Proper display of the text below may depend on webfonts, which in turn require being connected to the internet

ಜೈಮಿನೀಯಬ್ರಾಹ್ಮಣಮ್

ತದಾಹುಃ ಕೇನ ಜುಹೋತಿ ಕಸ್ಮಿನ್ಹೂಯತ ಇತಿ ।
ಪ್ರಾಣೇನೈವ ಜುಹೋತಿ ಪ್ರಾಣೇ ಹೂಯತೇ ।
ತದ್ಯದೇತದಗ್ನೀನ್ಮನ್ಥನ್ತಿ ಯಜಮಾನಸ್ಯೈವ ತತ್ಪ್ರಾಣಾಞ್ಜನಯನ್ತಿ ।
ತದ್ಯಾವದ್ವೈ ಮನ್ಥನ್ತಿ ನ ತರ್ಹಿ ಪ್ರಾಣಿತಿ ।
ಅರಣ್ಯೋರೇವಾಸ್ಯ ತರ್ಹಿ ಪ್ರಾಣಾ ಭವನ್ತಿ ।
ತಸ್ಯ ವೈ ಮಥ್ಯಮಾನಸ್ಯ ಭಸ್ಮಾವಶೀಯತೇ ।
ಅನ್ನಮೇವಾಸ್ಯ ತಜ್ಜಾಯತೇ ।
ಅನ್ನಂ ಮ ಏತದಜನೀತ್ಯೇವ ತದ್ವಿದ್ಯಾತ್ ।
ಧೂಮೋಽನು ನಿನರ್ದತಿ ।
ಮನ ಏವಾಸ್ಯ ತಜ್ಜಾಯತೇ ।
ಮನೋ ಮ ಏತದಜನೀತ್ಯೇವ ತದ್ವಿದ್ಯಾತ್ ।
ಅಙ್ಗಾರೋಽನು ನಿರ್ವರ್ತತೇ ।
ಚಕ್ಷುರೇವಾಸ್ಯ ತಜ್ಜಾಯತೇ ।
ಚಕ್ಷುರ್ಮ ಏತದಜನೀತ್ಯೇವ ತದ್ವಿದ್ಯಾತ್ ।
ಸ ಏಷೋಽಙ್ಗಾರ ಏತಾನಿ ಭಸ್ಮಾನಿ ಗ್ರಸತೇ ।
ಯಥಾ ಕುಮಾರೋ ಜಾತಸ್ಸ್ತನಮಭಿಪದ್ಯೇತ ತಥಾ ತಿರ್ಯಙ್ವಿಸರ್ಪತಿ ।
ಶ್ರೋತ್ರಮೇವಾಸ್ಯ ತಜ್ಜಾಯತೇ ।
ಶ್ರೋತ್ರಂ ಮ ಏತದಜನೀತ್ಯೇವ ತದ್ವಿದ್ಯಾತ್ ।
ಉಪರಿ ತೃಣಾನಿ ಧುನೋತಿ ।
ಪ್ರಾಣ ಏವಾಸ್ಯ ಸ ಜಾಯತೇ ।
ಪ್ರಾಣೋ ಮ ಏಷೋಽಜನೀತ್ಯೇವ ತದ್ವಿದ್ಯಾತ್ ।
ಭಾ ಇತ್ಯುದ್ದೀಪ್ಯತೇ ।
ವಾಗೇವಾಸ್ಯ ಸಾ ಜಾಯತೇ ।
ವಾಙ್ಮ ಏಷಾಜನೀತ್ಯೇವ ತದ್ವಿದ್ಯಾತ್ ।
ಸ ಏತಾನ್ಪಞ್ಚ ಪ್ರಾಣಾಞ್ಜನಯತೇ ।
ತಾಂಸ್ತ್ರೇಧಾ ವ್ಯೂಹ್ಯ ದೇವಾನ್ಕೃತ್ವಾ ತೇಷು ಜುಹ್ವದಾಸ್ತೇ ।
ದೇವಾ ಹೈವಾಸ್ಯ ದೇವಾ ಭವನ್ತಿ ।
ಇಮೇ ತ್ವೇವಾಸ್ಯ ದೇವಾ ಭವನ್ತಿ ಯೇಷು ಜುಹ್ವದಾಸ್ತೇ ೧

ತದ್ಯದಾಹುಃ ಕೇನ ಜುಹೋತಿ ಕಸ್ಮಿನ್ಹೂಯತ ಇತಿ ಪ್ರಾಣೇನೈವ ಜುಹೋತಿ ಪ್ರಾಣೇ ಹೂಯತೇ ।
ತದೇತದನ್ನಂ ಪ್ರಾಣೇ ಜುಹೋತಿ ।
ಸ ಏಷೋಽನಕಾಮಮಾರ ಇಮಾನ್ಹಿ ಪ್ರಾಣಾನಭಿ ವರ್ಧಯಮಾನಸ್ಯ ತೇಷು ಜುಹ್ವದಾಸ್ತೇ ।
ಅಥೈತದ್ಧ ವಾವ ಬ್ರಾಹ್ಮಣಸ್ಯ ಸ್ವಂ ಯದ್ಧವಿಃ ।
ತದಾತ್ಮನ್ನಿಧತ್ತ ಏಷ್ವಮೃತೇಷು ಪ್ರಾಣೇಷು ।
ತದಸ್ಯಾತ್ಮನ್ನಿಹಿತಂ ನ ಪ್ರಮೀಯತೇ ।
ತದ್ಯದಾ ವೈ ಮನ ಉತ್ಕ್ರಾಮತಿ ಯದಾ ಪ್ರಾಣೋ ಯದಾ ಚಕ್ಷುರ್ಯದಾ ಶ್ರೋತ್ರಂ ಯದಾ ವಾಗೇತಾನೇವಾಗ್ನೀನಭಿಗಚ್ಛತಿ ।
ಅಥಾಸ್ಯೇದಂ ಶರೀರಮೇತೇಷ್ವೇವಾಗ್ನಿಷ್ವನುಪ್ರವಿಧ್ಯನ್ತಿ ಅಸ್ಮಾದ್ವೈ ತ್ವಮಜಾಯಥಾ ಏಷ ತ್ವಜ್ಜಾಯತಾಂ ಸ್ವಾಹಾ ಇತಿ ।
ಸೋಽತ ಆಹುತಿಮಯೋ ಮನೋಮಯಃ ಪ್ರಾಣಮಯಶ್ಚಕ್ಷುರ್ಮಯಶ್ಶ್ರೋತ್ರಮಯೋ ವಾಙ್ಮಯ ಋಙ್ಮಯೋ ಯಜುರ್ಮಯಸ್ಸಾಮಮಯೋ ಬ್ರಹ್ಮಮಯೋ ಹಿರಣ್ಯಮಯೋಽಮೃತಸ್ಸಂಭವತಿ ।
ಅಮೃತಾ ಹೈವಾಸ್ಯ ಪ್ರಾಣಾ ಭವನ್ತಿ ।
ಅಮೃತಶರೀರಮಿದಂ ಕುರುತೇ ।
ಸೋಽಮೃತತ್ವಂ ಗಚ್ಛತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨

ಪ್ರಜಾಪತಿಸ್ಸಹಸ್ರಸಂವತ್ಸರಮಾಸ್ತ ।
ಸ ಸಪ್ತ ಶತಾನಿ ವರ್ಷಾಣಾಂ ಸಮಾಪ್ಯೇಮಾಮೇವ ಜಿತಿಮಜಯದ್ಯಾಸ್ಯೇಯಂ ಜಿತಿಸ್ತಾಮ್ ।
ಸ ಸ್ವರ್ಗಂ ಲೋಕಮಾರೋಹನ್ದೇವಾನಬ್ರವೀದೇತಾನಿ ಯೂಯಂ ತ್ರೀಣಿ ಶತಾನಿ ವರ್ಷಾಣಾಂ ಸಮಾಪಯಾಥೇತಿ ।
ತಥೇತಿ ।
ತೇ ತ್ರೀಣಿ ಶತಾನಿ ವರ್ಷಾಣಾಂ ಸಮಾಪ್ಯ ತಾಮು ಏವ ಜಿತಿಮಜಯನ್ಯಾಂ ಪ್ರಜಾಪತಿರಜಯತ್ ।
ತ ಏತೇ ಸರ್ವ ಏವ ಪ್ರಜಾಪತಿಮಾತ್ರಾ ಅಯಾ೩ಮಯಾ೩ಮಿತಿ ।
ತೇಽಬ್ರುವನ್ದೇವಶರೀರೈರ್ವಾ ಇದಮಮೃತಶರೀರೈಸ್ಸಮಾಪಾಮ ನ ವಾ ಇದಂ ಮನುಷ್ಯಾಸ್ಸಮಾಪ್ಸ್ಯನ್ತಿ ।
ಏತೇಮಂ ಯಜ್ಞಂ ಸಂಭರಾಮೇತಿ ।
ತಂ ಸಂವತ್ಸರಮಭಿಸಮಭರನ್ ।
ತೇಽಬ್ರುವನ್ಮಹದ್ವಾ ಇದಂ ಸಮೇವ ಭರಾಮೇತಿ ।
ತಂ ದ್ವಾದಶಾಹಮಭಿಸಮಭರನ್ ।
ತೇಽಬ್ರುವನ್ಮಹದ್ವಾ ಇದಂ ಸಮೇವ ಭರಾಮೇತಿ ।
ತಂ ಪೃಷ್ಠ್ಯಂ ಷಡಹಮಭಿಸಮಭರನ್ ।
ತೇಽಬ್ರುವನ್ಮಹದ್ವಾ ಇದಂ ಸಮೇವ ಭರಾಮೇತಿ ೩

ತಂ ತ್ರಿರಾತ್ರಂ ತಂ ದ್ವಿರಾತ್ರಂ ತಮಪ್ತೋರ್ಯಾಮಂ ತಮತಿರಾತ್ರಂ ತಂ ವಾಜಪೇಯಂ ತಂ ಷೋಡಶಿನಂ ತಮುಕ್ಥ್ಯಂ ತಮಗ್ನಿಷ್ಟೋಮಂ ತಮಿಷ್ಟಿಪಶುಬನ್ಧಾಂಸ್ತಂ ಚಾತುರ್ಮಾಸ್ಯಾನಿ ತಂ ದರ್ಶಪೂರ್ಣಮಾಸೌ ತಮೇತೇ ಅಗ್ನಿಹೋತ್ರಾಹುತೀ ಅಭಿಸಮಭರನ್ ।
ಸೋಽತೋ ನ ಪರಾಜಯತೇ ।
ತದ್ವಾ ಅಪರಾಜಿತಂ ಯದಗ್ನಿಹೋತ್ರಮ್ ।
ನ ಹ ವೈ ಪರಾಜಯತೇ ಯ ಏವಂ ವೇದ ।
ಸ ಯತ್ಪುರಸ್ತಾದಪ ಉಪಸ್ಪೃಶತಿ ಸತ್ಯಂ ವಾ ಆಪಸ್ಸತ್ಯಂ ದೀಕ್ಷಾ ದೀಕ್ಷೈವಾಸ್ಯ ಸಾ ।
ಅಗ್ನಿರ್ಜ್ಯೋತಿರ್ಜ್ಯೋತಿರಗ್ನಿಸ್ಸ್ವಾಹಾ ಇತ್ಯಷ್ಟಾಕ್ಷರೇಣ ಜುಹೋತಿ ।
ಅಷ್ಟಾಕ್ಷರಾ ಗಾಯತ್ರೀ ।
ತದೇವ ಪ್ರಾತಃಸವನಮ್ ।
ಮನಸಾ ನಿಷ್ಕೇವಲ್ಯೇನೋತ್ತರಾಮಾಹುತಿಂ ಜುಹೋತಿ ।
ತದೇವ ಮಾಧ್ಯನ್ದಿನಂ ಸವನಮ್ ।
ಉಪಮೃಷ್ಟೇ ಪ್ರಾಶ್ನಾತಿ ।
ತದೇವ ತೃತೀಯಸವನಮ್ ।
ಲೇಲಿಹಿತಮಿವ ಹಿ ತತ್ತೃತೀಯಸವನಮ್ ।
ಉಪರಿಷ್ಟಾದಪ ಉಪಸ್ಪೃಶತಿ ।
ಅವಭೃಥ ಏವಾಸ್ಯ ಸಃ ।
ಸ ಯದೇತೇ ಸಾಯಮಾಹುತೀ ಜುಹೋತ್ಯೇತಾಭ್ಯಾಮೇವಾಸ್ಯಾಹುತಿಭ್ಯಾಂ ಸರ್ವೈರೇತೈರ್ಯಜ್ಞಕ್ರತುಭಿರಿಷ್ಟಂ ಭವತಿ ।
ಅಥ ಯದೇತೇ ಪ್ರಾತರಾಹುತೀ ಜುಹೋತ್ಯೇತಾಭ್ಯಾಮೇವಾಸ್ಯಾಹುತಿಭ್ಯಾಂ ಸರ್ವೈರೇತೈರ್ಯಜ್ಞಕ್ರತುಭಿರಿಷ್ಟಂ ಭವತಿ ।
ತದೇತದಪರ್ಯನ್ತಂ ಯದಗ್ನಿಹೋತ್ರಮ್ ೪

ಅಥ ಪಶುಕಾಮಸ್ಸಾಯಂ ಪಶುಷು ಸಮೇತೇಷ್ವಗ್ನಿಹೋತ್ರಂ ಜುಹುಯಾತ್ ।
ಬ್ರಹ್ಮ ವಾ ಅಗ್ನಿಹೋತ್ರಮ್ ।
ಬ್ರಹ್ಮಣೈವೈತತ್ಪಶೂನ್ಪರಿಗೃಹ್ಣಾತಿ ।
ಅವಿಸೃಷ್ಟೇಷು ಪ್ರಾತಃ ।
ಬ್ರಹ್ಮ ವಾ ಅಗ್ನಿಹೋತ್ರಮ್ ।
ಬ್ರಹ್ಮಣೈವೈತತ್ಪಶೂನ್ಪರಿಗೃಹ್ಣಾತಿ ।
ಸ ಏತಾನ್ಬ್ರಹ್ಮಣೋಭಯತಃ ಪಶೂನ್ಪರಿಗೃಹ್ಣೀತೇ ।
ಅವ ಪಶೂನ್ರುನ್ದ್ಧೇ ।
ಬಹುಪಶುರ್ಭವತಿ ।
ಅಥ ಸ್ವರ್ಗಕಾಮಃ ದ್ವೌ ಸಮುದ್ರಾ ವಚರ್ಯೌ ವಿತತೌ ಮಹಾನ್ತಾವಾವರೀವರ್ತೇತೇ ಪಥೇವ ಪದೌ ಇತಿ ।
ದ್ವೌ ಹೈವ ಸಮುದ್ರಾ ವಚರ್ಯಾವಹಶ್ಚೈವ ರಾತ್ರಿಶ್ಚ ।
ತೇ ಯೇ ನಕ್ತಂ ಜುಹ್ವತಿ ರಾತ್ರಿಮೇವ ತೇ ಸಮುದ್ರಂ ಪ್ರವಿಶನ್ತಿ ।
ಅಥ ಯ ಉದಿತೇ ಜುಹ್ವತ್ಯಹರೇವ ತೇ ಸಮುದ್ರಂ ಪ್ರವಿಶನ್ತಿ ।
ತಯೋರ್ವಾ ಏತಯೋರತ್ಯಯನಮಸ್ತಿ ಯಥಾ ವೈ ಷವಂ ಷಚಂ ವಾ ಸ್ಯಾತ್ಸೇತೋರ್ವಾ ಸಂಕ್ರಮಣಮ್ ।
ಅಸ್ತಮಿತೇ ಪುರಾ ತಮಿಸ್ರಾಯೈ ಸುವ್ಯುಷ್ಟಾಯಾಂ ಪುರೋದಯಾತ್ ೫

ಅಥೋ ಹೈತೌ ಶ್ಯಾಮಶಬಲಾವೇವ ಯದಹೋರಾತ್ರೇ ।
ಅಹರ್ವೈ ಶಬಲೋ ರಾತ್ರಿಶ್ಶ್ಯಾಮಃ ।
ತೇ ಯೇ ನಕ್ತಂ ಜುಹ್ವತಿ ರಾತ್ರಿಮೇವ ತೇ ಶ್ಯಾಮಂ ಪ್ರವಿಶನ್ತಿ ।
ಅಥ ಯ ಉದಿತೇ ಜುಹ್ವತ್ಯಹರೇವ ತೇ ಶಬಲಂ ಪ್ರವಿಶನ್ತಿ ।
ತಯೋರೇತದೇವಾತ್ಯಯನಮಸ್ತಮಿತೇ ಪುರಾ ತಮಿಸ್ರಾಯೈ ಸುವ್ಯುಷ್ಟಾಯಾಂ ಪುರೋದಯಾತ್ ।
ಅಥೋ ಹೈಷು ಸವಿತೈವ ದ್ಯುಮ್ನಃ ।
ಸವಿತಾ ವೈ ಪ್ರಜಾಪತಿಃ ಪ್ರಜಾಪತಿರ್ವಿಶ್ವೇ ದೇವಾಃ ।
ಪ್ರಜಾಪತಾವೇವಾಸ್ಯ ತದ್ವಿಶ್ವೇಷು ದೇವೇಷು ಹುತಂ ಭವತಿ ।
ತದೇತತ್ಪ್ರಾಜಾಪತ್ಯಂ ಯದಗ್ನಿಹೋತ್ರಮ್ ।
ಅಥ ಯದೇತತ್ಪ್ರಾತಃ ಪ್ರಭಾತ್ಯೇತಸ್ಮಿನ್ವೈ ದ್ಯುಮ್ನೇ ಪ್ರಜಾಪತಿಃ ಪ್ರಜಾಃ ಪ್ರಜನಯಾಂ ಚಕಾರ ।
ಸವಿತಾ ವೈ ಪ್ರಜಾಪತಿಃ ಪ್ರಜಾಪತಿರ್ವಿಶ್ವೇ ದೇವಾಃ ಪ್ರಜಾಪತಾವೇವಾಸ್ಯ ತದ್ವಿಶ್ವೇಷು ದೇವೇಷು ಹುತಂ ಭವತಿ ।
ತದೇತದ್ವೈಶ್ವದೇವಂ ಯದಗ್ನಿಹೋತ್ರಮ್ ।
ಅಥೋ ಹೈತದಹೋರಾತ್ರೇ ಏವಂಮುಖಂ ಸಂಧತ್ತಃ ।
ಅನ್ನಂ ವಾ ಅಗ್ನಿಹೋತ್ರಮ್ ।
ಅನ್ನಾದ್ಯಮೇವೈತದಹೋರಾತ್ರಯೋರ್ಮುಖತೋಽಪಿದಧಾತಿ ।
ಏವಮೇವ ಪುನಃ ಪ್ರಾತಸ್ಸಂಧತ್ತಃ ।
ಅನ್ನಂ ವಾ ಅಗ್ನಿಹೋತ್ರಮ್ ।
ಅನ್ನಾದ್ಯಮೇವೈತದಹೋರಾತ್ರಯೋರ್ಮುಖತೋಽಪಿಧಾಯೈತೌ ಪುನರ್ಮೃತ್ಯೂ ಅತಿಮುಚ್ಯತೇ ಯದಹೋರಾತ್ರೇ ೬

ಅಸೌ ವಾ ಆದಿತ್ಯೋಽಸ್ತಂ ಯನ್ಷೋಢಾ ವಿಮ್ರೋಚತಿ ।
ವ್ಯಮ್ರುಚದಿತಿ ಹ ಸ್ಮ ವಾ ಏತಂ ಪೂರ್ವಂ ಪುರಾಣಿನ ಆಚಕ್ಷತೇ ।
ಅಥೈತರ್ಹಿ ನ್ಯಮ್ರುಚದಿತಿ ।
ಸ ವಾ ಏಷೋಽಸ್ತಂ ಯನ್ಬ್ರಾಹ್ಮಣಮೇವ ಶ್ರದ್ಧಯಾ ಪ್ರವಿಶತಿ ಪಯಸಾ ಪಶೂಂಸ್ತೇಜಸಾಗ್ನಿಮೂರ್ಜೌಷಧೀ ರಸೇನಾಪಸ್ಸ್ವಧಯಾ ವನಸ್ಪತೀನ್ ।
ಸ ಯದ್ಬ್ರಾಹ್ಮಣೋಽಗ್ನಿಹೋತ್ರಪಾತ್ರಾಣಿ ನಿರ್ಣೇನೇಕ್ತಿ ಯತ್ಪರಿಚೇಷ್ಟತಿ ಯಯೈವೈನಂ ಶ್ರದ್ಧಯಾ ಪ್ರವಿಷ್ಟೋ ಭವತಿ ತಾಮೇವಾಸ್ಮಿಂಸ್ತತ್ಸಂಭರತಿ ।
ಅಥ ಯತ್ಪಯೋ ದುಹನ್ತಿ ಯೇನ ಪಯಸಾ ಪಶೂನ್ಪ್ರವಿಷ್ಟೋ ಭವತಿ ತದೇವಾಸ್ಮಿಂಸ್ತತ್ಸಂಭರತಿ ।
ಅಥ ಯದಙ್ಗಾರಾನ್ನಿರೂಹತಿ ಯೇನ ತೇಜಸಾಗ್ನಿಂ ಪ್ರವಿಷ್ಟೋ ಭವತಿ ತದೇವಾಸ್ಮಿಂಸ್ತತ್ಸಂಭರತಿ ।
ಅಥ ಯತ್ತೃಣೇನಾವದ್ಯೋತಯತಿ ಯಯೋರ್ಜೌಷಧೀಃ ಪ್ರವಿಷ್ಟೋ ಭವತಿ ತಾಮೇವಾಸ್ಮಿಂಸ್ತತ್ಸಂಭರತಿ ।
ಅಥ ಯದಪಃ ಪ್ರತ್ಯಾನಯತಿ ಯೇನ ರಸೇನಾಪಃ ಪ್ರವಿಷ್ಟೋ ಭವತಿ ತಮೇವಾಸ್ಮಿಂಸ್ತತ್ಸಂಭರತಿ ।
ಅಥ ಯತ್ಸಮಿಧಮಭ್ಯಾದಧಾತಿ ಯಯಾ ಸ್ವಧಯಾ ವನಸ್ಪತೀನ್ಪ್ರವಿಷ್ಟೋ ಭವತಿ ತಾಮೇವಾಸ್ಮಿಂಸ್ತತ್ಸಂಭರತಿ ೭

ತಮೇವಂ ಸಂಭೃತ್ಯ ಸಾಯಂ ಜುಹೋತಿ ।
ಸ ತಾಂ ಗರ್ಭಕೃತೋ ರಾತ್ರಿಂ ವಸತಿ ।
ಏವಮೇವ ಪುನಸ್ಸಂಭೃತ್ಯ ಪ್ರಾತರ್ಜುಹೋತಿ ।
ತಂ ಜನಯತಿ ।
ಸೋಽಸ್ಯ ಜಾಯಮಾನ ಏವ ಸರ್ವಂ ಪಾಪ್ಮಾನಮಪಹನ್ತಿ ।
ದೇವಾ ವೈ ಪ್ರಜಾಪತೇರಜಾಯನ್ತ ।
ಏಷ ಉ ಏವಂವಿದೋ ಜಾಯತೇ ।
ಸ ಯಾವನ್ತಂ ಪ್ರಜಾಪ್ತಿರ್ಲೋಕಮಜಯತ್ತಾವನ್ತಂ ಜಯತಿ ।
ಅಥೋ ಹೇಕ್ಷತೇಽಯಂ ವಾವ ಮಾಮ ಅನುಷ್ಠ್ಯಾ ಸಂಭರತಿ ಹನ್ತಾಯಂ ಸಾಙ್ಗಸ್ಸತನುರವಿಹ್ರುತೋ ಜರಸಂ ಗಚ್ಛತ್ವಿತಿ ।
ಸ ಹ ಸಾಙ್ಗ ಏವ ಸತನುರವಿಹ್ರುತೋ ಜರಸಂ ಗಚ್ಛತಿ ।
ಅಥೋ ಹೇಕ್ಷತೇಽಯಂ ವಾವ ಮಾಮನುಷ್ಠ್ಯಾ ವೇದ ಹನ್ತೇಮಮೇವಾವಿಶಾನೀತಿ ।
ಸ ಹೈವಂವಿದಮೇವಾವಿಶತಿ ।
ಸ ಏಷ ವಾ ಏಕೋ ವೀರೋ ಯ ಏಷ ತಪತ್ಯೇಷ ಇನ್ದ್ರ ಏಷ ಪ್ರಜಾಪತಿಃ ।
ಏತಸ್ಮಿನ್ಹಾಸ್ಯ ತದ್ಧುತಂ ಭವತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೮

ಯದ್ಧ ವಾ ಅಹ್ನಾ ಪಾಪಂ ಕ್ರಿಯತ ಆದಿತ್ಯಸ್ತತ್ಕಾರಯತಿ ।
ಯದ್ರಾ ತ್ರ್! ಯಾಗ್ನಿಸ್ತತ್ ।
ತಾವಬ್ರೂತಾಮಿತ್ಥಂ ಚೇದ್ವೈ ಭವಿಷ್ಯಾವೋ ನ ವೈ ತರ್ಹಿ ಶಕ್ಷ್ಯಾವಃ ಪ್ರಜಾ ಭರ್ತುಮ್ ।
ಹನ್ತಾನ್ನಮೇವಾಸಾವಾನ್ಯೋನ್ಯಸ್ಮಿನ್ನೇವಾತ್ಮಾನಂ ಜುಹವಾವೇತಿ ।
ಸ ಯದಾದಿತ್ಯೋಽಸ್ತಮೇತ್ಯಗ್ನಾವೇವ ತದಾತ್ಮಾನಂ ಜುಹೋತಿ ।
ಸ ಯತ್ಕಿಂ ಚಾದಿತ್ಯೋಽಹ್ನಾ ಪಾಪಂ ಕರೋತಿ ತದಸ್ಯಾಗ್ನೀ ರಾತ್ರ್! ಯಾಪಹನ್ತಿ ।
ಆದಿತ್ಯಮುದ್ಯನ್ತಮಗ್ನಿರನೂದೇತಿ ।
ಆದಿತ್ಯ ಏವ ತದಾತ್ಮಾನಂ ಜುಹೋತಿ ।
ಸ ಯತ್ಕಿಂ ಚಾಗ್ನೀ ರಾತ್ರ್! ಯಾ ಪಾಪಂ ಕರೋತಿ ತದಸ್ಯಾದಿತ್ಯೋಽಹ್ನಾಪಹನ್ತಿ ।
ಸ ಯಥಾಹಿರಹಿಚ್ಛವ್ಯೈ ನಿರ್ಮುಚ್ಯೇತ ಯಥಾ ಮುಞ್ಜಾದಿಷೀಕಾಂ ವಿವೃಹೇದೇವಮೇವ ಸರ್ವಸ್ಮಾತ್ಪಾಪ್ಮನೋ ನಿರ್ಮುಚ್ಯತೇ ಸ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೯

ಸಾಯಮಾಹುತ್ಯೈವ ಯತ್ಕಿಂ ಚಾಹ್ನಾ ಪಾಪಂ ಕರೋತಿ ತದಸ್ಯಾಗ್ನೀ ರಾತ್ರ್! ಯಾಪಹನ್ತಿ ।
ಪ್ರಾತರಾಹುತ್ಯೈವ ಯತ್ಕಿಂ ಚ ರಾತ್ರ್! ಯಾ ಪಾಪಂ ಕರೋತಿ ತದಸ್ಯಾದಿತ್ಯೋಽಹ್ನಾಪಹನ್ತಿ ।

ಸಯಥಾಹಿರಹಿಚ್ಛವ್ಯೈ ನಿರ್ಮುಚ್ಯೇತ ಯಥಾ ಮುಞ್ಜಾದಿಷೀಕಾಂ ವಿವೃಹೇದೇವಮೇವ ಸರ್ವಸ್ಮಾತ್ಪಾಪ್ಮನೋ ನಿರ್ಮುಚ್ಯತೇ ।
ತದ್ಯಥಾ ಹಿರಣ್ಯೇ ಧ್ಮಾತೇ ನ ಕಶ್ಚನ ನ್ಯಙ್ಗಃ ಪಾಪ್ಮಾ ಪರಿಶಿಷ್ಯತ ಏವಂ ಹೈವಾಸ್ಮಿನ್ನ ಕಶ್ಚನ ನ್ಯಙ್ಗಃ ಪಾಪ್ಮಾ ಪರಿಶಿಷ್ಯತೇ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೧೦

ಅಥ ಹ ಸ್ಮಾಹ ನಗರೀ ಜಾನಶ್ರುತೇಯೋಽಸೌ ವಾ ಆದಿತ್ಯೋಽಸ್ತಂ ಯನ್ನಗ್ನಿಮೇವ ಯೋನಿಂ ಪ್ರವಿಶತೀತಿ ।
ಸ ಯದೇತೇ ಸಾಯಮಾಹುತೀ ಜುಹೋತ್ಯೇತಸ್ಯೈವ ತದಾದಿತ್ಯಸ್ಯ ಪೃಷ್ಠೇ ಪ್ರತಿತಿಷ್ಠತಿ ।
ಯಥೋಭಯಾಪದೀ ಪ್ರತಿತಿಷ್ಠೇತ್ತಾದೃಕ್ತತ್ ।
ಅಥ ಯದೇತೇ ಪ್ರಾತರಾಹುತೀ ಜುಹೋತ್ಯುತ್ಥಾಪಯತ್ಯೇವೈನಂ ತಾಭ್ಯಾಮ್ ।
ಸ ಯಥಾ ಹಸ್ತೀ ಹಸ್ತ್ಯಾಸನಮುಪರ್ಯಾಸೀನಮಾದಾಯೋತ್ತಿಷ್ಠೇದೇವಮೇವೈಷಾ ದೇವತಾಇತದ್ವಿದ್ವಾಂಸಂ ಜುಹ್ವತಮಾದಾಯೋದೇತಿ ।
ಸೈನಂ ತಂ ಲೋಕಂ ಗಮಯತಿ ಯ ಏತಸ್ಯೈ ಯತಃ ಪರಂ ನಾಸ್ತಿ ।
ಸ ಯತ್ಕಿಂ ಚ ಪರಾಚೀನಮಾದಿತ್ಯಾತ್ತದಮೃತಂ ತದಭಿಜಯತಿ ।
ಅಥ ಯದರ್ವಾಚೀನಮಾದಿತ್ಯಾದಹೋರಾತ್ರೇ ತದುಪಮಥ್ನೀತಾಮಿತೋ ಯಥಾ ರೇಷ್ಮಣೋಪಮಥ್ನ್ಯಾದೇವಮ್ ।
ಬಹವೋ ಹ ವಾ ಆದಿತ್ಯಾತ್ಪರಾಞ್ಚೋ ಲೋಕಾಃ ।
ತೇಽಸ್ಯ ಸರ್ವ ಆಪ್ತಾ ಭವನ್ತಿ ತೇ ಜಿತಾಃ ।
ತೇಷ್ವಸ್ಯ ಸರ್ವೇಷು ಕಾಮಚಾರೋ ಭವತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೧೧

ದೇವಾ ವೈ ಮೃತ್ಯುನಾ ಸಮಯತನ್ತ ।
ಸ ಯೋ ಹ ಸ ಮೃತ್ಯುರಗ್ನಿರೇವ ಸಃ ।
ತೇಽಬ್ರುವನ್ನೇತೇಮಂ ಜಿಗೀಷಾಮೇತಿ ।
ತೇಽಬ್ರುವನ್ನಾಜ್ಯಾಹುತಿಂ ಜುಹವಾಮ ತಯೈನಂ ಜಿಗೀಷಾಮೇತಿ ।
ತಥೇತಿ ।
ತ ಆಜ್ಯಾಹುತಿಮಜುಹವುಃ ।
ತಾಮನ್ನಮಕುರುತ ತಾಂ ಪ್ರತ್ಯುದದೀಪ್ಯತ
ತಸ್ಮಾದ್ಯತ್ರಾಜ್ಯಾಹುತಿಂ ಜುಹ್ವತಿ ಪ್ರತ್ಯುದ್ದೀಪ್ಯತ ಏವ ।
ತೇಽಬ್ರುವನ್ಪಶ್ವಾಹುತಿಂ ಜುಹವಾಮ ತಯೈನಂ ಜಿಗೀಷಾಮೇತಿ ।
ತಹ್ತೇತಿ ।
ತೇ ಪಶುಮಾಲಭ್ಯ ಮೇದಸ್ಸಮವದಾಯ ಪಶ್ವಾಹುತಿಮಜುಹವುಃ ।
ತಾಮನ್ನಮಕುರುತ ತಾಂ ಪ್ರತ್ಯುದದೀಪ್ಯತ ।
ತಸ್ಮಾದ್ಯತ್ರ ಪಶ್ವಾಹುತಿಂ ಜುಹ್ವತಿ ಪ್ರತ್ಯುದ್ದೀಪ್ಯತ ಏವ ।
ತೇಽಬ್ರುವನ್ಕ್ಷೀರಾಹುತಿಂ ಜುಹವಾಮ ತಯೈನಂ ಜಿಗೀಷಾಮೇತಿ ।
ತಥೇತಿ ।
ತೇ ಕ್ಷೀರಾಹುತಿಮಜುಹವುಃ ।
ತಯೈನಮಜಯನ್ ।
ತಸ್ಮಾದ್ಯತ್ರ ಕ್ಷೀರಾಹುತಿಂ ಜುಹ್ವತ್ಯಙ್ಗಾರಾ ಏವ ಭವನ್ತಿ ।
ತೇಽಬ್ರುವನ್ನಜೇಷ್ಮ ವಾ ಏನಮನ್ನೇನ ಹನ್ತಾನಪಜಯ್ಯಂ ಜಿಗೀಷಾಮೇತಿ ೧೨

ತೇಽಬ್ರುವನ್ಸೋಮಾಹುತಿಂ ಜುಹವಾಮ ತಯೈನಂ ಜಿಗೀಷಾಮೇತಿ ।
ತಥೇತಿ ।
ತೇ ಸೋಮೇನಾಯಜನ್ತ ।
ತೇ ಸೋಮಾಹುತಿಮಜುಹವುಃ ।
ತಯೈನಂ ಪ್ರಾಜಯನ್ ।
ತಸ್ಮಾದ್ಯತ್ರ ಸೋಮಾಹುತಿಂ ಜುಹ್ವತ್ಯಙ್ಗಾರಾ ಏವ ಭವನ್ತಿ ।
ಸ ಯ ಏವಂ ವಿದ್ವಾನಾಜ್ಯಾಹುತಿಂ ಚ ಪಶ್ವಾಹುತಿಂ ಜುಹೋತಿ ಪ್ರಿಯಮೇವಾಸ್ಯ ತೇನ ಧಾಮೋಪಗಚ್ಛತಿ ।
ಅಥ ಯತ್ಕ್ಷೀರಾಹುತಿಂ ಜುಹೋತಿ ಜಯತ್ಯೇವೈನಂ ತೇನ ।
ಅಥ ಯತ್ಸೋಮಾಹುತಿಂ ಜುಹೋತಿ ಯಥಾ ಜಿತ್ವಾ ಪ್ರಜಯೇತ್ತಾದೃಕ್ತತ್ ।
ಸ ಏತೌ ಪುನರ್ಮೃತ್ಯೂ ಅತಿಮುಚ್ಯತೇ ಯದಹೋರಾತ್ರೇ ೧೩

ಸೋಮಾಹುತಿಘಟ್ಟಃ ।
ಪ್ರಾಣಾಯ ತ್ವಾ ಇತಿ ಸಮಿಧಮಭ್ಯಾದಧಾತಿ ।
ಅಪಾನೇಽಮೃತಮಧಾಂ ಸ್ವಾಹಾ ಇತಿ ಜುಹೋತಿ ।
ಅಥ ಸ್ರುಚಮಭಿಮೃಶತಿ ಹೃದಯಂ ಪ್ರೇತಿರ್ಸಂತತಿಶ್ಚಕ್ಷುರಾನತಿಶ್ಶ್ರೋತ್ರಮುಪನತಿರ್ವಾಗಾಗತಿಃ ।
ಪ್ರತೀತಂ ದೇವೇಭ್ಯೋ ಜುಷ್ಠಂ ಹವ್ಯಮಸ್ಥಾತ್ ।
ಅಮೃತೇ ಮಾಮಧಾತ್ ।
ಆ ಮಾಂ ಪ್ರಾಣಾ ವಿಶನ್ತು ಭೂಯಸೇ ಸುಕೃತಾಯ ಇತಿ ।
ಸ ಹ ಭೂಯ ಏವ ಸುಕೃತಂ ಕರೋತಿ ।
ಅಥೋ ಹೈನಮಮುಷ್ಮಿಁ ಲ್ಲೋಕೇ ನ ಪಾಪಿವಾಗಾಗಚ್ಛತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೧೪

ತದಾಹುರ್ಯಜ್ಜೀವನ್ಪುರುಷಃ ಕರೋತ್ಯೇವ ಸಾಧು ಕರೋತಿ ಪಾಪಂ ಕಾ ತಯೋರ್ದುಷ್ಕೃತಸುಕೃತಯೋರ್ವ್ಯಾವೃತ್ತಿರಿತಿ ।
ಯದ್ಧ ವೈ ಜೀವನ್ಪುರುಷಸ್ಸಾಧು ಕರೋತಿ ಪ್ರಾಣಾಂಸ್ತದಭಿಸಂಪದ್ಯತೇ ।
ಅಥ ಯದ್ದುಷ್ಕೃತಂ ಶರೀರಂ ತತ್ ।
ಸ ಯದಸ್ಮಾಲ್ಲೋಕಾದೇವಂವಿತ್ಪ್ರೈತಿ ತಸ್ಯ ಪ್ರಾಣೇನ ಸಹ ಸುಕೃತಮುತ್ಕ್ರಾಮತಿ ಶರೀರೇಣ ಸಹ ದುಷ್ಕೃತಂ ಹೀಯತೇ ।
ತದಾಹುರ್ದುರ್ವಿದಿತಂ ವೈತದ್ಯದಾ ಮರ್ತ್ಯವಾನ್ದುಷ್ಕೃತೇನ ಸಹ ವಸಾತ್ ।
ಯೋ ವಾ ಏತೇನ ಜೀವನ್ನೇವ ವ್ಯಾವರ್ತತೇ ತತ್ಸುವಿದಿತಮಿತಿ ।
ತದ್ವಾ ಏತದಗ್ನಿಹೋತ್ರಮೇವಾಭಿಸಂಪದ್ಯತೇ ೧೫

ಮನೋ ವಾ ಅನು ಪ್ರಾಣಾ ವಾಚಮನ್ವಾತ್ಮಾ ।
ಸ ಯದ್ವಾಚಾ ಪೂರ್ವಮಾಹುತಿಂ ಜುಹೋತಿ ಮನಸೋತ್ತರಾಂ ತದ್ದುಷ್ಕೃತಸುಕೃತೇ ವ್ಯಾವರ್ತಯತಿ ।
ತಸ್ಮಾದಾಹುರ್ನೈತೇ ಆಹುತೀ ಸಂಸೃಜ್ಯೇ ।
ದುಷ್ಕೃತಸುಕೃತೇ ಹ್ಯೇತಾಭ್ಯಾಂ ವ್ಯಾವರ್ತಯತೀತಿ ।
ಸ ಯತ್ಸಾಯಮಾಹುತ್ಯೋರ್ವಾಚಾ ಪೂರ್ವಾಮಾಹುತಿಂ ಜುಹೋತಿ ಯದೇವಾಹ್ನಾ ಪಾಪಂ ಕರೋತಿ ತಸ್ಮಾದೇವ ತಯಾ ವ್ಯಾವರ್ತತೇ ।
ಅಥ ಯನ್ಮನಸೋತ್ತರಾಂ ಯದೇವ ರಾತ್ರ್! ಯಾ ಪಾಪಂ ಕರೋತಿ ತಸ್ಮಾದೇವ ತಯಾ ವ್ಯಾವರ್ತತೇ ।
ಅಥ ಯತ್ಪ್ರಾತರಾಹುತ್ಯೋರ್ವಾಚಾ ಪೂರ್ವಾಮಾಹುತಿಂ ಜುಹೋತಿ ಯದೇವ ರಾತ್ರ್! ಯಾ ಪಾಪಂ ಕರೋತಿ ತಸ್ಮಾದೇವ ತಯಾ ವ್ಯಾವರ್ತತೇ ।
ಅಥ ಯನ್ಮನಸೋತ್ತರಾಂ ಯದೇವಾಹ್ನಾ ಪಾಪಂ ಕರೋತಿ ತಸ್ಮಾದೇವ ತಯಾ ವ್ಯಾವರ್ತತೇ ।
ಸ ಏಷೋಽಹರಹರ್ದುಷ್ಕೃತೇನ ವ್ಯಾವರ್ತಮಾನ ಏತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೧೬

ದ್ವೇ ಹ ವಾವ ಯೋನೀ ।
ದೇವಯೋನಿರ್ಹೈವಾನ್ಯಾ ಮನುಷ್ಯಯೋನಿರನ್ಯಾ ।
ದ್ವಾ ಉ ಹೈವ ಲೋಕೌ ।
ದೇವಲೋಕೋ ಹೈವಾನ್ಯೋ ಮನುಷ್ಯಲೋಕೋಽನ್ಯಃ ।
ಸಾ ಯಾ ಮನುಷ್ಯಯೋನಿರ್ಮನುಷ್ಯಲೋಕ ಏವ ಸಃ ।
ತತ್ಸ್ತ್ರಿಯೈ ಪ್ರಜನನಮ್ ।
ಅತೋಽಧಿ ಪ್ರಜಾಃ ಪ್ರಜಾಯನ್ತೇ ।
ತಸ್ಮಾದು ಕಲ್ಯಾಣೀಂ ಜಾಯಾಮಿಚ್ಛೇತ ಕಲ್ಯಾಣೇ ಮ ಆತ್ಮಾ ಸಂಭವಾದಿತಿ ।
ತಸ್ಮಾದು ಜಾಯಾಂ ಜುಗುಪ್ಸೇನ್ನೇನ್ಮಮ ಯೋನೌ ಮಮ ಲೋಕೇಽನ್ಯಸ್ಸಂಭವಾದಿತಿ ।
ತಸ್ಯ ವೈ ಸಂಭವಿಷ್ಯತಃ ಪ್ರಾಣಾ ಅಗ್ರೇ ಪ್ರವಿಶನ್ತ್ಯಥ ರೇತಸ್ಸಿಚ್ಯತೇ ।
ಸ ಇಮಾನ್ಪ್ರಾಣಾನಾಕಾಶಾನಭಿನಿರ್ವರ್ತತೇ ।
ತಸ್ಮಾದು ಸಮಾನಸ್ಯೈವ ರೇತಸಸ್ಸತೋ ಯಾದೃಶ ಏವ ಭವತಿ ತಾದೃಶೋ ಜಾಯತೇ ।
ಅಥೈಷಾ ದೇವಯೋನಿರ್ದೇವಲೋಕೋ ಯದಾಹವನೀಯಃ ।
ಏಷಾ ಹ ವೈ ದೇವಯೋನಿರ್ದೇವಲೋಕಃ ।
ತಸ್ಮಾದ್ಯೋ ಗಾರ್ಹಪತ್ಯೇ ಜುಹುಯಾದಕೃತಂ ಕರೋತೀತ್ಯೇವೈನಂ ಮನ್ಯೇರನ್ ।
ಸ ಯಜ್ಜುಹೋತಿ ಯಸ್ಸಾಧು ಕರೋತ್ಯೇತಸ್ಯಾಮೇವೈನದ್ದೇವಯೋನಾವಾತ್ಮಾನಂ ಸಿಞ್ಚತಿ ।
ಸೋಽಸ್ಯಾತ್ಮಾಮುಷ್ಮಿನ್ನಾದಿತ್ಯೇ ಸಂಭವತಿ ।
ಸ ಹೈವಂ ವಿದ್ವಾನ್ದ್ವ್ಯಾತ್ಮಾ ದ್ವಿಯೋನಿಃ ।
ಏಕಾತ್ಮಾ ಹೈವೈಕಯೋನಿರೇತದವಿದ್ವಾನ್ಸ ಯದಸ್ಮಾಲ್ಲೋಕಾದೇವಂವಿತ್ಪ್ರತಿ - ೧೭

ತಸ್ಯ ಪ್ರಾಣಃ ಪ್ರಥಮ ಉತ್ಕ್ರಾಮತಿ ।
ಸ ಹೇಯತ್ತಾಂ ದೇವೇಭ್ಯ ಆಚಷ್ಟ ಇಯದಸ್ಯ ಸಾಧು ಕೃತಮಿಯತ್ಪಾಪಮಿತಿ ।
ಅಥ ಹಾಯಂ ಧೂಮೇನ ಸಹೋರ್ಧ್ವ ಉತ್ಕ್ರಾಮತಿ ।
ತಸ್ಯ ಹೈತಸ್ಯರ್ತವೋ ದ್ವಾರಪಾಃ ।
ತೇಭ್ಯೋ ಹೈತೇನ ಪ್ರಬ್ರುವೀತ
ವಿಚಕ್ಷಣಾದೃತವೋ ರೇತ ಆಭೃತಮರ್ಧಮಾಸ್ಯಂ ಪ್ರಸುತಾತ್ಪಿತ್ರ್! ಯಾವತಃ
ತಂ ಮಾ ಪುಂಸಿ ಕರ್ತರ್ಯೇರಯಧ್ವಂ ಪುಂಸಃ ಕರ್ತುರ್ಮಾತರ್ಯಾಸಿಷಿಕ್ತ
ಸ ಉಪಜಾಯೋಪಜಾಯಮಾನೋ ದ್ವಾದಶೇನ ತ್ರಯೋದಶೋಪಮಾಸಃ
ಸಂ ತದ್ವಿದೇ ಪ್ರತಿ ತದ್ವಿದೇಽಹಂ ತಂ ಮಾ ಋತವೋಽಮೃತ ಆನಯಧ್ವಮ್
ಇತಿ ।
ತಂ ಹರ್ತವ ಆನಯನ್ತೇ ।
ಯಥಾ ವಿದ್ವಾನ್ವಿದ್ವಾಂಸಂ ಯಥಾ ಜಾನಞ್ಜಾನನ್ತಮೇವಂ ಹೈನಮೃತವ ಆನಯನ್ತೇ ।
ತಂ ಹಾತ್ಯರ್ಜಯನ್ತೇ ।
ಸ ಹೈತಮಾಗಚ್ಛತಿ ತಪನ್ತಮ್ ।
ತಂ ಹಾಗತಂ ಪೃಚ್ಛತಿ ಕಸ್ತ್ವಮಸಿ ಇತಿ ।
ಸ ಯೋ ಹ ನಾಮ್ನಾ ವಾ ಗೋತ್ರೇಣ ವಾ ಪ್ರಬ್ರೂತೇ ತಂ ಹಾಹ ಯಸ್ತೇಽಯಂ ಮಯ್ಯಾತ್ಮಾಭೂದೇಷ ತೇ ಸಃ ಇತಿ ।
ತಸ್ಮಿನ್ಹಾತ್ಮನ್ಪ್ರತಿಪನ್ನ ಋತವಸ್ಸಂಪಲಾಯ್ಯ ಪದ್ಗೃಹೀತಮಪಕರ್ಷನ್ತಿ ।
ತಸ್ಯ ಹಾಹೋರಾತ್ರೇ ಲೋಕಮಾಪ್ನುತಃ ।
ತಸ್ಮಾದು ಹೈತೇನ ಪ್ರಬ್ರುವೀತ ಕೋಽಹಮಸ್ಮಿ ಸುವಸ್ತ್ವಮ್ ।
ಸ ತ್ವಾಂ ಸ್ವರ್ಗ್ಯಂ ಸ್ವರಗಾಮಿತಿ ।
ಕೋ ಹ ವೈ ಪ್ರಜಾಪತಿಃ ।
ಅಥ ಹೈವಂವಿದೇವ ಸುವರ್ಗಃ ।
ಸ ಹಿ ಸುವರ್ಗಚ್ಛತಿ ।
ತಂ ಹಾಹ ಯಸ್ತ್ವಮಸಿ ಸೋಽಹಮಸ್ಮಿ ।
ಯೋಽಹಮಸ್ಮಿ ಸ ತ್ವಮಸ್ಯೇಹಿ ಇತಿ ।
ಸ ಏತಮೇವ ಸುಕೃತರಸಮಪ್ಯೇತಿ ।
ತಸ್ಯ ಪುತ್ರಾ ದಾಯಮುಪಯನ್ತಿ ಪಿತರಸ್ಸಾಧುಕೃತ್ಯಾಮ್ ।
ಸ ಹೈವಂ ವಿದ್ವಾನ್ದ್ವ್ಯಾತ್ಮಾ ದ್ವಿದಾಯಃ ।
ಏಕಾತ್ಮಾ ಹೈವೈಕದಾಯ ಏತದವಿದ್ವಾನಗ್ನಿಹೋತ್ರಂ ಜುಹೋತಿ ೧೮

ವಾಗ್ವಾ ಅಗ್ನಿಹೋತ್ರೀ ।
ತಸ್ಯೈ ಮನ ಏವ ವತ್ಸಃ ।
ಮನಸಾ ವೈ ವಾಚಂ ಪ್ರತ್ತಾಂ ದುಹ್ರೇ ।
ವತ್ಸೇನ ವೈ ಮಾತರಂ ಪ್ರತ್ತಾಂ ದುಹ್ರೇ ।
ತದ್ವಾ ಇದಂ ಮನಃ ಪೂರ್ವಂ ಯತ್ಪಶ್ಚಾ ವಾಗನ್ವೇತಿ ತಸ್ಮಾದ್ವತ್ಸಂ ಪೂರ್ವಂ ಯನ್ತಂ ಪಶ್ಚಾ ಮಾತಾನ್ವೇತಿ ।
ಹೃದಯಮೇವ ಮೇಥ್ಯುಪದೋಹನೀ ಪ್ರಾಣೋ ರಜ್ಜುಃ ।
ಪ್ರಾಣೇನೈವ ವಾಕ್ಚ ಮನಶ್ಚಾಭಿಹಿತೇ ।
ರಜ್ಜ್ವಾ ವೈ ವತ್ಸಂ ಚ ಮಾತರಂ ಚಾಭಿದಧಾತಿ ।
ತದ್ಧ ಜನಕೋ ವೈದೇಹೋ ಯಾಜ್ಞವಲ್ಕ್ಯಂ ಪಪ್ರಚ್ಛ ವೇತ್ಥಾಗ್ನಿಹೋತ್ರಂ ಯಾಜ್ಞವಲ್ಕ್ಯಾ೩ ಇತಿ ।
ವೇದೇತಿ ಹೋವಾಚ ।
ಕಿಮಿತಿ ।
ಪಯ ಇತಿ ।
ಯತ್ಪಯೋ ನ ಸ್ಯಾತ್ಕೇನ ಜುಹುಯಾ ಇತಿ ।
ವ್ರೀಹಿಯವಾಭ್ಯಾಮಿತಿ ।
ಯದ್ವ್ರೀಹಿಯವೌ ನ ಸ್ಯಾತಾಂ ಕೇನ ಜುಹುಯಾ ಇತಿ ।
ಯದನ್ಯದ್ಧಾನ್ಯಂ ತೇನೇತಿ ।
ಯದನ್ಯದ್ಧಾನ್ಯಂ ನ ಸ್ಯಾತ್ಕೇನ ಜುಹುಯಾ ಇತಿ ।
ಆರಣ್ಯಾಭಿರೋಷಧೀಭಿರಿತಿ ।
ಯದಾರಣ್ಯಾ ಓಷಧಯೋ ನ ಸ್ಯುಃ ಕೇನ ಜುಹುಯಾ ಇತಿ ।
ಅದ್ಭಿರಿತಿ ।
ಯದಾಪೋ ನ ಸ್ಯುಃ ಕೇನ ಜುಹುಯಾ ಇತಿ ।
ಸ ಹೋವಾಚ ನ ವಾ ಇಹ ತರ್ಹಿ ಕಿಂ ಚನಾಸೀದಥೈತದು ಹೂಯತ ಇವ ಸತ್ಯಂ ಶ್ರದ್ಧಾಯಾಮಿತಿ ।
ತಂ ಹೋವಾಚ ವೇತ್ಥಾಗ್ನಿಹೋತ್ರಂ ಯಾಜ್ಞವಲ್ಕ್ಯ ನಮಸ್ತೇಽಸ್ತು ಸಹಸ್ರಂ ಭಗವೋ ದದ್ಮ ಇತಿ ।
ಅಥ ಹೈನಮುಪಜಗೌ ಕಿಂ ಸ್ವಿದ್ವಿದ್ವಾನ್ಪ್ರವಸತಿ - । ೧೯

- ಅಗ್ನಿಹೋತ್ರೀ ಗೃಹೇಭ್ಯಃ
ಕಥಾ ತದಸ್ಯ ಕಾವ್ಯಂ ಕಥಾ ಸಂತತೋಽಗ್ನಿಭಿಃ
ಇತಿ ।
ಯದಗ್ನೀನಾಧಾಯಾಥಾಪಪ್ರವಸತಿ ಕಥಮಸ್ಯಾನಪಪ್ರೋಷಿತಂ ಭವತೀತಿ ।
ಸ ಹೋವಾಚ ವಾಜಸನೇಯಃ
ಯೋ ಜವಿಷ್ಠೋ ಭುವನೇಷು ಸ ವಿದ್ವಾನ್ಪ್ರವಸನ್ವಿದೇ
ತಥಾ ತದಸ್ಯ ಕಾವ್ಯಂ ತಥಾ ಸಂತತೋಽಗ್ನಿಭಿಃ
ಇತಿ ।
ಮನ ಇತಿ ಹೋವಾಚ ।
ಮನೋ ವಾವ ಭುವನೇಷು ಜವಿಷ್ಠಮ್ ।
ಮನಸೈವಾಸ್ಯಾನಪಪ್ರೋಷಿತಂ ಭವತೀತಿ ಹ ತದುವಾಚ ।
ಅಥ ಹೈನಮುಪಜಗೌ
ಯತ್ಸ ದೂರಂ ಪರೇತ್ಯಾಥ ತತ್ರ ಪ್ರಮಾದ್ಯತ್
ಕಸ್ಮಿನ್ಸಾಸ್ಯ ಹುತಾಹುತಿರ್ಗೃಹೇ ಯಾಮಸ್ಯ ಜುಹ್ವತಿ
ಇತಿ ।
ಸ ಹೋವಾಚ ವಾಜಸನೇಯಃ
ಯೋ ಜಾಗಾರ ಭುವನೇಷು ಸ ವಿದ್ವಾನ್ಪ್ರವಸನ್ವಿದೇ
ತಸ್ಮಿನ್ಸಾಸ್ಯ ಹುತಾಹುತಿರ್ಗೃಹೇ ಯಾಮಸ್ಯ ಜುಹ್ವತಿ
ಇತಿ ।
ಪ್ರಾಣ ಇತಿ ಹೋವಾಚ ।
ಪ್ರಾಣೋ ವಾವ ಭುವನೇಷು ಜಾಗರಃ ।
ಪ್ರಾಣ ಏವಾಸ್ಯ ಸಾ ಹುತಾಹುತಿರ್ಭವತಿ ।
ತಸ್ಮಾದಾಹುಃ ಪ್ರಾಣೋಽಗ್ನಿಹೋತ್ರಮಿತಿ ।
ಯಾವದ್ಧ್ಯೇವ ಪ್ರಾಣೇನ ಪ್ರಾಣಿತಿ ತಾವದಗ್ನಿಹೋತ್ರಂ ಜುಹೋತಿ ೨೦

ರೌದ್ರಂ ಗವಿ ವಾಯವ್ಯಮುಪಸೃಷ್ಟಮಾಶ್ವಿನಂ ದುಹ್ಯಮಾನಮಗ್ನೀಷೋಮೀಯಂ ದುಗ್ಧಂ ಪೌಷ್ಣಾಃ ಪ್ರೇನ್ದವೋ ಮೈತ್ರಶ್ಶರೋ ವಾರುಣಮಧಿಶ್ರಿತಂ ವೈಷ್ಣವಂ ಪ್ರತಿಷ್ಠಾಪ್ಯಮಾನಂ ವೈಶ್ವದೇವಮುನ್ನೀತಂ ಸವಿತುಃ ಪ್ರಕ್ರಾನ್ತಂ ದ್ಯಾವಾಪೃಥಿವ್ಯೋರುಪಸನ್ನಮಿನ್ದ್ರಾ ಗ್ನ್ಯೋಃ ಪೂರ್ವಾಹುತಿಃ ಪ್ರಜಾಪತೇರುತ್ತರಾ ।
ತದೇತತ್ಸಪ್ತದಶಮಗ್ನಿಹೋತ್ರಮ್ ।
ಸಪ್ತದಶ ಉ ಏವಾ ವಾಜಪೇಯಃ ।
ಸ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತ್ಯುಭಾವೇವ ಲೋಕಾವಭಿಜಯತಿ ಯಶ್ಚಾಗ್ನಿಹೋತ್ರಹುತೋ ಯಶ್ಚ ವಾಜಪೇಯಯಾಜಿನಃ ।
ತ್ರಯೋಽಗ್ನಿಹೋತ್ರೇ ಸ್ಥಾಣವ ಇತಿ ಹ ಸ್ಮಾಹ ಶಾಣ್ಡಿಲ್ಯಃ ।
ಯದಪ್ರದೀಪ್ತಾಯಾಂ ಸಮಿಧಿ ಜುಹೋತಿ ಸ ಸ್ಥಾಣುಃ ।
ಯದೇನಾಮಪರಾಧ್ನೋತಿ ಸ ಸ್ಥಾಣುಃ ।
ಯದೇನೇ ಸಂಸೃಜತ್ಸ ಸ್ಥಾಣುಃ ।
ಆದೀಪ್ತಾಯೈ ಸಮಿಧಸ್ಸಮುನ್ಮುಖೇ ಜುಹೋತಿ ।
ಅತಿಹಾಯೋತ್ತರಾಮಾಹುತಿಂ ಜುಹೋತಿ ।
ಪ್ರ ಹ ಸಪ್ತದಶಸಪ್ತದಶ ಸಹಸ್ರಪೋಷಾನ್ಪುಷ್ಯತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨೧

ಆರುಣಿರ್ವಾಜಸನೇಯೋ ಬರ್ಕುರ್ವಾರ್ಷ್ಣಃ ಪ್ರಿಯೋ ಜಾನಷ್ರುತೇಯೋ ಬುಡಿಲ ಆಶ್ವತರಾಶ್ವಿರ್ವೈಯಾಘ್ರಪದ್ಯ ಇತ್ಯೇತೇ ಹ ಪಞ್ಚ ಮಹಾಬ್ರಹ್ಮಾ ಆಸುಃ । ಅಥೈತೇಷಾಂ ಮಹತಾಂ ಬ್ರಾಹ್ಮಣಾನಾಂ ಸಮುದಿತಮಾರುಣೇರ್ಜೀವಲಸ್ಯ ಕಾರೀರಾದೇರಷಾಢಸ್ಯ ಸಾವಯಸ್ಯೇನ್ದ್ರ ದ್ಯುಮ್ನಸ್ಯ ಭಾಲ್ಲವೇಯಸ್ಯೇತಿ ।
ತೇ ಹೋಚುರ್ಜನಕೋ ವಾ ಅಯಂ ವೈದೇಹೋಽಗ್ನಿಹೋತ್ರೇಽನುಶಿಷ್ಟಃ ಸ ನೋಽತಿವದನ್ನಿವ ಮನ್ಯತ ।
ಏತ ।
ತಮಗ್ನಿಹೋತ್ರೇ ಕಥಾಂ ವಾದಯಿಷ್ಯಾಮ ಇತಿ ।

ತೇ ಹಾಜಗ್ಮುಃ ।
ತೇ ಹ ಬ್ರಹ್ಮಚಾರಿಣಮೂಚುಃ ಪ್ರ ಣೋ ಬ್ರೂಹೀತಿ ।
ತಾನ್ಹ ಪ್ರೋವಾಚ ।

ತೇಭ್ಯೋ ಹ ಪ್ರೋಕ್ತೇಭ್ಯಃ ಪೃಥಗಾಸನಾನಿ ಪೃಥಗುದಕಾನಿ ಪೃಥಙ್ಮಧುಪರ್ಕಾನ್ಪೃಥಗಾವಸಥಾನ್ಪೃಥಕ್ಪಞ್ಚಭ್ಯಃ ಪಞ್ಚಾಪಚಿತೀಶ್ಚಕಾರ ।
ಅಥ ಹೈಷಾಂ ಸಭಾಗ ಆವವ್ರಾಜೋಪ್ತ್ವಾ ಕೇಶಶ್ಮಶ್ರೂಣಿ ನಖಾನ್ನಿಕೃತ್ಯಾಜ್ಯಾಭ್ಯಜ್ಯ ದಣ್ಡೋಪಾನಹಂ ಬಿಭ್ರತ್ ।
ತಾನ್ಹೋವಾಚ ಬ್ರಾಹ್ಮಣಾಃ ಕಥಾ ಭಗವನ್ತೋ ನೋಽನುಸಂವಾದಯಥೇತಿ ।
ಅತಿ ನೋಽವಾದೀರಿತಿ ಹೋಚುಃ ।
ಅಥ ಹೈನಾಣ್ಪೂರ್ವಾಃ ಪಪ್ರಚ್ಛ ಬ್ರಾಹ್ಮಣಾಃ ಕಥಾ ಭಗವನ್ತೋ ಯೂಯಮಗ್ನಿಹೋತ್ರಂ ಜುಹುಥೇತಿ ।
ಅತಿ ವೈ ನೋಽವಾದೀರಿತಿ ಹೋಚುರ್ಯೋ ನೋ ಭೂಯಸಃ ಸತಃ ಪೂರ್ವೋಽಪ್ರಾಕ್ಷೀಃ ।
ಗೌತಮ ಪ್ರತಿಬ್ರೂಹೀತಿ ೨೨

ಸ ಹೋವಾಚ ಯಶ ಇತ್ಯೇವ ಸಮ್ರಾಡಹಮಗ್ನಿಹೋತ್ರಂ ಜುಹೋಮಿ ।
ತಸ್ಮಾದಹಂ ಯಶೋಽಸ್ಮಿ ।
ಯಶೋ ವಾವ ಮೇ ಪ್ರಜಾಯಾಮನ್ತತೋ ಭವಿತೇತಿ ।
ತಂ ಹೋವಾಚ ಗೌತಮ ಕಿಂ ಯಶ ಇತಿ ।
ಅಗ್ನಿಮುಪದಿಶನ್ನುವಾಚೇದಂ ಯಶ ಇತ್ಯದೋ ಯಶ ಇತ್ಯಾದಿತ್ಯಮ್ ।
ಸೋಽಹಮದೋ ಯಶೋಽಸ್ಮಿನ್ಯಶಸಿ ಸಾಯಂ ಜುಹೋಮೀದಂ ಯಶೋಽಮುಷ್ಮಿನ್ಯಶಸಿ ಪ್ರಾತರ್ಜುಹೋಮಿ ।
ಏತಾವೇವ ಮಾ ತದ್ಗಮಯಿಷ್ಯತೋ ಯತ್ರ ಸರ್ವೇ ಕಾಮಾಃ ।
ಏತೌ ಮೇ ಪುನರ್ಮೃತ್ಯುಮಪಜೇಷ್ಯತ ಇತಿ ।
ಸುಹುತಂ ದೇವಾನ್ರಾಧಯಾನಿ ಇತಿ ಹ ಪ್ರಶಶಂಸ ।
ಅಥ ಹಾಪರಂ ಪಪ್ರಚ್ಛ ಕಥಾ ಭಗವಸ್ತ್ವಮಗ್ನಿಹೋತ್ರಂ ಜುಹೋಷೀತಿ ।
ಸ ಹೋವಾಚ ವಾಜಸನೇಯಃ ಸತ್ಯಮಿತ್ಯೇವ ಸಮ್ರಾಡಹಮಗ್ನಿಹೋತ್ರಂ ಜುಹೋಮಿ ।
ತಸ್ಮಾದಹಂ ಸತ್ಯಮಸ್ಮಿ ।
ತಸ್ಮಾನ್ಮಮ ಸತ್ಯಮಿವ ವದತಃ ಪ್ರಕಾಶ ಇತಿ ।
ತಂ ಹೋವಾಚ ಯಾಜ್ಞವಲ್ಕ್ಯ ಕಿಂ ಸತ್ಯಮಿತಿ ।
ಅಗ್ನಿಮುಪದಿಶನ್ನುವಾಚೇದಂ ಸತ್ಯಮಿತ್ಯದಃ ಸತ್ಯಮಿತ್ಯಾದಿತ್ಯಮ್ ।
ಸೋಽಹಮದಃ ಸತ್ಯಮಸ್ಮಿನ್ನ್ಸತ್ಯೇ ಸಾಯಂ ಜುಹೋಮೀದಂ ಸತ್ಯಮಮುಷ್ಮಿನ್ಸತ್ಯೇ ಪ್ರಾತರ್ಜುಹೋಮಿ ।
ಏತಾವೇವ ಮಾ ತದ್ಗಮಯಿಷ್ಯತೋ ಯತ್ರ ಸರ್ವೇ ಕಾಮಾಃ ।
ಏತೌ ಮೇ ಪುನರ್ಮೃತ್ಯುಮಪಜೇಷ್ಯತ ಇತಿ ।
ಸುಹುತಂ ದೇವಾನ್ರಾಧಯಾನಿ ಇತಿ ಹೈವ ಪ್ರಶಶಂಸ ।
ಅಥ ಹಾಪರಂ ಪಪ್ರಚ್ಛ ಕಥಾ ಭಗವಸ್ತ್ವಮಗ್ನಿಹೋತ್ರಂ ಜುಹೋಷೀತಿ ೨೩

ಸ ಹೋವಾಚ ಬರ್ಕುರ್ವಾರ್ಷ್ಣೋ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಿತ್ಯೇವ ಸಮ್ರಾಡಹಮಗ್ನಿಹೋತ್ರಂ ಜುಹೋಮಿ ।
ತಸ್ಮಾದಹಂ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಸ್ಮಿ ।
ಭೂಯಿಷ್ಠಂ ವಾವ ಮೇ ಶ್ರೇಷ್ಠಂ ವಿತ್ತಾನಾಂ ಪ್ರಜಾಯಾಮನ್ತತೋ ಭವಿತೇತಿ ।
ತಂ ಹೋವಾಚಾಗ್ನಿವೇಶ್ಯ ಕಿಂ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಿತಿ ।
ಅಗ್ನಿಮುಪದಿಷನ್ನುವಾಚೇದಂ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಿತ್ಯದೋ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಿತ್ಯಾದಿತ್ಯಮ್ ।
ಸೋಽಹಮದೋ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಸ್ಮಿನ್ಭೂಯಿಷ್ಠೇ ಶ್ರೇಷ್ಠೇ ವಿತ್ತಾನಾಂ ಸಾಯಂ ಜುಹೋಮೀದಂ ಭೂಯಿಷ್ಠಂ ಶ್ರೇಷ್ಠಂ ವಿತ್ತಾನಾಮಮುಷ್ಮಿನ್ಭೂಯಿಷ್ಠೇ ಶ್ರೇಷ್ಠೇ ವಿತ್ತಾನಾಮ್ಪ್ರಾತರ್ಜುಹೋಮಿ ।
ಏತಾವೇವ ಮಾ ತದ್ಗಮಯಿಷ್ಯತೋ ಯತ್ರ ಸರ್ವೇ ಕಾಮಾಃ ।
ಏತೌ ಮೇ ಪುನರ್ಮೃತ್ಯುಮಪಜೇಷ್ಯತ ಇತಿ ।
ಸುಹುತಂ ದೇವಾನ್ರಾಧಯಾನಿ ಇತಿ ಹೈವ ಪ್ರಶಶಂಸ ।
ಅಥ ಹಾಪರಂ ಪಪ್ರಚ್ಛ ಕಥಾ ಭಗವಸ್ತ್ವಮಗ್ನಿಹೋತ್ರಂ ಜುಹೋಷೀತಿ ।
ಸ ಹೋವಾಚ ಪ್ರಿಯೋ ಜಾನಶ್ರುತೇಯಸ್ತೇಜ ಇತ್ಯೇವ ಸಮ್ರಾಡಹಮಗ್ನಿಹೋತ್ರಂ ಜುಹೋಮಿ ತಸ್ಮಾದಹಂ ತೇಜೋಽಸ್ಮಿ ।
ತೇಜೋ ವಾವ ಮೇ ಪ್ರಜಾಯಾಮನ್ತತೋ ಭವಿತೇತಿ ।
ತಂ ಹೋವಾಚ ಕಾಣ್ಡ್ವೀಯ ಕಿಂ ತೇಜ ಇತಿ ।
ಅಗ್ನಿಮುಪದಿಶನ್ನುವಾಚೇದಂ ತೇಜ ಇತ್ಯದಸ್ತೇಜ ಇತ್ಯಾದಿತ್ಯಮ್ ।
ಸೋಽಹಮದಸ್ತೇಜೋಽಸ್ಮಿಂಸ್ತೇಜಸಿ ಸಾಯಂ ಜುಹೋಮೀದಂ ತೇಜೋಽಮುಷ್ಮಿಂಸ್ತೇಜಸಿ ಪ್ರಾತರ್ಜುಹೋಮಿ ।
ಏತಾವೇವ ಮಾ ತದ್ಗಮಯಿಷ್ಯತೋ ಯತ್ರ ಸರ್ವೇ ಕಾಮಾಃ ।
ಏತೌ ಮೇ ಪುನರ್ಮೃತ್ಯುಮಪಜೇಷ್ಯತ ಇತಿ ।
ಸುಹುತಂ ದೇವಾನ್ರಾಧಯಾನಿ ಇತಿ ಹೈವ ಪ್ರಶಶಂಸ ।
ಅಥ ಹಾಪರಂ ಪಪ್ರಚ್ಛ ಕಥಾ ಭಗವಸ್ತ್ವಮಗ್ನಿಹೋತ್ರಂ ಜುಹೋಷೀತಿ ।
೨
ಸ ಹೋವಾಚ ಬುಡಿಲ ಆಶ್ವತರಾಶ್ವಿರ್ವೈಯಾಘ್ರಪದ್ಯೋಽರ್ಕಾಶ್ವಮೇಧಾವಿತ್ಯೇವ ಸಮ್ರಾಡಹಮಗ್ನಿಹೋತ್ರಂ ಜುಹೋಮಿ ।
ಅನ್ನಂ ಹ್ಯೇತದ್ದೇವಾನಾಂ ಯದರ್ಕೋಽಶ್ವೋ ಮೇಧೋ ಮೇಧ್ಯ ಇತಿ ।
ತಂ ಹೋವಾಚ ವೈಯಾಘ್ರಪದ್ಯ ಕೋಽರ್ಕಃ ಕೋಽಶ್ವೋ ಮೇಧೋ ಮೇಧ್ಯ ಇತಿ ।
ಅಗ್ನಿಮುಪದಿಶನ್ನುವಾಚಾಯಮರ್ಕ ಇತ್ಯಸಾವಶ್ವೋ ಮೇಧೋ ಮೇಧ್ಯ ಇತ್ಯಾದಿತ್ಯಮ್ ।
ಸೋಽಹಮಮುಮಶ್ವಂ ಮೇಧಂ ಮೇಧ್ಯಮಸ್ಮಿನ್ನರ್ಕೇ ಸಾಯಂ ಜುಹೋಮೀಮಮರ್ಕಮಮುಷ್ಮಿನ್ನಶ್ವೇ ಮೇಧೇ ಮೇಧ್ಯೇ ಪ್ರಾತರ್ಜುಹೋಮಿ ।
ಏತಾವೇವ ಮಾ ತದ್ಗಮಯಿಷ್ಯತೋ ಯತ್ರ ಸರ್ವೇ ಕಾಮಾಃ ।
ಏತೌ ಮೇ ಪುನರ್ಮೃತ್ಯುಮಪಜೇಷ್ಯತ ಇತಿ ।
ಸುಹುತಮಿತಿ ಹ ಪ್ರಶಸ್ಯೋವಾಚ ಯೋ ಹ ಕಿಲ ಮಹ್ಯಮಗ್ನಿಹೋತ್ರ ಇತಿಂ ಚ ಗತಿಂ ಬ್ರೂಯಾತ್ತಸ್ಮಾ ಅಹಂ ವರಂ ದದ್ಯಾಮಿತಿ ।
ತೇ ಹೋಚುರ್ನ ನ್ವೈ ವಯಮಗ್ನಿಹೋತ್ರ ಇತಿಂ ಚ ಗತಿಂ ಚಾನೂಚಿಮಹೇ ತ್ವಮಸ್ಮಭ್ಯಮಗ್ನಿಹೋತ್ರ ಇತಿಂ ಚ ಗತಿಂ ಚ ಬ್ರೂಹಿ ವಯಂ ತುಭ್ಯಂ ಪೃಥಕ್ಪಞ್ಚ ವರಾನ್ದದ್ಮ ಇತಿ ।
ಅಗ್ನಿಮುಪದಿಷನ್ನುವಾಚೇಯಮಿತಿರಿತ್ಯಸೌ ಗತಿರಿತ್ಯಾದಿತ್ಯಮ್ ।
ಸೋಽಹಮಮೂಂ ಗತಿಮಸ್ಯಾಮಿತೌ ಸಾಯಂ ಜುಹೋಮೀಮಾಮಿತಿಮಮುಷ್ಯಾಂ ಗತೌ ಪ್ರಾತರ್ಜುಹೋಮಿ ।
ಏತಾವೇವ ಮಾ ತದ್ಗಮಯಿಷ್ಯತೋ ಯತ್ರ ಸರ್ವೇ ಕಾಮಾಃ ।
ಏತೌ ಮೇ ಪುನರ್ಮೃತುಮಪಜೇಷ್ಯತ ಇತಿ ।
ಸುಹುತಮಿತಿ ಹ ಪ್ರಶಸ್ಯೋಚುರ್ವರಾನ್ವೃಣೀಷ್ವ ಯಾನದಾಮೇತಿ ।
ಸ ಹೋವಾಚೈಷ ಏವ ಮೇ ವರೋಽಹಮೇವ ಯುಷ್ಮಭ್ಯಂ ಪೃಥಕ್ಪಞ್ಚ ಸಹಸ್ರಾಣಿ ಶತಾಶ್ವಾನಿ ದದಾನೀತಿ ।
ಏತಾನಿ ವಾ ಅಗ್ನಿಹೋತ್ರ ಉಪಾಸನಾನ್ಯೇತೇ ಕಾಮಾಃ ।
ಏತಾನೇವ ಕಾಮಾನವರುನ್ದ್ಧೇ ಯ ಏವಂ ವೇದಾಥೋ ಯಸ್ಯೈವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨೫

ಅಗ್ನೀನಾದಧಾನಃ ಪ್ರಾತರೇವೋದ್ಧರೇತ ।
ದ್ವಿಸ್ಸಾಯಂ ದ್ವಿಃ ಪ್ರಾತರ್ಜುಹೋತಿ ।
ಚತಸ್ರ ಆಹುತಯಸ್ಸಂಪದ್ಯನ್ತೇ ।
ಚತುಷ್ಪದಾ ವೈ ಪಶವೋ ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾಃ ।
ತೇಷಾಮೇವೈತತ್ಪ್ರತ್ಯಾಶಂ ಪ್ರತ್ಯಪಚಯತಿ ।
ಏಷ ವೈ ಮೃತ್ಯುರ್ಯದಗ್ನೀ ರಿಹನ್ನೇವ ನಾಮ ।
ತಮೇವ ತಾಭಿರಾಹುತಿಭಿಶ್ಶಮಯಿತ್ವಾ ಪೃಥಿವೀಂ ಲೋಕಾನಾಂ ಜಯತ್ಯಗ್ನಿಂ ದೇವಂ ದೇವಾನಾಮ್ ।
ಅಗ್ನೇರ್ದೇವಸ್ಯ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ।
ಸ ತತೋ ಧೂಮಮೇವ ರಥಂ ಸಮಾಸ್ಥಾಯ ವಾಯೋಸ್ಸಲೋಕತಾಮಭಿಪ್ರಯಾತಿ ।
ದ್ವ್ಯಹಂ ಜುಹೋತಿ ।
ಅಷ್ಟಾವಾಹುತಯಸ್ಸಂಪದ್ಯನ್ತೇ ।
ಅಷ್ಟಾಶಫಾ ಹ ವೈ ಪಶವೋ ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾಃ ।
ತೇಷಾಮೇವೈತತ್ಪ್ರತ್ಯಾಶಂ ಪ್ರತ್ಯಪಚಯತಿ ।
ಏಷ ವೈ ಮೃತ್ಯುರ್ಯದ್ವಾಯುರಜಿರ ಏವ ನಾಮ ।
ತಮೇವ ತಾಭಿರಾಹುತಿಭಿಶ್ಶಮಯಿತ್ವಾನ್ತರಿಕ್ಷಂ ಲೋಕಾನಾಂ ಜಯತಿ ವಾಯುಂ ದೇವಂ ದೇವಾನಾಮ್ ।
ವಾಯೋರ್ದೇವಸ್ಯ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨೬

ಸ ತತೋ ರೇಷ್ಮಾಣಮೇವ ರಥಂ ಸಮಾಸ್ಥಾಯಾದಿತ್ಯಸ್ಯ ಸಲೋಕತಾಮಭಿಪ್ರಯಾತಿ ।
ತ್ರ್! ಯಹಂ ಜುಹೋತಿ ।
ದ್ವಾದಶಾಹುತಯಸ್ಸಂಪದ್ಯನ್ತೇ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರೋ ವಾ ಇದಂ ಸರ್ವಮ್ ।
ಯದಿಹಾಶ್ನಾತಿ ಯತ್ಪಿಬತಿ ಯಸ್ಮೈ ಕಸ್ಮೈ ಚನ ಪ್ರತಿವ್ಯಾದದಾತಿ ಸರ್ವಂ ತದಸ್ಯಾನಶಿತಂ ಭವತಿ ಯಾವಜ್ಜೀವಾನಾಶಕವ್ರತೀ ಭವತಿ ।
ಏಷ ವೈ ಮೃತ್ಯುರ್ಯದಾದಿತ್ಯೋ ಮ್ರೋಚನ್ನೇವ ನಾಮ ।
ತಮೇವ ತಾಭಿರಾಹುತಿಭಿಶ್ಶಮಯಿತ್ವಾ ದಿವಂ ಲೋಕಾನಾಂ ಜಯತ್ಯಾದಿತ್ಯಂ ದೇವಂ ದೇವಾನಾಮ್ ।
ಆದಿತ್ಯಸ್ಯ ದೇವಸ್ಯ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨೭

ಸ ತತೋ ರಶ್ಮೀನೇವ ರಥಂ ಸಮಾಸ್ಥಾಯ ಚನ್ದ್ರ ಮಸಸ್ಸಲೋಕತಾಮಭಿಪ್ರಯಾತಿ ।
ಚತುರಹಂ ಜುಹೋತಿ ।
ಷೋಡಶಾಹುತಯಸ್ಸಂಪದ್ಯನ್ತೇ ।
ಷೋಡಶಕಲಂ ವೈ ಬ್ರಹ್ಮ ।
ಷೋಡಶಕಲಾ ದೇವಾಃ ।
ಷೋಡಶಕಲಮಿದಂ ಸಕೃತ್ಸರ್ವಮ್ ।
ಸ ಯದಿಹ ರಿಪ್ರಂ ಪಾಪಂ ಕರ್ಮ ಕರೋತ್ಯೇಕಯೈವ ತತಃ ಕಲಯಾ ।
ಯಥಾ ಸುವರ್ಣಃ ಪ್ರವೃತ್ತಸ್ತಪ್ಯಮಾನಸ್ಸುವರ್ಣತಾಮಭಿನಿಷ್ಪದ್ಯತ ಏವಮೇವ ದ್ವಿಷತ್ಸು ಭ್ರಾತೃವ್ಯೇಷು ಮಲಂ ಪಾಪ್ಮಾನಂ ಪ್ರತ್ಯೂಹ್ಯ ಸ್ವರ್ಗಂ ಲೋಕಮಭಿಪ್ರೈತಿ ।
ಏಷ ವೈ ಶಶೋ ಯ ಏಷೋಽನ್ತಶ್ಚನ್ದ್ರ ಮಸಿ ।
ಏಷ ಹೀದಂ ಸರ್ವಂ ಶಾಸ್ತಿ ।
ಏಷ ವೈ ಯಮೋ ಯ ಏಷೋಽನ್ತಶ್ಚನ್ದ್ರ ಮಸಿ ।
ಏಷ ಹೀದಂ ಸರ್ವಂ ಯಮಯತಿ ।
ಏಷ ಮೃತ್ಯುರ್ಯದ್ಯಮೋಽತ್ಸ್ಯನ್ನೇವ ನಾಮ ।
ತಮೇವ ತಾಭಿರಾಹುತಿಭಿಶ್ಶಮಯಿತ್ವೋರ್ಜಂ ಲೋಕಾನಾಂ ಜಯತಿ ಯಮಂ ದೇವಂ ದೇವಾನಾಮ್ ।
ಯಮಸ್ಯ ದೇವಸ್ಯ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨೮

ಸ ತತಸ್ಸ್ವಧಾಮೇವ ಹಿರಣ್ಮಯೀಂ ನಾವಂ ಸಮಾರುಹ್ಯ ಪ್ರಜಾಪತೇಸ್ಸಲೋಕತಾಮಭಿಪ್ರಯಾತಿ ।
ಪಞ್ಚಾಹಂ ಜುಹೋತಿ ।
ವಿಂಶತಿರಾಹುತಯಸ್ಸಂಪದ್ಯನ್ತೇ ।
ಸವಿಂಶೋ ವೈ ಪ್ರಜಾಪತಿಃ ।
ಏಷ ವೈ ಮೃತ್ಯುರ್ಯತ್ಪ್ರಜಾಪತಿಃ ಪ್ರಭೂಮಾನೇವ ನಾಮ ।
ತಮೇವ ತಾಭಿರಾಹುತಿಭಿಶ್ಶಮಯಿತ್ವಾ ನಭೋ ಲೋಕಾನಾಂ ಜಯತಿ ಪ್ರಜಾಪತಿಂ ದೇವಂ ದೇವಾನಾಮ್ ।
ಪ್ರಜಾಪತೇರ್ದೇವಸ್ಯ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೨೯

ತದ್ಯದ್ವೈ ತನ್ನಭೋ ನಾಮಾಭೀರ್ವೈ ಸಾ ।
ನ ಹಿ ತತ್ಪ್ರಾಪ್ಯ ಕಸ್ಮಾಚ್ಚನ ಬಿಭೇತಿ ।
ತಸ್ಮಾತ್ತನ್ನಭಃ ।
ಷಡಹಂ ಜುಹೋತಿ ।
ಚತುರ್ವಿಂಶತಿರಾಹುತಯಃ ಸಂಪದ್ಯನ್ತೇ ।
ಚತುರ್ವಿಂಶತ್ಯಕ್ಷರಾ ವೈ ಗಾಯತ್ರೀ ।
ಚತುರ್ವಿಂಶತಿರ್ವಸವೋ ದೇವಾಃ ।
ತೇ ಗಾಯತ್ರೀಮನ್ವಾಯತ್ತಾಃ ।
ತೇಭ್ಯೋ ಗಾಯತ್ರೀವ ವಸುಭ್ಯೋ ದೇವೇಭ್ಯ ಏಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ಗಾಯತ್ರೀಂ ಸ ಛನ್ದಸಾಂ ಜಯತಿ ವಸೂನ್ದೇವಾನ್ದೇವಾನಾಮ್ ।
ವಸೂನಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೦

ಸಪ್ತಾಹಂ ಜುಹೋತಿ ।
ಅಷ್ಟಾವಿಂಶತಿರಾಹುತಯಸ್ಸಂಪದ್ಯನ್ತೇ ।
ಅಷ್ಟಾವಿಂಶತ್ಯಕ್ಷರಾ ವಾ ಉಷ್ಣಿಕ್ ।
ಅಷ್ಟಾವಿಂಶತಿರ್ಭೃಗ್ವಙ್ಗಿರಸೋ ದೇವಾಃ ।
ತ ಉಷ್ಣಿಹಮನ್ವಾಯತ್ತಾಃ ।
ತೇಭ್ಯ ಉಷ್ಣಿಗ್ಭೃಗ್ವಙ್ಗಿರೋಭ್ಯೋ ದೇವೇಭ್ಯ ಏಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ಉಷ್ಣಿಹಂ ವೈ ಸ ಛನ್ದಸಾಂ ಜಯತಿ ಭೃಗ್ವಙ್ಗಿರಸೋ ದೇವಾನ್ದೇವಾನಾಮ್ ।
ಭೃಗ್ವಙ್ಗಿರಸಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೧

ಅಷ್ಟಾಹಂ ಜುಹೋತಿ ।
ದ್ವಾತ್ರಿಂಶದಾಹುತಯಸ್ಸಂಪದ್ಯನ್ತೇ ।
ದ್ವಾತ್ರಿಂಶದಕ್ಷರಾ ವಾ ಅನುಷ್ಟುಪ್ ।
ದ್ವಾತ್ರಿಂಶದ್ವಿಶ್ವೇ ದೇವಾಃ ।
ತೇಽನುಷ್ಟುಭಮನ್ವಾಯತ್ತಾಃ ।
ತೇಭ್ಯೋಽನುಷ್ಟುಬ್ವಿಶ್ವೇಭ್ಯೋ ದೇವೇಭ್ಯ ಏಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ಅನುಷ್ಟುಭಂ ವೈ ಸ ಛನ್ದಸಾಂ ಜಯತಿ ವಿಶ್ವಾನ್ದೇವಾನ್ದೇವಾನಾಮ್ ।
ವಿಶ್ವೇಷಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೨

ನವಾಹಂ ಜುಹೋತಿ ।
ಷಟ್ತ್ರಿಂಶದಾಹುತಯಸ್ಸಂಪದ್ಯನ್ತೇ ।
ಷಋತ್ರಿಂಶದಕ್ಷರಾ ವೈ ಬೃಹತೀ ।
ಷಟ್ತ್ರಿಂಶತ್ಸಾಧ್ಯಾ ದೇವಾಃ ।
ತೇ ಬೃಹತೀಮನ್ವಾಯತ್ತಾಃ ।
ತೇಭ್ಯೋ ಬೃಹತೀ ಸಾಧ್ಯೇಭ್ಯೋ ದೇವೇಭ್ಯ ಅಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ಬೃಹತೀಂ ವೈ ಸ ಛನ್ದಸಾಂ ಜಯತಿ ಸಾಧ್ಯಾನ್ದೇವಾನ್ದೇವಾನಾಮ್ ।
ಸಾಧ್ಯಾನಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೩

ದಶಾಹಂ ಜುಹೋತಿ ।
ಚತ್ವಾರಿಂಶದಾಹುತಯಸ್ಸಂಪದ್ಯನ್ತೇ ।
ಚತ್ವಾರಿಂಶದಕ್ಷರಾ ವೈ ಪಙ್ಕ್ತಿಃ ।
ಚತ್ವಾರಿಂಶನ್ಮರುತೋ ದೇವಾಃ ।
ತೇ ಪಙ್ಕ್ತಿಮನ್ವಾಯತ್ತಾಃ ।
ತೇಭ್ಯಃ ಪಙ್ಕ್ತಿರ್ಮರುದ್ಭ್ಯೋ ದೇವೇಭ್ಯ ಏಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ಪಾಙ್ಕ್ತಿಂ ವೈ ಸ ಛನ್ದಸಾಂ ಜಯತಿ ಮರುತೋ ದೇವಾನ್ದೇವಾನಾಮ್ ।
ಮರುತಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೪

ಏಕಾದಶಾಹಂ ಜುಹೋತಿ ।
ಚತುಶ್ಚತ್ವಾರಿಂಶದಾಹುತಯಸ್ಸಂಪದ್ಯನ್ತೇ ।
ಚತುಶ್ಚತ್ವಾರಿಂಶದಕ್ಷರಾ ವೈ ತ್ರಿಷ್ಟುಪ್ ।
ಚತುಶ್ಚತ್ವಾರಿಂಶದ್ರುದ್ರಾ ದೇವಾಃ ।
ತೇ ತ್ರಿಷ್ಟುಭಮನ್ವಾಯತ್ತಾಃ ।
ತೇಭ್ಯಸ್ತ್ರಿಷ್ಟುಬ್ರುದ್ರೇ ಭ್ಯೋ ದೇವೇಭ್ಯ ಏಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ತ್ರಿಷ್ಟುಭಂ ವೈ ಛನ್ದಸಾಂ ಜಯತಿ ರುದ್ರಾ ನ್ದೇವಾನ್ದೇವಾನಾಮ್ ।
ರುದ್ರಾ ಣಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೫

ದ್ವಾದಶಾಹಂ ಜುಹೋತಿ ।
ಅಷ್ಟಾಚತ್ವಾರಿಂಶದಾಹುತಯಸ್ಸಂಪದ್ಯನ್ತೇ ।
ಅಷ್ಟಾಚತ್ವಾರಿಂಶದಕ್ಷರಾ ವೈ ಜಗತೀ ।
ಅಷ್ಟಾಚತ್ವಾರಿಂಶದಾದಿತ್ಯಾ ದೇವಾಃ ।
ತೇ ಜಗತೀಮನ್ವಾಯತ್ತಾಃ ।
ತೇಭ್ಯೋ ಜಗತ್ಯಾದಿತ್ಯೇಭ್ಯೋ ದೇವೇಭ್ಯ ಏಕೈಕೇನಾಕ್ಷರೇಣ ಕಾಮಾನ್ನಿಕಾಮಾನ್ದುಹೇ ।
ಏವಮಸ್ಮೈ ಜುಹ್ವತೇ ದುಹೇ ।
ಜಗತೀಂ ವೈ ಸ ಛನ್ದಸಾಂ ಜಯತ್ಯಾದಿತ್ಯಾನ್ದೇವಾನ್ದೇವಾನಾಮ್ ।
ಆದಿತ್ಯಾನಾಂ ದೇವಾನಾಂ ಸಾಯುಜ್ಯಂ ಸಲೋಕತಾಂ ಸಮಭ್ಯಾರೋಹತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ೩೬

ಅತ್ರ ವೈ ಬ್ರಹ್ಮ ನ ವಿರಾಜತ್ಯನಾಥಮಪರಾಯಣಮನುತ್ತರಮ್ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಂ ಬ್ರಹ್ಮ ಜುಹುವಾಂ ಚಕಾರ ।
ತದ್ದ್ವಾದಶಾಹಂ ಹುತ್ವಾ ಕೀರ್ತಿಂ ಯಶಃ ಪ್ರಜಾತಿಮಮೃತಂ ತದುದಾಜಹಾರ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಂ ಬ್ರಹ್ಮ ಹುತ್ವಾ ಪ್ರಜಾಪತಯೇ ಪ್ರತ್ಯೂಹ್ಯ ಸ್ವರ್ಗಂ ಲೋಕಮಭ್ಯುಚ್ಚಕ್ರಾಮ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಂ ಪ್ರಜಾಪತಿರ್ಜುಹುವಾಂ ಚಕಾರ ।
ತದ್ದ್ವಾದಶಾಹಂ ಹುತ್ವಾ ಪ್ರಜ್ಞಾಂ ಮೇಧಾಂ ಮೀಮಾಂಸಾಂ ತಪಸ್ತದುದಾಜಹಾರ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಂ ಪ್ರಜಾಪತಿರ್ಹುತ್ವಾ ದೇವೇಭ್ಯಶ್ಚರ್ಷಿಭ್ಯಶ್ಚ ಪ್ರತ್ಯೂಹ್ಯ ಸ್ವರ್ಗಮೇವ ಲೋಕಮಭ್ಯುಚ್ಚಕ್ರಾಮ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಂ ದೇವಾಶ್ಚರ್ಷಯಶ್ಚ ಜುಹುವಾಂ ಚಕ್ರುಃ ।
ತದ್ದ್ವಾದಶಾಹಂ ಹುತ್ವಾ ಪೂರ್ವೇಭ್ಯೋ ಮನುಷ್ಯೇಭ್ಯಃ ಪ್ರತ್ಯೂಹ್ಯ ಸ್ವರ್ಗಮು ಏವ ಲೋಕಮಭ್ಯುಚ್ಚಕ್ರಾಮುಃ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಂ ಬ್ರಹ್ಮ ಜುಹುವಾಂ ಚಕಾರ ।
ದ್ವಾದಶಾಹಂ ಪ್ರಜಾಪತಿರ್ದ್ವಾದಶಾಹಂ ದೇವಾಶ್ಚರ್ಷಯಶ್ಚ ।
ತದ್ದ್ವಾದಶಾಹಂ-ದ್ವಾದಶಾಹಂ ಹುತ್ವಾ ಕಾಮಾನ್ನಿಕಾಮಾನಾಪುಃ ।
ಕಿಮು ಯ ಏನದೇವಂ ಯಾವಜ್ಜೀವಂ ಜುಹುಯಾತ್ ೩೭

ತದ್ವೈ ತದಗ್ನಿಹೋತ್ರಂ ತ್ರ್! ಯಹಮೇವ ಪಯಸಾ ಜುಹುಯಾತ್ ।
ತದ್ವಾ ಅಗ್ನಿಷ್ಟೋಮಸ್ಯ ರೂಪಮ್ ।
ಅಗ್ನಿಷ್ಟೋಮೇನೈವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ।
ತದ್ವೈ ತದಗ್ನಿಹೋತ್ರಂ ತ್ರ್! ಯಹಮೇವ ದಧ್ನಾ ಜುಹುಯಾತ್ ।
ತದ್ವೈ ವಾಜಪೇಯಸ್ಯ ರೂಪಮ್ ।
ವಾಜಪೇಯೇನೈವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ।
ತದ್ವೈ ತದಗ್ನಿಹೋತ್ರಂ ತ್ರ್! ಯಹಮೇವಾಜ್ಯೇನ ಜುಹುಯಾತ್ ।
ತದ್ವಾ ಅಶ್ವಮೇಧಸ್ಯ ರೂಪಮ್ ।
ಅಶ್ವಮೇಧೇನೈವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ।
ತದ್ವೈ ತದಗ್ನಿಹೋತ್ರಂ ತ್ರ್! ಯಹಮೇವಾದ್ಭಿರ್ಜುಹುಯಾತ್ ।
ತದ್ವೈ ಪುರುಷಮೇಧಸ್ಯ ರೂಪಮ್ ।
ಪುರುಷಮೇಧೇನೈವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ।
ಸ್ವಯಮಹತವಾಸಾ ಯಜಮಾನೋಽಗ್ನಿಹೋತ್ರಂ ಜುಹುಯಾದಜಸ್ರೇಷ್ವಗ್ನಿಷ್ವಪ್ರವಸನ್ ।
ತ್ರಯೋದಶೀಂ ರಾತ್ರಿಂ ಸೋಮೇನ ವಾ ಪಶುನಾ ವೇಷ್ಟ್ವೋತ್ಸೃಜೇತ ।
ಯಥಾ ಸಾವಸಾನ್ಕೃತ್ವಾ ಪ್ರಾರ್ಜಯೇತ್ತಾದೃಕ್ತತ್ ।
ತದ್ವೈ ತದಗ್ನಿಹೋತ್ರಂ ದ್ವಾದಶಾಹಮೇವ ಪೂರ್ವೇ ಮನುಷ್ಯಾ ಜುಹುವಾಂ ಚಕ್ರುಃ ।
ತಸ್ಮಾತ್ತೇಷಾಂ ದುಹೇ ಧೇನುರ್ವಹತ್ಯನಡ್ವಾನಾಧಾನಪ್ರಹಿತೋಽಶ್ವೋಽಶ್ವತರ ಉಪತಿಷ್ಠತ್ಯಧಿಕಕ್ಷ್ಯೋ ಹಸ್ತೀ ವಹತಿ ೩೮

ಉಪಸೃಜ್ಯಾಗ್ನಿಹೋತ್ರೀಮಿತ್ಯಾಹ ಉಪಸೃಷ್ಟೇ ದ್ಯಾವಾಪೃಥಿವೀ ।
ರುದ್ರಾ ಉಪಗೃಹ್ಣನ್ತಿ ವಸೂನಾಂ ದುಗ್ಧಮ್ ।
ಭೂತಕೃತ ಸ್ಥ ನಿರೂಢ ಜನ್ಯಂ ಭಯಮಿತ್ಯಙ್ಗಾರಾನ್ನಿರೂಹತಿ ।
ಅಥಾಧಿಶ್ರಯತಿ ವೈಶ್ವಾನರಸ್ಯಾಧಿಶ್ರೇತಮಸಿ ।
ಅಗ್ನಿಸ್ತೇ ತೇಜೋ ಮಾ ಪ್ರತಿಧಾಕ್ಷೀತ್ ।
ಸತ್ಯಾಯ ತ್ವಾ ಇತಿ ।
ಅಥಾವದ್ಯೋತಯತಿ ಸಂ ಜ್ಯೋತಿಷಾ ಜ್ಯೋತಿಃ ಇತಿ ।
ಅಥಾಪಃ ಪ್ರತ್ಯಾನಯತಿ ಯಸ್ತೇ ಅಪ್ಸು ರಸಃ ಪ್ರವಿಷ್ಟಸ್ತೇನ ಸಂಪೃಚ್ಯಸ್ವ ಇತಿ ।
ಸ ಯದೇವಾಸ್ಯ ತತ್ರ ದಿಶೋ ಗ್ರಸನ್ತೇ ತದೇವಾಸ್ಯ ತತ್ಸಮನ್ವಾನಯತಿ ಅನ್ತರಿತಂ ರಕ್ಷೋಽನ್ತರಿತಾ ಅರಾತಯಃ ಇತಿ ।
ತ್ರಿಃ ಪರ್ಯಗ್ನಿ ಕರೋತಿ ।
ಅಥೋದ್ವಾಸಯತಿ ದಿವಂ ದೃಂಹಾನ್ತರಿಕ್ಷಂ ದೃಂಹ ಪೃಥಿವೀಂ ದೃಂಹಪ್ರಜಾಂ ಪಶೂಞ್ಜುಹ್ವತೋ ಮೇ ದೃಹ ಇತಿ ।
ಭೂತಕೃತ ಸ್ಥ ಪ್ರತ್ಯೂಢಂ ಜನ್ಯಂ ಭಯಮಿತ್ಯಙ್ಗಾರಾನ್ಪ್ರತ್ಯೂಹತಿ ।
ಅಥ ಸ್ರವಂ ಚ ಸ್ರುಚಂ ಚಾದಾಯ ನಿಷ್ಟಪತಿ ಪ್ರತ್ಯುಷ್ಟಂ ರಕ್ಷಃ ಪ್ರತುಷ್ಟಾ ಅರಾತಯಃ ಇತಿ ।
ಅಥ ಸ್ರುಚಂ ಸಂಮಾರ್ಷ್ಟಿ ಸಜೂರ್ದೇವೇಭ್ಯಸ್ಸಾಯಂಯಾವಭ್ಯಃ ಇತಿ ಸಾಯಮ್ ।
ಸಜೂರ್ದೇವೇಭ್ಯಃ ಪ್ರಾತರ್ಯಾವಭ್ಯಃ ಇತಿ ಪ್ರಾತಃ ।
ಸುವರ್ಣಾಂ ತ್ವಾಂ ಸುವರ್ಣಮಯೀಮ್ ।
ಹಿರಣ್ಯಯಷ್ಟಿರಸ್ಯಮೃತಪಲಾಶಾ ಸ್ರೋತೋ ಯಜ್ಞಾನಾಮಿತಿ ।
ಸ್ರೋತೋ ಹೈವ ಸ ಯಜ್ಞಾನಾಂ ಭವತಿ ।
ಅಥಾಹ ಉನ್ನೇಷ್ಯಾಮಿ ಇತಿ ।
ಓಂ ಮಾಮಹಂ ಸ್ವರ್ಗಂ ಲೋಕಮಭಿ ಇತಿ ಬ್ರೂಯಾತ್ ೩೯

ಸ ಯಂ ಪ್ರಥಮಂ ಸ್ರುವಮುನ್ನಯತಿ ತದ್ವೈ ದರ್ಶಪೂರ್ಣಮಾಸಯೋ ರೂಪಮ್ ।
ದರ್ಶಪೂರ್ಣಮಾಸಾಭ್ಯಾಮೇವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾನ್ಪ್ರಥಮಂ ಸ್ರುವಮುನ್ನಯತಿ ।
ಅಥ ಯಂ ದ್ವಿತೀಯಂ ಸ್ರುವಂ ತದ್ವೈ ಚಾತುರ್ಮಾಸ್ಯಾನಾಂ ರೂಪಮ್ ।
ಚಾತುರ್ಮಾಸ್ಯೈರೇವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾನ್ದ್ವಿತೀಯಂ ಸ್ರುವಮುನ್ನಯತಿ ।
ಅಥ ಯಂ ತೃತೀಯಂ ಸ್ರುವಮುನ್ನಯತಿ ತದ್ವಾ ಇಷ್ಟಿಪಶುಬನ್ಧಾನಾಂ ರೂಪಮ್ ।
ಇಷ್ಟಿಪಶುಬನ್ಧೈರೇವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾಂಸ್ತೃತೀಯಂ ಸ್ರುವಮುನ್ನಯತಿ ।
ಅಥ ಯಂ ಚತುರ್ಥಂ ಸ್ರುವಮುನ್ನಯತಿ ತದ್ವೈ ತ್ರ್! ಯಮ್ಬಕವಾಜಪೇಯಾಶ್ವಮೇಧಾನಾಂ ರೂಪಮ್ ।
ತ್ರ್! ಯಮ್ಬಕವಾಜಪೇಯಾಶ್ವಮೇಧೈರೇವಾಸ್ಯೇಷ್ಟಂ ಭವತಿ ಯ ಏವಂ ವಿದ್ವಾಂಶ್ಚತುರ್ಥಂ ಸ್ರುವಮುನ್ನಯತಿ ।
ಅಥ ಸಮಿಧಮಾದಾಯ ಪ್ರಾಙ್ಪ್ರತಿ ।
ಪುರುಷ ಇತ್ಸಮಿತ್ ।
ತಮನ್ನಮಿನ್ದ್ಧೇ ಅನ್ನಸ್ಯ ಮಾ ತೇಜಸಾ ಸ್ವರ್ಗಂ ಲೋಕಂ ಗಮಯ ।
ಯತ್ರ ದೇವಾನಾಮೃಷೀಣಾಂ ಪ್ರಿಯಂ ಧಾಮ ತತ್ರ ಮ ಇದಮಗ್ನಿಹೋತ್ರಂ ಗಮಯ ಇತಿ ತೂಷ್ಣೀಮುಪಸಾದಯತಿ ।
ಅಥ ಸಮಿಧಮಭ್ಯಾದಧಾತಿ ಸ್ವರ್ಗಸ್ಯ ತ್ವಾ ಲೋಕಸ್ಯ ಸಂಕ್ರಮಣಂ ಹಿರಣ್ಮಯಂ ವಂಶಂ ದಧಾಮಿ ಸ್ವಾಹಾ ಇತಿ ।
ಅಥ ಜುಹೋತಿ ।
ಸ ಯಾಂ ಪ್ರಥಮಾಂ ಜುಹೋತಿ ದೇವಾಂಸ್ತಯಾಪ್ನೋತಿ ।
ಅಥ ಯಾಂ ದ್ವಿತೀಯಾಂ ಜುಹೋತ್ಯೃಷೀಂಸ್ತಯಾಪ್ನೋತಿ ೪೦

ಅಥೋಪಮಾರ್ಷ್ಟಿ ।
ಸ ಯತ್ಪ್ರಥಮಮುಪಮಾರ್ಷ್ಟಿ ತೇನ ಗನ್ಧರ್ವಾಪ್ಸರಸಃ ಪ್ರೀಣಾತಿ ।
ತಂ ಗನ್ಧರ್ವಾಪ್ಸರಸ ಆಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯದ್ದ್ವಿತೀಯಮುಪಮಾರ್ಷ್ಟಿ ತೇನ ಗ್ರಹಾಂಶ್ಚ ಪಿತೄಂಶ್ಚ ಪ್ರೀಣಾತಿ ।
ತಂ ಗ್ರಹಾಶ್ಚ ಪಿತರಶ್ಚಾಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯದ್ದ್ವಿರಙ್ಗುಲ್ಯಾ ಪ್ರಾಶ್ನಾತಿ ಸ ಯತ್ಪ್ರಥಮಂ ಪ್ರಾಶ್ನಾತಿ ತೇನ ಪ್ರಾಣಾಪಾನೌ ತೃಪ್ಯತಃ ।
ತಂ ಪ್ರಾಣಾಪಾನಾವಾಹತುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯದ್ದ್ವಿತೀಯಂ ಪ್ರಾಶ್ನಾತಿ ತೇನೋದಾನಾಪಾನೌ ತೃಪ್ಯತಃ ।
ತಮುದಾನಾಪಾನಾವಾಹತುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯತ್ಸ್ರುಚಾ ಪ್ರಾಶ್ನಾತಿ ತೇನ ಸಮಾನವ್ಯಾನೌ ಚ ಗರ್ಭಾಂಶ್ಚ ಪ್ರೀಣಾತಿ ।
ತಂ ಸಮಾನವ್ಯಾನೌ ಗರ್ಭಾಶ್ಚಾಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯತ್ಸ್ರುಚಂ ನಿರಶ್ನಾತಿ ತೇನ ದೇವಜನಾನ್ಪ್ರೀಣಾತಿ ।
ತಂ ದೇವಜನಾ ಆಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯತ್ಸ್ರುಚಸ್ಸಂಕ್ಷಾಲನಂ ನಿನಯತಿ ತೇನ ವಯಾಂಸಿ ಪ್ರೀಣಾತಿ ।
ತಂ ವಯಾಂಸ್ಯಾಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯಾ ಏತಾಸ್ಸ್ರುಚೋ ನಿರ್ಣಿಜ್ಯೋದೀಚೀರಪ ಉತ್ಸಿಞ್ಚತಿ ತೇನ ಋಷೀನ್ಪ್ರೀಣಾತಿ ।
ತಮೃಷಯ ಆಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯತ್ಸ್ಥಾಲೀಸಂಕ್ಷಾಲನಂ ನಿನಯತಿ ತೇನ ಸರ್ಪಜನಾನ್ಪ್ರೀಣಾತಿ ।
ತಂ ಸರ್ಪಜನಾ ಆಹುಶ್ಶ್ರದ್ಧಾ ತೇ ಮಾ ವಿಗಾತ್ಸರ್ವೈಃ ಕಾಮೈಸ್ತೃಪ್ಯ ಸ್ವರ್ಗಂ ಲೋಕಮಾಪ್ನುಹೀತಿ ।
ಅಥ ಯತ್ಪಶ್ಚಾದ್ವಾ ಪುರಸ್ತಾದ್ವಾ ಪರಿಕ್ರಮ್ಯ ದಕ್ಷಿಣತೋಽಗ್ನೀನಾಮಾಸ್ತೇ ಪ್ರಜಾಪತಿರೇವ ತದ್ಭೂತ್ವಾಸ್ತೇ ಕಂ ಅಹಮಸ್ಮಿ ಕಂ ಮಮ ಇತಿ ೪೧

ಭೃಗುರ್ಹ ವಾರುಣಿರನೂಚಾನ ಆಸ ।
ಸ ಹಾತ್ಯೇವ ಪಿತರಂ ಮೇನೇಽತಿ ದೇವಾನತ್ಯನ್ಯಾನ್ಬ್ರಾಹ್ಮಣಾನನೂಚಾನಾನ್ ।
ಸ ಹ ವರುಣ ಈಕ್ಷಾಂ ಚಕ್ರೇ ನ ವೈ ಮೇ ಪುತ್ರಃ ಕಿಂ ಚನ ಪ್ರಜಾನಾತಿ ।
ಹನ್ತೈನಂ ಪ್ರಜ್ಞಾಪಯಾನೀತಿ ।
ತಸ್ಯ ಹ ಪ್ರಾಣಾನಭಿಜಗ್ರಾಹ ।
ಸ ಹ ತತಾಮ ।
ಸ ಹ ತಾನ್ತಃ ಪರಂ ಲೋಕಂ ಜಗಾಮ ।
ಸ ಹಾಮುಷ್ಮಿಁ ಲ್ಲೋಕೇ ಆಜಗಾಮ ।
ಪುರುಷ ಏವ ಪುರುಷಂ ಸಂವೃಶ್ಚ್ಯಾಥೈನಂ ಜಘಾಸ ।
ಸ ಹೋವಾಚಾಭೂದ್ಬತೇದಂ ಕಿಂ ಸ್ವಿದಿದಮಿತಿ ।
ತಂ ಹೋಚುಃ ಪಿತರಂ ವರುಣಂ ಪೃಚ್ಛಾಸಿ ಸ ತ ಇದಂ ಪ್ರವಕ್ತೇತಿ ।
ದ್ವಿತೀಯಂ ಹಾಜಗಾಮ ।
ಪುರುಷ ಏವ ಪುರುಷಮಾಕ್ರನ್ದಯನ್ತಂ ಜಘಾಸ ।
ಸ ಹೋವಾಚಾಭೂದ್ಬತೇದಂ ಕಿಂ ಸ್ವಿದಿದಮಿತಿ ।
ತಂ ಹೋಚುಃ ಪಿತರಂ ವರುಣಂ ಪೃಚ್ಛಾಸಿ ಸ ತೇ ಇದಂ ಪ್ರವಕ್ತೇತಿ ।
ತೃತೀಯಂ ಹಾಜಗಾಮ ।
ಪುರುಷ ಏವ ಪುರುಷಂ ತೂಷ್ಣೀಂ ವ್ಯಾಹರನ್ತಂ ಜಘಾಸ ।
ಸ ಹೋವಾಚಾಭೂದ್ಬತೇದಂ ಕಿಂ ಸ್ವಿದಿದಮಿತಿ ।
ತಂ ಹೋಚುಃ ಪಿತರಂ ವರುಣಂ ಪೃಚ್ಛಾಸಿ ಸ ತ ಇದಂ ಪ್ರವಕ್ತೇತಿ ।
ಚತುರ್ಥಂ ಹಾಜಗಾಮ ।
ದ್ವೇ ಸ್ತ್ರಿಯೌ ಮಹದ್ವಿತ್ತಂ ಜುಗುಪತುಃ ।
ಸ ಹೋವಾಚಾಭೂದ್ಬತೇದಂ ಕಿಂ ಸ್ವಿದಿದಮಿತಿ ।
ತಂ ಹೋಚುಃ ಪಿತರಂ ವರುಣಂ ಪೃಚ್ಛಾಸಿ ಸ ತ ಇದಂ ಪ್ರವಕ್ತೇತಿ ।
ಪಞ್ಚಮಂ ಹಾಜಗಾಮ ।
ಲೋಹಿತಕುಲ್ಯಾಂ ಚ ಘೃತಕುಲ್ಯಾಂ ಚ ಪ್ರಬಾಹುಕ್ಸ್ಯನ್ದಮಾನೇ ।
ಸಾ ಯಾ ಲೋಹಿತಕುಲ್ಯಾಸ ತಾಂ ಕೃಷ್ಣೋ ನಗ್ನಃ ಪುರುಷೋ ಮುಸಲೀ ಜುಗೋಪ ।
ಅಥ ಯಾ ಘೃತಕುಲ್ಯಾ ತಸ್ಯೈ ಹಿರಣ್ಮಯಾಃ ಪುರುಷಾ ಹಿರಣ್ಮಯೈಶ್ಚಮಸೈಸ್ಸರ್ವಾನ್ಕಾಮಾನುದಾಚಿರೇ ।
ಸ ಹೋವಾಚಾಭೂದ್ಬತೇದಂ ಕಿಂ ಸ್ವಿದಿದಮಿತಿ ।
ತಂ ಹೋಚುಃ ಪಿತರಂ ವರುಣಂ ಪೃಚ್ಛಾಸಿ ಸ ತ ಇದಂ ಪ್ರವಕ್ತೇತಿ ।
ಷಷ್ಠಂ ಹಾಜಗಾಮ ।
ಪಞ್ಚ ನದೀಃ ಪುಷ್ಕರಿಣೀಃ ಪುಣ್ಡರೀಕಿಣೀರ್ಮಧೂದಕಾಸ್ಸ್ಯನ್ದಮಾನಾಃ ।
ತಾಸು ನೃತ್ತಗೀತಂ ವೀಣಾಘೋಷೋಽಪ್ಸರಸಾಂ ಗಣಾಸ್ಸುರಭಿರ್ಗನ್ಧೋ ಮಹಾನ್ಘೋಷೋ ಬಭೂವ ।
ಸ ಹೋವಾಚಾಭೂದ್ಬತೇದಂ ಕಿಂ ಸ್ವಿದಿದಮಿತಿ ।
ತಂ ಹೋಚುಃ ಪಿತರಂ ವರುಣಂ ಪೃಚ್ಛಾಸಿ ಸ ತ ಇದಂ ಪ್ರವಕ್ತೇತಿ ೪೨

ಸ ಹ ತತ ಏವಾವವೃತೇ ।
ಸ ಹ ವರುಣಮೇವಾಜಗಾಮ ।
ತಂ ಹೋವಾಚಾಗಾಸ್ತಾತಾ೩ ಇತಿ ।
ಆಗಾಂ ತತೇತಿ ।
ಅದರ್ಶಸ್ತಾತಾ೩ ಇತಿ ।
ಅದರ್ಶಂ ತತೇತಿ ।
ಕಿಂ ತಾತಾ೩ ಇತಿ ।
ಪುರುಷ ಏವ ಪುರುಷಂ ಸಂವೃಶ್ಚ್ಯಾಥೈನಮಘದಿತಿ ।
ಓಮಿತಿ ಹೋವಾಚ ।
ಯೇ ವಾ ಅಸ್ಮಿಁ ಲ್ಲೋಕೇಽಗ್ನಿಹೋತ್ರಂ ಜುಹ್ವತೋ ನೈವಂವಿದೋ ವನಸ್ಪತೀನ್ಸಂವೃಶ್ಚ್ಯಾಭ್ಯಾದಧತಿ ತಾನ್ವಾ ಅಮುಷ್ಮಿಁ ಲ್ಲೋಕೇ ವನಸ್ಪತಯಃ ಪುರುಷರೂಪಂ ಕೃತ್ವಾ ಪ್ರತ್ಯದನ್ತಿ ।
ತಸ್ಯ ಕಾ ನಿಷ್ಕೃತಿರಿತಿ ।
ಯದೇವೈತತ್ಸಮಿಧಮಭ್ಯಾದಧಾತಿ ಸಾ ತಸ್ಯ ನಿಷ್ಕೃತಿಸ್ತಯಾ ತದತಿಮುಚ್ಯತ ಇತಿ ।
ಕಿಂ ದ್ವಿತೀಯಮಿತಿ ।
ಪುರುಷ ಏವ ಪುರುಷಮಾಕ್ರನ್ದಯನ್ತಮಘದಿತಿ ।
ಓಮಿತಿ ಹೋವಾಚ ।
ಯೇ ವಾ ಅಸ್ಮಿಁ ಲ್ಲೋಕೇಽಗ್ನಿಹೋತ್ರಂ ಜುಹ್ವತೋ ನೈವಂವಿದಃ ಪಶೂನಾಕ್ರನ್ದಯತಃ ಪಚನ್ತೇ ತಾನ್ವಾ ಅಮುಷ್ಮಿಁ ಲ್ಲೋಕೇ ಪಶವಃ ಪುರುಷರೂಪಂ ಕೃತ್ವಾ ಪ್ರತ್ಯದನ್ತಿ ।
ತಸ್ಯ ಕಾ ನಿಷ್ಕೃತಿರಿತಿ ।
ಯದೇವೈತದ್ವಾಚಾ ಪೂರ್ವಾಮಾಹುತಿಂ ಜುಹೋತಿ ಸಾ ತಸ್ಯ ನಿಷ್ಕೃತಿಸ್ತಯಾ ತದತಿಮುಚ್ಯತ ಇತಿ ।
ಕಿಂ ತೃತೀಯಮಿತಿ ।
ಪುರುಷ ಏವ ಪುರುಷಂ ತೂಷ್ಣೀಂ ವ್ಯಾಹರನ್ತಮಘದಿತಿ ।
ಓಮಿತಿ ಹೋವಾಚ ।
ಯ ವಾ ಅಸ್ಮಿಁ ಲ್ಲೋಕೇಽಗ್ನಿಹೋತ್ರಂ ಜುಹ್ವತೋ ನೈವಂವಿದೋ ವ್ರೀಹಿಯವಾಂಸ್ತೂಷ್ಣೀಂ ವ್ಯಾಹರತಃ ಪಚನ್ತೇ ತಾನ್ವಾ ಅಮುಷ್ಮಿಁ ಲ್ಲೋಕೇ ವ್ರೀಹಿಯವಾಃ ಪುರುಷರೂಪಂ ಕೃತ್ವಾ ಪ್ರತ್ಯದನ್ತಿ ।
ತಸ್ಯ ಕಾ ನಿಷ್ಕೃತಿರಿತಿ ।
ಯದೇವೈತನ್ಮನಸೋತ್ತರಾಮಾಹುತಿಂ ಜುಹೋತಿ ಸಾ ತಸ್ಯ ನಿಷ್ಕೃತಿಸ್ತಯಾ ತದತಿಮುಚ್ಯತ ಇತಿ ।
ಕಿಂ ಚತುರ್ಥಮಿತಿ ।
ದ್ವೇ ಸ್ತ್ರಿಯೌ ಮಹದ್ವಿತ್ತಮಜೂಗುಪತಾಮಿತಿ ।
ಓಮಿತಿ ಹೋವಾಚ ।
ಶ್ರದ್ಧಾ ಚ ವೈ ತೇ ಅಶ್ರದ್ಧಾ ಚಾಭೂತಾಮ್ ।
ಯೇ ವಾ ಅಸ್ಮಿಁ ಲ್ಲೋಕೇಽಗ್ನಿಹೋತ್ರಂ ಜುಹ್ವತೋ ನೈವಂವಿದೋಽಶ್ರದ್ದಧಾನಾ ಯಜನ್ತೇ ತದಶ್ರದ್ಧಾಂ ಗಚ್ಛತಿ ಯಚ್ಛ್ರದ್ದಧಾನಾಸ್ತಚ್ಛ್ರದ್ಧಾಮ್ ।
ತಸ್ಯ ಕಾ ನಿಷ್ಕೃತಿರಿತಿ ।
ಯದೇವೈತದ್ದ್ವಿರಙ್ಗುಲ್ಯಾ ಪ್ರಾಶ್ನಾತಿ ಸಾ ತಸ್ಯ ನಿಷ್ಕೃತಿಸ್ತಯಾ ತದತಿಮುಚ್ಯತ ಇತಿ ೪೩

ಕಿಂ ಪಞ್ಚಮಮಿತಿ ।
ಲೋಹಿತಕುಲ್ಯಾಂ ಚ ಘೃತಕುಲ್ಯಾಂ ಚ ಪ್ರಬಾಹುಕ್ಸ್ಯನ್ದಮಾನೇ ।
ಸಾ ಯಾ ಲೋಹಿತಕುಲ್ಯಾಭೂತ್ತಾಂ ಕೃಷ್ಣೋ ನಗ್ನಃ ಪುರುಷೋ ಮುಸಲೀ ಜುಗೋಪ ।
ಅಥ ಯಾ ಘೃತಕುಲ್ಯಾ ತಸ್ಯೈ ಹಿರಣ್ಮಯಾಃ ಪುರುಷಾ ಹಿರಣ್ಮಯೈಶ್ಚಮಸೈಸ್ಸರ್ವಾನ್ಕಾಮಾನುದಚನ್ತ ಇತಿ ।
ಓಮಿತಿ ಹೋವಾಚ ।
ಯೇ ವಾ ಅಸ್ಮಿಁ ಲ್ಲೋಕೇಽಗ್ನಿಹೋತ್ರಂ ಜುಹ್ವತೋ ನೈವಂವಿದೋ ಬ್ರಾಹ್ಮಣಸ್ಯ ಲೋಹಿತಮುತ್ಪೀಡಯನ್ತಿ ಸಾ ಸಾ ಲೋಹಿತಕುಲ್ಯಾ ।
ಅಥ ಯ ಏನಾಂ ಕೃಷ್ಣೋ ನಗ್ನಃ ಪುರುಷೋ ಮುಸಲ್ಯಜೂಗುಪತ್ಕ್ರೋಧಸ್ಸ ತಸ್ಯೋ ತದೇವಾನ್ನಮಿತಿ ।
ತಸ್ಯ ಕಾ ನಿಷ್ಕೃತಿರಿತಿ ।
ಯದೇವೈತತ್ಸ್ರುಚಾ ಪ್ರಾಶ್ನಾತಿ ಸಾ ತಸ್ಯ ನಿಷ್ಕೃತಿಸ್ತಯಾ ತದತಿಮುಚ್ಯತ ಇತಿ ।
ಅಥ ಯಾ ಏತಾಂ ಸ್ರುಚಂ ನಿರ್ಣಿಜ್ಯೋದೀಚೀರಪ ಉತ್ಸಿಞ್ಚತಿ ಸಾ ಸಾ ಘೃತಕುಲ್ಯಾ ।
ತಸ್ಯೈ ಹಿರಣ್ಮಯಾಃ ಪುರುಷಾ ಹಿರಣ್ಮಯೈಶ್ಚಮಸೈಸ್ಸರ್ವಾನ್ಕಾಮಾನುದಚನ್ತ ಇತಿ ।

ಕಿಂ ಷಷ್ಠಮಿತಿ ।
ಪಞ್ಚ ನದೀಃ ಪುಷ್ಕರಿಣೀಃ ಪುಣ್ಡರೀಕಿಣೀರ್ಮಧೂದಕಾಸ್ಸ್ಯನ್ದಮಾನಾಃ ।
ತಾಸು ನೃತ್ತಗೀತಂ ವೀಣಾಘೋಷೋಽಪ್ಸರಸಾಂ ಗಣಾಸ್ಸುರಭಿರ್ಗನ್ಧೋ ಮಹಾನ್ಘೋಷೋಽಭೂದಿತಿ ।
ಓಮಿತಿ ಹೋವಾಚ ।
ಮಮೈವೈತೇ ಲೋಕಾ ಅಭೂವನ್ನಿತಿ ।
ತೇ ಕೇನಾಭಿಜಯ್ಯಾ ಇತಿ ।
ಏತೇನೈವ ಪಞ್ಚಗೃಹೀತೇನ ಪಞ್ಚೋನ್ನೀತೇನೇತಿ ।
ಸ ಹೋವಾಚ ನ ವೈ ಕಿಲಾನ್ಯತ್ರಾಗ್ನಿಹೋತ್ರಾಲ್ಲೋಕಜಿತ್ಯಾ ಅವಕಾಶೋಽಸ್ತಿ ।
ಅದ್ಯೈವ ಮೇ ಅಗ್ನ್ಯಾಧೇಯಸ್ಯೋಪವಸಥ ಇತಿ ।
ತಸ್ಯ ಹ ತಥಾ ಚಕ್ರುಃ ।
ಸ ಯ ಏವಂ ವಿದ್ವಾನಗ್ನಿಹೋತ್ರಂ ಜುಹೋತಿ ನೈನಮಮುಷ್ಮಿಁ ಲ್ಲೋಕೇ ವನಸ್ಪತಯಃ ಪುರುಷರೂಪಂ ಕೃತ್ವಾ ಪ್ರತ್ಯದನ್ತಿ ನ ಪಶವೋ ನ ವ್ರೀಹಿಯವಾ ನಾಸ್ಯೇಷ್ಟಾಪೂರ್ತೇ ಶ್ರದ್ಧಾಂ ಚಾಶ್ರದ್ಧಾಂ ಚ ಗಚ್ಛತೋಽಪಹತೇ ಲೋಹಿತಕುಲ್ಯಾಮವರುನ್ದ್ಧೇ ಘೃತಕುಲ್ಯಾಮ್ ೪೪

ಏಷ ವಾ ಅಗ್ನಿರ್ವೈಶ್ವಾನರೋ ಯ ಏಷ ತಪತಿ ।
ತಸ್ಯ ರಾತ್ರಿಸ್ಸಮಿದಹರ್ಜ್ಯೋತೀ ರಶ್ಮಯೋ ಧೂಮೋ ನಕ್ಷತ್ರಾಣಿ ವಿಷ್ಫುಲಿಙ್ಗಾಶ್ಚನ್ದ್ರ ಮಾ ಅಙ್ಗಾರಾಃ ।
ತಸ್ಮಿನ್ನೇತಸ್ಮಿನ್ನಗ್ನೌ ವೈಶ್ವಾನರೇಽಹರಹರ್ದೇವಾ ಅಮೃತಮಪೋ ಜುಹ್ವತಿ ।
ತಸ್ಯಾ ಆಹುತೇರ್ಹುತಾಯೈ ಸೋಮೋ ರಾಜಾ ಸಂಭವತಿ ।
ಸ್ತನಯಿತ್ನುರೇವಾಗ್ನಿರ್ವೈಶ್ವಾನರಃ ।
ತಸ್ಯ ದ್ಯೌಸ್ಸಮಿದ್ವಿದ್ಯುಜ್ಜ್ಯೋತಿರಭ್ರಾಣಿ ಧೂಮೋ ಮರೀಚಯೋ ವಿಷ್ಫುಲಿಙ್ಗಾ ಅಶನಿರಙ್ಗಾರಾಃ ।
ತಸ್ಮಿನ್ನೇತಸ್ಮಿನ್ನಗ್ನೌ ವೈಶ್ವಾನರೇಽಹರಹರ್ದೇವಾಸ್ಸೋಮಂ ರಾಜಾನಂ ಜುಹ್ವತಿ ।
ತಸ್ಯಾ ಆಹುತೇರ್ಹುತಾಯೈ ವೃಷ್ಟಿಸ್ಸಂಭವತಿ ।
ಪೃಥಿವ್ಯೇವಾಗ್ನಿರ್ವೈಶ್ವಾನರಃ ।
ತಸ್ಯಾನ್ತರಿಕ್ಷಂ ಸಮಿದಗ್ನಿರ್ಜ್ಯೋತಿರ್ವಾಯುರ್ಧೂಮೋ ಮರೀಚಯೋ ವಿಷ್ಫುಲಿಙ್ಗಾ ದಿಶೋಽಙ್ಗಾರಾಃ ।
ತಸ್ಮಿನ್ನೇತಸ್ಮಿನ್ನಗ್ನೌ ವೈಶ್ವಾನರೇಽಹರಹರ್ದೇವಾ ವೃಷ್ಟಿಂ ಜುಹ್ವತಿ ।
ತಸ್ಯಾ ಆಹುತೇರ್ಹುತಾಯಾ ಅನ್ನಂ ಸಂಭವತಿ ।
ಪುರುಷ ಏವಾಗ್ನಿರ್ವೈಶ್ವಾನರಃ ।
ತಸ್ಯ ವಾಕ್ಸಮಿಚ್ಚಕ್ಷುರ್ಜ್ಯೋತಿಃ ಪ್ರಾಣೋ ಧೂಮೋ ಮನೋಽಭಿನನ್ದೋ ವಿಷ್ಫುಲಿಙ್ಗಾಶ್ಶ್ರೋತ್ರಮಙ್ಗಾರಾಃ ।
ತಸ್ಮಿನ್ನೇತಸ್ಮಿನ್ನಗ್ನೌ ವೈಶ್ವಾನರೇಽಹರಹರ್ದೇವಾ ಅನ್ನಂ ಜುಹ್ವತಿ ।
ತಸ್ಯಾ ಆಹುತೇರ್ಹುತಾಯೈ ರೇತಸ್ಸಂಭವತಿ ।
ಸ್ತ್ರ್! ಯೇವಾಗ್ನಿರ್ವೈಶ್ವಾನರಃ ।
ತಸ್ಯೋಪಸ್ಥಂ ಸಮಿದ್ಯೋನಿರ್ಜ್ಯೋತಿರಿಷ್ಯಾ ಧೂಮೋಽಭಿನನ್ದೋ ವಿಷ್ಫುಲಿಙ್ಗಾಸ್ಸಂಸ್ಪರ್ಶೋಽಙ್ಗಾರಾಃ ।
ತಸ್ಮಿನ್ನೇತಸ್ಮಿನ್ನಗ್ನೌ ವೈಶ್ವಾನರೇಽಹರಹರ್ದೇವಾ ರೇತೋ ಜುಹ್ವತಿ ।
ತಸ್ಯಾ ಆಹುತೇರ್ಹುತಾಯೈ ಪುರುಷಸ್ಸಂಭವತಿ ।
ಸೋಽತ್ರ ಪಞ್ಚಮ್ಯಾಂ ವಿಸೃಷ್ಟ್ಯಾಂ ಪುರುಷೋ ದೇವೇಭ್ಯೋ ಜಾಯತೇ ।
ಪಞ್ಚಮ್ಯಾಂ ದಿವ್ಯಾ ಆಪಃ ಪುರುಷವಾಚೋ ವದನ್ತಿ ಅಥ ಯದಾಮುಂ ಲೋಕಮಪ್ಯೇತಿ - ೪೫

- ತಸ್ಯಾಗ್ನಿರ್ವೈಶ್ವಾನರಃ ।
ತಸ್ಯೌಷಧಯಶ್ಚ ವನಸ್ಪತಯಶ್ಚ ಸಮಿತ್ ।
ಜ್ಯೋತಿರೇವ ಜ್ಯೋತಿಃ ।
ಧೂಮ ಏವ ಧೂಮಃ ।
ವಿಷ್ಫುಲಿಙ್ಗಾ ಏವ ವಿಷ್ಫುಲುಙ್ಗಾಃ ।
ಅಙ್ಗಾರಾ ಏವಾಙ್ಗಾರಾಃ ।
ತಸ್ಮಿನ್ನೇತಸ್ಮಿನ್ನಗ್ನೌ ವೈಶ್ವಾನರೇಽಹರಹರ್ದೇವಾ ಪುರುಷಂ ಜುಹ್ವತಿ ।
ತಸ್ಯಾ ಆಹುತೇರ್ಹುತಾಯೈ ಪುರುಷೋಽಮುಂ ಲೋಕಂ ಸಂಭವತಿ ।
ಸೋಽಸ್ಯ ಲೋಕಃ ಪುನರುತ್ಥಾಯೈ ಭವತಿ ।
ತಸ್ಯ ಹೈತಸ್ಯ ದೇವಸ್ಯಾಹೋರಾತ್ರೇ ಅರ್ಧಮಾಸಾ ಮಾಸಾ ಋತವಸ್ಸಂವತ್ಸರೋ ಗೋಪ್ತಾ ಯ ಏಷ ತಪತಿ ।
ಅಹೋರಾತ್ರೇ ಪ್ರಚರೇ ।
ತಂ ಹರ್ತೂನಾಮೇಕೋ ಯಃ ಕೂಟಹಸ್ತೋ ರಶ್ಮಿನಾ ಪ್ರತ್ಯವೇತ್ಯ ಪೃಚ್ಛತಿ ಕೋಽಸಿ ಪುರುಷೇತಿ ।
ಸ ಕಿಂ ವಿದ್ವಾನ್ಪ್ರವೃಞ್ಜ್ಯಾತ್ ।
ತಸ್ಯ ಹ ಪ್ರಹರತಿ ।
ತಸ್ಯ ಹ ಪ್ರತಿರಾದ್ಧಸ್ಯ ತ್ರೇಧಾ ಸಾಧುಕೃತ್ಯಾ ವಿನಶ್ಯತಿ ।
ಸ ತೃತೀಯಮಾದತ್ತೇ ।
ದಿಶೋಽನು ತೃತೀಯ ವ್ಯೇತಿ ।
ತೃತೀಯೇನ ಸಹೇಮಂ ಲೋಕಮಭ್ಯವೈತಿ ।
ಸ ಯೋ ಹಾಸ್ಯ ದಾನಜಿತೋ ಲೋಕೋ ಭವತಿ ತಸ್ಮಿನ್ನಿರಮತೇ ।
ತಮು ಹ ವೈ ತತೋ ಮೃತ್ಯುರೇವಾನ್ತತ ಆಪ್ನೋತಿ ।
ಅನವಜಿತೋ ಹಾಸ್ಯ ಪುನರ್ಮೃತ್ಯುರ್ಭವತಿ ಸ ಯ ಏವಂವಿತ್ಸ್ಯಾತ್ ।
ಸ ಯದೋಪತಾಪೀ ಸ್ಯಾದ್ಯತ್ರಾಸ್ಯ ಸಮಂ ಸುಭೂಮಿ ಸ್ಪಷ್ಟಂ ಸ್ಯಾತ್ತದ್ಬ್ರೂಯಾದಿಹ ಮೇಽಗ್ನಿಂ ಮನ್ಥತೇತಿ ।
ಈಶ್ವರೋ ಹಾಗದೋ ಭವಿತೋಃ ।
ಯದ್ಯು ತನ್ನ ಯದಸ್ಮಾಲ್ಲೋಕಾತ್ಪ್ರೇಯಾದಥೈನಮಾದದೀರನ್ ।
ನಾನಾಸ್ಥಾಲ್ಯೋರಗ್ನೀ ಓಪ್ಯ ಹರೇಯುರನ್ವಾಹಾರ್ಯಪಚನಾದುಲ್ಮುಕಮ್ ।
ಆದದೀರನ್ಯಜ್ಞಪಾತ್ರಾಣಿ ಸರ್ಪಿರಪೋ ದಾರೂಣ್ಯನುಸ್ತರಣೀಂ ಕ್ಷುರಂ ನಖನಿಕೃನ್ತನಮ್ ।
ತೇ ಯನ್ತಿ ಯತ್ರಾಸ್ಯ ಸಮಂ ಸುಭೂಮಿ ಸ್ಪಷ್ಟಂ ಭವತಿ ।
ತದಸ್ಯಾಗ್ನೀನ್ವಿಹರನ್ತಿ ೪೬

ಅಥಾಸ್ಯಾಂ ದಿಶಿ ಕೂಪಂ ಖಾತ್ವಾ ವಪನ್ತಿ ಕೇಶಶ್ಮಶ್ರೂಣಿ ।
ಉಪ್ತ್ವಾ ಕೇಶಶ್ಮಶ್ರೂಣಿ ನಖಾನ್ನಿಕೃನ್ತನ್ತಿ ।
ನಖಾನ್ನಿಕೃತ್ಯ ನಿರಾನ್ತ್ರಂ ಕುರ್ವನ್ತಿ ।
ನಿರಾನ್ತ್ರಂ ಕೃತ್ವಾ ನಿಷ್ಪುರೀಷಂ ಕುರ್ವನ್ತಿ ।
ನಿಷ್ಪುರೀಷಂ ಕೃತ್ವಾ ಪಾಂಸುಭಿಃ ಕೂಪೇ ಪುರೀಷಮಭಿಸಂವಪನ್ತಿ ।
ಪಾಪ್ಮಾನಮೇವಾಸ್ಯ ತತ್ಪ್ರಚ್ಛಾದಯನ್ತಿ ।
ಪ್ರಕ್ಷಾಲ್ಯಾತ್ರಾಣಿ ಪ್ರತ್ಯವಧಾಯೈನಮಾಹರನ್ತಿ ।
ತಮನ್ತರೇಣಾಗ್ನೀ ನಿಧಾಯ ಗಾರ್ಹಪತ್ಯ ಆಜ್ಯಂ ವಿಲಾಪ್ಯೋತ್ಪೂಯ ಚತುರ್ಗೃಹೀತಂ ಗೃಹೀತ್ವಾ ಗತ್ವಾಹವನೀಯೇ ಸಮಿದ್ವತ್ಯನ್ವಾರಬ್ಧೇ ಜುಹೋತಿ ಅಯಂ ವೈ ತ್ವದಸ್ಮಾದಸಿ ತ್ವಮೇತದ್ ।
ಅಯಂ ತೇ ಯೋನಿರಸ್ಯ ಯೋನಿಸ್ತ್ವಮ್ ।
ಪಿತಾ ಪುತ್ರಾಯ ಲೋಕಕೃಜ್ಜಾತವೇದಃ ।
ನಯಾಸ್ಯೇನಂ ಸುಕೃತಾಂ ಯತ್ರ ಲೋಕಃ ।
ಅಸ್ಮಾದ್ವೈ ತ್ವಮಜಾಯಥಾ ಏಷ ತ್ವಜ್ಜಾಯತಾಂ ಸ್ವಾಹಾ ಇತಿ ।
ಸೋಽತ ಆಹುತಿಮಯೋ ಮನೋಮಯಃ ಪ್ರಾಣಮಯಶ್ಚಕ್ಶುರ್ಮಯಶ್ಶ್ರೋತ್ರಮಯೋ ವಾಙ್ಮಯ ಋಙ್ಮಯೋ ಯಜುರ್ಮಯಸ್ಸಾಮಮಯೋ ಬ್ರಹ್ಮಮಯೋ ಹಿರಣ್ಮಯೋಽಮೃತಸ್ಸಂಭವತಿ ೪೭

ಅಥೈತಾಂ ಚಿತಾಂ ಚಿನ್ವನ್ತಿ ।
ತಸ್ಯಾಮೇನಮಾದಧತಿ ।
ತಸ್ಯ ನಾಸಿಕಯೋಸ್ಸ್ರುವೌ ನಿದಧ್ಯಾದ್ದಕ್ಷಿಣಹಸ್ತೇ ಜುಹೂಂ ಸವ್ಯ ಉಪಭೃತಮುರಸಿ ಧ್ರುವಂ ಮುಖೇಽಗ್ನಿಹೋತ್ರಹವಣೀಂ ಶೀರ್ಷತಶ್ಚಮಸಮಿಳೋಪಹವನಂ ಕರ್ಣಯೋಃ ಪ್ರಾಶಿತ್ರಹರಣೇ ಉದರೇ ಪಾತ್ರೀಂ ಸಮವತ್ತಧಾನೀಮಾಣ್ಡಯೋರ್ದೃಷದುಪಲೇ ಶಿಶ್ನೇ ಶಮ್ಯಾಮುಪಸ್ಥೇ ಕೃಷ್ಣಾಜಿನಮನುಪೃಷ್ಠಂ ಸ್ಫ್ಯಂ ಪಾರ್ಶ್ವಯೋರ್ಮುಸಲೇ ಚ ಶೂರ್ಪೇ ಚ ಪತ್ತ ಉಲೂ-ಖಲಮ್ ।
ಪರಿಶಿಷ್ಟಾನಿ ಯಜ್ಞಪಾತ್ರಾಣ್ಯುಪರಿ ನಿದಧತಿ ।
ಅಪೋ ಮೃಣ್ಮಯಾನ್ಯಭ್ಯವಹರನ್ತಿ ದದತ್ಯೇವಾಯಸ್ಮಯಾನಿ ।
ಅಥೈನಂ ಸರ್ಪಿಷಾಭ್ಯುತ್ಪೂರಯನ್ತಿ ।
ಯಜ್ಞಪಾತ್ರೇಷು ಸರ್ಪಿರಾಸಿಞ್ಚನ್ತಿ ೪೮

ಅಥೈತಾಮನುಸ್ತರಣೀಮಾನಯನ್ತಿ ।
ತಾಂಪ್ರೋಕ್ಷ್ಯ ತ್ರಿರಪಸಲೀ ಪರ್ಯಾಣಾಯ್ಯ ಕೂಟೇನ ಹನ್ಯಾತ್ ।
ಪ್ರದಕ್ಷಿಣಂ ಹೈಕೇ ಪರ್ಯಾಣಯನ್ತಿ ।
ತದು ತಥಾ ನ ಕುರ್ಯಾತ್ ।
ತಸ್ಯೈ ವಸ್ಪಾಮುತ್ಖಿದ್ಯ ಶೀರ್ಷ್ಣಿ ಪರಿವ್ಯಯನ್ತಿ ।
ಹಸ್ತಯೋರ್ಮತಸ್ನೀ ಹೃದಯೇ ಹೃದಯಂ ಬಾಹ್ವೋರ್ಬಾಹೂ ।
ಯಥಾಙ್ಗಮೇವೇತರಾಣ್ಯಙ್ಗಾನಿ ವಿಚಿನ್ವನ್ತಿ ।
ಅಥೈನಂ ಚರ್ಮಣಾ ಪ್ರೋರ್ಣ್ವನ್ತಿ ಸ್ವಯಾ ತನ್ವಾ ಸಮೃಧ್ಯಸ್ವ ಇತಿ ।
ಸಂಸ್ತೀರ್ಯೋಪಾದೀಪಯನ್ತಿ ।
ಸ ತಥೈವ ಚಿಕೀರ್ಷೇದ್ಯಥೈನಮಾಹವನೀಯಃ ಪ್ರಥಮೋ ಗಚ್ಛೇತ್ ।
ತದೇನಂ ದೇವಲೋಕಃ ಪ್ರತ್ಯಾಗಚ್ಛತಿ ।
ಅಥ ಯಥಾನ್ವಾಹಾರ್ಯಪಚನಸ್ತದೇನಂ ಪಿತೃಲೋಕಃ ಪ್ರತ್ಯಾಗಚ್ಛತಿ ।
ಅಥ ಯಥಾ ಗಾರ್ಹಪತ್ಯಸ್ತಥಾಸ್ಮಿಁ ಲ್ಲೋಕೇ ಪ್ರಜಯಾ ಚ ಪಶುಭಿಶ್ಚ ಪ್ರತಿತಿಷ್ಠತಿ ।
ತಸ್ಯೋಪಾದೀಪ್ತಸ್ಯ ಧೂಮ ಏವ ಶರೀರಂ ಧುನೋತಿ ।
ಸ ಯದ್ಧುನೋತಿ ತಸ್ಮಾದ್ಧುನಃ ।
ಧುನೋ ಹ ವೈ ನಾಮೈಶಃ ।
ತಂ ಧೂಮ ಇತಿ ಪರೋಕ್ಷಮಾಚಕ್ಷತೇ ಪರೋಕ್ಷೇಣೈವ ।
ಪರೋಕ್ಷಪ್ರಿಯಾ ಇವ ಹಿ ದೇವಾಃ ।
ಧೂಮಾದ್ವೈ ರಾತ್ರಿಮಪ್ಯೇತಿ ರಾತ್ರಿಯಾ ಅಹರಹ್ನೋಽಪೋಚ್ಛನ್ತೀಪಕ್ಷಮಪೋಚ್ಛನ್ತೀಪಕ್ಷಾದಾಪೂರ್ಯಮಾಣಪಕ್ಷಮಾಪೂರ್ಯಮಾಣಪಕ್ಷಾನ್ಮಾಸಮ್ ।
ತೇ ಅತ್ರ ಮಾಸೇ ಶರೀರಂ ಚಾಸುಶ್ಚ ಸಂಗಚ್ಛಾತೇ ।
ತಂ ಹರ್ತೂನಾಮೇಕೋ ಯಃ ಕೂಟಹಸ್ತೋ ರಶ್ಮಿನಾ ಪ್ರತ್ಯವೇತ್ಯ ಪೃಚ್ಛತಿ ಕೋಽಸಿ ಪುರುಷೇತಿ ೪೯

ತಂ ಪ್ರತಿಬ್ರೂಯಾತ್
ವಿಚಕ್ಷಣಾದೃತವೋ ರೇತ ಆಭೃತಮ್
ಅರ್ಧಮಾಸ್ಯಂ ಪ್ರಸುತಾತ್ಪಿತ್ರ್! ಯಾವತಃ
ಇತಿ ।
ಯದದೋ ವಿಚಕ್ಷಣಂ ಸೋಮಂ ರಾಜಾನಂ ಜುಹ್ವತಿ ತತ್ತತ್ ।
ತಂ ಮಾ ಪುಂಸಿ ಕರ್ತರ್ಯೇರಯಧ್ವಮ್
ಇತಿ ।
ಪುಂಸಿ ಹ್ಯೇನಮೇತತ್ಕರ್ತರ್ಯೇರಯನ್ತೇ ।
ಪುಂಸಃ ಕರ್ತುರ್ಮಾತರ್ಯಾಸಿಷಿಕ್ತ
ಇತಿ ।
ಮಾತರಿ ಹ್ಯೇನಮಾಸಿಞ್ಚತಿ ।
ಸ ಉಪಜಾಯೋಪಜಾಯಮಾನಸ್ತ್ರಯೋದಶೇನ ದ್ವಾದಶೋಪಮಾಸಃ
ಇತಿ ।
ಏಷ ತ್ರಯೋದಶೋ ಯ ಏಷ ತಪತಿ ।
ಸಂ ತದ್ವಿದೇ ಪ್ರತಿ ತದ್ವಿದೇಽಹಮ್
ತಂ ಮರ್ತವೋಽಮೃತ ಆನಯಧ್ವಂ ದ್ವಾದಶತ್ರಯೋದಶೇನ ಪಿತ್ರಾ
ತಯಾ ಮಾತ್ರಾ ತಯಾ ಶ್ರದ್ಧಯಾ ತೇನಾನ್ನಾದ್ಯೇನ ತೇನ ಸತ್ಯೇನ
ಅಹರ್ಮೇ ಪಿತಾ ರಾತ್ರಿರ್ಮಾತಾ ಸತ್ಯಮಸ್ಮಿ
ತಂ ಮರ್ತವೋಽಮೃತ ಆನಯಧ್ವಮ್
ಇತಿ ।
ತಂ ಹರ್ತವ ಆನಯನ್ತೇ ।
ಯಥಾ ವಿದ್ವಾನ್ವಿದ್ವಾಂಸಂ ಯಥಾ ಜಾನಞ್ಜಾನನ್ತಮೇವಂ ಹೈನಮೃತವ ಆನಯನ್ತೇ ।
ತಂ ಹಾತ್ಯರ್ಜಯನ್ತೇ ।
ಸ ಹೈಷ ನ ಮನುಷ್ಯೋ ಯ ಏವಂ ವೇದ ।
ದೇವಾನಾಂ ಹ ವೈ ಸ ಏಕೋ ಯ ಏವಂವಿತ್ ।
ತಂ ಹ ವೈ ಮನೋಜವಸಃ ಪಿತರಶ್ಚ ಪಿತಾಮಹಾಶ್ಚ ಪ್ರತ್ಯಾಗಚ್ಛನ್ತಿ ತತಃ ಕಿಂ ನ ಆಹಾರ್ಷೀರಿತಿ ।
ತಾನ್ಪ್ರತಿಬ್ರೂಯಾದ್ಯತ್ಕಿಂ ಚ ಪುಣ್ಯಮಕರಂ ತದ್ಯುಷ್ಮಾಕಮಿತಿ ।
ತಸ್ಯ ಪುತ್ರಾ ದಾಯಮುಪಯನ್ತಿ ಪಿತರಸ್ಸಾಧುಕೃತ್ಯಾಂ ದ್ವಿಷನ್ತಃ ಪಾಪಕೃತ್ಯಾಮ್ ।
ಸ ಏವಮೇತತ್ತ್ರೇಧಾ ವಿಭಜ್ಯೈತಸ್ಯ ಸಲೋಕತಾಮಪ್ಯೇತಿ ಯ ಏಷ ತಪತಿ ೫೦

ದೀರ್ಘಸತ್ತ್ರಂ ಹ ವಾ ಏತ ಉಪಯನ್ತಿ ಯೇಽಗ್ನಿಹೋತ್ರಂ ಜುಹ್ವತಿ ।
ಏತದ್ಧ ವೈ ಸತ್ತ್ರಂ ಜರಾಮೂರೀಯಮ್ ।
ಜರಯಾ ವಾ ಹ್ಯೇವಾಸ್ಮಾನ್ಮುಚ್ಯತೇ ಮೃತ್ಯುನಾ ವಾ ।
ತದಾಹುರ್ಯದೇತಸ್ಯ ದೀರ್ಘಸತ್ತ್ರಿಣೋಽಗ್ನಿಹೋತ್ರಂ ಜುಹ್ವತೋಽಗ್ನೀನನ್ತರೇಣ ಯುಕ್ತಂ ವಾ ವಿಯಾಯಾತ್ಸಂ ವಾ ಚರೇಯುಃ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ವಜ್ರೋ ವೈ ಚಕ್ರಃ ।
ವಜ್ರೋ ವಾ ಏತಸ್ಯಾಗ್ನೀನನ್ವೇತಿ ಯಸ್ಯಾನ್ತರೇಣ ಯುಕ್ತಂ ವಾ ವಿಯಾತಿ ಸಂ ವಾ ಚರನ್ತಿ ।
ಕುರ್ವೀತ ಹೈವ ನಿಷ್ಕೃತಿಮಪಿ ಹೇಷ್ಟ್ಯಾ ಯಜೇತ ।
ತದು ತಥಾ ನ ವಿದ್ಯಾತ್ ।
ಇಮಾನ್ವಾ ಏಷ ಲೋಕಾನನುವಿತನುತೇ ಯೋಽಗ್ನೀನಾಧತ್ತೇ ।

ತಸ್ಯಾಯಮೇವ ಲೋಕೋ ಗಾರ್ಹಪತ್ಯೋ ಭವತ್ಯನ್ತರಿಕ್ಷಲೋಕೋಽನ್ವಾಹಾರ್ಯಪಚನೋಽಸಾವೇವ ಲೋಕ ಆಹವನೀಯಃ ।
ಕಾಮಂ ವಾ ಏಷು ಲೋಕೇಷು ಯುಕ್ತಂ ಚಾಯುಕ್ತಂ ಚ ವಯಾಂಸಿ ಸಂಚರನ್ತಿ ।
ಸ ವಿದ್ಯಾದ್ಯದಿ ಮೇಽಪಿ ಗ್ರಾಮ ಏವಾಗ್ನೀನನ್ತರೇಣಾಯಾಸೀನ್ನೈವ ಮ ಆರ್ತಿರಸ್ತಿ ನ ರಿಷ್ಟಿಃ ಕಾಚನೇತಿ ।
ತ್ರಯೋ ಹ ತ್ವೈ ಗ್ರಾಮ್ಯಾಃ ಪಶವೋಽಜುಷ್ಟಾ ದುರ್ವರಾಹ ಏಡಕಶ್ಶ್ವಾ ।
ತೇಷಾಂ ಯದಿ ಕಶ್ಚಿದನ್ತರೇಣ ಸಮೇಜಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ೫೧

ತದು ಹೈಕೇ ಛಾದಿಮುಷ್ಟಿಮೇವ ನಿವಪನ್ತೋ ಯನ್ತಿ ಗಾರ್ಹಪತ್ಯಾದಾಹವನೀಯಾದಿದಂ ವಿಷ್ಣುರ್ವಿಚಕ್ರಮೇ ಇತ್ಯೇತಯರ್ಚಾ ।
ತದು ತಥಾ ನ ಕುರ್ಯಾತ್ ।
ಯೋ ಹ ತತ್ರ ಬ್ರೂಯಾದಾಸಾನ್ನ್ವಾ ಅಯಂ ಯಜಮಾನಸ್ಯಾವಾಪ್ಸೀತ್ಕ್ಷಿಪ್ರೇ ಪರಮಾಸಾನಾವಪ್ಸ್ಯತೇ ಜ್ಯೇಷ್ಠ್ಯಗೃಹ್ಯಂ ರೋತ್ಸ್ಯತೀತಿ ತಥಾ ಹೈವ ಸ್ಯಾತ್ ।
ಇತ್ಥಮೇವ ಕುರ್ಯಾತ್ ।
ಉದಪಾತ್ರಂ ವೈವೋದಕಮಣ್ಡಲುಂ ವಾದಾಯ ಗಾರ್ಹಪತ್ಯಾದಾಹವನೀಯಾನ್ನಿನಯನ್ನಿಯಾದಿದಂ ವಿಷ್ಣುರ್ವಿಚಕ್ರಮೇ ಇತ್ಯೇತಯೈವರ್ಚಾ ।
ದೇವಪವಿತ್ರಂ ವಾ ಏತದ್ಯದೃಗ್ದೇವಪವಿತ್ರಮೇತದ್ಯದಾಪಃ ।
ತದ್ಯದೇವಾತ್ರ ಯಜ್ಞಸ್ಯಾಶಾನ್ತಂ ಭವತಿ ಯದಮೇಧ್ಯಮಾಪೋ ವೈ ತಸ್ಯ ಸರ್ವಸ್ಯ ಶಾನ್ತಿಃ ।
ಅದ್ಭಿರೇವೈನಂ ತಚ್ಛಮಯನ್ತಿ ೫೨

ತದಾಹುರ್ಯದೇತಸ್ಯ ದೀರ್ಘಸತ್ತ್ರಿಣೋಽಗ್ನಿಹೋತ್ರಂ ಜುಹ್ವತೋಽಗ್ನಿಹೋತ್ರಂ ದುಹ್ಯಮಾನಂ ಸ್ಕನ್ದೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಯದೇವ ತತ್ರ ಸ್ಥಾಲ್ಯಾಂ ಪರಿಶಿಷ್ಟಂ ಸ್ಯಾತ್ತೇನ ಜುಹುಯಾತ್ ।
ಯದ್ಯು ನೀಚೀ ಸ್ಥಾಲೀ ಸ್ಯಾದಪಿ ವಾ ಭಿದ್ಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಸ್ಕನ್ನಪ್ರಾಯಶ್ಚಿತ್ತ್ಯೈ ವಾಭಿಮೃಶ್ಯ ಅಸ್ಕನ್ನಧಿತ ಇತಿ ।
ಅಥ ಯದನ್ಯದ್ವಿನ್ದೇತ್ತೇನ ಜುಹುಯಾತ್ ।
ಯದಾ ವೈ ಸ್ಕನ್ದತ್ಯಥ ಧೀಯತೇ ।
ರೇತೋ ವೈ ಪಯೋ ಯೋನಿರಿಯಮ್ ।
ಯೋನ್ಯಾಮೇವೈತದ್ರೇ ತಃ ಪ್ರತಿಷ್ಠಾಪಯತಿ ।
ಅನುಷ್ಠ್ಯಾಸ್ಯ ರೇತಸ್ಸಿಕ್ತಂ ಪ್ರಜಾಯತೇ ಯ ಏವಂ ವೇದ ।
ಅಮುತೋ ವೈ ಪರ್ಜನ್ಯಸ್ಸ್ಕನ್ದತೀಹೌಷಧಯೋ ವನಸ್ಪತಯೋ ಜಾಯನ್ತೇ ।
ಪುರುಷಾದ್ರೇ ತಸ್ಸ್ಕನ್ದತಿ ಪಶುಭ್ಯಃ ।
ತತ ಇದಂ ಸರ್ವಂ ಪ್ರಜಾತಮ್ ।
ಸ ವಿದ್ಯಾದುಪ ಮಾ ದೇವಾಃ ಪ್ರಾಭೂವನ್ಪ್ರಜಾತಿರ್ಮೇ ಭೂಯಸ್ಯಭೂಚ್ಛ್ರೇಯಾನ್ಭವಿಷ್ಯಾಮೀತಿ ।
ತಥಾ ಹೈವ ಸ್ಯಾತ್ ।
ಅಥೋ ಯತ್ರೈತದ್ವಿಭಿನ್ನಂ ತದುದಪಾತ್ರಂ ವೈವೋದಕಮಣ್ಡಲುಂ ವೋಪನಿನಯೇದ್ಭೂರ್ಭುವಸ್ಸ್ವಃ ಇತ್ಯೇತಾಭಿರ್ವ್ಯಾಹೃತಿಭಿಃ ।
ಏತಾ ವೈ ವ್ಯಾಹೃತಯಸ್ಸರ್ವಪ್ರಾಯಶ್ಚಿತ್ತಯಃ ।
ತದನೇನ ಸರ್ವೇಣ ಪ್ರಾಯಶ್ಚಿತ್ತಿಂ ಕುರುತೇ ೫೩

ಅಥೈತಾನಿ ಕಪಾಲಾನಿ ಸಂಚಿತ್ಯ ಯತ್ರಾಹವನೀಯಸ್ಯ ಭಸ್ಮೋದ್ಧೃತಂ ಸ್ಯಾತ್ತದುಪನಿಕಿರೇತ್ ।
ಏತದೇವಾತ್ರ ಕರ್ಮ ।
ಅಥೋ ಖಲ್ವಾಹುರ್ಯತ್ಪ್ರಾಚ ಉದ್ದ್ರುತಸ್ಯ ಸ್ಕನ್ದೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಯದೇವ ತತ್ರ ಸ್ರುಚಿ ಪರಿಶಿಷ್ಟಂ ಸ್ಯಾತ್ತೇನ ಜುಹುಯಾತ್ ।
ಯದ್ಯು ನೀಚೀ ಸ್ರುಕ್ಸ್ಯಾದಪಿ ವಾ ಭಿದ್ಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತಸ್ಯೋಕ್ತಃ ಪ್ರತ್ಯಭಿಮರ್ಶಃ ।
ತದು ಹೈಕೇ ತತ ಏವ ಪ್ರತ್ಯೇತ್ಯೋನ್ನಯನ್ತಿ ।
ತದು ತಥಾ ನ ಕುರ್ಯಾತ್ ।
ಯೋ ಹ ತತ್ರ ಬ್ರೂಯಾದ್ಯದನೇನಾಘ್ನಿಹೋತ್ರೇಣಾಚಿಕೀರ್ಷೀನ್ನ್ಯವೃತತ್ತಸ್ಮಾನ್ನಾಸ್ಯೇದಂ ಸ್ವರ್ಗ್ಯಮಿವ ಭವಿಷ್ಯತೀತಿ ತಥಾ ಹೈವ ಸ್ಯಾತ್ ।
ಇತ್ಥಮೇವ ಕುರ್ಯಾತ್ ।
ಯತ್ರೈವ ಸ್ಕನ್ದೇತ್ತದುಪವಿಶೇತ್ ।
ಅಥಾಸ್ಮಿನ್ಸ್ಥಾಲೀಮಾಹರೇಯುಸ್ಸ್ರವಂ ಚ ಸ್ರುಚಂ ಚ ನಿರ್ಣಿಜ್ಯ ।
ತದದ ಏವಾಸ್ಯೋನ್ನೇಷ್ಯಾಮೀತ್ಯುಕ್ತಂ ಭವತಿ ।
ಅಥ ಯಥೋನ್ನೀತಮುನ್ನೀಯ ಸಮಿಧಮಾದಾಯ ಪ್ರಾಕ್ಪ್ರೇಯಾತ್ ।
ತದ್ಯಥಾ ಪ್ರತ್ಯುತ್ಥಾಯಾಮಿತ್ರಾನ್ಪಚೇದೇವಮೇವೈತದವೃತ್ತಿಂ ಪಾಪ್ಮಾನಮಪಹತ್ಯಾಹುತಿಂ ಪ್ರಾಪ್ನೋತಿ ।
ತದು ಹೈಕ ಉಪೇವ ಲಭನ್ತೇ ।
ಅಹುತಂ ತಸ್ಯ ಯಸ್ಯಾಗ್ನಿಹೋತ್ರೋಚ್ಛಿಷ್ಟೇನ ಜುಹ್ವತಿ ಯಾತಯಾಮಂ ಹ್ಯೇತದಿತಿ ವದನ್ತಃ ।
ತದು ತಥಾ ನ ವಿದ್ಯಾತ್ ।
ಯದಾ ವಾ ಏತದಯಾತಯಾಮಂ ಭವತ್ಯಥೈತಸ್ಯಾಪಿ ಹವಿರಾತಞ್ಚನಂ ಕುರ್ವನ್ತಿ ೫೪

ತದಾಹುರ್ಯದೇತಸ್ಯ ದೀರ್ಘಸತ್ತ್ರಿಣೋಽಗ್ನಿಹೋತ್ರಂ ಜುಹ್ವತೋಽಗ್ನಿಹೋತ್ರಂ ದುಹ್ಯಮಾನಮಮೇಧ್ಯಮಾಪದ್ಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತದು ಹೈಕೇ ಹೋತವ್ಯಮೇವ ಮನ್ಯನ್ತೇ ನ ವೈ ದೇವಾಃ ಕಸ್ಮಾಚ್ಚನ ಬೀಭತ್ಸನ್ತ ಇತಿ ವದನ್ತಃ ।
ತದು ತಥಾ ನ ವಿದ್ಯಾತ್ ।
ಪುರುಷೋ ನ್ವೇವ ಬೀಭತ್ಸೇಯಾದ್ಬೀಭತ್ಸತೇ ಬೀಭತ್ಸಾನ್ತಾ೩ ಇದು ದೇವಾಃ ।
ಇತ್ಥಮೇವ ಕುರ್ಯಾತ್ ।
ಗಾರ್ಹಪತ್ಯಸ್ಯೈವೋಷ್ಣಂ ಭಸ್ಮ ನಿರೂಹ್ಯ ತಸ್ಮಿನ್ನೇನತ್ತೂಷ್ಣೀಂ ನಿನಯೇತ್ ।
ತನ್ನ ಹುತಂ ನಾಹುತಮ್ ।
ಅದ್ಭಿರನುನಿನಯೇತ್ ।
ಅದ್ಭಿರೇವೈನದಾಪ್ನೋತಿ ।
ಅಥ ಯದನ್ಯದ್ವಿನ್ದೇತ್ತೇನ ಜುಹುಯಾತ್ ।
ಅಥೋ ಖಲ್ವಾಹುರ್ಯದ್ದುಗ್ಧಮಮೇಧ್ಯಮಾಪದ್ಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಯೇಷ್ವೇವಾಙ್ಗಾರೇಷ್ವಧಿಶ್ರಯಿಷ್ಯನ್ಸ್ಯಾತ್ತಾನೇವ ಪ್ರತ್ಯೂಹ್ಯ ತೇಷ್ವೇವೈನತ್ತೂಷ್ಣೀಂ ನಿನಯೇತ್ ।
ತನ್ನ ಹುತಂ ನಾಹುತಮ್ ।
ಅದ್ಭಿರನುನಿನಯೇತ್ ।
ಅದ್ಭಿರೇವೈನದಾಪ್ನೋತಿ ।
ಅಥ ಯದನ್ಯದ್ವಿನ್ದೇತ್ತೇನ ಜುಹುಯಾತ್ ।
ಅಥೋ ಖಲ್ವಾಹುರ್ಯದಧಿಶ್ರಿತಮಮೇಧ್ಯಮಾಪದ್ಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಯೇಷ್ವೇವಾಙ್ಗಾರೇಷ್ವಧಿಶ್ರಿತಂ ಸ್ಯಾತ್ತಾನೇವ ಪ್ರತ್ಯೂಹ್ಯ ತೇಷ್ವೇವೈನತ್ತೂಷ್ಣೀಂ ನಿನಯೇತ್ ।
ತನ್ನ ಹುತಂ ನಾಹುತಮ್ ।
ಯದಹೈನತ್ತೇಷು ನಿನಯತಿ ತೇನ ಹುತಂ ಯದ್ವೇನಾಂಸ್ತೇನೋ ಏವಾನುಗಮಯತಿ ತೇನೋ ಅಹುತಮ್ ।
ಅದ್ಭಿರನುನಿನಯೇತ್ ।
ಅದ್ಭಿರೇವೈನದಾಪ್ನೋತಿ ।
ಅಥ ಯದನ್ಯದ್ವಿನ್ದೇತ್ತೇನ ಜುಹುಯಾದಥೋ ಖಲ್ವಾಹುಃ - ೫೫

- ಯತ್ಪ್ರಾಗುದ್ದ್ರುತಮಮೇಧ್ಯಮಾಪದ್ಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತದು ಹೈಕೇ ಹೋತವ್ಯಮೇವ ಮನ್ಯನ್ತೇ ಪ್ರೇತಮೇತನ್ನೈತಸ್ಯಾಹೋಮಃ ಕಲ್ಪತ ಇತಿ ವದನ್ತಃ ।
ಅಥ ಹೈಕೇಽದ್ಭಿರಭ್ಯಾಸಿಚ್ಯ ಪರಾಸಿಞ್ಚನ್ತಿ ।
ತದು ತಥಾ ನ ಕುರ್ಯಾತ್ ।
ಯೋ ಹ ತತ್ರ ಬ್ರೂಯಾತ್ಪರಾಙ್ವಾ ಅಯಮಿದಮಗ್ನಿಹೋತ್ರಮಸಿಞ್ಚತ್ಪರಾಸೇಕ್ಷ್ಯತೇಽಯಂ ಯಜಮಾನ ಇತಿ ತಥಾ ಹೈವ ಸ್ಯಾತ್ ।
ಇತ್ಥಮೇವ ಕುರ್ಯಾತ್ ।
ಆಹವನೀಯ ಏವ ಸಮಿಧಮಭ್ಯಾಧಾಯಾಹವನೀಯಸ್ಯೈವೋಷ್ಣಂ ಭಸ್ಮ ನಿರೂಹ್ಯ ತಸ್ಮಿನ್ನೇನತ್ತೂಷ್ಣೀಂ ನಿನಯೇತ್ ।
ತನ್ನ ಹುತಂ ನಾಹುತಮ್ ।
ಅದ್ಭಿರನುನಿನಯೇತ್ ।
ಅದ್ಭಿರೇವೈನದಾಪ್ನೋತಿ ।
ಅಥ ಯದನ್ಯದ್ವಿನ್ದೇತ್ತೇನ ಜುಹುಯಾತ್ ।
ಅಥೋ ಖಲ್ವಾಹುರ್ಯದವವರ್ಷೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಸ ವಿದ್ಯಾದುಪರಿಷ್ಟಾನ್ಮಾ ಶುಕ್ರಮಾಗಾತ್ಪ್ರಜಾತಿರ್ಮೇ ಭೂಯಸ್ಯಭೂಚ್ಛ್ರೇಯಾನ್ಭವಿಷ್ಯಾಮೀತಿ ।
ತಥಾ ಹೈವ ಸ್ಯಾತ್ ।
ಅಥೋ ಖಲ್ವಾಹುರ್ಯತ್ಪೂರ್ವಸ್ಯಾಮಾಹುತೌ ಹುತಾಯಾಮಙ್ಗಾರಾ ಅನುಗಚ್ಛೇಯುಃ ಕ್ವೋತ್ತರಾಂ ಜುಹುಯಾದಿತಿ ।
ಯ ಏವ ತತ್ರ ಶಕಲೋಽನ್ತಿಕಸ್ಸ್ಯಾತ್ತಮಧ್ಯಸ್ಯ ಜುಹುಯಾತ್ ।
ದಾರೌದಾರೌ ಹ್ಯಗ್ನಿಃ ।
ಸ ಯದಿ ತಸ್ಯಾಂ ನ ತಿಷ್ಠೇದ್ಧಿರಣ್ಯಮಭಿಜುಹುಯಾತ್ ।
ಅಗ್ನೇರ್ವಾ ಏತದ್ರೇ ತೋ ಯದ್ಧಿರಣ್ಯಮ್ ।
ಯ ಉ ವೈ ಪಿತಾ ಸ ಪುತ್ರಃ ।
ತಸ್ಮಾದ್ಧಿರಣ್ಯಮಭಿಜುಹುಯಾದಥೋ ಖಲ್ವಾಹುಃ - ೫೬

- ಯದಧಿಶ್ರಿತೇ ಯಜಮಾನೋ ಮ್ರಿಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಪರ್ಯಾಧಾಯೈವೈನದ್ವಿಷ್ಯನ್ದಯೇತ್ ।
ಏತದೇವಾತ್ರ ಕರ್ಮ ।
ಅಥೋ ಖಲ್ವೇಷೈವ ಸರ್ವೇಷಾಂ ಹವಿರ್ಯಜ್ಞಾನಾಂ ಪ್ರಾಯಶ್ಚಿತ್ತಿಃ ।
ಅಥೋ ಖಲ್ವಾಹುರ್ಯತ್ಪ್ರಾಚ್ಯುದ್ದ್ರುತೇ ಯಜಮಾನೋ ಮ್ರಿಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಯದೇವಾದಶ್ಚತುರ್ಗೃಹೀತಮಾದಿಷ್ಟಂ ಸ್ಯಾತ್ತತ್ರೈವೈನದಭ್ಯುನ್ನಯೇತ್ ।
ಏತದೇವಾತ್ರ ಕರ್ಮ ।
ಅಥೋ ಖಲ್ವಾಹುರ್ಯತ್ಪೂರ್ವಸ್ಯಾಮಾಹುತೌ ಹುತಾಯಾಂ ಯಜಮಾನೋ ಮ್ರಿಯೇತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತದು ಹೈಕೇ ಹೋತವ್ಯಮೇವ ಮನ್ಯನ್ತೇ ಕೃತ್ಸ್ನಂ ವಾ ಏತಸ್ಯಾಗ್ನಿಹೋತ್ರಂ ಹುತಂ ಭವತಿ ಯಸ್ಯ ಪೂರ್ವಾ ಹುತಾಹುತಿರ್ಭವತೀತಿ ವದನ್ತಃ ।
ತದು ತಥಾ ನ ವಿದ್ಯಾತ್ ।
ನ ವೈ ಪ್ರೇತಸ್ಯಾಗ್ನಿಹೋತ್ರಂ ಜುಹೋತಿ ।
ಯದೇವಾದಯಶ್ಚತುರ್ಗೃಹೀತಮಾದಿಷ್ಟಂ ಸ್ಯಾತ್ತತ್ರೈವೈನದಭ್ಯುನ್ನಯೇತ್ ।
ಏತದೇವಾತ್ರ ಕರ್ಮ ೫೭

ತದಾಹುರ್ಯದೇತಸ್ಯ ದೀರ್ಘಸತ್ತ್ರಿಣೋಽಗ್ನಿಹೋತ್ರಂ ಜುಹ್ವತೋಽಗ್ನಿಹೋತ್ರೀ ದುಹ್ಯಮಾನೋಪವಿಶೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತಾಮು ಹೈಕೇ ಯಜುಷೋತ್ಥಾಪಯನ್ತಿ ।
ಅವೃತ್ತಿಂ ವಾ ಏಷಾ ಯಜಮಾನಸ್ಯ ಪಾಪ್ಮಾನಂ ಪ್ರತಿದೃಶ್ಯೋಪವಿಶತಿ ಯಸ್ಯಾಗ್ನಿಹೋತ್ರೀ ದುಹ್ಯಮಾನೋಪವಿಸತಿ ।
ತಾಮುತ್ಥಾಪಯನ್ತಿ ಉದಸ್ಥಾದ್ದೇವ್ಯದಿತಿಃ ಇತಿ ।
ಇಯಂ ವೈ ದೇವ್ಯದಿತಿಃ ।
ಇಮಾಮೇವಾಸ್ಮೈ ತದುತ್ಥಾಪಯನ್ತಿ ।
ಆಯುರ್ಯಜ್ಞಪತಾವಧಾದಿತ್ಯಾಯುರೇವಾಸ್ಮಿಂಸ್ತದ್ದಧತಿ ।
ಮಿತ್ರಾಯ ವರುಣಾಯ ಚ ಇತಿ ಪ್ರಾಣಾಪಾನೌ ನ್ವೈ ಮಿತ್ರಾವರುಣೌ ಪ್ರಾಣಾಪಾನಾವೇವಾಸ್ಮಿಂಸ್ತದ್ದಧತಿ ।
ತಾಂ ತಸ್ಯಾಮೇವಾಹುತೌ ಹುತಾಯಾಂ ಬ್ರಾಹ್ಮಣಾಯ ದದತಿ ।
ಯಂ ಸಂವತ್ಸರಮನಭ್ಯಾಗಮಿಷ್ಯನ್ತೋ ಭವನ್ತ್ಯವೃತ್ತಿಮಸ್ಮಿನ್ಪಾಪ್ಮಾನಂ ನಿವೇಶಯಾಮ ಇತಿ ವದನ್ತಃ ೫೮

ತದು ಹೋವಾಚ ವಾಜಸನೇಯೋಽಶ್ರದ್ದಧಾನೇಭ್ಯೋ ಹೈಭ್ಯೋ ಗೌರಪಕ್ರಾಮತಿ ।
ಆರ್ತ್ಯಾಹುತಿಂ ವಿಧ್ಯನ್ತಿ ।
ಇತ್ಥಮೇವ ಕುರ್ಯಾತ್ ।
ದಣ್ಡಮೇವ ಲಬ್ಧ್ವಾ ತೇನೈನಾಂ ವಿಪಿಷ್ಯೋತ್ಥಾಪಯೇತ್ ।
ತದ್ಯಥಾ ವಾ ಅದೋ ಧಾವಯತೋಽಶ್ವತರೋ ಗದಾಯತೇ ಯುಕ್ತೋ ವಾ ಬಲೀವರ್ದ ಉಪವಿಶತಿ ತೇನ ದಣ್ಡಪ್ರಜಿತೇನ ತೋತ್ತ್ರಪ್ರಜಿತೇನ ಯಮಧ್ವಾನಂ ಕಾಮಯತೇ ತಂ ಸಮಶ್ನುತೇ ।
ಏವಮೇವೈತಯಾ ದಣ್ಡಪ್ರಜಿತಯಾ ತೋತ್ತ್ರಪ್ರಜಿತಯಾ ಯಂ ಸ್ವರ್ಗಂ ಲೋಕಂ ಕಾಮಯತೇ ತಂ ಸಮಶ್ನುತೇ ।
ತಾಮಾತ್ಮನ್ನೇವ ಕುರ್ವೀತ ।
ಆತ್ಮನ್ನೇವ ತಚ್ಛ್ರಿಯಂ ಧತ್ತ ಇತಿ ೫೯

ತದಾಹುರ್ಯದೇತಸ್ಯ ದೀರ್ಘಸತ್ತ್ರಿಣೋಽಗ್ನಿಹೋತ್ರಂ ಜುಹ್ವತೋಽಗ್ನಿಹೋತ್ರೀವತ್ಸೋ ನಶ್ಯೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತದು ಹೋವಾಚಾರುಣಿರ್ದ್ಯೌರ್ವಾ ಅಗ್ನಿಹೋತ್ರೀ ತಸ್ಯಾ ಆದಿತ್ಯ ಏವ ವತ್ಸ ಇಯಮೇವಾಗ್ನಿಹೋತ್ರಸ್ಥಾಲೀ ।
ನ ಹ ವಾ ಏವಂವಿದೋಽಗ್ನಿಹೋತ್ರೀವತ್ಸೋ ನಶ್ಯತಿ ।
ಕ್ವ ಹ್ಯೇಷ ನಶ್ಯೇತ್ ।
ನೋ ವಾ ಏವಂವಿದೋಽಗ್ನಿಹೋತ್ರಂ ದುಹ್ಯಮಾನಂ ಸ್ಕನ್ದತಿ ।
ಅಸ್ಯಾಂ ಹ್ಯೇವಂ ಪ್ರತಿತಿಷ್ಠತಿ ।
ನೋ ವಾ ಏವಂವಿದೋಽಗ್ನಿಹೋತ್ರೀ ದುಹ್ಯಮಾನೋಪವಿಶತಿ ।
ಯದಾ ವಾ ಏಷಾ ಸುವೃಷ್ಟಂ ವರ್ಷತ್ಯಭಿನಿಷದ್ಯೇವ ಬತಾವರ್ಷೀದಿತ್ಯೇನಾಮಾಹುಃ ।
ಅಥೋ ಖಲ್ವಾಹುರ್ಯದೇಷಾ ಲೋಹಿತಂ ದುಹೀತ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಅವೃತ್ತಿಂ ವಾ ಏಷಾ ಯಜಮಾನಸ್ಯ ಪಾಪ್ಮಾನಂ ಪ್ರತಿದೃಶ್ಯ ದುಹೇ ಯಾ ಲೋಹಿತಂ ದುಹೇ ।
ಸ ವ್ಯುತ್ಕ್ರಾಮತೇಽತ್ಯುಕ್ತ್ವಾನ್ವಾಹಾರ್ಯಪಚನಂ ಪರಿಚ್ಛಾದಯಿತವೈ ಬ್ರೂಯಾತ್ ।
ತದಧಿಶ್ರಿತ್ಯ ಮೇಕ್ಷಣಂ ಕೃತ್ವಾ ಶ್ರಪಯೇತ್ ।
ತತ್ತದೇವ ತೂಷ್ಣೀಂ ನಿನಯೇತ್ ।
ಅನಿರುಕ್ತೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಮಗ್ನಿಹೋತ್ರಮ್ ।
ಅಥೋ ಭೂರ್ಭುವಂ ಸ್ವರಿತ್ಯೇತಾಭಿರ್ವ್ಯಾಹೃತಿಭಿಃ ।
ಏತಾ ವೈ ವ್ಯಾಹೃತಯಸ್ಸರ್ವಪ್ರಾಯಶ್ಚಿತ್ತಯಃ ।
ತದನೇನ ಸರ್ವೇಣ ಪ್ರಾಯಶ್ಚಿತ್ತಿಂ ಕುರುತೇ ಅಥೋ ಖಲ್ವಾಹುಃ - ೬೦

ಯದಗ್ನಯೋಽನುಗಚ್ಛೇಯುಃ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತಮು ಹೈಕ ಉಲ್ಮುಕಾದೇವ ನಿರ್ಮನ್ಥನ್ತಿ ।
ಯತೋ ವೈ ಮನುಷ್ಯಸ್ಯಾನ್ತತೋ ನಶ್ಯತಿ ತತೋ ವಾವ ಸ ತಸ್ಯ ಪ್ರಾಯಶ್ಚಿತ್ತಿಮಿಚ್ಛತ ಇತಿ ವದನ್ತಃ ।
ತದು ತಥಾ ನ ವಿದ್ಯಾತ್ ।
ಉಲ್ಮುಕಂ ಹ್ಯೇವ ತತ ಆದಾಯ ಚರೇದುಲ್ಮುಕಸ್ಯ ವಾವವ್ರಶ್ಚಮ್ ।
ಇತ್ಥಮೇವ ಕುರ್ಯಾತ್ ।
ಉಲ್ಮುಕಾದೇವಾಪಚ್ಛಿದ್ಯಾರಣ್ಯೋರಭಿವಿಮನ್ಥತ್ ।
ಉಪಾಹ ತಂ ಕಾಮಮಾಪ್ನೋತಿ ಯ ಉಲ್ಮುಕಮಥ್ಯ ಉಪೋ ತಂ ಯೋಽರಣ್ಯೋಃ ।
ಅಥೋ ಖಲ್ವಾಹುರ್ಯದಾಹವನೀಯ ಉದ್ಧೃತೋಽನುಗಚ್ಛೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಅನನುಗತೋ ವಾ ಏಷ ತಾವದ್ಭವತಿ ಯಾವದ್ಗಾರ್ಹಪತ್ಯೋ ನಾನುಗಚ್ಛತಿ ।
ಸ ಯದ್ಯಪಿ ಬಹ್ವಿವ ಕೃತ್ವೋಽನುಗಚ್ಛೇತ್ಪುನಃಪುನರೇವೈನಮುದ್ಧರೇತ್ ।
ಏತದೇವಾತ್ರ ಕರ್ಮ ।
ಅಥೋ ಖಲ್ವಾಹುರ್ಯದಾಹವನೀಯ ಉದ್ಧೃತೇ ಗಾರ್ಹಪತ್ಯೋಽನುಗಚ್ಛೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ತಮು ಹೈಕೇ ತತ ಏವ ಪ್ರಾಞ್ಚಮುದ್ಧರನ್ತಿ ।
ತದು ತಥಾ ನ ಕುರ್ಯಾತ್ ।
ಯೋ ಹ ತತ್ರ ಬ್ರೂಯಾತ್ಪ್ರಾಚೋ ನ್ವಾ ಅಯಂ ಯಜಮಾನಸ್ಯ ಪ್ರಾಣಾನ್ಪ್ರಾವೃಕ್ಷನ್ಮರಿಷ್ಯತ್ಯಯಂ ಯಜಮಾನ ಇತಿ ತಥಾ ಹೈವ ಸ್ಯಾತ್ ।
ತಮು ಹೈಕೇ ತತ ಏವ ಪ್ರತ್ಯಞ್ಚಮಾಹರನ್ತಿ ।
ಪ್ರಾಣೋ ವೈ ಗೃಹಪತ್ಯೋಽಪಾನ ಆಹವನೀಯಃ ।
ಸಂವಿದಾನೌ ವಾ ಇಮೌ ಪ್ರಾಣಾಪಾನಾವನ್ನಮತ್ತ ಇತಿ ವದನ್ತಃ ।
ಅಥೋ ಗೃಹೋ ವೈ ಗೃಹಪತ್ಯಃ ।
ಪ್ರತಿಷ್ಠೋ ವೈ ಗೃಹಾಃ ।
ಸ ಯ ಏನಂ ತತ್ರ ಬ್ರೂಯಾತ್ಪ್ರ ನ್ವಾ ಅಯಮಸ್ಯೈ ಪ್ರತಿಷ್ಠಾಯಾ ಅಚ್ಯೋಷ್ಟ ಮರಿಷ್ಯತ್ಯಯಂ ಯಜಮಾನ ಇತಿ ತಥಾ ಹೈವ ಸ್ಯಾತ್ ।

