Proper display of the text below may depend on webfonts, which in turn require being connected to the internet

ಜೈಮಿನೀಯೋಪನಿಷದ್ಬ್ರಾಹ್ಮಣ

ಪ್ರಜಾಪತಿರ್ವಾ ಇದಂ ತ್ರಯೇಣ ವೇದೇನಾಜಯದ್ಯದಸ್ಯೇದಂ ಜಿತಂ ತತ್ ೧ ಸ ಐಕ್ಷತೇತ್ಥಂ ಚೇದ್ವಾ ಅನ್ಯೇ ದೇವಾ ಅನೇನ ವೇದೇನ ಯಕ್ಷ್ಯನ್ತ ಇಮಾಂ ವಾವ ತೇ ಜಿತಿಂ ಜೇಷ್ಯನ್ತಿ ಯೇಯಮ್ಮಮ ಹನ್ತ ತ್ರಯಸ್ಯ ವೇದಸ್ಯ ರಸಮಾದದಾ ಇತಿ ೨ ಸ ಭೂರಿತ್ಯೇವರ್ಗ್ವೇದಸ್ಯ ರಸಮಾದತ್ತ ಸೇಯಮ್ಪೃಥಿವ್ಯಭವತ್ ತಸ್ಯ ಯೋ ರಸಃ ಪ್ರಾಣೇದತ್ಸೋಽಗ್ನಿರಭವದ್ರ ಸಸ್ಯ ರಸಃ ೩ ಭುವ ಇತ್ಯೇವ ಯಜುರ್ವೇದಸ್ಯ ರಸ-ಮಾದತ್ತ ತದಿದಮನ್ತರಿಕ್ಷಮಭವತ್ ತಸ್ಯ ಯೋ ರಸಃ ಪ್ರಾಣೇದತ್ಸ ವಾಯುರಭವದ್ರ ಸಸ್ಯ ರಸಃ ೪ ಸ್ವರಿತ್ಯೇವ ಸಾಮವೇದಸ್ಯ ರಸಮಾದತ್ತ ಸೋಽಸೌ ದ್ಯೌರಭವತ್ತಸ್ಯ ಯೋ ರಸಃ ಪ್ರಾಣೇದತ್ಸ ಆದಿತ್ಯೋಽಭವದ್ರ ಸಸ್ಯ ರಸಃ ೫ ಅಥೈಕಸ್ಯೈವಾಕ್ಷರಸ್ಯ ರಸಂ ನಾಶಕ್ನೋದಾದಾತುಮೋಮಿ-ತ್ಯೇತಸ್ಯೈವ ೬ ಸೇಯಂ ವಾಗಭವತ್ ಓಮೇವ ನಾಮೈಷಾ ತಸ್ಯಾ ಉ ಪ್ರಾಣ ಏವ ರಸಃ ೭ ತಾನ್ಯೇತಾನ್ಯಷ್ಟೌ ಅಷ್ಟಾಕ್ಷರಾ ಗಾಯತ್ರೀ ಗಾಯತ್ರಂ ಸಾಮ ಬ್ರಹ್ಮ ಉ ಗಾಯತ್ರೀ ತದು ಬ್ರಹ್ಮಾಭಿಸಮ್ಪದ್ಯತೇ
ಅಷ್ಟಾಶಫಾಃ ಪಶವಸ್ತೇನೋ ಪಶವ್ಯಮ್ ೮ ೧
ಪ್ರಥಮೇಽನುವಾಕೇ ಪ್ರಥಮಃ ಖಣ್ಡಃ

ಸ ಯದೋಮಿತಿ ಸೋಽಗ್ನಿರ್ವಾಗಿತಿ ಪೃಥಿವ್ಯೋಮಿತಿ ವಾಯುರ್ವಾಗಿತ್ಯನ್ತರಿಕ್ಷಮೋಮಿತ್ಯಾದಿತ್ಯೋ ವಾಗಿತಿ ದ್ಯೌರೋಮಿತಿ ಪ್ರಾಣೋ ವಾಗಿತ್ಯೇವ ವಾಕ್ ೧ ಸ ಯ ಏವಂ ವಿದ್ವಾನುದ್ಗಾಯ-ತ್ಯೋಮಿತ್ಯೇವಾಗ್ನಿಮಾದಾಯ ಪೃಥಿವ್ಯಾಮ್ಪ್ರತಿಷ್ಠಾಪಯತ್ಯೋಮಿತ್ಯೇವ ವಾಯುಮಾದಾಯಾನ್ತರಿಕ್ಷೇ ಪ್ರತಿಷ್ಠಾಪಯತ್ಯೋಮಿತ್ಯೇವಾದಿತ್ಯಮಾದಾಯ ದಿವಿ ಪ್ರತಿಷ್ಠಾಪಯತ್ಯೋಮಿತ್ಯೇವ ಪ್ರಾಣಮಾದಾಯ ವಾಚಿ ಪ್ರತಿಷ್ಠಾಪಯತಿ ೨ ತದ್ಧೈತಚ್ಛೈಲನಾ ಗಾಯತ್ರಂ ಗಾಯನ್ತ್ಯೋವಾ೩ಚೋವಾ೩ಚೋವಾ೩ಛುಮ್ಭಾ ಓವಾ ಇತಿ ೩ ತದು ಹ ತತ್ಪರಾಙಿವಾನಾಯುಷ್ಯಮಿವ ತದ್ವಾಯೋಶ್ಚಾಪಾಂ ಚಾನು ವರ್ತ್ಮ ಗೇಯಮ್ ೪ ಯದ್ವೈ ವಾಯುಃ ಪರಾಙೇವ ಪವೇತ ಕ್ಷೀಯೇತ ಸ ಸ ಪುರಸ್ತಾದ್ವಾತಿ ಸ ದಕ್ಷಿಣತಸ್ಸ ಪಶ್ಚಾತ್ಸ ಉತ್ತರತಸ್ಸ ಉಪರಿಷ್ಟಾತ್ಸ ಸರ್ವಾ ದಿಶೋಽನುಸಂವಾತಿ ೫ ತದೇತದಾಹುರಿದಾನೀಂ ವಾ ಅಯಮಿತೋಽವಾಸೀದಥೇತ್ಥಾದ್ವಾತೀತಿ ಸ ಯದ್ರೇ ಷ್ಮಾಣಂ ಜನಮಾನೋ ನಿವೇಷ್ಟಮಾನೋ ವಾತಿ ಕ್ಷಯಾದೇವ ಬಿಭ್ಯತ್ ೬ ಯದು ಹ ವಾ ಆಪಃ ಪರಾಚೀರೇವ ಪ್ರಸೃತಾಸ್ಸ್ಯನ್ದೇರನ್ಕ್ಷೀಯೇರಂಸ್ತಾಃ ಯದಙ್ಕಾಂಸಿ ಕುರ್ವಾಣಾ ನಿವೇಷ್ಟಮಾನಾ ಆವರ್ತಾನ್ಸೃಜಮಾನಾ ಯನ್ತಿ ಕ್ಷಯಾದೇವ ಬಿಭ್ಯತೀಃ
ತದೇತದ್ವಾಯೋಶ್ಚೈವಾಪಾಂ ಚಾನು ವರ್ತ್ಮ ಗೇಯಮ್ ೭ ೨
ಪ್ರಥಮೇಽನುವಾಕೇ ದ್ವಿತೀಯಃ ಖಣ್ಡಃ

ಓವಾ ಓವಾ ಓವಾ ಹುಮ್ಭಾ ಓವಾ ಇತಿ ಕರೋತ್ಯೇವ ಏತಾಭ್ಯಾಂ ಸರ್ವಮಾಯುರೇತಿ ೧ ಸ ಯಥಾ ವೃಕ್ಷಮಾಕ್ರಮಣೈರಾಕ್ರಮಮಾಣ ಇಯಾದೇವಮೇವೈತೇ ದ್ವೇದ್ವೇ ದೇವತೇ ಸಂಧಾಯೇಮಾಂಲ್ಲೋ-ಕಾನ್ರೋಹನ್ನೇತಿ ೨ ಏಕ ಉ ಏವ ಮೃತ್ಯುರನ್ವೇತ್ಯಶನಯೈವ ೩ ಅಥ ಹಿಙ್ಕರೋತಿ ಚನ್ದ್ರ ಮಾ ವೈ ಹಿಙ್ಕಾರೋಽನ್ನಮು ವೈ ಚನ್ದ್ರ ಮಾಃ ಅನ್ನೇನಾಶನಯಾಂ ಘ್ನನ್ತಿ ೪ ತಾಂತಾಮಶನಯಾಮನ್ನೇನ ಹತ್ವೋಮಿತ್ಯೇತಮೇವಾದಿತ್ಯಂ ಸಮಯಾತಿಮುಚ್ಯತೇ ಏತದೇವ ದಿವಶ್ಛಿದ್ರ ಮ್ ೫ ಯಥಾ ಖಂ ವಾನಸಸ್ಸ್ಯಾದ್ರ ಥಸ್ಯ ವೈವಮೇತದ್ದಿವಶ್ಛಿದ್ರಂ ತದ್ರ ಶ್ಮಿಭಿಸ್ಸಂಛನ್ನಂ ದೃಶ್ಯತೇ ೬ ಯದ್ಗಾ-ಯತ್ರಸ್ಯೋರ್ಧ್ವಂ ಹಿಙ್ಕಾರಾತ್ತದಮೃತಂ ತದಾತ್ಮಾನಂ ದಧ್ಯಾದಥೋ ಯಜಮಾನಮಥ ಯದಿತರತ್ಸಾಮೋರ್ಧ್ವಂ ತಸ್ಯ ಪ್ರತಿಹಾರಾತ್ ೭ ಸ ಯಥಾದ್ಭಿರಾಪಸ್ಸಂಸೃಜ್ಯೇರನ್ಯಥಾಗ್ನಿನಾಗ್ನಿಸ್ಸಂಸೃಜ್ಯೇತ ಯಥಾ
ಕ್ಷೀರೇ ಕ್ಷೀರಮಾಸಿಚ್ಯಾದೇವಮೇವೈತದಕ್ಷರಮೇತಾಭಿರ್ದೇವತಾಭಿಸ್ಸಂಸೃಜ್ಯತೇ ೮ ೩
ಪ್ರಥಮೇಽನುವಾಕೇ ತೃತೀಯಃ ಖಣ್ಡಃ

ತಂ ವಾ ಏತಂ ಹಿಙ್ಕಾರಂ ಹಿಮ್ಭಾ ಇತಿ ಹಿಙ್ಕುರ್ವನ್ತಿ ಶ್ರೀರ್ವೈ ಭಾಃ ಅಸೌ ವಾ ಆದಿತ್ಯೋ ಭಾ ಇತಿ ೧ ಏತಂ ಹ ವಾ ಏತಂ ನ್ಯಙ್ಗಮನು ಗರ್ಭ ಇತಿ ಯದ್ಭ ಇತಿ ಸ್ತ್ರೀಣಾಮ್ಪ್ರಜನನಂ ನಿಗಚ್ಛತಿ ತಸ್ಮಾತ್ತತೋ ಬ್ರಾಹ್ಮಣ ಋಷಿಕಲ್ಪೋ ಜಾಯತೇಽತಿವ್ಯಾಧೀ ರಾಜನ್ಯಶ್ಶೂರಃ ೨ ಏತಂ ಹ ವಾ ಏತಂ ನ್ಯಙ್ಗಮನು ವೃಷಭ ಇತಿ ಯದ್ಭ ಇತಿ ನಿಗಚ್ಛತಿ ತಸ್ಮಾತ್ತತಃ ಪುಣ್ಯೋ ಬಲೀವರ್ದೋ ದುಹಾನಾ ಧೇನುರುಕ್ಷಾ ದಶವಾಜೀ ಜಾಯನ್ತೇ ೩ ಏತಂ ಹ ವಾ ಏತಂ ನ್ಯಙ್ಗಮನು ಗರ್ದಭ ಇತಿ ಯದ್ಭ ಇತಿ ನಿಗಚ್ಛತಿ ತಸ್ಮಾತ್ಸ ಪಾಪೀಯಾಞ್ಛ್ರೇಯಸೀಷು ಚರತಿ ತಸ್ಮಾದಸ್ಯ ಪಾಪೀಯಸಶ್ಶ್ರೇಯೋ ಜಾಯತೇಽಶ್ವತರೋ ವಾಶ್ವತರೀ ವಾ ೪ ಏತಂ ಹ ವಾ ಏತಂ ನ್ಯಙ್ಗಮನು ಕುಭ್ರ ಇತಿ ಯದ್ಭ ಇತಿ ನಿಗಚ್ಛತಿ ತಸ್ಮಾತ್ಸೋಽನಾರ್ಯಸ್ಸನ್ನಪಿ ರಾಜ್ಞಃ ಪ್ರಾಪ್ನೋತಿ ೫ ತಂ ಹೈತಮೇಕೇ ಹಿಙ್ಕಾರಂ ಹಿಮ್ಭಾ ಓವಾ ಇತಿ ಬಹಿರ್ಧೇವ ಹಿಙ್ಕುರ್ವನ್ತಿ ಬಹಿರ್ಧೇವ ವೈ ಶ್ರೀಃ ಶ್ರೀರ್ವೈ ಸಾಮ್ನೋ ಹಿಙ್ಕಾರ ಇತಿ ೬ ಸ ಯ ಏನಂ ತತ್ರ ಬ್ರೂಯಾದ್ಬಹಿರ್ಧಾ ನ್ವಾ ಅಯಂ ಶ್ರಿಯಮಧಿತ ಪಾಪೀಯಾನ್ಭವಿಷ್ಯತಿ ಸ ಯದಾ ವೈ ಮ್ರಿಯತೇಽಥಾಗ್ನೌ ಪ್ರಾಸ್ತೋ ಭವತಿ ಕ್ಷಿಪ್ರೇ ಬತ ಮರಿಷ್ಯತ್ಯಗ್ನಾವೇನಮ್ಪ್ರಾಸಿಷ್ಯನ್ತೀತಿ ತಥಾ ಹೈವ ಸ್ಯಾತ್ ೭ ತಸ್ಮಾದು ಹೈತಂ ಹಿಙ್ಕಾರಂ ಹಿಂ ವೋ ಇತ್ಯನ್ತರಿವೈವಾತ್ಮನ್ನರ್ಜಯೇತ್ತಥಾ ಹ ನ ಬಹಿರ್ಧಾ
ಶ್ರಿಯಂ ಕುರುತೇ ಸರ್ವಮಾಯುರೇತಿ ೮ ೪
ಪ್ರಥಮೇಽನುವಾಕೇ ಚತುರ್ಥಃ ಖಣ್ಡಃ

ಸಾ ಹೈಷಾ ಖಲಾ ದೇವತಾಪಸೇಧನ್ತೀ ತಿಷ್ಠತಿ ಇದಂ ವೈ ತ್ವಮತ್ರ ಪಾಪಮಕರ್ಣೇಹೈಷ್ಯಸಿ ಯೋ ವೈ ಪುಣ್ಯಕೃತ್ಸ್ಯಾತ್ಸ ಇಹೇಯಾದಿತಿ ೧ ಸ ಬ್ರೂಯಾದಪಶ್ಯೋ ವೈ ತ್ವಂ ತದ್ಯದಹಂ ತದಕರವಂ ತದ್ವೈ ಮಾ ತ್ವಂ ನಾಕಾರಯಿಷ್ಯಸ್ತ್ವಂ ವೈ ತಸ್ಯ ಕರ್ತಾಸೀತಿ ೨ ಸಾ ಹ ವೇದ ಸತ್ಯಮ್ಮಾಹೇತಿ ಸತ್ಯಂ ಹೈಷಾ ದೇವತಾ ಸಾ ಹ ತಸ್ಯ ನೇಶೇ ಯದೇನಮಪಸೇಧೇತ್ಸತ್ಯಮುಪೈವ ಹ್ವಯತೇ ೩ ಅಥ ಹೋ-ವಾಚೈಕ್ಷ್ವಾಕೋ ವಾ ವಾರ್ಷ್ಣೋಽನುವಕ್ತಾ ವಾ ಸಾತ್ಯಕೀರ್ತ ಉತೈಷಾ ಖಲಾ ದೇವತಾಪಸೇದ್ಧುಮೇವ ಧ್ರಿಯತೇಽಸ್ಯೈ ದಿಶಃ ೪ ತದ್ದಿವೋಽನ್ತಃ ತದಿಮೇ ದ್ಯಾವಾಪೃಥಿವೀ ಸಂಶ್ಲಿಷ್ಯತಃ ಯಾವತೀ ವೈ ವೇದಿಸ್ತಾವತೀಯಮ್ಪೃಥಿವೀ ತದ್ಯತ್ರೈತಚ್ಚಾತ್ವಾಲಂ ಖಾತಂ ತತ್ಸಮ್ಪ್ರತಿ ಸ ದಿವ ಆಕಾಶಃ ೫ ತದ್ಬಹಿಷ್ಪವಮಾನೇ ಸ್ತೂಯಮಾನೇ ಮನಸೋದ್ಗೃಹ್ಣೀಯಾತ್ ೬ ಸ ಯಥೋಚ್ಛ್ರಾಯಮ್ಪ್ರತಿಯಸ್ಯ ಪ್ರಪದ್ಯೇತೈವಮೇವೈತಯಾ ದೇವತಯೇದಮಮೃತಮಭಿಪರ್ಯೇತಿ ಯತ್ರಾಯಮಿದಂ ತಪತೀತಿ ೭ ಅಥ
ಹೋವಾಚ ೮ ೫
ಪ್ರಥಮೇಽನುವಾಕೇ ಪಞ್ಚಮಃ ಖಣ್ಡಃ

ಗೋಬಲೋ ವಾರ್ಷ್ಣಃ ಕ ಏತಮಾದಿತ್ಯಮರ್ಹತಿ ಸಮಯೈತುಂ ದೂರಾದ್ವಾ ಏಷ ಏತತ್ತಪತಿ ನ್ಯಙ್ ತೇನ ವಾ ಏತಮ್ಪೂರ್ವೇಣ ಸಾಮಪಥಸ್ತದೇವ ಮನಸಾಹೃತ್ಯೋಪರಿಷ್ಟಾದೇತಸ್ಯೈತಸ್ಮಿನ್ನಮೃತೇ ನಿದ-ಧ್ಯಾದಿತಿ ೧ ತದು ಹೋವಾಚ ಶಾಟ್ಯಾಯನಿಸ್ಸಮಯೈವೈತದೇನಂ ಕಸ್ತದ್ವೇದ ಯದ್ಯೇತಾ ಆಪೋ ವಾ ಅಭಿತೋ ಯದ್ವಾಯುಂ ವಾ ಏಷ ಉಪಹ್ವಯತೇ ರಶ್ಮೀನ್ವಾ ಏಷ ತದೇತಸ್ಮೈ ವ್ಯೂಹತೀತಿ ೨ ಅಥ ಹೋವಾಚೋಲುಕ್ಯೋ ಜಾನಶ್ರುತೇಯೋ ಯತ್ರ ವಾ ಏಷ ಏತತ್ತಪತ್ಯೇತದೇವಾಮೃತಮೇತಚ್ಚೇದ್ವೈ ಪ್ರಾಪ್ನೋತಿ ತತೋ ಮೃತ್ಯುನಾ ಪಾಪ್ಮನಾ ವ್ಯಾವರ್ತತೇ ೩ ಕಸ್ತದ್ವೇದ ಯತ್ಪರೇಣಾದಿತ್ಯಮನ್ತರಿಕ್ಷಮಿದಮನಾ-ಲಯನಮವರೇಣ ೪ ಅಥೈತದೇವಾಮೃತಮೇತದೇವ ಮಾಂ ಯೂಯಮ್ಪ್ರಾಪಯಿಷ್ಯಥ ಏತದೇವಾಹಂ ನಾತಿಮನ್ಯ ಇತಿ ೫ ತಾನ್ಯೇತಾನ್ಯಷ್ಟೌ ಅಷ್ಟಾಕ್ಷರಾ ಗಾಯತ್ರೀ ಗಾಯತ್ರಂ ಸಾಮ ಬ್ರಹ್ಮ ಉ ಗಾಯತ್ರೀ ತದು
ಬ್ರಹ್ಮಾಭಿಸಮ್ಪದ್ಯತೇ ಅಷ್ಟಾಶಫಾಃ ಪಶವಸ್ತೇನೋ ಪಶವ್ಯಮ್ ೬ ೬
ಪ್ರಥಮೇಽನುವಾಕೇ ಷಷ್ಠಃ ಖಣ್ಡಃ

ತಾ ಏತಾ ಅಷ್ಟೌ ದೇವತಾಃ ಏತಾವದಿದಂ ಸರ್ವಂ ತೇ ಕರೋತಿ ೧ ಸ ನೈಷು ಲೋಕೇಷು ಪಾಪ್ಮನೇ ಭ್ರಾತೃವ್ಯಾಯಾವಕಾಶಂ ಕುರ್ಯಾತ್ ಮನಸೈನಂ ನಿರ್ಭಜೇತ್ ೨ ತದೇತದೃಚಾಭ್ಯನೂಚ್ಯತೇ ಚತ್ವಾರಿ ವಾಕ್ಪರಿಮಿತಾ ಪದಾನಿ ತಾನಿ ವಿದುರ್ಬ್ರಾಹ್ಮಣಾ ಯೇ ಮನೀಷಿಣಃ ಗುಹಾ ತ್ರೀಣಿ ನಿಹಿತಾ ನೇಙ್ಗಯನ್ತಿ ತುರೀಯಂ ವಾಚೋ ಮನುಷ್ಯಾ ವದನ್ತೀತಿ ೩ ತದ್ಯಾನಿ ತಾನಿ ಗುಹಾ ತ್ರೀಣಿ ನಿಹಿತಾ ನೇಙ್ಗಯನ್ತೀ ತೀಮ ಏವ ತೇ ಲೋಕಾಃ ೪ ತುರೀಯಂ ವಾಚೋ ಮನುಷ್ಯಾ ವದನ್ತೀತಿ ಚತುರ್ಭಾಗೋ ಹ ವೈ ತುರೀಯಂ ವಾಚಃ ಸರ್ವಯಾಸ್ಯ ವಾಚಾ ಸರ್ವೈರೇಭಿರ್ಲೋಕೈಸ್ಸರ್ವೇಣಾಸ್ಯ ಕೃತಮ್ಭವತಿ ಯ ಏವಂ ವೇದ ೫ ಸ ಯಥಾಶ್ಮಾನಮಾಖಣಮೃತ್ವಾ ಲೋಷ್ಟೋ ವಿಧ್ವಂಸತ ಏವಮೇವ ಸ ವಿಧ್ವಂಸತೇ ಯ
ಏವಂ ವಿದ್ವಾಂಸಮುಪವದತಿ ೬ ೭
ಪ್ರಥಮೇಽನುವಾಕೇ ಸಪ್ತಮಃ ಖಣ್ಡಃ
ಪ್ರಥಮೋಽನುವಾಕಸ್ಸಮಾಪ್ತಃ


ಪ್ರಜಾಪತಿರ್ವಾ ಇದಂ ತ್ರಯೇಣ ವೇದೇನಾಜಯದ್ಯದಸ್ಯೇದಂ ಜಿತಂ ತತ್ ೧ ಸ ಐಕ್ಷತೇತ್ಥಂ ಚೇದ್ವಾ ಅನ್ಯೇ ದೇವಾ ಅನೇನ ವೇದೇನ ಯಕ್ಷ್ಯನ್ತ ಇಮಾಂ ವಾವ ತೇ ಜಿತಿಂ ಜೇಷ್ಯನ್ತಿ ಯೇಽಯಮ್ಮಮ ೨ ಹನ್ತೇಮಂ ತ್ರಯಂ ವೇದಮ್ಪೀಳಯಾನೀತಿ ೩ ಸ ಇಮಂ ತ್ರಯಂ ವೇದಮಪೀಳಯತ್ತಸ್ಯ ಪೀಳಯನ್ನೇಕಮೇವಾಕ್ಷರಂ ನಾಶಕ್ನೋತ್ಪೀಳಯಿತುಮೋಮಿತಿ ಯದೇತತ್ ೪ ಏಷ ಉ ಹ ವಾವ ಸರಸಃ ಸರಸಾ ಹ ವಾ ಏವಂವಿದಸ್ತ್ರಯೀ ವಿದ್ಯಾ ಭವತಿ ೫ ಸ ಇಮಂ ರಸಮ್ಪೀಳಯಿತ್ವಾಪನಿಧಾಯೋರ್ಧ್ವೋಽದ್ರ ವತ್ ೬ ತಂ ದ್ರ ವನ್ತಂ ಚತ್ವಾರೋ ದೇವಾನಾಮನ್ವಪಶ್ಯನ್ನಿನ್ದ್ರ ಶ್ಚನ್ದ್ರೋ ರುದ್ರ ಸ್ಸಮುದ್ರ ಃ! ತಸ್ಮಾದೇತೇ ಶ್ರೇಷ್ಠಾ ದೇವಾನಾಮೇತೇ ಹ್ಯೇನಮನ್ವಪಶ್ಯನ್ ೭ ಸ ಯೋಽಯಂ ರಸ ಆಸೀತ್ತದೇವ ತಪೋಽಭವತ್ ೮ ತ ಇಮಂ ರಸಂ ದೇವಾ ಅನ್ವೈಕ್ಷನ್ತ ತೇಽಭ್ಯಪಶ್ಯನ್ತ್ಸ ತಪೋ ವಾ ಅಭೂದಿತಿ ೯ ಇಮಮು ವೈ ತ್ರಯಂ ವೇದಮ್ಮರೀಮೃಶಿತ್ವಾ ತಸ್ಮಿನ್ನೇತದೇವಾಕ್ಷರಮಪೀಳಿತಮವಿನ್ದನ್ನೋಮಿತಿ ಯದೇತತ್ ೧೦ ಏಷ ಉ ಹ ವಾವ ಸರಸಃ ತೇನೈನಮ್ಪ್ರಾಯುವನ್ಯಥಾ ಮಧುನಾ ಲಾಜಾನ್ಪ್ರಯುಯಾದೇವಮ್ ೧೧ ತೇಽಭ್ಯ-ತಪ್ಯನ್ತ ತೇಷಾಂ ತಪ್ಯಮಾನಾನಾಮಾಪ್ಯಾಯತ ವೇದಃ ತೇಽನೇನ ಚ ತಪಸಾಪೀನೇನ ಚ ವೇದೇನ ತಾಮು ಏವ ಜಿತಿಮಜಯನ್ಯಾಮ್ಪ್ರಜಾಪತಿರಜಯತ್ತ ಏತೇ ಸರ್ವ ಏವ ಪ್ರಜಾಪತಿಮಾತ್ರಾ ಅಯಾ೩ಮಯಾ೩-ಮಿತಿ ೧೨ ತಸ್ಮಾತ್ತಪ್ಯಮಾನಸ್ಯ ಭೂಯಸೀ ಕೀರ್ತಿರ್ಭವತಿ ಭೂಯೋ ಯಶಃ ಸ ಯ ಏತದೇವಂ ವೇ-ದೈವಮೇವಾಪೀನೇನ ವೇದೇನ ಯಜತೇ ಯದೋ ಯಾಜಯತ್ಯೇವಮೇವಾಪೀನೇನ ವೇದೇನ ಯಾಜಯತಿ ೧೩ ತಸ್ಯ ಹೈತಸ್ಯ ನೈವ ಕಾ ಚನಾರ್ತಿರಸ್ತಿ ಯ ಏವಂ ವೇದ ಸ ಯ ಏವೈನಮುಪವದತಿ ಸ
ಆರ್ತಿಮೃಚ್ಛತಿ ೧೪ ೮
ದ್ವಿತೀಯೇಽನುವಾಕೇ ಪ್ರಥಮಃ ಖಣ್ಡಃ

ತದಾಹುರ್ಯದೋವಾ ಓವಾ ಇತಿ ಗೀಯತೇ ಕ್ವಾತ್ರರ್ಗ್ಭವತಿ ಕ್ವ ಸಾಮೇತಿ ೧ ಓಮಿತಿ ವೈ ಸಾಮ ವಾಗಿತ್ಯೃಕ್ ಓಮಿತಿ ಮನೋ ವಾಗಿತಿ ವಾಕ್ ಓಮಿತಿ ಪ್ರಾಣೋ ವಾಗಿತ್ಯೇವ ವಾಕ್ ಓಮಿತೀನ್ದ್ರೋ ವಾಗಿತಿ ಸರ್ವೇ ದೇವಾಃ ತದೇತದಿನ್ದ್ರ ಮೇವ ಸರ್ವೇ ದೇವಾ ಅನುಯನ್ತಿ ೨ ಓಮಿತ್ಯೇತದೇವಾಕ್ಷರಮೇತೇನ ವೈ ಸಂಸವೇ ಪರಸ್ಯೇನ್ದ್ರಂ ವೃಞ್ಜೀತ ಏತೇನ ಹ ವೈ ತದ್ಬಕೋ ದಾಲ್ಭ್ಯ ಆಜಕೇಶಿನಾಮಿನ್ದ್ರಂ ವವರ್ಜ ಓಮಿತ್ಯೇತೇನೈವಾನಿನಾಯ ೩ ತಾನ್ಯೇತಾನ್ಯಷ್ಟೌ ಅಷ್ಟಾಕ್ಷರಾ ಗಾಯತ್ರೀ ಗಾಯತ್ರಂ ಸಾಮ ಬ್ರಹ್ಮ ಉ ಗಾಯತ್ರೀ ತದು ಬ್ರಹ್ಮಾಭಿಸಮ್ಪದ್ಯತೇ ಅಷ್ಟಾಶಫಾಃ ಪಶವಸ್ತೇನೋ ಪಶವ್ಯಮ್ ೪ ತಸ್ಯೈತಾನಿ ನಾಮಾನೀನ್ದ್ರ ಃ! ಕರ್ಮಾಕ್ಷಿತಿರಮೃತಂ ವ್ಯೋಮಾನ್ತೋ ವಾಚಃ ಬಹು-ರ್ಭೂಯಸ್ಸರ್ವಂ ಸರ್ವಸ್ಮಾದುತ್ತರಂ ಜ್ಯೋತಿಃ ಋತಂ ಸತ್ಯಂ ವಿಜ್ಞಾನಂ ವಿವಾಚನಮಪ್ರತಿವಾಚ್ಯಂ ಪೂರ್ವಂ
ಸರ್ವಂ ಸರ್ವಾ ವಾಕ್ ಸರ್ವಮಿದಮಪಿ ಧೇನುಃ ಪಿನ್ವತೇ ಪರಾಗರ್ವಾಕ್ ೫ ೯
ದ್ವಿತೀಯೇಽನುವಾಕೇ ದ್ವಿತೀಯಃ ಖಣ್ಡಃ

ಸಾ ಪೃಥಕ್ಸಲಿಲಂ ಕಾಮದುಘಾಕ್ಷಿತಿ ಪ್ರಾಣಸಂಹಿತಂ ಚಕ್ಷುಶ್ಶ್ರೋತ್ರಂ ವಾಕ್ಪ್ರಭೂತಮ್ಮನಸಾ ವ್ಯಾಪ್ತಂ ಹೃದಯಾಗ್ರಮ್ಬ್ರಾಹ್ಮಣಭಕ್ತಮನ್ನಶುಭಂ ವರ್ಷಪವಿತ್ರಂ ಗೋಭಗಮ್ಪೃಥಿವ್ಯುಪರಂ ತಪಸ್ತನು ವರುಣ-ಪರಿಯತನಮಿನ್ದ್ರ ಶ್ರೇಷ್ಠಂ ಸಹಸ್ರಾಕ್ಷರಮಯುತಧಾರಮಮೃತಂ ದುಹಾನಾ ಸರ್ವಾನಿಮಾಂಲ್ಲೋಕಾನಭಿ-ವಿಕ್ಷರತೀತಿ ೧ ತದೇತತ್ಸತ್ಯಮಕ್ಷರಂ ಯದೋಮಿತಿ ತಸ್ಮಿನ್ನಾಪಃ ಪ್ರತಿಷ್ಠಿತಾ ಅಪ್ಸು ಪೃಥಿವೀ ಪೃಥಿವ್ಯಾಮಿಮೇ ಲೋಕಾಃ ೨ ಯಥಾ ಸೂಚ್ಯಾ ಪಲಾಶಾನಿ ಸಂತೃಣ್ಣಾನಿ ಸ್ಯುರೇವಮೇತೇನಾಕ್ಷ-ರೇಣೇಮೇ ಲೋಕಾಸ್ಸಂತೃಣ್ಣಾಃ ೩ ತದಿದಮಿಮಾನತಿವಿಧ್ಯ ದಶಧಾ ಕ್ಷರತಿ ಶತಧಾ ಸಹಸ್ರ-ಧಾಯುತಧಾ ಪ್ರಯುತಧಾ ನಿಯುತಧಾರ್ಬುದಧಾ ನ್ಯರ್ಬುದಧಾ ನಿಖರ್ವಧಾ ಪದ್ಮಮಕ್ಷಿತಿರ್ವ್ಯೋಮಾನ್ತಃ ೪ ಯಥೌಘೋ ವಿಷ್ಯನ್ದಮಾನಃ ಪರಃಪರೋವರೀಯಾನ್ಭವತ್ಯೇವಮೇವೈತದಕ್ಷರಮ್ಪರಃಪರೋವರೀಯೋ ಭ-ವತಿ ೫ ತೇ ಹೈತೇ ಲೋಕಾ ಊರ್ಧ್ವಾ ಏವ ಶ್ರಿತಾಃ ಇಮ ಏವಂ ತ್ರಯೋದಶಮಾಸಾಃ ೬ ಸ ಯ ಏವಂ ವಿದ್ವಾನುದ್ಗಾಯತಿ ಸ ಏವಮೇವೈತಾಂಲ್ಲೋಕಾನತಿವಹತಿ ಓಮಿತ್ಯೇತೇನಾಕ್ಷರೇಣಾಮುಮಾದಿ-ತ್ಯಮ್ಮುಖ ಆಧತ್ತೇ ಏಷ ಹ ವಾ ಏತದಕ್ಷರಮ್ ೭ ತಸ್ಯ ಸರ್ವಮಾಪ್ತಮ್ಭವತಿ ಸರ್ವಂ ಜಿತಂ ನ ಹಾಸ್ಯ ಕಶ್ಚನ ಕಾಮೋಽನಾಪ್ತೋ ಭವತಿ ಯ ಏವಂ ವೇದ ೮ ತದ್ಧ ಪೃಥುರ್ವೈನ್ಯೋ ದಿವ್ಯಾನ್ವ್ರಾ-ತ್ಯಾನ್ಪಪ್ರಚ್ಛ ಸ್ಥೂಣಾಂ ದಿವಸ್ತಮ್ಭನೀಂ ಸೂರ್ಯಮಾಹುರನ್ತರಿಕ್ಷೇ ಸೂರ್ಯಃ ಪೃಥಿವೀಪ್ರತಿಷ್ಠಃ ಅಪ್ಸು ಭೂಮೀಶ್ಶಿಶ್ಯಿರೇ ಭೂರಿಭಾರಾಃ ಕಿಂ ಸ್ವಿನ್ಮಹೀರಧಿತಿಷ್ಠನ್ತ್ಯಾಪ ಇತಿ ೯ ತೇ ಹ ಪ್ರತ್ಯೂಚು-ಸ್ಸ್ಥೂಣಾಮೇವ ದಿವಸ್ತಮ್ಭನೀಂ ಸೂರ್ಯಮಾಹುರನ್ತರಿಕ್ಷೇ ಸೂರ್ಯಃ ಪೃಥಿವೀಪ್ರತಿಷ್ಠಃ ಅಪ್ಸು ಭೂಮೀಶ್ಶಿಶ್ಯಿರೇ ಭೂರಿಭಾರಾಸ್ಸತ್ಯಮ್ಮಹೀರಧಿತಿಷ್ಠನ್ತ್ಯಾಪ ಇತಿ ೧೦ ಓಮಿತ್ಯೇತದೇವಾಕ್ಷರಂ
ಸತ್ಯಂ ತದೇತದಾಪೋಽಧಿತಿಷ್ಠನ್ತಿ ೧೧ ೧೦
ದ್ವಿತೀಯೇಽನುವಾಕೇ ತೃತೀಯಃ ಖಣ್ಡಃ
ದ್ವಿತೀಯೋಽನುವಾಕಸ್ಸಮಾಪ್ತಃ

ಪ್ರಜಾಪತಿಃ ಪ್ರಜಾ ಅಸೃಜತ ತಾ ಏನಂ ಸೃಷ್ಟಾ ಅನ್ನಕಾಶಿನೀರಭಿತಸ್ಸಮನ್ತಮ್ಪರ್ಯವಿಶನ್ ೧ ತಾ ಅಬ್ರವೀತ್ಕಿಂಕಾಮಾಸ್ಸ್ಥೇತಿ ಅನ್ನಾದ್ಯಕಾಮಾ ಇತ್ಯಬ್ರುವನ್ ೨ ಸೋಽಬ್ರವೀದೇಕಂ ವೈ ವೇದಮ-ನ್ನಾದ್ಯಮಸೃಕ್ಷಿ ಸಾಮೈವ ತದ್ವಃ ಪ್ರಯಚ್ಛಾನೀತಿ ತನ್ನಃ ಪ್ರಯಚ್ಛೇತ್ಯಬ್ರುವನ್ ೩ ಸೋಽಬ್ರವೀ-ದಿಮಾನ್ವೈ ಪಶೂನ್ಭೂಯಿಷ್ಠಮುಪಜೀವಾಮಃ ಏಭ್ಯಃ ಪ್ರಥಮಮ್ಪ್ರದಾಸ್ಯಾಮೀತಿ ೪ ತೇಭ್ಯೋ ಹಿಙ್ಕಾ-ರಮ್ಪ್ರಾಯಚ್ಛತ್ತಸ್ಮಾತ್ಪಶವೋ ಹಿಙ್ಕರಿಕ್ರತೋ ವಿಜಿಜ್ಞಾಸಮಾನಾ ಇವ ಚರನ್ತಿ ೫ ಪ್ರಸ್ತಾ-ವಮ್ಮನುಷ್ಯೇಭ್ಯಃ ತಸ್ಮಾದು ತೇ ಸ್ತುವತ ಇವೇದಮ್ಮೇ ಭವಿಷ್ಯತ್ಯದೋ ಮೇ ಭವಿಷ್ಯತೀತಿ ೬ ಆದಿಂ ವಯೋಭ್ಯಃ ತಸ್ಮಾತ್ತಾನ್ಯಾದದಾನಾನ್ಯುಪಾಪಪಾತಮಿವ ಚರನ್ತಿ ೭ ಉದ್ಗೀಥಂ ದೇವೇಭ್ಯೋಽಮೃತಂ ತಸ್ಮಾತ್ತೇಽಮೃತಾಃ ೮ ಪ್ರತಿಹಾರಮಾರಣ್ಯೇಭ್ಯಃ ಪಶುಭ್ಯಃ ತಸ್ಮಾತ್ತೇ ಪ್ರತಿಹೃತಾಸ್ತನ್ತಸ್ಯಮಾನಾ
ಇವ ಚರನ್ತಿ ೯ ೧೧
ತೃತೀಯೇಽನುವಾಕೇ ಪ್ರಥಮಃ ಖಣ್ಡಃ

ಉಪದ್ರ ವಂ ಗನ್ಧರ್ವಾಪ್ಸರೋಭ್ಯಃ ತಸ್ಮಾತ್ತ ಉಪದ್ರ ವಂ ಗೃಹ್ಣನ್ತ ಇವ ಚರನ್ತಿ ೧ ನಿಧನಮ್ಪಿತೃಭ್ಯಃ ತಸ್ಮಾದು ತೇ ನಿಧನಸಂಸ್ಥಾಃ ೨ ತದ್ಯದೇಭ್ಯಸ್ತತ್ಸಾಮ ಪ್ರಾಯಚ್ಛದೇತಮೇವೈಭ್ಯಸ್ತದಾದಿತ್ಯ-ಮ್ಪ್ರಾಯಚ್ಛತ್ ೩ ಸ ಯದನುದಿತಸ್ಸ ಹಿಙ್ಕಾರೋಽರ್ಧೋದಿತಃ ಪ್ರಸ್ತಾವ ಆಸಂಗವಮಾದಿ-ರ್ಮಾಧ್ಯನ್ದಿನ ಉದ್ಗೀಥೋಽಪರಾಹ್ಣಃ ಪ್ರತಿಹಾರೋ ಯದುಪಾಸ್ತಮಯಂ ಲೋಹಿತಾಯತಿ ಸ ಉಪದ್ರ -ವೋಽಸ್ತಮಿತ ಏವ ನಿಧನಮ್ ೪ ಸ ಏಷ ಸರ್ವೈರ್ಲೋಕೈಸ್ಸಮಃ ತದ್ಯದೇಷ ಸರ್ವೈರ್ಲೋಕೈಸ್ಸ-ಮಸ್ತಸ್ಮಾದೇಷ ಏವ ಸಾಮ ಸ ಹ ವೈ ಸಾಮವಿತ್ಸ ಸಾಮ ವೇದ ಯ ಏವಂ ವೇದ ೫ ತೇಽಬ್ರುವನ್ದೂರೇ ವಾ ಇದಮಸ್ಮತ್ತತ್ರೇದಂ ಕುರು ಯತ್ರೋಪಜೀವಾಮೇತಿ ೬ ತದೃತೂನಭ್ಯತ್ಯನಯತ್ ಸ ವಸನ್ತಮೇವ ಹಿಙ್ಕಾರಮಕರೋದ್ಗ್ರೀಷ್ಮಮ್ಪ್ರಸ್ತಾವಂ ವರ್ಷಾಮುದ್ಗೀಥಂ ಶರದಮ್ಪ್ರತಿಹಾರಂ ಹೇಮನ್ತಂ ನಿಧನಮ್ಮಾಸಾ-ರ್ಧಮಾಸಾವೇವ ಸಪ್ತಮಾವಕರೋತ್ ೭ ತೇಽಬ್ರುವನ್ನೇದೀಯೋ ನ್ವಾವೈತರ್ಹಿ ತತ್ರೈವ ಕುರು ಯತ್ರೋಪಜೀ-
ವಾಮೇತಿ ೮ ತತ್ಪರ್ಜನ್ಯಮಭ್ಯತ್ಯನಯತ್ ಸ ಪುರೋವಾತಮೇವ ಹಿಙ್ಕಾರಮಕರೋತ್ ೯ ೧೨
ತೃತೀಯೇಽನುವಾಕೇ ದ್ವಿತೀಯಃ ಖಣ್ಡಃ

ಜೀಮೂತಾನ್ಪ್ರಸ್ತಾವಂ ಸ್ತನಯಿತ್ನುಮುದ್ಗೀಥಂ ವಿದ್ಯುತಮ್ಪ್ರತಿಹಾರಂ ವೃಷ್ಟಿಂ ನಿಧನಂ ಯದ್ವೃಷ್ಟಾತ್ಪ್ರ-ಜಾಶ್ಚೌಷಧಯಶ್ಚ ಜಾಯನ್ತೇ ತೇ ಸಪ್ತಮ್ಯಾವಕರೋತ್ ೧ ತೇಽಬ್ರುವನ್ನೇದೀಯೋ ನ್ವಾವೈತರ್ಹಿ ತತ್ರೈವ ಕುರು ಯತ್ರೋಪಜೀವಾಮೇತಿ ೨ ತದ್ಯಜ್ಞಮಭ್ಯತ್ಯನಯತ್ ಸ ಯಜೂಂಷ್ಯೇವ ಹಿಙ್ಕಾರಮಕರೋದೃಚಃ ಪ್ರಸ್ತಾವಂ ಸಾಮಾನ್ಯುದ್ಗೀಥಂ ಸ್ತೋಮಮ್ಪ್ರತಿಹಾರಂ ಛನ್ದೋ ನಿಧನಂ ಸ್ವಾಹಾಕಾರವಷಟ್ಕಾರಾವೇವ ಸಪ್ತಮಾವಕರೋತ್ ೩ ತೇಽಬ್ರುವನ್ನೇದೀಯೋ ನ್ವಾವೈತರ್ಹಿ ತತ್ರೈವ ಕುರು ಯತ್ರೋಪಜೀವಾಮೇತಿ ೪ ತತ್ಪುರುಷಮಭ್ಯತ್ಯನಯತ್ ಸ ಮನ ಏವ ಹಿಙ್ಕಾರಮಕರೋದ್ವಾಚಮ್ಪ್ರಸ್ತಾವಮ್ಪ್ರಾಣಮುದ್ಗೀಥಂ ಚಕ್ಷುಃ ಪ್ರತಿಹಾರಂ ಶ್ರೋತ್ರಂ ನಿಧನಂ ರೇತಶ್ಚೈವ ಪ್ರಜಾಂ ಚ ಸಪ್ತಮಾವಕರೋತ್ ೫ ತೇಽಬ್ರುವನ್ನತ್ರ ವಾ ಏನ-ತ್ತದಕರ್ಯತ್ರೋಪಜೀವಿಷ್ಯಾಮ ಇತಿ ೬ ಸ ವಿದ್ಯಾದಹಮೇವ ಸಾಮಾಸ್ಮಿ ಮಯ್ಯೇತಾ ದೇವತಾ ಇತಿ
೭ ೧೩
ತೃತೀಯೇಽನುವಾಕೇ ತೃತೀಯಃ ಖಣ್ಡಃ

ನ ಹ ದೂರೇದೇವತಸ್ಸ್ಯಾತ್ ಯಾವದ್ಧ ವಾ ಆತ್ಮನಾ ದೇವಾನುಪಾಸ್ತೇ ತಾವದಸ್ಮೈ ದೇವಾ ಭವನ್ತಿ ೧ ಅಥ ಯ ಏತದೇವಂ ವೇದಾಹಮೇವ ಸಾಮಾಸ್ಮಿ ಮಯ್ಯೇತಾಸ್ಸರ್ವಾ ದೇವತಾ ಇತ್ಯೇವಂ ಹಾಸ್ಮಿ-ನ್ನೇತಾಸ್ಸರ್ವಾ ದೇವತಾ ಭವನ್ತಿ ೨ ತದೇತದ್ದೇವಶ್ರುತ್ಸಾಮ ಸರ್ವಾ ಹ ವೈ ದೇವತಾಶ್ಶೃಣ್ವ-ನ್ತ್ಯೇವಂವಿದಮ್ಪುಣ್ಯಾಯ ಸಾಧವೇ ತಾ ಏನಮ್ಪುಣ್ಯಮೇವ ಸಾಧು ಕಾರಯನ್ತಿ ೩ ಸ ಹ ಸ್ಮಾಹ ಸುಚಿತ್ತಶ್ಶೈಲನೋ ಯೋ ಯಜ್ಞಕಾಮೋ ಮಾಮೇವ ಸ ವೃಣೀತಾಂ ತತ ಏವೈನಂ ಯಜ್ಞ ಉಪನಂಸ್ಯತಿ ಏವಂವಿದಂ ಹ್ಯುದ್ಗಾಯನ್ತಂ ಸರ್ವಾ ದೇವತಾ ಅನುಸಂತೃಪ್ಯನ್ತಿ ತಾ ಅಸ್ಮೈ ತೃಪ್ತಾಸ್ತಥಾ ಕರಿಷ್ಯನ್ತಿ
ಯಥೈನಂ ಯಜ್ಞ ಉಪನಂಸ್ಯತೀತಿ ೪ ೧೪
ತೃತೀಯೇಽನುವಾಕೇ ಚತುರ್ಥಃ ಖಣ್ಡಃ
ತೃತೀಯೋಽನುವಾಕಸ್ಸಮಾಪ್ತಃ

ದೇವಾ ವೈ ಸ್ವರ್ಗಂ ಲೋಕಮೈಪ್ಸನ್ತಂ ನ ಶಯಾನಾ ನಾಸೀನಾ ನ ತಿಷ್ಠನ್ತೋ ನ ಧಾವನ್ತೋ ನೈವ ಕೇನ ಚನ ಕರ್ಮಣಾಪ್ನುವನ್ ೧ ತೇ ದೇವಾಃ ಪ್ರಜಾಪತಿಮುಪಾಧಾವನ್ಸ್ವರ್ಗಂ ವೈ ಲೋಕಮೈಪ್ಸಿಷ್ಮ ತಂ ನ ಶಯಾನಾ ನಾಸೀನಾ ನ ತಿಷ್ಠನ್ತೋ ನ ಧಾವನ್ತೋ ನೈವ ಕೇನ ಚನ ಕರ್ಮಣಾಪಾಮ ತಥಾ ನೋಽನುಶಾಧಿ ಯಥಾ ಸ್ವರ್ಗಂ ಲೋಕಮಾಪ್ನುಯಾಮೇತಿ ೨ ತಾನಬ್ರವೀತ್ಸಾಮ್ನಾನೃಚೇನ ಸ್ವರ್ಗಂ ಲೋಕಮ್ಪ್ರಯಾತೇತಿ ತೇ ಸಾಮ್ನಾನೃಚೇನ ಸ್ವರ್ಗಂ ಲೋಕಮ್ಪ್ರಾಯನ್ ೩ ಪ್ರ ವಾ ಇಮೇ ಸಾಮ್ನಾಗುರಿತಿ ತಸ್ಮಾತ್ಪ್ರಸಾಮ ತಸ್ಮಾದು ಪ್ರಸಾಮ್ಯನ್ನಮತ್ತಿ ೪ ದೇವಾ ವೈ ಸ್ವರ್ಗಂ ಲೋಕಮಾಯನ್ತ ಏತಾ-ನ್ಯೃಕ್ಪದಾನಿ ಶರೀರಾಣಿ ಧೂನ್ವನ್ತ ಆಯನ್ತೇ ಸ್ವರ್ಗಂ ಲೋಕಮಜಯನ್ ೫ ತಾನ್ಯಾ ದಿವಃ ಪ್ರಕೀರ್ಣಾನ್ಯಶೇರನ್ ಅಥೇಮಾನಿ ಪ್ರಜಾಪತಿರೃಕ್ಪದಾನಿ ಶರೀರಾಣಿ ಸಂಚಿತ್ಯಾಭ್ಯರ್ಚತ್
ಯದಭ್ಯರ್ಚತ್ತಾ ಏವರ್ಚೋಽಭವನ್ ೬ ೧೫
ಚತುರ್ಥೇಽನುವಾಕೇ ಪ್ರಥಮಃ ಖಣ್ಡಃ

ಸೈವರ್ಗಭವದಿಯಮೇವ ಶ್ರೀಃ ಅತೋ ದೇವಾ ಅಭವನ್ ೧ ಅಥೈಷಾಮಿಮಾಮಸುರಾಶ್ಶ್ರಿಯಮವಿ-ನ್ದನ್ತ ತದೇವಾಸುರಮಭವತ್ ೨ ತೇ ದೇವಾ ಅಬ್ರುವನ್ಯಾ ವೈ ನಶ್ಶ್ರೀರಭೂದವಿದನ್ತ ತಾಮಸುರಾಃ ಕಥಂ ನ್ವೇಷಾಮಿಮಾಂ ಶ್ರಿಯಮ್ಪುನರೇವ ಜಾಯೇಮೇತಿ ೩ ತೇಽಬ್ರುವನ್ನೃಚ್ಯೇವ ಸಾಮ ಗಾಯಾಮೇತಿ ತೇ ಪುನಃ ಪ್ರತ್ಯಾದ್ರುತ್ಯರ್ಚಿ ಸಾಮಾಗಾಯನ್ತೇನಾಸ್ಮಾಲ್ಲೋಕಾದಸುರಾನನುದನ್ತ ೪ ತದ್ವೈ ಮಾಧ್ಯ-ನ್ದಿನೇ ಚ ಸವನೇ ತೃತೀಯಸವನೇ ಚ ನರ್ಚೋಽಪರಾಧೋಽಸ್ತಿ ಸ ಯತ್ತೇ ಋಚಿ ಗಾಯತಿ ತೇನಾ-ಸ್ಮಾಲ್ಲೋಕಾದ್ದ್ವಿಷನ್ತಮ್ಭ್ರಾತೃವ್ಯಂ ನುದತೇ ಅಥ ಯದಮೃತೇ ದೇವತಾಸು ಪ್ರಾತಸ್ಸವನಂ ಗಾಯತಿ ತೇನ ಸ್ವರ್ಗಂ ಲೋಕಮೇತಿ ೫ ಪ್ರಜಾಪತಿರ್ವೈ ಸಾಮ್ನೇಮಾಂ ಜಿತಿಮಜಯದ್ಯಾಸ್ಯೇಯಂ ಜಿತಿಸ್ತಾಂ ಸ ಸ್ವರ್ಗಂ ಲೋಕಮಾರೋಹತ್ ೬ ತೇ ದೇವಾಃ ಪ್ರಜಾಪತಿಮುಪೇತ್ಯಾಬ್ರುವನ್ನಸ್ಮಭ್ಯಮಪೀದಂ ಸಾಮ ಪ್ರಯ-ಚ್ಛೇತಿ ತಥೇತಿ ತದೇಭ್ಯಸ್ಸಾಮ ಪ್ರಾಯಚ್ಛತ್ ೭ ತದೇನಾನಿದಂ ಸಾಮ ಸ್ವರ್ಗಂ ಲೋಕಂ ನಾ-ಕಾಮಯತ ವೋಢುಮ್ ೮ ತೇ ದೇವಾಃ ಪ್ರಜಾಪತಿಮುಪೇತ್ಯಾಬ್ರುವನ್ಯದ್ವೈ ನಸ್ಸಾಮ ಪ್ರಾದಾ ಇದಂ ವೈ ನಸ್ತತ್ಸ್ವರ್ಗಂ ಲೋಕಂ ನ ಕಾಮಯತೇ ವೋಢುಮಿತಿ ೯ ತದ್ವೈ ಪಾಪ್ಮನಾ ಸಂಸೃಜತೇತಿ ಕೋಽಸ್ಯ ಪಾಪ್ಮೇತಿ ಋಗಿತಿ ತದೃಚಾ ಸಮಸೃಜನ್ ೧೦ ತದಿದಮ್ಪ್ರಜಾಪತೇರ್ಗರ್ಹಯಮಾಣಮತಿಷ್ಠದಿದಂ ವೈ ಮಾ ತತ್ಪಾಪ್ಮನಾ ಸಮಸ್ರಾಕ್ಷುರಿತಿ ಸೋಽಬ್ರವೀದ್ಯಸ್ತ್ವೈತೇನ ವ್ಯಾವರ್ತಯಾದ್ವ್ಯೇವ ಸ ಪಾಪ್ಮನಾ ವರ್ತಾತಾ ಇತಿ ೧೧ ಸ ಯ ಏತದೃಚಾ ಪ್ರಾತಸ್ಸವನೇ ವ್ಯಾವರ್ತಯತಿ ವ್ಯೇವಂ ಸ ಪಾಪ್ಮನಾ
ವರ್ತತೇ ೧೨ ೧೬
ಚತುರ್ಥೇಽನುವಾಕೇ ದ್ವಿತೀಯಃ ಖಣ್ಡಃ
ತದಾಹುರ್ಯದೋವಾ ಓವಾ ಇತಿ ಗೀಯತೇ ಕ್ವಾತ್ರರ್ಗ್ಭವತಿ ಕ್ವ ಸಾಮೇತಿ ೧ ಪ್ರಸ್ತುವನ್ನೇವಾ-ಷ್ಟಾಭಿರಕ್ಷರೈಃ ಪ್ರಸ್ತೌತಿ ಅಷ್ಟಾಕ್ಷರಾ ಗಾಯತ್ರೀ ಅಕ್ಷರಮಕ್ಷರಂ ತ್ರ್! ಯಕ್ಷರಂ ತಚ್ಚತು-ರ್ವಿಂಶತಿಸ್ಸಮ್ಪದ್ಯನ್ತೇ ಚತುರ್ವಿಂಶತ್ಯಕ್ಷರಾ ಗಾಯತ್ರೀ ೨ ತಾಮೇತಾಮ್ಪ್ರಸ್ತಾವೇನರ್ಚಮಾಪ್ತ್ವಾ ಯಾ
ಶ್ರೀರ್ಯಾಪಚಿತಿರ್ಯಸ್ಸ್ವರ್ಗೋ ಲೋಕೋ ಯದ್ಯಶೋ ಯದನ್ನಾದ್ಯಂ ತಾನ್ಯಾಗಾಯಮಾನ ಆಸ್ತೇ ೩ ೧೭
ಚತುರ್ಥೇಽನುವಾಕೇ ತೃತೀಯಃ ಖಣ್ಡಃ

ಪ್ರಜಾಪತಿರ್ದೇವಾನಸೃಜತ ತಾನ್ಮೃತ್ಯುಃ ಪಾಪ್ಮಾನ್ವಸೃಜ್ಯತ ೧ ತೇ ದೇವಾ ಪ್ರಜಾಪತಿಮುಪೇತ್ಯಾ-ಬ್ರುವನ್ಕಸ್ಮಾದು ನೋಽಸೃಷ್ಠಾ ಮೃತ್ಯುಂ ಚೇನ್ನಃ ಪಾಪ್ಮಾನಮನ್ವವಸ್ರಕ್ಷ್ಯನ್ನಾಸಿಥೇತಿ ೨ ತಾನ-ಬ್ರವೀಚ್ಛನ್ದಾಂಸಿ ಸಮ್ಭರತ ತಾನಿ ಯಥಾಯತನಮ್ಪ್ರವಿಶತ ತತೋ ಮೃತ್ಯುನಾ ಪಾಪ್ಮನಾ ವ್ಯಾ-ವರ್ತ್ಸ್ಯಥೇತಿ ೩ ವಸವೋ ಗಾಯತ್ರೀಂ ಸಮಭರನ್ತಾಂ ತೇ ಪ್ರಾವಿಶನ್ತಾನ್ಸಾಚ್ಛಾದಯತ್ ೪ ರುದ್ರಾ ಸ್ತ್ರಿಷ್ಟುಭಂ ಸಮಭರನ್ತಾಂ ತೇ ಪ್ರಾವಿಶನ್ತಾನ್ಸಾಚ್ಛಾದಯತ್ ೫ ಆದಿತ್ಯಾ ಜಗತೀಂ ಸಮಭರನ್ತಾಂ ತೇ ಪ್ರಾವಿಶನ್ತಾನ್ಸಾಚ್ಛಾದಯತ್ ೬ ವಿಶ್ವೇ ದೇವಾ ಅನುಷ್ಟುಭಂ ಸಮಭರನ್ತಾಂ ತೇ ಪ್ರಾವಿಶನ್ತಾನ್ಸಾಚ್ಛಾದಯತ್ ೭ ತಾನಸ್ಯಾಮೃಚ್ಯಸ್ವರಾಯಾಮ್ಮೃತ್ಯುರ್ನಿರಜಾನಾದ್ಯಥಾ ಮಣೌ ಮಣಿಸೂತ್ರಮ್ಪರಿಪಶ್ಯೇದೇವಮ್ ೮ ತೇ ಸ್ವರಮ್ಪ್ರಾವಿಶನ್ತಾನ್ಸ್ವರೇ ಸತೋ ನ ನಿರಜಾನಾತ್ ಸ್ವರಸ್ಯ ತು ಘೋಷೇನಾನ್ವೈತ್ ೯ ತ ಓಮಿತ್ಯೇತದೇವಾಕ್ಷರಂ ಸಮಾರೋಹನೇತದೇವಾಕ್ಷರಂ ತ್ರಯೀ ವಿದ್ಯಾ ಯದದೋಽಮೃತಂ ತಪತಿ ತತ್ಪ್ರಪದ್ಯ ತತೋ ಮೃತ್ಯುನಾ ಪಾಪ್ಮನಾ ವ್ಯಾವರ್ತನ್ತ ೧೦ ಏವಮೇವೈವಂ ವಿದ್ವಾನೋಮಿತ್ಯೇತದೇವಾಕ್ಷರಂ ಸಮಾರುಹ್ಯ ಯದದೋಽಮೃತಂ ತಪತಿ ತತ್ಪ್ರಪದ್ಯ ತತೋ ಮೃತ್ಯುನಾ
ಪಾಪ್ಮನಾ ವ್ಯಾವರ್ತತೇಽಥೋ ಯಸ್ಯೈವಂ ವಿದ್ವಾನುದ್ಗಾಯತಿ ೧೧ ೧೮
ಚತುರ್ಥೇಽನುವಾಕೇ ಚತುರ್ಥಃ ಖಣ್ಡಃ
ಚತುರ್ಥೋಽನುವಾಕಸ್ಸಮಾಪ್ತಃ

ಅಥೈತದೇಕವಿಂಶಂ ಸಾಮ ೧ ತಸ್ಯ ತ್ರಯ್ಯೇವ ವಿದ್ಯಾ ಹಿಙ್ಕಾರಃ ಅಗ್ನಿರ್ವಾಯುರಸಾವಾದಿತ್ಯ ಏಷ ಪ್ರಸ್ತಾವಃ ಇಮ ಏವ ಲೋಕಾ ಆದಿಃ ತೇಷು ಹೀದಂ ಲೋಕೇಷು ಸರ್ವಮಾಹಿತಂ ಶ್ರದ್ಧಾ ಯಜ್ಞೋ ದಕ್ಷಿಣಾ ಏಷ ಉದ್ಗೀಥಃ ದಿಶೋಽವಾನ್ತರದಿಶ ಆಕಾಶ ಏಷ ಪ್ರತಿಹಾರಃ ಆಪಃ ಪ್ರಜಾ ಓಷಧಯ ಏಷ ಉಪದ್ರ ವಃ ಚನ್ದ್ರ ಮಾ ನಕ್ಷತ್ರಾಣಿ ಪಿತರ ಏತನ್ನಿಧನಮ್ ೨ ತದೇತದೇಕವಿಂಶಂ ಸಾಮ ಸ ಯ ಏವಮೇತದೇಕವಿಂಶಂ ಸಾಮ ವೇದೈತೇನ ಹಾಸ್ಯ ಸರ್ವೇಣೋದ್ಗೀತಮ್ಭವತ್ಯೇತಸ್ಮಾದ್ವೇವ
ಸರ್ವಸ್ಮಾದಾವೃಶ್ಚ್ಯತೇ ಯ ಏವಂ ವಿದ್ವಾಂಸಮುಪವದತಿ ೩ ೧೯
ಪಞ್ಚಮೋಽನುವಾಕಸ್ಸಮಾಪ್ತಃ

ಇದಮೇವೇದಮಗ್ರೇಽನ್ತರಿಕ್ಷಮಾಸೀತ್ತದ್ವೇವಾಪ್ಯೇತರ್ಹಿ ೧ ತದ್ಯದೇತದನ್ತರಿಕ್ಷಂ ಯ ಏವಾಯಮ್ಪವತ ಏತದೇವಾನ್ತರಿಕ್ಷಮೇಷ ಹ ವಾ ಅನ್ತರಿಕ್ಷನಾಮ ೨ ಏಷ ಉ ಏವೈಷ ವಿತತಃ ತದ್ಯಥಾ ಕಾಷ್ಠೇನ ಪಲಾಶೇ ವಿಷ್ಕಬ್ಧೇ ಸ್ಯಾತಾಮಕ್ಷೇಣ ವಾ ಚಕ್ರಾವೇವಮೇತೇನೇಮೌ ಲೋಕೌ ವಿಷ್ಕಬ್ಧೌ ೩ ತಸ್ಮಿನ್ನಿದಂ ಸರ್ವಮನ್ತಃ ತದ್ಯದಸ್ಮಿನ್ನಿದಂ ಸರ್ವಮನ್ತಸ್ತಸ್ಮಾದನ್ತರ್ಯಕ್ಷಮನ್ತರ್ಯಕ್ಷಂ ಹ ವೈ ನಾಮೈತತ್ತದನ್ತರಿಕ್ಷಮಿತಿ ಪರೋಕ್ಷಮಾಚಕ್ಷತೇ ೪ ತದ್ಯಥಾ ಮೂತಾಃ ಪ್ರಬದ್ಧಾಃ ಪ್ರಲಮ್ಬೇರನ್ನೇವಂ ಹೈತಸ್ಮಿನ್ಸರ್ವೇ ಲೋಕಾಃ ಪ್ರಬದ್ಧಾಃ ಪ್ರಲಮ್ಬನ್ತೇ ೫ ತಸ್ಯೈತಸ್ಯ ಸಾಮ್ನಸ್ತಿಸ್ರ ಆಗಾ-ಸ್ತ್ರೀಣ್ಯಾಗೀತಾನಿ ಷಡ್ವಿಭೂತಯಶ್ಚತಸ್ರಃ ಪ್ರತಿಷ್ಠಾ ದಶ ಪ್ರಗಾಸ್ಸಪ್ತ ಸಂಸ್ಥಾ ದ್ವೌ ಸ್ತೋಭಾವೇಕಂ ರೂಪಮ್ ೬ ತದ್ಯಾಸ್ತಿಸ್ರ ಆಗಾ ಇಮ ಏವ ತೇ ಲೋಕಾಃ ೭ ಅಥ ಯಾನಿ ತ್ರೀಣ್ಯಾ-ಗೀತಾನ್ಯಗ್ನಿರ್ವಾಯುರಸಾವಾದಿತ್ಯ ಏತಾನ್ಯಾಗೀತಾನಿ ನ ಹ ವೈ ಕಾಂ ಚನ ಶ್ರಿಯಮಪರಾಧ್ನೋತಿ
ಯ ಏವಂ ವೇದ ೮ ೨೦
ಷಷ್ಠೇಽನುವಾಕೇ ಪ್ರಥಮಃ ಖಣ್ಡಃ

