿ॑ವೀ॒ರಿಷಃ॑ |
ನಭ॑ಸ್ವತೀ॒ರಾ ವಾಂ᳚ ಚರ‌ನ್ತು ವೃ॒ಷ್ಟಯಃ॑ || 8.25.6
ಅಧಿ॒ ಯಾ ಬೃ॑ಹ॒ತೋ ದಿ॒ವೋ॒3॒॑ಽಭಿ ಯೂ॒ಥೇವ॒ ಪಶ್ಯ॑ತಃ |
ಋ॒ತಾವಾ᳚ನಾ ಸ॒ಮ್ರಾಜಾ॒ ನಮ॑ಸೇ ಹಿ॒ತಾ || 8.25.7
ಋ॒ತಾವಾ᳚ನಾ॒ ನಿ ಷೇ᳚ದತುಃ॒ ಸಾಮ್ರಾ᳚ಜ್ಯಾಯ ಸು॒ಕ್ರತೂ᳚ |
ಧೃ॒ತವ್ರ॑ತಾ ಕ್ಷ॒ತ್ರಿಯಾ᳚ ಕ್ಷ॒ತ್ರಮಾ᳚ಶತುಃ || 8.25.8
ಅ॒ಕ್ಷ್ಣಶ್ಚಿ॑ದ್ಗಾತು॒ವಿತ್ತ॑ರಾನುಲ್ಬ॒ಣೇನ॒ ಚಕ್ಷ॑ಸಾ |
ನಿ ಚಿ᳚ನ್ಮಿ॒ಷ‌ನ್ತಾ᳚ ನಿಚಿ॒ರಾ ನಿ ಚಿ॑ಕ್ಯತುಃ || 8.25.9
ಉ॒ತ ನೋ᳚ ದೇ॒ವ್ಯದಿ॑ತಿರುರು॒ಷ್ಯತಾಂ॒ ನಾಸ॑ತ್ಯಾ |
ಉ॒ರು॒ಷ್ಯ‌ನ್ತು॑ ಮ॒ರುತೋ᳚ ವೃ॒ದ್ಧಶ॑ವಸಃ || 8.25.10
ತೇ ನೋ᳚ ನಾ॒ವಮು॑ರುಷ್ಯತ॒ ದಿವಾ॒ ನಕ್ತಂ᳚ ಸುದಾನವಃ |
ಅರಿ॑ಷ್ಯ‌ನ್ತೋ॒ ನಿ ಪಾ॒ಯುಭಿಃ॑ ಸಚೇಮಹಿ || 8.25.11
ಅಘ್ನ॑ತೇ॒ ವಿಷ್ಣ॑ವೇ ವ॒ಯಮರಿ॑ಷ್ಯ‌ನ್ತಃ ಸು॒ದಾನ॑ವೇ |
ಶ್ರು॒ಧಿ ಸ್ವ॑ಯಾವ‌‌ನ್ತ್ಸಿಂಧೋ ಪೂ॒ರ್ವಚಿ॑ತ್ತಯೇ || 8.25.12
ತದ್ವಾರ್ಯಂ᳚ ವೃಣೀಮಹೇ॒ ವರಿ॑ಷ್ಠಂ ಗೋಪ॒ಯತ್ಯ‌ಮ್᳚ |
ಮಿ॒ತ್ರೋ ಯತ್ಪಾ‌ನ್ತಿ॒ ವರು॑ಣೋ॒ ಯದ᳚ರ್ಯ॒ಮಾ || 8.25.13
ಉ॒ತ ನಃ॒ ಸಿಂಧು॑ರ॒ಪಾಂ ತನ್ಮ॒ರುತ॒ಸ್ತದ॒ಶ್ವಿನಾ᳚ |
ಇಂದ್ರೋ॒ ವಿಷ್ಣು᳚ರ್ಮೀ॒ಢ್ವಾಂಸಃ॑ ಸ॒ಜೋಷ॑ಸಃ || 8.25.14
ತೇ ಹಿ ಷ್ಮಾ᳚ ವ॒ನುಷೋ॒ ನರೋ॒ಽಭಿಮಾ᳚ತಿಂ॒ ಕಯ॑ಸ್ಯ ಚಿತ್ |
ತಿ॒ಗ್ಮಂ ನ ಕ್ಷೋದಃ॑ ಪ್ರತಿ॒ಘ್ನ‌ನ್ತಿ॒ ಭೂರ್ಣ॑ಯಃ || 8.25.15
ಅ॒ಯಮೇಕ॑ ಇ॒ತ್ಥಾ ಪು॒ರೂರು ಚ॑ಷ್ಟೇ॒ ವಿ ವಿ॒ಶ್ಪತಿಃ॑ |
ತಸ್ಯ᳚ ವ್ರ॒ತಾನ್ಯನು॑ ವಶ್ಚರಾಮಸಿ || 8.25.16
ಅನು॒ ಪೂರ್ವಾ᳚ಣ್ಯೋ॒ಕ್ಯಾ᳚ ಸಾಮ್ರಾ॒ಜ್ಯಸ್ಯ॑ ಸಶ್ಚಿಮ |
ಮಿ॒ತ್ರಸ್ಯ᳚ ವ್ರ॒ತಾ ವರು॑ಣಸ್ಯ ದೀರ್ಘ॒ಶ್ರುತ್ || 8.25.17
ಪರಿ॒ ಯೋ ರ॒ಶ್ಮಿನಾ᳚ ದಿ॒ವೋಽ‌ನ್ತಾ᳚ನ್ಮ॒ಮೇ ಪೃ॑ಥಿ॒ವ್ಯಾಃ |
ಉ॒ಭೇ ಆ ಪ॑ಪ್ರೌ॒ ರೋದ॑ಸೀ ಮಹಿ॒ತ್ವಾ || 8.25.18
ಉದು॒ ಷ್ಯ ಶ॑ರ॒ಣೇ ದಿ॒ವೋ ಜ್ಯೋತಿ॑ರಯಂಸ್ತ॒ ಸೂರ್ಯಃ॑ |
ಅ॒ಗ್ನಿರ್ನ ಶು॒ಕ್ರಃ ಸ॑ಮಿಧಾ॒ನ ಆಹು॑ತಃ || 8.25.19
ವಚೋ᳚ ದೀ॒ರ್ಘಪ್ರ॑ಸದ್ಮ॒ನೀಶೇ॒ ವಾಜ॑ಸ್ಯ॒ ಗೋಮ॑ತಃ |
ಈಶೇ॒ ಹಿ ಪಿ॒ತ್ವೋ᳚ಽವಿ॒ಷಸ್ಯ॑ ದಾ॒ವನೇ᳚ || 8.25.20
ತತ್ಸೂರ್ಯಂ॒ ರೋದ॑ಸೀ ಉ॒ಭೇ ದೋ॒ಷಾ ವಸ್ತೋ॒ರುಪ॑ ಬ್ರುವೇ |
ಭೋ॒ಜೇಷ್ವ॒ಸ್ಮಾಁ ಅ॒ಭ್ಯುಚ್ಚ॑ರಾ॒ ಸದಾ᳚ || 8.25.21
ಋ॒ಜ್ರಮು॑ಕ್ಷ॒ಣ್ಯಾಯ॑ನೇ ರಜ॒ತಂ ಹರ॑ಯಾಣೇ |
ರಥಂ᳚ ಯು॒ಕ್ತಮ॑ಸನಾಮ ಸು॒ಷಾಮ॑ಣಿ || 8.25.22
ತಾ ಮೇ॒ ಅಶ್ವ್ಯಾ᳚ನಾಂ॒ ಹರೀ᳚ಣಾಂ ನಿ॒ತೋಶ॑ನಾ |
ಉ॒ತೋ ನು ಕೃತ್ವ್ಯಾ᳚ನಾಂ ನೃ॒ವಾಹ॑ಸಾ || 8.25.23
ಸ್ಮದ॑ಭೀಶೂ॒ ಕಶಾ᳚ವ‌ನ್ತಾ॒ ವಿಪ್ರಾ॒ ನವಿ॑ಷ್ಠಯಾ ಮ॒ತೀ |
ಮ॒ಹೋ ವಾ॒ಜಿನಾ॒ವರ್ವ᳚‌ನ್ತಾ॒ ಸಚಾ᳚ಸನ‌ಮ್ || 8.25.24

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ವೈಯಶ್ವೋ ವಿಶ್ವಮನಾ ಆಂಗಿರಸೋ ವ್ಯಶ್ವೋ ವಾ ಋಷಿಃ (1-19) ಪ್ರಥಮಾಯೇಕೋನವಿಂಶತ್ರ್ಯಚಾಮಶ್ವಿನೌ, (20-25) ವಿಂಶ್ಯಾದಿಷರಾಣಾಂಚ ವಾಯುದರ್ವೇ ತಾಃ (1-15, 22-24) ಪ್ರಥಮಾದಿಪಂಚದಶೋಂ ದ್ವಾವಿಂಶ್ಯಾದಿತೃಚಸ್ಯ ಚೋಷ್ಣಿಕ್, (16-19, 21, 25) ಷೋಡಶ್ಯಾದಿಚತಸೃಣಾಮೇಕವಿಂಶೀಪಂಚವಿಂಶ್ಯೋಶ್ಚ ಗಾಯತ್ರೀ, (20) ವಿಂಶ್ಯಾಶ್ಚಾನುಷ್ಟಪ ಛಂದಾಂಸಿ

ಯು॒ವೋರು॒ ಷೂ ರಥಂ᳚ ಹುವೇ ಸ॒ಧಸ್ತು॑ತ್ಯಾಯ ಸೂ॒ರಿಷು॑ |
ಅತೂ᳚ರ್ತದಕ್ಷಾ ವೃಷಣಾ ವೃಷಣ್ವಸೂ || 8.26.1
ಯು॒ವಂ ವ॑ರೋ ಸು॒ಷಾಮ್ಣೇ᳚ ಮ॒ಹೇ ತನೇ᳚ ನಾಸತ್ಯಾ |
ಅವೋ᳚ಭಿರ್ಯಾಥೋ ವೃಷಣಾ ವೃಷಣ್ವಸೂ || 8.26.2
ತಾ ವಾ᳚ಮ॒ದ್ಯ ಹ॑ವಾಮಹೇ ಹ॒ವ್ಯೇಭಿ᳚ರ್ವಾಜಿನೀವಸೂ |
ಪೂ॒ರ್ವೀರಿ॒ಷ ಇ॒ಷಯ᳚‌ನ್ತಾ॒ವತಿ॑ ಕ್ಷ॒ಪಃ || 8.26.3
ಆ ವಾಂ॒ ವಾಹಿ॑ಷ್ಠೋ ಅಶ್ವಿನಾ॒ ರಥೋ᳚ ಯಾತು ಶ್ರು॒ತೋ ನ॑ರಾ |
ಉಪ॒ ಸ್ತೋಮಾ᳚‌ನ್ತು॒ರಸ್ಯ॑ ದರ್ಶಥಃ ಶ್ರಿ॒ಯೇ || 8.26.4
ಜು॒ಹು॒ರಾ॒ಣಾ ಚಿ॑ದಶ್ವಿ॒ನಾ ಮ᳚ನ್ಯೇಥಾಂ ವೃಷಣ್ವಸೂ |
ಯು॒ವಂ ಹಿ ರು॑ದ್ರಾ॒ ಪರ್ಷ॑ಥೋ॒ ಅತಿ॒ ದ್ವಿಷಃ॑ || 8.26.5
ದ॒ಸ್ರಾ ಹಿ ವಿಶ್ವ॑ಮಾನು॒ಷಙ್ಮ॒ಕ್ಷೂಭಿಃ॑ ಪರಿ॒ದೀಯ॑ಥಃ |
ಧಿ॒ಯಂ॒ಜಿ॒ನ್ವಾ ಮಧು॑ವರ್ಣಾ ಶು॒ಭಸ್ಪತೀ᳚ || 8.26.6
ಉಪ॑ ನೋ ಯಾತಮಶ್ವಿನಾ ರಾ॒ಯಾ ವಿ॑ಶ್ವ॒ಪುಷಾ᳚ ಸ॒ಹ |
ಮ॒ಘವಾ᳚ನಾ ಸು॒ವೀರಾ॒ವನ॑ಪಚ್ಯುತಾ || 8.26.7
ಆ ಮೇ᳚ ಅ॒ಸ್ಯ ಪ್ರ॑ತೀ॒ವ್ಯ1॒॑ಮಿಂದ್ರ॑ನಾಸತ್ಯಾ ಗತ‌ಮ್ |
ದೇ॒ವಾ ದೇ॒ವೇಭಿ॑ರ॒ದ್ಯ ಸ॒ಚನ॑ಸ್ತಮಾ || 8.26.8
ವ॒ಯಂ ಹಿ ವಾಂ॒ ಹವಾ᳚ಮಹ ಉಕ್ಷ॒ಣ್ಯ‌ನ್ತೋ᳚ ವ್ಯಶ್ವ॒ವತ್ |
ಸು॒ಮ॒ತಿಭಿ॒ರುಪ॑ ವಿಪ್ರಾವಿ॒ಹಾ ಗ॑ತ‌ಮ್ || 8.26.9
ಅ॒ಶ್ವಿನಾ॒ ಸ್ವೃ॑ಷೇ ಸ್ತುಹಿ ಕು॒ವಿತ್ತೇ॒ ಶ್ರವ॑ತೋ॒ ಹವ‌ಮ್᳚ |
ನೇದೀ᳚ಯಸಃ ಕೂಳಯಾತಃ ಪ॒ಣೀಁರು॒ತ || 8.26.10
ವೈ॒ಯ॒ಶ್ವಸ್ಯ॑ ಶ್ರುತಂ ನರೋ॒ತೋ ಮೇ᳚ ಅ॒ಸ್ಯ ವೇ᳚ದಥಃ |
ಸ॒ಜೋಷ॑ಸಾ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ || 8.26.11
ಯು॒ವಾದ॑ತ್ತಸ್ಯ ಧಿಷ್ಣ್ಯಾ ಯು॒ವಾನೀ᳚ತಸ್ಯ ಸೂ॒ರಿಭಿಃ॑ |
ಅಹ॑ರಹರ್ವೃಷಣ॒ ಮಹ್ಯಂ᳚ ಶಿಕ್ಷತ‌ಮ್ || 8.26.12
ಯೋ ವಾಂ᳚ ಯ॒ಜ್ಞೇಭಿ॒ರಾವೃ॒ತೋಽಧಿ॑ವಸ್ತ್ರಾ ವ॒ಧೂರಿ॑ವ |
ಸ॒ಪ॒ರ್ಯ‌ನ್ತಾ᳚ ಶು॒ಭೇ ಚ॑ಕ್ರಾತೇ ಅ॒ಶ್ವಿನಾ᳚ || 8.26.13
ಯೋ ವಾ᳚ಮುರು॒ವ್ಯಚ॑ಸ್ತಮಂ॒ ಚಿಕೇ᳚ತತಿ ನೃ॒ಪಾಯ್ಯ‌ಮ್᳚ |
ವ॒ರ್ತಿರ॑ಶ್ವಿನಾ॒ ಪರಿ॑ ಯಾತಮಸ್ಮ॒ಯೂ || 8.26.14
ಅ॒ಸ್ಮಭ್ಯಂ॒ ಸು ವೃ॑ಷಣ್ವಸೂ ಯಾ॒ತಂ ವ॒ರ್ತಿರ್ನೃ॒ಪಾಯ್ಯ‌ಮ್᳚ |
ವಿ॒ಷು॒ದ್ರುಹೇ᳚ವ ಯ॒ಜ್ಞಮೂ᳚ಹಥುರ್ಗಿ॒ರಾ || 8.26.15
ವಾಹಿ॑ಷ್ಠೋ ವಾಂ॒ ಹವಾ᳚ನಾಂ॒ ಸ್ತೋಮೋ᳚ ದೂ॒ತೋ ಹು॑ವನ್ನರಾ |
ಯು॒ವಾಭ್ಯಾಂ᳚ ಭೂತ್ವಶ್ವಿನಾ || 8.26.16
ಯದ॒ದೋ ದಿ॒ವೋ ಅ᳚ರ್ಣ॒ವ ಇ॒ಷೋ ವಾ॒ ಮದ॑ಥೋ ಗೃ॒ಹೇ |
ಶ್ರು॒ತಮಿನ್ಮೇ᳚ ಅಮರ್ತ್ಯಾ || 8.26.17
ಉ॒ತ ಸ್ಯಾ ಶ್ವೇ᳚ತ॒ಯಾವ॑ರೀ॒ ವಾಹಿ॑ಷ್ಠಾ ವಾಂ ನ॒ದೀನಾ᳚‌ಮ್ |
ಸಿಂಧು॒ರ್ಹಿರ᳚ಣ್ಯವರ್ತನಿಃ || 8.26.18
ಸ್ಮದೇ॒ತಯಾ᳚ ಸುಕೀ॒ರ್ತ್ಯಾಶ್ವಿ॑ನಾ ಶ್ವೇ॒ತಯಾ᳚ ಧಿ॒ಯಾ |
ವಹೇ᳚ಥೇ ಶುಭ್ರಯಾವಾನಾ || 8.26.19
ಯು॒ಕ್ಷ್ವಾ ಹಿ ತ್ವಂ ರ॑ಥಾ॒ಸಹಾ᳚ ಯು॒ವಸ್ವ॒ ಪೋಷ್ಯಾ᳚ ವಸೋ |
ಆನ್ನೋ᳚ ವಾಯೋ॒ ಮಧು॑ ಪಿಬಾ॒ಸ್ಮಾಕಂ॒ ಸವ॒ನಾ ಗ॑ಹಿ || 8.26.20
ತವ॑ ವಾಯವೃತಸ್ಪತೇ॒ ತ್ವಷ್ಟು॑ರ್ಜಾಮಾತರದ್ಭುತ |
ಅವಾಂ॒ಸ್ಯಾ ವೃ॑ಣೀಮಹೇ || 8.26.21
ತ್ವಷ್ಟು॒ರ್ಜಾಮಾ᳚ತರಂ ವ॒ಯಮೀಶಾ᳚ನಂ ರಾ॒ಯ ಈ᳚ಮಹೇ |
ಸು॒ತಾವ᳚‌ನ್ತೋ ವಾ॒ಯುಂ ದ್ಯು॒ಮ್ನಾ ಜನಾ᳚ಸಃ || 8.26.22
ವಾಯೋ᳚ ಯಾ॒ಹಿ ಶಿ॒ವಾ ದಿ॒ವೋ ವಹ॑ಸ್ವಾ॒ ಸು ಸ್ವಶ್ವ್ಯ‌ಮ್᳚ |
ವಹ॑ಸ್ವ ಮ॒ಹಃ ಪೃ॑ಥು॒ಪಕ್ಷ॑ಸಾ॒ ರಥೇ᳚ || 8.26.23
ತ್ವಾಂ ಹಿ ಸು॒ಪ್ಸರ॑ಸ್ತಮಂ ನೃ॒ಷದ॑ನೇಷು ಹೂ॒ಮಹೇ᳚ |
ಗ್ರಾವಾ᳚ಣಂ॒ ನಾಶ್ವ॑ಪೃಷ್ಠಂ ಮಂ॒ಹನಾ᳚ || 8.26.24
ಸ ತ್ವಂ ನೋ᳚ ದೇವ॒ ಮನ॑ಸಾ॒ ವಾಯೋ᳚ ಮಂದಾ॒ನೋ ಅ॑ಗ್ರಿ॒ಯಃ |
ಕೃ॒ಧಿ ವಾಜಾಁ᳚ ಅ॒ಪೋ ಧಿಯಃ॑ || 8.26.25

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೋ ಮನುಷಿಃ, ವಿಶ್ವೇ ದೇವಾ ದೇವತಾಃ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಅ॒ಗ್ನಿರು॒ಕ್ಥೇ ಪು॒ರೋಹಿ॑ತೋ॒ ಗ್ರಾವಾ᳚ಣೋ ಬ॒ರ್ಹಿರ॑ಧ್ವ॒ರೇ |
ಋ॒ಚಾ ಯಾ᳚ಮಿ ಮ॒ರುತೋ॒ ಬ್ರಹ್ಮ॑ಣ॒ಸ್ಪತಿಂ᳚ ದೇ॒ವಾಁ ಅವೋ॒ ವರೇ᳚ಣ್ಯ‌ಮ್ || 8.27.1
ಆ ಪ॒ಶುಂ ಗಾ᳚ಸಿ ಪೃಥಿ॒ವೀಂ ವನ॒ಸ್ಪತೀ᳚ನು॒ಷಾಸಾ॒ ನಕ್ತ॒ಮೋಷ॑ಧೀಃ |
ವಿಶ್ವೇ᳚ ಚ ನೋ ವಸವೋ ವಿಶ್ವವೇದಸೋ ಧೀ॒ನಾಂ ಭೂ᳚ತ ಪ್ರಾವಿ॒ತಾರಃ॑ || 8.27.2
ಪ್ರ ಸೂ ನ॑ ಏತ್ವಧ್ವ॒ರೋ॒3॒॑ಽಗ್ನಾ ದೇ॒ವೇಷು॑ ಪೂ॒ರ್ವ್ಯಃ |
ಆ॒ದಿ॒ತ್ಯೇಷು॒ ಪ್ರ ವರು॑ಣೇ ಧೃ॒ತವ್ರ॑ತೇ ಮ॒ರುತ್ಸು॑ ವಿ॒ಶ್ವಭಾ᳚ನುಷು || 8.27.3
ವಿಶ್ವೇ॒ ಹಿ ಷ್ಮಾ॒ ಮನ॑ವೇ ವಿ॒ಶ್ವವೇ᳚ದಸೋ॒ ಭುವ᳚ನ್ವೃ॒ಧೇ ರಿ॒ಶಾದ॑ಸಃ |
ಅರಿ॑ಷ್ಟೇಭಿಃ ಪಾ॒ಯುಭಿ᳚ರ್ವಿಶ್ವವೇದಸೋ॒ ಯ‌ನ್ತಾ᳚ ನೋಽವೃ॒ಕಂ ಛ॒ರ್ದಿಃ || 8.27.4
ಆ ನೋ᳚ ಅ॒ದ್ಯ ಸಮ॑ನಸೋ॒ ಗ‌ನ್ತಾ॒ ವಿಶ್ವೇ᳚ ಸ॒ಜೋಷ॑ಸಃ |
ಋ॒ಚಾ ಗಿ॒ರಾ ಮರು॑ತೋ॒ ದೇವ್ಯದಿ॑ತೇ॒ ಸದ॑ನೇ॒ ಪಸ್ತ್ಯೇ᳚ ಮಹಿ || 8.27.5
ಅ॒ಭಿ ಪ್ರಿ॒ಯಾ ಮ॑ರುತೋ॒ ಯಾ ವೋ॒ ಅಶ್ವ್ಯಾ᳚ ಹ॒ವ್ಯಾ ಮಿ॑ತ್ರ ಪ್ರಯಾ॒ಥನ॑ |
ಆ ಬ॒ರ್ಹಿರಿಂದ್ರೋ॒ ವರು॑ಣಸ್ತು॒ರಾ ನರ॑ ಆದಿ॒ತ್ಯಾಸಃ॑ ಸದ‌ನ್ತು ನಃ || 8.27.6
ವ॒ಯಂ ವೋ᳚ ವೃ॒ಕ್ತಬ॑ರ್ಹಿಷೋ ಹಿ॒ತಪ್ರ॑ಯಸ ಆನು॒ಷಕ್ |
ಸು॒ತಸೋ᳚ಮಾಸೋ ವರುಣ ಹವಾಮಹೇ ಮನು॒ಷ್ವದಿ॒ದ್ಧಾಗ್ನ॑ಯಃ || 8.27.7
ಆ ಪ್ರ ಯಾ᳚ತ॒ ಮರು॑ತೋ॒ ವಿಷ್ಣೋ॒ ಅಶ್ವಿ॑ನಾ॒ ಪೂಷ॒ನ್ಮಾಕೀ᳚ನಯಾ ಧಿ॒ಯಾ |
ಇಂದ್ರ॒ ಆ ಯಾ᳚ತು ಪ್ರಥ॒ಮಃ ಸ॑ನಿ॒ಷ್ಯುಭಿ॒ರ್ವೃಷಾ॒ ಯೋ ವೃ॑ತ್ರ॒ಹಾ ಗೃ॒ಣೇ || 8.27.8
ವಿ ನೋ᳚ ದೇವಾಸೋ ಅದ್ರು॒ಹೋಽಚ್ಛಿ॑ದ್ರಂ॒ ಶರ್ಮ॑ ಯಚ್ಛತ |
ನ ಯದ್ದೂ॒ರಾದ್ವ॑ಸವೋ॒ ನೂ ಚಿ॒ದ‌ನ್ತಿ॑ತೋ॒ ವರೂ᳚ಥಮಾದ॒ಧರ್ಷ॑ತಿ || 8.27.9
ಅಸ್ತಿ॒ ಹಿ ವಃ॑ ಸಜಾ॒ತ್ಯಂ᳚ ರಿಶಾದಸೋ॒ ದೇವಾ᳚ಸೋ॒ ಅಸ್ತ್ಯಾಪ್ಯ‌ಮ್᳚ |
ಪ್ರ ಣಃ॒ ಪೂರ್ವ॑ಸ್ಮೈ ಸುವಿ॒ತಾಯ॑ ವೋಚತ ಮ॒ಕ್ಷೂ ಸು॒ಮ್ನಾಯ॒ ನವ್ಯ॑ಸೇ || 8.27.10
ಇ॒ದಾ ಹಿ ವ॒ ಉಪ॑ಸ್ತುತಿಮಿ॒ದಾ ವಾ॒ಮಸ್ಯ॑ ಭ॒ಕ್ತಯೇ᳚ |
ಉಪ॑ ವೋ ವಿಶ್ವವೇದಸೋ ನಮ॒ಸ್ಯುರಾಁ ಅಸೃ॒ಕ್ಷ್ಯನ್ಯಾ᳚ಮಿವ || 8.27.11
ಉದು॒ ಷ್ಯ ವಃ॑ ಸವಿ॒ತಾ ಸು॑ಪ್ರಣೀತ॒ಯೋಽಸ್ಥಾ᳚ದೂ॒ರ್ಧ್ವೋ ವರೇ᳚ಣ್ಯಃ |
ನಿ ದ್ವಿ॒ಪಾದ॒ಶ್ಚತು॑ಷ್ಪಾದೋ ಅ॒ರ್ಥಿನೋಽವಿ॑ಶ್ರನ್ಪತಯಿ॒ಷ್ಣವಃ॑ || 8.27.12
ದೇ॒ವಂದೇ᳚ವಂ॒ ವೋಽವ॑ಸೇ ದೇ॒ವಂದೇ᳚ವಮ॒ಭಿಷ್ಟ॑ಯೇ |
ದೇ॒ವಂದೇ᳚ವಂ ಹುವೇಮ॒ ವಾಜ॑ಸಾತಯೇ ಗೃ॒ಣ‌ನ್ತೋ᳚ ದೇ॒ವ್ಯಾ ಧಿ॒ಯಾ || 8.27.13
ದೇ॒ವಾಸೋ॒ ಹಿ ಷ್ಮಾ॒ ಮನ॑ವೇ॒ ಸಮ᳚ನ್ಯವೋ॒ ವಿಶ್ವೇ᳚ ಸಾ॒ಕಂ ಸರಾ᳚ತಯಃ |
ತೇ ನೋ᳚ ಅ॒ದ್ಯ ತೇ ಅ॑ಪ॒ರಂ ತು॒ಚೇ ತು ನೋ॒ ಭವ᳚‌ನ್ತು ವರಿವೋ॒ವಿದಃ॑ || 8.27.14
ಪ್ರ ವಃ॑ ಶಂಸಾಮ್ಯದ್ರುಹಃ ಸಂ॒ಸ್ಥ ಉಪ॑ಸ್ತುತೀನಾ‌ಮ್ |
ನ ತಂ ಧೂ॒ರ್ತಿರ್ವ॑ರುಣ ಮಿತ್ರ॒ ಮರ್ತ್ಯಂ॒ ಯೋ ವೋ॒ ಧಾಮ॒ಭ್ಯೋಽವಿ॑ಧತ್ || 8.27.15
ಪ್ರ ಸ ಕ್ಷಯಂ᳚ ತಿರತೇ॒ ವಿ ಮ॒ಹೀರಿಷೋ॒ ಯೋ ವೋ॒ ವರಾ᳚ಯ॒ ದಾಶ॑ತಿ |
ಪ್ರ ಪ್ರ॒ಜಾಭಿ॑ರ್ಜಾಯತೇ॒ ಧರ್ಮ॑ಣ॒ಸ್ಪರ್ಯರಿ॑ಷ್ಟಃ॒ ಸರ್ವ॑ ಏಧತೇ || 8.27.16
ಋ॒ತೇ ಸ ವಿಂ᳚ದತೇ ಯು॒ಧಃ ಸು॒ಗೇಭಿ᳚ರ್ಯಾ॒ತ್ಯಧ್ವ॑ನಃ |
ಅ॒ರ್ಯ॒ಮಾ ಮಿ॒ತ್ರೋ ವರು॑ಣಃ॒ ಸರಾ᳚ತಯೋ॒ ಯಂ ತ್ರಾಯ᳚‌ನ್ತೇ ಸ॒ಜೋಷ॑ಸಃ || 8.27.17
ಅಜ್ರೇ᳚ ಚಿದಸ್ಮೈ ಕೃಣುಥಾ॒ ನ್ಯಂಚ॑ನಂ ದು॒ರ್ಗೇ ಚಿ॒ದಾ ಸು॑ಸರ॒ಣ‌ಮ್ |
ಏ॒ಷಾ ಚಿ॑ದಸ್ಮಾದ॒ಶನಿಃ॑ ಪ॒ರೋ ನು ಸಾಸ್ರೇ᳚ಧ‌ನ್ತೀ॒ ವಿ ನ॑ಶ್ಯತು || 8.27.18
ಯದ॒ದ್ಯ ಸೂರ್ಯ॑ ಉದ್ಯ॒ತಿ ಪ್ರಿಯ॑ಕ್ಷತ್ರಾ ಋ॒ತಂ ದ॒ಧ |
ಯನ್ನಿ॒ಮ್ರುಚಿ॑ ಪ್ರ॒ಬುಧಿ॑ ವಿಶ್ವವೇದಸೋ॒ ಯದ್ವಾ᳚ ಮ॒ಧ್ಯಂದಿ॑ನೇ ದಿ॒ವಃ || 8.27.19
ಯದ್ವಾ᳚ಭಿಪಿ॒ತ್ವೇ ಅ॑ಸುರಾ ಋ॒ತಂ ಯ॒ತೇ ಛ॒ರ್ದಿರ್ಯೇ॒ಮ ವಿ ದಾ॒ಶುಷೇ᳚ |
ವ॒ಯಂ ತದ್ವೋ᳚ ವಸವೋ ವಿಶ್ವವೇದಸ॒ ಉಪ॑ ಸ್ಥೇಯಾಮ॒ ಮಧ್ಯ॒ ಆ || 8.27.20
ಯದ॒ದ್ಯ ಸೂರ॒ ಉದಿ॑ತೇ॒ ಯನ್ಮ॒ಧ್ಯಂದಿ॑ನ ಆ॒ತುಚಿ॑ |
ವಾ॒ಮಂ ಧ॒ತ್ಥ ಮನ॑ವೇ ವಿಶ್ವವೇದಸೋ॒ ಜುಹ್ವಾ᳚ನಾಯ॒ ಪ್ರಚೇ᳚ತಸೇ || 8.27.21
ವ॒ಯಂ ತದ್ವಃ॑ ಸಮ್ರಾಜ॒ ಆ ವೃ॑ಣೀಮಹೇ ಪು॒ತ್ರೋ ನ ಬ॑ಹು॒ಪಾಯ್ಯ‌ಮ್᳚ |
ಅ॒ಶ್ಯಾಮ॒ ತದಾ᳚ದಿತ್ಯಾ॒ ಜುಹ್ವ॑ತೋ ಹ॒ವಿರ್ಯೇನ॒ ವಸ್ಯೋ॒ಽನಶಾ᳚ಮಹೈ || 8.27.22

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೋ ಮನುಋಷಿಃ, ವಿಶ್ವೇ ದೇವಾ ದೇವತಾಃ (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಚಶ್ಚ ಗಾಯತ್ರೀ, (4) ಚತುರ್ಥ್ಯಾಶ್ಚ ಪುರ ಉಷ್ಣಿಕ್ ಛಂದಸೀ

ಯೇ ತ್ರಿಂ॒ಶತಿ॒ ತ್ರಯ॑ಸ್ಪ॒ರೋ ದೇ॒ವಾಸೋ᳚ ಬ॒ರ್ಹಿರಾಸ॑ದನ್ |
ವಿ॒ದನ್ನಹ॑ ದ್ವಿ॒ತಾಸ॑ನನ್ || 8.28.1
ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಸ್ಮದ್ರಾ᳚ತಿಷಾಚೋ ಅ॒ಗ್ನಯಃ॑ |
ಪತ್ನೀ᳚ವ‌ನ್ತೋ॒ ವಷ॑ಟ್ಕೃತಾಃ || 8.28.2
ತೇ ನೋ᳚ ಗೋ॒ಪಾ ಅ॑ಪಾ॒ಚ್ಯಾಸ್ತ ಉದ॒ಕ್ತ ಇ॒ತ್ಥಾ ನ್ಯ॑ಕ್ |
ಪು॒ರಸ್ತಾ॒ತ್ಸರ್ವ॑ಯಾ ವಿ॒ಶಾ || 8.28.3
ಯಥಾ॒ ವಶ᳚‌ನ್ತಿ ದೇ॒ವಾಸ್ತಥೇದ॑ಸ॒ತ್ತದೇ᳚ಷಾಂ॒ ನಕಿ॒ರಾ ಮಿ॑ನತ್ |
ಅರಾ᳚ವಾ ಚ॒ನ ಮರ್ತ್ಯಃ॑ || 8.28.4
ಸ॒ಪ್ತಾ॒ನಾಂ ಸ॒ಪ್ತ ಋ॒ಷ್ಟಯಃ॑ ಸ॒ಪ್ತ ದ್ಯು॒ಮ್ನಾನ್ಯೇ᳚ಷಾ‌ಮ್ |
ಸ॒ಪ್ತೋ ಅಧಿ॒ ಶ್ರಿಯೋ᳚ ಧಿರೇ || 8.28.5

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೋ ಮನಮರ್ರರೀಚಃ ಕಶ್ಯಪೋ ವಾ ಋಷಿಃ, ವಿಶ್ವೇ ದೇವಾ ದೇವತಾಃ, ದ್ವಿಪದಾ ವಿರಾಟ್ ಛಂದಃ

ಬ॒ಭ್ರುರೇಕೋ॒ ವಿಷು॑ಣಃ ಸೂ॒ನರೋ॒ ಯುವಾಂ॒ಜ್ಯಂ᳚ಕ್ತೇ ಹಿರ॒ಣ್ಯಯ‌ಮ್᳚ || 8.29.1
ಯೋನಿ॒ಮೇಕ॒ ಆ ಸ॑ಸಾದ॒ ದ್ಯೋತ॑ನೋ॒ಽ‌ನ್ತರ್ದೇ॒ವೇಷು॒ ಮೇಧಿ॑ರಃ || 8.29.2
ವಾಶೀ॒ಮೇಕೋ᳚ ಬಿಭರ್ತಿ॒ ಹಸ್ತ॑ ಆಯ॒ಸೀಮ॒‌ನ್ತರ್ದೇ॒ವೇಷು॒ ನಿಧ್ರು॑ವಿಃ || 8.29.3
ವಜ್ರ॒ಮೇಕೋ᳚ ಬಿಭರ್ತಿ॒ ಹಸ್ತ॒ ಆಹಿ॑ತಂ॒ ತೇನ॑ ವೃ॒ತ್ರಾಣಿ॑ ಜಿಘ್ನತೇ || 8.29.4
ತಿ॒ಗ್ಮಮೇಕೋ᳚ ಬಿಭರ್ತಿ॒ ಹಸ್ತ॒ ಆಯು॑ಧಂ॒ ಶುಚಿ॑ರು॒ಗ್ರೋ ಜಲಾ᳚ಷಭೇಷಜಃ || 8.29.5
ಪ॒ಥ ಏಕಃ॑ ಪೀಪಾಯ॒ ತಸ್ಕ॑ರೋ ಯಥಾಁ ಏ॒ಷ ವೇ᳚ದ ನಿಧೀ॒ನಾ‌ಮ್ || 8.29.6
ತ್ರೀಣ್ಯೇಕ॑ ಉರುಗಾ॒ಯೋ ವಿ ಚ॑ಕ್ರಮೇ॒ ಯತ್ರ॑ ದೇ॒ವಾಸೋ॒ ಮದ᳚‌ನ್ತಿ || 8.29.7
ವಿಭಿ॒ರ್ದ್ವಾ ಚ॑ರತ॒ ಏಕ॑ಯಾ ಸ॒ಹ ಪ್ರ ಪ್ರ॑ವಾ॒ಸೇವ॑ ವಸತಃ || 8.29.8
ಸದೋ॒ ದ್ವಾ ಚ॑ಕ್ರಾತೇ ಉಪ॒ಮಾ ದಿ॒ವಿ ಸ॒ಮ್ರಾಜಾ᳚ ಸ॒ರ್ಪಿರಾ᳚ಸುತೀ || 8.29.9
ಅರ್ಚ᳚‌ನ್ತ॒ ಏಕೇ॒ ಮಹಿ॒ ಸಾಮ॑ ಮನ್ವತ॒ ತೇನ॒ ಸೂರ್ಯ॑ಮರೋಚಯನ್ || 8.29.10

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೋ ಮನುಷಿಃ, ವಿಶ್ವೇ ದೇವಾ ದೇವತಾಃ (1) ಪ್ರಥಮ! ಗಾಯತ್ರೀ, (2) ದ್ವಿತೀಯಾಯಾಃ ಪುರ ಉಷ್ಣಿಕ್, (3) ತೃತೀಯಾಯಾ ಬೃಹತೀ, (4) ಚತುರ್ಥ್ಯಾಶ್ಚಾನುಷ್ಟಪ್ ಛಂದಾಂಸಿ

ನ॒ಹಿ ವೋ॒ ಅಸ್ತ್ಯ॑ರ್ಭ॒ಕೋ ದೇವಾ᳚ಸೋ॒ ನ ಕು॑ಮಾರ॒ಕಃ |
ವಿಶ್ವೇ᳚ ಸ॒ತೋಮ॑ಹಾ‌ನ್ತ॒ ಇತ್ || 8.30.1
ಇತಿ॑ ಸ್ತು॒ತಾಸೋ᳚ ಅಸಥಾ ರಿಶಾದಸೋ॒ ಯೇ ಸ್ಥ ತ್ರಯ॑ಶ್ಚ ತ್ರಿಂ॒ಶಚ್ಚ॑ |
ಮನೋ᳚ರ್ದೇವಾ ಯಜ್ಞಿಯಾಸಃ || 8.30.2
ತೇ ನ॑ಸ್ತ್ರಾಧ್ವಂ॒ ತೇ᳚ಽವತ॒ ತ ಉ॑ ನೋ॒ ಅಧಿ॑ ವೋಚತ |
ಮಾ ನಃ॑ ಪ॒ಥಃ ಪಿತ್ರ್ಯಾ᳚ನ್ಮಾನ॒ವಾದಧಿ॑ ದೂ॒ರಂ ನೈ᳚ಷ್ಟ ಪರಾ॒ವತಃ॑ || 8.30.3
ಯೇ ದೇ᳚ವಾಸ ಇ॒ಹ ಸ್ಥನ॒ ವಿಶ್ವೇ᳚ ವೈಶ್ವಾನ॒ರಾ ಉ॒ತ |
ಅ॒ಸ್ಮಭ್ಯಂ॒ ಶರ್ಮ॑ ಸ॒ಪ್ರಥೋ॒ ಗವೇಽಶ್ವಾ᳚ಯ ಯಚ್ಛತ || 8.30.4

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೋ ಮನುಋಷಿಃ (1-4) ಪ್ರಥಮಾದಿಚತುರೃಚ ಯಜ್ಞೋ ಯಜಮಾನಶ್ಚ, (5-9) ಪಂಚಮ್ಯಾದಿಪಂಚಾನಾಂ ದಂಪತೀ, (10-18) ದಶಮ್ಯಾದಿನವಾನಾಂಚ ದಂಪತ್ಯಾಶಿಪೋ ದೇವತಾಃ (1-8, 11-13) ಪ್ರಥಮಾದ್ಯಷ್ಟರ್ಚಾಮಕ ದಿಶ್ಯಾದಿತೃಚಸ್ಯ ಚ ಗಾಯತ್ರೀ, (9, 14) ನವಮೀಚತುದರ್ಶ ಯೋರನುಷ್ಟಪ್ , (10) ದಶಮ್ಯಾಃ ಪಾದನಿಘೃತ, (15-18) ಪಂಚದಶ್ಯಾದಿಚತಸೃಣಾಂಚ ಪತಿಶ್ಛಂದಾಂಸಿ

ಯೋ ಯಜಾ᳚ತಿ॒ ಯಜಾ᳚ತ॒ ಇತ್ಸು॒ನವ॑ಚ್ಚ॒ ಪಚಾ᳚ತಿ ಚ |
ಬ್ರ॒ಹ್ಮೇದಿಂದ್ರ॑ಸ್ಯ ಚಾಕನತ್ || 8.31.1
ಪು॒ರೋ॒ಳಾಶಂ॒ ಯೋ ಅ॑ಸ್ಮೈ॒ ಸೋಮಂ॒ ರರ॑ತ ಆ॒ಶಿರ‌ಮ್᳚ |
ಪಾದಿತ್ತಂ ಶ॒ಕ್ರೋ ಅಂಹ॑ಸಃ || 8.31.2
ತಸ್ಯ॑ ದ್ಯು॒ಮಾಁ ಅ॑ಸ॒ದ್ರಥೋ᳚ ದೇ॒ವಜೂ᳚ತಃ॒ ಸ ಶೂ᳚ಶುವತ್ |
ವಿಶ್ವಾ᳚ ವ॒ನ್ವನ್ನ॑ಮಿ॒ತ್ರಿಯಾ᳚ || 8.31.3
ಅಸ್ಯ॑ ಪ್ರ॒ಜಾವ॑ತೀ ಗೃ॒ಹೇಽಸ॑ಶ್ಚ‌ನ್ತೀ ದಿ॒ವೇದಿ॑ವೇ |
ಇಳಾ᳚ ಧೇನು॒ಮತೀ᳚ ದುಹೇ || 8.31.4
ಯಾ ದಂಪ॑ತೀ॒ ಸಮ॑ನಸಾ ಸುನು॒ತ ಆ ಚ॒ ಧಾವ॑ತಃ |
ದೇವಾ᳚ಸೋ॒ ನಿತ್ಯ॑ಯಾ॒ಶಿರಾ᳚ || 8.31.5
ಪ್ರತಿ॑ ಪ್ರಾಶ॒ವ್ಯಾಁ᳚ ಇತಃ ಸ॒ಮ್ಯಂಚಾ᳚ ಬ॒ರ್ಹಿರಾ᳚ಶಾತೇ |
ನ ತಾ ವಾಜೇ᳚ಷು ವಾಯತಃ || 8.31.6
ನ ದೇ॒ವಾನಾ॒ಮಪಿ॑ ಹ್ನುತಃ ಸುಮ॒ತಿಂ ನ ಜು॑ಗುಕ್ಷತಃ |
ಶ್ರವೋ᳚ ಬೃ॒ಹದ್ವಿ॑ವಾಸತಃ || 8.31.7
ಪು॒ತ್ರಿಣಾ॒ ತಾ ಕು॑ಮಾ॒ರಿಣಾ॒ ವಿಶ್ವ॒ಮಾಯು॒ರ್ವ್ಯ॑ಶ್ನುತಃ |
ಉ॒ಭಾ ಹಿರ᳚ಣ್ಯಪೇಶಸಾ || 8.31.8
ವೀ॒ತಿಹೋ᳚ತ್ರಾ ಕೃ॒ತದ್ವ॑ಸೂ ದಶ॒ಸ್ಯ‌ನ್ತಾ॒ಮೃತಾ᳚ಯ॒ ಕ‌ಮ್ |
ಸಮೂಧೋ᳚ ರೋಮ॒ಶಂ ಹ॑ತೋ ದೇ॒ವೇಷು॑ ಕೃಣುತೋ॒ ದುವಃ॑ || 8.31.9
ಆ ಶರ್ಮ॒ ಪರ್ವ॑ತಾನಾಂ ವೃಣೀ॒ಮಹೇ᳚ ನ॒ದೀನಾ᳚‌ಮ್ |
ಆ ವಿಷ್ಣೋಃ᳚ ಸಚಾ॒ಭುವಃ॑ || 8.31.10
ಐತು॑ ಪೂ॒ಷಾ ರ॒ಯಿರ್ಭಗಃ॑ ಸ್ವ॒ಸ್ತಿ ಸ᳚ರ್ವ॒ಧಾತ॑ಮಃ |
ಉ॒ರುರಧ್ವಾ᳚ ಸ್ವ॒ಸ್ತಯೇ᳚ || 8.31.11
ಅ॒ರಮ॑ತಿರನ॒ರ್ವಣೋ॒ ವಿಶ್ವೋ᳚ ದೇ॒ವಸ್ಯ॒ ಮನ॑ಸಾ |
ಆ॒ದಿ॒ತ್ಯಾನಾ᳚ಮನೇ॒ಹ ಇತ್ || 8.31.12
ಯಥಾ᳚ ನೋ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣಃ॒ ಸ‌ನ್ತಿ॑ ಗೋ॒ಪಾಃ |
ಸು॒ಗಾ ಋ॒ತಸ್ಯ॒ ಪ‌ನ್ಥಾಃ᳚ || 8.31.13
ಅ॒ಗ್ನಿಂ ವಃ॑ ಪೂ॒ರ್ವ್ಯಂ ಗಿ॒ರಾ ದೇ॒ವಮೀ᳚ಳೇ॒ ವಸೂ᳚ನಾ‌ಮ್ |
ಸ॒ಪ॒ರ್ಯ‌ನ್ತಃ॑ ಪುರುಪ್ರಿ॒ಯಂ ಮಿ॒ತ್ರಂ ನ ಕ್ಷೇ᳚ತ್ರ॒ಸಾಧ॑ಸ‌ಮ್ || 8.31.14
ಮ॒ಕ್ಷೂ ದೇ॒ವವ॑ತೋ॒ ರಥಃ॒ ಶೂರೋ᳚ ವಾ ಪೃ॒ತ್ಸು ಕಾಸು॑ ಚಿತ್ |
ದೇ॒ವಾನಾಂ॒ ಯ ಇನ್ಮನೋ॒ ಯಜ॑ಮಾನ॒ ಇಯ॑ಕ್ಷತ್ಯ॒ಭೀದಯ॑ಜ್ವನೋ ಭುವತ್ || 8.31.15
ನ ಯ॑ಜಮಾನ ರಿಷ್ಯಸಿ॒ ನ ಸು᳚ನ್ವಾನ॒ ನ ದೇ᳚ವಯೋ |
ದೇ॒ವಾನಾಂ॒ ಯ ಇನ್ಮನೋ॒ ಯಜ॑ಮಾನ॒ ಇಯ॑ಕ್ಷತ್ಯ॒ಭೀದಯ॑ಜ್ವನೋ ಭುವತ್ || 8.31.16
ನಕಿ॒ಷ್ಟಂ ಕರ್ಮ॑ಣಾ ನಶ॒ನ್ನ ಪ್ರ ಯೋ᳚ಷ॒ನ್ನ ಯೋ᳚ಷತಿ |
ದೇ॒ವಾನಾಂ॒ ಯ ಇನ್ಮನೋ॒ ಯಜ॑ಮಾನ॒ ಇಯ॑ಕ್ಷತ್ಯ॒ಭೀದಯ॑ಜ್ವನೋ ಭುವತ್ || 8.31.17
ಅಸ॒ದತ್ರ॑ ಸು॒ವೀರ್ಯ॑ಮು॒ತ ತ್ಯದಾ॒ಶ್ವಶ್ವ್ಯ‌ಮ್᳚ |
ದೇ॒ವಾನಾಂ॒ ಯ ಇನ್ಮನೋ॒ ಯಜ॑ಮಾನ॒ ಇಯ॑ಕ್ಷತ್ಯ॒ಭೀದಯ॑ಜ್ವನೋ ಭುವತ್ || 8.31.18

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಪ್ರ ಕೃ॒ತಾನ್ಯೃ॑ಜೀ॒ಷಿಣಃ॒ ಕಣ್ವಾ॒ ಇಂದ್ರ॑ಸ್ಯ॒ ಗಾಥ॑ಯಾ |
ಮದೇ॒ ಸೋಮ॑ಸ್ಯ ವೋಚತ || 8.32.1
ಯಃ ಸೃಬಿಂ᳚ದ॒ಮನ॑ರ್ಶನಿಂ॒ ಪಿಪ್ರುಂ᳚ ದಾ॒ಸಮ॑ಹೀ॒ಶುವ‌ಮ್᳚ |
ವಧೀ᳚ದು॒ಗ್ರೋ ರಿ॒ಣನ್ನ॒ಪಃ || 8.32.2
ನ್ಯರ್ಬು॑ದಸ್ಯ ವಿ॒ಷ್ಟಪಂ᳚ ವ॒ರ್ಷ್ಮಾಣಂ᳚ ಬೃಹ॒ತಸ್ತಿ॑ರ |
ಕೃ॒ಷೇ ತದಿಂ᳚ದ್ರ॒ ಪೌಂಸ್ಯ‌ಮ್᳚ || 8.32.3
ಪ್ರತಿ॑ ಶ್ರು॒ತಾಯ॑ ವೋ ಧೃ॒ಷತ್ತೂರ್ಣಾ᳚ಶಂ॒ ನ ಗಿ॒ರೇರಧಿ॑ |
ಹು॒ವೇ ಸು॑ಶಿ॒ಪ್ರಮೂ॒ತಯೇ᳚ || 8.32.4
ಸ ಗೋರಶ್ವ॑ಸ್ಯ॒ ವಿ ವ್ರ॒ಜಂ ಮಂ᳚ದಾ॒ನಃ ಸೋ॒ಮ್ಯೇಭ್ಯಃ॑ |
ಪುರಂ॒ ನ ಶೂ᳚ರ ದರ್ಷಸಿ || 8.32.5
ಯದಿ॑ ಮೇ ರಾ॒ರಣಃ॑ ಸು॒ತ ಉ॒ಕ್ಥೇ ವಾ॒ ದಧ॑ಸೇ॒ ಚನಃ॑ |
ಆ॒ರಾದುಪ॑ ಸ್ವ॒ಧಾ ಗ॑ಹಿ || 8.32.6
ವ॒ಯಂ ಘಾ᳚ ತೇ॒ ಅಪಿ॑ ಷ್ಮಸಿ ಸ್ತೋ॒ತಾರ॑ ಇಂದ್ರ ಗಿರ್ವಣಃ |
ತ್ವಂ ನೋ᳚ ಜಿನ್ವ ಸೋಮಪಾಃ || 8.32.7
ಉ॒ತ ನಃ॑ ಪಿ॒ತುಮಾ ಭ॑ರ ಸಂರರಾ॒ಣೋ ಅವಿ॑ಕ್ಷಿತ‌ಮ್ |
ಮಘ॑ವ॒ನ್ಭೂರಿ॑ ತೇ॒ ವಸು॑ || 8.32.8
ಉ॒ತ ನೋ॒ ಗೋಮ॑ತಸ್ಕೃಧಿ॒ ಹಿರ᳚ಣ್ಯವತೋ ಅ॒ಶ್ವಿನಃ॑ |
ಇಳಾ᳚ಭಿಃ॒ ಸಂ ರ॑ಭೇಮಹಿ || 8.32.9
ಬೃ॒ಬದು॑ಕ್ಥಂ ಹವಾಮಹೇ ಸೃ॒ಪ್ರಕ॑ರಸ್ನಮೂ॒ತಯೇ᳚ |
ಸಾಧು॑ ಕೃ॒ಣ್ವ‌ನ್ತ॒ಮವ॑ಸೇ || 8.32.10
ಯಃ ಸಂ॒ಸ್ಥೇ ಚಿ॑ಚ್ಛ॒ತಕ್ರ॑ತು॒ರಾದೀಂ᳚ ಕೃ॒ಣೋತಿ॑ ವೃತ್ರ॒ಹಾ |
ಜ॒ರಿ॒ತೃಭ್ಯಃ॑ ಪುರೂ॒ವಸುಃ॑ || 8.32.11
ಸ ನಃ॑ ಶ॒ಕ್ರಶ್ಚಿ॒ದಾ ಶ॑ಕ॒ದ್ದಾನ॑ವಾಁ ಅ‌ನ್ತರಾಭ॒ರಃ |
ಇಂದ್ರೋ॒ ವಿಶ್ವಾ᳚ಭಿರೂ॒ತಿಭಿಃ॑ || 8.32.12
ಯೋ ರಾ॒ಯೋ॒3॒॑ಽವನಿ᳚ರ್ಮ॒ಹಾ‌‌ನ್ತ್ಸು॑ಪಾ॒ರಃ ಸು᳚ನ್ವ॒ತಃ ಸಖಾ᳚ |
ತಮಿಂದ್ರ॑ಮ॒ಭಿ ಗಾ᳚ಯತ || 8.32.13
ಆ॒ಯ॒‌ನ್ತಾರಂ॒ ಮಹಿ॑ ಸ್ಥಿ॒ರಂ ಪೃತ॑ನಾಸು ಶ್ರವೋ॒ಜಿತ‌ಮ್᳚ |
ಭೂರೇ॒ರೀಶಾ᳚ನ॒ಮೋಜ॑ಸಾ || 8.32.14
ನಕಿ॑ರಸ್ಯ॒ ಶಚೀ᳚ನಾಂ ನಿಯ॒‌ನ್ತಾ ಸೂ॒ನೃತಾ᳚ನಾ‌ಮ್ |
ನಕಿ᳚ರ್ವ॒ಕ್ತಾ ನ ದಾ॒ದಿತಿ॑ || 8.32.15
ನ ನೂ॒ನಂ ಬ್ರ॒ಹ್ಮಣಾ᳚ಮೃ॒ಣಂ ಪ್ರಾ᳚ಶೂ॒ನಾಮ॑ಸ್ತಿ ಸುನ್ವ॒ತಾ‌ಮ್ |
ನ ಸೋಮೋ᳚ ಅಪ್ರ॒ತಾ ಪ॑ಪೇ || 8.32.16
ಪನ್ಯ॒ ಇದುಪ॑ ಗಾಯತ॒ ಪನ್ಯ॑ ಉ॒ಕ್ಥಾನಿ॑ ಶಂಸತ |
ಬ್ರಹ್ಮಾ᳚ ಕೃಣೋತ॒ ಪನ್ಯ॒ ಇತ್ || 8.32.17
ಪನ್ಯ॒ ಆ ದ॑ರ್ದಿರಚ್ಛ॒ತಾ ಸ॒ಹಸ್ರಾ᳚ ವಾ॒ಜ್ಯವೃ॑ತಃ |
ಇಂದ್ರೋ॒ ಯೋ ಯಜ್ವ॑ನೋ ವೃ॒ಧಃ || 8.32.18
ವಿ ಷೂ ಚ॑ರ ಸ್ವ॒ಧಾ ಅನು॑ ಕೃಷ್ಟೀ॒ನಾಮನ್ವಾ॒ಹುವಃ॑ |
ಇಂದ್ರ॒ ಪಿಬ॑ ಸು॒ತಾನಾ᳚‌ಮ್ || 8.32.19
ಪಿಬ॒ ಸ್ವಧೈ᳚ನವಾನಾಮು॒ತ ಯಸ್ತುಗ್ರ್ಯೇ॒ ಸಚಾ᳚ |
ಉ॒ತಾಯಮಿಂ᳚ದ್ರ॒ ಯಸ್ತವ॑ || 8.32.20
ಅತೀ᳚ಹಿ ಮನ್ಯುಷಾ॒ವಿಣಂ᳚ ಸುಷು॒ವಾಂಸ॑ಮು॒ಪಾರ॑ಣೇ |
ಇ॒ಮಂ ರಾ॒ತಂ ಸು॒ತಂ ಪಿ॑ಬ || 8.32.21
ಇ॒ಹಿ ತಿ॒ಸ್ರಃ ಪ॑ರಾ॒ವತ॑ ಇ॒ಹಿ ಪಂಚ॒ ಜನಾಁ॒ ಅತಿ॑ |
ಧೇನಾ᳚ ಇಂದ್ರಾವ॒ಚಾಕ॑ಶತ್ || 8.32.22
ಸೂರ್ಯೋ᳚ ರ॒ಶ್ಮಿಂ ಯಥಾ᳚ ಸೃ॒ಜಾ ತ್ವಾ᳚ ಯಚ್ಛ‌ನ್ತು ಮೇ॒ ಗಿರಃ॑ |
ನಿ॒ಮ್ನಮಾಪೋ॒ ನ ಸ॒ಧ್ರ್ಯ॑ಕ್ || 8.32.23
ಅಧ್ವ᳚ರ್ಯ॒ವಾ ತು ಹಿ ಷಿಂ॒ಚ ಸೋಮಂ᳚ ವೀ॒ರಾಯ॑ ಶಿ॒ಪ್ರಿಣೇ᳚ |
ಭರಾ᳚ ಸು॒ತಸ್ಯ॑ ಪೀ॒ತಯೇ᳚ || 8.32.24
ಯ ಉ॒ದ್ನಃ ಫ॑ಲಿ॒ಗಂ ಭಿ॒ನನ್ನ್ಯ1॒॑ಕ್ಸಿಂಧೂಁ᳚ರ॒ವಾಸೃ॑ಜತ್ |
ಯೋ ಗೋಷು॑ ಪ॒ಕ್ವಂ ಧಾ॒ರಯ॑ತ್ || 8.32.25
ಅಹ᳚ನ್ವೃ॒ತ್ರಮೃಚೀ᳚ಷಮ ಔರ್ಣವಾ॒ಭಮ॑ಹೀ॒ಶುವ‌ಮ್᳚ |
ಹಿ॒ಮೇನಾ᳚ವಿಧ್ಯ॒ದರ್ಬು॑ದ‌ಮ್ || 8.32.26
ಪ್ರ ವ॑ ಉ॒ಗ್ರಾಯ॑ ನಿ॒ಷ್ಟುರೇಽಷಾ᳚ಳ್ಹಾಯ ಪ್ರಸ॒ಕ್ಷಿಣೇ᳚ |
ದೇ॒ವತ್ತಂ॒ ಬ್ರಹ್ಮ॑ ಗಾಯತ || 8.32.27
ಯೋ ವಿಶ್ವಾ᳚ನ್ಯ॒ಭಿ ವ್ರ॒ತಾ ಸೋಮ॑ಸ್ಯ॒ ಮದೇ॒ ಅಂಧ॑ಸಃ |
ಇಂದ್ರೋ᳚ ದೇ॒ವೇಷು॒ ಚೇತ॑ತಿ || 8.32.28
ಇ॒ಹ ತ್ಯಾ ಸ॑ಧ॒ಮಾದ್ಯಾ॒ ಹರೀ॒ ಹಿರ᳚ಣ್ಯಕೇಶ್ಯಾ |
ವೋ॒ಳ್ಹಾಮ॒ಭಿ ಪ್ರಯೋ᳚ ಹಿ॒ತ‌ಮ್ || 8.32.29
ಅ॒ರ್ವಾಂಚಂ᳚ ತ್ವಾ ಪುರುಷ್ಟುತ ಪ್ರಿ॒ಯಮೇ᳚ಧಸ್ತುತಾ॒ ಹರೀ᳚ |
ಸೋ॒ಮ॒ಪೇಯಾ᳚ಯ ವಕ್ಷತಃ || 8.32.30

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯಾತಿಥಿಷಿಃ, ಇಂದ್ರೋ ದೇವತಾ, (1-15) ಪ್ರಥಮಾದಿಪಂಚದಶರ್ಚಾಂ ಬೃಹತೀ, (13-18) ಷೋಡಶ್ಯಾದಿತೃಚಸ್ಯ ಗಾಯತ್ರೀ, (19) ಏಕೋನವಿಂಶ್ಯಾಶ್ಚಾನಷ್ಟಪ ಛಂದಾಂಸಿ

ವ॒ಯಂ ಘ॑ ತ್ವಾ ಸು॒ತಾವ᳚‌ನ್ತ॒ ಆಪೋ॒ ನ ವೃ॒ಕ್ತಬ॑ರ್ಹಿಷಃ |
ಪ॒ವಿತ್ರ॑ಸ್ಯ ಪ್ರ॒ಸ್ರವ॑ಣೇಷು ವೃತ್ರಹ॒ನ್ಪರಿ॑ ಸ್ತೋ॒ತಾರ॑ ಆಸತೇ || 8.33.1
ಸ್ವರ᳚‌ನ್ತಿ ತ್ವಾ ಸು॒ತೇ ನರೋ॒ ವಸೋ᳚ ನಿರೇ॒ಕ ಉ॒ಕ್ಥಿನಃ॑ |
ಕ॒ದಾ ಸು॒ತಂ ತೃ॑ಷಾ॒ಣ ಓಕ॒ ಆ ಗ॑ಮ॒ ಇಂದ್ರ॑ ಸ್ವ॒ಬ್ದೀವ॒ ವಂಸ॑ಗಃ || 8.33.2
ಕಣ್ವೇ᳚ಭಿರ್ಧೃಷ್ಣ॒ವಾ ಧೃ॒ಷದ್ವಾಜಂ᳚ ದರ್ಷಿ ಸಹ॒ಸ್ರಿಣ‌ಮ್᳚ |
ಪಿ॒ಶಂಗ॑ರೂಪಂ ಮಘವನ್ವಿಚರ್ಷಣೇ ಮ॒ಕ್ಷೂ ಗೋಮ᳚‌ನ್ತಮೀಮಹೇ || 8.33.3
ಪಾ॒ಹಿ ಗಾಯಾಂಧ॑ಸೋ॒ ಮದ॒ ಇಂದ್ರಾ᳚ಯ ಮೇಧ್ಯಾತಿಥೇ |
ಯಃ ಸಮ್ಮಿ॑ಶ್ಲೋ॒ ಹರ್ಯೋ॒ರ್ಯಃ ಸು॒ತೇ ಸಚಾ᳚ ವ॒ಜ್ರೀ ರಥೋ᳚ ಹಿರ॒ಣ್ಯಯಃ॑ || 8.33.4
ಯಃ ಸು॑ಷ॒ವ್ಯಃ ಸು॒ದಕ್ಷಿ॑ಣ ಇ॒ನೋ ಯಃ ಸು॒ಕ್ರತು॑ರ್ಗೃ॒ಣೇ |
ಯ ಆ᳚ಕ॒ರಃ ಸ॒ಹಸ್ರಾ॒ ಯಃ ಶ॒ತಾಮ॑ಘ॒ ಇಂದ್ರೋ॒ ಯಃ ಪೂ॒ರ್ಭಿದಾ᳚ರಿ॒ತಃ || 8.33.5
ಯೋ ಧೃ॑ಷಿ॒ತೋ ಯೋಽವೃ॑ತೋ॒ ಯೋ ಅಸ್ತಿ॒ ಶ್ಮಶ್ರು॑ಷು ಶ್ರಿ॒ತಃ |
ವಿಭೂ᳚ತದ್ಯುಮ್ನ॒ಶ್ಚ್ಯವ॑ನಃ ಪುರುಷ್ಟು॒ತಃ ಕ್ರತ್ವಾ॒ ಗೌರಿ॑ವ ಶಾಕಿ॒ನಃ || 8.33.6
ಕ ಈಂ᳚ ವೇದ ಸು॒ತೇ ಸಚಾ॒ ಪಿಬ᳚‌ನ್ತಂ॒ ಕದ್ವಯೋ᳚ ದಧೇ |
ಅ॒ಯಂ ಯಃ ಪುರೋ᳚ ವಿಭಿ॒ನತ್ತ್ಯೋಜ॑ಸಾ ಮಂದಾ॒ನಃ ಶಿ॒ಪ್ರ್ಯಂಧ॑ಸಃ || 8.33.7
ದಾ॒ನಾ ಮೃ॒ಗೋ ನ ವಾ᳚ರ॒ಣಃ ಪು॑ರು॒ತ್ರಾ ಚ॒ರಥಂ᳚ ದಧೇ |
ನಕಿ॑ಷ್ಟ್ವಾ॒ ನಿ ಯ॑ಮ॒ದಾ ಸು॒ತೇ ಗ॑ಮೋ ಮ॒ಹಾಁಶ್ಚ॑ರ॒ಸ್ಯೋಜ॑ಸಾ || 8.33.8
ಯ ಉ॒ಗ್ರಃ ಸನ್ನನಿ॑ಷ್ಟೃತಃ ಸ್ಥಿ॒ರೋ ರಣಾ᳚ಯ॒ ಸಂಸ್ಕೃ॑ತಃ |
ಯದಿ॑ ಸ್ತೋ॒ತುರ್ಮ॒ಘವಾ᳚ ಶೃ॒ಣವ॒ದ್ಧವಂ॒ ನೇಂದ್ರೋ᳚ ಯೋಷ॒ತ್ಯಾ ಗ॑ಮತ್ || 8.33.9
ಸ॒ತ್ಯಮಿ॒ತ್ಥಾ ವೃಷೇದ॑ಸಿ॒ ವೃಷ॑ಜೂತಿ॒ರ್ನೋಽವೃ॑ತಃ |
ವೃಷಾ॒ ಹ್ಯು॑ಗ್ರ ಶೃಣ್ವಿ॒ಷೇ ಪ॑ರಾ॒ವತಿ॒ ವೃಷೋ᳚ ಅರ್ವಾ॒ವತಿ॑ ಶ್ರು॒ತಃ || 8.33.10
ವೃಷ॑ಣಸ್ತೇ ಅ॒ಭೀಶ॑ವೋ॒ ವೃಷಾ॒ ಕಶಾ᳚ ಹಿರ॒ಣ್ಯಯೀ᳚ |
ವೃಷಾ॒ ರಥೋ᳚ ಮಘವ॒ನ್ವೃಷ॑ಣಾ॒ ಹರೀ॒ ವೃಷಾ॒ ತ್ವಂ ಶ॑ತಕ್ರತೋ || 8.33.11
ವೃಷಾ॒ ಸೋತಾ᳚ ಸುನೋತು ತೇ॒ ವೃಷ᳚ನ್ನೃಜೀಪಿ॒ನ್ನಾ ಭ॑ರ |
ವೃಷಾ᳚ ದಧನ್ವೇ॒ ವೃಷ॑ಣಂ ನ॒ದೀಷ್ವಾ ತುಭ್ಯಂ᳚ ಸ್ಥಾತರ್ಹರೀಣಾ‌ಮ್ || 8.33.12
ಏಂದ್ರ॑ ಯಾಹಿ ಪೀ॒ತಯೇ॒ ಮಧು॑ ಶವಿಷ್ಠ ಸೋ॒ಮ್ಯ‌ಮ್ |
ನಾಯಮಚ್ಛಾ᳚ ಮ॒ಘವಾ᳚ ಶೃ॒ಣವ॒ದ್ಗಿರೋ॒ ಬ್ರಹ್ಮೋ॒ಕ್ಥಾ ಚ॑ ಸು॒ಕ್ರತುಃ॑ || 8.33.13
ವಹ᳚‌ನ್ತು ತ್ವಾ ರಥೇ॒ಷ್ಠಾಮಾ ಹರ॑ಯೋ ರಥ॒ಯುಜಃ॑ |
ತಿ॒ರಶ್ಚಿ॑ದ॒ರ್ಯಂ ಸವ॑ನಾನಿ ವೃತ್ರಹನ್ನ॒ನ್ಯೇಷಾಂ॒ ಯಾ ಶ॑ತಕ್ರತೋ || 8.33.14
ಅ॒ಸ್ಮಾಕ॑ಮ॒ದ್ಯಾ‌ನ್ತ॑ಮಂ॒ ಸ್ತೋಮಂ᳚ ಧಿಷ್ವ ಮಹಾಮಹ |
ಅ॒ಸ್ಮಾಕಂ᳚ ತೇ॒ ಸವ॑ನಾ ಸ‌ನ್ತು॒ ಶಂತ॑ಮಾ॒ ಮದಾ᳚ಯ ದ್ಯುಕ್ಷ ಸೋಮಪಾಃ || 8.33.15
ನ॒ಹಿ ಷಸ್ತವ॒ ನೋ ಮಮ॑ ಶಾ॒ಸ್ತ್ರೇ ಅ॒ನ್ಯಸ್ಯ॒ ರಣ್ಯ॑ತಿ |
ಯೋ ಅ॒ಸ್ಮಾನ್ವೀ॒ರ ಆನ॑ಯತ್ || 8.33.16
ಇಂದ್ರ॑ಶ್ಚಿದ್ಘಾ॒ ತದ॑ಬ್ರವೀತ್ಸ್ತ್ರಿ॒ಯಾ ಅ॑ಶಾ॒ಸ್ಯಂ ಮನಃ॑ |
ಉ॒ತೋ ಅಹ॒ ಕ್ರತುಂ᳚ ರ॒ಘು‌ಮ್ || 8.33.17
ಸಪ್ತೀ᳚ ಚಿದ್ಘಾ ಮದ॒ಚ್ಯುತಾ᳚ ಮಿಥು॒ನಾ ವ॑ಹತೋ॒ ರಥ‌ಮ್᳚ |
ಏ॒ವೇದ್ಧೂರ್ವೃಷ್ಣ॒ ಉತ್ತ॑ರಾ || 8.33.18
ಅ॒ಧಃ ಪ॑ಶ್ಯಸ್ವ॒ ಮೋಪರಿ॑ ಸಂತ॒ರಾಂ ಪಾ᳚ದ॒ಕೌ ಹ॑ರ |
ಮಾ ತೇ᳚ ಕಶಪ್ಲ॒ಕೌ ದೃ॑ಶ॒‌‌ನ್ತ್ಸ್ತ್ರೀ ಹಿ ಬ್ರ॒ಹ್ಮಾ ಬ॒ಭೂವಿ॑ಥ || 8.33.19

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ (1-15) ಪ್ರಥಮಾದಿಪಂಚದಶೋಂ ಕಾಣ್ವೋ ನೀಪಾತಿಥಿಃ, (16-18) ಷೋಡಶ್ಯಾದಿತೃಚಸ್ಯ ಚಾಂಗಿರಸಾಃ ಸಹಸ್ರಂ ವಸುರೋಚಿಷ ಋಷಯಃ, ಇಂದ್ರೋ ದೇವತಾ (1-15) ಪ್ರಥಮಾದಿಪಂಚದಶರ್ಚಾಮನುಷ್ಟಪ್ , (16-18) ಷೋಡಶ್ಯಾದಿತೃಚಸ್ಯ ಚ ಗಾಯತ್ರೀ ಛಂದಸೀ

ಏಂದ್ರ॑ ಯಾಹಿ॒ ಹರಿ॑ಭಿ॒ರುಪ॒ ಕಣ್ವ॑ಸ್ಯ ಸುಷ್ಟು॒ತಿ‌ಮ್ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.1
ಆ ತ್ವಾ॒ ಗ್ರಾವಾ॒ ವದ᳚ನ್ನಿ॒ಹ ಸೋ॒ಮೀ ಘೋಷೇ᳚ಣ ಯಚ್ಛತು |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.2
ಅತ್ರಾ॒ ವಿ ನೇ॒ಮಿರೇ᳚ಷಾ॒ಮುರಾಂ॒ ನ ಧೂ᳚ನುತೇ॒ ವೃಕಃ॑ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.3
ಆ ತ್ವಾ॒ ಕಣ್ವಾ᳚ ಇ॒ಹಾವ॑ಸೇ॒ ಹವ᳚‌ನ್ತೇ॒ ವಾಜ॑ಸಾತಯೇ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.4
ದಧಾ᳚ಮಿ ತೇ ಸು॒ತಾನಾಂ॒ ವೃಷ್ಣೇ॒ ನ ಪೂ᳚ರ್ವ॒ಪಾಯ್ಯ‌ಮ್᳚ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.5
ಸ್ಮತ್ಪು॑ರಂಧಿರ್ನ॒ ಆ ಗ॑ಹಿ ವಿ॒ಶ್ವತೋ᳚ಧೀರ್ನ ಊ॒ತಯೇ᳚ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.6
ಆ ನೋ᳚ ಯಾಹಿ ಮಹೇಮತೇ॒ ಸಹ॑ಸ್ರೋತೇ॒ ಶತಾ᳚ಮಘ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.7
ಆ ತ್ವಾ॒ ಹೋತಾ॒ ಮನು॑ರ್ಹಿತೋ ದೇವ॒ತ್ರಾ ವ॑ಕ್ಷ॒ದೀಡ್ಯಃ॑ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.8
ಆ ತ್ವಾ᳚ ಮದ॒ಚ್ಯುತಾ॒ ಹರೀ᳚ ಶ್ಯೇ॒ನಂ ಪ॒ಕ್ಷೇವ॑ ವಕ್ಷತಃ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.9
ಆ ಯಾ᳚ಹ್ಯ॒ರ್ಯ ಆ ಪರಿ॒ ಸ್ವಾಹಾ॒ ಸೋಮ॑ಸ್ಯ ಪೀ॒ತಯೇ᳚ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.10
ಆ ನೋ᳚ ಯಾ॒ಹ್ಯುಪ॑ಶ್ರುತ್ಯು॒ಕ್ಥೇಷು॑ ರಣಯಾ ಇ॒ಹ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.11
ಸರೂ᳚ಪೈ॒ರಾ ಸು ನೋ᳚ ಗಹಿ॒ ಸಂಭೃ॑ತೈಃ॒ ಸಂಭೃ॑ತಾಶ್ವಃ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.12
ಆ ಯಾ᳚ಹಿ॒ ಪರ್ವ॑ತೇಭ್ಯಃ ಸಮು॒ದ್ರಸ್ಯಾಧಿ॑ ವಿ॒ಷ್ಟಪಃ॑ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.13
ಆ ನೋ॒ ಗವ್ಯಾ॒ನ್ಯಶ್ವ್ಯಾ᳚ ಸ॒ಹಸ್ರಾ᳚ ಶೂರ ದರ್ದೃಹಿ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.14
ಆ ನಃ॑ ಸಹಸ್ರ॒ಶೋ ಭ॑ರಾ॒ಯುತಾ᳚ನಿ ಶ॒ತಾನಿ॑ ಚ |
ದಿ॒ವೋ ಅ॒ಮುಷ್ಯ॒ ಶಾಸ॑ತೋ॒ ದಿವಂ᳚ ಯ॒ಯ ದಿ॑ವಾವಸೋ || 8.34.15
ಆ ಯದಿಂದ್ರ॑ಶ್ಚ॒ ದದ್ವ॑ಹೇ ಸ॒ಹಸ್ರಂ॒ ವಸು॑ರೋಚಿಷಃ |
ಓಜಿ॑ಷ್ಠ॒ಮಶ್ವ್ಯಂ᳚ ಪ॒ಶು‌ಮ್ || 8.34.16
ಯ ಋ॒ಜ್ರಾ ವಾತ॑ರಂಹಸೋಽರು॒ಷಾಸೋ᳚ ರಘು॒ಷ್ಯದಃ॑ |
ಭ್ರಾಜ᳚‌ನ್ತೇ॒ ಸೂರ್ಯಾ᳚ ಇವ || 8.34.17
ಪಾರಾ᳚ವತಸ್ಯ ರಾ॒ತಿಷು॑ ದ್ರ॒ವಚ್ಚ॑ಕ್ರೇಷ್ವಾ॒ಶುಷು॑ |
ತಿಷ್ಠಂ॒ ವನ॑ಸ್ಯ॒ ಮಧ್ಯ॒ ಆ || 8.34.18

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಅಶ್ವಿನೌ ದೇವತೇ (1-21) ಪ್ರಥಮಾದ್ಯೇಕವಿಂಶತ್ರ್ಯಚಾಮುಪರಿಷ್ಟಾಜಯೋತಿಃ, (22, 24) ದ್ವಾವಿಂಶೀಚತುರ್ವಿಂಶ್ಯೋಃ ಪಂಕ್ತಿಃ, (23) ತ್ರಯೋವಿಂಶ್ಯಾಶ್ಚ ಮಹಾಬೃಹತೀ ಛಂದಾಂಸಿ

ಅ॒ಗ್ನಿನೇಂದ್ರೇ᳚ಣ॒ ವರು॑ಣೇನ॒ ವಿಷ್ಣು॑ನಾದಿ॒ತ್ಯೈ ರು॒ದ್ರೈರ್ವಸು॑ಭಿಃ ಸಚಾ॒ಭುವಾ᳚ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ಸೋಮಂ᳚ ಪಿಬತಮಶ್ವಿನಾ || 8.35.1
ವಿಶ್ವಾ᳚ಭಿರ್ಧೀ॒ಭಿರ್ಭುವ॑ನೇನ ವಾಜಿನಾ ದಿ॒ವಾ ಪೃ॑ಥಿ॒ವ್ಯಾದ್ರಿ॑ಭಿಃ ಸಚಾ॒ಭುವಾ᳚ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ಸೋಮಂ᳚ ಪಿಬತಮಶ್ವಿನಾ || 8.35.2
ವಿಶ್ವೈ᳚ರ್ದೇ॒ವೈಸ್ತ್ರಿ॒ಭಿರೇ᳚ಕಾದ॒ಶೈರಿ॒ಹಾದ್ಭಿರ್ಮ॒ರುದ್ಭಿ॒ರ್ಭೃಗು॑ಭಿಃ ಸಚಾ॒ಭುವಾ᳚ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ಸೋಮಂ᳚ ಪಿಬತಮಶ್ವಿನಾ || 8.35.3
ಜು॒ಷೇಥಾಂ᳚ ಯ॒ಜ್ಞಂ ಬೋಧ॑ತಂ॒ ಹವ॑ಸ್ಯ ಮೇ॒ ವಿಶ್ವೇ॒ಹ ದೇ᳚ವೌ॒ ಸವ॒ನಾವ॑ ಗಚ್ಛತ‌ಮ್ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚೇಷಂ᳚ ನೋ ವೋಳ್ಹಮಶ್ವಿನಾ || 8.35.4
ಸ್ತೋಮಂ᳚ ಜುಷೇಥಾಂ ಯುವ॒ಶೇವ॑ ಕ॒ನ್ಯನಾಂ॒ ವಿಶ್ವೇ॒ಹ ದೇ᳚ವೌ॒ ಸವ॒ನಾವ॑ ಗಚ್ಛತ‌ಮ್ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚೇಷಂ᳚ ನೋ ವೋಳ್ಹಮಶ್ವಿನಾ || 8.35.5
ಗಿರೋ᳚ ಜುಷೇಥಾಮಧ್ವ॒ರಂ ಜು॑ಷೇಥಾಂ॒ ವಿಶ್ವೇ॒ಹ ದೇ᳚ವೌ॒ ಸವ॒ನಾವ॑ ಗಚ್ಛತ‌ಮ್ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚೇಷಂ᳚ ನೋ ವೋಳ್ಹಮಶ್ವಿನಾ || 8.35.6
ಹಾ॒ರಿ॒ದ್ರ॒ವೇವ॑ ಪತಥೋ॒ ವನೇದುಪ॒ ಸೋಮಂ᳚ ಸು॒ತಂ ಮ॑ಹಿ॒ಷೇವಾವ॑ ಗಚ್ಛಥಃ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ತ್ರಿರ್ವ॒ರ್ತಿರ್ಯಾ᳚ತಮಶ್ವಿನಾ || 8.35.7
ಹಂ॒ಸಾವಿ॑ವ ಪತಥೋ ಅಧ್ವ॒ಗಾವಿ॑ವ॒ ಸೋಮಂ᳚ ಸು॒ತಂ ಮ॑ಹಿ॒ಷೇವಾವ॑ ಗಚ್ಛಥಃ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ತ್ರಿರ್ವ॒ರ್ತಿರ್ಯಾ᳚ತಮಶ್ವಿನಾ || 8.35.8
ಶ್ಯೇ॒ನಾವಿ॑ವ ಪತಥೋ ಹ॒ವ್ಯದಾ᳚ತಯೇ॒ ಸೋಮಂ᳚ ಸು॒ತಂ ಮ॑ಹಿ॒ಷೇವಾವ॑ ಗಚ್ಛಥಃ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ತ್ರಿರ್ವ॒ರ್ತಿರ್ಯಾ᳚ತಮಶ್ವಿನಾ || 8.35.9
ಪಿಬ॑ತಂ ಚ ತೃಪ್ಣು॒ತಂ ಚಾ ಚ॑ ಗಚ್ಛತಂ ಪ್ರ॒ಜಾಂ ಚ॑ ಧ॒ತ್ತಂ ದ್ರವಿ॑ಣಂ ಚ ಧತ್ತ‌ಮ್ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚೋರ್ಜಂ᳚ ನೋ ಧತ್ತಮಶ್ವಿನಾ || 8.35.10
ಜಯ॑ತಂ ಚ॒ ಪ್ರ ಸ್ತು॑ತಂ ಚ॒ ಪ್ರ ಚಾ᳚ವತಂ ಪ್ರ॒ಜಾಂ ಚ॑ ಧ॒ತ್ತಂ ದ್ರವಿ॑ಣಂ ಚ ಧತ್ತ‌ಮ್ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚೋರ್ಜಂ᳚ ನೋ ಧತ್ತಮಶ್ವಿನಾ || 8.35.11
ಹ॒ತಂ ಚ॒ ಶತ್ರೂ॒ನ್ಯತ॑ತಂ ಚ ಮಿ॒ತ್ರಿಣಃ॑ ಪ್ರ॒ಜಾಂ ಚ॑ ಧ॒ತ್ತಂ ದ್ರವಿ॑ಣಂ ಚ ಧತ್ತ‌ಮ್ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚೋರ್ಜಂ᳚ ನೋ ಧತ್ತಮಶ್ವಿನಾ || 8.35.12
ಮಿ॒ತ್ರಾವರು॑ಣವ‌ನ್ತಾ ಉ॒ತ ಧರ್ಮ॑ವ‌ನ್ತಾ ಮ॒ರುತ್ವ᳚‌ನ್ತಾ ಜರಿ॒ತುರ್ಗ॑ಚ್ಛಥೋ॒ ಹವ‌ಮ್᳚ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚಾದಿ॒ತ್ಯೈರ್ಯಾ᳚ತಮಶ್ವಿನಾ || 8.35.13
ಅಂಗಿ॑ರಸ್ವ‌ನ್ತಾ ಉ॒ತ ವಿಷ್ಣು॑ವ‌ನ್ತಾ ಮ॒ರುತ್ವ᳚‌ನ್ತಾ ಜರಿ॒ತುರ್ಗ॑ಚ್ಛಥೋ॒ ಹವ‌ಮ್᳚ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚಾದಿ॒ತ್ಯೈರ್ಯಾ᳚ತಮಶ್ವಿನಾ || 8.35.14
ಋ॒ಭು॒ಮ‌ನ್ತಾ᳚ ವೃಷಣಾ॒ ವಾಜ॑ವ‌ನ್ತಾ ಮ॒ರುತ್ವ᳚‌ನ್ತಾ ಜರಿ॒ತುರ್ಗ॑ಚ್ಛಥೋ॒ ಹವ‌ಮ್᳚ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚಾದಿ॒ತ್ಯೈರ್ಯಾ᳚ತಮಶ್ವಿನಾ || 8.35.15
ಬ್ರಹ್ಮ॑ ಜಿನ್ವತಮು॒ತ ಜಿ᳚ನ್ವತಂ॒ ಧಿಯೋ᳚ ಹ॒ತಂ ರಕ್ಷಾಂ᳚ಸಿ॒ ಸೇಧ॑ತ॒ಮಮೀ᳚ವಾಃ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ಸೋಮಂ᳚ ಸುನ್ವ॒ತೋ ಅ॑ಶ್ವಿನಾ || 8.35.16
ಕ್ಷ॒ತ್ರಂ ಜಿ᳚ನ್ವತಮು॒ತ ಜಿ᳚ನ್ವತಂ॒ ನೄನ್ಹ॒ತಂ ರಕ್ಷಾಂ᳚ಸಿ॒ ಸೇಧ॑ತ॒ಮಮೀ᳚ವಾಃ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ಸೋಮಂ᳚ ಸುನ್ವ॒ತೋ ಅ॑ಶ್ವಿನಾ || 8.35.17
ಧೇ॒ನೂರ್ಜಿ᳚ನ್ವತಮು॒ತ ಜಿ᳚ನ್ವತಂ॒ ವಿಶೋ᳚ ಹ॒ತಂ ರಕ್ಷಾಂ᳚ಸಿ॒ ಸೇಧ॑ತ॒ಮಮೀ᳚ವಾಃ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ ಚ॒ ಸೋಮಂ᳚ ಸುನ್ವ॒ತೋ ಅ॑ಶ್ವಿನಾ || 8.35.18
ಅತ್ರೇ᳚ರಿವ ಶೃಣುತಂ ಪೂ॒ರ್ವ್ಯಸ್ತು॑ತಿಂ ಶ್ಯಾ॒ವಾಶ್ವ॑ಸ್ಯ ಸುನ್ವ॒ತೋ ಮ॑ದಚ್ಯುತಾ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚಾಶ್ವಿ॑ನಾ ತಿ॒ರೋಅ᳚ಹ್ನ್ಯ‌ಮ್ || 8.35.19
ಸರ್ಗಾಁ᳚ ಇವ ಸೃಜತಂ ಸುಷ್ಟು॒ತೀರುಪ॑ ಶ್ಯಾ॒ವಾಶ್ವ॑ಸ್ಯ ಸುನ್ವ॒ತೋ ಮ॑ದಚ್ಯುತಾ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚಾಶ್ವಿ॑ನಾ ತಿ॒ರೋಅ᳚ಹ್ನ್ಯ‌ಮ್ || 8.35.20
ರ॒ಶ್ಮೀಁರಿ॑ವ ಯಚ್ಛತಮಧ್ವ॒ರಾಁ ಉಪ॑ ಶ್ಯಾ॒ವಾಶ್ವ॑ಸ್ಯ ಸುನ್ವ॒ತೋ ಮ॑ದಚ್ಯುತಾ |
ಸ॒ಜೋಷ॑ಸಾ ಉ॒ಷಸಾ॒ ಸೂರ್ಯೇ᳚ಣ॒ ಚಾಶ್ವಿ॑ನಾ ತಿ॒ರೋಅ᳚ಹ್ನ್ಯ‌ಮ್ || 8.35.21
ಅ॒ರ್ವಾಗ್ರಥಂ॒ ನಿ ಯ॑ಚ್ಛತಂ॒ ಪಿಬ॑ತಂ ಸೋ॒ಮ್ಯಂ ಮಧು॑ |
ಆ ಯಾ᳚ತಮಶ್ವಿ॒ನಾ ಗ॑ತಮವ॒ಸ್ಯುರ್ವಾ᳚ಮ॒ಹಂ ಹು॑ವೇ ಧ॒ತ್ತಂ ರತ್ನಾ᳚ನಿ ದಾ॒ಶುಷೇ᳚ || 8.35.22
ನ॒ಮೋ॒ವಾ॒ಕೇ ಪ್ರಸ್ಥಿ॑ತೇ ಅಧ್ವ॒ರೇ ನ॑ರಾ ವಿ॒ವಕ್ಷ॑ಣಸ್ಯ ಪೀ॒ತಯೇ᳚ |
ಆ ಯಾ᳚ತಮಶ್ವಿ॒ನಾ ಗ॑ತಮವ॒ಸ್ಯುರ್ವಾ᳚ಮ॒ಹಂ ಹು॑ವೇ ಧ॒ತ್ತಂ ರತ್ನಾ᳚ನಿ ದಾ॒ಶುಷೇ᳚ || 8.35.23
ಸ್ವಾಹಾ᳚ಕೃತಸ್ಯ ತೃಂಪತಂ ಸು॒ತಸ್ಯ॑ ದೇವಾ॒ವಂಧ॑ಸಃ |
ಆ ಯಾ᳚ತಮಶ್ವಿ॒ನಾ ಗ॑ತಮವ॒ಸ್ಯುರ್ವಾ᳚ಮ॒ಹಂ ಹು॑ವೇ ಧ॒ತ್ತಂ ರತ್ನಾ᳚ನಿ ದಾ॒ಶುಷೇ᳚ || 8.35.24

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಇಂದ್ರೋ ದೇವತಾ, (1-6) ಪ್ರಥಮಾದಿಷಡಚಾಂ ಶಕ್ವರೀ, (7) ಸಪ್ತಮ್ಯಾಶ್ಚ ಮಹಾಪಂಕ್ತಿಶ್ಛಂದಸೀ

ಅ॒ವಿ॒ತಾಸಿ॑ ಸುನ್ವ॒ತೋ ವೃ॒ಕ್ತಬ॑ರ್ಹಿಷಃ॒ ಪಿಬಾ॒ ಸೋಮಂ॒ ಮದಾ᳚ಯ॒ ಕಂ ಶ॑ತಕ್ರತೋ |
ಯಂ ತೇ᳚ ಭಾ॒ಗಮಧಾ᳚ರಯ॒ನ್ವಿಶ್ವಾಃ᳚ ಸೇಹಾ॒ನಃ ಪೃತ॑ನಾ ಉ॒ರು ಜ್ರಯಃ॒ ಸಮ॑ಪ್ಸು॒ಜಿನ್ಮ॒ರುತ್ವಾಁ᳚ ಇಂದ್ರ ಸತ್ಪತೇ || 8.36.1
ಪ್ರಾವ॑ ಸ್ತೋ॒ತಾರಂ᳚ ಮಘವ॒ನ್ನವ॒ ತ್ವಾಂ ಪಿಬಾ॒ ಸೋಮಂ॒ ಮದಾ᳚ಯ॒ ಕಂ ಶ॑ತಕ್ರತೋ |
ಯಂ ತೇ᳚ ಭಾ॒ಗಮಧಾ᳚ರಯ॒ನ್ವಿಶ್ವಾಃ᳚ ಸೇಹಾ॒ನಃ ಪೃತ॑ನಾ ಉ॒ರು ಜ್ರಯಃ॒ ಸಮ॑ಪ್ಸು॒ಜಿನ್ಮ॒ರುತ್ವಾಁ᳚ ಇಂದ್ರ ಸತ್ಪತೇ || 8.36.2
ಊ॒ರ್ಜಾ ದೇ॒ವಾಁ ಅವ॒ಸ್ಯೋಜ॑ಸಾ॒ ತ್ವಾಂ ಪಿಬಾ॒ ಸೋಮಂ॒ ಮದಾ᳚ಯ॒ ಕಂ ಶ॑ತಕ್ರತೋ |
ಯಂ ತೇ᳚ ಭಾ॒ಗಮಧಾ᳚ರಯ॒ನ್ವಿಶ್ವಾಃ᳚ ಸೇಹಾ॒ನಃ ಪೃತ॑ನಾ ಉ॒ರು ಜ್ರಯಃ॒ ಸಮ॑ಪ್ಸು॒ಜಿನ್ಮ॒ರುತ್ವಾಁ᳚ ಇಂದ್ರ ಸತ್ಪತೇ || 8.36.3
ಜ॒ನಿ॒ತಾ ದಿ॒ವೋ ಜ॑ನಿ॒ತಾ ಪೃ॑ಥಿ॒ವ್ಯಾಃ ಪಿಬಾ॒ ಸೋಮಂ॒ ಮದಾ᳚ಯ॒ ಕಂ ಶ॑ತಕ್ರತೋ |
ಯಂ ತೇ᳚ ಭಾ॒ಗಮಧಾ᳚ರಯ॒ನ್ವಿಶ್ವಾಃ᳚ ಸೇಹಾ॒ನಃ ಪೃತ॑ನಾ ಉ॒ರು ಜ್ರಯಃ॒ ಸಮ॑ಪ್ಸು॒ಜಿನ್ಮ॒ರುತ್ವಾಁ᳚ ಇಂದ್ರ ಸತ್ಪತೇ || 8.36.4
ಜ॒ನಿ॒ತಾಶ್ವಾ᳚ನಾಂ ಜನಿ॒ತಾ ಗವಾ᳚ಮಸಿ॒ ಪಿಬಾ॒ ಸೋಮಂ॒ ಮದಾ᳚ಯ॒ ಕಂ ಶ॑ತಕ್ರತೋ |
ಯಂ ತೇ᳚ ಭಾ॒ಗಮಧಾ᳚ರಯ॒ನ್ವಿಶ್ವಾಃ᳚ ಸೇಹಾ॒ನಃ ಪೃತ॑ನಾ ಉ॒ರು ಜ್ರಯಃ॒ ಸಮ॑ಪ್ಸು॒ಜಿನ್ಮ॒ರುತ್ವಾಁ᳚ ಇಂದ್ರ ಸತ್ಪತೇ || 8.36.5
ಅತ್ರೀ᳚ಣಾಂ॒ ಸ್ತೋಮ॑ಮದ್ರಿವೋ ಮ॒ಹಸ್ಕೃ॑ಧಿ॒ ಪಿಬಾ॒ ಸೋಮಂ॒ ಮದಾ᳚ಯ॒ ಕಂ ಶ॑ತಕ್ರತೋ |
ಯಂ ತೇ᳚ ಭಾ॒ಗಮಧಾ᳚ರಯ॒ನ್ವಿಶ್ವಾಃ᳚ ಸೇಹಾ॒ನಃ ಪೃತ॑ನಾ ಉ॒ರು ಜ್ರಯಃ॒ ಸಮ॑ಪ್ಸು॒ಜಿನ್ಮ॒ರುತ್ವಾಁ᳚ ಇಂದ್ರ ಸತ್ಪತೇ || 8.36.6
ಶ್ಯಾ॒ವಾಶ್ವ॑ಸ್ಯ ಸುನ್ವ॒ತಸ್ತಥಾ᳚ ಶೃಣು॒ ಯಥಾಶೃ॑ಣೋ॒ರತ್ರೇಃ॒ ಕರ್ಮಾ᳚ಣಿ ಕೃಣ್ವ॒ತಃ |
ಪ್ರ ತ್ರ॒ಸದ॑ಸ್ಯುಮಾವಿಥ॒ ತ್ವಮೇಕ॒ ಇನ್ನೃ॒ಷಾಹ್ಯ॒ ಇಂದ್ರ॒ ಬ್ರಹ್ಮಾ᳚ಣಿ ವ॒ರ್ಧಯನ್॑ || 8.36.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಇಂದ್ರೋ ದೇವತಾ, (1) ಪ್ರಥಮರ್ಚೋಽತಿಜಗತೀ, (2-7) ದ್ವಿತೀಯಾದಿಷಣ್ಣಾಂಚ ಮಹಾಪತಿಶ್ಛಂದಸೀ

ಪ್ರೇದಂ ಬ್ರಹ್ಮ॑ ವೃತ್ರ॒ತೂರ್ಯೇ᳚ಷ್ವಾವಿಥ॒ ಪ್ರ ಸು᳚ನ್ವ॒ತಃ ಶ॑ಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ವೃತ್ರಹನ್ನನೇದ್ಯ॒ ಪಿಬಾ॒ ಸೋಮ॑ಸ್ಯ ವಜ್ರಿವಃ || 8.37.1
ಸೇ॒ಹಾ॒ನ ಉ॑ಗ್ರ॒ ಪೃತ॑ನಾ ಅ॒ಭಿ ದ್ರುಹಃ॑ ಶಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ವೃತ್ರಹನ್ನನೇದ್ಯ॒ ಪಿಬಾ॒ ಸೋಮ॑ಸ್ಯ ವಜ್ರಿವಃ || 8.37.2
ಏ॒ಕ॒ರಾಳ॒ಸ್ಯ ಭುವ॑ನಸ್ಯ ರಾಜಸಿ ಶಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ವೃತ್ರಹನ್ನನೇದ್ಯ॒ ಪಿಬಾ॒ ಸೋಮ॑ಸ್ಯ ವಜ್ರಿವಃ || 8.37.3
ಸ॒ಸ್ಥಾವಾ᳚ನಾ ಯವಯಸಿ॒ ತ್ವಮೇಕ॒ ಇಚ್ಛ॑ಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ವೃತ್ರಹನ್ನನೇದ್ಯ॒ ಪಿಬಾ॒ ಸೋಮ॑ಸ್ಯ ವಜ್ರಿವಃ || 8.37.4
ಕ್ಷೇಮ॑ಸ್ಯ ಚ ಪ್ರ॒ಯುಜ॑ಶ್ಚ॒ ತ್ವಮೀ᳚ಶಿಷೇ ಶಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ವೃತ್ರಹನ್ನನೇದ್ಯ॒ ಪಿಬಾ॒ ಸೋಮ॑ಸ್ಯ ವಜ್ರಿವಃ || 8.37.5
ಕ್ಷ॒ತ್ರಾಯ॑ ತ್ವ॒ಮವ॑ಸಿ॒ ನ ತ್ವ॑ಮಾವಿಥ ಶಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ವೃತ್ರಹನ್ನನೇದ್ಯ॒ ಪಿಬಾ॒ ಸೋಮ॑ಸ್ಯ ವಜ್ರಿವಃ || 8.37.6
ಶ್ಯಾ॒ವಾಶ್ವ॑ಸ್ಯ॒ ರೇಭ॑ತ॒ಸ್ತಥಾ᳚ ಶೃಣು॒ ಯಥಾಶೃ॑ಣೋ॒ರತ್ರೇಃ॒ ಕರ್ಮಾ᳚ಣಿ ಕೃಣ್ವ॒ತಃ |
ಪ್ರ ತ್ರ॒ಸದ॑ಸ್ಯುಮಾವಿಥ॒ ತ್ವಮೇಕ॒ ಇನ್ನೃ॒ಷಾಹ್ಯ॒ ಇಂದ್ರ॑ ಕ್ಷ॒ತ್ರಾಣಿ॑ ವ॒ರ್ಧಯನ್॑ || 8.37.7

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಇಂದ್ರಾಗ್ನೀ ದೇವತೇ, ಗಾಯತ್ರೀ ಛಂದಃ

ಯ॒ಜ್ಞಸ್ಯ॒ ಹಿ ಸ್ಥ ಋ॒ತ್ವಿಜಾ॒ ಸಸ್ನೀ॒ ವಾಜೇ᳚ಷು॒ ಕರ್ಮ॑ಸು |
ಇಂದ್ರಾ᳚ಗ್ನೀ॒ ತಸ್ಯ॑ ಬೋಧತ‌ಮ್ || 8.38.1
ತೋ॒ಶಾಸಾ᳚ ರಥ॒ಯಾವಾ᳚ನಾ ವೃತ್ರ॒ಹಣಾಪ॑ರಾಜಿತಾ |
ಇಂದ್ರಾ᳚ಗ್ನೀ॒ ತಸ್ಯ॑ ಬೋಧತ‌ಮ್ || 8.38.2
ಇ॒ದಂ ವಾಂ᳚ ಮದಿ॒ರಂ ಮಧ್ವಧು॑ಕ್ಷ॒ನ್ನದ್ರಿ॑ಭಿ॒ರ್ನರಃ॑ |
ಇಂದ್ರಾ᳚ಗ್ನೀ॒ ತಸ್ಯ॑ ಬೋಧತ‌ಮ್ || 8.38.3
ಜು॒ಷೇಥಾಂ᳚ ಯ॒ಜ್ಞಮಿ॒ಷ್ಟಯೇ᳚ ಸು॒ತಂ ಸೋಮಂ᳚ ಸಧಸ್ತುತೀ |
ಇಂದ್ರಾ᳚ಗ್ನೀ॒ ಆ ಗ॑ತಂ ನರಾ || 8.38.4
ಇ॒ಮಾ ಜು॑ಷೇಥಾಂ॒ ಸವ॑ನಾ॒ ಯೇಭಿ॑ರ್ಹ॒ವ್ಯಾನ್ಯೂ॒ಹಥುಃ॑ |
ಇಂದ್ರಾ᳚ಗ್ನೀ॒ ಆ ಗ॑ತಂ ನರಾ || 8.38.5
ಇ॒ಮಾಂ ಗಾ᳚ಯ॒ತ್ರವ॑ರ್ತನಿಂ ಜು॒ಷೇಥಾಂ᳚ ಸುಷ್ಟು॒ತಿಂ ಮಮ॑ |
ಇಂದ್ರಾ᳚ಗ್ನೀ॒ ಆ ಗ॑ತಂ ನರಾ || 8.38.6
ಪ್ರಾ॒ತ॒ರ್ಯಾವ॑ಭಿ॒ರಾ ಗ॑ತಂ ದೇ॒ವೇಭಿ॑ರ್ಜೇನ್ಯಾವಸೂ |
ಇಂದ್ರಾ᳚ಗ್ನೀ॒ ಸೋಮ॑ಪೀತಯೇ || 8.38.7
ಶ್ಯಾ॒ವಾಶ್ವ॑ಸ್ಯ ಸುನ್ವ॒ತೋಽತ್ರೀ᳚ಣಾಂ ಶೃಣುತಂ॒ ಹವ‌ಮ್᳚ |
ಇಂದ್ರಾ᳚ಗ್ನೀ॒ ಸೋಮ॑ಪೀತಯೇ || 8.38.8
ಏ॒ವಾ ವಾ᳚ಮಹ್ವ ಊ॒ತಯೇ॒ ಯಥಾಹು॑ವ‌ನ್ತ॒ ಮೇಧಿ॑ರಾಃ |
ಇಂದ್ರಾ᳚ಗ್ನೀ॒ ಸೋಮ॑ಪೀತಯೇ || 8.38.9
ಆಹಂ ಸರ॑ಸ್ವತೀವತೋರಿಂದ್ರಾ॒ಗ್ನ್ಯೋರವೋ᳚ ವೃಣೇ |
ಯಾಭ್ಯಾಂ᳚ ಗಾಯ॒ತ್ರಮೃ॒ಚ್ಯತೇ᳚ || 8.38.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ನಾಭಾಕ ಋಷಿಃ, ಅಗ್ನಿರ್ದೇವತಾ, ಮಹಾಪಂಕ್ತಿಶ್ಛಂದಃ

ಅ॒ಗ್ನಿಮ॑ಸ್ತೋಷ್ಯೃ॒ಗ್ಮಿಯ॑ಮ॒ಗ್ನಿಮೀ॒ಳಾ ಯ॒ಜಧ್ಯೈ᳚ |
ಅ॒ಗ್ನಿರ್ದೇ॒ವಾಁ ಅ॑ನಕ್ತು ನ ಉ॒ಭೇ ಹಿ ವಿ॒ದಥೇ᳚ ಕ॒ವಿರ॒‌ನ್ತಶ್ಚರ॑ತಿ ದೂ॒ತ್ಯ1॒॑ ಅಂನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.1
ನ್ಯ॑ಗ್ನೇ॒ ನವ್ಯ॑ಸಾ॒ ವಚ॑ಸ್ತ॒ನೂಷು॒ ಶಂಸ॑ಮೇಷಾ‌ಮ್ |
ನ್ಯರಾ᳚ತೀ॒ ರರಾ᳚ವ್ಣಾಂ॒ ವಿಶ್ವಾ᳚ ಅ॒ರ್ಯೋ ಅರಾ᳚ತೀರಿ॒ತೋ ಯು॑ಚ್ಛ‌ನ್ತ್ವಾ॒ಮುರೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.2
ಅಗ್ನೇ॒ ಮನ್ಮಾ᳚ನಿ॒ ತುಭ್ಯಂ॒ ಕಂ ಘೃ॒ತಂ ನ ಜು॑ಹ್ವ ಆ॒ಸನಿ॑ |
ಸ ದೇ॒ವೇಷು॒ ಪ್ರ ಚಿ॑ಕಿದ್ಧಿ॒ ತ್ವಂ ಹ್ಯಸಿ॑ ಪೂ॒ರ್ವ್ಯಃ ಶಿ॒ವೋ ದೂ॒ತೋ ವಿ॒ವಸ್ವ॑ತೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.3
ತತ್ತ॑ದ॒ಗ್ನಿರ್ವಯೋ᳚ ದಧೇ॒ ಯಥಾ᳚ಯಥಾ ಕೃಪ॒ಣ್ಯತಿ॑ |
ಊ॒ರ್ಜಾಹು॑ತಿ॒ರ್ವಸೂ᳚ನಾಂ॒ ಶಂ ಚ॒ ಯೋಶ್ಚ॒ ಮಯೋ᳚ ದಧೇ॒ ವಿಶ್ವ॑ಸ್ಯೈ ದೇ॒ವಹೂ᳚ತ್ಯೈ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.4
ಸ ಚಿ॑ಕೇತ॒ ಸಹೀ᳚ಯಸಾ॒ಗ್ನಿಶ್ಚಿ॒ತ್ರೇಣ॒ ಕರ್ಮ॑ಣಾ |
ಸ ಹೋತಾ॒ ಶಶ್ವ॑ತೀನಾಂ॒ ದಕ್ಷಿ॑ಣಾಭಿರ॒ಭೀವೃ॑ತ ಇ॒ನೋತಿ॑ ಚ ಪ್ರತೀ॒ವ್ಯ1॒॑ ಅಂನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.5
ಅ॒ಗ್ನಿರ್ಜಾ॒ತಾ ದೇ॒ವಾನಾ᳚ಮ॒ಗ್ನಿರ್ವೇ᳚ದ॒ ಮರ್ತಾ᳚ನಾಮಪೀ॒ಚ್ಯ‌ಮ್᳚ |
ಅ॒ಗ್ನಿಃ ಸ ದ್ರ॑ವಿಣೋ॒ದಾ ಅ॒ಗ್ನಿರ್ದ್ವಾರಾ॒ ವ್ಯೂ᳚ರ್ಣುತೇ॒ ಸ್ವಾ᳚ಹುತೋ॒ ನವೀ᳚ಯಸಾ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.6
ಅ॒ಗ್ನಿರ್ದೇ॒ವೇಷು॒ ಸಂವ॑ಸುಃ॒ ಸ ವಿ॒ಕ್ಷು ಯ॒ಜ್ಞಿಯಾ॒ಸ್ವಾ |
ಸ ಮು॒ದಾ ಕಾವ್ಯಾ᳚ ಪು॒ರು ವಿಶ್ವಂ॒ ಭೂಮೇ᳚ವ ಪುಷ್ಯತಿ ದೇ॒ವೋ ದೇ॒ವೇಷು॑ ಯ॒ಜ್ಞಿಯೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.7
ಯೋ ಅ॒ಗ್ನಿಃ ಸ॒ಪ್ತಮಾ᳚ನುಷಃ ಶ್ರಿ॒ತೋ ವಿಶ್ವೇ᳚ಷು॒ ಸಿಂಧು॑ಷು |
ತಮಾಗ᳚ನ್ಮ ತ್ರಿಪ॒ಸ್ತ್ಯಂ ಮಂ᳚ಧಾ॒ತುರ್ದ॑ಸ್ಯು॒ಹ‌ನ್ತ॑ಮಮ॒ಗ್ನಿಂ ಯ॒ಜ್ಞೇಷು॑ ಪೂ॒ರ್ವ್ಯಂ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.8
ಅ॒ಗ್ನಿಸ್ತ್ರೀಣಿ॑ ತ್ರಿ॒ಧಾತೂ॒ನ್ಯಾ ಕ್ಷೇ᳚ತಿ ವಿ॒ದಥಾ᳚ ಕ॒ವಿಃ |
ಸ ತ್ರೀಁರೇ᳚ಕಾದ॒ಶಾಁ ಇ॒ಹ ಯಕ್ಷ॑ಚ್ಚ ಪಿ॒ಪ್ರಯ॑ಚ್ಚ ನೋ॒ ವಿಪ್ರೋ᳚ ದೂ॒ತಃ ಪರಿ॑ಷ್ಕೃತೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.9
ತ್ವಂ ನೋ᳚ ಅಗ್ನ ಆ॒ಯುಷು॒ ತ್ವಂ ದೇ॒ವೇಷು॑ ಪೂರ್ವ್ಯ॒ ವಸ್ವ॒ ಏಕ॑ ಇರಜ್ಯಸಿ |
ತ್ವಾಮಾಪಃ॑ ಪರಿ॒ಸ್ರುತಃ॒ ಪರಿ॑ ಯ‌ನ್ತಿ॒ ಸ್ವಸೇ᳚ತವೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.39.10

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ನಾಭಾಕ ಋಷಿಃ, ಇಂದ್ರಾಗ್ನೀ ದೇವತೇ (1, 3-11) ಪ್ರಥಮರ್ಚಸ್ತೃತೀಯಾದಿನವಾನಾಂಚ ಮಹಾಪಕ್ತಿಃ, (2) ದ್ವಿತೀಯಾಯಾಃ ಶಕ್ವರೀ, (12) ದ್ವಾದಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಇಂದ್ರಾ᳚ಗ್ನೀ ಯು॒ವಂ ಸು ನಃ॒ ಸಹ᳚‌ನ್ತಾ॒ ದಾಸ॑ಥೋ ರ॒ಯಿ‌ಮ್ |
ಯೇನ॑ ದೃ॒ಳ್ಹಾ ಸ॒ಮತ್ಸ್ವಾ ವೀ॒ಳು ಚಿ॑ತ್ಸಾಹಿಷೀ॒ಮಹ್ಯ॒ಗ್ನಿರ್ವನೇ᳚ವ॒ ವಾತ॒ ಇನ್ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.1
ನ॒ಹಿ ವಾಂ᳚ ವ॒ವ್ರಯಾ᳚ಮ॒ಹೇಽಥೇಂದ್ರ॒ಮಿದ್ಯ॑ಜಾಮಹೇ॒ ಶವಿ॑ಷ್ಠಂ ನೃ॒ಣಾಂ ನರ‌ಮ್᳚ |
ಸ ನಃ॑ ಕ॒ದಾ ಚಿ॒ದರ್ವ॑ತಾ॒ ಗಮ॒ದಾ ವಾಜ॑ಸಾತಯೇ॒ ಗಮ॒ದಾ ಮೇ॒ಧಸಾ᳚ತಯೇ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.2
ತಾ ಹಿ ಮಧ್ಯಂ॒ ಭರಾ᳚ಣಾಮಿಂದ್ರಾ॒ಗ್ನೀ ಅ॑ಧಿಕ್ಷಿ॒ತಃ |
ತಾ ಉ॑ ಕವಿತ್ವ॒ನಾ ಕ॒ವೀ ಪೃ॒ಚ್ಛ್ಯಮಾ᳚ನಾ ಸಖೀಯ॒ತೇ ಸಂ ಧೀ॒ತಮ॑ಶ್ನುತಂ ನರಾ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.3
ಅ॒ಭ್ಯ॑ರ್ಚ ನಭಾಕ॒ವದಿಂ᳚ದ್ರಾ॒ಗ್ನೀ ಯ॒ಜಸಾ᳚ ಗಿ॒ರಾ |
ಯಯೋ॒ರ್ವಿಶ್ವ॑ಮಿ॒ದಂ ಜಗ॑ದಿ॒ಯಂ ದ್ಯೌಃ ಪೃ॑ಥಿ॒ವೀ ಮ॒ಹ್ಯು1॒॑ಪಸ್ಥೇ᳚ ಬಿಭೃ॒ತೋ ವಸು॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.4
ಪ್ರ ಬ್ರಹ್ಮಾ᳚ಣಿ ನಭಾಕ॒ವದಿಂ᳚ದ್ರಾ॒ಗ್ನಿಭ್ಯಾ᳚ಮಿರಜ್ಯತ |
ಯಾ ಸ॒ಪ್ತಬು॑ಧ್ನಮರ್ಣ॒ವಂ ಜಿ॒ಹ್ಮಬಾ᳚ರಮಪೋರ್ಣು॒ತ ಇಂದ್ರ॒ ಈಶಾ᳚ನ॒ ಓಜ॑ಸಾ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.5
ಅಪಿ॑ ವೃಶ್ಚ ಪುರಾಣ॒ವದ್ವ್ರ॒ತತೇ᳚ರಿವ ಗುಷ್ಪಿ॒ತಮೋಜೋ᳚ ದಾ॒ಸಸ್ಯ॑ ದಂಭಯ |
ವ॒ಯಂ ತದ॑ಸ್ಯ॒ ಸಂಭೃ॑ತಂ॒ ವಸ್ವಿಂದ್ರೇ᳚ಣ॒ ವಿ ಭ॑ಜೇಮಹಿ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.6
ಯದಿಂ᳚ದ್ರಾ॒ಗ್ನೀ ಜನಾ᳚ ಇ॒ಮೇ ವಿ॒ಹ್ವಯ᳚‌ನ್ತೇ॒ ತನಾ᳚ ಗಿ॒ರಾ |
ಅ॒ಸ್ಮಾಕೇ᳚ಭಿ॒ರ್ನೃಭಿ᳚ರ್ವ॒ಯಂ ಸಾ᳚ಸ॒ಹ್ಯಾಮ॑ ಪೃತನ್ಯ॒ತೋ ವ॑ನು॒ಯಾಮ॑ ವನುಷ್ಯ॒ತೋ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.7
ಯಾ ನು ಶ್ವೇ॒ತಾವ॒ವೋ ದಿ॒ವ ಉ॒ಚ್ಚರಾ᳚ತ॒ ಉಪ॒ ದ್ಯುಭಿಃ॑ |
ಇಂ॒ದ್ರಾ॒ಗ್ನ್ಯೋರನು᳚ ವ್ರ॒ತಮುಹಾ᳚ನಾ ಯ‌ನ್ತಿ॒ ಸಿಂಧ॑ವೋ॒ ಯಾ‌‌ನ್ತ್ಸೀಂ᳚ ಬಂ॒ಧಾದಮುಂ᳚ಚತಾಂ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.8
ಪೂ॒ರ್ವೀಷ್ಟ॑ ಇಂ॒ದ್ರೋಪ॑ಮಾತಯಃ ಪೂ॒ರ್ವೀರು॒ತ ಪ್ರಶ॑ಸ್ತಯಃ॒ ಸೂನೋ᳚ ಹಿ॒ನ್ವಸ್ಯ॑ ಹರಿವಃ |
ವಸ್ವೋ᳚ ವೀ॒ರಸ್ಯಾ॒ಪೃಚೋ॒ ಯಾ ನು ಸಾಧ᳚‌ನ್ತ ನೋ॒ ಧಿಯೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.9
ತಂ ಶಿ॑ಶೀತಾ ಸುವೃ॒ಕ್ತಿಭಿ॑ಸ್ತ್ವೇ॒ಷಂ ಸತ್ವಾ᳚ನಮೃ॒ಗ್ಮಿಯ‌ಮ್᳚ |
ಉ॒ತೋ ನು ಚಿ॒ದ್ಯ ಓಜ॑ಸಾ॒ ಶುಷ್ಣ॑ಸ್ಯಾಂ॒ಡಾನಿ॒ ಭೇದ॑ತಿ॒ ಜೇಷ॒ತ್ಸ್ವ᳚ರ್ವತೀರ॒ಪೋ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.10
ತಂ ಶಿ॑ಶೀತಾ ಸ್ವಧ್ವ॒ರಂ ಸ॒ತ್ಯಂ ಸತ್ವಾ᳚ನಮೃ॒ತ್ವಿಯ‌ಮ್᳚ |
ಉ॒ತೋ ನು ಚಿ॒ದ್ಯ ಓಹ॑ತ ಆಂ॒ಡಾ ಶುಷ್ಣ॑ಸ್ಯ॒ ಭೇದ॒ತ್ಯಜೈಃ॒ ಸ್ವ᳚ರ್ವತೀರ॒ಪೋ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.40.11
ಏ॒ವೇಂದ್ರಾ॒ಗ್ನಿಭ್ಯಾಂ᳚ ಪಿತೃ॒ವನ್ನವೀ᳚ಯೋ ಮಂಧಾತೃ॒ವದಂ᳚ಗಿರ॒ಸ್ವದ॑ವಾಚಿ |
ತ್ರಿ॒ಧಾತು॑ನಾ॒ ಶರ್ಮ॑ಣಾ ಪಾತಮ॒ಸ್ಮಾನ್ವ॒ಯಂ ಸ್ಯಾ᳚ಮ॒ ಪತ॑ಯೋ ರಯೀ॒ಣಾ‌ಮ್ || 8.40.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ನಾಭಾಕ ಋಷಿಃ, ವರುಣೋ ದೇವತಾ. ಮಹಾಪತಿಶ್ಛಂದಃ

ಅ॒ಸ್ಮಾ ಊ॒ ಷು ಪ್ರಭೂ᳚ತಯೇ॒ ವರು॑ಣಾಯ ಮ॒ರುದ್ಭ್ಯೋಽರ್ಚಾ᳚ ವಿ॒ದುಷ್ಟ॑ರೇಭ್ಯಃ |
ಯೋ ಧೀ॒ತಾ ಮಾನು॑ಷಾಣಾಂ ಪ॒ಶ್ವೋ ಗಾ ಇ॑ವ॒ ರಕ್ಷ॑ತಿ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.1
ತಮೂ॒ ಷು ಸ॑ಮ॒ನಾ ಗಿ॒ರಾ ಪಿ॑ತೄ॒ಣಾಂ ಚ॒ ಮನ್ಮ॑ಭಿಃ |
ನಾ॒ಭಾ॒ಕಸ್ಯ॒ ಪ್ರಶ॑ಸ್ತಿಭಿ॒ರ್ಯಃ ಸಿಂಧೂ᳚ನಾ॒ಮುಪೋ᳚ದ॒ಯೇ ಸ॒ಪ್ತಸ್ವ॑ಸಾ॒ ಸ ಮ॑ಧ್ಯ॒ಮೋ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.2
ಸ ಕ್ಷಪಃ॒ ಪರಿ॑ ಷಸ್ವಜೇ॒ ನ್ಯು1॒॑ಸ್ರೋ ಮಾ॒ಯಯಾ᳚ ದಧೇ॒ ಸ ವಿಶ್ವಂ॒ ಪರಿ॑ ದರ್ಶ॒ತಃ |
ತಸ್ಯ॒ ವೇನೀ॒ರನು᳚ ವ್ರ॒ತಮು॒ಷಸ್ತಿ॒ಸ್ರೋ ಅ॑ವರ್ಧಯ॒ನ್ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.3
ಯಃ ಕ॒ಕುಭೋ᳚ ನಿಧಾರ॒ಯಃ ಪೃ॑ಥಿ॒ವ್ಯಾಮಧಿ॑ ದರ್ಶ॒ತಃ |
ಸ ಮಾತಾ᳚ ಪೂ॒ರ್ವ್ಯಂ ಪ॒ದಂ ತದ್ವರು॑ಣಸ್ಯ॒ ಸಪ್ತ್ಯಂ॒ ಸ ಹಿ ಗೋ॒ಪಾ ಇ॒ವೇರ್ಯೋ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.4
ಯೋ ಧ॒ರ್ತಾ ಭುವ॑ನಾನಾಂ॒ ಯ ಉ॒ಸ್ರಾಣಾ᳚ಮಪೀ॒ಚ್ಯಾ॒3॒॑ ವೇದ॒ ನಾಮಾ᳚ನಿ॒ ಗುಹ್ಯಾ᳚ |
ಸ ಕ॒ವಿಃ ಕಾವ್ಯಾ᳚ ಪು॒ರು ರೂ॒ಪಂ ದ್ಯೌರಿ॑ವ ಪುಷ್ಯತಿ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.5
ಯಸ್ಮಿ॒ನ್ವಿಶ್ವಾ᳚ನಿ॒ ಕಾವ್ಯಾ᳚ ಚ॒ಕ್ರೇ ನಾಭಿ॑ರಿವ ಶ್ರಿ॒ತಾ |
ತ್ರಿ॒ತಂ ಜೂ॒ತೀ ಸ॑ಪರ್ಯತ ವ್ರ॒ಜೇ ಗಾವೋ॒ ನ ಸಂ॒ಯುಜೇ᳚ ಯು॒ಜೇ ಅಶ್ವಾಁ᳚ ಅಯುಕ್ಷತ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.6
ಯ ಆ॒ಸ್ವತ್ಕ॑ ಆ॒ಶಯೇ॒ ವಿಶ್ವಾ᳚ ಜಾ॒ತಾನ್ಯೇ᳚ಷಾ‌ಮ್ |
ಪರಿ॒ ಧಾಮಾ᳚ನಿ॒ ಮರ್ಮೃ॑ಶ॒ದ್ವರು॑ಣಸ್ಯ ಪು॒ರೋ ಗಯೇ॒ ವಿಶ್ವೇ᳚ ದೇ॒ವಾ ಅನು᳚ ವ್ರ॒ತಂ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.7
ಸ ಸ॑ಮು॒ದ್ರೋ ಅ॑ಪೀ॒ಚ್ಯ॑ಸ್ತು॒ರೋ ದ್ಯಾಮಿ॑ವ ರೋಹತಿ॒ ನಿ ಯದಾ᳚ಸು॒ ಯಜು॑ರ್ದ॒ಧೇ |
ಸ ಮಾ॒ಯಾ ಅ॒ರ್ಚಿನಾ᳚ ಪ॒ದಾಸ್ತೃ॑ಣಾ॒ನ್ನಾಕ॒ಮಾರು॑ಹ॒ನ್ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.8
ಯಸ್ಯ॑ ಶ್ವೇ॒ತಾ ವಿ॑ಚಕ್ಷ॒ಣಾ ತಿ॒ಸ್ರೋ ಭೂಮೀ᳚ರಧಿಕ್ಷಿ॒ತಃ |
ತ್ರಿರುತ್ತ॑ರಾಣಿ ಪ॒ಪ್ರತು॒ರ್ವರು॑ಣಸ್ಯ ಧ್ರು॒ವಂ ಸದಃ॒ ಸ ಸ॑ಪ್ತಾ॒ನಾಮಿ॑ರಜ್ಯತಿ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.9
ಯಃ ಶ್ವೇ॒ತಾಁ ಅಧಿ॑ನಿರ್ಣಿಜಶ್ಚ॒ಕ್ರೇ ಕೃ॒ಷ್ಣಾಁ ಅನು᳚ ವ್ರ॒ತಾ |
ಸ ಧಾಮ॑ ಪೂ॒ರ್ವ್ಯಂ ಮ॑ಮೇ॒ ಯಃ ಸ್ಕಂ॒ಭೇನ॒ ವಿ ರೋದ॑ಸೀ ಅ॒ಜೋ ನ ದ್ಯಾಮಧಾ᳚ರಯ॒ನ್ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.41.10

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ನಾಭಾಕ ಆತ್ರೇಯೋಽರ್ಚನಾನಾ ವಾ ಋಷಿಃ (1-3) ಪ್ರಥಮತೃಚಸ್ಯ ವರುಣಃ, (4-6) ದ್ವಿತೀಯತೃಚಸ್ಯ ಚಾಶ್ವಿನೌ ದೇವತಾಃ (1-3) ಪ್ರಥಮತೃಚಸ್ಯ ತ್ರಿಷ್ಟುಪ, (4-6) ದ್ವಿತೀಯತೃಚಸ್ಯ ಚಾನುಷ್ಟಪ್ ಛಂದಸೀ

ಅಸ್ತ॑ಭ್ನಾ॒ದ್ದ್ಯಾಮಸು॑ರೋ ವಿ॒ಶ್ವವೇ᳚ದಾ॒ ಅಮಿ॑ಮೀತ ವರಿ॒ಮಾಣಂ᳚ ಪೃಥಿ॒ವ್ಯಾಃ |
ಆಸೀ᳚ದ॒ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾಡ್ವಿಶ್ವೇತ್ತಾನಿ॒ ವರು॑ಣಸ್ಯ ವ್ರ॒ತಾನಿ॑ || 8.42.1
ಏ॒ವಾ ವಂ᳚ದಸ್ವ॒ ವರು॑ಣಂ ಬೃ॒ಹ‌ನ್ತಂ᳚ ನಮ॒ಸ್ಯಾ ಧೀರ॑ಮ॒ಮೃತ॑ಸ್ಯ ಗೋ॒ಪಾ‌ಮ್ |
ಸ ನಃ॒ ಶರ್ಮ॑ ತ್ರಿ॒ವರೂ᳚ಥಂ॒ ವಿ ಯಂ᳚ಸತ್ಪಾ॒ತಂ ನೋ᳚ ದ್ಯಾವಾಪೃಥಿವೀ ಉ॒ಪಸ್ಥೇ᳚ || 8.42.2
ಇ॒ಮಾಂ ಧಿಯಂ॒ ಶಿಕ್ಷ॑ಮಾಣಸ್ಯ ದೇವ॒ ಕ್ರತುಂ॒ ದಕ್ಷಂ᳚ ವರುಣ॒ ಸಂ ಶಿ॑ಶಾಧಿ |
ಯಯಾತಿ॒ ವಿಶ್ವಾ᳚ ದುರಿ॒ತಾ ತರೇ᳚ಮ ಸು॒ತರ್ಮಾ᳚ಣ॒ಮಧಿ॒ ನಾವಂ᳚ ರುಹೇಮ || 8.42.3
ಆ ವಾಂ॒ ಗ್ರಾವಾ᳚ಣೋ ಅಶ್ವಿನಾ ಧೀ॒ಭಿರ್ವಿಪ್ರಾ᳚ ಅಚುಚ್ಯವುಃ |
ನಾಸ॑ತ್ಯಾ॒ ಸೋಮ॑ಪೀತಯೇ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.42.4
ಯಥಾ᳚ ವಾ॒ಮತ್ರಿ॑ರಶ್ವಿನಾ ಗೀ॒ರ್ಭಿರ್ವಿಪ್ರೋ॒ ಅಜೋ᳚ಹವೀತ್ |
ನಾಸ॑ತ್ಯಾ॒ ಸೋಮ॑ಪೀತಯೇ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.42.5
ಏ॒ವಾ ವಾ᳚ಮಹ್ವ ಊ॒ತಯೇ॒ ಯಥಾಹು॑ವ‌ನ್ತ॒ ಮೇಧಿ॑ರಾಃ |
ನಾಸ॑ತ್ಯಾ॒ ಸೋಮ॑ಪೀತಯೇ॒ ನಭ᳚‌ನ್ತಾಮನ್ಯ॒ಕೇ ಸ॑ಮೇ || 8.42.6

(1-33) ತ್ರಯಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ವಿರೂಪ ಋಷಿಃ, ಅಗ್ನಿದೇರ್ವತಾ. ಗಾಯತ್ರೀ ಛಂದಃ

ಇ॒ಮೇ ವಿಪ್ರ॑ಸ್ಯ ವೇ॒ಧಸೋ॒ಽಗ್ನೇರಸ್ತೃ॑ತಯಜ್ವನಃ |
ಗಿರಃ॒ ಸ್ತೋಮಾ᳚ಸ ಈರತೇ || 8.43.1
ಅಸ್ಮೈ᳚ ತೇ ಪ್ರತಿ॒ಹರ್ಯ॑ತೇ॒ ಜಾತ॑ವೇದೋ॒ ವಿಚ॑ರ್ಷಣೇ |
ಅಗ್ನೇ॒ ಜನಾ᳚ಮಿ ಸುಷ್ಟು॒ತಿ‌ಮ್ || 8.43.2
ಆ॒ರೋ॒ಕಾ ಇ॑ವ॒ ಘೇದಹ॑ ತಿ॒ಗ್ಮಾ ಅ॑ಗ್ನೇ॒ ತವ॒ ತ್ವಿಷಃ॑ |
ದ॒ದ್ಭಿರ್ವನಾ᳚ನಿ ಬಪ್ಸತಿ || 8.43.3
ಹರ॑ಯೋ ಧೂ॒ಮಕೇ᳚ತವೋ॒ ವಾತ॑ಜೂತಾ॒ ಉಪ॒ ದ್ಯವಿ॑ |
ಯತ᳚‌ನ್ತೇ॒ ವೃಥ॑ಗ॒ಗ್ನಯಃ॑ || 8.43.4
ಏ॒ತೇ ತ್ಯೇ ವೃಥ॑ಗ॒ಗ್ನಯ॑ ಇ॒ದ್ಧಾಸಃ॒ ಸಮ॑ದೃಕ್ಷತ |
ಉ॒ಷಸಾ᳚ಮಿವ ಕೇ॒ತವಃ॑ || 8.43.5
ಕೃ॒ಷ್ಣಾ ರಜಾಂ᳚ಸಿ ಪತ್ಸು॒ತಃ ಪ್ರ॒ಯಾಣೇ᳚ ಜಾ॒ತವೇ᳚ದಸಃ |
ಅ॒ಗ್ನಿರ್ಯದ್ರೋಧ॑ತಿ॒ ಕ್ಷಮಿ॑ || 8.43.6
ಧಾ॒ಸಿಂ ಕೃ᳚ಣ್ವಾ॒ನ ಓಷ॑ಧೀ॒ರ್ಬಪ್ಸ॑ದ॒ಗ್ನಿರ್ನ ವಾ᳚ಯತಿ |
ಪುನ॒ರ್ಯ‌ನ್ತರು॑ಣೀ॒ರಪಿ॑ || 8.43.7
ಜಿ॒ಹ್ವಾಭಿ॒ರಹ॒ ನನ್ನ॑ಮದ॒ರ್ಚಿಷಾ᳚ ಜಂಜಣಾ॒ಭವನ್॑ |
ಅ॒ಗ್ನಿರ್ವನೇ᳚ಷು ರೋಚತೇ || 8.43.8
ಅ॒ಪ್ಸ್ವ॑ಗ್ನೇ॒ ಸಧಿ॒ಷ್ಟವ॒ ಸೌಷ॑ಧೀ॒ರನು॑ ರುಧ್ಯಸೇ |
ಗರ್ಭೇ॒ ಸಂಜಾ᳚ಯಸೇ॒ ಪುನಃ॑ || 8.43.9
ಉದ॑ಗ್ನೇ॒ ತವ॒ ತದ್ಘೃ॒ತಾದ॒ರ್ಚೀ ರೋ᳚ಚತ॒ ಆಹು॑ತ‌ಮ್ |
ನಿಂಸಾ᳚ನಂ ಜು॒ಹ್ವೋ॒3॒॑ ಮುಖೇ᳚ || 8.43.10
ಉ॒ಕ್ಷಾನ್ನಾ᳚ಯ ವ॒ಶಾನ್ನಾ᳚ಯ॒ ಸೋಮ॑ಪೃಷ್ಠಾಯ ವೇ॒ಧಸೇ᳚ |
ಸ್ತೋಮೈ᳚ರ್ವಿಧೇಮಾ॒ಗ್ನಯೇ᳚ || 8.43.11
ಉ॒ತ ತ್ವಾ॒ ನಮ॑ಸಾ ವ॒ಯಂ ಹೋತ॒ರ್ವರೇ᳚ಣ್ಯಕ್ರತೋ |
ಅಗ್ನೇ᳚ ಸ॒ಮಿದ್ಭಿ॑ರೀಮಹೇ || 8.43.12
ಉ॒ತ ತ್ವಾ᳚ ಭೃಗು॒ವಚ್ಛು॑ಚೇ ಮನು॒ಷ್ವದ॑ಗ್ನ ಆಹುತ |
ಅಂ॒ಗಿ॒ರ॒ಸ್ವದ್ಧ॑ವಾಮಹೇ || 8.43.13
ತ್ವಂ ಹ್ಯ॑ಗ್ನೇ ಅ॒ಗ್ನಿನಾ॒ ವಿಪ್ರೋ॒ ವಿಪ್ರೇ᳚ಣ॒ ಸ‌‌ನ್ತ್ಸ॒ತಾ |
ಸಖಾ॒ ಸಖ್ಯಾ᳚ ಸಮಿ॒ಧ್ಯಸೇ᳚ || 8.43.14
ಸ ತ್ವಂ ವಿಪ್ರಾ᳚ಯ ದಾ॒ಶುಷೇ᳚ ರ॒ಯಿಂ ದೇ᳚ಹಿ ಸಹ॒ಸ್ರಿಣ‌ಮ್᳚ |
ಅಗ್ನೇ᳚ ವೀ॒ರವ॑ತೀ॒ಮಿಷ‌ಮ್᳚ || 8.43.15
ಅಗ್ನೇ॒ ಭ್ರಾತಃ॒ ಸಹ॑ಸ್ಕೃತ॒ ರೋಹಿ॑ದಶ್ವ॒ ಶುಚಿ᳚ವ್ರತ |
ಇ॒ಮಂ ಸ್ತೋಮಂ᳚ ಜುಷಸ್ವ ಮೇ || 8.43.16
ಉ॒ತ ತ್ವಾ᳚ಗ್ನೇ॒ ಮಮ॒ ಸ್ತುತೋ᳚ ವಾ॒ಶ್ರಾಯ॑ ಪ್ರತಿ॒ಹರ್ಯ॑ತೇ |
ಗೋ॒ಷ್ಠಂ ಗಾವ॑ ಇವಾಶತ || 8.43.17
ತುಭ್ಯಂ॒ ತಾ ಅಂ᳚ಗಿರಸ್ತಮ॒ ವಿಶ್ವಾಃ᳚ ಸುಕ್ಷಿ॒ತಯಃ॒ ಪೃಥ॑ಕ್ |
ಅಗ್ನೇ॒ ಕಾಮಾ᳚ಯ ಯೇಮಿರೇ || 8.43.18
ಅ॒ಗ್ನಿಂ ಧೀ॒ಭಿರ್ಮ॑ನೀ॒ಷಿಣೋ॒ ಮೇಧಿ॑ರಾಸೋ ವಿಪ॒ಶ್ಚಿತಃ॑ |
ಅ॒ದ್ಮ॒ಸದ್ಯಾ᳚ಯ ಹಿನ್ವಿರೇ || 8.43.19
ತಂ ತ್ವಾಮಜ್ಮೇ᳚ಷು ವಾ॒ಜಿನಂ᳚ ತನ್ವಾ॒ನಾ ಅ॑ಗ್ನೇ ಅಧ್ವ॒ರ‌ಮ್ |
ವಹ್ನಿಂ॒ ಹೋತಾ᳚ರಮೀಳತೇ || 8.43.20
ಪು॒ರು॒ತ್ರಾ ಹಿ ಸ॒ದೃಙ್ಙಸಿ॒ ವಿಶೋ॒ ವಿಶ್ವಾ॒ ಅನು॑ ಪ್ರ॒ಭುಃ |
ಸ॒ಮತ್ಸು॑ ತ್ವಾ ಹವಾಮಹೇ || 8.43.21
ತಮೀ᳚ಳಿಷ್ವ॒ ಯ ಆಹು॑ತೋ॒ಽಗ್ನಿರ್ವಿ॒ಭ್ರಾಜ॑ತೇ ಘೃ॒ತೈಃ |
ಇ॒ಮಂ ನಃ॑ ಶೃಣವ॒ದ್ಧವ‌ಮ್᳚ || 8.43.22
ತಂ ತ್ವಾ᳚ ವ॒ಯಂ ಹ॑ವಾಮಹೇ ಶೃ॒ಣ್ವ‌ನ್ತಂ᳚ ಜಾ॒ತವೇ᳚ದಸ‌ಮ್ |
ಅಗ್ನೇ॒ ಘ್ನ‌ನ್ತ॒ಮಪ॒ ದ್ವಿಷಃ॑ || 8.43.23
ವಿ॒ಶಾಂ ರಾಜಾ᳚ನ॒ಮದ್ಭು॑ತ॒ಮಧ್ಯ॑ಕ್ಷಂ॒ ಧರ್ಮ॑ಣಾಮಿ॒ಮ‌ಮ್ |
ಅ॒ಗ್ನಿಮೀ᳚ಳೇ॒ ಸ ಉ॑ ಶ್ರವತ್ || 8.43.24
ಅ॒ಗ್ನಿಂ ವಿ॒ಶ್ವಾಯು॑ವೇಪಸಂ॒ ಮರ್ಯಂ॒ ನ ವಾ॒ಜಿನಂ᳚ ಹಿ॒ತ‌ಮ್ |
ಸಪ್ತಿಂ॒ ನ ವಾ᳚ಜಯಾಮಸಿ || 8.43.25
ಘ್ನನ್ಮೃ॒ಧ್ರಾಣ್ಯಪ॒ ದ್ವಿಷೋ॒ ದಹ॒ನ್ರಕ್ಷಾಂ᳚ಸಿ ವಿ॒ಶ್ವಹಾ᳚ |
ಅಗ್ನೇ᳚ ತಿ॒ಗ್ಮೇನ॑ ದೀದಿಹಿ || 8.43.26
ಯಂ ತ್ವಾ॒ ಜನಾ᳚ಸ ಇಂಧ॒ತೇ ಮ॑ನು॒ಷ್ವದಂ᳚ಗಿರಸ್ತಮ |
ಅಗ್ನೇ॒ ಸ ಬೋ᳚ಧಿ ಮೇ॒ ವಚಃ॑ || 8.43.27
ಯದ॑ಗ್ನೇ ದಿವಿ॒ಜಾ ಅಸ್ಯ॑ಪ್ಸು॒ಜಾ ವಾ᳚ ಸಹಸ್ಕೃತ |
ತಂ ತ್ವಾ᳚ ಗೀ॒ರ್ಭಿರ್ಹ॑ವಾಮಹೇ || 8.43.28
ತುಭ್ಯಂ॒ ಘೇತ್ತೇ ಜನಾ᳚ ಇ॒ಮೇ ವಿಶ್ವಾಃ᳚ ಸುಕ್ಷಿ॒ತಯಃ॒ ಪೃಥ॑ಕ್ |
ಧಾ॒ಸಿಂ ಹಿ᳚ನ್ವ॒‌ನ್ತ್ಯತ್ತ॑ವೇ || 8.43.29
ತೇ ಘೇದ॑ಗ್ನೇ ಸ್ವಾ॒ಧ್ಯೋಽಹಾ॒ ವಿಶ್ವಾ᳚ ನೃ॒ಚಕ್ಷ॑ಸಃ |
ತರ᳚‌ನ್ತಃ ಸ್ಯಾಮ ದು॒ರ್ಗಹಾ᳚ || 8.43.30
ಅ॒ಗ್ನಿಂ ಮಂ॒ದ್ರಂ ಪು॑ರುಪ್ರಿ॒ಯಂ ಶೀ॒ರಂ ಪಾ᳚ವ॒ಕಶೋ᳚ಚಿಷ‌ಮ್ |
ಹೃ॒ದ್ಭಿರ್ಮಂ॒ದ್ರೇಭಿ॑ರೀಮಹೇ || 8.43.31
ಸ ತ್ವಮ॑ಗ್ನೇ ವಿ॒ಭಾವ॑ಸುಃ ಸೃ॒ಜ‌‌ನ್ತ್ಸೂರ್ಯೋ॒ ನ ರ॒ಶ್ಮಿಭಿಃ॑ |
ಶರ್ಧ॒‌ನ್ತಮಾಂ᳚ಸಿ ಜಿಘ್ನಸೇ || 8.43.32
ತತ್ತೇ᳚ ಸಹಸ್ವ ಈಮಹೇ ದಾ॒ತ್ರಂ ಯನ್ನೋಪ॒ದಸ್ಯ॑ತಿ |
ತ್ವದ॑ಗ್ನೇ॒ ವಾರ್ಯಂ॒ ವಸು॑ || 8.43.33

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ವಿರೂಪ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಸ॒ಮಿಧಾ॒ಗ್ನಿಂ ದು॑ವಸ್ಯತ ಘೃ॒ತೈರ್ಬೋ᳚ಧಯ॒ತಾತಿ॑ಥಿ‌ಮ್ |
ಆಸ್ಮಿ॑ನ್ಹ॒ವ್ಯಾ ಜು॑ಹೋತನ || 8.44.1
ಅಗ್ನೇ॒ ಸ್ತೋಮಂ᳚ ಜುಷಸ್ವ ಮೇ॒ ವರ್ಧ॑ಸ್ವಾ॒ನೇನ॒ ಮನ್ಮ॑ನಾ |
ಪ್ರತಿ॑ ಸೂ॒ಕ್ತಾನಿ॑ ಹರ್ಯ ನಃ || 8.44.2
ಅ॒ಗ್ನಿಂ ದೂ॒ತಂ ಪು॒ರೋ ದ॑ಧೇ ಹವ್ಯ॒ವಾಹ॒ಮುಪ॑ ಬ್ರುವೇ |
ದೇ॒ವಾಁ ಆ ಸಾ᳚ದಯಾದಿ॒ಹ || 8.44.3
ಉತ್ತೇ᳚ ಬೃ॒ಹ‌ನ್ತೋ᳚ ಅ॒ರ್ಚಯಃ॑ ಸಮಿಧಾ॒ನಸ್ಯ॑ ದೀದಿವಃ |
ಅಗ್ನೇ᳚ ಶು॒ಕ್ರಾಸ॑ ಈರತೇ || 8.44.4
ಉಪ॑ ತ್ವಾ ಜು॒ಹ್ವೋ॒3॒॑ ಮಮ॑ ಘೃ॒ತಾಚೀ᳚ರ್ಯ‌ನ್ತು ಹರ್ಯತ |
ಅಗ್ನೇ᳚ ಹ॒ವ್ಯಾ ಜು॑ಷಸ್ವ ನಃ || 8.44.5
ಮಂ॒ದ್ರಂ ಹೋತಾ᳚ರಮೃ॒ತ್ವಿಜಂ᳚ ಚಿ॒ತ್ರಭಾ᳚ನುಂ ವಿ॒ಭಾವ॑ಸು‌ಮ್ |
ಅ॒ಗ್ನಿಮೀ᳚ಳೇ॒ ಸ ಉ॑ ಶ್ರವತ್ || 8.44.6
ಪ್ರ॒ತ್ನಂ ಹೋತಾ᳚ರ॒ಮೀಡ್ಯಂ॒ ಜುಷ್ಟ॑ಮ॒ಗ್ನಿಂ ಕ॒ವಿಕ್ರ॑ತು‌ಮ್ |
ಅ॒ಧ್ವ॒ರಾಣಾ᳚ಮಭಿ॒ಶ್ರಿಯ‌ಮ್᳚ || 8.44.7
ಜು॒ಷಾ॒ಣೋ ಅಂ᳚ಗಿರಸ್ತಮೇ॒ಮಾ ಹ॒ವ್ಯಾನ್ಯಾ᳚ನು॒ಷಕ್ |
ಅಗ್ನೇ᳚ ಯ॒ಜ್ಞಂ ನ॑ಯ ಋತು॒ಥಾ || 8.44.8
ಸ॒ಮಿ॒ಧಾ॒ನ ಉ॑ ಸ‌ನ್ತ್ಯ॒ ಶುಕ್ರ॑ಶೋಚ ಇ॒ಹಾ ವ॑ಹ |
ಚಿ॒ಕಿ॒ತ್ವಾಂದೈವ್ಯಂ॒ ಜನ‌ಮ್᳚ || 8.44.9
ವಿಪ್ರಂ॒ ಹೋತಾ᳚ರಮ॒ದ್ರುಹಂ᳚ ಧೂ॒ಮಕೇ᳚ತುಂ ವಿ॒ಭಾವ॑ಸು‌ಮ್ |
ಯ॒ಜ್ಞಾನಾಂ᳚ ಕೇ॒ತುಮೀ᳚ಮಹೇ || 8.44.10
ಅಗ್ನೇ॒ ನಿ ಪಾ᳚ಹಿ ನ॒ಸ್ತ್ವಂ ಪ್ರತಿ॑ ಷ್ಮ ದೇವ॒ ರೀಷ॑ತಃ |
ಭಿಂ॒ಧಿ ದ್ವೇಷಃ॑ ಸಹಸ್ಕೃತ || 8.44.11
ಅ॒ಗ್ನಿಃ ಪ್ರ॒ತ್ನೇನ॒ ಮನ್ಮ॑ನಾ॒ ಶುಂಭಾ᳚ನಸ್ತ॒ನ್ವ1॒॑ ಅಂಸ್ವಾ‌ಮ್ |
ಕ॒ವಿರ್ವಿಪ್ರೇ᳚ಣ ವಾವೃಧೇ || 8.44.12
ಊ॒ರ್ಜೋ ನಪಾ᳚ತ॒ಮಾ ಹು॑ವೇ॒ಽಗ್ನಿಂ ಪಾ᳚ವ॒ಕಶೋ᳚ಚಿಷ‌ಮ್ |
ಅ॒ಸ್ಮಿನ್ಯ॒ಜ್ಞೇ ಸ್ವ॑ಧ್ವ॒ರೇ || 8.44.13
ಸ ನೋ᳚ ಮಿತ್ರಮಹ॒ಸ್ತ್ವಮಗ್ನೇ᳚ ಶು॒ಕ್ರೇಣ॑ ಶೋ॒ಚಿಷಾ᳚ |
ದೇ॒ವೈರಾ ಸ॑ತ್ಸಿ ಬ॒ರ್ಹಿಷಿ॑ || 8.44.14
ಯೋ ಅ॒ಗ್ನಿಂ ತ॒ನ್ವೋ॒3॒॑ ದಮೇ᳚ ದೇ॒ವಂ ಮರ್ತಃ॑ ಸಪ॒ರ್ಯತಿ॑ |
ತಸ್ಮಾ॒ ಇದ್ದೀ᳚ದಯ॒ದ್ವಸು॑ || 8.44.15
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯ‌ಮ್ |
ಅ॒ಪಾಂ ರೇತಾಂ᳚ಸಿ ಜಿನ್ವತಿ || 8.44.16
ಉದ॑ಗ್ನೇ॒ ಶುಚ॑ಯ॒ಸ್ತವ॑ ಶು॒ಕ್ರಾ ಭ್ರಾಜ᳚‌ನ್ತ ಈರತೇ |
ತವ॒ ಜ್ಯೋತೀಂ᳚ಷ್ಯ॒ರ್ಚಯಃ॑ || 8.44.17
ಈಶಿ॑ಷೇ॒ ವಾರ್ಯ॑ಸ್ಯ॒ ಹಿ ದಾ॒ತ್ರಸ್ಯಾ᳚ಗ್ನೇ॒ ಸ್ವ॑ರ್ಪತಿಃ |
ಸ್ತೋ॒ತಾ ಸ್ಯಾಂ॒ ತವ॒ ಶರ್ಮ॑ಣಿ || 8.44.18
ತ್ವಾಮ॑ಗ್ನೇ ಮನೀ॒ಷಿಣ॒ಸ್ತ್ವಾಂ ಹಿ᳚ನ್ವ‌ನ್ತಿ॒ ಚಿತ್ತಿ॑ಭಿಃ |
ತ್ವಾಂ ವ॑ರ್ಧ‌ನ್ತು ನೋ॒ ಗಿರಃ॑ || 8.44.19
ಅದ॑ಬ್ಧಸ್ಯ ಸ್ವ॒ಧಾವ॑ತೋ ದೂ॒ತಸ್ಯ॒ ರೇಭ॑ತಃ॒ ಸದಾ᳚ |
ಅ॒ಗ್ನೇಃ ಸ॒ಖ್ಯಂ ವೃ॑ಣೀಮಹೇ || 8.44.20
ಅ॒ಗ್ನಿಃ ಶುಚಿ᳚ವ್ರತತಮಃ॒ ಶುಚಿ॒ರ್ವಿಪ್ರಃ॒ ಶುಚಿಃ॑ ಕ॒ವಿಃ |
ಶುಚೀ᳚ ರೋಚತ॒ ಆಹು॑ತಃ || 8.44.21
ಉ॒ತ ತ್ವಾ᳚ ಧೀ॒ತಯೋ॒ ಮಮ॒ ಗಿರೋ᳚ ವರ್ಧ‌ನ್ತು ವಿ॒ಶ್ವಹಾ᳚ |
ಅಗ್ನೇ᳚ ಸ॒ಖ್ಯಸ್ಯ॑ ಬೋಧಿ ನಃ || 8.44.22
ಯದ॑ಗ್ನೇ॒ ಸ್ಯಾಮ॒ಹಂ ತ್ವಂ ತ್ವಂ ವಾ᳚ ಘಾ॒ ಸ್ಯಾ ಅ॒ಹ‌ಮ್ |
ಸ್ಯುಷ್ಟೇ᳚ ಸ॒ತ್ಯಾ ಇ॒ಹಾಶಿಷಃ॑ || 8.44.23
ವಸು॒ರ್ವಸು॑ಪತಿ॒ರ್ಹಿ ಕ॒ಮಸ್ಯ॑ಗ್ನೇ ವಿ॒ಭಾವ॑ಸುಃ |
ಸ್ಯಾಮ॑ ತೇ ಸುಮ॒ತಾವಪಿ॑ || 8.44.24
ಅಗ್ನೇ᳚ ಧೃ॒ತವ್ರ॑ತಾಯ ತೇ ಸಮು॒ದ್ರಾಯೇ᳚ವ॒ ಸಿಂಧ॑ವಃ |
ಗಿರೋ᳚ ವಾ॒ಶ್ರಾಸ॑ ಈರತೇ || 8.44.25
ಯುವಾ᳚ನಂ ವಿ॒ಶ್ಪತಿಂ᳚ ಕ॒ವಿಂ ವಿ॒ಶ್ವಾದಂ᳚ ಪುರು॒ವೇಪ॑ಸ‌ಮ್ |
ಅ॒ಗ್ನಿಂ ಶುಂ᳚ಭಾಮಿ॒ ಮನ್ಮ॑ಭಿಃ || 8.44.26
ಯ॒ಜ್ಞಾನಾಂ᳚ ರ॒ಥ್ಯೇ᳚ ವ॒ಯಂ ತಿ॒ಗ್ಮಜಂ᳚ಭಾಯ ವೀ॒ಳವೇ᳚ |
ಸ್ತೋಮೈ᳚ರಿಷೇಮಾ॒ಗ್ನಯೇ᳚ || 8.44.27
ಅ॒ಯಮ॑ಗ್ನೇ॒ ತ್ವೇ ಅಪಿ॑ ಜರಿ॒ತಾ ಭೂ᳚ತು ಸ‌ನ್ತ್ಯ |
ತಸ್ಮೈ᳚ ಪಾವಕ ಮೃಳಯ || 8.44.28
ಧೀರೋ॒ ಹ್ಯಸ್ಯ॑ದ್ಮ॒ಸದ್ವಿಪ್ರೋ॒ ನ ಜಾಗೃ॑ವಿಃ॒ ಸದಾ᳚ |
ಅಗ್ನೇ᳚ ದೀ॒ದಯ॑ಸಿ॒ ದ್ಯವಿ॑ || 8.44.29
ಪು॒ರಾಗ್ನೇ᳚ ದುರಿ॒ತೇಭ್ಯಃ॑ ಪು॒ರಾ ಮೃ॒ಧ್ರೇಭ್ಯಃ॑ ಕವೇ |
ಪ್ರ ಣ॒ ಆಯು᳚ರ್ವಸೋ ತಿರ || 8.44.30

(1-42) ದ್ವಿಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಸ್ತ್ರಿಶೋಕ ಋಷಿಃ (1) ಪ್ರಥಮರ್ಚೋಽಗ್ನೀಂದ್ರೌ, (2-42) ದ್ವಿತೀಯಾದ್ಯೇಕಚತ್ವಾರಿಂಶದೃಚಾಂಚೇಂದ್ರೋ ದೇವತೇ, ಗಾಯತ್ರೀ ಛಂದಃ

ಆ ಘಾ॒ ಯೇ ಅ॒ಗ್ನಿಮಿಂ᳚ಧ॒ತೇ ಸ್ತೃ॒ಣ‌ನ್ತಿ॑ ಬ॒ರ್ಹಿರಾ᳚ನು॒ಷಕ್ |
ಯೇಷಾ॒ಮಿಂದ್ರೋ॒ ಯುವಾ॒ ಸಖಾ᳚ || 8.45.1
ಬೃ॒ಹನ್ನಿದಿ॒ಧ್ಮ ಏ᳚ಷಾಂ॒ ಭೂರಿ॑ ಶ॒ಸ್ತಂ ಪೃ॒ಥುಃ ಸ್ವರುಃ॑ |
ಯೇಷಾ॒ಮಿಂದ್ರೋ॒ ಯುವಾ॒ ಸಖಾ᳚ || 8.45.2
ಅಯು॑ದ್ಧ॒ ಇದ್ಯು॒ಧಾ ವೃತಂ॒ ಶೂರ॒ ಆಜ॑ತಿ॒ ಸತ್ವ॑ಭಿಃ |
ಯೇಷಾ॒ಮಿಂದ್ರೋ॒ ಯುವಾ॒ ಸಖಾ᳚ || 8.45.3
ಆ ಬುಂ॒ದಂ ವೃ॑ತ್ರ॒ಹಾ ದ॑ದೇ ಜಾ॒ತಃ ಪೃ॑ಚ್ಛ॒ದ್ವಿ ಮಾ॒ತರ‌ಮ್᳚ |
ಕ ಉ॒ಗ್ರಾಃ ಕೇ ಹ॑ ಶೃಣ್ವಿರೇ || 8.45.4
ಪ್ರತಿ॑ ತ್ವಾ ಶವ॒ಸೀ ವ॑ದದ್ಗಿ॒ರಾವಪ್ಸೋ॒ ನ ಯೋ᳚ಧಿಷತ್ |
ಯಸ್ತೇ᳚ ಶತ್ರು॒ತ್ವಮಾ᳚ಚ॒ಕೇ || 8.45.5
ಉ॒ತ ತ್ವಂ ಮ॑ಘವಂಛೃಣು॒ ಯಸ್ತೇ॒ ವಷ್ಟಿ॑ ವ॒ವಕ್ಷಿ॒ ತತ್ |
ಯದ್ವೀ॒ಳಯಾ᳚ಸಿ ವೀ॒ಳು ತತ್ || 8.45.6
ಯದಾ॒ಜಿಂ ಯಾತ್ಯಾ᳚ಜಿ॒ಕೃದಿಂದ್ರಃ॑ ಸ್ವಶ್ವ॒ಯುರುಪ॑ |
ರ॒ಥೀತ॑ಮೋ ರ॒ಥೀನಾ᳚‌ಮ್ || 8.45.7
ವಿ ಷು ವಿಶ್ವಾ᳚ ಅಭಿ॒ಯುಜೋ॒ ವಜ್ರಿ॒ನ್ವಿಷ್ವ॒ಗ್ಯಥಾ᳚ ವೃಹ |
ಭವಾ᳚ ನಃ ಸು॒ಶ್ರವ॑ಸ್ತಮಃ || 8.45.8
ಅ॒ಸ್ಮಾಕಂ॒ ಸು ರಥಂ᳚ ಪು॒ರ ಇಂದ್ರಃ॑ ಕೃಣೋತು ಸಾ॒ತಯೇ᳚ |
ನ ಯಂ ಧೂರ್ವ᳚‌ನ್ತಿ ಧೂ॒ರ್ತಯಃ॑ || 8.45.9
ವೃ॒ಜ್ಯಾಮ॑ ತೇ॒ ಪರಿ॒ ದ್ವಿಷೋಽರಂ᳚ ತೇ ಶಕ್ರ ದಾ॒ವನೇ᳚ |
ಗ॒ಮೇಮೇದಿಂ᳚ದ್ರ॒ ಗೋಮ॑ತಃ || 8.45.10
ಶನೈ᳚ಶ್ಚಿ॒ದ್ಯ‌ನ್ತೋ᳚ ಅದ್ರಿ॒ವೋಽಶ್ವಾ᳚ವ‌ನ್ತಃ ಶತ॒ಗ್ವಿನಃ॑ |
ವಿ॒ವಕ್ಷ॑ಣಾ ಅನೇ॒ಹಸಃ॑ || 8.45.11
ಊ॒ರ್ಧ್ವಾ ಹಿ ತೇ᳚ ದಿ॒ವೇದಿ॑ವೇ ಸ॒ಹಸ್ರಾ᳚ ಸೂ॒ನೃತಾ᳚ ಶ॒ತಾ |
ಜ॒ರಿ॒ತೃಭ್ಯೋ᳚ ವಿ॒ಮಂಹ॑ತೇ || 8.45.12
ವಿ॒ದ್ಮಾ ಹಿ ತ್ವಾ᳚ ಧನಂಜ॒ಯಮಿಂದ್ರ॑ ದೃ॒ಳ್ಹಾ ಚಿ॑ದಾರು॒ಜ‌ಮ್ |
ಆ॒ದಾ॒ರಿಣಂ॒ ಯಥಾ॒ ಗಯ‌ಮ್᳚ || 8.45.13
ಕ॒ಕು॒ಹಂ ಚಿ॑ತ್ತ್ವಾ ಕವೇ॒ ಮಂದ᳚‌ನ್ತು ಧೃಷ್ಣ॒ವಿಂದ॑ವಃ |
ಆ ತ್ವಾ᳚ ಪ॒ಣಿಂ ಯದೀಮ॑ಹೇ || 8.45.14
ಯಸ್ತೇ᳚ ರೇ॒ವಾಁ ಅದಾ᳚ಶುರಿಃ ಪ್ರಮ॒ಮರ್ಷ॑ ಮ॒ಘತ್ತ॑ಯೇ |
ತಸ್ಯ॑ ನೋ॒ ವೇದ॒ ಆ ಭ॑ರ || 8.45.15
ಇ॒ಮ ಉ॑ ತ್ವಾ॒ ವಿ ಚ॑ಕ್ಷತೇ॒ ಸಖಾ᳚ಯ ಇಂದ್ರ ಸೋ॒ಮಿನಃ॑ |
ಪು॒ಷ್ಟಾವ᳚‌ನ್ತೋ॒ ಯಥಾ᳚ ಪ॒ಶು‌ಮ್ || 8.45.16
ಉ॒ತ ತ್ವಾಬ॑ಧಿರಂ ವ॒ಯಂ ಶ್ರುತ್ಕ᳚ರ್ಣಂ॒ ಸ‌ನ್ತ॑ಮೂ॒ತಯೇ᳚ |
ದೂ॒ರಾದಿ॒ಹ ಹ॑ವಾಮಹೇ || 8.45.17
ಯಚ್ಛು॑ಶ್ರೂ॒ಯಾ ಇ॒ಮಂ ಹವಂ᳚ ದು॒ರ್ಮರ್ಷಂ᳚ ಚಕ್ರಿಯಾ ಉ॒ತ |
ಭವೇ᳚ರಾ॒ಪಿರ್ನೋ॒ ಅ‌ನ್ತ॑ಮಃ || 8.45.18
ಯಚ್ಚಿ॒ದ್ಧಿ ತೇ॒ ಅಪಿ॒ ವ್ಯಥಿ॑ರ್ಜಗ॒ನ್ವಾಂಸೋ॒ ಅಮ᳚ನ್ಮಹಿ |
ಗೋ॒ದಾ ಇದಿಂ᳚ದ್ರ ಬೋಧಿ ನಃ || 8.45.19
ಆ ತ್ವಾ᳚ ರಂ॒ಭಂ ನ ಜಿವ್ರ॑ಯೋ ರರ॒ಭ್ಮಾ ಶ॑ವಸಸ್ಪತೇ |
ಉ॒ಶ್ಮಸಿ॑ ತ್ವಾ ಸ॒ಧಸ್ಥ॒ ಆ || 8.45.20
ಸ್ತೋ॒ತ್ರಮಿಂದ್ರಾ᳚ಯ ಗಾಯತ ಪುರುನೃ॒ಮ್ಣಾಯ॒ ಸತ್ವ॑ನೇ |
ನಕಿ॒ರ್ಯಂ ವೃ᳚ಣ್ವ॒ತೇ ಯು॒ಧಿ || 8.45.21
ಅ॒ಭಿ ತ್ವಾ᳚ ವೃಷಭಾ ಸು॒ತೇ ಸು॒ತಂ ಸೃ॑ಜಾಮಿ ಪೀ॒ತಯೇ᳚ |
ತೃಂ॒ಪಾ ವ್ಯ॑ಶ್ನುಹೀ॒ ಮದ‌ಮ್᳚ || 8.45.22
ಮಾ ತ್ವಾ᳚ ಮೂ॒ರಾ ಅ॑ವಿ॒ಷ್ಯವೋ॒ ಮೋಪ॒ಹಸ್ವಾ᳚ನ॒ ಆ ದ॑ಭನ್ |
ಮಾಕೀಂ᳚ ಬ್ರಹ್ಮ॒ದ್ವಿಷೋ᳚ ವನಃ || 8.45.23
ಇ॒ಹ ತ್ವಾ॒ ಗೋಪ॑ರೀಣಸಾ ಮ॒ಹೇ ಮಂ᳚ದ‌ನ್ತು॒ ರಾಧ॑ಸೇ |
ಸರೋ᳚ ಗೌ॒ರೋ ಯಥಾ᳚ ಪಿಬ || 8.45.24
ಯಾ ವೃ॑ತ್ರ॒ಹಾ ಪ॑ರಾ॒ವತಿ॒ ಸನಾ॒ ನವಾ᳚ ಚ ಚುಚ್ಯು॒ವೇ |
ತಾ ಸಂ॒ಸತ್ಸು॒ ಪ್ರ ವೋ᳚ಚತ || 8.45.25
ಅಪಿ॑ಬತ್ಕ॒ದ್ರುವಃ॑ ಸು॒ತಮಿಂದ್ರಃ॑ ಸ॒ಹಸ್ರ॑ಬಾಹ್ವೇ |
ಅತ್ರಾ᳚ದೇದಿಷ್ಟ॒ ಪೌಂಸ್ಯ‌ಮ್᳚ || 8.45.26
ಸ॒ತ್ಯಂ ತತ್ತು॒ರ್ವಶೇ॒ ಯದೌ॒ ವಿದಾ᳚ನೋ ಅಹ್ನವಾ॒ಯ್ಯ‌ಮ್ |
ವ್ಯಾ᳚ನಟ್ ತು॒ರ್ವಣೇ॒ ಶಮಿ॑ || 8.45.27
ತ॒ರಣಿಂ᳚ ವೋ॒ ಜನಾ᳚ನಾಂ ತ್ರ॒ದಂ ವಾಜ॑ಸ್ಯ॒ ಗೋಮ॑ತಃ |
ಸ॒ಮಾ॒ನಮು॒ ಪ್ರ ಶಂ᳚ಸಿಷ‌ಮ್ || 8.45.28
ಋ॒ಭು॒ಕ್ಷಣಂ॒ ನ ವರ್ತ॑ವ ಉ॒ಕ್ಥೇಷು॑ ತುಗ್ರ್ಯಾ॒ವೃಧ‌ಮ್᳚ |
ಇಂದ್ರಂ॒ ಸೋಮೇ॒ ಸಚಾ᳚ ಸು॒ತೇ || 8.45.29
ಯಃ ಕೃ॒‌ನ್ತದಿದ್ವಿ ಯೋ॒ನ್ಯಂ ತ್ರಿ॒ಶೋಕಾ᳚ಯ ಗಿ॒ರಿಂ ಪೃ॒ಥು‌ಮ್ |
ಗೋಭ್ಯೋ᳚ ಗಾ॒ತುಂ ನಿರೇ᳚ತವೇ || 8.45.30
ಯದ್ದ॑ಧಿ॒ಷೇ ಮ॑ನ॒ಸ್ಯಸಿ॑ ಮಂದಾ॒ನಃ ಪ್ರೇದಿಯ॑ಕ್ಷಸಿ |
ಮಾ ತತ್ಕ॑ರಿಂದ್ರ ಮೃ॒ಳಯ॑ || 8.45.31
ದ॒ಭ್ರಂ ಚಿ॒ದ್ಧಿ ತ್ವಾವ॑ತಃ ಕೃ॒ತಂ ಶೃ॒ಣ್ವೇ ಅಧಿ॒ ಕ್ಷಮಿ॑ |
ಜಿಗಾ᳚ತ್ವಿಂದ್ರ ತೇ॒ ಮನಃ॑ || 8.45.32
ತವೇದು॒ ತಾಃ ಸು॑ಕೀ॒ರ್ತಯೋಽಸ᳚ನ್ನು॒ತ ಪ್ರಶ॑ಸ್ತಯಃ |
ಯದಿಂ᳚ದ್ರ ಮೃ॒ಳಯಾ᳚ಸಿ ನಃ || 8.45.33
ಮಾ ನ॒ ಏಕ॑ಸ್ಮಿ॒ನ್ನಾಗ॑ಸಿ॒ ಮಾ ದ್ವಯೋ᳚ರು॒ತ ತ್ರಿ॒ಷು |
ವಧೀ॒ರ್ಮಾ ಶೂ᳚ರ॒ ಭೂರಿ॑ಷು || 8.45.34
ಬಿ॒ಭಯಾ॒ ಹಿ ತ್ವಾವ॑ತ ಉ॒ಗ್ರಾದ॑ಭಿಪ್ರಭಂ॒ಗಿಣಃ॑ |
ದ॒ಸ್ಮಾದ॒ಹಮೃ॑ತೀ॒ಷಹಃ॑ || 8.45.35
ಮಾ ಸಖ್ಯುಃ॒ ಶೂನ॒ಮಾ ವಿ॑ದೇ॒ ಮಾ ಪು॒ತ್ರಸ್ಯ॑ ಪ್ರಭೂವಸೋ |
ಆ॒ವೃತ್ವ॑ದ್ಭೂತು ತೇ॒ ಮನಃ॑ || 8.45.36
ಕೋ ನು ಮ᳚ರ್ಯಾ॒ ಅಮಿ॑ಥಿತಃ॒ ಸಖಾ॒ ಸಖಾ᳚ಯಮಬ್ರವೀತ್ |
ಜ॒ಹಾ ಕೋ ಅ॒ಸ್ಮದೀ᳚ಷತೇ || 8.45.37
ಏ॒ವಾರೇ᳚ ವೃಷಭಾ ಸು॒ತೇಽಸಿ᳚ನ್ವ॒ನ್ಭೂರ್ಯಾ᳚ವಯಃ |
ಶ್ವ॒ಘ್ನೀವ॑ ನಿ॒ವತಾ॒ ಚರನ್॑ || 8.45.38
ಆ ತ॑ ಏ॒ತಾ ವ॑ಚೋ॒ಯುಜಾ॒ ಹರೀ᳚ ಗೃಭ್ಣೇ ಸು॒ಮದ್ರ॑ಥಾ |
ಯದೀಂ᳚ ಬ್ರ॒ಹ್ಮಭ್ಯ॒ ಇದ್ದದಃ॑ || 8.45.39
ಭಿಂ॒ಧಿ ವಿಶ್ವಾ॒ ಅಪ॒ ದ್ವಿಷಃ॒ ಪರಿ॒ ಬಾಧೋ᳚ ಜ॒ಹೀ ಮೃಧಃ॑ |
ವಸು॑ ಸ್ಪಾ॒ರ್ಹಂ ತದಾ ಭ॑ರ || 8.45.40
ಯದ್ವೀ॒ಳಾವಿಂ᳚ದ್ರ॒ ಯತ್ಸ್ಥಿ॒ರೇ ಯತ್ಪರ್ಶಾ᳚ನೇ॒ ಪರಾ᳚ಭೃತ‌ಮ್ |
ವಸು॑ ಸ್ಪಾ॒ರ್ಹಂ ತದಾ ಭ॑ರ || 8.45.41
ಯಸ್ಯ॑ ತೇ ವಿ॒ಶ್ವಮಾ᳚ನುಷೋ॒ ಭೂರೇ᳚ರ್ದ॒ತ್ತಸ್ಯ॒ ವೇದ॑ತಿ |
ವಸು॑ ಸ್ಪಾ॒ರ್ಹಂ ತದಾ ಭ॑ರ || 8.45.42

(1-33) ತ್ರಯಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯಾಶ್ವ್ಯೋ ವಶ ಋಷಿಃ (1-10, 29-31, 33) ಪ್ರಥಮಾದಿವಿಂಶತ್ರ್ಯಚಾಮೇಕೋನತ್ರಿಂಶ್ಯಾದಿತೃಚಸ್ಯ ತ್ರಯಸ್ತ್ರಿಂಶ್ಯಾಶ್ಚೇಂದ್ರಃ, (21-24) ಏಕವಿಂಶ್ಯಾದಿಚತಸೃಣಾಂ ಕಾನೀತಸ್ಯ ಪೃಥಶ್ರು ವಸೋ ದಾನಸ್ತುತಿಃ, (25-28, 32) ಪಂಚವಿಂಶ್ಯಾದಿಚತಸೃಣಾಂ ದ್ವಾತ್ರಿಂಶ್ಯಾಶ್ಚ ವಾಯುದರ್ವೇ ತಾಃ (1) ಪ್ರಥಮರ್ಚಃ ಪಾದನಿಚ್ರತ್ (24, 6, 10, 23, 29, 33) ದ್ವಿತೀಯಾದಿತೃಚಸ್ಯ ಷಷ್ಠೀದಶಮೀತ್ರಯೋವಿಂಶ್ಯೇಕೋನವಿಂಶೀತ್ರಯಸ್ತ್ರಿಂಶೀನಾಂಚ ಗಾಯತ್ರೀ, (5) ಪಂಚಮ್ಯಾಃ ಕಕಪ, (7, 19) ಸಪ್ತಮ್ಯೇಕೋನವಿಂಶ್ಯೋಬೃಹ ತೀ, (8) ಅಷ್ಟಮ್ಯಾ ಅನುಷ್ಟಪ್ (9) ನವಮ್ಯಾಃ ಸತೋಬೃಹತೀ, (11-12) ಏಕಾದಶೀದ್ವಾದಶ್ಯೋರ್ವಿಪರೀತೋತ್ತರಃ ಪ್ರಗಾಥಃ (ಏಕಾದಶ್ಯಾ ಬೃಹತೀ, ದ್ವಾಡಶ್ಯಾ ವಿಪರೀತಾ ಸತೋಬೃಹತೀ), (13) ತ್ರಯೋದಶ್ಯಾ ದ್ವಿಪದಾ ಜಗತೀ, (14) ಚತುದರ್ಶ ಯಾ ಪಿಪೀಲಿಕಮಧ್ಯಾ ಬೃಹತೀ, (15) ಪಂಚದಶ್ಯಾಃ ಕಕುಮ್ನಯಾಶಿರಾ, (16) ಷೋಡಶ್ಯಾ ವಿರಾಟ್, (17) ಸಪ್ತದಶ್ಯಾ ಜಗತೀ, (18) ಅಷ್ಟಾದಶ್ಯಾ ಉಪರಿಷ್ಟಾದ್ಬ್ರಹತೀ, (20) ವಿಂಶ್ಯಾ ವಿಷಮಪದಾ ಬೃಹತೀ, (21-22, 24, 32) ಏಕವಿಂಶೀದ್ವಾವಿಂಶೀಚತುರ್ವಿಶೀದ್ವಾತ್ರಿಂಶೀನಾಂ ಪಂಕ್ತಿಃ (25-28) ಪಂಚವಿಂಶ್ಯಾದಿಚತಸೃಣಾಂ ಪ್ರಗಾಥಃ ((25, 27) ಪಂಚವಿಂಶೀಸಪ್ತವಿಂಶ್ಯೋಬೃಹಂ ತೀ, (26, 28) ಷಡ಼ಿವಶಂ ಯಷ್ಟಾವಿಂಶ್ಯೋಃ ಸತೋಬೃಹತೀ), (30) ತ್ರಿಂಶ್ಯಾ ದ್ವಿಪದಾ ವಿರಾಟ್, (31) ಏಕತ್ರಿಂಶ್ಯಾಶ್ಚೋಷ್ಣಿಕ್ ಛಂದಾಂಸಿ

ತ್ವಾವ॑ತಃ ಪುರೂವಸೋ ವ॒ಯಮಿಂ᳚ದ್ರ ಪ್ರಣೇತಃ |
ಸ್ಮಸಿ॑ ಸ್ಥಾತರ್ಹರೀಣಾ‌ಮ್ || 8.46.1
ತ್ವಾಂ ಹಿ ಸ॒ತ್ಯಮ॑ದ್ರಿವೋ ವಿ॒ದ್ಮ ದಾ॒ತಾರ॑ಮಿ॒ಷಾ‌ಮ್ |
ವಿ॒ದ್ಮ ದಾ॒ತಾರಂ᳚ ರಯೀ॒ಣಾ‌ಮ್ || 8.46.2
ಆ ಯಸ್ಯ॑ ತೇ ಮಹಿ॒ಮಾನಂ॒ ಶತ॑ಮೂತೇ॒ ಶತ॑ಕ್ರತೋ |
ಗೀ॒ರ್ಭಿರ್ಗೃ॒ಣ‌ನ್ತಿ॑ ಕಾ॒ರವಃ॑ || 8.46.3
ಸು॒ನೀ॒ಥೋ ಘಾ॒ ಸ ಮರ್ತ್ಯೋ॒ ಯಂ ಮ॒ರುತೋ॒ ಯಮ᳚ರ್ಯ॒ಮಾ |
ಮಿ॒ತ್ರಃ ಪಾ‌ನ್ತ್ಯ॒ದ್ರುಹಃ॑ || 8.46.4
ದಧಾ᳚ನೋ॒ ಗೋಮ॒ದಶ್ವ॑ವತ್ಸು॒ವೀರ್ಯ॑ಮಾದಿ॒ತ್ಯಜೂ᳚ತ ಏಧತೇ |
ಸದಾ᳚ ರಾ॒ಯಾ ಪು॑ರು॒ಸ್ಪೃಹಾ᳚ || 8.46.5
ತಮಿಂದ್ರಂ॒ ದಾನ॑ಮೀಮಹೇ ಶವಸಾ॒ನಮಭೀ᳚ರ್ವ‌ಮ್ |
ಈಶಾ᳚ನಂ ರಾ॒ಯ ಈ᳚ಮಹೇ || 8.46.6
ತಸ್ಮಿ॒ನ್ಹಿ ಸ‌ನ್ತ್ಯೂ॒ತಯೋ॒ ವಿಶ್ವಾ॒ ಅಭೀ᳚ರವಃ॒ ಸಚಾ᳚ |
ತಮಾ ವ॑ಹ‌ನ್ತು॒ ಸಪ್ತ॑ಯಃ ಪುರೂ॒ವಸುಂ॒ ಮದಾ᳚ಯ॒ ಹರ॑ಯಃ ಸು॒ತ‌ಮ್ || 8.46.7
ಯಸ್ತೇ॒ ಮದೋ॒ ವರೇ᳚ಣ್ಯೋ॒ ಯ ಇಂ᳚ದ್ರ ವೃತ್ರ॒ಹ‌ನ್ತ॑ಮಃ |
ಯ ಆ᳚ದ॒ದಿಃ ಸ್ವ1॒᳚ರ್ನೃಭಿ॒ರ್ಯಃ ಪೃತ॑ನಾಸು ದು॒ಷ್ಟರಃ॑ || 8.46.8
ಯೋ ದು॒ಷ್ಟರೋ᳚ ವಿಶ್ವವಾರ ಶ್ರ॒ವಾಯ್ಯೋ॒ ವಾಜೇ॒ಷ್ವಸ್ತಿ॑ ತರು॒ತಾ |
ಸ ನಃ॑ ಶವಿಷ್ಠ॒ ಸವ॒ನಾ ವ॑ಸೋ ಗಹಿ ಗ॒ಮೇಮ॒ ಗೋಮ॑ತಿ ವ್ರ॒ಜೇ || 8.46.9
ಗ॒ವ್ಯೋ ಷು ಣೋ॒ ಯಥಾ᳚ ಪು॒ರಾಶ್ವ॒ಯೋತ ರ॑ಥ॒ಯಾ |
ವ॒ರಿ॒ವ॒ಸ್ಯ ಮ॑ಹಾಮಹ || 8.46.10
ನ॒ಹಿ ತೇ᳚ ಶೂರ॒ ರಾಧ॒ಸೋಽ‌ನ್ತಂ᳚ ವಿಂ॒ದಾಮಿ॑ ಸ॒ತ್ರಾ |
ದ॒ಶ॒ಸ್ಯಾ ನೋ᳚ ಮಘವ॒ನ್ನೂ ಚಿ॑ದದ್ರಿವೋ॒ ಧಿಯೋ॒ ವಾಜೇ᳚ಭಿರಾವಿಥ || 8.46.11
ಯ ಋ॒ಷ್ವಃ ಶ್ರಾ᳚ವ॒ಯತ್ಸ॑ಖಾ॒ ವಿಶ್ವೇತ್ಸ ವೇ᳚ದ॒ ಜನಿ॑ಮಾ ಪುರುಷ್ಟು॒ತಃ |
ತಂ ವಿಶ್ವೇ॒ ಮಾನು॑ಷಾ ಯು॒ಗೇಂದ್ರಂ᳚ ಹವ‌ನ್ತೇ ತವಿ॒ಷಂ ಯ॒ತಸ್ರು॑ಚಃ || 8.46.12
ಸ ನೋ॒ ವಾಜೇ᳚ಷ್ವವಿ॒ತಾ ಪು॑ರೂ॒ವಸುಃ॑ ಪುರಃಸ್ಥಾ॒ತಾ ಮ॒ಘವಾ᳚ ವೃತ್ರ॒ಹಾ ಭು॑ವತ್ || 8.46.13
ಅ॒ಭಿ ವೋ᳚ ವೀ॒ರಮಂಧ॑ಸೋ॒ ಮದೇ᳚ಷು ಗಾಯ ಗಿ॒ರಾ ಮ॒ಹಾ ವಿಚೇ᳚ತಸ‌ಮ್ |
ಇಂದ್ರಂ॒ ನಾಮ॒ ಶ್ರುತ್ಯಂ᳚ ಶಾ॒ಕಿನಂ॒ ವಚೋ॒ ಯಥಾ᳚ || 8.46.14
ದ॒ದೀ ರೇಕ್ಣ॑ಸ್ತ॒ನ್ವೇ᳚ ದ॒ದಿರ್ವಸು॑ ದ॒ದಿರ್ವಾಜೇ᳚ಷು ಪುರುಹೂತ ವಾ॒ಜಿನ‌ಮ್᳚ |
ನೂ॒ನಮಥ॑ || 8.46.15
ವಿಶ್ವೇ᳚ಷಾಮಿರ॒ಜ್ಯ‌ನ್ತಂ॒ ವಸೂ᳚ನಾಂ ಸಾಸ॒ಹ್ವಾಂಸಂ᳚ ಚಿದ॒ಸ್ಯ ವರ್ಪ॑ಸಃ |
ಕೃ॒ಪ॒ಯ॒ತೋ ನೂ॒ನಮತ್ಯಥ॑ || 8.46.16
ಮ॒ಹಃ ಸು ವೋ॒ ಅರ॑ಮಿಷೇ॒ ಸ್ತವಾ᳚ಮಹೇ ಮೀ॒ಳ್ಹುಷೇ᳚ ಅರಂಗ॒ಮಾಯ॒ ಜಗ್ಮ॑ಯೇ |
ಯ॒ಜ್ಞೇಭಿ॑ರ್ಗೀ॒ರ್ಭಿರ್ವಿ॒ಶ್ವಮ॑ನುಷಾಂ ಮ॒ರುತಾ᳚ಮಿಯಕ್ಷಸಿ॒ ಗಾಯೇ᳚ ತ್ವಾ॒ ನಮ॑ಸಾ ಗಿ॒ರಾ || 8.46.17
ಯೇ ಪಾ॒ತಯ᳚‌ನ್ತೇ॒ ಅಜ್ಮ॑ಭಿರ್ಗಿರೀ॒ಣಾಂ ಸ್ನುಭಿ॑ರೇಷಾ‌ಮ್ |
ಯ॒ಜ್ಞಂ ಮ॑ಹಿ॒ಷ್ವಣೀ᳚ನಾಂ ಸು॒ಮ್ನಂ ತು॑ವಿ॒ಷ್ವಣೀ᳚ನಾಂ॒ ಪ್ರಾಧ್ವ॒ರೇ || 8.46.18
ಪ್ರ॒ಭಂ॒ಗಂ ದು᳚ರ್ಮತೀ॒ನಾಮಿಂದ್ರ॑ ಶವಿ॒ಷ್ಠಾ ಭ॑ರ |
ರ॒ಯಿಮ॒ಸ್ಮಭ್ಯಂ॒ ಯುಜ್ಯಂ᳚ ಚೋದಯನ್ಮತೇ॒ ಜ್ಯೇಷ್ಠಂ᳚ ಚೋದಯನ್ಮತೇ || 8.46.19
ಸನಿ॑ತಃ॒ ಸುಸ॑ನಿತ॒ರುಗ್ರ॒ ಚಿತ್ರ॒ ಚೇತಿ॑ಷ್ಠ॒ ಸೂನೃ॑ತ |
ಪ್ರಾ॒ಸಹಾ᳚ ಸಮ್ರಾ॒ಟ್ ಸಹು॑ರಿಂ॒ ಸಹ᳚‌ನ್ತಂ ಭು॒ಜ್ಯುಂ ವಾಜೇ᳚ಷು॒ ಪೂರ್ವ್ಯ‌ಮ್᳚ || 8.46.20
ಆ ಸ ಏ᳚ತು॒ ಯ ಈವ॒ದಾಁ ಅದೇ᳚ವಃ ಪೂ॒ರ್ತಮಾ᳚ದ॒ದೇ |
ಯಥಾ᳚ ಚಿ॒ದ್ವಶೋ᳚ ಅ॒ಶ್ವ್ಯಃ ಪೃ॑ಥು॒ಶ್ರವ॑ಸಿ ಕಾನೀ॒ತೇ॒3॒॑ಽಸ್ಯಾ ವ್ಯುಷ್ಯಾ᳚ದ॒ದೇ || 8.46.21
ಷ॒ಷ್ಟಿಂ ಸ॒ಹಸ್ರಾಶ್ವ್ಯ॑ಸ್ಯಾ॒ಯುತಾ᳚ಸನ॒ಮುಷ್ಟ್ರಾ᳚ನಾಂ ವಿಂಶ॒ತಿಂ ಶ॒ತಾ |
ದಶ॒ ಶ್ಯಾವೀ᳚ನಾಂ ಶ॒ತಾ ದಶ॒ ತ್ರ್ಯ॑ರುಷೀಣಾಂ॒ ದಶ॒ ಗವಾಂ᳚ ಸ॒ಹಸ್ರಾ᳚ || 8.46.22
ದಶ॑ ಶ್ಯಾ॒ವಾ ಋ॒ಧದ್ರ॑ಯೋ ವೀ॒ತವಾ᳚ರಾಸ ಆ॒ಶವಃ॑ |
ಮ॒ಥ್ರಾ ನೇ॒ಮಿಂ ನಿ ವಾ᳚ವೃತುಃ || 8.46.23
ದಾನಾ᳚ಸಃ ಪೃಥು॒ಶ್ರವ॑ಸಃ ಕಾನೀ॒ತಸ್ಯ॑ ಸು॒ರಾಧ॑ಸಃ |
ರಥಂ᳚ ಹಿರ॒ಣ್ಯಯಂ॒ ದದ॒ನ್ಮಂಹಿ॑ಷ್ಠಃ ಸೂ॒ರಿರ॑ಭೂ॒ದ್ವರ್ಷಿ॑ಷ್ಠಮಕೃತ॒ ಶ್ರವಃ॑ || 8.46.24
ಆ ನೋ᳚ ವಾಯೋ ಮ॒ಹೇ ತನೇ᳚ ಯಾ॒ಹಿ ಮ॒ಖಾಯ॒ ಪಾಜ॑ಸೇ |
ವ॒ಯಂ ಹಿ ತೇ᳚ ಚಕೃ॒ಮಾ ಭೂರಿ॑ ದಾ॒ವನೇ᳚ ಸ॒ದ್ಯಶ್ಚಿ॒ನ್ಮಹಿ॑ ದಾ॒ವನೇ᳚ || 8.46.25
ಯೋ ಅಶ್ವೇ᳚ಭಿ॒ರ್ವಹ॑ತೇ॒ ವಸ್ತ॑ ಉ॒ಸ್ರಾಸ್ತ್ರಿಃ ಸ॒ಪ್ತ ಸ॑ಪ್ತತೀ॒ನಾ‌ಮ್ |
ಏ॒ಭಿಃ ಸೋಮೇ᳚ಭಿಃ ಸೋಮ॒ಸುದ್ಭಿಃ॑ ಸೋಮಪಾ ದಾ॒ನಾಯ॑ ಶುಕ್ರಪೂತಪಾಃ || 8.46.26
ಯೋ ಮ॑ ಇ॒ಮಂ ಚಿ॑ದು॒ ತ್ಮನಾಮಂ᳚ದಚ್ಚಿ॒ತ್ರಂ ದಾ॒ವನೇ᳚ |
ಅ॒ರ॒ಟ್ವೇ ಅಕ್ಷೇ॒ ನಹು॑ಷೇ ಸು॒ಕೃತ್ವ॑ನಿ ಸು॒ಕೃತ್ತ॑ರಾಯ ಸು॒ಕ್ರತುಃ॑ || 8.46.27
ಉ॒ಚ॒ಥ್ಯೇ॒3॒॑ ವಪು॑ಷಿ॒ ಯಃ ಸ್ವ॒ರಾಳು॒ತ ವಾ᳚ಯೋ ಘೃತ॒ಸ್ನಾಃ |
ಅಶ್ವೇ᳚ಷಿತಂ॒ ರಜೇ᳚ಷಿತಂ॒ ಶುನೇ᳚ಷಿತಂ॒ ಪ್ರಾಜ್ಮ॒ ತದಿ॒ದಂ ನು ತತ್ || 8.46.28
ಅಧ॑ ಪ್ರಿ॒ಯಮಿ॑ಷಿ॒ರಾಯ॑ ಷ॒ಷ್ಟಿಂ ಸ॒ಹಸ್ರಾ᳚ಸನ‌ಮ್ |
ಅಶ್ವಾ᳚ನಾ॒ಮಿನ್ನ ವೃಷ್ಣಾ᳚‌ಮ್ || 8.46.29
ಗಾವೋ॒ ನ ಯೂ॒ಥಮುಪ॑ ಯ‌ನ್ತಿ॒ ವಧ್ರ॑ಯ॒ ಉಪ॒ ಮಾ ಯ᳚‌ನ್ತಿ॒ ವಧ್ರ॑ಯಃ || 8.46.30
ಅಧ॒ ಯಚ್ಚಾರ॑ಥೇ ಗ॒ಣೇ ಶ॒ತಮುಷ್ಟ್ರಾಁ॒ ಅಚಿ॑ಕ್ರದತ್ |
ಅಧ॒ ಶ್ವಿತ್ನೇ᳚ಷು ವಿಂಶ॒ತಿಂ ಶ॒ತಾ || 8.46.31
ಶ॒ತಂ ದಾ॒ಸೇ ಬ॑ಲ್ಬೂ॒ಥೇ ವಿಪ್ರ॒ಸ್ತರು॑ಕ್ಷ॒ ಆ ದ॑ದೇ |
ತೇ ತೇ᳚ ವಾಯವಿ॒ಮೇ ಜನಾ॒ ಮದ॒‌ನ್ತೀಂದ್ರ॑ಗೋಪಾ॒ ಮದ᳚‌ನ್ತಿ ದೇ॒ವಗೋ᳚ಪಾಃ || 8.46.32
ಅಧ॒ ಸ್ಯಾ ಯೋಷ॑ಣಾ ಮ॒ಹೀ ಪ್ರ॑ತೀ॒ಚೀ ವಶ॑ಮ॒ಶ್ವ್ಯ‌ಮ್ |
ಅಧಿ॑ರುಕ್ಮಾ॒ ವಿ ನೀ᳚ಯತೇ || 8.46.33

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ (1-13) ಪ್ರಥಮಾದಿತ್ರಯೋದಶರ್ಚಾಮಾದಿತ್ಯಾಃ, (14-18) ಚತುದರ್ಶ ಯಾದಿಪಂಚಾನಾಂಚಾದಿತ್ಯೋಷಸೋ ದೇವತಾಃ, ಮಹಾಪತಿಶ್ಛಂದಃ

ಮಹಿ॑ ವೋ ಮಹ॒ತಾಮವೋ॒ ವರು॑ಣ॒ ಮಿತ್ರ॑ ದಾ॒ಶುಷೇ᳚ |
ಯಮಾ᳚ದಿತ್ಯಾ ಅ॒ಭಿ ದ್ರು॒ಹೋ ರಕ್ಷ॑ಥಾ॒ ನೇಮ॒ಘಂ ನ॑ಶದನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.1
ವಿ॒ದಾ ದೇ᳚ವಾ ಅ॒ಘಾನಾ॒ಮಾದಿ॑ತ್ಯಾಸೋ ಅ॒ಪಾಕೃ॑ತಿ‌ಮ್ |
ಪ॒ಕ್ಷಾ ವಯೋ॒ ಯಥೋ॒ಪರಿ॒ ವ್ಯ1॒॑ಸ್ಮೇ ಶರ್ಮ॑ ಯಚ್ಛತಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.2
ವ್ಯ1॒॑ಸ್ಮೇ ಅಧಿ॒ ಶರ್ಮ॒ ತತ್ಪ॒ಕ್ಷಾ ವಯೋ॒ ನ ಯ᳚‌ನ್ತನ |
ವಿಶ್ವಾ᳚ನಿ ವಿಶ್ವವೇದಸೋ ವರೂ॒ಥ್ಯಾ᳚ ಮನಾಮಹೇಽನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.3
ಯಸ್ಮಾ॒ ಅರಾ᳚ಸತ॒ ಕ್ಷಯಂ᳚ ಜೀ॒ವಾತುಂ᳚ ಚ॒ ಪ್ರಚೇ᳚ತಸಃ |
ಮನೋ॒ರ್ವಿಶ್ವ॑ಸ್ಯ॒ ಘೇದಿ॒ಮ ಆ᳚ದಿ॒ತ್ಯಾ ರಾ॒ಯ ಈ᳚ಶತೇಽನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.4
ಪರಿ॑ ಣೋ ವೃಣಜನ್ನ॒ಘಾ ದು॒ರ್ಗಾಣಿ॑ ರ॒ಥ್ಯೋ᳚ ಯಥಾ |
ಸ್ಯಾಮೇದಿಂದ್ರ॑ಸ್ಯ॒ ಶರ್ಮ᳚ಣ್ಯಾದಿ॒ತ್ಯಾನಾ᳚ಮು॒ತಾವ॑ಸ್ಯನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.5
ಪ॒ರಿ॒ಹ್ವೃ॒ತೇದ॒ನಾ ಜನೋ᳚ ಯು॒ಷ್ಮಾದ॑ತ್ತಸ್ಯ ವಾಯತಿ |
ದೇವಾ॒ ಅದ॑ಭ್ರಮಾಶ ವೋ॒ ಯಮಾ᳚ದಿತ್ಯಾ॒ ಅಹೇ᳚ತನಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.6
ನ ತಂ ತಿ॒ಗ್ಮಂ ಚ॒ನ ತ್ಯಜೋ॒ ನ ದ್ರಾ᳚ಸದ॒ಭಿ ತಂ ಗು॒ರು |
ಯಸ್ಮಾ᳚ ಉ॒ ಶರ್ಮ॑ ಸ॒ಪ್ರಥ॒ ಆದಿ॑ತ್ಯಾಸೋ॒ ಅರಾ᳚ಧ್ವಮನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.7
ಯು॒ಷ್ಮೇ ದೇ᳚ವಾ॒ ಅಪಿ॑ ಷ್ಮಸಿ॒ ಯುಧ್ಯ᳚‌ನ್ತ ಇವ॒ ವರ್ಮ॑ಸು |
ಯೂ॒ಯಂ ಮ॒ಹೋ ನ॒ ಏನ॑ಸೋ ಯೂ॒ಯಮರ್ಭಾ᳚ದುರುಷ್ಯತಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.8
ಅದಿ॑ತಿರ್ನ ಉರುಷ್ಯ॒ತ್ವದಿ॑ತಿಃ॒ ಶರ್ಮ॑ ಯಚ್ಛತು |
ಮಾ॒ತಾ ಮಿ॒ತ್ರಸ್ಯ॑ ರೇ॒ವತೋ᳚ಽರ್ಯ॒ಮ್ಣೋ ವರು॑ಣಸ್ಯ ಚಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.9
ಯದ್ದೇ᳚ವಾಃ॒ ಶರ್ಮ॑ ಶರ॒ಣಂ ಯದ್ಭ॒ದ್ರಂ ಯದ॑ನಾತು॒ರ‌ಮ್ |
ತ್ರಿ॒ಧಾತು॒ ಯದ್ವ॑ರೂ॒ಥ್ಯ1॒॑ ಅಂತದ॒ಸ್ಮಾಸು॒ ವಿ ಯ᳚‌ನ್ತನಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.10
ಆದಿ॑ತ್ಯಾ॒ ಅವ॒ ಹಿ ಖ್ಯತಾಧಿ॒ ಕೂಲಾ᳚ದಿವ॒ ಸ್ಪಶಃ॑ |
ಸು॒ತೀ॒ರ್ಥಮರ್ವ॑ತೋ ಯ॒ಥಾನು॑ ನೋ ನೇಷಥಾ ಸು॒ಗಮ॑ನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.11
ನೇಹ ಭ॒ದ್ರಂ ರ॑ಕ್ಷ॒ಸ್ವಿನೇ॒ ನಾವ॒ಯೈ ನೋಪ॒ಯಾ ಉ॒ತ |
ಗವೇ᳚ ಚ ಭ॒ದ್ರಂ ಧೇ॒ನವೇ᳚ ವೀ॒ರಾಯ॑ ಚ ಶ್ರವಸ್ಯ॒ತೇ᳚ಽನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.12
ಯದಾ॒ವಿರ್ಯದ॑ಪೀ॒ಚ್ಯ1॒॑ ಅಂದೇವಾ᳚ಸೋ॒ ಅಸ್ತಿ॑ ದುಷ್ಕೃ॒ತ‌ಮ್ |
ತ್ರಿ॒ತೇ ತದ್ವಿಶ್ವ॑ಮಾ॒ಪ್ತ್ಯ ಆ॒ರೇ ಅ॒ಸ್ಮದ್ದ॑ಧಾತನಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.13
ಯಚ್ಚ॒ ಗೋಷು॑ ದು॒ಷ್ಷ್ವಪ್ನ್ಯಂ॒ ಯಚ್ಚಾ॒ಸ್ಮೇ ದು॑ಹಿತರ್ದಿವಃ |
ತ್ರಿ॒ತಾಯ॒ ತದ್ವಿ॑ಭಾವರ್ಯಾ॒ಪ್ತ್ಯಾಯ॒ ಪರಾ᳚ ವಹಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.14
ನಿ॒ಷ್ಕಂ ವಾ᳚ ಘಾ ಕೃ॒ಣವ॑ತೇ॒ ಸ್ರಜಂ᳚ ವಾ ದುಹಿತರ್ದಿವಃ |
ತ್ರಿ॒ತೇ ದು॒ಷ್ಷ್ವಪ್ನ್ಯಂ॒ ಸರ್ವ॑ಮಾ॒ಪ್ತ್ಯೇ ಪರಿ॑ ದದ್ಮಸ್ಯನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.15
ತದ᳚ನ್ನಾಯ॒ ತದ॑ಪಸೇ॒ ತಂ ಭಾ॒ಗಮು॑ಪಸೇ॒ದುಷೇ᳚ |
ತ್ರಿ॒ತಾಯ॑ ಚ ದ್ವಿ॒ತಾಯ॒ ಚೋಷೋ᳚ ದು॒ಷ್ಷ್ವಪ್ನ್ಯಂ᳚ ವಹಾನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.16
ಯಥಾ᳚ ಕ॒ಲಾಂ ಯಥಾ᳚ ಶ॒ಫಂ ಯಥ॑ ಋ॒ಣಂ ಸಂ॒ನಯಾ᳚ಮಸಿ |
ಏ॒ವಾ ದು॒ಷ್ಷ್ವಪ್ನ್ಯಂ॒ ಸರ್ವ॑ಮಾ॒ಪ್ತ್ಯೇ ಸಂ ನ॑ಯಾಮಸ್ಯನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.17
ಅಜೈ᳚ಷ್ಮಾ॒ದ್ಯಾಸ॑ನಾಮ॒ ಚಾಭೂ॒ಮಾನಾ᳚ಗಸೋ ವ॒ಯ‌ಮ್ |
ಉಷೋ॒ ಯಸ್ಮಾ᳚ದ್ದು॒ಷ್ಷ್ವಪ್ನ್ಯಾ॒ದಭೈ॒ಷ್ಮಾಪ॒ ತದು॑ಚ್ಛತ್ವನೇ॒ಹಸೋ᳚ ವ ಊ॒ತಯಃ॑ ಸುಊ॒ತಯೋ᳚ ವ ಊ॒ತಯಃ॑ || 8.47.18

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಘೌರಃ ಕಾಣ್ವಃ ಪ್ರಗಾಥ ಋಷಿಃ, ಸೋಮೋ ದೇವತಾ (1-4, 6-15) ಪ್ರಥಮಾದಿಚತುಋರ್ಚ ಇಷಷ್ಠ್ಯಾದಿದಶಾನಾಂಚ ತ್ರಿಷ್ಟುಪ, (5) ಪಂಚಮ್ಯಾಶ್ಚ ಜಗತೀ ಛಂದಸೀ

ಸ್ವಾ॒ದೋರ॑ಭಕ್ಷಿ॒ ವಯ॑ಸಃ ಸುಮೇ॒ಧಾಃ ಸ್ವಾ॒ಧ್ಯೋ᳚ ವರಿವೋ॒ವಿತ್ತ॑ರಸ್ಯ |
ವಿಶ್ವೇ॒ ಯಂ ದೇ॒ವಾ ಉ॒ತ ಮರ್ತ್ಯಾ᳚ಸೋ॒ ಮಧು॑ ಬ್ರು॒ವ‌ನ್ತೋ᳚ ಅ॒ಭಿ ಸಂ॒ಚರ᳚‌ನ್ತಿ || 8.48.1
ಅ॒‌ನ್ತಶ್ಚ॒ ಪ್ರಾಗಾ॒ ಅದಿ॑ತಿರ್ಭವಾಸ್ಯವಯಾ॒ತಾ ಹರ॑ಸೋ॒ ದೈವ್ಯ॑ಸ್ಯ |
ಇಂದ॒ವಿಂದ್ರ॑ಸ್ಯ ಸ॒ಖ್ಯಂ ಜು॑ಷಾ॒ಣಃ ಶ್ರೌಷ್ಟೀ᳚ವ॒ ಧುರ॒ಮನು॑ ರಾ॒ಯ ಋ॑ಧ್ಯಾಃ || 8.48.2
ಅಪಾ᳚ಮ॒ ಸೋಮ॑ಮ॒ಮೃತಾ᳚ ಅಭೂ॒ಮಾಗ᳚ನ್ಮ॒ ಜ್ಯೋತಿ॒ರವಿ॑ದಾಮ ದೇ॒ವಾನ್ |
ಕಿಂ ನೂ॒ನಮ॒ಸ್ಮಾನ್ಕೃ॑ಣವ॒ದರಾ᳚ತಿಃ॒ ಕಿಮು॑ ಧೂ॒ರ್ತಿರ॑ಮೃತ॒ ಮರ್ತ್ಯ॑ಸ್ಯ || 8.48.3
ಶಂ ನೋ᳚ ಭವ ಹೃ॒ದ ಆ ಪೀ॒ತ ಇಂ᳚ದೋ ಪಿ॒ತೇವ॑ ಸೋಮ ಸೂ॒ನವೇ᳚ ಸು॒ಶೇವಃ॑ |
ಸಖೇ᳚ವ॒ ಸಖ್ಯ॑ ಉರುಶಂಸ॒ ಧೀರಃ॒ ಪ್ರ ಣ॒ ಆಯು॑ರ್ಜೀ॒ವಸೇ᳚ ಸೋಮ ತಾರೀಃ || 8.48.4
ಇ॒ಮೇ ಮಾ᳚ ಪೀ॒ತಾ ಯ॒ಶಸ॑ ಉರು॒ಷ್ಯವೋ॒ ರಥಂ॒ ನ ಗಾವಃ॒ ಸಮ॑ನಾಹ॒ ಪರ್ವ॑ಸು |
ತೇ ಮಾ᳚ ರಕ್ಷ‌ನ್ತು ವಿ॒ಸ್ರಸ॑ಶ್ಚ॒ರಿತ್ರಾ᳚ದು॒ತ ಮಾ॒ ಸ್ರಾಮಾ᳚ದ್ಯವಯ॒‌ನ್ತ್ವಿಂದ॑ವಃ || 8.48.5
ಅ॒ಗ್ನಿಂ ನ ಮಾ᳚ ಮಥಿ॒ತಂ ಸಂ ದಿ॑ದೀಪಃ॒ ಪ್ರ ಚ॑ಕ್ಷಯ ಕೃಣು॒ಹಿ ವಸ್ಯ॑ಸೋ ನಃ |
ಅಥಾ॒ ಹಿ ತೇ॒ ಮದ॒ ಆ ಸೋ᳚ಮ॒ ಮನ್ಯೇ᳚ ರೇ॒ವಾಁ ಇ॑ವ॒ ಪ್ರ ಚ॑ರಾ ಪು॒ಷ್ಟಿಮಚ್ಛ॑ || 8.48.6
ಇ॒ಷಿ॒ರೇಣ॑ ತೇ॒ ಮನ॑ಸಾ ಸು॒ತಸ್ಯ॑ ಭಕ್ಷೀ॒ಮಹಿ॒ ಪಿತ್ರ್ಯ॑ಸ್ಯೇವ ರಾ॒ಯಃ |
ಸೋಮ॑ ರಾಜ॒ನ್ಪ್ರ ಣ॒ ಆಯೂಂ᳚ಷಿ ತಾರೀ॒ರಹಾ᳚ನೀವ॒ ಸೂರ್ಯೋ᳚ ವಾಸ॒ರಾಣಿ॑ || 8.48.7
ಸೋಮ॑ ರಾಜನ್ಮೃ॒ಳಯಾ᳚ ನಃ ಸ್ವ॒ಸ್ತಿ ತವ॑ ಸ್ಮಸಿ ವ್ರ॒ತ್ಯಾ॒3॒॑ಸ್ತಸ್ಯ॑ ವಿದ್ಧಿ |
ಅಲ॑ರ್ತಿ॒ ದಕ್ಷ॑ ಉ॒ತ ಮ॒ನ್ಯುರಿಂ᳚ದೋ॒ ಮಾ ನೋ᳚ ಅ॒ರ್ಯೋ ಅ॑ನುಕಾ॒ಮಂ ಪರಾ᳚ ದಾಃ || 8.48.8
ತ್ವಂ ಹಿ ನ॑ಸ್ತ॒ನ್ವಃ॑ ಸೋಮ ಗೋ॒ಪಾ ಗಾತ್ರೇ᳚ಗಾತ್ರೇ ನಿಷ॒ಸತ್ಥಾ᳚ ನೃ॒ಚಕ್ಷಾಃ᳚ |
ಯತ್ತೇ᳚ ವ॒ಯಂ ಪ್ರ॑ಮಿ॒ನಾಮ᳚ ವ್ರ॒ತಾನಿ॒ ಸ ನೋ᳚ ಮೃಳ ಸುಷ॒ಖಾ ದೇ᳚ವ॒ ವಸ್ಯಃ॑ || 8.48.9
ಋ॒ದೂ॒ದರೇ᳚ಣ॒ ಸಖ್ಯಾ᳚ ಸಚೇಯ॒ ಯೋ ಮಾ॒ ನ ರಿಷ್ಯೇ᳚ದ್ಧರ್ಯಶ್ವ ಪೀ॒ತಃ |
ಅ॒ಯಂ ಯಃ ಸೋಮೋ॒ ನ್ಯಧಾ᳚ಯ್ಯ॒ಸ್ಮೇ ತಸ್ಮಾ॒ ಇಂದ್ರಂ᳚ ಪ್ರ॒ತಿರ॑ಮೇ॒ಮ್ಯಾಯುಃ॑ || 8.48.10
ಅಪ॒ ತ್ಯಾ ಅ॑ಸ್ಥು॒ರನಿ॑ರಾ॒ ಅಮೀ᳚ವಾ॒ ನಿರ॑ತ್ರಸ॒‌ನ್ತಮಿ॑ಷೀಚೀ॒ರಭೈ᳚ಷುಃ |
ಆ ಸೋಮೋ᳚ ಅ॒ಸ್ಮಾಁ ಅ॑ರುಹ॒ದ್ವಿಹಾ᳚ಯಾ॒ ಅಗ᳚ನ್ಮ॒ ಯತ್ರ॑ ಪ್ರತಿ॒ರ‌ನ್ತ॒ ಆಯುಃ॑ || 8.48.11
ಯೋ ನ॒ ಇಂದುಃ॑ ಪಿತರೋ ಹೃ॒ತ್ಸು ಪೀ॒ತೋಽಮ॑ರ್ತ್ಯೋ॒ ಮರ್ತ್ಯಾಁ᳚ ಆವಿ॒ವೇಶ॑ |
ತಸ್ಮೈ॒ ಸೋಮಾ᳚ಯ ಹ॒ವಿಷಾ᳚ ವಿಧೇಮ ಮೃಳೀ॒ಕೇ ಅ॑ಸ್ಯ ಸುಮ॒ತೌ ಸ್ಯಾ᳚ಮ || 8.48.12
ತ್ವಂ ಸೋ᳚ಮ ಪಿ॒ತೃಭಿಃ॑ ಸಂವಿದಾ॒ನೋಽನು॒ ದ್ಯಾವಾ᳚ಪೃಥಿ॒ವೀ ಆ ತ॑ತ‌ನ್ಥ |
ತಸ್ಮೈ᳚ ತ ಇಂದೋ ಹ॒ವಿಷಾ᳚ ವಿಧೇಮ ವ॒ಯಂ ಸ್ಯಾ᳚ಮ॒ ಪತ॑ಯೋ ರಯೀ॒ಣಾ‌ಮ್ || 8.48.13
ತ್ರಾತಾ᳚ರೋ ದೇವಾ॒ ಅಧಿ॑ ವೋಚತಾ ನೋ॒ ಮಾ ನೋ᳚ ನಿ॒ದ್ರಾ ಈ᳚ಶತ॒ ಮೋತ ಜಲ್ಪಿಃ॑ |
ವ॒ಯಂ ಸೋಮ॑ಸ್ಯ ವಿ॒ಶ್ವಹ॑ ಪ್ರಿ॒ಯಾಸಃ॑ ಸು॒ವೀರಾ᳚ಸೋ ವಿ॒ದಥ॒ಮಾ ವ॑ದೇಮ || 8.48.14
ತ್ವಂ ನಃ॑ ಸೋಮ ವಿ॒ಶ್ವತೋ᳚ ವಯೋ॒ಧಾಸ್ತ್ವಂ ಸ್ವ॒ರ್ವಿದಾ ವಿ॑ಶಾ ನೃ॒ಚಕ್ಷಾಃ᳚ |
ತ್ವಂ ನ॑ ಇಂದ ಊ॒ತಿಭಿಃ॑ ಸ॒ಜೋಷಾಃ᳚ ಪಾ॒ಹಿ ಪ॒ಶ್ಚಾತಾ᳚ದು॒ತ ವಾ᳚ ಪು॒ರಸ್ತಾ᳚ತ್ || 8.48.15

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಅ॒ಭಿ ಪ್ರ ವಃ॑ ಸು॒ರಾಧ॑ಸ॒ಮಿಂದ್ರ॑ಮರ್ಚ॒ ಯಥಾ᳚ ವಿ॒ದೇ |
ಯೋ ಜ॑ರಿ॒ತೃಭ್ಯೋ᳚ ಮ॒ಘವಾ᳚ ಪುರೂ॒ವಸುಃ॑ ಸ॒ಹಸ್ರೇ᳚ಣೇವ॒ ಶಿಕ್ಷ॑ತಿ || 8.49.1
ಶ॒ತಾನೀ᳚ಕೇವ॒ ಪ್ರ ಜಿ॑ಗಾತಿ ಧೃಷ್ಣು॒ಯಾ ಹ‌ನ್ತಿ॑ ವೃ॒ತ್ರಾಣಿ॑ ದಾ॒ಶುಷೇ᳚ |
ಗಿ॒ರೇರಿ॑ವ॒ ಪ್ರ ರಸಾ᳚ ಅಸ್ಯ ಪಿನ್ವಿರೇ॒ ದತ್ರಾ᳚ಣಿ ಪುರು॒ಭೋಜ॑ಸಃ || 8.49.2
ಆ ತ್ವಾ᳚ ಸು॒ತಾಸ॒ ಇಂದ॑ವೋ॒ ಮದಾ॒ ಯ ಇಂ᳚ದ್ರ ಗಿರ್ವಣಃ |
ಆಪೋ॒ ನ ವ॑ಜ್ರಿ॒ನ್ನನ್ವೋ॒ಕ್ಯ1॒॑ ಅಂಸರಃ॑ ಪೃ॒ಣ‌ನ್ತಿ॑ ಶೂರ॒ ರಾಧ॑ಸೇ || 8.49.3
ಅ॒ನೇ॒ಹಸಂ᳚ ಪ್ರ॒ತರ॑ಣಂ ವಿ॒ವಕ್ಷ॑ಣಂ॒ ಮಧ್ವಃ॒ ಸ್ವಾದಿ॑ಷ್ಠಮೀಂ ಪಿಬ |
ಆ ಯಥಾ᳚ ಮಂದಸಾ॒ನಃ ಕಿ॒ರಾಸಿ॑ ನಃ॒ ಪ್ರ ಕ್ಷು॒ದ್ರೇವ॒ ತ್ಮನಾ᳚ ಧೃ॒ಷತ್ || 8.49.4
ಆ ನಃ॒ ಸ್ತೋಮ॒ಮುಪ॑ ದ್ರ॒ವದ್ಧಿ॑ಯಾ॒ನೋ ಅಶ್ವೋ॒ ನ ಸೋತೃ॑ಭಿಃ |
ಯಂ ತೇ᳚ ಸ್ವಧಾವ‌‌ನ್ತ್ಸ್ವ॒ದಯ᳚‌ನ್ತಿ ಧೇ॒ನವ॒ ಇಂದ್ರ॒ ಕಣ್ವೇ᳚ಷು ರಾ॒ತಯಃ॑ || 8.49.5
ಉ॒ಗ್ರಂ ನ ವೀ॒ರಂ ನಮ॒ಸೋಪ॑ ಸೇದಿಮ॒ ವಿಭೂ᳚ತಿ॒ಮಕ್ಷಿ॑ತಾವಸು‌ಮ್ |
ಉ॒ದ್ರೀವ॑ ವಜ್ರಿನ್ನವ॒ತೋ ನ ಸಿಂ᳚ಚ॒ತೇ ಕ್ಷರ᳚‌ನ್ತೀಂದ್ರ ಧೀ॒ತಯಃ॑ || 8.49.6
ಯದ್ಧ॑ ನೂ॒ನಂ ಯದ್ವಾ᳚ ಯ॒ಜ್ಞೇ ಯದ್ವಾ᳚ ಪೃಥಿ॒ವ್ಯಾಮಧಿ॑ |
ಅತೋ᳚ ನೋ ಯ॒ಜ್ಞಮಾ॒ಶುಭಿ᳚ರ್ಮಹೇಮತ ಉ॒ಗ್ರ ಉ॒ಗ್ರೇಭಿ॒ರಾ ಗ॑ಹಿ || 8.49.7
ಅ॒ಜಿ॒ರಾಸೋ॒ ಹರ॑ಯೋ॒ ಯೇ ತ॑ ಆ॒ಶವೋ॒ ವಾತಾ᳚ ಇವ ಪ್ರಸ॒ಕ್ಷಿಣಃ॑ |
ಯೇಭಿ॒ರಪ॑ತ್ಯಂ॒ ಮನು॑ಷಃ ಪ॒ರೀಯ॑ಸೇ॒ ಯೇಭಿ॒ರ್ವಿಶ್ವಂ॒ ಸ್ವ॑ರ್ದೃ॒ಶೇ || 8.49.8
ಏ॒ತಾವ॑ತಸ್ತ ಈಮಹ॒ ಇಂದ್ರ॑ ಸು॒ಮ್ನಸ್ಯ॒ ಗೋಮ॑ತಃ |
ಯಥಾ॒ ಪ್ರಾವೋ᳚ ಮಘವ॒ನ್ಮೇಧ್ಯಾ᳚ತಿಥಿಂ॒ ಯಥಾ॒ ನೀಪಾ᳚ತಿಥಿಂ॒ ಧನೇ᳚ || 8.49.9
ಯಥಾ॒ ಕಣ್ವೇ᳚ ಮಘವ‌ನ್ತ್ರ॒ಸದ॑ಸ್ಯವಿ॒ ಯಥಾ᳚ ಪ॒ಕ್ಥೇ ದಶ᳚ವ್ರಜೇ |
ಯಥಾ॒ ಗೋಶ᳚ರ್ಯೇ॒ ಅಸ॑ನೋರ್‌ಋ॒ಜಿಶ್ವ॒ನೀಂದ್ರ॒ ಗೋಮ॒ದ್ಧಿರ᳚ಣ್ಯವತ್ || 8.49.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪುಷ್ಟಿಗುಋಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಪ್ರ ಸು ಶ್ರು॒ತಂ ಸು॒ರಾಧ॑ಸ॒ಮರ್ಚಾ᳚ ಶ॒ಕ್ರಮ॒ಭಿಷ್ಟ॑ಯೇ |
ಯಃ ಸು᳚ನ್ವ॒ತೇ ಸ್ತು॑ವ॒ತೇ ಕಾಮ್ಯಂ॒ ವಸು॑ ಸ॒ಹಸ್ರೇ᳚ಣೇವ॒ ಮಂಹ॑ತೇ || 8.50.1
ಶ॒ತಾನೀ᳚ಕಾ ಹೇ॒ತಯೋ᳚ ಅಸ್ಯ ದು॒ಷ್ಟರಾ॒ ಇಂದ್ರ॑ಸ್ಯ ಸ॒ಮಿಷೋ᳚ ಮ॒ಹೀಃ |
ಗಿ॒ರಿರ್ನ ಭು॒ಜ್ಮಾ ಮ॒ಘವ॑ತ್ಸು ಪಿನ್ವತೇ॒ ಯದೀಂ᳚ ಸು॒ತಾ ಅಮಂ᳚ದಿಷುಃ || 8.50.2
ಯದೀಂ᳚ ಸು॒ತಾಸ॒ ಇಂದ॑ವೋ॒ಽಭಿ ಪ್ರಿ॒ಯಮಮಂ᳚ದಿಷುಃ |
ಆಪೋ॒ ನ ಧಾ᳚ಯಿ॒ ಸವ॑ನಂ ಮ॒ ಆ ವ॑ಸೋ॒ ದುಘಾ᳚ ಇ॒ವೋಪ॑ ದಾ॒ಶುಷೇ᳚ || 8.50.3
ಅ॒ನೇ॒ಹಸಂ᳚ ವೋ॒ ಹವ॑ಮಾನಮೂ॒ತಯೇ॒ ಮಧ್ವಃ॑ ಕ್ಷರ‌ನ್ತಿ ಧೀ॒ತಯಃ॑ |
ಆ ತ್ವಾ᳚ ವಸೋ॒ ಹವ॑ಮಾನಾಸ॒ ಇಂದ॑ವ॒ ಉಪ॑ ಸ್ತೋ॒ತ್ರೇಷು॑ ದಧಿರೇ || 8.50.4
ಆ ನಃ॒ ಸೋಮೇ᳚ ಸ್ವಧ್ವ॒ರ ಇ॑ಯಾ॒ನೋ ಅತ್ಯೋ॒ ನ ತೋ᳚ಶತೇ |
ಯಂ ತೇ᳚ ಸ್ವದಾವ॒‌‌ನ್ತ್ಸ್ವದ᳚‌ನ್ತಿ ಗೂ॒ರ್ತಯಃ॑ ಪೌ॒ರೇ ಛಂ᳚ದಯಸೇ॒ ಹವ‌ಮ್᳚ || 8.50.5
ಪ್ರ ವೀ॒ರಮು॒ಗ್ರಂ ವಿವಿ॑ಚಿಂ ಧನ॒ಸ್ಪೃತಂ॒ ವಿಭೂ᳚ತಿಂ॒ ರಾಧ॑ಸೋ ಮ॒ಹಃ |
ಉ॒ದ್ರೀವ॑ ವಜ್ರಿನ್ನವ॒ತೋ ವ॑ಸುತ್ವ॒ನಾ ಸದಾ᳚ ಪೀಪೇಥ ದಾ॒ಶುಷೇ᳚ || 8.50.6
ಯದ್ಧ॑ ನೂ॒ನಂ ಪ॑ರಾ॒ವತಿ॒ ಯದ್ವಾ᳚ ಪೃಥಿ॒ವ್ಯಾಂ ದಿ॒ವಿ |
ಯು॒ಜಾ॒ನ ಇಂ᳚ದ್ರ॒ ಹರಿ॑ಭಿರ್ಮಹೇಮತ ಋ॒ಷ್ವ ಋ॒ಷ್ವೇಭಿ॒ರಾ ಗ॑ಹಿ || 8.50.7
ರ॒ಥಿ॒ರಾಸೋ॒ ಹರ॑ಯೋ॒ ಯೇ ತೇ᳚ ಅ॒ಸ್ರಿಧ॒ ಓಜೋ॒ ವಾತ॑ಸ್ಯ॒ ಪಿಪ್ರ॑ತಿ |
ಯೇಭಿ॒ರ್ನಿ ದಸ್ಯುಂ॒ ಮನು॑ಷೋ ನಿ॒ಘೋಷ॑ಯೋ॒ ಯೇಭಿಃ॒ ಸ್ವಃ॑ ಪ॒ರೀಯ॑ಸೇ || 8.50.8
ಏ॒ತಾವ॑ತಸ್ತೇ ವಸೋ ವಿ॒ದ್ಯಾಮ॑ ಶೂರ॒ ನವ್ಯ॑ಸಃ |
ಯಥಾ॒ ಪ್ರಾವ॒ ಏತ॑ಶಂ॒ ಕೃತ್ವ್ಯೇ॒ ಧನೇ॒ ಯಥಾ॒ ವಶಂ॒ ದಶ᳚ವ್ರಜೇ || 8.50.9
ಯಥಾ॒ ಕಣ್ವೇ᳚ ಮಘವ॒ನ್ಮೇಧೇ᳚ ಅಧ್ವ॒ರೇ ದೀ॒ರ್ಘನೀ᳚ಥೇ॒ ದಮೂ᳚ನಸಿ |
ಯಥಾ॒ ಗೋಶ᳚ರ್ಯೇ॒ ಅಸಿ॑ಷಾಸೋ ಅದ್ರಿವೋ॒ ಮಯಿ॑ ಗೋ॒ತ್ರಂ ಹ॑ರಿ॒ಶ್ರಿಯ‌ಮ್᳚ || 8.50.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಶ್ರೃಷ್ಟಿಗಋಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಯಥಾ॒ ಮನೌ॒ ಸಾಂವ॑ರಣೌ॒ ಸೋಮ॑ಮಿಂ॒ದ್ರಾಪಿ॑ಬಃ ಸು॒ತ‌ಮ್ |
ನೀಪಾ᳚ತಿಥೌ ಮಘವ॒ನ್ಮೇಧ್ಯಾ᳚ತಿಥೌ॒ ಪುಷ್ಟಿ॑ಗೌ॒ ಶ್ರುಷ್ಟಿ॑ಗೌ॒ ಸಚಾ᳚ || 8.51.1
ಪಾ॒ರ್ಷ॒ದ್ವಾ॒ಣಃ ಪ್ರಸ್ಕ᳚ಣ್ವಂ॒ ಸಮ॑ಸಾದಯ॒ಚ್ಛಯಾ᳚ನಂ॒ ಜಿವ್ರಿ॒ಮುದ್ಧಿ॑ತ‌ಮ್ |
ಸ॒ಹಸ್ರಾ᳚ಣ್ಯಸಿಷಾಸ॒ದ್ಗವಾ॒ಮೃಷಿ॒ಸ್ತ್ವೋತೋ॒ ದಸ್ಯ॑ವೇ॒ ವೃಕಃ॑ || 8.51.2
ಯ ಉ॒ಕ್ಥೇಭಿ॒ರ್ನ ವಿಂ॒ಧತೇ᳚ ಚಿ॒ಕಿದ್ಯ ಋ॑ಷಿ॒ಚೋದ॑ನಃ |
ಇಂದ್ರಂ॒ ತಮಚ್ಛಾ᳚ ವದ॒ ನವ್ಯ॑ಸ್ಯಾ ಮ॒ತ್ಯರಿ॑ಷ್ಯ‌ನ್ತಂ॒ ನ ಭೋಜ॑ಸೇ || 8.51.3
ಯಸ್ಮಾ᳚ ಅ॒ರ್ಕಂ ಸ॒ಪ್ತಶೀ᳚ರ್ಷಾಣಮಾನೃ॒ಚುಸ್ತ್ರಿ॒ಧಾತು॑ಮುತ್ತ॒ಮೇ ಪ॒ದೇ |
ಸ ತ್ವಿ1॒॑ಮಾ ವಿಶ್ವಾ॒ ಭುವ॑ನಾನಿ ಚಿಕ್ರದ॒ದಾದಿಜ್ಜ॑ನಿಷ್ಟ॒ ಪೌಂಸ್ಯ‌ಮ್᳚ || 8.51.4
ಯೋ ನೋ᳚ ದಾ॒ತಾ ವಸೂ᳚ನಾ॒ಮಿಂದ್ರಂ॒ ತಂ ಹೂ᳚ಮಹೇ ವ॒ಯ‌ಮ್ |
ವಿ॒ದ್ಮಾ ಹ್ಯ॑ಸ್ಯ ಸುಮ॒ತಿಂ ನವೀ᳚ಯಸೀಂ ಗ॒ಮೇಮ॒ ಗೋಮ॑ತಿ ವ್ರ॒ಜೇ || 8.51.5
ಯಸ್ಮೈ॒ ತ್ವಂ ವ॑ಸೋ ದಾ॒ನಾಯ॒ ಶಿಕ್ಷ॑ಸಿ॒ ಸ ರಾ॒ಯಸ್ಪೋಷ॑ಮಶ್ನುತೇ |
ತಂ ತ್ವಾ᳚ ವ॒ಯಂ ಮ॑ಘವನ್ನಿಂದ್ರ ಗಿರ್ವಣಃ ಸು॒ತಾವ᳚‌ನ್ತೋ ಹವಾಮಹೇ || 8.51.6
ಕ॒ದಾ ಚ॒ನ ಸ್ತ॒ರೀರ॑ಸಿ॒ ನೇಂದ್ರ॑ ಸಶ್ಚಸಿ ದಾ॒ಶುಷೇ᳚ |
ಉಪೋ॒ಪೇನ್ನು ಮ॑ಘವ॒ನ್ಭೂಯ॒ ಇನ್ನು ತೇ॒ ದಾನಂ᳚ ದೇ॒ವಸ್ಯ॑ ಪೃಚ್ಯತೇ || 8.51.7
ಪ್ರ ಯೋ ನ॑ನ॒ಕ್ಷೇ ಅ॒ಭ್ಯೋಜ॑ಸಾ॒ ಕ್ರಿವಿಂ᳚ ವ॒ಧೈಃ ಶುಷ್ಣಂ᳚ ನಿಘೋ॒ಷಯನ್॑ |
ಯ॒ದೇದಸ್ತಂ᳚ಭೀತ್ಪ್ರ॒ಥಯ᳚ನ್ನ॒ಮೂಂ ದಿವ॒ಮಾದಿಜ್ಜ॑ನಿಷ್ಟ॒ ಪಾರ್ಥಿ॑ವಃ || 8.51.8
ಯಸ್ಯಾ॒ಯಂ ವಿಶ್ವ॒ ಆರ್ಯೋ॒ ದಾಸಃ॑ ಶೇವಧಿ॒ಪಾ ಅ॒ರಿಃ |
ತಿ॒ರಶ್ಚಿ॑ದ॒ರ್ಯೇ ರುಶ॑ಮೇ॒ ಪರೀ᳚ರವಿ॒ ತುಭ್ಯೇತ್ಸೋ ಅ॑ಜ್ಯತೇ ರ॒ಯಿಃ || 8.51.9
ತು॒ರ॒ಣ್ಯವೋ॒ ಮಧು॑ಮ‌ನ್ತಂ ಘೃತ॒ಶ್ಚುತಂ॒ ವಿಪ್ರಾ᳚ಸೋ ಅ॒ರ್ಕಮಾ᳚ನೃಚುಃ |
ಅ॒ಸ್ಮೇ ರ॒ಯಿಃ ಪ॑ಪ್ರಥೇ॒ ವೃಷ್ಣ್ಯಂ॒ ಶವೋ॒ಽಸ್ಮೇ ಸು॑ವಾ॒ನಾಸ॒ ಇಂದ॑ವಃ || 8.51.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವ ಅಆಯುಋಷಿಃ, ಇಂದ್ರೋ ದೇವತಾ. ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಯಥಾ॒ ಮನೌ॒ ವಿವ॑ಸ್ವತಿ॒ ಸೋಮಂ᳚ ಶ॒ಕ್ರಾಪಿ॑ಬಃ ಸು॒ತ‌ಮ್ |
ಯಥಾ᳚ ತ್ರಿ॒ತೇ ಛಂದ॑ ಇಂದ್ರ॒ ಜುಜೋ᳚ಷಸ್ಯಾ॒ಯೌ ಮಾ᳚ದಯಸೇ॒ ಸಚಾ᳚ || 8.52.1
ಪೃಷ॑ಧ್ರೇ॒ ಮೇಧ್ಯೇ᳚ ಮಾತ॒ರಿಶ್ವ॒ನೀಂದ್ರ॑ ಸುವಾ॒ನೇ ಅಮಂ᳚ದಥಾಃ |
ಯಥಾ॒ ಸೋಮಂ॒ ದಶ॑ಶಿಪ್ರೇ॒ ದಶೋ᳚ಣ್ಯೇ॒ ಸ್ಯೂಮ॑ರಶ್ಮಾ॒ವೃಜೂ᳚ನಸಿ || 8.52.2
ಯ ಉ॒ಕ್ಥಾ ಕೇವ॑ಲಾ ದ॒ಧೇ ಯಃ ಸೋಮಂ᳚ ಧೃಷಿ॒ತಾಪಿ॑ಬತ್ |
ಯಸ್ಮೈ॒ ವಿಷ್ಣು॒ಸ್ತ್ರೀಣಿ॑ ಪ॒ದಾ ವಿ॑ಚಕ್ರ॒ಮ ಉಪ॑ ಮಿ॒ತ್ರಸ್ಯ॒ ಧರ್ಮ॑ಭಿಃ || 8.52.3
ಯಸ್ಯ॒ ತ್ವಮಿಂ᳚ದ್ರ॒ ಸ್ತೋಮೇ᳚ಷು ಚಾ॒ಕನೋ॒ ವಾಜೇ᳚ ವಾಜಿಂಛತಕ್ರತೋ |
ತಂ ತ್ವಾ᳚ ವ॒ಯಂ ಸು॒ದುಘಾ᳚ಮಿವ ಗೋ॒ದುಹೋ᳚ ಜುಹೂ॒ಮಸಿ॑ ಶ್ರವ॒ಸ್ಯವಃ॑ || 8.52.4
ಯೋ ನೋ᳚ ದಾ॒ತಾ ಸ ನಃ॑ ಪಿ॒ತಾ ಮ॒ಹಾಁ ಉ॒ಗ್ರ ಈ᳚ಶಾನ॒ಕೃತ್ |
ಅಯಾ᳚ಮನ್ನು॒ಗ್ರೋ ಮ॒ಘವಾ᳚ ಪುರೂ॒ವಸು॒ರ್ಗೋರಶ್ವ॑ಸ್ಯ॒ ಪ್ರ ದಾ᳚ತು ನಃ || 8.52.5
ಯಸ್ಮೈ॒ ತ್ವಂ ವ॑ಸೋ ದಾ॒ನಾಯ॒ ಮಂಹ॑ಸೇ॒ ಸ ರಾ॒ಯಸ್ಪೋಷ॑ಮಿನ್ವತಿ |
ವ॒ಸೂ॒ಯವೋ॒ ವಸು॑ಪತಿಂ ಶ॒ತಕ್ರ॑ತುಂ॒ ಸ್ತೋಮೈ॒ರಿಂದ್ರಂ᳚ ಹವಾಮಹೇ || 8.52.6
ಕ॒ದಾ ಚ॒ನ ಪ್ರ ಯು॑ಚ್ಛಸ್ಯು॒ಭೇ ನಿ ಪಾ᳚ಸಿ॒ ಜನ್ಮ॑ನೀ |
ತುರೀ᳚ಯಾದಿತ್ಯ॒ ಹವ॑ನಂ ತ ಇಂದ್ರಿ॒ಯಮಾ ತ॑ಸ್ಥಾವ॒ಮೃತಂ᳚ ದಿ॒ವಿ || 8.52.7
ಯಸ್ಮೈ॒ ತ್ವಂ ಮ॑ಘವನ್ನಿಂದ್ರ ಗಿರ್ವಣಃ॒ ಶಿಕ್ಷೋ॒ ಶಿಕ್ಷ॑ಸಿ ದಾ॒ಶುಷೇ᳚ |
ಅ॒ಸ್ಮಾಕಂ॒ ಗಿರ॑ ಉ॒ತ ಸು॑ಷ್ಟು॒ತಿಂ ವ॑ಸೋ ಕಣ್ವ॒ವಚ್ಛೃ॑ಣುಧೀ॒ ಹವ‌ಮ್᳚ || 8.52.8
ಅಸ್ತಾ᳚ವಿ॒ ಮನ್ಮ॑ ಪೂ॒ರ್ವ್ಯಂ ಬ್ರಹ್ಮೇಂದ್ರಾ᳚ಯ ವೋಚತ |
ಪೂ॒ರ್ವೀರ್‌ಋ॒ತಸ್ಯ॑ ಬೃಹ॒ತೀರ॑ನೂಷತ ಸ್ತೋ॒ತುರ್ಮೇ॒ಧಾ ಅ॑ಸೃಕ್ಷತ || 8.52.9
ಸಮಿಂದ್ರೋ॒ ರಾಯೋ᳚ ಬೃಹ॒ತೀರ॑ಧೂನುತ॒ ಸಂ ಕ್ಷೋ॒ಣೀ ಸಮು॒ ಸೂರ್ಯ‌ಮ್᳚ |
ಸಂ ಶು॒ಕ್ರಾಸಃ॒ ಶುಚ॑ಯಃ॒ ಸಂ ಗವಾ᳚ಶಿರಃ॒ ಸೋಮಾ॒ ಇಂದ್ರ॑ಮಮಂದಿಷುಃ || 8.52.10

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯ ಋಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಉ॒ಪ॒ಮಂ ತ್ವಾ᳚ ಮ॒ಘೋನಾಂ॒ ಜ್ಯೇಷ್ಠಂ᳚ ಚ ವೃಷ॒ಭಾಣಾ᳚‌ಮ್ |
ಪೂ॒ರ್ಭಿತ್ತ॑ಮಂ ಮಘವನ್ನಿಂದ್ರ ಗೋ॒ವಿದ॒ಮೀಶಾ᳚ನಂ ರಾ॒ಯ ಈ᳚ಮಹೇ || 8.53.1
ಯ ಆ॒ಯುಂ ಕುತ್ಸ॑ಮತಿಥಿ॒ಗ್ವಮರ್ದ॑ಯೋ ವಾವೃಧಾ॒ನೋ ದಿ॒ವೇದಿ॑ವೇ |
ತಂ ತ್ವಾ᳚ ವ॒ಯಂ ಹರ್ಯ॑ಶ್ವಂ ಶ॒ತಕ್ರ॑ತುಂ ವಾಜ॒ಯ‌ನ್ತೋ᳚ ಹವಾಮಹೇ || 8.53.2
ಆ ನೋ॒ ವಿಶ್ವೇ᳚ಷಾಂ॒ ರಸಂ॒ ಮಧ್ವಃ॑ ಸಿಂಚ॒‌ನ್ತ್ವದ್ರ॑ಯಃ |
ಯೇ ಪ॑ರಾ॒ವತಿ॑ ಸುನ್ವಿ॒ರೇ ಜನೇ॒ಷ್ವಾ ಯೇ ಅ᳚ರ್ವಾ॒ವತೀಂದ॑ವಃ || 8.53.3
ವಿಶ್ವಾ॒ ದ್ವೇಷಾಂ᳚ಸಿ ಜ॒ಹಿ ಚಾವ॒ ಚಾ ಕೃ॑ಧಿ॒ ವಿಶ್ವೇ᳚ ಸನ್ವ॒‌ನ್ತ್ವಾ ವಸು॑ |
ಶೀಷ್ಟೇ᳚ಷು ಚಿತ್ತೇ ಮದಿ॒ರಾಸೋ᳚ ಅಂ॒ಶವೋ॒ ಯತ್ರಾ॒ ಸೋಮ॑ಸ್ಯ ತೃಂ॒ಪಸಿ॑ || 8.53.4
ಇಂದ್ರ॒ ನೇದೀ᳚ಯ॒ ಏದಿ॑ಹಿ ಮಿ॒ತಮೇ᳚ಧಾಭಿರೂ॒ತಿಭಿಃ॑ |
ಆ ಶಂ᳚ತಮ॒ ಶಂತ॑ಮಾಭಿರ॒ಭಿಷ್ಟಿ॑ಭಿ॒ರಾ ಸ್ವಾ᳚ಪೇ ಸ್ವಾ॒ಪಿಭಿಃ॑ || 8.53.5
ಆ॒ಜಿ॒ತುರಂ॒ ಸತ್ಪ॑ತಿಂ ವಿ॒ಶ್ವಚ॑ರ್ಷಣಿಂ ಕೃ॒ಧಿ ಪ್ರ॒ಜಾಸ್ವಾಭ॑ಗ‌ಮ್ |
ಪ್ರ ಸೂ ತಿ॑ರಾ॒ ಶಚೀ᳚ಭಿ॒ರ್ಯೇ ತ॑ ಉ॒ಕ್ಥಿನಃ॒ ಕ್ರತುಂ᳚ ಪುನ॒ತ ಆ᳚ನು॒ಷಕ್ || 8.53.6
ಯಸ್ತೇ॒ ಸಾಧಿ॒ಷ್ಠೋಽವ॑ಸೇ॒ ತೇ ಸ್ಯಾ᳚ಮ॒ ಭರೇ᳚ಷು ತೇ |
ವ॒ಯಂ ಹೋತ್ರಾ᳚ಭಿರು॒ತ ದೇ॒ವಹೂ᳚ತಿಭಿಃ ಸಸ॒ವಾಂಸೋ᳚ ಮನಾಮಹೇ || 8.53.7
ಅ॒ಹಂ ಹಿ ತೇ᳚ ಹರಿವೋ॒ ಬ್ರಹ್ಮ॑ ವಾಜ॒ಯುರಾ॒ಜಿಂ ಯಾಮಿ॒ ಸದೋ॒ತಿಭಿಃ॑ |
ತ್ವಾಮಿದೇ॒ವ ತಮಮೇ॒ ಸಮ॑ಶ್ವ॒ಯುರ್ಗ॒ವ್ಯುರಗ್ರೇ᳚ ಮಥೀ॒ನಾ‌ಮ್ || 8.53.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮಾತರಿಶ್ವಾ ಋಷಿಃ (1-2, 5-8) ಪ್ರಥಮಾದ್ವಿತೀಯಯೋರೃಚೋಃ ಪಂಚಮ್ಯಾದಿಚತಸೃಣಾಂಚೇಂದ್ರಃ, (3-4) ತೃತೀಯಾಚತೋಶ್ಚ ವಿಶ್ವೇ ದೇವಾ ದೇವತಾಃ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಏ॒ತತ್ತ॑ ಇಂದ್ರ ವೀ॒ರ್ಯಂ᳚ ಗೀ॒ರ್ಭಿರ್ಗೃ॒ಣ‌ನ್ತಿ॑ ಕಾ॒ರವಃ॑ |
ತೇ ಸ್ತೋಭ᳚‌ನ್ತ॒ ಊರ್ಜ॑ಮಾವನ್ಘೃತ॒ಶ್ಚುತಂ᳚ ಪೌ॒ರಾಸೋ᳚ ನಕ್ಷಂಧೀ॒ತಿಭಿಃ॑ || 8.54.1
ನಕ್ಷ᳚‌ನ್ತ॒ ಇಂದ್ರ॒ಮವ॑ಸೇ ಸುಕೃ॒ತ್ಯಯಾ॒ ಯೇಷಾಂ᳚ ಸು॒ತೇಷು॒ ಮಂದ॑ಸೇ |
ಯಥಾ᳚ ಸಂವ॒ರ್ತೇ ಅಮ॑ದೋ॒ ಯಥಾ᳚ ಕೃ॒ಶ ಏ॒ವಾಸ್ಮೇ ಇಂ᳚ದ್ರ ಮತ್ಸ್ವ || 8.54.2
ಆ ನೋ॒ ವಿಶ್ವೇ᳚ ಸ॒ಜೋಷ॑ಸೋ॒ ದೇವಾ᳚ಸೋ॒ ಗ‌ನ್ತ॒ನೋಪ॑ ನಃ |
ವಸ॑ವೋ ರು॒ದ್ರಾ ಅವ॑ಸೇ ನ॒ ಆ ಗ॑ಮಂಛೃ॒ಣ್ವ‌ನ್ತು॑ ಮ॒ರುತೋ॒ ಹವ‌ಮ್᳚ || 8.54.3
ಪೂ॒ಷಾ ವಿಷ್ಣು॒ರ್ಹವ॑ನಂ ಮೇ॒ ಸರ॑ಸ್ವ॒ತ್ಯವ᳚‌ನ್ತು ಸ॒ಪ್ತ ಸಿಂಧ॑ವಃ |
ಆಪೋ॒ ವಾತಃ॒ ಪರ್ವ॑ತಾಸೋ॒ ವನ॒ಸ್ಪತಿಃ॑ ಶೃ॒ಣೋತು॑ ಪೃಥಿ॒ವೀ ಹವ‌ಮ್᳚ || 8.54.4
ಯದಿಂ᳚ದ್ರ॒ ರಾಧೋ॒ ಅಸ್ತಿ॑ ತೇ॒ ಮಾಘೋ᳚ನಂ ಮಘವತ್ತಮ |
ತೇನ॑ ನೋ ಬೋಧಿ ಸಧ॒ಮಾದ್ಯೋ᳚ ವೃ॒ಧೇ ಭಗೋ᳚ ದಾ॒ನಾಯ॑ ವೃತ್ರಹನ್ || 8.54.5
ಆಜಿ॑ಪತೇ ನೃಪತೇ॒ ತ್ವಮಿದ್ಧಿ ನೋ॒ ವಾಜ॒ ಆ ವ॑ಕ್ಷಿ ಸುಕ್ರತೋ |
ವೀ॒ತೀ ಹೋತ್ರಾ᳚ಭಿರು॒ತ ದೇ॒ವವೀ᳚ತಿಭಿಃ ಸಸ॒ವಾಂಸೋ॒ ವಿ ಶೃ᳚ಣ್ವಿರೇ || 8.54.6
ಸ‌ನ್ತಿ॒ ಹ್ಯ1॒᳚ರ್ಯ ಆ॒ಶಿಷ॒ ಇಂದ್ರ॒ ಆಯು॒ರ್ಜನಾ᳚ನಾ‌ಮ್ |
ಅ॒ಸ್ಮಾನ್ನ॑ಕ್ಷಸ್ವ ಮಘವ॒ನ್ನುಪಾವ॑ಸೇ ಧು॒ಕ್ಷಸ್ವ॑ ಪಿ॒ಪ್ಯುಷೀ॒ಮಿಷ‌ಮ್᳚ || 8.54.7
ವ॒ಯಂ ತ॑ ಇಂದ್ರ॒ ಸ್ತೋಮೇ᳚ಭಿರ್ವಿಧೇಮ॒ ತ್ವಮ॒ಸ್ಮಾಕಂ᳚ ಶತಕ್ರತೋ |
ಮಹಿ॑ ಸ್ಥೂ॒ರಂ ಶ॑ಶ॒ಯಂ ರಾಧೋ॒ ಅಹ್ರ॑ಯಂ॒ ಪ್ರಸ್ಕ᳚ಣ್ವಾಯ॒ ನಿ ತೋ᳚ಶಯ || 8.54.8

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕೃಶ ಋಷಿಃ, ಇಂದ್ರಃ ಪ್ರಸ್ಕಣ್ವಸ್ಯ ದಾನಸ್ತುತಿಶ್ಚ ದೇವತೇ (1-2, 4) ಪ್ರಥಮಾದ್ವಿತೀಯಯೋಜೃಚೋಶ್ಚತುರ್ಥ್ಯಾಶ್ಚ ಗಾಯತ್ರೀ, (3, 5) ತೃತೀಯಾಪಂಚಮ್ಯೋಶ್ಚಾನುಷ್ಟಪ್ ಛಂದಸೀ

ಭೂರೀದಿಂದ್ರ॑ಸ್ಯ ವೀ॒ರ್ಯಂ1॒᳚ ವ್ಯಖ್ಯ॑ಮ॒ಭ್ಯಾಯ॑ತಿ |
ರಾಧ॑ಸ್ತೇ ದಸ್ಯವೇ ವೃಕ || 8.55.1
ಶ॒ತಂ ಶ್ವೇ॒ತಾಸ॑ ಉ॒ಕ್ಷಣೋ᳚ ದಿ॒ವಿ ತಾರೋ॒ ನ ರೋ᳚ಚ‌ನ್ತೇ |
ಮ॒ಹ್ನಾ ದಿವಂ॒ ನ ತ॑ಸ್ತಭುಃ || 8.55.2
ಶ॒ತಂ ವೇ॒ಣೂಂಛ॒ತಂ ಶುನಃ॑ ಶ॒ತಂ ಚರ್ಮಾ᳚ಣಿ ಮ್ಲಾ॒ತಾನಿ॑ |
ಶ॒ತಂ ಮೇ᳚ ಬಲ್ಬಜಸ್ತು॒ಕಾ ಅರು॑ಷೀಣಾಂ॒ ಚತುಃ॑ಶತ‌ಮ್ || 8.55.3
ಸು॒ದೇ॒ವಾಃ ಸ್ಥ॑ ಕಾಣ್ವಾಯನಾ॒ ವಯೋ᳚ವಯೋ ವಿಚ॒ರ‌ನ್ತಃ॑ |
ಅಶ್ವಾ᳚ಸೋ॒ ನ ಚಂ᳚ಕ್ರಮತ || 8.55.4
ಆದಿತ್ಸಾ॒ಪ್ತಸ್ಯ॑ ಚರ್ಕಿರ॒ನ್ನಾನೂ᳚ನಸ್ಯ॒ ಮಹಿ॒ ಶ್ರವಃ॑ |
ಶ್ಯಾವೀ᳚ರತಿಧ್ವ॒ಸನ್ಪ॒ಥಶ್ಚಕ್ಷು॑ಷಾ ಚ॒ನ ಸಂ॒ನಶೇ᳚ || 8.55.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪೃಷಧ್ರ ಋಷಿಃ (1-4) ಪ್ರಥಮಾದಿಚತುರೃಚಮಿಂದ್ರಃ ಪ್ರಸ್ಕಣ್ವಸ್ಯ ದಾನಸ್ತುತಿಶ್ಚ, (5) ಪಂಚಮ್ಯಾಶ್ಚಾಗ್ನಿಸೂಯೊ ದೇವತಾಃ (1-4) ಪ್ರಥಮಾದಿಚತುರೃಚ, ಗಾಯತ್ರೀ, (5) ಪಂಚಮ್ಯಾಶ್ಚ ಪತಿಶ್ಛಂದಸೀ

ಪ್ರತಿ॑ ತೇ ದಸ್ಯವೇ ವೃಕ॒ ರಾಧೋ᳚ ಅದ॒ರ್ಶ್ಯಹ್ರ॑ಯ‌ಮ್ |
ದ್ಯೌರ್ನ ಪ್ರ॑ಥಿ॒ನಾ ಶವಃ॑ || 8.56.1
ದಶ॒ ಮಹ್ಯಂ᳚ ಪೌತಕ್ರ॒ತಃ ಸ॒ಹಸ್ರಾ॒ ದಸ್ಯ॑ವೇ॒ ವೃಕಃ॑ |
ನಿತ್ಯಾ᳚ದ್ರಾ॒ಯೋ ಅ॑ಮಂಹತ || 8.56.2
ಶ॒ತಂ ಮೇ᳚ ಗರ್ದ॒ಭಾನಾಂ᳚ ಶ॒ತಮೂರ್ಣಾ᳚ವತೀನಾ‌ಮ್ |
ಶ॒ತಂ ದಾ॒ಸಾಁ ಅತಿ॒ ಸ್ರಜಃ॑ || 8.56.3
ತತ್ರೋ॒ ಅಪಿ॒ ಪ್ರಾಣೀ᳚ಯತ ಪೂ॒ತಕ್ರ॑ತಾಯೈ॒ ವ್ಯ॑ಕ್ತಾ |
ಅಶ್ವಾ᳚ನಾ॒ಮಿನ್ನ ಯೂ॒ಥ್ಯಾ᳚‌ಮ್ || 8.56.4
ಅಚೇ᳚ತ್ಯ॒ಗ್ನಿಶ್ಚಿ॑ಕಿ॒ತುರ್ಹ᳚ವ್ಯ॒ವಾಟ್ ಸ ಸು॒ಮದ್ರ॑ಥಃ |
ಅ॒ಗ್ನಿಃ ಶು॒ಕ್ರೇಣ॑ ಶೋ॒ಚಿಷಾ᳚ ಬೃ॒ಹತ್ಸೂರೋ᳚ ಅರೋಚತ ದಿ॒ವಿ ಸೂರ್ಯೋ᳚ ಅರೋಚತ || 8.56.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಯು॒ವಂ ದೇ᳚ವಾ॒ ಕ್ರತು॑ನಾ ಪೂ॒ರ್ವ್ಯೇಣ॑ ಯು॒ಕ್ತಾ ರಥೇ᳚ನ ತವಿ॒ಷಂ ಯ॑ಜತ್ರಾ |
ಆಗ॑ಚ್ಛತಂ ನಾಸತ್ಯಾ॒ ಶಚೀ᳚ಭಿರಿ॒ದಂ ತೃ॒ತೀಯಂ॒ ಸವ॑ನಂ ಪಿಬಾಥಃ || 8.57.1
ಯು॒ವಾಂ ದೇ॒ವಾಸ್ತ್ರಯ॑ ಏಕಾದ॒ಶಾಸಃ॑ ಸ॒ತ್ಯಾಃ ಸ॒ತ್ಯಸ್ಯ॑ ದದೃಶೇ ಪು॒ರಸ್ತಾ᳚ತ್ |
ಅ॒ಸ್ಮಾಕಂ᳚ ಯ॒ಜ್ಞಂ ಸವ॑ನಂ ಜುಷಾ॒ಣಾ ಪಾ॒ತಂ ಸೋಮ॑ಮಶ್ವಿನಾ॒ ದೀದ್ಯ॑ಗ್ನೀ || 8.57.2
ಪ॒ನಾಯ್ಯಂ॒ ತದ॑ಶ್ವಿನಾ ಕೃ॒ತಂ ವಾಂ᳚ ವೃಷ॒ಭೋ ದಿ॒ವೋ ರಜ॑ಸಃ ಪೃಥಿ॒ವ್ಯಾಃ |
ಸ॒ಹಸ್ರಂ॒ ಶಂಸಾ᳚ ಉ॒ತ ಯೇ ಗವಿ॑ಷ್ಟೌ॒ ಸರ್ವಾಁ॒ ಇತ್ತಾಁ ಉಪ॑ ಯಾತಾ॒ ಪಿಬ॑ಧ್ಯೈ || 8.57.3
ಅ॒ಯಂ ವಾಂ᳚ ಭಾ॒ಗೋ ನಿಹಿ॑ತೋ ಯಜತ್ರೇ॒ಮಾ ಗಿರೋ᳚ ನಾಸ॒ತ್ಯೋಪ॑ ಯಾತ‌ಮ್ |
ಪಿಬ॑ತಂ॒ ಸೋಮಂ॒ ಮಧು॑ಮ‌ನ್ತಮ॒ಸ್ಮೇ ಪ್ರ ದಾ॒ಶ್ವಾಂಸ॑ಮವತಂ॒ ಶಚೀ᳚ಭಿಃ || 8.57.4

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯ ಋಷಿಃ (1) ಪ್ರಥಮ] ವಿಶ್ವೇ ದೇವಾ ಋತ್ವಿಜೋ ವಾ, (2-3) ದ್ವಿತೀಯಾತೃತೀಯಯೋಶ್ಚ ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಯಮೃ॒ತ್ವಿಜೋ᳚ ಬಹು॒ಧಾ ಕ॒ಲ್ಪಯ᳚‌ನ್ತಃ॒ ಸಚೇ᳚ತಸೋ ಯ॒ಜ್ಞಮಿ॒ಮಂ ವಹ᳚‌ನ್ತಿ |
ಯೋ ಅ॑ನೂಚಾ॒ನೋ ಬ್ರಾ᳚ಹ್ಮ॒ಣೋ ಯು॒ಕ್ತ ಆ᳚ಸೀ॒ತ್ಕಾ ಸ್ವಿ॒ತ್ತತ್ರ॒ ಯಜ॑ಮಾನಸ್ಯ ಸಂ॒ವಿತ್ || 8.58.1
ಏಕ॑ ಏ॒ವಾಗ್ನಿರ್ಬ॑ಹು॒ಧಾ ಸಮಿ॑ದ್ಧ॒ ಏಕಃ॒ ಸೂರ್ಯೋ॒ ವಿಶ್ವ॒ಮನು॒ ಪ್ರಭೂ᳚ತಃ |
ಏಕೈ॒ವೋಷಾಃ ಸರ್ವ॑ಮಿ॒ದಂ ವಿ ಭಾ॒ತ್ಯೇಕಂ॒ ವಾ ಇ॒ದಂ ವಿ ಬ॑ಭೂವ॒ ಸರ್ವ‌ಮ್᳚ || 8.58.2
ಜ್ಯೋತಿ॑ಷ್ಮ‌ನ್ತಂ ಕೇತು॒ಮ‌ನ್ತಂ᳚ ತ್ರಿಚ॒ಕ್ರಂ ಸು॒ಖಂ ರಥಂ᳚ ಸು॒ಷದಂ॒ ಭೂರಿ॑ವಾರ‌ಮ್ |
ಚಿ॒ತ್ರಾಮ॑ಘಾ॒ ಯಸ್ಯ॒ ಯೋಗೇ᳚ಽಧಿಜಜ್ಞೇ॒ ತಂ ವಾಂ᳚ ಹು॒ವೇ ಅತಿ॑ ರಿಕ್ತಂ॒ ಪಿಬ॑ಧ್ಯೈ || 8.58.3

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸುಪರ್ಣ ಋಷಿಃ, ಇಂದ್ರಾವರುಣೌ ದೇವತೇ, ಜಗತೀ ಛಂದಃ

ಇ॒ಮಾನಿ॑ ವಾಂ ಭಾಗ॒ಧೇಯಾ᳚ನಿ ಸಿಸ್ರತ॒ ಇಂದ್ರಾ᳚ವರುಣಾ॒ ಪ್ರ ಮ॒ಹೇ ಸು॒ತೇಷು॑ ವಾ‌ಮ್ |
ಯ॒ಜ್ಞೇಯ॑ಜ್ಞೇ ಹ॒ ಸವ॑ನಾ ಭುರ॒ಣ್ಯಥೋ॒ ಯತ್ಸು᳚ನ್ವ॒ತೇ ಯಜ॑ಮಾನಾಯ॒ ಶಿಕ್ಷ॑ಥಃ || 8.59.1
ನಿ॒ಷ್ಷಿಧ್ವ॑ರೀ॒ರೋಷ॑ಧೀ॒ರಾಪ॑ ಆಸ್ತಾ॒ಮಿಂದ್ರಾ᳚ವರುಣಾ ಮಹಿ॒ಮಾನ॒ಮಾಶ॑ತ |
ಯಾ ಸಿಸ್ರ॑ತೂ॒ ರಜ॑ಸಃ ಪಾ॒ರೇ ಅಧ್ವ॑ನೋ॒ ಯಯೋಃ॒ ಶತ್ರು॒ರ್ನಕಿ॒ರಾದೇ᳚ವ॒ ಓಹ॑ತೇ || 8.59.2
ಸ॒ತ್ಯಂ ತದಿಂ᳚ದ್ರಾವರುಣಾ ಕೃ॒ಶಸ್ಯ॑ ವಾಂ॒ ಮಧ್ವ॑ ಊ॒ರ್ಮಿಂ ದು॑ಹತೇ ಸ॒ಪ್ತ ವಾಣೀಃ᳚ |
ತಾಭಿ॑ರ್ದಾ॒ಶ್ವಾಂಸ॑ಮವತಂ ಶುಭಸ್ಪತೀ॒ ಯೋ ವಾ॒ಮದ॑ಬ್ಧೋ ಅ॒ಭಿ ಪಾತಿ॒ ಚಿತ್ತಿ॑ಭಿಃ || 8.59.3
ಘೃ॒ತ॒ಪ್ರುಷಃ॒ ಸೌಮ್ಯಾ᳚ ಜೀ॒ರದಾ᳚ನವಃ ಸ॒ಪ್ತ ಸ್ವಸಾ᳚ರಃ॒ ಸದ॑ನ ಋ॒ತಸ್ಯ॑ |
ಯಾ ಹ॑ ವಾಮಿಂದ್ರಾವರುಣಾ ಘೃತ॒ಶ್ಚುತ॒ಸ್ತಾಭಿ॑ರ್ಧತ್ತಂ॒ ಯಜ॑ಮಾನಾಯ ಶಿಕ್ಷತ‌ಮ್ || 8.59.4
ಅವೋ᳚ಚಾಮ ಮಹ॒ತೇ ಸೌಭ॑ಗಾಯ ಸ॒ತ್ಯಂ ತ್ವೇ॒ಷಾಭ್ಯಾಂ᳚ ಮಹಿ॒ಮಾನ॑ಮಿಂದ್ರಿ॒ಯ‌ಮ್ |
ಅ॒ಸ್ಮಾ‌‌ನ್ತ್ಸ್ವಿಂ᳚ದ್ರಾವರುಣಾ ಘೃತ॒ಶ್ಚುತ॒ಸ್ತ್ರಿಭಿಃ॑ ಸಾ॒ಪ್ತೇಭಿ॑ರವತಂ ಶುಭಸ್ಪತೀ || 8.59.5
ಇಂದ್ರಾ᳚ವರುಣಾ॒ ಯದೃ॒ಷಿಭ್ಯೋ᳚ ಮನೀ॒ಷಾಂ ವಾ॒ಚೋ ಮ॒ತಿಂ ಶ್ರು॒ತಮ॑ದತ್ತ॒ಮಗ್ರೇ᳚ |
ಯಾನಿ॒ ಸ್ಥಾನಾ᳚ನ್ಯಸೃಜ‌ನ್ತ॒ ಧೀರಾ᳚ ಯ॒ಜ್ಞಂ ತ᳚ನ್ವಾ॒ನಾಸ್ತಪ॑ಸಾ॒ಭ್ಯ॑ಪಶ್ಯ‌ಮ್ || 8.59.6
ಇಂದ್ರಾ᳚ವರುಣಾ ಸೌಮನ॒ಸಮದೃ॑ಪ್ತಂ ರಾ॒ಯಸ್ಪೋಷಂ॒ ಯಜ॑ಮಾನೇಷು ಧತ್ತ‌ಮ್ |
ಪ್ರ॒ಜಾಂ ಪು॒ಷ್ಟಿಂ ಭೂ᳚ತಿಮ॒ಸ್ಮಾಸು॑ ಧತ್ತಂ ದೀರ್ಘಾಯು॒ತ್ವಾಯ॒ ಪ್ರ ತಿ॑ರತಂ ನ॒ ಆಯುಃ॑ || 8.59.7

(1-20) ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಪ್ರಾಗಾಥೋ ಭರ್ಗ ಋಷಿಃ, ಅಗ್ನಿದೇರ್ವತಾ. ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಅಗ್ನ॒ ಆ ಯಾ᳚ಹ್ಯ॒ಗ್ನಿಭಿ॒ರ್ಹೋತಾ᳚ರಂ ತ್ವಾ ವೃಣೀಮಹೇ |
ಆ ತ್ವಾಮ॑ನಕ್ತು॒ ಪ್ರಯ॑ತಾ ಹ॒ವಿಷ್ಮ॑ತೀ॒ ಯಜಿ॑ಷ್ಠಂ ಬ॒ರ್ಹಿರಾ॒ಸದೇ᳚ || 8.60.1
ಅಚ್ಛಾ॒ ಹಿ ತ್ವಾ᳚ ಸಹಸಃ ಸೂನೋ ಅಂಗಿರಃ॒ ಸ್ರುಚ॒ಶ್ಚರ᳚‌ನ್ತ್ಯಧ್ವ॒ರೇ |
ಊ॒ರ್ಜೋ ನಪಾ᳚ತಂ ಘೃ॒ತಕೇ᳚ಶಮೀಮಹೇ॒ಽಗ್ನಿಂ ಯ॒ಜ್ಞೇಷು॑ ಪೂ॒ರ್ವ್ಯ‌ಮ್ || 8.60.2
ಅಗ್ನೇ᳚ ಕ॒ವಿರ್ವೇ॒ಧಾ ಅ॑ಸಿ॒ ಹೋತಾ᳚ ಪಾವಕ॒ ಯಕ್ಷ್ಯಃ॑ |
ಮಂ॒ದ್ರೋ ಯಜಿ॑ಷ್ಠೋ ಅಧ್ವ॒ರೇಷ್ವೀಡ್ಯೋ॒ ವಿಪ್ರೇ᳚ಭಿಃ ಶುಕ್ರ॒ ಮನ್ಮ॑ಭಿಃ || 8.60.3
ಅದ್ರೋ᳚ಘ॒ಮಾ ವ॑ಹೋಶ॒ತೋ ಯ॑ವಿಷ್ಠ್ಯ ದೇ॒ವಾಁ ಅ॑ಜಸ್ರ ವೀ॒ತಯೇ᳚ |
ಅ॒ಭಿ ಪ್ರಯಾಂ᳚ಸಿ॒ ಸುಧಿ॒ತಾ ವ॑ಸೋ ಗಹಿ॒ ಮಂದ॑ಸ್ವ ಧೀ॒ತಿಭಿ॑ರ್ಹಿ॒ತಃ || 8.60.4
ತ್ವಮಿತ್ಸ॒ಪ್ರಥಾ᳚ ಅ॒ಸ್ಯಗ್ನೇ᳚ ತ್ರಾತರ್‌ಋ॒ತಸ್ಕ॒ವಿಃ |
ತ್ವಾಂ ವಿಪ್ರಾ᳚ಸಃ ಸಮಿಧಾನ ದೀದಿವ॒ ಆ ವಿ॑ವಾಸ‌ನ್ತಿ ವೇ॒ಧಸಃ॑ || 8.60.5
ಶೋಚಾ᳚ ಶೋಚಿಷ್ಠ ದೀದಿ॒ಹಿ ವಿ॒ಶೇ ಮಯೋ॒ ರಾಸ್ವ॑ ಸ್ತೋ॒ತ್ರೇ ಮ॒ಹಾಁ ಅ॑ಸಿ |
ದೇ॒ವಾನಾಂ॒ ಶರ್ಮ॒ನ್ಮಮ॑ ಸ‌ನ್ತು ಸೂ॒ರಯಃ॑ ಶತ್ರೂ॒ಷಾಹಃ॑ ಸ್ವ॒ಗ್ನಯಃ॑ || 8.60.6
ಯಥಾ᳚ ಚಿದ್ವೃ॒ದ್ಧಮ॑ತ॒ಸಮಗ್ನೇ᳚ ಸಂ॒ಜೂರ್ವ॑ಸಿ॒ ಕ್ಷಮಿ॑ |
ಏ॒ವಾ ದ॑ಹ ಮಿತ್ರಮಹೋ॒ ಯೋ ಅ॑ಸ್ಮ॒ಧ್ರುಗ್ದು॒ರ್ಮನ್ಮಾ॒ ಕಶ್ಚ॒ ವೇನ॑ತಿ || 8.60.7
ಮಾ ನೋ॒ ಮರ್ತಾ᳚ಯ ರಿ॒ಪವೇ᳚ ರಕ್ಷ॒ಸ್ವಿನೇ॒ ಮಾಘಶಂ᳚ಸಾಯ ರೀರಧಃ |
ಅಸ್ರೇ᳚ಧದ್ಭಿಸ್ತ॒ರಣಿ॑ಭಿರ್ಯವಿಷ್ಠ್ಯ ಶಿ॒ವೇಭಿಃ॑ ಪಾಹಿ ಪಾ॒ಯುಭಿಃ॑ || 8.60.8
ಪಾ॒ಹಿ ನೋ᳚ ಅಗ್ನ॒ ಏಕ॑ಯಾ ಪಾ॒ಹ್ಯು1॒॑ತ ದ್ವಿ॒ತೀಯ॑ಯಾ |
ಪಾ॒ಹಿ ಗೀ॒ರ್ಭಿಸ್ತಿ॒ಸೃಭಿ॑ರೂರ್ಜಾಂ ಪತೇ ಪಾ॒ಹಿ ಚ॑ತ॒ಸೃಭಿ᳚ರ್ವಸೋ || 8.60.9
ಪಾ॒ಹಿ ವಿಶ್ವ॑ಸ್ಮಾದ್ರ॒ಕ್ಷಸೋ॒ ಅರಾ᳚ವ್ಣಃ॒ ಪ್ರ ಸ್ಮ॒ ವಾಜೇ᳚ಷು ನೋಽವ |
ತ್ವಾಮಿದ್ಧಿ ನೇದಿ॑ಷ್ಠಂ ದೇ॒ವತಾ᳚ತಯ ಆ॒ಪಿಂ ನಕ್ಷಾ᳚ಮಹೇ ವೃ॒ಧೇ || 8.60.10
ಆ ನೋ᳚ ಅಗ್ನೇ ವಯೋ॒ವೃಧಂ᳚ ರ॒ಯಿಂ ಪಾ᳚ವಕ॒ ಶಂಸ್ಯ‌ಮ್᳚ |
ರಾಸ್ವಾ᳚ ಚ ನ ಉಪಮಾತೇ ಪುರು॒ಸ್ಪೃಹಂ॒ ಸುನೀ᳚ತೀ॒ ಸ್ವಯ॑ಶಸ್ತರ‌ಮ್ || 8.60.11
ಯೇನ॒ ವಂಸಾ᳚ಮ॒ ಪೃತ॑ನಾಸು॒ ಶರ್ಧ॑ತ॒ಸ್ತರ᳚‌ನ್ತೋ ಅ॒ರ್ಯ ಆ॒ದಿಶಃ॑ |
ಸ ತ್ವಂ ನೋ᳚ ವರ್ಧ॒ ಪ್ರಯ॑ಸಾ ಶಚೀವಸೋ॒ ಜಿನ್ವಾ॒ ಧಿಯೋ᳚ ವಸು॒ವಿದಃ॑ || 8.60.12
ಶಿಶಾ᳚ನೋ ವೃಷ॒ಭೋ ಯ॑ಥಾ॒ಗ್ನಿಃ ಶೃಂಗೇ॒ ದವಿ॑ಧ್ವತ್ |
ತಿ॒ಗ್ಮಾ ಅ॑ಸ್ಯ॒ ಹನ॑ವೋ॒ ನ ಪ್ರ॑ತಿ॒ಧೃಷೇ᳚ ಸು॒ಜಂಭಃ॒ ಸಹ॑ಸೋ ಯ॒ಹುಃ || 8.60.13
ನ॒ಹಿ ತೇ᳚ ಅಗ್ನೇ ವೃಷಭ ಪ್ರತಿ॒ಧೃಷೇ॒ ಜಂಭಾ᳚ಸೋ॒ ಯದ್ವಿ॒ತಿಷ್ಠ॑ಸೇ |
ಸ ತ್ವಂ ನೋ᳚ ಹೋತಃ॒ ಸುಹು॑ತಂ ಹ॒ವಿಷ್ಕೃ॑ಧಿ॒ ವಂಸ್ವಾ᳚ ನೋ॒ ವಾರ್ಯಾ᳚ ಪು॒ರು || 8.60.14
ಶೇಷೇ॒ ವನೇ᳚ಷು ಮಾ॒ತ್ರೋಃ ಸಂ ತ್ವಾ॒ ಮರ್ತಾ᳚ಸ ಇಂಧತೇ |
ಅತಂ᳚ದ್ರೋ ಹ॒ವ್ಯಾ ವ॑ಹಸಿ ಹವಿ॒ಷ್ಕೃತ॒ ಆದಿದ್ದೇ॒ವೇಷು॑ ರಾಜಸಿ || 8.60.15
ಸ॒ಪ್ತ ಹೋತಾ᳚ರ॒ಸ್ತಮಿದೀ᳚ಳತೇ॒ ತ್ವಾಗ್ನೇ᳚ ಸು॒ತ್ಯಜ॒ಮಹ್ರ॑ಯ‌ಮ್ |
ಭಿ॒ನತ್ಸ್ಯದ್ರಿಂ॒ ತಪ॑ಸಾ॒ ವಿ ಶೋ॒ಚಿಷಾ॒ ಪ್ರಾಗ್ನೇ᳚ ತಿಷ್ಠ॒ ಜನಾಁ॒ ಅತಿ॑ || 8.60.16
ಅ॒ಗ್ನಿಮ॑ಗ್ನಿಂ ವೋ॒ ಅಧ್ರಿ॑ಗುಂ ಹು॒ವೇಮ॑ ವೃ॒ಕ್ತಬ॑ರ್ಹಿಷಃ |
ಅ॒ಗ್ನಿಂ ಹಿ॒ತಪ್ರ॑ಯಸಃ ಶಶ್ವ॒ತೀಷ್ವಾ ಹೋತಾ᳚ರಂ ಚರ್ಷಣೀ॒ನಾ‌ಮ್ || 8.60.17
ಕೇತೇ᳚ನ॒ ಶರ್ಮ᳚‌‌ನ್ತ್ಸಚತೇ ಸುಷಾ॒ಮಣ್ಯಗ್ನೇ॒ ತುಭ್ಯಂ᳚ ಚಿಕಿ॒ತ್ವನಾ᳚ |
ಇ॒ಷ॒ಣ್ಯಯಾ᳚ ನಃ ಪುರು॒ರೂಪ॒ಮಾ ಭ॑ರ॒ ವಾಜಂ॒ ನೇದಿ॑ಷ್ಠಮೂ॒ತಯೇ᳚ || 8.60.18
ಅಗ್ನೇ॒ ಜರಿ॑ತರ್ವಿ॒ಶ್ಪತಿ॑ಸ್ತೇಪಾ॒ನೋ ದೇ᳚ವ ರ॒ಕ್ಷಸಃ॑ |
ಅಪ್ರೋ᳚ಷಿವಾನ್ಗೃ॒ಹಪ॑ತಿರ್ಮ॒ಹಾಁ ಅ॑ಸಿ ದಿ॒ವಸ್ಪಾ॒ಯುರ್ದು॑ರೋಣ॒ಯುಃ || 8.60.19
ಮಾ ನೋ॒ ರಕ್ಷ॒ ಆ ವೇ᳚ಶೀದಾಘೃಣೀವಸೋ॒ ಮಾ ಯಾ॒ತುರ್ಯಾ᳚ತು॒ಮಾವ॑ತಾ‌ಮ್ |
ಪ॒ರೋ॒ಗ॒ವ್ಯೂ॒ತ್ಯನಿ॑ರಾ॒ಮಪ॒ ಕ್ಷುಧ॒ಮಗ್ನೇ॒ ಸೇಧ॑ ರಕ್ಷ॒ಸ್ವಿನಃ॑ || 8.60.20

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಗಾಥೋ ಭರ್ಗ ಋಷಿಃ, ಇಂದ್ರೋ ದೇವತಾ. ಪ್ರಗಾಥಃ (ವಿಷಮಾ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಉ॒ಭಯಂ᳚ ಶೃ॒ಣವ॑ಚ್ಚ ನ॒ ಇಂದ್ರೋ᳚ ಅ॒ರ್ವಾಗಿ॒ದಂ ವಚಃ॑ |
ಸ॒ತ್ರಾಚ್ಯಾ᳚ ಮ॒ಘವಾ॒ ಸೋಮ॑ಪೀತಯೇ ಧಿ॒ಯಾ ಶವಿ॑ಷ್ಠ॒ ಆ ಗ॑ಮತ್ || 8.61.1
ತಂ ಹಿ ಸ್ವ॒ರಾಜಂ᳚ ವೃಷ॒ಭಂ ತಮೋಜ॑ಸೇ ಧಿ॒ಷಣೇ᳚ ನಿಷ್ಟತ॒ಕ್ಷತುಃ॑ |
ಉ॒ತೋಪ॒ಮಾನಾಂ᳚ ಪ್ರಥ॒ಮೋ ನಿ ಷೀ᳚ದಸಿ॒ ಸೋಮ॑ಕಾಮಂ॒ ಹಿ ತೇ॒ ಮನಃ॑ || 8.61.2
ಆ ವೃ॑ಷಸ್ವ ಪುರೂವಸೋ ಸು॒ತಸ್ಯೇಂ॒ದ್ರಾಂಧ॑ಸಃ |
ವಿ॒ದ್ಮಾ ಹಿ ತ್ವಾ᳚ ಹರಿವಃ ಪೃ॒ತ್ಸು ಸಾ᳚ಸ॒ಹಿಮಧೃ॑ಷ್ಟಂ ಚಿದ್ದಧೃ॒ಷ್ವಣಿ‌ಮ್᳚ || 8.61.3
ಅಪ್ರಾ᳚ಮಿಸತ್ಯ ಮಘವ॒‌ನ್ತಥೇದ॑ಸ॒ದಿಂದ್ರ॒ ಕ್ರತ್ವಾ॒ ಯಥಾ॒ ವಶಃ॑ |
ಸ॒ನೇಮ॒ ವಾಜಂ॒ ತವ॑ ಶಿಪ್ರಿ॒ನ್ನವ॑ಸಾ ಮ॒ಕ್ಷೂ ಚಿ॒ದ್ಯ‌ನ್ತೋ᳚ ಅದ್ರಿವಃ || 8.61.4
ಶ॒ಗ್ಧ್ಯೂ॒3॒॑ ಷು ಶ॑ಚೀಪತ॒ ಇಂದ್ರ॒ ವಿಶ್ವಾ᳚ಭಿರೂ॒ತಿಭಿಃ॑ |
ಭಗಂ॒ ನ ಹಿ ತ್ವಾ᳚ ಯ॒ಶಸಂ᳚ ವಸು॒ವಿದ॒ಮನು॑ ಶೂರ॒ ಚರಾ᳚ಮಸಿ || 8.61.5
ಪೌ॒ರೋ ಅಶ್ವ॑ಸ್ಯ ಪುರು॒ಕೃದ್ಗವಾ᳚ಮ॒ಸ್ಯುತ್ಸೋ᳚ ದೇವ ಹಿರ॒ಣ್ಯಯಃ॑ |
ನಕಿ॒ರ್ಹಿ ದಾನಂ᳚ ಪರಿ॒ಮರ್ಧಿ॑ಷ॒ತ್ತ್ವೇ ಯದ್ಯ॒ದ್ಯಾಮಿ॒ ತದಾ ಭ॑ರ || 8.61.6
ತ್ವಂ ಹ್ಯೇಹಿ॒ ಚೇರ॑ವೇ ವಿ॒ದಾ ಭಗಂ॒ ವಸು॑ತ್ತಯೇ |
ಉದ್ವಾ᳚ವೃಷಸ್ವ ಮಘವ॒ನ್ಗವಿ॑ಷ್ಟಯ॒ ಉದಿಂ॒ದ್ರಾಶ್ವ॑ಮಿಷ್ಟಯೇ || 8.61.7
ತ್ವಂ ಪು॒ರೂ ಸ॒ಹಸ್ರಾ᳚ಣಿ ಶ॒ತಾನಿ॑ ಚ ಯೂ॒ಥಾ ದಾ॒ನಾಯ॑ ಮಂಹಸೇ |
ಆ ಪು॑ರಂದ॒ರಂ ಚ॑ಕೃಮ॒ ವಿಪ್ರ॑ವಚಸ॒ ಇಂದ್ರಂ॒ ಗಾಯ॒‌ನ್ತೋಽವ॑ಸೇ || 8.61.8
ಅ॒ವಿ॒ಪ್ರೋ ವಾ॒ ಯದವಿ॑ಧ॒ದ್ವಿಪ್ರೋ᳚ ವೇಂದ್ರ ತೇ॒ ವಚಃ॑ |
ಸ ಪ್ರ ಮ॑ಮಂದತ್ತ್ವಾ॒ಯಾ ಶ॑ತಕ್ರತೋ॒ ಪ್ರಾಚಾ᳚ಮನ್ಯೋ॒ ಅಹಂ᳚ಸನ || 8.61.9
ಉ॒ಗ್ರಬಾ᳚ಹುರ್ಮ್ರಕ್ಷ॒ಕೃತ್ವಾ᳚ ಪುರಂದ॒ರೋ ಯದಿ॑ ಮೇ ಶೃ॒ಣವ॒ದ್ಧವ‌ಮ್᳚ |
ವ॒ಸೂ॒ಯವೋ॒ ವಸು॑ಪತಿಂ ಶ॒ತಕ್ರ॑ತುಂ॒ ಸ್ತೋಮೈ॒ರಿಂದ್ರಂ᳚ ಹವಾಮಹೇ || 8.61.10
ನ ಪಾ॒ಪಾಸೋ᳚ ಮನಾಮಹೇ॒ ನಾರಾ᳚ಯಾಸೋ॒ ನ ಜಳ್ಹ॑ವಃ |
ಯದಿನ್ನ್ವಿಂದ್ರಂ॒ ವೃಷ॑ಣಂ॒ ಸಚಾ᳚ ಸು॒ತೇ ಸಖಾ᳚ಯಂ ಕೃ॒ಣವಾ᳚ಮಹೈ || 8.61.11
ಉ॒ಗ್ರಂ ಯು॑ಯುಜ್ಮ॒ ಪೃತ॑ನಾಸು ಸಾಸ॒ಹಿಮೃ॒ಣಕಾ᳚ತಿ॒ಮದಾ᳚ಭ್ಯ‌ಮ್ |
ವೇದಾ᳚ ಭೃ॒ಮಂ ಚಿ॒ತ್ಸನಿ॑ತಾ ರ॒ಥೀತ॑ಮೋ ವಾ॒ಜಿನಂ॒ ಯಮಿದೂ॒ ನಶ॑ತ್ || 8.61.12
ಯತ॑ ಇಂದ್ರ॒ ಭಯಾ᳚ಮಹೇ॒ ತತೋ᳚ ನೋ॒ ಅಭ॑ಯಂ ಕೃಧಿ |
ಮಘ॑ವಂಛ॒ಗ್ಧಿ ತವ॒ ತನ್ನ॑ ಊ॒ತಿಭಿ॒ರ್ವಿ ದ್ವಿಷೋ॒ ವಿ ಮೃಧೋ᳚ ಜಹಿ || 8.61.13
ತ್ವಂ ಹಿ ರಾ᳚ಧಸ್ಪತೇ॒ ರಾಧ॑ಸೋ ಮ॒ಹಃ ಕ್ಷಯ॒ಸ್ಯಾಸಿ॑ ವಿಧ॒ತಃ |
ತಂ ತ್ವಾ᳚ ವ॒ಯಂ ಮ॑ಘವನ್ನಿಂದ್ರ ಗಿರ್ವಣಃ ಸು॒ತಾವ᳚‌ನ್ತೋ ಹವಾಮಹೇ || 8.61.14
ಇಂದ್ರಃ॒ ಸ್ಪಳು॒ತ ವೃ॑ತ್ರ॒ಹಾ ಪ॑ರ॒ಸ್ಪಾ ನೋ॒ ವರೇ᳚ಣ್ಯಃ |
ಸ ನೋ᳚ ರಕ್ಷಿಷಚ್ಚರ॒ಮಂ ಸ ಮ॑ಧ್ಯ॒ಮಂ ಸ ಪ॒ಶ್ಚಾತ್ಪಾ᳚ತು ನಃ ಪು॒ರಃ || 8.61.15
ತ್ವಂ ನಃ॑ ಪ॒ಶ್ಚಾದ॑ಧ॒ರಾದು॑ತ್ತ॒ರಾತ್ಪು॒ರ ಇಂದ್ರ॒ ನಿ ಪಾ᳚ಹಿ ವಿ॒ಶ್ವತಃ॑ |
ಆ॒ರೇ ಅ॒ಸ್ಮತ್ಕೃ॑ಣುಹಿ॒ ದೈವ್ಯಂ᳚ ಭ॒ಯಮಾ॒ರೇ ಹೇ॒ತೀರದೇ᳚ವೀಃ || 8.61.16
ಅ॒ದ್ಯಾದ್ಯಾ॒ ಶ್ವಃಶ್ವ॒ ಇಂದ್ರ॒ ತ್ರಾಸ್ವ॑ ಪ॒ರೇ ಚ॑ ನಃ |
ವಿಶ್ವಾ᳚ ಚ ನೋ ಜರಿ॒ತೄ‌‌ನ್ತ್ಸ॑ತ್ಪತೇ॒ ಅಹಾ॒ ದಿವಾ॒ ನಕ್ತಂ᳚ ಚ ರಕ್ಷಿಷಃ || 8.61.17
ಪ್ರ॒ಭಂ॒ಗೀ ಶೂರೋ᳚ ಮ॒ಘವಾ᳚ ತು॒ವೀಮ॑ಘಃ॒ ಸಮ್ಮಿ॑ಶ್ಲೋ ವಿ॒ರ್ಯಾ᳚ಯ॒ ಕ‌ಮ್ |
ಉ॒ಭಾ ತೇ᳚ ಬಾ॒ಹೂ ವೃಷ॑ಣಾ ಶತಕ್ರತೋ॒ ನಿ ಯಾ ವಜ್ರಂ᳚ ಮಿಮಿ॒ಕ್ಷತುಃ॑ || 8.61.18

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಘೌರಃ ಪ್ರಗಾಥ ಋಷಿಃ, ಇಂದ್ರೋ ದೇವತಾ (1-6, 10-12) ಪ್ರಥಮಾದಿತೃಚದ್ವಯಸ್ಯ ದಶಮ್ಯಾದಿತೃಚಸ್ಯ ಚ ಪಂಕ್ತಿಃ, (7-9) ಸಪ್ತಮ್ಯಾದಿತೃಚಸ್ಯ ಚ ಬೃಹತೀ ಛಂದಸೀ