ತಮು ಹೈಕೇ ಗಾರ್ಹಪತ್ಯ ಏವ ಮಥಿತ್ವೋಪಸಮಾದಧತಿ ।
ತದು ತಥಾ ನ ಕುರ್ಯಾತ್ ।
ಯೋ ಹ ತತ್ರ ಬ್ರೂಯಾದಗ್ನಾವಧ್ಯಗ್ನಿಮಜೀಜನತ್ಕ್ಷಿಪ್ರೇಽಸ್ಯ ದ್ವಿಷನ್ಭ್ರಾತೃವ್ಯೋ ಜನಿಷ್ಯತ ಇತಿ ತಥಾ ಹೈವ ಸ್ಯಾತ್ ।
ತಮು ಹೈಕೇಽನುಗಮಯ್ಯ ಮನ್ಥನ್ತಿ ।
ತದು ತಥಾ ನ ಕುರ್ಯಾತ್ ।
ಯೋ ಹ ತತ್ರ ಬ್ರೂಯಾದಪಿ ಯತ್ಪರಿಶಿಷ್ಟಮಭೂತ್ತದಜೀಜಸನ್ನಾಸ್ಯ ದಾಯಾದಶ್ಚನ ಪರಿಶೇಕ್ಷ್ಯತ ಇತಿ ತಥಾ ಹೈವ ಸ್ಯಾತ್ ।
ಇತ್ಥಮೇವ ಕುರ್ಯಾತ್ ।
ಅರಣ್ಯೋರೇವ ಸಮಾರೋಹಯೇತ
ಅಯಂ ತೇ ಯೋನಿರೃತ್ವಿಯೋ ಯತೋ ಜಾತೋ ಅರೋಚಥಾಃ
ತಂ ಜಾನನ್ನಗ್ನ ಆರೋಹಾಥಾ ನೋ ವರ್ಧಯಾ ರಯಿಮಥಾ ವರ್ಧಯಾ ಗಿರಃ
ಇತಿ ವಾ ।
ಸ ಉದವಸಾಯ ಜುಹ್ವದ್ವಸೇತ್ ।
ನವಾವಸಾನೇ ಹಾಸ್ಯೋಭಯತೋರಾತ್ರಂ ಹುತಂ ಭವತಿ ನೋ ಕಾಂ ಚನ ಪರಿಚಕ್ಷಾಂ ಕುರುತೇ ।
ಸ ಪ್ರಾತರ್ಭಸ್ಮೋದ್ಧೃತ್ಯ ಶಕೃತ್ಪಿಣ್ಡೇನ ಪರಿಲಿಪ್ಯ ಯಥಾಯಥಮಗ್ನೀನಾದಧೀತ ।
ಏತದೇವಾತ್ರ ಕರ್ಮ ಅಥೋ ಖಲ್ವಾಹುರ್ಯದಾಹವನೀಯಮನುದ್ಧೃತಮ್ ೬೧

ಅಭ್ಯಸ್ತಮಿಯಾತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಏತಸ್ಮಾದ್ಧ ವೈ ವಿಶ್ವೇ ದೇವಾ ಅಪಕ್ರಾಮನ್ತಿ ಯಸ್ಯಾಹವನೀಯಮನುದ್ಧೃತಮಭ್ಯಸ್ತಮೇತಿ ।
ಸ ದರ್ಭೇಣ ಸುವರ್ಣಂ ಹಿರಣ್ಯಂ ಪ್ರಬಧ್ಯ ಪಶ್ಚಾದ್ಧರೇತ್ ।
ತದೇತಸ್ಯ ರೂಪಂ ಕ್ರಿಯತೇ ಯ ಏಷ ತಪತಿ ।
ಅಹ್ನೋ ವಾ ಏತದ್ರೂ ಪಮ್ ।
ತದಹ್ನೋ ರೂಪಂ ಕ್ರಿಯತೇ ।
ಅಥೇಧ್ಮಮಾದೀಪ್ಯ ಪ್ರಾಞ್ಚಂ ಹರೇಯುಃ ।
ತಮುಪಸಮಾಧಾಯ ಚತುರ್ಗೃಹೀತಮಾಜ್ಯಂ ಗೃಹೀತ್ವಾ ವಿಶ್ವೇಭ್ಯೋ ದೇವೇಭ್ಯಸ್ಸ್ವಾಹಾ ಇತಿ ಜುಹುಯಾತ್ ।
ತದ್ಯಥಾ ವಾ ಅದ ಆವಸಥವಾಸಿನಂ ಕ್ರುದ್ಧಂ ಯನ್ತಮುಕ್ಷವೇಹತಾ ವಾನುಮನ್ತ್ರಯೇತಾನ್ಯೇನ ವಾ ಪ್ರಿಯೇಣ ಧಾಮ್ನೈವಮೇವ ತದ್ವಿಶ್ವಾನ್ದೇವಾನನುಮನ್ತ್ರಯತೇ ।
ತೇ ಹಾಸ್ಮೈ ಸರ್ವ ಏವಾಕ್ರುದ್ಧಾ ಭವನ್ತಿ ।
ಅಥೋ ಖಲ್ವಾಹುರ್ಯದಾಹವನೀಯಮನುದ್ಧೃತಮ್ ೬೨

ಅಭ್ಯುದೀಯಾತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಏತಸ್ಮಾದ್ಧ ವೈ ವಿಶ್ವೇ ದೇವಾ ಅಪಕ್ರಾಮನ್ತಿ ಯಸ್ಯಾಹವನೀಯಮನುದ್ಧೃತಮಭ್ಯುದೇತಿ ।
ಸ ದರ್ಭೇಣ ರಜತಂ ಹಿರಣ್ಯಂ ಪ್ರಬಧ್ಯ ಪುರಸ್ತಾದ್ಧರೇತ್ ।
ತಚ್ಚನ್ದ್ರ ಮಸೋ ರೂಪಂ ಕ್ರಿಯತೇ ।
ರಾತ್ರೇರ್ವಾ ಏತದ್ರೂ ಪಮ್ ।
ತದ್ರಾ ತ್ರೇ ರೂಪಂ ಕ್ರಿಯತೇ ।
ಅಥೇಧ್ಮಮಾದೀಪ್ಯಾನ್ವಞ್ಚಂ ಹರೇಯುಃ ।
ತಮುಪಸಮಾಧಾಯ ಚತುರ್ಗೃಹೀತಮಾಜ್ಯಂ ಗೃಹೀತ್ವಾ ವಿಶ್ವೇಭ್ಯೋ ದೇವೇಭ್ಯಸ್ಸ್ವಾಹಾ ಇತಿ ಜುಹುಯಾತ್ ।
ಯತ್ರ ವೈ ದೀಪ್ತಂ ತತ್ರೈತದಿಹ ಗಾರ್ಹಪತ್ಯ ಇತ್ಯೇವ ವಿದ್ವಾನುದ್ಧರೇತ್ ।
ಅಸಾವೇವ ಬನ್ಧು ।
ಅಥ ಹೈಕ ಆಹುರೇತೇ ಹ ವೈ ಸ್ವರ್ಗಂ ಲೋಕಂ ಪಶ್ಯನ್ತೋ ಜುಹ್ವತಿ ಯ ಆದಿತ್ಯಮಿತಿ ।
ಸ ಯೋ ವಾ ತ್ವೈ ಗತಶ್ರೀಸ್ಸ್ಯಾದ್ಯೋ ವಾಸ್ಮಾಲ್ಲೋಕಾತ್ಕ್ಷಿಪ್ರೇ ಪ್ರಜಿಗಾಂಸೇತ್ಸ ಉದಿತಹೋಮೀ ಸ್ಯಾದಥೋ ಖಲ್ವಾಹುಃ - ೬೩

ಯದಗ್ನಯಸ್ಸಂಸೃಜ್ಯೇರನ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಸ ಯದಿ ಪರಸ್ತಾದನ್ಯೋಽಭಿದಹನ್ನೇಯಾತ್ಸ ವಿದ್ಯಾತ್ಪರಸ್ತಾನ್ಮಾ ಶುಕ್ರಮಾಗಾತ್ಪ್ರಜಾತಿರ್ಮೇ ಭೂಯಸ್ಯಭೂಚ್ಛ್ರೇಯಾನ್ಭವಿಷ್ಯಾಮೀತಿ ।
ತಥಾ ಹೈವ ಸ್ಯಾತ್ ।
ಯದಿ ತ್ವಸ್ಯ ಹೃದಯಂ ವಿಲಿಖೇದಗ್ನಯೇ ವಿವಿಚಯ ಇಷ್ಟಿಂ ನಿರ್ವಪೇತ್ ।
ಏತಾ ಏವ ಪಞ್ಚದಶ ಸಾಮಿಧೇನೀರ್ವಾರ್ತ್ರಘ್ನಾವಾಜ್ಯಭಾಗೌ ವಿರಾಜೌ ಸಂಯಾಜ್ಯೇ ।
ಅಥೈತೇ ಯಾಜ್ಯಾಪುರೋನುವಾಕ್ಯೇ
ವಿ ತೇ ವಿಷ್ವಗ್ವಾತಜೂತಾಸೋ ಅಗ್ನೇ ಭಾಮಾಸಶ್ಶುಚೇ ಶುಚಯಶ್ಚರನ್ತಿ
ತುವಿಮ್ರಕ್ಷಾಸೋ ದಿವ್ಯಾ ನವಗ್ವಾ ವನಾ ವನನ್ತಿ ಧೃಷತಾ ರುಜನ್ತಃ
ಇತಿ ।
ಅಥ ಯಾಜ್ಯಾ
ತ್ವಾಮಗ್ನೇ ಮಾನುಷೀರೀಳತೇ ವಿಶೋ ಹೋತ್ರಾವಿದಂ ವಿವಿಚಿಂ ರತ್ನಧಾತಮಮ್
ಗುಹಾ ಸನ್ತಂ ಸುಭಗ ವಿಶ್ವದರ್ಶತಂ ತುವಿಷ್ಮಣಸಂ ಸುಯಜಂ
ಘೃತಶ್ರಿಯಮ್
ಇತಿ ।
ಅಥೋ ಹೈನಯಾ ಪಾಪ್ಮನಾ ವ್ಯಾವೃತ್ಸ್ಯಮಾನೋ ಯಜೇತ ।
ಕ್ಷಿಪ್ರೇ ಹೈವ ಪಾಪ್ಮನೋ ವ್ಯಾವರ್ತತೇ ।
ಯದಿ ತ್ವಯಮಿತೋಽಭಿದಹನ್ನೇಯಾದಗ್ನಯೇ ಸಂವರ್ಗಾಯೇಷ್ಟಿಂ ನಿರ್ವಪೇತ್ ।
ಏತಾ ಏವ ಪಞ್ಚದಶ ಸಾಮಿಧೇನೀರ್ವಾರ್ತ್ರಘ್ನಾವಾಜ್ಯಭಾಗೌ ವಿರಾಜೌ ಸಂಯಾಜ್ಯೇ ಅಥೈತೇ ಯಾಜ್ಯಾಪುರೋನುವಾಕ್ಯೇ - ೬೪

ಮಾ ನೋ ಅಸ್ಮಿನ್ಮಹಾಧನೇ ಪರಾ ವರ್ಗ್ಭಾರಭೃದ್ಯಥಾ
ಸಂ ವರ್ಗಂ ಸಂ ರಯಿಂ ಜಯ
ಇತಿ ।
ಅಥ ಯಾಜ್ಯಾ
ಪರಸ್ಯಾ ಅಧಿ ಸಂವತೋ ಅವರಂ ಅಭ್ಯಾ ತರ
ಯತ್ರಾಹಮಸ್ಮಿ ತಂ ಅವ
ಇತಿ ।
ಅಥೋ ಹೈನಯಾ ಯದ್ಭ್ರಾತೃವ್ಯಸ್ಯ ಸಂವಿವೃಕ್ಷೇತ ತತ್ಕಾಮೋ ಯಜೇತ ।
ಕ್ಷಿಪ್ರೇ ಹೈವಾಸ್ಯ ಸಂವೃಙ್ಕ್ತೇ ।
ಅಥೋ ಖಲ್ವಾಹುರ್ಯದಗ್ನಾವಗ್ನಿಮಭ್ಯುದ್ಧರೇತ್ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಅಗ್ನಯೇಽಗ್ನಿಮತ ಇಷ್ಟಿಂ ನಿರ್ವಪೇತ್ ।
ಏತಾ ಏವ ಪಞ್ಚದಶ ಸಾಮಿಧೇನೀರ್ವಾರ್ತ್ರಘ್ನಾವಾಜ್ಯಭಾಗೌ ವಿರಾಜೌ ಸಂಯಾಜ್ಯೇ ।
ಅಥೈತೇ ಯಾಜ್ಯಾಪುರೋನುವಾಕ್ಯೇ
ಅಗ್ನಿನಾಗ್ನಿಸ್ಸಮಿಧ್ಯತೇ ಕವಿರ್ಗೃಹಪತಿರ್ಯುವಾ
ಹವ್ಯವಾಡ್ಜುಹ್ವಾಸ್ಯಃ
ಇತಿ ।
ಅಥ ಯಾಜ್ಯಾ
ತ್ವಂ ಹ್ಯಗ್ನೇ ಅಗ್ನಿನಾ ವಿಪ್ರೋ ವಿಪ್ರೇಣ ಸನ್ಸತಾ
ಸಖಾ ಸಖ್ಯಾ ಸಮಿಧ್ಯಸೇ
ಇತಿ ।
ಅಥೋ ಹೈನಯಾ ಬ್ರಹ್ಮವರ್ಚಸಕಾಮೋ ಯಜೇತ ।
ತೇಜಸ್ವೀ ಹೈವ ಬ್ರಹ್ಮವರ್ಚಸೀ ಭವತಿ ।
ಅಥೋ ಖಲ್ವಾಹುರ್ಯದಾಹವನೀಯಗಾರ್ಹಪತ್ಯೌ ಸಂಸೃಜ್ಯೇಯಾತಾಂ ಕಿಂ ತತ್ರ ಕರ್ಮ ಕಾ ಪ್ರಾಯಶ್ಚಿತ್ತಿರಿತಿ ।
ಅಗ್ನಯೇ ವೀತಯ ಇಷ್ಟಿಂ ನಿರ್ವಪೇತ್ ।
ಏತಾ ಏವ ಪಞ್ಚದಶ ಸಾಮಿಧೇನೀರ್ವಾರ್ತ್ರಘ್ನಾವಾಜ್ಯಭಾಗೌ ವಿರಾಜೌ ಸಂಯಾಜ್ಯೇ ।
ಅಥೈತೇ ಯಾಜ್ಯಾಪುರೋನುವಾಕ್ಯೇ
ಅಗ್ನ ಆ ಯಾಹಿ ವೀತಯೇ ಗೃಣಾನೋ ಹವ್ಯದಾತಯೇ
ನಿ ಹೋತಾ ಸತ್ಸಿ ಬರ್ಹಿಷಿ
ಇತಿ ।
ಅಥ ಯಾಜ್ಯಾ
ಯೋ ಅಗ್ನಿಂ ದೇವವೀತಯೇ ಹವಿಷ್ಮಮಾವಿವಾಸತಿ
ತಸ್ಮೈ ಪಾವಕ ಮೃಡಯ
ಇತಿ ।
ತಸ್ಮೈ ಪಾವಕ ಮೃಡಯ ಇತಿ ೬೫

ಅಗ್ನಿಷ್ಟೋಮ
ಪ್ರಜನನಂ ಜ್ಯೋತಿರಗ್ನಿರ್ದೇವತಾನಾಂ ಜ್ಯೋತಿರ್ವಿರಾಟ್ಛನ್ದಸಾಂ ಜ್ಯೋತಿರ್ವಿರಾಡ್ವಾಚಃ ।
ಅಗ್ನೌ ಸಂತಿಷ್ಠತೇ ।
ವಿರಾಜಂ ಸಂಪದ್ಯತೇ ।
ತಸ್ಮಾದೇಷ ಜ್ಯೋತಿರುಚ್ಯತೇ ।
ದ್ವೌ ಸ್ತೋಮೌ ಪ್ರಾತಸ್ಸವನಂ ವಹತೋ ಯಥಾ ಚಕ್ಷುಶ್ಚ ಪ್ರಾಣಶ್ಚ ತಥಾ ತತ್ ।
ದ್ವೌ ಸ್ತೋಮೌ ಮಾಧ್ಯನ್ದಿನಂ ಸವನಂ ವಹತೋ ಯಥಾ ಚ ಶ್ರೋತ್ರಂ ಚ ಬಾಹೂ ಚ ತಥಾ ತತ್ ।
ದ್ವೌ ಸ್ತೋಮೌ ತೃತೀಯಸವನಂ ವಹತೋ ಯಥಾ ಮಧ್ಯಂ ಚ ಪ್ರತಿಷ್ಠಾ ಚ ತಥಾ ತತ್ ।
ಹಿಂಕಾರೇಣ ವೈ ಜ್ಯೋತಿಷಾ ದೇವಾಸ್ತ್ರಿವೃತೇ ಬ್ರಹ್ಮವರ್ಚಸಾಯ ಜ್ಯೋತಿರದಧುಃ ।
ತ್ರಿವೃತಾ ಬ್ರಹ್ಮವರ್ಚಸೇನ ಪಞ್ಚದಶಾಯೌಜಸೇ ವೀರ್ಯಾಯ ಜ್ಯೋತಿರದಧುಃ ।
ಪಞ್ಚದಶೇನೌಜಸಾ ವೀರ್ಯೇಣ ಸಪ್ತದಶಾಯ ಪ್ರಜಾಯೈ ಪಶುಭ್ಯಃ ಪ್ರಜನನಾಯ ಜ್ಯೋತಿರದಧುಃ ।
ಸಪ್ತದಶೇನ ಪ್ರಜಯಾ ಪಶುಭಿಃ ಪ್ರಜನೇನೈಕವಿಂಶಾಯ ಪ್ರತಿಷ್ಠಾಯೈ ಜ್ಯೋತಿರದಧುಃ ।
ಸ್ತೋಮೋ ವಾ ಏತತ್ಸ್ತೋಮೇ ಜ್ಯೋತಿರ್ದಧದೇತಿ ।
ತಸ್ಮಾಜ್ಜ್ಯೋತಿಷ್ಟೋಮ ಇತ್ಯಾಖ್ಯಾಯತೇ ।
ಅಥ ಯತ್ಸ್ತೋಮಸ್ಸ್ತೋಮಂ ಸವನಮಭಿಪ್ರಣಯತಿ ತಸ್ಮಾಜ್ಜ್ಯೋತಿಷ್ಟೋಮ ಇತ್ಯಾಖ್ಯಾಯತೇ ।
ಅಥೋ ಯದ್ಯಜ್ಞಸ್ಸಂಸ್ತುತೋ ವಿರಾಜಮಭಿಸಂಪದ್ಯತೇ ಜ್ಯೋತಿರ್ವಿರಾಟ್ತಸ್ಮಾಜ್ಜ್ಯೋತಿಷ್ಟೋಮ ಇತ್ಯಾಖ್ಯಾಯತೇ ೬೬

ಅಸ್ಥೂರಿರ್ವಾ ಏಷ ಯಜ್ಞಃ ಪುರುಷಸಂಮಿತಃ ।
ಯತ್ಕಾಮ ಏನಮಾಹರತೇ ಸಮಸ್ಮೈ ಕಾಮ ಋಧ್ಯತೇ ।
ಅಸ್ಥೂರಿಣಾ ಹಿ ತತ್ರ ಗಚ್ಛತಿ ಯತ್ರ ಜಿಗಮಿಷತಿ ।
ಪ್ರಜಾಪತಿರ್ಯತ್ಪ್ರಜಾ ಅಸೃಜತ ತಾ ಅಗ್ನಿಷ್ಟೋಮೇನಾಸೃಜತ ।
ದಶಮೇನ ಚ ವೈ ಸ ತಾ ಅಗ್ನಿಷ್ಟೋಮಸ್ಯ ಸ್ತೋತ್ರೇಣಾಸೃಜತ ದಶಮೇನ ಚ ಮಾಸಾ ಸಂವತ್ಸರಸ್ಯ ।
ತಾ ದ್ವಾದಶೇನ ಚೈವಾಗ್ನಿಷ್ಟೋಮಸ್ಯ ಸ್ತೋತ್ರೇಣ ಪರ್ಯಗೃಹ್ಣಾದ್ದ್ವಾದಶೇನ ಚ ಮಾಸಾ ಸಂವತ್ಸರಸ್ಯ ।
ತಸ್ಮಾತ್ಪಶವೋ ದಶಮಾಸೋ ಗರ್ಭಾನ್ಬಿಭ್ರತಿ ।
ತ ಏಕಾದಶಮನುಪ್ರಜಾಯನ್ತೇ ।
ನ ಕಾ ಚನ ದ್ವಾದಶಮತಿಹರತಿ ।
ಪರಿಗೃಹೀತಾ ಹಿ ತೇನ ।
ತಾಸಾಂ ಪರಿಗೃಹೀತಾನಾಮಶ್ವತರೋಽತ್ಯಪ್ರವತ ।
ತಸ್ಯಾನುಹಾಯ ರೇತ ಆದತ್ತ ।
ತದ್ಗರ್ದಭೇ ನ್ಯಮಾರ್ಟ್ತದ್ಬಡಬಾಯಾಂ ತತ್ಪಶುಷು ತದೋಷಧೀಷು ।
ತಸ್ಮಾದ್ಗರ್ದಭೋ ದ್ವಿರೇತಾಸ್ತಸ್ಮಾದ್ಬಡಬಾ ದ್ವಿರೇತಾಃ ।
ತಸ್ಮಾತ್ಪಶವೋ ದ್ವೌ ದ್ವೌ ಜನಯನ್ತಿ ।
ತಸ್ಮಾದೋಷಧಯೋಽನಭ್ಯಕ್ತಾ ರೇಭನ್ತಿ ।
ತಸ್ಮಾದಶ್ವತರೋ ಬರ್ಹಿಷಿ ನ ದೇಯಃ ।
ಅತಿ ಹ್ಯಪ್ಲವತಾಪ ಹ್ಯಕ್ರಾಮತ್ ।
ಆತ್ತರೇತಾ ಹ್ಯಪ್ರಜಾ ಹಿ ।
ಷೋಡಶಿನಸ್ಸ್ತೋತ್ರೇ ದೇಯಃ ।
ಅತಿರಿಕ್ತೋ ವೈ ಷೋಡಶಿ ಸ್ತೋತ್ರಾಣಾಮತಿರಿಕ್ತೋಽಶ್ವತರಃ ಪಶೂನಾಮ್ ।
ಅತಿರಿಕ್ತ ಏವಾ ತದತಿರಿಕ್ತಂ ದಧತಿ ಯಜ್ಞಸ್ಯ ಸಲೋಮತಾಯೈ ।
ಸ ಯ ಏವಂ ವಿದ್ವಾನಗ್ನಿಷ್ಟೋಮೇನೋದ್ಗಾಯತಿ ಪ್ರಾಜಾತಾಃ ಪ್ರಜಾ ಜನಯತಿ ಪರಿ ಪ್ರಜಾತಾ ಗೃಹ್ಣಾತಿ ।
ಜ್ಯೇಷ್ಠಯಜ್ಞೋ ವಾ ಏಷ ಪ್ರಜಾಪತಿಯಜ್ಞೋ ಯದಗ್ನಿಷ್ಟೋಮಃ ।
ಅಶ್ನುತೇ ಜ್ಯೈಷ್ಠ್ಯಂ ಶ್ರೈಷ್ಠ್ಯಂ ಯ ಏವಂ ವೇದ ೬೭

ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಮನೋ ಹ ವೈ ಪ್ರಜಾಪತಿರ್ದೇವತಾ ।
ಸೋಽಕಾಮಯತ ಬಹುಃ ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ಸ ಶೀರ್ಷತ ಏವ ಮುಖತಸ್ತ್ರಿವೃತಂ ಸ್ತೋಮಮಸೃಜತ ಗಾಯತ್ರೀಂ ಛನ್ದೋ ರಥನ್ತರಂ ಸಾಮಾಗ್ನಿಂ ದೇವತಾಂ ಬ್ರಾಹ್ಮಣಂ ಮನುಷ್ಯಮಜಂ ಪಶುಮ್ ।
ತಸ್ಮಾದ್ಬ್ರಾಹ್ಮಣೋ ಗಾಯತ್ರೀಛನ್ದಾ ಆಗ್ನೇಯೋ ದೇವತಯಾ ।
ತಸ್ಮಾದು ಮುಖಂ ಪ್ರಜಾನಾಮ್ ।
ಮುಖಾದ್ಧ್ಯೇನಮಸೃಜತ ।
ಸೋಽಕಾಮಯತ ಪ್ರೈವ ಜಾಯೇಯೇತಿ ।
ಸ ಬಾಹುಭ್ಯಾಮೇವೋರಸಃ ಪಞ್ಚದಶಂ ಸ್ತೋಮಮಸೃಜತ ತ್ರಿಷ್ಟುಭಂ ಛನ್ದೋ ಬೃಹತ್ಸಾಮೇನ್ದ್ರಂ ದೇವತಾಂ ರಾಜನ್ಯಂ ಮನುಷ್ಯಮಶ್ವಂ ಪಶುಮ್ ।
ತಸ್ಮಾದ್ರಾ ಜನ್ಯಸ್ತ್ರಿಷ್ಟುಪ್ಛನ್ದಾ ಷನ್ದ್ರೋ ದೇವತಯಾ ।
ತಸ್ಮಾದು ಬಾಹುಭ್ಯಾಂ ವೀರ್ಯಂ ಕರೋತಿ ।
ಬಾಹುಭ್ಯಾಂ ಹ್ಯೇನಮುರಸೋ ವೀರ್ಯಾದಸೃಜತ ।
ಸೋಽಕಾಮಯತ ಪ್ರೈವ ಜಾಯೇಯೇತಿ ೬೮

ಸ ಉದರಾದೇವ ಮಧ್ಯತಸ್ಸಪ್ತದಶಂ ಸ್ತೋಮಮಸೃಜತ ಜಗತೀಂ ಛನ್ದೋ ವಾಮದೇವ್ಯಂ ಸಾಮ ವಿಶ್ವಾನ್ದೇವಾನ್ದೇವತಾಂ ವೈಶ್ಯಂ ಮನುಷ್ಯಂ ಗಾಂ ಪಶುಮ್ ।
ತಸ್ಮಾದ್ವೈಶ್ಯೋ ಜಗತೀಛನ್ದಾ ವೈಶ್ವದೇವೋ ದೇವತಯಾ ।
ತಸ್ಮಾದು ಪ್ರಜನಿಷ್ಣುಃ ।
ಉದರಾದ್ಧ್ಯೇನಂ ಪ್ರಜನನಾದಸೃಜತ ।
ಸೋಽಕಾಮಯತ ಪ್ರೈವ ಜಾಯೇಯೇತಿ ।
ಸ ಪದ್ಭ್ಯಾಮೇವ ಪ್ರತಿಷ್ಠಾಯಾ ಏಕವಿಂಶಂ ಸ್ತೋಮಮಸೃಜತಾನುಷ್ಟುಭಂ ಛನ್ದೋ ಯಜ್ಞಾಯಜ್ಞೀಯಂ ಸಾಮ ನ ಕಾಂ ಚನ ದೇವತಾಂ ಶೂದ್ರಂ ಮನುಷ್ಯಸ್ಮವಿಂ ಪಶುಮ್ ।
ತಸ್ಮಾಚ್ಛೂದ್ರೋ ಽನುಷ್ಟುಪ್ಛನ್ದಾ ವೇಶ್ಮಪತಿದೇವಃ ।
ತಸ್ಮಾದು ಪಾದಾವನೇಜ್ಯೇನೈವ ಜಿಜೀವಿಷತಿ ।
ಪದ್ಭ್ಯಾಂ ಹ್ಯೇನಂ ಪ್ರತಿಷ್ಠಾಯಾ ಅಸೃಜತ ।
ಏತಯಾ ವೈ ಸೃಷ್ಟ್ಯಾ ಪ್ರಜಾಪತಿಃ ಪ್ರಜಾ ಅಸೃಜತ ।
ಸ ಯ ಏತದೇವಂ ವೇದ ಭೂಮಾನಮೇವ ಪ್ರಜಯಾ ಪಶುಭಿರ್ಗಚ್ಛತಿ ।
ತಸ್ಮಾದ್ವೇತಂ ಯಜ್ಞಂ ಭೂಯಿಷ್ಠಂ ಪ್ರಶಂಸನ್ತಿ ಯದಗ್ನಿಷ್ಟೋಮಮ್ ।
ಪ್ರಜಾಪತಿಯಜ್ಞೋ ಹ್ಯೇಷಃ ೬೯

ಪ್ರಜಾಪತಿಃ ಪ್ರಜಾಭ್ಯ ಊರ್ಜಂ ವ್ಯಭಜತ್ ।
ತದುದುಮ್ಬರಸ್ಸಮಭವತ್ ।
ಪ್ರಜಾಪತಿರುದ್ಗಾತಾ ಪ್ರಾಜಾಪತ್ಯ ಉದುಮ್ಬರಃ ।
ವೃಣುತೇಽನ್ಯಾನೃತ್ವಿಜೋ ನೋದ್ಗಾತಾರಮ್ ।
ಯದುದ್ಗಾತಾ ಪ್ರಥಮೇನ ಕರ್ಮಣೌದುಮ್ಬರೀಮನ್ವಾರಭತೇ ಸ್ವಯೈವ ತದ್ದೇವತಯಾತ್ಮಾನಮಾರ್ತ್ವಿಜ್ಯಾಯ ವೃಣೀತೇ ।
ತಾಮನ್ವಾರಭತೇ ಆಯೋಷ್ಟ್ವಾ ಸದನೇ ಸಾದಯಾಮ್ಯವತಶ್ಛಾಯಾಯಾಂ ಸಮುದ್ರ ಸ್ಯ ಹೃದಯೇ ।
ನಮಸ್ಸಮುದ್ರಾ ಯ ನಮಸ್ಸಮುದ್ರ ಸ್ಯ ಚಕ್ಷಸೇ ।
ಮಾ ಮಾ ಯೋನೋರ್ವಾಂ ಹಾಸೀಃ ಇತಿ ।
ಯದಾಹ ಆಯೋಷ್ಟ್ವಾ ಸದನೇ ಸಾದಯಾಮಿ ಇತಿ ಯಜ್ಞೋ ವಾ ಆಯುಸ್ತಸ್ಯೈತತ್ಸದನಂ ಕ್ರಿಯತೇ ।
ಅವತಶ್ಛಾಯಾಯಾಮಿತಿ ।
ಯಜ್ಞೋ ವಾ ಅವತಿಃ ।
ತಸ್ಯೈಷಾ ಛಾಯಾ ಕ್ರಿಯತೇ ಯತ್ಸದಃ ।
ಸಮುದ್ರ ಸ್ಯ ಹೃದಯೇ ಇತಿ ।
ಮಧ್ಯತೋ ವಾ ಆತ್ಮನೋ ಹೃದಯಮ್ ।
ತಸ್ಮಾನ್ಮಧ್ಯತಸ್ಸದಸ ಔದುಮ್ಬರೀಮೀಯತೇ ।
ನಮಸ್ಸಮುದ್ರಾ ಯ ನಮಸ್ಸಮುದ್ರ ಸ್ಯ ಚಕ್ಷಸೇ ಇತಿ ।
ವಾಗ್ವೈ ಸಮುದ್ರೋ ಮನಸ್ಸಮುದ್ರ ಸ್ಯ ಚಕ್ಷಃ ।
ಏತಾಭ್ಯಾಮೇವೈತದ್ದೇವತಾಭ್ಯಾಂ ನಮಸ್ಕರೋತಿ ।
ಆರ್ತ್ವಿಜ್ಯಂ ಕರಿಷ್ಯನ್ಮಾ ಮಾ ಯೋನೋರ್ವಾಂ ಹಾಸೀಃ ಇತಿ ಸಾಮ ವೈ ಯೋನೋರ್ವಾಂ ಸಾಮ್ನ ಏವೈತನ್ನಮಸ್ಕರೋತಿ ।
ಆರ್ತ್ವಿಜ್ಯಂ ಕರಿಷ್ಯನ್ನೈನಂಸಾಮಾವಹತೇ ।
ನ ಸಾಮನ್ಯಾಮಾರ್ತಿಮಾರ್ಛತಿ ।
ನ ಸಾಮ್ನೋ ಹೀಯತೇ ಯ ಏವಂ ವಿದ್ವಾನ್ಸಾಮ್ನೇ ನಮಸ್ಕರೋತಿ ।
ಯ ಏವೈನಮುಪವದತಿ ಸ ಆರ್ತಿಮಾರ್ಛತಿ ೭೦

ಪ್ರಜಾಪತೇರ್ವಾ ಏತದುದರಂ ಯತ್ಸದಃ ।
ಊರ್ಗುದುಮ್ಬರಃ ।
ಯನ್ಮಧ್ಯತಸ್ಸದಸ ಔದುಮ್ಬರೀಮೀಯತೇ ಮಧ್ಯತ ಏವೈತತ್ಪ್ರಜಾನಾಮನ್ನಮೂರ್ಜಂ ದಧಾತಿ ।
ತಸ್ಮಾನ್ಮಧ್ಯತೋಽಶನಮಶಿತಂ ಧಿನೋತಿ ।
ತಸ್ಮಾದ್ಯತ್ರೈಷಾ ಯಾತಯಾಮ್ನೀ ಕ್ರಿಯತೇ ತತ್ಪ್ರಜಾ ಅಶನಾಯುಕಾ ಭವನ್ತಿ ।
ಪೋಷುಕಾ ಹ ತ್ವೈ ಭವನ್ತಿ ।
ಉಪಸ್ಪೃಶ್ಯಾಂ ನೋಪಸ್ಪೃಶ್ಯಾಮಿತಿ ಮೀಮಾಂಸನ್ತೇ ।
ಸರ್ವಂ ವಾವೇದಮಾತ್ಮನ್ವತ್ ।
ಯಸ್ತ್ವಾ ಅನ್ನಮಭೀವ ಕಾಮಯತೇ ತಮೇವೈತದ್ಭೂಯಿಷ್ಠಂ ದ್ವೇಷ್ಟಿ ।
ಯದುಪಸ್ಪೃಶೇದನ್ನಾದ್ಯಂ ಪ್ರಥಮೇತ್ ।
ಯನ್ನೋಪಸ್ಪೃಶೇದನ್ನಾದ್ಯಾದಾತ್ಮಾನಮನ್ತರ್ಯಾತ್ ।
ಉಪಸ್ಪೃಶ್ಯ ನಸ್ವಾಸ್ಪೃಷ್ಟೇನೈವೋದ್ಗೇಯನ್ನಾನ್ನಾದ್ಯಂ ಪ್ರಥಮತಿ ನಾನ್ನಾದ್ಯಾದಾತ್ಮಾನಮನ್ತರೇತಿ ।
ಸಾಮ ದೇವಾನಾಮನ್ನಮೂರ್ಗುದುಮ್ಬರಃ ।
ಯದುದ್ಗಾತೌದುಮ್ಬರೀಂ ಶ್ರಯತೇ ಸಾಮನ್ನೇವೈತದ್ದೇವಾನಾಮನ್ನಮೂರ್ಜಂ ದಧಾತಿ ।
ತಸ್ಮಾದ್ಯತ್ರ ಸಾಮ್ನಾರ್ತ್ವಿಜ್ಯಂ ಕುರ್ವನ್ತಿ ತದೇವ ದೇವಾ ಭೂಯಿಷ್ಠಮಿವಾದನ್ತಿ ೭೧

ಪ್ರಜಾಪತಿರುದ್ಗಾತೋರ್ಗುದುಮ್ಬರಃ ।
ಸ ಏಷ ಊರ್ಜಿ ಶ್ರಿತಃ ಪ್ರಜಾಪತಿಃ ಪ್ರಜಾಭ್ಯ ಊರ್ಜಮನ್ನಾದ್ಯಂ ವಿಭಜತಿ ।
ಉದಙ್ಙಾಸೀನ ಉದ್ಗಾಯತಿ ।
ಉದೀಚೀಮೇವ ತದ್ದಿಶಮೂರ್ಜಾ ಭಾಜಯತಿ ।
ಪ್ರತ್ಯಙ್ಙಾಸೀನಃ ಪ್ರಸ್ತೌತಿ ।
ಪ್ರತೀಚೀಮೇವ ತದ್ದಿಶಮೂರ್ಜಾ ಭಾಜಯತಿ ।
ದಕ್ಷಿಣಾಸಿನಃ ಪ್ರತಿಹರತಿ ।
ದಕ್ಷಿಣಾಮೇವ ತದ್ದಿಶಮೂರ್ಜಾ ಭಾಜಯತಿ ।
ಪ್ರಾಞ್ಚೋಽನ್ಯ ಋತ್ವಿಜ ಆರ್ತ್ವಿಜ್ಯಂ ಕುರ್ವನ್ತಿ ।
ಪ್ರಾಚೀಮೇವ ತದ್ದಿಶಮೂರ್ಜಾ ಭಾಜಯನ್ತಿ ।
ತಸ್ಮಾದೇಷಾ ದಿಶಾಂ ವೀರ್ಯವತ್ತಮೋಪಜೀವನೀಯತಮಾ ಭೂಯಿಷ್ಠೈಃ ಪ್ರೀತಾ ।
ತಸ್ಮಾದ್ಯತ್ಪ್ರಜಾ ಅವೃತ್ತಿಂ ನೀಯನ್ತಿ ಪ್ರಾಚೀರೇವ ಯನ್ತಿ ।
ಏಷಾ ಹಿ ದಿಶಾಂ ವೀರ್ಯವತ್ತಮೋಪಜೀವನೀಯತಮಾ ಭೂಯಿಷ್ಠೈಃ ಪ್ರೀತಾ ।
ಯದುದೀಚೀನದೇವತ್ಯಾ ಉದ್ಗಾತಾರೋಽಥ ಕಸ್ಮಾದ್ವಿಪರ್ಯಾವೃತ್ಯ ದಿಶ ಆರ್ತ್ವಿಜ್ಯಂ ಕುರ್ವನ್ತೀತ್ಯಾಹುಃ ।
ಬ್ರೂಯಾದ್ದಿಶಾಮಭಿಷ್ಟ್ಯೈ ದಿಶಾಮಭಿಪ್ರೇತ್ಯೈ ।
ತಸ್ಮಾತ್ಸರ್ವಾಸು ದಿಕ್ಷ್ವನ್ನಂ ವಿದ್ಯತ ಇತಿ ।
ಉದ್ದಿವಂ ಸ್ತಭಾನಾನ್ತರಿಕ್ಷಂ ಪೃಣ ಪೃಥಿವೀಮುಪರೇಣ ದೃಂಹ ।
ದ್ಯುತಾನಸ್ತ್ವಾ ಮಾರುತೋ ಮಿನೋತು ಮಿತ್ರಾವರುಣಯೋರ್ಧ್ರುವೇಣ ಧರ್ಮಣಾ ।
ಘೃತೇನ ದ್ಯಾವಾಪೃಥಿವೀ ಆ ಪ್ರೀಣೀಥಾಮ್ ।
ಸುಪಿಪ್ಪಲಾ ಓಷಧೀಃ ಕೃಧಿ ಸ್ವಾಹಾ ಇತ್ಯೌದುಮ್ಬರೀಮಭಿಜುಹೋತಿ ।
ಇಮಾನೇವೈತಲ್ಲೋಕಾನ್ರಸೇನಾನಕ್ತಿ ೭೨

ಪ್ರಜಾಪತಿಃ ಪ್ರಜಾ ಅಸೃಜತ ।
ಸೋಽಗ್ನಿಮಪಿ ಮುಖಾದಸಿಸೃಕ್ಷತ ।
ಸೋಽಗ್ನಿರ್ಮುಖಾದ್ಬೀಭತ್ಸಮಾನ ಊರ್ಧ್ವಂ ಉದ್ದ್ರುತ್ಯ ಮಸ್ತಿಷ್ಕಮುದ್ಧತ್ಯಾಸೃಜ್ಯತ ।
ತಂ ದೇವಾಶ್ಚರ್ಷಯಶ್ಚೋಪಸಮೇತ್ಯಾಬ್ರುವನ್ವಿತುನ್ನೋಽಯಂ ಮಸ್ತಿಷ್ಕೋ ಮಾಮುಯಾ ಭೂತ್ಕರವಾಮೇಮಂ ಕಸ್ಯಾಂ ಚಿತಾಚಿತೀತಿ ।
ತೇ ಬೃಹಸ್ಪತಿಮಬ್ರುವನ್ಸೋಮಮಸ್ಮಿನ್ಗೃಹಾಣೇತಿ ।
ಸ ಬೃಹಸ್ಪತಿರಬ್ರವೀತ್ಸ ವಾ ಅಯಂ ಕ್ರೂರ ಇವಾಪೂತೋಽಮೇಧ್ಯೋಽಶೃತಂಕೃತ ಇತಿ ।
ವಯಂ ತ ಏತಂ ಪೂತಂ ಮೇಧ್ಯಂ ಶೃತಂಕೃತಂ ಕುರ್ಮ ಇತ್ಯಬ್ರುವನ್ ।
ತಂ ವೈ ಮ ಆಹರತೇತಿ ।
ತಥೇತಿ ।
ತಮಸ್ಮೈ ಪ್ರಾಯಚ್ಛನ್ ।
ತಂ ಪ್ರತ್ಯಗೃಹ್ಣಾದ್ದೇವಸ್ಯ ತ್ವಾ ಸವಿತುಃ ಪ್ರಸವೇಽಶ್ವಿನೋರ್ಬಾಹುಭ್ಯಾಂ ಪೂಷ್ಣೋ ಹಸ್ತಾಭ್ಯಾಂ ಪ್ರತಿಗೃಹ್ಣಾಮಿ ಇತಿ ।
ದೇವಾಙ್ಗೈರ್ವಾವೈನಂ ತತ್ಪ್ರತ್ಯಗೃಹ್ಣಾತ್ ।
ತಂ ಪ್ರತಿಗೃಹ್ಯಾಪವಯತ್
ವಸವಸ್ತ್ವಾ ಪುನನ್ತು ಗಾಯತ್ರೇಣ ಛನ್ದಸಾ ಸುಪ್ರಜಾವನಿಂ ರಾಯಸ್ಪೋಷವನಿಮ್
ರುದ್ರಾ ಸ್ತ್ವಾ ಪುನನ್ತು ತ್ರೈಷ್ಟುಭೇನ ಛನ್ದಸಾ ಸುಪ್ರಜಾವನಿಂ ರಾಯಸ್ಪೋಷವನಿಮ್
ಆದಿತ್ಯಾಸ್ತ್ವಾ ಪುನನ್ತು ಜಾಗತೇನ ಛನ್ದಸಾ ಸುಪ್ರಜಾವನಿಂ ರಾಯಸ್ಪೋಷವನಿಮ್
ಇತಿ ।
ಛನ್ದೋಭಿಶ್ಚ ವಾವೈನಂ ತದ್ದೇವತಾಭಿಶ್ಚಾಪವಯತ್ ।
ತಂ ಪವಯಿತ್ವಾ ಪಶ್ಚಾದಕ್ಷಂ ಸಾದಯತಿ ಬಾರ್ಹಸ್ಪತ್ಯಮಸಿ ವಾನಸ್ಪತ್ಯಂ ಪ್ರಜಾಪತೇರ್ಮೂರ್ಧಾತ್ಯಾಯುಪಾತ್ರಮಿತಿ ।
ಯದಾಹ ಬಾರ್ಹಸ್ಪತ್ಯಮಸಿ ಇತಿ ಬೃಹಸ್ಪತಿರ್ಹ್ಯೇತಮಗ್ರೇ ಪ್ರತ್ಯಗೃಹ್ಣಾತ್ ।
ಯದಾಹ ವಾನಸ್ಪತ್ಯಮಿತಿ ವನಸ್ಪತಿಭ್ಯೋ ಹ್ಯೇನಮಧಿಕುರ್ವನ್ತಿ ।
ಯದಾಹ ಪ್ರಜಾಪತೇರ್ಮೂರ್ಧಾ ಇತಿ ಪ್ರಜಾಪತೇರ್ಹ್ಯೇಷ ಮೂರ್ಧಾಸೀತ್ ।
ಯದಾಹ ಅತ್ಯಾಯುಪಾತ್ರಮಿತ್ಯತಿ ಹ್ಯೇತದನ್ಯಾನಿ ಪಾತ್ರಾಣಿ ಪಾತ್ರಮ್ ।
ಯದೇತದ್ದೇವಪಾತ್ರಂ ಪ್ರಥಮಂ ಯುಜ್ಯತ ಉತ್ತಮಂ ವಿಮುಚ್ಯತೇ ತೇನೈವಾತ್ಯನ್ಯಾನಿ ಪಾತ್ರಾಣಿ ।
ಪ್ರ ಶ್ರೇಯಸಃ ಪಾತ್ರಮಾಪ್ನೋತಿ ಯ ಏವಂ ವೇದ ।
ತಂ ಪಶ್ಚಾದಕ್ಷಂ ಸಾದಯಿತ್ವಾ ಗಾಯತ್ರಂ ವಿಶ್ವರೂಪಾಸು ಗಾಯತಿ ೭೩

ನಮಃ ಪಿತೃಭ್ಯಃ ಪೂರ್ವಸದ್ಭ್ಯೋ ನಮಸ್ಸಾಕಂನಿಷದ್ಭ್ಯಃ
ಯುಜ್ಯೇ ವಾಚಂ ಶತಪದೀಂ ಗಾಯೇ ಸಹಸ್ರವರ್ತನೀಮ್
ಗಾಯತ್ರಂ ತ್ರೈಷ್ಟುಭಂ ಜಗದ್ವಿಶ್ವಾ ರೂಪಾಣಿ ಸಂಭೃತಮ್
ದೇವಾ ಓಕಾಂಸಿ ಚಕ್ರಿರೇ
ಇತಿ ।
ಯನ್ನಮಃ ಪಿತೃಭ್ಯಃ ಪೂರ್ವಸದ್ಭ್ಯಃ ಇತಿ ಪಿತರೋ ವಾ ಅತ್ರ ಪೂರ್ವ ಉಪಸೀದನ್ತಿ ।
ನ ತೇಭ್ಯ ಏವೈತನ್ನಮಸ್ಕರೋತಿ ನಮಸ್ಸಾಕಂನಿಷದ್ಭ್ಯಃ ಇತಿ ಯೈರೇವ ಬ್ರಾಹ್ಮಣೈಸ್ಸಹೋಪಸೀದತ್ಯಾರ್ತ್ವಿಜ್ಯಂ ಕರಿಷ್ಯಂಸ್ತೇಭ್ಯ ಏವೈತನ್ನಮಸ್ಕರೋತಿ ।
ಯುಜ್ಯೇ ವಾಚಂ ಶತಪದೀಮಿತಿ ವಾಚಮೇವೈತಚ್ಛತಪದೀಂ ಯುಙ್ಕ್ತೇ ।
ಗಾಯೇ ಸಹಸ್ರವರ್ತನೀಮಿತಿಯುಕ್ತಾಮೇವೈನಾಮೇತತ್ಸಹಸ್ರವರ್ತನೀಂ ಭೂತಾಂ ಗಾಯತಿ ।
ಗಾಯತ್ರಂ ತ್ರೈಷ್ಟುಭಂ ಜಗದಿತಿ ಏತಾನಿ ವೈ ತ್ರೀಣಿ ಸವನಾನಿ ತಾನ್ಯೇವೈತಾನ್ಯಾತ್ಮನ್ಪರಿಗೃಹ್ಣೀತೇ ।
ವಿಶ್ವಾ ಓಕಾಂಸಿ ಚಕ್ರಿರೇ ಇತಿ ಸದೇವಮೇವೈತೇನ ಯಜ್ಞಂ ಕುರುತೇ ೭೪

ಕುಸುರ್ವಿನ್ದೋ ಹೌದ್ದಾಲಕಿಸ್ಸೋಮಾನಾಮುಜ್ಜಗೌ ।
ತಮು ಹಾಸಿತಮೃಗಾ ಕಶ್ಯಪಾನಾಂ ಪುತ್ರಾ ಊಚುಃ ಕೋ ನು ನೋಽಯಂ ನೃಶಂಸಕೋಽನ್ತ ಉದ್ಗಾಯತ್ಯೇತೇಮಮನುವ್ಯಾಹರಿಷ್ಯಾಮ ಇತಿ ।
ತೇಽನುವ್ಯಾಹರಿಷ್ಯನ್ತ ಆಸ್ತಾವಮುಪಸೇದುಃ ।
ಸ ಹೋವಾಚ ನಮೋ ಬ್ರಾಹ್ಮಣಾ ಅಸ್ತು ಪುರಾ ವಾ ಅಹಮದ್ಯ ಪ್ರಾತರನುವಾಕಾದ್ಗಾಯತ್ರೇಣ ವಿಶ್ವರೂಪಾಸು ಯಜ್ಞಂ ಸಮಸ್ಥಾಪಯಮ್ ।
ಸ ಯಥಾ ಗೋಭಿರ್ಗವಾಯಮಿತ್ವಾ ಶ್ರಮಣಮಬಲಮನುಸಂನುದೇದೇವಂ ವಾವೇದಂ ಯಜ್ಞಶರೀರಮನುಸಂನುದಾಮ ಇತಿ ।
ತೇ ಹೋತ್ಥಾಯ ಪ್ರವವ್ರಜುರ್ನಮೋಽಸ್ಮೈ ಬ್ರಾಹ್ಮಣಾಯಾಸ್ತು ವಿದಾಂ ವಾ ಅಯಮಿದಂ ಚಕಾರೇತಿ ।
ಪುರಾ ಹ ವಾ ಅಸ್ಯ ಪ್ರಾತರನುವಾಕಾದ್ಗಾಯತ್ರೇಣ ವಿಶ್ವರೂಪಾಸು ಯಜ್ಞಸ್ಸಂಸ್ಥಿತೋ ಭವತಿ ಯ ಏವಂ ವೇದ ೭೫

ತದಾಹುಃ ಅಧ್ವರ್ಯೋ ಕಿಂ ಸ್ತುತಂ ಸ್ತೋತ್ರಂ ಹೋತಾ ಪ್ರಾತರನುವಾಕೇನಾನ್ವಶಂಸೀದಿತಿ ।
ಅಕರ್ಮ ವಯಂ ತದ್ಯದಸ್ಮಾಕಂ ಕರ್ಮ ಇತ್ಯಾಹ ಹೋತಾರಂ ಪೃಚ್ಛತ ಇತಿ ।
ಹೋತಃ ಕಿಂ ಸ್ತುತಂ ಸ್ತೋತ್ರಂ ಪ್ರಾತರನುವಾಕೇನಾನ್ವಶಂಸೀಃ ಇತಿ ।
ಅಕರ್ಮ ವಯಂ ತದ್ಯದಸ್ಮಾಕಂ ಕರ್ಮ ಇತ್ಯಾಹ ಉದ್ಗಾತಾರಂ ಪೃಚ್ಛತ ಇತಿ ।
ಉದ್ಗಾತಃ ಕಿಂ ಸ್ತುತಂ ಸ್ತೋತ್ರಂ ಹೋತಾ ಪ್ರಾತರನುವಾಕೇನಾನ್ವಶಂಸೀದಿತಿ ।
ಅಕರ್ಮ ವಯಂ ತದ್ಯದಸ್ಮಾಕಂ ಕರ್ಮ ಇತಿ ಬ್ರೂಯಾದಗಾಸಿಷ್ಮ ಯದತ್ರ ಗೇಯಮಿತಿ ।
ತಂ ಯದಿ ಬ್ರೂಯುಃ ತಮಾಂಸಿ ವಾ ಅಗಾಸೀರ್ನ ಜ್ಯೋತೀಂಷಿ ಅಗಾಸಿಷಂ ಯುಷ್ಮಾನೇವ ತಮಸಾ ಪಾಪ್ಮನಾ ವಿಧ್ಯಾನಿ ಇತಿ ।
ತಮಸಾ ಚೈವೈನಾಂಸ್ತತ್ಪಾಪ್ಮನಾ ಚ ವಿಧ್ಯತಿ ೭೬

ಪಶ್ಚಾತ್ಪ್ರಾಞ್ಚ ಉಪಸೀದನ್ತಿ ।
ವಾಚಮೇವೈತನ್ಮುಖತೋಽವರುನ್ಧತೇ ।
ಯತ್ಪುರಸ್ತಾತ್ಪ್ರಾಞ್ಚ ಉಪಸೀದೇಯುರ್ವಾಚಂ ಪೃಷ್ಠತಃ ಕುರ್ವೀರನ್ ।
ವಾಗೇಷಾಮುಪದಾಸುಕಾ ಸ್ಯಾತ್ ।
ವಾಗ್ವೈ ದೇವೇಭ್ಯೋಽಪಾಕ್ರಾಮತ್ ।
ಸಾ ವನಸ್ಪತೀನ್ಪ್ರಾವಿಶತ್ ।
ಸೈಷ ಯಾಕ್ಷೇ ।
ಯದಧೋಽಧೋಽಕ್ಷಂ ದ್ರೋ ಣಕಲಶಂ ಪ್ರೋಹನ್ತಿ ದೈವೀಮೇವೈತದ್ವಾಚಮವರುನ್ದ್ಧೇ ।
ಉದ್ಗಾತಾರ ಉದ್ಗೀಥಾಯಾಧೋಽಧೋಽಕ್ಷಂ ದ್ರೋ ಣಕಲಶಂ ಪ್ರೋಹನ್ತಿ ।
ಅಸ್ಮಾದೇವೈತಲ್ಲೋಕಾದ್ದ್ವಿಷನ್ತಂ ಭ್ರಾತೃವ್ಯಮನ್ತರೇತಿ ಯ ಏವಂ ವೇದ ।
ನಾಕ್ಷಮುಪಸ್ಪೃಶೇತ್ ।
ಯದಕ್ಷಮುಪಸ್ಪೃಶೇದ್ಭ್ರಾತೃವ್ಯೇ ಶ್ರಿಯಮೃಞ್ಜ್ಯಾತ್ ।
ಅನ್ತರಾ ಚಕ್ರೌ ಪ್ರೋಹತಿ ।
ತಸ್ಮಾದ್ಯದನ್ತರಾ ಚಕ್ರಾವನಸಸ್ತದುಪಜೀವನೀಯತಮಮ್ ।
ತಸ್ಮಾದನ್ತರಾ ಶಮ್ಯೇ ಯುಕ್ತೋ ಭುನಕ್ತಿ ೭೭

ವಸವೋ ವಾ ಏತಮಗ್ರೇ ಪ್ರೌಹನ್ ।
ತೇಽಶ್ರಾಮ್ಯನ್ ।
ತೇ ರುದ್ರಾ ನಾಹ್ವಯನ್ ।
ತಂ ರುದ್ರಾ ಃ! ಪ್ರೌಹನ್ ।
ತೇಽಶ್ರಾಮ್ಯನ್ ।
ತ ಆದಿತ್ಯಾನಾಹ್ವಯನ್ ।
ತಮಾದಿತ್ಯಾಃ ಪ್ರೌಹನ್ ।
ತಂ ಪ್ರೋಹತಿ ವಸವಸ್ತ್ವಾ ಪ್ರೋಹನ್ತು ಗಾಯತ್ರೇಣ ಛನ್ದಸಾ ।
ರುದ್ರಾ ಸ್ತ್ವಾ ಪ್ರೋಹನ್ತು ತ್ರೈಷ್ಟುಭೇನ ಛನ್ದಸಾ ।
ಆದಿತ್ಯಾಸ್ತ್ವಾ ಪ್ರೋಹನ್ತು ಜಾಗತೇನ ಛನ್ದಸಾ ಇತಿ ।
ದೇವತಾನಾಮೇವೈನಂ ತತ್ಪ್ರೌಢಿಮನುಪ್ರೋಹತಿ ।
ದೇವಸ್ಯ ತ್ವಾ ಸವಿತುಃ ಪ್ರಸವೇಽಶ್ವಿನೋರ್ಬಾಹುಭ್ಯಾಂ ಪೂಷ್ಣೋ ಹಸ್ತಾಭ್ಯಾಂ ಪ್ರೋಹಾಮಿ ಇತಿ ವಾ ಪ್ರೋಹೇತ್ ।
ದೇವಾಙ್ಗೈರೇವೈನಂ ತತ್ಪ್ರೋಹತಿ ।
ಬೃಹಸ್ಪತಿರ್ವಾ ಏತಮಗ್ರೇ ಪ್ರೌಹತ್ ।
ಸ ರೂಪೇಣ ವರ್ಚಸಾ ವ್ಯಾರ್ಧ್ಯತ ।
ಸ ಷಕ್ಷತ ಕಾಸ್ಯ ಪ್ರಾಯಶ್ಚಿತ್ತಿರಿತಿ ।
ತಾಂ ದ್ರೋ ಣಕಲಶ ಏವ ಪರ್ಯಪಶ್ಯತ್ ।
ತಮಭ್ಯಮೃಶತ್ತನೂಪಾ ಅಸಿ ತನ್ವಂ ಮೇ ಪಾಹಿ ।
ವರ್ಚೋಧಾ ಅಸಿ ವರ್ಚೋ ಮೇ ಧೇಹಿ ।
ಆಯುರ್ಧಾ ಅಸ್ಯಯುರ್ಮೇ ಧೇಹಿ ।
ವಯೋಧಾ ಅಸಿ ವಯೋ ಮೇ ಧೇಹಿ ಇತಿ ।
ಯದೇವಾಸ್ಯ ತತ್ರಾತ್ಮನೋ ಮೀಯತೇ ತದೇತೇನಾಪ್ಯಾಯನಮ್ ।
ಏತೇನೈವೋದ್ಗಾತಾಭಿಮೃಶತಿ ತನೂಪಾ ಅಸಿ ತನ್ವಂ ಮೇ ಪಾಹಿ ।
ವರ್ಚೋಧಾ ಅಸಿ ವರ್ಚೋ ಮೇ ಧೇಹಿ ।
ಆಯುರ್ಧಾ ಅಸ್ಯಯುರ್ಮೇ ಧೇಹಿ ।
ವಯೋಧಾ ಅಸಿ ವಯೋ ಮೇ ಧೇಹಿ ಇತಿ ।
ಯದೇವಾಸ್ಯಾತ್ರಾತ್ಮನೋ ಮೀಯತೇ ತದೇತೇನೈವಾಪ್ಯಾಯತೇ ।
ದ್ವಯಂ ವಾವೇದಂ ಬ್ರಹ್ಮ ಚೈವ ಕ್ಷತ್ರಂ ಚ ।
ತದುಭಯಂ ದ್ರೋ ಣಕಲಶೇ ।
ಉಭಯಂ ಬ್ರಹ್ಮ ಚ ಕ್ಷತ್ರಂ ಚಾವರುನ್ದ್ಧೇ ಯ ಏವಂ ವೇದ ೭೮

ಸಂಮುಖಾನ್ಗ್ರಾವ್ಣಃ ಕೃತ್ವಾಭಿಮೃಶತಿ ಶ್ಯೇನಾ ಅಜಿರಾ ಋತಸ್ಯ ಗರ್ಭಾಃ ಪ್ರಯುತೋ ನಪಾತಃ ಪರ್ವತಾನಾಂ ಕಕುಭ ಆ ನಸ್ತಂ ವೀರಂ ವಹತ ಯಂ ಬಹವ ಉಪಜೀವಾಮೋ ಅಭಿಶಸ್ತಿಕೃತಮನಭಿಶಸ್ತೇನ್ಯಮನ್ಯಸ್ಯಾಭಿಶಸ್ತ್ಯಾಃ ಕರ್ತಾರಮಿತಿ ।
ಆ ಹೈವಾಸ್ಯ ವೀರೋ ಜಾಯತೇಽಭಿಶಸ್ತಿಕೃದನಭಿಶಸ್ತೇನ್ಯೋಽನ್ಯಸ್ಯಾಭಿಶಸ್ತ್ಯಾಃ ಕರ್ತಾ ।
ದ್ರೋ ಣಕಲಶಮಧ್ಯೂಹತಿ ಇದಮಹಂ ಮಾಂ ಬ್ರಹ್ಮವರ್ಚಸೇಽಧ್ಯೂಹಾಮಿ ಇತಿ ।
ಯದ್ಯಸ್ಯಾವರುದ್ಧೋ ರಾಜನ್ಯಸ್ಸ್ಯಾದ್ವಿಮುಖಾನ್ಗ್ರಾವ್ಣಃ ಕೃತ್ವಾ ತೂಷ್ಣೀಂ ದ್ರೋ ಣಕಲಶಮಧ್ಯೂಹ್ಯ ತಮವಹ್ವಾರಯನ್ದಕ್ಷಿಣಾ ನಿರೂಹೇದಿದಮಹಮಮುಂ ವಿಶೋ ನಿರೂಹಾಮೀದಮಸ್ಯ ರಾಷ್ಟ್ರಂ ನ್ಯುಬ್ಜಾಮಿ ಇತಿ ನ್ಯಞ್ಚಂ ದ್ರೋ ಣಕಲಶಂ ನ್ಯುಬ್ಜೇತ್ ।
ಸಂಮುಖಾನ್ಗ್ರಾವ್ಣಃ ಕೃತ್ವಾ ಯೋಽಸ್ಯ ರಾಜನ್ಯಸ್ಸ್ಯಾತ್ತಸ್ಯ ನಾಮ ಗೃಹೀತ್ವಾ ದ್ರೋ ಣಕಲಶಮಧ್ಯೂಹೇದಿದಮಹಮಮುಂ ವಿಶ್ಯಧ್ಯೂಹಾಮಿ ಇತಿ ।
ಅಪೇತರೋ ರುಧ್ಯತೇಽವೇತರೋ ಗಚ್ಛತಿ ।
ಸ ಯದ್ಯೇನಮವಗತ್ಯ ನಾದ್ರಿ ಯೇತ ತಂ ಕಾಮಯೇತ ಅತ್ರೈವಾನ್ತರವರುದ್ಧೋಽಸ್ತ್ವಿತಿ ।
ವಿಮುಖಾನ್ಗ್ರಾವ್ಣಃ ಕೃತ್ವಾ ತೂಷ್ಣೀಂ ದ್ರೋ ಣಕಲಶಮಧ್ಯೂಹ್ಯ ಇಮಾ ಪಾಂಶುಸವನಃ ಇತಿ ಗ್ರಾವಾ ।
ತಮುಪರಿಷ್ಟಾದಭಿನಿದಧ್ಯಾದಿದಮಹಮಮುಷ್ಮಿನ್ವಿಶ್ಯಧ್ಯೂಹಾಮಿ ಇತಿ ।
ಅಭಿಪ್ರಕ್ಷೀಣಾನಾಹೀನಂ ವಿತಿಷ್ಠತಿ ।
ಸ ಯದ್ಯೇನಂ ವಿದಿತ್ವೋಪಧಾವೇದಸ್ಮಿನ್ವಾವೇದಂ ಬ್ರಾಹ್ಮಣೇಽಧ್ಯಾಸ ಯದಿದಮಸ್ಮೈ ವಚನೇ ವಚೇತಿ ।
ಸಂಮುಖಾನ್ಗ್ರಾವ್ಣಃ ಕೃತ್ವಾ ದ್ರೋ ಣಕಲಶಮಧ್ಯೂಹೇದಿದಮಹಮಮುಂ ವಿಶ್ಯಧ್ಯೂಹಾಮಿ ಇತಿ ।
ಈಶೇ ಸ್ವಾನಾಮಪೈನಂ ಸ್ಯಾಶ್ಚಾಯನ್ತ್ಯನನ್ತರಮವರುದ್ಧೋ ಭವತಿ ೭೯

ರಾಷ್ಟ್ರಂ ವೈ ದ್ರೋ ಣಕಲಶೋ ವಿಶೋ ಗ್ರಾವಾಣಃ ।
ಯದ್ದ್ರೋಣಕಲಶಶ್ಶಿಥಿಲಸ್ಸ್ಯಾದ್ರಾ ಷ್ಟ್ರಂ ಶಿಥಿಲಂ ಸ್ಯಾತ್ ।
ತದನು ವಿಶೋ ವಿಶಮನು ಯಜಮಾನೋ ಯಜಮಾನಮನು ಪ್ರಜಾಃ ।
ತಂ ದೃಂಹತಿ ದೇವೀ ತ್ವಾ ಧಿಷಣೇ ನಿಪಾತಾಂ ಧ್ರುವೇ ಸದಸಿ ಸೀದೇಷ ಊರ್ಜೇ ಸೀದ ಇತಿ ।
ಇಮೇ ವೈ ದೇವೀ ಧಿಷಣೇ ಇದಂ ಧ್ರುವಂ ಸದಃ ।
ಏಭಿರೇವೈನಂ ತಲ್ಲೋಕೈರ್ದೃಂಹತಿ ಇಷ ಊರ್ಜೇ ಸೀದ ಇತಿ ವರ್ಷಂ ವಾ ಇಷೇ ಯದುಪರಿಷ್ಟಾದ್ವರ್ಷಸ್ಯೈಧತೇ ತದೂರ್ಜೇ ತದೇವೈತೇನಾವರುನ್ದ್ಧೇ ।
ಸ್ವರ್ಭಾನುರ್ವಾ ಆಸುರ ಆದಿತ್ಯಂ ತಮಸಾವಿಧ್ಯತ್ ।
ತಂ ದೇವಾಶ್ಚರ್ಷಯಶ್ಚಾಭಿಷಜ್ಯನ್ ।
ತೇಽತ್ರಿಮಬ್ರುವನ್ನೃಷೇ ತ್ವಮಿದಮಪಜಹೀತಿ ।
ತಥೇತಿ ।
ತದತ್ರಿ ಅಪಾಹನ್ ।
ತೇಽಬ್ರುವನ್ಯೋ ನಸ್ತಮಸಾ ವಿದ್ಧೇಭ್ಯೋ ಜ್ಯೋತಿರವಿದಜ್ಜ್ಯೋತಿರಸ್ಯ ಭಾಗಧೇಯಮಸ್ತ್ವಿತಿ । ತದೇತದತ್ರಿಹಿರಣ್ಯಂ ಹ್ರಿಯತೇ ।
ಶತಮಾನಂ ಹ ಸ್ಮ ಪುರಾ ಹ್ರಿಯತೇ ।
ಅಥೈತರ್ಹಿ ಯಾವದೇವ ಕಿಯಚ್ಚ ದದತಿ ತತ್ ।
ಏತದ್ಧ ವಾವ ಸರ್ವೇಷು ಲೋಕೇಷು ಜ್ಯೋತಿರ್ಯದ್ಧಿರಣ್ಯಮ್ ।
ಸರ್ವೇಷು ಲೋಕೇಷು ಜ್ಯೋತಿರ್ಧತ್ತೇ ಯ ಏವಂ ವಿದ್ವಾನತ್ರಿಹಿರಣ್ಯಂ ದದಾತಿ ೮೦

ಸ ಯತ್ಪ್ರಥಮಮಪಾಹನ್ಸಾ ಕೃಷ್ಣಾವಿರಭವತ್ ।
ಯದ್ದ್ವಿತೀಯಮಪಾಹನ್ಸಾ ಧೂಮ್ರಾವಿರಭವತ್ ।
ಯತ್ತೃತೀಯಮಪಾಹನ್ಸಾ ಫಾಲ್ಗುನ್ಯವಿರಭವತ್ ।
ಸ ಯಂ ಕಾಮಯೇತ ಪಾಪೀಯಾನ್ಸ್ಯಾದಿತಿ ಕೃಷ್ಣಮಸ್ಯ ಪವಿತ್ರೇಽಪ್ಯಸ್ಯೇತ್ಪಾಪೀಯಾನೇವ ಭವತಿ ।
ಅಥ ಯಂ ಕಾಮಯೇತ ನಾರ್ವಾಙ್ನ ಪರಸ್ಸ್ಯಾದಿತಿ ಧೂಮ್ರಮಸ್ಯ ಪವಿತ್ರೇಽಪ್ಯಸ್ಯೇನ್ನೈವಾರ್ವಾಙ್ನ ಪರೋ ಭವತಿ ।
ಅಥ ಯಂ ಕಾಮಯೇತ ಶ್ರೇಯಾನ್ಸ್ಯಾದ್ರುಚಮಶ್ನುವೀತೇತಿ ಫಾಲ್ಗುನಮಸ್ಯ ಪವಿತ್ರಂ ಕುರ್ಯಾಚ್ಛ್ರೇಯಾನೇವ ಭವತಿ ರುಚಮಶ್ನುತೇ ।
ಅಸ್ತಿ ಹಿ ತತ್ರಾಪ್ಯಾದಿತ್ಯಸ್ಯ ನ್ಯಕ್ತಮ್ ।
ತದನ್ತರೇಷೇ ಅವಹೃತ್ಯ ಸಂಮಾರ್ಷ್ಟಿ ವಸವಸ್ತ್ವಾ ಸಂಮೃಜನ್ತು ಗಾಯತ್ರೇಣ ಛನ್ದಸಾ ।
ರುದ್ರಾ ಸ್ತ್ವಾ ಸಂಮೃಜನ್ತು ತ್ರೈಷ್ಟುಭೇನ ಛನ್ದಸಾ ।
ಆದಿತ್ಯಾಸ್ತ್ವಾ ಸಂಮೃಜನ್ತು ಜಾಗತೇನ ಛನ್ದಸಾ ಇತಿ ।
ತದ್ತದುದೀಚೀನದಶಂ ಪವಿತ್ರವತ್ಯಾ ವಿತನೋತಿ ಪವಿತ್ರಂ ತೇ ವಿತತಂ ಬ್ರಹ್ಮಣಸ್ಪತೇ ಇತಿ ಸಮಷ್ಟ್ಯೈ ।
ತಪೋಷ್ಪವಿತ್ರಂ ವಿತತಂ ದಿವಸ್ಪದೇ ಇತಿ ಸ್ವರ್ಗಕಾಮಸ್ಯ ।
ಅರೂರುಚದುಷಸಃ ಪೃಶ್ನಿರಗ್ರಯುಃ ಇತಿ ಪ್ರಜಾಕಾಮಸ್ಯ ।
ಸರ್ವಾಭಿರೇವ ವಿತನುಯಾದೇತೇಷಾಂ ಸರ್ವೇಷಾಂ ಕಾಮಾನಾಮುಪಾಪ್ತ್ಯೈ ।
ರಾಜಾನಮಾನಯತಿ ।
ತಮಭಿಮನ್ತ್ರಯತೇ ಸ ಪವಸ್ವ ಸುಧಾಮಾ ದೇವಾನಾಮಭಿ ಪ್ರೈಯಾಣಿ ಧಾಮ ।
ತ್ರಿರ್ದೇವೇಭ್ಯೋಽಪವಥಾಸ್ತ್ರಿರಾದಿತ್ಯೇಭ್ಯಸ್ತ್ರಿರಙ್ಗಿರೋಭ್ಯಃ ।
ಯೇನ ತುರ್ಯೇಣ ಬ್ರಹ್ಮಣಾ ಬೃಹಸ್ಪತಯೇಽಪವಥಾಸ್ತೇನ ಮಹ್ಯಂ ಪವಸ್ವ ।
ಸ ನಃ ಪವಸ್ವ ಶಂ ಗವೇ ಶಂ ಜನಾಯ ಶಮರ್ವತೇ
ಶಂ ರಾಜನ್ನೋಷಧೀಭ್ಯಃ
ಇತಿ ।
ಶಮೇವೋದ್ಗಾತ್ರೇ ಭವತಿ ಶಂ ಯಜಮಾನಾಯ ಶಂ ಪ್ರಜಾಭ್ಯಃ ।
ಅಧ್ವರ್ಯುರಾಗ್ರಾಯಣಂ ಗ್ರಹಂ ಗೃಹ್ಣನ್ಹಿಂಕರೋತಿ ।
ತದೇವ ಹಿಂಕೃತಂ ಭವತಿ ।
ಅಥೋದ್ಗಾತ್ರೈಕರ್ಚೋ ಗಾಯತ್ರಂ ಗಾಯತಿ ಉಚ್ಚಾ ತೇ ಜಾತಮನ್ಧಸಾ ಇತಿ ।
ಸ ಉದಿತ್ಯೇವೇತೋ ದೇವೇಭ್ಯೋ ಹವ್ಯಂ ವಹತಿ ದಿವಿ ಸದ್ಭೂಮ್ಯಾ ದದೇ ಇತ್ಯಮುತೋ ವೃಷ್ಟಿಮಾಚ್ಯಾವಯತಿ ।
ತಾವಿಮೌ ಲೋಕೌ ಸವಾಸಿನೌ ಕರೋತಿ ।
ತಾವಸ್ಮೈ ಕಾಮಂ ಪಿನ್ವಾತೇ ।
ಕಾಮಮಸ್ಮಾ ಇಮೌ ಲೋಕೌ ಪಿನ್ವಾತೇ ಯ ಏವಂ ವೇದ ೮೧

ಕ್ರೂರಮಿವ ವಾ ಏತದ್ಯಜ್ಞಸ್ಯ ಕುರ್ವನ್ತಿ ಯದ್ಧವಿಧಾನೇ ಗ್ರಾವಭಿಸ್ಸೋಮಂ ರಾಜಾನಂ ಹತ್ವಾ ಬಹಿಷ್ಪವಮಾನಂ ಸರ್ಪನ್ತಿ ।
ಕಾ ತಸ್ಯ ಪ್ರಾಯಶ್ಚಿತ್ತಿರಿತ್ಯಾಹುರಪ ಉಪಸ್ಪೃಶೇಯುಃ ।
ಆಪೋ ವೈ ಸರ್ವಸ್ಯ ಶಾನ್ತಿಃ ।
ಅದ್ಭಿರೇವೈನತ್ತಚ್ಛಮಯನ್ತಿ ।
ವಾಗ್ವಾ ಏತಸ್ಮಾ ಅಗ್ರೇಽಧ್ವನೇಽತನ್ದ್ರಾ ಯತ ಬಹಿಷ್ಪವಮಾನಂ ಸರ್ಪನ್ತೀ ।
ತಾಂ ಪ್ರಜಾಪತಿರಬ್ರವೀದ್ಭಾಗಧೇಯಂ ತೇ ಕರೋಮ್ಯಥ ಸರ್ಪೇತಿ ।
ಬಹಿಷ್ಪವಮಾನಂ ಸಪ್ಸ್ಯನ್ಹೋಮಂ ಜುಹುಯಾಜ್ಜುಷ್ಟೋ ವಾಚೋ ಭೂಯಾಸಂ ಜುಷ್ಟೋ ವಾಚಸ್ಪತ್ಯುಃ ।
ದೇವಿ ವಾಗ್ಯತ್ತೇ ವಾಚೋ ಮಧುಮತ್ತಸ್ಮಿನ್ಮಾ ಧಾಃ ।
ಸ್ವಾಹಾ ಸರಸ್ವತ್ಯೈ ಇತಿ ।
ಯತ್ಸರಸ್ವತ್ಯೈ ಸ್ವಾಹಾ ಇತಿ ಜುಹುಯಾದ್ವಾಚಂ ಸರಸ್ವತೀಂ ಸ್ವಾಹಾಕಾರೇಣ ಪರಿಗೃಹ್ಣೀಯಾತ್ ।
ಅಥ ಯತ್ಸ್ವಾಹಾ ಸರಸ್ವತ್ಯೈ ಇತಿ ಜುಹೋತಿ ವಾಚಂ ತದುತ್ತರಾಂ ಸ್ವಾಹಾಕಾರಾದ್ದಧಾತಿ ।
ತಯಾ ಪರಿಗೃಹೀತಯಾ ಯಜ್ಞಂ ತನುತೇ ।
ವಾಚಾ ಹ್ಯೂರ್ಧ್ವೋ ಯಜ್ಞಸ್ತಾಯತೇ ।
ವೇಕುರಾ ನಾಮಾಸಿ ಪ್ರೇಷಿತಾ ದಿವ್ಯಾಯ ಕರ್ಮಣೇ ಶಿವಾ ನಸ್ಸುಯಮಾ ಭವ ।
ಸತ್ಯಾಶೀರ್ಯಜಮಾನಾಯ ಸ್ವಾಹಾ ಇತಿ ವಾ ಜುಹುಯಾತ್ ।
ವಾಗ್ವೈ ವೇಕುರಾ ।
ಬ್ರಹ್ಮ ವಾಕ್ ।
ಬ್ರಹ್ಮಣ ಏವ ತದ್ವಾಚೇ ಹೋಮಂ ಹುತ್ವಾ ಸರ್ಪತಿ ನಾರ್ತಿಮಾರ್ಛತಿ ೮೨

ಅರಣ್ಯಮಿವ ವಾ ಏತೇ ಯನ್ತಿ ಯೇ ಬಹಿಷ್ಪವಮಾನಂ ಸರ್ಪನ್ತಿ ।
ತಾನೀಶ್ವರೋ ರಕ್ಷೋ ವಾ ಹನ್ತೋರನ್ಯಾ ವಾ ನಂಷ್ಟೃಆ ।
ಅಥ ದ್ವಿತೀಯಾಂ ಜುಹೋತಿ ಸೂರ್ಯೋ ಮಾ ದೇವೋ ದಿವ್ಯೇಭ್ಯೋ ರಕ್ಷೋಭ್ಯಃ ಪಾತು ವಾತ ಆನ್ತರಿಕ್ಷೇಭ್ಯೋಽಗ್ನಿಃ ಪಾರ್ಥಿವೇಭ್ಯಸ್ಸ್ವಾಹಾ ಇತಿ ।
ಯ ಏವೈಷಾಂ ಲೋಕಾನಾಮಧಿಪತಯಸ್ತೇಭ್ಯ ಏವೈತದಾತ್ಮಾನಂ ಪರಿದಾಯ ಸರ್ಪತಿ ನಾರ್ತಿಮಾರ್ಛತಿ ।
ಪ್ರಜಾಪತಿರ್ಯದ್ಯಜ್ಞಮಸೃಜತ ತಂ ಹವಿರ್ಧಾನ ಏವಾಸೃಜತ ।
ಸ ಸೃಷ್ಟ ಉದಙ್ಪ್ರಾದ್ರ ವತ್ ।
ತಮೇತದತ್ರಾಪ್ತ್ವಾಸ್ತುವನ್ ।
ಯತ್ರೈತದುದಞ್ಚಯಿತ್ವಾ ಬಹಿಷ್ಪವಮಾನೇನ ಸ್ತುವನ್ತಿ ಯಜ್ಞಮೇವೈತದಾಪ್ತ್ವಾ ಸ್ತುವನ್ತಿ ।
ಯೋ ವೈ ದೈವ್ಯಂ ವಾಜಿನಂ ವೇದ ವಾಜೀ ಭವತಿ ।
ಯಜ್ಞೋ ವಾವ ದೈವ್ಯೋ ವಾಜೀ ।
ಯ ಇನ್ನು ಮಾನುಷಂ ವಾಜಿನಮಶಾನ್ತಮಸಂಮೃಷ್ಟಮಾರೋಹತಿ ತಮಿನ್ನು ಸ ಹಿನಸ್ತಿ ವಾ ಪ್ರ ವಾ ಕ್ಷಿಣೋತಿ ।
ಅಥ ಕಿಂ ಯೋ ದೈವ್ಯಂ ವಾಜಿನಮಶಾನ್ತಮಸಂಮೃಷ್ಟಮಾರೋಹಾತ್ ೮೩

ಅಧ್ವರ್ಯುಃ ಪ್ರಸ್ತರಂ ಹರನ್ಸರ್ಪತಿ ।
ತಮನುಮನ್ತ್ರಯತೇ ಏತದಹಂ ದೈವ್ಯಂ ವಾಜಿನಂ ಸಂಮಾರ್ಜ್ಮಿ ಇತಿ ।
ಸಂಮೃಷ್ಟಮೇವೈನಂ ಶಾನ್ತಮಾರೋಹತಿ ನಾರ್ತಿಮಾರ್ಛತಿ ।
ದೇವಕ್ಷೇತ್ರಂ ವಾ ಏಷೋಽಧ್ಯವಸ್ಯತಿ ಯಸ್ಸೋಮಸ್ಯೋದ್ಗಾಯತಿ ।
ಯ ಇನ್ನು ಮಾನುಷಾಯ ಕ್ಷೇತ್ರಪತಯೇಽಪ್ರೋಚ್ಯಾವಸ್ಯತಿ ತಮಿನ್ನು ಸ ಹಿನಸ್ತಿ ವಾ ಪ್ರ ವಾ ಯಾಪಯತಿ ।
ಅಥ ಕಿಂ ಯೋ ದೈವ್ಯಾಯ ಕ್ಷೇತ್ರಪತಯೇಽಪ್ರೋಚ್ಯಾವಸ್ಯಾತ್ ।
ಸೋಮೋದ್ಗಾಯೋದ್ಗಾಯ ಸೋಮ ಇತ್ಯಾಹ ।
ಸೋಮೋ ವೈ ದೇವಾನಾಂ ಕ್ಷೇತ್ರಪತಿಃ ।
ಸೋಮಾಯೈವ ತದ್ದೇವಾನಾಂ ಕ್ಷೇತ್ರಪತಯೇ ಪ್ರೋಚ್ಯೋದ್ಗಾಯತಿ ನಾರ್ತಿಮಾರ್ಛತಿ ।
ಮಹ್ಯಂ ತೇಜಸೇ ಮಹ್ಯಂ ಬ್ರಹ್ಮವರ್ಚಸಾಯ ಮಹ್ಯಮನ್ನಾದ್ಯಾಯ ಮಹ್ಯಂ ಭೂಮ್ನೇ ಮಹ್ಯಂ ಪುಷ್ಟ್ಯೈ ಮಹ್ಯಂ ಪ್ರಜನನಾಯ ಪ್ರಜಾನಾಂ ಭೂಮ್ನೇ ಪ್ರಜಾನಾಂ ಪುಷ್ಟ್ಯೈ ಪ್ರಜಾನಾಂ ಪ್ರಜನನಾಯ ಸೋಮಸ್ಯ ರಾಜ್ಞೋ ರಾಜ್ಯಾಯ ಮಮ ಗ್ರಾಮಣೇಯಾಯ ಇತಿ ।
ಗ್ರಾವೋ ಹ ಸ್ಮಾಹ ಮೈತ್ರೇಯಃ ಕಿಂ ಮಮೇಕಸ್ಮಾ ಆಗಾಸ್ಯಾಮಿ ಕಿಮೇಕಸ್ಮಾ ಇತಿ ।
ಏತೇನ ಹ ಸ್ಮ ವೈ ಸ ತದಾಹ ಸೋಮೋದ್ಗಾಯೋದ್ಗಾಯ ಸೋಮೇದಮಮುಷ್ಮಾ ಇದಮಮುಷ್ಮೈ ಇತಿ ।
ತೇ ಹ ಸ್ಮಾಸ್ಮೈ ಕಾಮಾಸ್ಸಮೃಧ್ಯನ್ತೇ ।
ದೇವಪಾಶಾ ವಾ ಏತೇ ವಿತಾಯನ್ತೇ ಯದ್ಧಿಷ್ಣ್ಯಾ ಅಗ್ನಯೋ ವಿಹ್ರಿಯನ್ತೇ ।
ತಾನ್ಯೋ ವಿದ್ವಾನಭ್ಯವೈತಿ ದೇವಪಾಶಾನ್ಪ್ರತಿಮುಞ್ಚತೇ ।
ಏಷಾ ವೈ ಯಜ್ಞಸ್ಯ ದ್ವಾರ್ಯದನ್ತರಾಗ್ನೀಧ್ರಂ ಚ ಚಾತ್ವಾಲಂ ಚ ।
ತಯಾಭ್ಯವೇಯಾತ್ ।
ತಯೋದೇಯಾತ್ ।
ಧಾ ವೈ ನಾಮ ವೇದಿಃ ।
ತಾಮಭ್ಯವಯನ್ಬ್ರೂಯಾದ್ಧಾ ಅಸಿ ಸುಧಾಂ ಮೇ ಧೇಹಿ ।
ಆಯುಷ್ಮನ್ತಸ್ತ್ವದ್ವರ್ಚಸ್ವನ್ತ ಉದ್ಗೇಷ್ಮ ಇತಿ ।
ನ ದೇವಪಾಶಾನ್ಪ್ರತಿಮುಞ್ಚತೇ ನಾರ್ತಿಮಾರ್ಛತಿ ೮೪

ಪ್ರಾಣಾನ್ವೈ ತತ್ಸಂತತ್ಯ ಸ್ವರ್ಗಂ ಲೋಕಂ ಸರ್ಪನ್ತಿ ಯದನ್ತರ್ಹವಿರ್ಧಾನೇ ಗ್ರಹಾನ್ಗೃಹೀತ್ವಾ ಬಹಿಷ್ಪವಮಾನಂ ಸರ್ಪನ್ತಿ ।
ಸಂತತಾಸ್ಸರ್ಪನ್ತಿ ।
ಸಂತತ ಇವ ವೈ ಸ್ವರ್ಗೋ ಲೋಕಃ ।
ಸ್ವರ್ಗಸ್ಯೈವ ಲೋಕಸ್ಯ ಸಂತತ್ಯಾ ಅವ್ಯವಚ್ಛೇದಾಯ ।
ಪ್ರಾವಭ್ರಾ ಇವ ಸರ್ಪನ್ತಿ ।
ಪ್ರತಿಕೂಲಮಿವ ವಾ ಇತಸ್ಸ್ವರ್ಗೋ ಲೋಕಃ ।
ತದ್ಯಥಾ ವಾ ಅದಃ ಪ್ರತಿಕೂಲಮುದ್ಯನ್ಪ್ರಾವಭ್ರ ಇವ ಭವತ್ಯೇವಮೇವೈತತ್ ।
ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯಾ ಅನಪವ್ಯಾಧಾಯ ।
ಅಧ್ವರ್ಯುಃ ಪ್ರಥಮಸ್ಸರ್ಪತಿ ಪ್ರಾಣೋ ಯಜ್ಞಸ್ಯ ।
ತಸ್ಮಾದ್ಯದವಚ್ಛಿದ್ಯೇರನ್ಪ್ರಾಣಾದವಚ್ಛಿದ್ಯೇರನ್ಪ್ರಮಾಯುಕಾಸ್ಸ್ಯುಃ ।
ಪ್ರಸ್ತೋತಾ ದ್ವಿತೀಯಸ್ಸರ್ಪತಿ ಮುಖಂ ಸಾಮ್ನಃ ।
ತಸ್ಮಾದ್ಯದವಚ್ಛಿದ್ಯೇರನ್ಮುಖ್ಯಂ ಆರ್ತಿಮಾರ್ಛೇಯುಃ ।
ಉದ್ಗಾತಾ ತೃತೀಯಸ್ಸರ್ಪತಿ ಸರ್ವದೇವತ್ಯಃ ಪ್ರಜಾಪತಿಃ ।
ತಸ್ಮಾದ್ಯದವಚ್ಛಿದ್ಯೇರನ್ಸರ್ವಜ್ಯಾನಿಂ ಜೀಯೇರನ್ ।
ಪ್ರತಿಹರ್ತಾ ಚತುರ್ಥಸ್ಸರ್ಪತಿ ತುರೀಯಂ ಸಾಮ್ನಃ ।
ತಸ್ಮಾದ್ಯದವಚ್ಛಿದೇರಂಸ್ತುರೀಯೇಣಾತ್ಮನೋ ಯಾತಯೇಯುಃ ।
ಯಜಮಾನಃ ಪಞ್ಚಮಸ್ಸರ್ಪತಿ ।
ಪಾಙ್ಕ್ತೋ ಯಜ್ಞಃ ಪಾಙ್ಕ್ತಾಃ ಪಶವಃ ।
ತಸ್ಮಾದ್ಯದವಚ್ಛಿದ್ಯೇರನ್ಯಜ್ಞಾತ್ಪಶುಭ್ಯೋಽವಚ್ಛಿದ್ಯೇರನ್ ೮೫

ಬ್ರಹ್ಮಾ ಷಷ್ಠಸ್ಸರ್ಪತಿ ।
ಷಡ್ವೈ ಛನ್ದಾಂಸಿ ।
ಛನ್ದೋಭಿರೇವ ತದ್ರ ಕ್ಷಃ ಪಾಪ್ಮಾನಮಪಘ್ನತೇ ।
ಸರ್ವಂ ವಾವೈತದ್ಬ್ರಹ್ಮ ।
ಯದ್ಬ್ರಹ್ಮಾ ಪಶ್ಚಾದ್ಭವತಿ ಬ್ರಹ್ಮಣೈವ ತದ್ರ ಕ್ಷಃ ಪಾಪ್ಮಾನಮಪಹತ್ಯ ಸ್ವರ್ಗಂ ಲೋಕಂ ಸರ್ಪನ್ತಿ ।
ಪ್ರಸ್ತರಂ ಹರನ್ತಸ್ಸರ್ಪನ್ತಿ ।
ಯಜಮಾನೋ ವೈ ಪ್ರಸ್ತರೋ ಬರ್ಹಿಃ ಪ್ರಜಾಃ ।
ಯದುಪರ್ಯುಪರಿ ಬರ್ಹಿಃ ಪ್ರಸ್ತರಂ ಹರನ್ತಿ ಯಜಮಾನಮೇವ ತತ್ಪ್ರಜಾಸ್ವಧ್ಯೂಹನ್ತಿ ।
ತಸ್ಮಾದ್ಯಜಮಾನ ಉಪರ್ಯುಪರ್ಯೇವಾನ್ಯಾಃ ಪ್ರಜಾಃ ।
ಯದುಪಾಸ್ಯೇತ್ಸ್ವರ್ಗಲೋಕೋ ಯಜಮಾನಸ್ಸ್ಯಾದವಾಸ್ಮಾಲ್ಲೋಕಾಚ್ಛಿದ್ಯೇತ ।
ಯದತ್ಯಸ್ಯೇದಸ್ಮಿಁ ಲ್ಲೋಕೇ ಪ್ರತಿತಿಷ್ಠೇದವ ಸ್ವರ್ಗಾಲ್ಲೋಕಾಚ್ಛಿದ್ಯೇತ ।
ತದಾಹುರರ್ಧಾತ್ಮಾ ವಾ ಏಷ ಯಜಮಾನಸ್ಯ ಯತ್ಪತ್ನೀ ।
ಯತ್ಸಾ ಬಹಿರ್ವೇದಿ ಭವತಿ ತೇನಾಸ್ಮಾಲ್ಲೋಕಾನ್ನಾವಚ್ಛಿದ್ಯತೇ ।
ಉಪೈವಾಸ್ಯೇದಿತ್ಯುತ ವೈ ಪತ್ನೀ ನ ಭವತಿ ।
ಅಥೋ ಯದ್ಯಪಿ ಸ್ಯಾದುಪೈವಾನ್ಯದಸ್ಯೇದತ್ಯನ್ಯದಸ್ಯೇತ್ ।
ಯದುಪಾಸ್ಯತಿ ತೇನ ಸ್ವರ್ಗಲೋಕೋ ಯದತ್ಯಸ್ಯತಿ ತೇನಾಸ್ಮಾಲ್ಲೋಕಾನ್ನಾವಚ್ಛಿದ್ಯತೇ ೮೬

ಆದಿತ್ಯೋ ವಾ ಏತದತ್ರಾಗ್ರ ಆಸೀದ್ಯತ್ರೈತಚ್ಚಾತ್ವಾಲಮದೋಽಗ್ನಿಃ ।
ಸ ಇದಂ ಸರ್ವಂ ಪ್ರಾತಪತ್ ।
ತಸ್ಯ ದೇವಾಃ ಪ್ರದಾಹಾದಬಿಭಯುಃ ।
ತೇಽಬ್ರುವನ್ಸರ್ವಂ ವಾ ಅಯಮಿದಂ ಪ್ರಧಕ್ಷ್ಯತಿ ವೀಮೌ ಪರಿಹರಾಮೇತಿ ।
ತಮತಸ್ತಿಸೃಭಿರಾದದತ ತಿಸೃಭಿರನ್ತರಿಕ್ಷಾತ್ತಿಸೃಭಿರ್ದಿವಮಗಮಯನ್ ।
ಸ ತತಃ ಪರಾಙೇವಾತಪತ್ ।
ತ ಏತದಾವದುತ್ತಮಮಕ್ಷರಮಪಶ್ಯನ್ ।
ತೇನೈನಮರ್ವಾಞ್ಚಮಕುರ್ವನ್ ।
ತತ ಏತದರ್ವಾಙ್ತಪತಿ ।
ಷತೇನೋ ಏವಾವತಾಕ್ಷರೇಣಾಗ್ನಿಮಸ್ಮಿಁ ಲ್ಲೋಕೇಽದಧುಃ ।
ಸ ಯಂ ಕಾಮಯೇತ ಯಜಮಾನಸ್ಸ್ವರ್ಗಲೋಕಸ್ಸ್ಯಾದಿತಿ ಚಾತ್ವಾಲಮೇವೈನಮವಖ್ಯಾಪ್ಯೋದ್ಗಾಯೇತ್ ।
ತಮತಸ್ತಿಸೃಭಿರೇವಾದದತೇ ತಿಸೃಭಿರನ್ತರಿಕ್ಷಾತ್ತಿಸೃಭಿರ್ದಿವಂ ಗಮಯನ್ತಿ ।
ಸದೈವ ಸರ್ವಾಭಿಸ್ಸ್ತುಯುರಥೋತ್ತಮಾಮಗ್ರೇ ಬ್ರೂಯಾದಥಾವರಾಮಥಾವರಾಮ್ ।
ತಾಸ್ಸರ್ವಾ ಅರ್ವಾಚೀಃ ।
ತದು ವಾ ಆಹುಸ್ಸತ್ರೈತತ್ಪ್ರತ್ಯವರೂಢಂ ಸ್ವರ್ಗಕಾಮ್ಯಾ ವೈ ಯಜತ ಇತಿ ।
ಯದೇವಾದ ಆವದುತ್ತಮಮಕ್ಷರಂ ಭವತಿ ತೇನಾಸ್ಮಾಲ್ಲೋಕಾನ್ನಾವಚ್ಛಿದ್ಯತೇ ೮೭

ರಥನ್ತರವರ್ಣಾಮುತ್ತಮಾಂ ಗಾಯನ್ತಿ ।
ಇಯಂ ವೈ ರಥನ್ತರಮ್ ।
ಅಸ್ಯಾಮೇವೈತತ್ಪ್ರತಿತಿಷ್ಠತಿ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಏನಂ ಸೃಷ್ಟಾ ಅನ್ನಕಾಶಿನೀರಭಿತಸ್ಸಮನ್ತಂ ಪರ್ಯವಿಶನ್ ।
ತಾಭ್ಯೋ ಹಿಂಕಾರೇಣಾನ್ನಾದ್ಯಮಸೃಜತ ।
ತದಓಂಕಾರೇಣ ಸೃಷ್ಟಮವಾರಯತ ।
ಪ್ರಜಾಪತಿರೇಷ ಯದುದ್ಗಾತಾ ।
ತಮೇತತ್ಪ್ರಜಾ ಅನ್ನಕಾಶಿನೀರಭಿತಸ್ಸಮನ್ತಂ ಪರಿವಿಶನ್ತಿ ।
ತಾಭ್ಯೋ ಹಿಂಕಾರೇಣೈವಾನ್ನಾದ್ಯಂ ಸೃಜತೇ ।
ತದಓಂಕಾರೇಣ ಸೃಷ್ಟಂ ವಾರಯತೇ ।
ಸ ಯದ್ಧಿಂಕೃತ್ಯೇನಓಂಕುರ್ಯಾತ್ಪರಾಙ್ದೇವಾನ್ನಾದ್ಯಮಿಯಾತ್ ।
ಯತ್ಸಾಮ ಪ್ರಥಮಮಭಿವ್ಯಾಹರೇತ್ಕ್ಷತ್ರಂ ಬಲಮೃಚ್ಛೇತ್ ।
ಕ್ಷತ್ರಂ ಹಿ ಸಾಮ ।
ಯದೃಚಂ ಪ್ರಥಮಮಭಿವ್ಯಾಹರೇದ್ವಿಶಂ ಬಲಮೃಚ್ಛೇತ್ ।
ವಿಡ್ಢ್ಯೃಕ್ ।
ಯದ್ಯಜುಃ ಪ್ರಥಮಮಭಿವ್ಯಾಹರತಿ ಬ್ರಹ್ಮ ವೈ ಯಜುರ್ಬ್ರಹ್ಮವರ್ಚಸಮೇತತ್ಕರೋತಿ ।
ಭೂರ್ಭುವಸ್ಸ್ವಃ ।
ಮಧು ಕರಿಷ್ಯಾಮಿ ।
ಮಧು ಜನಯಿಷ್ಯಾಮಿ ।
ಮಧು ಭವಿಷ್ಯತಿ ।
ಭದ್ರಂ ಭದ್ರ ಮ್ ।
ಇಷಮೂರ್ಜಮಿತಿ ।
ಯದ್ಭೂರ್ಭುವಸ್ಸ್ವಃ ಇತ್ಯೇತದ್ವೈ ಬ್ರಹ್ಮೈತದ್ಯಜುಃ ।
ಯನ್ಮಧು ಕರಿಷ್ಯಾಮಿ ಇತಿ ಪ್ರಜಾ ವೈ ಮಧು ತಾ ಏವ ತತ್ಕರೋತಿ ।
ಯನ್ಮಧು ಜನಯಿಷ್ಯಾಮಿ ಇತಿ ಪ್ರೈವೈನಾಸ್ತಜ್ಜನಯತಿ ।
ಯನ್ಮಧು ಭವಿಷ್ಯತಿ ಇತಿ ಭೂತಿಮೇವೈನಾಸ್ತದ್ಗಮಯತಿ ।
ಭದ್ರಂ ಭದ್ರ ಮಿತಿ ಯದ್ವೈ ಪುರುಷಸ್ಯ ವಿತ್ತದ್ಭದ್ರಂ ಗೃಹಾ ಭದ್ರಂ ಪ್ರಜಾ ಭದ್ರಂ ಪಶವೋ ಭದ್ರಂ ತದೇವೈತೇನಾವರುನ್ದ್ಧೇ ।
ಇಷಮೂರ್ಜಮಿತಿ ವರ್ಷಂ ವಾ ಇಷೇ ಯದುಪರಿಷ್ಟಾದ್ವರ್ಷಸ್ಯೈಧತೇ ತದೂರ್ಜೇ ತದೇವೈತೇನಾವರುನ್ದ್ಧೇ ೮೮

ಪ್ರಜಾಪತಿಂ ಕಲ್ಪಯಿತ್ವೋದ್ಗಾಯೇತ್ ।
ಯೋ ಹ ವೈ ಪ್ರಜಾಪತಿಂ ಕಲ್ಪಯಿತ್ವೋದ್ಗಾಯತಿ ಕಲ್ಪತೇಽಸ್ಮೈ ದಿಶಃ ಪ್ರದಿಶ ಆದಿಶೋ ವಿದಿಶ ಉದ್ದಿಶೋ ದಿಶ ಇತಿ ।
ದಿಶೋ ವೈ ಪ್ರಜಾಪತಿಃ ।
ಪ್ರಜಾಪತಿಮೇವ ತತ್ಕಲ್ಪಯಿತ್ವೋದ್ಗಾಯತಿ ।
ಕಲ್ಪತೇಽಸ್ಮೈ ಯ ಏವಂ ವೇದ ।
ಕಪಿವನೋ ಹ ಸ್ಮಾಹ ಭೌವಾಯನಃ ಕಿಂ ತೇ ಯಜ್ಞಂ ಗಚ್ಛನ್ತಿ ಯದೇವ ಸೋಮಸ್ಯಾಭಕ್ಷಯಿತ್ವಾ ಪ್ರ ವಾ ಸರ್ಪನ್ತಿ ಪ್ರ ವಾ ಧಾವಯನ್ತೀತಿ ।
ಬಹಿಷ್ಪವಮಾನಮುಪಸನ್ನೇಷು ಬ್ರೂಯಾದ್ಯಂ ಬ್ರಹ್ಮಾಣಂ ಶುಚಿಮಿವ ಮನ್ಯೇತಾಹರಹಸ್ತಮಿತಿ ।
ತೇನ ಸಮುಪಹೂಯಾಥಾನುಮನ್ತ್ರಯೇತ
ಯೋ ದೇವಾನಾಮಿಹ ಸೋಮಪೀಥೋಽಸ್ಮಿನ್ಯಜ್ಞೇ ಬರ್ಹಿಷಿ ವೇದ್ಯಾಮ್
ತಸ್ಯೇದಂ ಭಕ್ಷಯಾಮಸಿ
ಇತಿ ।
ಯದಿ ಚ ಹ ಪ್ರಧಾವಯತಿ ಯದಿ ಚ ನಾಥ ಹಾಸ್ಯ ಭಕ್ಷಿತ ಏವ ದೇವಸ್ಸೋಮೋ ಭವತಿ ।
ಏತದಾಯತನಾ ವಾ ಆರಣ್ಯಾಃ ಪಶವಃ ।
ಯದ್ಬಹಿಷ್ಪವಮಾನಮರಣ್ಯೇ ಸ್ತುವನ್ತಿ ತಸ್ಮಾದಾರಣ್ಯಾಃ ಪಶವೋಽರಣ್ಯಂ ಸಚನ್ತೇ ।
ಪರಾಚೀಷು ಸ್ತುವನ್ತಿ ।
ತಸ್ಮಾದಾರಣ್ಯಾಃ ಪಶವೋಽರಣ್ಯಾದೇವಾರಣ್ಯಮಭಿಪ್ರೇರತೇ ।
ಏಕರೂಪಾಸು ಸ್ತುವನ್ತಿ ।
ತಸ್ಮಾದಾರಣ್ಯಾಃ ಪಶವ ಏಕರೂಪಾಃ ।
ಆವದುತ್ತಮಮಕ್ಷರಂ ಭವತಿ ।
ತಸ್ಮಾದೇಕೈಕೋಽನ್ಯೋಽಚಲೋ ಗ್ರಾಮೇಽಧಿಗಮ್ಯತೇ ।
ಅಥೋ ಅರಣ್ಯೇ ಹತಂ ಗ್ರಾಮಮಭ್ಯವಹರನ್ತಿ ।
ಸ್ತುತ್ವೋದ್ದ್ರವನ್ತಿ ।
ಯಜಮಾನಮೇವ ತತ್ಸ್ವರ್ಗಂ ಲೋಕಂ ಗಮಯನ್ತಿ ।
ಬಾಹೂನುದ್ಗೃಹ್ಣನ್ತಿ ।
ಯಜಮಾನಮೇವ ತತ್ಸ್ವರ್ಗೇ ಲೋಕೇ ಸಮಾದಧತಿ ।
ತೇ ವೈ ತದನೃತಂ ಕುರ್ವನ್ತಿ ಯೇ ಮರ್ತ್ಯಂ ಸನ್ತಮಮೃತತ್ವಂ ಗಮಯನ್ತಿ ।
ತೇ ರೂಪೇಣ ವರ್ಚಸಾ ವ್ಯೃಧ್ಯನ್ತೇ ।
ಸ ಯ ಏತದೇವಾನ್ಯ ಉತ್ತಿಷ್ಠೇತ್ತಮುತ್ತಿಷ್ಠನ್ತಮಾರಭ್ಯಾನೂತ್ತಿಷ್ಠೇತ್ ।
ನ ರೂಪೇಣ ವರ್ಚಸಾ ವ್ಯೃಧ್ಯತೇ ನಾರ್ತಿಮಾರ್ಛತಿ ।
ಭವಿಷ್ಯದ್ವಿಜಾನೀಯಾತ್ ।
ಯದ್ಯೇತಾಃ ಪ್ರಜಾ ದೋದ್ರುವಾ ಇವ ಸ್ಯುರ್ದೋದ್ರುವೋ ಯೋಗಕ್ಷೇಮೋ ಭವಿಷ್ಯತಿ ।
ತಯಾಯಮುದ್ಗಾತೋದಗಾಸೀದಿತಿ ವಿದ್ಯಾತ್ ।
ಯದ್ಯು ಶಾನ್ತಾ ಇವ ಸ್ಯುಶ್ಶಾನ್ತೋ ಯೋಗಕ್ಷೇಮೋ ಭವಿಷ್ಯತಿ ।
ತಥಾಯಮುದ್ಗಾತೋದಗಾಸೀದಿತಿ ವಿದ್ಯಾತ್ ।
ಏಷೋ ಹ ವಿಜ್ಞಾ ೮೯

ಉಪಾಸ್ಮೈ ಗಾಯತಾ ನರಃ ಇತಿ ಗ್ರ್ತಾಮಕಾಮೋ ಭೂತಿಕಾಮಃ ಪ್ರಜನನಕಾಮಃ ಪ್ರತಿಪದಂ ಕುರ್ವೀತ ।
ಅಸ್ಯೈ ವಾವೇದಮುಪಗಾಯನ್ತಿ ।
ಉಪ ವಾವೇದಮಸ್ಯಾಂ ಸರ್ವಮುಪೈವಾಸ್ಯಾಂ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ನರೋ ಹ ವೈ ದೇವವಿಶಃ ಕ್ಷತ್ರಂ ಸೋಮ ಇನ್ದುಃ ।
ವಿಶಂ ಚೈವೈತೇನ ಕ್ಷತ್ರಂ ಚಾವರುನ್ದ್ಧೇ ।
ಅಭಿ ದೇವಂ ಇಯಕ್ಷತೇ ಇತಿ ಸರ್ವಾ ಏವೈತೇನ ದೇವತಾ ಅನನ್ತರಾಯಮಭಿಯಜತೇ ।
ಉಪೋ ಷು ಜಾತಮಪ್ತುರಮಿತಿ ಪ್ರಜಾಕಾಮಃ ಪ್ರತಿಪದಂ ಕುರ್ವೀತ ।
ಉಪೇವ ವಾ ಆತ್ಮನ್ಪ್ರಜಯಾ ಪಶುಭಿಃ ಪ್ರಜಾಯತೇ ।
ಏತಾಂ ಏವಾಪರೇದ್ಯುಃ ಪ್ರತಿಪದಂ ಕುರ್ವೀತ ।
ಅಪ್ತುರಮಿತಿ ಹ್ಯಸ್ಯಾ ಆಪ್ತ್ವಾ ಶ್ರೇಯಾಂಸಂ ವಸೀಯಾನಾತ್ಮನಾ ಭವತಿ ।
ಗೋಭಿರ್ಭಙ್ಗಂ ಪರಿಷ್ಕೃತಮಿತಿ ।
ಯಜ್ಞೋ ವೈ ಗೋಭಿರ್ಭಙ್ಗಃ ಪಶವಃ ಪರಿಷ್ಕೃತಃ ।
ಯಜ್ಞಂ ಚೈವೈತೇನ ಪಶೂಂಶ್ಚಾವರುನ್ದ್ಧೇ ।
ಇನ್ದುಂ ದೇವಾ ಅಯಾಸಿಷುಃ ಇತಿ ।
ಯಜಮಾನೋ ವೈ ಸೋಮೋ ರಾಜೇನ್ದುಸ್ಸ್ತೋಮಾ ದೇವಾಃ ।
ಸ್ತೋಮಾ ಏವೈನಂ ಸ್ವರ್ಗಂ ಲೋಕಂ ಗಮಯನ್ತಿ ೯೦

ಪವಸ್ವ ವಾಚೋ ಅಗ್ರಿಯಃ ಇತಿ ಶ್ರೈಷ್ಠ್ಯಕಾಮಃ ಪ್ರತಿಪದಂ ಕುರ್ವೀತ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಏನಂ ಸೃಷ್ಟಾ ನಾಪಾಚಾಯನ್ ।
ಸೋಽಕಾಮಯತ ಶ್ರೈಷ್ಠ್ಯಮಾಸಾಂ ಪ್ರಜಾನಾಂ ಗಚ್ಛೇಯಮಿತಿ ।
ಸ ಏತಾಂ ಪ್ರತಿಪದಮಪಶ್ಯತ್ ।
ತಯಾಸ್ತುತ ।
ತತೋ ವೈ ಸ ತಾಸಾಂ ಪ್ರಜಾನಾಂ ಶ್ರೈಷ್ಠ್ಯಮಗಚ್ಛತ್ ।
ಗಚ್ಛತಿ ಸ್ವಾನಾಂ ಶ್ರೈಷ್ಠ್ಯಂ ಯ ಏವಂ ವೇದ ।
ಏಷೋ ಹ ವೈ ಸಮೃದ್ಧಾ ಸ್ತೋತ್ರಿಯಾ ಯಸ್ಯೈ ಪವಸ್ವ ಇತ್ಯಾರಮ್ಭಃ ।
ಸಮೃದ್ಧಯೈವಾಸ್ಯ ಸ್ತೋತ್ರಿಯಯಾ ಸ್ತುತಂ ಭವತಿ ।
ಯೋ ವೈ ದೈವ್ಯಂ ಮಿಥುನಂ ವೇದ ಪ್ರ ಮಿಥುನೇನ ಜಾಯತೇ ।
ಪವಸ್ವ ಇತಿ ಚ ವಾಚಃ ಇತಿ ಚ ದೈವ್ಯಂ ಮಿಥುನಮ್ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ಸರ್ವೇಷಾಂ ವಾ ಏಷಾ ತ್ರಯಾಣಾಂ ಸಾಮ್ನಾಂ ಪ್ರತಿಪತ್ಪವಸ್ವ ಇತಿ ವಾಮದೇವ್ಯಸ್ಯ ವಾಚಃ ಇತಿ ರಥನ್ತರಸ್ಯ ಅಗ್ರಿಯಃ ಇತಿ ಬೃಹತಃ ।
ಸರ್ವೇಷಾಮಸ್ಯ ಸಾಮ್ನಾಂ ಪ್ರತಿಪದಾ ಸ್ತುತಂ ಭವತಿ ।
ಸೋಮ ಚಿತ್ರಾಭಿರೂತಿಭಿಃ ಇತಿ ಸೋಮೋ ವೈ ದೇವಾನಾಂ ಚಿತ್ರಂ ಸೋಮೇನೈವ ದೇವಾನಾಂ ಚಿತ್ರೇಣ ಬಹುರ್ಭವತಿ ಪ್ರಜಾಯತೇ ।
ಅಭಿ ವಿಶ್ವಾನಿ ಕಾವ್ಯಾ ಇತಿ ವಿಶ್ವಮೇವೈತೇನ ಕಾವ್ಯಮವರುನ್ದ್ಧೇ ೯೧

ಪವಸ್ವೇನ್ದೋ ವೃಷಾ ಸುತಃ ಇತಿ ಜನೇ ಪ್ರತಿಷ್ಠಾಕಾಮಃ ಪ್ರತಿಪದಂ ಕುರ್ವೀತ ।
ಕೃಧೀ ನೋ ಯಶಸೋ ಜನಃ ಇತಿ ಹ್ಯಸ್ಯೈ ಯಶಸ್ಯೇವ ಜನೇ ಭವತಿ ।
ವೃಷಾ ಸುತಃ ಇತಿ ವೃಷೇವ ವೈ ಪ್ರಜನಿತೇವಾಧಿಪತಿರಿವ ತಸ್ಯಾಂ ಜನತಾಯಾಂ ಭವತಿ ಯಸ್ಯಾಮೃಧ್ಯತೇ ।
ವೃಷೇವೈವ ಪ್ರಜನಿತೇವಾಧಿಪತಿರಿವ ತಸ್ಯಾಂ ಜನತಾಯಾಂ ಭಾತಿ ಯಸ್ಯಾಂ ಭವತಿ ಯ ಏವಂ ವೇದ ।
ಸರ್ವೋ ಹ ವೈ ಜನೇ ಬುಭೂಷತೇಽರಾತೀಯತಿ ।
ವಿಶ್ವಾ ಅಪ ದ್ವಿಷೋ ಜಹಿ ಇತಿ ವಿಶ್ವಾ ಏವೈತೇನ ದ್ವಿಷೋಽಪಹತೇ ।
ತಯಾ ಪವಸ್ವ ಧಾರಯಾ ಇತಿ ಸಂಗ್ರಾಮಂ ಸಂಯತಿಷ್ಯಮಾನಸ್ಯ ಪ್ರತಿಪದಂ ಕುರ್ಯಾತ್ ।
ಯಯಾ ಗಾವ ಇಹಾಗಮಞ್ಜನ್ಯಾಸ ಉಪ ನೋ ಗೃಹಾನಿತಿ ಜನ್ಯಾ ವಾ ಏಷ ಗಾ ಆಜಿಹೀರ್ಷತಿ ಯಸ್ಸಂಗ್ರಾಮಂ ಸಂಯತತೇ ।
ಆ ಜನ್ಯಾ ಗಾ ಹರತಿ ।
ಏತಾಮೇವ ಪ್ರತಿಪದಂ ಕುರ್ವೀತ ಸನಿಂ ಪ್ರೈಷ್ಯನ್ ।
ಜನ್ಯಾ ವಾ ಏಷ ಗಾ ಆಜಿಹೀರ್ಷತಿ ಯಸ್ಸನಿಂ ಪ್ರೈತಿ ।
ಆ ಜನ್ಯಾ ಗಾ ಹರತ್ಯುಪೈನಂ ಜನ್ಯಾ ಗಾವೋ ನಮನ್ತಿ ಯ ಏವಂ ವೇದ ।
ಅಗ್ನ ಆಯೂಂಷಿ ಪವಸೇ ಇತ್ಯಾಮಯಾವಿನಃ ಪ್ರತಿಪದಂ ಕುರ್ಯಾತ್ ।
ಅಗ್ನಿಂ ವಾ ಏತಸ್ಯ ಶರೀರಮಪ್ಯೇತಿ ವಾಯುಂ ಪ್ರಾಣಃ ।
ಅಗ್ನಿನೈವಾಸ್ಯ ಪವಮಾನೇನ ಶರೀರಂ ಪ್ರಾಣೇನ ಸಂದಧಾತಿ ।
ಏತಾಮೇವಂ ಪ್ರತಿಪದಂ ಕುರ್ವೀರನ್ಯೇಷಾಂ ದೀಕ್ಷಿತಾನಾಂ ಪ್ರಮೀಯತೇ ।
ಅಪೂತಾ ಇವ ವಾ ಏತೇಽಮೇಧ್ಯಾ ಮನ್ಯನ್ತೇ ಯೇಷಾಂ ದೀಕ್ಷಿತಾನಾಂ ಪ್ರಮೀಯತೇ ।
ಅಗ್ನಿನೈವೈನಾನ್ಪವಮಾನೇನ ಪೂತಾನ್ಮೇಧ್ಯಾನ್ಕರೋತಿ ಏತಾಮೇವ ಪ್ರತಿಪದಂ ಕುರ್ವೀತ - ೯೨

- ಬ್ರಹ್ಮವರ್ಚಸಕಾಮಃ ।
ಅಗ್ನಿರ್ವೈ ದೇವಾನಾಂ ಬ್ರಹ್ಮಾ ।
ಅಗ್ನಿನೈವ ದೇವಾನಾಂ ಬ್ರಹ್ಮಣಾ ವರ್ಚಸೀ ಭವತಿ ।
ಏತಾಮೇವ ಪ್ರತಿಪದಂ ಕುರ್ವೀತಾಭಿಚರನ್ ।
ಅಗ್ನಿರ್ವೈ ದೇವಾನಾಂ ಬ್ರಹ್ಮಾ ।
ಅಗ್ನಿನೈವ ದೇವಾನಾಂ ಬ್ರಹ್ಮಣಾ ಯಂ ದ್ವೇಷ್ಟಿ ತಂ ಸ್ತೃಣುತೇ ।
ಏತಾಮೇವ ಪ್ರತಿಪದಂ ಕುರ್ವೀತಾನ್ನಾದ್ಯಕಾಮಃ ।
ಆ ಸುವೋರ್ಜಮಿಷಂ ಚ ನಃ ಇತಿ ಹ್ಯಸ್ಯಾ ಇಷಂ ಚೈವೈತೇನೋರ್ಜಂ ಚಾವರುನ್ದ್ಧೇ ।
ಏತಾಮೇವ ಪ್ರತಿಪದಂ ಕುರ್ವೀತಾಭಿಚರ್ಯಮಾಣಃ ।
ಯೋ ವಾ ಅಭಿಚರತಿ ಯೋಽಭಿದಾಸತಿ ಯಃ ಪಾಪಂ ಕಾಮಯತೇ ಸ ವೈ ದುಚ್ಛುನಃ ।
ಆರೇ ಬಾಧಸ್ವ ದುಚ್ಛುನಾಮಿತ್ಯಾರಾದೇವೈತೇನ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಮವಾಞ್ಚಮಪಬಾಧತೇ ।
ದವಿದ್ಯುತತ್ಯಾ ರುಚಾ ಇತಿ ಬ್ರಹ್ಮವರ್ಚಸಕಾಮಃ ಪ್ರತಿಪದಂ ಕುರ್ವೀತ ।
ದವಿದ್ಯುತತೀ ವೈ ಗಾಯತ್ರೀ ।
ಗಾಯತ್ರೀ ಬ್ರಹ್ಮವರ್ಚಸಮೋಜೋ ವೀರ್ಯಂ ತ್ರಿಷ್ಟುಪ್ಪ್ರಜನನಂ ಜಗತೀ ।
ಬ್ರಹ್ಮವರ್ಚಸ್ಯೋಜಸ್ವೀ ವೀರ್ಯವಾನ್ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ಪರಿಷ್ಟೋಭನ್ತ್ಯಾ ಕೃಪಾ ಸೋಮಾಶ್ಶುಕ್ರಾ ಗವಾಶಿರಃ ಇತಿ ।
ಯಜ್ಞೋ ವೈ ಸೋಮಾಶ್ಶುಕ್ರಾಃ ಪಶವೋ ಗವಾಶಿರಃ ।
ಯಜ್ಞಂ ಚೈವೈತೇನ ಪಶೂಂಶ್ಚಾವರುನ್ದ್ಧೇ ।
ಅಸ್ಯ ಪ್ರತ್ನಾಮನು ದ್ಯುತಮಿತಿ ಪ್ರತಿಪದಂ ಕುರ್ವೀತ ಯಸ್ಯ ಪಿತಾ ವಾ ಪಿತಾಮಹೋ ವಾ ಶ್ರೇಯಾನ್ಸ್ಯಾದಥಾತ್ಮನಾ ಪಾಪೀಯಾನಿವ ಮನ್ಯೇತ ।
ಯೈವಾಸ್ಯ ಪಿತ್ರ್! ಯಾ ಪೈತಾಮಹೀ ಶ್ರೀಸ್ತಾಮೇವಾಶ್ನುತೇ ।
ಶುಕ್ರಂ ದುದುಹ್ರೇ ಅಹ್ರಯಃ ಇತಿ ।
ಯಜ್ಞೋ ವೈ ಶುಕ್ರಃ ಪಶವೋಽಹ್ರಯಃ ।
ಯಜ್ಞಂ ಚೈವೈತೇನ ಪಶೂಂಶ್ಚಾವರುನ್ದ್ಧೇ ।
ಪಯಸ್ಸಹಸ್ರಸಾಮೃಷಿಮಿತಿ ।
ಪಯಸ್ವಾನೇವ ಭವತ್ಯಾಸ್ಯ ಸಹಸ್ರಸಾ ವೀರೋ ಜಾಯತೇ ೯೩

ಏತೇ ಅಸೃಗ್ರಮಿನ್ದವಃ ಇತಿ ಬಹೂನಾಂ ಸಂಯಜಮಾನಾನಾಂ ಪ್ರತಿಪದಂ ಕುರ್ಯಾತ್ ।
ಏತೇ ಇತ್ಯೇವೈನಾಞ್ಜ್ಯೈಷ್ಠ್ಯಾಯಾಭಿವದತಿ ಛನ್ದಸೈವೈನಾನ್ರೂಪಿಣಾ ಸಮಾವದ್ಭಾಜಃ ಕರೋತಿ ।
ಸಮಾವತ್ಯೇನಾನ್ಯಜ್ಞಸ್ಯಾಶೀರಾಗಚ್ಛತಿ ।
ಪ್ರಜಾಪತಿರ್ಯತ್ಪ್ರಜಾ ಅಸೃಜತ ತಾ ಏನಯೈವ ಪ್ರತಿಪದಾಸೃಜತ ।
ಏತೇ ಇತ್ಯೇವ ದೇವಾನಸೃಜತ ಅಸೃಗ್ರಮಿತಿ ಮನುಷ್ಯಾನಿನ್ದವಃ ಇತಿ ಪಿತೄಂಸ್ತಿರಃ ಪವಿತ್ರಮಿತಿ ಗ್ರಹಾನಾಶವಃ ಇತಿ ಸ್ತೋಮಾನ್ವಿಶ್ವಾನಿ ಇತ್ಯುಕ್ಥಾನಿ ಅಭಿ ಸೌಭಗಾ ಇತ್ಯೇವೈನಾಞ್ಜಾತಾನ್ಸೌಭಾಗ್ಯೇನಾಭ್ಯಾನಕ್ ।
ಪ್ರಜಾಪತಿರೇವ ಭೂತಃ ಪ್ರಜಾಸ್ಸೃಜತೇ ಯ ಏವಂ ವಿದ್ವಾನೇತಯಾ ಪ್ರತಿಪದೋದ್ಗಾಯತಿ ।
ಅಥೋ ಹೈನಾಸ್ತತ್ಸೌಭಾಗ್ಯೇನೈವಾಭ್ಯಾನಕ್ತಿ ।
ಅಸೃಕ್ಷತ ಪ್ರ ವಾಜಿನಃ ಇತಿ ತ್ರಯಾಣಾಂ ಸಂಯಜಮಾನಾನಾಂ ಪ್ರತಿಪದಂ ಕುರ್ಯಾತ್ ।
ಛನ್ದಸೈವೈನಾನ್ರೂಪಿಣಾ ಸಮಾವದ್ಭಾಜಃ ಕರೋತಿ ।
ಸಮಾವತ್ಯೇನಾನ್ಯಜ್ಞಸ್ಯಾಶೀರಾಗಚ್ಛತಿ ।
ಗವ್ಯಾ ಸೋಮಾಸೋ ಅಶ್ವಯಾ ಇತಿ ಗೋಅಶ್ವಮೇವೈಭ್ಯ ಏತೇನಾವರುನ್ದ್ಧೇ ।
ಶುಕ್ರಾಸೋ ವೀರಯಾಶವಃ ಇತಿ ಯಜ್ಞೋ ವೈ ಶುಕ್ರಃ ಪ್ರಜಾ ವೀರೋ ಯಜ್ಞಂ ಚೈವೈಭ್ಯ ಏತೇನ ಪ್ರಜಾಂ ಚಾವರುನ್ದ್ಧೇ ।
ಯುವಂ ಹಿ ಸ್ಥಃ ಸ್ವಃಪತೀ ಇತಿ ದ್ವಯೋಸ್ಸಮ್ಯಜಮಾನಯೋಃ ಪ್ರತಿಪದಂ ಕುರ್ಯಾತ್ ।
ಛನ್ದಸೈವೈನೌ ರೂಪಿಣಾ ಸಮಾವದ್ಭಾಜೌ ಕರೋತಿ ।
ಸಮಾವತ್ಯೇನೌ ಯಜ್ಞಸ್ಯಾಶೀರಾಗಚ್ಛತಿ ೯೪

ಇನ್ದ್ರ ಶ್ಚ ಸೋಮ ಗೋಪತೀ ಈಶಾನಾ ಪಿಪ್ಯತಂ ಧಿಯಃ ಇತಿ ।
ಇನ್ದ್ರ ಶ್ಚ ವೈ ಸೋಮಶ್ಚಾಕಾಮಯೇತಾಂ ಸರ್ವಾಸಾಂ ಪ್ರಜಾನಾಮೈಶ್ವರ್ಯಮಾಧಿಪತ್ಯಮಶ್ನುವೀವಹೀತಿ ।
ತಾವೇತಾಂ ಪ್ರತಿಪದಮಪಶ್ಯತಾಮ್ ।
ತಯಾಸ್ತುವತಾಮ್ ।
ತತೋ ವೈ ತೌ ಸರ್ವಾಸಾಂ ಪ್ರಜಾನಾಮೈಶ್ವರ್ಯಮಾಧಿಪತ್ಯಮಾಶ್ನುವಾತಾಮ್ ।
ಅಶ್ನುತೇ ಹ ವೈ ಸ್ವಾನಾಮೈಶ್ವರ್ಯಮಾಧಿಪತ್ಯಮೇತಯಾ ಪ್ರತಿಪದಾ ತುಷ್ಟುವಾನಃ ।
ಇನ್ದ್ರಾ ಯೇನ್ದೋ ಮರುತ್ವತೇ ಇತಿ ರಾಜನ್ಯಬನ್ಧೋಃ ಪ್ರತಿಪದಂ ಕುರ್ಯಾತ್ ।
ಷನ್ದ್ರೋ ವೈ ರಾಜನ್ಯೋ ಮಾರುತೀರ್ವಿಶಃ ।
ಕ್ಷತ್ರಾಯೈವ ತದ್ವಿಶಮನುವರ್ತ್ಮಾನಂ ಕುರ್ವನ್ತಿ ।
ತಸ್ಮಾತ್ಕ್ಷತ್ರಸ್ಯ ವಿಡನುವರ್ತ್ಮಾ ।
ಯೋ ಜಿನಾತಿ ನ ಜೀಯತೇ ಇತಿ ವಾ ಜಿನಾತ್ಯೇವ ನ ಜೀಯತೇ ।
ಹನ್ತಿ ಶತ್ರುಮಭೀತ್ಯ ಇತ್ಯನ್ಯತೋ ವಾತ್ಯೇವಾಭೀತ್ಯ ಶತ್ರುಂ ಹನ್ತಿ ನೈನಂ ಶತ್ರುಃ ಪ್ರತ್ಯುದ್ಯಾಮೀ ಭವತಿ ।
ಸ ಪವಸ್ವ ಸಹಸ್ರಜಿದಿತಿ ।
ಯೋ ವೈ ಸರ್ವಂ ಜಯತಿ ವಿಜಯತೇ ಸಃ ।
ಸರ್ವಜಿತ್ಸರ್ವಮೇವ ಜಯತಿ ।
ವಿಜಯತ ಏತಯಾ ಪ್ರತಿಪದಾ ತುಷ್ಟುವಾನಃ ೯೫

ಅಪಘ್ನನ್ಪವತೇ ಮೃಧಃ ಇತ್ಯಭಿಶಸ್ಯಮಾನಸ್ಯ ಪ್ರತಿಪದಂ ಕುರ್ಯಾತ್ ।
ಮೃಧೋ ವಾ ಏತಮಜುಷ್ಟಾಸ್ಸಚನ್ತೇ ಯಮಭಿಶಂಸನ್ತಿ ।
ಅಪ ಪಾಪೀರ್ಮೃಧೋ ಹತೇ ।
ಅಪ ಸೋಮೋ ಅರಾವ್ಣಃ ಇತಿ ।
ಅರಾವಾಣ ಇವ ಹ್ಯೇತಂ ಸಚನ್ತೇ ಯಮಭಿಶಂಸನ್ತಿ ।
ಗಚ್ಛನ್ನಿನ್ದ್ರ ಸ್ಯ ನಿಷ್ಕೃತಮಿತಿ ।
ಅನಿನ್ದ್ರಿ ಯೋ ವಾ ಏಷೋಽಪದೇವೋ ಭವತಿ ಯಮಭಿಶಂಸನ್ತಿ ।
ಇನ್ದ್ರಿ ಯಾವನ್ತಮೇವೈನಮೇತೇನ ಸದೇವಂ ಕುರ್ವನ್ತಿ ।
ಆಗ್ನಾವಾರುಣೀಆಮಯಾವಿನೋ ಜ್ಯೋಗಾಮಯಾವಿನಃ ಪ್ರತಿಪದಂ ಕುರ್ಯಾತ್ ।
ಅಗ್ನಿನಾ ವಾ ಏಷ ವರುಣೇನ ಗೃಹೀತೋ ಭವತಿ ಯ ಆಮಯಾವೀ ಜ್ಯೋಗಾಮಯಾವೀ ।
ಅಗ್ನಿನೈವೈನಮಾಗ್ನೇಯಾನ್ಮುಞ್ಚನ್ತಿ ವರುಣೇನ ವಾರುಣಾತ್ ।
ಯಸ್ಯಾಂ ವರ್ಷೀಯಸ್ಯಾಮೃಚಿ ಹ್ರಸೀಯೋ ಹ್ರಸೀಯಸ್ಯಾಂ ವಾ ವರ್ಷೀಯಸ್ತಾಂ ಆನಾಯಕಾಮಃ ಪ್ರತಿಪದಂ ಕುರ್ವೀತ ।
ವರ್ಷೀಯಸಾ ವಾ ಏಷ ಹ್ರಸೀಯಃ ಪ್ರೇಪ್ಸ್ಯತೀತಿ ಹ್ರಸೀಯಸಾ ವರ್ಷೀಯಃ ।
ಪ್ರ ಹ್ರಸೀಯಸಾ ವರ್ಷೀಯ ಆಪ್ನೋತಿ ಯ ಏವಂ ವೇದ ।
ಏಷ ದೇವೋ ಅಮರ್ತ್ಯಃ ಇತಿ ಪ್ರತಿಪದಂ ಕುರ್ವೀತ ಯಃ ಕಾಮಯೇತಾಹಮೇವೈಕಧಾ ಶ್ರೇಷ್ಠಸ್ಸ್ವಾನಾಂ ಸ್ಯಾಂ ರುಚಮಶ್ನುವೀಯೇತಿ ।
ಏಷ ಏಷಃ ಇತ್ಯೇವೈನಾಂ ಜ್ಯೇಷ್ಠ್ಯಾಯ ಶ್ರೇಷ್ಠ್ಯಾಯಾಭಿವದತಿ ।
ಏಕಧೈವ ಶ್ರೇಷ್ಠಸ್ಸ್ವಾನಾಂ ಭವತಿ ರುಚಮಶ್ನುತೇ ।
ಈಶ್ವರೋ ಹ ತ್ವಸ್ಯಾಪರಃ ಪ್ರಜಾಯಾಮೇತಾದೃಙ್ವೀರೋ ನಾಜನಿತೋಃ ।
ಏಷ ಏವ ನಾತೋಽನ್ಯ ಇತೀವ ಹ್ಯೇನಂ ವಾಗಭಿವದತಿ ।
ತದು ತ್ವೇತನ್ನ ತಥಾ ।
ದೇವೋ ಅಮರ್ತ್ಯಃ ಇತಿ ವಾ ಆಹ ।
ಅದೇವಶ್ಚ ಹ ವೈ ಸ ಮರ್ತ್ಯಶ್ಚ ಯಸ್ಯ ವೀರಸ್ಯ ಸತೋ ವೀರೋ ವೀರ್ಯವಾನ್ನಾಜಾಯತೇ ।
ಅಥ ಹ ವೈ ಸ ಏವ ದೇವಸ್ಸೋಽಮರ್ತ್ಯಓ ಯಸ್ಯ ವೀರಸ್ಯ ಸತೋ ವೀರೋ ವೀರ್ಯವಾನಾಜಾಯತೇ ।
ಆ ಹಾಸ್ಯ ವೀರಸ್ಯ ಸತೋ ವೀರೋ ವೀರ್ಯವಾಞ್ಜಾಯತೇ ಸಂಧೀಯತೇ ಪ್ರಜಯಾ ನ ವ್ಯವಚ್ಛಿದ್ಯತೇ ೯೬

ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ವಜ್ರಂ ಕ್ಷುರಪವಿಮಸೃಜನ್ತ ಪುರುಷಮೇವ ।
ತಮಸುರಾನಭ್ಯವೃಞ್ಜನ್ ।
ಸೋಽಸುರಾನಪೋಹ್ಯ ದೇವಾನಭ್ಯಾವರ್ತತ ।
ತಸ್ಮಾದ್ದೇವಾ ಅಬಿಭಯುಃ ।
ತಮಭಿಪದ್ಯ ತ್ರೇಧಾ ಸಮಶೃಣನ್ ।
ಸ ತ್ರೇಧಾ ಸಂಶೀರ್ಣ ಉದೇವಾತಿಷ್ಠತ್ ।
ತಮಾರಭ್ಯ ಪರ್ಯೈಕ್ಷನ್ತ ।
ತಸ್ಮಿನ್ದೇವತಾಶ್ಛನ್ದಾಂಸಿ ಪುರುಷೇ ಪ್ರವಿಷ್ಟಾ ಅಪಶ್ಯನ್ ।
ತೇಽಬ್ರುವನ್ದೇವತಾ ವೈ ಛನ್ದಾಂಸೀಮಾ ಅಸ್ಮಿನ್ಪುರುಷೇ ಪ್ರವಿಷ್ಠಾಃ ।
ಅಸ್ಮಿನ್ವಾ ಅಯಂ ಲೋಕೇ ಪುಣ್ಯಂ ಜೀವಿತ್ವೇಷ್ಟಾಪೂರ್ತೇನ ತಪಸಾ ಸುಕೃತೇನಾಸ್ಮಾನನ್ವಾಗಮಿಷ್ಯತೀತಿ ।
ತೇ ವೈ ತಥಾ ಕರವಾಮೇತ್ಯಬ್ರುವನ್ಯಥಾ ನೋ ನಾನ್ವಾಗಚ್ಛಾದಿತಿ ।
ತಸ್ಮೈ ವೈ ಪಾಪ್ಮಾನಮನ್ವವದಧಾಮೇತಿ ತಸ್ಮಾ ಏತಂ ಪಾಪ್ಮಾನಮನ್ವವಾದಧುಃ - ೯೭

- ಸ್ವಪ್ನಂ ತನ್ದ್ರೀ ಂ! ಮನ್ಯುಮಶನಯಾಮಕ್ಷಕಾಮ್ಯಾಂ ಸ್ತ್ರೀಕಾಮ್ಯಾಮಿತಿ ।
ಏತೇ ಹ ವೈ ಪಾಪ್ಮಾನಃ ಪುರುಷಮಸ್ಮಿಁ ಲ್ಲೋಕೇ ಸಚನ್ತೇ ।
ಯ ಏತದಗ್ನೇ ತೀರ್ತ್ವಾಸ್ಮಿಁ ಲ್ಲೋಕೇ ಸಾಧು ಚಿಕೀರ್ಷಾತ್ತತ್ತ್ವಮಸ್ಮಿಁ ಲ್ಲೋಕೇ ಧೀಪ್ಸತಾದಿತ್ಯಗ್ನಿಮಸ್ಮಿಁ ಲ್ಲೋಕೇಽದಧುಃ ।
ವಾಯುಮನ್ತರಿಕ್ಷ ಆದಿತ್ಯಂ ದಿವಿ ।
ಉಗ್ರದೇವೋ ಹ ಸ್ಮಾಹ ರಾಜನಿರ್ನಾಹಂ ಮನುಷ್ಯಾಯಾರಾತೀಯಾಮಿ ಯಾನಸ್ಮೈ ತ್ರೀನ್ದೇವಾನಾಂ ಶ್ರೇಷ್ಠಾನರಾತೀಯತೋಽಶೃಣೋಮ್ ।
ಅರಾತೀತಮರಾತೀತಂ ಹ್ಯೇವ ತಸ್ಮೈ ಯಸ್ಮಾ ಏತಾ ದೇವತಾ ಅರಾತೀಯನ್ತೀತಿ ।
ಅಥೋ ಹಾಸ್ಮಾ ಏತಾ ದೇವತಾ ನಾರಾತೀಯನ್ತಿ ಯ ಏವಂ ವೇದ ।
ಅಥೋ ಹ ತಮೇವ ಧೀಪ್ಸನ್ತಿ ಯ ಏವಂ ವಿದ್ವಾಂಸಂ ಧೀಪ್ಸತೀತಿ ।
ತೇ ದೇವಾ ಅಬ್ರುವನ್ಯಾ ಏವೇಮಾ ದೇವತಾಶ್ಛನ್ದಾಂಸಿ ಪುರುಷೇ ಪ್ರವಿಷ್ಟಾ ಏತಾಭಿರೇವಾಸುರಾನ್ಧೂರ್ವಾಮೈವೇತಿ ೯೮

ತೇಷಾಂ ಪ್ರಾಣಮೇವ ಗಾಯತ್ರ್! ಯಾವೃಞ್ಜತ ಚಕ್ಷುಸ್ತ್ರಿಷ್ಟುಭಾ ಶ್ರೋತ್ರಂ ಜಗತ್ಯಾ ವಾಚಮನುಷ್ಟುಭಾ ।
ಅಸ್ಮಾದೇವೈನಾಁ ಲ್ಲೋಕಾದ್ಗಾಯತ್ರ್! ಯಾನ್ತರಾಯನ್ನನ್ತರಿಕ್ಷಾತ್ತ್ರಿಷ್ಟುಭಾಮುಷ್ಮಾಜ್ಜಗತ್ಯಾ ಪಶುಭ್ಯೋಽನುಷ್ಟುಭಾ ।
ತಾನ್ಸರ್ವಸ್ಮಾದೇವಾನ್ತರಾಯನ್ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ಯದ್ದೇವಾ ಅಸುರಾನಧೂರ್ವಂಸ್ತದ್ಧುರಾಂ ಧೂಸ್ತ್ವಮ್ ।
ಧೂರ್ವತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಪ್ರಜಾಪತಿರ್ಯತ್ಪ್ರಜಾ ಅಸೃಜತ ತಾ ಧೂರ್ಭಿರೇವಾಸೃಜತ ।
ರೇತ ಏವ ರೇತಸ್ಯಯಾಸಿಞ್ಚತ್ಪ್ರಾಣಂ ಗಾಯತ್ರ್! ಯಾ ಸಮೈರಯಚ್ಚಕ್ಷುಸ್ತ್ರಿಷ್ಟುಭಾ ಶ್ರೋತ್ರಂ ಜಗತ್ಯಾ ವಾಚಮನುಷ್ಟುಭಾ ।
ಆತ್ಮಾನಮೇವ ಪಙ್ಕ್ತ್ಯಾ ಪ್ರತ್ಯುಪಾದಧಾತ್ ।
ಪ್ರಜಾಪತಿರೇವ ಭೂತಃ ಪ್ರಜಾಸ್ಸೃಜತೇ ಯ ಏವಂ ವಿದ್ವಾನ್ಧೂರ್ಭಿರುದ್ಗಾಯತಿ ೯೯

ರೇತಸ್ಯಾಂ ಗಾಯತಿ ।
ರೇತಸ್ತತ್ಸಿಞ್ಚತಿ ।
ಸಂತತಮಿವ ಗಾಯತಿ ।
ಸತತಿಮಿವ ವೈ ರೇತಃ ।
ಪರೋಕ್ಷಮೇವ ಪ್ರಥಮೇ ಗಾಯತಿ ।
ಪರೋಕ್ಷಮಿವ ವೈ ರೇತಃ ।
ನರ್ಚಮುಪಸ್ಪೃಶೇತ್ ।
ಯದೃಚಮುಪಸ್ಪೃಶೇದ್ರೇ ತೋ ವಿಚ್ಛಿನ್ದ್ಯಾತ್ ।
ತ್ರ್! ಯುದಾಸಾಂ ಗಾಯತಿ ।
ಪ್ರಾಣಮೇವ ಪ್ರಥಮೇನೋದಾಸೇನ ಪರಿಗೃಹ್ಣಾತ್ಯಪಾನಂ ದ್ವಿತೀಯೇನ ವ್ಯಾನಂ ತೃತೀಯೇನ ।
ತ್ರ್! ಯುದಾಸಾಂ ಗಾಯತಿ ।
ಆತ್ಮಾನಮೇವ ಪ್ರಥಮೇನೋದಾಸೇನ ಪರಿಗೃಹ್ಣಾತಿ ಜಾಯಾಂ ದ್ವಿತೀಯೇನ ಪ್ರಜಾಂ ತೃತೀಯೇನ ।
ತ್ರ್! ಯುದಾಸಾಂ ಗಾಯತಿ ।
ಇಮಮೇವ ಲೋಕಂ ಪ್ರಥಮೇನೋದಾಸೇನಾಭ್ಯಾರೋಹತ್ಯನ್ತರಿಕ್ಷಂ ದ್ವಿತೀಯೇನಮುಂ ತೃತೀಯೇನ ।
ಸ ಯೋ ಹೈವಂ ವಿದ್ವಾಂಸ್ತ್ರ್! ಯುದಾಸಾಂ ಗಾಯತ್ಯಭಿ ಹ ಭ್ರಾತೃವ್ಯಲೋಕಾಯ ವಿಜಯತೇ ।
ಸ ಯೋ ಭ್ರಾತೃವ್ಯಲೋಕಂ ಚಿಚ್ಛಿತ್ಸೇದ್ದ್ವ್ಯುದಾಸಾಮೇವ ಗಾಯೇತ್ ।
ಓಷಮಸ್ಯ ದ್ವಿಷನ್ಭ್ರಾತೃವ್ಯಃ ಪರಾಭವತಿ ಶ್ರಿಯಮಾತ್ಮನಾಶ್ನುತೇ ।
ಈಶ್ವರೋ ಹ ತು ಪ್ರಮಾಯುಕೋ ಭವಿತೋಃ ।
ಪ್ರಾಣೇಭ್ಯೋ ಹ್ಯೇತಿ ತ್ರ್! ಯುದಾಸಾಯೈ ।
ಸ ತಥೈವ ಚಿಕೀರ್ಷೇದ್ಯಥಾ ಸರ್ವಮಾಯುರಿಯಾತ್ ।
ಅನ್ಯೇನ ಭ್ರಾತೃವ್ಯಲೋಕಂ ಚಿಚ್ಛಿತ್ಸೇದ್ ।
ತ್ರ್! ಯುದಾಸಾಮೇವ ಗಾಯೇತ್ ।
ನ ಹಿಂಕುರ್ಯಾತ್ ।
ಯದ್ಧಿಂಕುರ್ಯಾದ್ವಜ್ರೇಣ ಹಿಂಕಾರೇಣ ರೇತೋ ವಿಚ್ಛಿನ್ದ್ಯಾತ್ ೧೦೦

ತದಾಹುರ್ಹಿಂಕಾರೇಣ ವೈ ಪ್ರಜಾಪತಿಃ ಪ್ರಜಾಭ್ಯೋಽನ್ನಾದ್ಯಮಸೃಜತ ।
ಯನ್ನ ಹಿಂಕುರ್ಯಾದಶನಾಯುಕಾಃ ಪ್ರಜಾಸ್ಸ್ಯುಃ ।
ಹಿಂಕುರ್ಯಾದೇವ ।
ಭೂಃ ಇತಿ ।
ಯನ್ನ ಹಿಂಕಾರಂ ವಿಸೃಜತಿ ತೇನ ರೇತೋ ವಿಚ್ಛಿನತ್ತಿ ನ ಹಿಂಕಾರಮನ್ತರೇತೀತಿ ।
ತದು ವಾ ಆಹುಃ ಮಮೃದೀಯ ಇವ ವಾ ಅತೋ ರೇತೋ ದಾರುಣತರ ಇವ ।
ಹಿಂಕಾರೋಽಪಿ ವೈನದ್ವಾಲೇನ ವಿಚ್ಛಿನ್ದ್ಯಾತ್ ।
ಹಿಂಕಾರಸ್ಯೈವ ಕಾಲೇ ಹಿಂಕಾರಂ ಮನಸಾ ಧ್ಯಾಯೇತ್ ।
ತನ್ನ ರೇತೋ ವಿಚ್ಛಿನತ್ತಿ ನ ಹಿಂಕಾರಮನ್ತರೇತೀತಿ ।
ಭೂಃ ಇತಿ ನಿಧನಂ ಕರೋತಿ ।
ಪ್ರಜಾಪತಿರ್ಯದಗ್ರೇ ವ್ಯಾಹರತ್ಸ ಭೂಃ ಇತ್ಯೇವ ವ್ಯಾಹರತ್ ।
ಸ ಇಮಾಮಸೃಜತ ।
ಸ ಯದ್ಭೂಃ ಇತಿ ನಿಧನಂ ಕರೋತ್ಯಸ್ಯಾಮೇವೈತದ್ರೇ ತಃ ಪ್ರತಿಷ್ಠಾಪಯತ್ಯಥೋ ಏನತ್ತದ್ಭೂತಿಮೇವ ಗಮಯತಿ ೧೦೧

ಗಾಯತ್ರೀಂ ಗಾಯತಿ ।
ಪ್ರಾಣೋ ವೈ ಗಾಯತ್ರೀ ।
ತಸ್ಯೈ ದ್ವೇ ಅಕ್ಷರೇ ವ್ಯತಿಷಜತಿ ।
ಪ್ರಾಣಾಪಾನಾವೇವ ತದ್ವ್ಯತಿಷಜತಿ ।
ತಸ್ಮಾತ್ಪ್ರಾಣಾಪಾನೌ ವ್ಯತಿಷಕ್ತೌ ಪ್ರಜಾ ಅನುಸಂಚರತ ಆ ಚ ಪರಾ ಚಾಯಾತಯಾಮಾನೌ ।
ಸದಿತಿ ನಿಧನಂ ಕರೋತಿ ।
ಪ್ರಾಣೋ ವೈ ಸನ್ ।
ಪ್ರಾಣ ಏವ ತತ್ಪ್ರತಿತಿಷ್ಠತಿ ।
ತ್ರಿಷ್ಟುಭಂ ಗಾಯತಿ ।
ಚಕ್ಷುರ್ವೈ ತ್ರಿಷ್ಟುಪ್ ।
ತಸ್ಯೈ ದ್ವೇ ಅಕ್ಷರೇ ದ್ಯೋತಯತಿ ।
ಚಕ್ಷುಷೀ ಏವ ತದ್ದಧಾತಿ ।
ತಸ್ಮಾದ್ಯುಕ್ತೇ ಇವ ಚಕ್ಷುಷೀ ।
ಜ್ಯೋತಿಃ ಇತಿ ನಿಧನಂ ಕರೋತಿ ।
ಚಕ್ಷುರ್ವೈ ಜ್ಯೋತಿಃ ।
ಚಕ್ಷುಷ್ಯೇವ ತತ್ಪ್ರತಿತಿಷ್ಠತಿ ।
ಜಗತೀಂ ಗಾಯತಿ ।
ಶ್ರೋತ್ರಂ ವೈ ಜಗತೀ ।
ತಸ್ಯೈ ಚತ್ವಾರ್ಯಕ್ಷರಾಣಿ ದ್ಯೋತಯತಿ ।
ಶ್ರೋತ್ರಮೇವ ತದ್ದಧಾತಿ ।
ಶ್ರೋತ್ರೇ ದ್ವೇ ಪರಿಶ್ರವಣೇ ದ್ವೇ ।
ತಸ್ಮಾತ್ಸಮಾನತ್ರ ಸನ್ಸರ್ವಾ ಅನುದಿಶಶ್ಶೃಣೋತ್ಯಪಿ ಪರಾಙ್ಯನ್ಪಶ್ಚಾದ್ವದತಶ್ಶೃಣೋತಿ ।
ಇಳಾ ಇತಿ ನಿಧನಂ ಕರೋತಿ ।
ಪಶವೋ ವಾ ಇಳಾ ।
ಪಶುಷ್ವೇತತ್ಪ್ರತಿತಿಷ್ಠತಿ ।
ಅನುಷ್ಟುಭಂ ಗಾಯತಿ ।
ವಾಗ್ವಾ ಅನುಷ್ಟುಪ್ ।
ತಾಮರ್ವಾಚೀಮಭಿನುದನ್ಗಾಯತಿ ವಾಚೋಽನಪಕ್ರಮಾಯ ।
ಯತ್ಪರಾಚೀಮಪನುದನ್ಗಾಯೇದ್ವಾಚಂ ಪ್ರಧಮೇದ್ವಾಗಸ್ಮಾದಪಕ್ರಾಮುಕಾ ಸ್ಯಾತ್ ।
ತಾಂ ಯದರ್ವಾಚೀಮಭುನುದನ್ಗಾಯತ್ಯಾತ್ಮನ್ನೇವ ತದ್ವಾಚಂ ಪ್ರತಿಷ್ಠಾಪಯತಿ ।
ತಸ್ಯೈ ನಿರುಕ್ತಂ ಚಾನಿರುಕ್ತಂ ಚ ಪದೇ ಗಾಯತಿ ।
ನಿರುಕ್ತೇನ ವೈ ವಾಚೋ ಭುಞ್ಜತೇಽನಿರುಕ್ತಮಸ್ಯಾ ಉಪಜೀವನೀಯಮ್ ।
ಭುಙ್ಕ್ತೇ ವಾಚೋಪ ಚೈನಾಂ ಜೀವತಿ ಯ ಏವಂ ವೇದ ।
ಸ ಯನ್ನಿರುಕ್ತಮೇವ ಗಾಯೇದ್ವದೇಯುರೇವ ಪ್ರಜಾ ನ ತೂಷ್ಣೀಮಾಸೀರನ್ ।
ಅಥ ಯದನಿರುಕ್ತಂ ಗಾಯೇದ್ತೂಷ್ಣೀಮೇವ ಪ್ರಜಾ ಆಸೀರನ್ನ ವದೇಯುಃ ।
ಯಸ್ಮಾನ್ನಿರುಕ್ತಂ ಚಾನಿರುಕ್ತಂ ಚ ಪದೇ ಗಾಯತಿ ತಸ್ಮಾತ್ಪ್ರಜಾ ವದನ್ತಿ ಚ ತೂಷ್ಣೀಂ ಚಾಸತೇ ।
ವಾಗಿತಿ ನಿಧನಂ ಕರೋತಿ ।
ವಾಗ್ವೈ ಬ್ರಹ್ಮ ।
ವಾಚ್ಯೇವ ತದ್ಬ್ರಹ್ಮನ್ಪ್ರತಿತಿಷ್ಠತಿ ।
ಪಙ್ಕ್ತಿಂ ಗಾಯತಿ ।
ಋತವೋ ವೈ ಪಙ್ಕ್ತಿಃ ।
ತಸ್ಯೈ ಷಡಕ್ಷರಾಣಿ ದ್ಯೋತಯತಿ ।
ಷಡ್ವಾ ಋತವಃ ।
ಋತುಷ್ವೇವ ತತ್ಪ್ರತಿತಿಷ್ಠತಿ ೧೦೨

ತದಾಹುಸ್ಸಮದಮಿವ ವಾ ಏತಚ್ಛನ್ದೋಭ್ಯಃ ಕುರ್ವನ್ತಿ ಯದ್ಗಾಯತ್ರೇ ಸತಿ ಪ್ರಾತಸ್ಸವನೇ ಸರ್ವಾಣಿ ಛನ್ದಾಂಸ್ಯಭಿಗೀಯನ್ತೇ ಯೋಧುಕಾಃ ಪ್ರಜಾ ಭವನ್ತೀತಿ ।
ಸ ಯಃ ಕಾಮಯೇತ ಶಾನ್ತಾಃ ಪ್ರಜಾ ಏಧೇರನ್ನಿತಿ ನ ಧುರೋ ವಿಗಾಯೇತ್ ।
ಅಪಶೀರ್ಷಾಣಂ ತು ಯಜ್ಞಂ ಯಜಮಾನಸ್ಯ ಕುರ್ಯಾದನೃತೇನ ದಕ್ಷಿಣಾಃ ಪ್ರತಿಗೃಹ್ಣೀಯಾತ್ ।
ಬ್ರಹ್ಮ ವೈ ಕರದಿತಿ ವೈ ಯಜಮಾನೋ ದಕ್ಷಿಣಾ ದದಾತಿ ।
ಸ ತಥೈವ ಚಿಕೀರ್ಷೇದ್ಯಥಾ ನಾಪಶೀರ್ಷಾಣಂ ಯಜ್ಞಂ ಯಜಮಾನಸ್ಯ ಕುರ್ಯಾನ್ನಾನೃತೇನ ದಕ್ಷಿಣಾಃ ಪ್ರತಿಗೃಹ್ಣೀಯಾತ್ ।
ವ್ಯೇವ ಗಾಯೇತ್ ।
ಯಸ್ತ್ವಾ ಏನಾ ವಿಜಿಗಾಸನ್ನ ಶಕ್ನೋತಿ ವಿಗಾತುಮಾರ್ತಿಮಾರ್ಚ್ಛತಿ ।
ಯದಿ ರೇತಸ್ಯಾಂ ನ ಶಕ್ನೋತಿ ವಿಗಾತುಮರೇತಸ್ಕ ಆತ್ಮನಾ ಭವತಿ ಅರೇತಸ್ಕಾ ಗರ್ಭಾ ಜಾಯನ್ತೇ ।
ಯದಿ ಗಾಯತ್ರೀಂ ನ ಶಕ್ನೋತಿ ವಿಗಾತುಂ ಪ್ರಮಾಯುಕ ಆತ್ಮನಾ ಭವತಿ ಮೃತಾ ಗರ್ಭಾ ಜಾಯನ್ತೇ ।
ಯದಿ ತ್ರಿಷ್ಟುಭಂ ನ ಶಕ್ನೋತಿ ವಿಗಾತುಮನ್ಧ ಆತ್ಮನಾ ಭವತ್ಯನ್ಧಾ ಗರ್ಭಾ ಜಾಯನ್ತೇ ।
ಯದಿ ಜಗತೀಂ ನ ಶಕ್ನೋತಿ ವಿಗಾತುಂ ಬಧಿರ ಆತ್ಮನಾ ಭವತಿ ಬಧಿರಾ ಗರ್ಭಾ ಜಾಯನ್ತೇ ।
ಯದ್ಯನುಷ್ಟುಭಂ ನ ಶಕ್ನೋತಿ ವಿಗಾತುಮಜಿಹ್ವ ಆತ್ಮನಾ ಭವತಿ ಅಜಿಹ್ವಾ ಗರ್ಭಾ ಜಾಯನ್ತೇ ।
ಯದಿ ಪಙ್ಕ್ತಿಂ ನ ಶಕ್ನೋತಿ ವಿಗಾತುಮೃತವೋ ಲುಭ್ಯನ್ತಿ ।
ಸ ಯ ಏನಾ ನಾಶಂಸೇತ ವಿಗಾತುಂ ಪರೋಕ್ಷೇಣೈವೈನಾಸ್ಸ ರೂಪೇಣ ಗಾಯೇತ್ ।
ಉಭಯೇನ ತ್ವಾವ ರೇತಸ್ಯಾ ಗೀಯತೇ ೧೦೩

ಗಾಯತ್ರ್! ಯಾಂ ಪ್ರಸ್ತುತಾಯಾಂ ಗಾಯತ್ರಮೇವ ಗಾಯನ್ಪೃಥಿವೀಂ ಮನಸಾ ಗಚ್ಛೇತ್ ।
ಪ್ರಾಣ್ಯಾಪಾನ್ಯಾನ್ಯಾತ್ ।
ಸದಿತಿ ನಿಧನಂ ಕರೋತಿ ।
ಪರೋಕ್ಷೇಣೈವೈನಾಂಸ್ತದ್ರೂ ಪೇಣ ಗಾಯತಿ ।
ತ್ರಿಷ್ಟುಭಿ ಪ್ರಸ್ತುತಾಯಾಂ ಗಾಯತ್ರಮೇವ ಗಾಯನ್ನನ್ತರಿಕ್ಷಂ ಮನಸಾ ಗಚ್ಛೇತ್ ।
ದಿದೃಕ್ಷೇತೈವಾಕ್ಷಿಭ್ಯಾಮ್ ।
ಜ್ಯೋತಿಃ ಇತಿ ನಿಧನಂ ಕರೋತಿ ।
ಪರೋಕ್ಷೇಣೈವೈನಾಂಸ್ತದ್ರೂ ಪೇಣ ಗಾಯತಿ ।
ಜಗತ್ಯಾಂ ಪ್ರಸ್ತುತಾಯಾಂ ಗಾಯತ್ರಮೇವ ಗಾಯನ್ದಿಶಃ ಪಶೂನ್ಮನಸಾ ಗಚ್ಛೇತ್ ।
ಶುಶ್ರೂಷೇತೈವ ಕರ್ಣಾಭ್ಯಾಮ್ ।
ಇಳಾ ಇತಿ ನಿಧನಂ ಕರೋತಿ ।
ಪರೋಕ್ಷೇಣೈವೈನಾಂಸ್ತದ್ರೂ ಪೇಣ ಗಾಯತಿ ।
ಅನುಷ್ಟುಭಿ ಪ್ರಸ್ತುತಾಯಾಂ ಗಾಯತ್ರಮೇವ ಗಾಯನ್ದಿವಂ ಮನಸಾ ಗಚ್ಛೇತ್ ।
ವಾಚಾ ಗಾಯನ್ವಾಗಿತಿ ನಿಧನಂ ಕರೋತಿ ।
ಪರೋಕ್ಷೇಣೈವೈನಾಂಸ್ತದ್ರೂ ಪೇಣ ಗಾಯತಿ ।
ಪಙ್ಕ್ತ್ಯಾಂ ಪ್ರಸ್ತುತಾಯಾಂ ಗಾಯತ್ರಮೇವ ಗಾಯನೃತೂನ್ಮನಸಾ ಗಚ್ಛೇತ್ ।
ಪರೋಕ್ಷೇಣೈವೈನಾಂಸ್ತದ್ರೂ ಪೇಣ ಗಾಯತಿ ।
ಓಷಮೇವೈತದುತ್ತಮಂ ತೃಚಂ ಗಾಯತಿ ।
ಪ್ರಜನನೋ ವಾ ಏಷ ತೃಚಃ ।
ಓಷಮೇವ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ಪ್ರಜಾಪತಿರ್ಯತ್ಪ್ರಜಾ ಅಸೃಜತ ತಾ ಏತೇನೈವ ತೃಚೇನಾಸೃಜತ ।
ಪವಮಾನಸ್ಯ ತೇ ಕವೇ ವಾಜಿನ್ಸರ್ಗಾ ಅಸೃಕ್ಷತ ಇತಿ ಸರ್ಗಶ ಏವಾಸೃಜತ ।
ಅಸೃಗ್ರಂ ವಾರೇ ಅವ್ಯಯೇ ಇತಿ ಚಾಸೃಜತ ।
ತಾಸಾಂ ಸೃಷ್ಟಾನಾಂ ಪರಾವಾಪಾದಬಿಭೇತ್ ।
ಸ ಏತಾಮುತ್ತಮಾಂ ಸಮುದ್ರ ವತೀಮಪಶ್ಯತ್ ।
ತಯೈನಾಃ ಅಚ್ಛಾ ಸಮುದ್ರ ಮಿನ್ದವಃ ಇತ್ಯೇವ ಸಮುದ್ರೇ ಣ ಸಮನ್ತಂ ಪರಿಣ್ಯದಧಾತ್ ।
ತಾ ಅಸ್ಯ ನ ಪರೋಪ್ಯನ್ತ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಅಗ್ಮನ್ನೃತಸ್ಯ ಯೋನಿಮಾ ಇತಿ ।
ಗ್ರಹಾ ಹ ವಾ ಋತಸ್ಯ ಯೋನಿಃ ।
ಏತಸ್ಯ ಹ ವಾ ಇದಮಕ್ಷರಸ್ಯ ಕೃತೋ ಜಾತಾಃ ಪ್ರಜಾ ಗಚ್ಛನ್ತಿ ಚಾ ಚ ಗಚ್ಛನ್ತಿ ೧೦೪

ದೇವಾಸುರಾ ವಾ ಏಷು ಲೋಕೇಷ್ವಸ್ಪರ್ಧನ್ತಾಸ್ಮಿನ್ಭುವನೇ ।
ತೇ ದೇವಾ ಅಕಾಮಯನ್ತೇಮಾಁ ಲ್ಲೋಕಾಞ್ಜಯೇಮಾಸುರಾನ್ಸ್ಪರ್ಧಾಂ ಭ್ರಾತೃವ್ಯಾನಿತಿ ।
ತ ಏತಾನ್ಯಾಜ್ಯಾನಿ ಸ್ತೋತ್ರಾಣ್ಯಪಶ್ಯನ್ ।
ತೈರಸ್ತುವತ ।
ತೈರಿಮಾನಾಜಯನ್ ।
ಇಮಾನೇವ ಲೋಕಮಾಗ್ನೇಯೇನಾಜಯನ್ನನ್ತರಿಕ್ಷಂ ಮೈತ್ರಾವರುಣೇನಾಮುಮೈನ್ದ್ರೇ ಣ ದಿಶ ಏವೈನ್ದ್ರಾ ಗ್ನೇನ ।
ತದ್ಯದಿಮಾಁ ಲ್ಲೋಕಾನಾಜಯಂಸ್ತದಾಜ್ಯಾನಾಮಾಜ್ಯತ್ವಮ್ ।
ಏಮಾಁ ಲ್ಲೋಕಾಞ್ಜಯತಿ ಸ್ಪರ್ಧಾಂ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತೇ ದೇವಾ ಅಬ್ರುವನ್ವೀಮಾನಿ ಭಜಾಮಹಾ ಇತಿ ।
ತೇಷಾಂ ಹ ವಿಭಾಗೇ ನ ಸಮಪಾದಯನ್ ।
ತೇಽಬ್ರುವನಾಜಿಮೇಷಾಮಯಾಮ ಗಿರಿಂ ಕಾಷ್ಠಾಂ ಕೃತ್ವೇತಿ ।
ಯದಬ್ರುವನಾಜಿಮೇಷಾಮಯಾಮೇತಿ ತದೇಷಾಂ ದ್ವಿತೀಯಮಾಜ್ಯತ್ವಮ್ ।
ಯದು ಗಿರಿಂ ಕಾಷ್ಠಾಮಕುರ್ವಂಸ್ತಸ್ಮಾದಸೌ ಗಿರಿಃ ಕಾಷ್ಠೋ ನಾಮ ೧೦೫

ತೇಷಾಂ ಪಚ್ಛೋಽಸೃಜ್ಯನ್ತ ।
ತೇಷಾಮಗ್ನಿಃ ಪ್ರಥಮ ಉದಜಯತ್ ।
ಅಥ ಮಿತ್ರಾವರುಣಾವಥೇನ್ದ್ರ ಃ! ।
ಅಥೈಕಮನುಜ್ಜಿತಮಾಸೀತ್ ।
ತದಿನ್ದ್ರೋ ಽವೇದಗ್ನಿರ್ವಾವೇದಮುಜ್ಜೇಷ್ಯತೀತಿ ।
ಸೋಽಬ್ರವೀದಗ್ನೇ ಯತರ ಆವಯೋರಿದಮುಜ್ಜಯಾತ್ತನ್ನೌ ಸಹಾಸದಿತಿ ।
ತಥೇತಿ ।
ತದಗ್ನಿರುದಜಯತ್ ।
ತದೇನಯೋಸ್ಸಹಾಭವದಧ್ಯರ್ಧಮನ್ಯಸ್ಯ ಸ್ತೋತ್ರಮಧ್ಯರ್ಧಮನ್ಯಸ್ಯ ।
ಷನ್ದ್ರಾ ಗ್ನೋ ಯಜ್ಞಃ ।
ಸ ಯ ಏವಮೇತಾ ದೇವಾನಾಮುಜ್ಜಿತೀರ್ವೇದ ಯತ್ರ ಕಾಮಯತ ಉದಿಹ ಜಯೇಯಮಿತ್ಯುತ್ತತ್ರ ಜಯತಿ ।
ತದಾಹುರ್ಯದಾಜ್ಯಾನಿ ಸರ್ವಾಣಿ ಸಮಾನನಿಧನಾನಿ ಕೇನಾಜಾಮಿ ಕ್ರಿಯನ್ತ ಇತಿ ।
ನಾನಾದೇವತ್ಯಾನೀತಿ ಬ್ರೂಯಾತ್ತೇನಾಜಾಮೀತಿ ।
ಅಥೋ ಯನ್ನಾನಾರೂಪಾಣೀತಿ ಬ್ರೂಯಾತ್ತೇನೋ ಏವೇತಿ ।
ತೇ ವಾ ಏತೇ ಪಶವ ಏವ ।
ಯದಾಜ್ಯಾನ್ಯನ್ತಸದಸಂ ಸ್ತುವನ್ತಿ ತಸ್ಮಾದ್ಗ್ರಾಮ್ಯಾಃ ಪಶವೋಽನ್ತರ್ಗ್ರಾಮೇ ನ್ಯೋಕಸಃ ।
ಪರಾಚೀಷು ಪುನರಭ್ಯಾವರ್ತನ್ತ ।
ತಸ್ಮಾದ್ಗ್ರಾಮ್ಯಾಃ ಪಶವಃ ಪರಾಞ್ಚಃ ಪ್ರಾತಃ ಪ್ರೇರತೇ ತೇ ಸಾಯಂ ಸಮಾವರ್ತನ್ತೇ ।
ನಾನಾರೂಪಾಸು ಸ್ತುವನ್ತಿ ।
ತಸ್ಮಾದ್ಗ್ರಾಮ್ಯಾಃ ಪಶವೋ ನಾನಾರೂಪಾಃ ।
ನಾನಾದೇವತ್ಯಾಸು ಸ್ತುವನ್ತಿ ।
ತಸ್ಮಾದ್ಗ್ರಾಮ್ಯಾಃ ಪಶವೋ ನಾನಾ ।
ತೇ ಯಥಾಯಥಂ ಸಾಯಂ ಗೃಹಾನಭ್ಯುಪಾಯನ್ತಿ ೧೦೬

ದೇವಾಸುರಾಸ್ಸಂಯತ್ತಾ ಜ್ಯೋಙ್ನ ವ್ಯಜಯನ್ತ ।
ತೇಷ್ವಸುರೇಷ್ವಿದಂ ಸರ್ವಮಾಸೀತ್ ।
ಅಥೈಕಮೇವಾಕ್ಷರಂ ದೇವೇಷ್ವಾಸೀತ್ ।
ವಾಗೇವ ।
ಸೋಽಗ್ನಿರಬ್ರವೀದಹಂ ವಾ ಇದಮದರ್ಶಂ ಯಥೇದಂ ಜೇಷ್ಯಾಮೀತಿ ।
ತದ್ವೈ ಬ್ರೂಹೀತ್ಯಬ್ರುವನ್ ।
ಸೋಽಬ್ರವೀದಕ್ಷರೇಣೈವೇದಂ ಸರ್ವಂ ಸಂನಿಧಾಯ ಧುರಾಧುರಮಾಸಜಾಮೇತಿ ।
ಯದಬ್ರವೀದಕ್ಷರೇಣೈವೇದಂ ಸರ್ವಂ ಸಂನಿಧಾಯ ಧುರಾಧುರಮಾಸಜಾಮೇತಿ ತದಾಜ್ಯಧುರಾಮಾಜ್ಯಧೂಸ್ತ್ವಮ್ ।
ತೇಽಕ್ಷರೇಣೈವೇದಂ ಸರ್ವಂ ಸಂನಿಧಾಯ ಧುರಾಧುರಮಾಸಜನ್ ।
ತಾನಜಯನ್ ।
ಜಯತಿ ಸ್ಪರ್ಧಾಂ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಸ ಯದೀತರಾ ಧುರೋ ವಿಗಾಯೇದ್ವ್ಯೇವಾಜ್ಯಧುರೋ ಗಾಯೇತ್ ।
ಸ ಯೋ ಹೈವಂ ವಿದ್ವಾನ್ಸಂಗ್ರಾಮಯೋಸ್ಸಂನಿಹಿತಯೋರ್ಬ್ರೂಯಾದಕ್ಷರೇಣ ತ್ವಾ ಸಂನಿದಧಾಮೀತಿ ಪರಂ ಗ್ರಾಮಂ ಸ ಹೈವ ತಂ ಗ್ರಾಮಂ ಜಯತಿ ।
ಅಥೋ ಯಸ್ಮಿನ್ನೇವಂವಿದ್ಗ್ರಾಮೇ ಭವತಿ ಸ ಉ ಹೈವ ತಂ ಗ್ರಾಮಂ ಜಯತಿ ।
ತೇ ದೇವಾ ಅಬ್ರುವನ್ವೀಮಾನಿ ಭಜಾಮಹಾ ಇತಿ ।
ತಸ್ಮಾದು ಗಿರಿಃ ಕಾಷ್ಠೋ ನಾಮ ೧೦೭

ಸ ತೇಷಾಂ ಸಕೃದೇವಂ ಸರ್ವೇಷಾಮಸೃಜ್ಯನ್ತ ।
ತೇಷಾಮಗ್ನಿರೇವೋದಜಯತ್ ।
ತಸ್ಯಾಪಗಮನಮಗತಸ್ಯಾಕ್ಷೋಽಛಿದ್ಯತ ।
ತಸ್ಯ ರಥಚಕ್ರಂ ಪತಿತ್ವಾ ಕೃಷ್ಣಾಧಿಕಾಂ ಕೋಶಾನ್ತೇನ ಪರ್ಯವರ್ತತ ।
ತಮಬ್ರುವನ್ನೀಕ್ಷಿತ್ವಾನ್ನಾದೋ ವಾ ಅಯಂ ಶ್ರೇಷ್ಠೋ ಭವಿಷ್ಯತಿ ಪಾಪ್ಮಾ ವಾ ಅಸ್ಯ ಪರ್ಯವರ್ತೀತಿ ।
ಸ ಯೋ ಹೈವಂ ವಿದ್ವಾನ್ಪರಿವರ್ತಯತೇಽನ್ನಾದ ಏವ ಶ್ರೇಷ್ಠಸ್ಸ್ವಾನಾಂ ಭವತ್ಯಥೋ ಹಾಸ್ಯ ತಂ ಪಾಪ್ಮಾನಮೇವ ಪರಿವರ್ತಯನ್ತಿ ।
ಸೋಽಗ್ನಿರುಜ್ಜಿತ್ಯ ಪ್ರಾದ್ರ ವತ್ ।
ತಮಿನ್ದ್ರೋ ಽಬ್ರವೀತ್ಸಹ ನಾವಸ್ತ್ವಿತಿ ।
ನೇತ್ಯಬ್ರವೀತ್ ।
ಯದ್ವಾ ಏಕೋ ಗೃಹ್ಯಾಣಾಂ ವಿನ್ದತೇ ಸರ್ವೇಷಾಂ ವೈ ತತ್ಸಹ ಭವತಿ ।
ಸಹೈವ ನಾವಸ್ತ್ವಿತಿ ।
ನೇತ್ಯೇವಾಬ್ರವೀತ್ ।
ಸ ವೈ ಮಾಭಿ ಚಿದವೇಕ್ಷಸ್ವೇತಿ ।
ತಮಭ್ಯವೈಕ್ಷತ ।
ಸೋಽಬ್ರವೀತ್ಸಾನ್ತ್ವಾಯ ಮಾಭ್ಯವೈಕ್ಷಿಷ್ಠಾಸ್ಸಹ ನಾವಭೂದಿತಿ ।
ಯಂಯಂ ನ್ವೇವಾಹಮಭ್ಯವೇಕ್ಷಿಷ್ಯ ಇತ್ಯಬ್ರವೀತ್ತೇನತೇನೈವ ಮೇ ಸಹ ಭವೈಷ್ಯತೀತಿ ।
ನೇತ್ಯೇವಾಬ್ರವೀತ್ ।
ಸಾನ್ತ್ವಾಯ ವೈ ಮಾ ತ್ವಮೇನದಭ್ಯವೈಕ್ಷಿಷ್ಠಾಸ್ಸಹೈವ ನಾವಭೂದಿತಿ ೧೦೮

ತೌ ವೈ ಪೃಚ್ಛಾವಹಾ ಇತಿ ।
ತೌ ಪ್ರಜಾಪತಾವಪೃಚ್ಛೇತಾಮ್ ।
ಸ ಪ್ರಜಾಪತಿರಬ್ರವೀತ್ಸಾನ್ತ್ವಾಯ ವೈ ವಾಂ ತ್ವಮೇತಮಭ್ಯವೈಕ್ಷಿಷ್ಠಾಸ್ಸಹೈವ ವಾಮಭೂದಿತಿ ।
ತಥೇತಿ ।
ತದೇನಯೋಸ್ಸಹಾಭವದಧ್ಯರ್ಧಮನ್ಯಸ್ಯ ಸ್ತೋತ್ರಮಧ್ಯರ್ಧಮನ್ಯಸ್ಯ ।
ಷನ್ದ್ರಾ ಗ್ನೋ ಯಜ್ಞಃ ।
ತೌ ಮಿತ್ರಾವರುಣೌ ಪ್ರಾಣಾಪಾನೌ ಪಶುಭ್ಯೋಽಪಾಕ್ರಾಮತಾಮನುವೀ ಮನ್ಯಮಾನೌ ನಾವಾಭ್ಯಾಮನುವೀಭ್ಯಾಂ ಪಶವಃ ಪ್ರಾಣಿಷ್ಯನ್ತೀತಿ ।
ತೇ ಪಶವೋಽಪ್ರಾಣನ್ತ ಆಧ್ಮಾಯಮಾನಾ ಅಶೇರತ ।
ತದಾಭ್ಯಾಮಾಚಕ್ಷತಾಪ ಮಿತ್ರಾವರುಣೌ ಪ್ರಾಣಾಪಾನೌ ಪಶುಭ್ಯೋಽತಾಮಿಷ್ಠಾಂ ತ ಇಮೇಽಪ್ರಾಣನ್ತ ಆಧ್ಮಾಯಮಾನಾಶ್ಶೇರತ ಇತಿ ।
ತಾವಾದ್ರುತ್ಯಾಬ್ರೂತಾಂ ಪ್ರಾಣನ್ತು ನೌ ಯುವಾಭ್ಯಾಂ ಪಶವ ಇತಿ ।
ನಾವಾಭ್ಯಾಮನುವೀಭ್ಯಾಮಿತ್ಯಬ್ರೂತಾಮ್ ।
ತಾಭ್ಯಾಮೇತಂ ಮೈತ್ರಾವರುಣಮಾಜ್ಯಮವಾಕಲ್ಪಯನ್ ।
ತತೋ ವೈ ತಾಭ್ಯಾಂ ಪಶವಃ ಪ್ರಾಣನ್ ।
ಸ ಯ ಏವಮೇತಾಮಗ್ನೇರುಜ್ಜಿತಿಂ ವೇದ ಯತ್ರ ಕಾಮಯತ ಉದಿಹ ಜಯೇಯಮಿತ್ಯುತ್ತತ್ರ ಜಯತಿ ।
ಯ ಉ ಏವೈತಾಮಿನ್ದ್ರ ಸ್ಯಾರ್ಧಿತಾಂ ವೇದ ಯತ್ರ ಕಾಮಯತ ಉದಿಹ ಜಯೇಯಮಿತ್ಯುತ್ತತ್ರ ಜಯತಿ ।
ಯ ಉ ಏವೈತಾಂ ಮಿತ್ರಾವರುಣಯೋರವಕ್ಳ್ಪ್ತಿಂ ವೇದ ಯತ್ರ ಕಾಮಯತೇಽವ ಮ ಇಹ ಕಲ್ಪೇತೇತ್ಯವಾಸ್ಮೈ ತತ್ರ ಕಲ್ಪತೇ ೧೦೯

ತಾನಿ ವಾ ಏತಾನ್ಯೈನ್ದ್ರಾ ಗ್ನಾನ್ಯೇವ ಸರ್ವಾಣಿ ಯದಾಜ್ಯಾನಿ ।
ಆಗ್ನೇಯೀಷು ಸ್ತುವನ್ತಿ ।
ತೇನಾಗ್ನೇಯಂ ಗಾಯತ್ರೀ ಛನ್ದಸ್ತೇನಾಗ್ನೇಯಂ ಪಞ್ಚದಶಸ್ತೋಮಸ್ತೇನೈನ್ದ್ರ ಮ್ ।
ತದೇತದೈನ್ದ್ರಾ ಗ್ನಮೇವ ಮೈತ್ರಾವರುಣೀಷು ಸ್ತುವನ್ತಿ ।
ತೇನ ಮೈತ್ರಾವರುಣಂ ಗಾಯತ್ರೀ ಛನ್ದಸ್ತೇನೈಗ್ನೇಯಂ ಪಞ್ಚದಶಸ್ತೋಮಸ್ತೇನೈನ್ದ್ರ ಮ್ ।
ತದೇತದೈನ್ದ್ರಾ ಗ್ನಮೇವೈನ್ದ್ರೀ ಷು ಸ್ತುವನ್ತಿ ।
ತೇನೈನ್ದ್ರಂ ಗಾಯತ್ರೀ ಛನ್ದಃ ।
ಷನ್ದ್ರಾ ಗ್ನಮೇವೈನ್ದ್ರಾ ಗ್ನೀಷು ಸ್ತುವನ್ತಿ ।
ತೇನೈನ್ದ್ರಾ ಗ್ನಂ ಗಾಯತ್ರೀ ಛನ್ದಸ್ ।
ತೇನಾಗ್ನೇಯಂ ಪಞ್ಚದಶಸ್ತೋಮಸ್ತೇನೈನ್ದ್ರ ಮ್ ।
ತದೇತದೈನ್ದ್ರಾ ಗ್ನಮೇವೈನ್ದ್ರಾ ಗ್ನೀಷು ಸ್ತುವನ್ತಿ ।
ತೇನೈನ್ದ್ರಾ ಗ್ನಂ ಗಾಯತ್ರೀ ಛನ್ದಸ್ತೇನಾಗ್ನೇಯಂ ಪಞ್ಚದಶಸ್ತೋಮಸ್ತೇನೈನ್ದ್ರ ಮ್ ।
ತದೇತದೈನ್ದ್ರಾ ಗ್ನಮೇವ ।
ಇನ್ದ್ರಾ ಗ್ನೀ ಯಜ್ಞಸ್ಯ ದೇವತಾ ।
ಸ್ವಾಯಾಮೇವೈತದ್ದೇವತಾಯಾಂ ಪ್ರಾತಸ್ಸವನೇ ಯಜ್ಞಂ ಪ್ರತಿಷ್ಠಾಪಯನ್ತಿ ೧೧೦

ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಪ್ರಾಣಾ ಅಸೃಜತ ।
ತಾಭ್ಯ ಏತೇನೈವ ಸಾಮ್ನಾ ಪ್ರಾಣಮದಧಾತ್ ।
ಪ್ರಾಣೋ ವೈ ಗಾಯತ್ರಮ್ ।
ಸರ್ವಮಾಯುರೇತಿ ಯ ಏವಂ ವೇದ ।
ತಾಃ ಪ್ರಾಣಂ ವಿವಿದಾನಾ ರಕ್ಷಾಂಸ್ಯನ್ವಸಚನ್ತ ।
ತಾ ಏತದೇವ ಸಾಮ ಗಾಯನ್ನತ್ರಾಯತ ।
ಯದ್ಗಾಯನ್ನತ್ರಾಯತ ತದ್ಗಯತ್ರಸ್ಯ ಗಾಯತ್ರತ್ವಮ್ ।
ತ್ರಾಯತ ಏನಂ ಸರ್ವಸ್ಮಾತ್ಪಾಪ್ಮನೋ ಯ ಏವಂ ವೇದ ।
ತದೂರ್ಧ್ವಮಿವ ಗೇಯಮ್ ।
ಊರ್ಧ್ವೋ ವೈ ಸ್ವರ್ಗೋ ಲೋಕಃ ।
ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತ್ರ್! ಯಾವೃದ್ಗೇಯಮ್ ।
ತ್ರಯೋ ವಾ ಇಮೇ ಲೋಕಾಃ ।
ಏಷಾಂ ಲೋಕಾನಾಮಾಪ್ತ್ಯೈ ।
ತ್ರ್! ಯುದಾಸಂ ಗೇಯಮ್ ।
ತ್ರಯೋ ವೈ ಪ್ರಾಣಾಪಾನವ್ಯಾನಾಃ ।
ತೇಷಾಂ ಸಂತತ್ಯೈ ।
ಸಮಸ್ಮೈ ಪ್ರಾಣಾಪಾನವ್ಯಾನಾಸ್ತಾಯನ್ತೇ ಯ ಏವಂ ವೇದ ।
ತ್ರ್! ಯಾವೃದ್ಗೇಯಮ್ ।
ತ್ರಯೋ ವಾ ಇಮೇ ಲೋಕಾಃ ।
ಏಷಾಂ ಲೋಕಾನಾಂ ಸಂತತ್ಯೈ ।
ಸಮಸ್ಮಾ ಇಮೇ ಲೋಕಾಸ್ತಾಯನ್ತೇ ಯ ಏವಂ ವೇದ ೧೧೧