ಅಥ ಯಾಷ್ಷಡ್ವಿಭೂತಯ ಋತವಸ್ತೇ ೧ ಅಥ ಯಾಶ್ಚತಸ್ರಃ ಪ್ರತಿಷ್ಠಾ ಇಮಾ ಏವ ತಾಶ್ಚತಸ್ರೋ ದಿಶಃ ೨ ಅಥ ಯೇ ದಶ ಪ್ರಗಾ ಇಮ ಏವ ತೇ ದಶ ಪ್ರಾಣಾಃ ೩ ಅಥ ಯಾಸ್ಸಪ್ತ ಸಂಸ್ಥಾ ಯಾ ಏವೈತಾಸ್ಸಪ್ತಾಹೋರಾತ್ರಾಃ ಪ್ರಾಚೀರ್ವಷಟ್ಕುರ್ವನ್ತಿ ತಾ ಏವ ತಾಃ ೪ ಅಥ ಯೌ ದ್ವೌ ಸ್ತೋಭಾವಹೋರಾತ್ರೇ ಏವ ತೇ ೫ ಅಥ ಯದೇಕಮ್ರೂಪಂ ಕರ್ಮೈವ ತತ್ ಕರ್ಮಣಾ ಹೀದಂ ಸರ್ವಂ ವಿಕ್ರಿಯತೇ ೬ ತಸ್ಯೈತಸ್ಯ ಸಾಮ್ನೋ ದೇವಾ ಆಜಿಮಾಯನ್ಸ ಪ್ರಜಾಪತಿರ್ಹರಸಾ ಹಿಙ್ಕಾರಮುದಜಯ-ದಗ್ನಿಸ್ತೇಜಸಾ ಪ್ರಸ್ತಾವಂ ರೂಪೇಣ ಬೃಹಸ್ಪತಿರುದ್ಗೀಥಂ ಸ್ವಧಯಾ ಪಿತರಃ ಪ್ರತಿಹಾರಂ ವೀರ್ಯೇಣೇನ್ದ್ರೋ ನಿಧನಮ್ ೭ ಅಥೇತರೇ ದೇವಾ ಅನ್ತರಿತಾ ಇವಾಸನ್ತ ಇನ್ದ್ರ ಮಬ್ರುವನ್ತವ ವೈ ವಯಂ ಸ್ಮೋಽನು ನ ಏತಸ್ಮಿನ್ಸಾಮನ್ನಾಭಜೇತಿ ೮ ತೇಭ್ಯಸ್ಸ್ವರಮ್ಪ್ರಾಯಚ್ಛತ್ತಮ್ಪ್ರಜಾಪತಿರಬ್ರವೀತ್ಕಥೇತ್ಥ-ಮಕಃ ಸರ್ವಂ ವಾ ಏಭ್ಯಸ್ಸಾಮ ಪ್ರಾದಾಃ ಏತಾವದ್ವಾವ ಸಾಮ ಯಾವಾನ್ಸ್ವರಃ ಋಗ್ವಾ ಏಷರ್ತೇ ಸ್ವರಾದ್ಭವತೀತಿ ೯ ಸೋಽಬ್ರವೀತ್ಪುನರ್ವಾ ಅಹಮೇಷಾಮೇತಂ ರಸಮಾದಾಸ್ಯ ಇತಿ ತಾನಬ್ರವೀದುಪ ಮಾ ಗಾಯತ ಅಭಿ ಮಾ ಸ್ವರತೇತಿ ತಥೇತಿ ೧೦ ತಮುಪಾಗಾಯನ್ತಮಭ್ಯಸ್ವರಂ ತೇಷಾಮ್ಪುನಾ
ರಸಮಾದತ್ತ ೧೧ ೨೧
ಷಷ್ಠೇಽನುವಾಕೇ ದ್ವಿತೀಯಃ ಖಣ್ಡಃ

ಸ ಯಥಾ ಮಧುಧಾನೇ ಮಧುನಾಳೀಭಿರ್ಮಧ್ವಾಸಿಞ್ಚಾದೇವಮೇವ ತತ್ಸಾಮನ್ಪುನಾ ರಸಮಾಸಿಞ್ಚತ್ ೧ ತಸ್ಮಾದು ಹ ನೋಪಗಾಯೇತ್ ಇನ್ದ್ರ ಏಷ ಯದುದ್ಗಾತಾ ಸ ಯಥಾಸಾವಮೀಷಾಂ ರಸಮಾದತ್ತ ಏವಮೇಷ ತೇಷಾಂ ರಸಮಾದತ್ತೇ ೨ ಕಾಮಂ ಹ ತು ಯಜಮಾನ ಉಪಗಾಯೇದ್ಯಜಮಾನಸ್ಯ ಹಿ ತದ್ಭವತ್ಯಥೋ ಬ್ರಹ್ಮಚಾರ್ಯಾಚಾರ್ಯೋಕ್ತಃ ೩ ತದು ವಾ ಆಹುರುಪೈವ ಗಾಯೇತ್ ದಿಶೋ ಹ್ಯುಪಾಗಾಯನ್ದಿಶಾಮೇವಂ ಸಲೋಕತಾಂ ಜಯತೀತಿ ೪ ತೇ ಯ ಏವೇಮೇ ಮುಖ್ಯಾಃ ಪ್ರಾಣಾ ಏತ ಏವೋದ್ಗಾತಾರಶ್ಚೋಪಗಾತಾರಶ್ಚ ಇಮೇ ಹ ತ್ರಯ ಉದ್ಗಾತಾರ ಇಮ ಉ ಚತ್ವಾರ ಉಪಗಾತಾರಃ ೫ ತಸ್ಮಾದು ಚತುರ ಏವೋಪಗಾತೄ-ನ್ಕುರ್ವೀತ ತಸ್ಮಾದು ಹೋಪಗಾತೄನ್ಪ್ರತ್ಯಭಿಮೃಶೇದ್ದಿಶಸ್ಸ್ಥ ಶ್ರೋತ್ರಮ್ಮೇ ಮಾ ಹಿಂಸಿಷ್ಟೇತಿ ೬ ಸ ಯಸ್ಸ ರಸ ಆಸೀದ್ಯ ಏವಾಯಮ್ಪವತ ಏಷ ಏವ ಸ ರಸಃ ೭ ಸ ಯಥಾ ಮಧ್ವಾಲೋಪ-ಮದ್ಯಾದಿತಿ ಹ ಸ್ಮಾಹ ಸುಚಿತ್ತಶ್ಶೈಲನ ಏವಮೇತಸ್ಯ ರಸಸ್ಯಾತ್ಮಾನಮ್ಪೂರಯೇತ ಸ
ಏವೋದ್ಗಾತಾತ್ಮಾನಂ ಚ ಯಜಮಾನಂ ಚಾಮೃತತ್ವಂ ಗಮಯತೀತಿ ೮ ೨೨
ಷಷ್ಠೇಽನುವಾಕೇ ತೃತೀಯಃ ಖಣ್ಡಃ
ಷಷ್ಠೋಽನುವಾಕಸ್ಸಮಾಪ್ತಃ

ಅಯಮೇವೇದಮಗ್ರ ಆಕಾಶ ಆಸೀತ್ ಸ ಉ ಏವಾಪ್ಯೇತರ್ಹಿ ೧ ಸ ಯಸ್ಸ ಆಕಾಶೋ ವಾಗೇವ ಸಾ ತಸ್ಮಾದಾಕಾಶಾದ್ವಾಗ್ವದತಿ ೨ ತಾಮೇತಾಂ ವಾಚಮ್ಪ್ರಜಾಪತಿರಭ್ಯಪೀಳಯತ್ತಸ್ಯಾ ಅಭಿಪೀಳಿತಾಯೈ ರಸಃ ಪ್ರಾಣೇದತ್ತ ಏವೇಮೇ ಲೋಕಾ ಅಭವನ್ ೩ ಸ ಇಮಾಂಲ್ಲೋಕಾನ-ಭ್ಯಪೀಳಯತ್ತೇಷಾಮಭಿಪೀಳಿತಾನಾಂ ರಸಃ ಪ್ರಾಣೇದತ್ತಾ ಏವೈತಾ ದೇವತಾ ಅಭವನ್ನಗ್ನಿರ್ವಾ-ಯುರಸಾವಾದಿತ್ಯ ಇತಿ ೪ ಸ ಏತಾ ದೇವತಾ ಅಭ್ಯಪೀಳಯತ್ತಾಸಾಮಭಿಪೀಳಿತಾನಾಂ ರಸಃ ಪ್ರಾಣೇದತ್ ಸಾ ತ್ರಯೀ ವಿದ್ಯಾಭವತ್ ೫ ಸ ತ್ರಯೀಂ ವಿದ್ಯಾಮಭ್ಯಪೀಳಯತ್ತಸ್ಯಾ ಅಭಿಪೀಳಿತಾಯೈ ರಸಃ ಪ್ರಾಣೇದತ್ತಾ ಏವೈತಾ ವ್ಯಾಹೃತಯೋಽಭವನ್ಭೂರ್ಭುವಸ್ಸ್ವರಿತಿ ೬ ಸ ಏತಾ ವ್ಯಾಹೃತೀ-ರಭ್ಯಪೀಳಯತ್ತಾಸಾಮಭಿಪೀಳಿತಾನಾಂ ರಸಃ ಪ್ರಾಣೇದತ್ತದೇತದಕ್ಷರಮಭವದೋಮಿತಿ ಯದೇತತ್ ೭
ಸ ಏತದಕ್ಷರಮಭ್ಯಪೀಳಯತ್ತಸ್ಯಾಭಿಪೀಳಿತಸ್ಯ ರಸಃ ಪ್ರಾಣೇದತ್ ೮ ೨೩
ಸಪ್ತಮೇಽನುವಾಕೇ ಪ್ರಥಮಃ ಖಣ್ಡಃ

ತದಕ್ಷರದೇವ ಯದಕ್ಷರದೇವ ತಸ್ಮಾದಕ್ಷರಮ್ ೧ ಯದ್ವೇವಾಕ್ಷರಂ ನಾಕ್ಷೀಯತ ತಸ್ಮಾದಕ್ಷಯಮಕ್ಷಯಂ ಹ ವೈ ನಾಮೈತತ್ತದಕ್ಷರಮಿತಿ ಪರೋಕ್ಷಮಾಚಕ್ಷತೇ ೨ ತದ್ಧೈತದೇಕ ಓಮಿತಿ ಗಾಯನ್ತಿ ತತ್ತಥಾ ನ ಗಾಯೇತ್ ಈಶ್ವರೋ ಹೈನದೇತೇನ ರಸೇನಾನ್ತರ್ಧಾತೋಃ ಅಥೋ ದ್ವೇ ಇವೈವಮ್ಭವತ ಓಮಿತಿ ಓ ಇತ್ಯು ಹೈಕೇ ಗಾಯನ್ತಿ ತದು ಹ ತನ್ನ ಗೀತಂ ನೈವ ತಥಾ ಗಾಯೇತ್ ಓಂ ಇತ್ಯೇವ ಗಾಯೇತ್ತದೇನದೇತೇನ ರಸೇನ ಸಂದಧಾತಿ ೩ ತದೇತಂ ರಸಂ ತರ್ಪಯತಿ ರಸಸ್ತೃಪ್ತೋಽಕ್ಷರಂ ತರ್ಪಯತಿ ಅಕ್ಷರಂ ತೃಪ್ತಂ ವ್ಯಾಹೃತೀ-ಸ್ತರ್ಪಯತಿ ವ್ಯಾಹೃತಯಸ್ತೃಪ್ತಾ ವೇದಾಂಸ್ತರ್ಪಯನ್ತಿ ವೇದಾಸ್ತೃಪ್ತಾ ದೇವತಾಸ್ತರ್ಪಯನ್ತಿ ದೇವತಾಸ್ತೃಪ್ತಾ ಲೋಕಾಂಸ್ತರ್ಪಯನ್ತಿ ಲೋಕಾಸ್ತೃಪ್ತಾ ಅಕ್ಷರಂ ತರ್ಪಯನ್ತಿ ಅಕ್ಷರಂ ತೃಪ್ತಂ ವಾಚಂ ತರ್ಪಯತಿ ವಾಕ್ತೃಪ್ತಾಕಾಶಂ ತರ್ಪಯತಿ ಆಕಾಶಸ್ತೃಪ್ತಃ ಪ್ರಜಾಸ್ತರ್ಪಯತಿ ತೃಪ್ಯತಿ ಪ್ರಜಯಾ ಪಶುಭಿರ್ಯ
ಏತದೇವಂ ವೇದಾಥೋ ಯಸ್ಯೈವಂ ವಿದ್ವಾನುದ್ಗಾಯತಿ ೪ ೨೪
ಸಪ್ತಮೇಽನುವಾಕೇ ದ್ವಿತೀಯಃ ಖಣ್ಡಃ
ಸಪ್ತಮೋಽನುವಾಕಸ್ಸಮಾಪ್ತಃ
ಅಯಮೇವೇದಮಗ್ರ ಆಕಾಶ ಆಸೀತ್ ಸ ಉ ಏವಾಪ್ಯೇತರ್ಹಿ ೧ ಸ ಯಸ್ಸ ಆಕಾಶ ಆದಿತ್ಯ ಏವ ಸ ಏತಸ್ಮಿನ್ಹ್ಯುದಿತೇ ಸರ್ವಮಿದಮಾಕಾಶತೇ ೨ ತಸ್ಯ ಮರ್ತ್ಯಾಮೃತಯೋರ್ವೈ ತೀರಾಣಿ ಸಮುದ್ರ ಏವ ತದ್ಯತ್ಸಮುದ್ರೇ ಣ ಪರಿಗೃಹೀತಂ ತನ್ಮೃತ್ಯೋರಾಪ್ತಮಥ ಯತ್ಪರಂ ತದಮೃತಮ್ ೩ ಸ ಯೋ ಹ ಸ ಸಮುದ್ರೋ ಯ ಏವಾಯಮ್ಪವತ ಏಷ ಏವ ಸ ಸಮುದ್ರ ಃ! ಏತಂ ಹಿ ಸಂದ್ರ ವನ್ತಂ ಸರ್ವಾಣಿ ಭೂತಾನ್ಯನುಸಂದ್ರವನ್ತಿ ೪ ತಸ್ಯ ದ್ಯಾವಾಪೃಥಿವೀ ಏವ ರೋಧಸೀ ಅಥ ಯಥಾ ನದ್ಯಾಂ ಕಂಸಾನಿ ವಾ ಪ್ರಹೀಣಾನಿ ಸ್ಯುಸ್ಸರಾಂಸಿ ವೈವಮಸ್ಯಾಯಮ್ಪಾರ್ಥಿವಸ್ಸಮುದ್ರ ಃ! ೫ ಸ ಏಷ ಪಾರ ಏವ ಸಮುದ್ರ ಸ್ಯೋದೇತಿ ಸ ಉದ್ಯನ್ನೇವ ವಾಯೋಃ ಪೃಷ್ಠ ಆಕ್ರಮತೇ ಸೋಽಮೃತಾದೇವೋದೇತಿ ಅಮೃತಮ-ನುಸಂಚರತಿ ಅಮೃತೇ ಪ್ರತಿಷ್ಠಿತಃ ೬ ತಸ್ಯೈತತ್ತ್ರಿವೃದ್ರೂ ಪಮ್ಮೃತ್ಯೋರನಾಪ್ತಂ ಶುಕ್ಲಂ ಕೃಷ್ಣಮ್ಪುರುಷಃ ೭ ತದ್ಯಚ್ಛುಕ್ಲಂ ತದ್ವಾಚೋ ರೂಪಮೃಚೋಽಗ್ನೇರ್ಮೃತ್ಯೋಃ ಸಾ ಯಾ ಸಾ ವಾಗೃಕ್ಸಾ ಅಥ ಯೋ-ಽಗ್ನಿರ್ಮೃತ್ಯುಸ್ಸಃ ೮ ಅಥ ಯತ್ಕೃಷ್ಣಂ ತದಪಾಂ ರೂಪಮನ್ನಸ್ಯ ಮನಸೋ ಯಜುಷಃ ತದ್ಯಾಸ್ತಾ ಆಪೋಽನ್ನಂ ತದಥ ಯನ್ಮನೋ ಯಜುಷ್ಟತ್ ೯ ಅಥ ಯಃ ಪುರುಷಸ್ಸ ಪ್ರಾಣಸ್ತತ್ಸಾಮ ತದ್ಬ್ರಹ್ಮ
ತದಮೃತಂ ಸ ಯಃ ಪ್ರಾಣಸ್ತತ್ಸಾಮ ಅಥ ಯದ್ಬ್ರಹ್ಮ ತದಮೃತಮ್ ೧೦ ೨೫
ಅಷ್ಟಮೇಽನುವಾಕೇ ಪ್ರಥಮಃ ಖಣ್ಡಃ

ಅಥಾಧ್ಯಾತ್ಮಮಿದಮೇವ ಚಕ್ಷುಸ್ತ್ರಿವೃಚ್ಛುಕ್ಲಂ ಕೃಷ್ಣಮ್ಪುರುಷಃ ೧ ತದ್ಯಚ್ಛುಕ್ಲಂ ತದ್ವಾಚೋ ರೂಪಮೃಚೋಽಗ್ನೇರ್ಮೃತ್ಯೋಃ ಸಾ ಯಾ ಸಾ ವಾಗೃಕ್ಸಾ ಅಥ ಯೋಽಗ್ನಿರ್ಮೃತ್ಯುಸ್ಸಃ ೨ ಅಥ ಯತ್ಕೃಷ್ಣಂ ತದಪಾಂ ರೂಪಮನ್ನಸ್ಯ ಮನಸೋ ಯಜುಷಃ ತದ್ಯಾಸ್ತಾ ಆಪೋಽನ್ನಂ ತತ್ ಅಥ ಯನ್ಮನೋ ಯಜುಷ್ಟತ್ ೩ ಅಥ ಯಃ ಪುರುಷಸ್ಸ ಪ್ರಾಣಸ್ತತ್ಸಾಮ ತದ್ಬ್ರಹ್ಮ ತದಮೃತಂ ಸ ಯಃ ಪ್ರಾಣಸ್ತತ್ಸಾಮ ಅಥ ಯದ್ಬ್ರಹ್ಮ ತದಮೃತಮ್ ೪ ಸೈಷೋತ್ಕ್ರಾನ್ತಿರ್ಬ್ರಹ್ಮಣಃ ಅಥಾತಃ ಪರಾಕ್ರಾನ್ತಿಃ ೫ ಸಾ ಯಾ ಸಾಕ್ರಾ-ನ್ತಿರ್ವಿದ್ಯುದೇವ ಸಾ ಸ ಯದೇವ ವಿದ್ಯುತೋ ವಿದ್ಯೋತಮಾನಾಯೈ ಶ್ಯೇತಂ ರೂಪಮ್ಭವತಿ ತದ್ವಾಚೋ ರೂಪಮೃಚೋಽಗ್ನೇರ್ಮೃತ್ಯೋಃ ೬ ಯದ್ವೇವ ವಿದ್ಯುತಸ್ಸಂದ್ರ ವನ್ತ್ಯೈ ನೀಳಂ ರೂಪಮ್ಭವತಿ ತದಪಾಂ ರೂಪಮ-ನ್ನಸ್ಯ ಮನಸೋ ಯಜುಷಃ ೭ ಯ ಏವೈಷ ವಿದ್ಯುತಿ ಪುರುಷಸ್ಸ ಪ್ರಾಣಸ್ತತ್ಸಾಮ ತದ್ಬ್ರಹ್ಮ ತದಮೃತಂ
ಸ ಯಃ ಪ್ರಾಣಸ್ತತ್ಸಾಮ ಅಥ ಯದ್ಬ್ರಹ್ಮ ತದಮೃತಮ್ ೮ ೨೬
ಅಷ್ಟಮೇಽನುವಾಕೇ ದ್ವಿತೀಯಃ ಖಣ್ಡಃ

ಸ ಹೈಷೋಽಮೃತೇನ ಪರಿವೃಢೋ ಮೃತ್ಯುಮಧ್ಯಾಸ್ತೇಽನ್ನಂ ಕೃತ್ವಾ ೧ ಅಥೈಷ ಏವ ಪುರುಷೋ ಯೋಽಯಂ ಚಕ್ಷುಷಿ ಯ ಆದಿತ್ಯೇ ಸೋಽತಿಪುರುಷಃ ಯೋ ವಿದ್ಯುತಿ ಸ ಪರಮಪುರುಷಃ ೨ ಏತೇ ಹ ವಾವ ತ್ರಯಃ ಪುರುಷಾಃ ಆ ಹಾಸ್ಯೈತೇ ಜಾಯನ್ತೇ ೩ ಸ ಯೋಽಯಂ ಚಕ್ಷುಷ್ಯೇಷೋಽನುರೂಪೋ ನಾಮ ಅನ್ವಙ್ಹ್ಯೇಷ ಸರ್ವಾಣಿ ರೂಪಾಣಿ ತಮನುರೂಪ ಇತ್ಯುಪಾಸೀತ ಅನ್ವಞ್ಚಿ ಹೈನಂ ಸರ್ವಾಣಿ ರೂಪಾಣಿ ಭವನ್ತಿ ೪ ಯ ಆದಿತ್ಯೇ ಸ ಪ್ರತಿರೂಪಃ ಪ್ರತ್ಯಙ್ಹ್ಯೇಷ ಸರ್ವಾಣಿ ರೂಪಾಣಿ ತಮ್ಪ್ರತಿರೂಪ ಇತ್ಯುಪಾಸೀತ ಪ್ರತ್ಯಞ್ಚಿ ಹೈನಂ ಸರ್ವಾಣಿ ರೂಪಾಣಿ ಭವನ್ತಿ ೫ ಯೋ ವಿದ್ಯುತಿ ಸ ಸರ್ವರೂಪಃ ಸರ್ವಾಣಿ ಹ್ಯೇತಸ್ಮಿನ್ರೂಪಾಣಿ ತಂ ಸರ್ವರೂಪ ಇತ್ಯುಪಾಸೀತ ಸರ್ವಾಣಿ ಹಾಸ್ಮಿನ್ರೂಪಾಣಿ ಭವನ್ತಿ ೬ ಏತೇ ಹ ವಾವ ತ್ರಯಃ ಪುರುಷಾಃ ಆ ಹಾಸ್ಯೈತೇ ಜಾಯನ್ತೇ ಯ ಏತದೇವಂ ವೇದಾಥೋ ಯಸ್ಯೈವಂ ವಿದ್ವಾನುದ್ಗಾಯತಿ
೭ ೨೭
ಅಷ್ಟಮೇಽನುವಾಕೇ ತೃತೀಯಃ ಖಣ್ಡಃ
ಅಷ್ಟಮೋಽನುವಾಕಸ್ಸಮಾಪ್ತಃ

ಅಯಮೇವೇದಮಗ್ರ ಆಕಾಶ ಆಸೀತ್ ಸ ಉ ಏವಾಪ್ಯೇತರ್ಹಿ ೧ ಸ ಯಸ್ಸ ಆಕಾಶ ಇನ್ದ್ರ ಏವ ಸಃ ಸ ಯಸ್ಸ ಇನ್ದ್ರ ಏಷ ಏವ ಸ ಯ ಏಷ ಏವ ತಪತಿ ಸ ಏಷ ಸಪ್ತರಶ್ಮಿ-ರ್ವೃಷಭಸ್ತುವಿಷ್ಮಾನ್ ೨ ತಸ್ಯ ವಾಙ್ಮಯೋ ರಶ್ಮಿಃ ಪ್ರಾಙ್ಪ್ರತಿಷ್ಠಿತಃ ಸಾ ಯಾ ಸಾ ವಾಗಗ್ನಿಸ್ಸಃ ಸ ದಶಧಾ ಭವತಿ ಶತಧಾ ಸಹಸ್ರಧಾಯುತಧಾ ಪ್ರಯುತಧಾ ನಿಯುತಧಾರ್ಬುದಧಾ ನ್ಯರ್ಬುದಧಾ ನಿಖರ್ವಧಾ ಪದ್ಮಮಕ್ಷಿತಿರ್ವ್ಯೋಮಾನ್ತಃ ೩ ಸ ಏಷ ಏತಸ್ಯ ರಶ್ಮಿರ್ವಾಗ್ಭೂತ್ವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚ ವದತ್ಯೇತಸ್ಯೈವ ರಶ್ಮಿನಾ ವದತಿ ೪ ಅಥ ಮನೋಮಯೋ ದಕ್ಷಿಣಾ ಪ್ರತಿಷ್ಠಿತಃ ತದ್ಯತ್ತನ್ಮನಶ್ಚನ್ದ್ರ ಮಾಸ್ಸಃ ಸ ದಶಧಾ ಭವತಿ ೫ ಸ ಏಷ ಏತಸ್ಯ ರಶ್ಮಿರ್ಮನೋ ಭೂತ್ವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚ ಮನುತ ಏತಸ್ಯೈವ ರಶ್ಮಿನಾ ಮನುತೇ ೬ ಅಥ ಚಕ್ಷುರ್ಮಯಃ ಪ್ರತ್ಯಙ್ಪ್ರತಿಷ್ಠಿತಃ ತದ್ಯತ್ತಚ್ಚಕ್ಷುರಾದಿ-ತ್ಯಸ್ಸಃ ಸ ದಶಧಾ ಭವತಿ ೭ ಸ ಏಷ ಏತಸ್ಯ ರಶ್ಮಿಶ್ಚಕ್ಷುರ್ಭೂತ್ವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚ ಪಶ್ಯತ್ಯೇತಸ್ಯೈವ ರಶ್ಮಿನಾ ಪಶ್ಯತಿ ೮ ಅಥ ಶ್ರೋತ್ರಮಯ ಉದಙ್ಪ್ರತಿಷ್ಠಿತಃ ತದ್ಯತ್ತಚ್ಛ್ರೋತ್ರಂ ದಿಶಸ್ತಾಃ ಸ ದಶಧಾ ಭವತಿ ೯ ಸ ಏಶ ಏತಸ್ಯ ರಶ್ಮಿಶ್ಶ್ರೋತ್ರಮ್ಭೂತ್ವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚ ಶೃಣೋತ್ಯೇತಸ್ಯೈವ
ರಶ್ಮಿನಾ ಶೃಣೋತಿ ೧೦ ೨೮
ನವಮೇಽನುವಾಕೇ ಪ್ರಥಮಃ ಖಣ್ಡಃ

ಅಥ ಪ್ರಾಣಮಯ ಊರ್ಧ್ವಃ ಪ್ರತಿಷ್ಠಿತಃ ಸ ಯಸ್ಸ ಪ್ರಾಣೋ ವಾಯುಸ್ಸಃ ಸ ದಶಧಾ ಭವತಿ ೧ ಸ ಏಷ ಏತಸ್ಯ ರಶ್ಮಿಃ ಪ್ರಾಣೋ ಭೂವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚ ಪ್ರಾಣಿತ್ಯೇತಸ್ಯೈವ ರಶ್ಮಿನಾ ಪ್ರಾಣಿತಿ ೨ ಅಥಾಸುಮಯಸ್ತಿರ್ಯಙ್ಪ್ರತಿಷ್ಠಿತಃ ಸ ಹ ಸ ಈಶಾನೋ ನಾಮ ಸ ದಶಧಾ ಭವತಿ ೩ ಸ ಏಷ ಏತಸ್ಯ ರಶ್ಮಿರಸುರ್ಭೂತ್ವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚಾಸುಮಾನೇತಸ್ಯೈವ ರಶ್ಮಿನಾಸುಮಾನ್ ೪ ಅಥಾನ್ನ-ಮಯೋಽರ್ವಾಙ್ಪ್ರತಿಷ್ಠಿತಃ ತದ್ಯತ್ತದನ್ನಮಾಪಸ್ತಾಃ ಸ ದಶಧಾ ಭವತಿ ಶತಧಾ ಸಹಸ್ರ-ಧಾಯುತಧಾ ಪ್ರಯುತಧಾ ನಿಯುತಧಾರ್ಬುದಧಾ ನ್ಯರ್ಬುದಧಾ ನಿಖರ್ವಧಾ ಪದ್ಮಮಕ್ಷಿತಿರ್ವ್ಯೋಮಾನ್ತಃ ೫ ಸ ಏಷ ಏತಸ್ಯ ರಶ್ಮಿರನ್ನಮ್ಭೂತ್ವಾ ಸರ್ವಾಸ್ವಾಸು ಪ್ರಜಾಸು ಪ್ರತ್ಯವಸ್ಥಿತಃ ಸ ಯಃ ಕಶ್ಚಾಶ್ನಾತ್ಯೇತಸ್ಯೈವ ರಶ್ಮಿನಾಶ್ನಾತಿ ೬ ಸ ಏಷ ಸಪ್ತರಶ್ಮಿರ್ವೃಷಭಸ್ತುವಿಷ್ಮಾನ್ತದೇತ-ದೃಚಾಭ್ಯನೂಚ್ಯತೇ ಯಸ್ಸಪ್ತರಶ್ಮಿರ್ವೃಷಭಸ್ತುವಿಷ್ಮಾನವಾಸೃಜತ್ಸರ್ತವೇ ಸಪ್ತ ಸಿನ್ಧೂನ್ಯೋ ರೌಹಿಣಮಸ್ಫುರದ್ವಜ್ರಬಾಹುರ್ದ್ಯಾಮಾರೋಹನ್ತಂ ಸ ಜನಾಸ ಇನ್ದ್ರ ಇತಿ ೭ ಯಸ್ಸಪ್ತರಶ್ಮಿರಿತಿ ಸಪ್ತ ಹ್ಯೇತ ಆದಿತ್ಯಸ್ಯ ರಶ್ಮಯಃ ವೃಷಭ ಇತಿ ಏಷ ಹ್ಯೇವಾಸಾಮ್ಪ್ರಜಾನಾಮೃಷಭಃ ತುವಿಷ್ಮಾನಿತಿ ಮಹೀಯೈವಾಸ್ಯೈಷಾ ೮ ಅವಾಸೃಜತ್ಸರ್ತವೇ ಸಪ್ತ ಸಿನ್ಧೂನಿತಿ ಸಪ್ತ ಹ್ಯೇತೇ ಸಿನ್ಧವಃ ತೈರಿದಂ ಸರ್ವಂ ಸಿತಂ ತದ್ಯದೇತೈರಿದಂ ಸರ್ವಂ ಸಿತಂ ತಸ್ಮಾತ್ಸಿನ್ಧವಃ ೯ ಯೋ ರೌ-ಹಿಣಮಸ್ಫುರದ್ವಜ್ರಬಾಹುರಿತಿ ಏಷ ಹಿ ರೌಹಿಣಮಸ್ಫುರದ್ವಜ್ರಬಾಹುಃ ೧೦ ದ್ಯಾಮಾರೋಹನ್ತಂ ಸ
ಜನಾಸ ಇನ್ದ್ರ ಇತಿ ಏಷ ಹೀನ್ದ್ರ ಃ! ೧೧ ೨೯
ನವಮೇಽನುವಾಕೇ ದ್ವಿತೀಯಃ ಖಣ್ಡಃ

ತದ್ಯಥಾ ಗಿರಿಮ್ಪನ್ಥಾನಸ್ಸಮುದಿಯುರಿತಿ ಹ ಸ್ಮಾಹ ಶಾಟ್ಯಾಯನಿರೇವಮೇತ ಆದಿತ್ಯಸ್ಯ ರಶ್ಮಯ ಏತಮಾದಿತ್ಯಂ ಸರ್ವತೋಽಪಿಯನ್ತಿ ಸ ಹೈವಂ ವಿದ್ವಾನೋಮಿತ್ಯಾದದಾನ ಏತೈರೇತಸ್ಯ ರಶ್ಮಿಭಿರೇತಮಾದಿತ್ಯಂ ಸರ್ವತೋಽಪ್ಯೇತಿ ೧ ತದೇತತ್ಸರ್ವತೋದ್ವಾರಮನಿಷೇಧಂ ಸಾಮ ಅನ್ಯತೋದ್ವಾರಂ ಹೈನದೇಕ ಏವಾಭ್ರಂಗಮುಪಾಸತೇ ಅತೋಽನ್ಯಥಾ ವಿದ್ಯುಃ ೨ ಅಥ ಯ ಏತದೇವಂ ವೇದ ಸ ಏವೈತ-ತ್ಸರ್ವತೋದ್ವಾರಮನಿಷೇಧಂ ಸಾಮ ವೇದ ೩ ಸಾ ಏಷಾ ವಿದ್ಯುತ್ ಯದೇತನ್ಮಣ್ಡಲಂ ಸಮನ್ತ-ಮ್ಪರಿಪತತಿ ತತ್ಸಾಮ ಅಥ ಯತ್ಪರಮತಿಭಾತಿ ಸ ಪುಣ್ಯಕೃತ್ಯಾಯೈ ರಸಃ ತಮಭ್ಯತಿಮುಚ್ಯತೇ ೪ ತದೇತದಭ್ರಾತೃವ್ಯಂ ಸಾಮ ನ ಹ ವಾ ಇನ್ದ್ರ ಃ! ಕಂ ಚನ ಭ್ರಾತೃವ್ಯಮ್ಪಶ್ಯತೇ ಸ ಯಥೇನ್ದ್ರೋ ನ ಕಂ ಚನ ಭ್ರಾತೃವ್ಯಮ್ಪಶ್ಯತ ಏವಮೇವ ನ ಕಂ ಚನ ಭ್ರಾತೃವ್ಯಮ್ಪಶ್ಯತೇ ಯ ಏತದೇವಂ ವೇದಾಥೋ ಯಸ್ಯೈವಂ
ವಿದ್ವಾನುದ್ಗಾಯತಿ ೫ ೩೦
ನವಮೇಽನುವಾಕೇ ತೃತೀಯಃ ಖಣ್ಡಃ
ನವಮೋಽನುವಾಕಸ್ಸಮಾಪ್ತಃ

ಅಯಮೇವೇದಮಗ್ರ ಆಕಾಶ ಆಸೀತ್ ಸ ಉ ಏವಾಪ್ಯೇತರ್ಹಿ ಸ ಯಸ್ಸ ಆಕಾಶ ಇನ್ದ್ರ ಏವ ಸಃ ಸ ಯಸ್ಸ ಇನ್ದ್ರ ಸ್ಸಾಮೈವ ತತ್ ೧ ತಾಸ್ಯೈತಸ್ಯ ಸಾಮ್ನ ಇಯಮೇವ ಪ್ರಾಚೀ ದಿಗ್ಘಿಙ್ಕಾರ ಇಯಮ್ಪ್ರಸ್ತಾವ ಇಯಮಾದಿರಿಯಮುದ್ಗೀಥೋಽಸೌ ಪ್ರತಿಹಾರೋಽನ್ತರಿಕ್ಷಮುಪದ್ರ ವ ಇಯಮೇವ ನಿಧನಮ್ ೨ ತದೇತತ್ಸಪ್ತವಿಧಂ ಸಾಮ ಸ ಯ ಏವಮೇತತ್ಸಪ್ತವಿಧಂ ಸಾಮ ವೇದ ಯತ್ಕಿಂ ಚ ಪ್ರಾಚ್ಯಾಂ ದಿಶಿ ಯಾ ದೇವತಾ ಯೇ ಮನುಷ್ಯಾ ಯೇ ಪಶವೋ ಯದನ್ನಾದ್ಯಂ ತತ್ಸರ್ವಂ ಹಿಙ್ಕಾರೇಣಾಪ್ನೋತಿ ೩ ಅಥ ಯದ್ದಕ್ಷಿಣಾಯಂ ದಿಶಿ ತತ್ಸರ್ವಮ್ಪ್ರಸ್ತಾವೇನಾಪ್ನೋತಿ ೪ ಅಥ ಯತ್ಪ್ರತೀಚ್ಯಾಂ ದಿಶಿ ತತ್ಸ-ರ್ವಮಾದಿನಾಪ್ನೋತಿ ೫ ಅಥ ಯದುದೀಚ್ಯಾಂ ದಿಶಿ ತತ್ಸರ್ವಮುದ್ಗೀಥೇನಾಪ್ನೋತಿ ೬ ಅಥ ಯದ-ಮುಷ್ಯಾಂ ದಿಶಿ ತತ್ಸರ್ವಮ್ಪ್ರತಿಹಾರೇಣಾಪ್ನೋತಿ ೭ ಅಥ ಯದನ್ತರಿಕ್ಷೇ ತತ್ಸರ್ವಮುಪದ್ರ ವೇಣಾಪ್ನೋತಿ ೮ ಅಥ ಯದಸ್ಯಾಂ ದಿಶಿ ಯಾ ದೇವತಾ ಯೇ ಮನುಷ್ಯಾ ಯೇ ಪಶವೋ ಯದನ್ನಾದ್ಯಂ ತತ್ಸರ್ವಂ ನಿಧನೇನಾಪ್ನೋತಿ ೯ ಸರ್ವಂ ಹೈವಾಸ್ಯಾಪ್ತಮ್ಭವತಿ ಸರ್ವಂ ಜಿತಂ ನ ಹಾಸ್ಯ ಕಶ್ಚನ ಕಾಮೋಽನಾಪ್ತೋ ಭವತಿ ಯ ಏವಂ ವೇದ ೧೦ ಸ ಯದ್ಧ ಕಿಂ ಚ ಕಿಂ ಚೈವಂ ವಿದ್ವಾನೇಷು ಲೋಕೇಷು ಕುರುತೇ ಸ್ವಸ್ಯ
ಹೈವ ತತ್ಸ್ವತಃ ಕುರುತೇ ತದೇತದೃಚಾಭ್ಯನೂಚ್ಯತೇ ೧೧ ೩೧
ದಶಮೇಽನುವಾಕೇ ಪ್ರಥಮಃ ಖಣ್ಡಃ

ಯದ್ದ್ಯಾವ ಇನ್ದ್ರ ತೇ ಶತಂ ಶತಮ್ಭೂಮೀರುತ ಸ್ಯುಃ ನ ತ್ವಾ ವಜ್ರಿನ್ತ್ಸಹಸ್ರಂ ಸೂರ್ಯಾ ಅನು ನ ಜಾತಮಷ್ಟ ರೋದಸೀ ಇತಿ ೧ ಯದ್ದ್ಯಾವ ಇನ್ದ್ರ ತೇ ಶತಂ ಶತಮ್ಭೂಮೀರುತ ಸ್ಯುರಿತಿ ಯಚ್ಛತಂ ದ್ಯಾವಸ್ಸ್ಯುಶ್ಶತಮ್ಭೂಮ್ಯಸ್ತಾಭ್ಯ ಏಷ ಏವಾಕಾಶೋ ಜ್ಯಾಯಾನ್ ೨ ನ ತ್ವಾ ವಜ್ರಿನ್ತ್ಸಹಸ್ರಂ ಸೂರ್ಯಾ ಅನ್ವಿತಿ ನ ಹ್ಯೇತಂ ಸಹಸ್ರಂ ಚನ ಸೂರ್ಯಾ ಅನು ೩ ನ ಜಾತಮಷ್ಟ ರೋದಸೀ ಇತಿ ನ ಹ್ಯೇತಂ ಜಾತಂ ರೋದನ್ತಿ ಇಮೇ ಹ ವಾವ ರೋದಸೀ ತಾಭ್ಯಾಮೇಷ ಏವಾಕಾಶೋ ಜ್ಯಾಯಾನೇತಸ್ಮಿ-ನ್ಹ್ಯೇವೈತೇ ಅನ್ತಃ ೪ ಸ ಯಸ್ಸ ಆಕಾಶ ಇನ್ದ್ರ ಏವ ಸಃ ಸ ಯಸ್ಸ ಇನ್ದ್ರ ಏಷ ಏವ ಸ ಯ ಏಷ ತಪತಿ ೫ ಸ ಏಷೋಽಭ್ರಾಣ್ಯತಿಮುಚ್ಯಮಾನ ಏತಿ ತದ್ಯಥೈಷೋಽಭ್ರಾಣ್ಯತಿಮುಚ್ಯಮಾನ ಏತ್ಯೇವಮೇವ ಸ ಸರ್ವಸ್ಮಾತ್ಪಾಪ್ಮನೋಽತಿಮುಚ್ಯಮಾನ ಏತಿ ಯ ಏವಂ ವೇದಾಥೋ ಯಸ್ಯೈವಂ
ವಿದ್ವಾನುದ್ಗಾಯತಿ ೬ ೩೨
ದಶಮೇಽನುವಾಕೇ ದ್ವಿತೀಯಃ ಖಣ್ಡಃ
ದಶಮೋಽನುವಾಕಸ್ಸಮಾಪ್ತಃ

ತ್ರಿವೃತ್ಸಾಮ ಚತುಷ್ಪಾತ್ ಬ್ರಹ್ಮ ತೃತೀಯಮಿನ್ದ್ರ ಸ್ತೃತೀಯಮ್ಪ್ರಜಾಪತಿಸ್ತೃತೀಯಮನ್ನಮೇವ ಚತುರ್ಥಃ ಪಾದಃ ೧ ತದ್ಯದ್ವೈ ಬ್ರಹ್ಮ ಸ ಪ್ರಾಣೋಽಥ ಯ ಇನ್ದ್ರ ಸ್ಸಾ ವಾಗಥ ಯಃ ಪ್ರಜಾಪತಿಸ್ತನ್ಮನೋಽನ್ನಮೇವ ಚತುರ್ಥಃ ಪಾದಃ ೨ ಮನ ಏವ ಹಿಙ್ಕಾರೋ ವಾಕ್ಪ್ರಸ್ತಾವಃ ಪ್ರಾಣ ಉದ್ಗೀಥೋಽನ್ನಮೇವ ಚತುರ್ಥಃ ಪಾದಃ ೩ ಕರೋತ್ಯೇವ ವಾಚಾ ನಯತಿ ಪ್ರಾಣೇನ ಗಮಯತಿ ಮನಸಾ ತದೇತನ್ನಿರುದ್ಧಂ ಯನ್ಮನಃ ತೇನ ಯತ್ರ ಕಾಮಯತೇ ತದಾತ್ಮಾನಂ ಚ ಯಜಮಾನಂ ಚ ದಧಾತಿ ೪ ಅಥಾಧಿದೈವತಂ ಚನ್ದ್ರ ಮಾ ಏವ ಹಿಙ್ಕಾರೋಽಗ್ನಿಃ ಪ್ರಸ್ತಾವ ಆದಿತ್ಯ ಉದ್ಗೀಥ ಆಪ ಏವ ಚತುರ್ಥಃ ಪಾದಃ ತದ್ಧಿ ಪ್ರತ್ಯ-ಕ್ಷಮನ್ನಮ್ ೫ ತಾ ವಾ ಏತಾ ದೇವತಾ ಅಮಾವಾಸ್ಯಾಂ ರಾತ್ರಿಂ ಸಂಯನ್ತಿ ಚನ್ದ್ರ ಮಾ ಅಮಾವಾಸ್ಯಾಂ ರಾತ್ರಿಮಾದಿತ್ಯಮ್ಪ್ರವಿಶತ್ಯಾದಿತ್ಯೋಽಗ್ನಿಮ್ ೬ ತದ್ಯತ್ಸಂಯನ್ತಿ ತಸ್ಮಾತ್ಸಾಮ ಸ ಹ ವೈ ಸಾಮವಿತ್ಸ ಸಾಮ ವೇದ ಯ ಏವಂ ವೇದ ೭ ತಾಸಾಂ ವಾ ಏತಾಸಾಂ ದೇವತಾನಾಮೇಕೈಕೈವ ದೇವತಾ ಸಾಮ ಭವತಿ ೮ ಏಷ ಏವಾದಿತ್ಯಸ್ತ್ರಿವೃಚ್ಚತುಷ್ಪಾದ್ರ ಶ್ಮಯೋ ಮಣ್ಡಲಮ್ಪುರುಷಃ ರಶ್ಮಯ ಏವ ಹಿಙ್ಕಾರಃ ತಸ್ಮಾತ್ತೇ ಪ್ರಥಮತ ಏವೋದ್ಯತಸ್ತಾಯನ್ತೇ ಮಣ್ಡಲಮ್ಪ್ರಸ್ತಾವಃ ಪುರುಷ ಉದ್ಗೀಥೋ ಯಾ ಏತಾ ಆಪೋಽನ್ತಸ್ಸ ಏವ ಚತುರ್ಥಃ ಪಾದಃ ೯ ಏವಮೇವ ಚನ್ದ್ರ ಮಸೋ ರಶ್ಮಯೋ ಮಣ್ಡಲಮ್ಪುರುಷಃ ರಶ್ಮಯ ಏವ ಹಿಙ್ಕಾರೋ ಮಣ್ಡಲಮ್ಪ್ರಸ್ತಾವಃ ಪುರುಷ ಉದ್ಗೀಥೋ ಯಾ ಏತಾ ಆಪೋಽನ್ತಸ್ಸ ಏವ ಚತುರ್ಥಃ ಪಾದಃ ೧೦ ಚತ್ವಾರ್ಯನ್ಯಾನಿ ಚತ್ವಾರ್ಯನ್ಯಾನಿ ತಾನ್ಯಷ್ಟೌ ಅಷ್ಟಾಕ್ಷರಾ ಗಾಯತ್ರೀ ಗಾಯತ್ರಂ ಸಾಮ ಬ್ರಹ್ಮ ಉ ಗಾಯತ್ರೀ ತದು ಬ್ರಹ್ಮಾಭಿಸಮ್ಪದ್ಯತೇ ಅಷ್ಟಾಶಫಾಃ
ಪಶವಸ್ತೇನೋ ಪಶವ್ಯಮ್ ೧೧ ೩೩
ಏಕಾದಶೇಽನುವಾಕೇ ಪ್ರಥಮಃ ಖಣ್ಡಃ

ಅಥಾಧ್ಯಾತ್ಮಮಿದಮೇವ ಚಕ್ಷುಸ್ತ್ರಿವೃಚ್ಚತುಷ್ಪಾಚ್ಛುಕ್ಲಂ ಕೃಷ್ಣಮ್ಪುರುಷಃ ಶುಕ್ಲಮೇವ ಹಿಙ್ಕಾರಃ ಕೃಷ್ಣಮ್ಪ್ರಸ್ತಾವಃ ಪುರುಷ ಉದ್ಗೀಥೋ ಯಾ ಇಮಾ ಆಪೋಽನ್ತಸ್ಸ ಏವ ಚತುರ್ಥಃ ಪಾದಃ ೧ ಇದಮಾದಿತ್ಯಸ್ಯಾಯನಮಿದಂ ಚನ್ದ್ರ ಮಸಃ ಚತ್ವಾರೀಮಾನಿ ಚತ್ವಾರೀಮಾನಿ ತಾನ್ಯಷ್ಟೌ ಅಷ್ಟಾ-ಕ್ಷರಾ ಗಾಯತ್ರೀ ಗಾಯತ್ರಂ ಸಾಮ ಬ್ರಹ್ಮ ಉ ಗಾಯತ್ರೀ ತದು ಬ್ರಹ್ಮಾಭಿಸಮ್ಪದ್ಯತೇ ಅಷ್ಟಾಶಫಾಃ ಪಶವಸ್ತೇನೋ ಪಶವ್ಯಮ್ ೨ ಸ ಯೋಽಯಮ್ಪವತೇ ಸ ಏಷ ಏವ ಪ್ರಜಾಪತಿಃ ತದ್ವೇವ ಸಾಮ ತಸ್ಯಾಯಂ ದೇವೋ ಯೋಽಯಂ ಚಕ್ಷುಷಿ ಪುರುಷಃ ಸ ಏಷ ಆಹುತಿಮತಿಮತ್ಯೋತ್ಕ್ರಾನ್ತಃ ೩ ಅಥ ಯಾವೇತೌ ಚನ್ದ್ರ ಮಾಶ್ಚಾದಿತ್ಯಶ್ಚ ಯಾವೇತಾವಪ್ಸು ದೃಶ್ಯೇತೇ ಏತಾವೇತಯೋರ್ದೇವೌ ೪ ಯದ್ಧ ವಾ ಇದಮಾಹುರ್ದೇವಾನಾಂ ದೇವಾ ಇತ್ಯೇತೇ ಹ ತೇ ತ ಏತ ಆಹುತಿಮತಿಮತ್ಯೋತ್ಕ್ರಾನ್ತಾಃ ೫ ತದ್ಧ ಪೃಥುರ್ವೈನ್ಯೋ ದಿವ್ಯಾನ್ವ್ರಾತ್ಯಾನ್ಪಪ್ರಚ್ಛ ಯೇಭಿರ್ವಾತ ಇಷಿತಃ ಪ್ರವಾತಿ ಯೇ ದದನ್ತೇ ಪಞ್ಚ ದಿಶಸ್ಸಮೀಚೀಃ ಯ ಆಹುತೀರತ್ಯಮನ್ಯನ್ತ ದೇವಾ ಅಪಾಂ ನೇತಾರಃ ಕತಮೇ ತ ಆಸನ್ನಿತಿ ೬ ತೇ ಹ ಪ್ರತ್ಯೂಚುರಿಮಾಮೇಷಾಮ್ಪೃಥಿವೀಂ ವಸ್ತ ಏಕೋಽನ್ತರಿಕ್ಷಮ್ಪರ್ಯೇಕೋ ಬಭೂವ ದಿವಮೇಕೋ ದದತೇ ಯೋ ವಿಧರ್ತಾ ವಿಶ್ವಾ ಆಶಾಃ ಪ್ರತಿರಕ್ಷನ್ತ್ಯನ್ಯ ಇತಿ ೭ ಇಮಾಮೇಷಾಮ್ಪೃಥಿವೀಂ ವಸ್ತ ಏಕ ಇತ್ಯಗ್ನಿರ್ಹ ಸಃ ೮ ಅನ್ತರಿಕ್ಷಮ್ಪರ್ಯೇಕೋ ಬಭೂವೇತಿ ವಾಯುರ್ಹ ಸಃ ೯ ದಿವಮೇಕೋ ದದತೇ ಯೋ ವಿಧರ್ತೇತ್ಯಾದಿತ್ಯೋ ಹ ಸಃ ೧೦ ವಿಶ್ವಾ ಆಶಾಃ ಪ್ರತಿರಕ್ಷನ್ತ್ಯನ್ಯ ಇತಿ ಏತಾ ಹ ವೈ ದೇವತಾ ವಿಶ್ವಾ ಆಶಾಃ ಪ್ರತಿರಕ್ಷನ್ತಿ ಚನ್ದ್ರ ಮಾ ನಕ್ಷತ್ರಾಣೀತಿ ತಾ ಏತಾಸ್ಸಾಮೈವ ಸತ್ಯೋ ವ್ಯೂಢೋ
ಅನ್ನಾದ್ಯಾಯ ೧೧ ೩೪
ಏಕಾದಶೇಽನುವಾಕೇ ದ್ವಿತೀಯಃ ಖಣ್ಡಃ
ಏಕಾದಶೋಽನುವಾಕಸ್ಸಮಾಪ್ತಃ

ಅಥೈತತ್ಸಾಮ ತದಾಹುಸ್ಸಂವತ್ಸರ ಏವ ಸಾಮೇತಿ ೧ ತಸ್ಯ ವಸನ್ತ ಏವ ಹಿಙ್ಕಾರಃ ತಸ್ಮಾ-ತ್ಪಶವೋ ವಸನ್ತಾ ಹಿಙ್ಕರಿಕ್ರತಸ್ಸಮುದಾಯನ್ತಿ ೨ ಗ್ರೀಷ್ಮಃ ಪ್ರಸ್ತಾವಃ ಅನಿರುಕ್ತೋ ವೈ ಪ್ರಸ್ತಾವೋಽನಿರುಕ್ತ ಋತೂನಾಂ ಗ್ರೀಷ್ಮಃ ೩ ವರ್ಷಾ ಉದ್ಗೀಥಃ ಉದಿವ ವೈ ವರ್ಷಂ ಗಾಯತಿ ೪ ಶರತ್ಪ್ರತಿಹಾರಃ ಶರದಿ ಹ ಖಲು ವೈ ಭೂಯಿಷ್ಠಾ ಓಷಧಯಃ ಪಚ್ಯನ್ತೇ ೫ ಹೇಮನ್ತೋ ನಿಧನಂ ನಿಧನಕೃತಾ ಇವ ವೈ ಹೇಮನ್ಪ್ರಜಾ ಭವನ್ತಿ ೬ ತಾವೇತಾವನ್ತೌ ಸಂಧತ್ತಃ ಏತದನ್ವನನ್ತ-ಸ್ಸಂವತ್ಸರಃ ತಸ್ಯೈತಾವನ್ತೌ ಯದ್ಧೇಮನ್ತಶ್ಚ ವಸನ್ತಶ್ಚ ಏತದನು ಗ್ರಾಮಸ್ಯಾನ್ತೌ ಸಮೇತಃ ಏತದನು ನಿಷ್ಕಸ್ಯಾನ್ತೌ ಸಮೇತಃ ಏತದನ್ವಹಿರ್ಭೋಗಾನ್ಪರ್ಯಾಹೃತ್ಯ ಶಯೇ ೭ ತದ್ಯಥಾ ಹ ವೈ ನಿಷ್ಕ-ಸ್ಸಮನ್ತಂ ಗ್ರೀವಾ ಅಭಿಪರ್ಯಕ್ತ ಏವಮನನ್ತಂ ಸಾಮ ಸ ಯ ಏವಮೇತದನನ್ತಂ ಸಾಮ ವೇದಾ-
ನನ್ತತಾಮೇವ ಜಯತಿ ೮ ೩೫
ದ್ವಾದಶೇಽನುವಾಕೇ ಪ್ರಥಮಃ ಖಣ್ಡಃ

ಅಥೈತತ್ಪರ್ಜನ್ಯೇ ಸಾಮ ತಸ್ಯ ಪುರೋವಾತ ಏವ ಹಿಙ್ಕಾರಃ ಅಥ ಯದಭ್ರಾಣಿ ಸಮ್ಪ್ಲಾವಯತಿ ಸ ಪ್ರಸ್ತಾವಃ ಅಥ ಯತ್ಸ್ತನಯತಿ ಸ ಉದ್ಗೀಥಃ ಅಥ ಯದ್ವಿದ್ಯೋತತೇ ಸ ಪ್ರತಿಹಾರಃ ಅಥ ಯದ್ವರ್ಷತಿ ತನ್ನಿಧನಮ್ ೧ ತದೇತತ್ಪರ್ಜನ್ಯೇ ಸಾಮ ಸ ಯ ಏವಮೇತತ್ಪರ್ಜನ್ಯೇ ಸಾಮ ವೇದ ವರ್ಷುಕೋ ಹಾಸ್ಮೈ ಪರ್ಜನ್ಯೋ ಭವತಿ ೨ ಅಥೈತತ್ಪುರುಷೇ ಸಾಮ ತಸ್ಯಾಯಮೇವ ಹಿಙ್ಕಾರೋಽಯಮ್ಪ್ರಸ್ತಾ-ವೋಽಯಮುದ್ಗೀಥೋಽಯಮ್ಪ್ರತಿಹಾರ ಇದಂ ನಿಧನಮ್ ೩ ತದೇತತ್ಪುರುಷೇ ಸಾಮ ಸ ಯ ಏವಮೇತತ್ಪುರುಷೇ ಸಾಮ ವೇದೋರ್ಧ್ವ ಏವ ಪ್ರಜಯಾ ಪಶುಭಿರಾರೋಹನ್ನೇತಿ ೪ ಯ ಉ ಏನತ್ಪ್ರತ್ಯಗ್ವೇದ ಯೇ ಪ್ರತ್ಯಞ್ಚೋ ಲೋಕಾಸ್ತಾಞ್ಜಯತಿ ತಸ್ಯಾಯಮೇವ ಹಿಙ್ಕಾರೋಽಯಮ್ಪ್ರಸ್ತಾವೋಽಯಮುದ್ಗೀಥೋಽಯಮ್ಪ್ರತಿಹಾರ ಇದಂ ನಿಧನಂ ಯೇ ಪ್ರತ್ಯಞ್ಚೋ ಲೋಕಾಸ್ತಾಞ್ಜಯತಿ ೫ ಯ ಉ ಏನತ್ತಿರ್ಯಗ್ವೇದ ಯೇ ತಿರ್ಯಞ್ಚೋ ಲೋಕಾ-ಸ್ತಾಞ್ಜಯತಿ ತಸ್ಯ ಲೋಮೈವ ಹಿಙ್ಕಾರಸ್ತ್ವಕ್ಪ್ರಸ್ತಾವೋ ಮಾಂಸಮುದ್ಗೀಥೋಽಸ್ಥಿ ಪ್ರತಿಹಾರೋ ಮಜ್ಜಾ ನಿಧನಮ್ ೬ ತಸ್ಯ ತ್ರೀಣ್ಯಾವಿರ್ಗಾಯತಿ ಪ್ರಸ್ತಾವಮ್ಪ್ರತಿಹಾರಂ ನಿಧನಂ ತಸ್ಮಾತ್ಪುರುಷಸ್ಯ ತ್ರೀಣ್ಯಸ್ಥೀನ್ಯಾವಿರ್ದನ್ತಾಶ್ಚ ದ್ವಯಾಶ್ಚ ನಖಾಃ ಯೇ ತಿರ್ಯಞ್ಚೋ ಲೋಕಾಸ್ತಾಞ್ಜಯತಿ ೭ ಯ ಉ ಏನತ್ಸಮ್ಯಗ್ವೇದ ಯೇ ಸಮ್ಯಞ್ಚೋ ಲೋಕಾಸ್ತಾಞ್ಜಯತಿ ತಸ್ಯ ಮನ ಏವ ಹಿಙ್ಕಾರೋ ವಾಕ್ಪ್ರಸ್ತಾವಃ ಪ್ರಾಣ ಉದ್ಗೀಥಶ್ಚಕ್ಷುಃ ಪ್ರತಿಹಾರಶ್ಶ್ರೋತ್ರಂನಿಧನಂ ಯೇ ಸಮ್ಯಞ್ಚೋ ಲೋಕಾಸ್ತಾಞ್ಜಯತಿ ೮ ಅಥೈ-ತದ್ದೇವತಾಸು ಸಾಮ ತಸ್ಯ ವಾಯುರೇವ ಹಿಙ್ಕಾರೋಽಗ್ನಿಃ ಪ್ರಸ್ತಾವ ಆದಿತ್ಯ ಉದ್ಗೀಥಶ್ಚನ್ದ್ರ ಮಾ ಪ್ರತಿಹಾರೋ ದಿಶ ಏವ ನಿಧನಮ್ ೯ ತದೇತದ್ದೇವತಾಸು ಸಾಮ ಸ ಯ ಏವಮೇತದ್ದೇವತಾಸು ಸಾಮ
ವೇದ ದೇವತಾನಾಮೇವ ಸಲೋಕತಾಂ ಜಯತಿ ೧೦ ೩೬
ದ್ವಾದಶೇಽನುವಾಕೇ ದ್ವಿತೀಯಃ ಖಣ್ಡಃ

ತಸ್ಯೈತಾಸ್ತಿಸ್ರ ಆಗಾ ಆಗ್ನೇಯ್ಯೇಕೈನ್ದ್ರ್ ಯೇಕಾ ವೈಶ್ವದೇವ್ಯೇಕಾ ೧ ಸಾ ಯಾ ಮನ್ದ್ರಾ ಸಾಗ್ನೇಯೀ ತಯಾ ಪ್ರಾತಸ್ಸವನಸ್ಯೋದ್ಗೇಯಮಾಗ್ನೇಯಂ ವೈ ಪ್ರಾತಸ್ಸವನಮಾಗ್ನೇಯೋಽಯಂ ಲೋಕಃ ಸ್ವಯಾಗಯಾ ಪ್ರಾತಸ್ಸವನಸ್ಯೋದ್ಗಾಯತ್ಯೃಧ್ನೋತೀಮಂ ಲೋಕಮ್ ೨ ಅಥ ಯಾ ಘೋಷಿಣ್ಯುಪಬ್ದಿಮತೀ ಸೈನ್ದ್ರೀ ತಯಾ ಮಾಧ್ಯನ್ದಿನಸ್ಯ ಸವನಸ್ಯೋದ್ಗೇಯಮೈನ್ದ್ರಂ ವೈ ಮಾಧ್ಯನ್ದಿನಂ ಸವನಮೈನ್ದ್ರೋ ಽಸೌ ಲೋಕಃ ಸ್ವಯಾಗಯಾ ಮಾಧ್ಯನ್ದಿನಸ್ಯ ಸವನಸ್ಯೋದ್ಗಾಯತ್ಯೃಧ್ನೋತ್ಯಮುಂ ಲೋಕಮ್ ೩ ಅಥ ಯಾಂ ವೀಙ್ಖಯ-ನ್ನಿವ ಪ್ರಥಯನ್ನಿವ ಗಾಯತಿ ಸಾ ವೈಶ್ವದೇವೀ ತಯಾ ತೃತೀಯಸವನಸ್ಯೋದ್ಗೇಯಂ ವೈಶ್ವದೇವಂ ವೈ ತೃತೀಯಸವನಂ ವೈಶ್ವದೇವೋಽಯಮನ್ತರಾಲೋಕಃ ಸ್ವಯಾಗಯಾ ತೃತೀಯಸವನಸ್ಯೋದ್ಗಾಯತ್ಯೃಧ್ನೋ-ತೀಮಮನ್ತರಾಲೋಕಮ್ ೪ ಅಥೋ ಉಚ್ಚಾ ಖಲ್ವಾಹುರೇಕಯೈವಾಗಯೋದ್ಗೇಯಂ ಯದೇವಾಸ್ಯ ಮಧ್ಯಂ ವಾಚ ಇತಿ ತದ್ಯಯಾ ವೈ ವಾಚಾ ವ್ಯಾಯಚ್ಛಮಾನ ಉದ್ಗಾಯತಿ ತದೇವಾಸ್ಯ ಮಧ್ಯಂ ವಾಚಃ ತಯಾ ವಾ ಏತಯಾ ವಾಚಾ ಸರ್ವಾ ವಾಚ ಉಪಗಚ್ಛತಿ ಅವ್ಯಾಸಿಕ್ತಾಮೇಕಸ್ಥಾಂ ಶ್ರಿಯಮೃಧ್ನೋತಿ ಯ ಏವಂ ವೇದ ೫ ಅಥ ಯಾ ಕ್ರೌಞ್ಚಾ ಸಾ ಬಾರ್ಹಸ್ಪತ್ಯಾ ಸ ಯೋ ಬ್ರಹ್ಮವರ್ಚಸಕಾಮಸ್ಸ್ಯಾತ್ಸ ತಯೋದ್ಗಾಯೇತ್ತದ್ಬ್ರಹ್ಮ ವೈ ಬೃಹಸ್ಪತಿಃ ತದ್ವೈ ಬ್ರಹ್ಮವರ್ಚಸಮೃಧ್ನೋತಿ ತಥಾ ಹ ಬ್ರಹ್ಮವರ್ಚಸೀ ಭವತಿ ೬ ಅಥ ಹ ಚೈಕಿತಾನೇಯ ಏಕಸ್ಯೈವ ಸಾಮ್ನ ಆಗಾಂ ಗಾಯತಿ ಗಾಯತ್ರಸ್ಯೈವ ತದನವಾನಂ ಗೇಯಂ ತತ್ಸಾಮ್ನ ಏವಾ ಪ್ರತಿಹಾರಾದನವಾನಂ ಗೇಯಂ ತತ್ಪ್ರಾಣೋ ವೈ ಗಾಯತ್ರಂ ತದ್ವೈ ಪ್ರಾಣಮೃಧ್ನೋತಿ ತಥಾ
ಹ ಸರ್ವಮಾಯುರೇತಿ ೭ ೩೭
ದ್ವಾದಶೇಽನುವಾಕೇ ದ್ವಿತೀಯಃ ಖಣ್ಡಃ

ಅಥ ಹ ಬ್ರಹ್ಮದತ್ತಂ ಚೈಕಿತಾನೇಯಮುದ್ಗಾಯನ್ತಂ ಕುರವ ಉಪೋದುರುಜ್ಜಹಿಹಿ ಸಾಮ ದಾಲ್ಭ್ಯೇತಿ ೧ ಸ ಹೋಪೋದ್ಯಮಾನೋ ನಿತರಾಂ ಜಗೌ ತಂ ಹೋಚುಃ ಕಿಮುಪೋದ್ಯಮಾನೋ ನಿತರಾಮಗಾಸೀರಿತಿ ೨ ಸ ಹೋವಾಚೇದಂ ವೈ ಲೋಮೇತ್ಯೇತದೇವೈತತ್ಪ್ರತ್ಯುಪಶೃಣ್ಮಃ ತಸ್ಮಾದು ಯೇ ನ ಏತದುಪಾವಾದಿಷುರ್ಲೋಮ-ಶಾನೀವ ತೇಷಾಂ ಶ್ಮಶಾನಾನಿ ಭವಿತಾರಃ ಅಥ ವಯಮುದೇವ ಗಾತಾರಸ್ಸ್ಮ ಇತಿ ೩ ಅಥ ಹ ರಾಜಾ ಜೈವಲಿರ್ಗಳೂನಸಮಾರ್ಕ್ಷಾಕಾಯಣಂ ಶಾಮೂಲಪರ್ಣಾಭ್ಯಾಮುತ್ಥಿತಮ್ಪಪ್ರಚ್ಛರ್ಚಾಗಾತಾ ಶಾಲಾವತ್ಯಾ೩ ಸಾಮ್ನಾ೩ ಇತಿ ೪ ನೈವ ರಾಜನ್ನೃಚೇತಿ ಹೋವಾಚ ನ ಸಾಮ್ನೇತಿ ತದ್ಯೂಯಂ ತರ್ಹಿ ಸರ್ವ ಏವ ಪಣಾಯ್ಯಾ ಭವಿಷ್ಯಥ ಯ ಏವಂ ವಿದ್ವಾಂಸೋಽಗಾಯತೇತಿ ೫ ಅಥ ಯದ್ಧಾವಕ್ಷ್ಯದೃಚಾ ಚ ಸಾಮ್ನಾ ಚಾಗಾಮೇತಿ ಧೀತೇನ ವೈ ತದ್ಯಾತಯಾಮ್ನಾಮಲಾಕಾಣ್ಡೇನಾಗಾತೇತಿ ಹೈನಾಂಸ್ತದವ-
ಕ್ಷ್ಯತ್ತದ್ಧ ತದುವಾಚ ಸ್ವರೇಣ ಚೈವ ಹಿಙ್ಕಾರೇಣ ಚಾಗಾಮೇತಿ ೬ ೩೮
ದ್ವಾದಶೇಽನುವಾಕೇ ತೃತೀಯಃ ಖಣ್ಡಃ

ಅಥ ಹ ಸತ್ಯಾಧಿವಾಕಶ್ಚೈತ್ರರಥಿಸ್ಸತ್ಯಯಜ್ಞಮ್ಪೌಲುಷಿತಮುವಾಚ ಪ್ರಾಚೀನಯೋಗೇತಿ ಮಮ ಚೇದ್ವೈ ತ್ವಂ ಸಾಮ ವಿದ್ವಾನ್ಸಾಮ್ನಾರ್ತ್ವಿಜ್ಯಂ ಕರಿಷ್ಯಸಿ ನೈವ ತರ್ಹಿ ಪುನರ್ದೀಕ್ಷಾಮಭಿಧ್ಯಾತಾಸೀತಿ ಮುಹುರ್ದೀಕ್ಷೀ ಹ್ಯಾಸ ೧ ಸ ಹೋವಾಚ ಯೋ ವೈ ಸಾಮ್ನಶ್ಶ್ರಿಯಂ ವಿದ್ವಾನ್ಸಾಮ್ನಾರ್ತ್ವಿಜ್ಯಂ ಕರೋತಿ ಶ್ರೀಮಾನೇವ ಭವತಿ ಮನೋ ವಾವ ಸಾಮ್ನಶ್ಶ್ರೀರಿತಿ ೨ ಯೋ ವೈ ಸಾಮ್ನಃ ಪ್ರತಿಷ್ಠಾಂ ವಿದ್ವಾನ್ಸಾಮ್ನಾರ್ತ್ವಿಜ್ಯಂ ಕರೋತಿ ಪ್ರತ್ಯೇವ ತಿಷ್ಠತಿ ವಾಗ್ವಾವ ಸಾಮ್ನಃ ಪ್ರತಿಷ್ಠೇತಿ ೩ ಯೋ ವೈ ಸಾಮ್ನಸ್ಸುವರ್ಣಂ ವಿದ್ವಾನ್ಸಾಮ್ನಾರ್ತ್ವಿಜ್ಯಂ ಕರೋತ್ಯಧ್ಯಸ್ಯ ಗೃಹೇ ಸುವರ್ಣಂ ಗಮ್ಯತೇ ಪ್ರಾಣೋ ವಾವ ಸಾಮ್ನಸ್ಸುವರ್ಣಮಿತಿ ೪ ಯೋ ವೈ ಸಾಮ್ನೋಽಪಚಿತಿಂ ವಿದ್ವಾನ್ಸಾಮ್ನಾರ್ತ್ವಿಜ್ಯಂ ಕರೋತ್ಯಪಚಿ-ತಿಮಾನೇವ ಭವತಿ ಚಕ್ಷುರ್ವಾವ ಸಾಮ್ನೋಽಪಚಿತಿರಿತಿ ೫ ಯೋ ವೈ ಸಾಮ್ನಶ್ಶ್ರುತಿಂ ವಿದ್ವಾ-
ನ್ಸಾಮ್ನಾರ್ತ್ವಿಜ್ಯಂ ಕರೋತಿ ಶ್ರುತಿಮಾನೇವ ಭವತಿ ಶ್ರೋತ್ರಂ ವಾವ ಸಾಮ್ನಶ್ಶ್ರುತಿರಿತಿ ೬ ೩೯
ದ್ವಾದಶೇಽನುವಾಕೇ ಚತುರ್ಥಃ ಖಣ್ಡಃ
ದ್ವಾದಶೋಽನುವಾಕಸ್ಸಮಾಪ್ತಃ