ಪ್ರೋ ಅ॑ಸ್ಮಾ॒ ಉಪ॑ಸ್ತುತಿಂ॒ ಭರ॑ತಾ॒ ಯಜ್ಜುಜೋ᳚ಷತಿ |
ಉ॒ಕ್ಥೈರಿಂದ್ರ॑ಸ್ಯ॒ ಮಾಹಿ॑ನಂ॒ ವಯೋ᳚ ವರ್ಧ‌ನ್ತಿ ಸೋ॒ಮಿನೋ᳚ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.1
ಅ॒ಯು॒ಜೋ ಅಸ॑ಮೋ॒ ನೃಭಿ॒ರೇಕಃ॑ ಕೃ॒ಷ್ಟೀರ॒ಯಾಸ್ಯಃ॑ |
ಪೂ॒ರ್ವೀರತಿ॒ ಪ್ರ ವಾ᳚ವೃಧೇ॒ ವಿಶ್ವಾ᳚ ಜಾ॒ತಾನ್ಯೋಜ॑ಸಾ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.2
ಅಹಿ॑ತೇನ ಚಿ॒ದರ್ವ॑ತಾ ಜೀ॒ರದಾ᳚ನುಃ ಸಿಷಾಸತಿ |
ಪ್ರ॒ವಾಚ್ಯ॑ಮಿಂದ್ರ॒ ತತ್ತವ॑ ವೀ॒ರ್ಯಾ᳚ಣಿ ಕರಿಷ್ಯ॒ತೋ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.3
ಆ ಯಾ᳚ಹಿ ಕೃ॒ಣವಾ᳚ಮ ತ॒ ಇಂದ್ರ॒ ಬ್ರಹ್ಮಾ᳚ಣಿ॒ ವರ್ಧ॑ನಾ |
ಯೇಭಿಃ॑ ಶವಿಷ್ಠ ಚಾ॒ಕನೋ᳚ ಭ॒ದ್ರಮಿ॒ಹ ಶ್ರ॑ವಸ್ಯ॒ತೇ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.4
ಧೃ॒ಷ॒ತಶ್ಚಿ॑ದ್ಧೃ॒ಷನ್ಮನಃ॑ ಕೃ॒ಣೋಷೀಂ᳚ದ್ರ॒ ಯತ್ತ್ವ‌ಮ್ |
ತೀ॒ವ್ರೈಃ ಸೋಮೈಃ᳚ ಸಪರ್ಯ॒ತೋ ನಮೋ᳚ಭಿಃ ಪ್ರತಿ॒ಭೂಷ॑ತೋ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.5
ಅವ॑ ಚಷ್ಟ॒ ಋಚೀ᳚ಷಮೋಽವ॒ತಾಁ ಇ॑ವ॒ ಮಾನು॑ಷಃ |
ಜು॒ಷ್ಟ್ವೀ ದಕ್ಷ॑ಸ್ಯ ಸೋ॒ಮಿನಃ॒ ಸಖಾ᳚ಯಂ ಕೃಣುತೇ॒ ಯುಜಂ᳚ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.6
ವಿಶ್ವೇ᳚ ತ ಇಂದ್ರ ವೀ॒ರ್ಯಂ᳚ ದೇ॒ವಾ ಅನು॒ ಕ್ರತುಂ᳚ ದದುಃ |
ಭುವೋ॒ ವಿಶ್ವ॑ಸ್ಯ॒ ಗೋಪ॑ತಿಃ ಪುರುಷ್ಟುತ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.7
ಗೃ॒ಣೇ ತದಿಂ᳚ದ್ರ ತೇ॒ ಶವ॑ ಉಪ॒ಮಂ ದೇ॒ವತಾ᳚ತಯೇ |
ಯದ್ಧಂಸಿ॑ ವೃ॒ತ್ರಮೋಜ॑ಸಾ ಶಚೀಪತೇ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.8
ಸಮ॑ನೇವ ವಪುಷ್ಯ॒ತಃ ಕೃ॒ಣವ॒ನ್ಮಾನು॑ಷಾ ಯು॒ಗಾ |
ವಿ॒ದೇ ತದಿಂದ್ರ॒ಶ್ಚೇತ॑ನ॒ಮಧ॑ ಶ್ರು॒ತೋ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.9
ಉಜ್ಜಾ॒ತಮಿಂ᳚ದ್ರ ತೇ॒ ಶವ॒ ಉತ್ತ್ವಾಮುತ್ತವ॒ ಕ್ರತು‌ಮ್᳚ |
ಭೂರಿ॑ಗೋ॒ ಭೂರಿ॑ ವಾವೃಧು॒ರ್ಮಘ॑ವ॒‌ನ್ತವ॒ ಶರ್ಮ॑ಣಿ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.10
ಅ॒ಹಂ ಚ॒ ತ್ವಂ ಚ॑ ವೃತ್ರಹ॒‌‌ನ್ತ್ಸಂ ಯು॑ಜ್ಯಾವ ಸ॒ನಿಭ್ಯ॒ ಆ |
ಅ॒ರಾ॒ತೀ॒ವಾ ಚಿ॑ದದ್ರಿ॒ವೋಽನು॑ ನೌ ಶೂರ ಮಂಸತೇ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.11
ಸ॒ತ್ಯಮಿದ್ವಾ ಉ॒ ತಂ ವ॒ಯಮಿಂದ್ರಂ᳚ ಸ್ತವಾಮ॒ ನಾನೃ॑ತ‌ಮ್ |
ಮ॒ಹಾಁ ಅಸು᳚ನ್ವತೋ ವ॒ಧೋ ಭೂರಿ॒ ಜ್ಯೋತೀಂ᳚ಷಿ ಸುನ್ವ॒ತೋ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ || 8.62.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಗಾಥ ಋಷಿಃ (1-11) ಪ್ರಥಮಾದ್ಯೇಕಾದಶಚಾಮಿಂದ್ರಃ, (12) ದ್ವಾದಶ್ಯಾಶ್ಚ ದೇವಾ ದೇವತಾಃ (1, 4-5, 7) ಪ್ರಥಮರ್ಚಶ್ಚತುರ್ಥೀಪಂಚಮೀಸಪ್ತಮೀನಾಂಚಾನುಷ್ಟಪ್ (2-3, 6, 8-11) ದ್ವಿತೀಯಾತೃತೀಯಾಷಷ್ಠೀನಾಮಷ್ಟಮ್ಯಾದಿಚತಸೃಣಾಂಚ ಗಾಯತ್ರೀ, (12) ದ್ವಾದಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಸ ಪೂ॒ರ್ವ್ಯೋ ಮ॒ಹಾನಾಂ᳚ ವೇ॒ನಃ ಕ್ರತು॑ಭಿರಾನಜೇ |
ಯಸ್ಯ॒ ದ್ವಾರಾ॒ ಮನು॑ಷ್ಪಿ॒ತಾ ದೇ॒ವೇಷು॒ ಧಿಯ॑ ಆನ॒ಜೇ || 8.63.1
ದಿ॒ವೋ ಮಾನಂ॒ ನೋತ್ಸ॑ದ॒‌‌ನ್ತ್ಸೋಮ॑ಪೃಷ್ಠಾಸೋ॒ ಅದ್ರ॑ಯಃ |
ಉ॒ಕ್ಥಾ ಬ್ರಹ್ಮ॑ ಚ॒ ಶಂಸ್ಯಾ᳚ || 8.63.2
ಸ ವಿ॒ದ್ವಾಁ ಅಂಗಿ॑ರೋಭ್ಯ॒ ಇಂದ್ರೋ॒ ಗಾ ಅ॑ವೃಣೋ॒ದಪ॑ |
ಸ್ತು॒ಷೇ ತದ॑ಸ್ಯ॒ ಪೌಂಸ್ಯ‌ಮ್᳚ || 8.63.3
ಸ ಪ್ರ॒ತ್ನಥಾ᳚ ಕವಿವೃ॒ಧ ಇಂದ್ರೋ᳚ ವಾ॒ಕಸ್ಯ॑ ವ॒ಕ್ಷಣಿಃ॑ |
ಶಿ॒ವೋ ಅ॒ರ್ಕಸ್ಯ॒ ಹೋಮ᳚ನ್ಯಸ್ಮ॒ತ್ರಾ ಗ॒‌ನ್ತ್ವವ॑ಸೇ || 8.63.4
ಆದೂ॒ ನು ತೇ॒ ಅನು॒ ಕ್ರತುಂ॒ ಸ್ವಾಹಾ॒ ವರ॑ಸ್ಯ॒ ಯಜ್ಯ॑ವಃ |
ಶ್ವಾ॒ತ್ರಮ॒ರ್ಕಾ ಅ॑ನೂಷ॒ತೇಂದ್ರ॑ ಗೋ॒ತ್ರಸ್ಯ॑ ದಾ॒ವನೇ᳚ || 8.63.5
ಇಂದ್ರೇ॒ ವಿಶ್ವಾ᳚ನಿ ವೀ॒ರ್ಯಾ᳚ ಕೃ॒ತಾನಿ॒ ಕರ್ತ್ವಾ᳚ನಿ ಚ |
ಯಮ॒ರ್ಕಾ ಅ॑ಧ್ವ॒ರಂ ವಿ॒ದುಃ || 8.63.6
ಯತ್ಪಾಂಚ॑ಜನ್ಯಯಾ ವಿ॒ಶೇಂದ್ರೇ॒ ಘೋಷಾ॒ ಅಸೃ॑ಕ್ಷತ |
ಅಸ್ತೃ॑ಣಾದ್ಬ॒ರ್ಹಣಾ᳚ ವಿ॒ಪೋ॒3॒॑ಽರ್ಯೋ ಮಾನ॑ಸ್ಯ॒ ಸ ಕ್ಷಯಃ॑ || 8.63.7
ಇ॒ಯಮು॑ ತೇ॒ ಅನು॑ಷ್ಟುತಿಶ್ಚಕೃ॒ಷೇ ತಾನಿ॒ ಪೌಂಸ್ಯಾ᳚ |
ಪ್ರಾವ॑ಶ್ಚ॒ಕ್ರಸ್ಯ॑ ವರ್ತ॒ನಿ‌ಮ್ || 8.63.8
ಅ॒ಸ್ಯ ವೃಷ್ಣೋ॒ ವ್ಯೋದ॑ನ ಉ॒ರು ಕ್ರ॑ಮಿಷ್ಟ ಜೀ॒ವಸೇ᳚ |
ಯವಂ॒ ನ ಪ॒ಶ್ವ ಆ ದ॑ದೇ || 8.63.9
ತದ್ದಧಾ᳚ನಾ ಅವ॒ಸ್ಯವೋ᳚ ಯು॒ಷ್ಮಾಭಿ॒ರ್ದಕ್ಷ॑ಪಿತರಃ |
ಸ್ಯಾಮ॑ ಮ॒ರುತ್ವ॑ತೋ ವೃ॒ಧೇ || 8.63.10
ಬಳೃ॒ತ್ವಿಯಾ᳚ಯ॒ ಧಾಮ್ನ॒ ಋಕ್ವ॑ಭಿಃ ಶೂರ ನೋನುಮಃ |
ಜೇಷಾ᳚ಮೇಂದ್ರ॒ ತ್ವಯಾ᳚ ಯು॒ಜಾ || 8.63.11
ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ᳚ |
ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇಂದ್ರ॑ಜ್ಯೇಷ್ಠಾ ಅ॒ಸ್ಮಾಁ ಅ॑ವ‌ನ್ತು ದೇ॒ವಾಃ || 8.63.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಗಾಥ ಋಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಉತ್ತ್ವಾ᳚ ಮಂದ‌ನ್ತು॒ ಸ್ತೋಮಾಃ᳚ ಕೃಣು॒ಷ್ವ ರಾಧೋ᳚ ಅದ್ರಿವಃ |
ಅವ॑ ಬ್ರಹ್ಮ॒ದ್ವಿಷೋ᳚ ಜಹಿ || 8.64.1
ಪ॒ದಾ ಪ॒ಣೀಁರ॑ರಾ॒ಧಸೋ॒ ನಿ ಬಾ᳚ಧಸ್ವ ಮ॒ಹಾಁ ಅ॑ಸಿ |
ನ॒ಹಿ ತ್ವಾ॒ ಕಶ್ಚ॒ನ ಪ್ರತಿ॑ || 8.64.2
ತ್ವಮೀ᳚ಶಿಷೇ ಸು॒ತಾನಾ॒ಮಿಂದ್ರ॒ ತ್ವಮಸು॑ತಾನಾ‌ಮ್ |
ತ್ವಂ ರಾಜಾ॒ ಜನಾ᳚ನಾ‌ಮ್ || 8.64.3
ಏಹಿ॒ ಪ್ರೇಹಿ॒ ಕ್ಷಯೋ᳚ ದಿ॒ವ್ಯಾ॒3॒॑ಘೋಷಂ᳚ಚರ್ಷಣೀ॒ನಾ‌ಮ್ |
ಓಭೇ ಪೃ॑ಣಾಸಿ॒ ರೋದ॑ಸೀ || 8.64.4
ತ್ಯಂ ಚಿ॒ತ್ಪರ್ವ॑ತಂ ಗಿ॒ರಿಂ ಶ॒ತವ᳚‌ನ್ತಂ ಸಹ॒ಸ್ರಿಣ‌ಮ್᳚ |
ವಿ ಸ್ತೋ॒ತೃಭ್ಯೋ᳚ ರುರೋಜಿಥ || 8.64.5
ವ॒ಯಮು॑ ತ್ವಾ॒ ದಿವಾ᳚ ಸು॒ತೇ ವ॒ಯಂ ನಕ್ತಂ᳚ ಹವಾಮಹೇ |
ಅ॒ಸ್ಮಾಕಂ॒ ಕಾಮ॒ಮಾ ಪೃ॑ಣ || 8.64.6
ಕ್ವ1॒॑ ಸ್ಯ ವೃ॑ಷ॒ಭೋ ಯುವಾ᳚ ತುವಿ॒ಗ್ರೀವೋ॒ ಅನಾ᳚ನತಃ |
ಬ್ರ॒ಹ್ಮಾ ಕಸ್ತಂ ಸ॑ಪರ್ಯತಿ || 8.64.7
ಕಸ್ಯ॑ ಸ್ವಿ॒ತ್ಸವ॑ನಂ॒ ವೃಷಾ᳚ ಜುಜು॒ಷ್ವಾಁ ಅವ॑ ಗಚ್ಛತಿ |
ಇಂದ್ರಂ॒ ಕ ಉ॑ ಸ್ವಿ॒ದಾ ಚ॑ಕೇ || 8.64.8
ಕಂ ತೇ᳚ ದಾ॒ನಾ ಅ॑ಸಕ್ಷತ॒ ವೃತ್ರ॑ಹ॒ನ್ಕಂ ಸು॒ವೀರ್ಯಾ᳚ |
ಉ॒ಕ್ಥೇ ಕ ಉ॑ ಸ್ವಿ॒ದ‌ನ್ತ॑ಮಃ || 8.64.9
ಅ॒ಯಂ ತೇ॒ ಮಾನು॑ಷೇ॒ ಜನೇ॒ ಸೋಮಃ॑ ಪೂ॒ರುಷು॑ ಸೂಯತೇ |
ತಸ್ಯೇಹಿ॒ ಪ್ರ ದ್ರ॑ವಾ॒ ಪಿಬ॑ || 8.64.10
ಅ॒ಯಂ ತೇ᳚ ಶರ್ಯ॒ಣಾವ॑ತಿ ಸು॒ಷೋಮಾ᳚ಯಾ॒ಮಧಿ॑ ಪ್ರಿ॒ಯಃ |
ಆ॒ರ್ಜೀ॒ಕೀಯೇ᳚ ಮ॒ದಿ‌ನ್ತ॑ಮಃ || 8.64.11
ತಮ॒ದ್ಯ ರಾಧ॑ಸೇ ಮ॒ಹೇ ಚಾರುಂ॒ ಮದಾ᳚ಯ॒ ಘೃಷ್ವ॑ಯೇ |
ಏಹೀ᳚ಮಿಂದ್ರ॒ ದ್ರವಾ॒ ಪಿಬ॑ || 8.64.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಗಾಥ ಋಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಯದಿಂ᳚ದ್ರ॒ ಪ್ರಾಗಪಾ॒ಗುದ॒ಙ್ನ್ಯ॑ಗ್ವಾ ಹೂ॒ಯಸೇ॒ ನೃಭಿಃ॑ |
ಆ ಯಾ᳚ಹಿ॒ ತೂಯ॑ಮಾ॒ಶುಭಿಃ॑ || 8.65.1
ಯದ್ವಾ᳚ ಪ್ರ॒ಸ್ರವ॑ಣೇ ದಿ॒ವೋ ಮಾ॒ದಯಾ᳚ಸೇ॒ ಸ್ವ᳚ರ್ಣರೇ |
ಯದ್ವಾ᳚ ಸಮು॒ದ್ರೇ ಅಂಧ॑ಸಃ || 8.65.2
ಆ ತ್ವಾ᳚ ಗೀ॒ರ್ಭಿರ್ಮ॒ಹಾಮು॒ರುಂ ಹು॒ವೇ ಗಾಮಿ॑ವ॒ ಭೋಜ॑ಸೇ |
ಇಂದ್ರ॒ ಸೋಮ॑ಸ್ಯ ಪೀ॒ತಯೇ᳚ || 8.65.3
ಆ ತ॑ ಇಂದ್ರ ಮಹಿ॒ಮಾನಂ॒ ಹರ॑ಯೋ ದೇವ ತೇ॒ ಮಹಃ॑ |
ರಥೇ᳚ ವಹ‌ನ್ತು॒ ಬಿಭ್ರ॑ತಃ || 8.65.4
ಇಂದ್ರ॑ ಗೃಣೀ॒ಷ ಉ॑ ಸ್ತು॒ಷೇ ಮ॒ಹಾಁ ಉ॒ಗ್ರ ಈ᳚ಶಾನ॒ಕೃತ್ |
ಏಹಿ॑ ನಃ ಸು॒ತಂ ಪಿಬ॑ || 8.65.5
ಸು॒ತಾವ᳚‌ನ್ತಸ್ತ್ವಾ ವ॒ಯಂ ಪ್ರಯ॑ಸ್ವ‌ನ್ತೋ ಹವಾಮಹೇ |
ಇ॒ದಂ ನೋ᳚ ಬ॒ರ್ಹಿರಾ॒ಸದೇ᳚ || 8.65.6
ಯಚ್ಚಿ॒ದ್ಧಿ ಶಶ್ವ॑ತಾ॒ಮಸೀಂದ್ರ॒ ಸಾಧಾ᳚ರಣ॒ಸ್ತ್ವ‌ಮ್ |
ತಂ ತ್ವಾ᳚ ವ॒ಯಂ ಹ॑ವಾಮಹೇ || 8.65.7
ಇ॒ದಂ ತೇ᳚ ಸೋ॒ಮ್ಯಂ ಮಧ್ವಧು॑ಕ್ಷ॒ನ್ನದ್ರಿ॑ಭಿ॒ರ್ನರಃ॑ |
ಜು॒ಷಾ॒ಣ ಇಂ᳚ದ್ರ॒ ತತ್ಪಿ॑ಬ || 8.65.8
ವಿಶ್ವಾಁ᳚ ಅ॒ರ್ಯೋ ವಿ॑ಪ॒ಶ್ಚಿತೋಽತಿ॑ ಖ್ಯ॒ಸ್ತೂಯ॒ಮಾ ಗ॑ಹಿ |
ಅ॒ಸ್ಮೇ ಧೇ᳚ಹಿ॒ ಶ್ರವೋ᳚ ಬೃ॒ಹತ್ || 8.65.9
ದಾ॒ತಾ ಮೇ॒ ಪೃಷ॑ತೀನಾಂ॒ ರಾಜಾ᳚ ಹಿರಣ್ಯ॒ವೀನಾ᳚‌ಮ್ |
ಮಾ ದೇ᳚ವಾ ಮ॒ಘವಾ᳚ ರಿಷತ್ || 8.65.10
ಸ॒ಹಸ್ರೇ॒ ಪೃಷ॑ತೀನಾ॒ಮಧಿ॑ ಶ್ಚಂ॒ದ್ರಂ ಬೃ॒ಹತ್ಪೃ॒ಥು |
ಶು॒ಕ್ರಂ ಹಿರ᳚ಣ್ಯ॒ಮಾ ದ॑ದೇ || 8.65.11
ನಪಾ᳚ತೋ ದು॒ರ್ಗಹ॑ಸ್ಯ ಮೇ ಸ॒ಹಸ್ರೇ᳚ಣ ಸು॒ರಾಧ॑ಸಃ |
ಶ್ರವೋ᳚ ದೇ॒ವೇಷ್ವ॑ಕ್ರತ || 8.65.12

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಗಾಥಃ ಕಲಿಷಿಃ, ಇಂದ್ರೋ ದೇವತಾ, (1-14) ಪ್ರಥಮಾದಿಚತುದಶ ! ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), 15 ಪಂಚದಶ್ಯಾಶ್ಚಾನುಷ್ಟಪ್ ಛಂದಸೀ

ತರೋ᳚ಭಿರ್ವೋ ವಿ॒ದದ್ವ॑ಸು॒ಮಿಂದ್ರಂ᳚ ಸ॒ಬಾಧ॑ ಊ॒ತಯೇ᳚ |
ಬೃ॒ಹದ್ಗಾಯ᳚‌ನ್ತಃ ಸು॒ತಸೋ᳚ಮೇ ಅಧ್ವ॒ರೇ ಹು॒ವೇ ಭರಂ॒ ನ ಕಾ॒ರಿಣ‌ಮ್᳚ || 8.66.1
ನ ಯಂ ದು॒ಧ್ರಾ ವರ᳚‌ನ್ತೇ॒ ನ ಸ್ಥಿ॒ರಾ ಮುರೋ॒ ಮದೇ᳚ ಸುಶಿ॒ಪ್ರಮಂಧ॑ಸಃ |
ಯ ಆ॒ದೃತ್ಯಾ᳚ ಶಶಮಾ॒ನಾಯ॑ ಸುನ್ವ॒ತೇ ದಾತಾ᳚ ಜರಿ॒ತ್ರ ಉ॒ಕ್ಥ್ಯ‌ಮ್᳚ || 8.66.2
ಯಃ ಶ॒ಕ್ರೋ ಮೃ॒ಕ್ಷೋ ಅಶ್ವ್ಯೋ॒ ಯೋ ವಾ॒ ಕೀಜೋ᳚ ಹಿರ॒ಣ್ಯಯಃ॑ |
ಸ ಊ॒ರ್ವಸ್ಯ॑ ರೇಜಯ॒ತ್ಯಪಾ᳚ವೃತಿ॒ಮಿಂದ್ರೋ॒ ಗವ್ಯ॑ಸ್ಯ ವೃತ್ರ॒ಹಾ || 8.66.3
ನಿಖಾ᳚ತಂ ಚಿ॒ದ್ಯಃ ಪು॑ರುಸಂಭೃ॒ತಂ ವಸೂದಿದ್ವಪ॑ತಿ ದಾ॒ಶುಷೇ᳚ |
ವ॒ಜ್ರೀ ಸು॑ಶಿ॒ಪ್ರೋ ಹರ್ಯ॑ಶ್ವ॒ ಇತ್ಕ॑ರ॒ದಿಂದ್ರಃ॒ ಕ್ರತ್ವಾ॒ ಯಥಾ॒ ವಶ॑ತ್ || 8.66.4
ಯದ್ವಾ॒ವ‌ನ್ಥ॑ ಪುರುಷ್ಟುತ ಪು॒ರಾ ಚಿ॑ಚ್ಛೂರ ನೃ॒ಣಾ‌ಮ್ |
ವ॒ಯಂ ತತ್ತ॑ ಇಂದ್ರ॒ ಸಂ ಭ॑ರಾಮಸಿ ಯ॒ಜ್ಞಮು॒ಕ್ಥಂ ತು॒ರಂ ವಚಃ॑ || 8.66.5
ಸಚಾ॒ ಸೋಮೇ᳚ಷು ಪುರುಹೂತ ವಜ್ರಿವೋ॒ ಮದಾ᳚ಯ ದ್ಯುಕ್ಷ ಸೋಮಪಾಃ |
ತ್ವಮಿದ್ಧಿ ಬ್ರ᳚ಹ್ಮ॒ಕೃತೇ॒ ಕಾಮ್ಯಂ॒ ವಸು॒ ದೇಷ್ಠಃ॑ ಸುನ್ವ॒ತೇ ಭುವಃ॑ || 8.66.6
ವ॒ಯಮೇ᳚ನಮಿ॒ದಾ ಹ್ಯೋಽಪೀ᳚ಪೇಮೇ॒ಹ ವ॒ಜ್ರಿಣ‌ಮ್᳚ |
ತಸ್ಮಾ᳚ ಉ ಅ॒ದ್ಯ ಸ॑ಮ॒ನಾ ಸು॒ತಂ ಭ॒ರಾ ನೂ॒ನಂ ಭೂ᳚ಷತ ಶ್ರು॒ತೇ || 8.66.7
ವೃಕ॑ಶ್ಚಿದಸ್ಯ ವಾರ॒ಣ ಉ॑ರಾ॒ಮಥಿ॒ರಾ ವ॒ಯುನೇ᳚ಷು ಭೂಷತಿ |
ಸೇಮಂ ನಃ॒ ಸ್ತೋಮಂ᳚ ಜುಜುಷಾ॒ಣ ಆ ಗ॒ಹೀಂದ್ರ॒ ಪ್ರ ಚಿ॒ತ್ರಯಾ᳚ ಧಿ॒ಯಾ || 8.66.8
ಕದೂ॒ ನ್ವ1॒॑ಸ್ಯಾಕೃ॑ತ॒ಮಿಂದ್ರ॑ಸ್ಯಾಸ್ತಿ॒ ಪೌಂಸ್ಯ‌ಮ್᳚ |
ಕೇನೋ॒ ನು ಕಂ॒ ಶ್ರೋಮ॑ತೇನ॒ ನ ಶು॑ಶ್ರುವೇ ಜ॒ನುಷಃ॒ ಪರಿ॑ ವೃತ್ರ॒ಹಾ || 8.66.9
ಕದೂ᳚ ಮ॒ಹೀರಧೃ॑ಷ್ಟಾ ಅಸ್ಯ॒ ತವಿ॑ಷೀಃ॒ ಕದು॑ ವೃತ್ರ॒ಘ್ನೋ ಅಸ್ತೃ॑ತ‌ಮ್ |
ಇಂದ್ರೋ॒ ವಿಶ್ವಾ᳚ನ್ಬೇಕ॒ನಾಟಾಁ᳚ ಅಹ॒ರ್ದೃಶ॑ ಉ॒ತ ಕ್ರತ್ವಾ᳚ ಪ॒ಣೀಁರ॒ಭಿ || 8.66.10
ವ॒ಯಂ ಘಾ᳚ ತೇ॒ ಅಪೂ॒ರ್ವ್ಯೇಂದ್ರ॒ ಬ್ರಹ್ಮಾ᳚ಣಿ ವೃತ್ರಹನ್ |
ಪು॒ರೂ॒ತಮಾ᳚ಸಃ ಪುರುಹೂತ ವಜ್ರಿವೋ ಭೃ॒ತಿಂ ನ ಪ್ರ ಭ॑ರಾಮಸಿ || 8.66.11
ಪೂ॒ರ್ವೀಶ್ಚಿ॒ದ್ಧಿ ತ್ವೇ ತು॑ವಿಕೂರ್ಮಿನ್ನಾ॒ಶಸೋ॒ ಹವ᳚‌ನ್ತ ಇಂದ್ರೋ॒ತಯಃ॑ |
ತಿ॒ರಶ್ಚಿ॑ದ॒ರ್ಯಃ ಸವ॒ನಾ ವ॑ಸೋ ಗಹಿ॒ ಶವಿ॑ಷ್ಠ ಶ್ರು॒ಧಿ ಮೇ॒ ಹವ‌ಮ್᳚ || 8.66.12
ವ॒ಯಂ ಘಾ᳚ ತೇ॒ ತ್ವೇ ಇದ್ವಿಂದ್ರ॒ ವಿಪ್ರಾ॒ ಅಪಿ॑ ಷ್ಮಸಿ |
ನ॒ಹಿ ತ್ವದ॒ನ್ಯಃ ಪು॑ರುಹೂತ॒ ಕಶ್ಚ॒ನ ಮಘ॑ವ॒ನ್ನಸ್ತಿ॑ ಮರ್ಡಿ॒ತಾ || 8.66.13
ತ್ವಂ ನೋ᳚ ಅ॒ಸ್ಯಾ ಅಮ॑ತೇರು॒ತ ಕ್ಷು॒ಧೋ॒3॒॑ಽಭಿಶ॑ಸ್ತೇ॒ರವ॑ ಸ್ಪೃಧಿ |
ತ್ವಂ ನ॑ ಊ॒ತೀ ತವ॑ ಚಿ॒ತ್ರಯಾ᳚ ಧಿ॒ಯಾ ಶಿಕ್ಷಾ᳚ ಶಚಿಷ್ಠ ಗಾತು॒ವಿತ್ || 8.66.14
ಸೋಮ॒ ಇದ್ವಃ॑ ಸು॒ತೋ ಅ॑ಸ್ತು॒ ಕಲ॑ಯೋ॒ ಮಾ ಬಿ॑ಭೀತನ |
ಅಪೇದೇ॒ಷ ಧ್ವ॒ಸ್ಮಾಯ॑ತಿ ಸ್ವ॒ಯಂ ಘೈ॒ಷೋ ಅಪಾ᳚ಯತಿ || 8.66.15

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಸಾಮ್ಮದೋ ಮತ್ಸ್ಯೋ ಮೈತ್ರಾವರುಣಿರ್ಮಾನ್ಯೋ ವಾ ಜಾಲನದ್ಧಾ ಬಹವೋ ಮತ್ಸ್ಯಾ ವಾ ಋಷಯಃ, ಆದಿತ್ಯಾ ದೇವತಾಃ, ಗಾಯತ್ರೀ ಛಂದಃ

ತ್ಯಾನ್ನು ಕ್ಷ॒ತ್ರಿಯಾಁ॒ ಅವ॑ ಆದಿ॒ತ್ಯಾನ್ಯಾ᳚ಚಿಷಾಮಹೇ |
ಸು॒ಮೃ॒ಳೀ॒ಕಾಁ ಅ॒ಭಿಷ್ಟ॑ಯೇ || 8.67.1
ಮಿ॒ತ್ರೋ ನೋ॒ ಅತ್ಯಂ᳚ಹ॒ತಿಂ ವರು॑ಣಃ ಪರ್ಷದರ್ಯ॒ಮಾ |
ಆ॒ದಿ॒ತ್ಯಾಸೋ॒ ಯಥಾ᳚ ವಿ॒ದುಃ || 8.67.2
ತೇಷಾಂ॒ ಹಿ ಚಿ॒ತ್ರಮು॒ಕ್ಥ್ಯ1॒॑ ಅಂವರೂ᳚ಥ॒ಮಸ್ತಿ॑ ದಾ॒ಶುಷೇ᳚ |
ಆ॒ದಿ॒ತ್ಯಾನಾ᳚ಮರಂ॒ಕೃತೇ᳚ || 8.67.3
ಮಹಿ॑ ವೋ ಮಹ॒ತಾಮವೋ॒ ವರು॑ಣ॒ ಮಿತ್ರಾರ್ಯ॑ಮನ್ |
ಅವಾಂ॒ಸ್ಯಾ ವೃ॑ಣೀಮಹೇ || 8.67.4
ಜೀ॒ವಾನ್ನೋ᳚ ಅ॒ಭಿ ಧೇ᳚ತ॒ನಾದಿ॑ತ್ಯಾಸಃ ಪು॒ರಾ ಹಥಾ᳚ತ್ |
ಕದ್ಧ॑ ಸ್ಥ ಹವನಶ್ರುತಃ || 8.67.5
ಯದ್ವಃ॑ ಶ್ರಾ॒‌ನ್ತಾಯ॑ ಸುನ್ವ॒ತೇ ವರೂ᳚ಥ॒ಮಸ್ತಿ॒ ಯಚ್ಛ॒ರ್ದಿಃ |
ತೇನಾ᳚ ನೋ॒ ಅಧಿ॑ ವೋಚತ || 8.67.6
ಅಸ್ತಿ॑ ದೇವಾ ಅಂ॒ಹೋರು॒ರ್ವಸ್ತಿ॒ ರತ್ನ॒ಮನಾ᳚ಗಸಃ |
ಆದಿ॑ತ್ಯಾ॒ ಅದ್ಭು॑ತೈನಸಃ || 8.67.7
ಮಾ ನಃ॒ ಸೇತುಃ॑ ಸಿಷೇದ॒ಯಂ ಮ॒ಹೇ ವೃ॑ಣಕ್ತು ನ॒ಸ್ಪರಿ॑ |
ಇಂದ್ರ॒ ಇದ್ಧಿ ಶ್ರು॒ತೋ ವ॒ಶೀ || 8.67.8
ಮಾ ನೋ᳚ ಮೃ॒ಚಾ ರಿ॑ಪೂ॒ಣಾಂ ವೃ॑ಜಿ॒ನಾನಾ᳚ಮವಿಷ್ಯವಃ |
ದೇವಾ᳚ ಅ॒ಭಿ ಪ್ರ ಮೃ॑ಕ್ಷತ || 8.67.9
ಉ॒ತ ತ್ವಾಮ॑ದಿತೇ ಮಹ್ಯ॒ಹಂ ದೇ॒ವ್ಯುಪ॑ ಬ್ರುವೇ |
ಸು॒ಮೃ॒ಳೀ॒ಕಾಮ॒ಭಿಷ್ಟ॑ಯೇ || 8.67.10
ಪರ್ಷಿ॑ ದೀ॒ನೇ ಗ॑ಭೀ॒ರ ಆಁ ಉಗ್ರ॑ಪುತ್ರೇ॒ ಜಿಘಾಂ᳚ಸತಃ |
ಮಾಕಿ॑ಸ್ತೋ॒ಕಸ್ಯ॑ ನೋ ರಿಷತ್ || 8.67.11
ಅ॒ನೇ॒ಹೋ ನ॑ ಉರುವ್ರಜ॒ ಉರೂ᳚ಚಿ॒ ವಿ ಪ್ರಸ॑ರ್ತವೇ |
ಕೃ॒ಧಿ ತೋ॒ಕಾಯ॑ ಜೀ॒ವಸೇ᳚ || 8.67.12
ಯೇ ಮೂ॒ರ್ಧಾನಃ॑ ಕ್ಷಿತೀ॒ನಾಮದ॑ಬ್ಧಾಸಃ॒ ಸ್ವಯ॑ಶಸಃ |
ವ್ರ॒ತಾ ರಕ್ಷ᳚‌ನ್ತೇ ಅ॒ದ್ರುಹಃ॑ || 8.67.13
ತೇ ನ॑ ಆ॒ಸ್ನೋ ವೃಕಾ᳚ಣಾ॒ಮಾದಿ॑ತ್ಯಾಸೋ ಮು॒ಮೋಚ॑ತ |
ಸ್ತೇ॒ನಂ ಬ॒ದ್ಧಮಿ॑ವಾದಿತೇ || 8.67.14
ಅಪೋ॒ ಷು ಣ॑ ಇ॒ಯಂ ಶರು॒ರಾದಿ॑ತ್ಯಾ॒ ಅಪ॑ ದುರ್ಮ॒ತಿಃ |
ಅ॒ಸ್ಮದೇ॒ತ್ವಜ॑ಘ್ನುಷೀ || 8.67.15
ಶಶ್ವ॒ದ್ಧಿ ವಃ॑ ಸುದಾನವ॒ ಆದಿ॑ತ್ಯಾ ಊ॒ತಿಭಿ᳚ರ್ವ॒ಯ‌ಮ್ |
ಪು॒ರಾ ನೂ॒ನಂ ಬು॑ಭು॒ಜ್ಮಹೇ᳚ || 8.67.16
ಶಶ್ವ᳚‌ನ್ತಂ॒ ಹಿ ಪ್ರ॑ಚೇತಸಃ ಪ್ರತಿ॒ಯ‌ನ್ತಂ᳚ ಚಿ॒ದೇನ॑ಸಃ |
ದೇವಾಃ᳚ ಕೃಣು॒ಥ ಜೀ॒ವಸೇ᳚ || 8.67.17
ತತ್ಸು ನೋ॒ ನವ್ಯಂ॒ ಸನ್ಯ॑ಸ॒ ಆದಿ॑ತ್ಯಾ॒ ಯನ್ಮುಮೋ᳚ಚತಿ |
ಬಂ॒ಧಾದ್ಬ॒ದ್ಧಮಿ॑ವಾದಿತೇ || 8.67.18
ನಾಸ್ಮಾಕ॑ಮಸ್ತಿ॒ ತತ್ತರ॒ ಆದಿ॑ತ್ಯಾಸೋ ಅತಿ॒ಷ್ಕದೇ᳚ |
ಯೂ॒ಯಮ॒ಸ್ಮಭ್ಯಂ᳚ ಮೃಳತ || 8.67.19
ಮಾ ನೋ᳚ ಹೇ॒ತಿರ್ವಿ॒ವಸ್ವ॑ತ॒ ಆದಿ॑ತ್ಯಾಃ ಕೃ॒ತ್ರಿಮಾ॒ ಶರುಃ॑ |
ಪು॒ರಾ ನು ಜ॒ರಸೋ᳚ ವಧೀತ್ || 8.67.20
ವಿ ಷು ದ್ವೇಷೋ॒ ವ್ಯಂ᳚ಹ॒ತಿಮಾದಿ॑ತ್ಯಾಸೋ॒ ವಿ ಸಂಹಿ॑ತ‌ಮ್ |
ವಿಷ್ವ॒ಗ್ವಿ ವೃ॑ಹತಾ॒ ರಪಃ॑ || 8.67.21

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಿಯಮೇಧ ಋಷಿಃ (1-13) ಪ್ರಥಮಾದಿತ್ರಯೋದಶಚಾಮಿಂದ್ರಃ, (14-19) ಚತುದರ್ಶ ಯಾದಿತೃಚದ್ಯಸ್ಯ ಚ ಋಕ್ಷಾಶ್ವಮೇಧಯೋರ್ದಾನಸ್ತುತಿದೇವ ತಾಃ (1-12) ಪ್ರಥಮಾದಿದ್ವಾದಶರ್ಚಾಮಾನುಷ್ಟಭು : ಪ್ರಗಾಥಃ ((1, 4, 7, 10) ಪ್ರಥಮಾಚತುರ್ಥೀಸಪ್ತಮೀದಶಮೀನಾಮನುಷ್ಟಪ್ (2-3, 5-6, 8-9, 1112) ದ್ವಿತೀಯಾತೃತೀಯಾಪಂಚಮೀಷಷ್ಠ್ಯಷ್ಟಮೀನವಮ್ಯೇಕಾದಶೀದ್ವಾದಶೀನಾಂಚ ಗಾಯತ್ರೀ), (13-19) ತ್ರಯೋದಶ್ಯಾದಿಸಪ್ತಾನಾಂಚ ಗಾಯತ್ರೀ ಛಂದಸೀ

ಆ ತ್ವಾ॒ ರಥಂ॒ ಯಥೋ॒ತಯೇ᳚ ಸು॒ಮ್ನಾಯ॑ ವರ್ತಯಾಮಸಿ |
ತು॒ವಿ॒ಕೂ॒ರ್ಮಿಮೃ॑ತೀ॒ಷಹ॒ಮಿಂದ್ರ॒ ಶವಿ॑ಷ್ಠ॒ ಸತ್ಪ॑ತೇ || 8.68.1
ತುವಿ॑ಶುಷ್ಮ॒ ತುವಿ॑ಕ್ರತೋ॒ ಶಚೀ᳚ವೋ॒ ವಿಶ್ವ॑ಯಾ ಮತೇ |
ಆ ಪ॑ಪ್ರಾಥ ಮಹಿತ್ವ॒ನಾ || 8.68.2
ಯಸ್ಯ॑ ತೇ ಮಹಿ॒ನಾ ಮ॒ಹಃ ಪರಿ॑ ಜ್ಮಾ॒ಯ‌ನ್ತ॑ಮೀ॒ಯತುಃ॑ |
ಹಸ್ತಾ॒ ವಜ್ರಂ᳚ ಹಿರ॒ಣ್ಯಯ‌ಮ್᳚ || 8.68.3
ವಿ॒ಶ್ವಾನ॑ರಸ್ಯ ವ॒ಸ್ಪತಿ॒ಮನಾ᳚ನತಸ್ಯ॒ ಶವ॑ಸಃ |
ಏವೈ᳚ಶ್ಚ ಚರ್ಷಣೀ॒ನಾಮೂ॒ತೀ ಹು॑ವೇ॒ ರಥಾ᳚ನಾ‌ಮ್ || 8.68.4
ಅ॒ಭಿಷ್ಟ॑ಯೇ ಸ॒ದಾವೃ॑ಧಂ॒ ಸ್ವ᳚ರ್ಮೀಳ್ಹೇಷು॒ ಯಂ ನರಃ॑ |
ನಾನಾ॒ ಹವ᳚‌ನ್ತ ಊ॒ತಯೇ᳚ || 8.68.5
ಪ॒ರೋಮಾ᳚ತ್ರ॒ಮೃಚೀ᳚ಷಮ॒ಮಿಂದ್ರ॑ಮು॒ಗ್ರಂ ಸು॒ರಾಧ॑ಸ‌ಮ್ |
ಈಶಾ᳚ನಂ ಚಿ॒ದ್ವಸೂ᳚ನಾ‌ಮ್ || 8.68.6
ತಂತ॒ಮಿದ್ರಾಧ॑ಸೇ ಮ॒ಹ ಇಂದ್ರಂ᳚ ಚೋದಾಮಿ ಪೀ॒ತಯೇ᳚ |
ಯಃ ಪೂ॒ರ್ವ್ಯಾಮನು॑ಷ್ಟುತಿ॒ಮೀಶೇ᳚ ಕೃಷ್ಟೀ॒ನಾಂ ನೃ॒ತುಃ || 8.68.7
ನ ಯಸ್ಯ॑ ತೇ ಶವಸಾನ ಸ॒ಖ್ಯಮಾ॒ನಂಶ॒ ಮರ್ತ್ಯಃ॑ |
ನಕಿಃ॒ ಶವಾಂ᳚ಸಿ ತೇ ನಶತ್ || 8.68.8
ತ್ವೋತಾ᳚ಸ॒ಸ್ತ್ವಾ ಯು॒ಜಾಪ್ಸು ಸೂರ್ಯೇ᳚ ಮ॒ಹದ್ಧನ‌ಮ್᳚ |
ಜಯೇ᳚ಮ ಪೃ॒ತ್ಸು ವ॑ಜ್ರಿವಃ || 8.68.9
ತಂ ತ್ವಾ᳚ ಯ॒ಜ್ಞೇಭಿ॑ರೀಮಹೇ॒ ತಂ ಗೀ॒ರ್ಭಿರ್ಗಿ᳚ರ್ವಣಸ್ತಮ |
ಇಂದ್ರ॒ ಯಥಾ᳚ ಚಿ॒ದಾವಿ॑ಥ॒ ವಾಜೇ᳚ಷು ಪುರು॒ಮಾಯ್ಯ‌ಮ್᳚ || 8.68.10
ಯಸ್ಯ॑ ತೇ ಸ್ವಾ॒ದು ಸ॒ಖ್ಯಂ ಸ್ವಾ॒ದ್ವೀ ಪ್ರಣೀ᳚ತಿರದ್ರಿವಃ |
ಯ॒ಜ್ಞೋ ವಿ॑ತ‌ನ್ತ॒ಸಾಯ್ಯಃ॑ || 8.68.11
ಉ॒ರು ಣ॑ಸ್ತ॒ನ್ವೇ॒3॒॑ ತನ॑ ಉ॒ರು ಕ್ಷಯಾ᳚ಯ ನಸ್ಕೃಧಿ |
ಉ॒ರು ಣೋ᳚ ಯಂಧಿ ಜೀ॒ವಸೇ᳚ || 8.68.12
ಉ॒ರುಂ ನೃಭ್ಯ॑ ಉ॒ರುಂ ಗವ॑ ಉ॒ರುಂ ರಥಾ᳚ಯ॒ ಪ‌ನ್ಥಾ᳚‌ಮ್ |
ದೇ॒ವವೀ᳚ತಿಂ ಮನಾಮಹೇ || 8.68.13
ಉಪ॑ ಮಾ॒ ಷಡ್ದ್ವಾದ್ವಾ॒ ನರಃ॒ ಸೋಮ॑ಸ್ಯ॒ ಹರ್ಷ್ಯಾ᳚ |
ತಿಷ್ಠ᳚‌ನ್ತಿ ಸ್ವಾದುರಾ॒ತಯಃ॑ || 8.68.14
ಋ॒ಜ್ರಾವಿಂ᳚ದ್ರೋ॒ತ ಆ ದ॑ದೇ॒ ಹರೀ॒ ಋಕ್ಷ॑ಸ್ಯ ಸೂ॒ನವಿ॑ |
ಆ॒ಶ್ವ॒ಮೇ॒ಧಸ್ಯ॒ ರೋಹಿ॑ತಾ || 8.68.15
ಸು॒ರಥಾಁ᳚ ಆತಿಥಿ॒ಗ್ವೇ ಸ್ವ॑ಭೀ॒ಶೂಁರಾ॒ರ್ಕ್ಷೇ |
ಆ॒ಶ್ವ॒ಮೇ॒ಧೇ ಸು॒ಪೇಶ॑ಸಃ || 8.68.16
ಷಳಶ್ವಾಁ᳚ ಆತಿಥಿ॒ಗ್ವ ಇಂ᳚ದ್ರೋ॒ತೇ ವ॒ಧೂಮ॑ತಃ |
ಸಚಾ᳚ ಪೂ॒ತಕ್ರ॑ತೌ ಸನ‌ಮ್ || 8.68.17
ಐಷು॑ ಚೇತ॒ದ್ವೃಷ᳚ಣ್ವತ್ಯ॒‌ನ್ತರ್‌ಋ॒ಜ್ರೇಷ್ವರು॑ಷೀ |
ಸ್ವ॒ಭೀ॒ಶುಃ ಕಶಾ᳚ವತೀ || 8.68.18
ನ ಯು॒ಷ್ಮೇ ವಾ᳚ಜಬಂಧವೋ ನಿನಿ॒ತ್ಸುಶ್ಚ॒ನ ಮರ್ತ್ಯಃ॑ |
ಅ॒ವ॒ದ್ಯಮಧಿ॑ ದೀಧರತ್ || 8.68.19

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಿಯಮೇಧ ಋಷಿಃ (1-10, 13-18) ಪ್ರಥಮಾದಿದಶರ್ಚಾಂ ತ್ರಯೋದಶ್ಯಾದಿಷರಾಣಾಂಚೇಂದ್ರಃ, (11) ಏಕಾದಶ್ಯಾ ಪೂರ್ವಾಧರ್ಸಯ ವಿಶ್ವೇ ದೇವಾಃ, (11-12) ಏಕಾದಶ್ಯಾ ಉತ್ತರಾರ್ಧಸ್ಯ ದ್ವಾದಶ 1215) ಪ್ರಥಮರ್ಚಸ್ತೃತೀಯಾಯಾಃ ಸಪ್ತಮ್ಯಾದಿಚತಸೃಣಾಂ ದ್ವಾದಶ್ಯಾದಿಚತಸೃಣಾಂಚಾನಷ್ಟಪ (2) ದ್ವಿತೀಯಾಯಾ ಉಷ್ಣಿಕ್, (4-6) ಚತುರ್ಥ್ಯಾದಿತೃಚಸ್ಯ ಗಾಯತ್ರೀ, (11, 16) ಏಕಾದಶೀಷೋಡಶ್ಯೋಃ ಪಂಕ್ತಿಃ, (17-18) ಸಪ್ತದಶ್ಯಷ್ಟಾದಶ್ಯೋಶ್ಚ ಬೃಹತೀ ಛಂದಾಂಸಿ

ಪ್ರಪ್ರ॑ ವಸ್ತ್ರಿ॒ಷ್ಟುಭ॒ಮಿಷಂ᳚ ಮಂ॒ದದ್ವೀ᳚ರಾ॒ಯೇಂದ॑ವೇ |
ಧಿ॒ಯಾ ವೋ᳚ ಮೇ॒ಧಸಾ᳚ತಯೇ॒ ಪುರಂ॒ಧ್ಯಾ ವಿ॑ವಾಸತಿ || 8.69.1
ನ॒ದಂ ವ॒ ಓದ॑ತೀನಾಂ ನ॒ದಂ ಯೋಯು॑ವತೀನಾ‌ಮ್ |
ಪತಿಂ᳚ ವೋ॒ ಅಘ್ನ್ಯಾ᳚ನಾಂ ಧೇನೂ॒ನಾಮಿ॑ಷುಧ್ಯಸಿ || 8.69.2
ತಾ ಅ॑ಸ್ಯ॒ ಸೂದ॑ದೋಹಸಃ॒ ಸೋಮಂ᳚ ಶ್ರೀಣ‌ನ್ತಿ॒ ಪೃಶ್ನ॑ಯಃ |
ಜನ್ಮಂ᳚ದೇ॒ವಾನಾಂ॒ ವಿಶ॑ಸ್ತ್ರಿ॒ಷ್ವಾ ರೋ᳚ಚ॒ನೇ ದಿ॒ವಃ || 8.69.3
ಅ॒ಭಿ ಪ್ರ ಗೋಪ॑ತಿಂ ಗಿ॒ರೇಂದ್ರ॑ಮರ್ಚ॒ ಯಥಾ᳚ ವಿ॒ದೇ |
ಸೂ॒ನುಂ ಸ॒ತ್ಯಸ್ಯ॒ ಸತ್ಪ॑ತಿ‌ಮ್ || 8.69.4
ಆ ಹರ॑ಯಃ ಸಸೃಜ್ರಿ॒ರೇಽರು॑ಷೀ॒ರಧಿ॑ ಬ॒ರ್ಹಿಷಿ॑ |
ಯತ್ರಾ॒ಭಿ ಸಂ॒ನವಾ᳚ಮಹೇ || 8.69.5
ಇಂದ್ರಾ᳚ಯ॒ ಗಾವ॑ ಆ॒ಶಿರಂ᳚ ದುದು॒ಹ್ರೇ ವ॒ಜ್ರಿಣೇ॒ ಮಧು॑ |
ಯತ್ಸೀ᳚ಮುಪಹ್ವ॒ರೇ ವಿ॒ದತ್ || 8.69.6
ಉದ್ಯದ್ಬ್ರ॒ಧ್ನಸ್ಯ॑ ವಿ॒ಷ್ಟಪಂ᳚ ಗೃ॒ಹಮಿಂದ್ರ॑ಶ್ಚ॒ ಗನ್ವ॑ಹಿ |
ಮಧ್ವಃ॑ ಪೀ॒ತ್ವಾ ಸ॑ಚೇವಹಿ॒ ತ್ರಿಃ ಸ॒ಪ್ತ ಸಖ್ಯುಃ॑ ಪ॒ದೇ || 8.69.7
ಅರ್ಚ॑ತ॒ ಪ್ರಾರ್ಚ॑ತ॒ ಪ್ರಿಯ॑ಮೇಧಾಸೋ॒ ಅರ್ಚ॑ತ |
ಅರ್ಚ᳚‌ನ್ತು ಪುತ್ರ॒ಕಾ ಉ॒ತ ಪುರಂ॒ ನ ಧೃ॒ಷ್ಣ್ವ॑ರ್ಚತ || 8.69.8
ಅವ॑ ಸ್ವರಾತಿ॒ ಗರ್ಗ॑ರೋ ಗೋ॒ಧಾ ಪರಿ॑ ಸನಿಷ್ವಣತ್ |
ಪಿಂಗಾ॒ ಪರಿ॑ ಚನಿಷ್ಕದ॒ದಿಂದ್ರಾ᳚ಯ॒ ಬ್ರಹ್ಮೋದ್ಯ॑ತ‌ಮ್ || 8.69.9
ಆ ಯತ್ಪತ᳚‌ನ್ತ್ಯೇ॒ನ್ಯಃ॑ ಸು॒ದುಘಾ॒ ಅನ॑ಪಸ್ಫುರಃ |
ಅ॒ಪ॒ಸ್ಫುರಂ᳚ ಗೃಭಾಯತ॒ ಸೋಮ॒ಮಿಂದ್ರಾ᳚ಯ॒ ಪಾತ॑ವೇ || 8.69.10
ಅಪಾ॒ದಿಂದ್ರೋ॒ ಅಪಾ᳚ದ॒ಗ್ನಿರ್ವಿಶ್ವೇ᳚ ದೇ॒ವಾ ಅ॑ಮತ್ಸತ |
ವರು॑ಣ॒ ಇದಿ॒ಹ ಕ್ಷ॑ಯ॒ತ್ತಮಾಪೋ᳚ ಅ॒ಭ್ಯ॑ನೂಷತ ವ॒ತ್ಸಂ ಸಂ॒ಶಿಶ್ವ॑ರೀರಿವ || 8.69.11
ಸು॒ದೇ॒ವೋ ಅ॑ಸಿ ವರುಣ॒ ಯಸ್ಯ॑ ತೇ ಸ॒ಪ್ತ ಸಿಂಧ॑ವಃ |
ಅ॒ನು॒ಕ್ಷರ᳚‌ನ್ತಿ ಕಾ॒ಕುದಂ᳚ ಸೂ॒ರ್ಮ್ಯಂ᳚ ಸುಷಿ॒ರಾಮಿ॑ವ || 8.69.12
ಯೋ ವ್ಯತೀಁ॒ರಫಾ᳚ಣಯ॒ತ್ಸುಯು॑ಕ್ತಾಁ॒ ಉಪ॑ ದಾ॒ಶುಷೇ᳚ |
ತ॒ಕ್ವೋ ನೇ॒ತಾ ತದಿದ್ವಪು॑ರುಪ॒ಮಾ ಯೋ ಅಮು॑ಚ್ಯತ || 8.69.13
ಅತೀದು॑ ಶ॒ಕ್ರ ಓ᳚ಹತ॒ ಇಂದ್ರೋ॒ ವಿಶ್ವಾ॒ ಅತಿ॒ ದ್ವಿಷಃ॑ |
ಭಿ॒ನತ್ಕ॒ನೀನ॑ ಓದ॒ನಂ ಪ॒ಚ್ಯಮಾ᳚ನಂ ಪ॒ರೋ ಗಿ॒ರಾ || 8.69.14
ಅ॒ರ್ಭ॒ಕೋ ನ ಕು॑ಮಾರ॒ಕೋಽಧಿ॑ ತಿಷ್ಠ॒ನ್ನವಂ॒ ರಥ‌ಮ್᳚ |
ಸ ಪ॑ಕ್ಷನ್ಮಹಿ॒ಷಂ ಮೃ॒ಗಂ ಪಿ॒ತ್ರೇ ಮಾ॒ತ್ರೇ ವಿ॑ಭು॒ಕ್ರತು‌ಮ್᳚ || 8.69.15
ಆ ತೂ ಸು॑ಶಿಪ್ರ ದಂಪತೇ॒ ರಥಂ᳚ ತಿಷ್ಠಾ ಹಿರ॒ಣ್ಯಯ‌ಮ್᳚ |
ಅಧ॑ ದ್ಯು॒ಕ್ಷಂ ಸ॑ಚೇವಹಿ ಸ॒ಹಸ್ರ॑ಪಾದಮರು॒ಷಂ ಸ್ವ॑ಸ್ತಿ॒ಗಾಮ॑ನೇ॒ಹಸ‌ಮ್᳚ || 8.69.16
ತಂ ಘೇ᳚ಮಿ॒ತ್ಥಾ ನ॑ಮ॒ಸ್ವಿನ॒ ಉಪ॑ ಸ್ವ॒ರಾಜ॑ಮಾಸತೇ |
ಅರ್ಥಂ᳚ ಚಿದಸ್ಯ॒ ಸುಧಿ॑ತಂ॒ ಯದೇತ॑ವ ಆವ॒ರ್ತಯ᳚‌ನ್ತಿ ದಾ॒ವನೇ᳚ || 8.69.17
ಅನು॑ ಪ್ರ॒ತ್ನಸ್ಯೌಕ॑ಸಃ ಪ್ರಿ॒ಯಮೇ᳚ಧಾಸ ಏಷಾ‌ಮ್ |
ಪೂರ್ವಾ॒ಮನು॒ ಪ್ರಯ॑ತಿಂ ವೃ॒ಕ್ತಬ॑ರ್ಹಿಷೋ ಹಿ॒ತಪ್ರ॑ಯಸ ಆಶತ || 8.69.18

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪುರುಹನ್ಮಾ ಋಷಿಃ, ಇಂದ್ರೋ ದೇವತಾ, (16) ಪ್ರಥಮಾದಿತೃಚದ್ವಯಸ್ಯ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), (7-12) ಸಪ್ತಮ್ಯಾದಿಷಡಚಾಂ ಬೃಹತೀ, (13) ತ್ರಯೋದಶ್ಯಾ ಉಷ್ಣಿಕ್, (14) ಚತುದರ್ಶ ಯಾ ಅನುಷ್ಟಪ್ , (15) ಪಂಚದಶ್ಯಾಶ್ಚ ಪುರ ಉಷ್ಣಿಕ್ ಛಂದಾಂಸಿ

ಯೋ ರಾಜಾ᳚ ಚರ್ಷಣೀ॒ನಾಂ ಯಾತಾ॒ ರಥೇ᳚ಭಿ॒ರಧ್ರಿ॑ಗುಃ |
ವಿಶ್ವಾ᳚ಸಾಂ ತರು॒ತಾ ಪೃತ॑ನಾನಾಂ॒ ಜ್ಯೇಷ್ಠೋ॒ ಯೋ ವೃ॑ತ್ರ॒ಹಾ ಗೃ॒ಣೇ || 8.70.1
ಇಂದ್ರಂ॒ ತಂ ಶುಂ᳚ಭ ಪುರುಹನ್ಮ॒ನ್ನವ॑ಸೇ॒ ಯಸ್ಯ॑ ದ್ವಿ॒ತಾ ವಿ॑ಧ॒ರ್ತರಿ॑ |
ಹಸ್ತಾ᳚ಯ॒ ವಜ್ರಃ॒ ಪ್ರತಿ॑ ಧಾಯಿ ದರ್ಶ॒ತೋ ಮ॒ಹೋ ದಿ॒ವೇ ನ ಸೂರ್ಯಃ॑ || 8.70.2
ನಕಿ॒ಷ್ಟಂ ಕರ್ಮ॑ಣಾ ನಶ॒ದ್ಯಶ್ಚ॒ಕಾರ॑ ಸ॒ದಾವೃ॑ಧ‌ಮ್ |
ಇಂದ್ರಂ॒ ನ ಯ॒ಜ್ಞೈರ್ವಿ॒ಶ್ವಗೂ᳚ರ್ತ॒ಮೃಭ್ವ॑ಸ॒ಮಧೃ॑ಷ್ಟಂ ಧೃ॒ಷ್ಣ್ವೋ᳚ಜಸ‌ಮ್ || 8.70.3
ಅಷಾ᳚ಳ್ಹಮು॒ಗ್ರಂ ಪೃತ॑ನಾಸು ಸಾಸ॒ಹಿಂ ಯಸ್ಮಿ᳚ನ್ಮ॒ಹೀರು॑ರು॒ಜ್ರಯಃ॑ |
ಸಂ ಧೇ॒ನವೋ॒ ಜಾಯ॑ಮಾನೇ ಅನೋನವು॒ರ್ದ್ಯಾವಃ॒ ಕ್ಷಾಮೋ᳚ ಅನೋನವುಃ || 8.70.4
ಯದ್ದ್ಯಾವ॑ ಇಂದ್ರ ತೇ ಶ॒ತಂ ಶ॒ತಂ ಭೂಮೀ᳚ರು॒ತ ಸ್ಯುಃ |
ನ ತ್ವಾ᳚ ವಜ್ರಿ‌‌ನ್ತ್ಸ॒ಹಸ್ರಂ॒ ಸೂರ್ಯಾ॒ ಅನು॒ ನ ಜಾ॒ತಮ॑ಷ್ಟ॒ ರೋದ॑ಸೀ || 8.70.5
ಆ ಪ॑ಪ್ರಾಥ ಮಹಿ॒ನಾ ವೃಷ್ಣ್ಯಾ᳚ ವೃಷ॒ನ್ವಿಶ್ವಾ᳚ ಶವಿಷ್ಠ॒ ಶವ॑ಸಾ |
ಅ॒ಸ್ಮಾಁ ಅ॑ವ ಮಘವ॒ನ್ಗೋಮ॑ತಿ ವ್ರ॒ಜೇ ವಜ್ರಿಂ᳚ಚಿ॒ತ್ರಾಭಿ॑ರೂ॒ತಿಭಿಃ॑ || 8.70.6
ನ ಸೀ॒ಮದೇ᳚ವ ಆಪ॒ದಿಷಂ᳚ ದೀರ್ಘಾಯೋ॒ ಮರ್ತ್ಯಃ॑ |
ಏತ॑ಗ್ವಾ ಚಿ॒ದ್ಯ ಏತ॑ಶಾ ಯು॒ಯೋಜ॑ತೇ॒ ಹರೀ॒ ಇಂದ್ರೋ᳚ ಯು॒ಯೋಜ॑ತೇ || 8.70.7
ತಂ ವೋ᳚ ಮ॒ಹೋ ಮ॒ಹಾಯ್ಯ॒ಮಿಂದ್ರಂ᳚ ದಾ॒ನಾಯ॑ ಸ॒ಕ್ಷಣಿ‌ಮ್᳚ |
ಯೋ ಗಾ॒ಧೇಷು॒ ಯ ಆರ॑ಣೇಷು॒ ಹವ್ಯೋ॒ ವಾಜೇ॒ಷ್ವಸ್ತಿ॒ ಹವ್ಯಃ॑ || 8.70.8
ಉದೂ॒ ಷು ಣೋ᳚ ವಸೋ ಮ॒ಹೇ ಮೃ॒ಶಸ್ವ॑ ಶೂರ॒ ರಾಧ॑ಸೇ |
ಉದೂ॒ ಷು ಮ॒ಹ್ಯೈ ಮ॑ಘವನ್ಮ॒ಘತ್ತ॑ಯ॒ ಉದಿಂ᳚ದ್ರ॒ ಶ್ರವ॑ಸೇ ಮ॒ಹೇ || 8.70.9
ತ್ವಂ ನ॑ ಇಂದ್ರ ಋತ॒ಯುಸ್ತ್ವಾ॒ನಿದೋ॒ ನಿ ತೃಂ᳚ಪಸಿ |
ಮಧ್ಯೇ᳚ ವಸಿಷ್ವ ತುವಿನೃಮ್ಣೋ॒ರ್ವೋರ್ನಿ ದಾ॒ಸಂ ಶಿ॑ಶ್ನಥೋ॒ ಹಥೈಃ᳚ || 8.70.10
ಅ॒ನ್ಯವ್ರ॑ತ॒ಮಮಾ᳚ನುಷ॒ಮಯ॑ಜ್ವಾನ॒ಮದೇ᳚ವಯು‌ಮ್ |
ಅವ॒ ಸ್ವಃ ಸಖಾ᳚ ದುಧುವೀತ॒ ಪರ್ವ॑ತಃ ಸು॒ಘ್ನಾಯ॒ ದಸ್ಯುಂ॒ ಪರ್ವ॑ತಃ || 8.70.11
ತ್ವಂ ನ॑ ಇಂದ್ರಾಸಾಂ॒ ಹಸ್ತೇ᳚ ಶವಿಷ್ಠ ದಾ॒ವನೇ᳚ |
ಧಾ॒ನಾನಾಂ॒ ನ ಸಂ ಗೃ॑ಭಾಯಾಸ್ಮ॒ಯುರ್ದ್ವಿಃ ಸಂ ಗೃ॑ಭಾಯಾಸ್ಮ॒ಯುಃ || 8.70.12
ಸಖಾ᳚ಯಃ॒ ಕ್ರತು॑ಮಿಚ್ಛತ ಕ॒ಥಾ ರಾ᳚ಧಾಮ ಶ॒ರಸ್ಯ॑ |
ಉಪ॑ಸ್ತುತಿಂ ಭೋ॒ಜಃ ಸೂ॒ರಿರ್ಯೋ ಅಹ್ರ॑ಯಃ || 8.70.13
ಭೂರಿ॑ಭಿಃ ಸಮಹ॒ ಋಷಿ॑ಭಿರ್ಬ॒ರ್ಹಿಷ್ಮ॑ದ್ಭಿಃ ಸ್ತವಿಷ್ಯಸೇ |
ಯದಿ॒ತ್ಥಮೇಕ॑ಮೇಕ॒ಮಿಚ್ಛರ॑ ವ॒ತ್ಸಾನ್ಪ॑ರಾ॒ದದಃ॑ || 8.70.14
ಕ॒ರ್ಣ॒ಗೃಹ್ಯಾ᳚ ಮ॒ಘವಾ᳚ ಶೌರದೇ॒ವ್ಯೋ ವ॒ತ್ಸಂ ನ॑ಸ್ತ್ರಿ॒ಭ್ಯ ಆನ॑ಯತ್ |
ಅ॒ಜಾಂ ಸೂ॒ರಿರ್ನ ಧಾತ॑ವೇ || 8.70.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾ ಙ್ಗಿರಸೌ ಸದೀತಿಪುರುಮೀ ಹೌ ತಯೋರನ್ಯತರೋ ವಾ ಋಷಿಃ, ಅಗ್ನಿರ್ದೇವತಾ, (1-9) ಪ್ರಥಮಾದಿನವೋಂ ಗಾಯತ್ರೀ, (10-15) ದಶಮ್ಯಾದಿಷಣ್ಣಾಂಚ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಸೀ

ತ್ವಂ ನೋ᳚ ಅಗ್ನೇ॒ ಮಹೋ᳚ಭಿಃ ಪಾ॒ಹಿ ವಿಶ್ವ॑ಸ್ಯಾ॒ ಅರಾ᳚ತೇಃ |
ಉ॒ತ ದ್ವಿ॒ಷೋ ಮರ್ತ್ಯ॑ಸ್ಯ || 8.71.1
ನ॒ಹಿ ಮ॒ನ್ಯುಃ ಪೌರು॑ಷೇಯ॒ ಈಶೇ॒ ಹಿ ವಃ॑ ಪ್ರಿಯಜಾತ |
ತ್ವಮಿದ॑ಸಿ॒ ಕ್ಷಪಾ᳚ವಾನ್ || 8.71.2
ಸ ನೋ॒ ವಿಶ್ವೇ᳚ಭಿರ್ದೇ॒ವೇಭಿ॒ರೂರ್ಜೋ᳚ ನಪಾ॒ದ್ಭದ್ರ॑ಶೋಚೇ |
ರ॒ಯಿಂ ದೇ᳚ಹಿ ವಿ॒ಶ್ವವಾ᳚ರ‌ಮ್ || 8.71.3
ನ ತಮ॑ಗ್ನೇ॒ ಅರಾ᳚ತಯೋ॒ ಮರ್ತಂ᳚ ಯುವ‌ನ್ತ ರಾ॒ಯಃ |
ಯಂ ತ್ರಾಯ॑ಸೇ ದಾ॒ಶ್ವಾಂಸ‌ಮ್᳚ || 8.71.4
ಯಂ ತ್ವಂ ವಿ॑ಪ್ರ ಮೇ॒ಧಸಾ᳚ತಾ॒ವಗ್ನೇ᳚ ಹಿ॒ನೋಷಿ॒ ಧನಾ᳚ಯ |
ಸ ತವೋ॒ತೀ ಗೋಷು॒ ಗ‌ನ್ತಾ᳚ || 8.71.5
ತ್ವಂ ರ॒ಯಿಂ ಪು॑ರು॒ವೀರ॒ಮಗ್ನೇ᳚ ದಾ॒ಶುಷೇ॒ ಮರ್ತಾ᳚ಯ |
ಪ್ರ ಣೋ᳚ ನಯ॒ ವಸ್ಯೋ॒ ಅಚ್ಛ॑ || 8.71.6
ಉ॒ರು॒ಷ್ಯಾ ಣೋ॒ ಮಾ ಪರಾ᳚ ದಾ ಅಘಾಯ॒ತೇ ಜಾ᳚ತವೇದಃ |
ದು॒ರಾ॒ಧ್ಯೇ॒3॒॑ ಮರ್ತಾ᳚ಯ || 8.71.7
ಅಗ್ನೇ॒ ಮಾಕಿ॑ಷ್ಟೇ ದೇ॒ವಸ್ಯ॑ ರಾ॒ತಿಮದೇ᳚ವೋ ಯುಯೋತ |
ತ್ವಮೀ᳚ಶಿಷೇ॒ ವಸೂ᳚ನಾ‌ಮ್ || 8.71.8
ಸ ನೋ॒ ವಸ್ವ॒ ಉಪ॑ ಮಾ॒ಸ್ಯೂರ್ಜೋ᳚ ನಪಾ॒ನ್ಮಾಹಿ॑ನಸ್ಯ |
ಸಖೇ᳚ ವಸೋ ಜರಿ॒ತೃಭ್ಯಃ॑ || 8.71.9
ಅಚ್ಛಾ᳚ ನಃ ಶೀ॒ರಶೋ᳚ಚಿಷಂ॒ ಗಿರೋ᳚ ಯ‌ನ್ತು ದರ್ಶ॒ತ‌ಮ್ |
ಅಚ್ಛಾ᳚ ಯ॒ಜ್ಞಾಸೋ॒ ನಮ॑ಸಾ ಪುರೂ॒ವಸುಂ᳚ ಪುರುಪ್ರಶ॒ಸ್ತಮೂ॒ತಯೇ᳚ || 8.71.10
ಅ॒ಗ್ನಿಂ ಸೂ॒ನುಂ ಸಹ॑ಸೋ ಜಾ॒ತವೇ᳚ದಸಂ ದಾ॒ನಾಯ॒ ವಾರ್ಯಾ᳚ಣಾ‌ಮ್ |
ದ್ವಿ॒ತಾ ಯೋ ಭೂದ॒ಮೃತೋ॒ ಮರ್ತ್ಯೇ॒ಷ್ವಾ ಹೋತಾ᳚ ಮಂ॒ದ್ರತ॑ಮೋ ವಿ॒ಶಿ || 8.71.11
ಅ॒ಗ್ನಿಂ ವೋ᳚ ದೇವಯ॒ಜ್ಯಯಾ॒ಗ್ನಿಂ ಪ್ರ॑ಯ॒ತ್ಯ॑ಧ್ವ॒ರೇ |
ಅ॒ಗ್ನಿಂ ಧೀ॒ಷು ಪ್ರ॑ಥ॒ಮಮ॒ಗ್ನಿಮರ್ವ॑ತ್ಯ॒ಗ್ನಿಂ ಕ್ಷೈತ್ರಾ᳚ಯ॒ ಸಾಧ॑ಸೇ || 8.71.12
ಅ॒ಗ್ನಿರಿ॒ಷಾಂ ಸ॒ಖ್ಯೇ ದ॑ದಾತು ನ॒ ಈಶೇ॒ ಯೋ ವಾರ್ಯಾ᳚ಣಾ‌ಮ್ |
ಅ॒ಗ್ನಿಂ ತೋ॒ಕೇ ತನ॑ಯೇ॒ ಶಶ್ವ॑ದೀಮಹೇ॒ ವಸುಂ॒ ಸ‌ನ್ತಂ᳚ ತನೂ॒ಪಾ‌ಮ್ || 8.71.13
ಅ॒ಗ್ನಿಮೀ᳚ಳಿ॒ಷ್ವಾವ॑ಸೇ॒ ಗಾಥಾ᳚ಭಿಃ ಶೀ॒ರಶೋ᳚ಚಿಷ‌ಮ್ |
ಅ॒ಗ್ನಿಂ ರಾ॒ಯೇ ಪು॑ರುಮೀಳ್ಹ ಶ್ರು॒ತಂ ನರೋ॒ಽಗ್ನಿಂ ಸು॑ದೀ॒ತಯೇ᳚ ಛ॒ರ್ದಿಃ || 8.71.14
ಅ॒ಗ್ನಿಂ ದ್ವೇಷೋ॒ ಯೋತ॒ವೈ ನೋ᳚ ಗೃಣೀಮಸ್ಯ॒ಗ್ನಿಂ ಶಂ ಯೋಶ್ಚ॒ ದಾತ॑ವೇ |
ವಿಶ್ವಾ᳚ಸು ವಿ॒ಕ್ಷ್ವ॑ವಿ॒ತೇವ॒ ಹವ್ಯೋ॒ ಭುವ॒ದ್ವಸ್ತು॑ರ್‌ಋಷೂ॒ಣಾ‌ಮ್ || 8.71.15

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಗಾಥೋ ಹರ್ಯತ ಋಷಿಃ, ಅಗ್ನಿರ್ಹವೀಂಷಿ ವಾ ದೇವತಾಃ, ಗಾಯತ್ರೀ ಛಂದಃ

ಹ॒ವಿಷ್ಕೃ॑ಣುಧ್ವ॒ಮಾ ಗ॑ಮದಧ್ವ॒ರ್ಯುರ್ವ॑ನತೇ॒ ಪುನಃ॑ |
ವಿ॒ದ್ವಾಁ ಅ॑ಸ್ಯ ಪ್ರ॒ಶಾಸ॑ನ‌ಮ್ || 8.72.1
ನಿ ತಿ॒ಗ್ಮಮ॒ಭ್ಯಂ1॒॑ಶುಂ ಸೀದ॒ದ್ಧೋತಾ᳚ ಮ॒ನಾವಧಿ॑ |
ಜು॒ಷಾ॒ಣೋ ಅ॑ಸ್ಯ ಸ॒ಖ್ಯ‌ಮ್ || 8.72.2
ಅ॒‌ನ್ತರಿ॑ಚ್ಛ‌ನ್ತಿ॒ ತಂ ಜನೇ᳚ ರು॒ದ್ರಂ ಪ॒ರೋ ಮ॑ನೀ॒ಷಯಾ᳚ |
ಗೃ॒ಭ್ಣ‌ನ್ತಿ॑ ಜಿ॒ಹ್ವಯಾ᳚ ಸ॒ಸ‌ಮ್ || 8.72.3
ಜಾ॒ಮ್ಯ॑ತೀತಪೇ॒ ಧನು᳚ರ್ವಯೋ॒ಧಾ ಅ॑ರುಹ॒ದ್ವನ‌ಮ್᳚ |
ದೃ॒ಷದಂ᳚ ಜಿ॒ಹ್ವಯಾವ॑ಧೀತ್ || 8.72.4
ಚರ᳚ನ್ವ॒ತ್ಸೋ ರುಶ᳚ನ್ನಿ॒ಹ ನಿ॑ದಾ॒ತಾರಂ॒ ನ ವಿಂ᳚ದತೇ |
ವೇತಿ॒ ಸ್ತೋತ॑ವ ಅಂ॒ಬ್ಯ‌ಮ್᳚ || 8.72.5
ಉ॒ತೋ ನ್ವ॑ಸ್ಯ॒ ಯನ್ಮ॒ಹದಶ್ವಾ᳚ವ॒ದ್ಯೋಜ॑ನಂ ಬೃ॒ಹದ್ |
ದಾ॒ಮಾ ರಥ॑ಸ್ಯ॒ ದದೃ॑ಶೇ || 8.72.6
ದು॒ಹ‌ನ್ತಿ॑ ಸ॒ಪ್ತೈಕಾ॒ಮುಪ॒ ದ್ವಾ ಪಂಚ॑ ಸೃಜತಃ |
ತೀ॒ರ್ಥೇ ಸಿಂಧೋ॒ರಧಿ॑ ಸ್ವ॒ರೇ || 8.72.7
ಆ ದ॒ಶಭಿ᳚ರ್ವಿ॒ವಸ್ವ॑ತ॒ ಇಂದ್ರಃ॒ ಕೋಶ॑ಮಚುಚ್ಯವೀತ್ |
ಖೇದ॑ಯಾ ತ್ರಿ॒ವೃತಾ᳚ ದಿ॒ವಃ || 8.72.8
ಪರಿ॑ ತ್ರಿ॒ಧಾತು॑ರಧ್ವ॒ರಂ ಜೂ॒ರ್ಣಿರೇ᳚ತಿ॒ ನವೀ᳚ಯಸೀ |
ಮಧ್ವಾ॒ ಹೋತಾ᳚ರೋ ಅಂಜತೇ || 8.72.9
ಸಿಂ॒ಚ‌ನ್ತಿ॒ ನಮ॑ಸಾವ॒ತಮು॒ಚ್ಚಾಚ॑ಕ್ರಂ॒ ಪರಿ॑ಜ್ಮಾನ‌ಮ್ |
ನೀ॒ಚೀನ॑ಬಾರ॒ಮಕ್ಷಿ॑ತ‌ಮ್ || 8.72.10
ಅ॒ಭ್ಯಾರ॒ಮಿದದ್ರ॑ಯೋ॒ ನಿಷಿ॑ಕ್ತಂ॒ ಪುಷ್ಕ॑ರೇ॒ ಮಧು॑ |
ಅ॒ವ॒ತಸ್ಯ॑ ವಿ॒ಸರ್ಜ॑ನೇ || 8.72.11
ಗಾವ॒ ಉಪಾ᳚ವತಾವ॒ತಂ ಮ॒ಹೀ ಯ॒ಜ್ಞಸ್ಯ॑ ರ॒ಪ್ಸುದಾ᳚ |
ಉ॒ಭಾ ಕರ್ಣಾ᳚ ಹಿರ॒ಣ್ಯಯಾ᳚ || 8.72.12
ಆ ಸು॒ತೇ ಸಿಂ᳚ಚತ॒ ಶ್ರಿಯಂ॒ ರೋದ॑ಸ್ಯೋರಭಿ॒ಶ್ರಿಯ‌ಮ್᳚ |
ರ॒ಸಾ ದ॑ಧೀತ ವೃಷ॒ಭ‌ಮ್ || 8.72.13
ತೇ ಜಾ᳚ನತ॒ ಸ್ವಮೋ॒ಕ್ಯ1॒॑ ಅಂಸಂ ವ॒ತ್ಸಾಸೋ॒ ನ ಮಾ॒ತೃಭಿಃ॑ |
ಮಿ॒ಥೋ ನ॑ಸ‌ನ್ತ ಜಾ॒ಮಿಭಿಃ॑ || 8.72.14
ಉಪ॒ ಸ್ರಕ್ವೇ᳚ಷು॒ ಬಪ್ಸ॑ತಃ ಕೃಣ್ವ॒ತೇ ಧ॒ರುಣಂ᳚ ದಿ॒ವಿ |
ಇಂದ್ರೇ᳚ ಅ॒ಗ್ನಾ ನಮಃ॒ ಸ್ವಃ॑ || 8.72.15
ಅಧು॑ಕ್ಷತ್ಪಿ॒ಪ್ಯುಷೀ॒ಮಿಷ॒ಮೂರ್ಜಂ᳚ ಸ॒ಪ್ತಪ॑ದೀಮ॒ರಿಃ |
ಸೂರ್ಯ॑ಸ್ಯ ಸ॒ಪ್ತ ರ॒ಶ್ಮಿಭಿಃ॑ || 8.72.16
ಸೋಮ॑ಸ್ಯ ಮಿತ್ರಾವರು॒ಣೋದಿ॑ತಾ॒ ಸೂರ॒ ಆ ದ॑ದೇ |
ತದಾತು॑ರಸ್ಯ ಭೇಷ॒ಜ‌ಮ್ || 8.72.17
ಉ॒ತೋ ನ್ವ॑ಸ್ಯ॒ ಯತ್ಪ॒ದಂ ಹ᳚ರ್ಯ॒ತಸ್ಯ॑ ನಿಧಾ॒ನ್ಯ‌ಮ್᳚ |
ಪರಿ॒ ದ್ಯಾಂ ಜಿ॒ಹ್ವಯಾ᳚ತನತ್ || 8.72.18

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಗೋಪವನಃ ಸಪ್ತವಧ್ರಿರ್ವಾ ಋಷಿಃ, ಅಶ್ವಿನೌ ದೇವತೇ, ಗಾಯತ್ರೀ ಛಂದಃ

ಉದೀ᳚ರಾಥಾಮೃತಾಯ॒ತೇ ಯುಂ॒ಜಾಥಾ᳚ಮಶ್ವಿನಾ॒ ರಥ‌ಮ್᳚ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.1
ನಿ॒ಮಿಷ॑ಶ್ಚಿ॒ಜ್ಜವೀ᳚ಯಸಾ॒ ರಥೇ॒ನಾ ಯಾ᳚ತಮಶ್ವಿನಾ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.2
ಉಪ॑ ಸ್ತೃಣೀತ॒ಮತ್ರ॑ಯೇ ಹಿ॒ಮೇನ॑ ಘ॒ರ್ಮಮ॑ಶ್ವಿನಾ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.3
ಕುಹ॑ ಸ್ಥಃ॒ ಕುಹ॑ ಜಗ್ಮಥುಃ॒ ಕುಹ॑ ಶ್ಯೇ॒ನೇವ॑ ಪೇತಥುಃ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.4
ಯದ॒ದ್ಯ ಕರ್ಹಿ॒ ಕರ್ಹಿ॑ ಚಿಚ್ಛುಶ್ರೂ॒ಯಾತ॑ಮಿ॒ಮಂ ಹವ‌ಮ್᳚ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.5
ಅ॒ಶ್ವಿನಾ᳚ ಯಾಮ॒ಹೂತ॑ಮಾ॒ ನೇದಿ॑ಷ್ಠಂ ಯಾ॒ಮ್ಯಾಪ್ಯ‌ಮ್᳚ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.6
ಅವ᳚‌ನ್ತ॒ಮತ್ರ॑ಯೇ ಗೃ॒ಹಂ ಕೃ॑ಣು॒ತಂ ಯು॒ವಮ॑ಶ್ವಿನಾ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.7
ವರೇ᳚ಥೇ ಅ॒ಗ್ನಿಮಾ॒ತಪೋ॒ ವದ॑ತೇ ವ॒ಲ್ಗ್ವತ್ರ॑ಯೇ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.8
ಪ್ರ ಸ॒ಪ್ತವ॑ಧ್ರಿರಾ॒ಶಸಾ॒ ಧಾರಾ᳚ಮ॒ಗ್ನೇರ॑ಶಾಯತ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.9
ಇ॒ಹಾ ಗ॑ತಂ ವೃಷಣ್ವಸೂ ಶೃಣು॒ತಂ ಮ॑ ಇ॒ಮಂ ಹವ‌ಮ್᳚ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.10
ಕಿಮಿ॒ದಂ ವಾಂ᳚ ಪುರಾಣ॒ವಜ್ಜರ॑ತೋರಿವ ಶಸ್ಯತೇ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.11
ಸ॒ಮಾ॒ನಂ ವಾಂ᳚ ಸಜಾ॒ತ್ಯಂ᳚ ಸಮಾ॒ನೋ ಬಂಧು॑ರಶ್ವಿನಾ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.12
ಯೋ ವಾಂ॒ ರಜಾಂ᳚ಸ್ಯಶ್ವಿನಾ॒ ರಥೋ᳚ ವಿ॒ಯಾತಿ॒ ರೋದ॑ಸೀ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.13
ಆ ನೋ॒ ಗವ್ಯೇ᳚ಭಿ॒ರಶ್ವ್ಯೈಃ᳚ ಸ॒ಹಸ್ರೈ॒ರುಪ॑ ಗಚ್ಛತ‌ಮ್ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.14
ಮಾ ನೋ॒ ಗವ್ಯೇ᳚ಭಿ॒ರಶ್ವ್ಯೈಃ᳚ ಸ॒ಹಸ್ರೇ᳚ಭಿ॒ರತಿ॑ ಖ್ಯತ‌ಮ್ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.15
ಅ॒ರು॒ಣಪ್ಸು॑ರು॒ಷಾ ಅ॑ಭೂ॒ದಕ॒ರ್ಜ್ಯೋತಿ॑ರ್‌ಋ॒ತಾವ॑ರೀ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.16
ಅ॒ಶ್ವಿನಾ॒ ಸು ವಿ॒ಚಾಕ॑ಶದ್ವೃ॒ಕ್ಷಂ ಪ॑ರಶು॒ಮಾಁ ಇ॑ವ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.17
ಪುರಂ॒ ನ ಧೃ॑ಷ್ಣ॒ವಾ ರು॑ಜ ಕೃ॒ಷ್ಣಯಾ᳚ ಬಾಧಿ॒ತೋ ವಿ॒ಶಾ |
ಅ‌ನ್ತಿ॒ ಷದ್ಭೂ᳚ತು ವಾ॒ಮವಃ॑ || 8.73.18

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯೋ ಗೋಪವನ ಋಷಿಃ (1-12) ಪ್ರಥಮಾದಿದ್ವಾದಶರ್ಚಾಮಗ್ನಿಃ, (13-15) ತ್ರಯೋದಶ್ಯಾದಿತೃಚಸ್ಯ ಚಾಕ್ಷಸ್ಯ ಶ್ರುತರ್ವಣೋ ದಾನಸ್ತುತಿದೇವ ತೇ (1-12) ಪ್ರಥಮಾದಿದ್ವಾದಶರ್ಚಾಮಾನುಷ್ಟಭು : ಪ್ರಗಾಥಃ ((1, 4, 7, 10) ಪ್ರಥಮಾಚತುರ್ಥೀಸಪ್ತಮೀದಶಮೀನಾಮನುಷ್ಟಪ್ (2-3, 5-6, 8-9, 11-12) ದ್ವಿತೀಯಾತೃತೀಯಾಪಂಚಮೀಷಷ್ಠ್ಯಷ್ಟಮೀನವಮ್ಯೇಕಾದಶೀದ್ವಾದಶೀನಾಂಚ ಗಾಯತ್ರೀ), (13-15) ತ್ರಯೋದಶ್ಯಾದಿತೃಚಸ್ಯ ಚಾನುಷ್ಟಪ್ ಛಂದಸೀ

ವಿ॒ಶೋವಿ॑ಶೋ ವೋ॒ ಅತಿ॑ಥಿಂ ವಾಜ॒ಯ‌ನ್ತಃ॑ ಪುರುಪ್ರಿ॒ಯ‌ಮ್ |
ಅ॒ಗ್ನಿಂ ವೋ॒ ದುರ್ಯಂ॒ ವಚಃ॑ ಸ್ತು॒ಷೇ ಶೂ॒ಷಸ್ಯ॒ ಮನ್ಮ॑ಭಿಃ || 8.74.1
ಯಂ ಜನಾ᳚ಸೋ ಹ॒ವಿಷ್ಮ᳚‌ನ್ತೋ ಮಿ॒ತ್ರಂ ನ ಸ॒ರ್ಪಿರಾ᳚ಸುತಿ‌ಮ್ |
ಪ್ರ॒ಶಂಸ᳚‌ನ್ತಿ॒ ಪ್ರಶ॑ಸ್ತಿಭಿಃ || 8.74.2
ಪನ್ಯಾಂ᳚ಸಂ ಜಾ॒ತವೇ᳚ದಸಂ॒ ಯೋ ದೇ॒ವತಾ॒ತ್ಯುದ್ಯ॑ತಾ |
ಹ॒ವ್ಯಾನ್ಯೈರ॑ಯದ್ದಿ॒ವಿ || 8.74.3
ಆಗ᳚ನ್ಮ ವೃತ್ರ॒ಹ‌ನ್ತ॑ಮಂ॒ ಜ್ಯೇಷ್ಠ॑ಮ॒ಗ್ನಿಮಾನ॑ವ‌ಮ್ |
ಯಸ್ಯ॑ ಶ್ರು॒ತರ್ವಾ᳚ ಬೃ॒ಹನ್ನಾ॒ರ್ಕ್ಷೋ ಅನೀ᳚ಕ॒ ಏಧ॑ತೇ || 8.74.4
ಅ॒ಮೃತಂ᳚ ಜಾ॒ತವೇ᳚ದಸಂ ತಿ॒ರಸ್ತಮಾಂ᳚ಸಿ ದರ್ಶ॒ತ‌ಮ್ |
ಘೃ॒ತಾಹ॑ವನ॒ಮೀಡ್ಯ‌ಮ್᳚ || 8.74.5
ಸ॒ಬಾಧೋ॒ ಯಂ ಜನಾ᳚ ಇ॒ಮೇ॒3॒॑ಽಗ್ನಿಂ ಹ॒ವ್ಯೇಭಿ॒ರೀಳ॑ತೇ |
ಜುಹ್ವಾ᳚ನಾಸೋ ಯ॒ತಸ್ರು॑ಚಃ || 8.74.6
ಇ॒ಯಂ ತೇ॒ ನವ್ಯ॑ಸೀ ಮ॒ತಿರಗ್ನೇ॒ ಅಧಾ᳚ಯ್ಯ॒ಸ್ಮದಾ |
ಮಂದ್ರ॒ ಸುಜಾ᳚ತ॒ ಸುಕ್ರ॒ತೋಽಮೂ᳚ರ॒ ದಸ್ಮಾತಿ॑ಥೇ || 8.74.7
ಸಾ ತೇ᳚ ಅಗ್ನೇ॒ ಶಂತ॑ಮಾ॒ ಚನಿ॑ಷ್ಠಾ ಭವತು ಪ್ರಿ॒ಯಾ |
ತಯಾ᳚ ವರ್ಧಸ್ವ॒ ಸುಷ್ಟು॑ತಃ || 8.74.8
ಸಾ ದ್ಯು॒ಮ್ನೈರ್ದ್ಯು॒ಮ್ನಿನೀ᳚ ಬೃ॒ಹದುಪೋ᳚ಪ॒ ಶ್ರವ॑ಸಿ॒ ಶ್ರವಃ॑ |
ದಧೀ᳚ತ ವೃತ್ರ॒ತೂರ್ಯೇ᳚ || 8.74.9
ಅಶ್ವ॒ಮಿದ್ಗಾಂ ರ॑ಥ॒ಪ್ರಾಂ ತ್ವೇ॒ಷಮಿಂದ್ರಂ॒ ನ ಸತ್ಪ॑ತಿ‌ಮ್ |
ಯಸ್ಯ॒ ಶ್ರವಾಂ᳚ಸಿ॒ ತೂರ್ವ॑ಥ॒ ಪನ್ಯಂ᳚ಪನ್ಯಂ ಚ ಕೃ॒ಷ್ಟಯಃ॑ || 8.74.10
ಯಂ ತ್ವಾ᳚ ಗೋ॒ಪವ॑ನೋ ಗಿ॒ರಾ ಚನಿ॑ಷ್ಠದಗ್ನೇ ಅಂಗಿರಃ |
ಸ ಪಾ᳚ವಕ ಶ್ರುಧೀ॒ ಹವ‌ಮ್᳚ || 8.74.11
ಯಂ ತ್ವಾ॒ ಜನಾ᳚ಸ॒ ಈಳ॑ತೇ ಸ॒ಬಾಧೋ॒ ವಾಜ॑ಸಾತಯೇ |
ಸ ಬೋ᳚ಧಿ ವೃತ್ರ॒ತೂರ್ಯೇ᳚ || 8.74.12
ಅ॒ಹಂ ಹು॑ವಾ॒ನ ಆ॒ರ್ಕ್ಷೇ ಶ್ರು॒ತರ್ವ॑ಣಿ ಮದ॒ಚ್ಯುತಿ॑ |
ಶರ್ಧಾಂ᳚ಸೀವ ಸ್ತುಕಾ॒ವಿನಾಂ᳚ ಮೃ॒ಕ್ಷಾ ಶೀ॒ರ್ಷಾ ಚ॑ತು॒ರ್ಣಾ‌ಮ್ || 8.74.13
ಮಾಂ ಚ॒ತ್ವಾರ॑ ಆ॒ಶವಃ॒ ಶವಿ॑ಷ್ಠಸ್ಯ ದ್ರವಿ॒ತ್ನವಃ॑ |
ಸು॒ರಥಾ᳚ಸೋ ಅ॒ಭಿ ಪ್ರಯೋ॒ ವಕ್ಷ॒ನ್ವಯೋ॒ ನ ತುಗ್ರ್ಯ‌ಮ್᳚ || 8.74.14
ಸ॒ತ್ಯಮಿತ್ತ್ವಾ᳚ ಮಹೇನದಿ॒ ಪರು॒ಷ್ಣ್ಯವ॑ ದೇದಿಶ‌ಮ್ |
ನೇಮಾ᳚ಪೋ ಅಶ್ವ॒ದಾತ॑ರಃ॒ ಶವಿ॑ಷ್ಠಾದಸ್ತಿ॒ ಮರ್ತ್ಯಃ॑ || 8.74.15

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ವಿರೂಪ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಯು॒ಕ್ಷ್ವಾ ಹಿ ದೇ᳚ವ॒ಹೂತ॑ಮಾಁ॒ ಅಶ್ವಾಁ᳚ ಅಗ್ನೇ ರ॒ಥೀರಿ॑ವ |
ನಿ ಹೋತಾ᳚ ಪೂ॒ರ್ವ್ಯಃ ಸ॑ದಃ || 8.75.1
ಉ॒ತ ನೋ᳚ ದೇವ ದೇ॒ವಾಁ ಅಚ್ಛಾ᳚ ವೋಚೋ ವಿ॒ದುಷ್ಟ॑ರಃ |
ಶ್ರದ್ವಿಶ್ವಾ॒ ವಾರ್ಯಾ᳚ ಕೃಧಿ || 8.75.2
ತ್ವಂ ಹ॒ ಯದ್ಯ॑ವಿಷ್ಠ್ಯ॒ ಸಹ॑ಸಃ ಸೂನವಾಹುತ |
ಋ॒ತಾವಾ᳚ ಯ॒ಜ್ಞಿಯೋ॒ ಭುವಃ॑ || 8.75.3
ಅ॒ಯಮ॒ಗ್ನಿಃ ಸ॑ಹ॒ಸ್ರಿಣೋ॒ ವಾಜ॑ಸ್ಯ ಶ॒ತಿನ॒ಸ್ಪತಿಃ॑ |
ಮೂ॒ರ್ಧಾ ಕ॒ವೀ ರ॑ಯೀ॒ಣಾ‌ಮ್ || 8.75.4
ತಂ ನೇ॒ಮಿಮೃ॒ಭವೋ᳚ ಯ॒ಥಾ ನ॑ಮಸ್ವ॒ ಸಹೂ᳚ತಿಭಿಃ |
ನೇದೀ᳚ಯೋ ಯ॒ಜ್ಞಮಂ᳚ಗಿರಃ || 8.75.5
ತಸ್ಮೈ᳚ ನೂ॒ನಮ॒ಭಿದ್ಯ॑ವೇ ವಾ॒ಚಾ ವಿ॑ರೂಪ॒ ನಿತ್ಯ॑ಯಾ |
ವೃಷ್ಣೇ᳚ ಚೋದಸ್ವ ಸುಷ್ಟು॒ತಿ‌ಮ್ || 8.75.6
ಕಮು॑ ಷ್ವಿದಸ್ಯ॒ ಸೇನ॑ಯಾ॒ಗ್ನೇರಪಾ᳚ಕಚಕ್ಷಸಃ |
ಪ॒ಣಿಂ ಗೋಷು॑ ಸ್ತರಾಮಹೇ || 8.75.7
ಮಾ ನೋ᳚ ದೇ॒ವಾನಾಂ॒ ವಿಶಃ॑ ಪ್ರಸ್ನಾ॒ತೀರಿ॑ವೋ॒ಸ್ರಾಃ |
ಕೃ॒ಶಂ ನ ಹಾ᳚ಸು॒ರಘ್ನ್ಯಾಃ᳚ || 8.75.8
ಮಾ ನಃ॑ ಸಮಸ್ಯ ದೂ॒ಢ್ಯ1॒ಃ॑ ಪರಿ॑ದ್ವೇಷಸೋ ಅಂಹ॒ತಿಃ |
ಊ॒ರ್ಮಿರ್ನ ನಾವ॒ಮಾ ವ॑ಧೀತ್ || 8.75.9
ನಮ॑ಸ್ತೇ ಅಗ್ನ॒ ಓಜ॑ಸೇ ಗೃ॒ಣ‌ನ್ತಿ॑ ದೇವ ಕೃ॒ಷ್ಟಯಃ॑ |
ಅಮೈ᳚ರ॒ಮಿತ್ರ॑ಮರ್ದಯ || 8.75.10
ಕು॒ವಿತ್ಸು ನೋ॒ ಗವಿ॑ಷ್ಟ॒ಯೇಽಗ್ನೇ᳚ ಸಂ॒ವೇಷಿ॑ಷೋ ರ॒ಯಿ‌ಮ್ |
ಉರು॑ಕೃದು॒ರು ಣ॑ಸ್ಕೃಧಿ || 8.75.11
ಮಾ ನೋ᳚ ಅ॒ಸ್ಮಿನ್ಮ॑ಹಾಧ॒ನೇ ಪರಾ᳚ ವರ್ಗ್ಭಾರ॒ಭೃದ್ಯ॑ಥಾ |
ಸಂ॒ವರ್ಗಂ॒ ಸಂ ರ॒ಯಿಂ ಜ॑ಯ || 8.75.12
ಅ॒ನ್ಯಮ॒ಸ್ಮದ್ಭಿ॒ಯಾ ಇ॒ಯಮಗ್ನೇ॒ ಸಿಷ॑ಕ್ತು ದು॒ಚ್ಛುನಾ᳚ |
ವರ್ಧಾ᳚ ನೋ॒ ಅಮ॑ವ॒ಚ್ಛವಃ॑ || 8.75.13
ಯಸ್ಯಾಜು॑ಷನ್ನಮ॒ಸ್ವಿನಃ॒ ಶಮೀ॒ಮದು᳚ರ್ಮಖಸ್ಯ ವಾ |
ತಂ ಘೇದ॒ಗ್ನಿರ್ವೃ॒ಧಾವ॑ತಿ || 8.75.14
ಪರ॑ಸ್ಯಾ॒ ಅಧಿ॑ ಸಂ॒ವತೋಽವ॑ರಾಁ ಅ॒ಭ್ಯಾ ತ॑ರ |
ಯತ್ರಾ॒ಹಮಸ್ಮಿ॒ ತಾಁ ಅ॑ವ || 8.75.15
ವಿ॒ದ್ಮಾ ಹಿ ತೇ᳚ ಪು॒ರಾ ವ॒ಯಮಗ್ನೇ᳚ ಪಿ॒ತುರ್ಯಥಾವ॑ಸಃ |
ಅಧಾ᳚ ತೇ ಸು॒ಮ್ನಮೀ᳚ಮಹೇ || 8.75.16

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕುರುಸುತಿರೃಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಇ॒ಮಂ ನು ಮಾ॒ಯಿನಂ᳚ ಹುವ॒ ಇಂದ್ರ॒ಮೀಶಾ᳚ನ॒ಮೋಜ॑ಸಾ |
ಮ॒ರುತ್ವ᳚‌ನ್ತಂ॒ ನ ವೃಂ॒ಜಸೇ᳚ || 8.76.1
ಅ॒ಯಮಿಂದ್ರೋ᳚ ಮ॒ರುತ್ಸ॑ಖಾ॒ ವಿ ವೃ॒ತ್ರಸ್ಯಾ᳚ಭಿನ॒ಚ್ಛಿರಃ॑ |
ವಜ್ರೇ᳚ಣ ಶ॒ತಪ᳚ರ್ವಣಾ || 8.76.2
ವಾ॒ವೃ॒ಧಾ॒ನೋ ಮ॒ರುತ್ಸ॒ಖೇಂದ್ರೋ॒ ವಿ ವೃ॒ತ್ರಮೈ᳚ರಯತ್ |
ಸೃ॒ಜ‌‌ನ್ತ್ಸ॑ಮು॒ದ್ರಿಯಾ᳚ ಅ॒ಪಃ || 8.76.3
ಅ॒ಯಂ ಹ॒ ಯೇನ॒ ವಾ ಇ॒ದಂ ಸ್ವ᳚ರ್ಮ॒ರುತ್ವ॑ತಾ ಜಿ॒ತ‌ಮ್ |
ಇಂದ್ರೇ᳚ಣ॒ ಸೋಮ॑ಪೀತಯೇ || 8.76.4
ಮ॒ರುತ್ವ᳚‌ನ್ತಮೃಜೀ॒ಷಿಣ॒ಮೋಜ॑ಸ್ವ‌ನ್ತಂ ವಿರ॒ಪ್ಶಿನ‌ಮ್᳚ |
ಇಂದ್ರಂ᳚ ಗೀ॒ರ್ಭಿರ್ಹ॑ವಾಮಹೇ || 8.76.5
ಇಂದ್ರಂ᳚ ಪ್ರ॒ತ್ನೇನ॒ ಮನ್ಮ॑ನಾ ಮ॒ರುತ್ವ᳚‌ನ್ತಂ ಹವಾಮಹೇ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 8.76.6
ಮ॒ರುತ್ವಾಁ᳚ ಇಂದ್ರ ಮೀಢ್ವಃ॒ ಪಿಬಾ॒ ಸೋಮಂ᳚ ಶತಕ್ರತೋ |
ಅ॒ಸ್ಮಿನ್ಯ॒ಜ್ಞೇ ಪು॑ರುಷ್ಟುತ || 8.76.7
ತುಭ್ಯೇದಿಂ᳚ದ್ರ ಮ॒ರುತ್ವ॑ತೇ ಸು॒ತಾಃ ಸೋಮಾ᳚ಸೋ ಅದ್ರಿವಃ |
ಹೃ॒ದಾ ಹೂ᳚ಯ‌ನ್ತ ಉ॒ಕ್ಥಿನಃ॑ || 8.76.8
ಪಿಬೇದಿಂ᳚ದ್ರ ಮ॒ರುತ್ಸ॑ಖಾ ಸು॒ತಂ ಸೋಮಂ॒ ದಿವಿ॑ಷ್ಟಿಷು |
ವಜ್ರಂ॒ ಶಿಶಾ᳚ನ॒ ಓಜ॑ಸಾ || 8.76.9
ಉ॒ತ್ತಿಷ್ಠ॒ನ್ನೋಜ॑ಸಾ ಸ॒ಹ ಪೀ॒ತ್ವೀ ಶಿಪ್ರೇ᳚ ಅವೇಪಯಃ |
ಸೋಮ॑ಮಿಂದ್ರ ಚ॒ಮೂ ಸು॒ತ‌ಮ್ || 8.76.10
ಅನು॑ ತ್ವಾ॒ ರೋದ॑ಸೀ ಉ॒ಭೇ ಕ್ರಕ್ಷ॑ಮಾಣಮಕೃಪೇತಾ‌ಮ್ |
ಇಂದ್ರ॒ ಯದ್ದ॑ಸ್ಯು॒ಹಾಭ॑ವಃ || 8.76.11
ವಾಚ॑ಮ॒ಷ್ಟಾಪ॑ದೀಮ॒ಹಂ ನವ॑ಸ್ರಕ್ತಿಮೃತ॒ಸ್ಪೃಶ‌ಮ್᳚ |
ಇಂದ್ರಾ॒ತ್ಪರಿ॑ ತ॒ನ್ವಂ᳚ ಮಮೇ || 8.76.12

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕುರುಸುತಿರೃಷಿಃ, ಇಂದ್ರೋ ದೇವತಾ, (19) ಪ್ರಥಮಾದಿನವೋಂ ಗಾಯತ್ರೀ, (10-11) ದಶಮ್ಯೇಕಾದಶ್ಯೋಶ್ಚ ಪ್ರಗಾಥಃ (ದಶಮ್ಯಾ ಬೃಹತೀ, ಏಕಾದಶ್ಯಾಃ ಸತೋಬೃಹತೀ) ಛಂದಸೀ

ಜ॒ಜ್ಞಾ॒ನೋ ನು ಶ॒ತಕ್ರ॑ತು॒ರ್ವಿ ಪೃ॑ಚ್ಛ॒ದಿತಿ॑ ಮಾ॒ತರ‌ಮ್᳚ |
ಕ ಉ॒ಗ್ರಾಃ ಕೇ ಹ॑ ಶೃಣ್ವಿರೇ || 8.77.1
ಆದೀಂ᳚ ಶವ॒ಸ್ಯ॑ಬ್ರವೀದೌರ್ಣವಾ॒ಭಮ॑ಹೀ॒ಶುವ‌ಮ್᳚ |
ತೇ ಪು॑ತ್ರ ಸ‌ನ್ತು ನಿ॒ಷ್ಟುರಃ॑ || 8.77.2
ಸಮಿತ್ತಾನ್ವೃ॑ತ್ರ॒ಹಾಖಿ॑ದ॒ತ್ಖೇ ಅ॒ರಾಁ ಇ॑ವ॒ ಖೇದ॑ಯಾ |
ಪ್ರವೃ॑ದ್ಧೋ ದಸ್ಯು॒ಹಾಭ॑ವತ್ || 8.77.3
ಏಕ॑ಯಾ ಪ್ರತಿ॒ಧಾಪಿ॑ಬತ್ಸಾ॒ಕಂ ಸರಾಂ᳚ಸಿ ತ್ರಿಂ॒ಶತ‌ಮ್᳚ |
ಇಂದ್ರಃ॒ ಸೋಮ॑ಸ್ಯ ಕಾಣು॒ಕಾ || 8.77.4
ಅ॒ಭಿ ಗಂ᳚ಧ॒ರ್ವಮ॑ತೃಣದಬು॒ಧ್ನೇಷು॒ ರಜ॒ಸ್ಸ್ವಾ |
ಇಂದ್ರೋ᳚ ಬ್ರ॒ಹ್ಮಭ್ಯ॒ ಇದ್ವೃ॒ಧೇ || 8.77.5
ನಿರಾ᳚ವಿಧ್ಯದ್ಗಿ॒ರಿಭ್ಯ॒ ಆ ಧಾ॒ರಯ॑ತ್ಪ॒ಕ್ವಮೋ᳚ದ॒ನ‌ಮ್ |
ಇಂದ್ರೋ᳚ ಬುಂ॒ದಂ ಸ್ವಾ᳚ತತ‌ಮ್ || 8.77.6
ಶ॒ತಬ್ರ॑ಧ್ನ॒ ಇಷು॒ಸ್ತವ॑ ಸ॒ಹಸ್ರ॑ಪರ್ಣ॒ ಏಕ॒ ಇತ್ |
ಯಮಿಂ᳚ದ್ರ ಚಕೃ॒ಷೇ ಯುಜ‌ಮ್᳚ || 8.77.7
ತೇನ॑ ಸ್ತೋ॒ತೃಭ್ಯ॒ ಆ ಭ॑ರ॒ ನೃಭ್ಯೋ॒ ನಾರಿ॑ಭ್ಯೋ॒ ಅತ್ತ॑ವೇ |
ಸ॒ದ್ಯೋ ಜಾ॒ತ ಋ॑ಭುಷ್ಠಿರ || 8.77.8
ಏ॒ತಾ ಚ್ಯೌ॒ತ್ನಾನಿ॑ ತೇ ಕೃ॒ತಾ ವರ್ಷಿ॑ಷ್ಠಾನಿ॒ ಪರೀ᳚ಣಸಾ |
ಹೃ॒ದಾ ವೀ॒ಡ್ವ॑ಧಾರಯಃ || 8.77.9
ವಿಶ್ವೇತ್ತಾ ವಿಷ್ಣು॒ರಾಭ॑ರದುರುಕ್ರ॒ಮಸ್ತ್ವೇಷಿ॑ತಃ |
ಶ॒ತಂ ಮ॑ಹಿ॒ಷಾನ್ಕ್ಷೀ᳚ರಪಾ॒ಕಮೋ᳚ದ॒ನಂ ವ॑ರಾ॒ಹಮಿಂದ್ರ॑ ಏಮು॒ಷ‌ಮ್ || 8.77.10
ತು॒ವಿ॒ಕ್ಷಂ ತೇ॒ ಸುಕೃ॑ತಂ ಸೂ॒ಮಯಂ॒ ಧನುಃ॑ ಸಾ॒ಧುರ್ಬುಂ॒ದೋ ಹಿ॑ರ॒ಣ್ಯಯಃ॑ |
ಉ॒ಭಾ ತೇ᳚ ಬಾ॒ಹೂ ರಣ್ಯಾ॒ ಸುಸಂ᳚ಸ್ಕೃತ ಋದೂ॒ಪೇ ಚಿ॑ದೃದೂ॒ವೃಧಾ᳚ || 8.77.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕುರುಸುತಿರೃಷಿಃ, ಇಂದ್ರೋ ದೇವತಾ, (1-9) ಪ್ರಥಮಾದಿನವೋಂ ಗಾಯತ್ರೀ, (10) ದಶಮ್ಯಾಶ್ಚ ಬೃಹತೀ ಛಂದಸೀ

ಪು॒ರೋ॒ಳಾಶಂ᳚ ನೋ॒ ಅಂಧ॑ಸ॒ ಇಂದ್ರ॑ ಸ॒ಹಸ್ರ॒ಮಾ ಭ॑ರ |
ಶ॒ತಾ ಚ॑ ಶೂರ॒ ಗೋನಾ᳚‌ಮ್ || 8.78.1
ಆ ನೋ᳚ ಭರ॒ ವ್ಯಂಜ॑ನಂ॒ ಗಾಮಶ್ವ॑ಮ॒ಭ್ಯಂಜ॑ನ‌ಮ್ |
ಸಚಾ᳚ ಮ॒ನಾ ಹಿ॑ರ॒ಣ್ಯಯಾ᳚ || 8.78.2
ಉ॒ತ ನಃ॑ ಕರ್ಣ॒ಶೋಭ॑ನಾ ಪು॒ರೂಣಿ॑ ಧೃಷ್ಣ॒ವಾ ಭ॑ರ |
ತ್ವಂ ಹಿ ಶೃ᳚ಣ್ವಿ॒ಷೇ ವ॑ಸೋ || 8.78.3
ನಕೀಂ᳚ ವೃಧೀ॒ಕ ಇಂ᳚ದ್ರ ತೇ॒ ನ ಸು॒ಷಾ ನ ಸು॒ದಾ ಉ॒ತ |
ನಾನ್ಯಸ್ತ್ವಚ್ಛೂ᳚ರ ವಾ॒ಘತಃ॑ || 8.78.4
ನಕೀ॒ಮಿಂದ್ರೋ॒ ನಿಕ॑ರ್ತವೇ॒ ನ ಶ॒ಕ್ರಃ ಪರಿ॑ಶಕ್ತವೇ |
ವಿಶ್ವಂ᳚ ಶೃಣೋತಿ॒ ಪಶ್ಯ॑ತಿ || 8.78.5
ಸ ಮ॒ನ್ಯುಂ ಮರ್ತ್ಯಾ᳚ನಾ॒ಮದ॑ಬ್ಧೋ॒ ನಿ ಚಿ॑ಕೀಷತೇ |
ಪು॒ರಾ ನಿ॒ದಶ್ಚಿ॑ಕೀಷತೇ || 8.78.6
ಕ್ರತ್ವ॒ ಇತ್ಪೂ॒ರ್ಣಮು॒ದರಂ᳚ ತು॒ರಸ್ಯಾ᳚ಸ್ತಿ ವಿಧ॒ತಃ |
ವೃ॒ತ್ರ॒ಘ್ನಃ ಸೋ᳚ಮ॒ಪಾವ್ನಃ॑ || 8.78.7
ತ್ವೇ ವಸೂ᳚ನಿ॒ ಸಂಗ॑ತಾ॒ ವಿಶ್ವಾ᳚ ಚ ಸೋಮ॒ ಸೌಭ॑ಗಾ |
ಸು॒ದಾತ್ವಪ॑ರಿಹ್ವೃತಾ || 8.78.8
ತ್ವಾಮಿದ್ಯ॑ವ॒ಯುರ್ಮಮ॒ ಕಾಮೋ᳚ ಗ॒ವ್ಯುರ್ಹಿ॑ರಣ್ಯ॒ಯುಃ |
ತ್ವಾಮ॑ಶ್ವ॒ಯುರೇಷ॑ತೇ || 8.78.9
ತವೇದಿಂ᳚ದ್ರಾ॒ಹಮಾ॒ಶಸಾ॒ ಹಸ್ತೇ॒ ದಾತ್ರಂ᳚ ಚ॒ನಾ ದ॑ದೇ |
ದಿ॒ನಸ್ಯ॑ ವಾ ಮಘವ॒‌‌ನ್ತ್ಸಂಭೃ॑ತಸ್ಯ ವಾ ಪೂ॒ರ್ಧಿ ಯವ॑ಸ್ಯ ಕಾ॒ಶಿನಾ᳚ || 8.78.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕೃತ್ರುಷಿಃ, ಸೋಮೋ ದೇವತಾ, (1-8) ಪ್ರಥಮಾದ್ಯಶ್ಟರ್ಚಾಂ ಗಾಯತ್ರೀ, (9) ನವಮ್ಯಾಶ್ಚಾನುಷ್ಟಪ್ ಛಂದಸೀ

ಅ॒ಯಂ ಕೃ॒ತ್ನುರಗೃ॑ಭೀತೋ ವಿಶ್ವ॒ಜಿದು॒ದ್ಭಿದಿತ್ಸೋಮಃ॑ |
ಋಷಿ॒ರ್ವಿಪ್ರಃ॒ ಕಾವ್ಯೇ᳚ನ || 8.79.1
ಅ॒ಭ್ಯೂ᳚ರ್ಣೋತಿ॒ ಯನ್ನ॒ಗ್ನಂ ಭಿ॒ಷಕ್ತಿ॒ ವಿಶ್ವಂ॒ ಯತ್ತು॒ರ‌ಮ್ |
ಪ್ರೇಮಂ॒ಧಃ ಖ್ಯ॒ನ್ನಿಃ ಶ್ರೋ॒ಣೋ ಭೂ᳚ತ್ || 8.79.2
ತ್ವಂ ಸೋ᳚ಮ ತನೂ॒ಕೃದ್ಭ್ಯೋ॒ ದ್ವೇಷೋ᳚ಭ್ಯೋ॒ಽನ್ಯಕೃ॑ತೇಭ್ಯಃ |
ಉ॒ರು ಯ॒‌ನ್ತಾಸಿ॒ ವರೂ᳚ಥ‌ಮ್ || 8.79.3
ತ್ವಂ ಚಿ॒ತ್ತೀ ತವ॒ ದಕ್ಷೈ᳚ರ್ದಿ॒ವ ಆ ಪೃ॑ಥಿ॒ವ್ಯಾ ಋ॑ಜೀಷಿನ್ |
ಯಾವೀ᳚ರ॒ಘಸ್ಯ॑ ಚಿ॒ದ್ದ್ವೇಷಃ॑ || 8.79.4
ಅ॒ರ್ಥಿನೋ॒ ಯ‌ನ್ತಿ॒ ಚೇದರ್ಥಂ॒ ಗಚ್ಛಾ॒ನಿದ್ದ॒ದುಷೋ᳚ ರಾ॒ತಿ‌ಮ್ |
ವ॒ವೃ॒ಜ್ಯುಸ್ತೃಷ್ಯ॑ತಃ॒ ಕಾಮ‌ಮ್᳚ || 8.79.5
ವಿ॒ದದ್ಯತ್ಪೂ॒ರ್ವ್ಯಂ ನ॒ಷ್ಟಮುದೀ᳚ಮೃತಾ॒ಯುಮೀ᳚ರಯತ್ |
ಪ್ರೇಮಾಯು॑ಸ್ತಾರೀ॒ದತೀ᳚ರ್ಣ‌ಮ್ || 8.79.6
ಸು॒ಶೇವೋ᳚ ನೋ ಮೃಳ॒ಯಾಕು॒ರದೃ॑ಪ್ತಕ್ರತುರವಾ॒ತಃ |
ಭವಾ᳚ ನಃ ಸೋಮ॒ ಶಂ ಹೃ॒ದೇ || 8.79.7
ಮಾ ನಃ॑ ಸೋಮ॒ ಸಂ ವೀ᳚ವಿಜೋ॒ ಮಾ ವಿ ಬೀ᳚ಭಿಷಥಾ ರಾಜನ್ |
ಮಾ ನೋ॒ ಹಾರ್ದಿ॑ ತ್ವಿ॒ಷಾ ವ॑ಧೀಃ || 8.79.8
ಅವ॒ ಯತ್ಸ್ವೇ ಸ॒ಧಸ್ಥೇ᳚ ದೇ॒ವಾನಾಂ᳚ ದುರ್ಮ॒ತೀರೀಕ್ಷೇ᳚ |
ರಾಜ॒ನ್ನಪ॒ ದ್ವಿಷಃ॑ ಸೇಧ॒ ಮೀಢ್ವೋ॒ ಅಪ॒ ಸ್ರಿಧಃ॑ ಸೇಧ || 8.79.9

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ನೌಧಸ ಏಕಋಷಿಃ (1-9) ಪ್ರಥಮಾದಿನವರ್ಚಾಮಿಂದ್ರಃ, (10) ದಶಮ್ಯಾಶ್ಚ ದೇವಾ ದೇವತಾಃ (1-9) ಪ್ರಥಮಾದಿನವೋಂ ಗಾಯತ್ರೀ, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ನ॒ಹ್ಯ1॒᳚ನ್ಯಂ ಬ॒ಳಾಕ॑ರಂ ಮರ್ಡಿ॒ತಾರಂ᳚ ಶತಕ್ರತೋ |
ತ್ವಂ ನ॑ ಇಂದ್ರ ಮೃಳಯ || 8.80.1
ಯೋ ನಃ॒ ಶಶ್ವ॑ತ್ಪು॒ರಾವಿ॒ಥಾಮೃ॑ಧ್ರೋ॒ ವಾಜ॑ಸಾತಯೇ |
ಸ ತ್ವಂ ನ॑ ಇಂದ್ರ ಮೃಳಯ || 8.80.2
ಕಿಮಂ॒ಗ ರ॑ಧ್ರ॒ಚೋದ॑ನಃ ಸುನ್ವಾ॒ನಸ್ಯಾ᳚ವಿ॒ತೇದ॑ಸಿ |
ಕು॒ವಿತ್ಸ್ವಿಂ᳚ದ್ರ ಣಃ॒ ಶಕಃ॑ || 8.80.3
ಇಂದ್ರ॒ ಪ್ರ ಣೋ॒ ರಥ॑ಮವ ಪ॒ಶ್ಚಾಚ್ಚಿ॒ತ್ಸ‌ನ್ತ॑ಮದ್ರಿವಃ |
ಪು॒ರಸ್ತಾ᳚ದೇನಂ ಮೇ ಕೃಧಿ || 8.80.4
ಹ‌ನ್ತೋ॒ ನು ಕಿಮಾ᳚ಸಸೇ ಪ್ರಥ॒ಮಂ ನೋ॒ ರಥಂ᳚ ಕೃಧಿ |
ಉ॒ಪ॒ಮಂ ವಾ᳚ಜ॒ಯು ಶ್ರವಃ॑ || 8.80.5
ಅವಾ᳚ ನೋ ವಾಜ॒ಯುಂ ರಥಂ᳚ ಸು॒ಕರಂ᳚ ತೇ॒ ಕಿಮಿತ್ಪರಿ॑ |
ಅ॒ಸ್ಮಾ‌‌ನ್ತ್ಸು ಜಿ॒ಗ್ಯುಷ॑ಸ್ಕೃಧಿ || 8.80.6
ಇಂದ್ರ॒ ದೃಹ್ಯ॑ಸ್ವ॒ ಪೂರ॑ಸಿ ಭ॒ದ್ರಾ ತ॑ ಏತಿ ನಿಷ್ಕೃ॒ತ‌ಮ್ |
ಇ॒ಯಂ ಧೀರ್‌ಋ॒ತ್ವಿಯಾ᳚ವತೀ || 8.80.7
ಮಾ ಸೀ᳚ಮವ॒ದ್ಯ ಆ ಭಾ᳚ಗು॒ರ್ವೀ ಕಾಷ್ಠಾ᳚ ಹಿ॒ತಂ ಧನ‌ಮ್᳚ |
ಅ॒ಪಾವೃ॑ಕ್ತಾ ಅರ॒ತ್ನಯಃ॑ || 8.80.8
ತು॒ರೀಯಂ॒ ನಾಮ॑ ಯ॒ಜ್ಞಿಯಂ᳚ ಯ॒ದಾ ಕರ॒ಸ್ತದು॑ಶ್ಮಸಿ |
ಆದಿತ್ಪತಿ᳚ರ್ನ ಓಹಸೇ || 8.80.9
ಅವೀ᳚ವೃಧದ್ವೋ ಅಮೃತಾ॒ ಅಮಂ᳚ದೀದೇಕ॒ದ್ಯೂರ್ದೇ᳚ವಾ ಉ॒ತ ಯಾಶ್ಚ॑ ದೇವೀಃ |
ತಸ್ಮಾ᳚ ಉ॒ ರಾಧಃ॑ ಕೃಣುತ ಪ್ರಶ॒ಸ್ತಂ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 8.80.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕುಸೀದೀ ಋಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಆ ತೂ ನ॑ ಇಂದ್ರ ಕ್ಷು॒ಮ‌ನ್ತಂ᳚ ಚಿ॒ತ್ರಂ ಗ್ರಾ॒ಭಂ ಸಂ ಗೃ॑ಭಾಯ |
ಮ॒ಹಾ॒ಹ॒ಸ್ತೀ ದಕ್ಷಿ॑ಣೇನ || 8.81.1
ವಿ॒ದ್ಮಾ ಹಿ ತ್ವಾ᳚ ತುವಿಕೂ॒ರ್ಮಿಂ ತು॒ವಿದೇ᳚ಷ್ಣಂ ತು॒ವೀಮ॑ಘ‌ಮ್ |
ತು॒ವಿ॒ಮಾ॒ತ್ರಮವೋ᳚ಭಿಃ || 8.81.2
ನ॒ಹಿ ತ್ವಾ᳚ ಶೂರ ದೇ॒ವಾ ನ ಮರ್ತಾ᳚ಸೋ॒ ದಿತ್ಸ᳚‌ನ್ತ‌ಮ್ |
ಭೀ॒ಮಂ ನ ಗಾಂ ವಾ॒ರಯ᳚‌ನ್ತೇ || 8.81.3
ಏತೋ॒ ನ್ವಿಂದ್ರಂ॒ ಸ್ತವಾ॒ಮೇಶಾ᳚ನಂ॒ ವಸ್ವಃ॑ ಸ್ವ॒ರಾಜ‌ಮ್᳚ |
ನ ರಾಧ॑ಸಾ ಮರ್ಧಿಷನ್ನಃ || 8.81.4
ಪ್ರ ಸ್ತೋ᳚ಷ॒ದುಪ॑ ಗಾಸಿಷ॒ಚ್ಛ್ರವ॒ತ್ಸಾಮ॑ ಗೀ॒ಯಮಾ᳚ನ‌ಮ್ |
ಅ॒ಭಿ ರಾಧ॑ಸಾ ಜುಗುರತ್ || 8.81.5
ಆ ನೋ᳚ ಭರ॒ ದಕ್ಷಿ॑ಣೇನಾ॒ಭಿ ಸ॒ವ್ಯೇನ॒ ಪ್ರ ಮೃ॑ಶ |
ಇಂದ್ರ॒ ಮಾ ನೋ॒ ವಸೋ॒ರ್ನಿರ್ಭಾ᳚ಕ್ || 8.81.6
ಉಪ॑ ಕ್ರಮ॒ಸ್ವಾ ಭ॑ರ ಧೃಷ॒ತಾ ಧೃ॑ಷ್ಣೋ॒ ಜನಾ᳚ನಾ‌ಮ್ |
ಅದಾ᳚ಶೂಷ್ಟರಸ್ಯ॒ ವೇದಃ॑ || 8.81.7
ಇಂದ್ರ॒ ಯ ಉ॒ ನು ತೇ॒ ಅಸ್ತಿ॒ ವಾಜೋ॒ ವಿಪ್ರೇ᳚ಭಿಃ॒ ಸನಿ॑ತ್ವಃ |
ಅ॒ಸ್ಮಾಭಿಃ॒ ಸು ತಂ ಸ॑ನುಹಿ || 8.81.8
ಸ॒ದ್ಯೋ॒ಜುವ॑ಸ್ತೇ॒ ವಾಜಾ᳚ ಅ॒ಸ್ಮಭ್ಯಂ᳚ ವಿ॒ಶ್ವಶ್ಚಂ᳚ದ್ರಾಃ |
ವಶೈ᳚ಶ್ಚ ಮ॒ಕ್ಷೂ ಜ॑ರ‌ನ್ತೇ || 8.81.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕುಸೀದೀ ಋಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ಆ ಪ್ರ ದ್ರ॑ವ ಪರಾ॒ವತೋ᳚ಽರ್ವಾ॒ವತ॑ಶ್ಚ ವೃತ್ರಹನ್ |
ಮಧ್ವಃ॒ ಪ್ರತಿ॒ ಪ್ರಭ᳚ರ್ಮಣಿ || 8.82.1
ತೀ॒ವ್ರಾಃ ಸೋಮಾ᳚ಸ॒ ಆ ಗ॑ಹಿ ಸು॒ತಾಸೋ᳚ ಮಾದಯಿ॒ಷ್ಣವಃ॑ |
ಪಿಬಾ᳚ ದ॒ಧೃಗ್ಯಥೋ᳚ಚಿ॒ಷೇ || 8.82.2
ಇ॒ಷಾ ಮಂ᳚ದ॒ಸ್ವಾದು॒ ತೇಽರಂ॒ ವರಾ᳚ಯ ಮ॒ನ್ಯವೇ᳚ |
ಭುವ॑ತ್ತ ಇಂದ್ರ॒ ಶಂ ಹೃ॒ದೇ || 8.82.3
ಆ ತ್ವ॑ಶತ್ರ॒ವಾ ಗ॑ಹಿ॒ ನ್ಯು1॒॑ಕ್ಥಾನಿ॑ ಚ ಹೂಯಸೇ |
ಉ॒ಪ॒ಮೇ ರೋ᳚ಚ॒ನೇ ದಿ॒ವಃ || 8.82.4
ತುಭ್ಯಾ॒ಯಮದ್ರಿ॑ಭಿಃ ಸು॒ತೋ ಗೋಭಿಃ॑ ಶ್ರೀ॒ತೋ ಮದಾ᳚ಯ॒ ಕ‌ಮ್ |
ಪ್ರ ಸೋಮ॑ ಇಂದ್ರ ಹೂಯತೇ || 8.82.5
ಇಂದ್ರ॑ ಶ್ರು॒ಧಿ ಸು ಮೇ॒ ಹವ॑ಮ॒ಸ್ಮೇ ಸು॒ತಸ್ಯ॒ ಗೋಮ॑ತಃ |
ವಿ ಪೀ॒ತಿಂ ತೃ॒ಪ್ತಿಮ॑ಶ್ನುಹಿ || 8.82.6
ಯ ಇಂ᳚ದ್ರ ಚಮ॒ಸೇಷ್ವಾ ಸೋಮ॑ಶ್ಚ॒ಮೂಷು॑ ತೇ ಸು॒ತಃ |
ಪಿಬೇದ॑ಸ್ಯ॒ ತ್ವಮೀ᳚ಶಿಷೇ || 8.82.7
ಯೋ ಅ॒ಪ್ಸು ಚಂ॒ದ್ರಮಾ᳚ ಇವ॒ ಸೋಮ॑ಶ್ಚ॒ಮೂಷು॒ ದದೃ॑ಶೇ |
ಪಿಬೇದ॑ಸ್ಯ॒ ತ್ವಮೀ᳚ಶಿಷೇ || 8.82.8
ಯಂ ತೇ᳚ ಶ್ಯೇ॒ನಃ ಪ॒ದಾಭ॑ರತ್ತಿ॒ರೋ ರಜಾಂ॒ಸ್ಯಸ್ಪೃ॑ತ‌ಮ್ |
ಪಿಬೇದ॑ಸ್ಯ॒ ತ್ವಮೀ᳚ಶಿಷೇ || 8.82.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಕುಸೀದೀ ಋಷಿಃ, ವಿಶ್ವೇ ದೇವಾ ದೇವತಾಃ, ಗಾಯತ್ರೀ ಛಂದಃ

ದೇ॒ವಾನಾ॒ಮಿದವೋ᳚ ಮ॒ಹತ್ತದಾ ವೃ॑ಣೀಮಹೇ ವ॒ಯ‌ಮ್ |
ವೃಷ್ಣಾ᳚ಮ॒ಸ್ಮಭ್ಯ॑ಮೂ॒ತಯೇ᳚ || 8.83.1
ತೇ ನಃ॑ ಸ‌ನ್ತು॒ ಯುಜಃ॒ ಸದಾ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ |
ವೃ॒ಧಾಸ॑ಶ್ಚ॒ ಪ್ರಚೇ᳚ತಸಃ || 8.83.2
ಅತಿ॑ ನೋ ವಿಷ್ಪಿ॒ತಾ ಪು॒ರು ನೌ॒ಭಿರ॒ಪೋ ನ ಪ॑ರ್ಷಥ |
ಯೂ॒ಯಮೃ॒ತಸ್ಯ॑ ರಥ್ಯಃ || 8.83.3
ವಾ॒ಮಂ ನೋ᳚ ಅಸ್ತ್ವರ್ಯಮನ್ವಾ॒ಮಂ ವ॑ರುಣ॒ ಶಂಸ್ಯ‌ಮ್᳚ |
ವಾ॒ಮಂ ಹ್ಯಾ᳚ವೃಣೀ॒ಮಹೇ᳚ || 8.83.4
ವಾ॒ಮಸ್ಯ॒ ಹಿ ಪ್ರ॑ಚೇತಸ॒ ಈಶಾ᳚ನಾಶೋ ರಿಶಾದಸಃ |
ನೇಮಾ᳚ದಿತ್ಯಾ ಅ॒ಘಸ್ಯ॒ ಯತ್ || 8.83.5
ವ॒ಯಮಿದ್ವಃ॑ ಸುದಾನವಃ ಕ್ಷಿ॒ಯ‌ನ್ತೋ॒ ಯಾ‌ನ್ತೋ॒ ಅಧ್ವ॒ನ್ನಾ |
ದೇವಾ᳚ ವೃ॒ಧಾಯ॑ ಹೂಮಹೇ || 8.83.6
ಅಧಿ॑ ನ ಇಂದ್ರೈಷಾಂ॒ ವಿಷ್ಣೋ᳚ ಸಜಾ॒ತ್ಯಾ᳚ನಾ‌ಮ್ |
ಇ॒ತಾ ಮರು॑ತೋ॒ ಅಶ್ವಿ॑ನಾ || 8.83.7
ಪ್ರ ಭ್ರಾ᳚ತೃ॒ತ್ವಂ ಸು॑ದಾನ॒ವೋಽಧ॑ ದ್ವಿ॒ತಾ ಸ॑ಮಾ॒ನ್ಯಾ |
ಮಾ॒ತುರ್ಗರ್ಭೇ᳚ ಭರಾಮಹೇ || 8.83.8
ಯೂ॒ಯಂ ಹಿ ಷ್ಠಾ ಸು॑ದಾನವ॒ ಇಂದ್ರ॑ಜ್ಯೇಷ್ಠಾ ಅ॒ಭಿದ್ಯ॑ವಃ |
ಅಧಾ᳚ ಚಿದ್ವ ಉ॒ತ ಬ್ರು॑ವೇ || 8.83.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾವ್ಯ ಉಶನಾ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಪ್ರೇಷ್ಠಂ᳚ ವೋ॒ ಅತಿ॑ಥಿಂ ಸ್ತು॒ಷೇ ಮಿ॒ತ್ರಮಿ॑ವ ಪ್ರಿ॒ಯ‌ಮ್ |
ಅ॒ಗ್ನಿಂ ರಥಂ॒ ನ ವೇದ್ಯ‌ಮ್᳚ || 8.84.1
ಕ॒ವಿಮಿ॑ವ॒ ಪ್ರಚೇ᳚ತಸಂ॒ ಯಂ ದೇ॒ವಾಸೋ॒ ಅಧ॑ ದ್ವಿ॒ತಾ |
ನಿ ಮರ್ತ್ಯೇ᳚ಷ್ವಾದ॒ಧುಃ || 8.84.2
ತ್ವಂ ಯ॑ವಿಷ್ಠ ದಾ॒ಶುಷೋ॒ ನೄಁಃ ಪಾ᳚ಹಿ ಶೃಣು॒ಧೀ ಗಿರಃ॑ |
ರಕ್ಷಾ᳚ ತೋ॒ಕಮು॒ತ ತ್ಮನಾ᳚ || 8.84.3
ಕಯಾ᳚ ತೇ ಅಗ್ನೇ ಅಂಗಿರ॒ ಊರ್ಜೋ᳚ ನಪಾ॒ದುಪ॑ಸ್ತುತಿ‌ಮ್ |
ವರಾ᳚ಯ ದೇವ ಮ॒ನ್ಯವೇ᳚ || 8.84.4
ದಾಶೇ᳚ಮ॒ ಕಸ್ಯ॒ ಮನ॑ಸಾ ಯ॒ಜ್ಞಸ್ಯ॑ ಸಹಸೋ ಯಹೋ |
ಕದು॑ ವೋಚ ಇ॒ದಂ ನಮಃ॑ || 8.84.5
ಅಧಾ॒ ತ್ವಂ ಹಿ ನ॒ಸ್ಕರೋ॒ ವಿಶ್ವಾ᳚ ಅ॒ಸ್ಮಭ್ಯಂ᳚ ಸುಕ್ಷಿ॒ತೀಃ |
ವಾಜ॑ದ್ರವಿಣಸೋ॒ ಗಿರಃ॑ || 8.84.6
ಕಸ್ಯ॑ ನೂ॒ನಂ ಪರೀ᳚ಣಸೋ॒ ಧಿಯೋ᳚ ಜಿನ್ವಸಿ ದಂಪತೇ |
ಗೋಷಾ᳚ತಾ॒ ಯಸ್ಯ॑ ತೇ॒ ಗಿರಃ॑ || 8.84.7
ತಂ ಮ॑ರ್ಜಯ‌ನ್ತ ಸು॒ಕ್ರತುಂ᳚ ಪುರೋ॒ಯಾವಾ᳚ನಮಾ॒ಜಿಷು॑ |
ಸ್ವೇಷು॒ ಕ್ಷಯೇ᳚ಷು ವಾ॒ಜಿನ‌ಮ್᳚ || 8.84.8
ಕ್ಷೇತಿ॒ ಕ್ಷೇಮೇ᳚ಭಿಃ ಸಾ॒ಧುಭಿ॒ರ್ನಕಿ॒ರ್ಯಂ ಘ್ನ‌ನ್ತಿ॒ ಹ‌ನ್ತಿ॒ ಯಃ |
ಅಗ್ನೇ᳚ ಸು॒ವೀರ॑ ಏಧತೇ || 8.84.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕೃಷ್ಣ ಋಷಿಃ, ಅಶ್ವಿನೌ ದೇವತೇ, ಗಾಯತ್ರೀ ಛಂದಃ

ಆ ಮೇ॒ ಹವಂ᳚ ನಾಸ॒ತ್ಯಾಶ್ವಿ॑ನಾ॒ ಗಚ್ಛ॑ತಂ ಯು॒ವ‌ಮ್ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.1
ಇ॒ಮಂ ಮೇ॒ ಸ್ತೋಮ॑ಮಶ್ವಿನೇ॒ಮಂ ಮೇ᳚ ಶೃಣುತಂ॒ ಹವ‌ಮ್᳚ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.2
ಅ॒ಯಂ ವಾಂ॒ ಕೃಷ್ಣೋ᳚ ಅಶ್ವಿನಾ॒ ಹವ॑ತೇ ವಾಜಿನೀವಸೂ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.3
ಶೃ॒ಣು॒ತಂ ಜ॑ರಿ॒ತುರ್ಹವಂ॒ ಕೃಷ್ಣ॑ಸ್ಯ ಸ್ತುವ॒ತೋ ನ॑ರಾ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.4
ಛ॒ರ್ದಿರ್ಯ᳚‌ನ್ತ॒ಮದಾ᳚ಭ್ಯಂ॒ ವಿಪ್ರಾ᳚ಯ ಸ್ತುವ॒ತೇ ನ॑ರಾ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.5
ಗಚ್ಛ॑ತಂ ದಾ॒ಶುಷೋ᳚ ಗೃ॒ಹಮಿ॒ತ್ಥಾ ಸ್ತು॑ವ॒ತೋ ಅ॑ಶ್ವಿನಾ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.6
ಯುಂ॒ಜಾಥಾಂ॒ ರಾಸ॑ಭಂ॒ ರಥೇ᳚ ವೀ॒ಡ್ವಂ᳚ಗೇ ವೃಷಣ್ವಸೂ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.7
ತ್ರಿ॒ವಂ॒ಧು॒ರೇಣ॑ ತ್ರಿ॒ವೃತಾ॒ ರಥೇ॒ನಾ ಯಾ᳚ತಮಶ್ವಿನಾ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.8
ನೂ ಮೇ॒ ಗಿರೋ᳚ ನಾಸ॒ತ್ಯಾಶ್ವಿ॑ನಾ॒ ಪ್ರಾವ॑ತಂ ಯು॒ವ‌ಮ್ |
ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ || 8.85.9

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕೃಷ್ಣಃ ಕಾರ್ಪೋಇರ್ವಿಶ್ವಕೋ ವಾ ಋಷಿಃ, ಅಶ್ವಿನೌ ದೇವತೇ, ಜಗತೀ ಛಂದಃ

ಉ॒ಭಾ ಹಿ ದ॒ಸ್ರಾ ಭಿ॒ಷಜಾ᳚ ಮಯೋ॒ಭುವೋ॒ಭಾ ದಕ್ಷ॑ಸ್ಯ॒ ವಚ॑ಸೋ ಬಭೂ॒ವಥುಃ॑ |
ತಾ ವಾಂ॒ ವಿಶ್ವ॑ಕೋ ಹವತೇ ತನೂಕೃ॒ಥೇ ಮಾ ನೋ॒ ವಿ ಯೌ᳚ಷ್ಟಂ ಸ॒ಖ್ಯಾ ಮು॒ಮೋಚ॑ತ‌ಮ್ || 8.86.1
ಕ॒ಥಾ ನೂ॒ನಂ ವಾಂ॒ ವಿಮ॑ನಾ॒ ಉಪ॑ ಸ್ತವದ್ಯು॒ವಂ ಧಿಯಂ᳚ ದದಥು॒ರ್ವಸ್ಯ॑‌ಇಷ್ಟಯೇ |
ತಾ ವಾಂ॒ ವಿಶ್ವ॑ಕೋ ಹವತೇ ತನೂಕೃ॒ಥೇ ಮಾ ನೋ॒ ವಿ ಯೌ᳚ಷ್ಟಂ ಸ॒ಖ್ಯಾ ಮು॒ಮೋಚ॑ತ‌ಮ್ || 8.86.2
ಯು॒ವಂ ಹಿ ಷ್ಮಾ᳚ ಪುರುಭುಜೇ॒ಮಮೇ᳚ಧ॒ತುಂ ವಿ॑ಷ್ಣಾ॒ಪ್ವೇ᳚ ದ॒ದಥು॒ರ್ವಸ್ಯ॑‌ಇಷ್ಟಯೇ |
ತಾ ವಾಂ॒ ವಿಶ್ವ॑ಕೋ ಹವತೇ ತನೂಕೃ॒ಥೇ ಮಾ ನೋ॒ ವಿ ಯೌ᳚ಷ್ಟಂ ಸ॒ಖ್ಯಾ ಮು॒ಮೋಚ॑ತ‌ಮ್ || 8.86.3
ಉ॒ತ ತ್ಯಂ ವೀ॒ರಂ ಧ॑ನ॒ಸಾಮೃ॑ಜೀ॒ಷಿಣಂ᳚ ದೂ॒ರೇ ಚಿ॒ತ್ಸ‌ನ್ತ॒ಮವ॑ಸೇ ಹವಾಮಹೇ |
ಯಸ್ಯ॒ ಸ್ವಾದಿ॑ಷ್ಠಾ ಸುಮ॒ತಿಃ ಪಿ॒ತುರ್ಯ॑ಥಾ॒ ಮಾ ನೋ॒ ವಿ ಯೌ᳚ಷ್ಟಂ ಸ॒ಖ್ಯಾ ಮು॒ಮೋಚ॑ತ‌ಮ್ || 8.86.4
ಋ॒ತೇನ॑ ದೇ॒ವಃ ಸ॑ವಿ॒ತಾ ಶ॑ಮಾಯತ ಋ॒ತಸ್ಯ॒ ಶೃಂಗ॑ಮುರ್ವಿ॒ಯಾ ವಿ ಪ॑ಪ್ರಥೇ |
ಋ॒ತಂ ಸಾ᳚ಸಾಹ॒ ಮಹಿ॑ ಚಿತ್ಪೃತನ್ಯ॒ತೋ ಮಾ ನೋ॒ ವಿ ಯೌ᳚ಷ್ಟಂ ಸ॒ಖ್ಯಾ ಮು॒ಮೋಚ॑ತ‌ಮ್ || 8.86.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ವಾಸಿಷ್ಠೋ ದ್ಯುಮ್ನೀಕ ಆಂಗಿರಸಃ ಪ್ರಿಯಮೇಧೋ ವಾಂಗಿರಸಃ ಕೃಷ್ಣೋ ವಾ ಋಷಿಃ, ಅಶ್ವಿನೌ ದೇವತೇ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ದ್ಯು॒ಮ್ನೀ ವಾಂ॒ ಸ್ತೋಮೋ᳚ ಅಶ್ವಿನಾ॒ ಕ್ರಿವಿ॒ರ್ನ ಸೇಕ॒ ಆ ಗ॑ತ‌ಮ್ |
ಮಧ್ವಃ॑ ಸು॒ತಸ್ಯ॒ ಸ ದಿ॒ವಿ ಪ್ರಿ॒ಯೋ ನ॑ರಾ ಪಾ॒ತಂ ಗೌ॒ರಾವಿ॒ವೇರಿ॑ಣೇ || 8.87.1
ಪಿಬ॑ತಂ ಘ॒ರ್ಮಂ ಮಧು॑ಮ‌ನ್ತಮಶ್ವಿ॒ನಾ ಬ॒ರ್ಹಿಃ ಸೀ᳚ದತಂ ನರಾ |
ತಾ ಮಂ᳚ದಸಾ॒ನಾ ಮನು॑ಷೋ ದುರೋ॒ಣ ಆ ನಿ ಪಾ᳚ತಂ॒ ವೇದ॑ಸಾ॒ ವಯಃ॑ || 8.87.2
ಆ ವಾಂ॒ ವಿಶ್ವಾ᳚ಭಿರೂ॒ತಿಭಿಃ॑ ಪ್ರಿ॒ಯಮೇ᳚ಧಾ ಅಹೂಷತ |
ತಾ ವ॒ರ್ತಿರ್ಯಾ᳚ತ॒ಮುಪ॑ ವೃ॒ಕ್ತಬ॑ರ್ಹಿಷೋ॒ ಜುಷ್ಟಂ᳚ ಯ॒ಜ್ಞಂ ದಿವಿ॑ಷ್ಟಿಷು || 8.87.3
ಪಿಬ॑ತಂ॒ ಸೋಮಂ॒ ಮಧು॑ಮ‌ನ್ತಮಶ್ವಿ॒ನಾ ಬ॒ರ್ಹಿಃ ಸೀ᳚ದತಂ ಸು॒ಮತ್ |
ತಾ ವಾ᳚ವೃಧಾ॒ನಾ ಉಪ॑ ಸುಷ್ಟು॒ತಿಂ ದಿ॒ವೋ ಗ॒‌ನ್ತಂ ಗೌ॒ರಾವಿ॒ವೇರಿ॑ಣ‌ಮ್ || 8.87.4
ಆ ನೂ॒ನಂ ಯಾ᳚ತಮಶ್ವಿ॒ನಾಶ್ವೇ᳚ಭಿಃ ಪ್ರುಷಿ॒ತಪ್ಸು॑ಭಿಃ |
ದಸ್ರಾ॒ ಹಿರ᳚ಣ್ಯವರ್ತನೀ ಶುಭಸ್ಪತೀ ಪಾ॒ತಂ ಸೋಮ॑ಮೃತಾವೃಧಾ || 8.87.5
ವ॒ಯಂ ಹಿ ವಾಂ॒ ಹವಾ᳚ಮಹೇ ವಿಪ॒ನ್ಯವೋ॒ ವಿಪ್ರಾ᳚ಸೋ॒ ವಾಜ॑ಸಾತಯೇ |
ತಾ ವ॒ಲ್ಗೂ ದ॒ಸ್ರಾ ಪು॑ರು॒ದಂಸ॑ಸಾ ಧಿ॒ಯಾಶ್ವಿ॑ನಾ ಶ್ರು॒ಷ್ಟ್ಯಾ ಗ॑ತ‌ಮ್ || 8.87.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ತಂ ವೋ᳚ ದ॒ಸ್ಮಮೃ॑ತೀ॒ಷಹಂ॒ ವಸೋ᳚ರ್ಮಂದಾ॒ನಮಂಧ॑ಸಃ |
ಅ॒ಭಿ ವ॒ತ್ಸಂ ನ ಸ್ವಸ॑ರೇಷು ಧೇ॒ನವ॒ ಇಂದ್ರಂ᳚ ಗೀ॒ರ್ಭಿರ್ನ॑ವಾಮಹೇ || 8.88.1
ದ್ಯು॒ಕ್ಷಂ ಸು॒ದಾನುಂ॒ ತವಿ॑ಷೀಭಿ॒ರಾವೃ॑ತಂ ಗಿ॒ರಿಂ ನ ಪು॑ರು॒ಭೋಜ॑ಸ‌ಮ್ |
ಕ್ಷು॒ಮ‌ನ್ತಂ॒ ವಾಜಂ᳚ ಶ॒ತಿನಂ᳚ ಸಹ॒ಸ್ರಿಣಂ᳚ ಮ॒ಕ್ಷೂ ಗೋಮ᳚‌ನ್ತಮೀಮಹೇ || 8.88.2
ನ ತ್ವಾ᳚ ಬೃ॒ಹ‌ನ್ತೋ॒ ಅದ್ರ॑ಯೋ॒ ವರ᳚‌ನ್ತ ಇಂದ್ರ ವೀ॒ಳವಃ॑ |
ಯದ್ದಿತ್ಸ॑ಸಿ ಸ್ತುವ॒ತೇ ಮಾವ॑ತೇ॒ ವಸು॒ ನಕಿ॒ಷ್ಟದಾ ಮಿ॑ನಾತಿ ತೇ || 8.88.3
ಯೋದ್ಧಾ᳚ಸಿ॒ ಕ್ರತ್ವಾ॒ ಶವ॑ಸೋ॒ತ ದಂ॒ಸನಾ॒ ವಿಶ್ವಾ᳚ ಜಾ॒ತಾಭಿ ಮ॒ಜ್ಮನಾ᳚ |
ಆ ತ್ವಾ॒ಯಮ॒ರ್ಕ ಊ॒ತಯೇ᳚ ವವರ್ತತಿ॒ ಯಂ ಗೋತ॑ಮಾ॒ ಅಜೀ᳚ಜನನ್ || 8.88.4
ಪ್ರ ಹಿ ರಿ॑ರಿ॒ಕ್ಷ ಓಜ॑ಸಾ ದಿ॒ವೋ ಅ‌ನ್ತೇ᳚ಭ್ಯ॒ಸ್ಪರಿ॑ |
ನ ತ್ವಾ᳚ ವಿವ್ಯಾಚ॒ ರಜ॑ ಇಂದ್ರ॒ ಪಾರ್ಥಿ॑ವ॒ಮನು॑ ಸ್ವ॒ಧಾಂ ವ॑ವಕ್ಷಿಥ || 8.88.5
ನಕಿಃ॒ ಪರಿ॑ಷ್ಟಿರ್ಮಘವನ್ಮ॒ಘಸ್ಯ॑ ತೇ॒ ಯದ್ದಾ॒ಶುಷೇ᳚ ದಶ॒ಸ್ಯಸಿ॑ |
ಅ॒ಸ್ಮಾಕಂ᳚ ಬೋಧ್ಯು॒ಚಥ॑ಸ್ಯ ಚೋದಿ॒ತಾ ಮಂಹಿ॑ಷ್ಠೋ॒ ವಾಜ॑ಸಾತಯೇ || 8.88.6

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೌ ನೃಮಧೇ ಪುರುಮೇಧಾವೃಷೀ. ಇಂದ್ರೋ ದೇವತಾ, (1-4) ಪ್ರಥಮಾದಿಚತುರೃಚ. ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), (5-6) ಪಂಚಮೀಷಷ್ಠ್ಯೋರನಷ್ಟಪ (7) ಸಪ್ತಮ್ಯಾಶ್ಚ ಬೃಹತೀ ಛಂದಾಂಸಿ

ಬೃ॒ಹದಿಂದ್ರಾ᳚ಯ ಗಾಯತ॒ ಮರು॑ತೋ ವೃತ್ರ॒ಹ‌ನ್ತ॑ಮ‌ಮ್ |
ಯೇನ॒ ಜ್ಯೋತಿ॒ರಜ॑ನಯನ್ನೃತಾ॒ವೃಧೋ᳚ ದೇ॒ವಂ ದೇ॒ವಾಯ॒ ಜಾಗೃ॑ವಿ || 8.89.1
ಅಪಾ᳚ಧಮದ॒ಭಿಶ॑ಸ್ತೀರಶಸ್ತಿ॒ಹಾಥೇಂದ್ರೋ᳚ ದ್ಯು॒ಮ್ನ್ಯಾಭ॑ವತ್ |
ದೇ॒ವಾಸ್ತ॑ ಇಂದ್ರ ಸ॒ಖ್ಯಾಯ॑ ಯೇಮಿರೇ॒ ಬೃಹ॑ದ್ಭಾನೋ॒ ಮರು॑ದ್ಗಣ || 8.89.2
ಪ್ರ ವ॒ ಇಂದ್ರಾ᳚ಯ ಬೃಹ॒ತೇ ಮರು॑ತೋ॒ ಬ್ರಹ್ಮಾ᳚ರ್ಚತ |
ವೃ॒ತ್ರಂ ಹ॑ನತಿ ವೃತ್ರ॒ಹಾ ಶ॒ತಕ್ರ॑ತು॒ರ್ವಜ್ರೇ᳚ಣ ಶ॒ತಪ᳚ರ್ವಣಾ || 8.89.3
ಅ॒ಭಿ ಪ್ರ ಭ॑ರ ಧೃಷ॒ತಾ ಧೃ॑ಷನ್ಮನಃ॒ ಶ್ರವ॑ಶ್ಚಿತ್ತೇ ಅಸದ್ಬೃ॒ಹತ್ |
ಅರ್ಷ॒‌ನ್ತ್ವಾಪೋ॒ ಜವ॑ಸಾ॒ ವಿ ಮಾ॒ತರೋ॒ ಹನೋ᳚ ವೃ॒ತ್ರಂ ಜಯಾ॒ ಸ್ವಃ॑ || 8.89.4
ಯಜ್ಜಾಯ॑ಥಾ ಅಪೂರ್ವ್ಯ॒ ಮಘ॑ವನ್ವೃತ್ರ॒ಹತ್ಯಾ᳚ಯ |
ತತ್ಪೃ॑ಥಿ॒ವೀಮ॑ಪ್ರಥಯ॒ಸ್ತದ॑ಸ್ತಭ್ನಾ ಉ॒ತ ದ್ಯಾ‌ಮ್ || 8.89.5
ತತ್ತೇ᳚ ಯ॒ಜ್ಞೋ ಅ॑ಜಾಯತ॒ ತದ॒ರ್ಕ ಉ॒ತ ಹಸ್ಕೃ॑ತಿಃ |
ತದ್ವಿಶ್ವ॑ಮಭಿ॒ಭೂರ॑ಸಿ॒ ಯಜ್ಜಾ॒ತಂ ಯಚ್ಚ॒ ಜ‌ನ್ತ್ವ‌ಮ್᳚ || 8.89.6
ಆ॒ಮಾಸು॑ ಪ॒ಕ್ವಮೈರ॑ಯ॒ ಆ ಸೂರ್ಯಂ᳚ ರೋಹಯೋ ದಿ॒ವಿ |
ಘ॒ರ್ಮಂ ನ ಸಾಮ᳚‌ನ್ತಪತಾ ಸುವೃ॒ಕ್ತಿಭಿ॒ರ್ಜುಷ್ಟಂ॒ ಗಿರ್ವ॑ಣಸೇ ಬೃ॒ಹತ್ || 8.89.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೌ ನೃಮಧೇ ಪುರುಮೇಧಾವೃಷೀ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ಆ ನೋ॒ ವಿಶ್ವಾ᳚ಸು॒ ಹವ್ಯ॒ ಇಂದ್ರಃ॑ ಸ॒ಮತ್ಸು॑ ಭೂಷತು |
ಉಪ॒ ಬ್ರಹ್ಮಾ᳚ಣಿ॒ ಸವ॑ನಾನಿ ವೃತ್ರ॒ಹಾ ಪ॑ರಮ॒ಜ್ಯಾ ಋಚೀ᳚ಷಮಃ || 8.90.1
ತ್ವಂ ದಾ॒ತಾ ಪ್ರ॑ಥ॒ಮೋ ರಾಧ॑ಸಾಮ॒ಸ್ಯಸಿ॑ ಸ॒ತ್ಯ ಈ᳚ಶಾನ॒ಕೃತ್ |
ತು॒ವಿ॒ದ್ಯು॒ಮ್ನಸ್ಯ॒ ಯುಜ್ಯಾ ವೃ॑ಣೀಮಹೇ ಪು॒ತ್ರಸ್ಯ॒ ಶವ॑ಸೋ ಮ॒ಹಃ || 8.90.2
ಬ್ರಹ್ಮಾ᳚ ತ ಇಂದ್ರ ಗಿರ್ವಣಃ ಕ್ರಿ॒ಯ‌ನ್ತೇ॒ ಅನ॑ತಿದ್ಭುತಾ |
ಇ॒ಮಾ ಜು॑ಷಸ್ವ ಹರ್ಯಶ್ವ॒ ಯೋಜ॒ನೇಂದ್ರ॒ ಯಾ ತೇ॒ ಅಮ᳚ನ್ಮಹಿ || 8.90.3
ತ್ವಂ ಹಿ ಸ॒ತ್ಯೋ ಮ॑ಘವ॒ನ್ನನಾ᳚ನತೋ ವೃ॒ತ್ರಾ ಭೂರಿ॑ ನ್ಯೃಂ॒ಜಸೇ᳚ |
ಸ ತ್ವಂ ಶ॑ವಿಷ್ಠ ವಜ್ರಹಸ್ತ ದಾ॒ಶುಷೇ॒ಽರ್ವಾಂಚಂ᳚ ರ॒ಯಿಮಾ ಕೃ॑ಧಿ || 8.90.4
ತ್ವಮಿಂ᳚ದ್ರ ಯ॒ಶಾ ಅ॑ಸ್ಯೃಜೀ॒ಷೀ ಶ॑ವಸಸ್ಪತೇ |
ತ್ವಂ ವೃ॒ತ್ರಾಣಿ॑ ಹಂಸ್ಯಪ್ರ॒ತೀನ್ಯೇಕ॒ ಇದನು॑ತ್ತಾ ಚರ್ಷಣೀ॒ಧೃತಾ᳚ || 8.90.5
ತಮು॑ ತ್ವಾ ನೂ॒ನಮ॑ಸುರ॒ ಪ್ರಚೇ᳚ತಸಂ॒ ರಾಧೋ᳚ ಭಾ॒ಗಮಿ॑ವೇಮಹೇ |
ಮ॒ಹೀವ॒ ಕೃತ್ತಿಃ॑ ಶರ॒ಣಾ ತ॑ ಇಂದ್ರ॒ ಪ್ರ ತೇ᳚ ಸು॒ಮ್ನಾ ನೋ᳚ ಅಶ್ನವನ್ || 8.90.6

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯ್ಯಪಾಲಾ ಋಷಿಕಾ, ಇಂದ್ರೋ ದೇವತಾ, (1-2) ಪ್ರಥಮಾದ್ವಿತೀಯಯೋ,ಚೋಃ ಪಂಕ್ತಿಃ, (3-7) ತೃತೀಯಾದಿಪಂಚಾನಾಂಚಾನಷ್ಟಪ ಛಂದಸೀ

ಕ॒ನ್ಯಾ॒3॒॑ ವಾರ॑ವಾಯ॒ತೀ ಸೋಮ॒ಮಪಿ॑ ಸ್ರು॒ತಾವಿ॑ದತ್ |
ಅಸ್ತಂ॒ ಭರ᳚‌ನ್ತ್ಯಬ್ರವೀ॒ದಿಂದ್ರಾ᳚ಯ ಸುನವೈ ತ್ವಾ ಶ॒ಕ್ರಾಯ॑ ಸುನವೈ ತ್ವಾ || 8.91.1
ಅ॒ಸೌ ಯ ಏಷಿ॑ ವೀರ॒ಕೋ ಗೃ॒ಹಂಗೃ॑ಹಂ ವಿ॒ಚಾಕ॑ಶದ್ |
ಇ॒ಮಂ ಜಂಭ॑ಸುತಂ ಪಿಬ ಧಾ॒ನಾವ᳚‌ನ್ತಂ ಕರಂ॒ಭಿಣ॑ಮಪೂ॒ಪವ᳚‌ನ್ತಮು॒ಕ್ಥಿನ‌ಮ್᳚ || 8.91.2
ಆ ಚ॒ನ ತ್ವಾ᳚ ಚಿಕಿತ್ಸಾ॒ಮೋಽಧಿ॑ ಚ॒ನ ತ್ವಾ॒ ನೇಮ॑ಸಿ |
ಶನೈ᳚ರಿವ ಶನ॒ಕೈರಿ॒ವೇಂದ್ರಾ᳚ಯೇಂದೋ॒ ಪರಿ॑ ಸ್ರವ || 8.91.3
ಕು॒ವಿಚ್ಛಕ॑ತ್ಕು॒ವಿತ್ಕರ॑ತ್ಕು॒ವಿನ್ನೋ॒ ವಸ್ಯ॑ಸ॒ಸ್ಕರ॑ತ್ |
ಕು॒ವಿತ್ಪ॑ತಿ॒ದ್ವಿಷೋ᳚ ಯ॒ತೀರಿಂದ್ರೇ᳚ಣ ಸಂ॒ಗಮಾ᳚ಮಹೈ || 8.91.4
ಇ॒ಮಾನಿ॒ ತ್ರೀಣಿ॑ ವಿ॒ಷ್ಟಪಾ॒ ತಾನೀಂ᳚ದ್ರ॒ ವಿ ರೋ᳚ಹಯ |
ಶಿರ॑ಸ್ತ॒ತಸ್ಯೋ॒ರ್ವರಾ॒ಮಾದಿ॒ದಂ ಮ॒ ಉಪೋ॒ದರೇ᳚ || 8.91.5
ಅ॒ಸೌ ಚ॒ ಯಾ ನ॑ ಉ॒ರ್ವರಾದಿ॒ಮಾಂ ತ॒ನ್ವ1॒॑ ಅಂಮಮ॑ |
ಅಥೋ᳚ ತ॒ತಸ್ಯ॒ ಯಚ್ಛಿರಃ॒ ಸರ್ವಾ॒ ತಾ ರೋ᳚ಮ॒ಶಾ ಕೃ॑ಧಿ || 8.91.6
ಖೇ ರಥ॑ಸ್ಯ॒ ಖೇಽನ॑ಸಃ॒ ಖೇ ಯು॒ಗಸ್ಯ॑ ಶತಕ್ರತೋ |
ಅ॒ಪಾ॒ಲಾಮಿಂ᳚ದ್ರ॒ ತ್ರಿಷ್ಪೂ॒ತ್ವ್ಯಕೃ॑ಣೋಃ॒ ಸೂರ್ಯ॑ತ್ವಚ‌ಮ್ || 8.91.7

(1-33) ತ್ರಯಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಶ್ರುತಕಕ್ಷಃ ಸುಕಕ್ಷೋ ವಾ ಋಷಿಃ, ಇಂದ್ರೋ ದೇವತಾ, (1) ಪ್ರಥಮರ್ಚೋಽನುಷ್ಟಪ್ (2-33) ದ್ವಿತೀಯಾದಿದ್ವಾತ್ರಿಂಶದೃಚಾಂಚ ಗಾಯತ್ರೀ ಛಂದಸೀ

ಪಾ‌ನ್ತ॒ಮಾ ವೋ॒ ಅಂಧ॑ಸ॒ ಇಂದ್ರ॑ಮ॒ಭಿ ಪ್ರ ಗಾ᳚ಯತ |
ವಿ॒ಶ್ವಾ॒ಸಾಹಂ᳚ ಶ॒ತಕ್ರ॑ತುಂ॒ ಮಂಹಿ॑ಷ್ಠಂ ಚರ್ಷಣೀ॒ನಾ‌ಮ್ || 8.92.1
ಪು॒ರು॒ಹೂ॒ತಂ ಪು॑ರುಷ್ಟು॒ತಂ ಗಾ᳚ಥಾ॒ನ್ಯ1॒॑ ಅಂಸನ॑ಶ್ರುತ‌ಮ್ |
ಇಂದ್ರ॒ ಇತಿ॑ ಬ್ರವೀತನ || 8.92.2
ಇಂದ್ರ॒ ಇನ್ನೋ᳚ ಮ॒ಹಾನಾಂ᳚ ದಾ॒ತಾ ವಾಜಾ᳚ನಾಂ ನೃ॒ತುಃ |
ಮ॒ಹಾಁ ಅ॑ಭಿ॒ಜ್ಞ್ವಾ ಯ॑ಮತ್ || 8.92.3
ಅಪಾ᳚ದು ಶಿ॒ಪ್ರ್ಯಂಧ॑ಸಃ ಸು॒ದಕ್ಷ॑ಸ್ಯ ಪ್ರಹೋ॒ಷಿಣಃ॑ |
ಇಂದೋ॒ರಿಂದ್ರೋ॒ ಯವಾ᳚ಶಿರಃ || 8.92.4
ತಮ್ವ॒ಭಿ ಪ್ರಾರ್ಚ॒ತೇಂದ್ರಂ॒ ಸೋಮ॑ಸ್ಯ ಪೀ॒ತಯೇ᳚ |
ತದಿದ್ಧ್ಯ॑ಸ್ಯ॒ ವರ್ಧ॑ನ‌ಮ್ || 8.92.5
ಅ॒ಸ್ಯ ಪೀ॒ತ್ವಾ ಮದಾ᳚ನಾಂ ದೇ॒ವೋ ದೇ॒ವಸ್ಯೌಜ॑ಸಾ |
ವಿಶ್ವಾ॒ಭಿ ಭುವ॑ನಾ ಭುವತ್ || 8.92.6
ತ್ಯಮು॑ ವಃ ಸತ್ರಾ॒ಸಾಹಂ॒ ವಿಶ್ವಾ᳚ಸು ಗೀ॒ರ್ಷ್ವಾಯ॑ತ‌ಮ್ |
ಆ ಚ್ಯಾ᳚ವಯಸ್ಯೂ॒ತಯೇ᳚ || 8.92.7
ಯು॒ಧ್ಮಂ ಸ‌ನ್ತ॑ಮನ॒ರ್ವಾಣಂ᳚ ಸೋಮ॒ಪಾಮನ॑ಪಚ್ಯುತ‌ಮ್ |
ನರ॑ಮವಾ॒ರ್ಯಕ್ರ॑ತು‌ಮ್ || 8.92.8
ಶಿಕ್ಷಾ᳚ ಣ ಇಂದ್ರ ರಾ॒ಯ ಆ ಪು॒ರು ವಿ॒ದ್ವಾಁ ಋ॑ಚೀಷಮ |
ಅವಾ᳚ ನಃ॒ ಪಾರ್ಯೇ॒ ಧನೇ᳚ || 8.92.9
ಅತ॑ಶ್ಚಿದಿಂದ್ರ ಣ॒ ಉಪಾ ಯಾ᳚ಹಿ ಶ॒ತವಾ᳚ಜಯಾ |
ಇ॒ಷಾ ಸ॒ಹಸ್ರ॑ವಾಜಯಾ || 8.92.10
ಅಯಾ᳚ಮ॒ ಧೀವ॑ತೋ॒ ಧಿಯೋಽರ್ವ॑ದ್ಭಿಃ ಶಕ್ರ ಗೋದರೇ |
ಜಯೇ᳚ಮ ಪೃ॒ತ್ಸು ವ॑ಜ್ರಿವಃ || 8.92.11
ವ॒ಯಮು॑ ತ್ವಾ ಶತಕ್ರತೋ॒ ಗಾವೋ॒ ನ ಯವ॑ಸೇ॒ಷ್ವಾ |
ಉ॒ಕ್ಥೇಷು॑ ರಣಯಾಮಸಿ || 8.92.12
ವಿಶ್ವಾ॒ ಹಿ ಮ॑ರ್ತ್ಯತ್ವ॒ನಾನು॑ಕಾ॒ಮಾ ಶ॑ತಕ್ರತೋ |
ಅಗ᳚ನ್ಮ ವಜ್ರಿನ್ನಾ॒ಶಸಃ॑ || 8.92.13
ತ್ವೇ ಸು ಪು॑ತ್ರ ಶವ॒ಸೋಽವೃ॑ತ್ರ॒ನ್ಕಾಮ॑ಕಾತಯಃ |
ನ ತ್ವಾಮಿಂ॒ದ್ರಾತಿ॑ ರಿಚ್ಯತೇ || 8.92.14
ಸ ನೋ᳚ ವೃಷ॒‌‌ನ್ತ್ಸನಿ॑ಷ್ಠಯಾ॒ ಸಂ ಘೋ॒ರಯಾ᳚ ದ್ರವಿ॒ತ್ನ್ವಾ |
ಧಿ॒ಯಾವಿ॑ಡ್ಢಿ॒ ಪುರಂ᳚ಧ್ಯಾ || 8.92.15
ಯಸ್ತೇ᳚ ನೂ॒ನಂ ಶ॑ತಕ್ರತ॒ವಿಂದ್ರ॑ ದ್ಯು॒ಮ್ನಿತ॑ಮೋ॒ ಮದಃ॑ |
ತೇನ॑ ನೂ॒ನಂ ಮದೇ᳚ ಮದೇಃ || 8.92.16
ಯಸ್ತೇ᳚ ಚಿ॒ತ್ರಶ್ರ॑ವಸ್ತಮೋ॒ ಯ ಇಂ᳚ದ್ರ ವೃತ್ರ॒ಹ‌ನ್ತ॑ಮಃ |
ಯ ಓ᳚ಜೋ॒ದಾತ॑ಮೋ॒ ಮದಃ॑ || 8.92.17
ವಿ॒ದ್ಮಾ ಹಿ ಯಸ್ತೇ᳚ ಅದ್ರಿವ॒ಸ್ತ್ವಾದ॑ತ್ತಃ ಸತ್ಯ ಸೋಮಪಾಃ |
ವಿಶ್ವಾ᳚ಸು ದಸ್ಮ ಕೃ॒ಷ್ಟಿಷು॑ || 8.92.18
ಇಂದ್ರಾ᳚ಯ॒ ಮದ್ವ॑ನೇ ಸು॒ತಂ ಪರಿ॑ ಷ್ಟೋಭ‌ನ್ತು ನೋ॒ ಗಿರಃ॑ |
ಅ॒ರ್ಕಮ॑ರ್ಚ‌ನ್ತು ಕಾ॒ರವಃ॑ || 8.92.19
ಯಸ್ಮಿ॒ನ್ವಿಶ್ವಾ॒ ಅಧಿ॒ ಶ್ರಿಯೋ॒ ರಣ᳚‌ನ್ತಿ ಸ॒ಪ್ತ ಸಂ॒ಸದಃ॑ |
ಇಂದ್ರಂ᳚ ಸು॒ತೇ ಹ॑ವಾಮಹೇ || 8.92.20
ತ್ರಿಕ॑ದ್ರುಕೇಷು॒ ಚೇತ॑ನಂ ದೇ॒ವಾಸೋ᳚ ಯ॒ಜ್ಞಮ॑ತ್ನತ |
ತಮಿದ್ವ॑ರ್ಧ‌ನ್ತು ನೋ॒ ಗಿರಃ॑ || 8.92.21
ಆ ತ್ವಾ᳚ ವಿಶ॒‌ನ್ತ್ವಿಂದ॑ವಃ ಸಮು॒ದ್ರಮಿ॑ವ॒ ಸಿಂಧ॑ವಃ |
ನ ತ್ವಾಮಿಂ॒ದ್ರಾತಿ॑ ರಿಚ್ಯತೇ || 8.92.22
ವಿ॒ವ್ಯಕ್ಥ॑ ಮಹಿ॒ನಾ ವೃ॑ಷನ್ಭ॒ಕ್ಷಂ ಸೋಮ॑ಸ್ಯ ಜಾಗೃವೇ |
ಯ ಇಂ᳚ದ್ರ ಜ॒ಠರೇ᳚ಷು ತೇ || 8.92.23
ಅರಂ᳚ ತ ಇಂದ್ರ ಕು॒ಕ್ಷಯೇ॒ ಸೋಮೋ᳚ ಭವತು ವೃತ್ರಹನ್ |
ಅರಂ॒ ಧಾಮ॑ಭ್ಯ॒ ಇಂದ॑ವಃ || 8.92.24
ಅರ॒ಮಶ್ವಾ᳚ಯ ಗಾಯತಿ ಶ್ರು॒ತಕ॑ಕ್ಷೋ॒ ಅರಂ॒ ಗವೇ᳚ |
ಅರ॒ಮಿಂದ್ರ॑ಸ್ಯ॒ ಧಾಮ್ನೇ᳚ || 8.92.25
ಅರಂ॒ ಹಿ ಷ್ಮ॑ ಸು॒ತೇಷು॑ ಣಃ॒ ಸೋಮೇ᳚ಷ್ವಿಂದ್ರ॒ ಭೂಷ॑ಸಿ |
ಅರಂ᳚ ತೇ ಶಕ್ರ ದಾ॒ವನೇ᳚ || 8.92.26
ಪ॒ರಾ॒ಕಾತ್ತಾ᳚ಚ್ಚಿದದ್ರಿವ॒ಸ್ತ್ವಾಂ ನ॑ಕ್ಷ‌ನ್ತ ನೋ॒ ಗಿರಃ॑ |
ಅರಂ᳚ ಗಮಾಮ ತೇ ವ॒ಯ‌ಮ್ || 8.92.27
ಏ॒ವಾ ಹ್ಯಸಿ॑ ವೀರ॒ಯುರೇ॒ವಾ ಶೂರ॑ ಉ॒ತ ಸ್ಥಿ॒ರಃ |
ಏ॒ವಾ ತೇ॒ ರಾಧ್ಯಂ॒ ಮನಃ॑ || 8.92.28
ಏ॒ವಾ ರಾ॒ತಿಸ್ತು॑ವೀಮಘ॒ ವಿಶ್ವೇ᳚ಭಿರ್ಧಾಯಿ ಧಾ॒ತೃಭಿಃ॑ |
ಅಧಾ᳚ ಚಿದಿಂದ್ರ ಮೇ॒ ಸಚಾ᳚ || 8.92.29
ಮೋ ಷು ಬ್ರ॒ಹ್ಮೇವ॑ ತಂದ್ರ॒ಯುರ್ಭುವೋ᳚ ವಾಜಾನಾಂ ಪತೇ |
ಮತ್ಸ್ವಾ᳚ ಸು॒ತಸ್ಯ॒ ಗೋಮ॑ತಃ || 8.92.30
ಮಾ ನ॑ ಇಂದ್ರಾ॒ಭ್ಯಾ॒3॒॑ದಿಶಃ॒ ಸೂರೋ᳚ ಅ॒ಕ್ತುಷ್ವಾ ಯ॑ಮನ್ |
ತ್ವಾ ಯು॒ಜಾ ವ॑ನೇಮ॒ ತತ್ || 8.92.31
ತ್ವಯೇದಿಂ᳚ದ್ರ ಯು॒ಜಾ ವ॒ಯಂ ಪ್ರತಿ॑ ಬ್ರುವೀಮಹಿ॒ ಸ್ಪೃಧಃ॑ |
ತ್ವಮ॒ಸ್ಮಾಕಂ॒ ತವ॑ ಸ್ಮಸಿ || 8.92.32
ತ್ವಾಮಿದ್ಧಿ ತ್ವಾ॒ಯವೋ᳚ಽನು॒ನೋನು॑ವತ॒ಶ್ಚರಾನ್॑ |
ಸಖಾ᳚ಯ ಇಂದ್ರ ಕಾ॒ರವಃ॑ || 8.92.33

(1-34) ಚತುಸ್ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸುಕಕ್ಷ ಋಷಿಃ (1-33) ಪ್ರಥಮಾದಿತ್ರಯಸ್ತ್ರಿಂಶದೃಚಾಮಿಂದ್ರಃ (34) ಚತುಸ್ತ್ರಿಂಶ್ಯಾಶ್ಚೇಂದ್ರ ಋಭವಶ್ಚ ದೇವತಾಃ, ಗಾಯತ್ರೀ ಛಂದಃ

ಉದ್ಘೇದ॒ಭಿ ಶ್ರು॒ತಾಮ॑ಘಂ ವೃಷ॒ಭಂ ನರ್ಯಾ᳚ಪಸ‌ಮ್ |
ಅಸ್ತಾ᳚ರಮೇಷಿ ಸೂರ್ಯ || 8.93.1
ನವ॒ ಯೋ ನ॑ವ॒ತಿಂ ಪುರೋ᳚ ಬಿ॒ಭೇದ॑ ಬಾ॒ಹ್ವೋ᳚ಜಸಾ |
ಅಹಿಂ᳚ ಚ ವೃತ್ರ॒ಹಾವ॑ಧೀತ್ || 8.93.2
ಸ ನ॒ ಇಂದ್ರಃ॑ ಶಿ॒ವಃ ಸಖಾಶ್ವಾ᳚ವ॒ದ್ಗೋಮ॒ದ್ಯವ॑ಮತ್ |
ಉ॒ರುಧಾ᳚ರೇವ ದೋಹತೇ || 8.93.3
ಯದ॒ದ್ಯ ಕಚ್ಚ॑ ವೃತ್ರಹನ್ನು॒ದಗಾ᳚ ಅ॒ಭಿ ಸೂ᳚ರ್ಯ |
ಸರ್ವಂ॒ ತದಿಂ᳚ದ್ರ ತೇ॒ ವಶೇ᳚ || 8.93.4
ಯದ್ವಾ᳚ ಪ್ರವೃದ್ಧ ಸತ್ಪತೇ॒ ನ ಮ॑ರಾ॒ ಇತಿ॒ ಮನ್ಯ॑ಸೇ |
ಉ॒ತೋ ತತ್ಸ॒ತ್ಯಮಿತ್ತವ॑ || 8.93.5
ಯೇ ಸೋಮಾ᳚ಸಃ ಪರಾ॒ವತಿ॒ ಯೇ ಅ᳚ರ್ವಾ॒ವತಿ॑ ಸುನ್ವಿ॒ರೇ |
ಸರ್ವಾಁ॒ಸ್ತಾಁ ಇಂ᳚ದ್ರ ಗಚ್ಛಸಿ || 8.93.6
ತಮಿಂದ್ರಂ᳚ ವಾಜಯಾಮಸಿ ಮ॒ಹೇ ವೃ॒ತ್ರಾಯ॒ ಹ‌ನ್ತ॑ವೇ |
ಸ ವೃಷಾ᳚ ವೃಷ॒ಭೋ ಭು॑ವತ್ || 8.93.7
ಇಂದ್ರಃ॒ ಸ ದಾಮ॑ನೇ ಕೃ॒ತ ಓಜಿ॑ಷ್ಠಃ॒ ಸ ಮದೇ᳚ ಹಿ॒ತಃ |
ದ್ಯು॒ಮ್ನೀ ಶ್ಲೋ॒ಕೀ ಸ ಸೋ॒ಮ್ಯಃ || 8.93.8
ಗಿ॒ರಾ ವಜ್ರೋ॒ ನ ಸಂಭೃ॑ತಃ॒ ಸಬ॑ಲೋ॒ ಅನ॑ಪಚ್ಯುತಃ |
ವ॒ವ॒ಕ್ಷ ಋ॒ಷ್ವೋ ಅಸ್ತೃ॑ತಃ || 8.93.9
ದು॒ರ್ಗೇ ಚಿ᳚ನ್ನಃ ಸು॒ಗಂ ಕೃ॑ಧಿ ಗೃಣಾ॒ನ ಇಂ᳚ದ್ರ ಗಿರ್ವಣಃ |
ತ್ವಂ ಚ॑ ಮಘವ॒ನ್ವಶಃ॑ || 8.93.10
ಯಸ್ಯ॑ ತೇ॒ ನೂ ಚಿ॑ದಾ॒ದಿಶಂ॒ ನ ಮಿ॒ನ‌ನ್ತಿ॑ ಸ್ವ॒ರಾಜ್ಯ‌ಮ್᳚ |
ನ ದೇ॒ವೋ ನಾಧ್ರಿ॑ಗು॒ರ್ಜನಃ॑ || 8.93.11
ಅಧಾ᳚ ತೇ॒ ಅಪ್ರ॑ತಿಷ್ಕುತಂ ದೇ॒ವೀ ಶುಷ್ಮಂ᳚ ಸಪರ್ಯತಃ |
ಉ॒ಭೇ ಸು॑ಶಿಪ್ರ॒ ರೋದ॑ಸೀ || 8.93.12
ತ್ವಮೇ॒ತದ॑ಧಾರಯಃ ಕೃ॒ಷ್ಣಾಸು॒ ರೋಹಿ॑ಣೀಷು ಚ |
ಪರು॑ಷ್ಣೀಷು॒ ರುಶ॒ತ್ಪಯಃ॑ || 8.93.13
ವಿ ಯದಹೇ॒ರಧ॑ ತ್ವಿ॒ಷೋ ವಿಶ್ವೇ᳚ ದೇ॒ವಾಸೋ॒ ಅಕ್ರ॑ಮುಃ |
ವಿ॒ದನ್ಮೃ॒ಗಸ್ಯ॒ ತಾಁ ಅಮಃ॑ || 8.93.14
ಆದು॑ ಮೇ ನಿವ॒ರೋ ಭು॑ವದ್ವೃತ್ರ॒ಹಾದಿ॑ಷ್ಟ॒ ಪೌಂಸ್ಯ‌ಮ್᳚ |
ಅಜಾ᳚ತಶತ್ರು॒ರಸ್ತೃ॑ತಃ || 8.93.15
ಶ್ರು॒ತಂ ವೋ᳚ ವೃತ್ರ॒ಹ‌ನ್ತ॑ಮಂ॒ ಪ್ರ ಶರ್ಧಂ᳚ ಚರ್ಷಣೀ॒ನಾ‌ಮ್ |
ಆ ಶು॑ಷೇ॒ ರಾಧ॑ಸೇ ಮ॒ಹೇ || 8.93.16
ಅ॒ಯಾ ಧಿ॒ಯಾ ಚ॑ ಗವ್ಯ॒ಯಾ ಪುರು॑ಣಾಮ॒ನ್ಪುರು॑ಷ್ಟುತ |
ಯತ್ಸೋಮೇ᳚ಸೋಮ॒ ಆಭ॑ವಃ || 8.93.17
ಬೋ॒ಧಿನ್ಮ॑ನಾ॒ ಇದ॑ಸ್ತು ನೋ ವೃತ್ರ॒ಹಾ ಭೂರ್ಯಾ᳚ಸುತಿಃ |
ಶೃ॒ಣೋತು॑ ಶ॒ಕ್ರ ಆ॒ಶಿಷ‌ಮ್᳚ || 8.93.18
ಕಯಾ॒ ತ್ವಂ ನ॑ ಊ॒ತ್ಯಾಭಿ ಪ್ರ ಮಂ᳚ದಸೇ ವೃಷನ್ |
ಕಯಾ᳚ ಸ್ತೋ॒ತೃಭ್ಯ॒ ಆ ಭ॑ರ || 8.93.19
ಕಸ್ಯ॒ ವೃಷಾ᳚ ಸು॒ತೇ ಸಚಾ᳚ ನಿ॒ಯುತ್ವಾ᳚ನ್ವೃಷ॒ಭೋ ರ॑ಣತ್ |
ವೃ॒ತ್ರ॒ಹಾ ಸೋಮ॑ಪೀತಯೇ || 8.93.20
ಅ॒ಭೀ ಷು ಣ॒ಸ್ತ್ವಂ ರ॒ಯಿಂ ಮಂ᳚ದಸಾ॒ನಃ ಸ॑ಹ॒ಸ್ರಿಣ‌ಮ್᳚ |
ಪ್ರ॒ಯ॒‌ನ್ತಾ ಬೋ᳚ಧಿ ದಾ॒ಶುಷೇ᳚ || 8.93.21
ಪತ್ನೀ᳚ವ‌ನ್ತಃ ಸು॒ತಾ ಇ॒ಮ ಉ॒ಶ‌ನ್ತೋ᳚ ಯ‌ನ್ತಿ ವೀ॒ತಯೇ᳚ |
ಅ॒ಪಾಂ ಜಗ್ಮಿ᳚ರ್ನಿಚುಂಪು॒ಣಃ || 8.93.22
ಇ॒ಷ್ಟಾ ಹೋತ್ರಾ᳚ ಅಸೃಕ್ಷ॒ತೇಂದ್ರಂ᳚ ವೃ॒ಧಾಸೋ᳚ ಅಧ್ವ॒ರೇ |
ಅಚ್ಛಾ᳚ವಭೃ॒ಥಮೋಜ॑ಸಾ || 8.93.23
ಇ॒ಹ ತ್ಯಾ ಸ॑ಧ॒ಮಾದ್ಯಾ॒ ಹರೀ॒ ಹಿರ᳚ಣ್ಯಕೇಶ್ಯಾ |
ವೋ॒ಳ್ಹಾಮ॒ಭಿ ಪ್ರಯೋ᳚ ಹಿ॒ತ‌ಮ್ || 8.93.24
ತುಭ್ಯಂ॒ ಸೋಮಾಃ᳚ ಸು॒ತಾ ಇ॒ಮೇ ಸ್ತೀ॒ರ್ಣಂ ಬ॒ರ್ಹಿರ್ವಿ॑ಭಾವಸೋ |
ಸ್ತೋ॒ತೃಭ್ಯ॒ ಇಂದ್ರ॒ಮಾ ವ॑ಹ || 8.93.25
ಆ ತೇ॒ ದಕ್ಷಂ॒ ವಿ ರೋ᳚ಚ॒ನಾ ದಧ॒ದ್ರತ್ನಾ॒ ವಿ ದಾ॒ಶುಷೇ᳚ |
ಸ್ತೋ॒ತೃಭ್ಯ॒ ಇಂದ್ರ॑ಮರ್ಚತ || 8.93.26
ಆ ತೇ᳚ ದಧಾಮೀಂದ್ರಿ॒ಯಮು॒ಕ್ಥಾ ವಿಶ್ವಾ᳚ ಶತಕ್ರತೋ |
ಸ್ತೋ॒ತೃಭ್ಯ॑ ಇಂದ್ರ ಮೃಳಯ || 8.93.27
ಭ॒ದ್ರಂಭ॑ದ್ರಂ ನ॒ ಆ ಭ॒ರೇಷ॒ಮೂರ್ಜಂ᳚ ಶತಕ್ರತೋ |
ಯದಿಂ᳚ದ್ರ ಮೃ॒ಳಯಾ᳚ಸಿ ನಃ || 8.93.28
ಸ ನೋ॒ ವಿಶ್ವಾ॒ನ್ಯಾ ಭ॑ರ ಸುವಿ॒ತಾನಿ॑ ಶತಕ್ರತೋ |
ಯದಿಂ᳚ದ್ರ ಮೃ॒ಳಯಾ᳚ಸಿ ನಃ || 8.93.29
ತ್ವಾಮಿದ್ವೃ॑ತ್ರಹ‌ನ್ತಮ ಸು॒ತಾವ᳚‌ನ್ತೋ ಹವಾಮಹೇ |
ಯದಿಂ᳚ದ್ರ ಮೃ॒ಳಯಾ᳚ಸಿ ನಃ || 8.93.30
ಉಪ॑ ನೋ॒ ಹರಿ॑ಭಿಃ ಸು॒ತಂ ಯಾ॒ಹಿ ಮ॑ದಾನಾಂ ಪತೇ |
ಉಪ॑ ನೋ॒ ಹರಿ॑ಭಿಃ ಸು॒ತ‌ಮ್ || 8.93.31
ದ್ವಿ॒ತಾ ಯೋ ವೃ॑ತ್ರ॒ಹ‌ನ್ತ॑ಮೋ ವಿ॒ದ ಇಂದ್ರಃ॑ ಶ॒ತಕ್ರ॑ತುಃ |
ಉಪ॑ ನೋ॒ ಹರಿ॑ಭಿಃ ಸು॒ತ‌ಮ್ || 8.93.32
ತ್ವಂ ಹಿ ವೃ॑ತ್ರಹನ್ನೇಷಾಂ ಪಾ॒ತಾ ಸೋಮಾ᳚ನಾ॒ಮಸಿ॑ |
ಉಪ॑ ನೋ॒ ಹರಿ॑ಭಿಃ ಸು॒ತ‌ಮ್ || 8.93.33
ಇಂದ್ರ॑ ಇ॒ಷೇ ದ॑ದಾತು ನ ಋಭು॒ಕ್ಷಣ॑ಮೃ॒ಭುಂ ರ॒ಯಿ‌ಮ್ |
ವಾ॒ಜೀ ದ॑ದಾತು ವಾ॒ಜಿನ‌ಮ್᳚ || 8.93.34

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಬಿಂದುಃ ಪೂತದಕ್ಷೋ ವಾ ಋಷಿಃ, ಮರುತೋ ದೇವತಾಃ, ಗಾಯತ್ರೀ ಛಂದಃ

ಗೌರ್ಧ॑ಯತಿ ಮ॒ರುತಾಂ᳚ ಶ್ರವ॒ಸ್ಯುರ್ಮಾ॒ತಾ ಮ॒ಘೋನಾ᳚‌ಮ್ |
ಯು॒ಕ್ತಾ ವಹ್ನೀ॒ ರಥಾ᳚ನಾ‌ಮ್ || 8.94.1
ಯಸ್ಯಾ᳚ ದೇ॒ವಾ ಉ॒ಪಸ್ಥೇ᳚ ವ್ರ॒ತಾ ವಿಶ್ವೇ᳚ ಧಾ॒ರಯ᳚‌ನ್ತೇ |
ಸೂರ್ಯಾ॒ಮಾಸಾ᳚ ದೃ॒ಶೇ ಕ‌ಮ್ || 8.94.2
ತತ್ಸು ನೋ॒ ವಿಶ್ವೇ᳚ ಅ॒ರ್ಯ ಆ ಸದಾ᳚ ಗೃಣ‌ನ್ತಿ ಕಾ॒ರವಃ॑ |
ಮ॒ರುತಃ॒ ಸೋಮ॑ಪೀತಯೇ || 8.94.3
ಅಸ್ತಿ॒ ಸೋಮೋ᳚ ಅ॒ಯಂ ಸು॒ತಃ ಪಿಬ᳚‌ನ್ತ್ಯಸ್ಯ ಮ॒ರುತಃ॑ |
ಉ॒ತ ಸ್ವ॒ರಾಜೋ᳚ ಅ॒ಶ್ವಿನಾ᳚ || 8.94.4
ಪಿಬ᳚‌ನ್ತಿ ಮಿ॒ತ್ರೋ ಅ᳚ರ್ಯ॒ಮಾ ತನಾ᳚ ಪೂ॒ತಸ್ಯ॒ ವರು॑ಣಃ |
ತ್ರಿ॒ಷ॒ಧ॒ಸ್ಥಸ್ಯ॒ ಜಾವ॑ತಃ || 8.94.5
ಉ॒ತೋ ನ್ವ॑ಸ್ಯ॒ ಜೋಷ॒ಮಾಁ ಇಂದ್ರಃ॑ ಸು॒ತಸ್ಯ॒ ಗೋಮ॑ತಃ |
ಪ್ರಾ॒ತರ್ಹೋತೇ᳚ವ ಮತ್ಸತಿ || 8.94.6
ಕದ॑ತ್ವಿಷ‌ನ್ತ ಸೂ॒ರಯ॑ಸ್ತಿ॒ರ ಆಪ॑ ಇವ॒ ಸ್ರಿಧಃ॑ |
ಅರ್ಷ᳚‌ನ್ತಿ ಪೂ॒ತದ॑ಕ್ಷಸಃ || 8.94.7
ಕದ್ವೋ᳚ ಅ॒ದ್ಯ ಮ॒ಹಾನಾಂ᳚ ದೇ॒ವಾನಾ॒ಮವೋ᳚ ವೃಣೇ |
ತ್ಮನಾ᳚ ಚ ದ॒ಸ್ಮವ॑ರ್ಚಸಾ‌ಮ್ || 8.94.8
ಆ ಯೇ ವಿಶ್ವಾ॒ ಪಾರ್ಥಿ॑ವಾನಿ ಪ॒ಪ್ರಥ᳚ನ್ರೋಚ॒ನಾ ದಿ॒ವಃ |
ಮ॒ರುತಃ॒ ಸೋಮ॑ಪೀತಯೇ || 8.94.9
ತ್ಯಾನ್ನು ಪೂ॒ತದ॑ಕ್ಷಸೋ ದಿ॒ವೋ ವೋ᳚ ಮರುತೋ ಹುವೇ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 8.94.10
ತ್ಯಾನ್ನು ಯೇ ವಿ ರೋದ॑ಸೀ ತಸ್ತ॒ಭುರ್ಮ॒ರುತೋ᳚ ಹುವೇ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 8.94.11
ತ್ಯಂ ನು ಮಾರು॑ತಂ ಗ॒ಣಂ ಗಿ॑ರಿ॒ಷ್ಠಾಂ ವೃಷ॑ಣಂ ಹುವೇ |
ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ || 8.94.12

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಸ್ತಿರಶ್ಚೀಷಿಃ, ಇಂದ್ರೋ ದೇವತಾ, ಅನುಷ್ಟಪ್ ಛಂದಃ

ಆ ತ್ವಾ॒ ಗಿರೋ᳚ ರ॒ಥೀರಿ॒ವಾಸ್ಥುಃ॑ ಸು॒ತೇಷು॑ ಗಿರ್ವಣಃ |
ಅ॒ಭಿ ತ್ವಾ॒ ಸಮ॑ನೂಷ॒ತೇಂದ್ರ॑ ವ॒ತ್ಸಂ ನ ಮಾ॒ತರಃ॑ || 8.95.1
ಆ ತ್ವಾ᳚ ಶು॒ಕ್ರಾ ಅ॑ಚುಚ್ಯವುಃ ಸು॒ತಾಸ॑ ಇಂದ್ರ ಗಿರ್ವಣಃ |
ಪಿಬಾ॒ ತ್ವ1॒॑ಸ್ಯಾಂಧ॑ಸ॒ ಇಂದ್ರ॒ ವಿಶ್ವಾ᳚ಸು ತೇ ಹಿ॒ತ‌ಮ್ || 8.95.2
ಪಿಬಾ॒ ಸೋಮಂ॒ ಮದಾ᳚ಯ॒ ಕಮಿಂದ್ರ॑ ಶ್ಯೇ॒ನಾಭೃ॑ತಂ ಸು॒ತ‌ಮ್ |
ತ್ವಂ ಹಿ ಶಶ್ವ॑ತೀನಾಂ॒ ಪತೀ॒ ರಾಜಾ᳚ ವಿ॒ಶಾಮಸಿ॑ || 8.95.3
ಶ್ರು॒ಧೀ ಹವಂ᳚ ತಿರ॒ಶ್ಚ್ಯಾ ಇಂದ್ರ॒ ಯಸ್ತ್ವಾ᳚ ಸಪ॒ರ್ಯತಿ॑ |
ಸು॒ವೀರ್ಯ॑ಸ್ಯ॒ ಗೋಮ॑ತೋ ರಾ॒ಯಸ್ಪೂ᳚ರ್ಧಿ ಮ॒ಹಾಁ ಅ॑ಸಿ || 8.95.4
ಇಂದ್ರ॒ ಯಸ್ತೇ॒ ನವೀ᳚ಯಸೀಂ॒ ಗಿರಂ᳚ ಮಂ॒ದ್ರಾಮಜೀ᳚ಜನತ್ |
ಚಿ॒ಕಿ॒ತ್ವಿನ್ಮ॑ನಸಂ॒ ಧಿಯಂ᳚ ಪ್ರ॒ತ್ನಾಮೃ॒ತಸ್ಯ॑ ಪಿ॒ಪ್ಯುಷೀ᳚‌ಮ್ || 8.95.5
ತಮು॑ ಷ್ಟವಾಮ॒ ಯಂ ಗಿರ॒ ಇಂದ್ರ॑ಮು॒ಕ್ಥಾನಿ॑ ವಾವೃ॒ಧುಃ |
ಪು॒ರೂಣ್ಯ॑ಸ್ಯ॒ ಪೌಂಸ್ಯಾ॒ ಸಿಷಾ᳚ಸ‌ನ್ತೋ ವನಾಮಹೇ || 8.95.6
ಏತೋ॒ ನ್ವಿಂದ್ರಂ॒ ಸ್ತವಾ᳚ಮ ಶು॒ದ್ಧಂ ಶು॒ದ್ಧೇನ॒ ಸಾಮ್ನಾ᳚ |
ಶು॒ದ್ಧೈರು॒ಕ್ಥೈರ್ವಾ᳚ವೃ॒ಧ್ವಾಂಸಂ᳚ ಶು॒ದ್ಧ ಆ॒ಶೀರ್ವಾ᳚ನ್ಮಮತ್ತು || 8.95.7
ಇಂದ್ರ॑ ಶು॒ದ್ಧೋ ನ॒ ಆ ಗ॑ಹಿ ಶು॒ದ್ಧಃ ಶು॒ದ್ಧಾಭಿ॑ರೂ॒ತಿಭಿಃ॑ |
ಶು॒ದ್ಧೋ ರ॒ಯಿಂ ನಿ ಧಾ᳚ರಯ ಶು॒ದ್ಧೋ ಮ॑ಮದ್ಧಿ ಸೋ॒ಮ್ಯಃ || 8.95.8
ಇಂದ್ರ॑ ಶು॒ದ್ಧೋ ಹಿ ನೋ᳚ ರ॒ಯಿಂ ಶು॒ದ್ಧೋ ರತ್ನಾ᳚ನಿ ದಾ॒ಶುಷೇ᳚ |
ಶು॒ದ್ಧೋ ವೃ॒ತ್ರಾಣಿ॑ ಜಿಘ್ನಸೇ ಶು॒ದ್ಧೋ ವಾಜಂ᳚ ಸಿಷಾಸಸಿ || 8.95.9

(1-21) ಏಕವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮಾರುತೋ ದ್ಯುತಾನ ಪ್ರಾಂಗಿರಸಸ್ತಿರಶ್ಚೀರ್ವಾ ಋಷಿಃ (1-13, 14, 16-21) ಪ್ರಥಮಾದಿತ್ರಯೋದಶರ್ಚಾಂ ಚತುದರ್ಶ ಯಾಃ ಪಾದತ್ರಯಸ್ಯ ಷೋಡಶ್ಯಾದಿಷಣ್ಣಾಂಚೇಂದ್ರಃ, (14) ಚತುದರ್ಶ ಯಾಸ್ತುರೀಯಪಾದಸ್ಯ ಮರುತಃ, (15) ಪಂಚದಶ್ಯಾಶ್ಚೇಂದ್ರಾಬೃಹಸ್ಪತೀ ದೇವತಾಃ (1-3, 5-20) ಪ್ರಥಮಾದಿತೃಚಸ್ಯ ಪಂಚಮ್ಯಾದಿಷೋಡಶರ್ಚಾಂಚ ತ್ರಿಷ್ಟುಪ್, (4) ಚತುರ್ಥ್ಯಾ ವಿರಾಟ್, (21) ಏಕವಿಂಶ್ಯಾಶ್ಚ ಪುರಸ್ತಾಜ್ಜಯೋತಿಸ್ತ್ರಿಷ್ಟುಪ್ ಛಂದಾಂಸಿ

ಅ॒ಸ್ಮಾ ಉ॒ಷಾಸ॒ ಆತಿ॑ರ‌ನ್ತ॒ ಯಾಮ॒ಮಿಂದ್ರಾ᳚ಯ॒ ನಕ್ತ॒ಮೂರ್ಮ್ಯಾಃ᳚ ಸು॒ವಾಚಃ॑ |
ಅ॒ಸ್ಮಾ ಆಪೋ᳚ ಮಾ॒ತರಃ॑ ಸ॒ಪ್ತ ತ॑ಸ್ಥು॒ರ್ನೃಭ್ಯ॒ಸ್ತರಾ᳚ಯ॒ ಸಿಂಧ॑ವಃ ಸುಪಾ॒ರಾಃ || 8.96.1
ಅತಿ॑ವಿದ್ಧಾ ವಿಥು॒ರೇಣಾ᳚ ಚಿ॒ದಸ್ತ್ರಾ॒ ತ್ರಿಃ ಸ॒ಪ್ತ ಸಾನು॒ ಸಂಹಿ॑ತಾ ಗಿರೀ॒ಣಾ‌ಮ್ |
ನ ತದ್ದೇ॒ವೋ ನ ಮರ್ತ್ಯ॑ಸ್ತುತುರ್ಯಾ॒ದ್ಯಾನಿ॒ ಪ್ರವೃ॑ದ್ಧೋ ವೃಷ॒ಭಶ್ಚ॒ಕಾರ॑ || 8.96.2
ಇಂದ್ರ॑ಸ್ಯ॒ ವಜ್ರ॑ ಆಯ॒ಸೋ ನಿಮಿ॑ಶ್ಲ॒ ಇಂದ್ರ॑ಸ್ಯ ಬಾ॒ಹ್ವೋರ್ಭೂಯಿ॑ಷ್ಠ॒ಮೋಜಃ॑ |
ಶೀ॒ರ್ಷನ್ನಿಂದ್ರ॑ಸ್ಯ॒ ಕ್ರತ॑ವೋ ನಿರೇ॒ಕ ಆ॒ಸನ್ನೇಷ᳚‌ನ್ತ॒ ಶ್ರುತ್ಯಾ᳚ ಉಪಾ॒ಕೇ || 8.96.3
ಮನ್ಯೇ᳚ ತ್ವಾ ಯ॒ಜ್ಞಿಯಂ᳚ ಯ॒ಜ್ಞಿಯಾ᳚ನಾಂ॒ ಮನ್ಯೇ᳚ ತ್ವಾ॒ ಚ್ಯವ॑ನ॒ಮಚ್ಯು॑ತಾನಾ‌ಮ್ |
ಮನ್ಯೇ᳚ ತ್ವಾ॒ ಸತ್ವ॑ನಾಮಿಂದ್ರ ಕೇ॒ತುಂ ಮನ್ಯೇ᳚ ತ್ವಾ ವೃಷ॒ಭಂ ಚ॑ರ್ಷಣೀ॒ನಾ‌ಮ್ || 8.96.4
ಆ ಯದ್ವಜ್ರಂ᳚ ಬಾ॒ಹ್ವೋರಿಂ᳚ದ್ರ॒ ಧತ್ಸೇ᳚ ಮದ॒ಚ್ಯುತ॒ಮಹ॑ಯೇ॒ ಹ‌ನ್ತ॒ವಾ ಉ॑ |
ಪ್ರ ಪರ್ವ॑ತಾ॒ ಅನ॑ವ‌ನ್ತ॒ ಪ್ರ ಗಾವಃ॒ ಪ್ರ ಬ್ರ॒ಹ್ಮಾಣೋ᳚ ಅಭಿ॒ನಕ್ಷ᳚‌ನ್ತ॒ ಇಂದ್ರ‌ಮ್᳚ || 8.96.5
ತಮು॑ ಷ್ಟವಾಮ॒ ಯ ಇ॒ಮಾ ಜ॒ಜಾನ॒ ವಿಶ್ವಾ᳚ ಜಾ॒ತಾನ್ಯವ॑ರಾಣ್ಯಸ್ಮಾತ್ |
ಇಂದ್ರೇ᳚ಣ ಮಿ॒ತ್ರಂ ದಿ॑ಧಿಷೇಮ ಗೀ॒ರ್ಭಿರುಪೋ॒ ನಮೋ᳚ಭಿರ್ವೃಷ॒ಭಂ ವಿ॑ಶೇಮ || 8.96.6
ವೃ॒ತ್ರಸ್ಯ॑ ತ್ವಾ ಶ್ವ॒ಸಥಾ॒ದೀಷ॑ಮಾಣಾ॒ ವಿಶ್ವೇ᳚ ದೇ॒ವಾ ಅ॑ಜಹು॒ರ್ಯೇ ಸಖಾ᳚ಯಃ |
ಮ॒ರುದ್ಭಿ॑ರಿಂದ್ರ ಸ॒ಖ್ಯಂ ತೇ᳚ ಅ॒ಸ್ತ್ವಥೇ॒ಮಾ ವಿಶ್ವಾಃ॒ ಪೃತ॑ನಾ ಜಯಾಸಿ || 8.96.7
ತ್ರಿಃ ಷ॒ಷ್ಟಿಸ್ತ್ವಾ᳚ ಮ॒ರುತೋ᳚ ವಾವೃಧಾ॒ನಾ ಉ॒ಸ್ರಾ ಇ॑ವ ರಾ॒ಶಯೋ᳚ ಯ॒ಜ್ಞಿಯಾ᳚ಸಃ |
ಉಪ॒ ತ್ವೇಮಃ॑ ಕೃ॒ಧಿ ನೋ᳚ ಭಾಗ॒ಧೇಯಂ॒ ಶುಷ್ಮಂ᳚ ತ ಏ॒ನಾ ಹ॒ವಿಷಾ᳚ ವಿಧೇಮ || 8.96.8
ತಿ॒ಗ್ಮಮಾಯು॑ಧಂ ಮ॒ರುತಾ॒ಮನೀ᳚ಕಂ॒ ಕಸ್ತ॑ ಇಂದ್ರ॒ ಪ್ರತಿ॒ ವಜ್ರಂ᳚ ದಧರ್ಷ |
ಅ॒ನಾ॒ಯು॒ಧಾಸೋ॒ ಅಸು॑ರಾ ಅದೇ॒ವಾಶ್ಚ॒ಕ್ರೇಣ॒ ತಾಁ ಅಪ॑ ವಪ ಋಜೀಷಿನ್ || 8.96.9
ಮ॒ಹ ಉ॒ಗ್ರಾಯ॑ ತ॒ವಸೇ᳚ ಸುವೃ॒ಕ್ತಿಂ ಪ್ರೇರ॑ಯ ಶಿ॒ವತ॑ಮಾಯ ಪ॒ಶ್ವಃ |
ಗಿರ್ವಾ᳚ಹಸೇ॒ ಗಿರ॒ ಇಂದ್ರಾ᳚ಯ ಪೂ॒ರ್ವೀರ್ಧೇ॒ಹಿ ತ॒ನ್ವೇ᳚ ಕು॒ವಿದಂ॒ಗ ವೇದ॑ತ್ || 8.96.10
ಉ॒ಕ್ಥವಾ᳚ಹಸೇ ವಿ॒ಭ್ವೇ᳚ ಮನೀ॒ಷಾಂ ದ್ರುಣಾ॒ ನ ಪಾ॒ರಮೀ᳚ರಯಾ ನ॒ದೀನಾ᳚‌ಮ್ |
ನಿ ಸ್ಪೃ॑ಶ ಧಿ॒ಯಾ ತ॒ನ್ವಿ॑ ಶ್ರು॒ತಸ್ಯ॒ ಜುಷ್ಟ॑ತರಸ್ಯ ಕು॒ವಿದಂ॒ಗ ವೇದ॑ತ್ || 8.96.11
ತದ್ವಿ॑ವಿಡ್ಢಿ॒ ಯತ್ತ॒ ಇಂದ್ರೋ॒ ಜುಜೋ᳚ಷತ್ಸ್ತು॒ಹಿ ಸು॑ಷ್ಟು॒ತಿಂ ನಮ॒ಸಾ ವಿ॑ವಾಸ |
ಉಪ॑ ಭೂಷ ಜರಿತ॒ರ್ಮಾ ರು॑ವಣ್ಯಃ ಶ್ರಾ॒ವಯಾ॒ ವಾಚಂ᳚ ಕು॒ವಿದಂ॒ಗ ವೇದ॑ತ್ || 8.96.12
ಅವ॑ ದ್ರ॒ಪ್ಸೋ ಅಂ᳚ಶು॒ಮತೀ᳚ಮತಿಷ್ಠದಿಯಾ॒ನಃ ಕೃ॒ಷ್ಣೋ ದ॒ಶಭಿಃ॑ ಸ॒ಹಸ್ರೈಃ᳚ |
ಆವ॒ತ್ತಮಿಂದ್ರಃ॒ ಶಚ್ಯಾ॒ ಧಮ᳚‌ನ್ತ॒ಮಪ॒ ಸ್ನೇಹಿ॑ತೀರ್ನೃ॒ಮಣಾ᳚ ಅಧತ್ತ || 8.96.13
ದ್ರ॒ಪ್ಸಮ॑ಪಶ್ಯಂ॒ ವಿಷು॑ಣೇ॒ ಚರ᳚‌ನ್ತಮುಪಹ್ವ॒ರೇ ನ॒ದ್ಯೋ᳚ ಅಂಶು॒ಮತ್ಯಾಃ᳚ |
ನಭೋ॒ ನ ಕೃ॒ಷ್ಣಮ॑ವತಸ್ಥಿ॒ವಾಂಸ॒ಮಿಷ್ಯಾ᳚ಮಿ ವೋ ವೃಷಣೋ॒ ಯುಧ್ಯ॑ತಾ॒ಜೌ || 8.96.14
ಅಧ॑ ದ್ರ॒ಪ್ಸೋ ಅಂ᳚ಶು॒ಮತ್ಯಾ᳚ ಉ॒ಪಸ್ಥೇಽಧಾ᳚ರಯತ್ತ॒ನ್ವಂ᳚ ತಿತ್ವಿಷಾ॒ಣಃ |
ವಿಶೋ॒ ಅದೇ᳚ವೀರ॒ಭ್ಯಾ॒3॒॑ಚರ᳚‌ನ್ತೀ॒ರ್ಬೃಹ॒ಸ್ಪತಿ॑ನಾ ಯು॒ಜೇಂದ್ರಃ॑ ಸಸಾಹೇ || 8.96.15
ತ್ವಂ ಹ॒ ತ್ಯತ್ಸ॒ಪ್ತಭ್ಯೋ॒ ಜಾಯ॑ಮಾನೋಽಶ॒ತ್ರುಭ್ಯೋ᳚ ಅಭವಃ॒ ಶತ್ರು॑ರಿಂದ್ರ |
ಗೂ॒ಳ್ಹೇ ದ್ಯಾವಾ᳚ಪೃಥಿ॒ವೀ ಅನ್ವ॑ವಿಂದೋ ವಿಭು॒ಮದ್ಭ್ಯೋ॒ ಭುವ॑ನೇಭ್ಯೋ॒ ರಣಂ᳚ ಧಾಃ || 8.96.16
ತ್ವಂ ಹ॒ ತ್ಯದ॑ಪ್ರತಿಮಾ॒ನಮೋಜೋ॒ ವಜ್ರೇ᳚ಣ ವಜ್ರಿಂಧೃಷಿ॒ತೋ ಜ॑ಘ‌ನ್ಥ |
ತ್ವಂ ಶುಷ್ಣ॒ಸ್ಯಾವಾ᳚ತಿರೋ॒ ವಧ॑ತ್ರೈ॒ಸ್ತ್ವಂ ಗಾ ಇಂ᳚ದ್ರ॒ ಶಚ್ಯೇದ॑ವಿಂದಃ || 8.96.17
ತ್ವಂ ಹ॒ ತ್ಯದ್ವೃ॑ಷಭ ಚರ್ಷಣೀ॒ನಾಂ ಘ॒ನೋ ವೃ॒ತ್ರಾಣಾಂ᳚ ತವಿ॒ಷೋ ಬ॑ಭೂಥ |
ತ್ವಂ ಸಿಂಧೂಁ᳚ರಸೃಜಸ್ತಸ್ತಭಾ॒ನಾ‌ನ್ತ್ವಮ॒ಪೋ ಅ॑ಜಯೋ ದಾ॒ಸಪ॑ತ್ನೀಃ || 8.96.18
ಸ ಸು॒ಕ್ರತೂ॒ ರಣಿ॑ತಾ॒ ಯಃ ಸು॒ತೇಷ್ವನು॑ತ್ತಮನ್ಯು॒ರ್ಯೋ ಅಹೇ᳚ವ ರೇ॒ವಾನ್ |
ಯ ಏಕ॒ ಇನ್ನರ್ಯಪಾಂ᳚ಸಿ॒ ಕರ್ತಾ॒ ಸ ವೃ॑ತ್ರ॒ಹಾ ಪ್ರತೀದ॒ನ್ಯಮಾ᳚ಹುಃ || 8.96.19
ಸ ವೃ॑ತ್ರ॒ಹೇಂದ್ರ॑ಶ್ಚರ್ಷಣೀ॒ಧೃತ್ತಂ ಸು॑ಷ್ಟು॒ತ್ಯಾ ಹವ್ಯಂ᳚ ಹುವೇಮ |
ಸ ಪ್ರಾ᳚ವಿ॒ತಾ ಮ॒ಘವಾ᳚ ನೋಽಧಿವ॒ಕ್ತಾ ಸ ವಾಜ॑ಸ್ಯ ಶ್ರವ॒ಸ್ಯ॑ಸ್ಯ ದಾ॒ತಾ || 8.96.20
ಸ ವೃ॑ತ್ರ॒ಹೇಂದ್ರ॑ ಋಭು॒ಕ್ಷಾಃ ಸ॒ದ್ಯೋ ಜ॑ಜ್ಞಾ॒ನೋ ಹವ್ಯೋ᳚ ಬಭೂವ |
ಕೃ॒ಣ್ವನ್ನಪಾಂ᳚ಸಿ॒ ನರ್ಯಾ᳚ ಪು॒ರೂಣಿ॒ ಸೋಮೋ॒ ನ ಪೀ॒ತೋ ಹವ್ಯಃ॒ ಸಖಿ॑ಭ್ಯಃ || 8.96.21

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋ ರೇಭ ಋಷಿಃ, ಇಂದ್ರೋ ದೇವತಾ, (1-9) ಪ್ರಥಮಾದಿನವರ್ಚಾಂ ಬೃಹತೀ, (10, 13) ದಶಮೀತ್ರಯೋದಶ್ಯೋರತಿಜಗತೀ, (11-12) ಏಕಾದಶೀದ್ವಾದಶ್ಯೋರುಪರಿಷ್ಟಾದ್ಹತೀ, (14) ಚತುದರ್ಶ ಯಾಸ್ತ್ರಿಷ್ಟುಪ್, (15) ಪಂಚದಶ್ಯಾಶ್ಚ ಜಗತೀ ಛಂದಾಂಸಿ

ಯಾ ಇಂ᳚ದ್ರ॒ ಭುಜ॒ ಆಭ॑ರಃ॒ ಸ್ವ᳚ರ್ವಾಁ॒ ಅಸು॑ರೇಭ್ಯಃ |
ಸ್ತೋ॒ತಾರ॒ಮಿನ್ಮ॑ಘವನ್ನಸ್ಯ ವರ್ಧಯ॒ ಯೇ ಚ॒ ತ್ವೇ ವೃ॒ಕ್ತಬ॑ರ್ಹಿಷಃ || 8.97.1
ಯಮಿಂ᳚ದ್ರ ದಧಿ॒ಷೇ ತ್ವಮಶ್ವಂ॒ ಗಾಂ ಭಾ॒ಗಮವ್ಯ॑ಯ‌ಮ್ |
ಯಜ॑ಮಾನೇ ಸುನ್ವ॒ತಿ ದಕ್ಷಿ॑ಣಾವತಿ॒ ತಸ್ಮಿ॒‌ನ್ತಂ ಧೇ᳚ಹಿ॒ ಮಾ ಪ॒ಣೌ || 8.97.2
ಯ ಇಂ᳚ದ್ರ॒ ಸಸ್ತ್ಯ᳚ವ್ರ॒ತೋ᳚ಽನು॒ಷ್ವಾಪ॒ಮದೇ᳚ವಯುಃ |
ಸ್ವೈಃ ಷ ಏವೈ᳚ರ್ಮುಮುರ॒ತ್ಪೋಷ್ಯಂ᳚ ರ॒ಯಿಂ ಸ॑ನು॒ತರ್ಧೇ᳚ಹಿ॒ ತಂ ತತಃ॑ || 8.97.3
ಯಚ್ಛ॒ಕ್ರಾಸಿ॑ ಪರಾ॒ವತಿ॒ ಯದ᳚ರ್ವಾ॒ವತಿ॑ ವೃತ್ರಹನ್ |
ಅತ॑ಸ್ತ್ವಾ ಗೀ॒ರ್ಭಿರ್ದ್ಯು॒ಗದಿಂ᳚ದ್ರ ಕೇ॒ಶಿಭಿಃ॑ ಸು॒ತಾವಾಁ॒ ಆ ವಿ॑ವಾಸತಿ || 8.97.4
ಯದ್ವಾಸಿ॑ ರೋಚ॒ನೇ ದಿ॒ವಃ ಸ॑ಮು॒ದ್ರಸ್ಯಾಧಿ॑ ವಿ॒ಷ್ಟಪಿ॑ |
ಯತ್ಪಾರ್ಥಿ॑ವೇ॒ ಸದ॑ನೇ ವೃತ್ರಹ‌ನ್ತಮ॒ ಯದ॒‌ನ್ತರಿ॑ಕ್ಷ॒ ಆ ಗ॑ಹಿ || 8.97.5
ಸ ನಃ॒ ಸೋಮೇ᳚ಷು ಸೋಮಪಾಃ ಸು॒ತೇಷು॑ ಶವಸಸ್ಪತೇ |
ಮಾ॒ದಯ॑ಸ್ವ॒ ರಾಧ॑ಸಾ ಸೂ॒ನೃತಾ᳚ವ॒ತೇಂದ್ರ॑ ರಾ॒ಯಾ ಪರೀ᳚ಣಸಾ || 8.97.6
ಮಾ ನ॑ ಇಂದ್ರ॒ ಪರಾ᳚ ವೃಣ॒ಗ್ಭವಾ᳚ ನಃ ಸಧ॒ಮಾದ್ಯಃ॑ |
ತ್ವಂ ನ॑ ಊ॒ತೀ ತ್ವಮಿನ್ನ॒ ಆಪ್ಯಂ॒ ಮಾ ನ॑ ಇಂದ್ರ॒ ಪರಾ᳚ ವೃಣಕ್ || 8.97.7
ಅ॒ಸ್ಮೇ ಇಂ᳚ದ್ರ॒ ಸಚಾ᳚ ಸು॒ತೇ ನಿ ಷ॑ದಾ ಪೀ॒ತಯೇ॒ ಮಧು॑ |
ಕೃ॒ಧೀ ಜ॑ರಿ॒ತ್ರೇ ಮ॑ಘವ॒ನ್ನವೋ᳚ ಮ॒ಹದ॒ಸ್ಮೇ ಇಂ᳚ದ್ರ॒ ಸಚಾ᳚ ಸು॒ತೇ || 8.97.8
ನ ತ್ವಾ᳚ ದೇ॒ವಾಸ॑ ಆಶತ॒ ನ ಮರ್ತ್ಯಾ᳚ಸೋ ಅದ್ರಿವಃ |
ವಿಶ್ವಾ᳚ ಜಾ॒ತಾನಿ॒ ಶವ॑ಸಾಭಿ॒ಭೂರ॑ಸಿ॒ ನ ತ್ವಾ᳚ ದೇ॒ವಾಸ॑ ಆಶತ || 8.97.9
ವಿಶ್ವಾಃ॒ ಪೃತ॑ನಾ ಅಭಿ॒ಭೂತ॑ರಂ॒ ನರಂ᳚ ಸ॒ಜೂಸ್ತ॑ತಕ್ಷು॒ರಿಂದ್ರಂ᳚ ಜಜ॒ನುಶ್ಚ॑ ರಾ॒ಜಸೇ᳚ |
ಕ್ರತ್ವಾ॒ ವರಿ॑ಷ್ಠಂ॒ ವರ॑ ಆ॒ಮುರಿ॑ಮು॒ತೋಗ್ರಮೋಜಿ॑ಷ್ಠಂ ತ॒ವಸಂ᳚ ತರ॒ಸ್ವಿನ‌ಮ್᳚ || 8.97.10
ಸಮೀಂ᳚ ರೇ॒ಭಾಸೋ᳚ ಅಸ್ವರ॒ನ್ನಿಂದ್ರಂ॒ ಸೋಮ॑ಸ್ಯ ಪೀ॒ತಯೇ᳚ |
ಸ್ವ॑ರ್ಪತಿಂ॒ ಯದೀಂ᳚ ವೃ॒ಧೇ ಧೃ॒ತವ್ರ॑ತೋ॒ ಹ್ಯೋಜ॑ಸಾ॒ ಸಮೂ॒ತಿಭಿಃ॑ || 8.97.11
ನೇ॒ಮಿಂ ನ॑ಮ‌ನ್ತಿ॒ ಚಕ್ಷ॑ಸಾ ಮೇ॒ಷಂ ವಿಪ್ರಾ᳚ ಅಭಿ॒ಸ್ವರಾ᳚ |
ಸು॒ದೀ॒ತಯೋ᳚ ವೋ ಅ॒ದ್ರುಹೋಽಪಿ॒ ಕರ್ಣೇ᳚ ತರ॒ಸ್ವಿನಃ॒ ಸಮೃಕ್ವ॑ಭಿಃ || 8.97.12
ತಮಿಂದ್ರಂ᳚ ಜೋಹವೀಮಿ ಮ॒ಘವಾ᳚ನಮು॒ಗ್ರಂ ಸ॒ತ್ರಾ ದಧಾ᳚ನ॒ಮಪ್ರ॑ತಿಷ್ಕುತಂ॒ ಶವಾಂ᳚ಸಿ |
ಮಂಹಿ॑ಷ್ಠೋ ಗೀ॒ರ್ಭಿರಾ ಚ॑ ಯ॒ಜ್ಞಿಯೋ᳚ ವ॒ವರ್ತ॑ದ್ರಾ॒ಯೇ ನೋ॒ ವಿಶ್ವಾ᳚ ಸು॒ಪಥಾ᳚ ಕೃಣೋತು ವ॒ಜ್ರೀ || 8.97.13
ತ್ವಂ ಪುರ॑ ಇಂದ್ರ ಚಿ॒ಕಿದೇ᳚ನಾ॒ ವ್ಯೋಜ॑ಸಾ ಶವಿಷ್ಠ ಶಕ್ರ ನಾಶ॒ಯಧ್ಯೈ᳚ |
ತ್ವದ್ವಿಶ್ವಾ᳚ನಿ॒ ಭುವ॑ನಾನಿ ವಜ್ರಿಂ॒ದ್ಯಾವಾ᳚ ರೇಜೇತೇ ಪೃಥಿ॒ವೀ ಚ॑ ಭೀ॒ಷಾ || 8.97.14
ತನ್ಮ॑ ಋ॒ತಮಿಂ᳚ದ್ರ ಶೂರ ಚಿತ್ರ ಪಾತ್ವ॒ಪೋ ನ ವ॑ಜ್ರಿಂದುರಿ॒ತಾತಿ॑ ಪರ್ಷಿ॒ ಭೂರಿ॑ |
ಕ॒ದಾ ನ॑ ಇಂದ್ರ ರಾ॒ಯ ಆ ದ॑ಶಸ್ಯೇರ್ವಿ॒ಶ್ವಪ್ಸ್ನ್ಯ॑ಸ್ಯ ಸ್ಪೃಹ॒ಯಾಯ್ಯ॑ಸ್ಯ ರಾಜನ್ || 8.97.15

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ನೃಮಧೇ ಋಷಿಃ, ಇಂದ್ರೋ ದೇವತಾ, (1-6, 8) ಪ್ರಥಮಾದಿತೃಚದ್ವಯಸ್ಯಾಷ್ಟಮ್ಯಾ ಋಚಶ್ಚೋಷ್ಣಿಕ್, (7, 10-11) ಸಪ್ತಮೀದಶಮ್ಯೇಕಾದಶೀನಾಂ ಕಕಪ, (9, 12) ನವಮೀದ್ವಾದಶ್ಯೋಶ್ಚ ಪುರ ಉಷ್ಣಿಕ್ ಛಂದಾಂಸಿ

ಇಂದ್ರಾ᳚ಯ॒ ಸಾಮ॑ ಗಾಯತ॒ ವಿಪ್ರಾ᳚ಯ ಬೃಹ॒ತೇ ಬೃ॒ಹತ್ |
ಧ॒ರ್ಮ॒ಕೃತೇ᳚ ವಿಪ॒ಶ್ಚಿತೇ᳚ ಪನ॒ಸ್ಯವೇ᳚ || 8.98.1
ತ್ವಮಿಂ᳚ದ್ರಾಭಿ॒ಭೂರ॑ಸಿ॒ ತ್ವಂ ಸೂರ್ಯ॑ಮರೋಚಯಃ |
ವಿ॒ಶ್ವಕ᳚ರ್ಮಾ ವಿ॒ಶ್ವದೇ᳚ವೋ ಮ॒ಹಾಁ ಅ॑ಸಿ || 8.98.2
ವಿ॒ಭ್ರಾಜಂ॒ಜ್ಯೋತಿ॑ಷಾ॒ ಸ್ವ1॒॑ರಗ॑ಚ್ಛೋ ರೋಚ॒ನಂ ದಿ॒ವಃ |
ದೇ॒ವಾಸ್ತ॑ ಇಂದ್ರ ಸ॒ಖ್ಯಾಯ॑ ಯೇಮಿರೇ || 8.98.3
ಏಂದ್ರ॑ ನೋ ಗಧಿ ಪ್ರಿ॒ಯಃ ಸ॑ತ್ರಾ॒ಜಿದಗೋ᳚ಹ್ಯಃ |
ಗಿ॒ರಿರ್ನ ವಿ॒ಶ್ವತ॑ಸ್ಪೃ॒ಥುಃ ಪತಿ॑ರ್ದಿ॒ವಃ || 8.98.4
ಅ॒ಭಿ ಹಿ ಸ॑ತ್ಯ ಸೋಮಪಾ ಉ॒ಭೇ ಬ॒ಭೂಥ॒ ರೋದ॑ಸೀ |
ಇಂದ್ರಾಸಿ॑ ಸುನ್ವ॒ತೋ ವೃ॒ಧಃ ಪತಿ॑ರ್ದಿ॒ವಃ || 8.98.5
ತ್ವಂ ಹಿ ಶಶ್ವ॑ತೀನಾ॒ಮಿಂದ್ರ॑ ದ॒ರ್ತಾ ಪು॒ರಾಮಸಿ॑ |
ಹ॒‌ನ್ತಾ ದಸ್ಯೋ॒ರ್ಮನೋ᳚ರ್ವೃ॒ಧಃ ಪತಿ॑ರ್ದಿ॒ವಃ || 8.98.6
ಅಧಾ॒ ಹೀಂ᳚ದ್ರ ಗಿರ್ವಣ॒ ಉಪ॑ ತ್ವಾ॒ ಕಾಮಾ᳚ನ್ಮ॒ಹಃ ಸ॑ಸೃ॒ಜ್ಮಹೇ᳚ |
ಉ॒ದೇವ॒ ಯ‌ನ್ತ॑ ಉ॒ದಭಿಃ॑ || 8.98.7
ವಾರ್ಣ ತ್ವಾ᳚ ಯ॒ವ್ಯಾಭಿ॒ರ್ವರ್ಧ᳚‌ನ್ತಿ ಶೂರ॒ ಬ್ರಹ್ಮಾ᳚ಣಿ |
ವಾ॒ವೃ॒ಧ್ವಾಂಸಂ᳚ ಚಿದದ್ರಿವೋ ದಿ॒ವೇದಿ॑ವೇ || 8.98.8
ಯುಂ॒ಜ‌ನ್ತಿ॒ ಹರೀ᳚ ಇಷಿ॒ರಸ್ಯ॒ ಗಾಥ॑ಯೋ॒ರೌ ರಥ॑ ಉ॒ರುಯು॑ಗೇ |
ಇಂ॒ದ್ರ॒ವಾಹಾ᳚ ವಚೋ॒ಯುಜಾ᳚ || 8.98.9
ತ್ವಂ ನ॑ ಇಂ॒ದ್ರಾ ಭ॑ರಁ॒ ಓಜೋ᳚ ನೃ॒ಮ್ಣಂ ಶ॑ತಕ್ರತೋ ವಿಚರ್ಷಣೇ |
ಆ ವೀ॒ರಂ ಪೃ॑ತನಾ॒ಷಹ‌ಮ್᳚ || 8.98.10
ತ್ವಂ ಹಿ ನಃ॑ ಪಿ॒ತಾ ವ॑ಸೋ॒ ತ್ವಂ ಮಾ॒ತಾ ಶ॑ತಕ್ರತೋ ಬ॒ಭೂವಿ॑ಥ |
ಅಧಾ᳚ ತೇ ಸು॒ಮ್ನಮೀ᳚ಮಹೇ || 8.98.11
ತ್ವಾಂ ಶು॑ಷ್ಮಿನ್ಪುರುಹೂತ ವಾಜ॒ಯ‌ನ್ತ॒ಮುಪ॑ ಬ್ರುವೇ ಶತಕ್ರತೋ |
ಸ ನೋ᳚ ರಾಸ್ವ ಸು॒ವೀರ್ಯ‌ಮ್᳚ || 8.98.12

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ನೃಮಧೇ ಋಷಿಃ, ಇಂದ್ರೋ ದೇವತಾ, ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ

ತ್ವಾಮಿ॒ದಾ ಹ್ಯೋ ನರೋಽಪೀ᳚ಪ್ಯನ್ವಜ್ರಿ॒ನ್ಭೂರ್ಣ॑ಯಃ |
ಸ ಇಂ᳚ದ್ರ॒ ಸ್ತೋಮ॑ವಾಹಸಾಮಿ॒ಹ ಶ್ರು॒ಧ್ಯುಪ॒ ಸ್ವಸ॑ರ॒ಮಾ ಗ॑ಹಿ || 8.99.1
ಮತ್ಸ್ವಾ᳚ ಸುಶಿಪ್ರ ಹರಿವ॒ಸ್ತದೀ᳚ಮಹೇ॒ ತ್ವೇ ಆ ಭೂ᳚ಷ‌ನ್ತಿ ವೇ॒ಧಸಃ॑ |
ತವ॒ ಶ್ರವಾಂ᳚ಸ್ಯುಪ॒ಮಾನ್ಯು॒ಕ್ಥ್ಯಾ᳚ ಸು॒ತೇಷ್ವಿಂ᳚ದ್ರ ಗಿರ್ವಣಃ || 8.99.2
ಶ್ರಾಯ᳚‌ನ್ತ ಇವ॒ ಸೂರ್ಯಂ॒ ವಿಶ್ವೇದಿಂದ್ರ॑ಸ್ಯ ಭಕ್ಷತ |
ವಸೂ᳚ನಿ ಜಾ॒ತೇ ಜನ॑ಮಾನ॒ ಓಜ॑ಸಾ॒ ಪ್ರತಿ॑ ಭಾ॒ಗಂ ನ ದೀ᳚ಧಿಮ || 8.99.3
ಅನ॑ರ್ಶರಾತಿಂ ವಸು॒ದಾಮುಪ॑ ಸ್ತುಹಿ ಭ॒ದ್ರಾ ಇಂದ್ರ॑ಸ್ಯ ರಾ॒ತಯಃ॑ |
ಸೋ ಅ॑ಸ್ಯ॒ ಕಾಮಂ᳚ ವಿಧ॒ತೋ ನ ರೋ᳚ಷತಿ॒ ಮನೋ᳚ ದಾ॒ನಾಯ॑ ಚೋ॒ದಯನ್॑ || 8.99.4
ತ್ವಮಿಂ᳚ದ್ರ॒ ಪ್ರತೂ᳚ರ್ತಿಷ್ವ॒ಭಿ ವಿಶ್ವಾ᳚ ಅಸಿ॒ ಸ್ಪೃಧಃ॑ |
ಅ॒ಶ॒ಸ್ತಿ॒ಹಾ ಜ॑ನಿ॒ತಾ ವಿ॑ಶ್ವ॒ತೂರ॑ಸಿ॒ ತ್ವಂ ತೂ᳚ರ್ಯ ತರುಷ್ಯ॒ತಃ || 8.99.5
ಅನು॑ ತೇ॒ ಶುಷ್ಮಂ᳚ ತು॒ರಯ᳚‌ನ್ತಮೀಯತುಃ ಕ್ಷೋ॒ಣೀ ಶಿಶುಂ॒ ನ ಮಾ॒ತರಾ᳚ |
ವಿಶ್ವಾ᳚ಸ್ತೇ॒ ಸ್ಪೃಧಃ॑ ಶ್ನಥಯ‌ನ್ತ ಮ॒ನ್ಯವೇ᳚ ವೃ॒ತ್ರಂ ಯದಿಂ᳚ದ್ರ॒ ತೂರ್ವ॑ಸಿ || 8.99.6
ಇ॒ತ ಊ॒ತೀ ವೋ᳚ ಅ॒ಜರಂ᳚ ಪ್ರಹೇ॒ತಾರ॒ಮಪ್ರ॑ಹಿತ‌ಮ್ |
ಆ॒ಶುಂ ಜೇತಾ᳚ರಂ॒ ಹೇತಾ᳚ರಂ ರ॒ಥೀತ॑ಮ॒ಮತೂ᳚ರ್ತಂ ತುಗ್ರ್ಯಾ॒ವೃಧ‌ಮ್᳚ || 8.99.7
ಇ॒ಷ್ಕ॒ರ್ತಾರ॒ಮನಿ॑ಷ್ಕೃತಂ॒ ಸಹ॑ಸ್ಕೃತಂ ಶ॒ತಮೂ᳚ತಿಂ ಶ॒ತಕ್ರ॑ತು‌ಮ್ |
ಸ॒ಮಾ॒ನಮಿಂದ್ರ॒ಮವ॑ಸೇ ಹವಾಮಹೇ॒ ವಸ॑ವಾನಂ ವಸೂ॒ಜುವ‌ಮ್᳚ || 8.99.8

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ (1-3, 6-12) ಪ್ರಥಮಾದಿತೃಚಸ್ಯ ಷಷ್ಠ್ಯಾದಿಸಪ್ತಾನಾಮೃಚಾಂ ಭಾರ್ಗವೋ ನೇಮಃ, (4-5) ಚತುರ್ಥೀಪಂಚಮ್ಯೋಶ್ಚೇಂದ್ರ ಋಷೀ(1-7, 12) ಪ್ರಥಮಾದಿಸಪ್ತರ್ಚಾಂ ದ್ವಾದಶ್ಯಾಶ್ಚೇಂದ್ರಃ, (8) ಅಷ್ಟಮ್ಯಾಃ ಸುಪರ್ಣ ಇಂದ್ರೋ ವಾ, (9) ನವಮ್ಯಾ ವಜೋ ಇಂದ್ರೋ ವಾ, (10-11) ದಶಮ್ಯೇಕಾದಶ್ಯೋಶ್ಚ ವಾಗ್ದೇವತಾಃ (1-5, 10-12) ಪ್ರಥಮಾದಿಪಂಚರೋಂ ದಶಮ್ಯಾದಿತೃಚಸ್ಯ ಚ ತ್ರಿಷ್ಟುಪ, (6) ಷಷ್ಠ್ಯಾ ಜಗತೀ, (7-9) ಸಪ್ತಮ್ಯಾದಿತೃಚಸ್ಯ ಚಾನುಷ್ಟಪು, ಛಂದಾಂಸಿ

ಅ॒ಯಂ ತ॑ ಏಮಿ ತ॒ನ್ವಾ᳚ ಪು॒ರಸ್ತಾ॒ದ್ವಿಶ್ವೇ᳚ ದೇ॒ವಾ ಅ॒ಭಿ ಮಾ᳚ ಯ‌ನ್ತಿ ಪ॒ಶ್ಚಾತ್ |
ಯ॒ದಾ ಮಹ್ಯಂ॒ ದೀಧ॑ರೋ ಭಾ॒ಗಮಿಂ॒ದ್ರಾದಿನ್ಮಯಾ᳚ ಕೃಣವೋ ವೀ॒ರ್ಯಾ᳚ಣಿ || 8.100.1
ದಧಾ᳚ಮಿ ತೇ॒ ಮಧು॑ನೋ ಭ॒ಕ್ಷಮಗ್ರೇ᳚ ಹಿ॒ತಸ್ತೇ᳚ ಭಾ॒ಗಃ ಸು॒ತೋ ಅ॑ಸ್ತು॒ ಸೋಮಃ॑ |
ಅಸ॑ಶ್ಚ॒ ತ್ವಂ ದ॑ಕ್ಷಿಣ॒ತಃ ಸಖಾ॒ ಮೇಽಧಾ᳚ ವೃ॒ತ್ರಾಣಿ॑ ಜಂಘನಾವ॒ ಭೂರಿ॑ || 8.100.2
ಪ್ರ ಸು ಸ್ತೋಮಂ᳚ ಭರತ ವಾಜ॒ಯ‌ನ್ತ॒ ಇಂದ್ರಾ᳚ಯ ಸ॒ತ್ಯಂ ಯದಿ॑ ಸ॒ತ್ಯಮಸ್ತಿ॑ |
ನೇಂದ್ರೋ᳚ ಅ॒ಸ್ತೀತಿ॒ ನೇಮ॑ ಉ ತ್ವ ಆಹ॒ ಕ ಈಂ᳚ ದದರ್ಶ॒ ಕಮ॒ಭಿ ಷ್ಟ॑ವಾಮ || 8.100.3
ಅ॒ಯಮ॑ಸ್ಮಿ ಜರಿತಃ॒ ಪಶ್ಯ॑ ಮೇ॒ಹ ವಿಶ್ವಾ᳚ ಜಾ॒ತಾನ್ಯ॒ಭ್ಯ॑ಸ್ಮಿ ಮ॒ಹ್ನಾ |
ಋ॒ತಸ್ಯ॑ ಮಾ ಪ್ರ॒ದಿಶೋ᳚ ವರ್ಧಯ‌ನ್ತ್ಯಾದರ್ದಿ॒ರೋ ಭುವ॑ನಾ ದರ್ದರೀಮಿ || 8.100.4
ಆ ಯನ್ಮಾ᳚ ವೇ॒ನಾ ಅರು॑ಹನ್ನೃ॒ತಸ್ಯಁ॒ ಏಕ॒ಮಾಸೀ᳚ನಂ ಹರ್ಯ॒ತಸ್ಯ॑ ಪೃ॒ಷ್ಠೇ |
ಮನ॑ಶ್ಚಿನ್ಮೇ ಹೃ॒ದ ಆ ಪ್ರತ್ಯ॑ವೋಚ॒ದಚಿ॑ಕ್ರದಂ॒ಛಿಶು॑ಮ‌ನ್ತಃ॒ ಸಖಾ᳚ಯಃ || 8.100.5
ವಿಶ್ವೇತ್ತಾ ತೇ॒ ಸವ॑ನೇಷು ಪ್ರ॒ವಾಚ್ಯಾ॒ ಯಾ ಚ॒ಕರ್ಥ॑ ಮಘವನ್ನಿಂದ್ರ ಸುನ್ವ॒ತೇ |
ಪಾರಾ᳚ವತಂ॒ ಯತ್ಪು॑ರುಸಂಭೃ॒ತಂ ವಸ್ವ॒ಪಾವೃ॑ಣೋಃ ಶರ॒ಭಾಯ॒ ಋಷಿ॑ಬಂಧವೇ || 8.100.6
ಪ್ರ ನೂ॒ನಂ ಧಾ᳚ವತಾ॒ ಪೃಥ॒ಙ್ನೇಹ ಯೋ ವೋ॒ ಅವಾ᳚ವರೀತ್ |
ನಿ ಷೀಂ᳚ ವೃ॒ತ್ರಸ್ಯ॒ ಮರ್ಮ॑ಣಿ॒ ವಜ್ರ॒ಮಿಂದ್ರೋ᳚ ಅಪೀಪತತ್ || 8.100.7
ಮನೋ᳚ಜವಾ॒ ಅಯ॑ಮಾನ ಆಯ॒ಸೀಮ॑ತರ॒ತ್ಪುರ‌ಮ್᳚ |
ದಿವಂ᳚ ಸುಪ॒ರ್ಣೋ ಗ॒ತ್ವಾಯ॒ ಸೋಮಂ᳚ ವ॒ಜ್ರಿಣ॒ ಆಭ॑ರತ್ || 8.100.8
ಸ॒ಮು॒ದ್ರೇ ಅ॒‌ನ್ತಃ ಶ॑ಯತ ಉ॒ದ್ನಾ ವಜ್ರೋ᳚ ಅ॒ಭೀವೃ॑ತಃ |
ಭರ᳚‌ನ್ತ್ಯಸ್ಮೈ ಸಂ॒ಯತಃ॑ ಪು॒ರಃಪ್ರ॑ಸ್ರವಣಾ ಬ॒ಲಿ‌ಮ್ || 8.100.9
ಯದ್ವಾಗ್ವದ᳚‌ನ್ತ್ಯವಿಚೇತ॒ನಾನಿ॒ ರಾಷ್ಟ್ರೀ᳚ ದೇ॒ವಾನಾಂ᳚ ನಿಷ॒ಸಾದ॑ ಮಂ॒ದ್ರಾ |
ಚತ॑ಸ್ರ॒ ಊರ್ಜಂ᳚ ದುದುಹೇ॒ ಪಯಾಂ᳚ಸಿ॒ ಕ್ವ॑ ಸ್ವಿದಸ್ಯಾಃ ಪರ॒ಮಂ ಜ॑ಗಾಮ || 8.100.10
ದೇ॒ವೀಂ ವಾಚ॑ಮಜನಯ‌ನ್ತ ದೇ॒ವಾಸ್ತಾಂ ವಿ॒ಶ್ವರೂ᳚ಪಾಃ ಪ॒ಶವೋ᳚ ವದ‌ನ್ತಿ |
ಸಾ ನೋ᳚ ಮಂ॒ದ್ರೇಷ॒ಮೂರ್ಜಂ॒ ದುಹಾ᳚ನಾ ಧೇ॒ನುರ್ವಾಗ॒ಸ್ಮಾನುಪ॒ ಸುಷ್ಟು॒ತೈತು॑ || 8.100.11
ಸಖೇ᳚ ವಿಷ್ಣೋ ವಿತ॒ರಂ ವಿ ಕ್ರ॑ಮಸ್ವ॒ ದ್ಯೌರ್ದೇ॒ಹಿ ಲೋ॒ಕಂ ವಜ್ರಾ᳚ಯ ವಿ॒ಷ್ಕಭೇ᳚ |
ಹನಾ᳚ವ ವೃ॒ತ್ರಂ ರಿ॒ಣಚಾ᳚ವ॒ ಸಿಂಧೂ॒ನಿಂದ್ರ॑ಸ್ಯ ಯ‌ನ್ತು ಪ್ರಸ॒ವೇ ವಿಸೃ॑ಷ್ಟಾಃ || 8.100.12

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವೋ ಜಮದಗ್ನಿಷಿಃ (1-4, 5) ಪ್ರಥಮಾದಿಚತುಅರ್ಚಾಂ ಪಂಚಮ್ಯಾಃ ಪಾದತ್ರಯಸ್ಯ ಚ ಮಿತ್ರಾವರುಣೌ, (5-6) ಪಂಚಮ್ಯಾಸ್ತೃತೀಯಪಾದಸ್ಯ ಷಷ್ಠ್ಯಾಶ್ಚಾದಿತ್ಯಾಃ, (7-8) ಸಪ್ತಮ್ಯಷ್ಟಮ್ಯೋರಶ್ವಿನೌ, (9-10) ನವಮೀದಶಮ್ಯೋರ್ವಾಯಃ (11-12) ಏಕಾದಶೀದ್ವಾದಶ್ಯೋಃ ಸೂಯಃ (13) ತ್ರಯೋದಶ್ಯಾ ಉಷಾಃ ಸೂಯರ್ಪ ಭ್ರಾ ವಾ, (14) ಚತುದರ್ಶ ಯಾಃ ಪವಮಾನಃ, (15-16) ಪಂಚದಶೀಷೋಡಶ್ಯೋಶ್ಚ ಗೌದೇರ್ವ ತಾಃ (1-2, 5-12) ಪ್ರಥಮಾದ್ವಿತೀಯಯೋರೃಚೋಃ ಪಂಚಮ್ಯಾದ್ಯಷ್ಟಾನಾಂಚ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮಾಁ ಸತೋಬೃಹತೀ), (3) ತೃತೀಯಾಯಾ ಗಾಯತ್ರೀ, (4) ಚತುರ್ಥ್ಯಾಃ ಸತೋಬೃಹತೀ, (13) ತ್ರಯೋದಶ್ಯಾ ಬೃಹತೀ, (14-16) ಚತುದರ್ಶ ಯಾದಿತೃಚಸ್ಯ ಚ ತ್ರಿಷ್ಟುಪ್ ಛಂದಾಂಸಿ

ಋಧ॑ಗಿ॒ತ್ಥಾ ಸ ಮರ್ತ್ಯಃ॑ ಶಶ॒ಮೇ ದೇ॒ವತಾ᳚ತಯೇ |
ಯೋ ನೂ॒ನಂ ಮಿ॒ತ್ರಾವರು॑ಣಾವ॒ಭಿಷ್ಟ॑ಯ ಆಚ॒ಕ್ರೇ ಹ॒ವ್ಯದಾ᳚ತಯೇ || 8.101.1
ವರ್ಷಿ॑ಷ್ಠಕ್ಷತ್ರಾ ಉರು॒ಚಕ್ಷ॑ಸಾ॒ ನರಾ॒ ರಾಜಾ᳚ನಾ ದೀರ್ಘ॒ಶ್ರುತ್ತ॑ಮಾ |
ತಾ ಬಾ॒ಹುತಾ॒ ನ ದಂ॒ಸನಾ᳚ ರಥರ್ಯತಃ ಸಾ॒ಕಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ || 8.101.2
ಪ್ರ ಯೋ ವಾಂ᳚ ಮಿತ್ರಾವರುಣಾಜಿ॒ರೋ ದೂ॒ತೋ ಅದ್ರ॑ವತ್ |
ಅಯಃ॑ಶೀರ್ಷಾ॒ ಮದೇ᳚ರಘುಃ || 8.101.3
ನ ಯಃ ಸಂ॒ಪೃಚ್ಛೇ॒ ನ ಪುನ॒ರ್ಹವೀ᳚ತವೇ॒ ನ ಸಂ᳚ವಾ॒ದಾಯ॒ ರಮ॑ತೇ |
ತಸ್ಮಾ᳚ನ್ನೋ ಅ॒ದ್ಯ ಸಮೃ॑ತೇರುರುಷ್ಯತಂ ಬಾ॒ಹುಭ್ಯಾಂ᳚ ನ ಉರುಷ್ಯತ‌ಮ್ || 8.101.4
ಪ್ರ ಮಿ॒ತ್ರಾಯ॒ ಪ್ರಾರ್ಯ॒ಮ್ಣೇ ಸ॑ಚ॒ಥ್ಯ॑ಮೃತಾವಸೋ |
ವ॒ರೂ॒ಥ್ಯ1॒॑ ಅಂವರು॑ಣೇ॒ ಛಂದ್ಯಂ॒ ವಚಃ॑ ಸ್ತೋ॒ತ್ರಂ ರಾಜ॑ಸು ಗಾಯತ || 8.101.5
ತೇ ಹಿ᳚ನ್ವಿರೇ ಅರು॒ಣಂ ಜೇನ್ಯಂ॒ ವಸ್ವೇಕಂ᳚ ಪು॒ತ್ರಂ ತಿ॑ಸೄ॒ಣಾ‌ಮ್ |
ತೇ ಧಾಮಾ᳚ನ್ಯ॒ಮೃತಾ॒ ಮರ್ತ್ಯಾ᳚ನಾ॒ಮದ॑ಬ್ಧಾ ಅ॒ಭಿ ಚ॑ಕ್ಷತೇ || 8.101.6
ಆ ಮೇ॒ ವಚಾಂ॒ಸ್ಯುದ್ಯ॑ತಾ ದ್ಯು॒ಮತ್ತ॑ಮಾನಿ॒ ಕರ್ತ್ವಾ᳚ |
ಉ॒ಭಾ ಯಾ᳚ತಂ ನಾಸತ್ಯಾ ಸ॒ಜೋಷ॑ಸಾ॒ ಪ್ರತಿ॑ ಹ॒ವ್ಯಾನಿ॑ ವೀ॒ತಯೇ᳚ || 8.101.7
ರಾ॒ತಿಂ ಯದ್ವಾ᳚ಮರ॒ಕ್ಷಸಂ॒ ಹವಾ᳚ಮಹೇ ಯು॒ವಾಭ್ಯಾಂ᳚ ವಾಜಿನೀವಸೂ |
ಪ್ರಾಚೀಂ॒ ಹೋತ್ರಾಂ᳚ ಪ್ರತಿ॒ರ‌ನ್ತಾ᳚ವಿತಂ ನರಾ ಗೃಣಾ॒ನಾ ಜ॒ಮದ॑ಗ್ನಿನಾ || 8.101.8
ಆ ನೋ᳚ ಯ॒ಜ್ಞಂ ದಿ॑ವಿ॒ಸ್ಪೃಶಂ॒ ವಾಯೋ᳚ ಯಾ॒ಹಿ ಸು॒ಮನ್ಮ॑ಭಿಃ |
ಅ॒‌ನ್ತಃ ಪ॒ವಿತ್ರ॑ ಉ॒ಪರಿ॑ ಶ್ರೀಣಾ॒ನೋ॒3॒॑ಽಯಂ ಶು॒ಕ್ರೋ ಅ॑ಯಾಮಿ ತೇ || 8.101.9
ವೇತ್ಯ॑ಧ್ವ॒ರ್ಯುಃ ಪ॒ಥಿಭೀ॒ ರಜಿ॑ಷ್ಠೈಃ॒ ಪ್ರತಿ॑ ಹ॒ವ್ಯಾನಿ॑ ವೀ॒ತಯೇ᳚ |
ಅಧಾ᳚ ನಿಯುತ್ವ ಉ॒ಭಯ॑ಸ್ಯ ನಃ ಪಿಬ॒ ಶುಚಿಂ॒ ಸೋಮಂ॒ ಗವಾ᳚ಶಿರ‌ಮ್ || 8.101.10
ಬಣ್ಮ॒ಹಾಁ ಅ॑ಸಿ ಸೂರ್ಯ॒ ಬಳಾ᳚ದಿತ್ಯ ಮ॒ಹಾಁ ಅ॑ಸಿ |
ಮ॒ಹಸ್ತೇ᳚ ಸ॒ತೋ ಮ॑ಹಿ॒ಮಾ ಪ॑ನಸ್ಯತೇ॒ಽದ್ಧಾ ದೇ᳚ವ ಮ॒ಹಾಁ ಅ॑ಸಿ || 8.101.11
ಬಟ್ ಸೂ᳚ರ್ಯ॒ ಶ್ರವ॑ಸಾ ಮ॒ಹಾಁ ಅ॑ಸಿ ಸ॒ತ್ರಾ ದೇ᳚ವ ಮ॒ಹಾಁ ಅ॑ಸಿ |
ಮ॒ಹ್ನಾ ದೇ॒ವಾನಾ᳚ಮಸು॒ರ್ಯಃ॑ ಪು॒ರೋಹಿ॑ತೋ ವಿ॒ಭು ಜ್ಯೋತಿ॒ರದಾ᳚ಭ್ಯ‌ಮ್ || 8.101.12
ಇ॒ಯಂ ಯಾ ನೀಚ್ಯ॒ರ್ಕಿಣೀ᳚ ರೂ॒ಪಾ ರೋಹಿ᳚ಣ್ಯಾ ಕೃ॒ತಾ |
ಚಿ॒ತ್ರೇವ॒ ಪ್ರತ್ಯ॑ದರ್ಶ್ಯಾಯ॒ತ್ಯ1॒᳚‌ನ್ತರ್ದ॒ಶಸು॑ ಬಾ॒ಹುಷು॑ || 8.101.13
ಪ್ರ॒ಜಾ ಹ॑ ತಿ॒ಸ್ರೋ ಅ॒ತ್ಯಾಯ॑ಮೀಯು॒ರ್ನ್ಯ1॒᳚ನ್ಯಾ ಅ॒ರ್ಕಮ॒ಭಿತೋ᳚ ವಿವಿಶ್ರೇ |
ಬೃ॒ಹದ್ಧ॑ ತಸ್ಥೌ॒ ಭುವ॑ನೇಷ್ವ॒‌ನ್ತಃ ಪವ॑ಮಾನೋ ಹ॒ರಿತ॒ ಆ ವಿ॑ವೇಶ || 8.101.14
ಮಾ॒ತಾ ರು॒ದ್ರಾಣಾಂ᳚ ದುಹಿ॒ತಾ ವಸೂ᳚ನಾಂ॒ ಸ್ವಸಾ᳚ದಿ॒ತ್ಯಾನಾ᳚ಮ॒ಮೃತ॑ಸ್ಯ॒ ನಾಭಿಃ॑ |
ಪ್ರ ನು ವೋ᳚ಚಂ ಚಿಕಿ॒ತುಷೇ॒ ಜನಾ᳚ಯ॒ ಮಾ ಗಾಮನಾ᳚ಗಾ॒ಮದಿ॑ತಿಂ ವಧಿಷ್ಟ || 8.101.15
ವ॒ಚೋ॒ವಿದಂ॒ ವಾಚ॑ಮುದೀ॒ರಯ᳚‌ನ್ತೀಂ॒ ವಿಶ್ವಾ᳚ಭಿರ್ಧೀ॒ಭಿರು॑ಪ॒ತಿಷ್ಠ॑ಮಾನಾ‌ಮ್ |
ದೇ॒ವೀಂ ದೇ॒ವೇಭ್ಯಃ॒ ಪರ್ಯೇ॒ಯುಷೀಂ॒ ಗಾಮಾ ಮಾ᳚ವೃಕ್ತ॒ ಮರ್ತ್ಯೋ᳚ ದ॒ಭ್ರಚೇ᳚ತಾಃ || 8.101.16

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಪ್ರಯೋಗೋ ಬಾರ್ಹಸ್ಪತ್ಯಃ ಪಾವಕೋ ವಾಗ್ನಿರ್ವಾ, ಸಹರ : ಸುತೌ ಗೃಹಪತಿಯವಿಷ್ಠೌ ವಾ ತಯೋರನ್ಯತರೋ ವಾ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ತ್ವಮ॑ಗ್ನೇ ಬೃ॒ಹದ್ವಯೋ॒ ದಧಾ᳚ಸಿ ದೇವ ದಾ॒ಶುಷೇ᳚ |
ಕ॒ವಿರ್ಗೃ॒ಹಪ॑ತಿ॒ರ್ಯುವಾ᳚ || 8.102.1
ಸ ನ॒ ಈಳಾ᳚ನಯಾ ಸ॒ಹ ದೇ॒ವಾಁ ಅ॑ಗ್ನೇ ದುವ॒ಸ್ಯುವಾ᳚ |
ಚಿ॒ಕಿದ್ವಿ॑ಭಾನ॒ವಾ ವ॑ಹ || 8.102.2
ತ್ವಯಾ᳚ ಹ ಸ್ವಿದ್ಯು॒ಜಾ ವ॒ಯಂ ಚೋದಿ॑ಷ್ಠೇನ ಯವಿಷ್ಠ್ಯ |
ಅ॒ಭಿ ಷ್ಮೋ॒ ವಾಜ॑ಸಾತಯೇ || 8.102.3
ಔ॒ರ್ವ॒ಭೃ॒ಗು॒ವಚ್ಛುಚಿ॑ಮಪ್ನವಾನ॒ವದಾ ಹು॑ವೇ |
ಅ॒ಗ್ನಿಂ ಸ॑ಮು॒ದ್ರವಾ᳚ಸಸ‌ಮ್ || 8.102.4
ಹು॒ವೇ ವಾತ॑ಸ್ವನಂ ಕ॒ವಿಂ ಪ॒ರ್ಜನ್ಯ॑ಕ್ರಂದ್ಯಂ॒ ಸಹಃ॑ |
ಅ॒ಗ್ನಿಂ ಸ॑ಮು॒ದ್ರವಾ᳚ಸಸ‌ಮ್ || 8.102.5
ಆ ಸ॒ವಂ ಸ॑ವಿ॒ತುರ್ಯ॑ಥಾ॒ ಭಗ॑ಸ್ಯೇವ ಭು॒ಜಿಂ ಹು॑ವೇ |
ಅ॒ಗ್ನಿಂ ಸ॑ಮು॒ದ್ರವಾ᳚ಸಸ‌ಮ್ || 8.102.6
ಅ॒ಗ್ನಿಂ ವೋ᳚ ವೃ॒ಧ‌ನ್ತ॑ಮಧ್ವ॒ರಾಣಾಂ᳚ ಪುರೂ॒ತಮ‌ಮ್᳚ |
ಅಚ್ಛಾ॒ ನಪ್ತ್ರೇ॒ ಸಹ॑ಸ್ವತೇ || 8.102.7
ಅ॒ಯಂ ಯಥಾ᳚ ನ ಆ॒ಭುವ॒ತ್ತ್ವಷ್ಟಾ᳚ ರೂ॒ಪೇವ॒ ತಕ್ಷ್ಯಾ᳚ |
ಅ॒ಸ್ಯ ಕ್ರತ್ವಾ॒ ಯಶ॑ಸ್ವತಃ || 8.102.8
ಅ॒ಯಂ ವಿಶ್ವಾ᳚ ಅ॒ಭಿ ಶ್ರಿಯೋ॒ಽಗ್ನಿರ್ದೇ॒ವೇಷು॑ ಪತ್ಯತೇ |
ಆ ವಾಜೈ॒ರುಪ॑ ನೋ ಗಮತ್ || 8.102.9
ವಿಶ್ವೇ᳚ಷಾಮಿ॒ಹ ಸ್ತು॑ಹಿ॒ ಹೋತೄ᳚ಣಾಂ ಯ॒ಶಸ್ತ॑ಮ‌ಮ್ |
ಅ॒ಗ್ನಿಂ ಯ॒ಜ್ಞೇಷು॑ ಪೂ॒ರ್ವ್ಯ‌ಮ್ || 8.102.10
ಶೀ॒ರಂ ಪಾ᳚ವ॒ಕಶೋ᳚ಚಿಷಂ॒ ಜ್ಯೇಷ್ಠೋ॒ ಯೋ ದಮೇ॒ಷ್ವಾ |
ದೀ॒ದಾಯ॑ ದೀರ್ಘ॒ಶ್ರುತ್ತ॑ಮಃ || 8.102.11
ತಮರ್ವ᳚‌ನ್ತಂ॒ ನ ಸಾ᳚ನ॒ಸಿಂ ಗೃ॑ಣೀ॒ಹಿ ವಿ॑ಪ್ರ ಶು॒ಷ್ಮಿಣ‌ಮ್᳚ |
ಮಿ॒ತ್ರಂ ನ ಯಾ᳚ತ॒ಯಜ್ಜ॑ನ‌ಮ್ || 8.102.12
ಉಪ॑ ತ್ವಾ ಜಾ॒ಮಯೋ॒ ಗಿರೋ॒ ದೇದಿ॑ಶತೀರ್ಹವಿ॒ಷ್ಕೃತಃ॑ |
ವಾ॒ಯೋರನೀ᳚ಕೇ ಅಸ್ಥಿರನ್ || 8.102.13
ಯಸ್ಯ॑ ತ್ರಿ॒ಧಾತ್ವವೃ॑ತಂ ಬ॒ರ್ಹಿಸ್ತ॒ಸ್ಥಾವಸಂ᳚ದಿನ‌ಮ್ |
ಆಪ॑ಶ್ಚಿ॒ನ್ನಿ ದ॑ಧಾ ಪ॒ದ‌ಮ್ || 8.102.14
ಪ॒ದಂ ದೇ॒ವಸ್ಯ॑ ಮೀ॒ಳ್ಹುಷೋಽನಾ᳚ಧೃಷ್ಟಾಭಿರೂ॒ತಿಭಿಃ॑ |
ಭ॒ದ್ರಾ ಸೂರ್ಯ॑ ಇವೋಪ॒ದೃಕ್ || 8.102.15
ಅಗ್ನೇ᳚ ಘೃ॒ತಸ್ಯ॑ ಧೀ॒ತಿಭಿ॑ಸ್ತೇಪಾ॒ನೋ ದೇ᳚ವ ಶೋ॒ಚಿಷಾ᳚ |
ಆ ದೇ॒ವಾನ್ವ॑ಕ್ಷಿ॒ ಯಕ್ಷಿ॑ ಚ || 8.102.16
ತಂ ತ್ವಾ᳚ಜನ‌ನ್ತ ಮಾ॒ತರಃ॑ ಕ॒ವಿಂ ದೇ॒ವಾಸೋ᳚ ಅಂಗಿರಃ |
ಹ॒ವ್ಯ॒ವಾಹ॒ಮಮ॑ರ್ತ್ಯ‌ಮ್ || 8.102.17
ಪ್ರಚೇ᳚ತಸಂ ತ್ವಾ ಕ॒ವೇಽಗ್ನೇ᳚ ದೂ॒ತಂ ವರೇ᳚ಣ್ಯ‌ಮ್ |
ಹ॒ವ್ಯ॒ವಾಹಂ॒ ನಿ ಷೇ᳚ದಿರೇ || 8.102.18
ನ॒ಹಿ ಮೇ॒ ಅಸ್ತ್ಯಘ್ನ್ಯಾ॒ ನ ಸ್ವಧಿ॑ತಿ॒ರ್ವನ᳚ನ್ವತಿ |
ಅಥೈ᳚ತಾ॒ದೃಗ್ಭ॑ರಾಮಿ ತೇ || 8.102.19
ಯದ॑ಗ್ನೇ॒ ಕಾನಿ॒ ಕಾನಿ॑ ಚಿ॒ದಾ ತೇ॒ ದಾರೂ᳚ಣಿ ದ॒ಧ್ಮಸಿ॑ |
ತಾ ಜು॑ಷಸ್ವ ಯವಿಷ್ಠ್ಯ || 8.102.20
ಯದತ್ತ್ಯು॑ಪ॒ಜಿಹ್ವಿ॑ಕಾ॒ ಯದ್ವ॒ಮ್ರೋ ಅ॑ತಿ॒ಸರ್ಪ॑ತಿ |
ಸರ್ವಂ॒ ತದ॑ಸ್ತು ತೇ ಘೃ॒ತ‌ಮ್ || 8.102.21
ಅ॒ಗ್ನಿಮಿಂಧಾ᳚ನೋ॒ ಮನ॑ಸಾ॒ ಧಿಯಂ᳚ ಸಚೇತ॒ ಮರ್ತ್ಯಃ॑ |
ಅ॒ಗ್ನಿಮೀ᳚ಧೇ ವಿ॒ವಸ್ವ॑ಭಿಃ || 8.102.22

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಸೋಭರಿರೃಷಿಃ (1-13) ಪ್ರಥಮಾದಿತ್ರಯೋದಶರ್ಚಾಮಗ್ನಿಃ, (14) ಚತುದರ್ಶ ಯಾಶ್ಚಾಗ್ನಾಮರುತೋ ದೇವತಾಃ (1-4, 6) ಪ್ರಥಮಾದಿಚತುರೃಚ, ಷಷ್ಠ್ಯಾಶ್ಚ ಬೃಹತೀ, (5) ಪಂಚಮ್ಯಾ ವಿರಾಪಾ , (7, 9, 11, 13) ಸಪ್ತಮೀನವಮ್ಯೇಕಾದಶೀತ್ರಯೋದಶೀನಾಂ ಸತೋಬೃಹತೀ, (8, 12) ಅಷ್ಟಮೀದ್ವಾದಶ್ಯೋಃ ಕಕಪ, (10) ದಶಮ್ಯಾ ಹ್ರಸೀಯಸೀ ಗಾಯತ್ರೀ, (14) ಚತುದರ್ಶ ಯಾಶ್ಚಾನುಷ್ಟಪ ಛಂದಾಂಸಿ

ಅದ॑ರ್ಶಿ ಗಾತು॒ವಿತ್ತ॑ಮೋ॒ ಯಸ್ಮಿ᳚ನ್ವ್ರ॒ತಾನ್ಯಾ᳚ದ॒ಧುಃ |
ಉಪೋ॒ ಷು ಜಾ॒ತಮಾರ್ಯ॑ಸ್ಯ॒ ವರ್ಧ॑ನಮ॒ಗ್ನಿಂ ನ॑ಕ್ಷ‌ನ್ತ ನೋ॒ ಗಿರಃ॑ || 8.103.1
ಪ್ರ ದೈವೋ᳚ದಾಸೋ ಅ॒ಗ್ನಿರ್ದೇ॒ವಾಁ ಅಚ್ಛಾ॒ ನ ಮ॒ಜ್ಮನಾ᳚ |
ಅನು॑ ಮಾ॒ತರಂ᳚ ಪೃಥಿ॒ವೀಂ ವಿ ವಾ᳚ವೃತೇ ತ॒ಸ್ಥೌ ನಾಕ॑ಸ್ಯ॒ ಸಾನ॑ವಿ || 8.103.2
ಯಸ್ಮಾ॒ದ್ರೇಜ᳚‌ನ್ತ ಕೃ॒ಷ್ಟಯ॑ಶ್ಚ॒ರ್ಕೃತ್ಯಾ᳚ನಿ ಕೃಣ್ವ॒ತಃ |
ಸ॒ಹ॒ಸ್ರ॒ಸಾಂ ಮೇ॒ಧಸಾ᳚ತಾವಿವ॒ ತ್ಮನಾ॒ಗ್ನಿಂ ಧೀ॒ಭಿಃ ಸ॑ಪರ್ಯತ || 8.103.3
ಪ್ರ ಯಂ ರಾ॒ಯೇ ನಿನೀ᳚ಷಸಿ॒ ಮರ್ತೋ॒ ಯಸ್ತೇ᳚ ವಸೋ॒ ದಾಶ॑ತ್ |
ಸ ವೀ॒ರಂ ಧ॑ತ್ತೇ ಅಗ್ನ ಉಕ್ಥಶಂ॒ಸಿನಂ॒ ತ್ಮನಾ᳚ ಸಹಸ್ರಪೋ॒ಷಿಣ‌ಮ್᳚ || 8.103.4
ಸ ದೃ॒ಳ್ಹೇ ಚಿ॑ದ॒ಭಿ ತೃ॑ಣತ್ತಿ॒ ವಾಜ॒ಮರ್ವ॑ತಾ॒ ಸ ಧ॑ತ್ತೇ॒ ಅಕ್ಷಿ॑ತಿ॒ ಶ್ರವಃ॑ |
ತ್ವೇ ದೇ᳚ವ॒ತ್ರಾ ಸದಾ᳚ ಪುರೂವಸೋ॒ ವಿಶ್ವಾ᳚ ವಾ॒ಮಾನಿ॑ ಧೀಮಹಿ || 8.103.5
ಯೋ ವಿಶ್ವಾ॒ ದಯ॑ತೇ॒ ವಸು॒ ಹೋತಾ᳚ ಮಂ॒ದ್ರೋ ಜನಾ᳚ನಾ‌ಮ್ |
ಮಧೋ॒ರ್ನ ಪಾತ್ರಾ᳚ ಪ್ರಥ॒ಮಾನ್ಯ॑ಸ್ಮೈ॒ ಪ್ರ ಸ್ತೋಮಾ᳚ ಯ‌ನ್ತ್ಯ॒ಗ್ನಯೇ᳚ || 8.103.6
ಅಶ್ವಂ॒ ನ ಗೀ॒ರ್ಭೀ ರ॒ಥ್ಯಂ᳚ ಸು॒ದಾನ॑ವೋ ಮರ್ಮೃ॒ಜ್ಯ‌ನ್ತೇ᳚ ದೇವ॒ಯವಃ॑ |
ಉ॒ಭೇ ತೋ॒ಕೇ ತನ॑ಯೇ ದಸ್ಮ ವಿಶ್ಪತೇ॒ ಪರ್ಷಿ॒ ರಾಧೋ᳚ ಮ॒ಘೋನಾ᳚‌ಮ್ || 8.103.7
ಪ್ರ ಮಂಹಿ॑ಷ್ಠಾಯ ಗಾಯತ ಋ॒ತಾವ್ನೇ᳚ ಬೃಹ॒ತೇ ಶು॒ಕ್ರಶೋ᳚ಚಿಷೇ |
ಉಪ॑ಸ್ತುತಾಸೋ ಅ॒ಗ್ನಯೇ᳚ || 8.103.8
ಆ ವಂ᳚ಸತೇ ಮ॒ಘವಾ᳚ ವೀ॒ರವ॒ದ್ಯಶಃ॒ ಸಮಿ॑ದ್ಧೋ ದ್ಯು॒ಮ್ನ್ಯಾಹು॑ತಃ |
ಕು॒ವಿನ್ನೋ᳚ ಅಸ್ಯ ಸುಮ॒ತಿರ್ನವೀ᳚ಯ॒ಸ್ಯಚ್ಛಾ॒ ವಾಜೇ᳚ಭಿರಾ॒ಗಮ॑ತ್ || 8.103.9
ಪ್ರೇಷ್ಠ॑ಮು ಪ್ರಿ॒ಯಾಣಾಂ᳚ ಸ್ತು॒ಹ್ಯಾ᳚ಸಾ॒ವಾತಿ॑ಥಿ‌ಮ್ |
ಅ॒ಗ್ನಿಂ ರಥಾ᳚ನಾಂ॒ ಯಮ‌ಮ್᳚ || 8.103.10
ಉದಿ॑ತಾ॒ ಯೋ ನಿದಿ॑ತಾ॒ ವೇದಿ॑ತಾ॒ ವಸ್ವಾ ಯ॒ಜ್ಞಿಯೋ᳚ ವ॒ವರ್ತ॑ತಿ |
ದು॒ಷ್ಟರಾ॒ ಯಸ್ಯ॑ ಪ್ರವ॒ಣೇ ನೋರ್ಮಯೋ᳚ ಧಿ॒ಯಾ ವಾಜಂ॒ ಸಿಷಾ᳚ಸತಃ || 8.103.11
ಮಾ ನೋ᳚ ಹೃಣೀತಾ॒ಮತಿ॑ಥಿ॒ರ್ವಸು॑ರ॒ಗ್ನಿಃ ಪು॑ರುಪ್ರಶ॒ಸ್ತ ಏ॒ಷಃ |
ಯಃ ಸು॒ಹೋತಾ᳚ ಸ್ವಧ್ವ॒ರಃ || 8.103.12
ಮೋ ತೇ ರಿ॑ಷ॒ನ್ಯೇ ಅಚ್ಛೋ᳚ಕ್ತಿಭಿರ್ವ॒ಸೋಽಗ್ನೇ॒ ಕೇಭಿ॑ಶ್ಚಿ॒ದೇವೈಃ᳚ |
ಕೀ॒ರಿಶ್ಚಿ॒ದ್ಧಿ ತ್ವಾಮೀಟ್ಟೇ᳚ ದೂ॒ತ್ಯಾ᳚ಯ ರಾ॒ತಹ᳚ವ್ಯಃ ಸ್ವಧ್ವ॒ರಃ || 8.103.13
ಆಗ್ನೇ᳚ ಯಾಹಿ ಮ॒ರುತ್ಸ॑ಖಾ ರು॒ದ್ರೇಭಿಃ॒ ಸೋಮ॑ಪೀತಯೇ |
ಸೋಭ᳚ರ್ಯಾ॒ ಉಪ॑ ಸುಷ್ಟು॒ತಿಂ ಮಾ॒ದಯ॑ಸ್ವ॒ ಸ್ವ᳚ರ್ಣರೇ || 8.103.14

|| ಇತಿ ಋಗ್ವೇದ ಮಂಡಲಮ್-೮ ||

|| ಅಥ ಋಗ್ವೇದ ಮಂಡಲಮ್-೯ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಸ್ವಾದಿ॑ಷ್ಠಯಾ॒ ಮದಿ॑ಷ್ಠಯಾ॒ ಪವ॑ಸ್ವ ಸೋಮ॒ ಧಾರ॑ಯಾ |
ಇಂದ್ರಾ᳚ಯ॒ ಪಾತ॑ವೇ ಸು॒ತಃ || 9.1.1
ರ॒ಕ್ಷೋ॒ಹಾ ವಿ॒ಶ್ವಚ॑ರ್ಷಣಿರ॒ಭಿ ಯೋನಿ॒ಮಯೋ᳚ಹತ‌ಮ್ |
ದ್ರುಣಾ᳚ ಸ॒ಧಸ್ಥ॒ಮಾಸ॑ದತ್ || 9.1.2
ವ॒ರಿ॒ವೋ॒ಧಾತ॑ಮೋ ಭವ॒ ಮಂಹಿ॑ಷ್ಠೋ ವೃತ್ರ॒ಹ‌ನ್ತ॑ಮಃ |
ಪರ್ಷಿ॒ ರಾಧೋ᳚ ಮ॒ಘೋನಾ‌ಮ್᳚ || 9.1.3
ಅ॒ಭ್ಯ॑ರ್ಷ ಮ॒ಹಾನಾಂ᳚ ದೇ॒ವಾನಾಂ᳚ ವೀ॒ತಿಮಂಧ॑ಸಾ |
ಅ॒ಭಿ ವಾಜ॑ಮು॒ತ ಶ್ರವಃ॑ || 9.1.4
ತ್ವಾಮಚ್ಛಾ᳚ ಚರಾಮಸಿ॒ ತದಿದರ್ಥಂ᳚ ದಿ॒ವೇದಿ॑ವೇ |
ಇಂದೋ॒ ತ್ವೇ ನ॑ ಆ॒ಶಸಃ॑ || 9.1.5
ಪು॒ನಾತಿ॑ ತೇ ಪರಿ॒ಸ್ರುತಂ॒ ಸೋಮಂ॒ ಸೂರ್ಯ॑ಸ್ಯ ದುಹಿ॒ತಾ |
ವಾರೇ᳚ಣ॒ ಶಶ್ವ॑ತಾ॒ ತನಾ᳚ || 9.1.6
ತಮೀ॒ಮಣ್ವೀಃ᳚ ಸಮ॒ರ್ಯ ಆ ಗೃ॒ಭ್ಣ‌ನ್ತಿ॒ ಯೋಷ॑ಣೋ॒ ದಶ॑ |
ಸ್ವಸಾ᳚ರಃ॒ ಪಾರ್ಯೇ᳚ ದಿ॒ವಿ || 9.1.7
ತಮೀಂ᳚ ಹಿನ್ವ‌ನ್ತ್ಯ॒ಗ್ರುವೋ॒ ಧಮ᳚‌ನ್ತಿ ಬಾಕು॒ರಂ ದೃತಿ‌ಮ್᳚ |
ತ್ರಿ॒ಧಾತು॑ ವಾರ॒ಣಂ ಮಧು॑ || 9.1.8
ಅ॒ಭೀ॒3॒॑ಮಮಘ್ನ್ಯಾ᳚ ಉ॒ತ ಶ್ರೀ॒ಣ‌ನ್ತಿ॑ ಧೇ॒ನವಃ॒ ಶಿಶು‌ಮ್᳚ |
ಸೋಮ॒ಮಿಂದ್ರಾ᳚ಯ॒ ಪಾತ॑ವೇ || 9.1.9
ಅ॒ಸ್ಯೇದಿಂದ್ರೋ॒ ಮದೇ॒ಷ್ವಾ ವಿಶ್ವಾ᳚ ವೃ॒ತ್ರಾಣಿ॑ ಜಿಘ್ನತೇ |
ಶೂರೋ᳚ ಮ॒ಘಾ ಚ॑ ಮಂಹತೇ || 9.1.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿಬ್ರಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪವ॑ಸ್ವ ದೇವ॒ವೀರತಿ॑ ಪ॒ವಿತ್ರಂ᳚ ಸೋಮ॒ ರಂಹ್ಯಾ᳚ |
ಇಂದ್ರ॑ಮಿಂದೋ॒ ವೃಷಾ ವಿ॑ಶ || 9.2.1
ಆ ವ॑ಚ್ಯಸ್ವ॒ ಮಹಿ॒ ಪ್ಸರೋ॒ ವೃಷೇಂ᳚ದೋ ದ್ಯು॒ಮ್ನವ॑ತ್ತಮಃ |
ಆ ಯೋನಿಂ᳚ ಧರ್ಣ॒ಸಿಃ ಸ॑ದಃ || 9.2.2
ಅಧು॑ಕ್ಷತ ಪ್ರಿ॒ಯಂ ಮಧು॒ ಧಾರಾ᳚ ಸು॒ತಸ್ಯ॑ ವೇ॒ಧಸಃ॑ |
ಅ॒ಪೋ ವ॑ಸಿಷ್ಟ ಸು॒ಕ್ರತುಃ॑ || 9.2.3
ಮ॒ಹಾ‌ನ್ತಂ᳚ ತ್ವಾ ಮ॒ಹೀರನ್ವಾಪೋ᳚ ಅರ್ಷ‌ನ್ತಿ॒ ಸಿಂಧ॑ವಃ |
ಯದ್ಗೋಭಿ᳚ರ್ವಾಸಯಿ॒ಷ್ಯಸೇ᳚ || 9.2.4
ಸ॒ಮು॒ದ್ರೋ ಅ॒ಪ್ಸು ಮಾ᳚ಮೃಜೇ ವಿಷ್ಟಂ॒ಭೋ ಧ॒ರುಣೋ᳚ ದಿ॒ವಃ |
ಸೋಮಃ॑ ಪ॒ವಿತ್ರೇ᳚ ಅಸ್ಮ॒ಯುಃ || 9.2.5
ಅಚಿ॑ಕ್ರದ॒ದ್ವೃಷಾ॒ ಹರಿ᳚ರ್ಮ॒ಹಾನ್ಮಿ॒ತ್ರೋ ನ ದ॑ರ್ಶ॒ತಃ |
ಸಂ ಸೂರ್ಯೇ᳚ಣ ರೋಚತೇ || 9.2.6
ಗಿರ॑ಸ್ತ ಇಂದ॒ ಓಜ॑ಸಾ ಮರ್ಮೃ॒ಜ್ಯ‌ನ್ತೇ᳚ ಅಪ॒ಸ್ಯುವಃ॑ |
ಯಾಭಿ॒ರ್ಮದಾ᳚ಯ॒ ಶುಂಭ॑ಸೇ || 9.2.7
ತಂ ತ್ವಾ॒ ಮದಾ᳚ಯ॒ ಘೃಷ್ವ॑ಯ ಉ ಲೋಕಕೃ॒ತ್ನುಮೀ᳚ಮಹೇ |
ತವ॒ ಪ್ರಶ॑ಸ್ತಯೋ ಮ॒ಹೀಃ || 9.2.8
ಅ॒ಸ್ಮಭ್ಯ॑ಮಿಂದವಿಂದ್ರ॒ಯುರ್ಮಧ್ವಃ॑ ಪವಸ್ವ॒ ಧಾರ॑ಯಾ |
ಪ॒ರ್ಜನ್ಯೋ᳚ ವೃಷ್ಟಿ॒ಮಾಁ ಇ॑ವ || 9.2.9
ಗೋ॒ಷಾ ಇಂ᳚ದೋ ನೃ॒ಷಾ ಅ॑ಸ್ಯಶ್ವ॒ಸಾ ವಾ᳚ಜ॒ಸಾ ಉ॒ತ |
ಆ॒ತ್ಮಾ ಯ॒ಜ್ಞಸ್ಯ॑ ಪೂ॒ರ್ವ್ಯಃ || 9.2.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾಜೀಗರ್ತಿಃ ಶುನಃಶೇಪಃ (ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ಷ ದೇ॒ವೋ ಅಮ॑ರ್ತ್ಯಃ ಪರ್ಣ॒ವೀರಿ॑ವ ದೀಯತಿ |
ಅ॒ಭಿ ದ್ರೋಣಾ᳚ನ್ಯಾ॒ಸದ‌ಮ್᳚ || 9.3.1
ಏ॒ಷ ದೇ॒ವೋ ವಿ॒ಪಾ ಕೃ॒ತೋಽತಿ॒ ಹ್ವರಾಂ᳚ಸಿ ಧಾವತಿ |
ಪವ॑ಮಾನೋ॒ ಅದಾ᳚ಭ್ಯಃ || 9.3.2
ಏ॒ಷ ದೇ॒ವೋ ವಿ॑ಪ॒ನ್ಯುಭಿಃ॒ ಪವ॑ಮಾನ ಋತಾ॒ಯುಭಿಃ॑ |
ಹರಿ॒ರ್ವಾಜಾ᳚ಯ ಮೃಜ್ಯತೇ || 9.3.3
ಏ॒ಷ ವಿಶ್ವಾ᳚ನಿ॒ ವಾರ್ಯಾ॒ ಶೂರೋ॒ ಯನ್ನಿ॑ವ॒ ಸತ್ವ॑ಭಿಃ |
ಪವ॑ಮಾನಃ ಸಿಷಾಸತಿ || 9.3.4
ಏ॒ಷ ದೇ॒ವೋ ರ॑ಥರ್ಯತಿ॒ ಪವ॑ಮಾನೋ ದಶಸ್ಯತಿ |
ಆ॒ವಿಷ್ಕೃ॑ಣೋತಿ ವಗ್ವ॒ನು‌ಮ್ || 9.3.5
ಏ॒ಷ ವಿಪ್ರೈ᳚ರ॒ಭಿಷ್ಟು॑ತೋ॒ಽಪೋ ದೇ॒ವೋ ವಿ ಗಾ᳚ಹತೇ |
ದಧ॒ದ್ರತ್ನಾ᳚ನಿ ದಾ॒ಶುಷೇ᳚ || 9.3.6
ಏ॒ಷ ದಿವಂ॒ ವಿ ಧಾ᳚ವತಿ ತಿ॒ರೋ ರಜಾಂ᳚ಸಿ॒ ಧಾರ॑ಯಾ |
ಪವ॑ಮಾನಃ॒ ಕನಿ॑ಕ್ರದತ್ || 9.3.7
ಏ॒ಷ ದಿವಂ॒ ವ್ಯಾಸ॑ರತ್ತಿ॒ರೋ ರಜಾಂ॒ಸ್ಯಸ್ಪೃ॑ತಃ |
ಪವ॑ಮಾನಃ ಸ್ವಧ್ವ॒ರಃ || 9.3.8
ಏ॒ಷ ಪ್ರ॒ತ್ನೇನ॒ ಜನ್ಮ॑ನಾ ದೇ॒ವೋ ದೇ॒ವೇಭ್ಯಃ॑ ಸು॒ತಃ |
ಹರಿಃ॑ ಪ॒ವಿತ್ರೇ᳚ ಅರ್ಷತಿ || 9.3.9
ಏ॒ಷ ಉ॒ ಸ್ಯ ಪು॑ರುವ್ರ॒ತೋ ಜ॑ಜ್ಞಾ॒ನೋ ಜ॒ನಯ॒ನ್ನಿಷಃ॑ |
ಧಾರ॑ಯಾ ಪವತೇ ಸು॒ತಃ || 9.3.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಸನಾ᳚ ಚ ಸೋಮ॒ ಜೇಷಿ॑ ಚ॒ ಪವ॑ಮಾನ॒ ಮಹಿ॒ ಶ್ರವಃ॑ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.1
ಸನಾ॒ ಜ್ಯೋತಿಃ॒ ಸನಾ॒ ಸ್ವ1॒᳚ರ್ವಿಶ್ವಾ᳚ ಚ ಸೋಮ॒ ಸೌಭ॑ಗಾ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.2
ಸನಾ॒ ದಕ್ಷ॑ಮು॒ತ ಕ್ರತು॒ಮಪ॑ ಸೋಮ॒ ಮೃಧೋ᳚ ಜಹಿ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.3
ಪವೀ᳚ತಾರಃ ಪುನೀ॒ತನ॒ ಸೋಮ॒ಮಿಂದ್ರಾ᳚ಯ॒ ಪಾತ॑ವೇ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.4
ತ್ವಂ ಸೂರ್ಯೇ᳚ ನ॒ ಆ ಭ॑ಜ॒ ತವ॒ ಕ್ರತ್ವಾ॒ ತವೋ॒ತಿಭಿಃ॑ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.5
ತವ॒ ಕ್ರತ್ವಾ॒ ತವೋ॒ತಿಭಿ॒ರ್ಜ್ಯೋಕ್ಪ॑ಶ್ಯೇಮ॒ ಸೂರ್ಯ‌ಮ್᳚ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.6
ಅ॒ಭ್ಯ॑ರ್ಷ ಸ್ವಾಯುಧ॒ ಸೋಮ॑ ದ್ವಿ॒ಬರ್ಹ॑ಸಂ ರ॒ಯಿ‌ಮ್ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.7
ಅ॒ಭ್ಯ1॒॑ರ್ಷಾನ॑ಪಚ್ಯುತೋ ರ॒ಯಿಂ ಸ॒ಮತ್ಸು॑ ಸಾಸ॒ಹಿಃ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.8
ತ್ವಾಂ ಯ॒ಜ್ಞೈರ॑ವೀವೃಧ॒ನ್ಪವ॑ಮಾನ॒ ವಿಧ᳚ರ್ಮಣಿ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.9
ರ॒ಯಿಂ ನ॑ಶ್ಚಿ॒ತ್ರಮ॒ಶ್ವಿನ॒ಮಿಂದೋ᳚ ವಿ॒ಶ್ವಾಯು॒ಮಾ ಭ॑ರ |
ಅಥಾ᳚ ನೋ॒ ವಸ್ಯ॑ಸಸ್ಕೃಧಿ || 9.4.10

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ, (2) ದ್ವಿತೀಯಾಯಾಸ್ತನೂನಪಾತ್, (3) ತೃತೀಯಾಯಾ ಇಳಃ, (4) ಚತುರ್ಥ್ಯಾ ಬರ್ಹಿಃ, (5) ಪಂಚಮ್ಯಾ ದೇವೀರ್ದ್ವಾರಃ, (6) ಷಷ್ಠ್ಯಾ ಉಷಾಸಾನಕ್ತಾ, (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ, (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ, (9) ನವಮ್ಯಾಸ್ತ್ವಷ್ಟಾ, (10) ದಶಮ್ಯಾ ವನಸ್ಪತಿಃ, (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ (1-7) ಪ್ರಥಮಾದಿಸಪ್ತರ್ಷೋಂ ಗಾಯತ್ರೀ, (8-11) ಅಷ್ಟಮ್ಯಾದಿಚತಸೃಣಾಂಚಾನಷ್ಟಪ ಛಂದಸೀ

