Proper display of the text below may depend on webfonts, which in turn require being connected to the internet

ಕಠಕಬ್ರಾಹ್ಮಣಮ್

ಅಗ್ನ್ಯಾಧೇಯಬ್ರಾಹ್ಮಣಮ್
ಬ್ರಹ್ಮವಾದಿನೋ ವದನ್ತಿ ಪುರಾ ವಾ ಔದ್ದಾಲಕಿರಾರುಣಿರುವಾಚ ಬ್ರಹ್ಮಣೇ ತ್ವಾ ಪ್ರಾಣಾಯ ಜುಷ್ಟಂ ನಿರ್ವಪಾಮಿ ಬ್ರಹ್ಮಣೇ ತ್ವಾಪಾನಾಯ ಜುಷ್ಟಂ ನಿರ್ವಪಾಮಿ ಬ್ರಹ್ಮಣೇ ತ್ವಾ ವ್ಯಾನಾಯ ಜುಷ್ಟಂ ನಿರ್ವಪಾಮಿ ಬ್ರಹ್ಮಣೇ ತ್ವಾ ಸಮಾನಾಯ ಜುಷ್ಟಂ ನಿರ್ವಪಾಮಿ ಕಾ ಏತಾ ದೇವತಾ ಯಾಸಾಮೇವೈತಜ್ಜುಷ್ಟಂ ನಿರ್ವಪತ್ಯೃಚೋ ವೇ ಬ್ರಹ್ಮಣಃ ಪ್ರಾಣ ಋಚಾಮೇವೇತಜ್ಜುಷ್ಟಂ ನಿರ್ವಪತಿ ಯಜೂಂಷಿ ವೇ ಬ್ರಹ್ಮಣೋಽಪಾನೋ ಯಜುಷಾಮೇವೇತಜ್ಜುಷ್ಟಂ ನಿರ್ವಪತಿ ಸಾಮಾನಿ ವೇ ಬ್ರಹ್ಮಣೋ ವ್ಯಾನಃ ಸಾಮ್ನಾಮೇವೇತಜ್ಜುಷ್ಟಂ ನಿರ್ವಪತ್ಯಥರ್ವಾಣೋ ವೇ ಬ್ರಹ್ಮಣಃ ಸಮಾನೋಽಥರ್ವಣಾಮೇವೇತಜ್ಜುಷ್ಟಂ ನಿರ್ವಪತಿ । ಚತುಃಶರಾವೋ ಭವತಿ ಚತ್ವಾರೋ ಹೀಮೇ ವೇದಾಸ್ತಾನೇವ ಭಾಗಿನಃ ಕರೋತಿ ಮೂಲಂ ವೇ ಬ್ರಹ್ಮಣೋ ವೇದೋ ವೇದಾನಾಮೇವೇತನ್ಮೂಲಂ ಯದೃತ್ವಿಜಃ ಪ್ರಾಶ್ನನ್ತಿ ತದ್ಬ್ರಹ್ಮೌದನಸ್ಯ ಬ್ರಹ್ಮೌದನತ್ವಮ್ ೧

ನಿಶಿ ಚರ್ಮನ್ಬ್ರಹ್ಮಾ ಬ್ರಹ್ಮೌದನಂ ನಿರ್ವಪತಿ ರಕ್ಷಾಂಸಿ ವೇ ದೇವಾನಾಂ ಯಜ್ಞಮಾಜಿಘಾಂಸಂಸ್ತಾನಿ ಬ್ರಹ್ಮಣಾಪಾಘ್ನತ ಬ್ರಹ್ಮ ಬ್ರಹ್ಮಾ ಬ್ರಹ್ಮಣೈವ ಯಜ್ಞಾದ್ರ ಕ್ಷಾಂಸ್ಯಪಹನ್ತಿ । ಚತುಃಶರಾವೋ ಭವತಿ ಚತಸ್ರೋ ದಿಶೋ ದಿಗ್ಭಿರೇವ ಯಜ್ಞಾದ್ರ ಕ್ಷಾಂಸ್ಯಪಹನ್ತಿ । ಜೀವತಣ್ಡುಲೋ ಭವತಿ ಸಂಪದ್ಧ್ಯಾ । ಅಪೂತೋ ವಾ ಏಷೋಽಮೇಧ್ಯೋಽಯಜ್ಞಿಯೋಽನೃತಮೂಚಿವಾನ್ಯ ಋಣಾನ್ಯನವದಾಯಾಗ್ನಿಮಾಧತ್ತೇ ತ-ಮನ್ವಾರಮ್ಭಯಿತ್ವಾ ಯದ್ದೇವಾ ದೇವಹೇಡನಂ ಯದದೀವ್ಯನ್ನೃಣಮಹಮಿತ್ಯೇತಾ ಆಹುತೀರಾಜ್ಯೇನ ಜುಹೋತಿ ಪುನಾತ್ಯೇವೇನಂ ಪೂತೋ ಮೇಧ್ಯೋ ಯಜ್ಞಿಯೋಽಗ್ನಿಮಾಧತ್ತ ಏಕವಿಂಶತಿರೇತಾ ಆಹುತೀ-ರ್ಜುಹೋತ್ಯಸಾ ಆದಿತ್ಯ ಏಕವಿಂಶ ಏಷ ಸವಿತಾ ಸ ಹ ದೇವಸ್ಯ ಸವಿತುಃ ಪವಿತ್ರಂ ತೇನೈ-ವೇನಂ ಸವಿತುಃ ಪವಿತ್ರೇಣ ಪುನಾತಿ ಯದನ್ತರಿಕ್ಷಮಿತ್ಯಗ್ನಯ ಏವೇನಮೇತದೇನಸಃ ಪ್ರಮುಞ್ಚನ್ತಿ ಸಂಕಸುಕೋ ವಿಕಸುಕ ಇತ್ಯೇತದೇವಾಸ್ಮಾ ಅಗ್ನಯೋ ಯಕ್ಷ್ಮಂ ಚಾತಯನ್ತಿ ಕೃತ್ಯಾಂ ನಿರೃತಿಂ ಸಂ ವರ್ಚಸೇತ್ಯಾಶಿಷಮೇವಾಶಾಸ್ತೇ ೨

ದೇವಾಶ್ಚ ವಾ ಅಸುರಾಶ್ಚಾಗ್ನ್ಯಾಧೇಯಾಯೋಪಾವಸನ್ಸಮಾವತ್ಕುರ್ವಾಣಾ ಯದೇವ ದೇವಾ ಅಕುರ್ವತ ತದಸುರಾ ಅಕುರ್ವತ ತೇ ದೇವಾ ಏತಮೋದನಮಾಸಾದ್ಯೈತಾ ಆಹುತೀರಾಜ್ಯೇನಾಜುಹವುಸ್ತದಸುರಾ ನಾನ್ವವಾಯಂಸ್ ತತೋ ದೇವಾ ಅಭವನ್ಪರಾಸುರಾ ಅಭವನ್ಯ ಏವಂ ವಿದ್ವಾನೇತಮೋದನಮಾಸಾದ್ಯೈತಾ ಆಹುತೀರಾಜ್ಯೇನ ಜುಹೋತಿ ಭ್ರಾತೃವ್ಯಸ್ಯಾನನ್ವವಾಯಾಯ ಭವತ್ಯಾತ್ಮನಾ ಪರಾಸ್ಯ ಭ್ರಾತೃವ್ಯೋ ಭವತಿ ಪ್ರವೇಧಸೇ ಕವಯ ಇತ್ಯುಕ್ತ್ವೋದನಸ್ಯ ಜುಹೋತಿ ದೇವಾನಾಮೇವ ಹೇಡಾನ್ಯವಯಜತೇ ಚಾತುರ್ಮಾಸ್ಯಾನ್ಯಾಲಪ್ಸ್ಯಮಾನಸ್ಯ ದೀಕ್ಷಿಷ್ಯಮಾಣಸ್ಯೈತಾ ಆಹುತೀರಾಜ್ಯೇನ ಜುಹೋತಿ ಪುನಾ-ತ್ಯೇವೇನಂ ಪೂತೋ ಮೇಧ್ಯೋ ಯಜ್ಞಿಯೋ ಯಜತೇ ಪೂತೋ ಮೇಧ್ಯೋ ಯಜ್ಞಿಯೋ ದೀಕ್ಷತೇ । ಶ್ವ ಆಧಾಸ್ಯಮಾನ ರಾತ್ರೀಂ ಜಾಗ್ರತಿ ತಮೋ ವಾ ಅನ್ಧಂ ಸ್ವಪ್ನಸ್ತಮಸ ಏವೇನಮನ್ಧಸೋ ಮುಞ್ಚತಿ ಶಿಲ್ಪೈರ್ಗಾಯನ್ತಿ
ಶಿಲ್ಪೈರ್ಹಿ ಸರ್ವಂ ಕುರ್ವನ್ತಿ ೩

ಧಾರಯತ್ಯೇತಮಗ್ನಿಂ ನ ಮಾಂಸಮಶ್ನೀಯಾನ್ನ ಸ್ತ್ರಿಯಮುಪೇಯಾದ್ ಅಧಃ ಶಯೀತ ನ ವಿಪ್ರವಸೇನ್ನಾಸ್ಯ ಗೃಹಾದಗ್ನಿಁ ಹರೇಯುರ್ನಾಹರೇಯುರನ್ಯತ ಆತ್ಮನೋ ಗೋಪೀಥಾಯಾಗ್ನಿಮೇತಮಾಧಾಯ ಸಮಿದಾಧಾನಾನ್ತಂ ಕುರ್ಯಾದ್ವರಂ ದದಾನೀತಿ ವಾಚಂ ವಿಸೃಜತೇ ಽಶಾನ್ತೋ ವಾ ಏಷ ಭೂತ್ವಾ ಯಜಮಾನಮಭ್ಯೈತಿ ವರೇಣ ಚೈವೇನಂ ಸತ್ಯಯಾ ಚ ವಾಚಾ ಶಮಯತಿ ೪