ಪಿತೃದೇವತ್ಯಂ ತ್ವಸ್ಯ ನೋಪಗನ್ತವಾ ಇತ್ಯಾಹುಃ ।
ಏತದ್ಧ ವಾ ಅಸ್ಯ ಪಿತೃದೇವತ್ಯಂ ಯತ್ತಾನ್ತೀಕರೋತಿ ।
ಯದಿ ಸಾಮಿ ತಾಮ್ಯೇನ್ಮಧ್ಯ ಋಚೋಽವಾನ್ಯಾತ್ ।
ಪ್ರಾಣೋ ವಾ ಋಕ್ಪ್ರಾಣೋ ಗಾಯತ್ರಮ್ ।
ಪ್ರಾಣಸ್ಯತನ್ಮಧ್ಯೇ ಪ್ರಾಣಂ ಸಮಾನಯತೇ ।
ಯದ್ಯು ಚ ಇಯಾತ್ಪ್ರಾಣಾಪಾನವ್ಯಾನಾನ್ಗಾಯೇತ್ ।
ಪ್ರಾಣ ಇತಿ ದ್ವೇ ಅಕ್ಷರೇ ಅಪಾನ ಇತಿ ತ್ರೀಣಿ ವ್ಯಾನ ಇತಿ ತ್ರೀಣಿ ।
ತದಷ್ಟೌ ಸಂಪದ್ಯನ್ತೇ ।
ಅಷ್ಟಾಕ್ಷರಾ ಗಾಯತ್ರೀ ।
ತೇನ ಗಾಯತ್ರ್! ಯೈ ನೈತಿ ।
ಸಾಮ್ನೋಽನ್ತರರಣ್ಯಂ ನಾವೇತ್ಯಮ್ ।
ಯೋ ಹ ವೈ ಸಾಮ್ನೋಽನ್ತರರಣ್ಯಮವೈತಿ ಸರ್ವಜ್ಯಾನಿಂ ವಾ ಜೀಯತೇ ಪ್ರ ವಾ ಮೀಯತೇ ।
ಏತದ್ಧ ವೈ ಸಾಮ್ನೋಽನ್ತರರಣ್ಯಂ ಯತ್ಪ್ರಸ್ತುತಮನಭಿಸ್ವರಿತಮಾದೀಯತೇ ।
ಸ್ವರೇಣ ಸಂಪಾದ್ಯೋದ್ಗಾಯೇತ್ ।
ಏತದ್ವೈ ಸಾಮ್ನಸ್ಸ್ವಂ ಯತ್ಸ್ವರಃ ।
ಸ್ವೇನೈವೈನತ್ತತ್ಸಮರ್ಧಯತಿ ।
ಏತದ್ವೈ ಸಾಮ್ನೋಽನ್ನಾದ್ಯಂ ಯತ್ಸ್ವರಾಃ ।
ಅನ್ನಾದ್ಯೇನೈವೈನತ್ತತ್ಸಮರ್ಧಯತಿ ।
ಏತದ್ವೈ ಸಾಮ್ನ ಆಯತನಂ ಯತ್ಸ್ವರಃ ।
ಆಯತನೇನೈವೈನತ್ತತ್ಸಮರ್ಧಯತಿ ।
ಏತದ್ವೈ ಸಾಮ್ನಃ ಪ್ರಿಯಂ ಧಾಮ ಯತ್ಸ್ವರಃ ।
ಪ್ರಿಯೇಣೈವೈನತ್ತದ್ಧಾಮ್ನಾ ಸಮರ್ಧಯತಿ ೧೧೨

ದೇವಾನ್ವೈ ಯಜ್ಞಸ್ಯಾಹುತಿರ್ನಾಗಚ್ಛತ್ ।
ಸ ಪ್ರಜಾಪತಿರಾಇಕ್ಸತ ಕಥಂ ನು ದೇವಾನ್ಯಜ್ಞಸ್ಯಾಹುತಿರ್ಗಚ್ಛೇದಿತಿ ।
ಸ ಏತೇ ದ್ವೇ ಅಕ್ಷರೇ ಗಾಯತ್ರ್! ಯಾ ಉದಖಿದತ್ ।
ಸ ಏವ ದ್ವ್ಯಕ್ಷರೋ ವಷಟ್ಕಾರೋಽಭವತ್ತತೋ ವೈ ದೇವಾನ್ಯಜ್ಞಸ್ಯಾಹುತಿರಗಚ್ಛತ್ ।
ಅನ್ನಂ ವೈ ವಷಟ್ಕಾರಃ ।
ಅತ್ತ್ಯನ್ನಂ ಯ ಏವಂ ವೇದ ।
ಇನ್ದ್ರೋ ವೃತ್ರಾಯ ವಜ್ರಮುದಯಚ್ಛತ್ ।
ತಸ್ಯೈತೇ ಅಕ್ಷರೇ ಚಕ್ರಾವಾಸ್ತಾಮ್ ।
ವಜ್ರೋ ವಾ ಏಷಃ ।
ಯ ಏತೇ ನಿಸ್ಪೃಶೇದ್ವಜ್ರಂ ನಿಸ್ಪೃಶೇತ್ ।
ಯೋ ವೈ ದುಗ್ಧಾದ್ದುಗ್ಧಮುಪೈತಿ ನ ಸ ಆಪ್ಯಾಯತೇ ।
ಅಥ ಯೋಽದುಗ್ಧಾದ್ದುಗ್ಧಮುಪೈತಿ ಸ ಆಪ್ಯಾಯತೇ ।
ದುಗ್ಧಾದ್ವಾ ಏಷ ದುಗ್ಧಮುಪೈತಿ ಯ ಏತೇ ಅಕ್ಷರೇ ಉಪೈತಿ ।
ತಸ್ಮಾದೇತೇ ಅಕ್ಷರೇ ನೋಪೇತ್ಯೇ ।
ಯಸ್ಯ ವೈ ಸರ್ವಾ ಗಾಯತ್ರೀ ಗೀಯತೇ ಸರ್ವಮಸ್ಯ ಗೃಹೇ ಅಧಿಗಮ್ಯತೇ ।
ಯಸ್ಯೋ ನಾಗೀಯತ ಈಶ್ವರೋ ರೂಕ್ಷೋ ಭವಿತೋಃ ।
ಅನ್ಯತರದಕ್ಷರಮವಗೃಹ್ಯ ವಾಚಂ ಚತುರ್ವಿಂಶೀಮುಪೇಯಾತ್ ।
ನಾಸ್ಯೋನಾ ಗಾಯತ್ರೀ ಗೀಯತೇ ನಿ ಚ ಸ್ಪೃಶತಿ ನ ಚ ೧೧೩

ಯೋ ವಾ ಅಂಶುಮೇಕಾಕ್ಷರಂ ವೇದಾನ್ನಾದ ಏವ ಶ್ರೇಷ್ಠಸ್ಸ್ವಾನಾಂ ಭವತಿ ।
ಅಥೋ ಸಹ ಏವ ತಸ್ಯೈ ಜನತಾಯಾ ಉದ್ಗಾಯತಿ ।
ವಾಗ್ವಾ ಅಂಶುರೇಕಾಕ್ಷರಃ ।
ತದೇವ ಗಾಯತ್ರಮ್ ।
ಗಾಯತ್ರ್! ಯೈ ಪ್ರಸ್ತುತಾಯೈ ಯದಾದೇರುತ್ತರಮಕ್ಷರಂ ಸ ಸ್ಥಾಣುಃ ।
ಯಸ್ತದುದ್ಗಾಯನ್ನಾರಭತೇ ಸ್ಥಾಣುಮಾರಭತೇ ।
ಯ ಏನಂ ನಿರ್ಹರತಿ ಗಾಯತ್ರೀಂ ಛಿದ್ರಾ ಂ! ಕರೋತಿ ।
ಗಾಯತ್ರೀಂ ಛಿದ್ರಾ ಂ! ಅನು ಯಜ್ಞಸ್ಸ್ರವತಿ ಯಜ್ಞಮನು ಯಜಮಾನೋ ಯಜಮಾನಮನು ಪ್ರಜಾಃ ।
ಸಧ್ರ್ಯಶ್ವೋ ಹ ಸ್ಮಾಹ ತೈಗ್ಮಾಯುಧಿಃ ಕ ಉ ಸ್ವಿದದ್ಯ ರಸದಿಹಾವುರಸಿ ನಿಮ್ರದಿಷ್ಯತ ಇತಿ ।
ಏತೇ ಹ ವೈ ರಸದಿಹೌ ಯೇ ಏತೇ ಗಾಯತ್ರ್! ಯಾ ಉತ್ತಮೇ ಅಕ್ಷರೇ ।
ಯಸ್ತೇ ಉದ್ಗಾಯನ್ನಾರಭತೇ ರಸದಿಹಾವುರಸಿ ನಿಮರ್ದತೇ ।
ಯ ಉ ಏನೇ ನಿರ್ಹರತಿ ಗಾಯತ್ರೀಂ ಛಿದ್ರಾ ಂ! ಕರೋತಿ ।
ಗಾಯತ್ರೀಂ ಛಿದ್ರಾ ಂ! ಅನು ಯಜ್ಞಸ್ಸ್ರವತಿ ಯಜ್ಞಮನು ಯಜಮಾನೋ ಯಜಮಾನಮನು ಪ್ರಜಾಃ ೧೧೪

ತಾನಿ ಸರ್ವಾಣ್ಯಕ್ಸರಾಣ್ಯುದ್ಧೃತ್ಯ ವಾಚಂ ದಧ್ಯಾತ್ ।
ವಾಗ್ವೈ ಬ್ರಹ್ಮ ।
ತದ್ಯಥಾ ಚರ್ಮಣಾ ಕೃತಿಕಣ್ಟಕಾನ್ಪ್ರಾವೃತ್ಯಾತೀಯಾದೇವಮೇವೈತದ್ವಾಚಾ ಬ್ರಹ್ಮಣಾ ಯಜ್ಞಸ್ಥಾಣುಂ ಪ್ರಮೃದ್ಯ ಸ್ವಸ್ತ್ಯತಿಕ್ರಾಮತಿ ನಾರ್ತಿಮಾರ್ಛತಿ ।
ಅವ ವಾ ಏತತ್ಪ್ರತಿಹರ್ತಾ ಸಾಮ್ನಶ್ಛಿದ್ಯತೇ ಯದ್ಗಾಯತ್ರಸ್ಯ ನ ಪ್ರತಿಹರತಿ ।
ಪ್ರಸ್ತೂಯಮಾನಂ ಮನಸಾ ಪ್ರತಿಹಿಂಕುರ್ಯಾತ್ ।
ಅಪಾನ್ಯ ವಾಗಿತಿ ಬ್ರೂಯಾತ್ ।
ತಥಾ ಸಾಮ್ನೋ ನಾವಚ್ಛಿದ್ಯತೇ ನಾರ್ತಿಮಾರ್ಛತಿ ।
ಯೋ ವಾ ಅಕ್ಷರಮಂಶುಮದ್ವೇದ ವಹನ್ತ್ಯೇನಮಂಶುಮತೀಸ್ಸಂಯುಕ್ತಾಃ ।
ವಾಗ್ವಾ ಅಕ್ಷರಮ್ ।
ತಸ್ಯೈ ಪ್ರಾಣ ಏವಾಂಶುಃ ।
ವಹನ್ತ್ಯೇನಮಂಶುಮತೀಸ್ಸಂಯುಕ್ತಾ ಯ ಏವಂ ವೇದ ೧೧೫

ಮರುತ್ವತೀಃ ಪ್ರತಿಪದೋ ಭವನ್ತಿ ।
ಮರುತ್ವನ್ತಂ ಗ್ರಹಂ ಗೃಹ್ಣನ್ತಿ ಮರುತ್ವಾನ್ವಾ ಇನ್ದ್ರೋ ವೃತ್ರಮಹನ್ವಾರ್ತ್ರಹತ್ಯಾಯ ।
ಉಚ್ಚಾ ತೇ ಜಾತಮನ್ಧಸಾ ಇತ್ಯನ್ಧಸ್ವತೀರ್ಭವನ್ತಿ ।
ಅಹರ್ವಾ ಅನ್ಧಃ ।
ಅಹ್ನ ಏವಾರಮ್ಭಃ ।
ಯಜ್ಞೋ ವಾ ಅನ್ಧಃ ।
ಯಜ್ಞಸ್ಯೈವಾರಮ್ಭಃ ।
ತ್ರೀಣಿ ಯಜ್ಞೇಽನ್ಧಾಂಸೀತಿ ಹ ಸ್ಮ ಪೂರ್ವೇ ಬ್ರಾಹ್ಮಣಾ ಮೀಮಾಂಸನ್ತೇ ಉಚ್ಚಾ ತೇ ಜಾತಮನ್ಧಸಾ । ವಸೋರ್ಮನ್ದಾನಮನ್ಧಸಃ । ಪುರೋಜಿತೀ ವೋ ಅನ್ಧಸಃ ಇತಿ ।
ತ್ರಯಃ ಪಶುಷು ಭೋಗಾಃ ಪ್ರಾತರ್ಮಧ್ಯನ್ದಿನೇ ಸಾಯಮ್ ।
ತಾನೇವೈತೇನಾವರುನ್ದ್ಧೇ ।
ಇಮೌ ವೈ ಲೋಕೌ ಸಹ ಸನ್ತೌ ವ್ಯೈತಾಮ್ ।
ತಯೋರ್ನ ಕಿಂ ಚನ ಸಮಪತತ್ ।
ತೇ ದೇವಮನುಷ್ಯಾ ಆಶನಾಯನ್ ।
ಇತಃಪ್ರದಾನಾದ್ಧಿ ತೇ ದೇವಾ ಜೀವನ್ತ್ಯಮುತಃಪ್ರದಾನಾನ್ಮನುಷ್ಯಾಃ ।
ಸ ಏತಾಃ ಪ್ರಜಾಪತಿರೃಚೋಽಪಶ್ಯದುಚ್ಚಾ ತೇ ಜಾತಮನ್ಧಸಾ ಇತಿ ।
ಸ ಉದಿತ್ಯೇವೇತೋ ದೇವೇಭ್ಯೋ ಹವ್ಯಮವಹದ್ದಿವಿ ಸದ್ಭೂಮ್ಯಾ ದದೇ ಇತ್ಯಮುತೋ ವೃಷ್ಟಿಮಾಚ್ಯಾವಯತ್ ।
ತಾವಿಮೌ ಲೋಕೌ ಸವಾಸಿನಾವಕರೋತ್ ।
ತಾವಸ್ಮೈ ಕಾಮಂ ಅಪಿನ್ವಾತಾಮ್ ।
ಕಾಮಮಸ್ಮಾ ಇಮೌ ಲೋಕೌ ಪಿನ್ವಾತೇ ಯ ಏವಂ ವೇದ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ೧೧೬

ಅಥಾಮಹೀಯವಮ್ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅನಶನಾ ಅಸೃಜತ ।
ತಾ ಅಶನಾಯನ್ತೀರನ್ಯಾನ್ಯಾಮಾದನ್ ।
ಸ ಪ್ರಜಾಪತಿರೈಕ್ಷತ ಕಥಂ ನು ಮ ಇಮಾಃ ಪ್ರಜಾ ನಾಶನಾಯೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಭ್ಯೋಽನ್ನಾದ್ಯಂ ಪ್ರಾಯಚ್ಛದ್ವರ್ಷಮೇವಾಪನಿಧನೇನ ।
ತಾಭ್ಯೋಽವರ್ಷದೇವ ನೋದಗೃಹ್ಣಾತ್ ।
ಸ ಏತನ್ನಿಧನಮಪಶ್ಯತ್ ।
ತದುಪೈತ್ ।
ತತ ಆಭ್ಯ ಉದಗೃಹ್ಣಾತ್ ।
ಏತಸ್ಯ ಹ ವಾ ಇದಂ ಸಾಮ್ನಃ ಕ್ರತೋರ್ವರ್ಷತಿ ಚ ಪರ್ಜನ್ಯ ಉಚ್ಚ ಗೃಹ್ಣಾತಿ ।
ಯೋ ವೃಷ್ಟಿಕಾಮಸ್ಸ್ಯಾದೇತೇನೈವಾಪನಿಧನೇನ ಸ್ತುವೀತ ।
ವರ್ಷುಕೋ ಹಾಸ್ಮೈ ಪರ್ಜನ್ಯೋ ಭವತಿ ।
ಸ ಯದ್ಯತೀವ ವರ್ಷೇದೇತದೇವ ನಿಧನಮುಪೇಯಾದುದಹಾಸ್ಮೈ ಗೃಹ್ಣಾತಿ ।
ವರ್ಷತಿ ಚ ಹಾಸ್ಮೈ ಪರ್ಜನ್ಯ ಉಚ್ಚ ಗೃಹ್ಣಾತಿ ಯ ಏವಂ ವೇದ ।
ತಾ ಯದೇನಂ ಪ್ರಜಾಸ್ಸುಹಿತಾ ಅಶಿತಾ ಆಮಹೀಯನ್ತ ತದಾಮಹೀಯವಸ್ಯಾಮಹೀಯವತ್ವಮ್ ।
ಷನಂ ಭಾರ್ಯಾಸ್ಸುಹಿತಾಸ್ಸುಹಿತಂ ಮಹೀಯನ್ತೇ ಯ ಏವಂ ವೇದ ।
ತಾ ಏನಮನ್ನಂ ವಿವಿದಾನಾ ನಾಪಾಚಾಯನ್ ।
ಸಧಮಾದಮಿವೈವಾಸನ್ ।
ಅನ್ನಂ ಹಿ ಶ್ರೀಃ ।
ಸೋಽಶೋಚತ್ ।
ಸ ನಾಮಹೀಯತ ।
ಸ ಷಕ್ಷತ ಕಥಂ ನ್ವಿಮಾ ಅಹಂ ಪ್ರಜಾಸ್ಸೃಜೇಯ ತಾ ಮಾ ಸೃಷ್ಟಾ ನಾಪಚಾಯೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ೧೧೭

ಸ ಸ್ತೌಷೇ ಇತ್ಯೇವ ನಿಧನಮುಪೈತ್ ।
ತಾ ಅತೋಷಯತ್ ।
ತಾ ಅಸ್ಯ ವಶಮಾಯನ್ ।
ತೋಷಯತಿ ದ್ವಿಷತೋ ಭ್ರಾತೃವ್ಯಾನ್ವಶಮಸ್ಯ ಸ್ವಾ ಆಯನ್ತಿ ಯ ಏವಂ ವೇದ ।
ಸ ಯದಾಮಹೀಯಮಾನಾ ಅಪಶ್ಯತ್ತದಾಮಹೀಯವಸ್ಯಾಮಹೀಯವತ್ವಮ್ ।
ಯದ್ವೇವೈನಾ ವಶೇ ಕೃತ್ವಾಮಹೀಯತ ತದ್ವೇವಾಮಹೀಯವಸ್ಯಾಮಹೀಯವತ್ವಮ್ ।
ಆಸ್ವಾನ್ವಶೇ ಕೃತ್ವಾ ಮಹೀಯತೇ ಯ ಏವಂ ವೇದ ।
ತದ್ಯೇಽಸ್ಯ ಸ್ವಾ ಅವಶೀಕೃತಾ ಇವ ಸ್ಯುರೇತದೇವೈಷಾಂ ಮಧ್ಯ ಆಸೀನೋಽಧೀಯೀತ ।
ವಶ ಏವೈನಾನ್ಕುರುತೇ ।
ಉತ್ತರಕುರವೋ ಹಾಹುರವಷಟ್ಕೃತಸ್ಯೈವ ಸೋಮಸ್ಯ ಕುರುಪಞ್ಚಾಲಾ ಭಕ್ಷಯನ್ತೀತಿ ।
ಏಕೈಕಸ್ಯೈ ದೇವತಾಯೈ ಹೋತಾ ವಷಟ್ಕರೋತಿ ಸರ್ವಾಭ್ಯ ಉದ್ಗಾತಾ ।
ಸರ್ವದೇವತ್ಯೋ ಹ್ಯುದ್ಗಾತಾ ।
ಆಮಹೀಯವಸ್ಯ ನಿಧನೇನ ವಷಟ್ಕುರ್ಯಾದಿತಿ ।
ವಷಟ್ಕೃತಸ್ಯೈವ ಸೋಮಸ್ಯ ಭಕ್ಷಯನ್ತಿ ।
ತದು ಹ ಸ್ಮಾಹ ಮಾರ್ಜಶ್ಶೈಲನೋ ಭ್ರಾತೃವ್ಯಾನ್ವಾವ ನಿಧನೇನ ತೋಷಯತೀತಿ ।
ಪುರಸ್ತಾದೇವ ನಿಧನಸ್ಯ ವಷಟ್ಕುರ್ಯಾದ್ವೌಷಡ್ಭೂಮೀ ಓ ದದಾ ಇತಿ ।
ವಷಟ್ಕೃತಸ್ಯೈವ ಸೋಮಸ್ಯ ಭಕ್ಷಯತಿ ೧೧೮

ಯೋ ವೈ ಯಜ್ಞಸ್ಯೋಧರ್ವೇದ ದುಹೇ ಯಜ್ಞಮ್ ।
ಪವಮಾನೋ ವಾವ ಯಜ್ಞಃ ।
ತಸ್ಯ ಗಾಯತ್ರ್! ಯೇವೋಧಃ ।
ಗಾಯತ್ರೀಂ ಚತುರೃಚಾಂ ಕುರ್ಯಾತ್ ।
ಯಜ್ಞಸ್ಯೈವ ತದೂಧರ್ದಧಾತಿ ದುಹೇ ಯಜ್ಞಮ್ ।
ಯೋ ವೈ ಯಜ್ಞಸ್ಯ ಪ್ರತಿಷ್ಠಾಂ ವೇದ ಪ್ರತಿ ಯಜ್ಞಂ ಸ್ಥಾಪಯತಿ ಪ್ರತ್ಯಾತ್ಮನಾ ತಿಷ್ಠತಿ ।
ಪವಮಾನೋ ವಾವ ಯಜ್ಞಃ ।
ತಸ್ಯ ಗಾಯತ್ರ್! ಯೇವ ಪ್ರತಿಷ್ಠಾ ।
ಗಾಯತ್ರೀಂ ಚತುರೃಚಾಂ ಕುರ್ಯಾದ್ಯಜ್ಞಸ್ಯೈವ ತತ್ಪ್ರತಿಷ್ಠಾಂ ದಧಾತಿ ।
ಪ್ರತಿ ಯಜ್ಞಂ ಸ್ಥಾಪಯತಿ ಪ್ರತ್ಯಾತ್ಮನಾ ತಿಷ್ಠತಿ ।
ಉಚ್ಚಾ ತೇ ಜಾತಮನ್ಧಸಾ । ಅಸ್ಯ ಪ್ರತ್ನಾಮನು ದ್ಯುತಮ್ । ಏನಾ ವಿಶ್ವಾನ್ಯರ್ಯ ಆ ಇತ್ಯೇತಾಸು ಗಾಯತ್ರಂ ಕುರ್ಯಾತ್ ।
ತಾಸ್ವಾಮಹೀಯವಮ್ ।
ಸ ಯದ್ಧಾಯ್ಯಾಂ ಚತುರ್ಥೀಂ ದಧಾತಿ ತೇನ ಚತುರೃಚಂ ಭವತಿ ಪ್ರತಿತಿಷ್ಠತೀಭಃ ।
ಪ್ರತಿ ಯಜ್ಞಂ ಸ್ಥಾಪಯತಿ ಪ್ರತ್ಯಾತ್ಮನಾ ತಿಷ್ಠತಿ ೧೧೯

ತ್ರೀಣಿ ಹ ವೈ ಛನ್ದಾಂಸಿ ಯಜ್ಞಂ ವಹನ್ತಿ ಗಾಯತ್ರೀ ತ್ರಿಷ್ಟುಬ್ಜಗತೀ ।
ತದೇವಾನುಷ್ಟುಬಾನ್ತಾದನ್ವಾಯತ್ತಾ ।
ತಯಾ ದೇವಾಸ್ಸ್ವರ್ಗಂ ಲೋಕಮಜಿಗಾಂಸನ್ ।
ತಯಾ ನ ವ್ಯಾಪ್ನುವನ್ ।
ತಸ್ಯಾಂ ಚತುಷ್ಪದಃ ಪಶೂನುಪಾದಧುರ್ಗಾಂ ಚಾಶ್ವಂ ಚಾಜಾಂ ಚಾವಿಂ ಚ ।
ತಯಾ ವ್ಯಾಪ್ನುವನ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಬೃಹತೀ ವಾ ಇಯಮಭೂದ್ಯಯೇದಂ ವ್ಯಾಪಾಮೇತಿ ।
ತದೇವ ಬೃಹತ್ಯೈ ಬೃಹತೀತ್ವಮ್ ।
ನ ತತಃ ಪುರಾ ಬೃಹತೀ ನಾಮ ಛನ್ದ ಆಸ ।
ಸಾ ವಾ ಏಷಾ ಪಶವ ಏವ ಯದ್ಬೃಹತೀ ।
ಯೇನ ನಿಧನಮುಪಯನ್ತಿ ತೇನ ಪ್ರಸ್ತೌತಿ ।
ತೇನೋ ಏವ ಪುನರಾದಿಮಾದತ್ತೇ ।
ತಸ್ಮಾತ್ಪಶವೋ ಯತ ಏವ ಪ್ರಜಾಯನ್ತೇ ತತಸ್ಸಂಭವನ್ತಿ ।
ತೇ ತತ ಏವ ಪುನಃ ಪ್ರಜಾಯನ್ತೇ ।
ನ ಬೃಹತ್ಯಾ ವಷಟ್ಕುರ್ಯಾದ್ಪಶೂನಾಮಪ್ರವರ್ಗಾಯ ।
ಯದ್ಬೃಹತ್ಯಾ ವಷಟ್ಕುರ್ಯಾದ್ವಜ್ರೇಣ ವಷಟ್ಕಾರೇಣ ಪಶೂನ್ಪ್ರವೃಞ್ಜ್ಯಾತ್ ೧೨೦

ದೇವಾ ವಾ ಅಸುರಾನ್ಹತ್ವಾಪೂತಾ ಇವಾಮೇಧ್ಯಾ ಅಮನ್ಯನ್ತ ।
ತೇಽಕಾಮಯನ್ತ ಪೂತಾ ಮೇಧ್ಯಾಶ್ಶೃತಾಸ್ಸ್ಯಾಮ ಗಚ್ಛೇಮ ಸ್ವರ್ಗಂ ಲೋಕಮಿತಿ ।
ತ ಏತಾ ಋಚೋಽಪಶ್ಯನ್ ।
ತಾಭಿರಪುನತ ।
ಪುನಾನಸ್ಸೋಮ ಧಾರಯಾಪೋ ವಸಾನೋ ಅರ್ಷಸಿ ಇತಿ ।
ಆಪೋ ವೈ ಪವಿತ್ರಮ್ ।
ಅದ್ಭಿರೇವಾಪುನತ ।
ಆ ರತ್ನಧಾ ಯೋನಿಮೃತಸ್ಯ ಸೀದಸಿ ಇತಿ ।
ಅನ್ತರಿಕ್ಷಂ ವಾ ಋತಮ್ ।
ಅನ್ತರಿಕ್ಷಮೇವೈತೇನಾತ್ಯಾಯನ್ ।
ಉತ್ಸೋ ದೇವೋ ಹಿರಣ್ಯಯಃ ಇತಿ ।
ಅಸೌ ವೈ ಲೋಕ ಉತ್ಸೋ ದೇವಃ ।
ಅಮುಮೇವೈತೇನ ಲೋಕಮುಪಾಸೀದನ್ ।
ತತೋ ವೈ ತೇ ಪೂತಾ ಮೇಧ್ಯಾಶ್ಶೃತಾ ಅಭವನ್ನಗಚ್ಛನ್ಸ್ವರ್ಗಂ ಲೋಕಮ್ ।
ಪೂತೋ ಮೇಧ್ಯಶ್ಶೃತೋ ಭವತಿ ಗಚ್ಛತಿ ಸ್ವರ್ಗಂ ಲೋಕಮೇತಾಭಿರೃಗ್ಭಿಸ್ತುಷ್ಟುವಾನಃ ೧೨೧

ತಾಸು ರೌರವಮ್ ।
ಅಗ್ನಿರ್ವೈ ರೂರುರೇತತ್ಸಾಮಾಪಶ್ಯತ್ ।
ಯದಗ್ನೀ ರೂರುರೇತತ್ಸಾಮಾಪಶ್ಯತ್ತದ್ರೌ ರವಸ್ಯ ರೌರವತ್ವಮ್ ।
ರೂರ ಇತಿವೃಧ್ರಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಂ ಉಪೈತ್ ।
ಪಶವೋ ವಾ ಇಳಾ ।
ತತೋ ವೈ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ರೂರ ಇತಿವೃಧ್ರೋಽಪಶ್ಯತ್ತಸ್ಮಾದ್ವೇವ ರೌರವಮಿತ್ಯಾಖ್ಯಾಯತೇ ।
ಅಥ ಯೌಧಾಜಯಮ್ ।
ಇನ್ದ್ರೋ ವೈ ಯುಧಾಜೀವನ್ನೇತತ್ಸಾಮಾಪಶ್ಯತ್ ।
ಯದಿನ್ದ್ರೋ ಯುಧಾಜೀವನ್ನೇತತ್ಸಾಮಾಪಶ್ಯತ್ತದ್ಯೌಧಾಜಯಸ್ಯ ಯೌಧಾಜಯತ್ವಮ್ ।
ಅಯುಧ ಇವ ದ್ವಿಷನ್ತಂ ಭ್ರಾತೃವ್ಯಂ ಜಯತಿ ಯ ಏವಂ ವೇದ ।
ಯುಧಾಜೀವೋ ವೈಶ್ವಾಮಿತ್ರಃ ಪ್ರತಿಷ್ಠಾಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಪ್ರತ್ಯತಿಷ್ಠತ್ ।
ತದೇತತ್ಪ್ರತಿಷ್ಠಾ ಸಾಮ ।
ಪ್ರತಿತಿಷ್ಠತಿ ಯ ಏವಂ ವೇದ ।
ಯದು ಯುಧಾಜೀವೋ ವೈಶ್ವಾಮಿತ್ರೋಽಪಶ್ಯತ್ತಸ್ಮಾದ್ವೇವ ಯೌಧಾಜಯಮಿತ್ಯಾಖ್ಯಾಯತೇ ೧೨೨

ಯೌಧಾಜಯೇನ ವೈ ದೇವಾ ಅಸುರಾನ್ಸಂವಿಚ್ಯ ರೌರವೇಣೈಷಾಂ ರವಮಾಣಾನಾಂ ಸ್ವಮಾದದತ ।
ಯೌಧಾಜಯೇನೈವ ದ್ವಿಷನ್ತಂ ಭ್ರಾತೃವ್ಯಂ ಸಂವಿಚ್ಯ ರೌರವೇಣಾಸ್ಯ ರವಮಾಣಸ್ಯ ಸ್ವಮಾದತ್ತೇ ಯ ಏವಂ ವೇದ ।
ರೌರವೇಣ ವೈ ದೇವಾ ಊರ್ಧ್ವಾಸ್ಸ್ವರ್ಗಂ ಲೋಕಮಾರೋಹನ್ ।
ತಾನಸುರಾ ಓ ವಾ ಇತ್ಯೇವಾನ್ವಾರೋಹನ್ ।
ತದ್ದೇವಾಃ ಪ್ರತ್ಯಬುಧ್ಯನ್ತ ।
ತ ಏತಂ ಸ್ತೋಭಮಪಶ್ಯನ್ ।
ತೇನೈನಾನೋ ಹಾ ಉ ವಾ ಇತ್ಯವಾಚೋಽವಾಘ್ನನ್ ।
ಉತ್ಸೋ ದೇವೋ ಹಿರಾ ಹಾ ಉ ವಾ ಇತಿ ಭೂಮಿಸ್ಪೃಶ ಏವಾಕುರ್ವನ್ ।
ಅನ್ತಗತಮಿವ ಸಾಮಾಸೀತ್ ।
ಊರ್ಧ್ವಸ್ಸ್ವರ್ಗೋ ಲೋಕ ಏವ ಯಚ್ಛೇತ್ ।
ಊರ್ಧ್ವಂ ಪ್ರತಿಹಾರಾದುದ್ಗಾತಾ ।
ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಣ್ಯಾಯಾ ಔ ಹೋ ವಾ ಹೋ ಇಳಾ ಇತಿ ।
ಸ್ವರೇಣೈವ ಸಂತತ್ಯ ಸ್ವರ್ಗಂ ಲೋಕಂ ಸಮಶ್ನುತೇ ।
ಏತಾವನ್ತಿ ಹ ಖಲು ವೈ ಸಾಮಾನ್ಯೇತಾವತೀ ಸಾಮಕ್ಳ್ಪ್ತಿರೇತಾವಾನು ಸಾಮಬನ್ಧುಃ ।
ಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ।
ಅಥ ನಿಧನವತ್ ।
ಆತ್ಮಾ ವೈ ನಿಧನಮ್ ।
ಅಥೈಳಮ್ ।
ಪಶವೋ ವಾ ಇಳಾ ।
ಪ್ರಾಣಮಾತ್ಮಾನಂ ಪಶೂಂಸ್ತಾನೇವೈತತ್ಸಂದಧಾತಿ ।
ಸರ್ವಯಾಸ್ಯ ಸಾಮಕ್ಳ್ಪ್ತ್ಯಾ ಸರ್ವೇಣ ಸಾಮಬನ್ಧುನಾ ಸ್ತುತಂ ಭವತಿ ಯ ಏವಂ ವೇದ ೧೨೩

ದ್ವೇ ಉ ಹ ವಾವ ಸಾಮನೀ ಸ್ತೋಭವಚ್ಚೈವಾಸ್ತೋಭವಚ್ಚ ।
ತಯೋರ್ಯತ್ಸ್ತೋಭವತ್ತತ್ಕ್ಷತ್ರಮಥ ಯದಸ್ತೋಭವತ್ತದ್ಬ್ರಹ್ಮ ।
ಉಭಯಂ ಬ್ರಹ್ಮ ಚ ಕ್ಷತ್ರಂ ಚಾವರುನ್ದ್ಧೇ ಯ ಏವಂ ವೇದ ।
ಅಥ ಯೌಧಾಜಯಂ ತ್ರಿಣಿಧನಂ ಸವನಾನಾಂ ಕ್ಳ್ಪ್ತ್ಯೈ ।
ಪವಮಾನೇನ ವೈ ದೇವೇಭ್ಯೋಽನ್ನಾದ್ಯಂ ಪ್ರದೀಯತೇ ।
ತನ್ಮಧ್ಯೇನಿಧನಂ ಭವತ್ಯನ್ನಾದ್ಯಸ್ಯ ವಿಶೇಷಾಯ ।
ಯದ್ಧಿ ದೇವೇಭ್ಯಸ್ಸರ್ವಮನ್ನಾದ್ಯಂ ಪ್ರದೀಯತೇ ನ ತದಿಹಾನ್ನದ್ಯಂ ಪರಿಶಿಷ್ಯೇತ ಯನ್ಮನುಷ್ಯಾಶ್ಚ ಪಶವಶ್ಚೋಪಜೀವೇಯುಃ ।
ತದ್ಯನ್ಮಧ್ಯೇನಿಧನಂ ಭವತ್ಯನ್ನಾದ್ಯಸ್ಯೈವ ವಿಶೇಷಾಯ ।
ದೇವಾನಾಂ ವಾ ಅಸುರಾ ಯಜ್ಞವೇಶಸಮಚಿಕೀರ್ಷನ್ ।
ಯಾವತ್ಯೇತದ್ದಕ್ಷಿಣಾನಾಂ ಕಾಲೇ ನ ಸ್ತುವನ್ತಿ ನ ಶಂಸನ್ತಿ ।
ತದ್ದೇವಾಃ ಪ್ರತ್ಯಬುಧ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇ ಪ್ರಾತಸ್ಸವನಮೇವ ಪ್ರಥಮೇನ ನಿಧನೇನ ಪರ್ಯಗೃಹ್ಣನ್ಮಾಧ್ಯಂದಿನಂ ದ್ವಿತೀಯೇನ ತೃತೀಯಸವನಂ ತೃತೀಯೇನ ।
ತಾನೇವ ವಜ್ರಾನುದಯಚ್ಛನ್ ।
ತಾನೇವ ವಜ್ರಾನುದ್ಯತಾನಸುರಾ ನೋಪಾಧೃಷ್ಣುವನ್ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ಅಥ ಹ ಸ ಕ್ಳ್ಪ್ತ ಏವ ಪವಮಾನೋ ಯಸ್ಮಿನ್ನಧಿ ತ್ರಿಣಿಧನಂ ಭವತಿ ಸವನಾನಾಮೇವ ಕ್ಳ್ಪ್ತ್ಯೈ ೧೨೪

ದೇವಾಸುರಾಸ್ಸಂಯತ್ತಾ ಜ್ಯೋಙ್ನ ವ್ಯಜಯನ್ತ ।
ಬೃಹಸ್ಪತಿರ್ದೇವಾನಾಂ ಪುರೋಹಿತ ಆಸೀದುಶನಾ ಕಾವ್ಯೋಽಸುರಾಣಾಮ್ ।
ತದ್ಯದೇವಾವಸ್ತಾದ್ಬ್ರಹ್ಮಾಕ್ರಿಯತ ತತ್ಪರಸ್ತಾದಕ್ರಿಯತ ।
ತತ್ಸಮಾನಂ ಬ್ರಹ್ಮ ನ ವ್ಯಜಯತ ।
ತೇಷಾಂ ಹ ತ್ರಿಶೀರ್ಷಾ ಗನ್ಧರ್ವೋ ವಿಜಯಸ್ಯಾವೇತ್ ।
ಸ ಹೇರ್ಷ್ಯುರಾಸ ।
ತಸ್ಯ ಹಾಪ್ಸ್ವನ್ತರ್ನೌನಗರಂ ಪರಿಪ್ಲವಮಾಸ ।
ತದಿನ್ದ್ರೋ ಽನ್ವಬುಧ್ಯತ ತ್ರಿಶೀರ್ಷಾ ವೈ ನೌ ವಿಜಯಸ್ಯ ವೇದೇತಿ ।
ತಸ್ಯ ಜಾಯಾಮುಪಾರ್ಚ್ಛದೇತಸ್ಯೈವ ವಿಜಯಸ್ಯ ಕಾಮಾಯ ।
ತಾಮಬ್ರವೀತ್ಪೃಚ್ಛತಾತ್ಪತಿಂ ಯ ಇಮೇ ದೇವಾಸುರಾಸ್ಸಂಯತ್ತಾ ಜ್ಯೋಗಭೂವನ್ಕತರ ಏಷಾಂ ಜೇಷ್ಯನ್ತೀತಿ ।
ತದ್ಧೈವ ಸಂವದಮಾನಾವಾಜಗಾಮ ।
ಸ ಹ ತದೇವ ನೌಮಣ್ಡ ಉಪಶಿಶ್ಲೇಷ ಜಲಾಯುಕಾ ವಾ ತೃಣಕಂ ವಾ ಭೂತ್ವಾ ।
ಸೇಯಂ ಪತಿಂ ಪಪ್ರಚ್ಛ ಯ ಇಮೇ ದೇವಾಸುರಾಸ್ಸಂಯತ್ತಾ ಜ್ಯೋಗಭೂವನ್ಕತರ ಏಷಾಂ ಜೇಷ್ಯನ್ತೀತಿ ೧೨೫

ಮೋಚ್ಚೈರಿತಿ ಹೋವಾಚ ಕರ್ಣಿನೀ ವೈ ಭೂಮಿರಿತಿ ।
ತದಿದಮಪ್ಯೇತರ್ಹ್ಯಾಹುರ್ಮೋಚ್ಚೈಃ ಕರ್ಣಿನೀ ವೈ ಭೂಮಿರಿತಿ ।
ನೇತಿ ಹೋವಾಚ ಬ್ರೂಹ್ಯೇವೇತಿ ।
ಸ ಹೋವಾಚ ಬ್ರಾಹ್ಮಣಾವಿಮೌ ಸಮಂ ವಿದತುರ್ಬೃಹಸ್ಪತಿರಯಂ ದೇವೇಷೂಶನಾ ಕಾವ್ಯೋಽಸುರೇಷು ।
ತೌ ಯತ್ಕುರುತಸ್ತತ್ಸಮಮೇವ ಯಚ್ಛತಿ ।
ಯಾ ಇತರ ಆಹುತೀರ್ಜುಹೋತಿ ತಾ ಇತರಃ ।
ತಾಸ್ಸಮೇತ್ಯ ಯಥಾಯಥಮೇವ ಪುನರ್ವಿಪರಾಯನ್ತಿ ।
ತಯೋರ್ಯತರೋ ಯತರಾನುಪಸಮೇಷ್ಯತಿ ತೇ ಜೇಷ್ಯನ್ತೀತಿ ।
ತದ್ಧೈವೇನ್ದ್ರೋ ಽನುಬುಧ್ಯ ಶುಕೋ ಭೂತ್ವೋತ್ಪಪಾತ ।
ತಂ ಹಾನ್ವೀಕ್ಷ್ಯ ಪತನ್ತಮುವಾಚ ಯೇಷಾಮಸೌ ಹರಿತವರ್ಣಕಃ ಪತತಿ ತೇ ಜೇಷ್ಯನ್ತೀತಿ ।
ಸ ಹೋಶನಸಂ ಕಾವ್ಯಮಾಜಗಾಮಾಸುರೇಷು ।
ತಂ ಹೋವಾಚರ್ಷೇ ಕಮಿಮಂ ಜನಂ ವರ್ಧಯಸ್ಯಸ್ಮಾಕಂ ವೈ ತ್ವಮಸಿ ವಯಂ ವಾ ತವಾಸ್ಮಾನಭ್ಯುಪಾವರ್ತಸ್ವೇತಿ ।
ಕಥೇತಿ ಹೋವಾಚ ಕೇನ ಮೋಪಮನ್ತ್ರಯಸ ಇತಿ ।
ಯಾ ಇಮಾ ವಿರೋಚನಸ್ಯ ಪ್ರಾಹ್ಲಾದೇಃ ಕಾಮದುಘಸ್ತಾಭಿರಿತಿ ।
ತಥೇತಿ ।
ತಾಭಿರ್ಹ ಪ್ರ ತ್ವಿತ್ಯೇವ ಪ್ರದುದ್ರುವತುಃ ।
ತೌ ಹಾಸುರಾ ಅನ್ವವಜಹಿರೇ ।
ತೌ ಹಾನ್ವಾಜಗ್ಮುಃ ।
ಸ ಹೋವಾಚರ್ಷೇಽನು ವೈ ನಾವಿಮೇಽಸುರಾ ಆಗ್ಮನ್ನಿತಿ ।
ಸ ವೈ ತಥಾ ಕುರ್ವಿತಿ ಹೋವಾಚ ಯಥಾ ನಾವೇತೇ ನಾನ್ವಾಗಚ್ಛಾನಿತಿ ತೌ ಹೈತತ್ಪ್ರತಿಪೇದಾತೇ - ೧೨೬

ಸ್ವಾಯುಧಃ ಪವತೇ ದೇವ ಇನ್ದುರಶಸ್ತಿಹಾ ವೃಜನಾ ರಕ್ಷಮಾಣಃ
ಪಿತಾ ದೇವಾನಾಂ ಜನಿತಾ ಸುದಕ್ಷೋ ವಿಷ್ಟಮ್ಭೋ ದಿವೋ ಧರುಣಃ ಪೃಥಿವ್ಯಾಃ ಇತಿ ।
ಆ ದಿವೋ ವಿಷ್ಟಮ್ಭಮುಚ್ಛಿಶ್ರಿಯತುಃ ।
ತಂ ಹೈವಾಸುರಾ ನಾತೀಯುಃ ।
ತೌ ಹಾಭಿಃ ಕಾಮದುಘಾಭಿರ್ದೇವಾನಾಜಗ್ಮತುಃ ।
ತೌ ಹಾಗತೌ ಮಹಯಾಂ ಚಕ್ರಿರೇ
ಋಷಿರ್ವಿಪ್ರಃ ಪುರಏತಾ ಜನಾನಾಮೃಭುರ್ಧೀರ ಉಶನಾ ಕಾವ್ಯೇನ
ಸ ಚಿದ್ವಿವೇದ ನಿಹಿತಂ ಯದಾಸಾಮಪೀಚ್ಯಂ ಗುಹ್ಯಂ ನಾಮ ಗೋನಾಮ್
ಇತಿ ।
ತಾ ಏತಾಃ ಪಶವ್ಯಾ ಋಚಃ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತ್ಯೇತಾಭಿರೃಗ್ಭಿಸ್ತುಷ್ಟುವಾನಃ ।
ತಾಸ್ವೌಶನಮ್ ।
ಉಶನಾ ವೈ ಕಾವ್ಯೋ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮೈಚ್ಛತ ।
ಸ ಏತತ್ಸಾಮಾಪಶ್ಯತ್ ।
ತೇನಾತುತ ।
ತತೋ ವೈ ಸ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮಾಶ್ನುತ ।
ತದೇತಲ್ಲೋಕವಿತ್ಸಾಮ ।
ಅಶ್ನುತೇ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮೇತೇನ ತುಷ್ಟುವಾನಃ ।
ಯದುಶನಾ ಕಾವ್ಯೋಽಪಶ್ಯತ್ತಸ್ಮಾದೌಶನಮಿತ್ಯಾಖ್ಯಾಯತೇ ।
ತತ್ಸ್ವಾರಂ ಭವತಿ ।
ಸ್ವರೇಣ ವೈ ದೇವೇಭ್ಯೋಽನ್ತತೋಽನ್ನಾದ್ಯಂ ಪ್ರದೀಯತೇ ।
ಋಕ್ಸಮಂ ಪವಮಾನಾನ್ತೇ ಭವತಿ ।
ನರ್ಚಾ ಸಾಮಾತಿರೇಚಯನ್ತಿ ನರ್ಚಂ ಸಾಮ್ನಾ ।
ತದ್ಯದಿಹೇವ ಚೇಹೇವ ಚ ಪವಮನೇ ನ ಸ್ತುವತ ಏತಸ್ಯೈವ ಸಮತಾಯೈ ಸಮಂ ಕ್ಳ್ಪ್ತ್ಯೈ ।
ಪದಾನುಸ್ವಾರಂ ಪುರಸ್ತಾದ್ಗಾಯತ್ರಂ ಭವತಿ ಪದಾನುಸ್ವಾರಮುಪರಿಷ್ಟಾತ್ಪವಮಾನಾನ್ತೇ ।
ತಸ್ಮಾದುಭಯತಃಪ್ರಾಣಾಃ ಪ್ರಜಾ ಊರ್ಧ್ವಾಶ್ಚಾವಾಚೀಶ್ಚ ।
ದ್ವಿಷಾಮ್ನೀ ಗಾಯತ್ರೀ ।
ಯೋಽಯಮವಾಙ್ಪ್ರಾಣ ಏಷ ಏವ ಸಃ ।
ತಸ್ಮಾದೇತೇನ ದ್ವಯಂ ಪ್ರಾಣೇನ ಕರೋತಿ ಭಸ್ಮ ಚ ಕರೋತಿ ವಾತಂ ಚ ।
ದ್ವಿಷಾಮ್ನೀ ಬೃಹತೀ ।
ಯೋಽಯಂ ಪ್ರಾಙ್ಪ್ರಾಣ ಏಷ ಏವ ಸಃ ।
ತಸ್ಮಾದೇತೇನ ದ್ವಯಂ ಪ್ರಾಣೇನ ಕರೋತಿ ರೇತಶ್ಚ ಸಿಞ್ಚತಿ ಮೇಹತಿ ಚ ।
ಏಕಸಾಮ್ನೀ ತ್ರಿಷ್ಟುಪ್ ।
ನಾಭಿರೇವ ಸಾ ।
ತಸ್ಯಾಮೇಕಂ ಸಾಮ ।
ತಸ್ಮಾದೇತೇನೈಕಮೇವ ಪ್ರಾಣೇನ ಕರೋತಿ ಯದೇವ ಪ್ರಾಣಾನುದನತೋಽನೂದನಿತಿ ೧೨೭

ಪ್ರಜಾಪತಿರ್ಯದ್ಬೃಹದ್ರ ಥನ್ತರೇ ಅಸೃಜತ ಸ ಮನ ಏವಾಗ್ರೇ ಬೃಹದಪಶ್ಯತ್ ।
ವಾಚಂ ರಥನ್ತರಮಭಿವ್ಯಾಹರತ್ ।
ತದ್ಯದ್ವಾಚಂ ರಥನ್ತರಮಭಿವ್ಯಾಹರತ್ತಸ್ಮಾದ್ರ ಥನ್ತರಂ ಪೂರ್ವಂ ಯೋಗಮಾನಶೇ ।
ಅಥ ಯನ್ಮನೋಽಗ್ರೇ ಬೃಹದಪಶ್ಯತ್ತಸ್ಮಾದು ಬೃಹದ್ರ ಥನ್ತರೇ ಇತ್ಯಾಖ್ಯಾಯೇತೇ ।

ಮನೋ ವೈ ಪೂರ್ವಮಥ ವಾಕ್ ।
ಮನೋ ವೈ ಬೃಹದ್ವಾಗ್ರಥನ್ತರಮ್ ।
ಋಗ್ವೈ ರಥನ್ತರಂ ಸಾಮ ಬೃಹತ್ ।
ಬ್ರಹ್ಮ ವೈ ರಥನ್ತರಂ ಕ್ಷತ್ರಂ ಬೃಹತ್ ।
ಇದಂ ವೈ ರಥನ್ತರಮದೋ ಬೃಹತ್ ।
ಯದ್ವಾ ಏಜತ ಇವ ತದ್ರಾ ಥನ್ತರಂ ಯದುಪಸ್ಥಿತಂ ತದ್ಬಾರ್ಹತಮ್ ।
ಯೇ ವಾ ಅನ್ಯತೋದನ್ತಾಃ ಪಶವಸ್ತೇ ರಾಥನ್ತರಾ ಯ ಉಭಯತೋದನ್ತಾಸ್ತೇ ಬಾರ್ಹತಾಃ ।
ಯಾ ವೈ ತಿರಶ್ಚೀ ವಿದ್ಯುತ್ಸಾ ರಾಥನ್ತರೀ ಯೋರ್ಧ್ವಾ ಸಾ ಬಾರ್ಹತೀ ।
ರಥನ್ತರಸ್ಯ ಮಹಿಮ್ನಸ್ಸಂಭೃತ್ಯ ರಥನ್ತರೇಣೋದ್ಗಾಯೇದ್ಯಸ್ತೇ ಅಗ್ನೌ ಮಹಿಮಾ ಯಸ್ತೇ ರಥೇ ಯಸ್ತೇ ಮಹಿಮಾ ಸ್ತನಯಿತ್ನೌ ಯ ಉ ತೇ ವಾತೇ ಯಸ್ತೇ ಮಹಿಮಾ ತೇನ ಸಂಭವ ರಥನ್ತರ ದ್ರ ವಿಣಸ್ವನ್ನ ಏಧಿ ಇತಿ ।
ದ್ರ ವಿಣಸ್ವದೇವೋದ್ಗಾತ್ರೇ ಭವತಿ ದ್ರ ವಿಣಸ್ವದ್ಯಜಮಾನಾಯ ದ್ರ ವಿಣಸ್ವತ್ಪ್ರಜಾಭ್ಯಃ ೧೨೮

ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ವಜ್ರಂ ಕ್ಷುರಪವಿಮಸೃಜನ್ತ ಪುರುಷಮೇವ ।
ತಮಸುರಾನಭ್ಯವೃಞ್ಜನ್ ।
ಸೋಽಸುರಾನಪೋಹ್ಯ ದೇವಾನಭ್ಯಾವರ್ತತ ।
ತಸ್ಮಾದ್ದೇವಾ ಅಬಿಭಯುಃ ।
ತಮಭಿಪದ್ಯ ಬೃಹದ್ರ ಥನ್ತರಯೋಃ ಪ್ರೌಹನ್ ।
ಸ ಏಷ ವಜ್ರಃ ಕ್ಷುರಪವಿರ್ಬೃಹದ್ರ ಥನ್ತರಯೋಃ ಪುರುಷ ಏವ ।
ಸ ಯಂ ದ್ವಿಷ್ಯಾದ್ಬೃಹದ್ರ ಥನ್ತರಯೋರೇನಂ ಮುಖೇಽಪಿದಧ್ಯಾತ್ ।
ಯದಿ ರಾಥನ್ತರಸ್ಸೋಮಸ್ಸ್ಯಾದ್ರ ಥನ್ತರೇ ಪ್ರಸ್ತುತೇ ಬ್ರೂಯಾನ್ನಮೋ ಮಾತ್ರೇ ಪೃಥಿವ್ಯೈ ರಥನ್ತರ ಮಾ ಮಾ ಹಿಂಸೀಃ ಇತಿ ।
ಯದಿ ಬಾರ್ಹತಸ್ಸೋಮಸ್ಸ್ಯಾದ್ಬೃಹತಿ ಪ್ರಸ್ತುತೇ ಬ್ರೂಯಾದ್ದಿವಂ ಪಿತರಮುಪಶ್ರಯೇ ಬೃಹನ್ಮಾ ಮಾ ಹಿಂಸೀಃ ಇತಿ ।
ಅಥಾನುಮನ್ತ್ರಯೇತ ಪ್ರಾಣೈರಮುಷ್ಯ ಪ್ರಾಣಾನ್ವೃಙ್ಕ್ಷ್ವ ।
ತಕ್ಷಣೇನ ತೇಕ್ಷಣೀಯಸಾಯುರಸ್ಯ ಪ್ರಾಣಾನ್ವೃಙ್ಕ್ಷ್ವ ।
ಕ್ರುದ್ಧ ಏನಂ ಮನ್ಯುನಾ ದಣ್ಡೇನ ಜಹಿ ।
ಧನುರೇನಮಾತತ್ಯೇಷ್ವಾ ವಿಧ್ಯ ಇತಿ ।
ಬೃಹದ್ರ ಥನ್ತರಯೋರೇವೈನಂ ಮುಖೇಽಪಿದಧಾತಿ ।
ಯಂ ದ್ವೇಷ್ಟಿ ತಂ ಪುರಾ ಸಂವತ್ಸರಾತ್ಪ್ರಾಣೋ ಜಹಾತಿ ।
ಯೋ ವೈ ದೇವರಥಂ ವೇದ ರಥೀ ಭವತಿ ।
ಯಜ್ಞೋ ವಾವ ದೇವರಥಃ ತಸ್ಯ ಬಹಿಷ್ಪವಮಾನಮೇವ ರಥಮುಖಂ ಬೃಹದ್ರ ಥನ್ತರೇ ಅಶ್ವಾವಾಜ್ಯಾನಿ ಯೋಕ್ತ್ರಾಣ್ಯಭೀಶೂ ಪವಮಾನೌ ಪಕ್ಷಸೀ - ೧೨೯

ಔಶನಕಾವೇ ಆಣೀ ನೌಧಸಕಾಲೇಯೇ ವನ್ಧುರಾಧಿಷ್ಠಾನಂ ವಾಮದೇವ್ಯಮುಪಸ್ಥೋ ಯಜ್ಞಾಯಜ್ಞೀಯಮಧ್ಯಾಸ್ಥಾತಾ ಸ ಏಷ ಪುರುಷಃ ।
ಏಷ ವೈ ದೇವರಥಃ ।
ರಥೀ ಭವತಿ ಯ ಏವಂ ವೇದ ।
ಯದಿ ರಾಥನ್ತರಸ್ಸೋಮಸ್ಸ್ಯಾದ್ಬೃಹನ್ನಾನ್ತರ್ಯಾತ್ ।
ಯದಿ ಬಾರ್ಹತಸ್ಸೋಮಸ್ಸ್ಯಾದ್ರ ಥನ್ತರಂ ನಾನ್ತರ್ಯಾತ್ ।
ಹೋ ವೈ ಬೃಹದ್ರಾ ಥನ್ತರಮ್ ।
ರಥನ್ತರೇ ಪ್ರಸ್ತುತೇ ಹೋ ಇತ್ಯುಕ್ತ್ವಾದಿಮಾದದೀತ ।
ಬೃಹದೇವ ತದ್ರ ಥನ್ತರಸ್ಯ ಮುಖತೋ ಯುನಕ್ತಿ ।
ಆ ವೈ ರಥನ್ತರಂ ಬಾರ್ಹತಮ್ ।
ಬೃಹತಿ ಪ್ರಸ್ತುತೇ ಆ ಇತ್ಯುಕ್ತ್ವಾದಿಮಾದದೀತ ।
ರಥನ್ತರಮೇವ ತದ್ಬೃಹತೋ ಮುಖತೋ ಯುನಕ್ತಿ ।
ಅಸ್ಥೂರಿಂ ದೇವರಥಂ ಕರೋತಿ ಪ್ರತಿ ಯಜ್ಞಂ ಸ್ಥಾಪಯತಿ ಪ್ರತ್ಯಾತ್ಮನಾ ತಿಷ್ಠತಿ ।
ಏಷ ವೈ ದೇವರಥೋ ಯದ್ರ ಥನ್ತರಮ್ ।
ರಥನ್ತರೇ ಪ್ರಸ್ತುತೇ ಪೃಥಿವೀಂ ಹಸ್ತಾಭ್ಯಾಂ ಗಚ್ಛೇದ್ದೇವರಥಸ್ಯಾನಪವ್ಯಾಥಾಯ ೧೩೦

ಏಕಮಕ್ಷರಂ ಸ್ತೋಭತಿ ।
ತಸ್ಮಾದರೇಣಾರೇಣ ರಥಃ ಪ್ರತಿತಿಷ್ಠನ್ನೇತಿ ।
ದ್ವೇ ಅಕ್ಷರೇ ಸ್ತೋಭತಿ ।
ದ್ವೇ ರಥಸ್ಯ ಪಕ್ಷಸೀ ।
ಪಕ್ಷಾಭ್ಯಾಮೇವ ತದ್ದೇವರಥಂ ಪ್ರತಿಷ್ಠಾಪಯತಿ ।
ತ್ರೀಣ್ಯಕ್ಷರಾಣಿ ಸ್ತೋಭತಿ ।
ದ್ವಿಪಾದ್ವೈ ಯಜಮಾನ ಆತ್ಮಾ ತೃತೀಯಃ ।
ಯಜಮಾನ ಏವ ತತ್ಪ್ರತಿತಿಷ್ಠತಿ ।
ಅಥೋ ತ್ರಯ ಇಮೇ ಲೋಕಾಃ ।
ತಾನೇವ ತದಾಪ್ನೋತಿ ।
ಚತ್ವಾರ್ಯಕ್ಷರಾಣಿ ಸ್ತೋಭತಿ ।
ಚತಸ್ರೋ ದಿಶಶ್ಚತುಷ್ಪಾದಾಃ ಪಶವಃ ।
ದಿಕ್ಷು ಚೈತತ್ಪಶುಷು ಚ ಪ್ರತಿತಿಷ್ಠತಿ ।
ಪಞ್ಚಾಕ್ಷರಾಣಿ ಸ್ತೋಭತಿ ।
ಪಾಙ್ಕ್ತೋ ಯಜ್ಞಃ ಪಾಙ್ಕ್ತಾಃ ಪಶವಃ ।
ಯಜ್ಞೇ ಚೈತತ್ಪಶುಷು ಚ ಪ್ರತಿತಿಷ್ಠತಿ ।
ಷಡಕ್ಷರಾಣಿ ಸ್ತೋಭತಿ ।
ಷಡ್ವಾ ಋತವಃ ।
ಋತುಷ್ವೇವ ತತ್ಪ್ರತಿತಿಷ್ಠತಿ ।
ಅಥೋ ಷಡ್ವೈ ಛನ್ದಾಂಸಿ ।
ತಾನ್ಯೇವ ತದಾಪ್ನೋತಿ ।
ಸಪ್ತಾಕ್ಷರಾಣಿ ಸ್ತೋಭತಿ ।
ಸಪ್ತಪದಾ ವೈ ಶಕ್ವರ್ಯಃ ।
ಶಾಕ್ವರಾಃ ಪಶವಃ ।
ಪಶುಷ್ವೇವ ತಚ್ಛಕ್ವರ್ಯಾಂ ಪ್ರತಿತಿಷ್ಠತಿ ।
ಅಥೋ ಸಪ್ತ ಚತುರುತ್ತರಾಣಿ ಛನ್ದಾಂಸಿ ಸಪ್ತ ಮುಖ್ಯಾಃ ಪ್ರಾಣಾಃ ।
ತಾನ್ಯೇವ ತದಾಪ್ನೋತಿ ।
ಅಷ್ಟಾವಕ್ಷರಾಣಿ ಸ್ತೋಭತಿ ।
ಅಷ್ಟಾಕ್ಷರಾ ವೈ ಗಾಯತ್ರೀ ।
ತೇಜೋ ಬ್ರಹ್ಮವರ್ಚಸಂ ಗಾಯತ್ರೀ ।
ತೇಜಸ್ಯೇವ ತದ್ಬ್ರಹ್ಮವರ್ಚಸೇ ಪ್ರತಿತಿಷ್ಠತಿ ।
ಅಥೋ ಅಷ್ಟಾಶಫೇಷ್ವೇವ ಪಶುಷು ೧೩೧

ನವಾಕ್ಷರಾಣಿ ಸ್ತೋಭತಿ ।
ನವ ವೈ ಪುರುಷೇ ಪ್ರಾಣಾಃ ।
ಪ್ರಾಣಾನೇವೈತದ್ದ್ವಿಷತೋ ಭ್ರಾತೃವ್ಯಸ್ಯ ವೃಞ್ಜ್ಯಾತ್ ।
ಪ್ರಾಣಾನಾತ್ಮನ್ಧತ್ತೇ ।
ಅಥೋ ತ್ರಿವೃತ ಏವ ಸ್ತೋಮಸ್ಯ ಸ್ತೋತ್ರಮಾಪ್ನೋತಿ ।
ದಶಾಕ್ಷರಾಣಿ ಸ್ತೋಭತಿ ।
ದಶಾಕ್ಷರಾ ವಿರಾಡನ್ನಂ ವಿರಾಟ್ ।
ವಿರಾಜ್ಯೇವ ತದನ್ನಾದ್ಯೇ ಪ್ರತಿತಿಷ್ಠತಿ ।
ಅಥೋ ದಶ ಪ್ರಾಣಾಃ ।
ತಾನೇವ ತದಾಪ್ನೋತಿ ।
ಏಕಾದಶಾಕ್ಷರಾಣಿ ಸ್ತೋಭತಿ ।
ಏಕಾದಶಾಕ್ಷರಾ ತ್ರಿಷ್ಟುಪ್ ।
ಇನ್ದ್ರಿ ಯಂ ವೀರ್ಯಂ ತ್ರಿಷ್ಟುಪ್ ।
ಇನ್ದ್ರಿ ಯ ಏವ ತದ್ವೀರ್ಯೇ ಪ್ರತಿತಿಷ್ಠತಿ ।
ದ್ವಾದಶಾಕ್ಷರಾಣಿ ಸ್ತೋಭತಿ ।
ದ್ವಾದಶಾಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಪಶುಷ್ವೇವ ತಜ್ಜಗತ್ಯಾಂ ಪ್ರತಿತಿಷ್ಠತಿ ।
ಅಥೋ ದ್ವಾದಶ ಮಾಸಾಃ ।
ತಾನೇವ ತದಾಪ್ನೋತಿ ।
ತ್ರಯೋದಶಾಕ್ಷರಾಣಿ ಸ್ತೋಭತಿ ।
ಯ ಏವಾಸಾವಧಿಚರಸ್ತ್ರಯೋದಶೋ ಮಾಸ ತಮೇವ ತದಾಪ್ನೋತಿ ।
ಚತುರ್ದಶಾಕ್ಷರಾಣಿ ಸ್ತೋಭತಿ ।
ಸಂವತ್ಸರೋ ವೈ ಚತುರ್ದಶಃ ।
ಸಂವತ್ಸರ ಏವ ತತ್ಪ್ರತಿತಿಷ್ಠತಿ ।
ಪಞ್ಚದಶಾಕ್ಷರಾಣಿ ಸ್ತೋಭತಿ ।
ಪಞ್ಚದಶ ವಾ ಅರ್ಧಮಾಸಸ್ಯ ರಾತ್ರಯಃ ।
ಅರ್ಧಮಾಸಶ ಏವ ಸಂವತ್ಸರಮಾಪ್ನೋತಿ ।
ಷೋಡಶಾಕ್ಷರಾಣಿ ಸ್ತೋಭತಿ ।
ಷೋಡಶಕಲೋ ವೈ ಪುರುಷಃ ।
ಕಲಾ ಏವ ತದ್ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಮವಾಞ್ಚಮಪವಹನ್ತಿ ಶ್ರಿಯಮಾತ್ಮನಾಶ್ನುತೇ ।
ಅಥೋ ಷೋಡಶಿನ ಏವ ಸ್ತೋಭಸ್ಯ ಸ್ತೋತ್ರಮಾಪ್ನೋತಿ ।
ಸಪ್ತದಶಾಕ್ಷರಾಣಿ ಸ್ತೋಭತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಾವೇವ ತತ್ಪ್ರತಿತಿಷ್ಠತಿ ೧೩೨

ಏತದನ್ಯತ್ಸ್ತೋಭೇತ್ ।
ಋಚಮೇವ ನ ಗಾಯೇತ್ ।
ಸ ಯದೃಚಮೇವ ಗಾಯತಿ ತೇನ ರಥನ್ತರಸ್ಯ ರೂಪಾನ್ನೈತಿ ।
ಋಗ್ಘಿ ರಥನ್ತರಂ ಸಾಮ ಬೃಹತ್ ।
ಯದ್ಯು ಸ್ತೋಭೇದಷ್ಟಾವೇವಾಕ್ಷರಾಣಿ ಸ್ತೋಭೇತ್ ।
ತದ್ವೇವ ಸಂಮೀಲತೇ ।
ಸ್ವರ್ದೃಶಂ ಪ್ರತಿವಿಪಶ್ಯೇಚ್ಚಕ್ಷುಷೋಽಪ್ರವರ್ಹಾಯ ।
ಯದೀಶಾನಮಿನ್ದ್ರ ಇತಿ ಪ್ರತಿಹರೇದೀಶಾನೋ ಯಜಮಾನಸ್ಯ ಪಶೂನಭಿಮಾನುಕಸ್ಸ್ಯಾತ್ ।
ಅಥ ಯಚ್ಛಾನಮಿನ್ದ್ರ ಇತಿ ಪ್ರತಿಹರತಿ ನೇಶಾನೋ ಯಜಮಾನಸ್ಯ ಪಶೂನಭಿಮನ್ಯತೇ ಶಾನ್ತಾಃ ಪ್ರಜಾ ಏಧನ್ತೇ ।
ಪ್ರತಿಹಾರೇಪ್ರತಿಹಾರ ಉದ್ಗಾತ ಇಳಾ ಇದ್ಬ್ರೂಯಾತ್ ।
ಪಶವೋ ವಾ ಇಳಾಯತನಂ ರಥನ್ತರಮ್ ।
ಆಯತನ ಏವ ತದೇತಾನ್ಪಶೂನ್ಪ್ರತಿಷ್ಠಾಪಯತಿ ।
ನಸ್ಥುಷಃ ಇತಿ ಬ್ರೂಯಾತ್ ।
ಯತ್ತಸ್ಥುಷಃ ಇತಿ ಬ್ರೂಯಾತ್ಸ್ಥಾಯುಕಾಸ್ಯ ಶ್ರೀಸ್ಸ್ಯಾತ್ ।
ಅಥ ಯನ್ನಸ್ಥುಷಃ ಇತ್ಯಾಹ ನಾಸ್ಯ ಶ್ರೀಸ್ತಿಷ್ಥತಿ ಪಶವೋಽಸ್ಯ ಸ್ವಾಯಾತೇನ ಯಾನ್ತಿ ।
ಬೃಹದ್ರ ಥನ್ತರೇ ವ್ಯಾವರ್ತಯೇತ್ ।
ಯದ್ಧ ವೈ ಬೃಹದ್ರ ಥನ್ತರೇ ನ ವ್ಯಾವರ್ತಯೇದ್ಯಥಾ ಮಹಾವೃಕ್ಷೌ ಸಮೃತ್ಯ ಶಾಖಾ ವಿಪರಿಶೃಣೀತ ಏವಂ ಪ್ರಜಾಃ ಪಶೂನ್ವಿಪರಿಶೃಣೀಯಾತಾಮ್ ।
ಹೋ ವಾ ಹಾ ವೈ ಬೃಹದೋ ವಾ ಹಾ ರಥನ್ತರಮ್ ।
ಬೃಹದ್ರ ಥನ್ತರೇ ಏವೈತದ್ವ್ಯಾವರ್ತಯತಿ ವಿ ಪಾಪ್ಮನಾ ವರ್ತತೇ ಯ ಏವಂ ವೇದ ೧೩೩

ಯಥಾ ಸ್ಯಾದೇವಂ ಬುಭೂಷನ್ನುಪೇಯಾತ್ ।
ಯಥಾ ಸ್ಯಾದೇವಂ ಭ್ರಾತೃವ್ಯವಾನ್ ।
ಜಯತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ಬೃಹದ್ರ ಥನ್ತರೇ ಯದಸೃಜ್ಯೇತಾಂ ತಾಭ್ಯಾಂ ಭೀಷಾ ಪ್ರಜಾಃ ಪಶವ ಉದವೇಪನ್ತ ।
ತೇ ಆತ್ಮಾನಮೇವ ಪರ್ಯೈಕ್ಷೇತಾಂ ಕಿಂ ನು ನಾವಿದಂ ಕ್ರೂರಂ ಇವಾತ್ಮನೋ ಯಸ್ಮಾದ್ಭೀಷಾ ಪ್ರಜಾಃ ಪಶವ ಉದವೇಪಿಷತೇತಿ ।
ತೇ ನಿಧನೇ ಏವಾಪಶ್ಯತಾಮ್ ।
ತೇ ಅರಣ್ಯೇ ನಿಧಾಯ ಗ್ರಾಮಮಭ್ಯವೈತಾಮ್ ।
ತದೇವ ಸ್ವಕೃತಮಿರಿಣಮಭವತ್ ।
ತಸ್ಮಾದಾಹುರ್ನ ಸ್ವಕೃತಮಿರಿಣಮಧ್ಯವಸೇಯಮ್ ।
ಈಶ್ವರಃ ಪಾಪೀಯಾನ್ಭವಿತೋರ್ಯತ್ಸ್ವಕೃತಮಿರಿಣಮಧ್ಯವಸ್ಯತೀತಿ ।
ಬೃಹದ್ರ ಥನ್ತರಯೋರ್ಹ ವಾ ಏತನ್ನಿಧನಾಭ್ಯಾಂ ನಿರ್ದಗ್ಧಮ್ ।
ತೇ ಹ ವಾ ಏತೇ ಗ್ರಾಮಗೇಯೇ ಏವಾಪನಿಧನೇ ಯದ್ಬೃಹದ್ರ ಥನ್ತರೇ ।
ಕಾಮಂ ಹ ವಾ ಏತಾಭ್ಯಾಮಪನಿಧನಾಭ್ಯಾಂ ಗ್ರಾಮೇ ಸ್ತುವೀತ ೧೩೪

ಅಷ್ಟಾಕ್ಷರೇಣ ಪ್ರಸ್ತೌತಿ ।
ದ್ವ್ಯಕ್ಷರೇಣೋತ್ತರೇ ಪ್ರಸ್ತೌತ್ಯಭಿಕ್ರಾನ್ತ್ಯಾ ಅನಪಭ್ರಂಶಾಯ ।
ಅಷ್ಟಾಕ್ಷರೇಣ ಪ್ರಸ್ತೌತಿ ।
ದ್ವ್ಯಕ್ಷರೇಣೋತ್ತರೇ ಪ್ರಸ್ತೌತಿ ।
ದ್ವಿಪಾದಮೇವ ತದಷ್ಟಾಶಫೇಷು ಪಶುಷ್ವಧ್ಯೂಹತಿ ।
ತಸ್ಮಾದ್ದ್ವಿಪಾದಷ್ಟಾಶಫಾನ್ಪಶೂನಧಿತಿಷ್ಠತಿ ।
ಅಷ್ಟಾಕ್ಸರೇಣ ಪ್ರಸ್ತೌತಿ ।
ದ್ವ್ಯಕ್ಷರೇಣೋತ್ತರೇ ದ್ವೇ ಪ್ರಸ್ತೌತಿ ।
ತದ್ದ್ವಾದಶ ಸಂಪದ್ಯನ್ತೇ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಃ ಪ್ರಜಾಪತಿರ್ಯಜ್ಞಃ ।
ಸಂವತ್ಸರಮೇವೈತೇನ ಪ್ರಜಾಪತಿಂ ಯಜ್ಞಮಾಪ್ನೋತಿ ।
ಅಕ್ಷರೇಷ್ಠಂ ರಥನ್ತರಂ ಕರೋತಿ ।
ತಸ್ಮಾದರೇಣಾರೇಣ ರಥಃ ಪ್ರತಿತಿಷ್ಠನ್ನೇತಿ ।
ರಥನ್ತರೇಣ ವೈ ದೇವಾ ಸಂವಿಚ್ಯ ಬೃಹತಾ ಜಾಲೇನೇವಾಭಿನ್ಯೌಬ್ಜನ್ ।
ರಥನ್ತರೇಣೈವ ದ್ವಿಷನ್ತಂ ಭ್ರಾತೃವ್ಯಂ ಸಂವಿಚ್ಯ ಬೃಹತಾ ಜಾಲೇನೇವಾಭಿನ್ಯುಬ್ಜತಿ ಯ ಏವಂ ವೇದ ।
ರಥನ್ತರೇಣ ವೈ ದೇವಾ ಊರ್ಧ್ವಾಸ್ಸ್ವರ್ಗಂ ಲೋಕಮಾಯನ್ ।
ತಾನ್ಯಸುರರಕ್ಷಸಾನಿ ನವ ನವತಯ ಇಮಾಁ ಲ್ಲೋಕಾನವೃಣ್ವನ್ ।
ರಥಾ ಹ ನಾಮಾಸುಃ ।
ತೇ ದೇವಾ ರಥನ್ತರೇಣೈವ ಸ್ತುತ್ವಾ ರಥನ್ತರಂ ಸಮಾರುಹ್ಯ ಸ್ವರ್ಗಂ ಲೋಕಮಗಚ್ಛನ್ ।
ತೇಽಬ್ರುವನ್ನತಾರಿಷ್ಮ ವಾ ಇಮಾನ್ರಥಾನಿತಿ ।
ತದೇವ ರಥನ್ತರಸ್ಯ ರಥನ್ತರತ್ವಮ್ ।
ತರತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ೧೩೫

ಅಶನಯಾ ಹ ವೈ ರಥಾ ಅನ್ನಮು ವೈ ರಥನ್ತರಮ್ ।
ಅನ್ನೇನಾಶನಯಾಂ ಘ್ನನ್ತಿ ।
ತಾಂತಾಂ ಅಶನಯಾಂ ಅನ್ನೇನ ಹತ್ವಾ ಸ್ವರ್ಗಂ ಲೋಕಮಾರೋಹನ್ ।
ಬೃಹತಾ ವೈ ದೇವಾಸ್ಸ್ವರ್ಗಂ ಲೋಕಮಜಿಗಾಂಸನ್ ।
ತೇನ ನ ವ್ಯಾಪ್ನುವನ್ ।
ತಸ್ಮಿನ್ನುಷ್ಣಿಕ್ಕಭಾ ಉಪಾದಧುಃ ।
ತೇನ ವ್ಯಾಪ್ನುವನ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಬೃಹದ್ವಾವೇದಮಭೂದ್ಯೇನ ಸ್ವರ್ಗಂ ಲೋಕಂ ವ್ಯಾಪಾಮೇತಿ ।
ತದೇವ ಬೃಹತೋ ಬೃಹತ್ವಮ್ ।
ದ್ವಾದಶ ಬೃಹತೋ ರೋಹಾನ್ರೋಹೇತ್ಸ್ವರ್ಗಕಾಮ ಉದಧಿಮರ್ದಯೇದ್ವೃಷ್ಟಿಕಾಮಃ ।
ಯಾವನ್ತ್ಯು ಹ ವೈ ಬೃಹತ್ಯಾ ಅಕ್ಷರಾಣ್ಯುಷ್ಣಿಕ್ಕಕುಭೋಶ್ಚ ತಾವದಿತಸ್ಸ್ವರ್ಗೋ ಲೋಕಃ ।
ಪ್ರ ಸ್ವರ್ಗಂ ಲೋಕಮಾಪ್ನೋತಿ ಯ ಏವಂ ವೇದ ೧೩೬

ಅಥೋ ಬೃಹತ್ ।
ಮನೋ ಬೃಹತ್ ।
ದ್ವಾದಶಾಕ್ಷರಃ ಪ್ರಸ್ತಾವಃ ।
ತಾವದ್ಧಿ ಸಾಮ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಃ ಸಾಮ ।
ತ್ರಯೋ ಬೃಹತೋ ರೋಹಾ ಇಮ ಏವ ಲೋಕಾಃ ।
ತೇ ಪುನರ್ನವ ಭವನ್ತಿ ಪ್ರಾಣಾ ಏವ ।
ಮನೋ ದಶಮಮ್ ।
ದ್ವಾದಶ ಬೃಹತಸ್ತನ್ವೋ ಮಾಸಾ ಏವ ।
ಮಾಸಾ ರಶ್ಮಯಃ ।
ರಶ್ಮಯೋ ಮರುತಃ ।
ತೈರಸಾವಾದಿತ್ಯೋ ಧೃತಃ ।
ಸ ಯ ಏತದೇವಂ ವೇದ ಯತ್ರ ಕಾಮಯತ ಇಹ ಧ್ರಿಯೇಯೇತಿ ಧ್ರಿಯತೇ ತತ್ರ ।
ಯೋ ವೈ ಬೃಹತೋ ಬಾರ್ಹತಂ ಪದಂ ವೇದೋರು ಪ್ರಜಯಾ ಪಶುಭಿಃ ಪ್ರಥತೇ ।
ದ್ವಾದಶಾಕ್ಷರಂ ವಾವ ಬೃಹತೋ ಬಾರ್ಹತಂ ಪದಮ್ ।
ತದಾಯಚ್ಛತೇವ ಗೇಯಮ್ ।
ಯೋ ವೈ ಬೃಹತಿ ತ್ರಿವೃತಂ ಸದೇವಂ ಪ್ರೋಢಂ ವೇದ ಗಚ್ಛತಿ ಕ್ಷತ್ರಮಾತ್ರಾಮ್ ।
ರೋಹಾ ಹ ವಾವ ಬೃಹತಸ್ತ್ರಿವೃತ್ಸದೇವಃ ।
ಬ್ರಹ್ಮಣೋಽಸ್ಯ ಸತಃ ಕ್ಷತ್ರಸ್ಯೇವ ಪ್ರಕಾಶೋ ಭವತಿ ಯ ಏವಂ ವೇದ ।
ಇನ್ದ್ರೋ ವೃತ್ರಂ ವಜ್ರೇಣಾಧ್ಯಸ್ಯ ನಾಸ್ತೃಷೀತಿ ಮನ್ಯಮಾನಃ ಪರಾಂ ಪರಾವತಮಗಚ್ಛತ್ ।
ತಂ ಪ್ರಜಾಪತಿರಕಾಮಯತ ತತ್ಸ್ಯಾದಿತಿ ।
ತಮೋ ಹೋ ಇತ್ಯನ್ವಾಹ್ವಯತ್ ।
ಸೋಽಭವತ್ ।
ಓ ಹೋ ಇತ್ಯೇವಾಪರುದ್ಧೋ ರಾಜನ್ಯಃ ಕುರ್ವೀತ ।
ಅವ ಹೈವ ಗಚ್ಛತಿ ೧೩೭

ದೇವಾ ವಾ ಅಸುರಾನ್ಯುಧಮುಪಪ್ರಯನ್ತೋಽಬ್ರುವನ್ಯನ್ನೋ ವಾಮಂ ವಸು ತದಪನಿಧಾಯ ಯುಧ್ಯಾಮಹೈ ಯದದ್ಯ ಕಸ್ಮಿಂಶ್ಚಿದ್ಭೂತೇಽಭ್ಯುಪಧಾವಾಮೇತಿ ।
ಪಶವೋ ವಾವ ತೇಷಾಂ ವಾಮಂ ವಸ್ವಾಸೀತ್ ।
ತದಪನಿಧಾಯ ಯುಧಮುಪಪರಾಯನ್ ।
ತೇ ದೇವಾ ಅಸುರಾನಜಯನ್ ।
ತೇ ವಿಜಿಗ್ಯಾನಾಃ ಪುನರಾಯನ್ತ ಏಕಂ ಭೂತಮಭ್ಯವಾಯನ್ ।
ತನ್ನ ವ್ಯಜಾನತೇದಂ ಮಮ ವಾಮಮಿದಂ ಮಮೇತಿ ।
ತೇಽಬ್ರುವನ್ವೀದಂ ಭಜಾಮಹಾ ಇತಿ ।
ತಸ್ಯ ವಿಭಾಗೇ ನ ಸಮಪಾದಯನ್ ।
ತೇಽಬ್ರುವನ್ಪ್ರಜಾಪತಾವೇವ ಪೃಚ್ಛಾಮಹಾ ಇತಿ ।
ತೇ ಪ್ರಜಾಪತಾವಪೃಚ್ಛತ ।
ಸ ಪ್ರಜಾಪತಿರಬ್ರವೀತ್ಸರ್ವೇಷಾಮೇವ ವ ಏತದ್ವಾಮಂ ಸಹ ಸರ್ವಾನ್ವ ಏತೇನ ಸ್ತೋಷ್ಯನ್ತಿ ಸರ್ವಾನ್ವ ಏತದವೈಷ್ಯತಿ ಮಾ ವಿಭಗ್ಧ್ವಮಿತಿ ।
ತದ್ಯದ್ಗಾಯತ್ರೀಷು ಸ್ತುವನ್ತಿ ತೇನಾಗ್ನೇಯಮ್ ।
ಗಾಯತ್ರ್! ಯೋ ಹ್ಯಗ್ನಿರಿತಿ ।
ಯತ್ಪೃಷ್ಠಂ ಮಾಧ್ಯಂದಿನಂ ತೇನೈನ್ದ್ರ ಮ್ ।
ಯತ್ಕವತೀಷು ಸ್ತುವನ್ತಿ ತೇನ ಪ್ರಾಜಾಪತ್ಯಮ್ ।
ಯದನಿರುಕ್ತಂ ತೇನ ವೈಶ್ವದೇವಮ್ ।
ಯನ್ಮೈತ್ರಾವರುಣಾಯ ಸ್ತುವನ್ತಿ ತೇನ ಮೈತ್ರಾವರುಣಮ್ ।

ತದ್ವಾ ಏತತ್ಪಶವ್ಯಂ ಯದ್ವಾಮದೇವ್ಯಮ್ ।
ಅನೇಜನ್ನುದ್ಗಾಯೇತ್ಪಶೂನಾಮಪರಾವಾಪಾಯ ।
ಯದೇಜನ್ನುದ್ಗಾಯೇತ್ಪಶೂನ್ಪರಾವಪೇತ್ ।
ತದಾಹುಃ ಪ್ರಾವೃತೋಽನೇಜನ್ನುದ್ಗಾಯೇನ್ನೇನ್ಮೋಪದ್ರ ಷ್ಟಾನುವ್ಯಾಹರಾದಿತಿ ।
ತದುಪಕಾರ್ಯರೂಪಮ್ ।
ಪ್ರಾವೃತ ಏವಾನೇಜನ್ನುದ್ಗಾಯೇತ್ ೧೩೮

ಅಕ್ಷಂ ಹ ಸ್ಮ ವಾ ಏತತ್ಪುರಾ ವಿಶಶ್ಶೀರ್ಷನ್ನಿದಧತಿ ಯ ಏವ ತಮುದ್ಗಾಯನ್ನಾವಪಾತಯಿಷ್ಯತಿ ಸ ನ ಉದ್ಗಾಸ್ಯತೀತಿ ।
ತದು ತದುಪಕಾರ್ಯರೂಪಮೇವ ।
ಕಾಮಮೇವೋದ್ಗೇಯಮ್ ।
ತಸ್ಯ ತ್ರೀಣ್ಯಕ್ಷರಾಣಿ ಛನ್ನಾನಿ ಗಾಯತಿ ।
ತ್ರಯೋ ವಾ ಇಮೇ ಲೋಕಾಃ ।
ಪ್ರಜಾಪತಿರ್ವಾಮದೇವ್ಯಂ ಪ್ರಜಾಪತಿರ್ಲೋಕಾನಾಮಭಿನೇತಾ ।
ಸ ಯೋ ಪ್ರಜಾಪತಿಸ್ಸ್ವರ್ಗಸ್ಯ ಲೋಕಸ್ಯಾಭಿನೇತಾ । ಸ ಯಸ್ಸ್ವರ್ಗಸ್ಯ ಲೋಕಸ್ಯಾಭಿನೇತಾ ಸ ಮಾ ಸ್ವರ್ಗಂ ಲೋಕಮಭಿನಯಾದಿತಿ । ಲೋಕಾನಾಮಭಿನೇತಾ ಸ ನೋ ಲೋಕಾನಭಿನಯಾದಿತಿ ।
ವಾಮದೇವ್ಯಸ್ಯ ಸ್ತೋತ್ರ ಋಷಭಮಪ್ಯರ್ಜೇತ್ ।
ಸೌ ಹೌ ಖಾ ಇತ್ಯೇವರ್ಷಭಃ ।
ಯೋನಿರ್ವಾಮದೇವ್ಯಂ ಪ್ರಜನನಮೃಷಭಃ ।
ಯೋನ್ಯಾಮೇವೈತತ್ಪ್ರಜನನೇನ ಪ್ರಜನನಮಪಿಸೃಜತಿ ಪ್ರಜಾತ್ಯೈ ।
ತತ್ಪರೋಕ್ಷಮಿವ ಗೇಯಮ್ ।
ನರ್ಚಮುಪಸ್ಪೃಶೇತ್ ।
ವಯೋ ವೈ ವಾಮದೇವ್ಯಮ್ ।
ಯದೃಚಮುಪಸ್ಪೃಶೇದ್ಯಥಾ ವಯೋಽನ್ತರಿಕ್ಷೇಣ ಪತದ್ವೃಕ್ಷಮೃಚ್ಛೇತ್ತಾದೃಕ್ತತ್ ।
ಪದೇ ಅನ್ತರಾ ನಾವಾನ್ಯಾತ್ ।
ಯತ್ಪದೇ ಅನ್ತರಾವಾನ್ಯಾದ್ಯಥಾ ಕರ್ತಂ ಪತೇತ್ತಾದೃಕ್ತತ್ ।
ಉತ್ತರಸ್ಯ ಪದಸ್ಯಾರಭ್ಯಾವಾನ್ಯಾತ್ ।
ಸ ಯಥಾಕ್ರಮಣಾದಾಕ್ರಮಣಮಾಕ್ರಮ್ಯೋದನ್ಯಾತ್ತಾದೃಕ್ತತ್ ೧೩೯

ವಿಚ್ಛಿನ್ನಮಿವ ವಾ ಏತತ್ಸಾಮ ಪ್ರತಿಹಾರಂ ಪ್ರತಿ ।
ಕಯಾ ಶಚಾಯಿ ವಾ ರ್ತೋ ಹಾಯೀತಿ ಸಂಕ್ರಾಮೇದನಾದೃತ್ಯ ಪ್ರತಿಹಾರಮ್ ।
ತದು ತದ್ದುಷ್ಕರರೂಪಮ್ ।
ಸಾಮಿ ತಾಮ್ಯೇತ್ತತ್ ।
ಪ್ರತಿಹಾರ ಏವ ಪ್ರತಿಹ್ರಿಯಮಾಣೇ ವಾಗಿತ್ಯುದ್ಗಾತಾ ಬ್ರೂಯಾತ್ ।
ವಾಗ್ವೈ ಬ್ರಹ್ಮ ।
ವಾಚೈವೈನತ್ತದ್ಬ್ರಹ್ಮಣಾ ಸಂದಧಾತಿ ।
ಆಪೋ ವೈ ದೇವಾನಾಂ ಪತ್ನಯ ಆಸನ್ ।
ತಾ ಮಿಥುನಮೈಚ್ಛನ್ತ ।
ತಾ ಮಿತ್ರಾವರುಣಾವುಪೈತಾಮ್ ।
ತಾ ಗರ್ಭಮದಧತ ।
ತತೋ ರೇವತಯಃ ಪಶವೋಽಸೃಜ್ಯನ್ತ ।
ರೇವತೀಷು ಪಶುಕಾಮಸ್ಯ ಕುರ್ಯಾತ್ ।
ಪಶುಮಾನೇವ ಭವತಿ ।
ಈಶ್ವರೋ ಹ ತ್ವಪ್ರಜಾತಿರ್ಭವಿತೋಃ ।
ಕವತೀಭ್ಯೋ ಹ್ಯೇತಿ ಪ್ರಾಜಾಪತ್ಯಾಭ್ಯಃ ।
ಅಥ ಹ ವಾ ಏತದ್ಭರದ್ವಾಜಃ ಪೃಶ್ನಿಸ್ತೋತ್ರಂ ದದರ್ಶ ಪಶುಕಾಮಃ ಕಯಾ ನಶ್ಚಿತ್ರ ಆ ಭುವದ್ । ರೇವತೀರ್ನ ಸಧಾಮದೇ । ಅಭೀ ಷು ನಃ ಸಖೀನಾಮಿತಿ ।
ಸ ಯದೇಕಾಂ ರೇವತೀಂ ಮಧ್ಯತೋಽಪಿಸೃಜತಿ ತೇನ ಪಶುಭ್ಯೋ ನೈತಿ ।
ಯದು ಕವತ್ಯೌ ಪ್ರಾಜಾಪತ್ಯೇ ಅಭಿತೋ ಭವತಸ್ತೇನೋ ಪ್ರಜಾಯೈ ನೈತಿ ।
ತತ್ಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ।
ಪ್ರಾಣಾನೇವೈತತ್ಪಶುಷು ದಧಾತಿ ।
ಈಶ್ವರೋ ಹ ತು ಸ್ವರೇಣ ಯಜಮಾನಸ್ಯ ಪಶೂನ್ನಿಃಸ್ವರಿತೋರ್ಯದ್ಯನಿಧನಂ ಕುರ್ಯಾತ್ ।
ಪ್ರಾಣಾನಪಿಹನ್ಯಾತ್ ೧೪೦

ಅವಿತಾ ಜರಾಯಿತೄಣಾಮಾ ಆಉಹೋ ಹಾ ಯಿ ಶತಾಂ ಭವಸ್ಯೌಹೋ ಹುಂ ಮಾ ತಾ ಯಾ ಹುಂ ಮಾ ಇತ್ಯುತ್ತಮಾಯಾ ಉತ್ತರಾರ್ಧೇ ಕುರ್ಯಾತ್ ।
ಸ ಯಥಾ ವ್ರಜೇ ಗಾ ಅನುಪಾದ್ಯಾರ್ಗಲೇನಾಪಿಹನ್ಯಾತ್ತಾದೃಕ್ತತ್ ।
ತದಾಹುಸ್ಸ್ವಯೋನಾವೇವ ತತ್ಸ್ವಾರಂ ಕಾರ್ಯಮ್ ।
ಯ ಏನಮೇವಂ ಚಕೃವಾಂಸಮುಪಮೀಮಾಂಸೇತ ಸ್ವರೇಣ ಯಜಮಾನಸ್ಯ ಪಶೂನ್ನಿರಸ್ವಾರೀರಿತಿ ತಂ ಬ್ರೂಯಾನ್ನಿಧನವತ್ಪುರಸ್ತಾದ್ರ ಥನ್ತರಂ ನಿಧನವದುಪರಿಷ್ಟಾನ್ನೌಧಸಮ್ ।
ತಾಭ್ಯಾಂ ಮ ಏತದುಭಯತಃ ಪ್ರಜಾಃ ಪಶವಃ ಪರಿಗೃಹೀತಾಃ ।
ಪ್ರಾಣಮೇವೈತದಧಾಂ ಮಧ್ಯತಃ ಪಶೂನಾಮಿತಿ ।
ಯ ಏವೈನಮೇವಂ ಚಕೃವಾಂಸಮುಪಮೀಮಾಂಸತೇ ಸ ಆರ್ತಿಮಾರ್ಛತಿ ।
ಅಷ್ಟಾಕ್ಷರಾ ಗಾಯತ್ರ್! ಯಷ್ಟೌ ವಸವಃ ।
ಗಾಯತ್ರಂ ಪ್ರಾತಸ್ಸವನಮ್ ।
ಅಕ್ಷರೇಽಕ್ಷರೇ ದೇವತಾನ್ವಾಯತ್ತಾ ।
ಏಕಾದಶಾಕ್ಷರಾ ತ್ರಿಷ್ಟುಬೇಕಾದಶ ರುದ್ರಾ ಃ! ।
ತ್ರೈಷ್ಟುಭಂ ಮಾಧ್ಯಂದಿನಂ ಸವನಮ್ ।
ಅಕ್ಷರೇ-ಽಕ್ಷರೇ ದೇವತಾನ್ವಾಯತ್ತಾ ।
ದ್ವಾದಶಾಕ್ಷರಾ ಜಗತೀ ।
ದ್ವಾದಶಾದಿತ್ಯಾಃ ।
ಜಾಗತಂ ತೃತೀಯಸವನಮ್ ।
ಅಕ್ಷರೇ-ಽಕ್ಷರೇ ದೇವತಾನ್ವಾಯತ್ತಾ ।
ಅಥ ಕಿಂ ಪ್ರತಿಯಜ್ಞಂ ಯಜಮಾನಮಪಿನಯನ್ತೀತಿ ।
ಸ ಬ್ರೂಯಾತ್ಪ್ರಜಾಪತಿರ್ಯದ್ವಾಮದೇವ್ಯಮಸೃಜತ ತಸ್ಯ ತ್ರೀಣ್ಯಕ್ಷರಾಣ್ಯುದಖಿದತ್ ।
ಸ ಏವ ತ್ರ್! ಯಕ್ಷರಃ ಪುರುಷೋಽಭವತ್ ।
ವಾಮದೇವ್ಯಸ್ಯ ಸ್ತೋತ್ರೇ ಪುರುಷಃ ಇತಿ ಬ್ರೂಯಾತ್ ।
ತತ್ಪ್ರತಿಯಜ್ಞಂ ಯಜಮಾನಮಪಿನಯನ್ತೀತಿ ।
ತದಾಹುರ್ನ ಪುರುಷಃ ಇತಿ ಬ್ರೂಯಾತ್ಪರೋಕ್ಷಮೇವ ಧ್ಯಾಯೇನ್ಮನಸೈವ ನಿಯಚ್ಛೇದಿತಿ ।
ತದು ವಾ ಆಹುರ್ನೈವ ಪರೋಕ್ಷಂ ಧ್ಯಾಯೇನ್ನ ಮನಸಾ ನಿಯಚ್ಛೇದ್ಯದ್ವಾವ ವೇದ ತೇನೈವಾಪ್ತಮಿತಿ ೧೪೧

ದೇವಾ ವಾ ಅಸುರಾನ್ಯುಧಮುಪಪ್ರಯನ್ತೋಽಬ್ರುವನ್ಯನ್ನೋ ವಾಮಂ ವಸು ತದಪನಿಧಾಯ ಯುಧ್ಯಾಮಹೈ ಯದದ್ಯ ಕಸ್ಮಿಂಶ್ಚಿದ್ಭೂತೇಽಭ್ಯುಪಧಾವಾಮೇತಿ ।
ಪ್ರಾಣಾ ವಾವ ತೇಷಾಂ ವಾಮಂ ವಸ್ವಾಸೀತ್ ।
ತದಪನಿಧಾಯ ಯುಧಮುಪಪರಾಯನ್ ।
ತದೇಕಧಾ ಭೂತ್ವಾ ಸೃಜಮಾನಮತಿಷ್ಠದೃಚಸ್ಸಾಮಾನಿ ಯಜೂಂಷಿ ಗಾಮಶ್ವಮಜಾಮವಿಂ ವ್ರೀಹಿಂ ಯವಂ ಬ್ರಾಹ್ಮಣಂ ರಾಜನ್ಯಂ ವೈಶ್ಯಂ ಶೂದ್ರಂ ಯದಿದಂ ಕಿಂ ಚಿತ್ತತ್ಸರ್ವಮ್ ।
ತದೇಭ್ಯ ಆಚಕ್ಷತೇದಂ ವೈ ವಸ್ತದ್ವಾಮಂ ವಸ್ವೇಕಧಾ ಭೂತ್ವಾ ಸೃಜಮಾನಂ ತಿಷ್ಠತೀತಿ ।
ತೇ ದೇವಾ ಅಸುರಾನಜಯನ್ ।
ತೇ ವಿಜಿಗ್ಯಾನಾಃ ಪುನರಾಯನ್ತ ಏಕಂ ಭೂತಮಭ್ಯವಾಯನ್ ।
ತನ್ನ ವ್ಯಜಾನತೇದಂ ಮಮ ವಾಮಮಿದಂ ಮಮೇತಿ ।
ತೇಽಬ್ರುವನ್ವೀದಂ ಭಜಾಮಹಾ ಇತಿ ।
ತಸ್ಯ ವಿಭಾಗೇ ನ ಸಮಪಾದಯನ್ ।
ತದೇವೈನಾನಬ್ರವೀತ್ಸರ್ವಾನೇವ ವೋ ಮಯಾ ಸ್ತೋಷ್ಯನ್ತಿ ಸರ್ವಾನ್ವೋಽಹಮವೈಷ್ಯಾಮಿ ಮಾ ಮಾ ವಿಭಗ್ಧ್ವಮಿತಿ ।
ತದ್ಯದ್ಗಾಯತ್ರೀಷು ಸ್ತುವನ್ತಿ ತೇನಾಗ್ನೇಯಮ್ ।
ಗಾಯತ್ರ್! ಯೋ ಹ್ಯಗ್ನಿರಿತಿ ।
ಯತ್ಪೃಷ್ಠಂ ಮಾಧ್ಯಂದಿನಂ ತೇನೈನ್ದ್ರ ಮ್ ।
ಯತ್ಕವತೀಷು ಸ್ತುವನ್ತಿ ತೇನ ಪ್ರಾಜಾಪತ್ಯಮ್ ।
ಯದನಿರುಕ್ತಂ ತೇನ ವೈಶ್ವದೇವಮ್ ।
ಯನ್ಮೈತ್ರಾವರುಣಾಯ ಸ್ತುವನ್ತಿ ತೇನ ಮೈತ್ರಾವರುಣಮ್ ।
ತದೇನಾನಬ್ರವೀತ್ಸೃಜಧ್ವಂ ಮದಿತಿ ।
ತಥೇತಿ ।
ತದಭ್ಯಸ್ವರನ್ ।
ತೇಽಬ್ರುವನ್ಸೃಜಸ್ವೇತಿ ೧೪೨

ತದ್ರ ಥನ್ತರಮಸೃಜತ ।
ತದ್ರ ಥಘೋಷೋಽನ್ವಸೃಜ್ಯತ ।
ತೇಽಬ್ರುವನ್ನರಾತ್ಸ್ಮಾನೇನ ಸ್ತೋತ್ರೇಣೇತಿ ।
ತಸ್ಮಾದ್ರ ಥನ್ತರಸ್ಯ ಸ್ತೋತ್ರೇ ರಥಘೋಷಂ ಕುರ್ವನ್ತಿ ।
ಅರಾತ್ಸ್ಮಾನೇನ ಸ್ತೋತ್ರೇಣೇತ್ಯೇವ ತದ್ವಿದ್ಯಾತ್ ।
ತದಬ್ರುವನ್ಸೃಜಸ್ವೈವೇತಿ ।
ತದ್ಬೃಹದಸೃಜತ ।
ತತ್ಪರ್ಜನ್ಯಸ್ಯ ಘೋಷೋಽನ್ವಸೃಜ್ಯತ ।
ತೇಽಬ್ರುವನ್ನರಾತ್ಸ್ಮಾನೇನ ಸ್ತೋತ್ರೇಣೇತಿ ।
ತಸ್ಮಾದ್ಬೃಹತಸ್ಸ್ತೋತ್ರೇ ದುನ್ದುಭೀನುದ್ವಾದಯನ್ತಿ ।
ವರ್ಷುಕಃ ಪರ್ಜನ್ಯೋ ಭವತಿ ।
ಅರಾತ್ಸ್ಮಾನೇನ ಸ್ತೋತ್ರೇಣೇತ್ಯೇವ ತದ್ವಿದ್ಯಾತ್ ।
ತದಬ್ರುವನ್ಸೃಜಸ್ವೈವೇತಿ ।
ತದ್ವೈರೂಪಮಸೃಜತ ।
ತದ್ಗ್ರಾಮಘೋಷೋಽನ್ವಸೃಜ್ಯತ ।
ತೇಽಬ್ರುವನ್ನರಾತ್ಸ್ಮಾನೇನ ಸ್ತೋತ್ರೇಣೇತಿ ।
ತಸ್ಮಾದ್ವೈರೂಪಸ್ಯ ಸ್ತೋತ್ರೇ ಗ್ರಾಮಘೋಷಂ ಕುರ್ವನ್ತಿ ।
ಅರಾತ್ಸ್ಮಾನೇನ ಸ್ತೋತ್ರೇಣೇತ್ಯೇವ ತದ್ವಿದ್ಯಾತ್ ।
ತದಬ್ರುವನ್ಸೃಜಸ್ವೈವೇತಿ ।
ತದ್ವೈರಾಜಮಸೃಜತ ।
ತದಗ್ನೇರ್ಘೋಷೋಽನ್ವಸೃಜ್ಯತ ।
ತೇಽಬ್ರುವನ್ನರಾತ್ಸ್ಮಾನೇನ ಸ್ತೋತ್ರೇಣೇತಿ ।
ತಸ್ಮಾದ್ವೈರಾಜಸ್ಯ ಸ್ತೋತ್ರೇಽಗ್ನಿಂ ಮನ್ಥನ್ತಿ ।
ಅರಾತ್ಸ್ಮಾನೇನ ಸ್ತೋತ್ರೇಣೇತ್ಯೇವ ತದ್ವಿದ್ಯಾತ್ ।
ತದಬ್ರುವನ್ಸೃಜಸ್ವೈವೇತಿ ।
ತಚ್ಛಾಕ್ವರಮಸೃಜತ ।
ತದಪಾಂ ಘೋಷೋಽನ್ವಸೃಜ್ಯತ ।
ತೇಽಬ್ರುವನ್ನರಾತ್ಸ್ಮಾನೇನ ಸ್ತೋತ್ರೇಣೇತಿ ।
ತಸ್ಮಾಚ್ಛಾಕ್ವರಸ್ಯ ಸ್ತೋತ್ರೇಽಪ ಉಪನಿಧಾಯ ಸ್ತುವನ್ತಿ ।
ಅರಾತ್ಸ್ಮಾನೇನ ಸ್ತೋತ್ರೇಣೇತ್ಯೇವ ತದ್ವಿದ್ಯಾತ್ ।
ತದಬ್ರುವನ್ಸೃಜಸ್ವೈವೇತಿ ।
ತದ್ರೈ ವತಮಸೃಜತ ।
ತತ್ಪಶುಘೋಷೋಽನ್ವಸೃಜ್ಯತ ।
ತೇಽಬ್ರುವನ್ನರಾತ್ಸ್ಮಾನೇನ ಸ್ತೋತ್ರೇಣೇತಿ ।
ತಸ್ಮಾದ್ರೈ ವತಸ್ಯ ಸ್ತೋತ್ರೇ ಪಶುಘೋಷಂ ಕುರ್ವನ್ತಿ ವತ್ಸಾನ್ಮಾತೃಭಿಸ್ಸಂವಾಶಯನ್ತಿ ।
ಅರಾತ್ಸ್ಮಾನೇನ ಸ್ತೋತ್ರೇಣೇತ್ಯೇವ ತದ್ವಿದ್ಯಾತ್ ।
ತದಬ್ರುವನ್ಸೃಜಸ್ವೈವೇತಿ ೧೪೩

ತನ್ನಾಸೃಜತ ।
ತದೂರ್ಧ್ವಮುದೈಷದ್ಯಥಾ ಪೃಷ್ಠಂ ಯಥಾ ಕಕುದೇವಮ್ ।
ತದ್ದೇವಾಸ್ಸಂಗೃಹ್ಯೋರ್ಧ್ವಾ ಉದಾಯನ್ ।
ತೇಽಬ್ರುವನ್ನಿಯದ್ವಾವೇದಮಾಸೇದಂ ವಾವ ನೋ ದೇವಾನಾಂ ವಾಮಮಿತಿ ।
ಯದಬ್ರುವನ್ನಿಯದ್ವಾವೇದಮಾಸೇದಂ ವಾವ ನೋ ದೇವಾನಾಂ ವಾಮಮಿತಿ ವಾಮದೇವ್ಯಸ್ಯ ತದ್ವಾಮದೇವ್ಯತ್ವಮ್ ।
ತದ್ವಾ ಏತತ್ಪಿತಾ ಮಾತಾ ಸಾಮ್ನಾಂ ಯದ್ವಾಮದೇವ್ಯಮ್ ।
ಯದ್ವೈ ಪುತ್ರೋಽತಿಪಾದಯತಿ ಪಿತಾ ವೈ ತಸ್ಯ ಶಮಯಿತಾ ಪಿತಾ ನಿಷೇದ್ಧಾ ।
ತದ್ಯನ್ಮಧ್ಯತಃ ಕ್ರಿಯತೇ ಶಾನ್ತ್ಯಾ ಏವ ನಿಷಿದ್ಧ್ಯೈ ।
ತದ್ಯಾನಿ ಹ ವೈ ಸ್ತುತಾನಿ ಸಾಮಾನಿ ಪಶ್ಚಾತ್ತ್ವತ್ತೇಷಾಂ ವಾಮದೇವ್ಯಮ್ ।
ಅಥ ಯಾನ್ಯಸ್ತುತಾನಿ ಪುರಸ್ತ್ವತ್ತೇಷಾಮ್ ।
ತೇಷಾಮುಭಯೇಷಾಂ ಶಾನ್ತ್ಯೈ ನಿಷಿದ್ಧ್ಯೈ ।
ತತ್ಸ್ವಧೂರ್ಗೇಯಂ ನೋಚ್ಚೈರಿವ ನ ನೀಚೈರಿವ ।
ಯದುಚ್ಚೈರ್ಗಾಯೇಚ್ಛ್ರೇಯಸೋ ಭ್ರಾತೃವ್ಯಸ್ಯ ನಿಯಾನೇನ ಯಾಯಾತ್ ।
ಯನ್ನೀಚೈರ್ಗಾಯೇತ್ಪಾಪೀಯಸೋ ಭ್ರಾತೃವ್ಯಸ್ಯ ನಿಯಾಯೇನ ಯಾಯಾತ್ ।
ಇಯಂ ವಾವೈತಸ್ಯ ಧೂರಿದಮನ್ತರಿಕ್ಷಮ್ ।
ಏತದೇವೈನಂ ಧೂರ್ವತಿ ಯ ಏವಂ ವಿದ್ವಾಂಸಂ ಧೂರ್ವತೀತಿ ।
ತದಾಹುಃ ಪ್ರಾದೇಶಮಾತ್ರಾದ್ವಾ ಏತದಿಮಂ ಲೋಕಂ ನ ಸ್ಪೃಶತಿ ಪ್ರಾದೇಶಮಾತ್ರಾದಮುಂ ನೇತಿ ।
ಅಥೋ ಆಹುರ್ಯಾವದೇವ ಗೋಸ್ಸೂತಾಯಾ ಉಲ್ಬಂ ತಾವತೈವೇಮಂ ಲೋಕಂ ನ ಸ್ಪೃಶತಿ ತಾವತಾಮುಂ ನೇತಿ ।
ಅಥೋ ಆಹುರ್ಯಾವದೇವ ಶಕೃತ್ಯುಲ್ಬಂ ತಾವತೈವೇಮಂ ಲೋಕಂ ನ ಸ್ಪೃಶತಿ ತಾವತಾಮುಂ ನೇತಿ ।
ತದೇವಮಿವೈವ ಮನ್ಯಮಾನೇನ ಗೇಯಮ್ ।
ತದು ವಾ ಆಹುರ್ಯಥಾ ವಾ ಅಕ್ಷರೇಣ ಚಕ್ರೌ ವಿಷ್ಟಬ್ಧಾವೇವಮೇತೇನೇಮೌ ಲೋಕೌ ವಿಷ್ಟಬ್ಧೌ ।
ನೀವೇಮಂ ಲೋಕಂ ಸ್ಪೃಶತಿ ನೀವಾಮುಮಿತಿ ।
ನೋ ಹಾನ್ಯಸ್ಯಾನುವರ್ತ್ಮ ಗೇಯಮ್ ।
ಈಶ್ವರೋ ಹೋಪಜೀವೀ ಭವಿತೋರ್ಯೋಽನ್ಯಸ್ಯಾನುವರ್ತ್ಮಾ ಗಾಯತಿ ।
ಸ್ವಧೂರೇವ ಗೇಯಮ್ ।
ಯೋ ವೈ ದೇವಾನಾಂ ಮಧು ವೇದ ಮಧವ್ಯೋ ಭವತಿ ।
ವಾಮದೇವ್ಯಂ ವಾವ ದೇವಾನಾಂ ಮಧು ।
ಮಧವ್ಯೋ ಭವತಿ ಯ ಏವಂ ವೇದ ೧೪೪

ಇಮೌ ವೈ ಲೋಕೌ ಸಹ ಸನ್ತೌ ವ್ಯೈತಾಮ್ ।
ತಯೋರ್ನ ಕಿಂ ಚನ ಸಮಪತತ್ ।
ತೇ ದೇವಮನುಷ್ಯಾ ಆಶನಾಯನ್ ।
ಇತಃಪ್ರದಾನಾದ್ಧಿ ತೇ ದೇವಾ ಜೀವನ್ತ್ಯಮುತಃಪ್ರದಾನಾನ್ಮನುಷ್ಯಾಃ ।
ತೇ ಬೃಹದ್ರ ಥನ್ತರೇ ಅಬ್ರೂತಾಂ ಯೇ ನಾವಿಮೇ ಪ್ರಿಯೇ ತನ್ವೌ ತಾಭ್ಯಾಂ ವಿವಹಾವಹಾ ಇತಿ ।
ಶ್ಯೈತಂ ಹ ವಾ ಅಗ್ರೇ ರಥನ್ತರಸ್ಯ ಪ್ರಿಯಾ ತನೂರಾಸ ನೌಧಸಂ ಬೃಹತಃ ।
ತಾಭ್ಯಾಂ ವ್ಯವಹೇತಾಮ್ ।
ಊಷಾನೇವಾಸಾವಮುತೋಽಸ್ಯೈ ಶುಲ್ಕಮಕರೋದ್ಧೂಮಮಿತ ಇಯಮಮುಷ್ಯೈ ।
ವರ್ಷಮೇವಾಸಾವಮುತೋಽಸ್ಯೈ ಶುಲ್ಕಮಕರೋದ್ದೇವಯಜನಮಿತ್ಯಿಯಮಮುಷ್ಯೈ ।
ಸವಹತೂ ಉ ಹೈನೇ ವೇದ ಯ ಏವಂ ವೇದ ।
ಮೇನಾಮೇನಂ ವಾವ ತೇ ತದ್ವ್ಯವಹೇತಾಮ್ ।
ತಸ್ಮಾದಾಹುರ್ನ ಮೇನಾಮೇನಂ ವ್ಯೂಹ್ಯಮಿತಿ ।
ಬೃಹದ್ರ ಥನ್ತರಯೋರ್ಹ ವಾ ಏಷ ವಿವಾಹಮಭ್ಯಾರೋಹತಿ ।
ಸ ಈಶ್ವರಃ ಪರಾಭವಿತೋಃ ।
ತೇ ತನ್ವಾವಬ್ರೂತಾಮಾವಂ ನು ನಿಧನಾಭ್ಯಾಂ ವಿವಹಾವಹಾ ಇತಿ ೧೪೫

ಪದನಿಧನಂ ಹ ವಾ ಅಗ್ರೇ ಶ್ಯೈತಮಾಸ ವಸುನಿಧನಂ ನೌಧಸಮ್ ।
ತಾಭ್ಯಾಂ ವ್ಯವಹೇತಾಮ್ ।
ತತೋ ಹ ವಾ ಇದಮರ್ವಾಚೀನಮನ್ಯೋನ್ಯಸ್ಯ ಗೃಹೇ ವಸನ್ತಿ ।
ಯಥಾಗೃಹಂ ಹ ವಾವ ತತಃ ಪುರೋಷುರ್ಯಥಾಜ್ಞಾತಿ ವಾ ।
ರಥನ್ತರೇಣ ಸ್ತುವನ್ತಿ ।
ಇದಂ ವೈ ರಥನ್ತರಮ್ ।
ಅಥ ವಾಮದೇವ್ಯೇನ ।
ಇದಂ ವಾ ಅನ್ತರಿಕ್ಷಂ ವಾಮದೇವ್ಯಮ್ ।
ಅಥ ನೌಧಸೇನ ।
ಅದೋ ವೈ ನೌಧಸಮ್ ।
ಅನನ್ತರ್ಹಿತಾನೇವೇತ ಊರ್ಧ್ವಾಁ ಲ್ಲೋಕಾಞ್ಜಯತಿ ।
ಬೃಹತಾ ಸ್ತುವನ್ತಿ ।
ಅದೋ ವೈ ಬೃಹತ್ ।
ಅಥ ವಾಮದೇವ್ಯೇನ ।
ಇದಂ ವಾ ಅನ್ತರಿಕ್ಷಂ ವಾಮದೇವ್ಯಮ್ ।
ಅಥ ಶ್ಯೈತೇನ ।
ಇದಂ ವೈ ಶ್ಯೈತಮ್ ।
ಅನನ್ತರ್ಹಿತಾನೇವಾಮುತೋಽರ್ವಾಚೋ ಲೋಕಾಞ್ಜಯತಿ ।
ಉಭಯಾಁ ಲ್ಲೋಕಾಞ್ಜಯತಿ ಯೇ ಚೋರ್ಧ್ವಾ ಯೇ ಚಾರ್ವಾಞ್ಚೋ ಯ ಏವಂ ವೇದ ೧೪೬

ಅಥ ನೌಧಸಮ್ ।
ನೋಧಾ ವೈ ಕಾಕ್ಷೀವತೋ ಜ್ಯೋಗಪ್ರತಿಷ್ಠಿತಶ್ಚರನ್ಸೋಽಕಾಮಯತ ಪ್ರತಿತಿಷ್ಠೇಯಮಿತಿ ।
ಸ ಹ ದೇವಾನ್ಬ್ರಹ್ಮ ವಿಭಜಮಾನಾನುಪಾವಪಪಾತ ।
ಸ ಹೋವಾಚರ್ಷಿರಸ್ಮಿ ಮನ್ತ್ರಕೃತ್ಸ ಜ್ಯೋಗಪ್ರತಿಷ್ಠಿತೋಽಚಾರ್ಷಂ ತಸ್ಮೈ ಮ ಏತದ್ದತ್ತ ಯೇನ ಪ್ರತಿತಿಷ್ಠೇಯಮಿತಿ ।
ತಸ್ಮೈ ಹ ಬ್ರಹ್ಮಣೋ ರಸಮದದುಃ ।
ತದೇವ ನೌಧಸಮಭವತ್ ।
ತೇನಾಸ್ತುತ ।
ತತೋ ವೈ ಸ ಪ್ರತ್ಯತಿಷ್ಠತ್ ।
ತದೇತತ್ಪ್ರತಿಷ್ಠಾ ಸಾಮ ।
ಪ್ರತಿತಿಷ್ಠತಿ ಯ ಏವಂ ವೇದ ।
ಬ್ರಹ್ಮಣೋ ಹ ವಾ ಏಷ ರಸೋ ಯನ್ನೌಧಸಮ್ ।
ಬ್ರಹ್ಮಣೋ ಹಾಸ್ಯ ರಸೇನ ಸ್ತುತಂ ಭವತಿ ಯ ಏವಂ ವಿದ್ವಾನ್ನೌಧಸೇನ ಸ್ತುತೇ ।
ತದ್ದ್ವ್ಯಕ್ಷರಣಿಧನಂ ಭವತಿ ಪ್ರತಿಷ್ಟಾಯೈ ।
ದ್ವಿಪಾದ್ವೈ ಯಜಮಾನಃ ಪ್ರತಿಷ್ಠಿತ್ಯೈ ।
ಯದು ನೋಧಾಃ ಕಾಕ್ಷೀವತೋಽಪಶ್ಯತ್ತಸ್ಮಾನ್ನೌಧಸಮಿತ್ಯಾಖ್ಯಾಯತೇ ೧೪೭

ಶ್ಯೈತಂ ಪಶುಕಾಮಃ ಕುರ್ವೀತ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ಸೋಽಕಾಮಯತ ನ ಮತ್ಪಶವೋಽಪಕ್ರಾಮೇಯುರಭಿ ಮಾವರ್ತೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತಸ್ಯ ವಸು ಇತ್ಯೇವ ನಿಧನಮುಪೈತ್ ।
ತತ್ಪಶವೋ ವೈ ವಸು ।
ತತೋ ವೈ ತಂ ಪಶವೋಽಭ್ಯಾವರ್ತನ್ತ ।
ತತೋಽಸ್ಮಾದನಪಕ್ರಾಮಿಣೋಽಭವನ್ ।
ಸೋಽಬ್ರವೀಚ್ಛ್ಯೇತೀ ವಾ ಇಮಾನ್ಪಶೂನಕೃಷೀತಿ ।
ತದೇವ ಶ್ಯೈತಸ್ಯ ಶ್ಯೈತತ್ವಮ್ ।
ತದೇತತ್ಪಶವ್ಯಂ ಸಾಮ ।
ಶ್ಯೇತೀಕೃತಾ ಏನಂ ಪಶವ ಉಪತಿಷ್ಠನ್ತೇಽಭ್ಯೇನಂ ಪಶವ ಆವರ್ತನ್ತೇ ನಾಸ್ಮಾತ್ಪಶವೋಽಪಕ್ರಾಮನ್ತಿ ಯ ಏವಂ ವೇದ ।
ತದ್ದ್ವ್ಯಕ್ಷರಣಿಧನಂ ಭವತಿ ಪ್ರತಿಷ್ಠಾಯೈ ।
ದ್ವಿಪಾದ್ವೈ ಯಜಮಾನಃ ಪ್ರತಿಷ್ಥಿತ್ಯೈ ೧೪೮

ಗೋತಮಸ್ಯ ಮನಾರ್ಯೇ ಮನೋಽಪಕ್ರಾನ್ತಃ ಕುರ್ವೀತ ।
ಗೋತಮಾದ್ವೈ ಮನೋಽಪಾಕ್ರಾಮತ್ ।
ಸೋಽಕಾಮಯತ ನ ಮನ್ಮನೋಽಪಕ್ರಾಮೇತ್ಪುನರ್ಮಾ ಮನ ಆವಿಶೇದಿತಿ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮಸ್ತುತ ।
ತತೋ ವೈ ತಂ ಪುನರ್ಮನ ಆವಿಶನ್ನಾಸ್ಮಾನ್ಮನೋಽಪಾಕ್ರಾಮತ್ ।
ಷನಂ ಪುನರ್ಮನೋ ವಿಶತಿ ನಾಸ್ಮಾನ್ಮನೋಽಪಕ್ರಾಮತಿ ಯ ಏವಂ ವೇದ ।
ತತ್ಪಿಬಾ ಇತಿ ರಥನ್ತರಸಾಮ್ನಃ ಪಿಬಾಈ ಇತಿ ಬೃಹತ್ಸಾಮ್ನಃ ।
ಯದು ಗೋತಮೋಽಪಶ್ಯತ್ತಸ್ಮಾದ್ಗೋತಮಸ್ಯ ಮನಾರ್ಯೇ ಇತ್ಯಾಖ್ಯಾಯೇತೇ ೧೪೯

ವಸಿಷ್ಠಸ್ಯ ಜನಿತ್ರೇ ಪ್ರಜನನಕಾಮಃ ಕುರ್ವೀತ ।
ವಸಿಷ್ಠೋ ವೈ ಜೀತೋ ಹತಪುತ್ರೋಽಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ತೇ ಏತೇ ಪ್ರಜನನೀ ಸಾಮನೀ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ತಜ್ಜನಿತ್ರಮಿತಿ ರಥನ್ತರಸಾಮ್ನಃ ಜಾನಿತ್ರಾಮಿತಿ ಬೃಹತ್ಸಾಮ್ನಃ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಸಿಷ್ಠಸ್ಯ ಜನಿತ್ರೇ ಇತ್ಯಾಖ್ಯಾಯೇತೇ ೧೫೦

ಪೌರುಮೀಢಂ ದಕ್ಷಣಿಧನಮಾಯುಷ್ಕಾಮಃ ಕುರ್ವೀತ ।
ತರನ್ತಪುರುಮೀಢೌ ವೈ ವೈತದಶ್ವೀ ಮಾಹೇಯೌ ಮಹ್ಯಾ ಆರ್ಚನಾನಸ್ಯೈ ಪುತ್ರೌ ।
ತೌ ಹ ಯನ್ತೌ ಸ್ತ್ರೀ ಪರೇತ್ಯೋವಾಚ ಪುತ್ರಸ್ಯ ವೈ ತ್ಯಸ್ಯಾ ಉಪತಪತಿ ತಂ ಸ್ಮ ಮೇ ಚಿಕಿತ್ಸತಮಿತಿ ।
ತೌ ಹ ಕ್ರುಧ್ಯನ್ತಾವಿವೋಚತುಃ ಕಥಂ ನಾವಿತ್ಥಂ ಬ್ರೂಯಾದಿತಿ ತಂ ವಾ ಅರ್ವೀಷ ಉಪವಪೇತಿ ।
ಸಾ ಹೇಯಂ ಸ್ತ್ರೀ ಶ್ರದ್ಧಾಯ ದೇವರ್ಷೀ ಮಾ ಮನ್ತ್ರಕೃತಾವವೋಚತಾಮಿತ್ಯರ್ವೀಷ ಉಪೋವಾಪ ।
ತೌ ಹ ಪುನರಾಯನ್ತೌ ಪರೇತ್ಯೋವಾಚ ಯಂ ವೈ ಕುಮಾರಮವೋಚತಮರ್ವೀಷ ಉಪವಪೇತ್ಯಯಂ ವೈ ಸೋಽರ್ವೀಷ ಉಪೋಪ್ತಶ್ಶೇತ ಇತಿ ।
ತೌ ಹಾಸಾಧ್ವಿವ ಕೃತ್ವಾ ಮೇನಾತೇ ।
ತಾವಕಾಮಯೇತಾಮಿದಿತ ಇಯಾವ ಗಾತುಂ ನಾಥಂ ವಿನ್ದೇವಹಿ ಸಮಯಂ ಕುಮಾರೋ ಜೀವೇದಿತಿ ।
ಸ ಏತತ್ಪುರುಮೀಢಸ್ಸಾಮಾಪ್ಶ್ಯತ್ ।
ತೇನಾಸ್ತುತ
ಅಗ್ನಿಮೀಳಿಷ್ವಾವಸೇ ಗಾಥಾಭಿಶ್ಶೀರಶೋಚಿಷಮ್ । ಅಗ್ನಿಂ ರಾಯೇ ಪುರುಮೀಢ ಶ್ರುತಂ ನರಃ
ಕೋ ನಾಮ ಕುಮಾರ ಇತಿ ।
ಸುದೀತಿರ್ನಾಮೇತಿ ।
ತಮಗ್ನಿಸ್ಸುದೀತಯೇ ಛರ್ದಿಃ ಇತ್ಯೇವಾಭ್ಯಮೃಶತ್ ।
ಸ ತಾನ್ತೋ ನಿರವರ್ತತ ।
ತಮೇತೇನ ನಿಧನೇನ ಸಮೈರಯದ್ದಕ್ಷಾಯಾ ಇತಿ ।
ಪ್ರಾಣಾ ವೈ ದಕ್ಷಾಃ ।
ಪ್ರಾಣಾನೇವಸ್ಮಿಂಸ್ತದದಧಾತ್ ।
ತದೇತದ್ಗಾತುವಿನ್ನಾಥವಿತ್ಸಾಮ ।
ಗಾತುಂ ವೈ ಸ ತನ್ನಾಥಮವಿನ್ದತ ।
ವಿನ್ದತೇ ಗಾತುಂ ನಾಥಂ ಯ ಏವಂ ವೇದ ।
ಯದು ಪುರುಮೀಢೋಽಪಶ್ಯತ್ತಸ್ಮಾತ್ಪೌರುಮೀಢಂ ದಕ್ಷಣಿಧನಮಿತ್ಯಾಖ್ಯಾಯತೇ ೧೫೧

ಜಮದಗ್ನೇಸ್ಸಪ್ತಹಮಭಿಚರನ್ವಾ ಭ್ರಾತೃವ್ಯವಾನ್ವಾ ಕುರ್ವೀತ ।
ಜಮದಗ್ನಿರ್ಹ ವೈ ಮಹೇನಾನಾಂ ಪುರೋಹಿತ ಆಸ ।
ತಾನ್ಹ ವಿತ್ತೇನಾತ್ಯಾದಧೌ ।
ತ ಉ ಹೈನಮುಪಜಿಹಿಂಸುಃ ।
ಸ ಹೇಕ್ಷಾಂ ಚಕ್ರೇ ಕಥಂ ನ್ವಹಮೇಷಾಂ ಸಪ್ತಸಪ್ತೈಕಾಹನಿ ಗ್ರಾಮ್ಯಾಣಾಂ ಪಶೂನಾಂ ಹನ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ತೇಷಾಂ ಸಪ್ತಸಪ್ತೈಕಾಹನಿ ಗ್ರಾಮ್ಯಾಣಾಂ ಪಶೂನಾಮಹನ್ ।
ತಥೋ ಏವೈಷಾಮೇತದ್ಘ್ನನ್ತಿ ।
ತದು ಭ್ರಾತೃವ್ಯಹಾ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಯದು ಜಮದಗ್ನಿರಪಶ್ಯತ್ತಸ್ಮಾಜ್ಜಮದಗ್ನೇಸ್ಸಪ್ತಾಹಮಿತ್ಯಾಖ್ಯಾಯತೇ ।
ತದೇಷೋಪಗೀತಾ
ಅತಿಮಾತ್ರಮವರ್ಧನ್ತ ನೋದಿವ ದಿವಮಸ್ಪೃಶನ್ । ಭೃಗುಂ ಹಿಂಸಿತ್ವಾ ಮಾಹೇನಾ ಅಸಂಹೇಯಂ ಪರಾಭವನ್
ಇತಿ ।
ಅಸಂಹೇಯಂ ಹ ವೈ ಸ ಪರಾಭವತಿ ಯ ಏವಂ ವಿದ್ವಾಂಸಂ ಹಿನಸ್ತಿ ೧೫೨

ದೇವಾಸುರಾ ಯಜ್ಞೇಽಸ್ಪರ್ಧನ್ತ ।
ತೇ ದೇವಾ ಅಸುರಾನ್ಬಹಿಷ್ಪವಮಾನಾನ್ನಿರವಾಘ್ನನ್ ।
ತೇಽಸುರಾ ಆಗ್ನೇಯಮಾಜ್ಯಂ ಪರ್ಯವಾಯನ್ ।
ತೇ ದೇವಾ ಮೈತ್ರಾವರುಣಮ್ ।
ತೇಽಸುರಾ ಷನ್ದ್ರ ಮ್ ।
ತೇ ದೇವಾ ಷನ್ದ್ರಾ ಗ್ನಮ್ ।
ತೇಽಸುರಾ ಮಾಧ್ಯಂದಿನಂ ಪವಮಾನಮ್ ।
ತೇ ದೇವಾ ರಥನ್ತರಮ್ ।
ತೇಽಸುರಾ ವಾಮದೇವ್ಯಮ್ ।
ತೇ ದೇವಾ ನೌಧಸಮ್ ।
ತೇಽಸುರಾಃ ಕಾಲೇಯಮ್ ।
ತಾನ್ಕಾಲೇಯ ಏವಾನ್ವಭ್ಯವಾಯನ್ ।
ತಾನ್ಕಾಲೇಯೇನೈವ ಕಾಲೇಯಾದಕಾಲಯನ್ತ ।
ಯದಕಾಲಯನ್ತ ತತ್ಕಾಲೇಯಸ್ಯ ಕಾಲೇಯತ್ವಮ್ ।
ಕಾಲಯತೇ ವೈ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತೇ ದಿಶೋ ವ್ಯುದಸೀದನ್ ।
ತಾನ್ಕಾಲೇಯೇನೈವಾನುಪರ್ಯಾಯಮಕಾಲಯನ್ತ ।
ಯದನುಪರ್ಯಾಯಮಕಾಲಯನ್ತ ತಚ್ಚೈವ ಕಾಲೇಯಸ್ಯ ಕಾಲೇಯತ್ವಮ್ ।
ಅನುಪರ್ಯಾಯಮೇವ ದ್ವಿಷನ್ತಂ ಭ್ರಾತೃಯಂ ಕಾಲಯತೇ ಯ ಏವಂ ವೇದ ।
ತರೋ ವೈ ಯಜ್ಞಸ್ಸ್ತೋಮೋ ವಿದದ್ವಸುಃ ।
ಯಜ್ಞೇನ ಚ ವಾವ ತೇ ತಾನ್ಸ್ತೋಮೇನ ಚಾಕಾಲಯನ್ತ ।
ಯಜ್ಞೇನ ಚೈವ ಸ್ತೋಮೇನ ಚ ದ್ವಿಷನ್ತಂ ಭ್ರಾತೃವ್ಯಂ ಕಾಲಯತೇ ಯ ಏವಂ ವೇದ ೧೫೩

ಋಚಾ ವಾ ಅಸುರಾ ಆಯನ್ಸಾಮ್ನಾ ದೇವಾಃ ।
ತೇ ದೇವಾ ಅಸುರಾನೃಚ್ಯೇವ ನಿಗೃಹ್ಯ ಸಾಮ್ನಾಪೀಡಯನ್ನೇವಂ ಪೀಡ್ಯಂ ದ್ವಿಷತೋ ಭ್ರಾತೃವ್ಯಸ್ಯ ವಧಾಯ ।
ಇನ್ದ್ರಂ ಸಬಾಧ ಊತಾಯ ಇ ಬೃಹದ್ಗಾಯನ್ತಸ್ಸುತಸೋಮೇ ಅಧ್ವಾರಾ ಇತಿ ।
ಧ್ವಾರಾ ಇತಿ ರಥನ್ತರಸಾಮ್ನಃ ಧೋರೋ ಇತಿ ಬೃಹತ್ಸಾಮ್ನಃ ।
ಉಭೇ ಹ ವಾ ಏತೇ ಏತದನು ।
ತಸ್ಮಾದುಭೇ ರೂಪೇ ಗಾಯೇದ್ಯಚ್ಚ ರಾಥನ್ತರಂ ಯಚ್ಚ ಬಾರ್ಹತಮ್ ।
ನಾನಾ ವಾ ಏತಯೋರ್ಬ್ರಹ್ಮಸಾಮನೀ ಭವತಃ ।
ಅಥೈತದುಭೇ ಅನು ।
ತಸ್ಮಾದುಭೇ ಏವ ರೂಪೇ ಗಾಯೇತ್ ।
ತದೈಳಂ ಭವತಿ ।
ಪಶವೋ ವಾ ಇಳಾ ।
ಪಶುಭಿರ್ವಾವ ತೇ ತಾನಕಾಲಯನ್ತ ।
ತಸ್ಮಾದ್ಯತ್ಪಶುಮಾಂಶ್ಚಾಪಶುಶ್ಚ ಭ್ರಾತೃವ್ಯೌ ಸ್ಪರ್ಧೇತೇ ಯ ಏವ ಪಶುಮಾನ್ಭವತಿ ಸ ಏವ ತಯೋರಭಿಭವತಿ ।
ಏತದ್ಧ ವೈ ಸಾಮ ಪ್ರಜಾ ಇಮಾ ಅನುವ್ಯಾಸ ।
ತೇ ತಸ್ಯೈತಾಂ ನಿತತಾಮಿಳಾಮನ್ತತ ಉಪಯನ್ತಿ ಪ್ರಜಾನಾಂ ಯಥಾಯತನಾದನುದ್ಘಾತಾಯ ।
ತಸ್ಮಾತ್ಪ್ರಜಾ ಯಥಾಯತನಾದನುದ್ಧತಾಃ ।
ದೇವಾಃ ಪಿತರೋ ಮನುಷ್ಯಾಸ್ತೇಽನ್ಯತ ಆಸನ್ನಸುರಾ ರಕ್ಷಾಂಸಿ ಪಿಶಾಚಾ ಅನ್ಯತಃ ।
ತ ಏಷು ಲೋಕೇಷ್ವಸ್ಪರ್ಧನ್ತ ।
ಅಥ ಹ ಕಲಯೋ ಗನ್ಧರ್ವಾ ಅನ್ತಸ್ಥಾಂ ಚೇರುರ್ನೇತರಾನ್ನೇತರಾನಾದ್ರಿ ಯಮಾಣಾಃ ।
ತೇ ದೇವಾಃ ಪಿತರೋ ಮನುಷ್ಯಾ ಅಸುರಾನ್ರಕ್ಷಾಂಸಿ ಪಿಶಾಚಾನಭ್ಯಭವನ್ ।
ತ ಇಮಾಁ ಲ್ಲೋಕಾನ್ವ್ಯಭಜನ್ತ ದೇವಲೋಕಮೇವ ದೇವಾ ಅಭಜನ್ತ ಪಿತೃಲೋಕಂ ಪಿತರೋ ಮನುಷ್ಯಲೋಕಂ ಮನುಷ್ಯಾಃ ।
ತಾನ್ಕಲಯೋ ಗನ್ಧರ್ವಾ ಏತ್ಯಾಬ್ರುವನ್ನನು ನ ಏಷು ಲೋಕೇಷ್ವಾಭಜತೇತಿ ।
ನೇತ್ಯಬ್ರುವನ್ ।
ಅನಾದ್ರಿ ಯಮಾಣಾ ವೈ ಯೂಯಮಚಾರಿಷ್ಟ ನೇತರಾನ್ನೇತರಾನಾದ್ರಿ ಯಮಾಣಾ ಇತಿ ।
ಅಥ ವೈ ವೋ ಮನಸಾನ್ವಾವಿಷ್ಮಹೀತ್ಯಬ್ರುವನ್ನನ್ವೇವ ನ ಆಭಜತೇತಿ ೧೫೪

ನೇತ್ಯಬ್ರುವನ್ ।
ಸಾಧುವಿಭಕ್ತಾ ನೋ ಲೋಕಾಸ್ತಾನ್ನ ಶಕ್ಷ್ಯಾಮಸ್ಸಂಲೋಭಯಿತುಮಿತಿ ।
ತೇಽಬ್ರುವನ್ಯದ್ವಯಮಿಹ ಸ್ವಯಂ ಪಶ್ಯಾಮಸ್ತದಸ್ಮಾಕಮಸ್ತ್ವಿತಿ ।
ತೇಭ್ಯ ಏತಾಃ ಕಲಿನ್ದಾಃ ಪ್ರಾಯಚ್ಛನ್ನೇತಾಸು ಶ್ರಾಮ್ಯತೇತಿ ।
ತದ್ಯತ್ಕಲಿಭ್ಯಃ ಕಲಿನ್ದಾಃ ಪ್ರಾಯಚ್ಛಂಸ್ತತ್ಕಲಿನ್ದಾನಾಂ ಕಲಿನ್ದತ್ವಮ್ ।
ಸ ಏತತ್ಕಲಿರ್ವೈತದನ್ಯಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನೇಮಮವಾನ್ತರದೇಶಂ ದುರ್ಯನ್ತಂ ಲೋಕಮಪಶ್ಯತ್ ।
ತಮಜಯತ್ ।
ತದೇತಲ್ಲೋಕವಿತ್ಸಾಮ ।
ವಿನ್ದತೇ ಲೋಕಮೇತೇನ ತುಷ್ಟುವಾನಃ ।
ಗನ್ಧರ್ವಲೋಕತಾಂ ಹ ತ್ವಾವ ನಾತಿಜಯತಿ ಗನ್ಧರ್ವಲೋಕತಾಮಿವೈವ ಜಯತಿ ।
ಯದು ಕಲಿರ್ವೈತದನ್ಯೋಽಪಶ್ಯತ್ತಸ್ಮಾತ್ಕಾಲೇಯಮಿತ್ಯಾಖ್ಯಾಯತೇ ।
ದೇವಾ ವೈ ಪೂರ್ವಾಭ್ಯಾಂ ಸವನಾಭ್ಯಾಂ ತೃತೀಯಸವನಂ ಪ್ರವೃಹ್ಯ ಸ್ವರ್ಗಂ ಲೋಕಮಾಯನ್ ।
ತ ಇಮೇ ಲೋಕಾ ವ್ಯವೃಹ್ಯನ್ತ ವಿ ಯಜ್ಞೋಽವೃಹ್ಯತ ।
ತೇ ದೇವಾ ಅಕಾಮಯನ್ತ ಸಮಿಮಾಁ ಲ್ಲೋಕಾನ್ದಧ್ಯಾಮ ಸಂ ಯಜ್ಞಂ ದಧ್ಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನೇಮಾಁ ಲ್ಲೋಕಾನ್ಸಮದಧುಸ್ಸಂ ಯಜ್ಞಮದಧುಃ ।
ತದ್ಯದಿಮಾಁ ಲ್ಲೋಕಾನ್ಸಮದಧುಸ್ತದ್ವಾ ಅಸ್ಯ ಸ್ವರ್ಗ್ಯಮ್ ।
ತೇನ ಗನ್ಧರ್ವಲೋಕತಾಮತಿಜಯತಿ ।
ತರೋ ವೈ ಯಜ್ಞಸ್ಸ್ತೋಮೋ ವಿದದ್ವಸುಃ ।
ಯಜ್ಞೇನ ಚ ವಾವ ತೇ ತತ್ಸ್ತೋಮೇನ ಚೇಮಾಁ ಲ್ಲೋಕಾನ್ಸಮದಧುಸ್ಸಂ ಯಜ್ಞಮದಧುಃ ।
ಯಜ್ಞೇನ ಚೈವಾಸ್ಯ ಸ್ತೋಮೇನ ಚ ಯಜ್ಞಸ್ಸಂಹಿತೋ ಭವತೀಮೇ ಚ ಲೋಕಾ ಯ ಏವಂ ವೇದ ।
ಸೋಮೋ ಹ ಖಲು ವೈ ರಾಜಾ ಕಾಲೇಯಮ್ ।
ಸದೇವೋ ಹಾಸ್ಯ ಯಜ್ಞೋ ಭವತಿ ।
ಯಥಾ ಹ ವಾ ಇದಂ ಬದ್ಧವತ್ಸಾ ಹಿಂಕರೀ ತುರೀಯತ್ಯೇವಂ ಹ ವಾವ ತಮಿನ್ದ್ರ ಸ್ಸೋಮಮಾಗಚ್ಛತಿ ಯಸ್ಮಿನ್ಕಾಲೇಯೇನ ಸ್ತುವನ್ತಿ ।
ತಸ್ಮಾದು ಹೈತಸ್ಮಾತ್ಸಾಮ್ನೋ ನೈವ ಕದಾ ಚನೇಯಾತ್ಸೇನ್ದ್ರೋ ಮೇ ಸದೇವೋ ಯಜ್ಞೋಽಸದಿತಿ ।
ಸೇನ್ದ್ರ ಮೇವೈತೇನ ಸದೇವಂ ಯಜ್ಞಂ ಕುರುತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವ ತತ್ಪ್ರತಿತಿಷ್ಠತಿ ೧೫೫

ದ್ವೇ ವಾವೇದಮಗ್ರೇ ಸವನೇ ಆಸ್ತಾಮ್ ।
ದ್ವಾಭ್ಯಾಂ ವಾವೇದಂ ಸವನಾಭ್ಯಾಂ ದೇವಾ ಅಗ್ರೇ ವ್ಯಜಯನ್ತ ।
ತಾನ್ವಿಜಿತ್ಯ ಯಥಾಲೋಕಮಾಸೀನಾನಿನ್ದ್ರ ಏತ್ಯಾಬ್ರವೀತ್ತ್ರೀಣಿ ಛನ್ದಾಂಸಿ ತ್ರಯಃ ಪ್ರಾಣಾಪಾನವ್ಯಾನಾಸ್ತ್ರಯ ಇಮೇ ಲೋಕಾಸ್ತ್ರಿರ್ದೇವೇಷ್ವಿತ್ಯಾಹುಃ ।
ಏತೇಮಾನಿ ತ್ತ್ರೀಣಿ ಸವನಾನಿ ಕರವಾಮೇತಿ ।
ತೇಽಬ್ರುವನ್ನ ಶಕ್ಷ್ಯಾಮೋಽನೇನ ನ್ವಾವ ವಯಂ ಪೂರ್ವೇಣ ಕರ್ಮಣಾ ಪರಿಶ್ರಾನ್ತಾಸ್ಸ್ಮ ಇತಿ ।
ಸ ಇನ್ದ್ರೋ ಽಬ್ರವೀತ್ಸ ವಾ ಅಹಂ ಮದೇವಾಧಿ ತೃತೀಯಸವನಂ ನಿರ್ಮಿಮಾ ಇತಿ ।
ಸ ಆತ್ಮನ ಏವಾಧಿ ತೃತೀಯಸವನಂ ನಿರಮಿಮೀತ ।
ತದಿನ್ದ್ರೋ ಹ ವಾ ಏತದ್ದೇವತಾನಾಂ ಯತ್ತೃತೀಯಸವನಮ್ ।
ಇನ್ದ್ರೇ ಣ ಹಾಸ್ಯ ದೇವತಾನಾಂ ಸ್ತುತಂ ಭವತಿ ಯ ಏವಂ ವಿದ್ವಾಂಸ್ತೃತೀಯಸವನೇನ ಸ್ತುತೇ ।
ಧೀತಂ ಇವ ವೈ ತೃತೀಯಸವನಮ್ ।
ಜಾಗತಂ ಸುಪರ್ಣ ಆಹರನ್ನಧಯತ್ ।
ತದೇತದ್ಪೀಡಿತಮಿವ ।
ಸ್ವಾದಿಷ್ಠಯಾ ಇತಿ ಸ್ವದಯನ್ತ್ಯೇವೈನತ್ತೇನ ।
ಮದಿಷ್ಠಯಾ ಇತಿ ರಸಮೇವಾಸ್ಮಿಂಸ್ತನ್ಮದಂ ದಧತಿ ।
ಆಶಿರಮವನಯನ್ತಿ ಪಶುನಾ ಚರನ್ತ್ಯೈವೈತೇನ ಪ್ಯಾಯಯನ್ತಿ ।
ರಕ್ಷೋಹಾ ವಿಶ್ವಚರ್ಷಣಿರಭಿ ಯೋನಿಮಯೋಹತಮಿತಿ ಪೂರ್ವಯೋರೇವೈಷ ಸವನಯೋರಭಿಸಂಕ್ರಮಃ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ೧೫೬

ಅಥ ಸಂಹಿತಂ ದ್ವ್ಯಕ್ಸರಣಿಧನಂ ಪ್ರತಿಷ್ಠಾಯೈ ।
ದ್ವಿಪಾದ್ವೈ ಯಜಮಾನಃ ಪ್ರತಿಷ್ಠಿತ್ಯೈ ।
ದೇವಾಸುರಾ ಅಸ್ಪರ್ಧನ್ತ ।
ತೇಽಬ್ರುವನ್ಯನ್ನ ಇದಮುಭಯಂ ಧನಂ ತತ್ಸಂನಿದಧಾಮಹೈ ।
ತೇಷಾಂ ನೋ ಯತರೇ ಜಯನ್ತಿ ತೇಷಾಂ ನ ಏತದುಭಯಂ ಧನಂ ಸಂಹಿತಮಸ್ತ್ವಿತಿ ।
ತದ್ಯದೇಷಾಮುಭಯಂ ಧನಮಾಸೀತ್ತತ್ಸಂನ್ಯದಧತ ।
ತೇ ದೇವಾ ಅಕಾಮಯನ್ತೋಭಯಮಿದಂ ಧನಂ ಸಂಹಿತಂ ಜಯೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನೋಭಯಂ ಧನಂ ಸಂಹಿತಮಜಯನ್ ।
ತದ್ಯದುಭಯಂ ಧನಂ ಸಂಹಿತಮಜಯಂಸ್ತತ್ಸಂಹಿತಸ್ಯ ಸಂಹಿತತ್ವಮ್ ।
ಉಭಯಮೇವ ಸಂಹಿತಂ ದ್ವಿಷನ್ತಂ ಭ್ರಾತೃವ್ಯಂ ಜಯತಿ ಯ ಏವಂ ವೇದ ।
ತದು ಹೋವಾಚಾರುಣಿರಶ್ವೋ ವಾವ ಸ ಸಂಹಿತ ಆಸೀತ್ ।
ತಸ್ಮಿನ್ನೇವೈಷಾಂ ತದ್ಧನಂ ಸಂಹಿತಮಾಸೀತ್ತಮೇವ ತದಸುರಾಣಾಮವೃಞ್ಜತ ಪ್ರಜಾಪತಿಂ ವಾವೈಷಾಂ ತದವೃಞ್ಜತೇತಿ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೧೫೭

ಅಥೋ ಹೈತದವಚ್ಛಿನ್ನಮಿವ ವೈ ಮಾಧ್ಯಂದಿನಾತ್ಸವನಾತ್ತೃತೀಯಸವನಮ್ ।
ತೇ ದೇವಾ ಏತದ್ವ್ಯವೇಕ್ಷ್ಯಾವಿದುರವಚ್ಛಿನ್ನಮಿವ ವಾ ಇದಂ ಮಾಧ್ಯಂದಿನಾತ್ತೃತೀಯಸವನಮಿತಿ ।
ತ ಏತತ್ಸಾಮಾಪಶ್ಯನ್ ।
ತೇನೈತತ್ಸಮದಧುಃ ।
ಯತ್ಸಮದಧುಸ್ತದ್ವೇವ ಸಂಹಿತಸ್ಯ ಸಂಹಿತತ್ವಮ್ ।
ಸಂಹಿತಂ ಹಾಸ್ಯೈತತ್ತೃತೀಯಸವನಮನವಚ್ಛಿನ್ನಂ ಭವತಿ ಯ ಏವಂ ವೇದ ।
ಅಥೋಷ್ಣಿಕ್ಕಕುಭೌ । ಉಷ್ಣಿಕ್ಕಕುಬ್ಭ್ಯಾಂ ವಾ ಇನ್ದ್ರೋ ವೃತ್ರಾಯ ವಜ್ರಮುದಯಚ್ಛದ್ಗಾಯತ್ರ್! ಯೋಸ್ತಿಷ್ಠನ್ ।
ತೇ ಏನಂ ನೋದಯಚ್ಛತಾಮ್ ।
ತಯೋಶ್ಚತುಷ್ಪದಃ ಪಶೂನುಪಾದಧಾದ್ಗಾಂ ಚಾಶ್ವಂ ಚಾಜಾಂ ಚಾವಿಂ ಚ ।
ತೇ ಏನಮುದಯಚ್ಛತಾಮ್ ।
ಸ ಉಷ್ಣಿಕ್ಕಕುಭೋಸ್ತಿಷ್ಠನ್ಸಭಪೌಷ್ಕಲೇ ಬಾಹೂ ಕೃತ್ವಾ ಪ್ರಾಹರತ್ ।
ತಮಹನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ೧೫೮

ಸ ಪ್ರಾಚಾನ್ಯೇನ ಪದಾ ಪ್ರಾಭ್ರಂಶತ ಪ್ರತೀಚಾನ್ಯೇನ ।
ಯೇನ ಪ್ರಾಚಾ ಪ್ರಾಭ್ರಂಶತ ಸಾ ಕಕುಬಭವತ್ ।
ತಸ್ಮಾತ್ಕಕುಭಃ ಪೂರ್ವಾರ್ಧೇಽಕ್ಷರಾಣಿ ಭೂಯಿಷ್ಠಾನಿ ।
ಅಥ ಯೇನ ಪ್ರತೀಚಾ ಪ್ರಾಭ್ರಂಶತ ಸೋಷ್ಣಿಗಭವತ್ ।
ತಸ್ಮಾದುಷ್ಣಿಹೋ ಜಘನಾರ್ಧೇಽಕ್ಷರಾಣಿ ಭೂಯಿಷ್ಠಾನಿ ।
ತೇ ವಾ ಏತೇ ಛನ್ದಸೀ ಧೇನುಶ್ಚೈವಾನಡ್ವಾಂಶ್ಚ ।
ತಸ್ಮಾತ್ಪಶವಃ ಪೂರ್ವಾರ್ಧೇನ ಚ ಜಘನಾರ್ಧೇನ ಚ ಭೂಯಿಷ್ಠಂ ಭುಞ್ಜನ್ತಿ ।
ವಹನ್ತಿ ಪೂರ್ವಾರ್ಧೇನ ದುಹ್ರೇ ಚ ಜಘನಾರ್ಧೇನ ಪ್ರ ಚ ಜನಯನ್ತಿ ।
ಉಭಯಂ ಧೇನುಪಯಸಂ ಚಾನಡುತ್ಪಯಸಂ ಚಾವರುನ್ದ್ಧೇ ಯ ಏವಂ ವೇದ ೧೫೯

ತಾಸು ಸಭಂ ಯಜ್ಞಸ್ಯೈವ ಸಭತಾಯೈ ।
ಯದ್ಧ ವೈ ಕಿಂ ಚ ಯಜ್ಞಸ್ಯ ದುಃಷ್ಟುತಂ ದುಶ್ಶಸ್ತಂ ವಿಧುರಂ ತಸ್ಯ ಹ ವಾ ಏತತ್ಸಭತಾಯೈ ।
ಸಭಮವಿಭಮಸದಿತಿ ಹ ವಾ ಏತೇನ ಸ್ತುವನ್ತಿ ।
ಸಾಭಂ ಹ ವಾ ಏತನ್ನಾಮ ।
ಸಭೇನ ವೈ ದೇವಾ ಅಸುರಾಣಾಂ ತೇಜೋ ಬಲಮಿನ್ದ್ರಿ ಯಂ ವೀರ್ಯಂ ಪಶೂನನ್ನಾದ್ಯಂ ಸಭೇನ ಸಭಮಾತ್ಮಾನಮಧ್ಯಕುರ್ವತ ।
ತತ್ಸಭಸ್ಯ ಸಭತ್ವಮ್ ।
ಸಭೇನೈವ ದ್ವಿಷತೋ ಭ್ರಾತೃವ್ಯಸ್ಯ ತೇಜೋ ಬಲಮಿನ್ದ್ರಿ ಯಂ ವೀರ್ಯಂ ಪಶೂನನ್ನಾದ್ಯಂ ಸಭೇನ ಸಭಮಾತ್ಮಾನಮಧಿಕುರುತೇ ಯ ಏವಂ ವೇದ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ಸೋಽಕಾಮಯತ ನ ಮತ್ಪಶವೋಽಪಕ್ರಾಮೇಯುರಭಿ ಮಾವರ್ತೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತಂ ಪಶವೋಽಭ್ಯಾವರ್ತನ್ತ ತತೋಽಸ್ಮಾದನಪಕ್ರಾಮಿಣೋಽಭವನ್ ।
ಸೋಽಬ್ರವೀದ್ಸಭೋ ವೈ ಪಶುಭಿರಭೂವಮಿತಿ ।
ತದ್ವೇವ ಸಭಸ್ಯ ಸಭತ್ವಮ್ ।
ಸಭೋ ಹಾವಿಭಃ ಪಶುಭಿರ್ಭವತಿ ಯ ಏವಂ ವೇದ ।
ತದು ಕಾಕುಭಂ ಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ಪುರುಷಚ್ಛನ್ದಸಂ ಕಕುಪ್ ।
ಜ್ಯೈಷ್ಠ್ಯಂ ವೈ ಪ್ರಾಣೋ ಜ್ಯೈಷ್ಠ್ಯಂ ಪುರುಷಃ ।
ಜ್ಯೈಷ್ಠ್ಯೇನೈವ ತಜ್ಜ್ಯೈಷ್ಠ್ಯಂ ಸಂದಧತಿ ಜ್ಯೈಷ್ಠ್ಯೇನ ಜ್ಯೈಷ್ಠ್ಯೇ ಪ್ರತಿತಿಷ್ಠನ್ತಿ ।
ಅಥೋ ಯಜಮಾನಮೇವ ತತ್ಪ್ರಾಣೇನ ಸಮರ್ಧಯನ್ತಿ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ತಾನೇಕರೂಪಾನ್ನ ವ್ಯಜಾನಾತ್ ।
ಸ ಏತತ್ಪೌಷ್ಕಲಂ ಸಾಮಾಪಶ್ಯತ್ ।
ತೇನೈಷಾಂ ರೂಪಾಣಿ ವ್ಯಕರೋತ್ ।
ತೇ ನಾನಾರೂಪಾ ಅಭವಞ್ಶ್ವೇತೋ ರೋಹಿತಃ ಕೃಷ್ಣಃ ।
ಏಕರೂಪಾ ಹ ವಾವ ತೇ ತತಃ ಪುರಾಸೂ ರೋಹಿತಾ ಏವ ।
ಬಹುರೂಪಾನ್ನಾನಾರೂಪಾನ್ಪಶೂನವರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಅಥ ಪೌಷ್ಕಲಮ್ ।
ಪುಷ್ಕಲ ಆಙ್ಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಪುಷ್ಕಲ ಆಙ್ಗಿರಸೋಽಪಶ್ಯತ್ತಸ್ಮಾತ್ಪೌಷ್ಕಲಮಿತ್ಯಾಖ್ಯಾಯತೇ ।
ತಚ್ಚತುರಕ್ಷರಣಿಧನಂ ಭವತಿ ।
ಚತುಷ್ಪದಾ ವೈ ಪಶವಃ ।
ಪಶವ ಇವ ಉಷ್ಣಿಕ್ ।
ಅಭಿ ಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ೧೬೦

ಯದ್ಯಥಾಪೂರ್ವಂ ಛನ್ದಾಂಸ್ಯುಪೇಯುರನುಷ್ಟುಭ ಉತ್ತಮಾಃ ಕುರ್ಯುಃ ।
ವಾಗ್ವಾ ಅನುಷ್ಟುಪ್ ।
ತಾಂ ವೈ ಯಜ್ಞಾದ್ಬಹಿರ್ಧಾ ಕುರ್ಯುಃ ।
ತಾಮೇವೈತದ್ಯಜ್ಞಸ್ಯ ಮಧ್ಯತ ಆಭಜನ್ತಿ ।
ತಾ ಏತಾ ಭವನ್ತಿ ಪುರೋಜಿತೀ ವೋ ಅನ್ಧಸಃ ಇತಿ ।
ಪುರಸ್ತಾದ್ಧ ವಾ ಏತಾಃ ಪಾಪ್ಮಾನಂ ಜಯನ್ತೀಃ ಪುರಸ್ತಾತ್ಪಾಪ್ಮಾನಮಪಘ್ನತ್ಯೋ ಯನ್ತಿ ।
ಜಿತಂ ಹ ವಾ ಏತಾಭಿರ್ವಿಜಿತಮನ್ವವಸ್ಯನ್ತಿ ।
ಸುತಾಯ ಮಾದಯಿತ್ನವೇ । ಅಪ ಶ್ವಾನಂ ಶ್ನಥಿಷ್ಟನ ಸಖಾಯೋ ದೀರ್ಘಜಿಹ್ವಿಯಮಿತಿ ।
ದೀರ್ಘಜಿಹ್ವೀ ಹ ವಾ ಅಸುರ್ಯಾಸ ।
ಸಾ ಹ ಸ್ಮ ಸೋಮಂಸೋಮಮವಲೇಢಿ ।
ಉತ್ತರೇ ಹ ಸಮುದ್ರ ಆಸ ।
ಸ ಯೋ ಹ ಸ್ಮ ದಕ್ಷಿಣೇ ಸಮುದ್ರೇ ಸೂಯತೇ ಯಃ ಪೂರ್ವೇ ಯೋಽಪರೇ ತಂ ಹ ಸ್ಮ ತತ ಏವಾಲೇಢಿ ।
ತಾಂ ಹೇನ್ದ್ರೋ ಜಿಘೃಕ್ಷನ್ನ ಶಶಾಕ ಗೃಹೀತುಮ್ ।
ಸ ಹೋವಾಚ ಮಾ ಕಶ್ಚನ ಯಷ್ಟೇಯಂ ವೈ ದೀರ್ಘಜಿಹ್ವೀ ಸೋಮಂಸೋಮಮೇವಾವಲೇಢೀತಿ ೧೬೧

ಅಥ ಹ ಸುಮಿತ್ರಃ ಕೌತ್ಸೋ ದರ್ಶನೀಯ ಆಸ ।
ಸ ತಂ ಹೋವಾಚ ಸುಮಿತ್ರ ದರ್ಶನೀಯೋ ವಾ ಅಸಿ ।
ಸುಲಾಪಾ ವೈ ದರ್ಶನೀಯೇನ ಸ್ತ್ರಿಯಃ ।
ಇಮಾಂ ದೀರ್ಘಜಿಹ್ವೀಂ ಲಿಲಾಪಯಿಷಸ್ವೇತಿ ।
ತಾಂ ಹೇತ್ಯೋವಾಚ ದೀರ್ಘಜಿಹ್ವಿ ಕಾಮಯಸ್ವ ಮೇತಿ ।
ಸಾ ಹೋವಾಚೈಕಂ ತವ ಶೇಪೋಽಙ್ಗೇಽಙ್ಗೇ ಮಮ ಮುಷ್ಕಾ ನ ವೈ ತತ್ಸಂಪದ್ಯತ ಇತಿ ।
ಸ ಹ ಪುನರೇತ್ಯೋವಾಚೈಕಂ ತವ ಶೇಪೋಽಙ್ಗೇಽಙ್ಗೇ ಮಮ ಮುಷ್ಕಾ ನ ವೈ ತತ್ಸಂಪದ್ಯತ ಇತಿ ವೈ ಮಾಮ ಇಯಮಾಹೇತಿ ।
ಅಙ್ಗೇಽಙ್ಗೇ ವಾ ಅಹಂ ತವ ಶೇಪಾಂಸಿ ಕರೋಮೀತಿ ಹೋವಾಚ ।
ತಾನಿ ಹಾಭಿಪ್ರಾವೃತ್ಯೇಯಾಯ ।
ತಾಂ ಹೋವಾಚ ದೀರ್ಘಜಿಹ್ವಿ ಕಾಮಯಸ್ವ ಮೇತಿ ।
ಸಾ ಹೋವಾಚೈಕಂ ತವ ಶೇಪೋಽಙ್ಗೇಽಙ್ಗೇ ಮಮ ಮುಷ್ಕಾ ನ ವೈ ತತ್ಸಂಪದ್ಯತ ಇತಿ ।
ಅಙ್ಗೇಽಙ್ಗೇ ವಾವ ಮಮ ಶೇಪಾಂಸೀತಿ ಹೋವಾಚ ।
ಅಙ್ಗ ತೇ ಪಶ್ಯಾನೀತಿ ೧೬೨

ತಾನಿ ಹಾಸ್ಯೈ ದರ್ಶಯಾಂ ಚಕಾರ ।
ತಾನಿ ಹಾಸ್ಯೈ ಛನ್ದಯಾಂ ಚಕ್ರುಃ ।
ಸಾ ವಾ ಏಹೀತಿ ಹೋವಾಚ ।
ಕೋ ನಾಮಾಸೀತಿ ।
ಸುಮಿತ್ರೋ ನಾಮೇತಿ ।
ಕಲ್ಯಾಣಂ ವೈ ತೇ ನಾಮೇತಿ ।
ತೌ ಹ ಸಂನಿಪೇದಾತೇ ।
ತಸ್ಯಾಂ ಹ ಯದಾರ್ಥಂ ಚಕ್ರೇಽಥ ಹೈನಾಂ ತದೇವಾಭಿಸಂಜಗ್ರಾಹ ।
ಸಾ ಹೋವಾಚ ನನ್ವರೇ ತ್ವಂ ಸುಮಿತ್ರೋಽವೋಚಥಾ ಇತಿ ।
ಸ ಹೋವಾಚ ಸುಮಿತ್ರೋ ಏವಾಹ ಸುಮಿತ್ರಾಯಾಸ್ಮಿ ದುರ್ಮಿತ್ರೋ ದುರ್ಮಿತ್ರಾಯೇತಿ ।
ಸ ಏತಾನಿ ಸೌಮಿತ್ರಾಣಿ ಸಾಮಾನ್ಯಪಶ್ಯತ್ ।
ತೈರಸ್ತುತ ।
ತೈರಿನ್ದ್ರ ಮಾಹ್ವಯತ್ ।
ಸ ಇನ್ದ್ರ ಏತಾಮನುಷ್ಟುಭಂ ವಜ್ರಮುದ್ಯತ್ಯಾದ್ರ ವತ್ಪುರೋಜಿತೀ ವೋ ಅನ್ಧಸಸ್ಸುತಾಯ ಮಾದಯಿತ್ನವೇ । ಅಪ ಶ್ವಾನಂ ಶ್ನಥಿಷ್ಟನ ಸಖಾಯೋ ದೀರ್ಘಜಿಹ್ವಿಯಮಿತ್ಯೇವಾಸ್ಯೈ ಪ್ರಾಹನ್ ।
ತಾ ಏತಾ ಭ್ರಾತೃವ್ಯಘ್ನ್ಯೋ ರಕ್ಷೋಘ್ನ್ಯ ಋಚಃ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮಪ ರಕ್ಷಃ ಪಾಪ್ಮಾನಂ ಹತ ಏತಾಭಿರೃಗ್ಭಿಸ್ತುಷ್ಟುವಾನಃ ।
ಯೋ ಧಾರಯಾ ಪಾವಕಯಾ ಪರಿಪ್ರಸ್ಯನ್ದತೇ ಸುತಃ । ಇನ್ದುರಶ್ವೋ ನ ಕೃತ್ವಿಯಃ ।
ತಂ ದುರೋಷಮಭೀ ನರಸ್ಸೋಮಂ ವಿಶ್ವಾಚ್ಯಾ ಧಿಯಾ । ಯಜ್ಞಾಯ ಸನ್ತ್ವದ್ರ ಯಃ ಇತಿ ।
ಪೂರ್ವಯೋರೇವೈಷ ಸವನಯೋರಭಿಸಂಕ್ರಮಃ ।
ತಾಸು ಶ್ಯಾವಾಶ್ವಮ್ ।
ಶ್ಯಾವಾಶ್ವಂ ವಾ ಆರ್ಚನಾನಸಂ ಸಮಿದ್ಧಾರಂ ಪರೇತಂ ಪ್ರತಿಸತ್ತ್ರಿಣೋ ಹಿತ್ವಾ ಸ್ವರ್ಗಂ ಲೋಕಮಾಯನ್ ।
ಸೋಽಕಾಮಯತಾನೂತ್ಪತೇಯಂ ಸ್ವರ್ಗಂ ಲೋಕಂ ಪ್ರತಿಸತ್ತ್ರಿಭಿಸ್ಸಂಗಚ್ಛೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ೧೬೩

ಪುರೋಜಿತೀ ವೋ ಅನ್ಧಸ ಏಹಿಯಾ ।
ಸೂತಾಯ ಮಾದಯಿತ್ನವಾ ಏಹಿಯಾ ।
ಆಪ ಶ್ವಾನಂ ಶ್ನಾಥೀಷ್ಟಾನಾ ।
ಷಹೋವಾ ಏಹಿಯಾ ಇತ್ಯೇವ ಮರುತಸ್ಸ್ವರ್ಗೇ ಲೋಕ ಉಪಾಹ್ವಯನ್ತ ।
ತತೋ ವೈ ಸ ಪ್ರತಿಸತ್ತ್ರಿಭಿಸ್ಸಮಗಚ್ಛತ ।
ಸ ಹೈಷ ಮರುದ್ಭಿರೇವ ಸಹ ಶ್ಯಾವಾಶ್ವಃ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದು ಶ್ಯಾವಾಶ್ವ ಆರ್ಚನಾನಸೋಽಪಶ್ಯತ್ತಸ್ಮಾಚ್ಛ್ಯಾವಾಶ್ವಮಿತ್ಯಾಖ್ಯಾಯತೇ ।
ಇನ್ದ್ರೋ ವೈ ತೃತೀಯಸವನಾದ್ಬೀಭತ್ಸಮಾನ ಉದಕ್ರಾಮತ್ ।
ಧೀತಮಿವ ಹ್ಯಾಸೀತ್ ।
ತಮೇತೇನ ವಿಶ್ವೇ ದೇವಾಸ್ಸಾಮ್ನಾನ್ವಹ್ವಯನ್ತ ಓಹೋಇಯಾ ಇತಿ ।
ತತೋ ವಾ ಇನ್ದ್ರ ಸ್ತೃತೀಯಸವನಮುಪಾವರ್ತತ ।
ತತೋಽಸ್ಮಾದನಪಕ್ರಮ್ಯಭವತ್ ।
ತದೇತತ್ಸೇನ್ದ್ರಂ ಸಾಮ ।
ಸೇನ್ದ್ರೋ ಹಾಸ್ಯ ಸದೇವೋ ಯಜ್ಞೋ ಭವತಿ ।
ಅಭ್ಯಸ್ಯೇನ್ದ್ರೋ ಯಜ್ಞಮಾವರ್ತತೇ ನಾಸ್ಯೇನ್ದ್ರೋ ಯಜ್ಞಾದಪಕ್ರಾಮತಿ ಯ ಏವಂ ವೇದ ।
ತತ್ಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ।
ವೀವ ವಾ ಏತೇ ಪ್ರಾಣೈರೃಧ್ಯನ್ತೇ ಯೇ ಯಜ್ಞೀಯಸ್ಯ ಕರ್ಮಣೋಽತಿಪಾದಯನ್ತಿ ಯದಿ ವಾ ನಾತಿಪಾದಯನ್ತಿ ।
ಕೋ ಹಿ ತದ್ವೇದ ಯದಿ ತೇಽತಿ ವಾ ಪಾದಯನ್ತಿ ನ ವಾ ।
ತದ್ಯತ್ಸ್ವಾರಂ ಭವತಿ ಪ್ರಾಣೈರೇವ ತತ್ಸಮೃಧ್ಯನ್ತೇ ೧೬೪

ಅಥಾನ್ಧೀಗವಮ್ ।
ಮಧ್ಯೇನಿಧನಂ ಭವತಿ ಪ್ರತಿಷ್ಠಾಯೈ ।
ಸಮುದ್ರಂ ವಾ ಏತೇಽನಾರಮ್ಭಣಂ ಪ್ರಪ್ಲವನ್ತೇ ಯ ಆರ್ಭವಂ ಪವಮಾನಮುಪಯನ್ತಿ ।
ತದ್ಯನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಿತ್ಯಾ ಏವ ।
ತದ್ಯಥಾ ವಾ ಅದಸ್ಸಮುದ್ರಂ ಪ್ರಸ್ನಾಯ ದ್ವೀಪಂ ವಿತ್ತ್ವೋಪೋತ್ಸ್ನಾಯ ವಿಶ್ರಾಮ್ಯನ್ನಾಸ್ತ ಏವಂ ಹ ವಾ ಏತನ್ನಿಧನಮುಪೇತ್ಯ ಕಾಮಂ ವಿಶ್ರಾಮ್ಯನ್ತ ಆಸೀರನ್ನಸ್ತುವಾನಾಃ ।
ತದೈಳಂ ಭವತಿ ।
ಪಶವೋ ವಾ ಇಳಾ ಪಶವಃ ಕೃತ್ಸ್ನಮನ್ನಾದ್ಯಮ್ ।
ಯೋ ವಾ ಅನವಸೋಽಧ್ವಾನಂ ಪ್ರೈತಿ ನೈನಂ ಸ ಸಮಶ್ನುತೇ ।
ಅಥ ಯಸ್ಸಾವಸಃ ಪ್ರೈತಿ ಸ ಏವೈನಂ ಸಮಶ್ನುತೇ ।
ಅಯಂ ವಾವ ಸಮುದ್ರೋ ಽನಾರಮ್ಭಣೋ ಯದಿದಮನ್ತರಿಕ್ಷಮ್ ।
ತಸ್ಯ ನಾನವಸೇನೇತ್ಥಂ ಗತಿರಸ್ತಿ ನೇತ್ಥಮ್ ।
ತದೇತತ್ಪಶೂನೇವ ಕೃತ್ಸ್ನಮನ್ನಾದ್ಯಮವಸಂ ಕೃತ್ವಾ ಯನ್ತಿ ।
ಶಾಕ್ತ್ಯಾ ಅನ್ನಾದ್ಯಕಾಮಾ ಅದೀಕ್ಷನ್ತ ।
ಸ ಏತದನ್ಧೀಗುಶ್ಶಾಕ್ತ್ಯಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತಸ್ಯೈತಾಂ ದಶಾಕ್ಷರಾಂ ವಿರಾಜಂ ಮಧ್ಯತ ಉಪೈತ್ ।
ದಶಾಕ್ಷರಾ ವಿರಾಡನ್ನಂ ವಿರಾಟ್ ।
ತತೋ ವೈ ತೇ ವಿರಾಜಮನ್ನಾದ್ಯಮವಾರುನ್ಧತ ।
ತದೇತದ್ವಿರಾಜೋಽನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವ ವಿರಾಜಮನ್ನದ್ಯಂ ರುನ್ದ್ಧೇಽನ್ನಾದಶ್ಶ್ರೇಷ್ಠಸ್ಸ್ವಾನಾಂ ಭವತಿ ಯ ಏವಂ ವೇದ ।
ಯದ್ವನ್ಧೀಗುಶ್ಶಾಕ್ತ್ಯೋಽಪಶ್ಯತ್ತಸ್ಮಾದಾನ್ಧೀಗವಮಿತ್ಯಾಖ್ಯಾಯತೇ ೧೬೫

ಅಥೈತಾ ಭವನ್ತಿ ಅಭಿ ಪ್ರಿಯಾಣಿ ಪವತೇ ಚನೋಹಿತಃ ಇತಿ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಪ್ರಾಣಾ ಅಸೃಜತ ।
ತಾಭ್ಯ ಏತಾಭಿರೇವರ್ಗ್ಭಿಃ ಪ್ರಾಣಾನದಧಾತ್ ।
ಅಭಿ ಪ್ರಿಯಾಣಿ ಪವತೇ ಚನೋಹಿತಃ ಇತಿ ।
ಪ್ರಜಾ ವೈ ಪ್ರಿಯಮ್ ।
ತಾ ಅಭಿ ಇತ್ಯೇವ ಪ್ರಾಣೇನಾಭ್ಯಪವತ ।
ನಾಮಾನಿ ಯಹ್ವೋ ಅಧಿ ಯೇಷು ವರ್ಧತೇ ಇತಿ ।
ಮಹಾ ವೈ ಪ್ರಜಾ ನಾಮಾನಿ ।
ಆ ಸೂರ್ಯಸ್ಯ ಬೃಹತೋ ಬೃಹನ್ನಧಿ ರಥಂ ವಿಷ್ವಞ್ಚಮರುಹದ್ವಿಚಕ್ಷಣಃ ಇತಿ ।
ಪ್ರಾಣೋ ವೈ ವಿಷ್ವಙ್ ।
ಸೋಽಯಂ ವಿಷ್ವಞ್ಚತಿ ।
ತಾ ಏತಾ ಆಯುಷ್ಯಾ ಋಚಃ ।
ಸರ್ವಮಾಯುರೇತ್ಯೇತಾಭಿರ್ತುಷ್ಟುವಾನಃ
ತಾಸು ಕಾವಮ್ ।
ಕವಿರ್ವೈ ಭಾರ್ಗವೋ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮೈಚ್ಛತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮಾಶ್ನುತ ।
ತದೇತಲ್ಲೋಕವಿತ್ಸಾಮ ।
ಅಶ್ನುತೇ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮೇತೇನ ತುಷ್ಟುವಾನಃ ।
ಯದು ಕವಿರ್ಭಾರ್ಗವೋಽಪಶ್ಯತ್ತಸ್ಮಾತ್ಕಾವಮಿತ್ಯಾಖ್ಯಾಯತೇ ।
ತತ್ಸ್ವಾರಂ ಭವತಿ ।
ಸ್ವರೇಣ ವೈ ದೇವೇಭ್ಯೋಽನ್ತತೋಽನ್ನಾದ್ಯಂ ಪ್ರದೀಯತೇ ।
ಋಕ್ಸಮಂ ಪವಮಾನಾನ್ತೇ ಭವತಿ ।
ನರ್ಚಾ ಸಾಮಾತಿರೇಚಯನ್ತಿ ನರ್ಚಂ ಸಾಮ್ನಾ ।
ತದ್ಯದಿಹೇವ ಚೇಹೇವ ಚ ಪವಮನೇ ನ ಸ್ತುವನ್ತಿ ಏತಸ್ಯೈವ ಸಮತಾಯೈ ಸಮಂ ಕ್ಳ್ಪ್ತ್ಯೈ ।
ಪದಾನುಸ್ವಾರಂ ಪುರಸ್ತಾದ್ಗಾಯತ್ರಂ ಭವತಿ ಪದಾನುಸ್ವಾರಮುಪರಿಷ್ಟಾತ್ಪವಮಾನಾನ್ತೇ ।
ತಸ್ಮಾದುಭಯತಃಪ್ರಾಣಾಃ ಪ್ರಜಾ ಊರ್ಧ್ವಾಶ್ಚಾವಾಚೀಶ್ಚ ।
ಯಾಂ ಹ ಖಲು ವೈ ಪಿತಾಪುತ್ರೌ ನಾವಮಜತೋ ನ ಸ ರಿಷ್ಯತಿ ।
ದೈವ್ಯೇಷಾ ನೌರ್ಯದ್ಯಜ್ಞಃ ।
ತಾವೇತತ್ಪಿತಾಪುತ್ರಾವೇವಾಜತಃ ।
ಔಶನಂ ಪುರಸ್ತಾದ್ಭವತಿ ಕಾವಮುಪರಿಷ್ಟಾದ್ಯಜ್ಞಸ್ಯೈವಾರಿಷ್ಟ್ಯೈ ।
ತಸ್ಮಾದ್ಯದಾಶು ನಾವಮಧಿರೋಹನ್ತಿ ಪಿತಾಪುತ್ರೌ ಹೈವಾಗ್ರೇಽಧಿರೋಹತಃ ।
ಪಞ್ಚೈತಾನಿ ಛನ್ದಾಂಸ್ಯಾರ್ಭವೇ ಪವಮಾನೇ ಭವನ್ತಿ ಸಪ್ತ ಸಾಮಾನಿ ।
ತದ್ದ್ವಾದಶ ಸಂಪದ್ಯನ್ತೇ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಪಞ್ಚೋ ವಾ ಏವಾಮೂನಿ ಸಾಮಾನಿ ಮಾಧ್ಯಂದಿನೇ ಪವಮಾನೇ ಭವನ್ತಿ ।
ಋತವ ಏವ ।
ಮಾಸಾ ಏವಾರ್ಭವೇ ಪವಮಾನೇ ಕಲ್ಪನ್ತ ಋತವೋ ಮಾಧ್ಯಂದಿನೇ ।
ಸ ಹೈಷ ಸಂವತ್ಸರ ಏವ ವ್ಯೂಢೋ ಯದ್ಯಜ್ಞಃ ೧೬೬

ಪ್ರಜಾಪತಿರ್ಹ ಖಲು ವಾ ಏಷ ಯಸ್ಸಂವತ್ಸರಃ ।
ಸ ಹ ಷಣ್ಮಾಸೋಽನ್ಯತರಮನ್ಯತರಂ ಪಾದಮುದ್ಗ್ರಾಹಂ ತಿಷ್ಠತಿ ।
ಸ ಯದೋಷ್ಣಮುದ್ಗೃಹ್ಣಾತ್ಯಥ ಹೇದಮುಪರ್ಯುಷ್ಣೋ ಭವತ್ಯಧ ಉ ಹ ತದಾ ಶೀತೋ ಭವತಿ ।
ತಸ್ಮಾದ್ಗ್ರೀಷ್ಮ ಉಪರ್ಯುಷ್ಣೋಽಧಶ್ಶೀತಮಧಿಗಮ್ಯತೇ ।
ತಸ್ಮಾದು ಗ್ರೀಷ್ಮೇ ಶೀತಾಃ ಕೂಪ್ಯಾ ಅಪ ಉದಾಹರನ್ತಿ ।
ಅಥ ಯದಾ ಶೀತಮುದ್ಗೃಹ್ಣಾತ್ಯಥ ಹೇದಮುಪರಿ ಶೀತೋ ಭವತ್ಯಧ ಉ ಹ ತದೋಷ್ಣೋ ಭವತಿ ।
ತಸ್ಮಾದ್ಧೇಮನ್ನುಪರಿ ಶೀತೋಽಧ ಉಷ್ಣಮಧಿಗಮ್ಯತೇ ।
ತಸ್ಮಾದು ಹೇಮನ್ನುಷ್ಣಾಃ ಕೂಪ್ಯಾ ಅಪ ಉದಾಹರನ್ತಿ ।
ಏವಂ ಹ ವಾ ಏಷ ಪ್ರಜಾಪತಿಸ್ಸಂವತ್ಸರಃ ಪ್ರಜಾ ಬಿಭರ್ತಿ ।
ಅಥ ಹ ವಾ ಏತಂ ಸೌಮ್ಯಂ ಚರುಮಾಹರನ್ತಿ ।
ಯದ್ಧ ವಾ ಉದ್ಗಾತುರ್ಯಜ್ಞ ಊನಂ ವಾತಿರಿಕ್ತಂ ವಾ ಕುರ್ವತೋ ಮೀಯತೇ ಯಮಲೋಕಂ ಹ ವಾ ಅಸ್ಯ ತದ್ಗಚ್ಛತಿ ।
ತದ್ಧಾಪಿ ಮೃತೋದೀರಿಣ ಆಹುರ್ಯಮಸ್ಯೈತತ್ಸಭಾಯಾಮಪಶ್ಯಾಮ ಇತಿ ।
ತದೇತೇನ ಪುನರಾಹ್ರಿಯತೇ ಯದೇತಂ ಸೌಮ್ಯಂ ಚರುಮಾಹರನ್ತಿ ।
ತಂ ಹಾವೇಕ್ಷೇತ

ಯನ್ಮೇ ಮನೋ ಯಮಂ ಗತಂ ಯದ್ವಾ ಮೇ ಅಪರಾಗತಮ್

ರಾಜ್ಞಾ ಸೋಮೇನ ತದ್ವಯಂ ಪುನರಸ್ಮಾಸು ದಧ್ಮಸಿ

ಮನಸಿ ಮೇ ಚಕ್ಷುರಧಾಶ್ಚಕ್ಷುಷಿ ಮೇ ಮನಃ

ಆಯುಷ್ಮತ್ಯಾ ಋಚೋ ಮಾಚ್ಛೈತ್ಸಿ । ಮಾ ಸಾಮ್ನೋ ಭಾಗಧೇಯಾದ್ವಿಯೋಷಮ್
ಇತಿ ।
ತದ್ಧಾಪಿ ಛಾಯಾಂ ಪರ್ಯವೇಕ್ಷೇತಾತ್ಮನೋಽಪ್ರಣಾಶಾಯ ।
ಅಥೋ ಸರ್ಪಿಷೋಽಕ್ಷ್ಯೋರಾದಧೀತ ಚಕ್ಷೂಷ ಆಪ್ಯಾಯನಾಯ ।
ತದಪಿ ವಿಜ್ಞಾನಮಸದ್ ।
ಯ ಆತ್ಮಾನಂ ನ ಪರಿಪಶ್ಯೇದಪೇತಾಸುಃ ಸ ಸ್ಯಾತ್ ।
ತಸ್ಮಾತ್ಸತ್ಯಾದಪ್ಯಾಜ್ಯಂ ಭೂಯ ಆನೀಯ ಪರ್ಯೇವಾತ್ಮಾನಂ ದಿದೃಕ್ಷೇತ ಸರ್ವಸ್ಯಾಯುಷೋಽವರುದ್ಧ್ಯೈ ೧೬೭