ಸಮಿ॑ದ್ಧೋ ವಿ॒ಶ್ವತ॒ಸ್ಪತಿಃ॒ ಪವ॑ಮಾನೋ॒ ವಿ ರಾ᳚ಜತಿ |
ಪ್ರೀ॒ಣನ್ವೃಷಾ॒ ಕನಿ॑ಕ್ರದತ್ || 9.5.1
ತನೂ॒ನಪಾ॒ತ್ಪವ॑ಮಾನಃ॒ ಶೃಂಗೇ॒ ಶಿಶಾ᳚ನೋ ಅರ್ಷತಿ |
ಅ॒‌ನ್ತರಿ॑ಕ್ಷೇಣ॒ ರಾರ॑ಜತ್ || 9.5.2
ಈ॒ಳೇನ್ಯಃ॒ ಪವ॑ಮಾನೋ ರ॒ಯಿರ್ವಿ ರಾ᳚ಜತಿ ದ್ಯು॒ಮಾನ್ |
ಮಧೋ॒ರ್ಧಾರಾ᳚ಭಿ॒ರೋಜ॑ಸಾ || 9.5.3
ಬ॒ರ್ಹಿಃ ಪ್ರಾ॒ಚೀನ॒ಮೋಜ॑ಸಾ॒ ಪವ॑ಮಾನಃ ಸ್ತೃ॒ಣನ್ಹರಿಃ॑ |
ದೇ॒ವೇಷು॑ ದೇ॒ವ ಈ᳚ಯತೇ || 9.5.4
ಉದಾತೈ᳚ರ್ಜಿಹತೇ ಬೃ॒ಹದ್ದ್ವಾರೋ᳚ ದೇ॒ವೀರ್ಹಿ॑ರ॒ಣ್ಯಯೀಃ᳚ |
ಪವ॑ಮಾನೇನ॒ ಸುಷ್ಟು॑ತಾಃ || 9.5.5
ಸು॒ಶಿ॒ಲ್ಪೇ ಬೃ॑ಹ॒ತೀ ಮ॒ಹೀ ಪವ॑ಮಾನೋ ವೃಷಣ್ಯತಿ |
ನಕ್ತೋ॒ಷಾಸಾ॒ ನ ದ॑ರ್ಶ॒ತೇ || 9.5.6
ಉ॒ಭಾ ದೇ॒ವಾ ನೃ॒ಚಕ್ಷ॑ಸಾ॒ ಹೋತಾ᳚ರಾ॒ ದೈವ್ಯಾ᳚ ಹುವೇ |
ಪವ॑ಮಾನ॒ ಇಂದ್ರೋ॒ ವೃಷಾ᳚ || 9.5.7
ಭಾರ॑ತೀ॒ ಪವ॑ಮಾನಸ್ಯ॒ ಸರ॑ಸ್ವ॒ತೀಳಾ᳚ ಮ॒ಹೀ |
ಇ॒ಮಂ ನೋ᳚ ಯ॒ಜ್ಞಮಾ ಗ॑ಮ‌ನ್ತಿ॒ಸ್ರೋ ದೇ॒ವೀಃ ಸು॒ಪೇಶ॑ಸಃ || 9.5.8
ತ್ವಷ್ಟಾ᳚ರಮಗ್ರ॒ಜಾಂ ಗೋ॒ಪಾಂ ಪು॑ರೋ॒ಯಾವಾ᳚ನ॒ಮಾ ಹು॑ವೇ |
ಇಂದು॒ರಿಂದ್ರೋ॒ ವೃಷಾ॒ ಹರಿಃ॒ ಪವ॑ಮಾನಃ ಪ್ರ॒ಜಾಪ॑ತಿಃ || 9.5.9
ವನ॒ಸ್ಪತಿಂ᳚ ಪವಮಾನ॒ ಮಧ್ವಾ॒ ಸಮಂ᳚ಗ್ಧಿ॒ ಧಾರ॑ಯಾ |
ಸ॒ಹಸ್ರ॑ವಲ್ಶಂ॒ ಹರಿ॑ತಂ॒ ಭ್ರಾಜ॑ಮಾನಂ ಹಿರ॒ಣ್ಯಯ‌ಮ್᳚ || 9.5.10
ವಿಶ್ವೇ᳚ ದೇವಾಃ॒ ಸ್ವಾಹಾ᳚ಕೃತಿಂ॒ ಪವ॑ಮಾನ॒ಸ್ಯಾ ಗ॑ತ |
ವಾ॒ಯುರ್ಬೃಹ॒ಸ್ಪತಿಃ॒ ಸೂರ್ಯೋ॒ಽಗ್ನಿರಿಂದ್ರಃ॑ ಸ॒ಜೋಷ॑ಸಃ || 9.5.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಮಂ॒ದ್ರಯಾ᳚ ಸೋಮ॒ ಧಾರ॑ಯಾ॒ ವೃಷಾ᳚ ಪವಸ್ವ ದೇವ॒ಯುಃ |
ಅವ್ಯೋ॒ ವಾರೇ᳚ಷ್ವಸ್ಮ॒ಯುಃ || 9.6.1
ಅ॒ಭಿ ತ್ಯಂ ಮದ್ಯಂ॒ ಮದ॒ಮಿಂದ॒ವಿಂದ್ರ॒ ಇತಿ॑ ಕ್ಷರ |
ಅ॒ಭಿ ವಾ॒ಜಿನೋ॒ ಅರ್ವ॑ತಃ || 9.6.2
ಅ॒ಭಿ ತ್ಯಂ ಪೂ॒ರ್ವ್ಯಂ ಮದಂ᳚ ಸುವಾ॒ನೋ ಅ॑ರ್ಷ ಪ॒ವಿತ್ರ॒ ಆ |
ಅ॒ಭಿ ವಾಜ॑ಮು॒ತ ಶ್ರವಃ॑ || 9.6.3
ಅನು॑ ದ್ರ॒ಪ್ಸಾಸ॒ ಇಂದ॑ವ॒ ಆಪೋ॒ ನ ಪ್ರ॒ವತಾ᳚ಸರನ್ |
ಪು॒ನಾ॒ನಾ ಇಂದ್ರ॑ಮಾಶತ || 9.6.4
ಯಮತ್ಯ॑ಮಿವ ವಾ॒ಜಿನಂ᳚ ಮೃ॒ಜ‌ನ್ತಿ॒ ಯೋಷ॑ಣೋ॒ ದಶ॑ |
ವನೇ॒ ಕ್ರೀಳ᳚‌ನ್ತ॒ಮತ್ಯ॑ವಿ‌ಮ್ || 9.6.5
ತಂ ಗೋಭಿ॒ರ್ವೃಷ॑ಣಂ॒ ರಸಂ॒ ಮದಾ᳚ಯ ದೇ॒ವವೀ᳚ತಯೇ |
ಸು॒ತಂ ಭರಾ᳚ಯ॒ ಸಂ ಸೃ॑ಜ || 9.6.6
ದೇ॒ವೋ ದೇ॒ವಾಯ॒ ಧಾರ॒ಯೇಂದ್ರಾ᳚ಯ ಪವತೇ ಸು॒ತಃ |
ಪಯೋ॒ ಯದ॑ಸ್ಯ ಪೀ॒ಪಯ॑ತ್ || 9.6.7
ಆ॒ತ್ಮಾ ಯ॒ಜ್ಞಸ್ಯ॒ ರಂಹ್ಯಾ᳚ ಸುಷ್ವಾ॒ಣಃ ಪ॑ವತೇ ಸು॒ತಃ |
ಪ್ರ॒ತ್ನಂ ನಿ ಪಾ᳚ತಿ॒ ಕಾವ್ಯ‌ಮ್᳚ || 9.6.8
ಏ॒ವಾ ಪು॑ನಾ॒ನ ಇಂ᳚ದ್ರ॒ಯುರ್ಮದಂ᳚ ಮದಿಷ್ಠ ವೀ॒ತಯೇ᳚ |
ಗುಹಾ᳚ ಚಿದ್ದಧಿಷೇ॒ ಗಿರಃ॑ || 9.6.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಅಸೃ॑ಗ್ರ॒ಮಿಂದ॑ವಃ ಪ॒ಥಾ ಧರ್ಮ᳚ನ್ನೃ॒ತಸ್ಯ॑ ಸು॒ಶ್ರಿಯಃ॑ |
ವಿ॒ದಾ॒ನಾ ಅ॑ಸ್ಯ॒ ಯೋಜ॑ನ‌ಮ್ || 9.7.1
ಪ್ರ ಧಾರಾ॒ ಮಧ್ವೋ᳚ ಅಗ್ರಿ॒ಯೋ ಮ॒ಹೀರ॒ಪೋ ವಿ ಗಾ᳚ಹತೇ |
ಹ॒ವಿರ್ಹ॒ವಿಷ್ಷು॒ ವಂದ್ಯಃ॑ || 9.7.2
ಪ್ರ ಯು॒ಜೋ ವಾ॒ಚೋ ಅ॑ಗ್ರಿ॒ಯೋ ವೃಷಾವ॑ ಚಕ್ರದ॒ದ್ವನೇ᳚ |
ಸದ್ಮಾ॒ಭಿ ಸ॒ತ್ಯೋ ಅ॑ಧ್ವ॒ರಃ || 9.7.3
ಪರಿ॒ ಯತ್ಕಾವ್ಯಾ᳚ ಕ॒ವಿರ್ನೃ॒ಮ್ಣಾ ವಸಾ᳚ನೋ॒ ಅರ್ಷ॑ತಿ |
ಸ್ವ᳚ರ್ವಾ॒ಜೀ ಸಿ॑ಷಾಸತಿ || 9.7.4
ಪವ॑ಮಾನೋ ಅ॒ಭಿ ಸ್ಪೃಧೋ॒ ವಿಶೋ॒ ರಾಜೇ᳚ವ ಸೀದತಿ |
ಯದೀ᳚ಮೃ॒ಣ್ವ‌ನ್ತಿ॑ ವೇ॒ಧಸಃ॑ || 9.7.5
ಅವ್ಯೋ॒ ವಾರೇ॒ ಪರಿ॑ ಪ್ರಿ॒ಯೋ ಹರಿ॒ರ್ವನೇ᳚ಷು ಸೀದತಿ |
ರೇ॒ಭೋ ವ॑ನುಷ್ಯತೇ ಮ॒ತೀ || 9.7.6
ಸ ವಾ॒ಯುಮಿಂದ್ರ॑ಮ॒ಶ್ವಿನಾ᳚ ಸಾ॒ಕಂ ಮದೇ᳚ನ ಗಚ್ಛತಿ |
ರಣಾ॒ ಯೋ ಅ॑ಸ್ಯ॒ ಧರ್ಮ॑ಭಿಃ || 9.7.7
ಆ ಮಿ॒ತ್ರಾವರು॑ಣಾ॒ ಭಗಂ॒ ಮಧ್ವಃ॑ ಪವ‌ನ್ತ ಊ॒ರ್ಮಯಃ॑ |
ವಿ॒ದಾ॒ನಾ ಅ॑ಸ್ಯ॒ ಶಕ್ಮ॑ಭಿಃ || 9.7.8
ಅ॒ಸ್ಮಭ್ಯಂ᳚ ರೋದಸೀ ರ॒ಯಿಂ ಮಧ್ವೋ॒ ವಾಜ॑ಸ್ಯ ಸಾ॒ತಯೇ᳚ |
ಶ್ರವೋ॒ ವಸೂ᳚ನಿ॒ ಸಂ ಜಿ॑ತ‌ಮ್ || 9.7.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ತೇ ಸೋಮಾ᳚ ಅ॒ಭಿ ಪ್ರಿ॒ಯಮಿಂದ್ರ॑ಸ್ಯ॒ ಕಾಮ॑ಮಕ್ಷರನ್ |
ವರ್ಧ᳚‌ನ್ತೋ ಅಸ್ಯ ವೀ॒ರ್ಯ‌ಮ್᳚ || 9.8.1
ಪು॒ನಾ॒ನಾಸ॑ಶ್ಚಮೂ॒ಷದೋ॒ ಗಚ್ಛ᳚‌ನ್ತೋ ವಾ॒ಯುಮ॒ಶ್ವಿನಾ᳚ |
ತೇ ನೋ᳚ ಧಾ‌ನ್ತು ಸು॒ವೀರ್ಯ‌ಮ್᳚ || 9.8.2
ಇಂದ್ರ॑ಸ್ಯ ಸೋಮ॒ ರಾಧ॑ಸೇ ಪುನಾ॒ನೋ ಹಾರ್ದಿ॑ ಚೋದಯ |
ಋ॒ತಸ್ಯ॒ ಯೋನಿ॑ಮಾ॒ಸದ‌ಮ್᳚ || 9.8.3
ಮೃ॒ಜ‌ನ್ತಿ॑ ತ್ವಾ॒ ದಶ॒ ಕ್ಷಿಪೋ᳚ ಹಿ॒ನ್ವ‌ನ್ತಿ॑ ಸ॒ಪ್ತ ಧೀ॒ತಯಃ॑ |
ಅನು॒ ವಿಪ್ರಾ᳚ ಅಮಾದಿಷುಃ || 9.8.4
ದೇ॒ವೇಭ್ಯ॑ಸ್ತ್ವಾ॒ ಮದಾ᳚ಯ॒ ಕಂ ಸೃ॑ಜಾ॒ನಮತಿ॑ ಮೇ॒ಷ್ಯಃ॑ |
ಸಂ ಗೋಭಿ᳚ರ್ವಾಸಯಾಮಸಿ || 9.8.5
ಪು॒ನಾ॒ನಃ ಕ॒ಲಶೇ॒ಷ್ವಾ ವಸ್ತ್ರಾ᳚ಣ್ಯರು॒ಷೋ ಹರಿಃ॑ |
ಪರಿ॒ ಗವ್ಯಾ᳚ನ್ಯವ್ಯತ || 9.8.6
ಮ॒ಘೋನ॒ ಆ ಪ॑ವಸ್ವ ನೋ ಜ॒ಹಿ ವಿಶ್ವಾ॒ ಅಪ॒ ದ್ವಿಷಃ॑ |
ಇಂದೋ॒ ಸಖಾ᳚ಯ॒ಮಾ ವಿ॑ಶ || 9.8.7
ವೃ॒ಷ್ಟಿಂ ದಿ॒ವಃ ಪರಿ॑ ಸ್ರವ ದ್ಯು॒ಮ್ನಂ ಪೃ॑ಥಿ॒ವ್ಯಾ ಅಧಿ॑ |
ಸಹೋ᳚ ನಃ ಸೋಮ ಪೃ॒ತ್ಸು ಧಾಃ᳚ || 9.8.8
ನೃ॒ಚಕ್ಷ॑ಸಂ ತ್ವಾ ವ॒ಯಮಿಂದ್ರ॑ಪೀತಂ ಸ್ವ॒ರ್ವಿದ‌ಮ್᳚ |
ಭ॒ಕ್ಷೀ॒ಮಹಿ॑ ಪ್ರ॒ಜಾಮಿಷ‌ಮ್᳚ || 9.8.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪರಿ॑ ಪ್ರಿ॒ಯಾ ದಿ॒ವಃ ಕ॒ವಿರ್ವಯಾಂ᳚ಸಿ ನ॒ಪ್ತ್ಯೋ᳚ರ್ಹಿ॒ತಃ |
ಸು॒ವಾ॒ನೋ ಯಾ᳚ತಿ ಕ॒ವಿಕ್ರ॑ತುಃ || 9.9.1
ಪ್ರಪ್ರ॒ ಕ್ಷಯಾ᳚ಯ॒ ಪನ್ಯ॑ಸೇ॒ ಜನಾ᳚ಯ॒ ಜುಷ್ಟೋ᳚ ಅ॒ದ್ರುಹೇ᳚ |
ವೀ॒ತ್ಯ॑ರ್ಷ॒ ಚನಿ॑ಷ್ಠಯಾ || 9.9.2
ಸ ಸೂ॒ನುರ್ಮಾ॒ತರಾ॒ ಶುಚಿ॑ರ್ಜಾ॒ತೋ ಜಾ॒ತೇ ಅ॑ರೋಚಯತ್ |
ಮ॒ಹಾನ್ಮ॒ಹೀ ಋ॑ತಾ॒ವೃಧಾ᳚ || 9.9.3
ಸ ಸ॒ಪ್ತ ಧೀ॒ತಿಭಿ॑ರ್ಹಿ॒ತೋ ನ॒ದ್ಯೋ᳚ ಅಜಿನ್ವದ॒ದ್ರುಹಃ॑ |
ಯಾ ಏಕ॒ಮಕ್ಷಿ॑ ವಾವೃ॒ಧುಃ || 9.9.4
ತಾ ಅ॒ಭಿ ಸ‌ನ್ತ॒ಮಸ್ತೃ॑ತಂ ಮ॒ಹೇ ಯುವಾ᳚ನ॒ಮಾ ದ॑ಧುಃ |
ಇಂದು॑ಮಿಂದ್ರ॒ ತವ᳚ ವ್ರ॒ತೇ || 9.9.5
ಅ॒ಭಿ ವಹ್ನಿ॒ರಮ॑ರ್ತ್ಯಃ ಸ॒ಪ್ತ ಪ॑ಶ್ಯತಿ॒ ವಾವ॑ಹಿಃ |
ಕ್ರಿವಿ॑ರ್ದೇ॒ವೀರ॑ತರ್ಪಯತ್ || 9.9.6
ಅವಾ॒ ಕಲ್ಪೇ᳚ಷು ನಃ ಪುಮ॒ಸ್ತಮಾಂ᳚ಸಿ ಸೋಮ॒ ಯೋಧ್ಯಾ᳚ |
ತಾನಿ॑ ಪುನಾನ ಜಂಘನಃ || 9.9.7
ನೂ ನವ್ಯ॑ಸೇ॒ ನವೀ᳚ಯಸೇ ಸೂ॒ಕ್ತಾಯ॑ ಸಾಧಯಾ ಪ॒ಥಃ |
ಪ್ರ॒ತ್ನ॒ವದ್ರೋ᳚ಚಯಾ॒ ರುಚಃ॑ || 9.9.8
ಪವ॑ಮಾನ॒ ಮಹಿ॒ ಶ್ರವೋ॒ ಗಾಮಶ್ವಂ᳚ ರಾಸಿ ವೀ॒ರವ॑ತ್ |
ಸನಾ᳚ ಮೇ॒ಧಾಂ ಸನಾ॒ ಸ್ವಃ॑ || 9.9.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಸ್ವಾ॒ನಾಸೋ॒ ರಥಾ᳚ ಇ॒ವಾರ್ವ᳚‌ನ್ತೋ॒ ನ ಶ್ರ॑ವ॒ಸ್ಯವಃ॑ |
ಸೋಮಾ᳚ಸೋ ರಾ॒ಯೇ ಅ॑ಕ್ರಮುಃ || 9.10.1
ಹಿ॒ನ್ವಾ॒ನಾಸೋ॒ ರಥಾ᳚ ಇವ ದಧನ್ವಿ॒ರೇ ಗಭ॑ಸ್ತ್ಯೋಃ |
ಭರಾ᳚ಸಃ ಕಾ॒ರಿಣಾ᳚ಮಿವ || 9.10.2
ರಾಜಾ᳚ನೋ॒ ನ ಪ್ರಶ॑ಸ್ತಿಭಿಃ॒ ಸೋಮಾ᳚ಸೋ॒ ಗೋಭಿ॑ರಂಜತೇ |
ಯ॒ಜ್ಞೋ ನ ಸ॒ಪ್ತ ಧಾ॒ತೃಭಿಃ॑ || 9.10.3
ಪರಿ॑ ಸುವಾ॒ನಾಸ॒ ಇಂದ॑ವೋ॒ ಮದಾ᳚ಯ ಬ॒ರ್ಹಣಾ᳚ ಗಿ॒ರಾ |
ಸು॒ತಾ ಅ॑ರ್ಷ‌ನ್ತಿ॒ ಧಾರ॑ಯಾ || 9.10.4
ಆ॒ಪಾ॒ನಾಸೋ᳚ ವಿ॒ವಸ್ವ॑ತೋ॒ ಜನ᳚‌ನ್ತ ಉ॒ಷಸೋ॒ ಭಗ‌ಮ್᳚ |
ಸೂರಾ॒ ಅಣ್ವಂ॒ ವಿ ತ᳚ನ್ವತೇ || 9.10.5
ಅಪ॒ ದ್ವಾರಾ᳚ ಮತೀ॒ನಾಂ ಪ್ರ॒ತ್ನಾ ಋ᳚ಣ್ವ‌ನ್ತಿ ಕಾ॒ರವಃ॑ |
ವೃಷ್ಣೋ॒ ಹರ॑ಸ ಆ॒ಯವಃ॑ || 9.10.6
ಸ॒ಮೀ॒ಚೀ॒ನಾಸ॑ ಆಸತೇ॒ ಹೋತಾ᳚ರಃ ಸ॒ಪ್ತಜಾ᳚ಮಯಃ |
ಪ॒ದಮೇಕ॑ಸ್ಯ॒ ಪಿಪ್ರ॑ತಃ || 9.10.7
ನಾಭಾ॒ ನಾಭಿಂ᳚ ನ॒ ಆ ದ॑ದೇ॒ ಚಕ್ಷು॑ಶ್ಚಿ॒ತ್ಸೂರ್ಯೇ॒ ಸಚಾ᳚ |
ಕ॒ವೇರಪ॑ತ್ಯ॒ಮಾ ದು॑ಹೇ || 9.10.8
ಅ॒ಭಿ ಪ್ರಿ॒ಯಾ ದಿ॒ವಸ್ಪ॒ದಮ॑ಧ್ವ॒ರ್ಯುಭಿ॒ರ್ಗುಹಾ᳚ ಹಿ॒ತ‌ಮ್ |
ಸೂರಃ॑ ಪಶ್ಯತಿ॒ ಚಕ್ಷ॑ಸಾ || 9.10.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಉಪಾ᳚ಸ್ಮೈ ಗಾಯತಾ ನರಃ॒ ಪವ॑ಮಾನಾ॒ಯೇಂದ॑ವೇ |
ಅ॒ಭಿ ದೇ॒ವಾಁ ಇಯ॑ಕ್ಷತೇ || 9.11.1
ಅ॒ಭಿ ತೇ॒ ಮಧು॑ನಾ॒ ಪಯೋಽಥ᳚ರ್ವಾಣೋ ಅಶಿಶ್ರಯುಃ |
ದೇ॒ವಂ ದೇ॒ವಾಯ॑ ದೇವ॒ಯು || 9.11.2
ಸ ನಃ॑ ಪವಸ್ವ॒ ಶಂ ಗವೇ॒ ಶಂ ಜನಾ᳚ಯ॒ ಶಮರ್ವ॑ತೇ |
ಶಂ ರಾ᳚ಜ॒ನ್ನೋಷ॑ಧೀಭ್ಯಃ || 9.11.3
ಬ॒ಭ್ರವೇ॒ ನು ಸ್ವತ॑ವಸೇಽರು॒ಣಾಯ॑ ದಿವಿ॒ಸ್ಪೃಶೇ᳚ |
ಸೋಮಾ᳚ಯ ಗಾ॒ಥಮ॑ರ್ಚತ || 9.11.4
ಹಸ್ತ॑ಚ್ಯುತೇಭಿ॒ರದ್ರಿ॑ಭಿಃ ಸು॒ತಂ ಸೋಮಂ᳚ ಪುನೀತನ |
ಮಧಾ॒ವಾ ಧಾ᳚ವತಾ॒ ಮಧು॑ || 9.11.5
ನಮ॒ಸೇದುಪ॑ ಸೀದತ ದ॒ಧ್ನೇದ॒ಭಿ ಶ್ರೀ᳚ಣೀತನ |
ಇಂದು॒ಮಿಂದ್ರೇ᳚ ದಧಾತನ || 9.11.6
ಅ॒ಮಿ॒ತ್ರ॒ಹಾ ವಿಚ॑ರ್ಷಣಿಃ॒ ಪವ॑ಸ್ವ ಸೋಮ॒ ಶಂ ಗವೇ᳚ |
ದೇ॒ವೇಭ್ಯೋ᳚ ಅನುಕಾಮ॒ಕೃತ್ || 9.11.7
ಇಂದ್ರಾ᳚ಯ ಸೋಮ॒ ಪಾತ॑ವೇ॒ ಮದಾ᳚ಯ॒ ಪರಿ॑ ಷಿಚ್ಯಸೇ |
ಮ॒ನ॒ಶ್ಚಿನ್ಮನ॑ಸ॒ಸ್ಪತಿಃ॑ || 9.11.8
ಪವ॑ಮಾನ ಸು॒ವೀರ್ಯಂ᳚ ರ॒ಯಿಂ ಸೋ᳚ಮ ರಿರೀಹಿ ನಃ |
ಇಂದ॒ವಿಂದ್ರೇ᳚ಣ ನೋ ಯು॒ಜಾ || 9.11.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಸೋಮಾ᳚ ಅಸೃಗ್ರ॒ಮಿಂದ॑ವಃ ಸು॒ತಾ ಋ॒ತಸ್ಯ॒ ಸಾದ॑ನೇ |
ಇಂದ್ರಾ᳚ಯ॒ ಮಧು॑ಮತ್ತಮಾಃ || 9.12.1
ಅ॒ಭಿ ವಿಪ್ರಾ᳚ ಅನೂಷತ॒ ಗಾವೋ᳚ ವ॒ತ್ಸಂ ನ ಮಾ॒ತರಃ॑ |
ಇಂದ್ರಂ॒ ಸೋಮ॑ಸ್ಯ ಪೀ॒ತಯೇ᳚ || 9.12.2
ಮ॒ದ॒ಚ್ಯುತ್ಕ್ಷೇ᳚ತಿ॒ ಸಾದ॑ನೇ॒ ಸಿಂಧೋ᳚ರೂ॒ರ್ಮಾ ವಿ॑ಪ॒ಶ್ಚಿತ್ |
ಸೋಮೋ᳚ ಗೌ॒ರೀ ಅಧಿ॑ ಶ್ರಿ॒ತಃ || 9.12.3
ದಿ॒ವೋ ನಾಭಾ᳚ ವಿಚಕ್ಷ॒ಣೋಽವ್ಯೋ॒ ವಾರೇ᳚ ಮಹೀಯತೇ |
ಸೋಮೋ॒ ಯಃ ಸು॒ಕ್ರತುಃ॑ ಕ॒ವಿಃ || 9.12.4
ಯಃ ಸೋಮಃ॑ ಕ॒ಲಶೇ॒ಷ್ವಾಁ ಅ॒‌ನ್ತಃ ಪ॒ವಿತ್ರ॒ ಆಹಿ॑ತಃ |
ತಮಿಂದುಃ॒ ಪರಿ॑ ಷಸ್ವಜೇ || 9.12.5
ಪ್ರ ವಾಚ॒ಮಿಂದು॑ರಿಷ್ಯತಿ ಸಮು॒ದ್ರಸ್ಯಾಧಿ॑ ವಿ॒ಷ್ಟಪಿ॑ |
ಜಿನ್ವ॒ನ್ಕೋಶಂ᳚ ಮಧು॒ಶ್ಚುತ‌ಮ್᳚ || 9.12.6
ನಿತ್ಯ॑ಸ್ತೋತ್ರೋ॒ ವನ॒ಸ್ಪತಿ॑ರ್ಧೀ॒ನಾಮ॒‌ನ್ತಃ ಸ॑ಬ॒ರ್ದುಘಃ॑ |
ಹಿ॒ನ್ವಾ॒ನೋ ಮಾನು॑ಷಾ ಯು॒ಗಾ || 9.12.7
ಅ॒ಭಿ ಪ್ರಿ॒ಯಾ ದಿ॒ವಸ್ಪ॒ದಾ ಸೋಮೋ᳚ ಹಿನ್ವಾ॒ನೋ ಅ॑ರ್ಷತಿ |
ವಿಪ್ರ॑ಸ್ಯ॒ ಧಾರ॑ಯಾ ಕ॒ವಿಃ || 9.12.8
ಆ ಪ॑ವಮಾನ ಧಾರಯ ರ॒ಯಿಂ ಸ॒ಹಸ್ರ॑ವರ್ಚಸ‌ಮ್ |
ಅ॒ಸ್ಮೇ ಇಂ᳚ದೋ ಸ್ವಾ॒ಭುವ‌ಮ್᳚ || 9.12.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಸೋಮಃ॑ ಪುನಾ॒ನೋ ಅ॑ರ್ಷತಿ ಸ॒ಹಸ್ರ॑ಧಾರೋ॒ ಅತ್ಯ॑ವಿಃ |
ವಾ॒ಯೋರಿಂದ್ರ॑ಸ್ಯ ನಿಷ್ಕೃ॒ತ‌ಮ್ || 9.13.1
ಪವ॑ಮಾನಮವಸ್ಯವೋ॒ ವಿಪ್ರ॑ಮ॒ಭಿ ಪ್ರ ಗಾ᳚ಯತ |
ಸು॒ಷ್ವಾ॒ಣಂ ದೇ॒ವವೀ᳚ತಯೇ || 9.13.2
ಪವ᳚‌ನ್ತೇ॒ ವಾಜ॑ಸಾತಯೇ॒ ಸೋಮಾಃ᳚ ಸ॒ಹಸ್ರ॑ಪಾಜಸಃ |
ಗೃ॒ಣಾ॒ನಾ ದೇ॒ವವೀ᳚ತಯೇ || 9.13.3
ಉ॒ತ ನೋ॒ ವಾಜ॑ಸಾತಯೇ॒ ಪವ॑ಸ್ವ ಬೃಹ॒ತೀರಿಷಃ॑ |
ದ್ಯು॒ಮದಿಂ᳚ದೋ ಸು॒ವೀರ್ಯ‌ಮ್᳚ || 9.13.4
ತೇ ನಃ॑ ಸಹ॒ಸ್ರಿಣಂ᳚ ರ॒ಯಿಂ ಪವ᳚‌ನ್ತಾ॒ಮಾ ಸು॒ವೀರ್ಯ‌ಮ್᳚ |
ಸು॒ವಾ॒ನಾ ದೇ॒ವಾಸ॒ ಇಂದ॑ವಃ || 9.13.5
ಅತ್ಯಾ᳚ ಹಿಯಾ॒ನಾ ನ ಹೇ॒ತೃಭಿ॒ರಸೃ॑ಗ್ರಂ॒ ವಾಜ॑ಸಾತಯೇ |
ವಿ ವಾರ॒ಮವ್ಯ॑ಮಾ॒ಶವಃ॑ || 9.13.6
ವಾ॒ಶ್ರಾ ಅ॑ರ್ಷ॒‌ನ್ತೀಂದ॑ವೋ॒ಽಭಿ ವ॒ತ್ಸಂ ನ ಧೇ॒ನವಃ॑ |
ದ॒ಧ॒ನ್ವಿ॒ರೇ ಗಭ॑ಸ್ತ್ಯೋಃ || 9.13.7
ಜುಷ್ಟ॒ ಇಂದ್ರಾ᳚ಯ ಮತ್ಸ॒ರಃ ಪವ॑ಮಾನ॒ ಕನಿ॑ಕ್ರದತ್ |
ವಿಶ್ವಾ॒ ಅಪ॒ ದ್ವಿಷೋ᳚ ಜಹಿ || 9.13.8
ಅ॒ಪ॒ಘ್ನ‌ನ್ತೋ॒ ಅರಾ᳚ವ್ಣಃ॒ ಪವ॑ಮಾನಾಃ ಸ್ವ॒ರ್ದೃಶಃ॑ |
ಯೋನಾ᳚ವೃ॒ತಸ್ಯ॑ ಸೀದತ || 9.13.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪರಿ॒ ಪ್ರಾಸಿ॑ಷ್ಯದತ್ಕ॒ವಿಃ ಸಿಂಧೋ᳚ರೂ॒ರ್ಮಾವಧಿ॑ ಶ್ರಿ॒ತಃ |
ಕಾ॒ರಂ ಬಿಭ್ರ॑ತ್ಪುರು॒ಸ್ಪೃಹ‌ಮ್᳚ || 9.14.1
ಗಿ॒ರಾ ಯದೀ॒ ಸಬಂ᳚ಧವಃ॒ ಪಂಚ॒ ವ್ರಾತಾ᳚ ಅಪ॒ಸ್ಯವಃ॑ |
ಪ॒ರಿ॒ಷ್ಕೃ॒ಣ್ವ‌ನ್ತಿ॑ ಧರ್ಣ॒ಸಿ‌ಮ್ || 9.14.2
ಆದ॑ಸ್ಯ ಶು॒ಷ್ಮಿಣೋ॒ ರಸೇ॒ ವಿಶ್ವೇ᳚ ದೇ॒ವಾ ಅ॑ಮತ್ಸತ |
ಯದೀ॒ ಗೋಭಿ᳚ರ್ವಸಾ॒ಯತೇ᳚ || 9.14.3
ನಿ॒ರಿ॒ಣಾ॒ನೋ ವಿ ಧಾ᳚ವತಿ॒ ಜಹ॒ಚ್ಛರ್ಯಾ᳚ಣಿ॒ ತಾನ್ವಾ᳚ |
ಅತ್ರಾ॒ ಸಂ ಜಿ॑ಘ್ನತೇ ಯು॒ಜಾ || 9.14.4
ನ॒ಪ್ತೀಭಿ॒ರ್ಯೋ ವಿ॒ವಸ್ವ॑ತಃ ಶು॒ಭ್ರೋ ನ ಮಾ᳚ಮೃ॒ಜೇ ಯುವಾ᳚ |
ಗಾಃ ಕೃ᳚ಣ್ವಾ॒ನೋ ನ ನಿ॒ರ್ಣಿಜ‌ಮ್᳚ || 9.14.5
ಅತಿ॑ ಶ್ರಿ॒ತೀ ತಿ॑ರ॒ಶ್ಚತಾ᳚ ಗ॒ವ್ಯಾ ಜಿ॑ಗಾ॒ತ್ಯಣ್ವ್ಯಾ᳚ |
ವ॒ಗ್ನುಮಿ॑ಯರ್ತಿ॒ ಯಂ ವಿ॒ದೇ || 9.14.6
ಅ॒ಭಿ ಕ್ಷಿಪಃ॒ ಸಮ॑ಗ್ಮತ ಮ॒ರ್ಜಯ᳚‌ನ್ತೀರಿ॒ಷಸ್ಪತಿ‌ಮ್᳚ |
ಪೃ॒ಷ್ಠಾ ಗೃ॑ಭ್ಣತ ವಾ॒ಜಿನಃ॑ || 9.14.7
ಪರಿ॑ ದಿ॒ವ್ಯಾನಿ॒ ಮರ್ಮೃ॑ಶ॒ದ್ವಿಶ್ವಾ᳚ನಿ ಸೋಮ॒ ಪಾರ್ಥಿ॑ವಾ |
ವಸೂ᳚ನಿ ಯಾಹ್ಯಸ್ಮ॒ಯುಃ || 9.14.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ಷ ಧಿ॒ಯಾ ಯಾ॒ತ್ಯಣ್ವ್ಯಾ॒ ಶೂರೋ॒ ರಥೇ᳚ಭಿರಾ॒ಶುಭಿಃ॑ |
ಗಚ್ಛ॒ನ್ನಿಂದ್ರ॑ಸ್ಯ ನಿಷ್ಕೃ॒ತ‌ಮ್ || 9.15.1
ಏ॒ಷ ಪು॒ರೂ ಧಿ॑ಯಾಯತೇ ಬೃಹ॒ತೇ ದೇ॒ವತಾ᳚ತಯೇ |
ಯತ್ರಾ॒ಮೃತಾ᳚ಸ॒ ಆಸ॑ತೇ || 9.15.2
ಏ॒ಷ ಹಿ॒ತೋ ವಿ ನೀ᳚ಯತೇ॒ಽ‌ನ್ತಃ ಶು॒ಭ್ರಾವ॑ತಾ ಪ॒ಥಾ |
ಯದೀ᳚ ತುಂ॒ಜ‌ನ್ತಿ॒ ಭೂರ್ಣ॑ಯಃ || 9.15.3
ಏ॒ಷ ಶೃಂಗಾ᳚ಣಿ॒ ದೋಧು॑ವ॒ಚ್ಛಿಶೀ᳚ತೇ ಯೂ॒ಥ್ಯೋ॒3॒॑ ವೃಷಾ᳚ |
ನೃ॒ಮ್ಣಾ ದಧಾ᳚ನ॒ ಓಜ॑ಸಾ || 9.15.4
ಏ॒ಷ ರು॒ಕ್ಮಿಭಿ॑ರೀಯತೇ ವಾ॒ಜೀ ಶು॒ಭ್ರೇಭಿ॑ರಂ॒ಶುಭಿಃ॑ |
ಪತಿಃ॒ ಸಿಂಧೂ᳚ನಾಂ॒ ಭವನ್॑ || 9.15.5
ಏ॒ಷ ವಸೂ᳚ನಿ ಪಿಬ್ದ॒ನಾ ಪರು॑ಷಾ ಯಯಿ॒ವಾಁ ಅತಿ॑ |
ಅವ॒ ಶಾದೇ᳚ಷು ಗಚ್ಛತಿ || 9.15.6
ಏ॒ತಂ ಮೃ॑ಜ‌ನ್ತಿ॒ ಮರ್ಜ್ಯ॒ಮುಪ॒ ದ್ರೋಣೇ᳚ಷ್ವಾ॒ಯವಃ॑ |
ಪ್ರ॒ಚ॒ಕ್ರಾ॒ಣಂ ಮ॒ಹೀರಿಷಃ॑ || 9.15.7
ಏ॒ತಮು॒ ತ್ಯಂ ದಶ॒ ಕ್ಷಿಪೋ᳚ ಮೃ॒ಜ‌ನ್ತಿ॑ ಸ॒ಪ್ತ ಧೀ॒ತಯಃ॑ |
ಸ್ವಾ॒ಯು॒ಧಂ ಮ॒ದಿ‌ನ್ತ॑ಮ‌ಮ್ || 9.15.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ತೇ᳚ ಸೋ॒ತಾರ॑ ಓ॒ಣ್ಯೋ॒3॒॑ ರಸಂ॒ ಮದಾ᳚ಯ॒ ಘೃಷ್ವ॑ಯೇ |
ಸರ್ಗೋ॒ ನ ತ॒ಕ್ತ್ಯೇತ॑ಶಃ || 9.16.1
ಕ್ರತ್ವಾ॒ ದಕ್ಷ॑ಸ್ಯ ರ॒ಥ್ಯ॑ಮ॒ಪೋ ವಸಾ᳚ನ॒ಮಂಧ॑ಸಾ |
ಗೋ॒ಷಾಮಣ್ವೇ᳚ಷು ಸಶ್ಚಿಮ || 9.16.2
ಅನ॑ಪ್ತಮ॒ಪ್ಸು ದು॒ಷ್ಟರಂ॒ ಸೋಮಂ᳚ ಪ॒ವಿತ್ರ॒ ಆ ಸೃ॑ಜ |
ಪು॒ನೀ॒ಹೀಂದ್ರಾ᳚ಯ॒ ಪಾತ॑ವೇ || 9.16.3
ಪ್ರ ಪು॑ನಾ॒ನಸ್ಯ॒ ಚೇತ॑ಸಾ॒ ಸೋಮಃ॑ ಪ॒ವಿತ್ರೇ᳚ ಅರ್ಷತಿ |
ಕ್ರತ್ವಾ᳚ ಸ॒ಧಸ್ಥ॒ಮಾಸ॑ದತ್ || 9.16.4
ಪ್ರ ತ್ವಾ॒ ನಮೋ᳚ಭಿ॒ರಿಂದ॑ವ॒ ಇಂದ್ರ॒ ಸೋಮಾ᳚ ಅಸೃಕ್ಷತ |
ಮ॒ಹೇ ಭರಾ᳚ಯ ಕಾ॒ರಿಣಃ॑ || 9.16.5
ಪು॒ನಾ॒ನೋ ರೂ॒ಪೇ ಅ॒ವ್ಯಯೇ॒ ವಿಶ್ವಾ॒ ಅರ್ಷ᳚ನ್ನ॒ಭಿ ಶ್ರಿಯಃ॑ |
ಶೂರೋ॒ ನ ಗೋಷು॑ ತಿಷ್ಠತಿ || 9.16.6
ದಿ॒ವೋ ನ ಸಾನು॑ ಪಿ॒ಪ್ಯುಷೀ॒ ಧಾರಾ᳚ ಸು॒ತಸ್ಯ॑ ವೇ॒ಧಸಃ॑ |
ವೃಥಾ᳚ ಪ॒ವಿತ್ರೇ᳚ ಅರ್ಷತಿ || 9.16.7
ತ್ವಂ ಸೋ᳚ಮ ವಿಪ॒ಶ್ಚಿತಂ॒ ತನಾ᳚ ಪುನಾ॒ನ ಆ॒ಯುಷು॑ |
ಅವ್ಯೋ॒ ವಾರಂ॒ ವಿ ಧಾ᳚ವಸಿ || 9.16.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ನಿ॒ಮ್ನೇನೇ᳚ವ॒ ಸಿಂಧ॑ವೋ॒ ಘ್ನ‌ನ್ತೋ᳚ ವೃ॒ತ್ರಾಣಿ॒ ಭೂರ್ಣ॑ಯಃ |
ಸೋಮಾ᳚ ಅಸೃಗ್ರಮಾ॒ಶವಃ॑ || 9.17.1
ಅ॒ಭಿ ಸು॑ವಾ॒ನಾಸ॒ ಇಂದ॑ವೋ ವೃ॒ಷ್ಟಯಃ॑ ಪೃಥಿ॒ವೀಮಿ॑ವ |
ಇಂದ್ರಂ॒ ಸೋಮಾ᳚ಸೋ ಅಕ್ಷರನ್ || 9.17.2
ಅತ್ಯೂ᳚ರ್ಮಿರ್ಮತ್ಸ॒ರೋ ಮದಃ॒ ಸೋಮಃ॑ ಪ॒ವಿತ್ರೇ᳚ ಅರ್ಷತಿ |
ವಿ॒ಘ್ನನ್ರಕ್ಷಾಂ᳚ಸಿ ದೇವ॒ಯುಃ || 9.17.3
ಆ ಕ॒ಲಶೇ᳚ಷು ಧಾವತಿ ಪ॒ವಿತ್ರೇ॒ ಪರಿ॑ ಷಿಚ್ಯತೇ |
ಉ॒ಕ್ಥೈರ್ಯ॒ಜ್ಞೇಷು॑ ವರ್ಧತೇ || 9.17.4
ಅತಿ॒ ತ್ರೀ ಸೋ᳚ಮ ರೋಚ॒ನಾ ರೋಹ॒ನ್ನ ಭ್ರಾ᳚ಜಸೇ॒ ದಿವ‌ಮ್᳚ |
ಇ॒ಷ್ಣ‌‌ನ್ತ್ಸೂರ್ಯಂ॒ ನ ಚೋ᳚ದಯಃ || 9.17.5
ಅ॒ಭಿ ವಿಪ್ರಾ᳚ ಅನೂಷತ ಮೂ॒ರ್ಧನ್ಯ॒ಜ್ಞಸ್ಯ॑ ಕಾ॒ರವಃ॑ |
ದಧಾ᳚ನಾ॒ಶ್ಚಕ್ಷ॑ಸಿ ಪ್ರಿ॒ಯ‌ಮ್ || 9.17.6
ತಮು॑ ತ್ವಾ ವಾ॒ಜಿನಂ॒ ನರೋ᳚ ಧೀ॒ಭಿರ್ವಿಪ್ರಾ᳚ ಅವ॒ಸ್ಯವಃ॑ |
ಮೃ॒ಜ‌ನ್ತಿ॑ ದೇ॒ವತಾ᳚ತಯೇ || 9.17.7
ಮಧೋ॒ರ್ಧಾರಾ॒ಮನು॑ ಕ್ಷರ ತೀ॒ವ್ರಃ ಸ॒ಧಸ್ಥ॒ಮಾಸ॑ದಃ |
ಚಾರು॑ರ್‌ಋ॒ತಾಯ॑ ಪೀ॒ತಯೇ᳚ || 9.17.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಪರಿ॑ ಸುವಾ॒ನೋ ಗಿ॑ರಿ॒ಷ್ಠಾಃ ಪ॒ವಿತ್ರೇ॒ ಸೋಮೋ᳚ ಅಕ್ಷಾಃ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.1
ತ್ವಂ ವಿಪ್ರ॒ಸ್ತ್ವಂ ಕ॒ವಿರ್ಮಧು॒ ಪ್ರ ಜಾ॒ತಮಂಧ॑ಸಃ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.2
ತವ॒ ವಿಶ್ವೇ᳚ ಸ॒ಜೋಷ॑ಸೋ ದೇ॒ವಾಸಃ॑ ಪೀ॒ತಿಮಾ᳚ಶತ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.3
ಆ ಯೋ ವಿಶ್ವಾ᳚ನಿ॒ ವಾರ್ಯಾ॒ ವಸೂ᳚ನಿ॒ ಹಸ್ತ॑ಯೋರ್ದ॒ಧೇ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.4
ಯ ಇ॒ಮೇ ರೋದ॑ಸೀ ಮ॒ಹೀ ಸಂ ಮಾ॒ತರೇ᳚ವ॒ ದೋಹ॑ತೇ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.5
ಪರಿ॒ ಯೋ ರೋದ॑ಸೀ ಉ॒ಭೇ ಸ॒ದ್ಯೋ ವಾಜೇ᳚ಭಿ॒ರರ್ಷ॑ತಿ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.6
ಸ ಶು॒ಷ್ಮೀ ಕ॒ಲಶೇ॒ಷ್ವಾ ಪು॑ನಾ॒ನೋ ಅ॑ಚಿಕ್ರದತ್ |
ಮದೇ᳚ಷು ಸರ್ವ॒ಧಾ ಅ॑ಸಿ || 9.18.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಯತ್ಸೋ᳚ಮ ಚಿ॒ತ್ರಮು॒ಕ್ಥ್ಯಂ᳚ ದಿ॒ವ್ಯಂ ಪಾರ್ಥಿ॑ವಂ॒ ವಸು॑ |
ತನ್ನಃ॑ ಪುನಾ॒ನ ಆ ಭ॑ರ || 9.19.1
ಯು॒ವಂ ಹಿ ಸ್ಥಃ ಸ್ವ॑ರ್ಪತೀ॒ ಇಂದ್ರ॑ಶ್ಚ ಸೋಮ॒ ಗೋಪ॑ತೀ |
ಈ॒ಶಾ॒ನಾ ಪಿ॑ಪ್ಯತಂ॒ ಧಿಯಃ॑ || 9.19.2
ವೃಷಾ᳚ ಪುನಾ॒ನ ಆ॒ಯುಷು॑ ಸ್ತ॒ನಯ॒ನ್ನಧಿ॑ ಬ॒ರ್ಹಿಷಿ॑ |
ಹರಿಃ॒ ಸನ್ಯೋನಿ॒ಮಾಸ॑ದತ್ || 9.19.3
ಅವಾ᳚ವಶ‌ನ್ತ ಧೀ॒ತಯೋ᳚ ವೃಷ॒ಭಸ್ಯಾಧಿ॒ ರೇತ॑ಸಿ |
ಸೂ॒ನೋರ್ವ॒ತ್ಸಸ್ಯ॑ ಮಾ॒ತರಃ॑ || 9.19.4
ಕು॒ವಿದ್ವೃ॑ಷ॒ಣ್ಯ‌ನ್ತೀ᳚ಭ್ಯಃ ಪುನಾ॒ನೋ ಗರ್ಭ॑ಮಾ॒ದಧ॑ತ್ |
ಯಾಃ ಶು॒ಕ್ರಂ ದು॑ಹ॒ತೇ ಪಯಃ॑ || 9.19.5
ಉಪ॑ ಶಿಕ್ಷಾಪತ॒ಸ್ಥುಷೋ᳚ ಭಿ॒ಯಸ॒ಮಾ ಧೇ᳚ಹಿ॒ ಶತ್ರು॑ಷು |
ಪವ॑ಮಾನ ವಿ॒ದಾ ರ॒ಯಿ‌ಮ್ || 9.19.6
ನಿ ಶತ್ರೋಃ᳚ ಸೋಮ॒ ವೃಷ್ಣ್ಯಂ॒ ನಿ ಶುಷ್ಮಂ॒ ನಿ ವಯ॑ಸ್ತಿರ |
ದೂ॒ರೇ ವಾ᳚ ಸ॒ತೋ ಅ‌ನ್ತಿ॑ ವಾ || 9.19.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಕ॒ವಿರ್ದೇ॒ವವೀ᳚ತ॒ಯೇಽವ್ಯೋ॒ ವಾರೇ᳚ಭಿರರ್ಷತಿ |
ಸಾ॒ಹ್ವಾನ್ವಿಶ್ವಾ᳚ ಅ॒ಭಿ ಸ್ಪೃಧಃ॑ || 9.20.1
ಸ ಹಿ ಷ್ಮಾ᳚ ಜರಿ॒ತೃಭ್ಯ॒ ಆ ವಾಜಂ॒ ಗೋಮ᳚‌ನ್ತ॒ಮಿನ್ವ॑ತಿ |
ಪವ॑ಮಾನಃ ಸಹ॒ಸ್ರಿಣ‌ಮ್᳚ || 9.20.2
ಪರಿ॒ ವಿಶ್ವಾ᳚ನಿ॒ ಚೇತ॑ಸಾ ಮೃ॒ಶಸೇ॒ ಪವ॑ಸೇ ಮ॒ತೀ |
ಸ ನಃ॑ ಸೋಮ॒ ಶ್ರವೋ᳚ ವಿದಃ || 9.20.3
ಅ॒ಭ್ಯ॑ರ್ಷ ಬೃ॒ಹದ್ಯಶೋ᳚ ಮ॒ಘವ॑ದ್ಭ್ಯೋ ಧ್ರು॒ವಂ ರ॒ಯಿ‌ಮ್ |
ಇಷಂ᳚ ಸ್ತೋ॒ತೃಭ್ಯ॒ ಆ ಭ॑ರ || 9.20.4
ತ್ವಂ ರಾಜೇ᳚ವ ಸುವ್ರ॒ತೋ ಗಿರಃ॑ ಸೋ॒ಮಾ ವಿ॑ವೇಶಿಥ |
ಪು॒ನಾ॒ನೋ ವ᳚ಹ್ನೇ ಅದ್ಭುತ || 9.20.5
ಸ ವಹ್ನಿ॑ರ॒ಪ್ಸು ದು॒ಷ್ಟರೋ᳚ ಮೃ॒ಜ್ಯಮಾ᳚ನೋ॒ ಗಭ॑ಸ್ತ್ಯೋಃ |
ಸೋಮ॑ಶ್ಚ॒ಮೂಷು॑ ಸೀದತಿ || 9.20.6
ಕ್ರೀ॒ಳುರ್ಮ॒ಖೋ ನ ಮಂ᳚ಹ॒ಯುಃ ಪ॒ವಿತ್ರಂ᳚ ಸೋಮ ಗಚ್ಛಸಿ |
ದಧ॑ತ್ಸ್ತೋ॒ತ್ರೇ ಸು॒ವೀರ್ಯ‌ಮ್᳚ || 9.20.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ತೇ ಧಾ᳚ವ॒‌ನ್ತೀಂದ॑ವಃ॒ ಸೋಮಾ॒ ಇಂದ್ರಾ᳚ಯ॒ ಘೃಷ್ವ॑ಯಃ |
ಮ॒ತ್ಸ॒ರಾಸಃ॑ ಸ್ವ॒ರ್ವಿದಃ॑ || 9.21.1
ಪ್ರ॒ವೃ॒ಣ್ವ‌ನ್ತೋ᳚ ಅಭಿ॒ಯುಜಃ॒ ಸುಷ್ವ॑ಯೇ ವರಿವೋ॒ವಿದಃ॑ |
ಸ್ವ॒ಯಂ ಸ್ತೋ॒ತ್ರೇ ವ॑ಯ॒ಸ್ಕೃತಃ॑ || 9.21.2
ವೃಥಾ॒ ಕ್ರೀಳ᳚‌ನ್ತ॒ ಇಂದ॑ವಃ ಸ॒ಧಸ್ಥ॑ಮ॒ಭ್ಯೇಕ॒ಮಿತ್ |
ಸಿಂಧೋ᳚ರೂ॒ರ್ಮಾ ವ್ಯ॑ಕ್ಷರನ್ || 9.21.3
ಏ॒ತೇ ವಿಶ್ವಾ᳚ನಿ॒ ವಾರ್ಯಾ॒ ಪವ॑ಮಾನಾಸ ಆಶತ |
ಹಿ॒ತಾ ನ ಸಪ್ತ॑ಯೋ॒ ರಥೇ᳚ || 9.21.4
ಆಸ್ಮಿ᳚ನ್ಪಿ॒ಶಂಗ॑ಮಿಂದವೋ॒ ದಧಾ᳚ತಾ ವೇ॒ನಮಾ॒ದಿಶೇ᳚ |
ಯೋ ಅ॒ಸ್ಮಭ್ಯ॒ಮರಾ᳚ವಾ || 9.21.5
ಋ॒ಭುರ್ನ ರಥ್ಯಂ॒ ನವಂ॒ ದಧಾ᳚ತಾ॒ ಕೇತ॑ಮಾ॒ದಿಶೇ᳚ |
ಶು॒ಕ್ರಾಃ ಪ॑ವಧ್ವ॒ಮರ್ಣ॑ಸಾ || 9.21.6
ಏ॒ತ ಉ॒ ತ್ಯೇ ಅ॑ವೀವಶ॒ನ್ಕಾಷ್ಠಾಂ᳚ ವಾ॒ಜಿನೋ᳚ ಅಕ್ರತ |
ಸ॒ತಃ ಪ್ರಾಸಾ᳚ವಿಷುರ್ಮ॒ತಿ‌ಮ್ || 9.21.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಏ॒ತೇ ಸೋಮಾ᳚ಸ ಆ॒ಶವೋ॒ ರಥಾ᳚ ಇವ॒ ಪ್ರ ವಾ॒ಜಿನಃ॑ |
ಸರ್ಗಾಃ᳚ ಸೃ॒ಷ್ಟಾ ಅ॑ಹೇಷತ || 9.22.1
ಏ॒ತೇ ವಾತಾ᳚ ಇವೋ॒ರವಃ॑ ಪ॒ರ್ಜನ್ಯ॑ಸ್ಯೇವ ವೃ॒ಷ್ಟಯಃ॑ |
ಅ॒ಗ್ನೇರಿ॑ವ ಭ್ರ॒ಮಾ ವೃಥಾ᳚ || 9.22.2
ಏ॒ತೇ ಪೂ॒ತಾ ವಿ॑ಪ॒ಶ್ಚಿತಃ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ |
ವಿ॒ಪಾ ವ್ಯಾ᳚ನಶು॒ರ್ಧಿಯಃ॑ || 9.22.3
ಏ॒ತೇ ಮೃ॒ಷ್ಟಾ ಅಮ॑ರ್ತ್ಯಾಃ ಸಸೃ॒ವಾಂಸೋ॒ ನ ಶ॑ಶ್ರಮುಃ |
ಇಯ॑ಕ್ಷ‌ನ್ತಃ ಪ॒ಥೋ ರಜಃ॑ || 9.22.4
ಏ॒ತೇ ಪೃ॒ಷ್ಠಾನಿ॒ ರೋದ॑ಸೋರ್ವಿಪ್ರ॒ಯ‌ನ್ತೋ॒ ವ್ಯಾ᳚ನಶುಃ |
ಉ॒ತೇದಮು॑ತ್ತ॒ಮಂ ರಜಃ॑ || 9.22.5
ತ‌ನ್ತುಂ᳚ ತನ್ವಾ॒ನಮು॑ತ್ತ॒ಮಮನು॑ ಪ್ರ॒ವತ॑ ಆಶತ |
ಉ॒ತೇದಮು॑ತ್ತ॒ಮಾಯ್ಯ‌ಮ್᳚ || 9.22.6
ತ್ವಂ ಸೋ᳚ಮ ಪ॒ಣಿಭ್ಯ॒ ಆ ವಸು॒ ಗವ್ಯಾ᳚ನಿ ಧಾರಯಃ |
ತ॒ತಂ ತ‌ನ್ತು॑ಮಚಿಕ್ರದಃ || 9.22.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಸೋಮಾ᳚ ಅಸೃಗ್ರಮಾ॒ಶವೋ॒ ಮಧೋ॒ರ್ಮದ॑ಸ್ಯ॒ ಧಾರ॑ಯಾ |
ಅ॒ಭಿ ವಿಶ್ವಾ᳚ನಿ॒ ಕಾವ್ಯಾ᳚ || 9.23.1
ಅನು॑ ಪ್ರ॒ತ್ನಾಸ॑ ಆ॒ಯವಃ॑ ಪ॒ದಂ ನವೀ᳚ಯೋ ಅಕ್ರಮುಃ |
ರು॒ಚೇ ಜ॑ನ‌ನ್ತ॒ ಸೂರ್ಯ‌ಮ್᳚ || 9.23.2
ಆ ಪ॑ವಮಾನ ನೋ ಭರಾ॒ರ್ಯೋ ಅದಾ᳚ಶುಷೋ॒ ಗಯ‌ಮ್᳚ |
ಕೃ॒ಧಿ ಪ್ರ॒ಜಾವ॑ತೀ॒ರಿಷಃ॑ || 9.23.3
ಅ॒ಭಿ ಸೋಮಾ᳚ಸ ಆ॒ಯವಃ॒ ಪವ᳚‌ನ್ತೇ॒ ಮದ್ಯಂ॒ ಮದ‌ಮ್᳚ |
ಅ॒ಭಿ ಕೋಶಂ᳚ ಮಧು॒ಶ್ಚುತ‌ಮ್᳚ || 9.23.4
ಸೋಮೋ᳚ ಅರ್ಷತಿ ಧರ್ಣ॒ಸಿರ್ದಧಾ᳚ನ ಇಂದ್ರಿ॒ಯಂ ರಸ‌ಮ್᳚ |
ಸು॒ವೀರೋ᳚ ಅಭಿಶಸ್ತಿ॒ಪಾಃ || 9.23.5
ಇಂದ್ರಾ᳚ಯ ಸೋಮ ಪವಸೇ ದೇ॒ವೇಭ್ಯಃ॑ ಸಧ॒ಮಾದ್ಯಃ॑ |
ಇಂದೋ॒ ವಾಜಂ᳚ ಸಿಷಾಸಸಿ || 9.23.6
ಅ॒ಸ್ಯ ಪೀ॒ತ್ವಾ ಮದಾ᳚ನಾ॒ಮಿಂದ್ರೋ᳚ ವೃ॒ತ್ರಾಣ್ಯ॑ಪ್ರ॒ತಿ |
ಜ॒ಘಾನ॑ ಜ॒ಘನ॑ಚ್ಚ॒ ನು || 9.23.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽಸಿತೋ ದೇವಲೋ ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಸೋಮಾ᳚ಸೋ ಅಧನ್ವಿಷುಃ॒ ಪವ॑ಮಾನಾಸ॒ ಇಂದ॑ವಃ |
ಶ್ರೀ॒ಣಾ॒ನಾ ಅ॒ಪ್ಸು ಮೃಂ᳚ಜತ || 9.24.1
ಅ॒ಭಿ ಗಾವೋ᳚ ಅಧನ್ವಿಷು॒ರಾಪೋ॒ ನ ಪ್ರ॒ವತಾ᳚ ಯ॒ತೀಃ |
ಪು॒ನಾ॒ನಾ ಇಂದ್ರ॑ಮಾಶತ || 9.24.2
ಪ್ರ ಪ॑ವಮಾನ ಧನ್ವಸಿ॒ ಸೋಮೇಂದ್ರಾ᳚ಯ॒ ಪಾತ॑ವೇ |
ನೃಭಿ᳚ರ್ಯ॒ತೋ ವಿ ನೀ᳚ಯಸೇ || 9.24.3
ತ್ವಂ ಸೋ᳚ಮ ನೃ॒ಮಾದ॑ನಃ॒ ಪವ॑ಸ್ವ ಚರ್ಷಣೀ॒ಸಹೇ᳚ |
ಸಸ್ನಿ॒ರ್ಯೋ ಅ॑ನು॒ಮಾದ್ಯಃ॑ || 9.24.4
ಇಂದೋ॒ ಯದದ್ರಿ॑ಭಿಃ ಸು॒ತಃ ಪ॒ವಿತ್ರಂ᳚ ಪರಿ॒ಧಾವ॑ಸಿ |
ಅರ॒ಮಿಂದ್ರ॑ಸ್ಯ॒ ಧಾಮ್ನೇ᳚ || 9.24.5
ಪವ॑ಸ್ವ ವೃತ್ರಹ‌ನ್ತಮೋ॒ಕ್ಥೇಭಿ॑ರನು॒ಮಾದ್ಯಃ॑ |
ಶುಚಿಃ॑ ಪಾವ॒ಕೋ ಅದ್ಭು॑ತಃ || 9.24.6
ಶುಚಿಃ॑ ಪಾವ॒ಕ ಉ॑ಚ್ಯತೇ॒ ಸೋಮಃ॑ ಸು॒ತಸ್ಯ॒ ಮಧ್ವಃ॑ |
ದೇ॒ವಾ॒ವೀರ॑ಘಶಂಸ॒ಹಾ || 9.24.7

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾಗಸ್ತ್ಯೋ ದೃ ಹಚ್ಯುತ ಗೃಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಪವ॑ಸ್ವ ದಕ್ಷ॒ಸಾಧ॑ನೋ ದೇ॒ವೇಭ್ಯಃ॑ ಪೀ॒ತಯೇ᳚ ಹರೇ |
ಮ॒ರುದ್ಭ್ಯೋ᳚ ವಾ॒ಯವೇ॒ ಮದಃ॑ || 9.25.1
ಪವ॑ಮಾನ ಧಿ॒ಯಾ ಹಿ॒ತೋ॒3॒॑ಽಭಿ ಯೋನಿಂ॒ ಕನಿ॑ಕ್ರದತ್ |
ಧರ್ಮ॑ಣಾ ವಾ॒ಯುಮಾ ವಿ॑ಶ || 9.25.2
ಸಂ ದೇ॒ವೈಃ ಶೋ᳚ಭತೇ॒ ವೃಷಾ᳚ ಕ॒ವಿರ್ಯೋನಾ॒ವಧಿ॑ ಪ್ರಿ॒ಯಃ |
ವೃ॒ತ್ರ॒ಹಾ ದೇ᳚ವ॒ವೀತ॑ಮಃ || 9.25.3
ವಿಶ್ವಾ᳚ ರೂ॒ಪಾಣ್ಯಾ᳚ವಿ॒ಶನ್ಪು॑ನಾ॒ನೋ ಯಾ᳚ತಿ ಹರ್ಯ॒ತಃ |
ಯತ್ರಾ॒ಮೃತಾ᳚ಸ॒ ಆಸ॑ತೇ || 9.25.4
ಅ॒ರು॒ಷೋ ಜ॒ನಯ॒ನ್ಗಿರಃ॒ ಸೋಮಃ॑ ಪವತ ಆಯು॒ಷಕ್ |
ಇಂದ್ರಂ॒ ಗಚ್ಛ᳚ನ್ಕ॒ವಿಕ್ರ॑ತುಃ || 9.25.5
ಆ ಪ॑ವಸ್ವ ಮದಿ‌ನ್ತಮ ಪ॒ವಿತ್ರಂ॒ ಧಾರ॑ಯಾ ಕವೇ |
ಅ॒ರ್ಕಸ್ಯ॒ ಯೋನಿ॑ಮಾ॒ಸದ‌ಮ್᳚ || 9.25.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ದಾರ್ಹಚ್ಯುತ ಇಧ್ಮವಾಹ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ತಮ॑ಮೃಕ್ಷ‌ನ್ತ ವಾ॒ಜಿನ॑ಮು॒ಪಸ್ಥೇ॒ ಅದಿ॑ತೇ॒ರಧಿ॑ |
ವಿಪ್ರಾ᳚ಸೋ॒ ಅಣ್ವ್ಯಾ᳚ ಧಿ॒ಯಾ || 9.26.1
ತಂ ಗಾವೋ᳚ ಅ॒ಭ್ಯ॑ನೂಷತ ಸ॒ಹಸ್ರ॑ಧಾರ॒ಮಕ್ಷಿ॑ತ‌ಮ್ |
ಇಂದುಂ᳚ ಧ॒ರ್ತಾರ॒ಮಾ ದಿ॒ವಃ || 9.26.2
ತಂ ವೇ॒ಧಾಂ ಮೇ॒ಧಯಾ᳚ಹ್ಯ॒ನ್ಪವ॑ಮಾನ॒ಮಧಿ॒ ದ್ಯವಿ॑ |
ಧ॒ರ್ಣ॒ಸಿಂ ಭೂರಿ॑ಧಾಯಸ‌ಮ್ || 9.26.3
ತಮ॑ಹ್ಯನ್ಭು॒ರಿಜೋ᳚ರ್ಧಿ॒ಯಾ ಸಂ॒ವಸಾ᳚ನಂ ವಿ॒ವಸ್ವ॑ತಃ |
ಪತಿಂ᳚ ವಾ॒ಚೋ ಅದಾ᳚ಭ್ಯ‌ಮ್ || 9.26.4
ತಂ ಸಾನಾ॒ವಧಿ॑ ಜಾ॒ಮಯೋ॒ ಹರಿಂ᳚ ಹಿನ್ವ॒‌ನ್ತ್ಯದ್ರಿ॑ಭಿಃ |
ಹ॒ರ್ಯ॒ತಂ ಭೂರಿ॑ಚಕ್ಷಸ‌ಮ್ || 9.26.5
ತಂ ತ್ವಾ᳚ ಹಿನ್ವ‌ನ್ತಿ ವೇ॒ಧಸಃ॒ ಪವ॑ಮಾನ ಗಿರಾ॒ವೃಧ‌ಮ್᳚ |
ಇಂದ॒ವಿಂದ್ರಾ᳚ಯ ಮತ್ಸ॒ರ‌ಮ್ || 9.26.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ನೃಮಧೇ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ಷ ಕ॒ವಿರ॒ಭಿಷ್ಟು॑ತಃ ಪ॒ವಿತ್ರೇ॒ ಅಧಿ॑ ತೋಶತೇ |
ಪು॒ನಾ॒ನೋ ಘ್ನನ್ನಪ॒ ಸ್ರಿಧಃ॑ || 9.27.1
ಏ॒ಷ ಇಂದ್ರಾ᳚ಯ ವಾ॒ಯವೇ᳚ ಸ್ವ॒ರ್ಜಿತ್ಪರಿ॑ ಷಿಚ್ಯತೇ |
ಪ॒ವಿತ್ರೇ᳚ ದಕ್ಷ॒ಸಾಧ॑ನಃ || 9.27.2
ಏ॒ಷ ನೃಭಿ॒ರ್ವಿ ನೀ᳚ಯತೇ ದಿ॒ವೋ ಮೂ॒ರ್ಧಾ ವೃಷಾ᳚ ಸು॒ತಃ |
ಸೋಮೋ॒ ವನೇ᳚ಷು ವಿಶ್ವ॒ವಿತ್ || 9.27.3
ಏ॒ಷ ಗ॒ವ್ಯುರ॑ಚಿಕ್ರದ॒ತ್ಪವ॑ಮಾನೋ ಹಿರಣ್ಯ॒ಯುಃ |
ಇಂದುಃ॑ ಸತ್ರಾ॒ಜಿದಸ್ತೃ॑ತಃ || 9.27.4
ಏ॒ಷ ಸೂರ್ಯೇ᳚ಣ ಹಾಸತೇ॒ ಪವ॑ಮಾನೋ॒ ಅಧಿ॒ ದ್ಯವಿ॑ |
ಪ॒ವಿತ್ರೇ᳚ ಮತ್ಸ॒ರೋ ಮದಃ॑ || 9.27.5
ಏ॒ಷ ಶು॒ಷ್ಮ್ಯ॑ಸಿಷ್ಯದದ॒‌ನ್ತರಿ॑ಕ್ಷೇ॒ ವೃಷಾ॒ ಹರಿಃ॑ |
ಪು॒ನಾ॒ನ ಇಂದು॒ರಿಂದ್ರ॒ಮಾ || 9.27.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಿಯಮೇಧ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ಷ ವಾ॒ಜೀ ಹಿ॒ತೋ ನೃಭಿ᳚ರ್ವಿಶ್ವ॒ವಿನ್ಮನ॑ಸ॒ಸ್ಪತಿಃ॑ |
ಅವ್ಯೋ॒ ವಾರಂ॒ ವಿ ಧಾ᳚ವತಿ || 9.28.1
ಏ॒ಷ ಪ॒ವಿತ್ರೇ᳚ ಅಕ್ಷರ॒ತ್ಸೋಮೋ᳚ ದೇ॒ವೇಭ್ಯಃ॑ ಸು॒ತಃ |
ವಿಶ್ವಾ॒ ಧಾಮಾ᳚ನ್ಯಾವಿ॒ಶನ್ || 9.28.2
ಏ॒ಷ ದೇ॒ವಃ ಶು॑ಭಾಯ॒ತೇಽಧಿ॒ ಯೋನಾ॒ವಮ॑ರ್ತ್ಯಃ |
ವೃ॒ತ್ರ॒ಹಾ ದೇ᳚ವ॒ವೀತ॑ಮಃ || 9.28.3
ಏ॒ಷ ವೃಷಾ॒ ಕನಿ॑ಕ್ರದದ್ದ॒ಶಭಿ॑ರ್ಜಾ॒ಮಿಭಿ᳚ರ್ಯ॒ತಃ |
ಅ॒ಭಿ ದ್ರೋಣಾ᳚ನಿ ಧಾವತಿ || 9.28.4
ಏ॒ಷ ಸೂರ್ಯ॑ಮರೋಚಯ॒ತ್ಪವ॑ಮಾನೋ॒ ವಿಚ॑ರ್ಷಣಿಃ |
ವಿಶ್ವಾ॒ ಧಾಮಾ᳚ನಿ ವಿಶ್ವ॒ವಿತ್ || 9.28.5
ಏ॒ಷ ಶು॒ಷ್ಮ್ಯದಾ᳚ಭ್ಯಃ॒ ಸೋಮಃ॑ ಪುನಾ॒ನೋ ಅ॑ರ್ಷತಿ |
ದೇ॒ವಾ॒ವೀರ॑ಘಶಂಸ॒ಹಾ || 9.28.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ನೃಮಧೇ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರಾಸ್ಯ॒ ಧಾರಾ᳚ ಅಕ್ಷರ॒ನ್ವೃಷ್ಣಃ॑ ಸು॒ತಸ್ಯೌಜ॑ಸಾ |
ದೇ॒ವಾಁ ಅನು॑ ಪ್ರ॒ಭೂಷ॑ತಃ || 9.29.1
ಸಪ್ತಿಂ᳚ ಮೃಜ‌ನ್ತಿ ವೇ॒ಧಸೋ᳚ ಗೃ॒ಣ‌ನ್ತಃ॑ ಕಾ॒ರವೋ᳚ ಗಿ॒ರಾ |
ಜ್ಯೋತಿ॑ರ್ಜಜ್ಞಾ॒ನಮು॒ಕ್ಥ್ಯ‌ಮ್᳚ || 9.29.2
ಸು॒ಷಹಾ᳚ ಸೋಮ॒ ತಾನಿ॑ ತೇ ಪುನಾ॒ನಾಯ॑ ಪ್ರಭೂವಸೋ |
ವರ್ಧಾ᳚ ಸಮು॒ದ್ರಮು॒ಕ್ಥ್ಯ‌ಮ್᳚ || 9.29.3
ವಿಶ್ವಾ॒ ವಸೂ᳚ನಿ ಸಂ॒ಜಯ॒ನ್ಪವ॑ಸ್ವ ಸೋಮ॒ ಧಾರ॑ಯಾ |
ಇ॒ನು ದ್ವೇಷಾಂ᳚ಸಿ ಸ॒ಧ್ರ್ಯ॑ಕ್ || 9.29.4
ರಕ್ಷಾ॒ ಸು ನೋ॒ ಅರ॑ರುಷಃ ಸ್ವ॒ನಾತ್ಸ॑ಮಸ್ಯ॒ ಕಸ್ಯ॑ ಚಿತ್ |
ನಿ॒ದೋ ಯತ್ರ॑ ಮುಮು॒ಚ್ಮಹೇ᳚ || 9.29.5
ಏಂದೋ॒ ಪಾರ್ಥಿ॑ವಂ ರ॒ಯಿಂ ದಿ॒ವ್ಯಂ ಪ॑ವಸ್ವ॒ ಧಾರ॑ಯಾ |
ದ್ಯು॒ಮ‌ನ್ತಂ॒ ಶುಷ್ಮ॒ಮಾ ಭ॑ರ || 9.29.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಬಿಂದುಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಪ್ರ ಧಾರಾ᳚ ಅಸ್ಯ ಶು॒ಷ್ಮಿಣೋ॒ ವೃಥಾ᳚ ಪ॒ವಿತ್ರೇ᳚ ಅಕ್ಷರನ್ |
ಪು॒ನಾ॒ನೋ ವಾಚ॑ಮಿಷ್ಯತಿ || 9.30.1
ಇಂದು॑ರ್ಹಿಯಾ॒ನಃ ಸೋ॒ತೃಭಿ᳚ರ್ಮೃ॒ಜ್ಯಮಾ᳚ನಃ॒ ಕನಿ॑ಕ್ರದತ್ |
ಇಯ॑ರ್ತಿ ವ॒ಗ್ನುಮಿಂ᳚ದ್ರಿ॒ಯ‌ಮ್ || 9.30.2
ಆ ನಃ॒ ಶುಷ್ಮಂ᳚ ನೃ॒ಷಾಹ್ಯಂ᳚ ವೀ॒ರವ᳚‌ನ್ತಂ ಪುರು॒ಸ್ಪೃಹ‌ಮ್᳚ |
ಪವ॑ಸ್ವ ಸೋಮ॒ ಧಾರ॑ಯಾ || 9.30.3
ಪ್ರ ಸೋಮೋ॒ ಅತಿ॒ ಧಾರ॑ಯಾ॒ ಪವ॑ಮಾನೋ ಅಸಿಷ್ಯದತ್ |
ಅ॒ಭಿ ದ್ರೋಣಾ᳚ನ್ಯಾ॒ಸದ‌ಮ್᳚ || 9.30.4
ಅ॒ಪ್ಸು ತ್ವಾ॒ ಮಧು॑ಮತ್ತಮಂ॒ ಹರಿಂ᳚ ಹಿನ್ವ॒‌ನ್ತ್ಯದ್ರಿ॑ಭಿಃ |
ಇಂದ॒ವಿಂದ್ರಾ᳚ಯ ಪೀ॒ತಯೇ᳚ || 9.30.5
ಸು॒ನೋತಾ॒ ಮಧು॑ಮತ್ತಮಂ॒ ಸೋಮ॒ಮಿಂದ್ರಾ᳚ಯ ವ॒ಜ್ರಿಣೇ᳚ |
ಚಾರುಂ॒ ಶರ್ಧಾ᳚ಯ ಮತ್ಸ॒ರ‌ಮ್ || 9.30.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ರಾಹೂಗಣೋ ಗೋತಮ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಸೋಮಾ᳚ಸಃ ಸ್ವಾ॒ಧ್ಯ1॒ಃ॑ ಪವ॑ಮಾನಾಸೋ ಅಕ್ರಮುಃ |
ರ॒ಯಿಂ ಕೃ᳚ಣ್ವ‌ನ್ತಿ॒ ಚೇತ॑ನ‌ಮ್ || 9.31.1
ದಿ॒ವಸ್ಪೃ॑ಥಿ॒ವ್ಯಾ ಅಧಿ॒ ಭವೇಂ᳚ದೋ ದ್ಯುಮ್ನ॒ವರ್ಧ॑ನಃ |
ಭವಾ॒ ವಾಜಾ᳚ನಾಂ॒ ಪತಿಃ॑ || 9.31.2
ತುಭ್ಯಂ॒ ವಾತಾ᳚ ಅಭಿ॒ಪ್ರಿಯ॒ಸ್ತುಭ್ಯ॑ಮರ್ಷ‌ನ್ತಿ॒ ಸಿಂಧ॑ವಃ |
ಸೋಮ॒ ವರ್ಧ᳚‌ನ್ತಿ ತೇ॒ ಮಹಃ॑ || 9.31.3
ಆ ಪ್ಯಾ᳚ಯಸ್ವ॒ ಸಮೇ᳚ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣ್ಯ‌ಮ್᳚ |
ಭವಾ॒ ವಾಜ॑ಸ್ಯ ಸಂಗ॒ಥೇ || 9.31.4
ತುಭ್ಯಂ॒ ಗಾವೋ᳚ ಘೃ॒ತಂ ಪಯೋ॒ ಬಭ್ರೋ᳚ ದುದು॒ಹ್ರೇ ಅಕ್ಷಿ॑ತ‌ಮ್ |
ವರ್ಷಿ॑ಷ್ಠೇ॒ ಅಧಿ॒ ಸಾನ॑ವಿ || 9.31.5
ಸ್ವಾ॒ಯು॒ಧಸ್ಯ॑ ತೇ ಸ॒ತೋ ಭುವ॑ನಸ್ಯ ಪತೇ ವ॒ಯ‌ಮ್ |
ಇಂದೋ᳚ ಸಖಿ॒ತ್ವಮು॑ಶ್ಮಸಿ || 9.31.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾತ್ರೇಯಃ ಶ್ಯಾವಾಶ್ವ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಸೋಮಾ᳚ಸೋ ಮದ॒ಚ್ಯುತಃ॒ ಶ್ರವ॑ಸೇ ನೋ ಮ॒ಘೋನಃ॑ |
ಸು॒ತಾ ವಿ॒ದಥೇ᳚ ಅಕ್ರಮುಃ || 9.32.1
ಆದೀಂ᳚ ತ್ರಿ॒ತಸ್ಯ॒ ಯೋಷ॑ಣೋ॒ ಹರಿಂ᳚ ಹಿನ್ವ॒‌ನ್ತ್ಯದ್ರಿ॑ಭಿಃ |
ಇಂದು॒ಮಿಂದ್ರಾ᳚ಯ ಪೀ॒ತಯೇ᳚ || 9.32.2
ಆದೀಂ᳚ ಹಂ॒ಸೋ ಯಥಾ᳚ ಗ॒ಣಂ ವಿಶ್ವ॑ಸ್ಯಾವೀವಶನ್ಮ॒ತಿ‌ಮ್ |
ಅತ್ಯೋ॒ ನ ಗೋಭಿ॑ರಜ್ಯತೇ || 9.32.3
ಉ॒ಭೇ ಸೋ᳚ಮಾವ॒ಚಾಕ॑ಶನ್ಮೃ॒ಗೋ ನ ತ॒ಕ್ತೋ ಅ॑ರ್ಷಸಿ |
ಸೀದ᳚ನ್ನೃ॒ತಸ್ಯ॒ ಯೋನಿ॒ಮಾ || 9.32.4
ಅ॒ಭಿ ಗಾವೋ᳚ ಅನೂಷತ॒ ಯೋಷಾ᳚ ಜಾ॒ರಮಿ॑ವ ಪ್ರಿ॒ಯ‌ಮ್ |
ಅಗ᳚ನ್ನಾ॒ಜಿಂ ಯಥಾ᳚ ಹಿ॒ತ‌ಮ್ || 9.32.5
ಅ॒ಸ್ಮೇ ಧೇ᳚ಹಿ ದ್ಯು॒ಮದ್ಯಶೋ᳚ ಮ॒ಘವ॑ದ್ಭ್ಯಶ್ಚ॒ ಮಹ್ಯಂ᳚ ಚ |
ಸ॒ನಿಂ ಮೇ॒ಧಾಮು॒ತ ಶ್ರವಃ॑ || 9.32.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಸೋಮಾ᳚ಸೋ ವಿಪ॒ಶ್ಚಿತೋ॒ಽಪಾಂ ನ ಯ᳚‌ನ್ತ್ಯೂ॒ರ್ಮಯಃ॑ |
ವನಾ᳚ನಿ ಮಹಿ॒ಷಾ ಇ॑ವ || 9.33.1
ಅ॒ಭಿ ದ್ರೋಣಾ᳚ನಿ ಬ॒ಭ್ರವಃ॑ ಶು॒ಕ್ರಾ ಋ॒ತಸ್ಯ॒ ಧಾರ॑ಯಾ |
ವಾಜಂ॒ ಗೋಮ᳚‌ನ್ತಮಕ್ಷರನ್ || 9.33.2
ಸು॒ತಾ ಇಂದ್ರಾ᳚ಯ ವಾ॒ಯವೇ॒ ವರು॑ಣಾಯ ಮ॒ರುದ್ಭ್ಯಃ॑ |
ಸೋಮಾ᳚ ಅರ್ಷ‌ನ್ತಿ॒ ವಿಷ್ಣ॑ವೇ || 9.33.3
ತಿ॒ಸ್ರೋ ವಾಚ॒ ಉದೀ᳚ರತೇ॒ ಗಾವೋ᳚ ಮಿಮ‌ನ್ತಿ ಧೇ॒ನವಃ॑ |
ಹರಿ॑ರೇತಿ॒ ಕನಿ॑ಕ್ರದತ್ || 9.33.4
ಅ॒ಭಿ ಬ್ರಹ್ಮೀ᳚ರನೂಷತ ಯ॒ಹ್ವೀರ್‌ಋ॒ತಸ್ಯ॑ ಮಾ॒ತರಃ॑ |
ಮ॒ರ್ಮೃ॒ಜ್ಯ‌ನ್ತೇ᳚ ದಿ॒ವಃ ಶಿಶು‌ಮ್᳚ || 9.33.5
ರಾ॒ಯಃ ಸ॑ಮು॒ದ್ರಾಁಶ್ಚ॒ತುರೋ॒ಽಸ್ಮಭ್ಯಂ᳚ ಸೋಮ ವಿ॒ಶ್ವತಃ॑ |
ಆ ಪ॑ವಸ್ವ ಸಹ॒ಸ್ರಿಣಃ॑ || 9.33.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಪ್ರ ಸು॑ವಾ॒ನೋ ಧಾರ॑ಯಾ॒ ತನೇಂದು॑ರ್ಹಿನ್ವಾ॒ನೋ ಅ॑ರ್ಷತಿ |
ರು॒ಜದ್ದೃ॒ಳ್ಹಾ ವ್ಯೋಜ॑ಸಾ || 9.34.1
ಸು॒ತ ಇಂದ್ರಾ᳚ಯ ವಾ॒ಯವೇ॒ ವರು॑ಣಾಯ ಮ॒ರುದ್ಭ್ಯಃ॑ |
ಸೋಮೋ᳚ ಅರ್ಷತಿ॒ ವಿಷ್ಣ॑ವೇ || 9.34.2
ವೃಷಾ᳚ಣಂ॒ ವೃಷ॑ಭಿರ್ಯ॒ತಂ ಸು॒ನ್ವ‌ನ್ತಿ॒ ಸೋಮ॒ಮದ್ರಿ॑ಭಿಃ |
ದು॒ಹ‌ನ್ತಿ॒ ಶಕ್ಮ॑ನಾ॒ ಪಯಃ॑ || 9.34.3
ಭುವ॑ತ್ತ್ರಿ॒ತಸ್ಯ॒ ಮರ್ಜ್ಯೋ॒ ಭುವ॒ದಿಂದ್ರಾ᳚ಯ ಮತ್ಸ॒ರಃ |
ಸಂ ರೂ॒ಪೈರ॑ಜ್ಯತೇ॒ ಹರಿಃ॑ || 9.34.4
ಅ॒ಭೀಮೃ॒ತಸ್ಯ॑ ವಿ॒ಷ್ಟಪಂ᳚ ದುಹ॒ತೇ ಪೃಶ್ನಿ॑ಮಾತರಃ |
ಚಾರು॑ ಪ್ರಿ॒ಯತ॑ಮಂ ಹ॒ವಿಃ || 9.34.5
ಸಮೇ᳚ನ॒ಮಹ್ರು॑ತಾ ಇ॒ಮಾ ಗಿರೋ᳚ ಅರ್ಷ‌ನ್ತಿ ಸ॒ಸ್ರುತಃ॑ |
ಧೇ॒ನೂರ್ವಾ॒ಶ್ರೋ ಅ॑ವೀವಶತ್ || 9.34.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಭವೂ ಸುಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಆ ನಃ॑ ಪವಸ್ವ॒ ಧಾರ॑ಯಾ॒ ಪವ॑ಮಾನ ರ॒ಯಿಂ ಪೃ॒ಥು‌ಮ್ |
ಯಯಾ॒ ಜ್ಯೋತಿ᳚ರ್ವಿ॒ದಾಸಿ॑ ನಃ || 9.35.1
ಇಂದೋ᳚ ಸಮುದ್ರಮೀಂಖಯ॒ ಪವ॑ಸ್ವ ವಿಶ್ವಮೇಜಯ |
ರಾ॒ಯೋ ಧ॒ರ್ತಾ ನ॒ ಓಜ॑ಸಾ || 9.35.2
ತ್ವಯಾ᳚ ವೀ॒ರೇಣ॑ ವೀರವೋ॒ಽಭಿ ಷ್ಯಾ᳚ಮ ಪೃತನ್ಯ॒ತಃ |
ಕ್ಷರಾ᳚ ಣೋ ಅ॒ಭಿ ವಾರ್ಯ‌ಮ್᳚ || 9.35.3
ಪ್ರ ವಾಜ॒ಮಿಂದು॑ರಿಷ್ಯತಿ॒ ಸಿಷಾ᳚ಸನ್ವಾಜ॒ಸಾ ಋಷಿಃ॑ |
ವ್ರ॒ತಾ ವಿ॑ದಾ॒ನ ಆಯು॑ಧಾ || 9.35.4
ತಂ ಗೀ॒ರ್ಭಿರ್ವಾ᳚ಚಮೀಂಖ॒ಯಂ ಪು॑ನಾ॒ನಂ ವಾ᳚ಸಯಾಮಸಿ |
ಸೋಮಂ॒ ಜನ॑ಸ್ಯ॒ ಗೋಪ॑ತಿ‌ಮ್ || 9.35.5
ವಿಶ್ವೋ॒ ಯಸ್ಯ᳚ ವ್ರ॒ತೇ ಜನೋ᳚ ದಾ॒ಧಾರ॒ ಧರ್ಮ॑ಣ॒ಸ್ಪತೇಃ᳚ |
ಪು॒ನಾ॒ನಸ್ಯ॑ ಪ್ರ॒ಭೂವ॑ಸೋಃ || 9.35.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಭವೂ ಸುಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಅಸ॑ರ್ಜಿ॒ ರಥ್ಯೋ᳚ ಯಥಾ ಪ॒ವಿತ್ರೇ᳚ ಚ॒ಮ್ವೋಃ᳚ ಸು॒ತಃ |
ಕಾರ್ಷ್ಮ᳚ನ್ವಾ॒ಜೀ ನ್ಯ॑ಕ್ರಮೀತ್ || 9.36.1
ಸ ವಹ್ನಿಃ॑ ಸೋಮ॒ ಜಾಗೃ॑ವಿಃ॒ ಪವ॑ಸ್ವ ದೇವ॒ವೀರತಿ॑ |
ಅ॒ಭಿ ಕೋಶಂ᳚ ಮಧು॒ಶ್ಚುತ‌ಮ್᳚ || 9.36.2
ಸ ನೋ॒ ಜ್ಯೋತೀಂ᳚ಷಿ ಪೂರ್ವ್ಯ॒ ಪವ॑ಮಾನ॒ ವಿ ರೋ᳚ಚಯ |
ಕ್ರತ್ವೇ॒ ದಕ್ಷಾ᳚ಯ ನೋ ಹಿನು || 9.36.3
ಶುಂ॒ಭಮಾ᳚ನ ಋತಾ॒ಯುಭಿ᳚ರ್ಮೃ॒ಜ್ಯಮಾ᳚ನೋ॒ ಗಭ॑ಸ್ತ್ಯೋಃ |
ಪವ॑ತೇ॒ ವಾರೇ᳚ ಅ॒ವ್ಯಯೇ᳚ || 9.36.4
ಸ ವಿಶ್ವಾ᳚ ದಾ॒ಶುಷೇ॒ ವಸು॒ ಸೋಮೋ᳚ ದಿ॒ವ್ಯಾನಿ॒ ಪಾರ್ಥಿ॑ವಾ |
ಪವ॑ತಾ॒ಮಾ‌ನ್ತರಿ॑ಕ್ಷ್ಯಾ || 9.36.5
ಆ ದಿ॒ವಸ್ಪೃ॒ಷ್ಠಮ॑ಶ್ವ॒ಯುರ್ಗ᳚ವ್ಯ॒ಯುಃ ಸೋ᳚ಮ ರೋಹಸಿ |
ವೀ॒ರ॒ಯುಃ ಶ॑ವಸಸ್ಪತೇ || 9.36.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ರಹೂಗಣ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಸ ಸು॒ತಃ ಪೀ॒ತಯೇ॒ ವೃಷಾ॒ ಸೋಮಃ॑ ಪ॒ವಿತ್ರೇ᳚ ಅರ್ಷತಿ |
ವಿ॒ಘ್ನನ್ರಕ್ಷಾಂ᳚ಸಿ ದೇವ॒ಯುಃ || 9.37.1
ಸ ಪ॒ವಿತ್ರೇ᳚ ವಿಚಕ್ಷ॒ಣೋ ಹರಿ॑ರರ್ಷತಿ ಧರ್ಣ॒ಸಿಃ |
ಅ॒ಭಿ ಯೋನಿಂ॒ ಕನಿ॑ಕ್ರದತ್ || 9.37.2
ಸ ವಾ॒ಜೀ ರೋ᳚ಚ॒ನಾ ದಿ॒ವಃ ಪವ॑ಮಾನೋ॒ ವಿ ಧಾ᳚ವತಿ |
ರ॒ಕ್ಷೋ॒ಹಾ ವಾರ॑ಮ॒ವ್ಯಯ‌ಮ್᳚ || 9.37.3
ಸ ತ್ರಿ॒ತಸ್ಯಾಧಿ॒ ಸಾನ॑ವಿ॒ ಪವ॑ಮಾನೋ ಅರೋಚಯತ್ |
ಜಾ॒ಮಿಭಿಃ॒ ಸೂರ್ಯಂ᳚ ಸ॒ಹ || 9.37.4
ಸ ವೃ॑ತ್ರ॒ಹಾ ವೃಷಾ᳚ ಸು॒ತೋ ವ॑ರಿವೋ॒ವಿದದಾ᳚ಭ್ಯಃ |
ಸೋಮೋ॒ ವಾಜ॑ಮಿವಾಸರತ್ || 9.37.5
ಸ ದೇ॒ವಃ ಕ॒ವಿನೇ᳚ಷಿ॒ತೋ॒3॒॑ಽಭಿ ದ್ರೋಣಾ᳚ನಿ ಧಾವತಿ |
ಇಂದು॒ರಿಂದ್ರಾ᳚ಯ ಮಂ॒ಹನಾ᳚ || 9.37.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ರಹೂಗಣ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಏ॒ಷ ಉ॒ ಸ್ಯ ವೃಷಾ॒ ರಥೋಽವ್ಯೋ॒ ವಾರೇ᳚ಭಿರರ್ಷತಿ |
ಗಚ್ಛ॒ನ್ವಾಜಂ᳚ ಸಹ॒ಸ್ರಿಣ‌ಮ್᳚ || 9.38.1
ಏ॒ತಂ ತ್ರಿ॒ತಸ್ಯ॒ ಯೋಷ॑ಣೋ॒ ಹರಿಂ᳚ ಹಿನ್ವ॒‌ನ್ತ್ಯದ್ರಿ॑ಭಿಃ |
ಇಂದು॒ಮಿಂದ್ರಾ᳚ಯ ಪೀ॒ತಯೇ᳚ || 9.38.2
ಏ॒ತಂ ತ್ಯಂ ಹ॒ರಿತೋ॒ ದಶ॑ ಮರ್ಮೃ॒ಜ್ಯ‌ನ್ತೇ᳚ ಅಪ॒ಸ್ಯುವಃ॑ |
ಯಾಭಿ॒ರ್ಮದಾ᳚ಯ॒ ಶುಂಭ॑ತೇ || 9.38.3
ಏ॒ಷ ಸ್ಯ ಮಾನು॑ಷೀ॒ಷ್ವಾ ಶ್ಯೇ॒ನೋ ನ ವಿ॒ಕ್ಷು ಸೀ᳚ದತಿ |
ಗಚ್ಛಂ᳚ಜಾ॒ರೋ ನ ಯೋ॒ಷಿತ‌ಮ್᳚ || 9.38.4
ಏ॒ಷ ಸ್ಯ ಮದ್ಯೋ॒ ರಸೋಽವ॑ ಚಷ್ಟೇ ದಿ॒ವಃ ಶಿಶುಃ॑ |
ಯ ಇಂದು॒ರ್ವಾರ॒ಮಾವಿ॑ಶತ್ || 9.38.5
ಏ॒ಷ ಸ್ಯ ಪೀ॒ತಯೇ᳚ ಸು॒ತೋ ಹರಿ॑ರರ್ಷತಿ ಧರ್ಣ॒ಸಿಃ |
ಕ್ರಂದ॒ನ್ಯೋನಿ॑ಮ॒ಭಿ ಪ್ರಿ॒ಯ‌ಮ್ || 9.38.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಬೃಹನ್ಮತಿಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಆ॒ಶುರ॑ರ್ಷ ಬೃಹನ್ಮತೇ॒ ಪರಿ॑ ಪ್ರಿ॒ಯೇಣ॒ ಧಾಮ್ನಾ᳚ |
ಯತ್ರ॑ ದೇ॒ವಾ ಇತಿ॒ ಬ್ರವನ್॑ || 9.39.1
ಪ॒ರಿ॒ಷ್ಕೃ॒ಣ್ವನ್ನನಿ॑ಷ್ಕೃತಂ॒ ಜನಾ᳚ಯ ಯಾ॒ತಯ॒ನ್ನಿಷಃ॑ |
ವೃ॒ಷ್ಟಿಂ ದಿ॒ವಃ ಪರಿ॑ ಸ್ರವ || 9.39.2
ಸು॒ತ ಏ᳚ತಿ ಪ॒ವಿತ್ರ॒ ಆ ತ್ವಿಷಿಂ॒ ದಧಾ᳚ನ॒ ಓಜ॑ಸಾ |
ವಿ॒ಚಕ್ಷಾ᳚ಣೋ ವಿರೋ॒ಚಯನ್॑ || 9.39.3
ಅ॒ಯಂ ಸ ಯೋ ದಿ॒ವಸ್ಪರಿ॑ ರಘು॒ಯಾಮಾ᳚ ಪ॒ವಿತ್ರ॒ ಆ |
ಸಿಂಧೋ᳚ರೂ॒ರ್ಮಾ ವ್ಯಕ್ಷ॑ರತ್ || 9.39.4
ಆ॒ವಿವಾ᳚ಸನ್ಪರಾ॒ವತೋ॒ ಅಥೋ᳚ ಅರ್ವಾ॒ವತಃ॑ ಸು॒ತಃ |
ಇಂದ್ರಾ᳚ಯ ಸಿಚ್ಯತೇ॒ ಮಧು॑ || 9.39.5
ಸ॒ಮೀ॒ಚೀ॒ನಾ ಅ॑ನೂಷತ॒ ಹರಿಂ᳚ ಹಿನ್ವ॒‌ನ್ತ್ಯದ್ರಿ॑ಭಿಃ |
ಯೋನಾ᳚ವೃ॒ತಸ್ಯ॑ ಸೀದತ || 9.39.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಬೃಹನ್ಮತಿಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪು॒ನಾ॒ನೋ ಅ॑ಕ್ರಮೀದ॒ಭಿ ವಿಶ್ವಾ॒ ಮೃಧೋ॒ ವಿಚ॑ರ್ಷಣಿಃ |
ಶುಂ॒ಭ‌ನ್ತಿ॒ ವಿಪ್ರಂ᳚ ಧೀ॒ತಿಭಿಃ॑ || 9.40.1
ಆ ಯೋನಿ॑ಮರು॒ಣೋ ರು॑ಹ॒ದ್ಗಮ॒ದಿಂದ್ರಂ॒ ವೃಷಾ᳚ ಸು॒ತಃ |
ಧ್ರು॒ವೇ ಸದ॑ಸಿ ಸೀದತಿ || 9.40.2
ನೂ ನೋ᳚ ರ॒ಯಿಂ ಮ॒ಹಾಮಿಂ᳚ದೋ॒ಽಸ್ಮಭ್ಯಂ᳚ ಸೋಮ ವಿ॒ಶ್ವತಃ॑ |
ಆ ಪ॑ವಸ್ವ ಸಹ॒ಸ್ರಿಣ‌ಮ್᳚ || 9.40.3
ವಿಶ್ವಾ᳚ ಸೋಮ ಪವಮಾನ ದ್ಯು॒ಮ್ನಾನೀಂ᳚ದ॒ವಾ ಭ॑ರ |
ವಿ॒ದಾಃ ಸ॑ಹ॒ಸ್ರಿಣೀ॒ರಿಷಃ॑ || 9.40.4
ಸ ನಃ॑ ಪುನಾ॒ನ ಆ ಭ॑ರ ರ॒ಯಿಂ ಸ್ತೋ॒ತ್ರೇ ಸು॒ವೀರ್ಯ‌ಮ್᳚ |
ಜ॒ರಿ॒ತುರ್ವ॑ರ್ಧಯಾ॒ ಗಿರಃ॑ || 9.40.5
ಪು॒ನಾ॒ನ ಇಂ᳚ದ॒ವಾ ಭ॑ರ॒ ಸೋಮ॑ ದ್ವಿ॒ಬರ್ಹ॑ಸಂ ರ॒ಯಿ‌ಮ್ |
ವೃಷ᳚ನ್ನಿಂದೋ ನ ಉ॒ಕ್ಥ್ಯ‌ಮ್᳚ || 9.40.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯಾತಿಥಿ ಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಯೇ ಗಾವೋ॒ ನ ಭೂರ್ಣ॑ಯಸ್ತ್ವೇ॒ಷಾ ಅ॒ಯಾಸೋ॒ ಅಕ್ರ॑ಮುಃ |
ಘ್ನ‌ನ್ತಃ॑ ಕೃ॒ಷ್ಣಾಮಪ॒ ತ್ವಚ‌ಮ್᳚ || 9.41.1
ಸು॒ವಿ॒ತಸ್ಯ॑ ಮನಾಮ॒ಹೇಽತಿ॒ ಸೇತುಂ᳚ ದುರಾ॒ವ್ಯ‌ಮ್᳚ |
ಸಾ॒ಹ್ವಾಂಸೋ॒ ದಸ್ಯು॑ಮವ್ರ॒ತ‌ಮ್ || 9.41.2
ಶೃ॒ಣ್ವೇ ವೃ॒ಷ್ಟೇರಿ॑ವ ಸ್ವ॒ನಃ ಪವ॑ಮಾನಸ್ಯ ಶು॒ಷ್ಮಿಣಃ॑ |
ಚರ᳚‌ನ್ತಿ ವಿ॒ದ್ಯುತೋ᳚ ದಿ॒ವಿ || 9.41.3
ಆ ಪ॑ವಸ್ವ ಮ॒ಹೀಮಿಷಂ॒ ಗೋಮ॑ದಿಂದೋ॒ ಹಿರ᳚ಣ್ಯವತ್ |
ಅಶ್ವಾ᳚ವ॒ದ್ವಾಜ॑ವತ್ಸು॒ತಃ || 9.41.4
ಸ ಪ॑ವಸ್ವ ವಿಚರ್ಷಣ॒ ಆ ಮ॒ಹೀ ರೋದ॑ಸೀ ಪೃಣ |
ಉ॒ಷಾಃ ಸೂರ್ಯೋ॒ ನ ರ॒ಶ್ಮಿಭಿಃ॑ || 9.41.5
ಪರಿ॑ ಣಃ ಶರ್ಮ॒ಯ‌ನ್ತ್ಯಾ॒ ಧಾರ॑ಯಾ ಸೋಮ ವಿ॒ಶ್ವತಃ॑ |
ಸರಾ᳚ ರ॒ಸೇವ॑ ವಿ॒ಷ್ಟಪ‌ಮ್᳚ || 9.41.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯಾತಿಥಿರೃಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಜ॒ನಯ᳚ನ್ರೋಚ॒ನಾ ದಿ॒ವೋ ಜ॒ನಯ᳚ನ್ನ॒ಪ್ಸು ಸೂರ್ಯ‌ಮ್᳚ |
ವಸಾ᳚ನೋ॒ ಗಾ ಅ॒ಪೋ ಹರಿಃ॑ || 9.42.1
ಏ॒ಷ ಪ್ರ॒ತ್ನೇನ॒ ಮನ್ಮ॑ನಾ ದೇ॒ವೋ ದೇ॒ವೇಭ್ಯ॒ಸ್ಪರಿ॑ |
ಧಾರ॑ಯಾ ಪವತೇ ಸು॒ತಃ || 9.42.2
ವಾ॒ವೃ॒ಧಾ॒ನಾಯ॒ ತೂರ್ವ॑ಯೇ॒ ಪವ᳚‌ನ್ತೇ॒ ವಾಜ॑ಸಾತಯೇ |
ಸೋಮಾಃ᳚ ಸ॒ಹಸ್ರ॑ಪಾಜಸಃ || 9.42.3
ದು॒ಹಾ॒ನಃ ಪ್ರ॒ತ್ನಮಿತ್ಪಯಃ॑ ಪ॒ವಿತ್ರೇ॒ ಪರಿ॑ ಷಿಚ್ಯತೇ |
ಕ್ರಂದಂ᳚ದೇ॒ವಾಁ ಅ॑ಜೀಜನತ್ || 9.42.4
ಅ॒ಭಿ ವಿಶ್ವಾ᳚ನಿ॒ ವಾರ್ಯಾ॒ಭಿ ದೇ॒ವಾಁ ಋ॑ತಾ॒ವೃಧಃ॑ |
ಸೋಮಃ॑ ಪುನಾ॒ನೋ ಅ॑ರ್ಷತಿ || 9.42.5
ಗೋಮ᳚ನ್ನಃ ಸೋಮ ವೀ॒ರವ॒ದಶ್ವಾ᳚ವ॒ದ್ವಾಜ॑ವತ್ಸು॒ತಃ |
ಪವ॑ಸ್ವ ಬೃಹ॒ತೀರಿಷಃ॑ || 9.42.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧ್ಯಾತಿಥಿರೃಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಯೋ ಅತ್ಯ॑ ಇವ ಮೃ॒ಜ್ಯತೇ॒ ಗೋಭಿ॒ರ್ಮದಾ᳚ಯ ಹರ್ಯ॒ತಃ |
ತಂ ಗೀ॒ರ್ಭಿರ್ವಾ᳚ಸಯಾಮಸಿ || 9.43.1
ತಂ ನೋ॒ ವಿಶ್ವಾ᳚ ಅವ॒ಸ್ಯುವೋ॒ ಗಿರಃ॑ ಶುಂಭ‌ನ್ತಿ ಪೂ॒ರ್ವಥಾ᳚ |
ಇಂದು॒ಮಿಂದ್ರಾ᳚ಯ ಪೀ॒ತಯೇ᳚ || 9.43.2
ಪು॒ನಾ॒ನೋ ಯಾ᳚ತಿ ಹರ್ಯ॒ತಃ ಸೋಮೋ᳚ ಗೀ॒ರ್ಭಿಃ ಪರಿ॑ಷ್ಕೃತಃ |
ವಿಪ್ರ॑ಸ್ಯ॒ ಮೇಧ್ಯಾ᳚ತಿಥೇಃ || 9.43.3
ಪವ॑ಮಾನ ವಿ॒ದಾ ರ॒ಯಿಮ॒ಸ್ಮಭ್ಯಂ᳚ ಸೋಮ ಸು॒ಶ್ರಿಯ‌ಮ್᳚ |
ಇಂದೋ᳚ ಸ॒ಹಸ್ರ॑ವರ್ಚಸ‌ಮ್ || 9.43.4
ಇಂದು॒ರತ್ಯೋ॒ ನ ವಾ᳚ಜ॒ಸೃತ್ಕನಿ॑ಕ್ರ‌ನ್ತಿ ಪ॒ವಿತ್ರ॒ ಆ |
ಯದಕ್ಷಾ॒ರತಿ॑ ದೇವ॒ಯುಃ || 9.43.5
ಪವ॑ಸ್ವ॒ ವಾಜ॑ಸಾತಯೇ॒ ವಿಪ್ರ॑ಸ್ಯ ಗೃಣ॒ತೋ ವೃ॒ಧೇ |
ಸೋಮ॒ ರಾಸ್ವ॑ ಸು॒ವೀರ್ಯ‌ಮ್᳚ || 9.43.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸ ಅಯಾಸ್ಯ ಋಷಿಃ , ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ಣ॑ ಇಂದೋ ಮ॒ಹೇ ತನ॑ ಊ॒ರ್ಮಿಂ ನ ಬಿಭ್ರ॑ದರ್ಷಸಿ |
ಅ॒ಭಿ ದೇ॒ವಾಁ ಅ॒ಯಾಸ್ಯಃ॑ || 9.44.1
ಮ॒ತೀ ಜು॒ಷ್ಟೋ ಧಿ॒ಯಾ ಹಿ॒ತಃ ಸೋಮೋ᳚ ಹಿನ್ವೇ ಪರಾ॒ವತಿ॑ |
ವಿಪ್ರ॑ಸ್ಯ॒ ಧಾರ॑ಯಾ ಕ॒ವಿಃ || 9.44.2
ಅ॒ಯಂ ದೇ॒ವೇಷು॒ ಜಾಗೃ॑ವಿಃ ಸು॒ತ ಏ᳚ತಿ ಪ॒ವಿತ್ರ॒ ಆ |
ಸೋಮೋ᳚ ಯಾತಿ॒ ವಿಚ॑ರ್ಷಣಿಃ || 9.44.3
ಸ ನಃ॑ ಪವಸ್ವ ವಾಜ॒ಯುಶ್ಚ॑ಕ್ರಾ॒ಣಶ್ಚಾರು॑ಮಧ್ವ॒ರ‌ಮ್ |
ಬ॒ರ್ಹಿಷ್ಮಾಁ॒ ಆ ವಿ॑ವಾಸತಿ || 9.44.4
ಸ ನೋ॒ ಭಗಾ᳚ಯ ವಾ॒ಯವೇ॒ ವಿಪ್ರ॑ವೀರಃ ಸ॒ದಾವೃ॑ಧಃ |
ಸೋಮೋ᳚ ದೇ॒ವೇಷ್ವಾ ಯ॑ಮತ್ || 9.44.5
ಸ ನೋ᳚ ಅ॒ದ್ಯ ವಸು॑ತ್ತಯೇ ಕ್ರತು॒ವಿದ್ಗಾ᳚ತು॒ವಿತ್ತ॑ಮಃ |
ವಾಜಂ᳚ ಜೇಷಿ॒ ಶ್ರವೋ᳚ ಬೃ॒ಹತ್ || 9.44.6

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾಂಗಿರಸ ಅಯಾಸ್ಯ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಸ ಪ॑ವಸ್ವ॒ ಮದಾ᳚ಯ॒ ಕಂ ನೃ॒ಚಕ್ಷಾ᳚ ದೇ॒ವವೀ᳚ತಯೇ |
ಇಂದ॒ವಿಂದ್ರಾ᳚ಯ ಪೀ॒ತಯೇ᳚ || 9.45.1
ಸ ನೋ᳚ ಅರ್ಷಾ॒ಭಿ ದೂ॒ತ್ಯಂ1॒॑ ತ್ವಮಿಂದ್ರಾ᳚ಯ ತೋಶಸೇ |
ದೇ॒ವಾ‌‌ನ್ತ್ಸಖಿ॑ಭ್ಯ॒ ಆ ವರ‌ಮ್᳚ || 9.45.2
ಉ॒ತ ತ್ವಾಮ॑ರು॒ಣಂ ವ॒ಯಂ ಗೋಭಿ॑ರಂಜ್ಮೋ॒ ಮದಾ᳚ಯ॒ ಕ‌ಮ್ |
ವಿ ನೋ᳚ ರಾ॒ಯೇ ದುರೋ᳚ ವೃಧಿ || 9.45.3
ಅತ್ಯೂ᳚ ಪ॒ವಿತ್ರ॑ಮಕ್ರಮೀದ್ವಾ॒ಜೀ ಧುರಂ॒ ನ ಯಾಮ॑ನಿ |
ಇಂದು॑ರ್ದೇ॒ವೇಷು॑ ಪತ್ಯತೇ || 9.45.4
ಸಮೀ॒ ಸಖಾ᳚ಯೋ ಅಸ್ವರ॒ನ್ವನೇ॒ ಕ್ರೀಳ᳚‌ನ್ತ॒ಮತ್ಯ॑ವಿ‌ಮ್ |
ಇಂದುಂ᳚ ನಾ॒ವಾ ಅ॑ನೂಷತ || 9.45.5
ತಯಾ᳚ ಪವಸ್ವ॒ ಧಾರ॑ಯಾ॒ ಯಯಾ᳚ ಪೀ॒ತೋ ವಿ॒ಚಕ್ಷ॑ಸೇ |
ಇಂದೋ᳚ ಸ್ತೋ॒ತ್ರೇ ಸು॒ವೀರ್ಯ‌ಮ್᳚ || 9.45.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸ ಅಯಾಸ್ಯ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಅಸೃ॑ಗ್ರಂದೇ॒ವವೀ᳚ತ॒ಯೇಽತ್ಯಾ᳚ಸಃ॒ ಕೃತ್ವ್ಯಾ᳚ ಇವ |
ಕ್ಷರ᳚‌ನ್ತಃ ಪರ್ವತಾ॒ವೃಧಃ॑ || 9.46.1
ಪರಿ॑ಷ್ಕೃತಾಸ॒ ಇಂದ॑ವೋ॒ ಯೋಷೇ᳚ವ॒ ಪಿತ್ರ್ಯಾ᳚ವತೀ |
ವಾ॒ಯುಂ ಸೋಮಾ᳚ ಅಸೃಕ್ಷತ || 9.46.2
ಏ॒ತೇ ಸೋಮಾ᳚ಸ॒ ಇಂದ॑ವಃ॒ ಪ್ರಯ॑ಸ್ವ‌ನ್ತಶ್ಚ॒ಮೂ ಸು॒ತಾಃ |
ಇಂದ್ರಂ᳚ ವರ್ಧ‌ನ್ತಿ॒ ಕರ್ಮ॑ಭಿಃ || 9.46.3
ಆ ಧಾ᳚ವತಾ ಸುಹಸ್ತ್ಯಃ ಶು॒ಕ್ರಾ ಗೃ॑ಭ್ಣೀತ ಮ॒‌ನ್ಥಿನಾ᳚ |
ಗೋಭಿಃ॑ ಶ್ರೀಣೀತ ಮತ್ಸ॒ರ‌ಮ್ || 9.46.4
ಸ ಪ॑ವಸ್ವ ಧನಂಜಯ ಪ್ರಯ॒‌ನ್ತಾ ರಾಧ॑ಸೋ ಮ॒ಹಃ |
ಅ॒ಸ್ಮಭ್ಯಂ᳚ ಸೋಮ ಗಾತು॒ವಿತ್ || 9.46.5
ಏ॒ತಂ ಮೃ॑ಜ‌ನ್ತಿ॒ ಮರ್ಜ್ಯಂ॒ ಪವ॑ಮಾನಂ॒ ದಶ॒ ಕ್ಷಿಪಃ॑ |
ಇಂದ್ರಾ᳚ಯ ಮತ್ಸ॒ರಂ ಮದ‌ಮ್᳚ || 9.46.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿರೃಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಅ॒ಯಾ ಸೋಮಃ॑ ಸುಕೃ॒ತ್ಯಯಾ᳚ ಮ॒ಹಶ್ಚಿ॑ದ॒ಭ್ಯ॑ವರ್ಧತ |
ಮಂ॒ದಾ॒ನ ಉದ್ವೃ॑ಷಾಯತೇ || 9.47.1
ಕೃ॒ತಾನೀದ॑ಸ್ಯ॒ ಕರ್ತ್ವಾ॒ ಚೇತ᳚‌ನ್ತೇ ದಸ್ಯು॒ತರ್ಹ॑ಣಾ |
ಋ॒ಣಾ ಚ॑ ಧೃ॒ಷ್ಣುಶ್ಚ॑ಯತೇ || 9.47.2
ಆತ್ಸೋಮ॑ ಇಂದ್ರಿ॒ಯೋ ರಸೋ॒ ವಜ್ರಃ॑ ಸಹಸ್ರ॒ಸಾ ಭು॑ವತ್ |
ಉ॒ಕ್ಥಂ ಯದ॑ಸ್ಯ॒ ಜಾಯ॑ತೇ || 9.47.3
ಸ್ವ॒ಯಂ ಕ॒ವಿರ್ವಿ॑ಧ॒ರ್ತರಿ॒ ವಿಪ್ರಾ᳚ಯ॒ ರತ್ನ॑ಮಿಚ್ಛತಿ |
ಯದೀ᳚ ಮರ್ಮೃ॒ಜ್ಯತೇ॒ ಧಿಯಃ॑ || 9.47.4
ಸಿ॒ಷಾ॒ಸತೂ᳚ ರಯೀ॒ಣಾಂ ವಾಜೇ॒ಷ್ವರ್ವ॑ತಾಮಿವ |
ಭರೇ᳚ಷು ಜಿ॒ಗ್ಯುಷಾ᳚ಮಸಿ || 9.47.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ತಂ ತ್ವಾ᳚ ನೃ॒ಮ್ಣಾನಿ॒ ಬಿಭ್ರ॑ತಂ ಸ॒ಧಸ್ಥೇ᳚ಷು ಮ॒ಹೋ ದಿ॒ವಃ |
ಚಾರುಂ᳚ ಸುಕೃ॒ತ್ಯಯೇ᳚ಮಹೇ || 9.48.1
ಸಂವೃ॑ಕ್ತಧೃಷ್ಣುಮು॒ಕ್ಥ್ಯಂ᳚ ಮ॒ಹಾಮ॑ಹಿವ್ರತಂ॒ ಮದ‌ಮ್᳚ |
ಶ॒ತಂ ಪುರೋ᳚ ರುರು॒ಕ್ಷಣಿ‌ಮ್᳚ || 9.48.2
ಅತ॑ಸ್ತ್ವಾ ರ॒ಯಿಮ॒ಭಿ ರಾಜಾ᳚ನಂ ಸುಕ್ರತೋ ದಿ॒ವಃ |
ಸು॒ಪ॒ರ್ಣೋ ಅ᳚ವ್ಯ॒ಥಿರ್ಭ॑ರತ್ || 9.48.3
ವಿಶ್ವ॑ಸ್ಮಾ॒ ಇತ್ಸ್ವ॑ರ್ದೃ॒ಶೇ ಸಾಧಾ᳚ರಣಂ ರಜ॒ಸ್ತುರ‌ಮ್᳚ |
ಗೋ॒ಪಾಮೃ॒ತಸ್ಯ॒ ವಿರ್ಭ॑ರತ್ || 9.48.4
ಅಧಾ᳚ ಹಿನ್ವಾ॒ನ ಇಂ᳚ದ್ರಿ॒ಯಂ ಜ್ಯಾಯೋ᳚ ಮಹಿ॒ತ್ವಮಾ᳚ನಶೇ |
ಅ॒ಭಿ॒ಷ್ಟಿ॒ಕೃದ್ವಿಚ॑ರ್ಷಣಿಃ || 9.48.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿಜೃಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪವ॑ಸ್ವ ವೃ॒ಷ್ಟಿಮಾ ಸು ನೋ॒ಽಪಾಮೂ॒ರ್ಮಿಂ ದಿ॒ವಸ್ಪರಿ॑ |
ಅ॒ಯ॒ಕ್ಷ್ಮಾ ಬೃ॑ಹ॒ತೀರಿಷಃ॑ || 9.49.1
ತಯಾ᳚ ಪವಸ್ವ॒ ಧಾರ॑ಯಾ॒ ಯಯಾ॒ ಗಾವ॑ ಇ॒ಹಾಗಮನ್॑ |
ಜನ್ಯಾ᳚ಸ॒ ಉಪ॑ ನೋ ಗೃ॒ಹ‌ಮ್ || 9.49.2
ಘೃ॒ತಂ ಪ॑ವಸ್ವ॒ ಧಾರ॑ಯಾ ಯ॒ಜ್ಞೇಷು॑ ದೇವ॒ವೀತ॑ಮಃ |
ಅ॒ಸ್ಮಭ್ಯಂ᳚ ವೃ॒ಷ್ಟಿಮಾ ಪ॑ವ || 9.49.3
ಸ ನ॑ ಊ॒ರ್ಜೇ ವ್ಯ1॒᳚ವ್ಯಯಂ᳚ ಪ॒ವಿತ್ರಂ᳚ ಧಾವ॒ ಧಾರ॑ಯಾ |
ದೇ॒ವಾಸಃ॑ ಶೃ॒ಣವ॒ನ್ಹಿ ಕ‌ಮ್᳚ || 9.49.4
ಪವ॑ಮಾನೋ ಅಸಿಷ್ಯದ॒ದ್ರಕ್ಷಾಂ᳚ಸ್ಯಪ॒ಜಂಘ॑ನತ್ |
ಪ್ರ॒ತ್ನ॒ವದ್ರೋ॒ಚಯ॒ನ್ರುಚಃ॑ || 9.49.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸ ಉಚಥ್ಯ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಉತ್ತೇ॒ ಶುಷ್ಮಾ᳚ಸ ಈರತೇ॒ ಸಿಂಧೋ᳚ರೂ॒ರ್ಮೇರಿ॑ವ ಸ್ವ॒ನಃ |
ವಾ॒ಣಸ್ಯ॑ ಚೋದಯಾ ಪ॒ವಿ‌ಮ್ || 9.50.1
ಪ್ರ॒ಸ॒ವೇ ತ॒ ಉದೀ᳚ರತೇ ತಿ॒ಸ್ರೋ ವಾಚೋ᳚ ಮಖ॒ಸ್ಯುವಃ॑ |
ಯದವ್ಯ॒ ಏಷಿ॒ ಸಾನ॑ವಿ || 9.50.2
ಅವ್ಯೋ॒ ವಾರೇ॒ ಪರಿ॑ ಪ್ರಿ॒ಯಂ ಹರಿಂ᳚ ಹಿನ್ವ॒‌ನ್ತ್ಯದ್ರಿ॑ಭಿಃ |
ಪವ॑ಮಾನಂ ಮಧು॒ಶ್ಚುತ‌ಮ್᳚ || 9.50.3
ಆ ಪ॑ವಸ್ವ ಮದಿ‌ನ್ತಮ ಪ॒ವಿತ್ರಂ॒ ಧಾರ॑ಯಾ ಕವೇ |
ಅ॒ರ್ಕಸ್ಯ॒ ಯೋನಿ॑ಮಾ॒ಸದ‌ಮ್᳚ || 9.50.4
ಸ ಪ॑ವಸ್ವ ಮದಿ‌ನ್ತಮ॒ ಗೋಭಿ॑ರಂಜಾ॒ನೋ ಅ॒ಕ್ತುಭಿಃ॑ |
ಇಂದ॒ವಿಂದ್ರಾ᳚ಯ ಪೀ॒ತಯೇ᳚ || 9.50.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸ ಉಚಥ್ಯ ಋಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಅಧ್ವ᳚ರ್ಯೋ॒ ಅದ್ರಿ॑ಭಿಃ ಸು॒ತಂ ಸೋಮಂ᳚ ಪ॒ವಿತ್ರ॒ ಆ ಸೃ॑ಜ |
ಪು॒ನೀ॒ಹೀಂದ್ರಾ᳚ಯ॒ ಪಾತ॑ವೇ || 9.51.1
ದಿ॒ವಃ ಪೀ॒ಯೂಷ॑ಮುತ್ತ॒ಮಂ ಸೋಮ॒ಮಿಂದ್ರಾ᳚ಯ ವ॒ಜ್ರಿಣೇ᳚ |
ಸು॒ನೋತಾ॒ ಮಧು॑ಮತ್ತಮ‌ಮ್ || 9.51.2
ತವ॒ ತ್ಯ ಇಂ᳚ದೋ॒ ಅಂಧ॑ಸೋ ದೇ॒ವಾ ಮಧೋ॒ರ್ವ್ಯ॑ಶ್ನತೇ |
ಪವ॑ಮಾನಸ್ಯ ಮ॒ರುತಃ॑ || 9.51.3
ತ್ವಂ ಹಿ ಸೋ᳚ಮ ವ॒ರ್ಧಯ᳚‌‌ನ್ತ್ಸು॒ತೋ ಮದಾ᳚ಯ॒ ಭೂರ್ಣ॑ಯೇ |
ವೃಷ᳚‌‌ನ್ತ್ಸ್ತೋ॒ತಾರ॑ಮೂ॒ತಯೇ᳚ || 9.51.4
ಅ॒ಭ್ಯ॑ರ್ಷ ವಿಚಕ್ಷಣ ಪ॒ವಿತ್ರಂ॒ ಧಾರ॑ಯಾ ಸು॒ತಃ |
ಅ॒ಭಿ ವಾಜ॑ಮು॒ತ ಶ್ರವಃ॑ || 9.51.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸ ಉಚಥ್ಯ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪರಿ॑ ದ್ಯು॒ಕ್ಷಃ ಸ॒ನದ್ರ॑ಯಿ॒ರ್ಭರ॒ದ್ವಾಜಂ᳚ ನೋ॒ ಅಂಧ॑ಸಾ |
ಸು॒ವಾ॒ನೋ ಅ॑ರ್ಷ ಪ॒ವಿತ್ರ॒ ಆ || 9.52.1
ತವ॑ ಪ್ರ॒ತ್ನೇಭಿ॒ರಧ್ವ॑ಭಿ॒ರವ್ಯೋ॒ ವಾರೇ॒ ಪರಿ॑ ಪ್ರಿ॒ಯಃ |
ಸ॒ಹಸ್ರ॑ಧಾರೋ ಯಾ॒ತ್ತನಾ᳚ || 9.52.2
ಚ॒ರುರ್ನ ಯಸ್ತಮೀಂ᳚ಖ॒ಯೇಂದೋ॒ ನ ದಾನ॑ಮೀಂಖಯ |
ವ॒ಧೈರ್ವ॑ಧಸ್ನವೀಂಖಯ || 9.52.3
ನಿ ಶುಷ್ಮ॑ಮಿಂದವೇಷಾಂ॒ ಪುರು॑ಹೂತ॒ ಜನಾ᳚ನಾ‌ಮ್ |
ಯೋ ಅ॒ಸ್ಮಾಁ ಆ॒ದಿದೇ᳚ಶತಿ || 9.52.4
ಶ॒ತಂ ನ॑ ಇಂದ ಊ॒ತಿಭಿಃ॑ ಸ॒ಹಸ್ರಂ᳚ ವಾ॒ ಶುಚೀ᳚ನಾ‌ಮ್ |
ಪವ॑ಸ್ವ ಮಂಹ॒ಯದ್ರ॑ಯಿಃ || 9.52.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಉತ್ತೇ॒ ಶುಷ್ಮಾ᳚ಸೋ ಅಸ್ಥೂ॒ ರಕ್ಷೋ᳚ ಭಿಂ॒ದ‌ನ್ತೋ᳚ ಅದ್ರಿವಃ |
ನು॒ದಸ್ವ॒ ಯಾಃ ಪ॑ರಿ॒ಸ್ಪೃಧಃ॑ || 9.53.1
ಅ॒ಯಾ ನಿ॑ಜ॒ಘ್ನಿರೋಜ॑ಸಾ ರಥಸಂ॒ಗೇ ಧನೇ᳚ ಹಿ॒ತೇ |
ಸ್ತವಾ॒ ಅಬಿ॑ಭ್ಯುಷಾ ಹೃ॒ದಾ || 9.53.2
ಅಸ್ಯ᳚ ವ್ರ॒ತಾನಿ॒ ನಾಧೃಷೇ॒ ಪವ॑ಮಾನಸ್ಯ ದೂ॒ಢ್ಯಾ᳚ |
ರು॒ಜ ಯಸ್ತ್ವಾ᳚ ಪೃತ॒ನ್ಯತಿ॑ || 9.53.3
ತಂ ಹಿ᳚ನ್ವ‌ನ್ತಿ ಮದ॒ಚ್ಯುತಂ॒ ಹರಿಂ᳚ ನ॒ದೀಷು॑ ವಾ॒ಜಿನ‌ಮ್᳚ |
ಇಂದು॒ಮಿಂದ್ರಾ᳚ಯ ಮತ್ಸ॒ರ‌ಮ್ || 9.53.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಅ॒ಸ್ಯ ಪ್ರ॒ತ್ನಾಮನು॒ ದ್ಯುತಂ᳚ ಶು॒ಕ್ರಂ ದು॑ದುಹ್ರೇ॒ ಅಹ್ರ॑ಯಃ |
ಪಯಃ॑ ಸಹಸ್ರ॒ಸಾಮೃಷಿ‌ಮ್᳚ || 9.54.1
ಅ॒ಯಂ ಸೂರ್ಯ॑ ಇವೋಪ॒ದೃಗ॒ಯಂ ಸರಾಂ᳚ಸಿ ಧಾವತಿ |
ಸ॒ಪ್ತ ಪ್ರ॒ವತ॒ ಆ ದಿವ‌ಮ್᳚ || 9.54.2
ಅ॒ಯಂ ವಿಶ್ವಾ᳚ನಿ ತಿಷ್ಠತಿ ಪುನಾ॒ನೋ ಭುವ॑ನೋ॒ಪರಿ॑ |
ಸೋಮೋ᳚ ದೇ॒ವೋ ನ ಸೂರ್ಯಃ॑ || 9.54.3
ಪರಿ॑ ಣೋ ದೇ॒ವವೀ᳚ತಯೇ॒ ವಾಜಾಁ᳚ ಅರ್ಷಸಿ॒ ಗೋಮ॑ತಃ |
ಪು॒ನಾ॒ನ ಇಂ᳚ದವಿಂದ್ರ॒ಯುಃ || 9.54.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಯವಂ᳚ಯವಂ ನೋ॒ ಅಂಧ॑ಸಾ ಪು॒ಷ್ಟಂಪು॑ಷ್ಟಂ॒ ಪರಿ॑ ಸ್ರವ |
ಸೋಮ॒ ವಿಶ್ವಾ᳚ ಚ॒ ಸೌಭ॑ಗಾ || 9.55.1
ಇಂದೋ॒ ಯಥಾ॒ ತವ॒ ಸ್ತವೋ॒ ಯಥಾ᳚ ತೇ ಜಾ॒ತಮಂಧ॑ಸಃ |
ನಿ ಬ॒ರ್ಹಿಷಿ॑ ಪ್ರಿ॒ಯೇ ಸ॑ದಃ || 9.55.2
ಉ॒ತ ನೋ᳚ ಗೋ॒ವಿದ॑ಶ್ವ॒ವಿತ್ಪವ॑ಸ್ವ ಸೋ॒ಮಾಂಧ॑ಸಾ |
ಮ॒ಕ್ಷೂತ॑ಮೇಭಿ॒ರಹ॑ಭಿಃ || 9.55.3
ಯೋ ಜಿ॒ನಾತಿ॒ ನ ಜೀಯ॑ತೇ॒ ಹ‌ನ್ತಿ॒ ಶತ್ರು॑ಮ॒ಭೀತ್ಯ॑ |
ಸ ಪ॑ವಸ್ವ ಸಹಸ್ರಜಿತ್ || 9.55.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪರಿ॒ ಸೋಮ॑ ಋ॒ತಂ ಬೃ॒ಹದಾ॒ಶುಃ ಪ॒ವಿತ್ರೇ᳚ ಅರ್ಷತಿ |
ವಿ॒ಘ್ನನ್ರಕ್ಷಾಂ᳚ಸಿ ದೇವ॒ಯುಃ || 9.56.1
ಯತ್ಸೋಮೋ॒ ವಾಜ॒ಮರ್ಷ॑ತಿ ಶ॒ತಂ ಧಾರಾ᳚ ಅಪ॒ಸ್ಯುವಃ॑ |
ಇಂದ್ರ॑ಸ್ಯ ಸ॒ಖ್ಯಮಾ᳚ವಿ॒ಶನ್ || 9.56.2
ಅ॒ಭಿ ತ್ವಾ॒ ಯೋಷ॑ಣೋ॒ ದಶ॑ ಜಾ॒ರಂ ನ ಕ॒ನ್ಯಾ᳚ನೂಷತ |
ಮೃ॒ಜ್ಯಸೇ᳚ ಸೋಮ ಸಾ॒ತಯೇ᳚ || 9.56.3
ತ್ವಮಿಂದ್ರಾ᳚ಯ॒ ವಿಷ್ಣ॑ವೇ ಸ್ವಾ॒ದುರಿಂ᳚ದೋ॒ ಪರಿ॑ ಸ್ರವ |
ನೄ‌‌ನ್ತ್ಸ್ತೋ॒ತೄನ್ಪಾ॒ಹ್ಯಂಹ॑ಸಃ || 9.56.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪ್ರ ತೇ॒ ಧಾರಾ᳚ ಅಸ॒ಶ್ಚತೋ᳚ ದಿ॒ವೋ ನ ಯ᳚‌ನ್ತಿ ವೃ॒ಷ್ಟಯಃ॑ |
ಅಚ್ಛಾ॒ ವಾಜಂ᳚ ಸಹ॒ಸ್ರಿಣ‌ಮ್᳚ || 9.57.1
ಅ॒ಭಿ ಪ್ರಿ॒ಯಾಣಿ॒ ಕಾವ್ಯಾ॒ ವಿಶ್ವಾ॒ ಚಕ್ಷಾ᳚ಣೋ ಅರ್ಷತಿ |
ಹರಿ॑ಸ್ತುಂಜಾ॒ನ ಆಯು॑ಧಾ || 9.57.2
ಸ ಮ᳚ರ್ಮೃಜಾ॒ನ ಆ॒ಯುಭಿ॒ರಿಭೋ॒ ರಾಜೇ᳚ವ ಸುವ್ರ॒ತಃ |
ಶ್ಯೇ॒ನೋ ನ ವಂಸು॑ ಷೀದತಿ || 9.57.3
ಸ ನೋ॒ ವಿಶ್ವಾ᳚ ದಿ॒ವೋ ವಸೂ॒ತೋ ಪೃ॑ಥಿ॒ವ್ಯಾ ಅಧಿ॑ |
ಪು॒ನಾ॒ನ ಇಂ᳚ದ॒ವಾ ಭ॑ರ || 9.57.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ತರ॒ತ್ಸ ಮಂ॒ದೀ ಧಾ᳚ವತಿ॒ ಧಾರಾ᳚ ಸು॒ತಸ್ಯಾಂಧ॑ಸಃ |
ತರ॒ತ್ಸ ಮಂ॒ದೀ ಧಾ᳚ವತಿ || 9.58.1
ಉ॒ಸ್ರಾ ವೇ᳚ದ॒ ವಸೂ᳚ನಾಂ॒ ಮರ್ತ॑ಸ್ಯ ದೇ॒ವ್ಯವ॑ಸಃ |
ತರ॒ತ್ಸ ಮಂ॒ದೀ ಧಾ᳚ವತಿ || 9.58.2
ಧ್ವ॒ಸ್ರಯೋಃ᳚ ಪುರು॒ಷ‌ನ್ತ್ಯೋ॒ರಾ ಸ॒ಹಸ್ರಾ᳚ಣಿ ದದ್ಮಹೇ |
ತರ॒ತ್ಸ ಮಂ॒ದೀ ಧಾ᳚ವತಿ || 9.58.3
ಆ ಯಯೋ᳚ಸ್ತ್ರಿಂ॒ಶತಂ॒ ತನಾ᳚ ಸ॒ಹಸ್ರಾ᳚ಣಿ ಚ॒ ದದ್ಮ॑ಹೇ |
ತರ॒ತ್ಸ ಮಂ॒ದೀ ಧಾ᳚ವತಿ || 9.58.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಪವ॑ಸ್ವ ಗೋ॒ಜಿದ॑ಶ್ವ॒ಜಿದ್ವಿ॑ಶ್ವ॒ಜಿತ್ಸೋ᳚ಮ ರಣ್ಯ॒ಜಿತ್ |
ಪ್ರ॒ಜಾವ॒ದ್ರತ್ನ॒ಮಾ ಭ॑ರ || 9.59.1
ಪವ॑ಸ್ವಾ॒ದ್ಭ್ಯೋ ಅದಾ᳚ಭ್ಯಃ॒ ಪವ॒ಸ್ವೌಷ॑ಧೀಭ್ಯಃ |
ಪವ॑ಸ್ವ ಧಿ॒ಷಣಾ᳚ಭ್ಯಃ || 9.59.2
ತ್ವಂ ಸೋ᳚ಮ॒ ಪವ॑ಮಾನೋ॒ ವಿಶ್ವಾ᳚ನಿ ದುರಿ॒ತಾ ತ॑ರ |
ಕ॒ವಿಃ ಸೀ᳚ದ॒ ನಿ ಬ॒ರ್ಹಿಷಿ॑ || 9.59.3
ಪವ॑ಮಾನ॒ ಸ್ವ᳚ರ್ವಿದೋ॒ ಜಾಯ॑ಮಾನೋಽಭವೋ ಮ॒ಹಾನ್ |
ಇಂದೋ॒ ವಿಶ್ವಾಁ᳚ ಅ॒ಭೀದ॑ಸಿ || 9.59.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋಽವತ್ಸಾರ ಋಷಿಃ, ಪವಮಾನಃ ಸೋಮೋ ದೇವತಾ, (1-2, 4) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾಶ್ಚ ಗಾಯತ್ರೀ, (3) ತೃತೀಯಾಯಾಶ್ಚ ಪುರ ಉಷ್ಣಿಕ್ ಛಂದಸೀ

ಪ್ರ ಗಾ᳚ಯ॒ತ್ರೇಣ॑ ಗಾಯತ॒ ಪವ॑ಮಾನಂ॒ ವಿಚ॑ರ್ಷಣಿ‌ಮ್ |
ಇಂದುಂ᳚ ಸ॒ಹಸ್ರ॑ಚಕ್ಷಸ‌ಮ್ || 9.60.1
ತಂ ತ್ವಾ᳚ ಸ॒ಹಸ್ರ॑ಚಕ್ಷಸ॒ಮಥೋ᳚ ಸ॒ಹಸ್ರ॑ಭರ್ಣಸ‌ಮ್ |
ಅತಿ॒ ವಾರ॑ಮಪಾವಿಷುಃ || 9.60.2
ಅತಿ॒ ವಾರಾ॒ನ್ಪವ॑ಮಾನೋ ಅಸಿಷ್ಯದತ್ಕ॒ಲಶಾಁ᳚ ಅ॒ಭಿ ಧಾ᳚ವತಿ |
ಇಂದ್ರ॑ಸ್ಯ॒ ಹಾರ್ದ್ಯಾ᳚ವಿ॒ಶನ್ || 9.60.3
ಇಂದ್ರ॑ಸ್ಯ ಸೋಮ॒ ರಾಧ॑ಸೇ॒ ಶಂ ಪ॑ವಸ್ವ ವಿಚರ್ಷಣೇ |
ಪ್ರ॒ಜಾವ॒ದ್ರೇತ॒ ಆ ಭ॑ರ || 9.60.4

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋಽಮಹೀಯಾ ಷಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಅ॒ಯಾ ವೀ॒ತೀ ಪರಿ॑ ಸ್ರವ॒ ಯಸ್ತ॑ ಇಂದೋ॒ ಮದೇ॒ಷ್ವಾ |
ಅ॒ವಾಹ᳚ನ್ನವ॒ತೀರ್ನವ॑ || 9.61.1
ಪುರಃ॑ ಸ॒ದ್ಯ ಇ॒ತ್ಥಾಧಿ॑ಯೇ॒ ದಿವೋ᳚ದಾಸಾಯ॒ ಶಂಬ॑ರ‌ಮ್ |
ಅಧ॒ ತ್ಯಂ ತು॒ರ್ವಶಂ॒ ಯದು‌ಮ್᳚ || 9.61.2
ಪರಿ॑ ಣೋ॒ ಅಶ್ವ॑ಮಶ್ವ॒ವಿದ್ಗೋಮ॑ದಿಂದೋ॒ ಹಿರ᳚ಣ್ಯವತ್ |
ಕ್ಷರಾ᳚ ಸಹ॒ಸ್ರಿಣೀ॒ರಿಷಃ॑ || 9.61.3
ಪವ॑ಮಾನಸ್ಯ ತೇ ವ॒ಯಂ ಪ॒ವಿತ್ರ॑ಮಭ್ಯುಂದ॒ತಃ |
ಸ॒ಖಿ॒ತ್ವಮಾ ವೃ॑ಣೀಮಹೇ || 9.61.4
ಯೇ ತೇ᳚ ಪ॒ವಿತ್ರ॑ಮೂ॒ರ್ಮಯೋ᳚ಽಭಿ॒ಕ್ಷರ᳚‌ನ್ತಿ॒ ಧಾರ॑ಯಾ |
ತೇಭಿ᳚ರ್ನಃ ಸೋಮ ಮೃಳಯ || 9.61.5
ಸ ನಃ॑ ಪುನಾ॒ನ ಆ ಭ॑ರ ರ॒ಯಿಂ ವೀ॒ರವ॑ತೀ॒ಮಿಷ‌ಮ್᳚ |
ಈಶಾ᳚ನಃ ಸೋಮ ವಿ॒ಶ್ವತಃ॑ || 9.61.6
ಏ॒ತಮು॒ ತ್ಯಂ ದಶ॒ ಕ್ಷಿಪೋ᳚ ಮೃ॒ಜ‌ನ್ತಿ॒ ಸಿಂಧು॑ಮಾತರ‌ಮ್ |
ಸಮಾ᳚ದಿ॒ತ್ಯೇಭಿ॑ರಖ್ಯತ || 9.61.7
ಸಮಿಂದ್ರೇ᳚ಣೋ॒ತ ವಾ॒ಯುನಾ᳚ ಸು॒ತ ಏ᳚ತಿ ಪ॒ವಿತ್ರ॒ ಆ |
ಸಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ || 9.61.8
ಸ ನೋ॒ ಭಗಾ᳚ಯ ವಾ॒ಯವೇ᳚ ಪೂ॒ಷ್ಣೇ ಪ॑ವಸ್ವ॒ ಮಧು॑ಮಾನ್ |
ಚಾರು᳚ರ್ಮಿ॒ತ್ರೇ ವರು॑ಣೇ ಚ || 9.61.9
ಉ॒ಚ್ಚಾ ತೇ᳚ ಜಾ॒ತಮಂಧ॑ಸೋ ದಿ॒ವಿ ಷದ್ಭೂಮ್ಯಾ ದ॑ದೇ |
ಉ॒ಗ್ರಂ ಶರ್ಮ॒ ಮಹಿ॒ ಶ್ರವಃ॑ || 9.61.10
ಏ॒ನಾ ವಿಶ್ವಾ᳚ನ್ಯ॒ರ್ಯ ಆ ದ್ಯು॒ಮ್ನಾನಿ॒ ಮಾನು॑ಷಾಣಾ‌ಮ್ |
ಸಿಷಾ᳚ಸ‌ನ್ತೋ ವನಾಮಹೇ || 9.61.11
ಸ ನ॒ ಇಂದ್ರಾ᳚ಯ॒ ಯಜ್ಯ॑ವೇ॒ ವರು॑ಣಾಯ ಮ॒ರುದ್ಭ್ಯಃ॑ |
ವ॒ರಿ॒ವೋ॒ವಿತ್ಪರಿ॑ ಸ್ರವ || 9.61.12
ಉಪೋ॒ ಷು ಜಾ॒ತಮ॒ಪ್ತುರಂ॒ ಗೋಭಿ॑ರ್ಭಂ॒ಗಂ ಪರಿ॑ಷ್ಕೃತ‌ಮ್ |
ಇಂದುಂ᳚ ದೇ॒ವಾ ಅ॑ಯಾಸಿಷುಃ || 9.61.13
ತಮಿದ್ವ॑ರ್ಧ‌ನ್ತು ನೋ॒ ಗಿರೋ᳚ ವ॒ತ್ಸಂ ಸಂ॒ಶಿಶ್ವ॑ರೀರಿವ |
ಯ ಇಂದ್ರ॑ಸ್ಯ ಹೃದಂ॒ಸನಿಃ॑ || 9.61.14
ಅರ್ಷಾ᳚ ಣಃ ಸೋಮ॒ ಶಂ ಗವೇ᳚ ಧು॒ಕ್ಷಸ್ವ॑ ಪಿ॒ಪ್ಯುಷೀ॒ಮಿಷ‌ಮ್᳚ |
ವರ್ಧಾ᳚ ಸಮು॒ದ್ರಮು॒ಕ್ಥ್ಯ‌ಮ್᳚ || 9.61.15
ಪವ॑ಮಾನೋ ಅಜೀಜನದ್ದಿ॒ವಶ್ಚಿ॒ತ್ರಂ ನ ತ᳚ನ್ಯ॒ತು‌ಮ್ |
ಜ್ಯೋತಿ᳚ರ್ವೈಶ್ವಾನ॒ರಂ ಬೃ॒ಹತ್ || 9.61.16
ಪವ॑ಮಾನಸ್ಯ ತೇ॒ ರಸೋ॒ ಮದೋ᳚ ರಾಜನ್ನದುಚ್ಛು॒ನಃ |
ವಿ ವಾರ॒ಮವ್ಯ॑ಮರ್ಷತಿ || 9.61.17
ಪವ॑ಮಾನ॒ ರಸ॒ಸ್ತವ॒ ದಕ್ಷೋ॒ ವಿ ರಾ᳚ಜತಿ ದ್ಯು॒ಮಾನ್ |
ಜ್ಯೋತಿ॒ರ್ವಿಶ್ವಂ॒ ಸ್ವ॑ರ್ದೃ॒ಶೇ || 9.61.18
ಯಸ್ತೇ॒ ಮದೋ॒ ವರೇ᳚ಣ್ಯ॒ಸ್ತೇನಾ᳚ ಪವ॒ಸ್ವಾಂಧ॑ಸಾ |
ದೇ॒ವಾ॒ವೀರ॑ಘಶಂಸ॒ಹಾ || 9.61.19
ಜಘ್ನಿ᳚ರ್ವೃ॒ತ್ರಮ॑ಮಿ॒ತ್ರಿಯಂ॒ ಸಸ್ನಿ॒ರ್ವಾಜಂ᳚ ದಿ॒ವೇದಿ॑ವೇ |
ಗೋ॒ಷಾ ಉ॑ ಅಶ್ವ॒ಸಾ ಅ॑ಸಿ || 9.61.20
ಸಮ್ಮಿ॑ಶ್ಲೋ ಅರು॒ಷೋ ಭ॑ವ ಸೂಪ॒ಸ್ಥಾಭಿ॒ರ್ನ ಧೇ॒ನುಭಿಃ॑ |
ಸೀದಂ᳚ಛ್ಯೇ॒ನೋ ನ ಯೋನಿ॒ಮಾ || 9.61.21
ಸ ಪ॑ವಸ್ವ॒ ಯ ಆವಿ॒ಥೇಂದ್ರಂ᳚ ವೃ॒ತ್ರಾಯ॒ ಹ‌ನ್ತ॑ವೇ |
ವ॒ವ್ರಿ॒ವಾಂಸಂ᳚ ಮ॒ಹೀರ॒ಪಃ || 9.61.22
ಸು॒ವೀರಾ᳚ಸೋ ವ॒ಯಂ ಧನಾ॒ ಜಯೇ᳚ಮ ಸೋಮ ಮೀಢ್ವಃ |
ಪು॒ನಾ॒ನೋ ವ॑ರ್ಧ ನೋ॒ ಗಿರಃ॑ || 9.61.23
ತ್ವೋತಾ᳚ಸ॒ಸ್ತವಾವ॑ಸಾ॒ ಸ್ಯಾಮ॑ ವ॒ನ್ವ‌ನ್ತ॑ ಆ॒ಮುರಃ॑ |
ಸೋಮ᳚ ವ್ರ॒ತೇಷು॑ ಜಾಗೃಹಿ || 9.61.24
ಅ॒ಪ॒ಘ್ನನ್ಪ॑ವತೇ॒ ಮೃಧೋಽಪ॒ ಸೋಮೋ॒ ಅರಾ᳚ವ್ಣಃ |
ಗಚ್ಛ॒ನ್ನಿಂದ್ರ॑ಸ್ಯ ನಿಷ್ಕೃ॒ತ‌ಮ್ || 9.61.25
ಮ॒ಹೋ ನೋ᳚ ರಾ॒ಯ ಆ ಭ॑ರ॒ ಪವ॑ಮಾನ ಜ॒ಹೀ ಮೃಧಃ॑ |
ರಾಸ್ವೇಂ᳚ದೋ ವೀ॒ರವ॒ದ್ಯಶಃ॑ || 9.61.26
ನ ತ್ವಾ᳚ ಶ॒ತಂ ಚ॒ನ ಹ್ರುತೋ॒ ರಾಧೋ॒ ದಿತ್ಸ᳚‌ನ್ತ॒ಮಾ ಮಿ॑ನನ್ |
ಯತ್ಪು॑ನಾ॒ನೋ ಮ॑ಖ॒ಸ್ಯಸೇ᳚ || 9.61.27
ಪವ॑ಸ್ವೇಂದೋ॒ ವೃಷಾ᳚ ಸು॒ತಃ ಕೃ॒ಧೀ ನೋ᳚ ಯ॒ಶಸೋ॒ ಜನೇ᳚ |
ವಿಶ್ವಾ॒ ಅಪ॒ ದ್ವಿಷೋ᳚ ಜಹಿ || 9.61.28
ಅಸ್ಯ॑ ತೇ ಸ॒ಖ್ಯೇ ವ॒ಯಂ ತವೇಂ᳚ದೋ ದ್ಯು॒ಮ್ನ ಉ॑ತ್ತ॒ಮೇ |
ಸಾ॒ಸ॒ಹ್ಯಾಮ॑ ಪೃತನ್ಯ॒ತಃ || 9.61.29
ಯಾ ತೇ᳚ ಭೀ॒ಮಾನ್ಯಾಯು॑ಧಾ ತಿ॒ಗ್ಮಾನಿ॒ ಸ‌ನ್ತಿ॒ ಧೂರ್ವ॑ಣೇ |
ರಕ್ಷಾ᳚ ಸಮಸ್ಯ ನೋ ನಿ॒ದಃ || 9.61.30

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವೋ ಜಮದಗ್ನಿಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಏ॒ತೇ ಅ॑ಸೃಗ್ರ॒ಮಿಂದ॑ವಸ್ತಿ॒ರಃ ಪ॒ವಿತ್ರ॑ಮಾ॒ಶವಃ॑ |
ವಿಶ್ವಾ᳚ನ್ಯ॒ಭಿ ಸೌಭ॑ಗಾ || 9.62.1
ವಿ॒ಘ್ನ‌ನ್ತೋ᳚ ದುರಿ॒ತಾ ಪು॒ರು ಸು॒ಗಾ ತೋ॒ಕಾಯ॑ ವಾ॒ಜಿನಃ॑ |
ತನಾ᳚ ಕೃ॒ಣ್ವ‌ನ್ತೋ॒ ಅರ್ವ॑ತೇ || 9.62.2
ಕೃ॒ಣ್ವ‌ನ್ತೋ॒ ವರಿ॑ವೋ॒ ಗವೇ॒ಽಭ್ಯ॑ರ್ಷ‌ನ್ತಿ ಸುಷ್ಟು॒ತಿ‌ಮ್ |
ಇಳಾ᳚ಮ॒ಸ್ಮಭ್ಯಂ᳚ ಸಂ॒ಯತ‌ಮ್᳚ || 9.62.3
ಅಸಾ᳚ವ್ಯಂ॒ಶುರ್ಮದಾ᳚ಯಾ॒ಪ್ಸು ದಕ್ಷೋ᳚ ಗಿರಿ॒ಷ್ಠಾಃ |
ಶ್ಯೇ॒ನೋ ನ ಯೋನಿ॒ಮಾಸ॑ದತ್ || 9.62.4
ಶು॒ಭ್ರಮಂಧೋ᳚ ದೇ॒ವವಾ᳚ತಮ॒ಪ್ಸು ಧೂ॒ತೋ ನೃಭಿಃ॑ ಸು॒ತಃ |
ಸ್ವದ᳚‌ನ್ತಿ॒ ಗಾವಃ॒ ಪಯೋ᳚ಭಿಃ || 9.62.5
ಆದೀ॒ಮಶ್ವಂ॒ ನ ಹೇತಾ॒ರೋಽಶೂ᳚ಶುಭನ್ನ॒ಮೃತಾ᳚ಯ |
ಮಧ್ವೋ॒ ರಸಂ᳚ ಸಧ॒ಮಾದೇ᳚ || 9.62.6
ಯಾಸ್ತೇ॒ ಧಾರಾ᳚ ಮಧು॒ಶ್ಚುತೋಽಸೃ॑ಗ್ರಮಿಂದ ಊ॒ತಯೇ᳚ |
ತಾಭಿಃ॑ ಪ॒ವಿತ್ರ॒ಮಾಸ॑ದಃ || 9.62.7
ಸೋ ಅ॒ರ್ಷೇಂದ್ರಾ᳚ಯ ಪೀ॒ತಯೇ᳚ ತಿ॒ರೋ ರೋಮಾ᳚ಣ್ಯ॒ವ್ಯಯಾ᳚ |
ಸೀದ॒ನ್ಯೋನಾ॒ ವನೇ॒ಷ್ವಾ || 9.62.8
ತ್ವಮಿಂ᳚ದೋ॒ ಪರಿ॑ ಸ್ರವ॒ ಸ್ವಾದಿ॑ಷ್ಠೋ॒ ಅಂಗಿ॑ರೋಭ್ಯಃ |
ವ॒ರಿ॒ವೋ॒ವಿದ್ಘೃ॒ತಂ ಪಯಃ॑ || 9.62.9
ಅ॒ಯಂ ವಿಚ॑ರ್ಷಣಿರ್ಹಿ॒ತಃ ಪವ॑ಮಾನಃ॒ ಸ ಚೇ᳚ತತಿ |
ಹಿ॒ನ್ವಾ॒ನ ಆಪ್ಯಂ᳚ ಬೃ॒ಹತ್ || 9.62.10
ಏ॒ಷ ವೃಷಾ॒ ವೃಷ᳚ವ್ರತಃ॒ ಪವ॑ಮಾನೋ ಅಶಸ್ತಿ॒ಹಾ |
ಕರ॒ದ್ವಸೂ᳚ನಿ ದಾ॒ಶುಷೇ᳚ || 9.62.11
ಆ ಪ॑ವಸ್ವ ಸಹ॒ಸ್ರಿಣಂ᳚ ರ॒ಯಿಂ ಗೋಮ᳚‌ನ್ತಮ॒ಶ್ವಿನ‌ಮ್᳚ |
ಪು॒ರು॒ಶ್ಚಂ॒ದ್ರಂ ಪು॑ರು॒ಸ್ಪೃಹ‌ಮ್᳚ || 9.62.12
ಏ॒ಷ ಸ್ಯ ಪರಿ॑ ಷಿಚ್ಯತೇ ಮರ್ಮೃ॒ಜ್ಯಮಾ᳚ನ ಆ॒ಯುಭಿಃ॑ |
ಉ॒ರು॒ಗಾ॒ಯಃ ಕ॒ವಿಕ್ರ॑ತುಃ || 9.62.13
ಸ॒ಹಸ್ರೋ᳚ತಿಃ ಶ॒ತಾಮ॑ಘೋ ವಿ॒ಮಾನೋ॒ ರಜ॑ಸಃ ಕ॒ವಿಃ |
ಇಂದ್ರಾ᳚ಯ ಪವತೇ॒ ಮದಃ॑ || 9.62.14
ಗಿ॒ರಾ ಜಾ॒ತ ಇ॒ಹ ಸ್ತು॒ತ ಇಂದು॒ರಿಂದ್ರಾ᳚ಯ ಧೀಯತೇ |
ವಿರ್ಯೋನಾ᳚ ವಸ॒ತಾವಿ॑ವ || 9.62.15
ಪವ॑ಮಾನಃ ಸು॒ತೋ ನೃಭಿಃ॒ ಸೋಮೋ॒ ವಾಜ॑ಮಿವಾಸರತ್ |
ಚ॒ಮೂಷು॒ ಶಕ್ಮ॑ನಾ॒ಸದ‌ಮ್᳚ || 9.62.16
ತಂ ತ್ರಿ॑ಪೃ॒ಷ್ಠೇ ತ್ರಿ॑ವಂಧು॒ರೇ ರಥೇ᳚ ಯುಂಜ‌ನ್ತಿ॒ ಯಾತ॑ವೇ |
ಋಷೀ᳚ಣಾಂ ಸ॒ಪ್ತ ಧೀ॒ತಿಭಿಃ॑ || 9.62.17
ತಂ ಸೋ᳚ತಾರೋ ಧನ॒ಸ್ಪೃತ॑ಮಾ॒ಶುಂ ವಾಜಾ᳚ಯ॒ ಯಾತ॑ವೇ |
ಹರಿಂ᳚ ಹಿನೋತ ವಾ॒ಜಿನ‌ಮ್᳚ || 9.62.18
ಆ॒ವಿ॒ಶನ್ಕ॒ಲಶಂ᳚ ಸು॒ತೋ ವಿಶ್ವಾ॒ ಅರ್ಷ᳚ನ್ನ॒ಭಿ ಶ್ರಿಯಃ॑ |
ಶೂರೋ॒ ನ ಗೋಷು॑ ತಿಷ್ಠತಿ || 9.62.19
ಆ ತ॑ ಇಂದೋ॒ ಮದಾ᳚ಯ॒ ಕಂ ಪಯೋ᳚ ದುಹ‌ನ್ತ್ಯಾ॒ಯವಃ॑ |
ದೇ॒ವಾ ದೇ॒ವೇಭ್ಯೋ॒ ಮಧು॑ || 9.62.20
ಆ ನಃ॒ ಸೋಮಂ᳚ ಪ॒ವಿತ್ರ॒ ಆ ಸೃ॒ಜತಾ॒ ಮಧು॑ಮತ್ತಮ‌ಮ್ |
ದೇ॒ವೇಭ್ಯೋ᳚ ದೇವ॒ಶ್ರುತ್ತ॑ಮ‌ಮ್ || 9.62.21
ಏ॒ತೇ ಸೋಮಾ᳚ ಅಸೃಕ್ಷತ ಗೃಣಾ॒ನಾಃ ಶ್ರವ॑ಸೇ ಮ॒ಹೇ |
ಮ॒ದಿ‌ನ್ತ॑ಮಸ್ಯ॒ ಧಾರ॑ಯಾ || 9.62.22
ಅ॒ಭಿ ಗವ್ಯಾ᳚ನಿ ವೀ॒ತಯೇ᳚ ನೃ॒ಮ್ಣಾ ಪು॑ನಾ॒ನೋ ಅ॑ರ್ಷಸಿ |
ಸ॒ನದ್ವಾ᳚ಜಃ॒ ಪರಿ॑ ಸ್ರವ || 9.62.23
ಉ॒ತ ನೋ॒ ಗೋಮ॑ತೀ॒ರಿಷೋ॒ ವಿಶ್ವಾ᳚ ಅರ್ಷ ಪರಿ॒ಷ್ಟುಭಃ॑ |
ಗೃ॒ಣಾ॒ನೋ ಜ॒ಮದ॑ಗ್ನಿನಾ || 9.62.24
ಪವ॑ಸ್ವ ವಾ॒ಚೋ ಅ॑ಗ್ರಿ॒ಯಃ ಸೋಮ॑ ಚಿ॒ತ್ರಾಭಿ॑ರೂ॒ತಿಭಿಃ॑ |
ಅ॒ಭಿ ವಿಶ್ವಾ᳚ನಿ॒ ಕಾವ್ಯಾ᳚ || 9.62.25
ತ್ವಂ ಸ॑ಮು॒ದ್ರಿಯಾ᳚ ಅ॒ಪೋ᳚ಽಗ್ರಿ॒ಯೋ ವಾಚ॑ ಈ॒ರಯನ್॑ |
ಪವ॑ಸ್ವ ವಿಶ್ವಮೇಜಯ || 9.62.26
ತುಭ್ಯೇ॒ಮಾ ಭುವ॑ನಾ ಕವೇ ಮಹಿ॒ಮ್ನೇ ಸೋ᳚ಮ ತಸ್ಥಿರೇ |
ತುಭ್ಯ॑ಮರ್ಷ‌ನ್ತಿ॒ ಸಿಂಧ॑ವಃ || 9.62.27
ಪ್ರ ತೇ᳚ ದಿ॒ವೋ ನ ವೃ॒ಷ್ಟಯೋ॒ ಧಾರಾ᳚ ಯ‌ನ್ತ್ಯಸ॒ಶ್ಚತಃ॑ |
ಅ॒ಭಿ ಶು॒ಕ್ರಾಮು॑ಪ॒ಸ್ತಿರ‌ಮ್᳚ || 9.62.28
ಇಂದ್ರಾ॒ಯೇಂದುಂ᳚ ಪುನೀತನೋ॒ಗ್ರಂ ದಕ್ಷಾ᳚ಯ॒ ಸಾಧ॑ನ‌ಮ್ |
ಈ॒ಶಾ॒ನಂ ವೀ॒ತಿರಾ᳚ಧಸ‌ಮ್ || 9.62.29
ಪವ॑ಮಾನ ಋ॒ತಃ ಕ॒ವಿಃ ಸೋಮಃ॑ ಪ॒ವಿತ್ರ॒ಮಾಸ॑ದತ್ |
ದಧ॑ತ್ಸ್ತೋ॒ತ್ರೇ ಸು॒ವೀರ್ಯ‌ಮ್᳚ || 9.62.30

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋ ನಿಧ್ರವಿಷಿಃ, ಪವಮಾನಃ ಸೋಮೋ ದೇವತಾ, ಗಾಯತ್ರೀ ಛಂದಃ

ಆ ಪ॑ವಸ್ವ ಸಹ॒ಸ್ರಿಣಂ᳚ ರ॒ಯಿಂ ಸೋ᳚ಮ ಸು॒ವೀರ್ಯ‌ಮ್᳚ |
ಅ॒ಸ್ಮೇ ಶ್ರವಾಂ᳚ಸಿ ಧಾರಯ || 9.63.1
ಇಷ॒ಮೂರ್ಜಂ᳚ ಚ ಪಿನ್ವಸ॒ ಇಂದ್ರಾ᳚ಯ ಮತ್ಸ॒ರಿ‌ನ್ತ॑ಮಃ |
ಚ॒ಮೂಷ್ವಾ ನಿ ಷೀ᳚ದಸಿ || 9.63.2
ಸು॒ತ ಇಂದ್ರಾ᳚ಯ॒ ವಿಷ್ಣ॑ವೇ॒ ಸೋಮಃ॑ ಕ॒ಲಶೇ᳚ ಅಕ್ಷರತ್ |
ಮಧು॑ಮಾಁ ಅಸ್ತು ವಾ॒ಯವೇ᳚ || 9.63.3
ಏ॒ತೇ ಅ॑ಸೃಗ್ರಮಾ॒ಶವೋಽತಿ॒ ಹ್ವರಾಂ᳚ಸಿ ಬ॒ಭ್ರವಃ॑ |
ಸೋಮಾ᳚ ಋ॒ತಸ್ಯ॒ ಧಾರ॑ಯಾ || 9.63.4
ಇಂದ್ರಂ॒ ವರ್ಧ᳚‌ನ್ತೋ ಅ॒ಪ್ತುರಃ॑ ಕೃ॒ಣ್ವ‌ನ್ತೋ॒ ವಿಶ್ವ॒ಮಾರ್ಯ‌ಮ್᳚ |
ಅ॒ಪ॒ಘ್ನ‌ನ್ತೋ॒ ಅರಾ᳚ವ್ಣಃ || 9.63.5
ಸು॒ತಾ ಅನು॒ ಸ್ವಮಾ ರಜೋ॒ಽಭ್ಯ॑ರ್ಷ‌ನ್ತಿ ಬ॒ಭ್ರವಃ॑ |
ಇಂದ್ರಂ॒ ಗಚ್ಛ᳚‌ನ್ತ॒ ಇಂದ॑ವಃ || 9.63.6
ಅ॒ಯಾ ಪ॑ವಸ್ವ॒ ಧಾರ॑ಯಾ॒ ಯಯಾ॒ ಸೂರ್ಯ॒ಮರೋ᳚ಚಯಃ |
ಹಿ॒ನ್ವಾ॒ನೋ ಮಾನು॑ಷೀರ॒ಪಃ || 9.63.7
ಅಯು॑ಕ್ತ॒ ಸೂರ॒ ಏತ॑ಶಂ॒ ಪವ॑ಮಾನೋ ಮ॒ನಾವಧಿ॑ |
ಅ॒‌ನ್ತರಿ॑ಕ್ಷೇಣ॒ ಯಾತ॑ವೇ || 9.63.8
ಉ॒ತ ತ್ಯಾ ಹ॒ರಿತೋ॒ ದಶ॒ ಸೂರೋ᳚ ಅಯುಕ್ತ॒ ಯಾತ॑ವೇ |
ಇಂದು॒ರಿಂದ್ರ॒ ಇತಿ॑ ಬ್ರು॒ವನ್ || 9.63.9
ಪರೀ॒ತೋ ವಾ॒ಯವೇ᳚ ಸು॒ತಂ ಗಿರ॒ ಇಂದ್ರಾ᳚ಯ ಮತ್ಸ॒ರ‌ಮ್ |
ಅವ್ಯೋ॒ ವಾರೇ᳚ಷು ಸಿಂಚತ || 9.63.10
ಪವ॑ಮಾನ ವಿ॒ದಾ ರ॒ಯಿಮ॒ಸ್ಮಭ್ಯಂ᳚ ಸೋಮ ದು॒ಷ್ಟರ‌ಮ್᳚ |
ಯೋ ದೂ॒ಣಾಶೋ᳚ ವನುಷ್ಯ॒ತಾ || 9.63.11
ಅ॒ಭ್ಯ॑ರ್ಷ ಸಹ॒ಸ್ರಿಣಂ᳚ ರ॒ಯಿಂ ಗೋಮ᳚‌ನ್ತಮ॒ಶ್ವಿನ‌ಮ್᳚ |
ಅ॒ಭಿ ವಾಜ॑ಮು॒ತ ಶ್ರವಃ॑ || 9.63.12
ಸೋಮೋ᳚ ದೇ॒ವೋ ನ ಸೂರ್ಯೋಽದ್ರಿ॑ಭಿಃ ಪವತೇ ಸು॒ತಃ |
ದಧಾ᳚ನಃ ಕ॒ಲಶೇ॒ ರಸ‌ಮ್᳚ || 9.63.13
ಏ॒ತೇ ಧಾಮಾ॒ನ್ಯಾರ್ಯಾ᳚ ಶು॒ಕ್ರಾ ಋ॒ತಸ್ಯ॒ ಧಾರ॑ಯಾ |
ವಾಜಂ॒ ಗೋಮ᳚‌ನ್ತಮಕ್ಷರನ್ || 9.63.14
ಸು॒ತಾ ಇಂದ್ರಾ᳚ಯ ವ॒ಜ್ರಿಣೇ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ |
ಪ॒ವಿತ್ರ॒ಮತ್ಯ॑ಕ್ಷರನ್ || 9.63.15
ಪ್ರ ಸೋ᳚ಮ॒ ಮಧು॑ಮತ್ತಮೋ ರಾ॒ಯೇ ಅ॑ರ್ಷ ಪ॒ವಿತ್ರ॒ ಆ |
ಮದೋ॒ ಯೋ ದೇ᳚ವ॒ವೀತ॑ಮಃ || 9.63.16
ತಮೀ᳚ ಮೃಜ‌ನ್ತ್ಯಾ॒ಯವೋ॒ ಹರಿಂ᳚ ನ॒ದೀಷು॑ ವಾ॒ಜಿನ‌ಮ್᳚ |
ಇಂದು॒ಮಿಂದ್ರಾ᳚ಯ ಮತ್ಸ॒ರ‌ಮ್ || 9.63.17
ಆ ಪ॑ವಸ್ವ॒ ಹಿರ᳚ಣ್ಯವ॒ದಶ್ವಾ᳚ವತ್ಸೋಮ ವೀ॒ರವ॑ತ್ |
ವಾಜಂ॒ ಗೋಮ᳚‌ನ್ತ॒ಮಾ ಭ॑ರ || 9.63.18
ಪರಿ॒ ವಾಜೇ॒ ನ ವಾ᳚ಜ॒ಯುಮವ್ಯೋ॒ ವಾರೇ᳚ಷು ಸಿಂಚತ |
ಇಂದ್ರಾ᳚ಯ॒ ಮಧು॑ಮತ್ತಮ‌ಮ್ || 9.63.19
ಕ॒ವಿಂ ಮೃ॑ಜ‌ನ್ತಿ॒ ಮರ್ಜ್ಯಂ᳚ ಧೀ॒ಭಿರ್ವಿಪ್ರಾ᳚ ಅವ॒ಸ್ಯವಃ॑ |
ವೃಷಾ॒ ಕನಿ॑ಕ್ರದರ್ಷತಿ || 9.63.20
ವೃಷ॑ಣಂ ಧೀ॒ಭಿರ॒ಪ್ತುರಂ॒ ಸೋಮ॑ಮೃ॒ತಸ್ಯ॒ ಧಾರ॑ಯಾ |
ಮ॒ತೀ ವಿಪ್ರಾಃ॒ ಸಮ॑ಸ್ವರನ್ || 9.63.21
ಪವ॑ಸ್ವ ದೇವಾಯು॒ಷಗಿಂದ್ರಂ᳚ ಗಚ್ಛತು ತೇ॒ ಮದಃ॑ |
ವಾ॒ಯುಮಾ ರೋ᳚ಹ॒ ಧರ್ಮ॑ಣಾ || 9.63.22
ಪವ॑ಮಾನ॒ ನಿ ತೋ᳚ಶಸೇ ರ॒ಯಿಂ ಸೋ᳚ಮ ಶ್ರ॒ವಾಯ್ಯ‌ಮ್᳚ |
ಪ್ರಿ॒ಯಃ ಸ॑ಮು॒ದ್ರಮಾ ವಿ॑ಶ || 9.63.23
ಅ॒ಪ॒ಘ್ನನ್ಪ॑ವಸೇ॒ ಮೃಧಃ॑ ಕ್ರತು॒ವಿತ್ಸೋ᳚ಮ ಮತ್ಸ॒ರಃ |
ನು॒ದಸ್ವಾದೇ᳚ವಯುಂ॒ ಜನ‌ಮ್᳚ || 9.63.24
ಪವ॑ಮಾನಾ ಅಸೃಕ್ಷತ॒ ಸೋಮಾಃ᳚ ಶು॒ಕ್ರಾಸ॒ ಇಂದ॑ವಃ |
ಅ॒ಭಿ ವಿಶ್ವಾ᳚ನಿ॒ ಕಾವ್ಯಾ᳚ || 9.63.25
ಪವ॑ಮಾನಾಸ ಆ॒ಶವಃ॑ ಶು॒ಭ್ರಾ ಅ॑ಸೃಗ್ರ॒ಮಿಂದ॑ವಃ |
ಘ್ನ‌ನ್ತೋ॒ ವಿಶ್ವಾ॒ ಅಪ॒ ದ್ವಿಷಃ॑ || 9.63.26
ಪವ॑ಮಾನಾ ದಿ॒ವಸ್ಪರ್ಯ॒‌ನ್ತರಿ॑ಕ್ಷಾದಸೃಕ್ಷತ |
ಪೃ॒ಥಿ॒ವ್ಯಾ ಅಧಿ॒ ಸಾನ॑ವಿ || 9.63.27
ಪು॒ನಾ॒ನಃ ಸೋ᳚ಮ॒ ಧಾರ॒ಯೇಂದೋ॒ ವಿಶ್ವಾ॒ ಅಪ॒ ಸ್ರಿಧಃ॑ |
ಜ॒ಹಿ ರಕ್ಷಾಂ᳚ಸಿ ಸುಕ್ರತೋ || 9.63.28
ಅ॒ಪ॒ಘ್ನ‌‌ನ್ತ್ಸೋ᳚ಮ ರ॒ಕ್ಷಸೋ॒ಽಭ್ಯ॑ರ್ಷ॒ ಕನಿ॑ಕ್ರದತ್ |
ದ್ಯು॒ಮ‌ನ್ತಂ॒ ಶುಷ್ಮ॑ಮುತ್ತ॒ಮ‌ಮ್ || 9.63.29
ಅ॒ಸ್ಮೇ ವಸೂ᳚ನಿ ಧಾರಯ॒ ಸೋಮ॑ ದಿ॒ವ್ಯಾನಿ॒ ಪಾರ್ಥಿ॑ವಾ |
ಇಂದೋ॒ ವಿಶ್ವಾ᳚ನಿ॒ ವಾರ್ಯಾ᳚ || 9.63.30

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ವೃಷಾ᳚ ಸೋಮ ದ್ಯು॒ಮಾಁ ಅ॑ಸಿ॒ ವೃಷಾ᳚ ದೇವ॒ ವೃಷ᳚ವ್ರತಃ |
ವೃಷಾ॒ ಧರ್ಮಾ᳚ಣಿ ದಧಿಷೇ || 9.64.1
ವೃಷ್ಣ॑ಸ್ತೇ॒ ವೃಷ್ಣ್ಯಂ॒ ಶವೋ॒ ವೃಷಾ॒ ವನಂ॒ ವೃಷಾ॒ ಮದಃ॑ |
ಸ॒ತ್ಯಂ ವೃ॑ಷ॒ನ್ವೃಷೇದ॑ಸಿ || 9.64.2
ಅಶ್ವೋ॒ ನ ಚ॑ಕ್ರದೋ॒ ವೃಷಾ॒ ಸಂ ಗಾ ಇಂ᳚ದೋ॒ ಸಮರ್ವ॑ತಃ |
ವಿ ನೋ᳚ ರಾ॒ಯೇ ದುರೋ᳚ ವೃಧಿ || 9.64.3
ಅಸೃ॑ಕ್ಷತ॒ ಪ್ರ ವಾ॒ಜಿನೋ᳚ ಗ॒ವ್ಯಾ ಸೋಮಾ᳚ಸೋ ಅಶ್ವ॒ಯಾ |
ಶು॒ಕ್ರಾಸೋ᳚ ವೀರ॒ಯಾಶವಃ॑ || 9.64.4
ಶುಂ॒ಭಮಾ᳚ನಾ ಋತಾ॒ಯುಭಿ᳚ರ್ಮೃ॒ಜ್ಯಮಾ᳚ನಾ॒ ಗಭ॑ಸ್ತ್ಯೋಃ |
ಪವ᳚‌ನ್ತೇ॒ ವಾರೇ᳚ ಅ॒ವ್ಯಯೇ᳚ || 9.64.5
ತೇ ವಿಶ್ವಾ᳚ ದಾ॒ಶುಷೇ॒ ವಸು॒ ಸೋಮಾ᳚ ದಿ॒ವ್ಯಾನಿ॒ ಪಾರ್ಥಿ॑ವಾ |
ಪವ᳚‌ನ್ತಾ॒ಮಾ‌ನ್ತರಿ॑ಕ್ಷ್ಯಾ || 9.64.6
ಪವ॑ಮಾನಸ್ಯ ವಿಶ್ವವಿ॒ತ್ಪ್ರ ತೇ॒ ಸರ್ಗಾ᳚ ಅಸೃಕ್ಷತ |
ಸೂರ್ಯ॑ಸ್ಯೇವ॒ ನ ರ॒ಶ್ಮಯಃ॑ || 9.64.7
ಕೇ॒ತುಂ ಕೃ॒ಣ್ವಂದಿ॒ವಸ್ಪರಿ॒ ವಿಶ್ವಾ᳚ ರೂ॒ಪಾಭ್ಯ॑ರ್ಷಸಿ |
ಸ॒ಮು॒ದ್ರಃ ಸೋ᳚ಮ ಪಿನ್ವಸೇ || 9.64.8
ಹಿ॒ನ್ವಾ॒ನೋ ವಾಚ॑ಮಿಷ್ಯಸಿ॒ ಪವ॑ಮಾನ॒ ವಿಧ᳚ರ್ಮಣಿ |
ಅಕ್ರಾಂ᳚ದೇ॒ವೋ ನ ಸೂರ್ಯಃ॑ || 9.64.9
ಇಂದುಃ॑ ಪವಿಷ್ಟ॒ ಚೇತ॑ನಃ ಪ್ರಿ॒ಯಃ ಕ॑ವೀ॒ನಾಂ ಮ॒ತೀ |
ಸೃ॒ಜದಶ್ವಂ᳚ ರ॒ಥೀರಿ॑ವ || 9.64.10
ಊ॒ರ್ಮಿರ್ಯಸ್ತೇ᳚ ಪ॒ವಿತ್ರ॒ ಆ ದೇ᳚ವಾ॒ವೀಃ ಪ॒ರ್ಯಕ್ಷ॑ರತ್ |
ಸೀದ᳚ನ್ನೃ॒ತಸ್ಯ॒ ಯೋನಿ॒ಮಾ || 9.64.11
ಸ ನೋ᳚ ಅರ್ಷ ಪ॒ವಿತ್ರ॒ ಆ ಮದೋ॒ ಯೋ ದೇ᳚ವ॒ವೀತ॑ಮಃ |
ಇಂದ॒ವಿಂದ್ರಾ᳚ಯ ಪೀ॒ತಯೇ᳚ || 9.64.12
ಇ॒ಷೇ ಪ॑ವಸ್ವ॒ ಧಾರ॑ಯಾ ಮೃ॒ಜ್ಯಮಾ᳚ನೋ ಮನೀ॒ಷಿಭಿಃ॑ |
ಇಂದೋ᳚ ರು॒ಚಾಭಿ ಗಾ ಇ॑ಹಿ || 9.64.13
ಪು॒ನಾ॒ನೋ ವರಿ॑ವಸ್ಕೃ॒ಧ್ಯೂರ್ಜಂ॒ ಜನಾ᳚ಯ ಗಿರ್ವಣಃ |
ಹರೇ᳚ ಸೃಜಾ॒ನ ಆ॒ಶಿರ‌ಮ್᳚ || 9.64.14
ಪು॒ನಾ॒ನೋ ದೇ॒ವವೀ᳚ತಯ॒ ಇಂದ್ರ॑ಸ್ಯ ಯಾಹಿ ನಿಷ್ಕೃ॒ತ‌ಮ್ |
ದ್ಯು॒ತಾ॒ನೋ ವಾ॒ಜಿಭಿ᳚ರ್ಯ॒ತಃ || 9.64.15
ಪ್ರ ಹಿ᳚ನ್ವಾ॒ನಾಸ॒ ಇಂದ॒ವೋಽಚ್ಛಾ᳚ ಸಮು॒ದ್ರಮಾ॒ಶವಃ॑ |
ಧಿ॒ಯಾ ಜೂ॒ತಾ ಅ॑ಸೃಕ್ಷತ || 9.64.16
ಮ॒ರ್ಮೃ॒ಜಾ॒ನಾಸ॑ ಆ॒ಯವೋ॒ ವೃಥಾ᳚ ಸಮು॒ದ್ರಮಿಂದ॑ವಃ |
ಅಗ್ಮ᳚ನ್ನೃ॒ತಸ್ಯ॒ ಯೋನಿ॒ಮಾ || 9.64.17
ಪರಿ॑ ಣೋ ಯಾಹ್ಯಸ್ಮ॒ಯುರ್ವಿಶ್ವಾ॒ ವಸೂ॒ನ್ಯೋಜ॑ಸಾ |
ಪಾ॒ಹಿ ನಃ॒ ಶರ್ಮ॑ ವೀ॒ರವ॑ತ್ || 9.64.18
ಮಿಮಾ᳚ತಿ॒ ವಹ್ನಿ॒ರೇತ॑ಶಃ ಪ॒ದಂ ಯು॑ಜಾ॒ನ ಋಕ್ವ॑ಭಿಃ |
ಪ್ರ ಯತ್ಸ॑ಮು॒ದ್ರ ಆಹಿ॑ತಃ || 9.64.19
ಆ ಯದ್ಯೋನಿಂ᳚ ಹಿರ॒ಣ್ಯಯ॑ಮಾ॒ಶುರ್‌ಋ॒ತಸ್ಯ॒ ಸೀದ॑ತಿ |
ಜಹಾ॒ತ್ಯಪ್ರ॑ಚೇತಸಃ || 9.64.20
ಅ॒ಭಿ ವೇ॒ನಾ ಅ॑ನೂಷ॒ತೇಯ॑ಕ್ಷ‌ನ್ತಿ॒ ಪ್ರಚೇ᳚ತಸಃ |
ಮಜ್ಜ॒‌ನ್ತ್ಯವಿ॑ಚೇತಸಃ || 9.64.21
ಇಂದ್ರಾ᳚ಯೇಂದೋ ಮ॒ರುತ್ವ॑ತೇ॒ ಪವ॑ಸ್ವ॒ ಮಧು॑ಮತ್ತಮಃ |
ಋ॒ತಸ್ಯ॒ ಯೋನಿ॑ಮಾ॒ಸದ‌ಮ್᳚ || 9.64.22
ತಂ ತ್ವಾ॒ ವಿಪ್ರಾ᳚ ವಚೋ॒ವಿದಃ॒ ಪರಿ॑ ಷ್ಕೃಣ್ವ‌ನ್ತಿ ವೇ॒ಧಸಃ॑ |
ಸಂ ತ್ವಾ᳚ ಮೃಜ‌ನ್ತ್ಯಾ॒ಯವಃ॑ || 9.64.23
ರಸಂ᳚ ತೇ ಮಿ॒ತ್ರೋ ಅ᳚ರ್ಯ॒ಮಾ ಪಿಬ᳚‌ನ್ತಿ॒ ವರು॑ಣಃ ಕವೇ |
ಪವ॑ಮಾನಸ್ಯ ಮ॒ರುತಃ॑ || 9.64.24
ತ್ವಂ ಸೋ᳚ಮ ವಿಪ॒ಶ್ಚಿತಂ᳚ ಪುನಾ॒ನೋ ವಾಚ॑ಮಿಷ್ಯಸಿ |
ಇಂದೋ᳚ ಸ॒ಹಸ್ರ॑ಭರ್ಣಸ‌ಮ್ || 9.64.25
ಉ॒ತೋ ಸ॒ಹಸ್ರ॑ಭರ್ಣಸಂ॒ ವಾಚಂ᳚ ಸೋಮ ಮಖ॒ಸ್ಯುವ‌ಮ್᳚ |
ಪು॒ನಾ॒ನ ಇಂ᳚ದ॒ವಾ ಭ॑ರ || 9.64.26
ಪು॒ನಾ॒ನ ಇಂ᳚ದವೇಷಾಂ॒ ಪುರು॑ಹೂತ॒ ಜನಾ᳚ನಾ‌ಮ್ |
ಪ್ರಿ॒ಯಃ ಸ॑ಮು॒ದ್ರಮಾ ವಿ॑ಶ || 9.64.27
ದವಿ॑ದ್ಯುತತ್ಯಾ ರು॒ಚಾ ಪ॑ರಿ॒ಷ್ಟೋಭ᳚‌ನ್ತ್ಯಾ ಕೃ॒ಪಾ |
ಸೋಮಾಃ᳚ ಶು॒ಕ್ರಾ ಗವಾ᳚ಶಿರಃ || 9.64.28
ಹಿ॒ನ್ವಾ॒ನೋ ಹೇ॒ತೃಭಿ᳚ರ್ಯ॒ತ ಆ ವಾಜಂ᳚ ವಾ॒ಜ್ಯ॑ಕ್ರಮೀತ್ |
ಸೀದ᳚‌ನ್ತೋ ವ॒ನುಷೋ᳚ ಯಥಾ || 9.64.29
ಋ॒ಧಕ್ಸೋ᳚ಮ ಸ್ವ॒ಸ್ತಯೇ᳚ ಸಂಜಗ್ಮಾ॒ನೋ ದಿ॒ವಃ ಕ॒ವಿಃ |
ಪವ॑ಸ್ವ॒ ಸೂರ್ಯೋ᳚ ದೃ॒ಶೇ || 9.64.30

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ವಾರುಣಿಭೃರ್ಗ ಭು ಗಿರ್ವೋ ಜಮದಗ್ನಿರ್ವಾ ಋಷಿಃ, ಪವಮಾನಃ ಸೋಮೋ ದೇವತಾ. ಗಾಯತ್ರೀ ಛಂದಃ

ಹಿ॒ನ್ವ‌ನ್ತಿ॒ ಸೂರ॒ಮುಸ್ರ॑ಯಃ॒ ಸ್ವಸಾ᳚ರೋ ಜಾ॒ಮಯ॒ಸ್ಪತಿ‌ಮ್᳚ |
ಮ॒ಹಾಮಿಂದುಂ᳚ ಮಹೀ॒ಯುವಃ॑ || 9.65.1
ಪವ॑ಮಾನ ರು॒ಚಾರು॑ಚಾ ದೇ॒ವೋ ದೇ॒ವೇಭ್ಯ॒ಸ್ಪರಿ॑ |
ವಿಶ್ವಾ॒ ವಸೂ॒ನ್ಯಾ ವಿ॑ಶ || 9.65.2
ಆ ಪ॑ವಮಾನ ಸುಷ್ಟು॒ತಿಂ ವೃ॒ಷ್ಟಿಂ ದೇ॒ವೇಭ್ಯೋ॒ ದುವಃ॑ |
ಇ॒ಷೇ ಪ॑ವಸ್ವ ಸಂ॒ಯತ‌ಮ್᳚ || 9.65.3
ವೃಷಾ॒ ಹ್ಯಸಿ॑ ಭಾ॒ನುನಾ᳚ ದ್ಯು॒ಮ‌ನ್ತಂ᳚ ತ್ವಾ ಹವಾಮಹೇ |
ಪವ॑ಮಾನ ಸ್ವಾ॒ಧ್ಯಃ॑ || 9.65.4
ಆ ಪ॑ವಸ್ವ ಸು॒ವೀರ್ಯಂ॒ ಮಂದ॑ಮಾನಃ ಸ್ವಾಯುಧ |
ಇ॒ಹೋ ಷ್ವಿಂ᳚ದ॒ವಾ ಗ॑ಹಿ || 9.65.5
ಯದ॒ದ್ಭಿಃ ಪ॑ರಿಷಿ॒ಚ್ಯಸೇ᳚ ಮೃ॒ಜ್ಯಮಾ᳚ನೋ॒ ಗಭ॑ಸ್ತ್ಯೋಃ |
ದ್ರುಣಾ᳚ ಸ॒ಧಸ್ಥ॑ಮಶ್ನುಷೇ || 9.65.6
ಪ್ರ ಸೋಮಾ᳚ಯ ವ್ಯಶ್ವ॒ವತ್ಪವ॑ಮಾನಾಯ ಗಾಯತ |
ಮ॒ಹೇ ಸ॒ಹಸ್ರ॑ಚಕ್ಷಸೇ || 9.65.7
ಯಸ್ಯ॒ ವರ್ಣಂ᳚ ಮಧು॒ಶ್ಚುತಂ॒ ಹರಿಂ᳚ ಹಿ॒ನ್ವ‌ನ್ತ್ಯದ್ರಿ॑ಭಿಃ |
ಇಂದು॒ಮಿಂದ್ರಾ᳚ಯ ಪೀ॒ತಯೇ᳚ || 9.65.8
ತಸ್ಯ॑ ತೇ ವಾ॒ಜಿನೋ᳚ ವ॒ಯಂ ವಿಶ್ವಾ॒ ಧನಾ᳚ನಿ ಜಿ॒ಗ್ಯುಷಃ॑ |
ಸ॒ಖಿ॒ತ್ವಮಾ ವೃ॑ಣೀಮಹೇ || 9.65.9
ವೃಷಾ᳚ ಪವಸ್ವ॒ ಧಾರ॑ಯಾ ಮ॒ರುತ್ವ॑ತೇ ಚ ಮತ್ಸ॒ರಃ |
ವಿಶ್ವಾ॒ ದಧಾ᳚ನ॒ ಓಜ॑ಸಾ || 9.65.10
ತಂ ತ್ವಾ᳚ ಧ॒ರ್ತಾರ॑ಮೋ॒ಣ್ಯೋ॒3॒ಃ॑ ಪವ॑ಮಾನ ಸ್ವ॒ರ್ದೃಶ‌ಮ್᳚ |
ಹಿ॒ನ್ವೇ ವಾಜೇ᳚ಷು ವಾ॒ಜಿನ‌ಮ್᳚ || 9.65.11
ಅ॒ಯಾ ಚಿ॒ತ್ತೋ ವಿ॒ಪಾನಯಾ॒ ಹರಿಃ॑ ಪವಸ್ವ॒ ಧಾರ॑ಯಾ |
ಯುಜಂ॒ ವಾಜೇ᳚ಷು ಚೋದಯ || 9.65.12
ಆ ನ॑ ಇಂದೋ ಮ॒ಹೀಮಿಷಂ॒ ಪವ॑ಸ್ವ ವಿ॒ಶ್ವದ॑ರ್ಶತಃ |
ಅ॒ಸ್ಮಭ್ಯಂ᳚ ಸೋಮ ಗಾತು॒ವಿತ್ || 9.65.13
ಆ ಕ॒ಲಶಾ᳚ ಅನೂಷ॒ತೇಂದೋ॒ ಧಾರಾ᳚ಭಿ॒ರೋಜ॑ಸಾ |
ಏಂದ್ರ॑ಸ್ಯ ಪೀ॒ತಯೇ᳚ ವಿಶ || 9.65.14
ಯಸ್ಯ॑ ತೇ॒ ಮದ್ಯಂ॒ ರಸಂ᳚ ತೀ॒ವ್ರಂ ದು॒ಹ‌ನ್ತ್ಯದ್ರಿ॑ಭಿಃ |
ಸ ಪ॑ವಸ್ವಾಭಿಮಾತಿ॒ಹಾ || 9.65.15
ರಾಜಾ᳚ ಮೇ॒ಧಾಭಿ॑ರೀಯತೇ॒ ಪವ॑ಮಾನೋ ಮ॒ನಾವಧಿ॑ |
ಅ॒‌ನ್ತರಿ॑ಕ್ಷೇಣ॒ ಯಾತ॑ವೇ || 9.65.16
ಆ ನ॑ ಇಂದೋ ಶತ॒ಗ್ವಿನಂ॒ ಗವಾಂ॒ ಪೋಷಂ॒ ಸ್ವಶ್ವ್ಯ‌ಮ್᳚ |
ವಹಾ॒ ಭಗ॑ತ್ತಿಮೂ॒ತಯೇ᳚ || 9.65.17
ಆ ನಃ॑ ಸೋಮ॒ ಸಹೋ॒ ಜುವೋ᳚ ರೂ॒ಪಂ ನ ವರ್ಚ॑ಸೇ ಭರ |
ಸು॒ಷ್ವಾ॒ಣೋ ದೇ॒ವವೀ᳚ತಯೇ || 9.65.18
ಅರ್ಷಾ᳚ ಸೋಮ ದ್ಯು॒ಮತ್ತ॑ಮೋ॒ಽಭಿ ದ್ರೋಣಾ᳚ನಿ॒ ರೋರು॑ವತ್ |
ಸೀದಂ᳚ಛ್ಯೇ॒ನೋ ನ ಯೋನಿ॒ಮಾ || 9.65.19
ಅ॒ಪ್ಸಾ ಇಂದ್ರಾ᳚ಯ ವಾ॒ಯವೇ॒ ವರು॑ಣಾಯ ಮ॒ರುದ್ಭ್ಯಃ॑ |
ಸೋಮೋ᳚ ಅರ್ಷತಿ॒ ವಿಷ್ಣ॑ವೇ || 9.65.20
ಇಷಂ᳚ ತೋ॒ಕಾಯ॑ ನೋ॒ ದಧ॑ದ॒ಸ್ಮಭ್ಯಂ᳚ ಸೋಮ ವಿ॒ಶ್ವತಃ॑ |
ಆ ಪ॑ವಸ್ವ ಸಹ॒ಸ್ರಿಣ‌ಮ್᳚ || 9.65.21
ಯೇ ಸೋಮಾ᳚ಸಃ ಪರಾ॒ವತಿ॒ ಯೇ ಅ᳚ರ್ವಾ॒ವತಿ॑ ಸುನ್ವಿ॒ರೇ |
ಯೇ ವಾ॒ದಃ ಶ᳚ರ್ಯ॒ಣಾವ॑ತಿ || 9.65.22
ಯ ಆ᳚ರ್ಜೀ॒ಕೇಷು॒ ಕೃತ್ವ॑ಸು॒ ಯೇ ಮಧ್ಯೇ᳚ ಪ॒ಸ್ತ್ಯಾ᳚ನಾ‌ಮ್ |
ಯೇ ವಾ॒ ಜನೇ᳚ಷು ಪಂ॒ಚಸು॑ || 9.65.23
ತೇ ನೋ᳚ ವೃ॒ಷ್ಟಿಂ ದಿ॒ವಸ್ಪರಿ॒ ಪವ᳚‌ನ್ತಾ॒ಮಾ ಸು॒ವೀರ್ಯ‌ಮ್᳚ |
ಸು॒ವಾ॒ನಾ ದೇ॒ವಾಸ॒ ಇಂದ॑ವಃ || 9.65.24
ಪವ॑ತೇ ಹರ್ಯ॒ತೋ ಹರಿ॑ರ್ಗೃಣಾ॒ನೋ ಜ॒ಮದ॑ಗ್ನಿನಾ |
ಹಿ॒ನ್ವಾ॒ನೋ ಗೋರಧಿ॑ ತ್ವ॒ಚಿ || 9.65.25
ಪ್ರ ಶು॒ಕ್ರಾಸೋ᳚ ವಯೋ॒ಜುವೋ᳚ ಹಿನ್ವಾ॒ನಾಸೋ॒ ನ ಸಪ್ತ॑ಯಃ |
ಶ್ರೀ॒ಣಾ॒ನಾ ಅ॒ಪ್ಸು ಮೃಂ᳚ಜತ || 9.65.26
ತಂ ತ್ವಾ᳚ ಸು॒ತೇಷ್ವಾ॒ಭುವೋ᳚ ಹಿನ್ವಿ॒ರೇ ದೇ॒ವತಾ᳚ತಯೇ |
ಸ ಪ॑ವಸ್ವಾ॒ನಯಾ᳚ ರು॒ಚಾ || 9.65.27
ಆ ತೇ॒ ದಕ್ಷಂ᳚ ಮಯೋ॒ಭುವಂ॒ ವಹ್ನಿ॑ಮ॒ದ್ಯಾ ವೃ॑ಣೀಮಹೇ |
ಪಾ‌ನ್ತ॒ಮಾ ಪು॑ರು॒ಸ್ಪೃಹ‌ಮ್᳚ || 9.65.28
ಆ ಮಂ॒ದ್ರಮಾ ವರೇ᳚ಣ್ಯ॒ಮಾ ವಿಪ್ರ॒ಮಾ ಮ॑ನೀ॒ಷಿಣ‌ಮ್᳚ |
ಪಾ‌ನ್ತ॒ಮಾ ಪು॑ರು॒ಸ್ಪೃಹ‌ಮ್᳚ || 9.65.29
ಆ ರ॒ಯಿಮಾ ಸು॑ಚೇ॒ತುನ॒ಮಾ ಸು॑ಕ್ರತೋ ತ॒ನೂಷ್ವಾ |
ಪಾ‌ನ್ತ॒ಮಾ ಪು॑ರು॒ಸ್ಪೃಹ‌ಮ್᳚ || 9.65.30

(1-30) ತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಶತಂ ವೈಖಾನಸಾ ಋಷಯಃ (1-18, 22-30) ಪ್ರಥಮಾದ್ಯಷ್ಟಾದಶೋಂ ದ್ವಾವಿಂಶ್ಯಾದಿನವಾನಾಂಚ ಪವಮಾನಃ ಸೋಮಃ, (19-21) ಏಕೋನವಿಂಶ್ಯಾದಿತೃಚಸ್ಯ ಚ ಪವಮಾನೋಽಗ್ನಿದೇವ ತೇ (1-17, 19-30) ಪ್ರಥಮಾದಿಸಪ್ತದಶರ್ಚಾಮಕ ನವಿಂಶ್ಯಾದಿದ್ವಾದಶಾನಾಂಚ ಗಾಯತ್ರೀ, (18) ಅಷ್ಟಾದಶ್ಯಾಶ್ಚಾನುಷ್ಟಪ್ ಛಂದಸೀ

ಪವ॑ಸ್ವ ವಿಶ್ವಚರ್ಷಣೇ॒ಽಭಿ ವಿಶ್ವಾ᳚ನಿ॒ ಕಾವ್ಯಾ᳚ |
ಸಖಾ॒ ಸಖಿ॑ಭ್ಯ॒ ಈಡ್ಯಃ॑ || 9.66.1
ತಾಭ್ಯಾಂ॒ ವಿಶ್ವ॑ಸ್ಯ ರಾಜಸಿ॒ ಯೇ ಪ॑ವಮಾನ॒ ಧಾಮ॑ನೀ |
ಪ್ರ॒ತೀ॒ಚೀ ಸೋ᳚ಮ ತ॒ಸ್ಥತುಃ॑ || 9.66.2
ಪರಿ॒ ಧಾಮಾ᳚ನಿ॒ ಯಾನಿ॑ ತೇ॒ ತ್ವಂ ಸೋ᳚ಮಾಸಿ ವಿ॒ಶ್ವತಃ॑ |
ಪವ॑ಮಾನ ಋ॒ತುಭಿಃ॑ ಕವೇ || 9.66.3
ಪವ॑ಸ್ವ ಜ॒ನಯ॒ನ್ನಿಷೋ॒ಽಭಿ ವಿಶ್ವಾ᳚ನಿ॒ ವಾರ್ಯಾ᳚ |
ಸಖಾ॒ ಸಖಿ॑ಭ್ಯ ಊ॒ತಯೇ᳚ || 9.66.4
ತವ॑ ಶು॒ಕ್ರಾಸೋ᳚ ಅ॒ರ್ಚಯೋ᳚ ದಿ॒ವಸ್ಪೃ॒ಷ್ಠೇ ವಿ ತ᳚ನ್ವತೇ |
ಪ॒ವಿತ್ರಂ᳚ ಸೋಮ॒ ಧಾಮ॑ಭಿಃ || 9.66.5
ತವೇ॒ಮೇ ಸ॒ಪ್ತ ಸಿಂಧ॑ವಃ ಪ್ರ॒ಶಿಷಂ᳚ ಸೋಮ ಸಿಸ್ರತೇ |
ತುಭ್ಯಂ᳚ ಧಾವ‌ನ್ತಿ ಧೇ॒ನವಃ॑ || 9.66.6
ಪ್ರ ಸೋ᳚ಮ ಯಾಹಿ॒ ಧಾರ॑ಯಾ ಸು॒ತ ಇಂದ್ರಾ᳚ಯ ಮತ್ಸ॒ರಃ |
ದಧಾ᳚ನೋ॒ ಅಕ್ಷಿ॑ತಿ॒ ಶ್ರವಃ॑ || 9.66.7
ಸಮು॑ ತ್ವಾ ಧೀ॒ಭಿರ॑ಸ್ವರನ್ಹಿನ್ವ॒ತೀಃ ಸ॒ಪ್ತ ಜಾ॒ಮಯಃ॑ |
ವಿಪ್ರ॑ಮಾ॒ಜಾ ವಿ॒ವಸ್ವ॑ತಃ || 9.66.8
ಮೃ॒ಜ‌ನ್ತಿ॑ ತ್ವಾ॒ ಸಮ॒ಗ್ರುವೋಽವ್ಯೇ᳚ ಜೀ॒ರಾವಧಿ॒ ಷ್ವಣಿ॑ |
ರೇ॒ಭೋ ಯದ॒ಜ್ಯಸೇ॒ ವನೇ᳚ || 9.66.9
ಪವ॑ಮಾನಸ್ಯ ತೇ ಕವೇ॒ ವಾಜಿ॒‌‌ನ್ತ್ಸರ್ಗಾ᳚ ಅಸೃಕ್ಷತ |
ಅರ್ವ᳚‌ನ್ತೋ॒ ನ ಶ್ರ॑ವ॒ಸ್ಯವಃ॑ || 9.66.10
ಅಚ್ಛಾ॒ ಕೋಶಂ᳚ ಮಧು॒ಶ್ಚುತ॒ಮಸೃ॑ಗ್ರಂ॒ ವಾರೇ᳚ ಅ॒ವ್ಯಯೇ᳚ |
ಅವಾ᳚ವಶ‌ನ್ತ ಧೀ॒ತಯಃ॑ || 9.66.11
ಅಚ್ಛಾ᳚ ಸಮು॒ದ್ರಮಿಂದ॒ವೋಽಸ್ತಂ॒ ಗಾವೋ॒ ನ ಧೇ॒ನವಃ॑ |
ಅಗ್ಮ᳚ನ್ನೃ॒ತಸ್ಯ॒ ಯೋನಿ॒ಮಾ || 9.66.12
ಪ್ರ ಣ॑ ಇಂದೋ ಮ॒ಹೇ ರಣ॒ ಆಪೋ᳚ ಅರ್ಷ‌ನ್ತಿ॒ ಸಿಂಧ॑ವಃ |
ಯದ್ಗೋಭಿ᳚ರ್ವಾಸಯಿ॒ಷ್ಯಸೇ᳚ || 9.66.13
ಅಸ್ಯ॑ ತೇ ಸ॒ಖ್ಯೇ ವ॒ಯಮಿಯ॑ಕ್ಷ‌ನ್ತ॒ಸ್ತ್ವೋತ॑ಯಃ |
ಇಂದೋ᳚ ಸಖಿ॒ತ್ವಮು॑ಶ್ಮಸಿ || 9.66.14
ಆ ಪ॑ವಸ್ವ॒ ಗವಿ॑ಷ್ಟಯೇ ಮ॒ಹೇ ಸೋ᳚ಮ ನೃ॒ಚಕ್ಷ॑ಸೇ |
ಏಂದ್ರ॑ಸ್ಯ ಜ॒ಠರೇ᳚ ವಿಶ || 9.66.15
ಮ॒ಹಾಁ ಅ॑ಸಿ ಸೋಮ॒ ಜ್ಯೇಷ್ಠ॑ ಉ॒ಗ್ರಾಣಾ᳚ಮಿಂದ॒ ಓಜಿ॑ಷ್ಠಃ |
ಯುಧ್ವಾ॒ ಸಂಛಶ್ವ॑ಜ್ಜಿಗೇಥ || 9.66.16
ಯ ಉ॒ಗ್ರೇಭ್ಯ॑ಶ್ಚಿ॒ದೋಜೀ᳚ಯಾಂ॒ಛೂರೇ᳚ಭ್ಯಶ್ಚಿ॒ಚ್ಛೂರ॑ತರಃ |
ಭೂ॒ರಿ॒ದಾಭ್ಯ॑ಶ್ಚಿ॒ನ್ಮಂಹೀ᳚ಯಾನ್ || 9.66.17
ತ್ವಂ ಸೋ᳚ಮ॒ ಸೂರ॒ ಏಷ॑ಸ್ತೋ॒ಕಸ್ಯ॑ ಸಾ॒ತಾ ತ॒ನೂನಾ‌ಮ್᳚ |
ವೃ॒ಣೀ॒ಮಹೇ᳚ ಸ॒ಖ್ಯಾಯ॑ ವೃಣೀ॒ಮಹೇ॒ ಯುಜ್ಯಾ᳚ಯ || 9.66.18
ಅಗ್ನ॒ ಆಯೂಂ᳚ಷಿ ಪವಸ॒ ಆ ಸು॒ವೋರ್ಜ॒ಮಿಷಂ᳚ ಚ ನಃ |
ಆ॒ರೇ ಬಾ᳚ಧಸ್ವ ದು॒ಚ್ಛುನಾ‌ಮ್᳚ || 9.66.19
ಅ॒ಗ್ನಿರ್‌ಋಷಿಃ॒ ಪವ॑ಮಾನಃ॒ ಪಾಂಚ॑ಜನ್ಯಃ ಪು॒ರೋಹಿ॑ತಃ |
ತಮೀ᳚ಮಹೇ ಮಹಾಗ॒ಯ‌ಮ್ || 9.66.20
ಅಗ್ನೇ॒ ಪವ॑ಸ್ವ॒ ಸ್ವಪಾ᳚ ಅ॒ಸ್ಮೇ ವರ್ಚಃ॑ ಸು॒ವೀರ್ಯ‌ಮ್᳚ |
ದಧ॑ದ್ರ॒ಯಿಂ ಮಯಿ॒ ಪೋಷ‌ಮ್᳚ || 9.66.21
ಪವ॑ಮಾನೋ॒ ಅತಿ॒ ಸ್ರಿಧೋ॒ಽಭ್ಯ॑ರ್ಷತಿ ಸುಷ್ಟು॒ತಿ‌ಮ್ |
ಸೂರೋ॒ ನ ವಿ॒ಶ್ವದ॑ರ್ಶತಃ || 9.66.22
ಸ ಮ᳚ರ್ಮೃಜಾ॒ನ ಆ॒ಯುಭಿಃ॒ ಪ್ರಯ॑ಸ್ವಾ॒ನ್ಪ್ರಯ॑ಸೇ ಹಿ॒ತಃ |
ಇಂದು॒ರತ್ಯೋ᳚ ವಿಚಕ್ಷ॒ಣಃ || 9.66.23
ಪವ॑ಮಾನ ಋ॒ತಂ ಬೃ॒ಹಚ್ಛು॒ಕ್ರಂ ಜ್ಯೋತಿ॑ರಜೀಜನತ್ |
ಕೃ॒ಷ್ಣಾ ತಮಾಂ᳚ಸಿ॒ ಜಂಘ॑ನತ್ || 9.66.24
ಪವ॑ಮಾನಸ್ಯ॒ ಜಂಘ್ನ॑ತೋ॒ ಹರೇ᳚ಶ್ಚಂ॒ದ್ರಾ ಅ॑ಸೃಕ್ಷತ |
ಜೀ॒ರಾ ಅ॑ಜಿ॒ರಶೋ᳚ಚಿಷಃ || 9.66.25
ಪವ॑ಮಾನೋ ರ॒ಥೀತ॑ಮಃ ಶು॒ಭ್ರೇಭಿಃ॑ ಶು॒ಭ್ರಶ॑ಸ್ತಮಃ |
ಹರಿ॑ಶ್ಚಂದ್ರೋ ಮ॒ರುದ್ಗ॑ಣಃ || 9.66.26
ಪವ॑ಮಾನೋ॒ ವ್ಯ॑ಶ್ನವದ್ರ॒ಶ್ಮಿಭಿ᳚ರ್ವಾಜ॒ಸಾತ॑ಮಃ |
ದಧ॑ತ್ಸ್ತೋ॒ತ್ರೇ ಸು॒ವೀರ್ಯ‌ಮ್᳚ || 9.66.27
ಪ್ರ ಸು॑ವಾ॒ನ ಇಂದು॑ರಕ್ಷಾಃ ಪ॒ವಿತ್ರ॒ಮತ್ಯ॒ವ್ಯಯ‌ಮ್᳚ |
ಪು॒ನಾ॒ನ ಇಂದು॒ರಿಂದ್ರ॒ಮಾ || 9.66.28
ಏ॒ಷ ಸೋಮೋ॒ ಅಧಿ॑ ತ್ವ॒ಚಿ ಗವಾಂ᳚ ಕ್ರೀಳ॒ತ್ಯದ್ರಿ॑ಭಿಃ |
ಇಂದ್ರಂ॒ ಮದಾ᳚ಯ॒ ಜೋಹು॑ವತ್ || 9.66.29
ಯಸ್ಯ॑ ತೇ ದ್ಯು॒ಮ್ನವ॒ತ್ಪಯಃ॒ ಪವ॑ಮಾ॒ನಾಭೃ॑ತಂ ದಿ॒ವಃ |
ತೇನ॑ ನೋ ಮೃಳ ಜೀ॒ವಸೇ᳚ || 9.66.30

(1-32) ದ್ವಾತ್ರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಸಪ್ತರ್ಷಯಃ-(1-3) ಪ್ರಥಮಾದಿತೃಚಸ್ಯ ಬಾರ್ಹಸ್ಪತ್ಯೋ ಭರದ್ವಾಜಃ, (4-6) ಚತುರ್ಥ್ಯಾದಿತೃಚಸ್ಯ ಮಾರೀಚಃ ಕಶ್ಯಪಃ, (7-9) ಸಪ್ತಮ್ಯಾದಿತೃಚಸ್ಯ ರಾಹೂಗಣೋ ಗೋತಮಃ, (10-12) ದಶಮ್ಯಾದಿತೃಚಸ್ಯ ಭೌಮೋಽತ್ರಿಃ, (13-15) ತ್ರಯೋದಶ್ಯಾದಿತೃಚಸ್ಯ ಗಾಥಿನೋ ವಿಶ್ವಾಮಿತ್ರಃ, (16-18) ಷೋಡಶ್ಯಾದಿತೃಚಸ್ಯ ಭಾರ್ಗವೋ ಜಮದಗ್ನಿಃ, (19-21) ಏಕೋನವಿಂಶ್ಯಾದಿತೃಚಸ್ಯ ಮೈತ್ರಾವರುಣಿರ್ವಸಿಷ್ಠಃ, (22-32) ದ್ವಾವಿಂಶ್ಯಾದ್ಯೇಕಾದಶ ಞ್ಚಾಂಗಿರಸಃ ಪವಿತ್ರೋ ವಸಿಷ್ಠೋ ವೋಭೌ ವಾ ಋಷಯಃ (1-9, 13-22, 28-30) ಪ್ರಥಮಾದಿನವರ್ಚಾಂ ತ್ರಯೋದಶ್ಯಾದಿದಶಾನಾಮಷ್ಟಾವಿಂಶ್ಯಾದಿತೃಚಸ್ಯ ಚ ಪವಮಾನಃ ಸೋಮಃ, (10-12) ದಶಮ್ಯಾದಿತೃಚಸ್ಯ ಪವಮಾನಃ ಪೂಷಾ ಸೋಮೋ ವಾ, (23-24) ತ್ರಯೋವಿಂಶೀಚತುರ್ವಿಂಶ್ಯೋಃ ಪವಮಾನೋಽಗ್ನಿಃ, (25) ಪಂಚವಿಂಶ್ಯಾಃ ಪವಮಾನೋಽಗ್ನಿಃ ಸವಿತಾ ವಾ, (26) ಷಡ್ವಿಶಂ ಯಾಃ ಪವಮಾನೋಽಗ್ನಿಃ ಪವಮಾನಾಗ್ನಿಸವಿತಾರೋ ವಾ, (27) ಸಪ್ತವಿಂಶ್ಯಾಃ ಪವಮಾನೋಽಗ್ನಿರ್ವಿಶ್ವೇ ದೇವಾ ವಾ, (31-32) ಏಕತ್ರಿಂಶೀದ್ವಾತ್ರಿಂಶ್ಯೋಶ್ಚ ಪಾವಮಾನ್ಯಧ್ಯೇತಸ್ತುತಿದೇವ ತಾಃ (1-15, 19-26, 28-29) ಪ್ರಥಮಾದಿಪಂಚದಶರ್ಚಾಮಕೇ ನವಿಂಶ್ಯಾದ್ಯಷ್ಟಾನಾಮಷ್ಟಾವಿಂಶ್ಯೇಕೋನತ್ರಿಂಶ್ಯೋಶ್ಚ ಗಾಯತ್ರೀ, (16-18) ಷೋಡಶ್ಯಾದಿತೃಚಸ್ಯ ದ್ವಿಪದಾ ಗಾಯತ್ರೀ, (27, 31-32) ಸಪ್ತವಿಂಶ್ಯೇಕತ್ರಿಂಶೀದ್ವಾತ್ರಿಂಶೀನಾಮನುಷ್ಟಪ್ , (30) ತ್ರಿಂಶ್ಯಾಶ್ಚ ಪರ ಉಷ್ಣಿಕ್ ಛಂದಾಂಸಿ

ತ್ವಂ ಸೋ᳚ಮಾಸಿ ಧಾರ॒ಯುರ್ಮಂ॒ದ್ರ ಓಜಿ॑ಷ್ಠೋ ಅಧ್ವ॒ರೇ |
ಪವ॑ಸ್ವ ಮಂಹ॒ಯದ್ರ॑ಯಿಃ || 9.67.1
ತ್ವಂ ಸು॒ತೋ ನೃ॒ಮಾದ॑ನೋ ದಧ॒ನ್ವಾನ್ಮ॑ತ್ಸ॒ರಿ‌ನ್ತ॑ಮಃ |
ಇಂದ್ರಾ᳚ಯ ಸೂ॒ರಿರಂಧ॑ಸಾ || 9.67.2
ತ್ವಂ ಸು॑ಷ್ವಾ॒ಣೋ ಅದ್ರಿ॑ಭಿರ॒ಭ್ಯ॑ರ್ಷ॒ ಕನಿ॑ಕ್ರದತ್ |
ದ್ಯು॒ಮ‌ನ್ತಂ॒ ಶುಷ್ಮ॑ಮುತ್ತ॒ಮ‌ಮ್ || 9.67.3
ಇಂದು॑ರ್ಹಿನ್ವಾ॒ನೋ ಅ॑ರ್ಷತಿ ತಿ॒ರೋ ವಾರಾ᳚ಣ್ಯ॒ವ್ಯಯಾ᳚ |
ಹರಿ॒ರ್ವಾಜ॑ಮಚಿಕ್ರದತ್ || 9.67.4
ಇಂದೋ॒ ವ್ಯವ್ಯ॑ಮರ್ಷಸಿ॒ ವಿ ಶ್ರವಾಂ᳚ಸಿ॒ ವಿ ಸೌಭ॑ಗಾ |
ವಿ ವಾಜಾ᳚‌‌ನ್ತ್ಸೋಮ॒ ಗೋಮ॑ತಃ || 9.67.5
ಆ ನ॑ ಇಂದೋ ಶತ॒ಗ್ವಿನಂ᳚ ರ॒ಯಿಂ ಗೋಮ᳚‌ನ್ತಮ॒ಶ್ವಿನ‌ಮ್᳚ |
ಭರಾ᳚ ಸೋಮ ಸಹ॒ಸ್ರಿಣ‌ಮ್᳚ || 9.67.6
ಪವ॑ಮಾನಾಸ॒ ಇಂದ॑ವಸ್ತಿ॒ರಃ ಪ॒ವಿತ್ರ॑ಮಾ॒ಶವಃ॑ |
ಇಂದ್ರಂ॒ ಯಾಮೇ᳚ಭಿರಾಶತ || 9.67.7
ಕ॒ಕು॒ಹಃ ಸೋ॒ಮ್ಯೋ ರಸ॒ ಇಂದು॒ರಿಂದ್ರಾ᳚ಯ ಪೂ॒ರ್ವ್ಯಃ |
ಆ॒ಯುಃ ಪ॑ವತ ಆ॒ಯವೇ᳚ || 9.67.8
ಹಿ॒ನ್ವ‌ನ್ತಿ॒ ಸೂರ॒ಮುಸ್ರ॑ಯಃ॒ ಪವ॑ಮಾನಂ ಮಧು॒ಶ್ಚುತ‌ಮ್᳚ |
ಅ॒ಭಿ ಗಿ॒ರಾ ಸಮ॑ಸ್ವರನ್ || 9.67.9
ಅ॒ವಿ॒ತಾ ನೋ᳚ ಅ॒ಜಾಶ್ವಃ॑ ಪೂ॒ಷಾ ಯಾಮ॑ನಿಯಾಮನಿ |
ಆ ಭ॑ಕ್ಷತ್ಕ॒ನ್ಯಾ᳚ಸು ನಃ || 9.67.10
ಅ॒ಯಂ ಸೋಮಃ॑ ಕಪ॒ರ್ದಿನೇ᳚ ಘೃ॒ತಂ ನ ಪ॑ವತೇ॒ ಮಧು॑ |
ಆ ಭ॑ಕ್ಷತ್ಕ॒ನ್ಯಾ᳚ಸು ನಃ || 9.67.11
ಅ॒ಯಂ ತ॑ ಆಘೃಣೇ ಸು॒ತೋ ಘೃ॒ತಂ ನ ಪ॑ವತೇ॒ ಶುಚಿ॑ |
ಆ ಭ॑ಕ್ಷತ್ಕ॒ನ್ಯಾ᳚ಸು ನಃ || 9.67.12
ವಾ॒ಚೋ ಜ॒‌ನ್ತುಃ ಕ॑ವೀ॒ನಾಂ ಪವ॑ಸ್ವ ಸೋಮ॒ ಧಾರ॑ಯಾ |
ದೇ॒ವೇಷು॑ ರತ್ನ॒ಧಾ ಅ॑ಸಿ || 9.67.13
ಆ ಕ॒ಲಶೇ᳚ಷು ಧಾವತಿ ಶ್ಯೇ॒ನೋ ವರ್ಮ॒ ವಿ ಗಾ᳚ಹತೇ |
ಅ॒ಭಿ ದ್ರೋಣಾ॒ ಕನಿ॑ಕ್ರದತ್ || 9.67.14
ಪರಿ॒ ಪ್ರ ಸೋ᳚ಮ ತೇ॒ ರಸೋಽಸ॑ರ್ಜಿ ಕ॒ಲಶೇ᳚ ಸು॒ತಃ |
ಶ್ಯೇ॒ನೋ ನ ತ॒ಕ್ತೋ ಅ॑ರ್ಷತಿ || 9.67.15
ಪವ॑ಸ್ವ ಸೋಮ ಮಂ॒ದಯ॒ನ್ನಿಂದ್ರಾ᳚ಯ॒ ಮಧು॑ಮತ್ತಮಃ || 9.67.16
ಅಸೃ॑ಗ್ರಂದೇ॒ವವೀ᳚ತಯೇ ವಾಜ॒ಯ‌ನ್ತೋ॒ ರಥಾ᳚ ಇವ || 9.67.17
ತೇ ಸು॒ತಾಸೋ᳚ ಮ॒ದಿ‌ನ್ತ॑ಮಾಃ ಶು॒ಕ್ರಾ ವಾ॒ಯುಮ॑ಸೃಕ್ಷತ || 9.67.18
ಗ್ರಾವ್ಣಾ᳚ ತು॒ನ್ನೋ ಅ॒ಭಿಷ್ಟು॑ತಃ ಪ॒ವಿತ್ರಂ᳚ ಸೋಮ ಗಚ್ಛಸಿ |
ದಧ॑ತ್ಸ್ತೋ॒ತ್ರೇ ಸು॒ವೀರ್ಯ‌ಮ್᳚ || 9.67.19
ಏ॒ಷ ತು॒ನ್ನೋ ಅ॒ಭಿಷ್ಟು॑ತಃ ಪ॒ವಿತ್ರ॒ಮತಿ॑ ಗಾಹತೇ |
ರ॒ಕ್ಷೋ॒ಹಾ ವಾರ॑ಮ॒ವ್ಯಯ‌ಮ್᳚ || 9.67.20
ಯದ‌ನ್ತಿ॒ ಯಚ್ಚ॑ ದೂರ॒ಕೇ ಭ॒ಯಂ ವಿಂ॒ದತಿ॒ ಮಾಮಿ॒ಹ |
ಪವ॑ಮಾನ॒ ವಿ ತಜ್ಜ॑ಹಿ || 9.67.21
ಪವ॑ಮಾನಃ॒ ಸೋ ಅ॒ದ್ಯ ನಃ॑ ಪ॒ವಿತ್ರೇ᳚ಣ॒ ವಿಚ॑ರ್ಷಣಿಃ |
ಯಃ ಪೋ॒ತಾ ಸ ಪು॑ನಾತು ನಃ || 9.67.22
ಯತ್ತೇ᳚ ಪ॒ವಿತ್ರ॑ಮ॒ರ್ಚಿಷ್ಯಗ್ನೇ॒ ವಿತ॑ತಮ॒‌ನ್ತರಾ |
ಬ್ರಹ್ಮ॒ ತೇನ॑ ಪುನೀಹಿ ನಃ || 9.67.23
ಯತ್ತೇ᳚ ಪ॒ವಿತ್ರ॑ಮರ್ಚಿ॒ವದಗ್ನೇ॒ ತೇನ॑ ಪುನೀಹಿ ನಃ |
ಬ್ರ॒ಹ್ಮ॒ಸ॒ವೈಃ ಪು॑ನೀಹಿ ನಃ || 9.67.24
ಉ॒ಭಾಭ್ಯಾಂ᳚ ದೇವ ಸವಿತಃ ಪ॒ವಿತ್ರೇ᳚ಣ ಸ॒ವೇನ॑ ಚ |
ಮಾಂ ಪು॑ನೀಹಿ ವಿ॒ಶ್ವತಃ॑ || 9.67.25
ತ್ರಿ॒ಭಿಷ್ಟ್ವಂ ದೇ᳚ವ ಸವಿತ॒ರ್ವರ್ಷಿ॑ಷ್ಠೈಃ ಸೋಮ॒ ಧಾಮ॑ಭಿಃ |
ಅಗ್ನೇ॒ ದಕ್ಷೈಃ᳚ ಪುನೀಹಿ ನಃ || 9.67.26
ಪು॒ನ‌ನ್ತು॒ ಮಾಂ ದೇ᳚ವಜ॒ನಾಃ ಪು॒ನ‌ನ್ತು॒ ವಸ॑ವೋ ಧಿ॒ಯಾ |
ವಿಶ್ವೇ᳚ ದೇವಾಃ ಪುನೀ॒ತ ಮಾ॒ ಜಾತ॑ವೇದಃ ಪುನೀ॒ಹಿ ಮಾ᳚ || 9.67.27
ಪ್ರ ಪ್ಯಾ᳚ಯಸ್ವ॒ ಪ್ರ ಸ್ಯಂ᳚ದಸ್ವ॒ ಸೋಮ॒ ವಿಶ್ವೇ᳚ಭಿರಂ॒ಶುಭಿಃ॑ |
ದೇ॒ವೇಭ್ಯ॑ ಉತ್ತ॒ಮಂ ಹ॒ವಿಃ || 9.67.28
ಉಪ॑ ಪ್ರಿ॒ಯಂ ಪನಿ॑ಪ್ನತಂ॒ ಯುವಾ᳚ನಮಾಹುತೀ॒ವೃಧ‌ಮ್᳚ |
ಅಗ᳚ನ್ಮ॒ ಬಿಭ್ರ॑ತೋ॒ ನಮಃ॑ || 9.67.29
ಅ॒ಲಾಯ್ಯ॑ಸ್ಯ ಪರ॒ಶುರ್ನ॑ನಾಶ॒ ತಮಾ ಪ॑ವಸ್ವ ದೇವ ಸೋಮ |
ಆ॒ಖುಂ ಚಿ॑ದೇ॒ವ ದೇ᳚ವ ಸೋಮ || 9.67.30
ಯಃ ಪಾ᳚ವಮಾ॒ನೀರ॒ಧ್ಯೇತ್ಯೃಷಿ॑ಭಿಃ॒ ಸಂಭೃ॑ತಂ॒ ರಸ‌ಮ್᳚ |
ಸರ್ವಂ॒ ಸ ಪೂ॒ತಮ॑ಶ್ನಾತಿ ಸ್ವದಿ॒ತಂ ಮಾ᳚ತ॒ರಿಶ್ವ॑ನಾ || 9.67.31
ಪಾ॒ವ॒ಮಾ॒ನೀರ್ಯೋ ಅ॒ಧ್ಯೇತ್ಯೃಷಿ॑ಭಿಃ॒ ಸಂಭೃ॑ತಂ॒ ರಸ‌ಮ್᳚ |
ತಸ್ಮೈ॒ ಸರ॑ಸ್ವತೀ ದುಹೇ ಕ್ಷೀ॒ರಂ ಸ॒ರ್ಪಿರ್ಮಧೂ᳚ದ॒ಕ‌ಮ್ || 9.67.32

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾಲಂದನೋ ವತ್ಸಪ್ರಿಋಷಿಃ, ಪವಮಾನಃ ಸೋಮೋ ದೇವತಾ, (1-9) ಪ್ರಥಮಾದಿನವರೋಂ ಜಗತೀ, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ದೇ॒ವಮಚ್ಛಾ॒ ಮಧು॑ಮ‌ನ್ತ॒ ಇಂದ॒ವೋಽಸಿ॑ಷ್ಯದ‌ನ್ತ॒ ಗಾವ॒ ಆ ನ ಧೇ॒ನವಃ॑ |
ಬ॒ರ್ಹಿ॒ಷದೋ᳚ ವಚ॒ನಾವ᳚‌ನ್ತ॒ ಊಧ॑ಭಿಃ ಪರಿ॒ಸ್ರುತ॑ಮು॒ಸ್ರಿಯಾ᳚ ನಿ॒ರ್ಣಿಜಂ᳚ ಧಿರೇ || 9.68.1
ಸ ರೋರು॑ವದ॒ಭಿ ಪೂರ್ವಾ᳚ ಅಚಿಕ್ರದದುಪಾ॒ರುಹಃ॑ ಶ್ರ॒ಥಯ᳚‌‌ನ್ತ್ಸ್ವಾದತೇ॒ ಹರಿಃ॑ |
ತಿ॒ರಃ ಪ॒ವಿತ್ರಂ᳚ ಪರಿ॒ಯನ್ನು॒ರು ಜ್ರಯೋ॒ ನಿ ಶರ್ಯಾ᳚ಣಿ ದಧತೇ ದೇ॒ವ ಆ ವರ‌ಮ್᳚ || 9.68.2
ವಿ ಯೋ ಮ॒ಮೇ ಯ॒ಮ್ಯಾ᳚ ಸಂಯ॒ತೀ ಮದಃ॑ ಸಾಕಂ॒ವೃಧಾ॒ ಪಯ॑ಸಾ ಪಿನ್ವ॒ದಕ್ಷಿ॑ತಾ |
ಮ॒ಹೀ ಅ॑ಪಾ॒ರೇ ರಜ॑ಸೀ ವಿ॒ವೇವಿ॑ದದಭಿ॒ವ್ರಜ॒ನ್ನಕ್ಷಿ॑ತಂ॒ ಪಾಜ॒ ಆ ದ॑ದೇ || 9.68.3
ಸ ಮಾ॒ತರಾ᳚ ವಿ॒ಚರ᳚ನ್ವಾ॒ಜಯ᳚ನ್ನ॒ಪಃ ಪ್ರ ಮೇಧಿ॑ರಃ ಸ್ವ॒ಧಯಾ᳚ ಪಿನ್ವತೇ ಪ॒ದ‌ಮ್ |
ಅಂ॒ಶುರ್ಯವೇ᳚ನ ಪಿಪಿಶೇ ಯ॒ತೋ ನೃಭಿಃ॒ ಸಂ ಜಾ॒ಮಿಭಿ॒ರ್ನಸ॑ತೇ॒ ರಕ್ಷ॑ತೇ॒ ಶಿರಃ॑ || 9.68.4
ಸಂ ದಕ್ಷೇ᳚ಣ॒ ಮನ॑ಸಾ ಜಾಯತೇ ಕ॒ವಿರ್‌ಋ॒ತಸ್ಯ॒ ಗರ್ಭೋ॒ ನಿಹಿ॑ತೋ ಯ॒ಮಾ ಪ॒ರಃ |
ಯೂನಾ᳚ ಹ॒ ಸ‌ನ್ತಾ᳚ ಪ್ರಥ॒ಮಂ ವಿ ಜ॑ಜ್ಞತು॒ರ್ಗುಹಾ᳚ ಹಿ॒ತಂ ಜನಿ॑ಮ॒ ನೇಮ॒ಮುದ್ಯ॑ತ‌ಮ್ || 9.68.5
ಮಂ॒ದ್ರಸ್ಯ॑ ರೂ॒ಪಂ ವಿ॑ವಿದುರ್ಮನೀ॒ಷಿಣಃ॑ ಶ್ಯೇ॒ನೋ ಯದಂಧೋ॒ ಅಭ॑ರತ್ಪರಾ॒ವತಃ॑ |
ತಂ ಮ॑ರ್ಜಯ‌ನ್ತ ಸು॒ವೃಧಂ᳚ ನ॒ದೀಷ್ವಾಁ ಉ॒ಶ‌ನ್ತ॑ಮಂ॒ಶುಂ ಪ॑ರಿ॒ಯ‌ನ್ತ॑ಮೃ॒ಗ್ಮಿಯ‌ಮ್᳚ || 9.68.6
ತ್ವಾಂ ಮೃ॑ಜ‌ನ್ತಿ॒ ದಶ॒ ಯೋಷ॑ಣಃ ಸು॒ತಂ ಸೋಮ॒ ಋಷಿ॑ಭಿರ್ಮ॒ತಿಭಿ॑ರ್ಧೀ॒ತಿಭಿ॑ರ್ಹಿ॒ತ‌ಮ್ |
ಅವ್ಯೋ॒ ವಾರೇ᳚ಭಿರು॒ತ ದೇ॒ವಹೂ᳚ತಿಭಿ॒ರ್ನೃಭಿ᳚ರ್ಯ॒ತೋ ವಾಜ॒ಮಾ ದ॑ರ್ಷಿ ಸಾ॒ತಯೇ᳚ || 9.68.7
ಪ॒ರಿ॒ಪ್ರ॒ಯ‌ನ್ತಂ᳚ ವ॒ಯ್ಯಂ᳚ ಸುಷಂ॒ಸದಂ॒ ಸೋಮಂ᳚ ಮನೀ॒ಷಾ ಅ॒ಭ್ಯ॑ನೂಷತ॒ ಸ್ತುಭಃ॑ |
ಯೋ ಧಾರ॑ಯಾ॒ ಮಧು॑ಮಾಁ ಊ॒ರ್ಮಿಣಾ᳚ ದಿ॒ವ ಇಯ॑ರ್ತಿ॒ ವಾಚಂ᳚ ರಯಿ॒ಷಾಳಮ॑ರ್ತ್ಯಃ || 9.68.8
ಅ॒ಯಂ ದಿ॒ವ ಇ॑ಯರ್ತಿ॒ ವಿಶ್ವ॒ಮಾ ರಜಃ॒ ಸೋಮಃ॑ ಪುನಾ॒ನಃ ಕ॒ಲಶೇ᳚ಷು ಸೀದತಿ |
ಅ॒ದ್ಭಿರ್ಗೋಭಿ᳚ರ್ಮೃಜ್ಯತೇ॒ ಅದ್ರಿ॑ಭಿಃ ಸು॒ತಃ ಪು॑ನಾ॒ನ ಇಂದು॒ರ್ವರಿ॑ವೋ ವಿದತ್ಪ್ರಿ॒ಯ‌ಮ್ || 9.68.9
ಏ॒ವಾ ನಃ॑ ಸೋಮ ಪರಿಷಿ॒ಚ್ಯಮಾ᳚ನೋ॒ ವಯೋ॒ ದಧ॑ಚ್ಚಿ॒ತ್ರತ॑ಮಂ ಪವಸ್ವ |
ಅ॒ದ್ವೇ॒ಷೇ ದ್ಯಾವಾ᳚ಪೃಥಿ॒ವೀ ಹು॑ವೇಮ॒ ದೇವಾ᳚ ಧ॒ತ್ತ ರ॒ಯಿಮ॒ಸ್ಮೇ ಸು॒ವೀರ‌ಮ್᳚ || 9.68.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹಿರಣ್ಯಸ್ತೂಪ ಋಷಿಃ, ಪವಮಾನಃ ಸೋಮೋ ದೇವತಾ (1-8) ಪ್ರಥಮಾದ್ಯಶ್ಟರ್ಚಾಂ ಜಗತೀ, (9-10) ನವಮೀದಶಮ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಇಷು॒ರ್ನ ಧನ್ವ॒ನ್ಪ್ರತಿ॑ ಧೀಯತೇ ಮ॒ತಿರ್ವ॒ತ್ಸೋ ನ ಮಾ॒ತುರುಪ॑ ಸ॒ರ್ಜ್ಯೂಧ॑ನಿ |
ಉ॒ರುಧಾ᳚ರೇವ ದುಹೇ॒ ಅಗ್ರ॑ ಆಯ॒ತ್ಯಸ್ಯ᳚ ವ್ರ॒ತೇಷ್ವಪಿ॒ ಸೋಮ॑ ಇಷ್ಯತೇ || 9.69.1
ಉಪೋ᳚ ಮ॒ತಿಃ ಪೃ॒ಚ್ಯತೇ᳚ ಸಿ॒ಚ್ಯತೇ॒ ಮಧು॑ ಮಂ॒ದ್ರಾಜ॑ನೀ ಚೋದತೇ ಅ॒‌ನ್ತರಾ॒ಸನಿ॑ |
ಪವ॑ಮಾನಃ ಸಂತ॒ನಿಃ ಪ್ರ॑ಘ್ನ॒ತಾಮಿ॑ವ॒ ಮಧು॑ಮಾಂದ್ರ॒ಪ್ಸಃ ಪರಿ॒ ವಾರ॑ಮರ್ಷತಿ || 9.69.2
ಅವ್ಯೇ᳚ ವಧೂ॒ಯುಃ ಪ॑ವತೇ॒ ಪರಿ॑ ತ್ವ॒ಚಿ ಶ್ರ॑ಥ್ನೀ॒ತೇ ನ॒ಪ್ತೀರದಿ॑ತೇರ್‌ಋ॒ತಂ ಯ॒ತೇ |
ಹರಿ॑ರಕ್ರಾನ್ಯಜ॒ತಃ ಸಂ᳚ಯ॒ತೋ ಮದೋ᳚ ನೃ॒ಮ್ಣಾ ಶಿಶಾ᳚ನೋ ಮಹಿ॒ಷೋ ನ ಶೋ᳚ಭತೇ || 9.69.3
ಉ॒ಕ್ಷಾ ಮಿ॑ಮಾತಿ॒ ಪ್ರತಿ॑ ಯ‌ನ್ತಿ ಧೇ॒ನವೋ᳚ ದೇ॒ವಸ್ಯ॑ ದೇ॒ವೀರುಪ॑ ಯ‌ನ್ತಿ ನಿಷ್ಕೃ॒ತ‌ಮ್ |
ಅತ್ಯ॑ಕ್ರಮೀ॒ದರ್ಜು॑ನಂ॒ ವಾರ॑ಮ॒ವ್ಯಯ॒ಮತ್ಕಂ॒ ನ ನಿ॒ಕ್ತಂ ಪರಿ॒ ಸೋಮೋ᳚ ಅವ್ಯತ || 9.69.4
ಅಮೃ॑ಕ್ತೇನ॒ ರುಶ॑ತಾ॒ ವಾಸ॑ಸಾ॒ ಹರಿ॒ರಮ॑ರ್ತ್ಯೋ ನಿರ್ಣಿಜಾ॒ನಃ ಪರಿ᳚ ವ್ಯತ |
ದಿ॒ವಸ್ಪೃ॒ಷ್ಠಂ ಬ॒ರ್ಹಣಾ᳚ ನಿ॒ರ್ಣಿಜೇ᳚ ಕೃತೋಪ॒ಸ್ತರ॑ಣಂ ಚ॒ಮ್ವೋ᳚ರ್ನಭ॒ಸ್ಮಯ‌ಮ್᳚ || 9.69.5
ಸೂರ್ಯ॑ಸ್ಯೇವ ರ॒ಶ್ಮಯೋ᳚ ದ್ರಾವಯಿ॒ತ್ನವೋ᳚ ಮತ್ಸ॒ರಾಸಃ॑ ಪ್ರ॒ಸುಪಃ॑ ಸಾ॒ಕಮೀ᳚ರತೇ |
ತ‌ನ್ತುಂ᳚ ತ॒ತಂ ಪರಿ॒ ಸರ್ಗಾ᳚ಸ ಆ॒ಶವೋ॒ ನೇಂದ್ರಾ᳚ದೃ॒ತೇ ಪ॑ವತೇ॒ ಧಾಮ॒ ಕಿಂ ಚ॒ನ || 9.69.6
ಸಿಂಧೋ᳚ರಿವ ಪ್ರವ॒ಣೇ ನಿ॒ಮ್ನ ಆ॒ಶವೋ॒ ವೃಷ॑ಚ್ಯುತಾ॒ ಮದಾ᳚ಸೋ ಗಾ॒ತುಮಾ᳚ಶತ |
ಶಂ ನೋ᳚ ನಿವೇ॒ಶೇ ದ್ವಿ॒ಪದೇ॒ ಚತು॑ಷ್ಪದೇ॒ಽಸ್ಮೇ ವಾಜಾಃ᳚ ಸೋಮ ತಿಷ್ಠ‌ನ್ತು ಕೃ॒ಷ್ಟಯಃ॑ || 9.69.7
ಆ ನಃ॑ ಪವಸ್ವ॒ ವಸು॑ಮ॒ದ್ಧಿರ᳚ಣ್ಯವ॒ದಶ್ವಾ᳚ವ॒ದ್ಗೋಮ॒ದ್ಯವ॑ಮತ್ಸು॒ವೀರ್ಯ‌ಮ್᳚ |
ಯೂ॒ಯಂ ಹಿ ಸೋ᳚ಮ ಪಿ॒ತರೋ॒ ಮಮ॒ ಸ್ಥನ॑ ದಿ॒ವೋ ಮೂ॒ರ್ಧಾನಃ॒ ಪ್ರಸ್ಥಿ॑ತಾ ವಯ॒ಸ್ಕೃತಃ॑ || 9.69.8
ಏ॒ತೇ ಸೋಮಾಃ॒ ಪವ॑ಮಾನಾಸ॒ ಇಂದ್ರಂ॒ ರಥಾ᳚ ಇವ॒ ಪ್ರ ಯ॑ಯುಃ ಸಾ॒ತಿಮಚ್ಛ॑ |
ಸು॒ತಾಃ ಪ॒ವಿತ್ರ॒ಮತಿ॑ ಯ॒‌ನ್ತ್ಯವ್ಯಂ᳚ ಹಿ॒ತ್ವೀ ವ॒ವ್ರಿಂ ಹ॒ರಿತೋ᳚ ವೃ॒ಷ್ಟಿಮಚ್ಛ॑ || 9.69.9
ಇಂದ॒ವಿಂದ್ರಾ᳚ಯ ಬೃಹ॒ತೇ ಪ॑ವಸ್ವ ಸುಮೃಳೀ॒ಕೋ ಅ॑ನವ॒ದ್ಯೋ ರಿ॒ಶಾದಾಃ᳚ |
ಭರಾ᳚ ಚಂ॒ದ್ರಾಣಿ॑ ಗೃಣ॒ತೇ ವಸೂ᳚ನಿ ದೇ॒ವೈರ್ದ್ಯಾ᳚ವಾಪೃಥಿವೀ॒ ಪ್ರಾವ॑ತಂ ನಃ || 9.69.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ರೇಣ ಷಿಃ, ಪವಮಾನಃ ಸೋಮೋ ದೇವತಾ, (1-9) ಪ್ರಥಮಾದಿನವರ್ಚಾಂ ಜಗತೀ, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ತ್ರಿರ॑ಸ್ಮೈ ಸ॒ಪ್ತ ಧೇ॒ನವೋ᳚ ದುದುಹ್ರೇ ಸ॒ತ್ಯಾಮಾ॒ಶಿರಂ᳚ ಪೂ॒ರ್ವ್ಯೇ ವ್ಯೋ᳚ಮನಿ |
ಚ॒ತ್ವಾರ್ಯ॒ನ್ಯಾ ಭುವ॑ನಾನಿ ನಿ॒ರ್ಣಿಜೇ॒ ಚಾರೂ᳚ಣಿ ಚಕ್ರೇ॒ ಯದೃ॒ತೈರವ॑ರ್ಧತ || 9.70.1
ಸ ಭಿಕ್ಷ॑ಮಾಣೋ ಅ॒ಮೃತ॑ಸ್ಯ॒ ಚಾರು॑ಣ ಉ॒ಭೇ ದ್ಯಾವಾ॒ ಕಾವ್ಯೇ᳚ನಾ॒ ವಿ ಶ॑ಶ್ರಥೇ |
ತೇಜಿ॑ಷ್ಠಾ ಅ॒ಪೋ ಮಂ॒ಹನಾ॒ ಪರಿ᳚ ವ್ಯತ॒ ಯದೀ᳚ ದೇ॒ವಸ್ಯ॒ ಶ್ರವ॑ಸಾ॒ ಸದೋ᳚ ವಿ॒ದುಃ || 9.70.2
ತೇ ಅ॑ಸ್ಯ ಸ‌ನ್ತು ಕೇ॒ತವೋಽಮೃ॑ತ್ಯ॒ವೋಽದಾ᳚ಭ್ಯಾಸೋ ಜ॒ನುಷೀ᳚ ಉ॒ಭೇ ಅನು॑ |
ಯೇಭಿ᳚ರ್ನೃ॒ಮ್ಣಾ ಚ॑ ದೇ॒ವ್ಯಾ᳚ ಚ ಪುನ॒ತ ಆದಿದ್ರಾಜಾ᳚ನಂ ಮ॒ನನಾ᳚ ಅಗೃಭ್ಣತ || 9.70.3
ಸ ಮೃ॒ಜ್ಯಮಾ᳚ನೋ ದ॒ಶಭಿಃ॑ ಸು॒ಕರ್ಮ॑ಭಿಃ॒ ಪ್ರ ಮ॑ಧ್ಯ॒ಮಾಸು॑ ಮಾ॒ತೃಷು॑ ಪ್ರ॒ಮೇ ಸಚಾ᳚ |
ವ್ರ॒ತಾನಿ॑ ಪಾ॒ನೋ ಅ॒ಮೃತ॑ಸ್ಯ॒ ಚಾರು॑ಣ ಉ॒ಭೇ ನೃ॒ಚಕ್ಷಾ॒ ಅನು॑ ಪಶ್ಯತೇ॒ ವಿಶೌ᳚ || 9.70.4
ಸ ಮ᳚ರ್ಮೃಜಾ॒ನ ಇಂ᳚ದ್ರಿ॒ಯಾಯ॒ ಧಾಯ॑ಸ॒ ಓಭೇ ಅ॒‌ನ್ತಾ ರೋದ॑ಸೀ ಹರ್ಷತೇ ಹಿ॒ತಃ |
ವೃಷಾ॒ ಶುಷ್ಮೇ᳚ಣ ಬಾಧತೇ॒ ವಿ ದು᳚ರ್ಮ॒ತೀರಾ॒ದೇದಿ॑ಶಾನಃ ಶರ್ಯ॒ಹೇವ॑ ಶು॒ರುಧಃ॑ || 9.70.5
ಸ ಮಾ॒ತರಾ॒ ನ ದದೃ॑ಶಾನ ಉ॒ಸ್ರಿಯೋ॒ ನಾನ॑ದದೇತಿ ಮ॒ರುತಾ᳚ಮಿವ ಸ್ವ॒ನಃ |
ಜಾ॒ನನ್ನೃ॒ತಂ ಪ್ರ॑ಥ॒ಮಂ ಯತ್ಸ್ವ᳚ರ್ಣರಂ॒ ಪ್ರಶ॑ಸ್ತಯೇ॒ ಕಮ॑ವೃಣೀತ ಸು॒ಕ್ರತುಃ॑ || 9.70.6
ರು॒ವತಿ॑ ಭೀ॒ಮೋ ವೃ॑ಷ॒ಭಸ್ತ॑ವಿ॒ಷ್ಯಯಾ॒ ಶೃಂಗೇ॒ ಶಿಶಾ᳚ನೋ॒ ಹರಿ॑ಣೀ ವಿಚಕ್ಷ॒ಣಃ |
ಆ ಯೋನಿಂ॒ ಸೋಮಃ॒ ಸುಕೃ॑ತಂ॒ ನಿ ಷೀ᳚ದತಿ ಗ॒ವ್ಯಯೀ॒ ತ್ವಗ್ಭ॑ವತಿ ನಿ॒ರ್ಣಿಗ॒ವ್ಯಯೀ᳚ || 9.70.7
ಶುಚಿಃ॑ ಪುನಾ॒ನಸ್ತ॒ನ್ವ॑ಮರೇ॒ಪಸ॒ಮವ್ಯೇ॒ ಹರಿ॒ರ್ನ್ಯ॑ಧಾವಿಷ್ಟ॒ ಸಾನ॑ವಿ |
ಜುಷ್ಟೋ᳚ ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ᳚ ತ್ರಿ॒ಧಾತು॒ ಮಧು॑ ಕ್ರಿಯತೇ ಸು॒ಕರ್ಮ॑ಭಿಃ || 9.70.8
ಪವ॑ಸ್ವ ಸೋಮ ದೇ॒ವವೀ᳚ತಯೇ॒ ವೃಷೇಂದ್ರ॑ಸ್ಯ॒ ಹಾರ್ದಿ॑ ಸೋಮ॒ಧಾನ॒ಮಾ ವಿ॑ಶ |
ಪು॒ರಾ ನೋ᳚ ಬಾ॒ಧಾದ್ದು॑ರಿ॒ತಾತಿ॑ ಪಾರಯ ಕ್ಷೇತ್ರ॒ವಿದ್ಧಿ ದಿಶ॒ ಆಹಾ᳚ ವಿಪೃಚ್ಛ॒ತೇ || 9.70.9
ಹಿ॒ತೋ ನ ಸಪ್ತಿ॑ರ॒ಭಿ ವಾಜ॑ಮ॒ರ್ಷೇಂದ್ರ॑ಸ್ಯೇಂದೋ ಜ॒ಠರ॒ಮಾ ಪ॑ವಸ್ವ |
ನಾ॒ವಾ ನ ಸಿಂಧು॒ಮತಿ॑ ಪರ್ಷಿ ವಿ॒ದ್ವಾಂಛೂರೋ॒ ನ ಯುಧ್ಯ॒ನ್ನವ॑ ನೋ ನಿ॒ದಃ ಸ್ಪಃ॑ || 9.70.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರ ಋಭವ ಋಷಿಃ, ಪವಮಾನಃ ಸೋಮೋ ದೇವತಾ, (1-8) ಪ್ರಥಮಾದ್ಯಶ್ಟರ್ಚಾಂ ಜಗತೀ, (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಆ ದಕ್ಷಿ॑ಣಾ ಸೃಜ್ಯತೇ ಶು॒ಷ್ಮ್ಯಾ॒3॒॑ಸದಂ॒ ವೇತಿ॑ ದ್ರು॒ಹೋ ರ॒ಕ್ಷಸಃ॑ ಪಾತಿ॒ ಜಾಗೃ॑ವಿಃ |
ಹರಿ॑ರೋಪ॒ಶಂ ಕೃ॑ಣುತೇ॒ ನಭ॒ಸ್ಪಯ॑ ಉಪ॒ಸ್ತಿರೇ᳚ ಚ॒ಮ್ವೋ॒3॒॑ರ್ಬ್ರಹ್ಮ॑ ನಿ॒ರ್ಣಿಜೇ᳚ || 9.71.1
ಪ್ರ ಕೃ॑ಷ್ಟಿ॒ಹೇವ॑ ಶೂ॒ಷ ಏ᳚ತಿ॒ ರೋರು॑ವದಸು॒ರ್ಯಂ1॒॑ ವರ್ಣಂ॒ ನಿ ರಿ॑ಣೀತೇ ಅಸ್ಯ॒ ತ‌ಮ್ |
ಜಹಾ᳚ತಿ ವ॒ವ್ರಿಂ ಪಿ॒ತುರೇ᳚ತಿ ನಿಷ್ಕೃ॒ತಮು॑ಪ॒ಪ್ರುತಂ᳚ ಕೃಣುತೇ ನಿ॒ರ್ಣಿಜಂ॒ ತನಾ᳚ || 9.71.2
ಅದ್ರಿ॑ಭಿಃ ಸು॒ತಃ ಪ॑ವತೇ॒ ಗಭ॑ಸ್ತ್ಯೋರ್ವೃಷಾ॒ಯತೇ॒ ನಭ॑ಸಾ॒ ವೇಪ॑ತೇ ಮ॒ತೀ |
ಸ ಮೋ᳚ದತೇ॒ ನಸ॑ತೇ॒ ಸಾಧ॑ತೇ ಗಿ॒ರಾ ನೇ᳚ನಿ॒ಕ್ತೇ ಅ॒ಪ್ಸು ಯಜ॑ತೇ॒ ಪರೀ᳚ಮಣಿ || 9.71.3
ಪರಿ॑ ದ್ಯು॒ಕ್ಷಂ ಸಹ॑ಸಃ ಪರ್ವತಾ॒ವೃಧಂ॒ ಮಧ್ವಃ॑ ಸಿಂಚ‌ನ್ತಿ ಹ॒ರ್ಮ್ಯಸ್ಯ॑ ಸ॒ಕ್ಷಣಿ‌ಮ್᳚ |
ಆ ಯಸ್ಮಿ॒ನ್ಗಾವಃ॑ ಸುಹು॒ತಾದ॒ ಊಧ॑ನಿ ಮೂ॒ರ್ಧಂಛ್ರೀ॒ಣ‌ನ್ತ್ಯ॑ಗ್ರಿ॒ಯಂ ವರೀ᳚ಮಭಿಃ || 9.71.4
ಸಮೀ॒ ರಥಂ॒ ನ ಭು॒ರಿಜೋ᳚ರಹೇಷತ॒ ದಶ॒ ಸ್ವಸಾ᳚ರೋ॒ ಅದಿ॑ತೇರು॒ಪಸ್ಥ॒ ಆ |
ಜಿಗಾ॒ದುಪ॑ ಜ್ರಯತಿ॒ ಗೋರ॑ಪೀ॒ಚ್ಯಂ᳚ ಪ॒ದಂ ಯದ॑ಸ್ಯ ಮ॒ತುಥಾ॒ ಅಜೀ᳚ಜನನ್ || 9.71.5
ಶ್ಯೇ॒ನೋ ನ ಯೋನಿಂ॒ ಸದ॑ನಂ ಧಿ॒ಯಾ ಕೃ॒ತಂ ಹಿ॑ರ॒ಣ್ಯಯ॑ಮಾ॒ಸದಂ᳚ ದೇ॒ವ ಏಷ॑ತಿ |
ಏ ರಿ॑ಣ‌ನ್ತಿ ಬ॒ರ್ಹಿಷಿ॑ ಪ್ರಿ॒ಯಂ ಗಿ॒ರಾಶ್ವೋ॒ ನ ದೇ॒ವಾಁ ಅಪ್ಯೇ᳚ತಿ ಯ॒ಜ್ಞಿಯಃ॑ || 9.71.6
ಪರಾ॒ ವ್ಯ॑ಕ್ತೋ ಅರು॒ಷೋ ದಿ॒ವಃ ಕ॒ವಿರ್ವೃಷಾ᳚ ತ್ರಿಪೃ॒ಷ್ಠೋ ಅ॑ನವಿಷ್ಟ॒ ಗಾ ಅ॒ಭಿ |
ಸ॒ಹಸ್ರ॑ಣೀತಿ॒ರ್ಯತಿಃ॑ ಪರಾ॒ಯತೀ᳚ ರೇ॒ಭೋ ನ ಪೂ॒ರ್ವೀರು॒ಷಸೋ॒ ವಿ ರಾ᳚ಜತಿ || 9.71.7
ತ್ವೇ॒ಷಂ ರೂ॒ಪಂ ಕೃ॑ಣುತೇ॒ ವರ್ಣೋ᳚ ಅಸ್ಯ॒ ಸ ಯತ್ರಾಶ॑ಯ॒ತ್ಸಮೃ॑ತಾ॒ ಸೇಧ॑ತಿ ಸ್ರಿ॒ಧಃ |
ಅ॒ಪ್ಸಾ ಯಾ᳚ತಿ ಸ್ವ॒ಧಯಾ॒ ದೈವ್ಯಂ॒ ಜನಂ॒ ಸಂ ಸು॑ಷ್ಟು॒ತೀ ನಸ॑ತೇ॒ ಸಂ ಗೋಅ॑ಗ್ರಯಾ || 9.71.8
ಉ॒ಕ್ಷೇವ॑ ಯೂ॒ಥಾ ಪ॑ರಿ॒ಯನ್ನ॑ರಾವೀ॒ದಧಿ॒ ತ್ವಿಷೀ᳚ರಧಿತ॒ ಸೂರ್ಯ॑ಸ್ಯ |
ದಿ॒ವ್ಯಃ ಸು॑ಪ॒ರ್ಣೋಽವ॑ ಚಕ್ಷತ॒ ಕ್ಷಾಂ ಸೋಮಃ॒ ಪರಿ॒ ಕ್ರತು॑ನಾ ಪಶ್ಯತೇ॒ ಜಾಃ || 9.71.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಹರಿಮಂತ ಋಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಹರಿಂ᳚ ಮೃಜ‌ನ್ತ್ಯರು॒ಷೋ ನ ಯು॑ಜ್ಯತೇ॒ ಸಂ ಧೇ॒ನುಭಿಃ॑ ಕ॒ಲಶೇ॒ ಸೋಮೋ᳚ ಅಜ್ಯತೇ |
ಉದ್ವಾಚ॑ಮೀ॒ರಯ॑ತಿ ಹಿ॒ನ್ವತೇ᳚ ಮ॒ತೀ ಪು॑ರುಷ್ಟು॒ತಸ್ಯ॒ ಕತಿ॑ ಚಿತ್ಪರಿ॒ಪ್ರಿಯಃ॑ || 9.72.1
ಸಾ॒ಕಂ ವ॑ದ‌ನ್ತಿ ಬ॒ಹವೋ᳚ ಮನೀ॒ಷಿಣ॒ ಇಂದ್ರ॑ಸ್ಯ॒ ಸೋಮಂ᳚ ಜ॒ಠರೇ॒ ಯದಾ᳚ದು॒ಹುಃ |
ಯದೀ᳚ ಮೃ॒ಜ‌ನ್ತಿ॒ ಸುಗ॑ಭಸ್ತಯೋ॒ ನರಃ॒ ಸನೀ᳚ಳಾಭಿರ್ದ॒ಶಭಿಃ॒ ಕಾಮ್ಯಂ॒ ಮಧು॑ || 9.72.2
ಅರ॑ಮಮಾಣೋ॒ ಅತ್ಯೇ᳚ತಿ॒ ಗಾ ಅ॒ಭಿ ಸೂರ್ಯ॑ಸ್ಯ ಪ್ರಿ॒ಯಂ ದು॑ಹಿ॒ತುಸ್ತಿ॒ರೋ ರವ‌ಮ್᳚ |
ಅನ್ವ॑ಸ್ಮೈ॒ ಜೋಷ॑ಮಭರದ್ವಿನಂಗೃ॒ಸಃ ಸಂ ದ್ವ॒ಯೀಭಿಃ॒ ಸ್ವಸೃ॑ಭಿಃ ಕ್ಷೇತಿ ಜಾ॒ಮಿಭಿಃ॑ || 9.72.3
ನೃಧೂ᳚ತೋ॒ ಅದ್ರಿ॑ಷುತೋ ಬ॒ರ್ಹಿಷಿ॑ ಪ್ರಿ॒ಯಃ ಪತಿ॒ರ್ಗವಾಂ᳚ ಪ್ರ॒ದಿವ॒ ಇಂದು॑ರ್‌ಋ॒ತ್ವಿಯಃ॑ |
ಪುರಂ᳚ಧಿವಾ॒ನ್ಮನು॑ಷೋ ಯಜ್ಞ॒ಸಾಧ॑ನಃ॒ ಶುಚಿ॑ರ್ಧಿ॒ಯಾ ಪ॑ವತೇ॒ ಸೋಮ॑ ಇಂದ್ರ ತೇ || 9.72.4
ನೃಬಾ॒ಹುಭ್ಯಾಂ᳚ ಚೋದಿ॒ತೋ ಧಾರ॑ಯಾ ಸು॒ತೋ᳚ಽನುಷ್ವ॒ಧಂ ಪ॑ವತೇ॒ ಸೋಮ॑ ಇಂದ್ರ ತೇ |
ಆಪ್ರಾಃ॒ ಕ್ರತೂ॒‌‌ನ್ತ್ಸಮ॑ಜೈರಧ್ವ॒ರೇ ಮ॒ತೀರ್ವೇರ್ನ ದ್ರು॒ಷಚ್ಚ॒ಮ್ವೋ॒3॒॑ರಾಸ॑ದ॒ದ್ಧರಿಃ॑ || 9.72.5
ಅಂ॒ಶುಂ ದು॑ಹ‌ನ್ತಿ ಸ್ತ॒ನಯ᳚‌ನ್ತ॒ಮಕ್ಷಿ॑ತಂ ಕ॒ವಿಂ ಕ॒ವಯೋ॒ಽಪಸೋ᳚ ಮನೀ॒ಷಿಣಃ॑ |
ಸಮೀ॒ ಗಾವೋ᳚ ಮ॒ತಯೋ᳚ ಯ‌ನ್ತಿ ಸಂ॒ಯತ॑ ಋ॒ತಸ್ಯ॒ ಯೋನಾ॒ ಸದ॑ನೇ ಪುನ॒ರ್ಭುವಃ॑ || 9.72.6
ನಾಭಾ᳚ ಪೃಥಿ॒ವ್ಯಾ ಧ॒ರುಣೋ᳚ ಮ॒ಹೋ ದಿ॒ವೋ॒3॒॑ಽಪಾಮೂ॒ರ್ಮೌ ಸಿಂಧು॑ಷ್ವ॒‌ನ್ತರು॑ಕ್ಷಿ॒ತಃ |
ಇಂದ್ರ॑ಸ್ಯ॒ ವಜ್ರೋ᳚ ವೃಷ॒ಭೋ ವಿ॒ಭೂವ॑ಸುಃ॒ ಸೋಮೋ᳚ ಹೃ॒ದೇ ಪ॑ವತೇ॒ ಚಾರು॑ ಮತ್ಸ॒ರಃ || 9.72.7
ಸ ತೂ ಪ॑ವಸ್ವ॒ ಪರಿ॒ ಪಾರ್ಥಿ॑ವಂ॒ ರಜಃ॑ ಸ್ತೋ॒ತ್ರೇ ಶಿಕ್ಷ᳚ನ್ನಾಧೂನ್ವ॒ತೇ ಚ॑ ಸುಕ್ರತೋ |
ಮಾ ನೋ॒ ನಿರ್ಭಾ॒ಗ್ವಸು॑ನಃ ಸಾದನ॒ಸ್ಪೃಶೋ᳚ ರ॒ಯಿಂ ಪಿ॒ಶಂಗಂ᳚ ಬಹು॒ಲಂ ವ॑ಸೀಮಹಿ || 9.72.8
ಆ ತೂ ನ॑ ಇಂದೋ ಶ॒ತದಾ॒ತ್ವಶ್ವ್ಯಂ᳚ ಸ॒ಹಸ್ರ॑ದಾತು ಪಶು॒ಮದ್ಧಿರ᳚ಣ್ಯವತ್ |
ಉಪ॑ ಮಾಸ್ವ ಬೃಹ॒ತೀ ರೇ॒ವತೀ॒ರಿಷೋಽಧಿ॑ ಸ್ತೋ॒ತ್ರಸ್ಯ॑ ಪವಮಾನ ನೋ ಗಹಿ || 9.72.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪವಿತ್ರ ಋಷಿಃ, ಪವಮಾನಃ ಸೋಮೋ ದೇವತಾ. ಜಗತೀ ಛಂದಃ

ಸ್ರಕ್ವೇ᳚ ದ್ರ॒ಪ್ಸಸ್ಯ॒ ಧಮ॑ತಃ॒ ಸಮ॑ಸ್ವರನ್ನೃ॒ತಸ್ಯ॒ ಯೋನಾ॒ ಸಮ॑ರ‌ನ್ತ॒ ನಾಭ॑ಯಃ |
ತ್ರೀ‌‌ನ್ತ್ಸ ಮೂ॒ರ್ಧ್ನೋ ಅಸು॑ರಶ್ಚಕ್ರ ಆ॒ರಭೇ᳚ ಸ॒ತ್ಯಸ್ಯ॒ ನಾವಃ॑ ಸು॒ಕೃತ॑ಮಪೀಪರನ್ || 9.73.1
ಸ॒ಮ್ಯಕ್ಸ॒ಮ್ಯಂಚೋ᳚ ಮಹಿ॒ಷಾ ಅ॑ಹೇಷತ॒ ಸಿಂಧೋ᳚ರೂ॒ರ್ಮಾವಧಿ॑ ವೇ॒ನಾ ಅ॑ವೀವಿಪನ್ |
ಮಧೋ॒ರ್ಧಾರಾ᳚ಭಿರ್ಜ॒ನಯ᳚‌ನ್ತೋ ಅ॒ರ್ಕಮಿತ್ಪ್ರಿ॒ಯಾಮಿಂದ್ರ॑ಸ್ಯ ತ॒ನ್ವ॑ಮವೀವೃಧನ್ || 9.73.2
ಪ॒ವಿತ್ರ॑ವ‌ನ್ತಃ॒ ಪರಿ॒ ವಾಚ॑ಮಾಸತೇ ಪಿ॒ತೈಷಾಂ᳚ ಪ್ರ॒ತ್ನೋ ಅ॒ಭಿ ರ॑ಕ್ಷತಿ ವ್ರ॒ತ‌ಮ್ |
ಮ॒ಹಃ ಸ॑ಮು॒ದ್ರಂ ವರು॑ಣಸ್ತಿ॒ರೋ ದ॑ಧೇ॒ ಧೀರಾ॒ ಇಚ್ಛೇ᳚ಕುರ್ಧ॒ರುಣೇ᳚ಷ್ವಾ॒ರಭ‌ಮ್᳚ || 9.73.3
ಸ॒ಹಸ್ರ॑ಧಾ॒ರೇಽವ॒ ತೇ ಸಮ॑ಸ್ವರಂದಿ॒ವೋ ನಾಕೇ॒ ಮಧು॑ಜಿಹ್ವಾ ಅಸ॒ಶ್ಚತಃ॑ |
ಅಸ್ಯ॒ ಸ್ಪಶೋ॒ ನ ನಿ ಮಿ॑ಷ‌ನ್ತಿ॒ ಭೂರ್ಣ॑ಯಃ ಪ॒ದೇಪ॑ದೇ ಪಾ॒ಶಿನಃ॑ ಸ‌ನ್ತಿ॒ ಸೇತ॑ವಃ || 9.73.4
ಪಿ॒ತುರ್ಮಾ॒ತುರಧ್ಯಾ ಯೇ ಸ॒ಮಸ್ವ॑ರನ್ನೃ॒ಚಾ ಶೋಚ᳚‌ನ್ತಃ ಸಂ॒ದಹ᳚‌ನ್ತೋ ಅವ್ರ॒ತಾನ್ |
ಇಂದ್ರ॑ದ್ವಿಷ್ಟಾ॒ಮಪ॑ ಧಮ‌ನ್ತಿ ಮಾ॒ಯಯಾ॒ ತ್ವಚ॒ಮಸಿ॑ಕ್ನೀಂ॒ ಭೂಮ॑ನೋ ದಿ॒ವಸ್ಪರಿ॑ || 9.73.5
ಪ್ರ॒ತ್ನಾನ್ಮಾನಾ॒ದಧ್ಯಾ ಯೇ ಸ॒ಮಸ್ವ॑ರಂ॒ಛ್ಲೋಕ॑ಯ‌ನ್ತ್ರಾಸೋ ರಭ॒ಸಸ್ಯ॒ ಮ‌ನ್ತ॑ವಃ |
ಅಪಾ᳚ನ॒ಕ್ಷಾಸೋ᳚ ಬಧಿ॒ರಾ ಅ॑ಹಾಸತ ಋ॒ತಸ್ಯ॒ ಪ‌ನ್ಥಾಂ॒ ನ ತ॑ರ‌ನ್ತಿ ದು॒ಷ್ಕೃತಃ॑ || 9.73.6
ಸ॒ಹಸ್ರ॑ಧಾರೇ॒ ವಿತ॑ತೇ ಪ॒ವಿತ್ರ॒ ಆ ವಾಚಂ᳚ ಪುನ‌ನ್ತಿ ಕ॒ವಯೋ᳚ ಮನೀ॒ಷಿಣಃ॑ |
ರು॒ದ್ರಾಸ॑ ಏಷಾಮಿಷಿ॒ರಾಸೋ᳚ ಅ॒ದ್ರುಹಃ॒ ಸ್ಪಶಃ॒ ಸ್ವಂಚಃ॑ ಸು॒ದೃಶೋ᳚ ನೃ॒ಚಕ್ಷ॑ಸಃ || 9.73.7
ಋ॒ತಸ್ಯ॑ ಗೋ॒ಪಾ ನ ದಭಾ᳚ಯ ಸು॒ಕ್ರತು॒ಸ್ತ್ರೀ ಷ ಪ॒ವಿತ್ರಾ᳚ ಹೃ॒ದ್ಯ1॒᳚‌ನ್ತರಾ ದ॑ಧೇ |
ವಿ॒ದ್ವಾ‌‌ನ್ತ್ಸ ವಿಶ್ವಾ॒ ಭುವ॑ನಾ॒ಭಿ ಪ॑ಶ್ಯ॒ತ್ಯವಾಜು॑ಷ್ಟಾನ್ವಿಧ್ಯತಿ ಕ॒ರ್ತೇ ಅ᳚ವ್ರ॒ತಾನ್ || 9.73.8
ಋ॒ತಸ್ಯ॒ ತ‌ನ್ತು॒ರ್ವಿತ॑ತಃ ಪ॒ವಿತ್ರ॒ ಆ ಜಿ॒ಹ್ವಾಯಾ॒ ಅಗ್ರೇ॒ ವರು॑ಣಸ್ಯ ಮಾ॒ಯಯಾ᳚ |
ಧೀರಾ᳚ಶ್ಚಿ॒ತ್ತತ್ಸ॒ಮಿನ॑ಕ್ಷ‌ನ್ತ ಆಶ॒ತಾತ್ರಾ᳚ ಕ॒ರ್ತಮವ॑ ಪದಾ॒ತ್ಯಪ್ರ॑ಭುಃ || 9.73.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ದೈಘರ್ತ ಮಸಃ ಕಕ್ಷೀವಾನ್ ಋಷಿಃ, ಪವಮಾನಃ ಸೋಮೋ ದೇವತಾ, (1-7, 9) ಪ್ರಥಮಾದಿಸಪ್ತರ್ಚಾಂ ನವಮ್ಯಾಶ್ಚ ಜಗತೀ, (8) ಅಷ್ಟಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಶಿಶು॒ರ್ನ ಜಾ॒ತೋಽವ॑ ಚಕ್ರದ॒ದ್ವನೇ॒ ಸ್ವ1॒᳚ರ್ಯದ್ವಾ॒ಜ್ಯ॑ರು॒ಷಃ ಸಿಷಾ᳚ಸತಿ |
ದಿ॒ವೋ ರೇತ॑ಸಾ ಸಚತೇ ಪಯೋ॒ವೃಧಾ॒ ತಮೀ᳚ಮಹೇ ಸುಮ॒ತೀ ಶರ್ಮ॑ ಸ॒ಪ್ರಥಃ॑ || 9.74.1
ದಿ॒ವೋ ಯಃ ಸ್ಕಂ॒ಭೋ ಧ॒ರುಣಃ॒ ಸ್ವಾ᳚ತತ॒ ಆಪೂ᳚ರ್ಣೋ ಅಂ॒ಶುಃ ಪ॒ರ್ಯೇತಿ॑ ವಿ॒ಶ್ವತಃ॑ |
ಸೇಮೇ ಮ॒ಹೀ ರೋದ॑ಸೀ ಯಕ್ಷದಾ॒ವೃತಾ᳚ ಸಮೀಚೀ॒ನೇ ದಾ᳚ಧಾರ॒ ಸಮಿಷಃ॑ ಕ॒ವಿಃ || 9.74.2
ಮಹಿ॒ ಪ್ಸರಃ॒ ಸುಕೃ॑ತಂ ಸೋ॒ಮ್ಯಂ ಮಧೂ॒ರ್ವೀ ಗವ್ಯೂ᳚ತಿ॒ರದಿ॑ತೇರ್‌ಋ॒ತಂ ಯ॒ತೇ |
ಈಶೇ॒ ಯೋ ವೃ॒ಷ್ಟೇರಿ॒ತ ಉ॒ಸ್ರಿಯೋ॒ ವೃಷಾ॒ಪಾಂ ನೇ॒ತಾ ಯ ಇ॒ತಊ᳚ತಿರ್‌ಋ॒ಗ್ಮಿಯಃ॑ || 9.74.3
ಆ॒ತ್ಮ॒ನ್ವನ್ನಭೋ᳚ ದುಹ್ಯತೇ ಘೃ॒ತಂ ಪಯ॑ ಋ॒ತಸ್ಯ॒ ನಾಭಿ॑ರ॒ಮೃತಂ॒ ವಿ ಜಾ᳚ಯತೇ |
ಸ॒ಮೀ॒ಚೀ॒ನಾಃ ಸು॒ದಾನ॑ವಃ ಪ್ರೀಣ‌ನ್ತಿ॒ ತಂ ನರೋ᳚ ಹಿ॒ತಮವ॑ ಮೇಹ‌ನ್ತಿ॒ ಪೇರ॑ವಃ || 9.74.4
ಅರಾ᳚ವೀದಂ॒ಶುಃ ಸಚ॑ಮಾನ ಊ॒ರ್ಮಿಣಾ᳚ ದೇವಾ॒ವ್ಯಂ1॒॑ ಮನು॑ಷೇ ಪಿನ್ವತಿ॒ ತ್ವಚ‌ಮ್᳚ |
ದಧಾ᳚ತಿ॒ ಗರ್ಭ॒ಮದಿ॑ತೇರು॒ಪಸ್ಥ॒ ಆ ಯೇನ॑ ತೋ॒ಕಂ ಚ॒ ತನ॑ಯಂ ಚ॒ ಧಾಮ॑ಹೇ || 9.74.5
ಸ॒ಹಸ್ರ॑ಧಾ॒ರೇಽವ॒ ತಾ ಅ॑ಸ॒ಶ್ಚತ॑ಸ್ತೃ॒ತೀಯೇ᳚ ಸ‌ನ್ತು॒ ರಜ॑ಸಿ ಪ್ರ॒ಜಾವ॑ತೀಃ |
ಚತ॑ಸ್ರೋ॒ ನಾಭೋ॒ ನಿಹಿ॑ತಾ ಅ॒ವೋ ದಿ॒ವೋ ಹ॒ವಿರ್ಭ॑ರ‌ನ್ತ್ಯ॒ಮೃತಂ᳚ ಘೃತ॒ಶ್ಚುತಃ॑ || 9.74.6
ಶ್ವೇ॒ತಂ ರೂ॒ಪಂ ಕೃ॑ಣುತೇ॒ ಯತ್ಸಿಷಾ᳚ಸತಿ॒ ಸೋಮೋ᳚ ಮೀ॒ಢ್ವಾಁ ಅಸು॑ರೋ ವೇದ॒ ಭೂಮ॑ನಃ |
ಧಿ॒ಯಾ ಶಮೀ᳚ ಸಚತೇ॒ ಸೇಮ॒ಭಿ ಪ್ರ॒ವದ್ದಿ॒ವಸ್ಕವಂ᳚ಧ॒ಮವ॑ ದರ್ಷದು॒ದ್ರಿಣ‌ಮ್᳚ || 9.74.7
ಅಧ॑ ಶ್ವೇ॒ತಂ ಕ॒ಲಶಂ॒ ಗೋಭಿ॑ರ॒ಕ್ತಂ ಕಾರ್ಷ್ಮ॒ನ್ನಾ ವಾ॒ಜ್ಯ॑ಕ್ರಮೀತ್ಸಸ॒ವಾನ್ |
ಆ ಹಿ᳚ನ್ವಿರೇ॒ ಮನ॑ಸಾ ದೇವ॒ಯ‌ನ್ತಃ॑ ಕ॒ಕ್ಷೀವ॑ತೇ ಶ॒ತಹಿ॑ಮಾಯ॒ ಗೋನಾ‌ಮ್᳚ || 9.74.8
ಅ॒ದ್ಭಿಃ ಸೋ᳚ಮ ಪಪೃಚಾ॒ನಸ್ಯ॑ ತೇ॒ ರಸೋಽವ್ಯೋ॒ ವಾರಂ॒ ವಿ ಪ॑ವಮಾನ ಧಾವತಿ |
ಸ ಮೃ॒ಜ್ಯಮಾ᳚ನಃ ಕ॒ವಿಭಿ᳚ರ್ಮದಿ‌ನ್ತಮ॒ ಸ್ವದ॒ಸ್ವೇಂದ್ರಾ᳚ಯ ಪವಮಾನ ಪೀ॒ತಯೇ᳚ || 9.74.9

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಅ॒ಭಿ ಪ್ರಿ॒ಯಾಣಿ॑ ಪವತೇ॒ ಚನೋ᳚ಹಿತೋ॒ ನಾಮಾ᳚ನಿ ಯ॒ಹ್ವೋ ಅಧಿ॒ ಯೇಷು॒ ವರ್ಧ॑ತೇ |
ಆ ಸೂರ್ಯ॑ಸ್ಯ ಬೃಹ॒ತೋ ಬೃ॒ಹನ್ನಧಿ॒ ರಥಂ॒ ವಿಷ್ವಂ᳚ಚಮರುಹದ್ವಿಚಕ್ಷ॒ಣಃ || 9.75.1
ಋ॒ತಸ್ಯ॑ ಜಿ॒ಹ್ವಾ ಪ॑ವತೇ॒ ಮಧು॑ ಪ್ರಿ॒ಯಂ ವ॒ಕ್ತಾ ಪತಿ॑ರ್ಧಿ॒ಯೋ ಅ॒ಸ್ಯಾ ಅದಾ᳚ಭ್ಯಃ |
ದಧಾ᳚ತಿ ಪು॒ತ್ರಃ ಪಿ॒ತ್ರೋರ॑ಪೀ॒ಚ್ಯಂ1॒॑ ನಾಮ॑ ತೃ॒ತೀಯ॒ಮಧಿ॑ ರೋಚ॒ನೇ ದಿ॒ವಃ || 9.75.2
ಅವ॑ ದ್ಯುತಾ॒ನಃ ಕ॒ಲಶಾಁ᳚ ಅಚಿಕ್ರದ॒ನ್ನೃಭಿ᳚ರ್ಯೇಮಾ॒ನಃ ಕೋಶ॒ ಆ ಹಿ॑ರ॒ಣ್ಯಯೇ᳚ |
ಅ॒ಭೀಮೃ॒ತಸ್ಯ॑ ದೋ॒ಹನಾ᳚ ಅನೂಷ॒ತಾಧಿ॑ ತ್ರಿಪೃ॒ಷ್ಠ ಉ॒ಷಸೋ॒ ವಿ ರಾ᳚ಜತಿ || 9.75.3
ಅದ್ರಿ॑ಭಿಃ ಸು॒ತೋ ಮ॒ತಿಭಿ॒ಶ್ಚನೋ᳚ಹಿತಃ ಪ್ರರೋ॒ಚಯ॒ನ್ರೋದ॑ಸೀ ಮಾ॒ತರಾ॒ ಶುಚಿಃ॑ |
ರೋಮಾ॒ಣ್ಯವ್ಯಾ᳚ ಸ॒ಮಯಾ॒ ವಿ ಧಾ᳚ವತಿ॒ ಮಧೋ॒ರ್ಧಾರಾ॒ ಪಿನ್ವ॑ಮಾನಾ ದಿ॒ವೇದಿ॑ವೇ || 9.75.4
ಪರಿ॑ ಸೋಮ॒ ಪ್ರ ಧ᳚ನ್ವಾ ಸ್ವ॒ಸ್ತಯೇ॒ ನೃಭಿಃ॑ ಪುನಾ॒ನೋ ಅ॒ಭಿ ವಾ᳚ಸಯಾ॒ಶಿರ‌ಮ್᳚ |
ಯೇ ತೇ॒ ಮದಾ᳚ ಆಹ॒ನಸೋ॒ ವಿಹಾ᳚ಯಸ॒ಸ್ತೇಭಿ॒ರಿಂದ್ರಂ᳚ ಚೋದಯ॒ ದಾತ॑ವೇ ಮ॒ಘ‌ಮ್ || 9.75.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿರೃಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಧ॒ರ್ತಾ ದಿ॒ವಃ ಪ॑ವತೇ॒ ಕೃತ್ವ್ಯೋ॒ ರಸೋ॒ ದಕ್ಷೋ᳚ ದೇ॒ವಾನಾ᳚ಮನು॒ಮಾದ್ಯೋ॒ ನೃಭಿಃ॑ |
ಹರಿಃ॑ ಸೃಜಾ॒ನೋ ಅತ್ಯೋ॒ ನ ಸತ್ವ॑ಭಿ॒ರ್ವೃಥಾ॒ ಪಾಜಾಂ᳚ಸಿ ಕೃಣುತೇ ನ॒ದೀಷ್ವಾ || 9.76.1
ಶೂರೋ॒ ನ ಧ॑ತ್ತ॒ ಆಯು॑ಧಾ॒ ಗಭ॑ಸ್ತ್ಯೋಃ॒ ಸ್ವ1॒ಃ॑ ಸಿಷಾ᳚ಸನ್ರಥಿ॒ರೋ ಗವಿ॑ಷ್ಟಿಷು |
ಇಂದ್ರ॑ಸ್ಯ॒ ಶುಷ್ಮ॑ಮೀ॒ರಯ᳚ನ್ನಪ॒ಸ್ಯುಭಿ॒ರಿಂದು॑ರ್ಹಿನ್ವಾ॒ನೋ ಅ॑ಜ್ಯತೇ ಮನೀ॒ಷಿಭಿಃ॑ || 9.76.2
ಇಂದ್ರ॑ಸ್ಯ ಸೋಮ॒ ಪವ॑ಮಾನ ಊ॒ರ್ಮಿಣಾ᳚ ತವಿ॒ಷ್ಯಮಾ᳚ಣೋ ಜ॒ಠರೇ॒ಷ್ವಾ ವಿ॑ಶ |
ಪ್ರ ಣಃ॑ ಪಿನ್ವ ವಿ॒ದ್ಯುದ॒ಭ್ರೇವ॒ ರೋದ॑ಸೀ ಧಿ॒ಯಾ ನ ವಾಜಾಁ॒ ಉಪ॑ ಮಾಸಿ॒ ಶಶ್ವ॑ತಃ || 9.76.3
ವಿಶ್ವ॑ಸ್ಯ॒ ರಾಜಾ᳚ ಪವತೇ ಸ್ವ॒ರ್ದೃಶ॑ ಋ॒ತಸ್ಯ॑ ಧೀ॒ತಿಮೃ॑ಷಿ॒ಷಾಳ॑ವೀವಶತ್ |
ಯಃ ಸೂರ್ಯ॒ಸ್ಯಾಸಿ॑ರೇಣ ಮೃ॒ಜ್ಯತೇ᳚ ಪಿ॒ತಾ ಮ॑ತೀ॒ನಾಮಸ॑ಮಷ್ಟಕಾವ್ಯಃ || 9.76.4
ವೃಷೇ᳚ವ ಯೂ॒ಥಾ ಪರಿ॒ ಕೋಶ॑ಮರ್ಷಸ್ಯ॒ಪಾಮು॒ಪಸ್ಥೇ᳚ ವೃಷ॒ಭಃ ಕನಿ॑ಕ್ರದತ್ |
ಸ ಇಂದ್ರಾ᳚ಯ ಪವಸೇ ಮತ್ಸ॒ರಿ‌ನ್ತ॑ಮೋ॒ ಯಥಾ॒ ಜೇಷಾ᳚ಮ ಸಮಿ॒ಥೇ ತ್ವೋತ॑ಯಃ || 9.76.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಏ॒ಷ ಪ್ರ ಕೋಶೇ॒ ಮಧು॑ಮಾಁ ಅಚಿಕ್ರದ॒ದಿಂದ್ರ॑ಸ್ಯ॒ ವಜ್ರೋ॒ ವಪು॑ಷೋ॒ ವಪು॑ಷ್ಟರಃ |
ಅ॒ಭೀಮೃ॒ತಸ್ಯ॑ ಸು॒ದುಘಾ᳚ ಘೃತ॒ಶ್ಚುತೋ᳚ ವಾ॒ಶ್ರಾ ಅ॑ರ್ಷ‌ನ್ತಿ॒ ಪಯ॑ಸೇವ ಧೇ॒ನವಃ॑ || 9.77.1
ಸ ಪೂ॒ರ್ವ್ಯಃ ಪ॑ವತೇ॒ ಯಂ ದಿ॒ವಸ್ಪರಿ॑ ಶ್ಯೇ॒ನೋ ಮ॑ಥಾ॒ಯದಿ॑ಷಿ॒ತಸ್ತಿ॒ರೋ ರಜಃ॑ |
ಸ ಮಧ್ವ॒ ಆ ಯು॑ವತೇ॒ ವೇವಿ॑ಜಾನ॒ ಇತ್ಕೃ॒ಶಾನೋ॒ರಸ್ತು॒ರ್ಮನ॒ಸಾಹ॑ ಬಿ॒ಭ್ಯುಷಾ᳚ || 9.77.2
ತೇ ನಃ॒ ಪೂರ್ವಾ᳚ಸ॒ ಉಪ॑ರಾಸ॒ ಇಂದ॑ವೋ ಮ॒ಹೇ ವಾಜಾ᳚ಯ ಧನ್ವ‌ನ್ತು॒ ಗೋಮ॑ತೇ |
ಈ॒ಕ್ಷೇ॒ಣ್ಯಾ᳚ಸೋ ಅ॒ಹ್ಯೋ॒3॒॑ ನ ಚಾರ॑ವೋ॒ ಬ್ರಹ್ಮ॑ಬ್ರಹ್ಮ॒ ಯೇ ಜು॑ಜು॒ಷುರ್ಹ॒ವಿರ್ಹ॑ವಿಃ || 9.77.3
ಅ॒ಯಂ ನೋ᳚ ವಿ॒ದ್ವಾನ್ವ॑ನವದ್ವನುಷ್ಯ॒ತ ಇಂದುಃ॑ ಸ॒ತ್ರಾಚಾ॒ ಮನ॑ಸಾ ಪುರುಷ್ಟು॒ತಃ |
ಇ॒ನಸ್ಯ॒ ಯಃ ಸದ॑ನೇ॒ ಗರ್ಭ॑ಮಾದ॒ಧೇ ಗವಾ᳚ಮುರು॒ಬ್ಜಮ॒ಭ್ಯರ್ಷ॑ತಿ ವ್ರ॒ಜ‌ಮ್ || 9.77.4
ಚಕ್ರಿ॑ರ್ದಿ॒ವಃ ಪ॑ವತೇ॒ ಕೃತ್ವ್ಯೋ॒ ರಸೋ᳚ ಮ॒ಹಾಁ ಅದ॑ಬ್ಧೋ॒ ವರು॑ಣೋ ಹು॒ರುಗ್ಯ॒ತೇ |
ಅಸಾ᳚ವಿ ಮಿ॒ತ್ರೋ ವೃ॒ಜನೇ᳚ಷು ಯ॒ಜ್ಞಿಯೋಽತ್ಯೋ॒ ನ ಯೂ॒ಥೇ ವೃ॑ಷ॒ಯುಃ ಕನಿ॑ಕ್ರದತ್ || 9.77.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಪ್ರ ರಾಜಾ॒ ವಾಚಂ᳚ ಜ॒ನಯ᳚ನ್ನಸಿಷ್ಯದದ॒ಪೋ ವಸಾ᳚ನೋ ಅ॒ಭಿ ಗಾ ಇ॑ಯಕ್ಷತಿ |
ಗೃ॒ಭ್ಣಾತಿ॑ ರಿ॒ಪ್ರಮವಿ॑ರಸ್ಯ॒ ತಾನ್ವಾ᳚ ಶು॒ದ್ಧೋ ದೇ॒ವಾನಾ॒ಮುಪ॑ ಯಾತಿ ನಿಷ್ಕೃ॒ತ‌ಮ್ || 9.78.1
ಇಂದ್ರಾ᳚ಯ ಸೋಮ॒ ಪರಿ॑ ಷಿಚ್ಯಸೇ॒ ನೃಭಿ᳚ರ್ನೃ॒ಚಕ್ಷಾ᳚ ಊ॒ರ್ಮಿಃ ಕ॒ವಿರ॑ಜ್ಯಸೇ॒ ವನೇ᳚ |
ಪೂ॒ರ್ವೀರ್ಹಿ ತೇ᳚ ಸ್ರು॒ತಯಃ॒ ಸ‌ನ್ತಿ॒ ಯಾತ॑ವೇ ಸ॒ಹಸ್ರ॒ಮಶ್ವಾ॒ ಹರ॑ಯಶ್ಚಮೂ॒ಷದಃ॑ || 9.78.2
ಸ॒ಮು॒ದ್ರಿಯಾ᳚ ಅಪ್ಸ॒ರಸೋ᳚ ಮನೀ॒ಷಿಣ॒ಮಾಸೀ᳚ನಾ ಅ॒‌ನ್ತರ॒ಭಿ ಸೋಮ॑ಮಕ್ಷರನ್ |
ತಾ ಈಂ᳚ ಹಿನ್ವ‌ನ್ತಿ ಹ॒ರ್ಮ್ಯಸ್ಯ॑ ಸ॒ಕ್ಷಣಿಂ॒ ಯಾಚ᳚‌ನ್ತೇ ಸು॒ಮ್ನಂ ಪವ॑ಮಾನ॒ಮಕ್ಷಿ॑ತ‌ಮ್ || 9.78.3
ಗೋ॒ಜಿನ್ನಃ॒ ಸೋಮೋ᳚ ರಥ॒ಜಿದ್ಧಿ॑ರಣ್ಯ॒ಜಿತ್ಸ್ವ॒ರ್ಜಿದ॒ಬ್ಜಿತ್ಪ॑ವತೇ ಸಹಸ್ರ॒ಜಿತ್ |
ಯಂ ದೇ॒ವಾಸ॑ಶ್ಚಕ್ರಿ॒ರೇ ಪೀ॒ತಯೇ॒ ಮದಂ॒ ಸ್ವಾದಿ॑ಷ್ಠಂ ದ್ರ॒ಪ್ಸಮ॑ರು॒ಣಂ ಮ॑ಯೋ॒ಭುವ‌ಮ್᳚ || 9.78.4
ಏ॒ತಾನಿ॑ ಸೋಮ॒ ಪವ॑ಮಾನೋ ಅಸ್ಮ॒ಯುಃ ಸ॒ತ್ಯಾನಿ॑ ಕೃ॒ಣ್ವಂದ್ರವಿ॑ಣಾನ್ಯರ್ಷಸಿ |
ಜ॒ಹಿ ಶತ್ರು॑ಮ‌ನ್ತಿ॒ಕೇ ದೂ᳚ರ॒ಕೇ ಚ॒ ಯ ಉ॒ರ್ವೀಂ ಗವ್ಯೂ᳚ತಿ॒ಮಭ॑ಯಂ ಚ ನಸ್ಕೃಧಿ || 9.78.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಕವಿಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಅ॒ಚೋ॒ದಸೋ᳚ ನೋ ಧನ್ವ॒‌ನ್ತ್ವಿಂದ॑ವಃ॒ ಪ್ರ ಸು॑ವಾ॒ನಾಸೋ᳚ ಬೃ॒ಹದ್ದಿ॑ವೇಷು॒ ಹರ॑ಯಃ |
ವಿ ಚ॒ ನಶ᳚ನ್ನ ಇ॒ಷೋ ಅರಾ᳚ತಯೋ॒ಽರ್ಯೋ ನ॑ಶ‌ನ್ತ॒ ಸನಿ॑ಷ‌ನ್ತ ನೋ॒ ಧಿಯಃ॑ || 9.79.1
ಪ್ರ ಣೋ᳚ ಧನ್ವ॒‌ನ್ತ್ವಿಂದ॑ವೋ ಮದ॒ಚ್ಯುತೋ॒ ಧನಾ᳚ ವಾ॒ ಯೇಭಿ॒ರರ್ವ॑ತೋ ಜುನೀ॒ಮಸಿ॑ |
ತಿ॒ರೋ ಮರ್ತ॑ಸ್ಯ॒ ಕಸ್ಯ॑ ಚಿ॒ತ್ಪರಿ॑ಹ್ವೃತಿಂ ವ॒ಯಂ ಧನಾ᳚ನಿ ವಿ॒ಶ್ವಧಾ᳚ ಭರೇಮಹಿ || 9.79.2
ಉ॒ತ ಸ್ವಸ್ಯಾ॒ ಅರಾ᳚ತ್ಯಾ ಅ॒ರಿರ್ಹಿ ಷ ಉ॒ತಾನ್ಯಸ್ಯಾ॒ ಅರಾ᳚ತ್ಯಾ॒ ವೃಕೋ॒ ಹಿ ಷಃ |
ಧನ್ವ॒ನ್ನ ತೃಷ್ಣಾ॒ ಸಮ॑ರೀತ॒ ತಾಁ ಅ॒ಭಿ ಸೋಮ॑ ಜ॒ಹಿ ಪ॑ವಮಾನ ದುರಾ॒ಧ್ಯಃ॑ || 9.79.3
ದಿ॒ವಿ ತೇ॒ ನಾಭಾ᳚ ಪರ॒ಮೋ ಯ ಆ᳚ದ॒ದೇ ಪೃ॑ಥಿ॒ವ್ಯಾಸ್ತೇ᳚ ರುರುಹುಃ॒ ಸಾನ॑ವಿ॒ ಕ್ಷಿಪಃ॑ |
ಅದ್ರ॑ಯಸ್ತ್ವಾ ಬಪ್ಸತಿ॒ ಗೋರಧಿ॑ ತ್ವ॒ಚ್ಯ1॒॑ಪ್ಸು ತ್ವಾ॒ ಹಸ್ತೈ᳚ರ್ದುದುಹುರ್ಮನೀ॒ಷಿಣಃ॑ || 9.79.4
ಏ॒ವಾ ತ॑ ಇಂದೋ ಸು॒ಭ್ವಂ᳚ ಸು॒ಪೇಶ॑ಸಂ॒ ರಸಂ᳚ ತುಂಜ‌ನ್ತಿ ಪ್ರಥ॒ಮಾ ಅ॑ಭಿ॒ಶ್ರಿಯಃ॑ |
ನಿದಂ᳚ನಿದಂ ಪವಮಾನ॒ ನಿ ತಾ᳚ರಿಷ ಆ॒ವಿಸ್ತೇ॒ ಶುಷ್ಮೋ᳚ ಭವತು ಪ್ರಿ॒ಯೋ ಮದಃ॑ || 9.79.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜೋ ವಸುಋಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಸೋಮ॑ಸ್ಯ॒ ಧಾರಾ᳚ ಪವತೇ ನೃ॒ಚಕ್ಷ॑ಸ ಋ॒ತೇನ॑ ದೇ॒ವಾನ್ಹ॑ವತೇ ದಿ॒ವಸ್ಪರಿ॑ |
ಬೃಹ॒ಸ್ಪತೇ᳚ ರ॒ವಥೇ᳚ನಾ॒ ವಿ ದಿ॑ದ್ಯುತೇ ಸಮು॒ದ್ರಾಸೋ॒ ನ ಸವ॑ನಾನಿ ವಿವ್ಯಚುಃ || 9.80.1
ಯಂ ತ್ವಾ᳚ ವಾಜಿನ್ನ॒ಘ್ನ್ಯಾ ಅ॒ಭ್ಯನೂ᳚ಷ॒ತಾಯೋ᳚ಹತಂ॒ ಯೋನಿ॒ಮಾ ರೋ᳚ಹಸಿ ದ್ಯು॒ಮಾನ್ |
ಮ॒ಘೋನಾ॒ಮಾಯುಃ॑ ಪ್ರತಿ॒ರನ್ಮಹಿ॒ ಶ್ರವ॒ ಇಂದ್ರಾ᳚ಯ ಸೋಮ ಪವಸೇ॒ ವೃಷಾ॒ ಮದಃ॑ || 9.80.2
ಏಂದ್ರ॑ಸ್ಯ ಕು॒ಕ್ಷಾ ಪ॑ವತೇ ಮ॒ದಿ‌ನ್ತ॑ಮ॒ ಊರ್ಜಂ॒ ವಸಾ᳚ನಃ॒ ಶ್ರವ॑ಸೇ ಸುಮಂ॒ಗಲಃ॑ |
ಪ್ರ॒ತ್ಯಙ್ಸ ವಿಶ್ವಾ॒ ಭುವ॑ನಾ॒ಭಿ ಪ॑ಪ್ರಥೇ॒ ಕ್ರೀಳ॒ನ್ಹರಿ॒ರತ್ಯಃ॑ ಸ್ಯಂದತೇ॒ ವೃಷಾ᳚ || 9.80.3
ತಂ ತ್ವಾ᳚ ದೇ॒ವೇಭ್ಯೋ॒ ಮಧು॑ಮತ್ತಮಂ॒ ನರಃ॑ ಸ॒ಹಸ್ರ॑ಧಾರಂ ದುಹತೇ॒ ದಶ॒ ಕ್ಷಿಪಃ॑ |
ನೃಭಿಃ॑ ಸೋಮ॒ ಪ್ರಚ್ಯು॑ತೋ॒ ಗ್ರಾವ॑ಭಿಃ ಸು॒ತೋ ವಿಶ್ವಾಂ᳚ದೇ॒ವಾಁ ಆ ಪ॑ವಸ್ವಾ ಸಹಸ್ರಜಿತ್ || 9.80.4
ತಂ ತ್ವಾ᳚ ಹ॒ಸ್ತಿನೋ॒ ಮಧು॑ಮ‌ನ್ತ॒ಮದ್ರಿ॑ಭಿರ್ದು॒ಹ‌ನ್ತ್ಯ॒ಪ್ಸು ವೃ॑ಷ॒ಭಂ ದಶ॒ ಕ್ಷಿಪಃ॑ |
ಇಂದ್ರಂ᳚ ಸೋಮ ಮಾ॒ದಯಂ॒ದೈವ್ಯಂ॒ ಜನಂ॒ ಸಿಂಧೋ᳚ರಿವೋ॒ರ್ಮಿಃ ಪವ॑ಮಾನೋ ಅರ್ಷಸಿ || 9.80.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜೋ ವಸುಋಷಿಃ, ಪವಮಾನಃ ಸೋಮೋ ದೇವತಾ, (1-4) ಪ್ರಥಮಾದಿಚತುರೃಚ ಆಂ ಜಗತೀ, (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ಸೋಮ॑ಸ್ಯ॒ ಪವ॑ಮಾನಸ್ಯೋ॒ರ್ಮಯ॒ ಇಂದ್ರ॑ಸ್ಯ ಯ‌ನ್ತಿ ಜ॒ಠರಂ᳚ ಸು॒ಪೇಶ॑ಸಃ |
ದ॒ಧ್ನಾ ಯದೀ॒ಮುನ್ನೀ᳚ತಾ ಯ॒ಶಸಾ॒ ಗವಾಂ᳚ ದಾ॒ನಾಯ॒ ಶೂರ॑ಮು॒ದಮಂ᳚ದಿಷುಃ ಸು॒ತಾಃ || 9.81.1
ಅಚ್ಛಾ॒ ಹಿ ಸೋಮಃ॑ ಕ॒ಲಶಾಁ॒ ಅಸಿ॑ಷ್ಯದ॒ದತ್ಯೋ॒ ನ ವೋಳ್ಹಾ᳚ ರ॒ಘುವ॑ರ್ತನಿ॒ರ್ವೃಷಾ᳚ |
ಅಥಾ᳚ ದೇ॒ವಾನಾ᳚ಮು॒ಭಯ॑ಸ್ಯ॒ ಜನ್ಮ॑ನೋ ವಿ॒ದ್ವಾಁ ಅ॑ಶ್ನೋತ್ಯ॒ಮುತ॑ ಇ॒ತಶ್ಚ॒ ಯತ್ || 9.81.2
ಆ ನಃ॑ ಸೋಮ॒ ಪವ॑ಮಾನಃ ಕಿರಾ॒ ವಸ್ವಿಂದೋ॒ ಭವ॑ ಮ॒ಘವಾ॒ ರಾಧ॑ಸೋ ಮ॒ಹಃ |
ಶಿಕ್ಷಾ᳚ ವಯೋಧೋ॒ ವಸ॑ವೇ॒ ಸು ಚೇ॒ತುನಾ॒ ಮಾ ನೋ॒ ಗಯ॑ಮಾ॒ರೇ ಅ॒ಸ್ಮತ್ಪರಾ᳚ ಸಿಚಃ || 9.81.3
ಆ ನಃ॑ ಪೂ॒ಷಾ ಪವ॑ಮಾನಃ ಸುರಾ॒ತಯೋ᳚ ಮಿ॒ತ್ರೋ ಗ॑ಚ್ಛ‌ನ್ತು॒ ವರು॑ಣಃ ಸ॒ಜೋಷ॑ಸಃ |
ಬೃಹ॒ಸ್ಪತಿ᳚ರ್ಮ॒ರುತೋ᳚ ವಾ॒ಯುರ॒ಶ್ವಿನಾ॒ ತ್ವಷ್ಟಾ᳚ ಸವಿ॒ತಾ ಸು॒ಯಮಾ॒ ಸರ॑ಸ್ವತೀ || 9.81.4
ಉ॒ಭೇ ದ್ಯಾವಾ᳚ಪೃಥಿ॒ವೀ ವಿ॑ಶ್ವಮಿ॒ನ್ವೇ ಅ᳚ರ್ಯ॒ಮಾ ದೇ॒ವೋ ಅದಿ॑ತಿರ್ವಿಧಾ॒ತಾ |
ಭಗೋ॒ ನೃಶಂಸ॑ ಉ॒ರ್ವ1॒᳚‌ನ್ತರಿ॑ಕ್ಷಂ॒ ವಿಶ್ವೇ᳚ ದೇ॒ವಾಃ ಪವ॑ಮಾನಂ ಜುಷ‌ನ್ತ || 9.81.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜೋ ವಸಷಿಃ, ಪವಮಾನಃ ಸೋಮೋ ದೇವತಾ, (1-4) ಪ್ರಥಮಾದಿಚರ್ಚಾಂ ಜಗತೀ, (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅಸಾ᳚ವಿ॒ ಸೋಮೋ᳚ ಅರು॒ಷೋ ವೃಷಾ॒ ಹರೀ॒ ರಾಜೇ᳚ವ ದ॒ಸ್ಮೋ ಅ॒ಭಿ ಗಾ ಅ॑ಚಿಕ್ರದತ್ |
ಪು॒ನಾ॒ನೋ ವಾರಂ॒ ಪರ್ಯೇ᳚ತ್ಯ॒ವ್ಯಯಂ᳚ ಶ್ಯೇ॒ನೋ ನ ಯೋನಿಂ᳚ ಘೃ॒ತವ᳚‌ನ್ತಮಾ॒ಸದ‌ಮ್᳚ || 9.82.1
ಕ॒ವಿರ್ವೇ᳚ಧ॒ಸ್ಯಾ ಪರ್ಯೇ᳚ಷಿ॒ ಮಾಹಿ॑ನ॒ಮತ್ಯೋ॒ ನ ಮೃ॒ಷ್ಟೋ ಅ॒ಭಿ ವಾಜ॑ಮರ್ಷಸಿ |
ಅ॒ಪ॒ಸೇಧಂ᳚ದುರಿ॒ತಾ ಸೋ᳚ಮ ಮೃಳಯ ಘೃ॒ತಂ ವಸಾ᳚ನಃ॒ ಪರಿ॑ ಯಾಸಿ ನಿ॒ರ್ಣಿಜ‌ಮ್᳚ || 9.82.2
ಪ॒ರ್ಜನ್ಯಃ॑ ಪಿ॒ತಾ ಮ॑ಹಿ॒ಷಸ್ಯ॑ ಪ॒ರ್ಣಿನೋ॒ ನಾಭಾ᳚ ಪೃಥಿ॒ವ್ಯಾ ಗಿ॒ರಿಷು॒ ಕ್ಷಯಂ᳚ ದಧೇ |
ಸ್ವಸಾ᳚ರ॒ ಆಪೋ᳚ ಅ॒ಭಿ ಗಾ ಉ॒ತಾಸ॑ರ॒‌‌ನ್ತ್ಸಂ ಗ್ರಾವ॑ಭಿರ್ನಸತೇ ವೀ॒ತೇ ಅ॑ಧ್ವ॒ರೇ || 9.82.3
ಜಾ॒ಯೇವ॒ ಪತ್ಯಾ॒ವಧಿ॒ ಶೇವ॑ ಮಂಹಸೇ॒ ಪಜ್ರಾ᳚ಯಾ ಗರ್ಭ ಶೃಣು॒ಹಿ ಬ್ರವೀ᳚ಮಿ ತೇ |
ಅ॒‌ನ್ತರ್ವಾಣೀ᳚ಷು॒ ಪ್ರ ಚ॑ರಾ॒ ಸು ಜೀ॒ವಸೇ᳚ಽನಿಂ॒ದ್ಯೋ ವೃ॒ಜನೇ᳚ ಸೋಮ ಜಾಗೃಹಿ || 9.82.4
ಯಥಾ॒ ಪೂರ್ವೇ᳚ಭ್ಯಃ ಶತ॒ಸಾ ಅಮೃ॑ಧ್ರಃ ಸಹಸ್ರ॒ಸಾಃ ಪ॒ರ್ಯಯಾ॒ ವಾಜ॑ಮಿಂದೋ |
ಏ॒ವಾ ಪ॑ವಸ್ವ ಸುವಿ॒ತಾಯ॒ ನವ್ಯ॑ಸೇ॒ ತವ᳚ ವ್ರ॒ತಮನ್ವಾಪಃ॑ ಸಚ‌ನ್ತೇ || 9.82.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪವಿತ್ರ ಋಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಪ॒ವಿತ್ರಂ᳚ ತೇ॒ ವಿತ॑ತಂ ಬ್ರಹ್ಮಣಸ್ಪತೇ ಪ್ರ॒ಭುರ್ಗಾತ್ರಾ᳚ಣಿ॒ ಪರ್ಯೇ᳚ಷಿ ವಿ॒ಶ್ವತಃ॑ |
ಅತ॑ಪ್ತತನೂ॒ರ್ನ ತದಾ॒ಮೋ ಅ॑ಶ್ನುತೇ ಶೃ॒ತಾಸ॒ ಇದ್ವಹ᳚‌ನ್ತ॒ಸ್ತತ್ಸಮಾ᳚ಶತ || 9.83.1
ತಪೋ᳚ಷ್ಪ॒ವಿತ್ರಂ॒ ವಿತ॑ತಂ ದಿ॒ವಸ್ಪ॒ದೇ ಶೋಚ᳚‌ನ್ತೋ ಅಸ್ಯ॒ ತ‌ನ್ತ॑ವೋ॒ ವ್ಯ॑ಸ್ಥಿರನ್ |
ಅವ᳚‌ನ್ತ್ಯಸ್ಯ ಪವೀ॒ತಾರ॑ಮಾ॒ಶವೋ᳚ ದಿ॒ವಸ್ಪೃ॒ಷ್ಠಮಧಿ॑ ತಿಷ್ಠ‌ನ್ತಿ॒ ಚೇತ॑ಸಾ || 9.83.2
ಅರೂ᳚ರುಚದು॒ಷಸಃ॒ ಪೃಶ್ನಿ॑ರಗ್ರಿ॒ಯ ಉ॒ಕ್ಷಾ ಬಿ॑ಭರ್ತಿ॒ ಭುವ॑ನಾನಿ ವಾಜ॒ಯುಃ |
ಮಾ॒ಯಾ॒ವಿನೋ᳚ ಮಮಿರೇ ಅಸ್ಯ ಮಾ॒ಯಯಾ᳚ ನೃ॒ಚಕ್ಷ॑ಸಃ ಪಿ॒ತರೋ॒ ಗರ್ಭ॒ಮಾ ದ॑ಧುಃ || 9.83.3
ಗಂ॒ಧ॒ರ್ವ ಇ॒ತ್ಥಾ ಪ॒ದಮ॑ಸ್ಯ ರಕ್ಷತಿ॒ ಪಾತಿ॑ ದೇ॒ವಾನಾಂ॒ ಜನಿ॑ಮಾ॒ನ್ಯದ್ಭು॑ತಃ |
ಗೃ॒ಭ್ಣಾತಿ॑ ರಿ॒ಪುಂ ನಿ॒ಧಯಾ᳚ ನಿ॒ಧಾಪ॑ತಿಃ ಸು॒ಕೃತ್ತ॑ಮಾ॒ ಮಧು॑ನೋ ಭ॒ಕ್ಷಮಾ᳚ಶತ || 9.83.4
ಹ॒ವಿರ್ಹ॑ವಿಷ್ಮೋ॒ ಮಹಿ॒ ಸದ್ಮ॒ ದೈವ್ಯಂ॒ ನಭೋ॒ ವಸಾ᳚ನಃ॒ ಪರಿ॑ ಯಾಸ್ಯಧ್ವ॒ರ‌ಮ್ |
ರಾಜಾ᳚ ಪ॒ವಿತ್ರ॑ರಥೋ॒ ವಾಜ॒ಮಾರು॑ಹಃ ಸ॒ಹಸ್ರ॑ಭೃಷ್ಟಿರ್ಜಯಸಿ॒ ಶ್ರವೋ᳚ ಬೃ॒ಹತ್ || 9.83.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವಾಚ್ಯಃ ಪ್ರಜಾಪತಿಷಿಃ, ಪವಮಾನಃ ಸೋಮೋ ದೇವತಾ, ಜಗತೀ ಛಂದಃ