ರಥನ್ತರುಂ ಗಾರ್ಹಪತ್ಯ ಆಧೀಯಮಾನೇ ಗಾಯತ್ಯಯಂ ವೇ ಲೋಕೋ ರಥನ್ತರಮಯಂ ಗಾರ್ಹಪತ್ಯೋಽಸ್ಮಿಂಸ್ತೇನ ಲೋಕೇ ಪ್ರತಿತಿಷ್ಠತ್ಯಗ್ನಿಂ ಜ್ಯೋತಿರವರುನ್ದ್ಧೇ ವಾಮದೇವ್ಯಂ ದಕ್ಷಿಣಾಗ್ನಾ ಆಧೀಯಮಾನೇ ಗಾಯತ್ಯನ್ತರಿಕ್ಷಂ ವೇ ವಾಮದೇವ್ಯಮನ್ತರಿಕ್ಷಂ ದಕ್ಷಿಣಾಗ್ನಿರನ್ತರಿಕ್ಷೇ ತೇನ ಪ್ರತಿತಿಷ್ಠತಿ ವಾಯುಂ ಜ್ಯೋತಿರವರುನ್ದ್ಧೇ ಬೃಹದಾಹವನೀಯ ಆಧೀಯಮಾನೇ ಗಾಯತ್ಯಸೌ ವೇ ಲೋಕೋ ಬೃಹದಸಾ ಆಹವನೀಯೋಽಮುಷ್ಮಿಂಸ್ತೇನ ಲೋಕೇ ಪ್ರತಿತಿಷ್ಠತಿ ಸೂರ್ಯಂ ಜ್ಯೋತಿರವರುನ್ದ್ಧೇ । ತದಾಹುರುಪಧೀತಾ ವಾ ಏತಸ್ಯಾಗ್ನಯೋ ಯಸ್ಯಾಧೀಯಮಾನೇ ಸಾಮಾನಿ ಗೀಯನ್ತೇ ವತ್ಸಾ ಹಿ ಸಾಮಾನ್ಯಗ್ನೀನಾಂ ತೇಽಸ್ಮೈ ನ ಸರ್ವಾ ಆಶಿಷೋ ದುಹ್ರೇ ತಸ್ಮಾತ್ಸಾಮಾನಿ ನ ಗೇಯಾನ್ಯಗ್ನೀನಾ-ಮವಿದೋಹಾಯ ಸೋಮಸ್ಯ ವಾ ಏತಾಃ ಪ್ರಿಯಾಸ್ತನ್ವೋ ಯತ್ಸಾಮಾನಿ ಯದನ್ಯತ್ರ ಗೀಯೇರನ್ಸೋಮಂ ಪ್ರಿಯಾಭಿಸ್ತನೂಭಿರ್ವ್ಯರ್ಧಯೇರನ್ನನುಪನಾಮುಕ ಏನಂ ಸೋಮಃ ಸ್ಯಾತ್ತಸ್ಮಾತ್ಸಾಮಾನಿ ನ ಗೇಯಾನಿ ಸೋಮಸ್ಯೋಪನತ್ಯಾ । ಅಗ್ನಿಮಾದಧಾನಃ ಸಾಯಮತಿಥಿಂ ಬ್ರಾಹ್ಮಣಂ ನಾಪರುನ್ಧೀತ ಸೂರ್ಯೇಣ ಸಹೇಯಿವಾಂಸಂ ಸೂರ್ಯೋ ವೇ ಸಾಯಂ ಬ್ರಾಹ್ಮಣಂ ಪ್ರವಿಶತಿ ಯ ಆಹಿತಾಗ್ನೇರತಿಥಿರ್ಭವತಿ ಸ ತೃಪ್ತೋಽಗ್ನಿಂ ಪ್ರವಿಶತಿ ತಸ್ಮಾನ್ನಾಪರೋದ್ಧವ್ಯೋ ನಾಸ್ಯಾನಾಶ್ವಾನ್ಬ್ರಾಹ್ಮಣೋ ಗೃಹೇ ವಸೇತ್ಪ್ರಜಾಂ ಚಾಸ್ಯ ಪಶೂಂಶ್ಚ ಸಾಧುಕೃತ್ಯಾಶ್ಚಾಶ್ನೀಯಾದ್ದಾನಾಯ ಹ್ಯೇಷೋಽಗ್ನಿಮಾಧತ್ತೇ ಸಾಯಂ ಪ್ರಾತರುದಿತೇಽಗ್ನಾ ಅಹುತೇ ನಾಶ್ನೀಯಾದತಿಥಿರ್ವಾ ಏಷ ಆಹಿತಾಗ್ನೇಃ ಪೂರ್ವಂ ಹ್ಯತಿಥಿಮಾಶಯನ್ತಿ । ಋಬೀಸೇನ ಪಕ್ವಂ ನಾಶ್ನೀಯಾಚ್ಛಮಲಂ ವಾ ಏತದಗ್ನೇಃ ಸ್ವಕೃತ ಇರಿನೇ ನಾವಸ್ಯೇತ್ಕ್ಲಿನ್ನಂ ದಾರು ನಾಭ್ಯಾದದ್ಯಾದನಾಗ್ನೇಯಂ ಹ್ಯೇತನ್ನಾವ್ಯುದಕಮ್ನಾಚಾಮೇದ್ಯೋ ವೇ ನಾವ್ಯಗ್ನಿಃ ಸ ಆಹಿತಾಗ್ನಿಮಾ-ರೋಹತಿ ತಸ್ಯ ಶಾನ್ತ್ಯೈ ನಾನೃತಂ ವದೇಚ್ಛಮಲಂ ವಾ ಏತದ್ವಾಚೋ ಯದನೃತಂ ಶಮಲಗೃಹೀತಃ ಸ್ಯಾದ್ದ್ವಾದಶ ರಾತ್ರೀರಾಜ್ಯೇನಾಗ್ನಿಹೋತ್ರಂ ಜುಹುಯಾನ್ನವಜಾತಾ ವಾ ಏತಸ್ಯಾಗ್ನಯೋ ಯಥಾ ಕುಮಾರಂ ನವಜಾತಂ ಸರ್ಪಿರಾಶಯನ್ತ್ಯೇವಮೇವ ತದಜಸ್ರೋಽಗ್ನಿರ್ಭವತಿ ರಕ್ಷಾಂಷಿ ವೇ ಭೂತಂ ಸಂಸಞ್ಚನ್ತೇ ಭೂತ ಏವೇಷ ದೇವಾನಾಂ ಯೋಽಗ್ನಿಮಾಧತ್ತೇ ಽಗ್ನಿರ್ದೇವಾನಾಂ ರಕ್ಷೋಹಾ ರಕ್ಷಸಾಮಪಹತ್ಯಾ । ಅಹತಂ ವಸೀತ ಮೇಧ್ಯತ್ವಾಯಾಥೋ ಸತೇಜಸ್ತ್ವಾಯಾ ಽಧ್ವರ್ಯವೇ ವಾಸಸೀ ಪರಿಹಿತೇ ದದಾತ್ಯೇಷ ಹ್ಯೇನಂ ವಿರಾಜಿ ಪ್ರತಿಷ್ಠಾಪಯತಿ ತದೇಷಾಭ್ಯನೂಕ್ತಾ । ಉಚ್ಚಾ ದಿವಿ ದಕ್ಷಿಣಾವನ್ತೋ ಅಸ್ಥುರ್ಯೇ ಅಶ್ವದಾಃ ಸಹ ತೇ ಸೂರ್ಯೇಣ ಹಿರಣ್ಯದಾ ಅಮೃತತ್ವಂ ಭಜನ್ತೇ ವಾಸೋದಾಃ ಸೋಮ ಪ್ರತಿರನ್ತ ಆಯುರಿತ್ಯಗ್ನೀಷೋಮೀಯೇ ಪತ್ಯಾ ವಸನೇ ದದಾತಿ ಸಮೇವ ಜೀರ್ಯತೋ ಮಿಥುನೌ ಗಾವೌ ದೇಯೌ ಮಿಥುನಸ್ಯಾವರುದ್ಧ್ಯಾ ಅಥೋ ಬ್ರಹ್ಮಚಾರೀ ಭವತ್ಯಾತ್ಮನೋ ಗೋಪೀಥಾಯ ೫