ಚತ್ವಾರಿ ವಾಕ್ಪರಿಮಿತಾ ಪದಾನಿ ತಾನಿ ವಿದುರ್ಬ್ರಾಹ್ಮಣಾ ಯೇ ಮನೀಷಿಣಃ ಗುಹಾ ತ್ರೀಣಿ ನಿಹಿತಾ ನೇಙ್ಗಯನ್ತಿ ತುರೀಯಂ ವಾಚೋ ಮನುಷ್ಯಾ ವದನ್ತೀತಿ ೧ ವಾಗೇವ ಸಾಮ ವಾಚಾ ಹಿ ಸಾಮ ಗಾಯತಿ ವಾಗೇವೋಕ್ಥಂ ವಾಚಾ ಹ್ಯುಕ್ಥಂ ಶಂಸತಿ ವಾಗೇವ ಯಜುಃ ವಾಚಾ ಹಿ ಯಜುರನುವರ್ತತೇ ೨ ತದ್ಯತ್ಕಿಂ ಚಾರ್ವಾಚೀನಮ್ಬ್ರಹ್ಮಣಸ್ತದ್ವಾಗೇವ ಸರ್ವಮಥ ಯದನ್ಯತ್ರ ಬ್ರಹ್ಮೋ-ಪದಿಶ್ಯತೇ ನೈವ ಹಿ ತೇನಾರ್ತ್ವಿಜ್ಯಂ ಕರೋತಿ ಪರೋಕ್ಷೇಣೈವ ತು ಕೃತಮ್ಭವತಿ ೩ ತಸ್ಯಾ ಏತಸ್ಯೈ ವಾಚೋ ಮನಃ ಪಾದಶ್ಚಕ್ಷುಃ ಪಾದಶ್ಶ್ರೋತ್ರಮ್ಪಾದೋ ವಾಗೇವ ಚತುರ್ಥಃ ಪಾದಃ ೪ ತದ್ಯದ್ವೈ ಮನಸಾ ಧ್ಯಾಯತಿ ತದ್ವಾಚಾ ವದತಿ ಯಚ್ಚಕ್ಷುಷಾ ಪಶ್ಯತಿ ತದ್ವಾಚಾ ವದತಿ ಯಚ್ಛ್ರೋತ್ರೇಣ ಶೃಣೋತಿ ತದ್ವಾಚಾ ವದತಿ ೫ ತದ್ಯದೇತತ್ಸರ್ವಂ ವಾಚಮೇವಾಭಿಸಮಯತಿ ತಸ್ಮಾದ್ವಾಗೇವ ಸಾಮ ಸ ಹ ವೈ ಸಾಮವಿತ್ಸ ಸಾಮ ವೇದ ಯ ಏವಂ ವೇದ ೬ ತಸ್ಯಾ ಏತಸ್ಯೈ ವಾಚಃ ಪ್ರಾಣಾ ಏವಾಸುಃ
ಏಷು ಹೀದಂ ಸರ್ವಮಸೂತೇತಿ ೭ ೪೦
ತ್ರಯೋದಶೇಽನುವಾಕೇ ಪ್ರಥಮಃ ಖಣ್ಡಃ

ತೇನ ಹೈತೇನಾಸುನಾ ದೇವಾ ಜೀವನ್ತಿ ಪಿತರೋ ಜೀವನ್ತಿ ಮನುಷ್ಯಾ ಜೀವನ್ತಿ ಪಶವೋ ಜೀವನ್ತಿ ಗನ್ಧರ್ವಾಪ್ಸರಸೋ ಜೀವನ್ತಿ ಸರ್ವಮಿದಂ ಜೀವತಿ ೧ ತದಾಹುರ್ಯದಸುನೇದಂ ಸರ್ವಂ ಜೀವತಿ ಕಸ್ಸಾಮ್ನೋಽಸುರಿತಿ ಪ್ರಾಣ ಇತಿ ಬ್ರೂಯಾತ್ ಪ್ರಾಣೋ ಹ ವಾವ ಸಾಮ್ನೋಽಸುಃ ೨ ಸ ಏಷ ಪ್ರಾಣೋ ವಾಚಿ ಪ್ರತಿಷ್ಠಿತೋ ವಾಗು ಪ್ರಾಣೇ ಪ್ರತಿಷ್ಠಿತಾ ತಾವೇತಾವೇವಮನ್ಯೋಽನ್ಯಸ್ಮಿನ್ಪ್ರತಿಷ್ಠಿತೌ ಪ್ರತಿತಿಷ್ಠತಿ ಯ ಏವಂ ವೇದ ೩ ತದೇತದೃಚಾಭ್ಯನೂಚ್ಯತೇಽದಿತಿರ್ದ್ಯೌರದಿತಿರನ್ತರಿಕ್ಷಮದಿತಿರ್ಮಾತಾ ಸ ಪಿತಾ ಸ ಪುತ್ರಃ ವಿಶ್ವೇ ದೇವಾ ಅದಿತಿಃ ಪಞ್ಚ ಜನಾ ಅದಿತಿರ್ಜಾತ-ಮದಿತಿರ್ಜನಿತ್ವಮಿತಿ ೪ ಅದಿತಿರ್ದ್ಯೌರದಿತಿರನ್ತರಿಕ್ಷಮಿತಿ ಏಷಾ ವೈ ದ್ಯೌರೇಷಾನ್ತರಿಕ್ಷಮ್ ೫ ಅದಿತಿರ್ಮಾತಾ ಸ ಪಿತಾ ಸ ಪುತ್ರ ಇತಿ ಏಷಾ ವೈ ಮಾತೈಷಾ ಪಿತೈಷಾ ಪುತ್ರಃ ೬ ವಿಶ್ವೇ ದೇವಾ ಅದಿತಿಃ ಪಞ್ಚ ಜನಾ ಇತಿ ಯೇ ದೇವಾ ಅಸುರೇಭ್ಯಃ ಪೂರ್ವೇ ಪಞ್ಚ ಜನಾ ಆಸನ್ಯ ಏವಾ-ಸಾವಾದಿತ್ಯೇ ಪುರುಷೋ ಯಶ್ಚನ್ದ್ರ ಮಸಿ ಯೋ ವಿದ್ಯುತಿ ಯೋಽಪ್ಸು ಯೋಽಯಮಕ್ಷನ್ನನ್ತರೇಷ ಏವ ತೇ ತದೇ-ಷೈವ ೭ ಅದಿತಿರ್ಜಾತಮದಿತಿರ್ಜನಿತ್ವಮಿತಿ ಏಷಾ ಹ್ಯೇವ ಜಾತಮೇಷಾ ಜನಿತ್ವಮ್ ೮
೪೧
ತ್ರಯೋದಶೇಽನುವಾಕೇ ದ್ವಿತೀಯಃ ಖಣ್ಡಃ
ತ್ರಯೋದಶೋಽನುವಾಕಸ್ಸಮಾಪ್ತಃ

ಆರುಣಿರ್ಹ ವಾಸಿಷ್ಠಂ ಚೈಕಿತಾನೇಯಮ್ಬ್ರಹ್ಮಚರ್ಯಮುಪೇಯಾಯ ತಂ ಹೋವಾಚಾಜಾನಾಸಿ ಸೌಮ್ಯ ಗೌತಮ ಯದಿದಂ ವಯಂ ಚೈಕಿತಾನೇಯಾಸ್ಸಾಮೈವೋಪಾಸ್ಮಹೇ ಕಾಂ ತ್ವಂ ದೇವತಾಮುಪಾಸ್ಸ ಇತಿ ಸಾಮೈವ ಭಗವನ್ತ ಇತಿ ಹೋವಾಚ ೧ ತಂ ಹ ಪಪ್ರಚ್ಛ ಯದಗ್ನೌ ತದ್ವೇತ್ಥಾ೩ ಇತಿ ಜ್ಯೋತಿರ್ವಾ ಏತತ್ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೨ ಯತ್ಪೃಥಿವ್ಯಾಂ ತದ್ವೇತ್ಥಾ೩ ಇತಿ ಪ್ರತಿಷ್ಠಾ ವಾ ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೩ ಯದಪ್ಸು ತದ್ವೇತ್ಥಾ೩ ಇತಿ ಶಾನ್ತಿರ್ವಾ ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೪ ಯದನ್ತರಿಕ್ಷೇ ತದ್ವೇತ್ಥಾ೩ ಇತಿ ಆತ್ಮಾ ವಾ ಏಷ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೫ ಯದ್ವಾಯೌ ತದ್ವೇತ್ಥಾ೩ ಇತಿ ಶ್ರೀರ್ವಾ ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೬ ಯದ್ದಿಕ್ಷು ತದ್ವೇತ್ಥಾ೩ ಇತಿ ವ್ಯಾಪ್ತಿರ್ವಾ ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೭ ಯದ್ದಿವಿ ತದ್ವೇತ್ಥಾ೩ ಇತಿ ವಿಭೂತಿರ್ವಾ
ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೮ ೪೨
ಚತುರ್ದಶೇಽನುವಾಕೇ ಪ್ರಥಮಃ ಖಣ್ಡಃ

ಯದಾದಿತ್ಯೇ ತದ್ವೇತ್ಥಾ೩ ಇತಿ ತೇಜೋ ವಾ ಏತತ್ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೧ ಯಚ್ಚನ್ದ್ರ ಮಸಿ ತದ್ವೇತ್ಥಾ೩ ಇತಿ ಭಾ ವಾ ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೨ ಯನ್ನಕ್ಷತ್ರೇಷು ತದ್ವೇತ್ಥಾ೩ ಇತಿ ಪ್ರಜ್ಞಾ ವಾ ಏಷಾ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೩ ಯದನ್ನೇ ತದ್ವೇತ್ಥಾ೩ ಇತಿ ರೇತೋ ವಾ ಏತತ್ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೪ ಯತ್ಪಶುಷು ತದ್ವೇತ್ಥಾ೩ ಇತಿ ಯಶೋ ವಾ ಏತತ್ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೫ ಯದೃಚಿ ತದ್ವೇತ್ಥಾ೩ ಇತಿ ಸ್ತೋಮೋ ವಾ ಏಷ ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೬ ಯದ್ಯಜುಷಿ ತದ್ವೇತ್ಥಾ೩ ಇತಿ ಕರ್ಮ ವಾ ಏತತ್ತಸ್ಯ ಸಾಮ್ನೋ ಯದ್ವಯಂ ಸಾಮೋಪಾಸ್ಮಹ ಇತಿ ೭ ಅಥ ಕಿ-ಮುಪಾಸ್ಸ ಇತಿ ಅಕ್ಷರಮಿತಿ ಕತಮತ್ತದಕ್ಷರಮಿತಿ ಯತ್ಕ್ಷರನ್ನಾಕ್ಷೀಯತೇತಿ ಕತಮ-ತ್ತತ್ಕ್ಷರನ್ನಾಕ್ಷೀಯತೇತಿ ಇನ್ದ್ರ ಇತಿ ೮ ಕತಮಸ್ಸ ಇನ್ದ್ರ ಇತಿ ಯೋಽಕ್ಷನ್ರಮತ ಇತಿ ಕತಮಸ್ಸ ಯೋಽಕ್ಷನ್ರಮತ ಇತಿ ಇಯಂ ದೇವತೇತಿ ಹೋವಾಚ ೯ ಯೋಽಯಂ ಚಕ್ಷುಷಿ ಪುರುಷ ಏಷ ಇನ್ದ್ರ ಏಷ ಪ್ರಜಾಪತಿಃ ಸ ಸಮಃ ಪೃಥಿವ್ಯಾ ಸಮ ಆಕಾಶೇನ ಸಮೋ ದಿವಾ ಸಮಸ್ಸರ್ವೇಣ ಭೂತೇನ ಏಷ ಪರೋ ದಿವೋ ದೀಪ್ಯತೇ ಏಷ ಏವೇದಂ ಸರ್ವಮಿತ್ಯುಪಾಸಿತವ್ಯಃ ೧೦ ಸ ಯ ಏತದೇವಂ ವೇದ ಜ್ಯೋತಿಷ್ಮಾನ್ಪ್ರತಿಷ್ಠಾವಾಞ್ಛಾನ್ತಿಮಾನಾತ್ಮವಾಞ್ಛ್ರೀಮಾನ್ವ್ಯಾಪ್ತಿಮಾನ್ವಿಭೂತಿಮಾಂಸ್ತೇಜಸ್ವೀ ಭಾವಾನ್ಪ್ರಜ್ಞಾವಾನ್ರೇತಸ್ವೀ ಯಶಸ್ವೀ ಸ್ತೋಮವಾನ್ಕರ್ಮವಾನಕ್ಷರವಾನಿನ್ದ್ರಿ ಯವಾನ್ಸಾಮನ್ವೀ
ಭವತಿ ೧೧ ತದ್ವೇತದೃಚಾಭ್ಯನೂಚ್ಯತೇ ೧೨ ೪೩
ಚತುರ್ದಶಮೇಽನುವಾಕೇ ದ್ವಿತೀಯಃ ಖಣ್ಡಃ
ರೂಪಂರೂಪಮ್ಪ್ರತಿರೂಪೋ ಬಭೂವ ತದಸ್ಯ ರೂಪಮ್ಪ್ರತಿಚಕ್ಷಣಾಯ ಇನ್ದ್ರೋ ಮಾಯಾಭಿಃ ಪುರುರೂಪ ಈಯತೇ ಯುಕ್ತಾ ಹ್ಯಸ್ಯ ಹರಯಶ್ಶತಾ ದಶೇತಿ ೧ ರೂಪಂರೂಪಮ್ಪ್ರತಿರೂಪೋ ಬಭೂವೇತಿ ರೂಪಂರೂಪಂ ಹ್ಯೇಷ ಪ್ರತಿರೂಪೋ ಬಭೂವ ೨ ತದಸ್ಯ ರೂಪಮ್ಪ್ರತಿಚಕ್ಷಣಾಯೇತಿ ಪ್ರತಿಚಕ್ಷಣಾಯ ಹಾಸ್ಯೈತದ್ರೂ ಪಮ್ ೩ ಇನ್ದ್ರೋ ಮಾಯಾಭಿಃ ಪುರುರೂಪ ಈಯತ ಇತಿ ಮಾಯಾಭಿರ್ಹ್ಯೇಷ ಏತತ್ಪುರುರೂಪ ಈಯತೇ ೪ ಯುಕ್ತಾ ಹ್ಯಸ್ಯ ಹರಯಶ್ಶತಾ ದಶೇತಿ ಸಹಸ್ರಂ ಹೈತ ಆದಿತ್ಯಸ್ಯ ರಶ್ಮಯಃ ತೇಽಸ್ಯ ಯುಕ್ತಾಸ್ತೈರಿದಂ ಸರ್ವಂ ಹರತಿ ತದ್ಯದೇತೈರಿದಂ ಸರ್ವಂ ಹರತಿ ತಸ್ಮಾದ್ಧರಯಃ ೫ ರೂಪಂರೂಪಮ್ಮಘವಾ ಬೋಭವೀತಿ ಮಾಯಾಃ ಕೃಣ್ವಾನಃ ಪರಿ ತನ್ವಂ ಸ್ವಾಂ ತ್ರಿರ್ಯದ್ದಿವಃ ಪರಿ ಮುಹೂರ್ತಮಾಗಾತ್ಸ್ವೈರ್ಮನ್ತ್ರೈರನೃತುಪಾ ಋತಾವೇತಿ ೬ ರೂಪಂರೂಪಮ್ಮಘವಾ ಬೋಭವೀತೀತಿ ರೂಪಂರೂಪಂ ಹ್ಯೇಷ ಮಘವಾ ಬೋಭವೀತಿ ೭ ಮಾಯಾಃ ಕೃಣ್ವಾನಃ ಪರಿ ತನ್ವಂ ಸ್ವಾಮಿತಿ ಮಾಯಾಭಿರ್ಹ್ಯೇಷ ಏತತ್ಸ್ವಾಂ ತನುಂ ಗೋಪಾಯತಿ ೮ ತ್ರಿರ್ಯದ್ದಿವಃ ಪರಿ ಮುಹೂರ್ತಮಾಗಾದಿತಿ ತ್ರಿರ್ಹ ವಾ ಏಷ ಏತಸ್ಯ ಮುಹೂರ್ತಸ್ಯೇಮಾಮ್ಪೃಥಿವೀಂ ಸಮನ್ತಃ ಪರ್ಯೇತೀಮಾಃ ಪ್ರಜಾಸ್ಸಂಚಕ್ಷಾಣಃ ೯ ಸ್ವೈರ್ಮನ್ತ್ರೈರನೃತುಪಾ ಋತಾವೇತಿ ಅನೃತುಪಾ ಹ್ಯೇಷ ಏತದೃತಾವಾ
೧೦ ೪೪
ಚತುರ್ದಶೇಽನುವಾಕೇ ತೃತೀಯಃ ಖಣ್ಡಃ

ತದ್ಧ ಪೃಥುರ್ವೈನ್ಯೋ ದಿವ್ಯಾನ್ವ್ರಾತ್ಯಾನ್ಪಪ್ರಚ್ಛೇ ಇನ್ದ್ರ ಮುಕ್ಥಮೃಚಮುದ್ಗೀಥಮಾಹುರ್ಬ್ರಹ್ಮ ಸಾಮ ಪ್ರಾಣಂ ವ್ಯಾನಮ್ಮನೋ ವಾ ಚಕ್ಷುರಪಾನಮಾಹುಶ್ಶ್ರೋತ್ರಂ ಶ್ರೋತ್ರಿಯಾ ಬಹುಧಾ ವದನ್ತೀತಿ ೧ ತೇ ಪ್ರತ್ಯೂ-ಚುರೃಷಯ ಏತೇ ಮನ್ತ್ರಕೃತಃ ಪುರಾಜಾಃ ಪುನರಾಜಾಯನ್ತೇ ವೇದಾನಾಂ ಗುಪ್ತ್ಯೈ ಕಂ ತೇ ವೈ ವಿದ್ವಾಂಸೋ ವೈನ್ಯ ತದ್ವದನ್ತಿ ಸಮಾನಮ್ಪುರುಷಮ್ಬಹುಧಾ ನಿವಿಷ್ಟಮಿತಿ ೨ ಇಮಾಂ ಹ ವಾ ತದ್ದೇವತಾಂ ತ್ರಯ್ಯಾಂ ವಿದ್ಯಾಯಾಮಿಮಾಂ ಸಮಾನಾಮಭ್ಯೇಕ ಆಪಯನ್ತಿ ನೈಕೇ ಯೋ ಹ ವಾವೈತದೇವಂ ವೇದ ಸ ಏವೈತಾಂ ದೇವತಾಂ ಸಮ್ಪ್ರತಿ ವೇದ ೩ ಸ ಏಷ ಇನ್ದ್ರ ಉದ್ಗೀಥಃ ಸ ಯದೈಷ ಇನ್ದ್ರ ಉದ್ಗೀಥ ಆಗಚ್ಛತಿ ನೈವೋದ್ಗಾತುಶ್ಚೋಪಗಾತೄಣಾಂ ಚ ವಿಜ್ಞಾಯತೇ ಇತ ಏವೋರ್ಧ್ವಸ್ಸ್ವರುದೇತಿ ಸ ಉಪರಿ ಮೂರ್ಧ್ನೋ ಲೇಲಾಯತಿ ೪ ಸ ವಿದ್ಯಾದಾಗಮದಿನ್ದ್ರೋ ನೇಹ ಕಶ್ಚನ ಪಾಪ್ಮಾ ನ್ಯಙ್ಗಃ ಪರಿಶೇಕ್ಷ್ಯತ ಇತಿ ತಸ್ಮಿನ್ಹ ನ ಕಶ್ಚನ ಪಾಪ್ಮಾ ನ್ಯಙ್ಗಃ ಪರಿಶಿಷ್ಯತೇ ೫ ತದೇತದಭ್ರಾತೃವ್ಯಂ ಸಾಮ ನ ಹ ವಾ ಇನ್ದ್ರ ಃ! ಕಂ ಚನ ಭ್ರಾತೃವ್ಯಮ್ಪಶ್ಯತೇ ಸ ಯಥೇನ್ದ್ರೋ ನ ಕಂ ಚನ ಭ್ರಾತೃವ್ಯಮ್ಪಶ್ಯತ ಏವಮೇವ ನ
ಕಂ ಚನ ಭ್ರಾತೃವ್ಯಮ್ಪಶ್ಯತೇ ಯ ಏತದೇವಂ ವೇದಾಥೋ ಯಸ್ಯೈವಂ ವಿದ್ವಾನುದ್ಗಾಯತಿ ೬ ೪೫
ಚತುರ್ದಶೇಽನುವಾಕೇ ಚತುರ್ಥಃ ಖಣ್ಡಃ
ಚತುರ್ದಶೋಽನುವಾಕಸ್ಸಮಾಪ್ತಃ

ಪ್ರಜಾಪತಿರ್ವಾ ವೇದ ಅಗ್ರ ಆಸೀತ್ ಸೋಽಕಾಮಯತ ಬಹುಸ್ಸ್ಯಾಮ್ಪ್ರಜಾಯೇಯ ಭೂಮಾನಂ ಗಚ್ಛೇ-ಯಮಿತಿ ೧ ಸ ಷೋಡಶಧಾತ್ಮಾನಂ ವ್ಯಕುರುತ ಭದ್ರಂ ಚ ಸಮಾಪ್ತಿಶ್ಚಾಭೂತಿಶ್ಚ ಸಮ್ಭೂತಿಶ್ಚ ಭೂತಂ ಚ ಸರ್ವಂ ಚ ರೂಪಂ ಚಾಪರಿಮಿತಂ ಚ ಶ್ರೀಶ್ಚ ಯಶಶ್ಚ ನಾಮ ಚಾಗ್ರಂ ಚ ಸಜಾತಾಶ್ಚ ಪಯಶ್ಚ ಮಹೀಯಾ ಚ ರಸಶ್ಚ ೨ ತದ್ಯದ್ಭದ್ರಂ ಹೃದಯಮಸ್ಯ ತತ್ತತಸ್ಸಂವತ್ಸರಮಸೃಜತ ತದಸ್ಯ ಸಂವತ್ಸ-ರೋಽನೂಪತಿಷ್ಠತೇ ೩ ಸಮಾಪ್ತಿಃ ಕರ್ಮಾಸ್ಯ ತತ್ ಕರ್ಮಣಾ ಹಿ ಸಮಾಪ್ನೋತಿ ತತ ಋತೂನಸೃಜತ ತದಸ್ಯ ರ್ತವೋಽನೂಪತಿಷ್ಠನ್ತೇ ೪ ಆಭೂತಿರನ್ನಮಸ್ಯ ತತ್ ತಚ್ಚತುರ್ಧಾ ಭವತಿ ತತೋ ಮಾಸಾ-ನರ್ಧಮಾಸಾನಹೋರಾತ್ರಾಣ್ಯುಷಸೋಽಸೃಜತ ತದಸ್ಯ ಮಾಸಾ ಅರ್ಧಮಾಸಾ ಅಹೋರಾತ್ರಾಣ್ಯುಷ-
ಸೋಽನೂಪತಿಷ್ಠನ್ತೇ ೫ ಸಮ್ಭೂತೀ ರೇತೋಽಸ್ಯ ತದ್ ರೇತಸೋ ಹಿ ಸಮ್ಭವತಿ ೬ ೪೬
ಪಞ್ಚದಶೇಽನುವಾಕೇ ಪ್ರಥಮಃ ಖಣ್ಡಃ

ತತಶ್ಚನ್ದ್ರ ಮಸಮಸೃಜತ ತದಸ್ಯ ಚನ್ದ್ರ ಮಾ ಅನೂಪತಿಷ್ಠತೇ ತಸ್ಮಾತ್ಸ ರೇತಸಃ ಪ್ರತಿರೂಪಃ ೧ ಭೂತಮ್ಪ್ರಾಣೋಽಸ್ಯ ಸಃ ತತೋ ವಾಯುಮಸೃಜತ ತದಸ್ಯ ವಾಯುರನೂಪತಿಷ್ಠತೇ ೨ ಸರ್ವಮಪಾನೋಽಸ್ಯ ಸಃ ತತಃ ಪಶೂನಸೃಜತ ತದಸ್ಯ ಪಶವೋಽನೂಪತಿಷ್ಠನ್ತೇ ೩ ರೂಪಂ ವ್ಯಾನೋಽಸ್ಯ ಸಃ ತತಃ ಪ್ರಜಾ ಅಸೃಜತ ತದಸ್ಯ ಪ್ರಜಾ ಅನೂಪತಿಷ್ಠನ್ತೇ ತಸ್ಮಾದಾಸು ಪ್ರಜಾಸು ರೂಪಾಣ್ಯಧಿಗಮ್ಯನ್ತೇ ೪ ಅಪರಿಮಿತಮ್ಮನೋಽಸ್ಯ ತತ್ತತೋ ದಿಶೋಽಸೃಜತ ತದಸ್ಯ ದಿಶೋಽನೂಪತಿಷ್ಠನ್ತೇ ತಸ್ಮಾತ್ತಾ ಅಪರಿಮಿತಾಃ ಅಪರಿಮಿತಮಿವ ಹಿ ಮನಃ ೫ ಶ್ರೀರ್ವಾಗಸ್ಯ ಸಾ ತತಸ್ಸಮುದ್ರ ಮಸೃಜತ ತದಸ್ಯ ಸಮುದ್ರೋ ಽನೂಪತಿಷ್ಠತೇ ೬ ಯಶಸ್ತಪೋಽಸ್ಯ ತತ್ತತೋಽಗ್ನಿಮಸೃಜತ ತದಸ್ಯಾಗ್ನಿರನೂ-ಪತಿಷ್ಠತೇ ತಸ್ಮಾತ್ಸ ಮಥಿತಾದಿವ ಸಂತಪ್ತಾದಿವ ಜಾಯತೇ ೭ ನಾಮ ಚಕ್ಷುರಸ್ಯ ತತ್ ೮
೪೭
ಪಞ್ಚದಶೇಽನುವಾಕೇ ದ್ವಿತೀಯಃ ಖಣ್ಡಃ

ತತ ಆದಿತ್ಯಮಸೃಜತ ತದಸ್ಯಾದಿತ್ಯೋಽನೂಪತಿಷ್ಠತೇ ೧ ಅಗ್ರಮ್ಮೂರ್ಧಾಸ್ಯ ಸಃ ತತೋ ದಿವಮಸೃಜತ ತದಸ್ಯ ದ್ಯೌರನೂಪತಿಷ್ಠತೇ ೨ ಸಜಾತಾ ಅಙ್ಗಾನ್ಯಸ್ಯ ತಾನಿ ಅಙ್ಗೈರ್ಹಿ ಸಹ ಜಾಯತೇ ತತೋ ವನಸ್ಪತೀನಸೃಜತ ತದಸ್ಯ ವನಸ್ಪತಯೋಽನೂಪತಿಷ್ಠನ್ತೇ ೩ ಪಯೋ ಲೋಮಾನ್ಯಸ್ಯ ತಾನಿ ತತ ಓಷಧೀರಸೃಜತ ತದಸ್ಯೌಷಧಯೋಽನೂಪತಿಷ್ಠನ್ತೇ ೪ ಮಹೀಯಾ ಮಾಂಸಾನ್ಯಸ್ಯ ತಾನಿ ಮಾಂಸೈರ್ಹಿ ಸಹ ಮಹೀಯತೇ ತತೋ ವಯಾಂಸ್ಯಸೃಜತ ತದಸ್ಯ ವಯಾಂಸ್ಯನೂಪತಿಷ್ಠನ್ತೇ ತಸ್ಮಾತ್ತಾನಿ ಪ್ರಪತಿಷ್ಣೂನಿ ಪ್ರಪತಿಷ್ಣೂನೀವ ಮಹಾಮಾಂಸಾನಿ ೫ ರಸೋ ಮಜ್ಜಾಸ್ಯ ಸಃ ತತಃ ಪೃಥಿವೀಮಸೃಜತ ತದಸ್ಯ ಪೃಥಿವ್ಯನೂಪತಿಷ್ಠತೇ ೬ ಸ ಹೈವಂ ಷೋಡಶಧಾತ್ಮಾನಂ ವಿಕೃತ್ಯ ಸಾರ್ಧಂ ಸಮೈತ್ತದ್ಯತ್ಸಾರ್ಧಂ ಸಮೈತತ್ತತ್ಸಾಮ್ನಸ್ಸಾಮತ್ವಮ್ ೭ ಸ ಏವೈಷ ಹಿರಣ್ಮಯಃ ಪುರುಷ
ಉದತಿಷ್ಠತ್ಪ್ರಜಾನಾಂ ಜನಿತಾ ೮ ೪೮
ಪಞ್ಚದಶೇಽನುವಾಕೇ ತೃತೀಯಃ ಖಣ್ಡಃ

ದೇವಾಸುರಾ ಅಸ್ಪರ್ಧನ್ತ ತೇ ದೇವಾಃ ಪ್ರಜಾಪತಿಮುಪಾಧಾವಞ್ಜಯಾಮಾಸುರಾನಿತಿ ೧ ಸೋಽಬ್ರವೀನ್ನ ವೈ ಮಾಂ ಯೂಯಂ ವಿತ್ಥ ನಾಸುರಾಃ ಯದ್ವೈ ಮಾಂ ಯೂಯಂ ವಿದ್ಯಾತ ತತೋ ವೈ ಯೂಯಮೇವ ಸ್ಯಾತ ಪರಾಸುರಾ ಭವೇಯುರಿತಿ ೨ ತದ್ವೈ ಬ್ರೂಹೀತ್ಯಬ್ರುವನ್ಸೋಽಬ್ರವೀತ್ಪುರುಷಃ ಪ್ರಜಾಪತಿಸ್ಸಾಮೇತಿ ಮೋಪಾದ್ಧ್ವಂ ತತೋ ವೈ ಯೂಯಮೇವ ಭವಿಷ್ಯಥ ಪರಾಸುರಾ ಭವಿಷ್ಯನ್ತೀತಿ ೩ ತಮ್ಪುರುಷಃ ಪ್ರಜಾಪತಿಸ್ಸಾ-ಮೇತ್ಯುಪಾಸತ ತತೋ ವೈ ದೇವಾ ಅಭವನ್ಪರಾಸುರಾಃ ಸ ಯೋ ಹೈವಂ ವಿದ್ವಾನ್ಪುರುಷಃ ಪ್ರಜಾಪ-
ತಿಸ್ಸಾಮೇತ್ಯುಪಾಸ್ತೇ ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ೪ ೪೯
ಪಞ್ಚದಶೇಽನುವಾಕೇ ಚತುರ್ಥಃ ಖಣ್ಡಃ
ಪಞ್ಚದಶೋಽನುವಾಕಸ್ಸಮಾಪ್ತಃ

ದೇವಾ ವೈ ವಿಜಿಗ್ಯಾನಾ ಅಬ್ರುವನ್ದ್ವಿತೀಯಂ ಕರವಾಮಹೈ ಮಾದ್ವಿತೀಯಾ ಭೂಮೇತಿ ತೇಽಬ್ರುವನ್ಸಾಮೈವ ದ್ವಿತೀಯಂ ಕರವಾಮಹೈ ಸಾಮೈವ ನೋ ದ್ವಿತೀಯಮಸ್ತ್ವಿತಿ ೧ ತ ಇಮೇ ದ್ಯಾವಾಪೃಥಿವೀ ಅಬ್ರುವನ್ಸಮೇತಂ ಸಾಮ ಪ್ರಜನಯತಮಿತಿ ೨ ಸೋಽಸಾವಸ್ಯಾ ಅಬೀಭತ್ಸತ ಸೋಽಬ್ರವೀದ್ಬಹು ವಾ ಏತಸ್ಯಾಂ ಕಿಂ ಚ ಕಿಂ ಚ ಕುರ್ವನ್ತ್ಯಧಿಷ್ಠೀವನ್ತ್ಯಧಿಚರನ್ತ್ಯಧ್ಯಾಸತೇ ಪುನೀತ ನ್ವೇನಾಮ-ಪೂತಾ ವಾ ಇತಿ ೩ ತೇ ಗಾಥಾಮಬ್ರುವನ್ತ್ವಯಾ ಪುನಾಮೇತಿ ಕಿಂ ತತಸ್ಸ್ಯಾದಿತಿ ಶತಸನಿಸ್ಸ್ಯಾ ಇತಿ ತಥೇತಿ ತೇ ಗಾಥಯಾಪುನನ್ತಸ್ಮಾದುತ ಗಾಥಯಾ ಶತಂ ಸುನೋತಿ ೪ ತೇ ಕುಮ್ಬ್ಯಾ-ಮಬ್ರುವನ್ತ್ವಯಾ ಪುನಾಮೇತಿ ಕಿಂ ತತಸ್ಸ್ಯಾದಿತಿ ಶತಸನಿಸ್ಸ್ಯಾ ಇತಿ ತಥೇತಿ ತೇ ಕುಮ್ಬ್ಯಯಾಪುನನ್ತಸ್ಮಾದುತ ಕುಮ್ಬ್ಯಯಾ ಶತಂ ಸುನೋತಿ ೫ ತೇ ನಾರಾಶಂಸೀಮಬ್ರುವನ್ತ್ವಯ ಪುನಾಮೇತಿ ಕಿಂ ತತಸ್ಸ್ಯಾದಿತಿ ಶತಸನಿಸ್ಸ್ಯಾ ಇತಿ ತಥೇತಿ ತೇ ನಾರಾಶಂಸ್ಯಾ-ಪುನನ್ತಸ್ಮಾದುತ ನಾರಾಶಂಸ್ಯಾ ಶತಂ ಸುನೋತಿ ೬ ತೇ ರೈಭೀಮಬ್ರುವನ್ತ್ವಯಾ ಪುನಾಮೇತಿ ಕಿಂ ತತಸ್ಸ್ಯಾದಿತಿ ಶತಸನಿಸ್ಸ್ಯಾ ಇತಿ ತಥೇತಿ ತೇ ರೈಭ್ಯಾಪುನನ್ತಸ್ಮಾದುತ ರೈಭ್ಯಾ ಶತಂ ಸುನೋತಿ ೭ ಸೇಯಮ್ಪೂತಾ ಅಥಾಮುಮಬ್ರವೀದ್ಬಹು ವೈ ಕಿಂ ಚ ಕಿಂ ಚ ಪುಮಾಂಶ್ಚರತಿ ತ್ವಮನುಪುನೀಷ್ವೇತಿ ೮
೫೦
ಷೋಡಶೇಽನುವಾಕೇ ಪ್ರಥಮಃ ಖಣ್ಡಃ

ಸ ಐಲಬೇನಾಪುನೀತ ಪೂತಾನಿ ಹ ವಾ ಅಸ್ಯ ಸಾಮಾನಿ ಪೂತಾ ಋಚಃ ಪೂತಾನಿ ಯಜೂಂಸಿ ಪೂತಮನೂಕ್ತಮ್ಪೂತಂ ಸರ್ವಮ್ಭವತಿ ಯ ಏವಂ ವೇದ ೧ ತೇ ಸಮೇತ್ಯ ಸಾಮ ಪ್ರಾಜನಯತಾಂ ತದ್ಯತ್ಸಮೇತ್ಯ ಸಾಮ ಪ್ರಾಜನಯತಾಂ ತತ್ಸಾಮ್ನಸ್ಸಾಮತ್ವಮ್ ೨ ತದಿದಂ ಸಾಮ ಸೃಷ್ಟಮದ ಉತ್ಕ್ರಮ್ಯ ಲೇಲಾ-ಯದತಿಷ್ಠತ್ತಸ್ಯ ಸರ್ವೇ ದೇವಾ ಮಮತ್ವಿನ ಆಸನ್ಮಮ ಮಮೇತಿ ೩ ತೇಽಬ್ರುವನ್ವೀದಮ್ಭಜಾಮಹಾ ಇತಿ ತಸ್ಯ ವಿಭಾಗೇ ನ ಸಮಪಾದಯನ್ತಾನ್ಪ್ರಜಾಪತಿರಬ್ರವೀದಪೇತ ಮಮ ವಾ ಏತತ್ ಅಹಮೇವ ವೋ ವಿಭಕ್ಷ್ಯಾಮೀತಿ ೪ ಸೋಽಗ್ನಿಮಬ್ರವೀತ್ತ್ವಂ ವೈ ಮೇ ಜ್ಯೇಷ್ಠಃ ಪುತ್ರಾಣಾಮಸಿ ತ್ವಮ್ಪ್ರಥಮೋ ವೃಣೀಷ್ವೇತಿ ೫ ಸೋಽಬ್ರವೀನ್ಮನ್ದ್ರಂ ಸಾಮ್ನೋ ವೃಣೇಽನ್ನಾದ್ಯಮಿತಿ ಸ ಯ ಏತದ್ಗಾಯಾದನ್ನಾದ ಏವ ಸೋಽಸನ್ಮಾಮು ಸ ದೇವಾನಾಮೃಚ್ಛಾದ್ಯ ಏವಂ ವಿದ್ವಾಂಸಮೇತದ್ಗಾಯನ್ತಮುಪವದಾದಿತಿ ೬ ಅಥೇ-ನ್ದ್ರ ಮಬ್ರವೀತ್ತ್ವಮನುವೃಣೀಷ್ವೇತಿ ೭ ಸೋಽಬ್ರವೀದುಗ್ರಂ ಸಾಮ್ನೋ ವೃಣೇ ಶ್ರಿಯಮಿತಿ ಸ ಯ ಏತದ್ಗಾ-ಯಾಚ್ಛ್ರೀಮಾನೇವ ಸೋಽಸನ್ಮಾಮು ಸ ದೇವಾನಾಮೃಚ್ಛಾದ್ಯ ಏವಂ ವಿದ್ವಾಂಸಮೇತದ್ಗಾಯನ್ತಮು-ಪವದಾದಿತಿ ೮ ಅಥ ಸೋಮಮಬ್ರವೀತ್ತ್ವಮನುವೃಣೀಷ್ವೇತಿ ೯ ಸೋಽಬ್ರವೀದ್ವಲ್ಗು ಸಾಮ್ನೋ ವೃಣೇ ಪ್ರಿಯಮಿತಿ ಸ ಯ ಏತದ್ಗಾಯಾತ್ಪ್ರಿಯ ಏವ ಸ ಕೀರ್ತೇಃ ಪ್ರಿಯಶ್ಚಕ್ಷುಷಃ ಪ್ರಿಯಸ್ಸರ್ವೇಷಾ-ಮಸನ್ಮಾಮು ಸ ದೇವಾನಾಮೃಚ್ಛಾದ್ಯ ಏವಂ ವಿದ್ವಾಂಸಮೇತದ್ಗಾಯನ್ತಮುಪವದಾದಿತಿ ೧೦ ಅಥ ಬೃಹಸ್ಪತಿಮಬ್ರವೀತ್ತ್ವಮನುವೃಣೀಷ್ವೇತಿ ೧೧ ಸೋಽಬ್ರವೀತ್ಕ್ರೌಞ್ಚಂ ಸಾಮ್ನೋ ವೃಣೇ ಬ್ರಹ್ಮವರ್ಚಸ-ಮಿತಿ ಸ ಯ ಏತದ್ಗಾಯಾದ್ಬ್ರಹ್ಮವರ್ಚಸ್ಯೇವ ಸೋಽಸನ್ಮಾಮು ಸ ದೇವಾನಾಮೃಚ್ಛಾದ್ಯ ಏವಂ
ವಿದ್ವಾಂಸಮೇತದ್ಗಾಯನ್ತಮುಪವದಾದಿತಿ ೧೨ ೫೧
ಷೋಡಶೇಽನುವಾಕೇ ದ್ವಿತೀಯಃ ಖಣ್ಡಃ

ಅಥ ವಿಶ್ವಾನ್ದೇವಾನಬ್ರವೀದ್ಯೂಯಮನುವೃಣೀಧ್ವಮಿತಿ ೧ ತೇಽಬ್ರುವನ್ವೈಶ್ವದೇವಂ ಸಾಮ್ನೋ ವೃಣೀಮಹೇ ಪ್ರಜನನಮಿತಿ ಸ ಯ ಏತದ್ಗಾಯಾತ್ಪ್ರಜಾವಾನೇವ ಸೋಽಸದಸ್ಮಾನು ದೇವಾನಾಮೃಚ್ಛಾದ್ಯ ಏವಂ ವಿದ್ವಾಂಸಮೇತದ್ಗಾಯನ್ತಮುಪವದಾದಿತಿ ೨ ಅಥ ಪಶೂನಬ್ರವೀದ್ಯೂಯಮನುವೃಣೀಧ್ವಮಿತಿ ೩ ತೇಽಬ್ರುವನ್ವಾಯುರ್ವಾ ಅಸ್ಮಾಕಮೀಶೇ ಸ ಏವ ನೋ ವರಿಷ್ಯತ ಇತಿ ತೇ ವಾಯುಶ್ಚ ಪಶವ-ಶ್ಚಾಬ್ರುವನ್ನಿರುಕ್ತಂ ಸಾಮ್ನೋ ವೃಣೀಮಹೇ ಪಶವ್ಯಮಿತಿ ಸ ಯ ಏತದ್ಗಾಯಾತ್ಪಶುಮಾನೇವ ಸೋಽಸದಸ್ಮಾನು ಚ ಸ ವಾಯುಂ ಚ ದೇವಾನಾಮೃಚ್ಛಾದ್ಯ ಏವಂ ವಿದ್ವಾಂಸಮೇತದ್ಗಾಯನ್ತಮುಪವ-ದಾದಿತಿ ೪ ಅಥ ಪ್ರಜಾಪತಿರಬ್ರವೀದಹಮನುವರಿಷ್ಯ ಇತಿ ೫ ಸೋಽಬ್ರವೀದನಿರುಕ್ತಂ ಸಾಮ್ನೋ ವೃಣೇ ಸ್ವರ್ಗ್ಯಮಿತಿ ಸ ಯ ಏತದ್ಗಾಯಾತ್ಸ್ವರ್ಗಲೋಕ ಏವ ಸೋಽಸನ್ಮಾಮು ಸ ದೇವಾನಾಮೃಚ್ಛಾದ್ಯ ಏವಂ ವಿದ್ವಾಂಸಮೇತದ್ಗಾಯನ್ತಮುಪವದಾದಿತಿ ೬ ಅಥ ವರುಣಮಬ್ರವೀತ್ತ್ವಮನುವೃಣೀಷ್ವೇತಿ ೭ ಸೋಽಬ್ರವೀದ್ಯದ್ವೋ ನ ಕಶ್ಚನಾವೃತ ತದಹಮ್ಪರಿಹರಿಷ್ಯ ಇತಿ ಕಿಮಿತಿ ಅಪಧ್ವಾನ್ತಂ ಸಾಮ್ನೋ ವೃಣೇಽಪಶವ್ಯಮಿತಿ ಸ ಯ ಏತದ್ಗಾಯಾದಪಶುರೇವ ಸೋಽಸನ್ಮಾಮು ಸ ದೇವಾನಾಮೃಚ್ಛಾದ್ಯ ಏತದ್ಗಾಯಾದಿತಿ ೮ ತಾನಿ ವಾ ಏತಾನ್ಯಷ್ಟೌ ಗೀತಾಗೀತಾನಿ ಸಾಮ್ನಃ ಇಮಾನ್ಯು ಹ ವೈ ಸಪ್ತ ಗೀತಾನಿ ಅಥೇಯಮೇವ ವಾರುಣ್ಯಾಗಾಗೀತಾ ೯ ಸ ಯಾಂ ಹ ಕಾಂ ಚೈವಂ ವಿದ್ವಾನೇತಾಸಾಂ ಸಪ್ತಾನಾ-ಮಾಗಾನಾಂ ಗಾಯತಿ ಗೀತಮೇವಾಸ್ಯ ಭವತ್ಯೇತಾನು ಕಾಮಾನ್ರಾಧ್ನೋತಿ ಯ ಏತಾಸು ಕಾಮಾಃ
ಅಥೇಮಾಮೇವ ವಾರುಣೀಮಾಗಾಂ ನ ಗಾಯೇತ್ ೧೦ ೫೨
ಷೋಡಶೇಽನುವಾಕೇ ತೃತೀಯಃ ಖಣ್ಡಃ
ಷೋಡಶೋಽನುವಾಕಸ್ಸಮಾಪ್ತಃ

ದ್ವಯಂ ವಾವೇದಮಗ್ರ ಆಸೀತ್ಸಚ್ಚೈವಾಸಚ್ಚ ೧ ತಯೋರ್ಯತ್ಸತ್ತತ್ಸಾಮ ತನ್ಮನಸ್ಸ ಪ್ರಾಣಃ ಅಥ ಯದಸತ್ಸರ್ಕ್ಸಾ ವಾಕ್ಸೋಽಪಾನಃ ೨ ತದ್ಯನ್ಮನಶ್ಚ ಪ್ರಾಣಶ್ಚ ತತ್ಸಮಾನಮಥ ಯಾ ವಾಕ್ಚಾ-ಪಾನಶ್ಚ ತತ್ಸಮಾನಮಿದಮಾಯತನಮ್ಮನಶ್ಚ ಪ್ರಾಣಶ್ಚೇದಮಾಯತನಂ ವಾಕ್ಚಾಪಾನಶ್ಚ ತಸ್ಮಾ-ತ್ಪುಮಾನ್ದಕ್ಷಿಣತೋ ಯೋಷಾಮುಪಶೇತೇ ೩ ಸೇಯಮೃಗಸ್ಮಿನ್ಸಾಮನ್ಮಿಥುನಮೈಚ್ಛತ ತಾಮಪೃಚ್ಛತ್ಕಾ ತ್ವಮಸೀತಿ ಸಾಹಮಸ್ಮೀತ್ಯಬ್ರವೀತ್ ಅಥ ವಾ ಅಹಮಮೋಽಸ್ಮೀತಿ ೪ ತದ್ಯತ್ಸಾ ಚಾಮಶ್ಚ ತತ್ಸಾಮಾಭವತ್ತತ್ಸಾಮ್ನಸ್ಸಾಮತ್ವಮ್ ೫ ತೌ ವೈ ಸಮ್ಭವಾವೇತಿ ನೇತ್ಯಬ್ರವೀತ್ಸ್ವಸಾ ವೈ ಮಮ ತ್ವಮಸ್ಯನ್ಯತ್ರ ಮಿಥುನಮಿಚ್ಛಸ್ವೇತಿ ೬ ಸಾಬ್ರವೀನ್ನ ವೈ ತಂ ವಿನ್ದಾಮಿ ಯೇನ ಸಮ್ಭವೇಯಂ ತ್ವಯೈವ ಸಮ್ಭವಾನೀತಿ ಸಾ ವೈ ಪುನೀಷ್ವೇತ್ಯಬ್ರವೀತ್ ಅಪೂತಾ ವಾ ಅಸೀತಿ ೭ ಸಾಪುನೀತ ಯದಿದಂ ವಿಪ್ರಾ ವದನ್ತಿ ತೇನ ಸಾಬ್ರವೀತ್ಕ್ವೇದಮ್ಭವಿಷ್ಯತೀತಿ ಪ್ರತ್ಯೂಹೇತ್ಯಬ್ರವೀತ್ ಧೀರ್ವಾ ಏಷಾ ಪ್ರಜಾನಾಂ ಜೀವನಂ ವಾ ಏತದ್ಭವಿಷ್ಯತೀತಿ ತಥೇತಿ ತತ್ಪ್ರತ್ಯೌಹತ್ತಸ್ಮಾದೇಷಾ ಧೀರೇವ ಪ್ರಜಾನಾಂ ಜೀವನಮೇವ ೮ ಪುನೀಷ್ವೇತ್ಯಬ್ರವೀತ್ ಸಾಪುನೀತ ಗಾಥಯಾ ಸಾಪುನೀತ ಕುಮ್ಬ್ಯಯಾ ಸಾಪುನೀತ ನಾರಾಶಂಸ್ಯಾ ಸಾಪುನೀತ ಪುರಾಣೇತಿಹಾಸೇನ ಸಾಪುನೀತ ಯದಿದಮಾದಾಯ ನಾಗಾಯನ್ತಿ ತೇನ ೯ ಸಾಬ್ರವೀತ್ಕ್ವೇದಮ್ಭವಿಷ್ಯತೀತಿ ಪ್ರತ್ಯೂಹೇತ್ಯಬ್ರವೀತ್ ಧೀರ್ವಾ ಏಷಾ ಪ್ರಜಾನಾಂ ಜೀವನಂ ವಾ ಏತದ್ಭವಿಷ್ಯತೀತಿ ತಥೇತಿ ತತ್ಪ್ರತ್ಯೌಹತ್ತಸ್ಮಾದೇಷಾ ಧೀರ್ವೇವ ಪ್ರಜಾನಾಂ ಜೀವನಮ್ವೇವ ೧೦
ಪುನೀಷ್ವೈವೇತ್ಯಬ್ರವೀತ್ ೧೧ ೫೩
ಸಪ್ತದಶೇಽನುವಾಕೇ ಪ್ರಥಮಃ ಖಣ್ಡಃ

ಸಾ ಮಧುನಾಪುನೀತ ತಸ್ಮಾದುತ ಬ್ರಹ್ಮಚಾರೀ ಮಧು ನಾಶ್ನೀಯಾದ್ವೇದಸ್ಯ ಪಲಾವ ಇತಿ ಕಾಮಂ ಹ ತ್ವಾಚಾರ್ಯದತ್ತಮಶ್ನೀಯಾತ್ ೧ ಅಥರ್ಕ್ಸಾಮಾಬ್ರವೀದ್ಬಹು ವೈ ಕಿಂ ಚ ಕಿಂ ಚ ಪುಮಾಂಶ್ಚರತಿ ತ್ವಮನುಪುನೀಷ್ವೇತಿ ಸ ಭರಣ್ಡಕೇಷ್ಣೇನಾಪುನೀತ ಪೂತಾನಿ ಹ ವಾ ಅಸ್ಯ ಸಾಮಾನಿ ಪೂತಾ ಋಚಃ ಪೂತಾನಿ ಯಜೂಂಷಿ ಪೂತಮನೂಕ್ತಮ್ಪೂತಂ ಸರ್ವಮ್ಭವತಿ ಯ ಏವಂ ವೇದ ೨ ತಾಭ್ಯಾಂ ಸದೋ ಮಿಥುನಾಯ ಪರ್ಯಶ್ರಯನ್ತಸ್ಮಾದುಪವಸಥೀಯಾಂ ರಾತ್ರಿಂ ಸದಸಿ ನ ಶಯೀತ ಅತ್ರ ಹ್ಯೇತಾವೃಕ್ಸಾಮೇ ಉಪವಸಥೀಯಾಂ ರಾತ್ರಿಂ ಸದಸಿ ಸಮ್ಭವತಃ ಸ ಯಥಾ ಶ್ರೇಯಸ ಉಪದ್ರ ಷ್ಟೈವಂ ಹಿ ಶಶ್ವ-ದೀಶ್ವರೋಽನುಲಬ್ಧಃ ಪರಾಭವಿತೋಃ ೩ ಅಥೋ ಆಹುರುದ್ಗಾತುರ್ಮುಖೇ ಸಮ್ಭವತಃ ಉದ್ಗಾತುರೇವ ಮುಖಂ ನೇಕ್ಷೇತೇತಿ ೪ ತದು ವಾ ಆಹುಃ ಕಾಮಮೇವೋದ್ಗಾತುರ್ಮುಖಮೀಕ್ಷೇತ ಉಪವಸಥೀಯಾಮೇವೈತಾಂ ರಾತ್ರಿಂ ಸದಸಿ ನ ಶಯೀತ ಅತ್ರ ಹ್ಯೇವೈತಾವೃಕ್ಸಾಮೇ ಉಪವಸಥೀಯಾಂ ರಾತ್ರಿಂ ಸದಸಿ ಸಮ್ಭವತ ಇತಿ ೫ ತಾಂ ಸಮ್ಭವಿಷ್ಯನ್ನಾಹಾಮೋಽಹಮಸ್ಮಿ ಸಾ ತ್ವಂ ಸಾ ತ್ವಮಸ್ಯಮೋಽಹಂ ಸಾ ಮಾಮನುವ್ರತಾ ಭೂತ್ವಾ ಪ್ರಜಾಃ ಪ್ರಜನಯಾವಹೈ ಏಹಿ ಸಮ್ಭವಾವಹಾ ಇತಿ ೬ ತಾಂ ಸಮ್ಭವನ್ನತ್ಯರಿಚ್ಯತ ಸೋ-ಽಬ್ರವೀನ್ನ ವೈ ತ್ವಾನುಭವಾಮಿ ವಿರಾಡ್ಭೂತ್ವಾ ಪ್ರಜನಯಾರೇತಿ ತಥೇತಿ ೭ ತೌ ವಿರಾಡ್ಭೂತ್ವಾ ಪ್ರಾಜನಯತಾಂ ಹಿಙ್ಕಾರಶ್ಚಾಹಾವಶ್ಚ ಪ್ರಸ್ತಾವಶ್ಚ ಪ್ರಥಮಾ ಚೋದ್ಗೀಥಶ್ಚ ಮಧ್ಯಮಾ ಚ ಪ್ರತಿ-ಹಾರಶ್ಚೋತ್ತಮಾ ಚ ನಿಧನಂ ಚ ವಷಟ್ಕಾರಶ್ಚೈವಂ ವಿರಾಡ್ಭೂತ್ವಾ ಪ್ರಾಜನಯತಾಂ ತೇ ಅಮುಮಜನಯತಾಂ
ಯೋಽಸೌ ತಪತಿ ತೇ ವ್ಯದ್ರ ವತಾಮ್ ೮ ೫೪
ಸಪ್ತದಶೇಽನುವಾಕೇ ದ್ವಿತೀಯಃ ಖಣ್ಡಃ

ಮದಧ್ಯಭೂ೩ನ್ಮದಧ್ಯಭೂ೩ದಿತಿ ತಸ್ಮಾದಾಹುರ್ಮಧುಪುತ್ರ ಇತಿ ೧ ತಸ್ಮಾದುತ ಸ್ತ್ರಿಯೋ ಮಧು ನಾ-ಶ್ನನ್ತಿ ಪುತ್ರಾಣಾಮಿದಂ ವ್ರತಂ ಚರಾಮ ಇತಿ ವದನ್ತೀಃ ೨ ತದಯಂ ತೃಚೋಽನೂದಶ್ರಯತ ಇಯಮೇವ ಗಾಯತ್ರ್! ಯನ್ತರಿಕ್ಷಂ ತ್ರಿಷ್ಟುಬ್ ಅಸೌ ಜಗತೀ ತಸ್ಯೈತತ್ತೃಚಃ ೩ ಸ ಉಪರಿಷ್ಟಾತ್ಸಾಮಾಧ್ಯಾಹಿತಂ ತಪತಿ ಸೋಽಧ್ರುವ ಇವಾಸೀದಲೇಲಾಯದಿವ ಸ ನೋರ್ಧ್ವೋಽತಪತ್ ೪ ಸ ದೇವಾನಬ್ರವೀದುನ್ಮಾ ಗಾಯತೇತಿ ಕಿಂ ತತಸ್ಸ್ಯಾದಿತಿ ಶ್ರಿಯಂ ವಃ ಪ್ರಯಚ್ಛೇಯಮ್ಮಾಮಿಹ ದೃಂಹೇತೇತಿ ೫ ತಥೇತಿ ತಮುದಗಾಯನ್ತಮೇತದತ್ರಾದೃಂಹನ್ತೇಭ್ಯಶ್ಶ್ರಿಯಮ್ಪ್ರಾಯಚ್ಛತ್ ಸೈಷಾ ದೇವಾನಾಂ ಶ್ರೀಃ ೬ ತತ ಏತದೂರ್ಧ್ವಸ್ತಪತಿ ಸ ನಾರ್ವಾಙತಪತ್ ೭ ಸ ಋಷೀನಬ್ರವೀದನು ಮಾ ಗಾಯತೇತಿ ಕಿಂ ತತ-ಸ್ಸ್ಯಾದಿತಿ ಶ್ರಿಯಂ ವಃ ಪ್ರಯಚ್ಛೇಯಮ್ಮಾಮಿಹ ದೃಂಹೇತೇತಿ ೮ ತಥೇತಿ ತಮನ್ವಗಾಯ-ನ್ತಮೇತದತ್ರಾದೃಂಹನ್ತೇಭ್ಯಶ್ಶ್ರಿಯಮ್ಪ್ರಾಯಚ್ಛತ್ ಸೈಷರ್ಷೀಣಾಂ ಶ್ರೀಃ ೯ ತತ ಏತದರ್ವಾಙ್ತಪತಿ ಸ ನ ತಿರ್ಯಙ್ಙತಪತ್ ೧೦ ಸ ಗನ್ಧರ್ವಾಪ್ಸರಸೋಽಬ್ರವೀದಾ ಮಾ ಗಾಯತೇತಿ ಕಿಂ ತತಸ್ಸ್ಯಾದಿತಿ ಶ್ರಿಯಂ ವಃ ಪ್ರಯಚ್ಛೇಯಮ್ಮಾಮಿಹ ದೃಂಹೇತೇತಿ ೧೧ ತಥೇತಿ ತಮಾಗಾಯನ್ತಮೇತದತ್ರಾದೃಂಹನ್ತೇಭ್ಯ-ಶ್ಶ್ರಿಯಮ್ಪ್ರಾಯಚ್ಛತ್ ಸೈಷಾ ಗನ್ಧರ್ವಾಪ್ಸರಸಾಂ ಶ್ರೀಃ ೧೨ ತತ ಏತತ್ತಿರ್ಯಙ್ತಪತಿ ೧೩ ತಾನಿ ವಾ ಏತಾನಿ ತ್ರೀಣಿ ಸಾಮ್ನ ಉದ್ಗೀತಮನುಗೀತಮಾಗೀತಂ ತದ್ಯಥೇದಂ ವಯಮಾಗಾಯೋದ್ಗಾಯಾಮ ಏತದುದ್ಗೀತಮಥ ಯದ್ಯಥಾಗೀತಂ ತದನುಗೀತಮಥ ಯತ್ಕಿಂ ಚೇತಿ ಸಾಮ್ನಸ್ತದಾಗೀತಮೇತಾನಿ ಹ್ಯೇವ
ತ್ರೀಣಿ ಸಾಮ್ನಃ ೧೪ ೫೫
ಸಪ್ತದಶೇಽನುವಾಕೇ ತೃತೀಯಃ ಖಣ್ಡಃ
ಸಪ್ತದಶೋಽನುವಾಕಸ್ಸಮಾಪ್ತಃ

ಆಪೋ ವಾ ಇದಮಗ್ರೇ ಮಹತ್ಸಲಿಲಮಾಸೀತ್ ಸ ಊರ್ಮಿರೂರ್ಮಿಮಸ್ಕನ್ದತ್ತತೋ ಹಿರಣ್ಮಯೌ ಕುಕ್ಷ್ಯೌ ಸಮಭವತಾಂ ತೇ ಏವರ್ಕ್ಸಾಮೇ ೧ ಸೇಯಮೃಗಿದಂ ಸಾಮಾಭ್ಯಪ್ಲವತ ತಾಮಪೃಚ್ಛತ್ಕಾ ತ್ವಮಸೀತಿ ಸಾಹಮಸ್ಮೀತ್ಯಬ್ರವೀತ್ ಅಥ ವಾ ಅಹಮಮೋಽಸ್ಮೀತಿ ತದ್ಯತ್ಸಾ ಚಾಮಶ್ಚ ತತ್ಸಾಮ್ನಸ್ಸಾಮತ್ವಮ್ ೨ ತೌ ವೈ ಸಮ್ಭವಾವೇತಿ ನೇತ್ಯಬ್ರವೀತ್ಸ್ವಸಾ ವೈ ಮಮ ತ್ವಮಸಿ ಅನ್ಯತ್ರ ಮಿಥುನಮಿಚ್ಛಸ್ವೇತಿ ೩ ಸಾ ಪರಾಪ್ಲವತ ಮಿಥುನಮಿಚ್ಛಮಾನಾ ಸಾ ಸಮಾ-ಸ್ಸಹಸ್ರಂ ಸಪ್ತತೀಃ ಪರ್ಯಪ್ಲವತ ೪ ತದೇಷ ಶ್ಲೋಕಸ್ಸ್ತ್ರೀ ಸ್ಮೈವಾಗ್ರೇ ಸಂಚರತೀಚ್ಛನ್ತೀ ಸಲಿಲೇ ಪತಿಂ ಸಮಾಸ್ಸಹಸ್ರಂ ಸಪ್ತತೀಸ್ತತೋಽಜಾಯತ ಪಶ್ಯತ ಇತಿ ೫ ಅಸೌ ವಾ ಆದಿ-ತ್ಯಃ ಪಶ್ಯತಃ ಏಷ ಏವ ತದಜಾಯತ ಏತೇನ ಹಿ ಪಶ್ಯತಿ ೬ ಸಾವಿತ್ತ್ವಾ ನ್ಯಪ್ಲವತ ಸಾಬ್ರವೀನ್ನ ವೈ ತಂ ವಿನ್ದಾಮಿ ಯೇನ ಸಮ್ಭವೇಯಂ ತ್ವಯೈವ ಸಮ್ಭವಾನೀತಿ ೭ ಸಾ ವೈ ದ್ವಿ-ತೀಯಾಮಿಚ್ಛಸ್ವೇತ್ಯಬ್ರವೀನ್ನ ವೈ ಮೈಕೋದ್ಯಂಸ್ಯಸೀತಿ ಸಾ ದ್ವಿತೀಯಾಂ ವಿತ್ತ್ವಾ ನ್ಯಪ್ಲವತ ೮ ತೃತೀಯಾಮಿಚ್ಛಸ್ವೈವೇತ್ಯಬ್ರವೀನ್ನೋ ವಾವ ಮಾ ದ್ವೇ ಉದ್ಯಂಸ್ಯಥ ಇತಿ ಸಾ ತೃತೀಯಾಂ ವಿತ್ತ್ವಾ ನ್ಯಪ್ಲವತ ಸೋಽಬ್ರವೀದತ್ರ ವೈ ಮೋದ್ಯಂಸ್ಯಥೇತಿ ೯ ಸ ಯದೇಕಯಾಗ್ರೇ ಸಮವದತ ತಸ್ಮಾದೇಕರ್ಚೇ ಸಾಮ ಅಥ ಯದ್ದ್ವೇ ಅಪಾಸೇಧತ್ತಸ್ಮಾದ್ದ್ವಯೋರ್ನ ಕುರ್ವನ್ತಿ ಅಥ ಯತ್ತಿಷೃಭಿಸ್ಸಮಪಾದಯ-
ತ್ತಸ್ಮಾದು ತೃಚೇ ಸಾಮ ೧೦ ತಾ ಅಬ್ರವೀತ್ಪುನೀಧ್ವಂ ನ ಪೂತಾ ವೈ ಸ್ಥೇತಿ ೧೧ ೫೬
ಅಷ್ಟಾದಶೇಽನುವಾಕೇ ಪ್ರಥಮಃ ಖಣ್ಡಃ

ಸಾ ಗಾಯತ್ರೀ ಗಾಥಯಾಪುನೀತ ನಾರಾಶಂಸ್ಯಾ ತ್ರಿಷ್ಟುಬ್ ರೈಭ್ಯಾ ಜಗತೀ ಭೀಮಮ್ಬತ ಮಲಮಪಾವಧಿಷತೇತಿ ತಸ್ಮಾದ್ಭೀಮಲಾ ಧಿಯೋ ವಾ ಏತಾಃ ಧಿಯೋ ವಾ ಇಮಾ ಮಲಮಪಾವಧಿಷತೇತಿ ತಸ್ಮಾದು ಭೀಮಲಾಃ ತಸ್ಮಾದು ಗಾಯತಾಂ ನಾಶ್ನೀಯಾತ್ ಮಲೇನ ಹ್ಯೇತೇ ಜೀವನ್ತಿ ೧ ಅಥರ್ಕ್ಸಾಮಾಬ್ರವೀದ್ಬಹು ವೈ ಕಿಂ ಚ ಕಿಂ ಚ ಪುಮಾಂಶ್ಚರತಿ ತ್ವಮನುಪುನೀಷ್ವೇತಿ ಸ ಊರ್ಧ್ವಗಣೇನಾಪುನೀತ ೨ ಪೂತಾನಿ ಹ ವಾ ಅಸ್ಯ ಸಾಮಾನಿ ಪೂತಾ ಋಚಃ ಪೂತಾನಿ ಯಜೂಂಷಿ ಪೂತಮನೂಕ್ತಮ್ಪೂತಂ ಸರ್ವಮ್ಭವತಿ ಯ ಏವಂ ವೇದ ೩ ತಾಭ್ಯಾಂ ದಿಶೋ ಮಿಥುನಾಯ ಪರ್ಯೌಹನ್ತಾಂ ಸಮ್ಭವಿಷ್ಯನ್ನಹ್ವಯತಾಮೋಽಹಮಸ್ಮಿ ಸಾ ತ್ವಂ ಸಾ ತ್ವಮಸ್ಯಮೋಽಹಮಿತಿ ೪ ತಾಮೇತದುಭಯತೋ ವಾಚಾತ್ಯರಿಚ್ಯತ ಹಿಙ್ಕಾರೇಣ ಪುರಸ್ತಾತ್ಸ್ತೋಭೇನ ಮಧ್ಯತೋ ನಿಧನೇನೋಪರಿಷ್ಟಾತ್ ಅತಿ ತಿಸ್ರೋ ಬ್ರಾಹ್ಮಣಾಯನೀಸ್ಸದೃಶೀ ರಿಚ್ಯತೇ ಯ ಏವಂ ವೇದ ೫ ತಯೋರ್ಯಸ್ಸಮ್ಭವತೋರೂರ್ಧ್ವಶ್ಶೂಷೋಽದ್ರ ವತ್ ಪ್ರಾಣಾಸ್ತೇ ತೇ ಪ್ರಾಣಾ ಏವೋರ್ಧ್ವಾ ಅದ್ರ ವನ್! ೬ ಸೋಽಸಾವಾದಿತ್ಯಸ್ಸ ಏಷ ಏವ ಉದಗ್ನಿರೇವ ಗೀ ಚನ್ದ್ರ ಮಾ ಏವ ಥಂ ಸಾಮಾನ್ಯೇವ ಉದೃಚ ಏವ ಗೀ ಯಜೂಂಷ್ಯೇವ ಥಮಿತ್ಯಧಿದೇವತಮ್ ೭ ಅಥಾಧ್ಯಾತ್ಮಂ ಪ್ರಾಣ ಏವ ಉದ್ವಾಗೇವ ಗೀ ಮನ ಏವ ಥಂ ಸ ಏಷೋಽಧಿದೇವತಂ ಚಾಧ್ಯಾತ್ಮಂ ಚೋದ್ಗೀಥಃ ೮ ಸ ಯ ಏವಮೇತದಧಿದೇವತಂ ಚಾಧ್ಯಾತ್ಮಂ ಚೋದ್ಗೀಥಂ ವೇದೈತೇನ ಹಾಸ್ಯ ಸರ್ವೇಣೋ-
ದ್ಗೀತಮ್ಭವತ್ಯೇತಸ್ಮಾದು ಏವ ಸರ್ವಸ್ಮಾದಾವೃಶ್ಚ್ಯತೇ ಯ ಏವಂ ವಿದ್ವಾಂಸಮುಪವದತಿ ೯ ೫೭
ಅಷ್ಟಾದಶೇಽನುವಾಕೇ ದ್ವಿತೀಯಃ ಖಣ್ಡಃ