ಅಙ್ಗಿರಸಾಂ ವೈ ಸತ್ತ್ರಮಾಸೀನಾನಾಂ ಶರ್ಕರಾ ಅಕ್ಷಿಷ್ವಜಾಯನ್ತ ।
ತೇಽಕಾಮಯನ್ತಾನನ್ಧಾಸ್ಸ್ಯಾಮ ಪ್ರಪಶ್ಯೇಮೇತಿ ।
ತ ಏತಂ ಸೌಮ್ಯಂ ಶ್ಯಾಮಂ ಚರುಮಕ್ಷಿಷ್ವಾದಧತ ।
ತಮೇತೇನ ಮನ್ತ್ರೇಣಾದಧತ

ಯೇನ ಹ್ಯಾಜಿಮಜಯನ್ನೃಚಕ್ಷಾ ಯೇನ ಶ್ಯೇನಂ ಶಕುನಂ ಸುಪರ್ಣಮ್

ಯದಾಹುಶ್ಚಕ್ಷುರದಿತಾವನನ್ತಂ ಸೋಮೋ ನೃಚಕ್ಷಾ ಮಯಿ ತದ್ದಧಾತು
ಇತಿ ।
ತತೋ ವೈ ತೇಽನನ್ಧಾ ಅಭವನ್ಪ್ರಾಪಶ್ಯನ್ ।
ಅನನ್ಧೋ ಹೈವ ಭವತಿ ಪ್ರಪಶ್ಯತಿ ಯ ಏವಂ ವೇದ ।
ತದಾಹುಃ ಪ್ರಾಶ್ಯಾ೩ ನ ಪ್ರಾಶ್ಯಾ೩ ಇತಿ ಸ ಯೋಽನೂಚಾನಸ್ಸನ್ನಯಶ ಋತಸ್ಸ್ಯಾತ್ಸ ಹಿ ತಂ ಪ್ರಾಶ್ನೀಯಾತ್ ।
ಅನೂಚಾನಾ ಇಹ ವಾ ಅಲಂ ಯಶಸೇ ।
ಸ ಯೋಽನೂಚಾನಸ್ಸನ್ನಯಶ ಋತೋ ಭವತಿ - ಅಮುಂ ಹ ವೈ ತಸ್ಯ ಲೋಕಂ ಯಶೋ ಗತಂ ಭವತಿ - ತದೇತೇನ ಪುನರಾಹ್ರಿಯತೇ ಯದೇತಂ ಸೌಮ್ಯಂ ಶ್ಯಾಮಂ ಚರುಂ ಪ್ರಾಶ್ನಾತಿ ।
ತದು ಹೋವಾಚ ಶಾಟ್ಯಾಯನಿರ್ನೈವೈಷ ಪ್ರಾಶ್ಯಃ ಕಸ್ತತೋ ಯಶ ಆಹರೇದ್ಯತ್ರ ಭೂಯಸೀ ರಾತ್ರೀ ವತ್ಸ್ಯನ್ಸ್ಯಾದಿತಿ ।
ತಸ್ಮಾದು ಹೈತನ್ನೈವ ಪ್ರಾಶ್ನೀಯಾತ್ ೧೬೮

ಯಜ್ಞಾಯಜ್ಞಾ ವೋ ಅಗ್ನಯೇ ।
ತುರೀಯಂ ವಾ ಏತತ್ಸಾಮ್ನಃ ।
ಸಾಮನ್ನೇವೈತದ್ಯಜ್ಞಂ ಪ್ರತಿಷ್ಠಾಪಯನ್ತಿ ।
ತನೂರ್ವಾ ಏಷಾ ಸಾಮ್ನಾಮ್ ।
ಸತನೂನ್ಯೇವೈತದ್ಸಾಮ್ನಾನಿ ಕುರ್ವನ್ತಿ ।
ಯೋ ಹ ವಾ ಏತಸ್ಮಾತ್ಸಾಮ್ನ ಇಯಾದ್ದುಶ್ಚರ್ಮಾ ವಾ ಸ್ಯಾತ್ಪಾಪೀ ವೈನಂ ಕೀರ್ತ್ತಿರಭಿವದೇತ್ ।
ಗಾಯತ್ರೀ ವಾ ಏಷಾ ವಯೋ ಭೂತ್ವೋದೇತಿ ।
ದಿವಮಪತತ್ ।
ಅನುಷ್ಟುಭಿ ವಾ ಏತಸ್ಯೈ ಸತೇ ದಿಶಶ್ಶುಲ್ಕಮಹರನ್ ।
ಶುಲ್ಕಹೃತಾ ಅಸ್ಮೈ ಪ್ರಜಾ ಭವನ್ತಿ ।
ದಿಗ್ಭ್ಯೋಽಸ್ಮೈ ಶುಲ್ಕೋ ಹ್ರಿಯತೇ ಯ ಏವಂ ವೇದ ।
ವಯೋ ಯಜ್ಞಾ ವೋ ಅಗ್ನಯೇ ಇತಿ ಪ್ರಸ್ತೌತಿ ।
ಓ ಯಿರಾ ಯಿರಾ ಚ ದಕ್ಷಸೇ ಪೋಪ್ರಿಂ ವಯಮಮೃತಂ ಜಾತೋವಾಹೋಯಿ ವಿದೋಸಮಿತಿ ಪ್ರತಿಹರತಿ ।
ಯಜ್ಞಾ ಇತಿ ದ್ವೇ ಅಕ್ಷರೇ ಗಿರಾ ಇತಿ ದ್ವೇ ಪೋಪ್ರಿಮಿತಿ ದ್ವೇ ।
ತತ್ಷಟ್ಸಂಪದ್ಯನ್ತೇ ।
ಷಡಕ್ಷರಸ್ತೂಷ್ಣೀಂಶಂಸಃ ।
ತೂಷ್ಣೀಂಶಂಸ ಏವೈತದಾಗ್ನಿಮಾರುತೇ ವಿಮುಚ್ಯತೇ ।
ಸ ಹ್ಯನ್ತಃ ।
ಅಗ್ನಿರ್ವೈಶ್ವಾನರಃ ಪ್ರಜಾ ಅಭ್ಯುದತಿಷ್ಠತ್ ।
ಸ ಇದಂ ಸರ್ವಂ ಪ್ರಾತಪತ್ ।
ತಸ್ಯ ದೇವಾಃ ಪ್ರದಾಹಾದಬಿಭಯುಃ ತೇಽಬ್ರುವನ್ಸರ್ವಂ ವಾ ಅಯಂ ಇದಂ ಪ್ರಧಕ್ಷ್ಯತಿ - ೧೬೯

- ಏತಸ್ಯ ಹರೋಽಪೇರಯಾಮೇತಿ ।
ತಸ್ಯ ಹರೋಽಪೈರಯನ್ ।
ತದ್ಯತ್ಪ್ರಥಮಮಪೈರಯಂಸ್ತಸ್ಮಿನ್ವ್ಯವದನ್ತ ಕ್ವೇದಂ ಭವಿಷ್ಯತೀತಿ ।
ಯಜ್ಞೇಯಜ್ಞೇ ನೋ ಭವಿಷ್ಯತೀತ್ಯಬ್ರುವನ್ ।
ತದ್ಯಜ್ಞಾಯಜ್ಞೀಯಮಭವತ್ ।
ತದ್ಯಜ್ಞಾಯಜ್ಞೀಯಸ್ಯ ಯಜ್ಞಾಯಜ್ಞೀಯತ್ವಮ್ ।
ಯದ್ದ್ವಿತೀಯಮಪೈರಯಂಸ್ತನ್ನಾರ್ಮೇಧಮಭವತ್ ।
ಯತ್ತೃತೀಯಮಪೈರಯಂಸ್ತದ್ದಾಶಸ್ಪತ್ಯಮಭವತ್ ।
ಯಚ್ಚತುರ್ಥಮಪೈರಯಂಸ್ತದ್ವಿಶೋವಿಶೀಯಮಭವತ್ ।
ಯತ್ಪಞ್ಚಮಮಪೈರಯಂಸ್ತದ್ವಾರವನ್ತೀಯಮಭವತ್ ।
ಅಗ್ನಿರ್ವಾ ಏಷ ವೈಶ್ವಾನರೋ ಯದ್ಯಜ್ಞಃ ।
ತದ್ವದೇತಾನ್ಯಗ್ನಿಷ್ಟೋಮಸಾಮಾನಿ ಭವನ್ತಿ ।
ಹರಸ್ಯೇವೈತದಗ್ನಿಂ ವೈಶ್ವಾನರಂ ಪ್ರತಿಷ್ಠಾಪಯನ್ತಿ ೧೭೦

ನಾರ್ಮೇಧಂ ನಾಥಕಾಮಃ ಕುರ್ವೀತ ।
ನೃಮೇಧಶ್ಚ ವೈ ಸುವ್ರತಶ್ಚ ಭ್ರಾತರೌ ।
ತೌ ಹಾಗ್ನಿಕಾನ್ಯಾದಧಾತೇ ।
ಸ ಹ ನೃಮೇಧಸ್ಸುವ್ರತಸ್ಯೋಜ್ಜಗೌ ।
ತದ್ಧ ಯಜ್ಞಾಯಜ್ಞೀಯೇನೈವಾಸ್ತುತಮಾಸ ।
ಅಥ ಹೈನಮಾಸಸ್ರುಃ ।
ಯಜಮಾನಸ್ಯ ವೈ ತ ಉದ್ಗಾತುಃ ಪುತ್ರೌ ಪುತ್ರಮಮೀಮರತಾಮನ್ತಕಧೃತಿಂ ಸೌವ್ರತಿಂ ನಕಿರಶ್ಚ ಶಕಪೂತಶ್ಚೇತಿತಂ ಹ ಬಾಹೂ ಪರಾಮೃಶನ್ನುವಾಚ ಬ್ರಾಹ್ಮಣಾ ಏಷ ವೋ ಯಜ್ಞಸ್ತೇನ ಯಂ ಕಾಮಯಧ್ವೇ ತಂ ಯಾಜಯತಾನೇನ ನ್ವಾ ಅಹಂ ತಚ್ಚಾತಯಿಷ್ಯ । ತದ್ಯಾತಯಿಷ್ಯ ಇತಿ ।
ತಂ ಹೌದುಮ್ಬರ್ಯಾಮನುವೇಷ್ಟ್ಯ ಶಣಶಲಾಕಾಭಿರುಪಾದೀಪಯಾಂ ಚಕಾರ ।
ಸೋಽಕಾಮಯತೋದಿತ ಇಯಾಂ ಗಾತುಂ ನಾಥಂ ವಿನ್ದೇಯ ನ ಮಾಯಮಗ್ನಿರ್ದಹೇದಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಗಾತುಂ ನಾಥಮವಿನ್ದತ ನೈನಮಗ್ನಿರದಹತ್ ।
ಅಪಿ ಹ ತಚ್ಛುಲ್ಬಕಂ ಪ್ರದದಾಹ ಯೇನಾನುವೇಷ್ಟಿತ ಆಸ ।
ತದೇತದ್ಗಾತುವಿನ್ನಾಥವಿತ್ಸಾಮ ।
ಗಾತುಂ ವೈ ಸ ನಾಥಮವಿನ್ದತ ।
ವಿನ್ದತೇ ಗಾತುಂ ನಾಥಂ ಯ ಏವಂ ವೇದ ।
ಯದು ನೃಮೇಧೋಽಪಶ್ಯತ್ತಸ್ಮಾನ್ನಾರ್ಮೇಧಮಿತ್ಯಾಖ್ಯಾಯತೇ ೧೭೧

ದಾಶಪತ್ಯಂ ಶ್ರೈಷ್ಠ್ಯಕಾಮಃ ಕುರ್ವೀತ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಇನ್ದ್ರ ಮುಪಾಧಾವಂಸ್ತ್ವಯಾಧಿಪತ್ಯೇದಂ ಜಯಾಮೇತಿ ।
ಸ ಇನ್ದ್ರೋ ಽಕಾಮಯತ ಜಯೇಮಾಸುರಾನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ದೇವಾ ಅಸುರಾನಜಯನ್ ।
ತಸ್ಮೈ ವಿಜಿತ್ಯಾಸೀನಾಯ ದಶಪತಯೇ ದಶಪತಯ ಆ ಇತ್ಯೇವೋದ್ಧಾರಾನುದಹರನ್ ।
ತದೇವ ದಾಶಸ್ಪತ್ಯಸ್ಯ ದಾಶಸ್ಪತ್ಯತ್ವಮ್ ।
ಉದ್ಧಾರಂ ಹರತ ಉದ್ಧಾರ್ಯೋ ಭವತಿ ಯ ಏವಂ ವೇದ ।
ವಿಶೋವಿಶೀಯಮನ್ನಾದ್ಯಕಾಮಃ ಕುರ್ವೀತ ।
ಅಗ್ನಿರ್ವಾ ಅಕಾಮಯತ ವಿಶೋವಿಶ ಏವಾನ್ನಾದಶ್ಶ್ರೇಷ್ಟೋಃಽಧಿಪತಿಸ್ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ವಿಶೋವಿಶ ಏವಾನ್ನಾದಶ್ಶ್ರೇಷ್ಠೋಽಧಿಪತಿರಭವತ್ ।
ತತ ಏನಂ ವಿಶೋವಿಶೋ ವ್ಯವಾಹರನ್ತ ।
ತದ್ಯದೇನಂ ವಿಶೋವಿಶೋ ವ್ಯವಹರನ್ತಿ ತದ್ವಿಶೋವಿಶೀಯಸ್ಯ ವಿಶೋವಿಶೀಯತ್ವಮ್ ।
ಸ ಹೈಷ ವಿಶೋವಿಶ ಏವಾನ್ನಾದಶ್ಶ್ರೇಷ್ಠೋಽಧಿಪತಿಃ ।
ವಿಶೋವಿಶ ಏವಾನ್ನಾದಶ್ಶ್ರೇಷ್ಠೋಽಧಿಪತಿರ್ಭವತಿ ಯ ಏವಂ ವೇದ ।
ವಾರವನ್ತೀಯಂ ಪಶುಕಾಮಃ ಕುರ್ವೀತ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ತಾನ್ವಾರವನ್ತೀಯೇನೈವಾವಾರಯತ ।
ಯದವಾರಯತ ತದ್ವಾರವನ್ತೀಯಸ್ಯ ವಾರವನ್ತೀಯತ್ವಮ್ ।
ತದ್ಯದ್ವಾರವನ್ತೀಯಮಗ್ನಿಷ್ಟೋಮಸಾಮ ಭವತಿ ಪಶೂನಾಮೇವೋಪಸ್ಥಿತ್ಯೈ ಪಶೂನಾಮನಪಕ್ರಮಾಯ ೧೭೨

ಯೋ ವೈ ಯಜ್ಞಸ್ಯೋಧರ್ವೇದ ಪ್ರತ್ತಂ ಯಜ್ಞಂ ದುಹೇ ।
ಯಜ್ಞಾಯಜ್ಞೀಯಂ ವಾವ ಯಜ್ಞಸ್ಯೋಧಃ ।
ತಸ್ಯೈತೇ ಸ್ತನಾ ಗಾಯತ್ರಂ ಚ ರಥನ್ತರಂ ಚ ಬೃಹಚ್ಚ ವಾಮದೇವ್ಯಂ ಚ ।
ತದ್ಗಾಯತ್ರಮಿವ ಪ್ರಸ್ತುಯಾತ್ ।
ರಥನ್ತರಸ್ಯೇವ ಸ್ತೋಭಾನ್ಸ್ತೋಭೇತ್ ।
ಬೃಹತ ಇವ ರೋಹಾನ್ರೋಹೇತ್ ।
ಹಿಂಕಾರೋ ವಾಮದೇವ್ಯಂ ಸ್ವಯಮೇವ ಯಜ್ಞಾಯಜ್ಞೀಯಮ್ ।
ಏತದ್ವೈ ಯಜ್ಞಂ ಯಜಮಾನೋ ದುಹೇ ।
ಸ ಹೇಷ್ಟ್ವೈವ ಶ್ರೇಯಾನ್ಭವತಿ ।
ಯಜ್ಞಾಯಜ್ಞಾ ವೋ ಅಗ್ನಯೇ ಇತಿ ಭವತಿ ।
ಏಷ ಹ ವೈ ಯಜ್ಞೋ ಯಜ್ಞೋ ಯದ್ಯಜ್ಞಾಯಜ್ಞೀಯಮ್ ।
ಯಜ್ಞಂ ಯಜ್ಞಂ ವಹತೀತಿ ಹ ವೈ ಯಜ್ಞಾಯಜ್ಞೀಯಸ್ಯ ಯಜ್ಞಾಯಜ್ಞೀಯತ್ವಮ್ ।
ಏತೇನ ಹ ಸ್ಮ ವೈ ಪುರಾ ಸರ್ವಾಣಿ ಸ್ತೋತ್ರಾಣಿ ಸ್ತುವನ್ತಿ ।
ತದಾಹುರೂರ್ಧ್ವಾ ವಾ ಏತೇ ಸ್ವರ್ಗಂ ಲೋಕಂ ರೋಹನ್ತಿ ಯೇ ಯಜನ್ತೇ ।
ತ ಈಶ್ವರಾಃ ಪರಾಞ್ಚೋಽತಿಪತ್ತೋರಿತಿ ತದ್ಯಜ್ಞಾಯಜ್ಞೀಯೇನೋಪರಿಷ್ಟಾತ್ಸ್ತುವನ್ತಿ ।
ಇಯಂ ವೈ ಯಜ್ಞಾಯಜ್ಞೀಯಮ್ ।
ಅಸ್ಯಾಮೇವೈತತ್ಪ್ರತಿತಿಷ್ಠನ್ತಿ ।
ಅಪ ಉಪನಿಧಾಯ ಸ್ತುವನ್ತಿ - ಅಗ್ನಿರ್ವಾ ಏಷ ವೈಶ್ವಾನರೋ ಯದ್ಯಜ್ಞಾಯಜ್ಞೀಯಂ - ತಸ್ಯ ಶಾನ್ತ್ಯಾ ಅಪ್ರದಾಹಾಯ ।
ಊರುಭ್ಯಾಂ ಪತ್ನ್ಯುಪಪ್ರವರ್ತಯತಿ ।
ಅಗ್ನಿಮೇವ ತದ್ವೈಶ್ವಾನರಂ ಶಮಯತಿ ।
ನಗ್ನಮಿವೋರುಂ ಕೃತ್ವೋಪಪ್ರವರ್ತಯತಿ ।
ನಗ್ನಮಿವ ಹ್ಯೂರುಂ ಕೃತ್ವಾ ಪತ್ನೀ ವೀರ್ಯಂ ಕರೋತಿ ।
ತಾಂ ಸಂಖ್ಯಾಪಯನ್ತಿ ರೇತೋಧೇಯಾಯ ।
ತದಾಹುರಾ ವಾ ಏತತ್ಪತ್ನ್ಯುದ್ಗಾತುಃ ಪ್ರಜಾಂ ದತ್ತೇ ಯದ್ವಿಗೀತೇ ಸಾಮನ್ಸಂಖ್ಯಾಪಯನ್ತೀತಿ ೧೭೩

ತಾಂ ಪ್ರತಿಸಮೀಕ್ಷೇತ ವಾಮೀ ನಾಮ ಸಂದೃಶಿ ವಿಶ್ವಾ ವಾಮಾನಿ ಧೀಮಹಿ ಇತಿ ।
ಪ್ರಜಾ ವೈ ವಾಮಮ್ ।
ಪ್ರಜಾಮೇವ ತದಾತ್ಮನ್ಧತ್ತೇ ।
ವೃಷ್ಣಸ್ತೇ ವೃಷ್ಣ್ಯಾವತೋ ವಿಶ್ವಾರೇತಾಂಸಿ ಧೀಮಹಿ ಇತೀತರಾ ಪ್ರತಿಸಮೀಕ್ಷತೇ ।
ತದಾಹುಃ ಪ್ರಾವೃತ ಉದ್ಗಾಯೇದಗ್ನಿರ್ವಾ ಏಷ ವೈಶ್ವಾನರೋ ಯದ್ಯಜ್ಞಾಯಜ್ಞೀಯಂ - ತಸ್ಯ ಶಾನ್ತ್ಯಾ ಅಪ್ರದಾಹಾಯೇತಿ ।
ಈಶ್ವರೋ ಹ ತು ಪಿತೃದೇವತ್ಯೋ ಭವಿತೋರ್ಯತ್ಪ್ರಾವೃತ ಉದ್ಗಾಯೇತ್ ।
ಅಥೋ ಆಹುರ್ಯಾವದೇವ ಶ್ರೋತ್ರಂ ತಾವತ್ಪ್ರಾವೃತ್ಯೋದ್ಗಾಯೇದಿತಿ ।
ತದು ವಾ ಆಹುಃ ಕರ್ಣಾಭ್ಯಾಂ ವೈ ಶೃಣೋತ್ಯಕ್ಷಿಭ್ಯಾಂ ಪಶ್ಯತಿ ।
ತಸ್ಮಾದಾತ್ಮಾನಮನ್ತರಿಯಾದ್ಯತ್ಪ್ರಾವೃತ ಉದ್ಗಾಯೇತ್ ।
ಅಥೋ ಆಶಿರಂ ವೈ ತೃತೀಯೇ ಸವನೇಽವನಯನ್ತಿ ।
ಪ್ರಜಾ ವೈ ಪಶವ ಆಶೀಃ ।
ತಸ್ಮಾತ್ಸರ್ವಸ್ಮಾದಾತ್ಮಾನಮನ್ತರಿಯಾದ್ಯತ್ಪ್ರಾವೃತ ಉದ್ಗಾಯೇತ್ ।
ಅಪ್ರಾವೃತ ಏವೋದ್ಗಾಯೇದಿತಿ ೧೭೪

ವಯೋ ವೈ ಯೋಜ್ಞಾಯಜ್ಞೀಯಮ್ ।
ಸ ಯಂ ಕಾಮಯೇತ ಯಜಮಾನಂ ಸ್ವರ್ಗಲೋಕಸ್ಸ್ಯಾದಿತಿ ವಯೋ ಯಜ್ಞಾ ವೋ ಅಗ್ನಯೇ ಇತ್ಯಸ್ಯ ಪ್ರಸ್ತುಯಾತ್ ।
ವಯ ಏವೈನಂ ಶಕುನೋ ಭೂತ್ವಾ ಸ್ವರ್ಗಂ ಲೋಕಂ ವಹತಿ ।
ತದು ತದನಾಯುಷ್ಯಮಿವ ।
ಪ್ರಮಥಿತಮಿವ ವಾ ಏತದ್ಯದ್ವಯೋಽನಾಲಯಮಿವ ।
ತಸ್ಮಾದೇವಂ ನ ಪ್ರಸ್ತುಯಾತ್ ।
ಓ ಯಿರಾ ಯಿರಾ ಚಾ ದಾಕ್ಷಾಸಾ ಇತಿ ।
ಯದ್ಗಿರಾ ಗಿರಾ ಚ ಇತಿ ಬ್ರೂಯಾದಗ್ನಿರ್ವೈಶ್ವಾನರೋ ಯಜಮಾನಂ ಗಿರೇತ್ ।
ಅಥ ಯದೋ ಯಿರಾ ಯಿರಾ ಚಾ ದಾಕ್ಷಾಸಾ ಇತ್ಯಾಹ - ಅನ್ನಂ ವಾ ಇರಾ - ಅನ್ನಾದ್ಯಮೇವ ತದಗ್ನೇರ್ವೈಶ್ವಾನರಸ್ಯ ಮುಖತೋಽಪಿದಧಾತಿ ।
ಈಶ್ವರೋ ಹ ತು ರೂಕ್ಷೋ ಭವಿತೋರ್ಯದೋ ಯಿರಾ ಯಿರಾ ಚಾ ದಾಕ್ಷಾಸಾ ಇತಿ ಬ್ರೂಯಾತ್ ।
ಓ ಯಿರಾ ಇಹಾ ಚಾ ದಾಕ್ಷಾಸಾ ಇತ್ಯೇವ ಬ್ರೂಯಾತ್ ೧೭೫

ತಥಾ ಹ ನ ರೂಕ್ಷೋ ಭವತಿ ।
ಏತದ್ಧ ಸ್ಮ ವೈ ತತ್ಪೂರ್ವೇ ಬ್ರಾಹ್ಮಣಾ ಮೀಮಾಂಸನ್ತೇ ಕ ಉ ಸ್ವಿದ್ಶಿಂಶುಮಾರ್ಯೈ ವ್ಯಾತ್ತಮತಿಪ್ರೋಷ್ಯತ ಇತಿ ।
ಏಷಾ ಹ ವಾ ಏಕಾಯನೇ ಶಿಂಶುಮಾರೀ ಪ್ರತೀಪಂ ವ್ಯಾದಾಯ ತಿಷ್ಠತಿ ಯದ್ಯಜ್ಞಾಯಜ್ಞೀಯಮ್ ।
ತಸ್ಯಾ ಏತದನ್ನಾದ್ಯಮೇವ ಮುಖತೋಽಪಿಧಾಯ ಸ್ವಸ್ತ್ಯತ್ಯೇತಿ ।
ಪೋಪ್ರಿಂ ವಯಮಮೃತಂ ಜಾತೋ ವಾ ಇತಿ ।
ಯತ್ಪ್ರ ಪ್ರ ವಯಮಿತಿ ಬ್ರೂಯಾತ್ಪ್ರಮಾಯುಕೋ ಯಜಮಾನಸ್ಸ್ಯಾತ್ ।
ಅಥ ಯತ್ಪೋಪ್ರಿಮಿತ್ಯಾಹೈಷ ಏವಾಸ್ಮೈ ಪೋಪ್ರಿರ್ಭವತಿ ।
ಹಿಂ ಮಾಯಿ ದಾಯಿವಮಿತಿ ।
ಯದ್ದಾಸಮಿತಿ ಬ್ರೂಯಾದ್ದಾಸುಕೋ ಯಜಮಾನಸ್ಸ್ಯಾತ್ ।
ಅಥ ಯದ್ದಾಯಿವಮಿತ್ಯಾಹ - ದಿವಂ ಸಂಸ್ತುತೋ ಯಜ್ಞೋ ಗಮಯಿತವ್ಯ ಇತ್ಯಾಹುಃ - ದಿವಮೇವೈತತ್ಸಂಸ್ತುತಂ ಯಜ್ಞಂ ಗಮಯನ್ತಿ ।
ಪ್ರಿಯಂ ಮಿತ್ರಂ ನು ಶಂಸಿಷಮಿತಿ ।
ಯತ್ಪ್ರಿಯಂ ಮಿತ್ರಂ ನ ಶಂಸಿಷಮಿತಿ ಬ್ರೂಯಾನ್ನ ಪ್ರಿಯಂ ಮಿತ್ರಂ ಶಂಸೇತ ।
ಅಥ ಯತ್ಪ್ರಿಯಂ ಮಿತ್ರಂ ನು ಶಂಸಿಷಮಿತ್ಯಾಹ ಪ್ರಿಯಮೇವ ಮಿತ್ರಂ ಶಂಸತೇ ೧೭೬

ಪ್ರಾಯಾಂ ಮಾಯಿತ್ರಾನ್ನೂ ಶಾಂಸೀಷಾಮೂರ್ಜೋ ನಪಾತಂ ಸ ಹ್ಯಾಯುಮಾ ಇತಿ ।
ಯನ್ನಾಯುಮಾ ಇತಿ ಬ್ರೂಯಾನ್ನಾಯುಷ್ಮಾನ್ಯಜಮಾನಸ್ಸ್ಯಾತ್ ।
ಅಥ ಯದಾಯುಮಾ ಇತ್ಯಾಹಾಯುರೇವೈತದುದ್ಗಾತಾತ್ಮಂಶ್ಚ ಯಜಮಾನೇ ಚ ದಧಾತಿ ।
ಹಿಂ ಮಾಯಾಸ್ಮಾಯೂಃ ಆಶೇಮಾ ಹವ್ಯದಾತಾಯಾ ಉ ವಾ ಇತಿ ।
ಯದ್ದಾಶೇಮ ಇತಿ ಬ್ರೂಯಾದ್ದಂಶುಕಾ ಏನಂ ಸ್ಯುಃ ।
ಅಥ ಯದಾಶೇಮಾ ಇತ್ಯಾಹಾಶ್ನುತ ಏವ ।
ಆಶೇಮಾ ಹಾವ್ಯಾ ದಾತಾಯಾಯಿ ಭುವದ್ವಾಜೇಷ್ವವಿತಾ ಭೂವಾದ್ಧಿಂ ಮಾಯಿ ವಾರ್ಧಾ ಇತಿ ।
ವೃದ್ಧ ಇವ ಹ್ಯೇತರ್ಹಿ ಯಜ್ಞೋ ಭವತಿ ।
ಉತ ತ್ರಾತಾ ಬಹೂನಾಮಿತಿ ।
ಯತ್ತನೂನಾಮಿತಿ ಬ್ರೂಯಾತ್ತನುರಿವ ಯಜಮಾನಸ್ಸ್ಯಾತ್ ।
ಅಥ ಯದ್ಬಹೂನಾಮಿತ್ಯಾಹ ಬಹೂನಾಮೇವೈನಮೇತತ್ತ್ರಾತಾರಂ ಕರೋತಿ ೧೭೭

ತದಾಹುರ್ಯಜ್ಞಾಯಜ್ಞೀಯಸ್ಯೈಕಾದಕ್ಷರಾದೂನಾ ಋಚಃ ।
ತದ್ಯಜ್ಞಸ್ಯ ಛಿದ್ರ ಮ್ ।
ಯತ್ತದುದ್ಗಾಯನ್ನಾಪಿದಧಾತಿ ಯಜ್ಞಾಯಜ್ಞೀಯಂ ಛಿದ್ರಂ ಕರೋತಿ ।
ಯಜ್ಞಾಯಜ್ಞೀಯಂ ಛಿದ್ರ ಮನು ಯಜ್ಞಸ್ಸ್ರವತಿ ಯಜ್ಞಮನು ಯಜಮಾನೋ ಯಜಮಾನಮನು ಪ್ರಜಾಃ ।
ತಸ್ಮಿನ್ವಾಚಂ ದಧ್ಯಾತ್ ।
ವಾಗ್ವೈ ಬ್ರಹ್ಮ ।
ಉತ ತ್ರಾತಾ ವಾಗ್ಬಹೂನಾ ಉ ವಾ ಇತಿ ।
ಗೌರಿತಿ ಹೈಕೇ ದಧತಿ ಗೌರ್ವೈ ಕೃತ್ಸ್ನಮನ್ನಾದ್ಯಂ ಕೃತ್ಸ್ನಸ್ಯೈವಾನ್ನಾದ್ಯಸ್ಯಾವರುದ್ಧ್ಯೈ ।
ತದಾಹುರ್ನೈತದಾದ್ರಿ ಯೇತ ।
ಯದ್ವಾವ ವಾಙ್ನಿಧನಂ ಭವತಿ ತೇನೈವ ಸಂಧೀಯತ ಇತಿ ।
ತದಾಹುರ್ಯಥಾಪೂರ್ವಂ ಯಥಾಜ್ಯೈಷ್ಠ್ಯಂ ಛನ್ದಾಂಸಿ ವಿಮುಚ್ಯಮಾನಾನಿ ।
ಛನ್ದಸಾಂ ಕ್ಳ್ಪ್ತಿಂ ವಿಮುಕ್ತಿಮನು ಪ್ರಜಾಃ ಕಲ್ಪಾನ್ತಾ ಇತಿ ।
ಯಜ್ಞೋ ವೋ ಅಗ್ನಯೇ ಇತಿ ಷಡ್ಭಿರಕ್ಷರೈಃ ಪ್ರಸ್ತೌತಿ ।
ಗಿರಾ ಚ ದಕ್ಷಸೇ ಇತಿ ಷಡ್ಭಿರಕ್ಷರೈರಾದಿಮಾದತ್ತೇ ।
ತದ್ದ್ವಾದಶ ಸಂಪದ್ಯನ್ತೇ ।
ದ್ವಾದಶಾಕ್ಷರಾ ಜಗತೀ ।
ಜಗತೀಂ ಪ್ರಥಮತಃ ಪರ್ಯೂಹನ್ತಿ ।
ತಜ್ಜಗತ್ಯಾ ವಿಮುಚ್ಯನ್ತೇ ।
ಪ್ರ ವಯಮಮೃತಂ ಜಾತವೇದಸಮಿತ್ಯೇಕಾದಶಾಕ್ಷರಾಣಿ ಸಂಪದ್ಯನ್ತೇ ।
ಏಕಾದಶಾಕ್ಷರಾ ತ್ರಿಷ್ಟುಪ್ ।
ತತ್ತ್ರಿಷ್ಟುಭಾ ವಿಮುಚ್ಯನ್ತೇ ।
ಪ್ರಿಯಂ ಮಿತ್ರಂ ನು ಶಂಸಿಷಮಿತ್ಯಷ್ಟಾಭಿರಕ್ಷರೈರ್ನಿಧನಮುಪಯನ್ತಿ ।
ಅಷ್ಟಾಕ್ಷರಾ ಗಾಯತ್ರೀ ।
ತದ್ಗಾಯತ್ರ್! ಯಾ ವಿಮುಚ್ಯನ್ತೇ ।
ತದ್ಯಥಾಪೂರ್ವಂ ಯಥಾಜ್ಯೈಷ್ಠ್ಯಂ ಛನ್ದಾಂಸಿ ವಿಮುಚ್ಯಮಾನಾನಿ ಯನ್ತಿ ।
ಛನ್ದಸಾಂ ಕ್ಳ್ಪ್ತಿಂ ವಿಮುಕ್ತಿಮನು ಪ್ರಜಾಃ ಕಲ್ಪನ್ತೇ ನಾಪರಾಮಾರೀ ಪೂರ್ವೀ ಮ್ರಿಯತೇ ೧೭೮

ದೇವಾಸುರಾ ಯಜ್ಞೇಽಸ್ಪರ್ಧನ್ತ ।
ತೇ ದೇವಾ ಅಸುರಾನ್ಯಜ್ಞಾನ್ನಿರವಾಘ್ನನ್ ।
ತೇಽಸುರಾಸ್ತ್ರಯಾಣಾಂ ಸವನಾನಾಂ ರಸಂ ವೀರ್ಯಂ ಪ್ರವೃಹ್ಯಾನ್ಧಂ ತಮಃ ಪ್ರಾವಿಶನ್ ।
ಯದ್ಧ ವೈ ಕಿಂ ಚ ಪರಾಚೀನಮಗ್ನಿಷ್ಟೋಮಾತ್ತದನ್ಧಂ ತಮಃ ।
ಯತ್ಪರಾಚೀನಂ ಸಂವತ್ಸರಾತ್ತದನ್ಧಂ ತಮಃ ।
ಏತಾವಾನ್ವಾವ ಯಜ್ಞೋ ಯಾವನಗ್ನಿಷ್ಟೋಮಃ ।
ಏತಾವಾನು ಸಂವತ್ಸರಃ ।
ದ್ವಾದಶ ವಾ ಅಗ್ನಿಷ್ಟೋಮಸ್ಯ ಸ್ತೋತ್ರಾಣಿ ದ್ವಾದಶ ಮಾಸಾಸ್ಸಂವತ್ಸರಃ ।
ದ್ವಾದಶ ಸ್ತೋತ್ರಾಣಿ ದ್ವಾದಶ ಶಸ್ತ್ರಾಣಿ ।
ದ್ವಾದಶ ಪೂರ್ವಪಕ್ಷಾ ದ್ವಾದಶಾಪರಪಕ್ಷಾಃ ।
ಅಥ ಯತ್ತತಃ ಪರಾಚೀನಂ ತದನ್ಧಂ ತಮಃ ।
ತತ್ಪ್ರಾವಿಶನ್ ।
ತೇ ದೇವಾ ಅಸುರಾನನ್ವಭ್ಯವಾಯನ್ ।
ತಾನಸುರಾನೇತೈರೇವೋಕ್ಥೈಃ ಪ್ರತ್ಯುದತಿಷ್ಠನ್ ।
ಯದುಕ್ಥೈಃ ಪ್ರತ್ಯುದತಿಷ್ಠಂಸ್ತದುಕ್ಥಾನಾಮುಕ್ಥತ್ವಮ್ ।
ತಾಂಸ್ತತೋ ನಿರೇವಾವಾಘ್ನನ್ ।
ತೇಽನ್ಧಮೇವ ತಮಃ ಪ್ರಾವಿಶನ್ರಾತ್ರಿಮೇವ ।
ಸ ಇನ್ದ್ರೋ ಽಬ್ರವೀತ್ಕಶ್ಚಾಹಂ ಚೇದಮನ್ವಭ್ಯವೈಷ್ಯಾವ ಇತಿ ೧೭೯

ಅಹಂ ಚೇತ್ಯಬ್ರವೀದ್ವರುಣಃ ।
ಅಹಂ ವಾಂ ಜ್ಯೋತಿರ್ಧಾರಯಿಷ್ಯಾಮೀತ್ಯಗ್ನಿರಬ್ರವೀತ್ ।
ತಾವನ್ವಭ್ಯವೈತಾಮ್ ।
ತಾವೇಕಂ ತೃತೀಯಮುದಾಹರತಾಮ್ ।
ತೇನ ಪ್ರಾತಸ್ಸವನಮಾಪ್ಯಾಯಯನ್ ।
ತಸ್ಮಾದಾಗ್ನೇಯೀಷು ಸ್ತುವನ್ತಿ ।
ಷನ್ದ್ರಾ ವಾರುಣಮನುಶಸ್ಯತೇ ।
ತಸ್ಮಾದು ಗಾಯತ್ರೀಷು ಸ್ತುವನ್ತಿ ।
ಗಾಯತ್ರಂ ಹಿ ಪ್ರಾತಸ್ಸವನಮ್ ।
ಸ ಏವಾಬ್ರವೀತ್ಕಶ್ಚಾಹಂ ಚೇದಮನ್ವಭ್ಯವೈಷ್ಯಾವ ಇತಿ ।
ಅಹಂ ಚೇತ್ಯಬ್ರವೀದ್ಬೃಹಸ್ಪತಿಃ ।
ತಾವನ್ವಭ್ಯವೈತಾಮ್ ।
ತಾವೇವೈಕಂ ತೃತೀಯಮುದಾಹರತಾಮ್ ।
ತೇನ ಮಾಧ್ಯಂದಿನಂ ಸವನಮಾಪ್ಯಾಯಯನ್ ।
ತಸ್ಮಾದೈನ್ದ್ರೀ ಷು ಸ್ತುವನ್ತಿ ।
ಷನ್ದ್ರಾ ಬಾರ್ಹಸ್ಪತ್ಯಮನುಶಸ್ಯತೇ ।
ತಸ್ಮಾದು ಕಕುಪ್ಸು ಸ್ತುವನ್ತಿ ।
ಕಾಕುಭಂ ಹಿ ಮಾಧ್ಯಂದಿನಂ ಸವನಮ್ ।
ಸ ಏವಾಬ್ರವೀತ್ಕಶ್ಚಾಹಂ ಚೇದಮನ್ವಭ್ಯವೈಷ್ಯಾವ ಇತಿ ।
ಅಹಂ ಚೇತ್ಯಬ್ರವೀದ್ವಿಷ್ನುಃ ।
ತಾವನ್ವಭ್ಯವೈತಾಮ್ ।
ತಾವೇವೈಕಂ ತೃತೀಯಮುದಾಹರತಾಮ್ ।
ತೇನ ತೃತೀಯಸವನಮಾಪ್ಯಾಯಯನ್ ।
ತಸ್ಮಾದೈನ್ದ್ರೀ ಷು ಸ್ತುವನ್ತಿ ।
ಷನ್ದ್ರಾ ವೈಷ್ನವಮನುಶಸ್ಯತೇ ।
ತಸ್ಮಾದನುಷ್ಟುಪ್ಸು ಸ್ತುವನ್ತಿ ।
ಆನುಷ್ಟುಭಂ ಹಿ ತೃತೀಯಸವನಮ್ ।
ತಾನ್ಸರ್ವಸ್ಮಾದೇವಾನ್ತರಾಯನ್ ।
ತೇಽತೋ ತದಭಿ ಪ್ರಣಯನ್ತೀತಿ ಪ್ರವತೀಭ್ಯಃ ಪ್ರಣಯನ್ತ್ಯೇಹಿವತೀಷು ।
ಪ್ರೇತಿ ಚ ವಾ ಇದಂ ಸರ್ವಮೇತಿ ಚ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೧೮೦

ತಾನಿ ವಾ ಏತಾನಿ ತ್ರೀಣಿ ಸನ್ತಿ ದ್ವಿದೇವತ್ಯಾನ್ಯೈನ್ದ್ರಾ ವಾರುಣಮೈನ್ದ್ರಾ ಬಾರ್ಹಸ್ಪತ್ಯಮೈನ್ದ್ರಾ ವೈಷ್ಣವಮಿತಿ ।
ಏತಾವತೈಷಾಷ್ಷಟ್ಕಾಮದುಘಾ ಉದಾಹರನ್ಗಾಂ ಚಾಶ್ವಂ ಚಾಜಾಂ ಚಾವಿಂ ಚ ವ್ರೀಹಿಂ ಚ ಯವಂ ಚ ।
ಉಪೈನಮೇತಾಷ್ಷಟ್ಕಾಮದುಘಾಸ್ತಿಷ್ಠನ್ತಿ ಯ ಏವಂ ವೇದ ।
ಏತಾವಾನ್ವಾವ ಯಜ್ಞೋ ಯಾವಾನಗ್ನಿಷ್ಟೋಮಃ ।
ತದಾಹುರ್ಯದೇತಾವಾನೇವ ಯಜ್ಞೋ ಯಾವಾನಗ್ನಿಷ್ಟೋಮಸ್ತಸ್ಮಿನ್ನನ್ತಗತೇ ಕಿಮಭ್ಯುಕ್ಥಾನಿ ಪ್ರಣಯನ್ತೀತಿ ।
ಸ ಬ್ರೂಯಾದ್ಯಜ್ಞಾಯಜ್ಞೀಯಸ್ಯೈಕಾದಕ್ಷರಾದೂನಾ ಋಚಃ ।
ತದ್ಯಜ್ಞಸ್ಯ ಛಿದ್ರ ಮ್ ।
ಯಜ್ಞಮೇವಾಸ್ಮಿಂಸ್ತತ್ಸಮ್ಯಞ್ಚಂ ದಧಾತಿ ।
ಆಗ್ನೇಯೀಸು ಪ್ರಣಯನ್ತ್ಯಾಗ್ನೇಯೀಭ್ಯಃ ।
ಯಥಾಗ್ನಾವಗ್ನೀನಭಿಸಮಾದಧ್ಯಾತ್ತಾದೃಕ್ತತ್ ।
ಯೋ ವಾ ಏಕಮಗ್ನಿಂ ಸನ್ತಂ ಬಹುಧಾ ವಿಹರೇದ್ಬಹವಸ್ಸ್ಯುಃ ।
ಯ ಏನಾನ್ಬಹೂನ್ಸತಸ್ಸಾರ್ಧಂ ಸಂಹರೇದೇಕ ಏವ ಸ್ಯಾತ್ ।
ಸ ಯಥಾಗ್ನಾವಗ್ನೀನಭಿಸಮಾದಧ್ಯಾತ್ತಾದೃಕ್ತತ್ ೧೮೧

ತಾಸು ಸಾಕಮಶ್ವಮ್ ।
ದೇವಾ ವೈ ಸ್ವರ್ಗಮಾಮಾಸ್ತಪೋಽಪಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನಶ್ವ ಏವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಸಾಕಂ ವಾ ಅಶ್ವೇನ ಸ್ವರ್ಗಂ ಲೋಕಮಗನ್ಮೇತಿ ।
ತದೇವ ಸಾಕಮಶ್ವಸ್ಯ ಸಾಕಮಶ್ವತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಪ್ರಮಂಹಿಷ್ಠೀಯಂ ಭ್ರಾತೃವ್ಯವಾನ್ಕುರ್ವೀತ ।
ಇನ್ದ್ರೋ ವೃತ್ರಾಯ ವಜ್ರಮುದಯಚ್ಛತ್ ।
ತಂ ನಾಶಕ್ನೋತ್ಪ್ರಹರ್ತುಮ್ ।
ಸ ಯದೈವ ಪ್ರ ಇತ್ಯಪಶ್ಯದಥೈನಮಹನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಯದು ಪ್ರ ಇತ್ಯಪಶ್ಯತ್ತಸ್ಮಾತ್ಪ್ರಮಂಹಿಷ್ಠೀಯಮಿತ್ಯಾಖ್ಯಾಯತೇ ।
ಸತ್ರಾಸಾಹೀಯಂ ಕುರ್ವೀತ ಯಸ್ಯ ತ್ವದಿವಾಜಿತಂ ಸ್ಯಾತ್ ।
ಇನ್ದ್ರೋ ಽಸುರಾನಜಯತ್ ।
ತೇಷಾಂ ತ್ವಾನಿವ ನಾಜಯತ್ ।
ಸೋಽಕಾಮಯತ ಸತ್ರಾ ಸರ್ವಾನಸುರಾನ್ಸಹೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನ ಸತ್ರಾ ಸರ್ವಾನಸುರಾನಸಹತ ।
ತದ್ಯತ್ಸತ್ರಾ ಸರ್ವಾನಸುರಾನಸಹತ ತತ್ಸತ್ರಾಸಾಹೀಯಸ್ಯ ಸತ್ರಾಸಾಹೀಯತ್ವಮ್ ।
ಸತ್ರಾ ದ್ವಿಷನ್ತಂ ಭ್ರಾತೃವ್ಯಂ ಸಹತೇ ಯ ಏವಂ ವೇದ ।
ದೈವೋದಾಸಂ ಪುರೋಧಾಕಾಮಃ ಕುರ್ವೀತ ।
ಆಗ್ನೇಯೋ ಬ್ರಾಹ್ಮಣ ಷನ್ದ್ರೋ ರಾಜನ್ಯಃ ।
ಆಗ್ನೇಯೈನ್ದ್ರ ಮೇತತ್ಸಾಮ ।
ಬ್ರಹ್ಮ ವಾ ಅಗ್ನಿಃ ಕ್ಷತ್ರಮಿನ್ದ್ರ ಃ! ।
ಬ್ರಹ್ಮಣೈವೈತತ್ಕ್ಷತ್ರಂ ದಧಾರ ಕ್ಷತ್ರೇಣ ಬ್ರಹ್ಮ ।
ತಥಾ ಹಾಸ್ಮಾದ್ರಾ ಷ್ಟ್ರಮನಪಕ್ರಾಮಿ ಭವತಿ ಗಚ್ಛತಿ ಪುರೋಧಾಂ ಪುರ ಏನಂ ದಧತೇ ೧೮೨

ಹಾರಿವರ್ಣಂ ಬ್ರಹ್ಮಸಾಮ ರಕ್ಷೋಗೃಹೀತಃ ಕುರ್ವೀತ ।
ಆಙ್ಗಿರಸಸ್ಸ್ವರ್ಗಂ ಲೋಕಂ ಯತ ಏಭ್ಯೋ ಲೋಕೇಭ್ಯೋ ರಕ್ಷಾಂಸ್ಯನ್ವಸಚನ್ತ ।
ತೇಽಕಾಮಯನ್ತಾಪ ರಕ್ಷಾಂಸಿ ಹನೀಮಹೀತಿ ।
ಸ ಏತದ್ಧರಿವರ್ಣ ಆಙ್ಗಿರಸಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನೈಭ್ಯೋ ಲೋಕೇಭ್ಯೋ ರಕ್ಷಾಂಸ್ಯಪಾಘ್ನತ ।
ಹರಿಶ್ರಿಯಮಿತ್ಯೇವಾಸ್ಮಾಲ್ಲೋಕಾದ್ವಿರಾಜಸಿ ಇತ್ಯನ್ತರಿಕ್ಷಾದ್ದಿವೇದಿವೇ ಇತ್ಯಮುಷ್ಮಾತ್ ।
ತತೋ ವೈ ತೇ ಸರ್ವೇಭ್ಯ ಏಭ್ಯೋ ಲೋಕೇಭ್ಯೋ ರಕ್ಷಾಂಸ್ಯಪಹತ್ಯ ಸ್ವರ್ಗಂ ಲೋಕಮಾರೋಹನ್ ।
ಸರ್ವೇಭ್ಯ ಏವೈಭ್ಯೋ ಲೋಕೇಭ್ಯೋ ರಕ್ಷಾಂಸ್ಯಪಹತ್ಯ ಸ್ವರ್ಗಂ ಲೋಕಮಾರೋಹತಿ ಯ ಏವಂ ವೇದ ।
ಯದು ಹರಿವರ್ಣ ಆಙ್ಗಿರಸೋಽಪಶ್ಯತ್ತಸ್ಮಾದ್ಧಾರಿವರ್ಣಮಿತ್ಯಾಖ್ಯಾಯತೇ ೧೮೩

ತ್ರೈತಂ ನಾಥಕಾಮಃ ಕುರ್ವೀತ ।
ಆಪ್ತ್ಯಾನ್ಸಾತೇನ ಯತೋಽರಣ್ಯೇ ಪಿಪಾಸಾವಿನ್ದತ್ ।
ತೇ ಧನ್ವನ್ಕೂಪಮವಿನ್ದನ್ ।
ತನ್ನೈಕತೋಽವರೋಢುಮಕಾಮಯತ ನ ದ್ವಿತಃ ।
ತತ್ತ್ರಿತೋಽವಾರೋಹತ್ ।
ತೌ ಯದಾಪಿಬತಾಮತೃಪ್ಯತಾಮಥ ಹೈನಂ ತದೇವ ರಥಚಕ್ರೇಣಾಪಿಧಾಯ ಗೋಭಿಃ ಪ್ರೈತಾಮ್ ।
ಸೋಽಕಾಮಯತೋದಿತ ಇಯಾಂ ಗಾತುಂ ನಾಥಂ ವಿನ್ದೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಸಮಿನ್ದುಭಿಃ ಇತ್ಯೇವ ನಿಧನಮುಪೈತ್ ।
ತಂ ಪರ್ಜನ್ಯೋ ವೃಷ್ಟ್ಯೋರ್ಧ್ವಮುದಪ್ಲಾವಯತ್ ।
ಅಭಿ ಹಿ ತದ್ರ ಥಚಕ್ರಮುತ್ಪ್ಲಾವಯಾಂ ಚಕಾರ ಯೇನಾಪಿಹಿತ ಆಸ ।
ತದೇತದ್ಗಾತುವಿನ್ನಾಥವಿತ್ಸಾಮ ।
ಗಾತುಂ ವೈ ಸ ತನ್ನಾಥಮವಿನ್ದತ ।
ವಿನ್ದತೇ ಗಾತುಂ ಯ ಏವಂ ವೇದ ।
ಸ ಪದೇನಾನ್ವೈತ್ ।
ತಂ ಪ್ರತಿಖ್ಯಾಯಾಯನ್ತಮೃಕ್ಷೋಽನ್ಯೋ ಭೂತ್ವಾ ಮರ್ಕಟೋಽನ್ಯೋ ವನಮವಾಸ್ಕನ್ದತಾಮ್ ।
ತದು ಭ್ರಾತೃವ್ಯಹಾ ಸಾಮ ।
ಭ್ರಾತೃವ್ಯತಾಂ ವಾವ ತಸ್ಯ ತಾವಗಚ್ಛತಾಂ ಯಾವೃಕ್ಷಂ ಚ ಮರ್ಕಟಂ ಚಾಕರೋತ್ ।
ಅಥೋ ಹಾಸ್ಮೈ ವರ್ಷುಕ ಏವ ಪರ್ಜನ್ಯೋ ಭವತಿ ।
ತದು ಪಶವ್ಯ ಸಾಮ ।
ಕೇವಲಾನ್ವೈ ಸ ತಾನ್ಪಶೂನಕುರುತ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ತ್ರಿತ ಆಪ್ತ್ಯೋಽಪಶ್ಯತ್ತಸ್ಮಾತ್ತ್ರೈತಮಿತ್ಯಾಖ್ಯಾಯತೇ ೧೮೪

ತ್ರೈಕಕುಭಮನ್ನಾದ್ಯಕಾಮಃ ಕುರ್ವೀತ ।
ಇನ್ದ್ರೋ ಯತೀನ್ಸಾಲಾವೃಕೇಭ್ಯಃ ಪ್ರಾಯಚ್ಛತ್ ।
ತೇಷಾಮದ್ಯಮಾನಾನಾಂ ತ್ರಯಃ ಕುಮಾರಾಃ ಪರ್ಯಶಿಷ್ಯನ್ತ ರಾಯೋವಾಜಃ ಪೃಥುರಶ್ಮಿರ್ಬೃಹದ್ಗಿರಿಃ ।
ತ ಇನ್ದ್ರ ಮಸ್ತುವನ್ ।
ತಾನಬ್ರವೀತ್ಕಿಂಕಾಮಾಃ ಕುಮಾರಾ ಮಾ ಸ್ತುಥೇತಿ ।
ಬಿಭೃಹ್ಯೇವ ನೋ ಮಘವನ್ನಿತ್ಯಬ್ರುವನ್ ।
ತಾನನ್ತರಾಂಸಯೋರಧ್ಯಾಸ್ಯತ ।
ತೇಽಸ್ಯ ತಿಸ್ರಃ ಕಕುಭೋಽಲಮ್ಬನ್ತ ।
ಇಮೇ ವೈ ಲೋಕಾಃ ಸಹ ಸನ್ತಸ್ತ್ರೇಧಾ ವ್ಯಾಯನ್ ।
ತಾಂಸ್ತ್ರೇಧಾನ್ನಾದ್ಯಮನುವ್ಯೈತ್ ।
ತ ಉ ಏಷಾಂ ತ್ರಯಾಣಾಂ ಲೋಕಾನಾಂ ತಿಸ್ರಃ ಕಕುಭೋಽನ್ನಾದ್ಯಮವಾಲಮ್ಬತ ।
ಸ ಷಕ್ಷತೈಷಾಂ ಚೇದ್ವೈ ತ್ರಯಾಣಾಂ ಲೋಕಾನಾಂ ತಿಸ್ರಃ ಕಕುಭೋಽನ್ನಾದ್ಯಮವರುನ್ಧೀಯ ತೇನೇಮಾಸ್ತಿಸ್ರಃ ಕಕುಭೋಽಪಹರೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನೈಷಾಂ ತ್ರಯಾಣಾಂ ಲೋಕಾನಾಂ ತಿಸ್ರಃ ಕಕುಭೋಽನ್ನಾದ್ಯಮವಾರುನ್ಧ ।
ತೇನೇಮಾಸ್ತಿಸ್ರಃ ಕಕುಭೋಽಪಾಹರತ ।
ತದ್ಯದೇತೇಷಾಂ ತ್ರಯಾಣಾಂ ಲೋಕಾನಾಂ ತಿಸ್ರಃ ಕಕುಭೋಽನ್ನಾದ್ಯಮವಾರುನ್ಧ ತತ್ತ್ರೈಕಕುಭಸ್ಯ ತ್ರೈಕಕುಭತ್ವಮ್ ।
ತದೇತದನ್ನಾದ್ಯಸ್ಯಾವರುದ್ಧಿಃ ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದಶ್ಶ್ರೇಷ್ಠಃ ಸ್ವಾನಾಂ ಭವತಿ ಯ ಏವಂ ವೇದ ೧೮೫

ತ್ರೀನ್ದ್ರಿ ಯಂ ವಾ ಏತತ್ಸಾಮ ।
ಷನ್ದ್ರೀ ರೃಚ ಷನ್ದ್ರಂ ಸಾಮ ।
ಇನ್ದ್ರ ಃ! ಇತಿ ನಿಧನಂ ಭವತಿ ।
ತ್ರೀಣಿ ಪುರುಷ ಇನ್ದ್ರಿ ಯಾಣ್ಯಾತ್ಮಾ ಪ್ರಜಾ ಪಶವಃ ।
ತಾನ್ಯೇವೈತೇನಾತ್ಮನ್ಪರಿಗೃಹ್ಣೀತೇ ।
ತಾನಬ್ರವೀತ್ಕಿಂಕಾಮೋ ವ ಏಕಃ ಕಿಂಕಾಮ ಏಕಃ ಕಿಂಕಾಮ ಏಕ ಇತಿ ।
ಸೋಽಬ್ರವೀದ್ರಾ ಯೋವಾಜಃ ಪಶುಕಾಮೋಽಹಮಸ್ಮೀತಿ ।
ತಸ್ಮಾ ಇಳಾಂ ಪ್ರಾಯಚ್ಛತ್ ।
ಪಶವೋ ವಾ ಇಳಾ ।
ಅಥಾಬ್ರವೀತ್ಪೃಥುರಶ್ಮಿಃ ಕ್ಷತ್ರಕಾಮೋಽಹಮಸ್ಮೀತಿ ।
ತಸ್ಮೈ ಕ್ಷತ್ರಂ ಪ್ರಾಯಚ್ಛತ್ ।
ಸ ಏವ ಪೃಥುರ್ವೈನ್ಯಃ ।
ಅಥಾಬ್ರವೀದ್ಬೃಹದ್ಗಿರಿರನ್ನಾದ್ಯಕಾಮೋಽಹಮಸ್ಮೀತಿ ।
ತಸ್ಮಾ ಅಥಕಾರಂ ಪ್ರಾಯಚ್ಛತ್ ।
ಅನ್ನಂ ವಾ ಅಥಕಾರಃ ।
ಸೌಭರಂ ಪ್ರಜಾಕಾಮಃ ಕುರ್ವೀತ ।
ಹುಸಿತಿ ನಿಧನಮುಪೇಯಾತ್ ।
ಸೌಭರಮನ್ನಾದ್ಯಕಾಮಃ ಕುರ್ವೀತ ।
ಊರ್ಗಿತಿ ನಿಧನಮುಪೇಯಾತ್ ।
ಸೌಭರಂ ವೃಷ್ಟಿಕಾಮಃ ಕುರ್ವೀತ ।
ಹಿಸಿತಿ ನಿಧನಮುಪೇಯಾತ್ ।
ಸೌಭರಮುದ್ಗ್ರಹಣಕಾಮಃ ಕುರ್ವೀತ ।
ಉದಿತಿ ನಿಧನಮುಪೇಯಾತ್ ।
ಸೌಭರಂ ಸ್ವರ್ಗಕಾಮಃ ಕುರ್ವೀತ ।
ಊ ಇತಿ ನಿಧನಮುಪೇಯಾತ್ ।
ಭಾರದ್ವಾಜಾಯನಾನ್ಹ ಸತ್ತ್ರಮಾಸೀನಾನ್ಪಪ್ರಚ್ಛುಃ ಕೇನ ಪ್ರಜಾಕಾಮಾ ಅಸ್ತೋಢ್ವಮಿತಿ ।
ಸೌಭರೇಣೇತಿ ।
ಕೇನಾನ್ನಾದ್ಯಕಾಮಾ ಇತಿ ।
ಸೌಭರೇಣೇತಿ ।
ಕೇನ ವೃಷ್ಟಿಕಾಮಾ ಇತಿ ।
ಸೌಭರೇಣೇತಿ ।
ಕೇನೋದ್ಗ್ರಹಣಕಾಮಾ ಇತಿ ।
ಸೌಭರೇಣೇತಿ ।
ಕೇನ ಸ್ವರ್ಗಕಾಮಾ ಇತಿ ।
ಸೌಭರೇಣೇತಿ ।
ಏವಮಿವ ವಾ ಏತತ್ಸಾಮ ।
ಏತೇ ವಾ ಏತಸ್ಮಿನ್ನ್ಕಾಮಾಃ ।
ಏತಾನೇವ ಕಾಮಾನವರುನ್ದ್ಧೇ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ೧೮೬

ಸೌಭರಂ ಬ್ರಹ್ಮಸಾಮ ಕುರ್ವೀತ ಯಃ ಕಾಮಯೇತಾ ಮೇ ಪ್ರಜಾಯಾಂ ಸೂಪಕಾಶೋ ದರ್ಶನೀಯಃ ಕ್ಷತ್ರಿಯರೂಪಃ ಪುರುಷರೂಪೋ ಜಾಯೇತೇತಿ ।
ತೇಜೋ ವೈ ಪುರುಷಸ್ಯ ಪ್ರಜಾ ತೇಜಸ್ಸೌಭರಂ ಬೃಹತಃ ।
ಕ್ಷತ್ರಂ ಬೃಹತ್ ।
ಕ್ಷತ್ರಿಯಸ್ಯೋ ಏಷಾ ಪ್ರಜಾ ।
ಆ ಹೈವಾಸ್ಯ ಪ್ರಜಾಯಾಂ ಸೂಪಕಾಶೋ ದರ್ಶನೀಯಃ ಕ್ಷತ್ರಿಯರೂಪಂ ಪುರುಷರೂಪೋ ಜಾಯತೇ ಯ ಏವಂ ವೇದ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಸ್ಯ ಸೃಷ್ಟಾಃ ಪರಾಭವನ್ ।
ತದಿದಂ ಸರೀಸೃಪಮಭವದ್ಯದನ್ಯತ್ಸರ್ಪೇಭ್ಯಃ ।
ಸ ದ್ವಿತೀಯ ಅಸೃಜತ ।
ತಾ ಅಸ್ಯ ಪರೈವಾಭವನ್ ।
ತೇ ಮತ್ಸ್ಯಾ ಅಭವನ್ ।
ಸ ತೃತೀಯಾ ಅಸೃಜತ ।
ತಾ ಅಸ್ಯ ಪರೈವಾಭವನ್ ।
ತಾನಿ ವಯಾಂಸ್ಯಭವನ್ ।
ಸ ಚತುರ್ಥೀರಸೃಜತ ।
ಸ ಷಕ್ಷತ ಕಥಂ ನು ಮ ಇಮಾಃ ಪ್ರಜಾಸ್ಸೃಷ್ಟಾ ನ ಪರಾಭವೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾ ಊರ್ಗಿತ್ಯೇವಾಭ್ಯಮೃಶತ್ ।
ತಾ ಅಸ್ಯೋರ್ಜಾ ಸಮಕ್ತಾ ಅವರ್ಧನ್ತ ।
ಸೋಽಬ್ರವೀತ್ಸುಭೃತಂ ವಾ ಇಮಾಃ ಪ್ರಜಾ ಅಭಾರ್ಷಮಿತಿ ।
ತದೇವ ಸೌಭರಸ್ಯ ಸೌಭರತ್ವಮ್ ।
ಸುಭೃತಂ ಪ್ರಜಾಂ ಬಿಭರ್ತಿ ಯ ಏವಂ ವೇದ ೧೮೭

ನಾರ್ಮೇಧೇನಾತಿರಾತ್ರೇಽಚ್ಛಾವಾಕಾಯ ಸ್ತುವನ್ತಿ ।
ಇಳಯಾ ರಾತ್ರಿಮಭಿಸಂತನ್ವನ್ತಿ ।
ತದಾಹುರ್ಯನ್ತಿ ವಾ ಏತೇಽನುಷ್ಟುಭೋ ಯ ಉಷ್ಣಿಕ್ಷ್ವಚ್ಛಾವಾಕಸಾಮ ಕುರ್ವನ್ತೀತಿ ।
ಅರ್ವಾಗುಷ್ಣಿಗ್ಘ ಖಲು ವಾ ಏತಾಸಾಮೇಕಾ ಮಧ್ಯೋಷ್ಣಿಗೇಕಾ ಪುರೋಷ್ಣಿಗೇಕಾನವಧೃತಂ ಛನ್ದೋಽನವಧೃತಂ ವಾಗ್ವದತಿ ।
ವಾಗನುಷ್ಟುಪ್ ।
ತೇನಾನುಷ್ಟುಭೋ ನ ಯನ್ತಿ ।
ಯೈತಾಸಾಮುತ್ತಮಾ ಸಾ ಪ್ರತ್ಯಕ್ಷಾನುಷ್ಟುಪ್ ।
ತೇನೋ ವಾವಾನುಷ್ಟುಭೋ ನ ಯನ್ತಿ ।
ಯಥಾ ಹ ವಾ ಇದಂ ಮಧುಕೃತಃ ಪುಷ್ಪಾಣಾಂ ರಸಾನ್ಸಂಭರನ್ತ್ಯೇವಂ ಹ ವಾ ಏತಾ ದೇವತಾಶ್ಛನ್ದಸಾಂ ರಸಾನ್ಸಮಭರನ್ ।
ಛನ್ದಸಾಂ ಹಾಸ್ಯ ರಸೇನ ಸ್ತುತಂ ಭವತಿ ಯ ಏವಂ ವೇದ ।
ಅಹೋರಾತ್ರಯೋರ್ಹ ಖಲು ವಾ ಏತದ್ರೂ ಪಂ ಸಾಮ ।
ಷನ್ದ್ರೀ ರೃಚ ಆಗ್ನೇಯಂ ಸಾಮ ।
ಷನ್ದ್ರ ಮಹರಾಗ್ನೇಯೀ ರಾತ್ರಿಃ ।
ಯೋ ಹ ವಾ ಏತಸ್ಮಾತ್ಸಾಮ್ನೋಽತಿರಾತ್ರ ಇಯಾದಹೋರಾತ್ರಯೋರ್ಹ ವೈ ಸ ರೂಪೇಣ ವಿವೃಹ್ಯೇತ ।
ಸ ಯ ಏನಂ ತತ್ರ ಬ್ರೂಯಾದಹೋರಾತ್ರಯೋರೇನಂ ರೂಪೇಣ ವ್ಯವೃಕ್ಷದಿತಿ ತಥಾ ಹೈವ ಸ್ಯಾತ್ ।
ತಸ್ಮಾದು ಹೈತಸ್ಮಾತ್ಸಾಮ್ನೋಽತಿರಾತ್ರೇ ನೈತವ್ಯಮ್ ೧೮೮

ಕ್ಷೇಪೀಯಸೀ ಹ ಖಲು ವೈ ರಾತ್ರಿರಹ್ನಃ ।
ಏಹೀಳಂ ಭವತ್ಯಪ್ರವರ್ಹಾಯ ।
ಯದೃಚಶ್ಚ ಸಾಮ್ನಶ್ಚಾತ್ಯರಿಚ್ಯತ ತದುದ್ವಂಶೀಯಮಭವತ್ ।
ಸ ಹರ್ಚಾ ಚ ಸಾಮ್ನಾ ಚ ಪ್ರತಿತಿಷ್ಠತಿ ಯ ಏವಂ ವೇದ ।
ತದನೃಶಂಸಸ್ಯ ಕುರ್ಯಾನ್ನ ನೃಶಂಸಸ್ಯ - ಪರಿಮಿತಜೀವೀ ಹಿ ನೃಶಂಸೋಽತಿರಿಕ್ತಜೀವ್ಯನೃಶಂಸಃ - ಅತಿರಿಕ್ತಸ್ಯೈವಾವರುದ್ಧ್ಯೈ ।
ಅಥ ಹ ವಾ ಏತೇನ ದೇವಾಸ್ಸಾಮ್ನಾ ವಂಶಮಿವೋದ್ಯತ್ಯಾಸುರಾನಭ್ಯತ್ಯಕ್ರಾಮನ್ ।
ಯದ್ವಂಶಮಿವೋದ್ಯತ್ಯಾಸುರಾನಭ್ಯತ್ಯಕ್ರಾಮಂಸ್ತದುದ್ವಂಶೀಯಮಭವತ್ ।
ತದುದ್ವಂಶೀಯಸ್ಯೋದ್ವಂಶೀಯತ್ವಮ್ ।
ಅಭ್ಯಜಿತಂ ಜಯತಿ ನ ಜಿತಂ ಪರಾಜಯತೇ ಯ ಏವಂ ವೇದ ।
ಸರ್ವೇಷಾಂ ವಾ ಏತತ್ಪೃಷ್ಠಾನಾಂ ರೂಪಂ ಸಾಮ ಗಾಯನ್ತಿ ತ್ವಾ ಗಾಯತ್ರಿಣಃ ಇತಿ ಗಾಯತ್ರಸ್ಯ ಅರ್ಚನ್ತ್ಯರ್ಕಮರ್ಕಾಯಿಣಾ ಇತಿ ರಥನ್ತರಸ್ಯ ಬ್ರಹ್ಮಾಣಸ್ತ್ವಾ ಹೋಯಿ ಶತಕ್ರತಾವಿತಿ ಬೃಹತಃ ಉದ್ವಂಶಮಿವ ಯಾಯಿಮಿರಾಯಿ ಇತಿ ವೈರೂಪಸ್ಯ ಉದ್ವಂಶಾಮಿ ಇತಿ ಪುನರ್ನಿತುನ್ನಂ ವೈರಾಜಸ್ಯ ವಾ ಯಾ ವು ವಾ ಉಬಿತಿ ಮಹಾನಾಮ್ನೀನಾಂ ಮಾ ಇರಾ ಇತಿ ರೇವತೀನಾಂ ಹಾ ಇ ಇತಿ ವಾಮದೇವಸ್ಯ ।
ಸರ್ವಸ್ಮಿನ್ನೇವೈತತ್ಪೃಷ್ಠರೂಪೇ ರಸೇ ತೇಜಸ್ಯಪರಾಜಿತೇ ಛನ್ದಸಿ ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ೧೮೯

ಸರ್ವೋ ಹ ಖಲು ವೈ ಷೋಡಶಿಮಾನ್ ।
ಯತ್ರೋದ್ವಂಶೀಯಂ ಕ್ರಿಯತೇ ಉತ್ತಮಂ ಪದಂ ಪುನರಭ್ಯಸ್ಯತಿ ।
ಷೋಡಶ್ಯೇವ ತೇನ ರೂಪೇಣ ಕ್ರಿಯತೇ ।
ವಜ್ರೋ ವೈ ಭ್ರಾತೃವ್ಯಾಯ ಷೋಡಶೀ ।
ವಜ್ರಮೇವೈತದ್ದ್ವಿಷತೇ ಭ್ರಾತೃವ್ಯಾಯ ಪ್ರಹರತಿ ಸ್ತೃತ್ಯೈ ।
ತಮೋ ವೈ ದೇವಾಸುರಾನನ್ತರಾಸೀತ್ ।
ತೇ ದೇವಾ ಏತಮರ್ಧೇಳಂ ಧೂಯಧರಾ ಅತಿಕ್ಷರನ್ತಿ ।
ಅಪಶ್ಯನ್ ।
ತೇನೈನದ್ವ್ಯಾಯನ್ ।
ಯಂ ದ್ವಿಷ್ಯಾತ್ತಂ ಮನಸಾ ಧ್ಯಾಯೇತ್ ।
ಏತಮರ್ಧೇಳಮುಪಾವಯನ್ವ್ಯೇವೈನಮೇತ್ಯ್ ।
ಅಧ್ಯರ್ಧೇಳಂ ಸ್ವರತಿ ।
ತಸ್ಮಾದ್ಧೂಯಾರ್ಧರಾ ಅತಿಕ್ಷರನ್ತಿ ।
ಅಷಾಢೋ ಹ ಸಾವಯಸೋಽತಿರಾತ್ರೇಣೇಜೇ ।
ತದು ಹಾತಿಧನ್ವಶ್ಶೌನಕಃ ಪ್ರಸೃಪ್ತ । ಆಸ ।
ಸ ಹೋದ್ವಂಶೀಯಮತಿರಾತ್ರೇ ಛಾವಾಕಸಾಮ ಚಕ್ರೇ ।
ತಂ ಹೋವಾಚ ಮೈವಂ ಕುರುತ ।
ಪ್ರಲುಪ್ತೇಳಾಃ ಸ್ವರಃ ಪರಸ್ತಾದಪ್ರತಿಷ್ಠಿತಃ ಪಾರಿಚರ್ಯಸ್ಯ ರೂಪಮಿತಿ ।
ಸ ಹೋವಾಚ ತಾಂ ವೈ ವಯಂ ಕೃತ್ಸ್ನಾಮಿಳಾಮುಪೇತ್ಯ ಸ್ವರೇಣೈವ ಸಂತತ್ಯ ರಾತ್ರಿಂ ಪ್ರವತ್ಸ್ಯಾಮಹಾ ಇತಿ ।
ನೇತಿ ಹೇತರ ಉವಾಚ ।
ಇನ್ದ್ರೋ ವಾವ ತೇನ ಸಾಮ್ನಾಸುರಾನನ್ವಭ್ಯವೈತ್ ।
ತೇ ಬಲಂ ಸ್ವರಂ ವಿದಿತ್ವಾ ಪ್ರತ್ಯಾದ್ರ ವನ್ ।
ತಂ ಪ್ರಾಕುರ್ವತ ।
ಸ ಪ್ರಕೃತ ಏತಮರ್ಧೇಳಂ ನ್ಯಹನ್ ।
ತ್ರಾಣಾಯ ವಾ ಏಷ ಯದರ್ಧೇಳ । ಇತಿ ೧೯೦

ನಾರ್ಮೇಧಮೇವ ಕಾರ್ಯಮ್ ।
ತದೈಳಂ ಭವತಿ ।
ಪಶವೋ ವಾ ಇಳಾ ।
ಪಶುಭಿರ್ವಾವ ತೇ ತಾನ್ರಾತ್ರೇರ್ನಿರವಾಘ್ನನ್ ।
ತಸ್ಮಾನ್ನಾರ್ಮೇಧಮೇವ ಕಾರ್ಯಮಿತಿ ।
ಆಷ್ಟಾದಂಷ್ಟ್ರೇ ಋದ್ಧಿಕಾಮಃ ಕುರ್ವೀತ ।
ಅಷ್ಟಾದಂಷ್ಟ್ರೋ ವೈ ವೈರೂಪಃ ಪಶ್ಚೇವಾನ್ಯೇಭ್ಯ ಋಷಿಭ್ಯ ಏತೇ ಸಾಮನೀ ಅಪಶ್ಯತ್ ।
ಸೋಽಬಿಭೇದಸ್ತೋತ್ರೀಯೇ ಮೇ ಸಾಮನೀ ಭವಿಷ್ಯತ ಇತಿ ।
ಸೋಽಬ್ರವೀದೃಧ್ನವಾತ್ಸ ಯೋ ಮೇ ಸಾಮನೀ ಸೋಮಸ್ಯ ತರ್ಪಯಾದಿತಿ ।
ಋದ್ಧಿಪ್ರಾಗುಭಿತೇ ವಾ ಏತೇ ಸಾಮನೀ ।
ಋಧ್ನುವನ್ತ್ಯೇವೈತಾಭ್ಯಾಂ ತುಷ್ಟುವಾನಾಃ ।
ಅಷ್ಟಾದಂಷ್ಟ್ರೋ ವೈರೂಪಃ ಪಶುಕಾಮಸ್ತಪೋಽತಪ್ಯತ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮಸ್ತುತ ।
ಸ ಏತಾಮಿಳಾಂ ಉಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ದ್ಧ ।
ತೇ ಏತೇ ಪಶವ್ಯೇ ಸಾಮನೀ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದ್ವಷ್ಟಾದಂಷ್ಟ್ರೋ ವೈರೂಪೋಽಪಶ್ಯತ್ತಸ್ಮಾದಾಷ್ಟಾದಂಷ್ಟ್ರೇ ಇತ್ಯಾಖ್ಯಾಯೇತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠತಿ ೧೯೧

ಪ್ರಜಾಪತಿರ್ಯದ್ದೇವೇಭ್ಯಸ್ತನ್ವೋ ವ್ಯಭಜತ್ತತೋ ಯಾ ಹರಿವತ್ಯಾಸೀತ್ತಾಮಾತ್ಮನೇಽಶಿಂಷತ್ ।
ತಾಮಿನ್ದ್ರಾ ಯ ಪ್ರಾಯಚ್ಛತ್ ।
ತಯೇನ್ದ್ರೋ ಜ್ಯೈಷ್ಠ್ಯಮಗಚ್ಛತ್ ।
ತದ್ಯದ್ಧರಿವತೀಷು ಸ್ತುವನ್ತಿ ತದ್ಧ್ಯೇವ ಜ್ಯೈಷ್ಠ್ಯಮ್ ।
ಹರಿವತೀಃ ಪರೋಕ್ಷಮನುಷ್ಟುಭಸ್ಸಂಪದ್ಯನ್ತೇ ।
ತಾಸ್ಸಂಸ್ತುತಾಶ್ಚತುಸ್ತ್ರಿಂಶದಕ್ಷರಾ ಭವನ್ತಿ ।
ತತೋ ಯೇ ಚತುಸ್ತ್ರಿಂಶೇ ಅಕ್ಷರೇ ಸಾಮ್ನಸ್ತಾಭ್ಯಾಂ ಲೋಕೋ ವಿಧೀಯತ ಇತ್ಯಾಹುಃ ।
ಯತ್ಪಞ್ಚತ್ರಿಂಶದಕ್ಷರಾಸು ಸ್ತುಯುಃ ಪರಂ ರೂಪಂ ಉಪಪದ್ಯೇರನ್ಬಾರ್ಹತಮ್ ।
ಯತ್ತ್ರಯಸ್ತ್ರಿಂಶದಕ್ಷರಾಸು ಸ್ತುಯುರವರಂ ರೂಪಮುಪಪದ್ಯೇರನಾನುಷ್ಟುಭಮ್ ।
ಯತ್ಸಪ್ತದಶಸ್ತೋಮಸ್ಸ್ಯಾತ್ಪರಮಂ ರೂಪಮುಪಪದ್ಯೇರನ್ ।
ಯತ್ಪಞ್ಚದಶಸ್ತೋಮಃ ಸ್ಯಾದವಮಂ ರೂಪಮುಪಪದ್ಯೇರನ್ ।
ಯತ್ಷೋಡಶಿನಾ ಷೋಡಶಸ್ತೋಮೇನ ಚತುಸ್ತ್ರಿಂಶದಕ್ಷರಾಸು ಸ್ತುವನ್ತಿ ಸ್ವೇನೈವೈನಂ ತದಾಯತನೇನ ಸಮರ್ದ್ಧಯನ್ತಿ ।
ತೇನೈಭ್ಯಃ ಸಮೃದ್ಧೇನ ಸ್ವಾಯಾಂ ಜನತಾಯಾಮರ್ಧುಕಂ ಭವತಿ ।
ಷೋಡಶ ಸ್ತೋತ್ರಾಣಿ ಷೋಡಶ ಶಸ್ತ್ರಾಣಿ ।
ತದ್ದ್ವಾತ್ರಿಂಶತ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಆನುಷ್ಟುಭಷ್ಷೋಡಶ್ಯನುಷ್ಟುಭಂ ಸಂಪನ್ನಃ ।
ದೇವಛನ್ದಸಾನಿ ವಾ ಅನ್ಯಾನ್ಯಾಸನ್ನಸುರಛನ್ದಸಾನ್ಯನ್ಯಾನಿ ೧೯೨

ಏಕಾಕ್ಷರಂ ದೇವಾನಾಅವಮಮಾಸೀತ್ಸಪ್ತಾಕ್ಷರಂ ಪರಮಮ್ ।
ನವಾಕ್ಷರಮಸುರಾಣಾಮವಮಮಾಸೀತ್ಪಞ್ಚದಶಾಕ್ಷರಂ ಪರಮಮ್ ।
ತೇ ದೇವಾ ಅಕಾಮಯನ್ತ ಕನೀಯಸಾ ಭೂಯೋಽಸುರಾಣಾಂ ವೃಞ್ಜೀಮಹೀತಿ ।
ತ ಏಕಾಕ್ಷರೇಣ ಪಞ್ಚದಶಾಕ್ಷರಮವೃಞ್ಜತ ।
ತೇ ದ್ವ್ಯಕ್ಷರೇಣ ಚತುರ್ದಶಾಕ್ಷರಂ ತ್ರ್! ಯಕ್ಷರೇಣ ತ್ರಯೋದಶಾಕ್ಷರಂ ಚತುರಕ್ಷರೇಣ ದ್ವಾದಶಾಕ್ಷರಂ ಪಞ್ಚಾಕ್ಷರೇಣೈಕಾದಶಾಕ್ಷರಂ ಷಡಕ್ಷರೇಣ ದಶಾಕ್ಷರಂ ಸಪ್ತಾಕ್ಷರೇಣ ನವಾಕ್ಷರಮಷ್ಟಾಕ್ಷರೇಣಾಷ್ಟೌ ।
ತಾನಿ ಯತ್ಷೋಡಶಷೋಡಶ ಸಮಪದ್ಯನ್ತ ತತ್ಷೋಡಶಿನಷ್ಷೋಡಶಿತ್ವಮ್ ।
ತದ್ಗಾಯತ್ರ್! ಯೇವ ಸಪ್ತದಶ್ಯುಪಸಮಪದ್ಯತ ।
ತಸ್ಮಾದಾಹುಸ್ಸಪ್ತದಶಃ ಪ್ರಜಾಪತಿರಿತಿ ।
ಇನ್ದ್ರೋ ವೈ ವೃತ್ರಮಜಿಘಾಂಸತ್ ।
ಸ ಪ್ರಜಾಪತಿಮುಪಾಧಾವದ್ಧನಾನಿ ವೃತ್ರಮಿತಿ ।
ತಸ್ಮಾ ಏತಂ ಷೋಡಶಿನಂ ವಜ್ರಂ ಪ್ರಾಯಚ್ಛದ್ಯದಸ್ಯ ವೀರ್ಯಮಾಸೀತ್ತದಾದಾಯ ಶಕ್ವರ್ಯಃ ।
ತಂ ನಾಶಕ್ನೋದ್ಧನ್ತುಮ್ ।
ತಂ ಪುನರುಪಾಧಾವದ್ಧನಾನ್ಯೇವ ವೃತ್ರಮಿತಿ ೧೯೩

ತಸ್ಮೈ ಶಕ್ವರ್ಯಃ ಪ್ರಾಯಚ್ಛತ್ ।
ತತೋ ವಾ ಇನ್ದ್ರೋ ವೃತ್ರಮಹನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಸ ಷಕ್ಷತ ಯದ್ಯಸ್ಮೈ ದಿವಾ ಪ್ರದಾಸ್ಯಾಮಿ ರಾತ್ರಿಮೇಷಾಂ ಭ್ರಾತೃವ್ಯಲೋಕೋಽಭ್ಯಧಿರೇಕ್ಷ್ಯತೇ ।
ಯದ್ಯಸ್ಮೈ ನಕ್ತಂ ಪ್ರದಾಸ್ಯಾಮ್ಯಹರೇಷಾಂ ಭ್ರಾತೃವ್ಯಲೋಕೋಽಭ್ಯಧಿರೇಕ್ಷ್ಯತ ಇತಿ ।
ಸ ಏತದಪಶ್ಯತ್ ।
ಯಾವತ್ಯೇತದಾದಿತ್ಯೋ ವಿಷಿತೋ ಭವತಿ ತಸ್ಮೈ ತಾವತ್ಯೇವ ಪ್ರಾಯಚ್ಛತ್ ।
ತೇನಾಸುರಾನುಭಾಭ್ಯಾಮಹೋರಾತ್ರಾಭ್ಯಾಮನ್ತರೈತ್ ।
ಉಭಾಭ್ಯಾಮೇವಾಹೋರಾತ್ರಾಭ್ಯಾಂ ದ್ವಿಷನ್ತಂ ಭ್ರಾತೃವ್ಯಮನ್ತರೇತಿ ಯ ಏವಂ ವೇದ ।
ಯಥಾ ಹ ವೈ ಸೂರ್ಮ್ಯತ್ಯಾಧಾಯೈವಂ ಷೋಡಶೀ ಸ್ತೋತ್ರಾಣಾಂ ಸ್ವರ್ಗಲೋಕಸ್ಯ ಸಮಷ್ಟ್ಯೈ ।
ಪ್ರ ಸ್ವರ್ಗಂ ಲೋಕಮಾಪ್ನೋತಿ ಯ ಏವಂ ವೇದ ೧೯೪

ತದಾಹುಸ್ತ್ರಿವೃದೇವ ಸ್ತೋಮಃ ಕಾರ್ಯ ಇತಿ ।
ಸ ತ್ರಿವೃದ್ವೈ ವಜ್ರಃ ।
ವಜ್ರಷ್ಷೋಡಶೀ ।
ಅಥೋ ಆಹುಷ್ಪಞ್ಚದಶ ಏವ ಕಾರ್ಯ ಇತಿ ।
ಪಞ್ಚದಶೋ ವೈ ವಜ್ರಃ ।
ವಜ್ರಷ್ಷೋಡಶೀ ।
ಅಥೋ ಆಹುಷ್ಷೋಡಶ ಏವ ಕಾರ್ಯ ಇತಿ ।
ಪಞ್ಚದಶೋ ವೈ ವಜ್ರಃ ।
ಇನ್ದ್ರೋ ವಜ್ರಸ್ಯೋದ್ಯನ್ತಾ ಷೋಡಶಃ ।
ಸೇನ್ದ್ರೇ ಣ ವಜ್ರೇಣ ವೃತ್ರಂ ಪಾಪ್ಮಾನಂ ಹನಾನೀತಿ ।
ಸೇನ್ದ್ರೇ ಣ ಹೈವ ವಜ್ರೇಣ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ಅಥೋ ಆಹುಸ್ಸಪ್ತದಶ ಏವ ಕಾರ್ಯ ಇತಿ ।
ಪಞ್ಚದಶೋ ವೈ ವಜ್ರಃ ।
ಇನ್ದ್ರೋ ವಜ್ರಸ್ಯೋದ್ಯನ್ತಾ ಷೋಡಶಃ ।
ಪ್ರಜಾಪತಿರೇವ ಸಪ್ತದಶಃ ।
ಸೋಽನುಷ್ಠಾತಾ ಸೋಽಭಿಗೋಪ್ತಾ ಸೋಽಭಿವಾದಯಿತಾ ಪ್ರಹರ್ಜಹಿ ಮಾಪಕ್ರಮೀಃ ಇತಿ ।
ಸೇನ್ದ್ರೇ ಣ ವಜ್ರೇಣ ಸಪ್ರಜಾಪತಿಕೇನ ವೃತ್ರಂ ಪಾಪ್ಮಾನಂ ಹನಾನೀತಿ ।
ಸೇನ್ದ್ರೇ ಣ ಹೈವ ವಜ್ರೇಣ ಸಪ್ರಜಾಪತಿಕೇನ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ಅಥೋ ಆಹುರೇಕವಿಂಶ ಏವ ಕಾರ್ಯ ಇತಿ ।
ಸರ್ವಾಭ್ಯೋ ವಾ ಏತಂ ಸಪ್ತಭ್ಯೋ ಹೋತ್ರಾಭ್ಯ ಇನ್ದ್ರೋ ವಜ್ರಂ ನಿರಮಿಮೀತ ತಿಸ್ರಸ್ತಿಸ್ರ ಏವ ಹೋತ್ರಾಯೈ ।
ಸ ಏಕವಿಂಶಷ್ಷೋಡಶೀ ಸಮಪದ್ಯತ ।
ತೇನೇನ್ದ್ರೋ ವೃತ್ರಮಹನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತದು ಹೋವಾಚ ಯಾಮನೋ ಭ್ರಾತಲಾಯನೋ ವಿರಾಜೋ ವಾ ಏಷ ಸಂಪದೇ ಷೋಡಶೀ ।
ವೈರಾಜೋ ವೈ ಷೋಡಶೀ ವಿರಾಜಿವಿರಾಜಿ ಪ್ರತಿಷ್ಠಿತಃ ।
ಸ ಯತ್ರೈವೈತಂ ವಿರಾಜಂ ಸಂಪದ್ಯಮಾನಂ ಮನ್ಯೇತ ತದೇವೈತೇನ ಸ್ತೋತವ್ಯಮ್ ೧೯೫

ಅಹೋರಾತ್ರಯೋರ್ವೈ ದೇವಾಸುರಾ ಅಧಿ ಸಂಯತ್ತಾ ಆಸನ್ ।
ತೇ ದೇವಾ ಅಹರಭ್ಯಜಯನ್ನಥಾಸುರಾ ರಾತ್ರಿಮಭ್ಯುಪಾಧಾವನ್ ।
ತೇ ದೇವಾ ಅಬ್ರುವನ್ನರ್ಧಿನೋ ವಾ ಅಸ್ಯ ಭುವನಸ್ಯಾಭೂಮ ಕಥಂ ಸತ್ರಾ ರಾತ್ರಿಮಭಿಜಯೇಮಾಭಿಪ್ರಯುನಜಾಮಹಾ ಇತಿ ।
ತೇಽಭ್ಯಯುಞ್ಜತ ।
ಅಹ್ನೋ ಜಘನಾರ್ಧೇಽಯತನ್ತ ।
ಅಥಾಸುರಾ ರಾತ್ರ್! ಯಾ ಉದಾಸೃತ್ಯ ಪೂರ್ವಾರ್ಧೇಽಯತನ್ತ ।
ಏಷ ಹ ವಾ ಅಹ್ನೋ ಜಘನಾರ್ಧೋ ಯತ್ಸಾಯಮ್ ।
ಏಷ ಉ ವೈ ರಾತ್ರೇಃ ಪೂರ್ವಾರ್ಧೋ ಯತ್ಸಾಯಮ್ ।
ಸ್ವಾಯಾಮನ್ಯೇ ಮರ್ಯಾದಾಯಾಮಯತನ್ತ ಸ್ವಾಯಾಮನ್ಯೇ ।
ಛನ್ದಾಂಸಿ ವಾವ ತೇಷಾಂ ಸ್ವಮಾಸೀತ್ ।
ಛನ್ದಸ್ಸ್ವಧಿ ಸಂಯತ್ತಾ ಆಸನ್ ೧೯೬

ಏಕಾಕ್ಷರಂ ದೇವಾನಾಮವಮಮಾಸೀತ್ಸಪ್ತಾಕ್ಷರಂ ಪರಮಮ್ ।
ನವಾಕ್ಷರಮಸುರಾಣಾಮವಮಮಾಸೀತ್ಪಞ್ಚದಶಾಕ್ಷರಂ ಪರಮಮ್ ।
ಸಪ್ತಾಕ್ಷರಂ ಚ ನವಾಕ್ಷರಂ ಚ ಸಂನಿಹಿತೇ ಆಸ್ತಾಮೀದ್ರ ಯ್ಞ್ಚ್ಯನ್ಯಾನಿ ಯತ್ತಾನ್ಯಾಸನ್ನೀದ್ರ ಯ್ಞ್ಚ್ಯನ್ಯಾನಿ ।
ತಾನ್ಪ್ರಜಾಪತಿರಾನುಷ್ಟುಭೋಽನ್ತರಾ ವಿಕ್ರಮ್ಯಾತಿಷ್ಠತ್ ।
ತೇ ಸಮೀಕ್ಷಮಾಣಾಸ್ಸಂಚಾಕಶತೋಽತಿಷ್ಠನ್ನನ್ಯೋನ್ಯಸ್ಯ ರನ್ಧ್ರಮಿಚ್ಛನ್ತಃ ।
ತೇ ದೇವಾಃ ಪ್ರಜಾಪತಿಮುಪಾಧಾವಞ್ಜಯಾಮಾಸುರಾನಿತಿ ।
ತೇಭ್ಯ ಏತಂ ಷೋಡಶಿನಂ ವಜ್ರಂ ಪ್ರಾಯಚ್ಛತ್ ।
ಏತೇನೈಷಾಂ ಛನ್ದೋಭಿಶ್ಛನ್ದಾಂಸಿ ಸಂವೃಜ್ಯ ಮಾಮುಪಸಂಪಾದಯಥೇತಿ ।
ತ ಏಕಾಕ್ಷರೇಣ ಪಞ್ಚದಶಾಕ್ಷರಮವೃಞ್ಜತ ದ್ವ್ಯಕ್ಷರೇಣ ಚತುರ್ದಶಾಕ್ಷರಮ್ ।
ಸಾನುಷ್ಟುಬಭವತ್ ।
ತಾಂ ಪ್ರಜಾಪತಿಮುಪಸಮಪಾದಯನ್ ।
ತ್ರ್! ಯಕ್ಷರೇಣ ತ್ರಯೋದಶಾಕ್ಷರಂ ಚತುರಕ್ಷರೇಣ ದ್ವಾದಶಾಕ್ಷರಮ್ ।
ಸಾನುಷ್ಟುಬಭವತ್ ।
ತಾಂ ಪ್ರಜಾಪತಿಮುಪಸಮಪಾದಯನ್ ।
ಪಞ್ಚಾಕ್ಷರೇಣೈಕಾದಶಾಕ್ಷರಂ ಷಡಕ್ಷರೇಣ ದಶಾಕ್ಷರಮ್ ।
ಸಾನುಷ್ಟುಬಭವತ್ ।
ತಾಂ ಪ್ರಜಾಪತಿಮುಪಸಮಪಾದಯನ್ ।
ಸಪ್ತಾಕ್ಷರೇಣ ನವಾಕ್ಷರಮಷ್ಟಾಭಿರೇವಾಷ್ಟೌ ।
ಸಾನುಷ್ಟುಬಭವತ್ ।
ತಾಂ ಪ್ರಜಾಪತಿಮುಪಸಮಪಾದಯನ್ ।
ತೇಷಾಂ ಛನ್ದೋಭಿರೇವಂ ಛನ್ದಾಂಸಿ ಸಂವೃಯಾಸುರಾನ್ನಿರವಾಘ್ನನ್ ।
ತಾನ್ನಿರವಹತಾನ್ದಾರಾನ್ಯತಃ ಪ್ರಜಾಪತಿರಶ್ವೋಽರುಣಪಿಶಙ್ಗೋ ಭೂತ್ವಾ ಪರಾಪ್ರೋಥತ್ ।
ತ ಏತ ಉದನ್ತೇಷ್ವಧಿಗಮ್ಯನ್ತ ಏಕೈಕ ಇವ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೧೯೭

ಕನೀಯಸ್ವಿನ ಇವ ವೈ ದೇವಾ ಆಸನ್ಭೂಯಸ್ವಿನೋಽಸುರಾಃ ।
ಕನೀಯಸಾ ವೈ ತೇಷಾಂ ತ್ವೇತದ್ಭೂಯೋಽವೃಞ್ಜತ ।
ತಸ್ಮಾತ್ಕನೀಯಾನ್ಗ್ರಾಮೋ ಜ್ಯಾಯಾಂಸಂ ಗ್ರಾಮಂ ಪ್ರತಿಸಂಯತತೇ ।
ತಸ್ಮಾದು ಕನೀಯಾಂಸೋ ಭೂಯಸೋಽಮಿತ್ರಾಞ್ಜಯನ್ತಿ ।
ಕನೀಯಸ್ವೀ ಭೂಯಸ್ವಿನಂ ವೃಞ್ಜತೇ ಯ ಏವಂ ವೇದ ।
ಏಷಾ ಹ ಖಲು ವೈ ಪ್ರತ್ಯಕ್ಷಂ ಪಙ್ಕ್ತಿರ್ಯತ್ಪಞ್ಚಾಕ್ಷರಾ ಪಞ್ಚಪದಾ ।
ಪಙ್ಕ್ತಿಷು ಷೋಡಶಿನಾ ಸ್ತುವನ್ತಿ ।
ಪುರುಷಚ್ಛನ್ದಸಂ ವೈ ಪಙ್ಕ್ತಿಃ ।
ಯತ್ಪಾಙ್ಕ್ತಃ ಪುರುಷಃ ಪುರುಷಾದೇವೈತದಾಪ್ತಾಂ ವಾಚಂ ನಿರ್ಮಿಮತೇ ।
ತಸ್ಮಾತ್ಪುರುಷಸ್ಸರ್ವಾ ವಾಚೋ ವದತಿ ।
ಆಪ್ತ ಇವ ವಾ ಏತರ್ಹಿ ಸರ್ವವಾಕ್ ।
ತದ್ಯದನುಷ್ಟುಪ್ಸು ಸ್ತುವನ್ತಿ ಯಥಾ ಕುಮ್ಭ್ಯಾಸೂಪದಸ್ತಾಸು ಮಹೋದಧೀನುಪಧಾವಯೇತ್ತಾದೃಕ್ತತ್ ।
ಕನೀಯಾಂಸಿ ಛನ್ದಾಂಸಿ ಜ್ಯಾಯಸ್ಸು ಛನ್ದಸ್ಸ್ವಧ್ಯೂಹನ್ತಿ ।
ಜಿತದೇವತ್ಯಾನಿ ವಾ ಏತಾನಿ ಯತ್ಕನೀಯಾಂಸಿ ।
ತಸ್ಮಾಜ್ಜ್ಯಾಯಸ್ಸು ಛನ್ದಸ್ಸ್ವಧ್ಯೂಹನ್ತಿ ।
ಏಷಾಂ ಹ ಖಲು ವೈ ಛನ್ದಸಾಂ ವೀರ್ಯವತ್ತಮಾ ಯಾ ತ್ರ್! ಯಕ್ಷರೈಕಪದಾ ।
ತಾಭಿರ್ಯಚ್ಛನ್ದಾಂಸಿ ಉಪಸೃಜನ್ತಿ ವೀರ್ಯಸ್ಯೈವಾವರುದ್ಧ್ಯೈ ।
ನಿಧನಮಭ್ಯತಿಸ್ವರತಿ ।
ಅಹ್ನೋ ವೈ ದೇವಾ ರಾತ್ರಿಮಭ್ಯತ್ಯಕ್ರಾಮನ್ ।
ಅಭಿ ಭ್ರಾತೃವ್ಯಲೋಕಂ ಜಯತಿ ಯ ಏವಂ ವೇದ ।
ಭ್ರಾತೃವ್ಯಭಾಜನಮಿವ ಹ್ಯೇಷಾ ಯದ್ರಾ ತ್ರಿಃ ೧೯೮

ಅಧಿಕರ್ಣ್ಯಾ ಸೋಮಂ ಕ್ರೀಣನ್ತಿ ।
ಯಥಾ ಹ ವೈ ಕರ್ಣೇ ಕರ್ಣೇಽಧಿರೂಢ ಏವಂ ಷೋಡಶೀ ಸ್ತೋತ್ರಾಣಾಮ್ ।
ಸಹ ವೈ ಷೋಡಶಿನಂ ಕ್ರೀಣೀಮ ಇತಿ ವದನ್ತಷ್ಷೋಡಶಿನಂ ಕ್ರೀನನ್ತಿ ಯದಧಿಕರ್ಣೀ ಸೋಮಕ್ರಯಣೀ ಭವತಿ ।
ತೇನೈವೈಷಾಂ ಷೋಡಶೀ ಕ್ರೀತಸ್ತೇನಾವರುದ್ಧಃ ।
ಅಧಿಕರ್ಣ್ಯಾ ಸೋಮಂ ಕ್ರೀಣನ್ತಿ ।
ಸವನಾತ್ಸವನಾತ್ಸೋಮಮತಿರೇಚಯನ್ತಿ ।
ಜನದ್ವತೀಷು ಸ್ತುವನ್ತಿ ।
ಸರ್ವಾಣಿ ರೂಪಾಣ್ಯನುಶಾಸ್ಯನ್ತೇ ।
ಯದಧಿಕರ್ಣ್ಯಾ ಸೋಮಂ ಕ್ರೀಣನ್ತಿ ಯಜಮಾನ ಏನಂ ತೇನ ಪ್ರಜನಯತಿ ।
ಯತ್ಸವನಾತ್ಸವನಾತ್ಸೋಮಮತಿರೇಚಯನ್ತ್ಯಧ್ವರ್ಯುರೇನಂ ತೇನ ಪ್ರಜನಯತಿ ।
ಯಜ್ಜನದ್ವತೀಷು ಸ್ತುವನ್ತ್ಯುದ್ಗಾತೈನಂ ತೇನ ಪ್ರಜನಯತಿ ।
ಯತ್ಸರ್ವಾಣಿ ರೂಪಾಣ್ಯನುಶಾಸ್ಯನ್ತೇ ಹೋತೈನಂ ತೇನ ಪ್ರಜನಯತಿ ।
ಏತಾನಿ ವೈ ಷೋಡಶಿನಃ ಪ್ರಜನನಾನಿ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ೧೯೯

ಇನ್ದ್ರಂ ವೈ ಹರೋಽತ್ಯರಿಚ್ಯತ ।
ಸ ದೇವಾನಬ್ರವೀತ್ಕಥಂ ಮಾ ಹರೋ ನಾತಿರಿಚ್ಯೇತೇತಿ ।
ತಂ ವಿಶ್ವೇ ದೇವಾ ಅಬ್ರುವನ್ವಯಂ ತ್ವಾ ಹರಿವತಾ ಮನ್ತ್ರೇಣ ಸ್ತೋಷ್ಯಾಮಸ್ತಥಾ ತ್ವಾ ಹರೋ ನಾತಿರೇಕ್ಷ್ಯತ ಇತಿ ।
ತಂ ವಿಶ್ವೇ ದೇವಾ ಹರಿವತಾ ಮನ್ತ್ರೇಣಾಸ್ತುವನ್ ।
ತತೋ ವಾ ಇನ್ದ್ರಂ ಹರೋ ನಾತ್ಯರಿಚ್ಯತ ।
ತದ್ಯದ್ಧರಿವತೀಷು ಸ್ತುವನ್ತಿ ಇನ್ದ್ರ ಮೇವೈತದ್ಧರಸಾ ಸಮರ್ಧಯನ್ತಿ ।
ಏಷಾ ಹ ಖಲು ವೈ ಯಜಮಾನಸ್ಯ ನೇದಿಷ್ಠಂ ದೇವತಾ ಯದಿನ್ದ್ರ ಃ! ।
ತದ್ಯದ್ಧರಿವತೀಷು ಸ್ತುವ್ನತಿ ಯಜಮಾನಮೇವ ತದ್ಧರಸಾ ತೇಜಸಾ ಸಮರ್ಧಯನ್ತಿ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ೨೦೦

ಪ್ರಷ್ಟಿರಿವ ಹ ಖಲು ವಾ ಏತತ್ಸ್ತೋತ್ರಾಣಾಂ ಯತ್ಷೋಡಶೀ ।
ಯದ್ವೈ ಪ್ರಷ್ಟಿರನಿಯುಕ್ತೋ ವಹತ್ಯಪ ವಾ ವೈ ಸ ಛಿನತ್ತಿ ನಿರ್ವಾ ಮಾರ್ಷ್ಟಿ ।
ಅನ್ತ್ಯೇನ ಸ್ತೋತ್ರೇಣ ಸಮಸ್ತೋಮೋ ಭವತಿ ।
ಸ ಯಥಾ ಪ್ರಷ್ಟಿಂ ಪ್ರಷ್ಟಿಯುಗಾಯ ನಿಯುಞ್ಜ್ಯಾದೇವಮೇವೈತತ್ಪೂರ್ವೇಷು ಸ್ತೋತ್ರೇಷು ಷೋಡಶಿನಮನುನಿಯುನಕ್ತ್ಯನಿರ್ಮಾರ್ಗಾಯ ।
ಅಕ್ಷೀವ ಹ ಖಲು ವಾ ಏತತ್ಸ್ತೋತ್ರಾಣಾಂ ಯತ್ಷೋಡಶೀ ।
ಅನ್ತ್ಯೇನ ಸ್ತೋತ್ರೇಣ ಸಮಸ್ತೋಮೋ ಭವತ್ಯನಕ್ಷಿತಾಯೈ ।
ಜಾಮೀವ ಹ ಖಲು ವಾ ಏತತ್ಸ್ತೋತ್ರಾಣಾಂ ಯತ್ಷೋಡಶೀ ।
ಅನ್ತ್ಯೇನ ಸ್ತೋತ್ರೇಣ ಸಮಸ್ತೋಮೋ ಭವತ್ಯಜಾಮಿತಾಯೈ ।
ಪಶವೋ ವಾ ಉಕ್ಥಾನಿ ವಜ್ರಷ್ಷೋಡಶೀ ।
ಯದುಕ್ಥಾನಾಮನ್ತತಷ್ಷೋಡಶಿನಾ ಸ್ತುವನ್ತಿ ವಜ್ರೇಣೈವ ತತ್ಪಶೂನ್ಪರಿಗೃಹ್ಣನ್ತ್ಯಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೨೦೧

ತದಾಹುರ್ನೋಕ್ಥ್ಯೇ ಷೋಡಶೀ ಕಾರ್ಯ ಇತಿ ।
ಪಶವೋ ವಾ ಉಕ್ಥಾನಿ ವಜ್ರಷ್ಷೋಡಶೀ ।
ವಜ್ರಂ ಪಶುಷು ವಿವರ್ತಯೇತ್ ।
ಅತಿರಾತ್ರ ಏವ ಕಾರ್ಯಃ ।
ಆಪೋ ವೈ ಸರ್ವಸ್ಯ ಶಾನ್ತಿಃ ।
ಅದ್ಭಿರೇವೈನತ್ತಚ್ಛಮಯನ್ತಿ ।
ಯದ್ಯಭಿಚರಣೀಯಸ್ಸೋಮಸ್ಸ್ಯಾದ್ಧಿರಣ್ಮಯಂ ವಜ್ರಂ ಭೃಷ್ಟಿಮನ್ತಂ ಕೃತ್ವಾ ಯೋ ಯ ಏವ ಕರ್ಮ ಕುರ್ಯಾತ್ತಸ್ಮ ತಸ್ಮಾ ಉಪಪ್ರವರ್ತಯೇತ್ ।
ಸ ಸ ಏವಾಸ್ಮೈ ವಜ್ರಂ ಪ್ರಹರತಿ ಸ್ತೃತ್ಯೈ ।
ಸಂಸ್ಥಿತೇ ಸೋಮೇ ನ್ಯಞ್ಚಂ ದ್ರೋ ಣಕಲಶಂ ಪರ್ಯಸ್ಯ ಕರಮ್ಭಮಯಾನ್ವಾ ಪುರುಷಾನ್ಕೃತ್ವಾ ಹರಿತಾನಾಂ ವಾ ತೃಣಾನಾಂ ತೇಷಾಂ ನಾಮಗ್ರಹಂ ಗ್ರೀವಾ ಅಪಿಕೃನ್ತೇದಿದಮಹಮಮುಷ್ಯ ಗ್ರೀವಾ ಅಪಿಕೃನ್ತಾಮೀದಮಮುಷ್ಯೇದಮಮುಷ್ಯ ಇತಿ ।
ಯಾವತಾಮೇವ ನಾಮಾನಿ ಗೃಹ್ಣಾತಿ ತಾವತಾಂ ಗ್ರೀವಾ ಅಪಿಕೃನ್ತತಿ ತಂ ಬ್ರಹ್ಮಣೇ ದದಾತಿ ।
ಬ್ರಹ್ಮ ವೈ ಬ್ರಹ್ಮಾ ।
ಬ್ರಹ್ಮ ವಜ್ರಃ ।
ಬ್ರಹ್ಮಣ್ಯೇವೈತದ್ವಜ್ರಂ ಪ್ರತಿಷ್ಠಾಪಯತಿ ೨೦೨

ಇನ್ದ್ರ ಶ್ಚ ವೈ ಬೃಹಚ್ಚ ಸಮಭವತಾಮ್ ।
ಇನ್ದ್ರಂ ಬೃಹದೇಕಯಾ ತನ್ವಾತ್ಯರಿಚ್ಯತ ।
ತಸ್ಯಾ ಅಬಿಭೇದನಯೈವ ಮಾಭಿಭವಿಷ್ಯತೀತಿ ।
ಸ ದೇವಾನಬ್ರವೀತ್ಷೋಡಶ್ಯಯಂ ಯಜ್ಞಕ್ರತುರಸ್ತ್ವಿತಿ ।
ತಥೇತಿ ।
ಸ ಷೋಡಶ್ಯಭವತ್ ।
ತತ್ಷೋಡಶಿನೋ ಜನ್ಮ ।
ಅತಿ ಶ್ರಿಯಾ ದ್ವಿಷನ್ತಂ ಭ್ರಾತೃವ್ಯಂ ರಿಚ್ಯತೇ ಯ ಏವಂ ವೇದ ಗಾಯತ್ರೀಷು ದ್ವಿಪದಾಸು ಬೃಹತಾ ಷೋಡಶಿನಾ ತುಷ್ಟುವಾನಃ ।
ಉಪ ನೋ ಹರಿಭಿಸ್ಸುತಮಿತ್ಯೇತಾ ವೈ ಗಾಯತ್ರ್! ಯೋ ದ್ವಿಪದಾಃ ।
ಇನ್ದ್ರೋ ವೈ ವೃತ್ರಮಜಿಘಾಂಸತ್ ।
ಸ ಪ್ರಜಾಪತಿಮುಪಾಧಾವದ್ಧನಾನಿ ವೃತ್ರಮಿತಿ ।
ತಸ್ಮಾ ಏತಾಮಪಹರಸಮನುಷ್ಟುಭಂ ಪ್ರಾಯಚ್ಛತ್ ।
ತಯಾ ನಾಸ್ತೃಣುತ ।
ಸ ಯದಸ್ತೃತ್ವಾ ವ್ಯನದತ್ತನ್ನಾನದಮಭವತ್ ।
ತನ್ನಾನದಸ್ಯ ನಾನದತ್ವಮ್ ।
ತಸ್ಮಾದಾಹುರ್ನಾನದಂ ಷೋಡಶಿಸಾಮಾಕಾರ್ಯಂ ನ ಹಿ ತೇನಾಸ್ತೃಣುತೇತಿ ।
ತಂ ಪುನರುಪಾಧಾವದ್ಧನಾನ್ಯೇವ ವೃತ್ರಮಿತಿ ।
ತಸ್ಮೈ ಸಪ್ತಾನಾಂ ಹೋತ್ರಾಣಾಂ ಹರೋ ನಿರ್ಮಾಯ ಪ್ರಾಯಚ್ಛತ್ ।
ತಿಸ್ರ ಏವ ಹೋತ್ರಾಯೈ ।
ಸ ಏಕವಿಂಶಷ್ಷೋಡಶೀ ಸಮಪದ್ಯತ ।
ತೇನೋ ವೃತ್ರಮಹನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯೇ ಏವಂ ವೇದ ।
ಏಕವಿಂಶಾಯತನೋ ಹ ಖಲು ವೈ ಷೋಡಶೀ ।
ಸಪ್ತ ವೈ ಹೋತ್ರಾಃ ಪ್ರಾತಸ್ಸವನೇ ವಷಟ್ಕುರ್ವನ್ತಿ ಸಪ್ತ ಮಾಧ್ಯಂದಿನೇ ಸವನೇ ಸಪ್ತ ತೃತೀಯಸವನೇ ।
ಅಥೋ ಯದೇವಾಸ್ಮೈ ಹರೋ ನಿರ್ಮಾಯ ಪ್ರಾಯಚ್ಛತ್ ೨೦೩

ಗೌರೀವಿತಿರ್ವಾ ಏತಚ್ಛಾಕ್ತ್ಯೋಽತಿರಿಕ್ತಂ ಬ್ರಹ್ಮಣೋಽಪಶ್ಯತ್ ।
ತದ್ಗೌರೀವಿತಮಭವತ್ ।
ಅತಿರಿಕ್ತಂ ವಾ ಏತದ್ಬ್ರಹ್ಮಣೋ ಯದ್ಗೌರೀವಿತಮತಿರಿಕ್ತಷ್ಷೋಡಶೀ ಸ್ತೋತ್ರಾಣಾಮ್ ।
ಯದ್ಗೌರೀವಿತೇನ ಷೋಡಶಿನಾ ಸ್ತುವನ್ತ್ಯತಿರಿಕ್ತ ಏವ ತದತಿರಿಕ್ತಂ ದಧತಿ ಯಜ್ಞಸ್ಯ ಸಲೋಮತಾಯೈ ।
ಔಪೋದಿತಿರ್ಹ ಸ್ಮಾಹ ಗೌಪಾಲಯೋ ವಿಶಾಲಂ ಲಿಬುಜಯಾಭ್ಯಧಾದನುಷ್ಟುಭಿ ನಾನದಮಕೃದ್ಗೌರೀವಿತೇನ ಷೋಡಶಿನಮತುಷ್ಟುವನ್ನ ಶ್ರಿಯಾ ಅವಪದ್ಯ ಇತಿ ।
ನ ಹ ವೈ ಶ್ರಿಯಾ ಅವಪದ್ಯತೇ ಯ ಏವಂ ವೇದ ।
ತದು ಶ್ವಸ್ತನವದಪಿ ಪ್ರಜಾಯಾ ಉಪಕ್ಳ್ಪ್ತಮ್ ।
ಶಕ್ವರೀಷು ಷೋಡಶಿಸಾಮ ಕುರ್ವೀತ ಪಶುಕಾಮಃ ।
ವಜ್ರೋ ವೈ ಸೋಡಶೀ ಪಶವಶ್ಶಕ್ವರ್ಯಃ ।
ವಜ್ರೇಣೈವ ಪಶುಂ ಸ್ಪೃಣೋತಿ ಪಶುಮಾನ್ಭವತಿ ।
ಶಕ್ವರೀಷು ಷೋಡಶಿಸಾಮ ಕುರ್ವೀತ ಯಃ ಕಾಮಯೇತ ವಜ್ರೀ ಸ್ಯಾಮಿತಿ ।
ವಜ್ರೋ ವೈ ಷೋಡಶೀ ವಜ್ರಶ್ಶಕ್ವರ್ಯಃ ।
ವಜ್ರೇಣೈವ ವಜ್ರಂ ಸ್ಪೃಣೋತಿ ವಜ್ರೀ ಭವತಿ ।
ವಿರಾಟ್ಸ್ವನ್ನಾದ್ಯಕಾಮಷ್ಷೋಡಶಿಸಾಮ ಕುರ್ವೀತ ।
ವಜ್ರೋ ವೈ ಷೋಡಶ್ಯನ್ನಂ ವಿರಾಟ್ ।
ವಜ್ರೇಣೈವಾನ್ನಾದ್ಯಂ ಸ್ಪೃಣೋತ್ಯತ್ತ್ಯನ್ನಮನ್ನಾದೋ ಭವತಿ ।
ತಾಸ್ತ್ರಯಸ್ತ್ರಿಂಶದಕ್ಷರಾ ಭವನ್ತಿ ।
ತತೋ ಯಾನ್ಯೇಕವಿಂಶತಿಃ ಪ್ರತಿಷ್ಠಾ ಸಾ ।
ಅಥ ಯಾನಿ ದ್ವಾದಶ ಪ್ರಜನನಂ ತತ್ ।
ಪ್ರತಿ ಪ್ರತಿಷ್ಠಾಯಾಂ ತಿಷ್ಠತಿ ಪ್ರಜಾಯತೇ ನೋ ಚಾನ್ತಸ್ಥಾಯಾಂ ಜೀಯತೇ ಯ ಏವಂ ವೇದ ೨೦೪

ಪ್ರ ವೋ ಮಹೇ ಮಹೇವೃಧೇ ಭರಧ್ವಮಿತ್ಯೇತಾ ವೈ ವಿರಾಜಃ ।
ಅನುಷ್ಟುಪ್ಸು ಷೋಡಶಿಸಾಮ ಕುರ್ವೀತ ಯಃ ಕಾಮಯೇತ ನ ಮಾನ್ಯಾ ವಾಗತಿವದೇದಿತಿ ।
ವಜ್ರೋ ವೈ ಷೋಡಶೀ ವಾಗನುಷ್ಟುಪ್ ।
ವಜ್ರೇಣೈವ ವಾಚಂ ಸ್ಪೃಣೋತಿ ನೈನಮನ್ಯಾ ವಾಗತಿವದತಿ ।
ಆ ತಿಷ್ಠ ವೃತ್ರಹನ್ರಥಮಿತ್ಯೇತಾ ವಾ ಅನುಷ್ಟುಭಃ ।
ಅಥೈತಾಸ್ತ್ರ್! ಯಕ್ಷರಾ ಏಕಪದಾ ಭವನ್ತಿ ।
ವಿಷ್ಣೋಶ್ಛನ್ದೋ ಭೂರಿಜಶ್ಶಕ್ವರ್ಯ ಇತಿ ।
ಏತಾಭಿರ್ವಾ ಇನ್ದ್ರೋ ವೃತ್ರಮಹನ್ನೇತಾಭಿಶ್ಶ್ರಿಯಾಮಾಶ್ನುತೌಷಮೇವ ।
ದ್ವಿಷನ್ತಂ ಭ್ರಾತೃವ್ಯಂ ಹನ್ತ್ಯೋಷಂ ಶ್ರಿಯಮಶ್ನುತೇ ಯ ಏವಂ ವೇದ ।
ಹಿರಣ್ಯಂ ಸಂಪ್ರದಾಯಂ ಷೋಡಶಿನಾ ಸ್ತುವನ್ತಿ ।
ಷೋಡಶುನಮೇವ ತಜ್ಜ್ಯೋತಿಷ್ಮನ್ತಂ ಕುರ್ವನ್ತಿ ।
ಅಶ್ವ ಉಪತಿಷ್ಠತೇ ಸಾಮ್ಯೇಕ್ಷ್ಯಾಯ ।
ಭ್ರಾತೃವ್ಯಲೋಕಂ ವಾವೈಷಾಂ ತದ್ವಿಧಮಂಸ್ತಿಷ್ಠತಿ ।
ಯಸ್ಮಾಜ್ಜಾತೋ ನ ಪರೋಽನ್ಯೋ ಅಸ್ತಿ ಯ ಆ ಬಭೂವ ಭುವನಾನಿ ವಿಶ್ವಾ
ಪ್ರಜಾಪತಿಃ ಪ್ರಜಯಾ ಸಂರರಾಣಸ್ತ್ರೀಣಿ ಜ್ಯೋತೀಂಷಿ ಸಚತೇ ಸ ಷೋಡಶೀ
ಇತಿ ಷೋಡಶಿಗ್ರಹಮವೇಕ್ಷತೇ ।
ಇನ್ದ್ರ ಶ್ಚ ಸಮ್ರಾಡ್ವರುಣಶ್ಚ ರಾಜಾ ತೌ ತೇ ಭಕ್ಷಯಾಂ ಚಕ್ರತುರಗ್ರ ಏತಮ್
ತಯೋರಹಂ ಭಕ್ಷಮನುಭಕ್ಷಯಾಮಿ ವಾಗ್ಜುಷಾಣಾ ಸೋಮಸ್ಯ ತೃಪ್ಯತು ಇತಿ ಏಕಾಕ್ಷರಂ ದೇವಾನಾಮವಮಮಾಸೀತ್ಸಪ್ತಾಕ್ಷರಂ ಪರಮಮ್ ।
ನವಾಕ್ಷರಮಸುರಾಣಾಮವಮಮಾಸೀತ್ಪಞ್ಚದಶಾಕ್ಷರಂ ಪರಮಮ್ ।
ತೇ ದೇವಾ ಅಕಾಮಯನ್ತ ಕನೀಯಸಾ ಭೂಯೋಽಸುರಾಣಾಂ ವೃಞ್ಜೀಮಹೀತಿ ।
ತ ಏಕಾಕ್ಷರೇಣ ಪಞ್ಚದಶಾಕ್ಷರಮವೃಞ್ಜತ ದ್ವ್ಯಕ್ಷರೇಣ ಚತುರ್ದಶಾಕ್ಷರಂ ತ್ರ್! ಯಕ್ಷರೇಣ ತ್ರಯೋದಶಾಕ್ಷರಂ ಚತುರಕ್ಷರೇಣ ದ್ವಾದಶಾಕ್ಷರಂ ಪಞ್ಚಾಕ್ಷರೇಣೈಕಾದಶಾಕ್ಷರಂ ಷಡಕ್ಷರೇಣ ದಶಾಕ್ಷರಂ ಸಪ್ತಾಕ್ಷರೇಣ ನವಾಕ್ಷರಮ್ ।
ಅಷ್ಟಾಭಿರೇವಾಷ್ಟೌ ।
ಏವಂ ಕನೀಯಸಾ ಜ್ಯಾಯಸೋ ದ್ವಿಷತೋ ಭ್ರಾತೃವ್ಯಸ್ಯ ವೃಙ್ಕ್ತೇ ಯ ಏವಂ ವೇದ ೨೦೫

ಅಹ್ನೋಽಸುರಾ ನುತ್ತಾ ರಾತ್ರಿಂ ಪ್ರಾವಿಶನ್ ।
ತೇ ದೇವಾ ಏತಮನುಷ್ಟುಪ್ಶೀರ್ಷಾಣಂ ವಜ್ರಂ ಸಮಭರನ್ ।
ತೇನೈನಾನಭ್ಯವಾಯನ್ ।
ವಾಗ್ವಾ ಏಷಾ ।
ವಾಚಾ ಜ್ಯೋತಿಷಾನ್ವಭ್ಯವಾಯನ್ ।
ವಿರಾಡ್ವಾ ಏಷಾ ।
ವಿರಾಜಾ ಜ್ಯೋತಿಷಾನ್ವಭ್ಯವಾಯನ್ ।
ನ ವೈ ಸುಯಜ್ಞ ಇವಾತಿರಾತ್ರಃ ।
ತದ್ಯತ್ಪಾನ್ತಂ ಭವತಿ ತೇನೈವ ಯಜ್ಞಃ ಕ್ರಿಯತೇಽಹ್ನಶ್ಚ ಸುಲಭೋ ರಾತ್ರೇಶ್ಚ ಸಂತತ್ಯಾ ಅವ್ಯವಚ್ಛೇದಾಯ ।
ಯಾನಿ ಛನ್ದಾಂಸ್ಯಹರ್ವಹನ್ತಿ ತಾನಿ ರಾತ್ರಿಂ ವಹನ್ತಿ ।
ಏಷಾ ಗಾಯತ್ರ್! ಯೇಷಾ ವಿರಾಡೇಷಾ ಕಕುಬೇಷಾನುಷ್ಟುಪ್ ।
ಬೃಹತೀಷು ಸ್ತುವನ್ತಿ ।
ತೇನ ಬೃಹತೀಭ್ಯೋ ನ ಯನ್ತಿ ।
ತಾಸಾಂ ಯದ್ದ್ವಾದಶಾಕ್ಸರಾಣಿ ಪದಾನಿ ತೇನ ಜಗತೀಭ್ಯೋ ನ ಯನ್ತಿ ।
ತ್ರಿಷ್ಟುಭಾ ವಷಟ್ಕರೋತಿ ।
ತೇನ ತ್ರಿಷ್ಟುಬ್ಭ್ಯೋ ನ ಯನ್ತಿ ।
ತಾನ್ಸಂಧಿನಾಭಿಪಲಾಯನ್ತ ಆಶ್ವಿನೇನಾಸಂಹೇಯಮಗಮಯನ್ ।
ಅಸಂಹೇಯಂ ಹ ವೈ ದ್ವಿಷನ್ತಂ ಭ್ರಾತೃವ್ಯಂ ಗಮಯತಿ ಯ ಏವಂ ವೇದ ।
ಏಷಾ ವಾ ಅಗ್ನಿಷ್ಟೋಮಸ್ಯ ಸಂಮಾ ಯದ್ರಾ ತ್ರಿಃ ।
ದ್ವಾದಶ ವಾ ಅಗ್ನಿಷ್ಟೋಮಸ್ಯ ಸ್ತೋತ್ರಾಣಿ ದ್ವಾದಶ ರಾತ್ರೇಃ ।
ಏಷಾ ವಾ ಉಕ್ಥಸ್ಯ ಸಂಮಾ ಯದ್ರಾ ತ್ರಿಃ ।
ತ್ರೀಣ್ಯುಕ್ಥಾನಿ ತ್ರಿದೇವತ್ಯಃ ಸಂಧಿಃ ।
ಏಷಾ ವಾ ಅಗ್ನಿಷ್ಟೋಮಸ್ಯ ಚ ಸಂವತ್ಸರಸ್ಯ ಚ ಸಂಮಾ ಯದ್ರಾ ತ್ರಿಃ ।
ದ್ವಾದಶ ವಾ ಅಗ್ನಿಷ್ಟೋಮಸ್ಯ ಸ್ತೋತ್ರಾಣಿ ದ್ವಾದಶ ಮಾಸಾಃ ಸಂವತ್ಸರಃ ।
ರಾತ್ರ್! ಯಾ ತ್ವಾವ ತ್ರಯೋದಶೋ ಮಾಸ ಆಪ್ಯತೇ ।
ಏಷಾ ವೈ ಬ್ರಧ್ನಸ್ಯ ವಿಷ್ಟಪಂ ಯದ್ರಾ ತ್ರಿಃ ।
ಗಚ್ಛತಿ ಬ್ರಧ್ನಸ್ಯ ವಿಷ್ಟಪಂ ಯ ಏವಂ ವೇದ ೨೦೬

ಏಷ ವಾವ ಸರ್ವಗೋ ಯಜ್ಞೋ ಯದತಿರಾತ್ರಃ ।
ನ ವೈ ರಾತ್ರ್! ಯಾ ಋತೇಽಹರ್ನ ರಾತ್ರಿರೃತೇಽಹ್ನಃ ।
ನೈಷಾಂ ಲೋಕಾನಾಮೇಕ ಏಕಃ ।
ಅಹೋರಾತ್ರೇ ವಾ ಇದಂ ಸರ್ವಮಿಮೇ ಲೋಕಾಃ ।
ಭೂತಂ ಭವ್ಯಂ ಪ್ರಜನಯತಃ ।
ತದಾಹುರ್ನ ಪ್ರಥಮಂ ಯಜಮಾನೋಽತಿರಾತ್ರೇಣ ಯಜೇತೇತಿ ।
ಸ್ವಂ ಚ ಹ್ಯತಿಮನ್ಯತೇ ।
ದ್ವೌ ಯಜ್ಞಕ್ರತೂ ।
ಬ್ರಹ್ಮ ವಾ ಅಗ್ನಿಷ್ಟೋಮಃ ।
ಬ್ರಹ್ಮ ವೈ ಬ್ರಾಹ್ಮಣಸ್ಯ ಸ್ವಮ್ ।
ಅಗ್ನಿಷ್ಟೋಮಂ ಚ ಹ್ಯತಿಮನ್ಯತ ಉಕ್ಥಂ ಚ ಷೋಡಶಿನಮ್ ।
ತದು ವಾ ಆಹುರಗ್ನಿಷ್ಟೋಮಮಾತ್ರಂ ವಾವಾಗ್ನಿಷ್ಟೋಮೇನಾಭಿಜಯತ್ಯುಕ್ಥಮಾತ್ರಮುಕ್ಥೇನ ಷೋಡಶಿಮಾತ್ರಂ ಷೋಡಶಿನಾ ರಾತ್ರ್! ಯಾ ತ್ವಾವ ಸರ್ವಮವರುನ್ದ್ಧ ಇತಿ ।
ಸ ಯೋ ಹೈವಂ ವಿದ್ವಾನೇಕೇನ ಯಜ್ಞಕ್ರತುನಾ ಚತುರೋ ಯಜ್ಞಕ್ರತೂನ್ಸಂತನೋತ್ಯಾಸ್ಯ ಚತ್ವಾರೋ ವಿರಾ ಜಯನ್ತೇ ಸರ್ವೇಷು ಪಶುಷು ಪ್ರತಿತಿಷ್ಠತಿ ೨೦೭

ಅಹ್ನೋಽಸುರಾ ನುತ್ತಾ ರಾತ್ರಿಂ ಪ್ರಾವಿಶನ್ ।
ತೇ ದೇವಾ ಏತಾನಿ ಸಾಮಾನ್ಯಪಶ್ಯನ್ನೇತಾನ್ಪರ್ಯಾಯಾನ್ ।
ತೈರೇನಾನನ್ವಭ್ಯವಾಯನ್ ।
ತಾನ್ಪರ್ಯಾಯಮಘ್ನನ್ ।
ಯತ್ಪರ್ಯಾಯಮಘ್ನಂಸ್ತತ್ಪರ್ಯಾಯಾಣಾಂ ಪರ್ಯಾಯತ್ವಮ್ ।
ಪರ್ಯಾಯಮೇವ ದ್ವಿಷನ್ತಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ಯೇ ಪ್ರಥಮರಾತ್ರೇಣ ಛನ್ನಾ ಆಸಂಸ್ತಾನ್ಪ್ರಥಮೇನ ಪರ್ಯಾಯೇಣಾಘ್ನನ್ ।
ಯತ್ಪ್ರಥಮಸ್ಯ ಪರ್ಯಾಯಸ್ಯ ಪ್ರಥಮಾನಿ ಪದಾನಿ ಪುನರಾದೀನಿ ಭವನ್ತಿ ಯೇ ಪ್ರಥಮರಾತ್ರೇಣ ಛನ್ನಾ ಭವನ್ತಿ ತಾನೇವ ತೇನ ಘ್ನನ್ತಿ ।
ಯೇ ಮಧ್ಯರಾತ್ರೇಣ ಛನ್ನಾ ಆಸಂಸ್ತಾನ್ಮಧ್ಯಮೇನ ಪರ್ಯಾಯೇಣಾಘ್ನನ್ ।
ಯನ್ಮಧ್ಯಮಸ್ಯ ಪರ್ಯಾಯಸ್ಯ ಮಧ್ಯಮಾನಿ ಪದಾನಿ ಪುನರಾದೀನಿ ಭವನ್ತಿ ಯೇ ಮಧ್ಯಮರಾತ್ರೇಣ ಛನ್ನಾ ಭವನ್ತಿ ತಾನೇವ ತೇನ ಘ್ನನ್ತಿ ।
ಯೇಽಪರರಾತ್ರೇಣ ಛನ್ನಾ ಆಸಂಸ್ತಾನುತ್ತಮೇನ ಪರ್ಯಾಯೇಣಾಘ್ನನ್ ।
ಯದುತ್ತಮಸ್ಯ ಪರ್ಯಾಯಸ್ಯುತ್ತಮಾನಿ ಪದಾನಿ ಪುನರಾದೀನಿ ಭವನ್ತಿ ಯೇಽಪರರಾತ್ರೇಣ ಛನ್ನಾ ಭವನ್ತಿ ತಾನೇವ ತೇನ ಘ್ನನ್ತಿ ।
ಪುನರಭಿಘಾತಂ ವಾವೈನಾಂಸ್ತದಘ್ನನ್ ।
ಯಥಾ ವೈ ಹತ್ವಾ ಪುನರ್ಹನ್ಯಾತ್ತಾದೃಕ್ತತ್ ।
ಪುನರಭಿಘಾತಮೇವ ದ್ವಿಷನ್ತಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ೨೦೮

ಶರ್ವರೀ ವೈ ನಾಂ ರಾತ್ರಿಃ ।
ತೇ ದೇವಾ ಅಬ್ರುವನ್ನಪಿ ವೈ ನಃ ಶರ್ವರ್ಯಾಂ ಅಭೂದಿತಿ ।
ತದೇವಾಪಿಶರ್ವರಾಣಾಮಪಿಶರ್ವರತ್ವಮ್ ।
ಅಪಿ ಹ ವಾ ಅಸ್ಯ ಶರ್ವರ್ಯಾಂ ಭವತಿ ಯ ಏವಂ ವೇದ ।
ಅಸುರೇಷು ವಾ ಇದಮಗ್ರ ಆಸೀತ್ ।
ತದ್ದೇವಾ ಅಭಿಜಿತ್ಯಾಬ್ರುವನ್ಕೇನ ನ್ವಹೋರಾತ್ರೇ ಉಪರಿಷ್ಟಾತ್ಸಂದಧ್ಯಾಮೇತಿ ।
ತ ಏತದ್ರಾ ಥನ್ತರಂ ಸಂಧಿಮಪಶ್ಯನ್ ।
ತೇನಾಹೋರಾತ್ರೇ ಉಪರಿಷ್ಟಾತ್ಸಮದಧುಃ ।
ಯತ್ಸಮದಧುಸ್ತತ್ಸಂಧೇರ್ಸಂಧಿತ್ವಮ್ ।
ಆಶ್ವಿನಂ ಹ ಖಲು ವೈ ಸಂಧೇರುಕ್ಥಮ್ ।
ಮಹತಿ ರಾತ್ರೇ ಸಂಧಿನಾ ಸ್ತುವನ್ತಿ ।
ಆ ಸೂರ್ಯಸ್ಯೋದೇತೋರಾಶ್ವಿನಮನುಶಸ್ಯತೇಽಹೋರಾತ್ರಯೋರೇವ ಸಂತತ್ಯಾ ಅಹೋರಾತ್ರಯೋಃ ಸಮಾರಮ್ಭಾಯ ।
ಅಹೋರಾತ್ರೇ ದೇವಾ ಅಭಿಜಿತ್ಯ ತೇ ವಜ್ರಮೇವ ಪರಿಧಿಮಕುರ್ವತ ಪಶೂನಾಂ ಗುಪ್ತ್ಯಾ ಅಸುರಾಣಾಮನಭ್ಯವಚಾರಾಯ ।
ತದ್ಯದೇತಾ ಉಷ್ಣಿಹೋಽನ್ತತಃ ಕ್ರಿಯನ್ತೇ ವಜ್ರೋ ವಾ ಉಷ್ಣಿಹೋ ವಜ್ರೇಣೈವ ತತ್ಪಶೂನ್ಪರಿಗೃಹ್ಣಾತ್ಯಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೨೦೯

ಅಸುರೇಷು ವಾ ಇದಮಗ್ರ ಆಸೀತ್ ।
ತದ್ದೇವಾ ಅಭಿಜಿತ್ಯಾಬ್ರುವನ್ವೀದಂ ಭಜಾಮಹಾ ಇತಿ ।
ತಸ್ಯ ವಿಭಾಗೇ ನ ಸಮಪಾದಯನ್ ।
ತೇಽಬ್ರುವನ್ನಾಜಿಮಸ್ಯಾಯಾಮೇತಿ ।
ತ ಆಜಿಮಾಯನ್ ।
ಅಗ್ನೇಃ ಪ್ರಥಮೋ ರಥ ಆಸೀದಥೋಷಸೋಽಥಾಶ್ವಿನೋಃ ।
ತಾವಶ್ವಿನಾವಶ್ವೀ ಅಶ್ವ್ಯಾಮತ್ಯಕುರುತಾಮ್ ।
ತೌ ದ್ರ ವನ್ತಾವಗ್ನಿಃ ಪರ್ಯುದತಿಷ್ಠತ್ ।
ತಾವಬ್ರೂತಾಮತಿ ನೌ ಸೃಜಸ್ವೇತಿ ।
ನೇತ್ಯಬ್ರವೀದನು ನು ಮಾಭಜತಮಿತಿ ।
ತೃತೀಯಂ ತ ಇತ್ಯಬ್ರೂತಾಮಾವಾಭ್ಯಾಂ ತ್ವೇವಾಖ್ಯಾಯತಾದಿತಿ ।
ತಥೇತಿ ತಾವತ್ಯಾರ್ಜತ ।
ತೌ ದ್ರ ವನ್ತಾವುಷಾಃ ಪರ್ಯುದತಿಷ್ಠತ್ ।
ತಾವಬ್ರೂತಾಮತಿ ನೌ ಸೃಜಸ್ವೇತಿ ।
ನೇತ್ಯಬ್ರವೀದನು ನು ಮಾಭಜತಮಿತಿ ।
ತೃತೀಯಂ ತ ಇತ್ಯಬ್ರೂತಾಮಾವಾಭ್ಯಾಂ ತ್ವೇವಾಖ್ಯಾಯತಾದಿತಿ ।
ತಥೇತಿ ತಾವತ್ಯಾರ್ಜತ ।
ತಾವುದಜಯತಾಮ್ ।
ಸ ಯ ಏವಮೇತಾಮಶ್ವಿನೋರುಜ್ಜಿತಿಂ ವೇದ ಯತ್ರ ಕಾಮಯತ ಉದಿಹ ಜಯೇಯಮಿತ್ಯುತ್ತತ್ರ ಜಯತಿ ।
ಯ ಉ ಏವೈತಾಮಗ್ನೇಶ್ಚೋಷಸಶ್ಚಾನ್ವಾಭಕ್ತಿಂ ವೇದ ಯತ್ರ ಕಾಮಯತೇಽನ್ವಾಭಕ್ತ ಇಹ ಸ್ಯಾಮಿತ್ಯನ್ವಾಭಕ್ತಸ್ತತ್ರ ಭವತಿ ।
ತಸ್ಮಾನ್ನಾನಾದೇವತ್ಯಾಸು ಸಂಸ್ತುವನ್ತಿ ।
ಅಥಾಶ್ವಿನಮಿತ್ಯೇವಾಖ್ಯಾಯತೇ ।
ವಾರೇವೃತಂ ಹಿ ತತ್ತಯೋಃ ೨೧೦

ಅಹೋರಾತ್ರಯೋರ್ವೈ ದೇವಾಸುರಾ ಅಧಿಸಂಯತ್ತಾ ಆಸನ್ ।
ತೇ ದೇವಾ ಅಹರಭ್ಯಜಯನ್ ।
ಅಥಾಸುರಾ ಋಚಂ ಚ ರಾತ್ರಿಂ ಚ ಪ್ರಾವಿಶನ್ ।
ತೇ ದೇವಾ ಅಬ್ರುವನ್ನರ್ಧಿನೋ ವಾ ಅಸ್ಯ ಭುವನಸ್ಯಾಭೂಮ ಕಥಂ ಸತ್ರಾ ರಾತ್ರಿಮಭಿಜಯೇಮ ರತ್ನೈರನ್ವಭ್ಯವಾಯಾಮೇತಿ ।
ತವ ಛನ್ದಸೇತ್ಯಗ್ನಿಮಬ್ರುವನ್ ।
ತವ ಸ್ತೋಮೇನೇತೀನ್ದ್ರ ಮ್ ।
ತವ ಸಂಪದೇತಿ ಪ್ರಜಾಪತಿಮ್ ।
ಯುಷ್ಮಾಕಮಾಯತನೇನೇತಿ ವಿಶ್ವಾನ್ದೇವಾನ್ ।
ಯದಗ್ನಿಮಬ್ರುವಂಸ್ತವ ಛನ್ದಸೇತಿ ತಸ್ಮಾದ್ಗಾಯತ್ರೀಷು ಸ್ತುವನ್ತಿ ।
ಯದಿನ್ದ್ರ ಮಬ್ರುವಂಸ್ತವ ಸ್ತೋಮೇನೇತಿ ತಸ್ಮಾತ್ಪಞ್ಚದಶಸ್ತೋಮೋ ರಾತ್ರೇಃ ।
ಯತ್ಪ್ರಜಾಪತಿಮಬ್ರುವಂಸ್ತವ ಸಂಪದೇತಿ ತಸ್ಮಾದನುಷ್ಟುಭಂ ಸಂಪದ್ಯತೇ ।
ಯದ್ವಿಶ್ವಾನ್ದೇವಾನಬ್ರುವನ್ಯುಷ್ಮಾಕಮಾಯತನೇನೇತಿ ತಸ್ಮಾಜ್ಜಗತ್ಯೋಽನುಶಂಸ್ಯನ್ತೇ ।
ತಾನ್ಸಂಧಿನಾಭಿಪಲಾಯನ್ತ ಆಶ್ವಿನೇನಾಸಂಹೇಯಮಗಮಯನ್ ।
ಅಸಂಹೇಯಂ ಹ ವೈ ದ್ವಿಷನ್ತಂ ಭ್ರಾತೃವ್ಯಂ ಗಮಯತಿ ಯ ಏವಂ ವೇದ ೨೧೧

ಅಹೋರಾತ್ರಾಭ್ಯಾಂ ವೈ ದೇವಾ ಅಸುರಾನ್ನಿರ್ಹತ್ಯ ತಾಂಸ್ತ್ರಿವೃತೈವ ವಜ್ರೇಣಾಭಿನ್ಯದಧುಃ ।
ಇಮೇ ವೈ ಲೋಕಾಸ್ತ್ರಿವೃತಃ ।
ಏಭಿರೇವೈನಾಂಸ್ತಲ್ಲೋಕೈರಭಿನ್ಯದಧುಃ ।
ತಸ್ಮಾದಾಹುರ್ನೈವ ತಾವದಸುರಾ ಅನ್ವಾಭವಿತಾರೋ ಯಾವದಿಮೇ ಲೋಕಾ ಭವಿತಾರ ಇತಿ ।
ಏಭಿರ್ಹಿ ಲೋಕೈರಭಿನಿಹಿತಾಃ-
ಏಷಾ ವಾ ಅಗ್ನಿಷ್ಟೋಮಸ್ಯ ಚ ಸಂವತ್ಸರಸ್ಯ ಚ ಸಂಮಾ ಯದ್ರಾ ತ್ರಿಃ ।
ಚತುರ್ವಿಂಶತ್ಯರ್ಧಮಾಸಃ ಸಂವತ್ಸರಶ್ಚತುರ್ವಿಂಶತಿ ರಾತ್ರ್! ಯಾ ಉಕ್ಥಾಮದಾನಿ ।
ತ್ರೀಣಿ ಸವನಾನಿ ತ್ರಯಃ ಪರ್ಯಾಯಾಃ ।
ರಾತ್ರಿಮೇವ ತತ್ತ್ರಿಷವಣಾಂ ಕುರ್ವನ್ತಿ ।
ಅಥೋ ಏನಾಂ ತದಹ್ನ ಇವ ಸಮುತ್ಕಲ್ಪಯನ್ತಿ ।
ಅಹೋರಾತ್ರೇ ದೇವಾ ಅಭಿಜಿತ್ಯ ತೇಽಮುಮಾದಿತ್ಯಂ ಸವನೈರೇವ ಪ್ರತ್ಯಞ್ಚಮನಯನ್ ।
ತಂ ಪರ್ಯಾಯೈಃ ಪುನಃ ಪ್ರಾಞ್ಚಮ್ ।
ತಮಾಶ್ವಿನೇನ ಪುರಸ್ತಾದುದಸ್ತಭ್ನುವನ್ ।
ತಸ್ಮಾದಾಹುರ್ನೋದಿತೇ ಸೂರ್ಯ ಆಶ್ವಿನಮನುಶಸ್ಯಮಿತಿ ।
ವಿ ಹೈನಂ ಗಮಯನ್ತಿ ।
ಸ ಯ ಏತದೇವಂ ವೇದ ನೀತೋಽಸ್ಯ ಸವನೈರಸಾವಾದಿತ್ಯಃ ಪ್ರತ್ಯಙ್ಭವತ್ಯಾನೀತಃ ಪುನಃ ಪರ್ಯಾಯೈಃ ಪ್ರಾಙುತ್ತಬ್ಧಃ ಪುರಸ್ತಾದಾಶ್ವಿನೇನ ।
ಉಭೇ ಅಸ್ಯಾಹೋರಾತ್ರೇ ಸ್ಪೃತೇ ಅವರುದ್ಧೇ ಭವತೋ ಭೋಗಾಯಾಸ್ಮಾ ಆದಿತ್ಯಃ ಕೇತೂಂಶ್ಚರತಿ ೨೧೨

ಅಥೈಷ ರಾಥನ್ತರಃ ಸಂಧಿರ್ಭವತಿ ।
ಪ್ರಜಾಪತಿರುಷಸಂ ಸ್ವಾಂ ದುಹಿತರಂ ಬೃಹಸ್ಪತಯೇ ಪ್ರಾಯಚ್ಛತ್ ।
ತಸ್ಯಾ ಏತತ್ಸಹಸ್ರಮಾಶ್ವಿನಂ ವಹತುಮನ್ವಾಕರೋತ್ ।
ಸ ದೇವಾನಬ್ರವೀದಿಯಮೇವ ಮಮ ಯುಷ್ಮಾಕಮೇತದಿತರದಿತಿ ।
ತಸ್ಮಾದ್ಯದಾನೃಶಂಸೋ ಜಾಯಾಂ ವಿನ್ದತೇ ವ್ಯೇವ ವಹತುಮಾದಿಶತಿ ।
ತೇ ದೇವಾ ಅಬ್ರುವನ್ವೀದಂ ಭಜಾಮಹಾ ಇತಿ ।
ತಸ್ಯ ವಿಭಾಗೇ ನ ಸಮಪಾದಯನ್ ।
ತೇಽಬ್ರುವನ್ನಾಜಿಮಸ್ಯಾಯಾಮೇತಿ ।
ತ ಆಜಿಮಾಯನ್ ।
ಅಗ್ನೇಃ ಪ್ರಥಮೋ ರಥ ಆಸೀದಥೋಷಸೋಽಥಾಶ್ವಿನೋಃ ।
ತಾವಶ್ವಿನಾವಶ್ವೀ ಅಶ್ವ್ಯಾಮಾಶ್ವಶ್ವ್ಯಮತ್ಯಕುರುತಾಮ್ ।
ತೌ ದೇವಾ ಅಬ್ರುವನ್ವಾರೋಽಯಂ ವಾಮಥ ನಃ ಸಹಾಸ್ತ್ವಿತಿ ।
ತಸ್ಮಾನ್ನಾನಾದೇವತ್ಯಾಸು ಸ್ತುವನ್ತಿ ।
ಅಥಾಶ್ವಿನಮಿತ್ಯ್ ಏವಾಖ್ಯಾಯತೇ ।
ಅಗ್ನಯೇ ಪ್ರಥಮಾಯ ಸ್ತುವನ್ತ್ಯಥೋಷಸೇಽಥಾಶ್ವಿಭ್ಯಾಮ್ ।
ಏವಂ ಹ್ಯೇಷಾಮೇತಾ ಉಜ್ಜಿತಯಃ ।
ಏಕಂ ಸಾಮ ದ್ವೇ ಛನ್ದಸೀ ।
ದ್ವಿಪದಮೇವ ತಚ್ಚತುಷ್ಪತ್ಸು ಪಶುಷ್ವಧ್ಯೂಹತಿ ।
ತಸ್ಮಾದ್ದ್ವಿಪಾಚ್ಚತುಷ್ಪದಃ ಪಶೂನಧಿತಿಷ್ಠತಿ ।
ಅನುದಿತೇ ಸೂರ್ಯೇ ಪರಿದಧ್ಯಾದ್ಯಂ ಕಾಮಯೇತ ಪಾಪೀಯಾನ್ಸ್ಯಾದಿತಿ ।
ಪಾಪೀಯಾನೇವ ಭವತಿ ।
ವ್ಯುಷಿತೇ ಪರಿದಧ್ಯಾದ್ಯಂ ಕಾಮಯೇತ ನಾರ್ವಾಙ್ನ ಪರಃ ಸ್ಯಾದಿತಿ ನೈವಾರ್ವಾಙ್ನ ಪರೋ ಭವತಿ ।
ಬಹುವರ್ಷೀ ಹ ತು ಪರ್ಜನ್ಯೋ ಭವತಿ ।
ಉದಿತೇ ಪರುದಧ್ಯಾದ್ಯಂ ಕಾಮಯೇತ ಶ್ರೇಯಾನ್ಸ್ಯಾದ್ರುಚಮಶ್ನುವೀತೇತಿ ।
ಶ್ರೇಯಾನೇವ ಭವತಿ ರುಚಮಶ್ನುತೇ ೨೧೩

ಪಾನ್ತಮಾ ವೋ ಅನ್ಧಸಃ ಇತ್ಯನ್ಧಸ್ವತೀರ್ಭವನ್ತಿ ।
ಅಹರ್ವಾ ಅನ್ಧೋ ರಾತ್ರಿಃ ಪಾನ್ತಮ್ ।
ಅಹೋರಾತ್ರಯೋರೇವ ಸಂತತ್ಯಾ ಅಹೋರಾತ್ರಯೋಃ ಸಮಾರಮ್ಭಾಯ ।
ತಾಸ್ವೋಕೋನಿಧನಂ ವೈತಹವ್ಯಮ್ ।
ಓಕೋನಿಧನೇನ ವೈ ವೈತಹವ್ಯೇನ ದೇವಾ ಅಸುರಾನೋಕಸ ಓಕಸೋಽನುದನ್ತ ।
ಓಕಸ ಓಕಸ ಏವ ದ್ವಿಷನ್ತಂ ಭ್ರಾತೃವ್ಯಂ ನುದತೇ ಯ ಏವಂ ವೇದ ।
ಪ್ರಾಣಾ ಹ ಖಲು ವಾ ಓಕಃ ।
ಪ್ರಾಣಾನೇವೈತದ್ದ್ವಿಷತೋ ಭ್ರಾತೃವ್ಯಸ್ಯ ವೃಙ್ಕ್ತೇ ಪ್ರಾಣಾನಾತ್ಮನ್ಧತ್ತೇ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯೇಽತಿರಾತ್ರಮುಪಯನ್ತೀತಿ ।
ತದ್ಯದೋಕೋನಿಧನಂ ಭವತಿ - ಅಯಂ ವೈ ಲೋಕಃ ಪುರುಷಸ್ಯೌಕಃ - ಅಸ್ಮಿನ್ನೇವೈತಲ್ಲೋಕೇ ಪ್ರತಿತಿಷ್ಠತಿ ।
ವೀತಹವ್ಯ ಆಶ್ರಾಯಸೋ ಜ್ಯೋಗಪರುದ್ಧಶ್ಚರನ್ಸೋಽಕಾಮಯತಾವ ಸ್ವ ಓಕಸಿ ಗಚ್ಛೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಓಕಾಃ ಇತ್ಯೇವ ನಿಧನಮುಪೈತ್ ।
ತತೋ ವೈ ಸೋಽವ ಸ್ವ ಓಕಸ್ಯಗಚ್ಛತ್ ।
ಏತತ್ಕಾಮಸನಿ ಸಾಮ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಃ ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ।
ಯದು ಶ್ರೀರೇವ ರಾಜ್ಯಂ ವೈ ಸ ತದಗಚ್ಛತ್ ।
ಅಶ್ನುತೇ ಶ್ರಿಯಂ ಗಚ್ಛತಿ ರಾಜ್ಯಂ ಯ ಏವಂ ವೇದ ।
ಯದು ವೀತಹವ್ಯ ಆಶ್ರಾಯಸೋಽಪಶ್ಯತ್ತಸ್ಮಾದ್ ಓಕೋನಿಧನಂ ವೈತಹವ್ಯಂ ಇತ್ಯಾಖ್ಯಾಯತೇ ೨೧೪

ಪ್ರ ವ ಇನ್ದ್ರಾ ಯ ಮಾದನಮಿತಿ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತೇವೈಷಾ ಯದ್ರಾ ತ್ರಿಃ ಪೀಡಿತೇವ ।
ನಾಭಿಷುನ್ವನ್ತಿ ।
ಯದೇವಾದಸ್ತೃತೀಯಸವನಾದೃಜೀಷಮತಿರೇಚಯನ್ತಿ ತೇನಾಸ್ಯಾಂ ಚರನ್ತಿ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಯಾಮೇತದ್ದಧತಿ ।
ಆಇವೈನಾಮೇತೇನ ಪ್ಯಾಯಯನ್ತಿ ।
ತಾಸು ಶಾಕ್ತ್ಯಮ್ ।
ಶಾಕ್ತ್ಯೇನ ವೈ ಶಾಕ್ತ್ಯಾಃ ಪಶೂನವಾರುನ್ಧತ ।
ತಚ್ಛಾಕ್ತ್ಯಸ್ಯ ಶಾಕ್ತ್ಯತ್ವಮ್ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಶಾಕ್ತ್ಯಾ ಅನ್ನಾದ್ಯಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇಽನ್ನಾದ್ಯಮರುನ್ಧತ ।
ತಸ್ಯ ವಾ ಏತಸ್ಯಾಸ್ತಿ ಯಥೈವ ಗೌರೀವಿತಸ್ಯೈವಮ್ ।
ಅನ್ನಂ ವೈ ಗೌರೀವಿತಮ್ ।
ಅನ್ನಮು ವೈ ಶ್ವಸ್ತನಮ್ ।
ಅನ್ನಮು ಹ ವಾ ಇದಂ ಸರ್ವಮತಿರಿರಿಚೇ ।
ಅತಿರಿಕ್ತೇವೈಷಾ ಯದ್ರಾ ತ್ರಿಃ ।
ಅತಿರಿಕ್ತಂ ರಾತ್ರ್! ಯಾಮನ್ನಾದ್ಯಂ ದಧತಿ ।
ತತ್ಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ।
ಅನ್ನಮು ವೈ ಪ್ರಾಣಾಃ ।
ತದೇತದಭಿಪೂರ್ವಸ್ಯೈವಾನ್ನಾದ್ಯಸ್ಯಾವರುದ್ಧಿಃ ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದಃ ಶ್ರೇಷ್ಠಃ ಸ್ವಾನಾಂ ಭವತಿ ಯ ಏವಂ ವೇದ ।
ಯದು ಶಾಕ್ತ್ಯಾ ಅಪಶ್ಯಂಸ್ತಸ್ಮಾಚ್ಛಾಕ್ತ್ಯಮಿತ್ಯಾಖ್ಯಾಯತೇ ೨೧೫

ವಯಮು ತ್ವಾ ತದಿದರ್ಥಾಃ ಇತಿ ಕಾಣ್ವಮ್ ।
ಕಣ್ವೋ ವೈ ನಾರ್ಷದೋ ಜ್ಯೋಗಪ್ರತಿಷ್ಠಿತಶ್ಚರನ್ಸೋಽಕಾಮಯತ ಪ್ರತಿತಿಷ್ಠೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ರನ್ತಾಯಾ ಇತ್ಯೇವ ನಿಧನಮುಪೈತ್ ।
ಅರತ ಇವ ವಾ ಏಷ ಭವತಿ ಯೋ ನ ಪ್ರತಿತಿಷ್ಠತಿ ।
ಲೇಲೇವಲೇಲಯೇವ ವೈ ರಾತ್ರೀ ರತಿರ್ವಾ ಏಷಾ ।
ತತಃ ಸ ಪ್ರತ್ಯತಿಷ್ಠತ್ ।
ತದೇತತ್ಪ್ರತಿಷ್ಠಾ ಸಾಮ ।
ಪ್ರತಿತಿಷ್ಠತಿ ಯ ಏವಂ ವೇದ ।
ಯದು ಕಣ್ವೋ ನಾರ್ಷದೋಽಪಶ್ಯತ್ತಸ್ಮಾತ್ಕಾಣ್ವಮಿತ್ಯಾಖ್ಯಾಯತೇ ।
ಇನ್ದ್ರಾ ಯ ಮದ್ವನೇ ಸುತಮಿತಿ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತೇವೈಷಾ ಯದ್ರಾ ತ್ರಿಃ ಪೀಡಿತೇವ ।
ನಾಭಿಷುನ್ವನ್ತಿ ।
ಯದೇವಾದಸ್ತೃತೀಯಸವನಾದೃಜೀಷಮತಿರೇಚಯನ್ತಿ ತೇನಾಸ್ಯಾಂ ಚರನ್ತಿ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಯಾಮೇತದ್ದಧತಿ ।
ಷವೈನಾಮೇತೇನ ಪ್ಯಾಯಯನ್ತಿ ೨೧೬

ತಾಸು ಶ್ರೌತಕಕ್ಷಮ್ ।
ಶ್ರುತಕಕ್ಷಃ ಕಾಕ್ಷೀವತಃ ಪಶುಕಾಮಃ ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಂ ಉಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಪುನರ್ನಿತುನ್ನಛನ್ದೋ ಭವತಿ ।
ಯತ್ರ ಯತ್ರ ವೈ ದೇವಾಶ್ಛನ್ದಸಾಂ ರಸಮನ್ವವಿನ್ದಂಸ್ತತ್ಪುನರ್ನಿತುನ್ನಮಕುರ್ವನ್ ।
ತತ್ಪುನರಭ್ಯಾಘ್ನನ್ ।
ಧೀತೇವೈಷಾ ಯದ್ರಾ ತ್ರಿಃ ।
ತದ್ಯತ್ಪುನರ್ನಿತುನ್ನಛನ್ದೋ ಭವತಿ ರಸಮೇವಾಸ್ಯಾಮೇತದ್ದಧತಿ ।
ರಸಸ್ಯೈವೈಷಾನುವೃತ್ತಿಃ ।
ಯದು ಶ್ರುತಕಕ್ಷಃ ಕಾಕ್ಷೀವತೋಽಪಶ್ಯತ್ತಸ್ಮಾಚ್ಛ್ರೌತಕಕ್ಷಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠತಿ ೨೧೭

ಅಯಂ ತೇ ಇನ್ದ್ರ ಸೋಮಃ ಇತಿ ।
ಪುನಃಪ್ರೋಕ್ತಿರ್ಹ ವಾ ಏಷಾ ಹವಿಷಃ ।
ಅಯಂ ನು ತೇ ಪರೋ ಯಜ್ಞಃ ಇತಿ ಹ ವಾ ಏತದಿನ್ದ್ರಾ ಯ ಪ್ರಾಹುಃ ।
ದ್ವಿತೀಯಂ ಹ್ಯೇತದ್ಧವಿಃ ಕ್ರಿಯತೇ ಯದ್ರಾ ತ್ರಿಃ ।
ತಾಸ್ವೌರ್ಧ್ವಸದ್ಮನಮ್ ।
ಔರ್ಧ್ವಸದ್ಮನೇನ ವೈ ದೇವಾ ಏಷು ಲೋಕೇಷೂರ್ಧ್ವಾ ಅಸೀದನ್ ।
ಯದೇಷು ಲೋಕೇಷೂರ್ಧ್ವಾ ಅಸೀದಂಸ್ತದೌರ್ಧ್ವಸದ್ಮಸ್ಯೌರ್ಧ್ವಸದ್ಮನತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಊರ್ಧ್ವ ಏವೈತೇನ ಸ್ವರ್ಗೇ ಲೋಕೇ ಸೀದತಿ ಯ ಏವಂ ವೇದ ।
ಔರ್ಧ್ವಸದ್ಮನೇನ ವೈ ದೇವಾ ಅಸುರಾಣಾಂ ಸುವೃಕ್ತಿಭಿಃ ಇತಿ ಪಶೂನವೃಞ್ಜತ ನೃಮಾದನಮಿತಿ ವಜ್ರಂ ಪ್ರಾಹರನ್ಭರೇಷ್ವಾ ಇತಿ ಸ್ವರ್ಗಂ ಲೋಕಮಾರೋಹನ್ ।
ಔರ್ಧ್ವಸದ್ಮನೇನೈವ ದ್ವಿಷತೋ ಭ್ರಾತೃವ್ಯಸ್ಯ ಸುವೃಕ್ತಿಭಿಃ ಇತ್ಯೇವ ಪಶೂನ್ವೃಙ್ಕ್ತೇ ನೃಮಾದನಮಿತಿ ವಜ್ರಂ ಪ್ರಹರತಿ ಭರೇಷ್ವಾ ಇತಿ ಸ್ವರ್ಗಂ ಲೋಕಮಾರೋಹತಿ ।
ತಾನ್ಯಾಹುರ್ನಾನೋಪೇತ್ಯಾನಿ ।
ನಾನೇವ ವಾ ಇಮೇ ಲೋಕಾಃ ।
ಏಷಾಂ ಲೋಕಾನಾಂ ವಿಧೃತ್ಯಾ ಇತಿ ।
ಸುವೃಕ್ತಿಭಿಃ ಇತಿ ವಾ ಅಯಂ ಲೋಕಃ ನೃಮಾದನಮಿತ್ಯನ್ತರಿಕ್ಷಂ ಭರೇಷ್ವಾ ಇತ್ಯಸೌ ।
ತಸ್ಮಾನ್ನಾನೋಪೇತ್ಯಾನ್ಯೇಷಾಂ ಲೋಕಾನಾಂ ವಿಧೃತ್ಯೈ ೨೧೮

ತದು ಹೋವಾಚ ಜಾನಶ್ರುತೇಯೋ ವೀರ್ಯಂ ವಾ ಏತತ್ಸಾಮ್ನೋ ಯನ್ನಿಧನಮ್ ।
ತದ್ವಿಕ್ಷುಭ್ನುಯುಸ್ತದ್ವಿಯುಞ್ಜ್ಯುರ್ಯನ್ನಾನೋಪೇಯುಃ ।
ಸಾರ್ಧಮೇವೋಪೇತ್ಯಾನಿ ಸಾಮ್ನಃ ಸವೀರ್ಯತ್ವಾಯೇತಿ ।
ತಾನಿ ಚತುರಕ್ಷರಾಣಿ ಭವನ್ತಿ ।
ಯಾಶ್ಚತಸ್ರೋ ದಿಶೋಽಸ್ಮಿಁ ಲ್ಲೋಕೇ ತಾಸು ಸರ್ವಾಸು ಪ್ರತಿತಿಷ್ಠಾಮ ಯಾಶ್ಚತಸ್ರೋ ದಿಶೋಽನ್ತರಿಕ್ಷೇ ಲೋಕೇ ತಾಸು ಸರ್ವಾಸು ಪ್ರತಿತಿಷ್ಠಾಮ ಯಾಶ್ಚತಸ್ರೋಽಮುಷ್ಮಿಁ ಲ್ಲೋಕೇ ತಾಸು ಸರ್ವಾಸು ಪ್ರತಿತಿಷ್ಠಾಮೇತಿ ।
ಔರ್ಧ್ವಸದ್ಮನೇನ ಹ ಖಲು ವೈ ರಾತ್ರಿಃ ಪೃಷ್ಠಿನೀದಂ ವೈ ರಥನ್ತರಮನ್ತರಿಕ್ಷಂ ವಾಮದೇವ್ಯಮದ ಏವ ಬೃಹತ್ ।
ಯ ಉ ಹ ವಾ ಏಷಾಂ ಲೋಕಾನಾಂ ಶ್ರೇಷ್ಠಾಸ್ತೇ ಪೃಷ್ಠಾನಿ ।
ತೇಷಾಮೇಕೋ ಭವತಿ ಯ ಏವಂ ವೇದ ।
ಪ್ರಜಾತಿರ್ಹ ಖಲು ವಾ ಊರ್ಧ್ವಸಮ ।
ಅಶ್ನುತೇ ಪ್ರಜಾಪತಿತಾಂ ಯ ಏವಂ ವೇದ ೨೧೯

ಆ ತೂ ನ ಇನ್ದ್ರ ಕ್ಷುಮನ್ತಮಿತಿ ವೈಣವಮ್ । ವೇಣುರ್ವೈ ವೈಶ್ವಾಮಿತ್ರೋಽಕಾಮಯತಾಗ್ರ್ಯೋ ಮುಖ್ಯೋ ಬ್ರಹ್ಮವರ್ಚಸೀ ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽಗ್ರ್ಯೋ ಮುಖ್ಯೋ ಬ್ರಹ್ಮವರ್ಚಸ್ಯಭವತ್ ।
ಅಗ್ರ್ಯೋ ಮುಖ್ಯೋ ಬ್ರಹ್ಮವರ್ಚಸೀ ಭವತಿ ಯ ಏವಂ ವೇದ ।
ಯದ್ವೇಣುರ್ವೈಶ್ವಾಮಿತ್ರೋಽಪಶ್ಯತ್ತಸ್ಮಾದ್ವೈಣವಮಿತ್ಯಾಖ್ಯಾಯತೇ ।
ತದ್ವೇವಾಚಕ್ಷತ ಆಪಾಲಮಿತಿ ।
ಅಪಾಲಾ ಹ ವಾ ಆತ್ರೇಯೀ ತಿಲಕಾ ವಾರುಶ್ಛವಿರ್ವಾಪ್ಯಾಸ ।
ಸಾಕಾಮಯತಾಪ ಪಾಪಂ ವರ್ಣಂ ಹನೀಯೇತಿ ।
ಸೈತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸಾ ತೀರ್ಥಮಭ್ಯವಯತೀ ಸೋಮಾಂಶುಮವಿನ್ದತ್ ।
ತಂ ಸಮಖಾದತ್ ।
ತಸ್ಯೈ ಹ ಗ್ರಾವಾಣ ಇವ ದನ್ತಾ ಊದುಃ ।
ಸ ಇನ್ದ್ರ ಆದ್ರ ವದ್ಗ್ರಾವಾಣೋ ವೈ ವದನ್ತೀತಿ ।
ಸಾಭಿವ್ಯಾಹರತ್
ಕನ್ಯಾ ವಾರವಾಯತೀ ಸೋಮಮಪಿ ಸ್ರುತಾವಿದತ್
ಅಸ್ತಂ ಭರನ್ತ್ಯಬ್ರವೀದಿನ್ದ್ರಾ ಯ ಸುನವೈ ತ್ವಾ ಶಕ್ರಾಯ ಸುನವೈ ತ್ವಾ
ಇತಿ ।
ಅಸ್ಯೈ ವಾ ಇದಂ ಗ್ರಾವಾಣ ಇವ ದನ್ತಾ ವದನ್ತೀತಿ ವಿದಿತ್ವೇನ್ದ್ರ ಃ! ಪರಾಙಾವರ್ತತ ।
ತಮಬ್ರವೀದ್
ಅಸೌ ಯ ಏಷಿ ವೀರಕೋ ಗೃಹಂ-ಗೃಹಂ ವಿಚಾಕಶತ್
ಇಮಂ ಜಮ್ಭಸುತಂ ಪಿಬ ಧಾನಾವನ್ತಂ ಕರಮ್ಭಿಣಮಪೂಪವನ್ತಮುಕ್ಥಿನಮ್
ಇತಿ ।
ಅನಾದ್ರಿ ಯಮಾಣೈವೈತಮಬ್ರವೀದ್
ಆ ಚನ ತ್ವಾ ಚಿಕಿತ್ಸಾಮೋಽಧಿ ಚನ ತ್ವಾ ನೇಮಸಿ
ಇತಿ ।
ಪುರಾ ಮಾ ಸಾರ್ಧಯರ್ಚಾಪಾಲಾ ಸ್ತೌತೀತ್ಯಪಪರ್ಯಾವರ್ತತ ।
ಶನೈರಿವ ಶನಕೈರಿವೇನ್ದ್ರಾ ಯೇನ್ದೋ ಪರಿ ಸ್ರವ
ಇತ್ಯೇವಾಸ್ಯೈ ಮುಖಾತ್ಸೋಮಂ ನಿರಧಯತ್ ।
ಸೋಮಪೀಥ ಇವ ಹ ವಾ ಅಸ್ಯ ಸ ಭವತಿ ಯ ಏವಂ ವಿದ್ವಾನ್ಸ್ತ್ರಿಯೈ ಮುಖಮುಪಜಿಘ್ರತಿ ೨೨೦

ತಾಮಬ್ರವೀದಪಾಲೇ ಕಿಂಕಾಮಾಸೀತಿ ।
ಸಾಬ್ರವೀದ್
ಇಮಾನಿ ತ್ರೀಣಿ ವಿಷ್ಟಪಾ ತಾನೀನ್ದ್ರ ವಿ ರೋಹಯ
ಶಿರಸ್ತತಸ್ಯೋರ್ವರಾಮಾದಿದಂ ಮ ಉಪೋದಿರೇ
ಸರ್ವಾ ತಾ ರೋಮಶಾ ಕೃಧಿ
ಇತಿ ।
ಖಲತಿರ್ಹಾಸ್ಯೈ ಪಿತಾಸ ।
ತಂ ಹಾಖಲತಿಂ ಚಕಾರ ।
ಉರ್ವರಾ ಹಾಸ್ಯ ನ ಜಜ್ಞೇ ।
ಸೋ ಹ ಜಜ್ಞೇ ।
ಉಪಸ್ಥೇ ಹಾಸ್ಯೈ ರೋಮಾಣಿ ನಾಸುಃ ।
ತಾನ್ಯು ಹ ಜಜ್ಞಿರೇ ।
ತಾಂ ಖೇ ರಥಸ್ಯಾತ್ಯಬೃಹತ್ ।
ಸಾ ಗೋಧಾಭವತ್ ।
ತಾಂ ಖೇಽನಸೋಽತ್ಯಬೃಹತ್ ।
ಸಾ ಕೃಕಲಾಸ್ಯಭವತ್ ।
ತಾಂ ಖೇ ಯುಗಸ್ಯಾತ್ಯಬೃಹತ್ ।
ಸಾ ಸಂಶ್ಲಿಷ್ಟಿಕಾಭವತ್ ।
ತದೇಷಾಭ್ಯನೂಚ್ಯತೇ
ಖೇ ರಥಸ್ಯ ಖೇಽನಸಃ ಖೇ ಯುಗಸ್ಯ ಶತಕ್ರತೋ
ಅಪಾಲಾಮಿನ್ದ್ರ ತ್ರಿಷ್ಪೂತ್ವ್ಯಕೃಣೋಃ ಸೂರ್ಯತ್ವಚಮ್
ಇತಿ ।
ತಸ್ಯೈ ಹ ಯತ್ಕಲ್ಯಾಣತಮಂ ರೂಪಾಣಾಂ ತದ್ರೂ ಪಮಾಸ ।
ತದೇತತ್ಕಾಮಸನಿ ಸಾಮ ।
ಏತಂ ವೈ ಸಾ ಕಾಮಮಕಾಮಯತ ।
ಸೋಽಸ್ಯೈ ಕಾಮಃ ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ।
ಯದ್ವಪಾಲಾತ್ರೇಯ್ಯಪಶ್ಯತ್ತಸ್ಮಾದಾಪಾಲಮಿತ್ಯಾಖ್ಯಾಯತೇ ೨೨೧

ಅಭಿ ತ್ವಾ ವೃಷಭಾ ಸುತೇ ಇತ್ಯಾರ್ಷಭಮ್ ।
ಇನ್ದ್ರೋ ವಾ ಅಕಾಮಯತರ್ಷಭಃ ಸರ್ವಾಸಾಂ ಪ್ರಜಾನಾಂ ಸ್ಯಾಮೃಷಭತಾಂ ಗಚ್ಛೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಋಷಭಃ ಸರ್ವಾಸಾಂ ಪ್ರಜಾನಾಮಭವದೃಷಭತಾಂ ಅಗಚ್ಛತ್ ।
ತದೇವಾರ್ಷಭಸ್ಯಾರ್ಷಭತ್ವಮ್ ।
ಋಷಭ ಏವ ಸ್ವಾನಾಂ ಭವತ್ಯೃಷಭತಾಂ ಗಚ್ಛತಿ ಯ ಏವಂ ವೇದ ।
ತದ್ವೇವಾಚಕ್ಷತೇ ದೈವೋದಾಸಮಿತಿ ।
ದಿವೋದಾಸೋ ವೈ ವಾಧ್ರ್ಯಶ್ವಿರಕಾಮಯತೋಭಯಂ ಬ್ರಹ್ಮ ಚ ಕ್ಷತ್ರಂ ಚಾವರುನ್ಧೀಯ ರಾಜಾ ಸನ್ನೃಷಿಃ ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಉಭಯಂ ಬ್ರಹ್ಮ ಚ ಕ್ಷತ್ರಂ ಚಾವಾರುನ್ದ್ಧ ರಾಜಾ ಸನ್ನೃಷಿರಭವತ್ ।
ಉಭಯಮೇವ ಬ್ರಹ್ಮ ಚ ಕ್ಷತ್ರಂ ಚಾವರುನ್ದ್ಧೇ ರಾಜಾ ಸನ್ನೃಷಿರ್ಭವತಿ ಯ ಏವಂ ವೇದ ।
ಯದು ದಿವೋದಾಸೋ ವಾಧ್ರ್ಯಶ್ವಿರಪಶ್ಯತ್ತಸ್ಮಾದ್ದೈವೋದಾಸಮಿತ್ಯಾಖ್ಯಾಯತೇ ೨೨೨

ಇದಂ ವಸೋ ಸುತಮನ್ಧಃ ಇತಿ ಗಾರಮ್ ।
ದೇವೇಭ್ಯೋ ವಾ ಅಸುರಾ ಗರಾನ್ಪ್ರಾಕಿರನ್ ।
ತಾನವಿದ್ವಾಂಸೋಽಗಿರನ್ನನ್ನಮೇವ ಮನ್ಯಮಾನಾಃ ।
ತೇ ಗರಗಿರೋಽಮನ್ಯನ್ತ ।
ತೇಽಕಾಮಯನ್ತಾಪೇಮಾನ್ಗರಾನ್ಗೀರ್ಣಾನ್ಹನೀಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನೇಮಾನ್ಗರಾನ್ಗೀರ್ಣಾನಪಾಘ್ನತ ।
ತ ಏವೇಮೇ ಗಿರಯೋಽಭವನ್ ।
ತದ್ಯದ್ಗರಾನ್ಗೀರ್ಣಾನಪಾಘ್ನತ ತದೇವ ಗಾರಸ್ಯ ಗಾರತ್ವಮ್ ।
ಸ ಯೋ ಗರಗೀರ್ಮನ್ಯೇತಾಪ್ರತಿಗೃಹ್ಯಸ್ಯ ಪ್ರತಿಗೃಹ್ಯಾನಾಶ್ಯಾನ್ನಸ್ಯಾನ್ನಮಶಿತ್ವಾ ಸ ಏತೇನ ಸ್ತುವೀತ ।
ಅಪ ಹೈವ ತಂ ಗರಂ ಗೀರ್ಣಂ ಹತೇ ।
ಯದೇನೇನ ಕಿಂ ಚ ಪಾಪಂ ಕೃತಂ ಭವತಿ ತದಪಹತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠತಿ ೨೨೩

ಇದಂ ಹ್ಯನ್ವೋಜಸಾ ಇದ್ಘೃತಶ್ಚುನ್ನಿಧನಮ್ ।
ಘೃತಶ್ಚುತಾ ಚ ವೈ ಮಧುಶ್ಚುತಾ ಚ ದೇವಾ ಯತ್ರ ಯತ್ರೈಷಾಂ ಯಜ್ಞಸ್ಯೋಪಾದಸ್ಯತ್ತದಾಪ್ಯಾಯಯನ್ತ ।
ತಸ್ಮಾದಾಹುಃ ಸೋಮಸ್ಯೈವಾಂಶುರಾಪ್ಯಾಯಸ್ವೇತಿ ।
ಉಪದಸ್ತೇವೈಷಾ ಯದ್ರಾ ತ್ರಿಃ ।
ತದ್ಯದ್ಘೃತಶ್ಚುನ್ನಿಧನಂ ಭವತ್ಯೈವೈನಮೇತೇನ ಪ್ಯಾಯಯನ್ತಿ ।
ಘೃತಶ್ಚುಚ್ಚ ವೈ ಮಧುಶ್ಚುಚ್ಚಾಙ್ಗಿರಸಾಂ ಸ್ವರ್ಗಂ ಲೋಕಂ ಯತಾಮಹೀಯೇತಾಮ್ ।
ತಾವಕಾಮಯೇತಾಮನೂತ್ಪತೇವ ಸ್ವರ್ಗಂ ಲೋಕಮಿತಿ ।
ತೌ ತಪೋಽತಪ್ಯೇತಾಮ್ ।
ತಾವೇತೇ ಸಾಮನೀ ಅಪಶ್ಯತಾಮ್ ।
ತಾಭ್ಯಾಮಸ್ತುವಾತಾಮ್ ।
ತೌ ಸ್ತುತ್ವೈವ ಘೃತಶ್ಚುತೇ ಮಧುಶ್ಚುತ ಇತ್ಯೇವ ಸ್ವರ್ಗಂ ಲೋಕಮನೂದಪತತಾಮ್ ।
ಅನ್ತೋ ವೈ ಪಯಸಾಂ ಘೃತಮನ್ತಃ ಸ್ವರ್ಗೋ ಲೋಕಾನಾಮ್ ।
ಅನ್ತೋ ವೈ ರಸಾನಾಂ ಮಧ್ವನ್ತಃ ಸ್ವರ್ಗೋ ಲೋಕಾನಾಮ್ ।
ಅನ್ತ್ಯಾಭ್ಯಾಂ ವಾವ ತೌ ತತ್ಸಾಮಭ್ಯಾಮನ್ತ್ಯಂ ಸ್ವರ್ಗಂ ಲೋಕಮಾಶ್ನುವಾತಾಮ್ ।
ಅನ್ತ್ಯಾಭ್ಯಾಮೇವೈತತ್ಸಾಮಭ್ಯಾಮನ್ತ್ಯಂ ಸ್ವರ್ಗಂ ಲೋಕಮಶ್ನುತೇ ಯ ಏವಂ ವೇದ ।
ಪಶವೋ ಹ ಖಲು ವೈ ಘೃತಶ್ಚುತಃ ಪಶವೋ ಮಧುಶ್ಚುತಃ ।
ಪಶೂನ್ವಾವ ತೌ ತದೇತಾಭ್ಯಾಮವಾರುನ್ಧಾತಾಮ್ ।
ತೈರು ಪಶುಭಿರಿಷ್ಟ್ವಾ ಸ್ವರ್ಗಮೇವ ಲೋಕಮಗಚ್ಛತಾಮ್ ।
ತೇ ಏತೇ ಪಶವ್ಯೇ ಸ್ವರ್ಗ್ಯೇ ಸಾಮನೀ ।
ಅವ ಪಶೂನ್ರುನ್ದ್ಧೇ ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ೨೨೪

ಯಜ್ಞಸ್ತನೌ ವಾ ಏತೇ ಸಾಮನೀ ।
ಏತಾಭ್ಯಾಂ ವಾ ಇನ್ದ್ರೋ ಯಜ್ಞಂ ಸರ್ವಾನ್ಕಾಮಾನದುಗ್ಧ ।
ದುಹೇ ಹ ವೈ ಯಜ್ಞಂ ಸರ್ವಾನ್ಕಾಮಾನ್ಯ ಏವಂ ವೇದ ।
ಯಜುರ್ನಿಧನಂ ವಾ ಏತಯೋರನ್ಯತರತ್ಸಾಮನಿಧನಮನ್ಯತರತ್ ।
ತದ್ಯದ್ಘೃತಶ್ಚುನ್ನಿಧನಂ ತದ್ಯಜುರ್ನಿಧನಮಥ ಯನ್ಮಧುಶ್ಚುನ್ನಿಧನಂ ತತ್ಸಾಮನಿಧನಮ್ ।
ಯಾ ಯಜುಷಶ್ಚ ಸಾಮ್ನಶ್ಚರ್ಧಿರೃಧ್ನೋತಿ ತಾಮೃದ್ಧಿಮಾಪ್ನೋತಿ ತಾನ್ಕಾಮಾನ್ಯ ಏವಂ ವೇದ ।
ತದಾಹುರ್ಯದಾಜ್ಯೇನ ದಿವಾ ಚರನ್ತ್ಯಥ ಕೇನೈಷಾಂ ರಾತ್ರಿರಾಜ್ಯವತೀ ಭವತೀತಿ ।
ಘೃತಶ್ಚುನ್ನಿಧನೇನೇತಿ ಬ್ರೂಯಾತ್ ।
ಏತೇನ ಹ ವೈ ರಾತ್ರಿರಾಜ್ಯವತೀ ಭವತಿ ।
ಯದು ಘೃತಶ್ಚುಚ್ಚ ಮಧುಶ್ಚುಚ್ಚಾಙ್ಗಿರಸಾವಪಶ್ಯತಾಂ ತಸ್ಮಾದೇವಮಾಖ್ಯಾಯತೇ ೨೨೫