ಗಾರೋ ವಾ ಏಷೋಽಗ್ನೀನಾಂ ಯದ್ಗಾರ್ಹಪತ್ಯೋ ಽಯಂ ವಾವೇಕ ಆಸೀನ್ನಾಹವನೀಯೋ ನ ದಕ್ಷಿಣಾಗ್ನಿಸ್ತೇ ದೇವಾಃ ಸಹ ಜಾಯಾಭಿರ್ಗಾರ್ಹಪತ್ಯೇಽನ್ನಾದ್ಯಮಪಚಂಸ್ತೇ ಪಕ್ತ್ವಾ ಸಮಶನಂ ಪ್ರಾಶ್ನನ್ಯಾ ದೇವ-ಪತ್ನಯಸ್ತಾ ಹಿ ಯನ್ತೀನ್ನ ಪ್ರಾಶ್ನನ್ತೀತಿ ತೇ ದೇವಾ ಅವಿದುರ್ಯಜ್ಞವೇಶಸಮಿದಂ ಕುರ್ಮೇತ್ಯಗ್ನಿಂ ವಿಭಜಾಮೇತ್ಯಗ್ನಿಂ ವ್ಯಭಜಂಸ್ತಸ್ಯ ಯೋಽಗ್ನೇಸ್ತೃತೀಯೋ ಭಾಗಸ್ತಂ ದೇವಾಃ ಶ್ವೋ ಭೂತೇ ಪ್ರಾಞ್ಚಮನಯನ್ಸ ದೇವೇಭ್ಯ ಆಹವನೀಯೋಽಭವತ್ತದಾಹವನೀಯಸ್ಯಾಹವನೀಯತ್ವಂ ತಸ್ಮಾಚ್ಛ್ವಃ ಶ್ವಃ ಪ್ರಾಙ್ಪ್ರ-ಣೀಯತೇ ತಸ್ಯ ಯೋಽಗ್ನೇಸ್ತೃತೀಯೋ ಭಾಗಸ್ತಂ ದೇವಪಿತರಃ ಪರ್ಯಗೃಹ್ಣನ್ದಕ್ಷಿಣತೋಽನಯನ್ಸ ದಕ್ಷಿಣಾಗ್ನಿರಭವತ್ತದ್ದಕ್ಷಿಣಾಗ್ನೇರ್ದಕ್ಷಿಣಾಗ್ನಿತ್ವಂ ಯಥಾ ವೇ ವೃಷಲಯೋನಿಜಃ ಪುತ್ರಕಃ ಸರ್ವ-ಮತ್ತಿ ಮೇಧ್ಯಂ ಚಾಮೇಧ್ಯಂ ಚೈವಂ ವೇ ಭ್ರಾಷ್ಟ್ರಾಗ್ನಿಃ ಸರ್ವಮತ್ತಿ ಮೇಧ್ಯಂ ಚಾಮೇಧ್ಯಂ ಚಾಽಸುರ್ಯೋ ವಾ ಏಷ ಯದ್ಭ್ರಾಷ್ಟ್ರಾಗ್ನಿರ್ಯತ್ತಸ್ಮಿಞ್ಜುಹೋತ್ಯಸುರ್ಯಾ ಅಸ್ಯಾಹುತಯೋ ಭವನ್ತ್ಯಸುರೇಭ್ಯೋ ವಾ ಏಷ ಪುರಾ ಪಕ್ವಂ ಪಚತಿ ನ ಪಿತೃಭ್ಯೋಽಥ ಯಃ ಕಾಮಯೇತಾಮಪಕ್ವಂ ಮೇ ಪಿತೃಭ್ಯೋ ಭಾಗಧೇಯಂ ಭವತ್ವಿತಿ ಗಾರ್ಹಪತ್ಯಾದಗ್ನಿಂ ಪ್ರಣೀಯಾಹುತೀರ್ಜುಹುಯಾದಾಮಪಕ್ವಮೇವಾಸ್ಯ ಪಿತೃಭ್ಯೋ ಭಾಗಧೇಯಂ ಭವತಿ ತಸ್ಯ ಯಸ್ತೃತೀಯೋ ಭಾಗಸ್ತಂ ದೇವಪತ್ನಯಃ ಪರ್ಯಗೃಹ್ಣನ್ಸ ಗಾರ್ಹಪತ್ಯೋಽಭವತ್ತದ್ಗಾರ್ಹಪತ್ಯಸ್ಯ ಗಾರ್ಹಪತ್ಯತ್ವಂ ತಸ್ಮಾತ್ಪರಿಶ್ರಿತೇ ಗಾರ್ಹಪತ್ಯೇ ಪತ್ನೀಃ ಸಂಯಾಜಯನ್ತ್ಯಾಜ್ಯಹವಿಷೋ ಭವನ್ತಿ ರೇತೋ ವಾ ಆಜ್ಯಂ ರೇತಸಃ ಪ್ರಜಾಃ ಪ್ರಜಾಯನ್ತೇ ಪ್ರಜನನಾಯ । ಮಣ್ಡಲಂ ಗಾರ್ಹಪತ್ಯಸ್ಯ ಲಕ್ಷಣಂ ಕುರ್ಯಾನ್ಮಣ್ಡಲೋ ಹ್ಯಯಂ ಲೋಕೋಽನೇನ ಲೋಕೇನ ಸಂಮಿತಂ ಚನ್ದ್ರಾ ರ್ಧಂ ದಕ್ಷಿಣಾಗ್ನೇಶ್ಚನ್ದ್ರಾ ರ್ಧಂ ಹ್ಯನ್ತ-ರಿಕ್ಷಮನ್ತರಿಕ್ಷೇಣ ಸಂಮಿತಂ ಸ್ವರ್ಗೋ ಲೋಕಶ್ಚತುರಶ್ರಸ್ತಸ್ಮಾದಾಹವನೀಯಶ್ಚತುರಶ್ರಃ ಸ್ವರ್ಗಸ್ಯ
ಲೋಕಸ್ಯ ಸಮಷ್ಟ್ಯೈ ೬

ಬ್ರಹ್ಮವಾದಿನೋ ವದನ್ತಿ ದೇವಾನಾಂ ವಾ ಏತಾನ್ಯಾಯತನಾನಿ ಯದ್ಗಾರ್ಹಪತ್ಯಶ್ಚ ದಕ್ಷಿಣಾ-ಗ್ನಿಶ್ಚಾಹವನೀಯಶ್ಚ ಮಣ್ಡಲಂ ಗಾರ್ಹಪತ್ಯಸ್ಯ ಲಕ್ಷಣಂ ಕುರ್ಯಾನ್ಮಣ್ಡಲೋ ಹ್ಯಯಂ ಲೋಕೋ-ಽಷ್ಟಾವಿಂಶತ್ಯಙ್ಗುಲೋ ಭವತಿ ಶಕ್ವರ್ಯಾ ಸಂಮಿತಃ ಸಪ್ತಪದಾ ಶಕ್ವರೀ ಶಾಕ್ವರಾಃ ಪಶವಃ ಪಶೂನೇವಾವರುನ್ದ್ಧೇ । ಚನ್ದ್ರಾ ರ್ಧಂ ದಕ್ಷಿಣಾಗ್ನೇಶ್ಚನ್ದ್ರಾ ರ್ಧಂ ಹ್ಯನ್ತರಿಕ್ಷಮನ್ತರಿಕ್ಷೇಣ ಸಂಮಿತಂ ದೇವ-ತಾನಾಂ ವಾ ಏತದನ್ನಂ ಯಚ್ಚನ್ದ್ರ ಮಾ ದೇವತಾ ಏವಾಸ್ಯಾನ್ನಮಾದಯತಿ ದ್ವಾತ್ರಿಂಶದಙ್ಗುಲೋ ಭವ-ತ್ಯನುಷ್ಟುಭಾ ಸಂಮಿತೋಽನುಷ್ಟುಭಾ ವೀರ್ಯಂ ಕರೋತ್ಯನುಷ್ಟುಭೇವ ವೀರ್ಯೇಣ ಯಜಮಾನಂ ಸಮರ್ಧಯತಿ । ಚತುರಶ್ರಮಾಹವನೀಯಸ್ಯ ಕುರ್ಯಾಚ್ಚತುರಶ್ರೋ ಹ್ಯಸೌ ಲೋಕೋಽರತ್ನಿಮಾತ್ರೋ ಭವತ್ಯೇತಾವಾನ್ಹ್ಯಾತ್ಮಾ ಪ್ರಜಾಪತಿನಾ ಸಂಮಿತೋಽನ್ನಂ ವೇ ಪ್ರಜಾಪತಿರನ್ನಾದ್ಯೇನೈವೇನಂ ಸಮರ್ಧಯತಿ । ಹುತ್ವಾಗ್ನೀನವ-ಸೃಜೇತ್ಪ್ರಜಯಾ ಚ ಪಶುಭಿಶ್ಚ ಪ್ರಜಾಯತೇ ಽಥಾಹುರವಸೃಷ್ಟೋ ಹ್ಯೃಷಭೋ ವರ್ಧತ ಇತಿ ದಿವೋ ಮಾತ್ರಯಾ ವರಿಣಾ ಪ್ರಥಸ್ವೇತಿ ಪ್ರಥಯತ್ಯೇವ ಯಥಾ ದೀಪ್ಯಮಾನೋ ಭೂಯೋಽಭ್ಯಾದಧಾತ್ಯೇವಮೇವಾಸ್ಮಿಂ-ಸ್ತದಭಿಪೂರ್ವಂ ತೇಜೋ ದಧಾತಿ ತದಾಹುಃ ಕಃ ಶ್ರೇಯಾಂಸಂ ವಿಷುಪ್ತಂ ಬೋಧಯಿತುಮರ್ಹತೀತಿ ತಸ್ಮಾನ್ನಾ-ವಸೃಜೇದ್ । ಯ ಏವಮೇಷಾಮಾಯತನಂ ವೇದಾಯತನವಾನ್ಭವತಿ ಯಸ್ಯೈವಂ ವಿದುಷೋ ಯಸ್ಯೈವಂ
ವಿದ್ವಾನಗ್ನೀನ್ವಿಹರತಿ ವಸೀಯಾನ್ಭವತಿ ೭

ದೇವಾ ವೇ ಸರ್ವೇ ಸಮೇತ್ಯ ಪ್ರಜಾಪತಿಮಪೃಚ್ಛನ್ಕುತಸ್ತ್ರೇತಾಗ್ನಿರ್ಭವಿಷ್ಯತೀತಿ ಸ ಊರ್ಧ್ವಪಾ-ದೋಽಧಸ್ತಾದ್ಭೂಮ್ಯಾಂ ಶಿರಃ ಕೃತ್ವಾ ದಿವ್ಯಂ ವರ್ಷಸಹಸ್ರಂ ತಪೋಽತಪ್ಯತ ತಸ್ಯಾಶ್ರೂಣಿ ಪರಾಪತನ್ನಶ್ರುಷ್ವೇವಾಶ್ವೋಽಜಾಯತ ಸ ವ್ಯವರ್ತತ ಸ ವ್ಯಧೂನುತ ಸ ಶಕೃದಕರೋತ್ಸ ಪರಾವೃತ್ಯಾಜಿಘ್ರತ್ತತಃ ಶಕಾಛ್ವಸ್ಯಜಾಯತ ತತ್ಪಾರ್ಶ್ವಾನ್ಮಧ್ಯಾಚ್ಚಾಶ್ವಸದ್ಯತ್ಪಾರ್ಶ್ವಾನ್ಮಧ್ಯಾ-ಚ್ಚಾಶ್ವಸತ್ತದಶ್ವತ್ಥೋಽಜಾಯತ ತಸ್ಯ ವೇದೋ ಮೂಲಂ ಪರ್ಣಾನಿ ಛನ್ದಾಂಸಿ ಶಾಖಾಃ ಶಾಖಾ-ನ್ತರಾಣ್ಯೇವಮೇಷ ಸ ಶಮೀಗರ್ಭಸ್ತಚ್ಛಮೀಗರ್ಭಸ್ಯ ಶಮೀಗರ್ಭತ್ವಮ್ ೮