ತದ್ಯದಿದಮಾಹುಃ ಕ ಉದಗಾಸೀರಿತಿ ಕ ಏತಮಾದಿತ್ಯಮಗಾಸೀರಿತಿ ಹ ವಾ ಏತತ್ಪೃಚ್ಛನ್ತಿ ೧ ಏತಂ ಹ ವಾ ಏತಂ ತ್ರಯ್ಯಾ ವಿದ್ಯಯಾ ಗಾಯನ್ತಿ ಯಥಾ ವೀಣಾಗಾಥಿನೋ ಗಾಪಯೇಯುರೇವಮ್ ೨ ಸ ಏಷ ಹ್ರದಃ ಕಾಮಾನಾಮ್ಪೂರ್ಣೋ ಯನ್ಮನಃ ತಸ್ಯೈಷಾ ಕುಲ್ಯಾ ಯದ್ವಾಕ್ ೩ ತದ್ಯಥಾ ವಾ ಅಪೋ ಹ್ರದಾತ್ಕುಲ್ಯಯೋಪರಾಮುಪನಯನ್ತ್ಯೇವಮೇವೈತನ್ಮನಸೋಽಧಿ ವಾಚೋದ್ಗಾತಾ ಯಜಮಾನಮ್ಯಸ್ಯ ಕಾಮಾನ್ಪ್ರಯಚ್ಛತಿ ೪ ಸ ಯ ಉದ್ಗಾತಾರಂ ದಕ್ಷಿಣಾಭಿರಾರಾಧಯತಿ ತಂ ಸಾ ಕುಲ್ಯೋಪಧಾವತಿ ಯ ಉ ಏನಂ ನಾರಾಧಯತಿ ಸ ಉ ತಾಮಪಿಹನ್ತಿ ೫ ಅಥ ವಾ ಅತಃ ಪ್ರತ್ತಿಶ್ಚೈವ ಪ್ರತಿಗ್ರಹಶ್ಚ ತದ್ಧೂಮಮಿತಿ ವೈ ಪ್ರದೀಯತೇ ತದ್ವಾಚಾ ಯಜಮಾನಾಯ ಪ್ರದೇಯಮ್ಮನಸಾತ್ಮನೇ ತಥಾ ಹ ಸರ್ವಂ ನ ಪ್ರಯಚ್ಛತಿ ೬ ತದ್ಯದಿದಂ ಸಮ್ಭವತೋ ರೇತೋಽಸಿಚ್ಯತ ತದಶಯತ್ ಯಥಾ ಹಿರಣ್ಯಮವಿಕೃತಂ ಲೇಲಾಯದೇವಮ್ ೭ ತಸ್ಯ ಸರ್ವೇ ದೇವಾ ಮಮತ್ವಿನ ಆಸನ್ಮಮ ಮಮೇತಿ ತೇಽಬ್ರುವನ್ವೀದಂ ಕರವಾಮಹಾ ಇತಿ ತೇಽಬ್ರುವಞ್ಛ್ರೇಯೋ ವಾ ಇದಮಸ್ಮತ್ ಆತ್ಮಭಿರೇವೈನದ್ವಿಕರವಾಮಹಾ ಇತಿ ೮ ತದಾತ್ಮಭಿರೇವ ವ್ಯಕುರ್ವತ ತೇಷಾಂ ವಾಯುರೇವ ಹಿಙ್ಕಾರ ಆಸಾಗ್ನಿಃ ಪ್ರಸ್ತಾವ ಇನ್ದ್ರ ಆ-ದಿಸ್ಸೋಮಬೃಹಸ್ಪತೀ ಉದ್ಗೀಥೋಽಶ್ವಿನೌ ಪ್ರತಿಹಾರೋ ವಿಶ್ವೇ ದೇವಾ ಉಪದ್ರ ವಃ ಪ್ರಜಾಪತಿರೇವ ನಿಧನಮ್ ೯ ಏತಾ ವೈ ಸರ್ವಾ ದೇವತಾ ಏತಾ ಹಿರಣ್ಯಮಸ್ಯ ಸರ್ವಾಭಿರ್ದೇವತಾಭಿಸ್ಸ್ತುತಮ್ಭ-ವತಿ ಯ ಏವಂ ವೇದ ಏತಾಭ್ಯ ಉ ಏವ ಸ ಸರ್ವಾಭ್ಯೋ ದೇವತಾಭ್ಯ ಆವೃಶ್ಚ್ಯತೇ ಯ ಏವಂ
ವಿದ್ವಾಂಸಮುಪವದತಿ ೧೦ ೫೮
ಅಷ್ಟಾದಶೇಽನುವಾಕೇ ತೃತೀಯಃ ಖಣ್ಡಃ

ಅಥ ಹ ಬ್ರಹ್ಮದತ್ತಶ್ಚೈಕಿತಾನೇಯಃ ಕುರುಂ ಜಗಾಮಾಭಿಪ್ರತಾರಿಣಂ ಕಾಕ್ಷಸೇನಿಂ ಸ ಹಾಸ್ಮೈ ಮಧುಪರ್ಕಂ ಯಯಾಚ ೧ ಅಥ ಹಾಸ್ಯ ವೈ ಪ್ರಪದ್ಯ ಪುರೋಹಿತೋಽನ್ತೇ ನಿಷಸಾದ ಶೌನಕಃ ತಂ ಹಾನಾಮನ್ತ್ರ್! ಯ ಮಧುಪರ್ಕಮ್ಪಪೌ ೨ ತಂ ಹೋವಾಚ ಕಿಂ ವಿದ್ವಾನ್ನೋ ದಾಲ್ಭ್ಯಾನಾಮನ್ತ್ರ್! ಯ ಮಧುಪರ್ಕಮ್ಪಿಬಸೀತಿ ಸಾಮವೈರ್ಯಮ್ಪ್ರಪದ್ಯೇತಿ ಹೋವಾಚ ೩ ತಂ ಹ ತತ್ರೈವ ಪಪ್ರಚ್ಛ ಯದ್ವಾಯೌ ತದ್ವೇತ್ಥಾ೩ ಇತಿ ಹಿಙ್ಕಾರೋ ವಾ ಅಸ್ಯ ಸ ಇತಿ ೪ ಯದಗ್ನೌ ತದ್ವೇತ್ಥಾ೩ ಇತಿ ಪ್ರಸ್ತಾವೋ ವಾ ಅಸ್ಯ ಸ ಇತಿ ೫ ಯದಿನ್ದ್ರೇ ತದ್ವೇತ್ಥಾ೩ ಇತಿ ಆದಿರ್ವಾ ಅಸ್ಯ ಸ ಇತಿ ೬ ಯತ್ಸೋಮಬೃಹಸ್ಪತ್ಯೋಸ್ತದ್ವೇತ್ಥಾ೩ ಇತಿ ಉದ್ಗೀಥೋ ವಾ ಅಸ್ಯ ಸ ಇತಿ ೭ ಯದಶ್ವಿನೋಸ್ತದ್ವೇತ್ಥಾ೩ ಇತಿ ಪ್ರತಿಹಾರೋ ವಾ ಅಸ್ಯ ಸ ಇತಿ ೮ ಯದ್ವಿಶ್ವೇಷು ದೇವೇಷು ತದ್ವೇತ್ಥಾ೩ ಇತಿ ಉಪದ್ರ ವೋ ವಾ ಅಸ್ಯ ಸ ಇತಿ ೯ ಯತ್ಪ್ರಜಾ-ಪತೌ ತದ್ವೇತ್ಥಾ೩ ಇತಿ ನಿಧನಂ ವಾ ಅಸ್ಯ ತದಿತಿ ಹೋವಾಚ ಆರ್ಷೇಯಂ ವಾ ಅಸ್ಯ ತದ್ಬನ್ಧುತಾ ವಾ ಅಸ್ಯ ಸೇತಿ ೧೦ ಸ ಹೋವಾಚ ನಮಸ್ತೇಽಸ್ತು ಭಗವೋ ವಿದ್ವಾನಪಾ ಮಧುಪರ್ಕಮಿತಿ ೧೧ ಅಥ ಹೇತರಃ ಪಪ್ರಚ್ಛ ಕಿಂದೇವತ್ಯಂ ಸಾಮವೈರ್ಯಮ್ಪ್ರಪದ್ಯೇತಿ ಯದ್ದೇವತ್ಯಾಸು ಸ್ತುವತ ಇತಿ ಹೋವಾಚ ತದ್ದೇವತ್ಯಮಿತಿ ೧೨ ತದೇತತ್ಸಾಧ್ವೇವ ಪ್ರತ್ಯುಕ್ತಂ ವ್ಯಾಪ್ತಿರ್ವಾ ಅಸ್ಯೈಷೇತಿ ಹೋವಾಚ ಬ್ರೂಹ್ಯೇವೇತಿ ಮೇದಂ ತೇ ನಮೋಽಕರ್ಮೇತಿ ಹೋವಾಚ ಮೈವ ನೋಽತಿಪ್ರಾಕ್ಷೀರಿತಿ ೧೩ ಸ ಹೋವಾಚಾಪ್ರಕ್ಷ್ಯಂ ವಾವ ತ್ವಾ ದೇವತಾಮಪ್ರಕ್ಷ್ಯಂ ವಾವ ತ್ವಾ ದೇವತಾಯೈ ದೇವತಾಃ ವಾಗ್ದೇವತ್ಯಂ ಸಾಮ ವಾಚೋ ಮನೋ ದೇವತಾ ಮನಸಃ ಪಶವಃ ಪಶೂನಾಮೋಷಧಯ ಓಷಧೀನಾಮಾಪಃ ತದೇತದದ್ಭ್ಯೋ ಜಾತಂ ಸಾಮಾಪ್ಸು
ಪ್ರತಿಷ್ಠಿತಮಿತಿ ೧೪ ೫೯
ಅಷ್ಟಾದಶೇಽನುವಾಕೇ ಚತುರ್ಥಃ ಖಣ್ಡಃ

ದೇವಾಸುರಾ ಅಸ್ಪರ್ಧನ್ತ ತೇ ದೇವಾ ಮನಸೋದಗಾಯನ್ತದೇಷಾಮಸುರಾ ಅಭಿದ್ರುತ್ಯ ಪಾಪ್ಮನಾ ಸಮಸೃಜನ್ತಸ್ಮಾದ್ಬಹು ಕಿಂ ಚ ಕಿಂ ಚ ಮನಸಾ ಧ್ಯಾಯತಿ ಪುಣ್ಯಂ ಚೈನೇನ ಧ್ಯಾಯತಿ ಪಾಪಂ ಚ ೧ ತೇ ವಾಚೋದಗಾಯನ್ತಾಂ ತಥೈವಾಕುರ್ವನ್ತಸ್ಮಾದ್ಬಹು ಕಿಂ ಚ ಕಿಂ ಚ ವಾಚಾ ವದತಿ ಸತ್ಯಂ ಚೈನಯಾ ವದತ್ಯನೃತಂ ಚ ೨ ತೇ ಚಕ್ಷುಷೋದಗಾಯನ್ತತ್ತಥೈವಾಕುರ್ವನ್ತಸ್ಮಾದ್ಬಹು ಕಿಂ ಚ ಕಿಂ ಚ ಚಕ್ಷುಷಾ ಪಶ್ಯತಿ ದರ್ಶನೀಯಂ ಚೈನೇನ ಪಶ್ಯತ್ಯದರ್ಶನೀಯಂ ಚ ೩ ತೇ ಶ್ರೋತ್ರೇಣೋದ-ಗಾಯನ್ತತ್ತಥೈವಾಕುರ್ವನ್ತಸ್ಮಾದ್ಬಹು ಕಿಂ ಚ ಕಿಂ ಚ ಶ್ರೋತ್ರೇಣ ಶೃಣೋತಿ ಶ್ರವಣೀಯಂ ಚೈನೇನ ಶೃಣೋತ್ಯಶ್ರವಣೀಯಂ ಚ ೪ ತೇಽಪಾನೇನೋದಗಾಯನ್ತಂ ತಥೈವಾಕುರ್ವನ್ತಸ್ಮಾದ್ಬಹು ಕಿಂ ಚ ಕಿಂ ಚಾಪಾನೇನ ಜಿಘ್ರತಿ ಸುರಭಿ ಚೈನೇನ ಜಿಘ್ರತಿ ದುರ್ಗನ್ಧಿ ಚ ೫ ತೇ ಪ್ರಾಣೇನೋದಗಾಯನಥಾ-ಸುರಾ ಆದ್ರ ವಂಸ್ತಥಾ ಕರಿಷ್ಯಾಮ ಇತಿ ಮನ್ಯಮಾನಾಃ ೬ ಸ ಯಥಾಶ್ಮಾನಮೃತ್ವಾ ಲೋಷ್ಟೋ ವಿಧ್ವಂಸೇತೈವಮೇವಾಸುರಾ ವ್ಯಧ್ವಂಸನ್ತ ಸ ಏಷೋಽಶ್ಮಾಖಣಂ ಯತ್ಪ್ರಾಣಃ ೭ ಸ ಯಥಾಶ್ಮಾನ-ಮಾಖಣಮೃತ್ವಾ ಲೋಷ್ಟೋ ವಿಧ್ವಂಸತ ಏವಮೇವ ಸ ವಿಧ್ವಂಸತೇ ಯ ಏವಂ ವಿದ್ವಾಂಸಮುಪವದತಿ
೮ ೬೦
ಅಷ್ಟಾದಶೇಽನುವಾಕೇ ಪಞ್ಚಮಃ ಖಣ್ಡಃ
ಅಷ್ಟಾದಶೋಽನುವಾಕಸ್ಸಮಾಪ್ತಃ
ಇತಿ ಪ್ರಥಮೋಽಧ್ಯಾಯಃ

ಅಥ ದ್ವಿತೀಯೋಽ ಧ್ಯಾಯಃ
ದೇವಾನಾಂ ವೈ ಷಡುದ್ಗಾತಾರ ಆಸನ್ವಾಕ್ಚ ಮನಶ್ಚ ಚಕ್ಷುಶ್ಚ ಶ್ರೋತ್ರಂ ಚಾಪಾನಶ್ಚ ಪ್ರಾಣಶ್ಚ ೧ ತೇಽಧ್ರಿಯನ್ತ ತೇನೋದ್ಗಾತ್ರಾ ದೀಕ್ಷಾಮಹೈ ಯೇನಾಪಹತ್ಯ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮಿಯಾಮೇತಿ ೨ ತೇಽಬ್ರುವನ್ವಾಚೋದ್ಗಾತ್ರಾ ದೀಕ್ಷಾಮಹಾ ಇತಿ ತೇ ವಾಚೋದ್ಗಾತ್ರಾದೀಕ್ಷನ್ತ ಸ ಯದೇವ ವಾಚಾ ವದತಿ ತದಾತ್ಮನ ಆಗಾಯದಥ ಯ ಇತರೇ ಕಾಮಾಸ್ತಾನ್ದೇವೇಭ್ಯಃ ೩ ತಾಮ್ಪಾಪ್ಮಾನ್ವಸೃಜ್ಯತ ಸ ಯದೇವ ವಾಚಾ ಪಾಪಂ ವದತಿ ಸ ಏವ ಸ ಪಾಪ್ಮಾ ೪ ತೇಽಬ್ರುವನ್ನ ವೈ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಮನಸೋದ್ಗಾತ್ರಾ ದಿಕ್ಷಾಮಹಾ ಇತಿ ೫ ತೇ ಮನಸೋದ್ಗಾತ್ರಾದೀಕ್ಷನ್ತ ಸ ಯದೇವ ಮನಸಾ ಧ್ಯಾಯತಿ ತದಾತ್ಮನ ಆಗಾಯದಥ ಯ ಇತರೇ ಕಾಮಾಸ್ತಾನ್ದೇವೇಭ್ಯಃ ೬ ತತ್ಪಾಪ್ಮಾನ್ವಸೃಜ್ಯತ ಸ ಯದೇವ ಮನಸಾ ಪಾಪಂ ಧ್ಯಾಯತಿ ಸ ಏವ ಸ ಪಾಪ್ಮಾ ೭ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಚಕ್ಷುಷೋದ್ಗಾತ್ರಾ ದೀಕ್ಷಾಮಹಾ ಇತಿ ೮ ತೇ ಚಕ್ಷುಷೋದ್ಗಾತ್ರಾದೀಕ್ಷನ್ತ ಸ ಯದೇವ ಚಕ್ಷುಷಾ ಪಶ್ಯತಿ ತದಾತ್ಮನ ಆಗಾಯದಥ ಯ ಇತರೇ ಕಾಮಾಸ್ತಾನ್ದೇವೇಭ್ಯಃ ೯ ತತ್ಪಾಪ್ಮಾನ್ವಸೃಜ್ಯತ ಸ ಯದೇವ ಚಕ್ಷುಷಾ ಪಾಪಮ್ಪಶ್ಯತಿ ಸ ಏವ ಸ ಪಾಪ್ಮಾ ೧೦ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಶ್ರೋತ್ರೇಣೋದ್ಗಾತ್ರಾ ದೀಕ್ಷಾಮಹಾ ಇತಿ ೧೧ ತೇ ಶ್ರೋತ್ರೇಣೋದ್ಗಾತ್ರಾದೀಕ್ಷನ್ತ ಸ ಯದೇವ ಶ್ರೋತ್ರೇಣ ಶೃಣೋತಿ ತದಾತ್ಮನ ಆಗಾಯದಥ ಯ ಇತರೇ ಕಾಮಾಸ್ತಾನ್ದೇವೇಭ್ಯಃ ೧೨ ತತ್ಪಾಪ್ಮಾನ್ವಸೃಜ್ಯತ ಸ ಯದೇವ ಶ್ರೋತ್ರೇಣ ಪಾಪಂ ಶೃಣೋತಿ ಸ ಏವ ಸ ಪಾಪ್ಮಾ ೧೩ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಅಪಾನೇನೋದ್ಗಾತ್ರಾ ದೀಕ್ಷಾಮಹಾ ಇತಿ ೧೪ ತೇಽಪಾನೇನೋದ್ಗಾತ್ರಾದೀಕ್ಷನ್ತ ಸ ಯದೇವಾಪಾನೇನಾಪಾನಿತಿ ತದಾತ್ಮನ ಆಗಾಯದಥ ಯ ಇತರೇ ಕಾಮಾಸ್ತಾನ್ದೇವೇಭ್ಯಃ ೧೫ ತಮ್ಪಾಪ್ಮಾನ್ವಸೃಜ್ಯತ ಸ ಯದೇವಾಪಾನೇನ ಪಾಪಂ ಗನ್ಧಮಪಾನಿತಿ ಸ ಏವ ಸ ಪಾಪ್ಮಾ ೧೬ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಪ್ರಾಣೇನೋದ್ಗಾತ್ರಾ ದೀಕ್ಷಾಮಹಾ ಇತಿ ೧೭ ತೇ ಪ್ರಾಣೇನೋದ್ಗಾತ್ರಾದೀಕ್ಷನ್ತ ಸ ಯದೇವ ಪ್ರಾಣೇನ ಪ್ರಾಣಿತಿ ತದಾತ್ಮನ ಆಗಾಯದಥ ಯ ಇತರೇ ಕಾಮಾಸ್ತಾನ್ದೇವೇಭ್ಯಃ ೧೮ ತಮ್ಪಾಪ್ಮಾ ನಾನ್ವಸೃಜ್ಯತ ನ ಹ್ಯೇತೇನ ಪ್ರಾಣೇನ ಪಾಪಂ ವದತಿ ನ ಪಾಪಂ ಧ್ಯಾಯತಿ ನ ಪಾಪಮ್ಪಶ್ಯತಿ ನ ಪಾಪಂ ಶೃಣೋತಿ ನ ಪಾಪಂ ಗನ್ಧಮಪಾನಿತಿ ೧೯ ತೇನಾಪಹತ್ಯ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮಾಯ-
ನಪಹತ್ಯ ಹೈವ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ೨೦ ೧
ಪ್ರಥಮೇಽನುವಾಕೇ ಪ್ರಥಮಃ ಖಣ್ಡಃ

ಸಾ ಯಾ ಸಾ ವಾಗಾಸೀತ್ಸೋಽಗ್ನಿರಭವತ್ ೧ ಅಥ ಯತ್ತನ್ಮನ ಆಸೀತ್ಸ ಚನ್ದ್ರ ಮಾ ಅಭವತ್ ೨ ಅಥ ಯತ್ತಚ್ಚಕ್ಷುರಾಸೀತ್ಸ ಆದಿತ್ಯೋಽಭವತ್ ೩ ಅಥ ಯತ್ತಚ್ಛ್ರೋತ್ರಮಾಸೀತ್ತಾ ಇಮಾ ದಿಶೋಽಭವನ್ತಾ ಉ ಏವ ವಿಶ್ವೇ ದೇವಾಃ ೪ ಅಥ ಯಸ್ಸೋಽಪಾನ ಆಸೀತ್ಸ ಬೃಹಸ್ಪತಿ-ರಭವತ್ ಯದಸ್ಯೈ ವಾಚೋ ಬೃಹತ್ಯೈ ಪತಿಸ್ತಸ್ಮಾದ್ಬೃಹಸ್ಪತಿಃ ೫ ಅಥ ಯಸ್ಸ ಪ್ರಾಣ ಆಸೀತ್ಸ ಪ್ರಜಾಪತಿರಭವತ್ ಸ ಏಷ ಪುತ್ರೀ ಪ್ರಜಾವಾನುದ್ಗೀಥೋ ಯಃ ಪ್ರಾಣಃ ತಸ್ಯ ಸ್ವರ ಏವ ಪ್ರಜಾಃ ಪ್ರಜಾವಾನ್ಭವತಿ ಯ ಏವಂ ವೇದ ೬ ತಂ ಹೈತಮೇಕೇ ಪ್ರತ್ಯಕ್ಷಮೇವ ಗಾಯನ್ತಿ ಪ್ರಾಣಾ೩ ಪ್ರಾಣಾ೩ ಪ್ರಾಣಾ೩ ಹುಮ್ಭಾ ಓವಾ ಇತಿ ೭ ತದು ಹೋವಾಚ ಶಾಟ್ಯಾಯನಿಸ್ತತ ಏತಮರ್ಹತಿ ಪ್ರತ್ಯಕ್ಷಂ ಗಾತುಂ ಯದ್ವಾವ ವಾಚಾ ಕರೋತಿ ತದೇತದೇವಾಸ್ಯ ಕೃತಮ್ಭವತೀತಿ ೮ ಅಥ ವಾ ಅತ ಋಕ್ಸಾ-ಮ್ನೋರೇವ ಪ್ರಜಾತಿಃ ಸ ಯದ್ಧಿಙ್ಕರೋತ್ಯಭ್ಯೇವ ತೇನ ಕ್ರನ್ದತಿ ಅಥ ಯತ್ಪ್ರಸ್ತೌತ್ಯೈವ ತೇನ ಪ್ಲವತೇ ಅಥ ಯದಾದಿಮಾದತ್ತೇ ರೇತ ಏವ ತೇನ ಸಿಞ್ಚತಿ ಅಥ ಯದುದ್ಗಾಯತಿ ರೇತ ಏವ ತೇನ ಸಿಕ್ತಂ ಸಮ್ಭಾವಯತಿ ಅಥ ಯತ್ಪ್ರತಿಹರತಿ ರೇತ ಏವ ತೇನ ಸಮ್ಭೂತಮ್ಪ್ರವರ್ಧಯತಿ ಅಥ ಯದುಪದ್ರ ವತಿ ರೇತ ಏವ ತೇನ ಪ್ರವೃದ್ಧಂ ವಿಕರೋತಿ ಅಥ ಯನ್ನಿಧನಮುಪೈತಿ ರೇತ ಏವ ತೇನ ವಿಕೃತಮ್ಪ್ರಜನಯತಿ ಸೈಷರ್ಕ್ಸಾಮ್ನೋಃ ಪ್ರಜಾತಿಃ ೯ ಸ ಯ ಏವಮೇತಾಮೃಕ್ಸಾಮ್ನೋಃ ಪ್ರಜಾತಿಂ ವೇದ ಪ್ರ ಹೈನಮೃಕ್ಸಾಮನೀ
ಜನಯತಃ ೧೦ ೨
ಪ್ರಥಮೇಽನುವಾಕೇ ದ್ವಿತೀಯಃ ಖಣ್ಡಃ
ಪ್ರಥಮೋಽನುವಾಕಸ್ಸಮಾಪ್ತಃ

ಏಷ ಏವೇದಮಗ್ರ ಆಸೀದ್ಯ ಏಷ ತಪತಿ ಸ ಏಷ ಸರ್ವೇಷಾಮ್ಭೂತಾನಾಂ ತೇಜೋ ಹರ ಇನ್ದ್ರಿ ಯಂ ವೀರ್ಯಮಾದಾಯೋರ್ಧ್ವ ಉದಕ್ರಾಮತ್ ೧ ಸೋಽಕಾಮಯತೈಕಮೇವಾಕ್ಷರಂ ಸ್ವಾದು ಮೃದು ದೇವಾನಾಂ ವನಾಮೇತಿ ೨ ಸ ತಪೋಽತಪ್ಯತ ಸ ತಪಸ್ತಪ್ತ್ವೈಕಮೇವಾಕ್ಷರಮಭವತ್ ೩ ತಂ ದೇವಾಶ್ಚರ್ಷಯ-ಶ್ಚೋಪಸಮೈಪ್ಸನ್ನಥೈಷೋಽಸುರಾನ್ಭೂತಹನೋಽಸೃಜತೈತಸ್ಯ ಪಾಪ್ಮನೋಽನನ್ವಾಗಮಾಯ ೪ ತಂ ವಾ-ಚೋಪಸಮೈಪ್ಸನ್ತೇ ವಾಚಂ ಸಮಾರೋಹನ್ತೇಷಾಂ ವಾಚಮ್ಪರ್ಯಾದತ್ತ ತಸ್ಮಾತ್ಪರ್ಯಾದತ್ತಾ ವಾಕ್ ಸತ್ಯಂ ಚ ಹ್ಯೇನಯಾ ವದತ್ಯನೃತಂ ಚ ೫ ತಮ್ಮನಸೋಪಸಮೈಪ್ಸನ್ತೇ ಮನಸ್ಸಮಾರೋಹನ್ತೇಷಾಮ್ಮನಃ ಪರ್ಯಾದತ್ತ ತಸ್ಮಾತ್ಪರ್ಯಾದತ್ತಮ್ಮನಸ್ಪುಣ್ಯಂ ಚ ಹ್ಯೇನೇನ ಧ್ಯಾಯತಿ ಪಾಪಂ ಚ ೬ ತಂ ಚಕ್ಷುಷೋ-ಪಸಮೈಪ್ಸನ್ತೇ ಚಕ್ಷುಸ್ಸಮಾರೋಹನ್ತೇಸಾಂ ಚಕ್ಷುಃ ಪರ್ಯಾದತ್ತ ತಸ್ಮಾತ್ಪರ್ಯಾತ್ತಂ ಚಕ್ಷುಃ ದರ್ಶನೀಯಂ ಚ ಹ್ಯೇನೇನ ಪಶ್ಯತ್ಯದರ್ಶನೀಯಂ ಚ ೭ ತಂ ಶ್ರೋತ್ರೇಣೋಪಸಮೈಪ್ಸನ್ತೇ ಶ್ರೋತ್ರಂ ಸಮಾರೋಹನ್ತೇಷಾಂ ಶ್ರೋತ್ರಮ್ಪರ್ಯಾದತ್ತ ತಸ್ಮಾತ್ಪರ್ಯಾತ್ತಂ ಶ್ರೋತ್ರಂ ಶ್ರವಣೀಯಂ ಚೈನೇನ ಶೃಣೋತ್ಯಶ್ರವಣೀಯಂ ಚ ೮ ತಮಪಾನೇನೋಪಸಮೈಪ್ಸನ್ತೇಽಪಾನಂ ಸಮಾರೋಹನ್ತೇಷಾಮಪಾನಮ್ಪರ್ಯಾದತ್ತ ತಸ್ಮಾತ್ಪರ್ಯಾತ್ತೋಽಪಾನಃ ಸುರಭಿ ಚ ಹ್ಯೇನೇನ ಜಿಘ್ರತಿ ದುರ್ಗನ್ಧಿ ಚ ೯ ತಮ್ಪ್ರಾಣೇನೋಪಸಮೈಪ್ಸನ್ತಮ್ಪ್ರಾಣೇನೋಪ-ಸಮಾಪ್ನುವನ್ ೧೦ ಅಥಾಸುರಾ ಭೂತಹನ ಆದ್ರ ವನ್ಮೋಹಯಿಷ್ಯಾಮ ಇತಿ ಮನ್ಯಮಾನಾಃ ೧೧ ಸ ಯಥಾಶ್ಮಾನಮೃತ್ವಾ ಲೋಷ್ಟೋ ವಿಧ್ವಂಸೇತೈವಮೇವಾಸುರಾ ವ್ಯಧ್ವಂಸನ್ತ ಸ ಏಷೋಽಶ್ಮಾಖಣೋ ಯತ್ಪ್ರಾಣಃ ೧೨ ಸ ಯಥಾಶ್ಮಾನಮಾಖಣಮೃತ್ವಾ ಲೋಷ್ಟೋ ವಿಧ್ವಂಸತ ಏವಮೇವ ಸ ವಿಧ್ವಂಸತೇ
ಯ ಏವಂ ವಿದ್ವಾಂಸಮುಪವದತಿ ೧೩ ೩
ದ್ವಿತೀಯೇಽನುವಾಕೇ ಪ್ರಥಮಃ ಖಣ್ಡಃ

ಸ ಏಷ ವಶೀ ದೀಪ್ತಾಗ್ರ ಉದ್ಗೀಥೋ ಯತ್ಪ್ರಾಣಃ ಏಷ ಹೀದಂ ಸರ್ವಂ ವಶೇ ಕುರುತೇ ೧ ವಶೀ ಭವತಿ ವಶೇ ಸ್ವಾನ್ಕುರುತೇ ಯ ಏವಂ ವೇದ ಅಸ್ಯ ಹ್ಯಸಾವಗ್ರೇ ದೀಪ್ಯತೇ೩ ಅಮುಷ್ಯ ವಾ ಸಃ ೨ ತಂ ಹೈತಮುದ್ಗೀಥಂ ಶಾಟ್ಯಾಯನಿರಾಚಷ್ಟೇ ವಶೀ ದೀಪ್ತಾಗ್ರ ಇತಿ ದೀಪ್ತಾಗ್ರಾ ಹ ವಾ ಅಸ್ಯ ಕೀರ್ತಿರ್ಭವತಿ ಯ ಏವಂ ವೇದ ೩ ಆಭೂತಿರಿತಿ ಕಾರೀರಾದಯಃ ಪ್ರಾಣಂ ವಾ ಅನು ಪ್ರಜಾಃ ಪಶವ ಆಭವನ್ತಿ ಸ ಯ ಏವಮೇತಮಾಭೂತಿರಿತ್ಯುಪಾಸ್ತ ಐವ ಪ್ರಾಣೇನ ಪ್ರಜಯಾ ಪಶುಭಿರ್ಭವತಿ ೪ ಸಮ್ಭೂತಿರಿತಿ ಸಾತ್ಯಯಜ್ಞಯಃ ಪ್ರಾಣಂ ವಾ ಅನು ಪ್ರಜಾಃ ಪಶವಸ್ಸಮ್ಭವನ್ತಿ ಸ ಯ ಏವಮೇತಂ ಸಮ್ಭೂತಿರಿತ್ಯುಪಾಸ್ತೇ ಸಮೇ ವ ಪ್ರಾಣೇನ ಪ್ರಜಯಾ ಪಶುಭಿರ್ಭವತಿ ೫ ಪ್ರಭೂತಿರಿತಿ ಶೈಲನಾಃ ಪ್ರಾಣಂ ವಾ ಅನು ಪ್ರಜಾಃ ಪಶವಃ ಪ್ರಭವನ್ತಿ ಸ ಯ ಏವಮೇತಮ್ಪ್ರಭೂತಿರಿತ್ಯುಪಾಸ್ತೇ ಪ್ರೈವ ಪ್ರಾಣೇನ ಪ್ರಜಯಾ ಪಶುಭಿರ್ಭವತಿ ೬ ಭೂತಿರಿತಿ ಭಾಲ್ಲಬಿನಃ ಪ್ರಾಣಂ ವಾ ಅನು ಪ್ರಜಾಃ ಪಶವೋ ಭವನ್ತಿ ಸ ಯ ಏವಮೇತಮ್ಭೂತಿರಿತ್ಯುಪಾಸ್ತೇ ಭವತ್ಯೇವ ಪ್ರಾಣೇನ ಪ್ರಜಯಾ ಪಶುಭಿಃ ೭ ಅಪರೋಧೋಽನಪರುದ್ಧ ಇತಿ ಪಾರ್ಷ್ಣಶ್ಶೈಲನಃ ಏಷ ಹ್ಯನ್ಯಮಪರುಣದ್ಧಿ ನೈತಮನ್ಯಃ ಏಷ ಹ ವಾಸ್ಯ
ದ್ವಿಷನ್ತಮ್ಭ್ರಾತೃವ್ಯಮಪರುಣದ್ಧಿ ಯ ಏವಂ ವೇದ ೮ ೪
ದ್ವಿತೀಯೇಽನುವಾಕೇ ದ್ವಿತೀಯಃ ಖಣ್ಡಃ
ಏಕವೀರ ಇತ್ಯಾರುಣೇಯಃ ಏಕೋ ಹ್ಯೇವೈಷ ವೀರೋ ಯತ್ಪ್ರಾಣಃ ಆ ಹಾಸ್ಯೈಕೋ ವೀರೋ ವೀರ್ಯವಾಞ್ಜಾಯತೇ ಯ ಏವಂ ವೇದ ೧ ಏಕಪುತ್ರ ಇತಿ ಚೈಕಿತಾನೇಯಃ ಏಕೋ ಹ್ಯೇವೈಷ ಪುತ್ರೋ ಯತ್ಪ್ರಾಣಃ ೨ ಸ ಉ ಏವ ದ್ವಿಪುತ್ರ ಇತಿ ದ್ವೌ ಹಿ ಪ್ರಾಣಾಪಾನೌ ೩ ಸ ಉ ಏವ ತ್ರಿಪುತ್ರ ಇತಿ ತ್ರಯೋ ಹಿ ಪ್ರಾಣೋಽಪಾನೋ ವ್ಯಾನಃ ೪ ಸ ಉ ಏವ ಚತುಷ್ಪುತ್ರ ಇತಿ ಚತ್ವಾರೋ ಹಿ ಪ್ರಾಣೋಽಪಾನೋ ವ್ಯಾನಸ್ಸಮಾನಃ ೫ ಸ ಉ ಏವ ಪಞ್ಚಪುತ್ರ ಇತಿ ಪಞ್ಚ ಹಿ ಪ್ರಾಣೋಽಪಾನೋ ವ್ಯಾನಸ್ಸ-ಮಾನೋಽವಾನಃ ೬ ಸ ಉ ಏವ ಷಟ್ಪುತ್ರ ಇತಿ ಷಡ್ಢಿ ಪ್ರಾಣೋಽಪಾನೋ ವ್ಯಾನಸ್ಸಮಾನೋಽವಾನ ಉದಾನಃ ೭ ಸ ಉ ಏವ ಸಪ್ತಪುತ್ರ ಇತಿ ಸಪ್ತ ಹೀಮೇ ಶೀರ್ಷಣ್ಯಾಃ ಪ್ರಾಣಾಃ ೮ ಸ ಉ ಏವ ನವಪುತ್ರ ಇತಿ ಸಪ್ತ ಹಿ ಶೀರ್ಷಣ್ಯಾಃ ಪ್ರಾಣಾ ದ್ವಾವವಾಞ್ಚೌ ೯ ಸ ಉ ಏವ ದಶಪುತ್ರ ಇತಿ ಸಪ್ತ ಶೀರ್ಷಣ್ಯಾಃ ಪ್ರಾಣಾ ದ್ವಾವವಾಞ್ಚೌ ನಾಭ್ಯಾಂ ದಶಮಃ ೧೦ ಸ ಉ ಏವ ಬಹುಪುತ್ರ ಇತಿ ಏತಸ್ಯ ಹೀಯಂ ಸರ್ವಾಃ ಪ್ರಜಾಃ ೧೧ ಏತಂ ಹ ಸ್ಮ ವೈ ತದುದ್ಗೀಥಂ ವಿದ್ವಾಂಸಃ ಪೂರ್ವೇ ಬ್ರಾಹ್ಮಣಾಃ
ಕಾಮಾಗಾಯಿನ ಆಹುಃ ಕತಿ ತೇ ಪುತ್ರಾನಾಗಾಸ್ಯಾಮ ಇತಿ ೧೨ ೫
ದ್ವಿತೀಯೇಽನುವಾಕೇ ತೃತೀಯಃ ಖಣ್ಡಃ

ಸ ಯದಿ ಬ್ರೂಯಾದೇಕಮ್ಮ ಆಗಾಯೇತಿ ಪ್ರಾಣ ಉದ್ಗೀಥ ಇತಿ ವಿದ್ವಾನೇಕಮ್ಮನಸಾ ಧ್ಯಾಯೇತ್ ಏಕೋ ಹಿ ಪ್ರಾಣಃ ಏಕೋ ಹಾಸ್ಯಾಜಾಯತೇ ೧ ಸ ಯದಿ ಬ್ರೂಯಾದ್ದ್ವೌ ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ದ್ವೌ ಮನಸಾ ಧ್ಯಾಯೇತ್ ದ್ವೌ ಹಿ ಪ್ರಾಣಾಪಾನೌ ದ್ವೌ ಹೈವಾಸ್ಯಾಜಾಯೇತೇ ೨ ಸ ಯದಿ ಬ್ರೂಯಾತ್ತ್ರೀನ್ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾಂಸ್ತ್ರೀನ್ಮನಸಾ ಧ್ಯಾಯೇತ್ ತ್ರಯೋ ಹಿ ಪ್ರಾಣೋಽಪಾನೋ ವ್ಯಾನಃ ತ್ರಯೋ ಹೈವಾಸ್ಯಾಜಾಯನ್ತೇ ೩ ಸ ಯದಿ ಬ್ರೂಯಾಚ್ಚತುರೋ ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾಂಶ್ಚತುರೋ ಮನಸಾ ಧ್ಯಾಯೇತ್ ಚತ್ವಾರೋ ಹಿ ಪ್ರಾಣೋಽಪಾನೋ ವ್ಯಾನಸ್ಸಮಾನಃ ಚತ್ವಾರೋ ಹೈವಾಸ್ಯಾಜಾಯನ್ತೇ ೪ ಸ ಯದಿ ಬ್ರೂಯಾತ್ಪಞ್ಚ ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ಪಞ್ಚ ಮನಸಾ ಧ್ಯಾಯೇತ್ ಪಞ್ಚ ಹಿ ಪ್ರಾಣೋಽಪಾನೋ ವ್ಯಾನಸ್ಸಮಾನೋಽವಾನಃ ಪಞ್ಚ ಹೈವಾಸ್ಯಾಜಾಯನ್ತೇ ೫ ಸ ಯದಿ ಬ್ರೂಯಾತ್ಷಣ್ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ಷಣ್ಮನಸಾ ಧ್ಯಾಯೇತ್ ಷಡ್ಢಿ ಪ್ರಾಣೋಽಪಾನೋ ವ್ಯಾನಸ್ಸಮಾ-ನೋಽವಾನ ಉದಾನಃ ಷಡ್ಢೈವಾಸ್ಯಾಜಾಯನ್ತೇ ೬ ಸ ಯದಿ ಬ್ರೂಯಾತ್ಸಪ್ತ ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ಸಪ್ತ ಮನಸಾ ಧ್ಯಾಯೇತ್ ಸಪ್ತ ಹೀಮೇ ಶೀರ್ಷಣ್ಯಾಃ ಪ್ರಾಣಾಃ ಸಪ್ತ ಹೈವಾಸ್ಯಾಜಾಯನ್ತೇ ೭ ಸ ಯದಿ ಬ್ರೂಯಾನ್ನವ ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ನವ ಮನಸಾ ಧ್ಯಾಯೇತ್ ಸಪ್ತ ಶೀರ್ಷಣ್ಯಾಃ ಪ್ರಾಣಾ ದ್ವಾವವಾಞ್ಚೌ ನವ ಹೈವಾಸ್ಯಾಜಾಯನ್ತೇ ೮ ಸ ಯದಿ ಬ್ರೂಯಾದ್ದಶ ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ದಶ ಮನಸಾ ಧ್ಯಾಯೇತ್ ಸಪ್ತ ಶೀರ್ಷಣ್ಯಾಃ ಪ್ರಾಣಾ ದ್ವಾವವಾಞ್ಚೌ ನಾಭ್ಯಾಂ ದಶಮಃ ದಶ ಹೈವಾಸ್ಯಾಜಾಯನ್ತೇ ೯ ಸ ಯದಿ ಬ್ರೂಯಾತ್ಸಹಸ್ರಮ್ಮ ಆಗಾಯೇತಿ ಪ್ರಾಣ ಉದ್ಗೀಥ ಇತ್ಯೇವ ವಿದ್ವಾನ್ಸಹಸ್ರಮ್ಮನಸಾ ಧ್ಯಾಯೇತ್ ಸಹಸ್ರಂ ಹೈತ ಆದಿತ್ಯರಶ್ಮಯಃ ತೇಽಸ್ಯ ಪುತ್ರಾಃ ಸಹಸ್ರಂ ಹೈವಾಸ್ಯಾಜಾಯನ್ತೇ ೧೦ ಏವಂ ಹೈವೈತಮುದ್ಗೀಥಮ್ಪರ ಆಟ್ಣಾರಃ ಕಕ್ಷೀವಾಂಸ್ತ್ರಸದಸ್ಯುರಿತಿ ಪೂರ್ವೇ ಮಹಾರಾಜಾಶ್ಶ್ರೋತ್ರಿಯಾ-ಸ್ಸಹಸ್ರಪುತ್ರಮುಪನಿಷೇದುಃ ತೇ ಹ ಸರ್ವ ಏವ ಸಹಸ್ರಪುತ್ರಾ ಆಸುಃ ೧೧ ಸ ಯ ಏವೈವಂ ವೇದ
ಸಹಸ್ರಂ ಹೈವಾಸ್ಯ ಪುತ್ರಾ ಭವನ್ತಿ ೧೨ ೬
ದ್ವಿತೀಯೇಽನುವಾಕೇ ಚತುರ್ಥಃ ಖಣ್ಡಃ
ದ್ವಿತೀಯೋಽನುವಾಕಸ್ಸಮಾಪ್ತಃ

ಶರ್ಯಾತೋ ವೈ ಮಾನವಃ ಪ್ರಾಚ್ಯಾಂ ಸ್ಥಲ್ಯಾಮಯಜತ ತಸ್ಮಿನ್ಹ ಭೂತಾನ್ಯುದ್ಗೀಥೇಽಪಿತ್ವಮೇಷಿರೇ ೧ ತಂ ದೇವಾ ಬೃಹಸ್ಪತಿನೋದ್ಗಾತ್ರಾ ದೀಕ್ಷಾಮಹಾ ಇತಿ ಪುರಸ್ತಾದಾಗಚ್ಛನ್ನಯಂ ತ ಉದ್ಗಾಯತ್ವಿತಿ ಬಮ್ಬೇನಾಜದ್ವಿಷೇಣ ಪಿತರೋ ದಕ್ಷಿಣತೋಽಯಂ ತ ಉದ್ಗಾಯತ್ವಿತ್ಯುಶನಸಾ ಕಾವ್ಯೇನಾಸುರಾಃ ಪಶ್ಚಾದಯಂ ತ ಉದ್ಗಾಯತ್ವಿತ್ಯಯಾಸ್ಯೇನಾಙ್ಗಿರಸೇನ ಮನುಷ್ಯಾ ಉತ್ತರತೋಽಯಂ ತ ಉದ್ಗಾಯತ್ವಿತಿ ೨ ಸ ಹೇಕ್ಷಾಂ ಚಕ್ರೇ ಹನ್ತೈನಾನ್ಪೃಚ್ಛಾನಿ ಕಿಯತೋ ವಾ ಏಕ ಈಶೇ ಕಿಯತ ಏಕಃ ಕಿಯತ ಏಕ ಇತಿ ೩ ಸ ಹೋವಾಚ ಬೃಹಸ್ಪತಿಂ ಯನ್ಮೇ ತ್ವಮುದ್ಗಾಯೇಃ ಕಿಂ ತತಸ್ಸ್ಯಾದಿತಿ ೪ ಸ ಹೋವಾಚ ದೇವೇಷ್ವೇವ ಶ್ರೀಸ್ಸ್ಯಾದ್ದೇವೇಷ್ವೀಶಾ ಸ್ವರ್ಗಮು ತ್ವಾಂ ಲೋಕಂ ಗಮಯೇಯಮಿತಿ ೫ ಅಥ ಹೋವಾಚ ಬಮ್ಬಮಾಜದ್ವಿಷಮ್ಯನ್ಮೇ ತ್ವಮುದ್ಗಾಯೇಃ ಕಿಂ ತತಸ್ಸ್ಯಾದಿತಿ ೬ ಸ ಹೋವಾಚ ಪಿತೃಷ್ವೇವ ಶ್ರೀಸ್ಸ್ಯಾತ್ಪಿತೃಷ್ವೀಶಾ ಸ್ವರ್ಗಮು ತ್ವಾಂ ಲೋಕಂ ಗಮಯೇಯಮಿತಿ ೭ ಅಥ ಹೋವಾಚೋಶನಸಂ ಕಾವ್ಯಂ ಯನ್ಮೇ ತ್ವಮುದ್ಗಾಯೇಃ ಕಿಂ ತತಸ್ಸ್ಯಾದಿತಿ ೮ ಸ ಹೋವಾಚಾಸುರೇಷ್ವೇವ ಶ್ರೀಸ್ಸ್ಯಾ-ದಸುರೇಷ್ವೀಶಾ ಸ್ವರ್ಗಮು ತ್ವಾಂ ಲೋಕಂ ಗಮಯೇಯಮಿತಿ ೯ ಅಥ ಹೋವಾಚಾಯಾಸ್ಯಮಾಙ್ಗಿರಸಂ ಯನ್ಮೇ ತ್ವಮುದ್ಗಾಯೇಃ ಕಿಂ ತತಸ್ಸ್ಯಾದಿತಿ ೧೦ ಸ ಹೋವಾಚ ದೇವಾನೇವ ದೇವಲೋಕೇ ದಧ್ಯಾ-ಮ್ಮನುಷ್ಯಾನ್ಮನುಷ್ಯಲೋಕೇ ಪಿತೄನ್ಪಿತೃಲೋಕೇ ನುದೇಯಾಸ್ಮಾಲ್ಲೋಕಾದಸುರಾನ್ಸ್ವರ್ಗಮು ತ್ವಾಂ ಲೋಕಂ
ಗಮಯೇಯಮಿತಿ ೧೧ ೭
ತೃತೀತೇಽನುವಾಕೇ ಪ್ರಥಮಃ ಖಣ್ಡಃ

ಸ ಹೋವಾಚ ತ್ವಮ್ಮೇ ಭಗವ ಉದ್ಗಾಯ ಯ ಏತಸ್ಯ ಸರ್ವಸ್ಯ ಯಶೋ ಽಸೀತಿ ೧ ತಸ್ಯ ಹಾಯಾಸ್ಯ ಏವೋಜ್ಜಗೌ ತಸ್ಮಾದುದ್ಗಾತಾ ವೃತ ಉತ್ತರತೋ ನಿವೇಶನಂ ಲಿಪ್ಸೇತ ಏತದ್ಧ ನಾರುದ್ಧಂ ನಿವೇಶನಂ ಯದುತ್ತರತಃ ೨ ಉತ್ತರತ ಆಗತೋಽಯಾಸ್ಯ ಆಙ್ಗಿರಸಶ್ಶರ್ಯಾತಸ್ಯ ಮಾನವಸ್ಯೋಜ್ಜಗೌ ಸ ಪ್ರಾಣೇನ ದೇವಾನ್ದೇವಲೋಕೇಽದಧಾದಪಾನೇನ ಮನುಷ್ಯಾನ್ಮನುಷ್ಯಲೋಕೇ ವ್ಯಾನೇನ ಪಿತೄನ್ಪಿತೃಲೋಕೇ ಹಿಙ್ಕಾರೇಣ ವಜ್ರೇಣಾಸ್ಮಾಲ್ಲೋಕಾದಸುರಾನನುದತ ೩ ತಾನ್ಹೋವಾಚ ದೂರಂ ಗಚ್ಛತೇತಿ ಸ ದೂರೋ ಹ ನಾಮ ಲೋಕಃ ತಂ ಹ ಜಗ್ಮುಃ ತ ಏತೇಽಸುರಾ ಅಸಮ್ಭಾವ್ಯಮ್ಪರಾಭೂತಾಃ ೪ ಛನ್ದೋಭಿರೇವ ವಾಚಾ ಶರ್ಯಾತಮ್ಮಾನವಂ ಸ್ವರ್ಗಂ ಲೋಕಂ ಗಮಯಾಂ ಚಕಾರ ೫ ತೇ ಹೋಚುರಸುರಾ ಏತ ತಂ ವೇದಾಮ ಯೋ ನೋಽಯಮಿತ್ಥಮಧತ್ತೇತಿ ತತ ಆಗಚ್ಛನ್ತಮೇತ್ಯಾಪಶ್ಯನ್ ೬ ತೇಽಬ್ರುವನ್ನಯಂ ವಾ ಆಸ್ಯ ಇತಿ ಯದಬ್ರುವನ್ನಯಂ ವಾ ಆಸ್ಯ ಇತಿ ತಸ್ಮಾದಯಮಾಸ್ಯಃ ಅಯಮಾಸ್ಯೋ ಹ ವೈ ನಾಮೈಷಃ ತಮಯಾಸ್ಯ ಇತಿ ಪರೋಕ್ಷಮಾಚಕ್ಷತೇ ೭ ಸ ಪ್ರಾಣೋ ವಾ ಅಯಾಸ್ಯಃ ಪ್ರಾಣೋ ಹ ವಾ ಏನಾನ್ಸ ನುನುದೇ ೮ ಸ ಯ ಏವಂ ವಿದ್ವಾನುದ್ಗಾಯತಿ ಪ್ರಾಣೇನೈವ ದೇವಾನ್ದೇವಲೋಕೇ ದಧಾತ್ಯಪಾನೇನ ಮನು-ಷ್ಯಾನ್ಮನುಷ್ಯಲೋಕೇ ವ್ಯಾನೇನ ಪಿತೄನ್ಪಿತೃಲೋಕೇ ಹಿಙ್ಕಾರೇಣೈವ ವಜ್ರೇಣಾಸ್ಮಾಲ್ಲೋಕಾ-
ದ್ದ್ವಿಷನ್ತಮ್ಭ್ರಾತೃವ್ಯಂ ನುದತೇ ೯ ೮
ತೃತೀಯೇಽನುವಾಕೇ ದ್ವಿತೀಯಃ ಖಣ್ಡಃ

ತಂ ಹ ಬ್ರೂಯಾದ್ದೂರಂ ಗಚ್ಛೇತಿ ಸ ಯಮೇವ ಲೋಕಮಸುರಾ ಅಗಚ್ಛಂಸ್ತಂ ಹೈವ ಗಚ್ಛತಿ ೧ ಛನ್ದೋಭಿರೇವ ವಾಚಾ ಯಜಮಾನಂ ಸ್ವರ್ಗಂ ಲೋಕಂ ಗಮಯತಿ ೨ ತಾ ಏತಾ ವ್ಯಾಹೃತಯಃ ಪ್ರೇತ್ಯೇತಿ ವಾಗ್ ಇತಿ ಭೂರ್ಭುವಸ್ಸ್ವರಿತ್ಯ್ ಉದಿತಿ ೩ ತದ್ಯತ್ಪ್ರೇತಿ ತತ್ಪ್ರಾಣಸ್ತದಯಂ ಲೋಕಸ್ತದಿಮಂ ಲೋಕಮಸ್ಮಿಂಲ್ಲೋಕ ಆಭಜತಿ ೪ ಏತ್ಯಪಾನಸ್ತದಸೌ ಲೋಕಸ್ತದಮುಂ ಲೋಕಮಮು-ಷ್ಮಿಂಲ್ಲೋಕ ಆಭಜತಿ ೫ ವಾಗಿತಿ ತದ್ಬ್ರಹ್ಮ ತದಿದಮನ್ತರಿಕ್ಷಮ್ ೬ ಭೂರ್ಭುವಸ್ಸ್ವರಿತಿ ಸಾ ತ್ರಯೀ ವಿದ್ಯಾ ೭ ಉದಿತಿ ಸೋಽಸಾವಾದಿತ್ಯಃ ತದ್ಯದುದಿತ್ಯುದಿವ ಶ್ಲೇಷಯತಿ ೮ ತದ್ಯದೇಕಮೇವಾಭಿಸಮ್ಪದ್ಯತೇ ತಸ್ಮಾದೇಕವೀರಃ ಏಕೋ ಹ ತು ಸನ್ವೀರೋ ವೀರ್ಯವಾನ್ಭವತಿ ಆ ಹಾಸ್ಯೈಕೋ ವೀರೋ ವೀರ್ಯವಾನ್ಜಾಯತೇ ಯ ಏವಂ ವೇದ ೯ ತದು ಹೋವಾಚ ಶಾಟ್ಯಾಯನಿರ್ಬಹುಪುತ್ರ ಏಷ ಉದ್ಗೀಥ ಇತ್ಯೇವೋಪಾಸಿತವ್ಯಂ ಬಹವೋ ಹ್ಯೇತ ಆದಿತ್ಯಸ್ಯ ರಶ್ಮಯಸ್ತೇಽಸ್ಯ ಪುತ್ರಾಃ ತಸ್ಮಾದ್ಬಹುಪುತ್ರ ಏಷ ಉದ್ಗೀಥ ಇತ್ಯೇವೋಪಾಸಿತವ್ಯಮಿತಿ ತೃತೀಯೇಽನುವಾಕೇ ತೃತೀಯಃ ಖಣ್ಡಃ
೧೦ ೯
ತೃತೀಯೋಽನುವಾಕಸ್ಸಮಾಪ್ತಃ

ದೇವಾಸುರಾಸ್ಸಮಯತನ್ತೇತ್ಯಾಹುಃ ನ ಹ ವೈ ತದ್ದೇವಾಸುರಾಸ್ಸಮ್ಯೇತಿರೇ ಪ್ರಜಾಪತಿಶ್ಚ ಹ ವೈ ತನ್ಮೃತ್ಯುಶ್ಚ ಸಮ್ಯೇತಾತೇ ೧ ತಸ್ಯ ಹ ಪ್ರಜಾಪತೇರ್ದೇವಾಃ ಪ್ರಿಯಾಃ ಪುತ್ರಾ ಅನ್ತ ಆಸುಃ ತೇಽಧ್ರಿಯನ್ತ ತೇನೋದ್ಗಾತ್ರಾ ದೀಕ್ಷಾಮಹೈ ಯೇನಾಪಹತ್ಯ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮಿಯಾಮೇತಿ ೨ ತೇಽಬ್ರುವನ್ವಾಚೋದ್ಗಾತ್ರಾ ದೀಕ್ಷಾಮಹಾ ಇತಿ ೩ ತೇ ವಾಚೋದ್ಗಾತ್ರಾದೀಕ್ಷನ್ತ ತೇಭ್ಯ ಇದಂ ವಾಗಾ-ಗಾಯದ್ಯದಿದಂ ವಾಚಾ ವದತಿ ಯದಿದಂ ವಾಚಾ ಭುಞ್ಜತೇ ೪ ತಾಮ್ಪಾಪ್ಮಾನ್ವಸೃಜ್ಯತ ಸ ಯದೇವ ವಾಚಾ ಪಾಪಂ ವದತಿ ಸ ಏವ ಸ ಪಾಪ್ಮಾ ೫ ತೇಽಬ್ರುವನ್ನ ವೈ ನೋಽಯಮ್ಮೃತ್ಯುಂ ನ ಪಾಪ್ಮಾ-ನಮತ್ಯವಾಕ್ಷೀತ್ ಮನಸೋದ್ಗಾತ್ರಾ ದೀಕ್ಷಾಮಹಾ ಇತಿ ೬ ತೇ ಮನಸೋದ್ಗಾತ್ರಾದೀಕ್ಷನ್ತ ತೇಭ್ಯ ಇದ-ಮ್ಮನ ಆಗಾಯದ್ಯದಿದಮ್ಮನಸಾ ಧ್ಯಾಯತಿ ಯದಿದಮ್ಮನಸಾ ಭುಞ್ಜತೇ ೭ ತತ್ಪಾಪ್ಮಾ-ನ್ವಸೃಜ್ಯತ ಸ ಯದೇವ ಮನಸಾ ಪಾಪಂ ಧ್ಯಾಯತಿ ಸ ಏವ ಸ ಪಾಪ್ಮಾ ೮ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಚಕ್ಷುಷೋದ್ಗಾತ್ರಾ ದೀಕ್ಷಾಮಹಾ ಇತಿ ೯ ತೇ ಚಕ್ಷುಷೋ-ದ್ಗಾತ್ರಾದೀಕ್ಷನ್ತ ತೇಭ್ಯ ಇದಂ ಚಕ್ಷುರಾಗಾಯದ್ಯದಿದಂ ಚಕ್ಷುಷಾ ಪಶ್ಯತಿ ಯದಿದಂ ಚಕ್ಷುಷಾ ಭುಞ್ಜತೇ ೧೦ ತತ್ಪಾಪ್ಮಾನ್ವಸೃಜ್ಯತ ಸ ಯದೇವ ಚಕ್ಷುಷಾ ಪಾಪಮ್ಪಶ್ಯತಿ ಸ ಏವ ಸ ಪಾಪ್ಮಾ ೧೧ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಶ್ರೋತ್ರೇಣೋದ್ಗಾತ್ರಾ ದೀಕ್ಷಾಮಹಾ ಇತಿ ೧೨ ತೇ ಶ್ರೋತ್ರೇಣೋದ್ಗಾತ್ರಾದೀಕ್ಷನ್ತ ತೇಭ್ಯ ಇದಂ ಶ್ರೋತ್ರಮಾಗಾಯದ್ಯದಿದಂ ಶ್ರೋತ್ರೇಣ ಶೃಣೋತಿ ಯದಿದಂ ಶ್ರೋತ್ರೇಣ ಭುಞ್ಜತೇ ೧೩ ತತ್ಪಾಪ್ಮಾನ್ವಸೃಜ್ಯತ ಸ ಯದೇವ ಶ್ರೋತ್ರೇಣ ಪಾಪಂ ಶೃಣೋತಿ ಸ ಏವ ಸ ಪಾಪ್ಮಾ ೧೪ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಪ್ರಾಣೇನೋದ್ಗಾತ್ರಾ ದೀಕ್ಷಾಮಹಾ ಇತಿ ೧೫ ತೇ ಪ್ರಾಣೇನೋದ್ಗಾತ್ರಾದೀಕ್ಷನ್ತ ತೇಭ್ಯ ಇದಮ್ಪ್ರಾಣ ಆಗಾಯದ್ಯದಿದಮ್ಪ್ರಾಣೇನ ಪ್ರಾಣಿತಿ ಯದಿದಮ್ಪ್ರಾಣೇನ ಭುಞ್ಜತೇ ೧೬ ತಮ್ಪಾಪ್ಮಾನ್ವಸೃಜ್ಯತ ಸ ಯದೇವ ಪ್ರಾಣೇನ ಪಾಪಮ್ಪ್ರಾ-ಣಿತಿ ಸ ಏವ ಸ ಪಾಪ್ಮಾ ೧೭ ತೇಽಬ್ರುವನ್ನೋ ನ್ವಾವ ನೋಽಯಮ್ಮೃತ್ಯುಂ ನ ಪಾಪ್ಮಾನಮತ್ಯವಾಕ್ಷೀತ್ ಅನೇನ ಮುಖ್ಯೇನ ಪ್ರಾಣೇನೋದ್ಗಾತ್ರಾ ದೀಕ್ಷಾಮಹಾ ಇತಿ ೧೮ ತೇಽನೇನ ಮುಖ್ಯೇನ ಪ್ರಾಣೇನೋ-ದ್ಗಾತ್ರಾದೀಕ್ಷನ್ತ ೧೯ ಸೋಽಬ್ರವೀನ್ಮೃತ್ಯುರೇಷ ಏಷಾಂ ಸ ಉದ್ಗಾತಾ ಯೇನ ಮೃತ್ಯುಮತ್ಯೇಷ್ಯನ್ತೀತಿ ೨೦ ನ ಹ್ಯೇತೇನ ಪ್ರಾಣೇನ ಪಾಪಂ ವದತಿ ನ ಪಾಪಂ ಧ್ಯಾಯತಿ ನ ಪಾಪಮ್ಪಶ್ಯತಿ ನ ಪಾಪಂ ಶೃಣೋತಿ ನ ಪಾಪಂ ಗನ್ಧಮಪಾನಿತಿ ೨೧ ತೇನಾಪಹತ್ಯ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮಾಯ-
ನ್ನಪಹತ್ಯ ಹೈವ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ೨೨ ೧೦
ಚತುರ್ಥೇಽನುವಾಕೇ ಪ್ರಥಮಃ ಖಣ್ಡಃ

ಸ ಯಥಾ ಹತ್ವಾ ಪ್ರಮೃದ್ಯಾತೀಯಾದೇವಮೇವೈತಮ್ಮೃತ್ಯುಮತ್ಯಾಯನ್ ೧ ಸ ವಾಚಮ್ಪ್ರಥಮಾಮ-ತ್ಯವಹತ್ತಾಮ್ಪರೇಣ ಮೃತ್ಯುಂ ನ್ಯದಧಾತ್ ಸೋಽಗ್ನಿರಭವತ್ ೨ ಅಥ ಮನೋಽತ್ಯವಹತ್ತತ್ಪರೇಣ ಮೃತ್ಯುಂ ನ್ಯದಧಾತ್ ಸ ಚನ್ದ್ರ ಮಾ ಅಭವತ್ ೩ ಅಥ ಚಕ್ಷುರತ್ಯವಹತ್ತತ್ಪರೇಣ ಮೃತ್ಯುಂ ನ್ಯದಧಾತ್ ಸ ಆದಿತ್ಯೋಽಭವತ್ ೪ ಅಥ ಶ್ರೋತ್ರಮತ್ಯವಹತ್ತತ್ಪರೇಣ ಮೃತ್ಯುಂ ನ್ಯದಧಾತ್ತಾ ಇಮಾ ದಿಶೋ-ಽಭವನ್ತಾ ಉ ಏವ ವಿಶ್ವೇ ದೇವಾಃ ೫ ಅಥ ಪ್ರಾಣಮತ್ಯವಹತ್ತಮ್ಪರೇಣ ಮೃತ್ಯುಂ ನ್ಯದಧಾತ್ ಸ ವಾಯುರಭವತ್ ೬ ಅಥಾತ್ಮನೇ ಕೇವಲಮೇವಾನ್ನಾದ್ಯಮಾಗಾಯತ ೭ ಸ ಏಷ ಏವಾಯಾಸ್ಯಃ ಆಸ್ಯೇ ಧೀಯತೇ ತಸ್ಮಾದಯಾಸ್ಯಃ ಯದ್ವೇವಾ ಯಮಾಸ್ಯೇ ರಮತೇ ತಸ್ಮಾದ್ವೇವಾಯಾಸ್ಯಃ ೮ ಸ ಏಷ ಏವಾಙ್ಗಿರಸಃ ಅತೋ ಹೀಮಾನ್ಯಙ್ಗಾನಿ ರಸಂ ಲಭನ್ತೇ ತಸ್ಮಾದಾಙ್ಗಿರಸಃ ಯದ್ವೇವೈಷಾಮಙ್ಗಾನಾಂ ರಸಸ್ತಸ್ಮಾದ್ವೇವಾಙ್ಗಿರಸಃ ೯ ತಂ ದೇವಾ ಅಬ್ರುವನ್ಕೇವಲಂ ವಾ ಆತ್ಮನೇಽನ್ನಾದ್ಯಮಾಗಾಸೀಃ ಅನು ನ ಏತಸ್ಮಿನ್ನನ್ನಾದ್ಯ ಆಭಜ ಏತದಸ್ಯಾನಾಮಯತ್ವಮಸ್ತೀತಿ ೧೦ ತಂ ವೈ ಪ್ರವಿಶತೇತಿ ಸ ವಾ ಆಕಾಶಾನ್ಕುರುಷ್ವೇತಿ ಸ ಇಮಾನ್ಪ್ರಾಣಾನಾಕಾಶಾನಕುರುತ ೧೧ ತಂ ವಾಗೇವ ಭೂತ್ವಾಗ್ನಿಃ ಪ್ರಾವಿಶನ್ಮನೋ ಭೂತ್ವಾ ಚನ್ದ್ರ ಮಾಶ್ಚಕ್ಷುರ್ಭೂತ್ವಾದಿತ್ಯಶ್ಶ್ರೋತ್ರಮ್ಭೂತ್ವಾ ದಿಶಃ ಪ್ರಾಣೋ ಭೂತ್ವಾ ವಾಯುಃ ೧೨ ಏಷಾ ವೈ ದೈವೀ ಪರಿಷದ್ದೈವೀ ಸಭಾ ದೈವೀ ಸಂಸತ್ ೧೩ ಗಚ್ಛತಿ ಹ
ವಾ ಏತಾಂ ದೈವೀಮ್ಪರಿಷದಂ ದೈವೀಂ ಸಭಾಂ ದೈವೀಂ ಸಂಸದಂ ಯ ಏವಂ ವೇದ ೧೪ ೧೧
ಚತುರ್ಥೇಽನುವಾಕೇ ದ್ವಿತೀಯಃ ಖಣ್ಡಃ