ಅಥ ಮೈಧಾತಿಥಮ್ ।
ಕಾಣ್ವಾಯನಾಃ ಸತ್ತ್ರಾದುತ್ಥಾಯಾಯನ್ತ ಆಯುಞ್ಜಾನಾಃ ।
ಕಾಣ್ವಾಯನಾಃ ಸತ್ತ್ರಾದುತ್ಥಾಯಾಯನ್ತ ಆಯುಞ್ಜಾನಾಃ ।
ತೇ ಹೋದ್ಗೀಥಾ ಇತಿ ಕಿಮುದ್ವತ್ಯೈತದ್ವನಾಮುರ್ವಾರುಬಹುವೃತ್ತಮಶನಾಯನ್ತ ಉಪೇಯುಃ ।
ತೇಽಕಾಮಯನ್ತೇಮಾನೇವ ಪಶೂನ್ಭೂತಾನುತ್ಸೃಜೇಮಹೀತಿ ।
ಸ ಏತನ್ಮೇಧಾತಿಥಿಃ ಕಾಣ್ವಃ ಸಾಮಾಪಶ್ಯತ್ ।
ತೇನೋಪನ್ಯಷೀದನ್
ಆ ತ್ವೇತಾ ನಿ ಷೀದತೇನ್ದ್ರ ಮಭಿ ಪ್ರ ಗಾಯತ । ಸಖಾಯಃ ಸ್ತೋಮವಾಹಸಃ
ಪುರೂತಮಂ ಪುರೂಣಾಮೀಶಾನಂ ವಾರ್ಯಾಣಾಮ್ । ಇನ್ದ್ರಂ ಸೋಮೇ ಸಚಾ ಸುತೇ
ಸ ಘಾ ನೋ ಯೋಗ ಆ ಭುವತ್ಸ ರಾಯೇ ಸ ಪುರನ್ಧ್ಯಾಮ್
ಇತಿ ।
ಪಶವೋ ವೈ ರಯಿಃ ।
ತತೋ ವೈ ತೇ ತಾನ್ಪಶೂನ್ಭೂತಾನುದಸೃಜನ್ತ ।
ಹಿಂಕಾರೇಣ ಹೈವೈನಾನುತ್ಸಸೃಜಿರೇ ।
ತೇ ಹೈತೇಽತ್ರ ಪಶ್ಚಾದುರ್ವಾರುಪೃಶ್ನಯ ಇತಿ ಪಶವಃ ।
ತದೇತತ್ಪಶೂನಾಮುತ್ಸೃಷ್ಟಿಃ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಮೇಧಾತಿಥಿಃ ಕಾಣ್ವೋಽಪಶ್ಯತ್ತಸ್ಮಾನ್ಮೈಧಾತಿಥಮಿತ್ಯಾಖ್ಯಾಯತೇ ೨೨೬

ಅಥ ಸೌಮೇಧಮ್ ।
ದೇವಾ ವಾ ಅಸುರಾನ್ಹತ್ವಾಪೂತಾ ಇವಾಮೇಧ್ಯಾ ಅಮನ್ಯನ್ತ ।
ತೇಽಕಾಮಯನ್ತ ಪೂತಾ ಮೇಧ್ಯಾಃ ಸ್ಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ಪೂತಾ ಮೇಧ್ಯಾ ಅಭವನ್ ।
ತೇಽಬ್ರುವನ್ಸುಮೇಧ್ಯಾ ವಾ ಅಭೂಮೇತಿ ।
ತದೇವ ಸೌಮೇಧಸ್ಯ ಸೌಮೇಧತ್ವಮ್ ।
ಪೂತೋ ಮೇಧ್ಯೋ ಭವತಿ ಯ ಏವಂ ವೇದ ।
ತದ್ವೇವಾಚಕ್ಷತೇ ಪೌರ್ವತಿಥಿಮಿತಿ ।
ಪೂರ್ವತಿಥಿರ್ವಾ ಆರ್ಚನಾನಸಶ್ಶ್ಯಾವಾಶ್ವಾತ್ಕನೀಯಾನ್ ।
ಸೋಽಕಾಮಯತಾವ ಪಶೂನ್ರುನ್ಧೀಯ ಭೂಮಾನಂ ಪಶೂನಾಂ ಗಚ್ಛೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ
ಆ ಘಾ ಗಮದ್ಯದಿ ಶ್ರವತ್ಸಹಸ್ರಿಣೀಭಿರೂತಿಭಿಃ
ಇತಿ ।
ಸಹಸ್ರಮೇವ ಪಶೂನವಾರುನ್ದ್ಧ ಭೂಮಾನಂ ಪಶೂನಾಮಗಚ್ಛತ್ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಭೂಮಾನಂ ಪಶೂನಾಂ ಗಚ್ಛತಿ ಯ ಏವಂ ವೇದ ।
ಯದು ಪೂರ್ವತಿಥಿರಾರ್ಚನಾಸಸೋಽಪಶ್ಯತ್ತಸ್ಮಾತ್ಪೌರ್ವತಿಥಿಮಿತ್ಯಾಖ್ಯಾಯತೇ ।
ಇನ್ದ್ರ ಸುತೇಷು ಸೋಮೇಷು ಇತ್ಯುಷ್ಣಿಹೋ ಭವನ್ತಿ ।
ದೇವಪುರಾ ವಾ ಏಷಾ ಯದುಷ್ಣಿಹಃ ।
ತಾ ಯದನ್ತತಃ ಕ್ರಿಯನ್ತೇ ದೇವಪುರಾಮೇವೈತದನ್ತತಃ ಪರಿಹರನ್ತಿ ಪಶೂನಾಂ ಗುಪ್ತ್ಯಾ ಅಸುರಾಣಾಮನಭ್ಯವಚಾರಾಯ ೨೨೭

ತಾಸು ಕೌತ್ಸಮ್ ।
ಕುತ್ಸಶ್ಚ ಲುಶಶ್ಚೇನ್ದ್ರಂ ವ್ಯಹ್ವಯೇತಾಮ್ ।
ಸ ಕುತ್ಸಸ್ಯ ಹವಮಾಗಚ್ಛತ್ ।
ತಂ ಶತೇನ ವಾರ್ಧ್ರೀಭಿರಾಣ್ಡಯೋರಬಧ್ನಾತ್ ।
ತಂ ಲುಶೋಽಭ್ಯವದತ್
ಸ್ವವೃಜಂ ಹಿ ತ್ವಾಮಹಮಿನ್ದ್ರ ಶುಶ್ರವಾನಾನುದಂ ವೃಷಭ ರಧ್ರಚೋದನಮ್
ಪ್ರ ಮುಞ್ಚಸ್ವ ಪರಿ ಕುತ್ಸಾದಿಹಾ ಗಹಿ ಕಿಮು ತ್ವಾವಾನ್ಮುಷ್ಕಯೋರ್ಬದ್ಧ ಆಸತೇ
ಇತಿ ।
ತಾಃ ಸರ್ವಾಃ ಸಂಲುಪ್ಯ ಲುಶಮಭಿ ಪ್ರಾದ್ರ ವತ್ ।
ತಂ ಕುತ್ಸಃ ಇನ್ದ್ರ ಸುತೇಷು ಸೋಮೇಷು ಇತ್ಯನ್ವಾಹ್ವಯತ್ ।
ತಮಭ್ಯಾವರ್ತತ ।
ತಂ ಲುಶಃ ಇನ್ದ್ರಾ ಹೋಯೀ ಹಾವೇ ಹೋಯೀ ಇತಿ ।
ತಾವನ್ತರಾತಿಷ್ಠತ್ ।
ತಾವಬ್ರವೀದಂಶಮಾಹರೇಥಾಮಾತ್ಮನಾ ವಾಮನ್ಯತರಸ್ಯ ಪಾಸ್ಯಾಮಿ ಮಹಿಮ್ನಾನ್ಯತರಸ್ಯೇತಿ ।
ತಥೇತಿ ।
ತಾವಂಶಮಾಹರೇತಾಮಾತ್ಮಾನಮನ್ಯತರ ಉದಜಯನ್ಮಹಿಮಾನಮನ್ಯತರಃ ।
ಆತ್ಮಾನಂ ಕುತ್ಸ ಉದಜಯನ್ಮಹಿಮಾನಂ ಲುಶಃ ।
ಆತ್ಮನಾನ್ಯತರಸ್ಯಾಪಿಬನ್ಮಹಿಮ್ನಾನ್ಯತರಸ್ಯ ।
ಆತ್ಮನಾ ಕುತ್ಸಸ್ಯಾಪಿಬನ್ಮಹಿಮ್ನಾ ಲುಶಸ್ಯ ।
ಉಭಾ ಉ ಹ ತ್ವಾವ ತಸ್ಯ ತಾವಾತ್ಮಾನಾಉ ಯದಾತ್ಮಾ ಚ ಮಹಿಮಾ ಚ ।
ತದೇತತ್ಸೇನ್ದ್ರಂ ಸಾಮ ।
ಸೇನ್ದ್ರೋ ಹಾಸ್ಯ ಸದೇವೋ ಯಜ್ಞೋ ಭವತ್ಯಭ್ಯಸ್ಯೇನ್ದ್ರೋ ಯಜ್ಞಮಾವರ್ತತೇ ನಾಸ್ಯೇನ್ದ್ರೋ ಯಜ್ಞಾದಪಕ್ರಾಮತಿ ಯ ಏವಂ ವೇದ ।
ಯದು ಕುತ್ಸೋಽಪಶ್ಯತ್ತಸ್ಮಾತ್ಕೌತ್ಸಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠತಿ ೨೨೮

ತದಾಹೂ ರಥನ್ತರಮೇವ ಪ್ರಥಮೇ ತೃಚೇ ಸ್ಯಾದ್ವಾಮದೇವ್ಯಂ ದ್ವಿತೀಯೇ ಬೃಹತ್ತೃತೀಯ ಏಷಾಂ ಲೋಕಾನಾಂ ಸಮಾರೋಹಾಯೇತಿ ।
ಇಮೇ ವೈ ಲೋಕಾ ಏತಾನಿ ಸಾಮಾನಿ ।
ಅಯಮೇವ ಲೋಕೋ ರಥನ್ತರಮನ್ತರಿಕ್ಷಂ ವಾಮದೇವ್ಯಮಸಾವೇವ ಬೃಹತ್ ।
ತಸ್ಮಾದೇವಮೇವ ಕಾರ್ಯಮೇಷಾಂ ಲೋಕಾಣಾಂ ಸಮಾರೋಹಾಯೇತಿ ।
ಪ್ರಾಣವ್ಯಾನೋದಾನಾ ಹ ಖಲು ವಾ ಏತಾನಿ ಸಾಮಾನಿ ।
ಪ್ರಾಣ ಏವ ರಥನ್ತರಂ ವ್ಯಾನೋ ವಾಮದೇವ್ಯಮುದಾನೋ ಬೃಹತ್ ।
ತಸ್ಮಾದೇವಮೇವ ಕಾರ್ಯಂ ಪ್ರಾಣವ್ಯಾನೋದಾನಾನಾಂ ಸಂತತ್ಯಾ ಅವ್ಯವಚ್ಛೇದಾಯೇತಿ ।
ಅಥ ಯಃ ಕಾಮಯೇತ ಪ್ರಜಾ ಮೇ ಶ್ರೇಯಸೀ ಸ್ಯಾದಿತಿ ರಥನ್ತರಮೇವ ಪ್ರಥಮೇ ತೃಚೇ ಕುರ್ಯಾದ್ವಾಮದೇವಮುತ್ತರಯೋಃ ।
ಪ್ರಜಾಪತಿರ್ವೈ ವಾಮದೇವ್ಯಮ್ ।
ಪ್ರಜಾಪತಿಮೇವ ತತ್ಸ್ವರಮನ್ತತ ಉಪಯನ್ತಿ ಪ್ರಜನನಾಯ ।
ಬೃಹತಾ ಶ್ರೀಕಾಮಃ ಸ್ವರ್ಗಕಾಮಃ ಸ್ತುವೀತ ।
ಶ್ರೀರ್ವೈ ಸ್ವರ್ಗೋ ಲೋಕಃ ।
ಬೃಹದಶ್ನುತೇ ಶ್ರಿಯಂ ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಅಥೋ ಹ ಭ್ರಾತೃವ್ಯಲೋಕಮೇವ ನಾವಜಹಾತಿ ।
ಭ್ರಾತೃವ್ಯಭಾಜನಮಿವ ಹ್ಯೇಷಾ ಯದ್ರಾ ತ್ರಿಃ ।
ರಥನ್ತರೇಣ ಪ್ರತಿಷ್ಠಾಕಾಮಃ ಸ್ತುವೀತ ।
ಪ್ರತಿಷ್ಠಾ ವೈ ರಥನ್ತರಮ್ ।
ಪ್ರತ್ಯೇವ ತಿಷ್ಠತಿ ।
ಗಾಯತ್ರೀಷು ಸಂಧಿನಾ ಬ್ರಹ್ಮವರ್ಚಸಕಾಮಃ ಸ್ತುವೀತ ।
ಬ್ರಹ್ಮ ವೈ ಗಾಯತ್ರೀ ।
ಬ್ರಹ್ಮವರ್ಚಸ್ಯೇವ ಭವತಿ ।
ಕಕುಪ್ಸು ಪುರುಷಕಾಮಃ ।
ಪುರುಷೋ ವೈ ಕಕುಪ್ ।
ಪುರುಷವಾನೇವ ಭವತಿ ।
ಉಷ್ಣಿಕ್ಷು ಪಶುಕಾಮಃ ।
ಪಶವೋ ವಾ ಉಷ್ಣಿಕ್ ।
ಪಶುಮಾನೇವ ಭವತಿ ।
ವಿರಾಟ್ಸ್ವನ್ನಾದ್ಯಕಾಮಃ ।
ಅನ್ನಂ ವೈ ವಿರಾಟ್ ।
ಅನ್ನಾದ ಏವ ಭವತಿ ।
ಅನುಷ್ಟುಪ್ಸು ಪ್ರತಿಷ್ಠಾಕಾಮಃ ।
ಪ್ರತಿಷ್ಠಾ ವಾ ಅನುಷ್ಟುಪ್ ।
ಪ್ರತ್ಯೇವ ತಿಷ್ಠತಿ ।
ಪಙ್ಕ್ತಿಷು ಯಜ್ಞಕಾಮಃ ।
ಯಃ ಕಾಮಯೇತ ಪುನರ್ಮಾ ಯಜ್ಞ ಉಪನಮೇದಿತಿ ।
ಯಜ್ಞೋ ವೈ ಪಙ್ಕ್ತಿಃ ।
ಪುನರೇವೈನಂ ಯಜ್ಞ ಉಪನಮತಿ ।
ತ್ರಿಷ್ಟುಪ್ಸ್ವೋಜಸ್ಕಾಮೋ ವೀರ್ಯಕಾಮಃ ।
ಓಜೋ ವೈ ವೀರ್ಯಂ ತ್ರಿಷ್ಟುಪ್ ।
ಓಜಸ್ವ್ಯೇವ ವೀರ್ಯವಾನ್ಭವತಿ ।
ಜಗತೀಷು ಪಶುಕಾಮಃ ।
ಪಶವೋ ವೈ ಜಗತೀ ।
ಪಶುಮಾನೇವ ಭವತಿ ।
ತದಾಹುರೇಕಸ್ಮಿನ್ವಾವೈತಸ್ಯ ಛನ್ದಸ್ಯೇಕಸ್ಮಿನ್ಕಾಮೇ ಸ್ತುತಂ ಭವತಿ ಯ ಏವಂ ಸ್ತುತೇ ।
ಅಥೈತಸ್ಯ ಸರ್ವೇಷು ಛನ್ದಸ್ಸು ಸರ್ವೇಷು ಕಾಮೇಷು ಸ್ತುತಂ ಭವತಿ ಯೋ ಬೃಹತೀಷು ಸ್ತುತೇ ।
ಬೃಹತೀಂ ಹ್ಯೇವೈತಾನಿ ಸರ್ವಾಣಿ ಛನ್ದಾಂಸ್ಯಭಿಸಂಪದ್ಯನ್ತ ಇತಿ ।
ಗಾಯತ್ರೀ ಚ ಜಗತೀ ಚ ತೇ ದ್ವೇ ಬೃಹತ್ಯೌ ।
ಉಷ್ಣಿಕ್ಚ ತ್ರಿಷ್ಟುಪ್ಚ ತೇ ದ್ವೇ ಬೃಹತ್ಯೌ ।
ಅನುಷ್ಟುಪ್ಚ ಪಙ್ಕ್ತಿಶ್ಚ ತೇ ದ್ವೇ ಬೃಹತ್ಯೌ ।
ಬೃಹತ್ಯೇವ ಬೃಹತೀ ।
ತಸ್ಮಾದ್ಬೃಹತೀಷ್ವೇವ ಸ್ತೋತವ್ಯಮೇತೇಷಾಂ ಸರ್ವೇಷಾಂ ಛನ್ದಸಾಂ ಸರ್ವೇಷಾಂ ಕಾಮಾನಾಮುಪಾಪ್ತ್ಯೈ ೨೨೯

ತದಾಹುರ್ಯತ್ತ್ರಿವೃದೇವ ಸ್ತೋಮಾನಾಂ ಲಘಿಷ್ಠೋ ರಥನ್ತರಂ ಸಾಮ್ನಾಮಾಶ್ವಿನಮು ವೈ ಶಸ್ತ್ರಾಣಾಂ ಗರಿಷ್ಠಮಥ ಕಸ್ಮಾತ್ತ್ರಿವೃದೇವ ಸ್ತೋಮಾನಾಂ ರಥನ್ತರಂ ಸಾಮ್ನಾಮಾಶ್ವಿನಸ್ಯ ಶಸ್ತ್ರಂ ಪ್ರತ್ಯುದ್ಯನ್ತುಮರ್ಹತ ಇತಿ ।
ಸ ಬ್ರೂಯಾತ್ಪ್ರಾಣೋ ವೈ ತ್ರಿವೃತಃ ।
ಪ್ರಾಣೇಷ್ವಿದಂ ಸರ್ವಂ ಪ್ರತಿಷ್ಟಿಃತಮ್ ।
ಪ್ರಾಣಾ ಇದಂ ಸರ್ವಂ ಪ್ರತ್ಯುದ್ಯಚ್ಛನ್ತಿ ।
ಪ್ರಾಣಾ ಇದಂ ಸರ್ವಂ ಪ್ರತಿಪ್ರತಿ ।
ಇಮೇ ವೈ ಲೋಕಾಸ್ತ್ರಿವೃತಃ ।
ಏಷ್ವಿದಂ ಲೋಕೇಷು ಸರ್ವಂ ಪ್ರತಿಷ್ಟಿಃತಮ್ ।
ಇಮ ಇದಂ ಲೋಕಾಃ ಸರ್ವಂ ಪ್ರತ್ಯುದ್ಯಚ್ಛನ್ತಿ ।
ಇಮ ಇದಂ ಲೋಕಾಃ ಸರ್ವಂ ಪ್ರತಿಪ್ರತಿ ।
ವಾಗ್ವೈ ರಥನ್ತರಮ್ ।
ವಾಚೀದಂ ಸರ್ವಂ ಪ್ರತಿಷ್ಠಿತಮ್ ।
ವಾಗಿದಂ ಸರ್ವಂ ಪ್ರತ್ಯುದ್ಯಚ್ಛತಿ ।
ವಾಗಿದಂ ಸರ್ವಂ ಪ್ರತಿಪ್ರತಿ ।
ಇಯಂ ವೈ ರಥನ್ತರಮ್ ।
ಅಸ್ಯಾಮಿದಂ ಸರ್ವಂ ಪ್ರತಿಷ್ಠಿತಮ್ ।
ಇಯಮಿದಂ ಸರ್ವಂ ಪ್ರತ್ಯುದ್ಯಚ್ಛತಿ ।
ಇಯಮಿದಂ ಸರ್ವಂ ಪ್ರತಿಪ್ರತಿ ।
ತಸ್ಮಾತ್ತ್ರಿವೃದೇವ ಸ್ತೋಮಾನಾಂ ರಥನ್ತರಂ ಸಾಮ್ನಾಮಾಶ್ವಿನಸ್ಯ ಶಸ್ತ್ರಂ ಪ್ರತ್ಯುದ್ಯನ್ತುಮರ್ಹತ ಇತಿ ೨೩೦

ತದಾಹುರ್ಯತ್ಪವಮಾನವನ್ತೋಽನ್ಯೇ ಯಜ್ಞಕ್ರತವೋಽಥ ಕೇನೈಷಾಂ ರಾತ್ರಿಃ ಪವಮಾನವತೀ ಭವತೀತಿ ।
ರಥನ್ತರೇಣ ಸಂಧಿನೇತಿ ಬ್ರೂಯಾತ್ ।
ಏತೇನ ಹ ವೈ ರಾತ್ರಿಃ ಪವಮಾನವತೀ ಭವತಿ ।
ತೇನ ಸಕೃದ್ಧಿಂಕೃತೇನ ಪರಾಚಾ ಸ್ತುವತೇ ।
ಸಕೃದ್ಧ್ಯೇವ ಪುರಸ್ತಾತ್ತ್ರಿವೃತೇ ಹಿಂಉರ್ವನ್ತಿ ಯತ್ಪ್ರಾಯಣಂ ತದುದಯನಮಸದಿತಿ ।
ರೇತಃಸಿಕ್ತಿರ್ಹ ತ್ವೈ ಪೂರ್ವಸ್ತ್ರಿವೃತ್ಪ್ರಜಾಪತಿರುತ್ತರಃ ।
ಆತ್ಮಾ ವೈ ಪ್ರಜಾ ಪಶವ ಏತಾನಿ ತೃಚಾನಿ ।
ಪ್ರಜಾಪತಿರ್ವೈ ರಥನ್ತರಮ್ ।
ಯಥಾ ರೇತ ಏವ ಸಿಕ್ತಂ ಸ್ಯಾನ್ನ ಪ್ರಜಾಯತೇ ತಾದೃಕ್ತದ್ಯತ್ಸಕೃದ್ಧಿಂಕೃತೈಃ ಸ್ತುವೀರನ್ ।
ತದ್ಯತ್ತೃಚಾಯ ತೃಚಾಯ ಹಿಂಕುರ್ವನ್ತಿ ಪ್ರಜಾತ್ಯಾ ಏವ ।
ಬಹುರ್ಭವತಿ ಪ್ರಜಾಯತೇ ಯ ಏವಂ ವೇದ ।
ಅಥೋ ಹೈಷಾಮೇಕ ಏವ ಪರ್ಯಾಯ ಆಯತನವಾನ್ಸ್ಯಾದನಾಯತನೌ ದ್ವೌ ಸ್ಯಾತಾಂ ಯತ್ಸಕೃದ್ಧಿಂಕೃತೈಃ ಸ್ತುವೀರನ್ ।
ತದ್ಯತ್ತೃಚಾಯ ತೃಚಾಯ ಹಿಂಕುರ್ವನ್ತಿ ತೇನೈವೈಷಾಂ ಸರ್ವರಾತ್ರಿರಾಯತನವತೀ ಪವಮಾನವತೀ ಭವತಿ ।
ಯಥಾ ವಾ ಅಹಸ್ತಥಾ ರಾತ್ರಿರ್ಯಥಾ ರಾತ್ರಿಸ್ತಥಾಹಃ ।
ಪೂರ್ವಾಹ್ಣೋ ಮಧ್ಯಂದಿನೋಽಪರಾಹ್ಣಃ ಪೂರ್ವರಾತ್ರೋ ಮಧ್ಯರಾತ್ರೋಽಪರಾತ್ರಃ ।
ತದ್ಯತ್ತೃಚಾಯ ತೃಚಾಯ ಹಿಂಕುರ್ವನ್ತ್ಯಹೋರಾತ್ರಯೋರೇವ ವಿಧೃತ್ಯೈ ೨೩೧

ತದಾಹುರ್ಯದೇಕವಿಂಶಮನು ಸರ್ವೇ ಯಜ್ಞಕ್ರತವಃ ಸಂತಿಷ್ಠನ್ತೇಽತ್ಯು ವಾ ಏಕವಿಂಶಾನ್ಯುಕ್ಥಾನಿ ರಾತ್ರಿರೇತ್ಯಥ ಕೇನೈಷಾಮೇಕವಿಂಶಮನು ರಾತ್ರಿಃ ಸಂತಿಷ್ಠತ ಇತಿ ।
ಸ ಬ್ರೂಯಾದ್ಯದೇವೈತ ಏಕವಿಂಶತಿಶ್ಚ ತ್ರಿವೃತೋ ಭವನ್ತಿ ನವ ಚೈಕವಿಂಶಾ ಇತಿ ।
ಅಥ ಹ ಸ್ಮಾಹ ಭಾಲ್ಲವೇಯಃ ಕ ಉ ಸ್ವಿದದ್ಯೋಭಯತೋಜ್ಯೋತಿಷಾ ಯಜ್ಞಕ್ರತುನಾ ಯಕ್ಷ್ಯತ ಇತಿ ।
ಏಷ ಹ ವಾ ಉಭಯತೋಜ್ಯೋತಿರ್ಯಜ್ಞಕ್ರತುರ್ಯದತಿರಾತ್ರಃ ।
ತ್ರಿವೃತ್ಪುರಸ್ತಾದ್ಬಹಿಷ್ಪವಮಾನಂ ಭವತಿ ತ್ರಿವೃದುಪರಿಷ್ಟಾದ್ರಾ ಥನ್ತರಃ ಸಂಧಿಃ ।
ಅಗ್ನಿರ್ವೈ ಪೂರ್ವಸ್ತ್ರಿವೃದಾದಿತ್ಯ ಉತ್ತರಃ ।
ಅಗ್ನಿನಾ ವಾ ಅಯಂ ಲೋಕೋ ಜ್ಯೋತಿಷ್ಮಾನಾದಿತ್ಯೇನಾಸೌ ।
ಉಭಯತೋಜ್ಯೋತಿಷಾಸ್ಯ ಯಜ್ಞಕ್ರತುನೇಷ್ಟಂ ಭವತಿ ಜ್ಯೋತಿಷ್ಮಾನಸ್ಮಿಂಶ್ಚ ಲೋಕೇಽಮುಷ್ಮಿಂಶ್ಚ ಭವತಿ ಯ ಏವಂ ವೇದ ।
ತೌ ವಾ ಏತೌ ಬ್ರಹ್ಮ ಚೈವ ಕ್ಷತ್ರಂ ಚ ।
ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ಪಞ್ಚದಶಃ ।
ತದೇತದ್ಬ್ರಹ್ಮ ಚ ಕ್ಷತ್ರಂ ಚ ಸಂಧಾಯ ರಾತ್ರಿಂ ವಹತಃ ।
ತದೇತದ್ಬ್ರಹ್ಮ ಚ ಕ್ಷತ್ರಂ ಚ ಸಂಧಾಯಾನ್ತತಃ ಪಾಪ್ಮಾನಮಪಹತಃ ।
ತದ್ಯದೇತೌ ಸ್ತೋಮಾವನ್ತತಃ ಕ್ರಿಯೇತೇ ಪಾಪ್ಮಾನ ಏವಾಪಹತ್ಯೈ ।
ಅಪ ಪಾಪ್ಮಾನಂ ಹತೇ ಯ ಏವಂ ವೇದ ।
ತೌ ಯದ್ಗಾಯತ್ರೀಂ ಸಂಪದ್ಯೇತೇ - ತೇಜೋ ವೈ ಬ್ರಹ್ಮವರ್ಚಸಂ ಗಾಯತ್ರೀ - ತೇಜಸ್ಯೇವ ತದ್ಬ್ರಹ್ಮವರ್ಚಸೇ ಪ್ರತಿತಿಷ್ಠತಿ ।
ಅಥೋ ಯಜಮಾನಮೇವ ತದಾಯುಷಿ ಪ್ರತಿಷ್ಠಾಪಯತಿ ಸರ್ವಾಯುಷ್ಟ್ವಾಯ ।
ಪ್ರಾಣೋ ಹಿ ಗಾಯತ್ರೀ ।
ಸರ್ವಮಾಯುರೇತಿ ಯ ಏವಂ ವೇದ ೨೩೨

ದ್ವಿತೀಯೋ ಭಾಗಃ
ವಿರಾಟ್ಸಂಪದೈವ ಯಜ್ಞೇನ ಯಜೇತೇತ್ಯಾಹುಃ ।
ಅನ್ನಂ ವೈ ವಿರಾಟ್ ।
ಅನ್ನಂ ಹ ವೈ ದೇವಾನಾಂ ಸೋಮೋ ರಾಜಾ ।
ಅನ್ನಮೇವ ತತ್ಕೃತ್ವಾ ದೇವೇಭ್ಯಃ ಸೋಮಂ ರಾಜಾನಂ ಪ್ರಯಚ್ಛತಿ ।
ನ ಹ ವಾ ಏಷೋಽನಭಿಷುತೋ ದೇವಾನಾಮನ್ನಮ್ ।
ತಮೇತದಭಿಷುತ್ಯಾನ್ನಂ ಕೃತ್ವಾ ದೇವೇಭ್ಯಃ ಪ್ರಯಚ್ಛತಿ ।
ಯದ್ಧ ವಾ ಇಹ ದೇವೇಭ್ಯಃ ಕರೋತಿ ತದಸ್ಮೈ ದೇವಾಃ ಕುರ್ವನ್ತಿ ।
ತ ಏನಂ ಸಮೃದ್ಧಾಃ ಪ್ರಜಯಾ ಪಶುಭಿರನ್ನಾದ್ಯೇನ ಸಮರ್ಧಯನ್ತಿ ।
ವಿರಾಣ್ನಾತಿಯಷ್ಟವ್ಯೇತ್ಯಾಹುಃ ।
ಯೋ ಹ ವೈ ವಿರಾಜಮತಿಯಜತೇ ಪುನರ್ಹ ಸೋಽಮುಷ್ಮಿಁ ಲ್ಲೋಕೇ ಯಜಮಾನ ಆಸ್ತೇ ।
ಸ ರೂಕ್ಷಃ ಪರುಷೋ ವಿರಾಜಂ ಸಂಪಿಪಾದಯಿಷನ್ನೀಪ್ಸನ್ನನಾಪ್ನುವನ್ನಾಸ್ತೇ ।
ಕ್ವ ಹಿ ತದಾಪ್ಸ್ಯತಿ ಯದಿತೋಽನಾಪ್ತ್ವಾ ಪ್ರೈತಿ ।
ಪರುಷಾನಿವ ಹಾಸೀನಾನಸಿತೋ ದೈವಲ ಉವಾಚ ಕ ಏತ ಆಸತ ಇತಿ ।
ಯೇ ವಿರಾಜಮತ್ಯಯಜಾಮಹೀತಿ ಹೋಚುಃ ।
ತಾನ್ಹಾಭ್ಯುವಾದ । ಸ ರಥಾದವಪದ್ಯತೇ - ೨೩೩

ಪುರಶ್ಚಕ್ರಂ ಪಥೋ ಬಿಲೇ
ತಂ ಚಕ್ರಮಭಿವರ್ತತೇ ಯೋಽಸಂಪನ್ನೇನ ಯಜತೇ
ಪಾಕೋ ಯಜ್ಞೇನ ದೇವಯುರ್ಯದ್ದದಾತಿ ತದೇವಾಸ್ಯಲೋಕಮಭಿಗಚ್ಛತಿ
ಇತಿ ।
ಪಾಕಾಃ ಸನ್ತೋಽವಿಜಾನನ್ತೋಽದೇವಾಯತೇತಿ ಹೈನಾಂಸ್ತದುವಾಚ ಯೇ ವಿರಾಜಮತ್ಯಯಜಧ್ವಮಿತಿ ।
ತದಾಹುಃ ಕುತೋ ಯಜ್ಞಮತಥಾಃ ಕ್ವೈನಂ ಪ್ರತ್ಯತಿಷ್ಠಿಪ ಇತಿ ।
ಯತ ಏವೈನಮತಸೀತಿ ಬ್ರೂಯಾತ್ತದೇವೈನಂ ಪ್ರತ್ಯತಿಷ್ಠಿಪಮಿತಿ ।
ಪುರುಷಾದ್ಧ ವೈ ಯಜ್ಞಸ್ತಾಯತೇ ಪುರುಷೇ ಪ್ರತಿತಿಷ್ಠತಿ ।
ಅಥ ಹ ಹೃತ್ಸ್ವಾಶಯಾ ಆಲ್ಲಕೇಯೋ ಮಹಾವೃಷೋ ರಾಜಾ ಪುತ್ರಂ ದೀಕ್ಷಯಾಂ ಚಕಾರ ।
ತಸ್ಯ ಹ ಸೋಮಶುಷ್ಮಃ ಸಾತ್ಯಯಜ್ಞಿರುದ್ಗೀಥಾಯೋಢ ಆಸ ।
ತಮು ಹ ಮಹಾವೃಷಾಣಾಂ ದೂತಾ ಆಸಸ್ರುರಾಗಚ್ಛ ಸಮಿತಿರ್ವಾ ಇಯಮಿತಿ ।
ತದ್ಧ ಪ್ರಧಾವಯನ್ನುವಾಚೋದ್ಗಾತರೇತಂ ತೇ ಪುತ್ರಂ ಪರಿದದಾನೀತಿ ।
ಸ ಹೇಷ್ಟ್ವಾ ಪುನರಾಜಗಾಮ ।
ಸ ಹೋವಾಚೋದ್ಗಾತಃ ಕ್ವ ಯಜ್ಞಂ ಪ್ರತ್ಯತಿಷ್ಠಿಪಃ ಕ್ವ ಯಜಮಾನಂ ಕ್ವಾಸ್ಯ ಪಶೂನಿತಿ ।
ತದ್ಧ ನ ಪ್ರತ್ಯುವಾಚ ।
ಸ ಹೋವಾಚ ಪುನರ್ಮೇ ಪುತ್ರಂ ದೀಕ್ಷಯತ ನ ವೈ ವಿದ್ಮ ಯತ್ರ ಮೇ ಪುತ್ರಮಕೃದಿತಿ ।
ತಮು ಹ ಪುನರ್ದೀಕ್ಷಯಾಂ ಚಕ್ರುಃ ।
ತಸ್ಯ ಹ ಸ್ವಯಮೇವೋಜ್ಜಗೌ ।
ಸ ಯತ್ಪ್ರತ್ಯವಕ್ಷ್ಯದ್ಯಜಮಾನ ಏವ ಯಜ್ಞಂ ಪ್ರತ್ಯತಿಷ್ಠಿಪಂ ಯಜಮಾನಂ ವಾಮದೇವ್ಯೇ ರಥನ್ತರೇಽಸ್ಯ ಪಶೂನಿತಿ ೨೩೪

ಏತದ್ಧ ವೈ ಪರಮಂ ವಾಚಃ ಕ್ರಾನ್ತಂ ಯದ್ದಶೇತಿ ।
ಏತಾವದ್ಧ ಪರಮಂ ವಾಕ್ಚಕ್ರಮೇ ।
ತದ್ಯತ್ಪರಮಂ ವಾಚಃ ಕ್ರಾನ್ತಂ ತತ್ಸರ್ವಮಾಪ್ನವಾನೀತಿ ।
ಅಥ ಯದತ ಊರ್ಧ್ವಂ ವಿಂಶತಿಶ್ಶತಂ ಸಹಸ್ರಮಿತ್ಯಙ್ಗಾನ್ಯೇವಾಸ್ಯೈ ತಾನಿ ಪರ್ವಾಣಿ ।
ವಾಚ ಏವ ಸಾ ಪ್ರಭೂತಿಃ ।
ತದು ಹಾತ್ರೈವ ಸರ್ವಾಂ ವಿರಾಜಮಾಪ್ನೋತಿ ।
ಪುರುಷಸಂಪದ್ಧ ಖಲು ವಾ ಏಷಾ ದಶಾಕ್ಷರಾ ವಿರಾಟ್ ।
ದಶ ಪುರುಷೇ ಪ್ರಾಣಾಃ ।
ಸಾ ವಾ ಏಷೈತಾಸಾಮೇವ ನವತಿಶತಸ್ಯ ಸ್ತೋತ್ರಿಯಾಣಾಂ ಪ್ರಶಂಸಾ ।
ನವತಿಶತಂ ಹ್ಯೇವೈಷೋಽಗ್ನಿಷ್ಟೋಮಃ ಸಂಸ್ತುತೋ ಭವತಿ ।
ಕೃತಂ ತದ್ಯದಶೀತಿಶತಮ್ ।
ಕೃತಮಿದು ದಶ ಕೃತಂ ಸತ್ ।
ತದು ಹ ಕುರವ ಆಹುರ್ದ್ವಾಪರ ಏಷ ಯನ್ನವತಿಶತಂ ಸ್ತೋತ್ರಿಯಾಸ್ತ್ರಯಾಣಾಮಯಾನಾಮಧಮಃ ।
ಕೃತಂ ವೈ ತ್ರೇತಾದ್ವಾಪರಮ್ ।
ದ್ವೇ ಸ್ತೋತ್ರಿಯೇ ಉಪಪ್ರಸ್ತುತ್ಯೇ ।
ಸ ಕೃತಸ್ತೋಮಃ ಸಂಪದ್ಯತೇ ।
ಕೃತೇನ ತಜ್ಜಯತಿ ಯಜ್ಜಿಗೀಷತಿ ।
ಕೃತೇನೋದ್ಭಿನತ್ತಿ ।
ಅಥೋ ಪಕ್ಷಾವೇತೌ ಯತ್ಪವಮಾನೌ ।
ತಾವೇವ ತತ್ಸಮೌ ಕರೋತಿ ।
ಅಥೋ ವಿಶ್ವಜ್ಯೋತಿರೇವ ಯಜ್ಞಕ್ರತುರ್ಭವತಿ ।
ಅಥೋ ದ್ವ್ಯತಿಷ್ಟುತಃ ।
ತಾವೇವ ವಿರಾಜಃ ಸ್ತನೌ ।
ಸ ದ್ವಿಪಾದ್ಯಜಮಾನಃ ಪ್ರತಿಷ್ಠಿತ್ಯೈ ೨೩೫

ತದು ಹ ಸ್ಮಾಹ ಕಹೋಳಃ ಕೌಷೀತಕೇಯೋ ದೀರ್ಘಸ್ತನೀ ಬತ ತೇಷಾಂ ವಿರಾಡ್ಯೇಷಾಂ ಸ್ತೋತ್ರಿಯೇ ವಿರಾಜಃ ಸ್ತನಾವಿತಿ ।
ಅಪಿ ನೂನಮೇತಾಂ ವಿರಾಜಂ ಪ್ರತಿವೇಶತೋ ದುಹ್ರೇ ಇತಿ ಹ ಸ್ಮಾಹ ।
ಅಕ್ಷರ್ಯಾಮೇವೈತಾಂ ಸಂಪದಂ ದೇವಾ ಉಪಾಸತ ।
ತಾಮೃಷಯ ಉಪಾಸತ ।
ತಾಮು ಏವ ವಯಂ ಪರೋಽವರ ಉಪಾಸ್ಮಹೇ ।
ಏತಾಸಾಮೇವ ನವತಿಶತಸ್ಯ ಸ್ತೋತ್ರಿಯಾಣಾಂ ಪಞ್ಚ ಚ ಸಹಸ್ರಾಣ್ಯಾ ಚತ್ವಾರಿಂಶತಾನ್ಯಾ ದ್ವಾಸಪ್ತತಿರಕ್ಷರಾಣಿ ।
ತದ್ಯೇ ಏವ ತೇ ದ್ವಾಸಪ್ತತಿತಮೇ ಅಕ್ಷರೇ ತಾವೇವ ವಿರಾಜಃ ಸ್ತನೌ ।
ಸ ದ್ವಿಪಾದ್ಯಜಮಾನಃ ಪ್ರತಿಷ್ಠಿತ್ಯಾ ಇತಿ ।
ತದಾಹುರ್ಯದ್ದ್ವಾಪರಃ ಸ್ತೋಮೋಽಥ ಕೇನ ಕೃತಸ್ತೋಮ ಇತಿ ।
ಅಕ್ಷರೈರಿತಿ ಬ್ರೂಯಾತ್ ।
ಅಥೋ ಸ್ತೋತ್ರೈರಿತಿ ।
ಅಥೋ ಸ್ತುತಶಸ್ತ್ರೈರಿತಿ ।
ಅಥೋ ಯದ್ದಶಕೃತಮಿತಿ ಬ್ರೂಯಾತ್ತೇನೋ ಏವ ಕೃತಸ್ತೋಮ ಇತಿ ।
ಅಯಮಯಂ ಹ ವಾವ ದಶಕೃತಂ ಉಪಾಪ್ನೋತಿ ೨೩೬

ಆಪೋ ವಾ ಇದಮಗ್ರೇ ಮಹತ್ಸಲಿಲಮಾಸೀತ್ ।
ತದಪಾಮೇವೈಶ್ವರ್ಯಮಾಸೀತ್ ।
ಯದಪಾಮೇವೈಶ್ವರ್ಯಮಾಸೀದಪಾಂ ರಾಜ್ಯಮಪಾಮನ್ನಾದ್ಯಂ ತದಗ್ನಿರಭ್ಯಧ್ಯಾಯನ್ಮಮೇದಮೈಶ್ವರ್ಯಂ ಮಮ ರಾಜ್ಯಂ ಮಮಾನ್ನಾದ್ಯಂ ಸ್ಯಾದಿತಿ ।
ಸ ಏತಾಮಗ್ನಿಷ್ಟೋಮಸಂಪದಮಪಶ್ಯತ್ ।
ತಯೇಮಾ ಅಪೋ ವ್ಯುದೌಹದೂರ್ಧ್ವಶ್ಚಾವಾಚೀಶ್ಚ ।
ಸ ಏತಮೇವ ದಿನಂದಿನಂ ಸ್ತೋಮಂ ಗಾಯನ್ಕೇವಲೀದಮನ್ನಾದ್ಯಮಕುರುತ ।
ಸ ನವಭಿರೇಕವಿಂಶೈರಮೂರೂರ್ಧ್ವಾ ಉದತಭ್ನೋತ್ ।
ತಾಃ ಪರೇಣ ದಿವಂ ಪರ್ಯೌಹತ್ ।
ತಾ ಏತಾಃ ಪರ್ಯೂಢಾ ಋತುಶೋ ವರ್ಷನ್ತೀಸ್ತಿಷ್ಠನ್ತಿ ।
ಏಕವಿಂಶತ್ಯಾ ತ್ರಿವೃದ್ಭಿರಿಮಾ ಅವಾಚೀರಭ್ಯತಿಷ್ಠತ್ ।
ತಾಃ ಪರೇಣ ಪೃಥಿವೀಂ ಪರ್ಯೌಹತ್ತಾ ಏತಾಃ ಪರ್ಯೂಢಾ ಅನುಖಾಯೈಕ ಉಪಜೀವನ್ತಿ - ೨೩೭

ತಿಷ್ಠನ್ತೀರೇಕೇ ಸ್ರವನ್ತೀರೇಕೇ ।
ಸ ಏವಮೇತಾ ಅಪೋ ವ್ಯೂಹ್ಯ ವಿನುದ್ಯಾಸ್ಮಿಁ ಲ್ಲೋಕೇಽನ್ನಮಾದತ್ ।
ತನ್ನಾಲ್ಪಕಂ ನ ಮಧ್ಯಮಂ ನ ಮಹದಿವಾನ್ನಾದ್ಯಮಭ್ಯತ್ಯರಿಚ್ಯತ ।
ಏವಮೇವ ದ್ವಿಷನ್ತಂ ಭ್ರಾತೃವ್ಯಂ ವ್ಯೂಹ್ಯ ವಿನುದ್ಯಾಸ್ಮಿಁ ಲ್ಲೋಕೇಽನ್ನಮತ್ತಿ ತನ್ನಾಲ್ಪಕಂ ನ ಮಧ್ಯಮಂ ನ ಮಹದಿವಾನ್ನಾದ್ಯಮಭ್ಯತಿರಿಚ್ಯತೇ ಯ ಏವಂ ವೇದ ।
ತಮೇತಮನ್ನಂ ಜಿಗೀವಾಂಸಂ ಸರ್ವೇ ದೇವಾ ಅಭಿಸಮಗಚ್ಛನ್ತ ।
ತೇ ವೈ ತನ್ನಾವಿನ್ದನ್ತ ।
ಯಾ ಹ್ಯಸೌ ಯಜ್ಞಾಯಜ್ಞೀಯಸ್ಯೈಕವಿಂಶೀ ತಾಮಾಸು ಬಹಿಷ್ಪವಮಾನೀಸು ನವಸು ಪ್ರತ್ಯುಪಧಾಯ ಶಯೇಽನನ್ತೋ ಭೂತ್ವಾ ಪರಿಗೃಹ್ಯೈತದನ್ನಾದ್ಯಮ್ ।
ಅಥೋ ಯಥಾ ಪಾತ್ರೇಽಙ್ಗಾರಾ ಓಪ್ತಾಃ ಸ್ಯುರೇವಮೇವೈಷು ಲೋಕೇಷ್ವದೃಶ್ಯೋಽನನ್ತ ಆಸ ।
ತಾನವಿನ್ದಮಾನಾನಬ್ರವೀತ್ಸ್ತುತ ಮೇತಿ ೨೩೮

ತಂ ವಸವೋ ಗಾಯತ್ರ್! ಯಾ ಛನ್ದಸಾ ಗಾಯತ್ರೇಣ ಸಾಮ್ನಾ ಪ್ರಾತಃಸವನೇನಾಸ್ತುವನ್ ।
ತಾಂಸ್ತಸ್ಮಿನ್ನೇವ ಸವನ ಉಪಾಹ್ವಯತ ।
ತಂ ರುದ್ರಾ ಸ್ತ್ರಿಷ್ಟುಭಾ ಛನ್ದಸಾ ತ್ರೈಷ್ಟುಭೇನ ಸಾಮ್ನಾ ಮಾಧ್ಯಂದಿನೇನ ಸವನೇನಾಸ್ತುವನ್ ।
ತಾಂಸ್ತಸ್ಮಿನ್ನೇವ ಸವನ ಉಪಾಹ್ವಯತ ।
ತಮಾದಿತ್ಯಾ ಜಗತ್ಯಾ ಛನ್ದಸಾ ಜಾಗತೇನ ಸಾಮ್ನಾ ತೃತೀಯಸವನೇನಾಸ್ತುವನ್ ।
ತಾಂಸ್ತಸ್ಮಿನ್ನೇವ ಸವನ ಉಪಾಹ್ವಯತ ।
ತಂ ವಿಶ್ವೇ ದೇವಾ ವಾಙ್ಮನಶ್ಚ ಪ್ರಜಾಪತಿರನುಷ್ಟುಭಾ ಛನ್ದಸಾ ಯಜ್ಞಾಯಜ್ಞೀಯೇನ ಸಾಮ್ನಾಸ್ತುವನ್ ।
ತಾಂಸ್ತಸ್ಮಿನ್ನೇವ ಸ್ತೋತ್ರ ಉಪಾಹ್ವಯತ ।
ಏವಮೇತೇ ದೇವಾ ಏತಂ ಯಜ್ಞಕ್ರತುಮನ್ವಾಯತನ್ತ ಅಥ ಯ ಏನಂ ನಾನ್ವಾಯತನ್ತ - ೨೩೯

ಶಶ್ವದ್ಧ ತೇ ಪರಾಭೂತಾ ದೇವಾನಾಮಶನಯಾ ।
ಅಥ ಯ ಏನಮನ್ವಾಯತನ್ತ ಇಮ ಏತರ್ಹಿ ಪರಿಶಿಷ್ಟಾಃ ।
ತ ಉ ಏವಾಪರ್ಯುಷಿ ತಾ ಭವಿತಾರಃ ।
ಸ ಹೈಷ ವೈಶ್ವದೇವಃ ಸ್ತೋಮಃ ।
ವಿಶ್ವೇಷಾಂ ಹೈವ ದೇವಾನಾಂ ಪುರಾ ಸ್ತೋಮ ಆಸ ।
ತೇನ ಯದಗ್ನಿಮಸ್ತುವನ್ಸಾಸ್ಯಾಗ್ನಿಷ್ಟೋಮತಾ ।
ಅಗ್ನಿಂ ಹೈನೇನಾಸ್ತುವನ್ ।
ಸ್ತುವತೇ ಹೈನೇನ ಸ್ವಾ ಸ್ತುವತೇಽರಣಾ ।
ಸ್ತುವತೇ ಹೈನೇನ ಜನೇ ಸ್ವಾ ಯ ಏವಂ ವೇದ ।
ಸ ಹೈಷ ನವೈಕವಿಂಶಾನಭಿಸಂಪದ್ಯತೇ ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏಕಾ ಸ್ತೋತ್ರಿಯಾತಿರಿಚ್ಯತೇ ।
ಯಜಮಾನೋ ಹೈವ ಸೋಽತಿರಿಚ್ಯತೇ ಯೋ ವೈವಂ ವೇದ ।
ಯಥಾ ಹ ಗಿರೌ ಜ್ಯೋತಿರ್ಭಾಯಾದೇವ ತಸ್ಯಾಂ ಜನತಾಯಾಂ ಭಾತಿ ಯಸ್ಯಾಂ ಭವತಿ ಯ ಏವಂ ವೇದ ।
ಸ ಉ ಏವೈಕವಿಂಶತಿಸ್ತ್ರಿವೃತೋಽಭಿಸಂಪದ್ಯತೇ ।
ಅಗ್ನಿರ್ವೈ ತ್ರಿವೃತ್ ।
ತದ್ಯದ್ವೈ ಕಿಂ ಚ ತ್ರಿವೃತ್ತತ್ಸರ್ವಮಗ್ನಿಮೇವಾಭಿಸಂಪದ್ಯತೇ ।
ಯಾಶ್ಚ ಹ ಮಹತ್ಯಃ ಸಂಪದೋ ಯಾಶ್ಚ ಕ್ಷುಲ್ಲಕಾಸ್ತಾ ಹ ಸರ್ವಾ ಏವಂವಿದಮಭಿಸಂಪದ್ಯನ್ತೇ ।
ಸರ್ವ ಏನಂ ಕಾಮಾ ಅಭಿಸಂಪದ್ಯನ್ತೇ ಯ ಏವಂ ವೇದ ।
ಸ ಏಷ ಏಕವಿಂಶತ್ಯಾ ತ್ರಿವೃದ್ಭಿರಮುಷ್ಮಿನ್ನಾದಿತ್ಯೇ ಪ್ರತಿಷ್ಠಿತೋ ನವಭಿರಸಾವೇಕವಿಂಶೈರಸ್ಮಿನ್ ।
ತಾವೇತಾವೇವಮನ್ಯೋಽನ್ಯಸ್ಮಿನ್ಪ್ರತಿಷ್ಠಿತೌ ।
ಪ್ರತಿತಿಷ್ಠತಿ ಯ ಏವಂ ವೇದ ೨೪೦

ನಾಸಾವಸ್ತಮೇತಿ ನಾಯಮನುಗಚ್ಛತಿ ।
ಇಮಮೇವಾಸಾವಭ್ಯಸ್ತಮೇತಿ ।
ತದಸ್ಯಾಸ್ತತ್ವಮ್ ।
ಇಮಂ ಹ್ಯೇವಾಸಾವಭ್ಯಸ್ತಮೇತ್ಯಮುಮೇವಾಯಮಭ್ಯನುಗಚ್ಛತಿ ।
ತದಮುಷ್ಯಾಮುತ್ವಮ್ ।
ಅಮುಂ ಹ್ಯೇವಾಯಮಭ್ಯನುಗಚ್ಛತಿ ।
ನ ಹಾಸ್ತಮೇತಿ ನಾನುಗಚ್ಛತಿ ಯ ಏವಂ ವೇದ ।
ತೇ ಹೈತೇ ಸವಾಸಿನ್ಯೌ ದೇವತೇ ।
ಗಚ್ಛತಿ ಹೈತಾಭ್ಯಾಂ ಸವಾಸಿತ್ವಮ್ ।
ಅಥೋ ಹಾಸ್ಯೈತೇ ಏವ ದೇವತೇ ।
ಏಷು ಲೋಕೇಷು ಸರ್ವಪಾಪ್ಮಾನಮಪಘ್ನತ್ಯೌ ತಿಷ್ಠತಃ ।
ಯಾವದು ಹ ವಾ ಅಯಮಗ್ನಿರಸ್ಮಿಁ ಲ್ಲೋಕೇ ದೀಪ್ಯತೇ ತಾವದಮುಷ್ಮಿಁ ಲ್ಲೋಕ ಆದಿತ್ಯಃ ।
ನ ಹೈವ ತಾವದೇವಂವಿದೋ ಲೋಕಃ ಕ್ಷಯ್ಯಃ ।
ಯಥಾ ಹ ವಾ ಇದಮಾಯತನಮಾಯತನೀ ಪ್ರೇಪ್ಸೇದೇವಮಿಮಂ ಲೋಕಮಾಪಃ ಪ್ರೇಪ್ಸನ್ತಿ ಯಾಶ್ಚಾಮೂರ್ಯಾಶ್ಚೇಮಾಃ ।
ತಾ ಯನ್ನ ಸಂಭಿನ್ದನ್ತ್ಯೇತಸ್ಯೈವ ಸ್ತೋಮಸ್ಯ ಕರ್ತೋಃ ।
ಏಷ ಏವೈನಾಃ ಸ್ತೋಮೋ ವಿದದತೇ ।
ಸ ಯೋ ನ್ವಾವೈಕಸ್ಯ ರಾಜ್ಯಸ್ಯ ತ್ರಾತಾ ದ್ವಯೋರ್ಯಸ್ತ್ರಯಾಣಾಂ ಲೋಕೀ ವಾವ ಸ ತೇನ ಮನ್ಯೇತ ।
ಅನ್ತ್ಯೇ ತು ಸ ಲೋಕ್ಯಸದ್ಯಸ್ತೇಷಾಮೇಕೋಽಸದ್ಯೇಽಸ್ಯ ಲೋಕಸ್ಯ ತ್ರಾತಾರಃ ।
ಅಸ್ಯ ಹ ಸ ಲೋಕಸ್ಯ ತ್ರಾತೄಣಾಮೇಕೋ ಭವತಿ ಯ ಏವಂ ವೇದ ।
ತೇನ ಲೋಕೀ ಸಃ ।
ಯಾವದ್ಧ ವಾ ಅಪ್ಯೇವಂವಿದೋ ಬ್ರಾಹ್ಮಣಾ ಭವಿತಾರೋ ನ ಹೈವ ತಾವದ್ಯಾಶ್ಚಾಮೂರಾಪೋ ಯಶ್ಚೇಮಾಸ್ತಾ ಉಭಯೀಃ ಸಂಪದ್ಯೇಮಂ ಲೋಕಂ ನಿರ್ಮ್ರಷ್ಟಾರಃ ೨೪೧

ತಸ್ಯ ವಾ ಏತಸ್ಯಾಗ್ನಿಷ್ಟೋಮಸ್ಯ ಗಾಯತ್ರೀಮೇವ ಪ್ರಾತಃಸವನಂ ಸಂಪದ್ಯತೇ ತ್ರಿಷ್ಟುಭಂ ಮಾಧ್ಯಂದಿನಂ ಸವನಂ ಜಗತೀಂ ತೃತೀಯಸವನಮ್ ।
ತದೇತತ್ಸ್ವಯಂಸಂಪನ್ನಂ ಪ್ರಾತಃಸವನಮ್ ।
ಗಾಯತ್ರಮೇವ ಸರ್ವಮ್ ।
ಅಥ ಚತ್ವಾರಿ ಛನ್ದಾಂಸಿ ಮಾಧ್ಯಂದಿನಂ ಸವನಂ ಗಾಯತ್ರೀ ಬೃಹತೀ ಕಕುಪ್ತ್ರಿಷ್ಟುಪ್ ।
ತಸ್ಯಾ ಏತಸ್ಯೈ ಕಕುಭೋಽಷ್ಟಾವಿಂಶತ್ಯಕ್ಷರಾಯೈ ವಿಂಶತಿಮಕ್ಷರಾಣಿ ಗಾಯತ್ರ್! ಯಾಮುಪದಧಾತಿ ।
ಸಾ ತ್ರಿಷ್ಟುಪ್ಸಂಪದ್ಯತೇ ।
ಅಥ ಯಾನ್ಯಷ್ಟಾವತಿರಿಚ್ಯನ್ತೇ ತಾನಿ ಬೃಹತ್ಯಾಮುಪದಧಾತಿ ।
ಸಾ ತ್ರಿಷ್ಟುಪ್ಸಂಪದ್ಯತೇ ।
ತ್ರಿಷ್ಟುಬೇವ ತ್ರಿಷ್ಟುಪ್ ।
ಅಥ ಷಟ್ಛನ್ದಾಂಸಿ ತೃತೀಯಸವನಂ ಗಾಯತ್ರ್! ಯುಷ್ಣಿಕ್ಕಕುಭಾವನುಷ್ಟುಬ್ಜಗತೀ ಬೃಹತೀ ।
ತಸ್ಯಾ ಏತಸ್ಯೈ ಗಾಯತ್ರ್! ಯೈ ಚತುರ್ವಿಂಶತ್ಯಕ್ಷರಾಯೈ ವಿಂಶತಿಮಕ್ಷರಾಣಿ ಕಕುಭ್ಯುಪದಧಾತಿ ।
ಸಾ ಜಗತೀ ಸಂಪದ್ಯತೇ ।
ಅಥ ಯಾನಿ ಚತ್ವಾರ್ಯತಿರಿಚ್ಯನ್ತೇ ತಾನ್ಯುಷ್ಣಿಹ್ಯುಪದಧಾತಿ ।
ಸಾ ದ್ವಾತ್ರಿಂಶದಕ್ಷರಾನುಷ್ಟುಪ್ಸಂಪದ್ಯತೇ ।
ಅನುಷ್ಟುಬೇವಾನುಷ್ಟುಪ್ ।
ತಾಂ ದ್ವೇಧಾ ವ್ಯೂಹತಿ ।
ತಸ್ಯೈ ಷೋಡಶಾಕ್ಷರಾಣ್ಯನುಷ್ಟುಭ್ಯುಪದಧಾತಿ ।
ಸಾ ಜಗತೀ ಸಂಪದ್ಯತೇ ।
ಸ್ವಯಮೇವ ಪರಸ್ತಾಜ್ಜಗತೀ ।
ಅಥ ಯಾನಿ ಷೋಡಶಾತಿರಿಚ್ಯನ್ತೇ ತಾನಿ ಯಜ್ಞಾಯಜ್ಞೀಯಸ್ಯ ಬೃಹತ್ಯಾಮುಪದಧಾತಿ ।
ಸಾ ದ್ವಾಪಞ್ಚಾಶದಕ್ಷರಾ ಜಗತೀ ಸಂಪದ್ಯತೇ ।
ಚತ್ವಾರ್ಯಕ್ಷರಾಣಿ ಜಗತೀಮತಿಯನ್ತಿ ಯ ಏತೇ ಚತುಷ್ಪಾದಾಃ ಪಶವಃ ।
ಅಥೋ ಸ್ತನಾ ಏವ ವಿರಾಜೋ ದೋಹಃ ।
ಅಥೋ ಪ್ರತಿಷ್ಠೈವ ।
ಯಥಾ ಚತುಷ್ಪದೀ ಪ್ರತಿ ತಿಷ್ಠಾತ್ತಥಾ ।
ತದ್ವತ್ರೈವಾನುವ್ಯೇತಿ ।
ನ ಕಿಂ ಚನಾತಿರಿಚ್ಯತೇ ವಾಮದೇವ್ಯಸ್ಯ್ನ್ಯೂನೇ ತ್ರೀಣ್ಯುಪದಧಾತಿ - ೨೪೨

ಯಜ್ಞಾಯಜ್ಞೀಯ ಏಕಮ್ ।
ಗಾಯತ್ರಂ ವೈ ಪ್ರಾತಃಸವನಂ ತ್ರೈಷ್ಟುಭಂ ಮಾಧ್ಯಂದಿನಂ ಸವನಂ ಜಾಗತಂ ತೃತೀಯಸವನಮ್ ।
ಬ್ರಹ್ಮಣೋಽಸ್ಯ ಸತಃ ಕ್ಷತ್ರಸ್ಯೇವ ಪ್ರಕಾಶೋ ಭವತಿ ವೈಶ್ಯಸ್ಯೇವ ರಯಿಃ ಪುಷ್ಟಿರ್ಯ ಏವಂ ವೇದ ।
ತಸ್ಯೋ ಏವಾಕ್ಷರಶೋ ಗಾಯತ್ರೀಮೇವ ಪ್ರಾತಃಸವನಂ ಸಂಪದ್ಯತೇ ತ್ರಿಷ್ಟುಭಂ ಮಾಧ್ಯಂದಿನಂ ಸವನಂ ಜಗತೀಂ ತೃತೀಯಸವನಮ್ ।
ಏಕಾನ್ನಸಪ್ತತಿಃ ಪ್ರಾತಃಸವನಸ್ಯ ಸ್ತೋತ್ರಿಯಾಷ್ಷಷ್ಟಿಸ್ತ್ರಿಷ್ಟುಭೋ ಮಾಧ್ಯಂದಿನಂ ಸವನಂ ಚತುರ್ವಿಂಶತಿಶ್ಚ ಜಗತೀಸ್ತೃತೀಯಸವನಮ್ ।
ಏಕಾ ವ ಕಕುಪ್ ।
ಪುರುಷೋ ವೈ ಕಕುಪ್ ।
ಸ ಹ ಸ ಯಜಮಾನ ಏವೈತಸ್ಯಾಂ ಸಂಪದ್ಯಧ್ಯೂಢಃ ।
ತದ್ವತ್ರೈವಾನುವ್ಯೇತಿ ।
ನ ಕಿಂ ಚನಾತಿರಿಚ್ಯತೇ ।
ಏಕಸ್ಯೈ ಕಕುಭೋಽಷ್ಟಾವಿಂಶತ್ಯಕ್ಷರಾಯೈ ಚತ್ವಾರ್ಯಕ್ಷರಾಣ್ಯಾದಾಯ ವಾಮದೇವ್ಯಸ್ಯ ನ್ಯೂನೇ ತ್ರೀಣ್ಯುಪದಧಾತಿ ಯಜ್ಞಾಯಜ್ಞೀಯ ಏಕಮ್ ।
ಅಥ ಯಾ ಗಾಯತ್ರೀ ಪರಿಶಿಷ್ಯತೇ ತಾಮದ ಏಕಾನ್ನಸಪ್ತತ್ಯಾಂ ಪ್ರಾತಃಸವನಸ್ಯ ಸ್ತೋತ್ರಿಯಾಸು ಪ್ರತ್ಯುಪದಧಾತಿ ।
ತದು ಹಾನನ್ತಮ್ ।
ಅನನ್ತಾಂ ಶ್ರಿಯಂ ಜಯತಿ ಯ ಏವಂ ವೇದ ೨೪೩

ತಸ್ಯೋ ಏವ ದ್ವೇ ಸವನೇ ಬೃಹತೀಂ ಸಂಪದ್ಯೇತೇ ।
ಯಥೈವ ಪುರಾ ತೃತೀಯಸವನಂ ತಥಾ ತೃತೀಯಸವನಮ್ ।
ಏಕಾನ್ನಸಪ್ತತಿಃ ಪ್ರಾತಃಸವನಸ್ಯ ಸ್ತೋತ್ರಿಯಾಃ ।
ತಾಷ್ಷಟ್ಚತ್ವಾರಿಂಶದ್ಬೃಹತ್ಯಃ ಸಂಪದ್ಯನ್ತೇ ।
ಯಾ ಹಿ ತಿಸ್ರೋ ಗಾಯತ್ರ್! ಯಸ್ತೇ ದ್ವೇ ಬೃಹತ್ಯೌ ।
ನ ತಾಷ್ಷಟ್ಚತ್ವಾರಿಂಶದ್ಬೃಹತ್ಯಃ ಸಂಪದ್ಯನ್ತೇ ।
ತದೇತದಾಯದೇವ ಪ್ರಾತಃಸವನಂ ಬೃಹತೀಮಭಿಸಂಪದ್ಯತೇ ।
ಯಸ್ಮಾದಾಯದೇವ ಪ್ರಾತಃಸವನಂ ಬೃಹತೀಮಭಿಸಂಪದ್ಯತೇ ತಸ್ಮಾದ್ಬ್ರಾಹ್ಮಣೋ ಜಾಯಮಾನ ಏವ ಲೋಕೀ ಜಾಯತೇ ।
ತಂ ವಾ ತ್ವೈ ಚರಣೇನ ಭೂಯಾಂಸಂ ಕುರುತೇ ತಂ ವಾ ಕನೀಯಾಂಸಮ್ ।
ಅಥೈತದ್ದ್ವೌ ಮಾಧ್ಯಂದಿನಂ ಸವನಂ ಸಂಪಾದಯತ ಉದ್ಗಾತಾ ಚ ಹೋತಾ ಚ ।
ಚತ್ವಾರಿ ಛನ್ದಾಂಸ್ಯುದ್ಗಾತಾ ಯುನಕ್ತಿ ।
ತಾನಿ ಚ ಹೋತಾನುಶಂಸತ್ಯುಪ ಚ ತ್ರೀಣ್ಯಾಹರತ್ಯನುಷ್ಟುಭಂ ಪಙ್ಕ್ತೀಂ ಜಗತೀಮ್ ।
ಗಾಯತ್ರೀ ಚ ಜಗತೀ ಚ ತೇ ದ್ವೇ ಬೃಹತ್ಯೌ ।
ಉಷ್ಣಿಕ್ಚ ತ್ರಿಷ್ಟುಪ್ಚ ತೇ ದ್ವೇ ಬೃಹತ್ಯೌ ।
ಅನುಷ್ಟುಪ್ಚ ಪಙ್ಕ್ತಿಶ್ಚ ತೇ ದ್ವೇ ಬೃಹತ್ಯೌ ।
ಬೃಹತ್ಯೇವ ಬೃಹತೀ ।
ಯಸ್ಮಾದೇತದ್ದ್ವೌ ಮಾಧ್ಯಂದಿನಂ ಸವನಂ ಸಂಪಾದಯತಸ್ತಸ್ಮಾದ್ರಾ ಜನ್ಯಸ್ಯ ಕಾರ್ಯೋ ಲೋಕ ಇಷ್ಟಾಪೂರ್ತೇನ ಶ್ರದ್ಧಯಾ ಬ್ರಹ್ಮಣ್ಯತಯಾ ।
ಅಥ ಯಸ್ಮಾದ್ಯಥೈವ ಪುರಾ ತೃತೀಯಸವನಂ ತಸ್ಮಾದು ಬ್ರಾಹ್ಮಣಾಚ್ಚ ರಾಜನ್ಯಾಚ್ಚ ವೈಶ್ಯೋ ಲೋಕೀ ।
ಇತರೋ ನ ಹಿ ತಥಾ ಲೋಕೀ ಯಥಾ ಬ್ರಾಹ್ಮಣಶ್ಚ ರಾಜನ್ಯಶ್ಚ ೨೪೪

ಕ್ಳ್ಪ್ತಂ ಹ ವೈ ಲೋಕಂ ಯಜಮಾನೋಽಭಿಜಾಯತೇ ।
ಅಪ ಏವ ಪ್ರಥಮಸ್ಯ ತೃಚಸ್ಯ ಪ್ರಥಮಯಾ ಸ್ತೋತ್ರಿಯಯಾ ಜಯತಿ ಭೂಮಿಂ ದ್ವಿತೀಯಾಗ್ನಿಂ ತೃತೀಯಯಾ ।
ಅನ್ತರಿಕ್ಷಮೇವ ದ್ವಿತೀಯಸ್ಯ ಚ ತೃಚಸ್ಯ ಪ್ರಥಮಯಾ ಸ್ತೋತ್ರಿಯಯಾ ಜಯತಿ ವಾಯುಂ ದ್ವಿತೀಯಯಾ ಪ್ರಾಣಂ ತೃತೀಯಯಾ ।
ದಿವಮೇವ ತೃತೀಯಸ್ಯ ತೃಚಸ್ಯ ಪ್ರಥಮಯಾ ಸ್ತೋತ್ರಿಯಯಾ ಜಯತಿ ಆದಿತ್ಯಂ ದ್ವಿತೀಯಯಾ ನಕ್ಷತ್ರಾಣಿ ತೃತೀಯಯಾ ।
ನವೈತಾ ಬಹಿಷ್ಪವಮಾನ್ಯೋ ಭವನ್ತಿ ನವ ದೇವಲೋಕಾಃ ।
ತಾನೇವೈತಾಭಿರಾಪ್ನೋತಿ ।
ತಾ ಏತಾಸ್ತಿಸ್ರೋ ವಿರಾಜೋ ದೈವೀ ಯಜ್ಞಿಯಾ ಮಾನುಷೀ ।
ಏತಾಸು ಹ ಸುಚಿತ್ತಿಶ್ಶೈಲನೋ ಜನಕಂ ವೈದೇಹಂ ಸಮೂದೇಸ ಹೋವಾಚ ಶ್ರದ್ಧಾ ಮಾವಿದದೃತ್ವಿಜೋ ಮೇ ಹ್ವಯನ್ತ್ವಿತಿ ।
ತಸ್ಮೈ ಹ ಕುರುಪಞ್ಚಾಲಾನೃತ್ವಿಜ ಊಹುಃ ।
ತೇಷು ಹಾಗತೇಷು ಶೈಲನೋ ಬಿಭಯಾಂ ಚಕಾರ ಗಚ್ಛದ್ಬ್ರಾಹ್ಮಣಾ ಇವೋದನ್ತ್ಯಾನ್ವಾಹಿನೋ ಲಘೂಯೇದಿತಿ ।
ಸ ಹೋವಾಚ ಸಮ್ರಾಡ್ವಾಕ್ಯಂ ಮೇಽಸ್ತೀತಿ ।
ತಿಸ್ರೋ ವಾ ಇಮಾ ವಿರಾಜೋ ತೃಪ್ಯನ್ತೀಃ ಸರ್ವಕಾಮಾ ಅನ್ನಾಭಿಧಾನಾಃ ।
ತಾಸು ಸ್ಮ ತ್ವಾ ಯೋಽನ್ತರವದಧಾತಿ ತಂ ಸ್ಮೈವೋದ್ಗಾತಾರಂ ವೃಣೀಷ್ವ ।
ಸ ವಾವ ತೇಷಾಂ ಕಾಮಾನಾಮಭಿವೋಢಾ ಯ ಏತಾಸು ಕಾಮಾಃ ।
ಸ ಉ ಏವ ಪುನರ್ಮೃತ್ಯೋರತಿವೋಢಾ ಯ ಏವಂ ವೇದೇತಿ ೨೪೫

ಅಥ ಹ ಪ್ರಧಾವಯಾಂ ಚಕಾರ ।
ತಸ್ಮಿನ್ನ ಪ್ರೇಷ್ಯನ್ನೈಮಾನ್ಹ ಸ್ಮ ಪೃಚ್ಛತ್ಯಾಸಾಂ ವಿರಾಜಾಮೃದ್ಧಿಮ್ ।
ತೇ ಹ ಸ್ಮ ನಾಭ್ಯಾಪಯನ್ತಿ ।
ಯ ಉ ಹ ಸ್ಮಾಭ್ಯಾಪಯನ್ತೀತಿ ಯಾಂ ಹ ಸ್ಮೈಕಾಮಭ್ಯಾಪಯನ್ತಿ ।
ಸ ಹ ಸ್ಮರತೇ ಬ್ರಾಹ್ಮಣಂ ಬತಾಹಂ ಬ್ರಾಃಮಣಮೇತಾಸು ಮೀಮಾಂಸಮಾನಮಪಶ್ಯಮಚ್ಛ ಧಾವತ ಶೈಲನಮಿತಿ ।
ತದ್ವ್ಯಚನಂ ಹಾಸ ಯಥಾ ಶೈಲನ ಇಯೇಷ ।
ತಾ ಏತಾಸ್ತಿಸ್ರೋ ವಿರಾಜೋ ದೈವೀ ಯಜ್ಞಿಯಾ ಮಾನುಷೀ ।
ಸೈಷಾ ದೈವೀ ವಿರಾಡ್ಯದಿಮೇ ಲೋಕಾಃ ।
ಸಾ ನ್ಯೂನಾ ।
ಯಜಮಾನಾವಧಾನಾಯೈವ ತನ್ನ್ಯೂನಾ ।
ತದನ್ತರ್ಯಜಮಾನಮವದಧಾತಿ ।
ತಸ್ಯಾ ಏತಸ್ಯೈ ಚನ್ದ್ರ ಮಾ ಏವಾಪಿಧಾನಮ್ ।
ಏತದ್ಧಿ ದೇವಾನಾಂ ಪ್ರತ್ಯಕ್ಷಮನ್ನಾದ್ಯಂ ಯಚ್ಚನ್ದ್ರ ಮಾಃ ।
ಅಥೈಷಾ ಯಜ್ಞಿಯಾ ವಿರಾಡ್ಯದೇತಾ ಬಹಿಷ್ಪವಮಾನ್ಯಃ ।
ಸಾ ನ್ಯೂನಾ ।
ಯಜಮಾನಾವಧಾನಾಯೈವ ತನ್ನ್ಯೂನಾ ।
ತದನ್ತರ್ಯಜಮಾನಮವದಧಾತಿ ।
ತಸ್ಯಾ ಏತಸ್ಯೈ ಹಿಂಕಾರ ಏವಾಪಿಧಾನಮ್ ।
ಹಿಂಕಾರೇಣ ಹ್ಯೇವ ದೇವೇಭ್ಯೋಽನ್ತತೋಽನ್ನಾದ್ಯಂ ಪ್ರದೀಯತೇ ।
ಅಥೈಷಾ ಮಾನುಷೀ ವಿರಾಡ್ಯದಿಮೇ ಪುರುಷೇ ಪ್ರಾಣಾಃ ।
ಸಾ ನ್ಯೂನಾ ।
ಸ ಉ ಏವ ಯಜಮಾನಪ್ರತ್ಯಕ್ಷಮ್ ।
ತನ್ನ್ಯೂನಾ ।
ತಸ್ಯಾ ಏತಸ್ಯಾ ಅನ್ನಮೇವಾಪಿಧಾನಮ್ ।
ನಾಭಿರ್ವಾ ಏತಾಸ್ತಿಸ್ರೋ ವಿರಾಜಃ ।
ಅಭಿ ಹ ತಾನ್ಕಾಮಾನಾಪ್ನೋತಿ ಯ ಏತಾಸು ಕಾಮಾ ।
ಅಪಿ ತ್ವಿಹ ತೇಷು ಭವತ್ಯತಿ ಹ ಪುನರ್ಮೃತ್ಯುಂ ಮುಚ್ಯತೇ ।
ಬಹುಪುರುಷಮಸ್ಮಿಁ ಲ್ಲೋಕೇಽನ್ನಮತ್ತಿ ।
ನ ಹ್ಯೇತದೇಕಪುರುಷಾಯಾನ್ನಾದ್ಯಂ ಯದೇತಾಸು ।
ಯದ್ಧ ವೈ ಕಿಂ ಚೇದಮಸ್ಮಿಁ ಲ್ಲೋಕ ಆತ್ಮನ್ವತ್ತದ್ಧ ಸರ್ವಂ ಮೃತ್ಯುರೇವಾಭಿವ್ಯಾದಾಯ ತಿಷ್ಠತಿ ।
ಸ ಯೋ ಹ ಸ ಮೃತ್ಯುಃ ಸಂವತ್ಸರ ಏವ ಸಃ ।
ತಸ್ಯ ಹರ್ತವ ಏವ ಮುಖಾನಿ ।
ತದ್ಯದ್ವೈ ಕಿಂ ಚ ಮ್ರಿಯತೇ ನ ಹಾಸ್ಯಾನೃತೌ ಮ್ರಿಯತೇ ಯ ಏವಂ ವೇದ ।
ಋತುಷು ವಾವ ಪ್ರಜಾಯತೇ ಪ್ರಜಯಾ ಪಶುಭಿರ್ಯ ಏವಂ ವೇದ ೨೪೬

ತಾ ಏತಾ ನವ ಬಹಿಷ್ಪವಮಾನ್ಯಃ ।
ತಾಷ್ಷಡ್ಬೃಹತ್ಯಃ ।
ಷಡು ಮೃತ್ಯೋರ್ಮುಖಾನ್ಯೃತವ ಏವ ।
ಅಥ ಹ ವಾ ಏತಾನಿ ಮೃತ್ಯೋರ್ಮುಖಾನಿ ಬೃಹತ್ಯೇವ ಪ್ರತಿವಿಭವಿತುಮರ್ಹತಿ ನಾನ್ಯಚ್ಛನ್ದಃ ।
ಸ ಬೃಹತ್ಯೈವರ್ತೋರ್ಮುಖಮಪಿದಧಾತಿ ಬೃಹತ್ಯರ್ತೋರ್ಬೃಹತ್ಯರ್ತೋಃ ।
ಸ ಯಥಾ ಸಮೇನ ವಿಷಮಮತೀತ್ಯ ಪ್ರತ್ಯವೇಕ್ಷೇತೈವಮೇವೈತಂ ಮೃತ್ಯುಂ ಪರಾಙತೀತ್ಯ ಪ್ರತ್ಯವೇಕ್ಷತೇ ।
ತಮೇವ ತಂ ತ್ರಿವೃತಂ ವಜ್ರಮುಪಪ್ರವರ್ತಯತಿ ।
ಸ ಏಷೋಽಹರಹರಿಮಾಁ ಲ್ಲೋಕಾನನುವರ್ತತೇ ।
ತದ್ಧ ಸ್ಮಾಹ ನಗರೀ ಜಾನಶ್ರುತೇಯೋ ನ ಹೈವ ತಾವದ್ದೇವಾಸುರಂ ಭವಿತಾ ಯಾವದೇಷ ತ್ರಿವೃದ್ವಜ್ರೋಽಹರಹರಿಮಾಁ ಲ್ಲೋಕಾನನುವರ್ತತ ।
ಊರ್ಧ್ವಾ ಹ್ಯಯಮಗ್ನಿರ್ದೀಪ್ಯತೇ ತಿರ್ಯಙ್ಙಯಂ ವಾಯುಃ ಪವತೇಽರ್ವಾಙಸಾವಾದಿತ್ಯಸ್ತಪತಿ ।
ತ ಏತೇಽನಿಮೇಷಮನ್ಯೋನ್ಯಮೀಕ್ಷನ್ತೇ ।
ಕಥಮೇತೇಷ್ವೇವಂ ಸತ್ಸು ದೇವಾಸುರಂ ಸ್ಯಾದಿತಿ ।
ಏಷ ಉ ಏವಾಸ್ಯ ತ್ರಿವೃದ್ವಜ್ರೋಽಹರಹರಿಮಾಁ ಲ್ಲೋಕಾನನುವರ್ತಮಾನಃ ಸರ್ವಂ ಪಾಪ್ಮಾನಮಪಘ್ನನ್ಪಲ್ಯಯತೇ ಯ ಏವಂ ವೇದ ೨೪೭

ತದಾಹುಃ ಸ ವಾದ್ಯ ಯಜೇತ ಸ ವಾನ್ಯಂ ಯಾಜಯೇದ್ಯಶ್ಚತುಃಷ್ಟೋಮೇನ ಯಾಜಯನ್ಸರ್ವಸ್ತೋಮೇನ ಯಾಜಯತಿ ।
ನವೈತಾ ಬಹಿಷ್ಪವಮಾನ್ಯೋ ಭವನ್ತಿ ।
ತಾಸಾಂ ಸಪ್ತವಿಂಶತಿಃ ಪದಾನಿ ।
ತೇನ ತ್ರಿಣವಂ ಸ್ತೋಮಂ ನಾನ್ತರ್ಯನ್ತಿ ।
ನವೈವೈತಾ ಬಹಿಷ್ಪವಮಾನ್ಯೋ ಭವನ್ತಿ ।
ಚತುರ್ವಿಂಶತ್ಯಕ್ಷರಾ ಗಾಯತ್ರೀ ।
ತತ್ತ್ರಯಸ್ತ್ರಿಂಶತ್ ।
ತೇನ ತ್ರಯಸ್ತ್ರಿಂಶಂ ಸ್ತೋಮಂ ನಾನ್ತರ್ಯನ್ತಿ ।
ಏತದ್ವೈ ಚತುಃಷ್ಟೋಮೇನ ಯಾಜಯತಿ ।
ಯೋ ವೈ ಸ್ತೋಮಾನಾಮವಮಂ ಪರಮಂ ವೇದ ಗಚ್ಛತಿ ಪರಮತಾಮ್ ।
ತ್ರಿವೃದ್ವಾವ ಸ್ತೋಮಾನಾಮವಮಸ್ತ್ರಿವೃತ್ಪರಮಃ ।
ತದು ಹೋವಾಚ ಬರ್ಕುರ್ವಾರ್ಷ್ಣಸ್ತ್ರಿವೃತಂ ಸ್ತೋಮಂ ತ್ರಯಸ್ತ್ರಿಂಶಂ ಭವನ್ತಮಪಶ್ಯಂ ತಸ್ಮಾದಹಂ ಪರಮತಾಮಗಚ್ಛಮಿತಿ ।
ಗಚ್ಛತಿ ಪರಮತಾಂ ಯ ಏವಂ ವೇದ ।
ಅಥ ಹ ಸ್ಮಾಹಾರುಣಿಃ ಕಿಂ ಸೋಽಭಿಚರೇತ್ಕಿಂ ವಾಭಿಚಾರ್ಯಮಾಣ ಆದ್ರಿ ಯೇತ ಯ ಏತಂ ತ್ರಿವೃತಂ ವಜ್ರಂ ತ್ರಿಭೃಷ್ಟಿಮಚ್ಛಿದ್ರ ಮಚ್ಛಮ್ಬಟ್ಕಾರಿಣಮಹರಹರಿಮಾಁ ಲ್ಲೋಕಾನನುವರ್ತಮಾನಂ ವೇದ ।
ಸ್ವಯಮಭಿಚರಿತೋ ವಾವ ಸ ಯಮೇವಂವಿದ್ದ್ವೇಷ್ಟಿ ಯೋ ವೈವಂವಿದಂ ದ್ವೇಷ್ಟೀತಿ ।
ಏಷ ಉ ಏವೈನಂ ತ್ರಿವೃದ್ವಜ್ರಸ್ತ್ರಿಭೃಷ್ಟಿರಚ್ಛಿದ್ರೋ ಽಚ್ಛಮ್ಬಟ್ಕಾರ್ಯಹರಹರಿಮಾಁ ಲ್ಲೋಕಾನನುವರ್ತಮಾನೋಽಭಿವರ್ತತೇ ।
ತಸ್ಯ ನ ಭೂತ್ಯಾ ಅಲ್ಪಿಕೇವ ಚನಾಶಾಸ್ತಿ ಪರಾಪರೈವ ಭವತೀತಿ ।
೨೪
ತದು ಹ ಸ್ಮಾಹೋಪಜೀವಃ ಖಾಳಾಯನೋಽಹಮೇವೈತಂ ತ್ರಿವೃತಂ ವಜ್ರಂ ಪ್ರತ್ಯಕ್ಷಂ ವೇದ ತಸ್ಮಾದ್ಯಮಹಂ ದ್ವೇಷ್ಮಿ ಯೋ ಮಾಂ ದ್ವೇಷ್ಟಿ ತಾವುಭೌ ಶ್ವಃ ಶ್ವ ಏವ ಪಾಪೀಯಾಂಸೌ ಭವತ ಇತಿ ।
ಅಗ್ನಿರ್ವಾ ಅಸ್ಯ ಲೋಕಸ್ಯ ವಜ್ರೋ ವಾಯುರನ್ತರಿಕ್ಷಸ್ಯಾದಿತ್ಯೋ ದಿವಃ ।
ತದಿದಮಧ್ಯಾತ್ಮಮ್ ।
ಯೋಽಗ್ನಿರ್ವಾಗೇವ ಸಾ ಯೋ ವಾಯುಃ ಪ್ರಾಣ ಏವ ಸ ಯ ಆದಿತ್ಯಶ್ಚಕ್ಷುರೇವ ತತ್ ।
ತಸ್ಮಾದ್ಯದಹಂ ದ್ವಿಷನ್ತಮಭಿವದಾಮಿ ಯದಭಿಪ್ರಾಣಿಮಿ ಯದಭಿವೀಕ್ಷೇ ವಜ್ರಮೇವಾಹಂ ತಸ್ಮೈ ತಂ ಪ್ರಹರಾಮಿ ।
ತಸ್ಯ ನ ಶ್ರೇಮ್ಣೋಽಲ್ಪಿಕೇವ ಚನಾಶಾಸ್ತಿ ।
ಏತಾ ಉ ಏವೈನಂ ದೇವತಾ ಧೂರ್ವನ್ತಿ ಯ ಏವಂ ವಿದ್ವಾಂಸಂ ಧೂರ್ವತೀತಿ ।
ಅಥ ಹ ಸ್ಮಾಹ ಶ್ವೇತಕೇತುರಾರುಣೇಯೋ ಯಥಾಶ್ವಸ್ಯ ಶ್ವೇತಸ್ಯ ಕೃಷ್ಣಕರ್ಣಸ್ಯೇತ್ಥಾದಾನೀತಸ್ಯ ರೂಪಂ ಸ್ಯಾದೇವಮೇವಾಹಮೇತಸ್ಯ ಸ್ತೋಮಸ್ಯ ರೂಪಂ ವೇದ ।
ತಾವದ್ದೃಶೇನ್ಯಂ ತಾವದ್ವಪುಷೇಣ್ಯಮ್ ।
ತಸ್ಮಾನ್ಮಾಂ ಯ ಏವ ಪೂರ್ವಾಹ್ಣೇ ದಿದೃಕ್ಷನ್ತೇ ತೇಽಪರಾಹ್ಣೇ ದಿದೃಕ್ಷನ್ತೇ ನೈವ ಸುದೃಶೇನ್ಯಮಿವ ಸನ್ತಮ್ ।
ನಾಹ ಕದಾ ಚನ ಚಕ್ಷುಷ್ಮನ್ತಂ ಪರ್ಯೇಮೀತಿ ।
ತದು ಹೋವಾಚ ಶಾಟ್ಯಾಯನಿಃ ಕೋಽಶ್ವಶ್ಶ್ವೇತಃ ಕಿಮೇಕಮಿತಿ ।
ಯಥೈವಾಸ್ಯಾಗ್ನೇ ರೂಪಂ ಯಥಾ ತ್ವಿಷಿರ್ಯಥಾಸ್ಯ ವಾಯೋರ್ಯಥಾಮುಷ್ಯಾದಿತ್ಯಸ್ಯೈವಮೇವೈತಸ್ಯ ಸ್ತೋಮಸ್ಯ ರೂಪಮೇವಂ ತ್ವಿಷಿಃ ।
ತದೇವೈತತ್ಪ್ರಜಾ ಅಭಿಪರಿವಾರ್ಯ ದಿದೃಕ್ಷಮಾಣಾಸ್ತಿಷ್ಠನ್ತಿ ।
ತಸ್ಮಾದ್ಬಹಿಷ್ಪವಮಾನೇ ಯೇ ಚ ವಿಜಾನನ್ತಿ ಯೇ ಚ ನ ತೇ ಸರ್ವೇಽನೀಶಾನಾ ಅಭಿಪರಿವಾರ್ಯ ದಿದೃಕ್ಷಮಾನಾಸ್ತಿಷ್ಠನ್ತೀತಿ ।
ಅಥೋ ಹೈತಾ ಯಶ ಏವಾಪ್ಯನ್ಯಾಸಾಂ ದೇವತಾನಾಮ್ ।
ತಾಸಾಮೇತದಿನ್ದ್ರಿ ಯಂ ವೀರ್ಯಂ ರಸಸ್ತೇಜಃ ಸಂಭೃತಂ ಯದೇತಾ ಬಹಿಷ್ಪವಮಾನ್ಯಃ ।
ಸ ಯ ಏವಮೇತದ್ದೇವತಾನಾಮಿನ್ದ್ರಿ ಯಂ ವೀರ್ಯಂ ರಸಂ ತೇಜಃ ಸಂಭೃತಂ ವೇದೇನ್ದ್ರಿ ಯವಾನೇವ ವೀರ್ಯವಾನ್ಯಶಸ್ವೀ ತ್ವಿಷಿಮಾನ್ಭವತಿ ೨೪೯

ತದಾಹುರ್ಯತ್ಪುರುಷೋ ಯೋಷಾಂ ಸಂಭವಿಷ್ಯನ್ಪರೋಕ್ಷಂ ನಿಲಯನಮಿಚ್ಛತೇಽನ್ತ ಏವಾನ್ಯೇ ಪಶವೋಽನ್ಯೋನ್ಯಸ್ಯ ಸ್ಕನ್ದನ್ತಿ ಕಿಂ ತದ್ಯಜ್ಞೇ ಕ್ರಿಯತೇ ಯಸ್ಮಾತ್ತತ್ತಥೇತಿ ।
ಸ ಬ್ರೂಯಾದ್ಯಸ್ಮಾತ್ತ್ರಿವೃತ್ಸ್ತೋಮೋ ಬಹಿಷ್ಪವಮಾನೇ ಪ್ರಾಙಿವೋತ್ಕ್ರಮ್ಯ ಧಿಷ್ಣ್ಯೇಭ್ಯೋ ನಿಲೀಯ ಗಾಯತ್ರೀಂ ಸ್ಕನ್ದತಿ ಮಧ್ಯ ಏವಾನ್ಯ ಋತ್ವಿಜೋ ಧಿಷ್ಣ್ಯಾನಾಂ ಯದನ್ತ ಆಸತೇ ತಸ್ಮಾತ್ತತ್ತಥೇತಿ ।
ತ್ರಿವೃತಂ ಹಿ ಸ್ತೋಮಂ ಪುರುಷೋಽನ್ವಾಯತ್ತೋ ಧಿಷ್ಣ್ಯಾನನ್ಯೇ ಪಶವ ಇತಿ ।
ತದ್ವೇವಾಹುರ್ಯತ್ಸ ತ್ರಿವೃತ್ಸ್ತೋಮೋ ಗಾಯತ್ರೀಂ ಸ್ಕನ್ದತಿ ಕಿಂ ಸಾ ತತಃ ಪ್ರಜನಯತೀತಿ ।
ಇಳಾನ್ತಂ ಯಜ್ಞಂ ಸಪ್ತನಾಭಿಮಿತಿ ಬ್ರೂಯಾತ್ ।
ಗಾಯತ್ರೀ ಗರ್ಭಂ ಧತ್ತೇ ।
ಸಾ ಪುರೋನುವಾಕ್ಯಾಂ ಪ್ರಜನಯತಿ ಪುರೋನುವಾಕ್ಯಾ ಯಾಜ್ಯಾಂ ಯಾಜ್ಯಾ ವಷಟ್ಕಾರಂ ವಷಟ್ಕಾರ ಆಹುತೀರಾಹುತಯೋ ದಕ್ಷಿಣಾ ದಕ್ಷಿಣಾಃ ಸ್ವರ್ಗಂ ಲೋಕಮ್ ।
ತದ್ಯಥಾ ವಿತ್ತಂ ಪ್ರವಾಹಂ ಕ್ಷಿಪ್ರಂ ಪ್ರವಹೇದೇವಮೇವೈನಮೇತಾ ದೇವತಾಃ ಸ್ವರ್ಗಾಯ ಲೋಕಾಯ ಪ್ರವಹನ್ತಿ ।
ತ್ರಿವೃದೇವೈನಂ ಸ್ತೋಮೋ ಗಾಯತ್ರ್! ಯೈ ಪ್ರಯಚ್ಛತಿ ಗಾಯತ್ರೀ ಪುರೋನುವಾಕ್ಯಾಯೈ ಪುರೋನುವಾಕ್ಯಾ ಯಾಜ್ಯಾಯೈ ಯಾಜ್ಯಾವಷಟ್ಕಾರಾಯ ವಷಟ್ಕಾರ ಆಹುತೀಭ್ಯ ಆಹುತಯೋ ದಕ್ಷಿಣಾಭ್ಯೋ ದಕ್ಷಿಣಾಃ ಸ್ವರ್ಗಂ ಲೋಕಂ ಗಮಯನ್ತಿ ।
ಸ ಏಷ ಇಳಾನ್ತೋ ಯಜ್ಞಃ ಸಪ್ತನಾಭಿಃ ।
ತಸ್ಯ ಹ ತ್ರಿವೃದೇವ ಸ್ತೋಮೋ ನಾಭಿರ್ಗಾಯತ್ರೀ ನಾಭಿಃ ಪುರೋನುವಾಕ್ಯಾ ನಾಭಿರ್ಯಾಜ್ಯಾ ನಾಭಿರ್ವಷಟ್ಕಾರೋ ನಾಭಿರಾಹುತಯೋ ನಾಭಿರ್ದಕ್ಷಿಣಾ ನಾಭಿಃ ।
ಉಪ ಹೈನಂ ಯಜ್ಞೋ ನಮತಿ ಯ ಏವಂ ವೇದ ೨೫೦

ಪಞ್ಚದಶಾನ್ಯಾಜ್ಯಾನಿ ಭವನ್ತಿ ಪಞ್ಚದಶಾಪೂರ್ಯಮಾಣಸ್ಯಾರ್ಧಮಾಸಸ್ಯ ರಾತ್ರಯಃ ।
ತದೇವ ತೇನಾಪ್ನೋತಿ ।
ದಶ ಹಸ್ತ್ಯಾ ಅಙ್ಗುಲಯಶ್ಚತ್ವಾರ್ಯೂರ್ವಷ್ಠೀವಾನಿ ಯದೂರ್ಧ್ವಂ ನಾಭೇಸ್ತತ್ಪಞ್ಚದಶಮ್ ।
ತದೇವಾತ್ರೋಪಸಂದಧಾತಿ ।
ಪಞ್ಚದಶೋ ಮಾಧ್ಯಂದಿನಃ ಪಞ್ಚದಶಾಪೋಚ್ಛತೋಽರ್ಧಮಾಸಸ್ಯ ರಾತ್ರಯಃ ।
ತದೇವ ತೇನಾಪ್ನೋತಿ ।
ದಶ ಪದ್ಯಾ ಅಙ್ಗುಲಯಶ್ಚತ್ವಾರ್ಯೂರ್ವಷ್ಠೀವಾನಿ ಯದವಾಚೀನಂ ನಾಭೇಸ್ತತ್ಪಞ್ಚದಶಮ್ ।
ತದೇವಾತ್ರೋಪಸಂದಧಾತಿ ।
ಸಪ್ತದಶಾನಿ ಪ್ರ್ಷ್ಠಾನಿ ।
ದ್ವಾದಶ ಮಾಸಾಃ ಪಞ್ಚರ್ತವಃ ।
ತದೇವ ತೇನಾಪ್ನೋತಿ ।
ದಶ ಹಸ್ತ್ಯಾ ಅಙ್ಗುಲಯಃ ಸಪ್ತ ಶೀರ್ಷನ್ಪ್ರಾಣಾಃ ।
ತತ್ಸಪ್ತದಶಮ್ ।
ತದೇವಾತ್ರೋಪಸಂದಧಾತಿ ।
ಸಪ್ತದಶಾರ್ಭವಃ ।
ದ್ವಾದಶ ಮಾಸಾಃ ಪಞ್ಚರ್ತವಃ ।
ತದೇವ ತೇನಾಭಿಪೂರ್ವಮಾಪ್ನೋತಿ ।
ದಶ ಪದ್ಯಾ ಅಙ್ಗುಲಯಶ್ಚತ್ವಾರ್ಯೂರ್ವಷ್ಠೀವಾನಿ ತ್ರಯೋಽವಾಚಃ ಪ್ರಾಣಾಃ ।
ತತ್ಸಪ್ತದಶಮ್ ।
ತದೇವಾತ್ರೋಪಸಂದಧಾತಿ ।
ಏಕವಿಂಶಮಗ್ನಿಷ್ಟೋಮಸಾಮ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ತದೇವ ತೇನಾಪ್ನೋತಿ ।
ದಶ ಹಸ್ತ್ಯಾ ಅಙ್ಗುಲಯೋ ದಶ ಪದ್ಯಾ ಆತ್ಮೈಕವಿಂಶಃ ।
ತದೇವಾತ್ರೋಪಸಂದಧಾತಿ ೨೫೧

ಸ ಹೈವಂ ವಿದ್ವಾನಹೋರಾತ್ರಯೋರರ್ಧಮಾಸಶೋ ಮಾಸಶ ಋತುಶಃ ಸಂವತ್ಸರಶ ಏತಸ್ಮಿನ್ಸರ್ವಸ್ಮಿನ್ನಾತ್ಮಾನಮುಪಸಂಧಾಯ ತಂ ಮೃತ್ಯುಂ ತರತಿ ಯಃ ಸ್ವರ್ಗೇ ಲೋಕೇ ।
ನ ಹೈವಂವಿತ್ಪುನರ್ಮ್ರಿಯತೇ ।
ತಸ್ಯ ಹರ್ಙ್ಮಯಾನ್ಯಸ್ಥಾನಿ ಭವನ್ತಿ ಸಾಮಮಯಾನಿ ಮಾಂಸಾನಿ ।
ಸ ಏಷೋಽಪಹತಪಾಪ್ಮಾ ಧೂತಶರೀರೋಽತೀತ್ಯೈತಂ ಮೃತ್ಯುಂ ಶರೀರಂ ಧೂನುತೇ ।
ಅಥೈತೇ ದೈವೀ ಚ ಮಾನುಷೀ ಚ ವಿರಾಜೌ ।
ತಯೋರೇಷ ಏತದಾದಿತ್ಯೋಽಧ್ಯೂಢಸ್ತಪತಿ ।
ಚತಸ್ರೋ ದಿಶಶ್ಚತ್ವಾರೋಽವಾನ್ತರದೇಶಾ ದ್ವಾವಿಮೌ ಲೋಕೌ ।
ಏಷಾ ದೈವೀ ವಿರಾಟ್ ।
ಅಥ ಮಾನುಷೀ ।
ಚತ್ವಾರೋಽತ್ತಾರಷ್ಷಡಾದ್ಯಾಃ ।
ಬ್ರಾಹ್ಮಣಶ್ಚ ರಾಜನ್ಯಶ್ಚ ವೈಶ್ಯಶ್ಚ ಶೂದ್ರ ಶ್ಚೈತೇಽತ್ತಾರಃ ।
ಗೌಶ್ಚಾಶ್ವಶ್ಚಾಜಾಶ್ಚಾವಿಶ್ಚ ವ್ರೀಹಿಶ್ಚ ಯವಶ್ಚೈತ ಆದ್ಯಾಃ ।
ಏತಯೋರೇಷ ಏತದಾದಿತ್ಯೋಽಧ್ಯೂಢಸ್ತಪತಿ ।
ತನ್ನ ಶೋಕೋ ನ ಹಿಮೋ ನಾಶನಾಯತಿ ನ ಪಿಪಾಸತಿ ನಾಸ್ಯ ಕಾ ಚನಾವೃತ್ತಿರಸ್ತಿ ।
ನ ಹ ವಾ ಅಶನಾಯತಿ ನ ಪಿಪಾಸತಿ ನಾಸ್ಯ ಕಾ ಚನಾವೃತ್ತಿರ್ಭವತಿ ಯ ಏವಂ ವೇದ ೨೫೨

ಯಜಮಾನಂ ಹ ವಾ ಏತದುದ್ಗಾತಾ ರೇತೋ ಭೂತಂ ಸಿಞ್ಚತಿ ಯದ್ಬಹಿಷ್ಪವಮಾನಂ ಗಾಯತಿ ।
ಮನ ಏವ ರೇತಸ್ಯಯಾ ಸಮೀರಯತಿ ಪ್ರಾಣಂ ಗಾಯತ್ರ್! ಯಾ ಚಕ್ಷುಸ್ತ್ರಿಷ್ಟುಭಾ ಶ್ರೋತ್ರಂ ಜಗತ್ಯಾ ವಾಚಮನುಷ್ಟುಭಾ ।
ಆತ್ಮಾನಮೇವ ಪಙ್ಕ್ತ್ಯಾ ಪ್ರತ್ಯುಪದಧಾತಿ ।
ಅಥ ಯದೇತದುತ್ತಮಂ ತೃಚಂ ಜನ್ಮೈವ ತತ್ ।
ಪ್ರೈವ ತೇನ ಜನಯತಿ ।
ಯಸ್ಮಾದೇತದ್ಘೋಷೀವೋಪಬ್ದಿಮದಿವ ಗಾಯತೇ ತಸ್ಮಾದ್ಘೋಷೀವೋಪಬ್ದಿಮದಿವ ಗರ್ಭಾ ಜಾಯನ್ತೇ ।
ತದುವಾ ಆಹುರಘೋಷಮೇವ ಗೇಯಮ್ ।
ಯದಾ ವೈ ವಿಜಾಯಮಾನಾ ಕ್ರೂರಿಕುರುತೇಽಥ ಸಾ ಘೋಷಂ ಕರೋತಿ ।
ಅಥೋ ಶನೈರಿವ ವಾ ಅಘೋಷಮಿವ ಮಹಾಹೃಷ್ಟಿರ್ವಿಜಾಯತೇ ।
ಅಥೋ ಹೈತತ್ಸತ್ಯಂ ಯದ್ಗಾಯತ್ರಮ್ ।
ತಸ್ಯ ಸಂಪದಂ ಲೋಭಯೇದ್ಯದ್ರ ಥನ್ತರವರ್ಣಾಂ ಅಭ್ಯಸ್ಯೇತ್ ।
ತಸ್ಮಾದಘೋಷಮೇವ ಗೇಯಮಿತಿ ।
ಅಥಾಗ್ನೇಯಮಾಜ್ಯಮೇಕದೇವತ್ಯಮ್ ।
ಪ್ರೇತಿರೇವ ಸಾ ।
ಅಥ ಮೈತ್ರಾವರುಣಂ ದ್ವಿದೇವತ್ಯಮ್ ।
ಪ್ರತಿಷ್ಠಿತಿರೇವ ಸಾ ।
ಅಥೈನ್ದ್ರ ಮೇಕದೇವತ್ಯಮ್ ।
ಪ್ರೇತಿರೇವ ಸಾ ।
ಅಥೈನ್ದ್ರಾ ಗ್ನಂ ದ್ವಿದೇವತ್ಯಮ್ ।
ಸಾ ವಾ ಏಷಾ ಪ್ರೇತಿಶ್ಚೈವ ಪ್ರತಿಷ್ಠಿತಿಶ್ಚ ।
ಪ್ರತಿತಿಷ್ಠತಿ ಯ ಏವಂ ವೇದ ।
ತ್ರಿವೃತ್ಪಞ್ಚದಶಾಭ್ಯಾಂ ಪುರುಷೋಽಸ್ಮಿಁ ಲ್ಲೋಕೇ ಪ್ರತಿಷ್ಠಿತಃ ।
ಸ ಯಮೇವ ಹರತಿ ಸ ತ್ರಿವೃದ್ಯೇನ ಪ್ರತಿತಿಷ್ಠತಿ ಸ ಪಞ್ಚದಶಃ ।
ತೌ ವಾ ಏತಾವುಭಾವೇವ ತ್ರಿವೃತಾವುಭೌ ಪಞ್ಚದಶೌ ।
ತೇಜೋ ವೈ ಬ್ರಹ್ಮವರ್ಚಸಂ ತ್ರಿವೃತ್ಸ್ತೋಮ ಓಜೋ ವೀರ್ಯಂ ಪಞ್ಚದಶಃ ।
ಓಜಸೈವ ತದ್ವೀರ್ಯೇಣ ಪ್ರತಿಷ್ಠಾಯ ತೇಜೋ ಬ್ರಹ್ಮವರ್ಚಸಂ ಹರತಿ ಯ ಏವಂ ವೇದ ೨೫೩

ಅಥ ಮಾಧ್ಯಂದಿನಸ್ಯ ಪವಮಾನಸ್ಯ ಗಾಯತ್ರೀ ।
ಯೋಽಯಮವಾಙ್ಪ್ರಾಣ ಏಷ ಏವ ಸಃ ।
ತಸ್ಯಾಂ ದ್ವೇ ಸಾಮನೀ ।
ತಸ್ಮಾದೇತೇನ ದ್ವಯಂ ಪ್ರಾಣೇನ ಕರೋತಿ ಭಸ್ಮ ಚ ಕರೋತಿ ವಾತಂ ಚ ।
ನಾನಾ ಪ್ರಸ್ತಾವೌ ನಾನಾ ನಿಧನೇ ಹಿಂಕಾರೋಽನ್ತರೇಣ ।
ತಸ್ಮಾನ್ನೇತರ ಇತರಮನುನಿನರ್ದತಿ ನೇತರ ಇತರಮ್ ।
ಏತೇನ ಹಿ ತದ್ವಿಹೃತಮ್ ।
ಅಥ ಬೃಹತೀ ।
ಯೋಽಯಂ ಪ್ರಾಙ್ಪ್ರಾಣ ಏಷ ಏವ ಸಃ ।
ತಸ್ಯಾಂ ದ್ವೇ ಸಾಮನೀ ।
ತಸ್ಮಾದೇತೇನ ದ್ವಯಂ ಪ್ರಾಣೇನ ಕರೋತಿ ರೇತಶ್ಚ ಸಿಞ್ಚತಿ ಮೇಹತಿ ಚ ।
ನಾನಾ ಪ್ರಸ್ತಾವೌ ನಾನಾ ನಿಧನೇ ಹಿಂಕಾರೋಽನ್ತರೇಣ ।
ತಸ್ಮಾನ್ನೇತರ ಇತರಮನುನಿನರ್ದತಿ ನೇತರ ಇತರಮ್ ।
ಏತೇನ ಹಿ ತದ್ವಿಹೃತಮ್ ।
ಅಥ ತ್ರಿಷ್ಟುಪ್ ।
ನಾಭಿರೇವ ಸಾ ।
ತಸ್ಯಾಮೇಕಂ ಸಾಮ ।
ತಸ್ಮಾದೇತೇನೈಕಮೇವ ಪ್ರಾಣೇನ ಕರೋತಿ ಯದೇವ ಪ್ರಾಣಾನುದನತೋಽನೂದನಿತಿ ।
ಅಥ ಪೃಷ್ಟಾಃನಿ ।
ಇನ್ದ್ರಿ ಯಂ ವೈ ವೀರ್ಯಂ ಪೃಷ್ಠಾನಿ ।
ತಸ್ಮಾದ್ಯೇ ಕೇ ಚಾನೂಕಭಾಜೋ ಗೋರಶ್ವಸ್ಯ ಪುರುಷಸ್ಯ ತೇಷಾಮನೂಕಮೇವ ಬಲಿಷ್ಠಮ್ ।
ಇನ್ದ್ರಿ ಯಂ ಹ್ಯೇತದ್ವೀರ್ಯಂ ಯತ್ಪೃಷ್ಠಾನಿ ।
ತಾನಿ ಬೃಹತೀಷು ಭವನ್ತಿ ।
ತಸ್ಮಾದಿಮಾ ಬೃಹತೀರಿವ ಕೀಕಸಾ ಬೃಹತೀರಿವ ಪಶವಃ ಪೃಷ್ಠಮಭಿಸಮಾಯನ್ತಿ ।
ಅಥಾರ್ಭವಸ್ಯ ಪವಮಾನಸ್ಯ ಗಾಯತ್ರೀ ।
ಯೋಽಯಂ ಪ್ರಾಣ ಏಷ ಏವ ಸಃ ।
ತಸ್ಯಾಂ ದ್ವೇ ಸಾಮನೀ ।
ತಸ್ಮಾದ್ದ್ವಯಂ ಪ್ರಾಣೇನ ಕರೋತಿ ಪ್ರಾಣ್ಯಾಪಾನಿತಿ ।
ನಾನಾ ಪ್ರಸ್ತಾವೌ ನಾನಾ ನಿಧನೇ ಹಿಂಕಾರೋಽನ್ತರೇಣ ।
ತಸ್ಮಾನ್ನೇತರ ಇತರಮನುನಿನರ್ದತಿ ನೇತರ ಇತರಮ್ ।
ಏತೇನ ಹಿ ತದ್ವಿಹೃತಮ್ ।
ಅಥೋಷ್ಣಿಕ್ಕಕುಭೌ ।
ಚಕ್ಷುಷೀ ತೇ ।
ಸಮಾನಂ ಛನ್ದಃ ।
ದ್ವೇ ಸಾಮನೀ ।
ತಸ್ಮಾದ್ದ್ವೇ ಅಕ್ಷ್ಯೌ ಸಮಾನಂ ಪಶ್ಯತಃ ।
ತ್ರಿಪದೋರೃಚೋರ್ಭವತಃ ।
ತಸ್ಮಾತ್ತ್ರಿವೃಚ್ಚಕ್ಷುಶ್ಶುಕ್ಲಂ ಕೃಷ್ಣಂ ಕನೀನಿಕಾ ।
ಪರೋವರೀ ಯಸ್ಯೋರೃಚೋರ್ಭವತಃ ।
ತಸ್ಮಾತ್ಪರೋವರೀಯಃ ಪುರುಷಃ ಪಶ್ಯತಿ ।
ನಾನಾ ಪ್ರಸ್ತಾವೋ ನಾನಾ ನಿಧನೇ ಹಿಂಕಾರೋಽನ್ತರೇಣ ।
ತಸ್ಮಾನ್ನಾನಾವೀರ್ಯೇ ಚಕ್ಷುಷೀ ।
ಅಥಾನುಷ್ಟುಭ್ ।
ವಾಗೇವ ಸಾ ।
ತಸ್ಯಾಂ ದ್ವೇ ಸಾಮನೀ ।
ತಸ್ಮಾದ್ದ್ವಯಂ ವಾಚಾ ಕರೋತ್ಯನ್ನಂ ಚೈನಯಾತ್ತಿ ವದತಿ ಚ ।
ನಾನಾ ಪ್ರಸ್ತಾವೋ ನಾನಾ ನಿಧನೇ ಹಿಂಕಾರೋಽನ್ತರೇಣ ।
ತಸ್ಮಾನ್ನ ಸರ್ವಂ ಸತ್ಯಂ ವಾಚಾ ವದತಿ ನ ಸರ್ವಮನೃತಮ್ ।
ಏತೇನ ಹಿ ತದ್ವಿಹೃತಮ್ ।
ಅಥ ಜಗತೀ ।
ಶ್ರೋತ್ರಮೇವ ತತ್ ।
ತಸ್ಯಾಮೇಕಂ ಸಾಮ ।
ತಸ್ಮಾದೇತೇನೈಕಮೇವ ಶ್ರೋತ್ರೇಣ ಕರೋತಿ ಯದೇವ ಶ್ರ್ಣೋತಿ ।
ಚತುಷ್ಪದಾಯಾಮೃಚಿ ಭವತಿ ।
ತಸ್ಮಾತ್ಸಮಾನತ್ರ ಸನ್ಸರ್ವಾ ಅನು ದಿಶಶ್ಶೃಣೋತಿ ।
ಅಪಿ ಪರಾಙ್ಯನ್ಪಶ್ಚಾದ್ವದತಶ್ಶೃಣೋತಿ ।
ಅಥ ಯಜ್ಞಾಯಜ್ಞೀಯಮ್ ।
ಶಿರ ಏವ ತತ್ ।
ಅಧ್ಯೂಢಂ ವಾ ಏತದನ್ಯೇಷ್ವಙ್ಗೇಷು ಯಚ್ಛಿರಃ ।
ಅಧ್ಯೂಢಮನ್ಯೇಷು ಸ್ತೋತ್ರೇಷು ಯಜ್ಞಾಯಜ್ಞೀಯಮ್ ।
ಅಧ್ಯೂಢೋಽನ್ಯೇಷು ಸ್ವೇಷು ಭವತಿ ಯ ಏವಂ ವೇದ ।
ಉಪರಿ ವಾ ಏತದನ್ಯೇಭ್ಯೋಽಙ್ಗೇಭ್ಯೋ ಯಚ್ಛಿರಃ ।
ಉಪರ್ಯನ್ಯೇಭ್ಯಃ ಸ್ತೋತ್ರೇಭ್ಯೋ ಯಜ್ಞಾಯಜ್ಞೀಯಮ್ ।
ಉಪರ್ಯನ್ಯೇಭ್ಯಃ ಸ್ವೇಭ್ಯೋ ಭವತಿ ಯ ಏವಂ ವೇದ ।
ಸ ಏಷೋಽಪಹತಪಾಪ್ಮಾ ಯಜ್ಞ ಏವ ಪ್ರತ್ಯಕ್ಷಮ್ ।
ತಸ್ಯ ಹ ನೋಪವದಂಶ್ಚ ನ ಪಾಪಂ ಕರ್ತಾಸ್ತಿ ।
ಯದ್ಯೇನಂ ಬಹಿಷ್ಪವಮಾನೇಽನುವ್ಯಾಹರೇದ್ಯಜ್ಞಸ್ಯ ರೇತಃ ಸಿಕ್ತಮಚೀಕ್ಳ್ಪಂ ಯಜ್ಞಮಾರೋಽರೇತಸ್ಕಾ ತೇ ಪ್ರಜಾ ಭವಿಷ್ಯತೀತ್ಯೇನಂ ಬ್ರೂಯಾತ್ ।
ಯದ್ಯೇನಮೇಕದೇವತ್ಯ ಆಜ್ಯೇಽನುವ್ಯಾಹರೇದ್ಯಜ್ಞಸ್ಯ ಪ್ರೇತಿಮಚೀಕ್ಳ್ಪಂ ಯಜ್ಞಮಾರಃ ಪ್ರೇತ್ಯ ಜನೇ ಮರಿಷ್ಯಸೀತ್ಯೇನಂ ಬ್ರೂಯಾತ್ ।
ಯದ್ಯೇನಂ ದ್ವಿದೇವತ್ಯ ಆಜ್ಯೇಽನುವ್ಯಾಹರೇದ್ಯಜ್ಞಸ್ಯ ಪ್ರತಿಷ್ಠಾಮಚೀಕ್ಳ್ಪಂ ಯಜ್ಞಮಾರೋಽಪ್ರತಿಷ್ಟಿಃತೋ ಭವಿಷ್ಯಸೀತ್ಯೇನಂ ಬ್ರೂಯಾತ್ ।
ಯದ್ಯೇನಂ ಮಾಧ್ಯಂದಿನಸ್ಯ ಪವಮಾನಸ್ಯ ಗಾಯತ್ರ್! ಯಾಮನುವ್ಯಾಹರೇದ್ಯಜ್ಞಸ್ಯಾವಾಞ್ಚಂ ಪ್ರಾಣಮಚೀಕ್ಳ್ಪಂ ಯಜ್ಞಮಾರೋ ವಿಘಾತಸ್ತ್ವಾ ಹನಿಷ್ಯತೀತ್ಯೇನಂ ಬ್ರೂಯಾತ್ ।
ಅಥೋ ಹ ಬ್ರೂಯಾದವಸ್ರಾವಸ್ತ್ವಾ ಹನಿಷ್ಯತೀತಿ ।
ಯದ್ಯೇನಂ ಬೃಹತ್ಯಾಮನುವ್ಯಾಹರೇದ್ಯಜ್ಞಸ್ಯ ಶಿಶ್ನಮಚೀಕ್ಳ್ಪಂ ಯಜ್ಞಮಾರೋ ಮೂತ್ರಗ್ರಾಹಸ್ತ್ವಾ ಹನಿಷ್ಯತೀತ್ಯೇನಂ ಬ್ರೂಯಾತ್ ।
ಅಥೋ ಹ ಬ್ರೂಯಾದರೇತಸ್ಕೋ ಭವಿಷ್ಯಸೀತಿ ।
ಯದ್ಯೇನಂ ತ್ರಿಷ್ಟುಭ್ಯನುವ್ಯಾಹರೇದ್ಯಜ್ಞಸ್ಯ ನಾಭಿಮಚೀಕ್ಳ್ಪಂ ಯಜ್ಞಮಾರ ಉದಾವರ್ತಸ್ತ್ವ ಹನಿಷ್ಯತೀತ್ಯೇನಂ ಬ್ರೂಯಾತ್ ।
ಯದ್ಯೇನಂ ಪೃಷ್ಠೇಷ್ವನುವ್ಯಾಹರೇದ್ಯಜ್ಞಸ್ಯೇನ್ದ್ರಿ ಯಂ ವೀರ್ಯಮಚೀಕ್ಳ್ಪಂ ಯಜ್ಞಮಾರೋ ವಜ್ರಸ್ತ್ವಾ ಹನಿಷ್ಯತೀತ್ಯೇನಂ ಬ್ರೂಯಾತ್ ।
ಅಥೋ ಹ ಬ್ರೂಯಾದನಾಜ್ಞಾತವಧಸ್ತ್ವಾ ಹನಿಷ್ಯತೀತಿ ೨೫೪

ಯದ್ಯೇನಮಾರ್ಭವಸ್ಯ ಪವಮಾನಸ್ಯ ಗಾಯತ್ರ್! ಯಾಮನುವ್ಯಾಹರೇದ್ಯಜ್ಞಸ್ಯ ಪ್ರಾಣಮಚೀಕ್ಳ್ಪಂ ಯಜ್ಞಮಾರಃ ಪ್ರಾಣಸ್ತ್ವಾ ಹಾಸ್ಯತೀತ್ಯೇನಂ ಬ್ರೂಯಾತ್ ।
ಅಥೋ ಹ ಬ್ರೂಯಾತ್ಪ್ರಮಾಯುಕೋ ಭವಿಷ್ಯಸೀತಿ ।
ಯದ್ಯೇನಮುಷ್ಣಿಕ್ಕಕುಭೋರನುವ್ಯಾಹರೇದ್ಯಜ್ಞಸ್ಯ ಚಕ್ಷುಷೀ ಅಚೀಕ್ಳ್ಪಂ ಯಜ್ಞಮಾರೋಽನ್ಧೋ ಭವಿಷ್ಯಸೀತ್ಯೇನಂ ಬ್ರೂಯಾತ್ ।
ಯದ್ಯೇನಮನುಷ್ಟುಭ್ಯನುವ್ಯಾಹರೇದ್ಯಜ್ಞಸ್ಯ ವಾಚಮಚೀಕ್ಳ್ಪಂ ಯಜ್ಞಮಾರೋ ವಾಕ್ತೇಽಪಕ್ರಮಿಷ್ಯತೀತ್ಯೇನಂ ಬ್ರೂಯಾತ್ ।
ಅಥೋ ಹ ಬ್ರೂಯಾದಶನಯಾ ಮರಿಷ್ಯಸೀತಿ ।
ಯದ್ಯೇನಂ ಜಗತ್ಯಾಮನುವ್ಯಾಹರೇದ್ಯಜ್ಞಸ್ಯ ಶ್ರೋತ್ರಮಚೀಕ್ಳ್ಪಂ ಯಜ್ಞಮಾರೋ ಬಧಿರೋ ಭವಿಷ್ಯಸೀತ್ಯೇನಂ ಬ್ರೂಯಾತ್ ।
ಯದ್ಯೇನಂ ಯಜ್ಞಾಯಜ್ಞೀಯೇಽನುವ್ಯಾಹರೇದ್ಯಜ್ಞಸ್ಯ ಶಿರೋಽಚೀಕ್ಳ್ಪಂ ಯಜ್ಞಮಾರಶ್ಶಿರಸ್ತೇ ವಿಪತಿಷ್ಯತೀತ್ಯೇನಂ ಬ್ರೂಯಾತ್ ೨೫೫

ಏತೇ ಹ ವೈ ಪ್ರತಿವ್ಯಾಹಾರಾಃ ।
ನ ಹೈವಂವಿದ್ಯಜ್ಞಿಯಾಮಾರ್ತಿಮಾರ್ಛತಿ ।
ಯ ಏವೈನಮುಪವದತಿ ಸ ಆರ್ತಿಮಾರ್ಛತಿ ।
ಸ ಯ ಏನಮುಪವದೇತ್ತಂ ಬ್ರೂಯಾತ್ಪೂರ್ಣಮೇವಾಹಮೇತಂ ಸಾಙ್ಗಂ ಸತನುಂ ಸರ್ವಂ ಯಜ್ಞಂ ವೇದ ಸ ಯತ್ತ್ವಮತ್ರೋನಂ ವೇತ್ಥ ತತ್ತ್ವಯೈವಾಪಿದಧಾನೀತಿ ।
ಸ ಏವಾರ್ತಿಮಾರ್ಛತಿ ಯ ಏವಂ ವಿದ್ವಾಂಸಮುಪವದತಿ ।
ಸ ಏಷ ಪ್ರಜಾಪತಿರಗ್ನಿಷ್ಟೋಮೋಽಮೂಮೇಕವಿಂಶೀಂ ಯಜ್ಞಾಯಜ್ಞೀಯಸ್ಯಾಸು ಬಹಿಷ್ಪವಮಾನೀಸು ನವಸು ಪ್ರತ್ಯುಪಧಾಯ ಶಯ ಏತಾ ದ್ವಿಷ್ಟನಾ ವಿರಾಜೋ ದುಹಾನಃ ಪಞ್ಚ ಪಞ್ಚದಶಾನಿ ಪಞ್ಚ ಸಪ್ತದಶಾನಿ ।
ತಾ ಏವ ಪಞ್ಚ ದ್ವಾತ್ರಿಂಶಿನೀರ್ವಿರಾಜಃ ।
ದುಹ್ರೇ ಹ ವೈ ವಿರಾಜಂ ಸರ್ವಾನ್ಕಾಮಾನ್ಯ ಏವಂ ವೇದ ।
ನ ಹೈವಂವಿದೋಽನೃತಂ ಚನ ವದತೋ ಯಜ್ಞಃ ಸ್ರವತಿ ।
ಸ್ರವತಿ ಹ ವಾ ಅನೃತಂ ವದತೋ ಯಜ್ಞೋಽಥೋ ಹ ಪೂಯತಿ ।
ನೋ ಹ ತ್ವೇವಂವಿದೋ ಯಜ್ಞಃ ಸ್ರವತಿ ನ ಪೂಯತಿ ।
ತಸ್ಮಾತ್ಕುರುಪಞ್ಚಾಲಾ ದ್ವಿಷ್ಟನಾಂ ದುಹ್ರೇ ।
ಪ್ರಜಾಪತೇರ್ಹಿ ಸಾ ।
ತಸ್ಮಾದ್ವನ್ಯ ಉದನ್ತಾ ನ ದುಹ್ರೇ ।
ನ ಹಿ ತೇ ತಾಂ ವಿದುಃ ।
ತಸ್ಮಾದ್ವನ್ಯ ಉದನ್ತಾ ಅಶನಾಯುಕತರಾ ಇವ ಸ ಏಷ ಪ್ರಜಾಪತಿರಗ್ನಿಷ್ಟೋಮಃ - ೨೫೬

- ಪರಿಮಣ್ಡಲೋ ಭೂತ್ವಾನನ್ತೋ ಭೂತ್ವಾ ಶಯೇ ।
ತದನುಕೃತೀದಮಪ್ಯನ್ಯಾ ದೇವತಾ ಪರಿಮಣ್ಡಲಾಃ ।
ಪರಿಮಣ್ಡಲ ಆದಿತ್ಯಃ ಪರಿಮಣ್ಡಲಶ್ಚನ್ದ್ರ ಮಾಃ ಪರಿಮಣ್ಡಲಾ ದ್ಯೌಃ ಪರಿಮಣ್ಡಲಮನ್ತರಿಕ್ಷಂ ಪರಿಮಣ್ಡಲೇಯಂ ಪೃಥಿವೀ ।
ಅಪಿ ಯದಿದಂ ಪುರುಷೇ ದಿವ್ಯಂ ತತ್ಪರಿಮಣ್ಡಲಮ್ ।
ಏತಸ್ಯೈವ ನ್ಯಙ್ಗಮನುನ್ಯಞ್ಜಾನಃ ಪರಿಮಣ್ಡಲಾಂ ಮಹತೀಮನನ್ತಾಂ ಶ್ರಿಯಂ ಜಯತಿ ಯ ಏವಂ ವೇದ ।
ಸ ಏಷ ಯಜ್ಞ ಊರ್ಧ್ವ ಏವ ಪುರುಷಮನ್ವಾಯತ್ತಃ ।
ತಸ್ಯ ಪಾದಾವೇವ ಬಹಿಷ್ಪವಮಾನಮ್ ।
ಇಮಾನ್ಯೇವ ಚತ್ವಾರ್ಯೂರ್ವಷ್ಠೀವಾನ್ಯಾಜ್ಯಾನಿ ।
ಯದರ್ವಾಚೀನಂ ನಾಭೇಃ ಸ ತ್ರಿಛನ್ದಾ ಮಾಧ್ಯಂದಿನಃ ।
ಪೃಷ್ಠಾನ್ಯೇವ ಪೃಷ್ಠಾನಿ ।
ಅಯಮಾರ್ಭವ ಇದಮಗ್ನಿಷ್ಟೋಮಸಾಮ ।
ತದ್ಧ ನಗರಿಣಂ ದಾಲ್ಭ್ಯಂ ಬ್ರಾಹ್ಮಣಃ ಪಪ್ರಚ್ಛ ಕದ್ರ ಯ್ಙ್ಯಜ್ಞ ಇತಿ ।
ಸ ಹೋವಾಚೋರ್ಧ್ವ ಏವ ಪುರುಷಮನ್ವಾಯತ್ತ ಇತಿ ।
ಏವಂ ಹ ತದುವಾಚ ।
ಸ ಯ ಏವಮೇತದೂರ್ಧ್ವಮಾತ್ಮನ್ಯಜ್ಞಂ ತಾಯಮಾನಂ ವೇದೋರ್ಧ್ವ ಏವ ಪ್ರಜಯಾ ಪಶುಭೀ ರೋಹನ್ನೇತಿ ।
ಯ ಉ ಏನಂ ಪ್ರತ್ಯಞ್ಚಂ ವೇದ ಪ್ರತ್ಯಙ್ಭೂತಿರ್ಭವತಿ ।
ತಸ್ಯೇದಮೇವ ಬಹಿಷ್ಪವಮಾನಮಿಮಾನ್ಯಾಜ್ಯಾನ್ಯಯಂ ಮಾಧ್ಯಂದಿನಃ ಪೃಷ್ಠಾನ್ಯೇವ ಪೃಷ್ಠಾನ್ಯಯಮಾರ್ಭವಃ ಪ್ರತಿಷ್ಠೈವ ಯಜ್ಞಾಯಜ್ಞೀಯಮ್ ।
ಪ್ರತ್ಯಙ್ಭೂತಿರ್ಭವತಿ ।
ಯ ಏವಮೇತಾವಾತ್ಮನ್ಯಜ್ಞೌ ತಾಯಮಾನೌ ವೇದೋಪ ಹೈನಂ ಯಜ್ಞೌ ನಮತಃ ೨೫೭

ತಸ್ಯೈಷ ಶ್ಲೋಕಃ

ಯದಸ್ಯ ಪೂರ್ವಮಪರಂ ತದಸ್ಯ

ಯದ್ವಸ್ಯಾಪರಂ ತದ್ವಸ್ಯ ಪೂರ್ವಮ್

ಅಹೇರಿವ ಸರ್ಪಣಂ ಶಾಕಲಸ್ಯ

ನ ವಿಜಾನಾಮಿ ಯತರತ್ಪುರಸ್ತಾತ್
ಇತಿ ।
ಶಕಲೋ ಹ ಗೌಪಾಯನೋ ಯಜ್ಞಂ ಮಿಮಾನ ಇಯಾಯ ।
ಸ ಹ ಸ್ಮೈತನ್ನ ವಿಜಾನಾತಿ ಕತರದ್ಯಜ್ಞಸ್ಯ ಪೂರ್ವಂ ಕತರದಪರಂ ಕತರದಣೀಯಃ ಕತರದ್ಸ್ಥವೀಯ ಇತಿ ।
ತದಾಹುಃ ಕುತೋ ಯಜ್ಞಸ್ಯಾನಿಷ್ಠಮಿತಿ ।
ಯತೋ ವರಿಷ್ಠಮಿತಿ ।
ಕುತೋ ವರಿಷ್ಠಮಿತಿ ।
ಯತೋಽಣಿಷ್ಠಮಿತಿ ।
ಬಹಿಷ್ಪವಮಾನಂ ವಾವ ಪ್ರತಿ ಯಜ್ಞೋಽಣಿಷ್ಠಃ ।
ತದಿದಂ ಪಾದಾವವೋಚತ್ ।
ಪಾದೌ ವೈ ಪ್ರತಿ ಪುರುಷೋಽಣಿಷ್ಠಃ ।
ತದ್ವೈ ವರಿಷ್ಠಃ ।
ಪದ್ಭ್ಯಾಂ ಹ್ಯೇತಿ ।
ಕುತೋ ವರಿಷ್ಠ ಇತಿ ।
ಯತೋಽಣಿಷ್ಠ ಇತಿ ।
ಯಜ್ಞಾಯಜ್ಞೀಯಂ ವಾವ ಪ್ರತಿ ಯಜ್ಞೋಽಣಿಷ್ಠಃ ।
ತದಿದಂ ಶಿರೋಽವೋಚತ್ ।
ಶಿರೋ ವೈ ಪ್ರತಿ ಪುರುಷೋಽಣಿಷ್ಠಃ ।
ತದ್ವೈ ವರಿಷ್ಠಃ ।
ಅಕ್ಷಿಭ್ಯಾಂ ಹಿ ಪಶ್ಯನ್ನೇತಿ ।
ತದಾಹುರ್ಯದೂರ್ಧ್ವೋ ಯಜ್ಞಸ್ತಾಯೇತ ದೇವಾ ಏವ ಜೀವೇಯುರ್ನ ಮನುಷ್ಯಾಃ ।
ಯದರ್ವಾಙ್ತಾಯೇತ ಮನುಷ್ಯಾ ಏವ ಜೀವೇಯುರ್ನ ದೇವಾ ಇತಿ ।
ಊರ್ಧ್ವಶ್ಚ ಹ ವೈ ಯಜ್ಞಸ್ತಾಯತೇಽರ್ವಾಙ್ಚಾಥೋ ಹ ತಿರ್ಯಙ್ ।
ತದ್ಯತ್ಪೃಚ್ಛೇಯುಃ ಕದ್ರ ಯ್ಙ್ಯಜ್ಞ ಇತ್ಯೂರ್ಧ್ವ ಇತಿ ಬ್ರೂಯಾದಥೋ ಅರ್ವಾಙಿತ್ಯಥೋ ತಿರ್ಯಙ್ಙಿತಿ ।
ಸರ್ವಾ ಏವ ದಿಶ ಇತಿ ಬ್ರೂಯಾತ್ ।
ಸರ್ವಾ ಉ ಹ ವೈ ಏವಂವಿದೋ ಯಜ್ಞಸ್ತತೋ ಭವತಿ ।
ಕುರುಪಞ್ಚಾಲಾ ಹ ಬ್ರಹ್ಮೋದ್ಯಮೂದಿರೇ ।
ತೇ ಹ ಶ್ವಾನಂ ಸಂವೇಷ್ಟಿತಂ ಶಯಾನಮುಪೇಯುಃ ।
ತೇ ಹೋಚುರಸ್ಮಿನ್ನ್ವೇವ ನೋ ವಿಜಯೋಽಧ್ಯಸ್ತ್ವಿತಿ ।
ತೇ ಹ ಪಞ್ಚಾಲಾಃ ಕುರೂನ್ಪಪ್ರಚ್ಛುಃ ಕಿಮಸ್ಯ ಯಜ್ಞಸ್ಯೇವೇತಿ ।
ತದ್ಧ ನ ಪ್ರತ್ಯೂಚುಃ ।
ಸ ಹೋವಾಚ ವಸಿಷ್ಠಶ್ಚೈಕಿತಾನೇಯೋ ಯಥಾ ವಾ ಅಸಾವದೋಽಮೂಮೇಕವಿಂಶೀಂ ಯಜ್ಞಾಯಜ್ಞೀಯಸ್ಯಾಸು ಬಹಿಷ್ಪವಮಾನೀಷು ನವಸು ಪ್ರತ್ಯುಪಧಾಯ ಶಯ ಏವಂ ವಾ ಅಯಮಿದಮುಭಾವನ್ತೌ ಸಂಧಾಯ ಶಯೇ ।
ತಸ್ಯ ವಾ ಅಯಂ ಯಜ್ಞಕ್ರತೋರನಯಾ ಶಯ್ಯಯೋ ರೂಪಂ ನಿಗಚ್ಛತೀತಿ ।
ತಸ್ಮಾದಿದಮನರ್ಥ್ಯಂ ಸನ್ತಂ ಬಿಭೃತೇತಿ ।
ತೇನ ಹ ಜಿಗ್ಯುಃ ೨೫೮

ದ್ವಿರ್ಹ ವೈ ಯಜಮಾನೋ ಜಾಯತೇ ಮಿಥುನಾದನ್ಯಜ್ಜಾಯತೇ ಯಜ್ಞಾದನ್ಯತ್ ।
ತದ್ಯನ್ಮಿಥುನಾಜ್ಜಾಯತೇ ತದಸ್ಮೈ ಲೋಕಾಯ ಜಾಯತೇ ।
ಅಥ ಯದ್ಯಜ್ಞಾಜ್ಜಾಯತೇ ತದಮುಷ್ಮೈ ಲೋಕಾಯ ಜಾಯತೇ ಗನ್ಧರ್ವಲೋಕಾಯ ಜಾಯತೇ ದೇವಲೋಕಾಯ ಜಾಯತೇ ಸ್ವರ್ಗಲೋಕಾಯ ಜಾಯತೇ ।
ಯಜ್ಞೋ ವೈ ಯಜಮಾನೋ ಯಜ್ಞಃ ಸೋಮೋ ರಾಜಾ ।
ತದ್ಯದ್ಧವಿರ್ಧಾನೇ ಗ್ರಾವಭಿಸ್ಸೋಮಂ ರಾಜಾನಮಭಿಷುಣ್ವನ್ತಿ ಯಜಮಾನಮೇವ ತದ್ರೇ ತಃ ಕುರ್ವನ್ತಿ ।
ಪ್ರಜಾಪತಿರೇಷ ಯದುದ್ಗಾತಾ ।
ಸ ತ್ವಷ್ಟಾ ಸ ರೇತಸಃ ಸೇಕ್ತಾ ಸ ರೂಪಾಣಾಂ ವಿಕರ್ತಾ ।
ತದ್ಯದ್ಬಹಿಷ್ಪವಮಾನೇ ರೇತಸ್ಯಾಂ ಗಾಯತಿ ಯಜಮಾನಮೇವ ತದ್ರೇ ತೋ ಭೂತಂ ಸಿಞ್ಚತಿ ।
ಯದೃಚಮಸಾಮ್ನೀಂ ಗಾಯೇದಸ್ಥ್ಯೇವ ಜಾಯತೇ ನ ಮಾಂಸಮ್ ।
ಯತ್ಸಾಮಾನೃಚಂ ಗಾಯೇನ್ಮಾಂಸಮೇವ ಜಾಯತೇ ನಾಸ್ಥಿ ।
ಋಚಂ ಸಾಮ್ನಾಭಿಲಿಪ್ತಾಂ ಗಾಯತಿ ।
ತಸ್ಮಾಲ್ಲೋಮ್ನಾ ತ್ವಚಾ ಮಾಂಸೇನ ಪುರುಷೋಽಭಿಲಿಪ್ತೋ ಜಾಯತೇ ।
ತಸ್ಯಾಂ ನ ಹಿಂಕುರ್ಯಾತ್ ।
ಯದ್ಧಿಂಕುರ್ಯಾದ್ವಜ್ರೇಣ ಹಿಂಕಾರೇಣ ರೇತೋ ವಿಚ್ಛಿನ್ದ್ಯಾತ್ ।
ಯೋ ಹಿ ತದಪಿ ವಾಲೇನ ವೀಯಾತ್ಸ ಏವೈನದ್ವಿಚ್ಛಿನ್ದ್ಯಾತ್ ।
ತಾಮಧೀಯನ್ಗಾಯೇತ್ ।
ಯದನಧೀಯನ್ಗಾಯೇದರೇತಸ್ಕಾ ಗರ್ಭಾ ಜಾಯೇರನ್ ।
ಅರೇತಸ್ಕಾ ಹ ವೈ ದುರುದ್ಗಾತುರ್ವರ್ತನ್ಯಾಂ ಗರ್ಭಾ ಜಾಯನ್ತೇ ೨೫೯

ಗಾಯತ್ರೀಂ ಗಾಯತಿ ।
ಪ್ರಾಣೋ ವೈ ಗಾಯತ್ರೀ ।
ತಸ್ಯೈ ದ್ವೇ ಅಕ್ಷರೇ ವ್ಯತಿಷಜತಿ ।
ಪ್ರಾಣಾಪಾನಾವೇವ ತದ್ವ್ಯತಿಷಜತಿ ।
ತಸ್ಮಾತ್ಪ್ರಾಣಾಪಾನೌ ತದ್ವ್ಯತಿಷಕ್ತೌ ಪ್ರಜಾ ಅನುಸಂಚರತ ಆ ಚ ಪರಾ ಚಾಯಾತಯಾಮಾನೌ ।
ತಾಮಧೀಯನ್ಗಾಯೇತ್ ।
ಯದನಧೀಯನ್ಗಾಯೇನ್ಮೃತಾ ಗರ್ಭಾ ಜಾಯೇರನ್ ।
ಮೃತಾ ಹ ವೈ ದುರುದ್ಗಾತುರ್ವರ್ತನ್ಯಾಂ ಗರ್ಭಾ ಜಾಯನ್ತೇ ।
ತ್ರಿಷ್ಟುಭಂ ಗಾಯತಿ ।
ಚಕ್ಷುರ್ವೈ ತ್ರಿಷ್ಟುಪ್ ।
ತಸ್ಯೈ ದ್ವೇ ಅಕ್ಷರೇ ದ್ಯೋತಯತಿ ।
ಚಕ್ಷುಷೀ ಏವ ತದ್ದಧಾತಿ ।
ತಸ್ಮಾದ್ಯುಕ್ತೇ ಇವ ಚಕ್ಷುಷೀ ।
ತಾಮಧೀಯನ್ಗಾಯೇತ್ ।
ಯದನಧೀಯನ್ಗಾಯೇದನ್ಧಾ ಗರ್ಭಾ ಜಾಯೇರನ್ ।
ಅನ್ಧಾ ಹ ವೈ ದುರುದ್ಗಾತುರ್ವರ್ತನ್ಯಾಂ ಗರ್ಭಾ ಜಾಯನ್ತೇ ।
ಜಗತೀಂ ಗಾಯತಿ ।
ಶ್ರೋತ್ರಂ ವೈ ಜಗತೀ ।
ತಸ್ಯೈ ಚತ್ವಾರ್ಯಕ್ಷರಾಣಿ ದ್ಯೋತಯತಿ ।
ಶ್ರೋತ್ರಮೇವ ತದ್ದಧಾತಿ ।
ಶ್ರೋತ್ರೇ ದ್ವೇ ಪರಿಶ್ರವಣೇ ದ್ವೇ ।
ತಸ್ಮಾತ್ಸಮಾನತ್ರ ಸನ್ಸರ್ವಾ ಅನುದಿಶಶ್ಶೃಣೋತಿ ।
ಅಪಿ ಪರಾಙ್ಯನ್ಪಶ್ಚಾದ್ವದತಶ್ಶೃಣೋತಿ ।
ತಾಮಧೀಯನ್ಗಾಯೇತ್ ।
ಯದನಧೀಯನ್ಗಾಯೇದ್ಬಧಿರಾ ಗರ್ಭಾ ಜಾಯೇರನ್ ।
ಬಧಿರಾ ಹ ವೈ ದುರುದ್ಗಾತುರ್ವರ್ತನ್ಯಾಂ ಗರ್ಭಾ ಜಾಯನ್ತೇ ।
ಅನುಷ್ಟುಭಂ ಗಾಯತಿ ।
ವಾಗ್ವಾ ಅನುಷ್ಟುಪ್ ।
ತಾಮರ್ವಾಚೀಮಭಿನುದನ್ಗಾಯತಿ ವಾಚೋಽನಪಕ್ರಾಮಾಯ ।
ಯತ್ಪರಾಚೀಮಪನುದನ್ಗಾಯೇದ್ವಾಚಂ ಪ್ರಧಮೇದ್ವಾಗಸ್ಮಾದಪಕ್ರಾಮುಕಾ ಸ್ಯಾತ್ ।
ತಾಂ ಯದರ್ವಾಚೀಮಭಿನುದನ್ಗಾಯತ್ಯಾತ್ಮನ್ನೇವ ತದ್ವಾಚಂ ಪ್ರತಿಷ್ಠಾಪಯತಿ ।
ತಸ್ಯೈ ನಿರುಕ್ತಂ ಚಾನಿರುಕ್ತಂ ಚ ಪದೇ ಗಾಯತಿ ।
ನಿರುಕ್ತೇನ ವೈ ವಾಚೋ ಭುಞ್ಜತೇಽನಿರುಕ್ತಮಸ್ಯಾ ಉಪಜೀವನೀಯಮ್ ।
ಭುಙ್ಕ್ತೇ ವಾಚೋಪ ಚೈನಂ ಜೀವತಿ ಯ ಏವಂ ವೇದ ।
ಸ ಯನ್ನಿರುಕ್ತಮೇವ ಗಾಯೇದ್ವದೇಯುರೇವ ಪ್ರಜಾ ನ ತೂಷ್ಣೀಮಾಸೀರನ್ ।
ಅಥ ಯದನಿರುಕ್ತಂ ಗಾಯೇತ್ತೂಷ್ಣೀಮೇವ ಪ್ರಜಾ ಆಸೀರನ್ನ ವದೇಯುಃ ।
ಯಸ್ಮಾನ್ನಿರುಕ್ತಂ ಚಾನಿರುಕ್ತಂ ಚ ಪದೇ ಗಾಯತಿ ತಸ್ಮಾತ್ಪ್ರಜಾ ವದನ್ತಿ ಚ ತೂಷ್ಣೀಂ ಚಾಸತೇ ೨೬೦

ತಾಂ ಬಲವದುಪಬ್ದಿಮತೀಂ ನಿಘಾತಂ ಗಾಯೇತ್ ।
ನಿಘ್ನದಿವ ಹ ಖಲು ವಾ ಏತಚ್ಛನ್ದೋ ಯದನುಷ್ಟುಪ್ ।
ಅನುಷ್ಟುಭಾ ವೈ ವಾಚಾ ಛನ್ದಸಾ ದೇವಾ ಅಸುರಾನವಾಚೋಽವಾಘ್ನನ್ ।
ತಾಂ ಯದ್ಬಲವದುಪಬ್ದಿಮತೀಂ ನಿಘಾತಂ ಗಾಯತಿ - ಭ್ರಾತೃವ್ಯೋ ವೈ ಪಾಪ್ಮಾ - ಭ್ರಾತೃವ್ಯಮೇತತ್ಪಾಪ್ಮಾನಮವಾಚಮವಹನ್ತಿ ಶ್ರಿಯಮಾತ್ಮನಾಶ್ನುತೇ ।
ತಾಮಧೀಯನ್ಗಾಯೇತ್ ।
ಯದನಧೀಯನ್ಗಾಯೇದಜಿಹ್ವಾ ಗರ್ಭಾ ಜಾಯೇರನ್ ।
ಅಜಿಹ್ವಾ ಹ ವೈ ದುರುದ್ಗಾತುರ್ವರ್ತನ್ಯಾಂ ಗರ್ಭಾ ಜಾಯನ್ತೇ ।
ಪಙ್ಕ್ತಿಂ ಗಾಯತಿ ।
ಋತವೋ ವೈ ಪಙ್ಕ್ತಿಃ ।
ತಾಂ ಗಾಯತ್ರೀಮೇವ ಪ್ರಸೃತಾಂ ಗಾಯತಿ ।
ತಸ್ಮಾದ್ಗರ್ಭಾ ಜಾಯಮಾನಾಃ ಪ್ರಸಾರ್ಯನ್ತೇ ।
ತಾಮಧೀಯನ್ಗಾಯೇತ್ ।
ಯದನಧೀಯನ್ಗಾಯೇತ್ಸಾಮಿ ಗರ್ಭಾಃ ಪತೇಯುಃ ।
ಸಾಮಿ ಹ ವೈ ದುರುದ್ಗಾತುರ್ವರ್ತನ್ಯಾಂ ಗರ್ಭಾ ಪತನ್ತಿ ।
ಅಥ ಯದೇತದುತ್ತಮಂ ತೃಚಂ ಜನ್ಮೈವ ತತ್ ।
ಪ್ರೈವ ತೇನ ಜನಯತಿ ।
ಮನೋ ವೈ ರೇತಸ್ಯಾ ಪ್ರಾಣೋ ಗಾಯತ್ರೀ ಚಕ್ಷುಸ್ತ್ರಿಷ್ಟುಪ್ಶ್ರೋತ್ರಂ ಜಗತೀ ವಾಗನುಷ್ಟುಪ್ ।
ಸ ಯೋ ಮನೋ ರೇತಸ್ಯೇತಿ ವಿದ್ವಾನುದ್ಗಾಯತಿ ಮಹಾಮನಾ ಮನಸ್ವ್ಯಸ್ಮಾದಾಜಾಯತೇ ।
ಅಥ ಯಃ ಪ್ರಾಣೋ ಗಾಯತ್ರೀತಿ ವಿದ್ವಾನುದ್ಗಾಯತಿ ಸರ್ವಮಾಯುರೇತಿ ।
ಅಥ ಯೋಽಸ್ಮಾದಾಜಾಯತೇ ಸ ಸರ್ವಮಾಯುರೇತಿ ।
ಅಥ ಯಶ್ಚಕ್ಷುಸ್ತ್ರಿಷ್ಟುಬಿತಿ ವಿದ್ವಾನುದ್ಗಾಯತ್ಯಹ್ರೀತಮುಖೀ ಪಶ್ಯೋ ದೃಷ್ಟ್ಯಾಸ್ಮಾದಾಜಾಯತೇ ದರ್ಶನೀಯಃ ।
ಅಥ ಯಶ್ಶ್ರೋತ್ರಂ ಜಗತೀತಿ ವಿದ್ವಾನುದ್ಗಾಯತಿ ಶುಶ್ರೂಷುಶ್ಶ್ರೋತ್ರಿಯೋಽಸ್ಮಾದಾಜಾಯತೇ ಶ್ರವಣೀಯಃ ಅಥ ಯೋ ವಾಗನುಷ್ಟುಬಿತಿ ವಿದ್ವಾನುದ್ಗಾಯತಿ ಶಂಸ್ತೋದ್ಗಾತಾ ವಾಚಾರಾಧ್ಯಸ್ಮಾದಾಜಾಯತೇ - ೨೬೧

- ಸಭೇಯಃ ।
ಏವಂ ಹ್ಯೇತತ್ಕುರುಪಞ್ಚಾಲಾ ಅವಿದುಃ ।
ತಸ್ಮಾತ್ಕುರುಪಞ್ಚಾಲೇಷು ಸರ್ವೈರ್ವೀರೈಃ ಸಹ ವೀರ ಆಜಾಯತೇ ।
ಅಥ ಯರ್ಹ್ಯೇತದುದನ್ತಾಃ ಪುರಾ ನಾವೇದಿಷುಸ್ತಸ್ಮಾದುದನ್ತೇಷು ಪುರಾ ಸರ್ವೈರ್ವೀರೈಃ ಸಹ ವೀರೋ ನಾಜನಿ ।
ಅಥ ಯತ ಇದಮುದನ್ತಾನೇವಂವಿದಶ್ಚ ಸಚನ್ತ ಏವಂವಿದಶ್ಚೈನಾನ್ಯಾಜಯನ್ತಿ ತತೋ ಹಾರ್ವಾಚೀನಮುದನ್ತೇಷು ಸರ್ವೈರ್ವೀರಃ ಸಹ ವೀರ ಆಜಾಯತೇ ।
ಕುರುಪಞ್ಚಾಲಾ ಹ ಬ್ರಹ್ಮೋದ್ಯಮೂದಿರೇ ।
ತೇ ಹ ಪಞ್ಚಾಲಾಃ ಕುರೂನ್ಪಪ್ರಚ್ಛುಃ ಕಿಂ ವಯಂ ತದ್ಯಜ್ಞೇಽಕುರ್ಮ ಯೇನಾಸ್ಮಾಸು ಸರ್ವೈರ್ವೀರೈಃ ಸಹ ವೀರ ಆಜಾಯತ ಇತಿ ।
ತದ್ಧ ನ ಪ್ರತ್ಯೂಚುಃ ।
ತೇನ ಹೈನಾಞ್ಜಿಗ್ಯುಃ ।
ತೇ ಯತ್ಪ್ರತ್ಯವಕ್ಷ್ಯನ್ಯಸ್ಮಾದ್ವಯಮೇವಂವಿದಶ್ಚ ಸ್ಮ ಏವಂವಿದಶ್ಚ ನೋ ಯಾಜಯನ್ತಿ ತೇನಾಸ್ಮಾಸು ಸರ್ವೈರ್ವೀರೈಃ ಸಹ ವೀರ ಆಜಾಯತ ಇತಿ ।
ಸರ್ವೈರ್ಹ ವಾ ಅಸ್ಮಾದ್ವೀರೈಃ ಸಹ ವೀರ ಆಜಾಯತೇ ಯ ಏವಂ ವೇದ ।
ತದಾಹುರ್ವಿಗೇಯಾ ೩ ಧುರಾ ೩ ಧೂರೋ ನ ವಿಗೇಯಾ ೩ ಇತಿ ವಿಗೇಯಾ ೩ ಇತ್ಯಾಹುಃ - । ೨೬೨

ಕುರವಃ ।
ಗಾಯತ್ರಂ ವೈ ಪ್ರಾತಃಸವನಂ ತ್ರೈಷ್ಟುಭಂ ಮಾಧ್ಯಂದಿನಂ ಸವನಂ ಜಾಗತಂ ತೃತೀಯಸವನಮ್ ।
ತದೇವಾನುಷ್ಟುಬನ್ವಾಯತ್ತಾ ।
ಸ ಯದ್ಗಾಯತ್ರೇ ಸತಿ ಪ್ರಾತಃಸವನೇ ಗಾಯತ್ರೀಂ ಗಾಯತಿ - ಬ್ರಹ್ಮ ವೈ ಗಾಯತ್ರೀ ಬ್ರಹ್ಮ ಪ್ರಾತಃಸವನಂ - ಸ್ವ ಏವ ತದಾಯತನೇ ಬ್ರಹ್ಮ ದಧಾತಿ ।
ಅಥ ಯತ್ತ್ರಿಷ್ಟುಭಂ ಗಾಯತಿ - ಕ್ಷತ್ರಂ ವೈ ತ್ರಿಷ್ಟುಪ್ ।
ಏತಾನಿ ವೈ ಕ್ಷತ್ರೇ ಶಿಲ್ಪಾನಿ ಹಸ್ತೀ ನಿಷ್ಕೋಽಶ್ವತರೀರಥೋಽಶ್ವರಥೋ ರುಕ್ಮಃ ಕಂಸಃ - ತಾನ್ಯೇವ ತದಾಹೃತ್ಯ ಬ್ರಹ್ಮಣ್ಯನಕ್ತಿ ।
ಅಥ ಯಜ್ಜಗತೀಂ ಗಾಯತಿ - ವಿಡ್ವೈ ಜಗತೀ ।
ಏತಾನಿ ವೈ ವಿಶಿ ಶಿಲ್ಪಾನಿ ಗೋಽಶ್ವಂ ಹಸ್ತಿಹಿರಣ್ಯಮಜಾವಿಕಂ ವ್ರೀಹಿಯವಾಸ್ತಿಲಮಾಷಾಃ ಸರ್ಪಿಃ ಕ್ಷೀರಂ ರಯಿಃ ಪುಷ್ಟಿಸ್- ತಾನ್ಯೇವ ತದಾಹೃತ್ಯ ಬ್ರಹ್ಮಣ್ಯನಕ್ತಿ ।
ತದೇವಾನುಷ್ಟುಬನ್ವಾಯತ್ತಾ ।
ಅಥ ಯದನುಷ್ಟುಭಂ ಗಾಯತಿ - ಆನುಷ್ಟುಭೋ ವೈ ಶೂದ್ರ ಃ! - ಶೂದ್ರಾ ದೇವ ತದಾಹೃತ್ಯ ಬ್ರಹ್ಮಣ್ಯನಕ್ತಿ ೨೬೩

ತದ್ಯಥಾ ತೂಷ್ಣೀಂ ಕಶನೈರ್ವಿಹನ್ಯಾದೇವಮೇವೈತಾನಿ ಸರ್ವಾಣಿ ಶಿಲ್ಪಾನ್ಯಾಹೃತ್ಯ ಬ್ರಹ್ಮಣ್ಯನಕ್ತಿ ।
ತಸ್ಮಾದ್ವಿಗೇಯಾ ಇತಿ ।
ಯತೋ ಹ ವಾ ಇದಮೇತಾ ವಿಗೀಯನ್ತೇ ತತೋ ಹೇದಂ ಬ್ರಾಹ್ಮಣಾ ಜೀಯನ್ತೇ ।
ಅಥ ಯರ್ಹಿ ಏತಾ ನ ವಿಜಗುರನ್ನಾದ್ಯಾ ಹ ಬ್ರಾಹ್ಮಣಾ ಆಸುಃ ।
ಏಕಾಪಚ್ಚಾದೇವಾ ಹರ್ವಾಶತ ಏಕಶಕಟೇ ವಶೇ ಹಸ್ಮದಮಥಿತ್ವಾ ಸತ್ಯಯಜ್ಞಃ ಪೌಲುಷಿರ್ಯಾತಿ ।
ಅಥ ಯತ ಇದಮೇತಾ ವಿಗೀಯನ್ತೇ ತತೋ ಹೈತಾನಿ ಶಿಲ್ಪಾನಿ ಬ್ರಾಹ್ಮಣೇಷ್ವಧಿಗಮ್ಯನ್ತೇ ।
ಗಾಯತ್ರೀಂ ಪುರಸ್ತಾದ್ಗಾಯತಿ ಗಾಯತ್ರೀಮುಪರಿಷ್ಟಾತ್ ।
ಬ್ರಹ್ಮ ವೈ ಗಾಯತ್ರೀ ।
ಬ್ರಹ್ಮಣೈವ ತದೇತಾನ್ಯ್ ಉಭಯತಶ್ಶಿಲ್ಪಾನಿ ಪರಿಗೃಹ್ಣಾತಿ ।
ಬ್ರಹ್ಮಣಾ ಹೈನಮೇತಾನ್ಯುಭಯತಶ್ಶಿಲ್ಪಾನಿ ಪರಿಗೃಹೀತಾನ್ಯುಪತಿಷ್ಠನ್ತೇ ಯ ಏವಂ ವೇದ ।
ನ ವಿಗೇಯಾ ಇತ್ಯಾಹುಃ ಪಞ್ಚಾಲಾಃ ।
ಸ್ವಯಂ ವಿಗೀತಾ ವಾ ಏತಾ ಯದ್ಧುರಃ ।
ಅನುಸವನಂ ವಾ ಏತಾ ವಿಗಾಯನ್ನಭ್ಯಾರೋಹತಿ ।
ಅಥ ಯದೇನಾನ್ಪಾಪೀ ಕೀರ್ತ್ತಿರನೂತ್ತಿಷ್ಠತಿ ವ್ಯಗಾಸಿಷುರಿತಿ ।
ಯೌ ವೈ ಯುಧ್ಯೇತೇ ಯಾವೃತೀಯೇತೇ ತಾವಾಹುರ್ವ್ಯಗಾಸಿಷ್ಟಾಮಿತಿ ಅಥೋ ಯೇ ರಾಷ್ಟ್ರೇ ವ್ಯವಬಿನ್ಧಾನೇ - ೨೬೪

ತಿಷ್ಠತ ಇತಿ ।
ಗಾಯತ್ರಂ ವೈ ಪ್ರಾತಃಸವನಂ ತ್ರೈಷ್ಟುಭಂ ಮಾಧ್ಯಂದಿನಂ ಸವನಂ ಜಾಗತಂ ತೃತೀಯಸವನಮ್ ।
ತದೇವಾನುಷ್ಟುಬನ್ವಾಯತ್ತಾ ।
ಸ ಯದ್ಗಾಯತ್ರೇ ಸತಿ ಪ್ರಾತಃಸವನೇ ಗಾಯತ್ರೀಂ ಗಾಯತಿ - ಬ್ರಹ್ಮ ವೈ ಗಾಯತ್ರೀ - ಬ್ರಹ್ಮೈವ ತದ್ಬ್ರಾಹ್ಮಣಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಯಾದಿತ್ಸತ ಉಪಜಿಹೀರ್ಷತೇ ।
ಅಥೋ ಅಸ್ಯೈವ ತತ್ ।
ಸ್ವೇಽನು ಹ್ಯೇನಮಾಭಜತಿ ।
ಅಥ ಯತ್ತ್ರಿಷ್ಟುಭಂ ಗಾಯತಿ - ಕ್ಷತ್ರಂ ವೈ ತ್ರಿಷ್ಟುಪ್ಕ್ಷತ್ರಿಯಮೇವ ತದ್ಬ್ರಾಹ್ಮಣಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಯಾದಿತ್ಸತ ಉಪಜಿಹೀರ್ಷತೇ ।
ಅಥೋ ಅಸ್ಯೈವ ತತ್ ।
ಸ್ವೇಽನು ಹ್ಯೇನಮಾಭಜತಿ ।
ಅಥ ಯಜ್ಜಗತೀಂ ಗಾಯತಿ - ವಿಡ್ವೈ ಜಗತೀ - ವೈಶ್ಯಮೇವ ತದ್ಬ್ರಾಹ್ಮಣಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಯಾದಿತ್ಸತ ಉಪಜಿಹೀರ್ಷತೇ ।
ಅಥೋ ಅಸ್ಯೈವ ತತ್ ।
ಸ್ವೇಽನು ಹ್ಯೇನಮಾಭಜತಿ ।
ತದೇವಾನುಷ್ಟುಬನ್ವಾಯತ್ತಾ ।
ಅಥ ಯದನುಷ್ಟುಭಂ ಗಾಯತಿ - ಆನುಷ್ಟುಭೋ ವೈ ಶೂದ್ರ ಃ! - ಶೂದ್ರ ಮೇವ ತದ್ಬ್ರಾಹ್ಮಣಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಯಾದಿತ್ಸತ ಉಪಜಿಹೀರ್ಷತೇ ।
ಅಥೋ ಅಸ್ಯೈವ ತತ್ ।
ಸ್ವೇಽನು ಹ್ಯೇನಮಾಭಜತಿ ।
ಯದ್ಯಾವಿರ್ನಾಥೋ ಪಾಕೇನೈವ ಲಿಪ್ಸತೇ ।
ತಸ್ಮಾನ್ನ ವಿಗೇಯಾ ಇತಿ ।
ಯತೋ ಹ ವಾ ಇದಮೇತಾ ವಿಗೀಯನ್ತೇ ತತೋ ಹೇದಂ ಬ್ರಾಹ್ಮಣಾ ಜೀಯನ್ತೇ ।
ಅಥ ಯರ್ಹ್ಯೇತಾ ನ ವಿಜಗುರಜ್ಯೇಯಾ ಹ ಬ್ರಾಹ್ಮಣಾ ಆಸುಃ ೨೬೫

ಗಾಯತ್ರಂ ವೈ ಪ್ರಾತಃಸವನಂ ತ್ರೈಷ್ಟುಭಂ ಮಾಧ್ಯಂದಿನಂ ಸವನಂ ಜಾಗತಂ ತೃತೀಯಸವನಮ್ ।
ತದೇವಾನುಷ್ಟುಬನ್ವಾಯತ್ತಾ ।
ಸ ಯದ್ಗಾಯತ್ರಂ ಸತ್ಪ್ರಾತಃಸವನಂ ಸರ್ವಮೇವ ಗಾಯತ್ರಂ ಗಾಯತಿ ಬ್ರಹ್ಮಣ ಏವ ತಂ ಕೇವಲಮುದ್ಧಾರಮುದ್ಧರತಿ ।
ಸೋಽಸ್ಯ ಬ್ರಹ್ಮಣಃ ಕೇವಲ ಉದ್ಧಾರ ಉದ್ಧೃತೋ ಭವತಿ ।
ಅಥ ಯತ್ತ್ರೈಷ್ಟುಭಂ ಸನ್ಮಾಧ್ಯಂದಿನಂ ಸವನಂ ಗಾಯತ್ರೇಣೈವಾನುಪ್ರತಿಪದ್ಯತೇ ಬ್ರಾಹ್ಮಣಮೇವ ತತ್ಕ್ಷತ್ರಿಯಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಮೈ ದಿತ್ಸತಿ ಶ್ರದ್ಧಯಾ ಕರ್ಮಣೋಪಚಾರೇಣ ।
ಯದಾ ವೈ ಕ್ಷತ್ರಿಯಂ ಶ್ರದ್ಧಾ ವಿನ್ದತಿ ಬ್ರಾಹ್ಮಣಂ ವಾವ ಸ ತರ್ಹೀಚ್ಛತಿ ।
ಸೋಽಸ್ಮೈ ದದಾತಿ ।
ಅಥ ಯಜ್ಜಾಗತಂ ಸತ್ತೃತೀಯಸವನಂ ಗಾಯತ್ರೇಣೈವಾನುಪ್ರತಿಪದ್ಯತೇ ಬ್ರಾಹ್ಮಣಮೇವ ತದ್ವೈಶ್ಯಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಮೈ ದಿತ್ಸತಿ ಶ್ರದ್ಧಯಾ ಕರ್ಮಣೋಪಚಾರೇಣ ।
ಯದಾ ವೈ ವೈಶ್ಯಂ ಶ್ರದ್ಧಾ ವಿನ್ದತಿ ಬ್ರಾಹ್ಮಣಂ ವಾವ ಸ ತರ್ಹೀಚ್ಛತಿ ।
ಸೋಽಸ್ಮೈ ದದಾತಿ ।
ತದೇವಾನುಷ್ಟುಬನ್ವಾಯತ್ತಾ ।
ಅಥ ಯದನುಷ್ಟುಭಂ ಗಾಯತಿ - ಆನುಷ್ಟುಭೋ ವೈ ಶೂದ್ರ ಃ! - ಬ್ರಾಹ್ಮಣಮೇವ ತಚ್ಛೂದ್ರ ಸ್ಯ ಸ್ವೇಽನ್ವಾಭಜತಿ ।
ಸೋಽಸ್ಮೈ ದಿತ್ಸತಿ ಶ್ರದ್ಧಯಾ ಕರ್ಮಣೋಪಚಾರೇಣ ।
ಯದಾ ವೈ ಶೂದ್ರಂ ಶ್ರದ್ಧಾ ವಿನ್ದತಿ ಬ್ರಾಹ್ಮಣಂ ವಾವ ಸ ತರ್ಹೀಚ್ಛತಿ ।
ಸೋಽಸ್ಮೈ ದದಾತಿ ।
ಕೇವಲಂ ಸ್ವಂ ಕುರುತೇಽಪಿತ್ವೀ ಕ್ಷತ್ರೇ ಭವತ್ಯಪಿತ್ವೀ ವಿಶಿ ।
ಯಾತ್ಯನ್ತಃಸ್ಥಾಂ ನಾನ್ತಃಸ್ಥಾಯಾಂ ಜೀಯತೇ ।
ಉಪ ಹೈನಂ ಶತಂ ಪರಿಸ್ಕನ್ದಾಸ್ತಿಷ್ಠನ್ತೇಽಥೋ ಭೂಯಾಂಸೋ ಯ ಏವಂ ವಿದ್ವಾನ್ಧುರೋ ನ ವಿಗಾಯತೀತಿ ।
ಸ ಯದಿ ವಿಗಾಯೇದದೋ ವಿದ್ವಾನ್ವಿಗಾಯೇತ್ ।
ಯದ್ಯು ನ ವಿಗಾಯೇದಿದಂ ವಿದ್ವಾನ್ನ ವಿಗಾಯೇತ್ ।
ಆರ್ತಿಃ ಸಾ ಯೋಽನ್ಯತರದೇವ ವೇದೇತಿ ಹ ಸ್ಮಾಹ ಶಾಟ್ಯಾಯನಿಃ ೨೬೬

ರೇತಸ್ಯಾಂ ಗಾಯತಿ ।
ರೇತಸ್ತತ್ಸಿಞ್ಚತಿ ।
ತದ್ರೇ ತಃ ಸಿಕ್ತಂ ಗಾಯತ್ರ್! ಯೋದ್ವರ್ಧಯತಿ ವರ್ಷೀಯಸಾ ಛನ್ದಸಾ ।
ತತ್ತ್ರಿಷ್ಟುಭೋದ್ವರ್ಧಯತಿ ವರ್ಷೀಯಸಾ ಛನ್ದಸಾ ।
ತಜ್ಜಗತ್ಯೋದ್ವರ್ಧಯತಿ ವರ್ಷೀಯಸೈವ ಛನ್ದಸಾ ।
ತದ್ಯದ್ವರ್ಷೀಯಸಾ ವರ್ಷೀಯಸಾ ಛನ್ದಸೋದ್ವರ್ಧಯತಿ ತಸ್ಮಾದ್ವರ್ಧಮಾನಸ್ಯ ಭೂಯೋ ಭೂಯೋ ವೀರ್ಯಂ ಭವತಿ ।
ಅನುಷ್ಟುಭಾ ನಿಷ್ಠಂ ಗಚ್ಛತಿ ಹ್ರಸೀಯಸೈವ ಛನ್ದಸಾ ।
ತಸ್ಮಾದುತ್ತರವಯಸೇ ಪ್ರತಿತರಾಮಿವಾವವರ್ಧತೇ ।
ಪಙ್ಕ್ತ್ಯಾ ನಿಷ್ಠಾಂ ಗಚ್ಛತಿ ।
ತಸ್ಮಾತ್ಪಞ್ಚಮೇ ಮಾಸಿ ಗರ್ಭಾ ವಿಕ್ರಿಯನ್ತೇ ।
ಅನುಷ್ಟುಭಾ ವಾಚಾ ನಿಷ್ಠಾಂ ಗಚ್ಛತಿ ।
ತಸ್ಮಾದು ಜೀರ್ಣಸ್ಯ ವಾಚಂ ಶುಶ್ರೂಷನ್ತೇ ।
ಶಿರೋ ವಾ ಏತದ್ಯಜ್ಞಸ್ಯ ಯದ್ಬಹಿಷ್ಪವಮಾನಮ್ ।
ತದ್ವೈ ತತ್ ।
ರೇತಸ್ಯೈವಾಪಿ ಸರ್ವ ಆತ್ಮಾ ಸ ಯದ್ಬಹಿಷ್ಪವಮಾನೇ - ೨೬೭

- ಗಾಯತ್ರೀಂ ಗಾಯತಿ ।
ಪ್ರಾಣೋ ವೈ ಗಾಯತ್ರಃ ।
ಗಾಯತ್ರಂ ಶಿರ ಏವ ।
ತದಾಯತನೋ ವೈ ಪ್ರಾಣೋ ಯಚ್ಛಿರಃ ।
ಸ್ವ ಏವ ತದಾಯತನೇ ಪ್ರಾಣಂ ದಧಾತಿ ।
ತ್ರಿಷ್ಟುಭಂ ಗಾಯತಿ ।
ಚಕ್ಷುರ್ವೈ ತ್ರಿಷ್ಟುಪ್ ।
ತಾಮೇವ ತದಾಹೃತ್ಯ ಶೀರ್ಷನ್ನಿಯುನಕ್ತಿ ।
ಯನ್ನಿಯುನಕ್ತಿ ತಸ್ಮಾನ್ನಿಯುಕ್ತಮಿವ ಚಕ್ಷುಃ ।
ತಾಮನ್ಯತ್ರಾಯತನಾಂ ಸತೀಂ ನಿಯುನಕ್ತಿ ।
ತಸ್ಮಾದುತ ಜೀವತ ಏವ ಚಕ್ಷುರಪಕ್ರಾಮತಿ ।
ಜಗತೀಂ ಗಾಯತಿ ।
ಶ್ರೋತ್ರಂ ವೈ ಜಗತೀ ।
ತಾಮೇವ ತದಾಹೃತ್ಯ ಶೀರ್ಷನ್ನಿಯುನಕ್ತಿ ।
ಯನ್ನಿಯುನಕ್ತಿ ತಸ್ಮಾನ್ನಿಯುಕ್ತಮಿವ ಶ್ರೋತ್ರಂ ।
ತಾಮನ್ಯತ್ರಾಯತನಾಂ ಸತೀಂ ನಿಯುನಕ್ತಿ ತೃತೀಯಸವನಾಯತನಾಮ್ ।
ತಾಂ ಯದನ್ಯತ್ರಾಯತನಾಂ ಸತೀಂ ನಿಯುನಕ್ತಿ ತಸ್ಮಾದುತ ಜೀವತ ಏವ ಶ್ರೋತ್ರಮಪಕ್ರಾಮತಿ ।
ಅನುಷ್ಟುಭಂ ಗಾಯತಿ ।
ವಾಗ್ವಾ ಅನುಷ್ಟುಪ್ ।
ತಾಮೇವ ತದಾಹೃತ್ಯ ಶೀರ್ಷನ್ನಿಯುನಕ್ತಿ ।
ಯನ್ನಿಯುನಕ್ತಿ ತಸ್ಮಾನ್ನಿಯುಕ್ತೇವ ವಾಕ್ ।
ತಾಮನ್ಯತ್ರಾಯತನಾಂ ಸತೀಂ ನಿಯುನಕ್ತಿ ತೃತೀಯಸವನಾಯತನಾಂ ವಾ ಸರ್ವಾಯತನಾಂ ವಾ ।
ತಾಂ ಯದನ್ಯತ್ರಾಯತನಾಂ ಸತೀಂ ನಿಯುನಕ್ತಿ ತಸ್ಮಾದುತ ಜೀವತ ಏವ ವಾಗಪಕ್ರಾಮತಿ ।
ಅಪಾನ್ಯೇ ಪ್ರಾಣಾಃ ಕ್ರಾಮನ್ತಿ ನ ಪ್ರಾಣಃ ೨೬೮

ತದಾಹುಃ ಕಿಂ ತದ್ಯಜ್ಞೇ ಕ್ರಿಯತೇ ಯಸ್ಮಾಜ್ಜೀವತ ಏವಾನ್ಯೇ ಪ್ರಾಣಾ ಅಪಕ್ರಾಮನ್ತಿ ನ ಪ್ರಾಣ ಇತಿ ।
ಸ ಬ್ರೂಯಾದ್ಯಸ್ಮಾತ್ಸ್ವ ಆಯತನೇ ಗಾಯತ್ರೀಂ ಗಾಯತಿ ತಸ್ಮಾದ್ಯಾವಜ್ಜೀವತಿ ತಾವತ್ಪ್ರಾಣೋ ನಾಪಕ್ರಾಮತೀತಿ ।
ಅಥ ಹ ವೈ ಧುರಾಂ ವಿಜ್ಞಾಶ್ಚ ಸಂಜ್ಞಾಶ್ಚ ।
ಮನೋ ವೈ ರೇತಸ್ಯಾ ಪ್ರಾಣೋ ಗಾಯತ್ರೀ ಚಕ್ಷುಸ್ತ್ರಿಷ್ಟುಪ್ಶ್ರೋತ್ರಂ ಜಗತೀ ವಾಗನುಷ್ಟುಪ್ ।
ಮನಸಾ ಸುಹಾರ್ದಸಂ ಚ ದುರ್ಹಾರ್ದಸಂ ಚ ವಿಜಾನಾತಿ ।
ಪ್ರಾಣೇನ ಸುರಭಿ ಚಾಸುರಭಿ ಚ ವಿಜಾನಾತಿ ।
ಚಕ್ಷುಷಾ ದರ್ಶನೀಯಂ ಚಾದರ್ಶನೀಯಂ ಚ ವಿಜಾನಾತಿ ।
ಶ್ರೋತ್ರೇಣ ಶ್ರವಣೀಯಂ ಚಾಶ್ರವಣೀಯಂ ಚ ವಿಜಾನಾತಿ ।
ವಾಚಾ ಸ್ವಾದು ಚಾಸ್ವಾದು ಚ ವಿಜಾನಾತಿ ।
ಏತಾ ಇಹ ವಿಜ್ಞಾಃ ।
ವಿ ಹ ವೈ ಜ್ಞಾಯತೇ ಶ್ರೇಯಾನ್ಭವತಿ ಯ ಏವಂ ವೇದ ।
ತಾ ಉ ಏವ ಸಂಜ್ಞಾಃ ।
ಮನೋ ವೈ ರೇತಸ್ಯಾ ಪ್ರಾಣೋ ಗಾಯತ್ರೀ ಚಕ್ಷುಸ್ತ್ರಿಷ್ಟುಪ್ಶ್ರೋತ್ರಂ ಜಗತೀ ವಾಗನುಷ್ಟುಪ್ ರೇತಸ್ಯಾಯಾಂ ಪ್ರಸ್ತುತಾಯಾಂ ಯಸ್ಯ ಕಾಮಯೇತ - ೨೬೯

ತಸ್ಯ ಮನಸಾ ಮನೋ ಧ್ಯಾಯೇತ್ ।
ಗಾಯತ್ರ್! ಯಾಂ ಪ್ರಸ್ತುತಾಯಾಂ ಯಸ್ಯ ಕಾಮಯೇತ ತಸ್ಯ ಪ್ರಾಣೇನ ಪ್ರಾಣಂ ಧ್ಯಾಯೇತ್ ।
ತ್ರಿಷ್ಟುಭಿ ಪ್ರಸ್ತುತಾಯಾಂ ಯಸ್ಯ ಕಾಮಯೇತ ತಸ್ಯ ಚಕ್ಷುಷಾ ಚಕ್ಷುರ್ಧ್ಯಾಯೇತ್ ।
ಜಗತ್ಯಾಂ ಪ್ರಸ್ತುತಾಯಾಂ ಯಸ್ಯ ಕಾಮಯೇತ ತಸ್ಯ ಶ್ರೋತ್ರೇಣ ಶ್ರೋತ್ರಂ ಧ್ಯಾಯೇತ್ ।
ಅನುಷ್ಟುಭಿ ಪ್ರಸ್ತುತಾಯಾಂ ಯಸ್ಯ ಕಾಮಯೇತ ತಸ್ಯ ವಾಚಾ ವಾಚಂ ಧ್ಯಾಯೇತ್ ।
ಏತಾ ಉ ಹ ಸಂಜ್ಞಾಃ ।
ಸಂ ಹ ವೈ ತೇನ ಜಾನೀತೇ ಯೇನ ಕಾಮಯತೇಽನೇನ ಸಂಜಾನೀಯೇತಿ ಯ ಏವಂ ವೇದ ।
ಅಥೈತಾ ದೇವಧುರಶ್ಚ ಮನುಷ್ಯಧುರಶ್ಚ ಸಂದಧಾತಿ ।
ಮನೋ ವೈ ಮನುಷ್ಯಧೂರಾಪೋ ದೇವಧೂಃ ।
ರೇತಸ್ಯಾಯಾಂ ಪ್ರಸ್ತುತಾಯಾಂ ಮನಸಾಪಃ ಸಂದಧ್ಯಾತ್ ।
ತದನ್ತರಾ ಯಜಮಾನಸ್ಯ ಮನೋಽವಯಾತಯೇತ್ ।
ಪ್ರಾಣೋ ವೈ ಮನುಷ್ಯಧೂರ್ವಾಯುರ್ದೇವಧೂಃ ।
ಗಾಯತ್ರ್! ಯಾಂ ಪ್ರಸ್ತುತಾಯಾಂ ಪ್ರಾಣೇನ ವಾಯುಂ ಸಂದಧ್ಯಾತ್ ।
ತದನ್ತರಾ ಯಜಮಾನಸ್ಯ ಪ್ರಾಣಮವಯಾತಯೇತ್ ।
ಚಕ್ಷುರ್ವೈ ಮನುಷ್ಯಧೂರಾದಿತ್ಯೋ ದೇವಧೂಃ ।
ತ್ರಿಷ್ಟುಭಿ ಪ್ರಸ್ತುತಾಯಾಂ ಚಕ್ಷುಷಾದಿತ್ಯಂ ಸಂದಧ್ಯಾತ್ ।
ತದನ್ತರಾ ಯಜಮಾನಸ್ಯ ಚಕ್ಷುರವಯಾತಯೇತ್ ।
ಶ್ರೋತ್ರಂ ವೈ ಮನುಷ್ಯಧೂರ್ದಿಶೋ ದೇವಧೂಃ ।
ಜಗತ್ಯಾಂ ಪ್ರಸ್ತುತಾಯಾಂ ಶ್ರೋತ್ರೇಣ ದಿಶಃ ಸಂದಧ್ಯಾತ್ ।
ತದನ್ತರಾ ಯಜಮಾನಸ್ಯ ಶ್ರೋತ್ರಮವಯಾತಯೇತ್ ।
ವಾಗ್ವೈ ಮನುಷ್ಯಧೂರ್ಪೃಥಿವೀ ದೇವಧೂಃ ।
ಅನುಷ್ಟುಭಿ ಪ್ರಸ್ತುತಾಯಾಂ ವಾಚಾ ಪೃಥಿವೀಂ ಸಂದಧ್ಯಾತ್ ।
ತದನ್ತರಾ ಯಜಮಾನಸ್ಯ ವಾಚಮವಯಾತಯೇತ್ ।
ಏತದ್ವೈ ದೇವಧುರಶ್ಚ ಮನುಷ್ಯಧುರಶ್ಚ ಸಂದಧಾತೇ ।
ತದ್ವೈ ದೇವಧುರಶ್ಚ ಮನುಷ್ಯಧುರಶ್ಚ ಸಂಧಾಯ ತಂ ಮೃತ್ಯುಂ ತರತಿ ಯಃ ಸ್ವರ್ಗಲೋಕೇ ।
ನ ಹೈವಂವಿತ್ಪುನರ್ಮ್ರಿಯತೇ ।
ದೇವತಾಸ್ವಾತ್ಮಾನಮುಪಸಂದಧಾತಿ ೨೭೦

ಅಥೈತೇಷಾಂ ಮಹತಾಂ ಬ್ರಾಹ್ಮಣಾನಾಂ ಸಮುದಿತಮಾರುಣೇರ್ಜೀವಲಸ್ಯ ಕಾರೀರಾದೇರಷಾಢಸ್ಯ ಸಾವಯಸ್ಯೇನ್ದ್ರ ದ್ಯುಮ್ನಸ್ಯ ಭಾಲ್ಲವೇಯಸ್ಯೇತಿ ।
ಜೀವಲಶ್ಚ ಹ ಕಾರೀರಾದಿರಿನ್ದ್ರ ದ್ಯುಮ್ನಶ್ಚ ಭಾಲ್ಲವೇಯಸ್ತೌ ಹಾರುಣೇರಾಚಾರ್ಯಸ್ಯ ಸಭಾಗಾವಾಜಗ್ಮತುಃ ।
ತೇ ಹಾಷಾಢಸ್ಯ ಗೃಹೇಷು ಶಿಶ್ಯಿರೇ ।
ಸ ಹೋವಾಚಾಷಾಢ ಆಮಾರುಣೇ ಯತ್ಸಹೈವ ಬ್ರಹ್ಮಚರ್ಯಮಚರಾವ ಸಹಾನ್ವಬ್ರವೀವಹ್ಯಥ ಕೇನೇದಂ ತ್ವಮಸ್ಮಾನತ್ಯನೂಚಿಷೇ ।
ಯದಿದಂ ತ್ವಮಿಯತ್ಪ್ರಿಯಃ ಕೀರ್ತೇರಿಯತ್ಪ್ರಿಯಶ್ಚಕ್ಷುಷಃ ಇಯತ್ಪ್ರಿಯಃ ಸನೇರಸಿ ಕೇನ ತ್ವಮಿದಂ ಪ್ರಾಪಿಥೇತಿ ।
ಸ ಹೋವಾಚ ಧೂರ್ಷ್ವೇವಾಹಂ ತದುಪಾಸ ಇತಿ ।
ಕಿಂ ತ್ವಂ ತದ್ಧೂರ್ಷೂಪಾಸ್ಸ ಇತಿ ।
ಪ್ರಿಯಮಿತಿ ।
ಯ ಆಸಾಂ ಪ್ರಿಯಮುಪಾಸ್ತೇ ಕಿಂ ಸ ಭವತೀತಿ ।
ಪ್ರಿಯ ಏವ ಸ ಕೀರ್ತೇರ್ಪ್ರಿಯಶ್ಚಕ್ಷುಷಃ ಪ್ರಿಯಃ ಸನೇರ್ಭವತೀತಿ ।
ಏವಮೇವ ತ್ವಮಸೀತಿ ಹೋಚುಃ ।
ಅಥ ಹೋಚುರ್ಜೀವಲಂ ಕಾರೀರಾದಿಂ ಯದಿದಂ ತ್ವಮೇವ ತಸ್ಯಾರ್ಧಸ್ಯ ಶ್ರೇಷ್ಠೋಽಸಿ ಯಸ್ಮಿನ್ನಸ್ಯಪಿ ತ್ವಾ ರಾಜಾನೋಽಧಸ್ತಾದುಪಾಸತೇ ಕೇನ ತ್ವಮಿದಂ ಪ್ರಾಪಿಥೇತಿ ।
ಸ ಹೋವಾಚ ಧೂರ್ಷ್ವೇವಾಹಂ ತದುಪಾಸ ಇತಿ ।
ಕಿಂ ತ್ವಂ ತದ್ಧೂರ್ಷೂಪಾಸ್ಸ ಇತಿ ।
ಶ್ರಿಯಮಿತಿ ।
ಯ ಆಸಾಂ ಶ್ರಿಯಮುಪಾಸ್ತೇ ಕಿಂ ಸ ಭವತೀತಿ ।
ಯಸ್ಮಿನ್ನೇವಾರ್ಧೇ ಭವತಿ ತಸ್ಯ ಶ್ರೇಷ್ಠೋ ಭವತ್ಯಪ್ಯೇನಂ ರಾಜಾನೋಽಧಸ್ತಾದುಪಾಸತ ಇತಿ ।
ಏವಮೇವ ತ್ವಮಸೀತಿ ಹೋಚುಃ ।
ಅಥ ಹೋಚುರಷಾಢಂ ಸಾವಯಸಂ ಯತ್ತ್ವಂ ಶಾರ್ಕರಾಕ್ಷಾಣಾಂ ವಾವ ಗ್ರಾಮಣ್ಯೇವಾಸಿ ಕೇನ ತ್ವಮಿದಂ ಪ್ರಾಪಿಥೇತಿ ।
ಸ ಹೋವಾಚ ಧೂರ್ಷ್ವೇವಾಹಂ ತದುಪಾಸ ಇತಿ ।
ಕಿಂ ತ್ವಂ ತದ್ಧೂರ್ಷೂಪಾಸ್ಸ ಇತಿ ।
ಜಾತಮಿತಿ ।
ಯ ಆಸಾಂ ಜಾತಮುಪಾಸ್ತೇ ಕಿಂ ಸ ಭವತೀತಿ ।
ಯತ್ರೈವ ಸಜಾತೋ ಭವತಿ ತದ್ಗ್ರಾಮಣೀರ್ಭವತೀತಿ ।
ಏವಮೇವ ತ್ವಮಸೀತಿ ಹೋಚುಃ ।
ಅಥ ಹೋಚುರಿನ್ದ್ರ ದ್ಯುಮ್ನಂ ಭಾಲ್ಲವೇಯಂ ಯದಿದಂ ತವೋಪರ್ಯುಪರ್ಯನ್ಯಾನ್ಕೀರ್ತಿಶ್ಚರತಿ ವಿವಚನಮೇವಾಸಿ ಕೇನ ತ್ವಮಿದಂ ಪ್ರಾಪಿಥೇತಿ ।
ಸ ಹೋವಾಚ ಧೂರ್ಷ್ವೇವಾಹಂ ತದುಪಾಸ ಇತಿ ।
ಕಿಂ ತ್ವಂ ತದ್ಧೂರ್ಷೂಪಾಸ್ಸ ಇತಿ ।
ಯಶ ಇತಿ ।
ಯ ಆಸಾಂ ಯಶ ಉಪಾಸ್ತೇ ಕಿಂ ಸ ಭವತೀತಿ ।
ಉಪರ್ಯುಪರ್ಯೇವಾನ್ಯಾನ್ಕೀರ್ತಿಶ್ಚರತಿ ವಿವಚನಮೇವ ಭವತೀತಿ ।
ಏವಮೇವ ತ್ವಮಸೀತಿ ಹೋಚುಃ ।
ತೇ ಹೋಚುರಿತ್ಥಂ ಚೇದಿದಮಭೂದೇತೇದಂ ಸಂಪ್ರಬ್ರವಾಮಹಾ ಇತಿ ೨೭೧