ದೇವಾ ವೇ ಸರ್ವೇ ಸಮೇತ್ಯ ಪ್ರಜಾಪತಿಮಪೃಚ್ಛನ್ಕಿಂ ವಾಯಮಗ್ನಿರ್ಮಿಥುನಾತ್ಸಂಭವತ್ಯಥೋ ಅರಣ್ಯಾ ಅಥೋತ್ತರಾದಿತಿ ತಾನ್ಪ್ರಜಾಪತಿರಬ್ರವೀದ್ಯಥಾ ವೇ ಪುರುಷಃ ಸ್ತ್ರಿಯಮುಪೇತ್ಯ ತತಸ್ತ್ರಿಗುಣಾ-ನ್ಮಿಥುನಾತ್ಪರಿಮಥ್ಯಮಾನಾತ್ಪುರುಷಾದ್ರೇ ತಃ ಸಂಭವತ್ಯೇತದ್ವೈ ವಿಷ್ಣುರೂಪಂ ಯದುತ್ತರಾರಣಿಸ್ತ-ದ್ಗಾಯತ್ರ್! ಯಾ ರೂಪಂ ತಸ್ಮಾದೇತಸ್ಮಾನ್ಮಿಥುನಾದಗ್ನಿರ್ಮಥ್ಯಮಾನೋ ಜಾಯತೇ ದ್ವಾದಶಾಙ್ಗುಲ ಉತ್ತರೋ ಭವತಿ ದ್ವಾದಶ ಮಾಸಾಃ ಸಂವತ್ಸರಃ ಸಂವತ್ಸರಸ್ಯಾಪ್ತ್ಯೈ ತ್ರ್! ಯೋದಶಾಙ್ಗುಲಂ ಛತ್ತ್ರಂ ಭವತಿ ತ್ರಯ ಇಮೇ ಲೋಕಾ ದಷ ಮಾಸಾಃ ಸಂವತ್ಸರಃ ಸಂವತ್ಸರಸ್ಯಾಪ್ತ್ಯೈ ತ್ರಿಷವಣಂ ನೇತ್ರಂ ಭವತಿ ತ್ರಯ ಇಮೇ ಲೋಕಾ ಏಷ್ವೇವ ಲೋಕೇಷ್ವೃಧ್ನೋತಿ ೯

ಅಗ್ನಿರ್ವೈ ದೇವೇಭ್ಯೋಽಪಾಕ್ರಾಮತ್ಸ ಪ್ರತ್ಯಙ್ಙುದದ್ರ ವತ್ತಸ್ಮಾದಧ್ವರ್ಯುಃ ಪ್ರತ್ಯಙ್ಮುಖೋಽಗ್ನಿಂ ಮನ್ಥತಿ ಯತ್ಪ್ರತ್ಯಙ್ಮುಖೋಽಗ್ನಿಂ ಮನ್ಥತಿ ತಮೇವಾಗ್ನಿಮಾಹ್ವಯತೇ ತ್ವೇಷಸ್ತೇ ಧೂಮ ಋಣ್ವತೀತಿ ಯದ್ಧೂಮೇ ಸಾಮ ಗಾಯತಿ ದೇವೇಭ್ಯ ಏವೇನಂ ನಿವೇದಯತಿ ಗಾತುವಿತ್ತಮಮಿತಿ ಯದಗ್ನೌ ಸಾಮ ಗಾಯತಿ ದೇವೇಭ್ಯ ಏವೇನಂ ನಿವಿದಂ ಕರೋತಿ ಬಾಲೋ ವಾ ಏಷೋಽಗ್ನಿಸ್ತೇಜಸ್ವೀನಿ ಸಾಮಾನಿ ತಸ್ಮಾದಗ್ನ್ಯಾಧೇಯೇ ಸಾಮಾನಿ ನ ಗೀಯನ್ತೇ ತೇಜೋ ಹ್ಯೇಷಾಮೇಷ ನ ಸಹತಿ ರೋದನ್ತಿ ವ ಆಹಿತಾಗ್ನೇರಗ್ನಯೋ ಯಸ್ಯ ಪ್ರಾಕ್ಸೋಮೇ ಸಾಮಾನಿ ಗೀಯನ್ತೇ ತಸ್ಮಾತ್ಸೋಮೇ ಗೇಯಾನಿ ನ ಪ್ರಾಕ್ಸೋಮೇ ಽಗ್ನೀನಾಮಗ್ನಿತ್ವಾಯಾಥೋ ಸತೇಜಸ್ತ್ವಾಯ ೧೦

ಚತುರ್ವಿಂಶತ್ಯಙ್ಗುಲಾರಣಿರ್ಭವತಿ ಚತುರ್ವಿಂಶತ್ಯಕ್ಷರಾ ಗಾಯತ್ರೀ ಗಾಯತ್ರ್! ಯಾ ಸಂಮಿತಾ ಷಡಙ್ಗುಲಪೃಥ್ವೀ ಷಡ್ವಾ ಋತವ ಋತುಷ್ವೇವ ಪ್ರತಿತಿಷ್ಠತ್ಯರೋ ವೇ ವಿಷ್ಣುಸ್ತಸ್ಯ ವಾ ಏಷಾ ಪತ್ನೀ ಯದರಣಿಸ್ತದರಣ್ಯಾ ಅರಣೀತ್ವಮ್ ತಸ್ಯಾ ಯಾನ್ಯಗ್ರೇ ಚತ್ವಾರ್ಯಙ್ಗುಲಾನಿ ತಚ್ಛಿರೋ ಯದನ್ಯಾನಿ ಚತ್ವಾರ್ಯಙ್ಗುಲಾನಿ ಸಾ ಗ್ರೀವಾ ಯದನ್ಯಾನಿ ಚತ್ವಾರ್ಯಙ್ಗುಲಾನಿ ತದುರಃ ಸ್ತನೋ ಬಾಹೂ ಪಾರ್ಶ್ವೇ ಪೃಷ್ಠಮುದರಂ ಚ ಯದನ್ಯಾನಿ ಚತ್ವಾರ್ಯಙ್ಗುಲಾನಿ ಸಾ ಶ್ರೋಣೀ ಯದನ್ಯಾನಿ ಚತ್ವ-ರ್ಯಙ್ಗುಲಾನಿ ತದೂರೂ ಜಾನುನೀ ಯದನ್ಯಾನಿ ಚತ್ವಾರ್ಯಙ್ಗುಲಾನಿ ತಜ್ಜಙ್ಘೇ ಪಾದಾ ಇತ್ಯೇತಾ-ವತೈವಾರಣಿಃ ಸರ್ವೈರಙ್ಗೈಃ ಸಂಪೂರ್ಣಾ ಭವತಿ ಯಚ್ಛೀರ್ಷ್ಣಿ ಮನ್ಥತಿ ಶಿರೋರೋಗೇಣ ಯಜಮಾನಃ ಪ್ರಮೀಯತೇ ಯದಾಸ್ಯೇ ವಾಗ್ವಿಕಲೋ ಭವತಿ ಯದ್ಗ್ರೀವಾಯಾಂ ತದ್ಗದ್ಗದೋ ಭವತಿ ಯದಂಸಯೋ-ಸ್ತತ್ಪಕ್ಷಹತೋ ಭವತಿ ಯದುದರೇ ಕ್ಷುಧಾ ಯಜಮಾನಃ ಪ್ರಮೀಯತೇ ಯದೂರ್ವೋಸ್ತದ್ಯಾತುಧಾ-ನಾನಾಂಙ್ಘಯೋಸ್ತತ್ಪಿಶಾಚಾನಾಂ ಯತ್ಪಾದಯೋಸ್ತತ್ಕ್ರವ್ಯಾದಾನಾಂ ಯಚ್ಛ್ರೋಣ್ಯಾಂ ಮನ್ಥತಿ ತತ್ಸ-ರ್ವೇಷಾಂ ದೇವಾನಾಂ ತೇನ ಯಜಮಾನಃ ಸ್ವರ್ಯೋ ಭವತಿ ಯ ಏವಂ ವೇದ ಪ್ರಥಮೇ ಮನ್ಥನೇ ಸ್ಥಾನಕಲ್ಪಾ ನಾನೇತರೇಷ್ವನೃತತ್ವಂ ಚ ಗಚ್ಛತಿ ಯ ಏವಂ ವೇದ ೧೧
ಇತ್ಯಗ್ನ್ಯಾಧೇಯಬ್ರಾಹ್ಮಣಮ್