ಯತ್ರೋ ಹ ವೈ ಕ್ವ ಚೈತಾ ದೇವತಾ ನಿಸ್ಪೃಶನ್ತಿ ನ ಹೈವ ತತ್ರ ಕಶ್ಚನ ಪಾಪ್ಮಾ ನ್ಯಙ್ಗಃ ಪರಿಶಿಷ್ಯತೇ ೧ ಸ ವಿದ್ಯಾನ್ನೇಹ ಕಶ್ಚನ ಪಾಪ್ಮಾ ನ್ಯಙ್ಗಃ ಪರಿಶೇಕ್ಷ್ಯತೇ ಸರ್ವಮೇವೈತಾ ದೇವತಾಃ ಪಾಪ್ಮಾನಂ ನಿಧಕ್ಷ್ಯನ್ತೀತಿ ತಥಾ ಹೈವ ಭವತಿ ೨ ಯ ಉ ಹ ವಾ ಏವಂವಿದಮೃಚ್ಛತಿ ಯಥೈತಾ ದೇವತಾ ಋತ್ವಾ ನೀಯಾದೇವಂ ನ್ಯೇತಿ ಏತಾಸು ಹ್ಯೇವೈನಂ ದೇವತಾಸು ಪ್ರಪನ್ನಮೇತಾಸು ವಸನ್ತಮುಪವದತಿ ೩ ತಸ್ಯ ಹೈತಸ್ಯ ನೈವ ಕಾ ಚನಾರ್ತಿರಸ್ತಿ ಯ ಏವಂ ವೇದ ಯ ಏವೈನಮುಪವದತಿ ಸ ಆರ್ತಿಮಾರ್ಚ್ಛತಿ ೪ ಸ ಯ ಏನಮೃಚ್ಛಾದೇವ ತಾ ದೇವತಾ ಉಪಸೃತ್ಯ ಬ್ರೂಯಾದಯಮ್ಮಾರತ್ಸ ಇಮಾಮಾರ್ತಿಂ ನ್ಯೇತ್ವಿತಿ ತಾಂ ಹೈವಾರ್ತಿಂ ನ್ಯೇತಿ ೫ ಯಾವದಾವಾಸಾ ಉ ಹಾಸ್ಯೇಮೇ ಪ್ರಾಣಾ ಅಸ್ಮಿಂಲ್ಲೋಕ ಏತಾವದಾವಾಸಾ ಉ ಹಾಸ್ಯೈತಾ ದೇವತಾ ಅಮುಷ್ಮಿಂಲ್ಲೋಕೇ ಭವನ್ತಿ ೬ ತಸ್ಮಾದು ಹೈವಂ ವಿದ್ವಾನ್ನೈವಾಗೃಹತಾಯೈ ಬಿಭೀಯಾನ್ನಾಲೋಕತಾಯೈ ಏತಾ ಮೇ ದೇವತಾ ಅಸ್ಮಿಂಲ್ಲೋ-ಕೇ ಗೃಹಾನ್ಕರಿಷ್ಯನ್ತಿ ಏತಾ ಅಮುಷ್ಮಿಂಲ್ಲೋಕೇ ಭವನ್ತಿ ತಸ್ಮಾದು ಲೋಕಮ್ಪ್ರದಾಸ್ಯನ್ತೀತಿ ೭ ತಸ್ಮಾದು ಹೈವಂ ವಿದ್ವಾನ್ನೈವಾಗೃಹತಾಯೈ ಬಿಭೀಯಾನ್ನಾಲೋಕತಾಯೈ ಏತಾ ಮೇ ದೇವತಾ ಅಸ್ಮಿಂ-ಲ್ಲೋಕೇ ಗೃಹೇಭ್ಯೋ ಗೃಹಾನ್ಕರಿಷ್ಯನ್ತಿ ಸ್ವೇಭ್ಯ ಆಯತನೇಭ್ಯ ಇತಿ ಹೈವ ವಿದ್ಯಾದೇತಾ ದೇವತಾ ಅಮುಷ್ಮಿಂಲ್ಲೋಕೇ ಲೋಕಮ್ಪ್ರದಾಸ್ಯನ್ತೀತಿ ೮ ತಸ್ಮಾದು ಹೈವಂ ವಿದ್ವಾನ್ನೈವಾಗೃಹತಾಯೈ ಬಿಭೀ-ಯಾನ್ನಾಲೋಕತಾಯೈ ಏತಾ ಮ ಏತದುಭಯಂ ಸಂನಂಸ್ಯನ್ತೀತಿ ಹೈವ ವಿದ್ಯಾತ್ತಥಾ ಹೈವ ಭವತಿ ೯
೧೨
ಚತುರ್ಥೇಽನುವಾಕೇ ತೃತೀಯಃ ಖಣ್ಡಃ
ಚತುರ್ಥೋಽನುವಾಕಸ್ಸಮಾಪ್ತಃ

ದೇವಾ ವೈ ಬ್ರಹ್ಮಣೋ ವತ್ಸೇನ ವಾಚಮದುಹ್ರನ್ನಗ್ನಿರ್ಹ ವೈ ಬ್ರಹ್ಮಣೋ ವತ್ಸಃ ೧ ಸಾ ಯಾ ಸಾ ವಾಗ್ಬ್ರಹ್ಮೈವ ತತ್ ಅಥ ಯೋಽಗ್ನಿರ್ಮೃತ್ಯುಸ್ಸಃ ೨ ತಾಮೇತಾಂ ವಾಚಂ ಯಥಾ ಧೇನುಂ ವತ್ಸೇನೋಪಸೃಜ್ಯ ಪ್ರತ್ತಾಂ ದುಹೀತೈವಮೇವ ದೇವಾ ವಾಚಂ ಸರ್ವಾನ್ಕಾಮಾನದುಹ್ರನ್ ೩ ದುಹೇ ಹ ವೈ ವಾಚಂ ಸರ್ವಾನ್ಕಾಮಾನ್ಯ ಏವಂ ವೇದ ಸ ಹೈಷೋಽನಾನೃತೋ ವಾಚಂ ದೇವೀಮುದಿನ್ಧೇ ವದ ವದ ವದೇತಿ ೪ ತದ್ಯದಿಹ ಪುರುಷಸ್ಯ ಪಾಪಂ ಕೃತಮ್ಭವತಿ ತದಾವಿಷ್ಕರೋತಿ ಯದಿಹೈನದಪಿ ರಹಸೀವ
ಕುರ್ವನ್ಮನ್ಯತೇಽಥ ಹೈನದಾವಿರೇವ ಕರೋತಿ ತಸ್ಮಾದ್ವಾವ ಪಾಪಂ ನ ಕುರ್ಯಾತ್ ೫ ೧೩
ಪಞ್ಚಮೇಽನುವಾಕೇ ಪ್ರಥಮಃ ಖಣ್ಡಃ

ಏಷ ಉ ಹ ವಾವ ದೇವಾನಾಂ ನೇದಿಷ್ಠಮುಪಚರ್ಯೋ ಯದಗ್ನಿಃ ೧ ತಂ ಸಾಧೂಪಚರೇತ್ ಯ ಏನಮಸ್ಮಿಂ-ಲ್ಲೋಕೇ ಸಾಧೂಪಚರತಿ ತಮೇಷೋಽಮುಷ್ಮಿಂಲ್ಲೋಕೇ ಸಾಧೂಪಚರತಿ ಅಥ ಯ ಏನಮಸ್ಮಿಂಲ್ಲೋಕೇ ನಾದ್ರಿ ಯತೇ ತಮೇಷೋಽಮುಷ್ಮಿಂಲ್ಲೋಕೇ ನಾದ್ರಿ ಯತೇ ತಸ್ಮಾದ್ವಾ ಅಗ್ನಿಂ ಸಾಧೂಪಚರೇತ್ ೨ ತಂ ನೈವ ಹಸ್ತಾಭ್ಯಾಂ ಸ್ಪೃಶೇನ್ನ ಪಾದಾಭ್ಯಾಂ ನ ದಣ್ಡೇನ ೩ ಹಸ್ತಾಭ್ಯಾಂ ಸ್ಪೃಶತಿ ಯದಸ್ಯಾನ್ತಿಕ-ಮವನೇನಿಕ್ತೇ ಅಥ ಯದಭಿಪ್ರಸಾರಯತಿ ತತ್ಪಾದಾಭ್ಯಾಮ್ ೪ ಸ ಏನಮಾಸ್ಪೃಷ್ತ ಈಶ್ವರೋ
ದುರ್ಧಾಯಾಂ ಧಾತೋಃ ತಸ್ಮಾದ್ವಾ ಅಗ್ನಿಂ ಸಾಧೂಪಚರತಿ ಸುಧಾಯಾಂ ಹೈವೈನಂ ದಧಾತಿ ೫ ೧೪
ಪಞ್ಚಮೇಽನುವಾಕೇ ದ್ವಿತೀಯಃ ಖಣ್ಡಃ

ಏಷ ಉ ಹ ವಾವ ದೇವಾನಾಮ್ಮಹಾಶನತಮೋ ಯದಗ್ನಿಃ ೧ ತನ್ನ ವ್ರತ್ಯಮದದಾನೋಽಶ್ನೀಯಾತ್ ಯೋ ವೈ ಮಹಾಶನೇಽನಶ್ನತ್ಯಶ್ನಾತೀಶ್ವಾರೋ ಹೈನಮಭಿಷಙ್ಕ್ತೋಃ ಪೂತಿಮಿವ ಹಾಶ್ನೀಯಾತ್ ೨ ಅಥೋ ಹ ಪ್ರೋಕ್ತೇಽಶನೇ ಬ್ರೂಯಾತ್ಸಮಿನ್ತ್ಸ್ವಾಗ್ನಿಮಿತಿ ಸ ಯಥಾ ಪ್ರೋಕ್ತೇಽಶನೇ ಶ್ರೇಯಾಂಸಮ್ಪರಿವೇಷ್ಟವೈ ಬ್ರೂಯಾತ್ತಾದೃಕ್ತತ್ ೩ ಏತದು ಹ ವಾವ ಸಾಮ ಯದ್ವಾಕ್ ಯೋ ವೈ ಚಕ್ಷುಸ್ಸಾಮ ಶ್ರೋತ್ರಂ ಸಾಮೇತ್ಯುಪಾಸ್ತೇ ನ ಹ ತೇನ ಕರೋತಿ ೪ ಅಥ ಯ ಆದಿತ್ಯಸ್ಸಾಮ ಚನ್ದ್ರ ಮಾಸ್ಸಾಮೇತ್ಯುಪಾಸ್ತೇ ನ ಹೈವ ತೇನ ಕರೋತಿ ೫ ಅಥ ಯೋ ವಾಕ್ಸಾಮೇತ್ಯುಪಾಸ್ತೇ ಸ ಏವಾನುಷ್ಠ್ಯಾ ಸಾಮ ವೇದ ವಾಚಾ ಹಿ ಸಾಮ್ನಾರ್ತ್ವಿಜ್ಯಂ ಕ್ರಿಯತೇ ೬ ಸ ಯೋ ವಾಚಸ್ಸ್ವರೋ ಜಾಯತೇ ಸೋಽಗ್ನಿರ್ವಾಗ್ವೇವ ವಾಕ್ ತದತ್ರೈಕಧಾ ಸಾಮ ಭವತಿ ೭ ಸ ಯ ಏವಮೇತದೇಕಧಾ ಸಾಮ ಭವದ್ವೇದೈವಂ ಹೈತದೇಕಧಾ ಸಾಮ ಭವತೀತ್ಯೇಕಧೇವ ಶ್ರೇಷ್ಠಸ್ಸ್ವಾನಾಮ್ಭವತಿ ೮ ತಸ್ಮಾದು ಹೈವಂವಿದಮೇವ ಸಾಮ್ನಾರ್ತ್ವಿಜ್ಯಂ ಕಾರಯೇತ ಸ ಹ ವಾವ ಸಾಮ ವೇದ ಯ ಏವಂ ವೇದ ಪಞ್ಚಮೇಽನುವಾಕೇ ತೃತೀಯಃ ಖಣ್ಡಃ ೯
೧೫
ಪಞ್ಚಮೋಽನುವಾಕಸ್ಸಮಾಪ್ತಃ
ಇತಿ ದ್ವಿತೀಯೋಽಧ್ಯಾಯಃ

ಅಥ ತೃತೀಯೋಽಧ್ಯಾಯಃ
ಏಕಾ ಹ ವಾವ ಕೃತ್ಸ್ನಾ ದೇವತಾರ್ಧದೇವತಾ ಏವಾನ್ಯಾಃ ಅಯಮೇವ ಯೋಽಯಮ್ಪವತೇ ೧ ಏಷ ಏವ ಸರ್ವೇಷಾಂ ದೇವಾನಾಂ ಗ್ರಹಾಃ ೨ ಸ ಹೈಷೋಽಸ್ತಂ ನಾಮ ಅಸ್ತಮಿತಿ ಹೇಹ ಪಶ್ಚಾದ್ಗ್ರಹಾನಾಚಕ್ಷತೇ ೩ ಸ ಯದಾದಿತ್ಯೋಽಸ್ತಮಗಾದಿತಿ ಗ್ರಹಾನಗಾದಿತಿ ಹೈತತ್ತೇನ ಸೋಽಸರ್ವಃ ಸ ಏತಮೇವಾಪ್ಯೇತಿ ೪ ಅಸ್ತಂ ಚನ್ದ್ರ ಮಾ ಏತಿ ತೇನ ಸೋಽಸರ್ವಃ ಸ ಏತಮೇವಾಪ್ಯೇತಿ ೫ ಅಸ್ತಂ ನಕ್ಷತ್ರಾಣಿ ಯನ್ತಿ ತೇನ ತಾನ್ಯಸರ್ವಾಣಿ ತಾನ್ಯೇತಮೇವಾಪಿಯನ್ತಿ ೬ ಅನ್ವಗ್ನಿರ್ಗಚ್ಛತಿ ತೇನ ಸೋಽಸರ್ವಃ ಸ ಏತಮೇವಾಪ್ಯೇತಿ ೭ ಏತ್ಯಹಃ ಏತಿ ರಾತ್ರಿಃ ತೇನ ತೇ ಅಸರ್ವೇ ತೇ ಏತಮೇವಾಪೀತಃ ೮ ಮುಹ್ಯನ್ತಿ ದಿಶೋ ನ ವೈ ತಾ ರಾತ್ರಿಮ್ಪ್ರಜ್ಞಾಯನ್ತೇ ತೇನ ತಾ ಅಸರ್ವಾಃ ತಾ ಏತಮೇವಾಪಿಯನ್ತಿ ೯ ವರ್ಷತಿ ಚ ಪರ್ಜನ್ಯ ಉಚ್ಚ ಗೃಹ್ಣಾತಿ ತೇನ ಸೋಽಸರ್ವಃ ಸ ಏತಮೇವಾಪ್ಯೇತಿ ೧೦ ಕ್ಷೀಯನ್ತ ಆಪ ಏವ-ಮೋಷಧಯ ಏವಂ ವನಸ್ಪತಯಃ ತೇನ ತಾನ್ಯಸರ್ವಾಣಿ ತಾನ್ಯೇತಮೇವಾಪಿಯನ್ತಿ ೧೧ ತದ್ಯದೇತತ್ಸರ್ವಂ ವಾಯುಂ ಏವಾಪ್ಯೇತಿ ತಸ್ಮಾದ್ವಾಯುರೇವ ಸಾಮ ೧೨ ಸ ಹ ವೈ ಸಾಮವಿತ್ಸ ಕೃತ್ಸ್ನಂ ಸಾಮ ವೇದ ಯ ಏವಂ ವೇದ ೧೩ ಅಥಾಧ್ಯಾತ್ಮಂ ನ ವೈ ಸ್ವಪನ್ವಾಚಾ ವದತಿ ಸೇಯಮೇವ ಪ್ರಾಣಮಪ್ಯೇತಿ ೧೪ ನ ಮನಸಾ ಧ್ಯಾಯತಿ ತದಿದಮೇವ ಪ್ರಾಣಮಪ್ಯೇತಿ ೧೫ ನ ಚಕ್ಷುಷಾ ಪಶ್ಯತಿ ತದಿದಮೇವ ಪ್ರಾಣಮಪ್ಯೇತಿ ೧೬ ನ ಶ್ರೋತ್ರೇಣ ಶೃಣೋತಿ ತದಿದಮೇವ ಪ್ರಾಣಮಪ್ಯೇತಿ ೧೭ ತದ್ಯದೇತ-ತ್ಸರ್ವಮ್ಪ್ರಾಣಮೇವಾಭಿಸಮೇತಿ ತಸ್ಮಾತ್ಪ್ರಾಣ ಏವ ಸಾಮ ೧೮ ಸ ಹ ವೈ ಸಾಮವಿತ್ಸ ಕೃತ್ಸ್ನಂ ಸಾಮ ವೇದ ಯ ಏವಂ ವೇದ ೧೯ ತದ್ಯದಿದಮಾಹುರ್ನ ಬತಾದ್ಯ ವಾತೀತಿ ಸ ಹೈತತ್ಪುರು-ಷೇಽನ್ತರ್ನಿರಮತೇ ಸ ಪೂರ್ಣಸ್ಸ್ವೇದಮಾನ ಆಸ್ತೇ ೨೦ ತದ್ಧ ಶೌನಕಂ ಚ ಕಾಪೇಯಮಭಿಪ್ರತಾರಿಣಂ
ಚ ಕಾಕ್ಷಸೇನಿಮ್ಬ್ರಾಹ್ಮಣಃ ಪರಿವೇವಿಷ್ಯಮಾಣಾ ಉಪಾವವ್ರಾಜ ೨೧ ೧
ಪ್ರಥಮೇಽನುವಾಕೇ ಪ್ರಥಮಃ ಖಣ್ಡಃ

ತೌ ಹ ಬಿಭಿಕ್ಷೇ ತಂ ಹ ನಾದದ್ರಾ ತೇ ಕೋ ವಾ ಕೋ ವೇತಿ ಮನ್ಯಮಾನೌ ೧ ತೌ ಹೋಪಜಗೌ ಮಹಾತ್ಮನಶ್ಚತುರೋ ದೇವ ಏಕಃ ಕಸ್ಸ ಜಗಾರ ಭುವನಸ್ಯ ಗೋಪಾಃ ತಂ ಕಾಪೇಯ ನ ವಿಜಾ-ನನ್ತ್ಯೇಕೇಽಭಿಪ್ರತಾರಿನ್ಬಹುಧಾ ನಿವಿಷ್ಟಮಿತಿ ೨ ಸ ಹೋವಾಚಾಭಿಪ್ರತಾರೀಮಂ ವಾವ ಪ್ರಪದ್ಯ ಪ್ರತಿಬ್ರೂಹೀತಿ ತ್ವಯಾ ವಾ ಅಯಮ್ಪ್ರತ್ಯುಚ್ಯ ಇತಿ ೩ ತಂ ಹ ಪ್ರತ್ಯುವಾಚ ಆತ್ಮಾ ದೇವಾನಾಮುತ ಮರ್ತ್ಯಾನಾಂ ಹಿರಣ್ಯದನ್ತೋ ರಪಸೋ ನ ಸೂನುಃ ಮಹಾನ್ತಮಸ್ಯ ಮಹಿಮಾನಮಾಹುರನದ್ಯಮಾನೋ ಯದದನ್ತಮತ್ತೀತಿ ೪ ಮಹಾತ್ಮನಶ್ಚತುರೋ ದೇವ ಏಕ ಇತಿ ವಾಗ್ವಾ ಅಗ್ನಿಃ ಸ ಮಹಾತ್ಮಾ ದೇವಃ ಸ ಯತ್ರ ಸ್ವಪಿತಿ ತದ್ವಾಚಮ್ಪ್ರಾಣೋ ಗಿರತಿ ೫ ಮನಶ್ಚನ್ದ್ರ ಮಾಸ್ಸ ಮಹಾತ್ಮಾ ದೇವಃ ಸ ಯತ್ರ ಸ್ವಪಿತಿ ತನ್ಮನಃ ಪ್ರಾಣೋ ಗಿರತಿ ೬ ಚಕ್ಷುರಾದಿತ್ಯಸ್ಸ ಮಹಾತ್ಮಾ ದೇವಃ ಸ ಯತ್ರ ಸ್ವಪಿತಿ ತಚ್ಚಕ್ಷುಃ ಪ್ರಾಣೋ ಗಿರತಿ ೭ ಶ್ರೋತ್ರಂ ದಿಶಸ್ತಾ ಮಹಾತ್ಮಾನೋ ದೇವಾಃ ಸ ಯತ್ರ ಸ್ವಪಿತಿ ತಚ್ಛ್ರೋತ್ರಮ್ಪ್ರಾಣೋ ಗಿರತಿ ೮ ತದ್ಯನ್ಮಹಾತ್ಮನಶ್ಚತುರೋ ದೇವ ಏಕ ಇತ್ಯೇತದ್ಧ ತತ್ ೯ ಕಸ್ಸ ಜಗಾರೇತಿ ಪ್ರಜಾಪತಿರ್ವೈ ಕಃ ಸ ಹೈತಜ್ಜಗಾರ ೧೦ ಭುವನಸ್ಯ ಗೋಪಾ ಇತಿ ಸ ಉ ವಾವ ಭುವನಸ್ಯ ಗೋಪಾಃ ೧೧ ತಂ ಕಾಪೇಯ ನ ವಿಜಾನನ್ತ್ಯೇಕ ಇತಿ ನ ಹ್ಯೇತಮೇಕೇ ವಿಜಾ-ನನ್ತಿ ೧೨ ಅಭಿಪ್ರತಾರಿನ್ಬಹುಧಾ ನಿವಿಷ್ಟಮಿತಿ ಬಹುಧಾ ಹ್ಯೇವೈಷ ನಿವಿಷ್ಟೋ ಯತ್ಪ್ರಾಣಃ ೧೩ ಆತ್ಮಾ ದೇವಾನಾಮುತ ಮರ್ತ್ಯಾನಾಮಿತಿ ಆತ್ಮಾ ಹ್ಯೇಷ ದೇವಾನಾಮುತ ಮರ್ತ್ಯಾನಾಮ್ ೧೪ ಹಿರಣ್ಯದನ್ತೋ ರಪಸೋ ನ ಸೂನುರಿತಿ ನ ಹ್ಯೇಷ ಸೂನುಃ ಸೂನುರೂಪೋ ಹ್ಯೇಷ ಸನ್ನ ಸೂನುಃ ೧೫ ಮಹಾನ್ತಮಸ್ಯ ಮಹಿಮಾನಮಾಹುರಿತಿ ಮಹಾನ್ತಂ ಹ್ಯೇತಸ್ಯ ಮಹಿಮಾನಮಾಹುಃ ೧೬ ಅನದ್ಯಮಾನೋ
ಯದದನ್ತಮತ್ತೀತಿ ಅನದ್ಯಮಾನೋ ಹ್ಯೇಷೋಽದನ್ತಮತ್ತಿ ೧೭ ೨
ಪ್ರಥಮೇಽನುವಾಕೇ ದ್ವಿತೀಯಃ ಖಣ್ಡಃ

ತಸ್ಯೈಷ ಶ್ರೀರಾತ್ಮಾ ಸಮುದ್ರೂ ಢೋ ಯದಸಾವಾದಿತ್ಯಃ ತಸ್ಮಾದ್ಗಾಯತ್ರಸ್ಯ ಸ್ತೋತ್ರೇಣಾವಾನ್ಯಾ-ನ್ನೇಚ್ಛ್ರಿಯಾ ಅವಛಿದ್ಯಾ ಇತಿ ೧ ಸ ಏಷ ಏವೋಕ್ಥಂ ಯತ್ಪುರಸ್ತಾದವಾನಿತಿ ತದೇತದುಕ್ಥಸ್ಯ ಶಿರೋ ಯದ್ದಕ್ಷಿಣತಸ್ಸ ದಕ್ಷಿಣಃ ಪಕ್ಷೋ ಯದುತ್ತರತಸ್ಸ ಉತ್ತರಃ ಪಕ್ಷೋ ಯತ್ಪಶ್ಚಾತ್ತತ್ಪುಚ್ಛಮ್ ೨ ಅಯಮೇವ ಪ್ರಾಣ ಉಕ್ಥಸ್ಯಾತ್ಮಾ ಸ ಯ ಏವಮೇತಮುಕ್ಥಸ್ಯಾತ್ಮಾನಮಾತ್ಮನ್ಪ್ರತಿಷ್ಠಿತಂ ವೇದ ಸ ಹಾಮುಷ್ಮಿಂಲ್ಲೋಕೇ ಸಾಙ್ಗಸ್ಸತನುಸ್ಸರ್ವಸ್ಸಮ್ಭವತಿ ೩ ಶಶ್ವದ್ಧ ವಾ ಅಮುಷ್ಮಿಂಲ್ಲೋಕೇ ಯದಿದಮ್ಪುರುಷಸ್ಯಾಣ್ಡೌ ಶಿಶ್ನಂ ಕರ್ಣೌ ನಾಸಿಕೇ ಯತ್ಕಿಂ ಚಾನಸ್ಥಿಕಂ ನ ಸಮ್ಭವತಿ ೪ ಅಥ ಯ ಏವಮೇತಮುಕ್ಥಸ್ಯಾತ್ಮಾನಮಾತ್ಮನ್ಪ್ರತಿಷ್ಠಿತಂ ವೇದ ಸ ಹೈವಾಮುಷ್ಮಿಂಲ್ಲೋಕೇ ಸಾಙ್ಗ-ಸ್ಸತನುಸ್ಸರ್ವಸ್ಸಮ್ಭವತಿ ೫ ತದೇತದ್ವೈಶ್ವಾಮಿತ್ರಮುಕ್ಥಂ ತದನ್ನಂ ವೈ ವಿಶ್ವಮ್ಪ್ರಾಣೋ ಮಿತ್ರಮ್ ೬ ತದ್ಧ ವಿಶ್ವಾಮಿತ್ರಶ್ಶ್ರಮೇಣ ತಪಸಾ ವ್ರತಚರ್ಯೇಣೇನ್ದ್ರ ಸ್ಯ ಪ್ರಿಯಂ ಧಾಮೋಪಜಗಾಮ ೭ ತಸ್ಮಾ ಉ ಹೈತತ್ಪ್ರೋವಾಚ ಯದಿದಮ್ಮನುಷ್ಯಾನಾಗತಮ್ ೮ ತದ್ಧ ಸ ಉಪನಿಷಸಾದ ಜ್ಯೋತಿರೇ-ತದುಕ್ಥಮಿತಿ ೯ ಜ್ಯೋತಿರಿತಿ ದ್ವೇ ಅಕ್ಷರೇ ಪ್ರಾಣ ಇತಿ ದ್ವೇ ಅನ್ನಮಿತಿ ದ್ವೇ ತದೇತದನ್ನ ಏವ ಪ್ರತಿಷ್ಠಿತಮ್ ೧೦ ಅಥ ಹೈನಂ ಜಮದಗ್ನಿರುಪನಿಷಸಾದಾಯುರೇತದುಕ್ಥಮಿತಿ ೧೧ ಆಯುರಿತಿ ದ್ವೇ ಅಕ್ಷರೇ ಪ್ರಾಣ ಇತಿ ದ್ವೇ ಅನ್ನಮಿತಿ ದ್ವೇ ತದೇತದನ್ನ ಏವ ಪ್ರತಿಷ್ಠಿತಮ್ ೧೨ ಅಥ ಹೈನಂ ವಸಿಷ್ಠ ಉಪನಿಷಸಾದ ಗೌರೇತದುಕ್ಥಮಿತಿ ತದೇತದನ್ನಮೇವ ಅನ್ನಂ ಹಿ ಗೌಃ ೧೩ ತದಾಹುರ್ಯದಸ್ಯ ಪ್ರಾಣಸ್ಯ ಪುರುಷಶ್ಶರೀರಮಥ ಕೇನಾನ್ಯೇ ಪ್ರಾನಾಶ್ಶರೀರವನ್ತೋ ಭವನ್ತೀತಿ ೧೪ ಸ ಬ್ರೂಯಾದ್ಯದ್ವಾಚಾ ವದತಿ ತದ್ವಾಚಶ್ಶರೀರಂ ಯನ್ಮನಸಾ ಧ್ಯಾಯತಿ ತನ್ಮನಸಶ್ಶರೀರಂ ಯಚ್ಚಕ್ಷುಷಾ ಪಶ್ಯತಿ ತಚ್ಚಕ್ಷುಷಶ್ಶರೀರಂ ಯಚ್ಛ್ರೋತ್ರೇಣ ಶೃಣೋತಿ ತಚ್ಛ್ರೋತ್ರಸ್ಯ ಶರೀರಮೇವಮು ಹಾನ್ಯೇ
ಪ್ರಾಣಾಶ್ಶರೀರವನ್ತೋ ಭವನ್ತೀತಿ ೧೫ ೩
ಪ್ರಥಮೇಽನುವಾಕೇ ತೃತೀಯಃ ಖಣ್ಡಃ

ತದೇತದುಕ್ಥಂ ಸಪ್ತವಿಧಂ ಶಸ್ಯತೇ ಸ್ತೋತ್ರಿಯೋಽನುರೂಪೋ ಧಾಯ್ಯಾ ಪ್ರಗಾಥಸ್ಸೂಕ್ತಂ ನಿವಿ-ತ್ಪರಿಧಾನೀಯಾ ೧ ಇಯಮೇವ ಸ್ತೋತ್ರಿಯೋಽಗ್ನಿರನುರೂಪೋ ವಾಯುರ್ಧಾಯ್ಯಾನ್ತರಿಕ್ಷಮ್ಪ್ರಗಾಥೋ ದ್ಯೌ-ಸ್ಸೂಕ್ತಮಾದಿತ್ಯೋ ನಿವಿತ್ತಸ್ಮಾದ್ಬಹ್ವೃಚಾ ಉದಿತೇ ನಿವಿದಮಧೀಯನ್ತೇ ಆದಿತ್ಯೋ ಹಿ ನಿವಿತ್ ದಿಶಃ ಪರಿಧಾನೀಯೇತ್ಯಧಿದೇವತಮ್ ೨ ಅಥಾಧ್ಯಾತ್ಮಮಾತ್ಮೈವ ಸ್ತೋತ್ರಿಯಃ ಪ್ರಜಾನುರೂಪಃ ಪ್ರಾಣೋ ಧಾಯ್ಯಾ ಮನಃ ಪ್ರಗಾಥಶ್ಶಿರಸ್ಸೂಕ್ತಂ ಚಕ್ಷುರ್ನಿವಿಚ್ಛ್ರೋತ್ರಮ್ಪರಿಧಾನೀಯಾ ೩ ತದ್ಧೈತದೇಕೇ ತ್ರಿಷ್ಟುಭಾ ಪರಿದಧತ್ಯನುಷ್ಟುಭೈಕೇ ತ್ರಿಷ್ಟುಭಾ ತ್ವೇವ ಪರಿದಧ್ಯಾತ್ ೪ ತದ್ಧೈತದೇಕ ಏತಾ ವ್ಯಾಹೃತೀರಭಿವ್ಯಾಹೃತ್ಯ ಶಂಸನ್ತಿ ಮಹಾನ್ಮಹ್ಯಾ ಸಮಧತ್ತ ದೇವೋ ದೇವ್ಯಾ ಸಮಧತ್ತ ಬ್ರಹ್ಮ ಬ್ರಾಹ್ಮಣ್ಯಾ ಸಮಧತ್ತ ತದ್ಯತ್ಸಮಧತ್ತ ಸಮಧತ್ತೇತಿ ೫ ತಸ್ಮಾದಿದಾನೀಮ್ಪುರುಷಸ್ಯ ಶರೀರಾಣಿ ಪ್ರತಿಸಂಹಿತಾನಿ ಪುರುಷೋ ಹ್ಯೇತದುಕ್ಥಮ್ ೬ ಮಹಾನ್ಮಹ್ಯಾ ಸಮಧತ್ತೇತಿ ಅಗ್ನಿರ್ವೈ ಮಹಾನಿಯಮೇವ ಮಹೀ ೭ ದೇವೋ ದೇವ್ಯಾ ಸಮಧತ್ತೇತಿ ವಾಯುರ್ವೈ ದೇವೋಽನ್ತರಿಕ್ಷಂ ದೇವೀ ೮ ಬ್ರಹ್ಮ ಬ್ರಾಹ್ಮಣ್ಯಾ ಸಮಧತ್ತೇತಿ ಆದಿತ್ಯೋ ವೈ ಬ್ರಹ್ಮ ದ್ಯೌರ್ಬ್ರಾಹ್ಮಣೀ ೯ ತಾಸಾಂ ವಾ ಏತಾಸಾಂ ದೇವತಾನಾಂ ದ್ವಯೋರ್ದ್ವಯೋರ್ದೇವತಯೋರ್ನವನವಾಕ್ಷರಾಣಿ ಸಮ್ಪದ್ಯನ್ತೇ ಏತದಿಮೇ ಲೋಕಾಸ್ತ್ರಿಣವಾ ಭವನ್ತಿ ೧೦ ತದ್ಬ್ರಹ್ಮ ವೈ ತ್ರಿವೃತ್ತದ್ಬ್ರಹ್ಮಾಭಿವ್ಯಾಹೃತ್ಯ ಶಂಸನ್ತಿ ಏಷ ಉ ಏವ ಸ್ತೋಮಸ್ಸೋಽನುಚರಃ ೧೧ ಯದಿಮಮಾಹುರೇಕಸ್ತೋಮ ಇತ್ಯಯಮೇವ ಯೋಽಯಮ್ಪವತೇ ಏಷೋಽಧಿದೇವತಂ ಪ್ರಾಣೋಽಧ್ಯಾತ್ಮಂ ತಸ್ಯ
ಶರೀರಮನುಚರಃ ೧೨ ತದ್ಯಥಾ ಹ ವೈ ಮಣೌ ಮಣಿಸೂತ್ರಂ ಸಮ್ಪ್ರೋತಂ ಸ್ಯಾದ್ ೧೩ ೪
ಪ್ರಥಮೇಽನುವಾಕೇ ಚತುರ್ಥಃ ಖಣ್ಡಃ

ಏವಂ ಹೈತಸ್ಮಿನ್ಸರ್ವಮಿದಂ ಸಮ್ಪ್ರೋತಂ ಗನ್ಧರ್ವಾಪ್ಸರಸಃ ಪಶವೋ ಮನುಷ್ಯಾಃ ೧ ತದ್ಧ ಮುಞ್ಜಸ್ಸಾ-ಮಶ್ರವಸಃ ಪ್ರಯಯೌ ತಸ್ಮೈ ಹ ಶ್ವಾಜನಿರ್ವೈಶ್ಯಃ ಪ್ರೇಯಾಯ ೨ ತಸ್ಯ ಹಾನ್ತರಿಕ್ಷಾತ್ಪತಿತ್ವಾ ನವನೀತಪಿಣ್ಡ ಉರಸಿ ನಿಪಪಾತ ತಂ ಹಾದಾಯಾನುದಧೌ ೩ ತತೋ ಹೈವ ಸ್ತೋಮಂ ದದರ್ಶಾನ್ತರಿಕ್ಷೇ ವಿತತಮ್ಬಹು ಶೋಭಮಾನಂ ತಸ್ಯೋ ಹ ಯುಕ್ತಿಂ ದದರ್ಶ ೪ ಬಹಿಷ್ಪವಮಾನಮಾಸದ್ಯ ಟೀತ್ರ ವಿಯಿ ಪ್ರಾಣ್ಯ ಇತಿ ಕೂರ್ಯಾತ್ಟೀತ್ರ ಗೃಹಿತ್ರ ಅಪಾನ್ಯ ಇತಿ ವಾಚಾ ದಿದೃಕ್ಷೇತೈವಾಕ್ಷಿಭ್ಯಂ ಶುಶ್ರೂಷೇತೈವ ಕರ್ಣಾಭ್ಯಾಂ ಸ್ವಯಮಿದಮ್ಮನೋಯುಕ್ತಮ್ ೫ ತದ್ಯತ್ರ ವಾ ಇಷುರತ್ಯಗ್ರೋ ಭವತಿ ನ ವೈ ಸ ತತೋ ಹಿನಸ್ತಿ ತದು ವಾ ಏತಂ ನೋಪಾಪ್ನುಯಾತ್ ಪ ಇತ್ಯೇವಾಪಾನ್ಯಾತ್ತದ್ಯಥಾ ಬಿಮ್ಬೇನ ಮೃಗಮಾನಯೇದೇ
ವಮೇವೈನಮೇತಯಾ ದೇವತಯಾನಯತಿ ಸ ಯುಕ್ತಃ ಕರೋತಿ ಏಷ ಏವಾಪಿ ಯುಕ್ತಃ ೬ ೫
ಪ್ರಥಮೇಽನುವಾಕೇ ಪಞ್ಚಮಃ ಖಣ್ಡಃ
ಪ್ರಥಮೋಽನುವಾಕಸ್ಸಮಾಪ್ತಃ

ಯೋಽಸೌ ಸಾಮ್ನಃ ಪ್ರತ್ತಿಂ ವೇದ ಪ್ರ ಹಾಸ್ಮೈ ದೀಯತೇ ೧ ದದಾ ಇತಿ ಹ ವಾ ಅಯಮಗ್ನಿರ್ದೀಪ್ಯತೇ ತಥೇತಿ ವಾಯುಃ ಪವತೇ ಹನ್ತೇತಿ ಚನ್ದ್ರ ಮಾ ಓಮಿತ್ಯಾದಿತ್ಯಃ ೨ ಏಷಾ ಹ ವೈ ಸಾಮ್ನಃ ಪ್ರತ್ತಿಃ ಏತಾಂ ಹ ವೈ ಸಾಮ್ನಃ ಪ್ರತ್ತಿಂ ಸುದಕ್ಷಿಣಃ ಕ್ಷೈಮಿರ್ವಿದಾಂ ಚಕಾರ ೩ ತಾಂ ಹೈತಾಂ ಹೋತುರ್ವಾಜ್ಯೇ ಗಾಯೇನ್ಮೈತ್ರಾವರುಣಸ್ಯ ವಾ ತಾಂ ದದಾ೩ ತಥಾ೩ ಹನ್ತಾ೩ ಹಿಮ್ಭಾ ಓವಾ ಇತಿ ಪ್ರ ಹ ವಾ ಅಸ್ಮೈ ದೀಯತೇ ೪ ಸೋಽಪ್ಯನ್ಯಾನ್ಬಹೂನುಪರ್ಯುಪರಿ ಯ ಏವಮೇತಾಂ ಸಾಮ್ನಃ ಪ್ರತ್ತಿಂ ವೇದ ೫ ಯ ಉ ಹ ವಾ ಅಬನ್ಧುರ್ಬನ್ಧುಮತ್ಸಾಮ ವೇದ ಯತ್ರ ಹಾಪ್ಯೇನಂ ನ ವಿದುರ್ಯತ್ರ ರೋಷನ್ತಿ ಯತ್ರ ಪರೀವ ಚಕ್ಷತೇ ತದ್ಧಾಪಿ ಶ್ರೈಷ್ಠ್ಯಮಾಧಿಪತ್ಯಮನ್ನಾದ್ಯಮ್ಪುರೋಧಾಮ್ಪರ್ಯೇತಿ ೬ ಅಗ್ನಿರ್ಹ ವಾ ಅಬನ್ಧುರ್ಬನ್ಧುಮತ್ಸಾಮ ಕಸ್ಮಾದ್ವಾ ಹ್ಯೇನಂ ದಾರ್ವೋಃ ಕಸ್ಮಾದ್ವಾ ಪರ್ಯಾವೃತ್ಯ ಮನ್ಥನ್ತಿ ಸ ಶ್ರೈಷ್ಠ್ಯಾಯಾಧಿಪತ್ಯಾಯಾ-ನ್ನಾದ್ಯಾಯ ಪುರೋಧಾಯೈ ಜಾಯತೇ ೭ ಸ ಯತ್ರ ಹ ವಾ ಅಪ್ಯೇವಂವಿದಂ ನ ವಿದುರ್ಯತ್ರ ರೋಷನ್ತಿ ಯತ್ರ
ಪರೀವ ಚಕ್ಷತೇ ತದ್ಧಾಪಿ ಶ್ರೈಷ್ಠ್ಯಮಾಧಿಪತ್ಯಮನ್ನಾದ್ಯಮ್ಪುರೋಧಾಮ್ಪರ್ಯೇತಿ ೮ ೬
ದ್ವಿತೀಯೇಽನುವಾಕೇ ಪ್ರಥಮಃ ಖಣ್ಡಃ

ಸ್ವಯಮು ತತ್ರ ಯತ್ರೈನಂ ವಿದುಃ ೧ ಸುದಕ್ಷಿಣೋ ಹ ವೈ ಕ್ಷೈಮಿಃ ಪ್ರಾಚೀನಶಾಲಿರ್ಜಾಬಾಲೌ ತೇ ಹ ಸಬ್ರಹ್ಮಚಾರಿಣ ಆಸುಃ ೨ ತೇ ಹೇಮೇ ಬಹು ಜಪ್ಯಸ್ಯ ಚಾನ್ಯಸ್ಯ ಚಾನೂಚಿರೇ ಪ್ರಾಚೀನಶಾ-ಲಿಶ್ಚ ಜಾಬಾಲೌ ಚ ೩ ಅಥ ಹ ಸ್ಮ ಸುದಕ್ಷಿಣಃ ಕ್ಷೈಮಿರ್ಯದೇವ ಯಜ್ಞಸ್ಯಾಞ್ಜೋ ಯತ್ಸುವಿದಿತಂ ತದ್ಧ ಸ್ಮೈವ ಪೃಚ್ಛತಿ ೪ ತ ಉ ಹ ವಾ ಅಪೋದಿತಾ ವ್ಯಾಕ್ರೋಶಮಾನಾಶ್ಚೇರುಶ್ಶೂದ್ರೋ ದುರನೂಚಾನ ಹ ಸ್ಮ ಸುದಕ್ಷಿಣಂ ಕ್ಷೈಮಿಮಾಕ್ರೋಶನ್ತಿ ಪ್ರಾಚೀನಶಾಲಿಶ್ಚ ಜಾಬಾಲೌ ಚ ೫ ಸ ಹ ಸ್ಮಾಹ ಸುದಕ್ಷಿಣಃ ಕ್ಷೈಮಿರ್ಯತ್ರ ಭೂಯಿಷ್ಠಾಃ ಕುರುಪಞ್ಚಾಲಾಸ್ಸಮಾಅತಾ ಭವಿತಾರಸ್ತನ್ನ ಏಷ ಸಂವಾದೋ ನಾನುಪದೃಷ್ಟೇ ಶೂದ್ರಾ ಇವ ಸಂವದಿಷ್ಯಾಮಹ ಇತಿ ೬ ತಾ ಉ ಹ ವೈ ಜಾಬಾಲೌ ದಿ-ದೀಕ್ಷಾತೇ ಶುಕ್ರಶ್ಚ ಗೋಶ್ರುಶ್ಚ ತಯೋರ್ಹ ಪ್ರಾಚೀನಶಾಲಿರ್ವೃತ ಉದ್ಗಾತಾ ೭ ಸ ತದ್ಧ ಸುದಕ್ಷಿ-ಣೋಽನುಬುಬುಧೇ ಜಾಬಾಲೌ ಹಾದೀಕ್ಷಿಷಾತಾಮಿತಿ ಸ ಹ ಸಂಗ್ರಹೀತಾರಮುವಾಚಾನಯಸ್ವಾರೇ
ಜಾಬಾಲೌ ಹಾದೀಕ್ಷಿಷಾತಾಂ ತದ್ಗಮಿಷ್ಯಾವ ಇತಿ ೮ ೭
ದ್ವಿತೀಯೇಽನುವಾಕೇ ದ್ವಿತೀಯಃ ಖಣ್ಡಃ

ತಸ್ಯ ಹ ಜ್ಞಾತಿಕಾ ಅಶ್ರುಮುಖಾ ಇವಾಸುರನ್ಯತರಾಂ ವಾ ಅಯಮುಪಾಗಾದಿತಿ ೧ ಅಥ ಹ ಸ್ಮ ವೈ ಯಃ ಪುರಾ ಬ್ರಹ್ಮವಾದ್ಯಂ ವದತ್ಯನ್ಯತರಾಮುಪಾಗಾದಿತಿ ಹ ಸ್ಮೈನಮ್ಮನ್ಯನ್ತೇ ಅಥೋ ಹ ಸ್ಮೈ-ನಮ್ಮೃತಮಿವೈವೋಪಾಸತೇ ೨ ತಂ ಹ ಸಂಗ್ರಹೀತೋವಾಚಾಥ ಯದ್ಭಗವಸ್ತೇ ತಾಭ್ಯಾಂ ನ ಕುಶಲಂ ಕಥೇತ್ಥಮಾತ್ಥೇತಿ ೩ ಓಮಿತಿ ಹೋವಾಚ ಗನ್ತವ್ಯಮ್ಮ ಆಚಾರ್ಯಸ್ಸುಯಮಾನಮನ್ಯತೇತಿ ೪ ಸ ಹ ರಥಮಾಸ್ಥಾಯ ಪ್ರಧಾವಯಾಂ ಚಕಾರ ತಂ ಹ ಸ್ಮ ಪ್ರತೀಕ್ಷನ್ತೇ ೫ ಕಂ ಜಾನೀತೇತಿ ಸುದಕ್ಷಿಣ ಇತಿ ನ ವೈ ನೂನಂ ಸ ಇದಮಭ್ಯವೇಯಾದಿತಿ ಸ ಏವೇತಿ ೬ ಸ ಹ ಸೋಪಾನಾದೇವಾನ್ತ-ರ್ವೇದ್ಯವಸ್ಥಾಯೋವಾಚಾಙ್ಗ ನ್ವಿತ್ಥಂ ಗೃಹಪತಾ೩ ಇತಿ ತಂ ಹ ನಾನೂದತಿಷ್ಠಾಸತ್ ಸ ಹೋವಾಚಾ-ನೂತ್ಥಾತಾ ಮ ಏಧಿ ಕೃಷ್ಣಾಜಿನೋಽಸೀ ತಿ ತದಿಮೇ ಕುರುಪಞ್ಚಾಲಾ ಅವಿದುರನೂತ್ಥಾತೈವ ತ ಇತಿ ಹೋಚುಃ ೭ ತಂ ಹ ಕನೀಯಾನ್ಭ್ರಾತೋವಾಚಾನೂತ್ತಿಷ್ಠ ಭಗವ ಉದ್ಗಾತಾರಮಿತಿ ತಂ ಹಾನೂತ್ತಸ್ಥೌ ೮ ಸ ಹೋವಾಚ ತ್ರಿರ್ವೈ ಗೃಹಪತೇ ಪುರುಷೋ ಜಾಯತೇ ಪಿತುರೇವಾಗ್ರೇಽಧಿ ಜಾಯತೇಽಥ ಮಾತುರಥ ಯಜ್ಞಾತ್ ೯ ತ್ರಿರ್ವೇವ ಮ್ರಿಯತ ಇತಿ ಸ ಯದ್ಧ ವಾ ಏನಮೇತತ್ಪಿತಾ ಯೋನ್ಯಾಂ ರೇತೋ ಭೂತಂ ಸಿಞ್ಚತಿ
೧೦ ೮
ದ್ವಿತೀಯೇಽನುವಾಕೇ ತೃತೀಯಃ ಖಣ್ಡಃ

ತತ್ಪ್ರಥಮಮ್ಮ್ರಿಯತೇ ೧ ಅನ್ಧಮಿವ ವೈ ತಮೋ ಯೋನಿಃ ಲೋಹಿತಸ್ತೋಕೋ ವಾ ವೈ ಸ ತದಾ-ಭವತ್ಯಪಾಂ ವಾ ಸ್ತೋಕಃ ಕಿಂ ಹಿ ಸ ತದಾಭವತಿ ೨ ಸ ಯಸ್ತಾಂ ದೇವತಾಂ ವೇದ ಯಾಂ ಚ ಸ ತತೋಽನುಸಮ್ಭವತಿ ಯಾ ಚೈನಂ ತಮ್ಮೃತ್ಯುಮತಿವಹತಿ ಸ ಉದ್ಗಾತಾ ಮೃತ್ಯುಮತಿವಹತೀತಿ ೩ ಅಥ ಯ ಏನಮೇತದ್ದೀಕ್ಷಯನ್ತಿ ತದ್ದ್ವಿತೀಯಮ್ಮ್ರಿಯತೇ ವಪನ್ತಿ ಕೇಶಶ್ಮಶ್ರೂಣಿ ನಿಕೃನ್ತನ್ತಿ ನಖಾನ್ಪ್ರತ್ಯಞ್ಜನ್ತ್ಯಙ್ಗಾನಿ ಪ್ರತ್ಯಚತ್ಯಙ್ಗುಲೀಃ ಅಪವೃತೋಽಪವೇಷ್ಟಿತ ಆಸ್ತೇ ನ ಜುಹೋತಿ ನ ಯಜತೇ ನ ಯೋಷಿತಂ ಚರತಿ ಅಮಾನುಷೀಂ ವಾಚಂ ವದತಿ ಮೃತಸ್ಯ ವಾವೈಷ ತದಾ ರೂಪಮ್ಭವತಿ ೪ ಸ ಯಸ್ತಾಂ ದೇವತಾಂ ವೇದ ಯಾಂ ಚ ಸ ತತೋಽನುಸಮ್ಭವತಿ ಯಾ ಚೈನಂ ತಮ್ಮೃತ್ಯುಮತಿವಹತಿ ಸ ಉದ್ಗಾತಾ ಮೃತ್ಯುಮತಿವಹತೀತಿ ೫ ಅಥ ಯ ಏನಮೇತದಸ್ಮಾಲ್ಲೋಕಾತ್ಪ್ರೇತಂ ಚಿತ್ಯಾ-ಮಾದಧತಿ ತದ್ತೃತೀಯಮ್ಮ್ರಿಯತೇ ೬ ಸ ಯಸ್ತಾಂ ದೇವತಾಂ ವೇದ ಯಾಂ ಚ ಸ ತತೋಽನುಸಮ್ಭವತಿ ಯಾ ಚೈನಂ ತಮ್ಮೃತ್ಯುಮತಿವಹತಿ ಸ ಉದ್ಗಾತಾ ಮೃತ್ಯುಮತಿವಹತೀತಿ ೭ ಏತಾವದ್ಧೈವೋಕ್ತ್ವಾ ರಥಮಾಸ್ಥಾಯ ಪ್ರಧಾವಯಾಂ ಚಕಾರ ೮ ತಂ ಹ ಜಾಬಾಲಮ್ಪ್ರತ್ಯೇತಂ ಕನೀಯಾನ್ಭ್ರಾತೋವಾಚ ಕಾ-ಮ್ಭವಞ್ಛೂದ್ರ ಕೋ ವಾಚಮವಾದೀತಿ ಹಸ್ತಿನಾ ಗಾಧಮೈಷೀರಿತಿ ೯ ಪ್ರ ಹೈವೈನಂ ತಚ್ಛಶಂಸ ಯಃ ಕಥಮವೋಚದ್ಭಗವ ಇತಿ ಯಸ್ತ್ರಯಾಣಾಮ್ಮೃತ್ಯೂನಾಂ ಸಾಮ್ನಾತಿವಾಹಂ ವೇದ ಸ ಉದ್ಗಾತಾ
ಮೃತ್ಯುಮತಿವಹತೀತಿ ೧೦ ೯
ದ್ವಿತೀಯೇಽನುವಾಕೇ ಚತುರ್ಥಃ ಖಣ್ಡಃ

ತಂ ವಾವ ಭಗವಸ್ತೇ ಪಿತೋದ್ಗಾತಾರಮಮನ್ಯತೇತಿ ಹೋವಾಚ ತದು ಹ ಪ್ರಾಚೀನಶಾಲಾ ವಿದುರ್ಯ ಏಷಾಮಯಂ ವೃತ ಉದ್ಗಾತಾಸ ತಸ್ಮಿನ್ಹ ನಾನುವಿದುಃ ೧ ತೇ ಹೋಚುರನುಧಾವತ ಕಾಣ್ಡ್ವಿಯಮಿತಿ ತಂ ಹಾನುಸಸ್ರುಃ ತೇ ಹ ಕಾಣ್ಡ್ವಿಯಮುದ್ಗಾತಾರಂ ಚಕ್ರಿರೇ ಬ್ರಹ್ಮಾಣಮ್ಪ್ರಾಚೀನಶಾಲಿಮ್ ೨ ತಂ ಹಾಭ್ಯವೇಕ್ಷ್ಯೋವಾಚೈವಮೇಷ ಬ್ರಾಹ್ಮಣೋ ಮೋಘಾಯ ವಾದಾಯ ನಾಗ್ಲಾಯತ್ ಸ ನಾಣು ಸಾ-ಮ್ನೋಽನ್ವಿಚ್ಛತೀತಿ ಅತಿ ಹೈವೈನಂ ತಚ್ಚಕ್ರೇ ೩ ಸ ಯದ್ಧ ವಾ ಏನಮೇತತ್ಪಿತಾ ಯೋನ್ಯಾಂ ರೇತೋ ಭೂತಂ ಸಿಞ್ಚತ್ಯಾದಿತ್ಯೋ ಹೈನಂ ತದ್ಯೋನ್ಯಾಂ ರೇತೋ ಭೂತಂ ಸಿಞ್ಚತಿ ಸ ಹಾಸ್ಯ ತತ್ರ ಮೃತ್ಯೋರೀಶೇ ೪ ಅಥೋ ಯದೇವೈನಮೇತತ್ಪಿತಾ ಯೋನ್ಯಾಂ ರೇತೋ ಭೂತಂ ಸಿಞ್ಚತಿ ತದ್ಧ ವಾವ ಸ ತತೋಽನುಸಮ್ಭವತಿ ಪ್ರಾಣಂ ಚ ಯದಾ ಹ್ಯೇವ ರೇತಸ್ಸಿಕ್ತಮ್ಪ್ರಾಣ ಆವಿಶತ್ಯಥ ತತ್ಸಮ್ಭವತಿ ೫ ಅಥೋ ಯದೇವೈನಮೇತದ್ದೀಕ್ಷಯನ್ತ್ಯಗ್ನಿರ್ಹೈವೈನಂ ತದ್ಯೋನ್ಯಾಂ ರೇತೋ ಭೂತಂ ಸಿಞ್ಚತಿ ಸ ಹೈವಾಸ್ಯ ತತ್ರ ಮೃತ್ಯೋರೀಶೇ ೬ ಅಥೋ ಯಾಮೇವೈತಾಂ ವೈಸರ್ಜನೀಯಾಮಾಹುತಿಮಧ್ವರ್ಯುರ್ಜುಹೋತಿ ತಾಮೇವ ಸ ತತೋಽನುಸಮ್ಭವತಿ ಛನ್ದಾಂಸಿ ಚೈವ ೭ ಅಥ ಯ ಏನಮೇತದಸ್ಮಾಲ್ಲೋಕಾತ್ಪ್ರೇತಂ ಚಿತ್ಯಾಮಾದಧತಿ ಚನ್ದ್ರ ಮಾ ಹೈವೈನಂ ತದ್ಯೋನ್ಯಾಂ ರೇತೋ ಭೂತಾಂ ಸಿಞ್ಚತಿ ಸ ಉ ಹೈವಾಸ್ಯ ತತ್ರ ಮೃತ್ಯೋರೀಶೇ ೮ ಅಥೋ ಯದೇವೈನಮೇತದಸ್ಮಾಲ್ಲೋಕಾತ್ಪ್ರೇತಂ ಚಿತ್ಯಾಮಾದಧತ್ಯಥೋ ಯಾ ಏವೈತಾ ಅವೋಕ್ಷಣೀಯಾ ಆಪಸ್ತಾ ಏವ ಸ ತತೋಽನುಸಮ್ಭವತಿ ಪ್ರಾಣಮ್ವೇವ ಪ್ರಾಣೋ ಹ್ಯಾಪಃ ೯ ತಂ ಹ ವಾ ಏವಂವಿ-ದುದ್ಗಾತಾ ಯಜಮಾನಮೋಮಿತ್ಯೇತೇನಾಕ್ಷರೇಣಾದಿತ್ಯಮ್ಮೃತ್ಯುಮತಿವಹತಿ ವಾಗಿತ್ಯಗ್ನಿಂ ಹುಮಿತಿ ವಾಯುಮ್ಭಾ ಇತಿ ಚನ್ದ್ರ ಮಸಮ್ ೧೦ ತಾನ್ವಾ ಏತಾನ್ಮೃತ್ಯೂನ್ಸಾಮ್ನೋದ್ಗಾತಾತ್ಮಾನಂ ಚ ಯಜಮಾನಂ ಚಾತಿವಹತ್ಯೋಮಿತ್ಯೇತೇನಾಕ್ಷರೇಣ ಪ್ರಾಣೇನಾಮುನಾದಿತ್ಯೇನ ೧೧ ತಸ್ಯೈಷ ಶ್ಲೋಕ ಉತೈಷಾಂ ಜ್ಯೇಷ್ಠ ಉತ ವಾ ಕನಿಷ್ಠ ಉತೈಷಾಮ್ಪುತ್ರ ಉತ ವಾ ಪಿತೈಷಾಮೇಕೋ ಹ ದೇವೋ ಮನಸಿ ಪ್ರವಿಷ್ಟಃ ಪೂರ್ವೋ ಹ ಜಜ್ಞೇ ಸ ಉ ಗರ್ಭೇಽನ್ತರಿತಿ ೧೨ ತದ್ಯದೇಷೋಽಭ್ಯುಕ್ತ ಇಮಮೇವ ಪುರುಷಂ ಯೋಽಯಮಾಛನ್ನೋಽನ್ತರೋ-
ಮಿತ್ಯೇತೇನೈವಾಕ್ಷರೇಣ ಪ್ರಾಣೇನೈವಾಮುನೈವಾದಿತ್ಯೇನ ೧೩ ೧೦
ದ್ವಿತೀಯೇಽನುವಾಕೇ ಪಞ್ಚಮಃ ಖಣ್ಡಃ
ದ್ವಿತೀಯೋಽನುವಾಕಸ್ಸಮಾಪ್ತಃ

ತ್ರಿರ್ಹ ವೈ ಪುರುಷೋ ಮ್ರಿಯತೇ ತ್ರಿರ್ಜಾಯತೇ ೧ ಸ ಹೈತದೇವ ಪ್ರಥಮಮ್ಮ್ರಿಯತೇ ಯದ್ರೇ ತಸ್ಸಿಕ್ತಂ ಸಮ್ಭೂತ-ಮ್ಭವತಿ ಸ ಪ್ರಾಣಮೇವಾಭಿಸಮ್ಭವತಿ ಆಶಾಮಭಿಜಾಯತೇ ೨ ಅಥೈತದ್ದ್ವಿತೀಯಮ್ಮ್ರಿಯತೇ ಯದ್ದೀಕ್ಷತೇ ಸ ಛನ್ದಾಂಸ್ಯೇವಾಭಿಸಮ್ಭವತಿ ದಕ್ಷಿಣಾಮಭಿಜಾಯತೇ ೩ ಅಥೈತತ್ತೃತೀಯಮ್ಮ್ರಿಯತೇ ಯನ್ಮ್ರಿಯತೇ ಸ ಶ್ರದ್ಧಾಮೇವಾಭಿಸಮ್ಭವತಿ ಲೋಕಮಭಿಜಾಯತೇ ೪ ತದೇತತ್ತ್ರ್! ಯಾವೃದ್ಗಾಯತ್ರಂ ಗಾಯತಿ ತಸ್ಯ ಪ್ರಥಮಯಾವೃತೇಮಮೇವ ಲೋಕಂ ಜಯತಿ ಯದು ಚಾಸ್ಮಿಂಲ್ಲೋಕೇ ತದೇತೇನ ಚೈನಮ್ಪ್ರಾಣೇನ ಸಮರ್ಧಯತಿ ಯಮಭಿಸಮ್ಭವತ್ಯೇತಾಂ ಚಾಸ್ಮಾ ಆಶಾಮ್ಪ್ರಯಚ್ಛತಿ ಯಾಮ-ಭಿಜಾಯತೇ ೫ ಅಥ ದ್ವಿತೀಯಯಾವೃತೇದಮೇವಾನ್ತರಿಕ್ಷಂ ಜಯತಿ ಯದು ಚಾನ್ತರಿಕ್ಷೇ ತದೇತೈಶ್ಚೈನಂ ಛನ್ದೋಭಿಸ್ಸಮರ್ಧಯತಿ ಯಾನ್ಯಭಿಸಮ್ಭವತಿ ಏತಾಂ ಚಾಸ್ಮೈ ದಕ್ಷಿಣಾಮ್ಪ್ರಯಚ್ಛತಿ ಯಾಮಭಿಜಾಯತೇ ೬ ಅಥ ತೃತೀಯಯಾವೃತಾಮುಮೇವ ಲೋಕಂಜಯತಿ ಯದು ಚಾಮುಷ್ಮಿಂಲ್ಲೋಕೇ ತದೇತಯಾ ಚೈನಂ ಶ್ರದ್ಧಯಾ ಸಮರ್ಧಯತಿ ಯಯೈವೈನಮೇತಚ್ಛ್ರದ್ಧಯಾಗ್ನಾವಭ್ಯಾದಧತಿ ಸಮಯಮಿ
ತೋ ಭವಿಷ್ಯತೀತಿ ಏತಂ ಚಾಸ್ಮೈ ಲೋಕಮ್ಪ್ರಯಚ್ಛತಿ ಯಮಭಿಜಾಯತೇ ೭ ೧೧
ತೃತೀಯೇಽನುವಾಕೇ ಪ್ರಥಮಃ ಖಣ್ಡಃ

ಏತದ್ವೈ ತಿಸೃಭಿರಾವೃದ್ಭಿರಿಮಾಂಶ್ಚ ಲೋಕಾಞ್ಜಯತ್ಯೇತೈಶ್ಚೈನಮ್ಭೂತೈಸ್ಸಮರ್ಧಯತಿ ಯಾನ್ಯಭಿಸ-ಮ್ಭವತಿ ೧ ಅಥ ವಾ ಅತೋ ಹಿಙ್ಕಾರಸ್ಯೈವ ತಂ ಹ ಸ್ವರ್ಗೇ ಲೋಕೇ ಸನ್ತಮ್ಮೃತ್ಯುರನ್ವೇತ್ಯಶನಯಾ ೨ ಶ್ರೀರ್ವಾ ಏಷಾ ಪ್ರಜಾಪತಿಸ್ಸಾಮ್ನೋ ಯದ್ಧಿಙ್ಕಾರಃ ತಮಿದುದ್ಗಾತಾ ಶ್ರಿಯಾ ಪ್ರಜಾಪತಿನಾ ಹಿಙ್ಕಾರೇಣ ಮೃತ್ಯುಮಪಸೇಧತಿ ೩ ಹುಮ್ಮೇತ್ಯಾಹ ಮಾತ್ರ ನು ಗಾ ಯತ್ರೈತದ್ಯಜಮಾನ ಇತಿ ಹೈತತ್ ೪ ಸ ಯಥಾ ಶ್ರೇಯಸಾ ಸಿದ್ಧಃ ಪಾಪೀಯಾನ್ಪ್ರತಿವಿಜತ ಏವಂ ಹೈವಾಸ್ಮಾನ್ಮೃತ್ಯುಃ ಪಾಪ್ಮಾ ಪ್ರತಿವಿಜತೇ ೫ ಯನ್ಮೇತ್ಯಾಹ ಚನ್ದ್ರ ಮಾ ವೈ ಮಾ ಮಾಸಃ ಏಷ ಹ ವೈ ಮಾ ಮಾಸಃ ತಸ್ಮಾನ್ಮೇತ್ಯಾಹ ಭಾ ಇತಿ ಹೈತತ್ಪರೋಕ್ಷೇಣೇವ ಯಸ್ಮಾದ್ವೇವ ಮೇತ್ಯಾಹ ಯದ್ವೇವ ಮೇತ್ಯಾಹೈತಾನಿ ತ್ರೀಣಿ ತಸ್ಮಾ-
ನ್ಮೇತ್ಯ್ಬ್ರೂಯಾತ್ ೬ ೧೨
ತೃತೀಯೇಽನುವಾಕೇ ದ್ವಿತೀಯಃ ಖಣ್ಡಃ