ತೇ ಹಾರುಣಿಮೂಚುಸ್ತ್ವಂ ವೈ ನೋ ಆಚಾರ್ಯೋಽಸಿ ತ್ವಂ ಪ್ರಥಮೋ ಬ್ರೂಷ್ವೇತಿ ।
ಸ ಹೋವಾಚ ಗಾಯತ್ರೀಮೇವಾಹಂ ಪ್ರಿಯಮುಪಾಸ ಇತಿ ।
ಪ್ರಾಣೋ ವೈ ಗಾಯತ್ರೀ ಪ್ರಾಣೋ ವೈ ಪ್ರಿಯಮ್ ।
ನ ವೈ ಪ್ರಾಣಾತ್ಪ್ರೇಯಃ ಕಿಂ ಚನಾಸ್ತಿ ।
ಸ ಯ ಏವಮೇತಾಂ ಗಾಯತ್ರೀಂ ಪ್ರಿಯಮುಪಾಸ್ತೇ ಯಥಾ ಪ್ರಿಯ ಏವ ಪ್ರಾಣ ಆತ್ಮನೇವಂ ಪ್ರಿಯ ಏವ ಸ ಕೀರ್ತೇರೇವಂ ಪ್ರಿಯಶ್ಚಕ್ಷುಷ ಏವಂ ಪ್ರಿಯಃ ಸನೇರ್ಭವತೀತಿ ।
ಅಥ ಹೋವಾಚ ಜೀವಲಃ ಕಾರೀರಾದಿಸ್ತ್ರಿಷ್ಟುಭಮೇವಾಹಂ ಶ್ರಿಯಮುಪಾಸ ಇತಿ ।
ಕ್ಷತ್ರಂ ವೈ ತ್ರಿಷ್ಟುಪ್ಕ್ಷತ್ರಂ ವೈ ಶ್ರೀಃ ।
ಸ ಯ ಏವಮೇತಾಂ ತ್ರಿಷ್ಟುಭಂ ಶ್ರಿಯಮುಪಾಸ್ತೇ ಯಸ್ಮಿನ್ನೇವಾರ್ಧೇ ಭವತಿ ತಸ್ಯ ಶ್ರೇಷ್ಠೋ ಭವತ್ಯಪ್ಯೇನಂ ರಾಜಾನೋಽಧಸ್ತಾದುಪಾಸತ ಇತಿ ।
ಅಥ ಹೋವಾಚಾಷಾಢಃ ಸಾವಯಸೋ ಜಗತೀಮೇವಾಹಂ ಭೂಮಾನಂ ಪ್ರಜಾತಿಮುಪಾಸ ಇತಿ ।
ಭೂಮಾ ವೈ ಪ್ರಜಾತಿರ್ಜಗತೀ ಛನ್ದಸಾಮ್ ।
ಸ ಯ ಏವಮೇತಾಂ ಜಗತೀಂ ಭೂಮಾನಂ ಪ್ರಜಾತಿಮುಪಾಸ್ತೇ ಭೂಮಾನಮೇವ ಪ್ರಜಯಾ ಪಶುಭಿರ್ಗಚ್ಛತಿ ಯತ್ರೈವ ಸಜಾತೋ ಭವತಿ ತದ್ಗ್ರಾಮಣೀರ್ಭವತೀತಿ ।
ಅಥ ಹೋವಾಚೇನ್ದ್ರ ದ್ಯುಮ್ನೋ ಭಾಲ್ಲವೇಯೋಽನುಷ್ಟುಭಮೇವಾಹಂ ಯಶ ಉಪಾಸ ಇತಿ ।
ವಾಗ್ವಾ ಅನುಷ್ಟುಬ್ವಾಗು ವೈ ಯಶಃ ।
ವಾಗುಪರ್ಯುಪರ್ಯನ್ಯಾನ್ಕೀರ್ತಿಶ್ಚರತಿ ।
ಸ ಯ ಏವಮೇತಾಮನುಷ್ಟುಭಂ ಯಶ ಉಪಾಸ್ತ ಏಷೈವಾಸ್ಯ ವಾಗನುಷ್ಟುಬುಪರ್ಯುಪರ್ಯೇವಾನ್ಯಾನ್ಕೀರ್ತಿರ್ವಿಹರನ್ತ್ಯೇತಿ ವಿವಚನಮೇವ ಭವತೀತಿ ೨೭೨

ತೇ ಹ ವೈ ತೇ ತಥೈಕೈಕೇನೈವಾಸುಃ ।
ಅಥ ಯ ಏವಮೇತಾನಿ ಸರ್ವಾಣ್ಯೇಕಧಾ ವೇದೈವಂ ಹ್ಯೇತಾನಿ ಸರ್ವಾಣ್ಯೇಕಧಾ ಭವನ್ತ್ಯೇಕಧೈವ ಶ್ರೇಷ್ಠಃ ಸ್ವಾನಾಂ ಭವತಿ ।
ತದು ಹೋವಾಚ ವಾಸಿಷ್ಠಶ್ಚೈಕಿತಾನೇಯಃ ಪಶ್ಚೈವಾನುಬುಧ್ಯ ಧುರೋ ಹ ವಾ ಇಮೇ ಬ್ರಾಹ್ಮಣಾ ಮೀಮಾಂಸಮಾನಾಸ್ತಾಮೇವ ಧುರಂ ನಾವಾಗ್ಮನ್ಯಸ್ಯಾಮೇತಾ ಧುರಿ ಸರ್ವಾ ಅಧೀತಿ ।
ರೇತಸ್ಯಾಂ ಹ ವೈ ಸ ತದುವಾಚ ।
ಯಾಂ ಹ ವಾ ಆಹುರೇಕಾ ಧೂರಿತಿ ರೇತಸ್ಯಾ ಹ ವೈ ಸಾ ಧುರಾಂ ಧೂರನ್ನಂ ತದ್ ।
ಧುರಾಮಲಂಕರಣಮ್ ।
ಸುರಭಿರ್ಗನ್ಧೋ ಗಾಯತ್ರ್! ಯೈ ದರ್ಶನೀಯಂ ತ್ರಿಷ್ಟುಭಶ್ಶ್ರವಣೀಯಂ ಜಗತ್ಯೈ ।
ಯದೇವ ವಾಚಾ ಪುಣ್ಯಂ ವದತಿ ತದನುಷ್ಟುಭಃ ।
ಸ ಹ ವಾ ಏನಾ ಅನ್ನಮಾದಧಾತಿ ಯ ಏನಾ ಏತೈಃ ಸಮರ್ಧಯತಿ ।
ತಾ ಏನಮನ್ನಾದ್ಯಮಾನಾ ಅನ್ನಾದಂ ಶ್ರೇಷ್ಠಂ ಸ್ವಾನಾಂ ಕುರ್ವನ್ತಿ ।
ಅನ್ನಾದಃ ಶ್ರೇಷ್ಟಃ ಸ್ವಾನಾಂ ಭವತಿ ಯ ಏವಂ ವೇದ ೨೭೩

ತ್ರಯೋ ಹ ವಾ ಏತೇ ಸಮುದ್ರಾ ಯತ್ಪವಮಾನಾ ಅಗ್ನಿರ್ವಾಯುರಸಾವಾದಿತ್ಯಃ ।
ತೈಶ್ಛನ್ನೈರುದ್ಗಾಯೇತ್ ।
ಸ ಯರ್ಹಿ ವೈ ಪ್ರಜಾಪತಿಃ ಪ್ರಜಾಭ್ಯೋ ವೃಷ್ಟಿಮನ್ನಾದ್ಯಂ ಪ್ರಯಚ್ಛತಿ ಛಾದ್ಯನ್ತ ಏತೇ ತರ್ಹಿ ।
ಪ್ರಜಾಪತಿರೇಷ ಸಃ ।
ಯದುದ್ಗಾಸ್ಯನ್ಪವಮಾನೈಶ್ಛನ್ನೈರುದ್ಗಾಯತಿ ಛಾದಯತ್ಯೇವ ಯಜಮಾನಮನ್ನಾದ್ಯೇನ ಛಾದಯತ್ಯಾತ್ಮಾನಂ ಛಾದಯತಿ ಪ್ರಜಾಃ ।
ಬಹುವರ್ಷೀ ತತ್ರ ಪರ್ಜನ್ಯೋ ಭವತೀತಿ ಹ ಸ್ಮಾಹ ಕೂಟಃ ಶೈಲನೋ ಯತ್ರಾಹಮುದ್ಗಾಯಾಮೀತಿ ।
ಯತ್ರ ವೈ ಬಹುವರ್ಷೀ ಪರ್ಜನ್ಯೋ ಭವತಿ ಕಲ್ಯಾಣೋ ವೈ ತತ್ರ ಬಲೀವರ್ದೋಽಶ್ವತರೋ ಹಸ್ತೀ ನಿಷ್ಕಃ ಪುರುಷಃ ।
ರೂಪಂ ರೂಪಂ ವಾವ ತತ್ರ ಕಲ್ಯಾಣಮಾಜಾಯತ ಇತ್ಯೇತದ್ಧ ತದ್ವಿದ್ವಾನುವಾಚ ।
ಯೋ ವೈ ದೇವಾಂಶ್ಚ ಮನುಷ್ಯಾಂಶ್ಚ ವ್ಯಾವರ್ತಯತಿ ವಿ ಪಾಪ್ಮನಾ ವರ್ತತೇ ।
ದೇವಾ ವೈ ಪವಮಾನಾಃ ಪ್ರಜಾಃ ಪೃಷ್ಠೋಕ್ಥಾನಿ ।
ತೈಶ್ಛನ್ನೈಃ ಪರೋಕ್ಷಮನಿರುಕ್ತೈಃ ಪವಮಾನೈರುದ್ಗಾಯೇತ್ ।
ಛನ್ನಾ ಇವ ಹಿ ಪರೋಕ್ಷಮನಿರುಕ್ತಾ ಇವ ದೇವಾಃ ।
ಪ್ರಜಾಃ ಪೃಷ್ಠೋಕ್ಥಾನಿ ।
ತೈರಚ್ಛನ್ನೈಃ ಪ್ರತ್ಯಕ್ಷಂ ನಿರುಕ್ತೈರುದ್ಗಾಯೇತ್ ।
ಅಚ್ಛನ್ನಾ ಇವ ಹಿ ಪ್ರತ್ಯಕ್ಷಂ ನಿರುಕ್ತಾ ಇವ ಮನುಷ್ಯಾಃ ।
ಏತದ್ವೈ ದೇವಾಂಶ್ಚ ಮನುಷ್ಯಾಂಶ್ಚ ವ್ಯಾವರ್ತಯತಿ ವಿ ಪಾಪ್ಮನಾ ವರ್ತತೇ ಯ ಏವಂ ವೇದ ೨೭೪

ದೈವೀಂ ಹ ವಾ ಏಷ ಸಂಸದಮೇತಿ ಯಃ ಪವಮಾನೈರುದ್ಗಾಯತಿ ।
ಸ ಯಥಾ ಶ್ರೇಯಾಂಸಮಭ್ಯಾಯನ್ನೇವಂ ಶಿಕ್ಷನ್ನಿವೋಪಶಿಕ್ಷನ್ನಿವೋಪನಮಸ್ಯನ್ನಿವ ।
ಸಂಸಿದ್ಧೈಃ ಶಕ್ನುವನ್ ಅನುಪಹನ್ಯಮಾನ ಉದ್ಗಾಯೇತ್ ।
ಯಥಾಯನ್ತಮಾಮೀವೇದ್ಯಥಾ ಯದ್ಯಾಚೇತ್ತದ್ದದ್ಯಾತ್ತಾದೃಕ್ತತ್ ।
ಅಥ ಯ ಏತೈರಸಂಸಿದ್ಧೈರಶಕ್ನುವನ್ನುಪಹನ್ಯಮಾನ ಉದ್ಗಾಯೇದ್ಯಥಾಯನ್ತಂ ಪ್ರತಿಮೀವೇದ್ಯಥಾ ಯದ್ಯಾಚೇತ್ತನ್ನ ದದ್ಯಾತ್ತಾದೃಗು ತತ್ ।
ತದು ಹಾತ್ರೈವ ಯಜ್ಞಸ್ಯ ಸಮೃದ್ಧಂ ಚ ವ್ಯೃದ್ಧಂ ಚ ವಿಜ್ಞಾಯತೇ ।
ಅತಿಹಾರ್ಯಾ ಹ ವಾ ಏಷಾ ಯತ್ಪವಮಾನಾಃ ।
ಯೋ ವಾ ಅತಿಹಾರ್ಯಾಮಸಂವೀತೋಽತಿಗಾಹತೇ ಮೃದಾ ವೈ ಸ ಲಿಪ್ಯತ ಆಯತಿ ವಾ ।
ಅಥ ಯಃ ಸಂವೀತೋಽತಿಗಾಹತೇ ನ ಮೃದಾ ಲಿಪ್ಯತೇ ನಾಯತೀ ।
ಏವಮಿವ ವೈ ಪವಮಾನಾ ಉಪಚಾರ್ಯಾಃ ।
ತದಾಹುರ್ಯದನ್ಯಾನಿ ಸ್ತೋತ್ರಾಣಿ ಸ್ತೋತ್ರಿಯಪ್ರತಿಪದೋಽಥ ಕಸ್ಮಾತ್ಪವಮಾನಾ ಅಸ್ತೋತ್ರಿಯಪ್ರತಿಪದ ಇತಿ ।
ಸ ಬ್ರೂಯಾತ್ಪ್ರಾಣಾ ವೈ ಪವಮಾನಾಃ ಪ್ರಾಣಾ ಉ ಪಾವಮಾನ್ಯಃ ।
ತದ್ಯತ್ಪವಮಾನಾನ್ಪಾವಮಾನೀಭಿರೇವಾನುಪ್ರತಿಪದ್ಯೇರನ್ಪರಾಞ್ಚ ಏವ ಪ್ರಾಣಾನ್ನಿರ್ಮೃಜ್ಯುರಿತಿ ।
ತಾನ್ಯದನುಷ್ಟುಭಾನುಪ್ರತಿಪದ್ಯನ್ತೇ ವಾಗ್ವಾ ಅನುಷ್ಟುಬ್ವಾಚ್ಯಪಾನೋ ನಿಯತೋ ವಾಚೈವ ತದಪಾನಂ ದಾಧಾರ ೨೭೫

೬ ।
ತದಾಹುರಶಾನ್ತಮಿವ ವಾ ಏತತ್ಸ್ತೋತ್ರಂ ಯತ್ಸ್ತೋತ್ರಿಯೇಣ ನಾನುಪ್ರತಿಪದ್ಯನ್ತೇ ।
ಕೇನೈಷಾಂ ಸ್ತೋತ್ರಿಯಪ್ರತಿಪದೋಽನಿತಂ ಭವತೀತಿ ।
ಸ ಬ್ರೂಯಾದ್ವಾಗ್ವಾ ಅನುಷ್ಟುಬ್ವಾಚ್ಯು ವೈ ಸರ್ವಾಣಿ ಛನ್ದಾಂಸಿ ।
ಯದಾಗ್ನೇಯಮೈನ್ದ್ರಂ ಪವಮಾನಂ ತೇನೈಷಾಂ ಸ್ತೋತ್ರಿಯಪ್ರತಿಪದೋಽನಿತಂ ಭವತಿ ।
ಜಯಾ ಹ ವೈ ನಾಮೈತೇತೇ ಸ್ತೋಮಾ ಯತ್ಪವಮಾನಾಃ ।
ಪವಮಾನೈರ್ವೈ ದೇವಾ ಅಸುರಾನ್ಪರಾಞ್ಚ ಏವ ಜಯನ್ತ ಆಯನ್ ।
ತದ್ಯತ್ಪವಮಾನಾಃ ಪರಾಞ್ಚ ಏವ ಭವನ್ತಿ ಯಥಾ ಪರಾಙೇವ ಜಯನ್ನಿಯಾತ್ತಾದೃಕ್ತತ್ ।
ತಾನ್ಯದನುಷ್ಟುಭಾನುಪ್ರತಿಪದ್ಯನ್ತೇ ವಾಗ್ವಾ ಅನುಷ್ಟುಬ್ವಾಗು ವೈ ವಾಚಯಿತ್ರೀ ವಾಚಾ ವಾ ಆಹ ಪ್ರೇಹಿ ಜಯಾಭಿಕ್ರಾಮ ಮಾಪಕ್ರಮೀರಿತಿ ।
ಸ ಯಥಾ ವಾಚಾ ಬ್ರೂಯಾದ್ಪ್ರೇಹಿ ಜಯಾಭಿಕ್ರಾಮ ಮಾಪಕ್ರಾಮೀರಿತಿ ತಾದೃಕ್ತತ್ ।
ದೇವಾ ವೈ ಪವಮಾನಾಃ ।
ತಾನಿ ದೇವಾನಾಂ ಸ್ತೋತ್ರಾಣಿ ।
ತಾನಿ ದೇವಾ ಅನ್ವಾಯತ್ತಾಃ ।
ಪ್ರಜಾಃ ಪೃಷ್ಠೋಕ್ಥಾನಿ ।
ತಾನಿ ಪ್ರಜಾನಾಂ ಸ್ತೋತ್ರಾಣಿ ।
ತಾನಿ ಪ್ರಜಾ ಅನ್ವಾಯತ್ತಾಃ ।
ತದ್ಯತ್ಪವಮಾನೈಃ ಪರಾಚೀನೈರೇವ ಸ್ತುವತೇ ತಸ್ಮಾತ್ಪರಾಞ್ಚೋ ದೇವಾಃ ।
ಪರಾಙಾದಿತ್ಯ ಏತಿ ಪರಾಙ್ಚನ್ದ್ರ ಮಾಃ ಪರಾಞ್ಚಿ ನಕ್ಷತ್ರಾಣಿ ಪರಾಙಗ್ನಿರ್ದಹನ್ನೇತಿ ।
ಅಥ ಯಸ್ಮಾತ್ಪೃಷ್ಠೋಕ್ಥೈಃ ಪರಾಚೀನೈಶ್ಚಾರ್ವಾಚೀನೈಶ್ಚ ಸ್ತುವತೇ ತಸ್ಮಾದು ಪರಾಚೀಶ್ಚಾರ್ವಾಚೀಶ್ಚ ಪ್ರಜಾಃ ।
ಪರಾಞ್ಚಃ ಪ್ರಾತಃ ಪ್ರೇರತೇ ತೇ ಸಾಯಂ ಸಮಾವರ್ತನ್ತೇ ।
ಪರಾಗ್ರೇತಸ್ಸಿಕ್ತಂ ತದರ್ವಾಕ್ಪ್ರಜಾಯತೇ ೨೭೬ । ।

ಪೃಥುರ್ಹ ವೈನ್ಯೋ ದಿವ್ಯಾನ್ವ್ರಾತ್ಯಾನ್ಪಪ್ರಚ್ಛ ಯಜ್ಞಸ್ಯ ಧಾಮ ಪರಮಂ ಗುಹಾ ಸನ್ನಿರ್ಮಿತಂ ಮಹತೋಽನ್ತರಿಕ್ಷಾತ್ । ಕಸ್ಮಾದ್ಯನ್ತಿ ಪವಮಾನಾಃ ಪರಾಞ್ಚಃ ಕಸ್ಮಾದುಕ್ಥ್ಯಾಃ ಪುನರಭ್ಯಾಕನಿಕ್ರದತಿ ಇತಿ ।
ದೇವಾ ಅನ್ಯಾಂ ವರ್ತನಿಮಧ್ವರಸ್ಯ ಮಾನುಷಾಸ ಉಪಜೀವನ್ತ್ಯನ್ಯಾಮ್ । ತಸ್ಮಾದ್ಯನ್ತಿ ಪವಮಾನಾಃ ಪರಾಞ್ಚಸ್ತಸ್ಮಾದುಕ್ಥ್ಯಾಃ ಪುನರಭ್ಯಾಕನಿಕ್ರದತಿ ಇತಿ ಹ ಪ್ರತ್ಯೂಚುಃ ।
ಯೋ ವೈ ದೇವಾನ್ಮನುಷ್ಯೇಷ್ವಾಭಕ್ತಾನ್ವೇದ ಮನುಷ್ಯಾನು ದೇವೇಷ್ವಾಭಕ್ತ ಏವ ದೇವೇಷು ಭವತ್ಯಾಭಕ್ತೋ ಮನುಷ್ಯೇಷು ।
ಗಚ್ಛತಿ ತಂ ಲೋಕಂ ಯತ್ರ ದೇವಾ ನಾಸ್ಮಾದ್ದೇವತಾ ಅಪಕ್ರಾಮನ್ತಿ ।
ದೇವಾ ವೈ ಪವಮಾನಾಃ ಪ್ರಜಾ ಪೃಷ್ಠೋಕ್ಥಾನಿ ।
ಸಾಮ ವೈ ದೇವಾಃ ಪ್ರಜಾಶ್ಛನ್ದಾಂಸಿ ।
ತದ್ಯತ್ಪವಮಾನಸಾಮಾನಿ ಪರಾಞ್ಚ್ಯೇವ ಭವನ್ತ್ಯಥೇಯಮೃಗನುನಿವೇಷ್ಟತೇ ತೇನ ದೇವಾ ಮನುಷ್ಯೇಷ್ವಾಭಕ್ತಾಃ ।
ಅಥ ಯದಭ್ಯಾವರ್ತಿಷ್ವೃಚಂ ನಿವೇಷ್ಟಮಾನಾಂ ಸಾಮಾನುನಿವೇಷ್ಟತೇ ತೇನೋ ಮನುಷ್ಯಾ ದೇವೇಷ್ವಾಭಕ್ತಾಃ ।
ಸ ಯ ಏತದೇವಂ ವೇದಾಭಕ್ತ ಏವ ದೇವೇಷು ಭವತ್ಯಾಭಕ್ತೋ ಮನುಷ್ಯೇಷು ।
ಗಚ್ಛತಿ ತಂ ಲೋಕಂ ಯತ್ರ ದೇವಾ ನಾಸ್ಮಾದ್ದೇವತಾ ಅಪಕ್ರಾಮನ್ತಿ ೨೭೭

ಯೋ ವೈ ದೇವರೂಪಂ ಚ ಮನುಷ್ಯರೂಪಂ ಚ ವ್ಯಾವರ್ತಯತಿ ವಿ ಪಾಪ್ಮನಾ ವರ್ತತೇ ।
ದೇವಾ ವೈ ಪವಮಾನಾಃ ಪ್ರಜಾಃ ಪೃಷ್ಠೋಕ್ಥಾನಿ ।
ತದ್ಯತ್ಪವಮಾನಾನ್ಪಾವಮಾನೀಷ್ವೇವ ಸ್ತುವತೇ ತಸ್ಮಾದ್ದೇವಾ ಏಕರೂಪಾಃ ಸರ್ವೇ ಶುಕ್ಲಾಃ ।
ಅಥ ಯಸ್ಮಾತ್ಪೃಷ್ಠೋಕ್ಥೈರ್ನಾನಾರೂಪಾಸು ನಾನಾದೇವತ್ಯಾಸು ಸ್ತುವತೇ ತಸ್ಮಾದು ಪ್ರಜಾ ನಾನಾರೂಪಾಃ ಶ್ವೇತೋ ರೋಹಿತಃ ಕೃಷ್ಣಃ ।
ಏತದ್ವೈ ದೇವರೂಪಂ ಚ ಮನುಷ್ಯರೂಪಂ ಚ ವ್ಯಾವರ್ತಯತಿ ವಿ ಪಾಪ್ಮನಾ ವರ್ತತೇ ಯ ಏವಂ ವೇದ ।
ಯೋ ವೈ ದೇವಾನಾಮುದ್ಧಾರಂ ವೇದೋದುದ್ಧಾರಂ ಹರತ ಉದ್ಧಾರ್ಯೋ ಭವತಿ ।
ಬಹಿಷ್ಪವಮಾನಂ ವಾವ ದೇವಾನಾಮುದ್ಧಾರಃ ।
ತೇನ ಸಕೃದ್ಧಿಂಕೃತೇನ ಪರಾಚಾ ಸ್ತುವತೇ ।
ತಸ್ಮಾತ್ಪರಾಙುದ್ಧಾರಃ ।
ಸ ಏಷ ಏವ ದೇವಾನಾಂ ಶ್ರೇಷ್ಠಃ ।
ತಸ್ಯೋದ್ಧಾರಃ ಪ್ರಜಾಃ ।
ಪ್ರಜಾಪತೇರೇವೋದುದ್ಧಾರಂ ಹರತ ಉದ್ಧಾರ್ಯೋ ಭವತಿ ಯ ಏವಂ ವೇದ ।
ತಮೇತಂ ಯಜ್ಞಸ್ಯರಸಂ ಪ್ರವೃಹ್ಯ ಪರಾಙ್ಯಸ್ಮಾತ್ಪ್ರಜಾಪತಯೇ ಪ್ರಯಚ್ಛತಿ ತಸ್ಮಾದ್ಬಹಿಷ್ಪವಮಾನೇನ ಸ್ತೋಷ್ಯನ್ತಃ ಪ್ರಹ್ವಾರಾ ಇವ ಪ್ರಕುಪಿತಾ ಇವ ಸರ್ಪನ್ತಿ ।
ಏವಮಿವ ವೈ ಶ್ರೇಯಸ ಉಪಚಾರಃ ।
ತಸ್ಮಾದು ತಸ್ಯ ಸ್ತೋತ್ರೇ ನ ವ್ಯಾಹರೇತ್ ।
ಕೋ ಹಿ ಶ್ರೇಯಸಃ ಪರಿವೇಷಣಮವವದಿತುಮರ್ಹತಿ ।
ಯೋ ವೈ ಶ್ರೇಯಸಃ ಪರಿವೇಷಣಮವವದತಿ ಯಯಾ ವೈ ಸ ತಮಾರ್ತ್ಯಾ ಕಾಮಯತೇ ತಯೈನಂ ನಿನಯತಿ ।
ಅಥ ಯತ್ತತೋಽಧ್ವರ್ಯುಃ ಸಂಪ್ರೈಷಾನ್ವದತಿ ಪ್ರಜಾಪತಯ ಏವ ತದ್ಯಜ್ಞಸ್ಯ ರಸಂ ಪ್ರದಾಯ ತಮಾಪ್ಯಾಯಯತಿ ।
ತೇನಾಸ್ಯಾಪೀತೇನ ರಸವತಾ ಸ್ತುತಂ ಭವತಿ ೨೭೮

ಯೋ ವೈ ದೇವಯಶಸಂ ಚ ಮನುಷ್ಯಯಶಸಂ ಚ ವೇದ ಯಶ ಏವ ದೇವೇಷು ಗಚ್ಛತಿ ಯಶೋ ಮನುಷ್ಯೇಷು ।
ಪವಮಾನಾ ವೈ ದೇವಯಶಸಮ್ ।
ತೇ ಹ ತೇ ಪ್ರಾಣಾ ಏವ ।
ತ ಏನಂ ದೇವೇಷು ನಿವೇದಯನ್ತೇ ।
ಅಭ್ಯಾವರ್ತಾ ಮನುಷ್ಯಯಶಸಮ್ ।
ತೇ ಹ ತೇಽಪಾನಾ ಏವ ।
ತ ಏನಂ ಮನುಷ್ಯೇಷು ನಿವೇದಯನ್ತೇ ।
ಏತದ್ವೈ ದೇವಯಶಸಂ ಚ ಮನುಷ್ಯಯಶಸಂ ಚ ।
ಸ ಯ ಏವಮೇತದ್ದೇವಯಶಸಂ ಚ ಮನುಷ್ಯಯಶಸಂ ಚ ವೇದ ಯಶ ಏವ ದೇವೇಷು ಗಚ್ಛತಿ ಯಶೋ ಮನುಷ್ಯೇಷು ।
ಯೋ ವೈ ಮಿತಂ ಚಾಮಿತಂ ಚ ವೇದ ಮಿತಂ ಚ ಹಾಸ್ಯಾಮಿತಂ ಚ ಬಹು ಭವತಿ ।
ದೇವಾ ವೈ ಪವಮಾನಾಃ ಪ್ರಜಾಃ ಪೃಷ್ಠೋಕ್ಥಾನಿ ।
ಸಾಮ ವೈ ದೇವಾಃ ಪ್ರಜಾಃ ಶಸ್ತ್ರಾಣಿ ।
ತದೇವ ಏತತ್ ।
ಏತ ಏವಾಪಿ ಸರ್ವೇ ದೇವಾ ಯತ್ಸ್ತೋತ್ರಾಣಿ ।
ತದ್ಯನ್ಮಿತಾನಿ ಸ್ತೋತ್ರಾಣಿ ಭವನ್ತಿ ತಸ್ಮಾನ್ಮಿತಾ ದೇವಾಃ ।
ಅಷ್ಟೌ ವಸವ ಏಕಾದಶ ರುದ್ರಾ ದ್ವಾದಶಾದಿತ್ಯಾಃ ।
ಅಥ ಯಸ್ಮಾದಮಿತಾನಿ ಶಸ್ತ್ರಾಣಿ ತಸ್ಮಾದ್ವಮಿತಾಃ ಪ್ರಜಾಃ ।
ನ ತಾನ್ವಿದ್ಮ ಯಾವನ್ತೋ ಬ್ರಾಹ್ಮಣಾ ಯಾವನ್ತೋ ರಾಜನ್ಯಾ ಯಾವನ್ತೋ ವೈಶ್ಯಾ ಯಾವನ್ತಃ ಶೂದ್ರಾ ಇತಿ ।
ಏತದ್ವೈ ಮಿತಂ ಚಾಮಿತಂ ಚ ।
ಮಿತಂ ಹಾಸ್ಯಾಮಿತಂ ಚ ಬಹು ಭವತಿ ಯ ಏವಂ ವೇದ ।
ಯೇ ಅರ್ವಾಞ್ಚಸ್ತಂ ಉ ಪರಾಚ ಆಹುರ್ಯೇ ಪರಾಞ್ಚಸ್ತಂ ಉ ಅರ್ವಾಚ ಆಹುಃ । ಇನ್ದ್ರ ಶ್ಚ ಯಾ ಚಕ್ರಥುಃ ಸೋಮ ತಾನಿ ಧುರಾ ನ ಯುಕ್ತಾ ರಜಸೋ ವಹನ್ತಿ ಇತಿ ।
ಪವಮಾನಾ ವೈ ಪರಾಞ್ಚಃ ।
ತೇಷಾಂ ಚಮಸಾ ಅರ್ವಾಞ್ಚಃ ।
ತೇ ಹ ತೇ ಪ್ರಾಣಾ ಏವ ।
ತಸ್ಮಾತ್ಪ್ರಾಣ್ಯಾಪಾನಿತುಂ ಶಕ್ನೋತಿ ।
ಅಭ್ಯಾವರ್ತಾ ಅರ್ವಾಞ್ಚಃ ।
ತೇಷಾಂ ಪರಾಞ್ಚಶ್ಚಮಸಾಃ ।
ತೇ ಹ ತೇಽಪಾನಾ ಏವ ।
ತಸ್ಮಾದ್ವಪಾನ್ಯ ಪ್ರಾನಿತುಂ ಶಕ್ನೋತಿ ೨೭೯

ಯೋ ವೈ ಸವನಾನಾಂ ಜ್ಯೈಷ್ಠ್ಯಂ ವೇದ ಗಚ್ಛತಿ ಜ್ಯೈಷ್ಠ್ಯಂ ನ ಜ್ಯೈಷ್ಠ್ಯಾದವರೋಹತಿ ।
ಗಾಯತ್ರೀ ವೈ ಪ್ರಾತಃಸವನಸ್ಯ ಜ್ಯೈಷ್ಠ್ಯಮ್ ।
ತದ್ಯತ್ತತ್ರಾನ್ಯದನ್ಯಚ್ಛನ್ದಃ ಕ್ರಿಯತೇಽಥ ತದ್ಗಾಯತ್ರಮಿತ್ಯಾಖ್ಯಾಯತೇ ।
ತ್ರಿಷ್ಟುಮ್ಮಾಧ್ಯಂದಿನಸ್ಯ ಸವನಸ್ಯ ಜ್ಯೈಷ್ಠ್ಯಮ್ ।
ತದ್ಯತ್ತತ್ರಾನ್ಯದನ್ಯಚ್ಛನ್ದಃ ಕ್ರಿಯತೇಽಥ ತದ್ತ್ರೈಷ್ಟುಭಮಿತ್ಯಾಖ್ಯಾಯತೇ ।
ಜಗತೀ ತೃತೀಯಸವನಸ್ಯ ಜ್ಯೈಷ್ಠ್ಯಮ್ ।
ತದ್ಯತ್ತತ್ರಾನ್ಯದನ್ಯಚ್ಛನ್ದಃ ಕ್ರಿಯತೇಽಥ ತಜ್ಜಾಗತಮಿತ್ಯಾಖ್ಯಾಯತೇ ।
ಏತದ್ವೈ ಸವನಾನಾಂ ಜ್ಯೈಷ್ಠ್ಯಮ್ ।
ಸ ಯ ಏವಮೇತತ್ಸವನಾನಾಂ ಜ್ಯೈಷ್ಠ್ಯಂ ವೇದ ಗಚ್ಛತಿ ಜ್ಯೈಷ್ಠ್ಯಂ ನ ಜ್ಯೈಷ್ಠ್ಯಾದವರೋಹತಿ ।
ಯೋ ವೈ ದೇವಾನಾಂ ಗೃಹಾನ್ವೇದ ಗೃಹೀ ಭವತಿ ವಿನ್ದತೇ ಗೃಹಾನ್ ।
ಛನ್ದಾಂಸಿ ವಾವ ದೇವಾನಾಂ ಗೃಹಾಃ ।
ಅಷ್ಟಾಕ್ಷರಾ ಗಾಯತ್ರ್! ಯಷ್ಟೌ ವಸವಃ ।
ಗಾಯತ್ರ್! ಯೈವ ವಸವೋ ಗೃಹಿಣಃ ।
ಏಕಾದಶಾಕ್ಷರಾ ತ್ರಿಷ್ಟುಬೇಕಾದಶ ರುದ್ರಾ ಃ! ।
ತ್ರಿಷ್ಟುಭೈವ ರುದ್ರಾ ಗೃಹಿಣಃ ।
ದ್ವಾದಶಾಕ್ಷರಾ ಜಗತೀ ದ್ವಾದಶಾದಿತ್ಯಾಃ ।
ಜಗತ್ಯೈವಾದಿತ್ಯಾ ಗೃಹಿಣಃ ।
ಅನುಷ್ಟುಭೈವ ವಿಶ್ವೇ ದೇವಾಃ ।
ಸವನೈರಿನ್ದ್ರಾ ಗ್ನೀ ।
ಸ ಯ ಏವಮೇತಾನ್ದೇವಾನಾಂ ಗೃಹಾನ್ವೇದ ಗೃಹೀ ಭವತಿ ವಿನ್ದತೇ ಗೃಹಾನ್ ।
ಯೋ ವೈ ದೇವಾನಾಂ ತೃಪ್ತಿರ್ವೇದ ತೃಪ್ಯತ್ಯಾತ್ಮನಾ ತೃಪ್ಯತ್ಯಸ್ಯ ಪ್ರಜಾ ೨೮೦

ತದು ಹ ಸ್ಮಾಹೇಯಪಿಃ ಸೌಮಾಪಃ ಸ ವಾದ್ಯ ಯಜೇತ ಸ ವಾನ್ಯಂ ಯಾಜಯೇದ್ಯೋ ಯಥಾ ಮಹತಿ ತೀರ್ಥೇ ಸಿಕತೇ ಗಾ ಅಸಂಬಾಧಮಾನಾಃ ಸಂತರ್ಪಯೇದೇವಂ ಸರ್ವಾ ದೇವತಾ ಅನುಸವನಂ ಛನ್ದಃಸು ಅಕ್ಷರಮಕ್ಷರಮನು ಅಸಂಬಾಧಮಾನಾಃ ಸಂತೃಪ್ಯನ್ತೀರ್ವಿದ್ಯಾದಿತಿ ।
ಅಷ್ಟಾಕ್ಷರಾ ಗಾಯತ್ರ್! ಯಷ್ಟೌ ವಸವಃ ।
ವಸೂನಾಂ ಗಾಯತ್ರಂ ಪ್ರಾತಃಸವನಮ್ ।
ತತ್ತೇ ಪ್ರಾತಃಸವನೇ ಛನ್ದಃಸ್ವಕ್ಷರಮಕ್ಷರಮನು ಅಸಂಬಾಧಮಾನಾಃ ಸಂತೃಪ್ಯನ್ತಿ ।
ಏಕಾದಶಾಕ್ಷರಾ ತ್ರಿಷ್ಟುಬೇಕಾದಶ ರುದ್ರಾ ಃ! ।
ರುದ್ರಾ ಣಾಂ ತ್ರೈಷ್ಟುಭಂ ಮಾಧ್ಯಂದಿನಂ ಸವನಮ್ ।
ತತ್ತೇ ಮಾಧ್ಯಂದಿನೇ ಸವನೇ ಛನ್ದಃಸ್ವಕ್ಷರಮಕ್ಷರಮನು ಅಸಂಬಾಧಮಾನಾಃ ಸಂತೃಪ್ಯನ್ತಿ ।
ದ್ವಾದಶಾಕ್ಸರಾ ಜಗತೀ ದ್ವಾದಶಾದಿತ್ಯಾಃ ।
ಆದಿತ್ಯಾನಾಂ ಜಾಗತಂ ತೃತೀಯಸವನಮ್ ।
ತತ್ತೇ ತೃತೀಯಸವನೇ ಛನ್ದಃಸ್ವಕ್ಷರಮಕ್ಷರಮನು ಅಸಂಬಾಧಮಾನಾಃ ಸಂತೃಪ್ಯನ್ತಿ ।
ಸ ಯ ಏವಮೇತಾ ದೇವಾನಾಂ ತೃಪ್ತೀರ್ವೇದ ತೃಪ್ಯತ್ಯಾತ್ಮನಾ ತೃಪ್ಯತ್ಯಸ್ಯ ಪ್ರಜಾ ೨೮೧

ತದ್ಯತ್ರ ಹ ವಾ ಏವಂವಿದ್ಯಜತ ಏವಮ್ವಿದ್ವಾ ಯಾಜಯತಿ ನ ಹೈವ ತಸ್ಯ ದೇವಾ ಈಶತೇ ।
ಯತ್ತನ್ನಾಗಚ್ಛೇಯುರ್ಯದಿ ಚ ಹ ಭಕ್ಷಯಿಷ್ಯನ್ತೋ ಭವನ್ತಿ ಯದಿ ಚ ನಾಥ ಹೈವ ಗಚ್ಛನ್ತಿ ।
ಯದಿ ಹ ಶುಚಿರ್ಭವತಿ ಭಕ್ಷಯನ್ತಿ ಯದ್ಯಶುಚಿರ್ಪ್ರೇಕ್ಷಯನ್ತಿ ।
ತದ್ಧಾಪಿ ಪಣಾಯ್ಯಂ ಯಸ್ಯ ಪ್ರೇಕ್ಷೀವಾಯನ್ ।
ಯೋ ವೈ ದೇವಾನಾಂ ಪಾತ್ರಂ ವೇದ ಪಾತ್ರ್! ಯಃ ಸ್ವಾನಾಂ ಭವತಿ ।
ಬ್ರಾಹ್ಮಣೋ ಹ ವಾವ ದೇವಾನಾಂ ಪಾತ್ರಮ್ ।
ಪಾತ್ರ್! ಯಃ ಸ್ವಾನಾಂ ಭವತಿ ಯ ಏವಂ ವೇದ ।
ತದ್ಯಥಾ ಹ ವೈ ಶುದ್ಧೇನ ಶುಚಿನಾ ಪಾತ್ರೇಣ ಪಿಪಾಸನ್ತ್ಯೇವಂ ಹ ವಾವ ದೇವಾ ಬ್ರಾಹ್ಮಣೇನ ಶುದ್ಧೇನ ಶುಚಿನಾ ಪಿಪಾಸನ್ತಿ ।
ತಸ್ಮಾದು ಹ ಬ್ರಾಹ್ಮಣೇನ ಶುದ್ಧೇನೈವ ಶುಚಿನಾ ಬುಭೂಸಿತವ್ಯಮ್ ೨೮೨

ಪ್ರಜಾಪತಿರ್ದೇವಾನಸೃಜತ ।
ತಾನ್ಮೃತ್ಯುಃ ಪಾಪ್ಮಾನ್ವಸೃಜ್ಯತ ।
ತೇ ದೇವಾಃ ಪ್ರಜಾಪತಿಮುಪೇತ್ಯಾಬ್ರುವನ್ಕಸ್ಮಾ ಉ ನೋಽಸೃಷ್ಠಾ ಮೃತ್ಯುಂ ಚೇನ್ನಃ ಪಾಪ್ಮಾನಮನ್ವಸ್ರಕ್ಷ್ಯನ್ನಾಸಿಥೇತಿ ।
ತಾನಬ್ರವೀಚ್ಛನ್ದಾಂಸಿ ಸಂಭರತ ತಾನಿ ಯಥಾಯತನಂ ಪ್ರವಿಶತ ತತೋ ಮೃತ್ಯುನಾ ಪಾಪ್ಮನಾ ವ್ಯಾವರ್ತ್ಸ್ಯಥೇತಿ ।
ವಸವೋ ಗಾಯತ್ರೀಂ ಸಮಭರನ್ ।
ತಾಂ ತೇ ಪ್ರಾವಿಶನ್ ।
ತಾನ್ಸಾಚ್ಛಾದಯತ್ ।
ರುದ್ರಾ ಸ್ತ್ರಿಷ್ಟುಭಂ ಸಮಭರನ್ ।
ತಾಂ ತೇ ಪ್ರಾವಿಶನ್ ।
ತಾನ್ಸಾಚ್ಛಾದಯತ್ ।
ಆದಿತ್ಯಾ ಜಗತೀಂ ಸಮಭರನ್ ।
ತಾಂ ತೇ ಪ್ರಾವಿಶನ್ ।
ತಾನ್ಸಾಚ್ಛಾದಯತ್ ।
ವಿಶ್ವೇ ದೇವಾ ಅನುಷ್ಟುಭಂ ಸಮಭರನ್ ।
ತಾಂ ತೇ ಪ್ರಾವಿಶನ್ ।
ತಾನ್ಸಾಚ್ಛಾದಯತ್ ।
ಮರುತಃ ಪಙ್ಕ್ತಿಂ ಸಮಭರನ್ ।
ತಾಂ ತೇ ಪ್ರಾವಿಶನ್ ।
ತಾನ್ಸಾಚ್ಛಾದಯತ್ ।
ಸಾಧ್ಯಾಶ್ಚಾಪ್ತ್ಯಾಶ್ಚಾತಿಚ್ಛನ್ದಸಂ ಸಮಭರನ್ ।
ತಾಂ ತೇ ಪ್ರಾವಿಶನ್ ।
ತಾನ್ಸಾಚ್ಛಾದಯತ್ ೨೮೩

ಸವನಾನ್ಯೇವೇನ್ದ್ರಾ ಗ್ನೀ ಅನುಪ್ರಾವಿಶತಾಮ್ ।
ತತೋ ವೈ ತಾನ್ಮೃತ್ಯುಃ ಪಾಪ್ಮಾ ನ ನಿರಜಾನಾತ್ ।
ಕುತೋ ಹಿ ತಸ್ಯ ಮೃತ್ಯುಃ ಪಾಪ್ಮೇಶಿಷ್ಯತೇ ಯಂ ನ ನಿರ್ಜಾನಾತಿ ।
ನ ಹೈನಂ ಮೃತ್ಯುಃ ಪಾಪ್ಮಾನುವಿನ್ದತಿ ಯ ಏವಂ ವೇದ ।
ಛನ್ದಾಂಸಿ ವಾವ ತಾನ್ಮೃತ್ಯೋಃ ಪಾಪ್ಮನೋಽಚ್ಛಾದಯನ್ ।
ತದ್ಯದೇನಾಞ್ಛನ್ದಾಂಸಿ ಮೃತ್ಯೋಃ ಪಾಪ್ಮನೋಽಚ್ಛಾದಯಂಸ್ತಚ್ಛನ್ದಸಾಂ ಛನ್ದಸ್ತ್ವಮ್ ।
ಛಾದಯನ್ತ್ಯೇವೈನಂ ಛನ್ದಾಂಸಿ ಮೃತ್ಯೋಃ ಪಾಪ್ಮನೋ ಯ ಏವಂ ವೇದ ।
ತದ್ಯೇನ ಯೇನ ಹ ವೈ ಛನ್ದಸೈವಂವಿದಾರ್ತ್ವಿಜಂ ಕರೋತಿ ತತ್ತದೇವ ಸ ತರ್ಹಿ ಪ್ರಪನ್ನೋ ಭವತಿ ।
ಯೇನ ಯೇನ ಹ್ಯೇವೈನಂ ಛನ್ದಸಾ ಕುರ್ವನ್ತಮುಪವದತಿ ತಸ್ಮಾದಾವೃಶ್ಚ್ಯತೇ ।
ತಸ್ಯ ಹೈತಸ್ಯ ನೈವ ಕಾ ಚನಾರ್ತಿರಸ್ತಿ ಯ ಏವಂ ವೇದ ।
ಯ ಏವೈನಮುಪವದತಿ ಸ ಆರ್ತಿಮಾರ್ಚ್ಛತಿ ।
ಅಥ ಹೋರ್ಜೋ ಜಾನಾಯನಃ ಕಪಿವನಂ ಭೌವಾಯನಂ ಪಪ್ರಚ್ಛ ಯದ್ಗಾಯತ್ರಂ ಪ್ರಾತಃಸವನಂ ತ್ರೈಷ್ಟುಭಂ ಮಾಧ್ಯಂದಿನಂ ಸವನಂ ಜಾಗತಂ ತೃತೀಯಸವನಮಥ ಕೇಯಮನುಷ್ಟುಬಯಾತಯಾಮ್ನೀ ಸವನಮುಖಾನ್ಯುಪಾಪತತ್ಯಾನ್ತಾದ್ಯಜ್ಞಂ ವಹತೀತಿ ।
ಸ ಹೋವಾಚ ವಾಗ್ವಾ ಅನುಷ್ಟುಬ್ವಾಚೋ ಯಜ್ಞಸ್ತಾಯತೇ ।
ತದ್ಯಥಾ ವಾ ಅದೋ ಭದ್ರ ಬಲೀವರ್ದೇನ ರಜ್ಜ್ವಭಿಹಿತೇನ ಪುನಃ ಪುನಃ ಪ್ರತಿಧಾವನ್ತಿ ಪ್ರತಿಕೂಲಾಯ ವಾ ಗುರವೇ ವೋದ್ವೋಢ ವ ಏವಂ ವಾ ಏತಂ ವಾಚಮನುಷ್ಟುಭಂ ಸವನಮುಖೇಷು ಪರ್ಯಾಣಾಯ ಯುಞ್ಜನ್ತಿ ।
ಪ್ರತಿಕೂಲಾನೀವ ವಾ ಏತಾನಿ ಯತ್ಸವನಮುಖಾನಿ ।
ಸೈಷಾ ವಾಗೇವಾಯಾತಯಾಮ್ನ್ಯಾನ್ತಾದ್ಯಜ್ಞಂ ವಹತಿ ।
ಯೋ ವಾ ಅನುಷ್ಟುಭಂ ಸರ್ವತ್ರಾಪೀಂ ವೇದ ಸರ್ವತ್ರ ಹಾಸ್ಯಾಪಿ ಪುಣ್ಯೇ ಭವತಿ ।
ಅಷ್ಟಾಕ್ಷರಾ ಗಾಯತ್ರ್! ಯೇಕಾದಶಾಕ್ಷರಾ ತ್ರಿಷ್ಟುಬ್ದ್ವಾದಶಾಕ್ಷರಾ ಜಗತೀ ವಾಗಿತಿ ಯಜ್ಞಾಯಜ್ಞೀಯಸ್ಯ ನಿಧನಮ್ ।
ತದ್ ದ್ವಾತ್ರಿಂಶತ್ । ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಅಪಿ ವಾ ಏತಸ್ಯೈ ಪ್ರಾತಃಸವನೇಽಪಿ ಮಾಧ್ಯಂದಿನೇ ಸವನೇಽಪಿ ತೃತೀಯಸವನೇಽಪಿ ವಾ ಏತಸ್ಯೈ ಬ್ರಹ್ಮಣ್ಯಪಿ ಕ್ಷತ್ರೇಽಪಿ ವಿಶ್ಯಪಿ ವಾ ಏತಸ್ಯಾ ಅಸ್ಮಿಁ ಲ್ಲೋಕೇಽಪ್ಯನ್ತರಿಕ್ಷೇಽಪ್ಯಮುಷ್ಮಿನ್ಸ ಯ ಏವಮೇತಾಂ ಅನುಷ್ಟುಭಂ ಸರ್ವತ್ರಾಪೀಂ ವೇದ ಸರ್ವತ್ರ ಹೈವಾಸ್ಯಾಪಿ ಪುಣ್ಯೇ ಭವತಿ ೨೮೪

ಅಥ ಹಾಹೀನಸಮಾಶ್ವತ್ಥಿಂ ಕೇಶೀ ದಾರ್ಭ್ಯಃ ಕೇಶಿನಃ ಸಾತ್ಯಕಾಮಿನಃ ಪುರೋಧಾಯಾ ಅಪರುರೋಧ ।
ಸ ಹ ಸ್ಥವಿರತರೋಽಹೀನಾ ಆಸ ಕುಮಾರತರಃ ಕೇಶೀ ।
ತಂ ಹೋವಾಚಾಂ ಕೇಶಿನ್ಕಿಂ ಮೇ ವಿದ್ವಾನ್ರಾಜನ್ಯಮುಪಾಹೃಥಾ ಇತಿ ।
ಸ ಹೋವಾಚ ದಹೇದನುಷ್ಟುಭಮೇವ ಸರ್ವಾಣಿ ಛನ್ದಾಂಷ್ಯುಪಾಸ್ಮಹೇ ಬೃಹತೀಂ ಪಶೂನ್ಯಜ್ಞಂ ಸ್ವರ್ಗಂ ಲೋಕಮಿತಿ ।
ತಂ ಹಾಸ್ರಂ ವಿವೇದ ।
ಸ ಹ ಕೃಪಯಾಂ ಚಕ್ರೇ ।
ತಂ ಹೋವಾಚ ಮಾ ಕೃಪಯಥಾಃ ।
ಯದಿ ರಾಜನ್ಯಕಾಮ್ಯಾ ಕೃಪಯಸ ಏಷ ತೇ ರಾಜನ್ಯಃ ।
ಅಪಿ ವೈ ವಯಮನ್ಯಂ ರಾಜನ್ಯಮೇಷಿಷ್ಯಾಮಹಾ ಇತಿ ।
ಸ ಹೋವಾಚ ನೈತತ್ಕೇಶಿನ್ರಾಜನ್ಯಕಾಮ್ಯಾ ಬ್ರಹ್ಮಚರ್ಯಮೇವ ವೈ ಮಾ ತದನುಸಮ್ಸ್ಮೃತ್ಯಾಸ್ರಮವಿದತ್ ।
ಚಚಾರ ವೈ ಬ್ರಹ್ಮಚರ್ಯಮ್ ।
ಉಪಜರಸಂ ವಾವೇದಮಶೃಣ್ಮ ಯದಯಮಿಯತ್ಕುಮಾರಕೋಽಭಿವೇದಯತ ಇತಿ ।
ಏವಮೇವೈತದನುಸಮ್ಸ್ಮೃತ್ಯಾಸ್ರಮವಿದದಿತಿ ।
ಸ ಯದನುಷ್ಟುಭಂ ಸರ್ವಾಣಿ ಛನ್ದಾಂಸ್ಯುವಾಚಾಷ್ಟಾಕ್ಷರಾ ಗಾಯತ್ರ್! ಯೇಕಾದಶಾಕ್ಷರಾ ತ್ರಿಷ್ಟುಬ್ದ್ವಾದಶಾಕ್ಷರಾ ಜಗತೀ ವಾಗಿತಿ ಯಜ್ಞಾಯಜ್ಞೀಯಸ್ಯ ನಿಧನಮ್ ।
ತದ್ದ್ವಾತ್ರಿಂಶತ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಏತದನುಷ್ಟುಭಂ ಸರ್ವಾಣಿ ಛನ್ದಾಂಸ್ಯುವಚ ।
ಬೃಹತೀಂ ಪಶೂನಿತಿ ।
ಯಾ ವಾ ಅನುಷ್ಟುಪ್ಸಾ ಬೃಹತೀ ।
ಚತುಷ್ಪಾತ್ಸು ವಾ ಏಷಾ ಪಶುಷೂಪಹಿತೇಷು ಬೃಹತ್ಯಭವತ್ ।
ಯಜ್ಞಮಿತಿ ।
ಯೋ ಹ್ಯೇವ ಪಶುಮಾನ್ಭವತಿ ತಂ ಯಜ್ಞ ಉಪನಮತಿ ।
ಸ್ವರ್ಗಂ ಲೋಕಮಿತಿ ।
ಬೃಹತೀ ಹ್ಯೇವ ಸ್ವರ್ಗೋ ಲೋಕಃ ।
ಅಥ ಹ ಸಂಗಮನ ಕ್ಷೈಮಿಃ ಸತ್ಯಯಜ್ಞಂ ಪೌಲುಷಿಂ ಪಪ್ರಚ್ಛಾಚಾರ್ಯೇಣ ಪ್ರಹಿತ ಆರುಣಿನಾ ಸತ್ಯಯಜ್ಞ ಪೌಲುಷೇ ಯತ್ಸ್ತುತಾ ಗಾಯತ್ರೀ ಭವತಿ ಸ್ತೂಯತೇ ತ್ರಿಷ್ಟುಬಸ್ತುತಾ ಜಗತೀ ಕಥಂ ತಾಃ ಸರ್ವಾಃ ಸಂಪದ್ಯ ಮಾಧ್ಯಂದಿನಂ ಸವನಮುದ್ಯಚ್ಛನ್ತೀತಿ ।
ತದ್ಧ ನ ಪ್ರತ್ಯುವಾಚ ।
ತೇನ ಹೈನಂ ಜಿಗಾಯ ।
ಸ ಯತ್ಪ್ರತ್ಯವಕ್ಷ್ಯದ್ಯಸ್ಮಾದ್ಬ್ರಾಹ್ಮಣಶ್ಚ ವೈಶ್ಯಶ್ಚ ಕ್ಷತ್ರಿಯಮಧಸ್ತಾದುಪಾಸಾತೇ ಅಥೋ ಯದಸ್ಯಾದ್ಯಾವಭವತಾಮಥೋ ಯದೇವೈತದ್ದ್ವಾದಶಾಕ್ಷರಂ ಪದಮಿತಿ ೨೮೫

ಛನ್ದಾಂಸಿ ಯದಿಮಾಁ ಲ್ಲೋಕಾನ್ವ್ಯಭಜನ್ತೇಮಮೇವ ಲೋಕಂ ಗಾಯತ್ರ್! ಯಭಜತಾನ್ತರಿಕ್ಷಂ ತ್ರಿಷ್ಟುಬಮುಂ ಜಗತೀ ।
ಬ್ರಹ್ಮ ವೈ ಗಾಯತ್ರೀ ಕ್ಷತ್ರಂ ತ್ರಿಷ್ಟುಬ್ವಿಡ್ಜಗತೀ ।
ಸೇಯಂ ತ್ರಿಷ್ಟುಬಸ್ಮಿನ್ನನ್ತರಿಕ್ಷೇ ನಾಲಮನೇನೋತ್ಪಾದನೇನಾರಾರಣ್ಯತ ।
ಸೇಮಾಂ ಗಾಯತ್ರೀಮ್ಪ್ರಾಙಭ್ಯವಿಧ್ಯತ್ ।
ತಾಂ ಅಭ್ಯತಪತ್ ।
ತಸ್ಯಾ ಅಬಿಭೇದಾಯತನಂ ಮ ಉಪಹರಿಷ್ಯತ ಇತಿ ।
ತಾಮಬ್ರವೀನ್ನಮಸ್ತೇಽಸ್ತು ಕಿಂಕಾಮಾ ಮಾಭಿವಿಧ್ಯಸೀತಿ ।
ಪ್ರದಾನಂ ಮೇ ಪ್ರಯಚ್ಛೇತ್ಯಬ್ರವೀತ್ ।
ತಸ್ಯೈ ದ್ವೇ ಅಷ್ಟಾಕ್ಷರೇ ಪದೇ ಪ್ರಾಯಚ್ಛತ್ ।
ಸಾಮೂಂ ಜಗತೀಮುಪಪಲ್ಯಾಯತ ।
ತಾಮಭ್ಯವಿಧ್ಯತ್ ।
ತಾಂ ಅಭ್ಯತಪತ್ ।
ತಸ್ಯಾ ಅಬಿಭೇದಾಯತನಂ ಮ ಉಪಹರಿಷ್ಯತ ಇತಿ ।
ತಾಮಬ್ರವೀನ್ನಮಸ್ತೇಽಸ್ತು ಕಿಂಕಾಮಾ ಮಾಭಿವಿಧ್ಯಸೀತಿ ।
ಪ್ರದಾನಂ ಮೇ ಪ್ರಯಚ್ಛೇತ್ಯಬ್ರವೀತ್ ।
ತಸ್ಯೈ ದ್ವಾದಶಾಕ್ಷರಂ ಪದಂ ಪ್ರಾಯಚ್ಛತ್ ।
ಸೇಮಾಮೇವ ಗಾಯತ್ರೀಂ ಪುನರುಪಪಲ್ಯಾಯತ ।
ತಾಮಬ್ರವೀದ್ಯತ್ತೇ ಪ್ರದಾನಂ ಪ್ರಾದಾಂ ಕಿಮು ನ್ವೇವೇಚ್ಛಸೀತಿ ।
ಸರ್ವಮೇವ ಮ ಆತ್ಮಾನಂ ಪ್ರಯಚ್ಛೇತ್ಯಬ್ರವೀದ್ ।
ಅಥ ಕಿಮು ಮೇ ಭವಿಷ್ಯತೀತಿ ।
ಸಮಾನಂ ನಾವನ್ನಾದ್ಯಂ ಭವಿಷ್ಯತಿ ಪುರಸ್ತ್ವಾ ಧಾಸ್ಯ ಇತಿ ।
ತಥೇತಿ ।
ತಾಂ ಪುರೋಽಧತ್ತ ।
ತಸ್ಯೈ ಸರ್ವಮಾತ್ಮಾನಂ ಪ್ರಾಯಚ್ಛತ್ ।
ತದ್ಯದ್ಗಾಯತ್ರೀ ಸರ್ವಮಾತ್ಮಾನಂ ಪ್ರಾಯಚ್ಛತ್ತಸ್ಮಾದ್ಬ್ರಾಹ್ಮಣಃ ಸರ್ವೇಣಾತ್ಮನಾ ಕ್ಷತ್ರಿಯಮಭ್ಯೇತಿ ।
ಅಥೋ ಯಜ್ಜಗತೀ ನ ಸರ್ವಮಿವಾತ್ಮಾನಂ ಪ್ರಾಯಚ್ಛತ್ತಸ್ಮಾದು ಕ್ಷತ್ರಾದ್ವಿಡಪಕ್ರಾಮಮಿವ ಚರತಿ ।
ಯಾಂ ಯಾಂ ಏವ ತಾಂ ಗಾಯತ್ರೀ ಚ ಜಗತೀ ಚ ಸಂಪ್ರಾಯಚ್ಛತಾಂ ಸೈವೈಷಾ ಬೃಹತ್ಯಭವತ್ ।
ತಸ್ಮಾದ್ಬೃಹತ್ಯೈ ತ್ರೀಣಿ ಚಾಷ್ಟಾಕ್ಷರಾಣಿ ಪದಾನಿ ದ್ವಾದಶಾಕ್ಷರಂ ಚ ।
ಸೈಷಾ ಗಾಯತ್ರೀ ಪ್ರಥಮತೋ ಯುಜತೇ ಉಚ್ಚಾ ತೇ ಜಾತಮನ್ಧಸಾ ಇತಿ ।
ಏಷಾ ಪುರೋಹಿತಾವಸಾನೇ ।
ವಿನ್ದತೇ ಪುರೋಧಾಂ ವಾ ಪುರೋಧಾಮಾತ್ರಂ ವಾ ಯ ಏವಂ ವೇದ ೨೮೬

ಅಥ ಬೃಹತ್ಯಥ ತ್ರಿಷ್ಟುಪ್ ।
ತದೇತದ್ಬ್ರಹ್ಮಣಾ ಚ ಕ್ಷತ್ರೇಣ ಚೋಭಯತೋಽನ್ನಾದ್ಯಂ ಪರಿಗೃಹೀತಮ್ ।
ಬ್ರಹ್ಮಣಾ ಚ ಹ ವಾ ಏನಂ ಕ್ಷತ್ರೇಣ ಚೋಭಯತೋಽನ್ನಾದ್ಯಂ ಪರಿಗೃಹೀತಮುಪತಿಷ್ಠತೇ ಯ ಏವಂ ವೇದ ।
ತಸ್ಮಾದ್ಬ್ರಾಹ್ಮಣೇನ ಕ್ಷತ್ರಿಯಾಯ ನ ದ್ರೋ ಗ್ಧವ್ಯಂ ನ ಕ್ಷತ್ರಿಯೇಣ ಬ್ರಾಹ್ಮಣಾಯ ।
ಸಮಾನಂ ಹ್ಯೇನಯೋರನ್ನಾದ್ಯಮ್ ।
ತಸ್ಮಾದ್ಯದ್ಬ್ರಾಹ್ಮಣೋ ಮಹದಿವ ಗಚ್ಛತಿ ಕ್ಷತ್ರಿಯಮೇವ ಸ ತಸ್ಯಾನ್ನಾದ್ಯಸ್ಯ ದ್ವಿತೀಯಂ ಗೋಪ್ತಾರಮಿಚ್ಛತೇ ।
ಯತ್ಕ್ಷತ್ರಿಯೋ ಬ್ರಾಹ್ಮಣಮು ಏವ ।
ಚತುರಕ್ಷರಾಣಿ ಹ ವಾ ಅಗ್ರೇ ಛನ್ದಾಂಸ್ಯಾಸುರಯಜ್ಞವಾಹಾನಿ ।
ಅಥ ಹೇನ್ದ್ರ ಸ್ಯ ತ್ರಿದಿವೇ ಸೋಮ ಆಸ ।
ತಂ ಹಾಗ್ನಯೋ ಗನ್ಧರ್ವಾ ಜುಗುಪುರೇತ ಏವ ಧಿಷ್ಣಯಾಃ ।
ತ ಉ ಏವಾಶೀವಿಷಾಃ ।
ಸ ಹಿರಣ್ಮಯ್ಯೋಃ ಕುಶ್ಯೋರಾಸ ।
ತೇ ಹ ಸ್ಮ ನಿಮೇಷಮಾತ್ರಮಭಿಸಂಪತತಃ ।
ತಾನೀಮಾನಿ ಛನ್ದಾಂಸ್ಯಬ್ರುವನ್ಸೋಮಮಾಹರಾಮ ಯಜ್ಞಂ ತನವಾಮಹಾ ಇತಿ ।
ಸಾ ಜಗತೀ ಪ್ರಥಮೋದಪತದೋಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ಮನ್ಯಮಾನಾ ।
ತಸ್ಯೈ ಪರೇತಾಯೈ ಸೋಮಪಾಲಾಸ್ತ್ರೀಣ್ಯಕ್ಷರಾಣ್ಯವಿನ್ದನ್ತ ।
ಸೈಕಾಕ್ಷರಾ ಪುನರಾಗಚ್ಛದ್ದೀಕ್ಷಾಂ ಚ ಪಶೂಂಶ್ಚಾಹರನ್ತೀ ।
ತಸ್ಮಾದ್ಯ ಏವ ಪಶುಮಾನ್ಭವತಿ ತಂ ದೀಕ್ಷೋಪನಾಮುಕಾ ।
ಅಥ ತ್ರಿಷ್ಟುಬುದಪತತ್ ।
ತಸ್ಯೈ ಪರೇತಾಯೈಸೋಮಪಾಲಾ ಏಕಮಕ್ಷರಮವಿನ್ದನ್ತ ।
ಸಾ ತ್ರ್! ಯಕ್ಷರಾ ಪುನರಾಗಚ್ಛತ್ತಪಶ್ಚ ದಕ್ಷಿಣಾಶ್ಚಾಹರನ್ತೀ ।
ತಸ್ಮಾತ್ತ್ರಿಷ್ಟುಭೋ ಲೋಕೇ ದಕ್ಷಿಣಾ ನೀಯನ್ತೇ ತಸ್ಮಾದು ತಮೇವ ತಪಸ್ತಪ್ಯಮಾನಂ ಮನ್ಯನ್ತೇ - ೨೮೭

- ಯೋ ದದತ್ ।
ಅಥ ಗಾಯತ್ರ್! ಯುದಪತತ್ ।
ತಾಮನುಷ್ಟುಮ್ಮಾತಾ ಪ್ರತ್ಯನ್ವೈಕ್ಷತ ।
ತಸ್ಮಾನ್ಮಾತಾ ಪುತ್ರಂ ಜನಂ ಯನ್ತಂ ಪ್ರತ್ಯನ್ವೀಕ್ಷೇತ ಜೀವನ್ನಾಹರನ್ನಾಗಚ್ಛೇತಿ ।

ಕ್ತ್ಚ್ಕ್ತ್ಚ್ವಾಗೇಷಾ ಯತ್ಪೃಷ್ಠಾನಿ ।
ತಾಮೇತಾಂ ವಿಪ್ರಯುಞ್ಜತೇ ।
ತಾಂ ವಿಹರನ್ತಿ ।
ಸಾ ಪ್ರಥಮಮಹಃ ಪ್ರಾಪ್ಯ ರಥನ್ತರಂ ಭವತಿ ।
ಇಯಮೇವ ಪೃಥಿವೀ ।
ವಾಗ್ವೈ ರಥನ್ತರಮ್ ।
ಸೈಷಾವದತಿ ।
ಸಾ ದ್ವಿತೀಯಮಹಃ ಪ್ರಾಪ್ಯ ಬೃಹತೀ ಭವತಿ ಯಾಮಿಮಾಂ ಶ್ರೇಷ್ಠೀ ವಾಚಂ ವದತೀತ್ಯವೋಚದಿತಿ ।
ಸಾ ಹಿ ದೂರಾಚ್ಛ್ರೂಯತೇ ।
ಸಾ ತೃತೀಯಮಹಃ ಪ್ರಾಪ್ಯ ವೈರೂಪಾ ಭವತಿ ಯದಿದಂ ತಿರ್ಯಗ್ವಾಚ ಏಹಿ ಪ್ರೇಹ್ಯಾಹರೋಪಾಹರಾಶಯ ಪಾಯಯೇತಿ ।
ಸಾ ಚತುರ್ಥಮಹಃ ಪ್ರಾಪ್ಯ ವಿರಾಡ್ಭವತಿ ।
ತೂಷ್ಣೀಂ ನಿಷದ್ಯಮ್ ।
ಏತದ್ಧ ವೈ ವೈರಾಜ್ಯಂ ವಾಚೋ ಯತ್ತೂಷ್ಣೀಂನಿಷದ್ಯಂ ಯಾಮಿಮಾಂ ಶ್ರೇಷ್ಠಿನಸ್ತೂಷ್ಣೀಮಾಸೀನಸ್ಯೈವ ಜಿಜ್ಞಾಸನ್ತೇ ।
ಸಾ ಪಞ್ಚಮಮಹಃ ಪ್ರಾಪ್ಯ ಶಕ್ವರೀ ಭವತಿ ಯಯಾ ಪ್ರಶಿಷ್ಟಶ್ಶಕ್ನೋತಿ ।
ಸಾ ಷಷ್ಠಮಹಃ ಪ್ರಾಪ್ಯ ರೇವತೀ ಭವತಿ ಯಯಾನ್ನಾದ್ಯಂ ಪ್ರದೀಯತೇ ।
ಸಾ ನ ಮಾಸಿ-ಮಾಸ್ಯಾತ್ತವ್ಯಾ ।
ಲೇಲಿಭಸ್ಯೈತದಾಜಾನಂ ಯಾಮಿಮಾಂ ಲೇಲಿಭಾ ವಾಚಂ ವದನ್ತಿ ।
ಇಮಾಂ ವಾ ಅಯಂ ಹ್ಯೋಽವದದಿಮಾಂ ಪೂರ್ವೇದ್ಯುರಿಮಾಂ ಪೂರ್ವಸಮಾಮ್ ।
ಸಮಾನೀಂ ಬತ ವಾಚಂ ವದತಿ ನ ಬತೈನಂ ಪರ್ಯೇತೀತಿ ।
ಏವಂ ತದ್ಯನ್ಮಾಸಿ-ಮಾಸಿ ಪೃಷ್ಠಾನ್ಯುಪಯನ್ತಿ ೧

ಕ್ತ್ಚಥ ಯಥಾ ತೂಷ್ಣೀಮಾಸಿತ್ವಾ ಯದೇವ ಕಲ್ಯಾಣಂ ಯತ್ಪುಣ್ಯಂ ತದ್ವ್ಯಾಹರೇತ್ ।
ಸಾ ವ್ಯಾಹೃತಂ ಬತ ವ್ಯಾಹಾರ್ಷೀದ್ವ್ಯಾಹರ್ತಾ ಬತೇತಿ ।
ಏವಂ ತದ್ಯದುಪರಿಷ್ಟಾತ್ಸಂವತ್ಸರಸ್ಯ ಪೃಷ್ಠಾನ್ಯುಪಯನ್ತಿ ।
ಅಭ್ಯೇವ ರಥನ್ತರೇಣ ಕ್ರನ್ದತಿ ರೇತ ಏವ ಬೃಹತಾ ಸಿಞ್ಚತಿ ಗರ್ಭಾನೇವ ವೈರೂಪೇಣ ದಧಾತಿ ಜನಯತ್ಯೇವ ವೈರಾಜೇನ ವರ್ಧಯತ್ಯೇವ ಶಕ್ವರೀಭಿರನ್ನಾದ್ಯಮೇವ ರೇವತೀಭಿಃ ಪ್ರದೀಯತೇ ।
ತತ್ಕುತೋ ಮಾಸಿ-ಮಾಸಿ ಜನಿಷ್ಯತೇ ।
ಯೋ ವೈ ಮಾಸ್ಯೋ ಗರ್ಭೋಽವಪದ್ಯತೇಽಸ್ರಾವೀದಿತಿ ವೈ ತಮಾಹುಃ ।
ಸ ಯಥಾ ಸಾಮಿ ಗರ್ಭಾಃ ಪತೇಯುರ್ಯಥಾ ವಾಮಾ ಓಷಧೀರ್ದಾಯುಸ್ತಾಃ ಕಿಂ ದಿತಾ ಸ್ಯುಶ್ಶುಷ್ಯೇಯುರೇವೈವಂ ತದ್ಯನ್ಮಾಸಿ-ಮಾಸಿ ಪೃಷ್ಠಾನ್ಯುಪಯನ್ತಿ ೨

ಕ್ತ್ಚಥ ಯಥೋ ಸಂವತ್ಸರಂ ಭೃತ್ವಾ ಗರ್ಭಂ ಜನಯೇದೃತೌ ಪಕ್ವಾ ಓಷಧೀಃ ಪ್ರಚಿನುಯುಸ್ತಾಸಾಂ ಕಾಮಾನ್ಕುರ್ವೀರನ್ನೇವಂ ತದ್ಯದುಪರಿಷ್ಟಾತ್ಸಂವತ್ಸರಸ್ಯ ಪೃಷ್ಠಾನ್ಯುಪಯನ್ತಿ ।
ಅಥ ಹ ಸ್ಮಾಹ ಚಿತ್ರೋ ಗಾಙ್ಗ್ಯಾಯನಿ ಸ್ಪನ್ದನೈಷಾ ಬಹುದೋಹಿನೀ ಯತ್ಪೃಷ್ಠಾನಿ ।
ಕೋಽಹರಹ ಸ್ಪನ್ದನಾಯೈ ಧಾರಯಿತೄನೇಷಿಷ್ಯತಿ ।
ನ ವಾ ಏತಾನ್ಯವ್ಯೂಢೇ ದುಹ್ರೇ ನೋ ವಾ ಏತಾನ್ಯುಪರಿಷ್ಟಾದ್ವ್ಯೂಢೇ ದಶರಾತ್ರೇ ಗಾಯತ್ರ್! ಯಾ ಪರಿಹೃತಾನಿ ದುಹ್ರೇ ।
ಸ ಯಥಾ ಸ್ಪನ್ದನಾಂ ರಜ್ಜುಭಿರ್ವ್ಯಪತತ್ಯ ದುಹ್ಯುರೇವಮೇತಾನ್ಯುಪರಿಷ್ಟಾದ್ವ್ಯೂಢೇ ದಶರಾತ್ರೇ ಗಾಯತ್ರ್! ಯಾ ಪರಿಹೃತಾನಿ ದುಹ್ರೇ ।
ಸ ಯಥಾ ಉಪಸೃಜೇದೇವಂ ತದ್ಯದ್ಗಾಯತ್ರಮುಖಸ್ತ್ರ್! ಯಹೋ ಯಥಾಭಿದಧ್ಯಾದೇವಂ ತದ್ಯದ್ಗಾಯತ್ರಮಧ್ಯೋ ಯಥಾಪಹೃತ್ಯ ದುಹ್ಯಾದೇವಂ ತದ್ಯದ್ಗಾಯತ್ರೋತ್ತಮಃ ।
ತಸ್ಮಾದುಪರಿಷ್ಟಾದೇವೋಪೇತ್ಯಾನೀತಿ ।
ತದು ಹೋವಾಚ ಶಾಟ್ಯಾಯನಿರ್ಯೋ ವಾ ಏಷ ಚನ್ದ್ರ ಮಾ ಏಷ ವಾವ ಸಂವತ್ಸರ ಏಷ ಪ್ರಜಾಪತಿರೇಷ ಮಾಸ ಇತಿ ।
ಏತಾವಾನ್ವಾವೈಷ ಯಾವಾನ್ಮಾಸಃ ।
ಏತಂ ವಾವೈಷ ಆಪ್ತ್ವಾ ಪುನಃ ಪಲ್ಯಯತೇ ।
ಸ ಪಞ್ಚದಶ ರಾತ್ರೀರೂರ್ಧ್ವ ಏತಿ ಪಞ್ಚದಶಾರ್ವಾಙ್ ।
ಯಾ ಆಪೂರ್ಯತೇ ತಾ ಊರ್ಧ್ವ ಏತ್ಯಥ ಯಾ ಅಪೋಛಂಸ್ತಾ ಅರ್ವಾಙ್ ।
ಸ ಆಪೂರ್ಯಮಾಣೋಽಮುಂ ಲೋಕಂ ಗಚ್ಛತಿ ।
ಸೋಽಮುನಾ ಲೋಕೇನ ಸಂಸ್ಪೃಶ್ಯಾನ್ನಂ ಭವತಿ ।
ಸ ಯದಸ್ಯ ತತ್ರ ಸ್ವದ್ಯಂ ತತ್ಸ್ವದ ಇತ್ಯಪೋಛನ್ನಿಮಂ ಲೋಕಂ ಆಗಚ್ಛತಿ ।
ಸ ಇಮಾ ಅಪ ಓಷಧೀಃ ಪ್ರವಿಶತಿ ।
ಸ ಇಮಾ ಅಪ ಓಷಧೀಃ ಪ್ರವಿಶ್ಯಾಸ್ವಪ್ಸ್ವೋಷಧೀಷ್ವಾತ್ಮಾನಂ ನ್ಯುದ್ಯಾಪೂರ್ಯಮಾಣೋಽಮುಂ ಲೋಕಂ ಗಚ್ಛತಿ ೩

ಕ್ತ್ಚ್ಸ ಏವಮೇವ ಪುನಃ ಪಲ್ಯಯಮಾನಸ್ಸಂವತ್ಸರಮಾಪ್ನೋತಿ ।
ಸ ಯಾವದ್ಧ ವೈ ದ್ವಾದಶಭಿಸ್ಸಂವತ್ಸರೈರವರುನ್ದ್ಧೇ ತಾವದೇಕೇನೈವ ಸಂವತ್ಸರೇಣಾವರುನ್ದ್ಧೇ ಯ ಏವಂ ವಿದ್ವಾನ್ಮಾಸಿ-ಮಾಸಿ ಪೃಷ್ಠಾನ್ಯುಪೈತಿ ।
ತಾನೇತಾಂಶ್ಚತುರೋಽಭಿಪ್ಲವಾನುಪಯನ್ತಿ ।
ತೇಷಾಂ ಚತುರ್ವಿಂಶತೀ ರಾತ್ರ್! ಯಃ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ತದೇಷಾಮುಪರಿಷ್ಟಾತ್ಸಂವತ್ಸರಸ್ಯ ಮಾಸಿ-ಮಾಸಿ ಸಂವತ್ಸರ ಆಪ್ತೋ ಭವತಿ ।
ಪೃಷ್ಟ್ಯಂ ಪಞ್ಚಮಮುಪಯನ್ತಿ ।
ತದೇಷಾಂ ಉಪರಿಷ್ಟಾತ್ಸಂವತ್ಸರಸ್ಯ ಮಾಸಿ-ಮಾಸಿ ಪೃಷ್ಠಾನ್ಯುಪೇತಾನಿ ಭವನ್ತಿ ।
ಅಥ ಹ ಸ್ಮಾಹ ಮಹಿತ್ಥಶ್ಶೈನ್ಮಿಷಿರ್ಯಂ ವಾ ಇಮಮಾಹುರಪೃಷ್ಟೋಽಧುವಕೋಷ್ಣೀಷಃ ಕುಲಸ್ಯ ಕುಲಸ್ಯೋದ್ಭಿದಾ ವೇಷ್ಟತ ಇತ್ಯೇಷ ಹ ವಾವ ಸೋಽಪೃಷ್ಠೋಽಧುವಕೋಷ್ಣೀಷೋ ಯ ಏವ ನಿರ್ಹೃತಪೃಷ್ಠ್ಯಷ್ಷಡಹಃ ।
ತೇ ಕಿಂ ತತ್ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾನೇವ ಕುರ್ವನ್ತ ಆದ್ರಿ ಯೇರನ್ ।
ಅಭಿಪ್ಲವಾನೇವೈತಾನ್ಪಞ್ಚೋಪೇತ್ಯೋಪರಿಷ್ಟಾದೇವ ಪೃಷ್ಠಾನ್ಯುಪೇತ್ಯಾನೀತಿ ೪

ಕ್ತ್ಚಸೌ ವಾ ಆದಿತ್ಯೋಽತ್ರಾಗ್ರ ಆಸೀದ್ಯತ್ರೈತಚ್ಚಾತ್ವಾಲಮ್ ।
ಸ ಇದಂ ಸರ್ವಂ ಪ್ರಾತಪತ್ ।
ತಸ್ಯ ದೇವಾಃ ಪ್ರದಾಹಾದಬಿಭಯುಃ ।
ತೇಽಬ್ರುವನ್ಸರ್ವಂ ವಾ ಅಯಮಿದಂ ಪ್ರಧಕ್ಷ್ಯತಿ ।
ಏತೇಮೂರ್ಧ್ವಮುದೂಹಾಮೇತಿ ।
ತಂ ಷಡ್ಭಿರ್ಮಾಸೈರೂರ್ಧ್ವಮುದೌಹನ್ ।
ತಮೇಕವಿಂಶೇ ವಿಷುವತ್ಯಧ್ಯಾದಧುಃ ।
ಸ ಏಷ ಏಕವಿಂಶೇ ವಿಷುವತ್ಯಧ್ಯಾಹಿತಸ್ತಪತಿ ।
ತದ್ಯೇ ಚ ಹ ವಾ ಇತ ಊರ್ಧ್ವಾ ಲೋಕಾ ಯೇ ಚಾಮುತೋಽರ್ವಾಞ್ಚಸ್ತೇಷಾಮೇಷ ಏತದುಭಯೇಷಾಂ ವಿಷುವತಿ ।
ತದ್ಯದುಭಯೇಷಾಂ ವಿಷುವತಿ ತಸ್ಮಾದ್ವಿಷುವಾನ್ಸಃ ।
ಯಥಾ ವೈ ರಥನಾಭಾವರಾಸ್ಸಮಗ್ರಾ ಏವಂ ಹೈತಸ್ಮಿನ್ಸರ್ವೇ ಲೋಕಾಸ್ಸಮಗ್ರಾಃ ।
ತಾನ್ವಾ ಏತಾನೇಕೇ ಪರಸ್ತಾದ್ವಿಷುವತ ಊರ್ಧ್ವಾನೇವ ಷಡಹಾನುಪಯನ್ತಿ ।
ಯಥೈವೈತ ಆ ವಿಷುವತ ಉಪಯನ್ತ್ಯೇವಮೇವಾಪಿ ಪರಾಞ್ಚಃ ।
ಪರಾಙ್ವೈ ಸ್ವರ್ಗೋ ಲೋಕಃ ।
ಪರಾಞ್ಚ ಏತಂ ಸ್ವರ್ಗಂ ಲೋಕಂ ರೋಹಾಮ ।
ಪ್ರತ್ಯವರೋಹಸ್ಸ ಯದರ್ವಾಞ್ಚ ಉಪೇಯಾಮ ।
ಅಥೈವಮಪ್ರತ್ಯವರೂಢಮಿತಿ ವದನ್ತಸ್ತೇ ಯೇ ಹ ತೇ ತಥೋಪಯನ್ತಿ ಯ ಏವಂ ತಸ್ಮಾದಾದಿತ್ಯಾದರ್ವಾಞ್ಚೋ ಲೋಕಾಸ್ತಾನೇವಾಪ್ನುವನ್ತಿ ।
ಯದ್ಯಪಿ ಬಹೂನ್ಸಂವತ್ಸರಾನುಪಯನ್ತ್ಯಥ ತಾನೇವಾಪ್ನುವನ್ತಿ ।
ಅಥ ಯ ಏವೈತಾನ್ಪರಾಚಶ್ಚಾರ್ವಾಚಶ್ಚ ಷಡಹಾನುಪಯನ್ತಿ ತ ಏವೈತಾನುಭಯಾಁ ಲ್ಲೋಕಾನಾಪ್ನುವನ್ತಿ ಪರಾಙಿಯಾನರ್ವಾಙಿತಿ ೫

ಕ್ತ್ಚ್ಸ ಇಮಂ ಲೋಕಮನ್ತಿಕಾದಭ್ಯತಪತ್ ।
ತೇ ವಾಯುಮವಸ್ತಾತ್ಪರ್ಯೌಹನ್ ।
ತೇನೈನಮಶಮಯನ್ ।
ಅಪೋ ಹ ವಾ ಏಷ ಏತದ್ಬಿಭರ್ತಿ ।
ತೇಽದ್ಭಿರೇವೈನಂ ತದಶಮಯನ್ ।
ಸೋಽಮುಂ ಪರಂ ಲೋಕಂ ಪ್ರಾತಪತ್ ।
ತೇ ಚನ್ದ್ರ ಮಸಂ ಪರಸ್ತಾತ್ಪರ್ಯೌಹನ್ ।
ತೇನೈನಮಶಮಯನ್ ।
ಪ್ರಜಾಪತಿರ್ವೈ ಚನ್ದ್ರ ಮಾಃ ।
ಪ್ರಜಾಪತಿನೈವೈನಂ ತದಶಮಯನ್ ।
ತ್ರಿಷು ಹ ವಾ ಅಯಮಿದಂ ಲೋಕೇಷು ಪವತೇ ।
ತ್ರಿಷು ತತ ಆದಿತ್ಯಸ್ತ್ರಿಷು ನಕ್ಷತ್ರಾಣಿ ತಸ್ಮಾತ್ತಾನ್ಯಣಿಷ್ಠಾಣಿ ಪರಾರ್ಧ್ಯಾನಿ ಹ್ಯೇತೇ ಹ ವಾವ ದ್ವಾದಶ ದೇವಲೋಕಾಃ ।
ಅಥ ಯಥೋಷಸೋ ವಾ ಯದ್ವೈವಮೇವಾನ್ಯೇ ಲೋಕಾಃ ।
ಸ ಇಮಂ ಲೋಕಮೋಕಂ ಪ್ರಜಾನನ್ನಭ್ಯವಾವಿಧ್ಯತ್ತನ್ತ್ರಿಭಿಃ ।
ಸ್ವರಸಾಮಭಿರವಸ್ತಾದುಪಾದಧುಃ ।
ಸೋಽಮುಂ ಪರಂ ಲೋಕಂ ಪ್ರಾಪಶ್ಯತ್ ।
ತಮುದೇವಾವಿಧ್ಯತ್ತನ್ತ್ರಿಭಿಃ ।
ಸ್ವರಸಾಮಭಿಃ ಪರಸ್ತಾದುಪಾದಧುಃ ।
ತಮೇತದತ್ರಾಸ್ಪೃಣ್ವನ್ ।
ಯದಸ್ಪೃಣ್ವಂಸ್ತತ್ಸ್ವರಾಣಾಂ ಸ್ವರತ್ವಮ್ ।
ಸಪ್ತದಶಾ ಸ್ವರಸಾಮಾನೋ ಭವನ್ತಿ ।
ಅನ್ನಂ ವೈ ಸಪ್ತದಶಮ್ ।
ಅನ್ನಾದ್ಯ ಏವೈನಂ ತದಧ್ಯಾದಧುಃ ।
ಅಥೋ ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿನೈವೈನಂ ತದನ್ನಾದ್ಯೇಽಧ್ಯಾದಧುಃ ।
ಸ ಏಷೋ ಹಿ ಪೂರ್ವೇಽನ್ನಾದ್ಯೇಽಧ್ಯಾಹಿತಸ್ತಪತಿ ।
ತೇ ವಾ ಏತೇ ಸ್ವರಸಾಮಾನ ಏಕಪಞ್ಚಾಶತ್ಸತ್ರಿಂಶಿನೀರ್ವಿರಾಜಸ್ಸಂಪದ್ಯನ್ತೇ ಪಞ್ಚವಿಂಶತಿರವಸ್ತಾತ್ಪಞ್ಚವಿಂಶತಿಃ ಪರಸ್ತಾತ್ ।
ಅಥ ಯೈಕಪಞ್ಚಾಶೀ ತಸ್ಯಾಮೇಷ ಏತನ್ಮಧ್ಯೇ ವ್ಯೂಹ್ಯಾಧ್ಯಾಹಿತಸ್ತಪತಿ ।
ತನ್ನ ಶೋಕೋ ನ ಹಿಮೋ ನಾಶನಾಯತಿ ನ ಪಿಪಾಸತಿ ನಾಸ್ಯ ಕಾ ಚನಾವೃತ್ತಿರಸ್ತಿ ।
ನ ಹ ವಾ ಅಶನಾಯತಿ ನ ಪಿಪಾಸತಿ ನಾಸ್ಯ ಕಾ ಚನಾವೃತ್ತಿರ್ಭವತಿ ಯ ಏವಂ ವೇದ ೬

ಕ್ತ್ಚ್ಸ ಯಥಾ ಸರ್ಪಿಷಃ ಕುಮ್ಭಂ ವಾ ಮಧುಕುಮ್ಭಂ ವಾ ಜಾಲೋದ್ದಿತಾಶಯಂ ಹ್ರಿಯೇರನ್ನೇವಮೇವೈಷ ಏತಾಭಿರ್ವಿರಾಡ್ಭಿಃ ಪರಿಗೃಹೀತಃ ।
ಪ್ರಾಞ್ಚ ಪ್ರತ್ಯಞ್ಚ ಯತ ಏತಾಭಿರ್ಧೃತಃ ।
ತಾನ್ವಾ ಏತಾನೇಕೇ ಸ್ವರಸಾಮ್ನೋಽಗ್ನಿಷ್ಟೋಮಾನೇವ ಕುರ್ವನ್ತಿ ಸ್ತೋತ್ರಬೃಹತೀಮಿದಂ ಕುರ್ಮ ಇತಿ ವದನ್ತಃ ।
ಯೇ ವೈ ತ್ರಯೋಽಗ್ನಿಷ್ಟೋಮಾಷ್ಷಟ್ತ್ರಿಂಶತ್ತಾನಿ ಸ್ತೋತ್ರಾಣಿ ।
ದ್ವಾದಶೈಕಸ್ಯ ದ್ವಾದಶೈಕಸ್ಯ ದ್ವಾದಶೈಕಸ್ಯ ತತ್ಷಟ್ತ್ರಿಂಶತ್ ।
ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ಸ್ವರ್ಗೋ ಲೋಕಃ ।
ಸೈತಂ ಸ್ಪೃಶತಿ ।
ತೇ ಬೃಹತ್ಯೈತಂ ಸ್ವರ್ಗಂ ಲೋಕಂ ಗಚ್ಛಾಮೇತಿ ।
ತೇ ಹ ತೇ ಗಚ್ಛನ್ತ್ಯೇವ ಯಥಾ ತ್ವೃತೇಽನ್ನಾದ್ಗಚ್ಛೇದೇವಮ್ ।
ಅಥ ಯದುಕ್ಥ್ಯಾ ಭವನ್ತಿ ।
ಪಶವೋ ವಾ ಉಕ್ಥಾನಿ ।
ಅನ್ನಂ ಪಶವಃ ।
ಸ ಯಥಾನ್ನೇನ ಸಹ ಶ್ರೇಯಾಂಸಂ ಪ್ರತಿನನ್ದನ್ತಮುಪೇಯಾದೇವಮೇವೈನಮೇತದುಕ್ಥ್ಯೈ ಸ್ವರಸಾಮಭಿರುಪಯನ್ತಿ ।
ಅಥೋ ಹೈತೌ ದೇವತತ್ತ್ವಾವೇವ ಯದ್ವಿಶ್ವಜಿದಭಿಜಿತೌ ।
ಅನ್ನಮೇತದ್ಯತ್ಸ್ವರಸಾಮಾನಃ ।
ಸ ಯಥಾ ಸೂನಾಯಾಮನ್ನಮಾಧಾಯ ಶ್ರೇಯಸ ಉಪಹರೇದೇವಮೇವಾಸ್ಮಾ ಏತದ್ವಿಶ್ವಜಿದಭಿಜಿದ್ಭ್ಯಾಮೇತದನ್ನಮುಪಹರತಿ ।
ಅಥೋ ಹೈಷಾ ಶಾನ್ತಿರೇವ ಕ್ರಿಯತೇ ।
ಅಗ್ನಿಷ್ಟೋಮಸಾಮ ಸ್ಯಾದಾಗ್ನಿಮಾರುತಂ ಶಸ್ತ್ರಂ ವಿಷುವಾನ್ ।
ಕ ಏತಾಂಸ್ತ್ರೀನಗ್ನೀನಭ್ಯುಪೇತ್ಯ ಶೋಭಯತಃ ಪ್ರದಗ್ಧೋ ಹೈವ ಶಯೀತ ।
ತದ್ಯದುಕ್ಥಾನ್ಯನ್ತರೇಣ ಭವನ್ತಿ ।
ಪಶವೋ ವಾ ಉಕ್ಥಾನಿ ।
ಅನ್ನಂ ಪಶವಃ ।
ಅನ್ನೇನೈತಮಶಮಯನ್ ।
ನಾರ್ಮೇಧೇನೈವೈನಂ ತಚ್ಛಮಯಿತ್ವಾನ್ತತ ಉಪಯನ್ತಿ ೭

ಕ್ತ್ಚ್ತಾ ಉ ವಾ ಏತೌ ವಿಶ್ವಜಿದಭಿಜಿತೌ ।
ಅಷ್ಟಾವನ್ಯಸ್ಸತ್ರಿಂಶಿನೀರ್ವಿರಾಜಸ್ಸಂಪದ್ಯನ್ತೇಽಷ್ಟಾವನ್ಯಃ ।
ಅಯಂ ವೈ ಲೋಕೋಽಭಿಜಿದಸೌ ವಿಶ್ವಜಿತ್ ।
ಪಶವ ಸ್ವರಸಾಮಾನಃ ।
ತದ್ಯದಭಿಜಿತಾ ಸ್ತುತ್ವಾ ಸ್ವರಸಾಮಭಿ ಸ್ತುವತೇಽಸ್ಮಿನ್ನೇವೈತಲ್ಲೋಕೇ ಪಶೂನ್ಪ್ರತಿಷ್ಠಾಪಯನ್ತಿ ।
ಅಥ ಯತ್ಸ್ವರಸಾಮಭಿ ಸ್ತುತ್ವಾ ವಿಶ್ವಜಿತಾ ಸ್ತುವತೇ ತಸ್ಮಾದಮುತಃಪ್ರದಾನಾತ್ಪಶವೋ ಜೀವನ್ತಿ ।
ತಸ್ಯ ವಾ ಏತಸ್ಯ ವೈಷುವತಸ್ಯಾಹ್ನೋ ದಶ ಚ ಪಞ್ಚವಿಂಶಾನಿ ಸ್ತೋತ್ರಾಣಿ ಭವನ್ತಿ ದ್ವೇ ಚ ಸ್ತೋತ್ರಿಯೇ ।
ತತೋ ಯಾನಿ ದಶ ಪಞ್ಚವಿಂಶಾನಿ ಸ್ತೋತ್ರಾಣಿ ಮಹಾವ್ರತಂ ತತ್ ।
ತೈರಸ್ಯ ವೈಷುವತೇಽಹನಿ ಮಹಾವ್ರತಮುಪೇತಂ ಭವತಿ ।
ಅಥ ಯೇ ದ್ವೇ ಸ್ತೋತ್ರಿಯೇ ಆದಿತ್ಯ ಏವ ಸ ಏತಸ್ಮಿನ್ನಹನ್ಪ್ರತಿಷ್ಠಿತಃ ।
ಅಥ ಹ ಸ್ಮ ವಾ ಏತತ್ಪುರಾ ತ್ರಿರ್ಮಹಾವ್ರತಮುಪಯನ್ತ್ಯಾರಮ್ಭಣೀಯೇಽಹನ್ವೈಷುವತೇ ಮಹಾವ್ರತೀಯೇ ।
ತಸ್ಯ ವಾ ಏತಸ್ಯಾರಮ್ಭಣೀಯಸ್ಯಾಹ್ನಶ್ಚತುರ್ದಶ ಚ ಪಞ್ಚವಿಂಶಾನಿ ಸ್ತೋತ್ರಾಣಿ ಭವನ್ತಿ ದಶ ಚ ಸ್ತೋತ್ರಿಯಾಃ ।
ತತೋ ಯಾನಿ ಚತುರ್ದಶ ಪಞ್ಚವಿಂಶಾನಿ ಸ್ತೋತ್ರಾಣಿ ಮಹಾವ್ರತಂ ತತ್ ।
ತೈರಸ್ಯಾರಮ್ಭಣೀಯೇಽಹನಿ ಮಹಾವ್ರತಮುಪೇತಂ ಭವತಿ ।
ಅಥ ಯಾ ದಶ ಸ್ತೋತ್ರಿಯಾ ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಟ್ ।
ತೇನೋ ಹಾವಸೇನ ಯನ್ತ್ಯಾ ವೈಷುವತಾದಹ್ನಃ ।
ಅಥ ಯೇ ದ್ವೇ ಸ್ತೋತ್ರಿಯೇ ವಿಷುವತೋಽತಿರಿಚ್ಯೇತೇ ತದು ಹಾನ್ನಪಾನಮ್ ।
ದ್ವಯಮು ಹ ವಾ ಅನ್ನಸ್ಯ ರೂಪಂ ಯಚ್ಚೈವಾಶ್ನಾತಿ ಯಚ್ಚ ಪಿಬತಿ ।
ಸ ಯಥಾಶ್ನಂಶ್ಚ ಪಿಬಂಶ್ಚೇಯಾದೇವಮೇವೈತದೇತಾಭ್ಯಾಂ ಯನ್ತ್ಯಾ ಮಹಾವ್ರತೀಯಾದಹ್ನಃ ।
ತ ಏತಂ ಸ್ವರ್ಗಂ ಲೋಕಮಾಗಚ್ಛನ್ತಿ ।
ಏತನ್ಮಹಾವ್ರತೀಯಮಹಃ ।
ಏಷ ವಾವ ಸ್ವರ್ಗೋ ಲೋಕೋ ಯನ್ಮಹಾವ್ರತೀಯಮಹಃ ।
ಸ ಯ ಏತದೇವಂ ವೇದ ತ್ರಿರುಪೇತಮಸ್ಯ ಮಹಾವ್ರತಂ ಭವತಿ ಗಚ್ಛತಿ ಸ್ವರ್ಗಂ ಲೋಕಮ್ ೮

ಕ್ತ್ಚ್ತದಾಹುಸ್ತಮೀಂ ಹಿನ್ವನ್ತ್ಯಗ್ರುವ ಇತ್ಯೇವೈತಸ್ಯಾಹ್ನಃ ಪ್ರತಿಪತ್ಕಾರ್ಯೇತಿ ।
ತಮರ್ಕೇಭಿಸ್ತಂ ಸಾಮಭಿರಿತಿ ಶೀರ್ಷ್ಣಸ್ತದಿದಾಸ ಭುವನೇಷು ಜ್ಯೇಷ್ಠಮಿತ್ಯಾತ್ಮನಃ ।
ತತ್ತದಿತೀವ ವಾ ಏತೇನಾಹ್ನಾ ಚರನ್ತಿ ।
ತತೋ ಹ ವೈ ಪ್ರಜಾಪತಿಃ ।
ತತೋ ಹ ವಾ ಏಷ ಸರ್ವಾಸಾಂ ದೇವತಾನಾಮ್ ।
ತತ್ಪಿತೈತದಹಃ ಪ್ರಜೇತರಾಣಿ ।
ಸ ಯಥಾ ಪುತ್ರಃ ಪಿತರಮಾಗತ್ಯ ತತ ತತೇತಿ ಹ್ವಯೇತ್ತಾದೃಕ್ತತ್ ।
ಸೋ ವಾ ಉಭಯರೂಪಾ ಭವತಿ ।
ತಮಿತಿ ವೈ ಪುಂಸೋ ರೂಪಮಗ್ರುವ ಇತಿ ಸ್ತ್ರಿಯೈ ।
ಉಭಯಮು ಹ ವಾ ಏತದ್ಭೂತ್ವಾ ಪ್ರಜಾಪತಿಃ ಪ್ರಜಜ್ಞೇ ।
ತದಾಹುರಭ್ಯುದಿತೇ ವೈಷಾ ಪ್ರತಿಪತ್ ।
ಯೋಗೇ ತ್ವಾಗತೇ ಪವಸ್ವ ವಾಚೋ ಅಗ್ರಿಯ ಇತ್ಯೇವ ಪ್ರತಿಪತ್ಕಾರ್ಯೇತಿ ।
ಮನೋ ವೈ ಪ್ರಜಾಪತಿಃ ।
ಮನೋ ವೈ ವಾಚೋಽಗ್ರಮ್ ।
ತದೇನಂ ತತ್ಸ್ವೇನೈವ ರೂಪೇಣಾರಭನ್ತೇ ।
ಸೋ ವೈ ಮಿಥುನಾ-ಭವತಿ ।
ಪವಸ್ವೇತಿ ವೈ ಪುಂಸೋ ರೂಪಂ ವಾಚ ಇತಿ ಸ್ತ್ರಿಯೈ ।
ತದೇತನ್ಮಿಥುನಂ ಪ್ರಜನನಂ ಕ್ರಿಯತೇ ।
ಮಿಥುನೇನ ಜಾಯತೇ ಯ ಏವಂ ವೇದ ।
ತಸ್ಮಾದೇಷೈವ ಪ್ರತಿಪತ್ಕಾರ್ಯಾ ।
ಉಪಾಸ್ಮೈ ಗಾಯತಾ ನರ ಇತಿ ದ್ವಿತೀಯಾ ।
ತದೇತಸ್ಮಾದಹ್ನೋ ನ ಯನ್ತಿ ।
ದವಿದ್ಯುತತ್ಯಾ ರುಚೇತಿ ತೃತೀಯಾ ಪ್ರತ್ಯಕ್ಷಮೇತಸ್ಯಾಹ್ನೋ ರೂಪಮ್ ।
ತಮೀಂ ಹಿನ್ವನ್ತ್ಯಗ್ರುವ ಇತಿ ಚತುರ್ಥೀ ಯಾಭ್ಯುದಿತಾ ಪ್ರತಿಪತ್ತಾಂ ನೇದನ್ತರಯಾಮೇತಿ ೯

ಸನಾ ಚ ಸೋಮ ಜೇಷಿ ಚೇತಿ ದಶರ್ಚಂ ಭವತಿ ।
ಋಷಯೋ ವಾ ಏತದೃದ್ಧಿಕಾಮಾ ಉಪೋತ್ಥಾನಂ ಪ್ರಿಯಂ ವಾಚೋಽಪಶ್ಯನ್ ।
ಅಥಾ ನೋ ವಸ್ಯಸಸ್ಕೃಧ್ಯಥಾ ನೋ ವಸ್ಯಸಸ್ಕೃಧೀತಿ ತೇನಾಸ್ತುವತ ।
ತತೋ ವೈ ತೇ ಸರ್ವ ಏವಾರ್ಧ್ನುವನ್ ।
ಸರ್ವೇ ಹೈವರ್ಧ್ನುವನ್ತಿ ಯ ಏವಂ ವಿದ್ವಾಂಸ ಏತೇನ ದಶರ್ಚೇನ ಸ್ತುವತೇ ।
ತಸ್ಮಿನ್ಹ ಸ್ಮಾಹ ಶಕ್ತಿರ್ವಿರಾಜಂ ಗೇಯಾಂ ಸನಾ ಚ ಸೋಮ ಜೇಷಿ ಚ ಪವಮಾನ ಮಹಿ ಶ್ರವ ಏಕಂ ದ್ವೇ ತ್ರೀಣಿ ಚತ್ವಾರಿಪಞ್ಚ ಷಟ್ಸಪ್ತಾಷ್ಟೌ ನವ ದಶ ಹುಂಭಾ ಓಇ ಭೂರಿತಿ ।
ತದಾಹುಃ ಕೃತ್ರಿಮೇವೈಷಾ ವಿರಾಡುಪಾಕಾರ್ಯೇವ ।
ಸಂಪದಂ ಲೋಭಯತಿ ।
ಓಮಿತ್ಯೇತದೇವಾಕ್ಷರಂ ಗೇಯಮಿತಿ ।
ಏತದ್ಧ ವಾ ಇದಂ ಸರ್ವಮಕ್ಷರಮ್ ।
ಯಥಾ ಸೂಚ್ಯಾ ಪಲಾಶಾನಿ ಸಂತೃಣ್ಣಾನಿ ಸ್ಯುರೇವಮೇತೇನಾಕ್ಷರೇಣೇಮೇ ಲೋಕಾಸ್ಸಂತೃಣ್ಣಾಃ ।
ದಶಧಾ ವಾ ಏತದತಿವಿಧ್ಯೇಮಾನ್ಕ್ಷರತಿ ಶತಧೇಮಾನ್ಸಹಸ್ರಧೇಮಾನ್ ।
ತಸ್ಮಾದೇತದೇವಾಕ್ಷರಂ ಗೇಯಮಿತಿ ಪರ್ಯಾಸೋ ಭವತಿ ।
ಯಃ ಪರ್ಯಾಸೋ ಕಾಮಸ್ಸ ನ ಉಪಾಪ್ತೋಽಸದಿತಿ ।
ತಾಃ ಪಞ್ಚವಿಂಶತಿ ಸ್ತೋತ್ರಿಯಾಸ್ಸಂಪದ್ಯನ್ತೇ ।
ಪಞ್ಚವಿಂಶೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಂ ಮಹಾವ್ರತಂ ತತ್ತತ್ಸಲಕ್ಷ್ಮ ಕ್ರಿಯತೇ ೧೦

ಅಥ ಹ ಸ್ಮಾಹಾರ್ಯಕಚಿತ್ಸರ್ವಮೇವೈತದಹಶ್ಚತುರ್ವಿಂಶಂ ಕಾರ್ಯಮ್ ।
ಏಕಮೇವೈತತ್ಸ್ತೋತ್ರಂ ಪಞ್ಚವಿಂಶಂ ಕುರ್ಯುಃ ।
ಅಭ್ಯಾರೋಹೋ ವಾ ಏಷ ಏಕಸ್ಯ ಸ್ತೋತ್ರಸ್ಯ ಯತ್ಸರ್ವಂ ಪಞ್ಚವಿಂಶಂ ಕುರ್ವನ್ತಿ ।
ತಥೈತತ್ಸ್ತೋತ್ರಮನಭ್ಯಾರೂಢಂ ಭವತೀತಿ ।
ತದು ಹೋವಾಚ ಶಾಟ್ಯಾಯನಿಃ ಕರ್ತಪತ್ಯಮಿವೈತದ್ಯನ್ನ್ವಾವೈಕಸ್ಯೈ ಸ್ತೋತ್ರಿಯಾಯೈ ಛಿದ್ಯತೇ ಯದ್ದ್ವಾಭ್ಯಾಂ ಯತ್ತಿಸೃಭ್ಯಃ ।
ತಸ್ಯ ನ್ವೇವ ಪ್ರಾಯಶ್ಚಿತ್ತಿಂ ವಿನ್ದನ್ತಿ ವಾ ನ ವಾಥ ಕಿಂ ಯದೇಕಾದಶಭ್ಯಶ್ಛಿದ್ಯತೇ ।
ಕೋ ತಸ್ಯ ಪ್ರಾಯಶ್ಚಿತ್ತಿಃ ।
ಏಕದೇವತ್ಯಂ ವಾ ಏತದಹಃ ಪ್ರಾಜಾಪತ್ಯಮೇವ ।
ಪ್ರಜಾಪತಿಂ ವಾವೈತೇನಾಹ್ನಾ ಪರಿವೇವಿಷತಿ ।
ತಸ್ಮಾತ್ಸರ್ವಮೇವೈತದಹಃ ಪಞ್ಚವಿಂಶಂ ಕಾರ್ಯಮಿತಿ ।
ತಸ್ಯ ತ್ರೀಣಿ ಶತಾನಿ ಸ್ತೋತ್ರಿಯಾ ಭವನ್ತಿ ದ್ವಾಷಷ್ಟಿಶ್ಚ ।
ತತೋ ಯಾನಿ ಹಿ ತ್ರೀಣಿ ಶತಾನಿ ವಿರಾಟ್ಸಾ ।
ಅಥ ಯಾ ಷಷ್ಟಿರೂಧಸ್ತತ್ ।
ಅಥ ಯೇ ದ್ವೇ ಸ್ತನಾವೇವ ತಾವೇತಸ್ಯೈವಾಹ್ನೋ ದೋಹಾಯ ೧೧

ಸುಷಮಿದ್ಧೋ ನ ಆ ವಹೇತ್ಯಾಪ್ರೀರಾಜ್ಯಂ ಭವತಿ ।
ಯತ್ರ ಹ ವೈ ಕ್ವ ಚಾಪ್ರೀರಾಜ್ಯಂ ಪ್ರಜಾಪತೇರೇವ ತತ್ ।
ಪ್ರಜಾಪತಿಮೇವ ತೇನಾಪ್ರೀಣನ್ತಿ ।
ತಾ ನಶ್ಶಕ್ತಂ ಪಾರ್ಥಿವಸ್ಯೇತಿ ಮೈತ್ರಾವರುಣಮ್ ।
ತದ್ವದಹ ಭವತಿ ।
ಅನಿರುಕ್ತಮು ವೈ ಪ್ರಾಜಾಪತ್ಯಮ್ ।
ಪ್ರಾಜಾಪತ್ಯೇಽಹಂಸ್ತತ್ತತ್ಸಲಕ್ಷ್ಮ ಕ್ರಿಯತೇ ।
ಮಹಂ ಇನ್ದ್ರೋ ಯ ಓಜಸೇತ್ಯೈನ್ದ್ರಂ ಭವತಿ ।
ನಿಷ್ಕಸ್ಯ ಹೈತನ್ಮಣೇ ರೂಪಮ್ ।
ತಸ್ಮಾನ್ನಿಷ್ಕಂ ಮಣಿಂ ಸ್ರಜಂ ಪುರಸ್ತಾದ್ಬಿಭ್ರತಿ ।
ತದಿದಾಸ ಭುವನೇಷು ಜ್ಯೇಷ್ಠಮಿತಿ ರಥಸ್ಯ ಹೈತದ್ರೂ ಪಮ್ ।
ತಸ್ಮಾತ್ತಮಭಿಹಾಯೈವ ತಿಷ್ಠನ್ತಿ ।
ಮಹ ಸ್ತವಾನೋ ಅದ್ರಿ ವ ಇತಿ ಹಸ್ತಿನೋ ಹೈತದ್ರೂ ಪಮ್ ।
ತಸ್ಮಾತ್ತಂ ಪಾರ್ಶ್ವತ ಇವಾಧಿರೋಹನ್ತಿ ।
ತಾನಿ ವಾ ಏತಾನಿ ಮಹದ್ರೂ ಪಾಣಿ ಸಂಪದ್ಯನ್ತೇ ।
ಮಹದ್ರೂ ಪೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಂ ಮಹಾವ್ರತಂ ತತ್ತತ್ಸಲಕ್ಷ್ಮ ಕ್ರಿಯತೇ ।
ಉಪ ಹೈನಮೇತಾನಿ ರೂಪಾಣ್ಯಕ್ರೀತಾನಿ ತಿಷ್ಠನ್ತೇ ಯ ಏವಂ ವೇದ ।
ಇಯಂ ವಾಮಸ್ಯ ಮನ್ಮನ ಇತ್ಯೈನ್ದ್ರಾ ಗ್ನಂ ಭವತಿ ।
ಇನ್ದ್ರಾ ಗ್ನೀ ಪೂರ್ವ್ಯಸ್ತುತಿರಭ್ರಾದ್ವೃಷ್ಟಿರಿವಾಜನೀತಿ ।
ಅಜನೀತಿ ವಾ ಆಹುರ್ಜಾತಮ್ ।
ಜಾಯತ ಉ ಏತೇನಾಹ್ನಾ ।
ಯಥಾ ಹ ವಾ ಇದಮಾಣ್ಡಾನ್ನಿರ್ಭಿದ್ಯೇರನ್ನೇವಮೇವೈತಸ್ಮಾದಹ್ನೋ ನಿರ್ಭಿದ್ಯನ್ತೇ ।
ಶೃಣುತಂ ಜರಿತುರ್ಹವಮಿನ್ದ್ರಾ ಗ್ನೀ ವನತಂ ಗಿರಃ
ಈಶಾನಾ ಪಿಪ್ಯತಂ ಧಿಯಃ
ಮಾ ಪಾಪತ್ವಾಯ ನೋ ನರೇನ್ದ್ರಾ ಗ್ನೀ ಮಾಭಿಶಸ್ತಯೇ
ಮಾ ನೋ ರೀರಧತಂ ನಿದೇ
ಇತಿ ಪಾಪ್ಮನ ಏವೈಷೋಪಹತಿಃ ೧೨

ಉಚ್ಚಾ ತೇ ಜಾತಮನ್ಧಸೇತಿ ಮಾಧ್ಯಂದಿನಸ್ಯ ಪವಮಾನಸ್ಯಾನ್ಧಸ್ವತೀರ್ಗಾಯತ್ರ್! ಯೋ ಭವನ್ತಿ ಪ್ರಾಜಾಪತ್ಯಾಃ ।
ಪ್ರಾಜಾಪತ್ಯೇಽಹಂಸ್ತತ್ತತ್ಸಲಕ್ಷ್ಮ ಕ್ರಿಯತೇ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥಾಮಹೀಯವಂ ಪ್ರಾಜಾಪತ್ಯಂ ಸಾಮ ಪ್ರಾಜಾಪತ್ಯೇಽಹನ್ಕ್ರಿಯತೇ ।
ಅಹರೇವ ತದ್ರೂ ಪೇಣ ಸಮರ್ಧಯನ್ತಿ ।
ತೇನೈಭ್ಯಃ ಸಮೃದ್ಧೇನ ಸ್ವಾಯಾಂ ಜನತಾಯಾಮರ್ಧುಕಂ ಭವತಿ ।
ಅಥ ದೋಹಾದೋಹೀಯಂ ದುಗ್ಧ್ಯಾ ಏವ ಏತಸ್ಯಾಹ್ನೋ ದೋಹಾಯ ।
ಅಥ ಹರಿಶ್ರೀರ್ನಿಧನಮ್ ।
ಶ್ರೀರ್ವೈ ಹರಿಶ್ರೀರ್ನಿಧನಮ್ ।
ಏತೇನ ವಾ ಇನ್ದ್ರ ಸ್ಸರ್ವೇಷಾಂ ದೇವಾನಾಂ ಶ್ರಿಯಮಗಚ್ಛತ್ ।
ಶ್ರಿಯಮೇವೈತೇನ ಗಚ್ಛನ್ತಿ ।
ತಾ ದಶ ಸ್ತೋತ್ರಿಯಾ ಗಾಯತ್ರ್! ಯಾಂ ಸಂಪದ್ಯನ್ತೇ ।
ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಟ್ ।
ಮುಖಂ ಗಾಯತ್ರೀ ಛನ್ದಸಾಮ್ ।
ಮುಖತ ಏವೈತದಾತ್ಮನೋಽನ್ನಾದ್ಯಂ ದಧತೇ ।
ಪುನಾನಸ್ಸೋಮ ಧಾರಯೇತ್ಯುಭಯರೂಪಾ ಬೃಹತೀ ಭವತಿ ।
ಏಷಾ ಹ ವಾ ಉಭೇ ಸಾಮನೀ ಉದ್ಯಯಾಮ ।
ತಸ್ಮಾದೇತಾಂ ಕುರ್ವನ್ತ್ಯೇವ ಬೃಹತ್ಸಾಮ್ನಃ ಕುರ್ವನ್ತಿ ರಥನ್ತರಸಾಮ್ನಃ ।
ಆ ಪೃಚ್ಛ್ಯೇನ ಸಧಸ್ಥೇನ ಪ್ರತ್ನೇನ ಧರುಣೇನ ಚ
ಪಿಬಾಚ್ಯುದಿನ್ದ್ರ ತ್ವಂ ಸೋಮಮೃಚೋರ್ಗರ್ಭೇ ಅಧ್ಯಾಹಿತಃ
ಇತಿ ಯತ್ರ ಹ ವೈ ಕ್ವ ಚೈಷಾ ಬೃಹತೀ ಕ್ರಿಯತೇ ನ ಹೈವ ತಸ್ಯೇನ್ದ್ರ ಈಶೇತ ತಂ ನಾಗಚ್ಛೇತ್ ೧೩

ತಾಸು ರೌರವಂ ಪ್ರಜ್ಞಾತಮಗ್ನಿಷ್ಟೋಮಸಾಮ ।
ಪ್ರಜ್ಞಾತಮಗ್ನಿಷ್ಟೋಮಸಾಮ ನೇದನ್ತರಯಾಮೇತಿ ।
ಅಥಾರ್ಕಪುಷ್ಪಮನ್ನಂ ವಾ ಅರ್ಕಃ ।
ತಸ್ಯೈತತ್ಪುಷ್ಪಂ ಯದಾರಣ್ಯಮ್ ।
ತದ್ಧ್ಯರಣ್ಯೇ ಜಾಯತ ಆರಣ್ಯಸ್ಯೈವಾನ್ನಾದ್ಯಸ್ಯಾವರುದ್ಧ್ಯೈ ।
ಅಥಾಭೀಶವಂ ತೃಪ್ತ್ಯಾ ಏವ ।
ತರ್ಪಯನ್ತ್ಯೇವೈನಮೇತೇನ ।
ಅಥ ಪಞ್ಚವಿಂಶತ್ಯಕ್ಷರನಿಧನಮಾಙ್ಗಿರಸಮ್ ।
ಅಙ್ಗಿರಸೋ ವಾ ಋದ್ಧಿಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸರ್ವ ಏವಾರ್ಧ್ನುವನ್ ।
ಸರ್ವೇ ಹೈವರ್ಧ್ನುವನ್ತಿ ಯ ಏವಂ ವಿದ್ವಾಂಸ ಏತೇನ ಸಾಮ್ನಾ ಸ್ತುವತೇ ।
ತತ್ಪಞ್ಚವಿಂಶತ್ಯಕ್ಷರನಿಧನಂ ಭವತಿ ।
ಪಞ್ಚವಿಂಶೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಂ ಮಹಾವ್ರತಂ ತತ್ತತ್ಸಲಕ್ಷ್ಮ ಕ್ರಿಯತೇ ।
ಅಥ ನೌಧಸಂ ಪ್ರಜ್ಞಾತಂ ಬ್ರಹ್ಮಸಾಮ ।
ಪ್ರಜ್ಞಾತಂ ಬ್ರಹ್ಮಸಾಮ ನೇದನ್ತರಯಾಮೇತಿ ।
ಅಥ ಪೃಶ್ನಿ ಅನ್ನಂ ವೈ ಪೃಶ್ನಿ ಅನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ರೌಹಿಣಕಮ್ ।
ಏತೇನ ವೈ ಪ್ರಜಾಪತಿರೇಕಶಫಾನಾಂ ಪಶೂನಾಂ ಕಾಮಮಾರೋಹತ್ ।
ತದ್ಯತ್ಕಾಮಮಾರೋಹತ್ತದ್ರೌ ಹಿಣಕಸ್ಯ ರೌಹಿಣಕತ್ವಮ್ ।
ಕಾಮಂ ಪಶೂನಾಂ ರೋಹತಿ ಯ ಏವಂ ವೇದ ।
ಯಥಾ ಹ ವಾ ಇಮ ಆರಣ್ಯಾಃ ಪಶವೋ ಮೃಗಾ ಏವಮೇತೇಽಗ್ರ ಏಕಶಫಾಃ ಪಶವ ಆಸುಃ ।
ತಾನೇತೈರೇವ ರೌಹಿಣಕಸ್ಯ ಕಿಟ್ಕಿಟಾಕಾರೈರ್ಗ್ರಾಮಮುಪಾನಯತ್ ।
ತತ್ತ್ರಯೋದಶನಿಧನಂ ಭವತಿ ತ್ರಯೋದಶಸ್ಯ ಮಾಸ ಉಪಾಪ್ತ್ಯೈ ।
ತದ್ವಾ ಅಶೀತಿಭಿಸ್ಸಂಪನ್ನಮ್ ।
ಆಶಯನ್ತ್ಯೇವೈನಮೇತೇನ ।
ಅಥ ದೈರ್ಘಶ್ರವಸಮನ್ನಂ ವೈ ದೈರ್ಘಶ್ರವಸಮನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ಸಮನ್ತಂ ಸಮನ್ತಾಃ ಪ್ರಜಾಪಶುಭಿರಸಾಮೇತಿ ।
ಅಥ ಯೌಧಾಜಯಂ ತ್ರಿಣಿಧನಂ ಸವನಾನಾಂ ಕ್ಳ್ಪ್ತ್ಯೈ ।
ಅಥೌಶನಮನ್ತ್ಯಂ ಸಾಮ ।
ಅನ್ತ್ಯೇನ ಸಾಮ್ನಾನ್ತ್ಯಂ ಸ್ವರ್ಗಂ ಲೋಕಮಶ್ನವಾಮಹಾ ಇತಿ ೧೪

ತದಾಹುಸ್ತವಶ್ಶಾವ್ಯಮೇವೈತಸ್ಯಾಹ್ನಃ ಪೃಷ್ಠಂ ಕಾರ್ಯಮಿತಿ ।
ತಸ್ಯೈಷಾ ಕಲ್ಯಾಣ್ಯೇವ ಪ್ರಶಂಸಾ ನ ತ್ವೇವಾಸ್ಮಿನ್ದ್ವೌ ಸಂಪಾದಯತಃ ।
ವಾಮದೇವ್ಯಮೇವೇತ್ಯಾಹುಃ ।
ವಾಮದೇವ್ಯಂ ಹಿ ।
ತದ್ಧ ವೈ ಪ್ರತ್ಯಕ್ಷಂ ವಾಮದೇವ್ಯಂ ಯದ್ರಾ ಜನಮ್ ।
ತಸ್ಯ ಪ್ರಾಣೇನ ಪ್ರಸ್ತೌತಿ ।
ಋಚಾ ವೈ ವಾಮದೇವ್ಯಸ್ಯ ಪ್ರಸ್ತೌತಿ ।
ಪ್ರಾಣೇನೈತಸ್ಯ ಹಿಂ ಹಿಂ ಹಿಂ ಪ್ರಾಣೋಽಸದಿತಿ ವೈ ಹಿಂಕುರ್ವನ್ತಿ ।
ಯಥಾ ಹ ವೈ ವಯಸ ಆಶಯ ಏವಂ ರಾಜನಸ್ಯ ವಾಮದೇವ್ಯಮ್ ।
ಪ್ರಜಾಪತಿರ್ವೈ ಪಿತಾದಿತ್ಯಃ ಪುತ್ರಃ ।
ಪ್ರಜಾಪತಿರ್ವಾಮದೇವ್ಯಮಾದಿತ್ಯೋ ರಾಜನಮ್ ।
ತಸ್ಮಾದೇಷ ಏತಯೋರಾಭಾವತ್ತರಂ ತಪತಿ ।
ಏತದ್ಧ್ಯಸ್ಮಾತ್ತೇಜೋ ನಿರ್ಭಿನ್ನಮ್ ।
ತದ್ವಾ ಅಶೀತಿಭಿಸ್ಸಂಪನ್ನಮ್ ।
ಏಕೈಕಸ್ಯಾಂ ಸ್ತೋತ್ರಿಯಾಯಾಂ ದ್ವೇ ದ್ವೇ ಅಶೀತ್ಯೌ ಸಂಪದ್ಯೇತೇ ।
ತಾಃ ಪಞ್ಚಾಶದಶೀತಯಸ್ಸಂಪದ್ಯನ್ತೇ ।
ದ್ವೇ ಹ ವಾ ಅಶೀತ್ಯಾವಹಶ್ಚೈವ ರಾತ್ರಿಶ್ಚ ।
ತಾಭ್ಯಾಮೇನಮಾಶಯನ್ತಿ ।
ಆಶಯನ್ತ್ಯೇವೈನಮೇತಾಭ್ಯಾಮ್ ।
ತಸ್ಯ ಯನ್ನಿಧನ ಪೃಷ್ಠಾನ್ಯೇವ ತಾನಿ ೧೫

ವಾಗಿತಿ ರಥನ್ತರಮ್ ।
ಇಳೇತಿ ವೈರೂಪಮ್ ।
ತಚ್ಛಕ್ವರ್ಯಸ್ತದ್ರೇ ವತಯಃ ।
ಸ್ವರಿತಿ ವೈರಾಜಮ್ ।
ಬೃಹದಿತಿ ಬೃಹತ್ ।
ಭಾ ಇತ್ಯಸೌ ವಾ ಆದಿತ್ಯಃ ।
ಭಾ ಇತ್ಯೇತದೇವಾಸ್ಯ ನಿಧನಮ್ ।
ಏತಸ್ಯ ಸಲೋಮತಾಮಶ್ನುತೇ ಯ ಏವಂ ವೇದ ।
ತದೇತತ್ಸರ್ವಾಣಿ ಪೃಷ್ಠಾನ್ಯಭಿವದತ್ಯೇತೇನ ಸಾಮನಿಧನೇನ ।
ತ ಉ ವೈ ಪಞ್ಚ ಪಞ್ಚವಿಂಶಾಸ್ಸಾಮನಿಧನಾನಾಂ ಸಂಸ್ತುತಾನಾಂ ಸಂಪದ್ಯನ್ತೇ ।
ತಾನು ಏತಾನ್ನಿಧನೈರೇವ ಹೋತಾನುಶಂಸತಿ ।
ತದಾಹುರಾತ್ಮನಾಗ್ರೇ ಪ್ರತಿಪದ್ಯಮಥ ಶೀರ್ಷ್ಣಾ ।
ಆತ್ಮಾ ವಾ ಅಗ್ರೇಽಥ ಶಿರ ಇತಿ ।
ತದು ಹ ತದ್ಯಥಾ ಕರ್ತಂ ಪತೇತ್ತಾದೃಕ್ತದ್ಯತ್ಪಞ್ಚವಿಂಶಾದಾತ್ಮನಸ್ತ್ರಿವೃಚ್ಛಿರೋಽಭಿ ಪ್ರತ್ಯವರೋಹೇಯುಃ ।
ಶೀರ್ಷ್ಣೈವ ಪ್ರತಿಪದ್ಯಮ್ ।
ಸರ್ವಾ ಹ ವಾ ಏತದ್ದೇವತಾ ಸ್ತೋತ್ರಂ ಪ್ರತ್ಯುಪತಿಷ್ಠನ್ತಿ ಮಯಾ ಪ್ರತಿಪತ್ಸ್ಯತೇ ಮಯಾ ಮಯೇತಿ ।
ಸ ಯದಿ ಶೀರ್ಷ್ಣಾ ಪ್ರತಿಪದ್ಯೇತ ಯೈವ ಶಿರಃಪ್ರತಿಪದ್ದೇವತಾ ಭವತಿ ತಾಮೇವ ತೇನರ್ಧ್ನೋತಿ ।
ಯದಿ ಪಕ್ಷೇಣ ಯೈವ ಪಕ್ಷೌಪ್ರತಿಪದ್ದೇವತಾ ಭವತಿ ತಾಮೇವ ತೇನರ್ಧ್ನೋತಿ ।
ಯದಿ ಪುಚ್ಛೇನ ಯೈವ ಪುಚ್ಛಂಪ್ರತಿಪದ್ದೇವತಾ ಭವತಿ ತಾಮೇವ ತೇನರ್ಧ್ನೋತಿ ।
ಯದ್ಯಾತ್ಮನಾ ಯೈವಾತ್ಮನಃಪ್ರತಿಪದ್ದೇವತಾ ಭವತಿ ತಾಮೇವ ತೇನರ್ಧ್ನೋತಿ ।
ಅನ್ತರಿತಾ ಇತರಾ ದೇವತಾ ಭವನ್ತಿ ।
ಸರ್ವಾ ಉ ಹ ವೈ ದೇವತಾಶ್ಶೀರ್ಷನ್ನೇವೇಮೇ ವೈ ವಸವಃ ೧೬

ಇಮೇ ರುದ್ರಾ ಇಮ ಆದಿತ್ಯಾ ಇಮೇ ವಿಶ್ವೇ ದೇವಾಃ ।
ಅಯಮೇವಾಯಂ ಲೋಕ ಇದಮನ್ತರಿಕ್ಷಮಯಮಸೌ ಲೋಕ ಇಮಾ ದಿಶ ಶ್ರೋತ್ರಮಿದಂ ರಥನ್ತರಮಿದಂ ವಾಮದೇವ್ಯಮಿದಂ ಬೃಹದಿದಂ ಯಜ್ಞಾಯಜ್ಞೀಯಮ್ ।
ತದೇತಚ್ಛೀರ್ಷ್ಣಾ ಪ್ರತಿಪದ್ಯಮಾನಸ್ಸರ್ವಾಭಿರ್ದೇವತಾಭಿಸ್ಸರ್ವೈರೇಭಿರ್ಲೋಕೈಸ್ಸರ್ವೈಸ್ಸಾಮಭಿರನನ್ತರಾಯಂ ಪ್ರತಿಪದ್ಯತೇ ।
ಸ ಯದಿತೋಽನ್ಯೇನಾಙ್ಗೇನ ಪ್ರತಿಪದ್ಯೇತ ಯೈವ ತತ್ಪ್ರತಿಪದ್ದೇವತಾ ಸ್ಯಾತ್ತಾಮೇವರ್ಧ್ನುಯಾತ್ ।
ಅನ್ತರಿತಾ ಇತರಾ ದೇವತಾ ಸ್ಯುಃ ।
ಅಥೈತಚ್ಛೀರ್ಷ್ಣಾ ಪ್ರತಿಪದ್ಯಮಾನಸ್ಸರ್ವಾಭಿರೇವ ದೇವತಾಭಿರನನ್ತರಾಯಂ ಪ್ರತಿಪದ್ಯತೇ ।
ಅಥೋ ಹೈತದ್ದೇವತಾನಾಂ ಪ್ರಿಯಂ ಯಚ್ಛೀರ್ಷ್ಣಾ ಪ್ರತಿಪದ್ಯತೇ ಸರ್ವಾ ನೋ ನಾಪರಾತ್ಸೀದಿತಿ ೧೭

ರೇತೋ ವಾ ಏತದಗ್ರೇ ಪ್ರವಿಶತಿ ಯದ್ಗಾಯತ್ರಮ್ ।
ತತೋಽನ್ಯಾನ್ಯಙ್ಗಾನಿ ವಿಕ್ರಿಯನ್ತೇ ।
ಪ್ರಾಣೋ ವಾ ಏಷ ಪ್ರವಿಶತಿ ಯದ್ಗಾಯತ್ರಮ್ ।
ತಮನ್ಯಾನ್ಯಙ್ಗಾನ್ಯುಪಸಂಸೀದನ್ತಿ ।
ಸ ಇಮಾನ್ಪ್ರಾಣಾನಾಕಾಶಾನಭಿನಿರ್ಮನ್ಥತಿ ।
ಪ್ರಾಣೋ ವೈ ಗಾಯತ್ರಃ ।
ಗಾಯತ್ರಂ ಶಿರ ಏವ ।
ತದಾಯತನೋ ವೈ ಪ್ರಾಣೋ ಯಚ್ಛಿರಃ ।
ತಸ್ಮಾತ್ತ್ರಿವೃತೈವ ಶೀರ್ಷ್ಣಾ ಪ್ರತಿಪದ್ಯಮಥ ಪಞ್ಚದಶೇನ ಪಕ್ಷೇಣಾಥ ಸಪ್ತದಶೇನಾಥೈಕವಿಂಶೇನ ಪುಚ್ಛೇನಾಥ ಪಞ್ಚವಿಂಶೇನಾತ್ಮನಾ ।
ತದೂರ್ಧ್ವಾಃ ಕೀರ್ತಿಮೂರ್ಧ್ವಾ ಶ್ರಿಯಮೂರ್ಧ್ವಾ ಸ್ವರ್ಗಂ ಲೋಕಂ ರೋಹನ್ತಿ ।
ಅಥೋ ಹೈಷಾಂ ತೈರೇವ ಜ್ಯೋತಿಷ್ಟೋಮಸ್ಯ ಸ್ತೋಮೈಶ್ಶಿವೈಶ್ಶಾನ್ತೈರೇತದಹಃ ಪರಿಷ್ಟುತಂ ಭವತಿ ।
ಅಥೋ ಹೈಷಾಮೇತ ಏವ ಜ್ಯೋತಿಷ್ಟೋಮಸ್ಯ ಸ್ತೋಮಾಶ್ಶಿವಾಶ್ಶಾನ್ತಾಃ ಪರಿಮಾದ್ಭಾಜನಂ ಭವನ್ತಿ ೧೮

ತದೇತತ್ಸರ್ವಪೃಷ್ಠಂ ಸರ್ವಸ್ತೋಮಮಹಃ ।
ತದ್ಯದೇತೇನ ಸಾಮನಿಧನೇನ ಸರ್ವಾಣಿ ಪೃಷ್ಠಾನ್ಯಭಿವದತಿ ತೇನ ಸರ್ವಪೃಷ್ಠಮ್ ।
ಅಥ ಯದೇತೇ ಜ್ಯೋತಿಷ್ಟೋಮಸ್ಯ ಸ್ತೋಮಾಶ್ಶಿವಾಶ್ಶಾನ್ತಾಃ ಪರಿಮಾದ್ಭಾಜನಂ ಭವನ್ತಿ ತೇನ ಸರ್ವಸ್ತೋಮಮ್ ।
ಸಂಪದಾ ಹೈವ ತ್ರಿಣವತ್ರಯಸ್ತ್ರಿಂಶೌ ಸ್ತೋಮಾವಭಿಸಂಪದ್ಯೇತೇ ।
ಸರ್ವಪೃಷ್ಠೇನ ಹಾಸ್ಯ ಸರ್ವಸ್ತೋಮೇನೈತೇನಾಹ್ನಾ ಸ್ತುತಂ ಭವತಿ ಯ ಏವಂ ವೇದ ।
ತೇನ ಹೈತೇನೈಕೇಽಪಿ ತೃತೀಯಂ ಕೃತ್ವಾ ಸ್ತುವತ ಏಕಂ ವಾವೇದಂ ಸಾಮೇತಿ ವದನ್ತಃ ।
ತೇಷಾಂ ಹ ತೇಷಾಮಮುಷ್ಮಿಁ ಲ್ಲೋಕೇ ನೈವ ಶಿರಶ್ಚಾನ್ಯಾನಿ ಚಾಙ್ಗಾನಿ ವಿಜ್ಞಾಯನ್ತೇ ೧೯

ಪಿಣ್ಡಾಃ ಪಿಣ್ಡಾ ಇವ ಹಿ ಭವನ್ತ್ಯಕ್ರತಾಃ ।
ಯಥಾಙ್ಗಮೇವ ಸ್ತೋತವ್ಯಮ್ ।
ತೇ ಹೈವಾಮುಷ್ಮಿಁ ಲ್ಲೋಕೇ ಸಾಙ್ಗಾಸ್ಸತನವೋಽಮೃತಾಸ್ಸಂಭವನ್ತಿ ।
ಅಥ ಹೈಕೇ ಸಕೃದೇವ ಶೀರ್ಷ್ಣೇ ಹಿಂಕುರ್ವನ್ತಿ ಪರಾಙೇತದ್ಯಚ್ಛಿರ ಇತಿ ವದನ್ತಃ ।
ತ್ರಿಸ್ತ್ರಿರಿತರೇಭ್ಯೋಽಙ್ಗೇಭ್ಯಃ ।
ತೇ ತ್ರಯೋದಶ ಹಿಂಕಾರಾಸ್ಸಂಪದ್ಯನ್ತೇ ।
ಏವಂ ತ್ರಯೋದಶಸ್ಯ ಮಾಸ ಉಪಾಪ್ತಿರಿತಿ ।
ತದು ಹ ಶಶ್ವನ್ನ ತಥಾ ।
ತ್ರಿರೇವ ಶೀರ್ಷ್ಣೇ ಹಿಂಕುರ್ವನ್ತಸ್ತ್ರಿಸ್ತ್ರಿರಿತರೇಭ್ಯೋಽಙ್ಗೇಭ್ಯಃ ।
ತೇ ಪಞ್ಚದಶ ಹಿಂಆರಾಸ್ಸಂಪದ್ಯನ್ತೇ ।
ಪಞ್ಚದಶೋ ವಾ ಇನ್ದ್ರ ಃ! ।
ಷನ್ದ್ರಂ ಮಹಾವ್ರತಂ ತತ್ತತ್ಸಲಕ್ಷ್ಮ ಕ್ರಿಯತೇ ೨೦

ತದಾಹುರ್ನೌಧಸಮೇವೈತಸ್ಯಾಹ್ನೋ ಬ್ರಹ್ಮಸಾಮ ಕಾರ್ಯಮಿತಿ ।
ತದ್ಧ ತತ್ಪಕ್ಷಮನುವದತಿ ।
ರಥನ್ತರಮೇವ ಶ್ಯೈತಮೇವ ಕಾರ್ಯಮಿತಿ ।
ತದು ಹ ತತ್ಪಕ್ಷಮೇವಾನುವದತಿ ।
ಬೃಹದೇವ ಪಞ್ಚನಿಧನಮೇವ ವಾಮದೇವ್ಯಂ ಕಾರ್ಯಮಿತಿ ।
ಆತ್ಮಾನಂ ಹೈವ ತದನುವದತಿ ।
ಶ್ರಾಯನ್ತೀಯಮೇವ ಕಾರ್ಯಮಿತಿ ನ ಹ ವೈ ಕಿಂ ಚನ ಶ್ರಾಯನ್ತೀಯಮನುವದತಿ ।
ಮಹಾವೈಷ್ಟಮ್ಭಮವ ಕಾರ್ಯಮ್ ।
ತದ್ದಿಙ್ನಿಧನಂ ಭವತಿ ।
ದಿಶೋ ವೈ ಪೃಷ್ಠಾನಿ ।
ಇಯಮೇವ ಪ್ರಾಚೀ ದಿಗ್ರಥನ್ತರಮಿಯಂ ಬೃಹದಿಯಂ ವೈರೂಪಮಿಯಂ ವೈರಾಜಮಮೂರ್ಮಹಾನಾಮ್ನೀರಿಮಾ ರೇವತಯಃ ।
ದಿಗ್ಭ್ಯೋ ವಾ ಏತಸ್ಮಾ ಅನ್ನಾದ್ಯಂ ಹರನ್ತಿ ।
ದಿಗ್ಭ್ಯೋ ವಾ ಅಸ್ಮಾ ಅನ್ನಾದ್ಯಂ ಹ್ರಿಯತೇ ಯ ಏವಂ ವೇದ ।
ಅಥೋ ಹೈಷಾಮೇತೇನೈವ ಸರ್ವಾಣಿ ಪೃಷ್ಠಾನಿ ಬ್ರಹ್ಮಸಾಮವನ್ತಿ ಭವನ್ತಿ ।
ತಸ್ಮಾದು ಹೈತತ್ಸಾಮೈತಸ್ಮಾದಹ್ನೋ ನಾನ್ತರಿತ್ಯಮ್ ।
ತದು ಸತೋಬೃಹತೀಷು ಭವತ್ಯುತ್ಕ್ರಾನ್ತ್ಯಾ ಏವಾನಪಭ್ರಂಶಾಯ ೨೧

ತದಾಹುರಿಲಾನ್ದಮೇವೈತಸ್ಯಾಹ್ನೋ ಅಗ್ನಿಷ್ಟೋಮಸಾಮ ಕಾರ್ಯಮಿತಿ ।
ತಸ್ಯೈಷಾ ಕಲ್ಯಾಣ್ಯೇವ ಪ್ರಶಂಸಾ ।
ಅತಿರಿಚ್ಯತೇ ಯದ್ವ್ಯವಚ್ಛಿನ್ದ್ಯುರಾಮಣೀಯಂ ತದ್ಯದದಃ ಪಕ್ಷಮ್ ।
ಇಲಾನ್ದಂ ತದಾರ್ಭವಸ್ಯ ಪವಮಾನಸ್ಯಾನುಷ್ಟುಭಿ ಕಾರ್ಯಂ ಯದಭ್ಯುದಿತಂ ತನ್ನೇದನ್ತರಯಾಮೇತಿ ।
ವಾರವನ್ತೀಯಮೇವ ಕಾರ್ಯಮಿತಿ ।
ತಸ್ಯೈಷಾ ಕಲ್ಯಾಣ್ಯೇವ ಪ್ರಶಂಸಾ ।
ನಿಷಿದ್ಧಮಿವ ತು ಯಾವದ್ಧೈವ ಕೃತ್ವೋ ಯಜತೇ ತಾವದ್ಬುಭೂಷತಿ ತಾವತ್ಕಾಮಯತೇ ಶ್ರೇಯಾನ್ಸ್ಯಾಂ ಶ್ರೇಯಾನ್ಸ್ಯಾಮಿತಿ ।
ತದಾರ್ಭವಸ್ಯೈವ ಪವಮಾನಸ್ಯ ಗಾಯತ್ರ್! ಯಾಂ ಕಾರ್ಯಂ ಯದಭ್ಯುದಿತಂ ತನ್ನೇದನ್ತರಯಾಮೇತಿ ।
ತದು ವಾ ಆಹುರ್ಯದ್ವಾವಾನ್ಯಾ ವಾಙ್ನಾತಿವದತಿ ತದೇತಸ್ಯಾಹ್ನೋಽಗ್ನಿಷ್ಟೋಮಸಾಮ ಕಾರ್ಯಮ್ ।
ಯಜ್ಞಾಯಜ್ಞೀಯಂ ವಾವಾನ್ಯಾ ವಾಙ್ನಾತಿವದತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ಕುತೋ ಹಿ ವಾಗ್ವಾಚಮತಿವದಿಷ್ಯತಿ ।
ತಸ್ಮಾದೇತಸ್ಯಾಹ್ನೋ ಯಜ್ಞಾಯಜ್ಞೀಯಮೇವಾಗ್ನಿಷ್ಟೋಮಸಾಮ ಕಾರ್ಯಮಿತಿ ।
ಅಥೈತಚ್ಚತುಸ್ತ್ರಿಂಶ-ಸಂಮಿತಮನುಷ್ಟುಭಿ ಕುರ್ವನ್ತಿ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ಪ್ರಜಾಪತಿಶ್ಚತುಸ್ತ್ರಿಂಶಃ ।
ಸಪ್ರಜಾಪತಿಕಾ ಏವೈತೇನ ದೇವಾ ಋಧ್ನುವನ್ತಿ ।
ಅಥ ಯದಾರಮ್ಭಣೀಯೇಽಹಂಸ್ತ್ರಯಸ್ತ್ರಿಂಶತ್ಸಂಮಿತಂ ಭವತಿ ದೇವತಾ ಏವ ತೇನರ್ಧ್ನುವನ್ತಿ ।
ಅಥೈತೇನ ಸಪ್ರಜಾಪತಿಕಾ ಏವೈತೇನ ದೇವತಾ ಅನ್ತತ ಋದ್ಧ್ವಾಪ್ತ್ವೋತ್ತಿಷ್ಠನ್ತಿ ೨೨

ತದಾಹುಃ ಕಾಂ ದೇವತಾಂ ದೀಕ್ಷಮಾಣಾ ಅನುನಿಷೀದನ್ತಿ ಕಾಮನೂತ್ತಿಷ್ಠನ್ತೀತಿ ।
ಸ ಬ್ರೂಯಾದಗ್ನಿಂ ದೇವತಾನಾಂ ದೀಕ್ಷಮಾಣಾ ಅನುನಿಷೀದನ್ತ್ಯಾದಿತ್ಯಮನೂತ್ತಿಷ್ಠನ್ತೀತಿ ।
ತಸ್ಮಾದ್ದೀಕ್ಷಿತಾನ್ಸತ ಆಹುರಾಸತ ಇತಿ ಯದ್ಯಪಿ ತೇ ಶಯೀರನ್ನಥೋತ್ತಿಷ್ಠೇಯುಃ ।
ಅಗ್ನಿರ್ಹಿ ದೇವಾನಾಮಾಸೀನಾನಾಂ ಶ್ರೇಷ್ಠಃ ।
ಅಗ್ನಿದೇವತ್ಯಾ ಹಿ ತರ್ಹಿ ಭವನ್ತಿ ।
ತಸ್ಮಾದುತ್ಥಿತಾನ್ಸತ ಆಹುರುದಸ್ಥುರಿತಿ ಯದ್ಯಪಿ ತ ಆಸೀರನ್ನಥೋ ಶಯೀರನ್ ।
ಆದಿತ್ಯೋ ಹಿ ದೇವಾನಾಮುತ್ಥಿತಾನಾಂ ಶ್ರೇಷ್ಠಃ ।
ಆದಿತ್ಯದೇವತ್ಯಾ ಹಿ ತರ್ಹಿ ಭವನ್ತಿ ।
ತದಾಹುಃ ಕೇ ಭೂತ್ವೋತ್ತಿಷ್ಠನ್ತೀತಿ ।
ಸ ಬ್ರೂಯಾನ್ಮನುಷ್ಯಾ ಭೂತಾ ದೀಕ್ಷನ್ತೇ ದೇವಾ ಭೂತ್ವೋತ್ತಿಷ್ಠನ್ತೀತಿ ।
ತ ಏತದೃಗ್ರೇತಸಂ ಯಜೂರೇತಸಂ ಬ್ರಹ್ಮಣಿ ಯೋನೌ ರೇತೋ ದಧತೋ ಯನ್ತಿ ।
ಅಗ್ನಾವೇವ ತದಾಹುತೀಭಿರಭಿಜುಹ್ವತೋ ಯನ್ತಿ ।
ತಸ್ಮಾದ್ದೀಕ್ಷೋಪಸತ್ಸು ವೀವ ಗ್ಲಾಯನ್ತಿ ।
ತರುಣಮಿವ ತರ್ಹಿ ರೇತೋ ಭವತಿ ।
ತಸ್ಮಾದು ಸ್ತ್ರೀ ದುರ್ಹೃದಿನೀ ವೀವ ಗ್ಲಾಯತಿ ।
ತರುಣಮಿವ ಹಿ ತರ್ಹಿ ರೇತೋ ಭವತಿ ।
ತಾನ್ಸ್ತುತಿಶಸ್ತ್ರೈಸ್ತ್ರಿರ್ವರ್ಧಯನ್ತೋಽಭಿಶೃಣ್ವನ್ತೋ ಯನ್ತಿ ।
ತಸ್ಮಾದ್ಗರ್ಭಾ ಅನಶ್ನತಸ್ಸಂಭವನ್ತಿ ೨೩

ತ ಋಙ್ಮಯಾ ಯಜುರ್ಮಯಾಸ್ಸಾಮಮಯಾ ಬ್ರಹ್ಮಮಯಾ ಹಿರಣ್ಮಯಾ ಅಮೃತಾಸ್ಸಂಭವನ್ತಿ ।
ಋಙ್ಮಯೋ ಹ ವೈ ಯಜುರ್ಮಯಸ್ಸಾಮಮಯೋ ಬ್ರಹ್ಮಮಯೋ ಹಿರಣ್ಮಯೋಽಮೃತಸ್ಸಂಭವತ್ಯೃಙ್ಮಯಾನ್ಯಸ್ಯಾಸ್ಥಾನಿ ಭವನ್ತಿ ಯ ಏವಂ ವೇದ ।
ತಾನುದ್ಗಾತಾ ಪುರಸ್ತಾತ್ಸಂವತ್ಸರಸ್ಯ ಜನಯಿತ್ವಾ ಹೋತ್ರೇ ಪ್ರಯಚ್ಛತಿ ।
ತಾನ್ಹೋತಾ ಸೂಕ್ತೈಸ್ಸೂತೇ ।
ತತ್ಸೂಕ್ತಾನಾಂ ಸೂಕ್ತತ್ವಮ್ ।
ತಾಞ್ಛಸ್ತ್ರೈಃ ಪ್ರಶಾಸ್ತಿ ।
ತಚ್ಛಸ್ತ್ರಾಣಾಂ ಶಸ್ತ್ರತ್ವಮ್ ।
ತಾನುಕ್ಥೈರುತ್ಥಾಪಯತಿ ।
ತದುಕ್ಥಾನಾಂ ಉಕ್ಥತ್ವಮ್ ।
ತೇಭ್ಯ ಏತದ್ದೇವ್ಯಂ ಮಧ್ವಶೀತಿಭಿರನ್ನಾದ್ಯಂ ಪ್ರಯಚ್ಛತಿ ।
ಮಧು ಹಾಸ್ಯಾಸ್ಮಿಂಶ್ಚ ಲೋಕೇಽಮುಷ್ಮಿಂಶ್ಚಾನ್ನಂ ಭವತಿ ಯ ಏವಂ ವೇದ ।
ಅಕ್ಷರೇಣಾಕ್ಷರೇಣೋ ಹಾಸ್ಮೈ ವಿದ್ಯಾಸ್ಸರ್ವಾನ್ಕಾಮಾನ್ದುಹ್ರೇ ।
ತಸ್ಮಾತ್ಸಂವತ್ಸರ ಏವ ಶಸ್ಯಂ ಸಂವತ್ಸರೇ ಪ್ರೋಚ್ಯಮ್ ।
ತಸ್ಮಾದ್ಬ್ರಾಹ್ಮಣೋ ಹತೋ ನ ಸ್ತಾಯಾದ್ಭವತಿ ।
ತಸ್ಮಾದ್ರೇ ತಸ್ಸಿಕ್ತಂ ನ ಸ್ತಾಯಾದ್ಭವತಿ ।
ತಸ್ಮಾದು ಹೈವಂ ವಿದ್ವಾನ್ನ ಸ್ತಾಯಾದ್ಭವತಿ ।
ಅಶೀತಿಭಿರ್ವೈ ದೇವಾ ಇಮಾಁ ಲ್ಲೋಕಾನಿಮಾನಧ್ವನ ಆಶ್ನುವತ ।
ತದಶೀತೀನಾಮಶೀತಿತ್ವಮ್ ।
ತಿಸೃಭಿರೇವೇಮಂ ಲೋಕಮಾಶ್ನುವತ ತಿಸೃಭಿರನ್ತರಿಕ್ಷಂ ತಿಸೃಭಿರಮುಂ ಚತಸೃಭಿರೇವ ದಿಶ ಆಶ್ನುವತ ಚತಸೃಭಿರವಾನ್ತರದೇಶಾನೇಕಯಾಮೂಮೂರ್ಧ್ವಾಂ ದ್ವಾನವಾಶೀತಯೋಽಭವನ್ ।
ನವ ಪ್ರಾಣಾಃ ।
ಅಶ್ನುತೇ ಪ್ರಾಣಾನ್ ।
ಸಪ್ರಾಣಸ್ಸಂಭವತಿ ।
ಸರ್ವಮಾಯುರೇತಿ ।
ನಾಕಾಮೋ ಮ್ರಿಯತೇ ೨೪

ಅಥೈಷೌದುಮ್ಬರೀ ರಾಜಾಸನ್ದೀ ।
ತಸ್ಯೈ ಬೃಹದ್ರ ಥನ್ತರೇ ಪೂರ್ವೌ ಪಾದೌ ವೈರೂಪವೈರಾಜೇ ಅಪರೌ ಶಾಕ್ವರರೈವತೇ ಅನೂಚ್ಯಾನಿ ಋಚಃ ಪ್ರಾಚೀನಮಾತಾನಾ ಯಜೂಂಷಿ ತಿರಶ್ಚೀನಂ ಸಾಮಾನ್ಯಾಸ್ತರಣಂ ವಾಕೋವಾಕ್ಯಮತೀರೋಕಾ ಶ್ರೀರುಪಬರ್ಹಣಮ್ ।
ತಸ್ಯೈ ಪ್ರಜಾಪತಿಶ್ಚ ಬೃಹಸ್ಪತಿಶ್ಚ ಪೂರ್ವೌ ಪಾದಾವಧಾರಯೇತಾಂ ಸೋಮಶ್ಚ ವರುಣಶ್ಚಾಪರೌ ।
ತಸ್ಯಾಮೇತಮಾದಿತ್ಯಮಭ್ಯಷಿಞ್ಚನ್ತ ।
ವಸವೋ ರಾಜ್ಯಾಯ ರುದ್ರಾ ವೈರಾಜ್ಯಾಯಾದಿತ್ಯಾ ಸ್ವಾರಾಜ್ಯಾಯ ವಿಶ್ವೇ ದೇವಾಸ್ಸಾಮ್ರಾಜ್ಯಾಯ ಮರುತಸ್ಸಾರ್ವವಶ್ಯಾಯ ಸಾಧ್ಯಾಶ್ಚಾಪ್ತ್ಯಾಶ್ಚ ಪಾರಮೇಷ್ಠ್ಯಾಯ ।
ತನ್ನ ಹೈತಾವತ್ಕಯಾಚನ ದೇವತಯಾ ಜಿತಂ ಯಾವದಾದಿತ್ಯೇನ ।
ಯೇ ಹಿ ಸುತಾ ದೇವಾನಾಮಾಸಂಸ್ತ ಏನಮಸುವತ ।
ತಸ್ಮಿನ್ದಿಶೋ ಅಪಿತ್ವಮೈಚ್ಛನ್ತ ಯಥಾ ರಾಜನಿ ವಿಜಿತಿನ್ಯಪಿತ್ವಮಿಚ್ಛನ್ತ ಏವಮ್ ।
ತಾ ಅಬ್ರವೀದ್ಪ್ರದಾನಂ ಮೇ ಪ್ರಯಚ್ಛತೇತಿ ।
ಸೇಯಂ ಪ್ರಾಚೀ ದಿಕ್ಪ್ರಾಯಚ್ಛನ್ಮದುದಯೇತ್ಯಹಶ್ಚ ಸತ್ಯಂ ಚ ।
ಮಾಮಭ್ಯುದಯೇತ್ಯೂರ್ಧ್ವಾ ದಿಕ್ಪ್ರಾಯಚ್ಛತ್ಕ್ಷತ್ರಂ ಚ ರಾಷ್ಟ್ರಂ ಚ ।
ಮಾಮಭ್ಯಪಕ್ರಾಮೇತಿ ದಕ್ಷಿಣಾ ದಿಕ್ಪ್ರಾಯಚ್ಛದನ್ನಂ ಚ ರಥಂ ಚ ।
ಮಾಮಭ್ಯಪಕ್ರಾಮೇತ್ಯುದೀಚೀ ದಿಕ್ಪ್ರಾಯಚ್ಛದ್ರೂ ಪಂ ಚ ವರ್ಣಂ ಚ ।
ಸಮಯಾ ಮಾಮಯೇತ್ಯನ್ತರಿಕ್ಷಂ ಪ್ರಾಯಚ್ಛತ್ಪ್ರಕಾಶಂ ಚಾಸಂಬಾಧಂ ಚ ।
ಮಾಮಭ್ಯಸ್ತಮಯೇತಿ ಪ್ರತೀಚೀ ದಿಕ್ಪ್ರಾಯಚ್ಛದೃತಂ ಚ ರಾತ್ರಿಂ ಚ ಅನು ಮಾಮಾತಪೇತಿ ಪೃಥಿವೀ ಪ್ರಾಯಚ್ಛತ್ ೨೫

- ಕ್ಷೇಮಂ ಚ ವಿಮೋಕಂ ಚ ।
ಅಥ ಹಾಪ ಶ್ರೇಯಸೀರ್ಮೇನಿರೇ ।
ತಾಃ ಪ್ರತಿ ತ್ವಾ ವಯಮಾತಪಾಮ ಇತಿ ಯಾತ್ರಾಂ ಚ ಪ್ರಯಾಂ ಚ ಪ್ರಾಯಚ್ಛನ್ ।
ಅದ್ಭಿರ್ಹ ವಾ ಏಷ ಏತದೇತ್ಯಪಾಮೇವಾಯನೇನ ।
ತಾಸಾಮೇತಾಸಾಮೂರ್ಧ್ವಾಶ್ಛಾಯಾಃ ಪ್ರತಿ ಹೈನಂ ತದಾತಪನ್ತಿ ।
ಸ ಏವಮೇತಾ ದಿಶ ಉಪಾಪ್ನೋತಿ ।
ಅಸ್ಯೈ ಪ್ರಾಚ್ಯೈ ದಿಶ ಉದೇತಿ ।
ಅಭ್ಯುದೇತೀಮಾಮೂರ್ಧ್ವಾಂ ದಿಶಮ್ ।
ಷಡಿತ್ಥಂ ಮಾಸ ಏತಿ ಷಡಿತ್ಥಮ್ ।
ಸಮಯಾನ್ತರಿಕ್ಷಮೇತಿ ।
ಅಭ್ಯಸ್ತಮೇತೀಮಾಂ ಅಪರಾಂ ದಿಶಮ್ ।
ಅನ್ವಿಮಾಂ ಪೃಥಿವೀಮಾತಪತಿ ।
ತದ್ಯಥಾ ಪತಿರ್ಜಾಯಾ ಅನುಸಂಚರೇದೇವಮೇವೈನಾ ಏಷ ಏತದನುಸಂಚರತಿ ।
ಸ ಷಕ್ಷತಾಹಮೇವೇದಂ ಸರ್ವಂ ಸಂವೃಣಜಾ ಇತಿ ।
ಸ ವಶಮೇವ ದಿವ ಆದತ್ತ ಕ್ಷತ್ರಂ ನಕ್ಷತ್ರಾಣಾಮಾತ್ಮಾನಮನ್ತರಿಕ್ಷಸ್ಯ ರೂಪಂ ವಾಯೋರಾಜ್ಞಾಂ ಮನುಷ್ಯಾಣಾಂ ಚಕ್ಷಃ ಪಶೂನಾಮೂರ್ಜಮಪಾಂ ರಸಮೋಷಧೀನಾಂ ಚರಥಂ ವನಸ್ಪತೀನಾಂ ಶಿಶ್ನಂ ವಯಸಾಮರ್ಚಿಷಮಗ್ನೇರ್ಹೃದಯಂ ಪೃಥಿವ್ಯೈ ಗನ್ಧಂ ಹಿರಣ್ಯಸ್ಯ ಸ್ತನಯಿತ್ನುಂ ವಾಚಸ್ಸಙ್ಗಮಂ ಪಿತೄಣಾಂ ಭಾಂ ಚನ್ದ್ರ ಮಸಃ ।
ತದ್ಯದೇತೇಷಾಂ ಭೂತಾನಾಮಾದತ್ತ ತದಾದಿತ್ಯಸ್ಯಾದಿತ್ಯತ್ವಮ್ ।
ಸ ಯ ಏತದೇವಂ ವೇದೈಷ ಏವಾದಿತ್ಯೋ ಭೂತ್ವೈತಸ್ಯಾಂ ರಾಜಾಸನ್ದ್ಯಾಮಾಸ್ತೇ ೨೬

ನ ಹ ಬ್ರೂಯಾತ್ಸತ್ತ್ರಮಾಸಿಷ್ಯ ಇತಿ ।
ಶ್ರಮಿಷ್ಯಾಮೀತ್ಯೇವ ವಕ್ತವ್ಯಮ್ ।
ದ್ವೇ ಹ ವಾವ ದೇವತೇ ಸತ್ತ್ರಮಾಸಾತೇ ಪ್ರಾಣಾಪಾನಾವೇವ ।
ತಯೋಸ್ಸೋಽಭ್ಯಾರೋಹಃ ।
ತದ್ಯತ್ತಾವಿದಂ ಸತ್ತ್ರಾಯೇತೇ ತಸ್ಮಾತ್ತೌ ಸತ್ತ್ರಸದೌ ।
ತಸ್ಮಾದು ಶ್ರಮಿಷ್ಯಾಮೀತ್ಯೇವ ವಕ್ತವ್ಯಮ್ ।
ತಸ್ಯೈಷ ಶ್ಲೋಕಃ
ಸಪ್ತರ್ಷಯಃ ಪ್ರತಿಹಿತಾಸ್ಸುಭೂತೇ
ಸಪ್ತ ಪಶ್ಯನ್ತಿ ಬಹುಧಾ ನಿವಿಷ್ಟೌ
ಸಪ್ತೈತಂ ಲೋಕಮುಪಯನ್ತ್ಯಾಪೋ
ಽಸ್ವಪ್ನಜೌ ಸತ್ತ್ರಸದೌ ಯತ್ರ ದೇವಾ
ಇತಿ ।
ಸಪ್ತರ್ಷಯಃ ಪ್ರತಿಹಿತಾಸ್ಸುಭೂತ ಇತಿ ಪುರುಷೋ ವೈ ಸುಭೂತಮ್ ।
ತ ಇಮೇ ಸಪ್ತರ್ಷಯಃ ಪ್ರತಿಹಿತಾಃ ಪ್ರಾಣಾ ಏವ ।
ಸ್ಪತ ಪಶ್ಯನ್ತಿ ಬಹುಧಾ ನಿವಿಷ್ಟಾವಿತಿ ಬಹುಧಾ ಹ್ಯೇತೌ ನಿವಿಷ್ಟೌ ಪಶ್ಯನ್ತಿ ಯತ್ಪ್ರಾಣಾಪಾನೌ ।
ಸಪ್ತೈತಂ ಲೋಕಮುಪಯನ್ತ್ಯಾಪ ಇತೀಮಾ ದ್ವಯೀರಾಪ ಇಮಾ ದ್ವಯೀರಿಮಾ ಏಕಾ ಇಮಾ ದ್ವಯೀರವಾಚೀಃ ।
ಅಸ್ವಪ್ನಜೌ ಸತ್ತ್ರಸದೌ ಯತ್ರ ದೇವಾ ಇತ್ಯೇತೇ ಏವ ತೇ ದೇವತೇ ಸ ಯ ಏತದೇವಂ ವೇದ - ೨೭

ಯದಿ ಚ ಸ ಹ ಸತ್ತ್ರಮಾಸ್ತೇ ಯದಿ ಚ ನಾಥ ಹಾಸ್ಯಾಸಿತಮೇವ ಸತ್ತ್ರಂ ಭವತಿ ।
ಯ ಉ ಏವಂ ವಿದ್ವಾಞ್ಛ್ರಮಮುಪಪರೈತ್ಯೇತೇ ಏವಾಸ್ಯ ದೇವತೇ ಭಾಗಾಸ್ಸತ್ತ್ರಮಾಸಾತೇ ಸೋಽನಾರ್ತಸ್ಸಂವತ್ಸರಸ್ಯೋದೃಚಂ ಗಚ್ಛತಿ ।
ಅಸಾವೇವ ಸಂವತ್ಸರೋ ಯೋಽಸೌ ತಪತಿ ।
ತಸ್ಯ ಯದ್ಭಾತಿ ತತ್ಸಂವದ್ಯನ್ಮಧ್ಯೇ ಕೃಷ್ಣಂ ಮಣ್ಡಲಂ ತತ್ಸರ ಇತ್ಯಧಿದೇವತಮ್ ।
ಅಥಾಧ್ಯಾತ್ಮಮ್ ।
ಅಯಮೇವ ಸಂವತ್ಸರೋ ಯೋಽಯಂ ಚಕ್ಷುಷಿ ಪುರುಷಃ ।
ತಸ್ಯ ಯಚ್ಛುಕ್ಲಂ ತತ್ಸಂವದ್ಯನ್ಮಧ್ಯೇ ಕೃಷ್ಣಂ ಮಣ್ಡಲಂ ತತ್ಸರಃ ।
ತಸ್ಯೈಷ ಶ್ಲೋಕಃ
ಮದೇವೋದೇತಿ ಸೂರ್ಯೋಽಸ್ತಂ ಮದು ಚ ಗಚ್ಛತಿ
ಮಾಂ ಸರ್ವೇ ದೇವಾ ಅನ್ವಾಯತ್ತಾ ಮಾಮು ನಾತ್ಯೇತಿ ಕಿಂ ಚನ
ಇತಿ ।
ಮದೇವೋದೇತಿ ಸೂರ್ಯ ಇತ್ಯೇವಂವಿದೋ ಹ ವಾವ ಸೂರ್ಯ ಉದೇತಿ ।
ಅಸ್ತಂ ಮದು ಚ ಗಚ್ಛತೀತ್ಯೇವಂವಿದೋ ಹ ವಾವಾಸ್ತಮೇತಿ ।
ಮಾಂ ಸರ್ವೇ ದೇವಾ ಅನ್ವಾಯತ್ತಾ ಇತ್ಯೇವಂವಿದಂ ಹ ವಾವ ಸರ್ವೇ ದೇವಾ ಅನ್ವಾಯತ್ತಾಃ ।
ಮಾಮು ನಾತ್ಯೇತಿ ಕಿಂ ಚನೇತ್ಯೇವಂವಿದಂ ಹ ವಾವ ನ ಕಿಂ ಚನಾತ್ಯೇತಿ ೨೮

ತದಾಹುಃ ಕಿಂ ಸಂವತ್ಕಿಂ ಸರಂ ಕಿಮಯನಮಿತಿ ।
ಸ ಬ್ರೂಯಾತ್ತ್ರಯ್ಯೇವ ವಿದ್ಯಾ ಸಂವತ್ ।
ತಾಂ ಹಿ ಸರ್ವೇ ದೇವಾಸ್ಸಂವಾನ್ತಾಃ ।
ಅಹೋರಾತ್ರೇ ಏವ ಸರಃ ।
ತೇ ಹೀದಂ ಸರ್ವಂ ಸರತಃ ।
ಆದಿತ್ಯ ಏವಾಯನಮ್ ।
ಸ ಹ್ಯೇಷು ಲೋಕೇಷ್ವೇತಿ ।
ಇತ್ಯಧಿದೇವತಮ್ ।
ಅಥಾಧ್ಯಾತ್ಮಮ್ ।
ಅನ್ನಮೇವ ಸಂವತ್ ।
ತದ್ಧೀದಂ ಸರ್ವಂ ಸಂವಾನ್ತಮ್ ।
ವಾಗೇವ ಸರಃ ।
ವಾಚಾ ಹಿ ಪುರುಷಸ್ಸರತಿ ।
ಪ್ರಾಣ ಏವಾಯನಮ್ ।
ಸ ಹ್ಯಸ್ಮಿನ್ಸರ್ವಸ್ಮಿನ್ನೇತಿ ।
ಸ ಯ ಏವಮೇತದಧಿದೇವತಂ ಚಾಧ್ಯಾತ್ಮಂ ಚ ಸಂವತ್ಸರಾಯಣಂ ವೇದಾನಾರ್ತ ಏವ ಸಂವತ್ಸರಸ್ಯೋದೃಚಂ ಗಚ್ಛತಿ ತದಾಹುಃ ಕಥಂ ಸಂವತ್ಸರ ಏಕಚ್ಛನ್ದಾ ಬಾರ್ಹತೋ ಭವತೀತಿ - ೨೯

ಅಹೋಭಿರಿತಿ ಬ್ರೂಯಾತ್ ।
ಕಥಮಹೋಭಿರಿತಿ ।
ಅತಿರಾತ್ರಾವಾರಮ್ಭಣೀಯಮಹಾವ್ರತೀಯೇ ಅಹನೀ ಪೃಷ್ಠ್ಯಾಭಿಪ್ಲವಾವಭಿಜಿತ್ತ್ರಯ ಸ್ವರಸಾಮಾನಃ ಪ್ರತ್ಯಞ್ಚಸ್ತ್ರಯ ಸ್ವರಸಾಮಾನೋ ವಿಶ್ವಜಿದ್ಗೋಆಯುಷೀ ದಶರಾತ್ರೋ ವೈಷುವತಮೇವ ಸಪ್ತತ್ರಿಂಶಮೇತಸ್ಮಿನ್ಸ್ವರ್ಗೇ ಲೋಕೇಽಧ್ಯೂಢಮ್ ।
ತಸ್ಯೈಷ ಶ್ಲೋಕಃ
ತಾಂ ವಿಂಶತಿಸ್ಸಪ್ತಶತಾನಿ ಚಾಹುಷ್
ಷಟ್ತ್ರಿಂಶಿನೀಂ ಬೃಹತೀಂ ಕಲ್ಪಮಾನಾಮ್
ಸಾನುಷ್ಟುಬ್ಭೂತ್ವಾ ಪಶುಭಿಸ್ಸಯೋನಿರ್
ದೇವಾನ್ಪಿತೄನ್ದದತೇ ಮನುಷ್ಯಾಂಶ್ಚ
ಇತಿ ।
ತಾಂ ವಿಂಶತಿಸ್ಸಪ್ತಶತಾನಿ ಚಾಹುರಿತ್ಯಹೋರಾತ್ರಾ ಏವ ತೇ ।
ಷಟ್ತ್ರಿಂಶಿನೀಂ ಬೃಹತೀಂ ಕಲ್ಪಮಾನಾಮಿತ್ಯೇವಂ ಹ ತದಹೋಭಿಷ್ಷಟ್ತ್ರಿಂಶಿನೀ ಬೃಹತೀ ಕಲ್ಪತೇ ।
ಸಾನುಷ್ಟುಬ್ಭೂತ್ವಾ ಪಶುಭಿಸ್ಸಯೋನಿರಿತೀಯಮೇವ ದಿಗ್ಗಾಮಾಹರದಿಯಮಶ್ವಮಿಯಮಜಾಮಿಯಮವಿಮ್ ।
ಅನುಷ್ಟುಭೇ ವಾ ಏತಸ್ಯೈ ಸತ್ಯೈ ದಿಶಶ್ಶುಲ್ಕಮಾಹರನ್ನಿತ್ಯೇವಂ ಹ ತತ್ ।
ದೇವಾನ್ಪಿತೄನ್ದದತೇ ಮನುಷ್ಯಾಂಶ್ಚೇತಿ ।
ವಾಗ್ವಾ ಅನುಷ್ಟುಪ್ ।
ವಾಚೋ ವಾ ಇದಂ ಸರ್ವಂ ಯತಮ್ ।
ಏವಂ ವೈ ಸಂವತ್ಸರ ಏಕಚ್ಛನ್ದಾ ಬಾರ್ಹತೋ ಭವತೀತಿ ೩೦

ಅಯಮೇವ ಸ್ಪೃಷ್ಟ್ಯೋ ಯೋಽಯಂ ಪವತೇ ।
ಏತೇನ ಹೀದಂ ಸರ್ವಂ ಸ್ಪೃಷ್ಟಮ್ ।
ಸ್ಪೃಷ್ಟ್ಯೋ ಹ ವೈ ನಾಮೈಷಃ ।
ತಂ ಪೃಷ್ಠ್ಯ ಇತಿ ಪರೋಕ್ಷಮಾಚಕ್ಷತೇ ।
ಸರ್ವಾನ್ಕಾಮಾನ್ಸ್ಪೃಶತಿ ಯ ಏವಂ ವೇದ ।
ಅಸಾವೇವಾಭಿಪ್ಲವೋ ಯೋಽಸೌ ತಪತಿ ।
ಏಷ ಹೀದಂ ಸರ್ವಮಭಿಪ್ಲವತೇ ।
ತದಾಹುರ್ಯತ್ಪೃಷ್ಠ್ಯಾಭಿಪ್ಲವಾವಿತ್ಯಾಚಕ್ಷತೇಽಭಿಪ್ಲವಮು ವೈ ಪೂರ್ವಮುಪಯನ್ತಿ ।
ಕಥಂ ಪೃಷ್ಠ್ಯಃ ಪೂರ್ವ ಉಪೇತೋ ಭವತೀತಿ ।
ಸ ಬ್ರೂಯಾದ್ಯದೇವಾಯಮವರೋ ವಾಯುಃ ಪವತೇ ಪರ ಆದಿತ್ಯಸ್ತೇನೇತಿ ।
ಅಥೋ ಯತ್ಪರಂ ಸನ್ತಮಭಿಪ್ಲವಮವರಮುಪಯನ್ತಿ ವ್ಯತಿಷಙ್ಗಾಯಾನಿರ್ಮಾರ್ಗಾಯ ಸರ್ವಾಯುಷ್ಟಾಯೈ ।
ತದಾಹುರ್ಯಚ್ಚತ್ವಾರೋಽಭಿಪ್ಲವಸ್ಯ ಸ್ತೋಮಾಷ್ಷಟ್ಪೃಷ್ಠ್ಯಸ್ಯ ಕಥಂ ತತ್ಸಭಾರಮಿತಿ ।
ಸ ಬ್ರೂಯಾದ್ಯದೇವೈತೇ ಸದೃಶ್ಯೌ ದೇವತೇ ವಾಯುಶ್ಚಾದಿತ್ಯಶ್ಚ ತೇನ ಸಭಾರಮಿತಿ ।
ಅಥೋ ಯದ್ಬ್ರಹ್ಮಾಭಿಪ್ಲವಃ ಕ್ಷತ್ರಂ ಪೃಷ್ಠ್ಯಸ್ತೇನೋ ಏವೇತಿ ೩೧

ತದಾಹುರ್ಯದೇತೇ ಪೃಷ್ಠ್ಯಸ್ಯ ವಿಷಮಾ ಸ್ತೋಮಾಸ್ತ್ರಿವೃತ್ಪಞ್ಚದಶಸ್ಸಪ್ತದಶ ಏಕವಿಂಶಸ್ತ್ರಿಣವಸ್ತ್ರಯಸ್ತ್ರಿಂಶ ಇತಿ ಕಥಮೇತತ್ಸಮಾತ್ಸಮಮುಪೇತಂ ಭವತೀತಿ ।
ಸ ಬ್ರೂಯಾದ್ಬ್ರಹ್ಮ ವೈ ತ್ರಿವೃತ್ ।
ಕ್ಷತ್ರಂ ಪಞ್ಚದಶಃ ।
ಬ್ರಹ್ಮ ವೈ ಕ್ಷತ್ರಾಜ್ಜ್ಯಾಯಃ ।
ತೇನ ಸಮಾತ್ಸಮಮುಪೇತಂ ಭವತಿ ।
ವಿಟ್ಸಪ್ತದಶಃ ।
ಕ್ಷತ್ರಮು ವೈ ವಿಶೋ ಜ್ಯಾಯಃ ।
ತೇನ ಸಮಾತ್ಸಮಮುಪೇತಂ ಭವತಿ ।
ಏಕವಿಂಶಂ ಸ್ತೋಮಮನು ಶೂದ್ರ ಃ! ।
ವೈಶ್ಯೋ ವೈ ಶೂದ್ರಾ ಜ್ಜ್ಯಾಯಾನ್ ।
ತೇನ ಸಮಾತ್ಸಮಮುಪೇತಂ ಭವತಿ ।
ತ್ರಿಣವಂ ಸ್ತೋಮಮನು ಗ್ರಾಮ್ಯಾಃ ಪಶವಃ ।
ಶೂದ್ರೋ ವೈ ಗ್ರಾಮ್ಯೇಭ್ಯಃ ಪಶುಭ್ಯ ಶ್ರೇಯಾನ್ ।
ಅತ್ತಾ ಹಿ ಸ ತೇಷಾಮ್ ।
ತೇನ ಸಮಾತ್ಸಮಮುಪೇತಂ ಭವತಿ ।
ತ್ರಯತ್ರಿಂಶಂ ಸ್ತೋಮಮನ್ವಾರಣ್ಯಾಃ ಪಶವಃ ।
ಗ್ರಾಮ್ಯಾ ವೈ ಪಶವ ಆರಣ್ಯೇಭ್ಯಃ ಪಶುಭ್ಯ ಶ್ರೇಯಾಂಸಃ ।
ಬಿಭ್ಯತ ಇತರೇ ಚರನ್ತ್ಯಧಿಗನ್ತೇತರೇಷಾಂ ಹನ್ತಾ ।
ತೇನ ಸಮಾತ್ಸಮಮುಪೇತಂ ಭವತಿ ।
ತದಾಹುಃ ಕಸ್ಮಾದೇಕರೂಪೋಽಭಿಪ್ಲವೋ ದ್ವಿರೂಪಃ ಪೃಷ್ಠ್ಯಸ್ಸಮಾನ ಏವ ಸನ್ವ್ಯೂಢಶ್ಚ ಸಮೂಢಶ್ಚೇತಿ ।
ಸ ಬ್ರೂಯಾದ್ಯಸ್ಮಾದಿದಂ ಬ್ರಹ್ಮ ಬ್ರಹ್ಮೈವ ।
ಅಥ ಯಸ್ಮಾದು ಕ್ಷತ್ರಿಯಸ್ಸನ್ಬ್ರಾಹ್ಮಣೋ ಭವತಿ ತಸ್ಮಾದೇಕರೂಪೋಽಭಿಪ್ಲವೋ ದ್ವಿರೂಪಃ ಪೃಷ್ಠ್ಯ ಇತಿ ।
ತದ್ಧೈತದೇಕೇಽಭಿಪ್ಲವಸ್ಯ ಷಷ್ಠಮಹರುಕ್ಥ್ಯಂ ಕುರ್ವನ್ತ್ಯೇವಂ ಸಭಾರಮಿತಿ ।
ತದು ಹೋವಾಚ ಶಾಟ್ಯಾಯನಿರ್ಮೋಹಯನ್ತಿ ತೇಽಭಿಪ್ಲವಂ ಯೇ ತಥಾ ಕುರ್ವನ್ತಿ ।
ಅಬ್ರಹ್ಮ ತರ್ಹಿ ಭವತಿ ।
ತಸ್ಮಾತ್ತಥಾ ನ ಕಾರ್ಯಮಿತಿ ।
ಅಥ ಹೈಕೇ ಪೃಷ್ಠ್ಯಸ್ಯ ಷಷ್ಠಾದಹ್ನೋ ದ್ವಿಪದ ಉದ್ಧರನ್ತ್ಯೇವಂ ಸಭಾರಮಿತಿ ।
ತದು ಹೋವಾಚ ಶಾಟ್ಯಾಯನಿ ಸ್ವರ್ಗ ಏಷ ಲೋಕೋ ಯತ್ಪೃಷ್ಠ್ಯಷ್ಷಡಹಃ ।
ಯಜಮಾನ ಏಷ ನಿದಾನೇನ ಯದ್ದ್ವಿಪದಃ ।
ತಮಾಯತನಾಚ್ಚ್ಯಾವಯನ್ತಿ ।
ಸ ಯ ಏನಾಂಸ್ತಥಾ ಚಕ್ರುಷೋ ಬ್ರೂಯಾದಾಯತನಾದ್ವಾ ಚ್ಯೋಷ್ಯನ್ತೇಽಸ್ಮಾದ್ವಾ ಲೋಕಾದಿತಿ ತಥಾ ಹೈವ ಸ್ಯುಃ ।
ತಸ್ಮಾತ್ತಥಾ ನ ಕಾರ್ಯಮಿತಿ ೩೨