ಅಮಾಬ್ರಾಹ್ಮಣಮ್
ದೇವಾಶ್ಚ ವಾ ಅಸುರಾಶ್ಚಾಪಾಂ ರಸಮಮನ್ಥಂಸ್ತಸ್ಮಾನ್ಮಥ್ಯಮಾನಾದಮೃತಮುದತಿಷ್ಠತ್ತತೋ ಯಃ ಸರ್ವತೋ ರಸಃ ಸಮಸ್ರವತ್ಸ ಸೋಮಸ್ತತ್ಸೋಮಸ್ಯ ಸೋಮತ್ವಂ ಚನ್ದ್ರ ಮಾ ವೇ ಸೋಮಸ್ತಂ ದೇವಾಃ ಕಲಶೋ ಭಕ್ಷಯನ್ತಿ ಷೋಡಶಕಲಃ ಪುರುಷೋ ಲೋಮೇತಿ ದ್ವೇ ಅಕ್ಷರೇ ತ್ವಗಿತಿ ದ್ವೇ ಅಸೃಗಿತಿ ದ್ವೇ ಮಾಂಸಮಿತಿ ದ್ವೇ ಸ್ನಾಯ್ವಿತಿ ದ್ವೇ ಅಸ್ಥೀತಿ ದ್ವೇ ಮೇದ ಇತಿ ದ್ವೇ ಮಜ್ಜೇತಿ ದ್ವೇ ತಾಃ ಷೋಡಶ ಸಂಪದ್ಯನ್ತೇ ಸ ಏಷ ಷೋಡಶಕಲಃ ಪುರುಷಃ ಸೋಮಸ್ಯ ತಸ್ಯ ವಸವಃ ಪಞ್ಚ ಕಲಾ ಅಭಕ್ಷಯನ್ತ ಪೃಥಿವೀಂ ಪಾತ್ರಂ ಕೃತ್ವಾ ತೇಽಮೃತತ್ವಮಕಾಮಯನ್ತ ತೇಽಮೃತತ್ವಮಜಯಂಸ್ತತೋ ವೇ ತೇಽಮೃತಾಸ್ತೃಪ್ತಾಃ ಪ್ರೀತಾ ಅಭವಂಸ್ತಸ್ಯ ರುದ್ರಾ ಃ! ಪಞ್ಚ ಕಲಾ ಅಭಕ್ಷಯನ್ತಾನ್ತರಿಕ್ಷಂ ಪಾತ್ರಂ ಕೃತ್ವಾ ತೇಽಮೃತತ್ವಮ-ಕಾಮಯನ್ತ ತೇಽಮೃತತ್ವಮಜಯಂಸ್ತತೋ ವೇ ತೇಽಮೃತಾಸ್ತೃಪ್ತಾಃ ಪ್ರೀತಾ ಅಭವಂಸ್ತಸ್ಯಾದಿತ್ಯಾಃ ಪಞ್ಚ ಕಲಾ ಅಭಕ್ಷಯನ್ತ ದಿವಂ ಪಾತ್ರಂ ಕೃತ್ವಾ ತೇಽಮೃತತ್ವಮಕಾಮಯನ್ತ ತೇಽಮೃತತ್ವಮಜಯಂಸ್ತತೋ ವೇ ತೇಽಮೃತಾಸ್ತೃಪ್ತಾಃ ಪ್ರೀತಾ ಅಭವನ್ನೇಕಾ ಕಲೋದಶಿಷ್ಯತ ತಾಂ ಪ್ರಜಾಪತಿಃ ಸಿನೀವಾಲ್ಯಾ ಅದದಾತ್ತಯೇಹ ಪಶುಷು ವನಸ್ಪತಿಷ್ವೋಷಧೀಷು ಚಾಮಾವಸದ್ಯದಮಾವಸತ್ತದಮಾವಸ್ಯಾಯಾ ಅಮಾವಸ್ಯಾತ್ವಮ್ ತಯಾ ಪ್ರಾತರ್ದದರ್ಶ ಯದ್ದದರ್ಶ ತದ್ದರ್ಶಸ್ಯ ದರ್ಶತ್ವಂ ತಂ ದೇವಾ ಯಾಗತ ಆಪ್ಯಾಯಿತಾಃ ಪುನರಪ್ಯಾಪ್ಯಾಯಯನ್ತ ಸ ಪೂರ್ಣಃ ಪೌರ್ಣಮಾಸೀಮುಪಾವಸತ್ತತ್ಪೌರ್ಣಮಾಸ್ಯಾಃ ಪೌ-ರ್ಣಮಾಸೀತ್ವಂ ತಸ್ಮಾದಾಹುರ್ದರ್ಶಪೂರ್ಣಮಾಸಯಾಜಾಈಂಁ! ಲ್ಲೋಕಾನಭಿಜಯನ್ನೇತಿ ಸೋಮಸ್ಯ ಸಾರ್ಷ್ಟಿತಾಂ ಸಾಯುಜ್ಯಂ ಸಲೋಕತಾಮಾಪ್ನೋತಿ ಯ ಏವಂ ವಿದ್ವಾನ್ದರ್ಷಪೂರ್ಣಮಾಸಾಭ್ಯಾಂ ಯಜತೇ
ಇತಿ ಅಮಾಬ್ರಾಹ್ಮಣಮ್

ಬ್ರಾಹ್ಮಣಮ್
ಚತ್ವಾರಿ ಶೃಙ್ಗಾ ಇತಿ ವೇದಾ ವಾ ಏತದುಕ್ತಾಃ
ತ್ರಯೋ ಅಸ್ಯ ಪಾದಾ ಇತಿ ತ್ರೀಣಿ ಸವನಾನಿ
ದ್ವೇ ಶೀರ್ಷೇ ಇತಿ ಪ್ರಾಯಣೀಯೋದಯನೀಯೇ
ಸಪ್ತ ಹಸ್ತಾಸ ಇತಿ ಸಪ್ತ ಛನ್ದಾಂಸಿ
ತಸ್ಮಾತ್ಸಪ್ತಾರ್ಚಿಷಃ ಸಪ್ತ ಸಮಿಧಃ ಸಪ್ತ ಇಮೇ ಲೋಕಾ
ಯೇಷು ಚರನ್ತಿ ಪ್ರಾಣಾ ಗುಹಾಶಯಾ ನಿಹಿತಾಃ ಸಪ್ತ ಸಪ್ತ
ತ್ರಿಧಾ ಬದ್ಧ ಇತಿ ತ್ರೇಧಾ ಬದ್ಧೋ ಮನ್ತ್ರಬ್ರಾಹ್ಮಣಕಲ್ಪೈಃ
ಋಷಭೋ ರೌರವೀತಿ ರೌರವಣಮಸ್ಯ ಸವನಕ್ರಮೇಣ
ಋಗ್ಭಿರ್ಯಜುರ್ಭಿಃ ಸಾಮಭಿರಥರ್ವಭಿರ್ಯದೇನಮೃಗ್ಭಿಃ ಶಂಸನ್ತಿ ಯಜುರ್ಭಿರ್ಯಜನ್ತಿ ಸಾಮಭಿಃ
ಸ್ತುವನ್ತ್ಯಥರ್ವಭಿರ್ಜಪನ್ತಿ । ಮಹೋ ದೇವ ಇತಿ ಮಹಾದೇವೋ । ಮರ್ತ್ಯಾಁ ಆವಿವೇಶ ಮನುಷ್ಯಾ-ಣಾಂ ತಸ್ಯೋತ್ತರಾ ಭೂಯಾಂಸಿ ನಿರ್ವಚನಾಯ । ಚತ್ವಾರಿ ಶೃಙ್ಗಾ ಚತುರ್ಮುಖಾಶ್ಚತುರ್ವೇದಾಶ್ಚತುರ್ಯುಗಾ ಅಗ್ನಯಶ್ಚತ್ವಾರೋಽಭವನ್
ಸ್ವಯಂ ಕೈಲಾಸಪರ್ವತೋ ನಾಮ ಏಕೋ ಭವತಿ ತದೇಕಶೃಙ್ಗಂ ದ್ವಿಶೃಙ್ಗಂ ದಶಶೃಙ್ಗಂ ದ್ವಾದಶಶೃಙ್ಗಂ
ವಿಂಶಶೃಙ್ಗಂ ದ್ವಾವಿಂಷಶೃಙ್ಗಂ ತ್ರಿಂಶಶೃಙ್ಗಂ ದ್ವಾತ್ರಿಂಶಶೃಙ್ಗಂ ಶತಶೃಙ್ಗಂ ಸಹಸ್ರಶೃಙ್ಗಂ ಕೋಟಿಶೃಙ್ಗಮನ-ನ್ತಶೃಙ್ಗಂ ಮೇರುಶೃಙ್ಗಂ ಸ್ಫಟಿಕಶೃಙ್ಗಂ ಪಿತೃಶೃಙ್ಗಂ ಮನುಷ್ಯಶೃಙ್ಗಂ ದ್ವಾದಶಾದಿತ್ಯಾನಾಂ ಪೂರ್ವಾಪಾರಂ ಮುನಯೋ ವದನ್ತಿ ಸರ್ವಮಾಯುಃ ಸರ್ವಮೇತ್ಯಾಯುಃ ಸರ್ವಮೇತಿ ಯ ಏವಂ ವೇದ