ಪವ॑ಸ್ವ ದೇವ॒ಮಾದ॑ನೋ॒ ವಿಚ॑ರ್ಷಣಿರ॒ಪ್ಸಾ ಇಂದ್ರಾ᳚ಯ॒ ವರು॑ಣಾಯ ವಾ॒ಯವೇ᳚ |
ಕೃ॒ಧೀ ನೋ᳚ ಅ॒ದ್ಯ ವರಿ॑ವಃ ಸ್ವಸ್ತಿ॒ಮದು॑ರುಕ್ಷಿ॒ತೌ ಗೃ॑ಣೀಹಿ॒ ದೈವ್ಯಂ॒ ಜನ‌ಮ್᳚ || 9.84.1
ಆ ಯಸ್ತ॒ಸ್ಥೌ ಭುವ॑ನಾ॒ನ್ಯಮ॑ರ್ತ್ಯೋ॒ ವಿಶ್ವಾ᳚ನಿ॒ ಸೋಮಃ॒ ಪರಿ॒ ತಾನ್ಯ॑ರ್ಷತಿ |
ಕೃ॒ಣ್ವ‌‌ನ್ತ್ಸಂ॒ಚೃತಂ᳚ ವಿ॒ಚೃತ॑ಮ॒ಭಿಷ್ಟ॑ಯ॒ ಇಂದುಃ॑ ಸಿಷಕ್ತ್ಯು॒ಷಸಂ॒ ನ ಸೂರ್ಯಃ॑ || 9.84.2
ಆ ಯೋ ಗೋಭಿಃ॑ ಸೃ॒ಜ್ಯತ॒ ಓಷ॑ಧೀ॒ಷ್ವಾ ದೇ॒ವಾನಾಂ᳚ ಸು॒ಮ್ನ ಇ॒ಷಯ॒ನ್ನುಪಾ᳚ವಸುಃ |
ಆ ವಿ॒ದ್ಯುತಾ᳚ ಪವತೇ॒ ಧಾರ॑ಯಾ ಸು॒ತ ಇಂದ್ರಂ॒ ಸೋಮೋ᳚ ಮಾ॒ದಯಂ॒ದೈವ್ಯಂ॒ ಜನ‌ಮ್᳚ || 9.84.3
ಏ॒ಷ ಸ್ಯ ಸೋಮಃ॑ ಪವತೇ ಸಹಸ್ರ॒ಜಿದ್ಧಿ᳚ನ್ವಾ॒ನೋ ವಾಚ॑ಮಿಷಿ॒ರಾಮು॑ಷ॒ರ್ಬುಧ‌ಮ್᳚ |
ಇಂದುಃ॑ ಸಮು॒ದ್ರಮುದಿ॑ಯರ್ತಿ ವಾ॒ಯುಭಿ॒ರೇಂದ್ರ॑ಸ್ಯ॒ ಹಾರ್ದಿ॑ ಕ॒ಲಶೇ᳚ಷು ಸೀದತಿ || 9.84.4
ಅ॒ಭಿ ತ್ಯಂ ಗಾವಃ॒ ಪಯ॑ಸಾ ಪಯೋ॒ವೃಧಂ॒ ಸೋಮಂ᳚ ಶ್ರೀಣ‌ನ್ತಿ ಮ॒ತಿಭಿಃ॑ ಸ್ವ॒ರ್ವಿದ‌ಮ್᳚ |
ಧ॒ನಂ॒ಜ॒ಯಃ ಪ॑ವತೇ॒ ಕೃತ್ವ್ಯೋ॒ ರಸೋ॒ ವಿಪ್ರಃ॑ ಕ॒ವಿಃ ಕಾವ್ಯೇ᳚ನಾ॒ ಸ್ವ॑ರ್ಚನಾಃ || 9.84.5

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವೋ ವೇನ ಋಷಿಃ, ಪವಮಾನಃ ಸೋಮೋ ದೇವತಾ (1-10) ಪ್ರಥಮಾದಿದಶ! ಜಗತೀ, (11-12) ಏಕಾದಶೀದ್ವಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಇಂದ್ರಾ᳚ಯ ಸೋಮ॒ ಸುಷು॑ತಃ॒ ಪರಿ॑ ಸ್ರ॒ವಾಪಾಮೀ᳚ವಾ ಭವತು॒ ರಕ್ಷ॑ಸಾ ಸ॒ಹ |
ಮಾ ತೇ॒ ರಸ॑ಸ್ಯ ಮತ್ಸತ ದ್ವಯಾ॒ವಿನೋ॒ ದ್ರವಿ॑ಣಸ್ವ‌ನ್ತ ಇ॒ಹ ಸ॒‌ನ್ತ್ವಿಂದ॑ವಃ || 9.85.1
ಅ॒ಸ್ಮಾ‌‌ನ್ತ್ಸ॑ಮ॒ರ್ಯೇ ಪ॑ವಮಾನ ಚೋದಯ॒ ದಕ್ಷೋ᳚ ದೇ॒ವಾನಾ॒ಮಸಿ॒ ಹಿ ಪ್ರಿ॒ಯೋ ಮದಃ॑ |
ಜ॒ಹಿ ಶತ್ರೂಁ᳚ರ॒ಭ್ಯಾ ಭಂ᳚ದನಾಯ॒ತಃ ಪಿಬೇಂ᳚ದ್ರ॒ ಸೋಮ॒ಮವ॑ ನೋ॒ ಮೃಧೋ᳚ ಜಹಿ || 9.85.2
ಅದ॑ಬ್ಧ ಇಂದೋ ಪವಸೇ ಮ॒ದಿ‌ನ್ತ॑ಮ ಆ॒ತ್ಮೇಂದ್ರ॑ಸ್ಯ ಭವಸಿ ಧಾ॒ಸಿರು॑ತ್ತ॒ಮಃ |
ಅ॒ಭಿ ಸ್ವ॑ರ‌ನ್ತಿ ಬ॒ಹವೋ᳚ ಮನೀ॒ಷಿಣೋ॒ ರಾಜಾ᳚ನಮ॒ಸ್ಯ ಭುವ॑ನಸ್ಯ ನಿಂಸತೇ || 9.85.3
ಸ॒ಹಸ್ರ॑ಣೀಥಃ ಶ॒ತಧಾ᳚ರೋ॒ ಅದ್ಭು॑ತ॒ ಇಂದ್ರಾ॒ಯೇಂದುಃ॑ ಪವತೇ॒ ಕಾಮ್ಯಂ॒ ಮಧು॑ |
ಜಯ॒ನ್ಕ್ಷೇತ್ರ॑ಮ॒ಭ್ಯ॑ರ್ಷಾ॒ ಜಯ᳚ನ್ನ॒ಪ ಉ॒ರುಂ ನೋ᳚ ಗಾ॒ತುಂ ಕೃ॑ಣು ಸೋಮ ಮೀಢ್ವಃ || 9.85.4
ಕನಿ॑ಕ್ರದತ್ಕ॒ಲಶೇ॒ ಗೋಭಿ॑ರಜ್ಯಸೇ॒ ವ್ಯ1॒᳚ವ್ಯಯಂ᳚ ಸ॒ಮಯಾ॒ ವಾರ॑ಮರ್ಷಸಿ |
ಮ॒ರ್ಮೃ॒ಜ್ಯಮಾ᳚ನೋ॒ ಅತ್ಯೋ॒ ನ ಸಾ᳚ನ॒ಸಿರಿಂದ್ರ॑ಸ್ಯ ಸೋಮ ಜ॒ಠರೇ॒ ಸಮ॑ಕ್ಷರಃ || 9.85.5
ಸ್ವಾ॒ದುಃ ಪ॑ವಸ್ವ ದಿ॒ವ್ಯಾಯ॒ ಜನ್ಮ॑ನೇ ಸ್ವಾ॒ದುರಿಂದ್ರಾ᳚ಯ ಸು॒ಹವೀ᳚ತುನಾಮ್ನೇ |
ಸ್ವಾ॒ದುರ್ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ॒ ಬೃಹ॒ಸ್ಪತ॑ಯೇ॒ ಮಧು॑ಮಾಁ॒ ಅದಾ᳚ಭ್ಯಃ || 9.85.6
ಅತ್ಯಂ᳚ ಮೃಜ‌ನ್ತಿ ಕ॒ಲಶೇ॒ ದಶ॒ ಕ್ಷಿಪಃ॒ ಪ್ರ ವಿಪ್ರಾ᳚ಣಾಂ ಮ॒ತಯೋ॒ ವಾಚ॑ ಈರತೇ |
ಪವ॑ಮಾನಾ ಅ॒ಭ್ಯ॑ರ್ಷ‌ನ್ತಿ ಸುಷ್ಟು॒ತಿಮೇಂದ್ರಂ᳚ ವಿಶ‌ನ್ತಿ ಮದಿ॒ರಾಸ॒ ಇಂದ॑ವಃ || 9.85.7
ಪವ॑ಮಾನೋ ಅ॒ಭ್ಯ॑ರ್ಷಾ ಸು॒ವೀರ್ಯ॑ಮು॒ರ್ವೀಂ ಗವ್ಯೂ᳚ತಿಂ॒ ಮಹಿ॒ ಶರ್ಮ॑ ಸ॒ಪ್ರಥಃ॑ |
ಮಾಕಿ᳚ರ್ನೋ ಅ॒ಸ್ಯ ಪರಿ॑ಷೂತಿರೀಶ॒ತೇಂದೋ॒ ಜಯೇ᳚ಮ॒ ತ್ವಯಾ॒ ಧನಂ᳚ಧನ‌ಮ್ || 9.85.8
ಅಧಿ॒ ದ್ಯಾಮ॑ಸ್ಥಾದ್ವೃಷ॒ಭೋ ವಿ॑ಚಕ್ಷ॒ಣೋಽರೂ᳚ರುಚ॒ದ್ವಿ ದಿ॒ವೋ ರೋ᳚ಚ॒ನಾ ಕ॒ವಿಃ |
ರಾಜಾ᳚ ಪ॒ವಿತ್ರ॒ಮತ್ಯೇ᳚ತಿ॒ ರೋರು॑ವದ್ದಿ॒ವಃ ಪೀ॒ಯೂಷಂ᳚ ದುಹತೇ ನೃ॒ಚಕ್ಷ॑ಸಃ || 9.85.9
ದಿ॒ವೋ ನಾಕೇ॒ ಮಧು॑ಜಿಹ್ವಾ ಅಸ॒ಶ್ಚತೋ᳚ ವೇ॒ನಾ ದು॑ಹ‌ನ್ತ್ಯು॒ಕ್ಷಣಂ᳚ ಗಿರಿ॒ಷ್ಠಾ‌ಮ್ |
ಅ॒ಪ್ಸು ದ್ರ॒ಪ್ಸಂ ವಾ᳚ವೃಧಾ॒ನಂ ಸ॑ಮು॒ದ್ರ ಆ ಸಿಂಧೋ᳚ರೂ॒ರ್ಮಾ ಮಧು॑ಮ‌ನ್ತಂ ಪ॒ವಿತ್ರ॒ ಆ || 9.85.10
ನಾಕೇ᳚ ಸುಪ॒ರ್ಣಮು॑ಪಪಪ್ತಿ॒ವಾಂಸಂ॒ ಗಿರೋ᳚ ವೇ॒ನಾನಾ᳚ಮಕೃಪ‌ನ್ತ ಪೂ॒ರ್ವೀಃ |
ಶಿಶುಂ᳚ ರಿಹ‌ನ್ತಿ ಮ॒ತಯಃ॒ ಪನಿ॑ಪ್ನತಂ ಹಿರ॒ಣ್ಯಯಂ᳚ ಶಕು॒ನಂ ಕ್ಷಾಮ॑ಣಿ॒ ಸ್ಥಾ‌ಮ್ || 9.85.11
ಊ॒ರ್ಧ್ವೋ ಗಂ᳚ಧ॒ರ್ವೋ ಅಧಿ॒ ನಾಕೇ᳚ ಅಸ್ಥಾ॒ದ್ವಿಶ್ವಾ᳚ ರೂ॒ಪಾ ಪ್ರ॑ತಿ॒ಚಕ್ಷಾ᳚ಣೋ ಅಸ್ಯ |
ಭಾ॒ನುಃ ಶು॒ಕ್ರೇಣ॑ ಶೋ॒ಚಿಷಾ॒ ವ್ಯ॑ದ್ಯೌ॒ತ್ಪ್ರಾರೂ᳚ರುಚ॒ದ್ರೋದ॑ಸೀ ಮಾ॒ತರಾ॒ ಶುಚಿಃ॑ || 9.85.12

(1-48) ಅಷ್ಟಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ (1-10) ಪ್ರಥಮಾದಿದಶರ್ಚಾಮಕೃಷ್ಟಾ ಮಾಷಾಃ, (11-20) ಏಕಾದಶ್ಯಾದಿದಶಾನಾಂ ಸಿಕತಾ ನಿವಾವರೀ, (21-30) ಏಕವಿಂಶ್ಯಾದಿದಶಾನಾಂ ಪೃಶ್ನಯೋಽಜಾಃ, (31-40) ಏಕತ್ರಿಂಶ್ಯಾದಿದಶಾನಾಮತ್ರೇಯಃ, (4145) ಏಕಚತ್ವಾರಿಂಶ್ಯಾದಿಪಂಚಾನಾಂ ಭೌಮೋಽತ್ರಿಃ, (46-48) ಷಟ್ಚತ್ವಾರಿಂಶ್ಯಾದಿತೃಚಸ್ಯ ಚ ಭಾರ್ಗವಃ ಶೌನಕೋ ಗೃತ್ಸಮದ ಋಷಯಃ, ಪವಮಾನಃ ಸೋಮೋ ದೇವತಾ. ಜಗತೀ ಛಂದಃ

ಪ್ರ ತ॑ ಆ॒ಶವಃ॑ ಪವಮಾನ ಧೀ॒ಜವೋ॒ ಮದಾ᳚ ಅರ್ಷ‌ನ್ತಿ ರಘು॒ಜಾ ಇ॑ವ॒ ತ್ಮನಾ᳚ |
ದಿ॒ವ್ಯಾಃ ಸು॑ಪ॒ರ್ಣಾ ಮಧು॑ಮ‌ನ್ತ॒ ಇಂದ॑ವೋ ಮ॒ದಿ‌ನ್ತ॑ಮಾಸಃ॒ ಪರಿ॒ ಕೋಶ॑ಮಾಸತೇ || 9.86.1
ಪ್ರ ತೇ॒ ಮದಾ᳚ಸೋ ಮದಿ॒ರಾಸ॑ ಆ॒ಶವೋಽಸೃ॑ಕ್ಷತ॒ ರಥ್ಯಾ᳚ಸೋ॒ ಯಥಾ॒ ಪೃಥ॑ಕ್ |
ಧೇ॒ನುರ್ನ ವ॒ತ್ಸಂ ಪಯ॑ಸಾ॒ಭಿ ವ॒ಜ್ರಿಣ॒ಮಿಂದ್ರ॒ಮಿಂದ॑ವೋ॒ ಮಧು॑ಮ‌ನ್ತ ಊ॒ರ್ಮಯಃ॑ || 9.86.2
ಅತ್ಯೋ॒ ನ ಹಿ॑ಯಾ॒ನೋ ಅ॒ಭಿ ವಾಜ॑ಮರ್ಷ ಸ್ವ॒ರ್ವಿತ್ಕೋಶಂ᳚ ದಿ॒ವೋ ಅದ್ರಿ॑ಮಾತರ‌ಮ್ |
ವೃಷಾ᳚ ಪ॒ವಿತ್ರೇ॒ ಅಧಿ॒ ಸಾನೋ᳚ ಅ॒ವ್ಯಯೇ॒ ಸೋಮಃ॑ ಪುನಾ॒ನ ಇಂ᳚ದ್ರಿ॒ಯಾಯ॒ ಧಾಯ॑ಸೇ || 9.86.3
ಪ್ರ ತ॒ ಆಶ್ವಿ॑ನೀಃ ಪವಮಾನ ಧೀ॒ಜುವೋ᳚ ದಿ॒ವ್ಯಾ ಅ॑ಸೃಗ್ರ॒ನ್ಪಯ॑ಸಾ॒ ಧರೀ᳚ಮಣಿ |
ಪ್ರಾ‌ನ್ತರ್‌ಋಷ॑ಯಃ॒ ಸ್ಥಾವಿ॑ರೀರಸೃಕ್ಷತ॒ ಯೇ ತ್ವಾ᳚ ಮೃ॒ಜ‌ನ್ತ್ಯೃ॑ಷಿಷಾಣ ವೇ॒ಧಸಃ॑ || 9.86.4
ವಿಶ್ವಾ॒ ಧಾಮಾ᳚ನಿ ವಿಶ್ವಚಕ್ಷ॒ ಋಭ್ವ॑ಸಃ ಪ್ರ॒ಭೋಸ್ತೇ᳚ ಸ॒ತಃ ಪರಿ॑ ಯ‌ನ್ತಿ ಕೇ॒ತವಃ॑ |
ವ್ಯಾ॒ನ॒ಶಿಃ ಪ॑ವಸೇ ಸೋಮ॒ ಧರ್ಮ॑ಭಿಃ॒ ಪತಿ॒ರ್ವಿಶ್ವ॑ಸ್ಯ॒ ಭುವ॑ನಸ್ಯ ರಾಜಸಿ || 9.86.5
ಉ॒ಭ॒ಯತಃ॒ ಪವ॑ಮಾನಸ್ಯ ರ॒ಶ್ಮಯೋ᳚ ಧ್ರು॒ವಸ್ಯ॑ ಸ॒ತಃ ಪರಿ॑ ಯ‌ನ್ತಿ ಕೇ॒ತವಃ॑ |
ಯದೀ᳚ ಪ॒ವಿತ್ರೇ॒ ಅಧಿ॑ ಮೃ॒ಜ್ಯತೇ॒ ಹರಿಃ॒ ಸತ್ತಾ॒ ನಿ ಯೋನಾ᳚ ಕ॒ಲಶೇ᳚ಷು ಸೀದತಿ || 9.86.6
ಯ॒ಜ್ಞಸ್ಯ॑ ಕೇ॒ತುಃ ಪ॑ವತೇ ಸ್ವಧ್ವ॒ರಃ ಸೋಮೋ᳚ ದೇ॒ವಾನಾ॒ಮುಪ॑ ಯಾತಿ ನಿಷ್ಕೃ॒ತ‌ಮ್ |
ಸ॒ಹಸ್ರ॑ಧಾರಃ॒ ಪರಿ॒ ಕೋಶ॑ಮರ್ಷತಿ॒ ವೃಷಾ᳚ ಪ॒ವಿತ್ರ॒ಮತ್ಯೇ᳚ತಿ॒ ರೋರು॑ವತ್ || 9.86.7
ರಾಜಾ᳚ ಸಮು॒ದ್ರಂ ನ॒ದ್ಯೋ॒3॒॑ ವಿ ಗಾ᳚ಹತೇ॒ಽಪಾಮೂ॒ರ್ಮಿಂ ಸ॑ಚತೇ॒ ಸಿಂಧು॑ಷು ಶ್ರಿ॒ತಃ |
ಅಧ್ಯ॑ಸ್ಥಾ॒ತ್ಸಾನು॒ ಪವ॑ಮಾನೋ ಅ॒ವ್ಯಯಂ॒ ನಾಭಾ᳚ ಪೃಥಿ॒ವ್ಯಾ ಧ॒ರುಣೋ᳚ ಮ॒ಹೋ ದಿ॒ವಃ || 9.86.8
ದಿ॒ವೋ ನ ಸಾನು॑ ಸ್ತ॒ನಯ᳚ನ್ನಚಿಕ್ರದ॒ದ್ದ್ಯೌಶ್ಚ॒ ಯಸ್ಯ॑ ಪೃಥಿ॒ವೀ ಚ॒ ಧರ್ಮ॑ಭಿಃ |
ಇಂದ್ರ॑ಸ್ಯ ಸ॒ಖ್ಯಂ ಪ॑ವತೇ ವಿ॒ವೇವಿ॑ದ॒ತ್ಸೋಮಃ॑ ಪುನಾ॒ನಃ ಕ॒ಲಶೇ᳚ಷು ಸೀದತಿ || 9.86.9
ಜ್ಯೋತಿ᳚ರ್ಯ॒ಜ್ಞಸ್ಯ॑ ಪವತೇ॒ ಮಧು॑ ಪ್ರಿ॒ಯಂ ಪಿ॒ತಾ ದೇ॒ವಾನಾಂ᳚ ಜನಿ॒ತಾ ವಿ॒ಭೂವ॑ಸುಃ |
ದಧಾ᳚ತಿ॒ ರತ್ನಂ᳚ ಸ್ವ॒ಧಯೋ᳚ರಪೀ॒ಚ್ಯಂ᳚ ಮ॒ದಿ‌ನ್ತ॑ಮೋ ಮತ್ಸ॒ರ ಇಂ᳚ದ್ರಿ॒ಯೋ ರಸಃ॑ || 9.86.10
ಅ॒ಭಿ॒ಕ್ರಂದ᳚ನ್ಕ॒ಲಶಂ᳚ ವಾ॒ಜ್ಯ॑ರ್ಷತಿ॒ ಪತಿ॑ರ್ದಿ॒ವಃ ಶ॒ತಧಾ᳚ರೋ ವಿಚಕ್ಷ॒ಣಃ |
ಹರಿ᳚ರ್ಮಿ॒ತ್ರಸ್ಯ॒ ಸದ॑ನೇಷು ಸೀದತಿ ಮರ್ಮೃಜಾ॒ನೋಽವಿ॑ಭಿಃ॒ ಸಿಂಧು॑ಭಿ॒ರ್ವೃಷಾ᳚ || 9.86.11
ಅಗ್ರೇ॒ ಸಿಂಧೂ᳚ನಾಂ॒ ಪವ॑ಮಾನೋ ಅರ್ಷ॒ತ್ಯಗ್ರೇ᳚ ವಾ॒ಚೋ ಅ॑ಗ್ರಿ॒ಯೋ ಗೋಷು॑ ಗಚ್ಛತಿ |
ಅಗ್ರೇ॒ ವಾಜ॑ಸ್ಯ ಭಜತೇ ಮಹಾಧ॒ನಂ ಸ್ವಾ᳚ಯು॒ಧಃ ಸೋ॒ತೃಭಿಃ॑ ಪೂಯತೇ॒ ವೃಷಾ᳚ || 9.86.12
ಅ॒ಯಂ ಮ॒ತವಾಂ᳚ಛಕು॒ನೋ ಯಥಾ᳚ ಹಿ॒ತೋಽವ್ಯೇ᳚ ಸಸಾರ॒ ಪವ॑ಮಾನ ಊ॒ರ್ಮಿಣಾ᳚ |
ತವ॒ ಕ್ರತ್ವಾ॒ ರೋದ॑ಸೀ ಅ‌ನ್ತ॒ರಾ ಕ॑ವೇ॒ ಶುಚಿ॑ರ್ಧಿ॒ಯಾ ಪ॑ವತೇ॒ ಸೋಮ॑ ಇಂದ್ರ ತೇ || 9.86.13
ದ್ರಾ॒ಪಿಂ ವಸಾ᳚ನೋ ಯಜ॒ತೋ ದಿ॑ವಿ॒ಸ್ಪೃಶ॑ಮ‌ನ್ತರಿಕ್ಷ॒ಪ್ರಾ ಭುವ॑ನೇ॒ಷ್ವರ್ಪಿ॑ತಃ |
ಸ್ವ॑ರ್ಜಜ್ಞಾ॒ನೋ ನಭ॑ಸಾ॒ಭ್ಯ॑ಕ್ರಮೀತ್ಪ್ರ॒ತ್ನಮ॑ಸ್ಯ ಪಿ॒ತರ॒ಮಾ ವಿ॑ವಾಸತಿ || 9.86.14
ಸೋ ಅ॑ಸ್ಯ ವಿ॒ಶೇ ಮಹಿ॒ ಶರ್ಮ॑ ಯಚ್ಛತಿ॒ ಯೋ ಅ॑ಸ್ಯ॒ ಧಾಮ॑ ಪ್ರಥ॒ಮಂ ವ್ಯಾ᳚ನ॒ಶೇ |
ಪ॒ದಂ ಯದ॑ಸ್ಯ ಪರ॒ಮೇ ವ್ಯೋ᳚ಮ॒ನ್ಯತೋ॒ ವಿಶ್ವಾ᳚ ಅ॒ಭಿ ಸಂ ಯಾ᳚ತಿ ಸಂ॒ಯತಃ॑ || 9.86.15
ಪ್ರೋ ಅ॑ಯಾಸೀ॒ದಿಂದು॒ರಿಂದ್ರ॑ಸ್ಯ ನಿಷ್ಕೃ॒ತಂ ಸಖಾ॒ ಸಖ್ಯು॒ರ್ನ ಪ್ರ ಮಿ॑ನಾತಿ ಸಂ॒ಗಿರ‌ಮ್᳚ |
ಮರ್ಯ॑ ಇವ ಯುವ॒ತಿಭಿಃ॒ ಸಮ॑ರ್ಷತಿ॒ ಸೋಮಃ॑ ಕ॒ಲಶೇ᳚ ಶ॒ತಯಾ᳚ಮ್ನಾ ಪ॒ಥಾ || 9.86.16
ಪ್ರ ವೋ॒ ಧಿಯೋ᳚ ಮಂದ್ರ॒ಯುವೋ᳚ ವಿಪ॒ನ್ಯುವಃ॑ ಪನ॒ಸ್ಯುವಃ॑ ಸಂ॒ವಸ॑ನೇಷ್ವಕ್ರಮುಃ |
ಸೋಮಂ᳚ ಮನೀ॒ಷಾ ಅ॒ಭ್ಯ॑ನೂಷತ॒ ಸ್ತುಭೋ॒ಽಭಿ ಧೇ॒ನವಃ॒ ಪಯ॑ಸೇಮಶಿಶ್ರಯುಃ || 9.86.17
ಆ ನಃ॑ ಸೋಮ ಸಂ॒ಯತಂ᳚ ಪಿ॒ಪ್ಯುಷೀ॒ಮಿಷ॒ಮಿಂದೋ॒ ಪವ॑ಸ್ವ॒ ಪವ॑ಮಾನೋ ಅ॒ಸ್ರಿಧ‌ಮ್᳚ |
ಯಾ ನೋ॒ ದೋಹ॑ತೇ॒ ತ್ರಿರಹ॒ನ್ನಸ॑ಶ್ಚುಷೀ ಕ್ಷು॒ಮದ್ವಾಜ॑ವ॒ನ್ಮಧು॑ಮತ್ಸು॒ವೀರ್ಯ‌ಮ್᳚ || 9.86.18
ವೃಷಾ᳚ ಮತೀ॒ನಾಂ ಪ॑ವತೇ ವಿಚಕ್ಷ॒ಣಃ ಸೋಮೋ॒ ಅಹ್ನಃ॑ ಪ್ರತರೀ॒ತೋಷಸೋ᳚ ದಿ॒ವಃ |
ಕ್ರಾ॒ಣಾ ಸಿಂಧೂ᳚ನಾಂ ಕ॒ಲಶಾಁ᳚ ಅವೀವಶ॒ದಿಂದ್ರ॑ಸ್ಯ॒ ಹಾರ್ದ್ಯಾ᳚ವಿ॒ಶನ್ಮ॑ನೀ॒ಷಿಭಿಃ॑ || 9.86.19
ಮ॒ನೀ॒ಷಿಭಿಃ॑ ಪವತೇ ಪೂ॒ರ್ವ್ಯಃ ಕ॒ವಿರ್ನೃಭಿ᳚ರ್ಯ॒ತಃ ಪರಿ॒ ಕೋಶಾಁ᳚ ಅಚಿಕ್ರದತ್ |
ತ್ರಿ॒ತಸ್ಯ॒ ನಾಮ॑ ಜ॒ನಯ॒ನ್ಮಧು॑ ಕ್ಷರ॒ದಿಂದ್ರ॑ಸ್ಯ ವಾ॒ಯೋಃ ಸ॒ಖ್ಯಾಯ॒ ಕರ್ತ॑ವೇ || 9.86.20
ಅ॒ಯಂ ಪು॑ನಾ॒ನ ಉ॒ಷಸೋ॒ ವಿ ರೋ᳚ಚಯದ॒ಯಂ ಸಿಂಧು॑ಭ್ಯೋ ಅಭವದು ಲೋಕ॒ಕೃತ್ |
ಅ॒ಯಂ ತ್ರಿಃ ಸ॒ಪ್ತ ದು॑ದುಹಾ॒ನ ಆ॒ಶಿರಂ॒ ಸೋಮೋ᳚ ಹೃ॒ದೇ ಪ॑ವತೇ॒ ಚಾರು॑ ಮತ್ಸ॒ರಃ || 9.86.21
ಪವ॑ಸ್ವ ಸೋಮ ದಿ॒ವ್ಯೇಷು॒ ಧಾಮ॑ಸು ಸೃಜಾ॒ನ ಇಂ᳚ದೋ ಕ॒ಲಶೇ᳚ ಪ॒ವಿತ್ರ॒ ಆ |
ಸೀದ॒ನ್ನಿಂದ್ರ॑ಸ್ಯ ಜ॒ಠರೇ॒ ಕನಿ॑ಕ್ರದ॒ನ್ನೃಭಿ᳚ರ್ಯ॒ತಃ ಸೂರ್ಯ॒ಮಾರೋ᳚ಹಯೋ ದಿ॒ವಿ || 9.86.22
ಅದ್ರಿ॑ಭಿಃ ಸು॒ತಃ ಪ॑ವಸೇ ಪ॒ವಿತ್ರ॒ ಆಁ ಇಂದ॒ವಿಂದ್ರ॑ಸ್ಯ ಜ॒ಠರೇ᳚ಷ್ವಾವಿ॒ಶನ್ |
ತ್ವಂ ನೃ॒ಚಕ್ಷಾ᳚ ಅಭವೋ ವಿಚಕ್ಷಣ॒ ಸೋಮ॑ ಗೋ॒ತ್ರಮಂಗಿ॑ರೋಭ್ಯೋಽವೃಣೋ॒ರಪ॑ || 9.86.23
ತ್ವಾಂ ಸೋ᳚ಮ॒ ಪವ॑ಮಾನಂ ಸ್ವಾ॒ಧ್ಯೋಽನು॒ ವಿಪ್ರಾ᳚ಸೋ ಅಮದನ್ನವ॒ಸ್ಯವಃ॑ |
ತ್ವಾಂ ಸು॑ಪ॒ರ್ಣ ಆಭ॑ರದ್ದಿ॒ವಸ್ಪರೀಂದೋ॒ ವಿಶ್ವಾ᳚ಭಿರ್ಮ॒ತಿಭಿಃ॒ ಪರಿ॑ಷ್ಕೃತ‌ಮ್ || 9.86.24
ಅವ್ಯೇ᳚ ಪುನಾ॒ನಂ ಪರಿ॒ ವಾರ॑ ಊ॒ರ್ಮಿಣಾ॒ ಹರಿಂ᳚ ನವ‌ನ್ತೇ ಅ॒ಭಿ ಸ॒ಪ್ತ ಧೇ॒ನವಃ॑ |
ಅ॒ಪಾಮು॒ಪಸ್ಥೇ॒ ಅಧ್ಯಾ॒ಯವಃ॑ ಕ॒ವಿಮೃ॒ತಸ್ಯ॒ ಯೋನಾ᳚ ಮಹಿ॒ಷಾ ಅ॑ಹೇಷತ || 9.86.25
ಇಂದುಃ॑ ಪುನಾ॒ನೋ ಅತಿ॑ ಗಾಹತೇ॒ ಮೃಧೋ॒ ವಿಶ್ವಾ᳚ನಿ ಕೃ॒ಣ್ವ‌‌ನ್ತ್ಸು॒ಪಥಾ᳚ನಿ॒ ಯಜ್ಯ॑ವೇ |
ಗಾಃ ಕೃ᳚ಣ್ವಾ॒ನೋ ನಿ॒ರ್ಣಿಜಂ᳚ ಹರ್ಯ॒ತಃ ಕ॒ವಿರತ್ಯೋ॒ ನ ಕ್ರೀಳ॒ನ್ಪರಿ॒ ವಾರ॑ಮರ್ಷತಿ || 9.86.26
ಅ॒ಸ॒ಶ್ಚತಃ॑ ಶ॒ತಧಾ᳚ರಾ ಅಭಿ॒ಶ್ರಿಯೋ॒ ಹರಿಂ᳚ ನವ॒‌ನ್ತೇಽವ॒ ತಾ ಉ॑ದ॒ನ್ಯುವಃ॑ |
ಕ್ಷಿಪೋ᳚ ಮೃಜ‌ನ್ತಿ॒ ಪರಿ॒ ಗೋಭಿ॒ರಾವೃ॑ತಂ ತೃ॒ತೀಯೇ᳚ ಪೃ॒ಷ್ಠೇ ಅಧಿ॑ ರೋಚ॒ನೇ ದಿ॒ವಃ || 9.86.27
ತವೇ॒ಮಾಃ ಪ್ರ॒ಜಾ ದಿ॒ವ್ಯಸ್ಯ॒ ರೇತ॑ಸ॒ಸ್ತ್ವಂ ವಿಶ್ವ॑ಸ್ಯ॒ ಭುವ॑ನಸ್ಯ ರಾಜಸಿ |
ಅಥೇ॒ದಂ ವಿಶ್ವಂ᳚ ಪವಮಾನ ತೇ॒ ವಶೇ॒ ತ್ವಮಿಂ᳚ದೋ ಪ್ರಥ॒ಮೋ ಧಾ᳚ಮ॒ಧಾ ಅ॑ಸಿ || 9.86.28
ತ್ವಂ ಸ॑ಮು॒ದ್ರೋ ಅ॑ಸಿ ವಿಶ್ವ॒ವಿತ್ಕ॑ವೇ॒ ತವೇ॒ಮಾಃ ಪಂಚ॑ ಪ್ರ॒ದಿಶೋ॒ ವಿಧ᳚ರ್ಮಣಿ |
ತ್ವಂ ದ್ಯಾಂ ಚ॑ ಪೃಥಿ॒ವೀಂ ಚಾತಿ॑ ಜಭ್ರಿಷೇ॒ ತವ॒ ಜ್ಯೋತೀಂ᳚ಷಿ ಪವಮಾನ॒ ಸೂರ್ಯಃ॑ || 9.86.29
ತ್ವಂ ಪ॒ವಿತ್ರೇ॒ ರಜ॑ಸೋ॒ ವಿಧ᳚ರ್ಮಣಿ ದೇ॒ವೇಭ್ಯಃ॑ ಸೋಮ ಪವಮಾನ ಪೂಯಸೇ |
ತ್ವಾಮು॒ಶಿಜಃ॑ ಪ್ರಥ॒ಮಾ ಅ॑ಗೃಭ್ಣತ॒ ತುಭ್ಯೇ॒ಮಾ ವಿಶ್ವಾ॒ ಭುವ॑ನಾನಿ ಯೇಮಿರೇ || 9.86.30
ಪ್ರ ರೇ॒ಭ ಏ॒ತ್ಯತಿ॒ ವಾರ॑ಮ॒ವ್ಯಯಂ॒ ವೃಷಾ॒ ವನೇ॒ಷ್ವವ॑ ಚಕ್ರದ॒ದ್ಧರಿಃ॑ |
ಸಂ ಧೀ॒ತಯೋ᳚ ವಾವಶಾ॒ನಾ ಅ॑ನೂಷತ॒ ಶಿಶುಂ᳚ ರಿಹ‌ನ್ತಿ ಮ॒ತಯಃ॒ ಪನಿ॑ಪ್ನತ‌ಮ್ || 9.86.31
ಸ ಸೂರ್ಯ॑ಸ್ಯ ರ॒ಶ್ಮಿಭಿಃ॒ ಪರಿ᳚ ವ್ಯತ॒ ತ‌ನ್ತುಂ᳚ ತನ್ವಾ॒ನಸ್ತ್ರಿ॒ವೃತಂ॒ ಯಥಾ᳚ ವಿ॒ದೇ |
ನಯ᳚ನ್ನೃ॒ತಸ್ಯ॑ ಪ್ರ॒ಶಿಷೋ॒ ನವೀ᳚ಯಸೀಃ॒ ಪತಿ॒ರ್ಜನೀ᳚ನಾ॒ಮುಪ॑ ಯಾತಿ ನಿಷ್ಕೃ॒ತ‌ಮ್ || 9.86.32
ರಾಜಾ॒ ಸಿಂಧೂ᳚ನಾಂ ಪವತೇ॒ ಪತಿ॑ರ್ದಿ॒ವ ಋ॒ತಸ್ಯ॑ ಯಾತಿ ಪ॒ಥಿಭಿಃ॒ ಕನಿ॑ಕ್ರದತ್ |
ಸ॒ಹಸ್ರ॑ಧಾರಃ॒ ಪರಿ॑ ಷಿಚ್ಯತೇ॒ ಹರಿಃ॑ ಪುನಾ॒ನೋ ವಾಚಂ᳚ ಜ॒ನಯ॒ನ್ನುಪಾ᳚ವಸುಃ || 9.86.33
ಪವ॑ಮಾನ॒ ಮಹ್ಯರ್ಣೋ॒ ವಿ ಧಾ᳚ವಸಿ॒ ಸೂರೋ॒ ನ ಚಿ॒ತ್ರೋ ಅವ್ಯ॑ಯಾನಿ॒ ಪವ್ಯ॑ಯಾ |
ಗಭ॑ಸ್ತಿಪೂತೋ॒ ನೃಭಿ॒ರದ್ರಿ॑ಭಿಃ ಸು॒ತೋ ಮ॒ಹೇ ವಾಜಾ᳚ಯ॒ ಧನ್ಯಾ᳚ಯ ಧನ್ವಸಿ || 9.86.34
ಇಷ॒ಮೂರ್ಜಂ᳚ ಪವಮಾನಾ॒ಭ್ಯ॑ರ್ಷಸಿ ಶ್ಯೇ॒ನೋ ನ ವಂಸು॑ ಕ॒ಲಶೇ᳚ಷು ಸೀದಸಿ |
ಇಂದ್ರಾ᳚ಯ॒ ಮದ್ವಾ॒ ಮದ್ಯೋ॒ ಮದಃ॑ ಸು॒ತೋ ದಿ॒ವೋ ವಿ॑ಷ್ಟಂ॒ಭ ಉ॑ಪ॒ಮೋ ವಿ॑ಚಕ್ಷ॒ಣಃ || 9.86.35
ಸ॒ಪ್ತ ಸ್ವಸಾ᳚ರೋ ಅ॒ಭಿ ಮಾ॒ತರಃ॒ ಶಿಶುಂ॒ ನವಂ᳚ ಜಜ್ಞಾ॒ನಂ ಜೇನ್ಯಂ᳚ ವಿಪ॒ಶ್ಚಿತ‌ಮ್᳚ |
ಅ॒ಪಾಂ ಗಂ᳚ಧ॒ರ್ವಂ ದಿ॒ವ್ಯಂ ನೃ॒ಚಕ್ಷ॑ಸಂ॒ ಸೋಮಂ॒ ವಿಶ್ವ॑ಸ್ಯ॒ ಭುವ॑ನಸ್ಯ ರಾ॒ಜಸೇ᳚ || 9.86.36
ಈ॒ಶಾ॒ನ ಇ॒ಮಾ ಭುವ॑ನಾನಿ॒ ವೀಯ॑ಸೇ ಯುಜಾ॒ನ ಇಂ᳚ದೋ ಹ॒ರಿತಃ॑ ಸುಪ॒ರ್ಣ್ಯಃ॑ |
ತಾಸ್ತೇ᳚ ಕ್ಷರ‌ನ್ತು॒ ಮಧು॑ಮದ್ಘೃ॒ತಂ ಪಯ॒ಸ್ತವ᳚ ವ್ರ॒ತೇ ಸೋ᳚ಮ ತಿಷ್ಠ‌ನ್ತು ಕೃ॒ಷ್ಟಯಃ॑ || 9.86.37
ತ್ವಂ ನೃ॒ಚಕ್ಷಾ᳚ ಅಸಿ ಸೋಮ ವಿ॒ಶ್ವತಃ॒ ಪವ॑ಮಾನ ವೃಷಭ॒ ತಾ ವಿ ಧಾ᳚ವಸಿ |
ಸ ನಃ॑ ಪವಸ್ವ॒ ವಸು॑ಮ॒ದ್ಧಿರ᳚ಣ್ಯವದ್ವ॒ಯಂ ಸ್ಯಾ᳚ಮ॒ ಭುವ॑ನೇಷು ಜೀ॒ವಸೇ᳚ || 9.86.38
ಗೋ॒ವಿತ್ಪ॑ವಸ್ವ ವಸು॒ವಿದ್ಧಿ॑ರಣ್ಯ॒ವಿದ್ರೇ᳚ತೋ॒ಧಾ ಇಂ᳚ದೋ॒ ಭುವ॑ನೇ॒ಷ್ವರ್ಪಿ॑ತಃ |
ತ್ವಂ ಸು॒ವೀರೋ᳚ ಅಸಿ ಸೋಮ ವಿಶ್ವ॒ವಿತ್ತಂ ತ್ವಾ॒ ವಿಪ್ರಾ॒ ಉಪ॑ ಗಿ॒ರೇಮ ಆ᳚ಸತೇ || 9.86.39
ಉನ್ಮಧ್ವ॑ ಊ॒ರ್ಮಿರ್ವ॒ನನಾ᳚ ಅತಿಷ್ಠಿಪದ॒ಪೋ ವಸಾ᳚ನೋ ಮಹಿ॒ಷೋ ವಿ ಗಾ᳚ಹತೇ |
ರಾಜಾ᳚ ಪ॒ವಿತ್ರ॑ರಥೋ॒ ವಾಜ॒ಮಾರು॑ಹತ್ಸ॒ಹಸ್ರ॑ಭೃಷ್ಟಿರ್ಜಯತಿ॒ ಶ್ರವೋ᳚ ಬೃ॒ಹತ್ || 9.86.40
ಸ ಭಂ॒ದನಾ॒ ಉದಿ॑ಯರ್ತಿ ಪ್ರ॒ಜಾವ॑ತೀರ್ವಿ॒ಶ್ವಾಯು॒ರ್ವಿಶ್ವಾಃ᳚ ಸು॒ಭರಾ॒ ಅಹ॑ರ್ದಿವಿ |
ಬ್ರಹ್ಮ॑ ಪ್ರ॒ಜಾವ॑ದ್ರ॒ಯಿಮಶ್ವ॑ಪಸ್ತ್ಯಂ ಪೀ॒ತ ಇಂ᳚ದ॒ವಿಂದ್ರ॑ಮ॒ಸ್ಮಭ್ಯಂ᳚ ಯಾಚತಾತ್ || 9.86.41
ಸೋ ಅಗ್ರೇ॒ ಅಹ್ನಾಂ॒ ಹರಿ॑ರ್ಹರ್ಯ॒ತೋ ಮದಃ॒ ಪ್ರ ಚೇತ॑ಸಾ ಚೇತಯತೇ॒ ಅನು॒ ದ್ಯುಭಿಃ॑ |
ದ್ವಾ ಜನಾ᳚ ಯಾ॒ತಯ᳚ನ್ನ॒‌ನ್ತರೀ᳚ಯತೇ॒ ನರಾ᳚ ಚ॒ ಶಂಸಂ॒ ದೈವ್ಯಂ᳚ ಚ ಧ॒ರ್ತರಿ॑ || 9.86.42
ಅಂ॒ಜತೇ॒ ವ್ಯಂ᳚ಜತೇ॒ ಸಮಂ᳚ಜತೇ॒ ಕ್ರತುಂ᳚ ರಿಹ‌ನ್ತಿ॒ ಮಧು॑ನಾ॒ಭ್ಯಂ᳚ಜತೇ |
ಸಿಂಧೋ᳚ರುಚ್ಛ್ವಾ॒ಸೇ ಪ॒ತಯ᳚‌ನ್ತಮು॒ಕ್ಷಣಂ᳚ ಹಿರಣ್ಯಪಾ॒ವಾಃ ಪ॒ಶುಮಾ᳚ಸು ಗೃಭ್ಣತೇ || 9.86.43
ವಿ॒ಪ॒ಶ್ಚಿತೇ॒ ಪವ॑ಮಾನಾಯ ಗಾಯತ ಮ॒ಹೀ ನ ಧಾರಾತ್ಯಂಧೋ᳚ ಅರ್ಷತಿ |
ಅಹಿ॒ರ್ನ ಜೂ॒ರ್ಣಾಮತಿ॑ ಸರ್ಪತಿ॒ ತ್ವಚ॒ಮತ್ಯೋ॒ ನ ಕ್ರೀಳ᳚ನ್ನಸರ॒ದ್ವೃಷಾ॒ ಹರಿಃ॑ || 9.86.44
ಅ॒ಗ್ರೇ॒ಗೋ ರಾಜಾಪ್ಯ॑ಸ್ತವಿಷ್ಯತೇ ವಿ॒ಮಾನೋ॒ ಅಹ್ನಾಂ॒ ಭುವ॑ನೇ॒ಷ್ವರ್ಪಿ॑ತಃ |
ಹರಿ॑ರ್ಘೃ॒ತಸ್ನುಃ॑ ಸು॒ದೃಶೀ᳚ಕೋ ಅರ್ಣ॒ವೋ ಜ್ಯೋ॒ತೀರ॑ಥಃ ಪವತೇ ರಾ॒ಯ ಓ॒ಕ್ಯಃ॑ || 9.86.45
ಅಸ॑ರ್ಜಿ ಸ್ಕಂ॒ಭೋ ದಿ॒ವ ಉದ್ಯ॑ತೋ॒ ಮದಃ॒ ಪರಿ॑ ತ್ರಿ॒ಧಾತು॒ರ್ಭುವ॑ನಾನ್ಯರ್ಷತಿ |
ಅಂ॒ಶುಂ ರಿ॑ಹ‌ನ್ತಿ ಮ॒ತಯಃ॒ ಪನಿ॑ಪ್ನತಂ ಗಿ॒ರಾ ಯದಿ॑ ನಿ॒ರ್ಣಿಜ॑ಮೃ॒ಗ್ಮಿಣೋ᳚ ಯ॒ಯುಃ || 9.86.46
ಪ್ರ ತೇ॒ ಧಾರಾ॒ ಅತ್ಯಣ್ವಾ᳚ನಿ ಮೇ॒ಷ್ಯಃ॑ ಪುನಾ॒ನಸ್ಯ॑ ಸಂ॒ಯತೋ᳚ ಯ‌ನ್ತಿ॒ ರಂಹ॑ಯಃ |
ಯದ್ಗೋಭಿ॑ರಿಂದೋ ಚ॒ಮ್ವೋಃ᳚ ಸಮ॒ಜ್ಯಸ॒ ಆ ಸು॑ವಾ॒ನಃ ಸೋ᳚ಮ ಕ॒ಲಶೇ᳚ಷು ಸೀದಸಿ || 9.86.47
ಪವ॑ಸ್ವ ಸೋಮ ಕ್ರತು॒ವಿನ್ನ॑ ಉ॒ಕ್ಥ್ಯೋಽವ್ಯೋ॒ ವಾರೇ॒ ಪರಿ॑ ಧಾವ॒ ಮಧು॑ ಪ್ರಿ॒ಯ‌ಮ್ |
ಜ॒ಹಿ ವಿಶ್ವಾ᳚ನ್ರ॒ಕ್ಷಸ॑ ಇಂದೋ ಅ॒ತ್ರಿಣೋ᳚ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ || 9.86.48

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾವ್ಯ ಉಶನಾ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ತು ದ್ರ॑ವ॒ ಪರಿ॒ ಕೋಶಂ॒ ನಿ ಷೀ᳚ದ॒ ನೃಭಿಃ॑ ಪುನಾ॒ನೋ ಅ॒ಭಿ ವಾಜ॑ಮರ್ಷ |
ಅಶ್ವಂ॒ ನ ತ್ವಾ᳚ ವಾ॒ಜಿನಂ᳚ ಮ॒ರ್ಜಯ॒‌ನ್ತೋಽಚ್ಛಾ᳚ ಬ॒ರ್ಹೀ ರ॑ಶ॒ನಾಭಿ᳚ರ್ನಯ‌ನ್ತಿ || 9.87.1
ಸ್ವಾ॒ಯು॒ಧಃ ಪ॑ವತೇ ದೇ॒ವ ಇಂದು॑ರಶಸ್ತಿ॒ಹಾ ವೃ॒ಜನಂ॒ ರಕ್ಷ॑ಮಾಣಃ |
ಪಿ॒ತಾ ದೇ॒ವಾನಾಂ᳚ ಜನಿ॒ತಾ ಸು॒ದಕ್ಷೋ᳚ ವಿಷ್ಟಂ॒ಭೋ ದಿ॒ವೋ ಧ॒ರುಣಃ॑ ಪೃಥಿ॒ವ್ಯಾಃ || 9.87.2
ಋಷಿ॒ರ್ವಿಪ್ರಃ॑ ಪುರಏ॒ತಾ ಜನಾ᳚ನಾಮೃ॒ಭುರ್ಧೀರ॑ ಉ॒ಶನಾ॒ ಕಾವ್ಯೇ᳚ನ |
ಸ ಚಿ॑ದ್ವಿವೇದ॒ ನಿಹಿ॑ತಂ॒ ಯದಾ᳚ಸಾಮಪೀ॒ಚ್ಯಂ1॒॑ ಗುಹ್ಯಂ॒ ನಾಮ॒ ಗೋನಾ‌ಮ್᳚ || 9.87.3
ಏ॒ಷ ಸ್ಯ ತೇ॒ ಮಧು॑ಮಾಁ ಇಂದ್ರ॒ ಸೋಮೋ॒ ವೃಷಾ॒ ವೃಷ್ಣೇ॒ ಪರಿ॑ ಪ॒ವಿತ್ರೇ᳚ ಅಕ್ಷಾಃ |
ಸ॒ಹ॒ಸ್ರ॒ಸಾಃ ಶ॑ತ॒ಸಾ ಭೂ᳚ರಿ॒ದಾವಾ᳚ ಶಶ್ವತ್ತ॒ಮಂ ಬ॒ರ್ಹಿರಾ ವಾ॒ಜ್ಯ॑ಸ್ಥಾತ್ || 9.87.4
ಏ॒ತೇ ಸೋಮಾ᳚ ಅ॒ಭಿ ಗ॒ವ್ಯಾ ಸ॒ಹಸ್ರಾ᳚ ಮ॒ಹೇ ವಾಜಾ᳚ಯಾ॒ಮೃತಾ᳚ಯ॒ ಶ್ರವಾಂ᳚ಸಿ |
ಪ॒ವಿತ್ರೇ᳚ಭಿಃ॒ ಪವ॑ಮಾನಾ ಅಸೃಗ್ರಂಛ್ರವ॒ಸ್ಯವೋ॒ ನ ಪೃ॑ತ॒ನಾಜೋ॒ ಅತ್ಯಾಃ᳚ || 9.87.5
ಪರಿ॒ ಹಿ ಷ್ಮಾ᳚ ಪುರುಹೂ॒ತೋ ಜನಾ᳚ನಾಂ॒ ವಿಶ್ವಾಸ॑ರ॒ದ್ಭೋಜ॑ನಾ ಪೂ॒ಯಮಾ᳚ನಃ |
ಅಥಾ ಭ॑ರ ಶ್ಯೇನಭೃತ॒ ಪ್ರಯಾಂ᳚ಸಿ ರ॒ಯಿಂ ತುಂಜಾ᳚ನೋ ಅ॒ಭಿ ವಾಜ॑ಮರ್ಷ || 9.87.6
ಏ॒ಷ ಸು॑ವಾ॒ನಃ ಪರಿ॒ ಸೋಮಃ॑ ಪ॒ವಿತ್ರೇ॒ ಸರ್ಗೋ॒ ನ ಸೃ॒ಷ್ಟೋ ಅ॑ದಧಾವ॒ದರ್ವಾ᳚ |
ತಿ॒ಗ್ಮೇ ಶಿಶಾ᳚ನೋ ಮಹಿ॒ಷೋ ನ ಶೃಂಗೇ॒ ಗಾ ಗ॒ವ್ಯನ್ನ॒ಭಿ ಶೂರೋ॒ ನ ಸತ್ವಾ᳚ || 9.87.7
ಏ॒ಷಾ ಯ॑ಯೌ ಪರ॒ಮಾದ॒‌ನ್ತರದ್ರೇಃ॒ ಕೂಚಿ॑ತ್ಸ॒ತೀರೂ॒ರ್ವೇ ಗಾ ವಿ॑ವೇದ |
ದಿ॒ವೋ ನ ವಿ॒ದ್ಯುತ್ಸ್ತ॒ನಯ᳚‌ನ್ತ್ಯ॒ಭ್ರೈಃ ಸೋಮ॑ಸ್ಯ ತೇ ಪವತ ಇಂದ್ರ॒ ಧಾರಾ᳚ || 9.87.8
ಉ॒ತ ಸ್ಮ॑ ರಾ॒ಶಿಂ ಪರಿ॑ ಯಾಸಿ॒ ಗೋನಾ॒ಮಿಂದ್ರೇ᳚ಣ ಸೋಮ ಸ॒ರಥಂ᳚ ಪುನಾ॒ನಃ |
ಪೂ॒ರ್ವೀರಿಷೋ᳚ ಬೃಹ॒ತೀರ್ಜೀ᳚ರದಾನೋ॒ ಶಿಕ್ಷಾ᳚ ಶಚೀವ॒ಸ್ತವ॒ ತಾ ಉ॑ಪ॒ಷ್ಟುತ್ || 9.87.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾವ್ಯ ಉಶನಾ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಅ॒ಯಂ ಸೋಮ॑ ಇಂದ್ರ॒ ತುಭ್ಯಂ᳚ ಸುನ್ವೇ॒ ತುಭ್ಯಂ᳚ ಪವತೇ॒ ತ್ವಮ॑ಸ್ಯ ಪಾಹಿ |
ತ್ವಂ ಹ॒ ಯಂ ಚ॑ಕೃ॒ಷೇ ತ್ವಂ ವ॑ವೃ॒ಷ ಇಂದುಂ॒ ಮದಾ᳚ಯ॒ ಯುಜ್ಯಾ᳚ಯ॒ ಸೋಮ‌ಮ್᳚ || 9.88.1
ಸ ಈಂ॒ ರಥೋ॒ ನ ಭು॑ರಿ॒ಷಾಳ॑ಯೋಜಿ ಮ॒ಹಃ ಪು॒ರೂಣಿ॑ ಸಾ॒ತಯೇ॒ ವಸೂ᳚ನಿ |
ಆದೀಂ॒ ವಿಶ್ವಾ᳚ ನಹು॒ಷ್ಯಾ᳚ಣಿ ಜಾ॒ತಾ ಸ್ವ॑ರ್ಷಾತಾ॒ ವನ॑ ಊ॒ರ್ಧ್ವಾ ನ॑ವ‌ನ್ತ || 9.88.2
ವಾ॒ಯುರ್ನ ಯೋ ನಿ॒ಯುತ್ವಾಁ᳚ ಇ॒ಷ್ಟಯಾ᳚ಮಾ॒ ನಾಸ॑ತ್ಯೇವ॒ ಹವ॒ ಆ ಶಂಭ॑ವಿಷ್ಠಃ |
ವಿ॒ಶ್ವವಾ᳚ರೋ ದ್ರವಿಣೋ॒ದಾ ಇ॑ವ॒ ತ್ಮನ್ಪೂ॒ಷೇವ॑ ಧೀ॒ಜವ॑ನೋಽಸಿ ಸೋಮ || 9.88.3
ಇಂದ್ರೋ॒ ನ ಯೋ ಮ॒ಹಾ ಕರ್ಮಾ᳚ಣಿ॒ ಚಕ್ರಿ॑ರ್ಹ॒‌ನ್ತಾ ವೃ॒ತ್ರಾಣಾ᳚ಮಸಿ ಸೋಮ ಪೂ॒ರ್ಭಿತ್ |
ಪೈ॒ದ್ವೋ ನ ಹಿ ತ್ವಮಹಿ॑ನಾಮ್ನಾಂ ಹ॒‌ನ್ತಾ ವಿಶ್ವ॑ಸ್ಯಾಸಿ ಸೋಮ॒ ದಸ್ಯೋಃ᳚ || 9.88.4
ಅ॒ಗ್ನಿರ್ನ ಯೋ ವನ॒ ಆ ಸೃ॒ಜ್ಯಮಾ᳚ನೋ॒ ವೃಥಾ॒ ಪಾಜಾಂ᳚ಸಿ ಕೃಣುತೇ ನ॒ದೀಷು॑ |
ಜನೋ॒ ನ ಯುಧ್ವಾ᳚ ಮಹ॒ತ ಉ॑ಪ॒ಬ್ದಿರಿಯ॑ರ್ತಿ॒ ಸೋಮಃ॒ ಪವ॑ಮಾನ ಊ॒ರ್ಮಿ‌ಮ್ || 9.88.5
ಏ॒ತೇ ಸೋಮಾ॒ ಅತಿ॒ ವಾರಾ॒ಣ್ಯವ್ಯಾ᳚ ದಿ॒ವ್ಯಾ ನ ಕೋಶಾ᳚ಸೋ ಅ॒ಭ್ರವ॑ರ್ಷಾಃ |
ವೃಥಾ᳚ ಸಮು॒ದ್ರಂ ಸಿಂಧ॑ವೋ॒ ನ ನೀಚೀಃ᳚ ಸು॒ತಾಸೋ᳚ ಅ॒ಭಿ ಕ॒ಲಶಾಁ᳚ ಅಸೃಗ್ರನ್ || 9.88.6
ಶು॒ಷ್ಮೀ ಶರ್ಧೋ॒ ನ ಮಾರು॑ತಂ ಪವ॒ಸ್ವಾನ॑ಭಿಶಸ್ತಾ ದಿ॒ವ್ಯಾ ಯಥಾ॒ ವಿಟ್ |
ಆಪೋ॒ ನ ಮ॒ಕ್ಷೂ ಸು॑ಮ॒ತಿರ್ಭ॑ವಾ ನಃ ಸ॒ಹಸ್ರಾ᳚ಪ್ಸಾಃ ಪೃತನಾ॒ಷಾಣ್ನ ಯ॒ಜ್ಞಃ || 9.88.7
ರಾಜ್ಞೋ॒ ನು ತೇ॒ ವರು॑ಣಸ್ಯ ವ್ರ॒ತಾನಿ॑ ಬೃ॒ಹದ್ಗ॑ಭೀ॒ರಂ ತವ॑ ಸೋಮ॒ ಧಾಮ॑ |
ಶುಚಿ॒ಷ್ಟ್ವಮ॑ಸಿ ಪ್ರಿ॒ಯೋ ನ ಮಿ॒ತ್ರೋ ದ॒ಕ್ಷಾಯ್ಯೋ᳚ ಅರ್ಯ॒ಮೇವಾ᳚ಸಿ ಸೋಮ || 9.88.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾವ್ಯ ಉಶನಾ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರೋ ಸ್ಯ ವಹ್ನಿಃ॑ ಪ॒ಥ್ಯಾ᳚ಭಿರಸ್ಯಾಂದಿ॒ವೋ ನ ವೃ॒ಷ್ಟಿಃ ಪವ॑ಮಾನೋ ಅಕ್ಷಾಃ |
ಸ॒ಹಸ್ರ॑ಧಾರೋ ಅಸದ॒ನ್ನ್ಯ1॒॑ಸ್ಮೇ ಮಾ॒ತುರು॒ಪಸ್ಥೇ॒ ವನ॒ ಆ ಚ॒ ಸೋಮಃ॑ || 9.89.1
ರಾಜಾ॒ ಸಿಂಧೂ᳚ನಾಮವಸಿಷ್ಟ॒ ವಾಸ॑ ಋ॒ತಸ್ಯ॒ ನಾವ॒ಮಾರು॑ಹ॒ದ್ರಜಿ॑ಷ್ಠಾ‌ಮ್ |
ಅ॒ಪ್ಸು ದ್ರ॒ಪ್ಸೋ ವಾ᳚ವೃಧೇ ಶ್ಯೇ॒ನಜೂ᳚ತೋ ದು॒ಹ ಈಂ᳚ ಪಿ॒ತಾ ದು॒ಹ ಈಂ᳚ ಪಿ॒ತುರ್ಜಾ‌ಮ್ || 9.89.2
ಸಿಂ॒ಹಂ ನ॑ಸ‌ನ್ತ॒ ಮಧ್ವೋ᳚ ಅ॒ಯಾಸಂ॒ ಹರಿ॑ಮರು॒ಷಂ ದಿ॒ವೋ ಅ॒ಸ್ಯ ಪತಿ‌ಮ್᳚ |
ಶೂರೋ᳚ ಯು॒ತ್ಸು ಪ್ರ॑ಥ॒ಮಃ ಪೃ॑ಚ್ಛತೇ॒ ಗಾ ಅಸ್ಯ॒ ಚಕ್ಷ॑ಸಾ॒ ಪರಿ॑ ಪಾತ್ಯು॒ಕ್ಷಾ || 9.89.3
ಮಧು॑ಪೃಷ್ಠಂ ಘೋ॒ರಮ॒ಯಾಸ॒ಮಶ್ವಂ॒ ರಥೇ᳚ ಯುಂಜ‌ನ್ತ್ಯುರುಚ॒ಕ್ರ ಋ॒ಷ್ವ‌ಮ್ |
ಸ್ವಸಾ᳚ರ ಈಂ ಜಾ॒ಮಯೋ᳚ ಮರ್ಜಯ‌ನ್ತಿ॒ ಸನಾ᳚ಭಯೋ ವಾ॒ಜಿನ॑ಮೂರ್ಜಯ‌ನ್ತಿ || 9.89.4
ಚತ॑ಸ್ರ ಈಂ ಘೃತ॒ದುಹಃ॑ ಸಚ‌ನ್ತೇ ಸಮಾ॒ನೇ ಅ॒‌ನ್ತರ್ಧ॒ರುಣೇ॒ ನಿಷ॑ತ್ತಾಃ |
ತಾ ಈ᳚ಮರ್ಷ‌ನ್ತಿ॒ ನಮ॑ಸಾ ಪುನಾ॒ನಾಸ್ತಾ ಈಂ᳚ ವಿ॒ಶ್ವತಃ॒ ಪರಿ॑ ಷ‌ನ್ತಿ ಪೂ॒ರ್ವೀಃ || 9.89.5
ವಿ॒ಷ್ಟಂ॒ಭೋ ದಿ॒ವೋ ಧ॒ರುಣಃ॑ ಪೃಥಿ॒ವ್ಯಾ ವಿಶ್ವಾ᳚ ಉ॒ತ ಕ್ಷಿ॒ತಯೋ॒ ಹಸ್ತೇ᳚ ಅಸ್ಯ |
ಅಸ॑ತ್ತ॒ ಉತ್ಸೋ᳚ ಗೃಣ॒ತೇ ನಿ॒ಯುತ್ವಾ॒ನ್ಮಧ್ವೋ᳚ ಅಂ॒ಶುಃ ಪ॑ವತ ಇಂದ್ರಿ॒ಯಾಯ॑ || 9.89.6
ವ॒ನ್ವನ್ನವಾ᳚ತೋ ಅ॒ಭಿ ದೇ॒ವವೀ᳚ತಿ॒ಮಿಂದ್ರಾ᳚ಯ ಸೋಮ ವೃತ್ರ॒ಹಾ ಪ॑ವಸ್ವ |
ಶ॒ಗ್ಧಿ ಮ॒ಹಃ ಪು॑ರುಶ್ಚಂ॒ದ್ರಸ್ಯ॑ ರಾ॒ಯಃ ಸು॒ವೀರ್ಯ॑ಸ್ಯ॒ ಪತ॑ಯಃ ಸ್ಯಾಮ || 9.89.7

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಹಿ᳚ನ್ವಾ॒ನೋ ಜ॑ನಿ॒ತಾ ರೋದ॑ಸ್ಯೋ॒ ರಥೋ॒ ನ ವಾಜಂ᳚ ಸನಿ॒ಷ್ಯನ್ನ॑ಯಾಸೀತ್ |
ಇಂದ್ರಂ॒ ಗಚ್ಛ॒ನ್ನಾಯು॑ಧಾ ಸಂ॒ಶಿಶಾ᳚ನೋ॒ ವಿಶ್ವಾ॒ ವಸು॒ ಹಸ್ತ॑ಯೋರಾ॒ದಧಾ᳚ನಃ || 9.90.1
ಅ॒ಭಿ ತ್ರಿ॑ಪೃ॒ಷ್ಠಂ ವೃಷ॑ಣಂ ವಯೋ॒ಧಾಮಾಂ᳚ಗೂ॒ಷಾಣಾ᳚ಮವಾವಶ‌ನ್ತ॒ ವಾಣೀಃ᳚ |
ವನಾ॒ ವಸಾ᳚ನೋ॒ ವರು॑ಣೋ॒ ನ ಸಿಂಧೂ॒ನ್ವಿ ರ॑ತ್ನ॒ಧಾ ದ॑ಯತೇ॒ ವಾರ್ಯಾ᳚ಣಿ || 9.90.2
ಶೂರ॑ಗ್ರಾಮಃ॒ ಸರ್ವ॑ವೀರಃ॒ ಸಹಾ᳚ವಾಂ॒ಜೇತಾ᳚ ಪವಸ್ವ॒ ಸನಿ॑ತಾ॒ ಧನಾ᳚ನಿ |
ತಿ॒ಗ್ಮಾಯು॑ಧಃ ಕ್ಷಿ॒ಪ್ರಧ᳚ನ್ವಾ ಸ॒ಮತ್ಸ್ವಷಾ᳚ಳ್ಹಃ ಸಾ॒ಹ್ವಾನ್ಪೃತ॑ನಾಸು॒ ಶತ್ರೂನ್॑ || 9.90.3
ಉ॒ರುಗ᳚ವ್ಯೂತಿ॒ರಭ॑ಯಾನಿ ಕೃ॒ಣ್ವ‌‌ನ್ತ್ಸ॑ಮೀಚೀ॒ನೇ ಆ ಪ॑ವಸ್ವಾ॒ ಪುರಂ᳚ಧೀ |
ಅ॒ಪಃ ಸಿಷಾ᳚ಸನ್ನು॒ಷಸಃ॒ ಸ್ವ1॒॑ರ್ಗಾಃ ಸಂ ಚಿ॑ಕ್ರದೋ ಮ॒ಹೋ ಅ॒ಸ್ಮಭ್ಯಂ॒ ವಾಜಾನ್॑ || 9.90.4
ಮತ್ಸಿ॑ ಸೋಮ॒ ವರು॑ಣಂ॒ ಮತ್ಸಿ॑ ಮಿ॒ತ್ರಂ ಮತ್ಸೀಂದ್ರ॑ಮಿಂದೋ ಪವಮಾನ॒ ವಿಷ್ಣು‌ಮ್᳚ |
ಮತ್ಸಿ॒ ಶರ್ಧೋ॒ ಮಾರು॑ತಂ॒ ಮತ್ಸಿ॑ ದೇ॒ವಾನ್ಮತ್ಸಿ॑ ಮ॒ಹಾಮಿಂದ್ರ॑ಮಿಂದೋ॒ ಮದಾ᳚ಯ || 9.90.5
ಏ॒ವಾ ರಾಜೇ᳚ವ॒ ಕ್ರತು॑ಮಾಁ॒ ಅಮೇ᳚ನ॒ ವಿಶ್ವಾ॒ ಘನಿ॑ಘ್ನದ್ದುರಿ॒ತಾ ಪ॑ವಸ್ವ |
ಇಂದೋ᳚ ಸೂ॒ಕ್ತಾಯ॒ ವಚ॑ಸೇ॒ ವಯೋ᳚ ಧಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 9.90.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಅಸ॑ರ್ಜಿ॒ ವಕ್ವಾ॒ ರಥ್ಯೇ॒ ಯಥಾ॒ಜೌ ಧಿ॒ಯಾ ಮ॒ನೋತಾ᳚ ಪ್ರಥ॒ಮೋ ಮ॑ನೀ॒ಷೀ |
ದಶ॒ ಸ್ವಸಾ᳚ರೋ॒ ಅಧಿ॒ ಸಾನೋ॒ ಅವ್ಯೇಽಜ᳚‌ನ್ತಿ॒ ವಹ್ನಿಂ॒ ಸದ॑ನಾ॒ನ್ಯಚ್ಛ॑ || 9.91.1
ವೀ॒ತೀ ಜನ॑ಸ್ಯ ದಿ॒ವ್ಯಸ್ಯ॑ ಕ॒ವ್ಯೈರಧಿ॑ ಸುವಾ॒ನೋ ನ॑ಹು॒ಷ್ಯೇ᳚ಭಿ॒ರಿಂದುಃ॑ |
ಪ್ರ ಯೋ ನೃಭಿ॑ರ॒ಮೃತೋ॒ ಮರ್ತ್ಯೇ᳚ಭಿರ್ಮರ್ಮೃಜಾ॒ನೋಽವಿ॑ಭಿ॒ರ್ಗೋಭಿ॑ರ॒ದ್ಭಿಃ || 9.91.2
ವೃಷಾ॒ ವೃಷ್ಣೇ॒ ರೋರು॑ವದಂ॒ಶುರ॑ಸ್ಮೈ॒ ಪವ॑ಮಾನೋ॒ ರುಶ॑ದೀರ್ತೇ॒ ಪಯೋ॒ ಗೋಃ |
ಸ॒ಹಸ್ರ॒ಮೃಕ್ವಾ᳚ ಪ॒ಥಿಭಿ᳚ರ್ವಚೋ॒ವಿದ॑ಧ್ವ॒ಸ್ಮಭಿಃ॒ ಸೂರೋ॒ ಅಣ್ವಂ॒ ವಿ ಯಾ᳚ತಿ || 9.91.3
ರು॒ಜಾ ದೃ॒ಳ್ಹಾ ಚಿ॑ದ್ರ॒ಕ್ಷಸಃ॒ ಸದಾಂ᳚ಸಿ ಪುನಾ॒ನ ಇಂ᳚ದ ಊರ್ಣುಹಿ॒ ವಿ ವಾಜಾನ್॑ |
ವೃ॒ಶ್ಚೋಪರಿ॑ಷ್ಟಾತ್ತುಜ॒ತಾ ವ॒ಧೇನ॒ ಯೇ ಅ‌ನ್ತಿ॑ ದೂ॒ರಾದು॑ಪನಾ॒ಯಮೇ᳚ಷಾ‌ಮ್ || 9.91.4
ಸ ಪ್ರ॑ತ್ನ॒ವನ್ನವ್ಯ॑ಸೇ ವಿಶ್ವವಾರ ಸೂ॒ಕ್ತಾಯ॑ ಪ॒ಥಃ ಕೃ॑ಣುಹಿ॒ ಪ್ರಾಚಃ॑ |
ಯೇ ದುಃ॒ಷಹಾ᳚ಸೋ ವ॒ನುಷಾ᳚ ಬೃ॒ಹ‌ನ್ತ॒ಸ್ತಾಁಸ್ತೇ᳚ ಅಶ್ಯಾಮ ಪುರುಕೃತ್ಪುರುಕ್ಷೋ || 9.91.5
ಏ॒ವಾ ಪು॑ನಾ॒ನೋ ಅ॒ಪಃ ಸ್ವ1॒॑ರ್ಗಾ ಅ॒ಸ್ಮಭ್ಯಂ᳚ ತೋ॒ಕಾ ತನ॑ಯಾನಿ॒ ಭೂರಿ॑ |
ಶಂ ನಃ॒ ಕ್ಷೇತ್ರ॑ಮು॒ರು ಜ್ಯೋತೀಂ᳚ಷಿ ಸೋಮ॒ ಜ್ಯೋಙ್ನಃ॒ ಸೂರ್ಯಂ᳚ ದೃ॒ಶಯೇ᳚ ರಿರೀಹಿ || 9.91.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಪರಿ॑ ಸುವಾ॒ನೋ ಹರಿ॑ರಂ॒ಶುಃ ಪ॒ವಿತ್ರೇ॒ ರಥೋ॒ ನ ಸ॑ರ್ಜಿ ಸ॒ನಯೇ᳚ ಹಿಯಾ॒ನಃ |
ಆಪ॒ಚ್ಛ್ಲೋಕ॑ಮಿಂದ್ರಿ॒ಯಂ ಪೂ॒ಯಮಾ᳚ನಃ॒ ಪ್ರತಿ॑ ದೇ॒ವಾಁ ಅ॑ಜುಷತ॒ ಪ್ರಯೋ᳚ಭಿಃ || 9.92.1
ಅಚ್ಛಾ᳚ ನೃ॒ಚಕ್ಷಾ᳚ ಅಸರತ್ಪ॒ವಿತ್ರೇ॒ ನಾಮ॒ ದಧಾ᳚ನಃ ಕ॒ವಿರ॑ಸ್ಯ॒ ಯೋನೌ᳚ |
ಸೀದ॒ನ್ಹೋತೇ᳚ವ॒ ಸದ॑ನೇ ಚ॒ಮೂಷೂಪೇ᳚ಮಗ್ಮ॒ನ್ನೃಷ॑ಯಃ ಸ॒ಪ್ತ ವಿಪ್ರಾಃ᳚ || 9.92.2
ಪ್ರ ಸು॑ಮೇ॒ಧಾ ಗಾ᳚ತು॒ವಿದ್ವಿ॒ಶ್ವದೇ᳚ವಃ॒ ಸೋಮಃ॑ ಪುನಾ॒ನಃ ಸದ॑ ಏತಿ॒ ನಿತ್ಯ‌ಮ್᳚ |
ಭುವ॒ದ್ವಿಶ್ವೇ᳚ಷು॒ ಕಾವ್ಯೇ᳚ಷು॒ ರ‌ನ್ತಾನು॒ ಜನಾ᳚ನ್ಯತತೇ॒ ಪಂಚ॒ ಧೀರಃ॑ || 9.92.3
ತವ॒ ತ್ಯೇ ಸೋ᳚ಮ ಪವಮಾನ ನಿ॒ಣ್ಯೇ ವಿಶ್ವೇ᳚ ದೇ॒ವಾಸ್ತ್ರಯ॑ ಏಕಾದ॒ಶಾಸಃ॑ |
ದಶ॑ ಸ್ವ॒ಧಾಭಿ॒ರಧಿ॒ ಸಾನೋ॒ ಅವ್ಯೇ᳚ ಮೃ॒ಜ‌ನ್ತಿ॑ ತ್ವಾ ನ॒ದ್ಯಃ॑ ಸ॒ಪ್ತ ಯ॒ಹ್ವೀಃ || 9.92.4
ತನ್ನು ಸ॒ತ್ಯಂ ಪವ॑ಮಾನಸ್ಯಾಸ್ತು॒ ಯತ್ರ॒ ವಿಶ್ವೇ᳚ ಕಾ॒ರವಃ॑ ಸಂ॒ನಸ᳚‌ನ್ತ |
ಜ್ಯೋತಿ॒ರ್ಯದಹ್ನೇ॒ ಅಕೃ॑ಣೋದು ಲೋ॒ಕಂ ಪ್ರಾವ॒ನ್ಮನುಂ॒ ದಸ್ಯ॑ವೇ ಕರ॒ಭೀಕ‌ಮ್᳚ || 9.92.5
ಪರಿ॒ ಸದ್ಮೇ᳚ವ ಪಶು॒ಮಾ‌ನ್ತಿ॒ ಹೋತಾ॒ ರಾಜಾ॒ ನ ಸ॒ತ್ಯಃ ಸಮಿ॑ತೀರಿಯಾ॒ನಃ |
ಸೋಮಃ॑ ಪುನಾ॒ನಃ ಕ॒ಲಶಾಁ᳚ ಅಯಾಸೀ॒ತ್ಸೀದ᳚ನ್ಮೃ॒ಗೋ ನ ಮ॑ಹಿ॒ಷೋ ವನೇ᳚ಷು || 9.92.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ, ಪವಮಾನಃ ಸೋಮೋ ದೇವತಾ. ತ್ರಿಷ್ಟುಪ್ ಛಂದಃ

ಸಾ॒ಕ॒ಮುಕ್ಷೋ᳚ ಮರ್ಜಯ‌ನ್ತ॒ ಸ್ವಸಾ᳚ರೋ॒ ದಶ॒ ಧೀರ॑ಸ್ಯ ಧೀ॒ತಯೋ॒ ಧನು॑ತ್ರೀಃ |
ಹರಿಃ॒ ಪರ್ಯ॑ದ್ರವ॒ಜ್ಜಾಃ ಸೂರ್ಯ॑ಸ್ಯ॒ ದ್ರೋಣಂ᳚ ನನಕ್ಷೇ॒ ಅತ್ಯೋ॒ ನ ವಾ॒ಜೀ || 9.93.1
ಸಂ ಮಾ॒ತೃಭಿ॒ರ್ನ ಶಿಶು᳚ರ್ವಾವಶಾ॒ನೋ ವೃಷಾ᳚ ದಧನ್ವೇ ಪುರು॒ವಾರೋ᳚ ಅ॒ದ್ಭಿಃ |
ಮರ್ಯೋ॒ ನ ಯೋಷಾ᳚ಮ॒ಭಿ ನಿ॑ಷ್ಕೃ॒ತಂ ಯ‌‌ನ್ತ್ಸಂ ಗ॑ಚ್ಛತೇ ಕ॒ಲಶ॑ ಉ॒ಸ್ರಿಯಾ᳚ಭಿಃ || 9.93.2
ಉ॒ತ ಪ್ರ ಪಿ॑ಪ್ಯ॒ ಊಧ॒ರಘ್ನ್ಯಾ᳚ಯಾ॒ ಇಂದು॒ರ್ಧಾರಾ᳚ಭಿಃ ಸಚತೇ ಸುಮೇ॒ಧಾಃ |
ಮೂ॒ರ್ಧಾನಂ॒ ಗಾವಃ॒ ಪಯ॑ಸಾ ಚ॒ಮೂಷ್ವ॒ಭಿ ಶ್ರೀ᳚ಣ‌ನ್ತಿ॒ ವಸು॑ಭಿ॒ರ್ನ ನಿ॒ಕ್ತೈಃ || 9.93.3
ಸ ನೋ᳚ ದೇ॒ವೇಭಿಃ॑ ಪವಮಾನ ರ॒ದೇಂದೋ᳚ ರ॒ಯಿಮ॒ಶ್ವಿನಂ᳚ ವಾವಶಾ॒ನಃ |
ರ॒ಥಿ॒ರಾ॒ಯತಾ᳚ಮುಶ॒ತೀ ಪುರಂ᳚ಧಿರಸ್ಮ॒ದ್ರ್ಯ1॒॑ಗಾ ದಾ॒ವನೇ॒ ವಸೂ᳚ನಾ‌ಮ್ || 9.93.4
ನೂ ನೋ᳚ ರ॒ಯಿಮುಪ॑ ಮಾಸ್ವ ನೃ॒ವ‌ನ್ತಂ᳚ ಪುನಾ॒ನೋ ವಾ॒ತಾಪ್ಯಂ᳚ ವಿ॒ಶ್ವಶ್ಚಂ᳚ದ್ರ‌ಮ್ |
ಪ್ರ ವಂ᳚ದಿ॒ತುರಿಂ᳚ದೋ ತಾ॒ರ್ಯಾಯುಃ॑ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ || 9.93.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕಣ್ವ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಅಧಿ॒ ಯದ॑ಸ್ಮಿನ್ವಾ॒ಜಿನೀ᳚ವ॒ ಶುಭಃ॒ ಸ್ಪರ್ಧ᳚‌ನ್ತೇ॒ ಧಿಯಃ॒ ಸೂರ್ಯೇ॒ ನ ವಿಶಃ॑ |
ಅ॒ಪೋ ವೃ॑ಣಾ॒ನಃ ಪ॑ವತೇ ಕವೀ॒ಯನ್ವ್ರ॒ಜಂ ನ ಪ॑ಶು॒ವರ್ಧ॑ನಾಯ॒ ಮನ್ಮ॑ || 9.94.1
ದ್ವಿ॒ತಾ ವ್ಯೂ॒ರ್ಣ್ವನ್ನ॒ಮೃತ॑ಸ್ಯ॒ ಧಾಮ॑ ಸ್ವ॒ರ್ವಿದೇ॒ ಭುವ॑ನಾನಿ ಪ್ರಥ‌ನ್ತ |
ಧಿಯಃ॑ ಪಿನ್ವಾ॒ನಾಃ ಸ್ವಸ॑ರೇ॒ ನ ಗಾವ॑ ಋತಾ॒ಯ‌ನ್ತೀ᳚ರ॒ಭಿ ವಾ᳚ವಶ್ರ॒ ಇಂದು‌ಮ್᳚ || 9.94.2
ಪರಿ॒ ಯತ್ಕ॒ವಿಃ ಕಾವ್ಯಾ॒ ಭರ॑ತೇ॒ ಶೂರೋ॒ ನ ರಥೋ॒ ಭುವ॑ನಾನಿ॒ ವಿಶ್ವಾ᳚ |
ದೇ॒ವೇಷು॒ ಯಶೋ॒ ಮರ್ತಾ᳚ಯ॒ ಭೂಷಂ॒ದಕ್ಷಾ᳚ಯ ರಾ॒ಯಃ ಪು॑ರು॒ಭೂಷು॒ ನವ್ಯಃ॑ || 9.94.3
ಶ್ರಿ॒ಯೇ ಜಾ॒ತಃ ಶ್ರಿ॒ಯ ಆ ನಿರಿ॑ಯಾಯ॒ ಶ್ರಿಯಂ॒ ವಯೋ᳚ ಜರಿ॒ತೃಭ್ಯೋ᳚ ದಧಾತಿ |
ಶ್ರಿಯಂ॒ ವಸಾ᳚ನಾ ಅಮೃತ॒ತ್ವಮಾ᳚ಯ॒ನ್ಭವ᳚‌ನ್ತಿ ಸ॒ತ್ಯಾ ಸ॑ಮಿ॒ಥಾ ಮಿ॒ತದ್ರೌ᳚ || 9.94.4
ಇಷ॒ಮೂರ್ಜ॑ಮ॒ಭ್ಯ1॒॑ರ್ಷಾಶ್ವಂ॒ ಗಾಮು॒ರು ಜ್ಯೋತಿಃ॑ ಕೃಣುಹಿ॒ ಮತ್ಸಿ॑ ದೇ॒ವಾನ್ |
ವಿಶ್ವಾ᳚ನಿ॒ ಹಿ ಸು॒ಷಹಾ॒ ತಾನಿ॒ ತುಭ್ಯಂ॒ ಪವ॑ಮಾನ॒ ಬಾಧ॑ಸೇ ಸೋಮ॒ ಶತ್ರೂನ್॑ || 9.94.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಕನಿ॑ಕ್ರ‌ನ್ತಿ॒ ಹರಿ॒ರಾ ಸೃ॒ಜ್ಯಮಾ᳚ನಃ॒ ಸೀದ॒ನ್ವನ॑ಸ್ಯ ಜ॒ಠರೇ᳚ ಪುನಾ॒ನಃ |
ನೃಭಿ᳚ರ್ಯ॒ತಃ ಕೃ॑ಣುತೇ ನಿ॒ರ್ಣಿಜಂ॒ ಗಾ ಅತೋ᳚ ಮ॒ತೀರ್ಜ॑ನಯತ ಸ್ವ॒ಧಾಭಿಃ॑ || 9.95.1
ಹರಿಃ॑ ಸೃಜಾ॒ನಃ ಪ॒ಥ್ಯಾ᳚ಮೃ॒ತಸ್ಯೇಯ॑ರ್ತಿ॒ ವಾಚ॑ಮರಿ॒ತೇವ॒ ನಾವ‌ಮ್᳚ |
ದೇ॒ವೋ ದೇ॒ವಾನಾಂ॒ ಗುಹ್ಯಾ᳚ನಿ॒ ನಾಮಾ॒ವಿಷ್ಕೃ॑ಣೋತಿ ಬ॒ರ್ಹಿಷಿ॑ ಪ್ರ॒ವಾಚೇ᳚ || 9.95.2
ಅ॒ಪಾಮಿ॒ವೇದೂ॒ರ್ಮಯ॒ಸ್ತರ್ತು॑ರಾಣಾಃ॒ ಪ್ರ ಮ॑ನೀ॒ಷಾ ಈ᳚ರತೇ॒ ಸೋಮ॒ಮಚ್ಛ॑ |
ನ॒ಮ॒ಸ್ಯ‌ನ್ತೀ॒ರುಪ॑ ಚ॒ ಯ‌ನ್ತಿ॒ ಸಂ ಚಾ ಚ॑ ವಿಶ‌ನ್ತ್ಯುಶ॒ತೀರು॒ಶ‌ನ್ತ‌ಮ್᳚ || 9.95.3
ತಂ ಮ᳚ರ್ಮೃಜಾ॒ನಂ ಮ॑ಹಿ॒ಷಂ ನ ಸಾನಾ᳚ವಂ॒ಶುಂ ದು॑ಹ‌ನ್ತ್ಯು॒ಕ್ಷಣಂ᳚ ಗಿರಿ॒ಷ್ಠಾ‌ಮ್ |
ತಂ ವಾ᳚ವಶಾ॒ನಂ ಮ॒ತಯಃ॑ ಸಚ‌ನ್ತೇ ತ್ರಿ॒ತೋ ಬಿ॑ಭರ್ತಿ॒ ವರು॑ಣಂ ಸಮು॒ದ್ರೇ || 9.95.4
ಇಷ್ಯ॒ನ್ವಾಚ॑ಮುಪವ॒ಕ್ತೇವ॒ ಹೋತುಃ॑ ಪುನಾ॒ನ ಇಂ᳚ದೋ॒ ವಿ ಷ್ಯಾ᳚ ಮನೀ॒ಷಾ‌ಮ್ |
ಇಂದ್ರ॑ಶ್ಚ॒ ಯತ್ಕ್ಷಯ॑ಥಃ॒ ಸೌಭ॑ಗಾಯ ಸು॒ವೀರ್ಯ॑ಸ್ಯ॒ ಪತ॑ಯಃ ಸ್ಯಾಮ || 9.95.5

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ದೈವೋದಾಸಿಃ ಪ್ರತರ್ದನ ಋಷಿಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಸೇ᳚ನಾ॒ನೀಃ ಶೂರೋ॒ ಅಗ್ರೇ॒ ರಥಾ᳚ನಾಂ ಗ॒ವ್ಯನ್ನೇ᳚ತಿ॒ ಹರ್ಷ॑ತೇ ಅಸ್ಯ॒ ಸೇನಾ᳚ |
ಭ॒ದ್ರಾನ್ಕೃ॒ಣ್ವನ್ನಿಂ᳚ದ್ರಹ॒ವಾ‌‌ನ್ತ್ಸಖಿ॑ಭ್ಯ॒ ಆ ಸೋಮೋ॒ ವಸ್ತ್ರಾ᳚ ರಭ॒ಸಾನಿ॑ ದತ್ತೇ || 9.96.1
ಸಮ॑ಸ್ಯ॒ ಹರಿಂ॒ ಹರ॑ಯೋ ಮೃಜ‌ನ್ತ್ಯಶ್ವಹ॒ಯೈರನಿ॑ಶಿತಂ॒ ನಮೋ᳚ಭಿಃ |
ಆ ತಿ॑ಷ್ಠತಿ॒ ರಥ॒ಮಿಂದ್ರ॑ಸ್ಯ॒ ಸಖಾ᳚ ವಿ॒ದ್ವಾಁ ಏ᳚ನಾ ಸುಮ॒ತಿಂ ಯಾ॒ತ್ಯಚ್ಛ॑ || 9.96.2
ಸ ನೋ᳚ ದೇವ ದೇ॒ವತಾ᳚ತೇ ಪವಸ್ವ ಮ॒ಹೇ ಸೋ᳚ಮ॒ ಪ್ಸರ॑ಸ ಇಂದ್ರ॒ಪಾನಃ॑ |
ಕೃ॒ಣ್ವನ್ನ॒ಪೋ ವ॒ರ್ಷಯಂ॒ದ್ಯಾಮು॒ತೇಮಾಮು॒ರೋರಾ ನೋ᳚ ವರಿವಸ್ಯಾ ಪುನಾ॒ನಃ || 9.96.3
ಅಜೀ᳚ತ॒ಯೇಽಹ॑ತಯೇ ಪವಸ್ವ ಸ್ವ॒ಸ್ತಯೇ᳚ ಸ॒ರ್ವತಾ᳚ತಯೇ ಬೃಹ॒ತೇ |
ತದು॑ಶ‌ನ್ತಿ॒ ವಿಶ್ವ॑ ಇ॒ಮೇ ಸಖಾ᳚ಯ॒ಸ್ತದ॒ಹಂ ವ॑ಶ್ಮಿ ಪವಮಾನ ಸೋಮ || 9.96.4
ಸೋಮಃ॑ ಪವತೇ ಜನಿ॒ತಾ ಮ॑ತೀ॒ನಾಂ ಜ॑ನಿ॒ತಾ ದಿ॒ವೋ ಜ॑ನಿ॒ತಾ ಪೃ॑ಥಿ॒ವ್ಯಾಃ |
ಜ॒ನಿ॒ತಾಗ್ನೇರ್ಜ॑ನಿ॒ತಾ ಸೂರ್ಯ॑ಸ್ಯ ಜನಿ॒ತೇಂದ್ರ॑ಸ್ಯ ಜನಿ॒ತೋತ ವಿಷ್ಣೋಃ᳚ || 9.96.5
ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾಮೃಷಿ॒ರ್ವಿಪ್ರಾ᳚ಣಾಂ ಮಹಿ॒ಷೋ ಮೃ॒ಗಾಣಾ‌ಮ್᳚ |
ಶ್ಯೇ॒ನೋ ಗೃಧ್ರಾ᳚ಣಾಂ॒ ಸ್ವಧಿ॑ತಿ॒ರ್ವನಾ᳚ನಾಂ॒ ಸೋಮಃ॑ ಪ॒ವಿತ್ರ॒ಮತ್ಯೇ᳚ತಿ॒ ರೇಭನ್॑ || 9.96.6
ಪ್ರಾವೀ᳚ವಿಪದ್ವಾ॒ಚ ಊ॒ರ್ಮಿಂ ನ ಸಿಂಧು॒ರ್ಗಿರಃ॒ ಸೋಮಃ॒ ಪವ॑ಮಾನೋ ಮನೀ॒ಷಾಃ |
ಅ॒‌ನ್ತಃ ಪಶ್ಯ᳚ನ್ವೃ॒ಜನೇ॒ಮಾವ॑ರಾ॒ಣ್ಯಾ ತಿ॑ಷ್ಠತಿ ವೃಷ॒ಭೋ ಗೋಷು॑ ಜಾ॒ನನ್ || 9.96.7
ಸ ಮ॑ತ್ಸ॒ರಃ ಪೃ॒ತ್ಸು ವ॒ನ್ವನ್ನವಾ᳚ತಃ ಸ॒ಹಸ್ರ॑ರೇತಾ ಅ॒ಭಿ ವಾಜ॑ಮರ್ಷ |
ಇಂದ್ರಾ᳚ಯೇಂದೋ॒ ಪವ॑ಮಾನೋ ಮನೀ॒ಷ್ಯಂ1॒॑ಶೋರೂ॒ರ್ಮಿಮೀ᳚ರಯ॒ ಗಾ ಇ॑ಷ॒ಣ್ಯನ್ || 9.96.8
ಪರಿ॑ ಪ್ರಿ॒ಯಃ ಕ॒ಲಶೇ᳚ ದೇ॒ವವಾ᳚ತ॒ ಇಂದ್ರಾ᳚ಯ॒ ಸೋಮೋ॒ ರಣ್ಯೋ॒ ಮದಾ᳚ಯ |
ಸ॒ಹಸ್ರ॑ಧಾರಃ ಶ॒ತವಾ᳚ಜ॒ ಇಂದು᳚ರ್ವಾ॒ಜೀ ನ ಸಪ್ತಿಃ॒ ಸಮ॑ನಾ ಜಿಗಾತಿ || 9.96.9
ಸ ಪೂ॒ರ್ವ್ಯೋ ವ॑ಸು॒ವಿಜ್ಜಾಯ॑ಮಾನೋ ಮೃಜಾ॒ನೋ ಅ॒ಪ್ಸು ದು॑ದುಹಾ॒ನೋ ಅದ್ರೌ᳚ |
ಅ॒ಭಿ॒ಶ॒ಸ್ತಿ॒ಪಾ ಭುವ॑ನಸ್ಯ॒ ರಾಜಾ᳚ ವಿ॒ದದ್ಗಾ॒ತುಂ ಬ್ರಹ್ಮ॑ಣೇ ಪೂ॒ಯಮಾ᳚ನಃ || 9.96.10
ತ್ವಯಾ॒ ಹಿ ನಃ॑ ಪಿ॒ತರಃ॑ ಸೋಮ॒ ಪೂರ್ವೇ॒ ಕರ್ಮಾ᳚ಣಿ ಚ॒ಕ್ರುಃ ಪ॑ವಮಾನ॒ ಧೀರಾಃ᳚ |
ವ॒ನ್ವನ್ನವಾ᳚ತಃ ಪರಿ॒ಧೀಁರಪೋ᳚ರ್ಣು ವೀ॒ರೇಭಿ॒ರಶ್ವೈ᳚ರ್ಮ॒ಘವಾ᳚ ಭವಾ ನಃ || 9.96.11
ಯಥಾಪ॑ವಥಾ॒ ಮನ॑ವೇ ವಯೋ॒ಧಾ ಅ॑ಮಿತ್ರ॒ಹಾ ವ॑ರಿವೋ॒ವಿದ್ಧ॒ವಿಷ್ಮಾನ್॑ |
ಏ॒ವಾ ಪ॑ವಸ್ವ॒ ದ್ರವಿ॑ಣಂ॒ ದಧಾ᳚ನ॒ ಇಂದ್ರೇ॒ ಸಂ ತಿ॑ಷ್ಠ ಜ॒ನಯಾಯು॑ಧಾನಿ || 9.96.12
ಪವ॑ಸ್ವ ಸೋಮ॒ ಮಧು॑ಮಾಁ ಋ॒ತಾವಾ॒ಪೋ ವಸಾ᳚ನೋ॒ ಅಧಿ॒ ಸಾನೋ॒ ಅವ್ಯೇ᳚ |
ಅವ॒ ದ್ರೋಣಾ᳚ನಿ ಘೃ॒ತವಾ᳚‌ನ್ತಿ ಸೀದ ಮ॒ದಿ‌ನ್ತ॑ಮೋ ಮತ್ಸ॒ರ ಇಂ᳚ದ್ರ॒ಪಾನಃ॑ || 9.96.13
ವೃ॒ಷ್ಟಿಂ ದಿ॒ವಃ ಶ॒ತಧಾ᳚ರಃ ಪವಸ್ವ ಸಹಸ್ರ॒ಸಾ ವಾ᳚ಜ॒ಯುರ್ದೇ॒ವವೀ᳚ತೌ |
ಸಂ ಸಿಂಧು॑ಭಿಃ ಕ॒ಲಶೇ᳚ ವಾವಶಾ॒ನಃ ಸಮು॒ಸ್ರಿಯಾ᳚ಭಿಃ ಪ್ರತಿ॒ರನ್ನ॒ ಆಯುಃ॑ || 9.96.14
ಏ॒ಷ ಸ್ಯ ಸೋಮೋ᳚ ಮ॒ತಿಭಿಃ॑ ಪುನಾ॒ನೋಽತ್ಯೋ॒ ನ ವಾ॒ಜೀ ತರ॒ತೀದರಾ᳚ತೀಃ |
ಪಯೋ॒ ನ ದು॒ಗ್ಧಮದಿ॑ತೇರಿಷಿ॒ರಮು॒ರ್ವಿ॑ವ ಗಾ॒ತುಃ ಸು॒ಯಮೋ॒ ನ ವೋಳ್ಹಾ᳚ || 9.96.15
ಸ್ವಾ॒ಯು॒ಧಃ ಸೋ॒ತೃಭಿಃ॑ ಪೂ॒ಯಮಾ᳚ನೋ॒ಽಭ್ಯ॑ರ್ಷ॒ ಗುಹ್ಯಂ॒ ಚಾರು॒ ನಾಮ॑ |
ಅ॒ಭಿ ವಾಜಂ॒ ಸಪ್ತಿ॑ರಿವ ಶ್ರವ॒ಸ್ಯಾಭಿ ವಾ॒ಯುಮ॒ಭಿ ಗಾ ದೇ᳚ವ ಸೋಮ || 9.96.16
ಶಿಶುಂ᳚ ಜಜ್ಞಾ॒ನಂ ಹ᳚ರ್ಯ॒ತಂ ಮೃ॑ಜ‌ನ್ತಿ ಶುಂ॒ಭ‌ನ್ತಿ॒ ವಹ್ನಿಂ᳚ ಮ॒ರುತೋ᳚ ಗ॒ಣೇನ॑ |
ಕ॒ವಿರ್ಗೀ॒ರ್ಭಿಃ ಕಾವ್ಯೇ᳚ನಾ ಕ॒ವಿಃ ಸ‌‌ನ್ತ್ಸೋಮಃ॑ ಪ॒ವಿತ್ರ॒ಮತ್ಯೇ᳚ತಿ॒ ರೇಭನ್॑ || 9.96.17
ಋಷಿ॑ಮನಾ॒ ಯ ಋ॑ಷಿ॒ಕೃತ್ಸ್ವ॒ರ್ಷಾಃ ಸ॒ಹಸ್ರ॑ಣೀಥಃ ಪದ॒ವೀಃ ಕ॑ವೀ॒ನಾ‌ಮ್ |
ತೃ॒ತೀಯಂ॒ ಧಾಮ॑ ಮಹಿ॒ಷಃ ಸಿಷಾ᳚ಸ॒‌‌ನ್ತ್ಸೋಮೋ᳚ ವಿ॒ರಾಜ॒ಮನು॑ ರಾಜತಿ॒ ಷ್ಟುಪ್ || 9.96.18
ಚ॒ಮೂ॒ಷಚ್ಛ್ಯೇ॒ನಃ ಶ॑ಕು॒ನೋ ವಿ॒ಭೃತ್ವಾ᳚ ಗೋವಿಂ॒ದುರ್ದ್ರ॒ಪ್ಸ ಆಯು॑ಧಾನಿ॒ ಬಿಭ್ರ॑ತ್ |
ಅ॒ಪಾಮೂ॒ರ್ಮಿಂ ಸಚ॑ಮಾನಃ ಸಮು॒ದ್ರಂ ತು॒ರೀಯಂ॒ ಧಾಮ॑ ಮಹಿ॒ಷೋ ವಿ॑ವಕ್ತಿ || 9.96.19
ಮರ್ಯೋ॒ ನ ಶು॒ಭ್ರಸ್ತ॒ನ್ವಂ᳚ ಮೃಜಾ॒ನೋಽತ್ಯೋ॒ ನ ಸೃತ್ವಾ᳚ ಸ॒ನಯೇ॒ ಧನಾ᳚ನಾ‌ಮ್ |
ವೃಷೇ᳚ವ ಯೂ॒ಥಾ ಪರಿ॒ ಕೋಶ॒ಮರ್ಷ॒ನ್ಕನಿ॑ಕ್ರದಚ್ಚ॒ಮ್ವೋ॒3॒॑ರಾ ವಿ॑ವೇಶ || 9.96.20
ಪವ॑ಸ್ವೇಂದೋ॒ ಪವ॑ಮಾನೋ॒ ಮಹೋ᳚ಭಿಃ॒ ಕನಿ॑ಕ್ರದ॒ತ್ಪರಿ॒ ವಾರಾ᳚ಣ್ಯರ್ಷ |
ಕ್ರೀಳಂ᳚ಚ॒ಮ್ವೋ॒3॒॑ರಾ ವಿ॑ಶ ಪೂ॒ಯಮಾ᳚ನ॒ ಇಂದ್ರಂ᳚ ತೇ॒ ರಸೋ᳚ ಮದಿ॒ರೋ ಮ॑ಮತ್ತು || 9.96.21
ಪ್ರಾಸ್ಯ॒ ಧಾರಾ᳚ ಬೃಹ॒ತೀರ॑ಸೃಗ್ರನ್ನ॒ಕ್ತೋ ಗೋಭಿಃ॑ ಕ॒ಲಶಾಁ॒ ಆ ವಿ॑ವೇಶ |
ಸಾಮ॑ ಕೃ॒ಣ್ವ‌‌ನ್ತ್ಸಾ᳚ಮ॒ನ್ಯೋ᳚ ವಿಪ॒ಶ್ಚಿತ್ಕ್ರಂದ᳚ನ್ನೇತ್ಯ॒ಭಿ ಸಖ್ಯು॒ರ್ನ ಜಾ॒ಮಿ‌ಮ್ || 9.96.22
ಅ॒ಪ॒ಘ್ನನ್ನೇ᳚ಷಿ ಪವಮಾನ॒ ಶತ್ರೂ᳚ನ್ಪ್ರಿ॒ಯಾಂ ನ ಜಾ॒ರೋ ಅ॒ಭಿಗೀ᳚ತ॒ ಇಂದುಃ॑ |
ಸೀದ॒ನ್ವನೇ᳚ಷು ಶಕು॒ನೋ ನ ಪತ್ವಾ॒ ಸೋಮಃ॑ ಪುನಾ॒ನಃ ಕ॒ಲಶೇ᳚ಷು॒ ಸತ್ತಾ᳚ || 9.96.23
ಆ ತೇ॒ ರುಚಃ॒ ಪವ॑ಮಾನಸ್ಯ ಸೋಮ॒ ಯೋಷೇ᳚ವ ಯ‌ನ್ತಿ ಸು॒ದುಘಾಃ᳚ ಸುಧಾ॒ರಾಃ |
ಹರಿ॒ರಾನೀ᳚ತಃ ಪುರು॒ವಾರೋ᳚ ಅ॒ಪ್ಸ್ವಚಿ॑ಕ್ರದತ್ಕ॒ಲಶೇ᳚ ದೇವಯೂ॒ನಾ‌ಮ್ || 9.96.24

(1-58) ಅಷ್ಟಪಂಚಾಶದೃಚಸ್ಯಾಸ್ಯ ಸೂಕ್ತಸ್ಯ (1-3) ಪ್ರಥಮಾದಿತೃಚಸ್ಯ ಮೈತ್ರಾವರಣಿರ್ವಸಿಷ್ಠಃ, (4-6) ಚತುರ್ಥ್ಯಾದಿತೃಚಸ್ಯ ವಾಸಿಷ್ಠ ಇಂದ್ರಪ್ರಮತಿಃ, (7-9) ಸಪ್ತಮ್ಯಾದಿತೃಚಸ್ಯ ವಾಸಿಷ್ಠೋ ವೃಷಗಣಃ, (10-12) ದಶಮ್ಯಾದಿತೃಚಸ್ಯ ವಾಸಿಷ್ಠೋ ಮನ್ಯುಃ, (13-15) ತ್ರಯೋದಶ್ಯಾದಿತೃಚಸ್ಯ ವಾಸಿಷ್ಠ ಉಪಮನ್ಯುಃ, (16-18) ಷೋಡಶ್ಯಾದಿತೃಚಸ್ಯ ವಾಸಿಷ್ಠೋ ವ್ಯಾಘ್ರಪಾತ್, (19-21) ಏಕೋನವಿಂಶ್ಯಾದಿತೃಚಸ್ಯ ವಾಸಿಷ್ಠಃ ಶಕ್ತಿಃ, (2224) ದ್ವಾವಿಂಶ್ಯಾದಿತೃಚಸ್ಯ ವಾಸಿಷ್ಠಃ ಕರ್ಣಶ್ರತು , (25-27) ಪಂಚವಿಂಶ್ಯಾದಿತೃಚಸ್ಯ ವಾಸಿಷ್ಠೋ ಮೃಳೀಕಃ, (28-30) ಅಷ್ಟಾವಿಂಶ್ಯಾದಿತೃಚಸ್ಯ ವಾಸಿಷ್ಠೋ ವಸುಕ್ರಃ, (31-44) ಏಕತ್ರಿಂಶ್ಯಾದಿಚತುದಶ ಚರ್ಚಾಂ ಶಾಕ್ತ್ಯಃ ಪರಾಶರಃ, (45-58) ಪಂಚಚತ್ವಾರಿಂಶ್ಯಾದಿಚತುದಶ ನಾಂಚಾಂಗಿರಸಃ ಕುತ್ಸ ಋಷಯಃ, ಪವಮಾನಃ ಸೋಮೋ ದೇವತಾ, ತ್ರಿಷ್ಟುಪ್ ಛಂದಃ

ಅ॒ಸ್ಯ ಪ್ರೇ॒ಷಾ ಹೇ॒ಮನಾ᳚ ಪೂ॒ಯಮಾ᳚ನೋ ದೇ॒ವೋ ದೇ॒ವೇಭಿಃ॒ ಸಮ॑ಪೃಕ್ತ॒ ರಸ‌ಮ್᳚ |
ಸು॒ತಃ ಪ॒ವಿತ್ರಂ॒ ಪರ್ಯೇ᳚ತಿ॒ ರೇಭ᳚ನ್ಮಿ॒ತೇವ॒ ಸದ್ಮ॑ ಪಶು॒ಮಾ‌ನ್ತಿ॒ ಹೋತಾ᳚ || 9.97.1
ಭ॒ದ್ರಾ ವಸ್ತ್ರಾ᳚ ಸಮ॒ನ್ಯಾ॒3॒॑ ವಸಾ᳚ನೋ ಮ॒ಹಾನ್ಕ॒ವಿರ್ನಿ॒ವಚ॑ನಾನಿ॒ ಶಂಸನ್॑ |
ಆ ವ॑ಚ್ಯಸ್ವ ಚ॒ಮ್ವೋಃ᳚ ಪೂ॒ಯಮಾ᳚ನೋ ವಿಚಕ್ಷ॒ಣೋ ಜಾಗೃ॑ವಿರ್ದೇ॒ವವೀ᳚ತೌ || 9.97.2
ಸಮು॑ ಪ್ರಿ॒ಯೋ ಮೃ॑ಜ್ಯತೇ॒ ಸಾನೋ॒ ಅವ್ಯೇ᳚ ಯ॒ಶಸ್ತ॑ರೋ ಯ॒ಶಸಾಂ॒ ಕ್ಷೈತೋ᳚ ಅ॒ಸ್ಮೇ |
ಅ॒ಭಿ ಸ್ವ॑ರ॒ ಧನ್ವಾ᳚ ಪೂ॒ಯಮಾ᳚ನೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 9.97.3
ಪ್ರ ಗಾ᳚ಯತಾ॒ಭ್ಯ॑ರ್ಚಾಮ ದೇ॒ವಾ‌‌ನ್ತ್ಸೋಮಂ᳚ ಹಿನೋತ ಮಹ॒ತೇ ಧನಾ᳚ಯ |
ಸ್ವಾ॒ದುಃ ಪ॑ವಾತೇ॒ ಅತಿ॒ ವಾರ॒ಮವ್ಯ॒ಮಾ ಸೀ᳚ದಾತಿ ಕ॒ಲಶಂ᳚ ದೇವ॒ಯುರ್ನಃ॑ || 9.97.4
ಇಂದು॑ರ್ದೇ॒ವಾನಾ॒ಮುಪ॑ ಸ॒ಖ್ಯಮಾ॒ಯ‌‌ನ್ತ್ಸ॒ಹಸ್ರ॑ಧಾರಃ ಪವತೇ॒ ಮದಾ᳚ಯ |
ನೃಭಿಃ॒ ಸ್ತವಾ᳚ನೋ॒ ಅನು॒ ಧಾಮ॒ ಪೂರ್ವ॒ಮಗ॒ನ್ನಿಂದ್ರಂ᳚ ಮಹ॒ತೇ ಸೌಭ॑ಗಾಯ || 9.97.5
ಸ್ತೋ॒ತ್ರೇ ರಾ॒ಯೇ ಹರಿ॑ರರ್ಷಾ ಪುನಾ॒ನ ಇಂದ್ರಂ॒ ಮದೋ᳚ ಗಚ್ಛತು ತೇ॒ ಭರಾ᳚ಯ |
ದೇ॒ವೈರ್ಯಾ᳚ಹಿ ಸ॒ರಥಂ॒ ರಾಧೋ॒ ಅಚ್ಛಾ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 9.97.6
ಪ್ರ ಕಾವ್ಯ॑ಮು॒ಶನೇ᳚ವ ಬ್ರುವಾ॒ಣೋ ದೇ॒ವೋ ದೇ॒ವಾನಾಂ॒ ಜನಿ॑ಮಾ ವಿವಕ್ತಿ |
ಮಹಿ᳚ವ್ರತಃ॒ ಶುಚಿ॑ಬಂಧುಃ ಪಾವ॒ಕಃ ಪ॒ದಾ ವ॑ರಾ॒ಹೋ ಅ॒ಭ್ಯೇ᳚ತಿ॒ ರೇಭನ್॑ || 9.97.7
ಪ್ರ ಹಂ॒ಸಾಸ॑ಸ್ತೃ॒ಪಲಂ᳚ ಮ॒ನ್ಯುಮಚ್ಛಾ॒ಮಾದಸ್ತಂ॒ ವೃಷ॑ಗಣಾ ಅಯಾಸುಃ |
ಆಂ॒ಗೂ॒ಷ್ಯಂ1॒॑ ಪವ॑ಮಾನಂ॒ ಸಖಾ᳚ಯೋ ದು॒ರ್ಮರ್ಷಂ᳚ ಸಾ॒ಕಂ ಪ್ರ ವ॑ದ‌ನ್ತಿ ವಾ॒ಣ‌ಮ್ || 9.97.8
ಸ ರಂ᳚ಹತ ಉರುಗಾ॒ಯಸ್ಯ॑ ಜೂ॒ತಿಂ ವೃಥಾ॒ ಕ್ರೀಳ᳚‌ನ್ತಂ ಮಿಮತೇ॒ ನ ಗಾವಃ॑ |
ಪ॒ರೀ॒ಣ॒ಸಂ ಕೃ॑ಣುತೇ ತಿ॒ಗ್ಮಶೃಂ᳚ಗೋ॒ ದಿವಾ॒ ಹರಿ॒ರ್ದದೃ॑ಶೇ॒ ನಕ್ತ॑ಮೃ॒ಜ್ರಃ || 9.97.9
ಇಂದು᳚ರ್ವಾ॒ಜೀ ಪ॑ವತೇ॒ ಗೋನ್ಯೋ᳚ಘಾ॒ ಇಂದ್ರೇ॒ ಸೋಮಃ॒ ಸಹ॒ ಇನ್ವ॒ನ್ಮದಾ᳚ಯ |
ಹ‌ನ್ತಿ॒ ರಕ್ಷೋ॒ ಬಾಧ॑ತೇ॒ ಪರ್ಯರಾ᳚ತೀ॒ರ್ವರಿ॑ವಃ ಕೃ॒ಣ್ವನ್ವೃ॒ಜನ॑ಸ್ಯ॒ ರಾಜಾ᳚ || 9.97.10
ಅಧ॒ ಧಾರ॑ಯಾ॒ ಮಧ್ವಾ᳚ ಪೃಚಾ॒ನಸ್ತಿ॒ರೋ ರೋಮ॑ ಪವತೇ॒ ಅದ್ರಿ॑ದುಗ್ಧಃ |
ಇಂದು॒ರಿಂದ್ರ॑ಸ್ಯ ಸ॒ಖ್ಯಂ ಜು॑ಷಾ॒ಣೋ ದೇ॒ವೋ ದೇ॒ವಸ್ಯ॑ ಮತ್ಸ॒ರೋ ಮದಾ᳚ಯ || 9.97.11
ಅ॒ಭಿ ಪ್ರಿ॒ಯಾಣಿ॑ ಪವತೇ ಪುನಾ॒ನೋ ದೇ॒ವೋ ದೇ॒ವಾ‌‌ನ್ತ್ಸ್ವೇನ॒ ರಸೇ᳚ನ ಪೃಂ॒ಚನ್ |
ಇಂದು॒ರ್ಧರ್ಮಾ᳚ಣ್ಯೃತು॒ಥಾ ವಸಾ᳚ನೋ॒ ದಶ॒ ಕ್ಷಿಪೋ᳚ ಅವ್ಯತ॒ ಸಾನೋ॒ ಅವ್ಯೇ᳚ || 9.97.12
ವೃಷಾ॒ ಶೋಣೋ᳚ ಅಭಿ॒ಕನಿ॑ಕ್ರದ॒ದ್ಗಾ ನ॒ದಯ᳚ನ್ನೇತಿ ಪೃಥಿ॒ವೀಮು॒ತ ದ್ಯಾ‌ಮ್ |
ಇಂದ್ರ॑ಸ್ಯೇವ ವ॒ಗ್ನುರಾ ಶೃ᳚ಣ್ವ ಆ॒ಜೌ ಪ್ರ॑ಚೇ॒ತಯ᳚ನ್ನರ್ಷತಿ॒ ವಾಚ॒ಮೇಮಾ‌ಮ್ || 9.97.13
ರ॒ಸಾಯ್ಯಃ॒ ಪಯ॑ಸಾ॒ ಪಿನ್ವ॑ಮಾನ ಈ॒ರಯ᳚ನ್ನೇಷಿ॒ ಮಧು॑ಮ‌ನ್ತಮಂ॒ಶು‌ಮ್ |
ಪವ॑ಮಾನಃ ಸಂತ॒ನಿಮೇ᳚ಷಿ ಕೃ॒ಣ್ವನ್ನಿಂದ್ರಾ᳚ಯ ಸೋಮ ಪರಿಷಿ॒ಚ್ಯಮಾ᳚ನಃ || 9.97.14
ಏ॒ವಾ ಪ॑ವಸ್ವ ಮದಿ॒ರೋ ಮದಾ᳚ಯೋದಗ್ರಾ॒ಭಸ್ಯ॑ ನ॒ಮಯ᳚ನ್ವಧ॒ಸ್ನೈಃ |
ಪರಿ॒ ವರ್ಣಂ॒ ಭರ॑ಮಾಣೋ॒ ರುಶ᳚‌ನ್ತಂ ಗ॒ವ್ಯುರ್ನೋ᳚ ಅರ್ಷ॒ ಪರಿ॑ ಸೋಮ ಸಿ॒ಕ್ತಃ || 9.97.15
ಜು॒ಷ್ಟ್ವೀ ನ॑ ಇಂದೋ ಸು॒ಪಥಾ᳚ ಸು॒ಗಾನ್ಯು॒ರೌ ಪ॑ವಸ್ವ॒ ವರಿ॑ವಾಂಸಿ ಕೃ॒ಣ್ವನ್ |
ಘ॒ನೇವ॒ ವಿಷ್ವ॑ಗ್ದುರಿ॒ತಾನಿ॑ ವಿ॒ಘ್ನನ್ನಧಿ॒ ಷ್ಣುನಾ᳚ ಧನ್ವ॒ ಸಾನೋ॒ ಅವ್ಯೇ᳚ || 9.97.16
ವೃ॒ಷ್ಟಿಂ ನೋ᳚ ಅರ್ಷ ದಿ॒ವ್ಯಾಂ ಜಿ॑ಗ॒ತ್ನುಮಿಳಾ᳚ವತೀಂ ಶಂ॒ಗಯೀಂ᳚ ಜೀ॒ರದಾ᳚ನು‌ಮ್ |
ಸ್ತುಕೇ᳚ವ ವೀ॒ತಾ ಧ᳚ನ್ವಾ ವಿಚಿ॒ನ್ವನ್ಬಂಧೂಁ᳚ರಿ॒ಮಾಁ ಅವ॑ರಾಁ ಇಂದೋ ವಾ॒ಯೂನ್ || 9.97.17
ಗ್ರ॒‌ನ್ಥಿಂ ನ ವಿ ಷ್ಯ॑ ಗ್ರಥಿ॒ತಂ ಪು॑ನಾ॒ನ ಋ॒ಜುಂ ಚ॑ ಗಾ॒ತುಂ ವೃ॑ಜಿ॒ನಂ ಚ॑ ಸೋಮ |
ಅತ್ಯೋ॒ ನ ಕ್ರ॑ದೋ॒ ಹರಿ॒ರಾ ಸೃ॑ಜಾ॒ನೋ ಮರ್ಯೋ᳚ ದೇವ ಧನ್ವ ಪ॒ಸ್ತ್ಯಾ᳚ವಾನ್ || 9.97.18
ಜುಷ್ಟೋ॒ ಮದಾ᳚ಯ ದೇ॒ವತಾ᳚ತ ಇಂದೋ॒ ಪರಿ॒ ಷ್ಣುನಾ᳚ ಧನ್ವ॒ ಸಾನೋ॒ ಅವ್ಯೇ᳚ |
ಸ॒ಹಸ್ರ॑ಧಾರಃ ಸುರ॒ಭಿರದ॑ಬ್ಧಃ॒ ಪರಿ॑ ಸ್ರವ॒ ವಾಜ॑ಸಾತೌ ನೃ॒ಷಹ್ಯೇ᳚ || 9.97.19
ಅ॒ರ॒ಶ್ಮಾನೋ॒ ಯೇ᳚ಽರ॒ಥಾ ಅಯು॑ಕ್ತಾ॒ ಅತ್ಯಾ᳚ಸೋ॒ ನ ಸ॑ಸೃಜಾ॒ನಾಸ॑ ಆ॒ಜೌ |
ಏ॒ತೇ ಶು॒ಕ್ರಾಸೋ᳚ ಧನ್ವ‌ನ್ತಿ॒ ಸೋಮಾ॒ ದೇವಾ᳚ಸ॒ಸ್ತಾಁ ಉಪ॑ ಯಾತಾ॒ ಪಿಬ॑ಧ್ಯೈ || 9.97.20
ಏ॒ವಾ ನ॑ ಇಂದೋ ಅ॒ಭಿ ದೇ॒ವವೀ᳚ತಿಂ॒ ಪರಿ॑ ಸ್ರವ॒ ನಭೋ॒ ಅರ್ಣ॑ಶ್ಚ॒ಮೂಷು॑ |
ಸೋಮೋ᳚ ಅ॒ಸ್ಮಭ್ಯಂ॒ ಕಾಮ್ಯಂ᳚ ಬೃ॒ಹ‌ನ್ತಂ᳚ ರ॒ಯಿಂ ದ॑ದಾತು ವೀ॒ರವ᳚‌ನ್ತಮು॒ಗ್ರ‌ಮ್ || 9.97.21
ತಕ್ಷ॒ದ್ಯದೀ॒ ಮನ॑ಸೋ॒ ವೇನ॑ತೋ॒ ವಾಗ್ಜ್ಯೇಷ್ಠ॑ಸ್ಯ ವಾ॒ ಧರ್ಮ॑ಣಿ॒ ಕ್ಷೋರನೀ᳚ಕೇ |
ಆದೀ᳚ಮಾಯ॒ನ್ವರ॒ಮಾ ವಾ᳚ವಶಾ॒ನಾ ಜುಷ್ಟಂ॒ ಪತಿಂ᳚ ಕ॒ಲಶೇ॒ ಗಾವ॒ ಇಂದು‌ಮ್᳚ || 9.97.22
ಪ್ರ ದಾ᳚ನು॒ದೋ ದಿ॒ವ್ಯೋ ದಾ᳚ನುಪಿ॒ನ್ವ ಋ॒ತಮೃ॒ತಾಯ॑ ಪವತೇ ಸುಮೇ॒ಧಾಃ |
ಧ॒ರ್ಮಾ ಭು॑ವದ್ವೃಜ॒ನ್ಯ॑ಸ್ಯ॒ ರಾಜಾ॒ ಪ್ರ ರ॒ಶ್ಮಿಭಿ॑ರ್ದ॒ಶಭಿ॑ರ್ಭಾರಿ॒ ಭೂಮ॑ || 9.97.23
ಪ॒ವಿತ್ರೇ᳚ಭಿಃ॒ ಪವ॑ಮಾನೋ ನೃ॒ಚಕ್ಷಾ॒ ರಾಜಾ᳚ ದೇ॒ವಾನಾ᳚ಮು॒ತ ಮರ್ತ್ಯಾ᳚ನಾ‌ಮ್ |
ದ್ವಿ॒ತಾ ಭು॑ವದ್ರಯಿ॒ಪತೀ᳚ ರಯೀ॒ಣಾಮೃ॒ತಂ ಭ॑ರ॒ತ್ಸುಭೃ॑ತಂ॒ ಚಾರ್ವಿಂದುಃ॑ || 9.97.24
ಅರ್ವಾಁ᳚ ಇವ॒ ಶ್ರವ॑ಸೇ ಸಾ॒ತಿಮಚ್ಛೇಂದ್ರ॑ಸ್ಯ ವಾ॒ಯೋರ॒ಭಿ ವೀ॒ತಿಮ॑ರ್ಷ |
ಸ ನಃ॑ ಸ॒ಹಸ್ರಾ᳚ ಬೃಹ॒ತೀರಿಷೋ᳚ ದಾ॒ ಭವಾ᳚ ಸೋಮ ದ್ರವಿಣೋ॒ವಿತ್ಪು॑ನಾ॒ನಃ || 9.97.25
ದೇ॒ವಾ॒ವ್ಯೋ᳚ ನಃ ಪರಿಷಿ॒ಚ್ಯಮಾ᳚ನಾಃ॒ ಕ್ಷಯಂ᳚ ಸು॒ವೀರಂ᳚ ಧನ್ವ‌ನ್ತು॒ ಸೋಮಾಃ᳚ |
ಆ॒ಯ॒ಜ್ಯವಃ॑ ಸುಮ॒ತಿಂ ವಿ॒ಶ್ವವಾ᳚ರಾ॒ ಹೋತಾ᳚ರೋ॒ ನ ದಿ॑ವಿ॒ಯಜೋ᳚ ಮಂ॒ದ್ರತ॑ಮಾಃ || 9.97.26
ಏ॒ವಾ ದೇ᳚ವ ದೇ॒ವತಾ᳚ತೇ ಪವಸ್ವ ಮ॒ಹೇ ಸೋ᳚ಮ॒ ಪ್ಸರ॑ಸೇ ದೇವ॒ಪಾನಃ॑ |
ಮ॒ಹಶ್ಚಿ॒ದ್ಧಿ ಷ್ಮಸಿ॑ ಹಿ॒ತಾಃ ಸ॑ಮ॒ರ್ಯೇ ಕೃ॒ಧಿ ಸು॑ಷ್ಠಾ॒ನೇ ರೋದ॑ಸೀ ಪುನಾ॒ನಃ || 9.97.27
ಅಶ್ವೋ॒ ನೋ ಕ್ರ॑ದೋ॒ ವೃಷ॑ಭಿರ್ಯುಜಾ॒ನಃ ಸಿಂ॒ಹೋ ನ ಭೀ॒ಮೋ ಮನ॑ಸೋ॒ ಜವೀ᳚ಯಾನ್ |
ಅ॒ರ್ವಾ॒ಚೀನೈಃ᳚ ಪ॒ಥಿಭಿ॒ರ್ಯೇ ರಜಿ॑ಷ್ಠಾ॒ ಆ ಪ॑ವಸ್ವ ಸೌಮನ॒ಸಂ ನ॑ ಇಂದೋ || 9.97.28
ಶ॒ತಂ ಧಾರಾ᳚ ದೇ॒ವಜಾ᳚ತಾ ಅಸೃಗ್ರ‌‌ನ್ತ್ಸ॒ಹಸ್ರ॑ಮೇನಾಃ ಕ॒ವಯೋ᳚ ಮೃಜ‌ನ್ತಿ |
ಇಂದೋ᳚ ಸ॒ನಿತ್ರಂ᳚ ದಿ॒ವ ಆ ಪ॑ವಸ್ವ ಪುರಏ॒ತಾಸಿ॑ ಮಹ॒ತೋ ಧನ॑ಸ್ಯ || 9.97.29
ದಿ॒ವೋ ನ ಸರ್ಗಾ᳚ ಅಸಸೃಗ್ರ॒ಮಹ್ನಾಂ॒ ರಾಜಾ॒ ನ ಮಿ॒ತ್ರಂ ಪ್ರ ಮಿ॑ನಾತಿ॒ ಧೀರಃ॑ |
ಪಿ॒ತುರ್ನ ಪು॒ತ್ರಃ ಕ್ರತು॑ಭಿರ್ಯತಾ॒ನ ಆ ಪ॑ವಸ್ವ ವಿ॒ಶೇ ಅ॒ಸ್ಯಾ ಅಜೀ᳚ತಿ‌ಮ್ || 9.97.30
ಪ್ರ ತೇ॒ ಧಾರಾ॒ ಮಧು॑ಮತೀರಸೃಗ್ರ॒ನ್ವಾರಾ॒ನ್ಯತ್ಪೂ॒ತೋ ಅ॒ತ್ಯೇಷ್ಯವ್ಯಾನ್॑ |
ಪವ॑ಮಾನ॒ ಪವ॑ಸೇ॒ ಧಾಮ॒ ಗೋನಾಂ᳚ ಜಜ್ಞಾ॒ನಃ ಸೂರ್ಯ॑ಮಪಿನ್ವೋ ಅ॒ರ್ಕೈಃ || 9.97.31
ಕನಿ॑ಕ್ರದ॒ದನು॒ ಪ‌ನ್ಥಾ᳚ಮೃ॒ತಸ್ಯ॑ ಶು॒ಕ್ರೋ ವಿ ಭಾ᳚ಸ್ಯ॒ಮೃತ॑ಸ್ಯ॒ ಧಾಮ॑ |
ಸ ಇಂದ್ರಾ᳚ಯ ಪವಸೇ ಮತ್ಸ॒ರವಾ᳚ನ್ಹಿನ್ವಾ॒ನೋ ವಾಚಂ᳚ ಮ॒ತಿಭಿಃ॑ ಕವೀ॒ನಾ‌ಮ್ || 9.97.32
ದಿ॒ವ್ಯಃ ಸು॑ಪ॒ರ್ಣೋಽವ॑ ಚಕ್ಷಿ ಸೋಮ॒ ಪಿನ್ವಂ॒ಧಾರಾಃ॒ ಕರ್ಮ॑ಣಾ ದೇ॒ವವೀ᳚ತೌ |
ಏಂದೋ᳚ ವಿಶ ಕ॒ಲಶಂ᳚ ಸೋಮ॒ಧಾನಂ॒ ಕ್ರಂದ᳚ನ್ನಿಹಿ॒ ಸೂರ್ಯ॒ಸ್ಯೋಪ॑ ರ॒ಶ್ಮಿ‌ಮ್ || 9.97.33
ತಿ॒ಸ್ರೋ ವಾಚ॑ ಈರಯತಿ॒ ಪ್ರ ವಹ್ನಿ॑ರ್‌ಋ॒ತಸ್ಯ॑ ಧೀ॒ತಿಂ ಬ್ರಹ್ಮ॑ಣೋ ಮನೀ॒ಷಾ‌ಮ್ |
ಗಾವೋ᳚ ಯ‌ನ್ತಿ॒ ಗೋಪ॑ತಿಂ ಪೃ॒ಚ್ಛಮಾ᳚ನಾಃ॒ ಸೋಮಂ᳚ ಯ‌ನ್ತಿ ಮ॒ತಯೋ᳚ ವಾವಶಾ॒ನಾಃ || 9.97.34
ಸೋಮಂ॒ ಗಾವೋ᳚ ಧೇ॒ನವೋ᳚ ವಾವಶಾ॒ನಾಃ ಸೋಮಂ॒ ವಿಪ್ರಾ᳚ ಮ॒ತಿಭಿಃ॑ ಪೃ॒ಚ್ಛಮಾ᳚ನಾಃ |
ಸೋಮಃ॑ ಸು॒ತಃ ಪೂ᳚ಯತೇ ಅ॒ಜ್ಯಮಾ᳚ನಃ॒ ಸೋಮೇ᳚ ಅ॒ರ್ಕಾಸ್ತ್ರಿ॒ಷ್ಟುಭಃ॒ ಸಂ ನ॑ವ‌ನ್ತೇ || 9.97.35
ಏ॒ವಾ ನಃ॑ ಸೋಮ ಪರಿಷಿ॒ಚ್ಯಮಾ᳚ನ॒ ಆ ಪ॑ವಸ್ವ ಪೂ॒ಯಮಾ᳚ನಃ ಸ್ವ॒ಸ್ತಿ |
ಇಂದ್ರ॒ಮಾ ವಿ॑ಶ ಬೃಹ॒ತಾ ರವೇ᳚ಣ ವ॒ರ್ಧಯಾ॒ ವಾಚಂ᳚ ಜ॒ನಯಾ॒ ಪುರಂ᳚ಧಿ‌ಮ್ || 9.97.36
ಆ ಜಾಗೃ॑ವಿ॒ರ್ವಿಪ್ರ॑ ಋ॒ತಾ ಮ॑ತೀ॒ನಾಂ ಸೋಮಃ॑ ಪುನಾ॒ನೋ ಅ॑ಸದಚ್ಚ॒ಮೂಷು॑ |
ಸಪ᳚‌ನ್ತಿ॒ ಯಂ ಮಿ॑ಥು॒ನಾಸೋ॒ ನಿಕಾ᳚ಮಾ ಅಧ್ವ॒ರ್ಯವೋ᳚ ರಥಿ॒ರಾಸಃ॑ ಸು॒ಹಸ್ತಾಃ᳚ || 9.97.37
ಸ ಪು॑ನಾ॒ನ ಉಪ॒ ಸೂರೇ॒ ನ ಧಾತೋಭೇ ಅ॑ಪ್ರಾ॒ ರೋದ॑ಸೀ॒ ವಿ ಷ ಆ᳚ವಃ |
ಪ್ರಿ॒ಯಾ ಚಿ॒ದ್ಯಸ್ಯ॑ ಪ್ರಿಯ॒ಸಾಸ॑ ಊ॒ತೀ ಸ ತೂ ಧನಂ᳚ ಕಾ॒ರಿಣೇ॒ ನ ಪ್ರ ಯಂ᳚ಸತ್ || 9.97.38
ಸ ವ॑ರ್ಧಿ॒ತಾ ವರ್ಧ॑ನಃ ಪೂ॒ಯಮಾ᳚ನಃ॒ ಸೋಮೋ᳚ ಮೀ॒ಢ್ವಾಁ ಅ॒ಭಿ ನೋ॒ ಜ್ಯೋತಿ॑ಷಾವೀತ್ |
ಯೇನಾ᳚ ನಃ॒ ಪೂರ್ವೇ᳚ ಪಿ॒ತರಃ॑ ಪದ॒ಜ್ಞಾಃ ಸ್ವ॒ರ್ವಿದೋ᳚ ಅ॒ಭಿ ಗಾ ಅದ್ರಿ॑ಮು॒ಷ್ಣನ್ || 9.97.39
ಅಕ್ರಾ᳚‌‌ನ್ತ್ಸಮು॒ದ್ರಃ ಪ್ರ॑ಥ॒ಮೇ ವಿಧ᳚ರ್ಮಂಜ॒ನಯ᳚ನ್ಪ್ರ॒ಜಾ ಭುವ॑ನಸ್ಯ॒ ರಾಜಾ᳚ |
ವೃಷಾ᳚ ಪ॒ವಿತ್ರೇ॒ ಅಧಿ॒ ಸಾನೋ॒ ಅವ್ಯೇ᳚ ಬೃ॒ಹತ್ಸೋಮೋ᳚ ವಾವೃಧೇ ಸುವಾ॒ನ ಇಂದುಃ॑ || 9.97.40
ಮ॒ಹತ್ತತ್ಸೋಮೋ᳚ ಮಹಿ॒ಷಶ್ಚ॑ಕಾರಾ॒ಪಾಂ ಯದ್ಗರ್ಭೋಽವೃ॑ಣೀತ ದೇ॒ವಾನ್ |
ಅದ॑ಧಾ॒ದಿಂದ್ರೇ॒ ಪವ॑ಮಾನ॒ ಓಜೋಽಜ॑ನಯ॒ತ್ಸೂರ್ಯೇ॒ ಜ್ಯೋತಿ॒ರಿಂದುಃ॑ || 9.97.41
ಮತ್ಸಿ॑ ವಾ॒ಯುಮಿ॒ಷ್ಟಯೇ॒ ರಾಧ॑ಸೇ ಚ॒ ಮತ್ಸಿ॑ ಮಿ॒ತ್ರಾವರು॑ಣಾ ಪೂ॒ಯಮಾ᳚ನಃ |
ಮತ್ಸಿ॒ ಶರ್ಧೋ॒ ಮಾರು॑ತಂ॒ ಮತ್ಸಿ॑ ದೇ॒ವಾನ್ಮತ್ಸಿ॒ ದ್ಯಾವಾ᳚ಪೃಥಿ॒ವೀ ದೇ᳚ವ ಸೋಮ || 9.97.42
ಋ॒ಜುಃ ಪ॑ವಸ್ವ ವೃಜಿ॒ನಸ್ಯ॑ ಹ॒‌ನ್ತಾಪಾಮೀ᳚ವಾಂ॒ ಬಾಧ॑ಮಾನೋ॒ ಮೃಧ॑ಶ್ಚ |
ಅ॒ಭಿ॒ಶ್ರೀ॒ಣನ್ಪಯಃ॒ ಪಯ॑ಸಾ॒ಭಿ ಗೋನಾ॒ಮಿಂದ್ರ॑ಸ್ಯ॒ ತ್ವಂ ತವ॑ ವ॒ಯಂ ಸಖಾ᳚ಯಃ || 9.97.43
ಮಧ್ವಃ॒ ಸೂದಂ᳚ ಪವಸ್ವ॒ ವಸ್ವ॒ ಉತ್ಸಂ᳚ ವೀ॒ರಂ ಚ॑ ನ॒ ಆ ಪ॑ವಸ್ವಾ॒ ಭಗಂ᳚ ಚ |
ಸ್ವದ॒ಸ್ವೇಂದ್ರಾ᳚ಯ॒ ಪವ॑ಮಾನ ಇಂದೋ ರ॒ಯಿಂ ಚ॑ ನ॒ ಆ ಪ॑ವಸ್ವಾ ಸಮು॒ದ್ರಾತ್ || 9.97.44
ಸೋಮಃ॑ ಸು॒ತೋ ಧಾರ॒ಯಾತ್ಯೋ॒ ನ ಹಿತ್ವಾ॒ ಸಿಂಧು॒ರ್ನ ನಿ॒ಮ್ನಮ॒ಭಿ ವಾ॒ಜ್ಯ॑ಕ್ಷಾಃ |
ಆ ಯೋನಿಂ॒ ವನ್ಯ॑ಮಸದತ್ಪುನಾ॒ನಃ ಸಮಿಂದು॒ರ್ಗೋಭಿ॑ರಸರ॒ತ್ಸಮ॒ದ್ಭಿಃ || 9.97.45
ಏ॒ಷ ಸ್ಯ ತೇ᳚ ಪವತ ಇಂದ್ರ॒ ಸೋಮ॑ಶ್ಚ॒ಮೂಷು॒ ಧೀರ॑ ಉಶ॒ತೇ ತವ॑ಸ್ವಾನ್ |
ಸ್ವ॑ರ್ಚಕ್ಷಾ ರಥಿ॒ರಃ ಸ॒ತ್ಯಶು॑ಷ್ಮಃ॒ ಕಾಮೋ॒ ನ ಯೋ ದೇ᳚ವಯ॒ತಾಮಸ॑ರ್ಜಿ || 9.97.46
ಏ॒ಷ ಪ್ರ॒ತ್ನೇನ॒ ವಯ॑ಸಾ ಪುನಾ॒ನಸ್ತಿ॒ರೋ ವರ್ಪಾಂ᳚ಸಿ ದುಹಿ॒ತುರ್ದಧಾ᳚ನಃ |
ವಸಾ᳚ನಃ॒ ಶರ್ಮ॑ ತ್ರಿ॒ವರೂ᳚ಥಮ॒ಪ್ಸು ಹೋತೇ᳚ವ ಯಾತಿ॒ ಸಮ॑ನೇಷು॒ ರೇಭನ್॑ || 9.97.47
ನೂ ನ॒ಸ್ತ್ವಂ ರ॑ಥಿ॒ರೋ ದೇ᳚ವ ಸೋಮ॒ ಪರಿ॑ ಸ್ರವ ಚ॒ಮ್ವೋಃ᳚ ಪೂ॒ಯಮಾ᳚ನಃ |
ಅ॒ಪ್ಸು ಸ್ವಾದಿ॑ಷ್ಠೋ॒ ಮಧು॑ಮಾಁ ಋ॒ತಾವಾ᳚ ದೇ॒ವೋ ನ ಯಃ ಸ॑ವಿ॒ತಾ ಸ॒ತ್ಯಮ᳚ನ್ಮಾ || 9.97.48
ಅ॒ಭಿ ವಾ॒ಯುಂ ವೀ॒ತ್ಯ॑ರ್ಷಾ ಗೃಣಾ॒ನೋ॒3॒॑ಽಭಿ ಮಿ॒ತ್ರಾವರು॑ಣಾ ಪೂ॒ಯಮಾ᳚ನಃ |
ಅ॒ಭೀ ನರಂ᳚ ಧೀ॒ಜವ॑ನಂ ರಥೇ॒ಷ್ಠಾಮ॒ಭೀಂದ್ರಂ॒ ವೃಷ॑ಣಂ॒ ವಜ್ರ॑ಬಾಹು‌ಮ್ || 9.97.49
ಅ॒ಭಿ ವಸ್ತ್ರಾ᳚ ಸುವಸ॒ನಾನ್ಯ॑ರ್ಷಾ॒ಭಿ ಧೇ॒ನೂಃ ಸು॒ದುಘಾಃ᳚ ಪೂ॒ಯಮಾ᳚ನಃ |
ಅ॒ಭಿ ಚಂ॒ದ್ರಾ ಭರ್ತ॑ವೇ ನೋ॒ ಹಿರ᳚ಣ್ಯಾ॒ಭ್ಯಶ್ವಾ᳚ನ್ರ॒ಥಿನೋ᳚ ದೇವ ಸೋಮ || 9.97.50
ಅ॒ಭೀ ನೋ᳚ ಅರ್ಷ ದಿ॒ವ್ಯಾ ವಸೂ᳚ನ್ಯ॒ಭಿ ವಿಶ್ವಾ॒ ಪಾರ್ಥಿ॑ವಾ ಪೂ॒ಯಮಾ᳚ನಃ |
ಅ॒ಭಿ ಯೇನ॒ ದ್ರವಿ॑ಣಮ॒ಶ್ನವಾ᳚ಮಾ॒ಭ್ಯಾ᳚ರ್ಷೇ॒ಯಂ ಜ॑ಮದಗ್ನಿ॒ವನ್ನಃ॑ || 9.97.51
ಅ॒ಯಾ ಪ॒ವಾ ಪ॑ವಸ್ವೈ॒ನಾ ವಸೂ᳚ನಿ ಮಾಁಶ್ಚ॒ತ್ವ ಇಂ᳚ದೋ॒ ಸರ॑ಸಿ॒ ಪ್ರ ಧ᳚ನ್ವ |
ಬ್ರ॒ಧ್ನಶ್ಚಿ॒ದತ್ರ॒ ವಾತೋ॒ ನ ಜೂ॒ತಃ ಪು॑ರು॒ಮೇಧ॑ಶ್ಚಿ॒ತ್ತಕ॑ವೇ॒ ನರಂ᳚ ದಾತ್ || 9.97.52
ಉ॒ತ ನ॑ ಏ॒ನಾ ಪ॑ವ॒ಯಾ ಪ॑ವ॒ಸ್ವಾಧಿ॑ ಶ್ರು॒ತೇ ಶ್ರ॒ವಾಯ್ಯ॑ಸ್ಯ ತೀ॒ರ್ಥೇ |
ಷ॒ಷ್ಟಿಂ ಸ॒ಹಸ್ರಾ᳚ ನೈಗು॒ತೋ ವಸೂ᳚ನಿ ವೃ॒ಕ್ಷಂ ನ ಪ॒ಕ್ವಂ ಧೂ᳚ನವ॒ದ್ರಣಾ᳚ಯ || 9.97.53
ಮಹೀ॒ಮೇ ಅ॑ಸ್ಯ॒ ವೃಷ॒ನಾಮ॑ ಶೂ॒ಷೇ ಮಾಁಶ್ಚ॑ತ್ವೇ ವಾ॒ ಪೃಶ॑ನೇ ವಾ॒ ವಧ॑ತ್ರೇ |
ಅಸ್ವಾ᳚ಪಯನ್ನಿ॒ಗುತಃ॑ ಸ್ನೇ॒ಹಯ॒ಚ್ಚಾಪಾ॒ಮಿತ್ರಾಁ॒ ಅಪಾ॒ಚಿತೋ᳚ ಅಚೇ॒ತಃ || 9.97.54
ಸಂ ತ್ರೀ ಪ॒ವಿತ್ರಾ॒ ವಿತ॑ತಾನ್ಯೇ॒ಷ್ಯನ್ವೇಕಂ᳚ ಧಾವಸಿ ಪೂ॒ಯಮಾ᳚ನಃ |
ಅಸಿ॒ ಭಗೋ॒ ಅಸಿ॑ ದಾ॒ತ್ರಸ್ಯ॑ ದಾ॒ತಾಸಿ॑ ಮ॒ಘವಾ᳚ ಮ॒ಘವ॑ದ್ಭ್ಯ ಇಂದೋ || 9.97.55
ಏ॒ಷ ವಿ॑ಶ್ವ॒ವಿತ್ಪ॑ವತೇ ಮನೀ॒ಷೀ ಸೋಮೋ॒ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ᳚ |
ದ್ರ॒ಪ್ಸಾಁ ಈ॒ರಯ᳚ನ್ವಿ॒ದಥೇ॒ಷ್ವಿಂದು॒ರ್ವಿ ವಾರ॒ಮವ್ಯಂ᳚ ಸ॒ಮಯಾತಿ॑ ಯಾತಿ || 9.97.56
ಇಂದುಂ᳚ ರಿಹ‌ನ್ತಿ ಮಹಿ॒ಷಾ ಅದ॑ಬ್ಧಾಃ ಪ॒ದೇ ರೇ᳚ಭ‌ನ್ತಿ ಕ॒ವಯೋ॒ ನ ಗೃಧ್ರಾಃ᳚ |
ಹಿ॒ನ್ವ‌ನ್ತಿ॒ ಧೀರಾ᳚ ದ॒ಶಭಿಃ॒ ಕ್ಷಿಪಾ᳚ಭಿಃ॒ ಸಮಂ᳚ಜತೇ ರೂ॒ಪಮ॒ಪಾಂ ರಸೇ᳚ನ || 9.97.57
ತ್ವಯಾ᳚ ವ॒ಯಂ ಪವ॑ಮಾನೇನ ಸೋಮ॒ ಭರೇ᳚ ಕೃ॒ತಂ ವಿ ಚಿ॑ನುಯಾಮ॒ ಶಶ್ವ॑ತ್ |
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹ‌ನ್ತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ || 9.97.58

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ವಾರ್ಷಾಗಿರೋಽಮ್ಬರೀಷೋ ಭಾರದ್ವಾಜ ಋಜಿಶ್ವಾ ಚ ಋಷೀ. ಪವಮಾನಃ ಸೋಮೋ ದೇವತಾ (1-10, 12) ಪ್ರಥಮಾದಿದಶೋಂ ದ್ವಾದಶ್ಯಾಶ್ಚಾನುಷ್ಟಪ್ , (11) ಏಕಾದಶ್ಯಾಶ್ಚ ಬೃಹತೀ ಛಂದಸೀ

ಅ॒ಭಿ ನೋ᳚ ವಾಜ॒ಸಾತ॑ಮಂ ರ॒ಯಿಮ॑ರ್ಷ ಪುರು॒ಸ್ಪೃಹ‌ಮ್᳚ |
ಇಂದೋ᳚ ಸ॒ಹಸ್ರ॑ಭರ್ಣಸಂ ತುವಿದ್ಯು॒ಮ್ನಂ ವಿ॑ಭ್ವಾ॒ಸಹ‌ಮ್᳚ || 9.98.1
ಪರಿ॒ ಷ್ಯ ಸು॑ವಾ॒ನೋ ಅ॒ವ್ಯಯಂ॒ ರಥೇ॒ ನ ವರ್ಮಾ᳚ವ್ಯತ |
ಇಂದು॑ರ॒ಭಿ ದ್ರುಣಾ᳚ ಹಿ॒ತೋ ಹಿ॑ಯಾ॒ನೋ ಧಾರಾ᳚ಭಿರಕ್ಷಾಃ || 9.98.2
ಪರಿ॒ ಷ್ಯ ಸು॑ವಾ॒ನೋ ಅ॑ಕ್ಷಾ॒ ಇಂದು॒ರವ್ಯೇ॒ ಮದ॑ಚ್ಯುತಃ |
ಧಾರಾ॒ ಯ ಊ॒ರ್ಧ್ವೋ ಅ॑ಧ್ವ॒ರೇ ಭ್ರಾ॒ಜಾ ನೈತಿ॑ ಗವ್ಯ॒ಯುಃ || 9.98.3
ಸ ಹಿ ತ್ವಂ ದೇ᳚ವ॒ ಶಶ್ವ॑ತೇ॒ ವಸು॒ ಮರ್ತಾ᳚ಯ ದಾ॒ಶುಷೇ᳚ |
ಇಂದೋ᳚ ಸಹ॒ಸ್ರಿಣಂ᳚ ರ॒ಯಿಂ ಶ॒ತಾತ್ಮಾ᳚ನಂ ವಿವಾಸಸಿ || 9.98.4
ವ॒ಯಂ ತೇ᳚ ಅ॒ಸ್ಯ ವೃ॑ತ್ರಹ॒ನ್ವಸೋ॒ ವಸ್ವಃ॑ ಪುರು॒ಸ್ಪೃಹಃ॑ |
ನಿ ನೇದಿ॑ಷ್ಠತಮಾ ಇ॒ಷಃ ಸ್ಯಾಮ॑ ಸು॒ಮ್ನಸ್ಯಾ᳚ಧ್ರಿಗೋ || 9.98.5
ದ್ವಿರ್ಯಂ ಪಂಚ॒ ಸ್ವಯ॑ಶಸಂ॒ ಸ್ವಸಾ᳚ರೋ॒ ಅದ್ರಿ॑ಸಂಹತ‌ಮ್ |
ಪ್ರಿ॒ಯಮಿಂದ್ರ॑ಸ್ಯ॒ ಕಾಮ್ಯಂ᳚ ಪ್ರಸ್ನಾ॒ಪಯ᳚‌ನ್ತ್ಯೂ॒ರ್ಮಿಣ‌ಮ್᳚ || 9.98.6
ಪರಿ॒ ತ್ಯಂ ಹ᳚ರ್ಯ॒ತಂ ಹರಿಂ᳚ ಬ॒ಭ್ರುಂ ಪು॑ನ‌ನ್ತಿ॒ ವಾರೇ᳚ಣ |
ಯೋ ದೇ॒ವಾನ್ವಿಶ್ವಾಁ॒ ಇತ್ಪರಿ॒ ಮದೇ᳚ನ ಸ॒ಹ ಗಚ್ಛ॑ತಿ || 9.98.7
ಅ॒ಸ್ಯ ವೋ॒ ಹ್ಯವ॑ಸಾ॒ ಪಾ‌ನ್ತೋ᳚ ದಕ್ಷ॒ಸಾಧ॑ನ‌ಮ್ |
ಯಃ ಸೂ॒ರಿಷು॒ ಶ್ರವೋ᳚ ಬೃ॒ಹದ್ದ॒ಧೇ ಸ್ವ1॒᳚ರ್ಣ ಹ᳚ರ್ಯ॒ತಃ || 9.98.8
ಸ ವಾಂ᳚ ಯ॒ಜ್ಞೇಷು॑ ಮಾನವೀ॒ ಇಂದು॑ರ್ಜನಿಷ್ಟ ರೋದಸೀ |
ದೇ॒ವೋ ದೇ᳚ವೀ ಗಿರಿ॒ಷ್ಠಾ ಅಸ್ರೇ᳚ಧ॒‌ನ್ತಂ ತು॑ವಿ॒ಷ್ವಣಿ॑ || 9.98.9
ಇಂದ್ರಾ᳚ಯ ಸೋಮ॒ ಪಾತ॑ವೇ ವೃತ್ರ॒ಘ್ನೇ ಪರಿ॑ ಷಿಚ್ಯಸೇ |
ನರೇ᳚ ಚ॒ ದಕ್ಷಿ॑ಣಾವತೇ ದೇ॒ವಾಯ॑ ಸದನಾ॒ಸದೇ᳚ || 9.98.10
ತೇ ಪ್ರ॒ತ್ನಾಸೋ॒ ವ್ಯು॑ಷ್ಟಿಷು॒ ಸೋಮಾಃ᳚ ಪ॒ವಿತ್ರೇ᳚ ಅಕ್ಷರನ್ |
ಅ॒ಪ॒ಪ್ರೋಥ᳚‌ನ್ತಃ ಸನು॒ತರ್ಹು॑ರ॒ಶ್ಚಿತಃ॑ ಪ್ರಾ॒ತಸ್ತಾಁ ಅಪ್ರ॑ಚೇತಸಃ || 9.98.11
ತಂ ಸ॑ಖಾಯಃ ಪುರೋ॒ರುಚಂ᳚ ಯೂ॒ಯಂ ವ॒ಯಂ ಚ॑ ಸೂ॒ರಯಃ॑ |
ಅ॒ಶ್ಯಾಮ॒ ವಾಜ॑ಗಂಧ್ಯಂ ಸ॒ನೇಮ॒ ವಾಜ॑ಪಸ್ತ್ಯ‌ಮ್ || 9.98.12

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೌ ರೇಭಸೂನೂ ಋಷೀ, ಪವಮಾನಃ ಸೋಮೋ ದೇವತಾ (1) ಪ್ರಥಮ! ಬೃಹತೀ, (2-8) ದ್ವಿತೀಯಾದಿಸಪ್ತಾನಾಂಚಾನುಷ್ಟಪ್ ಛಂದಸೀ

ಆ ಹ᳚ರ್ಯ॒ತಾಯ॑ ಧೃ॒ಷ್ಣವೇ॒ ಧನು॑ಸ್ತನ್ವ‌ನ್ತಿ॒ ಪೌಂಸ್ಯ‌ಮ್᳚ |
ಶು॒ಕ್ರಾಂ ವ॑ಯ॒‌ನ್ತ್ಯಸು॑ರಾಯ ನಿ॒ರ್ಣಿಜಂ᳚ ವಿ॒ಪಾಮಗ್ರೇ᳚ ಮಹೀ॒ಯುವಃ॑ || 9.99.1
ಅಧ॑ ಕ್ಷ॒ಪಾ ಪರಿ॑ಷ್ಕೃತೋ॒ ವಾಜಾಁ᳚ ಅ॒ಭಿ ಪ್ರ ಗಾ᳚ಹತೇ |
ಯದೀ᳚ ವಿ॒ವಸ್ವ॑ತೋ॒ ಧಿಯೋ॒ ಹರಿಂ᳚ ಹಿ॒ನ್ವ‌ನ್ತಿ॒ ಯಾತ॑ವೇ || 9.99.2
ತಮ॑ಸ್ಯ ಮರ್ಜಯಾಮಸಿ॒ ಮದೋ॒ ಯ ಇಂ᳚ದ್ರ॒ಪಾತ॑ಮಃ |
ಯಂ ಗಾವ॑ ಆ॒ಸಭಿ॑ರ್ದ॒ಧುಃ ಪು॒ರಾ ನೂ॒ನಂ ಚ॑ ಸೂ॒ರಯಃ॑ || 9.99.3
ತಂ ಗಾಥ॑ಯಾ ಪುರಾ॒ಣ್ಯಾ ಪು॑ನಾ॒ನಮ॒ಭ್ಯ॑ನೂಷತ |
ಉ॒ತೋ ಕೃ॑ಪ‌ನ್ತ ಧೀ॒ತಯೋ᳚ ದೇ॒ವಾನಾಂ॒ ನಾಮ॒ ಬಿಭ್ರ॑ತೀಃ || 9.99.4
ತಮು॒ಕ್ಷಮಾ᳚ಣಮ॒ವ್ಯಯೇ॒ ವಾರೇ᳚ ಪುನ‌ನ್ತಿ ಧರ್ಣ॒ಸಿ‌ಮ್ |
ದೂ॒ತಂ ನ ಪೂ॒ರ್ವಚಿ॑ತ್ತಯ॒ ಆ ಶಾ᳚ಸತೇ ಮನೀ॒ಷಿಣಃ॑ || 9.99.5
ಸ ಪು॑ನಾ॒ನೋ ಮ॒ದಿ‌ನ್ತ॑ಮಃ॒ ಸೋಮ॑ಶ್ಚ॒ಮೂಷು॑ ಸೀದತಿ |
ಪ॒ಶೌ ನ ರೇತ॑ ಆ॒ದಧ॒ತ್ಪತಿ᳚ರ್ವಚಸ್ಯತೇ ಧಿ॒ಯಃ || 9.99.6
ಸ ಮೃ॑ಜ್ಯತೇ ಸು॒ಕರ್ಮ॑ಭಿರ್ದೇ॒ವೋ ದೇ॒ವೇಭ್ಯಃ॑ ಸು॒ತಃ |
ವಿ॒ದೇ ಯದಾ᳚ಸು ಸಂದ॒ದಿರ್ಮ॒ಹೀರ॒ಪೋ ವಿ ಗಾ᳚ಹತೇ || 9.99.7
ಸು॒ತ ಇಂ᳚ದೋ ಪ॒ವಿತ್ರ॒ ಆ ನೃಭಿ᳚ರ್ಯ॒ತೋ ವಿ ನೀ᳚ಯಸೇ |
ಇಂದ್ರಾ᳚ಯ ಮತ್ಸ॒ರಿ‌ನ್ತ॑ಮಶ್ಚ॒ಮೂಷ್ವಾ ನಿ ಷೀ᳚ದಸಿ || 9.99.8

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೌ ರೇಭಸೂನ ಋಷೀ. ಪವಮಾನಃ ಸೋಮೋ ದೇವತಾ. ಅನುಷ್ಟಪ್. ಛಂದಃ

ಅ॒ಭೀ ನ॑ವ‌ನ್ತೇ ಅ॒ದ್ರುಹಃ॑ ಪ್ರಿ॒ಯಮಿಂದ್ರ॑ಸ್ಯ॒ ಕಾಮ್ಯ‌ಮ್᳚ |
ವ॒ತ್ಸಂ ನ ಪೂರ್ವ॒ ಆಯು॑ನಿ ಜಾ॒ತಂ ರಿ॑ಹ‌ನ್ತಿ ಮಾ॒ತರಃ॑ || 9.100.1
ಪು॒ನಾ॒ನ ಇಂ᳚ದ॒ವಾ ಭ॑ರ॒ ಸೋಮ॑ ದ್ವಿ॒ಬರ್ಹ॑ಸಂ ರ॒ಯಿ‌ಮ್ |
ತ್ವಂ ವಸೂ᳚ನಿ ಪುಷ್ಯಸಿ॒ ವಿಶ್ವಾ᳚ನಿ ದಾ॒ಶುಷೋ᳚ ಗೃ॒ಹೇ || 9.100.2
ತ್ವಂ ಧಿಯಂ᳚ ಮನೋ॒ಯುಜಂ᳚ ಸೃ॒ಜಾ ವೃ॒ಷ್ಟಿಂ ನ ತ᳚ನ್ಯ॒ತುಃ |
ತ್ವಂ ವಸೂ᳚ನಿ॒ ಪಾರ್ಥಿ॑ವಾ ದಿ॒ವ್ಯಾ ಚ॑ ಸೋಮ ಪುಷ್ಯಸಿ || 9.100.3
ಪರಿ॑ ತೇ ಜಿ॒ಗ್ಯುಷೋ᳚ ಯಥಾ॒ ಧಾರಾ᳚ ಸು॒ತಸ್ಯ॑ ಧಾವತಿ |
ರಂಹ॑ಮಾಣಾ॒ ವ್ಯ1॒᳚ವ್ಯಯಂ॒ ವಾರಂ᳚ ವಾ॒ಜೀವ॑ ಸಾನ॒ಸಿಃ || 9.100.4
ಕ್ರತ್ವೇ॒ ದಕ್ಷಾ᳚ಯ ನಃ ಕವೇ॒ ಪವ॑ಸ್ವ ಸೋಮ॒ ಧಾರ॑ಯಾ |
ಇಂದ್ರಾ᳚ಯ॒ ಪಾತ॑ವೇ ಸು॒ತೋ ಮಿ॒ತ್ರಾಯ॒ ವರು॑ಣಾಯ ಚ || 9.100.5
ಪವ॑ಸ್ವ ವಾಜ॒ಸಾತ॑ಮಃ ಪ॒ವಿತ್ರೇ॒ ಧಾರ॑ಯಾ ಸು॒ತಃ |
ಇಂದ್ರಾ᳚ಯ ಸೋಮ॒ ವಿಷ್ಣ॑ವೇ ದೇ॒ವೇಭ್ಯೋ॒ ಮಧು॑ಮತ್ತಮಃ || 9.100.6
ತ್ವಾಂ ರಿ॑ಹ‌ನ್ತಿ ಮಾ॒ತರೋ॒ ಹರಿಂ᳚ ಪ॒ವಿತ್ರೇ᳚ ಅ॒ದ್ರುಹಃ॑ |
ವ॒ತ್ಸಂ ಜಾ॒ತಂ ನ ಧೇ॒ನವಃ॒ ಪವ॑ಮಾನ॒ ವಿಧ᳚ರ್ಮಣಿ || 9.100.7
ಪವ॑ಮಾನ॒ ಮಹಿ॒ ಶ್ರವ॑ಶ್ಚಿ॒ತ್ರೇಭಿ᳚ರ್ಯಾಸಿ ರ॒ಶ್ಮಿಭಿಃ॑ |
ಶರ್ಧ॒‌ನ್ತಮಾಂ᳚ಸಿ ಜಿಘ್ನಸೇ॒ ವಿಶ್ವಾ᳚ನಿ ದಾ॒ಶುಷೋ᳚ ಗೃ॒ಹೇ || 9.100.8
ತ್ವಂ ದ್ಯಾಂ ಚ॑ ಮಹಿವ್ರತ ಪೃಥಿ॒ವೀಂ ಚಾತಿ॑ ಜಭ್ರಿಷೇ |
ಪ್ರತಿ॑ ದ್ರಾ॒ಪಿಮ॑ಮುಂಚಥಾಃ॒ ಪವ॑ಮಾನ ಮಹಿತ್ವ॒ನಾ || 9.100.9

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ (1-3) ಪ್ರಥಮಾದಿತೃಚಸ್ಯ ಶ್ಯಾವಾಶ್ವಿರಂಧೀಗುಃ, (4-6) ಚತುರ್ಥ್ಯಾದಿತೃಚಸ್ಯ ನಾಹುಷೋ ಯಯಾತಿ, (7-9) ಸಪ್ತಮ್ಯಾದಿತೃಚಸ್ಯ ರಾಜರ್ಷಿರ್ಮಾನವೋ ನಹೂಷಃ, (10-12) ದಶಮ್ಯಾದಿತೃಚಸ್ಯ ಸಾಂವರಣೋ ಮನುಃ, (13-16) ತ್ರಯೋದಶ್ಯಾದಿಚತುರೃಚ ಸ್ಯ ಚ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿರೃಷಯಃ, ಪವಮಾನಃ ಸೋಮೋ ದೇವತಾ, (1, 4-16) ಪ್ರಥಮರ್ಚಶ್ಚತುರ್ಥ್ಯಾದಿತ್ರಯೋದಶಾನಾಂಚಾನುಷ್ಟಪ್ (2-3) ದ್ವಿತೀಯಾತೃತೀಯಯೋಶ್ಚ ಗಾಯತ್ರೀ ಛಂದಸೀ

ಪು॒ರೋಜಿ॑ತೀ ವೋ॒ ಅಂಧ॑ಸಃ ಸು॒ತಾಯ॑ ಮಾದಯಿ॒ತ್ನವೇ᳚ |
ಅಪ॒ ಶ್ವಾನಂ᳚ ಶ್ನಥಿಷ್ಟನ॒ ಸಖಾ᳚ಯೋ ದೀರ್ಘಜಿ॒ಹ್ವ್ಯ‌ಮ್᳚ || 9.101.1
ಯೋ ಧಾರ॑ಯಾ ಪಾವ॒ಕಯಾ᳚ ಪರಿಪ್ರ॒ಸ್ಯಂದ॑ತೇ ಸು॒ತಃ |
ಇಂದು॒ರಶ್ವೋ॒ ನ ಕೃತ್ವ್ಯಃ॑ || 9.101.2
ತಂ ದು॒ರೋಷ॑ಮ॒ಭೀ ನರಃ॒ ಸೋಮಂ᳚ ವಿ॒ಶ್ವಾಚ್ಯಾ᳚ ಧಿ॒ಯಾ |
ಯ॒ಜ್ಞಂ ಹಿ᳚ನ್ವ॒‌ನ್ತ್ಯದ್ರಿ॑ಭಿಃ || 9.101.3
ಸು॒ತಾಸೋ॒ ಮಧು॑ಮತ್ತಮಾಃ॒ ಸೋಮಾ॒ ಇಂದ್ರಾ᳚ಯ ಮಂ॒ದಿನಃ॑ |
ಪ॒ವಿತ್ರ॑ವ‌ನ್ತೋ ಅಕ್ಷರಂದೇ॒ವಾನ್ಗ॑ಚ್ಛ‌ನ್ತು ವೋ॒ ಮದಾಃ᳚ || 9.101.4
ಇಂದು॒ರಿಂದ್ರಾ᳚ಯ ಪವತ॒ ಇತಿ॑ ದೇ॒ವಾಸೋ᳚ ಅಬ್ರುವನ್ |
ವಾ॒ಚಸ್ಪತಿ᳚ರ್ಮಖಸ್ಯತೇ॒ ವಿಶ್ವ॒ಸ್ಯೇಶಾ᳚ನ॒ ಓಜ॑ಸಾ || 9.101.5
ಸ॒ಹಸ್ರ॑ಧಾರಃ ಪವತೇ ಸಮು॒ದ್ರೋ ವಾ᳚ಚಮೀಂಖ॒ಯಃ |
ಸೋಮಃ॒ ಪತೀ᳚ ರಯೀ॒ಣಾಂ ಸಖೇಂದ್ರ॑ಸ್ಯ ದಿ॒ವೇದಿ॑ವೇ || 9.101.6
ಅ॒ಯಂ ಪೂ॒ಷಾ ರ॒ಯಿರ್ಭಗಃ॒ ಸೋಮಃ॑ ಪುನಾ॒ನೋ ಅ॑ರ್ಷತಿ |
ಪತಿ॒ರ್ವಿಶ್ವ॑ಸ್ಯ॒ ಭೂಮ॑ನೋ॒ ವ್ಯ॑ಖ್ಯ॒ದ್ರೋದ॑ಸೀ ಉ॒ಭೇ || 9.101.7
ಸಮು॑ ಪ್ರಿ॒ಯಾ ಅ॑ನೂಷತ॒ ಗಾವೋ॒ ಮದಾ᳚ಯ॒ ಘೃಷ್ವ॑ಯಃ |
ಸೋಮಾ᳚ಸಃ ಕೃಣ್ವತೇ ಪ॒ಥಃ ಪವ॑ಮಾನಾಸ॒ ಇಂದ॑ವಃ || 9.101.8
ಯ ಓಜಿ॑ಷ್ಠ॒ಸ್ತಮಾ ಭ॑ರ॒ ಪವ॑ಮಾನ ಶ್ರ॒ವಾಯ್ಯ‌ಮ್᳚ |
ಯಃ ಪಂಚ॑ ಚರ್ಷ॒ಣೀರ॒ಭಿ ರ॒ಯಿಂ ಯೇನ॒ ವನಾ᳚ಮಹೈ || 9.101.9
ಸೋಮಾಃ᳚ ಪವ‌ನ್ತ॒ ಇಂದ॑ವೋ॒ಽಸ್ಮಭ್ಯಂ᳚ ಗಾತು॒ವಿತ್ತ॑ಮಾಃ |
ಮಿ॒ತ್ರಾಃ ಸು॑ವಾ॒ನಾ ಅ॑ರೇ॒ಪಸಃ॑ ಸ್ವಾ॒ಧ್ಯಃ॑ ಸ್ವ॒ರ್ವಿದಃ॑ || 9.101.10
ಸು॒ಷ್ವಾ॒ಣಾಸೋ॒ ವ್ಯದ್ರಿ॑ಭಿ॒ಶ್ಚಿತಾ᳚ನಾ॒ ಗೋರಧಿ॑ ತ್ವ॒ಚಿ |
ಇಷ॑ಮ॒ಸ್ಮಭ್ಯ॑ಮ॒ಭಿತಃ॒ ಸಮ॑ಸ್ವರನ್ವಸು॒ವಿದಃ॑ || 9.101.11
ಏ॒ತೇ ಪೂ॒ತಾ ವಿ॑ಪ॒ಶ್ಚಿತಃ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ |
ಸೂರ್ಯಾ᳚ಸೋ॒ ನ ದ॑ರ್ಶ॒ತಾಸೋ᳚ ಜಿಗ॒ತ್ನವೋ᳚ ಧ್ರು॒ವಾ ಘೃ॒ತೇ || 9.101.12
ಪ್ರ ಸು᳚ನ್ವಾ॒ನಸ್ಯಾಂಧ॑ಸೋ॒ ಮರ್ತೋ॒ ನ ವೃ॑ತ॒ ತದ್ವಚಃ॑ |
ಅಪ॒ ಶ್ವಾನ॑ಮರಾ॒ಧಸಂ᳚ ಹ॒ತಾ ಮ॒ಖಂ ನ ಭೃಗ॑ವಃ || 9.101.13
ಆ ಜಾ॒ಮಿರತ್ಕೇ᳚ ಅವ್ಯತ ಭು॒ಜೇ ನ ಪು॒ತ್ರ ಓ॒ಣ್ಯೋಃ᳚ |
ಸರ॑ಜ್ಜಾ॒ರೋ ನ ಯೋಷ॑ಣಾಂ ವ॒ರೋ ನ ಯೋನಿ॑ಮಾ॒ಸದ‌ಮ್᳚ || 9.101.14
ಸ ವೀ॒ರೋ ದ॑ಕ್ಷ॒ಸಾಧ॑ನೋ॒ ವಿ ಯಸ್ತ॒ಸ್ತಂಭ॒ ರೋದ॑ಸೀ |
ಹರಿಃ॑ ಪ॒ವಿತ್ರೇ᳚ ಅವ್ಯತ ವೇ॒ಧಾ ನ ಯೋನಿ॑ಮಾ॒ಸದ‌ಮ್᳚ || 9.101.15
ಅವ್ಯೋ॒ ವಾರೇ᳚ಭಿಃ ಪವತೇ॒ ಸೋಮೋ॒ ಗವ್ಯೇ॒ ಅಧಿ॑ ತ್ವ॒ಚಿ |
ಕನಿ॑ಕ್ರದ॒ದ್ವೃಷಾ॒ ಹರಿ॒ರಿಂದ್ರ॑ಸ್ಯಾ॒ಭ್ಯೇ᳚ತಿ ನಿಷ್ಕೃ॒ತ‌ಮ್ || 9.101.16

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಪವಮಾನಃ ಸೋಮೋ ದೇವತಾ. ಉಷ್ಣಿಕ್ ಛಂದಃ

ಕ್ರಾ॒ಣಾ ಶಿಶು᳚ರ್ಮ॒ಹೀನಾಂ᳚ ಹಿ॒ನ್ವನ್ನೃ॒ತಸ್ಯ॒ ದೀಧಿ॑ತಿ‌ಮ್ |
ವಿಶ್ವಾ॒ ಪರಿ॑ ಪ್ರಿ॒ಯಾ ಭು॑ವ॒ದಧ॑ ದ್ವಿ॒ತಾ || 9.102.1
ಉಪ॑ ತ್ರಿ॒ತಸ್ಯ॑ ಪಾ॒ಷ್ಯೋ॒3॒॑ರಭ॑ಕ್ತ॒ ಯದ್ಗುಹಾ᳚ ಪ॒ದ‌ಮ್ |
ಯ॒ಜ್ಞಸ್ಯ॑ ಸ॒ಪ್ತ ಧಾಮ॑ಭಿ॒ರಧ॑ ಪ್ರಿ॒ಯ‌ಮ್ || 9.102.2
ತ್ರೀಣಿ॑ ತ್ರಿ॒ತಸ್ಯ॒ ಧಾರ॑ಯಾ ಪೃ॒ಷ್ಠೇಷ್ವೇರ॑ಯಾ ರ॒ಯಿ‌ಮ್ |
ಮಿಮೀ᳚ತೇ ಅಸ್ಯ॒ ಯೋಜ॑ನಾ॒ ವಿ ಸು॒ಕ್ರತುಃ॑ || 9.102.3
ಜ॒ಜ್ಞಾ॒ನಂ ಸ॒ಪ್ತ ಮಾ॒ತರೋ᳚ ವೇ॒ಧಾಮ॑ಶಾಸತ ಶ್ರಿ॒ಯೇ |
ಅ॒ಯಂ ಧ್ರು॒ವೋ ರ॑ಯೀ॒ಣಾಂ ಚಿಕೇ᳚ತ॒ ಯತ್ || 9.102.4
ಅ॒ಸ್ಯ ವ್ರ॒ತೇ ಸ॒ಜೋಷ॑ಸೋ॒ ವಿಶ್ವೇ᳚ ದೇ॒ವಾಸೋ᳚ ಅ॒ದ್ರುಹಃ॑ |
ಸ್ಪಾ॒ರ್ಹಾ ಭ॑ವ‌ನ್ತಿ॒ ರ‌ನ್ತ॑ಯೋ ಜು॒ಷ‌ನ್ತ॒ ಯತ್ || 9.102.5
ಯಮೀ॒ ಗರ್ಭ॑ಮೃತಾ॒ವೃಧೋ᳚ ದೃ॒ಶೇ ಚಾರು॒ಮಜೀ᳚ಜನನ್ |
ಕ॒ವಿಂ ಮಂಹಿ॑ಷ್ಠಮಧ್ವ॒ರೇ ಪು॑ರು॒ಸ್ಪೃಹ‌ಮ್᳚ || 9.102.6
ಸ॒ಮೀ॒ಚೀ॒ನೇ ಅ॒ಭಿ ತ್ಮನಾ᳚ ಯ॒ಹ್ವೀ ಋ॒ತಸ್ಯ॑ ಮಾ॒ತರಾ᳚ |
ತ॒ನ್ವಾ॒ನಾ ಯ॒ಜ್ಞಮಾ᳚ನು॒ಷಗ್ಯದಂ᳚ಜ॒ತೇ || 9.102.7
ಕ್ರತ್ವಾ᳚ ಶು॒ಕ್ರೇಭಿ॑ರ॒ಕ್ಷಭಿ॑ರ್‌ಋ॒ಣೋರಪ᳚ ವ್ರ॒ಜಂ ದಿ॒ವಃ |
ಹಿ॒ನ್ವನ್ನೃ॒ತಸ್ಯ॒ ದೀಧಿ॑ತಿಂ॒ ಪ್ರಾಧ್ವ॒ರೇ || 9.102.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಪವಮಾನಃ ಸೋಮೋ ದೇವತಾ, ಉಷ್ಣಿಕ್ ಛಂದಃ

ಪ್ರ ಪು॑ನಾ॒ನಾಯ॑ ವೇ॒ಧಸೇ॒ ಸೋಮಾ᳚ಯ॒ ವಚ॒ ಉದ್ಯ॑ತ‌ಮ್ |
ಭೃ॒ತಿಂ ನ ಭ॑ರಾ ಮ॒ತಿಭಿ॒ರ್ಜುಜೋ᳚ಷತೇ || 9.103.1
ಪರಿ॒ ವಾರಾ᳚ಣ್ಯ॒ವ್ಯಯಾ॒ ಗೋಭಿ॑ರಂಜಾ॒ನೋ ಅ॑ರ್ಷತಿ |
ತ್ರೀ ಷ॒ಧಸ್ಥಾ᳚ ಪುನಾ॒ನಃ ಕೃ॑ಣುತೇ॒ ಹರಿಃ॑ || 9.103.2
ಪರಿ॒ ಕೋಶಂ᳚ ಮಧು॒ಶ್ಚುತ॑ಮ॒ವ್ಯಯೇ॒ ವಾರೇ᳚ ಅರ್ಷತಿ |
ಅ॒ಭಿ ವಾಣೀ॒ರ್‌ಋಷೀ᳚ಣಾಂ ಸ॒ಪ್ತ ನೂ᳚ಷತ || 9.103.3
ಪರಿ॑ ಣೇ॒ತಾ ಮ॑ತೀ॒ನಾಂ ವಿ॒ಶ್ವದೇ᳚ವೋ॒ ಅದಾ᳚ಭ್ಯಃ |
ಸೋಮಃ॑ ಪುನಾ॒ನಶ್ಚ॒ಮ್ವೋ᳚ರ್ವಿಶ॒ದ್ಧರಿಃ॑ || 9.103.4
ಪರಿ॒ ದೈವೀ॒ರನು॑ ಸ್ವ॒ಧಾ ಇಂದ್ರೇ᳚ಣ ಯಾಹಿ ಸ॒ರಥ‌ಮ್᳚ |
ಪು॒ನಾ॒ನೋ ವಾ॒ಘದ್ವಾ॒ಘದ್ಭಿ॒ರಮ॑ರ್ತ್ಯಃ || 9.103.5
ಪರಿ॒ ಸಪ್ತಿ॒ರ್ನ ವಾ᳚ಜ॒ಯುರ್ದೇ॒ವೋ ದೇ॒ವೇಭ್ಯಃ॑ ಸು॒ತಃ |
ವ್ಯಾ॒ನ॒ಶಿಃ ಪವ॑ಮಾನೋ॒ ವಿ ಧಾ᳚ವತಿ || 9.103.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾರಾವೌ ಪರ್ವತನಾರದೌ ಕಾಶ್ಯಪ್ಯೌ ಶಿಖಂಡಿನ್ಯಾವಪ್ಸರಸೌ ವಾ ಋಷಿಕೇ. ಪವಮಾನಃ ಸೋಮೋ ದೇವತಾ, ಉಷ್ಣಿಕ್ ಛಂದಃ

ಸಖಾ᳚ಯ॒ ಆ ನಿ ಷೀ᳚ದತ ಪುನಾ॒ನಾಯ॒ ಪ್ರ ಗಾ᳚ಯತ |
ಶಿಶುಂ॒ ನ ಯ॒ಜ್ಞೈಃ ಪರಿ॑ ಭೂಷತ ಶ್ರಿ॒ಯೇ || 9.104.1
ಸಮೀ᳚ ವ॒ತ್ಸಂ ನ ಮಾ॒ತೃಭಿಃ॑ ಸೃ॒ಜತಾ᳚ ಗಯ॒ಸಾಧ॑ನ‌ಮ್ |
ದೇ॒ವಾ॒ವ್ಯಂ1॒॑ ಮದ॑ಮ॒ಭಿ ದ್ವಿಶ॑ವಸ‌ಮ್ || 9.104.2
ಪು॒ನಾತಾ᳚ ದಕ್ಷ॒ಸಾಧ॑ನಂ॒ ಯಥಾ॒ ಶರ್ಧಾ᳚ಯ ವೀ॒ತಯೇ᳚ |
ಯಥಾ᳚ ಮಿ॒ತ್ರಾಯ॒ ವರು॑ಣಾಯ॒ ಶಂತ॑ಮಃ || 9.104.3
ಅ॒ಸ್ಮಭ್ಯಂ᳚ ತ್ವಾ ವಸು॒ವಿದ॑ಮ॒ಭಿ ವಾಣೀ᳚ರನೂಷತ |
ಗೋಭಿ॑ಷ್ಟೇ॒ ವರ್ಣ॑ಮ॒ಭಿ ವಾ᳚ಸಯಾಮಸಿ || 9.104.4
ಸ ನೋ᳚ ಮದಾನಾಂ ಪತ॒ ಇಂದೋ᳚ ದೇ॒ವಪ್ಸ॑ರಾ ಅಸಿ |
ಸಖೇ᳚ವ॒ ಸಖ್ಯೇ᳚ ಗಾತು॒ವಿತ್ತ॑ಮೋ ಭವ || 9.104.5
ಸನೇ᳚ಮಿ ಕೃ॒ಧ್ಯ1॒॑ಸ್ಮದಾ ರ॒ಕ್ಷಸಂ॒ ಕಂ ಚಿ॑ದ॒ತ್ರಿಣ‌ಮ್᳚ |
ಅಪಾದೇ᳚ವಂ ದ್ವ॒ಯುಮಂಹೋ᳚ ಯುಯೋಧಿ ನಃ || 9.104.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೌ ಪರ್ವತನಾರದಾವೃಷೀ. ಪವಮಾನಃ ಸೋಮೋ ದೇವತಾ, ಉಷ್ಣಿಕ್ ಛಂದಃ

ತಂ ವಃ॑ ಸಖಾಯೋ॒ ಮದಾ᳚ಯ ಪುನಾ॒ನಮ॒ಭಿ ಗಾ᳚ಯತ |
ಶಿಶುಂ॒ ನ ಯ॒ಜ್ಞೈಃ ಸ್ವ॑ದಯ‌ನ್ತ ಗೂ॒ರ್ತಿಭಿಃ॑ || 9.105.1
ಸಂ ವ॒ತ್ಸ ಇ॑ವ ಮಾ॒ತೃಭಿ॒ರಿಂದು॑ರ್ಹಿನ್ವಾ॒ನೋ ಅ॑ಜ್ಯತೇ |
ದೇ॒ವಾ॒ವೀರ್ಮದೋ᳚ ಮ॒ತಿಭಿಃ॒ ಪರಿ॑ಷ್ಕೃತಃ || 9.105.2
ಅ॒ಯಂ ದಕ್ಷಾ᳚ಯ॒ ಸಾಧ॑ನೋ॒ಽಯಂ ಶರ್ಧಾ᳚ಯ ವೀ॒ತಯೇ᳚ |
ಅ॒ಯಂ ದೇ॒ವೇಭ್ಯೋ॒ ಮಧು॑ಮತ್ತಮಃ ಸು॒ತಃ || 9.105.3
ಗೋಮ᳚ನ್ನ ಇಂದೋ॒ ಅಶ್ವ॑ವತ್ಸು॒ತಃ ಸು॑ದಕ್ಷ ಧನ್ವ |
ಶುಚಿಂ᳚ ತೇ॒ ವರ್ಣ॒ಮಧಿ॒ ಗೋಷು॑ ದೀಧರ‌ಮ್ || 9.105.4
ಸ ನೋ᳚ ಹರೀಣಾಂ ಪತ॒ ಇಂದೋ᳚ ದೇ॒ವಪ್ಸ॑ರಸ್ತಮಃ |
ಸಖೇ᳚ವ॒ ಸಖ್ಯೇ॒ ನರ್ಯೋ᳚ ರು॒ಚೇ ಭ॑ವ || 9.105.5
ಸನೇ᳚ಮಿ॒ ತ್ವಮ॒ಸ್ಮದಾಁ ಅದೇ᳚ವಂ॒ ಕಂ ಚಿ॑ದ॒ತ್ರಿಣ‌ಮ್᳚ |
ಸಾ॒ಹ್ವಾಁ ಇಂ᳚ದೋ॒ ಪರಿ॒ ಬಾಧೋ॒ ಅಪ॑ ದ್ವ॒ಯು‌ಮ್ || 9.105.6

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ (1-3, 10-14) ಪ್ರಥಮಾದಿತೃಚಸ್ಯ ದಶಮ್ಯಾದಿಪಂಚಾನಾಂಚ ಚಾಕ್ಷುಷೋಽಗ್ನಿಃ, (4-6) ಚತುರ್ಥ್ಯಾದಿತೃಚಸ್ಯ ಮಾನವಶ್ಚಕ್ಷುಃ, (7-9) ಸಪ್ತಮ್ಯಾದಿತೃಚಸ್ಯ ಚಾಪ್ಸವೋ ಮನುಋರ್ಷ ಯಃ, ಪವಮಾನಃ ಸೋಮೋ ದೇವತಾ, ಉಷ್ಣಿಕ್ ಛಂದಃ

ಇಂದ್ರ॒ಮಚ್ಛ॑ ಸು॒ತಾ ಇ॒ಮೇ ವೃಷ॑ಣಂ ಯ‌ನ್ತು॒ ಹರ॑ಯಃ |
ಶ್ರು॒ಷ್ಟೀ ಜಾ॒ತಾಸ॒ ಇಂದ॑ವಃ ಸ್ವ॒ರ್ವಿದಃ॑ || 9.106.1
ಅ॒ಯಂ ಭರಾ᳚ಯ ಸಾನ॒ಸಿರಿಂದ್ರಾ᳚ಯ ಪವತೇ ಸು॒ತಃ |
ಸೋಮೋ॒ ಜೈತ್ರ॑ಸ್ಯ ಚೇತತಿ॒ ಯಥಾ᳚ ವಿ॒ದೇ || 9.106.2
ಅ॒ಸ್ಯೇದಿಂದ್ರೋ॒ ಮದೇ॒ಷ್ವಾ ಗ್ರಾ॒ಭಂ ಗೃ॑ಭ್ಣೀತ ಸಾನ॒ಸಿ‌ಮ್ |
ವಜ್ರಂ᳚ ಚ॒ ವೃಷ॑ಣಂ ಭರ॒ತ್ಸಮ॑ಪ್ಸು॒ಜಿತ್ || 9.106.3
ಪ್ರ ಧ᳚ನ್ವಾ ಸೋಮ॒ ಜಾಗೃ॑ವಿ॒ರಿಂದ್ರಾ᳚ಯೇಂದೋ॒ ಪರಿ॑ ಸ್ರವ |
ದ್ಯು॒ಮ‌ನ್ತಂ॒ ಶುಷ್ಮ॒ಮಾ ಭ॑ರಾ ಸ್ವ॒ರ್ವಿದ‌ಮ್᳚ || 9.106.4
ಇಂದ್ರಾ᳚ಯ॒ ವೃಷ॑ಣಂ॒ ಮದಂ॒ ಪವ॑ಸ್ವ ವಿ॒ಶ್ವದ॑ರ್ಶತಃ |
ಸ॒ಹಸ್ರ॑ಯಾಮಾ ಪಥಿ॒ಕೃದ್ವಿ॑ಚಕ್ಷ॒ಣಃ || 9.106.5
ಅ॒ಸ್ಮಭ್ಯಂ᳚ ಗಾತು॒ವಿತ್ತ॑ಮೋ ದೇ॒ವೇಭ್ಯೋ॒ ಮಧು॑ಮತ್ತಮಃ |
ಸ॒ಹಸ್ರಂ᳚ ಯಾಹಿ ಪ॒ಥಿಭಿಃ॒ ಕನಿ॑ಕ್ರದತ್ || 9.106.6
ಪವ॑ಸ್ವ ದೇ॒ವವೀ᳚ತಯ॒ ಇಂದೋ॒ ಧಾರಾ᳚ಭಿ॒ರೋಜ॑ಸಾ |
ಆ ಕ॒ಲಶಂ॒ ಮಧು॑ಮಾ‌‌ನ್ತ್ಸೋಮ ನಃ ಸದಃ || 9.106.7
ತವ॑ ದ್ರ॒ಪ್ಸಾ ಉ॑ದ॒ಪ್ರುತ॒ ಇಂದ್ರಂ॒ ಮದಾ᳚ಯ ವಾವೃಧುಃ |
ತ್ವಾಂ ದೇ॒ವಾಸೋ᳚ ಅ॒ಮೃತಾ᳚ಯ॒ ಕಂ ಪ॑ಪುಃ || 9.106.8
ಆ ನಃ॑ ಸುತಾಸ ಇಂದವಃ ಪುನಾ॒ನಾ ಧಾ᳚ವತಾ ರ॒ಯಿ‌ಮ್ |
ವೃ॒ಷ್ಟಿದ್ಯಾ᳚ವೋ ರೀತ್ಯಾಪಃ ಸ್ವ॒ರ್ವಿದಃ॑ || 9.106.9
ಸೋಮಃ॑ ಪುನಾ॒ನ ಊ॒ರ್ಮಿಣಾವ್ಯೋ॒ ವಾರಂ॒ ವಿ ಧಾ᳚ವತಿ |
ಅಗ್ರೇ᳚ ವಾ॒ಚಃ ಪವ॑ಮಾನಃ॒ ಕನಿ॑ಕ್ರದತ್ || 9.106.10
ಧೀ॒ಭಿರ್ಹಿ᳚ನ್ವ‌ನ್ತಿ ವಾ॒ಜಿನಂ॒ ವನೇ॒ ಕ್ರೀಳ᳚‌ನ್ತ॒ಮತ್ಯ॑ವಿ‌ಮ್ |
ಅ॒ಭಿ ತ್ರಿ॑ಪೃ॒ಷ್ಠಂ ಮ॒ತಯಃ॒ ಸಮ॑ಸ್ವರನ್ || 9.106.11
ಅಸ॑ರ್ಜಿ ಕ॒ಲಶಾಁ᳚ ಅ॒ಭಿ ಮೀ॒ಳ್ಹೇ ಸಪ್ತಿ॒ರ್ನ ವಾ᳚ಜ॒ಯುಃ |
ಪು॒ನಾ॒ನೋ ವಾಚಂ᳚ ಜ॒ನಯ᳚ನ್ನಸಿಷ್ಯದತ್ || 9.106.12
ಪವ॑ತೇ ಹರ್ಯ॒ತೋ ಹರಿ॒ರತಿ॒ ಹ್ವರಾಂ᳚ಸಿ॒ ರಂಹ್ಯಾ᳚ |
ಅ॒ಭ್ಯರ್ಷ᳚‌‌ನ್ತ್ಸ್ತೋ॒ತೃಭ್ಯೋ᳚ ವೀ॒ರವ॒ದ್ಯಶಃ॑ || 9.106.13
ಅ॒ಯಾ ಪ॑ವಸ್ವ ದೇವ॒ಯುರ್ಮಧೋ॒ರ್ಧಾರಾ᳚ ಅಸೃಕ್ಷತ |
ರೇಭ᳚ನ್ಪ॒ವಿತ್ರಂ॒ ಪರ್ಯೇ᳚ಷಿ ವಿ॒ಶ್ವತಃ॑ || 9.106.14

(1-26) ಷಡ಼ಿವಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯೋ ಭರದ್ವಾಜಃ, ಮಾರೀಚಃ ಕಶ್ಯಪಃ, ರಾಹೂಗಣೋ ಗೋತಮಃ, ಭೌಮೋಽತ್ರಿಃ, ಗಾಥಿನೋ ವಿಶ್ವಾಮಿತ್ರಃ, ಭಾರ್ಗವೋ ಜಮದಗ್ನಿಃ ಮೈತ್ರಾವರುಣಿರ್ವಸಿಷ್ಠಶ್ಚ ಸಪ್ತರ್ಷಯಃ, ಪವಮಾನಃ ಸೋಮೋ ದೇವತಾ, (1-2, 4-7, 10-15, 17-26) ಪ್ರಥಮಾದ್ವಿತೀಯಯೋರೃಚೋಶ್ಚತುರ್ಥ್ಯಾದಿಚತಸೃಣಾಂ ದಶಮ್ಯಾದಿಷಣ್ಣಾಂ ಸಪ್ತದಶ್ಯಾದಿದಶಾನಾಂಚ ಪ್ರಗಾಥಃ ((1, 4, 6, 10, 12, 14, 17, 19, 21, 23, 25) ಪ್ರಥಮಾಚತುರ್ಥೀಷಷ್ಠೀದಶಮೀದ್ವಾದಶೀಚತುದಶ ಸಪ್ತದಶ್ಯೇಕೋನವಿಂಶ್ಯೇಕವಿಂಶೀತ್ರಯೋವಿಂಶೀಪಂಚವಿಂಶೀ ನಾಂ ಬೃಹತೀ, (2, 5, 7, 11, 13, 15, 18, 20, 22, 24, 26) ದ್ವಿತೀಯಾಪಂಚಮೀಸಪ್ತಮ್ಯೇಕಾದಶೀತ್ರಯೋದಶೀಪಂಚದಶ್ಯಷ್ಟಾದಶೀವಿಂಶೀದ್ವಾವಿಂಶೀಚತುರ್ವಿಶೀಷಡ಼ಿವಶೀ ನಾಂ ಸತೋಬೃಹತೀ), (3) ತೃತೀಯಾಯಾ ಭರಿಗ್ವಿರಾಡ಼ ದ್ವಿಪದಾ (8-9) ಅಷ್ಟಮೀನವಮ್ಯೋಬಹ ತೀ, (16) ಷೋಡಶ್ಯಾಶ್ಚ ದ್ವಿಪದಾ ವಿರಾಟ್ ಛಂದಾಂಸಿ

ಪರೀ॒ತೋ ಷಿಂ᳚ಚತಾ ಸು॒ತಂ ಸೋಮೋ॒ ಯ ಉ॑ತ್ತ॒ಮಂ ಹ॒ವಿಃ |
ದ॒ಧ॒ನ್ವಾಁ ಯೋ ನರ್ಯೋ᳚ ಅ॒ಪ್ಸ್ವ1॒᳚‌ನ್ತರಾ ಸು॒ಷಾವ॒ ಸೋಮ॒ಮದ್ರಿ॑ಭಿಃ || 9.107.1
ನೂ॒ನಂ ಪು॑ನಾ॒ನೋಽವಿ॑ಭಿಃ॒ ಪರಿ॑ ಸ್ರ॒ವಾದ॑ಬ್ಧಃ ಸುರ॒ಭಿ‌ನ್ತ॑ರಃ |
ಸು॒ತೇ ಚಿ॑ತ್ತ್ವಾ॒ಪ್ಸು ಮ॑ದಾಮೋ॒ ಅಂಧ॑ಸಾ ಶ್ರೀ॒ಣ‌ನ್ತೋ॒ ಗೋಭಿ॒ರುತ್ತ॑ರ‌ಮ್ || 9.107.2
ಪರಿ॑ ಸುವಾ॒ನಶ್ಚಕ್ಷ॑ಸೇ ದೇವ॒ಮಾದ॑ನಃ॒ ಕ್ರತು॒ರಿಂದು᳚ರ್ವಿಚಕ್ಷ॒ಣಃ || 9.107.3
ಪು॒ನಾ॒ನಃ ಸೋ᳚ಮ॒ ಧಾರ॑ಯಾ॒ಪೋ ವಸಾ᳚ನೋ ಅರ್ಷಸಿ |
ಆ ರ॑ತ್ನ॒ಧಾ ಯೋನಿ॑ಮೃ॒ತಸ್ಯ॑ ಸೀದ॒ಸ್ಯುತ್ಸೋ᳚ ದೇವ ಹಿರ॒ಣ್ಯಯಃ॑ || 9.107.4
ದು॒ಹಾ॒ನ ಊಧ॑ರ್ದಿ॒ವ್ಯಂ ಮಧು॑ ಪ್ರಿ॒ಯಂ ಪ್ರ॒ತ್ನಂ ಸ॒ಧಸ್ಥ॒ಮಾಸ॑ದತ್ |
ಆ॒ಪೃಚ್ಛ್ಯಂ᳚ ಧ॒ರುಣಂ᳚ ವಾ॒ಜ್ಯ॑ರ್ಷತಿ॒ ನೃಭಿ॑ರ್ಧೂ॒ತೋ ವಿ॑ಚಕ್ಷ॒ಣಃ || 9.107.5
ಪು॒ನಾ॒ನಃ ಸೋ᳚ಮ॒ ಜಾಗೃ॑ವಿ॒ರವ್ಯೋ॒ ವಾರೇ॒ ಪರಿ॑ ಪ್ರಿ॒ಯಃ |
ತ್ವಂ ವಿಪ್ರೋ᳚ ಅಭ॒ವೋಽಙ್ಗಿ॑ರಸ್ತಮೋ॒ ಮಧ್ವಾ᳚ ಯ॒ಜ್ಞಂ ಮಿ॑ಮಿಕ್ಷ ನಃ || 9.107.6
ಸೋಮೋ᳚ ಮೀ॒ಢ್ವಾನ್ಪ॑ವತೇ ಗಾತು॒ವಿತ್ತ॑ಮ॒ ಋಷಿ॒ರ್ವಿಪ್ರೋ᳚ ವಿಚಕ್ಷ॒ಣಃ |
ತ್ವಂ ಕ॒ವಿರ॑ಭವೋ ದೇವ॒ವೀತ॑ಮ॒ ಆ ಸೂರ್ಯಂ᳚ ರೋಹಯೋ ದಿ॒ವಿ || 9.107.7
ಸೋಮ॑ ಉ ಷುವಾ॒ಣಃ ಸೋ॒ತೃಭಿ॒ರಧಿ॒ ಷ್ಣುಭಿ॒ರವೀ᳚ನಾ‌ಮ್ |
ಅಶ್ವ॑ಯೇವ ಹ॒ರಿತಾ᳚ ಯಾತಿ॒ ಧಾರ॑ಯಾ ಮಂ॒ದ್ರಯಾ᳚ ಯಾತಿ॒ ಧಾರ॑ಯಾ || 9.107.8
ಅ॒ನೂ॒ಪೇ ಗೋಮಾ॒ನ್ಗೋಭಿ॑ರಕ್ಷಾಃ॒ ಸೋಮೋ᳚ ದು॒ಗ್ಧಾಭಿ॑ರಕ್ಷಾಃ |
ಸ॒ಮು॒ದ್ರಂ ನ ಸಂ॒ವರ॑ಣಾನ್ಯಗ್ಮನ್ಮಂ॒ದೀ ಮದಾ᳚ಯ ತೋಶತೇ || 9.107.9
ಆ ಸೋ᳚ಮ ಸುವಾ॒ನೋ ಅದ್ರಿ॑ಭಿಸ್ತಿ॒ರೋ ವಾರಾ᳚ಣ್ಯ॒ವ್ಯಯಾ᳚ |
ಜನೋ॒ ನ ಪು॒ರಿ ಚ॒ಮ್ವೋ᳚ರ್ವಿಶ॒ದ್ಧರಿಃ॒ ಸದೋ॒ ವನೇ᳚ಷು ದಧಿಷೇ || 9.107.10
ಸ ಮಾ᳚ಮೃಜೇ ತಿ॒ರೋ ಅಣ್ವಾ᳚ನಿ ಮೇ॒ಷ್ಯೋ᳚ ಮೀ॒ಳ್ಹೇ ಸಪ್ತಿ॒ರ್ನ ವಾ᳚ಜ॒ಯುಃ |
ಅ॒ನು॒ಮಾದ್ಯಃ॒ ಪವ॑ಮಾನೋ ಮನೀ॒ಷಿಭಿಃ॒ ಸೋಮೋ॒ ವಿಪ್ರೇ᳚ಭಿ॒ರ್‌ಋಕ್ವ॑ಭಿಃ || 9.107.11
ಪ್ರ ಸೋ᳚ಮ ದೇ॒ವವೀ᳚ತಯೇ॒ ಸಿಂಧು॒ರ್ನ ಪಿ॑ಪ್ಯೇ॒ ಅರ್ಣ॑ಸಾ |
ಅಂ॒ಶೋಃ ಪಯ॑ಸಾ ಮದಿ॒ರೋ ನ ಜಾಗೃ॑ವಿ॒ರಚ್ಛಾ॒ ಕೋಶಂ᳚ ಮಧು॒ಶ್ಚುತ‌ಮ್᳚ || 9.107.12
ಆ ಹ᳚ರ್ಯ॒ತೋ ಅರ್ಜು॑ನೇ॒ ಅತ್ಕೇ᳚ ಅವ್ಯತ ಪ್ರಿ॒ಯಃ ಸೂ॒ನುರ್ನ ಮರ್ಜ್ಯಃ॑ |
ತಮೀಂ᳚ ಹಿನ್ವ‌ನ್ತ್ಯ॒ಪಸೋ॒ ಯಥಾ॒ ರಥಂ᳚ ನ॒ದೀಷ್ವಾ ಗಭ॑ಸ್ತ್ಯೋಃ || 9.107.13
ಅ॒ಭಿ ಸೋಮಾ᳚ಸ ಆ॒ಯವಃ॒ ಪವ᳚‌ನ್ತೇ॒ ಮದ್ಯಂ॒ ಮದ‌ಮ್᳚ |
ಸ॒ಮು॒ದ್ರಸ್ಯಾಧಿ॑ ವಿ॒ಷ್ಟಪಿ॑ ಮನೀ॒ಷಿಣೋ᳚ ಮತ್ಸ॒ರಾಸಃ॑ ಸ್ವ॒ರ್ವಿದಃ॑ || 9.107.14
ತರ॑ತ್ಸಮು॒ದ್ರಂ ಪವ॑ಮಾನ ಊ॒ರ್ಮಿಣಾ॒ ರಾಜಾ᳚ ದೇ॒ವ ಋ॒ತಂ ಬೃ॒ಹತ್ |
ಅರ್ಷ᳚ನ್ಮಿ॒ತ್ರಸ್ಯ॒ ವರು॑ಣಸ್ಯ॒ ಧರ್ಮ॑ಣಾ॒ ಪ್ರ ಹಿ᳚ನ್ವಾ॒ನ ಋ॒ತಂ ಬೃ॒ಹತ್ || 9.107.15
ನೃಭಿ᳚ರ್ಯೇಮಾ॒ನೋ ಹ᳚ರ್ಯ॒ತೋ ವಿ॑ಚಕ್ಷ॒ಣೋ ರಾಜಾ᳚ ದೇ॒ವಃ ಸ॑ಮು॒ದ್ರಿಯಃ॑ || 9.107.16
ಇಂದ್ರಾ᳚ಯ ಪವತೇ॒ ಮದಃ॒ ಸೋಮೋ᳚ ಮ॒ರುತ್ವ॑ತೇ ಸು॒ತಃ |
ಸ॒ಹಸ್ರ॑ಧಾರೋ॒ ಅತ್ಯವ್ಯ॑ಮರ್ಷತಿ॒ ತಮೀ᳚ ಮೃಜ‌ನ್ತ್ಯಾ॒ಯವಃ॑ || 9.107.17
ಪು॒ನಾ॒ನಶ್ಚ॒ಮೂ ಜ॒ನಯ᳚ನ್ಮ॒ತಿಂ ಕ॒ವಿಃ ಸೋಮೋ᳚ ದೇ॒ವೇಷು॑ ರಣ್ಯತಿ |
ಅ॒ಪೋ ವಸಾ᳚ನಃ॒ ಪರಿ॒ ಗೋಭಿ॒ರುತ್ತ॑ರಃ॒ ಸೀದ॒ನ್ವನೇ᳚ಷ್ವವ್ಯತ || 9.107.18
ತವಾ॒ಹಂ ಸೋ᳚ಮ ರಾರಣ ಸ॒ಖ್ಯ ಇಂ᳚ದೋ ದಿ॒ವೇದಿ॑ವೇ |
ಪು॒ರೂಣಿ॑ ಬಭ್ರೋ॒ ನಿ ಚ॑ರ‌ನ್ತಿ॒ ಮಾಮವ॑ ಪರಿ॒ಧೀಁರತಿ॒ ತಾಁ ಇ॑ಹಿ || 9.107.19
ಉ॒ತಾಹಂ ನಕ್ತ॑ಮು॒ತ ಸೋ᳚ಮ ತೇ॒ ದಿವಾ᳚ ಸ॒ಖ್ಯಾಯ॑ ಬಭ್ರ॒ ಊಧ॑ನಿ |
ಘೃ॒ಣಾ ತಪ᳚‌ನ್ತ॒ಮತಿ॒ ಸೂರ್ಯಂ᳚ ಪ॒ರಃ ಶ॑ಕು॒ನಾ ಇ॑ವ ಪಪ್ತಿಮ || 9.107.20
ಮೃ॒ಜ್ಯಮಾ᳚ನಃ ಸುಹಸ್ತ್ಯ ಸಮು॒ದ್ರೇ ವಾಚ॑ಮಿನ್ವಸಿ |
ರ॒ಯಿಂ ಪಿ॒ಶಂಗಂ᳚ ಬಹು॒ಲಂ ಪು॑ರು॒ಸ್ಪೃಹಂ॒ ಪವ॑ಮಾನಾ॒ಭ್ಯ॑ರ್ಷಸಿ || 9.107.21
ಮೃ॒ಜಾ॒ನೋ ವಾರೇ॒ ಪವ॑ಮಾನೋ ಅ॒ವ್ಯಯೇ॒ ವೃಷಾವ॑ ಚಕ್ರದೋ॒ ವನೇ᳚ |
ದೇ॒ವಾನಾಂ᳚ ಸೋಮ ಪವಮಾನ ನಿಷ್ಕೃ॒ತಂ ಗೋಭಿ॑ರಂಜಾ॒ನೋ ಅ॑ರ್ಷಸಿ || 9.107.22
ಪವ॑ಸ್ವ॒ ವಾಜ॑ಸಾತಯೇ॒ಽಭಿ ವಿಶ್ವಾ᳚ನಿ॒ ಕಾವ್ಯಾ᳚ |
ತ್ವಂ ಸ॑ಮು॒ದ್ರಂ ಪ್ರ॑ಥ॒ಮೋ ವಿ ಧಾ᳚ರಯೋ ದೇ॒ವೇಭ್ಯಃ॑ ಸೋಮ ಮತ್ಸ॒ರಃ || 9.107.23
ಸ ತೂ ಪ॑ವಸ್ವ॒ ಪರಿ॒ ಪಾರ್ಥಿ॑ವಂ॒ ರಜೋ᳚ ದಿ॒ವ್ಯಾ ಚ॑ ಸೋಮ॒ ಧರ್ಮ॑ಭಿಃ |
ತ್ವಾಂ ವಿಪ್ರಾ᳚ಸೋ ಮ॒ತಿಭಿ᳚ರ್ವಿಚಕ್ಷಣ ಶು॒ಭ್ರಂ ಹಿ᳚ನ್ವ‌ನ್ತಿ ಧೀ॒ತಿಭಿಃ॑ || 9.107.24
ಪವ॑ಮಾನಾ ಅಸೃಕ್ಷತ ಪ॒ವಿತ್ರ॒ಮತಿ॒ ಧಾರ॑ಯಾ |
ಮ॒ರುತ್ವ᳚‌ನ್ತೋ ಮತ್ಸ॒ರಾ ಇಂ᳚ದ್ರಿ॒ಯಾ ಹಯಾ᳚ ಮೇ॒ಧಾಮ॒ಭಿ ಪ್ರಯಾಂ᳚ಸಿ ಚ || 9.107.25
ಅ॒ಪೋ ವಸಾ᳚ನಃ॒ ಪರಿ॒ ಕೋಶ॑ಮರ್ಷ॒ತೀಂದು॑ರ್ಹಿಯಾ॒ನಃ ಸೋ॒ತೃಭಿಃ॑ |
ಜ॒ನಯಂ॒ಜ್ಯೋತಿ᳚ರ್ಮಂ॒ದನಾ᳚ ಅವೀವಶ॒ದ್ಗಾಃ ಕೃ᳚ಣ್ವಾ॒ನೋ ನ ನಿ॒ರ್ಣಿಜ‌ಮ್᳚ || 9.107.26

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ (1-2) ಪ್ರಥಮಾದ್ವಿತೀಯಯೋಪಁಚೋಃ ಶಾಕ್ತ್ಯೋ ಗೌರಿವೀತಿಃ, (3, 14-16) ತೃತೀಯಾಯಾಶ್ಚತುದರ್ಶ ಯಾದಿತೃಚಸ್ಯ ಚ ವಾಸಿಷ್ಠಃ ಶಕ್ತಿಃ, (45) ಚತುರ್ಥೀಪಂಚಮ್ಯೋರಾಂಗಿರಸ ಊರುಃ, (6-7) ಷಷ್ಠೀಸಪ್ತಮ್ಯೋರ್ಭಾರದ್ವಾಜ ಋಜಿಶ್ವಾ, (8-9) ಅಷ್ಟಮೀನವಮ್ಯೋರಾಂಗಿರಸ ಊರ್ಧ್ವಸಪಾ, (10-11) ದಶಮ್ಯೇಕಾದಶ್ಯೋರಾಂಗಿರಸಃ ಕೃತಯಶಾಃ, (12-13) ದ್ವಾದಶೀತ್ರಯೋದಶ್ಯೋಶ್ಚ ರಾಜರ್ಷಿಣಂಚಯ ಋಷಯಃ, ಪವಮಾನಃ ಸೋಮೋ ದೇವತಾ. ಕಾಕಭಃ ಪ್ರಗಾಥಃ (ವಿಷಮರ್ಚಾಂ ಕಕಪ, ಸಮರ್ಚಾಂ ಸತೋಬೃಹತೀ), (13) ತ್ರಯೋದಶ್ಯಾ ಯವಮಧ್ಯಾ ಗಾಯತ್ರೀ ಛಂದಃ

ಪವ॑ಸ್ವ॒ ಮಧು॑ಮತ್ತಮ॒ ಇಂದ್ರಾ᳚ಯ ಸೋಮ ಕ್ರತು॒ವಿತ್ತ॑ಮೋ॒ ಮದಃ॑ |
ಮಹಿ॑ ದ್ಯು॒ಕ್ಷತ॑ಮೋ॒ ಮದಃ॑ || 9.108.1
ಯಸ್ಯ॑ ತೇ ಪೀ॒ತ್ವಾ ವೃ॑ಷ॒ಭೋ ವೃ॑ಷಾ॒ಯತೇ॒ಽಸ್ಯ ಪೀ॒ತಾ ಸ್ವ॒ರ್ವಿದಃ॑ |
ಸ ಸು॒ಪ್ರಕೇ᳚ತೋ ಅ॒ಭ್ಯ॑ಕ್ರಮೀ॒ದಿಷೋಽಚ್ಛಾ॒ ವಾಜಂ॒ ನೈತ॑ಶಃ || 9.108.2
ತ್ವಂ ಹ್ಯ1॒᳚ಙ್ಗ ದೈವ್ಯಾ॒ ಪವ॑ಮಾನ॒ ಜನಿ॑ಮಾನಿ ದ್ಯು॒ಮತ್ತ॑ಮಃ |
ಅ॒ಮೃ॒ತ॒ತ್ವಾಯ॑ ಘೋ॒ಷಯಃ॑ || 9.108.3
ಯೇನಾ॒ ನವ॑ಗ್ವೋ ದ॒ಧ್ಯಙ್ಙ॑ಪೋರ್ಣು॒ತೇ ಯೇನ॒ ವಿಪ್ರಾ᳚ಸ ಆಪಿ॒ರೇ |
ದೇ॒ವಾನಾಂ᳚ ಸು॒ಮ್ನೇ ಅ॒ಮೃತ॑ಸ್ಯ॒ ಚಾರು॑ಣೋ॒ ಯೇನ॒ ಶ್ರವಾಂ᳚ಸ್ಯಾನ॒ಶುಃ || 9.108.4
ಏ॒ಷ ಸ್ಯ ಧಾರ॑ಯಾ ಸು॒ತೋಽವ್ಯೋ॒ ವಾರೇ᳚ಭಿಃ ಪವತೇ ಮ॒ದಿ‌ನ್ತ॑ಮಃ |
ಕ್ರೀಳ᳚ನ್ನೂ॒ರ್ಮಿರ॒ಪಾಮಿ॑ವ || 9.108.5
ಯ ಉ॒ಸ್ರಿಯಾ॒ ಅಪ್ಯಾ᳚ ಅ॒‌ನ್ತರಶ್ಮ॑ನೋ॒ ನಿರ್ಗಾ ಅಕೃ᳚‌ನ್ತ॒ದೋಜ॑ಸಾ |
ಅ॒ಭಿ ವ್ರ॒ಜಂ ತ॑ತ್ನಿಷೇ॒ ಗವ್ಯ॒ಮಶ್ವ್ಯಂ᳚ ವ॒ರ್ಮೀವ॑ ಧೃಷ್ಣ॒ವಾ ರು॑ಜ || 9.108.6
ಆ ಸೋ᳚ತಾ॒ ಪರಿ॑ ಷಿಂಚ॒ತಾಶ್ವಂ॒ ನ ಸ್ತೋಮ॑ಮ॒ಪ್ತುರಂ᳚ ರಜ॒ಸ್ತುರ‌ಮ್᳚ |
ವ॒ನ॒ಕ್ರ॒ಕ್ಷಮು॑ದ॒ಪ್ರುತ‌ಮ್᳚ || 9.108.7
ಸ॒ಹಸ್ರ॑ಧಾರಂ ವೃಷ॒ಭಂ ಪ॑ಯೋ॒ವೃಧಂ᳚ ಪ್ರಿ॒ಯಂ ದೇ॒ವಾಯ॒ ಜನ್ಮ॑ನೇ |
ಋ॒ತೇನ॒ ಯ ಋ॒ತಜಾ᳚ತೋ ವಿವಾವೃ॒ಧೇ ರಾಜಾ᳚ ದೇ॒ವ ಋ॒ತಂ ಬೃ॒ಹತ್ || 9.108.8
ಅ॒ಭಿ ದ್ಯು॒ಮ್ನಂ ಬೃ॒ಹದ್ಯಶ॒ ಇಷ॑ಸ್ಪತೇ ದಿದೀ॒ಹಿ ದೇ᳚ವ ದೇವ॒ಯುಃ |
ವಿ ಕೋಶಂ᳚ ಮಧ್ಯ॒ಮಂ ಯು॑ವ || 9.108.9
ಆ ವ॑ಚ್ಯಸ್ವ ಸುದಕ್ಷ ಚ॒ಮ್ವೋಃ᳚ ಸು॒ತೋ ವಿ॒ಶಾಂ ವಹ್ನಿ॒ರ್ನ ವಿ॒ಶ್ಪತಿಃ॑ |
ವೃ॒ಷ್ಟಿಂ ದಿ॒ವಃ ಪ॑ವಸ್ವ ರೀ॒ತಿಮ॒ಪಾಂ ಜಿನ್ವಾ॒ ಗವಿ॑ಷ್ಟಯೇ॒ ಧಿಯಃ॑ || 9.108.10
ಏ॒ತಮು॒ ತ್ಯಂ ಮ॑ದ॒ಚ್ಯುತಂ᳚ ಸ॒ಹಸ್ರ॑ಧಾರಂ ವೃಷ॒ಭಂ ದಿವೋ᳚ ದುಹುಃ |
ವಿಶ್ವಾ॒ ವಸೂ᳚ನಿ॒ ಬಿಭ್ರ॑ತ‌ಮ್ || 9.108.11
ವೃಷಾ॒ ವಿ ಜ॑ಜ್ಞೇ ಜ॒ನಯ॒ನ್ನಮ॑ರ್ತ್ಯಃ ಪ್ರ॒ತಪಂ॒ಜ್ಯೋತಿ॑ಷಾ॒ ತಮಃ॑ |
ಸ ಸುಷ್ಟು॑ತಃ ಕ॒ವಿಭಿ᳚ರ್ನಿ॒ರ್ಣಿಜಂ᳚ ದಧೇ ತ್ರಿ॒ಧಾತ್ವ॑ಸ್ಯ॒ ದಂಸ॑ಸಾ || 9.108.12
ಸ ಸು᳚ನ್ವೇ॒ ಯೋ ವಸೂ᳚ನಾಂ॒ ಯೋ ರಾ॒ಯಾಮಾ᳚ನೇ॒ತಾ ಯ ಇಳಾ᳚ನಾ‌ಮ್ |
ಸೋಮೋ॒ ಯಃ ಸು॑ಕ್ಷಿತೀ॒ನಾ‌ಮ್ || 9.108.13
ಯಸ್ಯ॑ ನ॒ ಇಂದ್ರಃ॒ ಪಿಬಾ॒ದ್ಯಸ್ಯ॑ ಮ॒ರುತೋ॒ ಯಸ್ಯ॑ ವಾರ್ಯ॒ಮಣಾ॒ ಭಗಃ॑ |
ಆ ಯೇನ॑ ಮಿ॒ತ್ರಾವರು॑ಣಾ॒ ಕರಾ᳚ಮಹ॒ ಏಂದ್ರ॒ಮವ॑ಸೇ ಮ॒ಹೇ || 9.108.14
ಇಂದ್ರಾ᳚ಯ ಸೋಮ॒ ಪಾತ॑ವೇ॒ ನೃಭಿ᳚ರ್ಯ॒ತಃ ಸ್ವಾ᳚ಯು॒ಧೋ ಮ॒ದಿ‌ನ್ತ॑ಮಃ |
ಪವ॑ಸ್ವ॒ ಮಧು॑ಮತ್ತಮಃ || 9.108.15
ಇಂದ್ರ॑ಸ್ಯ॒ ಹಾರ್ದಿ॑ ಸೋಮ॒ಧಾನ॒ಮಾ ವಿ॑ಶ ಸಮು॒ದ್ರಮಿ॑ವ॒ ಸಿಂಧ॑ವಃ |
ಜುಷ್ಟೋ᳚ ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ᳚ ದಿ॒ವೋ ವಿ॑ಷ್ಟಂ॒ಭ ಉ॑ತ್ತ॒ಮಃ || 9.108.16

(1-22) ದ್ವಾವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯೈಶ್ವರಯೋ ಧಿಷ್ಣ್ಯಾಗ್ನಯ ಋಷಯಃ, ಪವಮಾನಃ ಸೋಮೋ ದೇವತಾ, ದ್ವಿಪದಾ ವಿರಾಟ್ ಛಂದಃ

ಪರಿ॒ ಪ್ರ ಧ॒ನ್ವೇಂದ್ರಾ᳚ಯ ಸೋಮ ಸ್ವಾ॒ದುರ್ಮಿ॒ತ್ರಾಯ॑ ಪೂ॒ಷ್ಣೇ ಭಗಾ᳚ಯ || 9.109.1
ಇಂದ್ರ॑ಸ್ತೇ ಸೋಮ ಸು॒ತಸ್ಯ॑ ಪೇಯಾಃ॒ ಕ್ರತ್ವೇ॒ ದಕ್ಷಾ᳚ಯ॒ ವಿಶ್ವೇ᳚ ಚ ದೇ॒ವಾಃ || 9.109.2
ಏ॒ವಾಮೃತಾ᳚ಯ ಮ॒ಹೇ ಕ್ಷಯಾ᳚ಯ॒ ಸ ಶು॒ಕ್ರೋ ಅ॑ರ್ಷ ದಿ॒ವ್ಯಃ ಪೀ॒ಯೂಷಃ॑ || 9.109.3
ಪವ॑ಸ್ವ ಸೋಮ ಮ॒ಹಾ‌‌ನ್ತ್ಸ॑ಮು॒ದ್ರಃ ಪಿ॒ತಾ ದೇ॒ವಾನಾಂ॒ ವಿಶ್ವಾ॒ಭಿ ಧಾಮ॑ || 9.109.4
ಶು॒ಕ್ರಃ ಪ॑ವಸ್ವ ದೇ॒ವೇಭ್ಯಃ॑ ಸೋಮ ದಿ॒ವೇ ಪೃ॑ಥಿ॒ವ್ಯೈ ಶಂ ಚ॑ ಪ್ರ॒ಜಾಯೈ᳚ || 9.109.5
ದಿ॒ವೋ ಧ॒ರ್ತಾಸಿ॑ ಶು॒ಕ್ರಃ ಪೀ॒ಯೂಷಃ॑ ಸ॒ತ್ಯೇ ವಿಧ᳚ರ್ಮನ್ವಾ॒ಜೀ ಪ॑ವಸ್ವ || 9.109.6
ಪವ॑ಸ್ವ ಸೋಮ ದ್ಯು॒ಮ್ನೀ ಸು॑ಧಾ॒ರೋ ಮ॒ಹಾಮವೀ᳚ನಾ॒ಮನು॑ ಪೂ॒ರ್ವ್ಯಃ || 9.109.7
ನೃಭಿ᳚ರ್ಯೇಮಾ॒ನೋ ಜ॑ಜ್ಞಾ॒ನಃ ಪೂ॒ತಃ ಕ್ಷರ॒ದ್ವಿಶ್ವಾ᳚ನಿ ಮಂ॒ದ್ರಃ ಸ್ವ॒ರ್ವಿತ್ || 9.109.8
ಇಂದುಃ॑ ಪುನಾ॒ನಃ ಪ್ರ॒ಜಾಮು॑ರಾ॒ಣಃ ಕರ॒ದ್ವಿಶ್ವಾ᳚ನಿ॒ ದ್ರವಿ॑ಣಾನಿ ನಃ || 9.109.9
ಪವ॑ಸ್ವ ಸೋಮ॒ ಕ್ರತ್ವೇ॒ ದಕ್ಷಾ॒ಯಾಶ್ವೋ॒ ನ ನಿ॒ಕ್ತೋ ವಾ॒ಜೀ ಧನಾ᳚ಯ || 9.109.10
ತಂ ತೇ᳚ ಸೋ॒ತಾರೋ॒ ರಸಂ॒ ಮದಾ᳚ಯ ಪು॒ನ‌ನ್ತಿ॒ ಸೋಮಂ᳚ ಮ॒ಹೇ ದ್ಯು॒ಮ್ನಾಯ॑ || 9.109.11
ಶಿಶುಂ᳚ ಜಜ್ಞಾ॒ನಂ ಹರಿಂ᳚ ಮೃಜ‌ನ್ತಿ ಪ॒ವಿತ್ರೇ॒ ಸೋಮಂ᳚ ದೇ॒ವೇಭ್ಯ॒ ಇಂದು‌ಮ್᳚ || 9.109.12
ಇಂದುಃ॑ ಪವಿಷ್ಟ॒ ಚಾರು॒ರ್ಮದಾ᳚ಯಾ॒ಪಾಮು॒ಪಸ್ಥೇ᳚ ಕ॒ವಿರ್ಭಗಾ᳚ಯ || 9.109.13
ಬಿಭ॑ರ್ತಿ॒ ಚಾರ್ವಿಂದ್ರ॑ಸ್ಯ॒ ನಾಮ॒ ಯೇನ॒ ವಿಶ್ವಾ᳚ನಿ ವೃ॒ತ್ರಾ ಜ॒ಘಾನ॑ || 9.109.14
ಪಿಬ᳚‌ನ್ತ್ಯಸ್ಯ॒ ವಿಶ್ವೇ᳚ ದೇ॒ವಾಸೋ॒ ಗೋಭಿಃ॑ ಶ್ರೀ॒ತಸ್ಯ॒ ನೃಭಿಃ॑ ಸು॒ತಸ್ಯ॑ || 9.109.15
ಪ್ರ ಸು॑ವಾ॒ನೋ ಅ॑ಕ್ಷಾಃ ಸ॒ಹಸ್ರ॑ಧಾರಸ್ತಿ॒ರಃ ಪ॒ವಿತ್ರಂ॒ ವಿ ವಾರ॒ಮವ್ಯ‌ಮ್᳚ || 9.109.16
ಸ ವಾ॒ಜ್ಯ॑ಕ್ಷಾಃ ಸ॒ಹಸ್ರ॑ರೇತಾ ಅ॒ದ್ಭಿರ್ಮೃ॑ಜಾ॒ನೋ ಗೋಭಿಃ॑ ಶ್ರೀಣಾ॒ನಃ || 9.109.17
ಪ್ರ ಸೋ᳚ಮ ಯಾ॒ಹೀಂದ್ರ॑ಸ್ಯ ಕು॒ಕ್ಷಾ ನೃಭಿ᳚ರ್ಯೇಮಾ॒ನೋ ಅದ್ರಿ॑ಭಿಃ ಸು॒ತಃ || 9.109.18
ಅಸ॑ರ್ಜಿ ವಾ॒ಜೀ ತಿ॒ರಃ ಪ॒ವಿತ್ರ॒ಮಿಂದ್ರಾ᳚ಯ॒ ಸೋಮಃ॑ ಸ॒ಹಸ್ರ॑ಧಾರಃ || 9.109.19
ಅಂ॒ಜ‌ನ್ತ್ಯೇ᳚ನಂ॒ ಮಧ್ವೋ॒ ರಸೇ॒ನೇಂದ್ರಾ᳚ಯ॒ ವೃಷ್ಣ॒ ಇಂದುಂ॒ ಮದಾ᳚ಯ || 9.109.20
ದೇ॒ವೇಭ್ಯ॑ಸ್ತ್ವಾ॒ ವೃಥಾ॒ ಪಾಜ॑ಸೇ॒ಽಪೋ ವಸಾ᳚ನಂ॒ ಹರಿಂ᳚ ಮೃಜ‌ನ್ತಿ || 9.109.21
ಇಂದು॒ರಿಂದ್ರಾ᳚ಯ ತೋಶತೇ॒ ನಿ ತೋ᳚ಶತೇ ಶ್ರೀ॒ಣನ್ನು॒ಗ್ರೋ ರಿ॒ಣನ್ನ॒ಪಃ || 9.109.22

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ತ್ರೈವಷ್ಣಸ್ಯರುಣಃ ಪೌರುಕುತ್ಸ್ಯಸ್ತ್ರಸದಸ್ಯುರ್ಷೀ. ಪವಮಾನಃ ಸೋಮೋ ದೇವತಾ, (1-3) ಪ್ರಥಮಾದಿತೃಚಸ್ಯ ಪಿಪೀಲಿಕಮಧ್ಯಾನುಷ್ಟಪ್ , (4-9) ಚತುರ್ಥ್ಯಾದಿತೃಚದ್ವಯಸ್ಯೋರ್ಧ್ವಬಹ ತೀ, (10-12) ದಶಮ್ಯಾದಿತೃಚಸ್ಯ ಚ ವಿರಾಟ್ ಛಂದಾಂಸಿ

ಪರ್ಯೂ॒ ಷು ಪ್ರ ಧ᳚ನ್ವ॒ ವಾಜ॑ಸಾತಯೇ॒ ಪರಿ॑ ವೃ॒ತ್ರಾಣಿ॑ ಸ॒ಕ್ಷಣಿಃ॑ |
ದ್ವಿ॒ಷಸ್ತ॒ರಧ್ಯಾ᳚ ಋಣ॒ಯಾ ನ॑ ಈಯಸೇ || 9.110.1
ಅನು॒ ಹಿ ತ್ವಾ᳚ ಸು॒ತಂ ಸೋ᳚ಮ॒ ಮದಾ᳚ಮಸಿ ಮ॒ಹೇ ಸ॑ಮರ್ಯ॒ರಾಜ್ಯೇ᳚ |
ವಾಜಾಁ᳚ ಅ॒ಭಿ ಪ॑ವಮಾನ॒ ಪ್ರ ಗಾ᳚ಹಸೇ || 9.110.2
ಅಜೀ᳚ಜನೋ॒ ಹಿ ಪ॑ವಮಾನ॒ ಸೂರ್ಯಂ᳚ ವಿ॒ಧಾರೇ॒ ಶಕ್ಮ॑ನಾ॒ ಪಯಃ॑ |
ಗೋಜೀ᳚ರಯಾ॒ ರಂಹ॑ಮಾಣಃ॒ ಪುರಂ᳚ಧ್ಯಾ || 9.110.3
ಅಜೀ᳚ಜನೋ ಅಮೃತ॒ ಮರ್ತ್ಯೇ॒ಷ್ವಾಁ ಋ॒ತಸ್ಯ॒ ಧರ್ಮ᳚ನ್ನ॒ಮೃತ॑ಸ್ಯ॒ ಚಾರು॑ಣಃ |
ಸದಾ᳚ಸರೋ॒ ವಾಜ॒ಮಚ್ಛಾ॒ ಸನಿ॑ಷ್ಯದತ್ || 9.110.4
ಅ॒ಭ್ಯ॑ಭಿ॒ ಹಿ ಶ್ರವ॑ಸಾ ತ॒ತರ್ದಿ॒ಥೋತ್ಸಂ॒ ನ ಕಂ ಚಿ॑ಜ್ಜನ॒ಪಾನ॒ಮಕ್ಷಿ॑ತ‌ಮ್ |
ಶರ್ಯಾ᳚ಭಿ॒ರ್ನ ಭರ॑ಮಾಣೋ॒ ಗಭ॑ಸ್ತ್ಯೋಃ || 9.110.5
ಆದೀಂ॒ ಕೇ ಚಿ॒ತ್ಪಶ್ಯ॑ಮಾನಾಸ॒ ಆಪ್ಯಂ᳚ ವಸು॒ರುಚೋ᳚ ದಿ॒ವ್ಯಾ ಅ॒ಭ್ಯ॑ನೂಷತ |
ವಾರಂ॒ ನ ದೇ॒ವಃ ಸ॑ವಿ॒ತಾ ವ್ಯೂ᳚ರ್ಣುತೇ || 9.110.6
ತ್ವೇ ಸೋ᳚ಮ ಪ್ರಥ॒ಮಾ ವೃ॒ಕ್ತಬ॑ರ್ಹಿಷೋ ಮ॒ಹೇ ವಾಜಾ᳚ಯ॒ ಶ್ರವ॑ಸೇ॒ ಧಿಯಂ᳚ ದಧುಃ |
ಸ ತ್ವಂ ನೋ᳚ ವೀರ ವೀ॒ರ್ಯಾ᳚ಯ ಚೋದಯ || 9.110.7
ದಿ॒ವಃ ಪೀ॒ಯೂಷಂ᳚ ಪೂ॒ರ್ವ್ಯಂ ಯದು॒ಕ್ಥ್ಯಂ᳚ ಮ॒ಹೋ ಗಾ॒ಹಾದ್ದಿ॒ವ ಆ ನಿರ॑ಧುಕ್ಷತ |
ಇಂದ್ರ॑ಮ॒ಭಿ ಜಾಯ॑ಮಾನಂ॒ ಸಮ॑ಸ್ವರನ್ || 9.110.8
ಅಧ॒ ಯದಿ॒ಮೇ ಪ॑ವಮಾನ॒ ರೋದ॑ಸೀ ಇ॒ಮಾ ಚ॒ ವಿಶ್ವಾ॒ ಭುವ॑ನಾ॒ಭಿ ಮ॒ಜ್ಮನಾ᳚ |
ಯೂ॒ಥೇ ನ ನಿ॒ಷ್ಠಾ ವೃ॑ಷ॒ಭೋ ವಿ ತಿ॑ಷ್ಠಸೇ || 9.110.9
ಸೋಮಃ॑ ಪುನಾ॒ನೋ ಅ॒ವ್ಯಯೇ॒ ವಾರೇ॒ ಶಿಶು॒ರ್ನ ಕ್ರೀಳ॒ನ್ಪವ॑ಮಾನೋ ಅಕ್ಷಾಃ |
ಸ॒ಹಸ್ರ॑ಧಾರಃ ಶ॒ತವಾ᳚ಜ॒ ಇಂದುಃ॑ || 9.110.10
ಏ॒ಷ ಪು॑ನಾ॒ನೋ ಮಧು॑ಮಾಁ ಋ॒ತಾವೇಂದ್ರಾ॒ಯೇಂದುಃ॑ ಪವತೇ ಸ್ವಾ॒ದುರೂ॒ರ್ಮಿಃ |
ವಾ॒ಜ॒ಸನಿ᳚ರ್ವರಿವೋ॒ವಿದ್ವ॑ಯೋ॒ಧಾಃ || 9.110.11
ಸ ಪ॑ವಸ್ವ॒ ಸಹ॑ಮಾನಃ ಪೃತ॒ನ್ಯೂ‌‌ನ್ತ್ಸೇಧ॒ನ್ರಕ್ಷಾಂ॒ಸ್ಯಪ॑ ದು॒ರ್ಗಹಾ᳚ಣಿ |
ಸ್ವಾ॒ಯು॒ಧಃ ಸಾ᳚ಸ॒ಹ್ವಾ‌‌ನ್ತ್ಸೋ᳚ಮ॒ ಶತ್ರೂನ್॑ || 9.110.12

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಪಾರುಚ್ಛೇಪಿರನಾನತ ಋಷಿಃ, ಪವಮಾನಃ ಸೋಮೋ ದೇವತಾ, ಅತ್ಯಷ್ಟಿಶ್ಛಂದಃ

ಅ॒ಯಾ ರು॒ಚಾ ಹರಿ᳚ಣ್ಯಾ ಪುನಾ॒ನೋ ವಿಶ್ವಾ॒ ದ್ವೇಷಾಂ᳚ಸಿ ತರತಿ ಸ್ವ॒ಯುಗ್ವ॑ಭಿಃ॒ ಸೂರೋ॒ ನ ಸ್ವ॒ಯುಗ್ವ॑ಭಿಃ |
ಧಾರಾ᳚ ಸು॒ತಸ್ಯ॑ ರೋಚತೇ ಪುನಾ॒ನೋ ಅ॑ರು॒ಷೋ ಹರಿಃ॑ |
ವಿಶ್ವಾ॒ ಯದ್ರೂ॒ಪಾ ಪ॑ರಿ॒ಯಾತ್ಯೃಕ್ವ॑ಭಿಃ ಸ॒ಪ್ತಾಸ್ಯೇ᳚ಭಿ॒ರ್‌ಋಕ್ವ॑ಭಿಃ || 9.111.1
ತ್ವಂ ತ್ಯತ್ಪ॑ಣೀ॒ನಾಂ ವಿ॑ದೋ॒ ವಸು॒ ಸಂ ಮಾ॒ತೃಭಿ᳚ರ್ಮರ್ಜಯಸಿ॒ ಸ್ವ ಆ ದಮ॑ ಋ॒ತಸ್ಯ॑ ಧೀ॒ತಿಭಿ॒ರ್ದಮೇ᳚ |
ಪ॒ರಾ॒ವತೋ॒ ನ ಸಾಮ॒ ತದ್ಯತ್ರಾ॒ ರಣ᳚‌ನ್ತಿ ಧೀ॒ತಯಃ॑ |
ತ್ರಿ॒ಧಾತು॑ಭಿ॒ರರು॑ಷೀಭಿ॒ರ್ವಯೋ᳚ ದಧೇ॒ ರೋಚ॑ಮಾನೋ॒ ವಯೋ᳚ ದಧೇ || 9.111.2
ಪೂರ್ವಾ॒ಮನು॑ ಪ್ರ॒ದಿಶಂ᳚ ಯಾತಿ॒ ಚೇಕಿ॑ತ॒ತ್ಸಂ ರ॒ಶ್ಮಿಭಿ᳚ರ್ಯತತೇ ದರ್ಶ॒ತೋ ರಥೋ॒ ದೈವ್ಯೋ᳚ ದರ್ಶ॒ತೋ ರಥಃ॑ |
ಅಗ್ಮ᳚ನ್ನು॒ಕ್ಥಾನಿ॒ ಪೌಂಸ್ಯೇಂದ್ರಂ॒ ಜೈತ್ರಾ᳚ಯ ಹರ್ಷಯನ್ |
ವಜ್ರ॑ಶ್ಚ॒ ಯದ್ಭವ॑ಥೋ॒ ಅನ॑ಪಚ್ಯುತಾ ಸ॒ಮತ್ಸ್ವನ॑ಪಚ್ಯುತಾ || 9.111.3

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಶಿಶುಋಷಿಃ, ಪವಮಾನಃ ಸೋಮೋ ದೇವತಾ. ಪತಿಶ್ಛಂದಃ

ನಾ॒ನಾ॒ನಂ ವಾ ಉ॑ ನೋ॒ ಧಿಯೋ॒ ವಿ ವ್ರ॒ತಾನಿ॒ ಜನಾ᳚ನಾ‌ಮ್ |
ತಕ್ಷಾ᳚ ರಿ॒ಷ್ಟಂ ರು॒ತಂ ಭಿ॒ಷಗ್ಬ್ರ॒ಹ್ಮಾ ಸು॒ನ್ವ‌ನ್ತ॑ಮಿಚ್ಛ॒ತೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.112.1
ಜರ॑ತೀಭಿ॒ರೋಷ॑ಧೀಭಿಃ ಪ॒ರ್ಣೇಭಿಃ॑ ಶಕು॒ನಾನಾ‌ಮ್᳚ |
ಕಾ॒ರ್ಮಾ॒ರೋ ಅಶ್ಮ॑ಭಿ॒ರ್ದ್ಯುಭಿ॒ರ್ಹಿರ᳚ಣ್ಯವ‌ನ್ತಮಿಚ್ಛ॒ತೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.112.2
ಕಾ॒ರುರ॒ಹಂ ತ॒ತೋ ಭಿ॒ಷಗು॑ಪಲಪ್ರ॒ಕ್ಷಿಣೀ᳚ ನ॒ನಾ |
ನಾನಾ᳚ಧಿಯೋ ವಸೂ॒ಯವೋಽನು॒ ಗಾ ಇ॑ವ ತಸ್ಥಿ॒ಮೇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.112.3
ಅಶ್ವೋ॒ ವೋಳ್ಹಾ᳚ ಸು॒ಖಂ ರಥಂ᳚ ಹಸ॒ನಾಮು॑ಪಮ॒‌ನ್ತ್ರಿಣಃ॑ |
ಶೇಪೋ॒ ರೋಮ᳚ಣ್ವ‌ನ್ತೌ ಭೇ॒ದೌ ವಾರಿನ್ಮಂ॒ಡೂಕ॑ ಇಚ್ಛ॒ತೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.112.4

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ, ಪವಮಾನಃ ಸೋಮೋ ದೇವತಾ. ಪತಿಶ್ಛಂದಃ

ಶ॒ರ್ಯ॒ಣಾವ॑ತಿ॒ ಸೋಮ॒ಮಿಂದ್ರಃ॑ ಪಿಬತು ವೃತ್ರ॒ಹಾ |
ಬಲಂ॒ ದಧಾ᳚ನ ಆ॒ತ್ಮನಿ॑ ಕರಿ॒ಷ್ಯನ್ವೀ॒ರ್ಯಂ᳚ ಮ॒ಹದಿಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.1
ಆ ಪ॑ವಸ್ವ ದಿಶಾಂ ಪತ ಆರ್ಜೀ॒ಕಾತ್ಸೋ᳚ಮ ಮೀಢ್ವಃ |
ಋ॒ತ॒ವಾ॒ಕೇನ॑ ಸ॒ತ್ಯೇನ॑ ಶ್ರ॒ದ್ಧಯಾ॒ ತಪ॑ಸಾ ಸು॒ತ ಇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.2
ಪ॒ರ್ಜನ್ಯ॑ವೃದ್ಧಂ ಮಹಿ॒ಷಂ ತಂ ಸೂರ್ಯ॑ಸ್ಯ ದುಹಿ॒ತಾಭ॑ರತ್ |
ತಂ ಗಂ᳚ಧ॒ರ್ವಾಃ ಪ್ರತ್ಯ॑ಗೃಭ್ಣ॒‌ನ್ತಂ ಸೋಮೇ॒ ರಸ॒ಮಾದ॑ಧು॒ರಿಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.3
ಋ॒ತಂ ವದ᳚ನ್ನೃತದ್ಯುಮ್ನ ಸ॒ತ್ಯಂ ವದ᳚‌‌ನ್ತ್ಸತ್ಯಕರ್ಮನ್ |
ಶ್ರ॒ದ್ಧಾಂ ವದ᳚‌‌ನ್ತ್ಸೋಮ ರಾಜಂಧಾ॒ತ್ರಾ ಸೋ᳚ಮ॒ ಪರಿ॑ಷ್ಕೃತ॒ ಇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.4
ಸ॒ತ್ಯಮು॑ಗ್ರಸ್ಯ ಬೃಹ॒ತಃ ಸಂ ಸ್ರ॑ವ‌ನ್ತಿ ಸಂಸ್ರ॒ವಾಃ |
ಸಂ ಯ᳚‌ನ್ತಿ ರ॒ಸಿನೋ॒ ರಸಾಃ᳚ ಪುನಾ॒ನೋ ಬ್ರಹ್ಮ॑ಣಾ ಹರ॒ ಇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.5
ಯತ್ರ॑ ಬ್ರ॒ಹ್ಮಾ ಪ॑ವಮಾನ ಛಂದ॒ಸ್ಯಾಂ॒3॒॑ ವಾಚಂ॒ ವದನ್॑ |
ಗ್ರಾವ್ಣಾ॒ ಸೋಮೇ᳚ ಮಹೀ॒ಯತೇ॒ ಸೋಮೇ᳚ನಾನಂ॒ದಂ ಜ॒ನಯ॒ನ್ನಿಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.6
ಯತ್ರ॒ ಜ್ಯೋತಿ॒ರಜ॑ಸ್ರಂ॒ ಯಸ್ಮಿಁ॑ಲ್ಲೋ॒ಕೇ ಸ್ವ॑ರ್ಹಿ॒ತ‌ಮ್ |
ತಸ್ಮಿ॒ನ್ಮಾಂ ಧೇ᳚ಹಿ ಪವಮಾನಾ॒ಮೃತೇ᳚ ಲೋ॒ಕೇ ಅಕ್ಷಿ॑ತ॒ ಇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.7
ಯತ್ರ॒ ರಾಜಾ᳚ ವೈವಸ್ವ॒ತೋ ಯತ್ರಾ᳚ವ॒ರೋಧ॑ನಂ ದಿ॒ವಃ |
ಯತ್ರಾ॒ಮೂರ್ಯ॒ಹ್ವತೀ॒ರಾಪ॒ಸ್ತತ್ರ॒ ಮಾಮ॒ಮೃತಂ᳚ ಕೃ॒ಧೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.8
ಯತ್ರಾ᳚ನುಕಾ॒ಮಂ ಚರ॑ಣಂ ತ್ರಿನಾ॒ಕೇ ತ್ರಿ॑ದಿ॒ವೇ ದಿ॒ವಃ |
ಲೋ॒ಕಾ ಯತ್ರ॒ ಜ್ಯೋತಿ॑ಷ್ಮ‌ನ್ತ॒ಸ್ತತ್ರ॒ ಮಾಮ॒ಮೃತಂ᳚ ಕೃ॒ಧೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.9
ಯತ್ರ॒ ಕಾಮಾ᳚ ನಿಕಾ॒ಮಾಶ್ಚ॒ ಯತ್ರ॑ ಬ್ರ॒ಧ್ನಸ್ಯ॑ ವಿ॒ಷ್ಟಪ‌ಮ್᳚ |
ಸ್ವ॒ಧಾ ಚ॒ ಯತ್ರ॒ ತೃಪ್ತಿ॑ಶ್ಚ॒ ತತ್ರ॒ ಮಾಮ॒ಮೃತಂ᳚ ಕೃ॒ಧೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.10
ಯತ್ರಾ᳚ನಂ॒ದಾಶ್ಚ॒ ಮೋದಾ᳚ಶ್ಚ॒ ಮುದಃ॑ ಪ್ರ॒ಮುದ॒ ಆಸ॑ತೇ |
ಕಾಮ॑ಸ್ಯ॒ ಯತ್ರಾ॒ಪ್ತಾಃ ಕಾಮಾ॒ಸ್ತತ್ರ॒ ಮಾಮ॒ಮೃತಂ᳚ ಕೃ॒ಧೀಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.113.11

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ, ಪವಮಾನಃ ಸೋಮೋ ದೇವತಾ, ಪಂಕ್ತಿಶ್ಛಂದಃ

ಯ ಇಂದೋಃ॒ ಪವ॑ಮಾನ॒ಸ್ಯಾನು॒ ಧಾಮಾ॒ನ್ಯಕ್ರ॑ಮೀತ್ |
ತಮಾ᳚ಹುಃ ಸುಪ್ರ॒ಜಾ ಇತಿ॒ ಯಸ್ತೇ᳚ ಸೋ॒ಮಾವಿ॑ಧ॒ನ್ಮನ॒ ಇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.114.1
ಋಷೇ᳚ ಮ‌ನ್ತ್ರ॒ಕೃತಾಂ॒ ಸ್ತೋಮೈಃ॒ ಕಶ್ಯ॑ಪೋದ್ವ॒ರ್ಧಯ॒ನ್ಗಿರಃ॑ |
ಸೋಮಂ᳚ ನಮಸ್ಯ॒ ರಾಜಾ᳚ನಂ॒ ಯೋ ಜ॒ಜ್ಞೇ ವೀ॒ರುಧಾಂ॒ ಪತಿ॒ರಿಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.114.2
ಸ॒ಪ್ತ ದಿಶೋ॒ ನಾನಾ᳚ಸೂರ್ಯಾಃ ಸ॒ಪ್ತ ಹೋತಾ᳚ರ ಋ॒ತ್ವಿಜಃ॑ |
ದೇ॒ವಾ ಆ᳚ದಿ॒ತ್ಯಾ ಯೇ ಸ॒ಪ್ತ ತೇಭಿಃ॑ ಸೋಮಾ॒ಭಿ ರ॑ಕ್ಷ ನ॒ ಇಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.114.3
ಯತ್ತೇ᳚ ರಾಜಂಛೃ॒ತಂ ಹ॒ವಿಸ್ತೇನ॑ ಸೋಮಾ॒ಭಿ ರ॑ಕ್ಷ ನಃ |
ಅ॒ರಾ॒ತೀ॒ವಾ ಮಾ ನ॑ಸ್ತಾರೀ॒ನ್ಮೋ ಚ॑ ನಃ॒ ಕಿಂ ಚ॒ನಾಮ॑ಮ॒ದಿಂದ್ರಾ᳚ಯೇಂದೋ॒ ಪರಿ॑ ಸ್ರವ || 9.114.4

|| ಇತಿ ಋಗ್ವೇದ ಮಂಡಲಮ್-೯ ||

|| ಅಥ ಋಗ್ವೇದ ಮಂಡಲಮ್-೧೦ ||

|| ವೇದ ಪುರುಷ ಪ್ರೀತ್ಯರ್ಥೇ ಪಾರಾಯಣೇ ವಿನಿಯೋಗಃ || ಹರಿಃ ಓಂ ||

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಗ್ರೇ᳚ ಬೃ॒ಹನ್ನು॒ಷಸಾ᳚ಮೂ॒ರ್ಧ್ವೋ ಅ॑ಸ್ಥಾನ್ನಿರ್ಜಗ॒ನ್ವಾ‌ನ್ತಮ॑ಸೋ॒ ಜ್ಯೋತಿ॒ಷಾಗಾ᳚ತ್ | ಅ॒ಗ್ನಿರ್ಭಾ॒ನುನಾ॒ ರುಶ॑ತಾ॒ ಸ್ವಂಗ॒ ಆ ಜಾ॒ತೋ ವಿಶ್ವಾ॒ ಸದ್ಮಾ᳚ನ್ಯಪ್ರಾಃ || 10.1.1
ಸ ಜಾ॒ತೋ ಗರ್ಭೋ᳚ ಅಸಿ॒ ರೋದ॑ಸ್ಯೋ॒ರಗ್ನೇ॒ ಚಾರು॒ರ್ವಿಭೃ॑ತ॒ ಓಷ॑ಧೀಷು | ಚಿ॒ತ್ರಃ ಶಿಶುಃ॒ ಪರಿ॒ ತಮಾಂ᳚ಸ್ಯ॒ಕ್ತೂನ್ಪ್ರ ಮಾ॒ತೃಭ್ಯೋ॒ ಅಧಿ॒ ಕನಿ॑ಕ್ರದದ್ಗಾಃ || 10.1.2
ವಿಷ್ಣು॑ರಿ॒ತ್ಥಾ ಪ॑ರ॒ಮಮ॑ಸ್ಯ ವಿ॒ದ್ವಾಂಜಾ॒ತೋ ಬೃ॒ಹನ್ನ॒ಭಿ ಪಾ᳚ತಿ ತೃ॒ತೀಯ‌ಮ್᳚ | ಆ॒ಸಾ ಯದ॑ಸ್ಯ॒ ಪಯೋ॒ ಅಕ್ರ॑ತ॒ ಸ್ವಂ ಸಚೇ᳚ತಸೋ ಅ॒ಭ್ಯ॑ರ್ಚ॒‌ನ್ತ್ಯತ್ರ॑ || 10.1.3
ಅತ॑ ಉ ತ್ವಾ ಪಿತು॒ಭೃತೋ॒ ಜನಿ॑ತ್ರೀರನ್ನಾ॒ವೃಧಂ॒ ಪ್ರತಿ॑ ಚರ॒‌ನ್ತ್ಯನ್ನೈಃ᳚ | ತಾ ಈಂ॒ ಪ್ರತ್ಯೇ᳚ಷಿ॒ ಪುನ॑ರ॒ನ್ಯರೂ᳚ಪಾ॒ ಅಸಿ॒ ತ್ವಂ ವಿ॒ಕ್ಷು ಮಾನು॑ಷೀಷು॒ ಹೋತಾ᳚ || 10.1.4
ಹೋತಾ᳚ರಂ ಚಿ॒ತ್ರರ॑ಥಮಧ್ವ॒ರಸ್ಯ॑ ಯ॒ಜ್ಞಸ್ಯ॑ಯಜ್ಞಸ್ಯ ಕೇ॒ತುಂ ರುಶ᳚‌ನ್ತ‌ಮ್ | ಪ್ರತ್ಯ॑ರ್ಧಿಂ ದೇ॒ವಸ್ಯ॑ದೇವಸ್ಯ ಮ॒ಹ್ನಾ ಶ್ರಿ॒ಯಾ ತ್ವ1॒॑ಗ್ನಿಮತಿ॑ಥಿಂ॒ ಜನಾ᳚ನಾ‌ಮ್ || 10.1.5
ಸ ತು ವಸ್ತ್ರಾ॒ಣ್ಯಧ॒ ಪೇಶ॑ನಾನಿ॒ ವಸಾ᳚ನೋ ಅ॒ಗ್ನಿರ್ನಾಭಾ᳚ ಪೃಥಿ॒ವ್ಯಾಃ | ಅ॒ರು॒ಷೋ ಜಾ॒ತಃ ಪ॒ದ ಇಳಾ᳚ಯಾಃ ಪು॒ರೋಹಿ॑ತೋ ರಾಜನ್ಯಕ್ಷೀ॒ಹ ದೇ॒ವಾನ್ || 10.1.6
ಆ ಹಿ ದ್ಯಾವಾ᳚ಪೃಥಿ॒ವೀ ಅ॑ಗ್ನ ಉ॒ಭೇ ಸದಾ᳚ ಪು॒ತ್ರೋ ನ ಮಾ॒ತರಾ᳚ ತ॒ತ‌ನ್ಥ॑ | ಪ್ರ ಯಾ॒ಹ್ಯಚ್ಛೋ᳚ಶ॒ತೋ ಯ॑ವಿ॒ಷ್ಠಾಥಾ ವ॑ಹ ಸಹಸ್ಯೇ॒ಹ ದೇ॒ವಾನ್ || 10.1.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪಿ॒ಪ್ರೀ॒ಹಿ ದೇ॒ವಾಁ ಉ॑ಶ॒ತೋ ಯ॑ವಿಷ್ಠ ವಿ॒ದ್ವಾಁ ಋ॒ತೂಁರ್‌ಋ॑ತುಪತೇ ಯಜೇ॒ಹ | ಯೇ ದೈವ್ಯಾ᳚ ಋ॒ತ್ವಿಜ॒ಸ್ತೇಭಿ॑ರಗ್ನೇ॒ ತ್ವಂ ಹೋತೄ᳚ಣಾಮ॒ಸ್ಯಾಯ॑ಜಿಷ್ಠಃ || 10.2.1
ವೇಷಿ॑ ಹೋ॒ತ್ರಮು॒ತ ಪೋ॒ತ್ರಂ ಜನಾ᳚ನಾಂ ಮಂಧಾ॒ತಾಸಿ॑ ದ್ರವಿಣೋ॒ದಾ ಋ॒ತಾವಾ᳚ | ಸ್ವಾಹಾ᳚ ವ॒ಯಂ ಕೃ॒ಣವಾ᳚ಮಾ ಹ॒ವೀಂಷಿ॑ ದೇ॒ವೋ ದೇ॒ವಾನ್ಯ॑ಜತ್ವ॒ಗ್ನಿರರ್ಹನ್॑ || 10.2.2
ಆ ದೇ॒ವಾನಾ॒ಮಪಿ॒ ಪ‌ನ್ಥಾ᳚ಮಗನ್ಮ॒ ಯಚ್ಛ॒ಕ್ನವಾ᳚ಮ॒ ತದನು॒ ಪ್ರವೋ᳚ಳ್ಹು‌ಮ್ | ಅ॒ಗ್ನಿರ್ವಿ॒ದ್ವಾ‌‌ನ್ತ್ಸ ಯ॑ಜಾ॒ತ್ಸೇದು॒ ಹೋತಾ॒ ಸೋ ಅ॑ಧ್ವ॒ರಾ‌‌ನ್ತ್ಸ ಋ॒ತೂನ್ಕ॑ಲ್ಪಯಾತಿ || 10.2.3
ಯದ್ವೋ᳚ ವ॒ಯಂ ಪ್ರ॑ಮಿ॒ನಾಮ᳚ ವ್ರ॒ತಾನಿ॑ ವಿ॒ದುಷಾಂ᳚ ದೇವಾ॒ ಅವಿ॑ದುಷ್ಟರಾಸಃ | ಅ॒ಗ್ನಿಷ್ಟದ್ವಿಶ್ವ॒ಮಾ ಪೃ॑ಣಾತಿ ವಿ॒ದ್ವಾನ್ಯೇಭಿ॑ರ್ದೇ॒ವಾಁ ಋ॒ತುಭಿಃ॑ ಕ॒ಲ್ಪಯಾ᳚ತಿ || 10.2.4
ಯತ್ಪಾ᳚ಕ॒ತ್ರಾ ಮನ॑ಸಾ ದೀ॒ನದ॑ಕ್ಷಾ॒ ನ ಯ॒ಜ್ಞಸ್ಯ॑ ಮನ್ವ॒ತೇ ಮರ್ತ್ಯಾ᳚ಸಃ | ಅ॒ಗ್ನಿಷ್ಟದ್ಧೋತಾ᳚ ಕ್ರತು॒ವಿದ್ವಿ॑ಜಾ॒ನನ್ಯಜಿ॑ಷ್ಠೋ ದೇ॒ವಾಁ ಋ॑ತು॒ಶೋ ಯ॑ಜಾತಿ || 10.2.5
ವಿಶ್ವೇ᳚ಷಾಂ॒ ಹ್ಯ॑ಧ್ವ॒ರಾಣಾ॒ಮನೀ᳚ಕಂ ಚಿ॒ತ್ರಂ ಕೇ॒ತುಂ ಜನಿ॑ತಾ ತ್ವಾ ಜ॒ಜಾನ॑ | ಸ ಆ ಯ॑ಜಸ್ವ ನೃ॒ವತೀ॒ರನು॒ ಕ್ಷಾಃ ಸ್ಪಾ॒ರ್ಹಾ ಇಷಃ॑ ಕ್ಷು॒ಮತೀ᳚ರ್ವಿ॒ಶ್ವಜ᳚ನ್ಯಾಃ || 10.2.6
ಯಂ ತ್ವಾ॒ ದ್ಯಾವಾ᳚ಪೃಥಿ॒ವೀ ಯಂ ತ್ವಾಪ॒ಸ್ತ್ವಷ್ಟಾ॒ ಯಂ ತ್ವಾ᳚ ಸು॒ಜನಿ॑ಮಾ ಜ॒ಜಾನ॑ | ಪ‌ನ್ಥಾ॒ಮನು॑ ಪ್ರವಿ॒ದ್ವಾನ್ಪಿ॑ತೃ॒ಯಾಣಂ᳚ ದ್ಯು॒ಮದ॑ಗ್ನೇ ಸಮಿಧಾ॒ನೋ ವಿ ಭಾ᳚ಹಿ || 10.2.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಇ॒ನೋ ರಾ᳚ಜನ್ನರ॒ತಿಃ ಸಮಿ॑ದ್ಧೋ॒ ರೌದ್ರೋ॒ ದಕ್ಷಾ᳚ಯ ಸುಷು॒ಮಾಁ ಅ॑ದರ್ಶಿ | ಚಿ॒ಕಿದ್ವಿ ಭಾ᳚ತಿ ಭಾ॒ಸಾ ಬೃ॑ಹ॒ತಾಸಿ॑ಕ್ನೀಮೇತಿ॒ ರುಶ॑ತೀಮ॒ಪಾಜನ್॑ || 10.3.1
ಕೃ॒ಷ್ಣಾಂ ಯದೇನೀ᳚ಮ॒ಭಿ ವರ್ಪ॑ಸಾ॒ ಭೂಜ್ಜ॒ನಯ॒ನ್ಯೋಷಾಂ᳚ ಬೃಹ॒ತಃ ಪಿ॒ತುರ್ಜಾ‌ಮ್ | ಊ॒ರ್ಧ್ವಂ ಭಾ॒ನುಂ ಸೂರ್ಯ॑ಸ್ಯ ಸ್ತಭಾ॒ಯಂದಿ॒ವೋ ವಸು॑ಭಿರರ॒ತಿರ್ವಿ ಭಾ᳚ತಿ || 10.3.2
ಭ॒ದ್ರೋ ಭ॒ದ್ರಯಾ॒ ಸಚ॑ಮಾನ॒ ಆಗಾ॒ತ್ಸ್ವಸಾ᳚ರಂ ಜಾ॒ರೋ ಅ॒ಭ್ಯೇ᳚ತಿ ಪ॒ಶ್ಚಾತ್ | ಸು॒ಪ್ರ॒ಕೇ॒ತೈರ್ದ್ಯುಭಿ॑ರ॒ಗ್ನಿರ್ವಿ॒ತಿಷ್ಠ॒ನ್ರುಶ॑ದ್ಭಿ॒ರ್ವರ್ಣೈ᳚ರ॒ಭಿ ರಾ॒ಮಮ॑ಸ್ಥಾತ್ || 10.3.3
ಅ॒ಸ್ಯ ಯಾಮಾ᳚ಸೋ ಬೃಹ॒ತೋ ನ ವ॒ಗ್ನೂನಿಂಧಾ᳚ನಾ ಅ॒ಗ್ನೇಃ ಸಖ್ಯುಃ॑ ಶಿ॒ವಸ್ಯ॑ | ಈಡ್ಯ॑ಸ್ಯ॒ ವೃಷ್ಣೋ᳚ ಬೃಹ॒ತಃ ಸ್ವಾಸೋ॒ ಭಾಮಾ᳚ಸೋ॒ ಯಾಮ᳚ನ್ನ॒ಕ್ತವ॑ಶ್ಚಿಕಿತ್ರೇ || 10.3.4
ಸ್ವ॒ನಾ ನ ಯಸ್ಯ॒ ಭಾಮಾ᳚ಸಃ॒ ಪವ᳚‌ನ್ತೇ॒ ರೋಚ॑ಮಾನಸ್ಯ ಬೃಹ॒ತಃ ಸು॒ದಿವಃ॑ | ಜ್ಯೇಷ್ಠೇ᳚ಭಿ॒ರ್ಯಸ್ತೇಜಿ॑ಷ್ಠೈಃ ಕ್ರೀಳು॒ಮದ್ಭಿ॒ರ್ವರ್ಷಿ॑ಷ್ಠೇಭಿರ್ಭಾ॒ನುಭಿ॒ರ್ನಕ್ಷ॑ತಿ॒ ದ್ಯಾ‌ಮ್ || 10.3.5
ಅ॒ಸ್ಯ ಶುಷ್ಮಾ᳚ಸೋ ದದೃಶಾ॒ನಪ॑ವೇ॒ರ್ಜೇಹ॑ಮಾನಸ್ಯ ಸ್ವನಯನ್ನಿ॒ಯುದ್ಭಿಃ॑ | ಪ್ರ॒ತ್ನೇಭಿ॒ರ್ಯೋ ರುಶ॑ದ್ಭಿರ್ದೇ॒ವತ॑ಮೋ॒ ವಿ ರೇಭ॑ದ್ಭಿರರ॒ತಿರ್ಭಾತಿ॒ ವಿಭ್ವಾ᳚ || 10.3.6
ಸ ಆ ವ॑ಕ್ಷಿ॒ ಮಹಿ॑ ನ॒ ಆ ಚ॑ ಸತ್ಸಿ ದಿ॒ವಸ್ಪೃ॑ಥಿ॒ವ್ಯೋರ॑ರ॒ತಿರ್ಯು॑ವ॒ತ್ಯೋಃ | ಅ॒ಗ್ನಿಃ ಸು॒ತುಕಃ॑ ಸು॒ತುಕೇ᳚ಭಿ॒ರಶ್ವೈ॒ ರಭ॑ಸ್ವದ್ಭೀ॒ ರಭ॑ಸ್ವಾಁ॒ ಏಹ ಗ᳚ಮ್ಯಾಃ || 10.3.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ತೇ᳚ ಯಕ್ಷಿ॒ ಪ್ರ ತ॑ ಇಯರ್ಮಿ॒ ಮನ್ಮ॒ ಭುವೋ॒ ಯಥಾ॒ ವಂದ್ಯೋ᳚ ನೋ॒ ಹವೇ᳚ಷು | ಧನ್ವ᳚ನ್ನಿವ ಪ್ರ॒ಪಾ ಅ॑ಸಿ॒ ತ್ವಮ॑ಗ್ನ ಇಯ॒ಕ್ಷವೇ᳚ ಪೂ॒ರವೇ᳚ ಪ್ರತ್ನ ರಾಜನ್ || 10.4.1
ಯಂ ತ್ವಾ॒ ಜನಾ᳚ಸೋ ಅ॒ಭಿ ಸಂ॒ಚರ᳚‌ನ್ತಿ॒ ಗಾವ॑ ಉ॒ಷ್ಣಮಿ॑ವ ವ್ರ॒ಜಂ ಯ॑ವಿಷ್ಠ | ದೂ॒ತೋ ದೇ॒ವಾನಾ᳚ಮಸಿ॒ ಮರ್ತ್ಯಾ᳚ನಾಮ॒‌ನ್ತರ್ಮ॒ಹಾಁಶ್ಚ॑ರಸಿ ರೋಚ॒ನೇನ॑ || 10.4.2
ಶಿಶುಂ॒ ನ ತ್ವಾ॒ ಜೇನ್ಯಂ᳚ ವ॒ರ್ಧಯ᳚‌ನ್ತೀ ಮಾ॒ತಾ ಬಿ॑ಭರ್ತಿ ಸಚನ॒ಸ್ಯಮಾ᳚ನಾ | ಧನೋ॒ರಧಿ॑ ಪ್ರ॒ವತಾ᳚ ಯಾಸಿ॒ ಹರ್ಯಂ॒ಜಿಗೀ᳚ಷಸೇ ಪ॒ಶುರಿ॒ವಾವ॑ಸೃಷ್ಟಃ || 10.4.3
ಮೂ॒ರಾ ಅ॑ಮೂರ॒ ನ ವ॒ಯಂ ಚಿ॑ಕಿತ್ವೋ ಮಹಿ॒ತ್ವಮ॑ಗ್ನೇ॒ ತ್ವಮಂ॒ಗ ವಿ॑ತ್ಸೇ | ಶಯೇ᳚ ವ॒ವ್ರಿಶ್ಚರ॑ತಿ ಜಿ॒ಹ್ವಯಾ॒ದನ್ರೇ᳚ರಿ॒ಹ್ಯತೇ᳚ ಯುವ॒ತಿಂ ವಿ॒ಶ್ಪತಿಃ॒ ಸನ್ || 10.4.4
ಕೂಚಿ॑ಜ್ಜಾಯತೇ॒ ಸನ॑ಯಾಸು॒ ನವ್ಯೋ॒ ವನೇ᳚ ತಸ್ಥೌ ಪಲಿ॒ತೋ ಧೂ॒ಮಕೇ᳚ತುಃ | ಅ॒ಸ್ನಾ॒ತಾಪೋ᳚ ವೃಷ॒ಭೋ ನ ಪ್ರ ವೇ᳚ತಿ॒ ಸಚೇ᳚ತಸೋ॒ ಯಂ ಪ್ರ॒ಣಯ᳚‌ನ್ತ॒ ಮರ್ತಾಃ᳚ || 10.4.5
ತ॒ನೂ॒ತ್ಯಜೇ᳚ವ॒ ತಸ್ಕ॑ರಾ ವನ॒ರ್ಗೂ ರ॑ಶ॒ನಾಭಿ॑ರ್ದ॒ಶಭಿ॑ರ॒ಭ್ಯ॑ಧೀತಾ‌ಮ್ | ಇ॒ಯಂ ತೇ᳚ ಅಗ್ನೇ॒ ನವ್ಯ॑ಸೀ ಮನೀ॒ಷಾ ಯು॒ಕ್ಷ್ವಾ ರಥಂ॒ ನ ಶು॒ಚಯ॑ದ್ಭಿ॒ರಂಗೈಃ᳚ || 10.4.6
ಬ್ರಹ್ಮ॑ ಚ ತೇ ಜಾತವೇದೋ॒ ನಮ॑ಶ್ಚೇ॒ಯಂ ಚ॒ ಗೀಃ ಸದ॒ಮಿದ್ವರ್ಧ॑ನೀ ಭೂತ್ | ರಕ್ಷಾ᳚ ಣೋ ಅಗ್ನೇ॒ ತನ॑ಯಾನಿ ತೋ॒ಕಾ ರಕ್ಷೋ॒ತ ನ॑ಸ್ತ॒ನ್ವೋ॒3॒॑ ಅಪ್ರ॑ಯುಚ್ಛನ್ || 10.4.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಏಕಃ॑ ಸಮು॒ದ್ರೋ ಧ॒ರುಣೋ᳚ ರಯೀ॒ಣಾಮ॒ಸ್ಮದ್ಧೃ॒ದೋ ಭೂರಿ॑ಜನ್ಮಾ॒ ವಿ ಚ॑ಷ್ಟೇ | ಸಿಷ॒ಕ್ತ್ಯೂಧ᳚ರ್ನಿ॒ಣ್ಯೋರು॒ಪಸ್ಥ॒ ಉತ್ಸ॑ಸ್ಯ॒ ಮಧ್ಯೇ॒ ನಿಹಿ॑ತಂ ಪ॒ದಂ ವೇಃ || 10.5.1
ಸ॒ಮಾ॒ನಂ ನೀ॒ಳಂ ವೃಷ॑ಣೋ॒ ವಸಾ᳚ನಾಃ॒ ಸಂ ಜ॑ಗ್ಮಿರೇ ಮಹಿ॒ಷಾ ಅರ್ವ॑ತೀಭಿಃ | ಋ॒ತಸ್ಯ॑ ಪ॒ದಂ ಕ॒ವಯೋ॒ ನಿ ಪಾ᳚‌ನ್ತಿ॒ ಗುಹಾ॒ ನಾಮಾ᳚ನಿ ದಧಿರೇ॒ ಪರಾ᳚ಣಿ || 10.5.2
ಋ॒ತಾ॒ಯಿನೀ᳚ ಮಾ॒ಯಿನೀ॒ ಸಂ ದ॑ಧಾತೇ ಮಿ॒ತ್ವಾ ಶಿಶುಂ᳚ ಜಜ್ಞತುರ್ವ॒ರ್ಧಯ᳚‌ನ್ತೀ | ವಿಶ್ವ॑ಸ್ಯ॒ ನಾಭಿಂ॒ ಚರ॑ತೋ ಧ್ರು॒ವಸ್ಯ॑ ಕ॒ವೇಶ್ಚಿ॒ತ್ತ‌ನ್ತುಂ॒ ಮನ॑ಸಾ ವಿ॒ಯ‌ನ್ತಃ॑ || 10.5.3
ಋ॒ತಸ್ಯ॒ ಹಿ ವ॑ರ್ತ॒ನಯಃ॒ ಸುಜಾ᳚ತ॒ಮಿಷೋ॒ ವಾಜಾ᳚ಯ ಪ್ರ॒ದಿವಃ॒ ಸಚ᳚‌ನ್ತೇ | ಅ॒ಧೀ॒ವಾ॒ಸಂ ರೋದ॑ಸೀ ವಾವಸಾ॒ನೇ ಘೃ॒ತೈರನ್ನೈ᳚ರ್ವಾವೃಧಾತೇ॒ ಮಧೂ᳚ನಾ‌ಮ್ || 10.5.4
ಸ॒ಪ್ತ ಸ್ವಸೄ॒ರರು॑ಷೀರ್ವಾವಶಾ॒ನೋ ವಿ॒ದ್ವಾನ್ಮಧ್ವ॒ ಉಜ್ಜ॑ಭಾರಾ ದೃ॒ಶೇ ಕ‌ಮ್ | ಅ॒‌ನ್ತರ್ಯೇ᳚ಮೇ ಅ॒‌ನ್ತರಿ॑ಕ್ಷೇ ಪುರಾ॒ಜಾ ಇ॒ಚ್ಛನ್ವ॒ವ್ರಿಮ॑ವಿದತ್ಪೂಷ॒ಣಸ್ಯ॑ || 10.5.5
ಸ॒ಪ್ತ ಮ॒ರ್ಯಾದಾಃ᳚ ಕ॒ವಯ॑ಸ್ತತಕ್ಷು॒ಸ್ತಾಸಾ॒ಮೇಕಾ॒ಮಿದ॒ಭ್ಯಂ᳚ಹು॒ರೋ ಗಾ᳚ತ್ | ಆ॒ಯೋರ್ಹ॑ ಸ್ಕಂ॒ಭ ಉ॑ಪ॒ಮಸ್ಯ॑ ನೀ॒ಳೇ ಪ॒ಥಾಂ ವಿ॑ಸ॒ರ್ಗೇ ಧ॒ರುಣೇ᳚ಷು ತಸ್ಥೌ || 10.5.6
ಅಸ॑ಚ್ಚ॒ ಸಚ್ಚ॑ ಪರ॒ಮೇ ವ್ಯೋ᳚ಮಂ॒ದಕ್ಷ॑ಸ್ಯ॒ ಜನ್ಮ॒ನ್ನದಿ॑ತೇರು॒ಪಸ್ಥೇ᳚ | ಅ॒ಗ್ನಿರ್ಹ॑ ನಃ ಪ್ರಥಮ॒ಜಾ ಋ॒ತಸ್ಯ॒ ಪೂರ್ವ॒ ಆಯು॑ನಿ ವೃಷ॒ಭಶ್ಚ॑ ಧೇ॒ನುಃ || 10.5.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅ॒ಯಂ ಸ ಯಸ್ಯ॒ ಶರ್ಮ॒ನ್ನವೋ᳚ಭಿರ॒ಗ್ನೇರೇಧ॑ತೇ ಜರಿ॒ತಾಭಿಷ್ಟೌ᳚ | ಜ್ಯೇಷ್ಠೇ᳚ಭಿ॒ರ್ಯೋ ಭಾ॒ನುಭಿ॑ರ್‌ಋಷೂ॒ಣಾಂ ಪ॒ರ್ಯೇತಿ॒ ಪರಿ॑ವೀತೋ ವಿ॒ಭಾವಾ᳚ || 10.6.1
ಯೋ ಭಾ॒ನುಭಿ᳚ರ್ವಿ॒ಭಾವಾ᳚ ವಿ॒ಭಾತ್ಯ॒ಗ್ನಿರ್ದೇ॒ವೇಭಿ॑ರ್‌ಋ॒ತಾವಾಜ॑ಸ್ರಃ | ಆ ಯೋ ವಿ॒ವಾಯ॑ ಸ॒ಖ್ಯಾ ಸಖಿ॒ಭ್ಯೋಽಪ॑ರಿಹ್ವೃತೋ॒ ಅತ್ಯೋ॒ ನ ಸಪ್ತಿಃ॑ || 10.6.2
ಈಶೇ॒ ಯೋ ವಿಶ್ವ॑ಸ್ಯಾ ದೇ॒ವವೀ᳚ತೇ॒ರೀಶೇ᳚ ವಿ॒ಶ್ವಾಯು॑ರು॒ಷಸೋ॒ ವ್ಯು॑ಷ್ಟೌ | ಆ ಯಸ್ಮಿ᳚ನ್ಮ॒ನಾ ಹ॒ವೀಂಷ್ಯ॒ಗ್ನಾವರಿ॑ಷ್ಟರಥಃ ಸ್ಕ॒ಭ್ನಾತಿ॑ ಶೂ॒ಷೈಃ || 10.6.3
ಶೂ॒ಷೇಭಿ᳚ರ್ವೃ॒ಧೋ ಜು॑ಷಾ॒ಣೋ ಅ॒ರ್ಕೈರ್ದೇ॒ವಾಁ ಅಚ್ಛಾ᳚ ರಘು॒ಪತ್ವಾ᳚ ಜಿಗಾತಿ | ಮಂ॒ದ್ರೋ ಹೋತಾ॒ ಸ ಜು॒ಹ್ವಾ॒3॒॑ ಯಜಿ॑ಷ್ಠಃ॒ ಸಮ್ಮಿ॑ಶ್ಲೋ ಅ॒ಗ್ನಿರಾ ಜಿ॑ಘರ್ತಿ ದೇ॒ವಾನ್ || 10.6.4
ತಮು॒ಸ್ರಾಮಿಂದ್ರಂ॒ ನ ರೇಜ॑ಮಾನಮ॒ಗ್ನಿಂ ಗೀ॒ರ್ಭಿರ್ನಮೋ᳚ಭಿ॒ರಾ ಕೃ॑ಣುಧ್ವ‌ಮ್ | ಆ ಯಂ ವಿಪ್ರಾ᳚ಸೋ ಮ॒ತಿಭಿ॑ರ್ಗೃ॒ಣ‌ನ್ತಿ॑ ಜಾ॒ತವೇ᳚ದಸಂ ಜು॒ಹ್ವಂ᳚ ಸ॒ಹಾನಾ᳚‌ಮ್ || 10.6.5
ಸಂ ಯಸ್ಮಿ॒ನ್ವಿಶ್ವಾ॒ ವಸೂ᳚ನಿ ಜ॒ಗ್ಮುರ್ವಾಜೇ॒ ನಾಶ್ವಾಃ॒ ಸಪ್ತೀ᳚ವ‌ನ್ತ॒ ಏವೈಃ᳚ | ಅ॒ಸ್ಮೇ ಊ॒ತೀರಿಂದ್ರ॑ವಾತತಮಾ ಅರ್ವಾಚೀ॒ನಾ ಅ॑ಗ್ನ॒ ಆ ಕೃ॑ಣುಷ್ವ || 10.6.6
ಅಧಾ॒ ಹ್ಯ॑ಗ್ನೇ ಮ॒ಹ್ನಾ ನಿ॒ಷದ್ಯಾ᳚ ಸ॒ದ್ಯೋ ಜ॑ಜ್ಞಾ॒ನೋ ಹವ್ಯೋ᳚ ಬ॒ಭೂಥ॑ | ತಂ ತೇ᳚ ದೇ॒ವಾಸೋ॒ ಅನು॒ ಕೇತ॑ಮಾಯ॒ನ್ನಧಾ᳚ವರ್ಧ‌ನ್ತ ಪ್ರಥ॒ಮಾಸ॒ ಊಮಾಃ᳚ || 10.6.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯಸ್ತ್ರಿತ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಸ್ವ॒ಸ್ತಿ ನೋ᳚ ದಿ॒ವೋ ಅ॑ಗ್ನೇ ಪೃಥಿ॒ವ್ಯಾ ವಿ॒ಶ್ವಾಯು॑ರ್ಧೇಹಿ ಯ॒ಜಥಾ᳚ಯ ದೇವ | ಸಚೇ᳚ಮಹಿ॒ ತವ॑ ದಸ್ಮ ಪ್ರಕೇ॒ತೈರು॑ರು॒ಷ್ಯಾ ಣ॑ ಉ॒ರುಭಿ॑ರ್ದೇವ॒ ಶಂಸೈಃ᳚ || 10.7.1
ಇ॒ಮಾ ಅ॑ಗ್ನೇ ಮ॒ತಯ॒ಸ್ತುಭ್ಯಂ᳚ ಜಾ॒ತಾ ಗೋಭಿ॒ರಶ್ವೈ᳚ರ॒ಭಿ ಗೃ॑ಣ‌ನ್ತಿ॒ ರಾಧಃ॑ | ಯ॒ದಾ ತೇ॒ ಮರ್ತೋ॒ ಅನು॒ ಭೋಗ॒ಮಾನ॒ಡ್ವಸೋ॒ ದಧಾ᳚ನೋ ಮ॒ತಿಭಿಃ॑ ಸುಜಾತ || 10.7.2
ಅ॒ಗ್ನಿಂ ಮ᳚ನ್ಯೇ ಪಿ॒ತರ॑ಮ॒ಗ್ನಿಮಾ॒ಪಿಮ॒ಗ್ನಿಂ ಭ್ರಾತ॑ರಂ॒ ಸದ॒ಮಿತ್ಸಖಾ᳚ಯ‌ಮ್ | ಅ॒ಗ್ನೇರನೀ᳚ಕಂ ಬೃಹ॒ತಃ ಸ॑ಪರ್ಯಂ ದಿ॒ವಿ ಶು॒ಕ್ರಂ ಯ॑ಜ॒ತಂ ಸೂರ್ಯ॑ಸ್ಯ || 10.7.3
ಸಿ॒ಧ್ರಾ ಅ॑ಗ್ನೇ॒ ಧಿಯೋ᳚ ಅ॒ಸ್ಮೇ ಸನು॑ತ್ರೀ॒ರ್ಯಂ ತ್ರಾಯ॑ಸೇ॒ ದಮ॒ ಆ ನಿತ್ಯ॑ಹೋತಾ | ಋ॒ತಾವಾ॒ ಸ ರೋ॒ಹಿದ॑ಶ್ವಃ ಪುರು॒ಕ್ಷುರ್ದ್ಯುಭಿ॑ರಸ್ಮಾ॒ ಅಹ॑ಭಿರ್ವಾ॒ಮಮ॑ಸ್ತು || 10.7.4
ದ್ಯುಭಿ॑ರ್ಹಿ॒ತಂ ಮಿ॒ತ್ರಮಿ॑ವ ಪ್ರ॒ಯೋಗಂ᳚ ಪ್ರ॒ತ್ನಮೃ॒ತ್ವಿಜ॑ಮಧ್ವ॒ರಸ್ಯ॑ ಜಾ॒ರ‌ಮ್ | ಬಾ॒ಹುಭ್ಯಾ᳚ಮ॒ಗ್ನಿಮಾ॒ಯವೋ᳚ಽಜನ‌ನ್ತ ವಿ॒ಕ್ಷು ಹೋತಾ᳚ರಂ॒ ನ್ಯ॑ಸಾದಯ‌ನ್ತ || 10.7.5
ಸ್ವ॒ಯಂ ಯ॑ಜಸ್ವ ದಿ॒ವಿ ದೇ᳚ವ ದೇ॒ವಾನ್ಕಿಂ ತೇ॒ ಪಾಕಃ॑ ಕೃಣವ॒ದಪ್ರ॑ಚೇತಾಃ | ಯಥಾಯ॑ಜ ಋ॒ತುಭಿ॑ರ್ದೇವ ದೇ॒ವಾನೇ॒ವಾ ಯ॑ಜಸ್ವ ತ॒ನ್ವಂ᳚ ಸುಜಾತ || 10.7.6
ಭವಾ᳚ ನೋ ಅಗ್ನೇಽವಿ॒ತೋತ ಗೋ॒ಪಾ ಭವಾ᳚ ವಯ॒ಸ್ಕೃದು॒ತ ನೋ᳚ ವಯೋ॒ಧಾಃ | ರಾಸ್ವಾ᳚ ಚ ನಃ ಸುಮಹೋ ಹ॒ವ್ಯದಾ᳚ತಿಂ॒ ತ್ರಾಸ್ವೋ॒ತ ನ॑ಸ್ತ॒ನ್ವೋ॒3॒॑ ಅಪ್ರ॑ಯುಚ್ಛನ್ || 10.7.7