ಹುಮ್ಭಾ ಇತಿ ಬ್ರಹ್ಮವರ್ಚಸಕಾಮಸ್ಯ ಭತೀವ ಹಿ ಬ್ರಹ್ಮವರ್ಚಸಮ್ ೧ ಹುಮ್ಬೋ ಇತಿ ಪಶುಕಾಮಸ್ಯ ಬೋ ಇತಿ ಹ ಪಶವೋ ವಾಶ್ಯನ್ತೇ ೨ ಹುಮ್ಬಗಿತಿ ಶ್ರೀಕಾಮಸ್ಯ ಬಗಿತಿ ಹ ಶ್ರಿಯಮ್ಪಣಾಯನ್ತಿ ೩ ಹುಮ್ಭಾ ಓವಾ ಇತ್ಯೇತದೇವೋಪಗೀತಮ್ ೪ ಮಹದಿವಾಭಿಪರಿವರ್ತಯನ್ಗಾಯೇದಿತಿ ಹ ಸ್ಮಾಹ ನಾಕೋ ಮಹಾಗ್ರಾಮೋ ಮಹಾನಿವೇಶೋ ಭವತೀತಿ ಸ ಯಥಾ ಸ್ಥಾಣುಮರ್ಪಯಿತ್ವೇತರೇಣ ವೇತರೇಣ ವಾ ಪರಿಯಾಯಾತ್ತಾದೃಕ್ತತ್ ೫ ತದು ಹೋವಾಚ ಶಾಟ್ಯಾಯನಿಃ ಕಸ್ಮೈ ಕಾಮಾಯ ಸ್ಥಾಣುಮರ್ಪಯೇತ್ ಅಥೋಪಗೀತಮೇವೈತತ್ ನೈವೈತದಾದ್ರಿ ಯೇತೇತಿ ೬ ಇತಿ ನು ಹಿಙ್ಕಾರಾನಾಂ ಅಥ ವಾ ಅತೋ ನಿಧ-ನಮೇವ ಓವಾ ಇತಿ ದ್ವೇ ಅಕ್ಷರೇ ಅನ್ತೋ ವೈ ಸಾಮ್ನೋ ನಿಧನಮನ್ತಸ್ಸ್ವರ್ಗೋ ಲೋಕಾನಾಮನ್ತೋ ಬ್ರಧ್ನಸ್ಯ ವಿಷ್ಟಪಮ್ ೭ ತಮೇತದುದ್ಗಾತಾ ಯಜಮಾನಮೋಮಿತ್ಯೇತೇನಾಕ್ಷರೇಣಾನ್ತೇ ಸ್ವರ್ಗೇ ಲೋಕೇ ದಧಾತಿ ೮ ಯ ಉ ಹ ವಾ ಅಪಕ್ಷೋ ವೃಕ್ಷಾಗ್ರಂ ಗಚ್ಛತ್ಯವ ವೈ ಸ ತತಃ ಪದ್ಯತೇ ಅಥ ಯದ್ವೈ ಪಕ್ಷೀ ವೃಕ್ಷಾಗ್ರೇ ಯದಸಿಧಾರಾಯಾಂ ಯತ್ಕ್ಷುರಧಾರಾಯಾಮಾಸ್ತೇ ನ ವೈ ಸ ತತೋಽವಪದ್ಯತೇ ಪಕ್ಷಾಭ್ಯಾಂ ಹಿ ಸಂಯತ ಆಸ್ತೇ ೯ ತಮೇತದುದ್ಗಾತಾ ಯಜಮಾನಮೋಮಿತ್ಯೇತೇನಾಕ್ಷರೇಣ ಸ್ವರಪಕ್ಷಂ ಕೃತ್ವಾನ್ತೇ ಸ್ವರ್ಗೇ ಲೋಕೇ ದಧಾತಿ ಸ ಯಥಾ ಪಕ್ಷ್ಯಬಿಭ್ಯದಾಸೀತೈವಮೇವ ಸ್ವರ್ಗೇ ಲೋಕೇಽಬಿಭ್ಯ-ದಾಸ್ತೇಽಥಾಚರತಿ ೧೦ ತೇ ಹ ವಾ ಏತೇ ಅಕ್ಷರೇ ದೇವಲೋಕಶ್ಚೈವ ಮನುಷ್ಯಲೋಕಶ್ಚ ಆದಿತ್ಯಶ್ಚ ಹ ವಾ ಏತೇ ಅಕ್ಷರೇ ಚನ್ದ್ರ ಮಾಶ್ಚ ೧೧ ಆದಿತ್ಯ ಏವ ದೇವಲೋಕಶ್ಚನ್ದ್ರ ಮಾ ಮನುಷ್ಯಲೋಕಃ ಓಮಿತ್ಯಾದಿತ್ಯೋ ವಾಗಿತಿ ಚನ್ದ್ರ ಮಾಃ ೧೨ ತಮೇತದುದ್ಗಾತಾ ಯಜಮಾನಮೋಮಿತ್ಯೇತೇನಾಕ್ಷರೇ-
ಣಾದಿತ್ಯಂ ದೇವಲೋಕಂ ಗಮಯತಿ ೧೩ ೧೩
ತೃತೀಯೇಽನುವಾಕೇ ತೃತೀಯಃ ಖಣ್ಡಃ

ತಂ ಹಾಗತಮ್ಪೃಚ್ಛತಿ ಕಸ್ತ್ವಮಸೀತಿ ಸ ಯೋ ಹ ನಾಮ್ನಾ ವಾ ಗೋತ್ರೇಣ ವಾ ಪ್ರಬ್ರೂತೇ ತಂ ಹಾಹ ಯಸ್ತೇಽಯಮ್ಮಯ್ಯಾತ್ಮಾಭೂದೇಷ ತೇ ಸ ಇತಿ ೧ ತಸ್ಮಿನ್ಹಾತ್ಮನ್ಪ್ರತಿಪತ್ತಮೃತವಸ್ಸಮ್ಪದಾರ್ಯ-ಪದ್ಗೃಹೀತಮಪಕರ್ಷನ್ತಿ ತಸ್ಯ ಹಾಹೋರಾತ್ರೇ ಲೋಕಮಾಪ್ನುತಃ ೨ ತಸ್ಮಾ ಉ ಹೈತೇನ ಪ್ರಬ್ರುವೀತ ಕೋಽಹಮಸ್ಮಿ ಸುವಸ್ತ್ವಂ ಸ ತ್ವಾಂ ಸ್ವರ್ಗ್ಯಂ ಸ್ವರಗಾಮಿತಿ ೩ ಕೋ ಹ ವೈ ಪ್ರಜಾಪತಿರಥ ಹೈವಂವಿದೇವ ಸುವರ್ಗಃ ಸ ಹಿ ಸುವರ್ಗಚ್ಛತಿ ೪ ತಂ ಹಾಹ ಯಸ್ತ್ವಮಸಿ ಸೋಽಹಮಸ್ಮಿ ಯೋಽಹಮಸ್ಮಿ ಸ ತ್ವಮಸ್ಯೇಹೀತಿ ೫ ಸ ಏತಮೇವ ಸುಕೃತರಸಮ್ಪ್ರವಿಶತಿ ಯದು ಹ ವಾ ಅಸ್ಮಿಂಲ್ಲೋಕೇ ಮನುಷ್ಯಾ ಯಜನ್ತೇ ಯತ್ಸಾಧು ಕುರ್ವನ್ತಿ ತದೇಷಾಮೂರ್ಧ್ವಮನ್ನಾದ್ಯಮುತ್ಸೀದತಿ ತದಮುಂ ಚನ್ದ್ರ ಮಸಮ್ಮನುಷ್ಯಲೋಕಮ್ಪ್ರವಿಶತಿ ೬ ತಸ್ಯೇದಮ್ಮಾನುಷನಿಕಾಶನಮಣ್ಡಮುದರೇಽನ್ತಸ್ಸ-ಮ್ಭವತಿ ತಸ್ಯೋರ್ಧ್ವಮನ್ನಾದ್ಯಮುತ್ಸೀದತಿ ಸ್ತನಾವಭಿ ಸ ಯದಾಜಾಯತೇಽಥಾಸ್ಮೈ ಮಾತಾ ಸ್ತನಮನ್ನಾದ್ಯಮ್ಪ್ರಯಚ್ಛತಿ ೭ ಅಜಾತೋ ಹ ವೈ ತಾವತ್ಪುರುಷೋ ಯಾವನ್ನ ಯಜತೇ ಸ ಯಜ್ಞೇನೈವ ಜಾಯತೇ ಸ ಯಥಾಣ್ಡಮ್ಪ್ರಥಮನಿರ್ಭಿಣ್ಣಮೇವಮೇವ ೮ ತದಾ ತಂ ಹ ವಾ ಏವಂವಿದುದ್ಗಾತಾ ಯಜಮಾನಮೋಮಿತ್ಯೇತೇನಾಕ್ಷರೇಣಾದಿತ್ಯಂ ದೇವಲೋಕಂ ಗಮಯತಿ ವಾಗಿತ್ಯಸ್ಮಾ ಉತ್ತರೇಣಾಕ್ಷರೇಣ ಚನ್ದ್ರ ಮಸಮನ್ನಾದ್ಯಮಕ್ಷಿತಿಮ್ಪ್ರಯಚ್ಛತಿ ೯ ಅಥ ಯಸ್ಯೈತದವಿದ್ವಾನುದ್ಗಾಯತಿ ನ ಹೈವೈನಂ ದೇವ-ಲೋಕಂ ಗಮಯತಿ ನೋ ಏನಮನ್ನಾದ್ಯೇನ ಸಮರ್ಧಯತಿ ೧೦ ಸ ಯಥಾಣ್ಡಂ ವಿದಿಗ್ಧಂ ಶಯೀ-ತಾನ್ನಾದ್ಯಮಲಭಮಾನಮೇವಮೇವ ವಿದಿಗ್ಧಶ್ಶೇತೇಽನ್ನಾದ್ಯಮಲಭಮಾನಃ ೧೧ ತಸ್ಮಾದು ಹೈವಂವಿ-
ದಮೇವೋದ್ಗಾಪಯೇತ ಏವಂವಿದಿಹೈವೋದ್ಗಾತರಿತಿ ಹೂತಃ ಪ್ರತಿಶೃಣುಯಾತ್ ೧೨ ೧೪
ತೃತೀಯೇಽನುವಾಕೇ ಪಞ್ಚಮಃ ಖಣ್ಡಃ
ತೃತೀಯೋಽನುವಾಕಸ್ಸಮಾಪ್ತಃ

ವಾಗಿತಿ ಹೇನ್ದ್ರೋ ವಿಶ್ವಾಮಿತ್ರಾಯೋಕ್ಥಮುವಾಚ ತದೇತದ್ವಿಶ್ವಾಮಿತ್ರಾ ಉಪಾಸತೇ ವಾಚಮೇವ ೧ ಮನುರ್ಹ ವಸಿಷ್ಠಾಯ ಬ್ರಹ್ಮತ್ವಮುವಾಚ ತಸ್ಮಾದಾಹುರ್ವಾಸಿಷ್ಠಮೇವ ಬ್ರಹ್ಮೇತಿ ೨ ತದು ವಾ ಆಹು-ರೇವಂವಿದೇವ ಬ್ರಹ್ಮಾ ಕ ಉ ಏವಂವಿದಂ ವಾಸಿಷ್ಠಮರ್ಹತೀತಿ ೩ ಪ್ರಜಾಪತಿಃ ಪ್ರಾಜಿಜನಿಷತ ಸ ತಪೋಽತಪ್ಯತ ಸ ಐಕ್ಷತ ಹನ್ತ ನು ಪ್ರತಿಷ್ಠಾಂ ಜನಯೈ ತತೋ ಯಾಃ ಪ್ರಜಾಸ್ಸ್ರಕ್ಷ್ಯೇ ತಾ ಏತದೇವ ಪ್ರತಿಷ್ಠಾಸ್ಯನ್ತಿ ನಾಪ್ರತಿಷ್ಠಾಶ್ಚರನ್ತೀಃ ಪ್ರದಘಿಷ್ಯನ್ತ ಇತಿ ೪ ಸ ಇಮಂ ಲೋಕಮಜನಯ-ದನ್ತರಿಕ್ಷಲೋಕಮಮುಂ ಲೋಕಮಿತಿ ತಾನಿಮಾಂಸ್ತ್ರೀಂಲ್ಲೋಕಾಞ್ಜನಯಿತ್ವಾಭ್ಯಶ್ರಾಮ್ಯತ್ ೫ ತಾನ್ಸಮತಪತ್ತೇಭ್ಯಸ್ಸಂತಪ್ತೇಭ್ಯಸ್ತ್ರೀಣಿ ಶುಕ್ರಾಣ್ಯುದಾಯನ್ನಗ್ನಿಃ ಪೃಥಿವ್ಯಾ ವಾಯುರನ್ತರಿಕ್ಷಾ-ದಾದಿತ್ಯೋ ದಿವಃ ೬ ಸ ಏತಾನಿ ಶುಕ್ರಾಣಿ ಪುನರಭ್ಯೇವಾತಪತ್ತೇಭ್ಯಸ್ಸಂತಪ್ತೇಭ್ಯಸ್ತ್ರೀಣ್ಯೇವ ಶುಕ್ರಾಣ್ಯುದಾಯನ್ನೃಗ್ವೇದ ಏವಾಗ್ನೇರ್ಯಜುರ್ವೇದೋ ವಾಯೋಸ್ಸಾಮವೇದ ಆದಿತ್ಯಾತ್ ೭ ಸ ಏತಾನಿ ಶುಕ್ರಾಣಿ ಪುನರಭ್ಯೇವಾತಪತ್ತೇಭ್ಯಸ್ಸಂತಪ್ತೇಭ್ಯಸ್ತ್ರೀಣ್ಯೇವ ಶುಕ್ರಾಣ್ಯುದಾಯನ್ಭೂರಿತ್ಯೇವರ್ಗ್ವೇದಾ-ದ್ಭುವ ಇತಿ ಯಜುರ್ವೇದಾತ್ಸ್ವರಿತಿ ಸಾಮವೇದಾತ್ತದೇವ ೮ ತದ್ಧ ವೈ ತ್ರಯ್ಯೈ ವಿದ್ಯಾಯೈ ಶುಕ್ರ-ಮೇತಾವದಿದಂ ಸರ್ವಂ ಸ ಯೋ ವೈ ತ್ರಯೀಂ ವಿದ್ಯಾಂ ವಿದುಷೋ ಲೋಕಸ್ಸೋಽಸ್ಯ ಲೋಕೋ ಭವತಿ ಯ
ಏವಂ ವೇದ ೯ ೧೫
ಚತುರ್ಥೇಽನುವಾಕೇ ಪ್ರಥಮಃ ಖಣ್ಡಃ

ಅಯಂ ವಾವ ಯಜ್ಞೋ ಯೋಽಯಮ್ಪವತೇ ತಸ್ಯ ವಾಕ್ಚ ಮನಶ್ಚ ವರ್ತನ್ಯೌ ವಾಚಾ ಚ ಹ್ಯೇಷ ಏತನ್ಮನಸಾ ಚ ವರ್ತತೇ ೧ ತಸ್ಯ ಹೋತಾಧ್ವರ್ಯುರುದ್ಗಾತೇತ್ಯನ್ಯತರಾಂ ವಾಚಾ ವರ್ತನಿಂ ಸಂಸ್ಕುರ್ವನ್ತಿ ತಸ್ಮಾತ್ತೇ ವಾಚಾ ಕುರ್ವನ್ತಿ ಬ್ರಹ್ಮೈವ ಮನಸಾನ್ಯತರಾಂ ತಸ್ಮಾತ್ಸ ತೂಷ್ಣೀಮಾಸ್ತೇ ೨ ಸ ಯದ್ಧ ಸೋಽಪಿ ಸ್ತೂಯಮಾನೇ ವಾ ಶಸ್ಯಮಾನೇ ವಾ ವಾವದ್ಯಮಾನ ಆಸೀತಾನ್ಯತರಾಮೇವಾಸ್ಯಾಪಿ ತರ್ಹಿ ಸ ವಾಚಾ ವರ್ತನಿಂ ಸಂಸ್ಕುರ್ಯಾತ್ ೩ ಸ ಯಥಾ ಪುರುಷ ಏಕಪಾದ್ಯನ್ಭ್ರೇಷನ್ನೇತಿ ರಥೋ ವೈಕಚಕ್ರೋ ವರ್ತಮಾನ ಏವಮೇವ ತರ್ಹಿ ಯಜ್ಞೋ ಭ್ರೇಷನ್ನೇತಿ ೪ ಏತದ್ಧ ತದ್ವಿದ್ವಾನ್ಬ್ರಾಹ್ಮಣ ಉವಾಚ ಬ್ರಹ್ಮಾಣ-ಮ್ಪ್ರಾತರನುವಾಕ ಉಪಾಕೃತೇ ವಾವದ್ಯಮಾನಮಾಸೀನಮರ್ಧಂ ವಾ ಇಮೇ ತರ್ಹಿ ಯಜ್ಞಸ್ಯಾನ್ತರಗುರಿತಿ ಅರ್ಧಂ ಹಿ ತೇ ತರ್ಹಿ ಯಜ್ಞಸ್ಯಾನ್ತರೀಯುಃ ೫ ತಸ್ಮಾದ್ಬ್ರಹ್ಮಾ ಪ್ರಾತರನುವಾಕ ಉಪಾಕೃತೇ ವಾಚಂಯಮ ಆಸೀತಾಪರಿಧಾನೀಯಾಯಾ ಆ ವಷಟ್ಕಾರಾದಿತರೇಷಾಂ ಸ್ತುತಶಸ್ತ್ರಾಣಾಮೇವಾಸಂಸ್ಥಾಯೈ ಪವಮಾನಾನಾಮ್ ೬ ಸ ಯಥಾ ಪುರುಷ ಉಭಯಾಪಾದ್ಯನ್ಭ್ರೇಷಂ ನ ನ್ಯೇತಿ ರಥೋ ವೋಭಯಾಚಕ್ರೋ
ವರ್ತಮಾನ ಏವಮೇತರ್ಹಿ ಯಜ್ಞೋ ಭ್ರೇಷಂ ನ ನ್ಯೇತಿ ೭ ೧೬
ಚತುರ್ಥೇಽನುವಾಕೇ ದ್ವಿತೀಯಃ ಖಣ್ಡಃ

ಸ ಯದಿ ಯಜ್ಞ ಋಕ್ತೋ ಭ್ರೇಷನ್ನಿಯಾದ್ಬ್ರಹ್ಮಣೇ ಪ್ರಬ್ರೂತೇತ್ಯಾಹುಃ ಅಥ ಯದಿ ಯಜುಷ್ಟೋ ಬ್ರಹ್ಮಣೇ ಪ್ರಬ್ರೂತೇತ್ಯಾಹುಃ ಅಥ ಯದಿ ಸಾಮತೋ ಬ್ರಹ್ಮಣೇ ಪ್ರಬ್ರೂತೇತ್ಯಾಹುಃ ಅಥ ಯದಿ ಅನುಪಸ್ಮೃತಾತ್ಕುತ ಇದಮಜನೀತಿ ಬ್ರಹ್ಮಣೇ ಪ್ರಬ್ರೂತೇತ್ಯೇವಾಹುಃ ೧ ಸ ಬ್ರಹ್ಮಾ ಪ್ರಾಙುದೇತ್ಯ ಸ್ರುವೇಣಾಗ್ನೀಧ್ರ ಆಜ್ಯಂ ಜುಹುಯಾದ್ಭೂರ್ಭುವಸ್ಸ್ವರಿತ್ಯೇತಾಭಿರ್ವ್ಯಾಹೃತಿಭಿಃ ೨ ಏತಾ ವೈ ವ್ಯಾಹೃತಯಸ್ಸರ್ವಪ್ರಾಯಶ್ಚಿತ್ತಯಃ ತದ್ಯಥಾ ಲವಣೇನ ಸುವರ್ಣಂ ಸಂದಧ್ಯಾತ್ಸುವರ್ಣೇನ ರಜತಂ ರಜತೇನ ತ್ರಪು ತ್ರಪುಣಾ ಲೋಹಾಯಸಂ ಲೋಹಾಯಸೇನ ಕಾರ್ಷ್ಣಾಯಸಂ ಕಾರ್ಷ್ಣಾಯಸೇನ ದಾರು ದಾರು ಚ ಚರ್ಮ ಚ ಶ್ಲೇಷ್ಮಣೈವಮೇವೈವಂ ವಿದ್ವಾಂಸ್ತತ್ಸರ್ವಮ್ಭಿಷಜ್ಯತಿ ೩ ತದಾಹುರ್ಯದಹೌಷೀನ್ಮೇ ಗ್ರಹಾನ್ಮೇಽಗ್ರಹೀದಿತ್ಯಧ್ವರ್ಯವೇ ದಕ್ಷಿ-ಣಾ ನಯನ್ತ್ಯಶಂಸೀನ್ಮೇ ವಷಡಕರ್ಮ ಇತಿ ಹೋತ್ರ ಉದಗಾಸೀನ್ಮ ಇತ್ಯುದ್ಗಾತ್ರೇಽಥ ಕಿಂ ಚಕ್ರುಷೇ ಬ್ರಹ್ಮಣೇ ತೂಷ್ಣೀಮಾಸೀನಾಯ ಸಮಾವತೀರೇವೇತರೈರೃತ್ವಿಗ್ಭಿರ್ದಕ್ಷಿಣಾ ನಯನ್ತೀತಿ ೪ ಸ ಬ್ರೂಯಾದರ್ಧಭಾಗ್ಘ ವೈ ಸ ಯಜ್ಞಸ್ಯಾರ್ಧಂ ಹ್ಯೇಷ ಯಜ್ಞಸ್ಯ ವಹತೀತಿ ಅರ್ಧಾ ಹ ಸ್ಮ ವೈ ಪುರಾ ಬ್ರಹ್ಮಣೇ ದಕ್ಷಿಣಾ ನಯನ್ತೀತಿ ಅರ್ಧಾ ಇತರೇಭ್ಯ ಋತ್ವಿಗ್ಭ್ಯಃ ೫ ತಸ್ಯೈಷ ಶ್ಲೋಕೋ ಮಯೀದಮ್ಮನ್ಯೇ ಭುವನಾದಿ ಸರ್ವಮ್ಮಯಿ ಲೋಕಾ ಮಯಿ ದಿಶಶ್ಚತಸ್ರಃ ಮಯೀದಮ್ಮನ್ಯೇ ನಿಮಿಷದ್ಯದೇಜತಿ ಮಯ್ಯಾಪ ಓಷಧಯಶ್ಚ ಸರ್ವಾ ಇತಿ ೬ ಮಯೀದಮ್ಮನ್ಯೇ ಭುವನಾದಿ ಸರ್ವಮಿತ್ಯೇವಂವಿದಂ ಹ ವಾವೇದಂ ಸರ್ವಮ್ಭುವನಮನ್ವಾಯತ್ತಮ್ ೭ ಮಯಿ ಲೋಕಾ ಮಯಿ ದಿಶಶ್ಚತಸ್ರ ಇತ್ಯೇವಂವಿದಿ ಹ ವಾವ ಲೋಕಾ ಏವಂವಿದಿ ದಿಶಶ್ಚತಸ್ರಃ ೮ ಮಯೀದಮ್ಮನ್ಯೇ ನಿಮಿಷದ್ಯದೇಜತಿ ಮಯ್ಯಾಪ ಓಷಧಯಶ್ಚ ಸರ್ವಾ ಇತ್ಯೇವಂವಿದಿ ಹ ವಾವೇದಂ ಸರ್ವಮ್ಭುವನಮ್ಪ್ರತಿಷ್ಠಿತಮ್ ೯ ತಸ್ಮಾದು
ಹೈವಂವಿದಮೇವ ಬ್ರಹ್ಮಾಣಂ ಕುರ್ವೀತ ಸ ಹ ವಾವ ಬ್ರಹ್ಮಾ ಯ ಏವಂ ವೇದ ೧೦ ೧೭
ಚತುರ್ಥೇಽನುವಾಕೇ ತೃತೀಯಃ ಖಣ್ಡಃ

ಅಥ ವಾ ಅತಸ್ಸ್ತೋಮಭಾಗಾನಾಮೇವಾನುಮನ್ತ್ರಾಃ ೧ ತದ್ಧೈತದೇಕೇ ಸ್ತೋಮಭಾಗೈರೇವಾನುಮನ್ತ್ರಯನ್ತೇ ತತ್ತಥಾ ನ ಕುರ್ಯಾತ್ ೨ ದೇವೇನ ಸವಿತ್ರಾ ಪ್ರಸೂತಃ ಪ್ರಸ್ತೋತರ್ದೇವೇಭ್ಯೋ ವಾಚಮಿಷ್ಯೇತ್ಯು ಹೈಕೇ-ಽನುಮನ್ತ್ರಯನ್ತೇ ಸವಿತಾ ವೈ ದೇವಾನಾಮ್ಪ್ರಸವಿತಾ ಸವಿತ್ರಾ ಪ್ರಸೂತಾ ಇದಮನುಮನ್ತ್ರಯಾಮಹ ಇತಿ ವದನ್ತಃ ತದು ತಥಾ ನ ಕುರ್ಯಾತ್ ೩ ಭೂರ್ಭುವಸ್ಸ್ವರಿತ್ಯು ಹೈಕೇಽನುಮನ್ತ್ರಯನ್ತ ಏಷಾ ವೈ ತ್ರಯೀ ವಿದ್ಯಾ ತ್ರಯ್ಯೈವೇದಂ ವಿದ್ಯಯಾನುಮನ್ತ್ರಯಾಮಹ ಇತಿ ವದನ್ತಃ ತದು ತಥಾ ನೋ ಏವ ಕುರ್ಯಾತ್ ೪ ಓಮಿತ್ಯೇವಾನುಮನ್ತ್ರಯೇತ ೫ ಅಥೈಷ ವಸಿಷ್ಠಸ್ಯೈಕಸ್ತೋಮಭಾಗಾನುಮನ್ತ್ರಃ ತೇನ ಹೈತೇನ ವಸಿಷ್ಠಃ ಪ್ರಜಾತಿಕಾಮೋಽನುಮನ್ತ್ರಯಾಂ ಚಕ್ರೇ ದೇವೇನ ಸವಿತ್ರಾ ಪ್ರಸೂತಃ ಪ್ರಸ್ತೋತರ್ದೇವೇಭ್ಯೋ ವಾಚಮಿಷ್ಯ ಭೂರ್ಭುವಸ್ಸ್ವರೋಮಿತಿ ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ೬ ಸ ಏವ ತೇನ ವಸಿಷ್ಠಸ್ಯೈಕಸ್ತೋಮಭಾಗಾನುಮನ್ತ್ರೇಣಾನುಮನ್ತ್ರಯೇತ ಬಹುರೇವ ಪ್ರಜಯಾ ಪಶುಭಿಃ
ಪ್ರಜಾಯತೇ ಇಯಂ ತ್ವೇವ ಸ್ಥಿತಿರೋಮಿತ್ಯೇವಾನುಮನ್ತ್ರಯೇತ ೭ ೧೮
ಚತುರ್ಥೇಽನುವಾಕೇ ಚತುರ್ಥಃ ಖಣ್ಡಃ

ಅಥೈಷ ವಾಚಾ ವಜ್ರಮುದ್ಗೃಹ್ಣಾತಿ ಯದಾಹ ಸೋಮಃ ಪವತ ಇತಿ ವೋಪಾವರ್ತಧ್ವಮಿತಿ ವಾ ವಾಚೈವ ತದ್ವಾಚೋ ವಜ್ರಂ ವಿಗೃಹ್ಯತೇ ವಾಚಸ್ಸತ್ಯೇನಾತಿಮುಚ್ಯತೇ ತಸ್ಮಾದೋಮಿತ್ಯೇವಾನುಮನ್ತ್ರಯೇತ ೧ ದೇವಾ ವಾ ಅನಯಾ ತ್ರಯ್ಯಾ ವಿದ್ಯಯಾ ಸರಸಯೋರ್ಧ್ವಾಸ್ಸ್ವರ್ಗಂ ಲೋಕಮುದಕ್ರಾಮನ್ತೇ ಮಮುಷ್ಯಾಣಾಮನ್ವಾಗಮಾದ್ಬಿಭ್ಯತಸ್ತ್ರಯಂ ವೇದಮಪೀಳಯನ್ ೨ ತಸ್ಯ ಪೀಳಯನ್ತ ಏಕಮೇವಾಕ್ಷರಂ ನಾಶಕ್ನುವನ್ಪೀಳಯಿತುಮೋಮಿತಿ ಯದೇತತ್ ೩ ಏಷ ಉ ಹ ವಾವ ಸರಸಃ ಸರಸಾ ಹ ವಾ ಏವಂವಿದಸ್ತ್ರಯೀ ವಿದ್ಯಾ ಭವತಿ ೪ ಸ ಯಾಂ ಹ ವೈ ತ್ರಯ್ಯಾ ವಿದ್ಯಯಾ ಸರಸಯಾ ಜಿತಿಂ ಜಗತಿ ಯಾಮೃದ್ಧಿಮೃಧ್ನೋತಿ ಜಯತಿ ತಾಂ ಜಿತಿಮೃಧ್ನೋತಿ ತಾಮೃದ್ಧಿಂ ಯ ಏವಂ ವೇದ ೫ ಏತದ್ಧ ವಾ ಅಕ್ಷರಂ ತ್ರಯ್ಯೈ ವಿದ್ಯಾಯೈ ಪ್ರತಿಷ್ಠಾ ಓಮಿತಿ ವೈ ಹೋತಾ ಪ್ರತಿಷ್ಠಿತ ಓಮಿತ್ಯ-ಧ್ವರ್ಯುರೋಮಿತ್ಯುದ್ಗಾತಾ ೬ ಏತದ್ಧ ವಾ ಅಕ್ಷರಂ ವೇದಾನಾಂ ತ್ರಿವಿಷ್ಟಪಮೇತಸ್ಮಿನ್ವಾ ಅಕ್ಷರ ಋತ್ವಿಜೋ ಯಜಮಾನಮಾಧಾಯ ಸ್ವರ್ಗೇ ಲೋಕೇ ಸಮುದೂಹನ್ತಿ ತಸ್ಮಾದೋಮಿತ್ಯೇವಾನುಮನ್ತ್ರಯೇತ
೭ ೧೯
ಚತುರ್ಥೇಽನುವಾಕೇ ಪಞ್ಚಮಃ ಖಣ್ಡಃ
ಚತುರ್ಥೋಽನುವಾಕಸ್ಸಮಾಪ್ತಃ

ಗುಹಾಸಿ ದೇವೋಽಸ್ಯುಪವಾಸ್ಯುಪ ತಂ ವಾಯಸ್ವ ಯೋಽಸ್ಮಾನ್ದ್ವೇಷ್ಟಿ ಯಂ ಚ ವಯಂ ದ್ವಿಷ್ಮಃ ೧ ಮಹಿನಾಸಿ ಬಹುಲಾಸಿ ಬೃಹತ್ಯಸಿ ರೋಹಿಣ್ಯಸ್ಯಪನ್ನಾಸಿ ೨ ಸಮ್ಭೂರ್ದೇವೋಽಸಿ ಸಮಹಮ್ಭೂ-ಯಾಸಮಾಭೂತಿರಸ್ಯಾಭೂಯಾಸಂ ಭೂತಿರಸಿ ಭೂಯಾಸಮ್ ೩ ಯಾಸ್ತೇ ಪ್ರಜಾ ಉಪದಿಷ್ಟಾ ನಾಹಂ ತವ ತಾಃ ಪರ್ಯೇಮಿ ಉಪ ತೇ ತಾ ದಿಶಾಮಿ ೪ ನಾಮ ಮೇ ಶರೀರಮ್ಮೇ ಪ್ರತಿಷ್ಠಾ ಮೇ ತನ್ಮೇ ತ್ವಯಿ ತನ್ಮೇ ಮೋಪಹೃಥಾ ಇತೀಮಾಮ್ಪೃಥಿವೀಮವೋಚತ್ ೫ ತಮಿಯಮಾಗತಮ್ಪೃಥಿವೀ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೬ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನ-ರ್ದೇಹೀತಿ ೭ ಕಿಂ ನು ತೇ ಮಯೀತಿ ನಾಮ ಮೇ ಶರೀರಮ್ಮೇ ಪ್ರತಿಷ್ಠಾ ಮೇ ತನ್ಮೇ ತ್ವಯಿ ತನ್ಮೇ ಪುನರ್ದೇಹೀತಿ ತದಸ್ಮಾ ಇಯಮ್ಪೃಥಿವೀ ಪುನರ್ದದಾತಿ ೮ ತಾಮಾಹ ಪ್ರ ಮಾ ವಾಹೇತಿ ಕಿಮಭೀತಿ ಅಗ್ನಿಮಿತಿ ತಮಗ್ನಿಮಭಿಪ್ರವಹತಿ ೯ ಸೋಽಗ್ನಿಮಾಹಾಭಿಜಿದಸ್ಯಭಿಜಯ್ಯಾಸಂ ಲೋಕ-ಜಿದಸಿ ಲೋಕಂ ಜಯ್ಯಾಸಮತ್ತಿರಸ್ಯನ್ನಮದ್ಯಾಸಮನ್ನಾದೋ ಭವತಿ ಯಸ್ತ್ವೈವಂ ವೇದ ೧೦ ಸಮ್ಭೂ-ರ್ದೇವೋಽಸಿ ಸಮಹಮ್ಭೂಯಾಸಮಾಭೂತಿರಸ್ಯಾಭೂಯಾಸಂ ಭೂತಿರಸಿ ಭೂಯಾಸಮ್ ೧೧ ಯಾಸ್ತೇ ಪ್ರಜಾ ಉಪದಿಷ್ಟಾ ನಾಹಂ ತವ ತಾಃ ಪರ್ಯೇಮಿ ಉಪ ತೇ ತಾ ದಿಶಾಮಿ ೧೨ ತಪೋ ಮೇ ತೇಜೋ ಮೇಽನ್ನಮ್ಮೇ ವಾಙ್ಮೇ ತನ್ಮೇ ತ್ವಯಿ ತನ್ಮೇ ಮೋಪಹೃಥಾ ಇತ್ಯಗ್ನಿಮವೋಚತ್ ೧೩ ತಂ ತಥೈವಾಗತಮಗ್ನಿಃ ಪ್ರತಿನ-ನ್ದತ್ಯಯಂ ತೇ ಭಗವೋ ಲೋಕಸ್ಸಹ ನಾವಯಂ ಲೋಕ ಇತಿ ೧೪ ಯದ್ವಾವ ಮೇ ತ್ವಯೀತ್ಯಾಹ ತ-ದ್ವಾವ ಮೇ ಪುನರ್ದೇಹೀತಿ ೧೫ ಕಿಂ ನು ತೇ ಮಯೀತಿ ತಪೋ ಮೇ ತೇಜೋ ಮೇಽನ್ನಮ್ಮೇ ವಾಙ್ಮೇ ತನ್ಮೇ ತ್ವ-
ಯಿ ತನ್ಮೇ ಪುನರ್ದೇಹೀತಿ ತದಸ್ಮಾ ಅಗ್ನಿರ್ಪುನರ್ದದಾತಿ ೧೬ ತಮಾಹ ಪ್ರ ಮಾ ವಹೇತಿ ೧೭ ೨೦
ಪಞ್ಚಮೇಽನುವಾಕೇ ಪ್ರಥಮಃ ಖಣ್ಡಃ

ಕಿಮಭೀತಿ ವಾಯುಮಿತಿ ತಂ ವಾಯುಮಭಿಪ್ರವಹತಿ ೧ ಸ ವಾಯುಮಾಹ ಯತ್ಪುರಸ್ತಾದ್ವಾಸೀನ್ದ್ರೋ ರಾಜಾ ಭೂತೋ ವಾಸಿ ಯದ್ದಕ್ಷಿಣತೋ ವಾಸೀಶಾನೋ ಭೂತೋ ವಾಸಿ ಯತ್ಪಶ್ಚಾದ್ವಾಸಿ ವರುಣೋ ರಾಜಾ ಭೂತೋ ವಾಸಿ ಯದುತ್ತರತೋ ವಾಸಿ ಸೋಮೋ ರಾಜಾ ಭೂತೋ ವಾಸಿ ಯದುಪರಿಷ್ಟಾದವವಾಸಿ ಪ್ರಜಾಪತಿರ್ಭೂತೋಽವವಾಸಿ ೨ ವ್ರಾತ್ಯೋಽಸ್ಯೇಕವ್ರಾತ್ಯೋಽನವಸೃಷ್ಟೋ ದೇವಾನಾಮ್ಬಿಲಮಪ್ಯಧಾಃ ೩ ತವ ಪ್ರಜಾಸ್ತವೌಷಧಯಸ್ತವಾಪೋ ವಿಚಲಿತಮನುವಿಚಲನ್ತಿ ೪ ಸಮ್ಭೂರ್ದೇವೋಽಸಿ ಸಮಹಮ್ಭೂಯಾಸಮಾಭೂತಿರಸ್ಯಾಭೂಯಾಸಮ್ಭೂತಿರಸಿ ಭೂಯಾಸಮ್ ೫ ಯಾಸ್ತೇ ಪ್ರಜಾ ಉಪದಿಷ್ಟಾ ನಾಹಂ ತವ ತಾಃ ಪರ್ಯೇಮಿ ಉಪ ತೇ ತಾ ದಿಶಾಮಿ ೬ ಪ್ರಾಣಾಪಾನೌ ಮೇ ಶ್ರುತಮ್ಮೇ ತನ್ಮೇ ತ್ವಯಿ ತನ್ಮೇ ಮೋಪಹೃಥಾ ಇತಿ ವಾಯುಮವೋಚತ್ ೭ ತಂ ತಥೈವಾಗತಂ ವಾಯುಃ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೮ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನರ್ದೇಹೀತಿ ೯ ಕಿಂ ನು ತೇ ಮಯೀತಿ ಪ್ರಾಣಾಪಾನೌ ಮೇ ಶ್ರುತಮ್ಮೇ ತನ್ಮೇ ತ್ವಯಿ ತನ್ಮೇ ಪುನರ್ದೇಹೀತಿ ತದಸ್ಮೈ ವಾಯುಃ ಪುನರ್ದದಾತಿ ೧೦ ತಮಾಹ ಪ್ರ ಮಾ ವಹೇತಿ ಕಿಮಭೀತಿ ಅನ್ತರಿಕ್ಷಲೋಕಮಿತಿ ತಮನ್ತರಿಕ್ಷಲೋಕಮಭಿಪ್ರವಹತಿ ೧೧ ತಂ ತಥೈವಾಗತಮನ್ತರಿಕ್ಷಲೋಕಃ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೧೨ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನರ್ದೇಹೀತಿ ೧೩ ಕಿಂ ನು ತೇ ಮಯೀತಿ ಅಯಮ್ಮ ಆಕಾಶಃ ಸ ಮೇ ತ್ವಯಿ ತನ್ಮೇ ಪುನರ್ದೇಹೀತಿ
ತಮಸ್ಮಾ ಆಕಾಶಮನ್ತರಿಕ್ಷಲೋಕಃ ಪುನರ್ದದಾತಿ ೧೪ ತಮಾಹ ಪ್ರ ಮಾ ವಹೇತಿ ೧೫ ೨೧
ಪಞ್ಚಮೇಽನುವಾಕೇ ದ್ವಿತೀಯಃ ಖಣ್ಡಃ

ಕಿಮಭೀತಿ ದಿಶ ಇತಿ ತಂ ದಿಶೋಽಭಿಪ್ರವಹತಿ ೧ ತಂ ತಥೈವಾಗತಂ ದಿಶಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೨ ಯದ್ವಾವ ಮೇ ಯುಷ್ಮಾಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೩ ಕಿಂ ನು ತೇಽಸ್ಮಾಸ್ವಿತಿ ಶ್ರೋತ್ರಮಿತಿ ತದಸ್ಮೈ ಶ್ರೋತ್ರಂ ದಿಶಃ ಪುನರ್ದದತಿ ೪ ತಾ ಆಹ ಪ್ರ ಮಾ ವಹತೇತಿ ಕಿಮಭೀತಿ ಅಹೋರಾತ್ರಯೋರ್ಲೋಕಮಿತಿ ತಮಹೋರಾತ್ರಯೋ-ರ್ಲೋಕಮಭಿಪ್ರವಹನ್ತಿ ೫ ತಂ ತಥೈವಾಗತಮಹೋರಾತ್ರೇ ಪ್ರತಿನನ್ದತೋಽಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೬ ಯದ್ವಾವ ಮೇ ಯುವಯೋರಿತ್ಯಾಹ ತದ್ವಾವ ಮೇ ಪುನರ್ದತ್ತಮಿತಿ ೭ ಕಿಂ ನು ತ ಆವಯೋರಿತಿ ಅಕ್ಷಿತಿರಿತಿ ತಾಮಸ್ಮಾ ಅಕ್ಷಿತಿಮಹೋರಾತ್ರೇ ಪುನರ್ದತ್ತಃ ೮ ತೇ
ಆಹ ಪ್ರ ಮಾ ವಹತಮಿತಿ ೯ ೨೨
ಪಞ್ಚಮೇಽನುವಾಕೇ ತೃತೀಯಃ ಖಣ್ಡಃ

ಕಿಮಭೀತಿ ಅರ್ಧಮಾಸಾನಿತಿ ತಮರ್ಧಮಾಸಾನಭಿಪ್ರವಹತಃ ೧ ತಂ ತಥೈವಾಗತಮರ್ಧಮಾಸಾಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೨ ಯದ್ವಾವ ಮೇ ಯುಷ್ಮಾ-ಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೩ ಕಿಂ ನು ತೇಽಸ್ಮಾಸ್ವಿತಿ ಇಮಾನು ಕ್ಷುದ್ರಾ ಣಿ ಪರ್ವಾಣಿ ತಾನಿ ಮೇ ಯುಷ್ಮಾಸು ತಾನಿ ಮೇ ಪ್ರತಿಸಂಧತ್ತೇತಿ ತಾನ್ಯಸ್ಯಾರ್ಧಮಾಸಾಃ ಪುನಃ ಪ್ರತಿಸಂದಧತಿ ೪ ತಾನಾಹ ಪ್ರ ಮಾ ವಹತೇತಿ ಕಿಮಭೀತಿ ಮಾಸಾನಿತಿ ತಮ್ಮಾಸಾನಭಿಪ್ರವಹನ್ತಿ ೫ ತಂ ತಥೈವಾಗತಮ್ಮಾಸಾಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೬ ಯದ್ವಾವ ಮೇ ಯುಷ್ಮಾಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೭ ಕಿಂ ನು ತೇಽಸ್ಮಾಸ್ವಿತಿ ಇಮಾನಿ ಸ್ಥೂಲಾನಿ ಪರ್ವಾಣಿ ತಾನಿ ಮೇ ಯುಷ್ಮಾಸು ತಾನಿ ಮೇ ಪ್ರತಿಸಂಧತ್ತೇತಿ ತಾನ್ಯಸ್ಯ ಮಾಸಾಃ ಪುನಃ
ಪ್ರತಿಸಂದಧತಿ ೮ ತಾನಾಹ ಪ್ರ ಮಾ ವಹತೇತಿ ೯ ೨೩
ಪಞ್ಚಮೇಽನುವಾಕೇ ಚತುರ್ಥಃ ಖಣ್ಡಃ

ಕಿಮಭೀತಿ ಋತೂನಿತಿ ತಮೃತೂನಭಿಪ್ರವಹನ್ತಿ ೧ ತಂ ತಥೈವಾಗತಮೃತವಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೨ ಯದ್ವಾವ ಮೇ ಯುಷ್ಮಾಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೩ ಕಿಂ ನು ತೇಽಸ್ಮಾಸ್ವಿತಿ ಇಮಾನಿ ಜ್ಯಾಯಾಂಸಿ ಪರ್ವಾಣಿ ತಾನಿ ಮೇ ಯುಷ್ಮಾಸು ತಾನಿ ಮೇ ಪ್ರತಿಸಂಧತ್ತೇತಿ ತಾನ್ಯಸ್ಯರ್ತವಃ ಪುನಃ ಪ್ರತಿಸಂದಧತಿ ೪ ತಾನಾಹ ಪ್ರ ಮಾ ವಹತೇತಿ ಕಿಮಭೀತಿ ಸಂವತ್ಸರಮಿತಿ ತಂ ಸಂವತ್ಸರಮಭಿಪ್ರವಹನ್ತಿ ೫ ತಂ ತಥೈವಾಗತಂ ಸಂವತ್ಸರಃ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೬ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನರ್ದೇಹೀತಿ ೭ ಕಿಂ ನು ತೇ ಮಯೀತಿ ಅಯಮ್ಮ ಆತ್ಮಾ ಸ ಮೇ ತ್ವಯಿ ತನ್ಮೇ ಪುನರ್ದೇಹೀತಿ ತಮಸ್ಮಾ ಆತ್ಮಾನಂ ಸಂವತ್ಸರಃ ಪುನರ್ದದಾತಿ ೮ ತಮಾಹ ಪ್ರ ಮಾ ವಹೇತಿ ೯
೨೪
ಪಞ್ಚಮೇಽನುವಾಕೇ ಪಞ್ಚಮಃ ಖಣ್ಡಃ

ಕಿಮಭೀತಿ ದಿವ್ಯಾನ್ಗನ್ಧರ್ವಾನಿತಿ ತಂ ದಿವ್ಯಾನ್ಗನ್ಧರ್ವಾನಭಿಪ್ರವಹತಿ ೧ ತಂ ತಥೈವಾಗತಂ ದಿವ್ಯಾ ಗನ್ಧರ್ವಾಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೨ ಯದ್ವಾವ ಮೇ ಯುಷ್ಮಾಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೩ ಕಿಂ ನು ತೇಽಸ್ಮಾಸ್ವಿತಿ ಗನ್ಧೋ ಮೇ ಮೋದೋ ಮೇ ಪ್ರಮೋದೋ ಮೇ ತನ್ಮೇ ಯುಷ್ಮಾಸು ತನ್ಮೇ ಪುನರ್ದತ್ತೇತಿ ತದಸ್ಮೈ ದಿವ್ಯಾ ಗನ್ಧರ್ವಾಃ ಪುನರ್ದದತಿ ೪ ತಾನಾಹ ಪ್ರ ಮಾ ವಹತೇತಿ ಕಿಮಭೀತಿ ಅಪ್ಸರಸ ಇತಿ ತಮಪ್ಸರಸೋಽಭಿಪ್ರವಹನ್ತಿ ೫ ತಂ ತಥೈವಾಗತಮಪ್ಸರಸಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೬ ಯದ್ವಾವ ಮೇ ಯುಷ್ಮಾಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೭ ಕಿಂ ನು ತೇಽಸ್ಮಾಸ್ವಿತಿ ಹಸೋ ಮೇ ಕ್ರೀಳಾ ಮೇ ಮಿಥುನಮ್ಮೇ ತನ್ಮೇ ಯುಷ್ಮಾಸು ತನ್ಮೇ ಪುನರ್ದತ್ತೇತಿ ತದಸ್ಮಾ ಅಪ್ಸರಸಃ ಪುನರ್ದದತಿ
೮ ತಾ ಆಹ ಪ್ರ ಮಾ ವಹತೇತಿ ೯ ೨೫
ಪಞ್ಚಮೇಽನುವಾಕೇ ಷಷ್ಠಃ ಖಣ್ಡಃ

ಕಿಮಭೀತಿ ದಿವಮಿತಿ ತಂ ದಿವಮಭಿಪ್ರವಹನ್ತಿ ೧ ತಂ ತಥೈವಾಗತಂ ದ್ಯೌಃ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೨ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನರ್ದೇಹೀತಿ ೩ ಕಿಂ ನು ತೇ ಮಯೀತಿ ತೃಪ್ತಿರಿತಿ ಸಕೃತ್ತೃಪ್ತೇವ ಹ್ಯೇಷಾ ತಾಮಸ್ಮೈ ತೃಪ್ತಿಂ ದ್ಯೌಃ ಪುನರ್ದದಾತಿ ೪ ತಮಾಹ ಪ್ರ ಮಾ ವಹೇತಿ ಕಿಮಭೀತಿ ದೇವಾನಿತಿ ತಂ ದೇವಾನಭಿಪ್ರವಹತಿ ೫ ತಂ ತಥೈವಾಗತಂ ದೇವಾಃ ಪ್ರತಿನನ್ದನ್ತ್ಯಯಂ ತೇ ಭಗವೋ ಲೋಕಃ ಸಹ ನೋಽಯಂ ಲೋಕ ಇತಿ ೬ ಯದ್ವಾವ ಮೇ ಯುಷ್ಮಾಸ್ವಿತ್ಯಾಹ ತದ್ವಾವ ಮೇ ಪುನರ್ದತ್ತೇತಿ ೭ ಕಿಂ ನು ತೇಽಸ್ಮಾಸ್ವಿತಿ
ಅಮೃತಮಿತಿ ತದಸ್ಮಾ ಅಮೃತಂ ದೇವಾಃ ಪುನರ್ದದತಿ ೮ ತಾನಾಹ ಪ್ರ ಮಾ ವಹತೇತಿ ೯ ೨೬
ಪಞ್ಚಮೇಽನುವಾಕೇ ಸಪ್ತಮಃ ಖಣ್ಡಃ

ಕಿಮಭೀತಿ ಆದಿತ್ಯಮಿತಿ ತಮಾದಿತ್ಯಮಭಿಪ್ರವಹನ್ತಿ ೧ ಸ ಆದಿತ್ಯಮಾಹ ವಿಭೂಃ ಪುರಸ್ತಾತ್ಸಮ್ಪತ್ಪಶ್ಚಾತ್ ಸಮ್ಯಙ್ತ್ವಮಸಿ ಸಮೀಚೋ ಮನುಷ್ಯಾನರೋಷೀ ರುಷತಸ್ತ ಋಷಿಃ ಪಾಪ್ಮಾನಂ ಹನ್ತಿ ಅಪಹತಪಾಪ್ಮಾ ಭವತಿ ಯಸ್ತ್ವೈವಂ ವೇದ ೨ ಸಮ್ಭೂರ್ದೇವೋಽಸಿ ಸಮಹ-ಮ್ಭೂಯಾಸಮಾಭೂತಿರಸ್ಯಾಭೂಯಾಸಮ್ಭೂತಿರಸಿ ಭೂಯಾಸಮ್ ೩ ಯಾಸ್ತೇ ಪ್ರಜಾ ಉಪದಿಷ್ಟಾ ನಾಹಂ ತವ ತಾಃ ಪರ್ಯೇಮಿ ಉಪ ತೇ ತಾ ದಿಶಾಮಿ ೪ ಓಜೋ ಮೇ ಬಲಮ್ಮೇ ಚಕ್ಷುರ್ಮೇ ತನ್ಮೇ ತ್ವಯಿ ತನ್ಮೇ ಮೋಪಹೃಥಾ ಇತ್ಯಾದಿತ್ಯಮವೋಚತ್ ೫ ತಂ ತಥೈವಾಗತಮಾದಿತ್ಯಃ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೬ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನರ್ದೇಹೀತಿ ೭ ಕಿಂ ನು ತೇ ಮಯೀತಿ ಓಜೋ ಮೇ ಬಲಮ್ಮೇ ಚಕ್ಷುರ್ಮೇ ತನ್ಮೇ ತ್ವಯಿ ತನ್ಮೇ ಪುನರ್ದೇಹೀತಿ ತದಸ್ಮಾ ಆದಿತ್ಯಃ ಪುನರ್ದದಾತಿ ೮ ತಮಾಹ ಪ್ರ ಮಾ ವಹೇತಿ ಕಿಮಭೀತಿ ಚನ್ದ್ರ ಮಸಮಿತಿ ತಂ ಚನ್ದ್ರ ಮಸಮಭಿಪ್ರವಹತಿ ೯ ಸ ಚನ್ದ್ರ ಮಸಮಾಹ ಸತ್ಯಸ್ಯ ಪನ್ಥಾ ನ ತ್ವಾ ಜಹಾತಿ ಅಮೃತಸ್ಯ ಪನ್ಥಾ ನ ತ್ವಾ ಜಹಾತಿ ೧೦ ನವೋನವೋ ಭವಸಿ ಜಾಯಮಾನೋ ಭರೋ ನಾಮ ಬ್ರಾಹ್ಮಣ ಉಪಾಸ್ಸೇ ತಸ್ಮಾತ್ತೇ ಸತ್ಯಾ ಉಭಯೇ ದೇವಮನುಷ್ಯಾ ಅನ್ನಾದ್ಯಮ್ಭರನ್ತಿ ಅನ್ನಾದೋ ಭವತಿ ಯಸ್ತ್ವೈವಂ ವೇದ ೧೧ ಸಮ್ಭೂರ್ದೇವೋಽಸಿ ಸಮಹಮ್ಭೂಯಾಸಮಾಭೂತಿರಸ್ಯಾಭೂ-ಯಾಸಮ್ಭೂತಿರಸಿ ಭೂಯಾಸಮ್ ೧೨ ಯಾಸ್ತೇ ಪ್ರಜಾ ಉಪದಿಷ್ಟಾ ನಾಹಂ ತವ ತಾಃ ಪರ್ಯೇಮಿ ಉಪ ತೇ ತಾ ದಿಶಾಮಿ ೧೩ ಮನೋ ಮೇ ರೇತೋ ಮೇ ಪ್ರಜಾ ಮೇ ಪುನಸ್ಸಮ್ಭೂತಿರ್ಮೇ ತನ್ಮೇ ತ್ವಯಿ ತನ್ಮೇ ಮೋಪಹೃಥಾ ಇತಿ ಚನ್ದ್ರ ಮಸಮವೋಚತ್ ೧೪ ತಂ ತಥೈವಾಗತಂ ಚನ್ದ್ರ ಮಾಃ ಪ್ರತಿನನ್ದತ್ಯಯಂ ತೇ ಭಗವೋ ಲೋಕಃ ಸಹ ನಾವಯಂ ಲೋಕ ಇತಿ ೧೫ ಯದ್ವಾವ ಮೇ ತ್ವಯೀತ್ಯಾಹ ತದ್ವಾವ ಮೇ ಪುನರ್ದೇಹೀತಿ ೧೬ ಕಿಂ ನು ತೇ ಮಯೀತಿ ಮನೋ ಮೇ ರೇತೋ ಮೇ ಪ್ರಜಾ ಮೇ ಪುನಸ್ಸಮ್ಭೂತಿರ್ಮೇ ತನ್ಮೇ ತ್ವಯಿ ತನ್ಮೇ ಪುನರ್ದೇಹೀತಿ ತದಸ್ಮೈ ಚನ್ದ್ರ ಮಾಃ ಪುನರ್ದದಾತಿ ೧೭ ತಮಾಹ ಪ್ರ ಮಾ ವಹೇತಿ
೧೮ ೨೭
ಪಞ್ಚಮೇಽನುವಾಕೇಽಷ್ಟಮಃ ಖಣ್ಡಃ

ಕಿಮಭೀತಿ ಬ್ರಹ್ಮಣೋ ಲೋಕಮಿತಿ ತಮಾದಿತ್ಯಮಭಿಪ್ರವಹತಿ ೧ ಸ ಆದಿತ್ಯಮಾಹ ಪ್ರ ಮಾ ವಹೇತಿ ಕಿಮಭೀತಿ ಬ್ರಹ್ಮಣೋ ಲೋಕಮಿತಿ ತಂ ಚನ್ದ್ರ ಮಸಮಭಿಪ್ರವಹತಿ ಸ ಏವಮೇತೇ ದೇವತೇ ಅನುಸಂಚರತಿ ೨ ಏಸೋಽನ್ತೋಽತಃ ಪರಃ ಪ್ರವಾಹೋ ನಾಸ್ತಿ ಯಾನು ಕಾಂಶ್ಚಾತಃ ಪ್ರಾಚೋ ಲೋಕಾನಭ್ಯವಾದಿಷ್ಮ ತೇ ಸರ್ವ ಆಪ್ತಾ ಭವನ್ತಿ ತೇ ಜಿತಾಸ್ತೇಷ್ವಸ್ಯ ಸರ್ವೇಷು ಕಾಮಚಾರೋ ಭವತಿ ಯ ಏವಂ ವೇದ ೩ ಸ ಯದಿ ಕಾಮಯೇತ ಪುನರಿಹಾಜಾಯೇಯೇತಿ ಯಸ್ಮಿನ್ಕುಲೇ-ಽಭಿಧ್ಯಾಯೇದ್ಯದಿ ಬ್ರಾಹ್ಮಣಕುಲೇ ಯದಿ ರಾಜಕುಲೇ ತಸ್ಮಿನ್ನಾಜಾಯತೇ ಸ ಏತಮೇವ ಲೋಕಮ್ಪುನಃ ಪ್ರಜಾನನ್ನಭ್ಯಾರೋಹನ್ನೇತಿ ೪ ತದು ಹೋವಾಚ ಶಾಟ್ಯಾಯನಿರ್ಬಹುವ್ಯಾಹಿತೋ ವಾ ಅಯಮ್ಬಹುಶೋ ಲೋಕಃ ಏತಸ್ಯ ವೈ ಕಾಮಾಯ ನು ಬ್ರುವತೇ ವಾ ಶ್ರಾಮ್ಯನ್ತಿ ವಾ ಕ ಏತತ್ಪ್ರಾಸ್ಯ ಪುನರಿಹೇಯಾದತ್ರೈವ
ಸ್ಯಾದಿತಿ ೫ ೨೮
ಪಞ್ಚಮೇಽನುವಾಕೇ ನವಮಃ ಖಣ್ಡಃ ಪಞ್ಚಮೋಽನುವಾಕಸ್ಸಮಾಪ್ತಃ

ಉಚ್ಚೈಶ್ಶ್ರವಾ ಹ ಕೌಪಯೇಯಃ ಕೌರವ್ಯೋ ರಾಜಾಸ ತಸ್ಯ ಹ ಕೇಶೀ ದಾರ್ಭ್ಯಃ ಪಾಞ್ಚಾಲೋ ರಾಜಾ ಸ್ವಸ್ರೀಯ ಆಸ ತೌ ಹಾನ್ಯೋನ್ಯಸ್ಯ ಪ್ರಿಯಾವಾಸತುಃ ೧ ಸ ಹೋಚ್ಚೈಶ್ಶ್ರವಾಃ ಕೌಪಯೇ-ಯೋಽಸ್ಮಾಲ್ಲೋಕಾತ್ಪ್ರೇಯಾಯ ತಸ್ಮಿನ್ಹ ಪ್ರೇತೇ ಕೇಶೀ ದಾರ್ಭ್ಯೋಽರಣ್ಯೇ ಮೃಗಯಾಂ ಚಚಾರಾಪ್ರಿಯಂ ವಿನಿನೀಷಮಾಣಃ ೨ ಸ ಹ ತಥೈವ ಪಲ್ಯಯಮಾನೋ ಮೃಗಾನ್ಪ್ರಸರನ್ನನ್ತರೇಣೈವೋಚ್ಚೈಶ್ಶ್ರವಸಂ ಕೌಪಯೇಯಮಧಿಜಗಾಮ ೩ ತಂ ಹೋವಾಚ ದೃಪ್ಯಾಮಿ ಸ್ವೀ೩ಜ್ಜಾನಾಮೀತಿ ನ ದೃಪ್ಯಸೀತಿ ಹೋವಾಚ ಜಾನಾಸಿ ಸ ಏವಾಸ್ಮಿ ಯಮ್ಮಾ ಮನ್ಯಸ ಇತಿ ೪ ಅಥ ಯದ್ಭಗವ ಆಹುರಿತಿ ಹೋವಾಚ ಯ ಆವಿರ್ಭವತ್ಯನ್ಯೇಽಸ್ಯ ಲೋಕಮುಪಯನ್ತೀತ್ಯಥ ಕಥಮಶಕೋ ಮ ಆವಿ-ರ್ಭವಿತುಮಿತಿ ೫ ಓಮಿತಿ ಹೋವಾಚ ಯದಾ ವೈ ತಸ್ಯ ಲೋಕಸ್ಯ ಗೋಪ್ತಾರಮವಿದೇಽತಸ್ತ ಆವಿರಭೂವಮಪ್ರಿಯಂ ಚಾಸ್ಯ ವಿನೇಷ್ಯಾಮ್ಯನು ಚೈನಂ ಶಾಸಿಷ್ಯಾಮೀತಿ ೬ ತಥಾ ಭಗವ ಇತಿ ಹೋವಾಚ ತಂ ವೈ ನು ತ್ವಾ ಪರಿಷ್ವಜಾ ಇತಿ ತಂ ಹ ಸ್ಮ ಪರಿಷ್ವಜಮಾನೋ ಯಥಾ ಧೂಮಂ ವಾಪೀಯಾದ್ವಾಯುಂ ವಾಕಾಶಂ ವಾಗ್ನ್ಯರ್ಚಿಂ ವಾಪೋ ವೈವಂ ಹ ಸ್ಮೈನಂ ವ್ಯೇತಿ ನ ಹ
ಸ್ಮೈನಮ್ಪರಿಷ್ವಙ್ಗಾಯೋಪಲಭತೇ ೭ ೨೯
ಷಷ್ಠೇಽನುವಾಕೇ ಪ್ರಥಮಃ ಖಣ್ಡಃ

ಸ ಹೋವಾಚ ಯದ್ವೈ ತೇ ಪುರಾ ರೂಪಮಾಸೀತ್ತತ್ತೇ ರೂಪಂ ನ ತು ತ್ವಾ ಪರಿಷ್ವಙ್ಗಾಯೋಪಲಭ ಇತಿ ೧ ಓಮಿತಿ ಹೋವಾಚ ಬ್ರಾಹ್ಮಣೋ ವೈ ಮೇ ಸಾಮ ವಿದ್ವಾನ್ಸಾಮ್ನೋದಗಾಯತ್ ಸ ಮೇಽಶರೀರೇಣ ಸಾಮ್ನಾ ಶರೀರಾಣ್ಯಧೂನೋತ್ತದ್ಯಸ್ಯ ವೈ ಕಿಲ ಸಾಮ ವಿದ್ವಾನ್ಸಾಮ್ನೋದ್ಗಾಯತಿ ದೇವತಾನಾಮೇವ ಸಲೋ-ಕತಾಂ ಗಮಯತೀತಿ ೨ ಪತಙ್ಗಃ ಪ್ರಾಜಾಪತ್ಯ ಇತಿ ಹೋವಾಚ ಪ್ರಜಾಪತೇಃ ಪ್ರಿಯಃ ಪುತ್ರ ಆಸ ಸ ತಸ್ಮಾ ಏತತ್ಸಾಮಾಬ್ರವೀತ್ತೇನ ಸ ಋಷೀಣಾಮುದಗಾಯತ್ತ ಏತ ಋಷಯೋ ಧೂತಶರೀರಾ ಇತಿ ೩ ಏತೇನೋ ಏವ ಸಾಮ್ನೇತಿ ಹೋವಾಚ ಪ್ರಜಾಪತಿರ್ದೇವಾನಾಮುದಗಾಯತ್ತ ಏತ ಉಪರಿ ದೇವಾ ಧೂತಶರೀರಾ ಇತಿ ೪ ತಸ್ಮಿನ್ಹೈನಮನುಶಶಾಸ ತಂ ಹಾನುಶಿಷ್ಯೋವಾಚ ಯಸ್ಸ್ಮೈವೈತತ್ಸಾಮ ವಿದ್ಯಾತ್ಸ ಸ್ಮೈವ ತ ಉದ್ಗಾಯತ್ವಿತಿ ೫ ಸ ಹಾನುಶಿಷ್ಟ ಆಜಗಾಮ ಸ ಹ ಸ್ಮ ಕುರು-
ಪಞ್ಚಾಲಾನಾಮ್ಬ್ರಾಹ್ಮಣಾನುಪಪೃಚ್ಛಮಾನಶ್ಚರತಿ ೬ ೩೦
ಷಷ್ಠೇಽನುವಾಕೇ ದ್ವಿತೀಯಃ ಖಣ್ಡಃ

ವ್ಯೂಢಚ್ಛನ್ದಸಾ ವೈ ದ್ವಾದಶಾಹೇನ ಯಕ್ಷ್ಯಮಾಣೋಽಸ್ಮಿ ಸ ಯೋ ವಸ್ತತ್ಸಾಮ ವೇದ ಯದಹಂ ವೇದ ಸ ಏವ ಮ ಉದ್ಗಾಸ್ಯತಿ ಮೀಮಾಂಸಧ್ವಮಿತಿ ೧ ತಸ್ಮೈ ಹ ಮೀಮಾಂಸಮಾನಾನಾಮೇಕಶ್ಚನ ನ ಸಮ್ಪ್ರತ್ಯಭಿದಧಾತಿ ೨ ಸ ಹ ತಥೈವ ಪಲ್ಯಯಮಾನಶ್ಶ್ಮಶಾನೇ ವಾ ವನೇ ವಾವೃತೀಶಯಾ-ನಮುಪಾಧಾವಯಾಂ ಚಕಾರ ತಂ ಹ ಚಾಯಮಾನಃ ಪ್ರಜಹೌ ೩ ತಂ ಹೋವಾಚ ಕೋಽಸೀತಿ ಬ್ರಾಹ್ಮ-ಣೋಽಸ್ಮಿ ಪ್ರಾತೃದೋ ಭಾಲ್ಲ ಇತಿ ೪ ಸ ಕಿಂ ವೇತ್ಥೇತಿ ಸಾಮೇತಿ ೫ ಓಮಿತಿ ಹೋವಾಚ ವ್ಯೂಢಚ್ಛನ್ದಸಾ ವೈ ದ್ವಾದಶಾಹೇನ ಯಕ್ಷ್ಯಮಾಣೋಽಸ್ಮಿ ಸ ಯದಿ ತ್ವಂ ತತ್ಸಾಮ ವೇತ್ಥ ಯದಹಂ ವೇದ ತ್ವಮೇವ ಮ ಉದ್ಗಾಸ್ಯಸಿ ಮೀಮಾಂಸಸ್ವೇತಿ ೬ ತಸ್ಮೈ ಹ ಮೀಮಾಂಸಮಾನಸ್ತದೇವ ಸಮ್ಪ್ರ-ತ್ಯಭಿದಧೌ ೭ ತಂ ಹೋವಾಚಾಯಮ್ಮ ಉದ್ಗಾಸ್ಯತೀತಿ ೮ ತಸ್ಮೈ ಹ ಕುರುಪಞ್ಚಾಲಾನಾಮ್ಬ್ರಾಹ್ಮಣಾ ಅಸೂಯನ್ತ ಆಹುರೇಷು ಹ ವಾ ಅಯಂ ಕುಲ್ಯೇಷು ಸತ್ಸೂದ್ಗಾಸ್ಯತಿ ಕಸ್ಮಾ ಅಯಮಲಮಿತಿ ೯ ಅಲಮ್ನ್ವೈ ಮಹ್ಯಮಿತಿ ಹ ಸ್ಮಾಹ ಸೈವಾಲಮ್ಮಸ್ಯಾಲಮ್ಮತಾಯೈತಸ್ಯ ಹಾಲಮೇವೋಜ್ಜಗೌ
ತಸ್ಮಾದಾಲಮ್ಯೈಲಾಜೋದ್ಗಾತೇತ್ಯಾಖ್ಯಾಪಯನ್ತಿ ೧೦ ೩೧
ಷಷ್ಠೇಽನುವಾಕೇ ತೃತೀಯಃ ಖಣ್ಡಃ