ಗ್ರಹೇಷ್ಟಿಬ್ರಾಹ್ಮಣಮ್
ದೇವಾಶ್ಚ ವಾ ಅಸುರಾಶ್ಚ ಸಮಾವದೇವ ಯಜ್ಞೇಽಕುರ್ವತ ಯದೇವ ದೇವಾ ಅಕುರ್ವತ ತದಸುರಾ ಅಕುರ್ವತ ತೇ ದೇವಾ ಏತಾನಿ ಗ್ರಹಹವೀಁ ಷ್ಯಪಶ್ಯಁ ಸ್ತೈರಿನ್ದ್ರ ಮಯಾಜಯಁ ಸ್ತ ಅಸುರಾ ನಾನ್ವವಾಯಁ ಸ್ತತೋ ದೇವಾ ಅಭವನ್ಪರಾಸುರಾ ಅಭವನ್ಯ ಏವಂ ವಿದ್ವಾನೇತಾನಿ ಗ್ರಹಹವೀಁ ಷಿ ಯಜತೇ ಭ್ರಾತೃವ್ಯಸ್ಯಾನನ್ವ-ವಾಯಾಯ ಭವತ್ಯಾತ್ಮನಾ ಪರಾಸ್ಯ ಭ್ರಾತೃವ್ಯೋ ಭವತ್ಯಾದಿತ್ಯಾಯ ಘೃತೇ ಚರುಂ ನಿರ್ವಪೇತ್ತೇಜಸ್ತೇನ ಪರಿಕ್ರೀಣಾತಿ ಶೌಕ್ರಂ ಚರುಂ ಬ್ರಹ್ಮವರ್ಚಸಂ ತೇನ ಪರಿಕ್ರೀಣಾತಿ ಬೃಹಸ್ಪತಯೇ ನೈವಾರಂ ಪಯಸಿ ಚರುಂ ವಾಕ್ಪತ್ಯಂ ತೇನ ಪರಿಕ್ರೀಣಾತಿ ಬೋಧಾಯ ವವಕಪಾಲಂ ಬುದ್ಧಿಂ ತೇನ ಪರಿಕ್ರೀಣಾತಿ ಭೌಮಾಯೇಕಕಪಾಲಂ ಯಶಸ್ತೇನ ಪರಿಕ್ರೀಣಾತಿ ಸೌರಾಯ ಪಲಲಮಿಶ್ರಂ ಘೃತೇ ಚರುಂ ಸುರಭಿಂ ತೇನ ಪರಿಕ್ರೀಣಾತಿ ಚನ್ದ್ರ ಮಸೇ ಪಞ್ಚದಶಕಪಾಲಮಾಯುಸ್ತೇನ ಪರಿಕ್ರೀಣಾತಿ ರಾಹವೇ ಚರುಮಭಯಂ ತೇನ ಪರಿಕ್ರೀಣಾತಿ ಕೇತಾವೇ ಚರುಮನಪರೋಧಂ ತೇನ ಪರಿಕ್ರೀಣಾತ್ಯೇತಾನ್ಯೇವ ಸರ್ವಾಣಿ ಭವತಿ ಯ ಏವಂ ವಿದ್ವಾನೇತಯಾ ಯಜೇತ । ಆಜ್ಯೇನೋಪಹೋಮಾಞ್ಜುಹೋತ್ಯಾಶಿಷಾಮವರುದ್ಧ್ಯಾ ಏತಯಾ ಯಜೇತ ಯಃ ಕಾಮಯೇತ ತೇಜಸ್ವೀ ಭ್ರಾಜಸ್ವೀ ವಾಕ್ಪತಿರ್ಬುದ್ಧಿಮಾನ್ಯಶಸ್ವೀ ಸುರಭಿರಾಯುಷಾಂನಭ-ಯ್ಯನಪರುದ್ಧೀ ಸ್ಯಾಮಿತ್ಯೇಕಚಕ್ರಮುದಯಾದ್ಭ್ರಾಜಮಾನಮಿತ್ಯಷ್ಟಾದಶ ಯಾಜ್ಯಾಣುವಾಕ್ಯಾ ಭವ-ನ್ತಿ ಸರೂಪತ್ವಾಯಾ ಽಗ್ನಿರ್ಹಿರಣ್ಯಂ ಸೋಮೋ ಹಿರಣ್ಯಮಿತ್ಯಾಜ್ಯಭಾಗೌ ಪ್ರೇದ್ಧೋ ಅಗ್ನ ಇಮೋ ಅಗ್ನ ಇತಿ ಸಂಯಾಜ್ಯೇ ಉಚ್ಚೈರ್ಯಜತ್ಯೇಷಾ ವೇ ವಾಚಾಮುತ್ತಮಾ ಯೋಚ್ಚೈರುತ್ತಮಃ ಸಮಾನಾನಾಂ ಭವತ್ಯಾದಿ-ತ್ಯಸ್ತೇಜಸ್ವೀತ್ಯುಪಹೋಮಾಞ್ಜುಹೋತಿ ಸರ್ವಸ್ಯಾಪ್ತ್ಯೈ ಸಾರ್ವಸ್ಯಾವರುದ್ಧ್ಯೈ ಯ ಏವಂ ವಿದ್ವಾನೇತಯಾ ಯಾಜೇತ

ಉಪನಯನಬ್ರಾಹ್ಮಣಮ್
ಬ್ರಹ್ಮಚರ್ಯಮಾಗಾಮಿತ್ಯಾಹ ಬ್ರಹ್ಮ ವೇ ಬ್ರಹ್ಮಾ ಬ್ರಹ್ಮಣೈವಾತ್ಮಾನಂ ಪರಿದಧಾತಿ ತಮ್ಪೃಚ್ಛತಿ ಕೋರ್ನಾಮಾಸೀತಿ ಪ್ರಜಾಪತಿರ್ವೈ ಕೋ ನಾಮ ಪ್ರಾಜಾಪತ್ಯಮೇವೇನಂ ಕೃತ್ವಾ ಬನ್ಧುಮನ್ತಮುಪನಯತಿ ಭೂರ್ಭುವಃ ಸ್ವರಿತ್ಯಾಹೇಮಾನೇವಾಸ್ಮೈ ತತ್ತ್ರೀಂ ಲ್ಲೋಕಾನನ್ನಾದ್ಯಾಯ ಪ್ರಯಚ್ಛತಿ ಭೂರಿತಿ ವಾ ಅಯಂ ಲೋಕೋ ಭುವರಿತ್ಯನ್ತರಿಕ್ಷಂ ಸ್ವರಿತ್ಯಸೌ ಲೋಕ ಇಮಾನೇವಾಸ್ಮೈ ತತ್ತ್ರೀನ್ವೇದಾನನ್ನಾದ್ಯಾಯ ಪ್ರಯಚ್ಛತಿ ಭೂರಿತಿ ವಾ ಋಚೋ ಭುವರಿತಿ ಯಜೂಂಷಿ ಸ್ವರಿತಿ ಸಾಮಾನ್ಯಧೀತೇ ಹೈತೇಷಾಂ ವೇದಾಣಾಮೇಕಂ ದ್ವೌ ತ್ರೀನ್ತ್ಸರ್ವಾನ್ವಾ ಯಮೇವಂ ವಿದ್ವಾನುಪನಯತೇ ತಮಾಹ ಕಾಯ ತ್ವಾ ಪರಿದದಾಮೀತಿ ಕೋ ವೇ ಪ್ರಜಾಪತಿಃ ಪ್ರಜಾಪತಯ ಏವೇನಂ ತತ್ಪರಿದದಾತಿ ನ ಬ್ರಹ್ಮಚರೀ ಮ್ರಿಯತೇ ನಾಸ್ಯ ಬ್ರಹ್ಮಚರೀ ಸಂಮ್ರಿಯತೇ ಯಮೇವಂ ವಿದ್ವಾನುಪನಯತೇ ತಮಾಹ ದೇವಾಯ ತ್ವಾ ಸವಿತ್ರೇ ಪರಿದದಾಮೀತಿ ಸವಿತಾ ಹ ವಾ ಇದಂ ಯದ್ಯತ್ಪ್ರಜಾಭ್ಯಃ ಪ್ರಸವತಿ ತತ್ತತ್ಕುರ್ವನ್ತಿ ಸ ಯದಾತ್ಮನಾ ಕುರ್ಯಾನ್ನ ತನ್ಮನ್ಯೇತಾಹಮಿದಂ ಕರೋಮೀತಿ ಸವಿತಾ ಮೇಽಸಾವೀದಿತ್ಯೇವ ತನ್ಮನ್ಯೇತ ಯದ್ಧ ವೇ ಕಲ್ಯಾಣಂ ತದಸ್ಮೈ ಸವಿತಾ ಪ್ರಸವತಿ ನಾಸ್ಮೈ ಪಾಪಁ ಸವಿತಾ ಪ್ರಸುವತೇ ಯಮೇವಂ ವಿದ್ವಾನುಪನಯತೇ ತಮಾಹ ಬೃಹಸ್ಪತಯೇ ತ್ವಾ ಪರಿದದಾಮೀತಿ ಬ್ರಹ್ಮ ವೇ ಬೃಹಸ್ಪತಿರ್ಬ್ರಹ್ಮಣ ಏವೇನಂ ತತ್ಪರಿದದಾತಿ ನ ಬ್ರಹ್ಮಚಾರೀ ಮ್ರಿಯತೇ ನಾಸ್ಯ ಬ್ರಹ್ಮಚಾರೀ ಸಂಮ್ರಿಯತೇ ಯಮೇವಂ ವಿದ್ವಾನುಪನಯತೇ ತಮಾಹ ಬ್ರಹ್ಮಚಾರ್ಯಸೀತಿ ಬ್ರಹ್ಮ ವಾ ಅನ್ನಾದ್ಯಮನ್ನಾದ್ಯಮೇವಾಸ್ಮಿಂಸ್ತದ್ದಧಾತ್ಯಥೋ ಅನ್ನಾದ್ಯಂ ವಾ ಅಮೃತಮಮೃತಮೇವಾಸ್ಮಿಂಸ್ತದ್ದಧಾತಿ ತಮಾಹಾಪೋಽಶಾನೇತ್ಯಾಪೋ ವಾ ಇದಂ ಸರ್ವಮಾ-ಪ್ನುವಂಸ್ತದೇನಮಾಹ ಸರ್ವಮಾಪ್ನುಹೀತ್ಯಾಪೋ ವಾ ಅನ್ನಾದ್ಯಮನ್ನಾದ್ಯಮೇವಾಸ್ಮಿಂಸ್ತದ್ದಧಾತ್ಯಥೋ ಅನ್ನಾದ್ಯಂ ವಾ ಅಮೃತಮಮೃತಮೇವಾಸ್ಮಿಂಸ್ತದ್ದಧಾತಿ ತಮಾಹ ಕರ್ಮ ಕುರ್ವಿತಿ ವೀರ್ಯಂ ವೇ ಕರ್ಮ ವೀರ್ಯೇಣ ವಾ ಅನ್ನಮದ್ಯತೇ ಕರ್ಮ ವಾ ಅನ್ನಾದ್ಯಮನ್ನಾದ್ಯಮೇವಾಸ್ಮಿಂಸ್ತದ್ದಧಾತ್ಯಥೋ ಅನ್ನಾದ್ಯಂ ವಾ ಅಮೃತಮ-ಮೃತಮೇವಾಸ್ಮಿಂಸ್ತದ್ದಧಾತಿ ತಮ್ ಆಹ ದಿವಾ ಮಾ ಸುಷುಪ್ಸೀರಿತಿ ಮೃತ್ಯುರ್ವೈ ಸ್ವಪ್ನಸ್ತ-ಸ್ಮಾತ್ತಮಪಬಾಧತೇ ಮೃತ್ಯುರ್ಹ ವೇ ಸ್ವಪ್ನಸ್ತಸ್ಮಾದ್ಯೋ ಮ್ರಿಯತೇ ತಮಾಹುರ್ದೀರ್ಘಂ ಸ್ವಪ್ನಮಸ್ವಾ-ಪ್ಸೀದಿತಿ ದಿವಾ ವಾ ಅನ್ನಾದ್ಯಮನ್ನಾದ್ಯಮೇವಾಸ್ಮಿಂಸ್ತದ್ದಧಾತ್ಯಥೋ ಅನ್ನಾದ್ಯಂ ವಾ ಅಮೃತಮ್ ಅಮೃತಮೇವಾಸ್ಮಿಂಸ್ತದ್ದಧಾತಿ ತಮಾಹ ವಾಚಂ ಯಚ್ಛೇತಿ ವಾಗ್ವಾ ಅನ್ನಾದ್ಯಮನ್ನಾದ್ಯಮೇವಾ-ಸ್ಮಿಂಸ್ತದ್ದಧಾತ್ಯಥೋ ಅನ್ನಾದ್ಯಂ ವಾ ಅಮೃತಮಮೃತಮೇವಾಸ್ಮಿಂ ತದ್ದಧಾತ್ಯೇತಾನಿ ವೇ ಪಞ್ಚಾನ್ನಾದ್ಯಾನಿ ಪುರಾ ಸಾವಿತ್ರ್! ಯನುವಚನಾದಾಚಾರ್ಯೋ ಬ್ರಹ್ಮಚಾರಿಣಿ ನಿದಧಾತಿ । ಸ ವಾ ಏಷ ಬ್ರಹ್ಮಚಾರೀ ಸವಿತ್ರ್! ಯಾ ಸಹ ಪ್ರಜಾಯತೇ ತದಾಹುಃ ಸಂವತ್ಸರೇಽನೂಚ್ಯಾ ಸಂವತ್ಸರೇ ವೇ ರೇತಾಂಸಿ ಸಿಕ್ತಾನಿ ಪ್ರಜಾಯನ್ತ ಇತ್ಯಥೋ ಖಲ್ವಾಹುರ್ದ್ವಾದಶಾಹೇಽನೂಚ್ಯಾ ದ್ವಾದಶ ಮಾಸಾಃ ಸಂವತ್ಸರಃ ಸಂವತ್ಸ-ರೇಣೈವೇನಂ ಪ್ರಜನಯತಿ ಸಂವತ್ಸರಸ್ಯಾಪ್ತ್ಯೈ ತಾಂ ತಿಸೃಣಾಂ ರಾತ್ರೀಣಾಂ ಪ್ರಾತರನುಬ್ರೂಯಾತ್ತ್ರೀಣ್ಯಹಾನಿ ತಿಸ್ರೋ ರಾತ್ರಯಸ್ತ್ರೀಣಿ ಸಾಯಾನಿ ತಿಸ್ರ ಉಷಾಸ್ತಾ ದ್ವಾದಶ ಸಂಪದ್ಯನ್ತೇ ದ್ವಾದಶ ಮಾಸಃ ಸಂವತ್ಸರಃ ಸಂವತ್ಸರೇಣೈವೇನಂ ಪ್ರಜನಯತಿ ಸಂವತ್ಸರಸ್ಯಾಪ್ತ್ಯೈ ಸಾ ವಾ ಏಷಾ ಸಾವಿತ್ರ್! ಯೇಷಾಂ ಲೋಕಾನಾಂ ಪ್ರತಿಪದೇಷಾಂ ಚ ವೇದಾನಾಂ ತಾಂ ನ ತಿಷ್ಠನ್ನನುಬ್ರೂಯಾನ್ನೋರ್ಧ್ವಜ್ಞುರಾಸೀನೋ ನ ವ್ರಜನ್ಮಹ-ದುಪಸ್ತೀರ್ಯೋಪಸ್ಥಂ ಕೃತ್ವಾ ಪ್ರಾಙಾಸೀನಃ ಪ್ರತ್ಯಙ್ಙಾಸೀನಾಯಾನ್ವಾಹ ಪ್ರಾಙ್ವೇ ಪ್ರಜಾಪತಿಸ್ತಂ ಪ್ರತ್ಯಞ್ಚೋ ದೇವಾ ಅನ್ವಾಯತ್ತಾ ಆಚಾರ್ಯೋ ಬ್ರಹ್ಮಚಾರಿಣಃ ಪ್ರಜಾಪತಿರಾಯತನಾದೇವೇನಂ ತತ್ಕ-ಲ್ಪಯತ್ಯಥೈಕ ಆಹುರ್ದಕ್ಷಿಣತ ಆಸೀನಾಯಾನ್ವಾಹ ಸ ಯದೇವೇನಂ ತದನುವ್ಯಾಹರೇತ್ತಿರ್ಯಙ್ತೇನ ಗರ್ಭ ಆಗಚ್ಛೇದ್ಧಿಂಸಿಷ್ಯತೀತಿ ತಸ್ಮಾತ್ಪ್ರಾಙಾಸೀನಃ ಪ್ರತೀಚೀನಾಯೇವಾಸೀನಾಯಾನ್ವಾಹ ಪ್ರಾಙ್ವೇ ಪ್ರಾಣಃ ಪ್ರಾಣಮೇವಾಸ್ಮಿನ್ದಧಾತಿ ತಾಂ ತ್ರಿರೇವ ಕೃತ್ವೋಽನುಬ್ರೂಯಾತ್ತ್ರಯಃ ಪ್ರಾಣಾಃ ಪ್ರಾಣೋ ವ್ಯಾನೋಽಪಾನಸ್ತಾನೇವಾಸ್ಮಿನ್ದಧಾತಿ ತಾಂ ದ್ವಿರೇವ ಕೃತ್ವೋಽನುಬ್ರೂಯಾದ್ದ್ವೌ ಹಿ ಪ್ರಾಣಶ್ಚಾಪಾನಶ್ಚ ಪ್ರಾಣಾಪಾನಾ ಏವಾಸ್ಮಿನ್ದಧಾತಿ ತಾಂ ಸಕೃತ್ಸಮಸ್ಯೋತ್ತಮತೋಽನ್ವಾಹೈಕೋ ಹಿ ಪ್ರಾಣಃ ಪ್ರಾಣಮೇವಾಸ್ಮಿನ್ದಧಾತಿ