ತದಾಹುರ್ಯದಿದಂ ಪ್ರಾಯಣೀಯಮಹಸ್ತ್ರಿವೃದಾಚಕ್ಷತೇ ಪ್ರಾಯಣೀಯಮಿತ್ಯದಶ್ಚತುರ್ವಿಂಶಂ ಕಥಮೇತತ್ತ್ರಿವೃತಾ ಪ್ರಯತಂ ಭವತೀತಿ ।
ಸ ಬ್ರೂಯಾದ್ಯದೇವೈತೇ ಚತ್ವಾರಿಂಶತ್ತ್ರಿವೃತಸ್ಸಂಪದ್ಯನ್ತೇ ತೇನ ತ್ರಿವೃತಾ ಪ್ರಯತಂ ಭವತೀತಿ ।
ಅಥೋ ಯಚ್ಚತುರ್ವಿಂಶತ್ಯಕ್ಷರಾ ಗಾಯತ್ರೀ ತೇನೋ ಏವೇತಿ ।
ತದಾಹುಃ ಕಥಮೇತದ್ವೈಷುವತೀಯಮಹಶ್ಛನ್ದೋಮ್ಯಂ ಭವತೀತಿ ।
ಸ ಬ್ರೂಯಾದ್ಯಾವನ್ತಿ ಸಪ್ತಾನಾಂ ಚತುರುತ್ತರಾಣಾಂ ಛನ್ದಸಾಮಕ್ಷರಾಣಿ ತಾವತ್ಯೇತಸ್ಯಾಹ್ನ ಸ್ತೋತ್ರಿಯಾಃ ।
ತೇನ ಛನ್ದೋಮ್ಯಂ ಭವತೀತಿ ।
ತದಾಹುರ್ಯದುಪರಿಷ್ಟಾದ್ವಿಷುವತಶ್ಛನ್ದೋಮಾನುಪಯನ್ತಿ ಕಥಂ ಪುರಸ್ತಾದ್ವಿಷುವತಶ್ಛನ್ದೋಮಾ ಉಪೇತಾ ಭವನ್ತೀತಿ ।
ಸ ಬ್ರೂಯಾದ್ಯ ಏವೈಷ ಆರಮ್ಭಣೀಯಸ್ಯಾಹ್ನಶ್ಚತುರ್ವಿಂಶಶ್ಛಾನ್ದೋಮಿಕಸ್ತೋಮಸ್ತೇನ ಪುರಸ್ತಾದ್ವಿಷುವತಶ್ಛನ್ದೋಮಾ ಉಪೇತಾ ಭವನ್ತೀತಿ ।
ಅಥೋ ಯದೇವ ಪೃಷ್ಠ್ಯಸ್ಯ ದ್ವೇ ದ್ವೇ ಅಹನೀ ಸಮಸ್ತೇ ಛನ್ದೋಮಾಸ್ಸಂಪದ್ಯನ್ತೇ ತೇನೋ ಏವೇತಿ ೩೩

ತದಾಹುರ್ಯತ್ಷಟ್ಕೃತ್ವಃ ಪುರಸ್ತಾದ್ವಿಷುವತಃ ಪೃಷ್ಠ್ಯಾನ್ಯುಪಯನ್ತಿ ವಿಷ್ವಜಿತಿ ಸಪ್ತಮಮುಪರಿಷ್ಟಾತ್ಕಥಂ ತತ್ಸಭಾರಮಿತಿ ।
ಸ ಬ್ರೂಯಾದ್ಯದ್ವಾ ಅರ್ವಾಚೀನಂ ವಿಷುವತಸ್ತದಯಂ ಲೋಕೋ ಯದೂರ್ಧ್ವಂ ವಿಷುವತಸ್ತದಸೌ ಲೋಕಃ ।
ಆಸನ್ನ ಇವ ವಾ ಅಯಂ ಲೋಕಃ ।
ಪ್ರರಿಕ್ತ ಇವಾಸಾವನ್ಯಃ ।
ದ್ವಿತೀಯೋ ಹ್ಯಯಂ ಲೋಕಃ ।
ತದ್ಯದ್ವಿಶ್ವಜಿತಿ ಸಪ್ತಮಮುಪರಿಷ್ಟಾತ್ಪೃಷ್ಠ್ಯಾನ್ಯುಪಯನ್ತ್ಯೇವಂ ಸಭಾರಮಿತಿ ।
ಅಥೋ ಯ ಏವಂ ವಿಶ್ವಜಿತ್ಪೃಷ್ಠಮಯಮೇವ ।
ಗೌರ್ವೈ ರಥತರಮಶ್ವೋ ಬೃಹದಜಾ ವೈರೂಪಮವಿರ್ವೈರಾಜಂ ವ್ರೀಹಯಶ್ಶಕ್ವರ್ಯೋ ಯವಾ ರೇವತಯಃ ।
ಸ ಏಷ ರಥಸ್ಸಂಸಕ್ತೋ ಯತ್ಪೃಷ್ಠಾನಿ ।
ತಸ್ಯೈಷೋಽಕ್ಷೋ ಯದ್ಗಾಯತ್ರೀಷು ಬೃಹದಗ್ನಿಷ್ಟೋಮಸಾಮ ಭವತ್ಯೇತಸ್ಯ ರಥಸ್ಯಾನಪವ್ಯಾಥಾಯ ।
ಅಥ ಯ ಏತನ್ನಿರ್ಹೃತಪೃಷ್ಠಮುಪಯನ್ತಿ ವಿಷಕ್ತರಥಂ ತೇ ವಿಶ್ವಜಿತಂ ಶೂನ್ಯಮುಪಯನ್ತಿ ।
ತೇ ನ ಕಿಂ ಚನ ವ್ಯಶ್ನುವತೇ ।
ತಸ್ಮಾತ್ಪೃಷ್ಠಮಯ ಏವ ವಿಶ್ವಜಿತ್ಕಾರ್ಯ ಇತಿ ೩೪

ತದ್ಧೈತದೇಕೇ ಸ್ವರಸಾಮ್ನಾಂ ಸ್ವರಾಣ್ಯೇವ ಪೃಷ್ಠಾನಿ ಕುರ್ವನ್ತಿ ।
ಪೃಷ್ಠೇನ ವಾ ಅಹರಾಖ್ಯಾಯತೇ ಸ್ವರಸಾಮಾನ ಇತ್ಯೇತ ಆಖ್ಯಾಯನ್ತೇ ।
ತಸ್ಮಾತ್ಸ್ವರಸಾಮ್ನಾಂ ಸ್ವರಾಣ್ಯೇವ ಪೃಷ್ಠಾನಿ ಕಾರ್ಯಾಣೀತಿ ।
ತೇ ಚೇತ್ಸ್ವರಾಣಿ ಪೃಷ್ಠಾನಿ ಕುರ್ಯುರ್ಯಾನಿ ಷ್ಟಂ ಭವನ್ತಿ ತಾನ್ಯೇಕಬೃಹತೀಷು ಕುರ್ಯುಃ ।
ತದು ಹೋವಾಚ ಶಾಟ್ಯಾಯನಿರ್ವಯಂ ವಾವ ಪ್ರತ್ಯಕ್ಷಂ ಸ್ವರಾಣಿ ಪೃಷ್ಠಾನಿ ಕುರ್ಮೋ ಯೇ ಬೃಹದ್ರ ಥನ್ತರೇ ಕುರ್ಮಃ ।
ಇದಂ ವೈ ರಥನ್ತರಮದೋ ಬೃಹತ್ ।
ಆಭ್ಯಾಮು ವೈ ಲೋಕಾಭ್ಯಾಮಿದಂ ಸರ್ವಂ ಸ್ಪೃತಮ್ ।
ತಸ್ಮಾದ್ಬೃಹದ್ರ ಥನ್ತರೇ ಏವ ಪೃಷ್ಠೇ ಕಾರ್ಯೇ ಇತಿ ।
ಅಥೋ ಹೈತೇ ವಿಚ್ಛಿನ್ನಾನ್ಸ್ವರಸಾಮ್ನ ಉಪಯನ್ತಿ ಯೇ ತ್ರೀಣ್ಯುಪಯನ್ತಿ ।
ಸರ್ವಾಣ್ಯೇವ ಕಾರ್ಯಾಣಿ ।
ತಥಾ ದ್ವಾಭ್ಯಾಂ ದ್ವಾಭ್ಯಾಮಹಸ್ತಾಯತೇ ।
ಏವಂ ಸಂಗೃಹೀತಾ ಸ್ವರಸಾಮಾನೋ ಭವನ್ತ್ಯವಿಚ್ಛಿನ್ನಾಥೋ ಪಾಪವಸ್ಯಸಸ್ಯ ವ್ಯಾವೃತ್ತ್ಯಾ ಇತಿ ತದ್ಧೈತದೇಕೇ ವಿಷುವತೋ ಬೃಹತೀಷ್ವೇವ ಬೃಹತ್ಪೃಷ್ಠಂ ಕುರ್ವನ್ತಿ - ೩೫

- ಬಾರ್ಹತೋ ವಿಷುವಾನ್ಬಾರ್ಹತೋ ವಾಸಾವಾದಿತ್ಯಃ ।
ಬೃಹತ್ಯಾಮೇಷ ಏತದಧ್ಯೂಢಸ್ತಪತಿ ।
ತಸ್ಮಾದ್ಬೃಹತೀಷ್ವೇವ ಬೃಹತ್ಪೃಷ್ಠಂ ಕಾರ್ಯಮಿತಿ ।
ಅಥ ಹೈಕೇ ಬೃಹತೀಷ್ವೇವ ದಿವಾಕೀರ್ತ್ಯಂ ಪೃಷ್ಠಂ ಕುರ್ವನ್ತಿ ।
ಬೃಹತ್ಯಾಯತನಾನಿ ಪೃಷ್ಠಾನಿ ।
ಇದಂ ವಾ ಅನ್ತರಿಕ್ಷಂ ಬೃಹತೀ ।
ತಸ್ಯಾಮಯಂ ವಾಯುರನ್ತಃ ಪವತೇ ।
ತತ್ಪೃಷ್ಠಂ ತಸ್ಯಾ ಉ ಏವ ಯದ್ದ್ವಾದಶಾಕ್ಷರಂ ಪದಂ ತೇನ ಜಗತೀಷು ಕೃತಂ ಭವತಿ ।
ಏವಂ ತೃತೀಯಸವನಮಯಾತಯಾಮ ಕ್ರಿಯತ ಇತಿ ।
ತದು ಹೋವಾಚ ಶಾಟ್ಯಾಯನಿರ್ಜಾಗತೋ ವಿಷುವಾನ್ ।
ಜಾಗತಮೇತತ್ಸಾಮ ।
ಜಾಗತೋಽಸಾವಾದಿತ್ಯಃ ।
ಯದಾ ಹ್ಯೇಷ ಉದೇತ್ಯಥ ಜಗದೇತಸ್ಯೈವ ಪ್ರಯಾಣಮನು ಪ್ರೈತಿ ।
ತಸ್ಮಾಜ್ಜಗತೀಷ್ವೇವ ದಿವಾಕೀರ್ತ್ಯಂ ಪೃಷ್ಠಂ ಕಾರ್ಯಮಿತಿ ।
ತತೋ ಯಾಸ್ತಿಸ್ರೋ ಜಗತ್ಯಶ್ಚತಸ್ರಸ್ತಾ ಬೃಹತ್ಯಃ ।
ತೇನ ಬೃಹತೀಷು ಕೃತಂ ಭವತಿ ।
ತಾಸ್ಸಂಸ್ತುತಾ ಅಷ್ಟಾವಿಂಶತಿರ್ಬೃಹತ್ಯಸ್ಸಂಪದ್ಯನ್ತೇ ।
ತೇನೋ ಏವ ಬೃಹತ್ಯನ್ತರಿತಾ ಭವತಿ ।
ಅಥೋ ಹೈತತ್ಪ್ರಾಣಸ್ಯೈವ ರೇತೋ ನಿರ್ಮಿತಂ ಯದ್ದಿವಾಕೀರ್ತ್ಯಮ್ ।
ಪ್ರಜನನಂ ಜಗತೀ ।
ಸೋಽಸಾವಾದಿತ್ಯಃ ।
ತದ್ಯಜ್ಜಗತೀಷು ದಿವಾಕೀರ್ತ್ಯಂ ಪೃಷ್ಠಂ ಕುರ್ವನ್ತಿ ಸ್ವೇನೈವೈನಂ ತದಾಯತನೇನ ಸಮರ್ಧಯನ್ತಿ ।
ತೇನೈಭ್ಯಃ ಸಮೃದ್ಧೇನ ಸ್ವಾಯಾಂ ಜನತಾಯಾಮರ್ಧುಕಂ ಭವತಿ ೩೬

ತದೇತತ್ಪೃಚ್ಛನ್ತಿ ಕಿಂ ತದ್ದಿವಾಕೀರ್ತ್ಯೇಽಹನ್ಕ್ರಿಯತೇ ಯೇನ ಪ್ರಜಾಃ ಪ್ರಜನಯತಿ ಯೇನ ಚ ಪ್ರಜಾ ದಾಧಾರಯತಿ ।
ಸ ಬ್ರೂಯಾತ್ಪ್ರಾಣಸ್ಯೈವ ರೇತೋ ನಿರ್ಮಿತಂ ಯದ್ದಿವಾಕೀರ್ತ್ಯಮ್ ।
ಪ್ರಜನನಂ ಜಗತೀ ।
ತೇನ ಪ್ರಜಾಃ ಪ್ರಜನಯತಿ ।
ಅಥ ಯತ್ಪ್ರಾಣೋ ಭೂತ್ವಾ ಪರಾಣಿ ಚಾವರಾಣಿ ಚಾಹಾನಿ ದಾಧರ್ತಿ ತೇನೋ ಏವ ಪ್ರಜಾ ದಾಧಾರಯತಿ ।
ಪ್ರಾಣ ಏವ ದಿವಾಕೀರ್ತ್ಯಮ್ ।
ಚಕ್ಷುಷೀ ಭ್ರಾಜಾಭ್ರಾಜೇ ।
ಶ್ರೋತ್ರಂ ವಿಕರ್ಣಮ್ ।
ವಾಗ್ದಶಸ್ತೋಭಮ್ ।
ತ ಇಮೇ ಪ್ರಾಣಾ ಮಧ್ಯತೋ ಹಿತಾಃ ।
ತದ್ಧೈತದೇಕ ಉದಿತ ಏವಾಜ್ಯಗ್ರಹಾನ್ಗೃಹ್ಣನ್ತಿ ।
ಉದಿತೇ ಪ್ರಾತರನುವಾಕಮುಪಾಕುರ್ವನ್ತಿ ।
ದಿವಾಕೀರ್ತ್ಯಂ ವೈ ನಾಮೈತದಹಃ ।
ತನ್ನ ರಾತ್ರ್! ಯಾ ಸಂಸೃಜೇಯುರಿತಿ ।
ತದು ಹೋವಾಚ ಶಾಟ್ಯಾಯನಿಸ್ಸಾಮಭಿರ್ವಾ ಅಹಾನ್ಯಭಿಷ್ಟುತಾನ್ಯೃಗ್ಭೀ ರಾತ್ರಯಃ ।
ಸೈಷಾಂ ರಾತ್ರಿರನಭಿಷ್ಟುತಾ ಶೂನ್ಯಾ ಭವತಿ ।
ಅಥೋ ಪ್ರಜಾಪತಿರೇಷ ಯತ್ಪ್ರಾತರನುವಾಕಃ ।
ತಮಾಯತನಾಚ್ಚ್ಯಾವಯನ್ತಿ ।
ಸ ಯ ಏನಾಂಸ್ತಥಾ ಚಕ್ರುಷೋ ಬ್ರೂಯಾದಾಯತನಾದ್ವಾ ಚ್ಯೋಷ್ಯನ್ತೇಽಸ್ಮಾದ್ವಾ ಲೋಕಾದಿತಿ ತಥಾ ಹೈವ ಸ್ಯುಃ ।
ತಸ್ಮಾದ್ಯಥೈವೇತರೇಷಾಮಹ್ನಾಂ ತಥಾ ಕಾರ್ಯಮ್ ।
ಪ್ರಾಣಾಪಾನಾವುಪಾಂಶ್ವನ್ತರ್ಯಾಮೌ ।
ಉದಿತೇಽನ್ಯಂ ಜುಹ್ವತ್ಯನುದಿತೇಽನ್ಯಮ್ ।
ಬಹಿರ್ವೈ ಸನ್ತಂ ಪ್ರಾಣಮುಪಜೀವನ್ತ್ಯನ್ತಸ್ಸನ್ತಮಪಾನಮ್ ।
ತದ್ಯದುದಿತೇಽನ್ಯಂ ಜುಹ್ವತ್ಯನುದಿತೇಽನ್ಯಂ ಬಹಿಸ್ಸನ್ತಂ ಪ್ರಾಣಮುಪಜೀವಾಮಾನ್ತಸ್ಸನ್ತಮಪಾನಮಿತಿ ।
ಅಥ ಯ ಏತಾವುದಿತೇ ಜುಹ್ವತಿ ಪ್ರಾಣಾಪಾನಾವುತ್ಖಿದನ್ತಿ ।
ಸ ಯ ಏನಾಂಸ್ತಥಾ ಚಕ್ರುಷೋ ಬ್ರೂಯಾತ್ಪ್ರಾಣಾಪಾನಾವುದಖಾತ್ಸುರ್ಮರಿಷ್ಯನ್ತೀತಿ ತಥಾ ಹೈವ ಸ್ಯುಃ ।
ತಸ್ಮಾದ್ಯಥೈವೇತರೇಷಾಮಹ್ನಾಂ ತಥಾ ಕಾರ್ಯಮ್ ೩೭

ತಾನಿ ವಾ ಏತಾನಿ ದೀಕ್ಷಮಾಣಾದುತ್ಕ್ರಾಮನ್ತ್ಯಗ್ನಿಹೋತ್ರಂ ದರ್ಶಪೂರ್ಣಮಾಸೌ ಚಾತುರ್ಮಾಸ್ಯಾನಿ ಪಶುಬನ್ಧಃ ಪಿತೃಯಜ್ಞೋ ಗೃಹಮೇಧೋ ಬ್ರಹ್ಮೌದನೋ ಮಿಥುನಮ್ ।
ತದ್ಯದ್ದೀಕ್ಷೋಪಸತ್ಸು ಸ್ವಾಹೇತಿ ವ್ರತಯತಿ ತೇನಾಸ್ಯ ದೀಕ್ಷೋಪಸತ್ಸ್ವನನ್ತರಿತಮಗ್ನಿಹೋತ್ರಂ ಭವತಿ ।
ಯದುಪಾಂಶ್ವನ್ತರ್ಯಾಮಾವುದಿತೇಽನ್ಯಂ ಜುಹ್ವತ್ಯನುದಿತೇಽನ್ಯಂ ತೇನ ಸುತ್ಯಾಯಾಮ್ ।
ಯತ್ಪುರೋಡಾಶಸ್ತೇನ ಪೌರ್ಣಮಾಸಮ್ ।
ಯದ್ದಧಿ ತೇನಾಮಾವಾಸ್ಯಮ್ ।
ಯತ್ಪಯಸ್ಯಾ ತೇನ ಚಾತುರ್ಮಾಸ್ಯಾನಿ ।
ಯತ್ಪಶುಮಾಲಭನ್ತೇ ತೇನ ಪಶುಬನ್ಧಃ ।
ಯದುಪಾಸನಾನ್ಯುಪಾಸ್ಯತಿ ತೇನ ಪಿತೃಯಜ್ಞಃ ।
ಯದ್ಧಾನಾಃ ಕರಮ್ಭೋ ಭವತಿ ತೇನ ಗೃಹಮೇಧಃ ।
ಯತ್ಸೌಮ್ಯಮಾಹರತಿ ತೇನ ಬ್ರಹ್ಮೌದನಃ ।
ಯತ್ಪತ್ನೀಸ್ಸಂಖ್ಯಾಪಯತಿ ತೇನ ಮಿಥುನಮ್ ।
ತದ್ಧೈಕ ಆಹುಃ ಪ್ರಾಣೇನ ತ್ವಾ ಸಂಭವಾಮನೀತ್ಯೇವ ಪ್ರತಿಷ್ಣಾಮಭಿಪ್ರಾಣ್ಯಾನೀತಿ ।
ತದು ಹೋವಾಚ ಶಾಟ್ಯಾಯನಿರವಕೀರ್ಣರೂಪಮಿವೈತತ್ ।
ಏಕೋ ವಾವ ಪುಮಾನ್ಪ್ರಾಣಾವೇ ವಿದ್ಯಯೈವೈತದನನ್ತರಿತಮಥೋ ಯದೇವ ಯಜ್ಞಾಯಜ್ಞೀಯಸ್ಯ ಸ್ತೋತ್ರೇ ಸಂಖ್ಯಾಪಯನ್ತಿ ೩೮

ತದಾಹುರ್ಯದನ್ಯೈರನ್ಯೈಃ ಸಾಮಭಿ ಸ್ತುವತೇಽನ್ಯಾ ಅನ್ಯಾ ಅನುಶಂಸನ್ತ್ಯಥ ಕಸ್ಮಾತ್ಸಮಾನಾ ಗೃಹಾ ಇತಿ ।
ಸ ಬ್ರೂಯಾದನ್ನಂ ವೈ ಸಾಮ ।
ಅನ್ನಮೃಕ್ ।
ಪ್ರಾಣಾ ಗೃಹಾಃ ।
ಅನ್ಯದನ್ಯದ್ವೈ ಪ್ರಾಣೇಭ್ಯೋಽನ್ನಮಾಹರನ್ತಿ ।
ತಸ್ಮಾದನ್ಯೈರನ್ಯೈಃ ಸಾಮಭಿ ಸ್ತುವತೇಽನ್ಯಾ ಅನ್ಯಾ ಅನುಶಂಸನ್ತಿ ಸಮಾನಾ ಏವ ಗೃಹಾ ಇತಿ ।
ಪ್ರಾಣಾ ಏವ ಸಾಮ ।
ತನ್ಮೂಲಮ್ ।
ಅಥ ಯಥಾ ವೃಕ್ಷಸ್ಯ ಸ್ಕನ್ಧಾಂಸಿ ವಾ ಶಾಖಾ ವಾ ಪಲಾಶಾನಿ ವೈವಮನ್ಯಾನಿ ಸಾಮಾನಿ ।
ಸ ಯ ಏತದೇವಂ ವೇದ ಸರ್ವಾಣ್ಯೇವಾಸ್ಯ ಸಾಮಾನಿ ವಿದಿತಾನಿ ಭವನ್ತಿ ।
ವಾಗೇವರ್ಕ್ ।
ತನ್ಮೂಲಮ್ ।
ಅಥ ಯಥಾ ವೃಕ್ಷಸ್ಯ ಸ್ಕನ್ಧಾಂಸಿ ವಾ ಶಾಖಾ ವಾ ಪಲಾಶಾನಿ ವೈವಮನ್ಯಾ ಋಚಃ ।
ಸ ಯ ಏತದೇವಂ ವೇದ ಸರ್ವಾ ಏವಾಸ್ಯರ್ಚೋ ವಿದಿತಾ ಭವನ್ತಿ ।
ಮನ ಏವ ಯಜುಃ ।
ತನ್ಮೂಲಮ್ ।
ಅಥ ಯಥಾ ವೃಕ್ಷಸ್ಯ ಸ್ಕನ್ಧಾಂಸಿ ವಾ ಶಾಖಾ ವಾ ಪಲಾಶಾನಿ ವೈವಮನ್ಯಾನಿ ಯಜೂಂಷಿ ।
ಸ ಯ ಏತದೇವಂ ವೇದ ಸರ್ವಾಣ್ಯೇವಾಸ್ಯ ಯಜೂಂಷಿ ವಿದಿತಾನಿ ಭವನ್ತಿ ೩೯

ತದಾಹುಃ ಕಿಂ ನಾತಿಷ್ಟುವನ್ತಿ ಕಿಂ ನಾತಿಶಂಸನ್ತಿ ಕಿಂ ನಾತಿಗೃಹ್ಣನ್ತೀತಿ ।
ಸ ಬ್ರೂಯಾತ್ಪ್ರಾಣಮೇವ ನಾತಿಷ್ಟುವನ್ತಿ ।
ಸ್ತುತೇ ವೈ ಪ್ರಾಣ ಏವ ಪರಿಶಿಷ್ಯತೇ ।
ವಾಚಮೇವ ನಾತಿಶಂಸನ್ತಿ ।
ಶಸ್ತೇ ವೈ ವಾಗೇವ ಪರಿಶಿಷ್ಯತೇ ।
ಮನ ಏವ ನಾತಿಗೃಹ್ಣನ್ತಿ ।
ಗೃಹೀತೇ ವೈ ಮನ ಏವ ಪರಿಶಿಷ್ಯತೇ ।
ನಾತಿಷ್ಟುತಂ ನಾತಿಶಸ್ತಂ ನಾತಿಗೃಹೀತಮೇವಂವಿದಸ್ಸಂಪನ್ನಮೇವ ಭವತಿ ।
ಅಥ ಹ ವೈ ಸಮೃದ್ಧ ಏವ ಯಜ್ಞ ಉಪಾಸಿತವ್ಯಃ ।
ಯದಧೀಯನ್ನನುಪಹನ್ಯಮಾನಃ ಕರೋತಿ ತತ್ಸ್ವರ್ಗ್ಯಮ್ ।
ಸ್ವರ್ಗ್ಯಂ ಮ ಏತತ್ಸ್ವರ್ಗಲೋಕ ಏತೇನ ಭವಿಷ್ಯಾಮೀತ್ಯೇವ ತದ್ವಿದ್ಯಾತ್ ।
ಅಥ ಯದ್ದುರಧೀಯನ್ನುಪಹನ್ಯಮಾನೋ ವಿಷಿಞ್ಚನ್ಕರೋತಿ ಪುಷ್ಟಿಸ್ಸಾ ಪ್ರಜನನಮ್ ।
ಪುಷ್ಟಿರ್ಮ ಏಷಾ ಪ್ರಜನನಂ ಬಹುರ್ಭವಿಷ್ಯಾಮಿ ಪ್ರಜನಿಷ್ಯ ಇತ್ಯೇವ ತದ್ವಿದ್ಯಾತ್ ೪೦

ಅಥ ಹ ವೈ ತ್ರಯಃ ಪೂರ್ವೇಽಗ್ನಯ ಆಸುರ್ಭೂಪತಿರ್ಭುವನಪತಿರ್ಭೂತಾನಾಂ ಪತಿಃ ।
ಅಯಂ ವೈ ಲೋಕೋ ಭೂಪತಿರನ್ತರಿಕ್ಷಂ ಭುವನಪತಿರಸಾವೇವ ಲೋಕೋ ಭೂತಾನಾಂ ಪತಿಃ ।
ಅಥ ಹಾಯಂ ಭೂತಿರ್ನಾಮ ।
ತೇಷಾಂ ಹ ವಷಟ್ಕಾರಶ್ಶೀರ್ಷಾಣಿ ಚಿಚ್ಛೇದ ।
ತ ಇಮಾಸ್ತಿಸ್ರಃ ಪೃಥಿವೀಃ ಪ್ರವಿವಿಶುಃ ।
ತಸ್ಮಾದ್ಯದಗ್ನಿಹೋತ್ರಸ್ಯ ವಾಜ್ಯಸ್ಯ ವಾವಸ್ಕನ್ದೇತ್ತದಭಿಮೃಶೇದ್ಭೂಪತಯೇ ಸ್ವಾಹಾ ಭುವನಪತಯೇ ಸ್ವಾಹಾ ಭೂತಾನಾಂ ಪತಯೇ ಸ್ವಾಹೇತಿ ।
ಏತೇಷು ಹೈವಾಸ್ಯಾಗ್ನಿಷು ಹುತಮಸ್ಕನ್ನಂ ಭವತಿ ।
ಅಥ ಹ ವೈ ತ್ರಯಃ ಪೂರ್ವ ಋಷಯ ಆಸುಶ್ಶೂರ್ಪಂಯವಮಸ್ಹ್ವಾನಾ ಅನ್ತರ್ವಾನ್ಕೃಷಿಸ್ಸೋಲ್ವಾಲಾಃ ।
ತೇ ಹ ಯಜ್ಞಸ್ಯ ಕೃನ್ತತ್ರಾಣಿ ದದೃಶುಃ ।
ತಸ್ಯೈತಾಃ ಪ್ರಾಯಶ್ಚಿತ್ತೀರ್ದದೃಶುಃ ಶಂ ಚ ಮ ಉಪ ಚ ಮ ಆಯುಶ್ಚ ಮೇ ಭೂಯಶ್ಚ ಮೇ ಯಜ್ಞ ಶಿವೋ ಮೇ ಸಂತಿಷ್ಠಸ್ವ ಯಜ್ಞ ಸ್ವಿಷ್ಟೋ ಮೇ ಸಂತಿಷ್ಠಸ್ವ ಯಜ್ಞಾರಿಷ್ಟೋ ಮೇ ಸಂತಿಷ್ಠಸ್ವೇತಿ ।
ತಸ್ಮಾದೇತಾ ದರ್ಶಪೂರ್ಣಮಾಸಾಭ್ಯಾಂ ವಾ ಚಾತುರ್ಮಾಸ್ಯೈರ್ವಾ ಪಶುಬನ್ಧೇನ ವಾ ಸೌಮ್ಯೇನ ವಾಧ್ವರೇಣೇಷ್ಟ್ವೋಪರಿಷ್ಟಾಜ್ಜಪೇತ್ ।
ಯದೇವಾತ್ರ ಯಜ್ಞಸ್ಯ ವಿಧುರಂ ಭವತಿ ತದೇವ ತೇನ ಶಮಯತಿ ।
ಪ್ರಾಣ ಏವಾವಿಷುವತೋ ವ್ಯಾನೋ ವಿಷುವಾನಪಾನೋ ಯದೂರ್ಧ್ವಂ ವಿಷುವತಃ ।
ಅಪಾನೋ ವಾ ಇದಂ ಸರ್ವಮಾಹರತಿ ।
ತಸ್ಮಾದ್ವಯಂ ಪರಸ್ತಾದ್ವಿಷುವತೋಽರ್ವಾಚಷ್ಷಡಹಾನುಪೈಮಃ ೪೧

ತದ್ಧ ಕ್ರತುಜಿಜ್ಜಾನಕಿರಿಯಪಿಂ ಸೌಮಾಪಂ ಪಪ್ರಚ್ಛ ಪ್ರಾಣೇನ ಸ್ವೀ೩ದಪಾನೇನಾ೩ ಅಸ್ಮಿಞ್ಜೀವತಿ ಮರ್ತ್ಯಃ ।
ತದ್ಬ್ರೂತಾತ್ಸಂಗತೇಭ್ಯಃ ಕುರೂಣಾಂ ಬ್ರಾಹ್ಮಣೇಭ್ಯ ಇತಿ ।
ಸ ಹೋವಾಚೇಹೈವಾಹಂ ತ್ವಾಂ ಪ್ರತಿವಕ್ಷ್ಯಾಮೀತಿ ।
ತಂ ಹ ಪ್ರತ್ಯುವಾಚ ನ ಪ್ರಾಣೇನ ನಾಪಾನೇನ ।
ಅಸ್ಮಿಞ್ಜೀವತಿ ಮರ್ತ್ಯೇ ವ್ಯಾನೋಽಧ್ಯಕ್ಷಃ ಪಶೋಸ್ಸ ತಂ ವಿಷ್ವಞ್ಚಂ ಈರ್ಯತ ಇತಿ ।
ಪುರುಷೋ ವೈ ಪಶುಃ ।
ಪಶುರುತ್ಪಶುಸ್ಸಃ ।
ವ್ಯಾನೋ ಹ ವಾ ಏತಂ ವಿಷ್ವಞ್ಚಮೀರ್ಯತೇ ।
ತಾನ್ವಾ ಏತಾನೇಕೇ ಪರಸ್ತಾದ್ವಿಷುವತ ಊರ್ಧ್ವಾನೇವ ಷಡಹಾನುಪಯನ್ತಿ ।
ಯಂ ವಾವೈತಂ ಪೃಷ್ಠ್ಯಂ ಪೂರ್ವಮುಪೈಮಸ್ತೇನ ವ್ಯಾವೃತ್ತಾ ಭವನ್ತಿ ।
ಅಥೋ ಏವಮಜಾಮೀತಿ ।
ತದು ಹೋವಾಚ ಶಾಟ್ಯಾಯನಿರುಭಯೇ ವಾ ಏತ ಊರ್ಧ್ವಾ ಭವನ್ತಿ ಯೇ ಚೋರ್ಧ್ವಾ ಯೇ ಚಾರ್ವಾಞ್ಚಃ ।
ಸವನೈರ್ವಾ ಏತ ಊರ್ಧ್ವಾ ಭವನ್ತ್ಯಾಪ್ನುಮ ಉ ತಂ ಕಾಮಂ ಯ ಆವರ್ತೇಷ್ವಿತಿ ।
ತದಾಹುರ್ಯದ್ಯಥಾಪಾಂ ವಿವರ್ತ ಏವಮೇತೇ ಯದ್ಗೋಆಯುಷೀ ।
ಕತರೇಷಾಮೇತೇ ಅಹ್ನಾಮ್ ।
ಪರೇಷಾಮವರೇಷಾಮಿತಿ ।
ಉಭಯೇಷಾಮೇವೇತಿ ಬ್ರೂಯಾತ್ ।
ಉಭಯಾನಿ ಹ ವಾ ಏತೇ ಅಹಾನಿ ಸಂಗೃಹ್ಯ ತಿಷ್ಠತಃ ಪರಾಣಿ ಚಾವರಾಣಿ ಚ ।
ತಸ್ಮಾತ್ತ್ರ್! ಯಹೇಣಾನ್ಯತ್ತನುಮಹೇ ತ್ರ್! ಯಹೇಣಾನ್ಯತ್ ।
ಸ ದ್ವ್ಯಹಸ್ಸನ್ಷಡಹೋ ಭವತಿ ।
ತದೂರ್ಧ್ವೇ ಗೋಆಯುಷೀ ಭವತ ಊರ್ಧ್ವೋ ದಶರಾತ್ರಃ ।
ತದ್ಧೈತದೇಕೇ ವಿಹೃತೇ ಗೋಆಯುಷೀ ಉಪಯನ್ತ್ಯುಪರಿಷ್ಟಾದ್ವಿಶ್ವಜಿತ ಆಯುಃ ಪುರಸ್ತಾದ್ದಶರಾತ್ರಸ್ಯ ಗಾಮ್ ।
ಏವಮಜಾಮೀತಿ ।
ಅಥೋ ಏವಮೇವೈತಯೋಃ ಪುರೋಪಾಯಯನಮ್ ।
ತತ್ಪ್ರಮತ್ತಾ ನೈಮಿಶೀಯಾ ಅತೀಯುಃ ।
ತೇಽತ್ರ ಪುರಸ್ತಾದ್ದಶರಾತ್ರಸ್ಯ ಸಹೋಪೇಯುಃ ।
ತತ ಇದಮರ್ವಾಚೀನಮೇವೋಪಯನ್ತಿ ।
ತದು ಹೋವಾಚ ಶಾಟ್ಯಾಯನಿಃ ಪ್ರಾಣಾಪಾನಾವೇತೌ ಯದ್ಗೋಆಯುಷೀ ।
ಅನ್ನಪಾನೇ ತೇ ವಿಚ್ಛಿನ್ದನ್ತಿ ಯೇ ವಿಹರನ್ತಿ ।
ಅಥೋ ಏಷ ವಾವ ದೇವಯಾನಃ ಪನ್ಥಾ ಯದ್ಗೋಆಯುಷೀ ।
ಸ್ವರ್ಗ ಏಷ ಲೋಕೋ ಯದ್ದಶರಾತ್ರಃ ।
ತ ಏತೇನ ದೇವಯಾನೇನ ಪಥೈತಂ ಸ್ವರ್ಗಂ ಲೋಕಂ ಗಚ್ಛನ್ತಿ ।
ಅಥ ಯ ಏತೇ ವಿಹರನ್ತ್ಯೇತಂ ದೇವಯಾನಂ ಪನ್ಥಾನಂ ವಿಚ್ಛಿನ್ದನ್ತಿ ತೇ ನ ಕಿಂ ಚನ ವ್ಯಶ್ನುವತೇ ।
ತಸ್ಮಾತ್ಸಹೈವೋಪೇತ್ಯೇ ಇತಿ ೪೨

ಗೋಬಲಂ ಹ ವಾರ್ಷ್ಣಂ ಶಾಟ್ಯಾಯನಿರುವಾಚ ಪಿತೃಮಾನಸಿ ಭಗವಃ ಪಿತಾಮಹವಾನ್ ।
ಸಂವತ್ಸರಾಯ ದೀಕ್ಷಿಷ್ಯೇಽನು ಮಾ ಶಾಧೀತಿ ।
ತಥೇತಿ ಹೋವಾಚ ।
ಅಯನಂ ತೇ ವಕ್ಷ್ಯಾಮಿ ಯದ್ವಿದ್ವಾನನಾರ್ತಸ್ಸಂವತ್ಸರಸ್ಯೋದೃಚಂ ಗಚ್ಛತ್ಯುತ್ಥಾಯೋ ಯೋಗಕ್ಷೇಮೀ ಪಣಾಯ್ಯೋ ಭವತೀತಿ ।
ತಾನ್ವಾ ಏತಾನ್ದ್ವಾದಶ ಮಾಸೋ ಯನ್ತೀತಿ ಹೋವಾಚ ।
ತತೋ ಯಾಂಶ್ಚತುರೋ ಮಾಸೋ ಯನ್ತ್ಯಗ್ನೇರೇವ ತಾನಯನೇನ ಯನ್ತಿ ।
ಅಗ್ನಿಂ ಚೈವ ತೇನ ದೇವತಾನಾಮುಪಾಪ್ನುವನ್ತೀಮಂ ಚ ಲೋಕಂ ಇತಿ ।
ಅಥ ಯಾನಪರಾಂಶ್ಚತುರೋ ಮಾಸೋ ಯನ್ತಿ ವಾಯೋರೇವ ತಾನಯನೇನ ಯನ್ತಿ ।
ವಾಯುಂ ಚೈವ ತೇನ ದೇವತಾನಾಮುಪಾಪ್ನುವನ್ತ್ಯನ್ತರಿಕ್ಷಲೋಕಂ ಚೇತಿ ।
ಯಾನಪರಾಂಶ್ಚತುರೋ ಮಾಸೋ ಯನ್ತ್ಯಾದಿತ್ಯಸ್ಯೈವ ತಾನಯನೇನ ಯನ್ತಿ ।
ಆದಿತ್ಯಂ ಚೈವ ತೇನ ದೇವತಾನಾಮುಪಾಪ್ನುವನ್ತ್ಯಮುಂ ಚ ಲೋಕಮಿತಿ ೪೩

ಏತದ್ವಾ ಅಯನಮಿತಿ ಹೋವಾಚ ।
ತದ್ಯದ್ವಾ ಇದಮಾಹುರನಯನೇನಾಗಾದಿತಿ ।
ಯ ಏವೈತದವಿದ್ವಾಂಸಸ್ಸಂವತ್ಸರಾಯ ದೀಕ್ಷನ್ತೇ ತೇಽನಯನೇನ ಯನ್ತಿ ।
ಅಥ ಯ ಏತದೇವಂ ವೇದಾನಾರ್ತ ಏವ ಸಂವತ್ಸರಸ್ಯೋದೃಚಂ ಗಚ್ಛತ್ಯುತ್ಥಾಯೋ ಯೋಗಕ್ಷೇಮೀ ಪಣಾಯ್ಯೋ ಭವತಿ ।
ತ ಏತಂ ಸ್ವರ್ಗಂ ಲೋಕಮಾಗಚ್ಛನ್ತಿ ।
ಏತನ್ಮಹಾವ್ರತೀಯಮಹಃ ।
ಏಷ ವಾವ ಸ್ವರ್ಗಲೋಕೋ ಯನ್ಮಹಾವ್ರತೀಯಮಹಃ ।
ತತ್ಪಞ್ಚವಿಂಶಂ ಭವತಿ ।
ತತೋ ಯಾ ವಿಂಶತಿರ್ವಿರಾಟ್ಸಾ ।
ಅಥ ಯಾಶ್ಚತಸ್ರ ಇಮಾ ಏವ ತಾಶ್ಚತಸ್ರೋ ದಿಶಃ ।
ಅಥ ಯಾ ಪಞ್ಚವಿಂಶೀಯಮೇವ ಸೋರ್ಧ್ವಾ ದಿಕ್ ।
ದಿಶೋ ವೈ ಯತ್ರ ಸಮುದಶ್ರಯನ್ತ ತದೇಷೋಽತ್ಯಗ್ರೋ ನಾಮ ಲೋಕೋಽಭವದ್ಯ ಏಷ ತಪತಿ ।
ಏತಮೇವೈತತ್ಪಞ್ಚವಿಂಶ್ಯಾಭ್ಯಾರೋಹನ್ತಿ ।
ಏತಸ್ಯ ಸಲೋಕತಾಂ ಗಚ್ಛನ್ತಿ ।
ತದಾಹುರ್ಯದೇತೇನಾಹ್ನಾ ಭೂಯಿಷ್ಠಮೀಪ್ಸನ್ತಿ ಯನ್ಮಹಾವ್ರತೀಯೇನಾಥ ಕಸ್ಮಾದಯಂ ವಾರಣಃ ಪಞ್ಚವಿಂಶಸ್ತೋಮಃ ಕ್ರಿಯತ ಇತಿ ।
ಕೃತ್ಸ್ನಸ್ಯಾನ್ನಾದ್ಯಸ್ಯಾವರುದ್ಧ್ಯಾ ಇತಿ ಬ್ರೂಯಾತ್ ।
ಪುರುಷಮೇವ ಪಞ್ಚಭಿ ಸ್ತೋತ್ರಿಯಾಭಿರವರುನ್ದ್ಧೇ ಗಾಂ ಪಞ್ಚಭಿರಶ್ವಂ ಪಞ್ಚಭಿರಜಾಂ ಪಞ್ಚಭಿರವಿಂ ಪಞ್ಚಭಿಃ ।
ಸ ಏಷ ಕೃತ್ಸ್ನಸೈವಾನ್ನಾದ್ಯಸ್ಯಾವರುದ್ಧ್ಯಾ ಅನ್ತತಃ ಪಞ್ಚವಿಂಶಸ್ತೋಮಃ ಕ್ರಿಯತ ಇತಿ ।
ಅಥ ಯಾವತಿರಾತ್ರೌ ಪ್ರತಿಷ್ಠೈವ ಸಾ ।
ಅಸ್ಮಿನ್ನೇವ ಲೋಕೇ ಪ್ರಾಯಣೀಯೇನಾತಿರಾತ್ರೇಣ ಪ್ರತಿಷ್ಠಾಯ ಪ್ರಯನ್ತಿ ।
ಅಮುಷ್ಮಿಁ ಲ್ಲೋಕ ಉದಯನೀಯೇನಾತಿರಾತ್ರೇಣ ಪ್ರತಿಷ್ಠಾಯೋದ್ಯನ್ತಿ ।
ತೇ ಹಾಪ್ಯಬುಭೂಷನ್ತ ಇವ ಭವನ್ತಿ ಪ್ರತ್ಯಿವ ತಿಷ್ಠನ್ತಿ ೪೪

ಅಥೈಷೌದುಮ್ಬರೀ ರಾಜಾಸನ್ದೀ ।
ತಾಂ ಹೈಕೇ ಪ್ರಾಚೀಮೇವ ನಿದಧತಿ ।
ಉದೀಚೀಮೇವ ನಿದಧ್ಯಾತ್ ।
ತಸ್ಯಾ ಇಮಾವವಾನ್ತರದೇಶೌ ಪೂರ್ವೌ ಪಾದಾವಿಮಾವಪರಾಉ ।
ತಾಂ ಹೈಕೇ ಪ್ರಾಚೀಮೇವಾಧಿರೋಹನ್ತಿ ।
ತದು ಹೋವಾಚ ಶಾಟ್ಯಾಯನಿರುದಞ್ಚೋ ವೈ ಸಾಮಾರ್ತ್ವಿಜ್ಯಂ ಕುರ್ವನ್ತಿ ।
ಉದೀಚಿನದೇವತ್ಯಾ ಉದ್ಗಾತಾರಃ ।
ಉದೀಚ್ಯೈವಾರುಹ್ಯೇತಿ ।
ತಾಂ ಹೈಕೇ ನಮಸ್ಕಾರೇಣೈವಾಧಿರೋಹನ್ತಿ ನಮಸ್ತೇಽಸ್ತು ಭಗವತಿ ವಿದ್ಮ ತ್ವಾ ಸಾ ನಶ್ಶಿವೈಧೀತಿ ।
ತೂಷ್ಣೀಂ ಹೈವೈಕೇಽಧಿರೋಹನ್ತಿ ।
ಮನೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಮೇತದಹರಿತಿ ।
ತಾಮನೇನಾಗ್ರೇಽಧಿರೋಹೇದಥಾನೇನಾಥಾನೇನಾಥಾನೇನಾಮೃತಂ ಗಮಯೇಯಮಿತಿ ।
ಅಥಾಸ್ಮಾ ಆರೂಢಾಯ ವಾಣಂ ಶತತನ್ತ್ರೀಮಾಹರನ್ತಿ ।
ತಮೇತೇನ ಸಂತಾನೇನ ಸಂತನೋತಿ
ಭೂರ್ಭುವ ಸ್ವರ್
ವದಾ ವದಾ ವದಾ ವದೀ ವದಾ ವದೋರುಃ
ಪೃಥುಸ್ಸುಗಸ್ಸುಗನ್ತುಃ
ಕರ್ಮಃ ಕರಣಃ ಕರಃ ಕರಿಷ್ಯನ್
ಷನ್ದ್ರೀ ಂ! ವಾಚಂ ಬೃಹತೀಂ ವಿಶ್ವರೂಪಾಮ್
ಶತಾಯುಷಂ ಪ್ರವದ ದೇವ ವಾಣ
ಇತಿ ।
ಅಥೇನ್ದ್ರ ಣತಯಾ ಚೇಷೀಕಯಾ ವೇತಸಶಾಖಯಾ ಚೋಲ್ಲಿಖತಿ ಮನೋ ಜ್ಯೋತಿರಿತಿ ವಾಕ್ಸತ್ಯಮಿತಿ ಮನೋ ಭದ್ರ ಇತಿ ।
ತಂ ಪ್ರಯಚ್ಛತಿ ೪೫

ಅಥೈತಾ ಅನ್ಯಾಃ ಪರಿಮಾದಃ ಕುರುತೇ ।
ಅಥ ಸ್ತುತೇ ।
ಅಥ ಶೀರ್ಷ್ಣಾಗ್ರೇ ಸ್ತುತೇಽಥ ದಕ್ಷಿಣೇನ ಪಕ್ಷೇನಾಥೋತ್ತರೇಣಾಥ ಪುಚ್ಛೇನಾತ್ಮನೋತ್ತಮೇನ ।
ತತ್ಸಲೋಮಾಯ ।
ಶೀರ್ಷ್ಣೋದ್ಗಾತಾ ಪ್ರತಿಪದ್ಯತ ಆತ್ಮನಾ ಹೋತಾ ।
ಯಾಂ ಹ್ಯೇವ ಪ್ರಾಹ ತಯಾ ಪ್ರತಿಪದ್ಯತೇ ।
ಅಥ ಯದನ್ಯಾಂ ಪ್ರಾಹಾನ್ಯಯಾ ಪ್ರತಿಪದ್ಯತೇ ವಿಲೋಮ ತತ್ ।
ಅಥ ಹೈಕ ಆತ್ಮನೈವಾಗ್ರೇ ಪ್ರತಿಪದ್ಯನ್ತೇ ।
ತದು ಹೋವಾಚ ಶಾಟ್ಯಾಯನಿರ್ಯಥಾನ್ಧೋ ದ್ವಾರಮೃಚ್ಛೇತ್ತಾದೃಕ್ತದಿತಿ ।
ಅಥ ಹೈಕೇ ಸ್ತುತ್ವಾಇವೋಪಾವರುಹ್ಯೈತದಹಶ್ಶಸ್ಯಮಾನಮೀಕ್ಷಮಾಣಾ ಆಸತೇ ।
ತದು ಹೋವಾಚ ಶಾಟ್ಯಾಯನಿರೀಶ್ವರಃ ಪಾಪೀಯಾನ್ಭವಿತೋರ್ಯಸ್ತಥಾ ಕರೋತಿ ।
ಕ್ಷತ್ರಂ ವೈ ಸಾಮ ।
ವಿಟ್ಛಸ್ತ್ರಮ್ ।
ಉಪರ್ಯೇವಾಸೀತ ।
ರಾಜಾನಮೇವಾಹ್ರಿಯಮಾಣಂ ಪ್ರತ್ಯವರೋಹೇತ್ ।
ತಥಾಸ್ಯ ರಾಜಾ ಪ್ರತ್ಯವರೂಢೋ ಭವತಿ ।
ತಸ್ಯೈ ಪ್ರತ್ಯವರೋಹೋ
ಮಹೀ ದ್ಯೌಃ ಪೃಥಿವೀ ಚ ನ ಇಮಂ ಯಜ್ಞಂ ಮಿಮಿಕ್ಷತಾಮ್
ಪಿಪೃತಾಂ ನೋ ಭರೀಮಭಿಃ
ಇತಿ ।
ತಾಮೇತಾಮಾಸನ್ದೀಮುತ್ತರತಃ ಪರ್ಯಾಹೃತ್ಯ ನಿದಧತಿ ೪೬

ತದಾಹುರ್ಯದ್ವಿಹೃತಮೇತದಹಶ್ಶಸ್ಯತೇ ವಿಹೃತಾಸು ಸ್ತುಧ್ವಾ೩ ಅವಿಹೃತಾಸೂ೩ ಇತಿ । ವಿಹೃತಾಸ್ವಿತಿ ಬ್ರೂಯಾತ್ ।
ಯ ಏತಾ ರಾಜನ್ಯಸ್ಯ ದೇವತಾಸ್ತಾಭಿರ್ವಿಹೃತಂ ಭವತಿ ।
ತದ್ಯದ್ಗಾಯತ್ರೀಷು ಶಿರೋ ಭವತಿ ಬೃಹತೀಷು ಚ ಕಕುಪ್ಸು ಚ ಪಕ್ಷೌ ದ್ವಿಪದಾಸು ಚ ಪುಚ್ಛಂ ತ್ರಿಷ್ಟುಪ್ಸ್ವಾತ್ಮಾ ಕಥಮತೋ ವಿಹೃತಂ ಭವತೀತಿ ।
ಏತಸ್ಯಾತ್ಮನಃ ಪಞ್ಚವಿಂಶಂ ಶತಂ ತ್ರಿಷ್ಟುಭೋ ಭವನ್ತಿ ।
ತತೋ ಯಚ್ಛತಮಾಯುಷ್ಟತ್ ।
ಅಥ ಯಾಃ ಪಞ್ಚವಿಂಶತಿಃ ಪುರುಷಸ್ಸಃ ।
ಪಞ್ಚೇಮಾಃ ಪಞ್ಚೇಮಾಃ ಪಞ್ಚೇಮಾಃ ಪಞ್ಚೇಮಾಶ್ಚತ್ವಾರಿ ಪ್ರಾಙ್ಗಾನಿ ।
ಆತ್ಮಾ ಪಞ್ಚವಿಂಶಃ ।
ಸ ಏಷ ಶತಾಯುಃ ಪುರುಷಃ ।
ತದಾಹುರ್ಯದನ್ಯಾಸ್ತ್ರಿಷ್ಟುಭಸ್ಸಂಪೂರ್ಣಾಕ್ಷರಾಸು ಸ್ತುವತ ಇತಿ ।
ಸ ಬ್ರೂಯಾತ್ತ್ರೈಷ್ಟುಭೋ ವೈ ಪುರುಷಸ್ತ್ರಿಷ್ಟುಬ್ಯೋನಿಃ ।
ತಾನೀಮಾನಿ ಪುರುಷಸ್ಯಾನ್ಯೂನಾನಿ ।
ತಸ್ಮಾದ್ವ್ಯೂನಾಕ್ಷರಾಃ ।
ಅಥ ಯದ್ವಿಷಮೇಣ ಸಮಸ್ತೇನೋ ಸಂಪೂರ್ಣಾಕ್ಷರಾ ಇತಿ ।
ತದಾಹುರ್ಯತ್ಪಞ್ಚವಿಂಶಃ ಪುರುಷಃ ಪುರುಷಸ್ಯೈತತ್ಸ್ತೋತ್ರಮಿತ್ಯಾಹುಃ ।
ಅಥ ಕಸ್ಮಾದೇತಾನಿ ವಿಷಮಾಣಿ ಸಾಮಾನಿ ಕ್ರಿಯನ್ತೇ ಪುರುಷಸ್ಯ ಸರ್ವತಾಯಾ ಇತಿ ।
ಸ ಬ್ರೂಯಾನ್ಮನೋ ವೈ ಪ್ರಜಾಪತಿಃ ।
ಪ್ರಜಾಪತಿಃ ಪುರುಷಃ ।
ತಸ್ಯೈಷೋ ಅನ್ತರಾತ್ಮಾ ಯದೇತಾಃ ಪಞ್ಚವಿಂಶತಿ ಸ್ತೋತ್ರ್! ಯಾಃ ।
ಅಥೋ ಯಥಾ ಪುರುಷಸ್ಯ ಕೇಶಾ ನಖಾ ಲೋಮಾನಿ ಶ್ಮಶ್ರೂಣಿ ತಾದೃಕ್ತತ್ ।
ಯದೇತಾನಿ ವಿಷಮಾಣಿ ಸಾಮಾನಿ ಕ್ರಿಯನ್ತೇ ಪುರುಷಸ್ಯ ಸರ್ವತಾಯಾ ಇತಿ ೪೭

ತದಾಹುರ್ಯದ್ಬೃಹತ್ಯಾಯತನಾನಿ ಪೃಷ್ಠಾನಿ ಕಥಮತೋ ಬೃಹತೀಷು ಕೃತಂ ಭವತೀತಿ ।
ಏತಸ್ಯಾತ್ಮನೋ ದ್ವಾಪಞ್ಚಾಶಂ ಶತಂ ಬೃಹತಯೋ ಭವನ್ತ್ಯೇಕಾ ಚ ಕಕುಪ್ ।
ತೇನ ಬೃಹತೀಷು ಕೃತಂ ಭವತಿ ।
ತೇನೋ ಏವ ಕಕುಪ್ಪೃಷ್ಠೇಭ್ಯೋ ನ ಚ್ಯವತ ಇತಿ ।
ತದಾಹುಃ ಕಿಂಛನ್ದಾಃ ಪಞ್ಚವಿಂಶ ಸ್ತೋಮ ಇತಿ ।
ಪಙ್ಕ್ತಿಛನ್ದಾ ಇತಿ ಬ್ರೂಯಾತ್ ।
ಏತದ್ಧ ವೈ ಪ್ರತ್ಯಕ್ಷಂ ಪಞ್ಚವಿಂಶಸ್ಯ ಸ್ತೋಮಸ್ಯ ಛನ್ದೋ ಯತ್ಪಙ್ಕ್ತಿಃ ।
ಏತಸ್ಯಾತ್ಮನಸ್ಸಪ್ತತ್ರಿಂಶಂ ಶತಂ ಪಙ್ಕ್ತಯೋ ಭವನ್ತ್ಯರ್ಧಪಙ್ಕ್ತಿಶ್ಚ ।
ತೇನ ಪಙ್ಕ್ತಿಶ್ಛನ್ದಾಃ ।
ತಾ ಉ ಏವ ದ್ವಾನವತಿರತಿಛನ್ದಸಃ ।
ಅತಿಛನ್ದಾ ವೈ ಸರ್ವಾಣಿ ಛನ್ದಾಂಸ್ಯಭಿಭವತಿ ।
ತದ್ವಾ ಅಸ್ಯ ತತ್ಸರ್ವಾಣ್ಯೇವ ಛನ್ದಾಂಸ್ಯುಪೇತಾನಿ ಭವನ್ತಿ ।
ತದಾಹುಃ ಕಥಮೇತತ್ಸರ್ವಮಹಃ ಪಞ್ಚವಿಂಶಂ ಭವತೀತಿ ।
ಸಂಪದೇತಿ ಬ್ರೂಯಾತ್ ।
ಕಥಂ ಸಂಪದೇತಿ ।
ಪದ್ಯೇತಿ ನವ ಶೀರ್ಷ್ಣೋ ಗಾಯತ್ರ್! ಯಃ ।
ತಾಸಾಂ ಸಪ್ತವಿಂಶತಿಃ ಪದಾನಿ ।
ಷಟ್ಛತಂ ಪಕ್ಷಯೋರ್ದ್ವಾಚತ್ವಾರಿಂಶತ್ಪುಚ್ಛಸ್ಯ ।
ತದ್ಯಾನೀಮಾನಿ ಸಪ್ತವಿಂಶತಿಶ್ಶೀರ್ಷ್ಣಃ ಪದಾನಿ ತತೋ ದ್ವೇ ಆದಾಯ ಷಟ್ಛತ ಉಪದಧತಿ ।
ಅಥ ಪಞ್ಚವಿಂಶಃ ಪರಿಶಿಷ್ಯತೇ ।
ತತೋ ಯಚ್ಛತಂ ಚತ್ವಾರಸ್ತೇ ಪಞ್ಚವಿಂಶಾಃ ।
ಅಥ ಯಾನ್ಯಷ್ಟಾವತಿರಿಚ್ಯನ್ತೇ ತಾನಿ ದ್ವಾಚತ್ವಾರಿಂಶತ್ಯುಪದಧತಿ ।
ತೌ ದ್ವೌ ಪಞ್ಚವಿಂಶೌ ।
ಪಞ್ಚವಿಂಶ ಏವ ಪಞ್ಚವಿಂಶಮ್ ।
ಸರ್ವಂ ಪಞ್ಚವಿಂಶಂ ಭವತೀತಿ ೪೮

ಏಷ ವಾವ ಯಜ್ಞಾನಾಂ ವಿಷುವಾನ್ಯದಗ್ನಿಷ್ಟೋಮಃ ।
ತೇ ಯೇ ಪ್ರಾಞ್ಚೋ ಹವಿರ್ಯಜ್ಞಾ ಔಪವಸಥಾತ್ತೇಽಪಿಯನ್ತಿ ।
ಅಥ ಯ ಉತ್ತರೇ ಯಜ್ಞಕ್ರತವಸ್ಸುತ್ಯಾಯಾಂ ತೇಽಪಿಯನ್ತಿ ।
ಯತ್ತ್ರಿವೃದ್ಬಹಿಷ್ಪವಮಾನಂ ಯೇ ತ್ರಿವೃತ ಸ್ತೋಮಾಸ್ತೇನ ತೇಽಪಿಯನ್ತಿ ।
ಯತ್ಪಞ್ಚದಶಾನ್ಯಾಜ್ಯಾನಿ ಪಞ್ಚದಶೋ ಮಾಧ್ಯಂದಿನೋ ಯೇ ಪಞ್ಚದಶಾ ಸ್ತೋಮಾಸ್ತೇನ ತೇಽಪಿಯನ್ತಿ ।
ಯತ್ಸಪ್ತದಶಾನಿ ಪೃಷ್ಠಾನಿ ಸಪ್ತದಶ ಆರ್ಭವೋ ಯೇ ಸಪ್ತದಶಾ ಸ್ತೋಮಾಸ್ತೇನ ತೇಽಪಿಯನ್ತಿ ।
ಯದೇಕವಿಂಶಮಗ್ನಿಷ್ಟೋಮಸಾಮ ಯ ಏಕವಿಂಶಾ ಸ್ತೋಮಾಸ್ತೇನ ತೇಽಪಿಯನ್ತಿ ।
ಯದೇಕವಿಂಶಂ ಸರ್ವೇ ಸ್ತೋಮಾ ಅಭಿಸಂಪದ್ಯನ್ತೇ ತೇನ ಸರ್ವೇ ಸ್ತೋಮಾ ಅಪಿಯನ್ತಿ ।
ಅಯಮೇವಾಗ್ನಿಷ್ಟೋಮೋ ಯೋಽಯಂ ಪವತೇ ।
ತೇ ಯೇ ಪ್ರಾಞ್ಚೋ ಯಜ್ಞಕ್ರತವೋಽಗ್ನಿಸ್ತೇ ನಿದಾನೇನ ।
ಅಥ ಯ ಉತ್ತರೇ ಯಜ್ಞಕ್ರತವ ಆದಿತ್ಯಸ್ತೇ ನಿದಾನೇನ ।
ಯದಾ ವಾ ಅಗ್ನಿರುದ್ವಾಯತಿ ವಾಯುಮೇವಾಪ್ಯೇತಿ ।
ಯದಾ ಆದಿತ್ಯೋಽಸ್ತಮೇತಿ ವಾಯುಮೇವಾಪ್ಯೇತಿ ।
ತಸ್ಯ ವಾ ಏತಸ್ಯ ತಥೈವ ವಾಗ್ನಿಷ್ಟೋಮಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ।
ಏವಂ ಚತುರ್ವಿಂಶತಿಃ ಪುರೋವಾತೋ ದಕ್ಷಿಣತೋವಾತಃ ಪಶ್ಚಾತ್ವಾತ ಉತ್ತರತೋವಾತ ಊರ್ಧ್ವತೋವಾತ ಇತಿ ।
ಪ್ರಾಣ ಏವಾಗ್ನಿಷ್ಟೋಮಸ್ತೋಮಃ ।
ತೇ ಯೇ ಪ್ರಾಞ್ಚೋ ಯಜ್ಞಕ್ರತವೋ ವಾಕ್ತೇ ನಿದಾನೇನ ಅಥ ಯ ಉತ್ತರೇ ಯಜ್ಞಕ್ರತವಶ್ಚಕ್ಷುಸ್ತೇ ನಿದಾನೇನ - ೪೯

- ಯದಾ ವೈ ತೂಷ್ಣೀಮಾಸ್ತೇ ಪ್ರಾಣಮೇವ ವಾಗಪ್ಯೇತಿ ।
ಯದಾ ಸ್ವಪಿತಿ ಪ್ರಾಣಮೇವ ಚಕ್ಷುರಪ್ಯೇತಿ ।
ತದ್ಯದೇವಂವಿದ್ವದತಿ ಹವಿರ್ಯಜ್ಞೈರಸ್ಯ ತದಿಷ್ಟಂ ಭವತಿ ।
ಯತ್ಪ್ರಾಣಿತ್ಯಗ್ನಿಷ್ಟೋಮೇನಾಸ್ಯ ತದಿಷ್ಟಂ ಭವತಿ ।
ಯದ್ವೀಕ್ಷತ ಉತ್ತರೈರಸ್ಯ ತದ್ಯಜ್ಞಕ್ರತುಭಿರಿಷ್ಟಂ ಭವತಿ ।
ತದ್ಯದೇವಂವಿದ್ವದತಿ ಯತ್ಪ್ರಾಣಿತಿ ಯದ್ವೀಕ್ಷತ ಏತೈರ್ಹಾಸ್ಯ ತತ್ಸರ್ವೈರ್ಯಜ್ಞಕ್ರತುಭಿರಿಷ್ಟಂ ಭವತಿ ।
ಸ ಏಷ ಸಮಾನಪ್ರಾಯಣಸ್ಸಮಾನಸಂಬನ್ಧನಸ್ಸಂವತ್ಸರಃ ।
ತಸ್ಯ ಮನ ಏವ ಪ್ರಾಯಣಂ ವಾಕ್ಸಂಬನ್ಧನಮ್ ।
ಸ ಏಷ ಸಂವತ್ಸರೋಽಗ್ನಿಷ್ಟೋಮಾನೇವಾಭಿಸಂಪದ್ಯತೇ ।
ಷಡತಿರಾತ್ರಸ್ಯಾತಿಯನ್ತಿ ತ್ರೀಣ್ಯುಕ್ಥಾನಿ ತ್ರಿದೇವತ್ಯಸ್ಸನ್ಧಿಃ ।
ತ್ರೀಣ್ಯಾರಮ್ಭಣೀಯಸ್ಯಾಹ್ನೋಽತಿಯನ್ತಿ ।
ಅಥ ಯತ್ರ ಹ ಕ್ವ ಚಾಭಿಪ್ಲವಸ್ಸಪ್ತ ತೇಽಗ್ನಿಷ್ಟೋಮಾಃ ।
ಷಟ್ಕೃತ್ವಃ ಪೃಷ್ಠ್ಯಮುಪಯನ್ತಿ ।
ದ್ವಯೋಷ್ಷಡತಿಯನ್ತಿ ದ್ವಯೋಷ್ಷಟ್ ।
ಸೋಽಗ್ನಿಷ್ಟೋಮಃ ।
ದ್ವಯೋಷ್ಷಟ್ ।
ತದಮೂನಿ ಷಡುಪದಧಾತಿ ।
ಸೋಽಗ್ನಿಷ್ಟೋಮಃ ।
ಅಗ್ನಿಷ್ಟೋಮೋಽಭಿಜಿತ್ ।
ನವ ಸ್ವರಸಾಮ್ನಾಮತಿಯನ್ತಿ ।
ತದಮೂನಿ ತ್ರೀಣ್ಯುಪದಧಾತಿ ।
ಸೋಽಗ್ನಿಷ್ಟೋಮಃ ।
ಅಗ್ನಿಷ್ಟೋಮೋ ವಿಷುವಾನ್ ।
ಪ್ರತೀಚಾಂ ಸ್ವರಸಾಮ್ನಾಂ ನವಾತಿಯನ್ತಿ ।
ಪಞ್ಚಕೃತ್ವಃ ಪೃಷ್ಠ್ಯಮುಪಯನ್ತಿ ।
ದ್ವಯೋಷ್ಷಡತಿಯನ್ತಿ ದ್ವಯೋಷ್ಷಟ್ ।
ಸೋಽಗ್ನಿಷ್ಟೋಮಃ ।
ಏಕಸ್ಯ ತ್ರೀಣಿ ।
ತಾನ್ಯೇಷು ನವಸೂಪದಧಾತಿ ।
ಸೋಽಗ್ನಿಷ್ಟೋಮಃ ।
ಅಗ್ನಿಷ್ಟೋಮೋ ವಿಶ್ವಜಿತ್ ।
ಗೋಆಯುಷೋಷ್ಷಡತಿಯನ್ತಿ ।
ದ್ವಾದಶಾಗ್ನಿಷ್ಟೋಮಾ ದಶರಾತ್ರಃ ।
ಅಗ್ನಿಷ್ಟೋಮೋ ಮಹಾವ್ರತೀಯಮಹಃ ।
ಷಡತಿರಾತ್ರಸ್ಯಾತಿಯನ್ತಿ ।
ತದಮೂನಿ ಷಡುಪದಧಾತಿ ।
ಸೋಽಗ್ನಿಷ್ಟೋಮಃ ।
ದ್ವಾದಶಕೃತ್ವಷ್ಷೋಡಶಿನಮುಪಯನ್ತಿ ।
ಸೋಽಗ್ನಿಷ್ಟೋಮಃ ।
ಯದ್ಯು ವಾ ಅತಿರಾತ್ರೇ ಷೋಡಶಿನಮುಪಯನ್ತಿ ಮೋಹಯನ್ತ್ಯಮೂಂ ವಿರಾಜಸ್ಸಂಪದಮ್ । ಈಮಾಮಗ್ನಿಷ್ಟೋಮಸಂಪದಂ ರಿಚ್ಯತೇ ।
ಸ ಹ ಸೋಽನಿಧಾನೋ ವಜ್ರೋ ಹಿನಸ್ತಿ ।
ಅಥ ವಾ ಅನಿಧಾನೋ ವಜ್ರಃ ।
ಸ ಏಷ ಸಮಾನಪ್ರಾಯಣಸ್ಸಮಾನಸಂಬನ್ಧನಸ್ಸಂವತ್ಸರಃ ।
ತಸ್ಯ ಮನ ಏವ ಪ್ರಾಯಣಂ ವಾಕ್ಸಂಬನ್ಧನಮ್ ।
ಸ ಏಷ ಸಂವತ್ಸರೋಽಗ್ನಿಷ್ಟೋಮಾನೇವಾಭಿಸಂಪದ್ಯತೇ ।
ಸಂಪದಾ ಹಾಗ್ನಿಷ್ಟೋಮಾಯನಂ ಭವತಿ ।
ಉಪಾಪ್ತಾನ್ಯು ತಾನ್ಯಹಾನಿ ಭವನ್ತಿ ಯಾನಿ ಸಂವತ್ಸರೇ ಚಿತ್ರಿಯಾಣಿ ।
ತೇನ ಹೈತೇನಾಯನೇನೋಭೌ ಕಾಮಾವುಪಾಪ್ನೋತಿ ಯಶ್ಚಾಗ್ನಿಷ್ಟೋಮಾಯನೇ ಯಶ್ಚ ಮಾಸಿ ಪೃಷ್ಠೇ ೫೦

ಮಹಾವ್ರತತ್ರಯಂ ಸಮಾಪ್ತಮ್

ದ್ವಯಾ ಹ ವೈ ಪೂರ್ವ ಋತವ ಆಸುಃ ಪ್ರಾಣರ್ತವೋ ದೇವರ್ತವಃ ।
ಅಥೇಮ ಏತರ್ಹ್ಯೃತವ ಏವ ।
ಪ್ರಾಣ ಏವ ವಸನ್ತ ಆಸ ।
ವಾಗ್ಗ್ರೀಷ್ಮಃ ।
ಚಕ್ಷುರ್ವರ್ಷಾಃ ।
ಆರ್ದ್ರ ಮಿವ ವೈ ಚಕ್ಷುರಾದ್ರಾ ರ್! ಇವ ವರ್ಷಾಃ ।
ಶ್ರೋತ್ರಂ ಶರತ್ ।
ಮನೋ ಹೇಮನ್ತಃ ।
ಯಾ ಇಮಾಃ ಪುರುಷ ಆಪಸ್ಸ ಶಿಶಿರಃ ।
ಅಥ ದೇವರ್ತವಃ ।
ವಾಯುರೇವ ವಸನ್ತ ಆಸ ।
ಅಗ್ನಿರ್ಗ್ರೀಷ್ಮಃ ।
ಪರ್ಜನ್ಯೋ ವರ್ಷಾಃ ।
ಆದಿತ್ಯಶ್ಶರತ್ ।
ಚನ್ದ್ರ ಮಾ ಹೇಮನ್ತಃ ।
ಯಾ ಅಮೂರ್ದಿವ್ಯಾ ಆಪಸ್ಸ ಶಿಶಿರಃ ।
ಸ ಯಸ್ಸ ಪ್ರಾಣೋ ವಸನ್ತ ಆಸ ಯೋ ವಾಯುರ್ವಸನ್ತಸ್ಸೋಽಯಮೇತರ್ಹಿ ವಸನ್ತಃ ।
ಅಥ ಯಾ ವಾಗ್ಗ್ರೀಷ್ಮ ಆಸ ಯೋಽಗ್ನಿರ್ಗ್ರೀಷ್ಮಸ್ಸೋಽಯಮೇತರ್ಹಿ ಗ್ರೀಷ್ಮಃ ।
ಅಥ ಯಶ್ಚಕ್ಷುರ್ವರ್ಷಾ ಆಸುರ್ಯಾಃ ಪರ್ಜನ್ಯೋ ವರ್ಷಾಸ್ತಾ ಇಮಾ ಏತರ್ಹಿ ವರ್ಷಾಃ ।
ಅಥ ಯಚ್ಛ್ರೋತ್ರಂ ಶರದಾಸ ಯ ಆದಿತ್ಯಶ್ಶರತ್ಸೇಯಮೇತರ್ಹಿ ಶರತ್ ।
ಅಥ ಯನ್ಮನೋ ಹೇಮನ್ತ ಆಸ ಯಶ್ಚನ್ದ್ರ ಮಾ ಹೇಮನ್ತಸ್ಸೋಽಯಮೇತರ್ಹಿ ಹೇಮನ್ತಃ ।
ಅಥ ಯಾ ಇಮಾಃ ಪುರುಷ ಆಪಶ್ಶಿಶಿರ ಆಸುರ್ಯಾ ಅಮೂರ್ದಿವ್ಯಾ ಆಪಸ್ಸ ಶಿಶಿರಸ್ಸೋಽಯಮೇತರ್ಹಿ ಶಿಶಿರಃ ೫೧

ತ ಏತೇ ಷಡೃತವಷ್ಷಡ್ದಿಶಃ ।
ತ ಏತ ಋತವೋ ದಿಗ್ಭಿರ್ಮಿಥುನಾ ವಸನ್ತೇನೇಯಂ ಪ್ರಾಚೀ ದಿಙ್ಮಿಥುನಾ ಗ್ರೀಷ್ಮೇಣೇಯಂ ವರ್ಷಾಭಿರಿಯಂ ಶರದೇಯಂ ಹೇಮನ್ತೇನಾಸೌ ಶಿಶಿರೇಣೇಯಮ್ ।
ತದ್ಯಥಾ ಪತಿಂ ಜಾಯಾ ಅನಿಮೇಷಮೀಕ್ಷೇರನ್ನೇವಮೇವೈನಾ ಏವಂವಿದಂ ದೀಕ್ಷಮಾಣಮೀಕ್ಷನ್ತೇ ।
ತದ್ಯದ್ದಿಗ್ಭಿರೀಕ್ಷಿತಸ್ತಸ್ಮಾದ್ದೀಕ್ಷಿತಃ ।
ಸ ದೀಕ್ಷಿಷ್ಯಮಾಣ ಆದಿತ್ಯಮುಪತಿಷ್ಠೇತ ತ್ವಂ ದೇವತಾ ದೀಕ್ಷಿತಾಸಿ ।
ಸಾ ದೀಕ್ಷಮಾಣಸ್ಯ ತೇಜ ಇನ್ದ್ರಿ ಯಂ ವೀರ್ಯಂ ಯಶ ಆದತ್ಸೇ ।
ಮಾ ಮೇ ತೇಜ ಇನ್ದ್ರಿ ಯಂ ವೀರ್ಯಂ ಯಶ ಆದಿಥಾಃ ।
ತವ ದೀಕ್ಷಾಮನು ದೀಕ್ಷ ಇತಿ ।
ಅಥರ್ತೂನನ್ವಾರೋಹತಿ ।
ಯ ಋತವ ಋತುಭ್ಯೋಽಧ್ಯಾಸನ್
ಪುರಾ ಸೂರ್ಯಾಚ್ಚನ್ದ್ರ ಮಸಶ್ಚ ಪೂರ್ವೇ
ಯೇಭಿಃ ಪ್ರಜಾನನ್ಪ್ರದಿಶೋ ದಿಶಶ್ಚ
ತಾನನ್ವಾರೋಹಾಮಿ ತಪಸಾ ಬ್ರಹ್ಮಣಾ ಚ
ಇತಿ ಪ್ರಾಣರ್ತೂನನ್ವಾರೋಹತಿ ।
ಯ ಋತವಶ್ಚನ್ದ್ರ ಮಸೋಽಧಿ ಪೂರ್ವ
ಋಚಂ ವಾಚಂ ಬ್ರಹ್ಮಾಣಮಾಬಭೂವುಃ
ಇತ್ಯೇವಂವಿದಂ ಹ್ಯಾಭವನ್ ।
ಯೇಭಿಃ ಪ್ರಜಾನನ್ಪ್ರದಿಶೋ ದಿಶಶ್ಚ
ತಾನನ್ವಾರೋಹಾಮಿ ತಪಸಾ ಬ್ರಹ್ಮಣಾ ಚ
ಇತಿ ದೇವರ್ತೂನನ್ವಾರೋಹತಿ ।
ಯ ಏಕ ಋತುಸ್ತ್ರಯ ಋತವಶ್ಚ
ಯೇ ಷಟ್ಚತುರ್ವಿಂಶತಿರೃತವೋ ಯೇ
ದ್ವಾದಶ ಸಪ್ತದಶಾನ್ಯುತ ವಿಂಶತಿಶ್ಚ
ತಾನನ್ವಾರೋಹಾಮಿ ತಪಸಾ ಬ್ರಹ್ಮಣಾ ಚ
ಇತೀಮಾನೃತೂನನ್ವಾರೋಹತಿ ।
ಸ ಏವಮೇತೈಸ್ತೈರೃತುಭಿಃ ಪರಿಗೃಹೀತಃ ।
ಸ ಯಥಾ ತೈರೃತುಭಿಃ ಪರಿಗೃಹೀತ ಏವಮೇವಾನಾರ್ತಸ್ಸಂವತ್ಸರಸ್ಯೋದೃಚಂ ಗಚ್ಛತಿ ।
ಋತುರೃತುರ್ಹೈವಂವಿದೇ ಕಲ್ಪತೇ ೫೨

ಕೇಶೀ ಹ ದಾರ್ಭ್ಯೋ ದರ್ಭಪರ್ಣಯೋರ್ದಿದೀಕ್ಷೇ ।
ಅಥ ಹ ಸುತ್ವಾ ಯಾಜ್ಞಸೇನೋ ಹಂಸೋ ಹಿರಣ್ಮಯೋ ಭೂತ್ವಾ ಯೂಪ ಉಪವಿವೇಶ ।
ತಂ ಹ ಕೇಶೀ೩ನಿತಿ ನಾಮ್ನಾಭ್ಯುವಾದ ।
ಸ ಹ ಚುಕ್ರೋಧ ಸ್ಥವಿರೋಽಸ್ಮಿ ಪಞ್ಚಾಲಾನಾಂ ರಾಜಾ ।
ಸ ಉ ವೈ ದೀಕ್ಷಿತೋಽಸ್ಮಿ ।
ಕೋ ನು ಮಾ೩ಂ! ಹೇಯನ್ನಾಮ್ನೈವಾಭಿವದಿತುಮರ್ಹತೀತಿ ।
ಸ ಹೋವಾಚ ಮಾ ಕ್ರುಧಃ ।
ಅಭಿವದಿತಾ ತೇ ತೇನಾಸ್ಮಿ ಯದಹಮೇತಸ್ಯೈ ವಿಶಸ್ತ್ವತ್ಪೂರ್ವೋ ರಾಜಾಸಮ್ ।
ಅಭಿವದಿತೋ ವಾವ ತೇ ತೇನಾಸ್ಮಿ ಯದದೀಕ್ಷಿತೋಽಸಿ ।
ಇಷ್ಟಾಪೂರ್ತಸ್ಯ ತ್ವಮಕ್ಷಿತಿಂ ವೇತ್ಥ ।
ದೀಕ್ಷಾಮಹಂ ವೇದ ।
ಸಂಪ್ರಬ್ರವಾವಹಾ ಇತಿ ।
ಸ ಹೋವಾಚ ಅಗ್ನಿರ್ದೀಕ್ಷಿತಃ ಪೃಥಿವೀ ದೀಕ್ಷಾ ವಾಯುರ್ದೀಕ್ಷಿತೋಽನ್ತರಿಕ್ಷಂ ದೀಕ್ಷಾ ಆದಿತ್ಯೋ ದೀಕ್ಷಿತೋ ದ್ಯೌರ್ದೀಕ್ಷಾ ಪ್ರಜಾಪತಿರ್ದೀಕ್ಷಿತೋ ಮನೋ ದೀಕ್ಷಾ ।
ಸ ದೀಕ್ಷೇತ ಯಯಾ ದೀಕ್ಷಯಾಗ್ನಿರ್ದೀಕ್ಷಿತಸ್ತಯಾ ದೀಕ್ಷಯಾ ದೀಕ್ಷೇ ಯಯಾ ದೀಕ್ಷಯಾ ವಾಯುರ್ದೀಕ್ಷಿತಸ್ತಯಾ ದೀಕ್ಷಯಾ ದೀಕ್ಷೇ ಯಯಾ ದೀಕ್ಷಯಾದಿತ್ಯೋ ದೀಕ್ಷಿತಸ್ತಯಾ ದೀಕ್ಷಯಾ ದೀಕ್ಷೇ ಯಯಾ ದೀಕ್ಷಯಾ ಪ್ರಜಾಪತಿರ್ದೀಕ್ಷಿತಸ್ತಯಾ ದೀಕ್ಷಯಾ ದೀಕ್ಷ ಇತಿ ೫೩

ಅಥ ಹೇತರ ಉವಾಚ ।
ಬ್ರಹ್ಮಣೇ ದದದ್ಬ್ರೂಯಾದ್ಬ್ರಹ್ಮನ್ಮನಸ್ತೇ ದದಾನಿ ತದನೇನ ನಿಷ್ಕ್ರೀಣಾನಿ ಬ್ರಹ್ಮನ್ನಿದಂ ದದಾನೀತಿ ಯದ್ದಾಸ್ಯನ್ಸ್ಯಾತ್ ।
ಸ ಯನ್ಮನೋ ದದಾತಿ ಚನ್ದ್ರ ಮಾ ವೈ ಮನಶ್ಚನ್ದ್ರ ಮಸಮೇವಾಸ್ಮೈ ತದ್ದದಾತಿ ।
ತದ್ಯಾವಚ್ಚನ್ದ್ರ ಮಾ ನ ಕ್ಷೀಯತೇ ತಾವದಸ್ಯ ತದ್ದತ್ತಂ ನ ಕ್ಷೀಯತೇ ।
ಹೋತ್ರೇ ದದದ್ಬ್ರೂಯಾದ್ಧೋತರ್ವಾಚಂ ತೇ ದದಾನಿ ತಾಮನೇನ ನಿಷ್ಕ್ರೀಣಾನಿ ಹೋತರಿದಂ ದದಾನೀತಿ ಯದ್ದಾಸ್ಯನ್ಸ್ಯಾತ್ ।
ಸ ಯದ್ವಾಚಂ ದದಾತ್ಯಗ್ನಿರ್ವೈ ವಾಗಗ್ನಿಮೇವಾಸ್ಮೈ ತದ್ದದಾತಿ ।
ತದ್ಯಾವದಗ್ನಿರ್ನ ಕ್ಷೀಯತೇ ತಾವದಸ್ಯ ತದ್ದತ್ತಂ ನ ಕ್ಷೀಯತೇ ।
ಅಧ್ವರ್ಯವೇ ದದದ್ಬ್ರೂಯಾದಧ್ವರ್ಯೋ ಪ್ರಾಣಂ ತೇ ದದಾನಿ ತಮನೇನ ನಿಷ್ಕ್ರೀಣಾನ್ಯಧ್ವರ್ಯೋ ಇದಂ ದದಾನೀತಿ ಯದ್ದಾಸ್ಯನ್ಸ್ಯಾತ್ ।
ಸ ಯತ್ಪ್ರಾಣಂ ದದಾತಿ ವಾಯುರ್ವೈ ಪ್ರಾಣೋ ವಾಯುಮೇವಾಸ್ಮೈ ತದ್ದದಾತಿ ।
ತದ್ಯಾವದ್ವಾಯುರ್ನ ಕ್ಷೀಯತೇ ತಾವದಸ್ಯ ತದ್ದತ್ತಂ ನ ಕ್ಷೀಯತೇ ।
ಉದ್ಗಾತ್ರೇ ದದದ್ಬ್ರೂಯಾದುದ್ಗಾತಶ್ಚಕ್ಷುಸ್ತೇ ದದಾನಿ ತದನೇನ ನಿಷ್ಕ್ರೀಣಾನ್ಯುದ್ಗಾತರಿದಂ ದದಾನೀತಿ ಯದ್ದಾಸ್ಯನ್ಸ್ಯಾತ್ ।
ಸ ಯಚ್ಚಕ್ಷುರ್ದದಾತ್ಯಾದಿತ್ಯೋ ವೈ ಚಕ್ಷುರಾದಿತ್ಯಮೇವಾಸ್ಮೈ ತದ್ದದಾತಿ ।
ತದ್ಯಾವದಾದಿತ್ಯೋ ನ ಕ್ಷೀಯತೇ ತಾವದಸ್ಯ ತದ್ಸತ್ತಂ ನ ಕ್ಷೀಯತೇ ।
ಸದಸ್ಯಾಯ ದದದ್ಬ್ರೂಯಾತ್ಸಸ್ಯಾತ್ಮಾನಂ ತೇ ದದಾನಿ ತಮನೇನ ನಿಷ್ಕ್ರೀಣಾನಿ ಸದಸ್ಯೇದಂ ದದಾನೀತಿ ಯದ್ದಾಸ್ಯ ಸ್ಯಾತ್ ।
ಸ ಯದಾತ್ಮಾನಂ ದದಾತ್ಯಾಕಾಶೋ ವಾ ಆತ್ಮಾಕಾಶಮೇವಾಸ್ಮೈ ತದ್ದದಾತಿ ।
ತದ್ಯಾವದಾಕಾಶೋ ನ ಕ್ಷೀಯತೇ ತಾವದಸ್ಯ ತದ್ದತ್ತಂ ನ ಕ್ಷೀಯತೇ ।
ಹೋತ್ರಕೇಭ್ಯೋ ದದದ್ಬ್ರೂಯಾದ್ಧೋತ್ರಕಾ ಶ್ರೋತ್ರಂ ವೋ ದದಾನಿ ತದನೇನ ನಿಷ್ಕ್ರೀಣಾನಿ ಹೋತ್ರಕಾ ಇದಂ ದದಾನೀತಿ ಯದ್ದಾಸ್ಯನ್ಸ್ಯಾತ್ ।
ಸ ಯಚ್ಛ್ರೋತ್ರಂ ದದಾತಿ ದಿಶೋ ವೈ ಶ್ರೋತ್ರಂ ದಿಶ ಏವೈಭ್ಯಸ್ತದ್ದದಾತಿ ।
ತದ್ಯಾವದ್ದಿಶೋ ನ ಕ್ಷೀಯನ್ತೇ ತಾವದಸ್ಯ ತದ್ದತ್ತಂ ನ ಕ್ಷೀಯತೇ ।
ಪ್ರಸರ್ಪಕೇಭ್ಯೋ ದದದ್ಬ್ರೂಯಾತ್ಪ್ರಸರ್ಪಕಾ ಲೋಮಾನಿ ವೋ ದದಾನಿ ತಾನ್ಯನೇನ ನಿಷ್ಕ್ರೀಣಾನಿ ಪ್ರಸರ್ಪಕಾ ಇದಂ ದದಾನೀತಿ ಯದ್ದಾಸ್ಯನ್ಸ್ಯಾತ್ ।
ಸ ಯಲ್ಲೋಮಾನಿ ದದಾತ್ಯೋಷಧಿವನಸ್ಪತಯೋ ವೈ ಲೋಮಾನ್ಯೋಷಧಿವನಸ್ಪತೀನೇವೈಭ್ಯಸ್ತದ್ದದಾತಿ ।
ತದ್ಯಾವದೋಷಧಿವನಸ್ಪತಯೋ ನ ಕ್ಷೀಯನ್ತೇ ತಾವದಸ್ಯ ತದ್ದತ್ತಂ ನ ಕ್ಷೀಯತೇ ।
ಸೈಷೇಷ್ಟಾಪೂರ್ತಸ್ಯಾಕ್ಷಿತಿಃ ।
ಸ ಯ ಏವಮೇತಾಮಿಷ್ಟಾಪೂರ್ತಸ್ಯಾಕ್ಷಿತಿಂ ವೇದ ನ ಹಾಸ್ಯೇಷ್ಟಾಪೂರ್ತಂ ಕ್ಷೀಯತೇ ।
ತದು ವಾ ಆಹುರ್ವಾಗ್ವಾವ ದೀಕ್ಷಿತೋ ವಾಗ್ದೀಕ್ಷಾ ವಾಗಿದಂ ಸರ್ವಂ ಕ್ಷಿಯತಿ ।
ವಾಚಿ ವಾವೇದಂ ಸರ್ವಂ ಕ್ಷಿತಮಿತಿ ವಾವ ತೌ ತತ್ಸಂಪ್ರೋಚಾತೇ ।
ತದು ಹೋವಾಅ ಶಾಟ್ಯಾಯನೀ ರಥನ್ತರೇಣ ದೀಕ್ಷೇ ವಾಮದೇವ್ಯೇನ ದೀಕ್ಷೇ ಬೃಹತಾ ದೀಕ್ಷ ಇತ್ಯೇವ ದೀಕ್ಷೇತ ।
ಅಥ ವಿಮುಞ್ಚೇತ ಬೃಹತಾ ವಿಮುಞ್ಚೇ ವಾಮದೇವ್ಯೇನ ವಿಮುಞ್ಚೇ ರಥನ್ತರೇಣ ವಿಮುಞ್ಚ ಇತಿ ।
ಸೈಷಾ ದೀಕ್ಷಾಯೈ ಯುಕ್ತಿಶ್ಚ ವಿಮುಕ್ತಿಶ್ಚ ।
ಸ ಯ ಏವಮೇತಾಂ ದೀಕ್ಷಾಯೈ ಯುಕ್ತಿಂ ಚ ವಿಮುಕ್ತಿಂ ಚ ವೇದ ವಸೀಯಾನೇವ ಭವತಿ ೫೪

ಹೃತ್ಸ್ವಾಶಯಾ ಆಲ್ಲಕೇಯೋ ದನ್ತಾಲಸ್ಯ ಧೌಮ್ಯಸ್ಯಾನ್ತೇವಾಸ್ಯಾಸ ।
ಅಥ ಹ ದನ್ತಾಲೋ ಧೌಮ್ಯಸ್ತ್ರಯಂ ವೇದಮಾಪ್ರಪದಂ ವಿದಾಂ ಚಕಾರ ।
ತಸ್ಮಾದ್ಧ ಸಾಮವೇದಮನೂಚ್ಯ ವ್ಯಾಜಹಾರಸಂವತ್ಸರಾಯ ದೀಕ್ಷಿಷ್ಯ ಇತಿ ।
ಅಥ ಹ ಸ್ಮ ತತಃ ಪುರೋ ವಿಪೃಚ್ಛಮಾನಾಶ್ಚರನ್ತಿ ಸಂವತ್ಸರಾಯ ದೀಕ್ಷಿಷ್ಯಾಮಹ ಇತಿ ।
ಅಥೋ ಹ ಸ್ಮ ಸಮವಸಾಯಾನ್ಯೋಽನ್ಯಸ್ಯ ವರಣಮಾಕ್ರೋಶಮಾನಾ ನಿಭೃತ್ಯಮನುಪೃಚ್ಛನ್ತ ಆಸತೇ ।
ತೇ ಹ ಸ್ಮ ಯಾವನ್ತಸ್ಸಂಪಾದಯನ್ತಿ ತೇ ಹ ಸ್ಮ ದೀಕ್ಷನ್ತೇ ।
ಶಶ್ವದ್ಧೈಷಾ ತದಾಶೀರೇವ ।
ತತ್ಸತ್ತ್ರಂ ಭವತಿ ಯತ್ತಮೇವ ಬ್ರಾಹ್ಮಣಂ ಕೃತ್ವೋತ್ತಿಷ್ಠನ್ತಿ ಯೇನಾಬ್ರಾಹ್ಮಣೋಕ್ತೇನ ಸಹ ದೀಕ್ಷನ್ತೇ ।
ತಸ್ಮಾದಬ್ರಾಹ್ಮಣೋಕ್ತೇನ ಸಹ ದೀಕ್ಷೇತ ।
ತಸ್ಯ ಹ ಸ್ಮಾಸ್ಯ ರಾಜನ್ಯಬನ್ಧೋಶ್ಶಾರ್ದೂಲಾಜಿನಂ ಮಣಿಂ ಹಿರಣ್ಯಮುಪಾವಹಿತಂ ಭವತಿ ।
ತದ್ಧ ಸ್ಮ ಶ್ರೋತ್ರಿಯಾಯೋಪಪ್ರಹಿತ್ಯಾಹ ಸಂವತ್ಸರಾಯ ದೀಕ್ಷಿಷ್ಯೇಽನು ಮಾ ಶಾಧೀತಿ ।
ತಸ್ಮೈ ಹ ಸ್ಮ ರಾಜನ್ಯಬನ್ಧವೇ ವಕ್ತವ್ಯಂ ಮನ್ಯನ್ತೇ ೫೫

ಸ ಹ ತಥೈವ ಪಲ್ಯಯಮಾನಸ್ಸೋಮಶುಷ್ಮಂ ಸಾತ್ಯಯಜ್ಞಿಮಾಜಗಾಮ ।
ತಂ ಹೋವಾಚ ಪ್ರಾಚೀನಯೋಗ್ಯ ಸಂವತ್ಸರಾಯ ದೀಕ್ಷಿಷ್ಯೇ ।
ಭಗವೋಽನು ನಶ್ಶಾಧೀತಿ ।
ತಥೇತಿ ।
ತಂ ಹ ವದನ್ನಭಿರಾಧಯಾಂ ಚಕಾರ ।
ತಂ ಹೋಪೇಯಾಯ ।
ತಸ್ಮೈ ಯದೇಮಾಂ ಕ್ಳ್ಪ್ತಿಂ ಪ್ರೋವಾಚಾಭ್ಯೂಹಮನುಜಗೌ ಪ್ರಸ್ತಾವಪ್ರತಿಹಾರಾನ್ವಿದಧಾವಥ ಹೈನಮನುಶಶಾಸ ।
ಅಯಂ ವಾವ ಸಂವತ್ಸರ ಇತಿ ಹೋವಾಚ ।
ತಸ್ಯಾಯಮೇವ ದೇವಯಾನಃ ಪನ್ಥಾ ಇಮೇ ವರ್ತನ್ಯಾವಿಯಂ ಗತಿರಿತಿ ।
ಸ ಯದೇತದೇವಂ ವೇದಾನಾರ್ತ ಏವಂ ಸಂವತ್ಸರಸ್ಯೋದೃಚಂ ಗಚ್ಛತಿ ।
ಪುರುಷೋ ವೈ ಪ್ರಜಾಪತಿಃ ।
ಪ್ರಜಾಪತಿಸ್ಸಂವತ್ಸರಃ ।
ಸ ಯೋ ಹ ಪುರುಷೋ ಯ ಏವಾಯಮನ್ತರಿಕ್ಷ ಆಕಾಶ ಏಷ ಏವ ಸ ಪುರುಷಃ ।
ತದ್ಯದ್ದೃಶ್ವದನ್ತರಿಕ್ಷೇ ನ ರಮತೇ ಪೂರ್ಣತ್ವೈತನ್ನ ರಮತೇ ।
ಅಥೋ ಯದಸ್ಮಿನ್ಸರ್ವಸ್ಮಿನನ್ತರೀಕ್ಷತೇ ತಸ್ಮಾದನ್ತರಿಕ್ಷಮ್ ।
ಅಥೋ ಯದಿದಂ ಸರ್ವಂ ಯುತೇ ತಸ್ಮಾದ್ವಾಯುಃ ।
ಅಥೋ ಯದಿದಂ ಸರ್ವಂ ವಾತಿ ತಸ್ಮಾದ್ವಾತಃ ।
ತಸ್ಯೈತಸ್ಯಾಕಾಶಸ್ಯಾತ್ಮಾ ದಮುಮೂಢೋ ಯದಸಾವಾದಿತ್ಯಃ ।
ಸ ಏಷ ಆದಿತ್ಯೇ ಪುರುಷಃ ।
ಅಥ ಯತ್ತತಃ ಪರ ಆಕಾಶಸ್ತಸ್ಯೈಷ ಆತ್ಮಾ ಸಮುಮೂಢೋ ಯಚ್ಚನ್ದ್ರ ಮಾಃ ।
ಸ ಏಷ ಚನ್ದ್ರ ಮಸಿ ಪುರುಷಃ ।
ಸ ನ ನಾನಾ ಮನ್ತವ್ಯ ಇತಿ ಹ ಸ್ಮಾಹ ಶಾಟ್ಯಾಯನಿಃ ।
ಯ ಏವಾಯಂ ಚಕ್ಷುಷಿ ಪುರುಷ ಏಷ ಏವಾದಿತ್ಯ ಏಷ ಚನ್ದ್ರ ಮಸೀತಿ ।
ತಮನಯೈವ ಪುರುಷವಿಧಯಾಪ್ನೋತಿ ೫೬

ಪ್ರಾಣ ಏವ ಪ್ರಾಯಣೀಯೋಽತಿರಾತ್ರಃ ।
ಪ್ರಾಣೋ ಹೀದಂ ಸರ್ವಂ ಪ್ರಾಣಯತ ।
ತದ್ಯತ್ಪ್ರಾಣಯತ ತಸ್ಮಾತ್ಪ್ರಾಣಃ ।
ವಾಗೇವಾರಮ್ಭಣೀಯಮಹಃ ।
ವಾಚಾ ಹಿ ಸರ್ವಸ್ಸಂವತ್ಸರಸ್ಸರ್ವೇ ಯಜ್ಞಕ್ರತವ ಆರಬ್ಧಾಃ ।
ತಸ್ಮಾದಾರಮ್ಭಣೀಯೇಽಹನ್ಸರ್ವಾಣಿ ರೂಪಾಣಿ ಕ್ರಿಯನ್ತೇ ।
ಸರ್ವಾಣಿ ಹ ರೂಪಾಣಿ ವಾಚಿ ।
ಅಯಮೇಕೋಽಭಿಪ್ಲವೋಽಯಮೇಕೋಽಯಮೇಕೋಽಯಮೇಕಃ ।
ತಸ್ಯಾಸ್ಯಾಭಿಪ್ಲವಸ್ಯೇದಂ ಪ್ರಥಮಮಹಃ ।
ತಸ್ಯೇದಮೇವ ಪ್ರಾತಸ್ಸವನಮಿದಂ ಮಾಧ್ಯನ್ದಿನಂ ಸವನಮಿದಂ ತೃತೀಯಸವನಮ್ ।
ಇದಮೇವ ದ್ವಿತೀಯಮಹಃ ।
ತಸ್ಯೇದಮೇವ ಪ್ರಾತಸ್ಸವನಮಿದಂ ಮಾಧ್ಯನ್ದಿನಂ ಸವನಮಿದಂ ತೃತೀಯಸವನಮ್ ।
ಇದಮೇವ ವೈರೂಪಂ ತೃತೀಯಮಹಃ ।
ತಸ್ಯೇದಮೇವ ಪ್ರಾತಸ್ಸವನಮಿದಂ ಮಾಧ್ಯನ್ದಿನಂ ಸವನಮಿದಂ ತೃತೀಯಸವನಮ್ ।
ಇದಮೇವ ಶಾಕ್ವರಂ ಪಞ್ಚಮಮಹಃ ।
ತಸ್ಮಾದನೇನೋಪಸಂಗೃಹ್ಯ ಶಕ್ನೋತಿ ।
ತಸ್ಯೇದಮೇವ ಪ್ರಾತಸ್ಸವನಮಿದಂ ಮಾಧ್ಯನ್ದಿನಂ ಸವನಮಿದಂ ತೃತೀಯಸವನಮ್ ।
ಇದಮೇವ ರೈವತಂ ಷಷ್ಠಮಹಃ ।
ತಸ್ಮಾದನಯಾ ಪ್ರಾಶ್ನಾತಿ ।
ತಸ್ಯೇದಮೇವ ಪ್ರಾತಸ್ಸವನಮಿದಂ ಮಾಧ್ಯನ್ದಿನಂ ಸವನಮಿದಂ ತೃತೀಯಸವನಮ್ ।
ಏವಮಸ್ಯಾಭಿಪ್ಲವಸ್ಯೈವಮಸ್ಯೈವಮಸ್ಯ ।
ಅಯಮೇವಾತ್ಮಾ ಪೃಷ್ಠ್ಯಃ ।
ಇಮ ಏವ ನವ ಪ್ರಾಣಾಃ ।
ತ್ರಿವೃತ್ಪ್ರಾಯಣೀಯಮಹರ್ಯತ್ಪ್ರಾಣ ಇದಂ ಸರ್ವಂ ಪ್ರಾಣಯತ ।
ತದ್ಯತ್ಪ್ರಾಣಯತ ತಸ್ಮಾದಪ್ಯೇತತ್ಪ್ರಾಯಣೀಯಮಹಃ ।
ಇಮಾ ಏವ ಗ್ರೀವಾಃ ಪಞ್ಚದಶಮಹಃ ।
ಓಜೋ ವೈ ವೀರ್ಯಮ್ ।
ಗ್ರೀವಾ ಓಜಃ ।
ವೀರ್ಯಂ ಪಞ್ಚದಶಃ ।
ತಸ್ಮಾತ್ಪಶವೋ ಗ್ರೀವಾಭಿರ್ಭಾರಂ ವಹನ್ತಿ ।
ಅಷ್ಟಾವಿಮೇ ಜತ್ರವೋಽಷ್ಟಾವಿಮ ಊರ್ಧ್ವೋ ಜತ್ರುಸ್ಸಪ್ತದಶಃ ।
ತದೇವ ಸಪ್ತದಶಮಹಃ ।
ಇದಮೇವೋದರಮೇಕವಿಂಶಮಹಃ ।
ಸರ್ವೇ ವೈ ಸ್ತೋಮಾ ಏಕವಿಂಶಮಭಿಸಂಪನ್ನಾಃ ।
ಸರ್ವಮನ್ನಾದ್ಯಮುದರೇ ಪ್ರತಿಷ್ಠಿತಮ್ ೫೭

ತ್ರಯೋದಶೇಮಾಃ ಪರಿಶವಸ್ತ್ರಯೋದಶೇಮಾ ಅಣ್ಡಪರಿಶುಸ್ಸಪ್ತವಿಂಶತೀ ।
ತದೇವ ತ್ರಿಣವಮಹಃ ।
ತ್ರಯಸ್ತ್ರಿಂಶದಿಮಾನಿ ಪೃಷ್ಟಿಕಾಣ್ಡಾನಿ ಸಹ ಕಿಂಕಾಲುಕಾಭಿಃ ।
ತದೇವ ತ್ರಯಸ್ತ್ರಿಂಶಮಹಃ ।
ಅಯಮಭಿಜಿದಯಂ ವಿಶ್ವಜಿಚ್ಛುಕ್ಲಂ ಕೃಷ್ಣಂ ಕನೀನಿಕಾ ।
ತ ಇಮೇ ತ್ರಯ ಸ್ವರಸಾಮಾನ ಇಮೇ ತ್ರಯೋಽಯಂ ವಿಷುವಾನ್ ।
ಪ್ರಾಣಾಪಾನಾವೇವ ಗೋಆಯುಷೀ ।
ಇಮ ಏವ ದಶ ಪ್ರಾಣಾ ದಶರಾತ್ರಃ ।
ಮನ ಏವ ಮಹಾವ್ರತೀಯಮಹಃ ।
ಉದಾನ ಏವೋದಯನೀಯೋಽತಿರಾತ್ರಃ ।
ತ ಏತೇ ದಶ ಪ್ರಾಣಾ ದಶ ಸ್ತೋಮಾ ದಶ ಛನ್ದಾಂಸಿ ।
ಇಮೇ ಹ ಸಪ್ತ ಮುಖ್ಯಾಃ ಪ್ರಾಣಾ ದ್ವಾವವಾಞ್ಚೌ ನಾಭ್ಯಾಂ ದಶಮಃ ।
ಇಮೇ ಹ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾಃ ।
ಛನ್ದೋಮಾಃ ಪಞ್ಚವಿಂಶಃ ।
ಚತುರ್ಧಾ ಇಮಾನ್ಯು ಹ ಸಪ್ತ ಚತುರುತ್ತರಾಣಿ ಛನ್ದಾಂಸಿ ಸದ್ವಿಪದಾವಿರಾಡತಿಚ್ಛನ್ದಾಃ ।
ಪ್ರಾಣ ಏವ ಗಾಯತ್ರೀ ಚಕ್ಷುಷೀ ಉಷ್ಣಿಕ್ಕಕುಭೌ ಶ್ರೋತ್ರಂ ಜಗತೀ ವಾಗನುಷ್ಟುಬ್ಮನೋ ಬೃಹತ್ಯಾತ್ಮಾ ಪಙ್ಕ್ತಿರ್ಬಲಂ ತ್ರಿಷ್ಟುಪ್ ।
ಪ್ರತಿಷ್ಠಾ ದ್ವಿಪದಾ ಮಾಂಸಾನಿ ವಿರಾಟ್ಶರೀರಾಣ್ಯತಿಚ್ಛನ್ದಾಃ ।
ತೇಷಾಮೇಷಾಂ ಸಪ್ತಾನಾಂ ಚತುರುತ್ತರಾಣಾಂ ಛನ್ದಸಾಂ ದ್ವಾದಶೈಕವಿಂಶಾಸ್ಸಂಪದ್ಯನ್ತೇ ೫೮

ಗಾಯತ್ರ್! ಯಾ ಉಷ್ಣಿಹೋಽನುಷ್ಟುಭಶ್ಚತುರಶೀತಿರಕ್ಷರಾಣಿ ।
ತೇ ಚತ್ವಾರ ಏಕವಿಂಶಾಃ ।
ಪಙ್ಕ್ತೇಶ್ಚ ತ್ರಿಷ್ಟುಭಶ್ಚ ಚತುರಶೀತಿರಕ್ಷರಾನಿ ।
ತೇ ಚತ್ವಾರ ಏಕವಿಂಶಾಃ ।
ಬೃಹತ್ಯೈ ಚ ಜಗತ್ಯೈ ಚ ಚತುರಶೀತಿರಕ್ಷರಾಣಿ ।
ತೇ ಚತ್ವಾರ ಏಕವಿಂಶಾಃ ।
ಅಥ ತ್ರಯಾಣಾಂ ಛನ್ದಸಾಂ ದಶಶತಮಕ್ಷರಾಣಿ ।
ವಿಂಶತ್ಯಕ್ಷರಾ ದ್ವಿಪದಾ ।
ತ್ರಿಂಶದಕ್ಷರಾ ವಿರಾಟ್ ।
ಷಷ್ಟ್ಯಕ್ಷರಾತಿಚ್ಛನ್ದಾಃ ।
ತಾನಿ ದಶಶತಮಕ್ಷರಾಣಿ ಸಂಪದ್ಯನ್ತೇ ।
ತತೋ ದ್ವೇ ಆದತ್ತೇ ।
ಅಥ ದ್ವಾದಶ ತ್ರಿವೃತಸ್ಸಂಪದ್ಯನ್ತೇ ।
ತಾನಿಮಾನ್ದ್ವಾದಶ ತ್ರಿವೃತೋ ದ್ವಾದಶಸ್ಯೈಕವಿಂಶೇಷೂಪದಧಾತಿ ।
ತೇ ದ್ವಾದಶ ಸತ್ರಿಂಶಿನೋ ಮಾಸಾಸ್ಸಂಪದ್ಯನ್ತೇ ತದೇತಚ್ಛನ್ದಾಂಸಿ ತ್ರಿವೃತಂ ಚೈವ ಸ್ತೋಮಮಭಿಸಂಪದ್ಯನ್ತೇ - ೫೯

- ಏಕವಿಂಶಂ ಚ ವಾ ಪಞ್ಚ ಪ್ರಾಣಂ ಚಾಗ್ನೀಞ್ಚಾದಿತ್ಯಂ ಚ ।
ಅಥ ಯೇ ದ್ವೇ ಅಕ್ಷರೇ ತೇ ಬೃಹದ್ರ ಥನ್ತರೇ ತೇ ಅಹೋರಾತ್ರೇ ।
ಸೋಽರ್ಧಮಾಸಸ್ಸ ಮಾಸಸ್ಸ ಋತುಸ್ಸ ಸಂವತ್ಸರಃ ।
ತದಾಹುರ್ಯತ್ಪ್ರಾಣಾಶ್ಛನ್ದಾಂಸಿ ಛನ್ದಾಂಸಿ ಸ್ತೋಮಾ ಇತ್ಯಾಹುಃ ಕಥಂ ಯಜಮಾನಃ ಪ್ರಾಣೈಶ್ಛನ್ದಾಂಸ್ಯಪ್ಯೇತಿ ।
ಛನ್ದೋಭಿ ಸ್ತೋಮಾಣ್ಸ್ತೋಮೈರ್ಬೃಹದ್ರ ಥನ್ತರೇ ಬೃಹದ್ರ ಥನ್ತರಾಭ್ಯಾಮಹೋರಾತ್ರೇ ಅಹೋರಾತ್ರಾಭ್ಯಾಮರ್ಧಮಾಸಮರ್ಧಮಾಸೇನ ಮಾಸಂ ಮಾಸೇನರ್ತುಮೃತುನಾ ಸಂವತ್ಸರಮ್ ।
ಕುತಸ್ಸಂವತ್ಸರೋ ಜಾಯತೇ ಕ್ವ ಪ್ರತಿಷ್ಠಿತ ಇತಿ ।
ಸ ವಿದ್ಯಾದಹಮೇವ ಸಂವತ್ಸರೋಽಸ್ಮಿ ಮಯಿ ಪ್ರತಿಷ್ಠಿತ ಇತಿ ।
ಏವಂವಿದೋ ಹ ವಾವ ಸಂವತ್ಸರೋ ಜಾಯತ ಏವಂವಿದಿ ಪ್ರತಿಷ್ಠಿತಃ ।
ಅಥೋ ಆಹುರಾದಿತ್ಯ ಏವ ಸಂವತ್ಸರಃ ।
ಏತಂ ಹಿ ಸರ್ವಾ ಶ್ರೀಸ್ಸರ್ವಂ ಯಶಸ್ಸರ್ವೇ ದೇವಾಸ್ಸಮೇತಾಸ್ತಸ್ಮಾದಾದಿತ್ಯ ಏವ ಸಂವತ್ಸರ ಇತಿ ।
ತಸ್ಯ ಯದ್ಭಾತಿ ತತ್ಸಂವದ್ಯನ್ಮಧ್ಯೇ ಕೃಷ್ಣಂ ಮಣ್ಡಲಂ ತತ್ಸರ ಇತ್ಯಧಿದೇವತಮ್ ।
ಅಥಾಧ್ಯಾತ್ಮಮ್ ।
ಅಯಮೇವ ಸಂವತ್ಸರೋ ಯೋಽಯಂ ಚಕ್ಷುಷಿ ಪುರುಷಃ ।
ತಸ್ಯ ಯಚ್ಛುಕ್ಲಂ ತತ್ಸಂವದ್ಯನ್ಮಧ್ಯೇ ಕೃಷ್ಣಂ ಮಣ್ಡಲಂ ತತ್ಸರಃ ।
ಅಥೋ ಆಹುರಾದಿತ್ಯ ಏವ ಸಂವಚ್ಚನ್ದ್ರ ಮಾಸ್ಸರಃ ।
ತಮೇಷ ಸರತಿ ।
ತಂ ಪೌರ್ಣಮಾಸ್ಯಾಮಾಪ್ನೋತೀತಿ ।
ತದು ವಾ ಆಹುಃ ಪ್ರಾಣ ಏವ ಸಂವದ್ವಾಕ್ಸರಃ ।
ಏತಾಭ್ಯಾಂ ಹಿ ಸಮಶ್ನುತ ಇತಿ ತಸ್ಯ ವಾ ಏತಸ್ಯ ಸಂವತ್ಸರಸ್ಯಾಗ್ನಿಷ್ಟೋಮಸಾಮಾನ್ಯೇವ ದೇವಯಾನಃ ಪನ್ಥಾಃ - ೬೦

- ತಾನಿ ವಾ ಏತಾನಿ ರೌಹಿಣಕಾನಿ ನಾಮ ।
ಏತೈರ್ವೈ ದೇವಾ ಸ್ವರ್ಗಂ ಲೋಕಮಾರೋಹನ್ ।
ಯದರೋಹಂಸ್ತಸ್ಮಾದ್ರೋ ಹಿಣಕಾನಿ ।
ತಸ್ಮಾದ್ವಯಮನ್ವಹಮೇವಾಗ್ನಿಷ್ಟೋಮಸಾಮಾನಿ ಕುರ್ಮಃ ।

ಅಥ ವರ್ತನ್ಯೌ ಬೃಹದ್ರ ಥನ್ತರೇ ।
ಏತಾಭ್ಯಾಂ ಹ ವಾ ಏಷ ಏತದ್ವರ್ತತೇ ।
ತಸ್ಮಾದ್ವಯಮತಿರಾತ್ರ ಉಭೇ ಬೃಹದ್ರ ಥನ್ತರೇ ಕುರ್ಮಃ ಕೃತ್ಸ್ನಂ ನಸ್ಸಾಮ ಯುಕ್ತಂ ಯಜ್ಞಂ ವಹತ್ಕೃತ್ಸ್ನೇನ ಸಾಮ್ನೋದೃಚಮಶ್ನವಾಮಹಾ ಇತಿ ।
ಅಥ ಗತಿಃ ।
ಯಶ್ಚೈವಾಸಾವಾದಿತ್ಯೇ ಪುರುಷೋ ಯಶ್ಚಾಯಮಧ್ಯಾತ್ಮಂಸ್ತದೇತತ್ಪ್ರಜಾಪತ್ಯಯನಮಿತ್ಯೇವೋಪಾಸಿತವ್ಯಮ್ ।
ಏತೇನ ವಾ ಅಯನೇನ ಪ್ರಜಾಪತಿರಿಮಾಮೃದ್ಧಿಮಾರ್ಧ್ನೋದಿಮಾಂ ವ್ಯಷ್ಟಿಂ ವ್ಯಾಶ್ನುತ ।
ತದ್ಯಾಮೇವ ಪ್ರಜಾಪತಿರೃದ್ಧಿಮಾರ್ಧ್ನೋದ್ಯಾಂ ವ್ಯಷ್ಟಿಂ ವ್ಯಾಶ್ನುತ ತಾಮೇವರ್ದ್ಧಿಮೃಧ್ನೋತಿ ತಾಂ ವ್ಯಷ್ಟಿಂ ವ್ಯಶ್ನುತೇ ಯ ಏವಂ ವೇದ ೬೧

ಏಷ ವಾವ ದೀಕ್ಷಿತೋ ಯ ಏಷ ತಪತಿ ।
ಸ ಏಷ ಇನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಮಭಿ ದೀಕ್ಷಿತಃ ।
ತಸ್ಯ ಯೇಽರ್ವಾಞ್ಚೋ ರಶ್ಮಯಸ್ತಾನಿ ಶ್ಮಶ್ರೂಣಿ ಯ ಊರ್ಧ್ವಾಸ್ತೇ ಕೇಶಾಃ ।
ಅಹೋರಾತ್ರೇ ಏವ ಕೃಷ್ಣಾಜಿನಸ್ಯ ರೂಪಮ್ ।
ಅಹರೇವ ಶುಕ್ಲಸ್ಯ ರೂಪಂ ರಾತ್ರಿಃ ಕೃಷ್ಣಸ್ಯ ।
ಅಥ ಯದೇತನ್ಮಣ್ಡಲಂ ತಾ ಆಪಸ್ತದನ್ನಂ ತದಮೃತಮ್ ।
ತಸ್ಮಿನ್ನೇತಸ್ಮಿನ್ಮಣ್ಡಲೇ ತೇಜೋಮಯಶ್ಛನ್ದೋಮಯಪುರುಷಃ ।
ಸ ಪ್ರಾಣಸ್ಸ ಇನ್ದ್ರ ಸ್ಸ ಪ್ರಜಾಪತಿಸ್ಸ ದೀಕ್ಷಿತಃ ।
ತದೇತದ್ದೀಕ್ಷಯೈವ ಸಂಗೃಹೀತಮ್ ।
ತತ ಆಭ್ಯಃ ಪ್ರಜಾಭ್ಯೋಽನ್ನಾದ್ಯಂ ವಿಸೃಜತೇ ।
ತಸ್ಯೇಮಾ ಏವ ದಿಶಃ ಪತ್ನಯ ಆಸನ್ ।
ತಂ ಹೇಮಾಸ್ತಿಸ್ರೋ ದಿಶೋಽತಿಚೇರುಃ ।
ಇಯಂ ಹೈವಾಸ್ಯಾನುವ್ರತತಮಾಸ ಯೇಯಂ ದಕ್ಷಿಣಾ ದಿಕ್ ।
ತಸ್ಮಾದೇಷ ಏತಾಮೇವಾಭ್ಯುಪಾವರ್ತತೇ ।
ಯದ್ಯಪ್ಯುತ್ತರತ ಉದೇತ್ಯಥೈತಾಮೇವಾಭ್ಯುಪಾವರ್ತತೇ ।
ತಸ್ಮಾದ್ಯಾಸ್ಯ ಪ್ರಿಯಾ ಜಾಯಾ ಸ್ಯಾತ್ತಾಂ ದಕ್ಷಿಣಾರ್ಧ್ಯಾಂ ಕುರ್ಯಾತ್ ೬೨

ಪ್ರಥಮಾಂ ಸಂನಹ್ಯತಿ ಪ್ರಥಮಾಂ ವಾಚಯತಿ ಪ್ರಥಮಾಂ ಪೂರ್ಣಪಾತ್ರ ಆಗಚ್ಛತ್ಯನನ್ತರಿತಾಃ ಪತ್ನಯ ಸ್ಥ ।
ಉದಗು ಯಜ್ಞೀಯಂ ಕರ್ಮ ಸಂತಿಷ್ಠತೇ ।
ಇತಿ ನ್ವಧಿದೇವತಮ್ ।
ಅಥಾಧ್ಯಾತ್ಮಮ್ ।
ಅಯಮೇವ ದೀಕ್ಷಿತೋ ಯೋಽಯಂ ಚಕ್ಷುಷಿ ಪುರುಷಃ ।
ತಸ್ಯ ಯಾನ್ಯರ್ವಾಞ್ಚಿ ಪಕ್ಷ್ಮಾಣಿತಾನಿ ಶ್ಮಶ್ರೂಣಿ ಯಾನ್ಯೂರ್ಧ್ವಾನಿ ತೇ ಕೇಶಾಃ ।
ಯದೇವ ಶುಕ್ಲಂ ಚ ಕೃಷ್ಣಂ ಚ ತತ್ಕೃಷ್ಣಾಜಿನಸ್ಯ ರೂಪಮ್ ।
ಶುಕ್ಲಮೇವ ಶುಕ್ಲಸ್ಯ ರೂಪಂ ಕೃಷ್ಣಂ ಕೃಷ್ಣಸ್ಯ ।
ಅಥ ಯದೇತನ್ಮಣ್ಡಲಂ ತಾ ಆಪಸ್ತದನ್ನಂ ತದಮೃತಮ್ ।
ತಸ್ಮಿನ್ನೇತಸ್ಮಿನ್ಮಣ್ಡಲೇ ತೇಜೋಮಯಶ್ಛನ್ದೋಮಯಃ ಪುರುಷಃ ।
ಸ ಪ್ರಾಣಸ್ಸ ಇನ್ದ್ರ ಸ್ಸ ಪ್ರಜಾಪತಿಸ್ಸ ದೀಕ್ಷಿತಃ ।
ಸ ಹೈವಂವಿದ್ದೀಕ್ಷಮಾಣೋ ಯಥೈವೈಷ ಏತದಿನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಮಭಿ ದೀಕ್ಷಿತ ಏವಮೇವೇನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಮಭಿ ದೀಕ್ಷಿತೋ ಭವತಿ ।
ತಸ್ಮಾದು ಹೈವಂವಿದಿ ದೀಕ್ಷಿತ ಈಶ್ವರೋ ರಾಷ್ಟ್ರಾಣಿ ಸಮುತ್ಕಮ್ಪಿತೋಃ ಕ್ಷಾಮರನ್ಧ್ರ ಇವ ಹಿ ಸಮಾಭವತಿ ।
ಏವಂ ಹ್ಯೇತದಿನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಮಭಿ ದೀಕ್ಷಿತೋ ಭವತಿ ।
ತಸ್ಮಾದು ಸರ್ವಮೇವಾಭಿವದತ್ಯಾಚಾರ್ಯಂ ಪಿತರಂ ಕ್ಷತ್ರಿಯಮ್ ।
ಏವಂ ಹ್ಯೇತದಿನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಮಭಿ ದೀಕ್ಷಿತೋ ಭವತಿ ೬೩

ವಿಚಕ್ಷಣವತೀಂ ವಾಚಂ ವದತಿ ।
ಅನ್ನಂ ವೈ ವಿಚಕ್ಷಣಮ್ ।
ಅನ್ನವತೀಮೇವ ತದ್ವಾಚಂ ವದತಿ ।
ವಿಚಕ್ಷಣವತೀಂ ವಾಚಂ ವದತಿ ।
ಸೋಮೋ ವೈ ವಿಚಕ್ಷಣಃ ।
ಅನ್ನಮು ಸೋಮಃ ।
ಅನ್ನವತೀಮೇವ ತದ್ವಾಚಂ ವದತಿ ।
ವಿಚಕ್ಷಣವತೀಂ ವಾಚಂ ವದತಿ ।
ಪ್ರಾಣೋ ವೈ ವಿಚಕ್ಷಣಃ ।
ತಸ್ಯ ವಾಗೇವ ಮಿಥುನಮ್ ।
ಮಿಥುನವತೀಮೇವ ತದ್ವಾಚಂ ವದತಿ ।
ವಿಚಕ್ಷಣವತೀಂ ವಾಚಂ ವದತಿ ।
ಅನ್ನಂ ವೈ ವಿಚಕ್ಷಣಮ್ ।
ಅನ್ನೇನ ಹೀಮಾಃ ಪ್ರಜಾ ವಿಪಶ್ಯನ್ತಿ ।
ತತ ಆಭ್ಯಃ ಪ್ರಜಾಭ್ಯೋಽನ್ನಾದ್ಯಂ ಪ್ರಯಚ್ಛತಿ ।
ಸ ಯದಾಸ್ಮೈ ವ್ರತಂ ಪ್ರಯಚ್ಛೇತ್ಸರ್ವಮೇವ ವ್ರತಯೇತ್ಸರ್ವಸ್ಯಾನ್ನಾದ್ಯಸ್ಯಾವರುದ್ಧ್ಯೈ ।
ಯದ್ಯು ಪರಿಶಿಂಷ್ಯಾದ್ವ್ರತಪ್ರದಂ ಬ್ರೂಯಾದಶಾನ ವಾ ಪಿಬ ವೇತಿ ।
ಯದ್ಯ ಉ ವ್ರತಪ್ರದೋಽನುಚ್ಛಿಷ್ಟಾಶೀ ವಾ ಸ್ಯಾತ್ಪರಿ ವಾ ಶಿಂಷ್ಯಾತ್ತದದ್ಭಿರಭ್ಯುಕ್ಷ್ಯ ಛಾಯಾಯಾಂ ನಿಷೇಕ್ತವೈ ಬ್ರೂಯಾತ್ ।
ತದೋಷಧೀಭಿರಭಿಸಂಛಾದಯಿತವೈ ಬ್ರೂಯಾತ್ ।
ತದೋಷಧೀನಾಂ ಮೂಲಾನ್ಯುಪಸಿಞ್ಚತಿ ।
ವರ್ಷುಕಃ ಪರ್ಜನ್ಯೋ ಭವತಿ ಯತ್ರೈವಂವಿದ್ವಾನ್ದೀಕ್ಷಿತೇ ।
ದೀಕ್ಷಿತಾ ಊದಶೂಶುಷನ್ನಿತೀಹಾಹುಃ ।
ಸ ಯದಾ ದೀಕ್ಷಣೀಯೇಷ್ಟಿಸ್ಸಂತಿಷ್ಠೇತ ಯದೈನಮಧ್ವರ್ಯುರಭ್ಯಞ್ಜಯೇದ್ಯದಾ ಸಂಪವಯೇದಥೈತಮಾದಿತ್ಯಮುಪತಿಷ್ಠೇತ ತ್ವಂ ದೇವತಾ ದೀಕ್ಷಿತಾಸಿ ।
ಸಾ ದೀಕ್ಷಮಾಣಸ್ಯೇನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಂ ಯಶ ಆದತ್ಸೇ ।
ಮಾ ಮ ಇನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಂ ಯಶ ಆದಿಥಾಃ ।
ತವ ದೀಕ್ಷಾಮನು ದೀಕ್ಷ ಇತಿ ।
ತಸ್ಯೈಷಾ ದೇವತಾ ದೀಕ್ಷಮಾನಸ್ಯೇನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಂ ಯಶೋ ನಾದತ್ತೇ ೬೪

ತಮಧ್ವರ್ಯುರಭ್ಯಜ್ಯ ಪ್ರಪಾದ್ಯೌದ್ಗ್ರಹಣಾನಿ ಜುಹೋತಿ ।
ಯದೌದ್ಗ್ರಹಣಾನಿ ಜುಹೋತಿ ಯದಸ್ಮಾ ಔದುಮ್ಬರದಣ್ಡಂ ಪ್ರಯಚ್ಛತ್ಯಥೈತಮಾಹವನೀಯಮುಪತಿಷ್ಠೇತ ವಾಚಾ ಮೇ ವಾಗ್ದೀಕ್ಷಿತಾಮಗ್ನಯೇ ಸಮಷ್ಟವಾ ಉ ಪ್ರಾಣೇನ ಮೇ ಪ್ರಾಣೋ ದೀಕ್ಷಿತಾಂ ವಾಯವೇ ಸಮಷ್ಟವಾ ಉ ಚಕ್ಷುಷಾ ಮೇ ಚಕ್ಷುರ್ದೀಕ್ಷಿತಾಂ ಸೂರ್ಯಾಯ ಸಮಷ್ಟವಾ ಉ ಮನಸಾ ಮೇ ಮನೋ ದೀಕ್ಷಿತಾಂ ಪ್ರಜಾಪತಯೇ ಸಮಷ್ಟವಾ ವಿತಿ ।
ತದೇತಾಭಿರನಾರ್ತಾಭಿರ್ದೇವತಾಭಿರಿಮಾ ಸ್ವಾ ದೇವತಾ ದೀಕ್ಷಯತಿ ।
ಅಥಾಹ ಅಗ್ನಿರ್ದೀಕ್ಷಿತಃ ಪೃಥಿವೀ ದೀಕ್ಷಾ ಸಾ ಮಾ ದೀಕ್ಷಾ ದೀಕ್ಷೇತ ತಯಾ ದೀಕ್ಷಯಾ ದೀಕ್ಷೇ ।
ವಾಯುರ್ದೀಕ್ಷಿತೋಽನ್ತರಿಕ್ಷಂ ದೀಕ್ಷಾ ಸಾ ಮಾ ದೀಕ್ಷಾ ದೀಕ್ಷೇತ ತಯಾ ದೀಕ್ಷಯಾ ದೀಕ್ಷೇ ।
ಆದಿತ್ಯೋ ದೀಕ್ಷಿತೋ ದ್ಯೌರ್ದೀಕ್ಷಾ ಸಾ ಮಾ ದೀಕ್ಷಾ ದೀಕ್ಷೇತ ತಯಾ ದೀಕ್ಷಯಾ ದೀಕ್ಷೇ ।
ಪ್ರಜಾಪತಿರ್ದೀಕ್ಷಿತೋ ಮನೋ ದೀಕ್ಷಾ ಸಾ ಮಾ ದೀಕ್ಷಾ ದೀಕ್ಷೇತ ತಯಾ ದೀಕ್ಷಯಾ ದೀಕ್ಷೇ ।
ವಾಚಂ ಮ ಋಚೋಽನು ದೀಕ್ಷನ್ತಾಂ ಮನೋ ಯಜೂಂಷಿ ಪ್ರಾಣಂ ಸಾಮಾನಿ ।
ಶ್ರದ್ಧಾಂ ಮೇ ಸೋಮೋ ರಾಜಾನು ದೀಕ್ಷತಾಮ್ ।
ಋಚಾ ದೀಕ್ಷೇ ಯಜುಷಾ ದೀಕ್ಷೇ ಸಾಮ್ನಾ ದೀಕ್ಷೇ ಪೃಥಿವ್ಯಾ ದೀಕ್ಷೇಽನ್ತರಿಕೇಣ ದೀಕ್ಷೇ ದಿವಾ ದೀಕ್ಷ ಇತ್ಯತ್ರ ಕೃತ್ಸ್ನೋ ದೀಕ್ಷಿತಃ ಅಥ ಯಸ್ಯಾದೀಕ್ಷಿತಾ ಇಮೇ ಲೋಕಾ ಅದೀಕ್ಷಿತಾನಿ ಛನ್ದಾಂಸ್ಯದೀಕ್ಷಿತಸ್ಸೋಮೋ ರಾಜಾ - ೬೫

- ತಂ ಸಕಾಮಮಭ್ಯಶ್ನುವೀತ ।
ಅಥ ಹೈವಂವಿದ್ದೀಕ್ಷಮಾನ ಏವ ಸರ್ವಾನ್ಕಾಮಾನುಪಾಪ್ನೋತಿ ।
ತಸ್ಮಾದ್ದೀಕ್ಷಾಸು ನ ರಾಜಾನಂ ಪರಿವೇವಿಷ್ಯಾತ್ ।
ಯದ್ವ್ರತೋ ಹ್ಯೇವೈಷ ಭವತಿ ತದ್ವ್ರತಾ ಇಮೇ ಲೋಕಾಸ್ತದ್ವ್ರತಾನಿ ಛನ್ದಾಂಸಿ ತದ್ವ್ರತಸ್ಸೋಮೋ ರಾಜಾ ।
ಅಥಾಹ ಭೂರ್ಭುವ ಸ್ವಸ್ಸುಪೋಷಃ ಪೋಷೈಸ್ಸುವೀರೋ ವೀರೈಸ್ಸುಪ್ರಜಃ ಪ್ರಜಯಾಸಮಿತಿ ।
ತದೇತಾಮಪರಿಮಿತಾಮಾಶಿಷಮನ್ತ ಆಶಾಸ್ತೇ ತಪೋ ಮೇ ಪ್ರತಿಷ್ಠೇತಿ ।
ತತ್ತಪಃ ಪ್ರತಿಷ್ಠಾಂ ಕುರುತೇ ।
ಶ್ರದ್ಧಾ ಮೇಽಕ್ಷಿತಿರಿತಿ ತಚ್ಛ್ರದ್ಧಾಮಕ್ಷಿತಿಂ ಕುರುತೇ ।
ಸತ್ಯಂ ಮೇ ಗೃಹಪತಿರಿತ್ಯೇಷ ವೈ ಸತ್ಯಮ್ ।
ಸತ್ಯಂ ಯ ಏಷ ತಪತಿ ।
ಸೈಷಾನಾರ್ತಾ ದೇವತಾ ।
ತದೇತಾಮನಾರ್ತಾಂ ದೇವತಾಂ ಗೃಹಪತಿಂ ಕುರುತೇ ।
ಸ ವಾ ಏಷ ಸುವ್ರತಃ ।
ಯದ್ಧ್ಯೇಷಾ ಖಲಾ ಸ್ಯಾತ್ಸರ್ವಮಿದಂ ಪ್ರದಹೇತ್ ।
ತಸ್ಮಾದ್ಗೃಹಪತಿಸ್ಸುವ್ರತ ಸ್ಯಾತ್ ।
ಸ ಯದ್ವದೀಕ್ಷಿತವ್ರತಂ ಚರೇದಪಾಪವದ್ಯಂ ವಾ ಪಾಪಂ ವದೇನ್ಮಿಥುನಂ ವಾ ಚರೇದನ್ಯದ್ವಾ ಮಿಥ್ಯಾಕುರ್ಯಾದೇತಮೇವಾದಿತ್ಯಮೇತೈಸ್ಸರ್ವೈರ್ಜಪೈರುಪತಿಷ್ಠೇತ ।
ತತೋ ಹೈವ ದೀಕ್ಷಿತಃ ।
ಸ ವಾ ಏಷ ಏತರ್ಹ್ಯದೀಕ್ಷಿತಃ ।
ಯದ್ವೇವಾಸ್ಮಿನ್ದೀಕ್ಷಿತೇ ಯಶ ಆಸೀತ್ತದ್ವೇವಾಸ್ಮಿನ್ನಪ್ಯೇತರ್ಹಿ ಯಶಃ ।
ತದಾಹುಸ್ಸ ವಾದ್ಯ ದೀಕ್ಷೇತ ಸ ವಾನ್ಯಂ ದೀಕ್ಷಯೇದ್ಯ ಏತಸ್ಯ ದೀಕ್ಷಿತಯಶಸಸ್ಯ ವ್ಯವಚ್ಛಿತ್ತಿಂ ವಿದ್ಯಾದಿತಿ ।
ಕೃಷ್ಣಾಜಿನಂ ವಾವ ದೀಕ್ಷಿತಯಶಸಮ್ ।
ಏತದ್ಧಿ ಸರ್ವೇಷಾಂ ವೇದಾನಾಂ ರೂಪಮ್ ।
ಯಾನಿ ಶುಕ್ಲಾನಿ ತಾನಿ ಸಾಮ್ನಾಂ ರೂಪಂ ಯಾನಿ ಕೃಷ್ಣಾನಿ ತಾನ್ಯೃಚಾಮ್ ।
ಯದಿ ವೇತರಥಾ ।
ಯಾನ್ಯೇವ ಬಭ್ರೂಣೀವ ಹರೀಣಿ ತಾನಿ ಯಜುಷಾಮ್ ।
ತಸ್ಮಾದ್ಯದ್ಯಪ್ಯೇನದದೃಷ್ಟೋ ವಸ್ತೇ ದಿದೃಕ್ಷನ್ತ ಏವೈನಮ್ ।
ಏತದ್ಧ್ಯಸ್ಮಿನ್ದೀಕ್ಷಿತಯಶಸಂ ಭವತಿ ೬೬

ತೇ ಯೇ ಸಕೃಷ್ಣಾಜಿನಾ ಅಪೋಽಭ್ಯವಯನ್ತಿ ಯ ಏತಸ್ಮಾದ್ದೀಕ್ಷಿತಯಶಸಾದವಚ್ಛಿದ್ಯನ್ತೇ ತೇ ಸರ್ವಮಾತ್ಮಾನಂ ಪ್ರಪ್ಲಾವ್ಯ ಪಾಪ್ಮನಾ ಸಹೋದಾಯನ್ತಿ ।
ಸ ಯದಾವಭೃಥೇಷ್ಟಿಸ್ಸಂತಿಷ್ಠೇತಾಥೋನ್ಮುಚ್ಯ ಕೃಷ್ಣಾಜಿನಮದ್ಭಿರಭ್ಯುಕ್ಷೇದಿನ್ದ್ರಿ ಯಾಜ್ಜ್ಯೈಷ್ಠ್ಯಾಚ್ಛ್ರೈಷ್ಠ್ಯಾನ್ಮಾ ಯೋಷಮಿತಿ ಅಥ ಯಂ ರಾತಿಂ ಮನ್ಯತೇ ತಸ್ಮೈ ಪ್ರಯಚ್ಛತಿ ।
ಅಥಾಪ ಆಚಾಮತಿ ಭಕ್ಷಸ್ಯಾವಭೃಥೋಽಸಿ ಭಕ್ಷಣಸ್ಯಾವಭೃಥೋಽಸಿ ಭಕ್ಷಿತಸ್ಯಾವಭೃಥೋಽಸೀತಿ ।
ಸ ಯದೇವಾತ್ರರ್ಜೀಷೇ ಕಿಂ ಚಿತ್ಸಕ್ತಂ ಭವತಿ ತಸ್ಯೈಷ ಭಕ್ಷಃ ।
ಅಥಾಪಃ ಪ್ರವಿಶತಿ ।
ನ್ಯಞ್ಚನಂ ವಾ ಏತತ್ಪ್ರಪದನಂ ಯದಾಪಃ ।
ನ್ಯಞ್ಚನಮೇವೈತತ್ಪ್ರಪದನಂ ಪ್ರಪದ್ಯತೇ ಪಾಪ್ಮನೋಽನನ್ವವಾಯಾಯ ।
ಯದ್ಯಾಪ ಸ್ಯನ್ದೇರನ್ಪ್ರತಿಸ್ರೋತಂ ಗಾಹೇತ ಪಾಪ್ಮಾನಂ ಮೇ ನಿರ್ವಹಾನಿತಿ ।
ಸರ್ವಾ ಉ ಹ ತ್ವಾ ಆಪ ಸ್ಯನ್ದನ್ತೇ ।
ಯಾ ಉ ಹ ಸ್ಥಾವರಾ ಅವಾಚೀಸ್ತಾ ಸ್ಯನ್ದನ್ತೇಽವಾಞ್ಚಮೇವಾಸ್ಯ ತಾಃ ಪಾಪ್ಮಾನಂ ನಿರ್ವಹನ್ತಿ ।
ಅನ್ಯೋಽನ್ಯಸ್ಯ ಜಾಯಾಪತೀ ಪೃಷ್ಠಂ ಪ್ರಧಾವತಃ ।
ವಜ್ರೋ ವಾ ಆಪಃ ।
ವಜ್ರೇಣೈವ ತತ್ಸರ್ವಂ ಪಾಪ್ಮಾನಮಪಹನಾತೇ ।
ಅಥೋ ದ್ವನ್ದ್ವಮೇವ ತನ್ಮಿಥುನಂ ಪ್ರಜನನಂ ಕುರ್ವಾತೇ ಪ್ರಜಾತ್ಯೈ ।
ಸ್ನಾತ್ವಾ ಕ್ಷಿಪ್ರ ಉದೇಯಾತ್ಕ್ಷಿಪ್ರೇ ಪಾಪ್ಮನೋ ವ್ಯಾವೃತ್ತ್ಯಾ ಇತಿ ೬೭

ಉನ್ನೇತರುನ್ಮಾ ನಯೇತ್ಯಾಹ ।
ವಿಷ್ಣುರ್ವಾ ಉನ್ನೇತಾ ಯಜ್ಞೋ ವೈ ವಿಷ್ಣುಃ ।
ಯಜ್ಞ ಏವೈನಂ ತತ್ಸರ್ವಸ್ಮಾತ್ಪಾಪ್ಮನೋ ವಿಮುಚ್ಯೋನ್ನಯತಿ ।
ಉದ್ವಯಂ ತಮಸಸ್ಪರಿ ಸುವಃ ಪಶ್ಯನ್ತೋ ಜ್ಯೋತಿರುತ್ತರಮ್
ದೇವಂ ದೇವತ್ರಾ ಸೂರ್ಯಮಗನ್ಮ ಜ್ಯೋತಿರುತ್ತಮಮ್
ಇತ್ಯೇತಾಂ ಜಪನ್ನುದೈತಿ ।
ಏತದ್ವೈ ಜ್ಯೋತಿರುತ್ತಮಂ ಯ ಏಷ ತಪತಿ ।
ಸೈಷಾನಾರ್ತಾ ದೇವತಾ ।
ತದೇತಾಮನಾರ್ತಾಂ ದೇವತಾಮಾರಭ್ಯೋದೈತಿ ।
ಔದುಮ್ಬರೀರಾದ್ರಾ ರ್ಸ್ಸ!ಪಲಾಶಾಸ್ಸಮಿಧಃ ಕುರ್ವತ ಏಧೋಽಸ್ಯೇಧಿಷೀಮಹೀತಿ ಗತ್ವಾಹವನೀಯೇ ಸಮಿಧಮಭ್ಯಾದಧಾತಿ ಸಮಿದಸಿ ತೇಜೋಽಸಿ ತೇಜೋ ಮಯಿ ಧೇಹಿ ಸ್ವಾಹೇತಿ ।
ಅಭ್ಯಾಧಾಯೋಪತಿಷ್ಠತೇ
ಅಪೋಽನ್ವಚಾರ್ಷಂ ರಸೇನ ಸಮಸೃಕ್ಷ್ಮಹಿ
ಪಯಸ್ವಂ ಅಗ್ನ ಆಗಮಂ ತಂ ಮಾ ಸಂಸೃಜ ವರ್ಚಸಾ
ಇತಿ ।
ಏವಮೇವ ಪತ್ನೀ ಗಾರ್ಹಪತ್ಯೇಽಭ್ಯಾಧಾಯೋಪತಿಷ್ಠತೇ ।
ಆಜ್ಯಸ್ಥಾಲೀಂ ಸಸ್ರುವಾಮಾದಾಯೋತ್ತರೇಣಾಗ್ನೀಧ್ರಂ ಚ ಸದಶ್ಚ ಪರೀತ್ಯಾಪರೇಣ ಗಾರ್ಹಪತ್ಯಮುಪವಿಶ್ಯೋಪಸ್ಥೇ ಕೃಷ್ಣಾಜಿನಮಾಧಾಯ ಚತುರ್ಗೃಹೀತಮಾಜ್ಯಂ ಗೃಹೀತ್ವಾ ಜುಹೋತಿ ಮಯೀನ್ದ್ರಿ ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಮಗ್ನಿರ್ದಧಾತು ಸ್ವಾಹೇತಿ ।
ಸ ಯದೇವಾಸ್ಮಿನ್ದೀಕ್ಷಿತೇ ಯಶೋ ಭವತಿ ತದಸ್ಮಿನ್ನುತ್ಥಿತೇ ಯಶೋ ಭವತಿ ।
ತತ್ಕೃಷ್ಣಾಜಿನಂ ನಾತಿಪಾದಯೇತ್ಸ್ರುಗವಧಾನಂ ವೈನತ್ಕುರ್ವೀತ ಹವಿಷೋ ವಾಧಿಪೇಷಣಂ ಪುನರ್ದೀಕ್ಷಿತಾಯೈ ವೈನನ್ನಿದಧೀತ ।
ಏಷಾ ವೈ ಕೈಶಿನೀ ದೀಕ್ಷಾ ।
ಏತಾಂ ಹ ಕೇಶೀ ದಾರ್ಭ್ಯೋ ದೀಕ್ಷಾಮುಪನಿಷಸಾದ ೬೮

ಮೃತ್ಯುಪ್ರಜಾಪತೀ ಯದಯಜೇತಾಂ ತೌ ಯಜ್ಞಾಭ್ಯಾಮೇವಾಸ್ಪರ್ಧೇತಾಮ್ ।
ಅಥ ಹ ತರ್ಹಿ ಯಜ್ಞಾಯುಧಾನ್ಯಾಸುರ್ಯಥೇಮಾನ್ಯೇತರ್ಹೀಷ್ಟೀಷ್ವಾಯುಧಾನಿ ।
ತದ್ಯದ್ಯಜ್ಞೇ ಸ್ತೂಯತೇ ಯಚ್ಛಸ್ಯತೇ ಯತ್ಪ್ರಚರ್ಯತೇ ಸಾ ಪ್ರಜಾಪತೇಸ್ಸೇನಾಸ ।
ಅಥ ಯದ್ವೀಣಾಯಾಂ ಗೀಯತೇ ಯನ್ನೃತ್ಯತೇ ಯದ್ವೃಥಾಚರ್ಯತೇ ಸಾ ಮೃತ್ಯೋಸ್ಸೇನಾಸ ।
ತಯೋರ್ಹ ಸಮಾವತ್ಯಾವೇವ ಸೇನೇ ಆಸತುರ್ಯಾವತ್ಯೇವೇತರಸ್ಯ ತಾವತೀತರಸ್ಯ ।
ತೌ ಹ ಜ್ಯೋಗೇವಾವಿಜಯಮಾನೌ ಚೇರತುರ್ಬಹೂನ್ಯೇವ ವರ್ಷಾಣಿ ।
ಸ ಪ್ರಜಾಪತಿರಕಾಮಯತ ಜಯೇಯಂ ಮೃತ್ಯುಮಿತಿ ।
ಸ ಏತಾಂ ಯಜ್ಞೇ ಸಂಪದಮಪಶ್ಯದೇತತ್ಸಂಖ್ಯಾನಮ್ ।
ತೇನ ಮೃತ್ಯುಮಜಯತ್ ।
ತಸ್ಯ ಪರಾಜಿತಸ್ಯ ರಾಜಾಶುಚ್ಯತ್ ।
ಸ ಪ್ರತ್ಯಙ್ಪತಿತ್ವಾ ಪತ್ನೀಶಾಲಾಂ ಪ್ರಾಪದ್ಯತ ।
ತಸ್ಮಾತ್ಪತ್ನೀಭ್ಯ ಹಯ ಚ ಯಸ್ಸಂಪದಾಸುತ ಇತ್ಯಸುತ ಇತಿ ಹೈತನ್ನ ಹಿ ಸೋಽಸೂಯತ ತಸ್ಯ ಯಾನಿ ಸ್ತುತಶಸ್ತ್ರಾಣ್ಯಾಸನ್ಯದೇವೈತದ್ವೀಣಾಯಾಂ ಗೀಯತೇ ಯನ್ನೃತ್ಯತೇ ಯದ್ವೃಥಾಚರ್ಯತೇ ತಾನ್ಯೇವ ತಾನಿ - ೬೯

- ಅಥ ಯೋ ಯೂಪ ಆಸೀದ್ಯ ಏವೈಷ ವೀಣಾಯೈ ದಣ್ಡಸ್ಸ ಏವ ಸಃ ।
ಅಥ ಯಾ ರಶನಾ ಆಸನ್ಯಾನ್ಯೇವೈತಾನಿ ವೀಣಾಯಾ ಉಪವಾಣಾನಿ ತಾ ಏವ ತಾಃ ।
ಅಥ ಯೋ ದ್ರೋ ಣಕಲಶ ಆಸೀದ್ಯೈವೈಷಾ ವೀಣಾಯೈ ಸೂನಾ ಸ ಏವ ಸಃ ।
ಅಥ ಯದಧಿಷವಣಂ ಚರ್ಮಾಸೀದ್ಯದೇವೈತದ್ವೀಣಾಯೈ ಚರ್ಮ ತದೇವ ತತ್ ।
ಅಥ ಯ ಉಪರವಾ ಆಸನ್ಯ ಏವೈತೇ ವೀಣಾಯಾ ಆಕಾಶಾಸ್ತ ಏವ ತೇ ।
ಅಥ ಯೇ ಗ್ರಾವಾಣ ಆಸನ್ಯಾನ್ಯೇವೈತಾನಿ ವೀಣಾಯೈ ವಾದನಾನಿ ತ ಏವ ತೇ ।
ಅಥ ಯಾನಿ ಸಪ್ತ ಚತುರುತ್ತರಾಣಿ ಛನ್ದಾಂಸ್ಯಾಸನ್ಯಾ ಏವೈತಾಸ್ಸಪ್ತ ವೀಣಾಯೈ ತನ್ತ್ರ್! ಯಸ್ತಾನ್ಯೇವ ತಾನಿ ।
ಅಥ ಯೇ ದಶರಾತ್ರೇ ಸ್ತೋಮಾ ಆಸನ್ಯಾ ಏವೈತಾ ದಶಾಙ್ಗುಲಯಸ್ತ ಏವ ತೇ ।
ತದಾಹುರ್ನೈತರ್ಹಿ ಸಂಸವೋಽಸ್ತಿ ।
ಯೋ ಹಿ ದ್ವಿತೀಯೋ ಯಜ್ಞ ಆಸೀದಶುಚ್ಯತ್ಸಃ ।
ಏಕ ಏವ ಯಜ್ಞಃ ।
ಪ್ರಜಾಪತಿರ್ಯಜ್ಞ ಏವೇತಿ ೭೦

ಅಥ ವಾ ಅತಸ್ಸಂಖ್ಯಾನಸ್ಯೈವ ।
ತಸ್ಯ ವಾ ಏತಸ್ಯ ಸಂವತ್ಸರಸ್ಯ ಸಪ್ತ ವಿಂಶತಿಶತಾನ್ಯಹೋರಾತ್ರಾಣಾಂ ಭವನ್ತಿ ।
ತಾ ನವಾಶೀತಯಃ ।
ಅಥಾಸ್ಯ ಸವನಾನಾಮಶೀತಿಶ್ಚ ಸಹಸ್ರಂ ಚ ತ್ರೀಣಿ ಚ ।
ತಾವನ್ತಃ ಪವಮಾನಾಃ ।
ತದೇತಚ್ಛ್ಲೋಕೇನಾಭಿಗೀತಮ್
ಅಷ್ಟಾವೇತಾ ನವತಯೋ ಭವನ್ತ್ಯಹೋರಾತ್ರಾಣಾಂ ಪರಿವತ್ಸರಸ್ಯ
ಅಶೀತಿರಸ್ಮಿನ್ಸವನಾನಿ ತ್ರೀಣಿ ಚ ಸಹಸ್ರಂ ಚ ಪವಮಾನಾಶ್ಚ ಸರ್ವೇ
ಇತಿ ।
ಅಥಾಸ್ಯ ಸ್ತುತಶಸ್ತ್ರಾಣಾಂ ಷಷ್ಟಿಶತೇ ಚ ದ್ವೇ ದಶ ಚ ಸಹಸ್ರಾಣಿ ।
ಅಥಾಸ್ಮಿನ್ಧಿಷ್ಣಿಯಾ ಯ ಅಗ್ನಯೋ ವಿಹ್ರಿಯನ್ತೇ ದಶ ಚೈವ ಸಹಸ್ರಾಣ್ಯಷ್ಟೌ ಚ ಶತಾನಿ ತ್ರಿಂಶತಂ ಚ ।
ತದೇತಚ್ಛ್ಲೋಕೇನಾಭಿಗೀತಮ್
ಷಷ್ಟಿಶತೇ ದ್ವೇ ಮಾಸಿ ಷಟ್ಚ ಸ್ತುತಶಸ್ತ್ರಾಣಾಮಾ ಶತಂ ಚಾ ಶತಾನಿ
ದಶ ಸಹಸ್ರಾಣಿ ಶತಾನ್ಯಷ್ಟೌ ಸಂವತ್ಸರೇ ಧಿಷ್ಣಿಯಾಸ್ತ್ರಿಂಶತಂ ಚ
ಇತಿ ೭೧

ತಾವನ್ತಿ ತಾರಕನಕ್ಷತ್ರಾನಿ ತಾವನ್ತಿ ಜ್ಯೋತೀಂಷಿ ತಾವನ್ತೋಽರ್ಕಾಃ ।
ಆಪ್ನೋತಿ ಹ ವಾ ಏತಾನಿ ತಾರಕನಕ್ಷತ್ರಾಣ್ಯಾಪ್ನೋತಿ ಜ್ಯೋತೀಂಷ್ಯಾಪ್ನೋತ್ಯರ್ಕಾನ್ಯ ಏವಂ ವೇದ ।
ಅಥಾಸ್ಯ ಸ್ತೋತ್ರ್! ಯಾಣಾಂ ನವತಿಶ್ಚ ಸಹಸ್ರಾಣಿ ತ್ರೀಣಿ ಚ ಶತಾನಿ ಷಣ್ಣವತಿಶ್ಚ ।
ತದೇತಚ್ಛ್ಲೋಕೇನಾಭಿಗೀತಮ್
ಸ್ತೋತ್ರ್! ಯಾ ಅಸ್ಯ ನವತಿಸ್ಸಹಸ್ರಾ ತ್ರೀ ಚ ಶತಾ ನವತಿಶ್ಚೋಪ ಷಟ್ಚ
ತಾಭಿಸ್ಸಂಸ್ತುತೋ ವಿವಸಾನ ಏತಿ ಭೂತಂ ಭವಿಷ್ಯದ್ಭುವನಂ ಪ್ರಜಾಪತಿಃ
ಇತಿ ।
ಅಥಾಸ್ಯ ಪದಾನಾಂ ಚತ್ವಾರಿ ಚ ಸಹಸ್ರಾ ತ್ರಿಂಶಂ ಚಾಯುತಾನಿ ಸಪ್ತ ಶತಾನಿ ಪಞ್ಚಾಶತಂ ಪದಾನಿ ।
ತದೇತಚ್ಛ್ಲೋಕೇನಾಭಿಗೀತಮ್
ಚತ್ವಾರಿ ಸಹಸ್ರಾ ತ್ರಿಂಶಂ ಚಾಯುತಾನಿ ಸಪ್ತ ಶತಾನಿ ಪಞ್ಚಾಶತಂ ಪದಾನಿ
ಸಂವತ್ಸರಸ್ಯ ಕವಿಭಿ ಸ್ತುತಸ್ಯೈತಾವತೀ ಮಧ್ಯಮಾ ದೇವಮಾತ್ರಾ
ಇತಿ ೭೨

ಅಥಾಸ್ಯಾಕ್ಷರಾಣಾಮಯುತಮೇಕಂ ಪ್ರಯುತಾನಿ ಷಷ್ಟಿರ್ನಿಯುತೇ ದ್ವೇ ನವ ಚಾಕ್ಷರಾಣಿ ಸಪ್ತ ಸಹಸ್ರಾಣಿ ದಶತೋ ದಶ ।
ತದೇತಚ್ಛ್ಲೋಕೇನಾಭಿಗೀತಮ್
ಅಯುತಮೇಕಂ ಪ್ರಯುತಾನಿ ಷಷ್ಟಿರ್ನಿಯುತೇ ದ್ವೇ ನವ ಚಾಕ್ಷರಾಣಿ
ಸಪ್ತ ಸಹಸ್ರಾಣಿ ದಶತೋ ದಶೈತಾವಾನಾತ್ಮಾ ಪರಮಃ ಪ್ರಜಾಪತೇಃ
ಇತಿ ।
ತದೇತದನನ್ತಂ ಯತ್ಸಂಖ್ಯಾನಮ್ ।
ತದೇತದಮೃತಂ ಯತ್ಸಂಖ್ಯಾನಮ್ ।
ಸ ಏಷ ಸುಕೃತಸ್ಸೋ ಯತ್ಸಂಖ್ಯಾನಮ್ ।
ಅಥ ಯದಸಂಖ್ಯಾನಂ ಮರ್ತ್ಯಂ ತತ್ ।
ತಸ್ಮಾದು ಸಮೇವ ಚಕ್ಷೀತ ।
ಸಾ ಹೈಷಾ ದೇವಾನಾಂ ಸೇನಾ ಯತ್ಸಂಖ್ಯಾನಮ್ ।
ಮನುಷ್ಯಸೇನಯಾ ವಾವ ನು ತಂ ಸ್ತೃಣುತೇ ಯಂ ತಿಸ್ತೀರ್ಷತೇ ।
ತಾದೃಗಿಹ ತಂ ಸ್ತೃಣವಾತೈ ಯಂ ದೇವಸೇನಯಾ ತಿಸ್ತೀರ್ಷಾತಾ ಇತಿ ।
ಅಥೈತೇ ತ್ರಯಃ ಪನ್ಥಾನಸ್ಸುಕೃತಾ ದೇವಯಾನಾ ಅಕ್ಷರ್ಯಃ ಪದ್ಯ ಋಕ್ಮ್ಯಶ್ಚ ।
ತೇ ವಿದ್ವಾಂಸೋಽಭಿವಹನ್ತಿ ಬ್ರಾಹ್ಮಣಂ ಯತ್ರ ಮೃತ್ಯುರ್ಭವತ್ಯನ್ನಮಸ್ಯ ।
ತದೇತಚ್ಛ್ಲೋಕೇನಾಭಿಗೀತಮ್
ತ್ರಯಃ ಪನ್ಥಾನಸ್ಸುಕೃತಾ ದೇವಯಾನಾ ಅಕ್ಷರ್ಯಃ ಪದ್ಯ ಋಕ್ಮ್ಯಶ್ಚ
ತೇ ವಿದ್ವಾಂಸೋಽಭಿವಹನ್ತಿ ಬ್ರಾಹ್ಮಣಂ ಯತ್ರ ಮೃತ್ಯುರ್ಭವತ್ಯನ್ನಮಸ್ಯ

ಅಕ್ಷರಶಃ ಪಚ್ಛೋಽಮೃತಂ ಲಿಹಾನಾಃ - ೭ಸುವರಾಯನ್ದೇವತಾ ದೇವಸತ್ತ್ರಾತ್
ತಪಸಾ ಕರ್ಮ ಕವಯೋಽನುಗತ್ಯ
ಆಹ್ನಾಯ ಮೃತ್ಯುಮತಿ ಮೇಧಯಾಯನ್

ವಿಜಾನನ್ತೋ ದಹನ್ತೋ ಯನ್ತಿ ಶೋಕಮ್
ಮನೀಷಿಣೋ ಯದಪಕ್ಷಾಃ ಪತನ್ತಿ
ಯತ್ರಾಮೃತಂ ವಿದ್ಯತೇ ನೋತ ಮೃತ್ಯುಸ್
ತತ್ರ ವಿದ್ವಾಂಸಃ ಕವಯಃ ಕ್ಷಿಯನ್ತಿ
ಇತಿ ।
ಏವಂವಿದ್ವಾಂಸೋ ಯಜಮಾನಮೃತ್ವಿಜೋ ಲೋಕಾನ್ಪಶೂನಭಿ ಕಾಮಾನ್ವಹನ್ತಿ ।
ಸ ಯಜ್ಞೇಷು ಸ್ತುತಶಸ್ತ್ರಮಶ್ನುತೇಽಕ್ಷಯ್ಯಾ ಯಸ್ಯ ಭವನ್ತ್ಯೃತ್ವಿಜೋಽಧ್ವರ್ಯುರ್ಹೋತೋತ ಸಾಮಗಃ ।
ತಸ್ಮೈ ಛನ್ದಾಂಸಿ ಮಧುಧಾರಾಃ ಕ್ಷರನ್ತಿ ।
ಸ ಯಜ್ಞೇಷು ಸ್ತುತಶಸ್ತ್ರಮಶ್ನುತೇಽಕ್ಷಯ್ಯಾ ಯಸ್ಯ ಭವನ್ತ್ಯೃತ್ವಿಜೋಽಧ್ವರ್ಯುರ್ಹೋತೋತ ಸಾಮಗಃ ।
ತಸ್ಮೈ ಛನ್ದಾಂಸ್ಯಮೃತಕುಲ್ಯಾ ಅಭಿವಹನ್ತಿ ಊರ್ಮಿಣೀ ಸ್ತೋತ್ರಶಸ್ತ್ರೈರಿತಿ ೭೪

ಏಕೈಕಮು ಹ ವಾ ಏತೇಷಾಮಕ್ಷರಾಣಾಂ ಯಾವತೀಯಂ ಪೃಥಿವೀ ತಾವತ್ ।
ಊರ್ಜೋಽನ್ನಾದ್ಯಸ್ಯ ಮಧುನೋಽಮೃತಸ್ಯ ಕಾಮಸ್ಯ-ಕಾಮಸ್ಯ ಪಿಬ್ದಮಾನಂ ತಿಷ್ಠತಿ ।
ತದ್ಧೈವಂವಿದ್ವಾನ್ಬ್ರಾಹ್ಮಣಸ್ಸಹಸ್ರಂ-ಸಹಸ್ರಂ ದೇವಯುಗಾನ್ಯುಪಜೀವತಿ ।
ತದ್ಯದಾಪ್ಯತೇಽಥೇತರದುಪಸಂಕ್ರಾಮತ್ಯಥೇತರತ್ಪುನರಾಖ್ಯಾಯತೇ ।
ತಸ್ಮಾದು ಹೈವಂವಿದೇ ಬ್ರಾಹ್ಮಣಾಯ ದಿತ್ಸನ್ತ್ಯಸ್ಯೋರ್ಜೋಽನ್ನಾದ್ಯಸ್ಯ ಮಧುನೋಽಮೃತಸ್ಯ ಕಾಮಸ್ಯ-ಕಾಮಸ್ಯ ಲಿಪ್ಸಾಮಹಾ ಇತಿ ।
ಯಥಾ ಹ ವಾ ಇದಂ ಕ್ಷೇತ್ರಪಾದಂ ವಾ ಕ್ಷೇತ್ರರಜ್ಜುಂ ವಾವಕ್ರೀಯಾಸತ ಏವಮೇವೈವಂವಿದೋ ಬ್ರಾಹ್ಮಣಾಲ್ಲೋಕಮವಕ್ರೀಣತೇ ।
ಸ ಯಥಾ ಕ್ರಯೇ ಪರ್ಯವೇತೇ ಕ್ಷೇತ್ರಿಣಮೇವ ಕ್ಷೇತ್ರಾಣ್ಯಪಿಯನ್ತ್ಯೇವಂ ಲೋಕಿನಮೇವ ಲೋಕಾ ಅಪಿಯನ್ತಿ ।
ಸ ಯದ್ಧ ವಾ ಅಪ್ಯೇವಂವಿದ್ವಾನ್ಬ್ರಾಹ್ಮಣಃ ಪೂರ್ಣಾಂ ಪೃಥಿವೀಂ ಪ್ರತಿಗೃಹ್ಣೀಯಾದೇಕಮೇವ ತಸ್ಯಾಕ್ಷರಂ ಜ್ಯಾಯಃ ।
ತಸ್ಮಾದು ಹೈವಂವಿದ್ವಾನ್ಬ್ರಾಹ್ಮಣೋ ದದ್ಯಾಚ್ಚೈವ ಪ್ರತಿಗೃಹ್ಣೀಯಾತ್ ೭೫

ಜನಕೋ ಹ ವೈದೇಹೋ ಬಹುದಕ್ಷಿಣೇನ ಯಜ್ಞೇನೇಜೇ ।
ತೇ ತದು ಹ ಕುರುಪಞ್ಚಾಲಾನಾಂ ಬ್ರಾಹ್ಮಣಾ ಅಭಿಸಮಾಜಗ್ಮುಃ ।
ಸ ಹ ಸಹಸ್ರಂ ಗವಾಮವರುನ್ಧಾನ ಉವಾಚ ಬ್ರಾಹ್ಮಣಾ ಏತಾ ವೋ ಯೋ ಬ್ರಹ್ಮಿಷ್ಠಸ್ಸ ಉದಜತಾಮಿತಿ ।
ಸ ಹೋವಾಚ ವಾಜಸನೇಯೋಽರ್ವಾಚೀರೇತಾಸ್ಸೋಮ್ಯೇತಿ ।
ತಂ ಹೋಚುಸ್ತ್ವಂ ನು ನೋ ಬ್ರಹ್ಮಿಷ್ಠೋಽಸೀ೩ ಇತಿ ।
ಸ ಹೋವಾಚ ನಮೋ ವೋ ಬ್ರಹ್ಮಿಷ್ಠಾಯಾಸ್ತು ।
ಗೋಕಾಮಾ ಏವ ವಯಂ ಸ್ಮ ಇತಿ ।
ತೇ ಹೋಚುಃ ಕೋ ನ ಇಮಂ ಪ್ರಕ್ಷ್ಯತೀತಿ ।
ಸ ಹೋವಾಚ ವಿದಗ್ಧಶ್ಶಾಕಲ್ಯೋಽಹಮಿತಿ ।
ತಂ ಹ ಪುರಸ್ಕೃತ್ಯೇಯುಃ ।
ತಂ ಹ ಪ್ರತಿಖ್ಯಾಯಾಯನ್ತಮುವಾಚ ತ್ವಾಂ ಸ್ವಿಚ್ಛಾಕಲ್ಯ ಬ್ರಾಹ್ಮಣಾ ಉಲ್ಮುಕಾವಕ್ಷಯಣಮಕ್ರತಾ೩ ಇತಿ ।
ಸ ಹೋವಾಚ ಯದಿ ತೇನೋಲ್ಮುಕಾವಕ್ಷಯಣಂ ಸ್ಮಃ ಪ್ರಕ್ಷ್ಯಾಮೋ ನ್ವೈ ತ್ವಾಮಿತಿ ।
ತಂ ಹ ಪಪ್ರಚ್ಛ ಕತಿ ದೇವಾ ಯಾಜ್ಞವಲ್ಕ್ಯೇತಿ ।
ಸ ಹೋವಾಚ ತ್ರಯಶ್ಚ ತ್ರಿಂಶಚ್ಚ ತ್ರಯಶ್ಚ ತ್ರೀ ಚ ಶತಾ ತ್ರಯಶ್ಚ ತ್ರೀ ಚ ಸಹಸ್ರಾ ಯಾವನ್ತೋ ನಿವಿದಾಭ್ಯಾಹೂತಾ ಇತಿ ।
ಓಮಿತಿ ಹೋವಾಚ ೭೬

ಕತ್ಯೇವ ದೇವಾ ಇತಿ ।
ತ್ರಯ ಇತಿ ।
ಓಮಿತಿ ಹೋವಾಚ ।
ಕತ್ಯೇವ ದೇವಾ ಇತಿ ।
ದ್ವಾವಿತಿ ।
ಓಮಿತಿ ಹೋವಾಚ ।
ಕತ್ಯೇವ ದೇವಾ ಇತಿ ।
ಏಕ ಇತಿ ।
ಓಮಿತಿ ಹೋವಾಚ ।

ಕತಮೇ ತ್ರಯಶ್ಚ ತ್ರಿಂಶಚ್ಚ ತ್ರಯಶ್ಚ ತ್ರೀ ಚ ಶತಾ ತ್ರಯಶ್ಚ ತ್ರೀ ಚ ಸಹಸ್ರೇತಿ ।
ಮಹಿಮಾನ ಏವೈಷಾಂ ತ ಇತಿ ಹೋವಾಚ ।
ತ್ರಯಸ್ತ್ರಿಂಶದ್ವಾವೇತಿ ।
ಕತಮೇ ತ್ರಯಸ್ತ್ರಿಂಶದಿತಿ ।
ಅಷ್ಟೌ ವಸವ ಏಕಾದಶ ರುದ್ರಾ ದ್ವಾದಶಾದಿತ್ಯಾ ಇನ್ದ್ರ ಶ್ಚೈವ ಪ್ರಜಾಪತಿಶ್ಚ ತ್ರಯಸ್ತ್ರಿಂಶಾವಿತಿ ।
ಕತಮೇ ವಸವ ಇತಿ ।
ಅಗ್ನಿಶ್ಚ ಪೃಥಿವೀ ಚ ವಾಯುಶ್ಚಾನ್ತರಿಕ್ಷಂ ಚಾದಿತ್ಯಶ್ಚ ದ್ಯೌಶ್ಚ ಚನ್ದ್ರ ಮಾಶ್ಚ ನಕ್ಷತ್ರಾಣಿ ಚೈತೇ ವಸವಃ ।
ಏತೇಷು ಹೀದಂ ಸರ್ವಂ ವಸು ಹಿತಮಿತಿ ।
ತಸ್ಮಾದ್ವಸವ ಇತಿ ।
ಕತಮೇ ರುದ್ರಾ ಇತಿ ।
ದಶ ಪುರುಷೇ ಪ್ರಾಣಾ ಇತಿ ಹೋವಾಚ ।
ಆತ್ಮೈಕಾದಶಃ ।
ತೇ ಯದೋತ್ಕ್ರಾಮನ್ತೋ ಯನ್ತ್ಯಥ ರೋದಯನ್ತಿ ।
ತಸ್ಮಾದ್ರುದ್ರಾ ಇತಿ ।
ಕತಮ ಆದಿತ್ಯಾ ಇತಿ ।
ದ್ವಾದಶ ಮಾಸಾಸ್ಸಂವತ್ಸರ ಇತಿ ಹೋವಾಚ ।
ಏತ ಆದಿತ್ಯಾಃ ।
ಏತೇ ಹೀದಂ ಸರ್ವಮಾದದಾನಾ ಯನ್ತಿ ।
ತಸ್ಮಾದಾದಿತ್ಯಾ ಇತಿ ।
ಕತಮೇ ತ್ರಯ ಇತಿ ।
ಇಮ ಏವ ಲೋಕಾ ಇತಿ ।
ಕತಮೌ ದ್ವಾವಿತಿ ।
ಅಹೋರಾತ್ರಾವಿತಿ ।
ಕತಮ ಇನ್ದ್ರ ಃ! ಕತಮಃ ಪ್ರಜಾಪತಿರಿತಿ ।
ವಾಗೇವೇನ್ದ್ರೋ ಮನಃ ಪ್ರಜಾಪತಿರಿತಿ ।
ಕತಮೈಕಾ ದೇವತೇತಿ ।
ಪ್ರಾಣ ಇತಿ ।
ಸ ಹೋವಾಚಾನತಿಪ್ರಶ್ನ್ಯಾಂ ವೈ ಮಾ ದೇವತಾಮತ್ಯಪ್ರಾಕ್ಷೀಃ ಪುರೈತಾವತಿಥ್ಯಾ ಮರ್ತಾಸಿ ।
ನ ತೇ ಶರೀರಾಣಿ ಚನ ಗೃಹಾನ್ಪ್ರಾಪ್ಸ್ಯನ್ತೀತಿ ।
ತದ್ಧ ತಥೈವಾಸ ।
ಸ ಹ ತಥೈವ ಮಮಾರ ।
ತಸ್ಯ ಹಾಪಹಾರಿಣೋಽನನ್ತರೇಣ ಶರೀರಾಣ್ಯಪಜಹ್ರುರನ್ಯನ್ಮನ್ಯಮಾನಾಃ ।
ತಸ್ಮಾದು ಹ ನೋಪವದೇತ್ ।
ಅಪಿ ಹ್ಯೇವಂವಿತ್ಪರೋ ಭವತೀತಿ ೭೭

ಬ್ರಹ್ಮ ಚ ಹ ವೈ ಸುಬ್ರಹ್ಮ ಚೈಷು ಲೋಕೇಷ್ವಾಸತುರಸ್ಮಿನ್ಭುವನೇ ।
ತತಸ್ಸುಬ್ರಹ್ಮೋಚ್ಚಕ್ರಾಮ ।
ಅಸೌ ವಾ ಆದಿತ್ಯೋ ಬ್ರಾಹ್ಮಾಥೋ ವಾಗೇವ ಸುಬ್ರಹ್ಮ ।
ತೇ ದೇವಾ ಇಹೈವ ವೇದ್ಯಾ ಅನ್ತರ್ವೇದಿ ಯಜ್ಞೇನ ಬ್ರಹ್ಮ ಪರ್ಯಗೃಹ್ಣನ್ ।
ತದಿದಮಪ್ಯೇತರ್ಹಿ ವೇದ್ಯಾ ಅನ್ತರ್ವೇದಿ ಯಜ್ಞೇನ ಬ್ರಹ್ಮ ಪರಿಗೃಹೀತಮ್ ।
ತದಾಹುರ್ಯದನ್ಯಾ ಹೋತ್ರಾ ಅನ್ತರ್ವೇದಿ ಕುರ್ವನ್ತ್ಯಥ ಕಥಂ ಸುಬ್ರಹ್ಮಣ್ಯೋ ಬಹಿರ್ವೇದಿ ಕರೋತೀತಿ ।
ಸ ಬ್ರೂಯಾದೇಷ ವೇದ್ಯಾ ಆತ್ಮಾ ಯದುತ್ಕರ ಏತತ್ಪ್ರತ್ಯಕ್ಷಂ ಬ್ರಹ್ಮ ಯತ್ಸುಬ್ರಹ್ಮಣ್ಯಾ ।
ಯದುತ್ಕರಮಾಸ್ಯಾಥ ಸುಬ್ರಹ್ಮಣ್ಯಾಮಾಹ್ವಯತಿ ತೇನಾಸ್ಯಾನ್ತರ್ವೇದಿ ಕೃತಂ ಭವತೀತಿ ।
ಸುಬ್ರಹ್ಮಣ್ಯೋ೩ಂ! ಸುಬ್ರಹ್ಮಣ್ಯೋ೩ಂ! ಸುಬ್ರಹ್ಮಣ್ಯೋ೩ಮಿತಿ ತ್ರಿರಾಹ ।
ವಾಗ್ವೈ ಸುಬ್ರಹ್ಮಣ್ಯಾ ।
ತದೇತಾಂ ವಾಚಂ ಪ್ರಥಮತ ಆರಭತೇ ।
ಅಥೋ ಬ್ರಹ್ಮ ವಾಗ್ರಸ ಓಂಕಾರಃ ।
ತಾಮೇತಾಂ ವಾಚಂ ರಸೇನ ಪ್ರೀಣಾತಿ ತದ್ಧೈತದೇಕ ಓಂ ಸುಬ್ರಹ್ಮಣ್ಯೇತ್ಯಾಹ್ವಯನ್ತಿ - ೭೮

ಪ್ರಾಣೋ ಹ್ಯಗ್ರೇಽಥ ವಾಗಿತಿ ।
ತದ್ಧ ತನ್ನ ತಥಾ ।
ಯಥಾ ಮಧ್ವಾಸಿಚ್ಯ ಲಾಜಾನಾವಪೇತ್ತದನ್ಯಧೇವ ಸ್ಯಾತ್ತಾದೃಕ್ತತ್ ।
ತಸ್ಮಾತ್ಸುಬ್ರಹ್ಮಣ್ಯೋ೩ಮಿತ್ಯೇವಾಹ್ವಯೇತ್ ।
ಇನ್ದ್ರಾ ಗಚ್ಛೇತಿ ।
ಇನ್ದ್ರ ಮೇವ ತದ್ಯಜ್ಞ ಆಹ್ವಯತಿ ।
ಹರಿವ ಆಗಚ್ಛೇತಿ ।
ಹರಿಭ್ಯಾಮಾಯಾಹೀತಿ ವಾವೈನಂ ತದಾಹ ।
ಪ್ರಾನಾಪಾನೌ ವಾಸ್ಯ ಹರೀ ।
ತೌ ಹೀದಂ ಸರ್ವಂ ಹರ್ತಾರೌ ಹರತಃ ।
ಅಥೋ ಅಹೋರಾತ್ರೌ ವಾಸ್ಯ ಹರೀ ।
ತೌ ಹೀದಂ ಸರ್ವಂ ಹರ್ತಾರೌ ಹರತಃ ।
ಮೇಧಾತಿಥೇರ್ಮೇಷೇತಿ ।
ಮೇಹ್ದಾತಿಥೇರ್ಹ ಮೇಷೋ ಭೂತ್ವಾ ರಾಜಾನಂ ಪಪೌ ।
ವೃಷಣಶ್ವಸ್ಯ ಮೇನ ಇತಿ ।
ವೃಷಣಶ್ವಸ್ಯ ಹ ಮೇನಾ ಭೂತ್ವಾ ಮಘವಾ ಕುಲ ಉವಾಸ ।
ಗೌರಾವಸ್ಕನ್ದಿನ್ನಿತಿ ।
ತತೋ ಹೈವ ಗೌರೋ ಭೂತ್ವಾರ್ಣವಮವಚಸ್ಕನ್ದ ।
ಅಹಲ್ಯಾಯೈ ಜಾರೇತಿ ।
ಅಹಲ್ಯಾಯೈ ಹ ಮೈತ್ರೇಯ್ಯೈ ಜಾರ ಆಸ ।
ಕೌಶಿಕ ಬ್ರಾಹ್ಮಣ ಕೌಶಿಕ ಬ್ರುವಾಣೇತಿ ।
ಯದ್ಧ ವಾ ಆಸುರೈರ್ಮಹಾಸಂಗ್ರಾಮಂ ಸಂಯೇತೇ ತದ್ಧ ವೇದಾನ್ನಿರಾಚಕಾರ ।
ತಾನ್ಹ ವಿಶ್ವಾಮಿತ್ರಾದಧಿಜಗೇ ।
ತತೋ ಹೈವ ಕೌಶಿಕ ಊಚೇ ಅಥ ಹ ವಾ ಏಕೇ ಕೌಶಿಕ ಬ್ರಾಹ್ಮಣ ಗೌತಮ ಬ್ರುವಾಣೇತ್ಯಾಹ್ವಯನ್ತಿ - ೭೯

- ತದು ಹ ವಾ ಆರುಣಿನೈವ ಯಶಸ್ವಿನೋಪಜ್ಞಾತಮ್ ।
ತಸ್ಮಾದು ತಸ್ಯಾಶಾಂ ನೇಯಾತ್ ।
ತಸ್ಮಾತ್ಕೌಶಿಕ ಬ್ರಾಹ್ಮಣ ಕೌಶಿಕ ಬ್ರುವಾಣೇತ್ಯೇವಾಹ್ವಯೇತ್ ।
ದೇವಾ ಬ್ರಹ್ಮಾಣ ಆಗಚ್ಛತಾಗಚ್ಛತೇತಿ ದೇವಾಂಶ್ಚೈವ ತದ್ಬ್ರಾಹ್ಮಣಾಂಶ್ಚ ಸಮಾಮನ್ತ್ರಯನ್ತೇ ।
ತೇ ಹಾಸ್ಮೈ ಸಮಾಮನ್ತ್ರಿತಾಸ್ಸುಮತಿಮಿಚ್ಛನ್ತೇ ।
ತಸ್ಮಾದು ಹ ಸಮಾಮನ್ತ್ರ್! ಯ ಮಾಪರಾಧ್ನುಯಾನ್ನೇನ್ಮೋಪವದಾದಿತಿ ।
ತದಾಹುಃ ಕಿಂಛನ್ದಸ್ಸುಬ್ರಹ್ಮಣ್ಯೇತಿ ।
ತ್ರಿಷ್ಟುಬಿತಿ ಬ್ರೂಯಾತ್ ।
ಷನ್ದ್ರೀ ಹಿ ತ್ರಿಷ್ಟುಬಿತಿ ।

ತದಾಹುಃ ಕಿಂದೇವತ್ಯಾ ಸುಬ್ರಹ್ಮಣ್ಯೇತಿ ।
ಷನ್ದ್ರೀ ತಿ ಬ್ರೂಯಾತ್ ।
ಇನ್ದ್ರಂ ಹ್ಯೇನಯಾಹ್ವಯತೀತಿ ।
ಅಥೋ ಹ ಬ್ರೂಯಾದ್ವೈಶ್ವದೇವೀತಿ ।
ವಿಶ್ವಾನ್ಹ್ಯೇನಯಾ ದೇವಾನಾಹ್ವಯತೀತಿ ।
ತದಾಹುರ್ಯದನ್ಯಾ ಹೋತ್ರಾ ಸ್ತೋತ್ರವತ್ಯಶ್ಶಸ್ತ್ರವತ್ಯೋಽಥ ಕ್ವ ಸುಬ್ರಹ್ಮಣ್ಯಾಯೈ ಸ್ತೋತ್ರಂ ಕ್ವ ಶಸ್ತ್ರಮಿತಿ ।
ಸ ಬ್ರೂಯಾದೇತಸ್ಯಾಮೇವೈತತ್ಸರ್ವಂ ಯದೃಕ್ಸಾಮ ಯಜುಃ ।
ತೇನಾಸ್ಯ ಸುಬ್ರಹ್ಮಣ್ಯಾ ಸ್ತೋತ್ರವತೀ ಶಸ್ತ್ರವತೀ ಭವತೀತಿ ।
ತದಾಹುಃ ಕಿಮಿವ ಸ್ವಿತ್ಸುಬ್ರಹ್ಮಣ್ಯರ್ಗಿವ ಸ್ವೀ೩ತ್ಸಾಮೇವಾ೩ ಉತಾಹೋ ಯಜುರಿವಾ೩ ಇತಿ ।
ಸ ಬ್ರೂಯಾನ್ನೈವೈಷರ್ಙ್ನ ಯಜುರ್ನ ಸಾಮ ।
ಸರ್ವಮಿವೈವ ।
ಸರ್ವಮಿವ ಹ್ಯೇವ ಬ್ರಹ್ಮೇತಿ ।
ಅಥ ಯಾಂ ಕ್ರೀತೇ ರಾಜನಿ ಸುಬ್ರಹ್ಮಣ್ಯಾಮಾಹ್ವಯತಿ ಯಾಮೇತಾಂ ದಕ್ಷಿಣಾಸು ನೀಯಮಾನಾಸೂತ್ಕರೇ ತಿಷ್ಠನ್ಸುಬ್ರಹ್ಮಣ್ಯಾಮಾಹ್ವಯತಿ ಸೈವೇಯಮ್ ।
ಅಥೋ ಯತ್ಪ್ರಾಯಣಂ ತದುದಯನಮಸದಿತಿ ।
ಅಥೋ ಆಗತ ಏವೇನ್ದ್ರ ಸ್ತಂ ಮಾ ನಿರ್ವೋಚಾಮೇತಿ ।
ಏಷಾ ಹ ವೈ ಧೇನುಃ ಪಞ್ಚವತ್ಸಾ ಪಞ್ಚಪದಾ ।
ಯದ್ಧ ವಾ ಇದಮಾಹುಃ ಪಾಙ್ಕ್ತಾಃ ಪಶವ ಇತ್ಯೇತದ್ಧ ತತ್ ।
ತಾಂ ಹ ವಾ ಏಕೇ ಯಥಾದೇವತಮಾಹ್ವಯನ್ತಿ ।
ಸರ್ವಾಗ್ನೇಯೀಮಗ್ನಿಷ್ಟುತ ಷನ್ದ್ರೀ ಮಿನ್ದ್ರ ಸ್ತೋಮಸ್ಯ ವೈಶ್ವದೇವೀಂ ವೈಶ್ವದೇವಸ್ಯ ಅನಿರುಕ್ತಾಮನಿರುಕ್ತಸ್ಯ ।
ತದು ಹ ಶಶ್ವನ್ನ ತಥಾ ।
ನೋ ಹಿ ಬ್ರಹ್ಮಣೋ ವ್ಯಾಪಾದೋಽಸ್ತಿ ।
ಯಥಾನಿಪತಿತಮೇವಾಹ್ವಯೇದ್ಯಥಾನಿಪತಿತಮೇವಾಹ್ವಯೇತ್ ।
೮
ಏಕಾಹಾಃ