ತದ್ಧ ಸಾತ್ಯಕೀರ್ತಾ ಆಹುರ್ಯಾಂ ವಯಂ ದೇವತಾಮುಪಾಸ್ಮಹ ಏಕಮೇವ ವಯಂ ತಸ್ಯೈ ದೇವತಾಯೈ ರೂಪಂ ಗವ್ಯಾದಿಶಾಮ ಏಕಂ ವಾಹನ ಏಕಂ ಹಸ್ತಿನ್ಯೇಕಮ್ಪುರುಷ ಏಕಂ ಸರ್ವೇಷು ಭೂತೇಷು ತಸ್ಯಾ ಏವೇದಂ ದೇವತಾಯೈ ಸರ್ವಂ ರೂಪಮಿತಿ ೧ ತದೇತದೇಕಮೇವ ರೂಪಮ್ಪ್ರಾಣ ಏವ ಯಾವದ್ಧ್ಯೇವ ಪ್ರಾಣೇನ ಪ್ರಾಣಿತಿ ತಾವದ್ರೂ ಪಮ್ಭವತಿ ತದ್ರೂ ಪಮ್ಭವತಿ ೨ ತದಥ ಯದಾ ಪ್ರಾಣ ಉತ್ಕ್ರಾಮತಿ ದಾರ್ವೇವೇವ ಭೂತೋಽನರ್ಥ್ಯಃ ಪರಿಶಿಷ್ಯತೇ ನ ಕಿಂ ಚನ ರೂಪಮ್ ೩ ತಸ್ಯಾನ್ತರಾತ್ಮಾ ತಪಃ ತಸ್ಮಾ-ತ್ತಪ್ಯಮಾನಸ್ಯೋಷ್ಣತರಃ ಪ್ರಾಣೋ ಭವತಿ ೪ ತಪಸೋಽನ್ತರಾತ್ಮಾಗ್ನಿಃ ಸ ನಿರುಕ್ತಃ ತಸ್ಮಾತ್ಸ ದಹತಿ ೫ ಅಥಾಧಿದೇವತಮಿಯಮೇವೈಷಾ ದೇವತಾ ಯೋಽಯಮ್ಪವತೇ ತಸ್ಮಿನ್ನೇತಸ್ಮಿನ್ನಾಪೋಽನ್ತಃ ತದನ್ನಂ ಸೋಽರೂಕ್ಷ ಉಪಾಸಿತವ್ಯಃ ಯದಸ್ಮಿನ್ನಾಪೋಽನ್ತಸ್ತೇನಾರೂಕ್ಷಃ ೬ ತಸ್ಯಾನ್ತರಾತ್ಮಾ ತಪಸ್ತಸ್ಮಾದೇಷ ಆತಪತ್ಯುಷ್ಣತರಃ ಪವತೇ ೭ ತಪಸೋಽನ್ತರಾತ್ಮಾ ವಿದ್ಯುತ್ ಸ ನಿರುಕ್ತಃ ತಸ್ಮಾತ್ಸೋಽಪಿ ದಹತಿ ೮ ತಾನಿ ವಾ ಏತಾನಿ ಚತ್ವಾರಿ ಸಾಮ ಪ್ರಾಣೋ ವಾಙ್ಮನಸ್ಸ್ವರಃ ಸ ಏಷ ಪ್ರಣೋ ವಾಚಾ ಕರೋತಿ ಮನೋನೇತ್ರಃ ತಸ್ಯ ಸ್ವರ ಏವ ಪ್ರಜಾಃ ಪ್ರಜಾವಾನ್ಭವತಿ ಯ
ಏವಂ ವೇದ ೯ ೩೨
ಷಷ್ಠೇಽನುವಾಕೇ ಚತುರ್ಥಃ ಖಣ್ಡಃ

ಸ ಯೋ ವಾಯುಃ ಪ್ರಾಣ ಏವ ಸಃ ಯೋಽಗ್ನಿರ್ವಾಗೇವ ಸಾ ಯಶ್ಚನ್ದ್ರ ಮಾ ಮನ ಏವ ತದ್ ಯ ಆದಿತ್ಯಸ್ಸ್ವರ ಏವ ಸಃ ತಸ್ಮಾದೇತಮಾದಿತ್ಯಮಾಹುಸ್ಸ್ವರ ಏತೀತಿ ೧ ಸ ಯೋ ಹ ವಾ ಅಮೂರ್ದೇವತಾ ಉಪಾಸ್ತೇ ಯಾ ಅಮೂರಧಿದೇವತಂ ದೂರೂಪಾ ವಾ ಏತಾ ದುರನುಸಮ್ಪ್ರಾಪ್ಯಾ ಇವ ಕಸ್ತದ್ವೇದ ಯದ್ಯೇತಾ ಅನು ವಾ ಸಮ್ಪ್ರಾಪ್ನುಯಾನ್ನ ವಾ ೨ ಅಥ ಯ ಏನಾ ಅಧ್ಯಾತ್ಮಮುಪಾಸ್ತೇ ಸ ಹಾನ್ತಿದೇವೋ ಭವತಿ ನಿರ್ಜೀರ್ಯನ್ತೀವ ವಾ ಇತ ಏತಾ ತಸ್ಯ ವಾ ಏತಾಶ್ಶರೀರಸ್ಯ ಸಹ ಪ್ರಾಣೇನ ನಿರ್ಜೀರ್ಯನ್ತಿ ಕ ಉ ಏವ ತದ್ವೇದ ಯದ್ಯೇತಾ ಅನು ವಾ ಸಮ್ಪ್ರಾಪ್ನುಯಾನ್ನ ವಾ ೩ ಅಥ ಯ ಏನಾ ಉಭಯೀರೇಕಧಾ ಭವನ್ತೀರ್ವೇದ ಸ ಏವಾನುಷ್ಠ್ಯಾ ಸಾಮ ವೇದ ಸ ಆತ್ಮಾನಂ ವೇದ ಸ ಬ್ರಹ್ಮ ವೇದ ೪ ತದಾಹುಃ ಪ್ರಾದೇಶಮಾತ್ರಾದ್ವಾ ಇತ ಏತಾ ಏಕಮ್ಭವನ್ತಿ ಅತೋ ಹ್ಯಯಮ್ಪ್ರಾಣಸ್ಸ್ವರ್ಯ ಉಪರ್ಯುಪರಿ ವರ್ತತ ಇತಿ ೫ ಅಥ ಹೈಕ ಆಹುಶ್ಚತುರಙ್ಗುಲಾದ್ವಾ ಇತ ಏತಾ ಏಕಮ್ಭವನ್ತೀತಿ ಅತೋ ಹ್ಯೇವಾಯಮ್ಪ್ರಾಣಸ್ಸ್ವರ್ಯ ಉಪರ್ಯುಪರಿ ವರ್ತತ ಇತಿ ೬ ಸ ಏಷ ಬ್ರಹ್ಮಣ ಆವರ್ತಃ ಸ ಯ ಏವಮೇತಮ್ಬ್ರಹ್ಮಣ ಆವರ್ತಂ ವೇದಾಭ್ಯೇನಮ್ಪ್ರಜಾಃ ಪಶವ ಆವರ್ತನ್ತೇ ಸರ್ವಮಾಯುರೇತಿ ೭ ಸ ಯೋ ಹೈವಂ ವಿದ್ವಾನ್ಪ್ರಾಣೇನ ಪ್ರಾಣ್ಯಾಪಾನೇನಾಪಾನ್ಯ ಮನಸೈತಾ ಉಭಯೀರ್ದೇವತಾ ಆತ್ಮನ್ಯೇತ್ಯ ಮುಖ ಆಧತ್ತೇ ತಸ್ಯ ಸರ್ವಮಾಪ್ತಮ್ಭವತಿ ಸರ್ವಂ ಜಿತಂ ನ ಹಾಸ್ಯ ಕಶ್ಚನ ಕಾಮೋಽನಾಪ್ತೋ ಭವತಿ ಯ ಏವಂ ವೇದ ೮
೩೩
ಷಷ್ಠೇಽನುವಾಕೇ ಪಞ್ಚಮಃ ಖಣ್ಡಃ

ತದೇತನ್ಮಿಥುನಂ ಯದ್ವಾಕ್ಚ ಪ್ರಾಣಶ್ಚ ಮಿಥುನಮೃಕ್ಸಾಮೇ ಆಚತುರಂ ವಾವ ಮಿಥುನಮ್ಪ್ರಜನನಮ್ ೧ ತದ್ಯತ್ರಾದ ಆಹ ಸೋಮಃ ಪವತ ಇತಿ ವೋಪಾವರ್ತಧ್ವಮಿತಿ ವಾ ತತ್ಸಹೈವ ವಾಚಾ ಮನಸಾ ಪ್ರಾಣೇನ ಸ್ವರೇಣ ಹಿಙ್ಕುರ್ವನ್ತಿ ತಧಿಙ್ಕಾರೇಣ ಮಿಥುನಂ ಕ್ರಿಯತೇ ೨ ಸಹೈವ ವಾಚಾ ಮನಸಾ ಪ್ರಾಣೇನ ಸ್ವರೇಣ ನಿಧನಮುಪಯನ್ತಿ ತನ್ನಿಧನೇನ ಮಿಥುನಮ್ಕ್ರಿಯತೇ ೩ ತತ್ಸಪ್ತವಿಧಂ ಸಾಮ್ನಃ ಸಪ್ತಕೃತ್ವ ಉದ್ಗಾತಾತ್ಮಾನಂ ಚ ಯಜಮಾನಂ ಚ ಶರೀರಾತ್ಪ್ರಜನಯತಿ ೪ ಯಾದೃಶಸ್ಯೋ ಹ ವೈ ರೇತೋ ಭವತಿ ತಾದೃಶಂ ಸಮ್ಭವತಿ ಯದಿ ವೈ ಪುರುಷಸ್ಯ ಪುರುಷ ಏವ ಯದಿ ಗೋರ್ಗೌರೇವ ಯದ್ಯಶ್ವಸ್ಯಾಶ್ವ ಏವ ಯದಿ ಮೃಗಸ್ಯ ಮೃಗ ಏವ ಯಸ್ಯೈವ ರೇತೋ ಭವತಿ ತದೇವ ಸಮ್ಭವತಿ ೫ ತದ್ಯಥಾ ಹ ವೈ ಸುವರ್ಣಂ ಹಿರಣ್ಯಮಗ್ನೌ ಪ್ರಾಸ್ಯಮಾನಂ ಕಲ್ಯಾಣತರಂ ಕಲ್ಯಾಣತರಮ್ಭವತ್ಯೇವಮೇವ ಕಲ್ಯಾಣತರೇಣ ಕಲ್ಯಾಣತರೇಣಾತ್ಮನಾ ಸಮ್ಭವತಿ ಯ ಏವಂ ವೇದ ೬ ತದೇತದೃಚಾಭ್ಯನೂಚ್ಯತೇ
೭ ೩೪
ಷಷ್ಠೇಽನುವಾಕೇ ಷಷ್ಠಃ ಖಣ್ಡಃ

ಪತಙ್ಗಮಕ್ತಮಸುರಸ್ಯ ಮಾಯಯಾ ಹೃದಾ ಪಶ್ಯನ್ತಿ ಮನಸಾ ವಿಪಶ್ಚಿತಃ ಸಮುದ್ರೇ ಅನ್ತಃ ಕವಯೋ ವಿ ಚಕ್ಷತೇ ಮರೀಚೀನಾಮ್ಪದಮಿಚ್ಛನ್ತಿ ವೇಧಸ ಇತಿ ೧ ಪತಙ್ಗಮಕ್ತಮಿತಿ ಪ್ರಾಣೋ ವೈ ಪತಙ್ಗಃ ಪತನ್ನಿವ ಹ್ಯೇಷ್ವಙ್ಗೇಷ್ವತಿ ರಥಮುದೀಕ್ಷತೇ ಪತಙ್ಗ ಇತ್ಯಾಚಕ್ಷತೇ ೨ ಅಸುರಸ್ಯ ಮಾಯಯೇತಿ ಮನೋ ವಾ ಅಸುರಂ ತದ್ಧ್ಯಸುಷು ರಮತೇ ತಸ್ಯೈಷ ಮಾಯಯಾಕ್ತಃ ೩ ಹೃದಾ ಪಶ್ಯನ್ತಿ ಮನಸಾ ವಿಪಶ್ಚಿತ ಇತಿ ಹೃದೈವ ಹ್ಯೇತೇ ಪಶ್ಯನ್ತಿ ಯನ್ಮನಸಾ ವಿಪಶ್ಚಿತಃ ೪ ಸಮುದ್ರೇ ಅನ್ತಃ ಕವಯೋ ವಿ ಚಕ್ಷತ ಇತಿ ಪುರುಷೋ ವೈ ಸಮುದ್ರ ಏವಂವಿದ ಉ ಕವಯಃ ತ ಇಮಾಮ್ಪುರುಷೇಽನ್ತರ್ವಾಚಂ ವಿಚಕ್ಷತೇ ೫ ಮರೀಚೀನಾಮ್ಪದಮಿಚ್ಛನ್ತಿ ವೇಧಸ ಇತಿ ಮರೀಚ್ಯ ಇವ ವಾ ಏತಾ ದೇವತಾ ಯದಗ್ನಿರ್ವಾಯುರಾದಿತ್ಯಶ್ಚನ್ದ್ರ ಮಾಃ ೬ ನ ಹ ವಾ ಏತಾಸಾಂ ದೇವತಾನಾಮ್ಪದಮಸ್ತಿ ಪದೇನೋ ಹ ವೈ ಪುನರ್ಮೃತ್ಯುರನ್ವೇತಿ ೭ ತದೇತದನನ್ವಿತಂ ಸಾಮ ಪುನರ್ಮೃತ್ಯುನಾ ಅತಿ ಪುನರ್ಮೃತ್ಯುಂ ತರತಿ ಯ
ಏವಂ ವೇದ ೮ ೩೫
ಷಷ್ಠೇಽನುವಾಕೇ ಸಪ್ತಮಃ ಖಣ್ಡಃ

ಪತಙ್ಗೋ ವಾಚಮ್ಮನಸಾ ಬಿಭರ್ತಿ ತಾಂ ಗನ್ಧರ್ವೋಽವದದ್ಗರ್ಭೇ ಅನ್ತಃ ತಾಂ ದ್ಯೋತಮಾನಾಂ ಸ್ವರ್ಯಮ್ಮನೀಷಾಮೃತಸ್ಯ ಪದೇ ಕವಯೋ ನಿ ಪಾನ್ತೀತಿ ೧ ಪತಙ್ಗೋ ವಾಚಮ್ಮನಸಾ ಬಿಭರ್ತೀತಿ ಪ್ರಾಣೋ ವೈ ಪತಙ್ಗಃ ಸ ಇಮಾಂ ವಾಚಮ್ಮನಸಾ ಬಿಭರ್ತಿ ೨ ತಾಂ ಗನ್ಧರ್ವೋಽವದದ್ಗರ್ಭೇ ಅನ್ತರಿತಿ ಪ್ರಾಣೋ ವೈ ಗನ್ಧರ್ವಃ ಪುರುಷ ಉ ಗರ್ಭಃ ಸ ಇಮಾಮ್ಪುರುಷೇಽನ್ತರ್ವಾಚಂ ವದತಿ ೩ ತಾಂ ದ್ಯೋತಮಾನಾಂ ಸ್ವರ್ಯಮ್ಮನೀಷಾಮಿತಿ ಸ್ವರ್ಯಾ ಹ್ಯೇಷಾ ಮನೀಷಾ ಯದ್ವಾಕ್ ೪ ಋತಸ್ಯ ಪದೇ ಕವಯೋ ನಿ ಪಾನ್ತೀತಿ ಮನೋ ವಾ ಋತಮೇವಂವಿದ ಉ ಕವಯಃ ಓಮಿತ್ಯೇತದೇವಾಕ್ಷರಮೃತಂ ತೇನ ಯದೃ-
ಚಮ್ಮೀಮಾಂಸನ್ತೇ ಯದ್ಯಜುರ್ತತ್ಸಾಮ ತದೇನಾಂ ನಿಪಾನ್ತಿ ೫ ೩೬
ಷಷ್ಠೇಽನುವಾಕೇಽಷ್ಟಮಃ ಖಣ್ಡಃ

ಅಪಶ್ಯಂ ಗೋಪಾಮನಿಪದ್ಯಮಾನಮಾ ಚ ಪರಾ ಚ ಪಥಿಭಿಶ್ಚರನ್ತಂ ಸ ಸಧ್ರೀಚೀಸ್ಸ ವಿಷೂ-ಚೀರ್ವಸಾನ ಆ ವರೀವರ್ತ್ತಿ ಭುವನೇಷ್ವನ್ತರಿತಿ ೧ ಅಪಶ್ಯಂ ಗೋಪಾಮನಿಪದ್ಯಮಾನಮಿತಿ ಪ್ರಾಣೋ ವೈ ಗೋಪಾಃ ಸ ಹೀದಂ ಸರ್ವಮನಿಪದ್ಯಮಾನೋ ಗೋಪಾಯತಿ ೨ ಆ ಚ ಪರಾ ಚ ಪಥಿ-ಭಿಶ್ಚರನ್ತಮಿತಿ ತದ್ಯೇ ಚ ಹ ವಾ ಇಮೇ ಪ್ರಾಣಾ ಅಮೀ ಚ ರಶ್ಮಯ ಏತೈರ್ಹ ವಾ ಏಷ ಏತದಾ ಚ ಪರಾ ಚ ಪಥಿಭಿಶ್ಚರತಿ ೩ ಸ ಸಧ್ರೀಚೀಸ್ಸ ವಿಷೂಚೀರ್ವಸಾನ ಇತಿ ಸಧ್ರೀಚೀಶ್ಚ ಹ್ಯೇಷ ಏತದ್ವಿಷೂಚೀಶ್ಚ ಪ್ರಜಾ ವಸ್ತೇ ೪ ಆ ವರೀವರ್ತ್ತಿ ಭುವನೇಷ್ವನ್ತರಿತಿ ಏಷ ಹ್ಯೇವೈಷು ಭುವ-ನೇಷ್ವನ್ತರಾವರೀವರ್ತ್ತಿ ೫ ಸ ಏಷ ಇನ್ದ್ರ ಉದ್ಗೀಥಃ ಸ ಯದೈಷ ಇನ್ದ್ರ ಉದ್ಗೀಥ ಆಗಚ್ಛತಿ ನೈವೋದ್ಗಾತುಶ್ಚೋಪಗಾತೄಣಾಂ ಚ ವಿಜ್ಞಾಯತೇ ಇತ ಏವೋರ್ಧ್ವಸ್ಸ್ವರುದೇತಿ ಸ ಉಪರಿ ಮೂರ್ಧ್ನೋ ಲೇಲಾಯತಿ ೬ ಸ ವಿದ್ಯಾದಾಗಮದಿನ್ದ್ರೋ ನೇಹ ಕಶ್ಚನ ಪಾಪ್ಮಾ ನ್ಯಙ್ಗಃ ಪರಿಶೇಕ್ಷ್ಯತ ಇತಿ ತಸ್ಮಿನ್ಹ ನ ಕಶ್ಚನ ಪಪ್ಮಾ ನ್ಯಙ್ಗಃ ಪರಿಶಿಷ್ಯತೇ ೭ ತದೇತದಭ್ರಾತೃವ್ಯಂ ಸಾಮ ನ ಹ ವಾ ಇನ್ದ್ರ ಃ! ಕಂ ಚನ ಭ್ರಾತೃವ್ಯಮ್ಪಶ್ಯತೇ ಸ ಯಥೇನ್ದ್ರೋ ನ ಕಂ ಚನ ಭ್ರಾತೃವ್ಯಮ್ಪಶ್ಯತ ಏವಮೇವ ನ
ಕಂ ಚನ ಭ್ರಾತೃವ್ಯಮ್ಪಶ್ಯತೇ ಯ ಏತದೇವಂ ವೇದಾಥೋ ಯಸ್ಯೈವಂ ವಿದ್ವಾನುದ್ಗಾಯತಿ ೮ ೩೭
ಷಷ್ಠೇಽನುವಾಕೇ ನವಮಃ ಖಣ್ಡಃ
ಷಷ್ಠೋಽನುವಾಕಸ್ಸಮಾಪ್ತಃ

ಪ್ರಜಾಪತಿಮ್ಬ್ರಹ್ಮಾಸೃಜತ ತಮಪಶ್ಯಮಮುಖಮಸೃಜತ ೧ ತಮಪ್ರಪಶ್ಯಮಮುಖಂ ಶಯಾನ-ಮ್ಬ್ರಹ್ಮಾವಿಶತ್ ಪುರುಷ್ಯಂ ತತ್ ಪ್ರಾಣೋ ವೈ ಬ್ರಹ್ಮ ಪ್ರಾಣೋ ವಾವೈನಂ ತದಾವಿಶತ್ ೨ ಸ ಉದತಿ-ಷ್ಠತ್ಪ್ರಜಾನಾಂ ಜನಯಿತಾ ತಂ ರಕ್ಷಾಂಸ್ಯನ್ವಸಚನ್ತ ೩ ತಮೇತದೇವ ಸಾಮ ಗಾಯನ್ನತ್ರಾಯತ ಯದ್ಗಾಯನ್ನತ್ರಾಯತ ತದ್ಗಾಯತ್ರಸ್ಯ ಗಾಯತ್ರತ್ವಮ್ ೪ ತ್ರಾಯತ ಏನಂ ಸರ್ವಸ್ಮಾತ್ಪಾಪ್ಮನೋ ಮುಚ್ಯತೇ ಯ ಏವಂ ವೇದ ೫ ತಮುಪಾಸ್ಮೈ ಗಾಯತಾ ನರ ಇತ್ಯೃಚಾಶ್ರವಣೀಯೇನೋಪಾಗಾಯನ್ ೬ ಯದುಪಾಸ್ಮೈ ಗಾಯತಾ ನರ ಇತಿ ತೇನ ಗಾಯತ್ರಮಭವತ್ತಸ್ಮಾದೇಷೈವ ಪ್ರತಿಪತ್ಕಾರ್ಯಾ ೭ ಪವಮಾನಾಯೇನ್ದಾವಾ ಅಭಿ ದೇವಮಿಯಾ ಹುಂ ಭಾ ಕ್ಷಾತಾ ಇತಿ ಷೋಡಶಾಕ್ಷರಾಣ್ಯಭ್ಯಗಾಯನ್ತ ಷೋಡಶಕಲಂ ವೈ ಬ್ರಹ್ಮ ಕಲಾಶ ಏವೈನಂ ತದ್ಬ್ರಹ್ಮಾವಿಶತ್ ೮ ತದೇತಚ್ಚತುರ್ವಿಂಶತ್ಯಕ್ಷರಂ ಗಾಯತ್ರಮಷ್ಟಾಕ್ಷರಃ ಪ್ರಸ್ತಾವಃ ಷೋಡಶಾಕ್ಷರಂ ಗೀತಂ ತಚ್ಚತುರ್ವಿಂಶತಿಸ್ಸಮ್ಪದ್ಯನ್ತೇ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ಸಂವ-ತ್ಸರಸ್ಸಾಮ ೯ ತಾ ಋಚಶ್ಶರೀರೇಣ ಮೃತ್ಯುರನ್ವೈತತ್ತದ್ಯಚ್ಛರೀರವತ್ತನ್ಮೃತ್ಯೋರಾಪ್ತಮಥ ಯದಶ-
ರೀರಂ ತದಮೃತಂ ತಸ್ಯಾಶರೀರೇಣ ಸಾಮ್ನಾ ಶರೀರಾಣ್ಯಧೂನೋತ್ ೧೦ ೩೮
ಸಪ್ತಮೇಽನುವಾಕೇ ಪ್ರಥಮಃ ಖಣ್ಡಃ

ಓವಾ೩ಚೋವಾ೩ಚೋವಾ೩ಛುಮ್ಭಾ ಓವಾ ಇತಿ ಷೋಡಶಾಕ್ಷರಾಣ್ಯಭ್ಯಗಾಯತ ಷೋಡಶಕಲೋ ವೈ ಪುರುಷಃ ಕಲಾಶ ಏವಾಸ್ಯ ತಚ್ಛರೀರಾಣ್ಯಧೂನೋತ್ ೧ ಸ ಏಷೋಽಪಹತಪಾಪ್ಮಾ ಧೂತಶರೀರಃ ತದೇಕ್ಕ್ರಿಯಾವೃತಿಯುದಾಸಂಗಾಯತ್ಯೋ ಇತ್ಯುದಾಸ ಆ ಇತಿ ಆವೃದ್ಯಾತ್ ವಾಗಿತಿ ತದ್ಬ್ರಹ್ಮ ತದಿದನ್ತರಿಕ್ಷಂ ಸೋಽಯಂ ವಾಯುಃ ಪವತೇ ಹುಮಿತಿ ಚನ್ದ್ರ ಮಾಃ ಭಾ ಇತ್ಯಾದಿತ್ಯಃ ೨ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋರ್ಭಾತೀತ್ಯಾಚಕ್ಷತೇ ೩ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋರ-ಭ್ರಮಿತ್ಯಾಚಕ್ಷತೇ ೪ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋಃ ಕುಭ್ರಮಿತ್ಯಾಚಕ್ಷತೇ ೫ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋಶ್ಶುಭ್ರಮಿತ್ಯಾಚಕ್ಷತೇ ೬ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋ-ರ್ವೃಷಭ ಇತ್ಯಾಚಕ್ಷತೇ ೭ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋರ್ದರ್ಭ ಇತ್ಯಾಚಕ್ಷತೇ ೮ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋರ್ಯೋ ಭಾತೀತ್ಯಾಚಕ್ಷತೇ ೯ ಏತಸ್ಯ ಹ ವಾ ಇದಮಕ್ಷರಸ್ಯ ಕ್ರತೋ-ಸ್ಸಮ್ಭವತೀತ್ಯಾಚಕ್ಷತೇ ೧೦ ತದ್ಯತ್ಕಿಂ ಚ ಭಾ೩ ಇತಿ ಚ ಭಾ೩ ಇತಿ ಚ ತದೇತನ್ಮಿಥುನಂ
ಗಾಯತ್ರಂ ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ೧೧ ೩೯
ಸಪ್ತಮೇಽನುವಾಕೇ ದ್ವಿತೀಯಃ ಖಣ್ಡಃ

ತದೇತದಮೃತಂ ಗಾಯತ್ರಮ್ ಏತೇನ ವೈ ಪ್ರಜಾಪತಿರಮೃತತ್ವಮಗಚ್ಛದೇತೇನ ದೇವಾ ಏತೇನರ್ಷಯಃ ೧ ತದೇತದ್ಬ್ರಹ್ಮ ಪ್ರಜಾಪತಯೇಽಬ್ರವೀತ್ಪ್ರಜಾಪತಿಃ ಪರಮೇಷ್ಠಿನೇ ಪ್ರಾಜಾಪತ್ಯಾಯ ಪರಮೇಷ್ಠೀ ಪ್ರಾಜಾಪತ್ಯೋ ದೇವಾಯ ಸವಿತ್ರೇ ದೇವಸ್ಸವಿತ್ತಾಗ್ನಯೇಽಗ್ನಿರಿನ್ದ್ರಾ ಯೇನ್ದ್ರ ಃ! ಕಾಶ್ಯಪಾಯ ಕಾಶ್ಯಪ ಋಶ್ಯಶೃಙ್ಗಾಯ ಕಾಶ್ಯಪಾಯರ್ಶ್ಯಶೃಙ್ಗಃ ಕಾಶ್ಯಪೋ ದೇವತರಸೇ ಶ್ಯಾವಸಾಯನಾಯ ಕಾಶ್ಯಪಾಯ ದೇವತರಾಶ್ಶ್ಯಾವಸಾಯನಃ ಕಾಶ್ಯಪಶ್ಶ್ರುಷಾಯ ವಾಹ್ನೇಯಾಯ ಕಾಶ್ಯಪಾಯ ಶ್ರುಷೋ ವಾಹ್ನೇಯಃ ಕಾಶ್ಯಪ ಇನ್ದ್ರೋ ತಾಯ ದೈವಾಪಾಯ ಶೌನಕಾಯೇನ್ದ್ರೋ ತೋ ದೈವಾಪಶ್ಶೌನಕೋ ದೃತಯ ಐನ್ದ್ರೋ ತಯೇ ಶೌನಕಾಯ ದೃತಿರೈನ್ದ್ರೋ ತಿಶ್ಶೌನಕಃ ಪುಲುಷಾಯ ಪ್ರಾಚಿನಾಯೋಗ್ಯಾಯ ಪುಲುಷಃ ಪ್ರಾಚೀನ-ಯೋಗ್ಯಸ್ಸತ್ಯಯಜ್ಞಾಯ ಪೌಲುಷಯೇ ಪ್ರಾಚೀನಯೋಗ್ಯಾಯ ಸತ್ಯಯಜ್ಞಃ ಪೌಲುಷಿಃ ಪ್ರಾಚೀನಯೋ-ಗ್ಯಸ್ಸೋಮಶುಷ್ಮಾಯ ಸಾತ್ಯಯಜ್ಞಯೇ ಪ್ರಾಚೀನಯೋಗ್ಯಾಯ ಸೋಮಶುಷ್ಮಸ್ಸಾತ್ಯಯಜ್ಞಿಃ ಪ್ರಾಚೀನ-ಯೋಗ್ಯೋ ಹೃಸ್ತ್ವಾಶಯಾಯಾಲ್ಲಕೇಯಾಯ ಮಾಹಾವೃಷಾಯ ರಾಜ್ಞೇ ಹೃತ್ಸ್ವಾಶಯ ಆಲ್ಲಕೇಯೋ ಮಾಹಾವೃಷೋ ರಾಜಾ ಜನಶ್ರುತಾಯ ಕಾಣ್ಡ್ವಿಯಾಯ ಜನಶ್ರುತಃ ಕಾಣ್ಡ್ವಿಯಸ್ಸಾಯಕಾಯ ಜಾನಶ್ರುತೇಯಾಯ ಕಾಣ್ಡ್ವಿಯಾಯ ಸಾಯಕೋ ಜಾನಶ್ರುತೇಯಃ ಕಾಣ್ಡ್ವಿಯೋ ನಗರಿಣೇ ಜಾನ-ಶ್ರುತೇಯಾಯ ಕಾಣ್ಡ್ವಿಯಾಯ ನಗರೀ ಜಾನಶ್ರುತೇಯಃ ಕಾಣ್ಡ್ವಿಯಶ್ಶಙ್ಗಾಯ ಶಾಟ್ಯ್ಕ್ತ ಅಯನಯ ಆತ್ರೇಯಾಯ ಶಙ್ಗಶ್ಶಾಟ್ಯಾಯನಿರಾತ್ರೇಯೋ ರಾಮಾಯ ಕ್ರಾತುಜಾತೇಯಾಯ ವೈಯಾಘ್ರಪದ್ಯಾಯ ರಾಮಃ
ಕ್ರಾತುಜಾತೇಯೋ ವೈಯಾಘ್ರಪದ್ಯಃ ೨ ೪೦
ಸಪ್ತಮೇಽನುವಾಕೇ ತೃತೀಯಃ ಖಣ್ಡಃ

ಶಙ್ಖಾಯ ಬಾಭ್ರವ್ಯಾಯ ಶಙ್ಖೋ ಬಾಭ್ರವ್ಯೋ ದಕ್ಷಾಯ ಕಾತ್ಯಾಯನಯ ಆತ್ರೇಯಾಯ ದಕ್ಷಃ ಕಾತ್ಯಾಯನಿರಾತ್ರೇಯಃ ಕಂಸಾಯ ವಾರಕಯೇ ಕಂಸೋ ವಾರಿಕಿಃ ಪ್ರೋಷ್ಠಪಾದಾಯ ವಾರಕ್ಯಾಯ ಪ್ರೋಷ್ಠಪಾದೋ ವಾರಕ್ಯಃ ಕಂಸಾಯ ವಾರಕ್ಯಾಯ ಕಂಸೋ ವಾರಕ್ಯೋ ಜಯನ್ತಾಯ ವಾರಕ್ಯಾಯ ಜಯನ್ತೋ ವಾರಕ್ಯಃ ಕುಬೇರಾಯ ವಾರಕ್ಯಾಯ ಕುಬೇರೋ ವಾರಕ್ಯೋ ಜಯನ್ತಾಯ ವಾರಕ್ಯಾಯ ಜಯನ್ತೋ ವಾರಕ್ಯೋ ಜನಶ್ರುತಾಯ ವಾರಕ್ಯಾಯ ಜನಶ್ರುತೋ ವಾರಕ್ಯಸ್ಸುದತ್ತಾಯ ಪಾರಾಶರ್ಯಾಯ ಸುದತ್ತಃ ಪಾರಾಶರ್ಯೋಽಷಾಢಾಯೋತ್ತರಾಯ ಪಾರಾಶರ್ಯಾಯಾಷಾಢ ಉತ್ತರಃ ಪಾರಾಶರ್ಯೋ ವಿಪಶ್ಚಿತೇ ಶಕುನಿಮಿತ್ರಾಯ ಪಾರಾಶರ್ಯಾಯ ವಿಪಶ್ಚಿಚ್ಛಕುನಿಮಿತ್ರಃ ಪಾರಾಶರ್ಯೋ ಜಯನ್ತಾಯ ಪಾರಾ-
ಶರ್ಯಾಯ ಜಯನ್ತಃ ಪಾರಾಶರ್ಯಃ ೧ ೪೧
ಸಪ್ತಮೇಽನುವಾಕೇ ಚತುರ್ಥಃ ಖಣ್ಡಃ

ಶ್ಯಾಮಜಯನ್ತಾಯ ಲೌಹಿತ್ಯಾಯ ಶ್ಯಾಮಜಯನ್ತೋ ಲೌಹಿತ್ಯಃ ಪಲ್ಲಿಗುಪ್ತಾಯ ಲೌಹಿತ್ಯಾಯ ಪಲ್ಲಿಗುಪ್ತೋ ಲೌಹಿತ್ಯಸ್ಸತ್ಯಶ್ರವಸೇ ಲೌಹಿತ್ಯಾಯ ಸತ್ಯಶ್ರವಾ ಲೌಹಿತ್ಯಃ ಕೃಷ್ಣಧೃತಯೇ ಸಾತ್ಯಕಯೇ ಕೃಷ್ಣಧೃತಿಸ್ಸಾತ್ಯಕಿಶ್ಶ್ಯಾಮಸುಜಯನ್ತಾಯ ಲೌಹಿತ್ಯಾಯ ಶ್ಯಾಮಸುಜಯನ್ತೋ ಲೌಹಿತ್ಯಃ ಕೃಷ್ಣದತ್ತಾಯ ಲೌಹಿತ್ಯಾಯ ಕೃಷ್ಣದತ್ತೋ ಲೌಹಿತ್ಯೋ ಮಿತ್ರಭೂತಯೇ ಲೌಹಿತ್ಯಾಯ ಮಿತ್ರಭೂತಿರ್ಲೌಹಿತ್ಯಶ್ಶ್ಯಾಮಜಯನ್ತಾಯ ಲೌಹಿತ್ಯಾಯ ಶ್ಯಾಮಜಯನ್ತೋ ಲೌಹಿತ್ಯಸ್ತ್ರಿ-ವೇದಾಯ ಕೃಷ್ಣರಾತಾಯ ಲೌಹಿತ್ಯಾಯ ತ್ರಿವೇದಃ ಕೃಷ್ಣರಾತೋ ಲೌಹಿತ್ಯೋ ಯಶಸ್ವಿನೇ ಜಯನ್ತಾಯ ಲೌಹಿತ್ಯಾಯ ಯಶಸ್ವೀ ಜಯನ್ತೋ ಲೌಹಿತ್ಯೋ ಜಯಕಾಯ ಲೌಹಿತ್ಯಾಯ ಜಯಕೋ ಲೌಹಿತ್ಯಃ ಕೃಷ್ಣರಾತಾಯ ಲೌಹಿತ್ಯಾಯ ಕೃಷ್ಣರಾತೋ ಲೌಹಿತ್ಯೋ ದಕ್ಷಜಯನ್ತಾಯ ಲೌಹಿತ್ಯಾಯ ದಕ್ಷಜಯನ್ತೋ ಲೌಹಿತ್ಯೋ ವಿಪಶ್ಚಿತೇ ದೃಢಜಯನ್ತಾಯ ಲೌಹಿತ್ಯಾಯ ವಿಪಶ್ಚಿದ್ದೃಢಜಯನ್ತೋ ಲೌಹಿತ್ಯೋ ವೈಪಶ್ಚಿತಾಯ ದಾರ್ಢಜಯನ್ತಯೇ ದೃಢಜಯನ್ತಾಯ ಲೌಹಿತ್ಯಾಯ ವೈಪಶ್ಚಿತೋ ದಾರ್ಢಜಯನ್ತಿರ್ದೃಧಜಯನ್ತೋ ಲೌಹಿತ್ಯೋ ವೈಪಶ್ಚಿತಾಯ ದಾರ್ಢಜಯನ್ತಯೇ ಗುಪ್ತಾಯ ಲೌಹಿತ್ಯಾಯ ೧ ತದೇತದಮೃತಂ ಗಾಯತ್ರಮಥ ಯಾನ್ಯನ್ಯಾನಿ ಗೀತಾನಿ ಕಾಮ್ಯಾನ್ಯೇವ ತಾನಿ ಕಾಮ್ಯಾನ್ಯೇವ
ತಾನಿ ೨ ೪೨
ಸಪ್ತಮೇಽನುವಾಕೇ ಪಞ್ಚಮಃ ಖಣ್ಡಃ
ಸಪ್ತಮೋಽನುವಾಕಸ್ಸಮಾಪ್ತಃ
ಇತಿ ತೃತೀಯೋಽಧ್ಯಾಯಃ

ಅಥ ಚತುರ್ಥೋಽಧ್ಯಾಯಃ
ಶ್ವೇತಾಶ್ವೋ ದರ್ಶತೋ ಹರಿನೀಲೋಽಸಿ ಹರಿತಸ್ಪೃಶಸ್ಸಮಾನಬುದ್ಧೋ ಮಾ ಹಿಂಸೀಃ ನ ಮಾಂ ತ್ವಂ ವೇತ್ಥ ಪ್ರದ್ರ ವ ೧ ಯದಭ್ಯವಚರಣೋಽಭ್ಯವೈಷಿ ಸ್ವಪನ್ತಮ್ಪುರುಷಮಕೋವಿದಮಶ್ಮಮಯೇನ ವರ್ಮಣಾ ವರುಣೋಽನ್ತರ್ದಧಾತು ಮಾ ೨ ಯದಭ್ಯವಚರಣೋಽಭ್ಯವೈಷಿ ಸ್ವಪನ್ತಮ್ಪುರುಷಮಕೋವಿದಮಯ-ಸ್ಮಯೇನ ವರ್ಮಣಾ ವರುಣೋಽನ್ತರ್ದಧಾತು ಮಾ ೩ ಯದಭ್ಯವಚರಣೋಽಭ್ಯವೈಷಿ ಸ್ವಪನ್ತಮ್ಪುರುಷ-ಮಕೋವಿದಂ ಲೋಹಮಯೇನ ವರ್ಮಣಾ ವರುಣೋಽನ್ತರ್ದಧಾತು ಮಾ ೪ ಯದಭ್ಯವಚರಣೋಽಭ್ಯವೈಷಿ ಸ್ವಪನ್ತಮ್ಪುರುಷಮಕೋವಿದಂ ರಜತಮಯೇನ ವರ್ಮಣಾ ವರುಣೋಽನ್ತರ್ದಧಾತು ಮಾ ೫ ಯದಭ್ಯವ-ಚರಣೋಽಭ್ಯವೈಷಿ ಸ್ವಪನ್ತಮ್ಪುರುಷಂ ಸುವರ್ಣಮಯೇನ ವರ್ಮಣಾ ವರುಣೋಽನ್ತರ್ದಧಾತು ಮಾ ೬ ಆಯುರ್ಮಾತಾ ಮತಿಃ ಪಿತಾ ನಮಸ್ತ ಆವಿಶೋಷಣ ಗ್ರಹೋ ನಾಮಾಸಿ ವಿಶ್ವಾಯುಸ್ತಸ್ಮೈ ತೇ ವಿಶ್ವಾಹಾ ನಮೋ ನಮಸ್ತಾಮ್ರಾಯ ನಮೋ ವರುಣಾಯ ನಮೋ ಜಿಘಾಂಸತೇ ೭ ಯಕ್ಷ್ಮ ರಾಜನ್ಮಾ
ಮಾಂ ಹಿಂಸೀಃ ರಾಜನ್ಯಕ್ಷ್ಮ ಮಾ ಹಿಂಸೀಃ ತಯೋಸ್ಸಂವಿದಾನಯೋಸ್ಸರ್ವಮಾಯುರಯಾನ್ಯಹಮ್ ೮ ೧
ಪ್ರಥಮೋಽನುವಾಕಸ್ಸಮಾಪ್ತಃ

ಪುರುಷೋ ವೈ ಯಜ್ಞಃ ೧ ತಸ್ಯ ಯಾನಿ ಚತುರ್ವಿಂಶತಿರ್ವರ್ಷಾಣಿ ತತ್ಪ್ರಾತಸ್ಸವನಂ ಚತುರ್ವಿಂಶತ್ಯಕ್ಷರಾ ಗಾಯತ್ರೀ ಗಾಯತ್ರಮ್ಪ್ರಾತಸ್ಸವನಮ್ ೨ ತದ್ವಸೂನಾಂ ಪ್ರಾಣಾ ವೈ ವಸವಃ ಪ್ರಾಣಾ ಹೀದಂ ಸರ್ವಂ ವಸ್ವಾದದತೇ ೩ ಸ ಯದ್ಯೇನಮೇತಸ್ಮಿನ್ಕಾಲ ಉಪತಪದುಪದ್ರ ವೇತ್ಸ ಬ್ರೂಯಾತ್ಪ್ರಾಣಾ ವಸವ ಇದಮ್ಮೇ ಪ್ರಾತಸ್ಸವನಮ್ಮಾಧ್ಯನ್ದಿನೇನ ಸವನೇನಾನುಸಂತನುತೇತಿ ಅಗದೋ ಹೈವ ಭವತಿ ೪ ಅಥ ಯಾನಿ ಚತುಶ್ಚತ್ವಾರಿಂಶತಂ ವರ್ಷಾಣಿ ತನ್ಮಾಧ್ಯನ್ದಿನಂ ಸವನಂ ಚತುಶ್ಚತ್ವಾರಿಂಶದಕ್ಷರಾ ತ್ರಿಷ್ಟುಪ್ ತ್ರೈಷ್ಟುಭಮ್ಮಾಧ್ಯನ್ದಿನಂ ಸವನಮ್ ೫ ತದ್ರುದ್ರಾ ಣಾಂ ಪ್ರಾಣಾ ವೈ ರುದ್ರಾ ಃ! ಪ್ರಾಣಾ ಹೀದಂ ಸರ್ವಂ ರೋದಯನ್ತಿ ೬ ಸ ಯದ್ಯೇನಮೇತಸ್ಮಿನ್ಕಾಲ ಉಪತಪದುಪದ್ರ ವೇತ್ಸ ಬ್ರೂಯಾತ್ಪ್ರಾಣಾ ರುದ್ರಾ ಇದಮ್ಮೇ ಮಾಧ್ಯನ್ದಿನಂ ಸವನಂ ತೃತೀಯಸವನೇನಾನುಸಂತನುತೇತಿ ಅಗದೋ ಹೈವ ಭವತಿ ೭ ಅಥ ಯಾನ್ಯಷ್ಟಾಚತ್ವಾ-ರಿಂಶತಂ ವರ್ಷಾಣಿ ತತ್ತೃತೀಯಸವನಮಷ್ಟಾಚತ್ವಾರಿಂಶದಕ್ಷರಾ ಜಗತೀ ಜಾಗತಂ ತೃತೀಯಸವನಮ್ ೮ ತದಾದಿತ್ಯಾನಾಂ ಪ್ರಾಣಾ ವಾ ಆದಿತ್ಯಾಃ ಪ್ರಾಣಾ ಹೀದಂ ಸರ್ವಮಾದದತೇ ೯ ಸ ಯದ್ಯೇ-ನಮೇತಸ್ಮಿನ್ಕಾಲ ಉಪತಪದುಪದ್ರ ವೇತ್ಸ ಬ್ರೂಯಾತ್ಪ್ರಾಣಾ ಆದಿತ್ಯಾ ಇದಮ್ಮೇ ತೃತೀಯಸವನಮಾ-ಯುಷಾನುಸಂತನುತೇತಿ ಅಗದೋ ಹೈವ ಭವತಿ ೧೦ ಏತದ್ಧ ತದ್ವಿದ್ವಾನ್ಬ್ರಾಹ್ಮಣ ಉವಾಚ ಮಹಿದಾಸ ಐತರೇಯ ಉಪತಪತಿ ಕಿಮಿದಮುಪತಪಸಿ ಯೋಽಹಮನೇನೋಪತಪತಾ ನ ಪ್ರೇಷ್ಯಾಮೀತಿ ಸ ಹ ಷೋಡಶಶತಂ ವರ್ಷಾಣಿ ಜಿಜೀವ ಪ್ರ ಹ ಷೋಡಶಶತಂ ವರ್ಷಾಣಿ ಜೀವತಿ ನೈನಮ್ಪ್ರಾಣಸ್ಸಾ-
ಮ್ಯಾಯುಷೋ ಜಹಾತಿ ಯ ಏವಂ ವೇದ ೧೧
ದ್ವಿತೀಯೋಽನುವಾಕಸ್ಸಮಾಪ್ತಃ ೨

ತ್ರ್! ಯಾಯುಷಂ ಕಶ್ಯಪಸ್ಯ ಜಮದಗ್ನೇಸ್ತ್ರ್! ಯಾಯುಷಂ ತ್ರೀಣ್ಯಮೃತಸ್ಯ ಪುಷ್ಪಾಣಿ ತ್ರೀಣ್ಯಾಯೂಂಷಿ ಮೇಽಕೃಣೋಃ ೧ ಸ ನೋ ಮಯೋಭೂಃ ಪಿತವಾವಿಶಸ್ವ ಶಾನ್ತಿಕೋ ಯಸ್ತನುವೇ ಸ್ಯೋನಃ ೨ ಯೇಽಗ್ನಯಃ
ಪುರೀಷ್ಯಾಃ ಪ್ರವಿಷ್ಟಾಃ ಪೃಠಿವೀಮನು ತೇಷಾಂ ತ್ವಮಸ್ಯುತ್ತಮಃ ಪ್ರ ಣೋ ಜೀವಾತವೇ ಸುವ ೩ ೩
ತೃತೀಯೋಽನುವಾಕಸ್ಸಮಾಪ್ತಃ

ಅರಣ್ಯಸ್ಯ ವತ್ಸೋಽಸಿ ವಿಶ್ವನಾಮಾ ವಿಶ್ವಾಭಿರಕ್ಷಣೋಽಪಾಮ್ಪಕ್ವೋಽಸಿ ವರುಣಸ್ಯ ದೂತೋಽನ್ತರ್ಧಿನಾಮ ೧ ಯಥಾ ತ್ವಮಮೃತೋ ಮರ್ತ್ಯೇಭ್ಯೋಽನ್ತರ್ಹಿತೋಽಸ್ಯೇವಂ ತ್ವಮಸ್ಮಾನಘಾ-
ಯುಭ್ಯೋಽನ್ತರ್ಧೇಹಿ ಅನ್ತರ್ಧಿರಸಿ ಸ್ತೇನೇಭ್ಯಃ ೨ ೪
ಚತುರ್ಥೋಽನುವಾಕಸ್ಸಮಾಪ್ತಃ

ವ್ಯುಷಿ ಸವಿತಾ ಭವಸ್ಯುದೇಷ್ಯನ್ವಿಷ್ಣುರುದ್ಯನ್ಪುರುಷ ಉದಿತೋ ಬೃಹಸ್ಪತಿರಭಿಪ್ರಯನ್ಮಘವೇನ್ದ್ರೋ ವೈಕುಣ್ಠೋ ಮಾಧ್ಯನ್ದಿನೇ ಭಗೋಽಪರಾಹ್ನ ಉಗ್ರೋ ದೇವೋ ಲೋಹಿತಾಯನ್ನಸ್ತಮಿತೇ ಯಮೋ ಭವಸಿ ೧ ಅಶ್ನಸು ಸೋಮೋ ರಾಜಾ ನಿಶಾಯಾಮ್ಪಿತೃರಾಜಸ್ಸ್ವಪ್ನೇ ಮನುಷ್ಯಾನ್ಪ್ರವಿಶಸಿ ಪಯಸಾ ಪಶೂನ್ ೨ ವಿರಾತ್ರೇ ಭವೋ ಭವಸ್ಯಪರರಾತ್ರೇಽಙ್ಗಿರಾ ಅಗ್ನಿಹೋತ್ರವೇಲಾಯಾಮ್ಭೃಗುಃ ೩ ತಸ್ಯ ತದೇತದೇವ ಮಣ್ಡಲಮೂಧಃ ತಸ್ಯೈತೌ ಸ್ತನೌ ಯದ್ವಾಕ್ಚ ಪ್ರಾಣಶ್ಚ ತಾಭ್ಯಾಮ್ಮೇ ಧುಕ್ಷ್ವಾಧ್ಯಾ-ಯಮ್ಬ್ರಹ್ಮಚರ್ಯಮ್ಪ್ರಜಾಮ್ಪಶೂನ್ಸ್ವರ್ಗಂ ಲೋಕಂ ಸಜಾತವನಸ್ಯಾಮ್ ೪ ಏತಾ ಆಶಿಷ ಆಶಾಸೇ
ಭೂರ್ಭುವಸ್ಸ್ವಃ ಉದಿತೇ ಶುಕ್ರಮಾದಿಶ ತದತ್ಮನ್ದಧೇ ೫ ೫
ಪಞ್ಚಮೋಽನುವಾಕಸ್ಸಮಾಪ್ತಃ

ಭಗೇರಥೋ ಹೈಕ್ಷ್ವಾಕೋ ರಾಜಾ ಕಾಮಪ್ರೇಣ ಯಜ್ಞೇನ ಯಕ್ಷ್ಯಮಾಣ ಆಸ ೧ ತದು ಹ ಕುರುಪಞ್ಚಾ-ಲಾನಾಮ್ಬ್ರಾಹ್ಮಣಾ ಊಚುರ್ಭಗೇರಥೋ ಹ ವಾ ಅಯಮೈಕ್ಷ್ವಾಕೋ ರಾಜಾ ಕಾಮಪ್ರೇಣ ಯಜ್ಞೇನ ಯಕ್ಷ್ಯಮಾಣಃ ಏತೇನ ಕಥಾಂ ವದಿಷ್ಯಾಮ ಇತಿ ೨ ತಂ ಹಾಭ್ಯೇಯುಃ ತೇಭ್ಯೋ ಹಾಭ್ಯಾಗತೇ-ಭ್ಯೋಽಪಚಿತೀಶ್ಚಕಾರ ೩ ಅಥ ಹೈಷಾಂ ಸ ಭಾಗ ಆವವ್ರಾಜೋಪ್ತ್ವಾ ಕೇಶಶ್ಮಶ್ರೂಣಿ ನಖಾ-ನ್ನಿಕೃತ್ಯಾಜ್ಯೇನಾಭ್ಯಜ್ಯ ದಣ್ಡೋಪಾನಹಮ್ಬಿಭ್ರತ್ ೪ ತಾನ್ಹೋವಾಚ ಬ್ರಾಹ್ಮಣಾ ಭಗವನ್ತಃ ಕತಮೋ ವಸ್ತದ್ವೇದ ಯಥಾಶ್ರಾವಿತಪ್ರತ್ಯಾಶ್ರಾವಿತೇ ದೇವಾನ್ಗಚ್ಛತ ಇತಿ ೫ ಅಥ ಹೋವಾಚ ಕತಮೋ ವಸ್ತದ್ವೇದ ಯದ್ವಿದುಷಸ್ಸೂದ್ಗಾತಾ ಸುಹೋತಾ ಸ್ವಧ್ವರ್ಯುಸ್ಸುಮಾನುಷವಿದಾಜಾಯತ ಇತಿ ೬ ಅಥ ಹೋವಾಚ ಕತಮೋ ವಸ್ತದ್ವೇದ ಯಚ್ಛನ್ದಾಂಸಿ ಪ್ರಯುಜ್ಯನ್ತೇ ಯತ್ತಾನಿ ಸರ್ವಾಣಿ ಸಂಸ್ತುತಾನ್ಯಭಿಸಮ್ಪದ್ಯನ್ತ ಇತಿ ೭ ಅಥ ಹೋವಾಚ ಕತಮೋ ವಸ್ತದ್ವೇದ ಯಥಾ ಗಾಯತ್ರ್! ಯಾ ಉತ್ತಮೇ ಅಕ್ಷರೇ ಪುನರ್ಯಜ್ಞಮಪಿಗಚ್ಛತ ಇತಿ ೮ ಅಥ ಹೋವಾಚ ಕತಮೋ ವಸ್ತದ್ವೇದ ಯಥಾ
ದಕ್ಷಿಣಾಃ ಪ್ರತಿಗೃಹೀತಾ ನ ಹಿಂಸನ್ತೀತಿ ೯ ೬
ಷಷ್ಠೇಽನುವಾಕೇ ಪ್ರಥಮಃ ಖಣ್ಡಃ

ಏತಾನ್ಹೈನಾನ್ಪಞ್ಚ ಪ್ರಶ್ನಾನ್ಪಪ್ರಚ್ಛ ೧ ತೇಷಾಂ ಹ ಕುರುಪಞ್ಚಾಲಾನಾಮ್ಬಕೋ ದಾಲ್ಭ್ಯೋಽನೂಚಾನ ಆಸ ೨ ಸ ಹೋವಾಚ ಯಥಾಶ್ರಾವಿತಪ್ರತ್ಯಾಶ್ರಾವಿತೇ ದೇವಾನ್ಗಚ್ಛತ ಇತಿ ಪ್ರಾಚ್ಯಾಂ ವೈ ರಾಜನ್ದಿಶ್ಯಾಶ್ರಾವಿತಪ್ರತ್ಯಾಶ್ರಾವಿತೇ ದೇವಾನ್ಗಚ್ಛತಃ ತಸ್ಮಾತ್ಪ್ರಾಙ್ತಿಷ್ಠನ್ನಾಶ್ರಾವಯತಿ ಪ್ರಾಙ್ತಿಷ್ಠನ್ಪ್ರತ್ಯಾಶ್ರಾವಯತೀತಿ ೩ ಅಥ ಹೋವಾಚ ಯದ್ವಿದುಷಸ್ಸೂದ್ಗಾತಾ ಸುಹೋತಾ ಸ್ವಧ್ವ-ರ್ಯುಸ್ಸುಮಾನುಷವಿದಾಜಾಯತ ಇತಿ ಯೋ ವೈ ಮನುಷ್ಯಸ್ಯ ಸಮ್ಭೂತಿಂ ವೇದೇತಿ ಹೋವಾಚ ತಸ್ಯ ಸೂದ್ಗಾತಾ ಸುಹೋತಾ ಸ್ವಧ್ವರ್ಯುಸ್ಸುಮಾನುಷವಿದಾಜಾಯತ ಇತಿ ಪ್ರಾಣಾ ಉ ಹ ವಾವ ರಾಜ-ನ್ಮನುಷ್ಯಸ್ಯ ಸಮ್ಭೂತಿರೇವೇತಿ ೪ ಅಥ ಹೋವಾಚ ಯಚ್ಛನ್ದಾಂಸಿ ಪ್ರಯುಜ್ಯನ್ತೇ ಯತ್ತಾನಿ ಸರ್ವಾಣಿ ಸಂಸ್ತುತಾನ್ಯಭಿಸಮ್ಪದ್ಯನ್ತ ಇತಿ ಗಾಯತ್ರೀಮು ಹ ವಾವ ರಾಜನ್ಸರ್ವಾಣಿ ಛನ್ದಾಂಸಿ ಸಂಸ್ತುತಾನ್ಯಭಿಸಮ್ಪದ್ಯನ್ತ ೫ ಅಥ ಹೋವಾಚ ಯಥಾ ಗಾಯತ್ರ್! ಯಾ ಉತ್ತಮೇ ಅಕ್ಷರೇ ಪುನರ್ಯಜ್ಞಮಪಿಗಚ್ಛತ ಇತಿ ವಷಟ್ಕಾರೇಣೋ ಹ ವಾವ ರಾಜನ್ಗಾಯತ್ರ್! ಯಾ ಉತ್ತಮೇ ಅಕ್ಷರೇ ಪುನರ್ಯಜ್ಞಮಪಿಗಚ್ಛತ ಇತಿ ೬ ಅಥ ಹೋವಾಚ ಯಥಾ ದಕ್ಷಿಣಾಃ ಪ್ರತಿಗೃಹೀತಾ ನ ಹಿಂಸ-
ನ್ತೀತಿ ೭ ೭
ಷಷ್ಠೇಽನುವಾಕೇ ದ್ವಿತೀಯಃ ಖಣ್ಡಃ

ಯೋ ವೈ ಗಾಯತ್ರ್! ಯೈ ಮುಖಂ ವೇದೇತಿ ಹೋವಾಚ ತಂ ದಕ್ಷಿಣಾ ಪ್ರತಿಗೃಹೀತಾ ನ ಹಿಂಸನ್ತೀತಿ ೧ ಅಗ್ನಿರ್ಹ ವಾವ ರಾಜನ್ಗಾಯತ್ರೀಮುಖಂ ತಸ್ಮಾದ್ಯದಗ್ನಾವಭ್ಯಾದಧಾತಿ ಭೂಯಾನೇವ ಸ ತೇನ ಭವತಿ ವರ್ಧತೇ ಏವಮೇವೈವಂ ವಿದ್ವಾನ್ಬ್ರಾಹ್ಮಣಃ ಪ್ರತಿಗೃಹ್ಣನ್ಭೂಯಾನೇವ ಭವತಿ ವರ್ಧತ ಉ ಏವೇತಿ ೨ ಸ ಹೋವಾಚಾನೂಚಾನೋ ವೈ ಕಿಲಾಯಮ್ಬ್ರಾಹ್ಮಣ ಆಸ ತ್ವಾಮಹಮನೇನ ಯಜ್ಞೇನೈಮೀತಿ ೩ ತಸ್ಯ ವೈ ತೇ ತಥೋದ್ಗಾಸ್ಯಾಮೀತಿ ಹೋವಾಚ ಯಥೈಕರಾಡೇವ ಭೂತ್ವಾ ಸ್ವರ್ಗಂ ಲೋಕಮೇಷ್ಯಸೀತಿ ೪ ತಸ್ಮಾ ಏತೇನ ಗಾಯತ್ರೇಣೋದ್ಗೀಥೇನೋಜ್ಜಗೌ ಸ ಹೈಕರಾಡೇವ ಭೂತ್ವಾ ಸ್ವರ್ಗಂ ಲೋಕಮಿಯಾಯ ತೇನ ಹೈತೇನೈಕರಾಡೇವ ಭೂತ್ವಾ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ೫ ಓಂ ವಾ ಇತಿ ದ್ವೇ ಅಕ್ಷರೇ ಓಂ ವಾ ಇತಿ ಚತುರ್ಥೇ ಓಂ ವಾ ಇತಿ ಷಷ್ಠೇ ಹುಮ್ಭಾ ಓಂ ವಾಗಿತ್ಯಷ್ಟಮೇ ೬ ತೇನ ಹೈತೇನ ಪ್ರತೀದರ್ಶೋಽಸ್ಯ ಭಯದಸ್ಯಾಸಮಾತ್ಯಸ್ಯೋಜ್ಜಗೌ ೭ ತಂ ಹೋವಾಚ ಕಿಂ ತ ಆಗಾಸ್ಯಾಮೀತಿ ಸ ಹೋವಾಚ ಹರೀ ಮೇ ದೇವಾಶ್ವಾವಾಗಾಯೇತಿ ತಥೇತಿ ತೌ ಹಾಸ್ಮಾ ಆಜಗೌ ತೌ ಹೈನಮಾಜಗ್ಮತುಃ ೮ ಸ ವಾ ಏಷ ಉದ್ಗೀಥಃ ಕಾಮಾನಾಂ ಸಮ್ಪದಓಂ ವಾ೩ಚಓಂ ವಾ೩ಚಓಂ ವಾ೩ಛುಮ್ಭಾ ಓಂ ವಾಗಿತಿ ಸಾಙ್ಗೋ
ಹೈವ ಸತನುರಮೃತಸ್ಸಮ್ಭವತಿ ಯ ಏತದೇವಂ ವೇದಾಥೋ ಯಸ್ಯೈವಂ ವಿದ್ವಾನುದ್ಗಾಯತಿ ೯ ೮
ಷಷ್ಠೇಽನುವಾಕೇ ತೃತೀಯಃ ಖಣ್ಡಃ
ಷಷ್ಠೋಽನುವಾಕಸ್ಸಮಾಪ್ತಃ

ಪುರುಷೋ ವೈ ಯಜ್ಞಃ ಪುರುಷೋ ಹೋದ್ಗೀಥಃ ಅಥೈತ ಏವ ಮೃತ್ಯವೋ ಯದಗ್ನಿರ್ವಾಯುರಾದಿತ್ಯಶ್ಚನ್ದ್ರ ಮಾಃ ೧ ತೇ ಹ ಪುರುಷಂ ಜಾಯಮಾನಮೇವ ಮೃತ್ಯುಪಾಶೈರಭಿದಧತಿ ತಸ್ಯ ವಾಚಮೇವಾಗ್ನಿರಭಿದಧಾತಿ ಪ್ರಾಣಂ ವಾಯುಶ್ಚಕ್ಷುರಾದಿತ್ಯಶ್ಶ್ರೋತ್ರಂ ಚನ್ದ್ರ ಮಾಃ ೨ ತದಾಹುಸ್ಸ ವಾ ಉದ್ಗಾತಾ ಯೋ ಯಜಮಾನಸ್ಯ ಪ್ರಾಣೇ-ಭ್ಯೋಽಧಿ ಮೃತ್ಯುಪಾಶಾನುನ್ಮುಞ್ಚತೀತಿ ೩ ತದ್ಯಸ್ಯೈವಂ ವಿದ್ವಾನ್ಪ್ರಸ್ತೌತಿ ಯ ಏವಾಸ್ಯ ವಾಚಿ ಮೃತ್ಯುಪಾಶಸ್ತಮೇವಾಸ್ಯೋನ್ಮುಞ್ಚತಿ ೪ ಅಥ ಯಸ್ಯೈವಂ ವಿದ್ವಾನುದ್ಗಾಯತಿ ಯ ಏವಾಸ್ಯ ಪ್ರಾಣೇ ಮೃತ್ಯುಪಾಶಸ್ತಮೇವಾಸ್ಯೋನ್ಮುಞ್ಚತಿ ೫ ಅಥ ಯಸ್ಯೈವಂ ವಿದ್ವಾನ್ಪ್ರತಿಹರತಿ ಯ ಏವಾಸ್ಯ ಚಕ್ಷುಷಿ ಮೃತ್ಯುಪಾಶಸ್ತಮೇವಾಸ್ಯೋನ್ಮುಞ್ಚತಿ ೬ ಅಥ ಯಸ್ಯೈವಂ ವಿದ್ವಾನ್ನಿಧನಮುಪೈತಿ ಯ ಏವಾಸ್ಯ ಶ್ರೋತ್ರೇ ಮೃತ್ಯುಪಾಶಸ್ತಮೇವಾಸ್ಯೋನ್ಮುಞ್ಚತಿ ೭ ಏವಂ ವಾ ಏವಂವಿದುದ್ಗಾತಾ ಯಜಮಾನಸ್ಯ ಪ್ರಾಣೇಭ್ಯೋಽಧಿ ಮೃತ್ಯುಪಾಶಾನುನ್ಮುಞ್ಚತಿ ೮ ತದಾಹುಸ್ಸ ವಾ ಉದ್ಗಾತಾ ಯೋ ಯಜಮಾನಸ್ಯ ಪ್ರಾಣೇಭ್ಯೋಽಧಿ
ಮೃತ್ಯುಪಾಶಾನುನ್ಮುಚ್ಯಾಥೈನಂ ಸಾಙ್ಗಂ ಸತನುಂ ಸರ್ವಮೃತ್ಯೋಸ್ಸ್ಪೃಣಾತೀತಿ ೯ ೯
ಸಪ್ತಮೇಽನುವಾಕೇ ಪ್ರಥಮಃ ಖಣ್ಡಃ