ಶ್ರಾದ್ಧಬ್ರಾಹ್ಮಣಮ್
ಅಸುರಾಣಾಂ ವಾ ಇಮೇ ಲೋಕಾ ಆಸಂಸ್ತೇ ದೇವಾ ಅಬ್ರುವನ್ ಯೋ ವೇ ಯಂ ಲೋಕಂ ಉಜ್ಜೇಷ್ಯತಿ ಸ ತಸ್ಮೈ ಭವಿಷ್ಯತೀತಿ ತೇ ವಸವ ಇಮಂ ಲೋಕಮಜಯನ್ನನ್ತರಿಕ್ಷಂ ರುದ್ರಾ ದಿವಮಾದಿತ್ಯಾಸ್ತೇ ವಸವ ಇಮಂ ಲೋಕಂ ಜಿತ್ವಾನ್ತರಿಕ್ಷಂ ಪರಾಪತಂಸ್ತೇ ರುದ್ರಾ ನಬ್ರುವನ್ ಯನ್ನೋ ಜಯೇಮ ತನ್ನಃ ಸಹಾಸದಿತಿ ತೇ ವಸವೋ ರುದ್ರಾ ಶ್ಚಾನ್ತರಿಕ್ಷಂ ಜಿತ್ವಾ ದಿವಂ ಪರಾಪತಁ ಸ್ತ ಆದಿತ್ಯಾನಬ್ರುವನ್ ಯನ್ನೋ ಜಯೇಮ ತನ್ನಃ ಸಹಾಸದಿತಿ ತೇ ವಸವೋ ರುದ್ರಾ ಶ್ಚಾದಿತ್ಯಾಶ್ಚಾಮುಂ ಲೋಕಂ ಜಿತ್ವೇಮಾನೇವ ಲೋಕಾನಸುರಾನಭ್ಯಭವಁ ಸ್ತತೋ ದೇವಾ ಅಭವನ್ಪರಾಸುರಾ ಅಭವನ್ವಸವಃ ಪಿತರೋ ರುದ್ರಾ ಃ! ಪಿತಾಮಹಾ ಆದಿತ್ಯಾಃ ಪ್ರಪಿತಾಮಹಾಸ್ತಸ್ಮಾದಾಹುರ್ದೇವಾಃ ಪಿತರಃ ಪಿತರೋ ದೇವಾ ಇತಿ ಯೋ ವೇ ದೇವಾನಾಂ ಸೋಮಪಾಃ ಪಿತರಸ್ತಾನುದಪಾತ್ರೈಸ್ತರ್ಪಯನ್ತಿ ತಸ್ಮಾತ್ತ್ರಿರೇಕಸ್ಯಾಪಃ ಪ್ರದೀಯನ್ತೇ ದ್ವಿರೇಕಸ್ಯ ಸಕೃದೇಕಸ್ಯ ತತ್ಷಟ್ಸಂಪದ್ಯತೇ ಯಥಾಜಿತಮೇವೋಪಲಭನ್ತೇ ಯದನ್ನಾಣ್ತಮುದಕಂ ಸಂಪಿಬನ್ತಿ ತತ್ಸಪ್ತಮಂ ಯದುಭಯತೋಮೂಲೈಸ್ತಿಲಮಿಶ್ರಂ ತದಷ್ಟಮಂ ಯತ್ಪಾತ್ರ್! ಯಾ ಪಿಣ್ಡಪರಿ-ಷೇಕಸ್ತನ್ನವಮಂ ಯದುದಕುಮ್ಭಂ ದಕ್ಷಿಣಾಂ ಪ್ರೋಹನ್ತಿ ತದ್ದಶಮಂ ತೇನ ದಶೋದಕಂ ಶ್ರಾದ್ಧಮುಚ್ಯತೇ ತದ್ದಶ ದಶಾಕ್ಷರಾ ವಿರಾಡನ್ನಂ ವಿರಾಡ್ವಿರಾಜ್ಯೇವಾನ್ನಾದ್ಯೇ ಪ್ರತಿತಿಷ್ಥತಿ ೧