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ತ್ವಾಷ್ಟ್ರಸ್ತ್ರಿಶಿರಾ ಋಷಿಃ (1-6) ಪ್ರಥಮಾದಿತೃಚದ್ವಯಸ್ಯಾಗ್ನಿಃ, (7-9) ಸಪ್ತಮ್ಯಾದಿತೃಚಸ್ಯ ಚೇಂದ್ರೋ ದೇವ

ಪ್ರ ಕೇ॒ತುನಾ᳚ ಬೃಹ॒ತಾ ಯಾ᳚ತ್ಯ॒ಗ್ನಿರಾ ರೋದ॑ಸೀ ವೃಷ॒ಭೋ ರೋ᳚ರವೀತಿ | ದಿ॒ವಶ್ಚಿ॒ದ‌ನ್ತಾಁ᳚ ಉಪ॒ಮಾಁ ಉದಾ᳚ನಳ॒ಪಾಮು॒ಪಸ್ಥೇ᳚ ಮಹಿ॒ಷೋ ವ॑ವರ್ಧ || 10.8.1
ಮು॒ಮೋದ॒ ಗರ್ಭೋ᳚ ವೃಷ॒ಭಃ ಕ॒ಕುದ್ಮಾ᳚ನಸ್ರೇ॒ಮಾ ವ॒ತ್ಸಃ ಶಿಮೀ᳚ವಾಁ ಅರಾವೀತ್ | ಸ ದೇ॒ವತಾ॒ತ್ಯುದ್ಯ॑ತಾನಿ ಕೃ॒ಣ್ವ‌‌ನ್ತ್ಸ್ವೇಷು॒ ಕ್ಷಯೇ᳚ಷು ಪ್ರಥ॒ಮೋ ಜಿ॑ಗಾತಿ || 10.8.2
ಆ ಯೋ ಮೂ॒ರ್ಧಾನಂ᳚ ಪಿ॒ತ್ರೋರರ॑ಬ್ಧ॒ ನ್ಯ॑ಧ್ವ॒ರೇ ದ॑ಧಿರೇ॒ ಸೂರೋ॒ ಅರ್ಣಃ॑ | ಅಸ್ಯ॒ ಪತ್ಮ॒ನ್ನರು॑ಷೀ॒ರಶ್ವ॑ಬುಧ್ನಾ ಋ॒ತಸ್ಯ॒ ಯೋನೌ᳚ ತ॒ನ್ವೋ᳚ ಜುಷ‌ನ್ತ || 10.8.3
ಉ॒ಷೌ᳚ಷೋ॒ ಹಿ ವ॑ಸೋ॒ ಅಗ್ರ॒ಮೇಷಿ॒ ತ್ವಂ ಯ॒ಮಯೋ᳚ರಭವೋ ವಿ॒ಭಾವಾ᳚ | ಋ॒ತಾಯ॑ ಸ॒ಪ್ತ ದ॑ಧಿಷೇ ಪ॒ದಾನಿ॑ ಜ॒ನಯ᳚ನ್ಮಿ॒ತ್ರಂ ತ॒ನ್ವೇ॒3॒॑ ಸ್ವಾಯೈ᳚ || 10.8.4
ಭುವ॒ಶ್ಚಕ್ಷು᳚ರ್ಮ॒ಹ ಋ॒ತಸ್ಯ॑ ಗೋ॒ಪಾ ಭುವೋ॒ ವರು॑ಣೋ॒ ಯದೃ॒ತಾಯ॒ ವೇಷಿ॑ | ಭುವೋ᳚ ಅ॒ಪಾಂ ನಪಾ᳚ಜ್ಜಾತವೇದೋ॒ ಭುವೋ᳚ ದೂ॒ತೋ ಯಸ್ಯ॑ ಹ॒ವ್ಯಂ ಜುಜೋ᳚ಷಃ || 10.8.5
ಭುವೋ᳚ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ᳚ ನಿ॒ಯುದ್ಭಿಃ॒ ಸಚ॑ಸೇ ಶಿ॒ವಾಭಿಃ॑ | ದಿ॒ವಿ ಮೂ॒ರ್ಧಾನಂ᳚ ದಧಿಷೇ ಸ್ವ॒ರ್ಷಾಂ ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ‌ಮ್᳚ || 10.8.6
ಅ॒ಸ್ಯ ತ್ರಿ॒ತಃ ಕ್ರತು॑ನಾ ವ॒ವ್ರೇ ಅ॒‌ನ್ತರಿ॒ಚ್ಛಂಧೀ॒ತಿಂ ಪಿ॒ತುರೇವೈಃ॒ ಪರ॑ಸ್ಯ | ಸ॒ಚ॒ಸ್ಯಮಾ᳚ನಃ ಪಿ॒ತ್ರೋರು॒ಪಸ್ಥೇ᳚ ಜಾ॒ಮಿ ಬ್ರು॑ವಾ॒ಣ ಆಯು॑ಧಾನಿ ವೇತಿ || 10.8.7
ಸ ಪಿತ್ರ್ಯಾ॒ಣ್ಯಾಯು॑ಧಾನಿ ವಿ॒ದ್ವಾನಿಂದ್ರೇ᳚ಷಿತ ಆ॒ಪ್ತ್ಯೋ ಅ॒ಭ್ಯ॑ಯುಧ್ಯತ್ | ತ್ರಿ॒ಶೀ॒ರ್ಷಾಣಂ᳚ ಸ॒ಪ್ತರ॑ಶ್ಮಿಂ ಜಘ॒ನ್ವಾ‌ನ್ತ್ವಾ॒ಷ್ಟ್ರಸ್ಯ॑ ಚಿ॒ನ್ನಿಃ ಸ॑ಸೃಜೇ ತ್ರಿ॒ತೋ ಗಾಃ || 10.8.8
ಭೂರೀದಿಂದ್ರ॑ ಉ॒ದಿನ॑ಕ್ಷ‌ನ್ತ॒ಮೋಜೋಽವಾ᳚ಭಿನ॒ತ್ಸತ್ಪ॑ತಿ॒ರ್ಮನ್ಯ॑ಮಾನ‌ಮ್ | ತ್ವಾ॒ಷ್ಟ್ರಸ್ಯ॑ ಚಿದ್ವಿ॒ಶ್ವರೂ᳚ಪಸ್ಯ॒ ಗೋನಾ᳚ಮಾಚಕ್ರಾ॒ಣಸ್ತ್ರೀಣಿ॑ ಶೀ॒ರ್ಷಾ ಪರಾ᳚ ವರ್ಕ್ || 10.8.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಬರೀಷಃ ಸಿಂಧದ್ವೀಪಸ್ತ್ವಾಷ್ಟ್ರಸ್ತ್ರಿಶಿರಾ ವಾ ಋಷಿಃ, ಆಪೋ ದೇವತಾಃ (1-4, 6) ಪ್ರಥಮಾದಿಚತುರೃಚ, ಷಷ್ಟ್ಯಾಶ್ಚ ಗಾಯತ್ರೀ, (5) ಪಂಚಮ್ಯಾ ವರ್ಧಮಾನಾ ಗಾಯತ್ರೀ, (7) ಸಪ್ತಮ್ಯಾಃ ಪ್ರತಿಷ್ಠಾ ಗಾಯತ್ರೀ, (8-9) ಅಷ್ಟಮೀನವಮ್ಯೋಶ್ಚಾನುಷ್ಟಪ ಛಂದಾಂಸಿ

ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ | ಮ॒ಹೇ ರಣಾ᳚ಯ॒ ಚಕ್ಷ॑ಸೇ || 10.9.1
ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ | ಉ॒ಶ॒ತೀರಿ॑ವ ಮಾ॒ತರಃ॑ || 10.9.2
ತಸ್ಮಾ॒ ಅರಂ᳚ ಗಮಾಮ ವೋ॒ ಯಸ್ಯ॒ ಕ್ಷಯಾ᳚ಯ॒ ಜಿನ್ವ॑ಥ | ಆಪೋ᳚ ಜ॒ನಯ॑ಥಾ ಚ ನಃ || 10.9.3
ಶಂ ನೋ᳚ ದೇ॒ವೀರ॒ಭಿಷ್ಟ॑ಯ॒ ಆಪೋ᳚ ಭವ‌ನ್ತು ಪೀ॒ತಯೇ᳚ | ಶಂ ಯೋರ॒ಭಿ ಸ್ರ॑ವ‌ನ್ತು ನಃ || 10.9.4
ಈಶಾ᳚ನಾ॒ ವಾರ್ಯಾ᳚ಣಾಂ॒ ಕ್ಷಯ᳚‌ನ್ತೀಶ್ಚರ್ಷಣೀ॒ನಾ‌ಮ್ | ಅ॒ಪೋ ಯಾ᳚ಚಾಮಿ ಭೇಷ॒ಜ‌ಮ್ || 10.9.5
ಅ॒ಪ್ಸು ಮೇ॒ ಸೋಮೋ᳚ ಅಬ್ರವೀದ॒‌ನ್ತರ್ವಿಶ್ವಾ᳚ನಿ ಭೇಷ॒ಜಾ | ಅ॒ಗ್ನಿಂ ಚ॑ ವಿ॒ಶ್ವಶಂ᳚ಭುವ‌ಮ್ || 10.9.6
ಆಪಃ॑ ಪೃಣೀ॒ತ ಭೇ᳚ಷ॒ಜಂ ವರೂ᳚ಥಂ ತ॒ನ್ವೇ॒3॒॑ ಮಮ॑ | ಜ್ಯೋಕ್ಚ॒ ಸೂರ್ಯಂ᳚ ದೃ॒ಶೇ || 10.9.7
ಇ॒ದಮಾ᳚ಪಃ॒ ಪ್ರ ವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ | ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ᳚ ಶೇ॒ಪ ಉ॒ತಾನೃ॑ತ‌ಮ್ || 10.9.8
ಆಪೋ᳚ ಅ॒ದ್ಯಾನ್ವ॑ಚಾರಿಷಂ॒ ರಸೇ᳚ನ॒ ಸಮ॑ಗಸ್ಮಹಿ | ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ || 10.9.9

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ (1, 3, 5-7, 11, 13) ಪ್ರಥಮಾತೃತೀಯಯೋರೃಚೋಃ ಪಂಚಮ್ಯಾದಿತೃಚಸ್ಯೈಕಾದಶೀತ್ರಯೋದಶ್ಯೋಶ್ಚ ವೈವಸ್ವತೀ ಯಮೀ ಋಷಿಕಾ, (2, 4, 8-10, 12, 14) ದ್ವಿತೀಯಾಚತುಓರಷ್ಟಮ್ಯಾದಿತೃಚಸ್ಯ ದ್ವಾದಶೀಚತುದರ್ಶ ಯೋಶ್ಚ ವೈವಸ್ವತೋ ಯಮ ಋಷಿಃ (1, 3, 5-7, 11, 13) ಪ್ರಥಮಾತೃತೀಯಯೋಃ ಪಂಚಮ್ಯಾದಿತೃಚಸ್ಯೈಕಾದಶೀತ್ರಯೋದಶ್ಯೋಶ್ಚ ಯಮಃ, (2, 4, 8-10, 12, 14) ದ್ವಿತೀಯಾಚತುರ್ಯೋರಷ್ಟಮ್ಯಾದಿತೃಚಸ್ಯ ದ್ವಾದಶೀಚತುದರ್ಶ ಯೋಶ್ಚ ಯಮೀ ದೇವತೇ (1-12, 14) ಪ್ರಥಮಾದಿದ್ವಾದಶರ್ಚಾಂ ಚತುರ್ದರ್ಶ್ಯಾಶ್ಚ ತ್ರಿಷ್ಟುಪ, (13) ತ್ರಯೋದಶ್ಯಾಶ್ಚ ವಿರಾಟ್ಸ್ಥಾನಾ ಛಂದಸೀ

ಓ ಚಿ॒ತ್ಸಖಾ᳚ಯಂ ಸ॒ಖ್ಯಾ ವ॑ವೃತ್ಯಾಂ ತಿ॒ರಃ ಪು॒ರೂ ಚಿ॑ದರ್ಣ॒ವಂ ಜ॑ಗ॒ನ್ವಾನ್ | ಪಿ॒ತುರ್ನಪಾ᳚ತ॒ಮಾ ದ॑ಧೀತ ವೇ॒ಧಾ ಅಧಿ॒ ಕ್ಷಮಿ॑ ಪ್ರತ॒ರಂ ದೀಧ್ಯಾ᳚ನಃ || 10.10.1
ನ ತೇ॒ ಸಖಾ᳚ ಸ॒ಖ್ಯಂ ವ॑ಷ್ಟ್ಯೇ॒ತತ್ಸಲ॑ಕ್ಷ್ಮಾ॒ ಯದ್ವಿಷು॑ರೂಪಾ॒ ಭವಾ᳚ತಿ | ಮ॒ಹಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾ ದಿ॒ವೋ ಧ॒ರ್ತಾರ॑ ಉರ್ವಿ॒ಯಾ ಪರಿ॑ ಖ್ಯನ್ || 10.10.2
ಉ॒ಶ‌ನ್ತಿ॑ ಘಾ॒ ತೇ ಅ॒ಮೃತಾ᳚ಸ ಏ॒ತದೇಕ॑ಸ್ಯ ಚಿತ್ತ್ಯ॒ಜಸಂ॒ ಮರ್ತ್ಯ॑ಸ್ಯ | ನಿ ತೇ॒ ಮನೋ॒ ಮನ॑ಸಿ ಧಾಯ್ಯ॒ಸ್ಮೇ ಜನ್ಯುಃ॒ ಪತಿ॑ಸ್ತ॒ನ್ವ1॒॑ಮಾ ವಿ॑ವಿಶ್ಯಾಃ || 10.10.3
ನ ಯತ್ಪು॒ರಾ ಚ॑ಕೃ॒ಮಾ ಕದ್ಧ॑ ನೂ॒ನಮೃ॒ತಾ ವದ᳚‌ನ್ತೋ॒ ಅನೃ॑ತಂ ರಪೇಮ | ಗಂ॒ಧ॒ರ್ವೋ ಅ॒ಪ್ಸ್ವಪ್ಯಾ᳚ ಚ॒ ಯೋಷಾ॒ ಸಾ ನೋ॒ ನಾಭಿಃ॑ ಪರ॒ಮಂ ಜಾ॒ಮಿ ತನ್ನೌ᳚ || 10.10.4
ಗರ್ಭೇ॒ ನು ನೌ᳚ ಜನಿ॒ತಾ ದಂಪ॑ತೀ ಕರ್ದೇ॒ವಸ್ತ್ವಷ್ಟಾ᳚ ಸವಿ॒ತಾ ವಿ॒ಶ್ವರೂ᳚ಪಃ | ನಕಿ॑ರಸ್ಯ॒ ಪ್ರ ಮಿ॑ನ‌ನ್ತಿ ವ್ರ॒ತಾನಿ॒ ವೇದ॑ ನಾವ॒ಸ್ಯ ಪೃ॑ಥಿ॒ವೀ ಉ॒ತ ದ್ಯೌಃ || 10.10.5
ಕೋ ಅ॒ಸ್ಯ ವೇ᳚ದ ಪ್ರಥ॒ಮಸ್ಯಾಹ್ನಃ॒ ಕ ಈಂ᳚ ದದರ್ಶ॒ ಕ ಇ॒ಹ ಪ್ರ ವೋ᳚ಚತ್ | ಬೃ॒ಹನ್ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಮ॒ ಕದು॑ ಬ್ರವ ಆಹನೋ॒ ವೀಚ್ಯಾ॒ ನೄನ್ || 10.10.6
ಯ॒ಮಸ್ಯ॑ ಮಾ ಯ॒ಮ್ಯ1॒॑ ಅಂಕಾಮ॒ ಆಗ᳚‌‌ನ್ತ್ಸಮಾ॒ನೇ ಯೋನೌ᳚ ಸಹ॒ಶೇಯ್ಯಾ᳚ಯ | ಜಾ॒ಯೇವ॒ ಪತ್ಯೇ᳚ ತ॒ನ್ವಂ᳚ ರಿರಿಚ್ಯಾಂ॒ ವಿ ಚಿ॑ದ್ವೃಹೇವ॒ ರಥ್ಯೇ᳚ವ ಚ॒ಕ್ರಾ || 10.10.7
ನ ತಿ॑ಷ್ಠ‌ನ್ತಿ॒ ನ ನಿ ಮಿ॑ಷ‌ನ್ತ್ಯೇ॒ತೇ ದೇ॒ವಾನಾಂ॒ ಸ್ಪಶ॑ ಇ॒ಹ ಯೇ ಚರ᳚‌ನ್ತಿ | ಅ॒ನ್ಯೇನ॒ ಮದಾ᳚ಹನೋ ಯಾಹಿ॒ ತೂಯಂ॒ ತೇನ॒ ವಿ ವೃ॑ಹ॒ ರಥ್ಯೇ᳚ವ ಚ॒ಕ್ರಾ || 10.10.8
ರಾತ್ರೀ᳚ಭಿರಸ್ಮಾ॒ ಅಹ॑ಭಿರ್ದಶಸ್ಯೇ॒ತ್ಸೂರ್ಯ॑ಸ್ಯ॒ ಚಕ್ಷು॒ರ್ಮುಹು॒ರುನ್ಮಿ॑ಮೀಯಾತ್ | ದಿ॒ವಾ ಪೃ॑ಥಿ॒ವ್ಯಾ ಮಿ॑ಥು॒ನಾ ಸಬಂ᳚ಧೂ ಯ॒ಮೀರ್ಯ॒ಮಸ್ಯ॑ ಬಿಭೃಯಾ॒ದಜಾ᳚ಮಿ || 10.10.9
ಆ ಘಾ॒ ತಾ ಗ॑ಚ್ಛಾ॒ನುತ್ತ॑ರಾ ಯು॒ಗಾನಿ॒ ಯತ್ರ॑ ಜಾ॒ಮಯಃ॑ ಕೃ॒ಣವ॒ನ್ನಜಾ᳚ಮಿ | ಉಪ॑ ಬರ್ಬೃಹಿ ವೃಷ॒ಭಾಯ॑ ಬಾ॒ಹುಮ॒ನ್ಯಮಿ॑ಚ್ಛಸ್ವ ಸುಭಗೇ॒ ಪತಿಂ॒ ಮತ್ || 10.10.10
ಕಿಂ ಭ್ರಾತಾ᳚ಸ॒ದ್ಯದ॑ನಾ॒ಥಂ ಭವಾ᳚ತಿ॒ ಕಿಮು॒ ಸ್ವಸಾ॒ ಯನ್ನಿರ್‌ಋ॑ತಿರ್ನಿ॒ಗಚ್ಛಾ᳚ತ್ | ಕಾಮ॑ಮೂತಾ ಬ॒ಹ್ವೇ॒3॒॑ತದ್ರ॑ಪಾಮಿ ತ॒ನ್ವಾ᳚ ಮೇ ತ॒ನ್ವ1॒॑ ಅಂಸಂ ಪಿ॑ಪೃಗ್ಧಿ || 10.10.11
ನ ವಾ ಉ॑ ತೇ ತ॒ನ್ವಾ᳚ ತ॒ನ್ವ1॒॑ ಅಂಸಂ ಪ॑ಪೃಚ್ಯಾಂ ಪಾ॒ಪಮಾ᳚ಹು॒ರ್ಯಃ ಸ್ವಸಾ᳚ರಂ ನಿ॒ಗಚ್ಛಾ᳚ತ್ | ಅ॒ನ್ಯೇನ॒ ಮತ್ಪ್ರ॒ಮುದಃ॑ ಕಲ್ಪಯಸ್ವ॒ ನ ತೇ॒ ಭ್ರಾತಾ᳚ ಸುಭಗೇ ವಷ್ಟ್ಯೇ॒ತತ್ || 10.10.12
ಬ॒ತೋ ಬ॑ತಾಸಿ ಯಮ॒ ನೈವ ತೇ॒ ಮನೋ॒ ಹೃದ॑ಯಂ ಚಾವಿದಾಮ | ಅ॒ನ್ಯಾ ಕಿಲ॒ ತ್ವಾಂ ಕ॒ಕ್ಷ್ಯೇ᳚ವ ಯು॒ಕ್ತಂ ಪರಿ॑ ಷ್ವಜಾತೇ॒ ಲಿಬು॑ಜೇವ ವೃ॒ಕ್ಷ‌ಮ್ || 10.10.13
ಅ॒ನ್ಯಮೂ॒ ಷು ತ್ವಂ ಯ᳚ಮ್ಯ॒ನ್ಯ ಉ॒ ತ್ವಾಂ ಪರಿ॑ ಷ್ವಜಾತೇ॒ ಲಿಬು॑ಜೇವ ವೃ॒ಕ್ಷ‌ಮ್ | ತಸ್ಯ॑ ವಾ॒ ತ್ವಂ ಮನ॑ ಇ॒ಚ್ಛಾ ಸ ವಾ॒ ತವಾಧಾ᳚ ಕೃಣುಷ್ವ ಸಂ॒ವಿದಂ॒ ಸುಭ॑ದ್ರಾ‌ಮ್ || 10.10.14

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರ್ಹವಿರ್ಧಾನ ಋಷಿಃ, ಅಗ್ನಿದೇರ್ವತಾ(1-6) ಪ್ರಥಮಾದಿತೃಚದ್ವಯಸ್ಯ ಜಗತೀ, (7-9) ಸಪ್ತಮ್ಯಾದಿತೃಚಸ್ಯ ಚ ತ್ರಿಷ್ಟುಪ್ ಛಂದಸೀ

ವೃಷಾ॒ ವೃಷ್ಣೇ᳚ ದುದುಹೇ॒ ದೋಹ॑ಸಾ ದಿ॒ವಃ ಪಯಾಂ᳚ಸಿ ಯ॒ಹ್ವೋ ಅದಿ॑ತೇ॒ರದಾ᳚ಭ್ಯಃ | ವಿಶ್ವಂ॒ ಸ ವೇ᳚ದ॒ ವರು॑ಣೋ॒ ಯಥಾ᳚ ಧಿ॒ಯಾ ಸ ಯ॒ಜ್ಞಿಯೋ᳚ ಯಜತು ಯ॒ಜ್ಞಿಯಾಁ᳚ ಋ॒ತೂನ್ || 10.11.1
ರಪ॑ದ್ಗಂಧ॒ರ್ವೀರಪ್ಯಾ᳚ ಚ॒ ಯೋಷ॑ಣಾ ನ॒ದಸ್ಯ॑ ನಾ॒ದೇ ಪರಿ॑ ಪಾತು ಮೇ॒ ಮನಃ॑ | ಇ॒ಷ್ಟಸ್ಯ॒ ಮಧ್ಯೇ॒ ಅದಿ॑ತಿ॒ರ್ನಿ ಧಾ᳚ತು ನೋ॒ ಭ್ರಾತಾ᳚ ನೋ ಜ್ಯೇ॒ಷ್ಠಃ ಪ್ರ॑ಥ॒ಮೋ ವಿ ವೋ᳚ಚತಿ || 10.11.2
ಸೋ ಚಿ॒ನ್ನು ಭ॒ದ್ರಾ ಕ್ಷು॒ಮತೀ॒ ಯಶ॑ಸ್ವತ್ಯು॒ಷಾ ಉ॑ವಾಸ॒ ಮನ॑ವೇ॒ ಸ್ವ᳚ರ್ವತೀ | ಯದೀ᳚ಮು॒ಶ‌ನ್ತ॑ಮುಶ॒ತಾಮನು॒ ಕ್ರತು॑ಮ॒ಗ್ನಿಂ ಹೋತಾ᳚ರಂ ವಿ॒ದಥಾ᳚ಯ॒ ಜೀಜ॑ನನ್ || 10.11.3
ಅಧ॒ ತ್ಯಂ ದ್ರ॒ಪ್ಸಂ ವಿ॒ಭ್ವಂ᳚ ವಿಚಕ್ಷ॒ಣಂ ವಿರಾಭ॑ರದಿಷಿ॒ತಃ ಶ್ಯೇ॒ನೋ ಅ॑ಧ್ವ॒ರೇ | ಯದೀ॒ ವಿಶೋ᳚ ವೃ॒ಣತೇ᳚ ದ॒ಸ್ಮಮಾರ್ಯಾ᳚ ಅ॒ಗ್ನಿಂ ಹೋತಾ᳚ರ॒ಮಧ॒ ಧೀರ॑ಜಾಯತ || 10.11.4
ಸದಾ᳚ಸಿ ರ॒ಣ್ವೋ ಯವ॑ಸೇವ॒ ಪುಷ್ಯ॑ತೇ॒ ಹೋತ್ರಾ᳚ಭಿರಗ್ನೇ॒ ಮನು॑ಷಃ ಸ್ವಧ್ವ॒ರಃ | ವಿಪ್ರ॑ಸ್ಯ ವಾ॒ ಯಚ್ಛ॑ಶಮಾ॒ನ ಉ॒ಕ್ಥ್ಯ1॒॑ ಅಂವಾಜಂ᳚ ಸಸ॒ವಾಁ ಉ॑ಪ॒ಯಾಸಿ॒ ಭೂರಿ॑ಭಿಃ || 10.11.5
ಉದೀ᳚ರಯ ಪಿ॒ತರಾ᳚ ಜಾ॒ರ ಆ ಭಗ॒ಮಿಯ॑ಕ್ಷತಿ ಹರ್ಯ॒ತೋ ಹೃ॒ತ್ತ ಇ॑ಷ್ಯತಿ | ವಿವ॑ಕ್ತಿ॒ ವಹ್ನಿಃ॑ ಸ್ವಪ॒ಸ್ಯತೇ᳚ ಮ॒ಖಸ್ತ॑ವಿ॒ಷ್ಯತೇ॒ ಅಸು॑ರೋ॒ ವೇಪ॑ತೇ ಮ॒ತೀ || 10.11.6
ಯಸ್ತೇ᳚ ಅಗ್ನೇ ಸುಮ॒ತಿಂ ಮರ್ತೋ॒ ಅಕ್ಷ॒ತ್ಸಹ॑ಸಃ ಸೂನೋ॒ ಅತಿ॒ ಸ ಪ್ರ ಶೃ᳚ಣ್ವೇ | ಇಷಂ॒ ದಧಾ᳚ನೋ॒ ವಹ॑ಮಾನೋ॒ ಅಶ್ವೈ॒ರಾ ಸ ದ್ಯು॒ಮಾಁ ಅಮ॑ವಾನ್ಭೂಷತಿ॒ ದ್ಯೂನ್ || 10.11.7
ಯದ॑ಗ್ನ ಏ॒ಷಾ ಸಮಿ॑ತಿ॒ರ್ಭವಾ᳚ತಿ ದೇ॒ವೀ ದೇ॒ವೇಷು॑ ಯಜ॒ತಾ ಯ॑ಜತ್ರ | ರತ್ನಾ᳚ ಚ॒ ಯದ್ವಿ॒ಭಜಾ᳚ಸಿ ಸ್ವಧಾವೋ ಭಾ॒ಗಂ ನೋ॒ ಅತ್ರ॒ ವಸು॑ಮ‌ನ್ತಂ ವೀತಾತ್ || 10.11.8
ಶ್ರು॒ಧೀ ನೋ᳚ ಅಗ್ನೇ॒ ಸದ॑ನೇ ಸ॒ಧಸ್ಥೇ᳚ ಯು॒ಕ್ಷ್ವಾ ರಥ॑ಮ॒ಮೃತ॑ಸ್ಯ ದ್ರವಿ॒ತ್ನು‌ಮ್ | ಆ ನೋ᳚ ವಹ॒ ರೋದ॑ಸೀ ದೇ॒ವಪು॑ತ್ರೇ॒ ಮಾಕಿ॑ರ್ದೇ॒ವಾನಾ॒ಮಪ॑ ಭೂರಿ॒ಹ ಸ್ಯಾಃ᳚ || 10.11.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರ್ಹವಿರ್ಧಾನ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ದ್ಯಾವಾ᳚ ಹ॒ ಕ್ಷಾಮಾ᳚ ಪ್ರಥ॒ಮೇ ಋ॒ತೇನಾ᳚ಭಿಶ್ರಾ॒ವೇ ಭ॑ವತಃ ಸತ್ಯ॒ವಾಚಾ᳚ | ದೇ॒ವೋ ಯನ್ಮರ್ತಾ᳚ನ್ಯ॒ಜಥಾ᳚ಯ ಕೃ॒ಣ್ವ‌‌ನ್ತ್ಸೀದ॒ದ್ಧೋತಾ᳚ ಪ್ರ॒ತ್ಯಙ್ಸ್ವಮಸುಂ॒ ಯನ್ || 10.12.1
ದೇ॒ವೋ ದೇ॒ವಾನ್ಪ॑ರಿ॒ಭೂರ್‌ಋ॒ತೇನ॒ ವಹಾ᳚ ನೋ ಹ॒ವ್ಯಂ ಪ್ರ॑ಥ॒ಮಶ್ಚಿ॑ಕಿ॒ತ್ವಾನ್ | ಧೂ॒ಮಕೇ᳚ತುಃ ಸ॒ಮಿಧಾ॒ ಭಾಋ॑ಜೀಕೋ ಮಂ॒ದ್ರೋ ಹೋತಾ॒ ನಿತ್ಯೋ᳚ ವಾ॒ಚಾ ಯಜೀ᳚ಯಾನ್ || 10.12.2
ಸ್ವಾವೃ॑ಗ್ದೇ॒ವಸ್ಯಾ॒ಮೃತಂ॒ ಯದೀ॒ ಗೋರತೋ᳚ ಜಾ॒ತಾಸೋ᳚ ಧಾರಯ‌ನ್ತ ಉ॒ರ್ವೀ | ವಿಶ್ವೇ᳚ ದೇ॒ವಾ ಅನು॒ ತತ್ತೇ॒ ಯಜು॑ರ್ಗುರ್ದು॒ಹೇ ಯದೇನೀ᳚ ದಿ॒ವ್ಯಂ ಘೃ॒ತಂ ವಾಃ || 10.12.3
ಅರ್ಚಾ᳚ಮಿ ವಾಂ॒ ವರ್ಧಾ॒ಯಾಪೋ᳚ ಘೃತಸ್ನೂ॒ ದ್ಯಾವಾ᳚ಭೂಮೀ ಶೃಣು॒ತಂ ರೋ᳚ದಸೀ ಮೇ | ಅಹಾ॒ ಯದ್ದ್ಯಾವೋಽಸು॑ನೀತಿ॒ಮಯ॒ನ್ಮಧ್ವಾ᳚ ನೋ॒ ಅತ್ರ॑ ಪಿ॒ತರಾ᳚ ಶಿಶೀತಾ‌ಮ್ || 10.12.4
ಕಿಂ ಸ್ವಿ᳚ನ್ನೋ॒ ರಾಜಾ᳚ ಜಗೃಹೇ॒ ಕದ॒ಸ್ಯಾತಿ᳚ ವ್ರ॒ತಂ ಚ॑ಕೃಮಾ॒ ಕೋ ವಿ ವೇ᳚ದ | ಮಿ॒ತ್ರಶ್ಚಿ॒ದ್ಧಿ ಷ್ಮಾ᳚ ಜುಹುರಾ॒ಣೋ ದೇ॒ವಾಂಛ್ಲೋಕೋ॒ ನ ಯಾ॒ತಾಮಪಿ॒ ವಾಜೋ॒ ಅಸ್ತಿ॑ || 10.12.5
ದು॒ರ್ಮ‌ನ್ತ್ವತ್ರಾ॒ಮೃತ॑ಸ್ಯ॒ ನಾಮ॒ ಸಲ॑ಕ್ಷ್ಮಾ॒ ಯದ್ವಿಷು॑ರೂಪಾ॒ ಭವಾ᳚ತಿ | ಯ॒ಮಸ್ಯ॒ ಯೋ ಮ॒ನವ॑ತೇ ಸು॒ಮ‌ನ್ತ್ವಗ್ನೇ॒ ತಮೃ॑ಷ್ವ ಪಾ॒ಹ್ಯಪ್ರ॑ಯುಚ್ಛನ್ || 10.12.6
ಯಸ್ಮಿಂ᳚ದೇ॒ವಾ ವಿ॒ದಥೇ᳚ ಮಾ॒ದಯ᳚‌ನ್ತೇ ವಿ॒ವಸ್ವ॑ತಃ॒ ಸದ॑ನೇ ಧಾ॒ರಯ᳚‌ನ್ತೇ | ಸೂರ್ಯೇ॒ ಜ್ಯೋತಿ॒ರದ॑ಧುರ್ಮಾ॒ಸ್ಯ1॒॑ಕ್ತೂನ್ಪರಿ॑ ದ್ಯೋತ॒ನಿಂ ಚ॑ರತೋ॒ ಅಜ॑ಸ್ರಾ || 10.12.7
ಯಸ್ಮಿಂ᳚ದೇ॒ವಾ ಮನ್ಮ॑ನಿ ಸಂ॒ಚರ᳚‌ನ್ತ್ಯಪೀ॒ಚ್ಯೇ॒3॒॑ ನ ವ॒ಯಮ॑ಸ್ಯ ವಿದ್ಮ | ಮಿ॒ತ್ರೋ ನೋ॒ ಅತ್ರಾದಿ॑ತಿ॒ರನಾ᳚ಗಾ‌‌ನ್ತ್ಸವಿ॒ತಾ ದೇ॒ವೋ ವರು॑ಣಾಯ ವೋಚತ್ || 10.12.8
ಶ್ರು॒ಧೀ ನೋ᳚ ಅಗ್ನೇ॒ ಸದ॑ನೇ ಸ॒ಧಸ್ಥೇ᳚ ಯು॒ಕ್ಷ್ವಾ ರಥ॑ಮ॒ಮೃತ॑ಸ್ಯ ದ್ರವಿ॒ತ್ನು‌ಮ್ | ಆ ನೋ᳚ ವಹ॒ ರೋದ॑ಸೀ ದೇ॒ವಪು॑ತ್ರೇ॒ ಮಾಕಿ॑ರ್ದೇ॒ವಾನಾ॒ಮಪ॑ ಭೂರಿ॒ಹ ಸ್ಯಾಃ᳚ || 10.12.9

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾದಿತ್ಯೋ ವಿವಸ್ವಾನಾಂಗಿಹವಿರ್ಧಾನೋ ವಾ ಋಷಿಃ, ಹವಿರ್ಧಾನೇ ಶಕಟೇ ದೇವತೇ (1-4) ಪ್ರಥಮಾದಿಚರ್ಚಾಂ ತ್ರಿಷ್ಟುಪ್, (5) ಪಂಚಮ್ಯಾಶ್ಚ ಜಗತೀ ಛಂದಸೀ

ಯು॒ಜೇ ವಾಂ॒ ಬ್ರಹ್ಮ॑ ಪೂ॒ರ್ವ್ಯಂ ನಮೋ᳚ಭಿ॒ರ್ವಿ ಶ್ಲೋಕ॑ ಏತು ಪ॒ಥ್ಯೇ᳚ವ ಸೂ॒ರೇಃ | ಶೃ॒ಣ್ವ‌ನ್ತು॒ ವಿಶ್ವೇ᳚ ಅ॒ಮೃತ॑ಸ್ಯ ಪು॒ತ್ರಾ ಆ ಯೇ ಧಾಮಾ᳚ನಿ ದಿ॒ವ್ಯಾನಿ॑ ತ॒ಸ್ಥುಃ || 10.13.1
ಯ॒ಮೇ ಇ॑ವ॒ ಯತ॑ಮಾನೇ॒ ಯದೈತಂ॒ ಪ್ರ ವಾಂ᳚ ಭರ॒ನ್ಮಾನು॑ಷಾ ದೇವ॒ಯ‌ನ್ತಃ॑ | ಆ ಸೀ᳚ದತಂ॒ ಸ್ವಮು॑ ಲೋ॒ಕಂ ವಿದಾ᳚ನೇ ಸ್ವಾಸ॒ಸ್ಥೇ ಭ॑ವತ॒ಮಿಂದ॑ವೇ ನಃ || 10.13.2
ಪಂಚ॑ ಪ॒ದಾನಿ॑ ರು॒ಪೋ ಅನ್ವ॑ರೋಹಂ॒ ಚತು॑ಷ್ಪದೀ॒ಮನ್ವೇ᳚ಮಿ ವ್ರ॒ತೇನ॑ | ಅ॒ಕ್ಷರೇ᳚ಣ॒ ಪ್ರತಿ॑ ಮಿಮ ಏ॒ತಾಮೃ॒ತಸ್ಯ॒ ನಾಭಾ॒ವಧಿ॒ ಸಂ ಪು॑ನಾಮಿ || 10.13.3
ದೇ॒ವೇಭ್ಯಃ॒ ಕಮ॑ವೃಣೀತ ಮೃ॒ತ್ಯುಂ ಪ್ರ॒ಜಾಯೈ॒ ಕಮ॒ಮೃತಂ॒ ನಾವೃ॑ಣೀತ | ಬೃಹ॒ಸ್ಪತಿಂ᳚ ಯ॒ಜ್ಞಮ॑ಕೃಣ್ವತ॒ ಋಷಿಂ᳚ ಪ್ರಿ॒ಯಾಂ ಯ॒ಮಸ್ತ॒ನ್ವ1॒॑ ಅಂಪ್ರಾರಿ॑ರೇಚೀತ್ || 10.13.4
ಸ॒ಪ್ತ ಕ್ಷ॑ರ‌ನ್ತಿ॒ ಶಿಶ॑ವೇ ಮ॒ರುತ್ವ॑ತೇ ಪಿ॒ತ್ರೇ ಪು॒ತ್ರಾಸೋ॒ ಅಪ್ಯ॑ವೀವತನ್ನೃ॒ತ‌ಮ್ | ಉ॒ಭೇ ಇದ॑ಸ್ಯೋ॒ಭಯ॑ಸ್ಯ ರಾಜತ ಉ॒ಭೇ ಯ॑ತೇತೇ ಉ॒ಭಯ॑ಸ್ಯ ಪುಷ್ಯತಃ || 10.13.5

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೋ ಯಮ ಋಷಿಃ (1-5, 13-16) ಪ್ರಥಮಾದಿಪಂಚರ್ಚಾಂ ತ್ರಯೋದಶ್ಯಾದಿಚತಸೃಣಾಂಚ ಯಮಃ, (6) ಷಷ್ಠ್ಯಾ ಅಂಗಿರಃಪಿತ್ರಥರ್ವಭಗೃ ವಃ, (7-9) ಸಪ್ತಮ್ಯಾದಿತೃಚಸ್ಯ ಲಿಂಗೋಕ್ತಾಃ ಪಿತರೋ ವಾ, (10-12) ದಶಮ್ಯಾದಿತೃಚಸ್ಯ ಚ ಸಾರಮೇಯೌ ಶ್ವಾನೌ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ತ್ರಿಷ್ಟುಪ್, (13-14, 16) ತ್ರಯೋದಶೀಚತುರ್ದಶೀಷೋಡಶೀನಾಮನುಷ್ಟಪ್ , (15) ಪಂಚದಶ್ಯಾಶ್ಚ ಬೃಹತೀ ಛಂದಾಂಸಿ

ಪ॒ರೇ॒ಯಿ॒ವಾಂಸಂ᳚ ಪ್ರ॒ವತೋ᳚ ಮ॒ಹೀರನು॑ ಬ॒ಹುಭ್ಯಃ॒ ಪ‌ನ್ಥಾ᳚ಮನುಪಸ್ಪಶಾ॒ನ‌ಮ್ | ವೈ॒ವ॒ಸ್ವ॒ತಂ ಸಂ॒ಗಮ॑ನಂ॒ ಜನಾ᳚ನಾಂ ಯ॒ಮಂ ರಾಜಾ᳚ನಂ ಹ॒ವಿಷಾ᳚ ದುವಸ್ಯ || 10.14.1
ಯ॒ಮೋ ನೋ᳚ ಗಾ॒ತುಂ ಪ್ರ॑ಥ॒ಮೋ ವಿ॑ವೇದ॒ ನೈಷಾ ಗವ್ಯೂ᳚ತಿ॒ರಪ॑ಭರ್ತ॒ವಾ ಉ॑ | ಯತ್ರಾ᳚ ನಃ॒ ಪೂರ್ವೇ᳚ ಪಿ॒ತರಃ॑ ಪರೇ॒ಯುರೇ॒ನಾ ಜ॑ಜ್ಞಾ॒ನಾಃ ಪ॒ಥ್ಯಾ॒3॒॑ ಅನು॒ ಸ್ವಾಃ || 10.14.2
ಮಾತ॑ಲೀ ಕ॒ವ್ಯೈರ್ಯ॒ಮೋ ಅಂಗಿ॑ರೋಭಿ॒ರ್ಬೃಹ॒ಸ್ಪತಿ॒ರ್‌ಋಕ್ವ॑ಭಿರ್ವಾವೃಧಾ॒ನಃ | ಯಾಁಶ್ಚ॑ ದೇ॒ವಾ ವಾ᳚ವೃ॒ಧುರ್ಯೇ ಚ॑ ದೇ॒ವಾ‌‌ನ್ತ್ಸ್ವಾಹಾ॒ನ್ಯೇ ಸ್ವ॒ಧಯಾ॒ನ್ಯೇ ಮ॑ದ‌ನ್ತಿ || 10.14.3
ಇ॒ಮಂ ಯ॑ಮ ಪ್ರಸ್ತ॒ರಮಾ ಹಿ ಸೀದಾಂಗಿ॑ರೋಭಿಃ ಪಿ॒ತೃಭಿಃ॑ ಸಂವಿದಾ॒ನಃ | ಆ ತ್ವಾ॒ ಮ‌ನ್ತ್ರಾಃ᳚ ಕವಿಶ॒ಸ್ತಾ ವ॑ಹ‌ನ್ತ್ವೇ॒ನಾ ರಾ᳚ಜನ್ಹ॒ವಿಷಾ᳚ ಮಾದಯಸ್ವ || 10.14.4
ಅಂಗಿ॑ರೋಭಿ॒ರಾ ಗ॑ಹಿ ಯ॒ಜ್ಞಿಯೇ᳚ಭಿ॒ರ್ಯಮ॑ ವೈರೂ॒ಪೈರಿ॒ಹ ಮಾ᳚ದಯಸ್ವ | ವಿವ॑ಸ್ವ‌ನ್ತಂ ಹುವೇ॒ ಯಃ ಪಿ॒ತಾ ತೇ॒ಽಸ್ಮಿನ್ಯ॒ಜ್ಞೇ ಬ॒ರ್ಹಿಷ್ಯಾ ನಿ॒ಷದ್ಯ॑ || 10.14.5
ಅಂಗಿ॑ರಸೋ ನಃ ಪಿ॒ತರೋ॒ ನವ॑ಗ್ವಾ॒ ಅಥ᳚ರ್ವಾಣೋ॒ ಭೃಗ॑ವಃ ಸೋ॒ಮ್ಯಾಸಃ॑ | ತೇಷಾಂ᳚ ವ॒ಯಂ ಸು॑ಮ॒ತೌ ಯ॒ಜ್ಞಿಯಾ᳚ನಾ॒ಮಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ || 10.14.6
ಪ್ರೇಹಿ॒ ಪ್ರೇಹಿ॑ ಪ॒ಥಿಭಿಃ॑ ಪೂ॒ರ್ವ್ಯೇಭಿ॒ರ್ಯತ್ರಾ᳚ ನಃ॒ ಪೂರ್ವೇ᳚ ಪಿ॒ತರಃ॑ ಪರೇ॒ಯುಃ | ಉ॒ಭಾ ರಾಜಾ᳚ನಾ ಸ್ವ॒ಧಯಾ॒ ಮದ᳚‌ನ್ತಾ ಯ॒ಮಂ ಪ॑ಶ್ಯಾಸಿ॒ ವರು॑ಣಂ ಚ ದೇ॒ವ‌ಮ್ || 10.14.7
ಸಂ ಗ॑ಚ್ಛಸ್ವ ಪಿ॒ತೃಭಿಃ॒ ಸಂ ಯ॒ಮೇನೇ᳚ಷ್ಟಾಪೂ॒ರ್ತೇನ॑ ಪರ॒ಮೇ ವ್ಯೋ᳚ಮನ್ | ಹಿ॒ತ್ವಾಯಾ᳚ವ॒ದ್ಯಂ ಪುನ॒ರಸ್ತ॒ಮೇಹಿ॒ ಸಂ ಗ॑ಚ್ಛಸ್ವ ತ॒ನ್ವಾ᳚ ಸು॒ವರ್ಚಾಃ᳚ || 10.14.8
ಅಪೇ᳚ತ॒ ವೀ᳚ತ॒ ವಿ ಚ॑ ಸರ್ಪ॒ತಾತೋ॒ಽಸ್ಮಾ ಏ॒ತಂ ಪಿ॒ತರೋ᳚ ಲೋ॒ಕಮ॑ಕ್ರನ್ | ಅಹೋ᳚ಭಿರ॒ದ್ಭಿರ॒ಕ್ತುಭಿ॒ರ್ವ್ಯ॑ಕ್ತಂ ಯ॒ಮೋ ದ॑ದಾತ್ಯವ॒ಸಾನ॑ಮಸ್ಮೈ || 10.14.9
ಅತಿ॑ ದ್ರವ ಸಾರಮೇ॒ಯೌ ಶ್ವಾನೌ᳚ ಚತುರ॒ಕ್ಷೌ ಶ॒ಬಲೌ᳚ ಸಾ॒ಧುನಾ᳚ ಪ॒ಥಾ | ಅಥಾ᳚ ಪಿ॒ತೄ‌‌ನ್ತ್ಸು॑ವಿ॒ದತ್ರಾಁ॒ ಉಪೇ᳚ಹಿ ಯ॒ಮೇನ॒ ಯೇ ಸ॑ಧ॒ಮಾದಂ॒ ಮದ᳚‌ನ್ತಿ || 10.14.10
ಯೌ ತೇ॒ ಶ್ವಾನೌ᳚ ಯಮ ರಕ್ಷಿ॒ತಾರೌ᳚ ಚತುರ॒ಕ್ಷೌ ಪ॑ಥಿ॒ರಕ್ಷೀ᳚ ನೃ॒ಚಕ್ಷ॑ಸೌ | ತಾಭ್ಯಾ᳚ಮೇನಂ॒ ಪರಿ॑ ದೇಹಿ ರಾಜ‌‌ನ್ತ್ಸ್ವ॒ಸ್ತಿ ಚಾ᳚ಸ್ಮಾ ಅನಮೀ॒ವಂ ಚ॑ ಧೇಹಿ || 10.14.11
ಉ॒ರೂ॒ಣ॒ಸಾವ॑ಸು॒ತೃಪಾ᳚ ಉದುಂಬ॒ಲೌ ಯ॒ಮಸ್ಯ॑ ದೂ॒ತೌ ಚ॑ರತೋ॒ ಜನಾಁ॒ ಅನು॑ | ತಾವ॒ಸ್ಮಭ್ಯಂ᳚ ದೃ॒ಶಯೇ॒ ಸೂರ್ಯಾ᳚ಯ॒ ಪುನ॑ರ್ದಾತಾ॒ಮಸು॑ಮ॒ದ್ಯೇಹ ಭ॒ದ್ರ‌ಮ್ || 10.14.12
ಯ॒ಮಾಯ॒ ಸೋಮಂ᳚ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ | ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ᳚ತೋ॒ ಅರಂ᳚ಕೃತಃ || 10.14.13
ಯ॒ಮಾಯ॑ ಘೃ॒ತವ॑ದ್ಧ॒ವಿರ್ಜು॒ಹೋತ॒ ಪ್ರ ಚ॑ ತಿಷ್ಠತ | ಸ ನೋ᳚ ದೇ॒ವೇಷ್ವಾ ಯ॑ಮದ್ದೀ॒ರ್ಘಮಾಯುಃ॒ ಪ್ರ ಜೀ॒ವಸೇ᳚ || 10.14.14
ಯ॒ಮಾಯ॒ ಮಧು॑ಮತ್ತಮಂ॒ ರಾಜ್ಞೇ᳚ ಹ॒ವ್ಯಂ ಜು॑ಹೋತನ | ಇ॒ದಂ ನಮ॒ ಋಷಿ॑ಭ್ಯಃ ಪೂರ್ವ॒ಜೇಭ್ಯಃ॒ ಪೂರ್ವೇ᳚ಭ್ಯಃ ಪಥಿ॒ಕೃದ್ಭ್ಯಃ॑ || 10.14.15
ತ್ರಿಕ॑ದ್ರುಕೇಭಿಃ ಪತತಿ॒ ಷಳು॒ರ್ವೀರೇಕ॒ಮಿದ್ಬೃ॒ಹತ್ | ತ್ರಿ॒ಷ್ಟುಬ್ಗಾ᳚ಯ॒ತ್ರೀ ಛಂದಾಂ᳚ಸಿ॒ ಸರ್ವಾ॒ ತಾ ಯ॒ಮ ಆಹಿ॑ತಾ || 10.14.16

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಯಾಮಾಯನಃ ಶತ ಋಷಿಃ, ಪಿತರೋ ದೇವತಾಃ (110, 12-14) ಪ್ರಥಮಾದಿದಶರ್ಚಾಂ ದ್ವಾದಶ್ಯಾದಿತೃಚಸ್ಯ ಚ ತ್ರಿಷ್ಟುಪ್, (11) ಏಕಾದಶ್ಯಾಶ್ಚ ಜಗತೀ ಛಂದಸೀ

ಉದೀ᳚ರತಾ॒ಮವ॑ರ॒ ಉತ್ಪರಾ᳚ಸ॒ ಉನ್ಮ॑ಧ್ಯ॒ಮಾಃ ಪಿ॒ತರಃ॑ ಸೋ॒ಮ್ಯಾಸಃ॑ | ಅಸುಂ॒ ಯ ಈ॒ಯುರ॑ವೃ॒ಕಾ ಋ॑ತ॒ಜ್ಞಾಸ್ತೇ ನೋ᳚ಽವ‌ನ್ತು ಪಿ॒ತರೋ॒ ಹವೇ᳚ಷು || 10.15.1
ಇ॒ದಂ ಪಿ॒ತೃಭ್ಯೋ॒ ನಮೋ᳚ ಅಸ್ತ್ವ॒ದ್ಯ ಯೇ ಪೂರ್ವಾ᳚ಸೋ॒ ಯ ಉಪ॑ರಾಸ ಈ॒ಯುಃ | ಯೇ ಪಾರ್ಥಿ॑ವೇ॒ ರಜ॒ಸ್ಯಾ ನಿಷ॑ತ್ತಾ॒ ಯೇ ವಾ᳚ ನೂ॒ನಂ ಸು॑ವೃ॒ಜನಾ᳚ಸು ವಿ॒ಕ್ಷು || 10.15.2
ಆಹಂ ಪಿ॒ತೄ‌‌ನ್ತ್ಸು॑ವಿ॒ದತ್ರಾಁ᳚ ಅವಿತ್ಸಿ॒ ನಪಾ᳚ತಂ ಚ ವಿ॒ಕ್ರಮ॑ಣಂ ಚ॒ ವಿಷ್ಣೋಃ᳚ | ಬ॒ರ್ಹಿ॒ಷದೋ॒ ಯೇ ಸ್ವ॒ಧಯಾ᳚ ಸು॒ತಸ್ಯ॒ ಭಜ᳚‌ನ್ತ ಪಿ॒ತ್ವಸ್ತ ಇ॒ಹಾಗ॑ಮಿಷ್ಠಾಃ || 10.15.3
ಬರ್ಹಿ॑ಷದಃ ಪಿತರ ಊ॒ತ್ಯ1॒᳚ರ್ವಾಗಿ॒ಮಾ ವೋ᳚ ಹ॒ವ್ಯಾ ಚ॑ಕೃಮಾ ಜು॒ಷಧ್ವ‌ಮ್᳚ | ತ ಆ ಗ॒ತಾವ॑ಸಾ॒ ಶಂತ॑ಮೇ॒ನಾಥಾ᳚ ನಃ॒ ಶಂ ಯೋರ॑ರ॒ಪೋ ದ॑ಧಾತ || 10.15.4
ಉಪ॑ಹೂತಾಃ ಪಿ॒ತರಃ॑ ಸೋ॒ಮ್ಯಾಸೋ᳚ ಬರ್ಹಿ॒ಷ್ಯೇ᳚ಷು ನಿ॒ಧಿಷು॑ ಪ್ರಿ॒ಯೇಷು॑ | ತ ಆ ಗ॑ಮ‌ನ್ತು॒ ತ ಇ॒ಹ ಶ್ರು॑ವ॒‌ನ್ತ್ವಧಿ॑ ಬ್ರುವ‌ನ್ತು॒ ತೇ᳚ಽವ‌ನ್ತ್ವ॒ಸ್ಮಾನ್ || 10.15.5
ಆಚ್ಯಾ॒ ಜಾನು॑ ದಕ್ಷಿಣ॒ತೋ ನಿ॒ಷದ್ಯೇ॒ಮಂ ಯ॒ಜ್ಞಮ॒ಭಿ ಗೃ॑ಣೀತ॒ ವಿಶ್ವೇ᳚ | ಮಾ ಹಿಂ᳚ಸಿಷ್ಟ ಪಿತರಃ॒ ಕೇನ॑ ಚಿನ್ನೋ॒ ಯದ್ವ॒ ಆಗಃ॑ ಪುರು॒ಷತಾ॒ ಕರಾ᳚ಮ || 10.15.6
ಆಸೀ᳚ನಾಸೋ ಅರು॒ಣೀನಾ᳚ಮು॒ಪಸ್ಥೇ᳚ ರ॒ಯಿಂ ಧ॑ತ್ತ ದಾ॒ಶುಷೇ॒ ಮರ್ತ್ಯಾ᳚ಯ | ಪು॒ತ್ರೇಭ್ಯಃ॑ ಪಿತರ॒ಸ್ತಸ್ಯ॒ ವಸ್ವಃ॒ ಪ್ರ ಯ॑ಚ್ಛತ॒ ತ ಇ॒ಹೋರ್ಜಂ᳚ ದಧಾತ || 10.15.7
ಯೇ ನಃ॒ ಪೂರ್ವೇ᳚ ಪಿ॒ತರಃ॑ ಸೋ॒ಮ್ಯಾಸೋ᳚ಽನೂಹಿ॒ರೇ ಸೋ᳚ಮಪೀ॒ಥಂ ವಸಿ॑ಷ್ಠಾಃ | ತೇಭಿ᳚ರ್ಯ॒ಮಃ ಸಂ᳚ರರಾ॒ಣೋ ಹ॒ವೀಂಷ್ಯು॒ಶನ್ನು॒ಶದ್ಭಿಃ॑ ಪ್ರತಿಕಾ॒ಮಮ॑ತ್ತು || 10.15.8
ಯೇ ತಾ᳚ತೃ॒ಷುರ್ದೇ᳚ವ॒ತ್ರಾ ಜೇಹ॑ಮಾನಾ ಹೋತ್ರಾ॒ವಿದಃ॒ ಸ್ತೋಮ॑ತಷ್ಟಾಸೋ ಅ॒ರ್ಕೈಃ | ಆಗ್ನೇ᳚ ಯಾಹಿ ಸುವಿ॒ದತ್ರೇ᳚ಭಿರ॒ರ್ವಾಙ್ಸ॒ತ್ಯೈಃ ಕ॒ವ್ಯೈಃ ಪಿ॒ತೃಭಿ॑ರ್ಘರ್ಮ॒ಸದ್ಭಿಃ॑ || 10.15.9
ಯೇ ಸ॒ತ್ಯಾಸೋ᳚ ಹವಿ॒ರದೋ᳚ ಹವಿ॒ಷ್ಪಾ ಇಂದ್ರೇ᳚ಣ ದೇ॒ವೈಃ ಸ॒ರಥಂ॒ ದಧಾ᳚ನಾಃ | ಆಗ್ನೇ᳚ ಯಾಹಿ ಸ॒ಹಸ್ರಂ᳚ ದೇವವಂ॒ದೈಃ ಪರೈಃ॒ ಪೂರ್ವೈಃ᳚ ಪಿ॒ತೃಭಿ॑ರ್ಘರ್ಮ॒ಸದ್ಭಿಃ॑ || 10.15.10
ಅಗ್ನಿ॑ಷ್ವಾತ್ತಾಃ ಪಿತರ॒ ಏಹ ಗ॑ಚ್ಛತ॒ ಸದಃ॑ಸದಃ ಸದತ ಸುಪ್ರಣೀತಯಃ | ಅ॒ತ್ತಾ ಹ॒ವೀಂಷಿ॒ ಪ್ರಯ॑ತಾನಿ ಬ॒ರ್ಹಿಷ್ಯಥಾ᳚ ರ॒ಯಿಂ ಸರ್ವ॑ವೀರಂ ದಧಾತನ || 10.15.11
ತ್ವಮ॑ಗ್ನ ಈಳಿ॒ತೋ ಜಾ᳚ತವೇ॒ದೋಽವಾ᳚ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವೀ | ಪ್ರಾದಾಃ᳚ ಪಿ॒ತೃಭ್ಯಃ॑ ಸ್ವ॒ಧಯಾ॒ ತೇ ಅ॑ಕ್ಷನ್ನ॒ದ್ಧಿ ತ್ವಂ ದೇ᳚ವ॒ ಪ್ರಯ॑ತಾ ಹ॒ವೀಂಷಿ॑ || 10.15.12
ಯೇ ಚೇ॒ಹ ಪಿ॒ತರೋ॒ ಯೇ ಚ॒ ನೇಹ ಯಾಁಶ್ಚ॑ ವಿ॒ದ್ಮ ಯಾಁ ಉ॑ ಚ॒ ನ ಪ್ರ॑ವಿ॒ದ್ಮ | ತ್ವಂ ವೇ᳚ತ್ಥ॒ ಯತಿ॒ ತೇ ಜಾ᳚ತವೇದಃ ಸ್ವ॒ಧಾಭಿ᳚ರ್ಯ॒ಜ್ಞಂ ಸುಕೃ॑ತಂ ಜುಷಸ್ವ || 10.15.13
ಯೇ ಅ॑ಗ್ನಿದ॒ಗ್ಧಾ ಯೇ ಅನ॑ಗ್ನಿದಗ್ಧಾ॒ ಮಧ್ಯೇ᳚ ದಿ॒ವಃ ಸ್ವ॒ಧಯಾ᳚ ಮಾ॒ದಯ᳚‌ನ್ತೇ | ತೇಭಿಃ॑ ಸ್ವ॒ರಾಳಸು॑ನೀತಿಮೇ॒ತಾಂ ಯ॑ಥಾವ॒ಶಂ ತ॒ನ್ವಂ᳚ ಕಲ್ಪಯಸ್ವ || 10.15.14

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಯಾಮಾಯನೋ ದಮನ ಋಷಿಃ, ಅಗ್ನಿರ್ದೇವತಾ, (110) ಪ್ರಥಮಾದಿದಶರ್ಚಾಂ ತ್ರಿಷ್ಟುಪ, (11-14) ಏಕಾದಶ್ಯಾದಿಚತಸೃಣಾಂಚಾನುಷ್ಟಪು, ಛಂದಸೀ

ಮೈನ॑ಮಗ್ನೇ॒ ವಿ ದ॑ಹೋ॒ ಮಾಭಿ ಶೋ᳚ಚೋ॒ ಮಾಸ್ಯ॒ ತ್ವಚಂ᳚ ಚಿಕ್ಷಿಪೋ॒ ಮಾ ಶರೀ᳚ರ‌ಮ್ | ಯ॒ದಾ ಶೃ॒ತಂ ಕೃ॒ಣವೋ᳚ ಜಾತವೇ॒ದೋಽಥೇ᳚ಮೇನಂ॒ ಪ್ರ ಹಿ॑ಣುತಾತ್ಪಿ॒ತೃಭ್ಯಃ॑ || 10.16.1
ಶೃ॒ತಂ ಯ॒ದಾ ಕರ॑ಸಿ ಜಾತವೇ॒ದೋಽಥೇ᳚ಮೇನಂ॒ ಪರಿ॑ ದತ್ತಾತ್ಪಿ॒ತೃಭ್ಯಃ॑ | ಯ॒ದಾ ಗಚ್ಛಾ॒ತ್ಯಸು॑ನೀತಿಮೇ॒ತಾಮಥಾ᳚ ದೇ॒ವಾನಾಂ᳚ ವಶ॒ನೀರ್ಭ॑ವಾತಿ || 10.16.2
ಸೂರ್ಯಂ॒ ಚಕ್ಷು॑ರ್ಗಚ್ಛತು॒ ವಾತ॑ಮಾ॒ತ್ಮಾ ದ್ಯಾಂ ಚ॑ ಗಚ್ಛ ಪೃಥಿ॒ವೀಂ ಚ॒ ಧರ್ಮ॑ಣಾ | ಅ॒ಪೋ ವಾ᳚ ಗಚ್ಛ॒ ಯದಿ॒ ತತ್ರ॑ ತೇ ಹಿ॒ತಮೋಷ॑ಧೀಷು॒ ಪ್ರತಿ॑ ತಿಷ್ಠಾ॒ ಶರೀ᳚ರೈಃ || 10.16.3
ಅ॒ಜೋ ಭಾ॒ಗಸ್ತಪ॑ಸಾ॒ ತಂ ತ॑ಪಸ್ವ॒ ತಂ ತೇ᳚ ಶೋ॒ಚಿಸ್ತ॑ಪತು॒ ತಂ ತೇ᳚ ಅ॒ರ್ಚಿಃ | ಯಾಸ್ತೇ᳚ ಶಿ॒ವಾಸ್ತ॒ನ್ವೋ᳚ ಜಾತವೇದ॒ಸ್ತಾಭಿ᳚ರ್ವಹೈನಂ ಸು॒ಕೃತಾ᳚ಮು ಲೋ॒ಕ‌ಮ್ || 10.16.4
ಅವ॑ ಸೃಜ॒ ಪುನ॑ರಗ್ನೇ ಪಿ॒ತೃಭ್ಯೋ॒ ಯಸ್ತ॒ ಆಹು॑ತ॒ಶ್ಚರ॑ತಿ ಸ್ವ॒ಧಾಭಿಃ॑ | ಆಯು॒ರ್ವಸಾ᳚ನ॒ ಉಪ॑ ವೇತು॒ ಶೇಷಃ॒ ಸಂ ಗ॑ಚ್ಛತಾಂ ತ॒ನ್ವಾ᳚ ಜಾತವೇದಃ || 10.16.5
ಯತ್ತೇ᳚ ಕೃ॒ಷ್ಣಃ ಶ॑ಕು॒ನ ಆ᳚ತು॒ತೋದ॑ ಪಿಪೀ॒ಲಃ ಸ॒ರ್ಪ ಉ॒ತ ವಾ॒ ಶ್ವಾಪ॑ದಃ | ಅ॒ಗ್ನಿಷ್ಟದ್ವಿ॒ಶ್ವಾದ॑ಗ॒ದಂ ಕೃ॑ಣೋತು॒ ಸೋಮ॑ಶ್ಚ॒ ಯೋ ಬ್ರಾ᳚ಹ್ಮ॒ಣಾಁ ಆ᳚ವಿ॒ವೇಶ॑ || 10.16.6
ಅ॒ಗ್ನೇರ್ವರ್ಮ॒ ಪರಿ॒ ಗೋಭಿ᳚ರ್ವ್ಯಯಸ್ವ॒ ಸಂ ಪ್ರೋರ್ಣು॑ಷ್ವ॒ ಪೀವ॑ಸಾ॒ ಮೇದ॑ಸಾ ಚ | ನೇತ್ತ್ವಾ᳚ ಧೃ॒ಷ್ಣುರ್ಹರ॑ಸಾ॒ ಜರ್ಹೃ॑ಷಾಣೋ ದ॒ಧೃಗ್ವಿ॑ಧ॒ಕ್ಷ್ಯನ್ಪ᳚ರ್ಯಂ॒ಖಯಾ᳚ತೇ || 10.16.7
ಇ॒ಮಮ॑ಗ್ನೇ ಚಮ॒ಸಂ ಮಾ ವಿ ಜಿ॑ಹ್ವರಃ ಪ್ರಿ॒ಯೋ ದೇ॒ವಾನಾ᳚ಮು॒ತ ಸೋ॒ಮ್ಯಾನಾ᳚‌ಮ್ | ಏ॒ಷ ಯಶ್ಚ॑ಮ॒ಸೋ ದೇ᳚ವ॒ಪಾನ॒ಸ್ತಸ್ಮಿಂ᳚ದೇ॒ವಾ ಅ॒ಮೃತಾ᳚ ಮಾದಯ‌ನ್ತೇ || 10.16.8
ಕ್ರ॒ವ್ಯಾದ॑ಮ॒ಗ್ನಿಂ ಪ್ರ ಹಿ॑ಣೋಮಿ ದೂ॒ರಂ ಯ॒ಮರಾ᳚ಜ್ಞೋ ಗಚ್ಛತು ರಿಪ್ರವಾ॒ಹಃ | ಇ॒ಹೈವಾಯಮಿತ॑ರೋ ಜಾ॒ತವೇ᳚ದಾ ದೇ॒ವೇಭ್ಯೋ᳚ ಹ॒ವ್ಯಂ ವ॑ಹತು ಪ್ರಜಾ॒ನನ್ || 10.16.9
ಯೋ ಅ॒ಗ್ನಿಃ ಕ್ರ॒ವ್ಯಾತ್ಪ್ರ॑ವಿ॒ವೇಶ॑ ವೋ ಗೃ॒ಹಮಿ॒ಮಂ ಪಶ್ಯ॒ನ್ನಿತ॑ರಂ ಜಾ॒ತವೇ᳚ದಸ‌ಮ್ | ತಂ ಹ॑ರಾಮಿ ಪಿತೃಯ॒ಜ್ಞಾಯ॑ ದೇ॒ವಂ ಸ ಘ॒ರ್ಮಮಿ᳚ನ್ವಾತ್ಪರ॒ಮೇ ಸ॒ಧಸ್ಥೇ᳚ || 10.16.10
ಯೋ ಅ॒ಗ್ನಿಃ ಕ್ರ᳚ವ್ಯ॒ವಾಹ॑ನಃ ಪಿ॒ತೄನ್ಯಕ್ಷ॑ದೃತಾ॒ವೃಧಃ॑ | ಪ್ರೇದು॑ ಹ॒ವ್ಯಾನಿ॑ ವೋಚತಿ ದೇ॒ವೇಭ್ಯ॑ಶ್ಚ ಪಿ॒ತೃಭ್ಯ॒ ಆ || 10.16.11
ಉ॒ಶ‌ನ್ತ॑ಸ್ತ್ವಾ॒ ನಿ ಧೀ᳚ಮಹ್ಯು॒ಶ‌ನ್ತಃ॒ ಸಮಿ॑ಧೀಮಹಿ | ಉ॒ಶನ್ನು॑ಶ॒ತ ಆ ವ॑ಹ ಪಿ॒ತೄನ್ಹ॒ವಿಷೇ॒ ಅತ್ತ॑ವೇ || 10.16.12
ಯಂ ತ್ವಮ॑ಗ್ನೇ ಸ॒ಮದ॑ಹ॒ಸ್ತಮು॒ ನಿರ್ವಾ᳚ಪಯಾ॒ ಪುನಃ॑ | ಕಿ॒ಯಾಂಬ್ವತ್ರ॑ ರೋಹತು ಪಾಕದೂ॒ರ್ವಾ ವ್ಯ॑ಲ್ಕಶಾ || 10.16.13
ಶೀತಿ॑ಕೇ॒ ಶೀತಿ॑ಕಾವತಿ॒ ಹ್ಲಾದಿ॑ಕೇ॒ ಹ್ಲಾದಿ॑ಕಾವತಿ | ಮಂ॒ಡೂ॒ಕ್ಯಾ॒3॒॑ ಸು ಸಂ ಗ॑ಮ ಇ॒ಮಂ ಸ್ವ1॒॑ಗ್ನಿಂ ಹ॑ರ್ಷಯ || 10.16.14

(1-14) ಚತುರ್ದಶರ್ಚಸ್ಯಾಸ್ಯ ಸೂತ್ತಸ್ಯ ಯಾಮಾಯನೋ ದೇವಶ್ರವಾ ಋಷಿಃ (1-2) ಪ್ರಥಮಾದ್ವಿತೀಯಯೋರೃಚೋಃ ಸರಣ್ಯಃ, (3-6) ತೃತೀಯಾದಿಚತಸೃಣಾಂ ಪೂಷಾ, (7-9) ಸಪ್ತಮ್ಯಾದಿತೃಚಸ್ಯ ಸರಸ್ವತೀ, (10, 14) ದಶಮೀಚತುದರ್ಶ ಯೋರಾಪಃ, (11-13) ಏಕಾದಶ್ಯಾದಿತೃಚಸ್ಯ ಚ ಆಪಃ ಸೋಮೋ ವಾ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ತ್ರಿಷ್ಟುಪ, (13) ತ್ರಯೋದಶ್ಯಾ ಅನುಷ್ಟಃ ಪುರಸ್ತಾದ್ಬ್ರಹತೀ ವಾ, (14) ಚತುದರ್ಶ ಯಾಶ್ಚಾನುಷ್ಟಪು, ಛಂದಾಂಸಿ

ತ್ವಷ್ಟಾ᳚ ದುಹಿ॒ತ್ರೇ ವ॑ಹ॒ತುಂ ಕೃ॑ಣೋ॒ತೀತೀ॒ದಂ ವಿಶ್ವಂ॒ ಭುವ॑ನಂ॒ ಸಮೇ᳚ತಿ | ಯ॒ಮಸ್ಯ॑ ಮಾ॒ತಾ ಪ᳚ರ್ಯು॒ಹ್ಯಮಾ᳚ನಾ ಮ॒ಹೋ ಜಾ॒ಯಾ ವಿವ॑ಸ್ವತೋ ನನಾಶ || 10.17.1
ಅಪಾ᳚ಗೂಹನ್ನ॒ಮೃತಾಂ॒ ಮರ್ತ್ಯೇ᳚ಭ್ಯಃ ಕೃ॒ತ್ವೀ ಸವ᳚ರ್ಣಾಮದದು॒ರ್ವಿವ॑ಸ್ವತೇ | ಉ॒ತಾಶ್ವಿನಾ᳚ವಭರ॒ದ್ಯತ್ತದಾಸೀ॒ದಜ॑ಹಾದು॒ ದ್ವಾ ಮಿ॑ಥು॒ನಾ ಸ॑ರ॒ಣ್ಯೂಃ || 10.17.2
ಪೂ॒ಷಾ ತ್ವೇ॒ತಶ್ಚ್ಯಾ᳚ವಯತು॒ ಪ್ರ ವಿ॒ದ್ವಾನನ॑ಷ್ಟಪಶು॒ರ್ಭುವ॑ನಸ್ಯ ಗೋ॒ಪಾಃ | ಸ ತ್ವೈ॒ತೇಭ್ಯಃ॒ ಪರಿ॑ ದದತ್ಪಿ॒ತೃಭ್ಯೋ॒ಽಗ್ನಿರ್ದೇ॒ವೇಭ್ಯಃ॑ ಸುವಿದ॒ತ್ರಿಯೇ᳚ಭ್ಯಃ || 10.17.3
ಆಯು᳚ರ್ವಿ॒ಶ್ವಾಯುಃ॒ ಪರಿ॑ ಪಾಸತಿ ತ್ವಾ ಪೂ॒ಷಾ ತ್ವಾ᳚ ಪಾತು॒ ಪ್ರಪ॑ಥೇ ಪು॒ರಸ್ತಾ᳚ತ್ | ಯತ್ರಾಸ॑ತೇ ಸು॒ಕೃತೋ॒ ಯತ್ರ॒ ತೇ ಯ॒ಯುಸ್ತತ್ರ॑ ತ್ವಾ ದೇ॒ವಃ ಸ॑ವಿ॒ತಾ ದ॑ಧಾತು || 10.17.4
ಪೂ॒ಷೇಮಾ ಆಶಾ॒ ಅನು॑ ವೇದ॒ ಸರ್ವಾಃ॒ ಸೋ ಅ॒ಸ್ಮಾಁ ಅಭ॑ಯತಮೇನ ನೇಷತ್ | ಸ್ವ॒ಸ್ತಿ॒ದಾ ಆಘೃ॑ಣಿಃ॒ ಸರ್ವ॑ವೀ॒ರೋಽಪ್ರ॑ಯುಚ್ಛನ್ಪು॒ರ ಏ᳚ತು ಪ್ರಜಾ॒ನನ್ || 10.17.5
ಪ್ರಪ॑ಥೇ ಪ॒ಥಾಮ॑ಜನಿಷ್ಟ ಪೂ॒ಷಾ ಪ್ರಪ॑ಥೇ ದಿ॒ವಃ ಪ್ರಪ॑ಥೇ ಪೃಥಿ॒ವ್ಯಾಃ | ಉ॒ಭೇ ಅ॒ಭಿ ಪ್ರಿ॒ಯತ॑ಮೇ ಸ॒ಧಸ್ಥೇ॒ ಆ ಚ॒ ಪರಾ᳚ ಚ ಚರತಿ ಪ್ರಜಾ॒ನನ್ || 10.17.6
ಸರ॑ಸ್ವತೀಂ ದೇವ॒ಯ‌ನ್ತೋ᳚ ಹವ‌ನ್ತೇ॒ ಸರ॑ಸ್ವತೀಮಧ್ವ॒ರೇ ತಾ॒ಯಮಾ᳚ನೇ | ಸರ॑ಸ್ವತೀಂ ಸು॒ಕೃತೋ᳚ ಅಹ್ವಯ‌ನ್ತ॒ ಸರ॑ಸ್ವತೀ ದಾ॒ಶುಷೇ॒ ವಾರ್ಯಂ᳚ ದಾತ್ || 10.17.7
ಸರ॑ಸ್ವತಿ॒ ಯಾ ಸ॒ರಥಂ᳚ ಯ॒ಯಾಥ॑ ಸ್ವ॒ಧಾಭಿ॑ರ್ದೇವಿ ಪಿ॒ತೃಭಿ॒ರ್ಮದ᳚‌ನ್ತೀ | ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯಸ್ವಾನಮೀ॒ವಾ ಇಷ॒ ಆ ಧೇ᳚ಹ್ಯ॒ಸ್ಮೇ || 10.17.8
ಸರ॑ಸ್ವತೀಂ॒ ಯಾಂ ಪಿ॒ತರೋ॒ ಹವ᳚‌ನ್ತೇ ದಕ್ಷಿ॒ಣಾ ಯ॒ಜ್ಞಮ॑ಭಿ॒ನಕ್ಷ॑ಮಾಣಾಃ | ಸ॒ಹ॒ಸ್ರಾ॒ರ್ಘಮಿ॒ಳೋ ಅತ್ರ॑ ಭಾ॒ಗಂ ರಾ॒ಯಸ್ಪೋಷಂ॒ ಯಜ॑ಮಾನೇಷು ಧೇಹಿ || 10.17.9
ಆಪೋ᳚ ಅ॒ಸ್ಮಾನ್ಮಾ॒ತರಃ॑ ಶುಂಧಯ‌ನ್ತು ಘೃ॒ತೇನ॑ ನೋ ಘೃತ॒ಪ್ವಃ॑ ಪುನ‌ನ್ತು | ವಿಶ್ವಂ॒ ಹಿ ರಿ॒ಪ್ರಂ ಪ್ರ॒ವಹ᳚‌ನ್ತಿ ದೇ॒ವೀರುದಿದಾ᳚ಭ್ಯಃ॒ ಶುಚಿ॒ರಾ ಪೂ॒ತ ಏ᳚ಮಿ || 10.17.10
ದ್ರ॒ಪ್ಸಶ್ಚ॑ಸ್ಕಂದ ಪ್ರಥ॒ಮಾಁ ಅನು॒ ದ್ಯೂನಿ॒ಮಂ ಚ॒ ಯೋನಿ॒ಮನು॒ ಯಶ್ಚ॒ ಪೂರ್ವಃ॑ | ಸ॒ಮಾ॒ನಂ ಯೋನಿ॒ಮನು॑ ಸಂ॒ಚರ᳚‌ನ್ತಂ ದ್ರ॒ಪ್ಸಂ ಜು॑ಹೋ॒ಮ್ಯನು॑ ಸ॒ಪ್ತ ಹೋತ್ರಾಃ᳚ || 10.17.11
ಯಸ್ತೇ᳚ ದ್ರ॒ಪ್ಸಃ ಸ್ಕಂದ॑ತಿ॒ ಯಸ್ತೇ᳚ ಅಂ॒ಶುರ್ಬಾ॒ಹುಚ್ಯು॑ತೋ ಧಿ॒ಷಣಾ᳚ಯಾ ಉ॒ಪಸ್ಥಾ᳚ತ್ | ಅ॒ಧ್ವ॒ರ್ಯೋರ್ವಾ॒ ಪರಿ॑ ವಾ॒ ಯಃ ಪ॒ವಿತ್ರಾ॒ತ್ತಂ ತೇ᳚ ಜುಹೋಮಿ॒ ಮನ॑ಸಾ॒ ವಷ॑ಟ್ಕೃತ‌ಮ್ || 10.17.12
ಯಸ್ತೇ᳚ ದ್ರ॒ಪ್ಸಃ ಸ್ಕ॒ನ್ನೋ ಯಸ್ತೇ᳚ ಅಂ॒ಶುರ॒ವಶ್ಚ॒ ಯಃ ಪ॒ರಃ ಸ್ರು॒ಚಾ | ಅ॒ಯಂ ದೇ॒ವೋ ಬೃಹ॒ಸ್ಪತಿಃ॒ ಸಂ ತಂ ಸಿಂ᳚ಚತು॒ ರಾಧ॑ಸೇ || 10.17.13
ಪಯ॑ಸ್ವತೀ॒ರೋಷ॑ಧಯಃ॒ ಪಯ॑ಸ್ವನ್ಮಾಮ॒ಕಂ ವಚಃ॑ | ಅ॒ಪಾಂ ಪಯ॑ಸ್ವ॒ದಿತ್ಪಯ॒ಸ್ತೇನ॑ ಮಾ ಸ॒ಹ ಶುಂ᳚ಧತ || 10.17.14

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಯಾಮಾಯನಃ ಸಂಕಸು ಕ ಋಷಿಃ (1-4) ಪ್ರಥಮಾದಿಚತುರೃಚಾಂ ಮೃತ್ಯುಃ, (5) ಪಂಚಮ್ಯಾ ಧಾತಾ, (6) ಷಷ್ಠ್ಯಾಸ್ತ್ವಷ್ಟಾ, (7-13) ಸಪ್ತಮ್ಯಾದಿಸಪ್ತಾನಾಂ ಪಿತೃಮಧೇ :, (14) ಚತುರ್ದರ್ಶ್ಯಾಶ್ಚ ಪಿತೃಮಧೇ : ಪ್ರಜಾಪತಿರ್ವಾ ದೇವತಾಃ (1-10, 12) ಪ್ರಥಮಾದಿದಶರ್ಚಾಂ ದ್ವಾದಶ್ಯಾಶ್ಚ ತ್ರಿಷ್ಟುಪ್ (11) ಏಕಾದಶ್ಯಾಃ ಪ್ರಸ್ತಾರಪಂಕ್ತಿಃ, (13) ತ್ರಯೋದಶ್ಯಾ ಜಗತೀ, (14) ಚತುದರ್ಶ ಯಾಶ್ಚಾನಷ್ಟಪ ಛಂದಾಂಸಿ

ಪರಂ᳚ ಮೃತ್ಯೋ॒ ಅನು॒ ಪರೇ᳚ಹಿ॒ ಪ‌ನ್ಥಾಂ॒ ಯಸ್ತೇ॒ ಸ್ವ ಇತ॑ರೋ ದೇವ॒ಯಾನಾ᳚ತ್ | ಚಕ್ಷು॑ಷ್ಮತೇ ಶೃಣ್ವ॒ತೇ ತೇ᳚ ಬ್ರವೀಮಿ॒ ಮಾ ನಃ॑ ಪ್ರ॒ಜಾಂ ರೀ᳚ರಿಷೋ॒ ಮೋತ ವೀ॒ರಾನ್ || 10.18.1
ಮೃ॒ತ್ಯೋಃ ಪ॒ದಂ ಯೋ॒ಪಯ᳚‌ನ್ತೋ॒ ಯದೈತ॒ ದ್ರಾಘೀ᳚ಯ॒ ಆಯುಃ॑ ಪ್ರತ॒ರಂ ದಧಾ᳚ನಾಃ | ಆ॒ಪ್ಯಾಯ॑ಮಾನಾಃ ಪ್ರ॒ಜಯಾ॒ ಧನೇ᳚ನ ಶು॒ದ್ಧಾಃ ಪೂ॒ತಾ ಭ॑ವತ ಯಜ್ಞಿಯಾಸಃ || 10.18.2
ಇ॒ಮೇ ಜೀ॒ವಾ ವಿ ಮೃ॒ತೈರಾವ॑ವೃತ್ರ॒ನ್ನಭೂ᳚ದ್ಭ॒ದ್ರಾ ದೇ॒ವಹೂ᳚ತಿರ್ನೋ ಅ॒ದ್ಯ | ಪ್ರಾಂಚೋ᳚ ಅಗಾಮ ನೃ॒ತಯೇ॒ ಹಸಾ᳚ಯ॒ ದ್ರಾಘೀ᳚ಯ॒ ಆಯುಃ॑ ಪ್ರತ॒ರಂ ದಧಾ᳚ನಾಃ || 10.18.3
ಇ॒ಮಂ ಜೀ॒ವೇಭ್ಯಃ॑ ಪರಿ॒ಧಿಂ ದ॑ಧಾಮಿ॒ ಮೈಷಾಂ॒ ನು ಗಾ॒ದಪ॑ರೋ॒ ಅರ್ಥ॑ಮೇ॒ತ‌ಮ್ | ಶ॒ತಂ ಜೀ᳚ವ‌ನ್ತು ಶ॒ರದಃ॑ ಪುರೂ॒ಚೀರ॒‌ನ್ತರ್ಮೃ॒ತ್ಯುಂ ದ॑ಧತಾಂ॒ ಪರ್ವ॑ತೇನ || 10.18.4
ಯಥಾಹಾ᳚ನ್ಯನುಪೂ॒ರ್ವಂ ಭವ᳚‌ನ್ತಿ॒ ಯಥ॑ ಋ॒ತವ॑ ಋ॒ತುಭಿ॒ರ್ಯ‌ನ್ತಿ॑ ಸಾ॒ಧು | ಯಥಾ॒ ನ ಪೂರ್ವ॒ಮಪ॑ರೋ॒ ಜಹಾ᳚ತ್ಯೇ॒ವಾ ಧಾ᳚ತ॒ರಾಯೂಂ᳚ಷಿ ಕಲ್ಪಯೈಷಾ‌ಮ್ || 10.18.5
ಆ ರೋ᳚ಹ॒ತಾಯು॑ರ್ಜ॒ರಸಂ᳚ ವೃಣಾ॒ನಾ ಅ॑ನುಪೂ॒ರ್ವಂ ಯತ॑ಮಾನಾ॒ ಯತಿ॒ ಷ್ಠ | ಇ॒ಹ ತ್ವಷ್ಟಾ᳚ ಸು॒ಜನಿ॑ಮಾ ಸ॒ಜೋಷಾ᳚ ದೀ॒ರ್ಘಮಾಯುಃ॑ ಕರತಿ ಜೀ॒ವಸೇ᳚ ವಃ || 10.18.6
ಇ॒ಮಾ ನಾರೀ᳚ರವಿಧ॒ವಾಃ ಸು॒ಪತ್ನೀ॒ರಾಂಜ॑ನೇನ ಸ॒ರ್ಪಿಷಾ॒ ಸಂ ವಿ॑ಶ‌ನ್ತು | ಅ॒ನ॒ಶ್ರವೋ᳚ಽನಮೀ॒ವಾಃ ಸು॒ರತ್ನಾ॒ ಆ ರೋ᳚ಹ‌ನ್ತು॒ ಜನ॑ಯೋ॒ ಯೋನಿ॒ಮಗ್ರೇ᳚ || 10.18.7
ಉದೀ᳚ರ್ಷ್ವ ನಾರ್ಯ॒ಭಿ ಜೀ᳚ವಲೋ॒ಕಂ ಗ॒ತಾಸು॑ಮೇ॒ತಮುಪ॑ ಶೇಷ॒ ಏಹಿ॑ | ಹ॒ಸ್ತ॒ಗ್ರಾ॒ಭಸ್ಯ॑ ದಿಧಿ॒ಷೋಸ್ತವೇ॒ದಂ ಪತ್ಯು॑ರ್ಜನಿ॒ತ್ವಮ॒ಭಿ ಸಂ ಬ॑ಭೂಥ || 10.18.8
ಧನು॒ರ್ಹಸ್ತಾ᳚ದಾ॒ದದಾ᳚ನೋ ಮೃ॒ತಸ್ಯಾ॒ಸ್ಮೇ ಕ್ಷ॒ತ್ರಾಯ॒ ವರ್ಚ॑ಸೇ॒ ಬಲಾ᳚ಯ | ಅತ್ರೈ॒ವ ತ್ವಮಿ॒ಹ ವ॒ಯಂ ಸು॒ವೀರಾ॒ ವಿಶ್ವಾಃ॒ ಸ್ಪೃಧೋ᳚ ಅ॒ಭಿಮಾ᳚ತೀರ್ಜಯೇಮ || 10.18.9
ಉಪ॑ ಸರ್ಪ ಮಾ॒ತರಂ॒ ಭೂಮಿ॑ಮೇ॒ತಾಮು॑ರು॒ವ್ಯಚ॑ಸಂ ಪೃಥಿ॒ವೀಂ ಸು॒ಶೇವಾ᳚‌ಮ್ | ಊರ್ಣ᳚ಮ್ರದಾ ಯುವ॒ತಿರ್ದಕ್ಷಿ॑ಣಾವತ ಏ॒ಷಾ ತ್ವಾ᳚ ಪಾತು॒ ನಿರ್‌ಋ॑ತೇರು॒ಪಸ್ಥಾ᳚ತ್ || 10.18.10
ಉಚ್ಛ್ವಂ᳚ಚಸ್ವ ಪೃಥಿವಿ॒ ಮಾ ನಿ ಬಾ᳚ಧಥಾಃ ಸೂಪಾಯ॒ನಾಸ್ಮೈ᳚ ಭವ ಸೂಪವಂಚ॒ನಾ | ಮಾ॒ತಾ ಪು॒ತ್ರಂ ಯಥಾ᳚ ಸಿ॒ಚಾಭ್ಯೇ᳚ನಂ ಭೂಮ ಊರ್ಣುಹಿ || 10.18.11
ಉ॒ಚ್ಛ್ವಂಚ॑ಮಾನಾ ಪೃಥಿ॒ವೀ ಸು ತಿ॑ಷ್ಠತು ಸ॒ಹಸ್ರಂ॒ ಮಿತ॒ ಉಪ॒ ಹಿ ಶ್ರಯ᳚‌ನ್ತಾ‌ಮ್ | ತೇ ಗೃ॒ಹಾಸೋ᳚ ಘೃತ॒ಶ್ಚುತೋ᳚ ಭವ‌ನ್ತು ವಿ॒ಶ್ವಾಹಾ᳚ಸ್ಮೈ ಶರ॒ಣಾಃ ಸ॒‌ನ್ತ್ವತ್ರ॑ || 10.18.12
ಉತ್ತೇ᳚ ಸ್ತಭ್ನಾಮಿ ಪೃಥಿ॒ವೀಂ ತ್ವತ್ಪರೀ॒ಮಂ ಲೋ॒ಗಂ ನಿ॒ದಧ॒ನ್ಮೋ ಅ॒ಹಂ ರಿ॑ಷ‌ಮ್ | ಏ॒ತಾಂ ಸ್ಥೂಣಾಂ᳚ ಪಿ॒ತರೋ᳚ ಧಾರಯ‌ನ್ತು॒ ತೇಽತ್ರಾ᳚ ಯ॒ಮಃ ಸಾದ॑ನಾ ತೇ ಮಿನೋತು || 10.18.13
ಪ್ರ॒ತೀ॒ಚೀನೇ॒ ಮಾಮಹ॒ನೀಷ್ವಾಃ᳚ ಪ॒ರ್ಣಮಿ॒ವಾ ದ॑ಧುಃ | ಪ್ರ॒ತೀಚೀಂ᳚ ಜಗ್ರಭಾ॒ ವಾಚ॒ಮಶ್ವಂ᳚ ರಶ॒ನಯಾ᳚ ಯಥಾ || 10.18.14

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಯಾಮಾಯನೋ ಮಥಿತೋ ವಾರುಣಿಭೃರ್ಗ ವ ಭಾರ್ಗವಶ್ಚಯವನೋ ವಾ ಋಷಿಃ (1, 2-8) ಪ್ರಥಮರ್ಚಃ ಪೂರ್ವಾರ್ಧಸ್ಯ ದ್ವಿತೀಯಾದಿಸಪ್ತಾನಾಂಚಾಪೋ ಗಾವೋ ವಾ, (1) ಪ್ರಥಮಾಯಾ ಉತ್ತರಾರ್ಧಸ್ಯ ಚಾಗ್ನೀಷೋಮೋ ದೇವತಾಃ (1-5, 7-8) ಪ್ರಥಮಾದಿಪಂಚಾ ಸಪ್ತಮ್ಯಷ್ಟಮ್ಯೋಶ್ಚಾನುಷ್ಟಪ್ , (6) ಷಷ್ಠ್ಯಾಶ್ಚ ಗಾಯತ್ರೀ ಛಂದಸೀ

ನಿ ವ॑ರ್ತಧ್ವಂ॒ ಮಾನು॑ ಗಾತಾ॒ಸ್ಮಾ‌‌ನ್ತ್ಸಿ॑ಷಕ್ತ ರೇವತೀಃ | ಅಗ್ನೀ᳚ಷೋಮಾ ಪುನರ್ವಸೂ ಅ॒ಸ್ಮೇ ಧಾ᳚ರಯತಂ ರ॒ಯಿ‌ಮ್ || 10.19.1
ಪುನ॑ರೇನಾ॒ ನಿ ವ॑ರ್ತಯ॒ ಪುನ॑ರೇನಾ॒ ನ್ಯಾ ಕು॑ರು | ಇಂದ್ರ॑ ಏಣಾ॒ ನಿ ಯ॑ಚ್ಛತ್ವ॒ಗ್ನಿರೇ᳚ನಾ ಉ॒ಪಾಜ॑ತು || 10.19.2
ಪುನ॑ರೇ॒ತಾ ನಿ ವ॑ರ್ತ‌ನ್ತಾಮ॒ಸ್ಮಿನ್ಪು॑ಷ್ಯ‌ನ್ತು॒ ಗೋಪ॑ತೌ | ಇ॒ಹೈವಾಗ್ನೇ॒ ನಿ ಧಾ᳚ರಯೇ॒ಹ ತಿ॑ಷ್ಠತು॒ ಯಾ ರ॒ಯಿಃ || 10.19.3
ಯನ್ನಿ॒ಯಾನಂ॒ ನ್ಯಯ॑ನಂ ಸಂ॒ಜ್ಞಾನಂ॒ ಯತ್ಪ॒ರಾಯ॑ಣ‌ಮ್ | ಆ॒ವರ್ತ॑ನಂ ನಿ॒ವರ್ತ॑ನಂ॒ ಯೋ ಗೋ॒ಪಾ ಅಪಿ॒ ತಂ ಹು॑ವೇ || 10.19.4
ಯ ಉ॒ದಾನ॒ಡ್ವ್ಯಯ॑ನಂ॒ ಯ ಉ॒ದಾನ॑ಟ್ ಪ॒ರಾಯ॑ಣ‌ಮ್ | ಆ॒ವರ್ತ॑ನಂ ನಿ॒ವರ್ತ॑ನ॒ಮಪಿ॑ ಗೋ॒ಪಾ ನಿ ವ॑ರ್ತತಾ‌ಮ್ || 10.19.5
ಆ ನಿ॑ವರ್ತ॒ ನಿ ವ॑ರ್ತಯ॒ ಪುನ᳚ರ್ನ ಇಂದ್ರ॒ ಗಾ ದೇ᳚ಹಿ | ಜೀ॒ವಾಭಿ॑ರ್ಭುನಜಾಮಹೈ || 10.19.6
ಪರಿ॑ ವೋ ವಿ॒ಶ್ವತೋ᳚ ದಧ ಊ॒ರ್ಜಾ ಘೃ॒ತೇನ॒ ಪಯ॑ಸಾ | ಯೇ ದೇ॒ವಾಃ ಕೇ ಚ॑ ಯ॒ಜ್ಞಿಯಾ॒ಸ್ತೇ ರ॒ಯ್ಯಾ ಸಂ ಸೃ॑ಜ‌ನ್ತು ನಃ || 10.19.7
ಆ ನಿ॑ವರ್ತನ ವರ್ತಯ॒ ನಿ ನಿ॑ವರ್ತನ ವರ್ತಯ | ಭೂಮ್ಯಾ॒ಶ್ಚತ॑ಸ್ರಃ ಪ್ರ॒ದಿಶ॒ಸ್ತಾಭ್ಯ॑ ಏನಾ॒ ನಿ ವ॑ರ್ತಯ || 10.19.8

(1-20) ದಶರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸಕ್ರೋ ವಸಕೃದ್ವಾ ಋಷಿಃ, ಅಗ್ನಿದೇರ್ವತಾ(1) ಪ್ರಥಮರ್ಚ ಏಕಪದಾ ವಿರಾಟ್, (2) ದ್ವಿತೀಯಾಯಾ ಅನುಷ್ಟುಪ್ (38) ತೃತೀಯಾದಿತೃಚದ್ವಯಸ್ಯ ಗಾಯತ್ರೀ, (9) ನವಮ್ಯಾ ವಿರಾಟ್, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಃ

ಭ॒ದ್ರಂ ನೋ॒ ಅಪಿ॑ ವಾತಯ॒ ಮನಃ॑ || 10.20.1
ಅ॒ಗ್ನಿಮೀ᳚ಳೇ ಭು॒ಜಾಂ ಯವಿ॑ಷ್ಠಂ ಶಾ॒ಸಾ ಮಿ॒ತ್ರಂ ದು॒ರ್ಧರೀ᳚ತು‌ಮ್ | ಯಸ್ಯ॒ ಧರ್ಮ॒‌‌ನ್ತ್ಸ್ವ1॒॑ರೇನೀಃ᳚ ಸಪ॒ರ್ಯ‌ನ್ತಿ॑ ಮಾ॒ತುರೂಧಃ॑ || 10.20.2
ಯಮಾ॒ಸಾ ಕೃ॒ಪನೀ᳚ಳಂ ಭಾ॒ಸಾಕೇ᳚ತುಂ ವ॒ರ್ಧಯ᳚‌ನ್ತಿ | ಭ್ರಾಜ॑ತೇ॒ ಶ್ರೇಣಿ॑ದನ್ || 10.20.3
ಅ॒ರ್ಯೋ ವಿ॒ಶಾಂ ಗಾ॒ತುರೇ᳚ತಿ॒ ಪ್ರ ಯದಾನ॑ಡ್ದಿ॒ವೋ ಅ‌ನ್ತಾನ್॑ | ಕ॒ವಿರ॒ಭ್ರಂ ದೀದ್ಯಾ᳚ನಃ || 10.20.4
ಜು॒ಷದ್ಧ॒ವ್ಯಾ ಮಾನು॑ಷಸ್ಯೋ॒ರ್ಧ್ವಸ್ತ॑ಸ್ಥಾ॒ವೃಭ್ವಾ᳚ ಯ॒ಜ್ಞೇ | ಮಿ॒ನ್ವ‌‌ನ್ತ್ಸದ್ಮ॑ ಪು॒ರ ಏ᳚ತಿ || 10.20.5
ಸ ಹಿ ಕ್ಷೇಮೋ᳚ ಹ॒ವಿರ್ಯ॒ಜ್ಞಃ ಶ್ರು॒ಷ್ಟೀದ॑ಸ್ಯ ಗಾ॒ತುರೇ᳚ತಿ | ಅ॒ಗ್ನಿಂ ದೇ॒ವಾ ವಾಶೀ᳚ಮ‌ನ್ತ‌ಮ್ || 10.20.6
ಯ॒ಜ್ಞಾ॒ಸಾಹಂ॒ ದುವ॑ ಇಷೇ॒ಽಗ್ನಿಂ ಪೂರ್ವ॑ಸ್ಯ॒ ಶೇವ॑ಸ್ಯ | ಅದ್ರೇಃ᳚ ಸೂ॒ನುಮಾ॒ಯುಮಾ᳚ಹುಃ || 10.20.7
ನರೋ॒ ಯೇ ಕೇ ಚಾ॒ಸ್ಮದಾ ವಿಶ್ವೇತ್ತೇ ವಾ॒ಮ ಆ ಸ್ಯುಃ॑ | ಅ॒ಗ್ನಿಂ ಹ॒ವಿಷಾ॒ ವರ್ಧ᳚‌ನ್ತಃ || 10.20.8
ಕೃ॒ಷ್ಣಃ ಶ್ವೇ॒ತೋ᳚ಽರು॒ಷೋ ಯಾಮೋ᳚ ಅಸ್ಯ ಬ್ರ॒ಧ್ನ ಋ॒ಜ್ರ ಉ॒ತ ಶೋಣೋ॒ ಯಶ॑ಸ್ವಾನ್ | ಹಿರ᳚ಣ್ಯರೂಪಂ॒ ಜನಿ॑ತಾ ಜಜಾನ || 10.20.9
ಏ॒ವಾ ತೇ᳚ ಅಗ್ನೇ ವಿಮ॒ದೋ ಮ॑ನೀ॒ಷಾಮೂರ್ಜೋ᳚ ನಪಾದ॒ಮೃತೇ᳚ಭಿಃ ಸ॒ಜೋಷಾಃ᳚ | ಗಿರ॒ ಆ ವ॑ಕ್ಷತ್ಸುಮ॒ತೀರಿ॑ಯಾ॒ನ ಇಷ॒ಮೂರ್ಜಂ᳚ ಸುಕ್ಷಿ॒ತಿಂ ವಿಶ್ವ॒ಮಾಭಾಃ᳚ || 10.20.10

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸಕ್ರೋ ವಸಕೃದ್ವಾ ಋಷಿಃ, ಅಗ್ನಿರ್ದೇವತಾ, ಪ್ರಾಸ್ತಾರಪತಿಶ್ಛಂದಃ

ಆಗ್ನಿಂ ನ ಸ್ವವೃ॑ಕ್ತಿಭಿ॒ರ್ಹೋತಾ᳚ರಂ ತ್ವಾ ವೃಣೀಮಹೇ | ಯ॒ಜ್ಞಾಯ॑ ಸ್ತೀ॒ರ್ಣಬ॑ರ್ಹಿಷೇ॒ ವಿ ವೋ॒ ಮದೇ᳚ ಶೀ॒ರಂ ಪಾ᳚ವ॒ಕಶೋ᳚ಚಿಷಂ॒ ವಿವ॑ಕ್ಷಸೇ || 10.21.1
ತ್ವಾಮು॒ ತೇ ಸ್ವಾ॒ಭುವಃ॑ ಶುಂ॒ಭ‌ನ್ತ್ಯಶ್ವ॑ರಾಧಸಃ | ವೇತಿ॒ ತ್ವಾಮು॑ಪ॒ಸೇಚ॑ನೀ॒ ವಿ ವೋ॒ ಮದ॒ ಋಜೀ᳚ತಿರಗ್ನ॒ ಆಹು॑ತಿ॒ರ್ವಿವ॑ಕ್ಷಸೇ || 10.21.2
ತ್ವೇ ಧ॒ರ್ಮಾಣ॑ ಆಸತೇ ಜು॒ಹೂಭಿಃ॑ ಸಿಂಚ॒ತೀರಿ॑ವ | ಕೃ॒ಷ್ಣಾ ರೂ॒ಪಾಣ್ಯರ್ಜು॑ನಾ॒ ವಿ ವೋ॒ ಮದೇ॒ ವಿಶ್ವಾ॒ ಅಧಿ॒ ಶ್ರಿಯೋ᳚ ಧಿಷೇ॒ ವಿವ॑ಕ್ಷಸೇ || 10.21.3
ಯಮ॑ಗ್ನೇ॒ ಮನ್ಯ॑ಸೇ ರ॒ಯಿಂ ಸಹ॑ಸಾವನ್ನಮರ್ತ್ಯ | ತಮಾ ನೋ॒ ವಾಜ॑ಸಾತಯೇ॒ ವಿ ವೋ॒ ಮದೇ᳚ ಯ॒ಜ್ಞೇಷು॑ ಚಿ॒ತ್ರಮಾ ಭ॑ರಾ॒ ವಿವ॑ಕ್ಷಸೇ || 10.21.4
ಅ॒ಗ್ನಿರ್ಜಾ॒ತೋ ಅಥ᳚ರ್ವಣಾ ವಿ॒ದದ್ವಿಶ್ವಾ᳚ನಿ॒ ಕಾವ್ಯಾ᳚ | ಭುವ॑ದ್ದೂ॒ತೋ ವಿ॒ವಸ್ವ॑ತೋ॒ ವಿ ವೋ॒ ಮದೇ᳚ ಪ್ರಿ॒ಯೋ ಯ॒ಮಸ್ಯ॒ ಕಾಮ್ಯೋ॒ ವಿವ॑ಕ್ಷಸೇ || 10.21.5
ತ್ವಾಂ ಯ॒ಜ್ಞೇಷ್ವೀ᳚ಳ॒ತೇಽಗ್ನೇ᳚ ಪ್ರಯ॒ತ್ಯ॑ಧ್ವ॒ರೇ | ತ್ವಂ ವಸೂ᳚ನಿ॒ ಕಾಮ್ಯಾ॒ ವಿ ವೋ॒ ಮದೇ॒ ವಿಶ್ವಾ᳚ ದಧಾಸಿ ದಾ॒ಶುಷೇ॒ ವಿವ॑ಕ್ಷಸೇ || 10.21.6
ತ್ವಾಂ ಯ॒ಜ್ಞೇಷ್ವೃ॒ತ್ವಿಜಂ॒ ಚಾರು॑ಮಗ್ನೇ॒ ನಿ ಷೇ᳚ದಿರೇ | ಘೃ॒ತಪ್ರ॑ತೀಕಂ॒ ಮನು॑ಷೋ॒ ವಿ ವೋ॒ ಮದೇ᳚ ಶು॒ಕ್ರಂ ಚೇತಿ॑ಷ್ಠಮ॒ಕ್ಷಭಿ॒ರ್ವಿವ॑ಕ್ಷಸೇ || 10.21.7
ಅಗ್ನೇ᳚ ಶು॒ಕ್ರೇಣ॑ ಶೋ॒ಚಿಷೋ॒ರು ಪ್ರ॑ಥಯಸೇ ಬೃ॒ಹತ್ | ಅ॒ಭಿ॒ಕ್ರಂದ᳚ನ್ವೃಷಾಯಸೇ॒ ವಿ ವೋ॒ ಮದೇ॒ ಗರ್ಭಂ᳚ ದಧಾಸಿ ಜಾ॒ಮಿಷು॒ ವಿವ॑ಕ್ಷಸೇ || 10.21.8

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸುಕ್ರೋ ವಸುಕೃದ್ವಾ ಋಷಿಃ, ಇಂದ್ರೋ ದೇವತಾ, (1-4, 6, 8, 10-14) ಪ್ರಥಮಾದಿಚತುರೃಚ, ಷಷ್ಠ್ಯಷ್ಟಮ್ಯೋರ್ದಶಮ್ಯಾದಿಪಂಚಾನಾಂಚ ಪುರಸ್ತಾದ್ಬ್ರಹತೀ, (5, 7, 9) ಪಂಚಮೀಸಪ್ತಮೀನವಮೀನಾಮನುಷ್ಟಪ್ , (15) ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಕುಹ॑ ಶ್ರು॒ತ ಇಂದ್ರಃ॒ ಕಸ್ಮಿ᳚ನ್ನ॒ದ್ಯ ಜನೇ᳚ ಮಿ॒ತ್ರೋ ನ ಶ್ರೂ᳚ಯತೇ | ಋಷೀ᳚ಣಾಂ ವಾ॒ ಯಃ ಕ್ಷಯೇ॒ ಗುಹಾ᳚ ವಾ॒ ಚರ್ಕೃ॑ಷೇ ಗಿ॒ರಾ || 10.22.1
ಇ॒ಹ ಶ್ರು॒ತ ಇಂದ್ರೋ᳚ ಅ॒ಸ್ಮೇ ಅ॒ದ್ಯ ಸ್ತವೇ᳚ ವ॒ಜ್ರ್ಯೃಚೀ᳚ಷಮಃ | ಮಿ॒ತ್ರೋ ನ ಯೋ ಜನೇ॒ಷ್ವಾ ಯಶ॑ಶ್ಚ॒ಕ್ರೇ ಅಸಾ॒ಮ್ಯಾ || 10.22.2
ಮ॒ಹೋ ಯಸ್ಪತಿಃ॒ ಶವ॑ಸೋ॒ ಅಸಾ॒ಮ್ಯಾ ಮ॒ಹೋ ನೃ॒ಮ್ಣಸ್ಯ॑ ತೂತು॒ಜಿಃ | ಭ॒ರ್ತಾ ವಜ್ರ॑ಸ್ಯ ಧೃ॒ಷ್ಣೋಃ ಪಿ॒ತಾ ಪು॒ತ್ರಮಿ॑ವ ಪ್ರಿ॒ಯ‌ಮ್ || 10.22.3
ಯು॒ಜಾ॒ನೋ ಅಶ್ವಾ॒ ವಾತ॑ಸ್ಯ॒ ಧುನೀ᳚ ದೇ॒ವೋ ದೇ॒ವಸ್ಯ॑ ವಜ್ರಿವಃ | ಸ್ಯ‌ನ್ತಾ᳚ ಪ॒ಥಾ ವಿ॒ರುಕ್ಮ॑ತಾ ಸೃಜಾ॒ನಃ ಸ್ತೋ॒ಷ್ಯಧ್ವ॑ನಃ || 10.22.4
ತ್ವಂ ತ್ಯಾ ಚಿ॒ದ್ವಾತ॒ಸ್ಯಾಶ್ವಾಗಾ᳚ ಋ॒ಜ್ರಾ ತ್ಮನಾ॒ ವಹ॑ಧ್ಯೈ | ಯಯೋ᳚ರ್ದೇ॒ವೋ ನ ಮರ್ತ್ಯೋ᳚ ಯ॒‌ನ್ತಾ ನಕಿ᳚ರ್ವಿ॒ದಾಯ್ಯಃ॑ || 10.22.5
ಅಧ॒ ಗ್ಮ‌ನ್ತೋ॒ಶನಾ᳚ ಪೃಚ್ಛತೇ ವಾಂ॒ ಕದ॑ರ್ಥಾ ನ॒ ಆ ಗೃ॒ಹ‌ಮ್ | ಆ ಜ॑ಗ್ಮಥುಃ ಪರಾ॒ಕಾದ್ದಿ॒ವಶ್ಚ॒ ಗ್ಮಶ್ಚ॒ ಮರ್ತ್ಯ‌ಮ್᳚ || 10.22.6
ಆ ನ॑ ಇಂದ್ರ ಪೃಕ್ಷಸೇ॒ಽಸ್ಮಾಕಂ॒ ಬ್ರಹ್ಮೋದ್ಯ॑ತ‌ಮ್ | ತತ್ತ್ವಾ᳚ ಯಾಚಾಮ॒ಹೇಽವಃ॒ ಶುಷ್ಣಂ॒ ಯದ್ಧನ್ನಮಾ᳚ನುಷ‌ಮ್ || 10.22.7
ಅ॒ಕ॒ರ್ಮಾ ದಸ್ಯು॑ರ॒ಭಿ ನೋ᳚ ಅಮ॒‌ನ್ತುರ॒ನ್ಯವ್ರ॑ತೋ॒ ಅಮಾ᳚ನುಷಃ | ತ್ವಂ ತಸ್ಯಾ᳚ಮಿತ್ರಹ॒ನ್ವಧ॑ರ್ದಾ॒ಸಸ್ಯ॑ ದಂಭಯ || 10.22.8
ತ್ವಂ ನ॑ ಇಂದ್ರ ಶೂರ॒ ಶೂರೈ᳚ರು॒ತ ತ್ವೋತಾ᳚ಸೋ ಬ॒ರ್ಹಣಾ᳚ | ಪು॒ರು॒ತ್ರಾ ತೇ॒ ವಿ ಪೂ॒ರ್ತಯೋ॒ ನವ᳚‌ನ್ತ ಕ್ಷೋ॒ಣಯೋ᳚ ಯಥಾ || 10.22.9
ತ್ವಂ ತಾನ್ವೃ॑ತ್ರ॒ಹತ್ಯೇ᳚ ಚೋದಯೋ॒ ನೄನ್ಕಾ᳚ರ್ಪಾ॒ಣೇ ಶೂ᳚ರ ವಜ್ರಿವಃ | ಗುಹಾ॒ ಯದೀ᳚ ಕವೀ॒ನಾಂ ವಿ॒ಶಾಂ ನಕ್ಷ॑ತ್ರಶವಸಾ‌ಮ್ || 10.22.10
ಮ॒ಕ್ಷೂ ತಾ ತ॑ ಇಂದ್ರ ದಾ॒ನಾಪ್ನ॑ಸ ಆಕ್ಷಾ॒ಣೇ ಶೂ᳚ರ ವಜ್ರಿವಃ | ಯದ್ಧ॒ ಶುಷ್ಣ॑ಸ್ಯ ದಂ॒ಭಯೋ᳚ ಜಾ॒ತಂ ವಿಶ್ವಂ᳚ ಸ॒ಯಾವ॑ಭಿಃ || 10.22.11
ಮಾಕು॒ಧ್ರ್ಯ॑ಗಿಂದ್ರ ಶೂರ॒ ವಸ್ವೀ᳚ರ॒ಸ್ಮೇ ಭೂ᳚ವನ್ನ॒ಭಿಷ್ಟ॑ಯಃ | ವ॒ಯಂವ॑ಯಂ ತ ಆಸಾಂ ಸು॒ಮ್ನೇ ಸ್ಯಾ᳚ಮ ವಜ್ರಿವಃ || 10.22.12
ಅ॒ಸ್ಮೇ ತಾ ತ॑ ಇಂದ್ರ ಸ‌ನ್ತು ಸ॒ತ್ಯಾಹಿಂ᳚ಸ‌ನ್ತೀರುಪ॒ಸ್ಪೃಶಃ॑ | ವಿ॒ದ್ಯಾಮ॒ ಯಾಸಾಂ॒ ಭುಜೋ᳚ ಧೇನೂ॒ನಾಂ ನ ವ॑ಜ್ರಿವಃ || 10.22.13
ಅ॒ಹ॒ಸ್ತಾ ಯದ॒ಪದೀ॒ ವರ್ಧ॑ತ॒ ಕ್ಷಾಃ ಶಚೀ᳚ಭಿರ್ವೇ॒ದ್ಯಾನಾ᳚‌ಮ್ | ಶುಷ್ಣಂ॒ ಪರಿ॑ ಪ್ರದಕ್ಷಿ॒ಣಿದ್ವಿ॒ಶ್ವಾಯ॑ವೇ॒ ನಿ ಶಿ॑ಶ್ನಥಃ || 10.22.14
ಪಿಬಾ᳚ಪಿ॒ಬೇದಿಂ᳚ದ್ರ ಶೂರ॒ ಸೋಮಂ॒ ಮಾ ರಿ॑ಷಣ್ಯೋ ವಸವಾನ॒ ವಸುಃ॒ ಸನ್ | ಉ॒ತ ತ್ರಾ᳚ಯಸ್ವ ಗೃಣ॒ತೋ ಮ॒ಘೋನೋ᳚ ಮ॒ಹಶ್ಚ॑ ರಾ॒ಯೋ ರೇ॒ವತ॑ಸ್ಕೃಧೀ ನಃ || 10.22.15

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸುಕ್ರೋ ವಸುಕೃದ್ವಾ ಋಷಿಃ, ಇಂದ್ರೋ ದೇವತಾ, (1, 7) ಪ್ರಥಮಾಸಪ್ತಮ್ಯೋ ಚೋಸ್ತ್ರಿಷ್ಟುಪ, (2-4, 6) ದ್ವಿತೀಯಾದಿತೃಚಸ್ಯ ಷಷ್ಠ್ಯಾಶ್ಚ ಜಗತೀ, (5) ಪಂಚಮ್ಯಾಶ್ಚಾಭಿಸಾರಿಣೀ ಛಂದಾಂಸಿ

ಯಜಾ᳚ಮಹ॒ ಇಂದ್ರಂ॒ ವಜ್ರ॑ದಕ್ಷಿಣಂ॒ ಹರೀ᳚ಣಾಂ ರ॒ಥ್ಯ1॒॑ ಅಂವಿವ್ರ॑ತಾನಾ‌ಮ್ | ಪ್ರ ಶ್ಮಶ್ರು॒ ದೋಧು॑ವದೂ॒ರ್ಧ್ವಥಾ᳚ ಭೂ॒ದ್ವಿ ಸೇನಾ᳚ಭಿ॒ರ್ದಯ॑ಮಾನೋ॒ ವಿ ರಾಧ॑ಸಾ || 10.23.1
ಹರೀ॒ ನ್ವ॑ಸ್ಯ॒ ಯಾ ವನೇ᳚ ವಿ॒ದೇ ವಸ್ವಿಂದ್ರೋ᳚ ಮ॒ಘೈರ್ಮ॒ಘವಾ᳚ ವೃತ್ರ॒ಹಾ ಭು॑ವತ್ | ಋ॒ಭುರ್ವಾಜ॑ ಋಭು॒ಕ್ಷಾಃ ಪ॑ತ್ಯತೇ॒ ಶವೋಽವ॑ ಕ್ಷ್ಣೌಮಿ॒ ದಾಸ॑ಸ್ಯ॒ ನಾಮ॑ ಚಿತ್ || 10.23.2
ಯ॒ದಾ ವಜ್ರಂ॒ ಹಿರ᳚ಣ್ಯ॒ಮಿದಥಾ॒ ರಥಂ॒ ಹರೀ॒ ಯಮ॑ಸ್ಯ॒ ವಹ॑ತೋ॒ ವಿ ಸೂ॒ರಿಭಿಃ॑ | ಆ ತಿ॑ಷ್ಠತಿ ಮ॒ಘವಾ॒ ಸನ॑ಶ್ರುತ॒ ಇಂದ್ರೋ॒ ವಾಜ॑ಸ್ಯ ದೀ॒ರ್ಘಶ್ರ॑ವಸ॒ಸ್ಪತಿಃ॑ || 10.23.3
ಸೋ ಚಿ॒ನ್ನು ವೃ॒ಷ್ಟಿರ್ಯೂ॒ಥ್ಯಾ॒3॒॑ ಸ್ವಾ ಸಚಾಁ॒ ಇಂದ್ರಃ॒ ಶ್ಮಶ್ರೂ᳚ಣಿ॒ ಹರಿ॑ತಾ॒ಭಿ ಪ್ರು॑ಷ್ಣುತೇ | ಅವ॑ ವೇತಿ ಸು॒ಕ್ಷಯಂ᳚ ಸು॒ತೇ ಮಧೂದಿದ್ಧೂ᳚ನೋತಿ॒ ವಾತೋ॒ ಯಥಾ॒ ವನ‌ಮ್᳚ || 10.23.4
ಯೋ ವಾ॒ಚಾ ವಿವಾ᳚ಚೋ ಮೃ॒ಧ್ರವಾ᳚ಚಃ ಪು॒ರೂ ಸ॒ಹಸ್ರಾಶಿ॑ವಾ ಜ॒ಘಾನ॑ | ತತ್ತ॒ದಿದ॑ಸ್ಯ॒ ಪೌಂಸ್ಯಂ᳚ ಗೃಣೀಮಸಿ ಪಿ॒ತೇವ॒ ಯಸ್ತವಿ॑ಷೀಂ ವಾವೃ॒ಧೇ ಶವಃ॑ || 10.23.5
ಸ್ತೋಮಂ᳚ ತ ಇಂದ್ರ ವಿಮ॒ದಾ ಅ॑ಜೀಜನ॒ನ್ನಪೂ᳚ರ್ವ್ಯಂ ಪುರು॒ತಮಂ᳚ ಸು॒ದಾನ॑ವೇ | ವಿ॒ದ್ಮಾ ಹ್ಯ॑ಸ್ಯ॒ ಭೋಜ॑ನಮಿ॒ನಸ್ಯ॒ ಯದಾ ಪ॒ಶುಂ ನ ಗೋ॒ಪಾಃ ಕ॑ರಾಮಹೇ || 10.23.6
ಮಾಕಿ᳚ರ್ನ ಏ॒ನಾ ಸ॒ಖ್ಯಾ ವಿ ಯೌ᳚ಷು॒ಸ್ತವ॑ ಚೇಂದ್ರ ವಿಮ॒ದಸ್ಯ॑ ಚ॒ ಋಷೇಃ᳚ | ವಿ॒ದ್ಮಾ ಹಿ ತೇ॒ ಪ್ರಮ॑ತಿಂ ದೇವ ಜಾಮಿ॒ವದ॒ಸ್ಮೇ ತೇ᳚ ಸ‌ನ್ತು ಸ॒ಖ್ಯಾ ಶಿ॒ವಾನಿ॑ || 10.23.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸುಕ್ರೋ ವಸುಕೃದ್ವಾ ಋಷಿಃ (1-3) ಪ್ರಥಮತೃಚಸ್ಯೇಂದ್ರಃ, (4-6) ದ್ವಿತೀಯತೃಚಸ್ಯ ಚಾಶ್ವಿನೌ ದೇವತಾಃ (1-3) ಪ್ರಥಮತೃಚಸ್ಯಾಸ್ತಾರಪಂಕ್ತಿಃ, (4-6) ದ್ವಿತೀಯತೃಚಸ್ಯ ಚಾನುಷ್ಟಪ್ ಛಂದಸೀ

ಇಂದ್ರ॒ ಸೋಮ॑ಮಿ॒ಮಂ ಪಿ॑ಬ॒ ಮಧು॑ಮ‌ನ್ತಂ ಚ॒ಮೂ ಸು॒ತ‌ಮ್ | ಅ॒ಸ್ಮೇ ರ॒ಯಿಂ ನಿ ಧಾ᳚ರಯ॒ ವಿ ವೋ॒ ಮದೇ᳚ ಸಹ॒ಸ್ರಿಣಂ᳚ ಪುರೂವಸೋ॒ ವಿವ॑ಕ್ಷಸೇ || 10.24.1
ತ್ವಾಂ ಯ॒ಜ್ಞೇಭಿ॑ರು॒ಕ್ಥೈರುಪ॑ ಹ॒ವ್ಯೇಭಿ॑ರೀಮಹೇ | ಶಚೀ᳚ಪತೇ ಶಚೀನಾಂ॒ ವಿ ವೋ॒ ಮದೇ॒ ಶ್ರೇಷ್ಠಂ᳚ ನೋ ಧೇಹಿ॒ ವಾರ್ಯಂ॒ ವಿವ॑ಕ್ಷಸೇ || 10.24.2
ಯಸ್ಪತಿ॒ರ್ವಾರ್ಯಾ᳚ಣಾ॒ಮಸಿ॑ ರ॒ಧ್ರಸ್ಯ॑ ಚೋದಿ॒ತಾ | ಇಂದ್ರ॑ ಸ್ತೋತೄ॒ಣಾಮ॑ವಿ॒ತಾ ವಿ ವೋ॒ ಮದೇ᳚ ದ್ವಿ॒ಷೋ ನಃ॑ ಪಾ॒ಹ್ಯಂಹ॑ಸೋ॒ ವಿವ॑ಕ್ಷಸೇ || 10.24.3
ಯು॒ವಂ ಶ॑ಕ್ರಾ ಮಾಯಾ॒ವಿನಾ᳚ ಸಮೀ॒ಚೀ ನಿರ॑ಮ‌ನ್ಥತ‌ಮ್ | ವಿ॒ಮ॒ದೇನ॒ ಯದೀ᳚ಳಿ॒ತಾ ನಾಸ॑ತ್ಯಾ ನಿ॒ರಮ᳚‌ನ್ಥತ‌ಮ್ || 10.24.4
ವಿಶ್ವೇ᳚ ದೇ॒ವಾ ಅ॑ಕೃಪ‌ನ್ತ ಸಮೀ॒ಚ್ಯೋರ್ನಿ॒ಷ್ಪತ᳚‌ನ್ತ್ಯೋಃ | ನಾಸ॑ತ್ಯಾವಬ್ರುವಂದೇ॒ವಾಃ ಪುನ॒ರಾ ವ॑ಹತಾ॒ದಿತಿ॑ || 10.24.5
ಮಧು॑ಮನ್ಮೇ ಪ॒ರಾಯ॑ಣಂ॒ ಮಧು॑ಮ॒ತ್ಪುನ॒ರಾಯ॑ನ‌ಮ್ | ತಾ ನೋ᳚ ದೇವಾ ದೇ॒ವತ॑ಯಾ ಯು॒ವಂ ಮಧು॑ಮತಸ್ಕೃತ‌ಮ್ || 10.24.6

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸುಕ್ರೋ ವಸುಕೃದ್ವಾ ಋಷಿಃ, ಸೋಮೋ ದೇವತಾ, ಆಸ್ತಾರಪಂಕ್ತಿಶ್ಛಂದಃ

ಭ॒ದ್ರಂ ನೋ॒ ಅಪಿ॑ ವಾತಯ॒ ಮನೋ॒ ದಕ್ಷ॑ಮು॒ತ ಕ್ರತು‌ಮ್᳚ | ಅಧಾ᳚ ತೇ ಸ॒ಖ್ಯೇ ಅಂಧ॑ಸೋ॒ ವಿ ವೋ॒ ಮದೇ॒ ರಣ॒ನ್ಗಾವೋ॒ ನ ಯವ॑ಸೇ॒ ವಿವ॑ಕ್ಷಸೇ || 10.25.1
ಹೃ॒ದಿ॒ಸ್ಪೃಶ॑ಸ್ತ ಆಸತೇ॒ ವಿಶ್ವೇ᳚ಷು ಸೋಮ॒ ಧಾಮ॑ಸು | ಅಧಾ॒ ಕಾಮಾ᳚ ಇ॒ಮೇ ಮಮ॒ ವಿ ವೋ॒ ಮದೇ॒ ವಿ ತಿ॑ಷ್ಠ‌ನ್ತೇ ವಸೂ॒ಯವೋ॒ ವಿವ॑ಕ್ಷಸೇ || 10.25.2
ಉ॒ತ ವ್ರ॒ತಾನಿ॑ ಸೋಮ ತೇ॒ ಪ್ರಾಹಂ ಮಿ॑ನಾಮಿ ಪಾ॒ಕ್ಯಾ᳚ | ಅಧಾ᳚ ಪಿ॒ತೇವ॑ ಸೂ॒ನವೇ॒ ವಿ ವೋ॒ ಮದೇ᳚ ಮೃ॒ಳಾ ನೋ᳚ ಅ॒ಭಿ ಚಿ॑ದ್ವ॒ಧಾದ್ವಿವ॑ಕ್ಷಸೇ || 10.25.3
ಸಮು॒ ಪ್ರ ಯ᳚‌ನ್ತಿ ಧೀ॒ತಯಃ॒ ಸರ್ಗಾ᳚ಸೋಽವ॒ತಾಁ ಇ॑ವ | ಕ್ರತುಂ᳚ ನಃ ಸೋಮ ಜೀ॒ವಸೇ॒ ವಿ ವೋ॒ ಮದೇ᳚ ಧಾ॒ರಯಾ᳚ ಚಮ॒ಸಾಁ ಇ॑ವ॒ ವಿವ॑ಕ್ಷಸೇ || 10.25.4
ತವ॒ ತ್ಯೇ ಸೋ᳚ಮ॒ ಶಕ್ತಿ॑ಭಿ॒ರ್ನಿಕಾ᳚ಮಾಸೋ॒ ವ್ಯೃ᳚ಣ್ವಿರೇ | ಗೃತ್ಸ॑ಸ್ಯ॒ ಧೀರಾ᳚ಸ್ತ॒ವಸೋ॒ ವಿ ವೋ॒ ಮದೇ᳚ ವ್ರ॒ಜಂ ಗೋಮ᳚‌ನ್ತಮ॒ಶ್ವಿನಂ॒ ವಿವ॑ಕ್ಷಸೇ || 10.25.5
ಪ॒ಶುಂ ನಃ॑ ಸೋಮ ರಕ್ಷಸಿ ಪುರು॒ತ್ರಾ ವಿಷ್ಠಿ॑ತಂ॒ ಜಗ॑ತ್ | ಸ॒ಮಾಕೃ॑ಣೋಷಿ ಜೀ॒ವಸೇ॒ ವಿ ವೋ॒ ಮದೇ॒ ವಿಶ್ವಾ᳚ ಸಂ॒ಪಶ್ಯ॒ನ್ಭುವ॑ನಾ॒ ವಿವ॑ಕ್ಷಸೇ || 10.25.6
ತ್ವಂ ನಃ॑ ಸೋಮ ವಿ॒ಶ್ವತೋ᳚ ಗೋ॒ಪಾ ಅದಾ᳚ಭ್ಯೋ ಭವ | ಸೇಧ॑ ರಾಜ॒ನ್ನಪ॒ ಸ್ರಿಧೋ॒ ವಿ ವೋ॒ ಮದೇ॒ ಮಾ ನೋ᳚ ದುಃ॒ಶಂಸ॑ ಈಶತಾ॒ ವಿವ॑ಕ್ಷಸೇ || 10.25.7
ತ್ವಂ ನಃ॑ ಸೋಮ ಸು॒ಕ್ರತು᳚ರ್ವಯೋ॒ಧೇಯಾ᳚ಯ ಜಾಗೃಹಿ | ಕ್ಷೇ॒ತ್ರ॒ವಿತ್ತ॑ರೋ॒ ಮನು॑ಷೋ॒ ವಿ ವೋ॒ ಮದೇ᳚ ದ್ರು॒ಹೋ ನಃ॑ ಪಾ॒ಹ್ಯಂಹ॑ಸೋ॒ ವಿವ॑ಕ್ಷಸೇ || 10.25.8
ತ್ವಂ ನೋ᳚ ವೃತ್ರಹ‌ನ್ತ॒ಮೇಂದ್ರ॑ಸ್ಯೇಂದೋ ಶಿ॒ವಃ ಸಖಾ᳚ | ಯತ್ಸೀಂ॒ ಹವ᳚‌ನ್ತೇ ಸಮಿ॒ಥೇ ವಿ ವೋ॒ ಮದೇ॒ ಯುಧ್ಯ॑ಮಾನಾಸ್ತೋ॒ಕಸಾ᳚ತೌ॒ ವಿವ॑ಕ್ಷಸೇ || 10.25.9
ಅ॒ಯಂ ಘ॒ ಸ ತು॒ರೋ ಮದ॒ ಇಂದ್ರ॑ಸ್ಯ ವರ್ಧತ ಪ್ರಿ॒ಯಃ | ಅ॒ಯಂ ಕ॒ಕ್ಷೀವ॑ತೋ ಮ॒ಹೋ ವಿ ವೋ॒ ಮದೇ᳚ ಮ॒ತಿಂ ವಿಪ್ರ॑ಸ್ಯ ವರ್ಧಯ॒ದ್ವಿವ॑ಕ್ಷಸೇ || 10.25.10
ಅ॒ಯಂ ವಿಪ್ರಾ᳚ಯ ದಾ॒ಶುಷೇ॒ ವಾಜಾಁ᳚ ಇಯರ್ತಿ॒ ಗೋಮ॑ತಃ | ಅ॒ಯಂ ಸ॒ಪ್ತಭ್ಯ॒ ಆ ವರಂ॒ ವಿ ವೋ॒ ಮದೇ॒ ಪ್ರಾಂಧಂ ಶ್ರೋ॒ಣಂ ಚ॑ ತಾರಿಷ॒ದ್ವಿವ॑ಕ್ಷಸೇ || 10.25.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರಃ ಪ್ರಾಜಾಪತ್ಯೋ ವಾ ವಿಮದಃ, ವಾಸುಕ್ರೋ ವಸುಕೃದ್ವಾ ಋಷಿಃ, ಪೂಷಾ ದೇವತಾ, (1, 4) ಪ್ರಥಮಾಚತುರ್ಯೋರ್ಚೋರುಷ್ಣಿಕ್, (2-3, 5-9) ದ್ವಿತೀಯಾತೃತೀಯಯೋಃ ಪಂಚಮ್ಯಾದಿಪಂಚಾನಾಂಚಾನುಷ್ಟಪುಛಂದಸೀ

ಪ್ರ ಹ್ಯಚ್ಛಾ᳚ ಮನೀ॒ಷಾ ಸ್ಪಾ॒ರ್ಹಾ ಯ‌ನ್ತಿ॑ ನಿ॒ಯುತಃ॑ | ಪ್ರ ದ॒ಸ್ರಾ ನಿ॒ಯುದ್ರ॑ಥಃ ಪೂ॒ಷಾ ಅ॑ವಿಷ್ಟು॒ ಮಾಹಿ॑ನಃ || 10.26.1
ಯಸ್ಯ॒ ತ್ಯನ್ಮ॑ಹಿ॒ತ್ವಂ ವಾ॒ತಾಪ್ಯ॑ಮ॒ಯಂ ಜನಃ॑ | ವಿಪ್ರ॒ ಆ ವಂ᳚ಸದ್ಧೀ॒ತಿಭಿ॒ಶ್ಚಿಕೇ᳚ತ ಸುಷ್ಟುತೀ॒ನಾ‌ಮ್ || 10.26.2
ಸ ವೇ᳚ದ ಸುಷ್ಟುತೀ॒ನಾಮಿಂದು॒ರ್ನ ಪೂ॒ಷಾ ವೃಷಾ᳚ | ಅ॒ಭಿ ಪ್ಸುರಃ॑ ಪ್ರುಷಾಯತಿ ವ್ರ॒ಜಂ ನ॒ ಆ ಪ್ರು॑ಷಾಯತಿ || 10.26.3
ಮಂ॒ಸೀ॒ಮಹಿ॑ ತ್ವಾ ವ॒ಯಮ॒ಸ್ಮಾಕಂ᳚ ದೇವ ಪೂಷನ್ | ಮ॒ತೀ॒ನಾಂ ಚ॒ ಸಾಧ॑ನಂ॒ ವಿಪ್ರಾ᳚ಣಾಂ ಚಾಧ॒ವ‌ಮ್ || 10.26.4
ಪ್ರತ್ಯ॑ರ್ಧಿರ್ಯ॒ಜ್ಞಾನಾ᳚ಮಶ್ವಹ॒ಯೋ ರಥಾ᳚ನಾ‌ಮ್ | ಋಷಿಃ॒ ಸ ಯೋ ಮನು॑ರ್ಹಿತೋ॒ ವಿಪ್ರ॑ಸ್ಯ ಯಾವಯತ್ಸ॒ಖಃ || 10.26.5
ಆ॒ಧೀಷ॑ಮಾಣಾಯಾಃ॒ ಪತಿಃ॑ ಶು॒ಚಾಯಾ᳚ಶ್ಚ ಶು॒ಚಸ್ಯ॑ ಚ | ವಾ॒ಸೋ॒ವಾ॒ಯೋಽವೀ᳚ನಾ॒ಮಾ ವಾಸಾಂ᳚ಸಿ॒ ಮರ್ಮೃ॑ಜತ್ || 10.26.6
ಇ॒ನೋ ವಾಜಾ᳚ನಾಂ॒ ಪತಿ॑ರಿ॒ನಃ ಪು॑ಷ್ಟೀ॒ನಾಂ ಸಖಾ᳚ | ಪ್ರ ಶ್ಮಶ್ರು॑ ಹರ್ಯ॒ತೋ ದೂ᳚ಧೋ॒ದ್ವಿ ವೃಥಾ॒ ಯೋ ಅದಾ᳚ಭ್ಯಃ || 10.26.7
ಆ ತೇ॒ ರಥ॑ಸ್ಯ ಪೂಷನ್ನ॒ಜಾ ಧುರಂ᳚ ವವೃತ್ಯುಃ | ವಿಶ್ವ॑ಸ್ಯಾ॒ರ್ಥಿನಃ॒ ಸಖಾ᳚ ಸನೋ॒ಜಾ ಅನ॑ಪಚ್ಯುತಃ || 10.26.8
ಅ॒ಸ್ಮಾಕ॑ಮೂ॒ರ್ಜಾ ರಥಂ᳚ ಪೂ॒ಷಾ ಅ॑ವಿಷ್ಟು॒ ಮಾಹಿ॑ನಃ | ಭುವ॒ದ್ವಾಜಾ᳚ನಾಂ ವೃ॒ಧ ಇ॒ಮಂ ನಃ॑ ಶೃಣವ॒ದ್ಧವ‌ಮ್᳚ || 10.26.9

(1-24) ಚತುರ್ವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯೈಂದ್ರೋ ವಸುಕ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಅಸ॒ತ್ಸು ಮೇ᳚ ಜರಿತಃ॒ ಸಾಭಿ॑ವೇ॒ಗೋ ಯತ್ಸು᳚ನ್ವ॒ತೇ ಯಜ॑ಮಾನಾಯ॒ ಶಿಕ್ಷ‌ಮ್᳚ | ಅನಾ᳚ಶೀರ್ದಾಮ॒ಹಮ॑ಸ್ಮಿ ಪ್ರಹ॒‌ನ್ತಾ ಸ॑ತ್ಯ॒ಧ್ವೃತಂ᳚ ವೃಜಿನಾ॒ಯ‌ನ್ತ॑ಮಾ॒ಭು‌ಮ್ || 10.27.1
ಯದೀದ॒ಹಂ ಯು॒ಧಯೇ᳚ ಸಂ॒ನಯಾ॒ನ್ಯದೇ᳚ವಯೂ‌ನ್ತ॒ನ್ವಾ॒3॒॑ ಶೂಶು॑ಜಾನಾನ್ | ಅ॒ಮಾ ತೇ॒ ತುಮ್ರಂ᳚ ವೃಷ॒ಭಂ ಪ॑ಚಾನಿ ತೀ॒ವ್ರಂ ಸು॒ತಂ ಪಂ᳚ಚದ॒ಶಂ ನಿ ಷಿಂ᳚ಚ‌ಮ್ || 10.27.2
ನಾಹಂ ತಂ ವೇ᳚ದ॒ ಯ ಇತಿ॒ ಬ್ರವೀ॒ತ್ಯದೇ᳚ವಯೂ‌‌ನ್ತ್ಸ॒ಮರ॑ಣೇ ಜಘ॒ನ್ವಾನ್ | ಯ॒ದಾವಾಖ್ಯ॑ತ್ಸ॒ಮರ॑ಣ॒ಮೃಘಾ᳚ವ॒ದಾದಿದ್ಧ॑ ಮೇ ವೃಷ॒ಭಾ ಪ್ರ ಬ್ರು॑ವ‌ನ್ತಿ || 10.27.3
ಯದಜ್ಞಾ᳚ತೇಷು ವೃ॒ಜನೇ॒ಷ್ವಾಸಂ॒ ವಿಶ್ವೇ᳚ ಸ॒ತೋ ಮ॒ಘವಾ᳚ನೋ ಮ ಆಸನ್ | ಜಿ॒ನಾಮಿ॒ ವೇತ್ಕ್ಷೇಮ॒ ಆ ಸ‌ನ್ತ॑ಮಾ॒ಭುಂ ಪ್ರ ತಂ ಕ್ಷಿ॑ಣಾಂ॒ ಪರ್ವ॑ತೇ ಪಾದ॒ಗೃಹ್ಯ॑ || 10.27.4
ನ ವಾ ಉ॒ ಮಾಂ ವೃ॒ಜನೇ᳚ ವಾರಯ‌ನ್ತೇ॒ ನ ಪರ್ವ॑ತಾಸೋ॒ ಯದ॒ಹಂ ಮ॑ನ॒ಸ್ಯೇ | ಮಮ॑ ಸ್ವ॒ನಾತ್ಕೃ॑ಧು॒ಕರ್ಣೋ᳚ ಭಯಾತ ಏ॒ವೇದನು॒ ದ್ಯೂನ್ಕಿ॒ರಣಃ॒ ಸಮೇ᳚ಜಾತ್ || 10.27.5
ದರ್ಶ॒ನ್ನ್ವತ್ರ॑ ಶೃತ॒ಪಾಁ ಅ॑ನಿಂ॒ದ್ರಾನ್ಬಾ᳚ಹು॒ಕ್ಷದಃ॒ ಶರ॑ವೇ॒ ಪತ್ಯ॑ಮಾನಾನ್ | ಘೃಷುಂ᳚ ವಾ॒ ಯೇ ನಿ॑ನಿ॒ದುಃ ಸಖಾ᳚ಯ॒ಮಧ್ಯೂ॒ ನ್ವೇ᳚ಷು ಪ॒ವಯೋ᳚ ವವೃತ್ಯುಃ || 10.27.6
ಅಭೂ॒ರ್ವೌಕ್ಷೀ॒ರ್ವ್ಯು1॒॑ ಆಯು॑ರಾನ॒ಡ್ದರ್ಷ॒ನ್ನು ಪೂರ್ವೋ॒ ಅಪ॑ರೋ॒ ನು ದ॑ರ್ಷತ್ | ದ್ವೇ ಪ॒ವಸ್ತೇ॒ ಪರಿ॒ ತಂ ನ ಭೂ᳚ತೋ॒ ಯೋ ಅ॒ಸ್ಯ ಪಾ॒ರೇ ರಜ॑ಸೋ ವಿ॒ವೇಷ॑ || 10.27.7
ಗಾವೋ॒ ಯವಂ॒ ಪ್ರಯು॑ತಾ ಅ॒ರ್ಯೋ ಅ॑ಕ್ಷ॒‌ನ್ತಾ ಅ॑ಪಶ್ಯಂ ಸ॒ಹಗೋ᳚ಪಾ॒ಶ್ಚರ᳚‌ನ್ತೀಃ | ಹವಾ॒ ಇದ॒ರ್ಯೋ ಅ॒ಭಿತಃ॒ ಸಮಾ᳚ಯ॒ನ್ಕಿಯ॑ದಾಸು॒ ಸ್ವಪ॑ತಿಶ್ಛಂದಯಾತೇ || 10.27.8
ಸಂ ಯದ್ವಯಂ᳚ ಯವ॒ಸಾದೋ॒ ಜನಾ᳚ನಾಮ॒ಹಂ ಯ॒ವಾದ॑ ಉ॒ರ್ವಜ್ರೇ᳚ ಅ॒‌ನ್ತಃ | ಅತ್ರಾ᳚ ಯು॒ಕ್ತೋ᳚ಽವಸಾ॒ತಾರ॑ಮಿಚ್ಛಾ॒ದಥೋ॒ ಅಯು॑ಕ್ತಂ ಯುನಜದ್ವವ॒ನ್ವಾನ್ || 10.27.9
ಅತ್ರೇದು॑ ಮೇ ಮಂಸಸೇ ಸ॒ತ್ಯಮು॒ಕ್ತಂ ದ್ವಿ॒ಪಾಚ್ಚ॒ ಯಚ್ಚತು॑ಷ್ಪಾತ್ಸಂಸೃ॒ಜಾನಿ॑ | ಸ್ತ್ರೀ॒ಭಿರ್ಯೋ ಅತ್ರ॒ ವೃಷ॑ಣಂ ಪೃತ॒ನ್ಯಾದಯು॑ದ್ಧೋ ಅಸ್ಯ॒ ವಿ ಭ॑ಜಾನಿ॒ ವೇದಃ॑ || 10.27.10
ಯಸ್ಯಾ᳚ನ॒ಕ್ಷಾ ದು॑ಹಿ॒ತಾ ಜಾತ್ವಾಸ॒ ಕಸ್ತಾಂ ವಿ॒ದ್ವಾಁ ಅ॒ಭಿ ಮ᳚ನ್ಯಾತೇ ಅಂ॒ಧಾ‌ಮ್ | ಕ॒ತ॒ರೋ ಮೇ॒ನಿಂ ಪ್ರತಿ॒ ತಂ ಮು॑ಚಾತೇ॒ ಯ ಈಂ॒ ವಹಾ᳚ತೇ॒ ಯ ಈಂ᳚ ವಾ ವರೇ॒ಯಾತ್ || 10.27.11
ಕಿಯ॑ತೀ॒ ಯೋಷಾ᳚ ಮರ್ಯ॒ತೋ ವ॑ಧೂ॒ಯೋಃ ಪರಿ॑ಪ್ರೀತಾ॒ ಪನ್ಯ॑ಸಾ॒ ವಾರ್ಯೇ᳚ಣ | ಭ॒ದ್ರಾ ವ॒ಧೂರ್ಭ॑ವತಿ॒ ಯತ್ಸು॒ಪೇಶಾಃ᳚ ಸ್ವ॒ಯಂ ಸಾ ಮಿ॒ತ್ರಂ ವ॑ನುತೇ॒ ಜನೇ᳚ ಚಿತ್ || 10.27.12
ಪ॒ತ್ತೋ ಜ॑ಗಾರ ಪ್ರ॒ತ್ಯಂಚ॑ಮತ್ತಿ ಶೀ॒ರ್ಷ್ಣಾ ಶಿರಃ॒ ಪ್ರತಿ॑ ದಧೌ॒ ವರೂ᳚ಥ‌ಮ್ | ಆಸೀ᳚ನ ಊ॒ರ್ಧ್ವಾಮು॒ಪಸಿ॑ ಕ್ಷಿಣಾತಿ॒ ನ್ಯ᳚ಙ್ಙುತ್ತಾ॒ನಾಮನ್ವೇ᳚ತಿ॒ ಭೂಮಿ‌ಮ್᳚ || 10.27.13
ಬೃ॒ಹನ್ನ॑ಚ್ಛಾ॒ಯೋ ಅ॑ಪಲಾ॒ಶೋ ಅರ್ವಾ᳚ ತ॒ಸ್ಥೌ ಮಾ॒ತಾ ವಿಷಿ॑ತೋ ಅತ್ತಿ॒ ಗರ್ಭಃ॑ | ಅ॒ನ್ಯಸ್ಯಾ᳚ ವ॒ತ್ಸಂ ರಿ॑ಹ॒ತೀ ಮಿ॑ಮಾಯ॒ ಕಯಾ᳚ ಭು॒ವಾ ನಿ ದ॑ಧೇ ಧೇ॒ನುರೂಧಃ॑ || 10.27.14
ಸ॒ಪ್ತ ವೀ॒ರಾಸೋ᳚ ಅಧ॒ರಾದುದಾ᳚ಯನ್ನ॒ಷ್ಟೋತ್ತ॒ರಾತ್ತಾ॒ತ್ಸಮ॑ಜಗ್ಮಿರ॒‌ನ್ತೇ | ನವ॑ ಪ॒ಶ್ಚಾತಾ᳚ತ್ಸ್ಥಿವಿ॒ಮ‌ನ್ತ॑ ಆಯಂ॒ದಶ॒ ಪ್ರಾಕ್ಸಾನು॒ ವಿ ತಿ॑ರ॒‌ನ್ತ್ಯಶ್ನಃ॑ || 10.27.15
ದ॒ಶಾ॒ನಾಮೇಕಂ᳚ ಕಪಿ॒ಲಂ ಸ॑ಮಾ॒ನಂ ತಂ ಹಿ᳚ನ್ವ‌ನ್ತಿ॒ ಕ್ರತ॑ವೇ॒ ಪಾರ್ಯಾ᳚ಯ | ಗರ್ಭಂ᳚ ಮಾ॒ತಾ ಸುಧಿ॑ತಂ ವ॒ಕ್ಷಣಾ॒ಸ್ವವೇ᳚ನ‌ನ್ತಂ ತು॒ಷಯ᳚‌ನ್ತೀ ಬಿಭರ್ತಿ || 10.27.16
ಪೀವಾ᳚ನಂ ಮೇ॒ಷಮ॑ಪಚ‌ನ್ತ ವೀ॒ರಾ ನ್ಯು॑ಪ್ತಾ ಅ॒ಕ್ಷಾ ಅನು॑ ದೀ॒ವ ಆ᳚ಸನ್ | ದ್ವಾ ಧನುಂ᳚ ಬೃಹ॒ತೀಮ॒ಪ್ಸ್ವ1॒᳚‌ನ್ತಃ ಪ॒ವಿತ್ರ॑ವ‌ನ್ತಾ ಚರತಃ ಪು॒ನ‌ನ್ತಾ᳚ || 10.27.17
ವಿ ಕ್ರೋ᳚ಶ॒ನಾಸೋ॒ ವಿಷ್ವಂ᳚ಚ ಆಯ॒ನ್ಪಚಾ᳚ತಿ॒ ನೇಮೋ᳚ ನ॒ಹಿ ಪಕ್ಷ॑ದ॒ರ್ಧಃ | ಅ॒ಯಂ ಮೇ᳚ ದೇ॒ವಃ ಸ॑ವಿ॒ತಾ ತದಾ᳚ಹ॒ ದ್ರ್ವ᳚ನ್ನ॒ ಇದ್ವ॑ನವತ್ಸ॒ರ್ಪಿರ᳚ನ್ನಃ || 10.27.18
ಅಪ॑ಶ್ಯಂ॒ ಗ್ರಾಮಂ॒ ವಹ॑ಮಾನಮಾ॒ರಾದ॑ಚ॒ಕ್ರಯಾ᳚ ಸ್ವ॒ಧಯಾ॒ ವರ್ತ॑ಮಾನ‌ಮ್ | ಸಿಷ॑ಕ್ತ್ಯ॒ರ್ಯಃ ಪ್ರ ಯು॒ಗಾ ಜನಾ᳚ನಾಂ ಸ॒ದ್ಯಃ ಶಿ॒ಶ್ನಾ ಪ್ರ॑ಮಿನಾ॒ನೋ ನವೀ᳚ಯಾನ್ || 10.27.19
ಏ॒ತೌ ಮೇ॒ ಗಾವೌ᳚ ಪ್ರಮ॒ರಸ್ಯ॑ ಯು॒ಕ್ತೌ ಮೋ ಷು ಪ್ರ ಸೇ᳚ಧೀ॒ರ್ಮುಹು॒ರಿನ್ಮ॑ಮಂಧಿ | ಆಪ॑ಶ್ಚಿದಸ್ಯ॒ ವಿ ನ॑ಶ॒‌ನ್ತ್ಯರ್ಥಂ॒ ಸೂರ॑ಶ್ಚ ಮ॒ರ್ಕ ಉಪ॑ರೋ ಬಭೂ॒ವಾನ್ || 10.27.20
ಅ॒ಯಂ ಯೋ ವಜ್ರಃ॑ ಪುರು॒ಧಾ ವಿವೃ॑ತ್ತೋ॒ಽವಃ ಸೂರ್ಯ॑ಸ್ಯ ಬೃಹ॒ತಃ ಪುರೀ᳚ಷಾತ್ | ಶ್ರವ॒ ಇದೇ॒ನಾ ಪ॒ರೋ ಅ॒ನ್ಯದ॑ಸ್ತಿ॒ ತದ᳚ವ್ಯ॒ಥೀ ಜ॑ರಿ॒ಮಾಣ॑ಸ್ತರ‌ನ್ತಿ || 10.27.21
ವೃ॒ಕ್ಷೇವೃ॑ಕ್ಷೇ॒ ನಿಯ॑ತಾ ಮೀಮಯ॒ದ್ಗೌಸ್ತತೋ॒ ವಯಃ॒ ಪ್ರ ಪ॑ತಾನ್ಪೂರು॒ಷಾದಃ॑ | ಅಥೇ॒ದಂ ವಿಶ್ವಂ॒ ಭುವ॑ನಂ ಭಯಾತ॒ ಇಂದ್ರಾ᳚ಯ ಸು॒ನ್ವದೃಷ॑ಯೇ ಚ॒ ಶಿಕ್ಷ॑ತ್ || 10.27.22
ದೇ॒ವಾನಾಂ॒ ಮಾನೇ᳚ ಪ್ರಥ॒ಮಾ ಅ॑ತಿಷ್ಠನ್ಕೃ॒‌ನ್ತತ್ರಾ᳚ದೇಷಾ॒ಮುಪ॑ರಾ॒ ಉದಾ᳚ಯನ್ | ತ್ರಯ॑ಸ್ತಪ‌ನ್ತಿ ಪೃಥಿ॒ವೀಮ॑ನೂ॒ಪಾ ದ್ವಾ ಬೃಬೂ᳚ಕಂ ವಹತಃ॒ ಪುರೀ᳚ಷ‌ಮ್ || 10.27.23
ಸಾ ತೇ᳚ ಜೀ॒ವಾತು॑ರು॒ತ ತಸ್ಯ॑ ವಿದ್ಧಿ॒ ಮಾ ಸ್ಮೈ᳚ತಾ॒ದೃಗಪ॑ ಗೂಹಃ ಸಮ॒ರ್ಯೇ | ಆ॒ವಿಃ ಸ್ವಃ॑ ಕೃಣು॒ತೇ ಗೂಹ॑ತೇ ಬು॒ಸಂ ಸ ಪಾ॒ದುರ॑ಸ್ಯ ನಿ॒ರ್ಣಿಜೋ॒ ನ ಮು॑ಚ್ಯತೇ || 10.27.24

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ (1) ಪ್ರಥಮರ್ಚ ಇಂದ್ರಸ್ನುಷಾ ವಸುಕ್ರಪತ್ರೀ ಋಷಿಕಾ, (2, 6, 8, 10, 12) ದ್ವಿತೀಯಾಷಷ್ಠ್ಯಷ್ಟಮೀದಶಮೀದ್ವಾದಶೀನಾಮಿಂದ್ರಃ, (3-5, 7, 9, 11) ತೃತೀಯಾದಿತೃಚಸ್ಯ ಸಪ್ತಮೀನವಮ್ಯೇಕಾದಶೀನಾಂಚೈಂದ್ರೋ ವಸುಕ್ರ ಋಷಿಃ (1, 3-5, 7, 9, 11) ಪ್ರಥಮರ್ಚಸ್ತೃತೀಯಾದಿತೃಚಸ್ಯ ಸಪ್ತಮೀನವಮ್ಯೇಕಾದಶೀನಾಂಚೇಂದ್ರಃ, (2, 6, 8, 10, 12) ದ್ವಿತೀಯಾಷಷ್ಠ್ಯಷ್ಟಮೀದಶಮೀದ್ವಾದಶೀನಾಂಚೈಂದ್ರೋ ವಸನೋ ದೇವತೇ, ತ್ರಿಷ್ಟುಪ್ ಛಂದಃ

ವಿಶ್ವೋ॒ ಹ್ಯ1॒᳚ನ್ಯೋ ಅ॒ರಿರಾ᳚ಜ॒ಗಾಮ॒ ಮಮೇದಹ॒ ಶ್ವಶು॑ರೋ॒ ನಾ ಜ॑ಗಾಮ | ಜ॒ಕ್ಷೀ॒ಯಾದ್ಧಾ॒ನಾ ಉ॒ತ ಸೋಮಂ᳚ ಪಪೀಯಾ॒ತ್ಸ್ವಾ᳚ಶಿತಃ॒ ಪುನ॒ರಸ್ತಂ᳚ ಜಗಾಯಾತ್ || 10.28.1
ಸ ರೋರು॑ವದ್ವೃಷ॒ಭಸ್ತಿ॒ಗ್ಮಶೃಂ᳚ಗೋ॒ ವರ್ಷ್ಮ᳚‌ನ್ತಸ್ಥೌ॒ ವರಿ॑ಮ॒ನ್ನಾ ಪೃ॑ಥಿ॒ವ್ಯಾಃ | ವಿಶ್ವೇ᳚ಷ್ವೇನಂ ವೃ॒ಜನೇ᳚ಷು ಪಾಮಿ॒ ಯೋ ಮೇ᳚ ಕು॒ಕ್ಷೀ ಸು॒ತಸೋ᳚ಮಃ ಪೃ॒ಣಾತಿ॑ || 10.28.2
ಅದ್ರಿ॑ಣಾ ತೇ ಮಂ॒ದಿನ॑ ಇಂದ್ರ॒ ತೂಯಾ᳚‌‌ನ್ತ್ಸು॒ನ್ವ‌ನ್ತಿ॒ ಸೋಮಾ॒ನ್ಪಿಬ॑ಸಿ॒ ತ್ವಮೇ᳚ಷಾ‌ಮ್ | ಪಚ᳚‌ನ್ತಿ ತೇ ವೃಷ॒ಭಾಁ ಅತ್ಸಿ॒ ತೇಷಾಂ᳚ ಪೃ॒ಕ್ಷೇಣ॒ ಯನ್ಮ॑ಘವನ್ಹೂ॒ಯಮಾ᳚ನಃ || 10.28.3
ಇ॒ದಂ ಸು ಮೇ᳚ ಜರಿತ॒ರಾ ಚಿ॑ಕಿದ್ಧಿ ಪ್ರತೀ॒ಪಂ ಶಾಪಂ᳚ ನ॒ದ್ಯೋ᳚ ವಹ‌ನ್ತಿ | ಲೋ॒ಪಾ॒ಶಃ ಸಿಂ॒ಹಂ ಪ್ರ॒ತ್ಯಂಚ॑ಮತ್ಸಾಃ ಕ್ರೋ॒ಷ್ಟಾ ವ॑ರಾ॒ಹಂ ನಿರ॑ತಕ್ತ॒ ಕಕ್ಷಾ᳚ತ್ || 10.28.4
ಕ॒ಥಾ ತ॑ ಏ॒ತದ॒ಹಮಾ ಚಿ॑ಕೇತಂ॒ ಗೃತ್ಸ॑ಸ್ಯ॒ ಪಾಕ॑ಸ್ತ॒ವಸೋ᳚ ಮನೀ॒ಷಾ‌ಮ್ | ತ್ವಂ ನೋ᳚ ವಿ॒ದ್ವಾಁ ಋ॑ತು॒ಥಾ ವಿ ವೋ᳚ಚೋ॒ ಯಮರ್ಧಂ᳚ ತೇ ಮಘವನ್ಕ್ಷೇ॒ಮ್ಯಾ ಧೂಃ || 10.28.5
ಏ॒ವಾ ಹಿ ಮಾಂ ತ॒ವಸಂ᳚ ವ॒ರ್ಧಯ᳚‌ನ್ತಿ ದಿ॒ವಶ್ಚಿ᳚ನ್ಮೇ ಬೃಹ॒ತ ಉತ್ತ॑ರಾ॒ ಧೂಃ | ಪು॒ರೂ ಸ॒ಹಸ್ರಾ॒ ನಿ ಶಿ॑ಶಾಮಿ ಸಾ॒ಕಮ॑ಶ॒ತ್ರುಂ ಹಿ ಮಾ॒ ಜನಿ॑ತಾ ಜ॒ಜಾನ॑ || 10.28.6
ಏ॒ವಾ ಹಿ ಮಾಂ ತ॒ವಸಂ᳚ ಜ॒ಜ್ಞುರು॒ಗ್ರಂ ಕರ್ಮ᳚ನ್ಕರ್ಮ॒ನ್ವೃಷ॑ಣಮಿಂದ್ರ ದೇ॒ವಾಃ | ವಧೀಂ᳚ ವೃ॒ತ್ರಂ ವಜ್ರೇ᳚ಣ ಮಂದಸಾ॒ನೋಽಪ᳚ ವ್ರ॒ಜಂ ಮ॑ಹಿ॒ನಾ ದಾ॒ಶುಷೇ᳚ ವ‌ಮ್ || 10.28.7
ದೇ॒ವಾಸ॑ ಆಯನ್ಪರ॒ಶೂಁರ॑ಬಿಭ್ರ॒ನ್ವನಾ᳚ ವೃ॒ಶ್ಚ‌ನ್ತೋ᳚ ಅ॒ಭಿ ವಿ॒ಡ್ಭಿರಾ᳚ಯನ್ | ನಿ ಸು॒ದ್ರ್ವ1॒॑ ಅಂದಧ॑ತೋ ವ॒ಕ್ಷಣಾ᳚ಸು॒ ಯತ್ರಾ॒ ಕೃಪೀ᳚ಟ॒ಮನು॒ ತದ್ದ॑ಹ‌ನ್ತಿ || 10.28.8
ಶ॒ಶಃ ಕ್ಷು॒ರಂ ಪ್ರ॒ತ್ಯಂಚಂ᳚ ಜಗಾ॒ರಾದ್ರಿಂ᳚ ಲೋ॒ಗೇನ॒ ವ್ಯ॑ಭೇದಮಾ॒ರಾತ್ | ಬೃ॒ಹ‌ನ್ತಂ᳚ ಚಿದೃಹ॒ತೇ ರಂ᳚ಧಯಾನಿ॒ ವಯ॑ದ್ವ॒ತ್ಸೋ ವೃ॑ಷ॒ಭಂ ಶೂಶು॑ವಾನಃ || 10.28.9
ಸು॒ಪ॒ರ್ಣ ಇ॒ತ್ಥಾ ನ॒ಖಮಾ ಸಿ॑ಷಾ॒ಯಾವ॑ರುದ್ಧಃ ಪರಿ॒ಪದಂ॒ ನ ಸಿಂ॒ಹಃ | ನಿ॒ರು॒ದ್ಧಶ್ಚಿ᳚ನ್ಮಹಿ॒ಷಸ್ತ॒ರ್ಷ್ಯಾವಾ᳚ನ್ಗೋ॒ಧಾ ತಸ್ಮಾ᳚ ಅ॒ಯಥಂ᳚ ಕರ್ಷದೇ॒ತತ್ || 10.28.10
ತೇಭ್ಯೋ᳚ ಗೋ॒ಧಾ ಅ॒ಯಥಂ᳚ ಕರ್ಷದೇ॒ತದ್ಯೇ ಬ್ರ॒ಹ್ಮಣಃ॑ ಪ್ರತಿ॒ಪೀಯ॒‌ನ್ತ್ಯನ್ನೈಃ᳚ | ಸಿ॒ಮ ಉ॒ಕ್ಷ್ಣೋ᳚ಽವಸೃ॒ಷ್ಟಾಁ ಅ॑ದ‌ನ್ತಿ ಸ್ವ॒ಯಂ ಬಲಾ᳚ನಿ ತ॒ನ್ವಃ॑ ಶೃಣಾ॒ನಾಃ || 10.28.11
ಏ॒ತೇ ಶಮೀ᳚ಭಿಃ ಸು॒ಶಮೀ᳚ ಅಭೂವ॒ನ್ಯೇ ಹಿ᳚ನ್ವಿ॒ರೇ ತ॒ನ್ವ1॒ಃ॑ ಸೋಮ॑ ಉ॒ಕ್ಥೈಃ | ನೃ॒ವದ್ವದ॒ನ್ನುಪ॑ ನೋ ಮಾಹಿ॒ ವಾಜಾಂ᳚ದಿ॒ವಿ ಶ್ರವೋ᳚ ದಧಿಷೇ॒ ನಾಮ॑ ವೀ॒ರಃ || 10.28.12

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರೋ ವಸುಕ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ವನೇ॒ ನ ವಾ॒ ಯೋ ನ್ಯ॑ಧಾಯಿ ಚಾ॒ಕಂಛುಚಿ᳚ರ್ವಾಂ॒ ಸ್ತೋಮೋ᳚ ಭುರಣಾವಜೀಗಃ | ಯಸ್ಯೇದಿಂದ್ರಃ॑ ಪುರು॒ದಿನೇ᳚ಷು॒ ಹೋತಾ᳚ ನೃ॒ಣಾಂ ನರ್ಯೋ॒ ನೃತ॑ಮಃ ಕ್ಷ॒ಪಾವಾನ್॑ || 10.29.1
ಪ್ರ ತೇ᳚ ಅ॒ಸ್ಯಾ ಉ॒ಷಸಃ॒ ಪ್ರಾಪ॑ರಸ್ಯಾ ನೃ॒ತೌ ಸ್ಯಾ᳚ಮ॒ ನೃತ॑ಮಸ್ಯ ನೃ॒ಣಾ‌ಮ್ | ಅನು॑ ತ್ರಿ॒ಶೋಕಃ॑ ಶ॒ತಮಾವ॑ಹ॒ನ್ನೄನ್ಕುತ್ಸೇ᳚ನ॒ ರಥೋ॒ ಯೋ ಅಸ॑ತ್ಸಸ॒ವಾನ್ || 10.29.2
ಕಸ್ತೇ॒ ಮದ॑ ಇಂದ್ರ॒ ರ‌ನ್ತ್ಯೋ᳚ ಭೂ॒ದ್ದುರೋ॒ ಗಿರೋ᳚ ಅ॒ಭ್ಯು1॒॑ಗ್ರೋ ವಿ ಧಾ᳚ವ | ಕದ್ವಾಹೋ᳚ ಅ॒ರ್ವಾಗುಪ॑ ಮಾ ಮನೀ॒ಷಾ ಆ ತ್ವಾ᳚ ಶಕ್ಯಾಮುಪ॒ಮಂ ರಾಧೋ॒ ಅನ್ನೈಃ᳚ || 10.29.3
ಕದು॑ ದ್ಯು॒ಮ್ನಮಿಂ᳚ದ್ರ॒ ತ್ವಾವ॑ತೋ॒ ನೄನ್ಕಯಾ᳚ ಧಿ॒ಯಾ ಕ॑ರಸೇ॒ ಕನ್ನ॒ ಆಗನ್॑ | ಮಿ॒ತ್ರೋ ನ ಸ॒ತ್ಯ ಉ॑ರುಗಾಯ ಭೃ॒ತ್ಯಾ ಅನ್ನೇ᳚ ಸಮಸ್ಯ॒ ಯದಸ᳚ನ್ಮನೀ॒ಷಾಃ || 10.29.4
ಪ್ರೇರ॑ಯ॒ ಸೂರೋ॒ ಅರ್ಥಂ॒ ನ ಪಾ॒ರಂ ಯೇ ಅ॑ಸ್ಯ॒ ಕಾಮಂ᳚ ಜನಿ॒ಧಾ ಇ॑ವ॒ ಗ್ಮನ್ | ಗಿರ॑ಶ್ಚ॒ ಯೇ ತೇ᳚ ತುವಿಜಾತ ಪೂ॒ರ್ವೀರ್ನರ॑ ಇಂದ್ರ ಪ್ರತಿ॒ಶಿಕ್ಷ॒‌ನ್ತ್ಯನ್ನೈಃ᳚ || 10.29.5
ಮಾತ್ರೇ॒ ನು ತೇ॒ ಸುಮಿ॑ತೇ ಇಂದ್ರ ಪೂ॒ರ್ವೀ ದ್ಯೌರ್ಮ॒ಜ್ಮನಾ᳚ ಪೃಥಿ॒ವೀ ಕಾವ್ಯೇ᳚ನ | ವರಾ᳚ಯ ತೇ ಘೃ॒ತವ᳚‌ನ್ತಃ ಸು॒ತಾಸಃ॒ ಸ್ವಾದ್ಮ᳚ನ್ಭವ‌ನ್ತು ಪೀ॒ತಯೇ॒ ಮಧೂ᳚ನಿ || 10.29.6
ಆ ಮಧ್ವೋ᳚ ಅಸ್ಮಾ ಅಸಿಚ॒ನ್ನಮ॑ತ್ರ॒ಮಿಂದ್ರಾ᳚ಯ ಪೂ॒ರ್ಣಂ ಸ ಹಿ ಸ॒ತ್ಯರಾ᳚ಧಾಃ | ಸ ವಾ᳚ವೃಧೇ॒ ವರಿ॑ಮ॒ನ್ನಾ ಪೃ॑ಥಿ॒ವ್ಯಾ ಅ॒ಭಿ ಕ್ರತ್ವಾ॒ ನರ್ಯಃ॒ ಪೌಂಸ್ಯೈ᳚ಶ್ಚ || 10.29.7
ವ್ಯಾ᳚ನ॒ಳಿಂದ್ರಃ॒ ಪೃತ॑ನಾಃ॒ ಸ್ವೋಜಾ॒ ಆಸ್ಮೈ᳚ ಯತ‌ನ್ತೇ ಸ॒ಖ್ಯಾಯ॑ ಪೂ॒ರ್ವೀಃ | ಆ ಸ್ಮಾ॒ ರಥಂ॒ ನ ಪೃತ॑ನಾಸು ತಿಷ್ಠ॒ ಯಂ ಭ॒ದ್ರಯಾ᳚ ಸುಮ॒ತ್ಯಾ ಚೋ॒ದಯಾ᳚ಸೇ || 10.29.8

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯೈಲಷೂ : ಕವಷ ಋಷಿಃ, ಆಪೋಽಪಾಂ ನಪಾದ್ವಾ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ದೇ᳚ವ॒ತ್ರಾ ಬ್ರಹ್ಮ॑ಣೇ ಗಾ॒ತುರೇ᳚ತ್ವ॒ಪೋ ಅಚ್ಛಾ॒ ಮನ॑ಸೋ॒ ನ ಪ್ರಯು॑ಕ್ತಿ | ಮ॒ಹೀಂ ಮಿ॒ತ್ರಸ್ಯ॒ ವರು॑ಣಸ್ಯ ಧಾ॒ಸಿಂ ಪೃ॑ಥು॒ಜ್ರಯ॑ಸೇ ರೀರಧಾ ಸುವೃ॒ಕ್ತಿ‌ಮ್ || 10.30.1
ಅಧ್ವ᳚ರ್ಯವೋ ಹ॒ವಿಷ್ಮ᳚‌ನ್ತೋ॒ ಹಿ ಭೂ॒ತಾಚ್ಛಾ॒ಪ ಇ॑ತೋಶ॒ತೀರು॑ಶ‌ನ್ತಃ | ಅವ॒ ಯಾಶ್ಚಷ್ಟೇ᳚ ಅರು॒ಣಃ ಸು॑ಪ॒ರ್ಣಸ್ತಮಾಸ್ಯ॑ಧ್ವಮೂ॒ರ್ಮಿಮ॒ದ್ಯಾ ಸು॑ಹಸ್ತಾಃ || 10.30.2
ಅಧ್ವ᳚ರ್ಯವೋ॒ಽಪ ಇ॑ತಾ ಸಮು॒ದ್ರಮ॒ಪಾಂ ನಪಾ᳚ತಂ ಹ॒ವಿಷಾ᳚ ಯಜಧ್ವ‌ಮ್ | ಸ ವೋ᳚ ದದದೂ॒ರ್ಮಿಮ॒ದ್ಯಾ ಸುಪೂ᳚ತಂ॒ ತಸ್ಮೈ॒ ಸೋಮಂ॒ ಮಧು॑ಮ‌ನ್ತಂ ಸುನೋತ || 10.30.3
ಯೋ ಅ॑ನಿ॒ಧ್ಮೋ ದೀದ॑ಯದ॒ಪ್ಸ್ವ1॒᳚‌ನ್ತರ್ಯಂ ವಿಪ್ರಾ᳚ಸ॒ ಈಳ॑ತೇ ಅಧ್ವ॒ರೇಷು॑ | ಅಪಾಂ᳚ ನಪಾ॒ನ್ಮಧು॑ಮತೀರ॒ಪೋ ದಾ॒ ಯಾಭಿ॒ರಿಂದ್ರೋ᳚ ವಾವೃ॒ಧೇ ವೀ॒ರ್ಯಾ᳚ಯ || 10.30.4
ಯಾಭಿಃ॒ ಸೋಮೋ॒ ಮೋದ॑ತೇ॒ ಹರ್ಷ॑ತೇ ಚ ಕಲ್ಯಾ॒ಣೀಭಿ᳚ರ್ಯುವ॒ತಿಭಿ॒ರ್ನ ಮರ್ಯಃ॑ | ತಾ ಅ॑ಧ್ವರ್ಯೋ ಅ॒ಪೋ ಅಚ್ಛಾ॒ ಪರೇ᳚ಹಿ॒ ಯದಾ᳚ಸಿಂ॒ಚಾ ಓಷ॑ಧೀಭಿಃ ಪುನೀತಾತ್ || 10.30.5
ಏ॒ವೇದ್ಯೂನೇ᳚ ಯುವ॒ತಯೋ᳚ ನಮ‌ನ್ತ॒ ಯದೀ᳚ಮು॒ಶನ್ನು॑ಶ॒ತೀರೇತ್ಯಚ್ಛ॑ | ಸಂ ಜಾ᳚ನತೇ॒ ಮನ॑ಸಾ॒ ಸಂ ಚಿ॑ಕಿತ್ರೇಽಧ್ವ॒ರ್ಯವೋ᳚ ಧಿ॒ಷಣಾಪ॑ಶ್ಚ ದೇ॒ವೀಃ || 10.30.6
ಯೋ ವೋ᳚ ವೃ॒ತಾಭ್ಯೋ॒ ಅಕೃ॑ಣೋದು ಲೋ॒ಕಂ ಯೋ ವೋ᳚ ಮ॒ಹ್ಯಾ ಅ॒ಭಿಶ॑ಸ್ತೇ॒ರಮುಂ᳚ಚತ್ | ತಸ್ಮಾ॒ ಇಂದ್ರಾ᳚ಯ॒ ಮಧು॑ಮ‌ನ್ತಮೂ॒ರ್ಮಿಂ ದೇ᳚ವ॒ಮಾದ॑ನಂ॒ ಪ್ರ ಹಿ॑ಣೋತನಾಪಃ || 10.30.7
ಪ್ರಾಸ್ಮೈ᳚ ಹಿನೋತ॒ ಮಧು॑ಮ‌ನ್ತಮೂ॒ರ್ಮಿಂ ಗರ್ಭೋ॒ ಯೋ ವಃ॑ ಸಿಂಧವೋ॒ ಮಧ್ವ॒ ಉತ್ಸಃ॑ | ಘೃ॒ತಪೃ॑ಷ್ಠ॒ಮೀಡ್ಯ॑ಮಧ್ವ॒ರೇಷ್ವಾಪೋ᳚ ರೇವತೀಃ ಶೃಣು॒ತಾ ಹವಂ᳚ ಮೇ || 10.30.8
ತಂ ಸಿಂ᳚ಧವೋ ಮತ್ಸ॒ರಮಿಂ᳚ದ್ರ॒ಪಾನ॑ಮೂ॒ರ್ಮಿಂ ಪ್ರ ಹೇ᳚ತ॒ ಯ ಉ॒ಭೇ ಇಯ॑ರ್ತಿ | ಮ॒ದ॒ಚ್ಯುತ॑ಮೌಶಾ॒ನಂ ನ॑ಭೋ॒ಜಾಂ ಪರಿ॑ ತ್ರಿ॒ತ‌ನ್ತುಂ᳚ ವಿ॒ಚರ᳚‌ನ್ತ॒ಮುತ್ಸ‌ಮ್᳚ || 10.30.9
ಆ॒ವರ್ವೃ॑ತತೀ॒ರಧ॒ ನು ದ್ವಿ॒ಧಾರಾ᳚ ಗೋಷು॒ಯುಧೋ॒ ನ ನಿ॑ಯ॒ವಂ ಚರ᳚‌ನ್ತೀಃ | ಋಷೇ॒ ಜನಿ॑ತ್ರೀ॒ರ್ಭುವ॑ನಸ್ಯ॒ ಪತ್ನೀ᳚ರ॒ಪೋ ವಂ᳚ದಸ್ವ ಸ॒ವೃಧಃ॒ ಸಯೋ᳚ನೀಃ || 10.30.10
ಹಿ॒ನೋತಾ᳚ ನೋ ಅಧ್ವ॒ರಂ ದೇ᳚ವಯ॒ಜ್ಯಾ ಹಿ॒ನೋತ॒ ಬ್ರಹ್ಮ॑ ಸ॒ನಯೇ॒ ಧನಾ᳚ನಾ‌ಮ್ | ಋ॒ತಸ್ಯ॒ ಯೋಗೇ॒ ವಿ ಷ್ಯ॑ಧ್ವ॒ಮೂಧಃ॑ ಶ್ರುಷ್ಟೀ॒ವರೀ᳚ರ್ಭೂತನಾ॒ಸ್ಮಭ್ಯ॑ಮಾಪಃ || 10.30.11
ಆಪೋ᳚ ರೇವತೀಃ॒ ಕ್ಷಯ॑ಥಾ॒ ಹಿ ವಸ್ವಃ॒ ಕ್ರತುಂ᳚ ಚ ಭ॒ದ್ರಂ ಬಿ॑ಭೃ॒ಥಾಮೃತಂ᳚ ಚ | ರಾ॒ಯಶ್ಚ॒ ಸ್ಥ ಸ್ವ॑ಪ॒ತ್ಯಸ್ಯ॒ ಪತ್ನೀಃ॒ ಸರ॑ಸ್ವತೀ॒ ತದ್ಗೃ॑ಣ॒ತೇ ವಯೋ᳚ ಧಾತ್ || 10.30.12
ಪ್ರತಿ॒ ಯದಾಪೋ॒ ಅದೃ॑ಶ್ರಮಾಯ॒ತೀರ್ಘೃ॒ತಂ ಪಯಾಂ᳚ಸಿ॒ ಬಿಭ್ರ॑ತೀ॒ರ್ಮಧೂ᳚ನಿ | ಅ॒ಧ್ವ॒ರ್ಯುಭಿ॒ರ್ಮನ॑ಸಾ ಸಂವಿದಾ॒ನಾ ಇಂದ್ರಾ᳚ಯ॒ ಸೋಮಂ॒ ಸುಷು॑ತಂ॒ ಭರ᳚‌ನ್ತೀಃ || 10.30.13
ಏಮಾ ಅ॑ಗ್ಮನ್ರೇ॒ವತೀ᳚ರ್ಜೀ॒ವಧ᳚ನ್ಯಾ॒ ಅಧ್ವ᳚ರ್ಯವಃ ಸಾ॒ದಯ॑ತಾ ಸಖಾಯಃ | ನಿ ಬ॒ರ್ಹಿಷಿ॑ ಧತ್ತನ ಸೋಮ್ಯಾಸೋ॒ಽಪಾಂ ನಪ್ತ್ರಾ᳚ ಸಂವಿದಾ॒ನಾಸ॑ ಏನಾಃ || 10.30.14
ಆಗ್ಮ॒ನ್ನಾಪ॑ ಉಶ॒ತೀರ್ಬ॒ರ್ಹಿರೇದಂ ನ್ಯ॑ಧ್ವ॒ರೇ ಅ॑ಸದಂದೇವ॒ಯ‌ನ್ತೀಃ᳚ | ಅಧ್ವ᳚ರ್ಯವಃ ಸುನು॒ತೇಂದ್ರಾ᳚ಯ॒ ಸೋಮ॒ಮಭೂ᳚ದು ವಃ ಸು॒ಶಕಾ᳚ ದೇವಯ॒ಜ್ಯಾ || 10.30.15

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯೈಲಷ : ಕವಷ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಆ ನೋ᳚ ದೇ॒ವಾನಾ॒ಮುಪ॑ ವೇತು॒ ಶಂಸೋ॒ ವಿಶ್ವೇ᳚ಭಿಸ್ತು॒ರೈರವ॑ಸೇ॒ ಯಜ॑ತ್ರಃ | ತೇಭಿ᳚ರ್ವ॒ಯಂ ಸು॑ಷ॒ಖಾಯೋ᳚ ಭವೇಮ॒ ತರ᳚‌ನ್ತೋ॒ ವಿಶ್ವಾ᳚ ದುರಿ॒ತಾ ಸ್ಯಾ᳚ಮ || 10.31.1
ಪರಿ॑ ಚಿ॒ನ್ಮರ್ತೋ॒ ದ್ರವಿ॑ಣಂ ಮಮನ್ಯಾದೃ॒ತಸ್ಯ॑ ಪ॒ಥಾ ನಮ॒ಸಾ ವಿ॑ವಾಸೇತ್ | ಉ॒ತ ಸ್ವೇನ॒ ಕ್ರತು॑ನಾ॒ ಸಂ ವ॑ದೇತ॒ ಶ್ರೇಯಾಂ᳚ಸಂ॒ ದಕ್ಷಂ॒ ಮನ॑ಸಾ ಜಗೃಭ್ಯಾತ್ || 10.31.2
ಅಧಾ᳚ಯಿ ಧೀ॒ತಿರಸ॑ಸೃಗ್ರ॒ಮಂಶಾ᳚ಸ್ತೀ॒ರ್ಥೇ ನ ದ॒ಸ್ಮಮುಪ॑ ಯ॒‌ನ್ತ್ಯೂಮಾಃ᳚ | ಅ॒ಭ್ಯಾ᳚ನಶ್ಮ ಸುವಿ॒ತಸ್ಯ॑ ಶೂ॒ಷಂ ನವೇ᳚ದಸೋ ಅ॒ಮೃತಾ᳚ನಾಮಭೂಮ || 10.31.3
ನಿತ್ಯ॑ಶ್ಚಾಕನ್ಯಾ॒ತ್ಸ್ವಪ॑ತಿ॒ರ್ದಮೂ᳚ನಾ॒ ಯಸ್ಮಾ᳚ ಉ ದೇ॒ವಃ ಸ॑ವಿ॒ತಾ ಜ॒ಜಾನ॑ | ಭಗೋ᳚ ವಾ॒ ಗೋಭಿ॑ರರ್ಯ॒ಮೇಮ॑ನಜ್ಯಾ॒ತ್ಸೋ ಅ॑ಸ್ಮೈ॒ ಚಾರು॑ಶ್ಛದಯದು॒ತ ಸ್ಯಾ᳚ತ್ || 10.31.4
ಇ॒ಯಂ ಸಾ ಭೂ᳚ಯಾ ಉ॒ಷಸಾ᳚ಮಿವ॒ ಕ್ಷಾ ಯದ್ಧ॑ ಕ್ಷು॒ಮ‌ನ್ತಃ॒ ಶವ॑ಸಾ ಸ॒ಮಾಯನ್॑ | ಅ॒ಸ್ಯ ಸ್ತು॒ತಿಂ ಜ॑ರಿ॒ತುರ್ಭಿಕ್ಷ॑ಮಾಣಾ॒ ಆ ನಃ॑ ಶ॒ಗ್ಮಾಸ॒ ಉಪ॑ ಯ‌ನ್ತು॒ ವಾಜಾಃ᳚ || 10.31.5
ಅ॒ಸ್ಯೇದೇ॒ಷಾ ಸು॑ಮ॒ತಿಃ ಪ॑ಪ್ರಥಾ॒ನಾಭ॑ವತ್ಪೂ॒ರ್ವ್ಯಾ ಭೂಮ॑ನಾ॒ ಗೌಃ | ಅ॒ಸ್ಯ ಸನೀ᳚ಳಾ॒ ಅಸು॑ರಸ್ಯ॒ ಯೋನೌ᳚ ಸಮಾ॒ನ ಆ ಭರ॑ಣೇ॒ ಬಿಭ್ರ॑ಮಾಣಾಃ || 10.31.6
ಕಿಂ ಸ್ವಿ॒ದ್ವನಂ॒ ಕ ಉ॒ ಸ ವೃ॒ಕ್ಷ ಆ᳚ಸ॒ ಯತೋ॒ ದ್ಯಾವಾ᳚ಪೃಥಿ॒ವೀ ನಿ॑ಷ್ಟತ॒ಕ್ಷುಃ | ಸಂ॒ತ॒ಸ್ಥಾ॒ನೇ ಅ॒ಜರೇ᳚ ಇ॒ತಊ᳚ತೀ॒ ಅಹಾ᳚ನಿ ಪೂ॒ರ್ವೀರು॒ಷಸೋ᳚ ಜರ‌ನ್ತ || 10.31.7
ನೈತಾವ॑ದೇ॒ನಾ ಪ॒ರೋ ಅ॒ನ್ಯದ॑ಸ್ತ್ಯು॒ಕ್ಷಾ ಸ ದ್ಯಾವಾ᳚ಪೃಥಿ॒ವೀ ಬಿ॑ಭರ್ತಿ | ತ್ವಚಂ᳚ ಪ॒ವಿತ್ರಂ᳚ ಕೃಣುತ ಸ್ವ॒ಧಾವಾ॒ನ್ಯದೀಂ॒ ಸೂರ್ಯಂ॒ ನ ಹ॒ರಿತೋ॒ ವಹ᳚‌ನ್ತಿ || 10.31.8
ಸ್ತೇ॒ಗೋ ನ ಕ್ಷಾಮತ್ಯೇ᳚ತಿ ಪೃ॒ಥ್ವೀಂ ಮಿಹಂ॒ ನ ವಾತೋ॒ ವಿ ಹ॑ ವಾತಿ॒ ಭೂಮ॑ | ಮಿ॒ತ್ರೋ ಯತ್ರ॒ ವರು॑ಣೋ ಅ॒ಜ್ಯಮಾ᳚ನೋ॒ಽಗ್ನಿರ್ವನೇ॒ ನ ವ್ಯಸೃ॑ಷ್ಟ॒ ಶೋಕ‌ಮ್᳚ || 10.31.9
ಸ್ತ॒ರೀರ್ಯತ್ಸೂತ॑ ಸ॒ದ್ಯೋ ಅ॒ಜ್ಯಮಾ᳚ನಾ॒ ವ್ಯಥಿ॑ರವ್ಯ॒ಥೀಃ ಕೃ॑ಣುತ॒ ಸ್ವಗೋ᳚ಪಾ | ಪು॒ತ್ರೋ ಯತ್ಪೂರ್ವಃ॑ ಪಿ॒ತ್ರೋರ್ಜನಿ॑ಷ್ಟ ಶ॒ಮ್ಯಾಂ ಗೌರ್ಜ॑ಗಾರ॒ ಯದ್ಧ॑ ಪೃ॒ಚ್ಛಾನ್ || 10.31.10
ಉ॒ತ ಕಣ್ವಂ᳚ ನೃ॒ಷದಃ॑ ಪು॒ತ್ರಮಾ᳚ಹುರು॒ತ ಶ್ಯಾ॒ವೋ ಧನ॒ಮಾದ॑ತ್ತ ವಾ॒ಜೀ | ಪ್ರ ಕೃ॒ಷ್ಣಾಯ॒ ರುಶ॑ದಪಿನ್ವ॒ತೋಧ॑ರ್‌ಋ॒ತಮತ್ರ॒ ನಕಿ॑ರಸ್ಮಾ ಅಪೀಪೇತ್ || 10.31.11

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯೈಲ) : ಕವಷ ಋಷಿಃ, ಇಂದ್ರೋ ದೇವತಾ (1-5) ಪ್ರಥಮಾದಿಪಂಚರ್ಚಾಂ ಜಗತೀ, (6-9) ಷಷ್ಠ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ

ಪ್ರ ಸು ಗ್ಮ‌ನ್ತಾ᳚ ಧಿಯಸಾ॒ನಸ್ಯ॑ ಸ॒ಕ್ಷಣಿ॑ ವ॒ರೇಭಿ᳚ರ್ವ॒ರಾಁ ಅ॒ಭಿ ಷು ಪ್ರ॒ಸೀದ॑ತಃ | ಅ॒ಸ್ಮಾಕ॒ಮಿಂದ್ರ॑ ಉ॒ಭಯಂ᳚ ಜುಜೋಷತಿ॒ ಯತ್ಸೋ॒ಮ್ಯಸ್ಯಾಂಧ॑ಸೋ॒ ಬುಬೋ᳚ಧತಿ || 10.32.1
ವೀಂ᳚ದ್ರ ಯಾಸಿ ದಿ॒ವ್ಯಾನಿ॑ ರೋಚ॒ನಾ ವಿ ಪಾರ್ಥಿ॑ವಾನಿ॒ ರಜ॑ಸಾ ಪುರುಷ್ಟುತ | ಯೇ ತ್ವಾ॒ ವಹ᳚‌ನ್ತಿ॒ ಮುಹು॑ರಧ್ವ॒ರಾಁ ಉಪ॒ ತೇ ಸು ವ᳚ನ್ವ‌ನ್ತು ವಗ್ವ॒ನಾಁ ಅ॑ರಾ॒ಧಸಃ॑ || 10.32.2
ತದಿನ್ಮೇ᳚ ಛ‌ನ್ತ್ಸ॒ದ್ವಪು॑ಷೋ॒ ವಪು॑ಷ್ಟರಂ ಪು॒ತ್ರೋ ಯಜ್ಜಾನಂ᳚ ಪಿ॒ತ್ರೋರ॒ಧೀಯ॑ತಿ | ಜಾ॒ಯಾ ಪತಿಂ᳚ ವಹತಿ ವ॒ಗ್ನುನಾ᳚ ಸು॒ಮತ್ಪುಂ॒ಸ ಇದ್ಭ॒ದ್ರೋ ವ॑ಹ॒ತುಃ ಪರಿ॑ಷ್ಕೃತಃ || 10.32.3
ತದಿತ್ಸ॒ಧಸ್ಥ॑ಮ॒ಭಿ ಚಾರು॑ ದೀಧಯ॒ ಗಾವೋ॒ ಯಚ್ಛಾಸ᳚ನ್ವಹ॒ತುಂ ನ ಧೇ॒ನವಃ॑ | ಮಾ॒ತಾ ಯನ್ಮ‌ನ್ತು᳚ರ್ಯೂ॒ಥಸ್ಯ॑ ಪೂ॒ರ್ವ್ಯಾಭಿ ವಾ॒ಣಸ್ಯ॑ ಸ॒ಪ್ತಧಾ᳚ತು॒ರಿಜ್ಜನಃ॑ || 10.32.4
ಪ್ರ ವೋಽಚ್ಛಾ᳚ ರಿರಿಚೇ ದೇವ॒ಯುಷ್ಪ॒ದಮೇಕೋ᳚ ರು॒ದ್ರೇಭಿ᳚ರ್ಯಾತಿ ತು॒ರ್ವಣಿಃ॑ | ಜ॒ರಾ ವಾ॒ ಯೇಷ್ವ॒ಮೃತೇ᳚ಷು ದಾ॒ವನೇ॒ ಪರಿ॑ ವ॒ ಊಮೇ᳚ಭ್ಯಃ ಸಿಂಚತಾ॒ ಮಧು॑ || 10.32.5
ನಿ॒ಧೀ॒ಯಮಾ᳚ನ॒ಮಪ॑ಗೂಳ್ಹಮ॒ಪ್ಸು ಪ್ರ ಮೇ᳚ ದೇ॒ವಾನಾಂ᳚ ವ್ರತ॒ಪಾ ಉ॑ವಾಚ | ಇಂದ್ರೋ᳚ ವಿ॒ದ್ವಾಁ ಅನು॒ ಹಿ ತ್ವಾ᳚ ಚ॒ಚಕ್ಷ॒ ತೇನಾ॒ಹಮ॑ಗ್ನೇ॒ ಅನು॑ಶಿಷ್ಟ॒ ಆಗಾ᳚‌ಮ್ || 10.32.6
ಅಕ್ಷೇ᳚ತ್ರವಿತ್ಕ್ಷೇತ್ರ॒ವಿದಂ॒ ಹ್ಯಪ್ರಾ॒ಟ್ ಸ ಪ್ರೈತಿ॑ ಕ್ಷೇತ್ರ॒ವಿದಾನು॑ಶಿಷ್ಟಃ | ಏ॒ತದ್ವೈ ಭ॒ದ್ರಮ॑ನು॒ಶಾಸ॑ನಸ್ಯೋ॒ತ ಸ್ರು॒ತಿಂ ವಿಂ᳚ದತ್ಯಂಜ॒ಸೀನಾ᳚‌ಮ್ || 10.32.7
ಅ॒ದ್ಯೇದು॒ ಪ್ರಾಣೀ॒ದಮ॑ಮನ್ನಿ॒ಮಾಹಾಪೀ᳚ವೃತೋ ಅಧಯನ್ಮಾ॒ತುರೂಧಃ॑ | ಏಮೇ᳚ನಮಾಪ ಜರಿ॒ಮಾ ಯುವಾ᳚ನ॒ಮಹೇ᳚ಳ॒ನ್ವಸುಃ॑ ಸು॒ಮನಾ᳚ ಬಭೂವ || 10.32.8
ಏ॒ತಾನಿ॑ ಭ॒ದ್ರಾ ಕ॑ಲಶ ಕ್ರಿಯಾಮ॒ ಕುರು॑ಶ್ರವಣ॒ ದದ॑ತೋ ಮ॒ಘಾನಿ॑ | ದಾ॒ನ ಇದ್ವೋ᳚ ಮಘವಾನಃ॒ ಸೋ ಅ॑ಸ್ತ್ವ॒ಯಂ ಚ॒ ಸೋಮೋ᳚ ಹೃ॒ದಿ ಯಂ ಬಿಭ᳚ರ್ಮಿ || 10.32.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯೈಲ) : ಕವಷ ಋಷಿಃ (1) ಪ್ರಥಮ] ವಿಶ್ವೇ ದೇವಾಃ, (2-3) ದ್ವಿತೀಯಾತೃತೀಯಯೋರಿಂದ್ರಃ, (4-5) ಚತುರ್ಥೀಪಂಚಮ್ಯೋಸ್ತ್ರಾಸದಸ್ಯವಸ್ಯ ಕುರುಶ್ರವಣಸ್ಯ ದಾನಸ್ತುತಿಃ, (6-9) ಷಷ್ಠ್ಯಾದಿಚತಸೃಣಾಂಚ ಮೈತ್ರಾತಿಥಿರುಪಮಶ್ರವಾ ದೇವತಾಃ (1) ಪ್ರಥಮರ್ಚಸ್ತ್ರಿಷ್ಟುಪ, (2-3) ದ್ವಿತೀಯಾತೃತೀಯಯೋಃ ಪ್ರಗಾಥಃ (ದ್ವಿತೀಯಾಯಾ ಬೃಹತೀ, ತೃತೀಯಾಯಾಃ ಸತೋಬೃಹತೀ), (4-9) ಚತುರ್ಥ್ಯಾದಿತೃಚದ್ವಯಸ್ಯ ಚ ಗಾಯತ್ರೀ ಛಂದಾಂಸಿ

ಪ್ರ ಮಾ᳚ ಯುಯುಜ್ರೇ ಪ್ರ॒ಯುಜೋ॒ ಜನಾ᳚ನಾಂ॒ ವಹಾ᳚ಮಿ ಸ್ಮ ಪೂ॒ಷಣ॒ಮ‌ನ್ತ॑ರೇಣ | ವಿಶ್ವೇ᳚ ದೇ॒ವಾಸೋ॒ ಅಧ॒ ಮಾಮ॑ರಕ್ಷಂದುಃ॒ಶಾಸು॒ರಾಗಾ॒ದಿತಿ॒ ಘೋಷ॑ ಆಸೀತ್ || 10.33.1
ಸಂ ಮಾ᳚ ತಪ‌ನ್ತ್ಯ॒ಭಿತಃ॑ ಸ॒ಪತ್ನೀ᳚ರಿವ॒ ಪರ್ಶ॑ವಃ | ನಿ ಬಾ᳚ಧತೇ॒ ಅಮ॑ತಿರ್ನ॒ಗ್ನತಾ॒ ಜಸು॒ರ್ವೇರ್ನ ವೇ᳚ವೀಯತೇ ಮ॒ತಿಃ || 10.33.2
ಮೂಷೋ॒ ನ ಶಿ॒ಶ್ನಾ ವ್ಯ॑ದ‌ನ್ತಿ ಮಾ॒ಧ್ಯಃ॑ ಸ್ತೋ॒ತಾರಂ᳚ ತೇ ಶತಕ್ರತೋ | ಸ॒ಕೃತ್ಸು ನೋ᳚ ಮಘವನ್ನಿಂದ್ರ ಮೃಳ॒ಯಾಧಾ᳚ ಪಿ॒ತೇವ॑ ನೋ ಭವ || 10.33.3
ಕು॒ರು॒ಶ್ರವ॑ಣಮಾವೃಣಿ॒ ರಾಜಾ᳚ನಂ॒ ತ್ರಾಸ॑ದಸ್ಯವ‌ಮ್ | ಮಂಹಿ॑ಷ್ಠಂ ವಾ॒ಘತಾ॒ಮೃಷಿಃ॑ || 10.33.4
ಯಸ್ಯ॑ ಮಾ ಹ॒ರಿತೋ॒ ರಥೇ᳚ ತಿ॒ಸ್ರೋ ವಹ᳚‌ನ್ತಿ ಸಾಧು॒ಯಾ | ಸ್ತವೈ᳚ ಸ॒ಹಸ್ರ॑ದಕ್ಷಿಣೇ || 10.33.5
ಯಸ್ಯ॒ ಪ್ರಸ್ವಾ᳚ದಸೋ॒ ಗಿರ॑ ಉಪ॒ಮಶ್ರ॑ವಸಃ ಪಿ॒ತುಃ | ಕ್ಷೇತ್ರಂ॒ ನ ರ॒ಣ್ವಮೂ॒ಚುಷೇ᳚ || 10.33.6
ಅಧಿ॑ ಪುತ್ರೋಪಮಶ್ರವೋ॒ ನಪಾ᳚ನ್ಮಿತ್ರಾತಿಥೇರಿಹಿ | ಪಿ॒ತುಷ್ಟೇ᳚ ಅಸ್ಮಿ ವಂದಿ॒ತಾ || 10.33.7
ಯದೀಶೀ᳚ಯಾ॒ಮೃತಾ᳚ನಾಮು॒ತ ವಾ॒ ಮರ್ತ್ಯಾ᳚ನಾ‌ಮ್ | ಜೀವೇ॒ದಿನ್ಮ॒ಘವಾ॒ ಮಮ॑ || 10.33.8
ನ ದೇ॒ವಾನಾ॒ಮತಿ᳚ ವ್ರ॒ತಂ ಶ॒ತಾತ್ಮಾ᳚ ಚ॒ನ ಜೀ᳚ವತಿ | ತಥಾ᳚ ಯು॒ಜಾ ವಿ ವಾ᳚ವೃತೇ || 10.33.9

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯೈಲಷೂ : ಕವಷೋ ಮೌಜವಾನಕ್ಷೋ ವಾ ಋಷಿಃ (1, 7, 9, 12) ಪ್ರಥಮಾಸಪ್ತಮೀನವಮೀದ್ವಾದಶೀನಾಮೃಚಾಮಕ್ಷಾಃ, (2-6, 8, 10-11, 14) ದ್ವಿತೀಯಾದಿಪಂಚಾನಾಮಷ್ಟಮೀದಶಮ್ಯೇಕಾದಶೀಚತುರ್ದಶೀನಾಂಚಾಕ್ಷಕಿತವನಿಂದಾ, (13) ತ್ರಯೋದಶ್ಯಾಶ್ಚ ಕೃಷಿದೇವ ತಾಃ (1-6, 8-14) ಪ್ರಥಮಾದಿಷಡಚಾಮಷ್ಟಮ್ಯಾದಿಸಪ್ತಾನಾಂಚ ತ್ರಿಷ್ಟುಪ್, (7) ಸಪ್ತಮ್ಯಾಶ್ಚ ಜಗತೀ ಛಂದಸೀ

ಪ್ರಾ॒ವೇ॒ಪಾ ಮಾ᳚ ಬೃಹ॒ತೋ ಮಾ᳚ದಯ‌ನ್ತಿ ಪ್ರವಾತೇ॒ಜಾ ಇರಿ॑ಣೇ॒ ವರ್ವೃ॑ತಾನಾಃ | ಸೋಮ॑ಸ್ಯೇವ ಮೌಜವ॒ತಸ್ಯ॑ ಭ॒ಕ್ಷೋ ವಿ॒ಭೀದ॑ಕೋ॒ ಜಾಗೃ॑ವಿ॒ರ್ಮಹ್ಯ॑ಮಚ್ಛಾನ್ || 10.34.1
ನ ಮಾ᳚ ಮಿಮೇಥ॒ ನ ಜಿ॑ಹೀಳ ಏ॒ಷಾ ಶಿ॒ವಾ ಸಖಿ॑ಭ್ಯ ಉ॒ತ ಮಹ್ಯ॑ಮಾಸೀತ್ | ಅ॒ಕ್ಷಸ್ಯಾ॒ಹಮೇ᳚ಕಪ॒ರಸ್ಯ॑ ಹೇ॒ತೋರನು᳚ವ್ರತಾ॒ಮಪ॑ ಜಾ॒ಯಾಮ॑ರೋಧ‌ಮ್ || 10.34.2
ದ್ವೇಷ್ಟಿ॑ ಶ್ವ॒ಶ್ರೂರಪ॑ ಜಾ॒ಯಾ ರು॑ಣದ್ಧಿ॒ ನ ನಾ᳚ಥಿ॒ತೋ ವಿಂ᳚ದತೇ ಮರ್ಡಿ॒ತಾರ‌ಮ್᳚ | ಅಶ್ವ॑ಸ್ಯೇವ॒ ಜರ॑ತೋ॒ ವಸ್ನ್ಯ॑ಸ್ಯ॒ ನಾಹಂ ವಿಂ᳚ದಾಮಿ ಕಿತ॒ವಸ್ಯ॒ ಭೋಗ‌ಮ್᳚ || 10.34.3
ಅ॒ನ್ಯೇ ಜಾ॒ಯಾಂ ಪರಿ॑ ಮೃಶ‌ನ್ತ್ಯಸ್ಯ॒ ಯಸ್ಯಾಗೃ॑ಧ॒ದ್ವೇದ॑ನೇ ವಾ॒ಜ್ಯ1॒॑ಕ್ಷಃ | ಪಿ॒ತಾ ಮಾ॒ತಾ ಭ್ರಾತ॑ರ ಏನಮಾಹು॒ರ್ನ ಜಾ᳚ನೀಮೋ॒ ನಯ॑ತಾ ಬ॒ದ್ಧಮೇ॒ತ‌ಮ್ || 10.34.4
ಯದಾ॒ದೀಧ್ಯೇ॒ ನ ದ॑ವಿಷಾಣ್ಯೇಭಿಃ ಪರಾ॒ಯದ್ಭ್ಯೋಽವ॑ ಹೀಯೇ॒ ಸಖಿ॑ಭ್ಯಃ | ನ್ಯು॑ಪ್ತಾಶ್ಚ ಬ॒ಭ್ರವೋ॒ ವಾಚ॒ಮಕ್ರ॑ತಁ॒ ಏಮೀದೇ᳚ಷಾಂ ನಿಷ್ಕೃ॒ತಂ ಜಾ॒ರಿಣೀ᳚ವ || 10.34.5
ಸ॒ಭಾಮೇ᳚ತಿ ಕಿತ॒ವಃ ಪೃ॒ಚ್ಛಮಾ᳚ನೋ ಜೇ॒ಷ್ಯಾಮೀತಿ॑ ತ॒ನ್ವಾ॒3॒॑ ಶೂಶು॑ಜಾನಃ | ಅ॒ಕ್ಷಾಸೋ᳚ ಅಸ್ಯ॒ ವಿ ತಿ॑ರ‌ನ್ತಿ॒ ಕಾಮಂ᳚ ಪ್ರತಿ॒ದೀವ್ನೇ॒ ದಧ॑ತ॒ ಆ ಕೃ॒ತಾನಿ॑ || 10.34.6
ಅ॒ಕ್ಷಾಸ॒ ಇದಂ᳚ಕು॒ಶಿನೋ᳚ ನಿತೋ॒ದಿನೋ᳚ ನಿ॒ಕೃತ್ವಾ᳚ನ॒ಸ್ತಪ॑ನಾಸ್ತಾಪಯಿ॒ಷ್ಣವಃ॑ | ಕು॒ಮಾ॒ರದೇ᳚ಷ್ಣಾ॒ ಜಯ॑ತಃ ಪುನ॒ರ್ಹಣೋ॒ ಮಧ್ವಾ॒ ಸಂಪೃ॑ಕ್ತಾಃ ಕಿತ॒ವಸ್ಯ॑ ಬ॒ರ್ಹಣಾ᳚ || 10.34.7
ತ್ರಿ॒ಪಂ॒ಚಾ॒ಶಃ ಕ್ರೀ᳚ಳತಿ॒ ವ್ರಾತ॑ ಏಷಾಂ ದೇ॒ವ ಇ॑ವ ಸವಿ॒ತಾ ಸ॒ತ್ಯಧ᳚ರ್ಮಾ | ಉ॒ಗ್ರಸ್ಯ॑ ಚಿನ್ಮ॒ನ್ಯವೇ॒ ನಾ ನ॑ಮ‌ನ್ತೇ॒ ರಾಜಾ᳚ ಚಿದೇಭ್ಯೋ॒ ನಮ॒ ಇತ್ಕೃ॑ಣೋತಿ || 10.34.8
ನೀ॒ಚಾ ವ॑ರ್ತ‌ನ್ತ ಉ॒ಪರಿ॑ ಸ್ಫುರ‌ನ್ತ್ಯಹ॒ಸ್ತಾಸೋ॒ ಹಸ್ತ॑ವ‌ನ್ತಂ ಸಹ‌ನ್ತೇ | ದಿ॒ವ್ಯಾ ಅಂಗಾ᳚ರಾ॒ ಇರಿ॑ಣೇ॒ ನ್ಯು॑ಪ್ತಾಃ ಶೀ॒ತಾಃ ಸ‌ನ್ತೋ॒ ಹೃದ॑ಯಂ॒ ನಿರ್ದ॑ಹ‌ನ್ತಿ || 10.34.9
ಜಾ॒ಯಾ ತ॑ಪ್ಯತೇ ಕಿತ॒ವಸ್ಯ॑ ಹೀ॒ನಾ ಮಾ॒ತಾ ಪು॒ತ್ರಸ್ಯ॒ ಚರ॑ತಃ॒ ಕ್ವ॑ ಸ್ವಿತ್ | ಋ॒ಣಾ॒ವಾ ಬಿಭ್ಯ॒ದ್ಧನ॑ಮಿ॒ಚ್ಛಮಾ᳚ನೋ॒ಽನ್ಯೇಷಾ॒ಮಸ್ತ॒ಮುಪ॒ ನಕ್ತ॑ಮೇತಿ || 10.34.10
ಸ್ತ್ರಿಯಂ᳚ ದೃ॒ಷ್ಟ್ವಾಯ॑ ಕಿತ॒ವಂ ತ॑ತಾಪಾ॒ನ್ಯೇಷಾಂ᳚ ಜಾ॒ಯಾಂ ಸುಕೃ॑ತಂ ಚ॒ ಯೋನಿ‌ಮ್᳚ | ಪೂ॒ರ್ವಾ॒ಹ್ಣೇ ಅಶ್ವಾ᳚ನ್ಯುಯು॒ಜೇ ಹಿ ಬ॒ಭ್ರೂ‌‌ನ್ತ್ಸೋ ಅ॒ಗ್ನೇರ‌ನ್ತೇ᳚ ವೃಷ॒ಲಃ ಪ॑ಪಾದ || 10.34.11
ಯೋ ವಃ॑ ಸೇನಾ॒ನೀರ್ಮ॑ಹ॒ತೋ ಗ॒ಣಸ್ಯ॒ ರಾಜಾ॒ ವ್ರಾತ॑ಸ್ಯ ಪ್ರಥ॒ಮೋ ಬ॒ಭೂವ॑ | ತಸ್ಮೈ᳚ ಕೃಣೋಮಿ॒ ನ ಧನಾ᳚ ರುಣಧ್ಮಿ॒ ದಶಾ॒ಹಂ ಪ್ರಾಚೀ॒ಸ್ತದೃ॒ತಂ ವ॑ದಾಮಿ || 10.34.12
ಅ॒ಕ್ಷೈರ್ಮಾ ದೀ᳚ವ್ಯಃ ಕೃ॒ಷಿಮಿತ್ಕೃ॑ಷಸ್ವ ವಿ॒ತ್ತೇ ರ॑ಮಸ್ವ ಬ॒ಹು ಮನ್ಯ॑ಮಾನಃ | ತತ್ರ॒ ಗಾವಃ॑ ಕಿತವ॒ ತತ್ರ॑ ಜಾ॒ಯಾ ತನ್ಮೇ॒ ವಿ ಚ॑ಷ್ಟೇ ಸವಿ॒ತಾಯಮ॒ರ್ಯಃ || 10.34.13
ಮಿ॒ತ್ರಂ ಕೃ॑ಣುಧ್ವಂ॒ ಖಲು॑ ಮೃ॒ಳತಾ᳚ ನೋ॒ ಮಾ ನೋ᳚ ಘೋ॒ರೇಣ॑ ಚರತಾ॒ಭಿ ಧೃ॒ಷ್ಣು | ನಿ ವೋ॒ ನು ಮ॒ನ್ಯುರ್ವಿ॑ಶತಾ॒ಮರಾ᳚ತಿರ॒ನ್ಯೋ ಬ॑ಭ್ರೂ॒ಣಾಂ ಪ್ರಸಿ॑ತೌ॒ ನ್ವ॑ಸ್ತು || 10.34.14

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಧಾನಾಕೋ ಲುಶ ಋಷಿಃ, ವಿಶ್ವೇ ದೇವಾ ದೇವತಾಃ (1-12) ಪ್ರಥಮಾದಿದ್ವಾದಶ! ಜಗತೀ, (13-14) ತ್ರಯೋದಶೀಚತುರ್ದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಅಬು॑ಧ್ರಮು॒ ತ್ಯ ಇಂದ್ರ॑ವ‌ನ್ತೋ ಅ॒ಗ್ನಯೋ॒ ಜ್ಯೋತಿ॒ರ್ಭರ᳚‌ನ್ತ ಉ॒ಷಸೋ॒ ವ್ಯು॑ಷ್ಟಿಷು | ಮ॒ಹೀ ದ್ಯಾವಾ᳚ಪೃಥಿ॒ವೀ ಚೇ᳚ತತಾ॒ಮಪೋ॒ಽದ್ಯಾ ದೇ॒ವಾನಾ॒ಮವ॒ ಆ ವೃ॑ಣೀಮಹೇ || 10.35.1
ದಿ॒ವಸ್ಪೃ॑ಥಿ॒ವ್ಯೋರವ॒ ಆ ವೃ॑ಣೀಮಹೇ ಮಾ॒ತೄ‌‌ನ್ತ್ಸಿಂಧೂ॒ನ್ಪರ್ವ॑ತಾಂಛರ್ಯ॒ಣಾವ॑ತಃ | ಅ॒ನಾ॒ಗಾ॒ಸ್ತ್ವಂ ಸೂರ್ಯ॑ಮು॒ಷಾಸ॑ಮೀಮಹೇ ಭ॒ದ್ರಂ ಸೋಮಃ॑ ಸುವಾ॒ನೋ ಅ॒ದ್ಯಾ ಕೃ॑ಣೋತು ನಃ || 10.35.2
ದ್ಯಾವಾ᳚ ನೋ ಅ॒ದ್ಯ ಪೃ॑ಥಿ॒ವೀ ಅನಾ᳚ಗಸೋ ಮ॒ಹೀ ತ್ರಾ᳚ಯೇತಾಂ ಸುವಿ॒ತಾಯ॑ ಮಾ॒ತರಾ᳚ | ಉ॒ಷಾ ಉ॒ಚ್ಛ‌ನ್ತ್ಯಪ॑ ಬಾಧತಾಮ॒ಘಂ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.3
ಇ॒ಯಂ ನ॑ ಉ॒ಸ್ರಾ ಪ್ರ॑ಥ॒ಮಾ ಸು॑ದೇ॒ವ್ಯಂ᳚ ರೇ॒ವತ್ಸ॒ನಿಭ್ಯೋ᳚ ರೇ॒ವತೀ॒ ವ್ಯು॑ಚ್ಛತು | ಆ॒ರೇ ಮ॒ನ್ಯುಂ ದು᳚ರ್ವಿ॒ದತ್ರ॑ಸ್ಯ ಧೀಮಹಿ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.4
ಪ್ರ ಯಾಃ ಸಿಸ್ರ॑ತೇ॒ ಸೂರ್ಯ॑ಸ್ಯ ರ॒ಶ್ಮಿಭಿ॒ರ್ಜ್ಯೋತಿ॒ರ್ಭರ᳚‌ನ್ತೀರು॒ಷಸೋ॒ ವ್ಯು॑ಷ್ಟಿಷು | ಭ॒ದ್ರಾ ನೋ᳚ ಅ॒ದ್ಯ ಶ್ರವ॑ಸೇ॒ ವ್ಯು॑ಚ್ಛತ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.5
ಅ॒ನ॒ಮೀ॒ವಾ ಉ॒ಷಸ॒ ಆ ಚ॑ರ‌ನ್ತು ನ॒ ಉದ॒ಗ್ನಯೋ᳚ ಜಿಹತಾಂ॒ ಜ್ಯೋತಿ॑ಷಾ ಬೃ॒ಹತ್ | ಆಯು॑ಕ್ಷಾತಾಮ॒ಶ್ವಿನಾ॒ ತೂತು॑ಜಿಂ॒ ರಥಂ᳚ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.6
ಶ್ರೇಷ್ಠಂ᳚ ನೋ ಅ॒ದ್ಯ ಸ॑ವಿತ॒ರ್ವರೇ᳚ಣ್ಯಂ ಭಾ॒ಗಮಾ ಸು॑ವ॒ ಸ ಹಿ ರ॑ತ್ನ॒ಧಾ ಅಸಿ॑ | ರಾ॒ಯೋ ಜನಿ॑ತ್ರೀಂ ಧಿ॒ಷಣಾ॒ಮುಪ॑ ಬ್ರುವೇ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.7
ಪಿಪ॑ರ್ತು ಮಾ॒ ತದೃ॒ತಸ್ಯ॑ ಪ್ರ॒ವಾಚ॑ನಂ ದೇ॒ವಾನಾಂ॒ ಯನ್ಮ॑ನು॒ಷ್ಯಾ॒3॒॑ ಅಮ᳚ನ್ಮಹಿ | ವಿಶ್ವಾ॒ ಇದು॒ಸ್ರಾಃ ಸ್ಪಳುದೇ᳚ತಿ॒ ಸೂರ್ಯಃ॑ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.8
ಅ॒ದ್ವೇ॒ಷೋ ಅ॒ದ್ಯ ಬ॒ರ್ಹಿಷಃ॒ ಸ್ತರೀ᳚ಮಣಿ॒ ಗ್ರಾವ್ಣಾಂ॒ ಯೋಗೇ॒ ಮನ್ಮ॑ನಃ॒ ಸಾಧ॑ ಈಮಹೇ | ಆ॒ದಿ॒ತ್ಯಾನಾಂ॒ ಶರ್ಮ॑ಣಿ॒ ಸ್ಥಾ ಭು॑ರಣ್ಯಸಿ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.9
ಆ ನೋ᳚ ಬ॒ರ್ಹಿಃ ಸ॑ಧ॒ಮಾದೇ᳚ ಬೃ॒ಹದ್ದಿ॒ವಿ ದೇ॒ವಾಁ ಈ᳚ಳೇ ಸಾ॒ದಯಾ᳚ ಸ॒ಪ್ತ ಹೋತೄನ್॑ | ಇಂದ್ರಂ᳚ ಮಿ॒ತ್ರಂ ವರು॑ಣಂ ಸಾ॒ತಯೇ॒ ಭಗಂ᳚ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.10
ತ ಆ᳚ದಿತ್ಯಾ॒ ಆ ಗ॑ತಾ ಸ॒ರ್ವತಾ᳚ತಯೇ ವೃ॒ಧೇ ನೋ᳚ ಯ॒ಜ್ಞಮ॑ವತಾ ಸಜೋಷಸಃ | ಬೃಹ॒ಸ್ಪತಿಂ᳚ ಪೂ॒ಷಣ॑ಮ॒ಶ್ವಿನಾ॒ ಭಗಂ᳚ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.11
ತನ್ನೋ᳚ ದೇವಾ ಯಚ್ಛತ ಸುಪ್ರವಾಚ॒ನಂ ಛ॒ರ್ದಿರಾ᳚ದಿತ್ಯಾಃ ಸು॒ಭರಂ᳚ ನೃ॒ಪಾಯ್ಯ‌ಮ್᳚ | ಪಶ್ವೇ᳚ ತೋ॒ಕಾಯ॒ ತನ॑ಯಾಯ ಜೀ॒ವಸೇ᳚ ಸ್ವ॒ಸ್ತ್ಯ1॒॑ಗ್ನಿಂ ಸ॑ಮಿಧಾ॒ನಮೀ᳚ಮಹೇ || 10.35.12
ವಿಶ್ವೇ᳚ ಅ॒ದ್ಯ ಮ॒ರುತೋ॒ ವಿಶ್ವ॑ ಊ॒ತೀ ವಿಶ್ವೇ᳚ ಭವ‌ನ್ತ್ವ॒ಗ್ನಯಃ॒ ಸಮಿ॑ದ್ಧಾಃ | ವಿಶ್ವೇ᳚ ನೋ ದೇ॒ವಾ ಅವ॒ಸಾ ಗ॑ಮ‌ನ್ತು॒ ವಿಶ್ವ॑ಮಸ್ತು॒ ದ್ರವಿ॑ಣಂ॒ ವಾಜೋ᳚ ಅ॒ಸ್ಮೇ || 10.35.13
ಯಂ ದೇ᳚ವಾ॒ಸೋಽವ॑ಥ॒ ವಾಜ॑ಸಾತೌ॒ ಯಂ ತ್ರಾಯ॑ಧ್ವೇ॒ ಯಂ ಪಿ॑ಪೃ॒ಥಾತ್ಯಂಹಃ॑ | ಯೋ ವೋ᳚ ಗೋಪೀ॒ಥೇ ನ ಭ॒ಯಸ್ಯ॒ ವೇದ॒ ತೇ ಸ್ಯಾ᳚ಮ ದೇ॒ವವೀ᳚ತಯೇ ತುರಾಸಃ || 10.35.14

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಧಾನಾಕೋ ಲುಶ ಋಷಿಃ, ವಿಶ್ವೇ ದೇವಾ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ಜಗತೀ, (13-14) ತ್ರಯೋದಶೀಚತುರ್ದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಉ॒ಷಾಸಾ॒ನಕ್ತಾ᳚ ಬೃಹ॒ತೀ ಸು॒ಪೇಶ॑ಸಾ॒ ದ್ಯಾವಾ॒ಕ್ಷಾಮಾ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ಇಂದ್ರಂ᳚ ಹುವೇ ಮ॒ರುತಃ॒ ಪರ್ವ॑ತಾಁ ಅ॒ಪ ಆ᳚ದಿ॒ತ್ಯಾಂದ್ಯಾವಾ᳚ಪೃಥಿ॒ವೀ ಅ॒ಪಃ ಸ್ವಃ॑ || 10.36.1
ದ್ಯೌಶ್ಚ॑ ನಃ ಪೃಥಿ॒ವೀ ಚ॒ ಪ್ರಚೇ᳚ತಸ ಋ॒ತಾವ॑ರೀ ರಕ್ಷತಾ॒ಮಂಹ॑ಸೋ ರಿ॒ಷಃ | ಮಾ ದು᳚ರ್ವಿ॒ದತ್ರಾ॒ ನಿರ್‌ಋ॑ತಿರ್ನ ಈಶತ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.2
ವಿಶ್ವ॑ಸ್ಮಾನ್ನೋ॒ ಅದಿ॑ತಿಃ ಪಾ॒ತ್ವಂಹ॑ಸೋ ಮಾ॒ತಾ ಮಿ॒ತ್ರಸ್ಯ॒ ವರು॑ಣಸ್ಯ ರೇ॒ವತಃ॑ | ಸ್ವ᳚ರ್ವ॒ಜ್ಜ್ಯೋತಿ॑ರವೃ॒ಕಂ ನ॑ಶೀಮಹಿ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.3
ಗ್ರಾವಾ॒ ವದ॒ನ್ನಪ॒ ರಕ್ಷಾಂ᳚ಸಿ ಸೇಧತು ದು॒ಷ್ಷ್ವಪ್ನ್ಯಂ॒ ನಿರ್‌ಋ॑ತಿಂ॒ ವಿಶ್ವ॑ಮ॒ತ್ರಿಣ‌ಮ್᳚ | ಆ॒ದಿ॒ತ್ಯಂ ಶರ್ಮ॑ ಮ॒ರುತಾ᳚ಮಶೀಮಹಿ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.4
ಏಂದ್ರೋ᳚ ಬ॒ರ್ಹಿಃ ಸೀದ॑ತು॒ ಪಿನ್ವ॑ತಾ॒ಮಿಳಾ॒ ಬೃಹ॒ಸ್ಪತಿಃ॒ ಸಾಮ॑ಭಿರ್‌ಋ॒ಕ್ವೋ ಅ॑ರ್ಚತು | ಸು॒ಪ್ರ॒ಕೇ॒ತಂ ಜೀ॒ವಸೇ॒ ಮನ್ಮ॑ ಧೀಮಹಿ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.5
ದಿ॒ವಿ॒ಸ್ಪೃಶಂ᳚ ಯ॒ಜ್ಞಮ॒ಸ್ಮಾಕ॑ಮಶ್ವಿನಾ ಜೀ॒ರಾಧ್ವ॑ರಂ ಕೃಣುತಂ ಸು॒ಮ್ನಮಿ॒ಷ್ಟಯೇ᳚ | ಪ್ರಾ॒ಚೀನ॑ರಶ್ಮಿ॒ಮಾಹು॑ತಂ ಘೃ॒ತೇನ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.6
ಉಪ॑ ಹ್ವಯೇ ಸು॒ಹವಂ॒ ಮಾರು॑ತಂ ಗ॒ಣಂ ಪಾ᳚ವ॒ಕಮೃ॒ಷ್ವಂ ಸ॒ಖ್ಯಾಯ॑ ಶಂ॒ಭುವ‌ಮ್᳚ | ರಾ॒ಯಸ್ಪೋಷಂ᳚ ಸೌಶ್ರವ॒ಸಾಯ॑ ಧೀಮಹಿ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.7
ಅ॒ಪಾಂ ಪೇರುಂ᳚ ಜೀ॒ವಧ᳚ನ್ಯಂ ಭರಾಮಹೇ ದೇವಾ॒ವ್ಯಂ᳚ ಸು॒ಹವ॑ಮಧ್ವರ॒ಶ್ರಿಯ‌ಮ್᳚ | ಸು॒ರ॒ಶ್ಮಿಂ ಸೋಮ॑ಮಿಂದ್ರಿ॒ಯಂ ಯ॑ಮೀಮಹಿ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.8
ಸ॒ನೇಮ॒ ತತ್ಸು॑ಸ॒ನಿತಾ᳚ ಸ॒ನಿತ್ವ॑ಭಿರ್ವ॒ಯಂ ಜೀ॒ವಾ ಜೀ॒ವಪು॑ತ್ರಾ॒ ಅನಾ᳚ಗಸಃ | ಬ್ರ॒ಹ್ಮ॒ದ್ವಿಷೋ॒ ವಿಷ್ವ॒ಗೇನೋ᳚ ಭರೇರತ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.9
ಯೇ ಸ್ಥಾ ಮನೋ᳚ರ್ಯ॒ಜ್ಞಿಯಾ॒ಸ್ತೇ ಶೃ॑ಣೋತನ॒ ಯದ್ವೋ᳚ ದೇವಾ॒ ಈಮ॑ಹೇ॒ ತದ್ದ॑ದಾತನ | ಜೈತ್ರಂ॒ ಕ್ರತುಂ᳚ ರಯಿ॒ಮದ್ವೀ॒ರವ॒ದ್ಯಶ॒ಸ್ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.10
ಮ॒ಹದ॒ದ್ಯ ಮ॑ಹ॒ತಾಮಾ ವೃ॑ಣೀಮ॒ಹೇಽವೋ᳚ ದೇ॒ವಾನಾಂ᳚ ಬೃಹ॒ತಾಮ॑ನ॒ರ್ವಣಾ᳚‌ಮ್ | ಯಥಾ॒ ವಸು॑ ವೀ॒ರಜಾ᳚ತಂ॒ ನಶಾ᳚ಮಹೈ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.11
ಮ॒ಹೋ ಅ॒ಗ್ನೇಃ ಸ॑ಮಿಧಾ॒ನಸ್ಯ॒ ಶರ್ಮ॒ಣ್ಯನಾ᳚ಗಾ ಮಿ॒ತ್ರೇ ವರು॑ಣೇ ಸ್ವ॒ಸ್ತಯೇ᳚ | ಶ್ರೇಷ್ಠೇ᳚ ಸ್ಯಾಮ ಸವಿ॒ತುಃ ಸವೀ᳚ಮನಿ॒ ತದ್ದೇ॒ವಾನಾ॒ಮವೋ᳚ ಅ॒ದ್ಯಾ ವೃ॑ಣೀಮಹೇ || 10.36.12
ಯೇ ಸ॑ವಿ॒ತುಃ ಸ॒ತ್ಯಸ॑ವಸ್ಯ॒ ವಿಶ್ವೇ᳚ ಮಿ॒ತ್ರಸ್ಯ᳚ ವ್ರ॒ತೇ ವರು॑ಣಸ್ಯ ದೇ॒ವಾಃ | ತೇ ಸೌಭ॑ಗಂ ವೀ॒ರವ॒ದ್ಗೋಮ॒ದಪ್ನೋ॒ ದಧಾ᳚ತನ॒ ದ್ರವಿ॑ಣಂ ಚಿ॒ತ್ರಮ॒ಸ್ಮೇ || 10.36.13
ಸ॒ವಿ॒ತಾ ಪ॒ಶ್ಚಾತಾ᳚ತ್ಸವಿ॒ತಾ ಪು॒ರಸ್ತಾ᳚ತ್ಸವಿ॒ತೋತ್ತ॒ರಾತ್ತಾ᳚ತ್ಸವಿ॒ತಾಧ॒ರಾತ್ತಾ᳚ತ್ | ಸ॒ವಿ॒ತಾ ನಃ॑ ಸುವತು ಸ॒ರ್ವತಾ᳚ತಿಂ ಸವಿ॒ತಾ ನೋ᳚ ರಾಸತಾಂ ದೀ॒ರ್ಘಮಾಯುಃ॑ || 10.36.14

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಸೌರ್ಯೋಽಭಿತಪಾ ಋಷಿಃ, ಸೂರ್ಯೋ ದೇವತಾ, (1-9, 11-12) ಪ್ರಥಮಾದಿನವರ್ಚಾಮಕ ದಶೀದ್ವಾದಶ್ಯೋಶ್ಚ ಜಗತೀ, (10) ದಶಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ನಮೋ᳚ ಮಿ॒ತ್ರಸ್ಯ॒ ವರು॑ಣಸ್ಯ॒ ಚಕ್ಷ॑ಸೇ ಮ॒ಹೋ ದೇ॒ವಾಯ॒ ತದೃ॒ತಂ ಸ॑ಪರ್ಯತ | ದೂ॒ರೇ॒ದೃಶೇ᳚ ದೇ॒ವಜಾ᳚ತಾಯ ಕೇ॒ತವೇ᳚ ದಿ॒ವಸ್ಪು॒ತ್ರಾಯ॒ ಸೂರ್ಯಾ᳚ಯ ಶಂಸತ || 10.37.1
ಸಾ ಮಾ᳚ ಸ॒ತ್ಯೋಕ್ತಿಃ॒ ಪರಿ॑ ಪಾತು ವಿ॒ಶ್ವತೋ॒ ದ್ಯಾವಾ᳚ ಚ॒ ಯತ್ರ॑ ತ॒ತನ॒ನ್ನಹಾ᳚ನಿ ಚ | ವಿಶ್ವ॑ಮ॒ನ್ಯನ್ನಿ ವಿ॑ಶತೇ॒ ಯದೇಜ॑ತಿ ವಿ॒ಶ್ವಾಹಾಪೋ᳚ ವಿ॒ಶ್ವಾಹೋದೇ᳚ತಿ॒ ಸೂರ್ಯಃ॑ || 10.37.2
ನ ತೇ॒ ಅದೇ᳚ವಃ ಪ್ರ॒ದಿವೋ॒ ನಿ ವಾ᳚ಸತೇ॒ ಯದೇ᳚ತ॒ಶೇಭಿಃ॑ ಪತ॒ರೈ ರ॑ಥ॒ರ್ಯಸಿ॑ | ಪ್ರಾ॒ಚೀನ॑ಮ॒ನ್ಯದನು॑ ವರ್ತತೇ॒ ರಜ॒ ಉದ॒ನ್ಯೇನ॒ ಜ್ಯೋತಿ॑ಷಾ ಯಾಸಿ ಸೂರ್ಯ || 10.37.3
ಯೇನ॑ ಸೂರ್ಯ॒ ಜ್ಯೋತಿ॑ಷಾ॒ ಬಾಧ॑ಸೇ॒ ತಮೋ॒ ಜಗ॑ಚ್ಚ॒ ವಿಶ್ವ॑ಮುದಿ॒ಯರ್ಷಿ॑ ಭಾ॒ನುನಾ᳚ | ತೇನಾ॒ಸ್ಮದ್ವಿಶ್ವಾ॒ಮನಿ॑ರಾ॒ಮನಾ᳚ಹುತಿ॒ಮಪಾಮೀ᳚ವಾ॒ಮಪ॑ ದು॒ಷ್ಷ್ವಪ್ನ್ಯಂ᳚ ಸುವ || 10.37.4
ವಿಶ್ವ॑ಸ್ಯ॒ ಹಿ ಪ್ರೇಷಿ॑ತೋ॒ ರಕ್ಷ॑ಸಿ ವ್ರ॒ತಮಹೇ᳚ಳಯನ್ನು॒ಚ್ಚರ॑ಸಿ ಸ್ವ॒ಧಾ ಅನು॑ | ಯದ॒ದ್ಯ ತ್ವಾ᳚ ಸೂರ್ಯೋಪ॒ಬ್ರವಾ᳚ಮಹೈ॒ ತಂ ನೋ᳚ ದೇ॒ವಾ ಅನು॑ ಮಂಸೀರತ॒ ಕ್ರತು‌ಮ್᳚ || 10.37.5
ತಂ ನೋ॒ ದ್ಯಾವಾ᳚ಪೃಥಿ॒ವೀ ತನ್ನ॒ ಆಪ॒ ಇಂದ್ರಃ॑ ಶೃಣ್ವ‌ನ್ತು ಮ॒ರುತೋ॒ ಹವಂ॒ ವಚಃ॑ | ಮಾ ಶೂನೇ᳚ ಭೂಮ॒ ಸೂರ್ಯ॑ಸ್ಯ ಸಂ॒ದೃಶಿ॑ ಭ॒ದ್ರಂ ಜೀವ᳚‌ನ್ತೋ ಜರ॒ಣಾಮ॑ಶೀಮಹಿ || 10.37.6
ವಿ॒ಶ್ವಾಹಾ᳚ ತ್ವಾ ಸು॒ಮನ॑ಸಃ ಸು॒ಚಕ್ಷ॑ಸಃ ಪ್ರ॒ಜಾವ᳚‌ನ್ತೋ ಅನಮೀ॒ವಾ ಅನಾ᳚ಗಸಃ | ಉ॒ದ್ಯ‌ನ್ತಂ᳚ ತ್ವಾ ಮಿತ್ರಮಹೋ ದಿ॒ವೇದಿ॑ವೇ॒ ಜ್ಯೋಗ್ಜೀ॒ವಾಃ ಪ್ರತಿ॑ ಪಶ್ಯೇಮ ಸೂರ್ಯ || 10.37.7
ಮಹಿ॒ ಜ್ಯೋತಿ॒ರ್ಬಿಭ್ರ॑ತಂ ತ್ವಾ ವಿಚಕ್ಷಣ॒ ಭಾಸ್ವ᳚‌ನ್ತಂ॒ ಚಕ್ಷು॑ಷೇಚಕ್ಷುಷೇ॒ ಮಯಃ॑ | ಆ॒ರೋಹ᳚‌ನ್ತಂ ಬೃಹ॒ತಃ ಪಾಜ॑ಸ॒ಸ್ಪರಿ॑ ವ॒ಯಂ ಜೀ॒ವಾಃ ಪ್ರತಿ॑ ಪಶ್ಯೇಮ ಸೂರ್ಯ || 10.37.8
ಯಸ್ಯ॑ ತೇ॒ ವಿಶ್ವಾ॒ ಭುವ॑ನಾನಿ ಕೇ॒ತುನಾ॒ ಪ್ರ ಚೇರ॑ತೇ॒ ನಿ ಚ॑ ವಿ॒ಶ‌ನ್ತೇ᳚ ಅ॒ಕ್ತುಭಿಃ॑ | ಅ॒ನಾ॒ಗಾ॒ಸ್ತ್ವೇನ॑ ಹರಿಕೇಶ ಸೂ॒ರ್ಯಾಹ್ನಾ᳚ಹ್ನಾ ನೋ॒ ವಸ್ಯ॑ಸಾವಸ್ಯ॒ಸೋದಿ॑ಹಿ || 10.37.9
ಶಂ ನೋ᳚ ಭವ॒ ಚಕ್ಷ॑ಸಾ॒ ಶಂ ನೋ॒ ಅಹ್ನಾ॒ ಶಂ ಭಾ॒ನುನಾ॒ ಶಂ ಹಿ॒ಮಾ ಶಂ ಘೃ॒ಣೇನ॑ | ಯಥಾ॒ ಶಮಧ್ವಂ॒ಛಮಸ॑ದ್ದುರೋ॒ಣೇ ತತ್ಸೂ᳚ರ್ಯ॒ ದ್ರವಿ॑ಣಂ ಧೇಹಿ ಚಿ॒ತ್ರ‌ಮ್ || 10.37.10
ಅ॒ಸ್ಮಾಕಂ᳚ ದೇವಾ ಉ॒ಭಯಾ᳚ಯ॒ ಜನ್ಮ॑ನೇ॒ ಶರ್ಮ॑ ಯಚ್ಛತ ದ್ವಿ॒ಪದೇ॒ ಚತು॑ಷ್ಪದೇ | ಅ॒ದತ್ಪಿಬ॑ದೂ॒ರ್ಜಯ॑ಮಾನ॒ಮಾಶಿ॑ತಂ॒ ತದ॒ಸ್ಮೇ ಶಂ ಯೋರ॑ರ॒ಪೋ ದ॑ಧಾತನ || 10.37.11
ಯದ್ವೋ᳚ ದೇವಾಶ್ಚಕೃ॒ಮ ಜಿ॒ಹ್ವಯಾ᳚ ಗು॒ರು ಮನ॑ಸೋ ವಾ॒ ಪ್ರಯು॑ತೀ ದೇವ॒ಹೇಳ॑ನ‌ಮ್ | ಅರಾ᳚ವಾ॒ ಯೋ ನೋ᳚ ಅ॒ಭಿ ದು॑ಚ್ಛುನಾ॒ಯತೇ॒ ತಸ್ಮಿ॒‌ನ್ತದೇನೋ᳚ ವಸವೋ॒ ನಿ ಧೇ᳚ತನ || 10.37.12

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಮುಷ್ಕವಾನಿಂದ್ರ ಋಷಿಃ, ಇಂದ್ರೋ ದೇವತಾ, ಜಗತೀ ಛಂದಃ

ಅ॒ಸ್ಮಿನ್ನ॑ ಇಂದ್ರ ಪೃತ್ಸು॒ತೌ ಯಶ॑ಸ್ವತಿ॒ ಶಿಮೀ᳚ವತಿ॒ ಕ್ರಂದ॑ಸಿ॒ ಪ್ರಾವ॑ ಸಾ॒ತಯೇ᳚ | ಯತ್ರ॒ ಗೋಷಾ᳚ತಾ ಧೃಷಿ॒ತೇಷು॑ ಖಾ॒ದಿಷು॒ ವಿಷ್ವ॒ಕ್ಪತ᳚‌ನ್ತಿ ದಿ॒ದ್ಯವೋ᳚ ನೃ॒ಷಾಹ್ಯೇ᳚ || 10.38.1
ಸ ನಃ॑ ಕ್ಷು॒ಮ‌ನ್ತಂ॒ ಸದ॑ನೇ॒ ವ್ಯೂ᳚ರ್ಣುಹಿ॒ ಗೋಅ᳚ರ್ಣಸಂ ರ॒ಯಿಮಿಂ᳚ದ್ರ ಶ್ರ॒ವಾಯ್ಯ‌ಮ್᳚ | ಸ್ಯಾಮ॑ ತೇ॒ ಜಯ॑ತಃ ಶಕ್ರ ಮೇ॒ದಿನೋ॒ ಯಥಾ᳚ ವ॒ಯಮು॒ಶ್ಮಸಿ॒ ತದ್ವ॑ಸೋ ಕೃಧಿ || 10.38.2
ಯೋ ನೋ॒ ದಾಸ॒ ಆರ್ಯೋ᳚ ವಾ ಪುರುಷ್ಟು॒ತಾದೇ᳚ವ ಇಂದ್ರ ಯು॒ಧಯೇ॒ ಚಿಕೇ᳚ತತಿ | ಅ॒ಸ್ಮಾಭಿ॑ಷ್ಟೇ ಸು॒ಷಹಾಃ᳚ ಸ‌ನ್ತು॒ ಶತ್ರ॑ವ॒ಸ್ತ್ವಯಾ᳚ ವ॒ಯಂ ತಾನ್ವ॑ನುಯಾಮ ಸಂಗ॒ಮೇ || 10.38.3
ಯೋ ದ॒ಭ್ರೇಭಿ॒ರ್ಹವ್ಯೋ॒ ಯಶ್ಚ॒ ಭೂರಿ॑ಭಿ॒ರ್ಯೋ ಅ॒ಭೀಕೇ᳚ ವರಿವೋ॒ವಿನ್ನೃ॒ಷಾಹ್ಯೇ᳚ | ತಂ ವಿ॑ಖಾ॒ದೇ ಸಸ್ನಿ॑ಮ॒ದ್ಯ ಶ್ರು॒ತಂ ನರ॑ಮ॒ರ್ವಾಂಚ॒ಮಿಂದ್ರ॒ಮವ॑ಸೇ ಕರಾಮಹೇ || 10.38.4
ಸ್ವ॒ವೃಜಂ॒ ಹಿ ತ್ವಾಮ॒ಹಮಿಂ᳚ದ್ರ ಶು॒ಶ್ರವಾ᳚ನಾನು॒ದಂ ವೃ॑ಷಭ ರಧ್ರ॒ಚೋದ॑ನ‌ಮ್ | ಪ್ರ ಮುಂ᳚ಚಸ್ವ॒ ಪರಿ॒ ಕುತ್ಸಾ᳚ದಿ॒ಹಾ ಗ॑ಹಿ॒ ಕಿಮು॒ ತ್ವಾವಾ᳚ನ್ಮು॒ಷ್ಕಯೋ᳚ರ್ಬ॒ದ್ಧ ಆ᳚ಸತೇ || 10.38.5

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಕ್ಷೀವತೀ ಘೋಷಾ ಋಷಿಕಾ, ಅಶ್ವಿನೌ ದೇವತೇ (1-13) ಪ್ರಥಮಾದಿತ್ರಯೋದಶೋಂ ಜಗತೀ, (14) ಚತುರ್ದರ್ಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಯೋ ವಾಂ॒ ಪರಿ॑ಜ್ಮಾ ಸು॒ವೃದ॑ಶ್ವಿನಾ॒ ರಥೋ᳚ ದೋ॒ಷಾಮು॒ಷಾಸೋ॒ ಹವ್ಯೋ᳚ ಹ॒ವಿಷ್ಮ॑ತಾ | ಶ॒ಶ್ವ॒ತ್ತ॒ಮಾಸ॒ಸ್ತಮು॑ ವಾಮಿ॒ದಂ ವ॒ಯಂ ಪಿ॒ತುರ್ನ ನಾಮ॑ ಸು॒ಹವಂ᳚ ಹವಾಮಹೇ || 10.39.1
ಚೋ॒ದಯ॑ತಂ ಸೂ॒ನೃತಾಃ॒ ಪಿನ್ವ॑ತಂ॒ ಧಿಯ॒ ಉತ್ಪುರಂ᳚ಧೀರೀರಯತಂ॒ ತದು॑ಶ್ಮಸಿ | ಯ॒ಶಸಂ᳚ ಭಾ॒ಗಂ ಕೃ॑ಣುತಂ ನೋ ಅಶ್ವಿನಾ॒ ಸೋಮಂ॒ ನ ಚಾರುಂ᳚ ಮ॒ಘವ॑ತ್ಸು ನಸ್ಕೃತ‌ಮ್ || 10.39.2
ಅ॒ಮಾ॒ಜುರ॑ಶ್ಚಿದ್ಭವಥೋ ಯು॒ವಂ ಭಗೋ᳚ಽನಾ॒ಶೋಶ್ಚಿ॑ದವಿ॒ತಾರಾ᳚ಪ॒ಮಸ್ಯ॑ ಚಿತ್ | ಅಂ॒ಧಸ್ಯ॑ ಚಿನ್ನಾಸತ್ಯಾ ಕೃ॒ಶಸ್ಯ॑ ಚಿದ್ಯು॒ವಾಮಿದಾ᳚ಹುರ್ಭಿ॒ಷಜಾ᳚ ರು॒ತಸ್ಯ॑ ಚಿತ್ || 10.39.3
ಯು॒ವಂ ಚ್ಯವಾ᳚ನಂ ಸ॒ನಯಂ॒ ಯಥಾ॒ ರಥಂ॒ ಪುನ॒ರ್ಯುವಾ᳚ನಂ ಚ॒ರಥಾ᳚ಯ ತಕ್ಷಥುಃ | ನಿಷ್ಟೌ॒ಗ್ರ್ಯಮೂ᳚ಹಥುರ॒ದ್ಭ್ಯಸ್ಪರಿ॒ ವಿಶ್ವೇತ್ತಾ ವಾಂ॒ ಸವ॑ನೇಷು ಪ್ರ॒ವಾಚ್ಯಾ᳚ || 10.39.4
ಪು॒ರಾ॒ಣಾ ವಾಂ᳚ ವೀ॒ರ್ಯಾ॒3॒॑ ಪ್ರ ಬ್ರ॑ವಾ॒ ಜನೇಽಥೋ᳚ ಹಾಸಥುರ್ಭಿ॒ಷಜಾ᳚ ಮಯೋ॒ಭುವಾ᳚ | ತಾ ವಾಂ॒ ನು ನವ್ಯಾ॒ವವ॑ಸೇ ಕರಾಮಹೇ॒ಽಯಂ ನಾ᳚ಸತ್ಯಾ॒ ಶ್ರದ॒ರಿರ್ಯಥಾ॒ ದಧ॑ತ್ || 10.39.5
ಇ॒ಯಂ ವಾ᳚ಮಹ್ವೇ ಶೃಣು॒ತಂ ಮೇ᳚ ಅಶ್ವಿನಾ ಪು॒ತ್ರಾಯೇ᳚ವ ಪಿ॒ತರಾ॒ ಮಹ್ಯಂ᳚ ಶಿಕ್ಷತ‌ಮ್ | ಅನಾ᳚ಪಿ॒ರಜ್ಞಾ᳚ ಅಸಜಾ॒ತ್ಯಾಮ॑ತಿಃ ಪು॒ರಾ ತಸ್ಯಾ᳚ ಅ॒ಭಿಶ॑ಸ್ತೇ॒ರವ॑ ಸ್ಪೃತ‌ಮ್ || 10.39.6
ಯು॒ವಂ ರಥೇ᳚ನ ವಿಮ॒ದಾಯ॑ ಶುಂ॒ಧ್ಯುವಂ॒ ನ್ಯೂ᳚ಹಥುಃ ಪುರುಮಿ॒ತ್ರಸ್ಯ॒ ಯೋಷ॑ಣಾ‌ಮ್ | ಯು॒ವಂ ಹವಂ᳚ ವಧ್ರಿಮ॒ತ್ಯಾ ಅ॑ಗಚ್ಛತಂ ಯು॒ವಂ ಸುಷು॑ತಿಂ ಚಕ್ರಥುಃ॒ ಪುರಂ᳚ಧಯೇ || 10.39.7
ಯು॒ವಂ ವಿಪ್ರ॑ಸ್ಯ ಜರ॒ಣಾಮು॑ಪೇ॒ಯುಷಃ॒ ಪುನಃ॑ ಕ॒ಲೇರ॑ಕೃಣುತಂ॒ ಯುವ॒ದ್ವಯಃ॑ | ಯು॒ವಂ ವಂದ॑ನಮೃಶ್ಯ॒ದಾದುದೂ᳚ಪಥುರ್ಯು॒ವಂ ಸ॒ದ್ಯೋ ವಿ॒ಶ್ಪಲಾ॒ಮೇತ॑ವೇ ಕೃಥಃ || 10.39.8
ಯು॒ವಂ ಹ॑ ರೇ॒ಭಂ ವೃ॑ಷಣಾ॒ ಗುಹಾ᳚ ಹಿ॒ತಮುದೈ᳚ರಯತಂ ಮಮೃ॒ವಾಂಸ॑ಮಶ್ವಿನಾ | ಯು॒ವಮೃ॒ಬೀಸ॑ಮು॒ತ ತ॒ಪ್ತಮತ್ರ॑ಯ॒ ಓಮ᳚ನ್ವ‌ನ್ತಂ ಚಕ್ರಥುಃ ಸ॒ಪ್ತವ॑ಧ್ರಯೇ || 10.39.9
ಯು॒ವಂ ಶ್ವೇ॒ತಂ ಪೇ॒ದವೇ᳚ಽಶ್ವಿ॒ನಾಶ್ವಂ᳚ ನ॒ವಭಿ॒ರ್ವಾಜೈ᳚ರ್ನವ॒ತೀ ಚ॑ ವಾ॒ಜಿನ‌ಮ್᳚ | ಚ॒ರ್ಕೃತ್ಯಂ᳚ ದದಥುರ್ದ್ರಾವ॒ಯತ್ಸ॑ಖಂ॒ ಭಗಂ॒ ನ ನೃಭ್ಯೋ॒ ಹವ್ಯಂ᳚ ಮಯೋ॒ಭುವ‌ಮ್᳚ || 10.39.10
ನ ತಂ ರಾ᳚ಜಾನಾವದಿತೇ॒ ಕುತ॑ಶ್ಚ॒ನ ನಾಂಹೋ᳚ ಅಶ್ನೋತಿ ದುರಿ॒ತಂ ನಕಿ॑ರ್ಭ॒ಯ‌ಮ್ | ಯಮ॑ಶ್ವಿನಾ ಸುಹವಾ ರುದ್ರವರ್ತನೀ ಪುರೋರ॒ಥಂ ಕೃ॑ಣು॒ಥಃ ಪತ್ನ್ಯಾ᳚ ಸ॒ಹ || 10.39.11
ಆ ತೇನ॑ ಯಾತಂ॒ ಮನ॑ಸೋ॒ ಜವೀ᳚ಯಸಾ॒ ರಥಂ॒ ಯಂ ವಾ᳚ಮೃ॒ಭವ॑ಶ್ಚ॒ಕ್ರುರ॑ಶ್ವಿನಾ | ಯಸ್ಯ॒ ಯೋಗೇ᳚ ದುಹಿ॒ತಾ ಜಾಯ॑ತೇ ದಿ॒ವ ಉ॒ಭೇ ಅಹ॑ನೀ ಸು॒ದಿನೇ᳚ ವಿ॒ವಸ್ವ॑ತಃ || 10.39.12
ತಾ ವ॒ರ್ತಿರ್ಯಾ᳚ತಂ ಜ॒ಯುಷಾ॒ ವಿ ಪರ್ವ॑ತ॒ಮಪಿ᳚ನ್ವತಂ ಶ॒ಯವೇ᳚ ಧೇ॒ನುಮ॑ಶ್ವಿನಾ | ವೃಕ॑ಸ್ಯ ಚಿ॒ದ್ವರ್ತಿ॑ಕಾಮ॒‌ನ್ತರಾ॒ಸ್ಯಾ᳚ದ್ಯು॒ವಂ ಶಚೀ᳚ಭಿರ್ಗ್ರಸಿ॒ತಾಮ॑ಮುಂಚತ‌ಮ್ || 10.39.13
ಏ॒ತಂ ವಾಂ॒ ಸ್ತೋಮ॑ಮಶ್ವಿನಾವಕ॒ರ್ಮಾತ॑ಕ್ಷಾಮ॒ ಭೃಗ॑ವೋ॒ ನ ರಥ‌ಮ್᳚ | ನ್ಯ॑ಮೃಕ್ಷಾಮ॒ ಯೋಷ॑ಣಾಂ॒ ನ ಮರ್ಯೇ॒ ನಿತ್ಯಂ॒ ನ ಸೂ॒ನುಂ ತನ॑ಯಂ॒ ದಧಾ᳚ನಾಃ || 10.39.14

(1-14) ಚತುದರ್ಶ ಚಸ್ಯಾಸ್ಯ ಸೂಕ್ತಸ್ಯ ಕಾಕ್ಷೀವತೀ ಘೋಷಾ ಋಷಿಕಾ, ಅಶ್ವಿನೌ ದೇವತೇ, ಜಗತೀ ಛಂದಃ

ರಥಂ॒ ಯಾ‌ನ್ತಂ॒ ಕುಹ॒ ಕೋ ಹ॑ ವಾಂ ನರಾ॒ ಪ್ರತಿ॑ ದ್ಯು॒ಮ‌ನ್ತಂ᳚ ಸುವಿ॒ತಾಯ॑ ಭೂಷತಿ | ಪ್ರಾ॒ತ॒ರ್ಯಾವಾ᳚ಣಂ ವಿ॒ಭ್ವಂ᳚ ವಿ॒ಶೇವಿ॑ಶೇ॒ ವಸ್ತೋ᳚ರ್ವಸ್ತೋ॒ರ್ವಹ॑ಮಾನಂ ಧಿ॒ಯಾ ಶಮಿ॑ || 10.40.1
ಕುಹ॑ ಸ್ವಿದ್ದೋ॒ಷಾ ಕುಹ॒ ವಸ್ತೋ᳚ರ॒ಶ್ವಿನಾ॒ ಕುಹಾ᳚ಭಿಪಿ॒ತ್ವಂ ಕ॑ರತಃ॒ ಕುಹೋ᳚ಷತುಃ | ಕೋ ವಾಂ᳚ ಶಯು॒ತ್ರಾ ವಿ॒ಧವೇ᳚ವ ದೇ॒ವರಂ॒ ಮರ್ಯಂ॒ ನ ಯೋಷಾ᳚ ಕೃಣುತೇ ಸ॒ಧಸ್ಥ॒ ಆ || 10.40.2
ಪ್ರಾ॒ತರ್ಜ॑ರೇಥೇ ಜರ॒ಣೇವ॒ ಕಾಪ॑ಯಾ॒ ವಸ್ತೋ᳚ರ್ವಸ್ತೋರ್ಯಜ॒ತಾ ಗ॑ಚ್ಛಥೋ ಗೃ॒ಹ‌ಮ್ | ಕಸ್ಯ॑ ಧ್ವ॒ಸ್ರಾ ಭ॑ವಥಃ॒ ಕಸ್ಯ॑ ವಾ ನರಾ ರಾಜಪು॒ತ್ರೇವ॒ ಸವ॒ನಾವ॑ ಗಚ್ಛಥಃ || 10.40.3
ಯು॒ವಾಂ ಮೃ॒ಗೇವ॑ ವಾರ॒ಣಾ ಮೃ॑ಗ॒ಣ್ಯವೋ᳚ ದೋ॒ಷಾ ವಸ್ತೋ᳚ರ್ಹ॒ವಿಷಾ॒ ನಿ ಹ್ವ॑ಯಾಮಹೇ | ಯು॒ವಂ ಹೋತ್ರಾ᳚ಮೃತು॒ಥಾ ಜುಹ್ವ॑ತೇ ನ॒ರೇಷಂ॒ ಜನಾ᳚ಯ ವಹಥಃ ಶುಭಸ್ಪತೀ || 10.40.4
ಯು॒ವಾಂ ಹ॒ ಘೋಷಾ॒ ಪರ್ಯ॑ಶ್ವಿನಾ ಯ॒ತೀ ರಾಜ್ಞ॑ ಊಚೇ ದುಹಿ॒ತಾ ಪೃ॒ಚ್ಛೇ ವಾಂ᳚ ನರಾ | ಭೂ॒ತಂ ಮೇ॒ ಅಹ್ನ॑ ಉ॒ತ ಭೂ᳚ತಮ॒ಕ್ತವೇಽಶ್ವಾ᳚ವತೇ ರ॒ಥಿನೇ᳚ ಶಕ್ತ॒ಮರ್ವ॑ತೇ || 10.40.5
ಯು॒ವಂ ಕ॒ವೀ ಷ್ಠಃ॒ ಪರ್ಯ॑ಶ್ವಿನಾ॒ ರಥಂ॒ ವಿಶೋ॒ ನ ಕುತ್ಸೋ᳚ ಜರಿ॒ತುರ್ನ॑ಶಾಯಥಃ | ಯು॒ವೋರ್ಹ॒ ಮಕ್ಷಾ॒ ಪರ್ಯ॑ಶ್ವಿನಾ॒ ಮಧ್ವಾ॒ಸಾ ಭ॑ರತ ನಿಷ್ಕೃ॒ತಂ ನ ಯೋಷ॑ಣಾ || 10.40.6
ಯು॒ವಂ ಹ॑ ಭು॒ಜ್ಯುಂ ಯು॒ವಮ॑ಶ್ವಿನಾ॒ ವಶಂ᳚ ಯು॒ವಂ ಶಿಂ॒ಜಾರ॑ಮು॒ಶನಾ॒ಮುಪಾ᳚ರಥುಃ | ಯು॒ವೋ ರರಾ᳚ವಾ॒ ಪರಿ॑ ಸ॒ಖ್ಯಮಾ᳚ಸತೇ ಯು॒ವೋರ॒ಹಮವ॑ಸಾ ಸು॒ಮ್ನಮಾ ಚ॑ಕೇ || 10.40.7
ಯು॒ವಂ ಹ॑ ಕೃ॒ಶಂ ಯು॒ವಮ॑ಶ್ವಿನಾ ಶ॒ಯುಂ ಯು॒ವಂ ವಿ॒ಧ‌ನ್ತಂ᳚ ವಿ॒ಧವಾ᳚ಮುರುಷ್ಯಥಃ | ಯು॒ವಂ ಸ॒ನಿಭ್ಯಃ॑ ಸ್ತ॒ನಯ᳚‌ನ್ತಮಶ್ವಿ॒ನಾಪ᳚ ವ್ರ॒ಜಮೂ᳚ರ್ಣುಥಃ ಸ॒ಪ್ತಾಸ್ಯ‌ಮ್᳚ || 10.40.8
ಜನಿ॑ಷ್ಟ॒ ಯೋಷಾ᳚ ಪ॒ತಯ॑ತ್ಕನೀನ॒ಕೋ ವಿ ಚಾರು॑ಹನ್ವೀ॒ರುಧೋ᳚ ದಂ॒ಸನಾ॒ ಅನು॑ | ಆಸ್ಮೈ᳚ ರೀಯ‌ನ್ತೇ ನಿವ॒ನೇವ॒ ಸಿಂಧ॑ವೋ॒ಽಸ್ಮಾ ಅಹ್ನೇ᳚ ಭವತಿ॒ ತತ್ಪ॑ತಿತ್ವ॒ನ‌ಮ್ || 10.40.9
ಜೀ॒ವಂ ರು॑ದ‌ನ್ತಿ॒ ವಿ ಮ॑ಯ‌ನ್ತೇ ಅಧ್ವ॒ರೇ ದೀ॒ರ್ಘಾಮನು॒ ಪ್ರಸಿ॑ತಿಂ ದೀಧಿಯು॒ರ್ನರಃ॑ | ವಾ॒ಮಂ ಪಿ॒ತೃಭ್ಯೋ॒ ಯ ಇ॒ದಂ ಸ॑ಮೇರಿ॒ರೇ ಮಯಃ॒ ಪತಿ॑ಭ್ಯೋ॒ ಜನ॑ಯಃ ಪರಿ॒ಷ್ವಜೇ᳚ || 10.40.10
ನ ತಸ್ಯ॑ ವಿದ್ಮ॒ ತದು॒ ಷು ಪ್ರ ವೋ᳚ಚತ॒ ಯುವಾ᳚ ಹ॒ ಯದ್ಯು॑ವ॒ತ್ಯಾಃ ಕ್ಷೇತಿ॒ ಯೋನಿ॑ಷು | ಪ್ರಿ॒ಯೋಸ್ರಿ॑ಯಸ್ಯ ವೃಷ॒ಭಸ್ಯ॑ ರೇ॒ತಿನೋ᳚ ಗೃ॒ಹಂ ಗ॑ಮೇಮಾಶ್ವಿನಾ॒ ತದು॑ಶ್ಮಸಿ || 10.40.11
ಆ ವಾ᳚ಮಗ‌‌ನ್ತ್ಸುಮ॒ತಿರ್ವಾ᳚ಜಿನೀವಸೂ॒ ನ್ಯ॑ಶ್ವಿನಾ ಹೃ॒ತ್ಸು ಕಾಮಾ᳚ ಅಯಂಸತ | ಅಭೂ᳚ತಂ ಗೋ॒ಪಾ ಮಿ॑ಥು॒ನಾ ಶು॑ಭಸ್ಪತೀ ಪ್ರಿ॒ಯಾ ಅ᳚ರ್ಯ॒ಮ್ಣೋ ದುರ್ಯಾಁ᳚ ಅಶೀಮಹಿ || 10.40.12
ತಾ ಮಂ᳚ದಸಾ॒ನಾ ಮನು॑ಷೋ ದುರೋ॒ಣ ಆ ಧ॒ತ್ತಂ ರ॒ಯಿಂ ಸ॒ಹವೀ᳚ರಂ ವಚ॒ಸ್ಯವೇ᳚ | ಕೃ॒ತಂ ತೀ॒ರ್ಥಂ ಸು॑ಪ್ರಪಾ॒ಣಂ ಶು॑ಭಸ್ಪತೀ ಸ್ಥಾ॒ಣುಂ ಪ॑ಥೇ॒ಷ್ಠಾಮಪ॑ ದುರ್ಮ॒ತಿಂ ಹ॑ತ‌ಮ್ || 10.40.13
ಕ್ವ॑ ಸ್ವಿದ॒ದ್ಯ ಕ॑ತ॒ಮಾಸ್ವ॒ಶ್ವಿನಾ᳚ ವಿ॒ಕ್ಷು ದ॒ಸ್ರಾ ಮಾ᳚ದಯೇತೇ ಶು॒ಭಸ್ಪತೀ᳚ | ಕ ಈಂ॒ ನಿ ಯೇ᳚ಮೇ ಕತ॒ಮಸ್ಯ॑ ಜಗ್ಮತು॒ರ್ವಿಪ್ರ॑ಸ್ಯ ವಾ॒ ಯಜ॑ಮಾನಸ್ಯ ವಾ ಗೃ॒ಹ‌ಮ್ || 10.40.14

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಘೌಷೇಯಃ ಸುಹಸ್ತ್ಯ ಋಷಿಃ, ಅಶ್ವಿನೌ ದೇವತೇ, ಜಗತೀ ಛಂದಃ

ಸ॒ಮಾ॒ನಮು॒ ತ್ಯಂ ಪು॑ರುಹೂ॒ತಮು॒ಕ್ಥ್ಯ1॒॑ ಅಂರಥಂ᳚ ತ್ರಿಚ॒ಕ್ರಂ ಸವ॑ನಾ॒ ಗನಿ॑ಗ್ಮತ‌ಮ್ | ಪರಿ॑ಜ್ಮಾನಂ ವಿದ॒ಥ್ಯಂ᳚ ಸುವೃ॒ಕ್ತಿಭಿ᳚ರ್ವ॒ಯಂ ವ್ಯು॑ಷ್ಟಾ ಉ॒ಷಸೋ᳚ ಹವಾಮಹೇ || 10.41.1
ಪ್ರಾ॒ತ॒ರ್ಯುಜಂ᳚ ನಾಸ॒ತ್ಯಾಧಿ॑ ತಿಷ್ಠಥಃ ಪ್ರಾತ॒ರ್ಯಾವಾ᳚ಣಂ ಮಧು॒ವಾಹ॑ನಂ॒ ರಥ‌ಮ್᳚ | ವಿಶೋ॒ ಯೇನ॒ ಗಚ್ಛ॑ಥೋ॒ ಯಜ್ವ॑ರೀರ್ನರಾ ಕೀ॒ರೇಶ್ಚಿ॑ದ್ಯ॒ಜ್ಞಂ ಹೋತೃ॑ಮ‌ನ್ತಮಶ್ವಿನಾ || 10.41.2
ಅ॒ಧ್ವ॒ರ್ಯುಂ ವಾ॒ ಮಧು॑ಪಾಣಿಂ ಸು॒ಹಸ್ತ್ಯ॑ಮ॒ಗ್ನಿಧಂ᳚ ವಾ ಧೃ॒ತದ॑ಕ್ಷಂ॒ ದಮೂ᳚ನಸ‌ಮ್ | ವಿಪ್ರ॑ಸ್ಯ ವಾ॒ ಯತ್ಸವ॑ನಾನಿ॒ ಗಚ್ಛ॒ಥೋಽತ॒ ಆ ಯಾ᳚ತಂ ಮಧು॒ಪೇಯ॑ಮಶ್ವಿನಾ || 10.41.3

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕೃಷ್ಣ ಋಷಿಃ, ಇಂದ್ರೋ ದೇವತಾ. ತ್ರಿಷ್ಟುಪ್ ಛಂದಃ

ಅಸ್ತೇ᳚ವ॒ ಸು ಪ್ರ॑ತ॒ರಂ ಲಾಯ॒ಮಸ್ಯ॒ನ್ಭೂಷ᳚ನ್ನಿವ॒ ಪ್ರ ಭ॑ರಾ॒ ಸ್ತೋಮ॑ಮಸ್ಮೈ | ವಾ॒ಚಾ ವಿ॑ಪ್ರಾಸ್ತರತ॒ ವಾಚ॑ಮ॒ರ್ಯೋ ನಿ ರಾ᳚ಮಯ ಜರಿತಃ॒ ಸೋಮ॒ ಇಂದ್ರ‌ಮ್᳚ || 10.42.1
ದೋಹೇ᳚ನ॒ ಗಾಮುಪ॑ ಶಿಕ್ಷಾ॒ ಸಖಾ᳚ಯಂ॒ ಪ್ರ ಬೋ᳚ಧಯ ಜರಿತರ್ಜಾ॒ರಮಿಂದ್ರ‌ಮ್᳚ | ಕೋಶಂ॒ ನ ಪೂ॒ರ್ಣಂ ವಸು॑ನಾ॒ ನ್ಯೃ॑ಷ್ಟ॒ಮಾ ಚ್ಯಾ᳚ವಯ ಮಘ॒ದೇಯಾ᳚ಯ॒ ಶೂರ‌ಮ್᳚ || 10.42.2
ಕಿಮಂ॒ಗ ತ್ವಾ᳚ ಮಘವನ್ಭೋ॒ಜಮಾ᳚ಹುಃ ಶಿಶೀ॒ಹಿ ಮಾ᳚ ಶಿಶ॒ಯಂ ತ್ವಾ᳚ ಶೃಣೋಮಿ | ಅಪ್ನ॑ಸ್ವತೀ॒ ಮಮ॒ ಧೀರ॑ಸ್ತು ಶಕ್ರ ವಸು॒ವಿದಂ॒ ಭಗ॑ಮಿಂ॒ದ್ರಾ ಭ॑ರಾ ನಃ || 10.42.3
ತ್ವಾಂ ಜನಾ᳚ ಮಮಸ॒ತ್ಯೇಷ್ವಿಂ᳚ದ್ರ ಸಂತಸ್ಥಾ॒ನಾ ವಿ ಹ್ವ॑ಯ‌ನ್ತೇ ಸಮೀ॒ಕೇ | ಅತ್ರಾ॒ ಯುಜಂ᳚ ಕೃಣುತೇ॒ ಯೋ ಹ॒ವಿಷ್ಮಾ॒ನ್ನಾಸು᳚ನ್ವತಾ ಸ॒ಖ್ಯಂ ವ॑ಷ್ಟಿ॒ ಶೂರಃ॑ || 10.42.4
ಧನಂ॒ ನ ಸ್ಯಂ॒ದ್ರಂ ಬ॑ಹು॒ಲಂ ಯೋ ಅ॑ಸ್ಮೈ ತೀ॒ವ್ರಾ‌‌ನ್ತ್ಸೋಮಾಁ᳚ ಆಸು॒ನೋತಿ॒ ಪ್ರಯ॑ಸ್ವಾನ್ | ತಸ್ಮೈ॒ ಶತ್ರೂ᳚‌‌ನ್ತ್ಸು॒ತುಕಾ᳚ನ್ಪ್ರಾ॒ತರಹ್ನೋ॒ ನಿ ಸ್ವಷ್ಟ್ರಾ᳚ನ್ಯು॒ವತಿ॒ ಹ‌ನ್ತಿ॑ ವೃ॒ತ್ರ‌ಮ್ || 10.42.5
ಯಸ್ಮಿ᳚ನ್ವ॒ಯಂ ದ॑ಧಿ॒ಮಾ ಶಂಸ॒ಮಿಂದ್ರೇ॒ ಯಃ ಶಿ॒ಶ್ರಾಯ॑ ಮ॒ಘವಾ॒ ಕಾಮ॑ಮ॒ಸ್ಮೇ | ಆ॒ರಾಚ್ಚಿ॒ತ್ಸನ್ಭ॑ಯತಾಮಸ್ಯ॒ ಶತ್ರು॒ರ್ನ್ಯ॑ಸ್ಮೈ ದ್ಯು॒ಮ್ನಾ ಜನ್ಯಾ᳚ ನಮ‌ನ್ತಾ‌ಮ್ || 10.42.6
ಆ॒ರಾಚ್ಛತ್ರು॒ಮಪ॑ ಬಾಧಸ್ವ ದೂ॒ರಮು॒ಗ್ರೋ ಯಃ ಶಂಬಃ॑ ಪುರುಹೂತ॒ ತೇನ॑ | ಅ॒ಸ್ಮೇ ಧೇ᳚ಹಿ॒ ಯವ॑ಮ॒ದ್ಗೋಮ॑ದಿಂದ್ರ ಕೃ॒ಧೀ ಧಿಯಂ᳚ ಜರಿ॒ತ್ರೇ ವಾಜ॑ರತ್ನಾ‌ಮ್ || 10.42.7
ಪ್ರ ಯಮ॒‌ನ್ತರ್ವೃ॑ಷಸ॒ವಾಸೋ॒ ಅಗ್ಮ᳚‌ನ್ತೀ॒ವ್ರಾಃ ಸೋಮಾ᳚ ಬಹು॒ಲಾ‌ನ್ತಾ᳚ಸ॒ ಇಂದ್ರ‌ಮ್᳚ | ನಾಹ॑ ದಾ॒ಮಾನಂ᳚ ಮ॒ಘವಾ॒ ನಿ ಯಂ᳚ಸ॒ನ್ನಿ ಸು᳚ನ್ವ॒ತೇ ವ॑ಹತಿ॒ ಭೂರಿ॑ ವಾ॒ಮ‌ಮ್ || 10.42.8
ಉ॒ತ ಪ್ರ॒ಹಾಮ॑ತಿ॒ದೀವ್ಯಾ᳚ ಜಯಾತಿ ಕೃ॒ತಂ ಯಚ್ಛ್ವ॒ಘ್ನೀ ವಿ॑ಚಿ॒ನೋತಿ॑ ಕಾ॒ಲೇ | ಯೋ ದೇ॒ವಕಾ᳚ಮೋ॒ ನ ಧನಾ᳚ ರುಣದ್ಧಿ॒ ಸಮಿತ್ತಂ ರಾ॒ಯಾ ಸೃ॑ಜತಿ ಸ್ವ॒ಧಾವಾನ್॑ || 10.42.9
ಗೋಭಿ॑ಷ್ಟರೇ॒ಮಾಮ॑ತಿಂ ದು॒ರೇವಾಂ॒ ಯವೇ᳚ನ॒ ಕ್ಷುಧಂ᳚ ಪುರುಹೂತ॒ ವಿಶ್ವಾ᳚‌ಮ್ | ವ॒ಯಂ ರಾಜ॑ಭಿಃ ಪ್ರಥ॒ಮಾ ಧನಾ᳚ನ್ಯ॒ಸ್ಮಾಕೇ᳚ನ ವೃ॒ಜನೇ᳚ನಾ ಜಯೇಮ || 10.42.10
ಬೃಹ॒ಸ್ಪತಿ᳚ರ್ನಃ॒ ಪರಿ॑ ಪಾತು ಪ॒ಶ್ಚಾದು॒ತೋತ್ತ॑ರಸ್ಮಾ॒ದಧ॑ರಾದಘಾ॒ಯೋಃ | ಇಂದ್ರಃ॑ ಪು॒ರಸ್ತಾ᳚ದು॒ತ ಮ॑ಧ್ಯ॒ತೋ ನಃ॒ ಸಖಾ॒ ಸಖಿ॑ಭ್ಯೋ॒ ವರಿ॑ವಃ ಕೃಣೋತು || 10.42.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕೃಷ್ಣ ಋಷಿಃ, ಇಂದ್ರೋ ದೇವತಾ, (1-9) ಪ್ರಥಮಾದಿನವರ್ಚಾಂ ಜಗತೀ, (10-11) ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಅಚ್ಛಾ᳚ ಮ॒ ಇಂದ್ರಂ᳚ ಮ॒ತಯಃ॑ ಸ್ವ॒ರ್ವಿದಃ॑ ಸ॒ಧ್ರೀಚೀ॒ರ್ವಿಶ್ವಾ᳚ ಉಶ॒ತೀರ॑ನೂಷತ | ಪರಿ॑ ಷ್ವಜ‌ನ್ತೇ॒ ಜನ॑ಯೋ॒ ಯಥಾ॒ ಪತಿಂ॒ ಮರ್ಯಂ॒ ನ ಶುಂ॒ಧ್ಯುಂ ಮ॒ಘವಾ᳚ನಮೂ॒ತಯೇ᳚ || 10.43.1
ನ ಘಾ᳚ ತ್ವ॒ದ್ರಿಗಪ॑ ವೇತಿ ಮೇ॒ ಮನ॒ಸ್ತ್ವೇ ಇತ್ಕಾಮಂ᳚ ಪುರುಹೂತ ಶಿಶ್ರಯ | ರಾಜೇ᳚ವ ದಸ್ಮ॒ ನಿ ಷ॒ದೋಽಧಿ॑ ಬ॒ರ್ಹಿಷ್ಯ॒ಸ್ಮಿ‌‌ನ್ತ್ಸು ಸೋಮೇ᳚ಽವ॒ಪಾನ॑ಮಸ್ತು ತೇ || 10.43.2
ವಿ॒ಷೂ॒ವೃದಿಂದ್ರೋ॒ ಅಮ॑ತೇರು॒ತ ಕ್ಷು॒ಧಃ ಸ ಇದ್ರಾ॒ಯೋ ಮ॒ಘವಾ॒ ವಸ್ವ॑ ಈಶತೇ | ತಸ್ಯೇದಿ॒ಮೇ ಪ್ರ॑ವ॒ಣೇ ಸ॒ಪ್ತ ಸಿಂಧ॑ವೋ॒ ವಯೋ᳚ ವರ್ಧ‌ನ್ತಿ ವೃಷ॒ಭಸ್ಯ॑ ಶು॒ಷ್ಮಿಣಃ॑ || 10.43.3
ವಯೋ॒ ನ ವೃ॒ಕ್ಷಂ ಸು॑ಪಲಾ॒ಶಮಾಸ॑ದ॒‌‌ನ್ತ್ಸೋಮಾ᳚ಸ॒ ಇಂದ್ರಂ᳚ ಮಂ॒ದಿನ॑ಶ್ಚಮೂ॒ಷದಃ॑ | ಪ್ರೈಷಾ॒ಮನೀ᳚ಕಂ॒ ಶವ॑ಸಾ॒ ದವಿ॑ದ್ಯುತದ್ವಿ॒ದತ್ಸ್ವ1॒᳚ರ್ಮನ॑ವೇ॒ ಜ್ಯೋತಿ॒ರಾರ್ಯ‌ಮ್᳚ || 10.43.4
ಕೃ॒ತಂ ನ ಶ್ವ॒ಘ್ನೀ ವಿ ಚಿ॑ನೋತಿ॒ ದೇವ॑ನೇ ಸಂ॒ವರ್ಗಂ॒ ಯನ್ಮ॒ಘವಾ॒ ಸೂರ್ಯಂ॒ ಜಯ॑ತ್ | ನ ತತ್ತೇ᳚ ಅ॒ನ್ಯೋ ಅನು॑ ವೀ॒ರ್ಯಂ᳚ ಶಕ॒ನ್ನ ಪು॑ರಾ॒ಣೋ ಮ॑ಘವ॒ನ್ನೋತ ನೂತ॑ನಃ || 10.43.5
ವಿಶಂ᳚ವಿಶಂ ಮ॒ಘವಾ॒ ಪರ್ಯ॑ಶಾಯತ॒ ಜನಾ᳚ನಾಂ॒ ಧೇನಾ᳚ ಅವ॒ಚಾಕ॑ಶ॒ದ್ವೃಷಾ᳚ | ಯಸ್ಯಾಹ॑ ಶ॒ಕ್ರಃ ಸವ॑ನೇಷು॒ ರಣ್ಯ॑ತಿ॒ ಸ ತೀ॒ವ್ರೈಃ ಸೋಮೈಃ᳚ ಸಹತೇ ಪೃತನ್ಯ॒ತಃ || 10.43.6
ಆಪೋ॒ ನ ಸಿಂಧು॑ಮ॒ಭಿ ಯತ್ಸ॒ಮಕ್ಷ॑ರ॒‌‌ನ್ತ್ಸೋಮಾ᳚ಸ॒ ಇಂದ್ರಂ᳚ ಕು॒ಲ್ಯಾ ಇ॑ವ ಹ್ರ॒ದ‌ಮ್ | ವರ್ಧ᳚‌ನ್ತಿ॒ ವಿಪ್ರಾ॒ ಮಹೋ᳚ ಅಸ್ಯ॒ ಸಾದ॑ನೇ॒ ಯವಂ॒ ನ ವೃ॒ಷ್ಟಿರ್ದಿ॒ವ್ಯೇನ॒ ದಾನು॑ನಾ || 10.43.7
ವೃಷಾ॒ ನ ಕ್ರು॒ದ್ಧಃ ಪ॑ತಯ॒ದ್ರಜ॒ಸ್ಸ್ವಾ ಯೋ ಅ॒ರ್ಯಪ॑ತ್ನೀ॒ರಕೃ॑ಣೋದಿ॒ಮಾ ಅ॒ಪಃ | ಸ ಸು᳚ನ್ವ॒ತೇ ಮ॒ಘವಾ᳚ ಜೀ॒ರದಾ᳚ನ॒ವೇಽವಿಂ᳚ದ॒ಜ್ಜ್ಯೋತಿ॒ರ್ಮನ॑ವೇ ಹ॒ವಿಷ್ಮ॑ತೇ || 10.43.8
ಉಜ್ಜಾ᳚ಯತಾಂ ಪರ॒ಶುರ್ಜ್ಯೋತಿ॑ಷಾ ಸ॒ಹ ಭೂ॒ಯಾ ಋ॒ತಸ್ಯ॑ ಸು॒ದುಘಾ᳚ ಪುರಾಣ॒ವತ್ | ವಿ ರೋ᳚ಚತಾಮರು॒ಷೋ ಭಾ॒ನುನಾ॒ ಶುಚಿಃ॒ ಸ್ವ1॒᳚ರ್ಣ ಶು॒ಕ್ರಂ ಶು॑ಶುಚೀತ॒ ಸತ್ಪ॑ತಿಃ || 10.43.9
ಗೋಭಿ॑ಷ್ಟರೇ॒ಮಾಮ॑ತಿಂ ದು॒ರೇವಾಂ॒ ಯವೇ᳚ನ॒ ಕ್ಷುಧಂ᳚ ಪುರುಹೂತ॒ ವಿಶ್ವಾ᳚‌ಮ್ | ವ॒ಯಂ ರಾಜ॑ಭಿಃ ಪ್ರಥ॒ಮಾ ಧನಾ᳚ನ್ಯ॒ಸ್ಮಾಕೇ᳚ನ ವೃ॒ಜನೇ᳚ನಾ ಜಯೇಮ || 10.43.10
ಬೃಹ॒ಸ್ಪತಿ᳚ರ್ನಃ॒ ಪರಿ॑ ಪಾತು ಪ॒ಶ್ಚಾದು॒ತೋತ್ತ॑ರಸ್ಮಾ॒ದಧ॑ರಾದಘಾ॒ಯೋಃ | ಇಂದ್ರಃ॑ ಪು॒ರಸ್ತಾ᳚ದು॒ತ ಮ॑ಧ್ಯ॒ತೋ ನಃ॒ ಸಖಾ॒ ಸಖಿ॑ಭ್ಯೋ॒ ವರಿ॑ವಃ ಕೃಣೋತು || 10.43.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಕೃಷ್ಣ ಋಷಿಃ, ಇಂದ್ರೋ ದೇವತಾ, (1-3, 10-11) ಪ್ರಥಮಾದಿತೃಚಸ್ಯ ದಶಮ್ಯೇಕಾದಶ್ಯೋ[ಚೋಶ್ಚ ತ್ರಿಷ್ಟುಪ, (4-9) ಚತುರ್ಥ್ಯಾದಿತೃಚದ್ವಯಸ್ಯ ಚ ಜಗತೀ ಛಂದಸೀ

ಆ ಯಾ॒ತ್ವಿಂದ್ರಃ॒ ಸ್ವಪ॑ತಿ॒ರ್ಮದಾ᳚ಯ॒ ಯೋ ಧರ್ಮ॑ಣಾ ತೂತುಜಾ॒ನಸ್ತುವಿ॑ಷ್ಮಾನ್ | ಪ್ರ॒ತ್ವ॒ಕ್ಷಾ॒ಣೋ ಅತಿ॒ ವಿಶ್ವಾ॒ ಸಹಾಂ᳚ಸ್ಯಪಾ॒ರೇಣ॑ ಮಹ॒ತಾ ವೃಷ್ಣ್ಯೇ᳚ನ || 10.44.1
ಸು॒ಷ್ಠಾಮಾ॒ ರಥಃ॑ ಸು॒ಯಮಾ॒ ಹರೀ᳚ ತೇ ಮಿ॒ಮ್ಯಕ್ಷ॒ ವಜ್ರೋ᳚ ನೃಪತೇ॒ ಗಭ॑ಸ್ತೌ | ಶೀಭಂ᳚ ರಾಜ‌‌ನ್ತ್ಸು॒ಪಥಾ ಯಾ᳚ಹ್ಯ॒ರ್ವಾಙ್ವರ್ಧಾ᳚ಮ ತೇ ಪ॒ಪುಷೋ॒ ವೃಷ್ಣ್ಯಾ᳚ನಿ || 10.44.2
ಏಂದ್ರ॒ವಾಹೋ᳚ ನೃ॒ಪತಿಂ॒ ವಜ್ರ॑ಬಾಹುಮು॒ಗ್ರಮು॒ಗ್ರಾಸ॑ಸ್ತವಿ॒ಷಾಸ॑ ಏನ‌ಮ್ | ಪ್ರತ್ವ॑ಕ್ಷಸಂ ವೃಷ॒ಭಂ ಸ॒ತ್ಯಶು॑ಷ್ಮ॒ಮೇಮ॑ಸ್ಮ॒ತ್ರಾ ಸ॑ಧ॒ಮಾದೋ᳚ ವಹ‌ನ್ತು || 10.44.3
ಏ॒ವಾ ಪತಿಂ᳚ ದ್ರೋಣ॒ಸಾಚಂ॒ ಸಚೇ᳚ತಸಮೂ॒ರ್ಜಃ ಸ್ಕಂ॒ಭಂ ಧ॒ರುಣ॒ ಆ ವೃ॑ಷಾಯಸೇ | ಓಜಃ॑ ಕೃಷ್ವ॒ ಸಂ ಗೃ॑ಭಾಯ॒ ತ್ವೇ ಅಪ್ಯಸೋ॒ ಯಥಾ᳚ ಕೇನಿ॒ಪಾನಾ᳚ಮಿ॒ನೋ ವೃ॒ಧೇ || 10.44.4
ಗಮ᳚ನ್ನ॒ಸ್ಮೇ ವಸೂ॒ನ್ಯಾ ಹಿ ಶಂಸಿ॑ಷಂ ಸ್ವಾ॒ಶಿಷಂ॒ ಭರ॒ಮಾ ಯಾ᳚ಹಿ ಸೋ॒ಮಿನಃ॑ | ತ್ವಮೀ᳚ಶಿಷೇ॒ ಸಾಸ್ಮಿನ್ನಾ ಸ॑ತ್ಸಿ ಬ॒ರ್ಹಿಷ್ಯ॑ನಾಧೃ॒ಷ್ಯಾ ತವ॒ ಪಾತ್ರಾ᳚ಣಿ॒ ಧರ್ಮ॑ಣಾ || 10.44.5
ಪೃಥ॒ಕ್ಪ್ರಾಯ᳚ನ್ಪ್ರಥ॒ಮಾ ದೇ॒ವಹೂ᳚ತ॒ಯೋಽಕೃ᳚ಣ್ವತ ಶ್ರವ॒ಸ್ಯಾ᳚ನಿ ದು॒ಷ್ಟರಾ᳚ | ನ ಯೇ ಶೇ॒ಕುರ್ಯ॒ಜ್ಞಿಯಾಂ॒ ನಾವ॑ಮಾ॒ರುಹ॑ಮೀ॒ರ್ಮೈವ ತೇ ನ್ಯ॑ವಿಶ‌ನ್ತ॒ ಕೇಪ॑ಯಃ || 10.44.6
ಏ॒ವೈವಾಪಾ॒ಗಪ॑ರೇ ಸ‌ನ್ತು ದೂ॒ಢ್ಯೋಽಶ್ವಾ॒ ಯೇಷಾಂ᳚ ದು॒ರ್ಯುಜ॑ ಆಯುಯು॒ಜ್ರೇ | ಇ॒ತ್ಥಾ ಯೇ ಪ್ರಾಗುಪ॑ರೇ॒ ಸ‌ನ್ತಿ॑ ದಾ॒ವನೇ᳚ ಪು॒ರೂಣಿ॒ ಯತ್ರ॑ ವ॒ಯುನಾ᳚ನಿ॒ ಭೋಜ॑ನಾ || 10.44.7
ಗಿ॒ರೀಁರಜ್ರಾ॒ನ್ರೇಜ॑ಮಾನಾಁ ಅಧಾರಯ॒ದ್ದ್ಯೌಃ ಕ್ರಂ᳚ದದ॒‌ನ್ತರಿ॑ಕ್ಷಾಣಿ ಕೋಪಯತ್ | ಸ॒ಮೀ॒ಚೀ॒ನೇ ಧಿ॒ಷಣೇ॒ ವಿ ಷ್ಕ॑ಭಾಯತಿ॒ ವೃಷ್ಣಃ॑ ಪೀ॒ತ್ವಾ ಮದ॑ ಉ॒ಕ್ಥಾನಿ॑ ಶಂಸತಿ || 10.44.8
ಇ॒ಮಂ ಬಿ॑ಭರ್ಮಿ॒ ಸುಕೃ॑ತಂ ತೇ ಅಂಕು॒ಶಂ ಯೇನಾ᳚ರು॒ಜಾಸಿ॑ ಮಘವಂಛಫಾ॒ರುಜಃ॑ | ಅ॒ಸ್ಮಿ‌‌ನ್ತ್ಸು ತೇ॒ ಸವ॑ನೇ ಅಸ್ತ್ವೋ॒ಕ್ಯಂ᳚ ಸು॒ತ ಇ॒ಷ್ಟೌ ಮ॑ಘವನ್ಬೋ॒ಧ್ಯಾಭ॑ಗಃ || 10.44.9
ಗೋಭಿ॑ಷ್ಟರೇ॒ಮಾಮ॑ತಿಂ ದು॒ರೇವಾಂ॒ ಯವೇ᳚ನ॒ ಕ್ಷುಧಂ᳚ ಪುರುಹೂತ॒ ವಿಶ್ವಾ᳚‌ಮ್ | ವ॒ಯಂ ರಾಜ॑ಭಿಃ ಪ್ರಥ॒ಮಾ ಧನಾ᳚ನ್ಯ॒ಸ್ಮಾಕೇ᳚ನ ವೃ॒ಜನೇ᳚ನಾ ಜಯೇಮ || 10.44.10
ಬೃಹ॒ಸ್ಪತಿ᳚ರ್ನಃ॒ ಪರಿ॑ ಪಾತು ಪ॒ಶ್ಚಾದು॒ತೋತ್ತ॑ರಸ್ಮಾ॒ದಧ॑ರಾದಘಾ॒ಯೋಃ | ಇಂದ್ರಃ॑ ಪು॒ರಸ್ತಾ᳚ದು॒ತ ಮ॑ಧ್ಯ॒ತೋ ನಃ॒ ಸಖಾ॒ ಸಖಿ॑ಭ್ಯೋ॒ ವರಿ॑ವಃ ಕೃಣೋತು || 10.44.11