ತದ್ಯಸ್ಯೈವಂ ವಿದ್ವಾನ್ಹಿಙ್ಕರೋತಿ ಯ ಏವಾಸ್ಯ ಲೋಮಸು ಮೃತ್ಯುಪಾಶಸ್ತಸ್ಮಾದೇವೈನಂ ಸ್ಪೃಣಾತಿ ೧ ಅಥ ಯಸ್ಯೈವಂ ವಿದ್ವಾನ್ಪ್ರಸ್ತೌತಿ ಯ ಏವಾಸ್ಯ ತ್ವಚಿ ಮೃತ್ಯುಪಾಶಸ್ತಸ್ಮಾದೇವೈನಂ ಸ್ಪೃಣಾತಿ ೨ ಅಥ ಯಸ್ಯೈವಂ ವಿದ್ವಾನಾದಿಮಾದತ್ತೇ ಯ ಏವಾಸ್ಯ ಮಾಂಸೇಷು ಮೃತ್ಯುಪಾಶಸ್ತಸ್ಮಾದೇವೈನಂ ಸ್ಪೃಣಾತಿ ೩ ಅಥ ಯಸ್ಯೈವಂ ವಿದ್ವಾನುದ್ಗಾಯತಿ ಯ ಏವಾಸ್ಯ ಸ್ನಾವಸು ಮೃತ್ಯುಪಾಶಸ್ತಸ್ಮಾ-ದೇವೈನಂ ಸ್ಪೃಣಾತಿ ೪ ಅಥ ಯಸ್ಯೈವಂ ವಿದ್ವಾನ್ಪ್ರತಿಹರತಿ ಯ ಏವಾಸ್ಯಾಙ್ಗೇಷು ಮೃತ್ಯುಪಾ-ಶಸ್ತಸ್ಮಾದೇವೈನಂ ಸ್ಪೃಣಾತಿ ೫ ಅಥ ಯಸ್ಯೈವಂ ವಿದ್ವಾನುಪದ್ರ ವತಿ ಯ ಏವಾಸ್ಯಾಸ್ಥಿಷು ಮೃತ್ಯುಪಾಶಸ್ತಸ್ಮಾದೇವೈನಂ ಸ್ಪೃಣಾತಿ ೬ ಅಥ ಯಸ್ಯೈವಂ ವಿದ್ವಾನ್ನಿಧನಮುಪೈತಿ ಯ ಏವಾಸ್ಯ ಮಜ್ಜಸು ಮೃತ್ಯುಪಾಶಸ್ಸ ತಸ್ಮಾದೇವೈನಂ ಸ್ಪೃಣಾತಿ ೭ ಏವಂ ವಾ ಏವಂವಿದುದ್ಗಾತಾ ಯಜಮಾನಸ್ಯ ಪ್ರಾಣೇಭ್ಯೋಽಧಿ ಮೃತ್ಯುಪಾಶಾನುನ್ಮುಚ್ಯಾಥೈನಂ ಸಾಙ್ಗಂ ಸತನುಂ ಸರ್ವಮೃತ್ಯೋಸ್ಸ್ಪೃಣಾತಿ ೮ ತದಾ-ಹುಸ್ಸ ವಾ ಉದ್ಗಾತಾ ಯೋ ಯಜಮಾನಸ್ಯ ಪ್ರಾಣೇಭ್ಯೋಽಧಿ ಮೃತ್ಯುಪಾಶಾನುನ್ಮುಚ್ಯಾಥೈನಂ ಸಾಙ್ಗಂ ಸತನುಂ ಸರ್ವಮೃತ್ಯೋಸ್ಸ್ಪೃತ್ವಾ ಸ್ವರ್ಗೇ ಲೋಕೇ ಸಪ್ತಧಾ ದಧಾತೀತಿ ೯ ಸ ವಾ ಏಷ ಇನ್ದ್ರೋ ವೈಮೃಧ ಉದ್ಯನ್ಭವತಿ ಸವಿತೋದಿತೋ ಮಿತ್ರಸ್ಸಂಗವಕಾಲ ಇನ್ದ್ರೋ ವೈಕುಣ್ಠೋ ಮಧ್ಯನ್ದಿನೇ ಸಮಾವರ್ತಮಾನಶ್ಶರ್ವ ಉಗ್ರೋ ದೇವೋ ಲೋಹಿತಾಯನ್ಪ್ರಜಾಪತಿರೇವ ಸಂವೇಶೇಽಸ್ತಮಿತಃ ೧೦ ತದ್ಯಸ್ಯೈವಂ ವಿದ್ವಾನ್ಹಿಙ್ಕರೋತಿ ಯ ಏವಾಸ್ಯೋದ್ಯತಸ್ಸ್ವರ್ಗೋ ಲೋಕಸ್ತಸ್ಮಿನ್ನೇವೈನಂ ದಧಾತಿ ೧೧ ಅಥ ಯಸ್ಯೈವಂ ವಿದ್ವಾನ್ಪ್ರಸ್ತೌತಿ ಯ ಏವಾಸ್ಯೋದಿತೇ ಸ್ವರ್ಗೋ ಲೋಕಸ್ತಸ್ಮಿನ್ನೇವೈನಂ ದಧಾತಿ ೧೨ ಅಥ ಯಸ್ಯೈವಂ ವಿದ್ವಾನಾದಿಮಾದತ್ತೇ ಯ ಏವಾಸ್ಯ ಸಂಗವಕಾಲೇ ಸ್ವರ್ಗೋ ಲೋಕ-ಸ್ತಸ್ಮಿನ್ನೇವೈನಂ ದಧಾತಿ ೧೩ ಅಥ ಯಸ್ಯೈವಂ ವಿದ್ವಾನುದ್ಗಾಯತಿ ಯ ಏವಾಸ್ಯ ಮಧ್ಯನ್ದಿನೇ ಸ್ವರ್ಗೋ ಲೋಕಸ್ತಸ್ಮಿನ್ನೇವೈನಂ ದಧಾತಿ ೧೪ ಅಥ ಯಸ್ಯೈವಂ ವಿದ್ವಾನ್ಪ್ರತಿಹರತಿ ಯ ಏವಾ-ಸ್ಯಾಪರಾಹ್ಣೇ ಸ್ವರ್ಗೋ ಲೋಕಸ್ತಸ್ಮಿನ್ನೇವೈನಂ ದಧಾತಿ ೧೫ ಅಥ ಯಸ್ಯೈವಂ ವಿದ್ವಾನುಪದ್ರ ವತಿ ಯ ಏವಾಸ್ಯಾಸ್ತಂಯತಸ್ಸ್ವರ್ಗೋ ಲೋಕಸ್ತಸ್ಮಿನ್ನೇವೈನಂ ದಧಾತಿ ೧೬ ಅಥ ಯಸ್ಯೈವಂ ವಿದ್ವಾನ್ನಿ-ಧನಮುಪೈತಿ ಯ ಏವಾಸ್ಯಾಸ್ತಮಿತೇ ಸ್ವರ್ಗೋ ಲೋಕಸ್ತಸ್ಮಿನ್ನೇವೈನಂ ದಧಾತಿ ೧೭ ಏವಂ ವಾ ಏವಂವಿದುದ್ಗಾತಾ ಯಜಮಾನಸ್ಯ ಪ್ರಾಣೇಭ್ಯೋಽಧಿ ಮೃತ್ಯುಪಾಶಾನುನ್ಮುಚ್ಯಾಥೈನಂ ಸಾಙ್ಗಂ ಸತನುಂ
ಸರ್ವಮೃತ್ಯೋಸ್ಸ್ಪೃತ್ವಾ ಸ್ವರ್ಗೇ ಲೋಕೇ ಸಪ್ತಧಾ ದಧಾತಿ ೧೮ ೧೦
ಸಪ್ತಮೇಽನುವಾಕೇ ದ್ವಿತೀಯಃ ಖಣ್ಡಃ
ಸಪ್ತಮೋಽನುವಾಕಸ್ಸಮಾಪ್ತಃ

ಷಡ್ಢ ವೈ ದೇವತಾಸ್ಸ್ವಯಮ್ಭುವೋಽಗ್ನಿರ್ವಾಯುರಸಾವಾದಿತ್ಯಃ ಪ್ರಾಣೋಽನ್ನಂ ವಾಕ್ ೧ ತಾಶ್ಶ್ರೈಷ್ಠ್ಯೇ ವ್ಯವದನ್ತಾಹಂ ಶ್ರೇಷ್ಠಾಸ್ಮ್ಯಹಂ ಶ್ರೇಷ್ಠಾಸ್ಮ್ಯ್ಮಾಂ ಶ್ರಿಯಮುಪಾಧ್ವಮಿತಿ ೨ ತಾ ಅನ್ಯೋನ್ಯಸ್ಯೈ ಶ್ರೇಷ್ಠ-ತಾಯೈ ನಾತಿಷ್ಠನ್ತ ತಾ ಅಬ್ರುವನ್ನ ವಾ ಅನ್ಯೋನ್ಯಸ್ಯೈ ಶ್ರೇಷ್ಠತಾಯೈ ತಿಷ್ಠಾಮಹ ಏತಾ ಸಮ್ಪ್ರಬ್ರವಾಮಹೈ ಯಥಾ ಶ್ರೇಷ್ಠಾಸ್ಸ್ಮ ಇತಿ ೩ ತಾ ಅಗ್ನಿಮಬ್ರುವನ್ಕಥಂ ತ್ವಂ ಶ್ರೇಷ್ಠೋಽಸೀತಿ ೪ ಸೋಽಬ್ರವೀದಹಂ ದೇವಾನಾಮ್ಮುಖಮಸ್ಮ್ಯಹಮನ್ಯಾಸಾಮ್ಪ್ರಜಾನಾಮ್ಮಯಾಹುತಯೋ ಹೂಯನ್ತೇ ಅಹಂ ದೇವಾನಾಮನ್ನಂ ವಿಕ-ರೋಮ್ಯಹಮ್ಮನುಷ್ಯಾಣಾಮ್ ೫ ಸ ಯನ್ನ ಸ್ಯಾಮಮುಖಾ ಏವ ದೇವಾಸ್ಸ್ಯುರಮುಖಾ ಅನ್ಯಾಃ ಪ್ರಜಾಃ ನಾಹುತಯೋ ಹೂಯೇರನ್ನ ದೇವಾನಾಮನ್ನಂ ವಿಕ್ರಿಯೇತ ನ ಮನುಷ್ಯಾಣಾಮ್ ೬ ತತ ಇದಂ ಸರ್ವಮ್ಪರಾ-ಭವೇತ್ತತೋ ನ ಕಿಂ ಚನ ಪರಿಶಿಷ್ಯೇತೇತಿ ೭ ಏವಮೇವೇತಿ ಹೋಚುರ್ನೈವೇಹ ಕಿಂ ಚನ ಪರಿಶಿಷ್ಯೇತ ಯತ್ತ್ವಂ ನ ಸ್ಯಾ ಇತಿ ೮ ಅಥ ವಾಯುಮಬ್ರುವನ್ಕಥಮು ತ್ವಂ ಶ್ರೇಷ್ಠೋಽಸೀತಿ ೯ ಸೋಽಬ್ರವೀದಹಂ ದೇವಾನಾಮ್ಪ್ರಾಣೋಽಸ್ಮ್ಯಹಮನ್ಯಾಸಾಮ್ಪ್ರಜಾನಾಂ ಯಸ್ಮಾದಹಮುತ್ಕ್ರಾಮಾಮಿ ತತಸ್ಸ ಪ್ರಪ್ಲವತೇ ೧೦ ಸ ಯದಹಂ ನ ಸ್ಯಾಂ ತತ ಇದಂ ಸರ್ವಮ್ಪರಾಭವೇತ್ತತೋ ನ ಕಿಂ ಚನ ಪರಿಶಿಷ್ಯೇತೇತಿ ೧೧
ಏವಮೇವೇತಿ ಹೋಚುರ್ನೈವೇಹ ಕಿಂ ಚನ ಪರಿಶಿಷ್ಯೇತ ಯತ್ತ್ವಂ ನ ಸ್ಯಾ ಇತಿ ೧೨ ೧೧
ಅಷ್ಟಮೇಽನುವಾಕೇ ಪ್ರಥಮಃ ಖಣ್ಡಃ

ಅಥಾದಿತ್ಯಮಬ್ರುವನ್ಕಥಮು ತ್ವಂ ಶ್ರೇಷ್ಠೋಽಸೀತಿ ೧ ಸೋಽಬ್ರವೀದಹಮೇವೋದ್ಯನ್ನಹರ್ಭವಾಮ್ಯಹ-ಮಸ್ತಂಯನ್ರಾತ್ರಿಃ ಮಯಾ ಚಕ್ಷುಷಾ ಕರ್ಮಾಣಿ ಕ್ರಿಯನ್ತೇ ಸ ಯದಹಂ ನ ಸ್ಯಾಂ ನೈವಾಹಸ್ಸ್ಯಾನ್ನ ರಾತ್ರಿಃ ನ ಕರ್ಮಾಣಿ ಕ್ರಿಯೇರನ್ ೨ ತತ ಇದಂ ಸರ್ವಮ್ಪರಾಭವೇತ್ತತೋ ನ ಕಿಂ ಚನ ಪರಿಶಿಷ್ಯೇತೇತಿ ೩ ಏವಮೇವೇತಿ ಹೋಚುರ್ನೈವೇಹ ಕಿಂ ಚನ ಪರಿಶಿಷ್ಯೇತ ಯತ್ತ್ವಂ ನ ಸ್ಯಾ ಇತಿ ೪ ಅಥ ಪ್ರಾಣಮಬ್ರುವನ್ಕಥಮು ತ್ವಂ ಶ್ರೇಷ್ಠೋಽಸೀತಿ ೫ ಸೋಽಬ್ರವೀತ್ಪ್ರಾಣೋ ಭೂತ್ವಾಗ್ನಿರ್ದೀಪ್ಯತೇ ಪ್ರಾಣೋ ಭೂತ್ವಾ ವಾಯುರಾಕಾಶಮನುಭವತಿ ಪ್ರಾಣೋ ಭೂತ್ವಾದಿತ್ಯ ಉದೇತಿ ಪ್ರಾಣಾದನ್ನಮ್ಪ್ರಾಣಾದ್ವಾಕ್ ೬ ಸ ಯದಹಂ ನ ಸ್ಯಾಂ ತತ ಇದಂ ಸರ್ವಮ್ಪರಾಭವೇತ್ತತೋ ನ ಕಿಂ ಚನ ಪರಿಶಿಷ್ಯೇತೇತಿ ೭ ಏವಮೇವೇತಿ ಹೋಚುರ್ನೈವೇಹ ಕಿಂ ಚನ ಪರಿಶಿಷ್ಯೇತ ಯತ್ತ್ವಂ ನ ಸ್ಯಾ ಇತಿ ೮ ಅಥಾನ್ನಮಬ್ರು-ವನ್ಕಥಮು ತ್ವಂ ಶ್ರೇಷ್ಠಮಸೀತಿ ೯ ತದಬ್ರವೀನ್ಮಯಿ ಪ್ರತಿಷ್ಠಾಯಾಗ್ನಿರ್ದೀಪ್ಯತೇ ಮಯಿ ಪ್ರತಿಷ್ಠಾಯ ವಾಯುರಾಕಾಶಮನುವಿಭವತಿ ಮಯಿ ಪ್ರತಿಷ್ಠಾಯಾದಿತ್ಯ ಉದೇತಿ ಮದೇವ ಪ್ರಾಣೋ ಮದ್ವಾಕ್ ೧೦ ಸ ಯದಹಂ ನ ಸ್ಯಾಂ ತತ ಇದಂ ಸರ್ವಮ್ಪರಾಭವೇತ್ತತೋ ನ ಕಿಂ ಚನ ಪರಿಶಿಷ್ಯೇತೇತಿ ೧೧ ಏವಮೇವೇತಿ ಹೋಚುರ್ನೈವೇವ ಕಿಂ ಚನ ಪರಿಶಿಷ್ಯೇತ ಯತ್ತ್ವಂ ನ ಸ್ಯಾ ಇತಿ ೧೨ ಅಥ ವಾಚ-ಮಬ್ರುವನ್ಕಥಮು ತ್ವಂ ಶ್ರೇಷ್ಠಾಸೀತಿ ೧೩ ಸಾಬ್ರವೀನ್ಮಯೈವೇದಂ ವಿಜ್ಞಾಯತೇ ಮಯಾದಃ ಸ ಯದಹಂ ನ ಸ್ಯಾಂ ನೈವೇದಂ ವಿಜ್ಞಾಯೇತ ನಾದಃ ೧೪ ತತ ಇದಂ ಸರ್ವಮ್ಪರಾಭವೇನ್ನೈವೇಹ ಕಿಂ ಚನ ಪರಿಶಿಷ್ಯೇತೇತಿ ೧೫ ಏವಮೇವೇತಿ ಹೋಚುರ್ನೈವೇಹ ಕಿಂ ಚನ ಪರಿಶಿಷ್ಯೇತ ಯತ್ತ್ವಂ ನ ಸ್ಯಾ
ಇತಿ ೧೬ ೧೨
ಅಷ್ಟಮೇಽನುವಾಕೇ ದ್ವಿತೀಯಃ ಖಣ್ಡಃ

ತಾ ಅಬ್ರುವನ್ನೇತಾ ವೈ ಕಿಲ ಸರ್ವಾ ದೇವತಾಃ ಏಕೈಕಾಮೇವಾನು ಸ್ಮಃ ಸ ಯನ್ನು ನಸ್ಸರ್ವಾಸಾಂ ದೇವತಾನಾಮೇಕಾ ಚನ ನ ಸ್ಯಾತ್ತತ ಇದಂ ಸರ್ವಮ್ಪರಾಭವೇತ್ತತೋ ನ ಕಿಂ ಚನ ಪರಿಶಿಷ್ಯೇತ ಹನ್ತ ಸಾರ್ಧಂ ಸಮೇತ್ಯ ಯಚ್ಛ್ರೇಷ್ಠಂ ತದಸಾಮೇತಿ ೧ ತಾ ಏತಸ್ಮಿನ್ಪ್ರಾಣ ಓಕಾರೇ ವಾಚ್ಯಕಾರೇ ಸಮಾಯನ್ತದ್ಯತ್ಸಮಾಯನ್ತತ್ಸಾಮ್ನಸ್ಸಾಮತ್ವಮ್ ೨ ತಾ ಅಬ್ರುವನ್ಯಾನಿ ನೋ ಮರ್ತ್ಯಾನ್ಯನಪಹ-ತಪಾಪ್ಮಾನ್ಯಕ್ಷರಾಣಿ ತಾನ್ಯುದ್ಧೃತ್ಯಾಮೃತೇಷ್ವಪಹತಪಾಪ್ಮಸು ಶುದ್ಧೇಷ್ವಕ್ಷರೇಷು ಗಾಯತ್ರಂ ಗಾಯಾ-ಮಾಗ್ನೌ ವಾಯಾವಾದಿತ್ಯೇ ಪ್ರಾಣೇಽನ್ನೇ ವಾಚಿ ತೇನಾಪಹತ್ಯ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮಿಯಾಮೇತಿ ೩ ಏತ್ಯಗ್ನೇರಮೃತಮಪಹತಪಾಪ್ಮ ಶುದ್ಧಮಕ್ಷರಂ ಗ್ನಿರಿತ್ಯಸ್ಯ ಮರ್ತ್ಯಮನ-ಪಹತಪಾಪ್ಮಾಕ್ಷರಮ್ ೪ ವೇತಿ ವಾಯೋರಮೃತಮಪಹತಪಾಪ್ಮ ಶುದ್ಧಮಕ್ಷರಂ ಯುರಿತ್ಯಸ್ಯ ಮರ್ತ್ಯ-ಮನಪಹತಪಾಪ್ಮಾಕ್ಷರಮ್ ೫ ಏತ್ಯಾದಿತ್ಯಸ್ಯಾಮೃತಮಪಹತಪಾಪ್ಮ ಶುದ್ಧಮಕ್ಷರಂ ತ್ಯೇತ್ಯಸ್ಯ ಮರ್ತ್ಯಮನಪಹತಪಾಪ್ಮಾಕ್ಷರಮ್ ೬ ಪ್ರೇತಿ ಪ್ರಾಣಸ್ಯಾಮೃತಮಪಹತಪಾಪ್ಮ ಶುದ್ಧಮಕ್ಷರಂ ಣೇತ್ಯಸ್ಯ ಮರ್ತ್ಯಮನಪಹತಪಾಪ್ಮಾಕ್ಷರಮ್ ೭ ಏತ್ಯನ್ನಸ್ಯಾಮೃತಮಪಹತಪಾಪ್ಮ ಶುದ್ಧಮಕ್ಷರಂ ನಮಿತ್ಯಸ್ಯ ಮರ್ತ್ಯಮನಪಹತಪಾಪ್ಮಾಕ್ಷರಮ್ ೮ ವೇತಿ ವಾಚೋಽಮೃತಮಪಹತಪಾಪ್ಮ ಶುದ್ಧಮಕ್ಷರಂ ಗಿತ್ಯಸ್ಯೈ ಮರ್ತ್ಯಮನಪಹತಪಾಪ್ಮಾಕ್ಷರಮ್ ೯ ತಾ ಏತಾನಿ ಮರ್ತ್ಯಾನ್ಯನಪಹತಪಾಪ್ಮಾನ್ಯಕ್ಷರಾಣ್ಯುದ್ಧೃತ್ಯಾ-ಮೃತೇಷ್ವಪಹತಪಾಪ್ಮಸು ಶುದ್ಧೇಷ್ವಕ್ಷರೇಷು ಗಾಯತ್ರಮಾಗಾಯನ್ನಗ್ನೌ ವಾಯಾವಾದಿತ್ಯೇ ಪ್ರಾಣೇಽನ್ನೇ ವಾಚಿ ತೇನಾಪಹತ್ಯ ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮಾಯನ್ ೧೦ ಅಪಹತ್ಯ
ಮೃತ್ಯುಮಪಹತ್ಯ ಪಾಪ್ಮಾನಂ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ೧೧ ೧೩
ಅಷ್ಟಮೇಽನುವಾಕೇ ತೃತೀಯಃ ಖಣ್ಡಃ

ತಾ ಬ್ರಹ್ಮಾಬ್ರುವನ್ತ್ವಯಿ ಪ್ರತಿಷ್ಠಾಯೈತಮುದ್ಯಚ್ಛಾಮೇತಿ ತಾ ಬ್ರಹ್ಮಾಬ್ರವೀದಾಸ್ಯೇನ ಪ್ರಾಣೇನ ಯುಷ್ಮಾನಾಸ್ಯೇನ ಪ್ರಾಣೇನ ಮಾಮುಪಾಪ್ನವಾಥೇತಿ ೧ ತಾ ಏತೇನ ಪ್ರಾಣೇನೌಕಾರೇಣ ವಾಚ್ಯಕಾರಮ-ಭಿನಿಮೇಷ್ಯನ್ತ್ಯೋ ಹಿಙ್ಕಾರಾದ್ಭಕಾರಮೋಕಾರೇಣ ವಾಚಮನುಸ್ವರನ್ತ್ಯ ಉಭಾಭ್ಯಾಮ್ಪ್ರಾಣಾಭ್ಯಾಂ ಗಾಯತ್ರಮಗಾಯನ್ನೋವಾ೩ಚೋವಾ೩ಚೋವಾ೩ಛುಮ್ಭಾ ವೋ ವಾ ಇತಿ ೨ ಸ ಯಥೋಭಯಾಪದೀ ಪ್ರತಿತಿಷ್ಠತ್ಯೇವಮೇವ ಸ್ವರ್ಗೇ ಲೋಕೇ ಪ್ರತ್ಯತಿಷ್ಠನ್ಪ್ರತಿ ಸ್ವರ್ಗೇ ಲೋಕೇ ತಿಷ್ಠತಿ ಯ ಏವಂ ವೇದ ೩ ಯ ಉ ಹ ವಾ ಏವಂವಿದಸ್ಮಾಲ್ಲೋಕಾತ್ಪ್ರೈತಿ ಸ ಪ್ರಾಣ ಏವ ಭೂತ್ವಾ ವಾಯುಮಪ್ಯೇತಿ ವಾಯೋರಧ್ಯಭ್ರಾಣ್ಯಭ್ರೇಭ್ಯೋಽಧಿ ವೃಷ್ಟಿಂ ವೃಷ್ಟ್ಯೈವೇಮಂ ಲೋಕಮನುವಿಭವತಿ ೪ ಋಷಯೋ ಹ ಸತ್ತ್ರಮಾಸಾಂ ಚಕ್ರಿರೇ ತೇ ಪುನಃಪುನರ್ಬಹ್ವೀಭಿರ್ಬಹ್ವೀಭಿಃ ಪ್ರತಿಪದ್ಭಿಸ್ಸ್ವರ್ಗಸ್ಯ ಲೋಕಸ್ಯ ದ್ವಾರಂ ನಾನು ಚನ ಬುಬುಧಿರೇ ೫ ತ ಉ ಶ್ರಮೇಣ ತಪಸಾ ವ್ರತಚರ್ಯೇಣೇನ್ದ್ರ ಮವರುರುಧಿರೇ ೬ ತಂ ಹೋಚುಸ್ಸ್ವರ್ಗಂ ವೈ ಲೋಕಮೈಪ್ಸಿಷ್ಮ ತೇ ಪುನಃಪುನರ್ಬಹ್ವೀಭಿರ್ಬಹ್ವೀಭಿಃ ಪ್ರತಿಪದ್ಭಿಸ್ಸ್ವರ್ಗಸ್ಯ ಲೋಕಸ್ಯ ದ್ವಾರಂ ನಾನು ಚನಾಭುತ್ಸ್ಮಹಿ ತಥಾ ನೋಽನುಶಾಧಿ ಯಥಾ ಸ್ವರ್ಗಸ್ಯ ಲೋಕಸ್ಯ ದ್ವಾರಮನುಪ್ರಜ್ಞಾಯಾನಾರ್ತಾಸ್ಸ್ವಸ್ತಿ ಸಂವತ್ಸರಸ್ಯೋದೃಚಂ ಗತ್ವಾ ಸ್ವರ್ಗಂ ಲೋಕಮಿಯಾಮೇತಿ ೭
ತಾನ್ಹೋವಾಚ ಕೋ ವಸ್ಸ್ಥವಿರತಮ ಇತಿ ೮ ೧೪
ಅಷ್ಟಮೇಽನುವಾಕೇ ಚತುರ್ಥಃ ಖಣ್ಡಃ

ಅಹಮಿತ್ಯಗಸ್ತ್ಯಃ ೧ ಸ ವಾ ಏಹೀತಿ ಹೋವಾಚ ತಸ್ಮೈ ವೈ ತೇಽಹಂ ತದ್ವಕ್ಷ್ಯಾಮಿ ಯದ್ವಿದ್ವಾಂಸ-ಸ್ಸ್ವರ್ಗಸ್ಯ ಲೋಕಸ್ಯ ದ್ವಾರಮನುಪ್ರಜ್ಞಾಯಾನಾರ್ತಾಸ್ಸ್ವಸ್ತಿ ಸಂವತ್ಸರಸ್ಯೋದೃಚಂ ಗತ್ವಾ ಸ್ವರ್ಗಂ ಲೋಕಮೇಷ್ಯಥೇತಿ ೨ ತಸ್ಮಾ ಏತಂ ಗಾಯತ್ರಸ್ಯೋದ್ಗೀಥಮುಪನಿಷದಮಮೃತಮುವಾಚಾಗ್ನೌ ವಾಯಾ-ವಾದಿತ್ಯೇ ಪ್ರಾಣೇಽನ್ನೇ ವಾಚಿ ೩ ತತೋ ವೈ ತೇ ಸ್ವರ್ಗಸ್ಯ ಲೋಕಸ್ಯ ದ್ವಾರಮನುಪ್ರಜ್ಞಾಯಾನಾ-ರ್ತಾಸ್ಸ್ವಸ್ತಿ ಸಂವತ್ಸರಸ್ಯೋದೃಚಂ ಗತ್ವಾ ಸ್ವರ್ಗಂ ಲೋಕಮಾಯನ್ ೪ ಏವಮೇವೈವಂ ವಿದ್ವಾ-ನ್ಸ್ವರ್ಗಸ್ಯ ಲೋಕಸ್ಯ ದ್ವಾರಮನುಪ್ರಜ್ಞಾಯಾನಾರ್ತಸ್ಸ್ವಸ್ತಿ ಸಂವತ್ಸರಸ್ಯೋದೃಚಂ ಗತ್ವಾ ಸ್ವರ್ಗಂ
ಲೋಕಮೇತಿ ೫ ೧೫
ಅಷ್ಟಮೇಽನುವಾಕೇ ಪಞ್ಚಮಃ ಖಣ್ಡಃ
ಅಷ್ಟಮೋಽನುವಾಕಸ್ಸಮಾಪ್ತಃ

ಏವಂ ವಾ ಏತಂ ಗಾಯತ್ರಸ್ಯೋದ್ಗೀಥಮುಪನಿಷದಮಮೃತಮಿನ್ದ್ರೋ ಽಗಸ್ತ್ಯಾಯೋವಾಚಾಗಸ್ತ್ಯ ಇಷಾಯ ಶ್ಯಾವಾಶ್ವಯ ಇಷಶ್ಶ್ಯಾವಾಶ್ವಿರ್ಗೌಷೂಕ್ತಯೇ ಗೌಷೂಕ್ತಿರ್ಜ್ವಾಲಾಯನಾಯ ಜ್ವಾಲಾಯನಶ್ಶಾ-ಟ್ಯಾಯನಯೇ ಶಾಟ್ಯಾಯನೀ ರಾಮಾಯ ಕ್ರಾತುಜಾತೇಯಾಯ ವೈಯಾಘ್ರಪದ್ಯಾಯ ರಾಮಃ ಕ್ರಾತುಜಾತೇಯೋ
ವೈಯಾಘ್ರಪದ್ಯಃ ೧ ೧೬
ನವಮೇಽನುವಾಕೇ ಪ್ರಥಮಃ ಖಣ್ಡಃ

ಶಙ್ಖಾಯ ಬಾಭ್ರವ್ಯಾಯ ಶಙ್ಖೋ ಬಾಭ್ರವ್ಯೋ ದಕ್ಷಾಯ ಕಾತ್ಯಾಯನಯ ಆತ್ರೇಯಾಯ ದಕ್ಷಃ ಕಾತ್ಯಾಯನಿರಾತ್ರೇಯಃ ಕಂಸಾಯ ವಾರಕ್ಯಾಯ ಕಂಸೋ ವಾರಕ್ಯಸ್ಸುಯಜ್ಞಾಯ ಶಾಣ್ಡಿಲ್ಯಾಯ ಸುಯಜ್ಞಶ್ಶಾಣ್ಡಿಲ್ಯೋಽಗ್ನಿದತ್ತಾಯ ಶಾಣ್ಡಿಲ್ಯಾಯಾಗ್ನಿದತ್ತಶ್ಶಾಣ್ಡಿಲ್ಯಸ್ಸುಯಜ್ಞಾಯ ಶಾಣ್ಡಿಲ್ಯಾಯ ಸುಯಜ್ಞಶ್ಶಾಣ್ಡಿಲ್ಯೋ ಜಯನ್ತಾಯ ವಾರಕ್ಯಾಯ ಜಯನ್ತೋ ವಾರಕ್ಯೋ ಜನಶ್ರುತಾಯ ವಾರಕ್ಯಾಯ ಜನಶ್ರುತೋ ವಾರಕ್ಯಸ್ಸುದತ್ತಾಯ ಪಾರಾಶರ್ಯಾಯ ೧ ಸೈಷಾ ಶಾ-
ಟ್ಯಾಯನೀ ಗಾಯತ್ರಸ್ಯೋಪನಿಷದೇವಮುಪಾಸಿತವ್ಯಾ ೨ ೧೭
ನವಮೇಽನುವಾಕೇ ದ್ವಿತೀಯಃ ಖಣ್ಡಃ
ನವಮೋಽನುವಾಕಸ್ಸಮಾಪ್ತಃ

ಕೇನೇಷಿತಮ್ಪತತಿ ಪ್ರೇಷಿತಮ್ಮನಃ ಕೇನ ಪ್ರಾಣಃ ಪ್ರಥಮಃ ಪ್ರೈತಿ ಯುಕ್ತಃ ಕೇನೇಷಿತಾಂ ವಾಚಮಿಮಾಂ ವದನ್ತಿ ಚಕ್ಷುಶ್ಶ್ರೋತ್ರಂ ಕ ಉ ದೇವೋ ಯುನಕ್ತಿ ೧ ಶ್ರೋತ್ರಸ್ಯ ಶ್ರೋತ್ರಮ್ಮನಸೋ ಮನೋ ಯದ್ವಾಚೋ ಹ ವಾಚಂ ಸ ಉ ಪ್ರಾಣಸ್ಯ ಪ್ರಾಣಃ ಚಕ್ಷುಷಶ್ಚಕ್ಷುರತಿಮುಚ್ಯ ಧೀರಾಃ ಪ್ರೇತ್ಯಾಸ್ಮಾಲ್ಲೋಕಾದಮೃತಾ ಭವನ್ತಿ ೨ ನ ತತ್ರ ಚಕ್ಷುರ್ಗಚ್ಛತಿ ನ ವಾಗ್ಗಚ್ಛತಿ ನೋ ಮನಃ ನ ವಿದ್ಮ ನ ವಿಜಾನೀಮೋ ಯಥೈತದನುಶಿಷ್ಯಾತ್ ೩ ಅನ್ಯದೇವ ತದ್ವಿದಿತಾದಥೋ ಅವಿದಿತಾದಧಿ ಇತಿ ಶುಶ್ರುಮ ಪೂರ್ವೇಷಾಂ ಯೇ ನಸ್ತದ್ವ್ಯಾಚಚಕ್ಷಿರೇ ೪ ಯದ್ವಾಚಾನಭ್ಯುದಿತಂ ಯೇನ ವಾಗಭ್ಯುದ್ಯತೇ ತದೇವ ಬ್ರಹ್ಮ ತ್ವಂ ವಿದ್ಧಿ ನೇದಂ ಯದಿದಮುಪಾಸತೇ ೫ ಯನ್ಮನಸಾ ನ ಮನುತೇ ಯೇನಾಹುರ್ಮನೋ ಮತಂ ತದೇವ ಬ್ರಹ್ಮ ತ್ವಂ ವಿದ್ಧಿ ನೇದಂ ಯದಿದಮುಪಾಸತೇ ೬ ಯಚ್ಚಕ್ಷುಷಾ ನ ಪಶ್ಯತಿ ಯೇನ ಚಕ್ಷೂಂಷಿ ಪಶ್ಯತಿ ತದೇವ ಬ್ರಹ್ಮ ತ್ವಂ ವಿದ್ಧಿ ನೇದಂ ಯದಿದಮುಪಾಸತೇ ೭ ಯಚ್ಛ್ರೋತ್ರೇಣ ನ ಶೃಣೋತಿ ಯೇನ ಶ್ರೋತ್ರಮಿದಂ ಶ್ರುತಂ ತದೇವ ಬ್ರಹ್ಮ ತ್ವಂ ವಿದ್ಧಿ ನೇದಂ ಯದಿದಮುಪಾಸತೇ ೮ ಯತ್ಪ್ರಾಣೇನ ನ ಪ್ರಾಣಿತಿ ಯೇನ ಪ್ರಾಣಃ ಪ್ರಣೀಯತೇ
ತದೇವ ಬ್ರಹ್ಮ ತ್ವಂ ವಿದ್ಧಿ ನೇದಂ ಯದಿದಮುಪಾಸತೇ ೯ ೧೮
ದಶಮೇಽನುವಾಕೇ ಪ್ರಥಮಃ ಖಣ್ಡಃ

ಯದಿ ಮನ್ಯಸೇ ಸು ವೇದೇತಿ ದಹ್ರಮೇವಾಪಿ ನೂನಂ ತ್ವಂ ವೇತ್ಥ ಬ್ರಹ್ಮಣೋ ರೂಪಂ ಯದಸ್ಯ ತ್ವಂ ಯದಸ್ಯ ದೇವೇಷು ಅಥ ನು ಮೀಮಾಂಸ್ಯಮೇವ ತೇ ಮನ್ಯೇಽವಿದಿತಮ್ ೧ ನಾಹಮ್ಮನ್ಯೇ ಸು ವೇದೇತಿ ನೋ ನ ವೇದೇತಿ ವೇದ ಚ ಯೋ ನಸ್ತದ್ವೇದ ತದ್ವೇದ ನೋ ನ ವೇದೇತಿ ವೇದ ಚ ೨ ಯಸ್ಯಾಮತಂ ತಸ್ಯ ಮತಮ್ಮತಂ ಯಸ್ಯ ನ ವೇದ ಸಃ ಅವಿಜ್ಞಾತಂ ವಿಜಾನತಾಂ ಅವಿಜಾನತಾಮ್ ೩ ಪ್ರತಿ-ಬೋಧವಿದಿತಮ್ಮತಮಮೃತತ್ವಂ ಹಿ ವಿನ್ದತೇ ಆತ್ಮನಾ ವಿನ್ದತೇ ವೀರ್ಯಂ ವಿದ್ಯಯಾ ವಿನ್ದತೇ-ಽಮೃತಮ್ ೪ ಇಹ ಚೇದವೇದೀದಥ ಸತ್ಯಮಸ್ತಿ ನ ಚೇದಿಹಾವೇದೀನ್ಮಹತೀ ವಿನಷ್ಟಿಃ ಭೂತೇಷು-
ಭೂತೇಷು ವಿವಿಚ್ಯ ಧೀರಾಃ ಪ್ರೇತ್ಯಾಸ್ಮಾಲ್ಲೋಕಾದಮೃತಾ ಭವನ್ತಿ ೫ ೧೯
ದಶಮೇಽನುವಾಕೇ ದ್ವಿತೀಯಃ ಖಣ್ಡಃ

ಬ್ರಹ್ಮ ಹ ದೇವೇಭ್ಯೋ ವಿಜಿಗ್ಯೇ ತಸ್ಯ ಹ ಬ್ರಹ್ಮಣೋ ವಿಜಯೇ ದೇವಾ ಅಮಹೀಯನ್ತ ತ ಐಕ್ಷನ್ತಾಸ್ಮಾಕಮೇವಾಯಂ ವಿಜಯಃ ಅಸ್ಮಾಕಮೇವಾಯಮ್ಮಹಿಮೇತಿ ೧ ತದ್ಧೈಷಾಂ ವಿಜಜ್ಞೌ ತೇಭ್ಯೋ ಹ ಪ್ರಾದುರ್ಬಭೂವ ತನ್ನ ವ್ಯಜಾನನ್ತ ಕಿಮಿದಂ ಯಕ್ಷಮಿತಿ ೨ ತೇಽಗ್ನಿಮಬ್ರುವಞ್ಜಾತವೇದ ಏತದ್ವಿ-ಜಾನೀಹಿ ಕಿಮೇತದ್ಯಕ್ಷಮಿತಿ ತಥೇತಿ ೩ ತದಭ್ಯದ್ರ ವತ್ತಮಭ್ಯವದತ್ಕೋಽಸೀತಿ ಅಗ್ನಿರ್ವಾ ಅಹಮಸ್ಮೀತ್ಯಬ್ರವೀಜ್ಜಾತವೇದಾ ವಾ ಅಹಮಸ್ಮೀತಿ ೪ ತಸ್ಮಿಂಸ್ತ್ವಯಿ ಕಿಂ ವೀರ್ಯಮಿತಿ ಅಪೀದಂ ಸರ್ವಂ ದಹೇಯಮ್ಯದಿದಮ್ಪೃಥಿವ್ಯಾಮಿತಿ ೫ ತಸ್ಮೈ ತೃಣಂ ನಿದಧಾವೇತದ್ದಹೇತಿ ತದುಪಪ್ರೇಯಾಯ ಸರ್ವಜವೇನ ತನ್ನ ಶಶಾಕ ದಗ್ಧುಂ ಸ ತತ ಏವ ನಿವವೃತೇ ನೈನದಶಕಂ ವಿಜ್ಞಾತುಂ ಯದೇತದ್ಯಕ್ಷಮಿತಿ ೬ ಅಥ ವಾಯುಮಬ್ರುವನ್ವಾಯವೇತದ್ವಿಜಾನೀಹಿ ಕಿಮೇತದ್ಯಕ್ಷಮಿತಿ ತಥೇತಿ ೭ ತದಭ್ಯದ್ರ ವತ್ತಮಭ್ಯವದತ್ಕೋಽಸೀತಿ ವಾಯುರ್ವಾ ಅಹಮಸ್ಮೀತ್ಯಬ್ರವೀನ್ಮಾತರಿಶ್ವಾ ವಾ ಅಹಮಸ್ಮೀತಿ ೮ ತಸ್ಮಿಂಸ್ತ್ವಯಿ ಕಿಂ ವೀರ್ಯಮಿತಿ ಅಪೀದಂ ಸರ್ವಮಾದದೀಯ ಯದಿದಮ್ಪೃ-ಥಿವ್ಯಾಮಿತಿ ೯ ತಸ್ಮೈ ತೃಣಂ ನಿದಧಾವೇತದಾದತ್ಸ್ವೇತಿ ತದುಪಪ್ರೇಯಾಯ ಸರ್ವಜವೇನ ತನ್ನ ಶಶಾಕಾದಾತುಂ ಸ ತತ ಏವ ನಿವವೃತೇ ನೈನದಶಕಂ ವಿಜ್ಞಾತುಂ ಯದೇತದ್ಯಕ್ಷಮಿತಿ ೧೦ ಅಥೇನ್ದ್ರ ಮಬ್ರುವನ್ಮಘವನ್ನೇತದ್ವಿಜಾನೀಹಿ ಕಿಮೇತದ್ಯಕ್ಷಮಿತಿ ತಥೇತಿ ತದಭ್ಯದ್ರ ವತ್ತಸ್ಮಾ-ತ್ತಿರೋಽದಧೇ ೧೧ ಸ ತಸ್ಮಿನ್ನೇವಾಕಾಶೇ ಸ್ತ್ರಿಯಮಾಜಗಾಮ ಬಹು ಶೋಭಮಾನಾಮುಮಾಂ ಹೈಮವತೀಂ
ತಾಂ ಹೋವಾಚ ಕಿಮೇತದ್ಯಕ್ಷಮಿತಿ ೧೨ ೨೦
ದಶಮೇಽನುವಾಕೇ ತೃತೀಯಃ ಖಣ್ಡಃ

ಬ್ರಹ್ಮೇತಿ ಹೋವಾಚ ಬ್ರಹ್ಮಣೋ ವಾ ಏತದ್ವಿಜಯೇ ಮಹೀಯಧ್ವ ಇತಿ ತತೋ ಹೈವ ವಿದಾಂ ಚಕಾರ ಬ್ರಹ್ಮೇತಿ ೧ ತಸ್ಮಾದ್ವಾ ಏತೇ ದೇವಾ ಅತಿತರಾಮಿವಾನ್ಯಾನ್ದೇವಾನ್ಯದಗ್ನಿರ್ವಾಯುರಿನ್ದ್ರ ಃ! ತೇ ಹ್ಯೇನನ್ನೇ-ದಿಷ್ಠಮ್ಪಸ್ಪೃಶುಸ್ಸ ಹ್ಯೇನತ್ಪ್ರಥಮೋ ವಿದಾಂ ಚಕಾರ ಬ್ರಹ್ಮೇತಿ ೨ ತಸ್ಮಾದ್ವಾ ಇನ್ದ್ರೋ ಽತಿತರಾಮಿ-ವಾನ್ಯಾನ್ದೇವಾನ್ಸ ಹ್ಯೇನನ್ನೇದಿಷ್ಠಮ್ಪಸ್ಪರ್ಶ ಸ ಹ್ಯೇನತ್ಪ್ರಥಮೋ ವಿದಾಂ ಚಕಾರ ಬ್ರಹ್ಮೇತಿ ೩ ತಸ್ಯೈಷ ಆದೇಶೋ ಯದೇತದ್ವಿದ್ಯುತೋ ವ್ಯದ್ಯುತದಾ೩ ಇತಿ ನ್ಯಮಿಷದಾ೩ ಇತ್ಯಧಿದೇವತಮ್ ೪ ಅಥಾಧ್ಯಾತ್ಮಂ ಯದೇನದ್ಗಚ್ಛತೀವ ಚ ಮನೋಽನೇನ ಚೈನದುಪಸ್ಮರತ್ಯಭೀಕ್ಷ್ಣಂ ಸಂಕಲ್ಪಃ ೫ ತದ್ಧ ತದ್ವನಂ ನಾಮ ತದ್ವನಮಿತ್ಯುಪಾಸಿತವ್ಯಂ ಸ ಯ ಏತದೇವಂ ವೇದಾಭಿ ಹೈನಂ ಸರ್ವಾಣಿ ಭೂತಾನಿ ಸಂವಾಙ್ಛನ್ತಿ ೬ ಉಪನಿಷದಮ್ಭೋ ಬ್ರೂಹೀತಿ ಉಕ್ತಾ ತ ಉಪನಿಷತ್ ಬ್ರಾಹ್ಮೀಂ ವಾವ ತ ಉಪನಿಷದಮಬ್ರೂಮೇತಿ ೭ ತಸ್ಯೈ ತಪೋ ದಮಃ ಕರ್ಮೇತಿ ಪ್ರತಿಷ್ಠಾ ವೇದಾಸ್ಸರ್ವಾಙ್ಗಾಣಿ ಸತ್ಯ-ಮಾಯತನಮ್ ೮ ಯೋ ವಾ ಏತಾಮೇವಂ ವೇದಾಪಹತ್ಯ ಪಾಪ್ಮಾನಮನನ್ತೇ ಸ್ವರ್ಗೇ ಲೋಕೇಽಜ್ಯೇಯೇ
ಪ್ರತಿತಿಷ್ಠತಿ ೯ ೨೧
ದಶಮೇಽನುವಾಕೇ ಚತುರ್ಥಃ ಖಣ್ಡಃ
ದಶಮೋಽನುವಾಕಸ್ಸಮಾಪ್ತಃ

ಆಶಾ ವಾ ಇದಮಗ್ರ ಆಸೀದ್ಭವಿಷ್ಯದೇವ ತದಭವತ್ತಾ ಆಪೋಽಭವನ್ ೧ ತಾಸ್ತಪೋಽತಪ್ಯನ್ತ ತಾಸ್ತಪಸ್ತೇಪಾನಾ ಹುಸ್ಸಿತ್ಯೇವ ಪ್ರಾಚೀಃ ಪ್ರಾಶ್ವಸನ್ಸ ವಾವ ಪ್ರಾಣೋಽಭವತ್ ೨ ತಾಃ ಪ್ರಾಣ್ಯಾಪಾನನ್ಸ ವಾ ಅಪಾನೋಽಭವತ್ ೩ ತಾ ಅಪಾನ್ಯ ವ್ಯಾನನ್ಸ ವಾವ ವ್ಯಾನೋಽಭವತ್ ೪ ತಾ ವ್ಯಾನ್ಯ ಸಮಾನನ್ಸ ವಾವ ಸಮಾನೋಽಭವತ್ ೫ ತಾಸ್ಸಮಾನ್ಯೋದಾನನ್ಸ ವಾ ಉದಾನೋಽಭವತ್ ೬ ತದಿದಮೇಕಮೇವ ಸಧಮಾದ್ಯಮಾಸೀದವಿವಿಕ್ತಮ್ ೭ ಸ ನಾಮ-ರೂಪಮಕುರುತ ತೇನೈನದ್ವ್ಯವಿನಕ್ ವಿ ಹ ಪಾಪ್ಮನೋ ವಿಚ್ಯತೇ ಯ ಏವಂ ವೇದ ೮ ತದಸೌ ವಾ ಆದಿತ್ಯಃ ಪ್ರಾಣೋಽಗ್ನಿರಪಾನ ಆಪೋ ವ್ಯಾನೋ ದಿಶಸ್ಸಮಾನಶನ್ದ್ರ ಮಾ ಉದಾನಃ ೯ ತದ್ವಾ ಏತದೇಕಮಭವತ್ಪ್ರಾಣ ಏವ ಸ ಯ ಏವಮೇತದೇಕಮ್ಭವದ್ವೇದೈವಂ ಹೈತದೇಕಧಾ ಭವತೀತ್ಯೇಕಧೈವ ಶ್ರೇಷ್ಠಸ್ಸ್ವಾನಾಮ್ಭವತಿ ೧೦ ತದಗ್ನಿರ್ವೈ ಪ್ರಾಣೋ ವಾಗಿತಿ ಪೃಥಿವೀ ವಾಯುರ್ವೈ ಪ್ರಾಣೋ ವಾಗಿ-ತ್ಯನ್ತರಿಕ್ಷಮಾದಿತ್ಯೋ ವೈ ಪ್ರಾಣೋ ವಾಗಿತಿ ದ್ಯೌರ್ದಿಶೋ ವೈ ಪ್ರಾಣೋ ವಾಗಿತಿ ಶ್ರೋತ್ರಂ ಚನ್ದ್ರ ಮಾ ವೈ ಪ್ರಾಣೋ ವಾಗಿತಿ ಮನಃ ಪುಮಾನ್ವೈ ಪ್ರಾಣೋ ವಾಗಿತಿ ಸ್ತ್ರೀ ೧೧ ತಸ್ಯೇದಂ ಸೃಷ್ಟಂ ಶಿಥಿಲ-ಮ್ಭುವನಮಾಸೀದಪರ್ಯಾಪ್ತಮ್ ೧೨ ಸ ಮನೋರೂಪಮಕುರುತ ತೇನ ತತ್ಪರ್ಯಾಪ್ನೋತ್ ದೃಢಂ ಹ ವಾ
ಅಸ್ಯೇದಂ ಸೃಷ್ಟಮಶಿಥಿಲಮ್ಭುವನಮ್ಪರ್ಯಾಪ್ತಮ್ಭವತಿ ಯ ಏವಂ ವೇದ ೧೩ ೨೨
ಏಕಾದಶೇಽನುವಾಕೇ ಪ್ರಥಮಃ ಖಣ್ಡಃ

ಸೈಷಾ ಚತುರ್ಧಾ ವಿಹಿತಾ ಶ್ರೀರುದ್ಗೀಥಸ್ಸಾಮಾರ್ಕ್ಯಂ ಜ್ಯೇಷ್ಠಬ್ರಾಹ್ಮಣಮ್ ೧ ಪ್ರಾಣೋ ವಾವೋದ್ವಾಗ್ಗೀ ಸ ಉದ್ಗೀಥಃ ೨ ಪ್ರಾಣೋ ವಾವಾಮೋ ವಾಕ್ಸಾ ತತ್ಸಾಮ ೩ ಪ್ರಾಣೋ ವಾವ ಕೋ ವಾಗೃಕ್ತದರ್ಕ್ಯಮ್ ೪ ಪ್ರಾಣೋ ವಾವ ಜ್ಯೇಷ್ಠೋ ವಾಗ್ಬ್ರಾಹ್ಮಣಂ ತಜ್ಜ್ಯೇಷ್ಠಬ್ರಾಹ್ಮಣಮ್ ೫ ಉಪನಿಷದಮ್ಭೋ ಬ್ರೂಹೀತಿ ಉಕ್ತಾ ತ ಉಪನಿಷದ್ಯಸ್ಯ ತೇ ಧಾತವ ಉಕ್ತಾಃ ತ್ರಿಧಾತು ವಿಷು ವಾವ ತ ಉಪನಿಷದಮಬ್ರೂಮೇತಿ ೬ ಏತಚ್ಛುಕ್ಲಂ ಕೃಷ್ಣಂ ತಾಮ್ರಂ ಸಾಮವರ್ಣ ಇತಿ ಹ ಸ್ಮಾಹ ಯದೈವ ಶುಕ್ಲಕೃಷ್ಣೇ ತಾಮ್ರೋ ವರ್ಣೋಽಭ್ಯವೈತಿ ಸ ವೈ ತೇ ವೃಙ್ತೇ ದಶಮ ಮಾನುಷಮಿತಿ ತ್ರಿಧಾತು ಸ ಐಕ್ಷತ ಕ್ವ ನು ಮ
ಉತ್ತಾನಾಯ ಶಯಾನಾಯೇಮಾ ದೇವತಾ ಬಲಿಂ ಹರೇಯುರಿತಿ ೭ ೨೩
ಏಕಾದಶೇಽನುವಾಕೇ ದ್ವಿತೀಯಃ ಖಣ್ಡಃ

ಸ ಪುರುಷಮೇವ ಪ್ರಪದನಾಯಾವೃಣೀತ ೧ ತಮ್ಪುರಸ್ತಾತ್ಪ್ರತ್ಯಞ್ಚಮ್ಪ್ರಾವಿಶತ್ತಸ್ಮಾ ಉರುರಭವ-ತ್ತದುರಸ ಉರಸ್ತ್ವಮ್ ೨ ತಸ್ಮಾ ಅತ್ರಸದ ಏತಾ ದೇವತಾ ಬಲಿಂ ಹರನ್ತಿ ೩ ವಾಚಮನು-ಹರನ್ತೀಮಗ್ನಿರಸ್ಮೈ ಬಲಿಂ ಹರತಿ ೪ ಮನೋಽನುಹರಚ್ಚನ್ದ್ರ ಮಾ ಅಸ್ಮೈ ಬಲಿಂ ಹರತಿ ೫ ಚಕ್ಷುರನುಹರದಾದಿತ್ಯೋಽಸ್ಮೈ ಬಲಿಂ ಹರತಿ ೬ ಶ್ರೋತ್ರಮನುಹರದ್ದಿಶೋಽಸ್ಮೈ ಬಲಿಂ ಹರನ್ತಿ ೭ ಪ್ರಾಣಮನುಹರನ್ತಂ ವಾಯುರಸ್ಮೈ ಬಲಿಂ ಹರತಿ ೮ ತಸ್ಯೈತೇ ನಿಷ್ಖಾತಾಃ ಪನ್ಥಾ ಬಲಿವಾಹನಾ ಇಮೇ ಪ್ರಾಣಾಃ ಏವಂ ಹೈತಂ ನಿಷ್ಖಾತಾಃ ಪನ್ಥಾ ಬಲಿವಾಹನಾಸ್ಸರ್ವತೋಽಪಿಯನ್ತಿ ಪ್ರಾಣಾ ಯ ಏವಂ ವೇದ ೯ ಸಾ ಹೈಷಾ ಬ್ರಹ್ಮಾಸನ್ದೀಮಾರೂಢಾ ಆ ಹಾಸ್ಮೈ ಬ್ರಹ್ಮಾಸನ್ದೀಂ ಹರನ್ತ್ಯಧಿ ಹ ಬ್ರಹ್ಮಾಸನ್ದೀಂ ರೋಹತಿ ಯ ಏವಂ ವೇದ ೧೦ ತದೇತದ್ಬ್ರಹ್ಮಯಶಶ್ಶ್ರಿಯಾ ಪರಿವೃಢಂ ಬ್ರಹ್ಮ ಹ ತು ಸನ್ಯಶಸಾ ಶ್ರಿಯಾ ಪರಿವೃಢೋ ಭವತಿ ಯ ಏವಂ ವೇದ ೧೧ ತಸ್ಯೈಷ ಆದೇಶೋ ಯೋಽಯಂ ದಕ್ಷಿಣೇಽಕ್ಷನ್ನನ್ತಃ ತಸ್ಯ ಯಚ್ಛುಕ್ಲಂ ತದೃಚಾಂ ರೂಪಂ ಯತ್ಕೃಷ್ಣಂ ತತ್ಸಾಮ್ನಾಂ ಯದೇವ ತಾಮ್ರಮಿವ ಬಭ್ರುರಿವ ತದ್ಯಜುಷಾಮ್ ೧೨ ಯ ಏವಾಯಂ ಚಕ್ಷುಷಿ ಪುರುಷ ಏಷ ಇನ್ದ್ರ ಏಷ ಪ್ರಜಾಪತಿಸ್ಸಮಃ ಪೃಥಿವ್ಯಾ ಸಮ ಆಕಾಶೇನ ಸಮೋ ದಿವಾ ಸಮಸ್ಸರ್ವೇಣ ಭೂತೇನ ಏಷ ಪರೋ ದಿವೋ ದೀಪ್ಯತೇ ಏಷ ಏವೇದಂ
ಸರ್ವಮಿತ್ಯುಪಾಸಿತವ್ಯಮ್ ೧೩ ೨೪
ಏಕಾದಶೇಽನುವಾಕೇ ತೃತೀಯಃ ಖಣ್ಡಃ

ಸಚ್ಚಾಸಚ್ಚಾಸಚ್ಚ ಸಚ್ಚ ವಾಕ್ಚ ಮನಶ್ಚ ಮನಶ್ಚ ವಾಕ್ಚ ಚಕ್ಷುಶ್ಚ ಶ್ರೋತ್ರಂ ಚ ಶ್ರೋತ್ರಂ ಚ ಚಕ್ಷುಶ್ಚ ಶ್ರದ್ಧಾ ಚ ತಪಶ್ಚ ತಪಶ್ಚ ಶ್ರದ್ಧಾ ಚ ತಾನಿ ಷೋಡಶ ೧ ಷೋಡಶಕಲಮ್ಬ್ರಹ್ಮ ಸ ಯ ಏವಮೇತ-ತ್ಷೋಡಶಕಲಮ್ಬ್ರಹ್ಮ ವೇದ ತಮೇವೈತತ್ಷೋಡಶಕಲಮ್ಬ್ರಹ್ಮಾಪ್ಯೇತಿ ೨ ವೇದೋ ಬ್ರಹ್ಮ ತಸ್ಯ ಸತ್ಯಮಾಯತನಂ ಶಮಃ ಪ್ರತಿಷ್ಠಾ ದಮಶ್ಚ ೩ ತದ್ಯಥಾ ಶ್ವಃ ಪ್ರೈಷ್ಯನ್ಪಾಪಾತ್ಕರ್ಮಣೋ ಜುಗುಪ್ಸೇ-ತೈವಮೇವಾಹರಹಃ ಪಾಪಾತ್ಕರ್ಮಣೋ ಜುಗುಪ್ಸೇತಾಕಾಲಾತ್ ೪ ಅಥೈಸಾಂ ದಶಪದೀ ವಿರಾಟ್ ೫ ದಶ ಪುರುಷೇ ಸ್ವರ್ಗನರಕಾಣಿ ತಾನ್ಯೇನಂ ಸ್ವರ್ಗಂ ಗತಾನಿ ಸ್ವರ್ಗಂ ಗಮಯನ್ತಿ ನರಕಂ ಗತಾನಿ
ನರಕಂ ಗಮಯನ್ತಿ ೬ ೨೫
ಏಕಾದಶೇಽನುವಾಕೇ ಚತುರ್ಥಃ ಖಣ್ಡಃ

ಮನೋ ನರಕೋ ವಾಙ್ನರಕಃ ಪ್ರಾಣೋ ನರಕಶ್ಚಕ್ಷುರ್ನರಕಶ್ಶ್ರೋತ್ರಂ ನರಕಸ್ತ್ವಙ್ನರಕೋ ಹಸ್ತೌ ನರಕೋ ಗುದಂ ನರಕಶ್ಶಿಶ್ನಂ ನರಕಃ ಪಾದೌ ನರಕಃ ೧ ಮನಸಾ ಪರೀಕ್ಷ್ಯಾಣಿ ವೇದೇತಿ ವೇದ ೨ ವಾಚಾ ರಸಾನ್ವೇದೇತಿ ವೇದ ೩ ಪ್ರಾಣೇನ ಗನ್ಧಾನ್ವೇದೇತಿ ವೇದ ೪ ಚಕ್ಷುಷಾ ರೂಪಾಣಿ ವೇದೇತಿ ವೇದ ೫ ಶ್ರೋತ್ರೇಣ ಶಬ್ದಾನ್ವೇದೇತಿ ವೇದ ೬ ತ್ವಚಾ ಸಂಸ್ಪರ್ಶಾನ್ವೇದೇತಿ ವೇದ ೭ ಹಸ್ತಾಭ್ಯಾಂ ಕರ್ಮಾಣಿ ವೇದೇತಿ ವೇದ ೮ ಉದರೇಣಾಶನಯಾಂ ವೇದೇತಿ ವೇದ ೯ ಶಿಶ್ನೇನ ರಾಮಾನ್ವೇದೇತಿ ವೇದ ೧೦ ಪಾದಾಭ್ಯಾಮಧ್ವನೋ ವೇದೇತಿ ವೇದ ೧೧ ಪ್ಲಕ್ಷಸ್ಯ ಪ್ರಾಸ್ರವಣಸ್ಯ ಪ್ರಾದೇಶಮಾತ್ರಾದುದಕ್ತತ್ಪೃಥಿವ್ಯೈ ಮಧ್ಯಮಥ ಯತ್ರೈತೇ ಸಪ್ತರ್ಷಯಸ್ತದ್ದಿವೋ ಮಧ್ಯಮ್ ೧೨ ಅಥ ಯತ್ರೈತ ಊಷಾಸ್ತತ್ಪೃಥಿವ್ಯೈ ಹೃದಯಮಥ ಯದೇತತ್ಕೃಷ್ಣಂ ಚನ್ದ್ರ ಮಸಿ ತದ್ದಿವೋ ಹೃದಯಮ್ ೧೩ ಸ ಯ ಏವಮೇತೇ ದ್ಯಾವಾಪೃಥಿವ್ಯೋರ್ಮಧ್ಯೇ ಚ ಹೃದಯೇ ಚ ವೇದ ನಾಕಾಮೋಽಸ್ಮಾಲ್ಲೋಕಾತ್ಪ್ರೈತಿ ೧೪ ನಮೋಽತಿಸಾಮಾಯೈತುರೇತಾಯ ಧೃತರಾಷ್ಟ್ರಾಯ ಪಾರ್ಥುಶ್ರವಸಾಯ ಯೇ ಚ ಪ್ರಾಣಂ ರಕ್ಷನ್ತಿ ತೇ ಮಾ ರಕ್ಷನ್ತು
ಸ್ವಸ್ತಿ ಕರ್ಮೇತಿ ಗಾರ್ಹಪತ್ಯಶ್ಶಮ ಇತ್ಯಾಹವನೀಯೋ ದಮ ಇತ್ಯನ್ವಾಹಾರ್ಯಪಚನಃ ೧೫ ೨೭
ಏಕಾದಶೇಽನುವಾಕೇ ಪಞ್ಚಮಃ ಖಃಡಃ
ಏಕಾದಶೋಽನುವಾಕಸ್ಸಮಾಪ್ತಃ

ಕಾ ಸಾವಿತ್ರೀ ಅಗ್ನಿರೇವ ಸವಿತಾ ಪೃಥಿವೀ ಸಾವಿತ್ರೀ ೧ ಸ ಯತ್ರಾಗ್ನಿಸ್ತತ್ಪೃಥಿವೀ ಯತ್ರ ವಾ ಪೃಥಿವೀ ತದಗ್ನಿಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೨ ಕಸ್ಸವಿತಾ ಕಾ ಸಾವಿತ್ರೀ ವರುಣ ಏವ ಸವಿತಾ ಆಪಸ್ಸಾವಿತ್ರೀ ೩ ಸ ಯತ್ರ ವರುಣಸ್ತದಾಪೋ ಯತ್ರ ವಾಪಸ್ತದ್ವರುಣಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೪ ಕಸ್ಸವಿತಾ ಕಾ ಸಾವಿತ್ರೀ ವಾಯುರೇವ ಸವಿತಾ ಆಕಾಶಸ್ಸಾವಿತ್ರೀ ೫ ಸ ಯತ್ರ ವಾಯುಸ್ತದಾಕಾಶೋ ಯತ್ರ ವಾಕಾಶಸ್ತದ್ವಾಯುಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೬ ಕಸ್ಸವಿತಾ ಕಾ ಸಾವಿತ್ರೀ ಯಜ್ಞ ಏವ ಸವಿತಾ ಛನ್ದಾಂಸಿ ಸಾವಿತ್ರೀ ೭ ಸ ಯತ್ರ ಯಜ್ಞಸ್ತಚ್ಛನ್ದಾಂಸಿ ಯತ್ರ ವಾ ಛನ್ದಾಂಸಿ ತದ್ಯಜ್ಞಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೮ ಕಸ್ಸವಿತಾ ಕಾ ಸಾವಿತ್ರೀ ಸ್ತನಯಿತ್ನುರೇವ ಸವಿತಾ ವಿದ್ಯುತ್ಸಾವಿತ್ರೀ ೯ ಸ ಯತ್ರ ಸ್ತನಯಿತ್ನುಸ್ತದ್ವಿದ್ಯುದ್ಯತ್ರ ವಾ ವಿದ್ಯುತ್ತತ್ಸ್ತನಯಿತ್ನುಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೧೦ ಕಸ್ಸವಿತಾ ಕಾ ಸಾವಿತ್ರೀ ಆದಿತ್ಯ ಏವ ಸವಿತಾ ದ್ಯೌಸ್ಸಾವಿತ್ರೀ ೧೧ ಸ ಯತ್ರಾದಿತ್ಯ-ಸ್ತದ್ದ್ಯೌರ್ಯತ್ರ ವಾ ದ್ಯೌಸ್ತದಾದಿತ್ಯಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೧೨ ಕಸ್ಸವಿತಾ ಕಾ ಸಾವಿತ್ರೀ ಚನ್ದ್ರ ಏವ ಸವಿತಾ ನಕ್ಷತ್ರಾಣಿ ಸಾವಿತ್ರೀ ೧೩ ಸ ಯತ್ರ ಚನ್ದ್ರ ಸ್ತನ್ನಕ್ಷತ್ರಾಣಿ ಯತ್ರ ವಾ ನಕ್ಷತ್ರಾಣಿ ತಚ್ಚನ್ದ್ರ ಃ! ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೧೪ ಕಸ್ಸವಿತಾ ಕಾ ಸಾ-ವಿತ್ರೀ ಮನ ಏವ ಸವಿತಾ ವಾಕ್ಸಾವಿತ್ರೀ ೧೫ ಸ ಯತ್ರ ಮನಸ್ತದ್ವಾಗ್ಯತ್ರ ವಾ ವಾಕ್ತನ್ಮನಃ ತೇ ದ್ವೇ ಯೋನೀ ತದೇಕಮ್ಮಿಥುನಮ್ ೧೬ ಕಸ್ಸವಿತಾ ಕಾ ಸಾವಿತ್ರೀ ಪುರುಷ ಏವ ಸವಿತಾ ಸ್ತ್ರೀ ಸಾವಿತ್ರೀ ಸ ಯತ್ರ ಪುರುಷಸ್ತತ್ಸ್ತ್ರೀ ಯತ್ರ ವಾ ಸ್ತ್ರೀ ತತ್ಪುರುಷಃ ತೇ ದ್ವೇ ಯೋನೀ
ತದೇಕಮ್ಮಿಥುನಮ್ ೧೭ ೨೭
ದ್ವಾದಶೇಽನುವಾಕೇ ಪ್ರಥಮಃ ಖಣ್ಡಃ

ತಸ್ಯಾ ಏಷ ಪ್ರಥಮಃ ಪಾದೋ ಭೂಸ್ತತ್ಸವಿತುರ್ವರೇಣ್ಯಮಿತಿ ಅಗ್ನಿರ್ವೈ ವರೇಣ್ಯಮಾಪೋ ವೈ ವರೇಣ್ಯಂ ಚನ್ದ್ರ ಮಾ ವೈ ವರೇಣ್ಯಮ್ ೧ ತಸ್ಯಾ ಏಷ ದ್ವಿತೀಯಃ ಪಾದೋ ಭರ್ಗಮಯೋ ಭುವೋ ಭರ್ಗೋ ದೇವಸ್ಯ ಧೀಮಹೀತಿ ಅಗ್ನಿರ್ವೈ ಭರ್ಗಃ ಆದಿತ್ಯೋ ವೈ ಭರ್ಗಃ ಚನ್ದ್ರ ಮಾ ವೈ ಭರ್ಗಃ ೨ ತಸ್ಯಾ ಏಷ ತೃತೀಯಃ ಪಾದಸ್ಸ್ವರ್ಧಿಯೋ ಯೋ ನಃ ಪ್ರಚೋದಯಾದಿತಿ ಯಜ್ಞೋ ವೈ ಪ್ರಚೋದಯತಿ ಸ್ತ್ರೀ ಚ ವೈ ಪುರುಷಶ್ಚ ಪ್ರಜನಯತಃ ೩ ಭೂರ್ಭುವಸ್ತತ್ಸವಿತುರ್ವರೇಣ್ಯಮ್ಭರ್ಗೋ ದೇವಸ್ಯ ಧೀಮಹೀತಿ ಅಗ್ನಿರ್ವೈ ಭರ್ಗಃ ಆದಿತ್ಯೋ ವೈ ಭರ್ಗಃ ಚನ್ದ್ರ ಮಾ ವೈ ಭರ್ಗಃ ೪ ಸ್ವರ್ಧಿಯೋ ಯೋ ನಃ ಪ್ರಚೋದಯಾದಿತಿ ಯಜ್ಞೋ ವೈ ಪ್ರಚೋದಯತಿ ಸ್ತ್ರೀ ಚ ವೈ ಪುರುಷಶ್ಚ ಪ್ರಜನಯತಃ ೫ ಭೂರ್ಭುವಸ್ಸ್ವಸ್ತತ್ಸವಿತುರ್ವರೇಣ್ಯಮ್ಭರ್ಗೋ ದೇವಸ್ಯ ಧೀಮಹಿ ಧಿಯೋ ಯೋ ನಃ ಪ್ರಚೋದಯಾದಿತಿ ಯೋ ವಾ ಏತಾಂ ಸಾವಿತ್ರೀಮೇವಂ ವೇದಾಪ ಪುನರ್ಮೃತ್ಯುಂ ತರತಿ ಸಾವಿತ್ರ್! ಯಾ ಏವ ಸಲೋಕತಾಂ ಜಯತಿ ಸಾವಿತ್ರ್! ಯಾ ಏವ ಸಲೋಕತಾಂ ಜಯತಿ
೬ ೨೮
ದ್ವಾದಶೇಽನುವಾಕೇ ದ್ವಿತೀಯಃ ಖಣ್ಡಃ ದ್ವಾದಶೋಽನುವಾಕಸ್ಸಮಾಪ್ತಃ
ಇತ್ಯುಪನಿಷದ್ಬ್ರಾಹ್ಮಣಂ ಸಮಾಪ್ತಮ್