ಪಿತರೋ ವೇ ಪುತ್ರಂ ಜಾಯಮಾನಮನ್ವಾಯನ್ನಸ್ಮಾಕಂ ಶ್ರಾದ್ಧಂ ಕುರ್ಯಾದಿತಿ ಸೋಽಬ್ರವೀತ್ಕದಾಹಂ ಶ್ರಾದ್ಧಂ ಕರವಾಣೀತಿ ತೇಽಬ್ರುವನ್ಹಸ್ತಿಚ್ಛಾಯಾಯಾಂ ಶ್ರಾದ್ಧಂ ದದ್ಯಾದ್ಯಃ ಕಾಮಯೇತ ನ ಪುನರ್ದದ್ಯಾದಿತಿ ಹಸ್ತೀ ವೇ ಭೂತ್ವಾ ಸ್ವರ್ಭಾನುರಮುಮಾದಿತ್ಯಂ ಛಾಯಯಾಭ್ಯಭವತ್ತಂ ದೇವಪಿತರ ಆಪ್ಯಾಯಯನ್ನೇತದ್ವೈ ದೇವಪಿತೄಣಾಮಾಯತನಂ ಯದ್ಧಸ್ತಿಚ್ಛಾಯಾ ತಸ್ಮಾದ್ಧಸ್ತಿಚ್ಛಾಯಾಯಾಂ ಶ್ರಾದ್ಧಂ ದದ್ಯಾದ್ಯಃ ಕಾಮ-ಯೇತಾಕ್ಷಯ್ಯಮಪರಿಮಿತಮನನ್ತಂ ಭೂಯಃ ಸ್ಯಾದಿತ್ಯಕ್ಷಯ್ಯಮೇವಾಪರಿಮಿತಮನನ್ತಂ ಭೂಯೋ ಭವತಿ ಯ ಏವಂ ವಿದ್ವಾಙ್ಹಸ್ತಿಚ್ಛಾಯಾಯಾಂ ಶ್ರಾದ್ಧಂ ದದಾತಿ ಪಿತೄಣಾಮಕ್ಷಯ್ಯತ್ವಾಯ ೨
ದ್ವೌ ವೇ ಪನ್ಥಾನೌ ದೇವಯಾನಶ್ಚ ಪಿತೃಯಾನಶ್ಚಾಗ್ನಿಹೋತ್ರೇಣ ವೇ ದೇವಾಃ ಸ್ವರ್ಗಂ ಲೋಕಮಾ-
ಯನ್ಪಿತೃಯಜ್ಞೇನ ಪಿತೃಲೋಕಂ ತಸ್ಮಾದುಭೌ ಯಷ್ಟವ್ಯೌ ದೇವಯಾನಶ್ಚ ಪಿತೃಯಾನಶ್ಚೋಭಾಭ್ಯಾಂ ವಾ ಏತತ್ಸ್ವರ್ಗಂ ಲೋಕಮೇತ್ಯಾಹುರನ್ಯಸ್ಮಿಂ ಲ್ಲೋಕೇ ಸಮಿಧಾ ಪ್ರತ್ಯತಿಷ್ಠನ್ನನ್ನಾದ್ಯಂ ಚ ಬ್ರಾಹ್ಮಣೇ-ಭ್ಯೋಽಪಾಸರಁ ಸ್ತೇಭ್ಯೋಽಬ್ರುವನ್ನಗ್ನೌ ಕುರ್ಮಾಗ್ನೌ ಕರಿಷ್ಯಾಮ್ಯಗ್ನೌ ಕರವಾಣೀತಿ ತೇಽಬ್ರುವನ್ಕುರುತ ಕುರುಷ್ವ ಕ್ರಿಯತಾಮಿತಿ ಯಂ ಕಾಮಯೇತ ಪ್ರಜಾವಾನ್ಸ್ಯಾದಿತಿ ತಸ್ಯ ಯಜ್ಞೇ ಕುರುತೇತಿ ಬ್ರೂಯಾದ್ಯಂ ಕಾಮಯೇತ ಪಶುಮಾನ್ಸ್ಯಾದಿತಿ ತಸ್ಯ ಯಜ್ಞೇ ಕುರುಷ್ವೇತಿ ಬ್ರೂಯಾದ್ಯಂ ಕಾಮಯೇತ ವಸೀಯಾ-ನ್ಸ್ಯಾದಿತಿ ತಸ್ಯ ಯಜ್ಞೇ ಕ್ರಿಯತಾಮಿತಿ ಬ್ರೂಯಾದಗ್ನೀಷೋಮೀಯಂ ವಾ ಏತದ್ಧವಿರ್ಯದಗ್ನೌಕರಣ-ಮಗ್ನೀಷೋಮೀಯೇನೈವೇತದ್ಧವ್ಯೇನಾಸ್ಮಿಂ ಲ್ಲೋಕೇ ಯಜಮಾನೋ ವಸೀಯಾನ್ಭವತಿ ೩

ಮನೋ ವಾ ಏಷ ಯುಙ್ಕ್ತೇ ಯೋ ಯಕ್ಷ್ಯಮಾಣೋ ಯುಙ್ಕ್ತೇ ನಹಿ ಮನಸಾ ಯಜ್ಞಸ್ತಾಯತೇ ಸ ಯಜ್ಞೋ ಭವತ್ಯಥ ಶ್ರದ್ಧತ್ತೇ ಶ್ರದ್ದಧಾನಂ ವೇ ಪಿತರೋಽನ್ವಾಯನ್ತಿ ವೃದ್ಧಿಂ ಶ್ರುತ್ವಾ ಯದ್ವೃದ್ಧಿಶ್ರಾದ್ಧಂ ಕುರ್ವನ್ತಿ ತೇನಾಸ್ಯ ತೇಽಭೀಷ್ಟಾಃ ಪ್ರೀತಾ ಭವನ್ತೀನ್ದ್ರೋ ವೇ ಪ್ರಜಾಕಾಮಃ ಪಿತೃಯಜ್ಞೇನಾಯಜತ್ತಸ್ಯಾಸುರಾ ಯಜ್ಞಮಜಿ-ಘಾಂಸಁ ಸ್ತಾನ್ವಿಶ್ವೇ ದೇವಾ ಉಪಾಘ್ನನ್ಯದ್ವೈಶ್ವದೇವಂ ಪುರಸ್ತಾತ್ಕುರ್ವನ್ತ್ಯಸುರಾಣಾಮಪಹತ್ಯೈ ಪ್ರಾಚೀನ-ಪ್ರವಣೇ ದೇಯಂ ಪ್ರಾಚೀನಪ್ರವಣೋ ವೇ ವಜ್ರೋ ವಜ್ರೇಣೈವ ಯಜ್ಞಾದ್ರ ಕ್ಷಾಂಸ್ಯಪಹನ್ತಿ ದಕ್ಷಿಣಾಗ್ರಾ-ಶ್ಚೋದಗಗ್ರಾಶ್ಚ ದರ್ಭಾ ಭವನ್ತಿ ದಕ್ಷಿಣಾಗ್ರೇಭಿರ್ವಾ ಅಸ್ಯ ಪಿತರಃ ಸಮುಪಸರನ್ತ್ಯುದಗಗ್ರೇಭಿ-ರ್ದೇವಾಸ್ತಸ್ಮಾದ್ಬ್ರಾಹ್ಮಣೇಭ್ಯ ಆವೃತ್ತಾ ದರ್ಭಾಃ ಪ್ರದೀಯನ್ತೇ ಪಿತೄಣಾಮುಪಸರತ್ವಾಯೇವಮಸ್ಯ ಪಿತರಃ ಸಮುಪಸರನ್ತ್ಯನ್ತರ್ಹಿತಾ ಹ್ಯಮುಷ್ಮಾದಾದಿತ್ಯತ್ಪಿತರೋಽಥೋ ಅನ್ತರ್ಹಿತಾ ಹಿ ದೇವೇಭ್ಯಶ್ಚ ಮನುಷ್ಯೇಭ್ಯಶ್ಚ ಪಿತರ ಉಪಮೂಲಂ ಬರ್ಹಿರ್ದಾತಿ ತೇನ ಪಿತೄಣಾಂ ಯದೃತೇಮೂಲಂ ತೇನ ದೇವಾನಾಮುಭಯೇ ಹೀಜ್ಯನ್ತೇಽನ್ತರ್ಹಿತಾ ಹಿ ವೀಕ್ಷಯಾ ಮನುಷ್ಯಸ್ಯೈವಮಿವ ಹಿ ತೇಽನ್ತರ್ಹಿತಾ ಭವನ್ತಿ ೪
ಇತಿ ಶ್ರಾದ್ಧಬ್ರಾಹ್ಮಣಮ್

ಮೇಖಲಾಬ್ರಾಹ್ಮಣಮ್
ಇಯಂ ದುರುಕ್ತಾತ್ಪರಿಬಾಧಮಾನ ಇತಿ ದುರುಕ್ತಾ ವರ್ಜಯಿತ್ವಾ ಪರಿಬಾಧನ್ತೇ ವರ್ಣಂ ಪವಿತ್ರಂ ಪುನತೀ ನ ಆಗಾದಿತ್ಯಪೋ ವೇ ವರ್ಣಮೇವ ಪವಿತ್ರಮಲಂ ಕರೋತಿ ಪ್ರಾಣಾಪಾನಾಭ್ಯಾಂ ಬಲಮಾಹಜನ್ತೀತಿ ಪ್ರಾಣೇವೇಪಾನಾಭ್ಯಾಂ ಬಲಂ ದಧಾತಿ ಸುಖಾ ದೇವೀ ಸುಭಗಾ ಮೇಖಲೇಯಮಿತ್ಯಾಶಿಷಮೇವಾಶಾಸ್ತೇ ಸೌಭಾಗ್ಯಂ ವೇ ಸುಖಾ ದೇವೀ ದಧಾತಿ ಸಹಸ್ರಮಾವಿ ಪ್ರತಿರನ್ತ ಆಯುಃ
ಇತಿ ಮೇಖಲಾಬ್ರಾಹ್ಮಣಮ್