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾಲಂದನೋ ವತ್ಸಪ್ರಿಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ದಿ॒ವಸ್ಪರಿ॑ ಪ್ರಥ॒ಮಂ ಜ॑ಜ್ಞೇ ಅ॒ಗ್ನಿರ॒ಸ್ಮದ್ದ್ವಿ॒ತೀಯಂ॒ ಪರಿ॑ ಜಾ॒ತವೇ᳚ದಾಃ | ತೃ॒ತೀಯ॑ಮ॒ಪ್ಸು ನೃ॒ಮಣಾ॒ ಅಜ॑ಸ್ರ॒ಮಿಂಧಾ᳚ನ ಏನಂ ಜರತೇ ಸ್ವಾ॒ಧೀಃ || 10.45.1
ವಿ॒ದ್ಮಾ ತೇ᳚ ಅಗ್ನೇ ತ್ರೇ॒ಧಾ ತ್ರ॒ಯಾಣಿ॑ ವಿ॒ದ್ಮಾ ತೇ॒ ಧಾಮ॒ ವಿಭೃ॑ತಾ ಪುರು॒ತ್ರಾ | ವಿ॒ದ್ಮಾ ತೇ॒ ನಾಮ॑ ಪರ॒ಮಂ ಗುಹಾ॒ ಯದ್ವಿ॒ದ್ಮಾ ತಮುತ್ಸಂ॒ ಯತ॑ ಆಜ॒ಗ‌ನ್ಥ॑ || 10.45.2
ಸ॒ಮು॒ದ್ರೇ ತ್ವಾ᳚ ನೃ॒ಮಣಾ᳚ ಅ॒ಪ್ಸ್ವ1॒᳚‌ನ್ತರ್ನೃ॒ಚಕ್ಷಾ᳚ ಈಧೇ ದಿ॒ವೋ ಅ॑ಗ್ನ॒ ಊಧನ್॑ | ತೃ॒ತೀಯೇ᳚ ತ್ವಾ॒ ರಜ॑ಸಿ ತಸ್ಥಿ॒ವಾಂಸ॑ಮ॒ಪಾಮು॒ಪಸ್ಥೇ᳚ ಮಹಿ॒ಷಾ ಅ॑ವರ್ಧನ್ || 10.45.3
ಅಕ್ರಂ᳚ದದ॒ಗ್ನಿಃ ಸ್ತ॒ನಯ᳚ನ್ನಿವ॒ ದ್ಯೌಃ ಕ್ಷಾಮಾ॒ ರೇರಿ॑ಹದ್ವೀ॒ರುಧಃ॑ ಸಮಂ॒ಜನ್ | ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ᳚ ಭಾತ್ಯ॒‌ನ್ತಃ || 10.45.4
ಶ್ರೀ॒ಣಾಮು॑ದಾ॒ರೋ ಧ॒ರುಣೋ᳚ ರಯೀ॒ಣಾಂ ಮ॑ನೀ॒ಷಾಣಾಂ॒ ಪ್ರಾರ್ಪ॑ಣಃ॒ ಸೋಮ॑ಗೋಪಾಃ | ವಸುಃ॑ ಸೂ॒ನುಃ ಸಹ॑ಸೋ ಅ॒ಪ್ಸು ರಾಜಾ॒ ವಿ ಭಾ॒ತ್ಯಗ್ರ॑ ಉ॒ಷಸಾ᳚ಮಿಧಾ॒ನಃ || 10.45.5
ವಿಶ್ವ॑ಸ್ಯ ಕೇ॒ತುರ್ಭುವ॑ನಸ್ಯ॒ ಗರ್ಭ॒ ಆ ರೋದ॑ಸೀ ಅಪೃಣಾ॒ಜ್ಜಾಯ॑ಮಾನಃ | ವೀ॒ಳುಂ ಚಿ॒ದದ್ರಿ॑ಮಭಿನತ್ಪರಾ॒ಯಂಜನಾ॒ ಯದ॒ಗ್ನಿಮಯ॑ಜ‌ನ್ತ॒ ಪಂಚ॑ || 10.45.6
ಉ॒ಶಿಕ್ಪಾ᳚ವ॒ಕೋ ಅ॑ರ॒ತಿಃ ಸು॑ಮೇ॒ಧಾ ಮರ್ತೇ᳚ಷ್ವ॒ಗ್ನಿರ॒ಮೃತೋ॒ ನಿ ಧಾ᳚ಯಿ | ಇಯ॑ರ್ತಿ ಧೂ॒ಮಮ॑ರು॒ಷಂ ಭರಿ॑ಭ್ರ॒ದುಚ್ಛು॒ಕ್ರೇಣ॑ ಶೋ॒ಚಿಷಾ॒ ದ್ಯಾಮಿನ॑ಕ್ಷನ್ || 10.45.7
ದೃ॒ಶಾ॒ನೋ ರು॒ಕ್ಮ ಉ᳚ರ್ವಿ॒ಯಾ ವ್ಯ॑ದ್ಯೌದ್ದು॒ರ್ಮರ್ಷ॒ಮಾಯುಃ॑ ಶ್ರಿ॒ಯೇ ರು॑ಚಾ॒ನಃ | ಅ॒ಗ್ನಿರ॒ಮೃತೋ᳚ ಅಭವ॒ದ್ವಯೋ᳚ಭಿ॒ರ್ಯದೇ᳚ನಂ॒ ದ್ಯೌರ್ಜ॒ನಯ॑ತ್ಸು॒ರೇತಾಃ᳚ || 10.45.8
ಯಸ್ತೇ᳚ ಅ॒ದ್ಯ ಕೃ॒ಣವ॑ದ್ಭದ್ರಶೋಚೇಽಪೂ॒ಪಂ ದೇ᳚ವ ಘೃ॒ತವ᳚‌ನ್ತಮಗ್ನೇ | ಪ್ರ ತಂ ನ॑ಯ ಪ್ರತ॒ರಂ ವಸ್ಯೋ॒ ಅಚ್ಛಾ॒ಭಿ ಸು॒ಮ್ನಂ ದೇ॒ವಭ॑ಕ್ತಂ ಯವಿಷ್ಠ || 10.45.9
ಆ ತಂ ಭ॑ಜ ಸೌಶ್ರವ॒ಸೇಷ್ವ॑ಗ್ನ ಉ॒ಕ್ಥೌ᳚ಕ್ಥ॒ ಆ ಭ॑ಜ ಶ॒ಸ್ಯಮಾ᳚ನೇ | ಪ್ರಿ॒ಯಃ ಸೂರ್ಯೇ᳚ ಪ್ರಿ॒ಯೋ ಅ॒ಗ್ನಾ ಭ॑ವಾ॒ತ್ಯುಜ್ಜಾ॒ತೇನ॑ ಭಿ॒ನದ॒ದುಜ್ಜನಿ॑ತ್ವೈಃ || 10.45.10
ತ್ವಾಮ॑ಗ್ನೇ॒ ಯಜ॑ಮಾನಾ॒ ಅನು॒ ದ್ಯೂನ್ವಿಶ್ವಾ॒ ವಸು॑ ದಧಿರೇ॒ ವಾರ್ಯಾ᳚ಣಿ | ತ್ವಯಾ᳚ ಸ॒ಹ ದ್ರವಿ॑ಣಮಿ॒ಚ್ಛಮಾ᳚ನಾ ವ್ರ॒ಜಂ ಗೋಮ᳚‌ನ್ತಮು॒ಶಿಜೋ॒ ವಿ ವ᳚ವ್ರುಃ || 10.45.11
ಅಸ್ತಾ᳚ವ್ಯ॒ಗ್ನಿರ್ನ॒ರಾಂ ಸು॒ಶೇವೋ᳚ ವೈಶ್ವಾನ॒ರ ಋಷಿ॑ಭಿಃ॒ ಸೋಮ॑ಗೋಪಾಃ | ಅ॒ದ್ವೇ॒ಷೇ ದ್ಯಾವಾ᳚ಪೃಥಿ॒ವೀ ಹು॑ವೇಮ॒ ದೇವಾ᳚ ಧ॒ತ್ತ ರ॒ಯಿಮ॒ಸ್ಮೇ ಸು॒ವೀರ‌ಮ್᳚ || 10.45.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾಲಂದನೋ ವತ್ಸಪ್ರಿಋಷಿಃ , ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಹೋತಾ᳚ ಜಾ॒ತೋ ಮ॒ಹಾನ್ನ॑ಭೋ॒ವಿನ್ನೃ॒ಷದ್ವಾ᳚ ಸೀದದ॒ಪಾಮು॒ಪಸ್ಥೇ᳚ | ದಧಿ॒ರ್ಯೋ ಧಾಯಿ॒ ಸ ತೇ॒ ವಯಾಂ᳚ಸಿ ಯ॒‌ನ್ತಾ ವಸೂ᳚ನಿ ವಿಧ॒ತೇ ತ॑ನೂ॒ಪಾಃ || 10.46.1
ಇ॒ಮಂ ವಿ॒ಧ‌ನ್ತೋ᳚ ಅ॒ಪಾಂ ಸ॒ಧಸ್ಥೇ᳚ ಪ॒ಶುಂ ನ ನ॒ಷ್ಟಂ ಪ॒ದೈರನು॑ ಗ್ಮನ್ | ಗುಹಾ॒ ಚತ᳚‌ನ್ತಮು॒ಶಿಜೋ॒ ನಮೋ᳚ಭಿರಿ॒ಚ್ಛ‌ನ್ತೋ॒ ಧೀರಾ॒ ಭೃಗ॑ವೋಽವಿಂದನ್ || 10.46.2
ಇ॒ಮಂ ತ್ರಿ॒ತೋ ಭೂರ್ಯ॑ವಿಂದದಿ॒ಚ್ಛನ್ವೈ᳚ಭೂವ॒ಸೋ ಮೂ॒ರ್ಧನ್ಯಘ್ನ್ಯಾ᳚ಯಾಃ | ಸ ಶೇವೃ॑ಧೋ ಜಾ॒ತ ಆ ಹ॒ರ್ಮ್ಯೇಷು॒ ನಾಭಿ॒ರ್ಯುವಾ᳚ ಭವತಿ ರೋಚ॒ನಸ್ಯ॑ || 10.46.3
ಮಂ॒ದ್ರಂ ಹೋತಾ᳚ರಮು॒ಶಿಜೋ॒ ನಮೋ᳚ಭಿಃ॒ ಪ್ರಾಂಚಂ᳚ ಯ॒ಜ್ಞಂ ನೇ॒ತಾರ॑ಮಧ್ವ॒ರಾಣಾ᳚‌ಮ್ | ವಿ॒ಶಾಮ॑ಕೃಣ್ವನ್ನರ॒ತಿಂ ಪಾ᳚ವ॒ಕಂ ಹ᳚ವ್ಯ॒ವಾಹಂ॒ ದಧ॑ತೋ॒ ಮಾನು॑ಷೇಷು || 10.46.4
ಪ್ರ ಭೂ॒ರ್ಜಯ᳚‌ನ್ತಂ ಮ॒ಹಾಂ ವಿ॑ಪೋ॒ಧಾಂ ಮೂ॒ರಾ ಅಮೂ᳚ರಂ ಪು॒ರಾಂ ದ॒ರ್ಮಾಣ‌ಮ್᳚ | ನಯ᳚‌ನ್ತೋ॒ ಗರ್ಭಂ᳚ ವ॒ನಾಂ ಧಿಯಂ᳚ ಧು॒ರ್ಹಿರಿ॑ಶ್ಮಶ್ರುಂ॒ ನಾರ್ವಾ᳚ಣಂ॒ ಧನ॑ರ್ಚ‌ಮ್ || 10.46.5
ನಿ ಪ॒ಸ್ತ್ಯಾ᳚ಸು ತ್ರಿ॒ತಃ ಸ್ತ॑ಭೂ॒ಯನ್ಪರಿ॑ವೀತೋ॒ ಯೋನೌ᳚ ಸೀದದ॒‌ನ್ತಃ | ಅತಃ॑ ಸಂ॒ಗೃಭ್ಯಾ᳚ ವಿ॒ಶಾಂ ದಮೂ᳚ನಾ॒ ವಿಧ᳚ರ್ಮಣಾಯ॒‌ನ್ತ್ರೈರೀ᳚ಯತೇ॒ ನೄನ್ || 10.46.6
ಅ॒ಸ್ಯಾಜರಾ᳚ಸೋ ದ॒ಮಾಮ॒ರಿತ್ರಾ᳚ ಅ॒ರ್ಚದ್ಧೂ᳚ಮಾಸೋ ಅ॒ಗ್ನಯಃ॑ ಪಾವ॒ಕಾಃ | ಶ್ವಿ॒ತೀ॒ಚಯಃ॑ ಶ್ವಾ॒ತ್ರಾಸೋ᳚ ಭುರ॒ಣ್ಯವೋ᳚ ವನ॒ರ್ಷದೋ᳚ ವಾ॒ಯವೋ॒ ನ ಸೋಮಾಃ᳚ || 10.46.7
ಪ್ರ ಜಿ॒ಹ್ವಯಾ᳚ ಭರತೇ॒ ವೇಪೋ᳚ ಅ॒ಗ್ನಿಃ ಪ್ರ ವ॒ಯುನಾ᳚ನಿ॒ ಚೇತ॑ಸಾ ಪೃಥಿ॒ವ್ಯಾಃ | ತಮಾ॒ಯವಃ॑ ಶು॒ಚಯ᳚‌ನ್ತಂ ಪಾವ॒ಕಂ ಮಂ॒ದ್ರಂ ಹೋತಾ᳚ರಂ ದಧಿರೇ॒ ಯಜಿ॑ಷ್ಠ‌ಮ್ || 10.46.8
ದ್ಯಾವಾ॒ ಯಮ॒ಗ್ನಿಂ ಪೃ॑ಥಿ॒ವೀ ಜನಿ॑ಷ್ಟಾ॒ಮಾಪ॒ಸ್ತ್ವಷ್ಟಾ॒ ಭೃಗ॑ವೋ॒ ಯಂ ಸಹೋ᳚ಭಿಃ | ಈ॒ಳೇನ್ಯಂ᳚ ಪ್ರಥ॒ಮಂ ಮಾ᳚ತ॒ರಿಶ್ವಾ᳚ ದೇ॒ವಾಸ್ತ॑ತಕ್ಷು॒ರ್ಮನ॑ವೇ॒ ಯಜ॑ತ್ರ‌ಮ್ || 10.46.9
ಯಂ ತ್ವಾ᳚ ದೇ॒ವಾ ದ॑ಧಿ॒ರೇ ಹ᳚ವ್ಯ॒ವಾಹಂ᳚ ಪುರು॒ಸ್ಪೃಹೋ॒ ಮಾನು॑ಷಾಸೋ॒ ಯಜ॑ತ್ರ‌ಮ್ | ಸ ಯಾಮ᳚ನ್ನಗ್ನೇ ಸ್ತುವ॒ತೇ ವಯೋ᳚ ಧಾಃ॒ ಪ್ರ ದೇ᳚ವ॒ಯನ್ಯ॒ಶಸಃ॒ ಸಂ ಹಿ ಪೂ॒ರ್ವೀಃ || 10.46.10

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸಪ್ತಗುಋಷಿಃ, ವೈಕಂಠ

ಜ॒ಗೃ॒ಭ್ಮಾ ತೇ॒ ದಕ್ಷಿ॑ಣಮಿಂದ್ರ॒ ಹಸ್ತಂ᳚ ವಸೂ॒ಯವೋ᳚ ವಸುಪತೇ॒ ವಸೂ᳚ನಾ‌ಮ್ | ವಿ॒ದ್ಮಾ ಹಿ ತ್ವಾ॒ ಗೋಪ॑ತಿಂ ಶೂರ॒ ಗೋನಾ᳚ಮ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.1
ಸ್ವಾ॒ಯು॒ಧಂ ಸ್ವವ॑ಸಂ ಸುನೀ॒ಥಂ ಚತುಃ॑ಸಮುದ್ರಂ ಧ॒ರುಣಂ᳚ ರಯೀ॒ಣಾ‌ಮ್ | ಚ॒ರ್ಕೃತ್ಯಂ॒ ಶಂಸ್ಯಂ॒ ಭೂರಿ॑ವಾರಮ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.2
ಸು॒ಬ್ರಹ್ಮಾ᳚ಣಂ ದೇ॒ವವ᳚‌ನ್ತಂ ಬೃ॒ಹ‌ನ್ತ॑ಮು॒ರುಂ ಗ॑ಭೀ॒ರಂ ಪೃ॒ಥುಬು॑ಧ್ನಮಿಂದ್ರ | ಶ್ರು॒ತಋ॑ಷಿಮು॒ಗ್ರಮ॑ಭಿಮಾತಿ॒ಷಾಹ॑ಮ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.3
ಸ॒ನದ್ವಾ᳚ಜಂ॒ ವಿಪ್ರ॑ವೀರಂ॒ ತರು॑ತ್ರಂ ಧನ॒ಸ್ಪೃತಂ᳚ ಶೂಶು॒ವಾಂಸಂ᳚ ಸು॒ದಕ್ಷ‌ಮ್᳚ | ದ॒ಸ್ಯು॒ಹನಂ᳚ ಪೂ॒ರ್ಭಿದ॑ಮಿಂದ್ರ ಸ॒ತ್ಯಮ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.4
ಅಶ್ವಾ᳚ವ‌ನ್ತಂ ರ॒ಥಿನಂ᳚ ವೀ॒ರವ᳚‌ನ್ತಂ ಸಹ॒ಸ್ರಿಣಂ᳚ ಶ॒ತಿನಂ॒ ವಾಜ॑ಮಿಂದ್ರ | ಭ॒ದ್ರವ್ರಾ᳚ತಂ॒ ವಿಪ್ರ॑ವೀರಂ ಸ್ವ॒ರ್ಷಾಮ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.5
ಪ್ರ ಸ॒ಪ್ತಗು॑ಮೃ॒ತಧೀ᳚ತಿಂ ಸುಮೇ॒ಧಾಂ ಬೃಹ॒ಸ್ಪತಿಂ᳚ ಮ॒ತಿರಚ್ಛಾ᳚ ಜಿಗಾತಿ | ಯ ಆಂ᳚ಗಿರ॒ಸೋ ನಮ॑ಸೋಪ॒ಸದ್ಯೋ॒ಽಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.6
ವನೀ᳚ವಾನೋ॒ ಮಮ॑ ದೂ॒ತಾಸ॒ ಇಂದ್ರಂ॒ ಸ್ತೋಮಾ᳚ಶ್ಚರ‌ನ್ತಿ ಸುಮ॒ತೀರಿ॑ಯಾ॒ನಾಃ | ಹೃ॒ದಿ॒ಸ್ಪೃಶೋ॒ ಮನ॑ಸಾ ವ॒ಚ್ಯಮಾ᳚ನಾ ಅ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.7
ಯತ್ತ್ವಾ॒ ಯಾಮಿ॑ ದ॒ದ್ಧಿ ತನ್ನ॑ ಇಂದ್ರ ಬೃ॒ಹ‌ನ್ತಂ॒ ಕ್ಷಯ॒ಮಸ॑ಮಂ॒ ಜನಾ᳚ನಾ‌ಮ್ | ಅ॒ಭಿ ತದ್ದ್ಯಾವಾ᳚ಪೃಥಿ॒ವೀ ಗೃ॑ಣೀತಾಮ॒ಸ್ಮಭ್ಯಂ᳚ ಚಿ॒ತ್ರಂ ವೃಷ॑ಣಂ ರ॒ಯಿಂ ದಾಃ᳚ || 10.47.8

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಕಂಠ

ಅ॒ಹಂ ಭು॑ವಂ॒ ವಸು॑ನಃ ಪೂ॒ರ್ವ್ಯಸ್ಪತಿ॑ರ॒ಹಂ ಧನಾ᳚ನಿ॒ ಸಂ ಜ॑ಯಾಮಿ॒ ಶಶ್ವ॑ತಃ | ಮಾಂ ಹ॑ವ‌ನ್ತೇ ಪಿ॒ತರಂ॒ ನ ಜ॒‌ನ್ತವೋ॒ಽಹಂ ದಾ॒ಶುಷೇ॒ ವಿ ಭ॑ಜಾಮಿ॒ ಭೋಜ॑ನ‌ಮ್ || 10.48.1
ಅ॒ಹಮಿಂದ್ರೋ॒ ರೋಧೋ॒ ವಕ್ಷೋ॒ ಅಥ᳚ರ್ವಣಸ್ತ್ರಿ॒ತಾಯ॒ ಗಾ ಅ॑ಜನಯ॒ಮಹೇ॒ರಧಿ॑ | ಅ॒ಹಂ ದಸ್ಯು॑ಭ್ಯಃ॒ ಪರಿ॑ ನೃ॒ಮ್ಣಮಾ ದ॑ದೇ ಗೋ॒ತ್ರಾ ಶಿಕ್ಷಂ᳚ದಧೀ॒ಚೇ ಮಾ᳚ತ॒ರಿಶ್ವ॑ನೇ || 10.48.2
ಮಹ್ಯಂ॒ ತ್ವಷ್ಟಾ॒ ವಜ್ರ॑ಮತಕ್ಷದಾಯ॒ಸಂ ಮಯಿ॑ ದೇ॒ವಾಸೋ᳚ಽವೃಜ॒ನ್ನಪಿ॒ ಕ್ರತು‌ಮ್᳚ | ಮಮಾನೀ᳚ಕಂ॒ ಸೂರ್ಯ॑ಸ್ಯೇವ ದು॒ಷ್ಟರಂ॒ ಮಾಮಾರ್ಯ᳚‌ನ್ತಿ ಕೃ॒ತೇನ॒ ಕರ್ತ್ವೇ᳚ನ ಚ || 10.48.3
ಅ॒ಹಮೇ॒ತಂ ಗ॒ವ್ಯಯ॒ಮಶ್ವ್ಯಂ᳚ ಪ॒ಶುಂ ಪು॑ರೀ॒ಷಿಣಂ॒ ಸಾಯ॑ಕೇನಾ ಹಿರ॒ಣ್ಯಯ‌ಮ್᳚ | ಪು॒ರೂ ಸ॒ಹಸ್ರಾ॒ ನಿ ಶಿ॑ಶಾಮಿ ದಾ॒ಶುಷೇ॒ ಯನ್ಮಾ॒ ಸೋಮಾ᳚ಸ ಉ॒ಕ್ಥಿನೋ॒ ಅಮಂ᳚ದಿಷುಃ || 10.48.4
ಅ॒ಹಮಿಂದ್ರೋ॒ ನ ಪರಾ᳚ ಜಿಗ್ಯ॒ ಇದ್ಧನಂ॒ ನ ಮೃ॒ತ್ಯವೇಽವ॑ ತಸ್ಥೇ॒ ಕದಾ᳚ ಚ॒ನ | ಸೋಮ॒ಮಿನ್ಮಾ᳚ ಸು॒ನ್ವ‌ನ್ತೋ᳚ ಯಾಚತಾ॒ ವಸು॒ ನ ಮೇ᳚ ಪೂರವಃ ಸ॒ಖ್ಯೇ ರಿ॑ಷಾಥನ || 10.48.5
ಅ॒ಹಮೇ॒ತಾಂಛಾಶ್ವ॑ಸತೋ॒ ದ್ವಾದ್ವೇಂದ್ರಂ॒ ಯೇ ವಜ್ರಂ᳚ ಯು॒ಧಯೇಽಕೃ᳚ಣ್ವತ | ಆ॒ಹ್ವಯ॑ಮಾನಾಁ॒ ಅವ॒ ಹನ್ಮ॑ನಾಹನಂ ದೃ॒ಳ್ಹಾ ವದ॒ನ್ನನ॑ಮಸ್ಯುರ್ನಮ॒ಸ್ವಿನಃ॑ || 10.48.6
ಅ॒ಭೀ॒3॒॑ದಮೇಕ॒ಮೇಕೋ᳚ ಅಸ್ಮಿ ನಿ॒ಷ್ಷಾಳ॒ಭೀ ದ್ವಾ ಕಿಮು॒ ತ್ರಯಃ॑ ಕರ‌ನ್ತಿ | ಖಲೇ॒ ನ ಪ॒ರ್ಷಾನ್ಪ್ರತಿ॑ ಹನ್ಮಿ॒ ಭೂರಿ॒ ಕಿಂ ಮಾ᳚ ನಿಂದ‌ನ್ತಿ॒ ಶತ್ರ॑ವೋಽನಿಂ॒ದ್ರಾಃ || 10.48.7
ಅ॒ಹಂ ಗುಂ॒ಗುಭ್ಯೋ᳚ ಅತಿಥಿ॒ಗ್ವಮಿಷ್ಕ॑ರ॒ಮಿಷಂ॒ ನ ವೃ॑ತ್ರ॒ತುರಂ᳚ ವಿ॒ಕ್ಷು ಧಾ᳚ರಯ‌ಮ್ | ಯತ್ಪ᳚ರ್ಣಯ॒ಘ್ನ ಉ॒ತ ವಾ᳚ ಕರಂಜ॒ಹೇ ಪ್ರಾಹಂ ಮ॒ಹೇ ವೃ॑ತ್ರ॒ಹತ್ಯೇ॒ ಅಶು॑ಶ್ರವಿ || 10.48.8
ಪ್ರ ಮೇ॒ ನಮೀ᳚ ಸಾ॒ಪ್ಯ ಇ॒ಷೇ ಭು॒ಜೇ ಭೂ॒ದ್ಗವಾ॒ಮೇಷೇ᳚ ಸ॒ಖ್ಯಾ ಕೃ॑ಣುತ ದ್ವಿ॒ತಾ | ದಿ॒ದ್ಯುಂ ಯದ॑ಸ್ಯ ಸಮಿ॒ಥೇಷು॑ ಮಂ॒ಹಯ॒ಮಾದಿದೇ᳚ನಂ॒ ಶಂಸ್ಯ॑ಮು॒ಕ್ಥ್ಯಂ᳚ ಕರ‌ಮ್ || 10.48.9
ಪ್ರ ನೇಮ॑ಸ್ಮಿಂದದೃಶೇ॒ ಸೋಮೋ᳚ ಅ॒‌ನ್ತರ್ಗೋ॒ಪಾ ನೇಮ॑ಮಾ॒ವಿರ॒ಸ್ಥಾ ಕೃ॑ಣೋತಿ | ಸ ತಿ॒ಗ್ಮಶೃಂ᳚ಗಂ ವೃಷ॒ಭಂ ಯುಯು॑ತ್ಸಂದ್ರು॒ಹಸ್ತ॑ಸ್ಥೌ ಬಹು॒ಲೇ ಬ॒ದ್ಧೋ ಅ॒‌ನ್ತಃ || 10.48.10
ಆ॒ದಿ॒ತ್ಯಾನಾಂ॒ ವಸೂ᳚ನಾಂ ರು॒ದ್ರಿಯಾ᳚ಣಾಂ ದೇ॒ವೋ ದೇ॒ವಾನಾಂ॒ ನ ಮಿ॑ನಾಮಿ॒ ಧಾಮ॑ | ತೇ ಮಾ᳚ ಭ॒ದ್ರಾಯ॒ ಶವ॑ಸೇ ತತಕ್ಷು॒ರಪ॑ರಾಜಿತ॒ಮಸ್ತೃ॑ತ॒ಮಷಾ᳚ಳ್ಹ‌ಮ್ || 10.48.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಕಂಠ

ಅ॒ಹಂ ದಾಂ᳚ ಗೃಣ॒ತೇ ಪೂರ್ವ್ಯಂ॒ ವಸ್ವ॒ಹಂ ಬ್ರಹ್ಮ॑ ಕೃಣವಂ॒ ಮಹ್ಯಂ॒ ವರ್ಧ॑ನ‌ಮ್ | ಅ॒ಹಂ ಭು॑ವಂ॒ ಯಜ॑ಮಾನಸ್ಯ ಚೋದಿ॒ತಾಯ॑ಜ್ವನಃ ಸಾಕ್ಷಿ॒ ವಿಶ್ವ॑ಸ್ಮಿ॒ನ್ಭರೇ᳚ || 10.49.1
ಮಾಂ ಧು॒ರಿಂದ್ರಂ॒ ನಾಮ॑ ದೇ॒ವತಾ᳚ ದಿ॒ವಶ್ಚ॒ ಗ್ಮಶ್ಚಾ॒ಪಾಂ ಚ॑ ಜ॒‌ನ್ತವಃ॑ | ಅ॒ಹಂ ಹರೀ॒ ವೃಷ॑ಣಾ॒ ವಿವ್ರ॑ತಾ ರ॒ಘೂ ಅ॒ಹಂ ವಜ್ರಂ॒ ಶವ॑ಸೇ ಧೃ॒ಷ್ಣ್ವಾ ದ॑ದೇ || 10.49.2
ಅ॒ಹಮತ್ಕಂ᳚ ಕ॒ವಯೇ᳚ ಶಿಶ್ನಥಂ॒ ಹಥೈ᳚ರ॒ಹಂ ಕುತ್ಸ॑ಮಾವಮಾ॒ಭಿರೂ॒ತಿಭಿಃ॑ | ಅ॒ಹಂ ಶುಷ್ಣ॑ಸ್ಯ॒ ಶ್ನಥಿ॑ತಾ॒ ವಧ᳚ರ್ಯಮಂ॒ ನ ಯೋ ರ॒ರ ಆರ್ಯಂ॒ ನಾಮ॒ ದಸ್ಯ॑ವೇ || 10.49.3
ಅ॒ಹಂ ಪಿ॒ತೇವ॑ ವೇತ॒ಸೂಁರ॒ಭಿಷ್ಟ॑ಯೇ॒ ತುಗ್ರಂ॒ ಕುತ್ಸಾ᳚ಯ॒ ಸ್ಮದಿ॑ಭಂ ಚ ರಂಧಯ‌ಮ್ | ಅ॒ಹಂ ಭು॑ವಂ॒ ಯಜ॑ಮಾನಸ್ಯ ರಾ॒ಜನಿ॒ ಪ್ರ ಯದ್ಭರೇ॒ ತುಜ॑ಯೇ॒ ನ ಪ್ರಿ॒ಯಾಧೃಷೇ᳚ || 10.49.4
ಅ॒ಹಂ ರಂ᳚ಧಯಂ॒ ಮೃಗ॑ಯಂ ಶ್ರು॒ತರ್ವ॑ಣೇ॒ ಯನ್ಮಾಜಿ॑ಹೀತ ವ॒ಯುನಾ᳚ ಚ॒ನಾನು॒ಷಕ್ | ಅ॒ಹಂ ವೇ॒ಶಂ ನ॒ಮ್ರಮಾ॒ಯವೇ᳚ಽಕರಮ॒ಹಂ ಸವ್ಯಾ᳚ಯ॒ ಪಡ್ಗೃ॑ಭಿಮರಂಧಯ‌ಮ್ || 10.49.5
ಅ॒ಹಂ ಸ ಯೋ ನವ॑ವಾಸ್ತ್ವಂ ಬೃ॒ಹದ್ರ॑ಥಂ॒ ಸಂ ವೃ॒ತ್ರೇವ॒ ದಾಸಂ᳚ ವೃತ್ರ॒ಹಾರು॑ಜ‌ಮ್ | ಯದ್ವ॒ರ್ಧಯ᳚‌ನ್ತಂ ಪ್ರ॒ಥಯ᳚‌ನ್ತಮಾನು॒ಷಗ್ದೂ॒ರೇ ಪಾ॒ರೇ ರಜ॑ಸೋ ರೋಚ॒ನಾಕ॑ರ‌ಮ್ || 10.49.6
ಅ॒ಹಂ ಸೂರ್ಯ॑ಸ್ಯ॒ ಪರಿ॑ ಯಾಮ್ಯಾ॒ಶುಭಿಃ॒ ಪ್ರೈತ॒ಶೇಭಿ॒ರ್ವಹ॑ಮಾನ॒ ಓಜ॑ಸಾ | ಯನ್ಮಾ᳚ ಸಾ॒ವೋ ಮನು॑ಷ॒ ಆಹ॑ ನಿ॒ರ್ಣಿಜ॒ ಋಧ॑ಕ್ಕೃಷೇ॒ ದಾಸಂ॒ ಕೃತ್ವ್ಯಂ॒ ಹಥೈಃ᳚ || 10.49.7
ಅ॒ಹಂ ಸ॑ಪ್ತ॒ಹಾ ನಹು॑ಷೋ॒ ನಹು॑ಷ್ಟರಃ॒ ಪ್ರಾಶ್ರಾ᳚ವಯಂ॒ ಶವ॑ಸಾ ತು॒ರ್ವಶಂ॒ ಯದು‌ಮ್᳚ | ಅ॒ಹಂ ನ್ಯ1॒᳚ನ್ಯಂ ಸಹ॑ಸಾ॒ ಸಹ॑ಸ್ಕರಂ॒ ನವ॒ ವ್ರಾಧ॑ತೋ ನವ॒ತಿಂ ಚ॑ ವಕ್ಷಯ‌ಮ್ || 10.49.8
ಅ॒ಹಂ ಸ॒ಪ್ತ ಸ್ರ॒ವತೋ᳚ ಧಾರಯಂ॒ ವೃಷಾ᳚ ದ್ರವಿ॒ತ್ನ್ವಃ॑ ಪೃಥಿ॒ವ್ಯಾಂ ಸೀ॒ರಾ ಅಧಿ॑ | ಅ॒ಹಮರ್ಣಾಂ᳚ಸಿ॒ ವಿ ತಿ॑ರಾಮಿ ಸು॒ಕ್ರತು᳚ರ್ಯು॒ಧಾ ವಿ॑ದಂ॒ ಮನ॑ವೇ ಗಾ॒ತುಮಿ॒ಷ್ಟಯೇ᳚ || 10.49.9
ಅ॒ಹಂ ತದಾ᳚ಸು ಧಾರಯಂ॒ ಯದಾ᳚ಸು॒ ನ ದೇ॒ವಶ್ಚ॒ನ ತ್ವಷ್ಟಾಧಾ᳚ರಯ॒ದ್ರುಶ॑ತ್ | ಸ್ಪಾ॒ರ್ಹಂ ಗವಾ॒ಮೂಧ॑ಸ್ಸು ವ॒ಕ್ಷಣಾ॒ಸ್ವಾ ಮಧೋ॒ರ್ಮಧು॒ ಶ್ವಾತ್ರ್ಯಂ॒ ಸೋಮ॑ಮಾ॒ಶಿರ‌ಮ್᳚ || 10.49.10
ಏ॒ವಾ ದೇ॒ವಾಁ ಇಂದ್ರೋ᳚ ವಿವ್ಯೇ॒ ನೄನ್ಪ್ರ ಚ್ಯೌ॒ತ್ನೇನ॑ ಮ॒ಘವಾ᳚ ಸ॒ತ್ಯರಾ᳚ಧಾಃ | ವಿಶ್ವೇತ್ತಾ ತೇ᳚ ಹರಿವಃ ಶಚೀವೋ॒ಽಭಿ ತು॒ರಾಸಃ॑ ಸ್ವಯಶೋ ಗೃಣ‌ನ್ತಿ || 10.49.11

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ವೈಕಂಠ

ಪ್ರ ವೋ᳚ ಮ॒ಹೇ ಮಂದ॑ಮಾನಾ॒ಯಾಂಧ॒ಸೋಽರ್ಚಾ᳚ ವಿ॒ಶ್ವಾನ॑ರಾಯ ವಿಶ್ವಾ॒ಭುವೇ᳚ | ಇಂದ್ರ॑ಸ್ಯ॒ ಯಸ್ಯ॒ ಸುಮ॑ಖಂ॒ ಸಹೋ॒ ಮಹಿ॒ ಶ್ರವೋ᳚ ನೃ॒ಮ್ಣಂ ಚ॒ ರೋದ॑ಸೀ ಸಪ॒ರ್ಯತಃ॑ || 10.50.1
ಸೋ ಚಿ॒ನ್ನು ಸಖ್ಯಾ॒ ನರ್ಯ॑ ಇ॒ನಃ ಸ್ತು॒ತಶ್ಚ॒ರ್ಕೃತ್ಯ॒ ಇಂದ್ರೋ॒ ಮಾವ॑ತೇ॒ ನರೇ᳚ | ವಿಶ್ವಾ᳚ಸು ಧೂ॒ರ್ಷು ವಾ᳚ಜ॒ಕೃತ್ಯೇ᳚ಷು ಸತ್ಪತೇ ವೃ॒ತ್ರೇ ವಾ॒ಪ್ಸ್ವ1॒॑ಭಿ ಶೂ᳚ರ ಮಂದಸೇ || 10.50.2
ಕೇ ತೇ ನರ॑ ಇಂದ್ರ॒ ಯೇ ತ॑ ಇ॒ಷೇ ಯೇ ತೇ᳚ ಸು॒ಮ್ನಂ ಸ॑ಧ॒ನ್ಯ1॒॑ಮಿಯ॑ಕ್ಷಾನ್ | ಕೇ ತೇ॒ ವಾಜಾ᳚ಯಾಸು॒ರ್ಯಾ᳚ಯ ಹಿನ್ವಿರೇ॒ ಕೇ ಅ॒ಪ್ಸು ಸ್ವಾಸೂ॒ರ್ವರಾ᳚ಸು॒ ಪೌಂಸ್ಯೇ᳚ || 10.50.3
ಭುವ॒ಸ್ತ್ವಮಿಂ᳚ದ್ರ॒ ಬ್ರಹ್ಮ॑ಣಾ ಮ॒ಹಾನ್ಭುವೋ॒ ವಿಶ್ವೇ᳚ಷು॒ ಸವ॑ನೇಷು ಯ॒ಜ್ಞಿಯಃ॑ | ಭುವೋ॒ ನೄಁಶ್ಚ್ಯೌ॒ತ್ನೋ ವಿಶ್ವ॑ಸ್ಮಿ॒ನ್ಭರೇ॒ ಜ್ಯೇಷ್ಠ॑ಶ್ಚ॒ ಮ‌ನ್ತ್ರೋ᳚ ವಿಶ್ವಚರ್ಷಣೇ || 10.50.4
ಅವಾ॒ ನು ಕಂ॒ ಜ್ಯಾಯಾ᳚ನ್ಯ॒ಜ್ಞವ॑ನಸೋ ಮ॒ಹೀಂ ತ॒ ಓಮಾ᳚ತ್ರಾಂ ಕೃ॒ಷ್ಟಯೋ᳚ ವಿದುಃ | ಅಸೋ॒ ನು ಕ॑ಮ॒ಜರೋ॒ ವರ್ಧಾ᳚ಶ್ಚ॒ ವಿಶ್ವೇದೇ॒ತಾ ಸವ॑ನಾ ತೂತು॒ಮಾ ಕೃ॑ಷೇ || 10.50.5
ಏ॒ತಾ ವಿಶ್ವಾ॒ ಸವ॑ನಾ ತೂತು॒ಮಾ ಕೃ॑ಷೇ ಸ್ವ॒ಯಂ ಸೂ᳚ನೋ ಸಹಸೋ॒ ಯಾನಿ॑ ದಧಿ॒ಷೇ | ವರಾ᳚ಯ ತೇ॒ ಪಾತ್ರಂ॒ ಧರ್ಮ॑ಣೇ॒ ತನಾ᳚ ಯ॒ಜ್ಞೋ ಮ‌ನ್ತ್ರೋ॒ ಬ್ರಹ್ಮೋದ್ಯ॑ತಂ॒ ವಚಃ॑ || 10.50.6
ಯೇ ತೇ᳚ ವಿಪ್ರ ಬ್ರಹ್ಮ॒ಕೃತಃ॑ ಸು॒ತೇ ಸಚಾ॒ ವಸೂ᳚ನಾಂ ಚ॒ ವಸು॑ನಶ್ಚ ದಾ॒ವನೇ᳚ | ಪ್ರ ತೇ ಸು॒ಮ್ನಸ್ಯ॒ ಮನ॑ಸಾ ಪ॒ಥಾ ಭು॑ವ॒ನ್ಮದೇ᳚ ಸು॒ತಸ್ಯ॑ ಸೋ॒ಮ್ಯಸ್ಯಾಂಧ॑ಸಃ || 10.50.7

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ (1, 3, 5, 7, 9) ಪ್ರಥಮಾತೃತೀಯಾಪಂಚಮೀಸಪ್ತಮೀನವಮೀನಾಮೃಚಾಂ ದೇವಾಃ, (2, 4, 6, 8) ದ್ವಿತೀಯಾಚತುರ್ಥೀಷಷ್ಠ್ಯಷ್ಟಮೀನಾಂಚ ಸೌಚೀಕೋಽಗ್ನಿರೃಷಯಃ (1, 3, 5, 7, 9) ಪ್ರಥಮಾತೃತೀಯಾಪಂಚಮೀಸಪ್ತಮೀನವಮೀನಾಮೃಚಾಮಗ್ನಿಃ, (2, 4, 6, 8) ದ್ವಿತೀಯಾಚತುರ್ಥೀಷಷ್ಠ್ಯಷ್ಟಮೀನಾಂಚ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಮ॒ಹತ್ತದುಲ್ಬಂ॒ ಸ್ಥವಿ॑ರಂ॒ ತದಾ᳚ಸೀ॒ದ್ಯೇನಾವಿ॑ಷ್ಟಿತಃ ಪ್ರವಿ॒ವೇಶಿ॑ಥಾ॒ಪಃ | ವಿಶ್ವಾ᳚ ಅಪಶ್ಯದ್ಬಹು॒ಧಾ ತೇ᳚ ಅಗ್ನೇ॒ ಜಾತ॑ವೇದಸ್ತ॒ನ್ವೋ᳚ ದೇ॒ವ ಏಕಃ॑ || 10.51.1
ಕೋ ಮಾ᳚ ದದರ್ಶ ಕತ॒ಮಃ ಸ ದೇ॒ವೋ ಯೋ ಮೇ᳚ ತ॒ನ್ವೋ᳚ ಬಹು॒ಧಾ ಪ॒ರ್ಯಪ॑ಶ್ಯತ್ | ಕ್ವಾಹ॑ ಮಿತ್ರಾವರುಣಾ ಕ್ಷಿಯ‌ನ್ತ್ಯ॒ಗ್ನೇರ್ವಿಶ್ವಾಃ᳚ ಸ॒ಮಿಧೋ᳚ ದೇವ॒ಯಾನೀಃ᳚ || 10.51.2
ಐಚ್ಛಾ᳚ಮ ತ್ವಾ ಬಹು॒ಧಾ ಜಾ᳚ತವೇದಃ॒ ಪ್ರವಿ॑ಷ್ಟಮಗ್ನೇ ಅ॒ಪ್ಸ್ವೋಷ॑ಧೀಷು | ತಂ ತ್ವಾ᳚ ಯ॒ಮೋ ಅ॑ಚಿಕೇಚ್ಚಿತ್ರಭಾನೋ ದಶಾ‌ನ್ತರು॒ಷ್ಯಾದ॑ತಿ॒ರೋಚ॑ಮಾನ‌ಮ್ || 10.51.3
ಹೋ॒ತ್ರಾದ॒ಹಂ ವ॑ರುಣ॒ ಬಿಭ್ಯ॑ದಾಯಂ॒ ನೇದೇ॒ವ ಮಾ᳚ ಯು॒ನಜ॒ನ್ನತ್ರ॑ ದೇ॒ವಾಃ | ತಸ್ಯ॑ ಮೇ ತ॒ನ್ವೋ᳚ ಬಹು॒ಧಾ ನಿವಿ॑ಷ್ಟಾ ಏ॒ತಮರ್ಥಂ॒ ನ ಚಿ॑ಕೇತಾ॒ಹಮ॒ಗ್ನಿಃ || 10.51.4
ಏಹಿ॒ ಮನು॑ರ್ದೇವ॒ಯುರ್ಯ॒ಜ್ಞಕಾ᳚ಮೋಽರಂ॒ಕೃತ್ಯಾ॒ ತಮ॑ಸಿ ಕ್ಷೇಷ್ಯಗ್ನೇ | ಸು॒ಗಾನ್ಪ॒ಥಃ ಕೃ॑ಣುಹಿ ದೇವ॒ಯಾನಾ॒ನ್ವಹ॑ ಹ॒ವ್ಯಾನಿ॑ ಸುಮನ॒ಸ್ಯಮಾ᳚ನಃ || 10.51.5
ಅ॒ಗ್ನೇಃ ಪೂರ್ವೇ॒ ಭ್ರಾತ॑ರೋ॒ ಅರ್ಥ॑ಮೇ॒ತಂ ರ॒ಥೀವಾಧ್ವಾ᳚ನ॒ಮನ್ವಾವ॑ರೀವುಃ | ತಸ್ಮಾ᳚ದ್ಭಿ॒ಯಾ ವ॑ರುಣ ದೂ॒ರಮಾ᳚ಯಂ ಗೌ॒ರೋ ನ ಕ್ಷೇ॒ಪ್ನೋರ॑ವಿಜೇ॒ ಜ್ಯಾಯಾಃ᳚ || 10.51.6
ಕು॒ರ್ಮಸ್ತ॒ ಆಯು॑ರ॒ಜರಂ॒ ಯದ॑ಗ್ನೇ॒ ಯಥಾ᳚ ಯು॒ಕ್ತೋ ಜಾ᳚ತವೇದೋ॒ ನ ರಿಷ್ಯಾಃ᳚ | ಅಥಾ᳚ ವಹಾಸಿ ಸುಮನ॒ಸ್ಯಮಾ᳚ನೋ ಭಾ॒ಗಂ ದೇ॒ವೇಭ್ಯೋ᳚ ಹ॒ವಿಷಃ॑ ಸುಜಾತ || 10.51.7
ಪ್ರ॒ಯಾ॒ಜಾನ್ಮೇ᳚ ಅನುಯಾ॒ಜಾಁಶ್ಚ॒ ಕೇವ॑ಲಾ॒ನೂರ್ಜ॑ಸ್ವ‌ನ್ತಂ ಹ॒ವಿಷೋ᳚ ದತ್ತ ಭಾ॒ಗ‌ಮ್ | ಘೃ॒ತಂ ಚಾ॒ಪಾಂ ಪುರು॑ಷಂ॒ ಚೌಷ॑ಧೀನಾಮ॒ಗ್ನೇಶ್ಚ॑ ದೀ॒ರ್ಘಮಾಯು॑ರಸ್ತು ದೇವಾಃ || 10.51.8
ತವ॑ ಪ್ರಯಾ॒ಜಾ ಅ॑ನುಯಾ॒ಜಾಶ್ಚ॒ ಕೇವ॑ಲ॒ ಊರ್ಜ॑ಸ್ವ‌ನ್ತೋ ಹ॒ವಿಷಃ॑ ಸ‌ನ್ತು ಭಾ॒ಗಾಃ | ತವಾ᳚ಗ್ನೇ ಯ॒ಜ್ಞೋ॒3॒॑ಽಯಮ॑ಸ್ತು॒ ಸರ್ವ॒ಸ್ತುಭ್ಯಂ᳚ ನಮ‌ನ್ತಾಂ ಪ್ರ॒ದಿಶ॒ಶ್ಚತ॑ಸ್ರಃ || 10.51.9

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಸೌಚೀಕೋಽಗ್ನಿರೃಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ವಿಶ್ವೇ᳚ ದೇವಾಃ ಶಾ॒ಸ್ತನ॑ ಮಾ॒ ಯಥೇ॒ಹ ಹೋತಾ᳚ ವೃ॒ತೋ ಮ॒ನವೈ॒ ಯನ್ನಿ॒ಷದ್ಯ॑ | ಪ್ರ ಮೇ᳚ ಬ್ರೂತ ಭಾಗ॒ಧೇಯಂ॒ ಯಥಾ᳚ ವೋ॒ ಯೇನ॑ ಪ॒ಥಾ ಹ॒ವ್ಯಮಾ ವೋ॒ ವಹಾ᳚ನಿ || 10.52.1
ಅ॒ಹಂ ಹೋತಾ॒ ನ್ಯ॑ಸೀದಂ॒ ಯಜೀ᳚ಯಾ॒ನ್ವಿಶ್ವೇ᳚ ದೇ॒ವಾ ಮ॒ರುತೋ᳚ ಮಾ ಜುನ‌ನ್ತಿ | ಅಹ॑ರಹರಶ್ವಿ॒ನಾಧ್ವ᳚ರ್ಯವಂ ವಾಂ ಬ್ರ॒ಹ್ಮಾ ಸ॒ಮಿದ್ಭ॑ವತಿ॒ ಸಾಹು॑ತಿರ್ವಾ‌ಮ್ || 10.52.2
ಅ॒ಯಂ ಯೋ ಹೋತಾ॒ ಕಿರು॒ ಸ ಯ॒ಮಸ್ಯ॒ ಕಮಪ್ಯೂ᳚ಹೇ॒ ಯತ್ಸ॑ಮಂ॒ಜ‌ನ್ತಿ॑ ದೇ॒ವಾಃ | ಅಹ॑ರಹರ್ಜಾಯತೇ ಮಾ॒ಸಿಮಾ॒ಸ್ಯಥಾ᳚ ದೇ॒ವಾ ದ॑ಧಿರೇ ಹವ್ಯ॒ವಾಹ‌ಮ್᳚ || 10.52.3
ಮಾಂ ದೇ॒ವಾ ದ॑ಧಿರೇ ಹವ್ಯ॒ವಾಹ॒ಮಪ᳚ಮ್ಲುಕ್ತಂ ಬ॒ಹು ಕೃ॒ಚ್ಛ್ರಾ ಚರ᳚‌ನ್ತ‌ಮ್ | ಅ॒ಗ್ನಿರ್ವಿ॒ದ್ವಾನ್ಯ॒ಜ್ಞಂ ನಃ॑ ಕಲ್ಪಯಾತಿ॒ ಪಂಚ॑ಯಾಮಂ ತ್ರಿ॒ವೃತಂ᳚ ಸ॒ಪ್ತತ᳚‌ನ್ತು‌ಮ್ || 10.52.4
ಆ ವೋ᳚ ಯಕ್ಷ್ಯಮೃತ॒ತ್ವಂ ಸು॒ವೀರಂ॒ ಯಥಾ᳚ ವೋ ದೇವಾ॒ ವರಿ॑ವಃ॒ ಕರಾ᳚ಣಿ | ಆ ಬಾ॒ಹ್ವೋರ್ವಜ್ರ॒ಮಿಂದ್ರ॑ಸ್ಯ ಧೇಯಾ॒ಮಥೇ॒ಮಾ ವಿಶ್ವಾಃ॒ ಪೃತ॑ನಾ ಜಯಾತಿ || 10.52.5
ತ್ರೀಣಿ॑ ಶ॒ತಾ ತ್ರೀ ಸ॒ಹಸ್ರಾ᳚ಣ್ಯ॒ಗ್ನಿಂ ತ್ರಿಂ॒ಶಚ್ಚ॑ ದೇ॒ವಾ ನವ॑ ಚಾಸಪರ್ಯನ್ | ಔಕ್ಷ॑ನ್ಘೃ॒ತೈರಸ್ತೃ॑ಣನ್ಬ॒ರ್ಹಿರ॑ಸ್ಮಾ॒ ಆದಿದ್ಧೋತಾ᳚ರಂ॒ ನ್ಯ॑ಸಾದಯ‌ನ್ತ || 10.52.6

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ (1-3, 6-11) ಪ್ರಥಮಾದಿತೃಚಸ್ಯ ಷಷ್ಠ್ಯಾದಿತೃಚದ್ಯಸ್ಯ ಚ ದೇವಾಃ, (4-5) ಚತುರ್ಥೀಪಂಚಮ್ಯೋರೃಚೋಶ್ಚ ಸೌವೀಕೋಽಗ್ನಿರೃಷಯಃ (1-3, 6-11) ಪ್ರಥಮಾದಿತೃಚಸ್ಯ ಷಷ್ಠ್ಯಾದಿತೃಚದ್ಯಸ್ಯ ಚಾಗ್ನಿಃ, (4-5) ಚತುರ್ಥೀಪಂಚಮ್ಯೋರ್ಚ್ಚೋಶ್ಚ ದೇವಾ ದೇವತಾಃ (1-5, 8) ಪ್ರಥಮಾದಿಪಂಚರ್ಚಾಮಷ್ಟಮ್ಯಾಶ್ಚ ತ್ರಿಷ್ಟುಪ್ (6-7, 9-11) ಷಷ್ಠೀಸಪ್ತಮ್ಯೋರ್ನವಮ್ಯಾದಿತೃಚಸ್ಯ ಚ ಜಗತೀ ಛಂದಸೀ

ಯಮೈಚ್ಛಾ᳚ಮ॒ ಮನ॑ಸಾ॒ ಸೋ॒3॒॑ಽಯಮಾಗಾ᳚ದ್ಯ॒ಜ್ಞಸ್ಯ॑ ವಿ॒ದ್ವಾನ್ಪರು॑ಷಶ್ಚಿಕಿ॒ತ್ವಾನ್ | ಸ ನೋ᳚ ಯಕ್ಷದ್ದೇ॒ವತಾ᳚ತಾ॒ ಯಜೀ᳚ಯಾ॒ನ್ನಿ ಹಿ ಷತ್ಸ॒ದ‌ನ್ತ॑ರಃ॒ ಪೂರ್ವೋ᳚ ಅ॒ಸ್ಮತ್ || 10.53.1
ಅರಾ᳚ಧಿ॒ ಹೋತಾ᳚ ನಿ॒ಷದಾ॒ ಯಜೀ᳚ಯಾನ॒ಭಿ ಪ್ರಯಾಂ᳚ಸಿ॒ ಸುಧಿ॑ತಾನಿ॒ ಹಿ ಖ್ಯತ್ | ಯಜಾ᳚ಮಹೈ ಯ॒ಜ್ಞಿಯಾ॒ನ್ಹ‌ನ್ತ॑ ದೇ॒ವಾಁ ಈಳಾ᳚ಮಹಾ॒ ಈಡ್ಯಾಁ॒ ಆಜ್ಯೇ᳚ನ || 10.53.2
ಸಾ॒ಧ್ವೀಮ॑ಕರ್ದೇ॒ವವೀ᳚ತಿಂ ನೋ ಅ॒ದ್ಯ ಯ॒ಜ್ಞಸ್ಯ॑ ಜಿ॒ಹ್ವಾಮ॑ವಿದಾಮ॒ ಗುಹ್ಯಾ᳚‌ಮ್ | ಸ ಆಯು॒ರಾಗಾ᳚ತ್ಸುರ॒ಭಿರ್ವಸಾ᳚ನೋ ಭ॒ದ್ರಾಮ॑ಕರ್ದೇ॒ವಹೂ᳚ತಿಂ ನೋ ಅ॒ದ್ಯ || 10.53.3
ತದ॒ದ್ಯ ವಾ॒ಚಃ ಪ್ರ॑ಥ॒ಮಂ ಮ॑ಸೀಯ॒ ಯೇನಾಸು॑ರಾಁ ಅ॒ಭಿ ದೇ॒ವಾ ಅಸಾ᳚ಮ | ಊರ್ಜಾ᳚ದ ಉ॒ತ ಯ॑ಜ್ಞಿಯಾಸಃ॒ ಪಂಚ॑ ಜನಾ॒ ಮಮ॑ ಹೋ॒ತ್ರಂ ಜು॑ಷಧ್ವ‌ಮ್ || 10.53.4
ಪಂಚ॒ ಜನಾ॒ ಮಮ॑ ಹೋ॒ತ್ರಂ ಜು॑ಷ‌ನ್ತಾಂ॒ ಗೋಜಾ᳚ತಾ ಉ॒ತ ಯೇ ಯ॒ಜ್ಞಿಯಾ᳚ಸಃ | ಪೃ॒ಥಿ॒ವೀ ನಃ॒ ಪಾರ್ಥಿ॑ವಾತ್ಪಾ॒ತ್ವಂಹ॑ಸೋ॒ಽ‌ನ್ತರಿ॑ಕ್ಷಂ ದಿ॒ವ್ಯಾತ್ಪಾ᳚ತ್ವ॒ಸ್ಮಾನ್ || 10.53.5
ತ‌ನ್ತುಂ᳚ ತ॒ನ್ವನ್ರಜ॑ಸೋ ಭಾ॒ನುಮನ್ವಿ॑ಹಿ॒ ಜ್ಯೋತಿ॑ಷ್ಮತಃ ಪ॒ಥೋ ರ॑ಕ್ಷ ಧಿ॒ಯಾ ಕೃ॒ತಾನ್ | ಅ॒ನು॒ಲ್ಬ॒ಣಂ ವ॑ಯತ॒ ಜೋಗು॑ವಾ॒ಮಪೋ॒ ಮನು॑ರ್ಭವ ಜ॒ನಯಾ॒ ದೈವ್ಯಂ॒ ಜನ‌ಮ್᳚ || 10.53.6
ಅ॒ಕ್ಷಾ॒ನಹೋ᳚ ನಹ್ಯತನೋ॒ತ ಸೋ᳚ಮ್ಯಾ॒ ಇಷ್ಕೃ॑ಣುಧ್ವಂ ರಶ॒ನಾ ಓತ ಪಿಂ᳚ಶತ | ಅ॒ಷ್ಟಾವಂ᳚ಧುರಂ ವಹತಾ॒ಭಿತೋ॒ ರಥಂ॒ ಯೇನ॑ ದೇ॒ವಾಸೋ॒ ಅನ॑ಯನ್ನ॒ಭಿ ಪ್ರಿ॒ಯ‌ಮ್ || 10.53.7
ಅಶ್ಮ᳚ನ್ವತೀ ರೀಯತೇ॒ ಸಂ ರ॑ಭಧ್ವ॒ಮುತ್ತಿ॑ಷ್ಠತ॒ ಪ್ರ ತ॑ರತಾ ಸಖಾಯಃ | ಅತ್ರಾ᳚ ಜಹಾಮ॒ ಯೇ ಅಸ॒ನ್ನಶೇ᳚ವಾಃ ಶಿ॒ವಾನ್ವ॒ಯಮುತ್ತ॑ರೇಮಾ॒ಭಿ ವಾಜಾನ್॑ || 10.53.8
ತ್ವಷ್ಟಾ᳚ ಮಾ॒ಯಾ ವೇ᳚ದ॒ಪಸಾ᳚ಮ॒ಪಸ್ತ॑ಮೋ॒ ಬಿಭ್ರ॒ತ್ಪಾತ್ರಾ᳚ ದೇವ॒ಪಾನಾ᳚ನಿ॒ ಶಂತ॑ಮಾ | ಶಿಶೀ᳚ತೇ ನೂ॒ನಂ ಪ॑ರ॒ಶುಂ ಸ್ವಾ᳚ಯ॒ಸಂ ಯೇನ॑ ವೃ॒ಶ್ಚಾದೇತ॑ಶೋ॒ ಬ್ರಹ್ಮ॑ಣ॒ಸ್ಪತಿಃ॑ || 10.53.9
ಸ॒ತೋ ನೂ॒ನಂ ಕ॑ವಯಃ॒ ಸಂ ಶಿ॑ಶೀತ॒ ವಾಶೀ᳚ಭಿ॒ರ್ಯಾಭಿ॑ರ॒ಮೃತಾ᳚ಯ॒ ತಕ್ಷ॑ಥ | ವಿ॒ದ್ವಾಂಸಃ॑ ಪ॒ದಾ ಗುಹ್ಯಾ᳚ನಿ ಕರ್ತನ॒ ಯೇನ॑ ದೇ॒ವಾಸೋ᳚ ಅಮೃತ॒ತ್ವಮಾ᳚ನ॒ಶುಃ || 10.53.10
ಗರ್ಭೇ॒ ಯೋಷಾ॒ಮದ॑ಧುರ್ವ॒ತ್ಸಮಾ॒ಸನ್ಯ॑ಪೀ॒ಚ್ಯೇ᳚ನ॒ ಮನ॑ಸೋ॒ತ ಜಿ॒ಹ್ವಯಾ᳚ | ಸ ವಿ॒ಶ್ವಾಹಾ᳚ ಸು॒ಮನಾ᳚ ಯೋ॒ಗ್ಯಾ ಅ॒ಭಿ ಸಿ॑ಷಾ॒ಸನಿ᳚ರ್ವನತೇ ಕಾ॒ರ ಇಜ್ಜಿತಿ‌ಮ್᳚ || 10.53.11

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ವಾಮದೇವ್ಯೋ ಬೃಹದುಕ್ಥ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ತಾಂ ಸು ತೇ᳚ ಕೀ॒ರ್ತಿಂ ಮ॑ಘವನ್ಮಹಿ॒ತ್ವಾ ಯತ್ತ್ವಾ᳚ ಭೀ॒ತೇ ರೋದ॑ಸೀ॒ ಅಹ್ವ॑ಯೇತಾ‌ಮ್ | ಪ್ರಾವೋ᳚ ದೇ॒ವಾಁ ಆತಿ॑ರೋ॒ ದಾಸ॒ಮೋಜಃ॑ ಪ್ರ॒ಜಾಯೈ᳚ ತ್ವಸ್ಯೈ॒ ಯದಶಿ॑ಕ್ಷ ಇಂದ್ರ || 10.54.1
ಯದಚ॑ರಸ್ತ॒ನ್ವಾ᳚ ವಾವೃಧಾ॒ನೋ ಬಲಾ᳚ನೀಂದ್ರ ಪ್ರಬ್ರುವಾ॒ಣೋ ಜನೇ᳚ಷು | ಮಾ॒ಯೇತ್ಸಾ ತೇ॒ ಯಾನಿ॑ ಯು॒ದ್ಧಾನ್ಯಾ॒ಹುರ್ನಾದ್ಯ ಶತ್ರುಂ᳚ ನ॒ನು ಪು॒ರಾ ವಿ॑ವಿತ್ಸೇ || 10.54.2
ಕ ಉ॒ ನು ತೇ᳚ ಮಹಿ॒ಮನಃ॑ ಸಮಸ್ಯಾ॒ಸ್ಮತ್ಪೂರ್ವ॒ ಋಷ॒ಯೋಽ‌ನ್ತ॑ಮಾಪುಃ | ಯನ್ಮಾ॒ತರಂ᳚ ಚ ಪಿ॒ತರಂ᳚ ಚ ಸಾ॒ಕಮಜ॑ನಯಥಾಸ್ತ॒ನ್ವ1॒ಃ॑ ಸ್ವಾಯಾಃ᳚ || 10.54.3
ಚ॒ತ್ವಾರಿ॑ ತೇ ಅಸು॒ರ್ಯಾ᳚ಣಿ॒ ನಾಮಾದಾ᳚ಭ್ಯಾನಿ ಮಹಿ॒ಷಸ್ಯ॑ ಸ‌ನ್ತಿ | ತ್ವಮಂ॒ಗ ತಾನಿ॒ ವಿಶ್ವಾ᳚ನಿ ವಿತ್ಸೇ॒ ಯೇಭಿಃ॒ ಕರ್ಮಾ᳚ಣಿ ಮಘವಂಚ॒ಕರ್ಥ॑ || 10.54.4
ತ್ವಂ ವಿಶ್ವಾ᳚ ದಧಿಷೇ॒ ಕೇವ॑ಲಾನಿ॒ ಯಾನ್ಯಾ॒ವಿರ್ಯಾ ಚ॒ ಗುಹಾ॒ ವಸೂ᳚ನಿ | ಕಾಮ॒ಮಿನ್ಮೇ᳚ ಮಘವ॒ನ್ಮಾ ವಿ ತಾ᳚ರೀ॒ಸ್ತ್ವಮಾ᳚ಜ್ಞಾ॒ತಾ ತ್ವಮಿಂ᳚ದ್ರಾಸಿ ದಾ॒ತಾ || 10.54.5
ಯೋ ಅದ॑ಧಾ॒ಜ್ಜ್ಯೋತಿ॑ಷಿ॒ ಜ್ಯೋತಿ॑ರ॒‌ನ್ತರ್ಯೋ ಅಸೃ॑ಜ॒ನ್ಮಧು॑ನಾ॒ ಸಂ ಮಧೂ᳚ನಿ | ಅಧ॑ ಪ್ರಿ॒ಯಂ ಶೂ॒ಷಮಿಂದ್ರಾ᳚ಯ॒ ಮನ್ಮ॑ ಬ್ರಹ್ಮ॒ಕೃತೋ᳚ ಬೃ॒ಹದು॑ಕ್ಥಾದವಾಚಿ || 10.54.6

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ವಾಮದೇವ್ಯೋ ಬೃಹದುಕ್ಥ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ದೂ॒ರೇ ತನ್ನಾಮ॒ ಗುಹ್ಯಂ᳚ ಪರಾ॒ಚೈರ್ಯತ್ತ್ವಾ᳚ ಭೀ॒ತೇ ಅಹ್ವ॑ಯೇತಾಂ ವಯೋ॒ಧೈ | ಉದ॑ಸ್ತಭ್ನಾಃ ಪೃಥಿ॒ವೀಂ ದ್ಯಾಮ॒ಭೀಕೇ॒ ಭ್ರಾತುಃ॑ ಪು॒ತ್ರಾನ್ಮ॑ಘವ‌ನ್ತಿತ್ವಿಷಾ॒ಣಃ || 10.55.1
ಮ॒ಹತ್ತನ್ನಾಮ॒ ಗುಹ್ಯಂ᳚ ಪುರು॒ಸ್ಪೃಗ್ಯೇನ॑ ಭೂ॒ತಂ ಜ॒ನಯೋ॒ ಯೇನ॒ ಭವ್ಯ‌ಮ್᳚ | ಪ್ರ॒ತ್ನಂ ಜಾ॒ತಂ ಜ್ಯೋತಿ॒ರ್ಯದ॑ಸ್ಯ ಪ್ರಿ॒ಯಂ ಪ್ರಿ॒ಯಾಃ ಸಮ॑ವಿಶ‌ನ್ತ॒ ಪಂಚ॑ || 10.55.2
ಆ ರೋದ॑ಸೀ ಅಪೃಣಾ॒ದೋತ ಮಧ್ಯಂ॒ ಪಂಚ॑ ದೇ॒ವಾಁ ಋ॑ತು॒ಶಃ ಸ॒ಪ್ತಸ॑ಪ್ತ | ಚತು॑ಸ್ತ್ರಿಂಶತಾ ಪುರು॒ಧಾ ವಿ ಚ॑ಷ್ಟೇ॒ ಸರೂ᳚ಪೇಣ॒ ಜ್ಯೋತಿ॑ಷಾ॒ ವಿವ್ರ॑ತೇನ || 10.55.3
ಯದು॑ಷ॒ ಔಚ್ಛಃ॑ ಪ್ರಥ॒ಮಾ ವಿ॒ಭಾನಾ॒ಮಜ॑ನಯೋ॒ ಯೇನ॑ ಪು॒ಷ್ಟಸ್ಯ॑ ಪು॒ಷ್ಟ‌ಮ್ | ಯತ್ತೇ᳚ ಜಾಮಿ॒ತ್ವಮವ॑ರಂ॒ ಪರ॑ಸ್ಯಾ ಮ॒ಹನ್ಮ॑ಹ॒ತ್ಯಾ ಅ॑ಸುರ॒ತ್ವಮೇಕ‌ಮ್᳚ || 10.55.4
ವಿ॒ಧುಂ ದ॑ದ್ರಾ॒ಣಂ ಸಮ॑ನೇ ಬಹೂ॒ನಾಂ ಯುವಾ᳚ನಂ॒ ಸ‌ನ್ತಂ᳚ ಪಲಿ॒ತೋ ಜ॑ಗಾರ | ದೇ॒ವಸ್ಯ॑ ಪಶ್ಯ॒ ಕಾವ್ಯಂ᳚ ಮಹಿ॒ತ್ವಾದ್ಯಾ ಮ॒ಮಾರ॒ ಸ ಹ್ಯಃ ಸಮಾ᳚ನ || 10.55.5
ಶಾಕ್ಮ॑ನಾ ಶಾ॒ಕೋ ಅ॑ರು॒ಣಃ ಸು॑ಪ॒ರ್ಣ ಆ ಯೋ ಮ॒ಹಃ ಶೂರಃ॑ ಸ॒ನಾದನೀ᳚ಳಃ | ಯಚ್ಚಿ॒ಕೇತ॑ ಸ॒ತ್ಯಮಿತ್ತನ್ನ ಮೋಘಂ॒ ವಸು॑ ಸ್ಪಾ॒ರ್ಹಮು॒ತ ಜೇತೋ॒ತ ದಾತಾ᳚ || 10.55.6
ಐಭಿ॑ರ್ದದೇ॒ ವೃಷ್ಣ್ಯಾ॒ ಪೌಂಸ್ಯಾ᳚ನಿ॒ ಯೇಭಿ॒ರೌಕ್ಷ॑ದ್ವೃತ್ರ॒ಹತ್ಯಾ᳚ಯ ವ॒ಜ್ರೀ | ಯೇ ಕರ್ಮ॑ಣಃ ಕ್ರಿ॒ಯಮಾ᳚ಣಸ್ಯ ಮ॒ಹ್ನ ಋ॑ತೇಕ॒ರ್ಮಮು॒ದಜಾ᳚ಯ‌ನ್ತ ದೇ॒ವಾಃ || 10.55.7
ಯು॒ಜಾ ಕರ್ಮಾ᳚ಣಿ ಜ॒ನಯ᳚ನ್ವಿ॒ಶ್ವೌಜಾ᳚ ಅಶಸ್ತಿ॒ಹಾ ವಿ॒ಶ್ವಮ॑ನಾಸ್ತುರಾ॒ಷಾಟ್ | ಪೀ॒ತ್ವೀ ಸೋಮ॑ಸ್ಯ ದಿ॒ವ ಆ ವೃ॑ಧಾ॒ನಃ ಶೂರೋ॒ ನಿರ್ಯು॒ಧಾಧ॑ಮ॒ದ್ದಸ್ಯೂನ್॑ || 10.55.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ವಾಮದೇವ್ಯೋ ಬೃಹದುಕ್ಥ ಋಷಿಃ, ವಿಶ್ವೇ ದೇವಾ ದೇವತಾಃ (1-3, 7) ಪ್ರಥಮಾದಿತೃಚಸ್ಯ ಸಪ್ತಮ್ಯಾ ಋಚಶ್ಚ ತ್ರಿಷ್ಟುಪ್, (4-6) ಚತುರ್ಥ್ಯಾದಿತೃಚಸ್ಯ ಚ ಜಗತೀ ಛಂದಸೀ

ಇ॒ದಂ ತ॒ ಏಕಂ᳚ ಪ॒ರ ಊ᳚ ತ॒ ಏಕಂ᳚ ತೃ॒ತೀಯೇ᳚ನ॒ ಜ್ಯೋತಿ॑ಷಾ॒ ಸಂ ವಿ॑ಶಸ್ವ | ಸಂ॒ವೇಶ॑ನೇ ತ॒ನ್ವ1॒॑ಶ್ಚಾರು॑ರೇಧಿ ಪ್ರಿ॒ಯೋ ದೇ॒ವಾನಾಂ᳚ ಪರ॒ಮೇ ಜ॒ನಿತ್ರೇ᳚ || 10.56.1
ತ॒ನೂಷ್ಟೇ᳚ ವಾಜಿ‌ನ್ತ॒ನ್ವ1॒॑ ಅಂನಯ᳚‌ನ್ತೀ ವಾ॒ಮಮ॒ಸ್ಮಭ್ಯಂ॒ ಧಾತು॒ ಶರ್ಮ॒ ತುಭ್ಯ‌ಮ್᳚ | ಅಹ್ರು॑ತೋ ಮ॒ಹೋ ಧ॒ರುಣಾ᳚ಯ ದೇ॒ವಾಂದಿ॒ವೀ᳚ವ॒ ಜ್ಯೋತಿಃ॒ ಸ್ವಮಾ ಮಿ॑ಮೀಯಾಃ || 10.56.2
ವಾ॒ಜ್ಯ॑ಸಿ॒ ವಾಜಿ॑ನೇನಾ ಸುವೇ॒ನೀಃ ಸು॑ವಿ॒ತಃ ಸ್ತೋಮಂ᳚ ಸುವಿ॒ತೋ ದಿವಂ᳚ ಗಾಃ | ಸು॒ವಿ॒ತೋ ಧರ್ಮ॑ ಪ್ರಥ॒ಮಾನು॑ ಸ॒ತ್ಯಾ ಸು॑ವಿ॒ತೋ ದೇ॒ವಾ‌‌ನ್ತ್ಸು॑ವಿ॒ತೋಽನು॒ ಪತ್ಮ॑ || 10.56.3
ಮ॒ಹಿ॒ಮ್ನ ಏ᳚ಷಾಂ ಪಿ॒ತರ॑ಶ್ಚ॒ನೇಶಿ॑ರೇ ದೇ॒ವಾ ದೇ॒ವೇಷ್ವ॑ದಧು॒ರಪಿ॒ ಕ್ರತು‌ಮ್᳚ | ಸಮ॑ವಿವ್ಯಚುರು॒ತ ಯಾನ್ಯತ್ವಿ॑ಷು॒ರೈಷಾಂ᳚ ತ॒ನೂಷು॒ ನಿ ವಿ॑ವಿಶುಃ॒ ಪುನಃ॑ || 10.56.4
ಸಹೋ᳚ಭಿ॒ರ್ವಿಶ್ವಂ॒ ಪರಿ॑ ಚಕ್ರಮೂ॒ ರಜಃ॒ ಪೂರ್ವಾ॒ ಧಾಮಾ॒ನ್ಯಮಿ॑ತಾ॒ ಮಿಮಾ᳚ನಾಃ | ತ॒ನೂಷು॒ ವಿಶ್ವಾ॒ ಭುವ॑ನಾ॒ ನಿ ಯೇ᳚ಮಿರೇ॒ ಪ್ರಾಸಾ᳚ರಯ‌ನ್ತ ಪುರು॒ಧ ಪ್ರ॒ಜಾ ಅನು॑ || 10.56.5
ದ್ವಿಧಾ᳚ ಸೂ॒ನವೋಽಸು॑ರಂ ಸ್ವ॒ರ್ವಿದ॒ಮಾಸ್ಥಾ᳚ಪಯ‌ನ್ತ ತೃ॒ತೀಯೇ᳚ನ॒ ಕರ್ಮ॑ಣಾ | ಸ್ವಾಂ ಪ್ರ॒ಜಾಂ ಪಿ॒ತರಃ॒ ಪಿತ್ರ್ಯಂ॒ ಸಹ॒ ಆವ॑ರೇಷ್ವದಧು॒ಸ್ತ‌ನ್ತು॒ಮಾತ॑ತ‌ಮ್ || 10.56.6
ನಾ॒ವಾ ನ ಕ್ಷೋದಃ॑ ಪ್ರ॒ದಿಶಃ॑ ಪೃಥಿ॒ವ್ಯಾಃ ಸ್ವ॒ಸ್ತಿಭಿ॒ರತಿ॑ ದು॒ರ್ಗಾಣಿ॒ ವಿಶ್ವಾ᳚ | ಸ್ವಾಂ ಪ್ರ॒ಜಾಂ ಬೃ॒ಹದು॑ಕ್ಥೋ ಮಹಿ॒ತ್ವಾವ॑ರೇಷ್ವದಧಾ॒ದಾ ಪರೇ᳚ಷು || 10.56.7

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬಂಧುಃ ಶ್ರುತಬಂಧುರ್ವಿಪಬಂಧುರ್ಗೋಪಾಯನಾ ಋಷಯಃ, ವಿಶ್ವೇ ದೇವಾ ದೇವತಾಃ, ಗಾಯತ್ರೀ ಛಂದಃ

ಮಾ ಪ್ರ ಗಾ᳚ಮ ಪ॒ಥೋ ವ॒ಯಂ ಮಾ ಯ॒ಜ್ಞಾದಿಂ᳚ದ್ರ ಸೋ॒ಮಿನಃ॑ | ಮಾ‌ನ್ತಃ ಸ್ಥು᳚ರ್ನೋ॒ ಅರಾ᳚ತಯಃ || 10.57.1
ಯೋ ಯ॒ಜ್ಞಸ್ಯ॑ ಪ್ರ॒ಸಾಧ॑ನ॒ಸ್ತ‌ನ್ತು॑ರ್ದೇ॒ವೇಷ್ವಾತ॑ತಃ | ತಮಾಹು॑ತಂ ನಶೀಮಹಿ || 10.57.2
ಮನೋ॒ ನ್ವಾ ಹು॑ವಾಮಹೇ ನಾರಾಶಂ॒ಸೇನ॒ ಸೋಮೇ᳚ನ | ಪಿ॒ತೄ॒ಣಾಂ ಚ॒ ಮನ್ಮ॑ಭಿಃ || 10.57.3
ಆ ತ॑ ಏತು॒ ಮನಃ॒ ಪುನಃ॒ ಕ್ರತ್ವೇ॒ ದಕ್ಷಾ᳚ಯ ಜೀ॒ವಸೇ᳚ | ಜ್ಯೋಕ್ಚ॒ ಸೂರ್ಯಂ᳚ ದೃ॒ಶೇ || 10.57.4
ಪುನ᳚ರ್ನಃ ಪಿತರೋ॒ ಮನೋ॒ ದದಾ᳚ತು॒ ದೈವ್ಯೋ॒ ಜನಃ॑ | ಜೀ॒ವಂ ವ್ರಾತಂ᳚ ಸಚೇಮಹಿ || 10.57.5
ವ॒ಯಂ ಸೋ᳚ಮ ವ್ರ॒ತೇ ತವ॒ ಮನ॑ಸ್ತ॒ನೂಷು॒ ಬಿಭ್ರ॑ತಃ | ಪ್ರ॒ಜಾವ᳚‌ನ್ತಃ ಸಚೇಮಹಿ || 10.57.6

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಬಂಧುಃ ಶ್ರುತಬಂಧುರ್ವಿಪಬ್ರ ನ್ಧೌಪಾಯನಾ ಋಷಯಃ, ಆವರ್ತಮಾನಂ ಮನೋ ದೇವತಾ, ಅನುಷ್ಟಪ್, ಛಂದಃ

ಯತ್ತೇ᳚ ಯ॒ಮಂ ವೈ᳚ವಸ್ವ॒ತಂ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.1
ಯತ್ತೇ॒ ದಿವಂ॒ ಯತ್ಪೃ॑ಥಿ॒ವೀಂ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.2
ಯತ್ತೇ॒ ಭೂಮಿಂ॒ ಚತು॑ರ್ಭೃಷ್ಟಿಂ॒ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.3
ಯತ್ತೇ॒ ಚತ॑ಸ್ರಃ ಪ್ರ॒ದಿಶೋ॒ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.4
ಯತ್ತೇ᳚ ಸಮು॒ದ್ರಮ᳚ರ್ಣ॒ವಂ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.5
ಯತ್ತೇ॒ ಮರೀ᳚ಚೀಃ ಪ್ರ॒ವತೋ॒ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.6
ಯತ್ತೇ᳚ ಅ॒ಪೋ ಯದೋಷ॑ಧೀ॒ರ್ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.7
ಯತ್ತೇ॒ ಸೂರ್ಯಂ॒ ಯದು॒ಷಸಂ॒ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.8
ಯತ್ತೇ॒ ಪರ್ವ॑ತಾನ್ಬೃಹ॒ತೋ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.9
ಯತ್ತೇ॒ ವಿಶ್ವ॑ಮಿ॒ದಂ ಜಗ॒ನ್ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.10
ಯತ್ತೇ॒ ಪರಾಃ᳚ ಪರಾ॒ವತೋ॒ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.11
ಯತ್ತೇ᳚ ಭೂ॒ತಂ ಚ॒ ಭವ್ಯಂ᳚ ಚ॒ ಮನೋ᳚ ಜ॒ಗಾಮ॑ ದೂರ॒ಕ‌ಮ್ | ತತ್ತ॒ ಆ ವ॑ರ್ತಯಾಮಸೀ॒ಹ ಕ್ಷಯಾ᳚ಯ ಜೀ॒ವಸೇ᳚ || 10.58.12

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಬಂಧುಃ ಶ್ರುತಬಂಧುರ್ವಿಪಬ್ರ ನ್ಧುರ್ಗೀಪಾಯನಾ ಋಷಯಃ (1-3) ಪ್ರಥಮಾದಿತೃಚಸ್ಯ ನಿತಿಃ, (4) ಚತುರ್ಥ್ಯಾ ಚೋ ನಿವ॒ತಿಃ ಸೋಮಶ್ಚ, (5-6) ಪಂಚಮೀಷಷ್ಠ್ಯೋರಸುನೀತಿಃ, (7) ಸಪ್ತಮ್ಯಾಃ ಪೃಥಿವೀಧುರಂತರಿಕ್ಷಸೋಮಪೂಷಪಥ್ಯಾಸ್ವಸ್ತಯಃ, (8-9, 10) ಅಷ್ಟಮೀನವಮ್ಯೋರ್ದಶಮ್ಯಾ ಉತ್ತರಾರ್ಧಸ್ಯ ಚ ದ್ಯಾವಾಪೃಥಿವ್ಯೌ, (10) ದಶಮ್ಯಾಃ ಪೂರ್ವಾರ್ಧಸ್ಯ ಚೇಂದ್ರೋ ದೇವತಾಃ (1-7) ಪ್ರಥಮಾದಿಸಪ್ತರ್ಚಾಂ ತ್ರಿಷ್ಟುಪ, (8) ಅಷ್ಟಮ್ಯಾಃ ಪಂಕ್ತಿಃ, (9) ನವಮ್ಯಾ ಮಹಾಪಂಕ್ತಿಃ, (10) ದಶಮ್ಯಾಶ್ಚ ಪತಯುತ್ತರಾ ಛಂದಾಂಸಿ

ಪ್ರ ತಾ॒ರ್ಯಾಯುಃ॑ ಪ್ರತ॒ರಂ ನವೀ᳚ಯಃ॒ ಸ್ಥಾತಾ᳚ರೇವ॒ ಕ್ರತು॑ಮತಾ॒ ರಥ॑ಸ್ಯ | ಅಧ॒ ಚ್ಯವಾ᳚ನ॒ ಉತ್ತ॑ವೀ॒ತ್ಯರ್ಥಂ᳚ ಪರಾತ॒ರಂ ಸು ನಿರ್‌ಋ॑ತಿರ್ಜಿಹೀತಾ‌ಮ್ || 10.59.1
ಸಾಮ॒ನ್ನು ರಾ॒ಯೇ ನಿ॑ಧಿ॒ಮನ್ನ್ವನ್ನಂ॒ ಕರಾ᳚ಮಹೇ॒ ಸು ಪು॑ರು॒ಧ ಶ್ರವಾಂ᳚ಸಿ | ತಾ ನೋ॒ ವಿಶ್ವಾ᳚ನಿ ಜರಿ॒ತಾ ಮ॑ಮತ್ತು ಪರಾತ॒ರಂ ಸು ನಿರ್‌ಋ॑ತಿರ್ಜಿಹೀತಾ‌ಮ್ || 10.59.2
ಅ॒ಭೀ ಷ್ವ1॒᳚ರ್ಯಃ ಪೌಂಸ್ಯೈ᳚ರ್ಭವೇಮ॒ ದ್ಯೌರ್ನ ಭೂಮಿಂ᳚ ಗಿ॒ರಯೋ॒ ನಾಜ್ರಾನ್॑ | ತಾ ನೋ॒ ವಿಶ್ವಾ᳚ನಿ ಜರಿ॒ತಾ ಚಿ॑ಕೇತ ಪರಾತ॒ರಂ ಸು ನಿರ್‌ಋ॑ತಿರ್ಜಿಹೀತಾ‌ಮ್ || 10.59.3
ಮೋ ಷು ಣಃ॑ ಸೋಮ ಮೃ॒ತ್ಯವೇ॒ ಪರಾ᳚ ದಾಃ॒ ಪಶ್ಯೇ᳚ಮ॒ ನು ಸೂರ್ಯ॑ಮು॒ಚ್ಚರ᳚‌ನ್ತ‌ಮ್ | ದ್ಯುಭಿ॑ರ್ಹಿ॒ತೋ ಜ॑ರಿ॒ಮಾ ಸೂ ನೋ᳚ ಅಸ್ತು ಪರಾತ॒ರಂ ಸು ನಿರ್‌ಋ॑ತಿರ್ಜಿಹೀತಾ‌ಮ್ || 10.59.4
ಅಸು॑ನೀತೇ॒ ಮನೋ᳚ ಅ॒ಸ್ಮಾಸು॑ ಧಾರಯ ಜೀ॒ವಾತ॑ವೇ॒ ಸು ಪ್ರ ತಿ॑ರಾ ನ॒ ಆಯುಃ॑ | ರಾ॒ರಂ॒ಧಿ ನಃ॒ ಸೂರ್ಯ॑ಸ್ಯ ಸಂ॒ದೃಶಿ॑ ಘೃ॒ತೇನ॒ ತ್ವಂ ತ॒ನ್ವಂ᳚ ವರ್ಧಯಸ್ವ || 10.59.5
ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷುಃ॒ ಪುನಃ॑ ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ‌ಮ್᳚ | ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರ᳚‌ನ್ತ॒ಮನು॑ಮತೇ ಮೃ॒ಳಯಾ᳚ ನಃ ಸ್ವ॒ಸ್ತಿ || 10.59.6
ಪುನ᳚ರ್ನೋ॒ ಅಸುಂ᳚ ಪೃಥಿ॒ವೀ ದ॑ದಾತು॒ ಪುನ॒ರ್ದ್ಯೌರ್ದೇ॒ವೀ ಪುನ॑ರ॒‌ನ್ತರಿ॑ಕ್ಷ‌ಮ್ | ಪುನ᳚ರ್ನಃ॒ ಸೋಮ॑ಸ್ತ॒ನ್ವಂ᳚ ದದಾತು॒ ಪುನಃ॑ ಪೂ॒ಷಾ ಪ॒ಥ್ಯಾಂ॒3॒॑ ಯಾ ಸ್ವ॒ಸ್ತಿಃ || 10.59.7
ಶಂ ರೋದ॑ಸೀ ಸು॒ಬಂಧ॑ವೇ ಯ॒ಹ್ವೀ ಋ॒ತಸ್ಯ॑ ಮಾ॒ತರಾ᳚ | ಭರ॑ತಾ॒ಮಪ॒ ಯದ್ರಪೋ॒ ದ್ಯೌಃ ಪೃ॑ಥಿವಿ ಕ್ಷ॒ಮಾ ರಪೋ॒ ಮೋ ಷು ತೇ॒ ಕಿಂ ಚ॒ನಾಮ॑ಮತ್ || 10.59.8
ಅವ॑ ದ್ವ॒ಕೇ ಅವ॑ ತ್ರಿ॒ಕಾ ದಿ॒ವಶ್ಚ॑ರ‌ನ್ತಿ ಭೇಷ॒ಜಾ | ಕ್ಷ॒ಮಾ ಚ॑ರಿ॒ಷ್ಣ್ವೇ᳚ಕ॒ಕಂ ಭರ॑ತಾ॒ಮಪ॒ ಯದ್ರಪೋ॒ ದ್ಯೌಃ ಪೃ॑ಥಿವಿ ಕ್ಷ॒ಮಾ ರಪೋ॒ ಮೋ ಷು ತೇ॒ ಕಿಂ ಚ॒ನಾಮ॑ಮತ್ || 10.59.9
ಸಮಿಂ᳚ದ್ರೇರಯ॒ ಗಾಮ॑ನ॒ಡ್ವಾಹಂ॒ ಯ ಆವ॑ಹದುಶೀ॒ನರಾ᳚ಣ್ಯಾ॒ ಅನಃ॑ | ಭರ॑ತಾ॒ಮಪ॒ ಯದ್ರಪೋ॒ ದ್ಯೌಃ ಪೃ॑ಥಿವಿ ಕ್ಷ॒ಮಾ ರಪೋ॒ ಮೋ ಷು ತೇ॒ ಕಿಂ ಚ॒ನಾಮ॑ಮತ್ || 10.59.10

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ (1-5, 7-12) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾದಿತೃಚದ್ವಯಸ್ಯ ಚ ಬಂಧಃ ಶ್ರುತಬಂಧರ್ವಿಪಬ್ರಂಧರೌಪಾಯನಾ ಋಷಯಃ, (6) ಷಷ್ಠ್ಯಾಶ್ಚೈಷಾಂ ಮಾತಾಗಸ್ತ್ಯಸ್ವಸಾ ಅಷಿಕಾ (1-4, 6) ಪ್ರಥಮಾದಿಚತುರೃಚ ಷಷ್ಠ್ಯಾಶ್ಚಾಸಮಾತಿಃ, (5) ಪಂಚಮ್ಯಾ ಇಂದ್ರಃ, (7-11) ಸಪ್ತಮ್ಯಾದಿಪಂಚಾನಾಂ ಸುಬಂಧೋರ್ಜೀವಃ, (12) ದ್ವಾದಶ್ಯಾಶ್ಚ ಬಂಧ್ವಾದೀನಾಂ ಹಸ್ತಾ ದೇವತಾಃ (1-5) ಪ್ರಥಮಾದಿಪಂಚರ್ಚಾಂ ಗಾಯತ್ರೀ, (6-7, 10-12) ಷಷ್ಠೀಸಪ್ತಮ್ಯೋರ್ದಶಮ್ಯಾದಿತೃಚಸ್ಯ ಚಾನಷ್ಟಪ (8-9) ಅಷ್ಟಮೀನವಮ್ಯೋಶ್ಚ ಪಂಕ್ತಿಶ್ಛಂದಾಂಸಿ

ಆ ಜನಂ᳚ ತ್ವೇ॒ಷಸಂ᳚ದೃಶಂ॒ ಮಾಹೀ᳚ನಾನಾ॒ಮುಪ॑ಸ್ತುತ‌ಮ್ | ಅಗ᳚ನ್ಮ॒ ಬಿಭ್ರ॑ತೋ॒ ನಮಃ॑ || 10.60.1
ಅಸ॑ಮಾತಿಂ ನಿ॒ತೋಶ॑ನಂ ತ್ವೇ॒ಷಂ ನಿ॑ಯ॒ಯಿನಂ॒ ರಥ‌ಮ್᳚ | ಭ॒ಜೇರ॑ಥಸ್ಯ॒ ಸತ್ಪ॑ತಿ‌ಮ್ || 10.60.2
ಯೋ ಜನಾ᳚ನ್ಮಹಿ॒ಷಾಁ ಇ॑ವಾತಿತ॒ಸ್ಥೌ ಪವೀ᳚ರವಾನ್ | ಉ॒ತಾಪ॑ವೀರವಾನ್ಯು॒ಧಾ || 10.60.3
ಯಸ್ಯೇ᳚ಕ್ಷ್ವಾ॒ಕುರುಪ᳚ ವ್ರ॒ತೇ ರೇ॒ವಾನ್ಮ॑ರಾ॒ಯ್ಯೇಧ॑ತೇ | ದಿ॒ವೀ᳚ವ॒ ಪಂಚ॑ ಕೃ॒ಷ್ಟಯಃ॑ || 10.60.4
ಇಂದ್ರ॑ ಕ್ಷ॒ತ್ರಾಸ॑ಮಾತಿಷು॒ ರಥ॑ಪ್ರೋಷ್ಠೇಷು ಧಾರಯ | ದಿ॒ವೀ᳚ವ॒ ಸೂರ್ಯಂ᳚ ದೃ॒ಶೇ || 10.60.5
ಅ॒ಗಸ್ತ್ಯ॑ಸ್ಯ॒ ನದ್ಭ್ಯಃ॒ ಸಪ್ತೀ᳚ ಯುನಕ್ಷಿ॒ ರೋಹಿ॑ತಾ | ಪ॒ಣೀನ್ನ್ಯ॑ಕ್ರಮೀರ॒ಭಿ ವಿಶ್ವಾ᳚ನ್ರಾಜನ್ನರಾ॒ಧಸಃ॑ || 10.60.6
ಅ॒ಯಂ ಮಾ॒ತಾಯಂ ಪಿ॒ತಾಯಂ ಜೀ॒ವಾತು॒ರಾಗ॑ಮತ್ | ಇ॒ದಂ ತವ॑ ಪ್ರ॒ಸರ್ಪ॑ಣಂ॒ ಸುಬಂ᳚ಧ॒ವೇಹಿ॒ ನಿರಿ॑ಹಿ || 10.60.7
ಯಥಾ᳚ ಯು॒ಗಂ ವ॑ರ॒ತ್ರಯಾ॒ ನಹ್ಯ᳚‌ನ್ತಿ ಧ॒ರುಣಾ᳚ಯ॒ ಕ‌ಮ್ | ಏ॒ವಾ ದಾ᳚ಧಾರ ತೇ॒ ಮನೋ᳚ ಜೀ॒ವಾತ॑ವೇ॒ ನ ಮೃ॒ತ್ಯವೇಽಥೋ᳚ ಅರಿ॒ಷ್ಟತಾ᳚ತಯೇ || 10.60.8
ಯಥೇ॒ಯಂ ಪೃ॑ಥಿ॒ವೀ ಮ॒ಹೀ ದಾ॒ಧಾರೇ॒ಮಾನ್ವನ॒ಸ್ಪತೀನ್॑ | ಏ॒ವಾ ದಾ᳚ಧಾರ ತೇ॒ ಮನೋ᳚ ಜೀ॒ವಾತ॑ವೇ॒ ನ ಮೃ॒ತ್ಯವೇಽಥೋ᳚ ಅರಿ॒ಷ್ಟತಾ᳚ತಯೇ || 10.60.9
ಯ॒ಮಾದ॒ಹಂ ವೈ᳚ವಸ್ವ॒ತಾತ್ಸು॒ಬಂಧೋ॒ರ್ಮನ॒ ಆಭ॑ರ‌ಮ್ | ಜೀ॒ವಾತ॑ವೇ॒ ನ ಮೃ॒ತ್ಯವೇಽಥೋ᳚ ಅರಿ॒ಷ್ಟತಾ᳚ತಯೇ || 10.60.10
ನ್ಯ1॒॑ಗ್ವಾತೋಽವ॑ ವಾತಿ॒ ನ್ಯ॑ಕ್ತಪತಿ॒ ಸೂರ್ಯಃ॑ | ನೀ॒ಚೀನ॑ಮ॒ಘ್ನ್ಯಾ ದು॑ಹೇ॒ ನ್ಯ॑ಗ್ಭವತು ತೇ॒ ರಪಃ॑ || 10.60.11
ಅ॒ಯಂ ಮೇ॒ ಹಸ್ತೋ॒ ಭಗ॑ವಾನ॒ಯಂ ಮೇ॒ ಭಗ॑ವತ್ತರಃ | ಅ॒ಯಂ ಮೇ᳚ ವಿ॒ಶ್ವಭೇ᳚ಷಜೋ॒ಽಯಂ ಶಿ॒ವಾಭಿ॑ಮರ್ಶನಃ || 10.60.12

(1-27) ಸಪ್ತವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಮಾನವೋ ನಾಭಾನೇದಿಷ್ಠ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಇ॒ದಮಿ॒ತ್ಥಾ ರೌದ್ರಂ᳚ ಗೂ॒ರ್ತವ॑ಚಾ॒ ಬ್ರಹ್ಮ॒ ಕ್ರತ್ವಾ॒ ಶಚ್ಯಾ᳚ಮ॒‌ನ್ತರಾ॒ಜೌ | ಕ್ರಾ॒ಣಾ ಯದ॑ಸ್ಯ ಪಿ॒ತರಾ᳚ ಮಂಹನೇ॒ಷ್ಠಾಃ ಪರ್ಷ॑ತ್ಪ॒ಕ್ಥೇ ಅಹ॒ನ್ನಾ ಸ॒ಪ್ತ ಹೋತೄನ್॑ || 10.61.1
ಸ ಇದ್ದಾ॒ನಾಯ॒ ದಭ್ಯಾ᳚ಯ ವ॒ನ್ವಂಚ್ಯವಾ᳚ನಃ॒ ಸೂದೈ᳚ರಮಿಮೀತ॒ ವೇದಿ‌ಮ್᳚ | ತೂರ್ವ॑ಯಾಣೋ ಗೂ॒ರ್ತವ॑ಚಸ್ತಮಃ॒ ಕ್ಷೋದೋ॒ ನ ರೇತ॑ ಇ॒ತಊ᳚ತಿ ಸಿಂಚತ್ || 10.61.2
ಮನೋ॒ ನ ಯೇಷು॒ ಹವ॑ನೇಷು ತಿ॒ಗ್ಮಂ ವಿಪಃ॒ ಶಚ್ಯಾ᳚ ವನು॒ಥೋ ದ್ರವ᳚‌ನ್ತಾ | ಆ ಯಃ ಶರ್ಯಾ᳚ಭಿಸ್ತುವಿನೃ॒ಮ್ಣೋ ಅ॒ಸ್ಯಾಶ್ರೀ᳚ಣೀತಾ॒ದಿಶಂ॒ ಗಭ॑ಸ್ತೌ || 10.61.3
ಕೃ॒ಷ್ಣಾ ಯದ್ಗೋಷ್ವ॑ರು॒ಣೀಷು॒ ಸೀದ॑ದ್ದಿ॒ವೋ ನಪಾ᳚ತಾಶ್ವಿನಾ ಹುವೇ ವಾ‌ಮ್ | ವೀ॒ತಂ ಮೇ᳚ ಯ॒ಜ್ಞಮಾ ಗ॑ತಂ ಮೇ॒ ಅನ್ನಂ᳚ ವವ॒ನ್ವಾಂಸಾ॒ ನೇಷ॒ಮಸ್ಮೃ॑ತಧ್ರೂ || 10.61.4
ಪ್ರಥಿ॑ಷ್ಟ॒ ಯಸ್ಯ॑ ವೀ॒ರಕ᳚ರ್ಮಮಿ॒ಷ್ಣದನು॑ಷ್ಠಿತಂ॒ ನು ನರ್ಯೋ॒ ಅಪೌ᳚ಹತ್ | ಪುನ॒ಸ್ತದಾ ವೃ॑ಹತಿ॒ ಯತ್ಕ॒ನಾಯಾ᳚ ದುಹಿ॒ತುರಾ ಅನು॑ಭೃತಮನ॒ರ್ವಾ || 10.61.5
ಮ॒ಧ್ಯಾ ಯತ್ಕರ್ತ್ವ॒ಮಭ॑ವದ॒ಭೀಕೇ॒ ಕಾಮಂ᳚ ಕೃಣ್ವಾ॒ನೇ ಪಿ॒ತರಿ॑ ಯುವ॒ತ್ಯಾ‌ಮ್ | ಮ॒ನಾ॒ನಗ್ರೇತೋ᳚ ಜಹತುರ್ವಿ॒ಯ‌ನ್ತಾ॒ ಸಾನೌ॒ ನಿಷಿ॑ಕ್ತಂ ಸುಕೃ॒ತಸ್ಯ॒ ಯೋನೌ᳚ || 10.61.6
ಪಿ॒ತಾ ಯತ್ಸ್ವಾಂ ದು॑ಹಿ॒ತರ॑ಮಧಿ॒ಷ್ಕನ್ಕ್ಷ್ಮ॒ಯಾ ರೇತಃ॑ ಸಂಜಗ್ಮಾ॒ನೋ ನಿ ಷಿಂ᳚ಚತ್ | ಸ್ವಾ॒ಧ್ಯೋ᳚ಽಜನಯ॒ನ್ಬ್ರಹ್ಮ॑ ದೇ॒ವಾ ವಾಸ್ತೋ॒ಷ್ಪತಿಂ᳚ ವ್ರತ॒ಪಾಂ ನಿರ॑ತಕ್ಷನ್ || 10.61.7
ಸ ಈಂ॒ ವೃಷಾ॒ ನ ಫೇನ॑ಮಸ್ಯದಾ॒ಜೌ ಸ್ಮದಾ ಪರೈ॒ದಪ॑ ದ॒ಭ್ರಚೇ᳚ತಾಃ | ಸರ॑ತ್ಪ॒ದಾ ನ ದಕ್ಷಿ॑ಣಾ ಪರಾ॒ವೃಙ್ನ ತಾ ನು ಮೇ᳚ ಪೃಶ॒ನ್ಯೋ᳚ ಜಗೃಭ್ರೇ || 10.61.8
ಮ॒ಕ್ಷೂ ನ ವಹ್ನಿಃ॑ ಪ್ರ॒ಜಾಯಾ᳚ ಉಪ॒ಬ್ದಿರ॒ಗ್ನಿಂ ನ ನ॒ಗ್ನ ಉಪ॑ ಸೀದ॒ದೂಧಃ॑ | ಸನಿ॑ತೇ॒ಧ್ಮಂ ಸನಿ॑ತೋ॒ತ ವಾಜಂ॒ ಸ ಧ॒ರ್ತಾ ಜ॑ಜ್ಞೇ॒ ಸಹ॑ಸಾ ಯವೀ॒ಯುತ್ || 10.61.9
ಮ॒ಕ್ಷೂ ಕ॒ನಾಯಾಃ᳚ ಸ॒ಖ್ಯಂ ನವ॑ಗ್ವಾ ಋ॒ತಂ ವದ᳚‌ನ್ತ ಋ॒ತಯು॑ಕ್ತಿಮಗ್ಮನ್ | ದ್ವಿ॒ಬರ್ಹ॑ಸೋ॒ ಯ ಉಪ॑ ಗೋ॒ಪಮಾಗು॑ರದಕ್ಷಿ॒ಣಾಸೋ॒ ಅಚ್ಯು॑ತಾ ದುದುಕ್ಷನ್ || 10.61.10
ಮ॒ಕ್ಷೂ ಕ॒ನಾಯಾಃ᳚ ಸ॒ಖ್ಯಂ ನವೀ᳚ಯೋ॒ ರಾಧೋ॒ ನ ರೇತ॑ ಋ॒ತಮಿತ್ತು॑ರಣ್ಯನ್ | ಶುಚಿ॒ ಯತ್ತೇ॒ ರೇಕ್ಣ॒ ಆಯ॑ಜ‌ನ್ತ ಸಬ॒ರ್ದುಘಾ᳚ಯಾಃ॒ ಪಯ॑ ಉ॒ಸ್ರಿಯಾ᳚ಯಾಃ || 10.61.11
ಪ॒ಶ್ವಾ ಯತ್ಪ॒ಶ್ಚಾ ವಿಯು॑ತಾ ಬು॒ಧ‌ನ್ತೇತಿ॑ ಬ್ರವೀತಿ ವ॒ಕ್ತರೀ॒ ರರಾ᳚ಣಃ | ವಸೋ᳚ರ್ವಸು॒ತ್ವಾ ಕಾ॒ರವೋ᳚ಽನೇ॒ಹಾ ವಿಶ್ವಂ᳚ ವಿವೇಷ್ಟಿ॒ ದ್ರವಿ॑ಣ॒ಮುಪ॒ ಕ್ಷು || 10.61.12
ತದಿನ್ನ್ವ॑ಸ್ಯ ಪರಿ॒ಷದ್ವಾ᳚ನೋ ಅಗ್ಮನ್ಪು॒ರೂ ಸದ᳚‌ನ್ತೋ ನಾರ್ಷ॒ದಂ ಬಿ॑ಭಿತ್ಸನ್ | ವಿ ಶುಷ್ಣ॑ಸ್ಯ॒ ಸಂಗ್ರ॑ಥಿತಮನ॒ರ್ವಾ ವಿ॒ದತ್ಪು॑ರುಪ್ರಜಾ॒ತಸ್ಯ॒ ಗುಹಾ॒ ಯತ್ || 10.61.13
ಭರ್ಗೋ᳚ ಹ॒ ನಾಮೋ॒ತ ಯಸ್ಯ॑ ದೇ॒ವಾಃ ಸ್ವ1॒᳚ರ್ಣ ಯೇ ತ್ರಿ॑ಷಧ॒ಸ್ಥೇ ನಿ॑ಷೇ॒ದುಃ | ಅ॒ಗ್ನಿರ್ಹ॒ ನಾಮೋ॒ತ ಜಾ॒ತವೇ᳚ದಾಃ ಶ್ರು॒ಧೀ ನೋ᳚ ಹೋತರ್‌ಋ॒ತಸ್ಯ॒ ಹೋತಾ॒ಧ್ರುಕ್ || 10.61.14
ಉ॒ತ ತ್ಯಾ ಮೇ॒ ರೌದ್ರಾ᳚ವರ್ಚಿ॒ಮ‌ನ್ತಾ॒ ನಾಸ॑ತ್ಯಾವಿಂದ್ರ ಗೂ॒ರ್ತಯೇ॒ ಯಜ॑ಧ್ಯೈ | ಮ॒ನು॒ಷ್ವದ್ವೃ॒ಕ್ತಬ॑ರ್ಹಿಷೇ॒ ರರಾ᳚ಣಾ ಮಂ॒ದೂ ಹಿ॒ತಪ್ರ॑ಯಸಾ ವಿ॒ಕ್ಷು ಯಜ್ಯೂ᳚ || 10.61.15
ಅ॒ಯಂ ಸ್ತು॒ತೋ ರಾಜಾ᳚ ವಂದಿ ವೇ॒ಧಾ ಅ॒ಪಶ್ಚ॒ ವಿಪ್ರ॑ಸ್ತರತಿ॒ ಸ್ವಸೇ᳚ತುಃ | ಸ ಕ॒ಕ್ಷೀವ᳚‌ನ್ತಂ ರೇಜಯ॒ತ್ಸೋ ಅ॒ಗ್ನಿಂ ನೇ॒ಮಿಂ ನ ಚ॒ಕ್ರಮರ್ವ॑ತೋ ರಘು॒ದ್ರು || 10.61.16
ಸ ದ್ವಿ॒ಬಂಧು᳚ರ್ವೈತರ॒ಣೋ ಯಷ್ಟಾ᳚ ಸಬ॒ರ್ಧುಂ ಧೇ॒ನುಮ॒ಸ್ವಂ᳚ ದು॒ಹಧ್ಯೈ᳚ | ಸಂ ಯನ್ಮಿ॒ತ್ರಾವರು॑ಣಾ ವೃಂ॒ಜ ಉ॒ಕ್ಥೈರ್ಜ್ಯೇಷ್ಠೇ᳚ಭಿರರ್ಯ॒ಮಣಂ॒ ವರೂ᳚ಥೈಃ || 10.61.17
ತದ್ಬಂ᳚ಧುಃ ಸೂ॒ರಿರ್ದಿ॒ವಿ ತೇ᳚ ಧಿಯಂ॒ಧಾ ನಾಭಾ॒ನೇದಿ॑ಷ್ಠೋ ರಪತಿ॒ ಪ್ರ ವೇನನ್॑ | ಸಾ ನೋ॒ ನಾಭಿಃ॑ ಪರ॒ಮಾಸ್ಯ ವಾ᳚ ಘಾ॒ಹಂ ತತ್ಪ॒ಶ್ಚಾ ಕ॑ತಿ॒ಥಶ್ಚಿ॑ದಾಸ || 10.61.18
ಇ॒ಯಂ ಮೇ॒ ನಾಭಿ॑ರಿ॒ಹ ಮೇ᳚ ಸ॒ಧಸ್ಥ॑ಮಿ॒ಮೇ ಮೇ᳚ ದೇ॒ವಾ ಅ॒ಯಮ॑ಸ್ಮಿ॒ ಸರ್ವಃ॑ | ದ್ವಿ॒ಜಾ ಅಹ॑ ಪ್ರಥಮ॒ಜಾ ಋ॒ತಸ್ಯೇ॒ದಂ ಧೇ॒ನುರ॑ದುಹ॒ಜ್ಜಾಯ॑ಮಾನಾ || 10.61.19
ಅಧಾ᳚ಸು ಮಂ॒ದ್ರೋ ಅ॑ರ॒ತಿರ್ವಿ॒ಭಾವಾವ॑ ಸ್ಯತಿ ದ್ವಿವರ್ತ॒ನಿರ್ವ॑ನೇ॒ಷಾಟ್ | ಊ॒ರ್ಧ್ವಾ ಯಚ್ಛ್ರೇಣಿ॒ರ್ನ ಶಿಶು॒ರ್ದನ್ಮ॒ಕ್ಷೂ ಸ್ಥಿ॒ರಂ ಶೇ᳚ವೃ॒ಧಂ ಸೂ᳚ತ ಮಾ॒ತಾ || 10.61.20
ಅಧಾ॒ ಗಾವ॒ ಉಪ॑ಮಾತಿಂ ಕ॒ನಾಯಾ॒ ಅನು॑ ಶ್ವಾ॒‌ನ್ತಸ್ಯ॒ ಕಸ್ಯ॑ ಚಿ॒ತ್ಪರೇ᳚ಯುಃ | ಶ್ರು॒ಧಿ ತ್ವಂ ಸು॑ದ್ರವಿಣೋ ನ॒ಸ್ತ್ವಂ ಯಾ᳚ಳಾಶ್ವ॒ಘ್ನಸ್ಯ॑ ವಾವೃಧೇ ಸೂ॒ನೃತಾ᳚ಭಿಃ || 10.61.21
ಅಧ॒ ತ್ವಮಿಂ᳚ದ್ರ ವಿ॒ದ್ಧ್ಯ1॒॑ಸ್ಮಾನ್ಮ॒ಹೋ ರಾ॒ಯೇ ನೃ॑ಪತೇ॒ ವಜ್ರ॑ಬಾಹುಃ | ರಕ್ಷಾ᳚ ಚ ನೋ ಮ॒ಘೋನಃ॑ ಪಾ॒ಹಿ ಸೂ॒ರೀನ॑ನೇ॒ಹಸ॑ಸ್ತೇ ಹರಿವೋ ಅ॒ಭಿಷ್ಟೌ᳚ || 10.61.22
ಅಧ॒ ಯದ್ರಾ᳚ಜಾನಾ॒ ಗವಿ॑ಷ್ಟೌ॒ ಸರ॑ತ್ಸರ॒ಣ್ಯುಃ ಕಾ॒ರವೇ᳚ ಜರ॒ಣ್ಯುಃ | ವಿಪ್ರಃ॒ ಪ್ರೇಷ್ಠಃ॒ ಸ ಹ್ಯೇ᳚ಷಾಂ ಬ॒ಭೂವ॒ ಪರಾ᳚ ಚ॒ ವಕ್ಷ॑ದು॒ತ ಪ॑ರ್ಷದೇನಾನ್ || 10.61.23
ಅಧಾ॒ ನ್ವ॑ಸ್ಯ॒ ಜೇನ್ಯ॑ಸ್ಯ ಪು॒ಷ್ಟೌ ವೃಥಾ॒ ರೇಭ᳚‌ನ್ತ ಈಮಹೇ॒ ತದೂ॒ ನು | ಸ॒ರ॒ಣ್ಯುರ॑ಸ್ಯ ಸೂ॒ನುರಶ್ವೋ॒ ವಿಪ್ರ॑ಶ್ಚಾಸಿ॒ ಶ್ರವ॑ಸಶ್ಚ ಸಾ॒ತೌ || 10.61.24
ಯು॒ವೋರ್ಯದಿ॑ ಸ॒ಖ್ಯಾಯಾ॒ಸ್ಮೇ ಶರ್ಧಾ᳚ಯ॒ ಸ್ತೋಮಂ᳚ ಜುಜು॒ಷೇ ನಮ॑ಸ್ವಾನ್ | ವಿ॒ಶ್ವತ್ರ॒ ಯಸ್ಮಿ॒ನ್ನಾ ಗಿರಃ॑ ಸಮೀ॒ಚೀಃ ಪೂ॒ರ್ವೀವ॑ ಗಾ॒ತುರ್ದಾಶ॑ತ್ಸೂ॒ನೃತಾ᳚ಯೈ || 10.61.25
ಸ ಗೃ॑ಣಾ॒ನೋ ಅ॒ದ್ಭಿರ್ದೇ॒ವವಾ॒ನಿತಿ॑ ಸು॒ಬಂಧು॒ರ್ನಮ॑ಸಾ ಸೂ॒ಕ್ತೈಃ | ವರ್ಧ॑ದು॒ಕ್ಥೈರ್ವಚೋ᳚ಭಿ॒ರಾ ಹಿ ನೂ॒ನಂ ವ್ಯಧ್ವೈ᳚ತಿ॒ ಪಯ॑ಸ ಉ॒ಸ್ರಿಯಾ᳚ಯಾಃ || 10.61.26
ತ ಊ॒ ಷು ಣೋ᳚ ಮ॒ಹೋ ಯ॑ಜತ್ರಾ ಭೂ॒ತ ದೇ᳚ವಾಸ ಊ॒ತಯೇ᳚ ಸ॒ಜೋಷಾಃ᳚ | ಯೇ ವಾಜಾಁ॒ ಅನ॑ಯತಾ ವಿ॒ಯ‌ನ್ತೋ॒ ಯೇ ಸ್ಥಾ ನಿ॑ಚೇ॒ತಾರೋ॒ ಅಮೂ᳚ರಾಃ || 10.61.27

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಮಾನವೋ ನಾಭಾನೇದಿಷ್ಠ ಋಷಿಃ (1-6) ಪ್ರಥಮಾದಿಷಡಚಾಂ ವಿಶ್ವೇ ದೇವಾ ಅಂಗಿರಸೋ ವಾ, (7) ಸಪ್ತಮ್ಯಾ ವಿಶ್ವೇ ದೇವಾಃ, (8-11) ಅಷ್ಟಮ್ಯಾದಿಚತಸೃಣಾಂಚ ಸಾವರ್ಣದೇ ನಿಸ್ತುತಿದೇವ ತಾಃ (1-4) ಪ್ರಥಮಾದಿಚತುರೃಚಾಂ ಜಗತೀ, (5, 8, 9) ಪಂಚಮ್ಯಷ್ಟಮೀನವಮೀನಾಮನುಷ್ಟಪ್ , (6-7) ಷಷ್ಠೀಸಪ್ತಮ್ಯೋಃ ಪ್ರಗಾಥಃ (ಷಷ್ಠ್ಯಾ ಬೃಹತೀ, ಸಪ್ತಮ್ಯಾಃ ಸತೋಬೃಹತೀ), (10) ದಶಮ್ಯಾ ಗಾಯತ್ರೀ, (11) ಏಕಾದಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಯೇ ಯ॒ಜ್ಞೇನ॒ ದಕ್ಷಿ॑ಣಯಾ॒ ಸಮ॑ಕ್ತಾ॒ ಇಂದ್ರ॑ಸ್ಯ ಸ॒ಖ್ಯಮ॑ಮೃತ॒ತ್ವಮಾ᳚ನ॒ಶ | ತೇಭ್ಯೋ᳚ ಭ॒ದ್ರಮಂ᳚ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ || 10.62.1
ಯ ಉ॒ದಾಜ᳚ನ್ಪಿ॒ತರೋ᳚ ಗೋ॒ಮಯಂ॒ ವಸ್ವೃ॒ತೇನಾಭಿಂ᳚ದನ್ಪರಿವತ್ಸ॒ರೇ ವ॒ಲ‌ಮ್ | ದೀ॒ರ್ಘಾ॒ಯು॒ತ್ವಮಂ᳚ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ || 10.62.2
ಯ ಋ॒ತೇನ॒ ಸೂರ್ಯ॒ಮಾರೋ᳚ಹಯಂದಿ॒ವ್ಯಪ್ರ॑ಥಯನ್ಪೃಥಿ॒ವೀಂ ಮಾ॒ತರಂ॒ ವಿ | ಸು॒ಪ್ರ॒ಜಾ॒ಸ್ತ್ವಮಂ᳚ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ || 10.62.3
ಅ॒ಯಂ ನಾಭಾ᳚ ವದತಿ ವ॒ಲ್ಗು ವೋ᳚ ಗೃ॒ಹೇ ದೇವ॑ಪುತ್ರಾ ಋಷಯ॒ಸ್ತಚ್ಛೃ॑ಣೋತನ | ಸು॒ಬ್ರ॒ಹ್ಮ॒ಣ್ಯಮಂ᳚ಗಿರಸೋ ವೋ ಅಸ್ತು॒ ಪ್ರತಿ॑ ಗೃಭ್ಣೀತ ಮಾನ॒ವಂ ಸು॑ಮೇಧಸಃ || 10.62.4
ವಿರೂ᳚ಪಾಸ॒ ಇದೃಷ॑ಯ॒ಸ್ತ ಇದ್ಗಂ᳚ಭೀ॒ರವೇ᳚ಪಸಃ | ತೇ ಅಂಗಿ॑ರಸಃ ಸೂ॒ನವ॒ಸ್ತೇ ಅ॒ಗ್ನೇಃ ಪರಿ॑ ಜಜ್ಞಿರೇ || 10.62.5
ಯೇ ಅ॒ಗ್ನೇಃ ಪರಿ॑ ಜಜ್ಞಿ॒ರೇ ವಿರೂ᳚ಪಾಸೋ ದಿ॒ವಸ್ಪರಿ॑ | ನವ॑ಗ್ವೋ॒ ನು ದಶ॑ಗ್ವೋ॒ ಅಂಗಿ॑ರಸ್ತಮೋ॒ ಸಚಾ᳚ ದೇ॒ವೇಷು॑ ಮಂಹತೇ || 10.62.6
ಇಂದ್ರೇ᳚ಣ ಯು॒ಜಾ ನಿಃ ಸೃ॑ಜ‌ನ್ತ ವಾ॒ಘತೋ᳚ ವ್ರ॒ಜಂ ಗೋಮ᳚‌ನ್ತಮ॒ಶ್ವಿನ‌ಮ್᳚ | ಸ॒ಹಸ್ರಂ᳚ ಮೇ॒ ದದ॑ತೋ ಅಷ್ಟಕ॒ರ್ಣ್ಯ1॒ಃ॑ ಶ್ರವೋ᳚ ದೇ॒ವೇಷ್ವ॑ಕ್ರತ || 10.62.7
ಪ್ರ ನೂ॒ನಂ ಜಾ᳚ಯತಾಮ॒ಯಂ ಮನು॒ಸ್ತೋಕ್ಮೇ᳚ವ ರೋಹತು | ಯಃ ಸ॒ಹಸ್ರಂ᳚ ಶ॒ತಾಶ್ವಂ᳚ ಸ॒ದ್ಯೋ ದಾ॒ನಾಯ॒ ಮಂಹ॑ತೇ || 10.62.8
ನ ತಮ॑ಶ್ನೋತಿ॒ ಕಶ್ಚ॒ನ ದಿ॒ವ ಇ॑ವ॒ ಸಾನ್ವಾ॒ರಭ‌ಮ್᳚ | ಸಾ॒ವ॒ರ್ಣ್ಯಸ್ಯ॒ ದಕ್ಷಿ॑ಣಾ॒ ವಿ ಸಿಂಧು॑ರಿವ ಪಪ್ರಥೇ || 10.62.9
ಉ॒ತ ದಾ॒ಸಾ ಪ॑ರಿ॒ವಿಷೇ॒ ಸ್ಮದ್ದಿ॑ಷ್ಟೀ॒ ಗೋಪ॑ರೀಣಸಾ | ಯದು॑ಸ್ತು॒ರ್ವಶ್ಚ॑ ಮಾಮಹೇ || 10.62.10
ಸ॒ಹ॒ಸ್ರ॒ದಾ ಗ್ರಾ᳚ಮ॒ಣೀರ್ಮಾ ರಿ॑ಷ॒ನ್ಮನುಃ॒ ಸೂರ್ಯೇ᳚ಣಾಸ್ಯ॒ ಯತ॑ಮಾನೈತು॒ ದಕ್ಷಿ॑ಣಾ | ಸಾವ᳚ರ್ಣೇರ್ದೇ॒ವಾಃ ಪ್ರ ತಿ॑ರ॒‌ನ್ತ್ವಾಯು॒ರ್ಯಸ್ಮಿ॒ನ್ನಶ್ರಾ᳚‌ನ್ತಾ॒ ಅಸ॑ನಾಮ॒ ವಾಜ‌ಮ್᳚ || 10.62.11

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ಲಾತೋ ಗಯ ಋಷಿಃ (1-14, 17) ಪ್ರಥಮಾದಿಚತುದಶ ! ಸಪ್ತದಶ್ಯಾಶ್ಚ ವಿಶ್ವೇ ದೇವಾಃ, (15-16) ಪಂಚದಶೀಷೋಡಶ್ಯೋಶ್ಚ ಪಥ್ಯಾಸ್ವಸ್ತಿದೇವ ತಾಃ (1-14) ಪ್ರಥಮಾದಿಚತುದಶ ಚರ್ಚಾಂ ಜಗತೀ, (15) ಪಂಚದಶ್ಯಾ ತ್ರಿಷ್ಟಬ್ಜಗತೀ ವಾ, (16-17) ಷೋಡಶೀಸಪ್ತದಶ್ಯೋಶ್ಚ ತ್ರಿಷ್ಟುಪ್ ಛಂದಾಂಸಿ

ಪ॒ರಾ॒ವತೋ॒ ಯೇ ದಿಧಿ॑ಷ‌ನ್ತ॒ ಆಪ್ಯಂ॒ ಮನು॑ಪ್ರೀತಾಸೋ॒ ಜನಿ॑ಮಾ ವಿ॒ವಸ್ವ॑ತಃ | ಯ॒ಯಾತೇ॒ರ್ಯೇ ನ॑ಹು॒ಷ್ಯ॑ಸ್ಯ ಬ॒ರ್ಹಿಷಿ॑ ದೇ॒ವಾ ಆಸ॑ತೇ॒ ತೇ ಅಧಿ॑ ಬ್ರುವ‌ನ್ತು ನಃ || 10.63.1
ವಿಶ್ವಾ॒ ಹಿ ವೋ᳚ ನಮ॒ಸ್ಯಾ᳚ನಿ॒ ವಂದ್ಯಾ॒ ನಾಮಾ᳚ನಿ ದೇವಾ ಉ॒ತ ಯ॒ಜ್ಞಿಯಾ᳚ನಿ ವಃ | ಯೇ ಸ್ಥ ಜಾ॒ತಾ ಅದಿ॑ತೇರ॒ದ್ಭ್ಯಸ್ಪರಿ॒ ಯೇ ಪೃ॑ಥಿ॒ವ್ಯಾಸ್ತೇ ಮ॑ ಇ॒ಹ ಶ್ರು॑ತಾ॒ ಹವ‌ಮ್᳚ || 10.63.2
ಯೇಭ್ಯೋ᳚ ಮಾ॒ತಾ ಮಧು॑ಮ॒ತ್ಪಿನ್ವ॑ತೇ॒ ಪಯಃ॑ ಪೀ॒ಯೂಷಂ॒ ದ್ಯೌರದಿ॑ತಿ॒ರದ್ರಿ॑ಬರ್ಹಾಃ | ಉ॒ಕ್ಥಶು॑ಷ್ಮಾನ್ವೃಷಭ॒ರಾ‌‌ನ್ತ್ಸ್ವಪ್ನ॑ಸ॒ಸ್ತಾಁ ಆ᳚ದಿ॒ತ್ಯಾಁ ಅನು॑ ಮದಾ ಸ್ವ॒ಸ್ತಯೇ᳚ || 10.63.3
ನೃ॒ಚಕ್ಷ॑ಸೋ॒ ಅನಿ॑ಮಿಷ‌ನ್ತೋ ಅ॒ರ್ಹಣಾ᳚ ಬೃ॒ಹದ್ದೇ॒ವಾಸೋ᳚ ಅಮೃತ॒ತ್ವಮಾ᳚ನಶುಃ | ಜ್ಯೋ॒ತೀರ॑ಥಾ॒ ಅಹಿ॑ಮಾಯಾ॒ ಅನಾ᳚ಗಸೋ ದಿ॒ವೋ ವ॒ರ್ಷ್ಮಾಣಂ᳚ ವಸತೇ ಸ್ವ॒ಸ್ತಯೇ᳚ || 10.63.4
ಸ॒ಮ್ರಾಜೋ॒ ಯೇ ಸು॒ವೃಧೋ᳚ ಯ॒ಜ್ಞಮಾ᳚ಯ॒ಯುರಪ॑ರಿಹ್ವೃತಾ ದಧಿ॒ರೇ ದಿ॒ವಿ ಕ್ಷಯ‌ಮ್᳚ | ತಾಁ ಆ ವಿ॑ವಾಸ॒ ನಮ॑ಸಾ ಸುವೃ॒ಕ್ತಿಭಿ᳚ರ್ಮ॒ಹೋ ಆ᳚ದಿ॒ತ್ಯಾಁ ಅದಿ॑ತಿಂ ಸ್ವ॒ಸ್ತಯೇ᳚ || 10.63.5
ಕೋ ವಃ॒ ಸ್ತೋಮಂ᳚ ರಾಧತಿ॒ ಯಂ ಜುಜೋ᳚ಷಥ॒ ವಿಶ್ವೇ᳚ ದೇವಾಸೋ ಮನುಷೋ॒ ಯತಿ॒ ಷ್ಠನ॑ | ಕೋ ವೋ᳚ಽಧ್ವ॒ರಂ ತು॑ವಿಜಾತಾ॒ ಅರಂ᳚ ಕರ॒ದ್ಯೋ ನಃ॒ ಪರ್ಷ॒ದತ್ಯಂಹಃ॑ ಸ್ವ॒ಸ್ತಯೇ᳚ || 10.63.6
ಯೇಭ್ಯೋ॒ ಹೋತ್ರಾಂ᳚ ಪ್ರಥ॒ಮಾಮಾ᳚ಯೇ॒ಜೇ ಮನುಃ॒ ಸಮಿ॑ದ್ಧಾಗ್ನಿ॒ರ್ಮನ॑ಸಾ ಸ॒ಪ್ತ ಹೋತೃ॑ಭಿಃ | ತ ಆ᳚ದಿತ್ಯಾ॒ ಅಭ॑ಯಂ॒ ಶರ್ಮ॑ ಯಚ್ಛತ ಸು॒ಗಾ ನಃ॑ ಕರ್ತ ಸು॒ಪಥಾ᳚ ಸ್ವ॒ಸ್ತಯೇ᳚ || 10.63.7
ಯ ಈಶಿ॑ರೇ॒ ಭುವ॑ನಸ್ಯ॒ ಪ್ರಚೇ᳚ತಸೋ॒ ವಿಶ್ವ॑ಸ್ಯ ಸ್ಥಾ॒ತುರ್ಜಗ॑ತಶ್ಚ॒ ಮ‌ನ್ತ॑ವಃ | ತೇ ನಃ॑ ಕೃ॒ತಾದಕೃ॑ತಾ॒ದೇನ॑ಸ॒ಸ್ಪರ್ಯ॒ದ್ಯಾ ದೇ᳚ವಾಸಃ ಪಿಪೃತಾ ಸ್ವ॒ಸ್ತಯೇ᳚ || 10.63.8
ಭರೇ॒ಷ್ವಿಂದ್ರಂ᳚ ಸು॒ಹವಂ᳚ ಹವಾಮಹೇಂಽಹೋ॒ಮುಚಂ᳚ ಸು॒ಕೃತಂ॒ ದೈವ್ಯಂ॒ ಜನ‌ಮ್᳚ | ಅ॒ಗ್ನಿಂ ಮಿ॒ತ್ರಂ ವರು॑ಣಂ ಸಾ॒ತಯೇ॒ ಭಗಂ॒ ದ್ಯಾವಾ᳚ಪೃಥಿ॒ವೀ ಮ॒ರುತಃ॑ ಸ್ವ॒ಸ್ತಯೇ᳚ || 10.63.9
ಸು॒ತ್ರಾಮಾ᳚ಣಂ ಪೃಥಿ॒ವೀಂ ದ್ಯಾಮ॑ನೇ॒ಹಸಂ᳚ ಸು॒ಶರ್ಮಾ᳚ಣ॒ಮದಿ॑ತಿಂ ಸು॒ಪ್ರಣೀ᳚ತಿ‌ಮ್ | ದೈವೀಂ॒ ನಾವಂ᳚ ಸ್ವರಿ॒ತ್ರಾಮನಾ᳚ಗಸ॒ಮಸ್ರ॑ವ‌ನ್ತೀ॒ಮಾ ರು॑ಹೇಮಾ ಸ್ವ॒ಸ್ತಯೇ᳚ || 10.63.10
ವಿಶ್ವೇ᳚ ಯಜತ್ರಾ॒ ಅಧಿ॑ ವೋಚತೋ॒ತಯೇ॒ ತ್ರಾಯ॑ಧ್ವಂ ನೋ ದು॒ರೇವಾ᳚ಯಾ ಅಭಿ॒ಹ್ರುತಃ॑ | ಸ॒ತ್ಯಯಾ᳚ ವೋ ದೇ॒ವಹೂ᳚ತ್ಯಾ ಹುವೇಮ ಶೃಣ್ವ॒ತೋ ದೇ᳚ವಾ॒ ಅವ॑ಸೇ ಸ್ವ॒ಸ್ತಯೇ᳚ || 10.63.11
ಅಪಾಮೀ᳚ವಾ॒ಮಪ॒ ವಿಶ್ವಾ॒ಮನಾ᳚ಹುತಿ॒ಮಪಾರಾ᳚ತಿಂ ದುರ್ವಿ॒ದತ್ರಾ᳚ಮಘಾಯ॒ತಃ | ಆ॒ರೇ ದೇ᳚ವಾ॒ ದ್ವೇಷೋ᳚ ಅ॒ಸ್ಮದ್ಯು॑ಯೋತನೋ॒ರು ಣಃ॒ ಶರ್ಮ॑ ಯಚ್ಛತಾ ಸ್ವ॒ಸ್ತಯೇ᳚ || 10.63.12
ಅರಿ॑ಷ್ಟಃ॒ ಸ ಮರ್ತೋ॒ ವಿಶ್ವ॑ ಏಧತೇ॒ ಪ್ರ ಪ್ರ॒ಜಾಭಿ॑ರ್ಜಾಯತೇ॒ ಧರ್ಮ॑ಣ॒ಸ್ಪರಿ॑ | ಯಮಾ᳚ದಿತ್ಯಾಸೋ॒ ನಯ॑ಥಾ ಸುನೀ॒ತಿಭಿ॒ರತಿ॒ ವಿಶ್ವಾ᳚ನಿ ದುರಿ॒ತಾ ಸ್ವ॒ಸ್ತಯೇ᳚ || 10.63.13
ಯಂ ದೇ᳚ವಾ॒ಸೋಽವ॑ಥ॒ ವಾಜ॑ಸಾತೌ॒ ಯಂ ಶೂರ॑ಸಾತಾ ಮರುತೋ ಹಿ॒ತೇ ಧನೇ᳚ | ಪ್ರಾ॒ತ॒ರ್ಯಾವಾ᳚ಣಂ॒ ರಥ॑ಮಿಂದ್ರ ಸಾನ॒ಸಿಮರಿ॑ಷ್ಯ‌ನ್ತ॒ಮಾ ರು॑ಹೇಮಾ ಸ್ವ॒ಸ್ತಯೇ᳚ || 10.63.14
ಸ್ವ॒ಸ್ತಿ ನಃ॑ ಪ॒ಥ್ಯಾ᳚ಸು॒ ಧನ್ವ॑ಸು ಸ್ವ॒ಸ್ತ್ಯ1॒॑ಪ್ಸು ವೃ॒ಜನೇ॒ ಸ್ವ᳚ರ್ವತಿ | ಸ್ವ॒ಸ್ತಿ ನಃ॑ ಪುತ್ರಕೃ॒ಥೇಷು॒ ಯೋನಿ॑ಷು ಸ್ವ॒ಸ್ತಿ ರಾ॒ಯೇ ಮ॑ರುತೋ ದಧಾತನ || 10.63.15
ಸ್ವ॒ಸ್ತಿರಿದ್ಧಿ ಪ್ರಪ॑ಥೇ॒ ಶ್ರೇಷ್ಠಾ॒ ರೇಕ್ಣ॑ಸ್ವತ್ಯ॒ಭಿ ಯಾ ವಾ॒ಮಮೇತಿ॑ | ಸಾ ನೋ᳚ ಅ॒ಮಾ ಸೋ ಅರ॑ಣೇ॒ ನಿ ಪಾ᳚ತು ಸ್ವಾವೇ॒ಶಾ ಭ॑ವತು ದೇ॒ವಗೋ᳚ಪಾ || 10.63.16
ಏ॒ವಾ ಪ್ಲ॒ತೇಃ ಸೂ॒ನುರ॑ವೀವೃಧದ್ವೋ॒ ವಿಶ್ವ॑ ಆದಿತ್ಯಾ ಅದಿತೇ ಮನೀ॒ಷೀ | ಈ॒ಶಾ॒ನಾಸೋ॒ ನರೋ॒ ಅಮ॑ರ್ತ್ಯೇ॒ನಾಸ್ತಾ᳚ವಿ॒ ಜನೋ᳚ ದಿ॒ವ್ಯೋ ಗಯೇ᳚ನ || 10.63.17

(1-17) ಸಪ್ತದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ಲಾತೋ ಗಯ ಋಷಿಃ, ವಿಶ್ವೇ ದೇವಾ ದೇವತಾಃ (1-11, 13-15) ಪ್ರಥಮಾಯೇಕಾದಶ! ತ್ರಯೋದಶ್ಯಾದಿತೃಚಸ್ಯ ಚ ಜಗತೀ, (12, 1617) ದ್ವಾದಶೀಷೋಡಶೀಸಪ್ತದಶೀನಾಂಚ ತ್ರಿಷ್ಟುಪ್ ಛಂದಸೀ

ಕ॒ಥಾ ದೇ॒ವಾನಾಂ᳚ ಕತ॒ಮಸ್ಯ॒ ಯಾಮ॑ನಿ ಸು॒ಮ‌ನ್ತು॒ ನಾಮ॑ ಶೃಣ್ವ॒ತಾಂ ಮ॑ನಾಮಹೇ | ಕೋ ಮೃ॑ಳಾತಿ ಕತ॒ಮೋ ನೋ॒ ಮಯ॑ಸ್ಕರತ್ಕತ॒ಮ ಊ॒ತೀ ಅ॒ಭ್ಯಾ ವ॑ವರ್ತತಿ || 10.64.1
ಕ್ರ॒ತೂ॒ಯ‌ನ್ತಿ॒ ಕ್ರತ॑ವೋ ಹೃ॒ತ್ಸು ಧೀ॒ತಯೋ॒ ವೇನ᳚‌ನ್ತಿ ವೇ॒ನಾಃ ಪ॒ತಯ॒‌ನ್ತ್ಯಾ ದಿಶಃ॑ | ನ ಮ॑ರ್ಡಿ॒ತಾ ವಿ॑ದ್ಯತೇ ಅ॒ನ್ಯ ಏ᳚ಭ್ಯೋ ದೇ॒ವೇಷು॑ ಮೇ॒ ಅಧಿ॒ ಕಾಮಾ᳚ ಅಯಂಸತ || 10.64.2
ನರಾ᳚ ವಾ॒ ಶಂಸಂ᳚ ಪೂ॒ಷಣ॒ಮಗೋ᳚ಹ್ಯಮ॒ಗ್ನಿಂ ದೇ॒ವೇದ್ಧ॑ಮ॒ಭ್ಯ॑ರ್ಚಸೇ ಗಿ॒ರಾ | ಸೂರ್ಯಾ॒ಮಾಸಾ᳚ ಚಂ॒ದ್ರಮ॑ಸಾ ಯ॒ಮಂ ದಿ॒ವಿ ತ್ರಿ॒ತಂ ವಾತ॑ಮು॒ಷಸ॑ಮ॒ಕ್ತುಮ॒ಶ್ವಿನಾ᳚ || 10.64.3
ಕ॒ಥಾ ಕ॒ವಿಸ್ತು॑ವೀ॒ರವಾ॒ನ್ಕಯಾ᳚ ಗಿ॒ರಾ ಬೃಹ॒ಸ್ಪತಿ᳚ರ್ವಾವೃಧತೇ ಸುವೃ॒ಕ್ತಿಭಿಃ॑ | ಅ॒ಜ ಏಕ॑ಪಾತ್ಸು॒ಹವೇ᳚ಭಿ॒ರ್‌ಋಕ್ವ॑ಭಿ॒ರಹಿಃ॑ ಶೃಣೋತು ಬು॒ಧ್ನ್ಯೋ॒3॒॑ ಹವೀ᳚ಮನಿ || 10.64.4
ದಕ್ಷ॑ಸ್ಯ ವಾದಿತೇ॒ ಜನ್ಮ॑ನಿ ವ್ರ॒ತೇ ರಾಜಾ᳚ನಾ ಮಿ॒ತ್ರಾವರು॒ಣಾ ವಿ॑ವಾಸಸಿ | ಅತೂ᳚ರ್ತಪ‌ನ್ಥಾಃ ಪುರು॒ರಥೋ᳚ ಅರ್ಯ॒ಮಾ ಸ॒ಪ್ತಹೋ᳚ತಾ॒ ವಿಷು॑ರೂಪೇಷು॒ ಜನ್ಮ॑ಸು || 10.64.5
ತೇ ನೋ॒ ಅರ್ವ᳚‌ನ್ತೋ ಹವನ॒ಶ್ರುತೋ॒ ಹವಂ॒ ವಿಶ್ವೇ᳚ ಶೃಣ್ವ‌ನ್ತು ವಾ॒ಜಿನೋ᳚ ಮಿ॒ತದ್ರ॑ವಃ | ಸ॒ಹ॒ಸ್ರ॒ಸಾ ಮೇ॒ಧಸಾ᳚ತಾವಿವ॒ ತ್ಮನಾ᳚ ಮ॒ಹೋ ಯೇ ಧನಂ᳚ ಸಮಿ॒ಥೇಷು॑ ಜಭ್ರಿ॒ರೇ || 10.64.6
ಪ್ರ ವೋ᳚ ವಾ॒ಯುಂ ರ॑ಥ॒ಯುಜಂ॒ ಪುರಂ᳚ಧಿಂ॒ ಸ್ತೋಮೈಃ᳚ ಕೃಣುಧ್ವಂ ಸ॒ಖ್ಯಾಯ॑ ಪೂ॒ಷಣ‌ಮ್᳚ | ತೇ ಹಿ ದೇ॒ವಸ್ಯ॑ ಸವಿ॒ತುಃ ಸವೀ᳚ಮನಿ॒ ಕ್ರತುಂ॒ ಸಚ᳚‌ನ್ತೇ ಸ॒ಚಿತಃ॒ ಸಚೇ᳚ತಸಃ || 10.64.7
ತ್ರಿಃ ಸ॒ಪ್ತ ಸ॒ಸ್ರಾ ನ॒ದ್ಯೋ᳚ ಮ॒ಹೀರ॒ಪೋ ವನ॒ಸ್ಪತೀ॒ನ್ಪರ್ವ॑ತಾಁ ಅ॒ಗ್ನಿಮೂ॒ತಯೇ᳚ | ಕೃ॒ಶಾನು॒ಮಸ್ತೄ᳚‌ನ್ತಿ॒ಷ್ಯಂ᳚ ಸ॒ಧಸ್ಥ॒ ಆ ರು॒ದ್ರಂ ರು॒ದ್ರೇಷು॑ ರು॒ದ್ರಿಯಂ᳚ ಹವಾಮಹೇ || 10.64.8
ಸರ॑ಸ್ವತೀ ಸ॒ರಯುಃ॒ ಸಿಂಧು॑ರೂ॒ರ್ಮಿಭಿ᳚ರ್ಮ॒ಹೋ ಮ॒ಹೀರವ॒ಸಾ ಯ᳚‌ನ್ತು॒ ವಕ್ಷ॑ಣೀಃ | ದೇ॒ವೀರಾಪೋ᳚ ಮಾ॒ತರಃ॑ ಸೂದಯಿ॒ತ್ನ್ವೋ᳚ ಘೃ॒ತವ॒ತ್ಪಯೋ॒ ಮಧು॑ಮನ್ನೋ ಅರ್ಚತ || 10.64.9
ಉ॒ತ ಮಾ॒ತಾ ಬೃ॑ಹದ್ದಿ॒ವಾ ಶೃ॑ಣೋತು ನ॒ಸ್ತ್ವಷ್ಟಾ᳚ ದೇ॒ವೇಭಿ॒ರ್ಜನಿ॑ಭಿಃ ಪಿ॒ತಾ ವಚಃ॑ | ಋ॒ಭು॒ಕ್ಷಾ ವಾಜೋ॒ ರಥ॒ಸ್ಪತಿ॒ರ್ಭಗೋ᳚ ರ॒ಣ್ವಃ ಶಂಸಃ॑ ಶಶಮಾ॒ನಸ್ಯ॑ ಪಾತು ನಃ || 10.64.10
ರ॒ಣ್ವಃ ಸಂದೃ॑ಷ್ಟೌ ಪಿತು॒ಮಾಁ ಇ॑ವ॒ ಕ್ಷಯೋ᳚ ಭ॒ದ್ರಾ ರು॒ದ್ರಾಣಾಂ᳚ ಮ॒ರುತಾ॒ಮುಪ॑ಸ್ತುತಿಃ | ಗೋಭಿಃ॑ ಷ್ಯಾಮ ಯ॒ಶಸೋ॒ ಜನೇ॒ಷ್ವಾ ಸದಾ᳚ ದೇವಾಸ॒ ಇಳ॑ಯಾ ಸಚೇಮಹಿ || 10.64.11
ಯಾಂ ಮೇ॒ ಧಿಯಂ॒ ಮರು॑ತ॒ ಇಂದ್ರ॒ ದೇವಾ॒ ಅದ॑ದಾತ ವರುಣ ಮಿತ್ರ ಯೂ॒ಯ‌ಮ್ | ತಾಂ ಪೀ᳚ಪಯತ॒ ಪಯ॑ಸೇವ ಧೇ॒ನುಂ ಕು॒ವಿದ್ಗಿರೋ॒ ಅಧಿ॒ ರಥೇ॒ ವಹಾ᳚ಥ || 10.64.12
ಕು॒ವಿದಂ॒ಗ ಪ್ರತಿ॒ ಯಥಾ᳚ ಚಿದ॒ಸ್ಯ ನಃ॑ ಸಜಾ॒ತ್ಯ॑ಸ್ಯ ಮರುತೋ॒ ಬುಬೋ᳚ಧಥ | ನಾಭಾ॒ ಯತ್ರ॑ ಪ್ರಥ॒ಮಂ ಸಂ॒ನಸಾ᳚ಮಹೇ॒ ತತ್ರ॑ ಜಾಮಿ॒ತ್ವಮದಿ॑ತಿರ್ದಧಾತು ನಃ || 10.64.13
ತೇ ಹಿ ದ್ಯಾವಾ᳚ಪೃಥಿ॒ವೀ ಮಾ॒ತರಾ᳚ ಮ॒ಹೀ ದೇ॒ವೀ ದೇ॒ವಾಂಜನ್ಮ॑ನಾ ಯ॒ಜ್ಞಿಯೇ᳚ ಇ॒ತಃ | ಉ॒ಭೇ ಬಿ॑ಭೃತ ಉ॒ಭಯಂ॒ ಭರೀ᳚ಮಭಿಃ ಪು॒ರೂ ರೇತಾಂ᳚ಸಿ ಪಿ॒ತೃಭಿ॑ಶ್ಚ ಸಿಂಚತಃ || 10.64.14
ವಿ ಷಾ ಹೋತ್ರಾ॒ ವಿಶ್ವ॑ಮಶ್ನೋತಿ॒ ವಾರ್ಯಂ॒ ಬೃಹ॒ಸ್ಪತಿ॑ರ॒ರಮ॑ತಿಃ॒ ಪನೀ᳚ಯಸೀ | ಗ್ರಾವಾ॒ ಯತ್ರ॑ ಮಧು॒ಷುದು॒ಚ್ಯತೇ᳚ ಬೃ॒ಹದವೀ᳚ವಶ‌ನ್ತ ಮ॒ತಿಭಿ᳚ರ್ಮನೀ॒ಷಿಣಃ॑ || 10.64.15
ಏ॒ವಾ ಕ॒ವಿಸ್ತು॑ವೀ॒ರವಾಁ᳚ ಋತ॒ಜ್ಞಾ ದ್ರ॑ವಿಣ॒ಸ್ಯುರ್ದ್ರವಿ॑ಣಸಶ್ಚಕಾ॒ನಃ | ಉ॒ಕ್ಥೇಭಿ॒ರತ್ರ॑ ಮ॒ತಿಭಿ॑ಶ್ಚ॒ ವಿಪ್ರೋಽಪೀ᳚ಪಯ॒ದ್ಗಯೋ᳚ ದಿ॒ವ್ಯಾನಿ॒ ಜನ್ಮ॑ || 10.64.16
ಏ॒ವಾ ಪ್ಲ॒ತೇಃ ಸೂ॒ನುರ॑ವೀವೃಧದ್ವೋ॒ ವಿಶ್ವ॑ ಆದಿತ್ಯಾ ಅದಿತೇ ಮನೀ॒ಷೀ | ಈ॒ಶಾ॒ನಾಸೋ॒ ನರೋ॒ ಅಮ॑ರ್ತ್ಯೇ॒ನಾಸ್ತಾ᳚ವಿ॒ ಜನೋ᳚ ದಿ॒ವ್ಯೋ ಗಯೇ᳚ನ || 10.64.17

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ವಾಸಕ್ರೋ ವಸುಕರ್ಣ ಋಷಿಃ, ವಿಶ್ವೇ ದೇವಾ ದೇವತಾಃ (1-14) ಪ್ರಥಮಾದಿಚತುದಶ ! ಜಗತೀ, (15) ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಅ॒ಗ್ನಿರಿಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ವಾ॒ಯುಃ ಪೂ॒ಷಾ ಸರ॑ಸ್ವತೀ ಸ॒ಜೋಷ॑ಸಃ | ಆ॒ದಿ॒ತ್ಯಾ ವಿಷ್ಣು᳚ರ್ಮ॒ರುತಃ॒ ಸ್ವ॑ರ್ಬೃ॒ಹತ್ಸೋಮೋ᳚ ರು॒ದ್ರೋ ಅದಿ॑ತಿ॒ರ್ಬ್ರಹ್ಮ॑ಣ॒ಸ್ಪತಿಃ॑ || 10.65.1
ಇಂ॒ದ್ರಾ॒ಗ್ನೀ ವೃ॑ತ್ರ॒ಹತ್ಯೇ᳚ಷು॒ ಸತ್ಪ॑ತೀ ಮಿ॒ಥೋ ಹಿ᳚ನ್ವಾ॒ನಾ ತ॒ನ್ವಾ॒3॒॑ ಸಮೋ᳚ಕಸಾ | ಅ॒‌ನ್ತರಿ॑ಕ್ಷಂ॒ ಮಹ್ಯಾ ಪ॑ಪ್ರು॒ರೋಜ॑ಸಾ॒ ಸೋಮೋ᳚ ಘೃತ॒ಶ್ರೀರ್ಮ॑ಹಿ॒ಮಾನ॑ಮೀ॒ರಯನ್॑ || 10.65.2
ತೇಷಾಂ॒ ಹಿ ಮ॒ಹ್ನಾ ಮ॑ಹ॒ತಾಮ॑ನ॒ರ್ವಣಾಂ॒ ಸ್ತೋಮಾಁ॒ ಇಯ᳚ರ್ಮ್ಯೃತ॒ಜ್ಞಾ ಋ॑ತಾ॒ವೃಧಾ᳚‌ಮ್ | ಯೇ ಅ॑ಪ್ಸ॒ವಮ᳚ರ್ಣ॒ವಂ ಚಿ॒ತ್ರರಾ᳚ಧಸ॒ಸ್ತೇ ನೋ᳚ ರಾಸ‌ನ್ತಾಂ ಮ॒ಹಯೇ᳚ ಸುಮಿ॒ತ್ರ್ಯಾಃ || 10.65.3
ಸ್ವ᳚ರ್ಣರಮ॒‌ನ್ತರಿ॑ಕ್ಷಾಣಿ ರೋಚ॒ನಾ ದ್ಯಾವಾ॒ಭೂಮೀ᳚ ಪೃಥಿ॒ವೀಂ ಸ್ಕಂ᳚ಭು॒ರೋಜ॑ಸಾ | ಪೃ॒ಕ್ಷಾ ಇ॑ವ ಮ॒ಹಯ᳚‌ನ್ತಃ ಸುರಾ॒ತಯೋ᳚ ದೇ॒ವಾಃ ಸ್ತ॑ವ‌ನ್ತೇ॒ ಮನು॑ಷಾಯ ಸೂ॒ರಯಃ॑ || 10.65.4
ಮಿ॒ತ್ರಾಯ॑ ಶಿಕ್ಷ॒ ವರು॑ಣಾಯ ದಾ॒ಶುಷೇ॒ ಯಾ ಸ॒ಮ್ರಾಜಾ॒ ಮನ॑ಸಾ॒ ನ ಪ್ರ॒ಯುಚ್ಛ॑ತಃ | ಯಯೋ॒ರ್ಧಾಮ॒ ಧರ್ಮ॑ಣಾ॒ ರೋಚ॑ತೇ ಬೃ॒ಹದ್ಯಯೋ᳚ರು॒ಭೇ ರೋದ॑ಸೀ॒ ನಾಧ॑ಸೀ॒ ವೃತೌ᳚ || 10.65.5
ಯಾ ಗೌರ್ವ॑ರ್ತ॒ನಿಂ ಪ॒ರ್ಯೇತಿ॑ ನಿಷ್ಕೃ॒ತಂ ಪಯೋ॒ ದುಹಾ᳚ನಾ ವ್ರತ॒ನೀರ॑ವಾ॒ರತಃ॑ | ಸಾ ಪ್ರ॑ಬ್ರುವಾ॒ಣಾ ವರು॑ಣಾಯ ದಾ॒ಶುಷೇ᳚ ದೇ॒ವೇಭ್ಯೋ᳚ ದಾಶದ್ಧ॒ವಿಷಾ᳚ ವಿ॒ವಸ್ವ॑ತೇ || 10.65.6
ದಿ॒ವಕ್ಷ॑ಸೋ ಅಗ್ನಿಜಿ॒ಹ್ವಾ ಋ॑ತಾ॒ವೃಧ॑ ಋ॒ತಸ್ಯ॒ ಯೋನಿಂ᳚ ವಿಮೃ॒ಶ‌ನ್ತ॑ ಆಸತೇ | ದ್ಯಾಂ ಸ್ಕ॑ಭಿ॒ತ್ವ್ಯ1॒॑ಪ ಆ ಚ॑ಕ್ರು॒ರೋಜ॑ಸಾ ಯ॒ಜ್ಞಂ ಜ॑ನಿ॒ತ್ವೀ ತ॒ನ್ವೀ॒3॒॑ ನಿ ಮಾ᳚ಮೃಜುಃ || 10.65.7
ಪ॒ರಿ॒ಕ್ಷಿತಾ᳚ ಪಿ॒ತರಾ᳚ ಪೂರ್ವ॒ಜಾವ॑ರೀ ಋ॒ತಸ್ಯ॒ ಯೋನಾ᳚ ಕ್ಷಯತಃ॒ ಸಮೋ᳚ಕಸಾ | ದ್ಯಾವಾ᳚ಪೃಥಿ॒ವೀ ವರು॑ಣಾಯ॒ ಸವ್ರ॑ತೇ ಘೃ॒ತವ॒ತ್ಪಯೋ᳚ ಮಹಿ॒ಷಾಯ॑ ಪಿನ್ವತಃ || 10.65.8
ಪ॒ರ್ಜನ್ಯಾ॒ವಾತಾ᳚ ವೃಷ॒ಭಾ ಪು॑ರೀ॒ಷಿಣೇಂ᳚ದ್ರವಾ॒ಯೂ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ದೇ॒ವಾಁ ಆ᳚ದಿ॒ತ್ಯಾಁ ಅದಿ॑ತಿಂ ಹವಾಮಹೇ॒ ಯೇ ಪಾರ್ಥಿ॑ವಾಸೋ ದಿ॒ವ್ಯಾಸೋ᳚ ಅ॒ಪ್ಸು ಯೇ || 10.65.9
ತ್ವಷ್ಟಾ᳚ರಂ ವಾ॒ಯುಮೃ॑ಭವೋ॒ ಯ ಓಹ॑ತೇ॒ ದೈವ್ಯಾ॒ ಹೋತಾ᳚ರಾ ಉ॒ಷಸಂ᳚ ಸ್ವ॒ಸ್ತಯೇ᳚ | ಬೃಹ॒ಸ್ಪತಿಂ᳚ ವೃತ್ರಖಾ॒ದಂ ಸು॑ಮೇ॒ಧಸ॑ಮಿಂದ್ರಿ॒ಯಂ ಸೋಮಂ᳚ ಧನ॒ಸಾ ಉ॑ ಈಮಹೇ || 10.65.10
ಬ್ರಹ್ಮ॒ ಗಾಮಶ್ವಂ᳚ ಜ॒ನಯ᳚‌ನ್ತ॒ ಓಷ॑ಧೀ॒ರ್ವನ॒ಸ್ಪತೀ᳚ನ್ಪೃಥಿ॒ವೀಂ ಪರ್ವ॑ತಾಁ ಅ॒ಪಃ | ಸೂರ್ಯಂ᳚ ದಿ॒ವಿ ರೋ॒ಹಯ᳚‌ನ್ತಃ ಸು॒ದಾನ॑ವ॒ ಆರ್ಯಾ᳚ ವ್ರ॒ತಾ ವಿ॑ಸೃ॒ಜ‌ನ್ತೋ॒ ಅಧಿ॒ ಕ್ಷಮಿ॑ || 10.65.11
ಭು॒ಜ್ಯುಮಂಹ॑ಸಃ ಪಿಪೃಥೋ॒ ನಿರ॑ಶ್ವಿನಾ॒ ಶ್ಯಾವಂ᳚ ಪು॒ತ್ರಂ ವ॑ಧ್ರಿಮ॒ತ್ಯಾ ಅ॑ಜಿನ್ವತ‌ಮ್ | ಕ॒ಮ॒ದ್ಯುವಂ᳚ ವಿಮ॒ದಾಯೋ᳚ಹಥುರ್ಯು॒ವಂ ವಿ॑ಷ್ಣಾ॒ಪ್ವ1॒॑ ಅಂವಿಶ್ವ॑ಕಾ॒ಯಾವ॑ ಸೃಜಥಃ || 10.65.12
ಪಾವೀ᳚ರವೀ ತನ್ಯ॒ತುರೇಕ॑ಪಾದ॒ಜೋ ದಿ॒ವೋ ಧ॒ರ್ತಾ ಸಿಂಧು॒ರಾಪಃ॑ ಸಮು॒ದ್ರಿಯಃ॑ | ವಿಶ್ವೇ᳚ ದೇ॒ವಾಸಃ॑ ಶೃಣವ॒ನ್ವಚಾಂ᳚ಸಿ ಮೇ॒ ಸರ॑ಸ್ವತೀ ಸ॒ಹ ಧೀ॒ಭಿಃ ಪುರಂ᳚ಧ್ಯಾ || 10.65.13
ವಿಶ್ವೇ᳚ ದೇ॒ವಾಃ ಸ॒ಹ ಧೀ॒ಭಿಃ ಪುರಂ᳚ಧ್ಯಾ॒ ಮನೋ॒ರ್ಯಜ॑ತ್ರಾ ಅ॒ಮೃತಾ᳚ ಋತ॒ಜ್ಞಾಃ | ರಾ॒ತಿ॒ಷಾಚೋ᳚ ಅಭಿ॒ಷಾಚಃ॑ ಸ್ವ॒ರ್ವಿದಃ॒ ಸ್ವ1॒॑ರ್ಗಿರೋ॒ ಬ್ರಹ್ಮ॑ ಸೂ॒ಕ್ತಂ ಜು॑ಷೇರತ || 10.65.14
ದೇ॒ವಾನ್ವಸಿ॑ಷ್ಠೋ ಅ॒ಮೃತಾ᳚ನ್ವವಂದೇ॒ ಯೇ ವಿಶ್ವಾ॒ ಭುವ॑ನಾ॒ಭಿ ಪ್ರ॑ತ॒ಸ್ಥುಃ | ತೇ ನೋ᳚ ರಾಸ‌ನ್ತಾಮುರುಗಾ॒ಯಮ॒ದ್ಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 10.65.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ವಾಸುಕ್ರೋ ವಸುಕರ್ಣ ಋಷಿಃ, ವಿಶ್ವೇ ದೇವಾ ದೇವತಾಃ (1-14) ಪ್ರಥಮಾದಿಚತುದಶ ! ಜಗತೀ, (15) ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ದೇ॒ವಾನ್ಹು॑ವೇ ಬೃ॒ಹಚ್ಛ್ರ॑ವಸಃ ಸ್ವ॒ಸ್ತಯೇ᳚ ಜ್ಯೋತಿ॒ಷ್ಕೃತೋ᳚ ಅಧ್ವ॒ರಸ್ಯ॒ ಪ್ರಚೇ᳚ತಸಃ | ಯೇ ವಾ᳚ವೃ॒ಧುಃ ಪ್ರ॑ತ॒ರಂ ವಿ॒ಶ್ವವೇ᳚ದಸ॒ ಇಂದ್ರ॑ಜ್ಯೇಷ್ಠಾಸೋ ಅ॒ಮೃತಾ᳚ ಋತಾ॒ವೃಧಃ॑ || 10.66.1
ಇಂದ್ರ॑ಪ್ರಸೂತಾ॒ ವರು॑ಣಪ್ರಶಿಷ್ಟಾ॒ ಯೇ ಸೂರ್ಯ॑ಸ್ಯ॒ ಜ್ಯೋತಿ॑ಷೋ ಭಾ॒ಗಮಾ᳚ನ॒ಶುಃ | ಮ॒ರುದ್ಗ॑ಣೇ ವೃ॒ಜನೇ॒ ಮನ್ಮ॑ ಧೀಮಹಿ॒ ಮಾಘೋ᳚ನೇ ಯ॒ಜ್ಞಂ ಜ॑ನಯ‌ನ್ತ ಸೂ॒ರಯಃ॑ || 10.66.2
ಇಂದ್ರೋ॒ ವಸು॑ಭಿಃ॒ ಪರಿ॑ ಪಾತು ನೋ॒ ಗಯ॑ಮಾದಿ॒ತ್ಯೈರ್ನೋ॒ ಅದಿ॑ತಿಃ॒ ಶರ್ಮ॑ ಯಚ್ಛತು | ರು॒ದ್ರೋ ರು॒ದ್ರೇಭಿ॑ರ್ದೇ॒ವೋ ಮೃ॑ಳಯಾತಿ ನ॒ಸ್ತ್ವಷ್ಟಾ᳚ ನೋ॒ ಗ್ನಾಭಿಃ॑ ಸುವಿ॒ತಾಯ॑ ಜಿನ್ವತು || 10.66.3
ಅದಿ॑ತಿ॒ರ್ದ್ಯಾವಾ᳚ಪೃಥಿ॒ವೀ ಋ॒ತಂ ಮ॒ಹದಿಂದ್ರಾ॒ವಿಷ್ಣೂ᳚ ಮ॒ರುತಃ॒ ಸ್ವ॑ರ್ಬೃ॒ಹತ್ | ದೇ॒ವಾಁ ಆ᳚ದಿ॒ತ್ಯಾಁ ಅವ॑ಸೇ ಹವಾಮಹೇ॒ ವಸೂ᳚ನ್ರು॒ದ್ರಾ‌‌ನ್ತ್ಸ॑ವಿ॒ತಾರಂ᳚ ಸು॒ದಂಸ॑ಸ‌ಮ್ || 10.66.4
ಸರ॑ಸ್ವಾಂಧೀ॒ಭಿರ್ವರು॑ಣೋ ಧೃ॒ತವ್ರ॑ತಃ ಪೂ॒ಷಾ ವಿಷ್ಣು᳚ರ್ಮಹಿ॒ಮಾ ವಾ॒ಯುರ॒ಶ್ವಿನಾ᳚ | ಬ್ರ॒ಹ್ಮ॒ಕೃತೋ᳚ ಅ॒ಮೃತಾ᳚ ವಿ॒ಶ್ವವೇ᳚ದಸಃ॒ ಶರ್ಮ॑ ನೋ ಯಂಸ‌ನ್ತ್ರಿ॒ವರೂ᳚ಥ॒ಮಂಹ॑ಸಃ || 10.66.5
ವೃಷಾ᳚ ಯ॒ಜ್ಞೋ ವೃಷ॑ಣಃ ಸ‌ನ್ತು ಯ॒ಜ್ಞಿಯಾ॒ ವೃಷ॑ಣೋ ದೇ॒ವಾ ವೃಷ॑ಣೋ ಹವಿ॒ಷ್ಕೃತಃ॑ | ವೃಷ॑ಣಾ॒ ದ್ಯಾವಾ᳚ಪೃಥಿ॒ವೀ ಋ॒ತಾವ॑ರೀ॒ ವೃಷಾ᳚ ಪ॒ರ್ಜನ್ಯೋ॒ ವೃಷ॑ಣೋ ವೃಷ॒ಸ್ತುಭಃ॑ || 10.66.6
ಅ॒ಗ್ನೀಷೋಮಾ॒ ವೃಷ॑ಣಾ॒ ವಾಜ॑ಸಾತಯೇ ಪುರುಪ್ರಶ॒ಸ್ತಾ ವೃಷ॑ಣಾ॒ ಉಪ॑ ಬ್ರುವೇ | ಯಾವೀ᳚ಜಿ॒ರೇ ವೃಷ॑ಣೋ ದೇವಯ॒ಜ್ಯಯಾ॒ ತಾ ನಃ॒ ಶರ್ಮ॑ ತ್ರಿ॒ವರೂ᳚ಥಂ॒ ವಿ ಯಂ᳚ಸತಃ || 10.66.7
ಧೃ॒ತವ್ರ॑ತಾಃ ಕ್ಷ॒ತ್ರಿಯಾ᳚ ಯಜ್ಞನಿ॒ಷ್ಕೃತೋ᳚ ಬೃಹದ್ದಿ॒ವಾ ಅ॑ಧ್ವ॒ರಾಣಾ᳚ಮಭಿ॒ಶ್ರಿಯಃ॑ | ಅ॒ಗ್ನಿಹೋ᳚ತಾರ ಋತ॒ಸಾಪೋ᳚ ಅ॒ದ್ರುಹೋ॒ಽಪೋ ಅ॑ಸೃಜ॒ನ್ನನು॑ ವೃತ್ರ॒ತೂರ್ಯೇ᳚ || 10.66.8
ದ್ಯಾವಾ᳚ಪೃಥಿ॒ವೀ ಜ॑ನಯನ್ನ॒ಭಿ ವ್ರ॒ತಾಪ॒ ಓಷ॑ಧೀರ್ವ॒ನಿನಾ᳚ನಿ ಯ॒ಜ್ಞಿಯಾ᳚ | ಅ॒‌ನ್ತರಿ॑ಕ್ಷಂ॒ ಸ್ವ1॒॑ರಾ ಪ॑ಪ್ರುರೂ॒ತಯೇ॒ ವಶಂ᳚ ದೇ॒ವಾಸ॑ಸ್ತ॒ನ್ವೀ॒3॒॑ ನಿ ಮಾ᳚ಮೃಜುಃ || 10.66.9
ಧ॒ರ್ತಾರೋ᳚ ದಿ॒ವ ಋ॒ಭವಃ॑ ಸು॒ಹಸ್ತಾ᳚ ವಾತಾಪರ್ಜ॒ನ್ಯಾ ಮ॑ಹಿ॒ಷಸ್ಯ॑ ತನ್ಯ॒ತೋಃ | ಆಪ॒ ಓಷ॑ಧೀಃ॒ ಪ್ರ ತಿ॑ರ‌ನ್ತು ನೋ॒ ಗಿರೋ॒ ಭಗೋ᳚ ರಾ॒ತಿರ್ವಾ॒ಜಿನೋ᳚ ಯ‌ನ್ತು ಮೇ॒ ಹವ‌ಮ್᳚ || 10.66.10
ಸ॒ಮು॒ದ್ರಃ ಸಿಂಧೂ॒ ರಜೋ᳚ ಅ॒‌ನ್ತರಿ॑ಕ್ಷಮ॒ಜ ಏಕ॑ಪಾತ್ತನಯಿ॒ತ್ನುರ᳚ರ್ಣ॒ವಃ | ಅಹಿ॑ರ್ಬು॒ಧ್ನ್ಯಃ॑ ಶೃಣವ॒ದ್ವಚಾಂ᳚ಸಿ ಮೇ॒ ವಿಶ್ವೇ᳚ ದೇ॒ವಾಸ॑ ಉ॒ತ ಸೂ॒ರಯೋ॒ ಮಮ॑ || 10.66.11
ಸ್ಯಾಮ॑ ವೋ॒ ಮನ॑ವೋ ದೇ॒ವವೀ᳚ತಯೇ॒ ಪ್ರಾಂಚಂ᳚ ನೋ ಯ॒ಜ್ಞಂ ಪ್ರ ಣ॑ಯತ ಸಾಧು॒ಯಾ | ಆದಿ॑ತ್ಯಾ॒ ರುದ್ರಾ॒ ವಸ॑ವಃ॒ ಸುದಾ᳚ನವ ಇ॒ಮಾ ಬ್ರಹ್ಮ॑ ಶ॒ಸ್ಯಮಾ᳚ನಾನಿ ಜಿನ್ವತ || 10.66.12
ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ಪು॒ರೋಹಿ॑ತ ಋ॒ತಸ್ಯ॒ ಪ‌ನ್ಥಾ॒ಮನ್ವೇ᳚ಮಿ ಸಾಧು॒ಯಾ | ಕ್ಷೇತ್ರ॑ಸ್ಯ॒ ಪತಿಂ॒ ಪ್ರತಿ॑ವೇಶಮೀಮಹೇ॒ ವಿಶ್ವಾಂ᳚ದೇ॒ವಾಁ ಅ॒ಮೃತಾಁ॒ ಅಪ್ರ॑ಯುಚ್ಛತಃ || 10.66.13
ವಸಿ॑ಷ್ಠಾಸಃ ಪಿತೃ॒ವದ್ವಾಚ॑ಮಕ್ರತ ದೇ॒ವಾಁ ಈಳಾ᳚ನಾ ಋಷಿ॒ವತ್ಸ್ವ॒ಸ್ತಯೇ᳚ | ಪ್ರೀ॒ತಾ ಇ॑ವ ಜ್ಞಾ॒ತಯಃ॒ ಕಾಮ॒ಮೇತ್ಯಾ॒ಸ್ಮೇ ದೇ᳚ವಾ॒ಸೋಽವ॑ ಧೂನುತಾ॒ ವಸು॑ || 10.66.14
ದೇ॒ವಾನ್ವಸಿ॑ಷ್ಠೋ ಅ॒ಮೃತಾ᳚ನ್ವವಂದೇ॒ ಯೇ ವಿಶ್ವಾ॒ ಭುವ॑ನಾ॒ಭಿ ಪ್ರ॑ತ॒ಸ್ಥುಃ | ತೇ ನೋ᳚ ರಾಸ‌ನ್ತಾಮುರುಗಾ॒ಯಮ॒ದ್ಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 10.66.15

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋಽಯಾಸ್ಯ ಋಷಿಃ, ಬೃಹಸ್ಪತಿದೇವ ತಾ, ತ್ರಿಷ್ಟುಪ್ ಛಂದಃ

ಇ॒ಮಾಂ ಧಿಯಂ᳚ ಸ॒ಪ್ತಶೀ᳚ರ್ಷ್ಣೀಂ ಪಿ॒ತಾ ನ॑ ಋ॒ತಪ್ರ॑ಜಾತಾಂ ಬೃಹ॒ತೀಮ॑ವಿಂದತ್ | ತು॒ರೀಯಂ᳚ ಸ್ವಿಜ್ಜನಯದ್ವಿ॒ಶ್ವಜ᳚ನ್ಯೋ॒ಽಯಾಸ್ಯ॑ ಉ॒ಕ್ಥಮಿಂದ್ರಾ᳚ಯ॒ ಶಂಸನ್॑ || 10.67.1
ಋ॒ತಂ ಶಂಸ᳚‌ನ್ತ ಋ॒ಜು ದೀಧ್ಯಾ᳚ನಾ ದಿ॒ವಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾಃ | ವಿಪ್ರಂ᳚ ಪ॒ದಮಂಗಿ॑ರಸೋ॒ ದಧಾ᳚ನಾ ಯ॒ಜ್ಞಸ್ಯ॒ ಧಾಮ॑ ಪ್ರಥ॒ಮಂ ಮ॑ನ‌ನ್ತ || 10.67.2
ಹಂ॒ಸೈರಿ॑ವ॒ ಸಖಿ॑ಭಿ॒ರ್ವಾವ॑ದದ್ಭಿರಶ್ಮ॒ನ್ಮಯಾ᳚ನಿ॒ ನಹ॑ನಾ॒ ವ್ಯಸ್ಯನ್॑ | ಬೃಹ॒ಸ್ಪತಿ॑ರಭಿ॒ಕನಿ॑ಕ್ರದ॒ದ್ಗಾ ಉ॒ತ ಪ್ರಾಸ್ತೌ॒ದುಚ್ಚ॑ ವಿ॒ದ್ವಾಁ ಅ॑ಗಾಯತ್ || 10.67.3
ಅ॒ವೋ ದ್ವಾಭ್ಯಾಂ᳚ ಪ॒ರ ಏಕ॑ಯಾ॒ ಗಾ ಗುಹಾ॒ ತಿಷ್ಠ᳚‌ನ್ತೀ॒ರನೃ॑ತಸ್ಯ॒ ಸೇತೌ᳚ | ಬೃಹ॒ಸ್ಪತಿ॒ಸ್ತಮ॑ಸಿ॒ ಜ್ಯೋತಿ॑ರಿ॒ಚ್ಛನ್ನುದು॒ಸ್ರಾ ಆಕ॒ರ್ವಿ ಹಿ ತಿ॒ಸ್ರ ಆವಃ॑ || 10.67.4
ವಿ॒ಭಿದ್ಯಾ॒ ಪುರಂ᳚ ಶ॒ಯಥೇ॒ಮಪಾ᳚ಚೀಂ॒ ನಿಸ್ತ್ರೀಣಿ॑ ಸಾ॒ಕಮು॑ದ॒ಧೇರ॑ಕೃ‌ನ್ತತ್ | ಬೃಹ॒ಸ್ಪತಿ॑ರು॒ಷಸಂ॒ ಸೂರ್ಯಂ॒ ಗಾಮ॒ರ್ಕಂ ವಿ॑ವೇದ ಸ್ತ॒ನಯ᳚ನ್ನಿವ॒ ದ್ಯೌಃ || 10.67.5
ಇಂದ್ರೋ᳚ ವ॒ಲಂ ರ॑ಕ್ಷಿ॒ತಾರಂ॒ ದುಘಾ᳚ನಾಂ ಕ॒ರೇಣೇ᳚ವ॒ ವಿ ಚ॑ಕರ್ತಾ॒ ರವೇ᳚ಣ | ಸ್ವೇದಾಂ᳚ಜಿಭಿರಾ॒ಶಿರ॑ಮಿ॒ಚ್ಛಮಾ॒ನೋಽರೋ᳚ದಯತ್ಪ॒ಣಿಮಾ ಗಾ ಅ॑ಮುಷ್ಣಾತ್ || 10.67.6
ಸ ಈಂ᳚ ಸ॒ತ್ಯೇಭಿಃ॒ ಸಖಿ॑ಭಿಃ ಶು॒ಚದ್ಭಿ॒ರ್ಗೋಧಾ᳚ಯಸಂ॒ ವಿ ಧ॑ನ॒ಸೈರ॑ದರ್ದಃ | ಬ್ರಹ್ಮ॑ಣ॒ಸ್ಪತಿ॒ರ್ವೃಷ॑ಭಿರ್ವ॒ರಾಹೈ᳚ರ್ಘ॒ರ್ಮಸ್ವೇ᳚ದೇಭಿ॒ರ್ದ್ರವಿ॑ಣಂ॒ ವ್ಯಾ᳚ನಟ್ || 10.67.7
ತೇ ಸ॒ತ್ಯೇನ॒ ಮನ॑ಸಾ॒ ಗೋಪ॑ತಿಂ॒ ಗಾ ಇ॑ಯಾ॒ನಾಸ॑ ಇಷಣಯ‌ನ್ತ ಧೀ॒ಭಿಃ | ಬೃಹ॒ಸ್ಪತಿ᳚ರ್ಮಿ॒ಥೋಅ॑ವದ್ಯಪೇಭಿ॒ರುದು॒ಸ್ರಿಯಾ᳚ ಅಸೃಜತ ಸ್ವ॒ಯುಗ್ಭಿಃ॑ || 10.67.8
ತಂ ವ॒ರ್ಧಯ᳚‌ನ್ತೋ ಮ॒ತಿಭಿಃ॑ ಶಿ॒ವಾಭಿಃ॑ ಸಿಂ॒ಹಮಿ॑ವ॒ ನಾನ॑ದತಂ ಸ॒ಧಸ್ಥೇ᳚ | ಬೃಹ॒ಸ್ಪತಿಂ॒ ವೃಷ॑ಣಂ॒ ಶೂರ॑ಸಾತೌ॒ ಭರೇ᳚ಭರೇ॒ ಅನು॑ ಮದೇಮ ಜಿ॒ಷ್ಣು‌ಮ್ || 10.67.9
ಯ॒ದಾ ವಾಜ॒ಮಸ॑ನದ್ವಿ॒ಶ್ವರೂ᳚ಪ॒ಮಾ ದ್ಯಾಮರು॑ಕ್ಷ॒ದುತ್ತ॑ರಾಣಿ॒ ಸದ್ಮ॑ | ಬೃಹ॒ಸ್ಪತಿಂ॒ ವೃಷ॑ಣಂ ವ॒ರ್ಧಯ᳚‌ನ್ತೋ॒ ನಾನಾ॒ ಸ‌ನ್ತೋ॒ ಬಿಭ್ರ॑ತೋ॒ ಜ್ಯೋತಿ॑ರಾ॒ಸಾ || 10.67.10
ಸ॒ತ್ಯಾಮಾ॒ಶಿಷಂ᳚ ಕೃಣುತಾ ವಯೋ॒ಧೈ ಕೀ॒ರಿಂ ಚಿ॒ದ್ಧ್ಯವ॑ಥ॒ ಸ್ವೇಭಿ॒ರೇವೈಃ᳚ | ಪ॒ಶ್ಚಾ ಮೃಧೋ॒ ಅಪ॑ ಭವ‌ನ್ತು॒ ವಿಶ್ವಾ॒ಸ್ತದ್ರೋ᳚ದಸೀ ಶೃಣುತಂ ವಿಶ್ವಮಿ॒ನ್ವೇ || 10.67.11
ಇಂದ್ರೋ᳚ ಮ॒ಹ್ನಾ ಮ॑ಹ॒ತೋ ಅ᳚ರ್ಣ॒ವಸ್ಯ॒ ವಿ ಮೂ॒ರ್ಧಾನ॑ಮಭಿನದರ್ಬು॒ದಸ್ಯ॑ | ಅಹ॒ನ್ನಹಿ॒ಮರಿ॑ಣಾತ್ಸ॒ಪ್ತ ಸಿಂಧೂಂ᳚ದೇ॒ವೈರ್ದ್ಯಾ᳚ವಾಪೃಥಿವೀ॒ ಪ್ರಾವ॑ತಂ ನಃ || 10.67.12

(1-12) ದ್ವಾದಶರ್ಚಸ್ಯಾಸ್ಯ ಸಕ್ತಸ್ಯಾಂಗಿರಸೋಽಯಾಸ್ಯ ಋಷಿಃ, ಬೃಹಸ್ಪತಿದೇವ ತಾ, ತ್ರಿಷ್ಟುಪ್ ಛಂದಃ

ಉ॒ದ॒ಪ್ರುತೋ॒ ನ ವಯೋ॒ ರಕ್ಷ॑ಮಾಣಾ॒ ವಾವ॑ದತೋ ಅ॒ಭ್ರಿಯ॑ಸ್ಯೇವ॒ ಘೋಷಾಃ᳚ | ಗಿ॒ರಿ॒ಭ್ರಜೋ॒ ನೋರ್ಮಯೋ॒ ಮದ᳚‌ನ್ತೋ॒ ಬೃಹ॒ಸ್ಪತಿ॑ಮ॒ಭ್ಯ1॒॑ರ್ಕಾ ಅ॑ನಾವನ್ || 10.68.1
ಸಂ ಗೋಭಿ॑ರಾಂಗಿರ॒ಸೋ ನಕ್ಷ॑ಮಾಣೋ॒ ಭಗ॑ ಇ॒ವೇದ᳚ರ್ಯ॒ಮಣಂ᳚ ನಿನಾಯ | ಜನೇ᳚ ಮಿ॒ತ್ರೋ ನ ದಂಪ॑ತೀ ಅನಕ್ತಿ॒ ಬೃಹ॑ಸ್ಪತೇ ವಾ॒ಜಯಾ॒ಶೂಁರಿ॑ವಾ॒ಜೌ || 10.68.2
ಸಾ॒ಧ್ವ॒ರ್ಯಾ ಅ॑ತಿ॒ಥಿನೀ᳚ರಿಷಿ॒ರಾಃ ಸ್ಪಾ॒ರ್ಹಾಃ ಸು॒ವರ್ಣಾ᳚ ಅನವ॒ದ್ಯರೂ᳚ಪಾಃ | ಬೃಹ॒ಸ್ಪತಿಃ॒ ಪರ್ವ॑ತೇಭ್ಯೋ ವಿ॒ತೂರ್ಯಾ॒ ನಿರ್ಗಾ ಊ᳚ಪೇ॒ ಯವ॑ಮಿವ ಸ್ಥಿ॒ವಿಭ್ಯಃ॑ || 10.68.3
ಆ॒ಪ್ರು॒ಷಾ॒ಯನ್ಮಧು॑ನ ಋ॒ತಸ್ಯ॒ ಯೋನಿ॑ಮವಕ್ಷಿ॒ಪನ್ನ॒ರ್ಕ ಉ॒ಲ್ಕಾಮಿ॑ವ॒ ದ್ಯೋಃ | ಬೃಹ॒ಸ್ಪತಿ॑ರು॒ದ್ಧರ॒ನ್ನಶ್ಮ॑ನೋ॒ ಗಾ ಭೂಮ್ಯಾ᳚ ಉ॒ದ್ನೇವ॒ ವಿ ತ್ವಚಂ᳚ ಬಿಭೇದ || 10.68.4
ಅಪ॒ ಜ್ಯೋತಿ॑ಷಾ॒ ತಮೋ᳚ ಅ॒‌ನ್ತರಿ॑ಕ್ಷಾದು॒ದ್ನಃ ಶೀಪಾ᳚ಲಮಿವ॒ ವಾತ॑ ಆಜತ್ | ಬೃಹ॒ಸ್ಪತಿ॑ರನು॒ಮೃಶ್ಯಾ᳚ ವ॒ಲಸ್ಯಾ॒ಭ್ರಮಿ॑ವ॒ ವಾತ॒ ಆ ಚ॑ಕ್ರ॒ ಆ ಗಾಃ || 10.68.5
ಯ॒ದಾ ವ॒ಲಸ್ಯ॒ ಪೀಯ॑ತೋ॒ ಜಸುಂ॒ ಭೇದ್ಬೃಹ॒ಸ್ಪತಿ॑ರಗ್ನಿ॒ತಪೋ᳚ಭಿರ॒ರ್ಕೈಃ | ದ॒ದ್ಭಿರ್ನ ಜಿ॒ಹ್ವಾ ಪರಿ॑ವಿಷ್ಟ॒ಮಾದ॑ದಾ॒ವಿರ್ನಿ॒ಧೀಁರ॑ಕೃಣೋದು॒ಸ್ರಿಯಾ᳚ಣಾ‌ಮ್ || 10.68.6
ಬೃಹ॒ಸ್ಪತಿ॒ರಮ॑ತ॒ ಹಿ ತ್ಯದಾ᳚ಸಾಂ॒ ನಾಮ॑ ಸ್ವ॒ರೀಣಾಂ॒ ಸದ॑ನೇ॒ ಗುಹಾ॒ ಯತ್ | ಆಂ॒ಡೇವ॑ ಭಿ॒ತ್ತ್ವಾ ಶ॑ಕು॒ನಸ್ಯ॒ ಗರ್ಭ॒ಮುದು॒ಸ್ರಿಯಾಃ॒ ಪರ್ವ॑ತಸ್ಯ॒ ತ್ಮನಾ᳚ಜತ್ || 10.68.7
ಅಶ್ನಾಪಿ॑ನದ್ಧಂ॒ ಮಧು॒ ಪರ್ಯ॑ಪಶ್ಯ॒ನ್ಮತ್ಸ್ಯಂ॒ ನ ದೀ॒ನ ಉ॒ದನಿ॑ ಕ್ಷಿ॒ಯ‌ನ್ತ‌ಮ್᳚ | ನಿಷ್ಟಜ್ಜ॑ಭಾರ ಚಮ॒ಸಂ ನ ವೃ॒ಕ್ಷಾದ್ಬೃಹ॒ಸ್ಪತಿ᳚ರ್ವಿರ॒ವೇಣಾ᳚ ವಿ॒ಕೃತ್ಯ॑ || 10.68.8
ಸೋಷಾಮ॑ವಿಂದ॒ತ್ಸ ಸ್ವ1॒ಃ॑ ಸೋ ಅ॒ಗ್ನಿಂ ಸೋ ಅ॒ರ್ಕೇಣ॒ ವಿ ಬ॑ಬಾಧೇ॒ ತಮಾಂ᳚ಸಿ | ಬೃಹ॒ಸ್ಪತಿ॒ರ್ಗೋವ॑ಪುಷೋ ವ॒ಲಸ್ಯ॒ ನಿರ್ಮ॒ಜ್ಜಾನಂ॒ ನ ಪರ್ವ॑ಣೋ ಜಭಾರ || 10.68.9
ಹಿ॒ಮೇವ॑ ಪ॒ರ್ಣಾ ಮು॑ಷಿ॒ತಾ ವನಾ᳚ನಿ॒ ಬೃಹ॒ಸ್ಪತಿ॑ನಾಕೃಪಯದ್ವ॒ಲೋ ಗಾಃ | ಅ॒ನಾ॒ನು॒ಕೃ॒ತ್ಯಮ॑ಪು॒ನಶ್ಚ॑ಕಾರ॒ ಯಾತ್ಸೂರ್ಯಾ॒ಮಾಸಾ᳚ ಮಿ॒ಥ ಉ॒ಚ್ಚರಾ᳚ತಃ || 10.68.10
ಅ॒ಭಿ ಶ್ಯಾ॒ವಂ ನ ಕೃಶ॑ನೇಭಿ॒ರಶ್ವಂ॒ ನಕ್ಷ॑ತ್ರೇಭಿಃ ಪಿ॒ತರೋ॒ ದ್ಯಾಮ॑ಪಿಂಶನ್ | ರಾತ್ರ್ಯಾಂ॒ ತಮೋ॒ ಅದ॑ಧು॒ರ್ಜ್ಯೋತಿ॒ರಹ॒ನ್ಬೃಹ॒ಸ್ಪತಿ॑ರ್ಭಿ॒ನದದ್ರಿಂ᳚ ವಿ॒ದದ್ಗಾಃ || 10.68.11
ಇ॒ದಮ॑ಕರ್ಮ॒ ನಮೋ᳚ ಅಭ್ರಿ॒ಯಾಯ॒ ಯಃ ಪೂ॒ರ್ವೀರನ್ವಾ॒ನೋನ॑ವೀತಿ | ಬೃಹ॒ಸ್ಪತಿಃ॒ ಸ ಹಿ ಗೋಭಿಃ॒ ಸೋ ಅಶ್ವೈಃ॒ ಸ ವೀ॒ರೇಭಿಃ॒ ಸ ನೃಭಿ᳚ರ್ನೋ॒ ವಯೋ᳚ ಧಾತ್ || 10.68.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ವಾಧ್ಯಶ್ವಃ ಸಮಿತ್ರ ಋಷಿಃ, ಅಗ್ನಿರ್ದೇವತಾ, (1-2) ಪ್ರಥಮಾದ್ವಿತೀಯಯೋರೃಚೋರ್ಜಗತೀ, (3-12) ತೃತೀಯಾದಿದಶಾನಾಂಚ ತ್ರಿಷ್ಟುಪ್ ಛಂದಸೀ

ಭ॒ದ್ರಾ ಅ॒ಗ್ನೇರ್ವ॑ಧ್ರ್ಯ॒ಶ್ವಸ್ಯ॑ ಸಂ॒ದೃಶೋ᳚ ವಾ॒ಮೀ ಪ್ರಣೀ᳚ತಿಃ ಸು॒ರಣಾ॒ ಉಪೇ᳚ತಯಃ | ಯದೀಂ᳚ ಸುಮಿ॒ತ್ರಾ ವಿಶೋ॒ ಅಗ್ರ॑ ಇಂ॒ಧತೇ᳚ ಘೃ॒ತೇನಾಹು॑ತೋ ಜರತೇ॒ ದವಿ॑ದ್ಯುತತ್ || 10.69.1
ಘೃ॒ತಮ॒ಗ್ನೇರ್ವ॑ಧ್ರ್ಯ॒ಶ್ವಸ್ಯ॒ ವರ್ಧ॑ನಂ ಘೃ॒ತಮನ್ನಂ᳚ ಘೃ॒ತಮ್ವ॑ಸ್ಯ॒ ಮೇದ॑ನ‌ಮ್ | ಘೃ॒ತೇನಾಹು॑ತ ಉರ್ವಿ॒ಯಾ ವಿ ಪ॑ಪ್ರಥೇ॒ ಸೂರ್ಯ॑ ಇವ ರೋಚತೇ ಸ॒ರ್ಪಿರಾ᳚ಸುತಿಃ || 10.69.2
ಯತ್ತೇ॒ ಮನು॒ರ್ಯದನೀ᳚ಕಂ ಸುಮಿ॒ತ್ರಃ ಸ॑ಮೀ॒ಧೇ ಅ॑ಗ್ನೇ॒ ತದಿ॒ದಂ ನವೀ᳚ಯಃ | ಸ ರೇ॒ವಚ್ಛೋ᳚ಚ॒ ಸ ಗಿರೋ᳚ ಜುಷಸ್ವ॒ ಸ ವಾಜಂ᳚ ದರ್ಷಿ॒ ಸ ಇ॒ಹ ಶ್ರವೋ᳚ ಧಾಃ || 10.69.3
ಯಂ ತ್ವಾ॒ ಪೂರ್ವ॑ಮೀಳಿ॒ತೋ ವ॑ಧ್ರ್ಯ॒ಶ್ವಃ ಸ॑ಮೀ॒ಧೇ ಅ॑ಗ್ನೇ॒ ಸ ಇ॒ದಂ ಜು॑ಷಸ್ವ | ಸ ನಃ॑ ಸ್ತಿ॒ಪಾ ಉ॒ತ ಭ॑ವಾ ತನೂ॒ಪಾ ದಾ॒ತ್ರಂ ರ॑ಕ್ಷಸ್ವ॒ ಯದಿ॒ದಂ ತೇ᳚ ಅ॒ಸ್ಮೇ || 10.69.4
ಭವಾ᳚ ದ್ಯು॒ಮ್ನೀ ವಾ᳚ಧ್ರ್ಯಶ್ವೋ॒ತ ಗೋ॒ಪಾ ಮಾ ತ್ವಾ᳚ ತಾರೀದ॒ಭಿಮಾ᳚ತಿ॒ರ್ಜನಾ᳚ನಾ‌ಮ್ | ಶೂರ॑ ಇವ ಧೃ॒ಷ್ಣುಶ್ಚ್ಯವ॑ನಃ ಸುಮಿ॒ತ್ರಃ ಪ್ರ ನು ವೋ᳚ಚಂ॒ ವಾಧ್ರ್ಯ॑ಶ್ವಸ್ಯ॒ ನಾಮ॑ || 10.69.5
ಸಮ॒ಜ್ರ್ಯಾ᳚ ಪರ್ವ॒ತ್ಯಾ॒3॒॑ ವಸೂ᳚ನಿ॒ ದಾಸಾ᳚ ವೃ॒ತ್ರಾಣ್ಯಾರ್ಯಾ᳚ ಜಿಗೇಥ | ಶೂರ॑ ಇವ ಧೃ॒ಷ್ಣುಶ್ಚ್ಯವ॑ನೋ॒ ಜನಾ᳚ನಾಂ॒ ತ್ವಮ॑ಗ್ನೇ ಪೃತನಾ॒ಯೂಁರ॒ಭಿ ಷ್ಯಾಃ᳚ || 10.69.6
ದೀ॒ರ್ಘತ᳚‌ನ್ತುರ್ಬೃ॒ಹದು॑ಕ್ಷಾ॒ಯಮ॒ಗ್ನಿಃ ಸ॒ಹಸ್ರ॑ಸ್ತರೀಃ ಶ॒ತನೀ᳚ಥ॒ ಋಭ್ವಾ᳚ | ದ್ಯು॒ಮಾಂದ್ಯು॒ಮತ್ಸು॒ ನೃಭಿ᳚ರ್ಮೃ॒ಜ್ಯಮಾ᳚ನಃ ಸುಮಿ॒ತ್ರೇಷು॑ ದೀದಯೋ ದೇವ॒ಯತ್ಸು॑ || 10.69.7
ತ್ವೇ ಧೇ॒ನುಃ ಸು॒ದುಘಾ᳚ ಜಾತವೇದೋಽಸ॒ಶ್ಚತೇ᳚ವ ಸಮ॒ನಾ ಸ॑ಬ॒ರ್ಧುಕ್ | ತ್ವಂ ನೃಭಿ॒ರ್ದಕ್ಷಿ॑ಣಾವದ್ಭಿರಗ್ನೇ ಸುಮಿ॒ತ್ರೇಭಿ॑ರಿಧ್ಯಸೇ ದೇವ॒ಯದ್ಭಿಃ॑ || 10.69.8
ದೇ॒ವಾಶ್ಚಿ॑ತ್ತೇ ಅ॒ಮೃತಾ᳚ ಜಾತವೇದೋ ಮಹಿ॒ಮಾನಂ᳚ ವಾಧ್ರ್ಯಶ್ವ॒ ಪ್ರ ವೋ᳚ಚನ್ | ಯತ್ಸಂ॒ಪೃಚ್ಛಂ॒ ಮಾನು॑ಷೀ॒ರ್ವಿಶ॒ ಆಯ॒‌ನ್ತ್ವಂ ನೃಭಿ॑ರಜಯ॒ಸ್ತ್ವಾವೃ॑ಧೇಭಿಃ || 10.69.9
ಪಿ॒ತೇವ॑ ಪು॒ತ್ರಮ॑ಬಿಭರು॒ಪಸ್ಥೇ॒ ತ್ವಾಮ॑ಗ್ನೇ ವಧ್ರ್ಯ॒ಶ್ವಃ ಸ॑ಪ॒ರ್ಯನ್ | ಜು॒ಷಾ॒ಣೋ ಅ॑ಸ್ಯ ಸ॒ಮಿಧಂ᳚ ಯವಿಷ್ಠೋ॒ತ ಪೂರ್ವಾಁ᳚ ಅವನೋ॒ರ್ವ್ರಾಧ॑ತಶ್ಚಿತ್ || 10.69.10
ಶಶ್ವ॑ದ॒ಗ್ನಿರ್ವ॑ಧ್ರ್ಯ॒ಶ್ವಸ್ಯ॒ ಶತ್ರೂ॒ನ್ನೃಭಿ॑ರ್ಜಿಗಾಯ ಸು॒ತಸೋ᳚ಮವದ್ಭಿಃ | ಸಮ॑ನಂ ಚಿದದಹಶ್ಚಿತ್ರಭಾ॒ನೋಽವ॒ ವ್ರಾಧ᳚‌ನ್ತಮಭಿನದ್ವೃ॒ಧಶ್ಚಿ॑ತ್ || 10.69.11
ಅ॒ಯಮ॒ಗ್ನಿರ್ವ॑ಧ್ರ್ಯ॒ಶ್ವಸ್ಯ॑ ವೃತ್ರ॒ಹಾ ಸ॑ನ॒ಕಾತ್ಪ್ರೇದ್ಧೋ॒ ನಮ॑ಸೋಪವಾ॒ಕ್ಯಃ॑ | ಸ ನೋ॒ ಅಜಾ᳚ಮೀಁರು॒ತ ವಾ॒ ವಿಜಾ᳚ಮೀನ॒ಭಿ ತಿ॑ಷ್ಠ॒ ಶರ್ಧ॑ತೋ ವಾಧ್ರ್ಯಶ್ವ || 10.69.12

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ವಾಧ್ಯಶ್ವಃ ಸುಮಿತ್ರ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ, (2) ದ್ವಿತೀಯಾಯಾ ನರಾಶಂಸಃ, (3) ತೃತೀಯಾಯಾ ಇಳಃ, (4) ಚತುರ್ಥ್ಯಾ ಬರ್ಹಿಃ, (5) ಪಂಚಮ್ಯಾ ದೇವೀಭರಃ, (6) ಷಷ್ಠ್ಯಾ ಉಷಾಸಾನಕ್ತಾ, (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ, (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ, (9) ನವಮ್ಯಾಸ್ತ್ವಷ್ಟಾ, (10) ದಶಮ್ಯಾ ವನಸ್ಪತಿಃ, (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ, ತ್ರಿಷ್ಟುಪ್ ಛಂದಃ

ಇ॒ಮಾಂ ಮೇ᳚ ಅಗ್ನೇ ಸ॒ಮಿಧಂ᳚ ಜುಷಸ್ವೇ॒ಳಸ್ಪ॒ದೇ ಪ್ರತಿ॑ ಹರ್ಯಾ ಘೃ॒ತಾಚೀ᳚‌ಮ್ | ವರ್ಷ್ಮ᳚ನ್ಪೃಥಿ॒ವ್ಯಾಃ ಸು॑ದಿನ॒ತ್ವೇ ಅಹ್ನಾ᳚ಮೂ॒ರ್ಧ್ವೋ ಭ॑ವ ಸುಕ್ರತೋ ದೇವಯ॒ಜ್ಯಾ || 10.70.1
ಆ ದೇ॒ವಾನಾ᳚ಮಗ್ರ॒ಯಾವೇ॒ಹ ಯಾ᳚ತು॒ ನರಾ॒ಶಂಸೋ᳚ ವಿ॒ಶ್ವರೂ᳚ಪೇಭಿ॒ರಶ್ವೈಃ᳚ | ಋ॒ತಸ್ಯ॑ ಪ॒ಥಾ ನಮ॑ಸಾ ಮಿ॒ಯೇಧೋ᳚ ದೇ॒ವೇಭ್ಯೋ᳚ ದೇ॒ವತ॑ಮಃ ಸುಷೂದತ್ || 10.70.2
ಶ॒ಶ್ವ॒ತ್ತ॒ಮಮೀ᳚ಳತೇ ದೂ॒ತ್ಯಾ᳚ಯ ಹ॒ವಿಷ್ಮ᳚‌ನ್ತೋ ಮನು॒ಷ್ಯಾ᳚ಸೋ ಅ॒ಗ್ನಿ‌ಮ್ | ವಹಿ॑ಷ್ಠೈ॒ರಶ್ವೈಃ᳚ ಸು॒ವೃತಾ॒ ರಥೇ॒ನಾ ದೇ॒ವಾನ್ವ॑ಕ್ಷಿ॒ ನಿ ಷ॑ದೇ॒ಹ ಹೋತಾ᳚ || 10.70.3
ವಿ ಪ್ರ॑ಥತಾಂ ದೇ॒ವಜು॑ಷ್ಟಂ ತಿರ॒ಶ್ಚಾ ದೀ॒ರ್ಘಂ ದ್ರಾ॒ಘ್ಮಾ ಸು॑ರ॒ಭಿ ಭೂ᳚ತ್ವ॒ಸ್ಮೇ | ಅಹೇ᳚ಳತಾ॒ ಮನ॑ಸಾ ದೇವ ಬರ್ಹಿ॒ರಿಂದ್ರ॑ಜ್ಯೇಷ್ಠಾಁ ಉಶ॒ತೋ ಯ॑ಕ್ಷಿ ದೇ॒ವಾನ್ || 10.70.4
ದಿ॒ವೋ ವಾ॒ ಸಾನು॑ ಸ್ಪೃ॒ಶತಾ॒ ವರೀ᳚ಯಃ ಪೃಥಿ॒ವ್ಯಾ ವಾ॒ ಮಾತ್ರ॑ಯಾ॒ ವಿ ಶ್ರ॑ಯಧ್ವ‌ಮ್ | ಉ॒ಶ॒ತೀರ್ದ್ವಾ᳚ರೋ ಮಹಿ॒ನಾ ಮ॒ಹದ್ಭಿ॑ರ್ದೇ॒ವಂ ರಥಂ᳚ ರಥ॒ಯುರ್ಧಾ᳚ರಯಧ್ವ‌ಮ್ || 10.70.5
ದೇ॒ವೀ ದಿ॒ವೋ ದು॑ಹಿ॒ತರಾ᳚ ಸುಶಿ॒ಲ್ಪೇ ಉ॒ಷಾಸಾ॒ನಕ್ತಾ᳚ ಸದತಾಂ॒ ನಿ ಯೋನೌ᳚ | ಆ ವಾಂ᳚ ದೇ॒ವಾಸ॑ ಉಶತೀ ಉ॒ಶ‌ನ್ತ॑ ಉ॒ರೌ ಸೀ᳚ದ‌ನ್ತು ಸುಭಗೇ ಉ॒ಪಸ್ಥೇ᳚ || 10.70.6
ಊ॒ರ್ಧ್ವೋ ಗ್ರಾವಾ᳚ ಬೃ॒ಹದ॒ಗ್ನಿಃ ಸಮಿ॑ದ್ಧಃ ಪ್ರಿ॒ಯಾ ಧಾಮಾ॒ನ್ಯದಿ॑ತೇರು॒ಪಸ್ಥೇ᳚ | ಪು॒ರೋಹಿ॑ತಾವೃತ್ವಿಜಾ ಯ॒ಜ್ಞೇ ಅ॒ಸ್ಮಿನ್ವಿ॒ದುಷ್ಟ॑ರಾ॒ ದ್ರವಿ॑ಣ॒ಮಾ ಯ॑ಜೇಥಾ‌ಮ್ || 10.70.7
ತಿಸ್ರೋ᳚ ದೇವೀರ್ಬ॒ರ್ಹಿರಿ॒ದಂ ವರೀ᳚ಯ॒ ಆ ಸೀ᳚ದತ ಚಕೃ॒ಮಾ ವಃ॑ ಸ್ಯೋ॒ನ‌ಮ್ | ಮ॒ನು॒ಷ್ವದ್ಯ॒ಜ್ಞಂ ಸುಧಿ॑ತಾ ಹ॒ವೀಂಷೀಳಾ᳚ ದೇ॒ವೀ ಘೃ॒ತಪ॑ದೀ ಜುಷ‌ನ್ತ || 10.70.8
ದೇವ॑ ತ್ವಷ್ಟ॒ರ್ಯದ್ಧ॑ ಚಾರು॒ತ್ವಮಾನ॒ಡ್ಯದಂಗಿ॑ರಸಾ॒ಮಭ॑ವಃ ಸಚಾ॒ಭೂಃ | ಸ ದೇ॒ವಾನಾಂ॒ ಪಾಥ॒ ಉಪ॒ ಪ್ರ ವಿ॒ದ್ವಾಁ ಉ॒ಶನ್ಯ॑ಕ್ಷಿ ದ್ರವಿಣೋದಃ ಸು॒ರತ್ನಃ॑ || 10.70.9
ವನ॑ಸ್ಪತೇ ರಶ॒ನಯಾ᳚ ನಿ॒ಯೂಯಾ᳚ ದೇ॒ವಾನಾಂ॒ ಪಾಥ॒ ಉಪ॑ ವಕ್ಷಿ ವಿ॒ದ್ವಾನ್ | ಸ್ವದಾ᳚ತಿ ದೇ॒ವಃ ಕೃ॒ಣವ॑ದ್ಧ॒ವೀಂಷ್ಯವ॑ತಾಂ॒ ದ್ಯಾವಾ᳚ಪೃಥಿ॒ವೀ ಹವಂ᳚ ಮೇ || 10.70.10
ಆಗ್ನೇ᳚ ವಹ॒ ವರು॑ಣಮಿ॒ಷ್ಟಯೇ᳚ ನ॒ ಇಂದ್ರಂ᳚ ದಿ॒ವೋ ಮ॒ರುತೋ᳚ ಅ॒‌ನ್ತರಿ॑ಕ್ಷಾತ್ | ಸೀದ᳚‌ನ್ತು ಬ॒ರ್ಹಿರ್ವಿಶ್ವ॒ ಆ ಯಜ॑ತ್ರಾಃ॒ ಸ್ವಾಹಾ᳚ ದೇ॒ವಾ ಅ॒ಮೃತಾ᳚ ಮಾದಯ‌ನ್ತಾ‌ಮ್ || 10.70.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಬೃಹಸ್ಪತಿ ಷಿಃ, ಜ್ಞಾನಂ ದೇವತಾ (1-8, 10-11) ಪ್ರಥಮಾಧಷ್ಟರ್ಚಾಂ ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ, (9) ನವಮ್ಯಾಶ್ಚ ಜಗತೀ ಛಂದಸೀ

ಬೃಹ॑ಸ್ಪತೇ ಪ್ರಥ॒ಮಂ ವಾ॒ಚೋ ಅಗ್ರಂ॒ ಯತ್ಪ್ರೈರ॑ತ ನಾಮ॒ಧೇಯಂ॒ ದಧಾ᳚ನಾಃ | ಯದೇ᳚ಷಾಂ॒ ಶ್ರೇಷ್ಠಂ॒ ಯದ॑ರಿ॒ಪ್ರಮಾಸೀ᳚ತ್ಪ್ರೇ॒ಣಾ ತದೇ᳚ಷಾಂ॒ ನಿಹಿ॑ತಂ॒ ಗುಹಾ॒ವಿಃ || 10.71.1
ಸಕ್ತು॑ಮಿವ॒ ತಿತ॑‌ಉನಾ ಪು॒ನ‌ನ್ತೋ॒ ಯತ್ರ॒ ಧೀರಾ॒ ಮನ॑ಸಾ॒ ವಾಚ॒ಮಕ್ರ॑ತ | ಅತ್ರಾ॒ ಸಖಾ᳚ಯಃ ಸ॒ಖ್ಯಾನಿ॑ ಜಾನತೇ ಭ॒ದ್ರೈಷಾಂ᳚ ಲ॒ಕ್ಷ್ಮೀರ್ನಿಹಿ॒ತಾಧಿ॑ ವಾ॒ಚಿ || 10.71.2
ಯ॒ಜ್ಞೇನ॑ ವಾ॒ಚಃ ಪ॑ದ॒ವೀಯ॑ಮಾಯ॒‌ನ್ತಾಮನ್ವ॑ವಿಂದ॒ನ್ನೃಷಿ॑ಷು॒ ಪ್ರವಿ॑ಷ್ಟಾ‌ಮ್ | ತಾಮಾ॒ಭೃತ್ಯಾ॒ ವ್ಯ॑ದಧುಃ ಪುರು॒ತ್ರಾ ತಾಂ ಸ॒ಪ್ತ ರೇ॒ಭಾ ಅ॒ಭಿ ಸಂ ನ॑ವ‌ನ್ತೇ || 10.71.3
ಉ॒ತ ತ್ವಃ॒ ಪಶ್ಯ॒ನ್ನ ದ॑ದರ್ಶ॒ ವಾಚ॑ಮು॒ತ ತ್ವಃ॑ ಶೃ॒ಣ್ವನ್ನ ಶೃ॑ಣೋತ್ಯೇನಾ‌ಮ್ | ಉ॒ತೋ ತ್ವ॑ಸ್ಮೈ ತ॒ನ್ವ1॒॑ ಅಂವಿ ಸ॑ಸ್ರೇ ಜಾ॒ಯೇವ॒ ಪತ್ಯ॑ ಉಶ॒ತೀ ಸು॒ವಾಸಾಃ᳚ || 10.71.4
ಉ॒ತ ತ್ವಂ᳚ ಸ॒ಖ್ಯೇ ಸ್ಥಿ॒ರಪೀ᳚ತಮಾಹು॒ರ್ನೈನಂ᳚ ಹಿನ್ವ॒‌ನ್ತ್ಯಪಿ॒ ವಾಜಿ॑ನೇಷು | ಅಧೇ᳚ನ್ವಾ ಚರತಿ ಮಾ॒ಯಯೈ॒ಷ ವಾಚಂ᳚ ಶುಶ್ರು॒ವಾಁ ಅ॑ಫ॒ಲಾಮ॑ಪು॒ಷ್ಪಾ‌ಮ್ || 10.71.5
ಯಸ್ತಿ॒ತ್ಯಾಜ॑ ಸಚಿ॒ವಿದಂ॒ ಸಖಾ᳚ಯಂ॒ ನ ತಸ್ಯ॑ ವಾ॒ಚ್ಯಪಿ॑ ಭಾ॒ಗೋ ಅ॑ಸ್ತಿ | ಯದೀಂ᳚ ಶೃ॒ಣೋತ್ಯಲ॑ಕಂ ಶೃಣೋತಿ ನ॒ಹಿ ಪ್ರ॒ವೇದ॑ ಸುಕೃ॒ತಸ್ಯ॒ ಪ‌ನ್ಥಾ᳚‌ಮ್ || 10.71.6
ಅ॒ಕ್ಷ॒ಣ್ವ‌ನ್ತಃ॒ ಕರ್ಣ॑ವ‌ನ್ತಃ॒ ಸಖಾ᳚ಯೋ ಮನೋಜ॒ವೇಷ್ವಸ॑ಮಾ ಬಭೂವುಃ | ಆ॒ದ॒ಘ್ನಾಸ॑ ಉಪಕ॒ಕ್ಷಾಸ॑ ಉ ತ್ವೇ ಹ್ರ॒ದಾ ಇ॑ವ॒ ಸ್ನಾತ್ವಾ᳚ ಉ ತ್ವೇ ದದೃಶ್ರೇ || 10.71.7
ಹೃ॒ದಾ ತ॒ಷ್ಟೇಷು॒ ಮನ॑ಸೋ ಜ॒ವೇಷು॒ ಯದ್ಬ್ರಾ᳚ಹ್ಮ॒ಣಾಃ ಸಂ॒ಯಜ᳚‌ನ್ತೇ॒ ಸಖಾ᳚ಯಃ | ಅತ್ರಾಹ॑ ತ್ವಂ॒ ವಿ ಜ॑ಹುರ್ವೇ॒ದ್ಯಾಭಿ॒ರೋಹ॑ಬ್ರಹ್ಮಾಣೋ॒ ವಿ ಚ॑ರ‌ನ್ತ್ಯು ತ್ವೇ || 10.71.8
ಇ॒ಮೇ ಯೇ ನಾರ್ವಾಙ್ನ ಪ॒ರಶ್ಚರ᳚‌ನ್ತಿ॒ ನ ಬ್ರಾ᳚ಹ್ಮ॒ಣಾಸೋ॒ ನ ಸು॒ತೇಕ॑ರಾಸಃ | ತ ಏ॒ತೇ ವಾಚ॑ಮಭಿ॒ಪದ್ಯ॑ ಪಾ॒ಪಯಾ᳚ ಸಿ॒ರೀಸ್ತ‌ನ್ತ್ರಂ᳚ ತನ್ವತೇ॒ ಅಪ್ರ॑ಜಜ್ಞಯಃ || 10.71.9
ಸರ್ವೇ᳚ ನಂದ‌ನ್ತಿ ಯ॒ಶಸಾಗ॑ತೇನ ಸಭಾಸಾ॒ಹೇನ॒ ಸಖ್ಯಾ॒ ಸಖಾ᳚ಯಃ | ಕಿ॒ಲ್ಬಿ॒ಷ॒ಸ್ಪೃತ್ಪಿ॑ತು॒ಷಣಿ॒ರ್ಹ್ಯೇ᳚ಷಾ॒ಮರಂ᳚ ಹಿ॒ತೋ ಭವ॑ತಿ॒ ವಾಜಿ॑ನಾಯ || 10.71.10
ಋ॒ಚಾಂ ತ್ವಃ॒ ಪೋಷ॑ಮಾಸ್ತೇ ಪುಪು॒ಷ್ವಾನ್ಗಾ᳚ಯ॒ತ್ರಂ ತ್ವೋ᳚ ಗಾಯತಿ॒ ಶಕ್ವ॑ರೀಷು | ಬ್ರ॒ಹ್ಮಾ ತ್ವೋ॒ ವದ॑ತಿ ಜಾತವಿ॒ದ್ಯಾಂ ಯ॒ಜ್ಞಸ್ಯ॒ ಮಾತ್ರಾಂ॒ ವಿ ಮಿ॑ಮೀತ ಉ ತ್ವಃ || 10.71.11

(1-9) ನವರ್ಚಸ್ಯಾಸ್ಯ ಸೂಕ್ತಸಯ ಲೌಕ್ಯ ಆಂಗಿರಸೋ ವಾ ಬೃಹಸ್ಪತಿಷಿರ್ದಾಕ್ಷಾಯಣೀ ಅದಿತಿರ್ವಾ ಋಷಿಕಾ, ದೇವಾ ದೇವತಾಃ, ಅನುಷ್ಟಪ್ ಛಂದಃ

ದೇ॒ವಾನಾಂ॒ ನು ವ॒ಯಂ ಜಾನಾ॒ ಪ್ರ ವೋ᳚ಚಾಮ ವಿಪ॒ನ್ಯಯಾ᳚ | ಉ॒ಕ್ಥೇಷು॑ ಶ॒ಸ್ಯಮಾ᳚ನೇಷು॒ ಯಃ ಪಶ್ಯಾ॒ದುತ್ತ॑ರೇ ಯು॒ಗೇ || 10.72.1
ಬ್ರಹ್ಮ॑ಣ॒ಸ್ಪತಿ॑ರೇ॒ತಾ ಸಂ ಕ॒ರ್ಮಾರ॑ ಇವಾಧಮತ್ | ದೇ॒ವಾನಾಂ᳚ ಪೂ॒ರ್ವ್ಯೇ ಯು॒ಗೇಽಸ॑ತಃ॒ ಸದ॑ಜಾಯತ || 10.72.2
ದೇ॒ವಾನಾಂ᳚ ಯು॒ಗೇ ಪ್ರ॑ಥ॒ಮೇಽಸ॑ತಃ॒ ಸದ॑ಜಾಯತ | ತದಾಶಾ॒ ಅನ್ವ॑ಜಾಯ‌ನ್ತ॒ ತದು॑ತ್ತಾ॒ನಪ॑ದ॒ಸ್ಪರಿ॑ || 10.72.3
ಭೂರ್ಜ॑ಜ್ಞ ಉತ್ತಾ॒ನಪ॑ದೋ ಭು॒ವ ಆಶಾ᳚ ಅಜಾಯ‌ನ್ತ | ಅದಿ॑ತೇ॒ರ್ದಕ್ಷೋ᳚ ಅಜಾಯತ॒ ದಕ್ಷಾ॒ದ್ವದಿ॑ತಿಃ॒ ಪರಿ॑ || 10.72.4
ಅದಿ॑ತಿ॒ರ್ಹ್ಯಜ॑ನಿಷ್ಟ॒ ದಕ್ಷ॒ ಯಾ ದು॑ಹಿ॒ತಾ ತವ॑ | ತಾಂ ದೇ॒ವಾ ಅನ್ವ॑ಜಾಯ‌ನ್ತ ಭ॒ದ್ರಾ ಅ॒ಮೃತ॑ಬಂಧವಃ || 10.72.5
ಯದ್ದೇ᳚ವಾ ಅ॒ದಃ ಸ॑ಲಿ॒ಲೇ ಸುಸಂ᳚ರಬ್ಧಾ॒ ಅತಿ॑ಷ್ಠತ | ಅತ್ರಾ᳚ ವೋ॒ ನೃತ್ಯ॑ತಾಮಿವ ತೀ॒ವ್ರೋ ರೇ॒ಣುರಪಾ᳚ಯತ || 10.72.6
ಯದ್ದೇ᳚ವಾ॒ ಯತ॑ಯೋ ಯಥಾ॒ ಭುವ॑ನಾ॒ನ್ಯಪಿ᳚ನ್ವತ | ಅತ್ರಾ᳚ ಸಮು॒ದ್ರ ಆ ಗೂ॒ಳ್ಹಮಾ ಸೂರ್ಯ॑ಮಜಭರ್ತನ || 10.72.7
ಅ॒ಷ್ಟೌ ಪು॒ತ್ರಾಸೋ॒ ಅದಿ॑ತೇ॒ರ್ಯೇ ಜಾ॒ತಾಸ್ತ॒ನ್ವ1॒॑ಸ್ಪರಿ॑ | ದೇ॒ವಾಁ ಉಪ॒ ಪ್ರೈತ್ಸ॒ಪ್ತಭಿಃ॒ ಪರಾ᳚ ಮಾರ್ತಾಂ॒ಡಮಾ᳚ಸ್ಯತ್ || 10.72.8
ಸ॒ಪ್ತಭಿಃ॑ ಪು॒ತ್ರೈರದಿ॑ತಿ॒ರುಪ॒ ಪ್ರೈತ್ಪೂ॒ರ್ವ್ಯಂ ಯು॒ಗ‌ಮ್ | ಪ್ರ॒ಜಾಯೈ᳚ ಮೃ॒ತ್ಯವೇ᳚ ತ್ವ॒ತ್ಪುನ᳚ರ್ಮಾರ್ತಾಂ॒ಡಮಾಭ॑ರತ್ || 10.72.9

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯೋ ಗೌರಿವೀತಿಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಜನಿ॑ಷ್ಠಾ ಉ॒ಗ್ರಃ ಸಹ॑ಸೇ ತು॒ರಾಯ॑ ಮಂ॒ದ್ರ ಓಜಿ॑ಷ್ಠೋ ಬಹು॒ಲಾಭಿ॑ಮಾನಃ | ಅವ॑ರ್ಧ॒ನ್ನಿಂದ್ರಂ᳚ ಮ॒ರುತ॑ಶ್ಚಿ॒ದತ್ರ॑ ಮಾ॒ತಾ ಯದ್ವೀ॒ರಂ ದ॒ಧನ॒ದ್ಧನಿ॑ಷ್ಠಾ || 10.73.1
ದ್ರು॒ಹೋ ನಿಷ॑ತ್ತಾ ಪೃಶ॒ನೀ ಚಿ॒ದೇವೈಃ᳚ ಪು॒ರೂ ಶಂಸೇ᳚ನ ವಾವೃಧು॒ಷ್ಟ ಇಂದ್ರ‌ಮ್᳚ | ಅ॒ಭೀವೃ॑ತೇವ॒ ತಾ ಮ॑ಹಾಪ॒ದೇನ॑ ಧ್ವಾ॒‌ನ್ತಾತ್ಪ್ರ॑ಪಿ॒ತ್ವಾದುದ॑ರ‌ನ್ತ॒ ಗರ್ಭಾಃ᳚ || 10.73.2
ಋ॒ಷ್ವಾ ತೇ॒ ಪಾದಾ॒ ಪ್ರ ಯಜ್ಜಿಗಾ॒ಸ್ಯವ॑ರ್ಧ॒ನ್ವಾಜಾ᳚ ಉ॒ತ ಯೇ ಚಿ॒ದತ್ರ॑ | ತ್ವಮಿಂ᳚ದ್ರ ಸಾಲಾವೃ॒ಕಾ‌‌ನ್ತ್ಸ॒ಹಸ್ರ॑ಮಾ॒ಸಂದ॑ಧಿಷೇ ಅ॒ಶ್ವಿನಾ ವ॑ವೃತ್ಯಾಃ || 10.73.3
ಸ॒ಮ॒ನಾ ತೂರ್ಣಿ॒ರುಪ॑ ಯಾಸಿ ಯ॒ಜ್ಞಮಾ ನಾಸ॑ತ್ಯಾ ಸ॒ಖ್ಯಾಯ॑ ವಕ್ಷಿ | ವ॒ಸಾವ್ಯಾ᳚ಮಿಂದ್ರ ಧಾರಯಃ ಸ॒ಹಸ್ರಾ॒ಶ್ವಿನಾ᳚ ಶೂರ ದದತುರ್ಮ॒ಘಾನಿ॑ || 10.73.4
ಮಂದ॑ಮಾನ ಋ॒ತಾದಧಿ॑ ಪ್ರ॒ಜಾಯೈ॒ ಸಖಿ॑ಭಿ॒ರಿಂದ್ರ॑ ಇಷಿ॒ರೇಭಿ॒ರರ್ಥ‌ಮ್᳚ | ಆಭಿ॒ರ್ಹಿ ಮಾ॒ಯಾ ಉಪ॒ ದಸ್ಯು॒ಮಾಗಾ॒ನ್ಮಿಹಃ॒ ಪ್ರ ತ॒ಮ್ರಾ ಅ॑ವಪ॒ತ್ತಮಾಂ᳚ಸಿ || 10.73.5
ಸನಾ᳚ಮಾನಾ ಚಿದ್ಧ್ವಸಯೋ॒ ನ್ಯ॑ಸ್ಮಾ॒ ಅವಾ᳚ಹ॒ನ್ನಿಂದ್ರ॑ ಉ॒ಷಸೋ॒ ಯಥಾನಃ॑ | ಋ॒ಷ್ವೈರ॑ಗಚ್ಛಃ॒ ಸಖಿ॑ಭಿ॒ರ್ನಿಕಾ᳚ಮೈಃ ಸಾ॒ಕಂ ಪ್ರ॑ತಿ॒ಷ್ಠಾ ಹೃದ್ಯಾ᳚ ಜಘ‌ನ್ಥ || 10.73.6
ತ್ವಂ ಜ॑ಘ‌ನ್ಥ॒ ನಮು॑ಚಿಂ ಮಖ॒ಸ್ಯುಂ ದಾಸಂ᳚ ಕೃಣ್ವಾ॒ನ ಋಷ॑ಯೇ॒ ವಿಮಾ᳚ಯ‌ಮ್ | ತ್ವಂ ಚ॑ಕರ್ಥ॒ ಮನ॑ವೇ ಸ್ಯೋ॒ನಾನ್ಪ॒ಥೋ ದೇ᳚ವ॒ತ್ರಾಂಜ॑ಸೇವ॒ ಯಾನಾನ್॑ || 10.73.7
ತ್ವಮೇ॒ತಾನಿ॑ ಪಪ್ರಿಷೇ॒ ವಿ ನಾಮೇಶಾ᳚ನ ಇಂದ್ರ ದಧಿಷೇ॒ ಗಭ॑ಸ್ತೌ | ಅನು॑ ತ್ವಾ ದೇ॒ವಾಃ ಶವ॑ಸಾ ಮದ‌ನ್ತ್ಯು॒ಪರಿ॑ಬುಧ್ನಾನ್ವ॒ನಿನ॑ಶ್ಚಕರ್ಥ || 10.73.8
ಚ॒ಕ್ರಂ ಯದ॑ಸ್ಯಾ॒ಪ್ಸ್ವಾ ನಿಷ॑ತ್ತಮು॒ತೋ ತದ॑ಸ್ಮೈ॒ ಮಧ್ವಿಚ್ಚ॑ಚ್ಛದ್ಯಾತ್ | ಪೃ॒ಥಿ॒ವ್ಯಾಮತಿ॑ಷಿತಂ॒ ಯದೂಧಃ॒ ಪಯೋ॒ ಗೋಷ್ವದ॑ಧಾ॒ ಓಷ॑ಧೀಷು || 10.73.9
ಅಶ್ವಾ᳚ದಿಯಾ॒ಯೇತಿ॒ ಯದ್ವದ॒‌ನ್ತ್ಯೋಜ॑ಸೋ ಜಾ॒ತಮು॒ತ ಮ᳚ನ್ಯ ಏನ‌ಮ್ | ಮ॒ನ್ಯೋರಿ॑ಯಾಯ ಹ॒ರ್ಮ್ಯೇಷು॑ ತಸ್ಥೌ॒ ಯತಃ॑ ಪ್ರಜ॒ಜ್ಞ ಇಂದ್ರೋ᳚ ಅಸ್ಯ ವೇದ || 10.73.10
ವಯಃ॑ ಸುಪ॒ರ್ಣಾ ಉಪ॑ ಸೇದು॒ರಿಂದ್ರಂ᳚ ಪ್ರಿ॒ಯಮೇ᳚ಧಾ॒ ಋಷ॑ಯೋ॒ ನಾಧ॑ಮಾನಾಃ | ಅಪ॑ ಧ್ವಾ॒‌ನ್ತಮೂ᳚ರ್ಣು॒ಹಿ ಪೂ॒ರ್ಧಿ ಚಕ್ಷು᳚ರ್ಮುಮು॒ಗ್ಧ್ಯ1॒॑ಸ್ಮಾನ್ನಿ॒ಧಯೇ᳚ವ ಬ॒ದ್ಧಾನ್ || 10.73.11

(1-6) ಷಡಚಸ್ಯಾಸ್ಯ ಸೂಕ್ತಸ್ಯ ಶಾಕ್ತ್ಯೋ ಗೌರಿವೀತಿಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ವಸೂ᳚ನಾಂ ವಾ ಚರ್ಕೃಷ॒ ಇಯ॑ಕ್ಷಂಧಿ॒ಯಾ ವಾ᳚ ಯ॒ಜ್ಞೈರ್ವಾ॒ ರೋದ॑ಸ್ಯೋಃ | ಅರ್ವ᳚‌ನ್ತೋ ವಾ॒ ಯೇ ರ॑ಯಿ॒ಮ‌ನ್ತಃ॑ ಸಾ॒ತೌ ವ॒ನುಂ ವಾ॒ ಯೇ ಸು॒ಶ್ರುಣಂ᳚ ಸು॒ಶ್ರುತೋ॒ ಧುಃ || 10.74.1
ಹವ॑ ಏಷಾ॒ಮಸು॑ರೋ ನಕ್ಷತ॒ ದ್ಯಾಂ ಶ್ರ॑ವಸ್ಯ॒ತಾ ಮನ॑ಸಾ ನಿಂಸತ॒ ಕ್ಷಾ‌ಮ್ | ಚಕ್ಷಾ᳚ಣಾ॒ ಯತ್ರ॑ ಸುವಿ॒ತಾಯ॑ ದೇ॒ವಾ ದ್ಯೌರ್ನ ವಾರೇ᳚ಭಿಃ ಕೃ॒ಣವ᳚‌ನ್ತ॒ ಸ್ವೈಃ || 10.74.2
ಇ॒ಯಮೇ᳚ಷಾಮ॒ಮೃತಾ᳚ನಾಂ॒ ಗೀಃ ಸ॒ರ್ವತಾ᳚ತಾ॒ ಯೇ ಕೃ॒ಪಣ᳚‌ನ್ತ॒ ರತ್ನ‌ಮ್᳚ | ಧಿಯಂ᳚ ಚ ಯ॒ಜ್ಞಂ ಚ॒ ಸಾಧ᳚‌ನ್ತ॒ಸ್ತೇ ನೋ᳚ ಧಾ‌ನ್ತು ವಸ॒ವ್ಯ1॒॑ಮಸಾ᳚ಮಿ || 10.74.3
ಆ ತತ್ತ॑ ಇಂದ್ರಾ॒ಯವಃ॑ ಪನ‌ನ್ತಾ॒ಭಿ ಯ ಊ॒ರ್ವಂ ಗೋಮ᳚‌ನ್ತಂ॒ ತಿತೃ॑ತ್ಸಾನ್ | ಸ॒ಕೃ॒ತ್ಸ್ವ1॒॑ ಅಂಯೇ ಪು॑ರುಪು॒ತ್ರಾಂ ಮ॒ಹೀಂ ಸ॒ಹಸ್ರ॑ಧಾರಾಂ ಬೃಹ॒ತೀಂ ದುದು॑ಕ್ಷನ್ || 10.74.4
ಶಚೀ᳚ವ॒ ಇಂದ್ರ॒ಮವ॑ಸೇ ಕೃಣುಧ್ವ॒ಮನಾ᳚ನತಂ ದ॒ಮಯ᳚‌ನ್ತಂ ಪೃತ॒ನ್ಯೂನ್ | ಋ॒ಭು॒ಕ್ಷಣಂ᳚ ಮ॒ಘವಾ᳚ನಂ ಸುವೃ॒ಕ್ತಿಂ ಭರ್ತಾ॒ ಯೋ ವಜ್ರಂ॒ ನರ್ಯಂ᳚ ಪುರು॒ಕ್ಷುಃ || 10.74.5
ಯದ್ವಾ॒ವಾನ॑ ಪುರು॒ತಮಂ᳚ ಪುರಾ॒ಷಾಳಾ ವೃ॑ತ್ರ॒ಹೇಂದ್ರೋ॒ ನಾಮಾ᳚ನ್ಯಪ್ರಾಃ | ಅಚೇ᳚ತಿ ಪ್ರಾ॒ಸಹ॒ಸ್ಪತಿ॒ಸ್ತುವಿ॑ಷ್ಮಾ॒ನ್ಯದೀ᳚ಮು॒ಶ್ಮಸಿ॒ ಕರ್ತ॑ವೇ॒ ಕರ॒ತ್ತತ್ || 10.74.6

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಯೈ ಮೇಧಃ ಸಿಂಧಕ್ಷಿದೃಷಿಃ, ನದ್ಯೋ ದೇವತಾಃ, ಜಗತೀ ಛಂದಃ

ಪ್ರ ಸು ವ॑ ಆಪೋ ಮಹಿ॒ಮಾನ॑ಮುತ್ತ॒ಮಂ ಕಾ॒ರುರ್ವೋ᳚ಚಾತಿ॒ ಸದ॑ನೇ ವಿ॒ವಸ್ವ॑ತಃ | ಪ್ರ ಸ॒ಪ್ತಸ॑ಪ್ತ ತ್ರೇ॒ಧಾ ಹಿ ಚ॑ಕ್ರ॒ಮುಃ ಪ್ರ ಸೃತ್ವ॑ರೀಣಾ॒ಮತಿ॒ ಸಿಂಧು॒ರೋಜ॑ಸಾ || 10.75.1
ಪ್ರ ತೇ᳚ಽರದ॒ದ್ವರು॑ಣೋ॒ ಯಾತ॑ವೇ ಪ॒ಥಃ ಸಿಂಧೋ॒ ಯದ್ವಾಜಾಁ᳚ ಅ॒ಭ್ಯದ್ರ॑ವ॒ಸ್ತ್ವ‌ಮ್ | ಭೂಮ್ಯಾ॒ ಅಧಿ॑ ಪ್ರ॒ವತಾ᳚ ಯಾಸಿ॒ ಸಾನು॑ನಾ॒ ಯದೇ᳚ಷಾ॒ಮಗ್ರಂ॒ ಜಗ॑ತಾಮಿರ॒ಜ್ಯಸಿ॑ || 10.75.2
ದಿ॒ವಿ ಸ್ವ॒ನೋ ಯ॑ತತೇ॒ ಭೂಮ್ಯೋ॒ಪರ್ಯ॑ನ॒‌ನ್ತಂ ಶುಷ್ಮ॒ಮುದಿ॑ಯರ್ತಿ ಭಾ॒ನುನಾ᳚ | ಅ॒ಭ್ರಾದಿ॑ವ॒ ಪ್ರ ಸ್ತ॑ನಯ‌ನ್ತಿ ವೃ॒ಷ್ಟಯಃ॒ ಸಿಂಧು॒ರ್ಯದೇತಿ॑ ವೃಷ॒ಭೋ ನ ರೋರು॑ವತ್ || 10.75.3
ಅ॒ಭಿ ತ್ವಾ᳚ ಸಿಂಧೋ॒ ಶಿಶು॒ಮಿನ್ನ ಮಾ॒ತರೋ᳚ ವಾ॒ಶ್ರಾ ಅ॑ರ್ಷ‌ನ್ತಿ॒ ಪಯ॑ಸೇವ ಧೇ॒ನವಃ॑ | ರಾಜೇ᳚ವ॒ ಯುಧ್ವಾ᳚ ನಯಸಿ॒ ತ್ವಮಿತ್ಸಿಚೌ॒ ಯದಾ᳚ಸಾ॒ಮಗ್ರಂ᳚ ಪ್ರ॒ವತಾ॒ಮಿನ॑ಕ್ಷಸಿ || 10.75.4
ಇ॒ಮಂ ಮೇ᳚ ಗಂಗೇ ಯಮುನೇ ಸರಸ್ವತಿ॒ ಶುತು॑ದ್ರಿ॒ ಸ್ತೋಮಂ᳚ ಸಚತಾ॒ ಪರು॒ಷ್ಣ್ಯಾ | ಅ॒ಸಿ॒ಕ್ನ್ಯಾ ಮ॑ರುದ್ವೃಧೇ ವಿ॒ತಸ್ತ॒ಯಾರ್ಜೀ᳚ಕೀಯೇ ಶೃಣು॒ಹ್ಯಾ ಸು॒ಷೋಮ॑ಯಾ || 10.75.5
ತೃ॒ಷ್ಟಾಮ॑ಯಾ ಪ್ರಥ॒ಮಂ ಯಾತ॑ವೇ ಸ॒ಜೂಃ ಸು॒ಸರ್ತ್ವಾ᳚ ರ॒ಸಯಾ᳚ ಶ್ವೇ॒ತ್ಯಾ ತ್ಯಾ | ತ್ವಂ ಸಿಂ᳚ಧೋ॒ ಕುಭ॑ಯಾ ಗೋಮ॒ತೀಂ ಕ್ರುಮುಂ᳚ ಮೇಹ॒ತ್ನ್ವಾ ಸ॒ರಥಂ॒ ಯಾಭಿ॒ರೀಯ॑ಸೇ || 10.75.6
ಋಜೀ॒ತ್ಯೇನೀ॒ ರುಶ॑ತೀ ಮಹಿ॒ತ್ವಾ ಪರಿ॒ ಜ್ರಯಾಂ᳚ಸಿ ಭರತೇ॒ ರಜಾಂ᳚ಸಿ | ಅದ॑ಬ್ಧಾ॒ ಸಿಂಧು॑ರ॒ಪಸಾ᳚ಮ॒ಪಸ್ತ॒ಮಾಶ್ವಾ॒ ನ ಚಿ॒ತ್ರಾ ವಪು॑ಷೀವ ದರ್ಶ॒ತಾ || 10.75.7
ಸ್ವಶ್ವಾ॒ ಸಿಂಧುಃ॑ ಸು॒ರಥಾ᳚ ಸು॒ವಾಸಾ᳚ ಹಿರ॒ಣ್ಯಯೀ॒ ಸುಕೃ॑ತಾ ವಾ॒ಜಿನೀ᳚ವತೀ | ಊರ್ಣಾ᳚ವತೀ ಯುವ॒ತಿಃ ಸೀ॒ಲಮಾ᳚ವತ್ಯು॒ತಾಧಿ॑ ವಸ್ತೇ ಸು॒ಭಗಾ᳚ ಮಧು॒ವೃಧ‌ಮ್᳚ || 10.75.8
ಸು॒ಖಂ ರಥಂ᳚ ಯುಯುಜೇ॒ ಸಿಂಧು॑ರ॒ಶ್ವಿನಂ॒ ತೇನ॒ ವಾಜಂ᳚ ಸನಿಷದ॒ಸ್ಮಿನ್ನಾ॒ಜೌ | ಮ॒ಹಾನ್ಹ್ಯ॑ಸ್ಯ ಮಹಿ॒ಮಾ ಪ॑ನ॒ಸ್ಯತೇಽದ॑ಬ್ಧಸ್ಯ॒ ಸ್ವಯ॑ಶಸೋ ವಿರ॒ಪ್ಶಿನಃ॑ || 10.75.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಸಾರ್ಪ ಐರಾವತೋ ಜರತ್ಕರ್ಣ ಋಷಿಃ, ಗ್ರಾವಾಣೋ ದೇವತಾಃ, ಜಗತೀ ಛಂದಃ

ಆ ವ॑ ಋಂಜಸ ಊ॒ರ್ಜಾಂ ವ್ಯು॑ಷ್ಟಿ॒ಷ್ವಿಂದ್ರಂ᳚ ಮ॒ರುತೋ॒ ರೋದ॑ಸೀ ಅನಕ್ತನ | ಉ॒ಭೇ ಯಥಾ᳚ ನೋ॒ ಅಹ॑ನೀ ಸಚಾ॒ಭುವಾ॒ ಸದಃ॑ಸದೋ ವರಿವ॒ಸ್ಯಾತ॑ ಉ॒ದ್ಭಿದಾ᳚ || 10.76.1
ತದು॒ ಶ್ರೇಷ್ಠಂ॒ ಸವ॑ನಂ ಸುನೋತ॒ನಾತ್ಯೋ॒ ನ ಹಸ್ತ॑ಯತೋ॒ ಅದ್ರಿಃ॑ ಸೋ॒ತರಿ॑ | ವಿ॒ದದ್ಧ್ಯ1॒᳚ರ್ಯೋ ಅ॒ಭಿಭೂ᳚ತಿ॒ ಪೌಂಸ್ಯಂ᳚ ಮ॒ಹೋ ರಾ॒ಯೇ ಚಿ॑ತ್ತರುತೇ॒ ಯದರ್ವ॑ತಃ || 10.76.2
ತದಿದ್ಧ್ಯ॑ಸ್ಯ॒ ಸವ॑ನಂ ವಿ॒ವೇರ॒ಪೋ ಯಥಾ᳚ ಪು॒ರಾ ಮನ॑ವೇ ಗಾ॒ತುಮಶ್ರೇ᳚ತ್ | ಗೋಅ᳚ರ್ಣಸಿ ತ್ವಾ॒ಷ್ಟ್ರೇ ಅಶ್ವ॑ನಿರ್ಣಿಜಿ॒ ಪ್ರೇಮ॑ಧ್ವ॒ರೇಷ್ವ॑ಧ್ವ॒ರಾಁ ಅ॑ಶಿಶ್ರಯುಃ || 10.76.3
ಅಪ॑ ಹತ ರ॒ಕ್ಷಸೋ᳚ ಭಂಗು॒ರಾವ॑ತಃ ಸ್ಕಭಾ॒ಯತ॒ ನಿರ್‌ಋ॑ತಿಂ॒ ಸೇಧ॒ತಾಮ॑ತಿ‌ಮ್ | ಆ ನೋ᳚ ರ॒ಯಿಂ ಸರ್ವ॑ವೀರಂ ಸುನೋತನ ದೇವಾ॒ವ್ಯಂ᳚ ಭರತ॒ ಶ್ಲೋಕ॑ಮದ್ರಯಃ || 10.76.4
ದಿ॒ವಶ್ಚಿ॒ದಾ ವೋಽಮ॑ವತ್ತರೇಭ್ಯೋ ವಿ॒ಭ್ವನಾ᳚ ಚಿದಾ॒ಶ್ವ॑ಪಸ್ತರೇಭ್ಯಃ | ವಾ॒ಯೋಶ್ಚಿ॒ದಾ ಸೋಮ॑ರಭಸ್ತರೇಭ್ಯೋ॒ಽಗ್ನೇಶ್ಚಿ॑ದರ್ಚ ಪಿತು॒ಕೃತ್ತ॑ರೇಭ್ಯಃ || 10.76.5
ಭು॒ರ‌ನ್ತು॑ ನೋ ಯ॒ಶಸಃ॒ ಸೋತ್ವಂಧ॑ಸೋ॒ ಗ್ರಾವಾ᳚ಣೋ ವಾ॒ಚಾ ದಿ॒ವಿತಾ᳚ ದಿ॒ವಿತ್ಮ॑ತಾ | ನರೋ॒ ಯತ್ರ॑ ದುಹ॒ತೇ ಕಾಮ್ಯಂ॒ ಮಧ್ವಾ᳚ಘೋ॒ಷಯ᳚‌ನ್ತೋ ಅ॒ಭಿತೋ᳚ ಮಿಥ॒ಸ್ತುರಃ॑ || 10.76.6
ಸು॒ನ್ವ‌ನ್ತಿ॒ ಸೋಮಂ᳚ ರಥಿ॒ರಾಸೋ॒ ಅದ್ರ॑ಯೋ॒ ನಿರ॑ಸ್ಯ॒ ರಸಂ᳚ ಗ॒ವಿಷೋ᳚ ದುಹ‌ನ್ತಿ॒ ತೇ | ದು॒ಹ‌ನ್ತ್ಯೂಧ॑ರುಪ॒ಸೇಚ॑ನಾಯ॒ ಕಂ ನರೋ᳚ ಹ॒ವ್ಯಾ ನ ಮ॑ರ್ಜಯ‌ನ್ತ ಆ॒ಸಭಿಃ॑ || 10.76.7
ಏ॒ತೇ ನ॑ರಃ॒ ಸ್ವಪ॑ಸೋ ಅಭೂತನ॒ ಯ ಇಂದ್ರಾ᳚ಯ ಸುನು॒ಥ ಸೋಮ॑ಮದ್ರಯಃ | ವಾ॒ಮಂವಾ᳚ಮಂ ವೋ ದಿ॒ವ್ಯಾಯ॒ ಧಾಮ್ನೇ॒ ವಸು॑ವಸು ವಃ॒ ಪಾರ್ಥಿ॑ವಾಯ ಸುನ್ವ॒ತೇ || 10.76.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಸ್ಯೂಮರಶ್ಮಿವ॒ಷಿಃ, ಮರುತೋ ದೇವತಾಃ (14, 6-8) ಪ್ರಥಮಾದಿಚತುರೃಚ ಆಂ ಷಷ್ಠ್ಯಾದಿತೃಚಸ್ಯ ಚ ತ್ರಿಷ್ಟುಪ, (5) ಪಂಚಮ್ಯಾಶ್ಚ ಜಗತೀ ಛಂದಸೀ

ಅ॒ಭ್ರ॒ಪ್ರುಷೋ॒ ನ ವಾ॒ಚಾ ಪ್ರು॑ಷಾ॒ ವಸು॑ ಹ॒ವಿಷ್ಮ᳚‌ನ್ತೋ॒ ನ ಯ॒ಜ್ಞಾ ವಿ॑ಜಾ॒ನುಷಃ॑ | ಸು॒ಮಾರು॑ತಂ॒ ನ ಬ್ರ॒ಹ್ಮಾಣ॑ಮ॒ರ್ಹಸೇ᳚ ಗ॒ಣಮ॑ಸ್ತೋಷ್ಯೇಷಾಂ॒ ನ ಶೋ॒ಭಸೇ᳚ || 10.77.1
ಶ್ರಿ॒ಯೇ ಮರ್ಯಾ᳚ಸೋ ಅಂ॒ಜೀಁರ॑ಕೃಣ್ವತ ಸು॒ಮಾರು॑ತಂ॒ ನ ಪೂ॒ರ್ವೀರತಿ॒ ಕ್ಷಪಃ॑ | ದಿ॒ವಸ್ಪು॒ತ್ರಾಸ॒ ಏತಾ॒ ನ ಯೇ᳚ತಿರ ಆದಿ॒ತ್ಯಾಸ॒ಸ್ತೇ ಅ॒ಕ್ರಾ ನ ವಾ᳚ವೃಧುಃ || 10.77.2
ಪ್ರ ಯೇ ದಿ॒ವಃ ಪೃ॑ಥಿ॒ವ್ಯಾ ನ ಬ॒ರ್ಹಣಾ॒ ತ್ಮನಾ᳚ ರಿರಿ॒ಚ್ರೇ ಅ॒ಭ್ರಾನ್ನ ಸೂರ್ಯಃ॑ | ಪಾಜ॑ಸ್ವ‌ನ್ತೋ॒ ನ ವೀ॒ರಾಃ ಪ॑ನ॒ಸ್ಯವೋ᳚ ರಿ॒ಶಾದ॑ಸೋ॒ ನ ಮರ್ಯಾ᳚ ಅ॒ಭಿದ್ಯ॑ವಃ || 10.77.3
ಯು॒ಷ್ಮಾಕಂ᳚ ಬು॒ಧ್ನೇ ಅ॒ಪಾಂ ನ ಯಾಮ॑ನಿ ವಿಥು॒ರ್ಯತಿ॒ ನ ಮ॒ಹೀ ಶ್ರ॑ಥ॒ರ್ಯತಿ॑ | ವಿ॒ಶ್ವಪ್ಸು᳚ರ್ಯ॒ಜ್ಞೋ ಅ॒ರ್ವಾಗ॒ಯಂ ಸು ವಃ॒ ಪ್ರಯ॑ಸ್ವ‌ನ್ತೋ॒ ನ ಸ॒ತ್ರಾಚ॒ ಆ ಗ॑ತ || 10.77.4
ಯೂ॒ಯಂ ಧೂ॒ರ್ಷು ಪ್ರ॒ಯುಜೋ॒ ನ ರ॒ಶ್ಮಿಭಿ॒ರ್ಜ್ಯೋತಿ॑ಷ್ಮ‌ನ್ತೋ॒ ನ ಭಾ॒ಸಾ ವ್ಯು॑ಷ್ಟಿಷು | ಶ್ಯೇ॒ನಾಸೋ॒ ನ ಸ್ವಯ॑ಶಸೋ ರಿ॒ಶಾದ॑ಸಃ ಪ್ರ॒ವಾಸೋ॒ ನ ಪ್ರಸಿ॑ತಾಸಃ ಪರಿ॒ಪ್ರುಷಃ॑ || 10.77.5
ಪ್ರ ಯದ್ವಹ॑ಧ್ವೇ ಮರುತಃ ಪರಾ॒ಕಾದ್ಯೂ॒ಯಂ ಮ॒ಹಃ ಸಂ॒ವರ॑ಣಸ್ಯ॒ ವಸ್ವಃ॑ | ವಿ॒ದಾ॒ನಾಸೋ᳚ ವಸವೋ॒ ರಾಧ್ಯ॑ಸ್ಯಾ॒ರಾಚ್ಚಿ॒ದ್ದ್ವೇಷಃ॑ ಸನು॒ತರ್ಯು॑ಯೋತ || 10.77.6
ಯ ಉ॒ದೃಚಿ॑ ಯ॒ಜ್ಞೇ ಅ॑ಧ್ವರೇ॒ಷ್ಠಾ ಮ॒ರುದ್ಭ್ಯೋ॒ ನ ಮಾನು॑ಷೋ॒ ದದಾ᳚ಶತ್ | ರೇ॒ವತ್ಸ ವಯೋ᳚ ದಧತೇ ಸು॒ವೀರಂ॒ ಸ ದೇ॒ವಾನಾ॒ಮಪಿ॑ ಗೋಪೀ॒ಥೇ ಅ॑ಸ್ತು || 10.77.7
ತೇ ಹಿ ಯ॒ಜ್ಞೇಷು॑ ಯ॒ಜ್ಞಿಯಾ᳚ಸ॒ ಊಮಾ᳚ ಆದಿ॒ತ್ಯೇನ॒ ನಾಮ್ನಾ॒ ಶಂಭ॑ವಿಷ್ಠಾಃ | ತೇ ನೋ᳚ಽವ‌ನ್ತು ರಥ॒ತೂರ್ಮ॑ನೀ॒ಷಾಂ ಮ॒ಹಶ್ಚ॒ ಯಾಮ᳚ನ್ನಧ್ವ॒ರೇ ಚ॑ಕಾ॒ನಾಃ || 10.77.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವಃ ಸ್ಯಮರಶ್ಮಿವ॒ಷಿಃ, ಮರುತೋ ದೇವತಾಃ (1, 3-4, 8) ಪ್ರಥಮಾತೃತೀಯಾಚತುರ್ಥ್ಯಷ್ಟಮೀನಾಮೃಚಾಂ ತ್ರಿಷ್ಟುಪ್, (2, 5-7) ದ್ವಿತೀಯಾಯಾಃ ಪಂಚಮ್ಯಾದಿತೃಚಸ್ಯ ಚ ಜಗತೀ ಛಂದಸೀ

ವಿಪ್ರಾ᳚ಸೋ॒ ನ ಮನ್ಮ॑ಭಿಃ ಸ್ವಾ॒ಧ್ಯೋ᳚ ದೇವಾ॒ವ್ಯೋ॒3॒॑ ನ ಯ॒ಜ್ಞೈಃ ಸ್ವಪ್ನ॑ಸಃ | ರಾಜಾ᳚ನೋ॒ ನ ಚಿ॒ತ್ರಾಃ ಸು॑ಸಂ॒ದೃಶಃ॑ ಕ್ಷಿತೀ॒ನಾಂ ನ ಮರ್ಯಾ᳚ ಅರೇ॒ಪಸಃ॑ || 10.78.1
ಅ॒ಗ್ನಿರ್ನ ಯೇ ಭ್ರಾಜ॑ಸಾ ರು॒ಕ್ಮವ॑ಕ್ಷಸೋ॒ ವಾತಾ᳚ಸೋ॒ ನ ಸ್ವ॒ಯುಜಃ॑ ಸ॒ದ್ಯಊ᳚ತಯಃ | ಪ್ರ॒ಜ್ಞಾ॒ತಾರೋ॒ ನ ಜ್ಯೇಷ್ಠಾಃ᳚ ಸುನೀ॒ತಯಃ॑ ಸು॒ಶರ್ಮಾ᳚ಣೋ॒ ನ ಸೋಮಾ᳚ ಋ॒ತಂ ಯ॒ತೇ || 10.78.2
ವಾತಾ᳚ಸೋ॒ ನ ಯೇ ಧುನ॑ಯೋ ಜಿಗ॒ತ್ನವೋ᳚ಽಗ್ನೀ॒ನಾಂ ನ ಜಿ॒ಹ್ವಾ ವಿ॑ರೋ॒ಕಿಣಃ॑ | ವರ್ಮ᳚ಣ್ವ‌ನ್ತೋ॒ ನ ಯೋ॒ಧಾಃ ಶಿಮೀ᳚ವ‌ನ್ತಃ ಪಿತೄ॒ಣಾಂ ನ ಶಂಸಾಃ᳚ ಸುರಾ॒ತಯಃ॑ || 10.78.3
ರಥಾ᳚ನಾಂ॒ ನ ಯೇ॒3॒॑ಽರಾಃ ಸನಾ᳚ಭಯೋ ಜಿಗೀ॒ವಾಂಸೋ॒ ನ ಶೂರಾ᳚ ಅ॒ಭಿದ್ಯ॑ವಃ | ವ॒ರೇ॒ಯವೋ॒ ನ ಮರ್ಯಾ᳚ ಘೃತ॒ಪ್ರುಷೋ᳚ಽಭಿಸ್ವ॒ರ್ತಾರೋ᳚ ಅ॒ರ್ಕಂ ನ ಸು॒ಷ್ಟುಭಃ॑ || 10.78.4
ಅಶ್ವಾ᳚ಸೋ॒ ನ ಯೇ ಜ್ಯೇಷ್ಠಾ᳚ಸ ಆ॒ಶವೋ᳚ ದಿಧಿ॒ಷವೋ॒ ನ ರ॒ಥ್ಯಃ॑ ಸು॒ದಾನ॑ವಃ | ಆಪೋ॒ ನ ನಿ॒ಮ್ನೈರು॒ದಭಿ॑ರ್ಜಿಗ॒ತ್ನವೋ᳚ ವಿ॒ಶ್ವರೂ᳚ಪಾ॒ ಅಂಗಿ॑ರಸೋ॒ ನ ಸಾಮ॑ಭಿಃ || 10.78.5
ಗ್ರಾವಾ᳚ಣೋ॒ ನ ಸೂ॒ರಯಃ॒ ಸಿಂಧು॑ಮಾತರ ಆದರ್ದಿ॒ರಾಸೋ॒ ಅದ್ರ॑ಯೋ॒ ನ ವಿ॒ಶ್ವಹಾ᳚ | ಶಿ॒ಶೂಲಾ॒ ನ ಕ್ರೀ॒ಳಯಃ॑ ಸುಮಾ॒ತರೋ᳚ ಮಹಾಗ್ರಾ॒ಮೋ ನ ಯಾಮ᳚ನ್ನು॒ತ ತ್ವಿ॒ಷಾ || 10.78.6
ಉ॒ಷಸಾಂ॒ ನ ಕೇ॒ತವೋ᳚ಽಧ್ವರ॒ಶ್ರಿಯಃ॑ ಶುಭಂ॒ಯವೋ॒ ನಾಂಜಿಭಿ॒ರ್ವ್ಯ॑ಶ್ವಿತನ್ | ಸಿಂಧ॑ವೋ॒ ನ ಯ॒ಯಿಯೋ॒ ಭ್ರಾಜ॑ದೃಷ್ಟಯಃ ಪರಾ॒ವತೋ॒ ನ ಯೋಜ॑ನಾನಿ ಮಮಿರೇ || 10.78.7
ಸು॒ಭಾ॒ಗಾನ್ನೋ᳚ ದೇವಾಃ ಕೃಣುತಾ ಸು॒ರತ್ನಾ᳚ನ॒ಸ್ಮಾ‌‌ನ್ತ್ಸ್ತೋ॒ತೄನ್ಮ॑ರುತೋ ವಾವೃಧಾ॒ನಾಃ | ಅಧಿ॑ ಸ್ತೋ॒ತ್ರಸ್ಯ॑ ಸ॒ಖ್ಯಸ್ಯ॑ ಗಾತ ಸ॒ನಾದ್ಧಿ ವೋ᳚ ರತ್ನ॒ಧೇಯಾ᳚ನಿ॒ ಸ‌ನ್ತಿ॑ || 10.78.8

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಸೌಚೀಕೋ ವೈಶ್ವಾನರೋ ವಾಗ್ನಿರ್ವಾಜಂಭರಃ ಸಪ್ತಿರ್ವಾ ಋಷಿಃ, ಅಗ್ನಿರ್ದೇವತಾ, ತ್ರಿಷ್ಟುಪ್ ಛಂದಃ

ಅಪ॑ಶ್ಯಮಸ್ಯ ಮಹ॒ತೋ ಮ॑ಹಿ॒ತ್ವಮಮ॑ರ್ತ್ಯಸ್ಯ॒ ಮರ್ತ್ಯಾ᳚ಸು ವಿ॒ಕ್ಷು | ನಾನಾ॒ ಹನೂ॒ ವಿಭೃ॑ತೇ॒ ಸಂ ಭ॑ರೇತೇ॒ ಅಸಿ᳚ನ್ವತೀ॒ ಬಪ್ಸ॑ತೀ॒ ಭೂರ್ಯ॑ತ್ತಃ || 10.79.1
ಗುಹಾ॒ ಶಿರೋ॒ ನಿಹಿ॑ತ॒ಮೃಧ॑ಗ॒ಕ್ಷೀ ಅಸಿ᳚ನ್ವನ್ನತ್ತಿ ಜಿ॒ಹ್ವಯಾ॒ ವನಾ᳚ನಿ | ಅತ್ರಾ᳚ಣ್ಯಸ್ಮೈ ಪ॒ಡ್ಭಿಃ ಸಂ ಭ॑ರ‌ನ್ತ್ಯುತ್ತಾ॒ನಹ॑ಸ್ತಾ॒ ನಮ॒ಸಾಧಿ॑ ವಿ॒ಕ್ಷು || 10.79.2
ಪ್ರ ಮಾ॒ತುಃ ಪ್ರ॑ತ॒ರಂ ಗುಹ್ಯ॑ಮಿ॒ಚ್ಛನ್ಕು॑ಮಾ॒ರೋ ನ ವೀ॒ರುಧಃ॑ ಸರ್ಪದು॒ರ್ವೀಃ | ಸ॒ಸಂ ನ ಪ॒ಕ್ವಮ॑ವಿದಚ್ಛು॒ಚ‌ನ್ತಂ᳚ ರಿರಿ॒ಹ್ವಾಂಸಂ᳚ ರಿ॒ಪ ಉ॒ಪಸ್ಥೇ᳚ ಅ॒‌ನ್ತಃ || 10.79.3
ತದ್ವಾ᳚ಮೃ॒ತಂ ರೋ᳚ದಸೀ॒ ಪ್ರ ಬ್ರ॑ವೀಮಿ॒ ಜಾಯ॑ಮಾನೋ ಮಾ॒ತರಾ॒ ಗರ್ಭೋ᳚ ಅತ್ತಿ | ನಾಹಂ ದೇ॒ವಸ್ಯ॒ ಮರ್ತ್ಯ॑ಶ್ಚಿಕೇತಾ॒ಗ್ನಿರಂ॒ಗ ವಿಚೇ᳚ತಾಃ॒ ಸ ಪ್ರಚೇ᳚ತಾಃ || 10.79.4
ಯೋ ಅ॑ಸ್ಮಾ॒ ಅನ್ನಂ᳚ ತೃ॒ಷ್ವಾ॒3॒॑ದಧಾ॒ತ್ಯಾಜ್ಯೈ᳚ರ್ಘೃ॒ತೈರ್ಜು॒ಹೋತಿ॒ ಪುಷ್ಯ॑ತಿ | ತಸ್ಮೈ᳚ ಸ॒ಹಸ್ರ॑ಮ॒ಕ್ಷಭಿ॒ರ್ವಿ ಚ॒ಕ್ಷೇಽಗ್ನೇ᳚ ವಿ॒ಶ್ವತಃ॑ ಪ್ರ॒ತ್ಯಙ್ಙ॑ಸಿ॒ ತ್ವ‌ಮ್ || 10.79.5
ಕಿಂ ದೇ॒ವೇಷು॒ ತ್ಯಜ॒ ಏನ॑ಶ್ಚಕ॒ರ್ಥಾಗ್ನೇ᳚ ಪೃ॒ಚ್ಛಾಮಿ॒ ನು ತ್ವಾಮವಿ॑ದ್ವಾನ್ | ಅಕ್ರೀ᳚ಳ॒ನ್ಕ್ರೀಳ॒ನ್ಹರಿ॒ರತ್ತ॑ವೇ॒ಽದನ್ವಿ ಪ᳚ರ್ವ॒ಶಶ್ಚ॑ಕರ್ತ॒ ಗಾಮಿ॑ವಾ॒ಸಿಃ || 10.79.6
ವಿಷೂ᳚ಚೋ॒ ಅಶ್ವಾ᳚ನ್ಯುಯುಜೇ ವನೇ॒ಜಾ ಋಜೀ᳚ತಿಭೀ ರಶ॒ನಾಭಿ॑ರ್ಗೃಭೀ॒ತಾನ್ | ಚ॒ಕ್ಷ॒ದೇ ಮಿ॒ತ್ರೋ ವಸು॑ಭಿಃ॒ ಸುಜಾ᳚ತಃ॒ ಸಮಾ᳚ನೃಧೇ॒ ಪರ್ವ॑ಭಿರ್ವಾವೃಧಾ॒ನಃ || 10.79.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಸೌಚೀಕೋ ವೈಶ್ವಾನರೋ ವಾಗ್ನಿರ್ವಾಜಂಭರಃ ಸಪ್ತಿರ್ವಾ ಋಷಿಃ, ಅಗ್ನಿದೇರ್ವತಾ. ತ್ರಿಷ್ಟುಪ್ ಛಂದಃ

ಅ॒ಗ್ನಿಃ ಸಪ್ತಿಂ᳚ ವಾಜಂಭ॒ರಂ ದ॑ದಾತ್ಯ॒ಗ್ನಿರ್ವೀ॒ರಂ ಶ್ರುತ್ಯಂ᳚ ಕರ್ಮನಿಃ॒ಷ್ಠಾ‌ಮ್ | ಅ॒ಗ್ನೀ ರೋದ॑ಸೀ॒ ವಿ ಚ॑ರತ್ಸಮಂ॒ಜನ್ನ॒ಗ್ನಿರ್ನಾರೀಂ᳚ ವೀ॒ರಕು॑ಕ್ಷಿಂ॒ ಪುರಂ᳚ಧಿ‌ಮ್ || 10.80.1
ಅ॒ಗ್ನೇರಪ್ನ॑ಸಃ ಸ॒ಮಿದ॑ಸ್ತು ಭ॒ದ್ರಾಗ್ನಿರ್ಮ॒ಹೀ ರೋದ॑ಸೀ॒ ಆ ವಿ॑ವೇಶ | ಅ॒ಗ್ನಿರೇಕಂ᳚ ಚೋದಯತ್ಸ॒ಮತ್ಸ್ವ॒ಗ್ನಿರ್ವೃ॒ತ್ರಾಣಿ॑ ದಯತೇ ಪು॒ರೂಣಿ॑ || 10.80.2
ಅ॒ಗ್ನಿರ್ಹ॒ ತ್ಯಂ ಜರ॑ತಃ॒ ಕರ್ಣ॑ಮಾವಾ॒ಗ್ನಿರ॒ದ್ಭ್ಯೋ ನಿರ॑ದಹ॒ಜ್ಜರೂ᳚ಥ‌ಮ್ | ಅ॒ಗ್ನಿರತ್ರಿಂ᳚ ಘ॒ರ್ಮ ಉ॑ರುಷ್ಯದ॒‌ನ್ತರ॒ಗ್ನಿರ್ನೃ॒ಮೇಧಂ᳚ ಪ್ರ॒ಜಯಾ᳚ಸೃಜ॒ತ್ಸ‌ಮ್ || 10.80.3
ಅ॒ಗ್ನಿರ್ದಾ॒ದ್ದ್ರವಿ॑ಣಂ ವೀ॒ರಪೇ᳚ಶಾ ಅ॒ಗ್ನಿರ್‌ಋಷಿಂ॒ ಯಃ ಸ॒ಹಸ್ರಾ᳚ ಸ॒ನೋತಿ॑ | ಅ॒ಗ್ನಿರ್ದಿ॒ವಿ ಹ॒ವ್ಯಮಾ ತ॑ತಾನಾ॒ಗ್ನೇರ್ಧಾಮಾ᳚ನಿ॒ ವಿಭೃ॑ತಾ ಪುರು॒ತ್ರಾ || 10.80.4
ಅ॒ಗ್ನಿಮು॒ಕ್ಥೈರ್‌ಋಷ॑ಯೋ॒ ವಿ ಹ್ವ॑ಯ‌ನ್ತೇ॒ಽಗ್ನಿಂ ನರೋ॒ ಯಾಮ॑ನಿ ಬಾಧಿ॒ತಾಸಃ॑ | ಅ॒ಗ್ನಿಂ ವಯೋ᳚ ಅ॒‌ನ್ತರಿ॑ಕ್ಷೇ॒ ಪತ᳚‌ನ್ತೋ॒ಽಗ್ನಿಃ ಸ॒ಹಸ್ರಾ॒ ಪರಿ॑ ಯಾತಿ॒ ಗೋನಾ᳚‌ಮ್ || 10.80.5
ಅ॒ಗ್ನಿಂ ವಿಶ॑ ಈಳತೇ॒ ಮಾನು॑ಷೀ॒ರ್ಯಾ ಅ॒ಗ್ನಿಂ ಮನು॑ಷೋ॒ ನಹು॑ಷೋ॒ ವಿ ಜಾ॒ತಾಃ | ಅ॒ಗ್ನಿರ್ಗಾಂಧ᳚ರ್ವೀಂ ಪ॒ಥ್ಯಾ᳚ಮೃ॒ತಸ್ಯಾ॒ಗ್ನೇರ್ಗವ್ಯೂ᳚ತಿರ್ಘೃ॒ತ ಆ ನಿಷ॑ತ್ತಾ || 10.80.6
ಅ॒ಗ್ನಯೇ॒ ಬ್ರಹ್ಮ॑ ಋ॒ಭವ॑ಸ್ತತಕ್ಷುರ॒ಗ್ನಿಂ ಮ॒ಹಾಮ॑ವೋಚಾಮಾ ಸುವೃ॒ಕ್ತಿ‌ಮ್ | ಅಗ್ನೇ॒ ಪ್ರಾವ॑ ಜರಿ॒ತಾರಂ᳚ ಯವಿ॒ಷ್ಠಾಗ್ನೇ॒ ಮಹಿ॒ ದ್ರವಿ॑ಣ॒ಮಾ ಯ॑ಜಸ್ವ || 10.80.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಭೌವನೋ ವಿಶ್ವಕರ್ಮಾ ಋಷಿಃ, ವಿಶ್ವಕರ್ಮಾ ದೇವತಾ, (1, 3-7) ಪ್ರಥಮರ್ಚಸ್ತೃತೀಯಾದಿಪಂಚಾನಾಂಚ ತ್ರಿಷ್ಟುಪ್, (2) ದ್ವಿತೀಯಾಯಾಶ್ಚ ವಿರಾರೂಪಾ ತ್ರಿಷ್ಟುಪ್ ಛಂದಸೀ

ಯ ಇ॒ಮಾ ವಿಶ್ವಾ॒ ಭುವ॑ನಾನಿ॒ ಜುಹ್ವ॒ದೃಷಿ॒ರ್ಹೋತಾ॒ ನ್ಯಸೀ᳚ದತ್ಪಿ॒ತಾ ನಃ॑ | ಸ ಆ॒ಶಿಷಾ॒ ದ್ರವಿ॑ಣಮಿ॒ಚ್ಛಮಾ᳚ನಃ ಪ್ರಥಮ॒ಚ್ಛದವ॑ರಾಁ॒ ಆ ವಿ॑ವೇಶ || 10.81.1
ಕಿಂ ಸ್ವಿ॑ದಾಸೀದಧಿ॒ಷ್ಠಾನ॑ಮಾ॒ರಂಭ॑ಣಂ ಕತ॒ಮತ್ಸ್ವಿ॑ತ್ಕ॒ಥಾಸೀ᳚ತ್ | ಯತೋ॒ ಭೂಮಿಂ᳚ ಜ॒ನಯ᳚ನ್ವಿ॒ಶ್ವಕ᳚ರ್ಮಾ॒ ವಿ ದ್ಯಾಮೌರ್ಣೋ᳚ನ್ಮಹಿ॒ನಾ ವಿ॒ಶ್ವಚ॑ಕ್ಷಾಃ || 10.81.2
ವಿ॒ಶ್ವತ॑ಶ್ಚಕ್ಷುರು॒ತ ವಿ॒ಶ್ವತೋ᳚ಮುಖೋ ವಿ॒ಶ್ವತೋ᳚ಬಾಹುರು॒ತ ವಿ॒ಶ್ವತ॑ಸ್ಪಾತ್ | ಸಂ ಬಾ॒ಹುಭ್ಯಾಂ॒ ಧಮ॑ತಿ॒ ಸಂ ಪತ॑ತ್ರೈ॒ರ್ದ್ಯಾವಾ॒ಭೂಮೀ᳚ ಜ॒ನಯಂ᳚ದೇ॒ವ ಏಕಃ॑ || 10.81.3
ಕಿಂ ಸ್ವಿ॒ದ್ವನಂ॒ ಕ ಉ॒ ಸ ವೃ॒ಕ್ಷ ಆ᳚ಸ॒ ಯತೋ॒ ದ್ಯಾವಾ᳚ಪೃಥಿ॒ವೀ ನಿ॑ಷ್ಟತ॒ಕ್ಷುಃ | ಮನೀ᳚ಷಿಣೋ॒ ಮನ॑ಸಾ ಪೃ॒ಚ್ಛತೇದು॒ ತದ್ಯದ॒ಧ್ಯತಿ॑ಷ್ಠ॒ದ್ಭುವ॑ನಾನಿ ಧಾ॒ರಯನ್॑ || 10.81.4
ಯಾ ತೇ॒ ಧಾಮಾ᳚ನಿ ಪರ॒ಮಾಣಿ॒ ಯಾವ॒ಮಾ ಯಾ ಮ॑ಧ್ಯ॒ಮಾ ವಿ॑ಶ್ವಕರ್ಮನ್ನು॒ತೇಮಾ | ಶಿಕ್ಷಾ॒ ಸಖಿ॑ಭ್ಯೋ ಹ॒ವಿಷಿ॑ ಸ್ವಧಾವಃ ಸ್ವ॒ಯಂ ಯ॑ಜಸ್ವ ತ॒ನ್ವಂ᳚ ವೃಧಾ॒ನಃ || 10.81.5
ವಿಶ್ವ॑ಕರ್ಮನ್ಹ॒ವಿಷಾ᳚ ವಾವೃಧಾ॒ನಃ ಸ್ವ॒ಯಂ ಯ॑ಜಸ್ವ ಪೃಥಿ॒ವೀಮು॒ತ ದ್ಯಾ‌ಮ್ | ಮುಹ್ಯ᳚‌ನ್ತ್ವ॒ನ್ಯೇ ಅ॒ಭಿತೋ॒ ಜನಾ᳚ಸ ಇ॒ಹಾಸ್ಮಾಕಂ᳚ ಮ॒ಘವಾ᳚ ಸೂ॒ರಿರ॑ಸ್ತು || 10.81.6
ವಾ॒ಚಸ್ಪತಿಂ᳚ ವಿ॒ಶ್ವಕ᳚ರ್ಮಾಣಮೂ॒ತಯೇ᳚ ಮನೋ॒ಜುವಂ॒ ವಾಜೇ᳚ ಅ॒ದ್ಯಾ ಹು॑ವೇಮ | ಸ ನೋ॒ ವಿಶ್ವಾ᳚ನಿ॒ ಹವ॑ನಾನಿ ಜೋಷದ್ವಿ॒ಶ್ವಶಂ᳚ಭೂ॒ರವ॑ಸೇ ಸಾ॒ಧುಕ᳚ರ್ಮಾ || 10.81.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಭೌವನೋ ವಿಶ್ವಕರ್ಮಾ ಋಷಿಃ, ವಿಶ್ವಕರ್ಮಾ ದೇವತಾ, ತ್ರಿಷ್ಟುಪ್ ಛಂದಃ

ಚಕ್ಷು॑ಷಃ ಪಿ॒ತಾ ಮನ॑ಸಾ॒ ಹಿ ಧೀರೋ᳚ ಘೃ॒ತಮೇ᳚ನೇ ಅಜನ॒ನ್ನನ್ನ॑ಮಾನೇ | ಯ॒ದೇದ‌ನ್ತಾ॒ ಅದ॑ದೃಹ‌ನ್ತ॒ ಪೂರ್ವ॒ ಆದಿದ್ದ್ಯಾವಾ᳚ಪೃಥಿ॒ವೀ ಅ॑ಪ್ರಥೇತಾ‌ಮ್ || 10.82.1
ವಿ॒ಶ್ವಕ᳚ರ್ಮಾ॒ ವಿಮ॑ನಾ॒ ಆದ್ವಿಹಾ᳚ಯಾ ಧಾ॒ತಾ ವಿ॑ಧಾ॒ತಾ ಪ॑ರ॒ಮೋತ ಸಂ॒ದೃಕ್ | ತೇಷಾ᳚ಮಿ॒ಷ್ಟಾನಿ॒ ಸಮಿ॒ಷಾ ಮ॑ದ‌ನ್ತಿ॒ ಯತ್ರಾ᳚ ಸಪ್ತಋ॒ಷೀನ್ಪ॒ರ ಏಕ॑ಮಾ॒ಹುಃ || 10.82.2
ಯೋ ನಃ॑ ಪಿ॒ತಾ ಜ॑ನಿ॒ತಾ ಯೋ ವಿ॑ಧಾ॒ತಾ ಧಾಮಾ᳚ನಿ॒ ವೇದ॒ ಭುವ॑ನಾನಿ॒ ವಿಶ್ವಾ᳚ | ಯೋ ದೇ॒ವಾನಾಂ᳚ ನಾಮ॒ಧಾ ಏಕ॑ ಏ॒ವ ತಂ ಸಂ᳚ಪ್ರ॒ಶ್ನಂ ಭುವ॑ನಾ ಯ‌ನ್ತ್ಯ॒ನ್ಯಾ || 10.82.3
ತ ಆಯ॑ಜ‌ನ್ತ॒ ದ್ರವಿ॑ಣಂ॒ ಸಮ॑ಸ್ಮಾ॒ ಋಷ॑ಯಃ॒ ಪೂರ್ವೇ᳚ ಜರಿ॒ತಾರೋ॒ ನ ಭೂ॒ನಾ | ಅ॒ಸೂರ್ತೇ॒ ಸೂರ್ತೇ॒ ರಜ॑ಸಿ ನಿಷ॒ತ್ತೇ ಯೇ ಭೂ॒ತಾನಿ॑ ಸ॒ಮಕೃ᳚ಣ್ವನ್ನಿ॒ಮಾನಿ॑ || 10.82.4
ಪ॒ರೋ ದಿ॒ವಾ ಪ॒ರ ಏ॒ನಾ ಪೃ॑ಥಿ॒ವ್ಯಾ ಪ॒ರೋ ದೇ॒ವೇಭಿ॒ರಸು॑ರೈ॒ರ್ಯದಸ್ತಿ॑ | ಕಂ ಸ್ವಿ॒ದ್ಗರ್ಭಂ᳚ ಪ್ರಥ॒ಮಂ ದ॑ಧ್ರ॒ ಆಪೋ॒ ಯತ್ರ॑ ದೇ॒ವಾಃ ಸ॒ಮಪ॑ಶ್ಯ‌ನ್ತ॒ ವಿಶ್ವೇ᳚ || 10.82.5
ತಮಿದ್ಗರ್ಭಂ᳚ ಪ್ರಥ॒ಮಂ ದ॑ಧ್ರ॒ ಆಪೋ॒ ಯತ್ರ॑ ದೇ॒ವಾಃ ಸ॒ಮಗ॑ಚ್ಛ‌ನ್ತ॒ ವಿಶ್ವೇ᳚ | ಅ॒ಜಸ್ಯ॒ ನಾಭಾ॒ವಧ್ಯೇಕ॒ಮರ್ಪಿ॑ತಂ॒ ಯಸ್ಮಿ॒ನ್ವಿಶ್ವಾ᳚ನಿ॒ ಭುವ॑ನಾನಿ ತ॒ಸ್ಥುಃ || 10.82.6
ನ ತಂ ವಿ॑ದಾಥ॒ ಯ ಇ॒ಮಾ ಜ॒ಜಾನಾ॒ನ್ಯದ್ಯು॒ಷ್ಮಾಕ॒ಮ‌ನ್ತ॑ರಂ ಬಭೂವ | ನೀ॒ಹಾ॒ರೇಣ॒ ಪ್ರಾವೃ॑ತಾ॒ ಜಲ್ಪ್ಯಾ᳚ ಚಾಸು॒ತೃಪ॑ ಉಕ್ಥ॒ಶಾಸ॑ಶ್ಚರ‌ನ್ತಿ || 10.82.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ತಾಪಸೋ ಮನ್ಯಋಷಿಃ, ಮನ್ಯದರ್ವೇ ತಾ(1) ಪ್ರಥಮ! ಜಗತೀ, (2-7) ದ್ವಿತೀಯಾದಿಷರಾಣಾಂಚ ತ್ರಿಷ್ಟುಪ್ ಛಂದಸೀ

ಯಸ್ತೇ᳚ ಮ॒ನ್ಯೋಽವಿ॑ಧದ್ವಜ್ರ ಸಾಯಕ॒ ಸಹ॒ ಓಜಃ॑ ಪುಷ್ಯತಿ॒ ವಿಶ್ವ॑ಮಾನು॒ಷಕ್ | ಸಾ॒ಹ್ಯಾಮ॒ ದಾಸ॒ಮಾರ್ಯಂ॒ ತ್ವಯಾ᳚ ಯು॒ಜಾ ಸಹ॑ಸ್ಕೃತೇನ॒ ಸಹ॑ಸಾ॒ ಸಹ॑ಸ್ವತಾ || 10.83.1
ಮ॒ನ್ಯುರಿಂದ್ರೋ᳚ ಮ॒ನ್ಯುರೇ॒ವಾಸ॑ ದೇ॒ವೋ ಮ॒ನ್ಯುರ್ಹೋತಾ॒ ವರು॑ಣೋ ಜಾ॒ತವೇ᳚ದಾಃ | ಮ॒ನ್ಯುಂ ವಿಶ॑ ಈಳತೇ॒ ಮಾನು॑ಷೀ॒ರ್ಯಾಃ ಪಾ॒ಹಿ ನೋ᳚ ಮನ್ಯೋ॒ ತಪ॑ಸಾ ಸ॒ಜೋಷಾಃ᳚ || 10.83.2
ಅ॒ಭೀ᳚ಹಿ ಮನ್ಯೋ ತ॒ವಸ॒ಸ್ತವೀ᳚ಯಾ॒‌ನ್ತಪ॑ಸಾ ಯು॒ಜಾ ವಿ ಜ॑ಹಿ॒ ಶತ್ರೂನ್॑ | ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹಾ ಚ॒ ವಿಶ್ವಾ॒ ವಸೂ॒ನ್ಯಾ ಭ॑ರಾ॒ ತ್ವಂ ನಃ॑ || 10.83.3
ತ್ವಂ ಹಿ ಮ᳚ನ್ಯೋ ಅ॒ಭಿಭೂ᳚ತ್ಯೋಜಾಃ ಸ್ವಯಂ॒ಭೂರ್ಭಾಮೋ᳚ ಅಭಿಮಾತಿಷಾ॒ಹಃ | ವಿ॒ಶ್ವಚ॑ರ್ಷಣಿಃ॒ ಸಹು॑ರಿಃ॒ ಸಹಾ᳚ವಾನ॒ಸ್ಮಾಸ್ವೋಜಃ॒ ಪೃತ॑ನಾಸು ಧೇಹಿ || 10.83.4
ಅ॒ಭಾ॒ಗಃ ಸನ್ನಪ॒ ಪರೇ᳚ತೋ ಅಸ್ಮಿ॒ ತವ॒ ಕ್ರತ್ವಾ᳚ ತವಿ॒ಷಸ್ಯ॑ ಪ್ರಚೇತಃ | ತಂ ತ್ವಾ᳚ ಮನ್ಯೋ ಅಕ್ರ॒ತುರ್ಜಿ॑ಹೀಳಾ॒ಹಂ ಸ್ವಾ ತ॒ನೂರ್ಬ॑ಲ॒ದೇಯಾ᳚ಯ॒ ಮೇಹಿ॑ || 10.83.5
ಅ॒ಯಂ ತೇ᳚ ಅ॒ಸ್ಮ್ಯುಪ॒ ಮೇಹ್ಯ॒ರ್ವಾಙ್ಪ್ರ॑ತೀಚೀ॒ನಃ ಸ॑ಹುರೇ ವಿಶ್ವಧಾಯಃ | ಮನ್ಯೋ᳚ ವಜ್ರಿನ್ನ॒ಭಿ ಮಾಮಾ ವ॑ವೃತ್ಸ್ವ॒ ಹನಾ᳚ವ॒ ದಸ್ಯೂಁ᳚ರು॒ತ ಬೋ᳚ಧ್ಯಾ॒ಪೇಃ || 10.83.6
ಅ॒ಭಿ ಪ್ರೇಹಿ॑ ದಕ್ಷಿಣ॒ತೋ ಭ॑ವಾ॒ ಮೇಽಧಾ᳚ ವೃ॒ತ್ರಾಣಿ॑ ಜಂಘನಾವ॒ ಭೂರಿ॑ | ಜು॒ಹೋಮಿ॑ ತೇ ಧ॒ರುಣಂ॒ ಮಧ್ವೋ॒ ಅಗ್ರ॑ಮು॒ಭಾ ಉ॑ಪಾಂ॒ಶು ಪ್ರ॑ಥ॒ಮಾ ಪಿ॑ಬಾವ || 10.83.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ತಾಪಸೋ ಮನ್ಯುಋಷಿಃ, ಮನ್ಯುದರ್ವೇ ತಾ (1-3) ಪ್ರಥಮಾದಿತೃಚಸ್ಯ ತ್ರಿಷ್ಟುಪ, (4-7) ಚತುರ್ಥ್ಯಾದಿಚತಸೃಣಾಂಚ ಜಗತೀ ಛಂದಸೀ

ತ್ವಯಾ᳚ ಮನ್ಯೋ ಸ॒ರಥ॑ಮಾರು॒ಜ‌ನ್ತೋ॒ ಹರ್ಷ॑ಮಾಣಾಸೋ ಧೃಷಿ॒ತಾ ಮ॑ರುತ್ವಃ | ತಿ॒ಗ್ಮೇಷ॑ವ॒ ಆಯು॑ಧಾ ಸಂ॒ಶಿಶಾ᳚ನಾ ಅ॒ಭಿ ಪ್ರ ಯ᳚‌ನ್ತು॒ ನರೋ᳚ ಅ॒ಗ್ನಿರೂ᳚ಪಾಃ || 10.84.1
ಅ॒ಗ್ನಿರಿ॑ವ ಮನ್ಯೋ ತ್ವಿಷಿ॒ತಃ ಸ॑ಹಸ್ವ ಸೇನಾ॒ನೀರ್ನಃ॑ ಸಹುರೇ ಹೂ॒ತ ಏ᳚ಧಿ | ಹ॒ತ್ವಾಯ॒ ಶತ್ರೂ॒ನ್ವಿ ಭ॑ಜಸ್ವ॒ ವೇದ॒ ಓಜೋ॒ ಮಿಮಾ᳚ನೋ॒ ವಿ ಮೃಧೋ᳚ ನುದಸ್ವ || 10.84.2
ಸಹ॑ಸ್ವ ಮನ್ಯೋ ಅ॒ಭಿಮಾ᳚ತಿಮ॒ಸ್ಮೇ ರು॒ಜನ್ಮೃ॒ಣನ್ಪ್ರ॑ಮೃ॒ಣನ್ಪ್ರೇಹಿ॒ ಶತ್ರೂನ್॑ | ಉ॒ಗ್ರಂ ತೇ॒ ಪಾಜೋ᳚ ನ॒ನ್ವಾ ರು॑ರುಧ್ರೇ ವ॒ಶೀ ವಶಂ᳚ ನಯಸ ಏಕಜ॒ ತ್ವ‌ಮ್ || 10.84.3
ಏಕೋ᳚ ಬಹೂ॒ನಾಮ॑ಸಿ ಮನ್ಯವೀಳಿ॒ತೋ ವಿಶಂ᳚ವಿಶಂ ಯು॒ಧಯೇ॒ ಸಂ ಶಿ॑ಶಾಧಿ | ಅಕೃ॑ತ್ತರು॒ಕ್ತ್ವಯಾ᳚ ಯು॒ಜಾ ವ॒ಯಂ ದ್ಯು॒ಮ‌ನ್ತಂ॒ ಘೋಷಂ᳚ ವಿಜ॒ಯಾಯ॑ ಕೃಣ್ಮಹೇ || 10.84.4
ವಿ॒ಜೇ॒ಷ॒ಕೃದಿಂದ್ರ॑ ಇವಾನವಬ್ರ॒ವೋ॒3॒॑ಽಸ್ಮಾಕಂ᳚ ಮನ್ಯೋ ಅಧಿ॒ಪಾ ಭ॑ವೇ॒ಹ | ಪ್ರಿ॒ಯಂ ತೇ॒ ನಾಮ॑ ಸಹುರೇ ಗೃಣೀಮಸಿ ವಿ॒ದ್ಮಾ ತಮುತ್ಸಂ॒ ಯತ॑ ಆಬ॒ಭೂಥ॑ || 10.84.5
ಆಭೂ᳚ತ್ಯಾ ಸಹ॒ಜಾ ವ॑ಜ್ರ ಸಾಯಕ॒ ಸಹೋ᳚ ಬಿಭರ್ಷ್ಯಭಿಭೂತ॒ ಉತ್ತ॑ರ‌ಮ್ | ಕ್ರತ್ವಾ᳚ ನೋ ಮನ್ಯೋ ಸ॒ಹ ಮೇ॒ದ್ಯೇ᳚ಧಿ ಮಹಾಧ॒ನಸ್ಯ॑ ಪುರುಹೂತ ಸಂ॒ಸೃಜಿ॑ || 10.84.6
ಸಂಸೃ॑ಷ್ಟಂ॒ ಧನ॑ಮು॒ಭಯಂ᳚ ಸ॒ಮಾಕೃ॑ತಮ॒ಸ್ಮಭ್ಯಂ᳚ ದತ್ತಾಂ॒ ವರು॑ಣಶ್ಚ ಮ॒ನ್ಯುಃ | ಭಿಯಂ॒ ದಧಾ᳚ನಾ॒ ಹೃದ॑ಯೇಷು॒ ಶತ್ರ॑ವಃ॒ ಪರಾ᳚ಜಿತಾಸೋ॒ ಅಪ॒ ನಿ ಲ॑ಯ‌ನ್ತಾ‌ಮ್ || 10.84.7

(1-47) ಸಪ್ತಚತ್ವಾರಿಂಶದೃಚಸ್ಯಾಸ್ಯ ಸೂಕ್ತಸ್ಯ ಸಾವಿತ್ರೀ ಸೂರ್ಯಾ ಋಷಿಕಾ (1-5) ಪ್ರಥಮಾದಿಪಂಚರ್ಚಾಂ ಸೋಮಃ, (6-16) ಷಷ್ಠ್ಯಾದ್ಯೇಕಾದಶಾನಾಂ ಸೂರ್ಯಾವಿವಾಹಃ, (17) ಸಪ್ತದಶ್ಯಾ ದೇವಾಃ, (18) ಅಷ್ಟಾದಶ್ಯಾಃ ಸೋಮಊ, (19) ಏಕೋನವಿಂಶ್ಯಾಶ್ಚಂದ್ರಮಾಃ, (20-28) ವಿಂಶ್ಯಾದಿನವಾನಾಂ ನೃಣಾಮಾಶೀಃಪ್ರಾಯಾ ವಿವಾಹಮಂತ್ರಾಃ, (29-30) ಏಕೋನತ್ರಿಂಶೀತ್ರಿಂಶ್ಯೋರ್ವಿವಾಹೇ ವಧೂವಾಸಃಸ್ಪರ್ಶನಿಂದಾ, (31) ಏಕತ್ರಿಂಶ್ಯಾ ದಂಪತ್ಯೋರ್ಯಕ್ಷ್ಮನಾಶನಂ, (32-47) ದ್ವಾತ್ರಿಂಶ್ಯಾದಿಷೋಡಶಾನಾಂಚ ಸಾವಿತ್ರೀ ಸೂರ್ಯಾ ದೇವತಾಃ (1-13, 15-17, 22, 25, 28-33, 35, 38-42, 45-47) ಪ್ರಥಮಾದಿತ್ರಯೋದಶರ್ಚಾಂ ಪಂಚದಶ್ಯಾದಿತೃಚಸ್ಯ ದ್ವಾವಿಂಶೀಪಂಚವಿಂಶ್ಯೋರಷ್ಟಾವಿಂಶ್ಯಾದಿತೃಚದ್ಯಸ್ಯ ಪಂಚತ್ರಿಂಶ್ಯಾ ಅಷ್ಟಾತ್ರಿಂಶ್ಯಾದಿಪಂಚಾನಾಂ ಪಂಚಚತ್ವಾರಿಂಶ್ಯಾದಿತೃಚಸ್ಯ ಚಾನುಷ್ಟಪ್ (14, 19-21, 23-24, 26, 36-37, 44) ಚತುದರ್ಶ ಯಾ ಏಕೋನವಿಂಶ್ಯಾದಿತೃಚಸ್ಯ ತ್ರಯೋವಿಂಶೀಚತುರ್ವಿಶ್ಯೋಃ ಷಡ಼ಿವಶಂ ಯಾಃ ಷಟ್ತ್ರಿಶಸಪ್ತತ್ರಿಂಶೀಚತಶ್ಚತ್ವಾರಿಂಶೀನಾಂಚ ತ್ರಿಷ್ಟುಪ್, (18, 27, 43) ಅಷ್ಟಾದಶೀಸಪ್ತವಿಂಶೀತ್ರಿಚತ್ವಾರಿಂಶೀನಾಂ ಜಗತೀ, (34) ಚತಸ್ತ್ರಿಂಶ್ಯಾಶ್ಚ ಉರೋಬೃಹತೀ ಛಂದಾಂಸಿ

ಸ॒ತ್ಯೇನೋತ್ತ॑ಭಿತಾ॒ ಭೂಮಿಃ॒ ಸೂರ್ಯೇ॒ಣೋತ್ತ॑ಭಿತಾ॒ ದ್ಯೌಃ | ಋ॒ತೇನಾ᳚ದಿ॒ತ್ಯಾಸ್ತಿ॑ಷ್ಠ‌ನ್ತಿ ದಿ॒ವಿ ಸೋಮೋ॒ ಅಧಿ॑ ಶ್ರಿ॒ತಃ || 10.85.1
ಸೋಮೇ᳚ನಾದಿ॒ತ್ಯಾ ಬ॒ಲಿನಃ॒ ಸೋಮೇ᳚ನ ಪೃಥಿ॒ವೀ ಮ॒ಹೀ | ಅಥೋ॒ ನಕ್ಷ॑ತ್ರಾಣಾಮೇ॒ಷಾಮು॒ಪಸ್ಥೇ॒ ಸೋಮ॒ ಆಹಿ॑ತಃ || 10.85.2
ಸೋಮಂ᳚ ಮನ್ಯತೇ ಪಪಿ॒ವಾನ್ಯತ್ಸಂ᳚ಪಿಂ॒ಷ‌ನ್ತ್ಯೋಷ॑ಧಿ‌ಮ್ | ಸೋಮಂ॒ ಯಂ ಬ್ರ॒ಹ್ಮಾಣೋ᳚ ವಿ॒ದುರ್ನ ತಸ್ಯಾ᳚ಶ್ನಾತಿ॒ ಕಶ್ಚ॒ನ || 10.85.3
ಆ॒ಚ್ಛದ್ವಿ॑ಧಾನೈರ್ಗುಪಿ॒ತೋ ಬಾರ್ಹ॑ತೈಃ ಸೋಮ ರಕ್ಷಿ॒ತಃ | ಗ್ರಾವ್ಣಾ॒ಮಿಚ್ಛೃ॒ಣ್ವ‌ನ್ತಿ॑ಷ್ಠಸಿ॒ ನ ತೇ᳚ ಅಶ್ನಾತಿ॒ ಪಾರ್ಥಿ॑ವಃ || 10.85.4
ಯತ್ತ್ವಾ᳚ ದೇವ ಪ್ರ॒ಪಿಬ᳚‌ನ್ತಿ॒ ತತ॒ ಆ ಪ್ಯಾ᳚ಯಸೇ॒ ಪುನಃ॑ | ವಾ॒ಯುಃ ಸೋಮ॑ಸ್ಯ ರಕ್ಷಿ॒ತಾ ಸಮಾ᳚ನಾಂ॒ ಮಾಸ॒ ಆಕೃ॑ತಿಃ || 10.85.5
ರೈಭ್ಯಾ᳚ಸೀದನು॒ದೇಯೀ᳚ ನಾರಾಶಂ॒ಸೀ ನ್ಯೋಚ॑ನೀ | ಸೂ॒ರ್ಯಾಯಾ᳚ ಭ॒ದ್ರಮಿದ್ವಾಸೋ॒ ಗಾಥ॑ಯೈತಿ॒ ಪರಿ॑ಷ್ಕೃತ‌ಮ್ || 10.85.6
ಚಿತ್ತಿ॑ರಾ ಉಪ॒ಬರ್ಹ॑ಣಂ॒ ಚಕ್ಷು॑ರಾ ಅ॒ಭ್ಯಂಜ॑ನ‌ಮ್ | ದ್ಯೌರ್ಭೂಮಿಃ॒ ಕೋಶ॑ ಆಸೀ॒ದ್ಯದಯಾ᳚ತ್ಸೂ॒ರ್ಯಾ ಪತಿ‌ಮ್᳚ || 10.85.7
ಸ್ತೋಮಾ᳚ ಆಸನ್ಪ್ರತಿ॒ಧಯಃ॑ ಕು॒ರೀರಂ॒ ಛಂದ॑ ಓಪ॒ಶಃ | ಸೂ॒ರ್ಯಾಯಾ᳚ ಅ॒ಶ್ವಿನಾ᳚ ವ॒ರಾಗ್ನಿರಾ᳚ಸೀತ್ಪುರೋಗ॒ವಃ || 10.85.8
ಸೋಮೋ᳚ ವಧೂ॒ಯುರ॑ಭವದ॒ಶ್ವಿನಾ᳚ಸ್ತಾಮು॒ಭಾ ವ॒ರಾ | ಸೂ॒ರ್ಯಾಂ ಯತ್ಪತ್ಯೇ॒ ಶಂಸ᳚‌ನ್ತೀಂ॒ ಮನ॑ಸಾ ಸವಿ॒ತಾದ॑ದಾತ್ || 10.85.9
ಮನೋ᳚ ಅಸ್ಯಾ॒ ಅನ॑ ಆಸೀ॒ದ್ದ್ಯೌರಾ᳚ಸೀದು॒ತ ಚ್ಛ॒ದಿಃ | ಶು॒ಕ್ರಾವ॑ನ॒ಡ್ವಾಹಾ᳚ವಾಸ್ತಾಂ॒ ಯದಯಾ᳚ತ್ಸೂ॒ರ್ಯಾ ಗೃ॒ಹ‌ಮ್ || 10.85.10
ಋ॒ಕ್ಸಾ॒ಮಾಭ್ಯಾ᳚ಮ॒ಭಿಹಿ॑ತೌ॒ ಗಾವೌ᳚ ತೇ ಸಾಮ॒ನಾವಿ॑ತಃ | ಶ್ರೋತ್ರಂ᳚ ತೇ ಚ॒ಕ್ರೇ ಆ᳚ಸ್ತಾಂ ದಿ॒ವಿ ಪ‌ನ್ಥಾ᳚ಶ್ಚರಾಚಾ॒ರಃ || 10.85.11
ಶುಚೀ᳚ ತೇ ಚ॒ಕ್ರೇ ಯಾ॒ತ್ಯಾ ವ್ಯಾ॒ನೋ ಅಕ್ಷ॒ ಆಹ॑ತಃ | ಅನೋ᳚ ಮನ॒ಸ್ಮಯಂ᳚ ಸೂ॒ರ್ಯಾರೋ᳚ಹತ್ಪ್ರಯ॒ತೀ ಪತಿ‌ಮ್᳚ || 10.85.12
ಸೂ॒ರ್ಯಾಯಾ᳚ ವಹ॒ತುಃ ಪ್ರಾಗಾ᳚ತ್ಸವಿ॒ತಾ ಯಮ॒ವಾಸೃ॑ಜತ್ | ಅ॒ಘಾಸು॑ ಹನ್ಯ‌ನ್ತೇ॒ ಗಾವೋಽರ್ಜು᳚ನ್ಯೋಃ॒ ಪರ್ಯು॑ಹ್ಯತೇ || 10.85.13
ಯದ॑ಶ್ವಿನಾ ಪೃ॒ಚ್ಛಮಾ᳚ನಾ॒ವಯಾ᳚ತಂ ತ್ರಿಚ॒ಕ್ರೇಣ॑ ವಹ॒ತುಂ ಸೂ॒ರ್ಯಾಯಾಃ᳚ | ವಿಶ್ವೇ᳚ ದೇ॒ವಾ ಅನು॒ ತದ್ವಾ᳚ಮಜಾನನ್ಪು॒ತ್ರಃ ಪಿ॒ತರಾ᳚ವವೃಣೀತ ಪೂ॒ಷಾ || 10.85.14
ಯದಯಾ᳚ತಂ ಶುಭಸ್ಪತೀ ವರೇ॒ಯಂ ಸೂ॒ರ್ಯಾಮುಪ॑ | ಕ್ವೈಕಂ᳚ ಚ॒ಕ್ರಂ ವಾ᳚ಮಾಸೀ॒ತ್ಕ್ವ॑ ದೇ॒ಷ್ಟ್ರಾಯ॑ ತಸ್ಥಥುಃ || 10.85.15
ದ್ವೇ ತೇ᳚ ಚ॒ಕ್ರೇ ಸೂ᳚ರ್ಯೇ ಬ್ರ॒ಹ್ಮಾಣ॑ ಋತು॒ಥಾ ವಿ॑ದುಃ | ಅಥೈಕಂ᳚ ಚ॒ಕ್ರಂ ಯದ್ಗುಹಾ॒ ತದ॑ದ್ಧಾ॒ತಯ॒ ಇದ್ವಿ॑ದುಃ || 10.85.16
ಸೂ॒ರ್ಯಾಯೈ᳚ ದೇ॒ವೇಭ್ಯೋ᳚ ಮಿ॒ತ್ರಾಯ॒ ವರು॑ಣಾಯ ಚ | ಯೇ ಭೂ॒ತಸ್ಯ॒ ಪ್ರಚೇ᳚ತಸ ಇ॒ದಂ ತೇಭ್ಯೋ᳚ಽಕರಂ॒ ನಮಃ॑ || 10.85.17
ಪೂ॒ರ್ವಾ॒ಪ॒ರಂ ಚ॑ರತೋ ಮಾ॒ಯಯೈ॒ತೌ ಶಿಶೂ॒ ಕ್ರೀಳ᳚‌ನ್ತೌ॒ ಪರಿ॑ ಯಾತೋ ಅಧ್ವ॒ರ‌ಮ್ | ವಿಶ್ವಾ᳚ನ್ಯ॒ನ್ಯೋ ಭುವ॑ನಾಭಿ॒ಚಷ್ಟ॑ ಋ॒ತೂಁರ॒ನ್ಯೋ ವಿ॒ದಧ॑ಜ್ಜಾಯತೇ॒ ಪುನಃ॑ || 10.85.18
ನವೋ᳚ನವೋ ಭವತಿ॒ ಜಾಯ॑ಮಾ॒ನೋಽಹ್ನಾಂ᳚ ಕೇ॒ತುರು॒ಷಸಾ᳚ಮೇ॒ತ್ಯಗ್ರ‌ಮ್᳚ | ಭಾ॒ಗಂ ದೇ॒ವೇಭ್ಯೋ॒ ವಿ ದ॑ಧಾತ್ಯಾ॒ಯನ್ಪ್ರ ಚಂ॒ದ್ರಮಾ᳚ಸ್ತಿರತೇ ದೀ॒ರ್ಘಮಾಯುಃ॑ || 10.85.19
ಸು॒ಕಿಂ॒ಶು॒ಕಂ ಶ॑ಲ್ಮ॒ಲಿಂ ವಿ॒ಶ್ವರೂ᳚ಪಂ॒ ಹಿರ᳚ಣ್ಯವರ್ಣಂ ಸು॒ವೃತಂ᳚ ಸುಚ॒ಕ್ರ‌ಮ್ | ಆ ರೋ᳚ಹ ಸೂರ್ಯೇ ಅ॒ಮೃತ॑ಸ್ಯ ಲೋ॒ಕಂ ಸ್ಯೋ॒ನಂ ಪತ್ಯೇ᳚ ವಹ॒ತುಂ ಕೃ॑ಣುಷ್ವ || 10.85.20
ಉದೀ॒ರ್ಷ್ವಾತಃ॒ ಪತಿ॑ವತೀ॒ ಹ್ಯೇ॒3॒॑ಷಾ ವಿ॒ಶ್ವಾವ॑ಸುಂ॒ ನಮ॑ಸಾ ಗೀ॒ರ್ಭಿರೀ᳚ಳೇ | ಅ॒ನ್ಯಾಮಿ॑ಚ್ಛ ಪಿತೃ॒ಷದಂ॒ ವ್ಯ॑ಕ್ತಾಂ॒ ಸ ತೇ᳚ ಭಾ॒ಗೋ ಜ॒ನುಷಾ॒ ತಸ್ಯ॑ ವಿದ್ಧಿ || 10.85.21
ಉದೀ॒ರ್ಷ್ವಾತೋ᳚ ವಿಶ್ವಾವಸೋ॒ ನಮ॑ಸೇಳಾ ಮಹೇ ತ್ವಾ | ಅ॒ನ್ಯಾಮಿ॑ಚ್ಛ ಪ್ರಫ॒ರ್ವ್ಯ1॒॑ ಅಂಸಂ ಜಾ॒ಯಾಂ ಪತ್ಯಾ᳚ ಸೃಜ || 10.85.22
ಅ॒ನೃ॒ಕ್ಷ॒ರಾ ಋ॒ಜವಃ॑ ಸ‌ನ್ತು॒ ಪ‌ನ್ಥಾ॒ ಯೇಭಿಃ॒ ಸಖಾ᳚ಯೋ॒ ಯ‌ನ್ತಿ॑ ನೋ ವರೇ॒ಯ‌ಮ್ | ಸಮ᳚ರ್ಯ॒ಮಾ ಸಂ ಭಗೋ᳚ ನೋ ನಿನೀಯಾ॒ತ್ಸಂ ಜಾ᳚ಸ್ಪ॒ತ್ಯಂ ಸು॒ಯಮ॑ಮಸ್ತು ದೇವಾಃ || 10.85.23
ಪ್ರ ತ್ವಾ᳚ ಮುಂಚಾಮಿ॒ ವರು॑ಣಸ್ಯ॒ ಪಾಶಾ॒ದ್ಯೇನ॒ ತ್ವಾಬ॑ಧ್ನಾತ್ಸವಿ॒ತಾ ಸು॒ಶೇವಃ॑ | ಋ॒ತಸ್ಯ॒ ಯೋನೌ᳚ ಸುಕೃ॒ತಸ್ಯ॑ ಲೋ॒ಕೇಽರಿ॑ಷ್ಟಾಂ ತ್ವಾ ಸ॒ಹ ಪತ್ಯಾ᳚ ದಧಾಮಿ || 10.85.24
ಪ್ರೇತೋ ಮುಂ॒ಚಾಮಿ॒ ನಾಮುತಃ॑ ಸುಬ॒ದ್ಧಾಮ॒ಮುತ॑ಸ್ಕರ‌ಮ್ | ಯಥೇ॒ಯಮಿಂ᳚ದ್ರ ಮೀಢ್ವಃ ಸುಪು॒ತ್ರಾ ಸು॒ಭಗಾಸ॑ತಿ || 10.85.25
ಪೂ॒ಷಾ ತ್ವೇ॒ತೋ ನ॑ಯತು ಹಸ್ತ॒ಗೃಹ್ಯಾ॒ಶ್ವಿನಾ᳚ ತ್ವಾ॒ ಪ್ರ ವ॑ಹತಾಂ॒ ರಥೇ᳚ನ | ಗೃ॒ಹಾನ್ಗ॑ಚ್ಛ ಗೃ॒ಹಪ॑ತ್ನೀ॒ ಯಥಾಸೋ᳚ ವ॒ಶಿನೀ॒ ತ್ವಂ ವಿ॒ದಥ॒ಮಾ ವ॑ದಾಸಿ || 10.85.26
ಇ॒ಹ ಪ್ರಿ॒ಯಂ ಪ್ರ॒ಜಯಾ᳚ ತೇ॒ ಸಮೃ॑ಧ್ಯತಾಮ॒ಸ್ಮಿನ್ಗೃ॒ಹೇ ಗಾರ್ಹ॑ಪತ್ಯಾಯ ಜಾಗೃಹಿ | ಏ॒ನಾ ಪತ್ಯಾ᳚ ತ॒ನ್ವ1॒॑ ಅಂಸಂ ಸೃ॑ಜ॒ಸ್ವಾಧಾ॒ ಜಿವ್ರೀ᳚ ವಿ॒ದಥ॒ಮಾ ವ॑ದಾಥಃ || 10.85.27
ನೀ॒ಲ॒ಲೋ॒ಹಿ॒ತಂ ಭ॑ವತಿ ಕೃ॒ತ್ಯಾಸ॒ಕ್ತಿರ್ವ್ಯ॑ಜ್ಯತೇ | ಏಧ᳚‌ನ್ತೇ ಅಸ್ಯಾ ಜ್ಞಾ॒ತಯಃ॒ ಪತಿ॑ರ್ಬಂ॒ಧೇಷು॑ ಬಧ್ಯತೇ || 10.85.28
ಪರಾ᳚ ದೇಹಿ ಶಾಮು॒ಲ್ಯಂ᳚ ಬ್ರ॒ಹ್ಮಭ್ಯೋ॒ ವಿ ಭ॑ಜಾ॒ ವಸು॑ | ಕೃ॒ತ್ಯೈಷಾ ಪ॒ದ್ವತೀ᳚ ಭೂ॒ತ್ವ್ಯಾ ಜಾ॒ಯಾ ವಿ॑ಶತೇ॒ ಪತಿ‌ಮ್᳚ || 10.85.29
ಅ॒ಶ್ರೀ॒ರಾ ತ॒ನೂರ್ಭ॑ವತಿ॒ ರುಶ॑ತೀ ಪಾ॒ಪಯಾ᳚ಮು॒ಯಾ | ಪತಿ॒ರ್ಯದ್ವ॒ಧ್ವೋ॒3॒॑ ವಾಸ॑ಸಾ॒ ಸ್ವಮಂಗ॑ಮಭಿ॒ಧಿತ್ಸ॑ತೇ || 10.85.30
ಯೇ ವ॒ಧ್ವ॑ಶ್ಚಂ॒ದ್ರಂ ವ॑ಹ॒ತುಂ ಯಕ್ಷ್ಮಾ॒ ಯ‌ನ್ತಿ॒ ಜನಾ॒ದನು॑ | ಪುನ॒ಸ್ತಾನ್ಯ॒ಜ್ಞಿಯಾ᳚ ದೇ॒ವಾ ನಯ᳚‌ನ್ತು॒ ಯತ॒ ಆಗ॑ತಾಃ || 10.85.31
ಮಾ ವಿ॑ದನ್ಪರಿಪ॒‌ನ್ಥಿನೋ॒ ಯ ಆ॒ಸೀದ᳚‌ನ್ತಿ॒ ದಂಪ॑ತೀ | ಸು॒ಗೇಭಿ॑ರ್ದು॒ರ್ಗಮತೀ᳚ತಾ॒ಮಪ॑ ದ್ರಾ॒‌ನ್ತ್ವರಾ᳚ತಯಃ || 10.85.32
ಸು॒ಮಂ॒ಗ॒ಲೀರಿ॒ಯಂ ವ॒ಧೂರಿ॒ಮಾಂ ಸ॒ಮೇತ॒ ಪಶ್ಯ॑ತ | ಸೌಭಾ᳚ಗ್ಯಮಸ್ಯೈ ದ॒ತ್ತ್ವಾಯಾಥಾಸ್ತಂ॒ ವಿ ಪರೇ᳚ತನ || 10.85.33
ತೃ॒ಷ್ಟಮೇ॒ತತ್ಕಟು॑ಕಮೇ॒ತದ॑ಪಾ॒ಷ್ಠವ॑ದ್ವಿ॒ಷವ॒ನ್ನೈತದತ್ತ॑ವೇ | ಸೂ॒ರ್ಯಾಂ ಯೋ ಬ್ರ॒ಹ್ಮಾ ವಿ॒ದ್ಯಾತ್ಸ ಇದ್ವಾಧೂ᳚ಯಮರ್ಹತಿ || 10.85.34
ಆ॒ಶಸ॑ನಂ ವಿ॒ಶಸ॑ನ॒ಮಥೋ᳚ ಅಧಿವಿ॒ಕರ್ತ॑ನ‌ಮ್ | ಸೂ॒ರ್ಯಾಯಾಃ᳚ ಪಶ್ಯ ರೂ॒ಪಾಣಿ॒ ತಾನಿ॑ ಬ್ರ॒ಹ್ಮಾ ತು ಶುಂ᳚ಧತಿ || 10.85.35
ಗೃ॒ಭ್ಣಾಮಿ॑ ತೇ ಸೌಭಗ॒ತ್ವಾಯ॒ ಹಸ್ತಂ॒ ಮಯಾ॒ ಪತ್ಯಾ᳚ ಜ॒ರದ॑ಷ್ಟಿ॒ರ್ಯಥಾಸಃ॑ | ಭಗೋ᳚ ಅರ್ಯ॒ಮಾ ಸ॑ವಿ॒ತಾ ಪುರಂ᳚ಧಿ॒ರ್ಮಹ್ಯಂ᳚ ತ್ವಾದು॒ರ್ಗಾರ್ಹ॑ಪತ್ಯಾಯ ದೇ॒ವಾಃ || 10.85.36
ತಾಂ ಪೂ᳚ಷಂಛಿ॒ವತ॑ಮಾ॒ಮೇರ॑ಯಸ್ವ॒ ಯಸ್ಯಾಂ॒ ಬೀಜಂ᳚ ಮನು॒ಷ್ಯಾ॒3॒॑ ವಪ᳚‌ನ್ತಿ | ಯಾ ನ॑ ಊ॒ರೂ ಉ॑ಶ॒ತೀ ವಿ॒ಶ್ರಯಾ᳚ತೇ॒ ಯಸ್ಯಾ᳚ಮು॒ಶ‌ನ್ತಃ॑ ಪ್ರ॒ಹರಾ᳚ಮ॒ ಶೇಪ‌ಮ್᳚ || 10.85.37
ತುಭ್ಯ॒ಮಗ್ರೇ॒ ಪರ್ಯ॑ವಹ‌‌ನ್ತ್ಸೂ॒ರ್ಯಾಂ ವ॑ಹ॒ತುನಾ᳚ ಸ॒ಹ | ಪುನಃ॒ ಪತಿ॑ಭ್ಯೋ ಜಾ॒ಯಾಂ ದಾ ಅ॑ಗ್ನೇ ಪ್ರ॒ಜಯಾ᳚ ಸ॒ಹ || 10.85.38
ಪುನಃ॒ ಪತ್ನೀ᳚ಮ॒ಗ್ನಿರ॑ದಾ॒ದಾಯು॑ಷಾ ಸ॒ಹ ವರ್ಚ॑ಸಾ | ದೀ॒ರ್ಘಾಯು॑ರಸ್ಯಾ॒ ಯಃ ಪತಿ॒ರ್ಜೀವಾ᳚ತಿ ಶ॒ರದಃ॑ ಶ॒ತ‌ಮ್ || 10.85.39
ಸೋಮಃ॑ ಪ್ರಥ॒ಮೋ ವಿ॑ವಿದೇ ಗಂಧ॒ರ್ವೋ ವಿ॑ವಿದ॒ ಉತ್ತ॑ರಃ | ತೃ॒ತೀಯೋ᳚ ಅ॒ಗ್ನಿಷ್ಟೇ॒ ಪತಿ॑ಸ್ತು॒ರೀಯ॑ಸ್ತೇ ಮನುಷ್ಯ॒ಜಾಃ || 10.85.40
ಸೋಮೋ᳚ ದದದ್ಗಂಧ॒ರ್ವಾಯ॑ ಗಂಧ॒ರ್ವೋ ದ॑ದದ॒ಗ್ನಯೇ᳚ | ರ॒ಯಿಂ ಚ॑ ಪು॒ತ್ರಾಁಶ್ಚಾ᳚ದಾದ॒ಗ್ನಿರ್ಮಹ್ಯ॒ಮಥೋ᳚ ಇ॒ಮಾ‌ಮ್ || 10.85.41
ಇ॒ಹೈವ ಸ್ತಂ॒ ಮಾ ವಿ ಯೌ᳚ಷ್ಟಂ॒ ವಿಶ್ವ॒ಮಾಯು॒ರ್ವ್ಯ॑ಶ್ನುತ‌ಮ್ | ಕ್ರೀಳ᳚‌ನ್ತೌ ಪು॒ತ್ರೈರ್ನಪ್ತೃ॑ಭಿ॒ರ್ಮೋದ॑ಮಾನೌ॒ ಸ್ವೇ ಗೃ॒ಹೇ || 10.85.42
ಆ ನಃ॑ ಪ್ರ॒ಜಾಂ ಜ॑ನಯತು ಪ್ರ॒ಜಾಪ॑ತಿರಾಜರ॒ಸಾಯ॒ ಸಮ॑ನಕ್ತ್ವರ್ಯ॒ಮಾ | ಅದು᳚ರ್ಮಂಗಲೀಃ ಪತಿಲೋ॒ಕಮಾ ವಿ॑ಶ॒ ಶಂ ನೋ᳚ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ || 10.85.43
ಅಘೋ᳚ರಚಕ್ಷು॒ರಪ॑ತಿಘ್ನ್ಯೇಧಿ ಶಿ॒ವಾ ಪ॒ಶುಭ್ಯಃ॑ ಸು॒ಮನಾಃ᳚ ಸು॒ವರ್ಚಾಃ᳚ | ವೀ॒ರ॒ಸೂರ್ದೇ॒ವಕಾ᳚ಮಾ ಸ್ಯೋ॒ನಾ ಶಂ ನೋ᳚ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ || 10.85.44
ಇ॒ಮಾಂ ತ್ವಮಿಂ᳚ದ್ರ ಮೀಢ್ವಃ ಸುಪು॒ತ್ರಾಂ ಸು॒ಭಗಾಂ᳚ ಕೃಣು | ದಶಾ᳚ಸ್ಯಾಂ ಪು॒ತ್ರಾನಾ ಧೇ᳚ಹಿ॒ ಪತಿ॑ಮೇಕಾದ॒ಶಂ ಕೃ॑ಧಿ || 10.85.45
ಸ॒ಮ್ರಾಜ್ಞೀ॒ ಶ್ವಶು॑ರೇ ಭವ ಸ॒ಮ್ರಾಜ್ಞೀ᳚ ಶ್ವ॒ಶ್ರ್ವಾಂ ಭ॑ವ | ನನಾಂ᳚ದರಿ ಸ॒ಮ್ರಾಜ್ಞೀ᳚ ಭವ ಸ॒ಮ್ರಾಜ್ಞೀ॒ ಅಧಿ॑ ದೇ॒ವೃಷು॑ || 10.85.46
ಸಮಂ᳚ಜ‌ನ್ತು॒ ವಿಶ್ವೇ᳚ ದೇ॒ವಾಃ ಸಮಾಪೋ॒ ಹೃದ॑ಯಾನಿ ನೌ | ಸಂ ಮಾ᳚ತ॒ರಿಶ್ವಾ॒ ಸಂ ಧಾ॒ತಾ ಸಮು॒ ದೇಷ್ಟ್ರೀ᳚ ದಧಾತು ನೌ || 10.85.47

(1-23) ತ್ರಯೋವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ (1, 8, 11-12, 14, 19-22) ಪ್ರಥಮಾಷ್ಟಮ್ಯೇಕಾದಶೀದ್ವಾದಶೀಚತುದೀನಾಮೃಚಾಮೇಕೋನವಿಂಶ್ಯಾದಿಚತಸೃಣಾಂಚೇಂದ್ರ ಋಷಿಃ, (26, 9-10, 15-18) ದ್ವಿತೀಯಾದಿಪಂಚಾನಾಂ ನವಮೀದಶಮ್ಯೋಃ ಪಂಚದಶ್ಯಾದಿಚತಸೃಣಾಂಚಂದ್ರಾಣೀ ಋಷಿಕಾ, (7, 13, 23) ಸಪ್ತಮೀತ್ರಯೋದಶೀತ್ರಯೋವಿಂಶೀನಾಂಚೈಂದ್ರೋ ವೃಷಾಕಪಿಷಿಃ, ಇಂದ್ರೋ ದೇವತಾ, ಪಂಕ್ತಿಶ್ಛಂದಃ

ವಿ ಹಿ ಸೋತೋ॒ರಸೃ॑ಕ್ಷತ॒ ನೇಂದ್ರಂ᳚ ದೇ॒ವಮ॑ಮಂಸತ | ಯತ್ರಾಮ॑ದದ್ವೃ॒ಷಾಕ॑ಪಿರ॒ರ್ಯಃ ಪು॒ಷ್ಟೇಷು॒ ಮತ್ಸ॑ಖಾ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.1
ಪರಾ॒ ಹೀಂ᳚ದ್ರ॒ ಧಾವ॑ಸಿ ವೃ॒ಷಾಕ॑ಪೇ॒ರತಿ॒ ವ್ಯಥಿಃ॑ | ನೋ ಅಹ॒ ಪ್ರ ವಿಂ᳚ದಸ್ಯ॒ನ್ಯತ್ರ॒ ಸೋಮ॑ಪೀತಯೇ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.2
ಕಿಮ॒ಯಂ ತ್ವಾಂ ವೃ॒ಷಾಕ॑ಪಿಶ್ಚ॒ಕಾರ॒ ಹರಿ॑ತೋ ಮೃ॒ಗಃ | ಯಸ್ಮಾ᳚ ಇರ॒ಸ್ಯಸೀದು॒ ನ್ವ1॒᳚ರ್ಯೋ ವಾ᳚ ಪುಷ್ಟಿ॒ಮದ್ವಸು॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.3
ಯಮಿ॒ಮಂ ತ್ವಂ ವೃ॒ಷಾಕ॑ಪಿಂ ಪ್ರಿ॒ಯಮಿಂ᳚ದ್ರಾಭಿ॒ರಕ್ಷ॑ಸಿ | ಶ್ವಾ ನ್ವ॑ಸ್ಯ ಜಂಭಿಷ॒ದಪಿ॒ ಕರ್ಣೇ᳚ ವರಾಹ॒ಯುರ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.4
ಪ್ರಿ॒ಯಾ ತ॒ಷ್ಟಾನಿ॑ ಮೇ ಕ॒ಪಿರ್ವ್ಯ॑ಕ್ತಾ॒ ವ್ಯ॑ದೂದುಷತ್ | ಶಿರೋ॒ ನ್ವ॑ಸ್ಯ ರಾವಿಷಂ॒ ನ ಸು॒ಗಂ ದು॒ಷ್ಕೃತೇ᳚ ಭುವಂ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.5
ನ ಮತ್ಸ್ತ್ರೀ ಸು॑ಭ॒ಸತ್ತ॑ರಾ॒ ನ ಸು॒ಯಾಶು॑ತರಾ ಭುವತ್ | ನ ಮತ್ಪ್ರತಿ॑ಚ್ಯವೀಯಸೀ॒ ನ ಸಕ್ಥ್ಯುದ್ಯ॑ಮೀಯಸೀ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.6
ಉ॒ವೇ ಅಂ॑ಬ ಸುಲಾಭಿಕೇ॒ ಯಥೇ᳚ವಾಂ॒ಗ ಭ॑ವಿ॒ಷ್ಯತಿ॑ | ಭ॒ಸನ್ಮೇ᳚ ಅಂಬ॒ ಸಕ್ಥಿ॑ ಮೇ॒ ಶಿರೋ᳚ ಮೇ॒ ವೀ᳚ವ ಹೃಷ್ಯತಿ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.7
ಕಿಂ ಸು॑ಬಾಹೋ ಸ್ವಂಗುರೇ॒ ಪೃಥು॑ಷ್ಟೋ॒ ಪೃಥು॑ಜಾಘನೇ | ಕಿಂ ಶೂ᳚ರಪತ್ನಿ ನ॒ಸ್ತ್ವಮ॒ಭ್ಯ॑ಮೀಷಿ ವೃ॒ಷಾಕ॑ಪಿಂ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.8
ಅ॒ವೀರಾ᳚ಮಿವ॒ ಮಾಮ॒ಯಂ ಶ॒ರಾರು॑ರ॒ಭಿ ಮ᳚ನ್ಯತೇ | ಉ॒ತಾಹಮ॑ಸ್ಮಿ ವೀ॒ರಿಣೀಂದ್ರ॑ಪತ್ನೀ ಮ॒ರುತ್ಸ॑ಖಾ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.9
ಸಂ॒ಹೋ॒ತ್ರಂ ಸ್ಮ॑ ಪು॒ರಾ ನಾರೀ॒ ಸಮ॑ನಂ॒ ವಾವ॑ ಗಚ್ಛತಿ | ವೇ॒ಧಾ ಋ॒ತಸ್ಯ॑ ವೀ॒ರಿಣೀಂದ್ರ॑ಪತ್ನೀ ಮಹೀಯತೇ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.10
ಇಂ॒ದ್ರಾ॒ಣೀಮಾ॒ಸು ನಾರಿ॑ಷು ಸು॒ಭಗಾ᳚ಮ॒ಹಮ॑ಶ್ರವ‌ಮ್ | ನ॒ಹ್ಯ॑ಸ್ಯಾ ಅಪ॒ರಂ ಚ॒ನ ಜ॒ರಸಾ॒ ಮರ॑ತೇ॒ ಪತಿ॒ರ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.11
ನಾಹಮಿಂ᳚ದ್ರಾಣಿ ರಾರಣ॒ ಸಖ್ಯು᳚ರ್ವೃ॒ಷಾಕ॑ಪೇರ್‌ಋ॒ತೇ | ಯಸ್ಯೇ॒ದಮಪ್ಯಂ᳚ ಹ॒ವಿಃ ಪ್ರಿ॒ಯಂ ದೇ॒ವೇಷು॒ ಗಚ್ಛ॑ತಿ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.12
ವೃಷಾ᳚ಕಪಾಯಿ॒ ರೇವ॑ತಿ॒ ಸುಪು॑ತ್ರ॒ ಆದು॒ ಸುಸ್ನು॑ಷೇ | ಘಸ॑ತ್ತ॒ ಇಂದ್ರ॑ ಉ॒ಕ್ಷಣಃ॑ ಪ್ರಿ॒ಯಂ ಕಾ᳚ಚಿತ್ಕ॒ರಂ ಹ॒ವಿರ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.13
ಉ॒ಕ್ಷ್ಣೋ ಹಿ ಮೇ॒ ಪಂಚ॑ದಶ ಸಾ॒ಕಂ ಪಚ᳚‌ನ್ತಿ ವಿಂಶ॒ತಿ‌ಮ್ | ಉ॒ತಾಹಮ॑ದ್ಮಿ॒ ಪೀವ॒ ಇದು॒ಭಾ ಕು॒ಕ್ಷೀ ಪೃ॑ಣ‌ನ್ತಿ ಮೇ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.14
ವೃ॒ಷ॒ಭೋ ನ ತಿ॒ಗ್ಮಶೃಂ᳚ಗೋ॒ಽ‌ನ್ತರ್ಯೂ॒ಥೇಷು॒ ರೋರು॑ವತ್ | ಮ॒‌ನ್ಥಸ್ತ॑ ಇಂದ್ರ॒ ಶಂ ಹೃ॒ದೇ ಯಂ ತೇ᳚ ಸು॒ನೋತಿ॑ ಭಾವ॒ಯುರ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.15
ನ ಸೇಶೇ॒ ಯಸ್ಯ॒ ರಂಬ॑ತೇಽ‌ನ್ತ॒ರಾ ಸ॒ಕ್ಥ್ಯಾ॒3॒॑ ಕಪೃ॑ತ್ | ಸೇದೀ᳚ಶೇ॒ ಯಸ್ಯ॑ ರೋಮ॒ಶಂ ನಿ॑ಷೇ॒ದುಷೋ᳚ ವಿ॒ಜೃಂಭ॑ತೇ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.16
ನ ಸೇಶೇ॒ ಯಸ್ಯ॑ ರೋಮ॒ಶಂ ನಿ॑ಷೇ॒ದುಷೋ᳚ ವಿ॒ಜೃಂಭ॑ತೇ | ಸೇದೀ᳚ಶೇ॒ ಯಸ್ಯ॒ ರಂಬ॑ತೇಽ‌ನ್ತ॒ರಾ ಸ॒ಕ್ಥ್ಯಾ॒3॒॑ ಕಪೃ॒ದ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.17
ಅ॒ಯಮಿಂ᳚ದ್ರ ವೃ॒ಷಾಕ॑ಪಿಃ॒ ಪರ॑ಸ್ವ‌ನ್ತಂ ಹ॒ತಂ ವಿ॑ದತ್ | ಅ॒ಸಿಂ ಸೂ॒ನಾಂ ನವಂ᳚ ಚ॒ರುಮಾದೇಧ॒ಸ್ಯಾನ॒ ಆಚಿ॑ತಂ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.18
ಅ॒ಯಮೇ᳚ಮಿ ವಿ॒ಚಾಕ॑ಶದ್ವಿಚಿ॒ನ್ವಂದಾಸ॒ಮಾರ್ಯ‌ಮ್᳚ | ಪಿಬಾ᳚ಮಿ ಪಾಕ॒ಸುತ್ವ॑ನೋ॒ಽಭಿ ಧೀರ॑ಮಚಾಕಶಂ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.19
ಧನ್ವ॑ ಚ॒ ಯತ್ಕೃ॒‌ನ್ತತ್ರಂ᳚ ಚ॒ ಕತಿ॑ ಸ್ವಿ॒ತ್ತಾ ವಿ ಯೋಜ॑ನಾ | ನೇದೀ᳚ಯಸೋ ವೃಷಾಕ॒ಪೇಽಸ್ತ॒ಮೇಹಿ॑ ಗೃ॒ಹಾಁ ಉಪ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.20
ಪುನ॒ರೇಹಿ॑ ವೃಷಾಕಪೇ ಸುವಿ॒ತಾ ಕ॑ಲ್ಪಯಾವಹೈ | ಯ ಏ॒ಷ ಸ್ವ॑ಪ್ನ॒ನಂಶ॒ನೋಽಸ್ತ॒ಮೇಷಿ॑ ಪ॒ಥಾ ಪುನ॒ರ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.21
ಯದುದಂ᳚ಚೋ ವೃಷಾಕಪೇ ಗೃ॒ಹಮಿಂ॒ದ್ರಾಜ॑ಗ‌ನ್ತನ | ಕ್ವ1॒॑ ಸ್ಯ ಪು॑ಲ್ವ॒ಘೋ ಮೃ॒ಗಃ ಕಮ॑ಗಂಜನ॒ಯೋಪ॑ನೋ॒ ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.22
ಪರ್ಶು॑ರ್ಹ॒ ನಾಮ॑ ಮಾನ॒ವೀ ಸಾ॒ಕಂ ಸ॑ಸೂವ ವಿಂಶ॒ತಿ‌ಮ್ | ಭ॒ದ್ರಂ ಭ॑ಲ॒ ತ್ಯಸ್ಯಾ᳚ ಅಭೂ॒ದ್ಯಸ್ಯಾ᳚ ಉ॒ದರ॒ಮಾಮ॑ಯ॒ದ್ವಿಶ್ವ॑ಸ್ಮಾ॒ದಿಂದ್ರ॒ ಉತ್ತ॑ರಃ || 10.86.23

(1-25) ಪಂಚವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಪಾಯುಋಷಿಃ, ರಕ್ಷೋಹಾಗ್ನಿದೇರ್ವ ತಾ(1-21) ಪ್ರಥಮಾಯೇಕವಿಂಶತ್ಯಚಾಂ ತ್ರಿಷ್ಟುಪ, (22-25) ದ್ವಾವಿಂಶ್ಯಾದಿಚತಸೃಣಾಂಚಾನುಷ್ಟಪ್ ಛಂದಸೀ

ರ॒ಕ್ಷೋ॒ಹಣಂ᳚ ವಾ॒ಜಿನ॒ಮಾ ಜಿ॑ಘರ್ಮಿ ಮಿ॒ತ್ರಂ ಪ್ರಥಿ॑ಷ್ಠ॒ಮುಪ॑ ಯಾಮಿ॒ ಶರ್ಮ॑ | ಶಿಶಾ᳚ನೋ ಅ॒ಗ್ನಿಃ ಕ್ರತು॑ಭಿಃ॒ ಸಮಿ॑ದ್ಧಃ॒ ಸ ನೋ॒ ದಿವಾ॒ ಸ ರಿ॒ಷಃ ಪಾ᳚ತು॒ ನಕ್ತ‌ಮ್᳚ || 10.87.1
ಅಯೋ᳚ದಂಷ್ಟ್ರೋ ಅ॒ರ್ಚಿಷಾ᳚ ಯಾತು॒ಧಾನಾ॒ನುಪ॑ ಸ್ಪೃಶ ಜಾತವೇದಃ॒ ಸಮಿ॑ದ್ಧಃ | ಆ ಜಿ॒ಹ್ವಯಾ॒ ಮೂರ॑ದೇವಾನ್ರಭಸ್ವ ಕ್ರ॒ವ್ಯಾದೋ᳚ ವೃ॒ಕ್ತ್ವ್ಯಪಿ॑ ಧತ್ಸ್ವಾ॒ಸನ್ || 10.87.2
ಉ॒ಭೋಭ॑ಯಾವಿ॒ನ್ನುಪ॑ ಧೇಹಿ॒ ದಂಷ್ಟ್ರಾ᳚ ಹಿಂ॒ಸ್ರಃ ಶಿಶಾ॒ನೋಽವ॑ರಂ॒ ಪರಂ᳚ ಚ | ಉ॒ತಾ‌ನ್ತರಿ॑ಕ್ಷೇ॒ ಪರಿ॑ ಯಾಹಿ ರಾಜಂ॒ಜಂಭೈಃ॒ ಸಂ ಧೇ᳚ಹ್ಯ॒ಭಿ ಯಾ᳚ತು॒ಧಾನಾನ್॑ || 10.87.3
ಯ॒ಜ್ಞೈರಿಷೂಃ᳚ ಸಂ॒ನಮ॑ಮಾನೋ ಅಗ್ನೇ ವಾ॒ಚಾ ಶ॒ಲ್ಯಾಁ ಅ॒ಶನಿ॑ಭಿರ್ದಿಹಾ॒ನಃ | ತಾಭಿ᳚ರ್ವಿಧ್ಯ॒ ಹೃದ॑ಯೇ ಯಾತು॒ಧಾನಾ᳚ನ್ಪ್ರತೀ॒ಚೋ ಬಾ॒ಹೂನ್ಪ್ರತಿ॑ ಭಙ್ಧ್ಯೇಷಾ‌ಮ್ || 10.87.4
ಅಗ್ನೇ॒ ತ್ವಚಂ᳚ ಯಾತು॒ಧಾನ॑ಸ್ಯ ಭಿಂಧಿ ಹಿಂ॒ಸ್ರಾಶನಿ॒ರ್ಹರ॑ಸಾ ಹ‌ನ್ತ್ವೇನ‌ಮ್ | ಪ್ರ ಪರ್ವಾ᳚ಣಿ ಜಾತವೇದಃ ಶೃಣೀಹಿ ಕ್ರ॒ವ್ಯಾತ್ಕ್ರ॑ವಿ॒ಷ್ಣುರ್ವಿ ಚಿ॑ನೋತು ವೃ॒ಕ್ಣ‌ಮ್ || 10.87.5
ಯತ್ರೇ॒ದಾನೀಂ॒ ಪಶ್ಯ॑ಸಿ ಜಾತವೇದ॒ಸ್ತಿಷ್ಠ᳚‌ನ್ತಮಗ್ನ ಉ॒ತ ವಾ॒ ಚರ᳚‌ನ್ತ‌ಮ್ | ಯದ್ವಾ॒‌ನ್ತರಿ॑ಕ್ಷೇ ಪ॒ಥಿಭಿಃ॒ ಪತ᳚‌ನ್ತಂ॒ ತಮಸ್ತಾ᳚ ವಿಧ್ಯ॒ ಶರ್ವಾ॒ ಶಿಶಾ᳚ನಃ || 10.87.6
ಉ॒ತಾಲ॑ಬ್ಧಂ ಸ್ಪೃಣುಹಿ ಜಾತವೇದ ಆಲೇಭಾ॒ನಾದೃ॒ಷ್ಟಿಭಿ᳚ರ್ಯಾತು॒ಧಾನಾ᳚ತ್ | ಅಗ್ನೇ॒ ಪೂರ್ವೋ॒ ನಿ ಜ॑ಹಿ॒ ಶೋಶು॑ಚಾನ ಆ॒ಮಾದಃ॒ ಕ್ಷ್ವಿಂಕಾ॒ಸ್ತಮ॑ದ॒‌ನ್ತ್ವೇನೀಃ᳚ || 10.87.7
ಇ॒ಹ ಪ್ರ ಬ್ರೂ᳚ಹಿ ಯತ॒ಮಃ ಸೋ ಅ॑ಗ್ನೇ॒ ಯೋ ಯಾ᳚ತು॒ಧಾನೋ॒ ಯ ಇ॒ದಂ ಕೃ॒ಣೋತಿ॑ | ತಮಾ ರ॑ಭಸ್ವ ಸ॒ಮಿಧಾ᳚ ಯವಿಷ್ಠ ನೃ॒ಚಕ್ಷ॑ಸ॒ಶ್ಚಕ್ಷು॑ಷೇ ರಂಧಯೈನ‌ಮ್ || 10.87.8
ತೀ॒ಕ್ಷ್ಣೇನಾ᳚ಗ್ನೇ॒ ಚಕ್ಷು॑ಷಾ ರಕ್ಷ ಯ॒ಜ್ಞಂ ಪ್ರಾಂಚಂ॒ ವಸು॑ಭ್ಯಃ॒ ಪ್ರ ಣ॑ಯ ಪ್ರಚೇತಃ | ಹಿಂ॒ಸ್ರಂ ರಕ್ಷಾಂ᳚ಸ್ಯ॒ಭಿ ಶೋಶು॑ಚಾನಂ॒ ಮಾ ತ್ವಾ᳚ ದಭನ್ಯಾತು॒ಧಾನಾ᳚ ನೃಚಕ್ಷಃ || 10.87.9
ನೃ॒ಚಕ್ಷಾ॒ ರಕ್ಷಃ॒ ಪರಿ॑ ಪಶ್ಯ ವಿ॒ಕ್ಷು ತಸ್ಯ॒ ತ್ರೀಣಿ॒ ಪ್ರತಿ॑ ಶೃಣೀ॒ಹ್ಯಗ್ರಾ᳚ | ತಸ್ಯಾ᳚ಗ್ನೇ ಪೃ॒ಷ್ಟೀರ್ಹರ॑ಸಾ ಶೃಣೀಹಿ ತ್ರೇ॒ಧಾ ಮೂಲಂ᳚ ಯಾತು॒ಧಾನ॑ಸ್ಯ ವೃಶ್ಚ || 10.87.10
ತ್ರಿರ್ಯಾ᳚ತು॒ಧಾನಃ॒ ಪ್ರಸಿ॑ತಿಂ ತ ಏತ್ವೃ॒ತಂ ಯೋ ಅ॑ಗ್ನೇ॒ ಅನೃ॑ತೇನ॒ ಹ‌ನ್ತಿ॑ | ತಮ॒ರ್ಚಿಷಾ᳚ ಸ್ಫೂ॒ರ್ಜಯಂ᳚ಜಾತವೇದಃ ಸಮ॒ಕ್ಷಮೇ᳚ನಂ ಗೃಣ॒ತೇ ನಿ ವೃ᳚ಙ್ಧಿ || 10.87.11
ತದ॑ಗ್ನೇ॒ ಚಕ್ಷುಃ॒ ಪ್ರತಿ॑ ಧೇಹಿ ರೇ॒ಭೇ ಶ॑ಫಾ॒ರುಜಂ॒ ಯೇನ॒ ಪಶ್ಯ॑ಸಿ ಯಾತು॒ಧಾನ‌ಮ್᳚ | ಅ॒ಥ॒ರ್ವ॒ವಜ್ಜ್ಯೋತಿ॑ಷಾ॒ ದೈವ್ಯೇ᳚ನ ಸ॒ತ್ಯಂ ಧೂರ್ವ᳚‌ನ್ತಮ॒ಚಿತಂ॒ ನ್ಯೋ᳚ಷ || 10.87.12
ಯದ॑ಗ್ನೇ ಅ॒ದ್ಯ ಮಿ॑ಥು॒ನಾ ಶಪಾ᳚ತೋ॒ ಯದ್ವಾ॒ಚಸ್ತೃ॒ಷ್ಟಂ ಜ॒ನಯ᳚‌ನ್ತ ರೇ॒ಭಾಃ | ಮ॒ನ್ಯೋರ್ಮನ॑ಸಃ ಶರ॒ವ್ಯಾ॒3॒॑ ಜಾಯ॑ತೇ॒ ಯಾ ತಯಾ᳚ ವಿಧ್ಯ॒ ಹೃದ॑ಯೇ ಯಾತು॒ಧಾನಾನ್॑ || 10.87.13
ಪರಾ᳚ ಶೃಣೀಹಿ॒ ತಪ॑ಸಾ ಯಾತು॒ಧಾನಾ॒ನ್ಪರಾ᳚ಗ್ನೇ॒ ರಕ್ಷೋ॒ ಹರ॑ಸಾ ಶೃಣೀಹಿ | ಪರಾ॒ರ್ಚಿಷಾ॒ ಮೂರ॑ದೇವಾಂಛೃಣೀಹಿ॒ ಪರಾ᳚ಸು॒ತೃಪೋ᳚ ಅ॒ಭಿ ಶೋಶು॑ಚಾನಃ || 10.87.14
ಪರಾ॒ದ್ಯ ದೇ॒ವಾ ವೃ॑ಜಿ॒ನಂ ಶೃ॑ಣ‌ನ್ತು ಪ್ರ॒ತ್ಯಗೇ᳚ನಂ ಶ॒ಪಥಾ᳚ ಯ‌ನ್ತು ತೃ॒ಷ್ಟಾಃ | ವಾ॒ಚಾಸ್ತೇ᳚ನಂ॒ ಶರ॑ವ ಋಚ್ಛ‌ನ್ತು॒ ಮರ್ಮ॒ನ್ವಿಶ್ವ॑ಸ್ಯೈತು॒ ಪ್ರಸಿ॑ತಿಂ ಯಾತು॒ಧಾನಃ॑ || 10.87.15
ಯಃ ಪೌರು॑ಷೇಯೇಣ ಕ್ರ॒ವಿಷಾ᳚ ಸಮಂ॒ಕ್ತೇ ಯೋ ಅಶ್ವ್ಯೇ᳚ನ ಪ॒ಶುನಾ᳚ ಯಾತು॒ಧಾನಃ॑ | ಯೋ ಅ॒ಘ್ನ್ಯಾಯಾ॒ ಭರ॑ತಿ ಕ್ಷೀ॒ರಮ॑ಗ್ನೇ॒ ತೇಷಾಂ᳚ ಶೀ॒ರ್ಷಾಣಿ॒ ಹರ॒ಸಾಪಿ॑ ವೃಶ್ಚ || 10.87.16
ಸಂ॒ವ॒ತ್ಸ॒ರೀಣಂ॒ ಪಯ॑ ಉ॒ಸ್ರಿಯಾ᳚ಯಾ॒ಸ್ತಸ್ಯ॒ ಮಾಶೀ᳚ದ್ಯಾತು॒ಧಾನೋ᳚ ನೃಚಕ್ಷಃ | ಪೀ॒ಯೂಷ॑ಮಗ್ನೇ ಯತ॒ಮಸ್ತಿತೃ॑ಪ್ಸಾ॒ತ್ತಂ ಪ್ರ॒ತ್ಯಂಚ॑ಮ॒ರ್ಚಿಷಾ᳚ ವಿಧ್ಯ॒ ಮರ್ಮನ್॑ || 10.87.17
ವಿ॒ಷಂ ಗವಾಂ᳚ ಯಾತು॒ಧಾನಾಃ᳚ ಪಿಬ॒‌ನ್ತ್ವಾ ವೃ॑ಶ್ಚ್ಯ‌ನ್ತಾ॒ಮದಿ॑ತಯೇ ದು॒ರೇವಾಃ᳚ | ಪರೈ᳚ನಾಂದೇ॒ವಃ ಸ॑ವಿ॒ತಾ ದ॑ದಾತು॒ ಪರಾ᳚ ಭಾ॒ಗಮೋಷ॑ಧೀನಾಂ ಜಯ‌ನ್ತಾ‌ಮ್ || 10.87.18
ಸ॒ನಾದ॑ಗ್ನೇ ಮೃಣಸಿ ಯಾತು॒ಧಾನಾ॒ನ್ನ ತ್ವಾ॒ ರಕ್ಷಾಂ᳚ಸಿ॒ ಪೃತ॑ನಾಸು ಜಿಗ್ಯುಃ | ಅನು॑ ದಹ ಸ॒ಹಮೂ᳚ರಾನ್ಕ್ರ॒ವ್ಯಾದೋ॒ ಮಾ ತೇ᳚ ಹೇ॒ತ್ಯಾ ಮು॑ಕ್ಷತ॒ ದೈವ್ಯಾ᳚ಯಾಃ || 10.87.19
ತ್ವಂ ನೋ᳚ ಅಗ್ನೇ ಅಧ॒ರಾದುದ॑ಕ್ತಾ॒ತ್ತ್ವಂ ಪ॒ಶ್ಚಾದು॒ತ ರ॑ಕ್ಷಾ ಪು॒ರಸ್ತಾ᳚ತ್ | ಪ್ರತಿ॒ ತೇ ತೇ᳚ ಅ॒ಜರಾ᳚ಸ॒ಸ್ತಪಿ॑ಷ್ಠಾ ಅ॒ಘಶಂ᳚ಸಂ॒ ಶೋಶು॑ಚತೋ ದಹ‌ನ್ತು || 10.87.20
ಪ॒ಶ್ಚಾತ್ಪು॒ರಸ್ತಾ᳚ದಧ॒ರಾದುದ॑ಕ್ತಾತ್ಕ॒ವಿಃ ಕಾವ್ಯೇ᳚ನ॒ ಪರಿ॑ ಪಾಹಿ ರಾಜನ್ | ಸಖೇ॒ ಸಖಾ᳚ಯಮ॒ಜರೋ᳚ ಜರಿ॒ಮ್ಣೇಽಗ್ನೇ॒ ಮರ್ತಾಁ॒ ಅಮ॑ರ್ತ್ಯ॒ಸ್ತ್ವಂ ನಃ॑ || 10.87.21
ಪರಿ॑ ತ್ವಾಗ್ನೇ॒ ಪುರಂ᳚ ವ॒ಯಂ ವಿಪ್ರಂ᳚ ಸಹಸ್ಯ ಧೀಮಹಿ | ಧೃ॒ಷದ್ವ᳚ರ್ಣಂ ದಿ॒ವೇದಿ॑ವೇ ಹ॒‌ನ್ತಾರಂ᳚ ಭಂಗು॒ರಾವ॑ತಾ‌ಮ್ || 10.87.22
ವಿ॒ಷೇಣ॑ ಭಂಗು॒ರಾವ॑ತಃ॒ ಪ್ರತಿ॑ ಷ್ಮ ರ॒ಕ್ಷಸೋ᳚ ದಹ | ಅಗ್ನೇ᳚ ತಿ॒ಗ್ಮೇನ॑ ಶೋ॒ಚಿಷಾ॒ ತಪು॑ರಗ್ರಾಭಿರ್‌ಋ॒ಷ್ಟಿಭಿಃ॑ || 10.87.23
ಪ್ರತ್ಯ॑ಗ್ನೇ ಮಿಥು॒ನಾ ದ॑ಹ ಯಾತು॒ಧಾನಾ᳚ ಕಿಮೀ॒ದಿನಾ᳚ | ಸಂ ತ್ವಾ᳚ ಶಿಶಾಮಿ ಜಾಗೃ॒ಹ್ಯದ॑ಬ್ಧಂ ವಿಪ್ರ॒ ಮನ್ಮ॑ಭಿಃ || 10.87.24
ಪ್ರತ್ಯ॑ಗ್ನೇ॒ ಹರ॑ಸಾ॒ ಹರಃ॑ ಶೃಣೀ॒ಹಿ ವಿ॒ಶ್ವತಃ॒ ಪ್ರತಿ॑ | ಯಾ॒ತು॒ಧಾನ॑ಸ್ಯ ರ॒ಕ್ಷಸೋ॒ ಬಲಂ॒ ವಿ ರು॑ಜ ವೀ॒ರ್ಯ‌ಮ್᳚ || 10.87.25

(1-19) ಏಕೋನವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ವಾಮದೇವ್ಯೋ ವಾ ಮೂಧ ವಾನೃಷಿಃ, ಸೂರ್ಯೋ ವೈಶ್ವಾನರೋಽಗ್ನಿಶ್ಚ ದೇವತೇ, ತ್ರಿಷ್ಟುಪ್ ಛಂದಃ

ಹ॒ವಿಷ್ಪಾ‌ನ್ತ॑ಮ॒ಜರಂ᳚ ಸ್ವ॒ರ್ವಿದಿ॑ ದಿವಿ॒ಸ್ಪೃಶ್ಯಾಹು॑ತಂ॒ ಜುಷ್ಟ॑ಮ॒ಗ್ನೌ | ತಸ್ಯ॒ ಭರ್ಮ॑ಣೇ॒ ಭುವ॑ನಾಯ ದೇ॒ವಾ ಧರ್ಮ॑ಣೇ॒ ಕಂ ಸ್ವ॒ಧಯಾ᳚ ಪಪ್ರಥ‌ನ್ತ || 10.88.1
ಗೀ॒ರ್ಣಂ ಭುವ॑ನಂ॒ ತಮ॒ಸಾಪ॑ಗೂಳ್ಹಮಾ॒ವಿಃ ಸ್ವ॑ರಭವಜ್ಜಾ॒ತೇ ಅ॒ಗ್ನೌ | ತಸ್ಯ॑ ದೇ॒ವಾಃ ಪೃ॑ಥಿ॒ವೀ ದ್ಯೌರು॒ತಾಪೋಽರ॑ಣಯ॒ನ್ನೋಷ॑ಧೀಃ ಸ॒ಖ್ಯೇ ಅ॑ಸ್ಯ || 10.88.2
ದೇ॒ವೇಭಿ॒ರ್ನ್ವಿ॑ಷಿ॒ತೋ ಯ॒ಜ್ಞಿಯೇ᳚ಭಿರ॒ಗ್ನಿಂ ಸ್ತೋ᳚ಷಾಣ್ಯ॒ಜರಂ᳚ ಬೃ॒ಹ‌ನ್ತ‌ಮ್᳚ | ಯೋ ಭಾ॒ನುನಾ᳚ ಪೃಥಿ॒ವೀಂ ದ್ಯಾಮು॒ತೇಮಾಮಾ᳚ತ॒ತಾನ॒ ರೋದ॑ಸೀ ಅ॒‌ನ್ತರಿ॑ಕ್ಷ‌ಮ್ || 10.88.3
ಯೋ ಹೋತಾಸೀ᳚ತ್ಪ್ರಥ॒ಮೋ ದೇ॒ವಜು॑ಷ್ಟೋ॒ ಯಂ ಸ॒ಮಾಂಜ॒ನ್ನಾಜ್ಯೇ᳚ನಾ ವೃಣಾ॒ನಾಃ | ಸ ಪ॑ತ॒ತ್ರೀ᳚ತ್ವ॒ರಂ ಸ್ಥಾ ಜಗ॒ದ್ಯಚ್ಛ್ವಾ॒ತ್ರಮ॒ಗ್ನಿರ॑ಕೃಣೋಜ್ಜಾ॒ತವೇ᳚ದಾಃ || 10.88.4
ಯಜ್ಜಾ᳚ತವೇದೋ॒ ಭುವ॑ನಸ್ಯ ಮೂ॒ರ್ಧನ್ನತಿ॑ಷ್ಠೋ ಅಗ್ನೇ ಸ॒ಹ ರೋ᳚ಚ॒ನೇನ॑ | ತಂ ತ್ವಾ᳚ಹೇಮ ಮ॒ತಿಭಿ॑ರ್ಗೀ॒ರ್ಭಿರು॒ಕ್ಥೈಃ ಸ ಯ॒ಜ್ಞಿಯೋ᳚ ಅಭವೋ ರೋದಸಿ॒ಪ್ರಾಃ || 10.88.5
ಮೂ॒ರ್ಧಾ ಭು॒ವೋ ಭ॑ವತಿ॒ ನಕ್ತ॑ಮ॒ಗ್ನಿಸ್ತತಃ॒ ಸೂರ್ಯೋ᳚ ಜಾಯತೇ ಪ್ರಾ॒ತರು॒ದ್ಯನ್ | ಮಾ॒ಯಾಮೂ॒ ತು ಯ॒ಜ್ಞಿಯಾ᳚ನಾಮೇ॒ತಾಮಪೋ॒ ಯತ್ತೂರ್ಣಿ॒ಶ್ಚರ॑ತಿ ಪ್ರಜಾ॒ನನ್ || 10.88.6
ದೃ॒ಶೇನ್ಯೋ॒ ಯೋ ಮ॑ಹಿ॒ನಾ ಸಮಿ॒ದ್ಧೋಽರೋ᳚ಚತ ದಿ॒ವಿಯೋ᳚ನಿರ್ವಿ॒ಭಾವಾ᳚ | ತಸ್ಮಿ᳚ನ್ನ॒ಗ್ನೌ ಸೂ᳚ಕ್ತವಾ॒ಕೇನ॑ ದೇ॒ವಾ ಹ॒ವಿರ್ವಿಶ್ವ॒ ಆಜು॑ಹವುಸ್ತನೂ॒ಪಾಃ || 10.88.7
ಸೂ॒ಕ್ತ॒ವಾ॒ಕಂ ಪ್ರ॑ಥ॒ಮಮಾದಿದ॒ಗ್ನಿಮಾದಿದ್ಧ॒ವಿರ॑ಜನಯ‌ನ್ತ ದೇ॒ವಾಃ | ಸ ಏ᳚ಷಾಂ ಯ॒ಜ್ಞೋ ಅ॑ಭವತ್ತನೂ॒ಪಾಸ್ತಂ ದ್ಯೌರ್ವೇ᳚ದ॒ ತಂ ಪೃ॑ಥಿ॒ವೀ ತಮಾಪಃ॑ || 10.88.8
ಯಂ ದೇ॒ವಾಸೋಽಜ॑ನಯ‌ನ್ತಾ॒ಗ್ನಿಂ ಯಸ್ಮಿ॒ನ್ನಾಜು॑ಹವು॒ರ್ಭುವ॑ನಾನಿ॒ ವಿಶ್ವಾ᳚ | ಸೋ ಅ॒ರ್ಚಿಷಾ᳚ ಪೃಥಿ॒ವೀಂ ದ್ಯಾಮು॒ತೇಮಾಮೃ॑ಜೂ॒ಯಮಾ᳚ನೋ ಅತಪನ್ಮಹಿ॒ತ್ವಾ || 10.88.9
ಸ್ತೋಮೇ᳚ನ॒ ಹಿ ದಿ॒ವಿ ದೇ॒ವಾಸೋ᳚ ಅ॒ಗ್ನಿಮಜೀ᳚ಜನಂ॒ಛಕ್ತಿ॑ಭೀ ರೋದಸಿ॒ಪ್ರಾ‌ಮ್ | ತಮೂ᳚ ಅಕೃಣ್ವ‌ನ್ತ್ರೇ॒ಧಾ ಭು॒ವೇ ಕಂ ಸ ಓಷ॑ಧೀಃ ಪಚತಿ ವಿ॒ಶ್ವರೂ᳚ಪಾಃ || 10.88.10
ಯ॒ದೇದೇ᳚ನ॒ಮದ॑ಧುರ್ಯ॒ಜ್ಞಿಯಾ᳚ಸೋ ದಿ॒ವಿ ದೇ॒ವಾಃ ಸೂರ್ಯ॑ಮಾದಿತೇ॒ಯ‌ಮ್ | ಯ॒ದಾ ಚ॑ರಿ॒ಷ್ಣೂ ಮಿ॑ಥು॒ನಾವಭೂ᳚ತಾ॒ಮಾದಿತ್ಪ್ರಾಪ॑ಶ್ಯ॒ನ್ಭುವ॑ನಾನಿ॒ ವಿಶ್ವಾ᳚ || 10.88.11
ವಿಶ್ವ॑ಸ್ಮಾ ಅ॒ಗ್ನಿಂ ಭುವ॑ನಾಯ ದೇ॒ವಾ ವೈ᳚ಶ್ವಾನ॒ರಂ ಕೇ॒ತುಮಹ್ನಾ᳚ಮಕೃಣ್ವನ್ | ಆ ಯಸ್ತ॒ತಾನೋ॒ಷಸೋ᳚ ವಿಭಾ॒ತೀರಪೋ᳚ ಊರ್ಣೋತಿ॒ ತಮೋ᳚ ಅ॒ರ್ಚಿಷಾ॒ ಯನ್ || 10.88.12
ವೈ॒ಶ್ವಾ॒ನ॒ರಂ ಕ॒ವಯೋ᳚ ಯ॒ಜ್ಞಿಯಾ᳚ಸೋ॒ಽಗ್ನಿಂ ದೇ॒ವಾ ಅ॑ಜನಯನ್ನಜು॒ರ್ಯ‌ಮ್ | ನಕ್ಷ॑ತ್ರಂ ಪ್ರ॒ತ್ನಮಮಿ॑ನಚ್ಚರಿ॒ಷ್ಣು ಯ॒ಕ್ಷಸ್ಯಾಧ್ಯ॑ಕ್ಷಂ ತವಿ॒ಷಂ ಬೃ॒ಹ‌ನ್ತ‌ಮ್᳚ || 10.88.13
ವೈ॒ಶ್ವಾ॒ನ॒ರಂ ವಿ॒ಶ್ವಹಾ᳚ ದೀದಿ॒ವಾಂಸಂ॒ ಮ‌ನ್ತ್ರೈ᳚ರ॒ಗ್ನಿಂ ಕ॒ವಿಮಚ್ಛಾ᳚ ವದಾಮಃ | ಯೋ ಮ॑ಹಿ॒ಮ್ನಾ ಪ॑ರಿಬ॒ಭೂವೋ॒ರ್ವೀ ಉ॒ತಾವಸ್ತಾ᳚ದು॒ತ ದೇ॒ವಃ ಪ॒ರಸ್ತಾ᳚ತ್ || 10.88.14
ದ್ವೇ ಸ್ರು॒ತೀ ಅ॑ಶೃಣವಂ ಪಿತೄ॒ಣಾಮ॒ಹಂ ದೇ॒ವಾನಾ᳚ಮು॒ತ ಮರ್ತ್ಯಾ᳚ನಾ‌ಮ್ | ತಾಭ್ಯಾ᳚ಮಿ॒ದಂ ವಿಶ್ವ॒ಮೇಜ॒ತ್ಸಮೇ᳚ತಿ॒ ಯದ᳚‌ನ್ತ॒ರಾ ಪಿ॒ತರಂ᳚ ಮಾ॒ತರಂ᳚ ಚ || 10.88.15
ದ್ವೇ ಸ॑ಮೀ॒ಚೀ ಬಿ॑ಭೃತ॒ಶ್ಚರ᳚‌ನ್ತಂ ಶೀರ್ಷ॒ತೋ ಜಾ॒ತಂ ಮನ॑ಸಾ॒ ವಿಮೃ॑ಷ್ಟ‌ಮ್ | ಸ ಪ್ರ॒ತ್ಯಙ್ವಿಶ್ವಾ॒ ಭುವ॑ನಾನಿ ತಸ್ಥಾ॒ವಪ್ರ॑ಯುಚ್ಛ‌ನ್ತ॒ರಣಿ॒ರ್ಭ್ರಾಜ॑ಮಾನಃ || 10.88.16
ಯತ್ರಾ॒ ವದೇ᳚ತೇ॒ ಅವ॑ರಃ॒ ಪರ॑ಶ್ಚ ಯಜ್ಞ॒ನ್ಯೋಃ᳚ ಕತ॒ರೋ ನೌ॒ ವಿ ವೇ᳚ದ | ಆ ಶೇ᳚ಕು॒ರಿತ್ಸ॑ಧ॒ಮಾದಂ॒ ಸಖಾ᳚ಯೋ॒ ನಕ್ಷ᳚‌ನ್ತ ಯ॒ಜ್ಞಂ ಕ ಇ॒ದಂ ವಿ ವೋ᳚ಚತ್ || 10.88.17
ಕತ್ಯ॒ಗ್ನಯಃ॒ ಕತಿ॒ ಸೂರ್ಯಾ᳚ಸಃ॒ ಕತ್ಯು॒ಷಾಸಃ॒ ಕತ್ಯು॑ ಸ್ವಿ॒ದಾಪಃ॑ | ನೋಪ॒ಸ್ಪಿಜಂ᳚ ವಃ ಪಿತರೋ ವದಾಮಿ ಪೃ॒ಚ್ಛಾಮಿ॑ ವಃ ಕವಯೋ ವಿ॒ದ್ಮನೇ॒ ಕ‌ಮ್ || 10.88.18
ಯಾ॒ವ॒ನ್ಮಾ॒ತ್ರಮು॒ಷಸೋ॒ ನ ಪ್ರತೀ᳚ಕಂ ಸುಪ॒ರ್ಣ್ಯೋ॒3॒॑ ವಸ॑ತೇ ಮಾತರಿಶ್ವಃ | ತಾವ॑ದ್ದಧಾ॒ತ್ಯುಪ॑ ಯ॒ಜ್ಞಮಾ॒ಯನ್ಬ್ರಾ᳚ಹ್ಮ॒ಣೋ ಹೋತು॒ರವ॑ರೋ ನಿ॒ಷೀದನ್॑ || 10.88.19

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ರೇಣ ಷಿಃ (1-4, 6-18) ಪ್ರಥಮಾದಿಚತುರೃಚ, ಷಷ್ಠ್ಯಾದಿತ್ರಯೋದಶಾನಾಂಚೇಂದ್ರಃ, (5) ಪಂಚಮ್ಯಾಶ್ಚೇಂದ್ರಾಸೋಮೌ ದೇವತೇ, ತ್ರಿಷ್ಟುಪ್ ಛಂದಃ

ಇಂದ್ರಂ᳚ ಸ್ತವಾ॒ ನೃತ॑ಮಂ॒ ಯಸ್ಯ॑ ಮ॒ಹ್ನಾ ವಿ॑ಬಬಾ॒ಧೇ ರೋ᳚ಚ॒ನಾ ವಿ ಜ್ಮೋ ಅ‌ನ್ತಾನ್॑ | ಆ ಯಃ ಪ॒ಪ್ರೌ ಚ॑ರ್ಷಣೀ॒ಧೃದ್ವರೋ᳚ಭಿಃ॒ ಪ್ರ ಸಿಂಧು॑ಭ್ಯೋ ರಿರಿಚಾ॒ನೋ ಮ॑ಹಿ॒ತ್ವಾ || 10.89.1
ಸ ಸೂರ್ಯಃ॒ ಪರ್ಯು॒ರೂ ವರಾಂ॒ಸ್ಯೇಂದ್ರೋ᳚ ವವೃತ್ಯಾ॒ದ್ರಥ್ಯೇ᳚ವ ಚ॒ಕ್ರಾ | ಅತಿ॑ಷ್ಠ‌ನ್ತಮಪ॒ಸ್ಯ1॒॑ ಅಂನ ಸರ್ಗಂ᳚ ಕೃ॒ಷ್ಣಾ ತಮಾಂ᳚ಸಿ॒ ತ್ವಿಷ್ಯಾ᳚ ಜಘಾನ || 10.89.2
ಸ॒ಮಾ॒ನಮ॑ಸ್ಮಾ॒ ಅನ॑ಪಾವೃದರ್ಚ ಕ್ಷ್ಮ॒ಯಾ ದಿ॒ವೋ ಅಸ॑ಮಂ॒ ಬ್ರಹ್ಮ॒ ನವ್ಯ‌ಮ್᳚ | ವಿ ಯಃ ಪೃ॒ಷ್ಠೇವ॒ ಜನಿ॑ಮಾನ್ಯ॒ರ್ಯ ಇಂದ್ರ॑ಶ್ಚಿ॒ಕಾಯ॒ ನ ಸಖಾ᳚ಯಮೀ॒ಷೇ || 10.89.3
ಇಂದ್ರಾ᳚ಯ॒ ಗಿರೋ॒ ಅನಿ॑ಶಿತಸರ್ಗಾ ಅ॒ಪಃ ಪ್ರೇರ॑ಯಂ॒ ಸಗ॑ರಸ್ಯ ಬು॒ಧ್ನಾತ್ | ಯೋ ಅಕ್ಷೇ᳚ಣೇವ ಚ॒ಕ್ರಿಯಾ॒ ಶಚೀ᳚ಭಿ॒ರ್ವಿಷ್ವ॑ಕ್ತ॒ಸ್ತಂಭ॑ ಪೃಥಿ॒ವೀಮು॒ತ ದ್ಯಾ‌ಮ್ || 10.89.4
ಆಪಾ᳚‌ನ್ತಮನ್ಯುಸ್ತೃ॒ಪಲ॑ಪ್ರಭರ್ಮಾ॒ ಧುನಿಃ॒ ಶಿಮೀ᳚ವಾಂ॒ಛರು॑ಮಾಁ ಋಜೀ॒ಷೀ | ಸೋಮೋ॒ ವಿಶ್ವಾ᳚ನ್ಯತ॒ಸಾ ವನಾ᳚ನಿ॒ ನಾರ್ವಾಗಿಂದ್ರಂ᳚ ಪ್ರತಿ॒ಮಾನಾ᳚ನಿ ದೇಭುಃ || 10.89.5
ನ ಯಸ್ಯ॒ ದ್ಯಾವಾ᳚ಪೃಥಿ॒ವೀ ನ ಧನ್ವ॒ ನಾ‌ನ್ತರಿ॑ಕ್ಷಂ॒ ನಾದ್ರ॑ಯಃ॒ ಸೋಮೋ᳚ ಅಕ್ಷಾಃ | ಯದ॑ಸ್ಯ ಮ॒ನ್ಯುರ॑ಧಿನೀ॒ಯಮಾ᳚ನಃ ಶೃ॒ಣಾತಿ॑ ವೀ॒ಳು ರು॒ಜತಿ॑ ಸ್ಥಿ॒ರಾಣಿ॑ || 10.89.6
ಜ॒ಘಾನ॑ ವೃ॒ತ್ರಂ ಸ್ವಧಿ॑ತಿ॒ರ್ವನೇ᳚ವ ರು॒ರೋಜ॒ ಪುರೋ॒ ಅರ॑ದ॒ನ್ನ ಸಿಂಧೂನ್॑ | ಬಿ॒ಭೇದ॑ ಗಿ॒ರಿಂ ನವ॒ಮಿನ್ನ ಕುಂ॒ಭಮಾ ಗಾ ಇಂದ್ರೋ᳚ ಅಕೃಣುತ ಸ್ವ॒ಯುಗ್ಭಿಃ॑ || 10.89.7
ತ್ವಂ ಹ॒ ತ್ಯದೃ॑ಣ॒ಯಾ ಇಂ᳚ದ್ರ॒ ಧೀರೋ॒ಽಸಿರ್ನ ಪರ್ವ॑ ವೃಜಿ॒ನಾ ಶೃ॑ಣಾಸಿ | ಪ್ರ ಯೇ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಮ॒ ಯುಜಂ॒ ನ ಜನಾ᳚ ಮಿ॒ನ‌ನ್ತಿ॑ ಮಿ॒ತ್ರ‌ಮ್ || 10.89.8
ಪ್ರ ಯೇ ಮಿ॒ತ್ರಂ ಪ್ರಾರ್ಯ॒ಮಣಂ᳚ ದು॒ರೇವಾಃ॒ ಪ್ರ ಸಂ॒ಗಿರಃ॒ ಪ್ರ ವರು॑ಣಂ ಮಿ॒ನ‌ನ್ತಿ॑ | ನ್ಯ1॒॑ಮಿತ್ರೇ᳚ಷು ವ॒ಧಮಿಂ᳚ದ್ರ॒ ತುಮ್ರಂ॒ ವೃಷ॒ನ್ವೃಷಾ᳚ಣಮರು॒ಷಂ ಶಿ॑ಶೀಹಿ || 10.89.9
ಇಂದ್ರೋ᳚ ದಿ॒ವ ಇಂದ್ರ॑ ಈಶೇ ಪೃಥಿ॒ವ್ಯಾ ಇಂದ್ರೋ᳚ ಅ॒ಪಾಮಿಂದ್ರ॒ ಇತ್ಪರ್ವ॑ತಾನಾ‌ಮ್ | ಇಂದ್ರೋ᳚ ವೃ॒ಧಾಮಿಂದ್ರ॒ ಇನ್ಮೇಧಿ॑ರಾಣಾ॒ಮಿಂದ್ರಃ॒ ಕ್ಷೇಮೇ॒ ಯೋಗೇ॒ ಹವ್ಯ॒ ಇಂದ್ರಃ॑ || 10.89.10
ಪ್ರಾಕ್ತುಭ್ಯ॒ ಇಂದ್ರಃ॒ ಪ್ರ ವೃ॒ಧೋ ಅಹ॑ಭ್ಯಃ॒ ಪ್ರಾ‌ನ್ತರಿ॑ಕ್ಷಾ॒ತ್ಪ್ರ ಸ॑ಮು॒ದ್ರಸ್ಯ॑ ಧಾ॒ಸೇಃ | ಪ್ರ ವಾತ॑ಸ್ಯ॒ ಪ್ರಥ॑ಸಃ॒ ಪ್ರ ಜ್ಮೋ ಅ‌ನ್ತಾ॒ತ್ಪ್ರ ಸಿಂಧು॑ಭ್ಯೋ ರಿರಿಚೇ॒ ಪ್ರ ಕ್ಷಿ॒ತಿಭ್ಯಃ॑ || 10.89.11
ಪ್ರ ಶೋಶು॑ಚತ್ಯಾ ಉ॒ಷಸೋ॒ ನ ಕೇ॒ತುರ॑ಸಿ॒ನ್ವಾ ತೇ᳚ ವರ್ತತಾಮಿಂದ್ರ ಹೇ॒ತಿಃ | ಅಶ್ಮೇ᳚ವ ವಿಧ್ಯ ದಿ॒ವ ಆ ಸೃ॑ಜಾ॒ನಸ್ತಪಿ॑ಷ್ಠೇನ॒ ಹೇಷ॑ಸಾ॒ ದ್ರೋಘ॑ಮಿತ್ರಾನ್ || 10.89.12
ಅನ್ವಹ॒ ಮಾಸಾ॒ ಅನ್ವಿದ್ವನಾ॒ನ್ಯನ್ವೋಷ॑ಧೀ॒ರನು॒ ಪರ್ವ॑ತಾಸಃ | ಅನ್ವಿಂದ್ರಂ॒ ರೋದ॑ಸೀ ವಾವಶಾ॒ನೇ ಅನ್ವಾಪೋ᳚ ಅಜಿಹತ॒ ಜಾಯ॑ಮಾನ‌ಮ್ || 10.89.13
ಕರ್ಹಿ॑ ಸ್ವಿ॒ತ್ಸಾ ತ॑ ಇಂದ್ರ ಚೇ॒ತ್ಯಾಸ॑ದ॒ಘಸ್ಯ॒ ಯದ್ಭಿ॒ನದೋ॒ ರಕ್ಷ॒ ಏಷ॑ತ್ | ಮಿ॒ತ್ರ॒ಕ್ರುವೋ॒ ಯಚ್ಛಸ॑ನೇ॒ ನ ಗಾವಃ॑ ಪೃಥಿ॒ವ್ಯಾ ಆ॒ಪೃಗ॑ಮು॒ಯಾ ಶಯ᳚‌ನ್ತೇ || 10.89.14
ಶ॒ತ್ರೂ॒ಯ‌ನ್ತೋ᳚ ಅ॒ಭಿ ಯೇ ನ॑ಸ್ತತ॒ಸ್ರೇ ಮಹಿ॒ ವ್ರಾಧ᳚‌ನ್ತ ಓಗ॒ಣಾಸ॑ ಇಂದ್ರ | ಅಂ॒ಧೇನಾ॒ಮಿತ್ರಾ॒ಸ್ತಮ॑ಸಾ ಸಚ‌ನ್ತಾಂ ಸುಜ್ಯೋ॒ತಿಷೋ᳚ ಅ॒ಕ್ತವ॒ಸ್ತಾಁ ಅ॒ಭಿ ಷ್ಯುಃ॑ || 10.89.15
ಪು॒ರೂಣಿ॒ ಹಿ ತ್ವಾ॒ ಸವ॑ನಾ॒ ಜನಾ᳚ನಾಂ॒ ಬ್ರಹ್ಮಾ᳚ಣಿ॒ ಮಂದ॑ನ್ಗೃಣ॒ತಾಮೃಷೀ᳚ಣಾ‌ಮ್ | ಇ॒ಮಾಮಾ॒ಘೋಷ॒ನ್ನವ॑ಸಾ॒ ಸಹೂ᳚ತಿಂ ತಿ॒ರೋ ವಿಶ್ವಾಁ॒ ಅರ್ಚ॑ತೋ ಯಾಹ್ಯ॒ರ್ವಾಙ್ || 10.89.16
ಏ॒ವಾ ತೇ᳚ ವ॒ಯಮಿಂ᳚ದ್ರ ಭುಂಜತೀ॒ನಾಂ ವಿ॒ದ್ಯಾಮ॑ ಸುಮತೀ॒ನಾಂ ನವಾ᳚ನಾ‌ಮ್ | ವಿ॒ದ್ಯಾಮ॒ ವಸ್ತೋ॒ರವ॑ಸಾ ಗೃ॒ಣ‌ನ್ತೋ᳚ ವಿ॒ಶ್ವಾಮಿ॑ತ್ರಾ ಉ॒ತ ತ॑ ಇಂದ್ರ ನೂ॒ನ‌ಮ್ || 10.89.17
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 10.89.18

(1-16) ಷೋಡಶರ್ಚಸ್ಯಾಸ್ಯ ಸೂಕ್ತಸ್ಯ ನಾರಾಯಣ ಋಷಿಃ, ಪುರುಷೋ ದೇವತಾ, (1-15) ಪ್ರಥಮಾದಿಪಂಚದಶರ್ಚಾಮನುಷ್ಟಪ್ , (16) ಷೋಡಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ಸಹಸ್ರಾ॒ಕ್ಷಃ ಸ॒ಹಸ್ರ॑ಪಾತ್ | ಸ ಭೂಮಿಂ᳚ ವಿ॒ಶ್ವತೋ᳚ ವೃ॒ತ್ವಾತ್ಯ॑ತಿಷ್ಠದ್ದಶಾಂಗು॒ಲ‌ಮ್ || 10.90.1
ಪುರು॑ಷ ಏ॒ವೇದಂ ಸರ್ವಂ॒ ಯದ್ಭೂ॒ತಂ ಯಚ್ಚ॒ ಭವ್ಯ‌ಮ್᳚ | ಉ॒ತಾಮೃ॑ತ॒ತ್ವಸ್ಯೇಶಾ᳚ನೋ॒ ಯದನ್ನೇ᳚ನಾತಿ॒ರೋಹ॑ತಿ || 10.90.2
ಏ॒ತಾವಾ᳚ನಸ್ಯ ಮಹಿ॒ಮಾತೋ॒ ಜ್ಯಾಯಾಁ᳚ಶ್ಚ॒ ಪೂರು॑ಷಃ | ಪಾದೋ᳚ಽಸ್ಯ॒ ವಿಶ್ವಾ᳚ ಭೂ॒ತಾನಿ॑ ತ್ರಿ॒ಪಾದ॑ಸ್ಯಾ॒ಮೃತಂ᳚ ದಿ॒ವಿ || 10.90.3
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ॒ ಪಾದೋ᳚ಽಸ್ಯೇ॒ಹಾಭ॑ವ॒ತ್ಪುನಃ॑ | ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ಸಾಶನಾನಶ॒ನೇ ಅ॒ಭಿ || 10.90.4
ತಸ್ಮಾ᳚ದ್ವಿ॒ರಾಳ॑ಜಾಯತ ವಿ॒ರಾಜೋ॒ ಅಧಿ॒ ಪೂರು॑ಷಃ | ಸ ಜಾ॒ತೋ ಅತ್ಯ॑ರಿಚ್ಯತ ಪ॒ಶ್ಚಾದ್ಭೂಮಿ॒ಮಥೋ᳚ ಪು॒ರಃ || 10.90.5
ಯತ್ಪುರು॑ಷೇಣ ಹ॒ವಿಷಾ᳚ ದೇ॒ವಾ ಯ॒ಜ್ಞಮತ᳚ನ್ವತ | ವ॒ಸ॒‌ನ್ತೋ ಅ॑ಸ್ಯಾಸೀ॒ದಾಜ್ಯಂ᳚ ಗ್ರೀ॒ಷ್ಮ ಇ॒ಧ್ಮಃ ಶ॒ರದ್ಧ॒ವಿಃ || 10.90.6
ತಂ ಯ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷ॒ನ್ಪುರು॑ಷಂ ಜಾ॒ತಮ॑ಗ್ರ॒ತಃ | ತೇನ॑ ದೇ॒ವಾ ಅ॑ಯಜ‌ನ್ತ ಸಾ॒ಧ್ಯಾ ಋಷ॑ಯಶ್ಚ॒ ಯೇ || 10.90.7
ತಸ್ಮಾ᳚ದ್ಯ॒ಜ್ಞಾತ್ಸ᳚ರ್ವ॒ಹುತಃ॒ ಸಂಭೃ॑ತಂ ಪೃಷದಾ॒ಜ್ಯ‌ಮ್ | ಪ॒ಶೂ‌ನ್ತಾಁಶ್ಚ॑ಕ್ರೇ ವಾಯ॒ವ್ಯಾ᳚ನಾರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ || 10.90.8
ತಸ್ಮಾ᳚ದ್ಯ॒ಜ್ಞಾತ್ಸ᳚ರ್ವ॒ಹುತ॒ ಋಚಃ॒ ಸಾಮಾ᳚ನಿ ಜಜ್ಞಿರೇ | ಛಂದಾಂ᳚ಸಿ ಜಜ್ಞಿರೇ॒ ತಸ್ಮಾ॒ದ್ಯಜು॒ಸ್ತಸ್ಮಾ᳚ದಜಾಯತ || 10.90.9
ತಸ್ಮಾ॒ದಶ್ವಾ᳚ ಅಜಾಯ‌ನ್ತ॒ ಯೇ ಕೇ ಚೋ᳚ಭ॒ಯಾದ॑ತಃ | ಗಾವೋ᳚ ಹ ಜಜ್ಞಿರೇ॒ ತಸ್ಮಾ॒ತ್ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯಃ॑ || 10.90.10
ಯತ್ಪುರು॑ಷಂ॒ ವ್ಯದ॑ಧುಃ ಕತಿ॒ಧಾ ವ್ಯ॑ಕಲ್ಪಯನ್ | ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ ಕಾ ಊ॒ರೂ ಪಾದಾ᳚ ಉಚ್ಯೇತೇ || 10.90.11
ಬ್ರಾ॒ಹ್ಮ॒ಣೋ᳚ಽಸ್ಯ॒ ಮುಖ॑ಮಾಸೀದ್ಬಾ॒ಹೂ ರಾ᳚ಜ॒ನ್ಯಃ॑ ಕೃ॒ತಃ | ಊ॒ರೂ ತದ॑ಸ್ಯ॒ ಯದ್ವೈಶ್ಯಃ॑ ಪ॒ದ್ಭ್ಯಾಂ ಶೂ॒ದ್ರೋ ಅ॑ಜಾಯತ || 10.90.12
ಚಂ॒ದ್ರಮಾ॒ ಮನ॑ಸೋ ಜಾ॒ತಶ್ಚಕ್ಷೋಃ॒ ಸೂರ್ಯೋ᳚ ಅಜಾಯತ | ಮುಖಾ॒ದಿಂದ್ರ॑ಶ್ಚಾ॒ಗ್ನಿಶ್ಚ॑ ಪ್ರಾ॒ಣಾದ್ವಾ॒ಯುರ॑ಜಾಯತ || 10.90.13
ನಾಭ್ಯಾ᳚ ಆಸೀದ॒‌ನ್ತರಿ॑ಕ್ಷಂ ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ | ಪ॒ದ್ಭ್ಯಾಂ ಭೂಮಿ॒ರ್ದಿಶಃ॒ ಶ್ರೋತ್ರಾ॒ತ್ತಥಾ᳚ ಲೋ॒ಕಾಁ ಅ॑ಕಲ್ಪಯನ್ || 10.90.14
ಸ॒ಪ್ತಾಸ್ಯಾ᳚ಸನ್ಪರಿ॒ಧಯ॒ಸ್ತ್ರಿಃ ಸ॒ಪ್ತ ಸ॒ಮಿಧಃ॑ ಕೃ॒ತಾಃ | ದೇ॒ವಾ ಯದ್ಯ॒ಜ್ಞಂ ತ᳚ನ್ವಾ॒ನಾ ಅಬ॑ಧ್ನ॒ನ್ಪುರು॑ಷಂ ಪ॒ಶು‌ಮ್ || 10.90.15
ಯ॒ಜ್ಞೇನ॑ ಯ॒ಜ್ಞಮ॑ಯಜ‌ನ್ತ ದೇ॒ವಾಸ್ತಾನಿ॒ ಧರ್ಮಾ᳚ಣಿ ಪ್ರಥ॒ಮಾನ್ಯಾ᳚ಸನ್ | ತೇ ಹ॒ ನಾಕಂ᳚ ಮಹಿ॒ಮಾನಃ॑ ಸಚ‌ನ್ತ॒ ಯತ್ರ॒ ಪೂರ್ವೇ᳚ ಸಾ॒ಧ್ಯಾಃ ಸ‌ನ್ತಿ॑ ದೇ॒ವಾಃ || 10.90.16

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ವೈತಹವ್ಯೋಽರುಣ ಋಷಿಃ, ಅಗ್ನಿರ್ದೇವತಾ, (1-14) ಪ್ರಥಮಾದಿಚತುದಶ ! ಜಗತೀ, (15) ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಸಂ ಜಾ᳚ಗೃ॒ವದ್ಭಿ॒ರ್ಜರ॑ಮಾಣ ಇಧ್ಯತೇ॒ ದಮೇ॒ ದಮೂ᳚ನಾ ಇ॒ಷಯ᳚ನ್ನಿ॒ಳಸ್ಪ॒ದೇ | ವಿಶ್ವ॑ಸ್ಯ॒ ಹೋತಾ᳚ ಹ॒ವಿಷೋ॒ ವರೇ᳚ಣ್ಯೋ ವಿ॒ಭುರ್ವಿ॒ಭಾವಾ᳚ ಸು॒ಷಖಾ᳚ ಸಖೀಯ॒ತೇ || 10.91.1
ಸ ದ॑ರ್ಶತ॒ಶ್ರೀರತಿ॑ಥಿರ್ಗೃ॒ಹೇಗೃ॑ಹೇ॒ ವನೇ᳚ವನೇ ಶಿಶ್ರಿಯೇ ತಕ್ವ॒ವೀರಿ॑ವ | ಜನಂ᳚ಜನಂ॒ ಜನ್ಯೋ॒ ನಾತಿ॑ ಮನ್ಯತೇ॒ ವಿಶ॒ ಆ ಕ್ಷೇ᳚ತಿ ವಿ॒ಶ್ಯೋ॒3॒॑ ವಿಶಂ᳚ವಿಶ‌ಮ್ || 10.91.2
ಸು॒ದಕ್ಷೋ॒ ದಕ್ಷೈಃ॒ ಕ್ರತು॑ನಾಸಿ ಸು॒ಕ್ರತು॒ರಗ್ನೇ᳚ ಕ॒ವಿಃ ಕಾವ್ಯೇ᳚ನಾಸಿ ವಿಶ್ವ॒ವಿತ್ | ವಸು॒ರ್ವಸೂ᳚ನಾಂ ಕ್ಷಯಸಿ॒ ತ್ವಮೇಕ॒ ಇದ್ದ್ಯಾವಾ᳚ ಚ॒ ಯಾನಿ॑ ಪೃಥಿ॒ವೀ ಚ॒ ಪುಷ್ಯ॑ತಃ || 10.91.3
ಪ್ರ॒ಜಾ॒ನನ್ನ॑ಗ್ನೇ॒ ತವ॒ ಯೋನಿ॑ಮೃ॒ತ್ವಿಯ॒ಮಿಳಾ᳚ಯಾಸ್ಪ॒ದೇ ಘೃ॒ತವ᳚‌ನ್ತ॒ಮಾಸ॑ದಃ | ಆ ತೇ᳚ ಚಿಕಿತ್ರ ಉ॒ಷಸಾ᳚ಮಿ॒ವೇತ॑ಯೋಽರೇ॒ಪಸಃ॒ ಸೂರ್ಯ॑ಸ್ಯೇವ ರ॒ಶ್ಮಯಃ॑ || 10.91.4
ತವ॒ ಶ್ರಿಯೋ᳚ ವ॒ರ್ಷ್ಯ॑ಸ್ಯೇವ ವಿ॒ದ್ಯುತ॑ಶ್ಚಿ॒ತ್ರಾಶ್ಚಿ॑ಕಿತ್ರ ಉ॒ಷಸಾಂ॒ ನ ಕೇ॒ತವಃ॑ | ಯದೋಷ॑ಧೀರ॒ಭಿಸೃ॑ಷ್ಟೋ॒ ವನಾ᳚ನಿ ಚ॒ ಪರಿ॑ ಸ್ವ॒ಯಂ ಚಿ॑ನು॒ಷೇ ಅನ್ನ॑ಮಾ॒ಸ್ಯೇ᳚ || 10.91.5
ತಮೋಷ॑ಧೀರ್ದಧಿರೇ॒ ಗರ್ಭ॑ಮೃ॒ತ್ವಿಯಂ॒ ತಮಾಪೋ᳚ ಅ॒ಗ್ನಿಂ ಜ॑ನಯ‌ನ್ತ ಮಾ॒ತರಃ॑ | ತಮಿತ್ಸ॑ಮಾ॒ನಂ ವ॒ನಿನ॑ಶ್ಚ ವೀ॒ರುಧೋ॒ಽ‌ನ್ತರ್ವ॑ತೀಶ್ಚ॒ ಸುವ॑ತೇ ಚ ವಿ॒ಶ್ವಹಾ᳚ || 10.91.6
ವಾತೋ᳚ಪಧೂತ ಇಷಿ॒ತೋ ವಶಾಁ॒ ಅನು॑ ತೃ॒ಷು ಯದನ್ನಾ॒ ವೇವಿ॑ಷದ್ವಿ॒ತಿಷ್ಠ॑ಸೇ | ಆ ತೇ᳚ ಯತ‌ನ್ತೇ ರ॒ಥ್ಯೋ॒3॒॑ ಯಥಾ॒ ಪೃಥ॒ಕ್ಛರ್ಧಾಂ᳚ಸ್ಯಗ್ನೇ ಅ॒ಜರಾ᳚ಣಿ॒ ಧಕ್ಷ॑ತಃ || 10.91.7
ಮೇ॒ಧಾ॒ಕಾ॒ರಂ ವಿ॒ದಥ॑ಸ್ಯ ಪ್ರ॒ಸಾಧ॑ನಮ॒ಗ್ನಿಂ ಹೋತಾ᳚ರಂ ಪರಿ॒ಭೂತ॑ಮಂ ಮ॒ತಿ‌ಮ್ | ತಮಿದರ್ಭೇ᳚ ಹ॒ವಿಷ್ಯಾ ಸ॑ಮಾ॒ನಮಿತ್ತಮಿನ್ಮ॒ಹೇ ವೃ॑ಣತೇ॒ ನಾನ್ಯಂ ತ್ವತ್ || 10.91.8
ತ್ವಾಮಿದತ್ರ॑ ವೃಣತೇ ತ್ವಾ॒ಯವೋ॒ ಹೋತಾ᳚ರಮಗ್ನೇ ವಿ॒ದಥೇ᳚ಷು ವೇ॒ಧಸಃ॑ | ಯದ್ದೇ᳚ವ॒ಯ‌ನ್ತೋ॒ ದಧ॑ತಿ॒ ಪ್ರಯಾಂ᳚ಸಿ ತೇ ಹ॒ವಿಷ್ಮ᳚‌ನ್ತೋ॒ ಮನ॑ವೋ ವೃ॒ಕ್ತಬ॑ರ್ಹಿಷಃ || 10.91.9
ತವಾ᳚ಗ್ನೇ ಹೋ॒ತ್ರಂ ತವ॑ ಪೋ॒ತ್ರಮೃ॒ತ್ವಿಯಂ॒ ತವ॑ ನೇ॒ಷ್ಟ್ರಂ ತ್ವಮ॒ಗ್ನಿದೃ॑ತಾಯ॒ತಃ | ತವ॑ ಪ್ರಶಾ॒ಸ್ತ್ರಂ ತ್ವಮ॑ಧ್ವರೀಯಸಿ ಬ್ರ॒ಹ್ಮಾ ಚಾಸಿ॑ ಗೃ॒ಹಪ॑ತಿಶ್ಚ ನೋ॒ ದಮೇ᳚ || 10.91.10
ಯಸ್ತುಭ್ಯ॑ಮಗ್ನೇ ಅ॒ಮೃತಾ᳚ಯ॒ ಮರ್ತ್ಯಃ॑ ಸ॒ಮಿಧಾ॒ ದಾಶ॑ದು॒ತ ವಾ᳚ ಹ॒ವಿಷ್ಕೃ॑ತಿ | ತಸ್ಯ॒ ಹೋತಾ᳚ ಭವಸಿ॒ ಯಾಸಿ॑ ದೂ॒ತ್ಯ1॒॑ಮುಪ॑ ಬ್ರೂಷೇ॒ ಯಜ॑ಸ್ಯಧ್ವರೀ॒ಯಸಿ॑ || 10.91.11
ಇ॒ಮಾ ಅ॑ಸ್ಮೈ ಮ॒ತಯೋ॒ ವಾಚೋ᳚ ಅ॒ಸ್ಮದಾಁ ಋಚೋ॒ ಗಿರಃ॑ ಸುಷ್ಟು॒ತಯಃ॒ ಸಮ॑ಗ್ಮತ | ವ॒ಸೂ॒ಯವೋ॒ ವಸ॑ವೇ ಜಾ॒ತವೇ᳚ದಸೇ ವೃ॒ದ್ಧಾಸು॑ ಚಿ॒ದ್ವರ್ಧ॑ನೋ॒ ಯಾಸು॑ ಚಾ॒ಕನ॑ತ್ || 10.91.12
ಇ॒ಮಾಂ ಪ್ರ॒ತ್ನಾಯ॑ ಸುಷ್ಟು॒ತಿಂ ನವೀ᳚ಯಸೀಂ ವೋ॒ಚೇಯ॑ಮಸ್ಮಾ ಉಶ॒ತೇ ಶೃ॒ಣೋತು॑ ನಃ | ಭೂ॒ಯಾ ಅ‌ನ್ತ॑ರಾ ಹೃ॒ದ್ಯ॑ಸ್ಯ ನಿ॒ಸ್ಪೃಶೇ᳚ ಜಾ॒ಯೇವ॒ ಪತ್ಯ॑ ಉಶ॒ತೀ ಸು॒ವಾಸಾಃ᳚ || 10.91.13
ಯಸ್ಮಿ॒ನ್ನಶ್ವಾ᳚ಸ ಋಷ॒ಭಾಸ॑ ಉ॒ಕ್ಷಣೋ᳚ ವ॒ಶಾ ಮೇ॒ಷಾ ಅ॑ವಸೃ॒ಷ್ಟಾಸ॒ ಆಹು॑ತಾಃ | ಕೀ॒ಲಾ॒ಲ॒ಪೇ ಸೋಮ॑ಪೃಷ್ಠಾಯ ವೇ॒ಧಸೇ᳚ ಹೃ॒ದಾ ಮ॒ತಿಂ ಜ॑ನಯೇ॒ ಚಾರು॑ಮ॒ಗ್ನಯೇ᳚ || 10.91.14
ಅಹಾ᳚ವ್ಯಗ್ನೇ ಹ॒ವಿರಾ॒ಸ್ಯೇ᳚ ತೇ ಸ್ರು॒ಚೀ᳚ವ ಘೃ॒ತಂ ಚ॒ಮ್ವೀ᳚ವ॒ ಸೋಮಃ॑ | ವಾ॒ಜ॒ಸನಿಂ᳚ ರ॒ಯಿಮ॒ಸ್ಮೇ ಸು॒ವೀರಂ᳚ ಪ್ರಶ॒ಸ್ತಂ ಧೇ᳚ಹಿ ಯ॒ಶಸಂ᳚ ಬೃ॒ಹ‌ನ್ತ‌ಮ್᳚ || 10.91.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಮಾನವಃ ಶಾರ್ಯಾತ ಋಷಿಃ, ವಿಶ್ವೇ ದೇವಾ ದೇವತಾಃ, ಜಗತೀ ಛಂದಃ

ಯ॒ಜ್ಞಸ್ಯ॑ ವೋ ರ॒ಥ್ಯಂ᳚ ವಿ॒ಶ್ಪತಿಂ᳚ ವಿ॒ಶಾಂ ಹೋತಾ᳚ರಮ॒ಕ್ತೋರತಿ॑ಥಿಂ ವಿ॒ಭಾವ॑ಸು‌ಮ್ | ಶೋಚಂ॒ಛುಷ್ಕಾ᳚ಸು॒ ಹರಿ॑ಣೀಷು॒ ಜರ್ಭು॑ರ॒ದ್ವೃಷಾ᳚ ಕೇ॒ತುರ್ಯ॑ಜ॒ತೋ ದ್ಯಾಮ॑ಶಾಯತ || 10.92.1
ಇ॒ಮಮಂ᳚ಜ॒ಸ್ಪಾಮು॒ಭಯೇ᳚ ಅಕೃಣ್ವತ ಧ॒ರ್ಮಾಣ॑ಮ॒ಗ್ನಿಂ ವಿ॒ದಥ॑ಸ್ಯ॒ ಸಾಧ॑ನ‌ಮ್ | ಅ॒ಕ್ತುಂ ನ ಯ॒ಹ್ವಮು॒ಷಸಃ॑ ಪು॒ರೋಹಿ॑ತಂ॒ ತನೂ॒ನಪಾ᳚ತಮರು॒ಷಸ್ಯ॑ ನಿಂಸತೇ || 10.92.2
ಬಳ॑ಸ್ಯ ನೀ॒ಥಾ ವಿ ಪ॒ಣೇಶ್ಚ॑ ಮನ್ಮಹೇ ವ॒ಯಾ ಅ॑ಸ್ಯ॒ ಪ್ರಹು॑ತಾ ಆಸು॒ರತ್ತ॑ವೇ | ಯ॒ದಾ ಘೋ॒ರಾಸೋ᳚ ಅಮೃತ॒ತ್ವಮಾಶ॒ತಾದಿಜ್ಜನ॑ಸ್ಯ॒ ದೈವ್ಯ॑ಸ್ಯ ಚರ್ಕಿರನ್ || 10.92.3
ಋ॒ತಸ್ಯ॒ ಹಿ ಪ್ರಸಿ॑ತಿ॒ರ್ದ್ಯೌರು॒ರು ವ್ಯಚೋ॒ ನಮೋ᳚ ಮ॒ಹ್ಯ1॒॑ರಮ॑ತಿಃ॒ ಪನೀ᳚ಯಸೀ | ಇಂದ್ರೋ᳚ ಮಿ॒ತ್ರೋ ವರು॑ಣಃ॒ ಸಂ ಚಿ॑ಕಿತ್ರಿ॒ರೇಽಥೋ॒ ಭಗಃ॑ ಸವಿ॒ತಾ ಪೂ॒ತದ॑ಕ್ಷಸಃ || 10.92.4
ಪ್ರ ರು॒ದ್ರೇಣ॑ ಯ॒ಯಿನಾ᳚ ಯ‌ನ್ತಿ॒ ಸಿಂಧ॑ವಸ್ತಿ॒ರೋ ಮ॒ಹೀಮ॒ರಮ॑ತಿಂ ದಧನ್ವಿರೇ | ಯೇಭಿಃ॒ ಪರಿ॑ಜ್ಮಾ ಪರಿ॒ಯನ್ನು॒ರು ಜ್ರಯೋ॒ ವಿ ರೋರು॑ವಜ್ಜ॒ಠರೇ॒ ವಿಶ್ವ॑ಮು॒ಕ್ಷತೇ᳚ || 10.92.5
ಕ್ರಾ॒ಣಾ ರು॒ದ್ರಾ ಮ॒ರುತೋ᳚ ವಿ॒ಶ್ವಕೃ॑ಷ್ಟಯೋ ದಿ॒ವಃ ಶ್ಯೇ॒ನಾಸೋ॒ ಅಸು॑ರಸ್ಯ ನೀ॒ಳಯಃ॑ | ತೇಭಿ॑ಶ್ಚಷ್ಟೇ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮೇಂದ್ರೋ᳚ ದೇ॒ವೇಭಿ॑ರರ್ವ॒ಶೇಭಿ॒ರರ್ವ॑ಶಃ || 10.92.6
ಇಂದ್ರೇ॒ ಭುಜಂ᳚ ಶಶಮಾ॒ನಾಸ॑ ಆಶತ॒ ಸೂರೋ॒ ದೃಶೀ᳚ಕೇ॒ ವೃಷ॑ಣಶ್ಚ॒ ಪೌಂಸ್ಯೇ᳚ | ಪ್ರ ಯೇ ನ್ವ॑ಸ್ಯಾ॒ರ್ಹಣಾ᳚ ತತಕ್ಷಿ॒ರೇ ಯುಜಂ॒ ವಜ್ರಂ᳚ ನೃ॒ಷದ॑ನೇಷು ಕಾ॒ರವಃ॑ || 10.92.7
ಸೂರ॑ಶ್ಚಿ॒ದಾ ಹ॒ರಿತೋ᳚ ಅಸ್ಯ ರೀರಮ॒ದಿಂದ್ರಾ॒ದಾ ಕಶ್ಚಿ॑ದ್ಭಯತೇ॒ ತವೀ᳚ಯಸಃ | ಭೀ॒ಮಸ್ಯ॒ ವೃಷ್ಣೋ᳚ ಜ॒ಠರಾ᳚ದಭಿ॒ಶ್ವಸೋ᳚ ದಿ॒ವೇದಿ॑ವೇ॒ ಸಹು॑ರಿಃ ಸ್ತ॒ನ್ನಬಾ᳚ಧಿತಃ || 10.92.8
ಸ್ತೋಮಂ᳚ ವೋ ಅ॒ದ್ಯ ರು॒ದ್ರಾಯ॒ ಶಿಕ್ವ॑ಸೇ ಕ್ಷ॒ಯದ್ವೀ᳚ರಾಯ॒ ನಮ॑ಸಾ ದಿದಿಷ್ಟನ | ಯೇಭಿಃ॑ ಶಿ॒ವಃ ಸ್ವವಾಁ᳚ ಏವ॒ಯಾವ॑ಭಿರ್ದಿ॒ವಃ ಸಿಷ॑ಕ್ತಿ॒ ಸ್ವಯ॑ಶಾ॒ ನಿಕಾ᳚ಮಭಿಃ || 10.92.9
ತೇ ಹಿ ಪ್ರ॒ಜಾಯಾ॒ ಅಭ॑ರ‌ನ್ತ॒ ವಿ ಶ್ರವೋ॒ ಬೃಹ॒ಸ್ಪತಿ᳚ರ್ವೃಷ॒ಭಃ ಸೋಮ॑ಜಾಮಯಃ | ಯ॒ಜ್ಞೈರಥ᳚ರ್ವಾ ಪ್ರಥ॒ಮೋ ವಿ ಧಾ᳚ರಯದ್ದೇ॒ವಾ ದಕ್ಷೈ॒ರ್ಭೃಗ॑ವಃ॒ ಸಂ ಚಿ॑ಕಿತ್ರಿರೇ || 10.92.10
ತೇ ಹಿ ದ್ಯಾವಾ᳚ಪೃಥಿ॒ವೀ ಭೂರಿ॑ರೇತಸಾ॒ ನರಾ॒ಶಂಸ॒ಶ್ಚತು॑ರಂಗೋ ಯ॒ಮೋಽದಿ॑ತಿಃ | ದೇ॒ವಸ್ತ್ವಷ್ಟಾ᳚ ದ್ರವಿಣೋ॒ದಾ ಋ॑ಭು॒ಕ್ಷಣಃ॒ ಪ್ರ ರೋ᳚ದ॒ಸೀ ಮ॒ರುತೋ॒ ವಿಷ್ಣು॑ರರ್ಹಿರೇ || 10.92.11
ಉ॒ತ ಸ್ಯ ನ॑ ಉ॒ಶಿಜಾ᳚ಮುರ್ವಿ॒ಯಾ ಕ॒ವಿರಹಿಃ॑ ಶೃಣೋತು ಬು॒ಧ್ನ್ಯೋ॒3॒॑ ಹವೀ᳚ಮನಿ | ಸೂರ್ಯಾ॒ಮಾಸಾ᳚ ವಿ॒ಚರ᳚‌ನ್ತಾ ದಿವಿ॒ಕ್ಷಿತಾ᳚ ಧಿ॒ಯಾ ಶ॑ಮೀನಹುಷೀ ಅ॒ಸ್ಯ ಬೋ᳚ಧತ‌ಮ್ || 10.92.12
ಪ್ರ ನಃ॑ ಪೂ॒ಷಾ ಚ॒ರಥಂ᳚ ವಿ॒ಶ್ವದೇ᳚ವ್ಯೋ॒ಽಪಾಂ ನಪಾ᳚ದವತು ವಾ॒ಯುರಿ॒ಷ್ಟಯೇ᳚ | ಆ॒ತ್ಮಾನಂ॒ ವಸ್ಯೋ᳚ ಅ॒ಭಿ ವಾತ॑ಮರ್ಚತ॒ ತದ॑ಶ್ವಿನಾ ಸುಹವಾ॒ ಯಾಮ॑ನಿ ಶ್ರುತ‌ಮ್ || 10.92.13
ವಿ॒ಶಾಮಾ॒ಸಾಮಭ॑ಯಾನಾಮಧಿ॒ಕ್ಷಿತಂ᳚ ಗೀ॒ರ್ಭಿರು॒ ಸ್ವಯ॑ಶಸಂ ಗೃಣೀಮಸಿ | ಗ್ನಾಭಿ॒ರ್ವಿಶ್ವಾ᳚ಭಿ॒ರದಿ॑ತಿಮನ॒ರ್ವಣ॑ಮ॒ಕ್ತೋರ್ಯುವಾ᳚ನಂ ನೃ॒ಮಣಾ॒ ಅಧಾ॒ ಪತಿ‌ಮ್᳚ || 10.92.14
ರೇಭ॒ದತ್ರ॑ ಜ॒ನುಷಾ॒ ಪೂರ್ವೋ॒ ಅಂಗಿ॑ರಾ॒ ಗ್ರಾವಾ᳚ಣ ಊ॒ರ್ಧ್ವಾ ಅ॒ಭಿ ಚ॑ಕ್ಷುರಧ್ವ॒ರ‌ಮ್ | ಯೇಭಿ॒ರ್ವಿಹಾ᳚ಯಾ॒ ಅಭ॑ವದ್ವಿಚಕ್ಷ॒ಣಃ ಪಾಥಃ॑ ಸು॒ಮೇಕಂ॒ ಸ್ವಧಿ॑ತಿ॒ರ್ವನ᳚ನ್ವತಿ || 10.92.15

(1-15) ಪಂಚದಶರ್ಚಸ್ಯಾಸ್ಯ ಸೂಕ್ತಸ್ಯ ಪಾರ್ಥಸ್ತಾನ್ವ ಋಷಿಃ, ವಿಶ್ವೇ ದೇವಾ ದೇವತಾಃ (1, 4-8, 10, 12, 14) ಪ್ರಥಮರ್ಚಶ್ಚತುರ್ಥ್ಯಾದಿಪಂಚಾನಾಂ ದಶಮೀದ್ವಾದಶೀಚತುದಶ ಚತುದಶ ನಾಂಚ ಪ್ರಸ್ತಾರಪತಿಃ, (2, 3, 13) ದ್ವಿತೀಯಾತೃತೀಯಾತ್ರಯೋದಶೀನಾಮನುಷ್ಟುಪ್ (9) ನವಮ್ಯಾ ಅಕ್ಷರೈಃ ಪಂಕ್ತಿಃ, (11) ಏಕಾದಶ್ಯಾ ನ್ಯ ಸಾರಿಣೀ, (15) ಪಂಚದಶ್ಯಾಶ್ಚ ಪುರಸ್ತಾದ್ವೃಹತೀ ಛಂದಾಂಸಿ

ಮಹಿ॑ ದ್ಯಾವಾಪೃಥಿವೀ ಭೂತಮು॒ರ್ವೀ ನಾರೀ᳚ ಯ॒ಹ್ವೀ ನ ರೋದ॑ಸೀ॒ ಸದಂ᳚ ನಃ | ತೇಭಿ᳚ರ್ನಃ ಪಾತಂ॒ ಸಹ್ಯ॑ಸ ಏ॒ಭಿರ್ನಃ॑ ಪಾತಂ ಶೂ॒ಷಣಿ॑ || 10.93.1
ಯ॒ಜ್ಞೇಯ॑ಜ್ಞೇ॒ ಸ ಮರ್ತ್ಯೋ᳚ ದೇ॒ವಾ‌‌ನ್ತ್ಸ॑ಪರ್ಯತಿ | ಯಃ ಸು॒ಮ್ನೈರ್ದೀ᳚ರ್ಘ॒ಶ್ರುತ್ತ॑ಮ ಆ॒ವಿವಾ᳚ಸತ್ಯೇನಾನ್ || 10.93.2
ವಿಶ್ವೇ᳚ಷಾಮಿರಜ್ಯವೋ ದೇ॒ವಾನಾಂ॒ ವಾರ್ಮ॒ಹಃ | ವಿಶ್ವೇ॒ ಹಿ ವಿ॒ಶ್ವಮ॑ಹಸೋ॒ ವಿಶ್ವೇ᳚ ಯ॒ಜ್ಞೇಷು॑ ಯ॒ಜ್ಞಿಯಾಃ᳚ || 10.93.3
ತೇ ಘಾ॒ ರಾಜಾ᳚ನೋ ಅ॒ಮೃತ॑ಸ್ಯ ಮಂ॒ದ್ರಾ ಅ᳚ರ್ಯ॒ಮಾ ಮಿ॒ತ್ರೋ ವರು॑ಣಃ॒ ಪರಿ॑ಜ್ಮಾ | ಕದ್ರು॒ದ್ರೋ ನೃ॒ಣಾಂ ಸ್ತು॒ತೋ ಮ॒ರುತಃ॑ ಪೂ॒ಷಣೋ॒ ಭಗಃ॑ || 10.93.4
ಉ॒ತ ನೋ॒ ನಕ್ತ॑ಮ॒ಪಾಂ ವೃ॑ಷಣ್ವಸೂ॒ ಸೂರ್ಯಾ॒ಮಾಸಾ॒ ಸದ॑ನಾಯ ಸಧ॒ನ್ಯಾ᳚ | ಸಚಾ॒ ಯತ್ಸಾದ್ಯೇ᳚ಷಾ॒ಮಹಿ॑ರ್ಬು॒ಧ್ನೇಷು॑ ಬು॒ಧ್ನ್ಯಃ॑ || 10.93.5
ಉ॒ತ ನೋ᳚ ದೇ॒ವಾವ॒ಶ್ವಿನಾ᳚ ಶು॒ಭಸ್ಪತೀ॒ ಧಾಮ॑ಭಿರ್ಮಿ॒ತ್ರಾವರು॑ಣಾ ಉರುಷ್ಯತಾ‌ಮ್ | ಮ॒ಹಃ ಸ ರಾ॒ಯ ಏಷ॒ತೇಽತಿ॒ ಧನ್ವೇ᳚ವ ದುರಿ॒ತಾ || 10.93.6
ಉ॒ತ ನೋ᳚ ರು॒ದ್ರಾ ಚಿ᳚ನ್ಮೃಳತಾಮ॒ಶ್ವಿನಾ॒ ವಿಶ್ವೇ᳚ ದೇ॒ವಾಸೋ॒ ರಥ॒ಸ್ಪತಿ॒ರ್ಭಗಃ॑ | ಋ॒ಭುರ್ವಾಜ॑ ಋಭುಕ್ಷಣಃ॒ ಪರಿ॑ಜ್ಮಾ ವಿಶ್ವವೇದಸಃ || 10.93.7
ಋ॒ಭುರ್‌ಋ॑ಭು॒ಕ್ಷಾ ಋ॒ಭುರ್ವಿ॑ಧ॒ತೋ ಮದ॒ ಆ ತೇ॒ ಹರೀ᳚ ಜೂಜುವಾ॒ನಸ್ಯ॑ ವಾ॒ಜಿನಾ᳚ | ದು॒ಷ್ಟರಂ॒ ಯಸ್ಯ॒ ಸಾಮ॑ ಚಿ॒ದೃಧ॑ಗ್ಯ॒ಜ್ಞೋ ನ ಮಾನು॑ಷಃ || 10.93.8
ಕೃ॒ಧೀ ನೋ॒ ಅಹ್ರ॑ಯೋ ದೇವ ಸವಿತಃ॒ ಸ ಚ॑ ಸ್ತುಷೇ ಮ॒ಘೋನಾ᳚‌ಮ್ | ಸ॒ಹೋ ನ॒ ಇಂದ್ರೋ॒ ವಹ್ನಿ॑ಭಿ॒ರ್ನ್ಯೇ᳚ಷಾಂ ಚರ್ಷಣೀ॒ನಾಂ ಚ॒ಕ್ರಂ ರ॒ಶ್ಮಿಂ ನ ಯೋ᳚ಯುವೇ || 10.93.9
ಐಷು॑ ದ್ಯಾವಾಪೃಥಿವೀ ಧಾತಂ ಮ॒ಹದ॒ಸ್ಮೇ ವೀ॒ರೇಷು॑ ವಿ॒ಶ್ವಚ॑ರ್ಷಣಿ॒ ಶ್ರವಃ॑ | ಪೃ॒ಕ್ಷಂ ವಾಜ॑ಸ್ಯ ಸಾ॒ತಯೇ᳚ ಪೃ॒ಕ್ಷಂ ರಾ॒ಯೋತ ತು॒ರ್ವಣೇ᳚ || 10.93.10
ಏ॒ತಂ ಶಂಸ॑ಮಿಂದ್ರಾಸ್ಮ॒ಯುಷ್ಟ್ವಂ ಕೂಚಿ॒ತ್ಸ‌ನ್ತಂ᳚ ಸಹಸಾವನ್ನ॒ಭಿಷ್ಟ॑ಯೇ | ಸದಾ᳚ ಪಾಹ್ಯ॒ಭಿಷ್ಟ॑ಯೇ ಮೇ॒ದತಾಂ᳚ ವೇ॒ದತಾ᳚ ವಸೋ || 10.93.11
ಏ॒ತಂ ಮೇ॒ ಸ್ತೋಮಂ᳚ ತ॒ನಾ ನ ಸೂರ್ಯೇ᳚ ದ್ಯು॒ತದ್ಯಾ᳚ಮಾನಂ ವಾವೃಧ‌ನ್ತ ನೃ॒ಣಾ‌ಮ್ | ಸಂ॒ವನ॑ನಂ॒ ನಾಶ್ವ್ಯಂ॒ ತಷ್ಟೇ॒ವಾನ॑ಪಚ್ಯುತ‌ಮ್ || 10.93.12
ವಾ॒ವರ್ತ॒ ಯೇಷಾಂ᳚ ರಾ॒ಯಾ ಯು॒ಕ್ತೈಷಾಂ᳚ ಹಿರ॒ಣ್ಯಯೀ᳚ | ನೇ॒ಮಧಿ॑ತಾ॒ ನ ಪೌಂಸ್ಯಾ॒ ವೃಥೇ᳚ವ ವಿ॒ಷ್ಟಾ‌ನ್ತಾ᳚ || 10.93.13
ಪ್ರ ತದ್ದುಃ॒ಶೀಮೇ॒ ಪೃಥ॑ವಾನೇ ವೇ॒ನೇ ಪ್ರ ರಾ॒ಮೇ ವೋ᳚ಚ॒ಮಸು॑ರೇ ಮ॒ಘವ॑ತ್ಸು | ಯೇ ಯು॒ಕ್ತ್ವಾಯ॒ ಪಂಚ॑ ಶ॒ತಾಸ್ಮ॒ಯು ಪ॒ಥಾ ವಿ॒ಶ್ರಾವ್ಯೇ᳚ಷಾ‌ಮ್ || 10.93.14
ಅಧೀನ್ನ್ವತ್ರ॑ ಸಪ್ತ॒ತಿಂ ಚ॑ ಸ॒ಪ್ತ ಚ॑ | ಸ॒ದ್ಯೋ ದಿ॑ದಿಷ್ಟ॒ ತಾನ್ವಃ॑ ಸ॒ದ್ಯೋ ದಿ॑ದಿಷ್ಟ ಪಾ॒ರ್ಥ್ಯಃ ಸ॒ದ್ಯೋ ದಿ॑ದಿಷ್ಟ ಮಾಯ॒ವಃ || 10.93.15

(1-14) ಚತುರ್ದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾದ್ರವೇಯಃ ಸರ್ಪೋಽಬುರ್ದ ಋಷಿಃ, ಗ್ರಾವಾಣೋ ದೇವತಾಃ (1-4, 6, 8-13) ಪ್ರಥಮಾದಿಚತುರೃಚ, ಷಷ್ಠ್ಯಾ ಅಷ್ಟಮ್ಯಾದಿಷಣ್ಣಾಂಚ ಜಗತೀ, (5, 7, 14) ಪಂಚಮೀಸಪ್ತಮೀಚತುರ್ದಶೀನಾಂಚ ತ್ರಿಷ್ಟುಪ್ ಛಂದಸೀ

ಪ್ರೈತೇ ವ॑ದ‌ನ್ತು॒ ಪ್ರ ವ॒ಯಂ ವ॑ದಾಮ॒ ಗ್ರಾವ॑ಭ್ಯೋ॒ ವಾಚಂ᳚ ವದತಾ॒ ವದ॑ದ್ಭ್ಯಃ | ಯದ॑ದ್ರಯಃ ಪರ್ವತಾಃ ಸಾ॒ಕಮಾ॒ಶವಃ॒ ಶ್ಲೋಕಂ॒ ಘೋಷಂ॒ ಭರ॒ಥೇಂದ್ರಾ᳚ಯ ಸೋ॒ಮಿನಃ॑ || 10.94.1
ಏ॒ತೇ ವ॑ದ‌ನ್ತಿ ಶ॒ತವ॑ತ್ಸ॒ಹಸ್ರ॑ವದ॒ಭಿ ಕ್ರಂ᳚ದ‌ನ್ತಿ॒ ಹರಿ॑ತೇಭಿರಾ॒ಸಭಿಃ॑ | ವಿ॒ಷ್ಟ್ವೀ ಗ್ರಾವಾ᳚ಣಃ ಸು॒ಕೃತಃ॑ ಸುಕೃ॒ತ್ಯಯಾ॒ ಹೋತು॑ಶ್ಚಿ॒ತ್ಪೂರ್ವೇ᳚ ಹವಿ॒ರದ್ಯ॑ಮಾಶತ || 10.94.2
ಏ॒ತೇ ವ॑ದ॒‌ನ್ತ್ಯವಿ॑ದನ್ನ॒ನಾ ಮಧು॒ ನ್ಯೂಂ᳚ಖಯ‌ನ್ತೇ॒ ಅಧಿ॑ ಪ॒ಕ್ವ ಆಮಿ॑ಷಿ | ವೃ॒ಕ್ಷಸ್ಯ॒ ಶಾಖಾ᳚ಮರು॒ಣಸ್ಯ॒ ಬಪ್ಸ॑ತ॒ಸ್ತೇ ಸೂಭ᳚ರ್ವಾ ವೃಷ॒ಭಾಃ ಪ್ರೇಮ॑ರಾವಿಷುಃ || 10.94.3
ಬೃ॒ಹದ್ವ॑ದ‌ನ್ತಿ ಮದಿ॒ರೇಣ॑ ಮಂ॒ದಿನೇಂದ್ರಂ॒ ಕ್ರೋಶ᳚‌ನ್ತೋಽವಿದನ್ನ॒ನಾ ಮಧು॑ | ಸಂ॒ರಭ್ಯಾ॒ ಧೀರಾಃ॒ ಸ್ವಸೃ॑ಭಿರನರ್ತಿಷುರಾಘೋ॒ಷಯ᳚‌ನ್ತಃ ಪೃಥಿ॒ವೀಮು॑ಪ॒ಬ್ದಿಭಿಃ॑ || 10.94.4
ಸು॒ಪ॒ರ್ಣಾ ವಾಚ॑ಮಕ್ರ॒ತೋಪ॒ ದ್ಯವ್ಯಾ᳚ಖ॒ರೇ ಕೃಷ್ಣಾ᳚ ಇಷಿ॒ರಾ ಅ॑ನರ್ತಿಷುಃ | ನ್ಯ1॒᳚ಙ್ನಿ ಯ॒‌ನ್ತ್ಯುಪ॑ರಸ್ಯ ನಿಷ್ಕೃ॒ತಂ ಪು॒ರೂ ರೇತೋ᳚ ದಧಿರೇ ಸೂರ್ಯ॒ಶ್ವಿತಃ॑ || 10.94.5
ಉ॒ಗ್ರಾ ಇ॑ವ ಪ್ರ॒ವಹ᳚‌ನ್ತಃ ಸ॒ಮಾಯ॑ಮುಃ ಸಾ॒ಕಂ ಯು॒ಕ್ತಾ ವೃಷ॑ಣೋ॒ ಬಿಭ್ರ॑ತೋ॒ ಧುರಃ॑ | ಯಚ್ಛ್ವ॒ಸ‌ನ್ತೋ᳚ ಜಗ್ರಸಾ॒ನಾ ಅರಾ᳚ವಿಷುಃ ಶೃ॒ಣ್ವ ಏ᳚ಷಾಂ ಪ್ರೋ॒ಥಥೋ॒ ಅರ್ವ॑ತಾಮಿವ || 10.94.6
ದಶಾ᳚ವನಿಭ್ಯೋ॒ ದಶ॑ಕಕ್ಷ್ಯೇಭ್ಯೋ॒ ದಶ॑ಯೋಕ್ತ್ರೇಭ್ಯೋ॒ ದಶ॑ಯೋಜನೇಭ್ಯಃ | ದಶಾ᳚ಭೀಶುಭ್ಯೋ ಅರ್ಚತಾ॒ಜರೇ᳚ಭ್ಯೋ॒ ದಶ॒ ಧುರೋ॒ ದಶ॑ ಯು॒ಕ್ತಾ ವಹ॑ದ್ಭ್ಯಃ || 10.94.7
ತೇ ಅದ್ರ॑ಯೋ॒ ದಶ॑ಯ‌ನ್ತ್ರಾಸ ಆ॒ಶವ॒ಸ್ತೇಷಾ᳚ಮಾ॒ಧಾನಂ॒ ಪರ್ಯೇ᳚ತಿ ಹರ್ಯ॒ತ‌ಮ್ | ತ ಊ᳚ ಸು॒ತಸ್ಯ॑ ಸೋ॒ಮ್ಯಸ್ಯಾಂಧ॑ಸೋಂ॒ಽಶೋಃ ಪೀ॒ಯೂಷಂ᳚ ಪ್ರಥ॒ಮಸ್ಯ॑ ಭೇಜಿರೇ || 10.94.8
ತೇ ಸೋ॒ಮಾದೋ॒ ಹರೀ॒ ಇಂದ್ರ॑ಸ್ಯ ನಿಂಸತೇಂ॒ಽಶುಂ ದು॒ಹ‌ನ್ತೋ॒ ಅಧ್ಯಾ᳚ಸತೇ॒ ಗವಿ॑ | ತೇಭಿ॑ರ್ದು॒ಗ್ಧಂ ಪ॑ಪಿ॒ವಾ‌‌ನ್ತ್ಸೋ॒ಮ್ಯಂ ಮಧ್ವಿಂದ್ರೋ᳚ ವರ್ಧತೇ॒ ಪ್ರಥ॑ತೇ ವೃಷಾ॒ಯತೇ᳚ || 10.94.9
ವೃಷಾ᳚ ವೋ ಅಂ॒ಶುರ್ನ ಕಿಲಾ᳚ ರಿಷಾಥ॒ನೇಳಾ᳚ವ‌ನ್ತಃ॒ ಸದ॒ಮಿತ್ಸ್ಥ॒ನಾಶಿ॑ತಾಃ | ರೈ॒ವ॒ತ್ಯೇವ॒ ಮಹ॑ಸಾ॒ ಚಾರ॑ವಃ ಸ್ಥನ॒ ಯಸ್ಯ॑ ಗ್ರಾವಾಣೋ॒ ಅಜು॑ಷಧ್ವಮಧ್ವ॒ರ‌ಮ್ || 10.94.10
ತೃ॒ದಿ॒ಲಾ ಅತೃ॑ದಿಲಾಸೋ॒ ಅದ್ರ॑ಯೋಽಶ್ರಮ॒ಣಾ ಅಶೃ॑ಥಿತಾ॒ ಅಮೃ॑ತ್ಯವಃ | ಅ॒ನಾ॒ತು॒ರಾ ಅ॒ಜರಾಃ॒ ಸ್ಥಾಮ॑ವಿಷ್ಣವಃ ಸುಪೀ॒ವಸೋ॒ ಅತೃ॑ಷಿತಾ॒ ಅತೃ॑ಷ್ಣಜಃ || 10.94.11
ಧ್ರು॒ವಾ ಏ॒ವ ವಃ॑ ಪಿ॒ತರೋ᳚ ಯು॒ಗೇಯು॑ಗೇ॒ ಕ್ಷೇಮ॑ಕಾಮಾಸಃ॒ ಸದ॑ಸೋ॒ ನ ಯುಂ᳚ಜತೇ | ಅ॒ಜು॒ರ್ಯಾಸೋ᳚ ಹರಿ॒ಷಾಚೋ᳚ ಹ॒ರಿದ್ರ॑ವ॒ ಆ ದ್ಯಾಂ ರವೇ᳚ಣ ಪೃಥಿ॒ವೀಮ॑ಶುಶ್ರವುಃ || 10.94.12
ತದಿದ್ವ॑ದ॒‌ನ್ತ್ಯದ್ರ॑ಯೋ ವಿ॒ಮೋಚ॑ನೇ॒ ಯಾಮ᳚ನ್ನಂಜ॒ಸ್ಪಾ ಇ॑ವ॒ ಘೇದು॑ಪ॒ಬ್ದಿಭಿಃ॑ | ವಪ᳚‌ನ್ತೋ॒ ಬೀಜ॑ಮಿವ ಧಾನ್ಯಾ॒ಕೃತಃ॑ ಪೃಂ॒ಚ‌ನ್ತಿ॒ ಸೋಮಂ॒ ನ ಮಿ॑ನ‌ನ್ತಿ॒ ಬಪ್ಸ॑ತಃ || 10.94.13
ಸು॒ತೇ ಅ॑ಧ್ವ॒ರೇ ಅಧಿ॒ ವಾಚ॑ಮಕ್ರ॒ತಾ ಕ್ರೀ॒ಳಯೋ॒ ನ ಮಾ॒ತರಂ᳚ ತು॒ದ‌ನ್ತಃ॑ | ವಿ ಷೂ ಮುಂ᳚ಚಾ ಸುಷು॒ವುಷೋ᳚ ಮನೀ॒ಷಾಂ ವಿ ವ॑ರ್ತ‌ನ್ತಾ॒ಮದ್ರ॑ಯ॒ಶ್ಚಾಯ॑ಮಾನಾಃ || 10.94.14

(1-18) ಅಷ್ಟಾದಶರ್ಚಸ್ಯಾಸ್ಯ ಸೂಕ್ತಸ್ಯ (1, 3, 6, 8-10, 12, 14, 17) ಪ್ರಥಮಾತೃತೀಯಾಷಷ್ಠೀನಾಮೃಚಾಮಷ್ಟಮ್ಯಾದಿತೃಚಸ್ಯ ದ್ವಾದಶೀಚತುದಶ ಸಪ್ತದಶೀನಾಂಚೈಳಃ ಪುರೂರವಾ ಋಷಿಃ, (2, 4-5, 7, 11, 13, 15-16, 18) ದ್ವಿತೀಯಾಚತುರ್ಥೀಪಂಚಮೀಸಪ್ತಮ್ಯೇಕಾದಶೀತ್ರಯೋದಶೀಪಂಚದಶೀಷೋಡಶ್ಯಷ್ಟಾದಶೀನಾಂಚೋರ್ವಶೀ ಋಷಿಕಾ (1, 3, 6, 8-10, 12, 14, 17) ಪ್ರಥಮಾತೃತೀಯಾಷಷ್ಠೀನಾಮೃಚಾಮಷ್ಟಮ್ಯಾದಿತೃಚಸ್ಯ ದ್ವಾದಶೀಚತುರ್ದಶೀಸಪ್ತದಶೀನಾಂಚೋರ್ವಶೀ, (2, 4-5, 7, 11, 13, 15-16, 18) ದ್ವಿತೀಯಾಚತುರ್ಥೀಪಂಚಮೀಸಪ್ತಮ್ಯೇಕಾದಶೀತ್ರಯೋದಶೀಪಂಚದಶೀಷೋಡಶ್ಯಷ್ಟಾದಶೀನಾಂಚ ಪುರೂರವಾ ದೇವತೇ, ತ್ರಿಷ್ಟುಪ್ ಛಂದಃ

ಹ॒ಯೇ ಜಾಯೇ॒ ಮನ॑ಸಾ॒ ತಿಷ್ಠ॑ ಘೋರೇ॒ ವಚಾಂ᳚ಸಿ ಮಿ॒ಶ್ರಾ ಕೃ॑ಣವಾವಹೈ॒ ನು | ನ ನೌ॒ ಮ‌ನ್ತ್ರಾ॒ ಅನು॑ದಿತಾಸ ಏ॒ತೇ ಮಯ॑ಸ್ಕರ॒ನ್ಪರ॑ತರೇ ಚ॒ನಾಹನ್॑ || 10.95.1
ಕಿಮೇ॒ತಾ ವಾ॒ಚಾ ಕೃ॑ಣವಾ॒ ತವಾ॒ಹಂ ಪ್ರಾಕ್ರ॑ಮಿಷಮು॒ಷಸಾ᳚ಮಗ್ರಿ॒ಯೇವ॑ | ಪುರೂ᳚ರವಃ॒ ಪುನ॒ರಸ್ತಂ॒ ಪರೇ᳚ಹಿ ದುರಾಪ॒ನಾ ವಾತ॑ ಇವಾ॒ಹಮ॑ಸ್ಮಿ || 10.95.2
ಇಷು॒ರ್ನ ಶ್ರಿ॒ಯ ಇ॑ಷು॒ಧೇರ॑ಸ॒ನಾ ಗೋ॒ಷಾಃ ಶ॑ತ॒ಸಾ ನ ರಂಹಿಃ॑ | ಅ॒ವೀರೇ॒ ಕ್ರತೌ॒ ವಿ ದ॑ವಿದ್ಯುತ॒ನ್ನೋರಾ॒ ನ ಮಾ॒ಯುಂ ಚಿ॑ತಯ‌ನ್ತ॒ ಧುನ॑ಯಃ || 10.95.3
ಸಾ ವಸು॒ ದಧ॑ತೀ॒ ಶ್ವಶು॑ರಾಯ॒ ವಯ॒ ಉಷೋ॒ ಯದಿ॒ ವಷ್ಟ್ಯ‌ನ್ತಿ॑ಗೃಹಾತ್ | ಅಸ್ತಂ᳚ ನನಕ್ಷೇ॒ ಯಸ್ಮಿಂ᳚ಚಾ॒ಕಂದಿವಾ॒ ನಕ್ತಂ᳚ ಶ್ನಥಿ॒ತಾ ವೈ᳚ತ॒ಸೇನ॑ || 10.95.4
ತ್ರಿಃ ಸ್ಮ॒ ಮಾಹ್ನಃ॑ ಶ್ನಥಯೋ ವೈತ॒ಸೇನೋ॒ತ ಸ್ಮ॒ ಮೇಽವ್ಯ॑ತ್ಯೈ ಪೃಣಾಸಿ | ಪುರೂ᳚ರ॒ವೋಽನು॑ ತೇ॒ ಕೇತ॑ಮಾಯಂ॒ ರಾಜಾ᳚ ಮೇ ವೀರ ತ॒ನ್ವ1॒॑ಸ್ತದಾ᳚ಸೀಃ || 10.95.5
ಯಾ ಸು॑ಜೂ॒ರ್ಣಿಃ ಶ್ರೇಣಿಃ॑ ಸು॒ಮ್ನಆ᳚ಪಿರ್ಹ್ರ॒ದೇಚ॑ಕ್ಷು॒ರ್ನ ಗ್ರ॒‌ನ್ಥಿನೀ᳚ ಚರ॒ಣ್ಯುಃ | ತಾ ಅಂ॒ಜಯೋ᳚ಽರು॒ಣಯೋ॒ ನ ಸ॑ಸ್ರುಃ ಶ್ರಿ॒ಯೇ ಗಾವೋ॒ ನ ಧೇ॒ನವೋ᳚ಽನವ‌ನ್ತ || 10.95.6
ಸಮ॑ಸ್ಮಿಂ॒ಜಾಯ॑ಮಾನ ಆಸತ॒ ಗ್ನಾ ಉ॒ತೇಮ॑ವರ್ಧನ್ನ॒ದ್ಯ1॒ಃ॑ ಸ್ವಗೂ᳚ರ್ತಾಃ | ಮ॒ಹೇ ಯತ್ತ್ವಾ᳚ ಪುರೂರವೋ॒ ರಣಾ॒ಯಾವ॑ರ್ಧಯಂದಸ್ಯು॒ಹತ್ಯಾ᳚ಯ ದೇ॒ವಾಃ || 10.95.7
ಸಚಾ॒ ಯದಾ᳚ಸು॒ ಜಹ॑ತೀ॒ಷ್ವತ್ಕ॒ಮಮಾ᳚ನುಷೀಷು॒ ಮಾನು॑ಷೋ ನಿ॒ಷೇವೇ᳚ | ಅಪ॑ ಸ್ಮ॒ ಮತ್ತ॒ರಸ᳚‌ನ್ತೀ॒ ನ ಭು॒ಜ್ಯುಸ್ತಾ ಅ॑ತ್ರಸನ್ರಥ॒ಸ್ಪೃಶೋ॒ ನಾಶ್ವಾಃ᳚ || 10.95.8
ಯದಾ᳚ಸು॒ ಮರ್ತೋ᳚ ಅ॒ಮೃತಾ᳚ಸು ನಿ॒ಸ್ಪೃಕ್ಸಂ ಕ್ಷೋ॒ಣೀಭಿಃ॒ ಕ್ರತು॑ಭಿ॒ರ್ನ ಪೃಂ॒ಕ್ತೇ | ತಾ ಆ॒ತಯೋ॒ ನ ತ॒ನ್ವಃ॑ ಶುಂಭತ॒ ಸ್ವಾ ಅಶ್ವಾ᳚ಸೋ॒ ನ ಕ್ರೀ॒ಳಯೋ॒ ದಂದ॑ಶಾನಾಃ || 10.95.9
ವಿ॒ದ್ಯುನ್ನ ಯಾ ಪತ᳚‌ನ್ತೀ॒ ದವಿ॑ದ್ಯೋ॒ದ್ಭರ᳚‌ನ್ತೀ ಮೇ॒ ಅಪ್ಯಾ॒ ಕಾಮ್ಯಾ᳚ನಿ | ಜನಿ॑ಷ್ಟೋ ಅ॒ಪೋ ನರ್ಯಃ॒ ಸುಜಾ᳚ತಃ॒ ಪ್ರೋರ್ವಶೀ᳚ ತಿರತ ದೀ॒ರ್ಘಮಾಯುಃ॑ || 10.95.10
ಜ॒ಜ್ಞಿ॒ಷ ಇ॒ತ್ಥಾ ಗೋ॒ಪೀಥ್ಯಾ᳚ಯ॒ ಹಿ ದ॒ಧಾಥ॒ ತತ್ಪು॑ರೂರವೋ ಮ॒ ಓಜಃ॑ | ಅಶಾ᳚ಸಂ ತ್ವಾ ವಿ॒ದುಷೀ॒ ಸಸ್ಮಿ॒ನ್ನಹ॒ನ್ನ ಮ॒ ಆಶೃ॑ಣೋಃ॒ ಕಿಮ॒ಭುಗ್ವ॑ದಾಸಿ || 10.95.11
ಕ॒ದಾ ಸೂ॒ನುಃ ಪಿ॒ತರಂ᳚ ಜಾ॒ತ ಇ॑ಚ್ಛಾಚ್ಚ॒ಕ್ರನ್ನಾಶ್ರು॑ ವರ್ತಯದ್ವಿಜಾ॒ನನ್ | ಕೋ ದಂಪ॑ತೀ॒ ಸಮ॑ನಸಾ॒ ವಿ ಯೂ᳚ಯೋ॒ದಧ॒ ಯದ॒ಗ್ನಿಃ ಶ್ವಶು॑ರೇಷು॒ ದೀದ॑ಯತ್ || 10.95.12
ಪ್ರತಿ॑ ಬ್ರವಾಣಿ ವ॒ರ್ತಯ॑ತೇ॒ ಅಶ್ರು॑ ಚ॒ಕ್ರನ್ನ ಕ್ರಂ᳚ದದಾ॒ಧ್ಯೇ᳚ ಶಿ॒ವಾಯೈ᳚ | ಪ್ರ ತತ್ತೇ᳚ ಹಿನವಾ॒ ಯತ್ತೇ᳚ ಅ॒ಸ್ಮೇ ಪರೇ॒ಹ್ಯಸ್ತಂ᳚ ನ॒ಹಿ ಮೂ᳚ರ॒ ಮಾಪಃ॑ || 10.95.13
ಸು॒ದೇ॒ವೋ ಅ॒ದ್ಯ ಪ್ರ॒ಪತೇ॒ದನಾ᳚ವೃತ್ಪರಾ॒ವತಂ᳚ ಪರ॒ಮಾಂ ಗ‌ನ್ತ॒ವಾ ಉ॑ | ಅಧಾ॒ ಶಯೀ᳚ತ॒ ನಿರ್‌ಋ॑ತೇರು॒ಪಸ್ಥೇಽಧೈ᳚ನಂ॒ ವೃಕಾ᳚ ರಭ॒ಸಾಸೋ᳚ ಅ॒ದ್ಯುಃ || 10.95.14
ಪುರೂ᳚ರವೋ॒ ಮಾ ಮೃ॑ಥಾ॒ ಮಾ ಪ್ರ ಪ॑ಪ್ತೋ॒ ಮಾ ತ್ವಾ॒ ವೃಕಾ᳚ಸೋ॒ ಅಶಿ॑ವಾಸ ಉ ಕ್ಷನ್ | ನ ವೈ ಸ್ತ್ರೈಣಾ᳚ನಿ ಸ॒ಖ್ಯಾನಿ॑ ಸ‌ನ್ತಿ ಸಾಲಾವೃ॒ಕಾಣಾಂ॒ ಹೃದ॑ಯಾನ್ಯೇ॒ತಾ || 10.95.15
ಯದ್ವಿರೂ॒ಪಾಚ॑ರಂ॒ ಮರ್ತ್ಯೇ॒ಷ್ವವ॑ಸಂ॒ ರಾತ್ರೀಃ᳚ ಶ॒ರದ॒ಶ್ಚತ॑ಸ್ರಃ | ಘೃ॒ತಸ್ಯ॑ ಸ್ತೋ॒ಕಂ ಸ॒ಕೃದಹ್ನ॑ ಆಶ್ನಾಂ॒ ತಾದೇ॒ವೇದಂ ತಾ᳚ತೃಪಾ॒ಣಾ ಚ॑ರಾಮಿ || 10.95.16
ಅ॒‌ನ್ತ॒ರಿ॒ಕ್ಷ॒ಪ್ರಾಂ ರಜ॑ಸೋ ವಿ॒ಮಾನೀ॒ಮುಪ॑ ಶಿಕ್ಷಾಮ್ಯು॒ರ್ವಶೀಂ॒ ವಸಿ॑ಷ್ಠಃ | ಉಪ॑ ತ್ವಾ ರಾ॒ತಿಃ ಸು॑ಕೃ॒ತಸ್ಯ॒ ತಿಷ್ಠಾ॒ನ್ನಿ ವ॑ರ್ತಸ್ವ॒ ಹೃದ॑ಯಂ ತಪ್ಯತೇ ಮೇ || 10.95.17
ಇತಿ॑ ತ್ವಾ ದೇ॒ವಾ ಇ॒ಮ ಆ᳚ಹುರೈಳ॒ ಯಥೇ᳚ಮೇ॒ತದ್ಭವ॑ಸಿ ಮೃ॒ತ್ಯುಬಂ᳚ಧುಃ | ಪ್ರ॒ಜಾ ತೇ᳚ ದೇ॒ವಾನ್ಹ॒ವಿಷಾ᳚ ಯಜಾತಿ ಸ್ವ॒ರ್ಗ ಉ॒ ತ್ವಮಪಿ॑ ಮಾದಯಾಸೇ || 10.95.18

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಬರುರೈಂದ್ರಃ ಸರ್ವಹರಿರ್ವಾ ಋಷಿಃ, ಹರಿದೇವ ತಾ(1-11) ಪ್ರಥಮಾಯೇಕಾದಶ! ಜಗತೀ, (12-13) ದ್ವಾದಶೀತ್ರಯೋದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ

ಪ್ರ ತೇ᳚ ಮ॒ಹೇ ವಿ॒ದಥೇ᳚ ಶಂಸಿಷಂ॒ ಹರೀ॒ ಪ್ರ ತೇ᳚ ವನ್ವೇ ವ॒ನುಷೋ᳚ ಹರ್ಯ॒ತಂ ಮದ‌ಮ್᳚ | ಘೃ॒ತಂ ನ ಯೋ ಹರಿ॑ಭಿ॒ಶ್ಚಾರು॒ ಸೇಚ॑ತ॒ ಆ ತ್ವಾ᳚ ವಿಶ‌ನ್ತು॒ ಹರಿ॑ವರ್ಪಸಂ॒ ಗಿರಃ॑ || 10.96.1
ಹರಿಂ॒ ಹಿ ಯೋನಿ॑ಮ॒ಭಿ ಯೇ ಸ॒ಮಸ್ವ॑ರನ್ಹಿ॒ನ್ವ‌ನ್ತೋ॒ ಹರೀ᳚ ದಿ॒ವ್ಯಂ ಯಥಾ॒ ಸದಃ॑ | ಆ ಯಂ ಪೃ॒ಣ‌ನ್ತಿ॒ ಹರಿ॑ಭಿ॒ರ್ನ ಧೇ॒ನವ॒ ಇಂದ್ರಾ᳚ಯ ಶೂ॒ಷಂ ಹರಿ॑ವ‌ನ್ತಮರ್ಚತ || 10.96.2
ಸೋ ಅ॑ಸ್ಯ॒ ವಜ್ರೋ॒ ಹರಿ॑ತೋ॒ ಯ ಆ᳚ಯ॒ಸೋ ಹರಿ॒ರ್ನಿಕಾ᳚ಮೋ॒ ಹರಿ॒ರಾ ಗಭ॑ಸ್ತ್ಯೋಃ | ದ್ಯು॒ಮ್ನೀ ಸು॑ಶಿ॒ಪ್ರೋ ಹರಿ॑ಮನ್ಯುಸಾಯಕ॒ ಇಂದ್ರೇ॒ ನಿ ರೂ॒ಪಾ ಹರಿ॑ತಾ ಮಿಮಿಕ್ಷಿರೇ || 10.96.3
ದಿ॒ವಿ ನ ಕೇ॒ತುರಧಿ॑ ಧಾಯಿ ಹರ್ಯ॒ತೋ ವಿ॒ವ್ಯಚ॒ದ್ವಜ್ರೋ॒ ಹರಿ॑ತೋ॒ ನ ರಂಹ್ಯಾ᳚ | ತು॒ದದಹಿಂ॒ ಹರಿ॑ಶಿಪ್ರೋ॒ ಯ ಆ᳚ಯ॒ಸಃ ಸ॒ಹಸ್ರ॑ಶೋಕಾ ಅಭವದ್ಧರಿಂಭ॒ರಃ || 10.96.4
ತ್ವಂತ್ವ॑ಮಹರ್ಯಥಾ॒ ಉಪ॑ಸ್ತುತಃ॒ ಪೂರ್ವೇ᳚ಭಿರಿಂದ್ರ ಹರಿಕೇಶ॒ ಯಜ್ವ॑ಭಿಃ | ತ್ವಂ ಹ᳚ರ್ಯಸಿ॒ ತವ॒ ವಿಶ್ವ॑ಮು॒ಕ್ಥ್ಯ1॒॑ಮಸಾ᳚ಮಿ॒ ರಾಧೋ᳚ ಹರಿಜಾತ ಹರ್ಯ॒ತ‌ಮ್ || 10.96.5
ತಾ ವ॒ಜ್ರಿಣಂ᳚ ಮಂ॒ದಿನಂ॒ ಸ್ತೋಮ್ಯಂ॒ ಮದ॒ ಇಂದ್ರಂ॒ ರಥೇ᳚ ವಹತೋ ಹರ್ಯ॒ತಾ ಹರೀ᳚ | ಪು॒ರೂಣ್ಯ॑ಸ್ಮೈ॒ ಸವ॑ನಾನಿ॒ ಹರ್ಯ॑ತ॒ ಇಂದ್ರಾ᳚ಯ॒ ಸೋಮಾ॒ ಹರ॑ಯೋ ದಧನ್ವಿರೇ || 10.96.6
ಅರಂ॒ ಕಾಮಾ᳚ಯ॒ ಹರ॑ಯೋ ದಧನ್ವಿರೇ ಸ್ಥಿ॒ರಾಯ॑ ಹಿನ್ವ॒ನ್ಹರ॑ಯೋ॒ ಹರೀ᳚ ತು॒ರಾ | ಅರ್ವ॑ದ್ಭಿ॒ರ್ಯೋ ಹರಿ॑ಭಿ॒ರ್ಜೋಷ॒ಮೀಯ॑ತೇ॒ ಸೋ ಅ॑ಸ್ಯ॒ ಕಾಮಂ॒ ಹರಿ॑ವ‌ನ್ತಮಾನಶೇ || 10.96.7
ಹರಿ॑ಶ್ಮಶಾರು॒ರ್ಹರಿ॑ಕೇಶ ಆಯ॒ಸಸ್ತು॑ರ॒ಸ್ಪೇಯೇ॒ ಯೋ ಹ॑ರಿ॒ಪಾ ಅವ॑ರ್ಧತ | ಅರ್ವ॑ದ್ಭಿ॒ರ್ಯೋ ಹರಿ॑ಭಿರ್ವಾ॒ಜಿನೀ᳚ವಸು॒ರತಿ॒ ವಿಶ್ವಾ᳚ ದುರಿ॒ತಾ ಪಾರಿ॑ಷ॒ದ್ಧರೀ᳚ || 10.96.8
ಸ್ರುವೇ᳚ವ॒ ಯಸ್ಯ॒ ಹರಿ॑ಣೀ ವಿಪೇ॒ತತುಃ॒ ಶಿಪ್ರೇ॒ ವಾಜಾ᳚ಯ॒ ಹರಿ॑ಣೀ॒ ದವಿ॑ಧ್ವತಃ | ಪ್ರ ಯತ್ಕೃ॒ತೇ ಚ॑ಮ॒ಸೇ ಮರ್ಮೃ॑ಜ॒ದ್ಧರೀ᳚ ಪೀ॒ತ್ವಾ ಮದ॑ಸ್ಯ ಹರ್ಯ॒ತಸ್ಯಾಂಧ॑ಸಃ || 10.96.9
ಉ॒ತ ಸ್ಮ॒ ಸದ್ಮ॑ ಹರ್ಯ॒ತಸ್ಯ॑ ಪ॒ಸ್ತ್ಯೋ॒3॒॑ರತ್ಯೋ॒ ನ ವಾಜಂ॒ ಹರಿ॑ವಾಁ ಅಚಿಕ್ರದತ್ | ಮ॒ಹೀ ಚಿ॒ದ್ಧಿ ಧಿ॒ಷಣಾಹ᳚ರ್ಯ॒ದೋಜ॑ಸಾ ಬೃ॒ಹದ್ವಯೋ᳚ ದಧಿಷೇ ಹರ್ಯ॒ತಶ್ಚಿ॒ದಾ || 10.96.10
ಆ ರೋದ॑ಸೀ॒ ಹರ್ಯ॑ಮಾಣೋ ಮಹಿ॒ತ್ವಾ ನವ್ಯಂ᳚ನವ್ಯಂ ಹರ್ಯಸಿ॒ ಮನ್ಮ॒ ನು ಪ್ರಿ॒ಯ‌ಮ್ | ಪ್ರ ಪ॒ಸ್ತ್ಯ॑ಮಸುರ ಹರ್ಯ॒ತಂ ಗೋರಾ॒ವಿಷ್ಕೃ॑ಧಿ॒ ಹರ॑ಯೇ॒ ಸೂರ್ಯಾ᳚ಯ || 10.96.11
ಆ ತ್ವಾ᳚ ಹ॒ರ್ಯ‌ನ್ತಂ᳚ ಪ್ರ॒ಯುಜೋ॒ ಜನಾ᳚ನಾಂ॒ ರಥೇ᳚ ವಹ‌ನ್ತು॒ ಹರಿ॑ಶಿಪ್ರಮಿಂದ್ರ | ಪಿಬಾ॒ ಯಥಾ॒ ಪ್ರತಿ॑ಭೃತಸ್ಯ॒ ಮಧ್ವೋ॒ ಹರ್ಯ᳚ನ್ಯ॒ಜ್ಞಂ ಸ॑ಧ॒ಮಾದೇ॒ ದಶೋ᳚ಣಿ‌ಮ್ || 10.96.12
ಅಪಾಃ॒ ಪೂರ್ವೇ᳚ಷಾಂ ಹರಿವಃ ಸು॒ತಾನಾ॒ಮಥೋ᳚ ಇ॒ದಂ ಸವ॑ನಂ॒ ಕೇವ॑ಲಂ ತೇ | ಮ॒ಮ॒ದ್ಧಿ ಸೋಮಂ॒ ಮಧು॑ಮ‌ನ್ತಮಿಂದ್ರ ಸ॒ತ್ರಾ ವೃ॑ಷಂಜ॒ಠರ॒ ಆ ವೃ॑ಷಸ್ವ || 10.96.13

(1-23) ತ್ರಯೋವಿಂಶರ್ತ್ಯಚಸ್ಯಾಸ್ಯ ಸೂಕ್ತಸ್ಯಾಥರ್ವಣೋ ಭಿಷಗೃಷಿಃ, ಓಷಧಯೋ ದೇವತಾಃ, ಅನುಷ್ಟಪ್, ಛಂದಃ

ಯಾ ಓಷ॑ಧೀಃ॒ ಪೂರ್ವಾ᳚ ಜಾ॒ತಾ ದೇ॒ವೇಭ್ಯ॑ಸ್ತ್ರಿಯು॒ಗಂ ಪು॒ರಾ | ಮನೈ॒ ನು ಬ॒ಭ್ರೂಣಾ᳚ಮ॒ಹಂ ಶ॒ತಂ ಧಾಮಾ᳚ನಿ ಸ॒ಪ್ತ ಚ॑ || 10.97.1
ಶ॒ತಂ ವೋ᳚ ಅಂಬ॒ ಧಾಮಾ᳚ನಿ ಸ॒ಹಸ್ರ॑ಮು॒ತ ವೋ॒ ರುಹಃ॑ | ಅಧಾ᳚ ಶತಕ್ರತ್ವೋ ಯೂ॒ಯಮಿ॒ಮಂ ಮೇ᳚ ಅಗ॒ದಂ ಕೃ॑ತ || 10.97.2
ಓಷ॑ಧೀಃ॒ ಪ್ರತಿ॑ ಮೋದಧ್ವಂ॒ ಪುಷ್ಪ॑ವತೀಃ ಪ್ರ॒ಸೂವ॑ರೀಃ | ಅಶ್ವಾ᳚ ಇವ ಸ॒ಜಿತ್ವ॑ರೀರ್ವೀ॒ರುಧಃ॑ ಪಾರಯಿ॒ಷ್ಣ್ವಃ॑ || 10.97.3
ಓಷ॑ಧೀ॒ರಿತಿ॑ ಮಾತರ॒ಸ್ತದ್ವೋ᳚ ದೇವೀ॒ರುಪ॑ ಬ್ರುವೇ | ಸ॒ನೇಯ॒ಮಶ್ವಂ॒ ಗಾಂ ವಾಸ॑ ಆ॒ತ್ಮಾನಂ॒ ತವ॑ ಪೂರುಷ || 10.97.4
ಅ॒ಶ್ವ॒ತ್ಥೇ ವೋ᳚ ನಿ॒ಷದ॑ನಂ ಪ॒ರ್ಣೇ ವೋ᳚ ವಸ॒ತಿಷ್ಕೃ॒ತಾ | ಗೋ॒ಭಾಜ॒ ಇತ್ಕಿಲಾ᳚ಸಥ॒ ಯತ್ಸ॒ನವ॑ಥ॒ ಪೂರು॑ಷ‌ಮ್ || 10.97.5
ಯತ್ರೌಷ॑ಧೀಃ ಸ॒ಮಗ್ಮ॑ತ॒ ರಾಜಾ᳚ನಃ॒ ಸಮಿ॑ತಾವಿವ | ವಿಪ್ರಃ॒ ಸ ಉ॑ಚ್ಯತೇ ಭಿ॒ಷಗ್ರ॑ಕ್ಷೋ॒ಹಾಮೀ᳚ವ॒ಚಾತ॑ನಃ || 10.97.6
ಅ॒ಶ್ವಾ॒ವ॒ತೀಂ ಸೋ᳚ಮಾವ॒ತೀಮೂ॒ರ್ಜಯ᳚‌ನ್ತೀ॒ಮುದೋ᳚ಜಸ‌ಮ್ | ಆವಿ॑ತ್ಸಿ॒ ಸರ್ವಾ॒ ಓಷ॑ಧೀರ॒ಸ್ಮಾ ಅ॑ರಿ॒ಷ್ಟತಾ᳚ತಯೇ || 10.97.7
ಉಚ್ಛುಷ್ಮಾ॒ ಓಷ॑ಧೀನಾಂ॒ ಗಾವೋ᳚ ಗೋ॒ಷ್ಠಾದಿ॑ವೇರತೇ | ಧನಂ᳚ ಸನಿ॒ಷ್ಯ‌ನ್ತೀ᳚ನಾಮಾ॒ತ್ಮಾನಂ॒ ತವ॑ ಪೂರುಷ || 10.97.8
ಇಷ್ಕೃ॑ತಿ॒ರ್ನಾಮ॑ ವೋ ಮಾ॒ತಾಥೋ᳚ ಯೂ॒ಯಂ ಸ್ಥ॒ ನಿಷ್ಕೃ॑ತೀಃ | ಸೀ॒ರಾಃ ಪ॑ತ॒ತ್ರಿಣೀಃ᳚ ಸ್ಥನ॒ ಯದಾ॒ಮಯ॑ತಿ॒ ನಿಷ್ಕೃ॑ಥ || 10.97.9
ಅತಿ॒ ವಿಶ್ವಾಃ᳚ ಪರಿ॒ಷ್ಠಾಃ ಸ್ತೇ॒ನ ಇ॑ವ ವ್ರ॒ಜಮ॑ಕ್ರಮುಃ | ಓಷ॑ಧೀಃ॒ ಪ್ರಾಚು॑ಚ್ಯವು॒ರ್ಯತ್ಕಿಂ ಚ॑ ತ॒ನ್ವೋ॒3॒॑ ರಪಃ॑ || 10.97.10
ಯದಿ॒ಮಾ ವಾ॒ಜಯ᳚ನ್ನ॒ಹಮೋಷ॑ಧೀ॒ರ್ಹಸ್ತ॑ ಆದ॒ಧೇ | ಆ॒ತ್ಮಾ ಯಕ್ಷ್ಮ॑ಸ್ಯ ನಶ್ಯತಿ ಪು॒ರಾ ಜೀ᳚ವ॒ಗೃಭೋ᳚ ಯಥಾ || 10.97.11
ಯಸ್ಯೌ᳚ಷಧೀಃ ಪ್ರ॒ಸರ್ಪ॒ಥಾಂಗ॑ಮಂಗಂ॒ ಪರು॑ಷ್ಪರುಃ | ತತೋ॒ ಯಕ್ಷ್ಮಂ॒ ವಿ ಬಾ᳚ಧಧ್ವ ಉ॒ಗ್ರೋ ಮ॑ಧ್ಯಮ॒ಶೀರಿ॑ವ || 10.97.12
ಸಾ॒ಕಂ ಯ॑ಕ್ಷ್ಮ॒ ಪ್ರ ಪ॑ತ॒ ಚಾಷೇ᳚ಣ ಕಿಕಿದೀ॒ವಿನಾ᳚ | ಸಾ॒ಕಂ ವಾತ॑ಸ್ಯ॒ ಧ್ರಾಜ್ಯಾ᳚ ಸಾ॒ಕಂ ನ॑ಶ್ಯ ನಿ॒ಹಾಕ॑ಯಾ || 10.97.13
ಅ॒ನ್ಯಾ ವೋ᳚ ಅ॒ನ್ಯಾಮ॑ವತ್ವ॒ನ್ಯಾನ್ಯಸ್ಯಾ॒ ಉಪಾ᳚ವತ | ತಾಃ ಸರ್ವಾಃ᳚ ಸಂವಿದಾ॒ನಾ ಇ॒ದಂ ಮೇ॒ ಪ್ರಾವ॑ತಾ॒ ವಚಃ॑ || 10.97.14
ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾ ಯಾಶ್ಚ॑ ಪು॒ಷ್ಪಿಣೀಃ᳚ | ಬೃಹ॒ಸ್ಪತಿ॑ಪ್ರಸೂತಾ॒ಸ್ತಾ ನೋ᳚ ಮುಂಚ॒‌ನ್ತ್ವಂಹ॑ಸಃ || 10.97.15
ಮುಂ॒ಚ‌ನ್ತು॑ ಮಾ ಶಪ॒ಥ್ಯಾ॒3॒॑ದಥೋ᳚ ವರು॒ಣ್ಯಾ᳚ದು॒ತ | ಅಥೋ᳚ ಯ॒ಮಸ್ಯ॒ ಪಡ್ಬೀ᳚ಶಾ॒ತ್ಸರ್ವ॑ಸ್ಮಾದ್ದೇವಕಿಲ್ಬಿ॒ಷಾತ್ || 10.97.16
ಅ॒ವ॒ಪತ᳚‌ನ್ತೀರವದಂದಿ॒ವ ಓಷ॑ಧಯ॒ಸ್ಪರಿ॑ | ಯಂ ಜೀ॒ವಮ॒ಶ್ನವಾ᳚ಮಹೈ॒ ನ ಸ ರಿ॑ಷ್ಯಾತಿ॒ ಪೂರು॑ಷಃ || 10.97.17
ಯಾ ಓಷ॑ಧೀಃ॒ ಸೋಮ॑ರಾಜ್ಞೀರ್ಬ॒ಹ್ವೀಃ ಶ॒ತವಿ॑ಚಕ್ಷಣಾಃ | ತಾಸಾಂ॒ ತ್ವಮ॑ಸ್ಯುತ್ತ॒ಮಾರಂ॒ ಕಾಮಾ᳚ಯ॒ ಶಂ ಹೃ॒ದೇ || 10.97.18
ಯಾ ಓಷ॑ಧೀಃ॒ ಸೋಮ॑ರಾಜ್ಞೀ॒ರ್ವಿಷ್ಠಿ॑ತಾಃ ಪೃಥಿ॒ವೀಮನು॑ | ಬೃಹ॒ಸ್ಪತಿ॑ಪ್ರಸೂತಾ ಅ॒ಸ್ಯೈ ಸಂ ದ॑ತ್ತ ವೀ॒ರ್ಯ‌ಮ್᳚ || 10.97.19
ಮಾ ವೋ᳚ ರಿಷತ್ಖನಿ॒ತಾ ಯಸ್ಮೈ᳚ ಚಾ॒ಹಂ ಖನಾ᳚ಮಿ ವಃ | ದ್ವಿ॒ಪಚ್ಚತು॑ಷ್ಪದ॒ಸ್ಮಾಕಂ॒ ಸರ್ವ॑ಮಸ್ತ್ವನಾತು॒ರ‌ಮ್ || 10.97.20
ಯಾಶ್ಚೇ॒ದಮು॑ಪಶೃ॒ಣ್ವ‌ನ್ತಿ॒ ಯಾಶ್ಚ॑ ದೂ॒ರಂ ಪರಾ᳚ಗತಾಃ | ಸರ್ವಾಃ᳚ ಸಂ॒ಗತ್ಯ॑ ವೀರುಧೋ॒ಽಸ್ಯೈ ಸಂ ದ॑ತ್ತ ವೀ॒ರ್ಯ‌ಮ್᳚ || 10.97.21
ಓಷ॑ಧಯಃ॒ ಸಂ ವ॑ದ‌ನ್ತೇ॒ ಸೋಮೇ᳚ನ ಸ॒ಹ ರಾಜ್ಞಾ᳚ | ಯಸ್ಮೈ᳚ ಕೃ॒ಣೋತಿ॑ ಬ್ರಾಹ್ಮ॒ಣಸ್ತಂ ರಾ᳚ಜನ್ಪಾರಯಾಮಸಿ || 10.97.22
ತ್ವಮು॑ತ್ತ॒ಮಾಸ್ಯೋ᳚ಷಧೇ॒ ತವ॑ ವೃ॒ಕ್ಷಾ ಉಪ॑ಸ್ತಯಃ | ಉಪ॑ಸ್ತಿರಸ್ತು॒ ಸೋ॒3॒॑ಽಸ್ಮಾಕಂ॒ ಯೋ ಅ॒ಸ್ಮಾಁ ಅ॑ಭಿ॒ದಾಸ॑ತಿ || 10.97.23

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯಾಷ್ಟಿಷಣೇಓ ದೇವಾಪಿರೃಷಿಃ, ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಬೃಹ॑ಸ್ಪತೇ॒ ಪ್ರತಿ॑ ಮೇ ದೇ॒ವತಾ᳚ಮಿಹಿ ಮಿ॒ತ್ರೋ ವಾ॒ ಯದ್ವರು॑ಣೋ॒ ವಾಸಿ॑ ಪೂ॒ಷಾ | ಆ॒ದಿ॒ತ್ಯೈರ್ವಾ॒ ಯದ್ವಸು॑ಭಿರ್ಮ॒ರುತ್ವಾ॒‌‌ನ್ತ್ಸ ಪ॒ರ್ಜನ್ಯಂ॒ ಶಂತ॑ನವೇ ವೃಷಾಯ || 10.98.1
ಆ ದೇ॒ವೋ ದೂ॒ತೋ ಅ॑ಜಿ॒ರಶ್ಚಿ॑ಕಿ॒ತ್ವಾ‌ನ್ತ್ವದ್ದೇ᳚ವಾಪೇ ಅ॒ಭಿ ಮಾಮ॑ಗಚ್ಛತ್ | ಪ್ರ॒ತೀ॒ಚೀ॒ನಃ ಪ್ರತಿ॒ ಮಾಮಾ ವ॑ವೃತ್ಸ್ವ॒ ದಧಾ᳚ಮಿ ತೇ ದ್ಯು॒ಮತೀಂ॒ ವಾಚ॑ಮಾ॒ಸನ್ || 10.98.2
ಅ॒ಸ್ಮೇ ಧೇ᳚ಹಿ ದ್ಯು॒ಮತೀಂ॒ ವಾಚ॑ಮಾ॒ಸನ್ಬೃಹ॑ಸ್ಪತೇ ಅನಮೀ॒ವಾಮಿ॑ಷಿ॒ರಾ‌ಮ್ | ಯಯಾ᳚ ವೃ॒ಷ್ಟಿಂ ಶಂತ॑ನವೇ॒ ವನಾ᳚ವ ದಿ॒ವೋ ದ್ರ॒ಪ್ಸೋ ಮಧು॑ಮಾಁ॒ ಆ ವಿ॑ವೇಶ || 10.98.3
ಆ ನೋ᳚ ದ್ರ॒ಪ್ಸಾ ಮಧು॑ಮ‌ನ್ತೋ ವಿಶ॒‌ನ್ತ್ವಿಂದ್ರ॑ ದೇ॒ಹ್ಯಧಿ॑ರಥಂ ಸ॒ಹಸ್ರ‌ಮ್᳚ | ನಿ ಷೀ᳚ದ ಹೋ॒ತ್ರಮೃ॑ತು॒ಥಾ ಯ॑ಜಸ್ವ ದೇ॒ವಾಂದೇ᳚ವಾಪೇ ಹ॒ವಿಷಾ᳚ ಸಪರ್ಯ || 10.98.4
ಆ॒ರ್ಷ್ಟಿ॒ಷೇ॒ಣೋ ಹೋ॒ತ್ರಮೃಷಿ᳚ರ್ನಿ॒ಷೀದಂ᳚ದೇ॒ವಾಪಿ॑ರ್ದೇವಸುಮ॒ತಿಂ ಚಿ॑ಕಿ॒ತ್ವಾನ್ | ಸ ಉತ್ತ॑ರಸ್ಮಾ॒ದಧ॑ರಂ ಸಮು॒ದ್ರಮ॒ಪೋ ದಿ॒ವ್ಯಾ ಅ॑ಸೃಜದ್ವ॒ರ್ಷ್ಯಾ᳚ ಅ॒ಭಿ || 10.98.5
ಅ॒ಸ್ಮಿ‌‌ನ್ತ್ಸ॑ಮು॒ದ್ರೇ ಅಧ್ಯುತ್ತ॑ರಸ್ಮಿ॒ನ್ನಾಪೋ᳚ ದೇ॒ವೇಭಿ॒ರ್ನಿವೃ॑ತಾ ಅತಿಷ್ಠನ್ | ತಾ ಅ॑ದ್ರವನ್ನಾರ್ಷ್ಟಿಷೇ॒ಣೇನ॑ ಸೃ॒ಷ್ಟಾ ದೇ॒ವಾಪಿ॑ನಾ॒ ಪ್ರೇಷಿ॑ತಾ ಮೃ॒ಕ್ಷಿಣೀ᳚ಷು || 10.98.6
ಯದ್ದೇ॒ವಾಪಿಃ॒ ಶಂತ॑ನವೇ ಪು॒ರೋಹಿ॑ತೋ ಹೋ॒ತ್ರಾಯ॑ ವೃ॒ತಃ ಕೃ॒ಪಯ॒ನ್ನದೀ᳚ಧೇತ್ | ದೇ॒ವ॒ಶ್ರುತಂ᳚ ವೃಷ್ಟಿ॒ವನಿಂ॒ ರರಾ᳚ಣೋ॒ ಬೃಹ॒ಸ್ಪತಿ॒ರ್ವಾಚ॑ಮಸ್ಮಾ ಅಯಚ್ಛತ್ || 10.98.7
ಯಂ ತ್ವಾ᳚ ದೇ॒ವಾಪಿಃ॑ ಶುಶುಚಾ॒ನೋ ಅ॑ಗ್ನ ಆರ್ಷ್ಟಿಷೇ॒ಣೋ ಮ॑ನು॒ಷ್ಯಃ॑ ಸಮೀ॒ಧೇ | ವಿಶ್ವೇ᳚ಭಿರ್ದೇ॒ವೈರ॑ನುಮ॒ದ್ಯಮಾ᳚ನಃ॒ ಪ್ರ ಪ॒ರ್ಜನ್ಯ॑ಮೀರಯಾ ವೃಷ್ಟಿ॒ಮ‌ನ್ತ‌ಮ್᳚ || 10.98.8
ತ್ವಾಂ ಪೂರ್ವ॒ ಋಷ॑ಯೋ ಗೀ॒ರ್ಭಿರಾ᳚ಯ॒‌ನ್ತ್ವಾಮ॑ಧ್ವ॒ರೇಷು॑ ಪುರುಹೂತ॒ ವಿಶ್ವೇ᳚ | ಸ॒ಹಸ್ರಾ॒ಣ್ಯಧಿ॑ರಥಾನ್ಯ॒ಸ್ಮೇ ಆ ನೋ᳚ ಯ॒ಜ್ಞಂ ರೋ᳚ಹಿದ॒ಶ್ವೋಪ॑ ಯಾಹಿ || 10.98.9
ಏ॒ತಾನ್ಯ॑ಗ್ನೇ ನವ॒ತಿರ್ನವ॒ ತ್ವೇ ಆಹು॑ತಾ॒ನ್ಯಧಿ॑ರಥಾ ಸ॒ಹಸ್ರಾ᳚ | ತೇಭಿ᳚ರ್ವರ್ಧಸ್ವ ತ॒ನ್ವಃ॑ ಶೂರ ಪೂ॒ರ್ವೀರ್ದಿ॒ವೋ ನೋ᳚ ವೃ॒ಷ್ಟಿಮಿ॑ಷಿ॒ತೋ ರಿ॑ರೀಹಿ || 10.98.10
ಏ॒ತಾನ್ಯ॑ಗ್ನೇ ನವ॒ತಿಂ ಸ॒ಹಸ್ರಾ॒ ಸಂ ಪ್ರ ಯ॑ಚ್ಛ॒ ವೃಷ್ಣ॒ ಇಂದ್ರಾ᳚ಯ ಭಾ॒ಗ‌ಮ್ | ವಿ॒ದ್ವಾನ್ಪ॒ಥ ಋ॑ತು॒ಶೋ ದೇ᳚ವ॒ಯಾನಾ॒ನಪ್ಯೌ᳚ಲಾ॒ನಂ ದಿ॒ವಿ ದೇ॒ವೇಷು॑ ಧೇಹಿ || 10.98.11
ಅಗ್ನೇ॒ ಬಾಧ॑ಸ್ವ॒ ವಿ ಮೃಧೋ॒ ವಿ ದು॒ರ್ಗಹಾಪಾಮೀ᳚ವಾ॒ಮಪ॒ ರಕ್ಷಾಂ᳚ಸಿ ಸೇಧ | ಅ॒ಸ್ಮಾತ್ಸ॑ಮು॒ದ್ರಾದ್ಬೃ॑ಹ॒ತೋ ದಿ॒ವೋ ನೋ॒ಽಪಾಂ ಭೂ॒ಮಾನ॒ಮುಪ॑ ನಃ ಸೃಜೇ॒ಹ || 10.98.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಖಾನಸೋ ವಮ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಕಂ ನ॑ಶ್ಚಿ॒ತ್ರಮಿ॑ಷಣ್ಯಸಿ ಚಿಕಿ॒ತ್ವಾನ್ಪೃ॑ಥು॒ಗ್ಮಾನಂ᳚ ವಾ॒ಶ್ರಂ ವಾ᳚ವೃ॒ಧಧ್ಯೈ᳚ | ಕತ್ತಸ್ಯ॒ ದಾತು॒ ಶವ॑ಸೋ॒ ವ್ಯು॑ಷ್ಟೌ॒ ತಕ್ಷ॒ದ್ವಜ್ರಂ᳚ ವೃತ್ರ॒ತುರ॒ಮಪಿ᳚ನ್ವತ್ || 10.99.1
ಸ ಹಿ ದ್ಯು॒ತಾ ವಿ॒ದ್ಯುತಾ॒ ವೇತಿ॒ ಸಾಮ॑ ಪೃ॒ಥುಂ ಯೋನಿ॑ಮಸುರ॒ತ್ವಾ ಸ॑ಸಾದ | ಸ ಸನೀ᳚ಳೇಭಿಃ ಪ್ರಸಹಾ॒ನೋ ಅ॑ಸ್ಯ॒ ಭ್ರಾತು॒ರ್ನ ಋ॒ತೇ ಸ॒ಪ್ತಥ॑ಸ್ಯ ಮಾ॒ಯಾಃ || 10.99.2
ಸ ವಾಜಂ॒ ಯಾತಾಪ॑ದುಷ್ಪದಾ॒ ಯ‌‌ನ್ತ್ಸ್ವ॑ರ್ಷಾತಾ॒ ಪರಿ॑ ಷದತ್ಸನಿ॒ಷ್ಯನ್ | ಅ॒ನ॒ರ್ವಾ ಯಚ್ಛ॒ತದು॑ರಸ್ಯ॒ ವೇದೋ॒ ಘ್ನಂಛಿ॒ಶ್ನದೇ᳚ವಾಁ ಅ॒ಭಿ ವರ್ಪ॑ಸಾ॒ ಭೂತ್ || 10.99.3
ಸ ಯ॒ಹ್ವ್ಯೋ॒3॒॑ಽವನೀ॒ರ್ಗೋಷ್ವರ್ವಾ ಜು॑ಹೋತಿ ಪ್ರಧ॒ನ್ಯಾ᳚ಸು॒ ಸಸ್ರಿಃ॑ | ಅ॒ಪಾದೋ॒ ಯತ್ರ॒ ಯುಜ್ಯಾ᳚ಸೋಽರ॒ಥಾ ದ್ರೋ॒ಣ್ಯ॑ಶ್ವಾಸ॒ ಈರ॑ತೇ ಘೃ॒ತಂ ವಾಃ || 10.99.4
ಸ ರು॒ದ್ರೇಭಿ॒ರಶ॑ಸ್ತವಾರ॒ ಋಭ್ವಾ᳚ ಹಿ॒ತ್ವೀ ಗಯ॑ಮಾ॒ರೇಅ॑ವದ್ಯ॒ ಆಗಾ᳚ತ್ | ವ॒ಮ್ರಸ್ಯ॑ ಮನ್ಯೇ ಮಿಥು॒ನಾ ವಿವ᳚ವ್ರೀ॒ ಅನ್ನ॑ಮ॒ಭೀತ್ಯಾ᳚ರೋದಯನ್ಮುಷಾ॒ಯನ್ || 10.99.5
ಸ ಇದ್ದಾಸಂ᳚ ತುವೀ॒ರವಂ॒ ಪತಿ॒ರ್ದನ್ಷ॑ಳ॒ಕ್ಷಂ ತ್ರಿ॑ಶೀ॒ರ್ಷಾಣಂ᳚ ದಮನ್ಯತ್ | ಅ॒ಸ್ಯ ತ್ರಿ॒ತೋ ನ್ವೋಜ॑ಸಾ ವೃಧಾ॒ನೋ ವಿ॒ಪಾ ವ॑ರಾ॒ಹಮಯೋ᳚ಅಗ್ರಯಾ ಹನ್ || 10.99.6
ಸ ದ್ರುಹ್ವ॑ಣೇ॒ ಮನು॑ಷ ಊರ್ಧ್ವಸಾ॒ನ ಆ ಸಾ᳚ವಿಷದರ್ಶಸಾ॒ನಾಯ॒ ಶರು‌ಮ್᳚ | ಸ ನೃತ॑ಮೋ॒ ನಹು॑ಷೋ॒ಽಸ್ಮತ್ಸುಜಾ᳚ತಃ॒ ಪುರೋ᳚ಽಭಿನ॒ದರ್ಹಂ᳚ದಸ್ಯು॒ಹತ್ಯೇ᳚ || 10.99.7
ಸೋ ಅ॒ಭ್ರಿಯೋ॒ ನ ಯವ॑ಸ ಉದ॒ನ್ಯನ್ಕ್ಷಯಾ᳚ಯ ಗಾ॒ತುಂ ವಿ॒ದನ್ನೋ᳚ ಅ॒ಸ್ಮೇ | ಉಪ॒ ಯತ್ಸೀದ॒ದಿಂದುಂ॒ ಶರೀ᳚ರೈಃ ಶ್ಯೇ॒ನೋಽಯೋ᳚ಪಾಷ್ಟಿರ್ಹ‌ನ್ತಿ॒ ದಸ್ಯೂನ್॑ || 10.99.8
ಸ ವ್ರಾಧ॑ತಃ ಶವಸಾ॒ನೇಭಿ॑ರಸ್ಯ॒ ಕುತ್ಸಾ᳚ಯ॒ ಶುಷ್ಣಂ᳚ ಕೃ॒ಪಣೇ॒ ಪರಾ᳚ದಾತ್ | ಅ॒ಯಂ ಕ॒ವಿಮ॑ನಯಚ್ಛ॒ಸ್ಯಮಾ᳚ನ॒ಮತ್ಕಂ॒ ಯೋ ಅ॑ಸ್ಯ॒ ಸನಿ॑ತೋ॒ತ ನೃ॒ಣಾ‌ಮ್ || 10.99.9
ಅ॒ಯಂ ದ॑ಶ॒ಸ್ಯನ್ನರ್ಯೇ᳚ಭಿರಸ್ಯ ದ॒ಸ್ಮೋ ದೇ॒ವೇಭಿ॒ರ್ವರು॑ಣೋ॒ ನ ಮಾ॒ಯೀ | ಅ॒ಯಂ ಕ॒ನೀನ॑ ಋತು॒ಪಾ ಅ॑ವೇ॒ದ್ಯಮಿ॑ಮೀತಾ॒ರರುಂ॒ ಯಶ್ಚತು॑ಷ್ಪಾತ್ || 10.99.10
ಅ॒ಸ್ಯ ಸ್ತೋಮೇ᳚ಭಿರೌಶಿ॒ಜ ಋ॒ಜಿಶ್ವಾ᳚ ವ್ರ॒ಜಂ ದ॑ರಯದ್ವೃಷ॒ಭೇಣ॒ ಪಿಪ್ರೋಃ᳚ | ಸುತ್ವಾ॒ ಯದ್ಯ॑ಜ॒ತೋ ದೀ॒ದಯ॒ದ್ಗೀಃ ಪುರ॑ ಇಯಾ॒ನೋ ಅ॒ಭಿ ವರ್ಪ॑ಸಾ॒ ಭೂತ್ || 10.99.11
ಏ॒ವಾ ಮ॒ಹೋ ಅ॑ಸುರ ವ॒ಕ್ಷಥಾ᳚ಯ ವಮ್ರ॒ಕಃ ಪ॒ಡ್ಭಿರುಪ॑ ಸರ್ಪ॒ದಿಂದ್ರ‌ಮ್᳚ | ಸ ಇ॑ಯಾ॒ನಃ ಕ॑ರತಿ ಸ್ವ॒ಸ್ತಿಮ॑ಸ್ಮಾ॒ ಇಷ॒ಮೂರ್ಜಂ᳚ ಸುಕ್ಷಿ॒ತಿಂ ವಿಶ್ವ॒ಮಾಭಾಃ᳚ || 10.99.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ವಾಂದನೋ ದುವಸ್ಯಋಷಿಃ, ವಿಶ್ವೇ ದೇವಾ ದೇವತಾಃ (1-11) ಪ್ರಥಮಾಯೇಕಾದಶ! ಜಗತೀ, (12) ದ್ವಾದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಇಂದ್ರ॒ ದೃಹ್ಯ॑ ಮಘವ॒‌ನ್ತ್ವಾವ॒ದಿದ್ಭು॒ಜ ಇ॒ಹ ಸ್ತು॒ತಃ ಸು॑ತ॒ಪಾ ಬೋ᳚ಧಿ ನೋ ವೃ॒ಧೇ | ದೇ॒ವೇಭಿ᳚ರ್ನಃ ಸವಿ॒ತಾ ಪ್ರಾವ॑ತು ಶ್ರು॒ತಮಾ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.1
ಭರಾ᳚ಯ॒ ಸು ಭ॑ರತ ಭಾ॒ಗಮೃ॒ತ್ವಿಯಂ॒ ಪ್ರ ವಾ॒ಯವೇ᳚ ಶುಚಿ॒ಪೇ ಕ್ರಂ॒ದದಿ॑ಷ್ಟಯೇ | ಗೌ॒ರಸ್ಯ॒ ಯಃ ಪಯ॑ಸಃ ಪೀ॒ತಿಮಾ᳚ನ॒ಶ ಆ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.2
ಆ ನೋ᳚ ದೇ॒ವಃ ಸ॑ವಿ॒ತಾ ಸಾ᳚ವಿಷ॒ದ್ವಯ॑ ಋಜೂಯ॒ತೇ ಯಜ॑ಮಾನಾಯ ಸುನ್ವ॒ತೇ | ಯಥಾ᳚ ದೇ॒ವಾನ್ಪ್ರ॑ತಿ॒ಭೂಷೇ᳚ಮ ಪಾಕ॒ವದಾ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.3
ಇಂದ್ರೋ᳚ ಅ॒ಸ್ಮೇ ಸು॒ಮನಾ᳚ ಅಸ್ತು ವಿ॒ಶ್ವಹಾ॒ ರಾಜಾ॒ ಸೋಮಃ॑ ಸುವಿ॒ತಸ್ಯಾಧ್ಯೇ᳚ತು ನಃ | ಯಥಾ᳚ಯಥಾ ಮಿ॒ತ್ರಧಿ॑ತಾನಿ ಸಂದ॒ಧುರಾ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.4
ಇಂದ್ರ॑ ಉ॒ಕ್ಥೇನ॒ ಶವ॑ಸಾ॒ ಪರು॑ರ್ದಧೇ॒ ಬೃಹ॑ಸ್ಪತೇ ಪ್ರತರೀ॒ತಾಸ್ಯಾಯು॑ಷಃ | ಯ॒ಜ್ಞೋ ಮನುಃ॒ ಪ್ರಮ॑ತಿರ್ನಃ ಪಿ॒ತಾ ಹಿ ಕ॒ಮಾ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.5
ಇಂದ್ರ॑ಸ್ಯ॒ ನು ಸುಕೃ॑ತಂ॒ ದೈವ್ಯಂ॒ ಸಹೋ॒ಽಗ್ನಿರ್ಗೃ॒ಹೇ ಜ॑ರಿ॒ತಾ ಮೇಧಿ॑ರಃ ಕ॒ವಿಃ | ಯ॒ಜ್ಞಶ್ಚ॑ ಭೂದ್ವಿ॒ದಥೇ॒ ಚಾರು॒ರ‌ನ್ತ॑ಮ॒ ಆ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.6
ನ ವೋ॒ ಗುಹಾ᳚ ಚಕೃಮ॒ ಭೂರಿ॑ ದುಷ್ಕೃ॒ತಂ ನಾವಿಷ್ಟ್ಯಂ᳚ ವಸವೋ ದೇವ॒ಹೇಳ॑ನ‌ಮ್ | ಮಾಕಿ᳚ರ್ನೋ ದೇವಾ॒ ಅನೃ॑ತಸ್ಯ॒ ವರ್ಪ॑ಸ॒ ಆ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.7
ಅಪಾಮೀ᳚ವಾಂ ಸವಿ॒ತಾ ಸಾ᳚ವಿಷ॒ನ್ನ್ಯ1॒॑ಗ್ವರೀ᳚ಯ॒ ಇದಪ॑ ಸೇಧ॒‌ನ್ತ್ವದ್ರ॑ಯಃ | ಗ್ರಾವಾ॒ ಯತ್ರ॑ ಮಧು॒ಷುದು॒ಚ್ಯತೇ᳚ ಬೃ॒ಹದಾ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.8
ಊ॒ರ್ಧ್ವೋ ಗ್ರಾವಾ᳚ ವಸವೋಽಸ್ತು ಸೋ॒ತರಿ॒ ವಿಶ್ವಾ॒ ದ್ವೇಷಾಂ᳚ಸಿ ಸನು॒ತರ್ಯು॑ಯೋತ | ಸ ನೋ᳚ ದೇ॒ವಃ ಸ॑ವಿ॒ತಾ ಪಾ॒ಯುರೀಡ್ಯ॒ ಆ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.9
ಊರ್ಜಂ᳚ ಗಾವೋ॒ ಯವ॑ಸೇ॒ ಪೀವೋ᳚ ಅತ್ತನ ಋ॒ತಸ್ಯ॒ ಯಾಃ ಸದ॑ನೇ॒ ಕೋಶೇ᳚ ಅಂ॒ಗ್ಧ್ವೇ | ತ॒ನೂರೇ॒ವ ತ॒ನ್ವೋ᳚ ಅಸ್ತು ಭೇಷ॒ಜಮಾ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.10
ಕ್ರ॒ತು॒ಪ್ರಾವಾ᳚ ಜರಿ॒ತಾ ಶಶ್ವ॑ತಾ॒ಮವ॒ ಇಂದ್ರ॒ ಇದ್ಭ॒ದ್ರಾ ಪ್ರಮ॑ತಿಃ ಸು॒ತಾವ॑ತಾ‌ಮ್ | ಪೂ॒ರ್ಣಮೂಧ॑ರ್ದಿ॒ವ್ಯಂ ಯಸ್ಯ॑ ಸಿ॒ಕ್ತಯ॒ ಆ ಸ॒ರ್ವತಾ᳚ತಿ॒ಮದಿ॑ತಿಂ ವೃಣೀಮಹೇ || 10.100.11
ಚಿ॒ತ್ರಸ್ತೇ᳚ ಭಾ॒ನುಃ ಕ್ರ॑ತು॒ಪ್ರಾ ಅ॑ಭಿ॒ಷ್ಟಿಃ ಸ‌ನ್ತಿ॒ ಸ್ಪೃಧೋ᳚ ಜರಣಿ॒ಪ್ರಾ ಅಧೃ॑ಷ್ಟಾಃ | ರಜಿ॑ಷ್ಠಯಾ॒ ರಜ್ಯಾ᳚ ಪ॒ಶ್ವ ಆ ಗೋಸ್ತೂತೂ᳚ರ್ಷತಿ॒ ಪರ್ಯಗ್ರಂ᳚ ದುವ॒ಸ್ಯುಃ || 10.100.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಸೌಮ್ಯೋ ಬುಧ ಋಷಿಃ, ವಿಶ್ವೇ ದೇವಾ ಋತ್ವಿಜೋ ವಾ ದೇವತಾಃ (1-3, 7-8, 10-11) ಪ್ರಥಮಾದಿತೃಚಸ್ಯ ಸಪ್ತಮ್ಯಷ್ಟಮೀದಶಮ್ಯೇಕಾದಶೀನಾಮೃಚಾಂಚ ತ್ರಿಷ್ಟುಪ್, (4, 6) ಚತುರ್ಥೀಷಷ್ಠ್ಯೋರ್ಗಾಯತ್ರೀ, (5) ಪಂಚಮ್ಯಾ ಬೃಹತೀ, (9, 12) ನವಮೀದ್ವಾದಶ್ಯೋಶ್ಚ ಜಗತೀ ಛಂದಾಂಸಿ

ಉದ್ಬು॑ಧ್ಯಧ್ವಂ॒ ಸಮ॑ನಸಃ ಸಖಾಯಃ॒ ಸಮ॒ಗ್ನಿಮಿಂ᳚ಧ್ವಂ ಬ॒ಹವಃ॒ ಸನೀ᳚ಳಾಃ | ದ॒ಧಿ॒ಕ್ರಾಮ॒ಗ್ನಿಮು॒ಷಸಂ᳚ ಚ ದೇ॒ವೀಮಿಂದ್ರಾ᳚ವ॒ತೋಽವ॑ಸೇ॒ ನಿ ಹ್ವ॑ಯೇ ವಃ || 10.101.1
ಮಂ॒ದ್ರಾ ಕೃ॑ಣುಧ್ವಂ॒ ಧಿಯ॒ ಆ ತ॑ನುಧ್ವಂ॒ ನಾವ॑ಮರಿತ್ರ॒ಪರ॑ಣೀಂ ಕೃಣುಧ್ವ‌ಮ್ | ಇಷ್ಕೃ॑ಣುಧ್ವ॒ಮಾಯು॒ಧಾರಂ᳚ ಕೃಣುಧ್ವಂ॒ ಪ್ರಾಂಚಂ᳚ ಯ॒ಜ್ಞಂ ಪ್ರ ಣ॑ಯತಾ ಸಖಾಯಃ || 10.101.2
ಯು॒ನಕ್ತ॒ ಸೀರಾ॒ ವಿ ಯು॒ಗಾ ತ॑ನುಧ್ವಂ ಕೃ॒ತೇ ಯೋನೌ᳚ ವಪತೇ॒ಹ ಬೀಜ‌ಮ್᳚ | ಗಿ॒ರಾ ಚ॑ ಶ್ರು॒ಷ್ಟಿಃ ಸಭ॑ರಾ॒ ಅಸ᳚ನ್ನೋ॒ ನೇದೀ᳚ಯ॒ ಇತ್ಸೃ॒ಣ್ಯಃ॑ ಪ॒ಕ್ವಮೇಯಾ᳚ತ್ || 10.101.3
ಸೀರಾ᳚ ಯುಂಜ‌ನ್ತಿ ಕ॒ವಯೋ᳚ ಯು॒ಗಾ ವಿ ತ᳚ನ್ವತೇ॒ ಪೃಥ॑ಕ್ | ಧೀರಾ᳚ ದೇ॒ವೇಷು॑ ಸುಮ್ನ॒ಯಾ || 10.101.4
ನಿರಾ᳚ಹಾ॒ವಾನ್ಕೃ॑ಣೋತನ॒ ಸಂ ವ॑ರ॒ತ್ರಾ ದ॑ಧಾತನ | ಸಿಂ॒ಚಾಮ॑ಹಾ ಅವ॒ತಮು॒ದ್ರಿಣಂ᳚ ವ॒ಯಂ ಸು॒ಷೇಕ॒ಮನು॑ಪಕ್ಷಿತ‌ಮ್ || 10.101.5
ಇಷ್ಕೃ॑ತಾಹಾವಮವ॒ತಂ ಸು॑ವರ॒ತ್ರಂ ಸು॑ಷೇಚ॒ನ‌ಮ್ | ಉ॒ದ್ರಿಣಂ᳚ ಸಿಂಚೇ॒ ಅಕ್ಷಿ॑ತ‌ಮ್ || 10.101.6
ಪ್ರೀ॒ಣೀ॒ತಾಶ್ವಾ᳚ನ್ಹಿ॒ತಂ ಜ॑ಯಾಥ ಸ್ವಸ್ತಿ॒ವಾಹಂ॒ ರಥ॒ಮಿತ್ಕೃ॑ಣುಧ್ವ‌ಮ್ | ದ್ರೋಣಾ᳚ಹಾವಮವ॒ತಮಶ್ಮ॑ಚಕ್ರ॒ಮಂಸ॑ತ್ರಕೋಶಂ ಸಿಂಚತಾ ನೃ॒ಪಾಣ‌ಮ್᳚ || 10.101.7
ವ್ರ॒ಜಂ ಕೃ॑ಣುಧ್ವಂ॒ ಸ ಹಿ ವೋ᳚ ನೃ॒ಪಾಣೋ॒ ವರ್ಮ॑ ಸೀವ್ಯಧ್ವಂ ಬಹು॒ಲಾ ಪೃ॒ಥೂನಿ॑ | ಪುರಃ॑ ಕೃಣುಧ್ವ॒ಮಾಯ॑ಸೀ॒ರಧೃ॑ಷ್ಟಾ॒ ಮಾ ವಃ॑ ಸುಸ್ರೋಚ್ಚಮ॒ಸೋ ದೃಂಹ॑ತಾ॒ ತ‌ಮ್ || 10.101.8
ಆ ವೋ॒ ಧಿಯಂ᳚ ಯ॒ಜ್ಞಿಯಾಂ᳚ ವರ್ತ ಊ॒ತಯೇ॒ ದೇವಾ᳚ ದೇ॒ವೀಂ ಯ॑ಜ॒ತಾಂ ಯ॒ಜ್ಞಿಯಾ᳚ಮಿ॒ಹ | ಸಾ ನೋ᳚ ದುಹೀಯ॒ದ್ಯವ॑ಸೇವ ಗ॒ತ್ವೀ ಸ॒ಹಸ್ರ॑ಧಾರಾ॒ ಪಯ॑ಸಾ ಮ॒ಹೀ ಗೌಃ || 10.101.9
ಆ ತೂ ಷಿಂ᳚ಚ॒ ಹರಿ॑ಮೀಂ॒ ದ್ರೋರು॒ಪಸ್ಥೇ॒ ವಾಶೀ᳚ಭಿಸ್ತಕ್ಷತಾಶ್ಮ॒ನ್ಮಯೀ᳚ಭಿಃ | ಪರಿ॑ ಷ್ವಜಧ್ವಂ॒ ದಶ॑ ಕ॒ಕ್ಷ್ಯಾ᳚ಭಿರು॒ಭೇ ಧುರೌ॒ ಪ್ರತಿ॒ ವಹ್ನಿಂ᳚ ಯುನಕ್ತ || 10.101.10
ಉ॒ಭೇ ಧುರೌ॒ ವಹ್ನಿ॑ರಾ॒ಪಿಬ್ದ॑ಮಾನೋ॒ಽ‌ನ್ತರ್ಯೋನೇ᳚ವ ಚರತಿ ದ್ವಿ॒ಜಾನಿಃ॑ | ವನ॒ಸ್ಪತಿಂ॒ ವನ॒ ಆಸ್ಥಾ᳚ಪಯಧ್ವಂ॒ ನಿ ಷೂ ದ॑ಧಿಧ್ವ॒ಮಖ॑ನ‌ನ್ತ॒ ಉತ್ಸ‌ಮ್᳚ || 10.101.11
ಕಪೃ᳚ನ್ನರಃ ಕಪೃ॒ಥಮುದ್ದ॑ಧಾತನ ಚೋ॒ದಯ॑ತ ಖು॒ದತ॒ ವಾಜ॑ಸಾತಯೇ | ನಿ॒ಷ್ಟಿ॒ಗ್ರ್ಯಃ॑ ಪು॒ತ್ರಮಾ ಚ್ಯಾ᳚ವಯೋ॒ತಯ॒ ಇಂದ್ರಂ᳚ ಸ॒ಬಾಧ॑ ಇ॒ಹ ಸೋಮ॑ಪೀತಯೇ || 10.101.12

(1-12) ದ್ವಾದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗ್ಯಶ್ವೋ ಮುದ್ಗಲ ಋಷಿಃ, ದ್ರುಘಣ ಇಂದ್ರೋ ವಾ ದೇವತಾ (1, 3, 12) ಪ್ರಥಮಾತೃತೀಯಾದ್ವಾದಶೀನಾಮೃಚಾಂ ಬೃಹತೀ, (2, 4-11) ದ್ವಿತೀಯಾಯಾಶ್ಚತುರ್ಥ್ಯಾದ್ಯಷ್ಟಾನಾಂಚ ತ್ರಿಷ್ಟುಪ್ ಛಂದಸೀ

ಪ್ರ ತೇ॒ ರಥಂ᳚ ಮಿಥೂ॒ಕೃತ॒ಮಿಂದ್ರೋ᳚ಽವತು ಧೃಷ್ಣು॒ಯಾ | ಅ॒ಸ್ಮಿನ್ನಾ॒ಜೌ ಪು॑ರುಹೂತ ಶ್ರ॒ವಾಯ್ಯೇ᳚ ಧನಭ॒ಕ್ಷೇಷು॑ ನೋಽವ || 10.102.1
ಉತ್ಸ್ಮ॒ ವಾತೋ᳚ ವಹತಿ॒ ವಾಸೋ᳚ಽಸ್ಯಾ॒ ಅಧಿ॑ರಥಂ॒ ಯದಜ॑ಯತ್ಸ॒ಹಸ್ರ‌ಮ್᳚ | ರ॒ಥೀರ॑ಭೂನ್ಮುದ್ಗ॒ಲಾನೀ॒ ಗವಿ॑ಷ್ಟೌ॒ ಭರೇ᳚ ಕೃ॒ತಂ ವ್ಯ॑ಚೇದಿಂದ್ರಸೇ॒ನಾ || 10.102.2
ಅ॒‌ನ್ತರ್ಯ॑ಚ್ಛ॒ ಜಿಘಾಂ᳚ಸತೋ॒ ವಜ್ರ॑ಮಿಂದ್ರಾಭಿ॒ದಾಸ॑ತಃ | ದಾಸ॑ಸ್ಯ ವಾ ಮಘವ॒ನ್ನಾರ್ಯ॑ಸ್ಯ ವಾ ಸನು॒ತರ್ಯ॑ವಯಾ ವ॒ಧ‌ಮ್ || 10.102.3
ಉ॒ದ್ನೋ ಹ್ರ॒ದಮ॑ಪಿಬ॒ಜ್ಜರ್ಹೃ॑ಷಾಣಃ॒ ಕೂಟಂ᳚ ಸ್ಮ ತೃಂ॒ಹದ॒ಭಿಮಾ᳚ತಿಮೇತಿ | ಪ್ರ ಮು॒ಷ್ಕಭಾ᳚ರಃ॒ ಶ್ರವ॑ ಇ॒ಚ್ಛಮಾ᳚ನೋಽಜಿ॒ರಂ ಬಾ॒ಹೂ ಅ॑ಭರ॒ತ್ಸಿಷಾ᳚ಸನ್ || 10.102.4
ನ್ಯ॑ಕ್ರಂದಯನ್ನುಪ॒ಯ‌ನ್ತ॑ ಏನ॒ಮಮೇ᳚ಹಯನ್ವೃಷ॒ಭಂ ಮಧ್ಯ॑ ಆ॒ಜೇಃ | ತೇನ॒ ಸೂಭ᳚ರ್ವಂ ಶ॒ತವ॑ತ್ಸ॒ಹಸ್ರಂ॒ ಗವಾಂ॒ ಮುದ್ಗ॑ಲಃ ಪ್ರ॒ಧನೇ᳚ ಜಿಗಾಯ || 10.102.5
ಕ॒ಕರ್ದ॑ವೇ ವೃಷ॒ಭೋ ಯು॒ಕ್ತ ಆ᳚ಸೀ॒ದವಾ᳚ವಚೀ॒ತ್ಸಾರ॑ಥಿರಸ್ಯ ಕೇ॒ಶೀ | ದುಧೇ᳚ರ್ಯು॒ಕ್ತಸ್ಯ॒ ದ್ರವ॑ತಃ ಸ॒ಹಾನ॑ಸ ಋ॒ಚ್ಛ‌ನ್ತಿ॑ ಷ್ಮಾ ನಿ॒ಷ್ಪದೋ᳚ ಮುದ್ಗ॒ಲಾನೀ᳚‌ಮ್ || 10.102.6
ಉ॒ತ ಪ್ರ॒ಧಿಮುದ॑ಹನ್ನಸ್ಯ ವಿ॒ದ್ವಾನುಪಾ᳚ಯುನ॒ಗ್ವಂಸ॑ಗ॒ಮತ್ರ॒ ಶಿಕ್ಷನ್॑ | ಇಂದ್ರ॒ ಉದಾ᳚ವ॒ತ್ಪತಿ॒ಮಘ್ನ್ಯಾ᳚ನಾ॒ಮರಂ᳚ಹತ॒ ಪದ್ಯಾ᳚ಭಿಃ ಕ॒ಕುದ್ಮಾನ್॑ || 10.102.7
ಶು॒ನಮ॑ಷ್ಟ್ರಾ॒ವ್ಯ॑ಚರತ್ಕಪ॒ರ್ದೀ ವ॑ರ॒ತ್ರಾಯಾಂ॒ ದಾರ್ವಾ॒ನಹ್ಯ॑ಮಾನಃ | ನೃ॒ಮ್ಣಾನಿ॑ ಕೃ॒ಣ್ವನ್ಬ॒ಹವೇ॒ ಜನಾ᳚ಯ॒ ಗಾಃ ಪ॑ಸ್ಪಶಾ॒ನಸ್ತವಿ॑ಷೀರಧತ್ತ || 10.102.8
ಇ॒ಮಂ ತಂ ಪ॑ಶ್ಯ ವೃಷ॒ಭಸ್ಯ॒ ಯುಂಜಂ॒ ಕಾಷ್ಠಾ᳚ಯಾ॒ ಮಧ್ಯೇ᳚ ದ್ರುಘ॒ಣಂ ಶಯಾ᳚ನ‌ಮ್ | ಯೇನ॑ ಜಿ॒ಗಾಯ॑ ಶ॒ತವ॑ತ್ಸ॒ಹಸ್ರಂ॒ ಗವಾಂ॒ ಮುದ್ಗ॑ಲಃ ಪೃತ॒ನಾಜ್ಯೇ᳚ಷು || 10.102.9
ಆ॒ರೇ ಅ॒ಘಾ ಕೋ ನ್ವಿ1॒॑ತ್ಥಾ ದ॑ದರ್ಶ॒ ಯಂ ಯುಂ॒ಜ‌ನ್ತಿ॒ ತಮ್ವಾ ಸ್ಥಾ᳚ಪಯ‌ನ್ತಿ | ನಾಸ್ಮೈ॒ ತೃಣಂ॒ ನೋದ॒ಕಮಾ ಭ॑ರ॒‌ನ್ತ್ಯುತ್ತ॑ರೋ ಧು॒ರೋ ವ॑ಹತಿ ಪ್ರ॒ದೇದಿ॑ಶತ್ || 10.102.10
ಪ॒ರಿ॒ವೃ॒ಕ್ತೇವ॑ ಪತಿ॒ವಿದ್ಯ॑ಮಾನ॒ಟ್ ಪೀಪ್ಯಾ᳚ನಾ॒ ಕೂಚ॑ಕ್ರೇಣೇವ ಸಿಂ॒ಚನ್ | ಏ॒ಷೈ॒ಷ್ಯಾ᳚ ಚಿದ್ರ॒ಥ್ಯಾ᳚ ಜಯೇಮ ಸುಮಂ॒ಗಲಂ॒ ಸಿನ॑ವದಸ್ತು ಸಾ॒ತ‌ಮ್ || 10.102.11
ತ್ವಂ ವಿಶ್ವ॑ಸ್ಯ॒ ಜಗ॑ತ॒ಶ್ಚಕ್ಷು॑ರಿಂದ್ರಾಸಿ॒ ಚಕ್ಷು॑ಷಃ | ವೃಷಾ॒ ಯದಾ॒ಜಿಂ ವೃಷ॑ಣಾ॒ ಸಿಷಾ᳚ಸಸಿ ಚೋ॒ದಯ॒ನ್ವಧ್ರಿ॑ಣಾ ಯು॒ಜಾ || 10.102.12

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರೋಽಪ್ರತಿರಥ ಋಷಿಃ (1-3, 5-11) ಪ್ರಥಮಾದಿತೃಚಸ್ಯ ಪಂಚಮ್ಯಾದಿಸಪ್ತರ್ಚಾಂಚಂದ್ರಃ, (4) ಚತುರ್ಥ್ಯಾ ಬೃಹಸ್ಪತಿಃ, (12) ದ್ವಾದಶ್ಯಾ ಅಪ್ವಾ ದೇವೀ, (13) ತ್ರಯೋದಶ್ಯಾಶ್ಚೇಂದ್ರೋ ಮರುತೋ ವಾ ದೇವತಾಃ (1-12) ಪ್ರಥಮಾದಿದ್ವಾದಶರ್ಚಾಂ ತ್ರಿಷ್ಟುಪ್, (13) ತ್ರಯೋದಶ್ಯಾಶ್ಚಾನುಷ್ಟಪ್ ಛಂದಸೀ

ಆ॒ಶುಃ ಶಿಶಾ᳚ನೋ ವೃಷ॒ಭೋ ನ ಭೀ॒ಮೋ ಘ॑ನಾಘ॒ನಃ ಕ್ಷೋಭ॑ಣಶ್ಚರ್ಷಣೀ॒ನಾ‌ಮ್ | ಸಂ॒ಕ್ರಂದ॑ನೋಽನಿಮಿ॒ಷ ಏ᳚ಕವೀ॒ರಃ ಶ॒ತಂ ಸೇನಾ᳚ ಅಜಯತ್ಸಾ॒ಕಮಿಂದ್ರಃ॑ || 10.103.1
ಸಂ॒ಕ್ರಂದ॑ನೇನಾನಿಮಿ॒ಷೇಣ॑ ಜಿ॒ಷ್ಣುನಾ᳚ ಯುತ್ಕಾ॒ರೇಣ॑ ದುಶ್ಚ್ಯವ॒ನೇನ॑ ಧೃ॒ಷ್ಣುನಾ᳚ | ತದಿಂದ್ರೇ᳚ಣ ಜಯತ॒ ತತ್ಸ॑ಹಧ್ವಂ॒ ಯುಧೋ᳚ ನರ॒ ಇಷು॑ಹಸ್ತೇನ॒ ವೃಷ್ಣಾ᳚ || 10.103.2
ಸ ಇಷು॑ಹಸ್ತೈಃ॒ ಸ ನಿ॑ಷಂ॒ಗಿಭಿ᳚ರ್ವ॒ಶೀ ಸಂಸ್ರ॑ಷ್ಟಾ॒ ಸ ಯುಧ॒ ಇಂದ್ರೋ᳚ ಗ॒ಣೇನ॑ | ಸಂ॒ಸೃ॒ಷ್ಟ॒ಜಿತ್ಸೋ᳚ಮ॒ಪಾ ಬಾ᳚ಹುಶ॒ರ್ಧ್ಯು1॒॑ಗ್ರಧ᳚ನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ᳚ || 10.103.3
ಬೃಹ॑ಸ್ಪತೇ॒ ಪರಿ॑ ದೀಯಾ॒ ರಥೇ᳚ನ ರಕ್ಷೋ॒ಹಾಮಿತ್ರಾಁ᳚ ಅಪ॒ಬಾಧ॑ಮಾನಃ | ಪ್ರ॒ಭಂ॒ಜ‌‌ನ್ತ್ಸೇನಾಃ᳚ ಪ್ರಮೃ॒ಣೋ ಯು॒ಧಾ ಜಯ᳚ನ್ನ॒ಸ್ಮಾಕ॑ಮೇಧ್ಯವಿ॒ತಾ ರಥಾ᳚ನಾ‌ಮ್ || 10.103.4
ಬ॒ಲ॒ವಿ॒ಜ್ಞಾ॒ಯಃ ಸ್ಥವಿ॑ರಃ॒ ಪ್ರವೀ᳚ರಃ॒ ಸಹ॑ಸ್ವಾನ್ವಾ॒ಜೀ ಸಹ॑ಮಾನ ಉ॒ಗ್ರಃ | ಅ॒ಭಿವೀ᳚ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈತ್ರ॑ಮಿಂದ್ರ॒ ರಥ॒ಮಾ ತಿ॑ಷ್ಠ ಗೋ॒ವಿತ್ || 10.103.5
ಗೋ॒ತ್ರ॒ಭಿದಂ᳚ ಗೋ॒ವಿದಂ॒ ವಜ್ರ॑ಬಾಹುಂ॒ ಜಯ᳚‌ನ್ತ॒ಮಜ್ಮ॑ ಪ್ರಮೃ॒ಣ‌ನ್ತ॒ಮೋಜ॑ಸಾ | ಇ॒ಮಂ ಸ॑ಜಾತಾ॒ ಅನು॑ ವೀರಯಧ್ವ॒ಮಿಂದ್ರಂ᳚ ಸಖಾಯೋ॒ ಅನು॒ ಸಂ ರ॑ಭಧ್ವ‌ಮ್ || 10.103.6
ಅ॒ಭಿ ಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋಽದ॒ಯೋ ವೀ॒ರಃ ಶ॒ತಮ᳚ನ್ಯು॒ರಿಂದ್ರಃ॑ | ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಳ॑ಯು॒ಧ್ಯೋ॒3॒॑ಽಸ್ಮಾಕಂ॒ ಸೇನಾ᳚ ಅವತು॒ ಪ್ರ ಯು॒ತ್ಸು || 10.103.7
ಇಂದ್ರ॑ ಆಸಾಂ ನೇ॒ತಾ ಬೃಹ॒ಸ್ಪತಿ॒ರ್ದಕ್ಷಿ॑ಣಾ ಯ॒ಜ್ಞಃ ಪು॒ರ ಏ᳚ತು॒ ಸೋಮಃ॑ | ದೇ॒ವ॒ಸೇ॒ನಾನಾ᳚ಮಭಿಭಂಜತೀ॒ನಾಂ ಜಯ᳚‌ನ್ತೀನಾಂ ಮ॒ರುತೋ᳚ ಯ॒‌ನ್ತ್ವಗ್ರ‌ಮ್᳚ || 10.103.8
ಇಂದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾಂ᳚ ಮ॒ರುತಾಂ॒ ಶರ್ಧ॑ ಉ॒ಗ್ರ‌ಮ್ | ಮ॒ಹಾಮ॑ನಸಾಂ ಭುವನಚ್ಯ॒ವಾನಾಂ॒ ಘೋಷೋ᳚ ದೇ॒ವಾನಾಂ॒ ಜಯ॑ತಾ॒ಮುದ॑ಸ್ಥಾತ್ || 10.103.9
ಉದ್ಧ॑ರ್ಷಯ ಮಘವ॒ನ್ನಾಯು॑ಧಾ॒ನ್ಯುತ್ಸತ್ವ॑ನಾಂ ಮಾಮ॒ಕಾನಾಂ॒ ಮನಾಂ᳚ಸಿ | ಉದ್ವೃ॑ತ್ರಹನ್ವಾ॒ಜಿನಾಂ॒ ವಾಜಿ॑ನಾ॒ನ್ಯುದ್ರಥಾ᳚ನಾಂ॒ ಜಯ॑ತಾಂ ಯ‌ನ್ತು॒ ಘೋಷಾಃ᳚ || 10.103.10
ಅ॒ಸ್ಮಾಕ॒ಮಿಂದ್ರಃ॒ ಸಮೃ॑ತೇಷು ಧ್ವ॒ಜೇಷ್ವ॒ಸ್ಮಾಕಂ॒ ಯಾ ಇಷ॑ವ॒ಸ್ತಾ ಜ॑ಯ‌ನ್ತು | ಅ॒ಸ್ಮಾಕಂ᳚ ವೀ॒ರಾ ಉತ್ತ॑ರೇ ಭವ‌ನ್ತ್ವ॒ಸ್ಮಾಁ ಉ॑ ದೇವಾ ಅವತಾ॒ ಹವೇ᳚ಷು || 10.103.11
ಅ॒ಮೀಷಾಂ᳚ ಚಿ॒ತ್ತಂ ಪ್ರ॑ತಿಲೋ॒ಭಯ᳚‌ನ್ತೀ ಗೃಹಾ॒ಣಾಂಗಾ᳚ನ್ಯಪ್ವೇ॒ ಪರೇ᳚ಹಿ | ಅ॒ಭಿ ಪ್ರೇಹಿ॒ ನಿರ್ದ॑ಹ ಹೃ॒ತ್ಸು ಶೋಕೈ᳚ರಂ॒ಧೇನಾ॒ಮಿತ್ರಾ॒ಸ್ತಮ॑ಸಾ ಸಚ‌ನ್ತಾ‌ಮ್ || 10.103.12
ಪ್ರೇತಾ॒ ಜಯ॑ತಾ ನರ॒ ಇಂದ್ರೋ᳚ ವಃ॒ ಶರ್ಮ॑ ಯಚ್ಛತು | ಉ॒ಗ್ರಾ ವಃ॑ ಸ‌ನ್ತು ಬಾ॒ಹವೋ᳚ಽನಾಧೃ॒ಷ್ಯಾ ಯಥಾಸ॑ಥ || 10.103.13

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋಽಷ್ಟಕ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಅಸಾ᳚ವಿ॒ ಸೋಮಃ॑ ಪುರುಹೂತ॒ ತುಭ್ಯಂ॒ ಹರಿ॑ಭ್ಯಾಂ ಯ॒ಜ್ಞಮುಪ॑ ಯಾಹಿ॒ ತೂಯ‌ಮ್᳚ | ತುಭ್ಯಂ॒ ಗಿರೋ॒ ವಿಪ್ರ॑ವೀರಾ ಇಯಾ॒ನಾ ದ॑ಧನ್ವಿ॒ರ ಇಂ᳚ದ್ರ॒ ಪಿಬಾ᳚ ಸು॒ತಸ್ಯ॑ || 10.104.1
ಅ॒ಪ್ಸು ಧೂ॒ತಸ್ಯ॑ ಹರಿವಃ॒ ಪಿಬೇ॒ಹ ನೃಭಿಃ॑ ಸು॒ತಸ್ಯ॑ ಜ॒ಠರಂ᳚ ಪೃಣಸ್ವ | ಮಿ॒ಮಿ॒ಕ್ಷುರ್ಯಮದ್ರ॑ಯ ಇಂದ್ರ॒ ತುಭ್ಯಂ॒ ತೇಭಿ᳚ರ್ವರ್ಧಸ್ವ॒ ಮದ॑ಮುಕ್ಥವಾಹಃ || 10.104.2
ಪ್ರೋಗ್ರಾಂ ಪೀ॒ತಿಂ ವೃಷ್ಣ॑ ಇಯರ್ಮಿ ಸ॒ತ್ಯಾಂ ಪ್ರ॒ಯೈ ಸು॒ತಸ್ಯ॑ ಹರ್ಯಶ್ವ॒ ತುಭ್ಯ‌ಮ್᳚ | ಇಂದ್ರ॒ ಧೇನಾ᳚ಭಿರಿ॒ಹ ಮಾ᳚ದಯಸ್ವ ಧೀ॒ಭಿರ್ವಿಶ್ವಾ᳚ಭಿಃ॒ ಶಚ್ಯಾ᳚ ಗೃಣಾ॒ನಃ || 10.104.3
ಊ॒ತೀ ಶ॑ಚೀವ॒ಸ್ತವ॑ ವೀ॒ರ್ಯೇ᳚ಣ॒ ವಯೋ॒ ದಧಾ᳚ನಾ ಉ॒ಶಿಜ॑ ಋತ॒ಜ್ಞಾಃ | ಪ್ರ॒ಜಾವ॑ದಿಂದ್ರ॒ ಮನು॑ಷೋ ದುರೋ॒ಣೇ ತ॒ಸ್ಥುರ್ಗೃ॒ಣ‌ನ್ತಃ॑ ಸಧ॒ಮಾದ್ಯಾ᳚ಸಃ || 10.104.4
ಪ್ರಣೀ᳚ತಿಭಿಷ್ಟೇ ಹರ್ಯಶ್ವ ಸು॒ಷ್ಟೋಃ ಸು॑ಷು॒ಮ್ನಸ್ಯ॑ ಪುರು॒ರುಚೋ॒ ಜನಾ᳚ಸಃ | ಮಂಹಿ॑ಷ್ಠಾಮೂ॒ತಿಂ ವಿ॒ತಿರೇ॒ ದಧಾ᳚ನಾಃ ಸ್ತೋ॒ತಾರ॑ ಇಂದ್ರ॒ ತವ॑ ಸೂ॒ನೃತಾ᳚ಭಿಃ || 10.104.5
ಉಪ॒ ಬ್ರಹ್ಮಾ᳚ಣಿ ಹರಿವೋ॒ ಹರಿ॑ಭ್ಯಾಂ॒ ಸೋಮ॑ಸ್ಯ ಯಾಹಿ ಪೀ॒ತಯೇ᳚ ಸು॒ತಸ್ಯ॑ | ಇಂದ್ರ॑ ತ್ವಾ ಯ॒ಜ್ಞಃ ಕ್ಷಮ॑ಮಾಣಮಾನಡ್ದಾ॒ಶ್ವಾಁ ಅ॑ಸ್ಯಧ್ವ॒ರಸ್ಯ॑ ಪ್ರಕೇ॒ತಃ || 10.104.6
ಸ॒ಹಸ್ರ॑ವಾಜಮಭಿಮಾತಿ॒ಷಾಹಂ᳚ ಸು॒ತೇರ॑ಣಂ ಮ॒ಘವಾ᳚ನಂ ಸುವೃ॒ಕ್ತಿ‌ಮ್ | ಉಪ॑ ಭೂಷ‌ನ್ತಿ॒ ಗಿರೋ॒ ಅಪ್ರ॑ತೀತ॒ಮಿಂದ್ರಂ᳚ ನಮ॒ಸ್ಯಾ ಜ॑ರಿ॒ತುಃ ಪ॑ನ‌ನ್ತ || 10.104.7
ಸ॒ಪ್ತಾಪೋ᳚ ದೇ॒ವೀಃ ಸು॒ರಣಾ॒ ಅಮೃ॑ಕ್ತಾ॒ ಯಾಭಿಃ॒ ಸಿಂಧು॒ಮತ॑ರ ಇಂದ್ರ ಪೂ॒ರ್ಭಿತ್ | ನ॒ವ॒ತಿಂ ಸ್ರೋ॒ತ್ಯಾ ನವ॑ ಚ॒ ಸ್ರವ᳚‌ನ್ತೀರ್ದೇ॒ವೇಭ್ಯೋ᳚ ಗಾ॒ತುಂ ಮನು॑ಷೇ ಚ ವಿಂದಃ || 10.104.8
ಅ॒ಪೋ ಮ॒ಹೀರ॒ಭಿಶ॑ಸ್ತೇರಮುಂ॒ಚೋಽಜಾ᳚ಗರಾ॒ಸ್ವಧಿ॑ ದೇ॒ವ ಏಕಃ॑ | ಇಂದ್ರ॒ ಯಾಸ್ತ್ವಂ ವೃ॑ತ್ರ॒ತೂರ್ಯೇ᳚ ಚ॒ಕರ್ಥ॒ ತಾಭಿ᳚ರ್ವಿ॒ಶ್ವಾಯು॑ಸ್ತ॒ನ್ವಂ᳚ ಪುಪುಷ್ಯಾಃ || 10.104.9
ವೀ॒ರೇಣ್ಯಃ॒ ಕ್ರತು॒ರಿಂದ್ರಃ॑ ಸುಶ॒ಸ್ತಿರು॒ತಾಪಿ॒ ಧೇನಾ᳚ ಪುರುಹೂ॒ತಮೀ᳚ಟ್ಟೇ | ಆರ್ದ॑ಯದ್ವೃ॒ತ್ರಮಕೃ॑ಣೋದು ಲೋ॒ಕಂ ಸ॑ಸಾ॒ಹೇ ಶ॒ಕ್ರಃ ಪೃತ॑ನಾ ಅಭಿ॒ಷ್ಟಿಃ || 10.104.10
ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವ‌ನ್ತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನ‌ನ್ತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾ‌ಮ್ || 10.104.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕೌತ್ಸೋ ದುರ್ಮಿತ್ರಃ ಸುಮಿತ್ರೋ ಗಣತಃ, ವಿಪರ್ಯಸ್ತನಾಮಾ ವಾ ಋಷಿಃ, ಇಂದ್ರೋ ದೇವತಾ, (1) ಪ್ರಥಮ] ಗಾಯತ್ರ್ಯಷ್ಣಿಗ್ವಾ, (2, 7) ದ್ವಿತೀಯಾಸಪ್ತಮ್ಯೋಃ ಪಿಪೀಲಿಕಮಧ್ಯಾ, (3-6, 8-10) ತೃತೀಯಾದಿಚತಸೃಣಾಮಷ್ಟಮ್ಯಾದಿತೃಚಸ್ಯ ಚೋಷ್ಣಿಕ್, (11) ಏಕಾದಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ

ಕ॒ದಾ ವ॑ಸೋ ಸ್ತೋ॒ತ್ರಂ ಹರ್ಯ॑ತ॒ ಆವ॑ ಶ್ಮ॒ಶಾ ರು॑ಧ॒ದ್ವಾಃ | ದೀ॒ರ್ಘಂ ಸು॒ತಂ ವಾ॒ತಾಪ್ಯಾ᳚ಯ || 10.105.1
ಹರೀ॒ ಯಸ್ಯ॑ ಸು॒ಯುಜಾ॒ ವಿವ್ರ॑ತಾ॒ ವೇರರ್ವ॒‌ನ್ತಾನು॒ ಶೇಪಾ᳚ | ಉ॒ಭಾ ರ॒ಜೀ ನ ಕೇ॒ಶಿನಾ॒ ಪತಿ॒ರ್ದನ್ || 10.105.2
ಅಪ॒ ಯೋರಿಂದ್ರಃ॒ ಪಾಪ॑ಜ॒ ಆ ಮರ್ತೋ॒ ನ ಶ॑ಶ್ರಮಾ॒ಣೋ ಬಿ॑ಭೀ॒ವಾನ್ | ಶು॒ಭೇ ಯದ್ಯು॑ಯು॒ಜೇ ತವಿ॑ಷೀವಾನ್ || 10.105.3
ಸಚಾ॒ಯೋರಿಂದ್ರ॒ಶ್ಚರ್ಕೃ॑ಷ॒ ಆಁ ಉ॑ಪಾನ॒ಸಃ ಸ॑ಪ॒ರ್ಯನ್ | ನ॒ದಯೋ॒ರ್ವಿವ್ರ॑ತಯೋಃ॒ ಶೂರ॒ ಇಂದ್ರಃ॑ || 10.105.4
ಅಧಿ॒ ಯಸ್ತ॒ಸ್ಥೌ ಕೇಶ॑ವ‌ನ್ತಾ॒ ವ್ಯಚ॑ಸ್ವ‌ನ್ತಾ॒ ನ ಪು॒ಷ್ಟ್ಯೈ | ವ॒ನೋತಿ॒ ಶಿಪ್ರಾ᳚ಭ್ಯಾಂ ಶಿ॒ಪ್ರಿಣೀ᳚ವಾನ್ || 10.105.5
ಪ್ರಾಸ್ತೌ᳚ದೃ॒ಷ್ವೌಜಾ᳚ ಋ॒ಷ್ವೇಭಿ॑ಸ್ತ॒ತಕ್ಷ॒ ಶೂರಃ॒ ಶವ॑ಸಾ | ಋ॒ಭುರ್ನ ಕ್ರತು॑ಭಿರ್ಮಾತ॒ರಿಶ್ವಾ᳚ || 10.105.6
ವಜ್ರಂ॒ ಯಶ್ಚ॒ಕ್ರೇ ಸು॒ಹನಾ᳚ಯ॒ ದಸ್ಯ॑ವೇ ಹಿರೀಮ॒ಶೋ ಹಿರೀ᳚ಮಾನ್ | ಅರು॑ತಹನು॒ರದ್ಭು॑ತಂ॒ ನ ರಜಃ॑ || 10.105.7
ಅವ॑ ನೋ ವೃಜಿ॒ನಾ ಶಿ॑ಶೀಹ್ಯೃ॒ಚಾ ವ॑ನೇಮಾ॒ನೃಚಃ॑ | ನಾಬ್ರ᳚ಹ್ಮಾ ಯ॒ಜ್ಞ ಋಧ॒ಗ್ಜೋಷ॑ತಿ॒ ತ್ವೇ || 10.105.8
ಊ॒ರ್ಧ್ವಾ ಯತ್ತೇ᳚ ತ್ರೇ॒ತಿನೀ॒ ಭೂದ್ಯ॒ಜ್ಞಸ್ಯ॑ ಧೂ॒ರ್ಷು ಸದ್ಮನ್॑ | ಸ॒ಜೂರ್ನಾವಂ॒ ಸ್ವಯ॑ಶಸಂ॒ ಸಚಾ॒ಯೋಃ || 10.105.9
ಶ್ರಿ॒ಯೇ ತೇ॒ ಪೃಶ್ನಿ॑ರುಪ॒ಸೇಚ॑ನೀ ಭೂಚ್ಛ್ರಿ॒ಯೇ ದರ್ವಿ॑ರರೇ॒ಪಾಃ | ಯಯಾ॒ ಸ್ವೇ ಪಾತ್ರೇ᳚ ಸಿಂ॒ಚಸ॒ ಉತ್ || 10.105.10
ಶ॒ತಂ ವಾ॒ ಯದ॑ಸುರ್ಯ॒ ಪ್ರತಿ॑ ತ್ವಾ ಸುಮಿ॒ತ್ರ ಇ॒ತ್ಥಾಸ್ತೌ᳚ದ್ದುರ್ಮಿ॒ತ್ರ ಇ॒ತ್ಥಾಸ್ತೌ᳚ತ್ | ಆವೋ॒ ಯದ್ದ॑ಸ್ಯು॒ಹತ್ಯೇ᳚ ಕುತ್ಸಪು॒ತ್ರಂ ಪ್ರಾವೋ॒ ಯದ್ದ॑ಸ್ಯು॒ಹತ್ಯೇ᳚ ಕುತ್ಸವ॒ತ್ಸ‌ಮ್ || 10.105.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋ ಭೂತಾಂಶ ಋಷಿಃ, ಅಶ್ವಿನೌ ದೇವತೇ, ತ್ರಿಷ್ಟುಪ್ ಛಂದಃ

ಉ॒ಭಾ ಉ॑ ನೂ॒ನಂ ತದಿದ॑ರ್ಥಯೇಥೇ॒ ವಿ ತ᳚ನ್ವಾಥೇ॒ ಧಿಯೋ॒ ವಸ್ತ್ರಾ॒ಪಸೇ᳚ವ | ಸ॒ಧ್ರೀ॒ಚೀ॒ನಾ ಯಾತ॑ವೇ॒ ಪ್ರೇಮ॑ಜೀಗಃ ಸು॒ದಿನೇ᳚ವ॒ ಪೃಕ್ಷ॒ ಆ ತಂ᳚ಸಯೇಥೇ || 10.106.1
ಉ॒ಷ್ಟಾರೇ᳚ವ॒ ಫರ್ವ॑ರೇಷು ಶ್ರಯೇಥೇ ಪ್ರಾಯೋ॒ಗೇವ॒ ಶ್ವಾತ್ರ್ಯಾ॒ ಶಾಸು॒ರೇಥಃ॑ | ದೂ॒ತೇವ॒ ಹಿ ಷ್ಠೋ ಯ॒ಶಸಾ॒ ಜನೇ᳚ಷು॒ ಮಾಪ॑ ಸ್ಥಾತಂ ಮಹಿ॒ಷೇವಾ᳚ವ॒ಪಾನಾ᳚ತ್ || 10.106.2
ಸಾ॒ಕಂ॒ಯುಜಾ᳚ ಶಕು॒ನಸ್ಯೇ᳚ವ ಪ॒ಕ್ಷಾ ಪ॒ಶ್ವೇವ॑ ಚಿ॒ತ್ರಾ ಯಜು॒ರಾ ಗ॑ಮಿಷ್ಟ‌ಮ್ | ಅ॒ಗ್ನಿರಿ॑ವ ದೇವ॒ಯೋರ್ದೀ᳚ದಿ॒ವಾಂಸಾ॒ ಪರಿ॑ಜ್ಮಾನೇವ ಯಜಥಃ ಪುರು॒ತ್ರಾ || 10.106.3
ಆ॒ಪೀ ವೋ᳚ ಅ॒ಸ್ಮೇ ಪಿ॒ತರೇ᳚ವ ಪು॒ತ್ರೋಗ್ರೇವ॑ ರು॒ಚಾ ನೃ॒ಪತೀ᳚ವ ತು॒ರ್ಯೈ | ಇರ್ಯೇ᳚ವ ಪು॒ಷ್ಟ್ಯೈ ಕಿ॒ರಣೇ᳚ವ ಭು॒ಜ್ಯೈ ಶ್ರು॑ಷ್ಟೀ॒ವಾನೇ᳚ವ॒ ಹವ॒ಮಾ ಗ॑ಮಿಷ್ಟ‌ಮ್ || 10.106.4
ವಂಸ॑ಗೇವ ಪೂಷ॒ರ್ಯಾ᳚ ಶಿಂ॒ಬಾತಾ᳚ ಮಿ॒ತ್ರೇವ॑ ಋ॒ತಾ ಶ॒ತರಾ॒ ಶಾತ॑ಪ‌ನ್ತಾ | ವಾಜೇ᳚ವೋ॒ಚ್ಚಾ ವಯ॑ಸಾ ಘರ್ಮ್ಯೇ॒ಷ್ಠಾ ಮೇಷೇ᳚ವೇ॒ಷಾ ಸ॑ಪ॒ರ್ಯಾ॒3॒॑ ಪುರೀ᳚ಷಾ || 10.106.5
ಸೃ॒ಣ್ಯೇ᳚ವ ಜ॒ರ್ಭರೀ᳚ ತು॒ರ್ಫರೀ᳚ತೂ ನೈತೋ॒ಶೇವ॑ ತು॒ರ್ಫರೀ᳚ ಪರ್ಫ॒ರೀಕಾ᳚ | ಉ॒ದ॒ನ್ಯ॒ಜೇವ॒ ಜೇಮ॑ನಾ ಮದೇ॒ರೂ ತಾ ಮೇ᳚ ಜ॒ರಾಯ್ವ॒ಜರಂ᳚ ಮ॒ರಾಯು॑ || 10.106.6
ಪ॒ಜ್ರೇವ॒ ಚರ್ಚ॑ರಂ॒ ಜಾರಂ᳚ ಮ॒ರಾಯು॒ ಕ್ಷದ್ಮೇ॒ವಾರ್ಥೇ᳚ಷು ತರ್ತರೀಥ ಉಗ್ರಾ | ಋ॒ಭೂ ನಾಪ॑ತ್ಖರಮ॒ಜ್ರಾ ಖ॒ರಜ್ರು᳚ರ್ವಾ॒ಯುರ್ನ ಪ॑ರ್ಫರತ್ಕ್ಷಯದ್ರಯೀ॒ಣಾ‌ಮ್ || 10.106.7
ಘ॒ರ್ಮೇವ॒ ಮಧು॑ ಜ॒ಠರೇ᳚ ಸ॒ನೇರೂ॒ ಭಗೇ᳚ವಿತಾ ತು॒ರ್ಫರೀ॒ ಫಾರಿ॒ವಾರ‌ಮ್᳚ | ಪ॒ತ॒ರೇವ॑ ಚಚ॒ರಾ ಚಂ॒ದ್ರನಿ᳚ರ್ಣಿ॒ಙ್ಮನ॑ಋಂಗಾ ಮನ॒ನ್ಯಾ॒3॒॑ ನ ಜಗ್ಮೀ᳚ || 10.106.8
ಬೃ॒ಹ‌ನ್ತೇ᳚ವ ಗಂ॒ಭರೇ᳚ಷು ಪ್ರತಿ॒ಷ್ಠಾಂ ಪಾದೇ᳚ವ ಗಾ॒ಧಂ ತರ॑ತೇ ವಿದಾಥಃ | ಕರ್ಣೇ᳚ವ॒ ಶಾಸು॒ರನು॒ ಹಿ ಸ್ಮರಾ॒ಥೋಂಽಶೇ᳚ವ ನೋ ಭಜತಂ ಚಿ॒ತ್ರಮಪ್ನಃ॑ || 10.106.9
ಆ॒ರಂ॒ಗ॒ರೇವ॒ ಮಧ್ವೇರ॑ಯೇಥೇ ಸಾರ॒ಘೇವ॒ ಗವಿ॑ ನೀ॒ಚೀನ॑ಬಾರೇ | ಕೀ॒ನಾರೇ᳚ವ॒ ಸ್ವೇದ॑ಮಾಸಿಷ್ವಿದಾ॒ನಾ ಕ್ಷಾಮೇ᳚ವೋ॒ರ್ಜಾ ಸೂ᳚ಯವ॒ಸಾತ್ಸ॑ಚೇಥೇ || 10.106.10
ಋ॒ಧ್ಯಾಮ॒ ಸ್ತೋಮಂ᳚ ಸನು॒ಯಾಮ॒ ವಾಜ॒ಮಾ ನೋ॒ ಮ‌ನ್ತ್ರಂ᳚ ಸ॒ರಥೇ॒ಹೋಪ॑ ಯಾತ‌ಮ್ | ಯಶೋ॒ ನ ಪ॒ಕ್ವಂ ಮಧು॒ ಗೋಷ್ವ॒‌ನ್ತರಾ ಭೂ॒ತಾಂಶೋ᳚ ಅ॒ಶ್ವಿನೋಃ॒ ಕಾಮ॑ಮಪ್ರಾಃ || 10.106.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ದಿವ್ಯ ಋಷಿಃ, ಪ್ರಾಜಾಪತ್ಯಾ ದಕ್ಷಿಣಾ ವಾ ಋಷಿಕಾ, ದಕ್ಷಿಣಾ ದಕ್ಷಿಣಾದಾತಾರೋ ವಾ ದೇವತಾಃ (1-3, 5-11) ಪ್ರಥಮಾದಿತೃಚಸ್ಯ ಪಂಚಮ್ಯಾದಿಸಪ್ತರ್ಚಾಂಚ ತ್ರಿಷ್ಟುಪ್, (4) ಚತುರ್ಥ್ಯಾಶ್ಚ ಜಗತೀ ಛಂದಸೀ

ಆ॒ವಿರ॑ಭೂ॒ನ್ಮಹಿ॒ ಮಾಘೋ᳚ನಮೇಷಾಂ॒ ವಿಶ್ವಂ᳚ ಜೀ॒ವಂ ತಮ॑ಸೋ॒ ನಿರ॑ಮೋಚಿ | ಮಹಿ॒ ಜ್ಯೋತಿಃ॑ ಪಿ॒ತೃಭಿ॑ರ್ದ॒ತ್ತಮಾಗಾ᳚ದು॒ರುಃ ಪ‌ನ್ಥಾ॒ ದಕ್ಷಿ॑ಣಾಯಾ ಅದರ್ಶಿ || 10.107.1
ಉ॒ಚ್ಚಾ ದಿ॒ವಿ ದಕ್ಷಿ॑ಣಾವ‌ನ್ತೋ ಅಸ್ಥು॒ರ್ಯೇ ಅ॑ಶ್ವ॒ದಾಃ ಸ॒ಹ ತೇ ಸೂರ್ಯೇ᳚ಣ | ಹಿ॒ರ॒ಣ್ಯ॒ದಾ ಅ॑ಮೃತ॒ತ್ವಂ ಭ॑ಜ‌ನ್ತೇ ವಾಸೋ॒ದಾಃ ಸೋ᳚ಮ॒ ಪ್ರ ತಿ॑ರ‌ನ್ತ॒ ಆಯುಃ॑ || 10.107.2
ದೈವೀ᳚ ಪೂ॒ರ್ತಿರ್ದಕ್ಷಿ॑ಣಾ ದೇವಯ॒ಜ್ಯಾ ನ ಕ॑ವಾ॒ರಿಭ್ಯೋ᳚ ನ॒ಹಿ ತೇ ಪೃ॒ಣ‌ನ್ತಿ॑ | ಅಥಾ॒ ನರಃ॒ ಪ್ರಯ॑ತದಕ್ಷಿಣಾಸೋಽವದ್ಯಭಿ॒ಯಾ ಬ॒ಹವಃ॑ ಪೃಣ‌ನ್ತಿ || 10.107.3
ಶ॒ತಧಾ᳚ರಂ ವಾ॒ಯುಮ॒ರ್ಕಂ ಸ್ವ॒ರ್ವಿದಂ᳚ ನೃ॒ಚಕ್ಷ॑ಸ॒ಸ್ತೇ ಅ॒ಭಿ ಚ॑ಕ್ಷತೇ ಹ॒ವಿಃ | ಯೇ ಪೃ॒ಣ‌ನ್ತಿ॒ ಪ್ರ ಚ॒ ಯಚ್ಛ᳚‌ನ್ತಿ ಸಂಗ॒ಮೇ ತೇ ದಕ್ಷಿ॑ಣಾಂ ದುಹತೇ ಸ॒ಪ್ತಮಾ᳚ತರ‌ಮ್ || 10.107.4
ದಕ್ಷಿ॑ಣಾವಾನ್ಪ್ರಥ॒ಮೋ ಹೂ॒ತ ಏ᳚ತಿ॒ ದಕ್ಷಿ॑ಣಾವಾನ್ಗ್ರಾಮ॒ಣೀರಗ್ರ॑ಮೇತಿ | ತಮೇ॒ವ ಮ᳚ನ್ಯೇ ನೃ॒ಪತಿಂ॒ ಜನಾ᳚ನಾಂ॒ ಯಃ ಪ್ರ॑ಥ॒ಮೋ ದಕ್ಷಿ॑ಣಾಮಾವಿ॒ವಾಯ॑ || 10.107.5
ತಮೇ॒ವ ಋಷಿಂ॒ ತಮು॑ ಬ್ರ॒ಹ್ಮಾಣ॑ಮಾಹುರ್ಯಜ್ಞ॒ನ್ಯಂ᳚ ಸಾಮ॒ಗಾಮು॑ಕ್ಥ॒ಶಾಸ‌ಮ್᳚ | ಸ ಶು॒ಕ್ರಸ್ಯ॑ ತ॒ನ್ವೋ᳚ ವೇದ ತಿ॒ಸ್ರೋ ಯಃ ಪ್ರ॑ಥ॒ಮೋ ದಕ್ಷಿ॑ಣಯಾ ರ॒ರಾಧ॑ || 10.107.6
ದಕ್ಷಿ॒ಣಾಶ್ವಂ॒ ದಕ್ಷಿ॑ಣಾ॒ ಗಾಂ ದ॑ದಾತಿ॒ ದಕ್ಷಿ॑ಣಾ ಚಂ॒ದ್ರಮು॒ತ ಯದ್ಧಿರ᳚ಣ್ಯ‌ಮ್ | ದಕ್ಷಿ॒ಣಾನ್ನಂ᳚ ವನುತೇ॒ ಯೋ ನ॑ ಆ॒ತ್ಮಾ ದಕ್ಷಿ॑ಣಾಂ॒ ವರ್ಮ॑ ಕೃಣುತೇ ವಿಜಾ॒ನನ್ || 10.107.7
ನ ಭೋ॒ಜಾ ಮ᳚ಮ್ರು॒ರ್ನ ನ್ಯ॒ರ್ಥಮೀ᳚ಯು॒ರ್ನ ರಿ॑ಷ್ಯ‌ನ್ತಿ॒ ನ ವ್ಯ॑ಥ‌ನ್ತೇ ಹ ಭೋ॒ಜಾಃ | ಇ॒ದಂ ಯದ್ವಿಶ್ವಂ॒ ಭುವ॑ನಂ॒ ಸ್ವ॑ಶ್ಚೈ॒ತತ್ಸರ್ವಂ॒ ದಕ್ಷಿ॑ಣೈಭ್ಯೋ ದದಾತಿ || 10.107.8
ಭೋ॒ಜಾ ಜಿ॑ಗ್ಯುಃ ಸುರ॒ಭಿಂ ಯೋನಿ॒ಮಗ್ರೇ᳚ ಭೋ॒ಜಾ ಜಿ॑ಗ್ಯುರ್ವ॒ಧ್ವ1॒॑ ಅಂಯಾ ಸು॒ವಾಸಾಃ᳚ | ಭೋ॒ಜಾ ಜಿ॑ಗ್ಯುರ‌ನ್ತಃ॒ಪೇಯಂ॒ ಸುರಾ᳚ಯಾ ಭೋ॒ಜಾ ಜಿ॑ಗ್ಯು॒ರ್ಯೇ ಅಹೂ᳚ತಾಃ ಪ್ರ॒ಯ‌ನ್ತಿ॑ || 10.107.9
ಭೋ॒ಜಾಯಾಶ್ವಂ॒ ಸಂ ಮೃ॑ಜ‌ನ್ತ್ಯಾ॒ಶುಂ ಭೋ॒ಜಾಯಾ᳚ಸ್ತೇ ಕ॒ನ್ಯಾ॒3॒॑ ಶುಂಭ॑ಮಾನಾ | ಭೋ॒ಜಸ್ಯೇ॒ದಂ ಪು॑ಷ್ಕ॒ರಿಣೀ᳚ವ॒ ವೇಶ್ಮ॒ ಪರಿ॑ಷ್ಕೃತಂ ದೇವಮಾ॒ನೇವ॑ ಚಿ॒ತ್ರ‌ಮ್ || 10.107.10
ಭೋ॒ಜಮಶ್ವಾಃ᳚ ಸುಷ್ಠು॒ವಾಹೋ᳚ ವಹ‌ನ್ತಿ ಸು॒ವೃದ್ರಥೋ᳚ ವರ್ತತೇ॒ ದಕ್ಷಿ॑ಣಾಯಾಃ | ಭೋ॒ಜಂ ದೇ᳚ವಾಸೋಽವತಾ॒ ಭರೇ᳚ಷು ಭೋ॒ಜಃ ಶತ್ರೂ᳚‌‌ನ್ತ್ಸಮನೀ॒ಕೇಷು॒ ಜೇತಾ᳚ || 10.107.11

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ (1, 3, 5, 7, 9) ಪ್ರಥಮಾತೃತೀಯಾಪಂಚಮೀಸಪ್ತಮೀನವಮೀನಾಮೃಚಾಂ ಪಣಯೋಽಸುರಾ ಋಷಯಃ, (2, 4, 6, 8, 1011) ದ್ವಿತೀಯಾಚತುರ್ಥೀಷಷ್ಠ್ಯಷ್ಟಮೀದಶಮ್ಯೇಕಾದಶೀನಾಂಚ ಸರಮಾ ಋಷಿಕಾ (1, 3, 5, 7, 9) ಪ್ರಥಮಾತೃತೀಯಾಪಂಚಮೀಸಪ್ತಮೀನವಮೀನಾಮೃಚಾಂ ಸರಮಾ, (2, 4, 6, 8, 10-11) ದ್ವಿತೀಯಾಚತುರ್ಥೀಷಷ್ಠ್ಯಷ್ಟಮೀದಶಮ್ಯೇಕಾದಶೀನಾಂಚ ಪಣಯೋ ದೇವತಾಃ, ತ್ರಿಷ್ಟುಪ್ ಛಂದಃ

ಕಿಮಿ॒ಚ್ಛ‌ನ್ತೀ᳚ ಸ॒ರಮಾ॒ ಪ್ರೇದಮಾ᳚ನಡ್ದೂ॒ರೇ ಹ್ಯಧ್ವಾ॒ ಜಗು॑ರಿಃ ಪರಾ॒ಚೈಃ | ಕಾಸ್ಮೇಹಿ॑ತಿಃ॒ ಕಾ ಪರಿ॑ತಕ್ಮ್ಯಾಸೀತ್ಕ॒ಥಂ ರ॒ಸಾಯಾ᳚ ಅತರಃ॒ ಪಯಾಂ᳚ಸಿ || 10.108.1
ಇಂದ್ರ॑ಸ್ಯ ದೂ॒ತೀರಿ॑ಷಿ॒ತಾ ಚ॑ರಾಮಿ ಮ॒ಹ ಇ॒ಚ್ಛ‌ನ್ತೀ᳚ ಪಣಯೋ ನಿ॒ಧೀನ್ವಃ॑ | ಅ॒ತಿ॒ಷ್ಕದೋ᳚ ಭಿ॒ಯಸಾ॒ ತನ್ನ॑ ಆವ॒ತ್ತಥಾ᳚ ರ॒ಸಾಯಾ᳚ ಅತರಂ॒ ಪಯಾಂ᳚ಸಿ || 10.108.2
ಕೀ॒ದೃಙ್ಙಿಂದ್ರಃ॑ ಸರಮೇ॒ ಕಾ ದೃ॑ಶೀ॒ಕಾ ಯಸ್ಯೇ॒ದಂ ದೂ॒ತೀರಸ॑ರಃ ಪರಾ॒ಕಾತ್ | ಆ ಚ॒ ಗಚ್ಛಾ᳚ನ್ಮಿ॒ತ್ರಮೇ᳚ನಾ ದಧಾ॒ಮಾಥಾ॒ ಗವಾಂ॒ ಗೋಪ॑ತಿರ್ನೋ ಭವಾತಿ || 10.108.3
ನಾಹಂ ತಂ ವೇ᳚ದ॒ ದಭ್ಯಂ॒ ದಭ॒ತ್ಸ ಯಸ್ಯೇ॒ದಂ ದೂ॒ತೀರಸ॑ರಂ ಪರಾ॒ಕಾತ್ | ನ ತಂ ಗೂ᳚ಹ‌ನ್ತಿ ಸ್ರ॒ವತೋ᳚ ಗಭೀ॒ರಾ ಹ॒ತಾ ಇಂದ್ರೇ᳚ಣ ಪಣಯಃ ಶಯಧ್ವೇ || 10.108.4
ಇ॒ಮಾ ಗಾವಃ॑ ಸರಮೇ॒ ಯಾ ಐಚ್ಛಃ॒ ಪರಿ॑ ದಿ॒ವೋ ಅ‌ನ್ತಾ᳚‌‌ನ್ತ್ಸುಭಗೇ॒ ಪತ᳚‌ನ್ತೀ | ಕಸ್ತ॑ ಏನಾ॒ ಅವ॑ ಸೃಜಾ॒ದಯು॑ಧ್ವ್ಯು॒ತಾಸ್ಮಾಕ॒ಮಾಯು॑ಧಾ ಸ‌ನ್ತಿ ತಿ॒ಗ್ಮಾ || 10.108.5
ಅ॒ಸೇ॒ನ್ಯಾ ವಃ॑ ಪಣಯೋ॒ ವಚಾಂ᳚ಸ್ಯನಿಷ॒ವ್ಯಾಸ್ತ॒ನ್ವಃ॑ ಸ‌ನ್ತು ಪಾ॒ಪೀಃ | ಅಧೃ॑ಷ್ಟೋ ವ॒ ಏತ॒ವಾ ಅ॑ಸ್ತು॒ ಪ‌ನ್ಥಾ॒ ಬೃಹ॒ಸ್ಪತಿ᳚ರ್ವ ಉಭ॒ಯಾ ನ ಮೃ॑ಳಾತ್ || 10.108.6
ಅ॒ಯಂ ನಿ॒ಧಿಃ ಸ॑ರಮೇ॒ ಅದ್ರಿ॑ಬುಧ್ನೋ॒ ಗೋಭಿ॒ರಶ್ವೇ᳚ಭಿ॒ರ್ವಸು॑ಭಿ॒ರ್ನ್ಯೃ॑ಷ್ಟಃ | ರಕ್ಷ᳚‌ನ್ತಿ॒ ತಂ ಪ॒ಣಯೋ॒ ಯೇ ಸು॑ಗೋ॒ಪಾ ರೇಕು॑ ಪ॒ದಮಲ॑ಕ॒ಮಾ ಜ॑ಗ‌ನ್ಥ || 10.108.7
ಏಹ ಗ॑ಮ॒ನ್ನೃಷ॑ಯಃ॒ ಸೋಮ॑ಶಿತಾ ಅ॒ಯಾಸ್ಯೋ॒ ಅಂಗಿ॑ರಸೋ॒ ನವ॑ಗ್ವಾಃ | ತ ಏ॒ತಮೂ॒ರ್ವಂ ವಿ ಭ॑ಜ‌ನ್ತ॒ ಗೋನಾ॒ಮಥೈ॒ತದ್ವಚಃ॑ ಪ॒ಣಯೋ॒ ವಮ॒ನ್ನಿತ್ || 10.108.8
ಏ॒ವಾ ಚ॒ ತ್ವಂ ಸ॑ರಮ ಆಜ॒ಗ‌ನ್ಥ॒ ಪ್ರಬಾ᳚ಧಿತಾ॒ ಸಹ॑ಸಾ॒ ದೈವ್ಯೇ᳚ನ | ಸ್ವಸಾ᳚ರಂ ತ್ವಾ ಕೃಣವೈ॒ ಮಾ ಪುನ॑ರ್ಗಾ॒ ಅಪ॑ ತೇ॒ ಗವಾಂ᳚ ಸುಭಗೇ ಭಜಾಮ || 10.108.9
ನಾಹಂ ವೇ᳚ದ ಭ್ರಾತೃ॒ತ್ವಂ ನೋ ಸ್ವ॑ಸೃ॒ತ್ವಮಿಂದ್ರೋ᳚ ವಿದು॒ರಂಗಿ॑ರಸಶ್ಚ ಘೋ॒ರಾಃ | ಗೋಕಾ᳚ಮಾ ಮೇ ಅಚ್ಛದಯ॒ನ್ಯದಾಯ॒ಮಪಾತ॑ ಇತ ಪಣಯೋ॒ ವರೀ᳚ಯಃ || 10.108.10
ದೂ॒ರಮಿ॑ತ ಪಣಯೋ॒ ವರೀ᳚ಯ॒ ಉದ್ಗಾವೋ᳚ ಯ‌ನ್ತು ಮಿನ॒ತೀರ್‌ಋ॒ತೇನ॑ | ಬೃಹ॒ಸ್ಪತಿ॒ರ್ಯಾ ಅವಿಂ᳚ದ॒ನ್ನಿಗೂ᳚ಳ್ಹಾಃ॒ ಸೋಮೋ॒ ಗ್ರಾವಾ᳚ಣ॒ ಋಷ॑ಯಶ್ಚ॒ ವಿಪ್ರಾಃ᳚ || 10.108.11

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಜಹೂರ್ನಾಮ್ನೀ ಬ್ರಹ್ಮವಾದಿನೀ ಬ್ರಹ್ಮಜಾಯಾ ಅಷಿಕಾ, ಬ್ರಾಹ್ಮ ಊರ್ಧ್ವನಾಭಾ ವಾ ಋಷಿಃ, ವಿಶ್ವೇ ದೇವಾ ದೇವತಾಃ (1-5) ಪ್ರಥಮಾದಿಪಂಚರ್ಚಾಂ ತ್ರಿಷ್ಟುಪ್, (6-7) ಷಷ್ಠೀಸಪ್ತಮ್ಯೋಶ್ಚಾನುಷ್ಟಪ ಛಂದಸೀ

ತೇ᳚ಽವದನ್ಪ್ರಥ॒ಮಾ ಬ್ರ᳚ಹ್ಮಕಿಲ್ಬಿ॒ಷೇಽಕೂ᳚ಪಾರಃ ಸಲಿ॒ಲೋ ಮಾ᳚ತ॒ರಿಶ್ವಾ᳚ | ವೀ॒ಳುಹ॑ರಾ॒ಸ್ತಪ॑ ಉ॒ಗ್ರೋ ಮ॑ಯೋ॒ಭೂರಾಪೋ᳚ ದೇ॒ವೀಃ ಪ್ರ॑ಥಮ॒ಜಾ ಋ॒ತೇನ॑ || 10.109.1
ಸೋಮೋ॒ ರಾಜಾ᳚ ಪ್ರಥ॒ಮೋ ಬ್ರ᳚ಹ್ಮಜಾ॒ಯಾಂ ಪುನಃ॒ ಪ್ರಾಯ॑ಚ್ಛ॒ದಹೃ॑ಣೀಯಮಾನಃ | ಅ॒ನ್ವ॒ರ್ತಿ॒ತಾ ವರು॑ಣೋ ಮಿ॒ತ್ರ ಆ᳚ಸೀದ॒ಗ್ನಿರ್ಹೋತಾ᳚ ಹಸ್ತ॒ಗೃಹ್ಯಾ ನಿ॑ನಾಯ || 10.109.2
ಹಸ್ತೇ᳚ನೈ॒ವ ಗ್ರಾ॒ಹ್ಯ॑ ಆ॒ಧಿರ॑ಸ್ಯಾ ಬ್ರಹ್ಮಜಾ॒ಯೇಯಮಿತಿ॒ ಚೇದವೋ᳚ಚನ್ | ನ ದೂ॒ತಾಯ॑ ಪ್ರ॒ಹ್ಯೇ᳚ ತಸ್ಥ ಏ॒ಷಾ ತಥಾ᳚ ರಾ॒ಷ್ಟ್ರಂ ಗು॑ಪಿ॒ತಂ ಕ್ಷ॒ತ್ರಿಯ॑ಸ್ಯ || 10.109.3
ದೇ॒ವಾ ಏ॒ತಸ್ಯಾ᳚ಮವದ‌ನ್ತ॒ ಪೂರ್ವೇ᳚ ಸಪ್ತಋ॒ಷಯ॒ಸ್ತಪ॑ಸೇ॒ ಯೇ ನಿ॑ಷೇ॒ದುಃ | ಭೀ॒ಮಾ ಜಾ॒ಯಾ ಬ್ರಾ᳚ಹ್ಮ॒ಣಸ್ಯೋಪ॑ನೀತಾ ದು॒ರ್ಧಾಂ ದ॑ಧಾತಿ ಪರ॒ಮೇ ವ್ಯೋ᳚ಮನ್ || 10.109.4
ಬ್ರ॒ಹ್ಮ॒ಚಾ॒ರೀ ಚ॑ರತಿ॒ ವೇವಿ॑ಷ॒ದ್ವಿಷಃ॒ ಸ ದೇ॒ವಾನಾಂ᳚ ಭವ॒ತ್ಯೇಕ॒ಮಂಗ‌ಮ್᳚ | ತೇನ॑ ಜಾ॒ಯಾಮನ್ವ॑ವಿಂದ॒ದ್ಬೃಹ॒ಸ್ಪತಿಃ॒ ಸೋಮೇ᳚ನ ನೀ॒ತಾಂ ಜು॒ಹ್ವ1॒॑ ಅಂನ ದೇ᳚ವಾಃ || 10.109.5
ಪುನ॒ರ್ವೈ ದೇ॒ವಾ ಅ॑ದದುಃ॒ ಪುನ᳚ರ್ಮನು॒ಷ್ಯಾ᳚ ಉ॒ತ | ರಾಜಾ᳚ನಃ ಸ॒ತ್ಯಂ ಕೃ᳚ಣ್ವಾ॒ನಾ ಬ್ರ᳚ಹ್ಮಜಾ॒ಯಾಂ ಪುನ॑ರ್ದದುಃ || 10.109.6
ಪು॒ನ॒ರ್ದಾಯ॑ ಬ್ರಹ್ಮಜಾ॒ಯಾಂ ಕೃ॒ತ್ವೀ ದೇ॒ವೈರ್ನಿ॑ಕಿಲ್ಬಿ॒ಷ‌ಮ್ | ಊರ್ಜಂ᳚ ಪೃಥಿ॒ವ್ಯಾ ಭ॒ಕ್ತ್ವಾಯೋ᳚ರುಗಾ॒ಯಮುಪಾ᳚ಸತೇ || 10.109.7

(1-11) ಏಕಾದಶರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವೋ ಜಮದಗ್ನಿರ್ಜಾಮದಗ್ನಯೋ ರಾಮೋ ವಾ ಋಷಿಃ (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ, (2) ದ್ವಿತೀಯಾಯಾಸ್ತನೂನಪಾತ್, (3) ತೃತೀಯಾಯಾ ಇಳಃ, (4) ಚತುರ್ಥ್ಯಾ ಬರ್ಹಿಃ, (5) ಪಂಚಮ್ಯಾ ದೇವೀಪ್ರ್ರಃ, (6) ಷಷ್ಠ್ಯಾ ಉಷಾಸಾನಕ್ತಾ, (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ, (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ, (9) ನವಮ್ಯಾಸ್ತ್ವಷ್ಟಾ, (10) ದಶಮ್ಯಾ ವನಸ್ಪತಿಃ, (11) ಏಕಾದಶ್ಯಾಶ್ಚ ಸ್ವಾಹಾಕೃತಯ್ಹೋ ದೇವತಾಃ, ತ್ರಿಷ್ಟುಪ್ ಛಂದಃ

ಸಮಿ॑ದ್ಧೋ ಅ॒ದ್ಯ ಮನು॑ಷೋ ದುರೋ॒ಣೇ ದೇ॒ವೋ ದೇ॒ವಾನ್ಯ॑ಜಸಿ ಜಾತವೇದಃ | ಆ ಚ॒ ವಹ॑ ಮಿತ್ರಮಹಶ್ಚಿಕಿ॒ತ್ವಾ‌ನ್ತ್ವಂ ದೂ॒ತಃ ಕ॒ವಿರ॑ಸಿ॒ ಪ್ರಚೇ᳚ತಾಃ || 10.110.1
ತನೂ᳚ನಪಾತ್ಪ॒ಥ ಋ॒ತಸ್ಯ॒ ಯಾನಾ॒ನ್ಮಧ್ವಾ᳚ ಸಮಂ॒ಜ‌‌ನ್ತ್ಸ್ವ॑ದಯಾ ಸುಜಿಹ್ವ | ಮನ್ಮಾ᳚ನಿ ಧೀ॒ಭಿರು॒ತ ಯ॒ಜ್ಞಮೃಂ॒ಧಂದೇ᳚ವ॒ತ್ರಾ ಚ॑ ಕೃಣುಹ್ಯಧ್ವ॒ರಂ ನಃ॑ || 10.110.2
ಆ॒ಜುಹ್ವಾ᳚ನ॒ ಈಡ್ಯೋ॒ ವಂದ್ಯ॒ಶ್ಚಾ ಯಾ᳚ಹ್ಯಗ್ನೇ॒ ವಸು॑ಭಿಃ ಸ॒ಜೋಷಾಃ᳚ | ತ್ವಂ ದೇ॒ವಾನಾ᳚ಮಸಿ ಯಹ್ವ॒ ಹೋತಾ॒ ಸ ಏ᳚ನಾನ್ಯಕ್ಷೀಷಿ॒ತೋ ಯಜೀ᳚ಯಾನ್ || 10.110.3
ಪ್ರಾ॒ಚೀನಂ᳚ ಬ॒ರ್ಹಿಃ ಪ್ರ॒ದಿಶಾ᳚ ಪೃಥಿ॒ವ್ಯಾ ವಸ್ತೋ᳚ರ॒ಸ್ಯಾ ವೃ॑ಜ್ಯತೇ॒ ಅಗ್ರೇ॒ ಅಹ್ನಾ᳚‌ಮ್ | ವ್ಯು॑ ಪ್ರಥತೇ ವಿತ॒ರಂ ವರೀ᳚ಯೋ ದೇ॒ವೇಭ್ಯೋ॒ ಅದಿ॑ತಯೇ ಸ್ಯೋ॒ನ‌ಮ್ || 10.110.4
ವ್ಯಚ॑ಸ್ವತೀರುರ್ವಿ॒ಯಾ ವಿ ಶ್ರ॑ಯ‌ನ್ತಾಂ॒ ಪತಿ॑ಭ್ಯೋ॒ ನ ಜನ॑ಯಃ॒ ಶುಂಭ॑ಮಾನಾಃ | ದೇವೀ᳚ರ್ದ್ವಾರೋ ಬೃಹತೀರ್ವಿಶ್ವಮಿನ್ವಾ ದೇ॒ವೇಭ್ಯೋ᳚ ಭವತ ಸುಪ್ರಾಯ॒ಣಾಃ || 10.110.5
ಆ ಸು॒ಷ್ವಯ᳚‌ನ್ತೀ ಯಜ॒ತೇ ಉಪಾ᳚ಕೇ ಉ॒ಷಾಸಾ॒ನಕ್ತಾ᳚ ಸದತಾಂ॒ ನಿ ಯೋನೌ᳚ | ದಿ॒ವ್ಯೇ ಯೋಷ॑ಣೇ ಬೃಹ॒ತೀ ಸು॑ರು॒ಕ್ಮೇ ಅಧಿ॒ ಶ್ರಿಯಂ᳚ ಶುಕ್ರ॒ಪಿಶಂ॒ ದಧಾ᳚ನೇ || 10.110.6
ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ಸು॒ವಾಚಾ॒ ಮಿಮಾ᳚ನಾ ಯ॒ಜ್ಞಂ ಮನು॑ಷೋ॒ ಯಜ॑ಧ್ಯೈ | ಪ್ರ॒ಚೋ॒ದಯ᳚‌ನ್ತಾ ವಿ॒ದಥೇ᳚ಷು ಕಾ॒ರೂ ಪ್ರಾ॒ಚೀನಂ॒ ಜ್ಯೋತಿಃ॑ ಪ್ರ॒ದಿಶಾ᳚ ದಿ॒ಶ‌ನ್ತಾ᳚ || 10.110.7
ಆ ನೋ᳚ ಯ॒ಜ್ಞಂ ಭಾರ॑ತೀ॒ ತೂಯ॑ಮೇ॒ತ್ವಿಳಾ᳚ ಮನು॒ಷ್ವದಿ॒ಹ ಚೇ॒ತಯ᳚‌ನ್ತೀ | ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ್ಯೋ॒ನಂ ಸರ॑ಸ್ವತೀ॒ ಸ್ವಪ॑ಸಃ ಸದ‌ನ್ತು || 10.110.8
ಯ ಇ॒ಮೇ ದ್ಯಾವಾ᳚ಪೃಥಿ॒ವೀ ಜನಿ॑ತ್ರೀ ರೂ॒ಪೈರಪಿಂ᳚ಶ॒ದ್ಭುವ॑ನಾನಿ॒ ವಿಶ್ವಾ᳚ | ತಮ॒ದ್ಯ ಹೋ᳚ತರಿಷಿ॒ತೋ ಯಜೀ᳚ಯಾಂದೇ॒ವಂ ತ್ವಷ್ಟಾ᳚ರಮಿ॒ಹ ಯ॑ಕ್ಷಿ ವಿ॒ದ್ವಾನ್ || 10.110.9
ಉ॒ಪಾವ॑ಸೃಜ॒ ತ್ಮನ್ಯಾ᳚ ಸಮಂ॒ಜಂದೇ॒ವಾನಾಂ॒ ಪಾಥ॑ ಋತು॒ಥಾ ಹ॒ವೀಂಷಿ॑ | ವನ॒ಸ್ಪತಿಃ॑ ಶಮಿ॒ತಾ ದೇ॒ವೋ ಅ॒ಗ್ನಿಃ ಸ್ವದ᳚‌ನ್ತು ಹ॒ವ್ಯಂ ಮಧು॑ನಾ ಘೃ॒ತೇನ॑ || 10.110.10
ಸ॒ದ್ಯೋ ಜಾ॒ತೋ ವ್ಯ॑ಮಿಮೀತ ಯ॒ಜ್ಞಮ॒ಗ್ನಿರ್ದೇ॒ವಾನಾ᳚ಮಭವತ್ಪುರೋ॒ಗಾಃ | ಅ॒ಸ್ಯ ಹೋತುಃ॑ ಪ್ರ॒ದಿಶ್ಯೃ॒ತಸ್ಯ॑ ವಾ॒ಚಿ ಸ್ವಾಹಾ᳚ಕೃತಂ ಹ॒ವಿರ॑ದ‌ನ್ತು ದೇ॒ವಾಃ || 10.110.11

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈರೂಪೋಽಷ್ಟ್ರಾದಂಷ್ಟ್ರ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಮನೀ᳚ಷಿಣಃ॒ ಪ್ರ ಭ॑ರಧ್ವಂ ಮನೀ॒ಷಾಂ ಯಥಾ᳚ಯಥಾ ಮ॒ತಯಃ॒ ಸ‌ನ್ತಿ॑ ನೃ॒ಣಾ‌ಮ್ | ಇಂದ್ರಂ᳚ ಸ॒ತ್ಯೈರೇರ॑ಯಾಮಾ ಕೃ॒ತೇಭಿಃ॒ ಸ ಹಿ ವೀ॒ರೋ ಗಿ᳚ರ್ವಣ॒ಸ್ಯುರ್ವಿದಾ᳚ನಃ || 10.111.1
ಋ॒ತಸ್ಯ॒ ಹಿ ಸದ॑ಸೋ ಧೀ॒ತಿರದ್ಯೌ॒ತ್ಸಂ ಗಾ᳚ರ್ಷ್ಟೇ॒ಯೋ ವೃ॑ಷ॒ಭೋ ಗೋಭಿ॑ರಾನಟ್ | ಉದ॑ತಿಷ್ಠತ್ತವಿ॒ಷೇಣಾ॒ ರವೇ᳚ಣ ಮ॒ಹಾ‌ನ್ತಿ॑ ಚಿ॒ತ್ಸಂ ವಿ᳚ವ್ಯಾಚಾ॒ ರಜಾಂ᳚ಸಿ || 10.111.2
ಇಂದ್ರಃ॒ ಕಿಲ॒ ಶ್ರುತ್ಯಾ᳚ ಅ॒ಸ್ಯ ವೇ᳚ದ॒ ಸ ಹಿ ಜಿ॒ಷ್ಣುಃ ಪ॑ಥಿ॒ಕೃತ್ಸೂರ್ಯಾ᳚ಯ | ಆನ್ಮೇನಾಂ᳚ ಕೃ॒ಣ್ವನ್ನಚ್ಯು॑ತೋ॒ ಭುವ॒ದ್ಗೋಃ ಪತಿ॑ರ್ದಿ॒ವಃ ಸ॑ನ॒ಜಾ ಅಪ್ರ॑ತೀತಃ || 10.111.3
ಇಂದ್ರೋ᳚ ಮ॒ಹ್ನಾ ಮ॑ಹ॒ತೋ ಅ᳚ರ್ಣ॒ವಸ್ಯ᳚ ವ್ರ॒ತಾಮಿ॑ನಾ॒ದಂಗಿ॑ರೋಭಿರ್ಗೃಣಾ॒ನಃ | ಪು॒ರೂಣಿ॑ ಚಿ॒ನ್ನಿ ತ॑ತಾನಾ॒ ರಜಾಂ᳚ಸಿ ದಾ॒ಧಾರ॒ ಯೋ ಧ॒ರುಣಂ᳚ ಸ॒ತ್ಯತಾ᳚ತಾ || 10.111.4
ಇಂದ್ರೋ᳚ ದಿ॒ವಃ ಪ್ರ॑ತಿ॒ಮಾನಂ᳚ ಪೃಥಿ॒ವ್ಯಾ ವಿಶ್ವಾ᳚ ವೇದ॒ ಸವ॑ನಾ॒ ಹ‌ನ್ತಿ॒ ಶುಷ್ಣ‌ಮ್᳚ | ಮ॒ಹೀಂ ಚಿ॒ದ್ದ್ಯಾಮಾತ॑ನೋ॒ತ್ಸೂರ್ಯೇ᳚ಣ ಚಾ॒ಸ್ಕಂಭ॑ ಚಿ॒ತ್ಕಂಭ॑ನೇನ॒ ಸ್ಕಭೀ᳚ಯಾನ್ || 10.111.5
ವಜ್ರೇ᳚ಣ॒ ಹಿ ವೃ॑ತ್ರ॒ಹಾ ವೃ॒ತ್ರಮಸ್ತ॒ರದೇ᳚ವಸ್ಯ॒ ಶೂಶು॑ವಾನಸ್ಯ ಮಾ॒ಯಾಃ | ವಿ ಧೃ॑ಷ್ಣೋ॒ ಅತ್ರ॑ ಧೃಷ॒ತಾ ಜ॑ಘ॒‌ನ್ಥಾಥಾ᳚ಭವೋ ಮಘವನ್ಬಾ॒ಹ್ವೋ᳚ಜಾಃ || 10.111.6
ಸಚ᳚‌ನ್ತ॒ ಯದು॒ಷಸಃ॒ ಸೂರ್ಯೇ᳚ಣ ಚಿ॒ತ್ರಾಮ॑ಸ್ಯ ಕೇ॒ತವೋ॒ ರಾಮ॑ವಿಂದನ್ | ಆ ಯನ್ನಕ್ಷ॑ತ್ರಂ॒ ದದೃ॑ಶೇ ದಿ॒ವೋ ನ ಪುನ᳚ರ್ಯ॒ತೋ ನಕಿ॑ರ॒ದ್ಧಾ ನು ವೇ᳚ದ || 10.111.7
ದೂ॒ರಂ ಕಿಲ॑ ಪ್ರಥ॒ಮಾ ಜ॑ಗ್ಮುರಾಸಾ॒ಮಿಂದ್ರ॑ಸ್ಯ॒ ಯಾಃ ಪ್ರ॑ಸ॒ವೇ ಸ॒ಸ್ರುರಾಪಃ॑ | ಕ್ವ॑ ಸ್ವಿ॒ದಗ್ರಂ॒ ಕ್ವ॑ ಬು॒ಧ್ನ ಆ᳚ಸಾ॒ಮಾಪೋ॒ ಮಧ್ಯಂ॒ ಕ್ವ॑ ವೋ ನೂ॒ನಮ‌ನ್ತಃ॑ || 10.111.8
ಸೃ॒ಜಃ ಸಿಂಧೂಁ॒ರಹಿ॑ನಾ ಜಗ್ರಸಾ॒ನಾಁ ಆದಿದೇ॒ತಾಃ ಪ್ರ ವಿ॑ವಿಜ್ರೇ ಜ॒ವೇನ॑ | ಮುಮು॑ಕ್ಷಮಾಣಾ ಉ॒ತ ಯಾ ಮು॑ಮು॒ಚ್ರೇಽಧೇದೇ॒ತಾ ನ ರ॑ಮ‌ನ್ತೇ॒ ನಿತಿ॑ಕ್ತಾಃ || 10.111.9
ಸ॒ಧ್ರೀಚೀಃ॒ ಸಿಂಧು॑ಮುಶ॒ತೀರಿ॑ವಾಯ‌‌ನ್ತ್ಸ॒ನಾಜ್ಜಾ॒ರ ಆ᳚ರಿ॒ತಃ ಪೂ॒ರ್ಭಿದಾ᳚ಸಾ‌ಮ್ | ಅಸ್ತ॒ಮಾ ತೇ॒ ಪಾರ್ಥಿ॑ವಾ॒ ವಸೂ᳚ನ್ಯ॒ಸ್ಮೇ ಜ॑ಗ್ಮುಃ ಸೂ॒ನೃತಾ᳚ ಇಂದ್ರ ಪೂ॒ರ್ವೀಃ || 10.111.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈರೂಪೋ ನಭಃಪ್ರಭದೇ ನ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಇಂದ್ರ॒ ಪಿಬ॑ ಪ್ರತಿಕಾ॒ಮಂ ಸು॒ತಸ್ಯ॑ ಪ್ರಾತಃಸಾ॒ವಸ್ತವ॒ ಹಿ ಪೂ॒ರ್ವಪೀ᳚ತಿಃ | ಹರ್ಷ॑ಸ್ವ॒ ಹ‌ನ್ತ॑ವೇ ಶೂರ॒ ಶತ್ರೂ᳚ನು॒ಕ್ಥೇಭಿ॑ಷ್ಟೇ ವೀ॒ರ್ಯಾ॒3॒॑ ಪ್ರ ಬ್ರ॑ವಾಮ || 10.112.1
ಯಸ್ತೇ॒ ರಥೋ॒ ಮನ॑ಸೋ॒ ಜವೀ᳚ಯಾ॒ನೇಂದ್ರ॒ ತೇನ॑ ಸೋಮ॒ಪೇಯಾ᳚ಯ ಯಾಹಿ | ತೂಯ॒ಮಾ ತೇ॒ ಹರ॑ಯಃ॒ ಪ್ರ ದ್ರ॑ವ‌ನ್ತು॒ ಯೇಭಿ॒ರ್ಯಾಸಿ॒ ವೃಷ॑ಭಿ॒ರ್ಮಂದ॑ಮಾನಃ || 10.112.2
ಹರಿ॑ತ್ವತಾ॒ ವರ್ಚ॑ಸಾ॒ ಸೂರ್ಯ॑ಸ್ಯ॒ ಶ್ರೇಷ್ಠೈ᳚ ರೂ॒ಪೈಸ್ತ॒ನ್ವಂ᳚ ಸ್ಪರ್ಶಯಸ್ವ | ಅ॒ಸ್ಮಾಭಿ॑ರಿಂದ್ರ॒ ಸಖಿ॑ಭಿರ್ಹುವಾ॒ನಃ ಸ॑ಧ್ರೀಚೀ॒ನೋ ಮಾ᳚ದಯಸ್ವಾ ನಿ॒ಷದ್ಯ॑ || 10.112.3
ಯಸ್ಯ॒ ತ್ಯತ್ತೇ᳚ ಮಹಿ॒ಮಾನಂ॒ ಮದೇ᳚ಷ್ವಿ॒ಮೇ ಮ॒ಹೀ ರೋದ॑ಸೀ॒ ನಾವಿ॑ವಿಕ್ತಾ‌ಮ್ | ತದೋಕ॒ ಆ ಹರಿ॑ಭಿರಿಂದ್ರ ಯು॒ಕ್ತೈಃ ಪ್ರಿ॒ಯೇಭಿ᳚ರ್ಯಾಹಿ ಪ್ರಿ॒ಯಮನ್ನ॒ಮಚ್ಛ॑ || 10.112.4
ಯಸ್ಯ॒ ಶಶ್ವ॑ತ್ಪಪಿ॒ವಾಁ ಇಂ᳚ದ್ರ॒ ಶತ್ರೂ᳚ನನಾನುಕೃ॒ತ್ಯಾ ರಣ್ಯಾ᳚ ಚ॒ಕರ್ಥ॑ | ಸ ತೇ॒ ಪುರಂ᳚ಧಿಂ॒ ತವಿ॑ಷೀಮಿಯರ್ತಿ॒ ಸ ತೇ॒ ಮದಾ᳚ಯ ಸು॒ತ ಇಂ᳚ದ್ರ॒ ಸೋಮಃ॑ || 10.112.5
ಇ॒ದಂ ತೇ॒ ಪಾತ್ರಂ॒ ಸನ॑ವಿತ್ತಮಿಂದ್ರ॒ ಪಿಬಾ॒ ಸೋಮ॑ಮೇ॒ನಾ ಶ॑ತಕ್ರತೋ | ಪೂ॒ರ್ಣ ಆ᳚ಹಾ॒ವೋ ಮ॑ದಿ॒ರಸ್ಯ॒ ಮಧ್ವೋ॒ ಯಂ ವಿಶ್ವ॒ ಇದ॑ಭಿ॒ಹರ್ಯ᳚‌ನ್ತಿ ದೇ॒ವಾಃ || 10.112.6
ವಿ ಹಿ ತ್ವಾಮಿಂ᳚ದ್ರ ಪುರು॒ಧಾ ಜನಾ᳚ಸೋ ಹಿ॒ತಪ್ರ॑ಯಸೋ ವೃಷಭ॒ ಹ್ವಯ᳚‌ನ್ತೇ | ಅ॒ಸ್ಮಾಕಂ᳚ ತೇ॒ ಮಧು॑ಮತ್ತಮಾನೀ॒ಮಾ ಭು॑ವ॒‌‌ನ್ತ್ಸವ॑ನಾ॒ ತೇಷು॑ ಹರ್ಯ || 10.112.7
ಪ್ರ ತ॑ ಇಂದ್ರ ಪೂ॒ರ್ವ್ಯಾಣಿ॒ ಪ್ರ ನೂ॒ನಂ ವೀ॒ರ್ಯಾ᳚ ವೋಚಂ ಪ್ರಥ॒ಮಾ ಕೃ॒ತಾನಿ॑ | ಸ॒ತೀ॒ನಮ᳚ನ್ಯುರಶ್ರಥಾಯೋ॒ ಅದ್ರಿಂ᳚ ಸುವೇದ॒ನಾಮ॑ಕೃಣೋ॒ರ್ಬ್ರಹ್ಮ॑ಣೇ॒ ಗಾ‌ಮ್ || 10.112.8
ನಿ ಷು ಸೀ᳚ದ ಗಣಪತೇ ಗ॒ಣೇಷು॒ ತ್ವಾಮಾ᳚ಹು॒ರ್ವಿಪ್ರ॑ತಮಂ ಕವೀ॒ನಾ‌ಮ್ | ನ ಋ॒ತೇ ತ್ವತ್ಕ್ರಿ॑ಯತೇ॒ ಕಿಂ ಚ॒ನಾರೇ ಮ॒ಹಾಮ॒ರ್ಕಂ ಮ॑ಘವಂಚಿ॒ತ್ರಮ॑ರ್ಚ || 10.112.9
ಅ॒ಭಿ॒ಖ್ಯಾ ನೋ᳚ ಮಘವ॒ನ್ನಾಧ॑ಮಾನಾ॒‌‌ನ್ತ್ಸಖೇ᳚ ಬೋ॒ಧಿ ವ॑ಸುಪತೇ॒ ಸಖೀ᳚ನಾ‌ಮ್ | ರಣಂ᳚ ಕೃಧಿ ರಣಕೃತ್ಸತ್ಯಶು॒ಷ್ಮಾಭ॑ಕ್ತೇ ಚಿ॒ದಾ ಭ॑ಜಾ ರಾ॒ಯೇ ಅ॒ಸ್ಮಾನ್ || 10.112.10

(1-10) ದಶರಚಸ್ಯಾಸ್ಯ ಸೂಕ್ತಸ್ಯ ವೈರೂಪಃ ಶತಪ್ರಭದೇ ನ ಋಷಿಃ, ಇಂದ್ರೋ ದೇವತಾ, (19) ಪ್ರಥಮಾದಿನವರ್ಚಾಂ ಜಗತೀ, (10) ದಶ್ಮಯಾಶ್ಚ ತ್ರಿಷ್ಟುಪ್ ಛಂದಸೀ

ತಮ॑ಸ್ಯ॒ ದ್ಯಾವಾ᳚ಪೃಥಿ॒ವೀ ಸಚೇ᳚ತಸಾ॒ ವಿಶ್ವೇ᳚ಭಿರ್ದೇ॒ವೈರನು॒ ಶುಷ್ಮ॑ಮಾವತಾ‌ಮ್ | ಯದೈತ್ಕೃ᳚ಣ್ವಾ॒ನೋ ಮ॑ಹಿ॒ಮಾನ॑ಮಿಂದ್ರಿ॒ಯಂ ಪೀ॒ತ್ವೀ ಸೋಮ॑ಸ್ಯ॒ ಕ್ರತು॑ಮಾಁ ಅವರ್ಧತ || 10.113.1
ತಮ॑ಸ್ಯ॒ ವಿಷ್ಣು᳚ರ್ಮಹಿ॒ಮಾನ॒ಮೋಜ॑ಸಾಂ॒ಶುಂ ದ॑ಧ॒ನ್ವಾನ್ಮಧು॑ನೋ॒ ವಿ ರ॑ಪ್ಶತೇ | ದೇ॒ವೇಭಿ॒ರಿಂದ್ರೋ᳚ ಮ॒ಘವಾ᳚ ಸ॒ಯಾವ॑ಭಿರ್ವೃ॒ತ್ರಂ ಜ॑ಘ॒ನ್ವಾಁ ಅ॑ಭವ॒ದ್ವರೇ᳚ಣ್ಯಃ || 10.113.2
ವೃ॒ತ್ರೇಣ॒ ಯದಹಿ॑ನಾ॒ ಬಿಭ್ರ॒ದಾಯು॑ಧಾ ಸ॒ಮಸ್ಥಿ॑ಥಾ ಯು॒ಧಯೇ॒ ಶಂಸ॑ಮಾ॒ವಿದೇ᳚ | ವಿಶ್ವೇ᳚ ತೇ॒ ಅತ್ರ॑ ಮ॒ರುತಃ॑ ಸ॒ಹ ತ್ಮನಾವ॑ರ್ಧನ್ನುಗ್ರ ಮಹಿ॒ಮಾನ॑ಮಿಂದ್ರಿ॒ಯ‌ಮ್ || 10.113.3
ಜ॒ಜ್ಞಾ॒ನ ಏ॒ವ ವ್ಯ॑ಬಾಧತ॒ ಸ್ಪೃಧಃ॒ ಪ್ರಾಪ॑ಶ್ಯದ್ವೀ॒ರೋ ಅ॒ಭಿ ಪೌಂಸ್ಯಂ॒ ರಣ‌ಮ್᳚ | ಅವೃ॑ಶ್ಚ॒ದದ್ರಿ॒ಮವ॑ ಸ॒ಸ್ಯದಃ॑ ಸೃಜ॒ದಸ್ತ॑ಭ್ನಾ॒ನ್ನಾಕಂ᳚ ಸ್ವಪ॒ಸ್ಯಯಾ᳚ ಪೃ॒ಥು‌ಮ್ || 10.113.4
ಆದಿಂದ್ರಃ॑ ಸ॒ತ್ರಾ ತವಿ॑ಷೀರಪತ್ಯತ॒ ವರೀ᳚ಯೋ॒ ದ್ಯಾವಾ᳚ಪೃಥಿ॒ವೀ ಅ॑ಬಾಧತ | ಅವಾ᳚ಭರದ್ಧೃಷಿ॒ತೋ ವಜ್ರ॑ಮಾಯ॒ಸಂ ಶೇವಂ᳚ ಮಿ॒ತ್ರಾಯ॒ ವರು॑ಣಾಯ ದಾ॒ಶುಷೇ᳚ || 10.113.5
ಇಂದ್ರ॒ಸ್ಯಾತ್ರ॒ ತವಿ॑ಷೀಭ್ಯೋ ವಿರ॒ಪ್ಶಿನ॑ ಋಘಾಯ॒ತೋ ಅ॑ರಂಹಯ‌ನ್ತ ಮ॒ನ್ಯವೇ᳚ | ವೃ॒ತ್ರಂ ಯದು॒ಗ್ರೋ ವ್ಯವೃ॑ಶ್ಚ॒ದೋಜ॑ಸಾ॒ಪೋ ಬಿಭ್ರ॑ತಂ॒ ತಮ॑ಸಾ॒ ಪರೀ᳚ವೃತ‌ಮ್ || 10.113.6
ಯಾ ವೀ॒ರ್ಯಾ᳚ಣಿ ಪ್ರಥ॒ಮಾನಿ॒ ಕರ್ತ್ವಾ᳚ ಮಹಿ॒ತ್ವೇಭಿ॒ರ್ಯತ॑ಮಾನೌ ಸಮೀ॒ಯತುಃ॑ | ಧ್ವಾ॒‌ನ್ತಂ ತಮೋಽವ॑ ದಧ್ವಸೇ ಹ॒ತ ಇಂದ್ರೋ᳚ ಮ॒ಹ್ನಾ ಪೂ॒ರ್ವಹೂ᳚ತಾವಪತ್ಯತ || 10.113.7
ವಿಶ್ವೇ᳚ ದೇ॒ವಾಸೋ॒ ಅಧ॒ ವೃಷ್ಣ್ಯಾ᳚ನಿ॒ ತೇಽವ॑ರ್ಧಯ॒‌‌ನ್ತ್ಸೋಮ॑ವತ್ಯಾ ವಚ॒ಸ್ಯಯಾ᳚ | ರ॒ದ್ಧಂ ವೃ॒ತ್ರಮಹಿ॒ಮಿಂದ್ರ॑ಸ್ಯ॒ ಹನ್ಮ॑ನಾ॒ಗ್ನಿರ್ನ ಜಂಭೈ᳚ಸ್ತೃ॒ಷ್ವನ್ನ॑ಮಾವಯತ್ || 10.113.8
ಭೂರಿ॒ ದಕ್ಷೇ᳚ಭಿರ್ವಚ॒ನೇಭಿ॒ರ್‌ಋಕ್ವ॑ಭಿಃ ಸ॒ಖ್ಯೇಭಿಃ॑ ಸ॒ಖ್ಯಾನಿ॒ ಪ್ರ ವೋ᳚ಚತ | ಇಂದ್ರೋ॒ ಧುನಿಂ᳚ ಚ॒ ಚುಮು॑ರಿಂ ಚ ದಂ॒ಭಯಂ᳚ಛ್ರದ್ಧಾಮನ॒ಸ್ಯಾ ಶೃ॑ಣುತೇ ದ॒ಭೀತ॑ಯೇ || 10.113.9
ತ್ವಂ ಪು॒ರೂಣ್ಯಾ ಭ॑ರಾ॒ ಸ್ವಶ್ವ್ಯಾ॒ ಯೇಭಿ॒ರ್ಮಂಸೈ᳚ ನಿ॒ವಚ॑ನಾನಿ॒ ಶಂಸನ್॑ | ಸು॒ಗೇಭಿ॒ರ್ವಿಶ್ವಾ᳚ ದುರಿ॒ತಾ ತ॑ರೇಮ ವಿ॒ದೋ ಷು ಣ॑ ಉರ್ವಿ॒ಯಾ ಗಾ॒ಧಮ॒ದ್ಯ || 10.113.10

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ವೈರೂಪಃ ಸಧ್ರಿಸ್ತಾಪಸೋ ಘರ್ಮೋ ವಾ ಋಷಿಃ, ವಿಶ್ವೇ ದೇವಾ ದೇವತಾಃ (1-3, 5-10) ಪ್ರಥಮಾದಿತೃಚಸ್ಯ ಪಂಚಮ್ಯಾದಿಷಡಚಾಂಚ ತ್ರಿಷ್ಟುಪ, (4) ಚತುರ್ಥ್ಯಾಶ್ಚ ಜಗತೀ ಛಂದಸೀ

ಘ॒ರ್ಮಾ ಸಮ᳚‌ನ್ತಾ ತ್ರಿ॒ವೃತಂ॒ ವ್ಯಾ᳚ಪತು॒ಸ್ತಯೋ॒ರ್ಜುಷ್ಟಿಂ᳚ ಮಾತ॒ರಿಶ್ವಾ᳚ ಜಗಾಮ | ದಿ॒ವಸ್ಪಯೋ॒ ದಿಧಿ॑ಷಾಣಾ ಅವೇಷನ್ವಿ॒ದುರ್ದೇ॒ವಾಃ ಸ॒ಹಸಾ᳚ಮಾನಮ॒ರ್ಕ‌ಮ್ || 10.114.1
ತಿ॒ಸ್ರೋ ದೇ॒ಷ್ಟ್ರಾಯ॒ ನಿರ್‌ಋ॑ತೀ॒ರುಪಾ᳚ಸತೇ ದೀರ್ಘ॒ಶ್ರುತೋ॒ ವಿ ಹಿ ಜಾ॒ನ‌ನ್ತಿ॒ ವಹ್ನ॑ಯಃ | ತಾಸಾಂ॒ ನಿ ಚಿ॑ಕ್ಯುಃ ಕ॒ವಯೋ᳚ ನಿ॒ದಾನಂ॒ ಪರೇ᳚ಷು॒ ಯಾ ಗುಹ್ಯೇ᳚ಷು ವ್ರ॒ತೇಷು॑ || 10.114.2
ಚತು॑ಷ್ಕಪರ್ದಾ ಯುವ॒ತಿಃ ಸು॒ಪೇಶಾ᳚ ಘೃ॒ತಪ್ರ॑ತೀಕಾ ವ॒ಯುನಾ᳚ನಿ ವಸ್ತೇ | ತಸ್ಯಾಂ᳚ ಸುಪ॒ರ್ಣಾ ವೃಷ॑ಣಾ॒ ನಿ ಷೇ᳚ದತು॒ರ್ಯತ್ರ॑ ದೇ॒ವಾ ದ॑ಧಿ॒ರೇ ಭಾ᳚ಗ॒ಧೇಯ‌ಮ್᳚ || 10.114.3
ಏಕಃ॑ ಸುಪ॒ರ್ಣಃ ಸ ಸ॑ಮು॒ದ್ರಮಾ ವಿ॑ವೇಶ॒ ಸ ಇ॒ದಂ ವಿಶ್ವಂ॒ ಭುವ॑ನಂ॒ ವಿ ಚ॑ಷ್ಟೇ | ತಂ ಪಾಕೇ᳚ನ॒ ಮನ॑ಸಾಪಶ್ಯ॒ಮ‌ನ್ತಿ॑ತ॒ಸ್ತಂ ಮಾ॒ತಾ ರೇ᳚ಳ್ಹಿ॒ ಸ ಉ॑ ರೇಳ್ಹಿ ಮಾ॒ತರ‌ಮ್᳚ || 10.114.4
ಸು॒ಪ॒ರ್ಣಂ ವಿಪ್ರಾಃ᳚ ಕ॒ವಯೋ॒ ವಚೋ᳚ಭಿ॒ರೇಕಂ॒ ಸ‌ನ್ತಂ᳚ ಬಹು॒ಧಾ ಕ॑ಲ್ಪಯ‌ನ್ತಿ | ಛಂದಾಂ᳚ಸಿ ಚ॒ ದಧ॑ತೋ ಅಧ್ವ॒ರೇಷು॒ ಗ್ರಹಾ॒‌‌ನ್ತ್ಸೋಮ॑ಸ್ಯ ಮಿಮತೇ॒ ದ್ವಾದ॑ಶ || 10.114.5
ಷ॒ಟ್ತ್ರಿಂ॒ಶಾಁಶ್ಚ॑ ಚ॒ತುರಃ॑ ಕ॒ಲ್ಪಯ᳚‌ನ್ತ॒ಶ್ಛಂದಾಂ᳚ಸಿ ಚ॒ ದಧ॑ತ ಆದ್ವಾದ॒ಶ‌ಮ್ | ಯ॒ಜ್ಞಂ ವಿ॒ಮಾಯ॑ ಕ॒ವಯೋ᳚ ಮನೀ॒ಷ ಋ॑ಕ್ಸಾ॒ಮಾಭ್ಯಾಂ॒ ಪ್ರ ರಥಂ᳚ ವರ್ತಯ‌ನ್ತಿ || 10.114.6
ಚತು॑ರ್ದಶಾ॒ನ್ಯೇ ಮ॑ಹಿ॒ಮಾನೋ᳚ ಅಸ್ಯ॒ ತಂ ಧೀರಾ᳚ ವಾ॒ಚಾ ಪ್ರ ಣ॑ಯ‌ನ್ತಿ ಸ॒ಪ್ತ | ಆಪ್ನಾ᳚ನಂ ತೀ॒ರ್ಥಂ ಕ ಇ॒ಹ ಪ್ರ ವೋ᳚ಚ॒ದ್ಯೇನ॑ ಪ॒ಥಾ ಪ್ರ॒ಪಿಬ᳚‌ನ್ತೇ ಸು॒ತಸ್ಯ॑ || 10.114.7
ಸ॒ಹ॒ಸ್ರ॒ಧಾ ಪಂ᳚ಚದ॒ಶಾನ್ಯು॒ಕ್ಥಾ ಯಾವ॒ದ್ದ್ಯಾವಾ᳚ಪೃಥಿ॒ವೀ ತಾವ॒ದಿತ್ತತ್ | ಸ॒ಹ॒ಸ್ರ॒ಧಾ ಮ॑ಹಿ॒ಮಾನಃ॑ ಸ॒ಹಸ್ರಂ॒ ಯಾವ॒ದ್ಬ್ರಹ್ಮ॒ ವಿಷ್ಠಿ॑ತಂ॒ ತಾವ॑ತೀ॒ ವಾಕ್ || 10.114.8
ಕಶ್ಛಂದ॑ಸಾಂ॒ ಯೋಗ॒ಮಾ ವೇ᳚ದ॒ ಧೀರಃ॒ ಕೋ ಧಿಷ್ಣ್ಯಾಂ॒ ಪ್ರತಿ॒ ವಾಚಂ᳚ ಪಪಾದ | ಕಮೃ॒ತ್ವಿಜಾ᳚ಮಷ್ಟ॒ಮಂ ಶೂರ॑ಮಾಹು॒ರ್ಹರೀ॒ ಇಂದ್ರ॑ಸ್ಯ॒ ನಿ ಚಿ॑ಕಾಯ॒ ಕಃ ಸ್ವಿ॑ತ್ || 10.114.9
ಭೂಮ್ಯಾ॒ ಅ‌ನ್ತಂ॒ ಪರ್ಯೇಕೇ᳚ ಚರ‌ನ್ತಿ॒ ರಥ॑ಸ್ಯ ಧೂ॒ರ್ಷು ಯು॒ಕ್ತಾಸೋ᳚ ಅಸ್ಥುಃ | ಶ್ರಮ॑ಸ್ಯ ದಾ॒ಯಂ ವಿ ಭ॑ಜ‌ನ್ತ್ಯೇಭ್ಯೋ ಯ॒ದಾ ಯ॒ಮೋ ಭವ॑ತಿ ಹ॒ರ್ಮ್ಯೇ ಹಿ॒ತಃ || 10.114.10

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ವಾಷ್ಟಿಹವ್ಯ ಉಪಸ್ತುತ ಋಷಿಃ, ಅಗ್ನಿದೇರ್ವತಾ(1-7) ಪ್ರಥಮಾದಿಸಪ್ತರ್ಚಾಂ ಜಗತೀ, (8) ಅಷ್ಟಮ್ಯಾಸ್ತ್ರಿಷ್ಟುಪ್ (9) ನವಮ್ಯಾಶ್ಚ ಶಕ್ವರೀ ಛಂದಾಂಸಿ

ಚಿ॒ತ್ರ ಇಚ್ಛಿಶೋ॒ಸ್ತರು॑ಣಸ್ಯ ವ॒ಕ್ಷಥೋ॒ ನ ಯೋ ಮಾ॒ತರಾ᳚ವ॒ಪ್ಯೇತಿ॒ ಧಾತ॑ವೇ | ಅ॒ನೂ॒ಧಾ ಯದಿ॒ ಜೀಜ॑ನ॒ದಧಾ᳚ ಚ॒ ನು ವ॒ವಕ್ಷ॑ ಸ॒ದ್ಯೋ ಮಹಿ॑ ದೂ॒ತ್ಯ1॒॑ ಅಂಚರನ್॑ || 10.115.1
ಅ॒ಗ್ನಿರ್ಹ॒ ನಾಮ॑ ಧಾಯಿ॒ ದನ್ನ॒ಪಸ್ತ॑ಮಃ॒ ಸಂ ಯೋ ವನಾ᳚ ಯು॒ವತೇ॒ ಭಸ್ಮ॑ನಾ ದ॒ತಾ | ಅ॒ಭಿ॒ಪ್ರ॒ಮುರಾ᳚ ಜು॒ಹ್ವಾ᳚ ಸ್ವಧ್ವ॒ರ ಇ॒ನೋ ನ ಪ್ರೋಥ॑ಮಾನೋ॒ ಯವ॑ಸೇ॒ ವೃಷಾ᳚ || 10.115.2
ತಂ ವೋ॒ ವಿಂ ನ ದ್ರು॒ಷದಂ᳚ ದೇ॒ವಮಂಧ॑ಸ॒ ಇಂದುಂ॒ ಪ್ರೋಥ᳚‌ನ್ತಂ ಪ್ರ॒ವಪ᳚‌ನ್ತಮರ್ಣ॒ವ‌ಮ್ | ಆ॒ಸಾ ವಹ್ನಿಂ॒ ನ ಶೋ॒ಚಿಷಾ᳚ ವಿರ॒ಪ್ಶಿನಂ॒ ಮಹಿ᳚ವ್ರತಂ॒ ನ ಸ॒ರಜ᳚‌ನ್ತ॒ಮಧ್ವ॑ನಃ || 10.115.3
ವಿ ಯಸ್ಯ॑ ತೇ ಜ್ರಯಸಾ॒ನಸ್ಯಾ᳚ಜರ॒ ಧಕ್ಷೋ॒ರ್ನ ವಾತಾಃ॒ ಪರಿ॒ ಸ‌ನ್ತ್ಯಚ್ಯು॑ತಾಃ | ಆ ರ॒ಣ್ವಾಸೋ॒ ಯುಯು॑ಧಯೋ॒ ನ ಸ॑ತ್ವ॒ನಂ ತ್ರಿ॒ತಂ ನ॑ಶ‌ನ್ತ॒ ಪ್ರ ಶಿ॒ಷ‌ನ್ತ॑ ಇ॒ಷ್ಟಯೇ᳚ || 10.115.4
ಸ ಇದ॒ಗ್ನಿಃ ಕಣ್ವ॑ತಮಃ॒ ಕಣ್ವ॑ಸಖಾ॒ರ್ಯಃ ಪರ॒ಸ್ಯಾ‌ನ್ತ॑ರಸ್ಯ॒ ತರು॑ಷಃ | ಅ॒ಗ್ನಿಃ ಪಾ᳚ತು ಗೃಣ॒ತೋ ಅ॒ಗ್ನಿಃ ಸೂ॒ರೀನ॒ಗ್ನಿರ್ದ॑ದಾತು॒ ತೇಷಾ॒ಮವೋ᳚ ನಃ || 10.115.5
ವಾ॒ಜಿ‌ನ್ತ॑ಮಾಯ॒ ಸಹ್ಯ॑ಸೇ ಸುಪಿತ್ರ್ಯ ತೃ॒ಷು ಚ್ಯವಾ᳚ನೋ॒ ಅನು॑ ಜಾ॒ತವೇ᳚ದಸೇ | ಅ॒ನು॒ದ್ರೇ ಚಿ॒ದ್ಯೋ ಧೃ॑ಷ॒ತಾ ವರಂ᳚ ಸ॒ತೇ ಮ॒ಹಿ‌ನ್ತ॑ಮಾಯ॒ ಧನ್ವ॒ನೇದ॑ವಿಷ್ಯ॒ತೇ || 10.115.6
ಏ॒ವಾಗ್ನಿರ್ಮರ್ತೈಃ᳚ ಸ॒ಹ ಸೂ॒ರಿಭಿ॒ರ್ವಸುಃ॑ ಷ್ಟವೇ॒ ಸಹ॑ಸಃ ಸೂ॒ನರೋ॒ ನೃಭಿಃ॑ | ಮಿ॒ತ್ರಾಸೋ॒ ನ ಯೇ ಸುಧಿ॑ತಾ ಋತಾ॒ಯವೋ॒ ದ್ಯಾವೋ॒ ನ ದ್ಯು॒ಮ್ನೈರ॒ಭಿ ಸ‌ನ್ತಿ॒ ಮಾನು॑ಷಾನ್ || 10.115.7
ಊರ್ಜೋ᳚ ನಪಾತ್ಸಹಸಾವ॒ನ್ನಿತಿ॑ ತ್ವೋಪಸ್ತು॒ತಸ್ಯ॑ ವಂದತೇ॒ ವೃಷಾ॒ ವಾಕ್ | ತ್ವಾಂ ಸ್ತೋ᳚ಷಾಮ॒ ತ್ವಯಾ᳚ ಸು॒ವೀರಾ॒ ದ್ರಾಘೀ᳚ಯ॒ ಆಯುಃ॑ ಪ್ರತ॒ರಂ ದಧಾ᳚ನಾಃ || 10.115.8
ಇತಿ॑ ತ್ವಾಗ್ನೇ ವೃಷ್ಟಿ॒ಹವ್ಯ॑ಸ್ಯ ಪು॒ತ್ರಾ ಉ॑ಪಸ್ತು॒ತಾಸ॒ ಋಷ॑ಯೋಽವೋಚನ್ | ತಾಁಶ್ಚ॑ ಪಾ॒ಹಿ ಗೃ॑ಣ॒ತಶ್ಚ॑ ಸೂ॒ರೀನ್ವಷ॒ಡ್ವಷ॒ಳಿತ್ಯೂ॒ರ್ಧ್ವಾಸೋ᳚ ಅನಕ್ಷ॒ನ್ನಮೋ॒ ನಮ॒ ಇತ್ಯೂ॒ರ್ಧ್ವಾಸೋ᳚ ಅನಕ್ಷನ್ || 10.115.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಸ್ಥೌರೋಽಗ್ನಿಯುತೋಽಗ್ನಿಯೂಪೋ ವಾ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಪಿಬಾ॒ ಸೋಮಂ᳚ ಮಹ॒ತ ಇಂ᳚ದ್ರಿ॒ಯಾಯ॒ ಪಿಬಾ᳚ ವೃ॒ತ್ರಾಯ॒ ಹ‌ನ್ತ॑ವೇ ಶವಿಷ್ಠ | ಪಿಬ॑ ರಾ॒ಯೇ ಶವ॑ಸೇ ಹೂ॒ಯಮಾ᳚ನಃ॒ ಪಿಬ॒ ಮಧ್ವ॑ಸ್ತೃ॒ಪದಿಂ॒ದ್ರಾ ವೃ॑ಷಸ್ವ || 10.116.1
ಅ॒ಸ್ಯ ಪಿ॑ಬ ಕ್ಷು॒ಮತಃ॒ ಪ್ರಸ್ಥಿ॑ತ॒ಸ್ಯೇಂದ್ರ॒ ಸೋಮ॑ಸ್ಯ॒ ವರ॒ಮಾ ಸು॒ತಸ್ಯ॑ | ಸ್ವ॒ಸ್ತಿ॒ದಾ ಮನ॑ಸಾ ಮಾದಯಸ್ವಾರ್ವಾಚೀ॒ನೋ ರೇ॒ವತೇ॒ ಸೌಭ॑ಗಾಯ || 10.116.2
ಮ॒ಮತ್ತು॑ ತ್ವಾ ದಿ॒ವ್ಯಃ ಸೋಮ॑ ಇಂದ್ರ ಮ॒ಮತ್ತು॒ ಯಃ ಸೂ॒ಯತೇ॒ ಪಾರ್ಥಿ॑ವೇಷು | ಮ॒ಮತ್ತು॒ ಯೇನ॒ ವರಿ॑ವಶ್ಚ॒ಕರ್ಥ॑ ಮ॒ಮತ್ತು॒ ಯೇನ॑ ನಿರಿ॒ಣಾಸಿ॒ ಶತ್ರೂನ್॑ || 10.116.3
ಆ ದ್ವಿ॒ಬರ್ಹಾ᳚ ಅಮಿ॒ನೋ ಯಾ॒ತ್ವಿಂದ್ರೋ॒ ವೃಷಾ॒ ಹರಿ॑ಭ್ಯಾಂ॒ ಪರಿ॑ಷಿಕ್ತ॒ಮಂಧಃ॑ | ಗವ್ಯಾ ಸು॒ತಸ್ಯ॒ ಪ್ರಭೃ॑ತಸ್ಯ॒ ಮಧ್ವಃ॑ ಸ॒ತ್ರಾ ಖೇದಾ᳚ಮರುಶ॒ಹಾ ವೃ॑ಷಸ್ವ || 10.116.4
ನಿ ತಿ॒ಗ್ಮಾನಿ॑ ಭ್ರಾ॒ಶಯ॒ನ್ಭ್ರಾಶ್ಯಾ॒ನ್ಯವ॑ ಸ್ಥಿ॒ರಾ ತ॑ನುಹಿ ಯಾತು॒ಜೂನಾ᳚‌ಮ್ | ಉ॒ಗ್ರಾಯ॑ ತೇ॒ ಸಹೋ॒ ಬಲಂ᳚ ದದಾಮಿ ಪ್ರ॒ತೀತ್ಯಾ॒ ಶತ್ರೂ᳚ನ್ವಿಗ॒ದೇಷು॑ ವೃಶ್ಚ || 10.116.5
ವ್ಯ1॒᳚ರ್ಯ ಇಂ᳚ದ್ರ ತನುಹಿ॒ ಶ್ರವಾಂ॒ಸ್ಯೋಜಃ॑ ಸ್ಥಿ॒ರೇವ॒ ಧನ್ವ॑ನೋ॒ಽಭಿಮಾ᳚ತೀಃ | ಅ॒ಸ್ಮ॒ದ್ರ್ಯ॑ಗ್ವಾವೃಧಾ॒ನಃ ಸಹೋ᳚ಭಿ॒ರನಿ॑ಭೃಷ್ಟಸ್ತ॒ನ್ವಂ᳚ ವಾವೃಧಸ್ವ || 10.116.6
ಇ॒ದಂ ಹ॒ವಿರ್ಮ॑ಘವ॒‌ನ್ತುಭ್ಯಂ᳚ ರಾ॒ತಂ ಪ್ರತಿ॑ ಸಮ್ರಾ॒ಳಹೃ॑ಣಾನೋ ಗೃಭಾಯ | ತುಭ್ಯಂ᳚ ಸು॒ತೋ ಮ॑ಘವ॒‌ನ್ತುಭ್ಯಂ᳚ ಪ॒ಕ್ವೋ॒3॒॑ಽದ್ಧೀಂ᳚ದ್ರ॒ ಪಿಬ॑ ಚ॒ ಪ್ರಸ್ಥಿ॑ತಸ್ಯ || 10.116.7
ಅ॒ದ್ಧೀದಿಂ᳚ದ್ರ॒ ಪ್ರಸ್ಥಿ॑ತೇ॒ಮಾ ಹ॒ವೀಂಷಿ॒ ಚನೋ᳚ ದಧಿಷ್ವ ಪಚ॒ತೋತ ಸೋಮ‌ಮ್᳚ | ಪ್ರಯ॑ಸ್ವ‌ನ್ತಃ॒ ಪ್ರತಿ॑ ಹರ್ಯಾಮಸಿ ತ್ವಾ ಸ॒ತ್ಯಾಃ ಸ᳚‌ನ್ತು॒ ಯಜ॑ಮಾನಸ್ಯ॒ ಕಾಮಾಃ᳚ || 10.116.8
ಪ್ರೇಂದ್ರಾ॒ಗ್ನಿಭ್ಯಾಂ᳚ ಸುವಚ॒ಸ್ಯಾಮಿ॑ಯರ್ಮಿ॒ ಸಿಂಧಾ᳚ವಿವ॒ ಪ್ರೇರ॑ಯಂ॒ ನಾವ॑ಮ॒ರ್ಕೈಃ | ಅಯಾ᳚ ಇವ॒ ಪರಿ॑ ಚರ‌ನ್ತಿ ದೇ॒ವಾ ಯೇ ಅ॒ಸ್ಮಭ್ಯಂ᳚ ಧನ॒ದಾ ಉ॒ದ್ಭಿದ॑ಶ್ಚ || 10.116.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಭಿಕ್ಷಷಿಃ, ಧನಾನ್ನದಾನಂ ದೇವತಾ, (1-2) ಪ್ರಥಮಾದ್ವಿತೀಯಯೋರೃಚೋರ್ಜಗತೀ, (3-9) ತೃತೀಯಾದಿಸಪ್ತಾನಾಂಚ ತ್ರಿಷ್ಟುಪ್ ಛಂದಸೀ

ನ ವಾ ಉ॑ ದೇ॒ವಾಃ ಕ್ಷುಧ॒ಮಿದ್ವ॒ಧಂ ದ॑ದುರು॒ತಾಶಿ॑ತ॒ಮುಪ॑ ಗಚ್ಛ‌ನ್ತಿ ಮೃ॒ತ್ಯವಃ॑ | ಉ॒ತೋ ರ॒ಯಿಃ ಪೃ॑ಣ॒ತೋ ನೋಪ॑ ದಸ್ಯತ್ಯು॒ತಾಪೃ॑ಣನ್ಮರ್ಡಿ॒ತಾರಂ॒ ನ ವಿಂ᳚ದತೇ || 10.117.1
ಯ ಆ॒ಧ್ರಾಯ॑ ಚಕಮಾ॒ನಾಯ॑ ಪಿ॒ತ್ವೋಽನ್ನ॑ವಾ॒‌‌ನ್ತ್ಸನ್ರ॑ಫಿ॒ತಾಯೋ᳚ಪಜ॒ಗ್ಮುಷೇ᳚ | ಸ್ಥಿ॒ರಂ ಮನಃ॑ ಕೃಣು॒ತೇ ಸೇವ॑ತೇ ಪು॒ರೋತೋ ಚಿ॒ತ್ಸ ಮ॑ರ್ಡಿ॒ತಾರಂ॒ ನ ವಿಂ᳚ದತೇ || 10.117.2
ಸ ಇದ್ಭೋ॒ಜೋ ಯೋ ಗೃ॒ಹವೇ॒ ದದಾ॒ತ್ಯನ್ನ॑ಕಾಮಾಯ॒ ಚರ॑ತೇ ಕೃ॒ಶಾಯ॑ | ಅರ॑ಮಸ್ಮೈ ಭವತಿ॒ ಯಾಮ॑ಹೂತಾ ಉ॒ತಾಪ॒ರೀಷು॑ ಕೃಣುತೇ॒ ಸಖಾ᳚ಯ‌ಮ್ || 10.117.3
ನ ಸ ಸಖಾ॒ ಯೋ ನ ದದಾ᳚ತಿ॒ ಸಖ್ಯೇ᳚ ಸಚಾ॒ಭುವೇ॒ ಸಚ॑ಮಾನಾಯ ಪಿ॒ತ್ವಃ | ಅಪಾ᳚ಸ್ಮಾ॒ತ್ಪ್ರೇಯಾ॒ನ್ನ ತದೋಕೋ᳚ ಅಸ್ತಿ ಪೃ॒ಣ‌ನ್ತ॑ಮ॒ನ್ಯಮರ॑ಣಂ ಚಿದಿಚ್ಛೇತ್ || 10.117.4
ಪೃ॒ಣೀ॒ಯಾದಿನ್ನಾಧ॑ಮಾನಾಯ॒ ತವ್ಯಾಂ॒ದ್ರಾಘೀ᳚ಯಾಂಸ॒ಮನು॑ ಪಶ್ಯೇತ॒ ಪ‌ನ್ಥಾ᳚‌ಮ್ | ಓ ಹಿ ವರ್ತ᳚‌ನ್ತೇ॒ ರಥ್ಯೇ᳚ವ ಚ॒ಕ್ರಾನ್ಯಮ᳚ನ್ಯ॒ಮುಪ॑ ತಿಷ್ಠ‌ನ್ತ॒ ರಾಯಃ॑ || 10.117.5
ಮೋಘ॒ಮನ್ನಂ᳚ ವಿಂದತೇ॒ ಅಪ್ರ॑ಚೇತಾಃ ಸ॒ತ್ಯಂ ಬ್ರ॑ವೀಮಿ ವ॒ಧ ಇತ್ಸ ತಸ್ಯ॑ | ನಾರ್ಯ॒ಮಣಂ॒ ಪುಷ್ಯ॑ತಿ॒ ನೋ ಸಖಾ᳚ಯಂ॒ ಕೇವ॑ಲಾಘೋ ಭವತಿ ಕೇವಲಾ॒ದೀ || 10.117.6
ಕೃ॒ಷನ್ನಿತ್ಫಾಲ॒ ಆಶಿ॑ತಂ ಕೃಣೋತಿ॒ ಯನ್ನಧ್ವಾ᳚ನ॒ಮಪ॑ ವೃಂಕ್ತೇ ಚ॒ರಿತ್ರೈಃ᳚ | ವದ᳚ನ್ಬ್ರ॒ಹ್ಮಾವ॑ದತೋ॒ ವನೀ᳚ಯಾನ್ಪೃ॒ಣನ್ನಾ॒ಪಿರಪೃ॑ಣ‌ನ್ತಮ॒ಭಿ ಷ್ಯಾ᳚ತ್ || 10.117.7
ಏಕ॑ಪಾ॒ದ್ಭೂಯೋ᳚ ದ್ವಿ॒ಪದೋ॒ ವಿ ಚ॑ಕ್ರಮೇ ದ್ವಿ॒ಪಾತ್ತ್ರಿ॒ಪಾದ॑ಮ॒ಭ್ಯೇ᳚ತಿ ಪ॒ಶ್ಚಾತ್ | ಚತು॑ಷ್ಪಾದೇತಿ ದ್ವಿ॒ಪದಾ᳚ಮಭಿಸ್ವ॒ರೇ ಸಂ॒ಪಶ್ಯ᳚ನ್ಪಂ॒ಕ್ತೀರು॑ಪ॒ತಿಷ್ಠ॑ಮಾನಃ || 10.117.8
ಸ॒ಮೌ ಚಿ॒ದ್ಧಸ್ತೌ॒ ನ ಸ॒ಮಂ ವಿ॑ವಿಷ್ಟಃ ಸಮ್ಮಾ॒ತರಾ᳚ ಚಿ॒ನ್ನ ಸ॒ಮಂ ದು॑ಹಾತೇ | ಯ॒ಮಯೋ᳚ಶ್ಚಿ॒ನ್ನ ಸ॒ಮಾ ವೀ॒ರ್ಯಾ᳚ಣಿ ಜ್ಞಾ॒ತೀ ಚಿ॒ತ್ಸ‌ನ್ತೌ॒ ನ ಸ॒ಮಂ ಪೃ॑ಣೀತಃ || 10.117.9

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಮಹೀಯವ ಉರುಕ್ಷಯ ಋಷಿಃ, ರಕ್ಷೋಹಾಗ್ನಿದೇವ ತಾ. ಗಾಯತ್ರೀ ಛಂದಃ

ಅಗ್ನೇ॒ ಹಂಸಿ॒ ನ್ಯ1॒॑ತ್ರಿಣಂ॒ ದೀದ್ಯ॒ನ್ಮರ್ತ್ಯೇ॒ಷ್ವಾ | ಸ್ವೇ ಕ್ಷಯೇ᳚ ಶುಚಿವ್ರತ || 10.118.1
ಉತ್ತಿ॑ಷ್ಠಸಿ॒ ಸ್ವಾ᳚ಹುತೋ ಘೃ॒ತಾನಿ॒ ಪ್ರತಿ॑ ಮೋದಸೇ | ಯತ್ತ್ವಾ॒ ಸ್ರುಚಃ॑ ಸ॒ಮಸ್ಥಿ॑ರನ್ || 10.118.2
ಸ ಆಹು॑ತೋ॒ ವಿ ರೋ᳚ಚತೇ॒ಽಗ್ನಿರೀ॒ಳೇನ್ಯೋ᳚ ಗಿ॒ರಾ | ಸ್ರು॒ಚಾ ಪ್ರತೀ᳚ಕಮಜ್ಯತೇ || 10.118.3
ಘೃ॒ತೇನಾ॒ಗ್ನಿಃ ಸಮ॑ಜ್ಯತೇ॒ ಮಧು॑ಪ್ರತೀಕ॒ ಆಹು॑ತಃ | ರೋಚ॑ಮಾನೋ ವಿ॒ಭಾವ॑ಸುಃ || 10.118.4
ಜರ॑ಮಾಣಃ॒ ಸಮಿ॑ಧ್ಯಸೇ ದೇ॒ವೇಭ್ಯೋ᳚ ಹವ್ಯವಾಹನ | ತಂ ತ್ವಾ᳚ ಹವ‌ನ್ತ॒ ಮರ್ತ್ಯಾಃ᳚ || 10.118.5
ತಂ ಮ॑ರ್ತಾ॒ ಅಮ॑ರ್ತ್ಯಂ ಘೃ॒ತೇನಾ॒ಗ್ನಿಂ ಸ॑ಪರ್ಯತ | ಅದಾ᳚ಭ್ಯಂ ಗೃ॒ಹಪ॑ತಿ‌ಮ್ || 10.118.6
ಅದಾ᳚ಭ್ಯೇನ ಶೋ॒ಚಿಷಾಗ್ನೇ॒ ರಕ್ಷ॒ಸ್ತ್ವಂ ದ॑ಹ | ಗೋ॒ಪಾ ಋ॒ತಸ್ಯ॑ ದೀದಿಹಿ || 10.118.7
ಸ ತ್ವಮ॑ಗ್ನೇ॒ ಪ್ರತೀ᳚ಕೇನ॒ ಪ್ರತ್ಯೋ᳚ಷ ಯಾತುಧಾ॒ನ್ಯಃ॑ | ಉ॒ರು॒ಕ್ಷಯೇ᳚ಷು॒ ದೀದ್ಯ॑ತ್ || 10.118.8
ತಂ ತ್ವಾ᳚ ಗೀ॒ರ್ಭಿರು॑ರು॒ಕ್ಷಯಾ᳚ ಹವ್ಯ॒ವಾಹಂ॒ ಸಮೀ᳚ಧಿರೇ | ಯಜಿ॑ಷ್ಠಂ॒ ಮಾನು॑ಷೇ॒ ಜನೇ᳚ || 10.118.9

(1-13) ತ್ರಯೋದಶರ್ಚಸ್ಯಾಸ್ಯ ಸೂಕ್ತಸ್ಯೈಂದ್ರೋ ಲಬ ಋಷಿಃ, ಆತ್ಮಾ ದೇವತಾ. ಗಾಯತ್ರೀ ಛಂದಃ

ಇತಿ॒ ವಾ ಇತಿ॑ ಮೇ॒ ಮನೋ॒ ಗಾಮಶ್ವಂ᳚ ಸನುಯಾ॒ಮಿತಿ॑ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.1
ಪ್ರ ವಾತಾ᳚ ಇವ॒ ದೋಧ॑ತ॒ ಉನ್ಮಾ᳚ ಪೀ॒ತಾ ಅ॑ಯಂಸತ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.2
ಉನ್ಮಾ᳚ ಪೀ॒ತಾ ಅ॑ಯಂಸತ॒ ರಥ॒ಮಶ್ವಾ᳚ ಇವಾ॒ಶವಃ॑ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.3
ಉಪ॑ ಮಾ ಮ॒ತಿರ॑ಸ್ಥಿತ ವಾ॒ಶ್ರಾ ಪು॒ತ್ರಮಿ॑ವ ಪ್ರಿ॒ಯ‌ಮ್ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.4
ಅ॒ಹಂ ತಷ್ಟೇ᳚ವ ವಂ॒ಧುರಂ॒ ಪರ್ಯ॑ಚಾಮಿ ಹೃ॒ದಾ ಮ॒ತಿ‌ಮ್ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.5
ನ॒ಹಿ ಮೇ᳚ ಅಕ್ಷಿ॒ಪಚ್ಚ॒ನಾಚ್ಛಾ᳚‌ನ್ತ್ಸುಃ॒ ಪಂಚ॑ ಕೃ॒ಷ್ಟಯಃ॑ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.6
ನ॒ಹಿ ಮೇ॒ ರೋದ॑ಸೀ ಉ॒ಭೇ ಅ॒ನ್ಯಂ ಪ॒ಕ್ಷಂ ಚ॒ನ ಪ್ರತಿ॑ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.7
ಅ॒ಭಿ ದ್ಯಾಂ ಮ॑ಹಿ॒ನಾ ಭು॑ವಮ॒ಭೀ॒3॒॑ಮಾಂ ಪೃ॑ಥಿ॒ವೀಂ ಮ॒ಹೀ‌ಮ್ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.8
ಹ‌ನ್ತಾ॒ಹಂ ಪೃ॑ಥಿ॒ವೀಮಿ॒ಮಾಂ ನಿ ದ॑ಧಾನೀ॒ಹ ವೇ॒ಹ ವಾ᳚ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.9
ಓ॒ಷಮಿತ್ಪೃ॑ಥಿ॒ವೀಮ॒ಹಂ ಜಂ॒ಘನಾ᳚ನೀ॒ಹ ವೇ॒ಹ ವಾ᳚ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.10
ದಿ॒ವಿ ಮೇ᳚ ಅ॒ನ್ಯಃ ಪ॒ಕ್ಷೋ॒3॒॑ಽಧೋ ಅ॒ನ್ಯಮ॑ಚೀಕೃಷ‌ಮ್ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.11
ಅ॒ಹಮ॑ಸ್ಮಿ ಮಹಾಮ॒ಹೋ᳚ಽಭಿನ॒ಭ್ಯಮುದೀ᳚ಷಿತಃ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.12
ಗೃ॒ಹೋ ಯಾ॒ಮ್ಯರಂ᳚ಕೃತೋ ದೇ॒ವೇಭ್ಯೋ᳚ ಹವ್ಯ॒ವಾಹ॑ನಃ | ಕು॒ವಿತ್ಸೋಮ॒ಸ್ಯಾಪಾ॒ಮಿತಿ॑ || 10.119.13

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಥರ್ವಣೋ ಬೃಹದ್ದಿವ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ತದಿದಾ᳚ಸ॒ ಭುವ॑ನೇಷು॒ ಜ್ಯೇಷ್ಠಂ॒ ಯತೋ᳚ ಜ॒ಜ್ಞ ಉ॒ಗ್ರಸ್ತ್ವೇ॒ಷನೃ॑ಮ್ಣಃ | ಸ॒ದ್ಯೋ ಜ॑ಜ್ಞಾ॒ನೋ ನಿ ರಿ॑ಣಾತಿ॒ ಶತ್ರೂ॒ನನು॒ ಯಂ ವಿಶ್ವೇ॒ ಮದ॒‌ನ್ತ್ಯೂಮಾಃ᳚ || 10.120.1
ವಾ॒ವೃ॒ಧಾ॒ನಃ ಶವ॑ಸಾ॒ ಭೂರ್ಯೋ᳚ಜಾಃ॒ ಶತ್ರು॑ರ್ದಾ॒ಸಾಯ॑ ಭಿ॒ಯಸಂ᳚ ದಧಾತಿ | ಅವ್ಯ॑ನಚ್ಚ ವ್ಯ॒ನಚ್ಚ॒ ಸಸ್ನಿ॒ ಸಂ ತೇ᳚ ನವ‌ನ್ತ॒ ಪ್ರಭೃ॑ತಾ॒ ಮದೇ᳚ಷು || 10.120.2
ತ್ವೇ ಕ್ರತು॒ಮಪಿ॑ ವೃಂಜ‌ನ್ತಿ॒ ವಿಶ್ವೇ॒ ದ್ವಿರ್ಯದೇ॒ತೇ ತ್ರಿರ್ಭವ॒‌ನ್ತ್ಯೂಮಾಃ᳚ | ಸ್ವಾ॒ದೋಃ ಸ್ವಾದೀ᳚ಯಃ ಸ್ವಾ॒ದುನಾ᳚ ಸೃಜಾ॒ ಸಮ॒ದಃ ಸು ಮಧು॒ ಮಧು॑ನಾ॒ಭಿ ಯೋ᳚ಧೀಃ || 10.120.3
ಇತಿ॑ ಚಿ॒ದ್ಧಿ ತ್ವಾ॒ ಧನಾ॒ ಜಯ᳚‌ನ್ತಂ॒ ಮದೇ᳚ಮದೇ ಅನು॒ಮದ᳚‌ನ್ತಿ॒ ವಿಪ್ರಾಃ᳚ | ಓಜೀ᳚ಯೋ ಧೃಷ್ಣೋ ಸ್ಥಿ॒ರಮಾ ತ॑ನುಷ್ವ॒ ಮಾ ತ್ವಾ᳚ ದಭನ್ಯಾತು॒ಧಾನಾ᳚ ದು॒ರೇವಾಃ᳚ || 10.120.4
ತ್ವಯಾ᳚ ವ॒ಯಂ ಶಾ᳚ಶದ್ಮಹೇ॒ ರಣೇ᳚ಷು ಪ್ರ॒ಪಶ್ಯ᳚‌ನ್ತೋ ಯು॒ಧೇನ್ಯಾ᳚ನಿ॒ ಭೂರಿ॑ | ಚೋ॒ದಯಾ᳚ಮಿ ತ॒ ಆಯು॑ಧಾ॒ ವಚೋ᳚ಭಿಃ॒ ಸಂ ತೇ᳚ ಶಿಶಾಮಿ॒ ಬ್ರಹ್ಮ॑ಣಾ॒ ವಯಾಂ᳚ಸಿ || 10.120.5
ಸ್ತು॒ಷೇಯ್ಯಂ᳚ ಪುರು॒ವರ್ಪ॑ಸ॒ಮೃಭ್ವ॑ಮಿ॒ನತ॑ಮಮಾ॒ಪ್ತ್ಯಮಾ॒ಪ್ತ್ಯಾನಾ᳚‌ಮ್ | ಆ ದ॑ರ್ಷತೇ॒ ಶವ॑ಸಾ ಸ॒ಪ್ತ ದಾನೂ॒ನ್ಪ್ರ ಸಾ᳚ಕ್ಷತೇ ಪ್ರತಿ॒ಮಾನಾ᳚ನಿ॒ ಭೂರಿ॑ || 10.120.6
ನಿ ತದ್ದ॑ಧಿ॒ಷೇಽವ॑ರಂ॒ ಪರಂ᳚ ಚ॒ ಯಸ್ಮಿ॒ನ್ನಾವಿ॒ಥಾವ॑ಸಾ ದುರೋ॒ಣೇ | ಆ ಮಾ॒ತರಾ᳚ ಸ್ಥಾಪಯಸೇ ಜಿಗ॒ತ್ನೂ ಅತ॑ ಇನೋಷಿ॒ ಕರ್ವ॑ರಾ ಪು॒ರೂಣಿ॑ || 10.120.7
ಇ॒ಮಾ ಬ್ರಹ್ಮ॑ ಬೃ॒ಹದ್ದಿ॑ವೋ ವಿವ॒ಕ್ತೀಂದ್ರಾ᳚ಯ ಶೂ॒ಷಮ॑ಗ್ರಿ॒ಯಃ ಸ್ವ॒ರ್ಷಾಃ | ಮ॒ಹೋ ಗೋ॒ತ್ರಸ್ಯ॑ ಕ್ಷಯತಿ ಸ್ವ॒ರಾಜೋ॒ ದುರ॑ಶ್ಚ॒ ವಿಶ್ವಾ᳚ ಅವೃಣೋ॒ದಪ॒ ಸ್ವಾಃ || 10.120.8
ಏ॒ವಾ ಮ॒ಹಾನ್ಬೃ॒ಹದ್ದಿ॑ವೋ॒ ಅಥ॒ರ್ವಾವೋ᳚ಚ॒ತ್ಸ್ವಾಂ ತ॒ನ್ವ1॒॑ಮಿಂದ್ರ॑ಮೇ॒ವ | ಸ್ವಸಾ᳚ರೋ ಮಾತ॒ರಿಭ್ವ॑ರೀರರಿ॒ಪ್ರಾ ಹಿ॒ನ್ವ‌ನ್ತಿ॑ ಚ॒ ಶವ॑ಸಾ ವ॒ರ್ಧಯ᳚‌ನ್ತಿ ಚ || 10.120.9

(1-10) ದಶರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯೋ ಹಿರಣ್ಯಗರ್ಭ ಋಷಿಃ, ಕಃ (ಪ್ರಜಾಪತಿಃ) ದೇವತಾ, ತ್ರಿಷ್ಟುಪ್ ಛಂದಃ

ಹಿ॒ರ॒ಣ್ಯ॒ಗ॒ರ್ಭಃ ಸಮ॑ವರ್ತ॒ತಾಗ್ರೇ᳚ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ | ಸ ದಾ᳚ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.1
ಯ ಆ᳚ತ್ಮ॒ದಾ ಬ॑ಲ॒ದಾ ಯಸ್ಯ॒ ವಿಶ್ವ॑ ಉ॒ಪಾಸ॑ತೇ ಪ್ರ॒ಶಿಷಂ॒ ಯಸ್ಯ॑ ದೇ॒ವಾಃ | ಯಸ್ಯ॑ ಛಾ॒ಯಾಮೃತಂ॒ ಯಸ್ಯ॑ ಮೃ॒ತ್ಯುಃ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.2
ಯಃ ಪ್ರಾ᳚ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑ | ಯ ಈಶೇ᳚ ಅ॒ಸ್ಯ ದ್ವಿ॒ಪದ॒ಶ್ಚತು॑ಷ್ಪದಃ॒ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.3
ಯಸ್ಯೇ॒ಮೇ ಹಿ॒ಮವ᳚‌ನ್ತೋ ಮಹಿ॒ತ್ವಾ ಯಸ್ಯ॑ ಸಮು॒ದ್ರಂ ರ॒ಸಯಾ᳚ ಸ॒ಹಾಹುಃ | ಯಸ್ಯೇ॒ಮಾಃ ಪ್ರ॒ದಿಶೋ॒ ಯಸ್ಯ॑ ಬಾ॒ಹೂ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.4
ಯೇನ॒ ದ್ಯೌರು॒ಗ್ರಾ ಪೃ॑ಥಿ॒ವೀ ಚ॑ ದೃ॒ಳ್ಹಾ ಯೇನ॒ ಸ್ವಃ॑ ಸ್ತಭಿ॒ತಂ ಯೇನ॒ ನಾಕಃ॑ | ಯೋ ಅ॒‌ನ್ತರಿ॑ಕ್ಷೇ॒ ರಜ॑ಸೋ ವಿ॒ಮಾನಃ॒ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.5
ಯಂ ಕ್ರಂದ॑ಸೀ॒ ಅವ॑ಸಾ ತಸ್ತಭಾ॒ನೇ ಅ॒ಭ್ಯೈಕ್ಷೇ᳚ತಾಂ॒ ಮನ॑ಸಾ॒ ರೇಜ॑ಮಾನೇ | ಯತ್ರಾಧಿ॒ ಸೂರ॒ ಉದಿ॑ತೋ ವಿ॒ಭಾತಿ॒ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.6
ಆಪೋ᳚ ಹ॒ ಯದ್ಬೃ॑ಹ॒ತೀರ್ವಿಶ್ವ॒ಮಾಯ॒ನ್ಗರ್ಭಂ॒ ದಧಾ᳚ನಾ ಜ॒ನಯ᳚‌ನ್ತೀರ॒ಗ್ನಿ‌ಮ್ | ತತೋ᳚ ದೇ॒ವಾನಾಂ॒ ಸಮ॑ವರ್ತ॒ತಾಸು॒ರೇಕಃ॒ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.7
ಯಶ್ಚಿ॒ದಾಪೋ᳚ ಮಹಿ॒ನಾ ಪ॒ರ್ಯಪ॑ಶ್ಯ॒ದ್ದಕ್ಷಂ॒ ದಧಾ᳚ನಾ ಜ॒ನಯ᳚‌ನ್ತೀರ್ಯ॒ಜ್ಞ‌ಮ್ | ಯೋ ದೇ॒ವೇಷ್ವಧಿ॑ ದೇ॒ವ ಏಕ॒ ಆಸೀ॒ತ್ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.8
ಮಾ ನೋ᳚ ಹಿಂಸೀಜ್ಜನಿ॒ತಾ ಯಃ ಪೃ॑ಥಿ॒ವ್ಯಾ ಯೋ ವಾ॒ ದಿವಂ᳚ ಸ॒ತ್ಯಧ᳚ರ್ಮಾ ಜ॒ಜಾನ॑ | ಯಶ್ಚಾ॒ಪಶ್ಚಂ॒ದ್ರಾ ಬೃ॑ಹ॒ತೀರ್ಜ॒ಜಾನ॒ ಕಸ್ಮೈ᳚ ದೇ॒ವಾಯ॑ ಹ॒ವಿಷಾ᳚ ವಿಧೇಮ || 10.121.9
ಪ್ರಜಾ᳚ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ᳚ ಜಾ॒ತಾನಿ॒ ಪರಿ॒ ತಾ ಬ॑ಭೂವ | ಯತ್ಕಾ᳚ಮಾಸ್ತೇ ಜುಹು॒ಮಸ್ತನ್ನೋ᳚ ಅಸ್ತು ವ॒ಯಂ ಸ್ಯಾ᳚ಮ॒ ಪತ॑ಯೋ ರಯೀ॒ಣಾ‌ಮ್ || 10.121.10

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ವಾಸಿಷ್ಠಶ್ಚಿತ್ರಮಹಾ ಋಷಿಃ, ಅಗ್ನಿರ್ದೇವತಾ, (1, 5) ಪ್ರಥಮಾಪಂಚಮ್ಯೋರೃಚೋಸ್ತ್ರಿಷ್ಟುಪ್, (2-4, 6-8) ದ್ವಿತೀಯಾದಿತೃಚಸ್ಯ ಷಷ್ಠ್ಯಾದಿತೃಚಸ್ಯ ಚ ಜಗತೀ ಛಂದಸೀ

ವಸುಂ॒ ನ ಚಿ॒ತ್ರಮ॑ಹಸಂ ಗೃಣೀಷೇ ವಾ॒ಮಂ ಶೇವ॒ಮತಿ॑ಥಿಮದ್ವಿಷೇ॒ಣ್ಯ‌ಮ್ | ಸ ರಾ᳚ಸತೇ ಶು॒ರುಧೋ᳚ ವಿ॒ಶ್ವಧಾ᳚ಯಸೋ॒ಽಗ್ನಿರ್ಹೋತಾ᳚ ಗೃ॒ಹಪ॑ತಿಃ ಸು॒ವೀರ್ಯ‌ಮ್᳚ || 10.122.1
ಜು॒ಷಾ॒ಣೋ ಅ॑ಗ್ನೇ॒ ಪ್ರತಿ॑ ಹರ್ಯ ಮೇ॒ ವಚೋ॒ ವಿಶ್ವಾ᳚ನಿ ವಿ॒ದ್ವಾನ್ವ॒ಯುನಾ᳚ನಿ ಸುಕ್ರತೋ | ಘೃತ॑ನಿರ್ಣಿ॒ಗ್ಬ್ರಹ್ಮ॑ಣೇ ಗಾ॒ತುಮೇರ॑ಯ॒ ತವ॑ ದೇ॒ವಾ ಅ॑ಜನಯ॒ನ್ನನು᳚ ವ್ರ॒ತ‌ಮ್ || 10.122.2
ಸ॒ಪ್ತ ಧಾಮಾ᳚ನಿ ಪರಿ॒ಯನ್ನಮ॑ರ್ತ್ಯೋ॒ ದಾಶ॑ದ್ದಾ॒ಶುಷೇ᳚ ಸು॒ಕೃತೇ᳚ ಮಾಮಹಸ್ವ | ಸು॒ವೀರೇ᳚ಣ ರ॒ಯಿಣಾ᳚ಗ್ನೇ ಸ್ವಾ॒ಭುವಾ॒ ಯಸ್ತ॒ ಆನ॑ಟ್ ಸ॒ಮಿಧಾ॒ ತಂ ಜು॑ಷಸ್ವ || 10.122.3
ಯ॒ಜ್ಞಸ್ಯ॑ ಕೇ॒ತುಂ ಪ್ರ॑ಥ॒ಮಂ ಪು॒ರೋಹಿ॑ತಂ ಹ॒ವಿಷ್ಮ᳚‌ನ್ತ ಈಳತೇ ಸ॒ಪ್ತ ವಾ॒ಜಿನ‌ಮ್᳚ | ಶೃ॒ಣ್ವ‌ನ್ತ॑ಮ॒ಗ್ನಿಂ ಘೃ॒ತಪೃ॑ಷ್ಠಮು॒ಕ್ಷಣಂ᳚ ಪೃ॒ಣ‌ನ್ತಂ᳚ ದೇ॒ವಂ ಪೃ॑ಣ॒ತೇ ಸು॒ವೀರ್ಯ‌ಮ್᳚ || 10.122.4
ತ್ವಂ ದೂ॒ತಃ ಪ್ರ॑ಥ॒ಮೋ ವರೇ᳚ಣ್ಯಃ॒ ಸ ಹೂ॒ಯಮಾ᳚ನೋ ಅ॒ಮೃತಾ᳚ಯ ಮತ್ಸ್ವ | ತ್ವಾಂ ಮ॑ರ್ಜಯನ್ಮ॒ರುತೋ᳚ ದಾ॒ಶುಷೋ᳚ ಗೃ॒ಹೇ ತ್ವಾಂ ಸ್ತೋಮೇ᳚ಭಿ॒ರ್ಭೃಗ॑ವೋ॒ ವಿ ರು॑ರುಚುಃ || 10.122.5
ಇಷಂ᳚ ದು॒ಹ‌‌ನ್ತ್ಸು॒ದುಘಾಂ᳚ ವಿ॒ಶ್ವಧಾ᳚ಯಸಂ ಯಜ್ಞ॒ಪ್ರಿಯೇ॒ ಯಜ॑ಮಾನಾಯ ಸುಕ್ರತೋ | ಅಗ್ನೇ᳚ ಘೃ॒ತಸ್ನು॒ಸ್ತ್ರಿರ್‌ಋ॒ತಾನಿ॒ ದೀದ್ಯ॑ದ್ವ॒ರ್ತಿರ್ಯ॒ಜ್ಞಂ ಪ॑ರಿ॒ಯ‌‌ನ್ತ್ಸು॑ಕ್ರತೂಯಸೇ || 10.122.6
ತ್ವಾಮಿದ॒ಸ್ಯಾ ಉ॒ಷಸೋ॒ ವ್ಯು॑ಷ್ಟಿಷು ದೂ॒ತಂ ಕೃ᳚ಣ್ವಾ॒ನಾ ಅ॑ಯಜ‌ನ್ತ॒ ಮಾನು॑ಷಾಃ | ತ್ವಾಂ ದೇ॒ವಾ ಮ॑ಹ॒ಯಾಯ್ಯಾ᳚ಯ ವಾವೃಧು॒ರಾಜ್ಯ॑ಮಗ್ನೇ ನಿಮೃ॒ಜ‌ನ್ತೋ᳚ ಅಧ್ವ॒ರೇ || 10.122.7
ನಿ ತ್ವಾ॒ ವಸಿ॑ಷ್ಠಾ ಅಹ್ವ‌ನ್ತ ವಾ॒ಜಿನಂ᳚ ಗೃ॒ಣ‌ನ್ತೋ᳚ ಅಗ್ನೇ ವಿ॒ದಥೇ᳚ಷು ವೇ॒ಧಸಃ॑ | ರಾ॒ಯಸ್ಪೋಷಂ॒ ಯಜ॑ಮಾನೇಷು ಧಾರಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ || 10.122.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವೋ ವೇನ ಋಷಿಃ, ವೇನೋ ದೇವತಾ, ತ್ರಿಷ್ಟುಪ್ ಛಂದಃ

ಅ॒ಯಂ ವೇ॒ನಶ್ಚೋ᳚ದಯ॒ತ್ಪೃಶ್ನಿ॑ಗರ್ಭಾ॒ ಜ್ಯೋತಿ॑ರ್ಜರಾಯೂ॒ ರಜ॑ಸೋ ವಿ॒ಮಾನೇ᳚ | ಇ॒ಮಮ॒ಪಾಂ ಸಂ᳚ಗ॒ಮೇ ಸೂರ್ಯ॑ಸ್ಯ॒ ಶಿಶುಂ॒ ನ ವಿಪ್ರಾ᳚ ಮ॒ತಿಭೀ᳚ ರಿಹ‌ನ್ತಿ || 10.123.1
ಸ॒ಮು॒ದ್ರಾದೂ॒ರ್ಮಿಮುದಿ॑ಯರ್ತಿ ವೇ॒ನೋ ನ॑ಭೋ॒ಜಾಃ ಪೃ॒ಷ್ಠಂ ಹ᳚ರ್ಯ॒ತಸ್ಯ॑ ದರ್ಶಿ | ಋ॒ತಸ್ಯ॒ ಸಾನಾ॒ವಧಿ॑ ವಿ॒ಷ್ಟಪಿ॒ ಭ್ರಾಟ್ ಸ॑ಮಾ॒ನಂ ಯೋನಿ॑ಮ॒ಭ್ಯ॑ನೂಷತ॒ ವ್ರಾಃ || 10.123.2
ಸ॒ಮಾ॒ನಂ ಪೂ॒ರ್ವೀರ॒ಭಿ ವಾ᳚ವಶಾ॒ನಾಸ್ತಿಷ್ಠ᳚ನ್ವ॒ತ್ಸಸ್ಯ॑ ಮಾ॒ತರಃ॒ ಸನೀ᳚ಳಾಃ | ಋ॒ತಸ್ಯ॒ ಸಾನಾ॒ವಧಿ॑ ಚಕ್ರಮಾ॒ಣಾ ರಿ॒ಹ‌ನ್ತಿ॒ ಮಧ್ವೋ᳚ ಅ॒ಮೃತ॑ಸ್ಯ॒ ವಾಣೀಃ᳚ || 10.123.3
ಜಾ॒ನ‌ನ್ತೋ᳚ ರೂ॒ಪಮ॑ಕೃಪ‌ನ್ತ॒ ವಿಪ್ರಾ᳚ ಮೃ॒ಗಸ್ಯ॒ ಘೋಷಂ᳚ ಮಹಿ॒ಷಸ್ಯ॒ ಹಿ ಗ್ಮನ್ | ಋ॒ತೇನ॒ ಯ‌ನ್ತೋ॒ ಅಧಿ॒ ಸಿಂಧು॑ಮಸ್ಥುರ್ವಿ॒ದದ್ಗಂ᳚ಧ॒ರ್ವೋ ಅ॒ಮೃತಾ᳚ನಿ॒ ನಾಮ॑ || 10.123.4
ಅ॒ಪ್ಸ॒ರಾ ಜಾ॒ರಮು॑ಪಸಿಷ್ಮಿಯಾ॒ಣಾ ಯೋಷಾ᳚ ಬಿಭರ್ತಿ ಪರ॒ಮೇ ವ್ಯೋ᳚ಮನ್ | ಚರ॑ತ್ಪ್ರಿ॒ಯಸ್ಯ॒ ಯೋನಿ॑ಷು ಪ್ರಿ॒ಯಃ ಸ‌‌ನ್ತ್ಸೀದ॑ತ್ಪ॒ಕ್ಷೇ ಹಿ॑ರ॒ಣ್ಯಯೇ॒ ಸ ವೇ॒ನಃ || 10.123.5
ನಾಕೇ᳚ ಸುಪ॒ರ್ಣಮುಪ॒ ಯತ್ಪತ᳚‌ನ್ತಂ ಹೃ॒ದಾ ವೇನ᳚‌ನ್ತೋ ಅ॒ಭ್ಯಚ॑ಕ್ಷತ ತ್ವಾ | ಹಿರ᳚ಣ್ಯಪಕ್ಷಂ॒ ವರು॑ಣಸ್ಯ ದೂ॒ತಂ ಯ॒ಮಸ್ಯ॒ ಯೋನೌ᳚ ಶಕು॒ನಂ ಭು॑ರ॒ಣ್ಯು‌ಮ್ || 10.123.6
ಊ॒ರ್ಧ್ವೋ ಗಂ᳚ಧ॒ರ್ವೋ ಅಧಿ॒ ನಾಕೇ᳚ ಅಸ್ಥಾತ್ಪ್ರ॒ತ್ಯಙ್ಚಿ॒ತ್ರಾ ಬಿಭ್ರ॑ದ॒ಸ್ಯಾಯು॑ಧಾನಿ | ವಸಾ᳚ನೋ॒ ಅತ್ಕಂ᳚ ಸುರ॒ಭಿಂ ದೃ॒ಶೇ ಕಂ ಸ್ವ1॒᳚ರ್ಣ ನಾಮ॑ ಜನತ ಪ್ರಿ॒ಯಾಣಿ॑ || 10.123.7
ದ್ರ॒ಪ್ಸಃ ಸ॑ಮು॒ದ್ರಮ॒ಭಿ ಯಜ್ಜಿಗಾ᳚ತಿ॒ ಪಶ್ಯ॒ನ್ಗೃಧ್ರ॑ಸ್ಯ॒ ಚಕ್ಷ॑ಸಾ॒ ವಿಧ᳚ರ್ಮನ್ | ಭಾ॒ನುಃ ಶು॒ಕ್ರೇಣ॑ ಶೋ॒ಚಿಷಾ᳚ ಚಕಾ॒ನಸ್ತೃ॒ತೀಯೇ᳚ ಚಕ್ರೇ॒ ರಜ॑ಸಿ ಪ್ರಿ॒ಯಾಣಿ॑ || 10.123.8

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ (1, 5-9) ಪ್ರಥಮರ್ಚಃ ಪಂಚಮ್ಯಾದಿಪಂಚಾನಾಂಚಾಗ್ನಿವರುಣಸೋಮಾಃ, (2-4) ದ್ವಿತೀಯಾದಿತೃಚಸ್ಯ ಚಾಗ್ನಿರೃಷಯಃ (1) ಪ್ರಥಮರ್ಚೋಽಗ್ನಿಃ, (2-4) ದ್ವಿತೀಯಾದಿತೃಚಸ್ಯಾಗ್ನೇರಾತ್ಮಾ, (5, 7-8) ಪಂಚಮೀಸಪ್ತಮ್ಯಷ್ಟಮೀನಾಂ ವರುಣಃ, (6) ಷಷ್ಠ್ಯಾಃ ಸೋಮಃ, (9) ನವಮ್ಯಾಶ್ಚೇಂದ್ರೋ ದೇವತಾಃ (1-6, 8-9) ಪ್ರಥಮಾದಿಷಡ಼ಚಾಮಷ್ಟಮೀನವಮ್ಯೋಶ್ಚ ತ್ರಿಷ್ಟುಪ್, (7) ಸಪ್ತಮ್ಯಾಶ್ಚ ಜಗತೀ ಛಂದಸೀ

ಇ॒ಮಂ ನೋ᳚ ಅಗ್ನ॒ ಉಪ॑ ಯ॒ಜ್ಞಮೇಹಿ॒ ಪಂಚ॑ಯಾಮಂ ತ್ರಿ॒ವೃತಂ᳚ ಸ॒ಪ್ತತ᳚‌ನ್ತು‌ಮ್ | ಅಸೋ᳚ ಹವ್ಯ॒ವಾಳು॒ತ ನಃ॑ ಪುರೋ॒ಗಾ ಜ್ಯೋಗೇ॒ವ ದೀ॒ರ್ಘಂ ತಮ॒ ಆಶ॑ಯಿಷ್ಠಾಃ || 10.124.1
ಅದೇ᳚ವಾದ್ದೇ॒ವಃ ಪ್ರ॒ಚತಾ॒ ಗುಹಾ॒ ಯನ್ಪ್ರ॒ಪಶ್ಯ॑ಮಾನೋ ಅಮೃತ॒ತ್ವಮೇ᳚ಮಿ | ಶಿ॒ವಂ ಯತ್ಸ‌ನ್ತ॒ಮಶಿ॑ವೋ॒ ಜಹಾ᳚ಮಿ॒ ಸ್ವಾತ್ಸ॒ಖ್ಯಾದರ॑ಣೀಂ॒ ನಾಭಿ॑ಮೇಮಿ || 10.124.2
ಪಶ್ಯ᳚ನ್ನ॒ನ್ಯಸ್ಯಾ॒ ಅತಿ॑ಥಿಂ ವ॒ಯಾಯಾ᳚ ಋ॒ತಸ್ಯ॒ ಧಾಮ॒ ವಿ ಮಿ॑ಮೇ ಪು॒ರೂಣಿ॑ | ಶಂಸಾ᳚ಮಿ ಪಿ॒ತ್ರೇ ಅಸು॑ರಾಯ॒ ಶೇವ॑ಮಯಜ್ಞಿ॒ಯಾದ್ಯ॒ಜ್ಞಿಯಂ᳚ ಭಾ॒ಗಮೇ᳚ಮಿ || 10.124.3
ಬ॒ಹ್ವೀಃ ಸಮಾ᳚ ಅಕರಮ॒‌ನ್ತರ॑ಸ್ಮಿ॒ನ್ನಿಂದ್ರಂ᳚ ವೃಣಾ॒ನಃ ಪಿ॒ತರಂ᳚ ಜಹಾಮಿ | ಅ॒ಗ್ನಿಃ ಸೋಮೋ॒ ವರು॑ಣ॒ಸ್ತೇ ಚ್ಯ॑ವ‌ನ್ತೇ ಪ॒ರ್ಯಾವ॑ರ್ದ್ರಾ॒ಷ್ಟ್ರಂ ತದ॑ವಾಮ್ಯಾ॒ಯನ್ || 10.124.4
ನಿರ್ಮಾ᳚ಯಾ ಉ॒ ತ್ಯೇ ಅಸು॑ರಾ ಅಭೂವ॒‌ನ್ತ್ವಂ ಚ॑ ಮಾ ವರುಣ ಕಾ॒ಮಯಾ᳚ಸೇ | ಋ॒ತೇನ॑ ರಾಜ॒ನ್ನನೃ॑ತಂ ವಿವಿಂ॒ಚನ್ಮಮ॑ ರಾ॒ಷ್ಟ್ರಸ್ಯಾಧಿ॑ಪತ್ಯ॒ಮೇಹಿ॑ || 10.124.5
ಇ॒ದಂ ಸ್ವ॑ರಿ॒ದಮಿದಾ᳚ಸ ವಾ॒ಮಮ॒ಯಂ ಪ್ರ॑ಕಾ॒ಶ ಉ॒ರ್ವ1॒᳚‌ನ್ತರಿ॑ಕ್ಷ‌ಮ್ | ಹನಾ᳚ವ ವೃ॒ತ್ರಂ ನಿ॒ರೇಹಿ॑ ಸೋಮ ಹ॒ವಿಷ್ಟ್ವಾ॒ ಸ‌ನ್ತಂ᳚ ಹ॒ವಿಷಾ᳚ ಯಜಾಮ || 10.124.6
ಕ॒ವಿಃ ಕ॑ವಿ॒ತ್ವಾ ದಿ॒ವಿ ರೂ॒ಪಮಾಸ॑ಜ॒ದಪ್ರ॑ಭೂತೀ॒ ವರು॑ಣೋ॒ ನಿರ॒ಪಃ ಸೃ॑ಜತ್ | ಕ್ಷೇಮಂ᳚ ಕೃಣ್ವಾ॒ನಾ ಜನ॑ಯೋ॒ ನ ಸಿಂಧ॑ವ॒ಸ್ತಾ ಅ॑ಸ್ಯ॒ ವರ್ಣಂ॒ ಶುಚ॑ಯೋ ಭರಿಭ್ರತಿ || 10.124.7
ತಾ ಅ॑ಸ್ಯ॒ ಜ್ಯೇಷ್ಠ॑ಮಿಂದ್ರಿ॒ಯಂ ಸ॑ಚ‌ನ್ತೇ॒ ತಾ ಈ॒ಮಾ ಕ್ಷೇ᳚ತಿ ಸ್ವ॒ಧಯಾ॒ ಮದ᳚‌ನ್ತೀಃ | ತಾ ಈಂ॒ ವಿಶೋ॒ ನ ರಾಜಾ᳚ನಂ ವೃಣಾ॒ನಾ ಬೀ᳚ಭ॒ತ್ಸುವೋ॒ ಅಪ॑ ವೃ॒ತ್ರಾದ॑ತಿಷ್ಠನ್ || 10.124.8
ಬೀ॒ಭ॒ತ್ಸೂನಾಂ᳚ ಸ॒ಯುಜಂ᳚ ಹಂ॒ಸಮಾ᳚ಹುರ॒ಪಾಂ ದಿ॒ವ್ಯಾನಾಂ᳚ ಸ॒ಖ್ಯೇ ಚರ᳚‌ನ್ತ‌ಮ್ | ಅ॒ನು॒ಷ್ಟುಭ॒ಮನು॑ ಚರ್ಚೂ॒ರ್ಯಮಾ᳚ಣ॒ಮಿಂದ್ರಂ॒ ನಿ ಚಿ॑ಕ್ಯುಃ ಕ॒ವಯೋ᳚ ಮನೀ॒ಷಾ || 10.124.9

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯಾಂಭೃಣೀ ವಾಗೃಷಿಕಾ, ಆತ್ಮಾ ದೇವತಾ, (1, 3-8) ಪ್ರಥಮರ್ಚಸ್ತೃತೀಯಾದಿಷಣ್ಣಾಂಚ ತ್ರಿಷ್ಟುಪ್, (2) ದ್ವಿತೀಯಾಯಾಶ್ಚ ಜಗತೀ ಛಂದಸೀ

ಅ॒ಹಂ ರು॒ದ್ರೇಭಿ॒ರ್ವಸು॑ಭಿಶ್ಚರಾಮ್ಯ॒ಹಮಾ᳚ದಿ॒ತ್ಯೈರು॒ತ ವಿ॒ಶ್ವದೇ᳚ವೈಃ | ಅ॒ಹಂ ಮಿ॒ತ್ರಾವರು॑ಣೋ॒ಭಾ ಬಿ॑ಭರ್ಮ್ಯ॒ಹಮಿಂ᳚ದ್ರಾ॒ಗ್ನೀ ಅ॒ಹಮ॒ಶ್ವಿನೋ॒ಭಾ || 10.125.1
ಅ॒ಹಂ ಸೋಮ॑ಮಾಹ॒ನಸಂ᳚ ಬಿಭರ್ಮ್ಯ॒ಹಂ ತ್ವಷ್ಟಾ᳚ರಮು॒ತ ಪೂ॒ಷಣಂ॒ ಭಗ‌ಮ್᳚ | ಅ॒ಹಂ ದ॑ಧಾಮಿ॒ ದ್ರವಿ॑ಣಂ ಹ॒ವಿಷ್ಮ॑ತೇ ಸುಪ್ರಾ॒ವ್ಯೇ॒3॒॑ ಯಜ॑ಮಾನಾಯ ಸುನ್ವ॒ತೇ || 10.125.2
ಅ॒ಹಂ ರಾಷ್ಟ್ರೀ᳚ ಸಂ॒ಗಮ॑ನೀ॒ ವಸೂ᳚ನಾಂ ಚಿಕಿ॒ತುಷೀ᳚ ಪ್ರಥ॒ಮಾ ಯ॒ಜ್ಞಿಯಾ᳚ನಾ‌ಮ್ | ತಾಂ ಮಾ᳚ ದೇ॒ವಾ ವ್ಯ॑ದಧುಃ ಪುರು॒ತ್ರಾ ಭೂರಿ॑ಸ್ಥಾತ್ರಾಂ॒ ಭೂರ್ಯಾ᳚ವೇ॒ಶಯ᳚‌ನ್ತೀ‌ಮ್ || 10.125.3
ಮಯಾ॒ ಸೋ ಅನ್ನ॑ಮತ್ತಿ॒ ಯೋ ವಿ॒ಪಶ್ಯ॑ತಿ॒ ಯಃ ಪ್ರಾಣಿ॑ತಿ॒ ಯ ಈಂ᳚ ಶೃ॒ಣೋತ್ಯು॒ಕ್ತ‌ಮ್ | ಅ॒ಮ॒‌ನ್ತವೋ॒ ಮಾಂ ತ ಉಪ॑ ಕ್ಷಿಯ‌ನ್ತಿ ಶ್ರು॒ಧಿ ಶ್ರು॑ತ ಶ್ರದ್ಧಿ॒ವಂ ತೇ᳚ ವದಾಮಿ || 10.125.4
ಅ॒ಹಮೇ॒ವ ಸ್ವ॒ಯಮಿ॒ದಂ ವ॑ದಾಮಿ॒ ಜುಷ್ಟಂ᳚ ದೇ॒ವೇಭಿ॑ರು॒ತ ಮಾನು॑ಷೇಭಿಃ | ಯಂ ಕಾ॒ಮಯೇ॒ ತಂತ॑ಮು॒ಗ್ರಂ ಕೃ॑ಣೋಮಿ॒ ತಂ ಬ್ರ॒ಹ್ಮಾಣಂ॒ ತಮೃಷಿಂ॒ ತಂ ಸು॑ಮೇ॒ಧಾ‌ಮ್ || 10.125.5
ಅ॒ಹಂ ರು॒ದ್ರಾಯ॒ ಧನು॒ರಾ ತ॑ನೋಮಿ ಬ್ರಹ್ಮ॒ದ್ವಿಷೇ॒ ಶರ॑ವೇ॒ ಹ‌ನ್ತ॒ವಾ ಉ॑ | ಅ॒ಹಂ ಜನಾ᳚ಯ ಸ॒ಮದಂ᳚ ಕೃಣೋಮ್ಯ॒ಹಂ ದ್ಯಾವಾ᳚ಪೃಥಿ॒ವೀ ಆ ವಿ॑ವೇಶ || 10.125.6
ಅ॒ಹಂ ಸು॑ವೇ ಪಿ॒ತರ॑ಮಸ್ಯ ಮೂ॒ರ್ಧನ್ಮಮ॒ ಯೋನಿ॑ರ॒ಪ್ಸ್ವ1॒᳚‌ನ್ತಃ ಸ॑ಮು॒ದ್ರೇ | ತತೋ॒ ವಿ ತಿ॑ಷ್ಠೇ॒ ಭುವ॒ನಾನು॒ ವಿಶ್ವೋ॒ತಾಮೂಂ ದ್ಯಾಂ ವ॒ರ್ಷ್ಮಣೋಪ॑ ಸ್ಪೃಶಾಮಿ || 10.125.7
ಅ॒ಹಮೇ॒ವ ವಾತ॑ ಇವ॒ ಪ್ರ ವಾ᳚ಮ್ಯಾ॒ರಭ॑ಮಾಣಾ॒ ಭುವ॑ನಾನಿ॒ ವಿಶ್ವಾ᳚ | ಪ॒ರೋ ದಿ॒ವಾ ಪ॒ರ ಏ॒ನಾ ಪೃ॑ಥಿ॒ವ್ಯೈತಾವ॑ತೀ ಮಹಿ॒ನಾ ಸಂ ಬ॑ಭೂವ || 10.125.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಶೈಲಾ ಷಃ ಕುಲ್ಮಲಬರ್ಹಿಷೋ ವಾಮದೇವ್ಯೋಂಹೋಮುಗ್ವಾ ಋಷಿಃ, ವಿಶ್ವೇ ದೇವಾ ದೇವತಾಃ (1-7) ಪ್ರಥಮಾದಿಸಪ್ತರ್ಚಾಮಪು ರಿಷ್ಟಾದ್ವೃಹತೀ, (8) ಅಷ್ಟಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ನ ತಮಂಹೋ॒ ನ ದು॑ರಿ॒ತಂ ದೇವಾ᳚ಸೋ ಅಷ್ಟ॒ ಮರ್ತ್ಯ‌ಮ್᳚ | ಸ॒ಜೋಷ॑ಸೋ॒ ಯಮ᳚ರ್ಯ॒ಮಾ ಮಿ॒ತ್ರೋ ನಯ᳚‌ನ್ತಿ॒ ವರು॑ಣೋ॒ ಅತಿ॒ ದ್ವಿಷಃ॑ || 10.126.1
ತದ್ಧಿ ವ॒ಯಂ ವೃ॑ಣೀ॒ಮಹೇ॒ ವರು॑ಣ॒ ಮಿತ್ರಾರ್ಯ॑ಮನ್ | ಯೇನಾ॒ ನಿರಂಹ॑ಸೋ ಯೂ॒ಯಂ ಪಾ॒ಥ ನೇ॒ಥಾ ಚ॒ ಮರ್ತ್ಯ॒ಮತಿ॒ ದ್ವಿಷಃ॑ || 10.126.2
ತೇ ನೂ॒ನಂ ನೋ॒ಽಯಮೂ॒ತಯೇ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ನಯಿ॑ಷ್ಠಾ ಉ ನೋ ನೇ॒ಷಣಿ॒ ಪರ್ಷಿ॑ಷ್ಠಾ ಉ ನಃ ಪ॒ರ್ಷಣ್ಯತಿ॒ ದ್ವಿಷಃ॑ || 10.126.3
ಯೂ॒ಯಂ ವಿಶ್ವಂ॒ ಪರಿ॑ ಪಾಥ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ಯು॒ಷ್ಮಾಕಂ॒ ಶರ್ಮ॑ಣಿ ಪ್ರಿ॒ಯೇ ಸ್ಯಾಮ॑ ಸುಪ್ರಣೀತ॒ಯೋಽತಿ॒ ದ್ವಿಷಃ॑ || 10.126.4
ಆ॒ದಿ॒ತ್ಯಾಸೋ॒ ಅತಿ॒ ಸ್ರಿಧೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ಉ॒ಗ್ರಂ ಮ॒ರುದ್ಭೀ᳚ ರು॒ದ್ರಂ ಹು॑ವೇ॒ಮೇಂದ್ರ॑ಮ॒ಗ್ನಿಂ ಸ್ವ॒ಸ್ತಯೇಽತಿ॒ ದ್ವಿಷಃ॑ || 10.126.5
ನೇತಾ᳚ರ ಊ॒ ಷು ಣ॑ಸ್ತಿ॒ರೋ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ಅತಿ॒ ವಿಶ್ವಾ᳚ನಿ ದುರಿ॒ತಾ ರಾಜಾ᳚ನಶ್ಚರ್ಷಣೀ॒ನಾಮತಿ॒ ದ್ವಿಷಃ॑ || 10.126.6
ಶು॒ನಮ॒ಸ್ಮಭ್ಯ॑ಮೂ॒ತಯೇ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ಶರ್ಮ॑ ಯಚ್ಛ‌ನ್ತು ಸ॒ಪ್ರಥ॑ ಆದಿ॒ತ್ಯಾಸೋ॒ ಯದೀಮ॑ಹೇ॒ ಅತಿ॒ ದ್ವಿಷಃ॑ || 10.126.7
ಯಥಾ᳚ ಹ॒ ತ್ಯದ್ವ॑ಸವೋ ಗೌ॒ರ್ಯಂ᳚ ಚಿತ್ಪ॒ದಿ ಷಿ॒ತಾಮಮುಂ᳚ಚತಾ ಯಜತ್ರಾಃ | ಏ॒ವೋ ಷ್ವ1॒॑ಸ್ಮನ್ಮುಂ᳚ಚತಾ॒ ವ್ಯಂಹಃ॒ ಪ್ರ ತಾ᳚ರ್ಯಗ್ನೇ ಪ್ರತ॒ರಂ ನ॒ ಆಯುಃ॑ || 10.126.8

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಸೌಭರಃ ಕಶಿಕ ಋಷಿರ್ಭಾರದ್ವಾಜೀ ರಾತ್ರಿರ್ವಾ ಅಷಿಕಾ, ರಾತ್ರಿದೇವ ತಾ. ಗಾಯತ್ರೀ ಛಂದಃ

ರಾತ್ರೀ॒ ವ್ಯ॑ಖ್ಯದಾಯ॒ತೀ ಪು॑ರು॒ತ್ರಾ ದೇ॒ವ್ಯ1॒॑ಕ್ಷಭಿಃ॑ | ವಿಶ್ವಾ॒ ಅಧಿ॒ ಶ್ರಿಯೋ᳚ಽಧಿತ || 10.127.1
ಓರ್ವ॑ಪ್ರಾ॒ ಅಮ॑ರ್ತ್ಯಾ ನಿ॒ವತೋ᳚ ದೇ॒ವ್ಯು1॒॑ದ್ವತಃ॑ | ಜ್ಯೋತಿ॑ಷಾ ಬಾಧತೇ॒ ತಮಃ॑ || 10.127.2
ನಿರು॒ ಸ್ವಸಾ᳚ರಮಸ್ಕೃತೋ॒ಷಸಂ᳚ ದೇ॒ವ್ಯಾ᳚ಯ॒ತೀ | ಅಪೇದು॑ ಹಾಸತೇ॒ ತಮಃ॑ || 10.127.3
ಸಾ ನೋ᳚ ಅ॒ದ್ಯ ಯಸ್ಯಾ᳚ ವ॒ಯಂ ನಿ ತೇ॒ ಯಾಮ॒ನ್ನವಿ॑ಕ್ಷ್ಮಹಿ | ವೃ॒ಕ್ಷೇ ನ ವ॑ಸ॒ತಿಂ ವಯಃ॑ || 10.127.4
ನಿ ಗ್ರಾಮಾ᳚ಸೋ ಅವಿಕ್ಷತ॒ ನಿ ಪ॒ದ್ವ‌ನ್ತೋ॒ ನಿ ಪ॒ಕ್ಷಿಣಃ॑ | ನಿ ಶ್ಯೇ॒ನಾಸ॑ಶ್ಚಿದ॒ರ್ಥಿನಃ॑ || 10.127.5
ಯಾ॒ವಯಾ᳚ ವೃ॒ಕ್ಯ1॒॑ ಅಂವೃಕಂ᳚ ಯ॒ವಯ॑ ಸ್ತೇ॒ನಮೂ᳚ರ್ಮ್ಯೇ | ಅಥಾ᳚ ನಃ ಸು॒ತರಾ᳚ ಭವ || 10.127.6
ಉಪ॑ ಮಾ॒ ಪೇಪಿ॑ಶ॒ತ್ತಮಃ॑ ಕೃ॒ಷ್ಣಂ ವ್ಯ॑ಕ್ತಮಸ್ಥಿತ | ಉಷ॑ ಋ॒ಣೇವ॑ ಯಾತಯ || 10.127.7
ಉಪ॑ ತೇ॒ ಗಾ ಇ॒ವಾಕ॑ರಂ ವೃಣೀ॒ಷ್ವ ದು॑ಹಿತರ್ದಿವಃ | ರಾತ್ರಿ॒ ಸ್ತೋಮಂ॒ ನ ಜಿ॒ಗ್ಯುಷೇ᳚ || 10.127.8

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ವಿಹವ್ಯ ಋಷಿಃ, ವಿಶ್ವೇ ದೇವಾ ದೇವತಾಃ (18) ಪ್ರಥಮಾದ್ಯಶ್ಟರ್ಚಾಂ ತ್ರಿಷ್ಟುಪ್, (9) ನವಮ್ಯಾಶ್ಚ ಜಗತೀ ಛಂದಸೀ

ಮಮಾ᳚ಗ್ನೇ॒ ವರ್ಚೋ᳚ ವಿಹ॒ವೇಷ್ವ॑ಸ್ತು ವ॒ಯಂ ತ್ವೇಂಧಾ᳚ನಾಸ್ತ॒ನ್ವಂ᳚ ಪುಷೇಮ | ಮಹ್ಯಂ᳚ ನಮ‌ನ್ತಾಂ ಪ್ರ॒ದಿಶ॒ಶ್ಚತ॑ಸ್ರ॒ಸ್ತ್ವಯಾಧ್ಯ॑ಕ್ಷೇಣ॒ ಪೃತ॑ನಾ ಜಯೇಮ || 10.128.1
ಮಮ॑ ದೇ॒ವಾ ವಿ॑ಹ॒ವೇ ಸ᳚‌ನ್ತು॒ ಸರ್ವ॒ ಇಂದ್ರ॑ವ‌ನ್ತೋ ಮ॒ರುತೋ॒ ವಿಷ್ಣು॑ರ॒ಗ್ನಿಃ | ಮಮಾ॒‌ನ್ತರಿ॑ಕ್ಷಮು॒ರುಲೋ᳚ಕಮಸ್ತು॒ ಮಹ್ಯಂ॒ ವಾತಃ॑ ಪವತಾಂ॒ ಕಾಮೇ᳚ ಅ॒ಸ್ಮಿನ್ || 10.128.2
ಮಯಿ॑ ದೇ॒ವಾ ದ್ರವಿ॑ಣ॒ಮಾ ಯ॑ಜ‌ನ್ತಾಂ॒ ಮಯ್ಯಾ॒ಶೀರ॑ಸ್ತು॒ ಮಯಿ॑ ದೇ॒ವಹೂ᳚ತಿಃ | ದೈವ್ಯಾ॒ ಹೋತಾ᳚ರೋ ವನುಷ‌ನ್ತ॒ ಪೂರ್ವೇಽರಿ॑ಷ್ಟಾಃ ಸ್ಯಾಮ ತ॒ನ್ವಾ᳚ ಸು॒ವೀರಾಃ᳚ || 10.128.3
ಮಹ್ಯಂ᳚ ಯಜ‌ನ್ತು॒ ಮಮ॒ ಯಾನಿ॑ ಹ॒ವ್ಯಾಕೂ᳚ತಿಃ ಸ॒ತ್ಯಾ ಮನ॑ಸೋ ಮೇ ಅಸ್ತು | ಏನೋ॒ ಮಾ ನಿ ಗಾಂ᳚ ಕತ॒ಮಚ್ಚ॒ನಾಹಂ ವಿಶ್ವೇ᳚ ದೇವಾಸೋ॒ ಅಧಿ॑ ವೋಚತಾ ನಃ || 10.128.4
ದೇವೀಃ᳚ ಷಳುರ್ವೀರು॒ರು ನಃ॑ ಕೃಣೋತ॒ ವಿಶ್ವೇ᳚ ದೇವಾಸ ಇ॒ಹ ವೀ᳚ರಯಧ್ವ‌ಮ್ | ಮಾ ಹಾ᳚ಸ್ಮಹಿ ಪ್ರ॒ಜಯಾ॒ ಮಾ ತ॒ನೂಭಿ॒ರ್ಮಾ ರ॑ಧಾಮ ದ್ವಿಷ॒ತೇ ಸೋ᳚ಮ ರಾಜನ್ || 10.128.5
ಅಗ್ನೇ᳚ ಮ॒ನ್ಯುಂ ಪ್ರ॑ತಿನು॒ದನ್ಪರೇ᳚ಷಾ॒ಮದ॑ಬ್ಧೋ ಗೋ॒ಪಾಃ ಪರಿ॑ ಪಾಹಿ ನ॒ಸ್ತ್ವ‌ಮ್ | ಪ್ರ॒ತ್ಯಂಚೋ᳚ ಯ‌ನ್ತು ನಿ॒ಗುತಃ॒ ಪುನ॒ಸ್ತೇ॒3॒॑ಽಮೈಷಾಂ᳚ ಚಿ॒ತ್ತಂ ಪ್ರ॒ಬುಧಾಂ॒ ವಿ ನೇ᳚ಶತ್ || 10.128.6
ಧಾ॒ತಾ ಧಾ᳚ತೄ॒ಣಾಂ ಭುವ॑ನಸ್ಯ॒ ಯಸ್ಪತಿ॑ರ್ದೇ॒ವಂ ತ್ರಾ॒ತಾರ॑ಮಭಿಮಾತಿಷಾ॒ಹ‌ಮ್ | ಇ॒ಮಂ ಯ॒ಜ್ಞಮ॒ಶ್ವಿನೋ॒ಭಾ ಬೃಹ॒ಸ್ಪತಿ॑ರ್ದೇ॒ವಾಃ ಪಾ᳚‌ನ್ತು॒ ಯಜ॑ಮಾನಂ ನ್ಯ॒ರ್ಥಾತ್ || 10.128.7
ಉ॒ರು॒ವ್ಯಚಾ᳚ ನೋ ಮಹಿ॒ಷಃ ಶರ್ಮ॑ ಯಂಸದ॒ಸ್ಮಿನ್ಹವೇ᳚ ಪುರುಹೂ॒ತಃ ಪು॑ರು॒ಕ್ಷುಃ | ಸ ನಃ॑ ಪ್ರ॒ಜಾಯೈ᳚ ಹರ್ಯಶ್ವ ಮೃಳ॒ಯೇಂದ್ರ॒ ಮಾ ನೋ᳚ ರೀರಿಷೋ॒ ಮಾ ಪರಾ᳚ ದಾಃ || 10.128.8
ಯೇ ನಃ॑ ಸ॒ಪತ್ನಾ॒ ಅಪ॒ ತೇ ಭ॑ವ‌ನ್ತ್ವಿಂದ್ರಾ॒ಗ್ನಿಭ್ಯಾ॒ಮವ॑ ಬಾಧಾಮಹೇ॒ ತಾನ್ | ವಸ॑ವೋ ರು॒ದ್ರಾ ಆ᳚ದಿ॒ತ್ಯಾ ಉ॑ಪರಿ॒ಸ್ಪೃಶಂ᳚ ಮೋ॒ಗ್ರಂ ಚೇತ್ತಾ᳚ರಮಧಿರಾ॒ಜಮ॑ಕ್ರನ್ || 10.128.9

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಪರಮೇಷ್ಠೀ ಪ್ರಜಾಪತಿರೃಷಿಃ, ಭಾವವೃತ್ತಂ ದೇವತಾ, ತ್ರಿಷ್ಟುಪ್ ಛಂದಃ

ನಾಸ॑ದಾಸೀ॒ನ್ನೋ ಸದಾ᳚ಸೀತ್ತ॒ದಾನೀಂ॒ ನಾಸೀ॒ದ್ರಜೋ॒ ನೋ ವ್ಯೋ᳚ಮಾ ಪ॒ರೋ ಯತ್ | ಕಿಮಾವ॑ರೀವಃ॒ ಕುಹ॒ ಕಸ್ಯ॒ ಶರ್ಮ॒ನ್ನಂಭಃ॒ ಕಿಮಾ᳚ಸೀ॒ದ್ಗಹ॑ನಂ ಗಭೀ॒ರ‌ಮ್ || 10.129.1
ನ ಮೃ॒ತ್ಯುರಾ᳚ಸೀದ॒ಮೃತಂ॒ ನ ತರ್ಹಿ॒ ನ ರಾತ್ರ್ಯಾ॒ ಅಹ್ನ॑ ಆಸೀತ್ಪ್ರಕೇ॒ತಃ | ಆನೀ᳚ದವಾ॒ತಂ ಸ್ವ॒ಧಯಾ॒ ತದೇಕಂ॒ ತಸ್ಮಾ᳚ದ್ಧಾ॒ನ್ಯನ್ನ ಪ॒ರಃ ಕಿಂ ಚ॒ನಾಸ॑ || 10.129.2
ತಮ॑ ಆಸೀ॒ತ್ತಮ॑ಸಾ ಗೂ॒ಳ್ಹಮಗ್ರೇ᳚ಽಪ್ರಕೇ॒ತಂ ಸ॑ಲಿ॒ಲಂ ಸರ್ವ॑ಮಾ ಇ॒ದ‌ಮ್ | ತು॒ಚ್ಛ್ಯೇನಾ॒ಭ್ವಪಿ॑ಹಿತಂ॒ ಯದಾಸೀ॒ತ್ತಪ॑ಸ॒ಸ್ತನ್ಮ॑ಹಿ॒ನಾಜಾ᳚ಯ॒ತೈಕ‌ಮ್᳚ || 10.129.3
ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॒ ಮನ॑ಸೋ॒ ರೇತಃ॑ ಪ್ರಥ॒ಮಂ ಯದಾಸೀ᳚ತ್ | ಸ॒ತೋ ಬಂಧು॒ಮಸ॑ತಿ॒ ನಿರ॑ವಿಂದನ್ಹೃ॒ದಿ ಪ್ರ॒ತೀಷ್ಯಾ᳚ ಕ॒ವಯೋ᳚ ಮನೀ॒ಷಾ || 10.129.4
ತಿ॒ರ॒ಶ್ಚೀನೋ॒ ವಿತ॑ತೋ ರ॒ಶ್ಮಿರೇ᳚ಷಾಮ॒ಧಃ ಸ್ವಿ॑ದಾ॒ಸೀ3ದು॒ಪರಿ॑ ಸ್ವಿದಾಸೀ3ತ್ | ರೇ॒ತೋ॒ಧಾ ಆ᳚ಸನ್ಮಹಿ॒ಮಾನ॑ ಆಸ‌‌ನ್ತ್ಸ್ವ॒ಧಾ ಅ॒ವಸ್ತಾ॒ತ್ಪ್ರಯ॑ತಿಃ ಪ॒ರಸ್ತಾ᳚ತ್ || 10.129.5
ಕೋ ಅ॒ದ್ಧಾ ವೇ᳚ದ॒ ಕ ಇ॒ಹ ಪ್ರ ವೋ᳚ಚ॒ತ್ಕುತ॒ ಆಜಾ᳚ತಾ॒ ಕುತ॑ ಇ॒ಯಂ ವಿಸೃ॑ಷ್ಟಿಃ | ಅ॒ರ್ವಾಗ್ದೇ॒ವಾ ಅ॒ಸ್ಯ ವಿ॒ಸರ್ಜ॑ನೇ॒ನಾಥಾ॒ ಕೋ ವೇ᳚ದ॒ ಯತ॑ ಆಬ॒ಭೂವ॑ || 10.129.6
ಇ॒ಯಂ ವಿಸೃ॑ಷ್ಟಿ॒ರ್ಯತ॑ ಆಬ॒ಭೂವ॒ ಯದಿ॑ ವಾ ದ॒ಧೇ ಯದಿ॑ ವಾ॒ ನ | ಯೋ ಅ॒ಸ್ಯಾಧ್ಯ॑ಕ್ಷಃ ಪರ॒ಮೇ ವ್ಯೋ᳚ಮ॒‌‌ನ್ತ್ಸೋ ಅಂ॒ಗ ವೇ᳚ದ॒ ಯದಿ॑ ವಾ॒ ನ ವೇದ॑ || 10.129.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯೋ ಯಜ್ಞ ಋಷಿಃ, ಭಾವವೃತ್ತಂ ದೇವತಾ, (1) ಪ್ರಥಮ! ಜಗತೀ, (2-7) ದ್ವಿತೀಯಾದಿಷಣ್ಣಾಂಚ ತ್ರಿಷ್ಟುಪ್ ಛಂದಸೀ

ಯೋ ಯ॒ಜ್ಞೋ ವಿ॒ಶ್ವತ॒ಸ್ತ‌ನ್ತು॑ಭಿಸ್ತ॒ತ ಏಕ॑ಶತಂ ದೇವಕ॒ರ್ಮೇಭಿ॒ರಾಯ॑ತಃ | ಇ॒ಮೇ ವ॑ಯ‌ನ್ತಿ ಪಿ॒ತರೋ॒ ಯ ಆ᳚ಯ॒ಯುಃ ಪ್ರ ವ॒ಯಾಪ॑ ವ॒ಯೇತ್ಯಾ᳚ಸತೇ ತ॒ತೇ || 10.130.1
ಪುಮಾಁ᳚ ಏನಂ ತನುತ॒ ಉತ್ಕೃ॑ಣತ್ತಿ॒ ಪುಮಾ॒ನ್ವಿ ತ॑ತ್ನೇ॒ ಅಧಿ॒ ನಾಕೇ᳚ ಅ॒ಸ್ಮಿನ್ | ಇ॒ಮೇ ಮ॒ಯೂಖಾ॒ ಉಪ॑ ಸೇದುರೂ॒ ಸದಃ॒ ಸಾಮಾ᳚ನಿ ಚಕ್ರು॒ಸ್ತಸ॑ರಾ॒ಣ್ಯೋತ॑ವೇ || 10.130.2
ಕಾಸೀ᳚ತ್ಪ್ರ॒ಮಾ ಪ್ರ॑ತಿ॒ಮಾ ಕಿಂ ನಿ॒ದಾನ॒ಮಾಜ್ಯಂ॒ ಕಿಮಾ᳚ಸೀತ್ಪರಿ॒ಧಿಃ ಕ ಆ᳚ಸೀತ್ | ಛಂದಃ॒ ಕಿಮಾ᳚ಸೀ॒ತ್ಪ್ರ‌ಉ॑ಗಂ॒ ಕಿಮು॒ಕ್ಥಂ ಯದ್ದೇ॒ವಾ ದೇ॒ವಮಯ॑ಜ‌ನ್ತ॒ ವಿಶ್ವೇ᳚ || 10.130.3
ಅ॒ಗ್ನೇರ್ಗಾ᳚ಯ॒ತ್ರ್ಯ॑ಭವತ್ಸ॒ಯುಗ್ವೋ॒ಷ್ಣಿಹ॑ಯಾ ಸವಿ॒ತಾ ಸಂ ಬ॑ಭೂವ | ಅ॒ನು॒ಷ್ಟುಭಾ॒ ಸೋಮ॑ ಉ॒ಕ್ಥೈರ್ಮಹ॑ಸ್ವಾ॒ನ್ಬೃಹ॒ಸ್ಪತೇ᳚ರ್ಬೃಹ॒ತೀ ವಾಚ॑ಮಾವತ್ || 10.130.4
ವಿ॒ರಾಣ್ಮಿ॒ತ್ರಾವರು॑ಣಯೋರಭಿ॒ಶ್ರೀರಿಂದ್ರ॑ಸ್ಯ ತ್ರಿ॒ಷ್ಟುಬಿ॒ಹ ಭಾ॒ಗೋ ಅಹ್ನಃ॑ | ವಿಶ್ವಾಂ᳚ದೇ॒ವಾಂಜಗ॒ತ್ಯಾ ವಿ॑ವೇಶ॒ ತೇನ॑ ಚಾಕೢಪ್ರ॒ ಋಷ॑ಯೋ ಮನು॒ಷ್ಯಾಃ᳚ || 10.130.5
ಚಾ॒ಕೢ॒ಪ್ರೇ ತೇನ॒ ಋಷ॑ಯೋ ಮನು॒ಷ್ಯಾ᳚ ಯ॒ಜ್ಞೇ ಜಾ॒ತೇ ಪಿ॒ತರೋ᳚ ನಃ ಪುರಾ॒ಣೇ | ಪಶ್ಯ᳚ನ್ಮನ್ಯೇ॒ ಮನ॑ಸಾ॒ ಚಕ್ಷ॑ಸಾ॒ ತಾನ್ಯ ಇ॒ಮಂ ಯ॒ಜ್ಞಮಯ॑ಜ‌ನ್ತ॒ ಪೂರ್ವೇ᳚ || 10.130.6
ಸ॒ಹಸ್ತೋ᳚ಮಾಃ ಸ॒ಹಛಂ᳚ದಸ ಆ॒ವೃತಃ॑ ಸ॒ಹಪ್ರ॑ಮಾ॒ ಋಷ॑ಯಃ ಸ॒ಪ್ತ ದೈವ್ಯಾಃ᳚ | ಪೂರ್ವೇ᳚ಷಾಂ॒ ಪ‌ನ್ಥಾ᳚ಮನು॒ದೃಶ್ಯ॒ ಧೀರಾ᳚ ಅ॒ನ್ವಾಲೇ᳚ಭಿರೇ ರ॒ಥ್ಯೋ॒3॒॑ ನ ರ॒ಶ್ಮೀನ್ || 10.130.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಕಾಕ್ಷೀವತಃ ಸುಕೀರ್ತಿಋಷಿಃ (1-3, 6-7) ಪ್ರಥಮಾದಿತೃಚಸ್ಯ ಷಷ್ಠೀಸಪ್ತಮ್ಯೋರೃಚೋಶ್ಚೇಂದ್ರಃ, (4-5) ಚತುರ್ಥೀಪಂಚಮ್ಯೋಶ್ಚಾಶ್ವಿನೌ ದೇವತಾಃ (1-3, 5-7) ಪ್ರಥಮಾದಿತೃಚಸ್ಯ ಪಂಚಮ್ಯಾದಿತೃಚಸ್ಯ ಚ ತ್ರಿಷ್ಟುಪ, (4) ಚತುರ್ಥ್ಯಾ ಋಚಶ್ಚಾನುಷ್ಟಪ್ ಛಂದಸೀ

ಅಪ॒ ಪ್ರಾಚ॑ ಇಂದ್ರ॒ ವಿಶ್ವಾಁ᳚ ಅ॒ಮಿತ್ರಾ॒ನಪಾಪಾ᳚ಚೋ ಅಭಿಭೂತೇ ನುದಸ್ವ | ಅಪೋದೀ᳚ಚೋ॒ ಅಪ॑ ಶೂರಾಧ॒ರಾಚ॑ ಉ॒ರೌ ಯಥಾ॒ ತವ॒ ಶರ್ಮ॒ನ್ಮದೇ᳚ಮ || 10.131.1
ಕು॒ವಿದಂ॒ಗ ಯವ॑ಮ‌ನ್ತೋ॒ ಯವಂ᳚ ಚಿ॒ದ್ಯಥಾ॒ ದಾ‌ನ್ತ್ಯ॑ನುಪೂ॒ರ್ವಂ ವಿ॒ಯೂಯ॑ | ಇ॒ಹೇಹೈ᳚ಷಾಂ ಕೃಣುಹಿ॒ ಭೋಜ॑ನಾನಿ॒ ಯೇ ಬ॒ರ್ಹಿಷೋ॒ ನಮೋ᳚ವೃಕ್ತಿಂ॒ ನ ಜ॒ಗ್ಮುಃ || 10.131.2
ನ॒ಹಿ ಸ್ಥೂರ್ಯೃ॑ತು॒ಥಾ ಯಾ॒ತಮಸ್ತಿ॒ ನೋತ ಶ್ರವೋ᳚ ವಿವಿದೇ ಸಂಗ॒ಮೇಷು॑ | ಗ॒ವ್ಯ‌ನ್ತ॒ ಇಂದ್ರಂ᳚ ಸ॒ಖ್ಯಾಯ॒ ವಿಪ್ರಾ᳚ ಅಶ್ವಾ॒ಯ‌ನ್ತೋ॒ ವೃಷ॑ಣಂ ವಾ॒ಜಯ᳚‌ನ್ತಃ || 10.131.3
ಯು॒ವಂ ಸು॒ರಾಮ॑ಮಶ್ವಿನಾ॒ ನಮು॑ಚಾವಾಸು॒ರೇ ಸಚಾ᳚ | ವಿ॒ಪಿ॒ಪಾ॒ನಾ ಶು॑ಭಸ್ಪತೀ॒ ಇಂದ್ರಂ॒ ಕರ್ಮ॑ಸ್ವಾವತ‌ಮ್ || 10.131.4
ಪು॒ತ್ರಮಿ॑ವ ಪಿ॒ತರಾ᳚ವ॒ಶ್ವಿನೋ॒ಭೇಂದ್ರಾ॒ವಥುಃ॒ ಕಾವ್ಯೈ᳚ರ್ದಂ॒ಸನಾ᳚ಭಿಃ | ಯತ್ಸು॒ರಾಮಂ॒ ವ್ಯಪಿ॑ಬಃ॒ ಶಚೀ᳚ಭಿಃ॒ ಸರ॑ಸ್ವತೀ ತ್ವಾ ಮಘವನ್ನಭಿಷ್ಣಕ್ || 10.131.5
ಇಂದ್ರಃ॑ ಸು॒ತ್ರಾಮಾ॒ ಸ್ವವಾಁ॒ ಅವೋ᳚ಭಿಃ ಸುಮೃಳೀ॒ಕೋ ಭ॑ವತು ವಿ॒ಶ್ವವೇ᳚ದಾಃ | ಬಾಧ॑ತಾಂ॒ ದ್ವೇಷೋ॒ ಅಭ॑ಯಂ ಕೃಣೋತು ಸು॒ವೀರ್ಯ॑ಸ್ಯ॒ ಪತ॑ಯಃ ಸ್ಯಾಮ || 10.131.6
ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ | ಸ ಸು॒ತ್ರಾಮಾ॒ ಸ್ವವಾಁ॒ ಇಂದ್ರೋ᳚ ಅ॒ಸ್ಮೇ ಆ॒ರಾಚ್ಚಿ॒ದ್ದ್ವೇಷಃ॑ ಸನು॒ತರ್ಯು॑ಯೋತು || 10.131.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ನಾಮೇರ್ಧ : ಶಕಪೂತ ಋಷಿಃ (1) ಪ್ರಥಮರ್ಚೀ ದ್ಯಭಂ ಯಶ್ವಿನಃ, (2-7) ದ್ವಿತೀಯಾದಿತೃಚದ್ವಯಸ್ಯ ಚ ಮಿತ್ರಾವರುಣೌ ದೇವತಾಃ (1) ಪ್ರಥಮ! ನ್ಯ ಸಾರಿಣೀ, (2, 6) ದ್ವಿತೀಯಾಷಷ್ಠ್ಯೋಃ ಪ್ರಸ್ತಾರಪತಿಃ, (3-5) ತೃತೀಯಾದಿತೃಚಸ್ಯ ವಿರಾಪಾ, (7) ಸಪ್ತಮ್ಯಾಶ್ಚ ಮಹಾಸತೋಬೃಹತೀ ಛಂದಾಂಸಿ

ಈ॒ಜಾ॒ನಮಿದ್ದ್ಯೌರ್ಗೂ॒ರ್ತಾವ॑ಸುರೀಜಾ॒ನಂ ಭೂಮಿ॑ರ॒ಭಿ ಪ್ರ॑ಭೂ॒ಷಣಿ॑ | ಈ॒ಜಾ॒ನಂ ದೇ॒ವಾವ॒ಶ್ವಿನಾ᳚ವ॒ಭಿ ಸು॒ಮ್ನೈರ॑ವರ್ಧತಾ‌ಮ್ || 10.132.1
ತಾ ವಾಂ᳚ ಮಿತ್ರಾವರುಣಾ ಧಾರ॒ಯತ್ಕ್ಷಿ॑ತೀ ಸುಷು॒ಮ್ನೇಷಿ॑ತ॒ತ್ವತಾ᳚ ಯಜಾಮಸಿ | ಯು॒ವೋಃ ಕ್ರಾ॒ಣಾಯ॑ ಸ॒ಖ್ಯೈರ॒ಭಿ ಷ್ಯಾ᳚ಮ ರ॒ಕ್ಷಸಃ॑ || 10.132.2
ಅಧಾ᳚ ಚಿ॒ನ್ನು ಯದ್ದಿಧಿ॑ಷಾಮಹೇ ವಾಮ॒ಭಿ ಪ್ರಿ॒ಯಂ ರೇಕ್ಣಃ॒ ಪತ್ಯ॑ಮಾನಾಃ | ದ॒ದ್ವಾಁ ವಾ॒ ಯತ್ಪುಷ್ಯ॑ತಿ॒ ರೇಕ್ಣಃ॒ ಸಮ್ವಾ᳚ರ॒ನ್ನಕಿ॑ರಸ್ಯ ಮ॒ಘಾನಿ॑ || 10.132.3
ಅ॒ಸಾವ॒ನ್ಯೋ ಅ॑ಸುರ ಸೂಯತ॒ ದ್ಯೌಸ್ತ್ವಂ ವಿಶ್ವೇ᳚ಷಾಂ ವರುಣಾಸಿ॒ ರಾಜಾ᳚ | ಮೂ॒ರ್ಧಾ ರಥ॑ಸ್ಯ ಚಾಕ॒ನ್ನೈತಾವ॒ತೈನ॑ಸಾ‌ನ್ತಕ॒ಧ್ರುಕ್ || 10.132.4
ಅ॒ಸ್ಮಿ‌‌ನ್ತ್ಸ್ವೇ॒3॒॑ತಚ್ಛಕ॑ಪೂತ॒ ಏನೋ᳚ ಹಿ॒ತೇ ಮಿ॒ತ್ರೇ ನಿಗ॑ತಾನ್ಹ‌ನ್ತಿ ವೀ॒ರಾನ್ | ಅ॒ವೋರ್ವಾ॒ ಯದ್ಧಾತ್ತ॒ನೂಷ್ವವಃ॑ ಪ್ರಿ॒ಯಾಸು॑ ಯ॒ಜ್ಞಿಯಾ॒ಸ್ವರ್ವಾ᳚ || 10.132.5
ಯು॒ವೋರ್ಹಿ ಮಾ॒ತಾದಿ॑ತಿರ್ವಿಚೇತಸಾ॒ ದ್ಯೌರ್ನ ಭೂಮಿಃ॒ ಪಯ॑ಸಾ ಪುಪೂ॒ತನಿ॑ | ಅವ॑ ಪ್ರಿ॒ಯಾ ದಿ॑ದಿಷ್ಟನ॒ ಸೂರೋ᳚ ನಿನಿಕ್ತ ರ॒ಶ್ಮಿಭಿಃ॑ || 10.132.6
ಯು॒ವಂ ಹ್ಯ॑ಪ್ನ॒ರಾಜಾ॒ವಸೀ᳚ದತಂ॒ ತಿಷ್ಠ॒ದ್ರಥಂ॒ ನ ಧೂ॒ರ್ಷದಂ᳚ ವನ॒ರ್ಷದ‌ಮ್᳚ | ತಾ ನಃ॑ ಕಣೂಕ॒ಯ‌ನ್ತೀ᳚ರ್ನೃ॒ಮೇಧ॑ಸ್ತತ್ರೇ॒ ಅಂಹ॑ಸಃ ಸು॒ಮೇಧ॑ಸ್ತತ್ರೇ॒ ಅಂಹ॑ಸಃ || 10.132.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಪೈಜವನಃ ಸುದಾ ಋಷಿಃ, ಇಂದ್ರೋ ದೇವತಾ (1-3) ಪ್ರಥಮಾದಿತೃಚಸ್ಯ ಶಕ್ವರೀ, (4-6) ಚತುರ್ಥ್ಯಾದಿತೃಚಸ್ಯ ಮಹಾಪಂಕ್ತಿಃ, (7) ಸಪ್ತಮ್ಯೂಚಶ್ಚ ತ್ರಿಷ್ಟುಪ್ ಛಂದಾಂಸಿ

ಪ್ರೋ ಷ್ವ॑ಸ್ಮೈ ಪುರೋರ॒ಥಮಿಂದ್ರಾ᳚ಯ ಶೂ॒ಷಮ॑ರ್ಚತ | ಅ॒ಭೀಕೇ᳚ ಚಿದು ಲೋಕ॒ಕೃತ್ಸಂ॒ಗೇ ಸ॒ಮತ್ಸು॑ ವೃತ್ರ॒ಹಾಸ್ಮಾಕಂ᳚ ಬೋಧಿ ಚೋದಿ॒ತಾ ನಭ᳚‌ನ್ತಾಮನ್ಯ॒ಕೇಷಾಂ᳚ ಜ್ಯಾ॒ಕಾ ಅಧಿ॒ ಧನ್ವ॑ಸು || 10.133.1
ತ್ವಂ ಸಿಂಧೂಁ॒ರವಾ᳚ಸೃಜೋಽಧ॒ರಾಚೋ॒ ಅಹ॒ನ್ನಹಿ‌ಮ್᳚ | ಅ॒ಶ॒ತ್ರುರಿಂ᳚ದ್ರ ಜಜ್ಞಿಷೇ॒ ವಿಶ್ವಂ᳚ ಪುಷ್ಯಸಿ॒ ವಾರ್ಯಂ॒ ತಂ ತ್ವಾ॒ ಪರಿ॑ ಷ್ವಜಾಮಹೇ॒ ನಭ᳚‌ನ್ತಾಮನ್ಯ॒ಕೇಷಾಂ᳚ ಜ್ಯಾ॒ಕಾ ಅಧಿ॒ ಧನ್ವ॑ಸು || 10.133.2
ವಿ ಷು ವಿಶ್ವಾ॒ ಅರಾ᳚ತಯೋ॒ಽರ್ಯೋ ನ॑ಶ‌ನ್ತ ನೋ॒ ಧಿಯಃ॑ | ಅಸ್ತಾ᳚ಸಿ॒ ಶತ್ರ॑ವೇ ವ॒ಧಂ ಯೋ ನ॑ ಇಂದ್ರ॒ ಜಿಘಾಂ᳚ಸತಿ॒ ಯಾ ತೇ᳚ ರಾ॒ತಿರ್ದ॒ದಿರ್ವಸು॒ ನಭ᳚‌ನ್ತಾಮನ್ಯ॒ಕೇಷಾಂ᳚ ಜ್ಯಾ॒ಕಾ ಅಧಿ॒ ಧನ್ವ॑ಸು || 10.133.3
ಯೋ ನ॑ ಇಂದ್ರಾ॒ಭಿತೋ॒ ಜನೋ᳚ ವೃಕಾ॒ಯುರಾ॒ದಿದೇ᳚ಶತಿ | ಅ॒ಧ॒ಸ್ಪ॒ದಂ ತಮೀಂ᳚ ಕೃಧಿ ವಿಬಾ॒ಧೋ ಅ॑ಸಿ ಸಾಸ॒ಹಿರ್ನಭ᳚‌ನ್ತಾಮನ್ಯ॒ಕೇಷಾಂ᳚ ಜ್ಯಾ॒ಕಾ ಅಧಿ॒ ಧನ್ವ॑ಸು || 10.133.4
ಯೋ ನ॑ ಇಂದ್ರಾಭಿ॒ದಾಸ॑ತಿ॒ ಸನಾ᳚ಭಿ॒ರ್ಯಶ್ಚ॒ ನಿಷ್ಟ್ಯಃ॑ | ಅವ॒ ತಸ್ಯ॒ ಬಲಂ᳚ ತಿರ ಮ॒ಹೀವ॒ ದ್ಯೌರಧ॒ ತ್ಮನಾ॒ ನಭ᳚‌ನ್ತಾಮನ್ಯ॒ಕೇಷಾಂ᳚ ಜ್ಯಾ॒ಕಾ ಅಧಿ॒ ಧನ್ವ॑ಸು || 10.133.5
ವ॒ಯಮಿಂ᳚ದ್ರ ತ್ವಾ॒ಯವಃ॑ ಸಖಿ॒ತ್ವಮಾ ರ॑ಭಾಮಹೇ | ಋ॒ತಸ್ಯ॑ ನಃ ಪ॒ಥಾ ನ॒ಯಾತಿ॒ ವಿಶ್ವಾ᳚ನಿ ದುರಿ॒ತಾ ನಭ᳚‌ನ್ತಾಮನ್ಯ॒ಕೇಷಾಂ᳚ ಜ್ಯಾ॒ಕಾ ಅಧಿ॒ ಧನ್ವ॑ಸು || 10.133.6
ಅ॒ಸ್ಮಭ್ಯಂ॒ ಸು ತ್ವಮಿಂ᳚ದ್ರ॒ ತಾಂ ಶಿ॑ಕ್ಷ॒ ಯಾ ದೋಹ॑ತೇ॒ ಪ್ರತಿ॒ ವರಂ᳚ ಜರಿ॒ತ್ರೇ | ಅಚ್ಛಿ॑ದ್ರೋಧ್ನೀ ಪೀ॒ಪಯ॒ದ್ಯಥಾ᳚ ನಃ ಸ॒ಹಸ್ರ॑ಧಾರಾ॒ ಪಯ॑ಸಾ ಮ॒ಹೀ ಗೌಃ || 10.133.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ (1-5, 6) ಪ್ರಥಮಾದಿಪಂಚರ್ಚಾಂ ಷಷ್ಠ್ಯಾಃ ಪೂರ್ವಾರ್ಧಸ್ಯ ಚ ಯೌವನಾಶ್ವೋ ಮಾಂಧಾತಾ ಋಷಿಃ, (6-7) ಷಷ್ಠ್ಯಾ ಉತ್ತರಾರ್ಧಸ್ಯ ಸಪ್ತಮ್ಯಾಶ್ಚ ಗೋಧಾ ಋಷಿಕಾ, ಇಂದ್ರೋ ದೇವತಾ, (1-6) ಪ್ರಥಮಾದಿಷಡ಼ಚಾಂ ಮಹಾಪತಿಃ, (7) ಸಪ್ತಮ್ಯಾಶ್ಚ ಪತಿಶ್ಚಂದಸೀ

ಉ॒ಭೇ ಯದಿಂ᳚ದ್ರ॒ ರೋದ॑ಸೀ ಆಪ॒ಪ್ರಾಥೋ॒ಷಾ ಇ॑ವ | ಮ॒ಹಾ‌ನ್ತಂ᳚ ತ್ವಾ ಮ॒ಹೀನಾಂ᳚ ಸ॒ಮ್ರಾಜಂ᳚ ಚರ್ಷಣೀ॒ನಾಂ ದೇ॒ವೀ ಜನಿ॑ತ್ರ್ಯಜೀಜನದ್ಭ॒ದ್ರಾ ಜನಿ॑ತ್ರ್ಯಜೀಜನತ್ || 10.134.1
ಅವ॑ ಸ್ಮ ದುರ್ಹಣಾಯ॒ತೋ ಮರ್ತ॑ಸ್ಯ ತನುಹಿ ಸ್ಥಿ॒ರ‌ಮ್ | ಅ॒ಧ॒ಸ್ಪ॒ದಂ ತಮೀಂ᳚ ಕೃಧಿ॒ ಯೋ ಅ॒ಸ್ಮಾಁ ಆ॒ದಿದೇ᳚ಶತಿ ದೇ॒ವೀ ಜನಿ॑ತ್ರ್ಯಜೀಜನದ್ಭ॒ದ್ರಾ ಜನಿ॑ತ್ರ್ಯಜೀಜನತ್ || 10.134.2
ಅವ॒ ತ್ಯಾ ಬೃ॑ಹ॒ತೀರಿಷೋ᳚ ವಿ॒ಶ್ವಶ್ಚಂ᳚ದ್ರಾ ಅಮಿತ್ರಹನ್ | ಶಚೀ᳚ಭಿಃ ಶಕ್ರ ಧೂನು॒ಹೀಂದ್ರ॒ ವಿಶ್ವಾ᳚ಭಿರೂ॒ತಿಭಿ॑ರ್ದೇ॒ವೀ ಜನಿ॑ತ್ರ್ಯಜೀಜನದ್ಭ॒ದ್ರಾ ಜನಿ॑ತ್ರ್ಯಜೀಜನತ್ || 10.134.3
ಅವ॒ ಯತ್ತ್ವಂ ಶ॑ತಕ್ರತ॒ವಿಂದ್ರ॒ ವಿಶ್ವಾ᳚ನಿ ಧೂನು॒ಷೇ | ರ॒ಯಿಂ ನ ಸು᳚ನ್ವ॒ತೇ ಸಚಾ᳚ ಸಹ॒ಸ್ರಿಣೀ᳚ಭಿರೂ॒ತಿಭಿ॑ರ್ದೇ॒ವೀ ಜನಿ॑ತ್ರ್ಯಜೀಜನದ್ಭ॒ದ್ರಾ ಜನಿ॑ತ್ರ್ಯಜೀಜನತ್ || 10.134.4
ಅವ॒ ಸ್ವೇದಾ᳚ ಇವಾ॒ಭಿತೋ॒ ವಿಷ್ವ॑ಕ್ಪತ‌ನ್ತು ದಿ॒ದ್ಯವಃ॑ | ದೂರ್ವಾ᳚ಯಾ ಇವ॒ ತ‌ನ್ತ॑ವೋ॒ ವ್ಯ1॒॑ಸ್ಮದೇ᳚ತು ದುರ್ಮ॒ತಿರ್ದೇ॒ವೀ ಜನಿ॑ತ್ರ್ಯಜೀಜನದ್ಭ॒ದ್ರಾ ಜನಿ॑ತ್ರ್ಯಜೀಜನತ್ || 10.134.5
ದೀ॒ರ್ಘಂ ಹ್ಯಂ᳚ಕು॒ಶಂ ಯ॑ಥಾ॒ ಶಕ್ತಿಂ॒ ಬಿಭ॑ರ್ಷಿ ಮ‌ನ್ತುಮಃ | ಪೂರ್ವೇ᳚ಣ ಮಘವನ್ಪ॒ದಾಜೋ ವ॒ಯಾಂ ಯಥಾ᳚ ಯಮೋ ದೇ॒ವೀ ಜನಿ॑ತ್ರ್ಯಜೀಜನದ್ಭ॒ದ್ರಾ ಜನಿ॑ತ್ರ್ಯಜೀಜನತ್ || 10.134.6
ನಕಿ॑ರ್ದೇವಾ ಮಿನೀಮಸಿ॒ ನಕಿ॒ರಾ ಯೋ᳚ಪಯಾಮಸಿ ಮ‌ನ್ತ್ರ॒ಶ್ರುತ್ಯಂ᳚ ಚರಾಮಸಿ | ಪ॒ಕ್ಷೇಭಿ॑ರಪಿಕ॒ಕ್ಷೇಭಿ॒ರತ್ರಾ॒ಭಿ ಸಂ ರ॑ಭಾಮಹೇ || 10.134.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಯಾಮಾಯನಃ ಕುಮಾರ ಋಷಿಃ, ಯಮೋ ದೇವತಾ. ಅನುಷ್ಟಪ್. ಛಂದಃ

ಯಸ್ಮಿ᳚ನ್ವೃ॒ಕ್ಷೇ ಸು॑ಪಲಾ॒ಶೇ ದೇ॒ವೈಃ ಸಂ॒ಪಿಬ॑ತೇ ಯ॒ಮಃ | ಅತ್ರಾ᳚ ನೋ ವಿ॒ಶ್ಪತಿಃ॑ ಪಿ॒ತಾ ಪು॑ರಾ॒ಣಾಁ ಅನು॑ ವೇನತಿ || 10.135.1
ಪು॒ರಾ॒ಣಾಁ ಅ॑ನು॒ವೇನ᳚‌ನ್ತಂ॒ ಚರ᳚‌ನ್ತಂ ಪಾ॒ಪಯಾ᳚ಮು॒ಯಾ | ಅ॒ಸೂ॒ಯನ್ನ॒ಭ್ಯ॑ಚಾಕಶಂ॒ ತಸ್ಮಾ᳚ ಅಸ್ಪೃಹಯಂ॒ ಪುನಃ॑ || 10.135.2
ಯಂ ಕು॑ಮಾರ॒ ನವಂ॒ ರಥ॑ಮಚ॒ಕ್ರಂ ಮನ॒ಸಾಕೃ॑ಣೋಃ | ಏಕೇ᳚ಷಂ ವಿ॒ಶ್ವತಃ॒ ಪ್ರಾಂಚ॒ಮಪ॑ಶ್ಯ॒ನ್ನಧಿ॑ ತಿಷ್ಠಸಿ || 10.135.3
ಯಂ ಕು॑ಮಾರ॒ ಪ್ರಾವ॑ರ್ತಯೋ॒ ರಥಂ॒ ವಿಪ್ರೇ᳚ಭ್ಯ॒ಸ್ಪರಿ॑ | ತಂ ಸಾಮಾನು॒ ಪ್ರಾವ॑ರ್ತತ॒ ಸಮಿ॒ತೋ ನಾ॒ವ್ಯಾಹಿ॑ತ‌ಮ್ || 10.135.4
ಕಃ ಕು॑ಮಾ॒ರಮ॑ಜನಯ॒ದ್ರಥಂ॒ ಕೋ ನಿರ॑ವರ್ತಯತ್ | ಕಃ ಸ್ವಿ॒ತ್ತದ॒ದ್ಯ ನೋ᳚ ಬ್ರೂಯಾದನು॒ದೇಯೀ॒ ಯಥಾಭ॑ವತ್ || 10.135.5
ಯಥಾಭ॑ವದನು॒ದೇಯೀ॒ ತತೋ॒ ಅಗ್ರ॑ಮಜಾಯತ | ಪು॒ರಸ್ತಾ᳚ದ್ಬು॒ಧ್ನ ಆತ॑ತಃ ಪ॒ಶ್ಚಾನ್ನಿ॒ರಯ॑ಣಂ ಕೃ॒ತ‌ಮ್ || 10.135.6
ಇ॒ದಂ ಯ॒ಮಸ್ಯ॒ ಸಾದ॑ನಂ ದೇವಮಾ॒ನಂ ಯದು॒ಚ್ಯತೇ᳚ | ಇ॒ಯಮ॑ಸ್ಯ ಧಮ್ಯತೇ ನಾ॒ಳೀರ॒ಯಂ ಗೀ॒ರ್ಭಿಃ ಪರಿ॑ಷ್ಕೃತಃ || 10.135.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ವಾತಶನಾಃ ((1) ಪ್ರಥಮ! ಜೂತಿಃ, (2) ದ್ವಿತೀಯಾಯಾ ವಾತಜೂತಿಃ, (3) ತೃತೀಯಾಯಾ ವಿಪ್ರಾ ತಃ, (4) ಚತುರ್ಥ್ಯಾ ವೃಷಾಣಕಃ, (5) ಪಂಚಮ್ಯಾಃ ಕರಿಕ್ರತಃ, (6) ಷಷ್ಠ್ಯಾ ಏತಶಃ, (7) ಸಪ್ತಮ್ಯಾಶ್ಚ ಋಷ್ಯಶೃಂಗಃ) ಋಷಯಃ, ಕೇಶಿನಃ (ಅಗ್ನಿವಾಯುಸಯೂಃ) ದೇವತಾಃ, ಅನುಷ್ಟುಪ್, ಛಂದಃ

ಕೇ॒ಶ್ಯ1॒॑ಗ್ನಿಂ ಕೇ॒ಶೀ ವಿ॒ಷಂ ಕೇ॒ಶೀ ಬಿ॑ಭರ್ತಿ॒ ರೋದ॑ಸೀ | ಕೇ॒ಶೀ ವಿಶ್ವಂ॒ ಸ್ವ॑ರ್ದೃ॒ಶೇ ಕೇ॒ಶೀದಂ ಜ್ಯೋತಿ॑ರುಚ್ಯತೇ || 10.136.1
ಮುನ॑ಯೋ॒ ವಾತ॑ರಶನಾಃ ಪಿ॒ಶಂಗಾ᳚ ವಸತೇ॒ ಮಲಾ᳚ | ವಾತ॒ಸ್ಯಾನು॒ ಧ್ರಾಜಿಂ᳚ ಯ‌ನ್ತಿ॒ ಯದ್ದೇ॒ವಾಸೋ॒ ಅವಿ॑ಕ್ಷತ || 10.136.2
ಉನ್ಮ॑ದಿತಾ॒ ಮೌನೇ᳚ಯೇನ॒ ವಾತಾಁ॒ ಆ ತ॑ಸ್ಥಿಮಾ ವ॒ಯ‌ಮ್ | ಶರೀ॒ರೇದ॒ಸ್ಮಾಕಂ᳚ ಯೂ॒ಯಂ ಮರ್ತಾ᳚ಸೋ ಅ॒ಭಿ ಪ॑ಶ್ಯಥ || 10.136.3
ಅ॒‌ನ್ತರಿ॑ಕ್ಷೇಣ ಪತತಿ॒ ವಿಶ್ವಾ᳚ ರೂ॒ಪಾವ॒ಚಾಕ॑ಶತ್ | ಮುನಿ॑ರ್ದೇ॒ವಸ್ಯ॑ದೇವಸ್ಯ॒ ಸೌಕೃ॑ತ್ಯಾಯ॒ ಸಖಾ᳚ ಹಿ॒ತಃ || 10.136.4
ವಾತ॒ಸ್ಯಾಶ್ವೋ᳚ ವಾ॒ಯೋಃ ಸಖಾಥೋ᳚ ದೇ॒ವೇಷಿ॑ತೋ॒ ಮುನಿಃ॑ | ಉ॒ಭೌ ಸ॑ಮು॒ದ್ರಾವಾ ಕ್ಷೇ᳚ತಿ॒ ಯಶ್ಚ॒ ಪೂರ್ವ॑ ಉ॒ತಾಪ॑ರಃ || 10.136.5
ಅ॒ಪ್ಸ॒ರಸಾಂ᳚ ಗಂಧ॒ರ್ವಾಣಾಂ᳚ ಮೃ॒ಗಾಣಾಂ॒ ಚರ॑ಣೇ॒ ಚರನ್॑ | ಕೇ॒ಶೀ ಕೇತ॑ಸ್ಯ ವಿ॒ದ್ವಾ‌‌ನ್ತ್ಸಖಾ᳚ ಸ್ವಾ॒ದುರ್ಮ॒ದಿ‌ನ್ತ॑ಮಃ || 10.136.6
ವಾ॒ಯುರ॑ಸ್ಮಾ॒ ಉಪಾ᳚ಮ‌ನ್ಥತ್ಪಿ॒ನಷ್ಟಿ॑ ಸ್ಮಾ ಕುನನ್ನ॒ಮಾ | ಕೇ॒ಶೀ ವಿ॒ಷಸ್ಯ॒ ಪಾತ್ರೇ᳚ಣ॒ ಯದ್ರು॒ದ್ರೇಣಾಪಿ॑ಬತ್ಸ॒ಹ || 10.136.7

(1-7) ಸಪ್ತರ್ಚಸ್ಯಾಸ್ಯ ಸೂಕ್ತಸ್ಯ ಸಪ್ತರ್ಷಯಃ ((1) ಪ್ರಥಮ! ಭರದ್ವಾಜಃ, (2) ದ್ವಿತೀಯಾಯಾಃ ಕಶ್ಯಪಃ, (3) ತೃತೀಯಾಯಾ ಗೋತಮಃ, (4) ಚತುರ್ಥ್ಯಾ ಅತ್ರಿಃ, (5) ಪಂಚಮ್ಯಾ ವಿಶ್ವಾಮಿತ್ರಃ, (6) ಷಷ್ಠ್ಯಾ ಜಮದಗ್ನಿಃ, (7) ಸಪ್ತಮ್ಯಾಶ್ಚ ವಸಿಷ್ಠಃ) ಋಷಯಃ, ವಿಶ್ವೇ ದೇವಾ ದೇವತಾಃ, ಅನುಷ್ಟಪ್. ಛಂದಃ

ಉ॒ತ ದೇ᳚ವಾ॒ ಅವ॑ಹಿತಂ॒ ದೇವಾ॒ ಉನ್ನ॑ಯಥಾ॒ ಪುನಃ॑ | ಉ॒ತಾಗ॑ಶ್ಚ॒ಕ್ರುಷಂ᳚ ದೇವಾ॒ ದೇವಾ᳚ ಜೀ॒ವಯ॑ಥಾ॒ ಪುನಃ॑ || 10.137.1
ದ್ವಾವಿ॒ಮೌ ವಾತೌ᳚ ವಾತ॒ ಆ ಸಿಂಧೋ॒ರಾ ಪ॑ರಾ॒ವತಃ॑ | ದಕ್ಷಂ᳚ ತೇ ಅ॒ನ್ಯ ಆ ವಾ᳚ತು॒ ಪರಾ॒ನ್ಯೋ ವಾ᳚ತು॒ ಯದ್ರಪಃ॑ || 10.137.2
ಆ ವಾ᳚ತ ವಾಹಿ ಭೇಷ॒ಜಂ ವಿ ವಾ᳚ತ ವಾಹಿ॒ ಯದ್ರಪಃ॑ | ತ್ವಂ ಹಿ ವಿ॒ಶ್ವಭೇ᳚ಷಜೋ ದೇ॒ವಾನಾಂ᳚ ದೂ॒ತ ಈಯ॑ಸೇ || 10.137.3
ಆ ತ್ವಾ᳚ಗಮಂ॒ ಶಂತಾ᳚ತಿಭಿ॒ರಥೋ᳚ ಅರಿ॒ಷ್ಟತಾ᳚ತಿಭಿಃ | ದಕ್ಷಂ᳚ ತೇ ಭ॒ದ್ರಮಾಭಾ᳚ರ್ಷಂ॒ ಪರಾ॒ ಯಕ್ಷ್ಮಂ᳚ ಸುವಾಮಿ ತೇ || 10.137.4
ತ್ರಾಯ᳚‌ನ್ತಾಮಿ॒ಹ ದೇ॒ವಾಸ್ತ್ರಾಯ॑ತಾಂ ಮ॒ರುತಾಂ᳚ ಗ॒ಣಃ | ತ್ರಾಯ᳚‌ನ್ತಾಂ॒ ವಿಶ್ವಾ᳚ ಭೂ॒ತಾನಿ॒ ಯಥಾ॒ಯಮ॑ರ॒ಪಾ ಅಸ॑ತ್ || 10.137.5
ಆಪ॒ ಇದ್ವಾ ಉ॑ ಭೇಷ॒ಜೀರಾಪೋ᳚ ಅಮೀವ॒ಚಾತ॑ನೀಃ | ಆಪಃ॒ ಸರ್ವ॑ಸ್ಯ ಭೇಷ॒ಜೀಸ್ತಾಸ್ತೇ᳚ ಕೃಣ್ವ‌ನ್ತು ಭೇಷ॒ಜ‌ಮ್ || 10.137.6
ಹಸ್ತಾ᳚ಭ್ಯಾಂ॒ ದಶ॑ಶಾಖಾಭ್ಯಾಂ ಜಿ॒ಹ್ವಾ ವಾ॒ಚಃ ಪು॑ರೋಗ॒ವೀ | ಅ॒ನಾ॒ಮ॒ಯಿ॒ತ್ನುಭ್ಯಾಂ᳚ ತ್ವಾ॒ ತಾಭ್ಯಾಂ॒ ತ್ವೋಪ॑ ಸ್ಪೃಶಾಮಸಿ || 10.137.7

(1-6) ಷಡಚಸ್ಯಾಸ್ಯ ಸೂಕ್ತಸ್ಯೌರವೋಽಙ್ಗ ಋಷಿಃ, ಇಂದ್ರೋ ದೇವತಾ, ಜಗತೀ ಛಂದಃ

ತವ॒ ತ್ಯ ಇಂ᳚ದ್ರ ಸ॒ಖ್ಯೇಷು॒ ವಹ್ನ॑ಯ ಋ॒ತಂ ಮ᳚ನ್ವಾ॒ನಾ ವ್ಯ॑ದರ್ದಿರುರ್ವ॒ಲ‌ಮ್ | ಯತ್ರಾ᳚ ದಶ॒ಸ್ಯನ್ನು॒ಷಸೋ᳚ ರಿ॒ಣನ್ನ॒ಪಃ ಕುತ್ಸಾ᳚ಯ॒ ಮನ್ಮ᳚ನ್ನ॒ಹ್ಯ॑ಶ್ಚ ದಂ॒ಸಯಃ॑ || 10.138.1
ಅವಾ᳚ಸೃಜಃ ಪ್ರ॒ಸ್ವಃ॑ ಶ್ವಂ॒ಚಯೋ᳚ ಗಿ॒ರೀನುದಾ᳚ಜ ಉ॒ಸ್ರಾ ಅಪಿ॑ಬೋ॒ ಮಧು॑ ಪ್ರಿ॒ಯ‌ಮ್ | ಅವ॑ರ್ಧಯೋ ವ॒ನಿನೋ᳚ ಅಸ್ಯ॒ ದಂಸ॑ಸಾ ಶು॒ಶೋಚ॒ ಸೂರ್ಯ॑ ಋ॒ತಜಾ᳚ತಯಾ ಗಿ॒ರಾ || 10.138.2
ವಿ ಸೂರ್ಯೋ॒ ಮಧ್ಯೇ᳚ ಅಮುಚ॒ದ್ರಥಂ᳚ ದಿ॒ವೋ ವಿ॒ದದ್ದಾ॒ಸಾಯ॑ ಪ್ರತಿ॒ಮಾನ॒ಮಾರ್ಯಃ॑ | ದೃ॒ಳ್ಹಾನಿ॒ ಪಿಪ್ರೋ॒ರಸು॑ರಸ್ಯ ಮಾ॒ಯಿನ॒ ಇಂದ್ರೋ॒ ವ್ಯಾ᳚ಸ್ಯಚ್ಚಕೃ॒ವಾಁ ಋ॒ಜಿಶ್ವ॑ನಾ || 10.138.3
ಅನಾ᳚ಧೃಷ್ಟಾನಿ ಧೃಷಿ॒ತೋ ವ್ಯಾ᳚ಸ್ಯನ್ನಿ॒ಧೀಁರದೇ᳚ವಾಁ ಅಮೃಣದ॒ಯಾಸ್ಯಃ॑ | ಮಾ॒ಸೇವ॒ ಸೂರ್ಯೋ॒ ವಸು॒ ಪುರ್ಯ॒ಮಾ ದ॑ದೇ ಗೃಣಾ॒ನಃ ಶತ್ರೂಁ᳚ರಶೃಣಾದ್ವಿ॒ರುಕ್ಮ॑ತಾ || 10.138.4
ಅಯು॑ದ್ಧಸೇನೋ ವಿ॒ಭ್ವಾ᳚ ವಿಭಿಂದ॒ತಾ ದಾಶ॑ದ್ವೃತ್ರ॒ಹಾ ತುಜ್ಯಾ᳚ನಿ ತೇಜತೇ | ಇಂದ್ರ॑ಸ್ಯ॒ ವಜ್ರಾ᳚ದಬಿಭೇದಭಿ॒ಶ್ನಥಃ॒ ಪ್ರಾಕ್ರಾ᳚ಮಚ್ಛುಂ॒ಧ್ಯೂರಜ॑ಹಾದು॒ಷಾ ಅನಃ॑ || 10.138.5
ಏ॒ತಾ ತ್ಯಾ ತೇ॒ ಶ್ರುತ್ಯಾ᳚ನಿ॒ ಕೇವ॑ಲಾ॒ ಯದೇಕ॒ ಏಕ॒ಮಕೃ॑ಣೋರಯ॒ಜ್ಞ‌ಮ್ | ಮಾ॒ಸಾಂ ವಿ॒ಧಾನ॑ಮದಧಾ॒ ಅಧಿ॒ ದ್ಯವಿ॒ ತ್ವಯಾ॒ ವಿಭಿ᳚ನ್ನಂ ಭರತಿ ಪ್ರ॒ಧಿಂ ಪಿ॒ತಾ || 10.138.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಗಂಧರ್ವೋ ವಿಶ್ವಾವಸುಋ ಷಃ (1-3) ಪ್ರಥಮಾದಿತೃಚಸ್ಯ ಸವಿತಾ, (4-6) ಚತುರ್ಥ್ಯಾದಿತೃಚಸ್ಯ ಚಾತ್ಮಾ ದೇವತೇ, ತ್ರಿಷ್ಟುಪ್ ಛಂದಃ

ಸೂರ್ಯ॑ರಶ್ಮಿ॒ರ್ಹರಿ॑ಕೇಶಃ ಪು॒ರಸ್ತಾ᳚ತ್ಸವಿ॒ತಾ ಜ್ಯೋತಿ॒ರುದ॑ಯಾಁ॒ ಅಜ॑ಸ್ರ‌ಮ್ | ತಸ್ಯ॑ ಪೂ॒ಷಾ ಪ್ರ॑ಸ॒ವೇ ಯಾ᳚ತಿ ವಿ॒ದ್ವಾ‌‌ನ್ತ್ಸಂ॒ಪಶ್ಯ॒ನ್ವಿಶ್ವಾ॒ ಭುವ॑ನಾನಿ ಗೋ॒ಪಾಃ || 10.139.1
ನೃ॒ಚಕ್ಷಾ᳚ ಏ॒ಷ ದಿ॒ವೋ ಮಧ್ಯ॑ ಆಸ್ತ ಆಪಪ್ರಿ॒ವಾನ್ರೋದ॑ಸೀ ಅ॒‌ನ್ತರಿ॑ಕ್ಷ‌ಮ್ | ಸ ವಿ॒ಶ್ವಾಚೀ᳚ರ॒ಭಿ ಚ॑ಷ್ಟೇ ಘೃ॒ತಾಚೀ᳚ರ‌ನ್ತ॒ರಾ ಪೂರ್ವ॒ಮಪ॑ರಂ ಚ ಕೇ॒ತು‌ಮ್ || 10.139.2
ರಾ॒ಯೋ ಬು॒ಧ್ನಃ ಸಂ॒ಗಮ॑ನೋ॒ ವಸೂ᳚ನಾಂ॒ ವಿಶ್ವಾ᳚ ರೂ॒ಪಾಭಿ ಚ॑ಷ್ಟೇ॒ ಶಚೀ᳚ಭಿಃ | ದೇ॒ವ ಇ॑ವ ಸವಿ॒ತಾ ಸ॒ತ್ಯಧ॒ರ್ಮೇಂದ್ರೋ॒ ನ ತ॑ಸ್ಥೌ ಸಮ॒ರೇ ಧನಾ᳚ನಾ‌ಮ್ || 10.139.3
ವಿ॒ಶ್ವಾವ॑ಸುಂ ಸೋಮ ಗಂಧ॒ರ್ವಮಾಪೋ᳚ ದದೃ॒ಶುಷೀ॒ಸ್ತದೃ॒ತೇನಾ॒ ವ್ಯಾ᳚ಯನ್ | ತದ॒ನ್ವವೈ॒ದಿಂದ್ರೋ᳚ ರಾರಹಾ॒ಣ ಆ᳚ಸಾಂ॒ ಪರಿ॒ ಸೂರ್ಯ॑ಸ್ಯ ಪರಿ॒ಧೀಁರ॑ಪಶ್ಯತ್ || 10.139.4
ವಿ॒ಶ್ವಾವ॑ಸುರ॒ಭಿ ತನ್ನೋ᳚ ಗೃಣಾತು ದಿ॒ವ್ಯೋ ಗಂ᳚ಧ॒ರ್ವೋ ರಜ॑ಸೋ ವಿ॒ಮಾನಃ॑ | ಯದ್ವಾ᳚ ಘಾ ಸ॒ತ್ಯಮು॒ತ ಯನ್ನ ವಿ॒ದ್ಮ ಧಿಯೋ᳚ ಹಿನ್ವಾ॒ನೋ ಧಿಯ॒ ಇನ್ನೋ᳚ ಅವ್ಯಾಃ || 10.139.5
ಸಸ್ನಿ॑ಮವಿಂದ॒ಚ್ಚರ॑ಣೇ ನ॒ದೀನಾ॒ಮಪಾ᳚ವೃಣೋ॒ದ್ದುರೋ॒ ಅಶ್ಮ᳚ವ್ರಜಾನಾ‌ಮ್ | ಪ್ರಾಸಾಂ᳚ ಗಂಧ॒ರ್ವೋ ಅ॒ಮೃತಾ᳚ನಿ ವೋಚ॒ದಿಂದ್ರೋ॒ ದಕ್ಷಂ॒ ಪರಿ॑ ಜಾನಾದ॒ಹೀನಾ᳚‌ಮ್ || 10.139.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಪಾವಕೋಽಗ್ನಿರೃಷಿಃ, ಅಗ್ನಿರ್ದೇವತಾ, (1-2) ಪ್ರಥಮಾದ್ವಿತೀಯಯೋರೃಚೋರ್ವಿಷ್ಟಾರಪಂಕ್ತಿಃ, (3-5) ತೃತೀಯಾದಿತೃಚಸ್ಯ ಸತೋಬೃಹತೀ, (6) ಷಷ್ಠ್ಯಾಶ್ಚೋಪರಿಷ್ಟಾಜಯೋತಿಶ್ಛಂದಾಂಸಿ

ಅಗ್ನೇ॒ ತವ॒ ಶ್ರವೋ॒ ವಯೋ॒ ಮಹಿ॑ ಭ್ರಾಜ‌ನ್ತೇ ಅ॒ರ್ಚಯೋ᳚ ವಿಭಾವಸೋ | ಬೃಹ॑ದ್ಭಾನೋ॒ ಶವ॑ಸಾ॒ ವಾಜ॑ಮು॒ಕ್ಥ್ಯ1॒॑ ಅಂದಧಾ᳚ಸಿ ದಾ॒ಶುಷೇ᳚ ಕವೇ || 10.140.1
ಪಾ॒ವ॒ಕವ॑ರ್ಚಾಃ ಶು॒ಕ್ರವ॑ರ್ಚಾ॒ ಅನೂ᳚ನವರ್ಚಾ॒ ಉದಿ॑ಯರ್ಷಿ ಭಾ॒ನುನಾ᳚ | ಪು॒ತ್ರೋ ಮಾ॒ತರಾ᳚ ವಿ॒ಚರ॒ನ್ನುಪಾ᳚ವಸಿ ಪೃ॒ಣಕ್ಷಿ॒ ರೋದ॑ಸೀ ಉ॒ಭೇ || 10.140.2
ಊರ್ಜೋ᳚ ನಪಾಜ್ಜಾತವೇದಃ ಸುಶ॒ಸ್ತಿಭಿ॒ರ್ಮಂದ॑ಸ್ವ ಧೀ॒ತಿಭಿ॑ರ್ಹಿ॒ತಃ | ತ್ವೇ ಇಷಃ॒ ಸಂ ದ॑ಧು॒ರ್ಭೂರಿ॑ವರ್ಪಸಶ್ಚಿ॒ತ್ರೋತ॑ಯೋ ವಾ॒ಮಜಾ᳚ತಾಃ || 10.140.3
ಇ॒ರ॒ಜ್ಯನ್ನ॑ಗ್ನೇ ಪ್ರಥಯಸ್ವ ಜ॒‌ನ್ತುಭಿ॑ರ॒ಸ್ಮೇ ರಾಯೋ᳚ ಅಮರ್ತ್ಯ | ಸ ದ॑ರ್ಶ॒ತಸ್ಯ॒ ವಪು॑ಷೋ॒ ವಿ ರಾ᳚ಜಸಿ ಪೃ॒ಣಕ್ಷಿ॑ ಸಾನ॒ಸಿಂ ಕ್ರತು‌ಮ್᳚ || 10.140.4
ಇ॒ಷ್ಕ॒ರ್ತಾರ॑ಮಧ್ವ॒ರಸ್ಯ॒ ಪ್ರಚೇ᳚ತಸಂ॒ ಕ್ಷಯ᳚‌ನ್ತಂ॒ ರಾಧ॑ಸೋ ಮ॒ಹಃ | ರಾ॒ತಿಂ ವಾ॒ಮಸ್ಯ॑ ಸು॒ಭಗಾಂ᳚ ಮ॒ಹೀಮಿಷಂ॒ ದಧಾ᳚ಸಿ ಸಾನ॒ಸಿಂ ರ॒ಯಿ‌ಮ್ || 10.140.5
ಋ॒ತಾವಾ᳚ನಂ ಮಹಿ॒ಷಂ ವಿ॒ಶ್ವದ॑ರ್ಶತಮ॒ಗ್ನಿಂ ಸು॒ಮ್ನಾಯ॑ ದಧಿರೇ ಪು॒ರೋ ಜನಾಃ᳚ | ಶ್ರುತ್ಕ᳚ರ್ಣಂ ಸ॒ಪ್ರಥ॑ಸ್ತಮಂ ತ್ವಾ ಗಿ॒ರಾ ದೈವ್ಯಂ॒ ಮಾನು॑ಷಾ ಯು॒ಗಾ || 10.140.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ತಾಪಸೋಽಗ್ನಿರೃಷಿಃ, ವಿಶ್ವೇ ದೇವಾ ದೇವತಾಃ, ಅನುಷ್ಟಪ್. ಛಂದಃ

ಅಗ್ನೇ॒ ಅಚ್ಛಾ᳚ ವದೇ॒ಹ ನಃ॑ ಪ್ರ॒ತ್ಯಙ್ನಃ॑ ಸು॒ಮನಾ᳚ ಭವ | ಪ್ರ ನೋ᳚ ಯಚ್ಛ ವಿಶಸ್ಪತೇ ಧನ॒ದಾ ಅ॑ಸಿ ನ॒ಸ್ತ್ವ‌ಮ್ || 10.141.1
ಪ್ರ ನೋ᳚ ಯಚ್ಛತ್ವರ್ಯ॒ಮಾ ಪ್ರ ಭಗಃ॒ ಪ್ರ ಬೃಹ॒ಸ್ಪತಿಃ॑ | ಪ್ರ ದೇ॒ವಾಃ ಪ್ರೋತ ಸೂ॒ನೃತಾ᳚ ರಾ॒ಯೋ ದೇ॒ವೀ ದ॑ದಾತು ನಃ || 10.141.2
ಸೋಮಂ॒ ರಾಜಾ᳚ನ॒ಮವ॑ಸೇ॒ಽಗ್ನಿಂ ಗೀ॒ರ್ಭಿರ್ಹ॑ವಾಮಹೇ | ಆ॒ದಿ॒ತ್ಯಾನ್ವಿಷ್ಣುಂ॒ ಸೂರ್ಯಂ᳚ ಬ್ರ॒ಹ್ಮಾಣಂ᳚ ಚ॒ ಬೃಹ॒ಸ್ಪತಿ‌ಮ್᳚ || 10.141.3
ಇಂ॒ದ್ರ॒ವಾ॒ಯೂ ಬೃಹ॒ಸ್ಪತಿಂ᳚ ಸು॒ಹವೇ॒ಹ ಹ॑ವಾಮಹೇ | ಯಥಾ᳚ ನಃ॒ ಸರ್ವ॒ ಇಜ್ಜನಃ॒ ಸಂಗ॑ತ್ಯಾಂ ಸು॒ಮನಾ॒ ಅಸ॑ತ್ || 10.141.4
ಅ॒ರ್ಯ॒ಮಣಂ॒ ಬೃಹ॒ಸ್ಪತಿ॒ಮಿಂದ್ರಂ॒ ದಾನಾ᳚ಯ ಚೋದಯ | ವಾತಂ॒ ವಿಷ್ಣುಂ॒ ಸರ॑ಸ್ವತೀಂ ಸವಿ॒ತಾರಂ᳚ ಚ ವಾ॒ಜಿನ‌ಮ್᳚ || 10.141.5
ತ್ವಂ ನೋ᳚ ಅಗ್ನೇ ಅ॒ಗ್ನಿಭಿ॒ರ್ಬ್ರಹ್ಮ॑ ಯ॒ಜ್ಞಂ ಚ॑ ವರ್ಧಯ | ತ್ವಂ ನೋ᳚ ದೇ॒ವತಾ᳚ತಯೇ ರಾ॒ಯೋ ದಾನಾ᳚ಯ ಚೋದಯ || 10.141.6

(1-8) ಅಷ್ಟರ್ಚಸ್ಯಾಸ್ಯ ಸೂಕ್ತಸ್ಯ ಶಾಹಃ ((1-2) ಪ್ರಥಮಾದ್ವಿತೀಯಯೋರೃಚೋರ್ಜರಿತಾ, (34) ತೃತೀಯಾಚತೋಯೊಣಃ, (5-6) ಪಂಚಮೀಷಷ್ಠ್ಯೋಃ ಸಾರಿಸೃಕ್ತಃ, (7-8) ಸಪ್ತಮ್ಯಷ್ಟಮ್ಯೋಶ್ಚ ಸ್ತಂಬಮಿತ್ರಃ) ಋಷಯಃ, ಅಗ್ನಿದೇರ್ವತಾ(1-2) ಪ್ರಥಮಾದ್ವಿತೀಯಯೋರೃಚೋರ್ಜಗತೀ, (3-6) ತೃತೀಯಾದಿಚತಸೃಣಾಂ ತ್ರಿಷ್ಟುಪ್, (7-8) ಸಪ್ತಮ್ಯಷ್ಟಮ್ಯೋಶ್ಚಾನುಷ್ಟಪ್ ಛಂದಾಂಸಿ

ಅ॒ಯಮ॑ಗ್ನೇ ಜರಿ॒ತಾ ತ್ವೇ ಅ॑ಭೂ॒ದಪಿ॒ ಸಹ॑ಸಃ ಸೂನೋ ನ॒ಹ್ಯ1॒᳚ನ್ಯದಸ್ತ್ಯಾಪ್ಯ‌ಮ್᳚ | ಭ॒ದ್ರಂ ಹಿ ಶರ್ಮ॑ ತ್ರಿ॒ವರೂ᳚ಥ॒ಮಸ್ತಿ॑ ತ ಆ॒ರೇ ಹಿಂಸಾ᳚ನಾ॒ಮಪ॑ ದಿ॒ದ್ಯುಮಾ ಕೃ॑ಧಿ || 10.142.1
ಪ್ರ॒ವತ್ತೇ᳚ ಅಗ್ನೇ॒ ಜನಿ॑ಮಾ ಪಿತೂಯ॒ತಃ ಸಾ॒ಚೀವ॒ ವಿಶ್ವಾ॒ ಭುವ॑ನಾ॒ ನ್ಯೃಂ᳚ಜಸೇ | ಪ್ರ ಸಪ್ತ॑ಯಃ॒ ಪ್ರ ಸ॑ನಿಷ‌ನ್ತ ನೋ॒ ಧಿಯಃ॑ ಪು॒ರಶ್ಚ॑ರ‌ನ್ತಿ ಪಶು॒ಪಾ ಇ॑ವ॒ ತ್ಮನಾ᳚ || 10.142.2
ಉ॒ತ ವಾ ಉ॒ ಪರಿ॑ ವೃಣಕ್ಷಿ॒ ಬಪ್ಸ॑ದ್ಬ॒ಹೋರ॑ಗ್ನ॒ ಉಲ॑ಪಸ್ಯ ಸ್ವಧಾವಃ | ಉ॒ತ ಖಿ॒ಲ್ಯಾ ಉ॒ರ್ವರಾ᳚ಣಾಂ ಭವ‌ನ್ತಿ॒ ಮಾ ತೇ᳚ ಹೇ॒ತಿಂ ತವಿ॑ಷೀಂ ಚುಕ್ರುಧಾಮ || 10.142.3
ಯದು॒ದ್ವತೋ᳚ ನಿ॒ವತೋ॒ ಯಾಸಿ॒ ಬಪ್ಸ॒ತ್ಪೃಥ॑ಗೇಷಿ ಪ್ರಗ॒ರ್ಧಿನೀ᳚ವ॒ ಸೇನಾ᳚ | ಯ॒ದಾ ತೇ॒ ವಾತೋ᳚ ಅನು॒ವಾತಿ॑ ಶೋ॒ಚಿರ್ವಪ್ತೇ᳚ವ॒ ಶ್ಮಶ್ರು॑ ವಪಸಿ॒ ಪ್ರ ಭೂಮ॑ || 10.142.4
ಪ್ರತ್ಯ॑ಸ್ಯ॒ ಶ್ರೇಣ॑ಯೋ ದದೃಶ್ರ॒ ಏಕಂ᳚ ನಿ॒ಯಾನಂ᳚ ಬ॒ಹವೋ॒ ರಥಾ᳚ಸಃ | ಬಾ॒ಹೂ ಯದ॑ಗ್ನೇ ಅನು॒ಮರ್ಮೃ॑ಜಾನೋ॒ ನ್ಯ᳚ಙ್ಙುತ್ತಾ॒ನಾಮ॒ನ್ವೇಷಿ॒ ಭೂಮಿ‌ಮ್᳚ || 10.142.5
ಉತ್ತೇ॒ ಶುಷ್ಮಾ᳚ ಜಿಹತಾ॒ಮುತ್ತೇ᳚ ಅ॒ರ್ಚಿರುತ್ತೇ᳚ ಅಗ್ನೇ ಶಶಮಾ॒ನಸ್ಯ॒ ವಾಜಾಃ᳚ | ಉಚ್ಛ್ವಂ᳚ಚಸ್ವ॒ ನಿ ನ॑ಮ॒ ವರ್ಧ॑ಮಾನ॒ ಆ ತ್ವಾ॒ದ್ಯ ವಿಶ್ವೇ॒ ವಸ॑ವಃ ಸದ‌ನ್ತು || 10.142.6
ಅ॒ಪಾಮಿ॒ದಂ ನ್ಯಯ॑ನಂ ಸಮು॒ದ್ರಸ್ಯ॑ ನಿ॒ವೇಶ॑ನ‌ಮ್ | ಅ॒ನ್ಯಂ ಕೃ॑ಣುಷ್ವೇ॒ತಃ ಪ‌ನ್ಥಾಂ॒ ತೇನ॑ ಯಾಹಿ॒ ವಶಾಁ॒ ಅನು॑ || 10.142.7
ಆಯ॑ನೇ ತೇ ಪ॒ರಾಯ॑ಣೇ॒ ದೂರ್ವಾ᳚ ರೋಹ‌ನ್ತು ಪು॒ಷ್ಪಿಣೀಃ᳚ | ಹ್ರ॒ದಾಶ್ಚ॑ ಪುಂ॒ಡರೀ᳚ಕಾಣಿ ಸಮು॒ದ್ರಸ್ಯ॑ ಗೃ॒ಹಾ ಇ॒ಮೇ || 10.142.8

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಸಾಂಖ್ಯೋಽತ್ರಿ[ಷಿಃ, ಅಶ್ವಿನೌ ದೇವತೇ, ಅನುಷ್ಟಪ್ ಛಂದಃ

ತ್ಯಂ ಚಿ॒ದತ್ರಿ॑ಮೃತ॒ಜುರ॒ಮರ್ಥ॒ಮಶ್ವಂ॒ ನ ಯಾತ॑ವೇ | ಕ॒ಕ್ಷೀವ᳚‌ನ್ತಂ॒ ಯದೀ॒ ಪುನಾ॒ ರಥಂ॒ ನ ಕೃ॑ಣು॒ಥೋ ನವ‌ಮ್᳚ || 10.143.1
ತ್ಯಂ ಚಿ॒ದಶ್ವಂ॒ ನ ವಾ॒ಜಿನ॑ಮರೇ॒ಣವೋ॒ ಯಮತ್ನ॑ತ | ದೃ॒ಳ್ಹಂ ಗ್ರ॒‌ನ್ಥಿಂ ನ ವಿ ಷ್ಯ॑ತ॒ಮತ್ರಿಂ॒ ಯವಿ॑ಷ್ಠ॒ಮಾ ರಜಃ॑ || 10.143.2
ನರಾ॒ ದಂಸಿ॑ಷ್ಠಾ॒ವತ್ರ॑ಯೇ॒ ಶುಭ್ರಾ॒ ಸಿಷಾ᳚ಸತಂ॒ ಧಿಯಃ॑ | ಅಥಾ॒ ಹಿ ವಾಂ᳚ ದಿ॒ವೋ ನ॑ರಾ॒ ಪುನಃ॒ ಸ್ತೋಮೋ॒ ನ ವಿ॒ಶಸೇ᳚ || 10.143.3
ಚಿ॒ತೇ ತದ್ವಾಂ᳚ ಸುರಾಧಸಾ ರಾ॒ತಿಃ ಸು॑ಮ॒ತಿರ॑ಶ್ವಿನಾ | ಆ ಯನ್ನಃ॒ ಸದ॑ನೇ ಪೃ॒ಥೌ ಸಮ॑ನೇ॒ ಪರ್ಷ॑ಥೋ ನರಾ || 10.143.4
ಯು॒ವಂ ಭು॒ಜ್ಯುಂ ಸ॑ಮು॒ದ್ರ ಆ ರಜ॑ಸಃ ಪಾ॒ರ ಈಂ᳚ಖಿ॒ತ‌ಮ್ | ಯಾ॒ತಮಚ್ಛಾ᳚ ಪತ॒ತ್ರಿಭಿ॒ರ್ನಾಸ॑ತ್ಯಾ ಸಾ॒ತಯೇ᳚ ಕೃತ‌ಮ್ || 10.143.5
ಆ ವಾಂ᳚ ಸು॒ಮ್ನೈಃ ಶಂ॒ಯೂ ಇ॑ವ॒ ಮಂಹಿ॑ಷ್ಠಾ॒ ವಿಶ್ವ॑ವೇದಸಾ | ಸಮ॒ಸ್ಮೇ ಭೂ᳚ಷತಂ ನ॒ರೋತ್ಸಂ॒ ನ ಪಿ॒ಪ್ಯುಷೀ॒ರಿಷಃ॑ || 10.143.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ತಾರ್ಕ್ಷ್ಯಃ ಸುಪರ್ಣೋ ಯಾಮಾಯನ ಊರ್ಧ್ವಕಶು ನೋ ವಾ ಋಷಿಃ, ಇಂದ್ರೋ ದೇವತಾ, (1, 3-4) ಪ್ರಥಮರ್ಚಸ್ತೃತೀಯಾಚತುರ್ಯೋಶ್ಚ ಗಾಯತ್ರೀ, (2) ದ್ವಿತೀಯಾಯಾ ಬೃಹತೀ, (5) ಪಂಚಮ್ಯಾಃ ಸತೋಬೃಹತೀ, (6) ಷಷ್ಠ್ಯಾಶ್ಚ ವಿಷ್ಟಾರಪಂಕ್ತಿಶ್ಛಂದಾಂಸಿ

ಅ॒ಯಂ ಹಿ ತೇ॒ ಅಮ॑ರ್ತ್ಯ॒ ಇಂದು॒ರತ್ಯೋ॒ ನ ಪತ್ಯ॑ತೇ | ದಕ್ಷೋ᳚ ವಿ॒ಶ್ವಾಯು᳚ರ್ವೇ॒ಧಸೇ᳚ || 10.144.1
ಅ॒ಯಮ॒ಸ್ಮಾಸು॒ ಕಾವ್ಯ॑ ಋ॒ಭುರ್ವಜ್ರೋ॒ ದಾಸ್ವ॑ತೇ | ಅ॒ಯಂ ಬಿ॑ಭರ್ತ್ಯೂ॒ರ್ಧ್ವಕೃ॑ಶನಂ॒ ಮದ॑ಮೃ॒ಭುರ್ನ ಕೃತ್ವ್ಯಂ॒ ಮದ‌ಮ್᳚ || 10.144.2
ಘೃಷುಃ॑ ಶ್ಯೇ॒ನಾಯ॒ ಕೃತ್ವ॑ನ ಆ॒ಸು ಸ್ವಾಸು॒ ವಂಸ॑ಗಃ | ಅವ॑ ದೀಧೇದಹೀ॒ಶುವಃ॑ || 10.144.3
ಯಂ ಸು॑ಪ॒ರ್ಣಃ ಪ॑ರಾ॒ವತಃ॑ ಶ್ಯೇ॒ನಸ್ಯ॑ ಪು॒ತ್ರ ಆಭ॑ರತ್ | ಶ॒ತಚ॑ಕ್ರಂ॒ ಯೋ॒3॒॑ಽಹ್ಯೋ᳚ ವರ್ತ॒ನಿಃ || 10.144.4
ಯಂ ತೇ᳚ ಶ್ಯೇ॒ನಶ್ಚಾರು॑ಮವೃ॒ಕಂ ಪ॒ದಾಭ॑ರದರು॒ಣಂ ಮಾ॒ನಮಂಧ॑ಸಃ | ಏ॒ನಾ ವಯೋ॒ ವಿ ತಾ॒ರ್ಯಾಯು॑ರ್ಜೀ॒ವಸ॑ ಏ॒ನಾ ಜಾ᳚ಗಾರ ಬಂ॒ಧುತಾ᳚ || 10.144.5
ಏ॒ವಾ ತದಿಂದ್ರ॒ ಇಂದು॑ನಾ ದೇ॒ವೇಷು॑ ಚಿದ್ಧಾರಯಾತೇ॒ ಮಹಿ॒ ತ್ಯಜಃ॑ | ಕ್ರತ್ವಾ॒ ವಯೋ॒ ವಿ ತಾ॒ರ್ಯಾಯುಃ॑ ಸುಕ್ರತೋ॒ ಕ್ರತ್ವಾ॒ಯಮ॒ಸ್ಮದಾ ಸು॒ತಃ || 10.144.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯೇಂದ್ರಾಣೀ ಋಷಿಕಾ, ಸಪತ್ನೀಬಾಧನರೂಪೋಽರ್ಥೋ ದೇವತಾ, (1-5) ಪ್ರಥಮಾದಿಪಂಚರ್ಚಾಮನುಷ್ಟಪ್ , (6) ಷಷ್ಠ್ಯಾಶ್ಚ ಪತಿಶ್ಛಂದಸೀ

ಇ॒ಮಾಂ ಖ॑ನಾ॒ಮ್ಯೋಷ॑ಧಿಂ ವೀ॒ರುಧಂ॒ ಬಲ॑ವತ್ತಮಾ‌ಮ್ | ಯಯಾ᳚ ಸ॒ಪತ್ನೀಂ॒ ಬಾಧ॑ತೇ॒ ಯಯಾ᳚ ಸಂವಿಂ॒ದತೇ॒ ಪತಿ‌ಮ್᳚ || 10.145.1
ಉತ್ತಾ᳚ನಪರ್ಣೇ॒ ಸುಭ॑ಗೇ॒ ದೇವ॑ಜೂತೇ॒ ಸಹ॑ಸ್ವತಿ | ಸ॒ಪತ್ನೀಂ᳚ ಮೇ॒ ಪರಾ᳚ ಧಮ॒ ಪತಿಂ᳚ ಮೇ॒ ಕೇವ॑ಲಂ ಕುರು || 10.145.2
ಉತ್ತ॑ರಾ॒ಹಮು॑ತ್ತರ॒ ಉತ್ತ॒ರೇದುತ್ತ॑ರಾಭ್ಯಃ | ಅಥಾ᳚ ಸ॒ಪತ್ನೀ॒ ಯಾ ಮಮಾಧ॑ರಾ॒ ಸಾಧ॑ರಾಭ್ಯಃ || 10.145.3
ನ॒ಹ್ಯ॑ಸ್ಯಾ॒ ನಾಮ॑ ಗೃ॒ಭ್ಣಾಮಿ॒ ನೋ ಅ॒ಸ್ಮಿನ್ರ॑ಮತೇ॒ ಜನೇ᳚ | ಪರಾ᳚ಮೇ॒ವ ಪ॑ರಾ॒ವತಂ᳚ ಸ॒ಪತ್ನೀಂ᳚ ಗಮಯಾಮಸಿ || 10.145.4
ಅ॒ಹಮ॑ಸ್ಮಿ॒ ಸಹ॑ಮಾ॒ನಾಥ॒ ತ್ವಮ॑ಸಿ ಸಾಸ॒ಹಿಃ | ಉ॒ಭೇ ಸಹ॑ಸ್ವತೀ ಭೂ॒ತ್ವೀ ಸ॒ಪತ್ನೀಂ᳚ ಮೇ ಸಹಾವಹೈ || 10.145.5
ಉಪ॑ ತೇಽಧಾಂ॒ ಸಹ॑ಮಾನಾಮ॒ಭಿ ತ್ವಾ᳚ಧಾಂ॒ ಸಹೀ᳚ಯಸಾ | ಮಾಮನು॒ ಪ್ರ ತೇ॒ ಮನೋ᳚ ವ॒ತ್ಸಂ ಗೌರಿ॑ವ ಧಾವತು ಪ॒ಥಾ ವಾರಿ॑ವ ಧಾವತು || 10.145.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯೈರಮ್ಮದೋ ದೇವಮುನಿಷಿಃ, ಅರಣ್ಯಾನೀ ದೇವತಾ, ಅನುಷ್ಟಪ್. ಛಂದಃ

ಅರ᳚ಣ್ಯಾ॒ನ್ಯರ᳚ಣ್ಯಾನ್ಯ॒ಸೌ ಯಾ ಪ್ರೇವ॒ ನಶ್ಯ॑ಸಿ | ಕ॒ಥಾ ಗ್ರಾಮಂ॒ ನ ಪೃ॑ಚ್ಛಸಿ॒ ನ ತ್ವಾ॒ ಭೀರಿ॑ವ ವಿಂದತೀ3ಁ || 10.146.1
ವೃ॒ಷಾ॒ರ॒ವಾಯ॒ ವದ॑ತೇ॒ ಯದು॒ಪಾವ॑ತಿ ಚಿಚ್ಚಿ॒ಕಃ | ಆ॒ಘಾ॒ಟಿಭಿ॑ರಿವ ಧಾ॒ವಯ᳚ನ್ನರಣ್ಯಾ॒ನಿರ್ಮ॑ಹೀಯತೇ || 10.146.2
ಉ॒ತ ಗಾವ॑ ಇವಾದ‌ನ್ತ್ಯು॒ತ ವೇಶ್ಮೇ᳚ವ ದೃಶ್ಯತೇ | ಉ॒ತೋ ಅ॑ರಣ್ಯಾ॒ನಿಃ ಸಾ॒ಯಂ ಶ॑ಕ॒ಟೀರಿ॑ವ ಸರ್ಜತಿ || 10.146.3
ಗಾಮಂ॒ಗೈಷ ಆ ಹ್ವ॑ಯತಿ॒ ದಾರ್ವಂ॒ಗೈಷೋ ಅಪಾ᳚ವಧೀತ್ | ವಸ᳚ನ್ನರಣ್ಯಾ॒ನ್ಯಾಂ ಸಾ॒ಯಮಕ್ರು॑ಕ್ಷ॒ದಿತಿ॑ ಮನ್ಯತೇ || 10.146.4
ನ ವಾ ಅ॑ರಣ್ಯಾ॒ನಿರ್ಹ᳚‌ನ್ತ್ಯ॒ನ್ಯಶ್ಚೇನ್ನಾಭಿ॒ಗಚ್ಛ॑ತಿ | ಸ್ವಾ॒ದೋಃ ಫಲ॑ಸ್ಯ ಜ॒ಗ್ಧ್ವಾಯ॑ ಯಥಾ॒ಕಾಮಂ॒ ನಿ ಪ॑ದ್ಯತೇ || 10.146.5
ಆಂಜ॑ನಗಂಧಿಂ ಸುರ॒ಭಿಂ ಬ॑ಹ್ವ॒ನ್ನಾಮಕೃ॑ಷೀವಲಾ‌ಮ್ | ಪ್ರಾಹಂ ಮೃ॒ಗಾಣಾಂ᳚ ಮಾ॒ತರ॑ಮರಣ್ಯಾ॒ನಿಮ॑ಶಂಸಿಷ‌ಮ್ || 10.146.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಶೈರೀಷಿಃ ಸವದೇ, ಋಷಿಃ, ಇಂದ್ರೋ ದೇವತಾ, (1-4) ಪ್ರಥಮಾದಿಚರ್ಚಾಂ ಜಗತೀ, (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಸೀ

ಶ್ರತ್ತೇ᳚ ದಧಾಮಿ ಪ್ರಥ॒ಮಾಯ॑ ಮ॒ನ್ಯವೇಽಹ॒ನ್ಯದ್ವೃ॒ತ್ರಂ ನರ್ಯಂ᳚ ವಿ॒ವೇರ॒ಪಃ | ಉ॒ಭೇ ಯತ್ತ್ವಾ॒ ಭವ॑ತೋ॒ ರೋದ॑ಸೀ॒ ಅನು॒ ರೇಜ॑ತೇ॒ ಶುಷ್ಮಾ᳚ತ್ಪೃಥಿ॒ವೀ ಚಿ॑ದದ್ರಿವಃ || 10.147.1
ತ್ವಂ ಮಾ॒ಯಾಭಿ॑ರನವದ್ಯ ಮಾ॒ಯಿನಂ᳚ ಶ್ರವಸ್ಯ॒ತಾ ಮನ॑ಸಾ ವೃ॒ತ್ರಮ॑ರ್ದಯಃ | ತ್ವಾಮಿನ್ನರೋ᳚ ವೃಣತೇ॒ ಗವಿ॑ಷ್ಟಿಷು॒ ತ್ವಾಂ ವಿಶ್ವಾ᳚ಸು॒ ಹವ್ಯಾ॒ಸ್ವಿಷ್ಟಿ॑ಷು || 10.147.2
ಐಷು॑ ಚಾಕಂಧಿ ಪುರುಹೂತ ಸೂ॒ರಿಷು॑ ವೃ॒ಧಾಸೋ॒ ಯೇ ಮ॑ಘವನ್ನಾನ॒ಶುರ್ಮ॒ಘ‌ಮ್ | ಅರ್ಚ᳚‌ನ್ತಿ ತೋ॒ಕೇ ತನ॑ಯೇ॒ ಪರಿ॑ಷ್ಟಿಷು ಮೇ॒ಧಸಾ᳚ತಾ ವಾ॒ಜಿನ॒ಮಹ್ರ॑ಯೇ॒ ಧನೇ᳚ || 10.147.3
ಸ ಇನ್ನು ರಾ॒ಯಃ ಸುಭೃ॑ತಸ್ಯ ಚಾಕನ॒ನ್ಮದಂ॒ ಯೋ ಅ॑ಸ್ಯ॒ ರಂಹ್ಯಂ॒ ಚಿಕೇ᳚ತತಿ | ತ್ವಾವೃ॑ಧೋ ಮಘವಂದಾ॒ಶ್ವ॑ಧ್ವರೋ ಮ॒ಕ್ಷೂ ಸ ವಾಜಂ᳚ ಭರತೇ॒ ಧನಾ॒ ನೃಭಿಃ॑ || 10.147.4
ತ್ವಂ ಶರ್ಧಾ᳚ಯ ಮಹಿ॒ನಾ ಗೃ॑ಣಾ॒ನ ಉ॒ರು ಕೃ॑ಧಿ ಮಘವಂಛ॒ಗ್ಧಿ ರಾ॒ಯಃ | ತ್ವಂ ನೋ᳚ ಮಿ॒ತ್ರೋ ವರು॑ಣೋ॒ ನ ಮಾ॒ಯೀ ಪಿ॒ತ್ವೋ ನ ದ॑ಸ್ಮ ದಯಸೇ ವಿಭ॒ಕ್ತಾ || 10.147.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈನ್ಯಃ ಪೃಥಋ ಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಸು॒ಷ್ವಾ॒ಣಾಸ॑ ಇಂದ್ರ ಸ್ತು॒ಮಸಿ॑ ತ್ವಾ ಸಸ॒ವಾಂಸ॑ಶ್ಚ ತುವಿನೃಮ್ಣ॒ ವಾಜ‌ಮ್᳚ | ಆ ನೋ᳚ ಭರ ಸುವಿ॒ತಂ ಯಸ್ಯ॑ ಚಾ॒ಕ‌ನ್ತ್ಮನಾ॒ ತನಾ᳚ ಸನುಯಾಮ॒ ತ್ವೋತಾಃ᳚ || 10.148.1
ಋ॒ಷ್ವಸ್ತ್ವಮಿಂ᳚ದ್ರ ಶೂರ ಜಾ॒ತೋ ದಾಸೀ॒ರ್ವಿಶಃ॒ ಸೂರ್ಯೇ᳚ಣ ಸಹ್ಯಾಃ | ಗುಹಾ᳚ ಹಿ॒ತಂ ಗುಹ್ಯಂ᳚ ಗೂ॒ಳ್ಹಮ॒ಪ್ಸು ಬಿ॑ಭೃ॒ಮಸಿ॑ ಪ್ರ॒ಸ್ರವ॑ಣೇ॒ ನ ಸೋಮ‌ಮ್᳚ || 10.148.2
ಅ॒ರ್ಯೋ ವಾ॒ ಗಿರೋ᳚ ಅ॒ಭ್ಯ॑ರ್ಚ ವಿ॒ದ್ವಾನೃಷೀ᳚ಣಾಂ॒ ವಿಪ್ರಃ॑ ಸುಮ॒ತಿಂ ಚ॑ಕಾ॒ನಃ | ತೇ ಸ್ಯಾ᳚ಮ॒ ಯೇ ರ॒ಣಯ᳚‌ನ್ತ॒ ಸೋಮೈ᳚ರೇ॒ನೋತ ತುಭ್ಯಂ᳚ ರಥೋಳ್ಹ ಭ॒ಕ್ಷೈಃ || 10.148.3
ಇ॒ಮಾ ಬ್ರಹ್ಮೇಂ᳚ದ್ರ॒ ತುಭ್ಯಂ᳚ ಶಂಸಿ॒ ದಾ ನೃಭ್ಯೋ᳚ ನೃ॒ಣಾಂ ಶೂ᳚ರ॒ ಶವಃ॑ | ತೇಭಿ॑ರ್ಭವ॒ ಸಕ್ರ॑ತು॒ರ್ಯೇಷು॑ ಚಾ॒ಕನ್ನು॒ತ ತ್ರಾ᳚ಯಸ್ವ ಗೃಣ॒ತ ಉ॒ತ ಸ್ತೀನ್ || 10.148.4
ಶ್ರು॒ಧೀ ಹವ॑ಮಿಂದ್ರ ಶೂರ॒ ಪೃಥ್ಯಾ᳚ ಉ॒ತ ಸ್ತ॑ವಸೇ ವೇ॒ನ್ಯಸ್ಯಾ॒ರ್ಕೈಃ | ಆ ಯಸ್ತೇ॒ ಯೋನಿಂ᳚ ಘೃ॒ತವ᳚‌ನ್ತ॒ಮಸ್ವಾ᳚ರೂ॒ರ್ಮಿರ್ನ ನಿಮ್ನೈರ್ದ್ರ॑ವಯ‌ನ್ತ॒ ವಕ್ವಾಃ᳚ || 10.148.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಹೈರಣ್ಯಸ್ತೂಪೋಽರ್ಚನ್ನ ಇಷಃ, ಸವಿತಾ ದೇವತಾ, ತ್ರಿಷ್ಟುಪ್ ಛಂದಃ

ಸ॒ವಿ॒ತಾ ಯ॒‌ನ್ತ್ರೈಃ ಪೃ॑ಥಿ॒ವೀಮ॑ರಮ್ಣಾದಸ್ಕಂಭ॒ನೇ ಸ॑ವಿ॒ತಾ ದ್ಯಾಮ॑ದೃಂಹತ್ | ಅಶ್ವ॑ಮಿವಾಧುಕ್ಷ॒ದ್ಧುನಿ॑ಮ॒‌ನ್ತರಿ॑ಕ್ಷಮ॒ತೂರ್ತೇ᳚ ಬ॒ದ್ಧಂ ಸ॑ವಿ॒ತಾ ಸ॑ಮು॒ದ್ರ‌ಮ್ || 10.149.1
ಯತ್ರಾ᳚ ಸಮು॒ದ್ರಃ ಸ್ಕ॑ಭಿ॒ತೋ ವ್ಯೌನ॒ದಪಾಂ᳚ ನಪಾತ್ಸವಿ॒ತಾ ತಸ್ಯ॑ ವೇದ | ಅತೋ॒ ಭೂರತ॑ ಆ॒ ಉತ್ಥಿ॑ತಂ॒ ರಜೋಽತೋ॒ ದ್ಯಾವಾ᳚ಪೃಥಿ॒ವೀ ಅ॑ಪ್ರಥೇತಾ‌ಮ್ || 10.149.2
ಪ॒ಶ್ಚೇದಮ॒ನ್ಯದ॑ಭವ॒ದ್ಯಜ॑ತ್ರ॒ಮಮ॑ರ್ತ್ಯಸ್ಯ॒ ಭುವ॑ನಸ್ಯ ಭೂ॒ನಾ | ಸು॒ಪ॒ರ್ಣೋ ಅಂ॒ಗ ಸ॑ವಿ॒ತುರ್ಗ॒ರುತ್ಮಾ॒ನ್ಪೂರ್ವೋ᳚ ಜಾ॒ತಃ ಸ ಉ॑ ಅ॒ಸ್ಯಾನು॒ ಧರ್ಮ॑ || 10.149.3
ಗಾವ॑ ಇವ॒ ಗ್ರಾಮಂ॒ ಯೂಯು॑ಧಿರಿ॒ವಾಶ್ವಾ᳚ನ್ವಾ॒ಶ್ರೇವ॑ ವ॒ತ್ಸಂ ಸು॒ಮನಾ॒ ದುಹಾ᳚ನಾ | ಪತಿ॑ರಿವ ಜಾ॒ಯಾಮ॒ಭಿ ನೋ॒ ನ್ಯೇ᳚ತು ಧ॒ರ್ತಾ ದಿ॒ವಃ ಸ॑ವಿ॒ತಾ ವಿ॒ಶ್ವವಾ᳚ರಃ || 10.149.4
ಹಿರ᳚ಣ್ಯಸ್ತೂಪಃ ಸವಿತ॒ರ್ಯಥಾ᳚ ತ್ವಾಂಗಿರ॒ಸೋ ಜು॒ಹ್ವೇ ವಾಜೇ᳚ ಅ॒ಸ್ಮಿನ್ | ಏ॒ವಾ ತ್ವಾರ್ಚ॒ನ್ನವ॑ಸೇ॒ ವಂದ॑ಮಾನಃ॒ ಸೋಮ॑ಸ್ಯೇವಾಂ॒ಶುಂ ಪ್ರತಿ॑ ಜಾಗರಾ॒ಹ‌ಮ್ || 10.149.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವಾಸಿಷ್ಠೋ ಮೃಳೀಕ ಋಷಿಃ, ಅಗ್ನಿರ್ದೇವತಾ, (1-3) ಪ್ರಥಮಾದಿತೃಚಸ್ಯ ಬೃಹತೀ, (4) ಚತುರ್ಥ್ಯಾ ಋಚ ಉಪರಿಷ್ಟಾಜಯೋತಿರ್ಜಗತೀ ವಾ, (5) ಪಂಚಮ್ಯಾಶ್ಚೋಪರಿಷ್ಟಾಜಯೋತಿಶ್ಛಂದಾಂಸಿ

ಸಮಿ॑ದ್ಧಶ್ಚಿ॒ತ್ಸಮಿ॑ಧ್ಯಸೇ ದೇ॒ವೇಭ್ಯೋ᳚ ಹವ್ಯವಾಹನ | ಆ॒ದಿ॒ತ್ಯೈ ರು॒ದ್ರೈರ್ವಸು॑ಭಿರ್ನ॒ ಆ ಗ॑ಹಿ ಮೃಳೀ॒ಕಾಯ॑ ನ॒ ಆ ಗ॑ಹಿ || 10.150.1
ಇ॒ಮಂ ಯ॒ಜ್ಞಮಿ॒ದಂ ವಚೋ᳚ ಜುಜುಷಾ॒ಣ ಉ॒ಪಾಗ॑ಹಿ | ಮರ್ತಾ᳚ಸಸ್ತ್ವಾ ಸಮಿಧಾನ ಹವಾಮಹೇ ಮೃಳೀ॒ಕಾಯ॑ ಹವಾಮಹೇ || 10.150.2
ತ್ವಾಮು॑ ಜಾ॒ತವೇ᳚ದಸಂ ವಿ॒ಶ್ವವಾ᳚ರಂ ಗೃಣೇ ಧಿ॒ಯಾ | ಅಗ್ನೇ᳚ ದೇ॒ವಾಁ ಆ ವ॑ಹ ನಃ ಪ್ರಿ॒ಯವ್ರ॑ತಾನ್ಮೃಳೀ॒ಕಾಯ॑ ಪ್ರಿ॒ಯವ್ರ॑ತಾನ್ || 10.150.3
ಅ॒ಗ್ನಿರ್ದೇ॒ವೋ ದೇ॒ವಾನಾ᳚ಮಭವತ್ಪು॒ರೋಹಿ॑ತೋ॒ಽಗ್ನಿಂ ಮ॑ನು॒ಷ್ಯಾ॒3॒॑ ಋಷ॑ಯಃ॒ ಸಮೀ᳚ಧಿರೇ | ಅ॒ಗ್ನಿಂ ಮ॒ಹೋ ಧನ॑ಸಾತಾವ॒ಹಂ ಹು॑ವೇ ಮೃಳೀ॒ಕಂ ಧನ॑ಸಾತಯೇ || 10.150.4
ಅ॒ಗ್ನಿರತ್ರಿಂ᳚ ಭ॒ರದ್ವಾ᳚ಜಂ॒ ಗವಿ॑ಷ್ಠಿರಂ॒ ಪ್ರಾವ᳚ನ್ನಃ॒ ಕಣ್ವಂ᳚ ತ್ರ॒ಸದ॑ಸ್ಯುಮಾಹ॒ವೇ | ಅ॒ಗ್ನಿಂ ವಸಿ॑ಷ್ಠೋ ಹವತೇ ಪು॒ರೋಹಿ॑ತೋ ಮೃಳೀ॒ಕಾಯ॑ ಪು॒ರೋಹಿ॑ತಃ || 10.150.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಕಾಮಾಯನೀ ಶ್ರದ್ಧಾ ಋಷಿಕಾ, ಶ್ರದ್ಧಾ ದೇವತಾ. ಅನುಷ್ಟಪ್. ಛಂದಃ

ಶ್ರ॒ದ್ಧಯಾ॒ಗ್ನಿಃ ಸಮಿ॑ಧ್ಯತೇ ಶ್ರ॒ದ್ಧಯಾ᳚ ಹೂಯತೇ ಹ॒ವಿಃ | ಶ್ರ॒ದ್ಧಾಂ ಭಗ॑ಸ್ಯ ಮೂ॒ರ್ಧನಿ॒ ವಚ॒ಸಾ ವೇ᳚ದಯಾಮಸಿ || 10.151.1
ಪ್ರಿ॒ಯಂ ಶ್ರ॑ದ್ಧೇ॒ ದದ॑ತಃ ಪ್ರಿ॒ಯಂ ಶ್ರ॑ದ್ಧೇ॒ ದಿದಾ᳚ಸತಃ | ಪ್ರಿ॒ಯಂ ಭೋ॒ಜೇಷು॒ ಯಜ್ವ॑ಸ್ವಿ॒ದಂ ಮ॑ ಉದಿ॒ತಂ ಕೃ॑ಧಿ || 10.151.2
ಯಥಾ᳚ ದೇ॒ವಾ ಅಸು॑ರೇಷು ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ | ಏ॒ವಂ ಭೋ॒ಜೇಷು॒ ಯಜ್ವ॑ಸ್ವ॒ಸ್ಮಾಕ॑ಮುದಿ॒ತಂ ಕೃ॑ಧಿ || 10.151.3
ಶ್ರ॒ದ್ಧಾಂ ದೇ॒ವಾ ಯಜ॑ಮಾನಾ ವಾ॒ಯುಗೋ᳚ಪಾ॒ ಉಪಾ᳚ಸತೇ | ಶ್ರ॒ದ್ಧಾಂ ಹೃ॑ದ॒ಯ್ಯ1॒॑ಯಾಕೂ᳚ತ್ಯಾ ಶ್ರ॒ದ್ಧಯಾ᳚ ವಿಂದತೇ॒ ವಸು॑ || 10.151.4
ಶ್ರ॒ದ್ಧಾಂ ಪ್ರಾ॒ತರ್ಹ॑ವಾಮಹೇ ಶ್ರ॒ದ್ಧಾಂ ಮ॒ಧ್ಯಂದಿ॑ನಂ॒ ಪರಿ॑ | ಶ್ರ॒ದ್ಧಾಂ ಸೂರ್ಯ॑ಸ್ಯ ನಿ॒ಮ್ರುಚಿ॒ ಶ್ರದ್ಧೇ॒ ಶ್ರದ್ಧಾ᳚ಪಯೇ॒ಹ ನಃ॑ || 10.151.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಶಾಸ ಋಷಿಃ, ಇಂದ್ರೋ ದೇವತಾ, ಅನುಷ್ಟಪ್. ಛಂದಃ

ಶಾ॒ಸ ಇ॒ತ್ಥಾ ಮ॒ಹಾಁ ಅ॑ಸ್ಯಮಿತ್ರಖಾ॒ದೋ ಅದ್ಭು॑ತಃ | ನ ಯಸ್ಯ॑ ಹ॒ನ್ಯತೇ॒ ಸಖಾ॒ ನ ಜೀಯ॑ತೇ॒ ಕದಾ᳚ ಚ॒ನ || 10.152.1
ಸ್ವ॒ಸ್ತಿ॒ದಾ ವಿ॒ಶಸ್ಪತಿ᳚ರ್ವೃತ್ರ॒ಹಾ ವಿ॑ಮೃ॒ಧೋ ವ॒ಶೀ | ವೃಷೇಂದ್ರಃ॑ ಪು॒ರ ಏ᳚ತು ನಃ ಸೋಮ॒ಪಾ ಅ॑ಭಯಂಕ॒ರಃ || 10.152.2
ವಿ ರಕ್ಷೋ॒ ವಿ ಮೃಧೋ᳚ ಜಹಿ॒ ವಿ ವೃ॒ತ್ರಸ್ಯ॒ ಹನೂ᳚ ರುಜ | ವಿ ಮ॒ನ್ಯುಮಿಂ᳚ದ್ರ ವೃತ್ರಹನ್ನ॒ಮಿತ್ರ॑ಸ್ಯಾಭಿ॒ದಾಸ॑ತಃ || 10.152.3
ವಿ ನ॑ ಇಂದ್ರ॒ ಮೃಧೋ᳚ ಜಹಿ ನೀ॒ಚಾ ಯ॑ಚ್ಛ ಪೃತನ್ಯ॒ತಃ | ಯೋ ಅ॒ಸ್ಮಾಁ ಅ॑ಭಿ॒ದಾಸ॒ತ್ಯಧ॑ರಂ ಗಮಯಾ॒ ತಮಃ॑ || 10.152.4
ಅಪೇಂ᳚ದ್ರ ದ್ವಿಷ॒ತೋ ಮನೋಽಪ॒ ಜಿಜ್ಯಾ᳚ಸತೋ ವ॒ಧ‌ಮ್ | ವಿ ಮ॒ನ್ಯೋಃ ಶರ್ಮ॑ ಯಚ್ಛ॒ ವರೀ᳚ಯೋ ಯವಯಾ ವ॒ಧ‌ಮ್ || 10.152.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ದೇವಜಾಮಯ ಇಂದ್ರಮಾತರ ಋಷಿಕಾಃ, ಇಂದ್ರೋ ದೇವತಾ,ಫ಼್ ಗಾಯತ್ರೀ ಛಂದಃ

ಈಂ॒ಖಯ᳚‌ನ್ತೀರಪ॒ಸ್ಯುವ॒ ಇಂದ್ರಂ᳚ ಜಾ॒ತಮುಪಾ᳚ಸತೇ | ಭೇ॒ಜಾ॒ನಾಸಃ॑ ಸು॒ವೀರ್ಯ‌ಮ್᳚ || 10.153.1
ತ್ವಮಿಂ᳚ದ್ರ॒ ಬಲಾ॒ದಧಿ॒ ಸಹ॑ಸೋ ಜಾ॒ತ ಓಜ॑ಸಃ | ತ್ವಂ ವೃ॑ಷ॒ನ್ವೃಷೇದ॑ಸಿ || 10.153.2
ತ್ವಮಿಂ᳚ದ್ರಾಸಿ ವೃತ್ರ॒ಹಾ ವ್ಯ1॒᳚‌ನ್ತರಿ॑ಕ್ಷಮತಿರಃ | ಉದ್ದ್ಯಾಮ॑ಸ್ತಭ್ನಾ॒ ಓಜ॑ಸಾ || 10.153.3
ತ್ವಮಿಂ᳚ದ್ರ ಸ॒ಜೋಷ॑ಸಮ॒ರ್ಕಂ ಬಿ॑ಭರ್ಷಿ ಬಾ॒ಹ್ವೋಃ | ವಜ್ರಂ॒ ಶಿಶಾ᳚ನ॒ ಓಜ॑ಸಾ || 10.153.4
ತ್ವಮಿಂ᳚ದ್ರಾಭಿ॒ಭೂರ॑ಸಿ॒ ವಿಶ್ವಾ᳚ ಜಾ॒ತಾನ್ಯೋಜ॑ಸಾ | ಸ ವಿಶ್ವಾ॒ ಭುವ॒ ಆಭ॑ವಃ || 10.153.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈವಸ್ವತೀ ಯಮೀ ಋಷಿಕಾ, ಭಾವವೃತ್ತಂ ದೇವತಾ, ಅನುಷ್ಟಪ್ ಛಂದಃ

ಸೋಮ॒ ಏಕೇ᳚ಭ್ಯಃ ಪವತೇ ಘೃ॒ತಮೇಕ॒ ಉಪಾ᳚ಸತೇ | ಯೇಭ್ಯೋ॒ ಮಧು॑ ಪ್ರ॒ಧಾವ॑ತಿ॒ ತಾಁಶ್ಚಿ॑ದೇ॒ವಾಪಿ॑ ಗಚ್ಛತಾತ್ || 10.154.1
ತಪ॑ಸಾ॒ ಯೇ ಅ॑ನಾಧೃ॒ಷ್ಯಾಸ್ತಪ॑ಸಾ॒ ಯೇ ಸ್ವ᳚ರ್ಯ॒ಯುಃ | ತಪೋ॒ ಯೇ ಚ॑ಕ್ರಿ॒ರೇ ಮಹ॒ಸ್ತಾಁಶ್ಚಿ॑ದೇ॒ವಾಪಿ॑ ಗಚ್ಛತಾತ್ || 10.154.2
ಯೇ ಯುಧ್ಯ᳚‌ನ್ತೇ ಪ್ರ॒ಧನೇ᳚ಷು॒ ಶೂರಾ᳚ಸೋ॒ ಯೇ ತ॑ನೂ॒ತ್ಯಜಃ॑ | ಯೇ ವಾ᳚ ಸ॒ಹಸ್ರ॑ದಕ್ಷಿಣಾ॒ಸ್ತಾಁಶ್ಚಿ॑ದೇ॒ವಾಪಿ॑ ಗಚ್ಛತಾತ್ || 10.154.3
ಯೇ ಚಿ॒ತ್ಪೂರ್ವ॑ ಋತ॒ಸಾಪ॑ ಋ॒ತಾವಾ᳚ನ ಋತಾ॒ವೃಧಃ॑ | ಪಿ॒ತೄ‌ನ್ತಪ॑ಸ್ವತೋ ಯಮ॒ ತಾಁಶ್ಚಿ॑ದೇ॒ವಾಪಿ॑ ಗಚ್ಛತಾತ್ || 10.154.4
ಸ॒ಹಸ್ರ॑ಣೀಥಾಃ ಕ॒ವಯೋ॒ ಯೇ ಗೋ᳚ಪಾ॒ಯ‌ನ್ತಿ॒ ಸೂರ್ಯ‌ಮ್᳚ | ಋಷೀ॒‌ನ್ತಪ॑ಸ್ವತೋ ಯಮ ತಪೋ॒ಜಾಁ ಅಪಿ॑ ಗಚ್ಛತಾತ್ || 10.154.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಭಾರದ್ವಾಜಃ ಶಿರಿಂಬಿಠ

ಅರಾ᳚ಯಿ॒ ಕಾಣೇ॒ ವಿಕ॑ಟೇ ಗಿ॒ರಿಂ ಗ॑ಚ್ಛ ಸದಾನ್ವೇ | ಶಿ॒ರಿಂಬಿ॑ಠಸ್ಯ॒ ಸತ್ವ॑ಭಿ॒ಸ್ತೇಭಿ॑ಷ್ಟ್ವಾ ಚಾತಯಾಮಸಿ || 10.155.1
ಚ॒ತ್ತೋ ಇ॒ತಶ್ಚ॒ತ್ತಾಮುತಃ॒ ಸರ್ವಾ᳚ ಭ್ರೂ॒ಣಾನ್ಯಾ॒ರುಷೀ᳚ | ಅ॒ರಾ॒ಯ್ಯಂ᳚ ಬ್ರಹ್ಮಣಸ್ಪತೇ॒ ತೀಕ್ಷ್ಣ॑ಶೃಣ್ಗೋದೃ॒ಷನ್ನಿ॑ಹಿ || 10.155.2
ಅ॒ದೋ ಯದ್ದಾರು॒ ಪ್ಲವ॑ತೇ॒ ಸಿಂಧೋಃ᳚ ಪಾ॒ರೇ ಅ॑ಪೂರು॒ಷ‌ಮ್ | ತದಾ ರ॑ಭಸ್ವ ದುರ್ಹಣೋ॒ ತೇನ॑ ಗಚ್ಛ ಪರಸ್ತ॒ರ‌ಮ್ || 10.155.3
ಯದ್ಧ॒ ಪ್ರಾಚೀ॒ರಜ॑ಗ॒‌ನ್ತೋರೋ᳚ ಮಂಡೂರಧಾಣಿಕೀಃ | ಹ॒ತಾ ಇಂದ್ರ॑ಸ್ಯ॒ ಶತ್ರ॑ವಃ॒ ಸರ್ವೇ᳚ ಬುದ್ಬು॒ದಯಾ᳚ಶವಃ || 10.155.4
ಪರೀ॒ಮೇ ಗಾಮ॑ನೇಷತ॒ ಪರ್ಯ॒ಗ್ನಿಮ॑ಹೃಷತ | ದೇ॒ವೇಷ್ವ॑ಕ್ರತ॒ ಶ್ರವಃ॒ ಕ ಇ॒ಮಾಁ ಆ ದ॑ಧರ್ಷತಿ || 10.155.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಗ್ನೇಯಃ ಕೇತಋ ಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಅ॒ಗ್ನಿಂ ಹಿ᳚ನ್ವ‌ನ್ತು ನೋ॒ ಧಿಯಃ॒ ಸಪ್ತಿ॑ಮಾ॒ಶುಮಿ॑ವಾ॒ಜಿಷು॑ | ತೇನ॑ ಜೇಷ್ಮ॒ ಧನಂ᳚ಧನ‌ಮ್ || 10.156.1
ಯಯಾ॒ ಗಾ ಆ॒ಕರಾ᳚ಮಹೇ॒ ಸೇನ॑ಯಾಗ್ನೇ॒ ತವೋ॒ತ್ಯಾ | ತಾಂ ನೋ᳚ ಹಿನ್ವ ಮ॒ಘತ್ತ॑ಯೇ || 10.156.2
ಆಗ್ನೇ᳚ ಸ್ಥೂ॒ರಂ ರ॒ಯಿಂ ಭ॑ರ ಪೃ॒ಥುಂ ಗೋಮ᳚‌ನ್ತಮ॒ಶ್ವಿನ‌ಮ್᳚ | ಅ॒ಙ್ಧಿ ಖಂ ವ॒ರ್ತಯಾ᳚ ಪ॒ಣಿ‌ಮ್ || 10.156.3
ಅಗ್ನೇ॒ ನಕ್ಷ॑ತ್ರಮ॒ಜರ॒ಮಾ ಸೂರ್ಯಂ᳚ ರೋಹಯೋ ದಿ॒ವಿ | ದಧ॒ಜ್ಜ್ಯೋತಿ॒ರ್ಜನೇ᳚ಭ್ಯಃ || 10.156.4
ಅಗ್ನೇ᳚ ಕೇ॒ತುರ್ವಿ॒ಶಾಮ॑ಸಿ॒ ಪ್ರೇಷ್ಠಃ॒ ಶ್ರೇಷ್ಠ॑ ಉಪಸ್ಥ॒ಸತ್ | ಬೋಧಾ᳚ ಸ್ತೋ॒ತ್ರೇ ವಯೋ॒ ದಧ॑ತ್ || 10.156.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಪ್ತಯೋ ಭುವನಃ, ಭೌವನಃ ಸಾಧನೋ ವಾ ಋಷಿಃ, ವಿಶ್ವೇ ದೇವಾ ದೇವತಾಃ, ದ್ವಿಪದಾ ತ್ರಿಷ್ಟುಪ್ ಛಂದಃ

ಇ॒ಮಾ ನು ಕಂ॒ ಭುವ॑ನಾ ಸೀಷಧಾ॒ಮೇಂದ್ರ॑ಶ್ಚ॒ ವಿಶ್ವೇ᳚ ಚ ದೇ॒ವಾಃ || 10.157.1
ಯ॒ಜ್ಞಂ ಚ॑ ನಸ್ತ॒ನ್ವಂ᳚ ಚ ಪ್ರ॒ಜಾಂ ಚಾ᳚ದಿ॒ತ್ಯೈರಿಂದ್ರಃ॑ ಸ॒ಹ ಚೀ᳚ಕೢಪಾತಿ || 10.157.2
ಆ॒ದಿ॒ತ್ಯೈರಿಂದ್ರಃ॒ ಸಗ॑ಣೋ ಮ॒ರುದ್ಭಿ॑ರ॒ಸ್ಮಾಕಂ᳚ ಭೂತ್ವವಿ॒ತಾ ತ॒ನೂನಾ᳚‌ಮ್ || 10.157.3
ಹ॒ತ್ವಾಯ॑ ದೇ॒ವಾ ಅಸು॑ರಾ॒ನ್ಯದಾಯಂ᳚ದೇ॒ವಾ ದೇ᳚ವ॒ತ್ವಮ॑ಭಿ॒ರಕ್ಷ॑ಮಾಣಾಃ || 10.157.4
ಪ್ರ॒ತ್ಯಂಚ॑ಮ॒ರ್ಕಮ॑ನಯಂ॒ಛಚೀ᳚ಭಿ॒ರಾದಿತ್ಸ್ವ॒ಧಾಮಿ॑ಷಿ॒ರಾಂ ಪರ್ಯ॑ಪಶ್ಯನ್ || 10.157.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಸೌರ್ಯಶ್ಚಕ್ಷಷಿ, ಸೂರ್ಯೋ ದೇವತಾ. ಗಾಯತ್ರೀ ಛಂದಃ

ಸೂರ್ಯೋ᳚ ನೋ ದಿ॒ವಸ್ಪಾ᳚ತು॒ ವಾತೋ᳚ ಅ॒‌ನ್ತರಿ॑ಕ್ಷಾತ್ | ಅ॒ಗ್ನಿರ್ನಃ॒ ಪಾರ್ಥಿ॑ವೇಭ್ಯಃ || 10.158.1
ಜೋಷಾ᳚ ಸವಿತ॒ರ್ಯಸ್ಯ॑ ತೇ॒ ಹರಃ॑ ಶ॒ತಂ ಸ॒ವಾಁ ಅರ್ಹ॑ತಿ | ಪಾ॒ಹಿ ನೋ᳚ ದಿ॒ದ್ಯುತಃ॒ ಪತ᳚‌ನ್ತ್ಯಾಃ || 10.158.2
ಚಕ್ಷು᳚ರ್ನೋ ದೇ॒ವಃ ಸ॑ವಿ॒ತಾ ಚಕ್ಷು᳚ರ್ನ ಉ॒ತ ಪರ್ವ॑ತಃ | ಚಕ್ಷು॑ರ್ಧಾ॒ತಾ ದ॑ಧಾತು ನಃ || 10.158.3
ಚಕ್ಷು᳚ರ್ನೋ ಧೇಹಿ॒ ಚಕ್ಷು॑ಷೇ॒ ಚಕ್ಷು᳚ರ್ವಿ॒ಖ್ಯೈ ತ॒ನೂಭ್ಯಃ॑ | ಸಂ ಚೇ॒ದಂ ವಿ ಚ॑ ಪಶ್ಯೇಮ || 10.158.4
ಸು॒ಸಂ॒ದೃಶಂ᳚ ತ್ವಾ ವ॒ಯಂ ಪ್ರತಿ॑ ಪಶ್ಯೇಮ ಸೂರ್ಯ | ವಿ ಪ॑ಶ್ಯೇಮ ನೃ॒ಚಕ್ಷ॑ಸಃ || 10.158.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಪೌಲೋಮೀ ಶಚೀ ಋಷಿಕಾ. ಶಚೀ ದೇವತಾ, ಅನುಷ್ಟಪ್. ಛಂದಃ

ಉದ॒ಸೌ ಸೂರ್ಯೋ᳚ ಅಗಾ॒ದುದ॒ಯಂ ಮಾ᳚ಮ॒ಕೋ ಭಗಃ॑ | ಅ॒ಹಂ ತದ್ವಿ॑ದ್ವ॒ಲಾ ಪತಿ॑ಮ॒ಭ್ಯ॑ಸಾಕ್ಷಿ ವಿಷಾಸ॒ಹಿಃ || 10.159.1
ಅ॒ಹಂ ಕೇ॒ತುರ॒ಹಂ ಮೂ॒ರ್ಧಾಹಮು॒ಗ್ರಾ ವಿ॒ವಾಚ॑ನೀ | ಮಮೇದನು॒ ಕ್ರತುಂ॒ ಪತಿಃ॑ ಸೇಹಾ॒ನಾಯಾ᳚ ಉ॒ಪಾಚ॑ರೇತ್ || 10.159.2
ಮಮ॑ ಪು॒ತ್ರಾಃ ಶ॑ತ್ರು॒ಹಣೋಽಥೋ᳚ ಮೇ ದುಹಿ॒ತಾ ವಿ॒ರಾಟ್ | ಉ॒ತಾಹಮ॑ಸ್ಮಿ ಸಂಜ॒ಯಾ ಪತ್ಯೌ᳚ ಮೇ॒ ಶ್ಲೋಕ॑ ಉತ್ತ॒ಮಃ || 10.159.3
ಯೇನೇಂದ್ರೋ᳚ ಹ॒ವಿಷಾ᳚ ಕೃ॒ತ್ವ್ಯಭ॑ವದ್ದ್ಯು॒ಮ್ನ್ಯು॑ತ್ತ॒ಮಃ | ಇ॒ದಂ ತದ॑ಕ್ರಿ ದೇವಾ ಅಸಪ॒ತ್ನಾ ಕಿಲಾ᳚ಭುವ‌ಮ್ || 10.159.4
ಅ॒ಸ॒ಪ॒ತ್ನಾ ಸ॑ಪತ್ನ॒ಘ್ನೀ ಜಯ᳚‌ನ್ತ್ಯಭಿ॒ಭೂವ॑ರೀ | ಆವೃ॑ಕ್ಷಮ॒ನ್ಯಾಸಾಂ॒ ವರ್ಚೋ॒ ರಾಧೋ॒ ಅಸ್ಥೇ᳚ಯಸಾಮಿವ || 10.159.5
ಸಮ॑ಜೈಷಮಿ॒ಮಾ ಅ॒ಹಂ ಸ॒ಪತ್ನೀ᳚ರಭಿ॒ಭೂವ॑ರೀ | ಯಥಾ॒ಹಮ॒ಸ್ಯ ವೀ॒ರಸ್ಯ॑ ವಿ॒ರಾಜಾ᳚ನಿ॒ ಜನ॑ಸ್ಯ ಚ || 10.159.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈಶ್ವಾಮಿತ್ರಃ ಪೂರಣ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ತೀ॒ವ್ರಸ್ಯಾ॒ಭಿವ॑ಯಸೋ ಅ॒ಸ್ಯ ಪಾ᳚ಹಿ ಸರ್ವರ॒ಥಾ ವಿ ಹರೀ᳚ ಇ॒ಹ ಮುಂ᳚ಚ | ಇಂದ್ರ॒ ಮಾ ತ್ವಾ॒ ಯಜ॑ಮಾನಾಸೋ ಅ॒ನ್ಯೇ ನಿ ರೀ᳚ರಮ॒‌ನ್ತುಭ್ಯ॑ಮಿ॒ಮೇ ಸು॒ತಾಸಃ॑ || 10.160.1
ತುಭ್ಯಂ᳚ ಸು॒ತಾಸ್ತುಭ್ಯ॑ಮು॒ ಸೋತ್ವಾ᳚ಸ॒ಸ್ತ್ವಾಂ ಗಿರಃ॒ ಶ್ವಾತ್ರ್ಯಾ॒ ಆ ಹ್ವ॑ಯ‌ನ್ತಿ | ಇಂದ್ರೇ॒ದಮ॒ದ್ಯ ಸವ॑ನಂ ಜುಷಾ॒ಣೋ ವಿಶ್ವ॑ಸ್ಯ ವಿ॒ದ್ವಾಁ ಇ॒ಹ ಪಾ᳚ಹಿ॒ ಸೋಮ‌ಮ್᳚ || 10.160.2
ಯ ಉ॑ಶ॒ತಾ ಮನ॑ಸಾ॒ ಸೋಮ॑ಮಸ್ಮೈ ಸರ್ವಹೃ॒ದಾ ದೇ॒ವಕಾ᳚ಮಃ ಸು॒ನೋತಿ॑ | ನ ಗಾ ಇಂದ್ರ॒ಸ್ತಸ್ಯ॒ ಪರಾ᳚ ದದಾತಿ ಪ್ರಶ॒ಸ್ತಮಿಚ್ಚಾರು॑ಮಸ್ಮೈ ಕೃಣೋತಿ || 10.160.3
ಅನು॑ಸ್ಪಷ್ಟೋ ಭವತ್ಯೇ॒ಷೋ ಅ॑ಸ್ಯ॒ ಯೋ ಅ॑ಸ್ಮೈ ರೇ॒ವಾನ್ನ ಸು॒ನೋತಿ॒ ಸೋಮ‌ಮ್᳚ | ನಿರ॑ರ॒ತ್ನೌ ಮ॒ಘವಾ॒ ತಂ ದ॑ಧಾತಿ ಬ್ರಹ್ಮ॒ದ್ವಿಷೋ᳚ ಹ॒‌ನ್ತ್ಯನಾ᳚ನುದಿಷ್ಟಃ || 10.160.4
ಅ॒ಶ್ವಾ॒ಯ‌ನ್ತೋ᳚ ಗ॒ವ್ಯ‌ನ್ತೋ᳚ ವಾ॒ಜಯ᳚‌ನ್ತೋ॒ ಹವಾ᳚ಮಹೇ॒ ತ್ವೋಪ॑ಗ‌ನ್ತ॒ವಾ ಉ॑ | ಆ॒ಭೂಷ᳚‌ನ್ತಸ್ತೇ ಸುಮ॒ತೌ ನವಾ᳚ಯಾಂ ವ॒ಯಮಿಂ᳚ದ್ರ ತ್ವಾ ಶು॒ನಂ ಹು॑ವೇಮ || 10.160.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯೋ ಯಕ್ಷ್ಮನಾಶನ ಋಷಿಃ, ಇಂದ್ರಾಗ್ನೀ ರಾಜಯಕ್ಷ್ಮಘ್ನರೂಪೋಽರ್ಥೋ ವಾ ದೇವತಾ, (1-4) ಪ್ರಥಮಾದಿಚತುರೃಚಾಂ ತ್ರಿಷ್ಟುಪ, (5) ಪಂಚಮ್ಯಾಶ್ಚಾನುಷ್ಟಪ್ ಛಂದಸೀ

ಮುಂ॒ಚಾಮಿ॑ ತ್ವಾ ಹ॒ವಿಷಾ॒ ಜೀವ॑ನಾಯ॒ ಕಮ॑ಜ್ಞಾತಯ॒ಕ್ಷ್ಮಾದು॒ತ ರಾ᳚ಜಯ॒ಕ್ಷ್ಮಾತ್ | ಗ್ರಾಹಿ॑ರ್ಜ॒ಗ್ರಾಹ॒ ಯದಿ॑ ವೈ॒ತದೇ᳚ನಂ॒ ತಸ್ಯಾ᳚ ಇಂದ್ರಾಗ್ನೀ॒ ಪ್ರ ಮು॑ಮುಕ್ತಮೇನ‌ಮ್ || 10.161.1
ಯದಿ॑ ಕ್ಷಿ॒ತಾಯು॒ರ್ಯದಿ॑ ವಾ॒ ಪರೇ᳚ತೋ॒ ಯದಿ॑ ಮೃ॒ತ್ಯೋರ᳚‌ನ್ತಿ॒ಕಂ ನೀ᳚ತ ಏ॒ವ | ತಮಾ ಹ॑ರಾಮಿ॒ ನಿರ್‌ಋ॑ತೇರು॒ಪಸ್ಥಾ॒ದಸ್ಪಾ᳚ರ್ಷಮೇನಂ ಶ॒ತಶಾ᳚ರದಾಯ || 10.161.2
ಸ॒ಹ॒ಸ್ರಾ॒ಕ್ಷೇಣ॑ ಶ॒ತಶಾ᳚ರದೇನ ಶ॒ತಾಯು॑ಷಾ ಹ॒ವಿಷಾಹಾ᳚ರ್ಷಮೇನ‌ಮ್ | ಶ॒ತಂ ಯಥೇ॒ಮಂ ಶ॒ರದೋ॒ ನಯಾ॒ತೀಂದ್ರೋ॒ ವಿಶ್ವ॑ಸ್ಯ ದುರಿ॒ತಸ್ಯ॑ ಪಾ॒ರ‌ಮ್ || 10.161.3
ಶ॒ತಂ ಜೀ᳚ವ ಶ॒ರದೋ॒ ವರ್ಧ॑ಮಾನಃ ಶ॒ತಂ ಹೇ᳚ಮ॒‌ನ್ತಾಂಛ॒ತಮು॑ ವಸ॒‌ನ್ತಾನ್ | ಶ॒ತಮಿಂ᳚ದ್ರಾ॒ಗ್ನೀ ಸ॑ವಿ॒ತಾ ಬೃಹ॒ಸ್ಪತಿಃ॑ ಶ॒ತಾಯು॑ಷಾ ಹ॒ವಿಷೇ॒ಮಂ ಪುನ॑ರ್ದುಃ || 10.161.4
ಆಹಾ᳚ರ್ಷಂ॒ ತ್ವಾವಿ॑ದಂ ತ್ವಾ॒ ಪುನ॒ರಾಗಾಃ᳚ ಪುನರ್ನವ | ಸರ್ವಾಂ᳚ಗ॒ ಸರ್ವಂ᳚ ತೇ॒ ಚಕ್ಷುಃ॒ ಸರ್ವ॒ಮಾಯು॑ಶ್ಚ ತೇಽವಿದ‌ಮ್ || 10.161.5

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಬ್ರಾಹ್ಮೋ ರಕ್ಷೋಹಾ ಋಷಿಃ, ಗರ್ಭಸಮಾಧಾನರೂಪೋಽರ್ಥೋ ದೇವತಾ. ಅನುಷ್ಟುಪ್ ಛಂದಃ

ಬ್ರಹ್ಮ॑ಣಾ॒ಗ್ನಿಃ ಸಂ᳚ವಿದಾ॒ನೋ ರ॑ಕ್ಷೋ॒ಹಾ ಬಾ᳚ಧತಾಮಿ॒ತಃ | ಅಮೀ᳚ವಾ॒ ಯಸ್ತೇ॒ ಗರ್ಭಂ᳚ ದು॒ರ್ಣಾಮಾ॒ ಯೋನಿ॑ಮಾ॒ಶಯೇ᳚ || 10.162.1
ಯಸ್ತೇ॒ ಗರ್ಭ॒ಮಮೀ᳚ವಾ ದು॒ರ್ಣಾಮಾ॒ ಯೋನಿ॑ಮಾ॒ಶಯೇ᳚ | ಅ॒ಗ್ನಿಷ್ಟಂ ಬ್ರಹ್ಮ॑ಣಾ ಸ॒ಹ ನಿಷ್ಕ್ರ॒ವ್ಯಾದ॑ಮನೀನಶತ್ || 10.162.2
ಯಸ್ತೇ॒ ಹ‌ನ್ತಿ॑ ಪ॒ತಯ᳚‌ನ್ತಂ ನಿಷ॒ತ್ಸ್ನುಂ ಯಃ ಸ॑ರೀಸೃ॒ಪ‌ಮ್ | ಜಾ॒ತಂ ಯಸ್ತೇ॒ ಜಿಘಾಂ᳚ಸತಿ॒ ತಮಿ॒ತೋ ನಾ᳚ಶಯಾಮಸಿ || 10.162.3
ಯಸ್ತ॑ ಊ॒ರೂ ವಿ॒ಹರ॑ತ್ಯ‌ನ್ತ॒ರಾ ದಂಪ॑ತೀ॒ ಶಯೇ᳚ | ಯೋನಿಂ॒ ಯೋ ಅ॒‌ನ್ತರಾ॒ರೇಳ್ಹಿ॒ ತಮಿ॒ತೋ ನಾ᳚ಶಯಾಮಸಿ || 10.162.4
ಯಸ್ತ್ವಾ॒ ಭ್ರಾತಾ॒ ಪತಿ॑ರ್ಭೂ॒ತ್ವಾ ಜಾ॒ರೋ ಭೂ॒ತ್ವಾ ನಿ॒ಪದ್ಯ॑ತೇ | ಪ್ರ॒ಜಾಂ ಯಸ್ತೇ॒ ಜಿಘಾಂ᳚ಸತಿ॒ ತಮಿ॒ತೋ ನಾ᳚ಶಯಾಮಸಿ || 10.162.5
ಯಸ್ತ್ವಾ॒ ಸ್ವಪ್ನೇ᳚ನ॒ ತಮ॑ಸಾ ಮೋಹಯಿ॒ತ್ವಾ ನಿ॒ಪದ್ಯ॑ತೇ | ಪ್ರ॒ಜಾಂ ಯಸ್ತೇ॒ ಜಿಘಾಂ᳚ಸತಿ॒ ತಮಿ॒ತೋ ನಾ᳚ಶಯಾಮಸಿ || 10.162.6

(1-6) ಷಡ್ಚಸ್ಯಾಸ್ಯ ಸೂಕ್ತಸ್ಯ ಕಾಶ್ಯಪೋ ವಿವೃಹಾ ಋಷಿಃ, ಯಕ್ಷ್ಮನಾಶನರೂಪೋಽರ್ಥೋ ದೇವತಾ, ಅನುಷ್ಟಪ್. ಛಂದಃ

ಅ॒ಕ್ಷೀಭ್ಯಾಂ᳚ ತೇ॒ ನಾಸಿ॑ಕಾಭ್ಯಾಂ॒ ಕರ್ಣಾ᳚ಭ್ಯಾಂ॒ ಛುಬು॑ಕಾ॒ದಧಿ॑ | ಯಕ್ಷ್ಮಂ᳚ ಶೀರ್ಷ॒ಣ್ಯಂ᳚ ಮ॒ಸ್ತಿಷ್ಕಾ᳚ಜ್ಜಿ॒ಹ್ವಾಯಾ॒ ವಿ ವೃ॑ಹಾಮಿ ತೇ || 10.163.1
ಗ್ರೀ॒ವಾಭ್ಯ॑ಸ್ತ ಉ॒ಷ್ಣಿಹಾ᳚ಭ್ಯಃ॒ ಕೀಕ॑ಸಾಭ್ಯೋ ಅನೂ॒ಕ್ಯಾ᳚ತ್ | ಯಕ್ಷ್ಮಂ᳚ ದೋಷ॒ಣ್ಯ1॒॑ಮಂಸಾ᳚ಭ್ಯಾಂ ಬಾ॒ಹುಭ್ಯಾಂ॒ ವಿ ವೃ॑ಹಾಮಿ ತೇ || 10.163.2
ಆ॒‌ನ್ತ್ರೇಭ್ಯ॑ಸ್ತೇ॒ ಗುದಾ᳚ಭ್ಯೋ ವನಿ॒ಷ್ಠೋರ್ಹೃದ॑ಯಾ॒ದಧಿ॑ | ಯಕ್ಷ್ಮಂ॒ ಮತ॑ಸ್ನಾಭ್ಯಾಂ ಯ॒ಕ್ನಃ ಪ್ಲಾ॒ಶಿಭ್ಯೋ॒ ವಿ ವೃ॑ಹಾಮಿ ತೇ || 10.163.3
ಊ॒ರುಭ್ಯಾಂ᳚ ತೇ ಅಷ್ಠೀ॒ವದ್ಭ್ಯಾಂ॒ ಪಾರ್ಷ್ಣಿ॑ಭ್ಯಾಂ॒ ಪ್ರಪ॑ದಾಭ್ಯಾ‌ಮ್ | ಯಕ್ಷ್ಮಂ॒ ಶ್ರೋಣಿ॑ಭ್ಯಾಂ॒ ಭಾಸ॑ದಾ॒ದ್ಭಂಸ॑ಸೋ॒ ವಿ ವೃ॑ಹಾಮಿ ತೇ || 10.163.4
ಮೇಹ॑ನಾದ್ವನಂ॒ಕರ॑ಣಾ॒ಲ್ಲೋಮ॑ಭ್ಯಸ್ತೇ ನ॒ಖೇಭ್ಯಃ॑ | ಯಕ್ಷ್ಮಂ॒ ಸರ್ವ॑ಸ್ಮಾದಾ॒ತ್ಮನ॒ಸ್ತಮಿ॒ದಂ ವಿ ವೃ॑ಹಾಮಿ ತೇ || 10.163.5
ಅಂಗಾ᳚ದಂಗಾ॒ಲ್ಲೋಮ್ನೋ᳚ಲೋಮ್ನೋ ಜಾ॒ತಂ ಪರ್ವ॑ಣಿಪರ್ವಣಿ | ಯಕ್ಷ್ಮಂ॒ ಸರ್ವ॑ಸ್ಮಾದಾ॒ತ್ಮನ॒ಸ್ತಮಿ॒ದಂ ವಿ ವೃ॑ಹಾಮಿ ತೇ || 10.163.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಪ್ರಚತೇ, ಋಷಿಃ, ದುಃಸ್ವಪ್ನನಾಶನರೂಪೋಽರ್ಥೋ ದೇವತಾ, (1-2, 4) ಪ್ರಥಮಾದ್ವಿತೀಯಾಚತುರ್ಥೀನಾಮೃಚಾಮನುಷ್ಟಪ್ , (3) ತೃತೀಯಾಯಾಸ್ತ್ರಿಷ್ಟುಪ, (5) ಪಂಚಮ್ಯಾಶ್ಚ ಪಂಕ್ತಿಶ್ಛಂದಾಂಸಿ

ಅಪೇ᳚ಹಿ ಮನಸಸ್ಪ॒ತೇಽಪ॑ ಕ್ರಾಮ ಪ॒ರಶ್ಚ॑ರ | ಪ॒ರೋ ನಿರ್‌ಋ॑ತ್ಯಾ॒ ಆ ಚ॑ಕ್ಷ್ವ ಬಹು॒ಧಾ ಜೀವ॑ತೋ॒ ಮನಃ॑ || 10.164.1
ಭ॒ದ್ರಂ ವೈ ವರಂ᳚ ವೃಣತೇ ಭ॒ದ್ರಂ ಯುಂ᳚ಜ‌ನ್ತಿ॒ ದಕ್ಷಿ॑ಣ‌ಮ್ | ಭ॒ದ್ರಂ ವೈ᳚ವಸ್ವ॒ತೇ ಚಕ್ಷು॑ರ್ಬಹು॒ತ್ರಾ ಜೀವ॑ತೋ॒ ಮನಃ॑ || 10.164.2
ಯದಾ॒ಶಸಾ᳚ ನಿಃ॒ಶಸಾ᳚ಭಿ॒ಶಸೋ᳚ಪಾರಿ॒ಮ ಜಾಗ್ರ॑ತೋ॒ ಯತ್ಸ್ವ॒ಪ‌ನ್ತಃ॑ | ಅ॒ಗ್ನಿರ್ವಿಶ್ವಾ॒ನ್ಯಪ॑ ದುಷ್ಕೃ॒ತಾನ್ಯಜು॑ಷ್ಟಾನ್ಯಾ॒ರೇ ಅ॒ಸ್ಮದ್ದ॑ಧಾತು || 10.164.3
ಯದಿಂ᳚ದ್ರ ಬ್ರಹ್ಮಣಸ್ಪತೇಽಭಿದ್ರೋ॒ಹಂ ಚರಾ᳚ಮಸಿ | ಪ್ರಚೇ᳚ತಾ ನ ಆಂಗಿರ॒ಸೋ ದ್ವಿ॑ಷ॒ತಾಂ ಪಾ॒ತ್ವಂಹ॑ಸಃ || 10.164.4
ಅಜೈ᳚ಷ್ಮಾ॒ದ್ಯಾಸ॑ನಾಮ॒ ಚಾಭೂ॒ಮಾನಾ᳚ಗಸೋ ವ॒ಯ‌ಮ್ | ಜಾ॒ಗ್ರ॒ತ್ಸ್ವ॒ಪ್ನಃ ಸಂ᳚ಕ॒ಲ್ಪಃ ಪಾ॒ಪೋ ಯಂ ದ್ವಿ॒ಷ್ಮಸ್ತಂ ಸ ಋ॑ಚ್ಛತು॒ ಯೋ ನೋ॒ ದ್ವೇಷ್ಟಿ॒ ತಮೃ॑ಚ್ಛತು || 10.164.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ನೈಋರ್ತ : ಕಪೋತ ಋಷಿಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ದೇವಾಃ᳚ ಕ॒ಪೋತ॑ ಇಷಿ॒ತೋ ಯದಿ॒ಚ್ಛಂದೂ॒ತೋ ನಿರ್‌ಋ॑ತ್ಯಾ ಇ॒ದಮಾ᳚ಜ॒ಗಾಮ॑ | ತಸ್ಮಾ᳚ ಅರ್ಚಾಮ ಕೃ॒ಣವಾ᳚ಮ॒ ನಿಷ್ಕೃ॑ತಿಂ॒ ಶಂ ನೋ᳚ ಅಸ್ತು ದ್ವಿ॒ಪದೇ॒ ಶಂ ಚತು॑ಷ್ಪದೇ || 10.165.1
ಶಿ॒ವಃ ಕ॒ಪೋತ॑ ಇಷಿ॒ತೋ ನೋ᳚ ಅಸ್ತ್ವನಾ॒ಗಾ ದೇ᳚ವಾಃ ಶಕು॒ನೋ ಗೃ॒ಹೇಷು॑ | ಅ॒ಗ್ನಿರ್ಹಿ ವಿಪ್ರೋ᳚ ಜು॒ಷತಾಂ᳚ ಹ॒ವಿರ್ನಃ॒ ಪರಿ॑ ಹೇ॒ತಿಃ ಪ॒ಕ್ಷಿಣೀ᳚ ನೋ ವೃಣಕ್ತು || 10.165.2
ಹೇ॒ತಿಃ ಪ॒ಕ್ಷಿಣೀ॒ ನ ದ॑ಭಾತ್ಯ॒ಸ್ಮಾನಾ॒ಷ್ಟ್ರ್ಯಾಂ ಪ॒ದಂ ಕೃ॑ಣುತೇ ಅಗ್ನಿ॒ಧಾನೇ᳚ | ಶಂ ನೋ॒ ಗೋಭ್ಯ॑ಶ್ಚ॒ ಪುರು॑ಷೇಭ್ಯಶ್ಚಾಸ್ತು॒ ಮಾ ನೋ᳚ ಹಿಂಸೀದಿ॒ಹ ದೇ᳚ವಾಃ ಕ॒ಪೋತಃ॑ || 10.165.3
ಯದುಲೂ᳚ಕೋ॒ ವದ॑ತಿ ಮೋ॒ಘಮೇ॒ತದ್ಯತ್ಕ॒ಪೋತಃ॑ ಪ॒ದಮ॒ಗ್ನೌ ಕೃ॒ಣೋತಿ॑ | ಯಸ್ಯ॑ ದೂ॒ತಃ ಪ್ರಹಿ॑ತ ಏ॒ಷ ಏ॒ತತ್ತಸ್ಮೈ᳚ ಯ॒ಮಾಯ॒ ನಮೋ᳚ ಅಸ್ತು ಮೃ॒ತ್ಯವೇ᳚ || 10.165.4
ಋ॒ಚಾ ಕ॒ಪೋತಂ᳚ ನುದತ ಪ್ರ॒ಣೋದ॒ಮಿಷಂ॒ ಮದ᳚‌ನ್ತಃ॒ ಪರಿ॒ ಗಾಂ ನ॑ಯಧ್ವ‌ಮ್ | ಸಂ॒ಯೋ॒ಪಯ᳚‌ನ್ತೋ ದುರಿ॒ತಾನಿ॒ ವಿಶ್ವಾ᳚ ಹಿ॒ತ್ವಾ ನ॒ ಊರ್ಜಂ॒ ಪ್ರ ಪ॑ತಾ॒ತ್ಪತಿ॑ಷ್ಠಃ || 10.165.5

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯ ವೈರಾಜಃ ಶಾಕ್ವರೋ ವಾ ಋಷಭ ಋಷಿಃ, ಸಪತ್ರಘ್ನರೂಪೋಽರ್ಥೋ ದೇವತಾ, (1-4) ಪ್ರಥಮಾದಿಚತುರೃಚ ಮಿನುಷ್ಟಪ (5) ಪಂಚಮ್ಯಾಶ್ಚ ಮಹಾಪಂಕ್ತಿಶ್ಛಂದಸೀ

ಋ॒ಷ॒ಭಂ ಮಾ᳚ ಸಮಾ॒ನಾನಾಂ᳚ ಸ॒ಪತ್ನಾ᳚ನಾಂ ವಿಷಾಸ॒ಹಿ‌ಮ್ | ಹ॒‌ನ್ತಾರಂ॒ ಶತ್ರೂ᳚ಣಾಂ ಕೃಧಿ ವಿ॒ರಾಜಂ॒ ಗೋಪ॑ತಿಂ॒ ಗವಾ᳚‌ಮ್ || 10.166.1
ಅ॒ಹಮ॑ಸ್ಮಿ ಸಪತ್ನ॒ಹೇಂದ್ರ॑ ಇ॒ವಾರಿ॑ಷ್ಟೋ॒ ಅಕ್ಷ॑ತಃ | ಅ॒ಧಃ ಸ॒ಪತ್ನಾ᳚ ಮೇ ಪ॒ದೋರಿ॒ಮೇ ಸರ್ವೇ᳚ ಅ॒ಭಿಷ್ಠಿ॑ತಾಃ || 10.166.2
ಅತ್ರೈ॒ವ ವೋಽಪಿ॑ ನಹ್ಯಾಮ್ಯು॒ಭೇ ಆರ್ತ್ನೀ᳚ ಇವ॒ ಜ್ಯಯಾ᳚ | ವಾಚ॑ಸ್ಪತೇ॒ ನಿ ಷೇ᳚ಧೇ॒ಮಾನ್ಯಥಾ॒ ಮದಧ॑ರಂ॒ ವದಾನ್॑ || 10.166.3
ಅ॒ಭಿ॒ಭೂರ॒ಹಮಾಗ॑ಮಂ ವಿ॒ಶ್ವಕ᳚ರ್ಮೇಣ॒ ಧಾಮ್ನಾ᳚ | ಆ ವ॑ಶ್ಚಿ॒ತ್ತಮಾ ವೋ᳚ ವ್ರ॒ತಮಾ ವೋ॒ಽಹಂ ಸಮಿ॑ತಿಂ ದದೇ || 10.166.4
ಯೋ॒ಗ॒ಕ್ಷೇ॒ಮಂ ವ॑ ಆ॒ದಾಯಾ॒ಹಂ ಭೂ᳚ಯಾಸಮುತ್ತ॒ಮ ಆ ವೋ᳚ ಮೂ॒ರ್ಧಾನ॑ಮಕ್ರಮೀ‌ಮ್ | ಅ॒ಧ॒ಸ್ಪ॒ದಾನ್ಮ॒ ಉದ್ವ॑ದತ ಮಂ॒ಡೂಕಾ᳚ ಇವೋದ॒ಕಾನ್ಮಂ॒ಡೂಕಾ᳚ ಉದ॒ಕಾದಿ॑ವ || 10.166.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ವಿಶ್ವಾಮಿತ್ರಜಮದಗ್ನೀ ಋಷೀ(1-2, 4) ಪ್ರಥಮಾದ್ವಿತೀಯಾಚತುರ್ಥೀನಾಮೃಚಾಮಿಂದ್ರಃ, (3) ತೃತೀಯಾಯಾಶ್ಚ ಸೋಮವರುಣಬೃಹಸ್ಪತ್ಯನುಮತಿಮಘವದ್ಧಾತೃವಿಧಾತಾರೋ ದೇವತಾಃ, ಜಗತೀ ಛಂದಃ

ತುಭ್ಯೇ॒ದಮಿಂ᳚ದ್ರ॒ ಪರಿ॑ ಷಿಚ್ಯತೇ॒ ಮಧು॒ ತ್ವಂ ಸು॒ತಸ್ಯ॑ ಕ॒ಲಶ॑ಸ್ಯ ರಾಜಸಿ | ತ್ವಂ ರ॒ಯಿಂ ಪು॑ರು॒ವೀರಾ᳚ಮು ನಸ್ಕೃಧಿ॒ ತ್ವಂ ತಪಃ॑ ಪರಿ॒ತಪ್ಯಾ᳚ಜಯಃ॒ ಸ್ವಃ॑ || 10.167.1
ಸ್ವ॒ರ್ಜಿತಂ॒ ಮಹಿ॑ ಮಂದಾ॒ನಮಂಧ॑ಸೋ॒ ಹವಾ᳚ಮಹೇ॒ ಪರಿ॑ ಶ॒ಕ್ರಂ ಸು॒ತಾಁ ಉಪ॑ | ಇ॒ಮಂ ನೋ᳚ ಯ॒ಜ್ಞಮಿ॒ಹ ಬೋ॒ಧ್ಯಾ ಗ॑ಹಿ॒ ಸ್ಪೃಧೋ॒ ಜಯ᳚‌ನ್ತಂ ಮ॒ಘವಾ᳚ನಮೀಮಹೇ || 10.167.2
ಸೋಮ॑ಸ್ಯ॒ ರಾಜ್ಞೋ॒ ವರು॑ಣಸ್ಯ॒ ಧರ್ಮ॑ಣಿ॒ ಬೃಹ॒ಸ್ಪತೇ॒ರನು॑ಮತ್ಯಾ ಉ॒ ಶರ್ಮ॑ಣಿ | ತವಾ॒ಹಮ॒ದ್ಯ ಮ॑ಘವ॒ನ್ನುಪ॑ಸ್ತುತೌ॒ ಧಾತ॒ರ್ವಿಧಾ᳚ತಃ ಕ॒ಲಶಾಁ᳚ ಅಭಕ್ಷಯ‌ಮ್ || 10.167.3
ಪ್ರಸೂ᳚ತೋ ಭ॒ಕ್ಷಮ॑ಕರಂ ಚ॒ರಾವಪಿ॒ ಸ್ತೋಮಂ᳚ ಚೇ॒ಮಂ ಪ್ರ॑ಥ॒ಮಃ ಸೂ॒ರಿರುನ್ಮೃ॑ಜೇ | ಸು॒ತೇ ಸಾ॒ತೇನ॒ ಯದ್ಯಾಗ॑ಮಂ ವಾಂ॒ ಪ್ರತಿ॑ ವಿಶ್ವಾಮಿತ್ರಜಮದಗ್ನೀ॒ ದಮೇ᳚ || 10.167.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ವಾತಾಯನೋಽನಿಲ ಋಷಿಃ, ವಾಯುದರ್ವೇ ತಾ. ತ್ರಿಷ್ಟುಪ್ ಛಂದಃ

ವಾತ॑ಸ್ಯ॒ ನು ಮ॑ಹಿ॒ಮಾನಂ॒ ರಥ॑ಸ್ಯ ರು॒ಜನ್ನೇ᳚ತಿ ಸ್ತ॒ನಯ᳚ನ್ನಸ್ಯ॒ ಘೋಷಃ॑ | ದಿ॒ವಿ॒ಸ್ಪೃಗ್ಯಾ᳚ತ್ಯರು॒ಣಾನಿ॑ ಕೃ॒ಣ್ವನ್ನು॒ತೋ ಏ᳚ತಿ ಪೃಥಿ॒ವ್ಯಾ ರೇ॒ಣುಮಸ್ಯನ್॑ || 10.168.1
ಸಂ ಪ್ರೇರ॑ತೇ॒ ಅನು॒ ವಾತ॑ಸ್ಯ ವಿ॒ಷ್ಠಾ ಐನಂ᳚ ಗಚ್ಛ‌ನ್ತಿ॒ ಸಮ॑ನಂ॒ ನ ಯೋಷಾಃ᳚ | ತಾಭಿಃ॑ ಸ॒ಯುಕ್ಸ॒ರಥಂ᳚ ದೇ॒ವ ಈ᳚ಯತೇ॒ಽಸ್ಯ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ᳚ || 10.168.2
ಅ॒‌ನ್ತರಿ॑ಕ್ಷೇ ಪ॒ಥಿಭಿ॒ರೀಯ॑ಮಾನೋ॒ ನ ನಿ ವಿ॑ಶತೇ ಕತ॒ಮಚ್ಚ॒ನಾಹಃ॑ | ಅ॒ಪಾಂ ಸಖಾ᳚ ಪ್ರಥಮ॒ಜಾ ಋ॒ತಾವಾ॒ ಕ್ವ॑ ಸ್ವಿಜ್ಜಾ॒ತಃ ಕುತ॒ ಆ ಬ॑ಭೂವ || 10.168.3
ಆ॒ತ್ಮಾ ದೇ॒ವಾನಾಂ॒ ಭುವ॑ನಸ್ಯ॒ ಗರ್ಭೋ᳚ ಯಥಾವ॒ಶಂ ಚ॑ರತಿ ದೇ॒ವ ಏ॒ಷಃ | ಘೋಷಾ॒ ಇದ॑ಸ್ಯ ಶೃಣ್ವಿರೇ॒ ನ ರೂ॒ಪಂ ತಸ್ಮೈ॒ ವಾತಾ᳚ಯ ಹ॒ವಿಷಾ᳚ ವಿಧೇಮ || 10.168.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಕಾಕ್ಷೀವತಃ ಶಬರ ಋಷಿಃ, ಗಾವೋ ದೇವತಾಃ, ತ್ರಿಷ್ಟುಪ್ ಛಂದಃ

ಮ॒ಯೋ॒ಭೂರ್ವಾತೋ᳚ ಅ॒ಭಿ ವಾ᳚ತೂ॒ಸ್ರಾ ಊರ್ಜ॑ಸ್ವತೀ॒ರೋಷ॑ಧೀ॒ರಾ ರಿ॑ಶ‌ನ್ತಾ‌ಮ್ | ಪೀವ॑ಸ್ವತೀರ್ಜೀ॒ವಧ᳚ನ್ಯಾಃ ಪಿಬ‌ನ್ತ್ವವ॒ಸಾಯ॑ ಪ॒ದ್ವತೇ᳚ ರುದ್ರ ಮೃಳ || 10.169.1
ಯಾಃ ಸರೂ᳚ಪಾ॒ ವಿರೂ᳚ಪಾ॒ ಏಕ॑ರೂಪಾ॒ ಯಾಸಾ᳚ಮ॒ಗ್ನಿರಿಷ್ಟ್ಯಾ॒ ನಾಮಾ᳚ನಿ॒ ವೇದ॑ | ಯಾ ಅಂಗಿ॑ರಸ॒ಸ್ತಪ॑ಸೇ॒ಹ ಚ॒ಕ್ರುಸ್ತಾಭ್ಯಃ॑ ಪರ್ಜನ್ಯ॒ ಮಹಿ॒ ಶರ್ಮ॑ ಯಚ್ಛ || 10.169.2
ಯಾ ದೇ॒ವೇಷು॑ ತ॒ನ್ವ1॒॑ಮೈರ॑ಯ‌ನ್ತ॒ ಯಾಸಾಂ॒ ಸೋಮೋ॒ ವಿಶ್ವಾ᳚ ರೂ॒ಪಾಣಿ॒ ವೇದ॑ | ತಾ ಅ॒ಸ್ಮಭ್ಯಂ॒ ಪಯ॑ಸಾ॒ ಪಿನ್ವ॑ಮಾನಾಃ ಪ್ರ॒ಜಾವ॑ತೀರಿಂದ್ರ ಗೋ॒ಷ್ಠೇ ರಿ॑ರೀಹಿ || 10.169.3
ಪ್ರ॒ಜಾಪ॑ತಿ॒ರ್ಮಹ್ಯ॑ಮೇ॒ತಾ ರರಾ᳚ಣೋ॒ ವಿಶ್ವೈ᳚ರ್ದೇ॒ವೈಃ ಪಿ॒ತೃಭಿಃ॑ ಸಂವಿದಾ॒ನಃ | ಶಿ॒ವಾಃ ಸ॒ತೀರುಪ॑ ನೋ ಗೋ॒ಷ್ಠಮಾಕ॒ಸ್ತಾಸಾಂ᳚ ವ॒ಯಂ ಪ್ರ॒ಜಯಾ॒ ಸಂ ಸ॑ದೇಮ || 10.169.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಸೌರ್ಯೋ ವಿಭ್ರಾಷಿಃ, ಸೂರ್ಯೋ ದೇವತಾ, (1-3) ಪ್ರಥಮಾದಿತೃಚಸ್ಯ ಜಗತೀ, (4) ಚತುರ್ಥ್ಯಾ ಋಚಶ್ಚಾಸ್ತಾರಪಂಕ್ತಿಶ್ಛಂದಸೀ

ವಿ॒ಭ್ರಾಡ್ಬೃ॒ಹತ್ಪಿ॑ಬತು ಸೋ॒ಮ್ಯಂ ಮಧ್ವಾಯು॒ರ್ದಧ॑ದ್ಯ॒ಜ್ಞಪ॑ತಾ॒ವವಿ॑ಹ್ರುತ‌ಮ್ | ವಾತ॑ಜೂತೋ॒ ಯೋ ಅ॑ಭಿ॒ರಕ್ಷ॑ತಿ॒ ತ್ಮನಾ᳚ ಪ್ರ॒ಜಾಃ ಪು॑ಪೋಷ ಪುರು॒ಧಾ ವಿ ರಾ᳚ಜತಿ || 10.170.1
ವಿ॒ಭ್ರಾಡ್ಬೃ॒ಹತ್ಸುಭೃ॑ತಂ ವಾಜ॒ಸಾತ॑ಮಂ॒ ಧರ್ಮಂ᳚ದಿ॒ವೋ ಧ॒ರುಣೇ᳚ ಸ॒ತ್ಯಮರ್ಪಿ॑ತ‌ಮ್ | ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹ‌ನ್ತ॑ಮಂ॒ ಜ್ಯೋತಿ॑ರ್ಜಜ್ಞೇ ಅಸುರ॒ಹಾ ಸ॑ಪತ್ನ॒ಹಾ || 10.170.2
ಇ॒ದಂ ಶ್ರೇಷ್ಠಂ॒ ಜ್ಯೋತಿ॑ಷಾಂ॒ ಜ್ಯೋತಿ॑ರುತ್ತ॒ಮಂ ವಿ॑ಶ್ವ॒ಜಿದ್ಧ॑ನ॒ಜಿದು॑ಚ್ಯತೇ ಬೃ॒ಹತ್ | ವಿ॒ಶ್ವ॒ಭ್ರಾಡ್ಭ್ರಾ॒ಜೋ ಮಹಿ॒ ಸೂರ್ಯೋ᳚ ದೃ॒ಶ ಉ॒ರು ಪ॑ಪ್ರಥೇ॒ ಸಹ॒ ಓಜೋ॒ ಅಚ್ಯು॑ತ‌ಮ್ || 10.170.3
ವಿ॒ಭ್ರಾಜಂ॒ಜ್ಯೋತಿ॑ಷಾ॒ ಸ್ವ1॒॑ರಗ॑ಚ್ಛೋ ರೋಚ॒ನಂ ದಿ॒ವಃ | ಯೇನೇ॒ಮಾ ವಿಶ್ವಾ॒ ಭುವ॑ನಾ॒ನ್ಯಾಭೃ॑ತಾ ವಿ॒ಶ್ವಕ᳚ರ್ಮಣಾ ವಿ॒ಶ್ವದೇ᳚ವ್ಯಾವತಾ || 10.170.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯ ಭಾರ್ಗವ ಇಟ ಋಷಿಃ, ಇಂದ್ರೋ ದೇವತಾ. ಗಾಯತ್ರೀ ಛಂದಃ

ತ್ವಂ ತ್ಯಮಿ॒ಟತೋ॒ ರಥ॒ಮಿಂದ್ರ॒ ಪ್ರಾವಃ॑ ಸು॒ತಾವ॑ತಃ | ಅಶೃ॑ಣೋಃ ಸೋ॒ಮಿನೋ॒ ಹವ‌ಮ್᳚ || 10.171.1
ತ್ವಂ ಮ॒ಖಸ್ಯ॒ ದೋಧ॑ತಃ॒ ಶಿರೋಽವ॑ ತ್ವ॒ಚೋ ಭ॑ರಃ | ಅಗ॑ಚ್ಛಃ ಸೋ॒ಮಿನೋ᳚ ಗೃ॒ಹ‌ಮ್ || 10.171.2
ತ್ವಂ ತ್ಯಮಿಂ᳚ದ್ರ॒ ಮರ್ತ್ಯ॑ಮಾಸ್ತ್ರಬು॒ಧ್ನಾಯ॑ ವೇ॒ನ್ಯ‌ಮ್ | ಮುಹುಃ॑ ಶ್ರಥ್ನಾ ಮನ॒ಸ್ಯವೇ᳚ || 10.171.3
ತ್ವಂ ತ್ಯಮಿಂ᳚ದ್ರ॒ ಸೂರ್ಯಂ᳚ ಪ॒ಶ್ಚಾ ಸ‌ನ್ತಂ᳚ ಪು॒ರಸ್ಕೃ॑ಧಿ | ದೇ॒ವಾನಾಂ᳚ ಚಿತ್ತಿ॒ರೋ ವಶ‌ಮ್᳚ || 10.171.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸಂವರ್ತ ಋಷಿಃ, ಉಷಾ ದೇವತಾ, ದ್ವಿಪದಾ ವಿರಾಟ್ ಛಂದಃ

ಆ ಯಾ᳚ಹಿ॒ ವನ॑ಸಾ ಸ॒ಹ ಗಾವಃ॑ ಸಚ‌ನ್ತ ವರ್ತ॒ನಿಂ ಯದೂಧ॑ಭಿಃ || 10.172.1
ಆ ಯಾ᳚ಹಿ॒ ವಸ್ವ್ಯಾ᳚ ಧಿ॒ಯಾ ಮಂಹಿ॑ಷ್ಠೋ ಜಾರ॒ಯನ್ಮ॑ಖಃ ಸು॒ದಾನು॑ಭಿಃ || 10.172.2
ಪಿ॒ತು॒ಭೃತೋ॒ ನ ತ‌ನ್ತು॒ಮಿತ್ಸು॒ದಾನ॑ವಃ॒ ಪ್ರತಿ॑ ದಧ್ಮೋ॒ ಯಜಾ᳚ಮಸಿ || 10.172.3
ಉ॒ಷಾ ಅಪ॒ ಸ್ವಸು॒ಸ್ತಮಃ॒ ಸಂ ವ॑ರ್ತಯತಿ ವರ್ತ॒ನಿಂ ಸು॑ಜಾ॒ತತಾ᳚ || 10.172.4

(1-6) ಷಡಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋ ಧ್ರವು ಋಷಿಃ, ರಾಜಸ್ತುತಿದೇವ ತಾ, ಅನುಷ್ಟಪ್. ಛಂದಃ

ಆ ತ್ವಾ᳚ಹಾರ್ಷಮ॒‌ನ್ತರೇ᳚ಧಿ ಧ್ರು॒ವಸ್ತಿ॒ಷ್ಠಾವಿ॑ಚಾಚಲಿಃ | ವಿಶ॑ಸ್ತ್ವಾ॒ ಸರ್ವಾ᳚ ವಾಂಛ‌ನ್ತು॒ ಮಾ ತ್ವದ್ರಾ॒ಷ್ಟ್ರಮಧಿ॑ ಭ್ರಶತ್ || 10.173.1
ಇ॒ಹೈವೈಧಿ॒ ಮಾಪ॑ ಚ್ಯೋಷ್ಠಾಃ॒ ಪರ್ವ॑ತ ಇ॒ವಾವಿ॑ಚಾಚಲಿಃ | ಇಂದ್ರ॑ ಇವೇ॒ಹ ಧ್ರು॒ವಸ್ತಿ॑ಷ್ಠೇ॒ಹ ರಾ॒ಷ್ಟ್ರಮು॑ ಧಾರಯ || 10.173.2
ಇ॒ಮಮಿಂದ್ರೋ᳚ ಅದೀಧರದ್ಧ್ರು॒ವಂ ಧ್ರು॒ವೇಣ॑ ಹ॒ವಿಷಾ᳚ | ತಸ್ಮೈ॒ ಸೋಮೋ॒ ಅಧಿ॑ ಬ್ರವ॒ತ್ತಸ್ಮಾ᳚ ಉ॒ ಬ್ರಹ್ಮ॑ಣ॒ಸ್ಪತಿಃ॑ || 10.173.3
ಧ್ರು॒ವಾ ದ್ಯೌರ್ಧ್ರು॒ವಾ ಪೃ॑ಥಿ॒ವೀ ಧ್ರು॒ವಾಸಃ॒ ಪರ್ವ॑ತಾ ಇ॒ಮೇ | ಧ್ರು॒ವಂ ವಿಶ್ವ॑ಮಿ॒ದಂ ಜಗ॑ದ್ಧ್ರು॒ವೋ ರಾಜಾ᳚ ವಿ॒ಶಾಮ॒ಯ‌ಮ್ || 10.173.4
ಧ್ರು॒ವಂ ತೇ॒ ರಾಜಾ॒ ವರು॑ಣೋ ಧ್ರು॒ವಂ ದೇ॒ವೋ ಬೃಹ॒ಸ್ಪತಿಃ॑ | ಧ್ರು॒ವಂ ತ॒ ಇಂದ್ರ॑ಶ್ಚಾ॒ಗ್ನಿಶ್ಚ॑ ರಾ॒ಷ್ಟ್ರಂ ಧಾ᳚ರಯತಾಂ ಧ್ರು॒ವ‌ಮ್ || 10.173.5
ಧ್ರು॒ವಂ ಧ್ರು॒ವೇಣ॑ ಹ॒ವಿಷಾ॒ಭಿ ಸೋಮಂ᳚ ಮೃಶಾಮಸಿ | ಅಥೋ᳚ ತ॒ ಇಂದ್ರಃ॒ ಕೇವ॑ಲೀ॒ರ್ವಿಶೋ᳚ ಬಲಿ॒ಹೃತ॑ಸ್ಕರತ್ || 10.173.6

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಂಗಿರಸೋಽಭೀವರ್ತ ಋಷಿಃ, ರಾಜಸ್ತುತಿದೇವ ತಾ, ಅನುಷ್ಟುಪ್ ಛಂದಃ

ಅ॒ಭೀ॒ವ॒ರ್ತೇನ॑ ಹ॒ವಿಷಾ॒ ಯೇನೇಂದ್ರೋ᳚ ಅಭಿವಾವೃ॒ತೇ | ತೇನಾ॒ಸ್ಮಾನ್ಬ್ರ᳚ಹ್ಮಣಸ್ಪತೇ॒ಽಭಿ ರಾ॒ಷ್ಟ್ರಾಯ॑ ವರ್ತಯ || 10.174.1
ಅ॒ಭಿ॒ವೃತ್ಯ॑ ಸ॒ಪತ್ನಾ᳚ನ॒ಭಿ ಯಾ ನೋ॒ ಅರಾ᳚ತಯಃ | ಅ॒ಭಿ ಪೃ॑ತ॒ನ್ಯ‌ನ್ತಂ᳚ ತಿಷ್ಠಾ॒ಭಿ ಯೋ ನ॑ ಇರ॒ಸ್ಯತಿ॑ || 10.174.2
ಅ॒ಭಿ ತ್ವಾ᳚ ದೇ॒ವಃ ಸ॑ವಿ॒ತಾಭಿ ಸೋಮೋ᳚ ಅವೀವೃತತ್ | ಅ॒ಭಿ ತ್ವಾ॒ ವಿಶ್ವಾ᳚ ಭೂ॒ತಾನ್ಯ॑ಭೀವ॒ರ್ತೋ ಯಥಾಸ॑ಸಿ || 10.174.3
ಯೇನೇಂದ್ರೋ᳚ ಹ॒ವಿಷಾ᳚ ಕೃ॒ತ್ವ್ಯಭ॑ವದ್ದ್ಯು॒ಮ್ನ್ಯು॑ತ್ತ॒ಮಃ | ಇ॒ದಂ ತದ॑ಕ್ರಿ ದೇವಾ ಅಸಪ॒ತ್ನಃ ಕಿಲಾ᳚ಭುವ‌ಮ್ || 10.174.4
ಅ॒ಸ॒ಪ॒ತ್ನಃ ಸ॑ಪತ್ನ॒ಹಾಭಿರಾ᳚ಷ್ಟ್ರೋ ವಿಷಾಸ॒ಹಿಃ | ಯಥಾ॒ಹಮೇ᳚ಷಾಂ ಭೂ॒ತಾನಾಂ᳚ ವಿ॒ರಾಜಾ᳚ನಿ॒ ಜನ॑ಸ್ಯ ಚ || 10.174.5

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾಬು ದಃ ಸಾರ್ಪ ಊರ್ಧ್ವಗಾ ವಾ ಋಷಿಃ, ಗ್ರಾವಾಣೋ ದೇವತಾಃ, ಗಾಯತ್ರೀ ಛಂದಃ

ಪ್ರ ವೋ᳚ ಗ್ರಾವಾಣಃ ಸವಿ॒ತಾ ದೇ॒ವಃ ಸು॑ವತು॒ ಧರ್ಮ॑ಣಾ | ಧೂ॒ರ್ಷು ಯು॑ಜ್ಯಧ್ವಂ ಸುನು॒ತ || 10.175.1
ಗ್ರಾವಾ᳚ಣೋ॒ ಅಪ॑ ದು॒ಚ್ಛುನಾ॒ಮಪ॑ ಸೇಧತ ದುರ್ಮ॒ತಿ‌ಮ್ | ಉ॒ಸ್ರಾಃ ಕ॑ರ್ತನ ಭೇಷ॒ಜ‌ಮ್ || 10.175.2
ಗ್ರಾವಾ᳚ಣ॒ ಉಪ॑ರೇ॒ಷ್ವಾ ಮ॑ಹೀ॒ಯ‌ನ್ತೇ᳚ ಸ॒ಜೋಷ॑ಸಃ | ವೃಷ್ಣೇ॒ ದಧ॑ತೋ॒ ವೃಷ್ಣ್ಯ‌ಮ್᳚ || 10.175.3
ಗ್ರಾವಾ᳚ಣಃ ಸವಿ॒ತಾ ನು ವೋ᳚ ದೇ॒ವಃ ಸು॑ವತು॒ ಧರ್ಮ॑ಣಾ | ಯಜ॑ಮಾನಾಯ ಸುನ್ವ॒ತೇ || 10.175.4

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾರ್ಭವಃ ಸೂನಋ ಷಿಃ (1) ಪ್ರಥಮರ್ಚ ಋಭವಃ, (2-4) ದ್ವಿತೀಯಾದಿತೃಚಸ್ಯ ಚಾಗ್ನಿದೇರ್ವ ತಾ(1, 3-4) ಪ್ರಥಮರ್ಚಸ್ತೃತೀಯಾಚತುರ್ಯೋರನುಷ್ಟಪ್ , (2) ದ್ವಿತೀಯಾಯಾಶ್ಚ ಗಾಯತ್ರೀ ಛಂದಸೀ

ಪ್ರ ಸೂ॒ನವ॑ ಋಭೂ॒ಣಾಂ ಬೃ॒ಹನ್ನ॑ವ‌ನ್ತ ವೃ॒ಜನಾ᳚ | ಕ್ಷಾಮಾ॒ ಯೇ ವಿ॒ಶ್ವಧಾ᳚ಯ॒ಸೋಽಶ್ನಂ᳚ಧೇ॒ನುಂ ನ ಮಾ॒ತರ‌ಮ್᳚ || 10.176.1
ಪ್ರ ದೇ॒ವಂ ದೇ॒ವ್ಯಾ ಧಿ॒ಯಾ ಭರ॑ತಾ ಜಾ॒ತವೇ᳚ದಸ‌ಮ್ | ಹ॒ವ್ಯಾ ನೋ᳚ ವಕ್ಷದಾನು॒ಷಕ್ || 10.176.2
ಅ॒ಯಮು॒ ಷ್ಯ ಪ್ರ ದೇ᳚ವ॒ಯುರ್ಹೋತಾ᳚ ಯ॒ಜ್ಞಾಯ॑ ನೀಯತೇ | ರಥೋ॒ ನ ಯೋರ॒ಭೀವೃ॑ತೋ॒ ಘೃಣೀ᳚ವಾಂಚೇತತಿ॒ ತ್ಮನಾ᳚ || 10.176.3
ಅ॒ಯಮ॒ಗ್ನಿರು॑ರುಷ್ಯತ್ಯ॒ಮೃತಾ᳚ದಿವ॒ ಜನ್ಮ॑ನಃ | ಸಹ॑ಸಶ್ಚಿ॒ತ್ಸಹೀ᳚ಯಾಂದೇ॒ವೋ ಜೀ॒ವಾತ॑ವೇ ಕೃ॒ತಃ || 10.176.4

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯಃ ಪತಂಗ ಋಷಿಃ, ಮಾಯಾಭೇದೋ ದೇವತಾ, (1) ಪ್ರಥಮ! ಜಗತೀ, (2-3) ದ್ವಿತೀಯಾತೃತೀಯಯೋಶ್ಚ ತ್ರಿಷ್ಟುಪ್ ಛಂದಸೀ

ಪ॒ತಂ॒ಗಮ॒ಕ್ತಮಸು॑ರಸ್ಯ ಮಾ॒ಯಯಾ᳚ ಹೃ॒ದಾ ಪ॑ಶ್ಯ‌ನ್ತಿ॒ ಮನ॑ಸಾ ವಿಪ॒ಶ್ಚಿತಃ॑ | ಸ॒ಮು॒ದ್ರೇ ಅ॒‌ನ್ತಃ ಕ॒ವಯೋ॒ ವಿ ಚ॑ಕ್ಷತೇ॒ ಮರೀ᳚ಚೀನಾಂ ಪ॒ದಮಿ॑ಚ್ಛ‌ನ್ತಿ ವೇ॒ಧಸಃ॑ || 10.177.1
ಪ॒ತಂ॒ಗೋ ವಾಚಂ॒ ಮನ॑ಸಾ ಬಿಭರ್ತಿ॒ ತಾಂ ಗಂ᳚ಧ॒ರ್ವೋ᳚ಽವದ॒ದ್ಗರ್ಭೇ᳚ ಅ॒‌ನ್ತಃ | ತಾಂ ದ್ಯೋತ॑ಮಾನಾಂ ಸ್ವ॒ರ್ಯಂ᳚ ಮನೀ॒ಷಾಮೃ॒ತಸ್ಯ॑ ಪ॒ದೇ ಕ॒ವಯೋ॒ ನಿ ಪಾ᳚‌ನ್ತಿ || 10.177.2
ಅಪ॑ಶ್ಯಂ ಗೋ॒ಪಾಮನಿ॑ಪದ್ಯಮಾನ॒ಮಾ ಚ॒ ಪರಾ᳚ ಚ ಪ॒ಥಿಭಿ॒ಶ್ಚರ᳚‌ನ್ತ‌ಮ್ | ಸ ಸ॒ಧ್ರೀಚೀಃ॒ ಸ ವಿಷೂ᳚ಚೀ॒ರ್ವಸಾ᳚ನ॒ ಆ ವ॑ರೀವರ್ತಿ॒ ಭುವ॑ನೇಷ್ವ॒‌ನ್ತಃ || 10.177.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ತಾರ್ಯೋಽರಿಷ್ಟನೇಮಿರೃಷಿಃ, ತಾಕ್ಷ್ಯೋಂ ದೇವತಾ, ತ್ರಿಷ್ಟುಪ್ ಛಂದಃ

ತ್ಯಮೂ॒ ಷು ವಾ॒ಜಿನಂ᳚ ದೇ॒ವಜೂ᳚ತಂ ಸ॒ಹಾವಾ᳚ನಂ ತರು॒ತಾರಂ॒ ರಥಾ᳚ನಾ‌ಮ್ | ಅರಿ॑ಷ್ಟನೇಮಿಂ ಪೃತ॒ನಾಜ॑ಮಾ॒ಶುಂ ಸ್ವ॒ಸ್ತಯೇ॒ ತಾರ್ಕ್ಷ್ಯ॑ಮಿ॒ಹಾ ಹು॑ವೇಮ || 10.178.1
ಇಂದ್ರ॑ಸ್ಯೇವ ರಾ॒ತಿಮಾ॒ಜೋಹು॑ವಾನಾಃ ಸ್ವ॒ಸ್ತಯೇ॒ ನಾವ॑ಮಿ॒ವಾ ರು॑ಹೇಮ | ಉರ್ವೀ॒ ನ ಪೃಥ್ವೀ॒ ಬಹು॑ಲೇ॒ ಗಭೀ᳚ರೇ॒ ಮಾ ವಾ॒ಮೇತೌ॒ ಮಾ ಪರೇ᳚ತೌ ರಿಷಾಮ || 10.178.2
ಸ॒ದ್ಯಶ್ಚಿ॒ದ್ಯಃ ಶವ॑ಸಾ॒ ಪಂಚ॑ ಕೃ॒ಷ್ಟೀಃ ಸೂರ್ಯ॑ ಇವ॒ ಜ್ಯೋತಿ॑ಷಾ॒ಪಸ್ತ॒ತಾನ॑ | ಸ॒ಹ॒ಸ್ರ॒ಸಾಃ ಶ॑ತ॒ಸಾ ಅ॑ಸ್ಯ॒ ರಂಹಿ॒ರ್ನ ಸ್ಮಾ᳚ ವರ‌ನ್ತೇ ಯುವ॒ತಿಂ ನ ಶರ್ಯಾ᳚‌ಮ್ || 10.178.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ (1) ಪ್ರಥಮರ್ಚ ಔಶೀನರಃ ಶಿಬಿಃ, (2) ದ್ವಿತೀಯಾಯಾಃ ಕಾಶಿರಾಜಃ ಪ್ರತರ್ದನಃ, 3 ತೃತೀಯಾಯಾಶ್ಚ ರೌಹಿದಶ್ವೋ ವಸುಮನಾ ಋಷಯಃ, ಇಂದ್ರೋ ದೇವತಾ (1) ಪ್ರಥಮರ್ಚೋಽನುಷ್ಟಪ್ , (2-3) ದ್ವಿತೀಯಾತೃತೀಯಯೋಶ್ಚ ತ್ರಿಷ್ಟುಪ್ ಛಂದಸೀ

ಉತ್ತಿ॑ಷ್ಠ॒ತಾವ॑ ಪಶ್ಯ॒ತೇಂದ್ರ॑ಸ್ಯ ಭಾ॒ಗಮೃ॒ತ್ವಿಯ‌ಮ್᳚ | ಯದಿ॑ ಶ್ರಾ॒ತೋ ಜು॒ಹೋತ॑ನ॒ ಯದ್ಯಶ್ರಾ᳚ತೋ ಮಮ॒ತ್ತನ॑ || 10.179.1
ಶ್ರಾ॒ತಂ ಹ॒ವಿರೋ ಷ್ವಿಂ᳚ದ್ರ॒ ಪ್ರ ಯಾ᳚ಹಿ ಜ॒ಗಾಮ॒ ಸೂರೋ॒ ಅಧ್ವ॑ನೋ॒ ವಿಮ॑ಧ್ಯ‌ಮ್ | ಪರಿ॑ ತ್ವಾಸತೇ ನಿ॒ಧಿಭಿಃ॒ ಸಖಾ᳚ಯಃ ಕುಲ॒ಪಾ ನ ವ್ರಾ॒ಜಪ॑ತಿಂ॒ ಚರ᳚‌ನ್ತ‌ಮ್ || 10.179.2
ಶ್ರಾ॒ತಂ ಮ᳚ನ್ಯ॒ ಊಧ॑ನಿ ಶ್ರಾ॒ತಮ॒ಗ್ನೌ ಸುಶ್ರಾ᳚ತಂ ಮನ್ಯೇ॒ ತದೃ॒ತಂ ನವೀ᳚ಯಃ | ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ದ॒ಧ್ನಃ ಪಿಬೇಂ᳚ದ್ರ ವಜ್ರಿನ್ಪುರುಕೃಜ್ಜುಷಾ॒ಣಃ || 10.179.3

(1-3) ತೃಚಸ್ಯಾಸ್ಯ ಸೂಕ್ತಸ್ಯೈಂದ್ರೋ ಜಯ ಋಷಿಃ, ಇಂದ್ರೋ ದೇವತಾ, ತ್ರಿಷ್ಟುಪ್ ಛಂದಃ

ಪ್ರ ಸ॑ಸಾಹಿಷೇ ಪುರುಹೂತ॒ ಶತ್ರೂಂ॒ಜ್ಯೇಷ್ಠ॑ಸ್ತೇ॒ ಶುಷ್ಮ॑ ಇ॒ಹ ರಾ॒ತಿರ॑ಸ್ತು | ಇಂದ್ರಾ ಭ॑ರ॒ ದಕ್ಷಿ॑ಣೇನಾ॒ ವಸೂ᳚ನಿ॒ ಪತಿಃ॒ ಸಿಂಧೂ᳚ನಾಮಸಿ ರೇ॒ವತೀ᳚ನಾ‌ಮ್ || 10.180.1
ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ ಪ॑ರಾ॒ವತ॒ ಆ ಜ॑ಗ‌ನ್ಥಾ॒ ಪರ॑ಸ್ಯಾಃ | ಸೃ॒ಕಂ ಸಂ॒ಶಾಯ॑ ಪ॒ವಿಮಿಂ᳚ದ್ರ ತಿ॒ಗ್ಮಂ ವಿ ಶತ್ರೂ᳚‌ನ್ತಾಳ್ಹಿ॒ ವಿ ಮೃಧೋ᳚ ನುದಸ್ವ || 10.180.2
ಇಂದ್ರ॑ ಕ್ಷ॒ತ್ರಮ॒ಭಿ ವಾ॒ಮಮೋಜೋಽಜಾ᳚ಯಥಾ ವೃಷಭ ಚರ್ಷಣೀ॒ನಾ‌ಮ್ | ಅಪಾ᳚ನುದೋ॒ ಜನ॑ಮಮಿತ್ರ॒ಯ‌ನ್ತ॑ಮು॒ರುಂ ದೇ॒ವೇಭ್ಯೋ᳚ ಅಕೃಣೋರು ಲೋ॒ಕ‌ಮ್ || 10.180.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ (1) ಪ್ರಥಮ] ವಾಸಿಷ್ಠಃ ಪ್ರಥಃ, (2) ದ್ವಿತೀಯಾಯಾ ಭಾರದ್ವಾಜಃ ಸಪ್ರಥಃ, (3) ತೃತೀಯಾಯಾಶ್ಚ ಸೌರ್ಯೋ ಧರ್ಮ ಋಷಯಃ, ವಿಶ್ವೇ ದೇವಾ ದೇವತಾಃ, ತ್ರಿಷ್ಟುಪ್ ಛಂದಃ

ಪ್ರಥ॑ಶ್ಚ॒ ಯಸ್ಯ॑ ಸ॒ಪ್ರಥ॑ಶ್ಚ॒ ನಾಮಾನು॑ಷ್ಟುಭಸ್ಯ ಹ॒ವಿಷೋ᳚ ಹ॒ವಿರ್ಯತ್ | ಧಾ॒ತುರ್ದ್ಯುತಾ᳚ನಾತ್ಸವಿ॒ತುಶ್ಚ॒ ವಿಷ್ಣೋ᳚ ರಥಂತ॒ರಮಾ ಜ॑ಭಾರಾ॒ ವಸಿ॑ಷ್ಠಃ || 10.181.1
ಅವಿಂ᳚ದ॒‌ನ್ತೇ ಅತಿ॑ಹಿತಂ॒ ಯದಾಸೀ᳚ದ್ಯ॒ಜ್ಞಸ್ಯ॒ ಧಾಮ॑ ಪರ॒ಮಂ ಗುಹಾ॒ ಯತ್ | ಧಾ॒ತುರ್ದ್ಯುತಾ᳚ನಾತ್ಸವಿ॒ತುಶ್ಚ॒ ವಿಷ್ಣೋ᳚ರ್ಭ॒ರದ್ವಾ᳚ಜೋ ಬೃ॒ಹದಾ ಚ॑ಕ್ರೇ ಅ॒ಗ್ನೇಃ || 10.181.2
ತೇ᳚ಽವಿಂದ॒ನ್ಮನ॑ಸಾ॒ ದೀಧ್ಯಾ᳚ನಾ॒ ಯಜುಃ॑ ಷ್ಕ॒ನ್ನಂ ಪ್ರ॑ಥ॒ಮಂ ದೇ᳚ವ॒ಯಾನ‌ಮ್᳚ | ಧಾ॒ತುರ್ದ್ಯುತಾ᳚ನಾತ್ಸವಿ॒ತುಶ್ಚ॒ ವಿಷ್ಣೋ॒ರಾ ಸೂರ್ಯಾ᳚ದಭರನ್ಘ॒ರ್ಮಮೇ॒ತೇ || 10.181.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಬಾರ್ಹಸ್ಪತ್ಯಸ್ತಪುಮಧೂ ಋಷಿಃ, ಬೃಹಸ್ಪತಿದೇವ ತಾ, ತ್ರಿಷ್ಟುಪ್ ಛಂದಃ

ಬೃಹ॒ಸ್ಪತಿ᳚ರ್ನಯತು ದು॒ರ್ಗಹಾ᳚ ತಿ॒ರಃ ಪುನ᳚ರ್ನೇಷದ॒ಘಶಂ᳚ಸಾಯ॒ ಮನ್ಮ॑ | ಕ್ಷಿ॒ಪದಶ॑ಸ್ತಿ॒ಮಪ॑ ದುರ್ಮ॒ತಿಂ ಹ॒ನ್ನಥಾ᳚ ಕರ॒ದ್ಯಜ॑ಮಾನಾಯ॒ ಶಂ ಯೋಃ || 10.182.1
ನರಾ॒ಶಂಸೋ᳚ ನೋಽವತು ಪ್ರಯಾ॒ಜೇ ಶಂ ನೋ᳚ ಅಸ್ತ್ವನುಯಾ॒ಜೋ ಹವೇ᳚ಷು | ಕ್ಷಿ॒ಪದಶ॑ಸ್ತಿ॒ಮಪ॑ ದುರ್ಮ॒ತಿಂ ಹ॒ನ್ನಥಾ᳚ ಕರ॒ದ್ಯಜ॑ಮಾನಾಯ॒ ಶಂ ಯೋಃ || 10.182.2
ತಪು᳚ರ್ಮೂರ್ಧಾ ತಪತು ರ॒ಕ್ಷಸೋ॒ ಯೇ ಬ್ರ᳚ಹ್ಮ॒ದ್ವಿಷಃ॒ ಶರ॑ವೇ॒ ಹ‌ನ್ತ॒ವಾ ಉ॑ | ಕ್ಷಿ॒ಪದಶ॑ಸ್ತಿ॒ಮಪ॑ ದುರ್ಮ॒ತಿಂ ಹ॒ನ್ನಥಾ᳚ ಕರ॒ದ್ಯಜ॑ಮಾನಾಯ॒ ಶಂ ಯೋಃ || 10.182.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಪ್ರಾಜಾಪತ್ಯಃ ಪ್ರಜಾವಾನೃಷಿಃ (1) ಪ್ರಥಮ] ಯಜಮಾನಃ, (2) ದ್ವಿತೀಯಾಯಾ ಯಜಮಾನಪತ್ನೀ, (3) ತೃತೀಯಾಯಾಶ್ಚ ಹೋತ್ರಾಶಿಷೋ ದೇವತಾಃ, ತ್ರಿಷ್ಟುಪ್ ಛಂದಃ

ಅಪ॑ಶ್ಯಂ ತ್ವಾ॒ ಮನ॑ಸಾ॒ ಚೇಕಿ॑ತಾನಂ॒ ತಪ॑ಸೋ ಜಾ॒ತಂ ತಪ॑ಸೋ॒ ವಿಭೂ᳚ತ‌ಮ್ | ಇ॒ಹ ಪ್ರ॒ಜಾಮಿ॒ಹ ರ॒ಯಿಂ ರರಾ᳚ಣಃ॒ ಪ್ರ ಜಾ᳚ಯಸ್ವ ಪ್ರ॒ಜಯಾ᳚ ಪುತ್ರಕಾಮ || 10.183.1
ಅಪ॑ಶ್ಯಂ ತ್ವಾ॒ ಮನ॑ಸಾ॒ ದೀಧ್ಯಾ᳚ನಾಂ॒ ಸ್ವಾಯಾಂ᳚ ತ॒ನೂ ಋತ್ವ್ಯೇ॒ ನಾಧ॑ಮಾನಾ‌ಮ್ | ಉಪ॒ ಮಾಮು॒ಚ್ಚಾ ಯು॑ವ॒ತಿರ್ಬ॑ಭೂಯಾಃ॒ ಪ್ರ ಜಾ᳚ಯಸ್ವ ಪ್ರ॒ಜಯಾ᳚ ಪುತ್ರಕಾಮೇ || 10.183.2
ಅ॒ಹಂ ಗರ್ಭ॑ಮದಧಾ॒ಮೋಷ॑ಧೀಷ್ವ॒ಹಂ ವಿಶ್ವೇ᳚ಷು॒ ಭುವ॑ನೇಷ್ವ॒‌ನ್ತಃ | ಅ॒ಹಂ ಪ್ರ॒ಜಾ ಅ॑ಜನಯಂ ಪೃಥಿ॒ವ್ಯಾಮ॒ಹಂ ಜನಿ॑ಭ್ಯೋ ಅಪ॒ರೀಷು॑ ಪು॒ತ್ರಾನ್ || 10.183.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಗರ್ಭಕರ್ತಾ ತ್ವಷ್ಟಾ ಪ್ರಾಜಾಪತ್ಯೋ ವಿಷ್ಣ, ಋಷಿಃ (1) ಪ್ರಥಮ] ವಿಷ್ಣತ್ವಷ್ಟ್ರಪಜ ಪತಿಧಾತಾರಃ, (2) ದ್ವಿತೀಯಾಯಾಃ ಸಿನೀವಾಲೀಸರಸ್ವತ್ಯಶ್ವಿನಃ, (3) ತೃತೀಯಾಯಾಶ್ಚಾಶ್ವಿನೌ ದೇವತಾಃ, ಅನುಷ್ಟುಪ್ ಛಂದಃ

ವಿಷ್ಣು॒ರ್ಯೋನಿಂ᳚ ಕಲ್ಪಯತು॒ ತ್ವಷ್ಟಾ᳚ ರೂ॒ಪಾಣಿ॑ ಪಿಂಶತು | ಆ ಸಿಂ᳚ಚತು ಪ್ರ॒ಜಾಪ॑ತಿರ್ಧಾ॒ತಾ ಗರ್ಭಂ᳚ ದಧಾತು ತೇ || 10.184.1
ಗರ್ಭಂ᳚ ಧೇಹಿ ಸಿನೀವಾಲಿ॒ ಗರ್ಭಂ᳚ ಧೇಹಿ ಸರಸ್ವತಿ | ಗರ್ಭಂ᳚ ತೇ ಅ॒ಶ್ವಿನೌ᳚ ದೇ॒ವಾವಾ ಧ॑ತ್ತಾಂ॒ ಪುಷ್ಕ॑ರಸ್ರಜಾ || 10.184.2
ಹಿ॒ರ॒ಣ್ಯಯೀ᳚ ಅ॒ರಣೀ॒ ಯಂ ನಿ॒ರ್ಮ‌ನ್ಥ॑ತೋ ಅ॒ಶ್ವಿನಾ᳚ | ತಂ ತೇ॒ ಗರ್ಭಂ᳚ ಹವಾಮಹೇ ದಶ॒ಮೇ ಮಾ॒ಸಿ ಸೂತ॑ವೇ || 10.184.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ವಾರಣಿಃ ಸತ್ಯಧೃತಿಷಿಃ, ಆದಿತ್ಯೋ ದೇವತಾ. ಗಾಯತ್ರೀ ಛಂದಃ

ಮಹಿ॑ ತ್ರೀ॒ಣಾಮವೋ᳚ಽಸ್ತು ದ್ಯು॒ಕ್ಷಂ ಮಿ॒ತ್ರಸ್ಯಾ᳚ರ್ಯ॒ಮ್ಣಃ | ದು॒ರಾ॒ಧರ್ಷಂ॒ ವರು॑ಣಸ್ಯ || 10.185.1
ನ॒ಹಿ ತೇಷಾ᳚ಮ॒ಮಾ ಚ॒ನ ನಾಧ್ವ॑ಸು ವಾರ॒ಣೇಷು॑ | ಈಶೇ᳚ ರಿ॒ಪುರ॒ಘಶಂ᳚ಸಃ || 10.185.2
ಯಸ್ಮೈ᳚ ಪು॒ತ್ರಾಸೋ॒ ಅದಿ॑ತೇಃ॒ ಪ್ರ ಜೀ॒ವಸೇ॒ ಮರ್ತ್ಯಾ᳚ಯ | ಜ್ಯೋತಿ॒ರ್ಯಚ್ಛ॒‌ನ್ತ್ಯಜ॑ಸ್ರ‌ಮ್ || 10.185.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ವಾತಾಯನ ಉಲ ಋಷಿಃ, ವಾಯದರ್ವೇ ತಾ. ಗಾಯತ್ರೀ ಛಂದಃ

ವಾತ॒ ಆ ವಾ᳚ತು ಭೇಷ॒ಜಂ ಶಂ॒ಭು ಮ॑ಯೋ॒ಭು ನೋ᳚ ಹೃ॒ದೇ | ಪ್ರ ಣ॒ ಆಯೂಂ᳚ಷಿ ತಾರಿಷತ್ || 10.186.1
ಉ॒ತ ವಾ᳚ತ ಪಿ॒ತಾಸಿ॑ ನ ಉ॒ತ ಭ್ರಾತೋ॒ತ ನಃ॒ ಸಖಾ᳚ | ಸ ನೋ᳚ ಜೀ॒ವಾತ॑ವೇ ಕೃಧಿ || 10.186.2
ಯದ॒ದೋ ವಾ᳚ತ ತೇ ಗೃ॒ಹೇ॒3॒॑ಽಮೃತ॑ಸ್ಯ ನಿ॒ಧಿರ್ಹಿ॒ತಃ | ತತೋ᳚ ನೋ ದೇಹಿ ಜೀ॒ವಸೇ᳚ || 10.186.3

(1-5) ಪಂಚರ್ಚಸ್ಯಾಸ್ಯ ಸೂಕ್ತಸ್ಯಾಗ್ನೇಯೋ ವತ್ಸ ಋಷಿಃ, ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಪ್ರಾಗ್ನಯೇ॒ ವಾಚ॑ಮೀರಯ ವೃಷ॒ಭಾಯ॑ ಕ್ಷಿತೀ॒ನಾ‌ಮ್ | ಸ ನಃ॑ ಪರ್ಷ॒ದತಿ॒ ದ್ವಿಷಃ॑ || 10.187.1
ಯಃ ಪರ॑ಸ್ಯಾಃ ಪರಾ॒ವತ॑ಸ್ತಿ॒ರೋ ಧನ್ವಾ᳚ತಿ॒ರೋಚ॑ತೇ | ಸ ನಃ॑ ಪರ್ಷ॒ದತಿ॒ ದ್ವಿಷಃ॑ || 10.187.2
ಯೋ ರಕ್ಷಾಂ᳚ಸಿ ನಿ॒ಜೂರ್ವ॑ತಿ॒ ವೃಷಾ᳚ ಶು॒ಕ್ರೇಣ॑ ಶೋ॒ಚಿಷಾ᳚ | ಸ ನಃ॑ ಪರ್ಷ॒ದತಿ॒ ದ್ವಿಷಃ॑ || 10.187.3
ಯೋ ವಿಶ್ವಾ॒ಭಿ ವಿ॒ಪಶ್ಯ॑ತಿ॒ ಭುವ॑ನಾ॒ ಸಂ ಚ॒ ಪಶ್ಯ॑ತಿ | ಸ ನಃ॑ ಪರ್ಷ॒ದತಿ॒ ದ್ವಿಷಃ॑ || 10.187.4
ಯೋ ಅ॒ಸ್ಯ ಪಾ॒ರೇ ರಜ॑ಸಃ ಶು॒ಕ್ರೋ ಅ॒ಗ್ನಿರಜಾ᳚ಯತ | ಸ ನಃ॑ ಪರ್ಷ॒ದತಿ॒ ದ್ವಿಷಃ॑ || 10.187.5

(1-3) ತೃಚಸ್ಯಾಸ್ಯ ಸೂಕ್ತಸ್ಯಾಗ್ನೇಯಃ ಶ್ಯೇನ ಋಷಿಃ, ಜಾತವೇದಾ ಅಗ್ನಿರ್ದೇವತಾ, ಗಾಯತ್ರೀ ಛಂದಃ

ಪ್ರ ನೂ॒ನಂ ಜಾ॒ತವೇ᳚ದಸ॒ಮಶ್ವಂ᳚ ಹಿನೋತ ವಾ॒ಜಿನ‌ಮ್᳚ | ಇ॒ದಂ ನೋ᳚ ಬ॒ರ್ಹಿರಾ॒ಸದೇ᳚ || 10.188.1
ಅ॒ಸ್ಯ ಪ್ರ ಜಾ॒ತವೇ᳚ದಸೋ॒ ವಿಪ್ರ॑ವೀರಸ್ಯ ಮೀ॒ಳ್ಹುಷಃ॑ | ಮ॒ಹೀಮಿ॑ಯರ್ಮಿ ಸುಷ್ಟು॒ತಿ‌ಮ್ || 10.188.2
ಯಾ ರುಚೋ᳚ ಜಾ॒ತವೇ᳚ದಸೋ ದೇವ॒ತ್ರಾ ಹ᳚ವ್ಯ॒ವಾಹ॑ನೀಃ | ತಾಭಿ᳚ರ್ನೋ ಯ॒ಜ್ಞಮಿ᳚ನ್ವತು || 10.188.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಸಾರ್ಪರಾಜ್ಞೀ ಷಿಕಾ, ಆತ್ಮಾ ಸೂರ್ಯೋ ವಾ ದೇವತಾ, ಗಾಯತ್ರೀ ಛಂದಃ

ಆಯಂ ಗೌಃ ಪೃಶ್ನಿ॑ರಕ್ರಮೀ॒ದಸ॑ದನ್ಮಾ॒ತರಂ᳚ ಪು॒ರಃ | ಪಿ॒ತರಂ᳚ ಚ ಪ್ರ॒ಯ‌‌ನ್ತ್ಸ್ವಃ॑ || 10.189.1
ಅ॒‌ನ್ತಶ್ಚ॑ರತಿ ರೋಚ॒ನಾಸ್ಯ ಪ್ರಾ॒ಣಾದ॑ಪಾನ॒ತೀ | ವ್ಯ॑ಖ್ಯನ್ಮಹಿ॒ಷೋ ದಿವ‌ಮ್᳚ || 10.189.2
ತ್ರಿಂ॒ಶದ್ಧಾಮ॒ ವಿ ರಾ᳚ಜತಿ॒ ವಾಕ್ಪ॑ತಂ॒ಗಾಯ॑ ಧೀಯತೇ | ಪ್ರತಿ॒ ವಸ್ತೋ॒ರಹ॒ ದ್ಯುಭಿಃ॑ || 10.189.3

(1-3) ತೃಚಸ್ಯಾಸ್ಯ ಸೂಕ್ತಸ್ಯ ಮಾಧುಚ್ಛಂದಸೋಽಘಮರ್ಷಣ ಋಷಿಃ, ಭಾವವೃತ್ತಂ ದೇವತಾ, ಅನುಷ್ಟಪ್. ಛಂದಃ

ಋ॒ತಂ ಚ॑ ಸ॒ತ್ಯಂ ಚಾ॒ಭೀ᳚ದ್ಧಾ॒ತ್ತಪ॒ಸೋಽಧ್ಯ॑ಜಾಯತ | ತತೋ॒ ರಾತ್ರ್ಯ॑ಜಾಯತ॒ ತತಃ॑ ಸಮು॒ದ್ರೋ ಅ᳚ರ್ಣ॒ವಃ || 10.190.1
ಸ॒ಮು॒ದ್ರಾದ᳚ರ್ಣ॒ವಾದಧಿ॑ ಸಂವತ್ಸ॒ರೋ ಅ॑ಜಾಯತ | ಅ॒ಹೋ॒ರಾ॒ತ್ರಾಣಿ॑ ವಿ॒ದಧ॒ದ್ವಿಶ್ವ॑ಸ್ಯ ಮಿಷ॒ತೋ ವ॒ಶೀ || 10.190.2
ಸೂ॒ರ್ಯಾ॒ಚಂ॒ದ್ರ॒ಮಸೌ᳚ ಧಾ॒ತಾ ಯ॑ಥಾಪೂ॒ರ್ವಮ॑ಕಲ್ಪಯತ್ | ದಿವಂ᳚ ಚ ಪೃಥಿ॒ವೀಂ ಚಾ॒‌ನ್ತರಿ॑ಕ್ಷ॒ಮಥೋ॒ ಸ್ವಃ॑ || 10.190.3

(1-4) ಚತುರೃಚಸ್ಯಾಸ್ಯ ಸೂಕ್ತಸ್ಯಾಂಗಿರಸಃ ಸಂವನನ ಋಷಿಃ (1) ಪ್ರಥಮರ್ಚೋಽಗ್ನಿಃ, (2-4) ದ್ವಿತೀಯಾದಿತೃಚಸ್ಯ ಚ ಸಂಜ್ಞಾನಂ ದೇವತೇ (1-2, 4) ಪ್ರಥಮಾದ್ವಿತೀಯಾಚತುರ್ಥೀನಾಮೃಚಾಮನುಷ್ಟುಪ್ (3) ತೃತೀಯಾಯಾಶ್ಚ ತ್ರಿಷ್ಟುಪ್ ಛಂದಸೀ

ಸಂಸ॒ಮಿದ್ಯು॑ವಸೇ ವೃಷ॒ನ್ನಗ್ನೇ॒ ವಿಶ್ವಾ᳚ನ್ಯ॒ರ್ಯ ಆ | ಇ॒ಳಸ್ಪ॒ದೇ ಸಮಿ॑ಧ್ಯಸೇ॒ ಸ ನೋ॒ ವಸೂ॒ನ್ಯಾ ಭ॑ರ || 10.191.1
ಸಂ ಗ॑ಚ್ಛಧ್ವಂ॒ ಸಂ ವ॑ದಧ್ವಂ॒ ಸಂ ವೋ॒ ಮನಾಂ᳚ಸಿ ಜಾನತಾ‌ಮ್ | ದೇ॒ವಾ ಭಾ॒ಗಂ ಯಥಾ॒ ಪೂರ್ವೇ᳚ ಸಂಜಾನಾ॒ನಾ ಉ॒ಪಾಸ॑ತೇ || 10.191.2
ಸ॒ಮಾ॒ನೋ ಮ‌ನ್ತ್ರಃ॒ ಸಮಿ॑ತಿಃ ಸಮಾ॒ನೀ ಸ॑ಮಾ॒ನಂ ಮನಃ॑ ಸ॒ಹ ಚಿ॒ತ್ತಮೇ᳚ಷಾ‌ಮ್ | ಸ॒ಮಾ॒ನಂ ಮ‌ನ್ತ್ರ॑ಮ॒ಭಿ ಮ᳚‌ನ್ತ್ರಯೇ ವಃ ಸಮಾ॒ನೇನ॑ ವೋ ಹ॒ವಿಷಾ᳚ ಜುಹೋಮಿ || 10.191.3
ಸ॒ಮಾ॒ನೀ ವ॒ ಆಕೂ᳚ತಿಃ ಸಮಾ॒ನಾ ಹೃದ॑ಯಾನಿ ವಃ | ಸ॒ಮಾ॒ನಮ॑ಸ್ತು ವೋ॒ ಮನೋ॒ ಯಥಾ᳚ ವಃ॒ ಸುಸ॒ಹಾಸ॑ತಿ || 10.191.4

|| ಇತಿ ಋಗ್ವೇದ ಮಂಡಲಮ್-೧೦ ||