ಅಥೈಷ ಉಪಶದಃ ।
ಕಶ್ಯಪೋ ವಾ ಅಕಾಮಯತ ಉಪೋಪ ಮಾ ಪ್ರಜಾಃ ಪಶವಃ ಶೀಯೇರನ್ನುಪೋಪ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ತಮುಪೋಪ ಪ್ರಜಾಃ ಪಶವೋಽಶೀಯನ್ತ ಉಪೋಪ ಪ್ರಜಯಾ ಪಶುಭಿಃ ಪ್ರಾಜಾಯತ ।
ಉಪೋಪ ಹ ವಾ ಏನಂ ಪ್ರಜಾಃ ಪಶವಃ ಶೀಯನ್ತ ಉಪೋಪ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ತಸ್ಯ ತ್ರಿವೃದ್ಬಹಿಷ್ಪವಮಾನಂ ಭವತಿ ।
ನ್ಯೂನಂ ವೈ ತ್ರಿವೃತ್ ।
ನ್ಯೂನಂ ಪ್ರಜನನಮ್ ।
ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯೈಕೋತ್ತರಾ ಸ್ತೋಮಾ ಭವನ್ತಿ ।
ಅನನ್ತರ್ಹಿತಾತ್ಪ್ರಜನನಾತ್ಪ್ರಜಾಯಾ ಇತಿ ।
ಯದ್ವೇವೈಷೈಕೈಕಾ ಸ್ತೋತ್ರ್! ಯೋಪಶೀಯತೇ ತಸ್ಮಾದುಪಶದಃ ।
ತಸ್ಯೋಭಯೇ ಸ್ತೋಮಾ ಭವನ್ತ್ಯಯುಜಶ್ಚ ಯುಗ್ಮನ್ತಶ್ಚ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭಯೇ ಸ್ತೋಮಾಃ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭೇ ಬೃಹದ್ರ ಥನ್ತರೇ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ೮೧

ತಸ್ಯ ವಸಿಷ್ಠಸ್ಯ ಜನಿತ್ರೇ ಆದಿಷ್ಟಸಾಮನೀ ಪವಮಾನಯೋರ್ಭವತಃ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದ್ವಸಿಷ್ಠಸ್ಯ ಜನಿತ್ರೇ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ಸವಿಂಶಮಗ್ನಿಷ್ಟೋಮಸಾಮ ಭವತಿ ।
ಸಾ ವಿರಾಟ್ ।
ಅನ್ನಮ್ವಿರಾಟ್ ।
ವಿರಾಜ್ಯೇವ ತದನ್ನಾದ್ಯೇ ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ।
ತದಾಹುರಪ್ರಜನನೀ ಸ್ತೋಮೋ ವಿರಾಜಮಭಿ ಸಮ್ಪನ್ನೋ ನೈನೇನ ಯಜೇತೇತಿ ।
ತದು ವಾ ಆಹುಃ ಪ್ರಜನನ ಏವ ।
ಅನ್ನಂ ವೈ ವಿರಾಟ್ ।
ಅಶಿತಾದ್ವೈ ರೇತಸ್ಸಿಚ್ಯತೇ ।
ರೇತಸಃ ಪ್ರಜಾಃ ಪ್ರಜಾಯನ್ತೇ ।
ತಸ್ಮಾತ್ಪ್ರಜನನ ಏವೇತಿ ।
ಅಥೋ ಆಹುರಷ್ಟಾದಶಮೇವಾಚ್ಛಾವಾಕಸ್ಯ ಕೃತ್ವಾ ಸವಿಂಶಮಾರ್ಭವಮೇಕವಿಂಶಮಗ್ನಿಷ್ಟೋಮಸಾಮ ಕುರ್ಯಾದಿತಿ ।
ತದು ಪ್ರಜ್ಞಾತ ಏಕವಿಂಶೇ ಸ್ತೋಮೇಽನ್ತತ ಸ್ತೋತ್ರಾಣಾಂ ಪ್ರತಿತಿಷ್ಠತಿ ।
ಅಥೈಷ ಶದಃ ।
ಆದಿತ್ಯೋ ವಾ ಅಕಾಮಯತ ಅವಶಾತ್ಯೈವ ಸರ್ವಂ ಪಾಪ್ಮಾನಂ ಸ್ವರ್ಗಂ ಲೋಕಮಭ್ಯುತ್ಕ್ರಾಮೇಯಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸೋಽವಶಾತ್ಯೈವ ಸರ್ವಂ ಪಾಪ್ಮಾನಂ ಸ್ವರ್ಗಂ ಲೋಕಮಭ್ಯುದಕ್ರಾಮತ್ ।
ಸ ಏಷೋಽಪಹತಪಾಪ್ಮಾ ತಪತಿ ।
ಅವಶಾತ್ಯ ಹೈವ ಸರ್ವಂ ಪಾಪ್ಮಾನಂ ಸ್ವರ್ಗಂ ಲೋಕಮಭ್ಯುತ್ಕ್ರಾಮತಿ ಯ ಏವಂ ವೇದ ।
ಯದ್ವೇವೈಷೈಕೈಕಾ ಸ್ತೋತ್ರ್! ಯಾವಶೀಯತೇ ತಸ್ಮಾಚ್ಛದಃ ೮೨

ಅಥೈಷ ಪುನಸ್ತೋಮಃ ।
ಸ ಹಾಯಮೃಷಿರಾಗತ್ಯ ನ ಶಶಾಕೋತ್ಥಾತುಮಸುರಾಶನೇನ ।
ಗರೋ ಹೈನಮಾವಿವೇಶ ಯದ್ವಾ ಮಿತ್ರಾಯ ದುದ್ರೋ ಹ ಯದ್ವಾ ವಿದ್ವಿಷಾಣಾನಾಮಶನಮಾಶ ।
ಸ ಹೇನ್ದ್ರ ಮುವಾಚ ನ ವೈ ಶಕ್ನೋಮ್ಯುತ್ಥಾತುಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನೈನಮಯಾಜಯತ್ ।
ತಸ್ಯ ತ್ರಿವೃತ್ಪ್ರಾತಸ್ಸವನಂ ಭವತಿ ತ್ರಿವೃತ್ತೃತೀಯಸವನಮ್ ।
ನ್ಯೂನಂ ವೈ ತ್ರಿವೃನ್ನ್ಯೂನಾನ್ನಿಕ್ಷರತಿ ।
ತಮೇತಾಭ್ಯಾಂ ತ್ರಿವೃದ್ಭ್ಯಾಂ ಸವನಾಭ್ಯಾಂ ಯಥಾ ದೃತಿಮುಭಯತ ಆದೃತ್ಯ ನಿಕ್ಷಾಲಯೇದೇವಂ ಹೈವಾಸ್ಯ ಸರ್ವಂ ಪಾಪ್ಮಾನಂ ನಿಕ್ಷಾಲಯಾಂ ಚಕಾರ ।
ಇತಶ್ಚ ಹ ವೈ ಸ ತದೂರ್ಧ್ವಂ ಇತಶ್ಚಾವಾಞ್ಚಂ ಪಾಪ್ಮಾನಂ ಅಪಜಘ್ನೇ ।
ಇತಶ್ಚ ಹೈವೋರ್ಧ್ವಮಿತಶ್ಚಾವಾಞ್ಚಂ ಪಾಪ್ಮಾನಮಪಹತೇ ಯ ಏವಂ ವೇದ ।
ಸ ಇಹಾತಿಪ್ರರಿಕ್ತೋ ನ ಶಶಾಕೋತ್ಥಾತುಮ್ ।
ಸ ಹೇಕ್ಷಾಂ ಚಕ್ರೇ ಕಥಂ ನ್ವಹಮಿಮಂ ಪುನಸ್ಸಂಶ್ರೀಣೀಯಾಮಿತಿ ।
ತಮೇತೇನೈವ ಪುನರಯಾಜಯತ್ ।
ತೇನೈನಂ ಪುನಸ್ಸಮಶ್ರೀಣಾತ್ ।
ಸಾಸ್ಯ ಪುನಸ್ತೋಮತಾ ।
ತಸ್ಯ ದ್ವಾದಶಂ ಮಾಧ್ಯಂದಿನಂ ಸವನಂ ಭವತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರೇಣೈವಾಸ್ಯ ತದ್ರಿ ಕ್ತಮಾತ್ಮಾನಂ ಮಧ್ಯತಃ ಪುನಸ್ಸಮಶ್ರೀಣಾತ್ ।
ಸ ಯಥಾ ಜಾತ್ವಪ್ರತಿಜಗೃಹಿವಾನ್ಸ್ಯಾದೇವಮಾಸ ।
ಯಥಾ ದ್ವಿದತಃ ಕುಮಾರಸ್ಯ ಸಾತಂ ಸ್ಯಾದೇವಂ ಹೈವಾಸ್ಯ ಸಾತಮಾಸ ।
ಸ ಯೋ ಗರಗೀರ್ಮನ್ಯೇತಾಪ್ರತಿಗೃಹ್ಯಸ್ಯ ಪ್ರತಿಗೃಹ್ಯಾನಾಶ್ಯಾನ್ನಸ್ಯಾನ್ನಮಶಿತ್ವಾ ಸ ಏತನ ಯಜೇತ ।
ಏತಾಭ್ಯಾಮೇವ ತ್ರಿವೃದ್ಭ್ಯಾಂ ಸವನಾಭ್ಯಾಮಿತಶ್ಚೋರ್ಧ್ವಮಿತಶ್ಚಾವಾಞ್ಚಂ ವಿಷ್ವಞ್ಚಂ ಗರಂ ವ್ಯಸ್ಯತೇ ೮೩

ತಸ್ಯ ಬೃಹತ್ಪೃಷ್ಠಂ ಭವತಿ ।
ಇದಂ ವೈ ರಥನ್ತರಮದೋ ಬೃಹತ್ ।
ಆಸನ್ನಮಿವ ವಾ ಇದಂ ಪ್ರರಿಕ್ತಮಿವಾದಃ ಪ್ರರಿಕ್ತ್ಯಾ ಏವ ।
ತಸ್ಯ ಪ್ರ ಯೋ ರಿರಿಕ್ಷೇ ಓಜಸೇತ್ಯೇತಾಸು ಗಾರಂ ಬ್ರಹ್ಮಸಾಮ ಭವತಿ ಗರಸ್ಯೈವಾಪಹತ್ಯೈ ।
ತದು ವಾ ಆಹುರ್ಯಾ ಇದ್ವೈ ತಾಃ ಕಾಮದುಘಾ ಆಸನ್ನೇತೇನ ವಾವ ತಾ ಯಜ್ಞೇನ ಪರಿಗೃಹ್ಯಾಹರತಾಮಿತಿ ।
ತಸ್ಯ ತ್ರಿವೃತ್ಪ್ರಾತಸ್ಸವನಂ ಭವತಿ ತ್ರಿವೃತ್ತೃತೀಯಸವನಂ ದ್ವಾದಶಂ ಮಾಧ್ಯಂದಿನಂ ಸವನಮ್ ।
ದ್ವಾದಶಾಕ್ಷರಾ ವೈ ಜಗತೀ ।
ಪಶವೋ ಜಗತೀ ಪಶವಃ ಕಾಮದುಘಾಃ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮಣಾ ವೈ ಏನಾಸ್ತದುಭಯತಃ ಪರಿಗೃಹ್ಯಾಜಹ್ರತುಃ ।
ತಾಸಾಮೇಕಾ ಶ್ರವಣಾ ದುಹೇ ।
ತಾಂ ಭೂಮಾವುಪೋಪತುಃ ।
ತಾಮೇತಾಂ ವಕ್ರೇಣ ದಾರುಣಾನ್ವಿಚ್ಛನ್ತಿ ಲಾಙ್ಗಲೇನ ವಿಶ ಏಕಾ ತಾಂ ವಣಿಜ್ಯಯಾ ಬ್ರಹ್ಮೈಕಾ ತಾಂ ಬ್ರಹ್ಮಚರ್ಯೇಣ ಕ್ಷತ್ರಮೇಕಾ ತಾಂ ರಾಜಾನುಚರ್ಯೇಣ ।
ಅಥ ಯಾಸ್ತಿಸ್ರಃ ಪರಿಶಿಷ್ಟಾ ಆಸುಸ್ತಾನಿ ಹೈವೋಕ್ಥಾನಿ ಚಕ್ರತುಃ ।
ಸ ಏಷ ಉಕ್ಥ್ಯೋ ಯಜ್ಞಃ ।
ಶಶ್ವದ್ಧೈಷ ಏವ ಪ್ರಥಮ ಉಕ್ಥ್ಯಾನಾಮಥ ತತೋಽಗ್ನಿಷ್ಟೋಮಾ ಏವ ಪರಾಞ್ಚಃ ।
ಸ ಯಃ ಪಶುಕಾಮ ಸ್ಯಾತ್ಸ ಏತೇನ ಯಜೇತ ।
ತಸ್ಮಿನ್ನು ಹ ತರ್ಹ್ಯುಭೇ ಬೃಹದ್ರ ಥನ್ತರೇ ಕುರ್ಯುಃ ।
ದ್ವಯಾ ಉ ಹ ವೈ ಪಶವಃ ।
ರಾಥನ್ತರಾ ಅನ್ಯೇ ಬಾರ್ಹತಾ ಅನ್ಯೇ ।
ಯೇ ಹ ವಾ ಅನ್ಯತೋದನ್ತಾಃ ಪಶವಸ್ತೇ ರಾಥತರಾ ಯ ಉಭಯತೋದನ್ತಾಸ್ತೇ ಬಾರ್ಹತಾಃ ।
ಉಭಯೇಷಾಮೇವ ಪಶೂನಾಮವರುದ್ಧ್ಯೈ ।
ಸ ಉಕ್ಥ್ಯೋ ಭವತಿ ಪಶವೋ ವಾ ಉಕ್ಥಾನಿ ಪಶೂನಾಮೇವಾವರುದ್ಧ್ಯೈ ।
ತಸ್ಯೋದ್ವಂಶೀಯಮಚ್ಛಾವಾಕಸಾಮ ಭವತಿ ಸರ್ವಪೃಷ್ಠರೂಪಂ ಪೃಷ್ಠಾನಿ ವೈ ಪಶವೋಽಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ೮೪

ಅಥೈತೌ ವಿರಾಟ್ಸ್ವರಾಜೌ ।
ದೇವಾ ವಾ ಅಕಾಮಯನ್ತ ವಿರಾಜಮನ್ನಾದ್ಯಮವರುನ್ಧೀಮಹಿ ವಿರಾಜ್ಯನ್ನಾದ್ಯೇ ಪ್ರತಿತಿಷ್ಠೇಮೇತಿ ।
ತ ಏತಂ ವಿರಾಜಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತೇ ವಿರಾಜಮನ್ನಾದ್ಯಮವಾರುನ್ಧತ ವಿರಾಜ್ಯನ್ನಾದ್ಯೇ ಪ್ರತ್ಯತಿಷ್ಠನ್ ।
ವಿರಾಜಮೇವಾನ್ನಾದ್ಯಮವರುನ್ದ್ಧೇ ವಿರಾಜ್ಯನ್ನಾದ್ಯೇ ಪ್ರತಿತಿಷ್ಠತಿ ಯ ಏವಂ ವೇದ ।
ಸ ಹ ವೈ ವಿರಾಡ್ಯತ್ರಾನ್ಯಸ್ಯ ಲೋಕಂ ನಾಭಿಧ್ಯಾಯತಿ ।
ತಮೇವೈತೇನ ಜಯತಿ ।
ತಸ್ಯ ದಶ ತ್ರಿವೃನ್ತಿ ಸ್ತೋತ್ರಾಣಿ ಭವನ್ತಿ ತಾಸ್ತಿಸ್ರೋ ವಿರಾಜಃ ಪಞ್ಚದಶೇ ದ್ವೇ ।
ಸೋ ವಿರಾಟ್ ।
ತಾಶ್ಚತಸ್ರೋ ವಿರಾಜಸ್ಸಂಪದ್ಯನ್ತೇ ।
ಅನ್ನಂ ವಿರಾಟ್ ।
ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ಇಯಂ ವೈ ರಥನ್ತರಮ್ ।
ಇಯಮು ವೈ ವಿರಾಟ್ ।
ಯ ಉ ವಾ ಅಸ್ಯೈ ಭೂಯಿಷ್ಠಂ ಪರಿಗೃಹ್ಣಾತಿ ಸ ವಿರಾಜತಿ ।
ಅನ್ನಂ ವಿರಾಟ್ ।
ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ತಸ್ಯೇನ್ದುಸ್ಸಮುದ್ರ ಮುರ್ವಿಯಾ ವಿಭಾತೀತ್ಯೇತದಾದಿಷ್ಟಸಾಮ ಮಾಧ್ಯಂದಿನೇ ಪವಮಾನೇ ಭವತಿ ಪೃಥಿವ್ಯೈ ಸಾಮ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೮೫

ತ ಉ ವಾ ಅಕಾಮಯನ್ತ ವಿರಾಜಮನ್ನಾದ್ಯಮವರುಧ್ಯ ಸ್ವರಾಜ್ಯಂ ಲೋಕಂ ಗಚ್ಛೇಮೇತಿ ।
ತ ಏತಂ ಸ್ವರಾಜಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತೇ ವಿರಾಜಮನ್ನಾದ್ಯಮವರುಧ್ಯ ಸ್ವರಾಜ್ಯಂ ಲೋಕಮಗಚ್ಛನ್ ।
ವಿರಾಜಮೇವಾನ್ನಾದ್ಯಮವರುಧ್ಯ ಸ್ವಾರಾಜ್ಯಂ ಲೋಕಂ ಗಚ್ಛತಿ ಯ ಏವಂ ವೇದ ।
ಸ ಹ ವೈ ಸ್ವರಾಡ್ಯತ್ರಾನ್ಯಸ್ಯ ಲೋಕಂ ನಾಭಿಧ್ಯಾಯತಿ ।
ತಮೇವೈತೇನ ಜಯತಿ ।
ತಸ್ಯ ದಶ ತ್ರಿವೃನ್ತಿ ಸ್ತೋತ್ರಾಣಿ ಭವನ್ತಿ ।
ತಾಸ್ತಿಸ್ರೋ ವಿರಾಜಃ ।
ಪಞ್ಚದಶಂ ಚ ಸಪ್ತದಶಂ ಚ ದ್ವೇ ।
ಸೋಽನುಷ್ಟುಪ್ ।
ಏಷೋ ಹ ವೈ ಛನ್ದಸಾಂ ಸ್ವಾರಾಜ್ಯಂ ಲೋಕಮಾನಶೇ ಯದನುಷ್ಟುಪ್ ।
ಪ್ರಜಾಪತಿರ್ವಾ ಅನುಷ್ಟುಪ್ ।
ಪ್ರಜಾಪತಿರ್ವೈ ಸ್ವಾರಾಜ್ಯಮ್ ।
ಅನ್ನಮು ವೈ ವಿರಾಟ್ ।
ವಿರಾಜ್ಯೇವ ತದನ್ನಾದ್ಯೇ ಪ್ರತಿಷ್ಠಾಯ ಸ್ವಾರಾಜ್ಯಂ ಲೋಕಮಗಚ್ಛನ್ ।
ವಿರಾಜ್ಯೇವ ತದನ್ನಾದ್ಯೇ ಪ್ರತಿಷ್ಠಾಯ ಸ್ವಾರಾಜ್ಯಂ ಲೋಕಂ ಗಚ್ಛತಿ ಯ ಏವಂ ವೇದ ।
ತಸ್ಯ ಬೃಹತ್ಪೃಷ್ಠಂ ಭವತಿ ।
ಅದೋ ವೈ ಬೃಹತ್ ।
ಅದೋ ವೈ ಸ್ವಾರಾಜ್ಯಮ್ ।
ಅಮುಮೇವೈತೇನ ಸ್ವಾರಾಜ್ಯಂ ಲೋಕಮಗಚ್ಛನ್ ।
ಅಮುಮೇವೈತೇನ ಸ್ವಾರಾಜ್ಯಂ ಲೋಕಂ ಗಚ್ಛತಿ ಯ ಏವಂ ವೇದ ।
ತಸ್ಯೇನ್ದುಸ್ಸಮುದ್ರ ಮುರ್ವಿಯಾ ವಿಭಾತೀತ್ಯೇತದಾದಿಷ್ಟಸಾಮಾರ್ಭವೇ ಪವಮಾನೇ ನ ಭವತೀತಿ ದಿವಸ್ಸಾಮೈಕಾರವದ್ಭವತಿ ।
ಅರ್ವಾಙಿವ ಹ್ಯಸೌ ಲೋಕಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ।
ಅಥೋ ಯದೇಕಾರವದ್ಭವತಿ ಸ್ವರ್ಗಾಲ್ಲೋಕಾನ್ನೇತ್ಪರಾಞ್ಚೋಽತಿಪದ್ಯಾಮಹಾ ಇತಿ ೮೬

ಅಥೈಷ ಋಷಭಃ ।
ಇನ್ದ್ರೋ ವಾ ಅಕಾಮಯತ ಋಷಭಸ್ಸರ್ವಾಸಾಂ ಪ್ರಜಾನಾಂ ಸ್ಯಾಮೃಷಭತಾಂ ಗಚ್ಛೇಯಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಋಷಭಸ್ಸರ್ವಾಸಾಂ ಪ್ರಜಾನಾಮಭವದೃಷಭತಾಮಗಚ್ಛತ್ ।
ಋಷಭ ಏವ ಸ್ವಾನಾಂ ಪ್ರಜಾನಾಂ ಭವತ್ಯೃಷಭತಾಂ ಗಚ್ಛತಿ ಯ ಏವಂ ವೇದ ।
ತಚ್ಛ್ರೀರ್ವಾ ಋಷಭಃ ।
ಶ್ರಿಯಂ ವೈ ಸ ತದಗಚ್ಛತ್ ।
ಋಷಭೋ ವೈ ರಾಜಾ ಮನುಷ್ಯಾಣಾಮ್ ।
ಋಷಭ ಋಷಭಃ ಪಶೂನಾಮ್ ।
ಋಷಭೋಽಶ್ವವೃಷೋ ವಳವಾನಾಮ್ ।
ಋಷಭೋ ಬಸ್ತೋಽಜಾನಾಮ್ ।
ಋಷಭೋ ವೃಷ್ಣಿರವೀನಾಮ್ ।
ಋಷಭಃ ಕೃಷ್ಣ ಏಣೀನಾಮ್ ।
ಋಷಭ ಋಷ್ಯೋ ರೋಹಿತಾಮ್ ।
ಏತೇ ಹ ವಾ ಆಸಾಣ್ಶ್ರಿಯಃ ।
ಶ್ರಿಯಂ ಹ ಗಚ್ಛತಿ ಯ ಏವಂ ವೇದ ।
ಸ ಪಞ್ಚದಶೋ ಭವತಿ ।
ವಜ್ರೋ ವೈ ಪಞ್ಚದಶಃ ।
ವಜ್ರ ಇನ್ದ್ರ ಃ! ।
ಷನ್ದ್ರ ಏಷ ಯಜ್ಞಸ್ತತ್ತತ್ಸಲಕ್ಷ್ಮ ಕ್ರಿಯತೇ ।
ತಸ್ಯೈಕವಿಂಶೋ ಮಾಧ್ಯಂದಿನೋ ಭವತಿ ।
ಸಾ ಹಾಸ್ಯ ಕಕುಪ್ ।
ಯ ಉ ಹ ವಾ ಏಷಾಂ ಲೋಕಾನಾಂ ಶ್ರೇಷ್ಠಾಸ್ತೇ ಕಕುಭಃ ।
ಅಗ್ನಿರ್ವಾ ಅಸ್ಯ ಲೋಕಸ್ಯ ಕಕುಬ್ವಾಯುರನ್ತರಿಕ್ಷಸ್ಯ ಆದಿತ್ಯೋ ದಿವಃ ।
ಕಕುಭಾಮೇಕೋ ಭವತಿ ಯ ಏವಂ ವೇದ ।
ತಸ್ಯ ಬೃಹತ್ಪೃಷ್ಠಂ ಭವತಿ ।
ಇನ್ದ್ರೋ ವೈ ಬೃಹತ್ ।
ಶ್ರೀಃ ಪೃಷ್ಠಾನಿ ।
ಇನ್ದ್ರ ಮೇವ ತಚ್ಛ್ರಿಯಾ ಸಮರ್ಧಯನ್ತಿ ।
ತಸ್ಯ ಋಷಭಃ ಪಾವಮಾನ ಋಷಭೋ ವೈದನ್ವತ ಇತ್ಯೇತೇ ಆದಿಷ್ಟಸಾಮನೀ ಪವಮಾನಯೋರ್ಭವತಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೮೭

ಅಥೈಷ ವ್ಯೋಮಾ ।
ದೇವಾ ವಾ ಅಕಾಮಯನ್ತ ವ್ಯೋಮ ಸ್ಯಾಮ ವ್ಯೋಮಾನಂ ಲೋಕಂ ಗಚ್ಛೇಮೇತಿ ।
ತ ಏತಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತೇ ವ್ಯೋಮಾಸನ್ವ್ಯೋಮಾನಂ ಲೋಕಮಗಚ್ಛನ್ ।
ವ್ಯೋಮಾ ಹೈವ ಭವತಿ ವ್ಯೋಮಾನಂ ಲೋಕಂ ಗಚ್ಛತಿ ಯ ಏವಂ ವೇದ ।
ಸ ಹ ವೈ ವ್ಯೋಮಾ ಯತ್ರಾನ್ಯಸ್ಯ ಲೋಕಂ ನಾಭಿಧ್ಯಾಯತಿ ।
ತಮೇವೈತೇನ ಜಯತಿ ।
ಸಪ್ತದಶೋ ಭವತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿರ್ವೈ ವ್ಯೋಮಾ ।
ವ್ಯೋಮ್ನಾ ವ್ಯೋಮಾನೋಽಸಾಮ ವ್ಯೋಮ್ನಾ ವ್ಯೋಮಾನಂ ಲೋಕಂ ಗಚ್ಛಾಮೇತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ನ ಹ ವಾ ಏತಯೋರನ್ಯತರದ್ವ್ಯೋಮ ।
ಉಭೇ ಹ ವಾ ಏತೇ ವ್ಯೋಮ ।
ವ್ಯೋಮ್ನಾ ವ್ಯೋಮಾನೋಽಸಾಮ ವ್ಯೋಮ್ನಾ ವ್ಯೋಮಾನಂ ಲೋಕಂ ಗಚ್ಛಾಮೇತಿ ।
ತಸ್ಯೈಕವಿಂಶ ಆರ್ಭವಃ ಪವಮಾನೋ ಭವತ್ಯಗ್ನಿಷ್ಟೋಮಸಾಮ ವಾ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏಷ ಉ ಹ ವೈ ವ್ಯೋಮಾ ಯೇಽರ್ವಾಞ್ಚಃ ಪ್ರಜಾಪತೇರ್ದೇವಾಸ್ತೇಷಾಂ ।
ವ್ಯೋಮ್ನಾ ವ್ಯೋಮಾನೋಽಸಾಮ ವ್ಯೋಮ್ನಾ ವ್ಯೋಮಾನಂ ಲೋಕಂ ಗಚ್ಛಾಮೇತಿ ।
ತಸ್ಯಾರ್ಕೋ ದೇವಾನಾಂ ಪರಮೇ ವ್ಯೋಮನರ್ಕಸ್ಯ ದೇವಾಃ ಪರಮೇ ವಿಯೋಮನ್ನಿತ್ಯೇತೇ ಆದಿಷ್ಟಸಾಮನೀ ಪವಮಾನಯೋರ್ಭವತಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೮೮

ಅಥೈತಾವುದ್ಭಿದ್ವಲಭಿದೌ ।
ಪ್ರಜನನ್ಕಾಮೋ ಹೈತಾಭ್ಯಾಂ ಯಜೇತ ।
ತ್ರಿವೃತ್ಪಞ್ಚದಶೌ ಸ್ತೋಮೌ ಭವತಸ್ಸಪ್ತಿಸಪ್ತದಶಾಃ ।
ಊನಾತಿರಿಕ್ತೌ ಮಿಥುನೌ ಪ್ರಜನನೀ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಮಾದುಭಾಭ್ಯಾಂ ಪ್ರಜನನಕಾಮೋ ಯಜೇತ ।
ಅಥೋ ಆಹುರ್ಬ್ರಹ್ಮವರ್ಚಸಕಾಮ ಏವಾಭ್ಯಾಂ ಯಜೇತೇತಿ ।
ಷಡ್ವಾ ಏತಯೋರನ್ಯತರೋ ಗಾಯತ್ರೀರಭಿಸಂಪದ್ಯತೇ ಷಡನ್ಯತರಃ ।
ಬ್ರಹ್ಮ ವೈ ಗಾಯತ್ರೀ ।
ಗಾಯತ್ರೀಮೇತೌ ಯಜ್ಞಾವಭಿಸಂಪನ್ನೌ ।
ತಸ್ಮಾದುಭಾಭ್ಯಾಂ ಬ್ರಹ್ಮವರ್ಚಸಕಾಮೋ ಯಜೇತ ।
ಅಥೋ ಆಹುರಾಯುಷ್ಕಾಮ ಏವಾಭ್ಯಾಂ ಯಜೇತೇತಿ ।
ಪ್ರಾಣೋ ವೈ ಗಾಯತ್ರೀ ।
ಗಾಯತ್ರೀಮೇತೌ ಯಜ್ಞಾವಭಿಸಂಪನ್ನೌ ।
ತಸ್ಮಾದುಭಾಭ್ಯಾಮಾಯುಷ್ಕಾಮೋ ಯಜೇತ ।
ಅಥೋ ಆಹುಸ್ತೇಜಸ್ಕಾಮ ಏವಾಭ್ಯಾಂ ಯಜೇತೇತಿ ।
ತೇಜೋ ವೈ ಗಾಯತ್ರೀ ।
ಗಾಯತ್ರೀಮೇವ ತೌ ಯಜ್ಞಾವಭಿಸಂಪನ್ನೌ ।
ತಸ್ಮಾದುಭಾಭ್ಯಾಂ ತೇಜಸ್ಕಾಮೋ ಯಜೇತ ।
ಅಥೋ ಆಹು ಸ್ವರ್ಗಕಾಮ ಏವಾಭ್ಯಾಂ ಯಜೇತೇತಿ ।
ಯಾ ವೈ ಷಡ್ಗಾಯತ್ರ್! ಯಶ್ಚತಸ್ರಸ್ತಾ ಬೃಹತ್ಯಃ ।
ಬೃಹತೀ ವೈ ಸ್ವರ್ಗಂ ಲೋಕಮಾನಶೇ ।
ತಸ್ಮಾದುಭಾಭ್ಯಾಂ ಸ್ವರ್ಗಕಾಮೋ ಯಜೇತ ।
ಅಥೋ ಆಹುಃ ಪಶುಕಾಮ ಏವಾಭ್ಯಾಂ ಯಜೇತೇತಿ ।
ಯಾ ವೈ ಷಡ್ಗಾಯತ್ರ್! ಯಸ್ತಿಸ್ರಸ್ತಾ ಜಗತ್ಯಃ ।
ಪಶವೋ ಜಗತೀ ।
ತಸ್ಮಾದುಭಾಭ್ಯಾಂ ಪಶುಕಾಮೋ ಯಜೇತ ೮೯

ತೇ ದೇವಾ ಏತಾವುದ್ಭಿದ್ವಲಭಿದಾವಪಶ್ಯನ್ ।
ತಾಭ್ಯಾಂ ಏನಾ ಅಭಿಪ್ರಾ ಧಾವಯನ್ ।
ತೇ ವಲಭಿದೈವ ವಲಮಭಿನ್ದನ್ ।
ಉದ್ಭಿದಾ ಗಾ ಉದಸೃಜನ್ತ ।
ಸ ವಾ ಏಷ ತ್ರಿವೃತ್ಪಞ್ಚದಶೋ ವಲಭಿದ್ಭವತಿ ರಥನ್ತರ್ಸಾಮೋತ್ಸೇಧಬ್ರಹ್ಮಸಾಮಾ ।
ಅಥೈಷ ಉದ್ಭಿತ್ಸಪ್ತಿಸಪ್ತದಶೋ ಭವತಿ ಬೃಹತ್ಸಾಮಾ ನಿಷೇಧಬ್ರಹ್ಮಸಾಮಾ ।
ತದ್ಯಥಾ ಹ ವೈ ಮಯೂಖೋ ವಾ ತೀಕ್ಷ್ಣಶ್ಶಙ್ಕುರ್ವೈವಮೇಷ ಯತ್ತ್ರಿವೃತ್ಸ್ತೋಮಃ ।
ತದ್ಯಥಾ ಮಯೂಖೇನ ವಾ ತೀಕ್ಷ್ಣೇನಾಭಿನಿಧಾಯ ಶಙ್ಕುನಾ ವಾ ಕೂಟೇನಾಭಿಹನ್ಯಾದೇವಮೇವೈತೇನ ತ್ರಿವೃತಾ ಸ್ತೋಮೇನ ವಲಮಭಿನಿಧಾಯ ಪಞ್ಚದಶೇನ ವಜ್ರೇಣ ವ್ಯಾಸುಃ ।
ಅಥೋ ಆಹುರಗ್ನಿರೇವೈಷ ಯತ್ತ್ರಿವೃತ್ಸ್ತೋಮಃ ।
ವಜ್ರ ಏಷ ಯತ್ಪಞ್ಚದಶಃ ।
ತದ್ಯಥಾಗ್ನಿನಾಶ್ಮಾನಮಭ್ಯೋಷ್ಯ ತಂ ಕೂಟೇನ ಭಿನ್ದ್ಯಾದೇವಮೇವೈತೇನ ತ್ರಿವೃತಾಗ್ನಿನಾ ಸ್ತೋಮೇನ ವಲಮಭ್ಯೋಷ್ಯ ಪಞ್ಚದಶೇನ ವಜ್ರೇಣ ವ್ಯಾಸುರಿತಿ ।
ತಾ ಹಾನ್ತರ ಏವ ತಸ್ಥುರಯನಮವಿನ್ದಮಾನಾಃ ।
ತಾ ಹೋತ್ಸೇಧೇನೈವೋತ್ಸಿಷಿಧುಃ ।
ಅಥೈಷ ಉದ್ಭಿತ್ಸಪ್ತಿಸಪ್ತದಶೋ ಭವತಿ ।
ತತೋ ಯಾಃ ಸಪ್ತ ತ ಏವ ಸಪ್ತತಯಾಃ ಪಶವೋಽಥ ಯಾಸ್ಸಪ್ತದಶ ಸ ಏವ ಸಪ್ತದಶಃ ಪ್ರಜಾಪತಿಃ ।
ತಾಃ ಪಿತರಮೇವ ಪ್ರಜಾಪತಿಂ ಪಶ್ಯನ್ತೀಃ ಪ್ರತಿಮೋದಮಾನಾ ಉದೇಯುಃ ।
ತಾ ಹೋದೇತ್ಯ ಮಹದೇವಾಭಿ ವಿಸಸೃಜಿರೇ ।
ತಾಸಾಂ ಹ ದೇವಾಃ ಪರಾವಾಪಾದ್ಬಿಭಯಾಂ ಚಕ್ರುಃ ।
ತಾ ಹೋತ್ಸೇಧೇನೈವೋತ್ಸಿಧ್ಯ ನಿಷೇಧೇನ ನಿಷಿಧ್ಯಾತ್ಮನ್ದಧಿರೇ ।
ಸ ಯಃ ಪಶುಕಾಮ ಸ್ಯಾತ್ಸ ಏತಾಭ್ಯಾಂ ಯಜೇತ ।
ವಲಭಿದೈವ ವಲಂ ಭಿನತ್ತ್ಯುದ್ಭಿದಾ ಗಾ ಉತ್ಸೃಜತೇ ।
ಉತ್ಸೇಧೇನೈವೈನಾ ಉತ್ಸಿಧ್ಯ ನಿಷೇಧೇನ ನಿಷಿಧ್ಯಾತ್ಮನ್ಧತ್ತೇ ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ೯೦

ಅಥೈತೌ ಸತ್ರಾಜಿತ್ಪೃತನಾಜಿತೌ ।
ದೇವಾಸುರಾ ವೈ ಸಂವತ್ಸರೇ ಪ್ರಜಾಪತಾವಸ್ಪರ್ಧನ್ತೈಷು ಚ ಲೋಕೇಷು ।
ತೇ ದೇವಾ ಅಕಾಮಯನ್ತ ಜಯೇಮ ಪೃತನಾಮಿತಿ ।
ತ ಏತಂ ಪೃತನಾಜಿತಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತೇ ತಾಂ ಪೃತನಾಮಜಯನ್ ।
ಯತ್ಪೃತನಾಮಜಯಂಸ್ತತ್ಪೃತನಾಜಿತಃ ಪೃತನಾಜಿತ್ತ್ವಮ್ ।
ಜಯತಿ ಪೃತನಾಂ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಸ ಚತುರ್ವಿಂಶೋ ಭವತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಾದೇವೈನಾಂಸ್ತದಜಯನ್ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ಇದಂ ವೈ ರಥನ್ತರಮ್ ।
ಅಸ್ಮಾದೇವೈನಾಂಸ್ತಲ್ಲೋಕಾದಜಯನ್ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಮಾಸಶ ಏವೈನಾಂಸ್ತತ್ಸಂವತ್ಸರಾದಜಯನ್ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಅರ್ಧಮಾಸಶ ಏವೈನಾಂಸ್ತತ್ಸಂವತ್ಸರಾದಜಯನ್ ೯೧

ತೇ ಜಿತಾಃ ಪಞ್ಚವಿಂಶಮೇವ ಪಿತರಂ ಪ್ರಜಾಪತಿಂ ಪ್ರಾಪದ್ಯನ್ತಾಮುಂ ಚ ಲೋಕಮ್ ।
ತಾನಕಾಮಯನ್ತಾತ ಏನಾನ್ಸತ್ರಾ ಜಯೇಮೇತಿ ।
ತ ಏತಂ ಸತ್ರಾಜಿತಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೇನಾನ್ಸತ್ರಾಜಯನ್ ।
ಯತ್ಸತ್ರಾಜಯಂಸ್ತತ್ಸತ್ರಾಜಿತಸ್ಸತ್ರಾಜಿತ್ತ್ವಮ್ ।
ಸತ್ರಾ ದ್ವಿಷನ್ತಂ ಭ್ರಾತೃವ್ಯಂ ಜಯತಿ ಯ ಏವಂ ವೇದ ।
ಸ ಪಞ್ಚವಿಂಶೋ ಭವತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಪ್ರಜಾಪತಿಃ ಪಞ್ಚವಿಂಶಃ ।
ಸಂವತ್ಸರಾದೇವೈನಾಂಸ್ತತ್ಪ್ರಜಾಪತೇರಜಯನ್ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಮಾಸಶ ಏವೈನಾಂಸ್ತತ್ಸಂವತ್ಸರಾದಜಯನ್ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಅಭಿಪೂರ್ವಮೇವೈನಾಂಸ್ತದರ್ಧಮಾಸಶಸ್ಸಂವತ್ಸರಾದಜಯನ್ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೯೨

ಅಥೋ ಆಹುಃ ಪ್ರಜಾಕಾಮ ಏವ ಪ್ರಜಾಪತಿರೇತಂ ಪೃತನಾಜಿತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತೇತಿ ।
ತಸ್ಯ ದ್ವೇ ಅಷ್ಟಾಶೀತಿಶತೇ ಸ್ತೋತ್ರಿಯಾ ಭವನ್ತಿ ।
ತನ್ನ್ಯೂನಮ್ ।
ನ್ಯೂನಾತ್ಪ್ರಜನನಮ್ ।
ದ್ವೇ ಹಿ ತೇ ಸ್ತ್ರಿಯಾ ಊನೇ ಯತಃ ಸಾ ಪ್ರಜಾಯತೇ ।
ತತ್ತತ್ಪ್ರಜನನಂ ಕ್ರಿಯತೇ ।
ಸ ಚತುರ್ವಿಂಶೋ ಭವತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಂ ಕ್ರಿಯತೇ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಮ್ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಮ್ ।
ತತ್ತದಭಿಪೂರ್ವಂ ಪ್ರಜನನಂ ಕ್ರಿಯತೇ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ತಾಃ ಪ್ರಜನ್ಯಾಕಾಮಯತಾನ್ನವತೀರ್ಮ ಇಮಾಃ ಪ್ರಜಾ ಸ್ಯುರಿತಿ ।
ಸ ಏತಂ ಸತ್ರಾಜಿತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಸ ಪಞ್ಚವಿಂಶೋ ಭವತಿ ।
ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರಃ ।
ಅನ್ನಾದ್ಯಂ ಪಞ್ಚವಿಂಶೀ ।
ಅನ್ನಾದ್ಯಮೇವಾಭ್ಯಸ್ತತ್ಪಞ್ಚವಿಂಶ್ಯಾ ಪ್ರಾಯಚ್ಛತ್ ।
ತಸ್ಯ ತ್ರೀಣಿ ಶತಾನಿ ಸ್ತೋತ್ರ್! ಯಾ ಭವನ್ತಿ ।
ಸಾ ವಿರಾಟ್ ।
ಅನ್ನಂ ವಿರಾಡೇತದೇವಾಭ್ಯಸ್ತದನ್ನಾದ್ಯಂ ಪ್ರಾಯಚ್ಛತ್ ।
ತಾ ಅಸ್ಯಾನ್ನವತೀಃ ಪ್ರಜಾ ಅಭವನ್ ।
ಸ ಯಃ ಕಾಮಯೇತ ಬಹುಭಿಃ ಪ್ರಜಯಾ ಪಶುಭಿಃ ಪ್ರಜಾಯೇಯಾನ್ನಾವತೀರ್ಮ ಇಮಾಃ ಪ್ರಜಾ ಸ್ಯುರಿತಿ ಸ ಏತಾಭ್ಯಾಂ ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇಽನ್ನವತೀರಸ್ಯ ಪ್ರಜಾ ಭವನ್ತಿ ೯೩

ಅಥೈಷ ವಿರಾಟ್ಸ್ವರಾಜೌ ।
ಭ್ರಾತರಾವೇತೇನ ಯಜ್ಞೇನ ಯಜೇಯಾತಾಮ್ ।
ಯೌ ಕಾಮಯೇಯಾತಾಂ ರಾಜ್ಯಂ ನಾವನ್ಯತರೋ ಗಚ್ಛೇತ್ಸ್ವಾರಾಜ್ಯಮನ್ಯತರ ಇತಿ ಸ ವಾ ಏಷ ವಿರಾಜಂ ಚಾನುಷ್ಟುಭಂ ಚಾಭಿಸಂಪದ್ಯತೇ ।
ಏತದ್ಧ ವೈ ರಾಜ್ಯಂ ಯದ್ವಿರಾಟ್ ।
ಅಥೈತತ್ಸ್ವಾರಾಜ್ಯಂ ಯದನುಷ್ಟುಪ್ ।
ವಿರಾಜೈವ ಕನೀಯಾನ್ರಾಜ್ಯಂ ಗಚ್ಛತಿ ಅನುಷ್ಟುಭಾ ಜ್ಯಾಯಾನ್ಸ್ವಾರಾಜ್ಯಂ ಲೋಕಮ್ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತದ್ಧ ವೈ ರಾಜ್ಯಂ ಯದ್ರ ಥನ್ತರಮ್ ।
ಅಥೈತತ್ಸ್ವಾರಾಜ್ಯಂ ಯದ್ಬೃಹತ್ ।
ರಥನ್ತರೇಣೈವ ಕನೀಯಾನ್ರಾಜ್ಯಂ ಗಚ್ಛತಿ ।
ಬೃಹತಾ ಜ್ಯಾಯಾನ್ಸ್ವರಾಜ್ಯಂ ಲೋಕಮ್ ।
ತಸ್ಯ ತ್ರೀಣಿ ತ್ರಿವೃನ್ತಿ ಸ್ತೋತ್ರಾಣಿ ಭವನ್ತಿ ತ್ರೀಣಿ ಪಞ್ಚದಶಾನಿ ತ್ರೀಣಿ ಸಪ್ತದಶಾನಿ ತ್ರೀಣ್ಯೇಕವಿಂಶಾನಿ ।
ತ್ರಿವೃದ್ಭಿರೇವ ಕನೀಯಾನ್ರಾಜ್ಯಂ ಗಚ್ಛತಿ ಪಞ್ಚದಶೈರ್ಜ್ಯಾಯಾನ್ಸ್ವಾರಾಜ್ಯಂ ಲೋಕಮ್ ।
ಸಪ್ತದಶೈರೇವ ಕನೀಯಾನ್ರಾಜ್ಯಂ ಗಚ್ಛತ್ಯೇಕವಿಂಶೈರ್ಜ್ಯಾಯಾನ್ಸ್ವಾರಾಜ್ಯಂ ಲೋಕಮ್ ೯೪

ತದಾಹುರ್ಭೂತಸ್ಯೈವೈಷ ಯಜ್ಞೋ ನ ಬುಭೂಷತೋಽಪ್ರಜನನೀ ಸ್ತೋಮೋ ವಿರಾಜಂ ಚಾನುಷ್ಟುಭಂ ಚಾಭಿಸಂಪದ್ಯತೇ ।
ಸಂಪನ್ನಮಿವ ವಾ ಏತಚ್ಛನ್ದಃ ಪೂರ್ಣಮಿವ ಪ್ರಜನನಂ ಯದ್ವಿರಾಟ್ ।
ಅನ್ತ ಉ ವಾ ಏಷ ಛನ್ದಸಾಂ ಯದನುಷ್ಟುಬಿತಿ ।
ತದು ವಾ ಆಹುರುಭಯೋರೇವೈಷ ಯಜ್ಞೋ ಭೂತಸ್ಯ ಚ ಬುಭೂಷತಶ್ಚೇತಿ ।
ತಸ್ಯೈತೇ ತ್ರಿವೃತ್ಪಞ್ಚದಶಾ ಸ್ತೋಮಾ ಭವನ್ತಿ ಸಪ್ತದಶೈಕವಿಂಶಾ ಊನಾತಿರಿಕ್ತಾ ಮಿಥುನಾಃ ಪ್ರಜನಯಃ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತ್ರಿವೃಚ್ಚ ಪಞ್ಚದಶಶ್ಚ ತನ್ಮಿಥುನಂ ಪ್ರಜನನಮ್ ।
ಸಪ್ತದಶಶ್ಚೈಕವಿಂಶಶ್ಚ ತನ್ಮಿಥುನಂ ಪ್ರಜನನಮ್ ।
ತದ್ಯನ್ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ಅಥೋ ಯದುಭೇ ಬೃಹದ್ರ ಥನ್ತರೇ ಸಾಮನೀ ಭವತ ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭೇ ಬೃಹದ್ರ ಥನ್ತರೇ ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ಅನೇನ ಹತ್ವಾಪ ಪ್ರಜನನತಮೋ ಯದ್ವಿರಾಜಮಭಿಸಂಪದ್ಯತೇ ।
ಅನ್ನಂ ವೈ ವಿರಾಟ್ ।
ಅಶಿತಾದ್ವೈ ರೇತಸ್ಸಿಚ್ಯತೇ ।
ರೇತಸಃ ಪ್ರಜಾಃ ಪ್ರಜಾಯನ್ತೇ ।
ಅಥೋ ಯದನುಷ್ಟುಭಮಭಿಸಂಪದ್ಯತ ಆನುಷ್ಟುಭೋ ವೈ ಪ್ರಜಾಪತಿಃ ಪ್ರಜಾಪತಿಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ೯೫

ತಸ್ಯ ಯುವಂ ಹಿ ಸ್ಥ ಸ್ವಃಪತೀ ಇತ್ಯೇಷೋ ಪ್ರತಿಪತ್ಕಾರ್ಯಾ ।
ಏಷಾ ವೈ ದ್ವಯೋಸ್ಸಂಯಜಮಾನಯೋಃ ಪ್ರತಿಪತ್ ।
ತದು ವಾ ಆಹುಃ ಪವಸ್ವ ವಾಚೋ ಅಗ್ರಿಯ ಉಪಾಸ್ಮೈ ಗಾಯತಾ ನರ ಇತ್ಯೇತೇ ಏವ ಪ್ರತಿಪದೌ ಕಾರ್ಯೇ ।
ಏತೇ ವಾವ ದ್ವಯೋಃ ಸಂಯಜಮಾನಯೋಃ ಪ್ರತಿಪದೌ ।
ಅಥೋ ಉಭೇ ಹ್ಯತ್ರ ಸಾಮನೀ ಕ್ರಿಯೇತೇ ।
ತಸ್ಮಾದೇತೇ ಏವ ಪ್ರತಿಪದೌ ಕಾರ್ಯೇ ಇತಿ ।
ತಸ್ಮಿನ್ನೇತಾನಿ ಸಾಮಾನ್ಯವಕಲ್ಪಯನ್ತಿ ಗೌಷೂಕ್ತಾಶ್ವಸೂಕ್ತೇ ಹಾವಿಷ್ಮತ-ಹಾವಿಷ್ಕೃತೇ ।
ಯೇ ದ್ವೇ ದ್ವೇ ಸಾಮನೀ ಯಾನಿ ದ್ವಯೋಸ್ಸಂಯಜಮಾನಯೋಸ್ಸಾಮಾನಿ ತಾನಿ ।
ತಸ್ಯ ವಿರಾಟ್ಸ್ವರಾಜಮಾರ್ಭವಸ್ಯ ಪವಮಾನಸ್ಯಾನುಷ್ಟುಭಿ ಕುರ್ವನ್ತಿ ।
ವಿರಾಟ್ಸ್ವರಾಜೋ ಹ್ಯೇಷ ಯಜ್ಞಃ ।
ಸ್ತೋಮಮೇವ ಸಮರ್ಧಯನ್ತಿ ೯೬

ಅಥೈಷ ಜ್ಯೇಷ್ಠಯಜ್ಞಃ ।
ಯೋ ಜ್ಯೈಷ್ಠ್ಯಕಾಮ ಸ್ಯಾತ್ಸ ಏತೇನ ಯಜೇತ ।
ಸ ವಾ ಏಷೋಽಷ್ಟಾವೇಕವಿಂಶಾನಭಿಸಂಪದ್ಯತೇ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏಷ ಉ ಹ ವಾ ಅಗ್ರಂ ಜ್ಯೈಷ್ಠ್ಯಮ್ ।
ಸ ಯೋಽಗ್ರಂ ಜ್ಯೈಷ್ಠ್ಯಂ ಸ ಮಾಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ತಸ್ಯ ಸಪ್ತದಶಾಃ ಪವಮಾನಾ ಭವನ್ತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿರ್ವಾ ಅಗ್ರಂ ಜ್ಯೈಷ್ಠ್ಯಮ್ ।
ಸೋ ಯೋಽಗ್ರಂ ಜ್ಯೈಷ್ಠ್ಯಂ ಸ ಮಾಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ತಸ್ಯೋತ್ತರಾವನ್ತಿ ಸ್ತೋತ್ರಾಣಿ ಭವನ್ತಿ ।
ಉತ್ತರಾವತೀಮೇವೈನಂ ತಚ್ಛ್ರಿಯಮುತ್ತರಾವನ್ತಂ ಸ್ವರ್ಗಂ ಲೋಕಂ ಗಮಯನ್ತಿ ।
ತಸ್ಯ ಬೃಹತ್ಪೃಷ್ಠಂ ಭವತಿ ।
ಶ್ರೀರ್ವೈ ಬೃಹಜ್ಜ್ಯೈಷ್ಠ್ಯಮ್ ।
ಅದೋ ವೈ ಬೃಹದದೋ ವೈ ಜ್ಯೈಷ್ಠ್ಯಮ್ ।
ತದೇನಂ ತಚ್ಛ್ರಿಯಾಮೇವ ಮಧ್ಯತೋ ಜ್ಯೈಷ್ಠ್ಯೇ ಪ್ರತಿಷ್ಠಾಪಯನ್ತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರೋ ವಾ ಅಗ್ರಂ ಜ್ಯೈಷ್ಠ್ಯಮ್ ।
ಸೋ ಯೋಽಗ್ರಂ ಜ್ಯೈಷ್ಠ್ಯಂ ಸ ಮಾಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೋ ವಾ ಅಗ್ರಂ ಜ್ಯೈಷ್ಠ್ಯಮ್ ।
ಸೋ ಯೋಽಗ್ರಂ ಜ್ಯೈಷ್ಠ್ಯಂ ಸ ಮಾಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ಸ ಯೋ ಜ್ಯೇಷ್ಠೋ ಜ್ಯೈಷ್ಠಿನೇಯಸ್ಸಮಗ್ರಿಯ ಸ್ಯಾತ್ಸ ಏತೇನ ಯಜೇತ ಗಚ್ಛತಿ ಜ್ಯೈಷ್ಠ್ಯಂ ನ ಜ್ಯೈಷ್ಠ್ಯಾದವರೋಹತಿ ೯೭

ಅಥೈಷ ದುರಾಶಃ ।
ಪೌರ್ಣಮಾಸೇನ ಹವಿಷೇಷ್ಟ್ವಾ ಆದಿತ್ಯಾಯ ಚರುಂ ನಿರ್ವಪತಿ ।
ತಸ್ಮಿಞ್ಛತಮಾನಂ ಹಿರಣ್ಯಂ ದದಾತಿ ಸುವರ್ಣಂ ಚನ್ದ್ರ ಮಸೇಽಪರಾಹ್ಣೇ ।
ತಸ್ಮಿಞ್ಛತಮಾನಂ ಹಿರಣ್ಯಂ ದದಾತಿ ರಜತಮ್ ।
ಸ ಏವಮೇತೌ ಪೂರ್ವಾಹ್ಣಾಪರಾಹ್ಣಾವೇತಮಪರಪಕ್ಷಂ ಯಜತೇ ।
ತಸ್ಯಾಮಾವಾಸ್ಯಾಯಾಂ ದೀಕ್ಷೋಪರಿಷ್ಟಾತ್ಸುತ್ಯಾ ।
ತದ್ವಾ ಏತತ್ಸೂರ್ಯಾಚನ್ದ್ರ ಮಸೋರೇವಾಯನಮ್ ।
ಸೂರ್ಯಾಚನ್ದ್ರ ಮಸೌ ವಾ ಅಕಾಮಯೇತಾಂ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃದ್ಧ್ನುಯಾವ ।
ಅಹರೇವ ನಾವನ್ಯತರೋಽಭಿಜಯೇದ್ರಾ ತ್ರಿಮನ್ಯತರ ಇತಿ ।
ತಾವೇತಂ ಯಜ್ಞಮಪಶ್ಯತಾಮ್ ।
ತಮಾಹರತಾಮ್ ।
ತೇನಾಯಜೇತಾಮ್ ।
ತತೋ ವೈ ತೌ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮಾರ್ಧ್ನುತಾಮ್ ।
ಅಹರೇವೈನಯೋರನ್ಯತರೋಽಭ್ಯಜಯದ್ರಾ ತ್ರಿಮನ್ಯತರಃ ।
ಏಷಾ ಹ ವಾ ಏನಯೋಃ ಸಮಾನ್ಯೃದ್ಧಿರ್ಯತ್ಸಮಾನೇ ಲೋಕೇ ಪೂರ್ವಾಹ್ಣಾಪರಾಹ್ಣೌ ಯಜತೇ ।
ಅಹರ್ವೈ ಪೂರ್ವಾಹ್ಣೋ ರಾತ್ರಿರಪರಾಹ್ಣೋಽಹೋರಾತ್ರಯೋರೇವಾಭಿಜಿತ್ಯೈ ।
ಪೂರ್ವಪಕ್ಷಾಪರಪಕ್ಷೌ ಯಜತೇ ।
ಅಹರ್ವೈ ಪೂರ್ವಪಕ್ಷೋ ರಾತ್ರಿರಪರಪಕ್ಷೋಽಹೋರಾತ್ರಯೋರೇವಾಭಿಜಿತ್ಯೈ ।
ಶತಮಾನೇ ಭವತಃ ।
ಶತಾಯುರ್ವೈ ಪುರುಷಃ ಶತೇನ್ದ್ರಿ ಯಃ ಶತವೀರ್ಯಸ್ತಸ್ಯೈವೇನ್ದ್ರಿ ಯಸ್ಯ ವೀರ್ಯಸ್ಯಾವರುದ್ಧ್ಯೈ ೯೮

ಸಪ್ತದಶ ಸ್ತೋಮೋ ಭವತಿ ।
ಪ್ರಜಾಪತಿರ್ವೈ ಸಪ್ತದಶ ।
ಪ್ರಜಾಪತಿ ಸ್ವರ್ಗಸ್ಯ ಲೋಕಸ್ಯಾಭಿನಯಿತಾ ।
ಸ ಮಾ ಸ್ವರ್ಗಂ ಲೋಕಮಭಿನಯಾದಿತಿ ।
ತಸ್ಯ ಶತಮನಡ್ವಾಹೋ ದಕ್ಷಿಣಾ ಭವನ್ತಿ ।
ಶತಾಯುರ್ವೈ ಪುರುಷಃ ಶತೇನ್ದ್ರಿ ಯಃ ಶತವೀರ್ಯಸ್ತಸ್ಯೈವೇನ್ದ್ರಿ ಯಸ್ಯ ವೀರ್ಯಸ್ಯಾವರುದ್ಧ್ಯೈ ।
ಸರ್ವೇ ವಹ್ನಯೋ ಭವನ್ತಿ ।
ವಹ್ನಿನಾ ಹಿ ತತ್ರ ಗಚ್ಛತಿ ಯತ್ರ ಜಿಗಮಿಷತಿ ।
ಸರ್ವೇ ವರಾ ಭವನ್ತಿ ।
ವರ ಇವ ವೈ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯರ್ದ್ಧ್ಯೈ ।
ಏತದನ್ಯೋ ದದ್ಯಾದಥಾನ್ಯ ಸ್ತೋತ್ರೇ ಸ್ತೋತ್ರೇ ಸಪ್ತದಶ ಸಪ್ತದಶ ನಿಷ್ಕಾನ್ದದ್ಯಾತ್ ।
ದೇವಾಸುರಾ ಯಜ್ಞೇಽಸ್ಪರ್ಧನ್ತ ।
ತೇ ಯದ್ಯದೇವ ದೇವಾ ಯಜ್ಞೇಽಕುರ್ವತ ತತ್ತದ್ವೇವಾಸುರಾ ಅನ್ವಕುರ್ವತ ।
ತೇ ದೇವಾ ಅಬ್ರುವನ್ಯದ್ಯದ್ವಾವ ವಯಂ ಯಜ್ಞೇ ಕುರ್ಮಹೇ ತತ್ತನ್ನೋಽಸುರಾ ಅನುಕುರ್ವತೇ ।
ಏತ ಹಿರಣ್ಯಸೋಮೇನ ಯಜಾಮಹಾ ಇತಿ ।
ಅಥ ಹ ತರ್ಹಿ ದೇವೇಷ್ವೇವ ಹಿರಣ್ಯಮಾಸ ನಾಸುರೇಷು ।
ಸಂವೃಕ್ತಂ ಹ ದೇವೈರಸುರಾಣಾಂ ಹಿರಣ್ಯಮಾಸ ।
ತೇ ಹಿರಣ್ಯಸೋಮೇನಾಯಜನ್ತ ।
ತೇ ಸ್ತೋತ್ರೇ ಸ್ತೋತ್ರೇ ಸಪ್ತದಶ ಸಪ್ತದಶ ನಿಷ್ಕಾನದದುಃ ।
ತದೇಷಾಮಸುರಾ ನೋದಾಶ್ನುವತ ।
ತೇಽಬ್ರುವನ್ದುರಾಶಂ ಬತೇದಂ ದೇವಾ ಅಕ್ರತೇತಿ ।
ತದೇವ ದುರಾಶಸ್ಯ ದುರಾಶತ್ವಮ್ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ತಸ್ಯ ಶುಕ್ರಚನ್ದ್ರೇ ಆದಿಷ್ಟಸಾಮನೀ ಪವಮಾನಯೋರ್ಭವತಃ ।
ಸೂರ್ಯಾಚನ್ದ್ರ ಮಸೋರ್ಹ್ಯೇಷ ಯಜ್ಞಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೯೯

ಅಥೈಷೋಽಪಚಿತಿಃ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಏನಂ ಸೃಷ್ಟಾ ನಾಪಾಚಾಯನ್ ।
ಸೋಽಕಾಮಯತ ಅಪಚಿತಿಮಾಸು ಪ್ರಜಾಸು ಗಚ್ಛೇಯಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ತಂ ತಾ ಅಪಾಚಾಯನ್ ।
ಇನ್ದ್ರ ಮು ವೈ ದೇವಾ ನಾಪಾಚಾಯನ್ ।
ಸ ಪ್ರಜಾಪತಿಮುಪಾಧಾವನ್ನ ವೈ ಮೇಮೇ ದೇವಾ ಅಪಚಾಯನ್ತೀತಿ ।
ತಸ್ಮಾ ಏತಮಪಚಿತಿಂ ಯಜ್ಞಂ ವ್ಯದಧಾತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ತಂ ದೇವಾ ಅಪಾಚಾಯನ್ ।
ದರ್ಭಮು ಹ ವೈ ಶಾತಾನೀಕಿಂ ಪಞ್ಚಾಲಾ ರಾಜಾನಂ ಸನ್ತಂ ನಾಪಚಾಯಾಂ ಚಕ್ರುಃ ।
ಅಪಿ ಹ ಸ್ಮೈನಂ ಕುಮಾರಾ ದರ್ಭ ದರ್ಭೇತಿ ಹ್ವಯನ್ತಿ ।
ತಸ್ಯ ಹೈತೌ ಬ್ರಾಹ್ಮಣಾವಾಸತುರಹೀನಾ ಆಶ್ವತ್ಥಿಃ ಕೇಶೀ ಸಾತ್ಯಕಾಮಿರಿತಿ ।
ತೌ ಹೈನಮುಪಸಮೇಯತುಃ ।
ಸ ಹ ಧ್ಯಾಯನ್ನಿಷಸಾದ ।
ತಂ ಹೋಚತುಃ ।
ಕಿಂ ನು ರಾಜನ್ಯೋ ಧ್ಯಾಯತೀತಿ ।
ಸ ಹೋವಾಚ ನ ಹಿ ಮೇ ಧ್ಯೇಯಮ್ ।
ಪಞ್ಚಾಲಾ ವೈ ಮೇಮೇ ರಾಜಾನಂ ಸನ್ತಂ ನಾಪಚಾಯನ್ತ್ಯಪಿ ಮಾ ಕುಮಾರಾ ದರ್ಭ ದರ್ಭೇತಿ ಹ್ವಯನ್ತಿ ।
ತದೇವೈತದ್ಧ್ಯಾಯಾಮೀತಿ ।
ತಂ ಹೋಚತುರಪಚಿತಿರಿತಿ ವಾ ಅಯಂ ಯಜ್ಞಕ್ರತುರಸ್ತಿ ತೇನ ತ್ವಾ ಯಾಜಯಾವೇತಿ ।
ತಥೇತಿ ।
ತೇನ ಹೈನಂ ಯಾಜಯಾಂ ಚಕ್ರತುಃ ।
ಸ ಹೈಷು ತಥಾಮಾತ್ರಮಪಚಿತಿಂ ಜಗಾಮ ಯದಪ್ಯೇತರ್ಹಿ ಪಞ್ಚಾಲಾ ದರ್ಭಾನ್ಕುಶಾ ಇತ್ಯೇವಾಚಕ್ಷತೇ ೧೦೦

ಅಸ್ಯ ವಾ ಏತಸ್ಯ ಗಾಯತ್ರೀಮೇವ ಪ್ರಾತಸ್ಸವನಂ ಸಂಪದ್ಯತೇ ತ್ರಿಷ್ಟುಭಂ ಮಾಧ್ಯನ್ದಿನಂ ಸವನಂ ಜಗತೀಂ ತೃತೀಯಸವನಮ್ ।
ತದ್ಯದ್ಗಾಯತ್ರೀಂ ಪ್ರಾತಸ್ಸವನಂ ಸಂಪದ್ಯತೇಽಷ್ಟಾಕ್ಷರಾ ಗಾಯತ್ರ್! ಯಷ್ಟೌ ವಸವೋ ಗಾಯತ್ರ್! ಯೈವ ತಚ್ಛನ್ದಸಾ ಪ್ರಜಾಪತಿಶ್ಚೇನ್ದ್ರ ಶ್ಚ ವಸುಷು ದೇವೇಷು ಪ್ರಾತಸ್ಸವನೇಽಧ್ಯಪಿಚಿತಿಮಗಚ್ಛತಾಮ್ ।
ಅಥ ಯತ್ತ್ರಿಷ್ಟುಭಂ ಮಾಧ್ಯನ್ದಿನಂ ಸವನಂ ಸಂಪದ್ಯತ ಏಕಾದಶಾಕ್ಷರಾ ತ್ರಿಷ್ಟುಬೇಕಾದಶ ರುದ್ರಾ ಸ್ತ್ರಿಷ್ಟುಭೈವ ತಚ್ಛನ್ದಸಾ ಪ್ರಜಾಪತಿಶ್ಚೇನ್ದ್ರ ಶ್ಚ ರುದ್ರೇ ಷು ದೇವೇಷು ಮಾಧ್ಯನ್ದಿನೇ ಸವನೇಽಧ್ಯಪಚಿತಿಮಗಚ್ಛತಾಮ್ ।
ಅಥ ಯಜ್ಜಗತೀಂ ತೃತೀಯಸವನಂ ಸಂಪದ್ಯತೇ ದ್ವಾದಶಾಕ್ಷರಾ ಜಗತೀ ದ್ವಾದಶಾದಿತ್ಯಾ ಜಗತ್ಯೈವ ತಚ್ಛನ್ದಸಾ ಪ್ರಜಾಪತಿಶ್ಚೇನ್ದ್ರ ಶ್ಚಾದಿತ್ಯೇಷು ದೇವೇಷು ತೃತೀಯಸವನೇಽಧ್ಯಪಚಿತಿಮಗಚ್ಛತಾಮ್ ।
ಅಷ್ಟಾಕ್ಷರಾ ಗಾಯತ್ರೀ ।
ಏಕಾದಶಾಕ್ಷರಾ ತ್ರಿಷ್ಟುಪ್ ।
ದ್ವಾದಶಾಕ್ಷರಾ ಜಗತೀ ।
ವಾಗಿತಿ ಯಜ್ಞಾಯಜ್ಞೀಯಸ್ಯ ನಿಧನಮ್ ।
ತದ್ದ್ವಾತ್ರಿಂಶತ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ವಿಶ್ವೇಷಾಂ ದೇವಾನಾಮನುಷ್ಟುಪ್ ।
ಅನುಷ್ಟುಭೈವ ತಚ್ಛನ್ದಸಾ ಪ್ರಜಾಪತಿಶ್ಚೇನ್ದ್ರ ಶ್ಚ ವಿಶ್ವೇಷು ದೇವೇಷು ತೃತೀಯಸವನೇಽಧ್ಯಪಚಿತಿಮಗಚ್ಛತಾಮ್ ।
ಏತಾವನ್ತೋ ವೈ ದೇವಾಃ ।
ಏತಾವನ್ತಿ ದೇವಜಾತಾನಿ ।
ತೇಷ್ವೇವ ತದಧ್ಯಪಚಿತಿಮಗಚ್ಛತಾಮ್ ೧೦೧

ಗಾಯತ್ರೋ ವೈ ಬ್ರಾಹ್ಮಣಃ ।
ತ್ರೈಷ್ಟುಭೋ ರಾಜನ್ಯಃ ।
ಜಾಗತೋ ವೈಶ್ಯಃ ।
ಆನುಷ್ಟುಭಃ ಶೂದ್ರ ಃ! ।
ತದ್ಯದ್ಗಾಯತ್ರೀಂ ಪ್ರಾತಸ್ಸವನಂ ಸಂಪದ್ಯತೇ ಗಾಯತ್ರ್! ಯೈವ ತಚ್ಛನ್ದಸಾ ದರ್ಭಃ ಶಾತಾನೀಕಿರ್ಬ್ರಾಹ್ಮಣೇ ಮನುಷ್ಯೇಽಧ್ಯಪಚಿತಿಮಗಚ್ಛತ್ ।
ಅಥ ಯತ್ತ್ರಿಷ್ಟುಭಂ ಮಾಧ್ಯನ್ದಿನಂ ಸವನಂ ಸಂಪದ್ಯತೇ ತ್ರಿಷ್ಟುಭೈವ ತಚ್ಛನ್ದಸಾ ದರ್ಭಃ ಶಾತಾನೀಕೀ ರಾಜನ್ಯೇ ಮನುಷ್ಯೇಽಧ್ಯಪಚಿತಿಮಗಚ್ಛತ್ ।
ಅಥ ಯಜ್ಜಗತೀಂ ತೃತೀಯಸವನಂ ಸಂಪದ್ಯತೇ ಜಗತ್ಯೈವ ತಚ್ಛನ್ದಸಾ ದರ್ಭಃ ಶಾತಾನೀಕಿರ್ವೈಶ್ಯೇ ಮನುಷ್ಯೇಽಧ್ಯಪಚಿತಿಮಗಚ್ಛತ್ ।
ಅಷ್ಟಾಕ್ಷರಾ ಗಾಯತ್ರೀ ।
ಏಕಾದಶಾಕ್ಷರಾ ತ್ರಿಷ್ಟುಪ್ ।
ದ್ವಾದಶಾಕ್ಷರಾ ಜಗತೀ ।
ವಾಗಿತಿ ಯಜ್ಞಾಯಜ್ಞೀಯಸ್ಯ ನಿಧನಮ್ ।
ತದ್ದ್ವಾತ್ರಿಂಶತ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಆನುಷ್ಟುಭಃ ಶೂದ್ರ ಃ! ।
ಅನುಷ್ಟುಭೈವ ತಚ್ಛನ್ದಸಾ ದರ್ಭಃ ಶಾತಾನೀಕಿಃ ಶೂದ್ರೇ ಮನುಷ್ಯೇಽಧ್ಯಪಚಿತಿಮಗಚ್ಛತ್ ।
ಏತಾವನ್ತೋ ವೈ ಮನುಷ್ಯಾಃ ।
ಏತಾವನ್ತಿ ಮನುಷ್ಯಜಾತಾನಿ ।
ತೇಷ್ವೇವ ತದಧ್ಯಪಚಿತಿಮಗಚ್ಛತ್ ೧೦೨

ತದಾಹುಃ ಕೈತಸ್ಯ ಯಜ್ಞಸ್ಯ ವಿಧೃತಿಃ ಕಾಪಚಿತಿರಿತಿ ।
ಸ ಬ್ರೂಯಾದ್ಯದೇವ ಸವನಾತ್ಸವನಂ ನ ಸಮೈತಿ ।
ಯದ ಸಮೈವ ಸವನಂ ಸಂಪದ್ಯತೇ ಸೈವೈತಸ್ಯ ಯಜ್ಞಸ್ಯ ವಿಧೃತಿಸ್ಸಾಪಚಿತಿರಿತಿ ।
ತಸ್ಯ ಆಹುರ್ದವಿದ್ಯುತತ್ಯಾ ರುಚೇತ್ಯೇವ ಪ್ರತಿಪದಂ ಕಾರ್ಯಾಮ್ ।
ಏಷಾ ವೈ ಗಣಿನೀ ಪ್ರತಿಪದ್ಬಹುರೂಪಾ ।
ಗಣಾ ಇವ ವೈ ತಂ ಸಚನ್ತೇ ಯ ಶ್ರಿಯಮಶ್ನುತ ಇತಿ ।
ತದು ವಾ ಆಹುಃ ಪವಸ್ವ ವಾಚೋ ಅಗ್ರಿಯ ಉಪಾಸ್ಮೈ ಗಾಯತಾ ನರ ಇತ್ಯೇತೇ ಏವ ಪ್ರತಿಪದೌ ಕಾರ್ಯೇ ।
ಏತೇ ವಾವ ಗಣಿನ್ಯೌ ಪ್ರತಿಪದೌ ಬಹುರೂಪೇ ।
ಅಥೋ ಉಭೇ ಹ್ಯತ್ರ ಸಾಮನೀ ಕ್ರಿಯೇತೇ ।
ತಸ್ಮಾದೇತೇ ಏವ ಪ್ರತಿಪದೌ ಕಾರ್ಯೇ ಇತಿ ।
ಬೃಹದ್ರ ಥನ್ತರೇ ಭವತಃ ।
ಬ್ರಹ್ಮ ವೈ ರಥನ್ತರಂ ಕ್ಷತ್ರಂ ಬೃಹತ್ ।
ಬ್ರಹ್ಮ ಚ ವೈ ಕ್ಷತ್ರಂ ಚಾಪಚಿತೇ ರೂಪಮ್ ।
ಭದ್ರ ಶ್ರೇಯಸೀ ಭವತಃ ।
ಭದ್ರೇ ಣ ವೈ ದೇವಾ ಭದ್ರಾ ಅಭವಞ್ಛ್ರೇಯಸಾ ಶ್ರಿಯಮಗಚ್ಛನ್ ।
ಸಹೋಮಹಸೀ ಭವತಃ ।
ಸಹಸಾ ವೈ ದೇವಾ ಅಸುರಾನಸಹನ್ತ ।
ಮಹಸಾ ಮಹೋಽಭವನ್ ।
ಭರ್ಗಯಶಸೀ ಭವತಃ ।
ಭರ್ಗೇಣ ವೈ ದೇವಾ ಭರ್ಗೋಽಭವನ್ ।
ಯಶಸಾ ಯಶೋಽಗಚ್ಛನ್ ।
ಉತ್ಸೇಧನಿಷೇಧೌ ಭವತಃ ।
ಉತ್ಸೇಧೇನ ವೈ ದೇವಾ ಔತ್ಸೇಧ್ಯಮುದಸೇಧನ್ ।
ನಿಷೇಧೇನ ನಿಷೇಧ್ಯಂ ನ್ಯಷೇಧನ್ ।
ಸದೋವಿಶೀಯಂ ಚ ವಿಶೋವಿಶೀಯಂ ಚ ಭವತಃ ।
ಸದೋವಿಶೀಯೇನ ವೈ ದೇವಾ ವಿಶಮಸೀದನ್ ।
ವಿಶೋವಿಶೀಯೇನ ವಿಶೋ ವಿಶೋ ರಾಜಾನೋಽಭವನ್ ।
ಧರ್ಮವಿಧರ್ಮಣೀ ಭವತಃ ।
ಧರ್ಮೇಣ ವೈ ದೇವಾ ಧರ್ಮೋಽಭವನ್ ।
ವಿಧರ್ಮಣಾ ವಿಧರ್ಮಾಪಾಘ್ನತ ।
ತಸ್ಮಿನೇತಾ ಉಭಯೀರ್ದ್ವಿಪದಾತಿಚ್ಛನ್ದಸಃ ಕ್ರಿಯನ್ತೇ ಜ್ಯೇಷ್ಠಾನಿ ಚ ಹ್ರಸಿಷ್ಠಾನಿ ಚ ಛನ್ದಾಂಸಿ ।
ಪಶವೋ ವೈ ಛನ್ದಾಂಸಿ ।
ತಸ್ಮಾದ್ಭೂತಮುಭಯೇ ಪಶವ ಉಪತಿಷ್ಠನ್ತೇ ಜ್ಯೇಷ್ಠಾಶ್ಚ ಹ್ರಸಿಷ್ಠಾಶ್ಚ ।
ಉಭಯೇ ಹ ವಾ ಏನಂ ಪಶವ ಉಪತಿಷ್ಠನ್ತೇ ಜ್ಯೇಷ್ಠಾಶ್ಚ ಹ್ರಸಿಷ್ಠಾಶ್ಚ ಯ ಏವಂ ವೇದ ।
ತಸ್ಯಾಶ್ವರಥಶ್ಚತುರ್ಯುಗ್ದಕ್ಷಿಣಾ ಭವತಿ ।
ಸರ್ವೇ ಶತಕ್ರಿಯೋಽಶ್ವಾಃ ।
ಸ ರುಕ್ಮೀ ಪ್ರಾವೇಪೀ ಸರ್ವಾಭರಣ್ಯಂಶುಮಾನ್ಭವತಿ ।
ತಸ್ಯ ವೈಯಾಘ್ರಃ ಪರಿವಾರೋ ಭವತಿ ದ್ವೈಪೋ ಧನ್ವಧಿರಾರ್ಕ್ಷ ಉಪಾಸಙ್ಗಃ ।
ಖಾಡ್ಗಕವಚೋಽಧ್ಯಾಸ್ಥಾತಾ ಭವತಿ ಸಂನದ್ಧಸ್ಸಂನದ್ಧಸಾರಥಿರಾವೃತಃ ಪ್ರತಿಹಿತಾಭ್ಯಾಮ್ ।
ನಿಷ್ಕೀ ಸ್ರಗ್ವೀ ಸಂಗ್ರಹೀತಾ ಭವತಿ ।
ಏತದ್ವೈ ತ್ವಿಷೇ ರೂಪಮೇತದಪಚಿತೇಃ ।
ತಸ್ಮಿನ್ನೇತದಪಚಿತಂ ಧನಂ ದದಾತಿ ।
ಅಪಚಿತಾ ಏವಾಪಚಿತಂ ಧನಂ ದದಾನೀತಿ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೧೦೩

ಅಥೈತಾವಭಿಭೂಶ್ಚ ವಿನುತ್ತಿಶ್ಚ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತಾಭೀಮಾನಸುರಾನ್ಭವೇಮೇತಿ ।
ತ ಏತತಭಿಭುವಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತೇನಾಸುರಾನಭ್ಯಭವನ್ ।
ಯದಭ್ಯಭವಂಸ್ತದಭಿಭುವೋಽಭಿಭೂತ್ವಮ್ ।
ಅಭಿ ಹ ವೈ ದ್ವಿಷನ್ತಂ ಭ್ರಾತೃವ್ಯಂ ಭವತಿ ಯ ಏವಂ ವೇದ ।
ತಸ್ಯ ತ್ರಿವೃತಾವಭಿತೋ ಭವತಃ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮಣಾ ವಾ ಏನಾಂಸ್ತದಭ್ಯಭವನ್ ।
ಬ್ರಹ್ಮಣೈವ ದ್ವಿಷನ್ತಂ ಭ್ರಾತೃವ್ಯಮಭಿಭವತಿ ಯ ಏವಂ ವೇದ ।
ತೇ ಜಿತಾಸ್ತ್ರಸ್ತ್ರಿಂಶಮೇವ ಪಿತರಂ ಪ್ರಜಾಪತಿಂ ಪ್ರಾಪದ್ಯನ್ತ ।
ಯಥಾ ಜ್ಯೇಷ್ಠಾಯಾಂ ವರಿಷ್ಠಾಯಾಂ ಪುರಿ ಪರಿಯತೇರಂಸ್ತಥಾ ತಾನಕಾಮಯನ್ತಾತ ಏನಾನ್ವಿನುದೇಮಹೀತಿ ।
ತ ಏತಂ ವಿನುತ್ತಿಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತ ಏನಾನ್ವ್ಯನುದನ್ತ ।
ಯದ್ವ್ಯನುದನ್ತ ತದ್ವಿನುತ್ತೇರ್ವಿನುತ್ತಿತ್ವಮ್ ।
ವಿ ಹ ವೈ ದ್ವಿಷನ್ತಂ ಭ್ರಾತೃವ್ಯಂ ನುದತೇ ಯ ಏವಂ ವೇದ ।
ತಸ್ಯ ತ್ರಿವೃತೌ ಮಧ್ಯೇ ಭವತಃ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮಣಾ ವಾ ಏನಾಂಸ್ತದ್ವ್ಯನುದನ್ತ ।
ಬ್ರಹ್ಮಣೈವ ದ್ವಿಷನ್ತಂ ಭ್ರಾತೃವ್ಯಂ ವಿನುದತೇ ಯ ಏವಂ ವೇದ ೧೦೪

ಅಥೋ ಆಹುರಗ್ನಿರೇವೈಷ ಯತ್ತ್ರಿವೃತ್ಸ್ತೋಮಃ ।
ತದ್ಯಥಾ ಭ್ರಮಲಾನ್ಸಂಪನ್ನಾನಗ್ನಿನಾಭ್ಯೌಷೇದೇವಮೇವೈನಾಂಸ್ತತ್ತ್ರಿವೃತಾ ಅಗ್ನಿನಾ ಸ್ತೋಮೇನ ತ್ರಯಸ್ತ್ರಿಂಶಾಭ್ಯಾಮುಭಯತ ಉಪಮಾರ್ಯಾಭ್ಯೌಷನ್ ।
ತೇ ವಿಪಲಯ್ಯೇಮಾಮುಪಾಸರ್ಪನ್ನಿತಿ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ಅಥೋ ಆಹುಃ ಪುರೋಧಾಕಾಮ ಏವೈನೇನ ಯಜೇತ ಯದಭಿಭೂರಿತಿ ।
ತಸ್ಯ ತ್ರಿವೃತಾವಭಿತೋ ಭವತಸ್ತ್ರಯಸ್ತ್ರಿಂಶೌ ಮಧ್ಯೇ ।
ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ತ್ರಯಸ್ತ್ರಿಂಶಃ ।
ಬ್ರಹ್ಮಣೈವ ತದುಭಯತಃ ಕ್ಷತ್ರಂ ಪರಿಗೃಹ್ಣಾತಿ ।
ಯದೋ ವೈ ಬ್ರಹ್ಮಣಾ ಕ್ಷತ್ರಂ ಪರಿಗೃಹ್ಣಾತ್ಯಥ ಸ ತಸ್ಯ ಪುರೋಧಾಂ ಗಚ್ಛತಿ ।
ಗಚ್ಛತಿ ಪುರೋಧಾಂ ಪುರ ಏನಂ ದಧತೇ ।
ಅಥೋ ಆಹುರನ್ತಸ್ಥಾಕಾಮ ಏವೈನೇನ ಯಜೇತ ಯದ್ವಿನುತ್ತಿರಿತಿ ।
ತಸ್ಯ ತ್ರಿವೃತ್ತೌ ಮಧ್ಯೇ ಭವತಸ್ತ್ರಯಸ್ತ್ರಿಂಶಾವಭಿತಃ ।
ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ತ್ರಯಸ್ತ್ರಿಂಶಃ ।
ಕ್ಷತ್ರೇಣೈವ ತದುಭಯತೋ ಬ್ರಹ್ಮ ಪರಿಗೃಹ್ಣಾತಿ ।
ಯದೋ ವೈ ಕ್ಷತ್ರೇಣ ಬ್ರಹ್ಮ ಪರಿಗೃಹ್ಣಾತ್ಯಥ ಸ ತಸ್ಯಾನ್ತಸ್ಥಾಂ ತಿಷ್ಠತಿ ।
ತಿಷ್ಠತ್ಯನ್ತಸ್ಥಾಂ ನಾನ್ತಸ್ಥಾಯಾಂ ಜೀಯತೇ ।
ಅಥೋ ಆಹೂ ರಾಜಾನೌ ಹೇದ್ವಾ ಏತೌ ಸ್ತೋಮೌ ಸ್ತೋಮರಾಜಾವಿತಿ ೧೦೫

ತಸ್ಯ ವಾ ಏತಸ್ಯಾಭಿಭುವಸ್ತ್ರಿವೃತಾವಭಿತೋ ಭವತಸ್ತ್ರಯಸ್ತ್ರಿಂಶೌ ಮಧ್ಯೇ ।
ತಯೋಷ್ಷಟ್ಷಷ್ಟಿ ಸ್ತೋತ್ರ್! ಯಾಃ ।
ತತೋ ಯಾಷ್ಷಷ್ಟಿರಾಸನ್ದೀ ಸಾ ।
ಅಥ ಯಾಶ್ಚತಸ್ರ ಆಸನ್ದೀಪಾದಾಸ್ತೇ ।
ಅಥ ಯೇ ದ್ವೇ ಯಜಮಾನ ಏವೈಷ ದ್ವಿಪಾದೇತಸ್ಯಾಂ ರಾಜಾಸನ್ದ್ಯಾಮಧ್ಯೂಢಃ ।
ಗಚ್ಛತಿ ರಾಜ್ಯಂ ಯ ಏವಂ ವೇದ ।
ಯದ್ಯಸ್ಮಿಁ ಲ್ಲೋಕೇ ನಾಥ ವಾ ಅಮುಷ್ಮಿನ್ ।
ಅಥೋ ಆಹುರ್ಯಸ್ಯ ದ್ವಾವೇತೌ ತ್ರಿವೃತೌ ಮಧ್ಯೇ ಮಧ್ಯೇ ಸಾ ಹೇದ್ವಾ ಅಪ್ಯಾಸನ್ದೀತಿ ।
ಮಧ್ಯೇ ವಿನತೇವ ವಾ ಆಸನ್ದೀ ।
ಮಧ್ಯೇ ವಿನತ ಇವೈಷ ।
ಸಾ ಹ ವೈ ಸುಷಿಮತ್ತರಾ ಯಾ ಮಧ್ಯೇ ವಿನತಾ ।
ಗಚ್ಛತಿ ರಾಜ್ಯಂ ಯ ಏವಂ ವೇದ ಯದ್ಯಸ್ಮಿಁ ಲ್ಲೋಕೇ ನಾಥ ವಾ ಅಮುಷ್ಮಿನ್ ।
ಅಥೋ ಆಹುಃ ಪುನರಸೌ ಹೇದ್ವಾ ಏತೌ ಯಜ್ಞಕ್ರತೂ ಇತಿ ।
ಷಡ್ವಾ ಏತಯೋರಿತಿ ಊರ್ಧ್ವಾ ಸ್ತೋಮಾ ಉದ್ಯನ್ತಿ ।
ಷಡಮುತೋಽರ್ವಾಞ್ಚಷ್ಷಡ್ಭಿರೇವೇತೇ ಊರ್ಧ್ವಂ ಸ್ವರ್ಗಂ ಲೋಕಂ ಗಚ್ಛತಿ ಪ್ರತ್ಯೇವಾಮುತಷ್ಷಡ್ಭಿರವರೋಹತಿ ಗಚ್ಛತಿ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠತಿ ।
ಅಥೋ ಹ ವೇದ ಯೋಽಸಾವಾಸಂ ಸೋಽಯಮಸ್ಮೀತಿ ಪುನರ್ಹೈವಾಸ್ಮಿಁ ಲ್ಲೋಕ ಆಜಾಯತೇ ।
ಅಥೋ ಆಹು ಸ್ವರ್ಗಕಾಮ ಇದ್ಯ ಆಭ್ಯಾಮಪಿಯಜೇತೇತಿ ೧೦೬

ತಯೋರ್ವಾ ಏತಯೋಸ್ಸಹ ತ್ರಿವೃತೌ ಸಹ ಪಞ್ಚದಶೌ ಸಹ ಸಪ್ತದಶೌ ಸಹೈಕವಿಂಶೌ ಸಹ ತ್ರಿಞವೌ ಸಹ ತ್ರಯಸ್ತ್ರಿಂಶೌ ।
ಸ ಯಥಾ ದ್ವಾಭ್ಯಾಂ ದ್ವಾಭ್ಯಾಂ ಪ್ರತಿತಿಷ್ಠನ್ನಿಯಾದೇವಮೇವೈತಾಭ್ಯಾಂ ಸ್ವರ್ಗೇ ಲೋಕೇ ಪ್ರತಿತಿಷ್ಠತಿ ।
ಅಥೋ ಆಹುರನ್ವಿಷ್ಟೀನಾಂ ಹೇದ್ವಾ ಏತೌ ಯಜ್ಞಕ್ರತೂ ಇತಿ ।
ಸ ಯಸ್ಸಂವತ್ಸರಭೃತಾ ವಾಸಂವತ್ಸರಭೃತಾ ವಾಗ್ನಿನಾ ಚಿತ್ಯೇನ ಯಜೇತ ಸ ಏತಾಭ್ಯಾಂ ಯಜೇತ ।
ಸದ್ಯೋ ಹೈವಾಸ್ಯ ಸಂವತ್ಸರ ಋತುಶೋ ಮಾಸಶೋಽರ್ಧಮಾಸಶೋಽನ್ವಿಷ್ಟೋ ಭವತಿ ।
ತದ್ಯತ್ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಸ್ತೇನರ್ತುಶಃ ।
ಅಥ ಯದ್ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಸ್ತೇನ ಮಾಸಶಃ ।
ಅಥ ಯಚ್ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಸ್ತೇನಾರ್ಧಮಾಸಶಃ ।
ಸದ್ಯೋ ಹೈವಾಸ್ಯ ಸಂವತ್ಸರೋಽನ್ವಿಷ್ಟೋ ಭವತಿ ಯ ಏವಂ ವೇದ ೧೦೭

ಅಥೈಷ ಮನುಸ್ತೋಮಃ ।
ಮನುರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ಮಾನವೀಃ ಪ್ರಜಾಸ್ಸೃಜೇಯೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ತಾ ಇಮಾ ಮಾನವೀಃ ಪ್ರಜಾ ಅಸೃಜತ ।
ಸ ಯಃ ಕಾಮಯೇತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ಮಾನವೀಃ ಪ್ರಜಾಃ ಸೃಜೇಯೇತಿ ಸ ಏತೇನ ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ಮಾನವೀಃ ಪ್ರಜಾಸ್ಸೃಜತೇ ।
ತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತಿ ।
ಋತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರಃ ಪ್ರಜನನಮ್ ।
ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತಸ್ಯೋಭಯೇ ಸ್ತೋಮಾ ಭವನ್ತ್ಯಯುಜಶ್ಚ ಯುಗ್ಮನ್ತಶ್ಚೈವ ।
ತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭಯೇ ಸ್ತೋಮಾಃ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ವ್ಯತಿಷಕ್ತಾ ಸ್ತೋಮಾ ಭವನ್ತಿ ವ್ಯತಿಷಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ಪ್ರಜಾತ್ಯಾ ಏವ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭೇ ಬೃಹದ್ರ ಥನ್ತರೇ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ಛನ್ದೋಮಾಃ ಪವಮಾನಾ ಭವನ್ತಿ ।
ಪಶವೋ ವೈ ಛನ್ದೋಮಾಃ ।
ಪಶವಃ ಪ್ರಜನನಮ್ ।
ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ಮಾನವಂ ಬ್ರಹ್ಮಸಾಮ ಭವತಿ ।
ಬ್ರಹ್ಮ ವೈ ಬ್ರಹ್ಮಸಾಮ ।
ಯಜಮಾನಕಾಮೋ ಏಷ ಯದ್ಬ್ರಹ್ಮಸಾಮ ಸ್ವ ಏವ ತದಾಯತನೇ ಯಜಮಾನಂ ಕಾಮೈಸ್ಸಮರ್ಧಯನ್ತಿ ।
ಸ ಉಕ್ಥ್ಯೋ ಭವತಿ ।
ಪ್ರಜಾ ವೈ ಪಶವ ಉಕ್ಥಾನಿ ।
ಪ್ರಜಾ ವೈ ಪಶವಃ ಪ್ರಜನನಮ್ ।
ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ೧೦೮

ಅಥೋ ಆಹುರನ್ವಿಷ್ಟೀನಾಂ ಹೇದ್ವಾ ಏಷ ಏಕೋ ಯಜ್ಞಕ್ರತುರಿತಿ ।
ಸ ಯಸ್ಸಂವತ್ಸರಭೃತಾ ವಾಸಂವತ್ಸರಭೃತಾ ವಾಗ್ನಿನಾ ಚಿತ್ಯೇನ ಯಜೇತ ಸ ಏತೇನ ಯಜೇತ ।
ಸದ್ಯೋ ಹೈವಾಸ್ಯ ಸಂವತ್ಸರ ಋತುಶೋಽರ್ಧಮಾಸಶೋ ಮಾಸಶೋ ರಾತ್ರಿಶೋಽನ್ವಿಷ್ಟೋ ಭವತಿ ।
ತದ್ಯತ್ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತ್ಯೃತವೋ ವೈ ಪೃಷ್ಠಾನಿ ಸಂವತ್ಸರ ಋತವಸ್ತೇನರ್ತುಶಃ ।
ಅಥ ಯತ್ಪಞ್ಚದಶ ಸ್ತೋತ್ರಾಣಿ ಭವನ್ತಿ ಪಞ್ಚದಶ ವಾರ್ಧಮಾಸಸ್ಯ ರಾತ್ರಯಸ್ತೇನಾರ್ಧಮಾಸಶಃ ।
ಅಥ ಯತ್ತ್ರಿಂಶತ್ಸ್ತುತಶಸ್ತ್ರಾಣಿ ಭವನ್ತಿ ತ್ರಿಂಶನ್ಮಾಸಸ್ಯ ರಾತ್ರಯಸ್ತೇನ ಮಾಸಶಃ ।
ಅಥ ಯತ್ತ್ರೀಣಿ ಷಷ್ಟಿಶತಾನಿ ಸ್ತೋತ್ರಿಯಾ ಭವನ್ತಿ ತಾವತೀಃ ಸಂವತ್ಸರಸ್ಯ ರಾತ್ರಯಸ್ತೇನ ರಾತ್ರಿಶಃ ।
ಸದ್ಯೋ ಹೈವಾಸ್ಯ ಸಂವತ್ಸರೋಽನ್ವಿಷ್ಟೋ ಭವತಿ ಯ ಏವಂ ವೇದ ।
ತಾಃ ಪ್ರಜನ್ಯಾಕಾಮಯತ ಸ್ವರ್ಗಂ ಲೋಕಂ ಗಚ್ಛೇಯಮಿತಿ ।
ಸ ಏತಮುತ್ತರಂ ಮನುಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯೋರ್ಧ್ವಾ ಸ್ತೋಮಾ ಭವನ್ತ್ಯೂರ್ಧ್ವೋ ವೈ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತ ಸ್ವರ್ಗ್ಯೇ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ಛನ್ದೋಮಾಃ ಪವಮಾನಾ ಭವನ್ತಿ ಪಶವೋ ವೈ ಛನ್ದೋಮಾಃ ।
ಪಶವ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ಪಞ್ಚವಿಂಶಂ ಬ್ರಹ್ಮಸಾಮ ಭವತಿ ।
ಅನ್ನಂ ವೈ ಪಞ್ಚವಿಂಶಮ್ ।
ಯಜಮಾನಕಾಮೋ ವಾ ಏಷ ಯದ್ಬ್ರಹ್ಮಸಾಮ ।
ಸ್ವ ಏವ ತದಾಯತನೇ ಯಜಮಾನಮನ್ನಾದ್ಯೇನ ಸಮರ್ಧಯನ್ತಿ ।
ಸ ಉಕ್ಥ್ಯೋ ಭವತಿ ಪ್ರಜಾ ವೈ ಪಶವ ಉಕ್ಥಾನಿ ।
ಪ್ರಜಾ ವೈ ಪಶವ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ೧೦೯

ಅಥೋ ಆಹುರನ್ವಿಷ್ಟೀನಾಂ ಹೇದ್ವಾ ಏಷ ಏಕೋ ಯಜ್ಞಕ್ರತುರಿತಿ ।
ತತ ಏವ ರಾತ್ರಿಮುಪಯನ್ತಿ ।
ಅತಿರಾತ್ರೇಣ ವೈ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ತೇ ಸ್ವರ್ಗಂ ಲೋಕಂ ಗತ್ವಾ ಸಾರ್ಧಮೇವಾವ್ಯವಸಿತಾ ಆಸತ ।
ದಿಶೋಽಪ್ರಜಾನಾನಾಸ್ತೇ ಅಕಾಮಯನ್ತ ದಿಶಃ ಪ್ರಜಾನೀಯಾಮೇತಿ ।
ಅಹೋರಾತ್ರಯೋರ್ಹ ವೈ ಪರಸ್ತಾತ್ಸ್ವರ್ಗೋ ಲೋಕಃ ।
ತ ಏತಾನ್ಯುಪರಿಷ್ಟಾದ್ರಾ ತ್ರೇಶ್ಚತ್ವಾರಿ ಸ್ತೋತ್ರಾಣ್ಯಪಶ್ಯನ್ ।
ತೈರಸ್ತುವತ ।
ತೈರೇವ ಸ್ತುತ್ವಾ ದಿಶಃ ಪ್ರಾಜಾನನ್ ।
ತತೋ ವೈ ತೇ ಯತ್ರ ಯತ್ರ ಸ್ವರ್ಗಸ್ಯ ಲೋಕಸ್ಯಾಕಾಮಯನ್ತ ತತ್ತದ್ವ್ಯವಾಸ್ಯನ್ ।
ಯತ್ರ ಯತ್ರ ಹ ವೈ ಸ್ವರ್ಗಸ್ಯ ಲೋಕಸ್ಯ ಕಾಮಯತೇ ತತ್ತದ್ವ್ಯವಸ್ಯತಿ ಯ ಏವಂ ವೇದೇತಿ ಹ ಸ್ಮಾಹ ಜಾನಶ್ರುತೇಯಃ ।
ಅಥ ಹ ಸ್ಮಾಹ ವೈತಹವ್ಯಃ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾಃ ಪ್ರಾದ್ರ ವನ್ ।
ತಾನಗ್ನಿಷ್ಟೋಮೇನಾವಿವಾರಯಿಷತ ।
ತೇ ತದತ್ಯಾದ್ರ ವನ್ ।
ತಾನುಕ್ಥ್ಯೇನಾವಿವಾರಯಿಷತ ।
ತೇ ತದತ್ಯಾದ್ರ ವನ್ ।
ತಾನ್ಷೋಡಶಿನಾವಿವಾರಯಿಷತ ।
ತೇ ತದತ್ಯೇವಾದ್ರ ವನ್ ।
ತಾನ್ಪರ್ಯಾಯೈಃ ಪರ್ಯಾಯಮೈತ್ ।
ಯತ್ಪರ್ಯಾಯೈಃ ಪರ್ಯಾಯಮೈತ್ತತ್ಪರ್ಯಾಯಾಣಾಂ ಪರ್ಯಾಯತ್ವಮ್ ।
ತಾನಾಶ್ವಿನೇನ ಕ್ರತುನಾ ಪರ್ಯಗೃಹ್ಣಾತ್ ।
ತೇಷಾಂ ಪರಿಗೃಹೀತಾನಾಂ ಯಥಾ ಕ್ಷುದ್ರಾ ಮತ್ಸ್ಯಾ ಅಕ್ಷೋರಕ್ಷ್ಯತಿಶೀಯೇರನ್ನೇವಮೇವ ಯೇ ಕ್ಷುದ್ರಾ ಃ! ಪಶವ ಆಸುಸ್ತೇಽತಿಶೇದುಃ ।
ತಾನಕಾಮಯತಾಪ್ತ್ವೈನಾನಾತ್ಮನ್ಯಚ್ಛೇಯಮಿತಿ ।
ಸ ಏತಾನ್ಯುಪರಿಷ್ಟಾದ್ರಾ ತ್ರೇಶ್ಚತ್ವಾರಿ ಸ್ತೋತ್ರಾಣ್ಯಪಶ್ಯತ್ ।
ತೈರಸ್ತುತ ।
ತೈರೇವೈನಾನಾಪ್ತ್ವಾತ್ಮನ್ಯಯಚ್ಛತ್ ।
ಯದಾಪ್ತ್ವಾತ್ಮನ್ಯಯಚ್ಛತ್ತಸ್ಮಾದಪ್ತೋರ್ಯಾಮಃ ।
ಯದ್ವೇವಾಪ್ತುಶ ಇವ ಸೋಮಸ್ಯ ಪ್ರಭಾವಯನ್ನನ್ವೇತಸ್ಮಾದಪ್ತೋರ್ಯಾಮಃ ೧೧೦

ತಾ ದ್ವಾಷಷ್ಟಿ ಸ್ತೋತ್ರಿಯಾಸ್ಸಂಪದ್ಯನ್ತೇ ।
ತತೋ ಯಾಷ್ಷಷ್ಟಿಸ್ಸಾ ವಿರಾಟ್ ।
ಪಶವೋ ವಿರಾಟ್ ।
ಅಥ ಯೇ ದ್ವೇ ಯಜಮಾನ ಏವೈಷ ದ್ವಿಪಾತ್ಪರಸ್ತಾತ್ಪರ್ಯೂಢಃ ।
ಪಶೂನಾಂ ಗುಪ್ತ್ಯೈ ಪಶೂನಾಮಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಅಥೋ ಆಹುರೇಕಮೇವೈತತ್ಸ್ತೋತ್ರಂ ಸತ್ತಚ್ಚತುರ್ಧಾ ವಿಹೃತ್ಯ ಸ್ತುಯುಷ್ಷಡ್ಭಿರೇವ ಹೋತ್ರೇ ಸ್ತುಯುಷ್ಷಡ್ಭಿರ್ಮೈತ್ರಾವರುಣಾಯ ಷಡ್ಭಿರ್ಬ್ರಾಹ್ಮಣಾಚ್ಛಂಸಿನೇ ಷಡ್ಭಿರಚ್ಛಾವಾಕಾಯ ।
ತದು ಹೋತೈವಾನುಶಂಸೇದಿತಿ ।
ತಾಶ್ಚತುರ್ವಿಂಶತಿ ಸ್ತೋತ್ರ್! ಯಾಸ್ಸಂಪದ್ಯನ್ತೇ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜಾಪತಿಃ ।
ಪ್ರಜಾಪತಿರೇವೈಷ ಪರಸ್ತಾತ್ಪರ್ಯೂಢಃ ।
ಪಶೂನಾಂ ಗುಪ್ತ್ಯೈ ಪಶೂನಾಮಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ತದು ವಾ ಆಹುಸ್ತ್ರಿವೃತ್ಪಞ್ಚದಶಂ ಸಪ್ತದಶಮೇಕವಿಂಶಮಿತ್ಯೇವೈತಾನಿ ಸ್ತೋತ್ರಾಣಿ ಸ್ಯುಃ ।
ಏಕವಿಂಶಂ ವಾ ಅನು ಸರ್ವೇ ಯಜ್ಞಕ್ರತವಸ್ಸಂತಿಷ್ಠನ್ತೇ ।
ಅಥೋ ಏಷ ವಾವ ದೃಢಃ ಪ್ರತಿಷ್ಠಿತ ಸ್ತೋಮೋ ಯದೇಕವಿಂಶಃ ।
ತಸ್ಮಾದೇಕವಿಂಶ ಏವ ಸ್ತೋಮೋಽನ್ತತಃ ಕಾರ್ಯ ಇತಿ ।
ತದಾಹುಃ ಪೃಷ್ಠರೂಪೈರೇವಾನ್ವಿಯುರಿತಿ ೧೧೧

ಅಭಿ ತ್ವಾ ವೃಷಭಾ ಸುತ ಇತ್ಯಾರ್ಷಭಮ್ ।
ಅಭೀತಿ ರಥನ್ತರಸ್ಯ ರೂಪಮ್ ।
ತೇನ ರಥನ್ತರಸ್ಯ ರೂಪಾನ್ನ ಯನ್ತಿ ।
ಯದದ್ಯ ಕಚ್ಚ ವೃತ್ರಹನ್ನಿತಿ ಶಾಕಲಂ ಹಿಂಕಾರವದ್ವಾಮದೇವ್ಯಸ್ಯ ರೂಪಮ್ ।
ತೇನ ವಾಮದೇವ್ಯಸ್ಯ ರೂಪಾನ್ನ ಯನ್ತಿ ।
ತಮಿನ್ದ್ರಂ ವಾಜಯಾಮಸೀತ್ಯೇದಾವಸುನಿಧನಂ ಬಹಿರ್ನಿಧನಂ ಬೃಹತೋ ರೂಪಮ್ ।
ತೇನ ಬೃಹತೋ ರೂಪಾನ್ನ ಯನ್ತ್ಯಥೋ ಪಶವೋ ವೈ ವಸು ಪಶೂನಾಮೇವಾವರುದ್ಧ್ಯೈ ।
ಅಥೋ ಹೈನಾಂಸ್ತದಿದಂ ವಸ್ವಿತ್ಯೇವಾಪ್ತ್ವೋಪೇಯಾಯೇದಂ ವಿಷ್ಣುರ್ವಿಚಕ್ರಮ ಇತೀಳಾನಾಂ ಸಂಕ್ಷಾರಃ ಪಶವೋ ವಾ ಇಳಾನಾಂ ಸಂಕ್ಷಾರಃ ಪಶೂನಾಮೇವಾವರುದ್ಧ್ಯೈ ।
ಏತದ್ಧ ವಾ ಏನಾಂಸ್ತನ್ನಿಜುಹ್ವ ಏಹೀಳಾ ಏಹೀಳಾ ಇತಿ ಪಶವೋ ವಾ ಇಳಾ ತಸ್ಮಾದೇತಾನ್ಯತಿರಿಕ್ತೋಕ್ಥಾನಿ ಕಾರ್ಯಾಣೀತಿ ।
ತದು ಹೋವಾಚ ತಾಣ್ಡ್ಯಃ ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ಸೋಽಗ್ನಿಮಬ್ರವೀದೇತಾನ್ಮೇ ವಾರಯಸ್ವೇತಿ ।
ತಾನ್ಸ ಜರಾಬೋಧೀಯೇನ ನಾವಾರಯತ ।
ಸ ಇನ್ದ್ರ ಮಬ್ರವೀದೇತಾನ್ಮೇ ವಾರಯಸ್ಯೇತಿ ।
ತಾನ್ಸ ಸತ್ರಾಸಾಹೀಯೇನ ನಾವಾರಯತ ।
ಸ ಈಶಾನಂ ದೇವಮಬ್ರವೀದೇತಾನ್ಮೇ ವಾರಯಸ್ವೇತಿ ।
ತಾನ್ಸ ಮಾರ್ಗೀಯವೇಣ ನೈವಾವಾರಯತ ।
ಸ ವಿಷ್ಣುಮಬ್ರವೀದೇತಾನ್ಮೇ ವಾರಯಸ್ವೇತಿ ।
ತಾನ್ಸ ವೈಷ್ಣವೀಷು ವಾರವನ್ತೀಯೇನೈವಾವಾರಯತ ।
ಯದವಾರಯತ ತದ್ವಾರವನ್ತೀಯಸ್ಯ ವಾರವನ್ತೀಯತ್ವಮ್ ।
ತಸ್ಮಾದೇತಾನ್ಯತಿರಿಕ್ತೋಕ್ಥಾನಿ ಕಾರ್ಯಾಣ್ಯೇವೇತಿ ೧೧೨

ಅಥೈಷ ಗೋಸವಃ ।
ಸ್ವರ್ಗಕಾಮೋ ಹೈತೇನ ಯಜೇತ ।
ಸ ವಾ ಏಷ ಷಟ್ತ್ರಿಂಶೋ ಭವತಿ ।
ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ಸ್ವರ್ಗೋ ಲೋಕಃ ಸಾಮ್ರಾಜ್ಯಂ ।
ಬೃಹತ್ಯಾಮೇವ ತತ್ಸ್ವರ್ಗೇ ಲೋಕೇ ಸಾಮ್ರಾಜ್ಯೇ ಪ್ರತಿತಿಷ್ಠನ್ತೋ ಯನ್ತಿ ।
ಬೃಹತ್ಯು ಹ ವಾ ಇಮಾನ್ಸರ್ವಾಁ ಲ್ಲೋಕಾನಕ್ಷರೈರ್ವ್ಯಾಪ್ನೋತಿ ದಶಭಿರೇವಾಕ್ಷರೈರಿಮಂ ಲೋಕಂ ವ್ಯಾಪ್ನೋತಿ ದಶಭಿರನ್ತರಿಕ್ಷಂ ದಶಭಿರಮುಂ ಚತುರ್ಭಿರ್ದಿಶೋ ದ್ವಾಭ್ಯಾಮಹೋರಾತ್ರೇ ।
ಸಾ ಯೇಮಾಂಲ್ಲೋಕಾನ್ವ್ಯಾಪ್ನೋತಿ ತಯೇಮಾಂಲ್ಲೋಕಾನ್ವ್ಯಾಪ್ನವಾನೀತಿ ।
ತಸ್ಯ ಸ್ತೋತ್ರಂ ಸ್ತೋತ್ರಂ ಚತುರಶ್ಚತುರಸ್ತ್ರಿವೃತೋಽಭಿಸಂಪದ್ಯತೇ ।
ತ್ರಿವೃತಂ ವಾ ಅನ್ಯೇ ಸ್ತೋಮಾ ಅಭಿಸಂಪದ್ಯನ್ತೇ ತ್ರಿವೃತ್ಸ್ವರ್ಗಂ ಲೋಕಮ್ ।
ಸ ಯಥಾ ಕ್ಷಿಪ್ರಾಶ್ವೇನ ಚತುರ್ಯುಜಾ ಯತ್ರ ಜಿಗಮಿಷೇತ್ತದ್ಗಚ್ಛೇದೇವಮೇವೈತೇನ ಸ್ವರ್ಗಂ ಲೋಕಂ ಗಚ್ಛತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತ ಸ್ವರ್ಗ್ಯೇ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಸ ಉಕ್ಥ್ಯೋ ಭವತಿ ಪ್ರಜಾ ವೈ ಪಶವ ಉಕ್ಥಾನಿ ।
ಪ್ರಜಾ ವೈ ಪಶವ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ದ್ವಾದಶ ಸಹಸ್ರಾಣಿ ದಕ್ಷಿಣಾ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಸ್ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ವ್ರತಮ್ ।
ಉಪ ಮಾತರಮಿಯಾದುಪ ಸ್ವಸಾರಮುಪ ಸಗೋತ್ರಾಮ್ ।
ಉಪಾಹ್ವರ್ಯೋದಕಮಾಚಾಮೇದುಪಾಹ್ವರ್ಯ ತೃಣಾನ್ಯಾಛಿನ್ದ್ಯಾತ್ ।
ಯತ್ರ ಯತ್ರೈನಂ ವಿಷ್ಠಾ ವಿನ್ದೇತ್ತತ್ತದ್ವಿತಿಷ್ಠೇತ ।
ಅನಡುಹೋ ಹ ಲೋಕಂ ಜಯತಿ ।
ತೇನ ಹೈತೇನ ಜನಕೋ ವೈದೇಹೋ ಇಯಕ್ಷಾಂ ಚಕ್ರೇ ।
ತಮು ಹ ಬ್ರಾಹ್ಮಣಾ ಅಭಿತೋ ನಿಷೇದುಃ ।
ಸ ಹ ಪಪ್ರಚ್ಛ ಕ ಸ್ತೋಮ ಇತಿ ।
ಸ ಹೋವಾಚ ಸುದಕ್ಷಿಣಃ ಕ್ಷೈಮಿರ್ನಾಯಂ ತ್ರಿವೃದೇವಾಹುರಿತಿ ।
ತಸ್ಯ ಕಿಂ ವ್ರತಂ ಕಾ ದಕ್ಷಿಣಾ ಇತಿ ।
ತಸ್ಮಾ ಉ ಹೈತತ್ಪ್ರೋವಾಚ ।
ಸ ಹೋವಾಚ ಉದೇವಾಸ್ಯ ದಕ್ಷಿಣಾ ಆಶಂಸೇ ವ್ರತಂ ತ್ವೇವಾಸ್ಯ ನೋದಾಶಂಸ ಇತಿ ।
ತೇನೋ ಹ ಸ ನೋಪದಧರ್ಷ ಯಷ್ಟುಮ್ ।
ತೇನೋ ಹ ಪುಣ್ಯಕೇಶೋ ಯೌಧೇನಿರೀಜೇ ಶೈಬ್ಯೋ ರಾಜಾ ।
ತಂ ಹ ಸಭಾಯಾಮೇವ ವಿಷ್ಠಾ ವಿವೇದ ।
ಸ ಹ ತದೇವೋದಾವೃಣಾನ ಉವಾಚ ಸ್ಥವಿರಯಜ್ಞೋ ವಾವ ಕಿಲಾಯಮಾಸ ।
ಸ್ಥವಿರ ಏವಾನೇನ ಯಜ್ಞೇನ ಯಜೇತ ।
ಸ್ಥವಿರಸ್ಯ ಹ್ಯೇವೇದಂ ಸರ್ವಮನುಜ್ಞಾತಮಿತಿ ।
ಸ ಹೈಷ ಸ್ಥವಿರಯಜ್ಞ ಏವ ।
ತೇನ ಹೈತೇನೋತ್ತರವಯಸ್ಯೇ ವ ಯಜೇತ ೧೧೩

ಅಥೈಷ ವಿವಧಃ ।
ಪಶುಕಾಮೋ ಹೈತೇನ ಯಜೇತ ।
ಸ ವಾ ಏಷ ಷಟ್ಚ ಪಙ್ಕ್ತೀರಭಿಸಂಪದ್ಯತೇ ದಶ ಚ ಸ್ತೋತ್ರ್! ಯಾಃ ।
ತತೋ ಯಾಷ್ಷಟ್ಪಙ್ಕ್ತಯಃ ಪಶವಸ್ತೇ ।
ಅಥ ಯಾ ದಶ ಸ್ತೋತ್ರ್! ಯಾಃ ಪಶೂನಾಮೇವ ಸ ದೋಹಃ ।
ಪಯ ಏವೈಷಾಂ ತತ್ ।
ತೇ ಉ ಏವ ದ್ವೇ ಪಞ್ಚ ಪಞ್ಚ ಪಞ್ಚಿನ್ಯೌ ಪಙ್ಕ್ತ್ಯೌ ಸಂಪದ್ಯೇತೇ ।
ತ ಉ ತೇ ಪಶವ ಏವ ।
ತಸ್ಯ ಸವಿಂಶಂ ಪ್ರಾತಸ್ಸವನಂ ಭವತಿ ಸದಶಂ ಮಾಧ್ಯಂದಿನಂ ಸವನಂ ಸವಿಂಶಂ ತೃತೀಯಸವನಮ್ ।
ತದ್ಯಥಾ ಹ ವೈ ವಿವಧಸ್ಯೋಭಯತಸ್ಸಗುರು ಸವಿವಧತಾಯೈ ತಾದೃಕ್ತದ್ಯತ್ಸದಶಂ ಮಾಧ್ಯಂದಿನಂ ಸವನಂ ಭವತಿ ।
ಸವಿಂಶೇ ಅಭಿತಃ ಪೂರ್ವಾರ್ಧಂ ಚ ಜಘನಾರ್ಧಂ ಚ ಭೂಯಿಷ್ಠಂ ಭಾಜಯನ್ತಿ ।
ತಸ್ಮಾತ್ಪಶವಃ ಪೂರ್ವಾರ್ಧೇನ ಚ ಜಘನಾರ್ಧೇನ ಚ ಭೂಯಿಷ್ಠಂ ಭಾಜಯನ್ತಿ ।
ವಹನ್ತಿ ಪೂರ್ವಾರ್ಧೇನ ದುಹ್ರೇ ಚ ಜಘನಾರ್ಧೇನ ಪ್ರ ಚ ಜನಯನ್ತಿ ।
ಉಭಯಂ ಧೇನುಪಯಸಂ ಚಾನಡುತ್ಪಯಸಂ ಚಾವರುನ್ಧೇ ಯ ಏವಂ ವೇದ ।
ತಸ್ಮಿನ್ನು ಹ ತರ್ಹ್ಯುಭೇ ಬೃಹದ್ರ ಥನ್ತರೇ ಕುರ್ಯುರ್ದ್ವಯಾ ಉ ಹ ವೈ ಪಶವೋ ರಾಥನ್ತರಾ ಅನ್ಯೇ ಬಾರ್ಹತಾ ಅನ್ಯೇ ।
ಯೇ ಹ ವಾ ಅನ್ಯತೋದನ್ತಾಃ ಪಶವಸ್ತೇ ರಾಥನ್ತರಾ ಯ ಉಭಯತೋದನ್ತಾಸ್ತೇ ಬಾರ್ಹತಾ ಉಭಯೇಷಾಮೇವ ಪಶೂನಾಮವರುದ್ಧ್ಯೈ ।
ಸ ಉಕ್ಥ್ಯೋ ಭವತಿ ಪಶವೋ ವಾ ಉಕ್ಥಾನಿ ಪಶೂನಾಮೇವಾವರುದ್ಧ್ಯೈ ।
ತಸ್ಯೋದ್ವಂಶೀಯಮಚ್ಛಾವಾಕಸಾಮ ಭವತಿ ಸರ್ವಪೃಷ್ಠರೂಪಂ ಪೃಷ್ಠಾನಿ ವೈ ಪಶವೋಽಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ೧೧೪

ಅಥೈಷ ಸದ್ಯಃಕ್ರೀಃ ।
ತೇ ವೃತಾ ನಾಪಾಕ್ರಾಮನ್ ।
ತ ಏತ್ಯಾಯಾಜಯನ್ ।
ತೇಭ್ಯ ಏತಾಂ ವಾಚಂ ವಳವಾಂ ಶ್ವೇತಾಂ ಭೂತಾಂ ಅಶ್ವಾಭಿಧಾನ್ಯಭಿಹಿತಾಮಾನಯನ್ನಿಮಾಂ ಪ್ರತಿಗೃಹ್ಣೀತೇತಿ ।
ತೇಽಬ್ರುವಞ್ಶ್ರೇಯಸೀಯಮಸ್ಮನ್ನೋ ಇಮಾಮುದ್ಯಂಸ್ಯಾಮ ಇತಿ ।
ಸಾ ಕ್ರುದ್ಧಾ ನ ಮಾ ಪ್ರತ್ಯಗೃಹ್ಣನ್ನಿತಿ ಸಿಂಹ್ಯುಭಯತೋಮುಖೀ ಭೂತ್ವೋರ್ಧ್ವೋದಕ್ರಾಮತ್ ।
ಸೋಭಯಾನ್ದೇವಾಸುರಾನನ್ತರಾತಿಷ್ಠದ್ಯಂ ದೇವಾನಾಮುಪಾಪ್ನೋದ್ಯಂ ಅಸುರಾಣಾಂ ತಮಾದದಾನಾ ।
ತಾಮುಪೈವ ದೇವಾ ಅಮನ್ತ್ರಯನ್ತೋಪಾಸುರಾಃ ।
ಸಾ ದೇವಾನಭ್ಯುಪಾವರ್ತಮಾನಾಬ್ರವೀತ್ಕಿಂ ಮೇ ತತ ಸ್ಯಾದ್ಯದ್ವೋಽಭ್ಯುಪಾವರ್ತೇಯೇತಿ ।
ಪೂರ್ವಾಂ ತ್ವಾಗ್ನೇರಾಹುತಿರಶ್ನುವೀತೇತಿ ।
ತಾಮಧ್ವರೇಽವಾಕಲ್ಪಯನ್ ।
ಸೈಷೋತ್ತರವೇದಿಃ ।
ತಾಮೇತಾಂ ಪೂರ್ವಾಮಗ್ನೇರಾಹುತಿರಶ್ನುತೇ ೧೧೫

ಧಾರಯನ್ತ್ಯಗ್ನಿಂ ವ್ಯಾಧಾರಯನ್ತ್ಯುತ್ತರವೇದಿಮ್ ।
ಏತದೇನಾಂ ತತ್ಪೂರ್ವಾಮಗ್ನೇರಾಹುತಿರಶ್ನುತೇ ।
ಅಥೈತೇಭ್ಯ ಏತಮಾದಿತ್ಯಾ ಆದಿತ್ಯಮೇವಾಶ್ವಂ ಶ್ವೇತಂ ಭೂತಮಶ್ವಾಭಿಧಾನ್ಯಭಿಹಿತಮಾನಯನ್ನಿಮಮು ವೈ ಪ್ರತಿಗೃಹ್ಣೀತೇತಿ ।
ತೇಽಬ್ರುವಞ್ಶ್ರೇಯಾನು ವಾವಾಯಮಸ್ಮನ್ನೋ ವಾವೇಮಮುದ್ಯಂಸ್ಯಾಮ ಇತಿ ।
ತಾನ್ದೇವಾಶ್ಚರ್ಷಯಶ್ಚೋಪಸಮೇತ್ಯಾಬ್ರುವನ್ವಿಚ್ಛೇತ್ಸ್ಯನ್ತೇ ವಾ ಅದಕ್ಷಿಣಾ ಯಜ್ಞಾಃ ಪ್ರತಿಗೃಹ್ಣೀತೇತಿ ।
ತದೇಷಾಭ್ಯನೂಚ್ಯತೇ
ಆದಿತ್ಯಾ ಹ ಜರಿತರಙ್ಗಿರೋಭ್ಯೋಽಶ್ವಂ ದಕ್ಷಿಣಾಮನಯಂಸ್
ತಂ ಹ ಜರಿತರ್ನ ಪ್ರತ್ಯಾಯಂಸ್ತಂ ಹ ಜರಿತರ್ನ ಪ್ರತ್ಯಗೃಹ್ಣಂಸ್
ತಾಮು ಹ ಜರಿತಃ ಪ್ರತ್ಯಾಯಂಸ್ತಾಮು ಹ ಜರಿತಃ ಪ್ರತ್ಯಗೃಹ್ಣನ್ನ್ । ಅಹಾ ನೇದಸನ್ನಪುರೋಗವಾಣಿ ಯಜ್ಞಾ ನೇದಸನ್ನವಿಚೇತನಾಸಃ ೧೧೬

ಆದಿತ್ಯಾ ರುದ್ರಾ ವಸವಸ್ತ್ವೇಳತ ಇದಂ ರಾಧಃ ಪ್ರತಿಗೃಹ್ಣೀಹ್ಯಙ್ಗಿರ
ಇದಂ ರಾಧೋ ಬೃಹತ್ಪೃಥು ದೇವಾ ದದತು ವೋ ವರಮ್
ತದ್ವೋ ಅಸ್ತು ಸುಚೇತನಂ
ಯುಷ್ಮೇ ಅಸ್ತು ದಿವೇ ದಿವೇ ಪ್ರತ್ಯೇವ ಗೃಭಾಯತ
ಇತ್ಯೇವೈನಾನ್ಪ್ರತ್ಯಗ್ರಾಹಯನ್ ।
ತತೋ ವಾ ಆದಿತ್ಯಾಃ ಪೂರ್ವೇ ಸ್ವರ್ಗಂ ಲೋಕಮಾಗಚ್ಛನಹೀಯನ್ತಾಙ್ಗಿರಸಃ ।
ಸ ಯೋ ಭ್ರಾತೃವ್ಯವಾನ್ಸ್ಯಾದ್ಯೋಽಭಿಚರೇದ್ಯ ಸ್ಪರ್ಧೇತ ಸ ಏತೇನ ಯಜೇತ ।
ಹೀಯತೇಽಸ್ಯ ಪಾಪ್ಮಾ ಭ್ರಾತೃವ್ಯೋ ಗಚ್ಛತಿ ಸ್ವರ್ಗಂ ಲೋಕಮ್ ।
ಯವೋರ್ವರಾ ವೇದಿರ್ಭವತಿ ।
ಸಾ ಹಿ ಪುರಾಕೃತಾ ಭವತಿ ।
ಯವಾನಾಮುತ್ತರವೇದಿಃ ।
ಯವೈರ್ವಾ ಆದಿತ್ಯಾ ಅಙ್ಗಿರಸಾಂ ಯಜ್ಞಮಯುವತ ।
ಯದ್ಯಜ್ಞಂ ಯವೈರಯುವತ ತದ್ಯವಾನಾಂ ಯವತ್ವಮ್ ।
ಯವೈರೇವ ದ್ವಿಷತೋ ಭ್ರಾತೃವ್ಯಸ್ಯ ಯಜ್ಞಂ ಯುತೇ ।
ಖಲೇವಲಾ ಯೂಪ ಸ್ಫ್ಯಾಗ್ರೋ ಭವತ್ಯೈನ್ದ್ರ ಃ! ।
ವಿಜಿತ್ಯೈ ಸಹ ಪಶೂ ಆಲಭನ್ತೇ ಸಮಷ್ಟ್ಯೈ ।
ಪುಮಾನ್ಗೌಸ್ಸೋಮಕ್ರಯಣೋ ಭವತಿ ವೀರ್ಯಂ ವೈ ಪುಮಾನ್ವೀರ್ಯವನ್ತೋಽಸಾಮೇತಿ ।
ಸಾಣ್ಡೋ ಭವತಿ ಸೇನ್ದ್ರ ತ್ವಾಯ ।
ಕುಂಭ್ಯಾ ವಸತೀವರ್ಯ್ಯೋ ಭವನ್ತಿ ಯಃ ಪುರೇಜಾನಸ್ತಸ್ಯ ಗೃಹೇಭ್ಯಃ ।
ತಾ ಹಿ ಪುರಾಗೃಹೀತಾ ಭವನ್ತಿ ।
ಸರ್ಪಿಷ್ಮನ್ತಮಶಿತ್ವಾ ನಿಪದ್ಯತೇ ।
ಯಮೇವಾಮುಂ ದೀಕ್ಷಣೀಯಮಶ್ನಾತಿ ಸ ಏವಾಸ್ಯ ಸೋಽಶಿತೋ ಭವತಿ ।
ಪ್ರಿಯಾಯೈ ಜಾಯಾಯಾ ಅನ್ತರೋರೂ ಶೇತೇಽನಿಪದ್ಯಮಾನಃ ।
ತಪಸ್ಯಮೇವಾಸ್ಯ ತದ್ಧಿರಣ್ಯಂ ಮುಖ ಆಧಾಯ ಶೇತೇ ।
ಸತ್ಯಂ ವೈ ಹಿರಣ್ಯಮ್ ।
ಸತ್ಯಮೇವಾಸ್ಯ ತದುದಿತಂ ಭವತಿ ೧೧೭

ಅಶ್ವ ಶ್ವೇತೋ ದಕ್ಷಿಣಾ ಭವತಿ ಸ್ವರ್ಗ್ಯೋ ವಾ ಅಶ್ವ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಅಶ್ವರಥಸ್ಸೋಮಪ್ರವಾಕೋ ಭವತಿ ಯೋಜನಂ ಪರಮಮ್ ।
ಏತದ್ಧ ವೈ ಪರಮಾಣಾಮಧ್ವಾನಾಮವಮಂ ಯದ್ಯೋಜನಮವಮಾನಾಂ ವಾ ಪರಮಮ್ ।
ತಸ್ಮಿನ್ದಧಿದೃತಿರುಪಾವಹಿತೋ ಭವತಿ ।
ತಸ್ಯ ಯತ್ಸರ್ಪಿಸ್ಸಂಪತತಿ ತದಾಜ್ಯಕುಂಭೇಽವಾಸ್ಯನ್ತಿ ।
ತದ್ಧಿ ಸದ್ಯೋಜಮಿವ ದ್ವಿಕ್ರೋಶಮಿತ್ಥಂ ದ್ವಿಕ್ರೋಶಮಿತ್ಥಮೃತ್ವಿಜೋ ವಿನಿಹಿತಾ ಭವನ್ತಿ ।
ತ ಏನಂ ಪ್ರಾತರುಪಸಮೇತ್ಯ ಯಾಜಯನ್ತಿ ।
ಸ ಜುಹ್ವತ್ತ್ರಿರ್ನಿಮೀಲಯತಿ ತ್ರಿರ್ವೀಕ್ಷತೇ ।
ತಾ ಏವ ದೀಕ್ಷೋಪಸದಃ ೧೧೮

ಸ ತ್ರಿವೃದ್ರ ಥನ್ತರಸಾಮಾ ಭವತಿ ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮ ರಥನ್ತರಂ ಬ್ರಹ್ಮಣಾ ಸ್ವರ್ಗಂ ಲೋಕಂ ಗಚ್ಛಾಮೇತಿ ।
ಅಥೋ ಆಹುಸ್ತ್ರಿವೃದೇವ ಬೃಹತ್ಸಾಮ ಸ್ಯಾದಿತಿ ।
ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ಬೃಹತ್ ।
ಬ್ರಹ್ಮಣಾ ಚ ಕ್ಷತ್ರೇಣ ಚ ಸಂಯುಗ್ಭ್ಯಾಂ ಸ್ವರ್ಗಂ ಲೋಕಂ ಗಚ್ಛಾಮೇತಿ ।
ತದು ವಾ ಆಹುಸ್ತ್ರಿವೃದೇವ ರಥನ್ತಸಾಮಾ ಸ್ಯಾತ್ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮ ವೈ ರಥನ್ತರಮ್ ।
ಬ್ರಹ್ಮ ವೈ ಸ್ವರ್ಗಸ್ಯ ಲೋಕಸ್ಯೇಶೇ ।
ತಸ್ಮಿಂಸ್ತ್ರಿವೃದೇವ ರಥನ್ತರಸಾಮಾ ಸ್ಯಾದಿತಿ ।
ತಸ್ಮಿನ್ನಾಹುರಿಯವನ್ತಿ ಸಾಮಾನಿ ಕಾರ್ಯಾಣ್ಯಿಯವದ್ಭಿರ್ವೈ ದೇವಾ ಸ್ವರ್ಗಂ ಲೋಕಮಗಚ್ಛನ್ನಿಯವದ್ಭಿ ಸ್ವರ್ಗಂ ಲೋಕಂ ಗಚ್ಛಾಮೇತಿ ।
ಅಥೋ ಆಹುರ್ಯಾನ್ಯೇವಾಗ್ನಿಯೋನೀನಿ ಸಾಮಾನಿ ತಾನಿ ಕಾರ್ಯಾಣಿ ।
ಅಶೃತ ಇವ ವಾ ಏಷ ಯತ್ಸದ್ಯಃಕ್ರೀಃ ।
ಅಗ್ನಿರ್ವಾ ಅಶೃತಸ್ಯ ಶ್ರಪಯಿತೇತಿ ।
ತದು ವಾ ಆಹುರಗ್ನಿಷ್ಟೋಮಸಾಮಾನ್ಯೇವ ಕಾರ್ಯಾಣೀತಿ ।
ಏತಾನಿ ವಾ ಅಗ್ನಿಯೋನೀನಿ ಯದಗ್ನಿಷ್ಟೋಮಸಾಮಾನಿ ।
ತಸ್ಮಾದಗ್ನಿಷ್ಟೋಮಸಾಮಾನ್ಯೇವ ಕಾರ್ಯಾಣೀತಿ ।
ಅಥೈಷ ಕ್ಷಿಪ್ರಾತ್ಕ್ಷೇಪೀಯಾನ್ಕ್ಷಿಪ್ರಾತ್ಕ್ಷೇಪೀಯ ಸ್ವರ್ಗಂ ಲೋಕಂ ಗಚ್ಛಾಮೇತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಸ್ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ೧೧೯

ಅಥೈತಾವನುಕ್ರಿಯೌ ।
ಆದಿತ್ಯಾಶ್ಚ ವಾ ಅಙ್ಗಿರಸಶ್ಚ ಸ್ವರ್ಗೇ ಲೋಕೇಽಸ್ಪರ್ಧನ್ತ ।
ತ ಆದಿತ್ಯಾಃ ಪೂರ್ವೇ ಸ್ವರ್ಗಂ ಲೋಕಮಗಚ್ಛನ್ ।
ತೇಽಙ್ಗಿರಸೋಽಕಾಮಯನ್ತ ವಯಮಪಿ ತಂ ಲೋಕಂ ಗಚ್ಛೇಮ ಯಮಾದಿತ್ಯಾ ಅಗ್ಮನ್ನಿತಿ ।
ತ ಏತಂ ಯಜ್ಞಮಪಶ್ಯನ್ ।
ತಮೇವ ಸನ್ತಂ ಪರೋಕ್ಷೇಣೈವ ತಮಾಹರನ್ ।
ತೇನಾಯಜನ್ತ ।
ತೇ ವಳವಾಮೇವ ಶ್ವೇತಾಂ ದಕ್ಷಿಣಾಂ ನೀತ್ವಾದಿತ್ಯೈಸ್ಸಲೋಕಾ ಅಭವನ್ ।
ತೇ ಹೈತ ಆದಿತ್ಯಾಶ್ಚಾಙ್ಗಿರಸಶ್ಚ ಸಲೋಕಾಃ ।
ಸಲೋಕೋ ಹ ವಾ ಆದಿತ್ಯೈಶ್ಚಾಙ್ಗಿರೋಭಿಶ್ಚ ಭವತಿ ಯ ಏವಂ ವೇದ ।
ಅಥೋ ಆಹುರ್ಯಸ್ಮಾದೇವ ಶ್ರೇಯಾನ್ಭ್ರಾತೃವ್ಯ ಸ್ಯಾತ್ಸೋಽನೇನ ಯಜೇತೇತಿ ।
ಪೂರ್ವಪ್ರೇತ ಇವ ಹ ವಾ ಏಷ ಯ ಶ್ರೇಯಾನ್ ।
ಪೂರ್ವಪ್ರೇತಾನಿವ ವಾ ಏತೇನ ತೇ ತಾನಾಪ್ನುವನ್ ।
ಆಪ್ತ್ವಾ ಶ್ರೇಯಾಂಸಂ ವಸೀಯಾನಾತ್ಮನಾ ಭವತಿ ೧೨೦

ಗೋಧೂಮೋರ್ವರಾ ವೇದಿರ್ಭವತಿ ।
ಸಾ ಹಿ ಪುರಾಕೃತಾ ಭವತಿ ।
ಗೋಧೂಮಾನಾಮುತ್ತರವೇದಿಃ ಪರೋಕ್ಷತಾಯೈ ।
ಖಲೇವಲಾ ಯೂಪ ಸ್ಫ್ಯಾಗ್ರೋ ಭವತ್ಯೈನ್ದ್ರ ಃ! ।
ವಿಜಿತ್ಯೈ ಸಹ ಪಶೂ ಆಲಭನ್ತೇ ಸಮಷ್ಟ್ಯೈ ।
ಸ್ತ್ರೀಗೌಸ್ಸೋಮಕ್ರಯಣೀ ಭವತಿ ಪರೋಕ್ಷತಾಯೈ ।
ಕುಂಭ್ಯಾ ವಸತೀವರ್ಯೋ ಭವನ್ತಿ ಯಃ ಪುರೇಜಾನಸ್ತಸ್ಯ ಗೃಹೇಭ್ಯಃ ।
ತಾ ಹಿ ಪುರಾಗೃಹೀತಾ ಭವನ್ತಿ ।
ಸರ್ಪಿಷ್ಮನ್ತಮಶಿತ್ವಾ ನಿಪದ್ಯತೇ ।
ಯಮೇವಾಮುಂ ದೀಕ್ಷಣೀಯಮಶ್ನಾತಿ ಸ ಏವಾಸ್ಯ ಸೋಽಶಿತೋ ಭವತಿ ।
ಪ್ರಿಯಾಯೈ ಜಾಯಾಯಾ ಅನ್ತರೋರೂ ಶೇತೇಽನಿಪದ್ಯಮಾನಃ ।
ತಪಸ್ಯಮೇವಾಸ್ಯ ತದ್ಧಿರಣ್ಯಂ ಮುಖ ಆಧಾಯ ಶೇತೇ ।
ಸತ್ಯಂ ವೈ ಹಿರಣ್ಯಮ್ ।
ಸತ್ಯಮೇವಾಸ್ಯ ತದುದಿತಂ ಭವತಿ ।
ರಜತಂ ಭವತಿ ಪರೋಕ್ಷತಾಯೈ ।
ವಳವಾ ಶ್ವೇತಾ ದಕ್ಷಿಣಾ ಭವತಿ ಪರೋಕ್ಷತಾಯೈ ।
ಅಶ್ವತರೀರಥಸ್ಸೋಮಪ್ರವಾಕೋ ಭವತಿ ತ್ರೈಪದಂ ಪರಮಂ ಪರೋಕ್ಷತಾಯೈ ।
ತಸ್ಮಿನ್ದಧಿದೃತಿರುಪಾವಹಿತೋ ಭವತಿ ।
ತಸ್ಯ ಯತ್ಸರ್ಪಿಸ್ಸಂಪತತಿ ತದಾಜ್ಯಕುಂಭೇಽವಾಸ್ಯನ್ತಿ ।
ತದ್ಧಿ ಸದ್ಯೋಜಮಿವಾಧ್ಯರ್ಧಕ್ರೋಶೇಽಧ್ಯರ್ಧಕ್ರೋಶ ಋತ್ವಿಜೋ ವಿನಿಹಿತಾ ಭವನ್ತಿ ।
ತ ಏನಂ ಪ್ರಾತರುಪಸಮೇತ್ಯ ಯಾಜಯನ್ತಿ ।
ಸ ಜುಹ್ವತ್ತ್ರಿರ್ನಿಮೀಲಯತಿ ತ್ರಿರ್ವೀಕ್ಷತೇ ।
ತಾ ಏವ ದೀಕ್ಷೋಪಸದಃ ।
ಸ ವಾ ಏಷೋಽಷ್ಟಾದಶಪವಮಾನೋ ಭವತಿ ।
ಪರೋಕ್ಷಂ ತ್ರಿವೃತ್ ।
ಅಗ್ನಿಷ್ಟೋಮಯಜ್ಞಾ ವಾ ಆದಿತ್ಯಾ ಉಕ್ಥ್ಯಯಜ್ಞಾ ಅಙ್ಗಿರಸಃ ।
ಸ ಏಷ ಉಕ್ಥ್ಯೋ ನಿದಾನೇನ ಸನ್ನಗ್ನಿಷ್ಟೋಮಃ ಪ್ರತ್ಯಾಹ್ರಿಯತೇ ಕ್ಷಿಪ್ರತಾಯೈ ।
ಅಥೈಷ ಚತುರ್ವಿಂಶಪವಮಾನೋ ಭವತಿ ।
ಪರೋಕ್ಷಂ ತ್ರಿವೃದು ಏವ ।
ಸ ವಾ ಏಷೋಽತಿರಾತ್ರೋ ನಿದಾನೇನ ಸನ್ಷೋಡಶೀಮಾನ್ವಾ ಅಗ್ನಿಷ್ಟೋಮಃ ಪ್ರತ್ಯಾಹ್ರಿಯತೇ ಕ್ಷಿಪ್ರತಾಯೈ ೧೨೧

ಅಥೈಷ ಪರಿಕ್ರೀಃ ।
ಖಣ್ಡಿಕಶ್ಚ ಹೌದ್ಭಾರಿಃ ಕೇಶೀ ಚ ದಾರ್ಭ್ಯಃ ಪಾಞ್ಚಾಲೇಷು ಪಸ್ಪೃಧಾತೇ ।
ಸ ಹ ಖಣ್ಡಿಕಃ ಕೇಶಿನಮಭಿಪ್ರಜಿಘಾಯ ।
ಸದ್ಯಃಕ್ರಿಯಾ ವೈ ಸ್ಯೋ ಯಕ್ಷ್ಯತ ಇತಿ ।
ಅಥ ಹೈತೇನ ಪ್ರೋಚ್ಯ ಭ್ರಾತೃವ್ಯಾಯ ಯಜನ್ತೇ ।
ತಸ್ಯ ಹೈತೇ ಬ್ರಾಹ್ಮಣಾ ಆಸುರಹೀನಾ ಆಶ್ವತ್ಥಿಃ ಕೇಶೀ ಸಾತ್ಯಕಾಮಿರ್ಗಙ್ಗಿನಾ ರಾಹಕ್ಷಿತೋ ಲುಶಾಕಪಿಃ ಖಾರ್ಗಲಿರಿತಿ ।
ತೇ ಹೈನಮುಪಸಮೇಯುಃ ।
ಸ ಹ ಧ್ಯಾಯನ್ನಿಷಸಾದ ।
ತಂ ಹೋಚುಃ ಕಿಂ ನು ರಾಜನ್ಯೋ ಧ್ಯಾಯತೀತಿ ।
ಸ ಹೋವಾಚ ನ ಹಿ ಮೇ ಧ್ಯೇಯಮ್ ।
ಯೂಯಂ ಬ್ರಾಹ್ಮಣಾ ಅನುಬ್ರೂಥಾದಿತ್ಯಾಶ್ಚಾಙ್ಗಿರಸಶ್ಚ ಸ್ವರ್ಗೇ ಲೋಕೇಽಸ್ಪರ್ಧನ್ತ ।
ತ ಆದಿತ್ಯಾಃ ಪೂರ್ವೇ ಸ್ವರ್ಗಂ ಲೋಕಮಗಚ್ಛನ್ನಹೀಯನ್ತಾಙ್ಗಿರಸ ಇತಿ ।
ಸ ಯ ಏತೇನ ಪ್ರೋಚ್ಯ ಭ್ರಾತೃವ್ಯಾಯ ಯಜತೇ ಸ ಏವ ಭವತಿ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ೧೨೨

ತಮು ವೈ ಮಾಯಂ ಖಣ್ಡಿಕೋಽಭಿಪ್ರಾಹೈಷೀತ್ಸಯಃಕ್ರಿಯಾ ವೈ ಸ್ಯೋ ಯಕ್ಷ್ಯತ ಇತಿ ।
ಸ ಏವ ನೂನಂ ಭವಿಷ್ಯತಿ ಪರಾ ಸ್ಯೋ ಭವಿಷ್ಯತೀತ್ಯೇವೈತದ್ಧ್ಯಾಯಾಮೀತಿ ।
ತಂ ಹೋಚುಃ ಪರಿಕ್ರೀರಿತಿ ವಾ ಅಯಂ ಯಜ್ಞಕ್ರತುರಸ್ತಿ ।
ತೇನ ತ್ವಾ ಯಾಜಯಾಮೇತಿ ।
ತಥೇತಿ ।
ತೇನ ಹೈನಂ ಯಾಜಯಾಂ ಚಕ್ರುಃ ।
ತಸ್ಯ ವಾ ಏತಸ್ಯ ತೃಚಸ್ಯ ತೃಚಸ್ಯೈಕೈಕಯಾ ಸ್ತುವನ್ತಿ ।
ಬ್ರಹ್ಮ ವೈ ಪ್ರಥಮಾ ಸ್ತೋತ್ರಿಯಾ ಕ್ಷತ್ರಂ ದ್ವಿತೀಯಾ ವಿಟ್ತೃತೀಯಾ ।
ಅವಲಮ್ಬ ಉ ಹ ವೈ ಬ್ರಹ್ಮಣಃ ಕ್ಷತ್ರಂ ಚ ವಿಟ್ಚ ।
ಕ್ಷತ್ರಂ ಚೋ ಹ ವೈ ವಿಶಂ ಚಾನು ಭ್ರಾತೃವ್ಯಲೋಕಃ ।
ಸ ಯೇ ದ್ವೇ ಅವಚಿಚ್ಛೇದ ಭ್ರಾತೃವ್ಯಲೋಕಮೇವ ತದವಚಿಚ್ಛೇದ ।
ಆತ್ಮಾ ವೈ ಪ್ರಥಮಾ ಸ್ತೋತ್ರಿಯಾ ಜಾಯಾ ದ್ವಿತೀಯಾ ಪ್ರಜಾ ತೃತೀಯಾ ।
ಅವಲಮ್ಬ ಉ ಹ ವಾ ಆತ್ಮನೋ ಜಾಯಾ ಚ ಪ್ರಜಾ ಚ ।
ಜಾಯಾಂ ಚೋ ಹ ವೈ ಪ್ರಜಾಂ ಚಾನು ಭ್ರಾತೃವ್ಯಲೋಕಃ ।
ಸ ಯೇ ದ್ವೇ ಅವಚಿಚ್ಛೇದ ಭ್ರಾತೃವ್ಯಲೋಕಮೇವ ತದವಚಿಚ್ಛೇದ ೧೨೩

ತತೋ ವೈ ಸ ಖಣ್ಡಿಕಂ ನಿಃಸಾರಯಾಂ ಚಕಾರ ।
ತತೋ ವೈ ಕೇಶೀ ದಾರ್ಭ್ಯೋಽಭವತ್ಪರಾ ಖಣ್ಡಿಕಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ತಸ್ಯ ತಿಸೃಷು ಬಹಿಷ್ಪವಮಾನಂ ಭವತಿ ಚತಸೃಷ್ವಾಜ್ಯಾನಿ ಪಞ್ಚಸು ಮಾಧ್ಯಂದಿನಃ ಪವಮಾನಶ್ಚತಸೃಷು ಪೃಷ್ಠಾನಿ ಸಪ್ತಸ್ವಾರ್ಭವಃ ಪವಮಾನ ಏಕಸ್ಯಾಮಗ್ನಿಷ್ಟೋಮಸಾಮ ।
ತಾಶ್ಚತುರ್ವಿಂಶತಿ ಸ್ತೋತ್ರ್! ಯಾಸ್ಸಂಪದ್ಯನ್ತೇ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಾದೇವ ತತ್ಖಣ್ಡಿಕಮೌದ್ಭಾರಿಂ ಕೇಶೀ ದಾರ್ಭ್ಯೋ ನುನುದೇ ಸಂವತ್ಸರಾದನ್ತರಿಯಾಯ ।
ಸಂವತ್ಸರಾದೇವ ದ್ವಿಷನ್ತಂ ಭ್ರಾತೃವ್ಯಂ ನುದತೇ ಸಂವತ್ಸರಾದನ್ತರೇತಿ ಯ ಏವಂ ವೇದ ೧೨೪

ಅಥೈಷ ಏಕತ್ರಿಕಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಪ್ರಜಾಪತಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇಮಾಂ ವ್ಯಷ್ಟಿಂ ವ್ಯಶ್ನುವೀಯೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಸ ಷಕ್ಷತ ಕೇನ ಸ್ತುವೀಯೇತಿ ।
ಸ ಆತ್ಮಾನಮಪಶ್ಯತ್ ।
ತೇನಾಸ್ತುತ ಸ ಷಕ್ಷತ ಕೇನ ನ್ವೇವ ಸ್ತುವೀಯೇತಿ ।
ಸ ಪ್ರಾಣಾಪಾನವ್ಯಾನಾನಪಶ್ಯತ್ ।
ತೈರಸ್ತುತ ।
ಸ ಆತ್ಮನಾ ಸ ಪ್ರಾಣಾಪಾನವ್ಯಾನೈಸ್ಸ ಆತ್ಮನಾ ಸ ಪ್ರಾಣಾಪಾನವ್ಯಾನೈಸ್ಸ ಏವಮೇವ ವಿಪರ್ಯಾಸಂ ಯಜ್ಞಂ ಸಮಸ್ಥಾಪಯತ್ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತೇಮಾಂ ವ್ಯಷ್ಟಿಂ ವ್ಯಶ್ನುತೇ ಯ ಏವಂ ವೇದ ೧೨೫

ತೇನ ಹೈತೇನೋದರಶ್ಶಾಣ್ಡಿಲ್ಯ ಇಯಕ್ಷಾಂ ಚಕ್ರೇ ।
ತಸ್ಯ ಹ ಮನಸ್ಯೇವಾಸ ಏಕತ್ರಿಕೇಣ ಯಜೇಯೇತಿ ।
ನ ಹ ತು ಕಸ್ಮೈ ಚನೋವಾಚ ।
ಅಥ ಹಾಸ್ಯ ಜಾಯಾ ಗನ್ಧರ್ವಿಣ್ಯಾಸ ।
ತಾಂ ಹಾಯಂ ಗನ್ಧರ್ವ ಉಪನ್ಯೇಯಾಯ ।
ತಾಂ ಹೋವಾಚೈಕತ್ರಿಕ ಇತಿ ವೈ ಯಜ್ಞಕ್ರತುರ್ದಾರುಣ ಇವಾಸ್ತಿ ।
ತೇನ ವೈ ತೇ ಪತಿರ್ಯಕ್ಷ್ಯತ ಇತಿ ।
ಸಾ ಹೇಯಂ ಪತಿಂ ಪಪ್ರಚ್ಛೈಕತ್ರಿಕ ಇತಿ ವೈ ಯಜ್ಞಕ್ರತುರ್ದಾರುಣ ಇವಾಸ್ತಿ ।
ಸತ್ಯಂ ತ್ವಂ ತೇನ ಯಕ್ಷ್ಯಸಾ೩ ಇತಿ ।
ಸ ಹೋವಾಚ ಯದಹಮಿದಂ ನೈವ ಕಸ್ಮೈ ಚನಾವೋಚಂ ಮನಸ್ಯೇವ ಮೇಽಭೂತ್ಕಸ್ತ ಇದಮವೋಚದಿತಿ ।
ಯೋ ಮಾಯಂ ಗನ್ಧರ್ವ ಉಪನ್ಯೈತೀತಿ ।
ತಂ ವೈ ತ್ವಂ ಪೃಚ್ಛತಾದಿತಿ ಹೋವಾಚ ।
ಯಷ್ಟವ್ಯಂ ತೇನಾ೩ ನ ಯಷ್ಟವ್ಯಾ೩ಮಿತಿ ।
ತಂ ಹ ಪಪ್ರಚ್ಛ ಯಷ್ಟವ್ಯಂ ತೇನಾ೩ ನ ಯಷ್ಟವ್ಯಾ೩ಮಿತಿ ।
ಸ ಹೋವಾಚ ಯಥಾ ವಾ ಏನಂ ಸ ವೇದೈವಮೇನಂ ವಯಂ ವಿದ್ಮಃ ।
ಯಸ್ತ್ವಸ್ಯೇತ್ಥಂ ಸ್ತೋತ್ರಂ ವಿದ್ಯಾತ್ಸ ಏನೇನ ಯಜೇತೇತಿ ಯಥೈನೇನಾದಃ ಪ್ರಜಾಪತಿಸ್ತುಷ್ಟುವೇ ।
ತೇನೋ ಹ ಸ ನೋಪದಧರ್ಷ ಯಷ್ಟುಮ್ ೧೨೬

ಶಶ್ವದ್ಧೋದರಶ್ಶಾಣ್ಡಿಲ್ಯಸ್ತೇನೈವ ಪಣಾಯ್ಯತಾಂ ಜಗಾಮ ಯದಸ್ಯ ಮನಸ್ಯೇವಾಸೈಕತ್ರಿಕೇಣ ಯಜೇಯೇತಿ ।
ಸ ವಾ ಏಷೋಽನ್ಯತರ ಇವ ಯಜ್ಞಕ್ರತುಸ್ಸುಪಣಾಯ್ಯೋ ವೈನೇನೇಷ್ಟ್ವಾ ಭವತಿ ಸುಪಾಪೀಯಾನ್ವಾ ।
ತಸ್ಯೈಕಸ್ಯಾಂ ಬಹಿಷ್ಪವಮಾನಂ ಸಂಪದ್ಯತೇ ಉಪಾಸ್ಮೈ ಗಾಯತಾ ನರ ಇತಿ ।
ತಿಸೃಷು ಮಾಧ್ಯಂದಿನಃ ಪವಮಾನೋ ಗಾಯತ್ರಮೇವ ಗಾಯತ್ರ್! ಯಾಮುತ್ಸೇಧಸ್ಸತೋಬೃಹತ್ಯಾಂ ಸೈವೇಳಾ ತನ್ನಿಧನಮಾಉಶನಮೇವ ತ್ರಿಷ್ಟುಭಿ ।
ಏತಸ್ಯಾಮಾರ್ಭವಃ ಪವಮಾನೋಽಯಾ ರುಚಾ ಹರಿಣ್ಯಾ ಪುನಾನ ಇತಿ ।
ಏತಸ್ಯಾಮತಿಚ್ಛನ್ದಸಿ ಗಾಯತ್ರಪಾರ್ಶ್ವಮ್ ।
ಸ ಏವ ಸ್ವರಸ್ತನ್ನಿಧನಮ್ ।
ಸಪ್ತಪದಾ ಭವತಿ ।
ಸಪ್ತ ವೈ ಛನ್ದಾಂಸಿ ।
ಅತಿಚ್ಛನ್ದಾ ವೈ ಸರ್ವಾಣ್ ಛನ್ದಾಂಸ್ಯಭಿಭವತಿ ।
ತದಸ್ಯ ತತ್ಸರ್ವಾಣ್ಯೇವ ಛನ್ದಾಂಸ್ಯುಪೇತಾನಿ ಭವನ್ತಿ ।
ತದಾಹುಃ ಪಞ್ಚನಿಧನಮೇವ ವಾಮದೇವ್ಯಂ ಕಾರ್ಯಮ್ ।
ಪಞ್ಚಛನ್ದಾ ಆರ್ಭವಃ ಪವಮಾನಸ್ಸಪ್ತಸಾಮಾ ।
ಯದಹ ಪಞ್ಚನಿಧನಾನಿ ತೇನ ಛನ್ದಾಂಸಿ ಪ್ರತಿ ವಿಭವತಿ ।
ಯದು ವೈ ಸಪ್ತಪದಾ ತೇನ ಸಾಮಾನ್ಯತ್ರೇವ ವಿಭವತೀತಿ ।
ತದು ವಾ ಆಹುರ್ಗಾಯತ್ರಪಾರ್ಶ್ವಮೇವ ಕಾರ್ಯಮ್ ।
ಸ ಏವ ಸ್ವರಸ್ತನ್ನಿಧನಮ್ ।
ಆತ್ಮಾ ವೈ ಸ್ವರಃ ಪ್ರಜಾ ನಿಧನಮ್ ।
ಏತದೇವ ಸಮೃದ್ಧತರಮಿವ ಯದ್ಗಾಯತ್ರಪಾರ್ಶ್ವಮ್ ।
ತಸ್ಮಾದ್ಗಾಯತ್ರಪಾರ್ಶ್ವಮೇವ ಕಾರ್ಯಮಿತಿ ।
ತಾಶ್ಚತುರ್ವಿಂಶತಿ ಸ್ತೋತ್ರ್! ಯಾಸ್ಸಂಪದ್ಯನ್ತೇ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಮ್ ।
ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ೧೨೭

ಅಥೈಷ ಬೃಹಸ್ಪತಿಸವಃ ।
ಪ್ರಜಾಪತಿಃ ಪ್ರಜಾಸ್ಸಸೃಜಾನಸ್ಸ ವ್ಯಸ್ರಂಸತ ।
ಸೋಽನ್ನಂ ಭೂತೋಽಶಯತ್ ।
ತಸ್ಯ ಸರ್ವೇ ದೇವಾ ಮಮತ್ವಿನ ಆಸನ್ಮಮ ಮಮೇತಿ ।
ತೇಽಬ್ರುವನ್ವೀದಂ ಭಜಾಮಹಾ ಇತಿ ।
ತಸ್ಯ ವಿಭಾಗೇ ನ ಸಮಪಾದಯನ್ ।
ತೇಽಬ್ರುವನಾಜಿಮಸ್ಯಾಯಾಮೇತಿ ।
ತ ಆಜಿಮಾಯನ್ ।
ಸ ಬೃಹಸ್ಪತಿರಾಜಿಸರಣಂ ಪನ್ಥಾನಮಪಶ್ಯತ್ ।
ಸ ಪೂರ್ವಃ ಪರೀತ್ಯ ರಥೇನ ವೃತ್ವಾತಿಷ್ಠತ್ ।
ತೇ ದೇವಾಸ್ತನ್ನಾವಿನ್ದನ್ಯೇನಾತ್ಯಸರಿಷ್ಯನ್ ।
ಶಶ್ವದ್ಧ ಯಾವಾನೇವ ರಥಯಾನಾಯ ತಾವಾನಾಜಿರಾಸ ।
ತತೋ ವೈ ಸ ತಮಾಜಿಮುದಜಯತ್ ।
ಯದ್ಬೃಹಸ್ಪತಿರುದಜಯತ್ತಸ್ಮಾದ್ಬೃಹಸ್ಪತಿಸವಃ ।
ತಮಾಜಿಮುಜ್ಜಿಗಿವಾಂಸಮಿನ್ದ್ರೋ ಽಬ್ರವೀತ್ಪುರಸ್ತ್ವಾ ದಧೇ ।
ಮಾಮನೇನ ಯಜ್ಞೇನ ಯಾಜಯೇತಿ ।
ತಥೇತಿ ।
ತಂ ಪುರೋಽಧತ್ತ ।
ತೇನೈನಮಯಾಜಯತ್ ।
ತತೋ ವಾ ಇನ್ದ್ರ ಸ್ಸರ್ವೇಷಾಂ ದೇವಾನಾಂ ಶ್ರೈಷ್ಠ್ಯಮಗಚ್ಛತ್ ।
ಗಚ್ಛತಿ ಸ್ವಾನಾಂ ಶ್ರೈಷ್ಠ್ಯಂ ಯ ಏವಂ ವೇದ ।
ಸ ವಾ ಏಷ ದ್ವಯೋರೇವ ಯಜ್ಞೋ ಬ್ರಾಹ್ಮಣಸ್ಯ ಚೈವ ರಾಜನ್ಯಸ್ಯ ಚ ।
ಯದ್ಬೃಹಸೋಅತಿರುದಜಯತ್ತೇನ ಬ್ರಾಹ್ಮಣಸ್ಯ ।
ಯದಿನ್ದ್ರೋ ಽಯಜತ ತೇನೋ ರಾಜನ್ಯಸ್ಯ ।
ಸ ಉ ಹೇನ್ದ್ರ ಸ್ಯೈವೈಕಸ್ಯ ಪುರೋಹಿತ ಆಸ ನೇತರೇಷಾಂ ದೇವಾನಾಮ್ ।
ಸೋಽಕಾಮಯತ ಸರ್ವೇಷಾಂ ದೇವಾನಾಂ ಪುರೋಧಾಂ ಗಚ್ಛೇಯಮಿತಿ ।
ಸ ಏತೇನೈವ ಯಜ್ಞೇನಾಯಜತ ।
ತತೋ ವೈ ಸ ಸರ್ವೇಷಾಂ ದೇವಾನಾಂ ಪುರೋಧಾಮಗಚ್ಛತ್ ।
ಬೃಹಸ್ಪತಿರ್ವೈ ದೇವಾನಾಂ ಪುರೋಹಿತಃ ೧೨೮

ಸ ತ್ರಿವೃದ್ರ ಥನ್ತರಸಾಮಾ ಭವತಿ ।
ಬ್ರಹ್ಮ ವೈ ತ್ರಿವೃದ್ಬ್ರಹ್ಮ ರಥನ್ತರಮ್ ।
ಬ್ರಹ್ಮಣಾ ವಾವ ಸ ತದ್ಬ್ರಹ್ಮವರ್ಚಸಮಾರ್ಧ್ನೋತ್ ।
ಬ್ರಹ್ಮಣೈವ ಬ್ರಹ್ಮವರ್ಚಸಮೃಧ್ನೋತಿ ಯ ಏವಂ ವೇದ ।
ತಸ್ಯ ತ್ರಯಸ್ತ್ರಿಂಶದ್ದಕ್ಷಿಣಾ ಭವನ್ತಿ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ದೇವತಾನಾಮೇವ ಪುರೋಧಾಮಾಶ್ನುತ ।
ಅಶ್ವಶ್ಚತುಸ್ತ್ರಿಂಶಃ ।
ಪ್ರಜಾಪತೇರ್ವಾ ಏತದ್ರೂ ಪಂ ಯದಶ್ವಃ ।
ಸಪ್ರಜಾಪತಿಕಾನಾಮೇವ ತೇನ ದೇವತಾನಾಂ ಪುರೋಧಾಮಾಶ್ನುತ ।
ತಸ್ಯೈತಾ ಯಥಾಪೂರ್ವಮನುಸವನಂ ದಕ್ಷಿಣಾ ದದಾತ್ಯಷ್ಟೌ ಪ್ರಾತಸ್ಸವನೇ ದದಾತ್ಯೇಕಾದಶ ಮಾಧ್ಯಂದಿನೇ ಸವನೇ ದ್ವಾದಶ ತೃತೀಯಸವನೇಽನೂಬಂಧ್ಯಾಯಾಮೇಕಾಮುದವಸಾನೀಯಾಯಾಮೇಕಾಮ್ ।
ಅನುಸವನಮಶ್ವಂ ತೃತೀಯಶಃ ।
ತದ್ಯಾ ಅಷ್ಟೌ ಪ್ರಾತಸ್ಸವನೇ ದದಾತ್ಯಷ್ಟೌ ವಸವೋ ವಸೂನಾಮೇವ ಪುರೋಧಾಮಾಶ್ನುತ ।
ಅಥ ಯಾ ಏಕಾದಶ ಮಾಧ್ಯಂದಿನೇ ಸವನೇಕಾದಶ ರುದ್ರಾ ರುದ್ರಾ ಣಾಮೇವ ತೇನ ಪುರೋಧಾಮಾಶ್ನುತ ।
ಅಥ ಯಾ ದ್ವಾದಶ ತೃತೀಯಸವನೇ ದ್ವಾದಶಾದಿತ್ಯಾ ಆದಿತ್ಯಾನಾಮೇವ ತೇನ ಪುರೋಧಾಮಾಶ್ನುತ ।
ಅಥ ಯಾಮನೂಬಂಧ್ಯಾಯಾಮೇಕಾಂ ಮಿತ್ರಾವರುಣಯೋರೇವ ತೇನ ಪುರೋಧಾಮಾಶ್ನುತ ।
ಅಥ ಯಾಮುದವಸಾನೀಯಾಯಾಮೇಕಾಂ ಕರ್ಮ ಕರ್ಮ ಮೇ ದಕ್ಷಿಣಾವದಸದಿತಿ ।
ಅಥ ಯಮನುಸವನಮಶ್ವಂ ತೃತೀಯಶಃ ಪ್ರಜಾಪತೇರೇವ ತೇನ ಪುರೋಧಾಮಾಶ್ನುತ ೧೨೯

ತದಾಹುರ್ಮನಸೈವ ಪ್ರಾತಸ್ಸವನೇ ದದ್ಯಾನ್ಮನಸಾ ತೃತೀಯಸವನೇ ಮಾಧ್ಯಂದಿನ ಏವ ಸವನೇ ದದ್ಯಾದಿತಿ ।
ತದು ವಾ ಆಹುರತೀರ್ಥಂ ವೈ ಪ್ರಾತಸವನಂ ದಕ್ಷಿಣಾನಾಮತೀರ್ಥಂ ತೃತೀಯಸವನಮ್ ।
ಮಾಧ್ಯಂದಿನ ಏವ ಸವನೇ ದದ್ಯಾತ್ ।
ತದೇವ ತೀರ್ಥಂ ತದಾಯತನಮ್ ।
ನೈವೇತರಯೋಃ ಸವನಯೋರ್ಮನಸಾ ಚನ ದದದಾದ್ರಿ ಯೇತೇತಿ ।
ಬ್ರಹ್ಮಣೇಽಶ್ವಂ ದದಾತಿ ।
ಬ್ರಹ್ಮಣೋ ಹ್ಯೇವೈಕದಕ್ಷಿಣಾ ।
ತದ್ಯದಾ ಮಾಧ್ಯಂದಿನೀಯಾಶ್ಚಮಸಾಃ ಪ್ರತಿಷ್ಠೇರನ್ನಥ ಜಘನೇನಾಹವನೀಯಂ ಪ್ರಾಚೀನಗ್ರೀವಂ ಕೃಷ್ಣಾಜಿನಮುಪಸ್ತೃಣೀತೇತಿ ಬ್ರೂಯಾದುದೀಚೀನಗ್ರೀವಂ ವಾ ।
ತದ್ಯಜಮಾನ ಆಸ್ತೇ ಸ ಹುತಾನಾಂ ಚಮಸಾನಾಮುನ್ಮಾರ್ಷ್ಟಿ ದೇವಸ್ಯ ತ್ವಾ ಸವಿತುಃ ಪ್ರಸವೇಽಶ್ವಿನೋರ್ಬಾಹುಭ್ಯಾಂ ಪೂಷ್ಣೋ ಹಸ್ತಾಭ್ಯಾಂ ಸರಸ್ವತ್ಯೈ ತ್ವಾ ವಾಚೋ ಯನ್ತುರ್ಯನ್ತ್ರೇಣ ಬೃಹಸ್ಪತೇಸ್ತ್ವಾ ಸಾಮ್ರಾಜ್ಯೇನ ಬ್ರಹ್ಮಣಾಭಿಷಿಞ್ಚಾಮೀತಿ ।
ಮುಖಂ ವಿಮಾರ್ಷ್ಟಿ ।
ಸ ಸೋಮಾಭಿಷಿಕ್ತಸ್ತೇಜಸ್ವೀ ಬ್ರಹ್ಮವರ್ಚಸೀ ಭವತಿ ।
ತ್ರಿರುತ್ಕ್ರೋಶನ್ತಿ ತ್ರಯೋ ವಾ ಇಮೇ ಲೋಕಾ ಏಷ್ವೇವಾಸ್ಯ ತಲ್ಲೋಕೇಷು ಶ್ರುತಿಂ ದಧತಿ ೧೩೦

ತಸ್ಯಾಷ್ಟಶತಂ ಸ್ತೋತ್ರಿಯಾ ಭವನ್ತಿ ।
ತತೋ ಯಚ್ಛತಂ ಸಾ ವಿರಾಟ್ ।
ಕ್ಷತ್ರಂ ವಿರಾಟ್ ।
ಅಥ ಯಾ ಅಷ್ಟೌ ಸಾ ಗಾಯತ್ರೀ ।
ತೇಜೋ ಬ್ರಹ್ಮವರ್ಚಸಂ ಗಾಯತ್ರೀ ।
ತೇಜ ಏವ ತದ್ಬ್ರಹ್ಮವರ್ಚಸಂ ಕ್ಷತ್ರಸ್ಯ ಪುರಸ್ತಾದ್ದಧಾತಿ ।
ತಸ್ಮಾದ್ಬ್ರಾಹ್ಮಣಃ ಕ್ಷತ್ರಿಯಸ್ಯ ಪುರೋಹಿತಃ ।
ಸ ಯಃ ಪುರೋಧಾಕಾಮ ಸ್ಯಾತ್ಸ ಏತೇನ ಯಜೇತಾಶ್ನುತೇ ಪುರೋಧಾಮ್ ।
ತಂ ಹೈಕ ಏಕಛನ್ದಸಮೇವ ಕುರ್ವನ್ತಿ ಗಾಯತ್ರಮೇವ ಸರ್ವಂ ಗಾಯತ್ರೋ ವೈ ಬೃಹಸ್ಪತಿಃ ।
ಬ್ರಹ್ಮ ವೈ ಗಾಯತ್ರೀ ।
ಬ್ರಹ್ಮ ಬೃಹಸ್ಪತಿರ್ಬ್ರಹ್ಮಣಾ ವಾ ಬ್ರಹ್ಮವರ್ಚಸಮೃಧ್ನವಾಮೇತಿ ।
ತೇ ಯೇ ಹ ತೇ ತಥಾ ಕುರ್ವನ್ತ್ಯಗ್ನಿಂ ಚೈವ ತೇನ ದೇವತಾನಾಮುಪಾಪ್ನುವನ್ತಿ ಗಾಯತ್ರೀಂ ಚ ಛನ್ದ ಇಮಂ ಚ ಲೋಕಮ್ ।
ಅನ್ತರಿತಾ ಹೈಷಾಮಿತರಾಶ್ಚ ದೇವತಾ ಭವನ್ತೀತರಾಣಿ ಚ ಛನ್ದಾಂಸೀತರೇ ಚ ದೇವಾ ಇತರೇ ಚ ಲೋಕಾ ಇತರೇ ಚ ಕಾಮಾಃ ।
ತಸ್ಮಾದ್ಯಥಾಛನ್ದಸಮೇವ ಕಾರ್ಯಂ ಸರ್ವಾಸಾಂ ದೇವತಾನಾಂ ಸರ್ವೇಷಾಂ ಛನ್ದಸಾಂ ಸರ್ವೇಷಾಂ ದೇವಾನಾಂ ಸರ್ವೇಷಾಂ ಲೋಕಾನಾಂ ಸರ್ವೇಷಾಂ ಕಾಮಾನಾಮುಪಾಪ್ತ್ಯೈ ।
ತಸ್ಯ ಬೃಹದ್ಬಾರ್ಹಸ್ಪತ್ಯಮಾದಿಷ್ಟಸಾಮಾರ್ಭವೇ ಪವಮಾನೇ ಭವತಿ ।
ಬೃಹಸ್ಪತಿಸವೋ ಹ್ಯೇಷಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೧೩೧

ಅಥೈಷ ಇನ್ದ್ರಾ ಗ್ನ್ಯೋಃ ಕುಲಾಯಃ ।
ಇನ್ದ್ರಾ ಗ್ನೀ ವಾ ಅಕಾಮಯೇತಾಂ ಸದೃಶಾನಾಮೇವ ಸತಾಂ ದೇವಾನಾಂ ಶ್ರೇಷ್ಠತಾಂ ಗಚ್ಛೇವ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುಯಾವೇತಿ ।
ತಾವೇತಂ ಯಜ್ಞಮಪ್ಶ್ಯತಾಮ್ ।
ತಮಾಹರತಾಮ್ ।
ತೇನಾಯಜೇತಾಮ್ ।
ತತೋ ವೈ ತೌ ಸದೃಶಾನಾಮೇವ ಸತಾಂ ದೇವಾನಾಂ ಶ್ರೇಷ್ಠತಾಮಗಚ್ಛತಾಂ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮಾರ್ಧ್ನುತಾಮ್ ।
ತದ್ಬ್ರಹ್ಮ ವಾ ಅಗ್ನಿಃ ।
ಕ್ಷತ್ರಮಿನ್ದ್ರ ಃ! ।
ಸ ವಾ ಏಷ ತ್ರಿವೃತ್ಪಞ್ಚದಶೋ ಭವತಿ ।
ಬ್ರಹ್ಮ ವೈ ತ್ರಿವೃತ್ ।
ಕ್ಷತ್ರಂ ಪಞ್ಚದಶಃ ।
ತ್ರಿವೃತೈವಾಗ್ನಿ ಶ್ರೇಷ್ಠತಾಮಗಚ್ಛತ್ಪಞ್ಚದಶೇನೇನ್ದ್ರ ಃ! ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಬ್ರಹ್ಮ ವೈ ರಥನ್ತರಂ ಕ್ಷತ್ರಂ ಬೃಹತ್ ।
ರಥನ್ತರೇಣೈವಾಗ್ನಿ ಶ್ರೇಷ್ಠತಾಮಗಚ್ಛದ್ಬೃಹತೇನ್ದ್ರ ಃ! ।
ತೌ ಯೌ ಬ್ರಾಹ್ಮಣಶ್ಚ ರಾಜನ್ಯಶ್ಚ ಕಾಮಯೇಯಾತಾಂ ಸದೃಶಾನಾಮೇವ ಸತಾಂ ಸ್ವಾನಾಂ ಶ್ರೇಷ್ಠತಾಂ ಗಚ್ಛೇವ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುಯಾವೇತಿ ತಾವೇತೇನ ಯಜೇಯಾತಾಮ್ ।
ಸದೃಶಾನಾಮೇವ ಸತಾಂ ಸ್ವಾನಾಂ ಶ್ರೇಷ್ಠತಾಂ ಗಚ್ಛತಸ್ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುತಃ ।
ತ್ರಿವೃತೈವ ಬ್ರಾಹ್ಮಣ ಶ್ರೇಷ್ಠತಾಂ ಗಚ್ಛತಿ ಪಞ್ಚದಶೇನ ರಾಜನ್ಯಃ ।
ರಥನ್ತರೇಣೈವ ಬ್ರಾಹ್ಮಣ ಶ್ರೇಷ್ಠತಾಂ ಗಚ್ಛತಿ ಬೃಹತಾ ರಾಜನ್ಯಃ ತದ್ಯದೇತಾನಿ ತ್ರಿವೃತ್ಪಞ್ಚದಶಸ್ತೋತ್ರಾಣಿ ವ್ಯತಿಷಕ್ತಾನಿ ಭವನ್ತಿ - ೧೩೨

- ತಸ್ಮಾದಿನ್ದ್ರಾ ಗ್ನ್ಯೋಃ ಕುಲಾಯಃ ।
ತದಾಹುಸ್ಸತ್ರೇ ತದ್ವ್ಯತಿಷಕ್ತಂ ಯತ್ತ್ರಿವೃತ್ಪಞ್ಚದಶಮ್ ।
ತ್ರಿವೃತ್ಪಞ್ಚದಶಮಿತ್ಯೇವೈತಾನಿ ಸ್ತೋತ್ರಾಣಿ ವ್ಯತಿಷಕ್ತಾನಿ ಭವನ್ತಿ ।
ಷಡೇವ ತ್ರಿವೃನ್ತಿ ಸ್ತೋತ್ರಾಣಿ ಸ್ಯುಃ ಷಟ್ಪಞ್ಚದಶಾನೀತಿ ।
ಯಾನ್ಯೇವಾರ್ವಾಞ್ಚಿ ಮಾಧ್ಯಂದಿನಾತ್ತಾನ್ಯೇವ ತ್ರಿವೃನ್ತಿ ಸ್ಯುರ್ಯಾನ್ಯೂರ್ಧ್ವಂ ತಾನಿ ಪಞ್ಚದಶಾನೀತಿ ।
ಪಞ್ಚದಶಸ್ತ್ವೇವ ಮಾಧ್ಯಂದಿನಃ ಸ್ಯಾತ್ತ್ರಿವೃದ್ಧೋತುಃ ಪೃಷ್ಠಮ್ ।
ತಸ್ಮಿನ್ಪಞ್ಚದಶೇ ಮಾಧ್ಯಮ್ದಿನೇ ರಥನ್ತರಮವಕಲ್ಪಯನ್ತಿ ।
ಬ್ರಹ್ಮ ವೈ ರಥನ್ತರಂ ಕ್ಷತ್ರಂ ಪಞ್ಚದಶಃ ।
ಬ್ರಹ್ಮೈವ ತತ್ಕ್ಷತ್ರೇ ಪ್ರತಿಷ್ಠಾಪಯನ್ತಿ ।
ಅಥ ಯತ್ತ್ರಿವೃದ್ಧೋತುಃ ಪೃಷ್ಠಂ ಭವತಿ ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ಬೃಹತ್ಕ್ಷತ್ರಮೇವ ತದ್ಬ್ರಹ್ಮನ್ಪ್ರತಿಷ್ಠಾಪಯನ್ತಿ ।
ತಾವೇತಾವೇವಮನ್ಯೋಽನ್ಯಸ್ಮಿನ್ಪ್ರತಿಷ್ಠಾಯ ಶ್ರೇಷ್ಠತಾಮಗಚ್ಛತಾಮ್ ।
ತಯೋರ್ಹೈತಯೋರಜಯ್ಯಮೇವ ।
ಅಜಯ್ಯಾಂ ಹ ವೈ ಕೀರ್ತಿಮಜಯ್ಯಾಂ ಶ್ರಿಯಮಜಯ್ಯಂ ಸ್ವರ್ಗಂ ಲೋಕಂ ಜಯತಿ ಯ ಏವಂ ವೇದ ।
ಯದ್ವೇವೈತೇ ತ್ರಿವೃತ್ಪಞ್ಚದಶೇ ಸ್ತೋತ್ರೇ ವ್ಯತಿಷಕ್ತೇ ಭವತೋ ವ್ಯತಿಷಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ಪ್ರಜಾತ್ಯಾ ಏವ ।
ಅಥೋ ಪ್ರಾಣಾ ವೈ ಸ್ತೋಮಾ ವ್ಯತಿಷಕ್ತಾ ವಾ ಇಮೇ ಪ್ರಾಣಾ ಅನಿರ್ಮಾರ್ಗಾಯ ।
ತಸ್ಮಾತ್ತ್ರಿವೃತ್ಪಞ್ಚದಶಾನ್ಯೇವೈತಾನಿ ಸ್ತೋತ್ರಾಣಿ ವ್ಯತಿಷಕ್ತಾನಿ ಸ್ಯುರಿತಿ ।
ತಸ್ಯೈನ್ದ್ರಾ ಗ್ನಂ ಸಾಮಾದಿಷ್ಟಸಾಮ ಮಾಧ್ಯಂದಿನೇ ಪವಮಾನೇ ಭವತಿ ।
ಇನ್ದ್ರಾ ಗ್ನ್ಯೋರ್ಹ್ಯೇಷ ಯಜ್ಞಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೧೩೩

ಅಥೈಷೋಽಗ್ನಿಷ್ಟುತ್ ।
ಇನ್ದ್ರಂ ವೈ ಭೂತಾನಿ ಪರ್ಯಚಕ್ಷತ ತ್ರಿಶೀರ್ಷಾಣಂ ತ್ವಾಷ್ಟ್ರಮವಧೀದ್ಯತೀನ್ಸಾಲಾವೃಕೇಭ್ಯಃ ಪ್ರಾದಾದರುರ್ಮುಖಾನವಧೀದ್ಬೃಹಸ್ಪತೇಃ ಪ್ರತ್ಯವಧೀತ್ಸಂಧಾಂ ಸಂಹಿತಂ ಅತೀತ್ಯ ನಮುಚೇರಾಸುರಸ್ಯ ಶಿರಃ ಪ್ರಾಚ್ಛೈತ್ಸೀದಿತ್ಯೇತೇಭ್ಯೋ ದೇವಕಿಲ್ಬಿಷೇಭ್ಯಸ್ ।
ಸ ಹಾರಣ್ಯ ಏವ ಚಚಾರಾನಭ್ಯವಯನ್ದೇವಾನ್ ।
ಸ ಉ ಹ ದೇವಾನುವಾಚ ಯಾಜಯತ ಮೇತಿ ।
ನೇತಿ ಹೋಚುಃ ।
ಏತಾ ವೈ ತ್ವಯಾ ಸಂಧಾ ಅತೀತಾ ಏತಾನಿ ದೇವಕಿಲ್ಬಿಷಾಣಿ ಕೃತಾನಿ ನ ತ್ವಾ ಯಾಜಯಿಷ್ಯಾಮ ಇತಿ ।
ಅಥೋ ಹಾಸ್ಯಾಗ್ನಿರೇವ ಸಖಿತಮ ಇವಾಸ ದೇವೇಷು ।
ಸ ಉ ಹಾಗ್ನಿಮುವಾಚ ತ್ವಂ ಮಾ ಯಜಯೇತಿ ।
ತಥೇತಿ ಹೋವಾಚ ।
ಸ ವೈ ನು ತಂ ದೇವೇಷ್ವಿಚ್ಛಾಮಿ ಯೇನ ತ್ವಾ ಸಹ ಯಾಜಯೇಯಮಿತಿ ।
ಸ ಹ ತಂ ದೇವೇಷು ನ ವಿವೇದ ಯೇನೈನಂ ಸಹಾಯಾಜಯಿಷ್ಯತ್ ।
ಸ ಹೋವಾಚ ನ ವೈ ನು ತಂ ದೇವೇಷು ವಿನ್ದಾಮಿ ಯೇನ ತ್ವಾ ಸಹ ಯಾಜಯೇಯಮಿತಿ ।
ತಂ ವೈ ಮಾ ತ್ವಮೇವ ಯಾಜಯೇತಿ ।
ತಥೇತಿ ।
ಸೋಽಗ್ನಿರಾತ್ಮನ ಏವಾಧ್ಯೇತಮಗ್ನಿಷ್ಟುತಮತನುತ ।
ತೇನೈನಮಯಾಜಯತ್ ।
ತಸ್ಯ ಸದ್ಯಸ್ಸರ್ವಂ ಪಾಪ್ಮಾನಂ ನಿರದಹತ್ ।
ಸ ಯಥಾಹಿರಹಿಚ್ಛವ್ಯೈ ನಿರ್ಮುಚ್ಯೇತ ಯಥಾ ಮುಞ್ಜಾದಿಷೀಕಾಂ ವಿವೃಹೇದೇವಮೇವ ಸರ್ವಸ್ಮಾತ್ಪಾಪ್ಮನೋ ನಿರಮುಚ್ಯತ ।
ಸ ಏಷೋಽಪಹತಪಾಪ್ಮಾ ತಪತ್ಯೇಷ ಹ ವಾ ಇನ್ದ್ರ ಃ! ।
ಸ ಯ ಉಕ್ತೋಕ್ತ ಸ್ಯಾದ್ಯೋಽಭ್ಯಾಖ್ಯಾಯೇತ ಸ ಏತೇನ ಯಜೇತ ।
ಸದ್ಯೋ ಹೈವಾಸ್ಯ ಸರ್ವಂ ಪಾಪ್ಮಾನಂ ನಿರ್ದಹತಿ ।
ಸ ಯಥಾಹಿರಹಿಚ್ಛವ್ಯೈ ನಿರ್ಮುಚ್ಯೇತ ಯಥಾ ಮುಞ್ಜಾದಿಷೀಕಾಂ ವಿವೃಹೇದೇವಮೇವ ಸರ್ವಸ್ಮಾತ್ಪಾಪ್ಮನೋ ನಿರ್ಮುಚ್ಯತೇ ೧೩೪

ಸ ಯೋ ಮುಖೇನ ಪಾಪಂ ಕೃತ್ವಾ ಮನ್ಯೇತ ತ್ರಿವೃತಾಗ್ನಿಷ್ಟುತಾ ಯಜೇತ ।
ಏಷ ಹ ವೈ ಮುಖೇನ ಪಾಪಂ ಕರೋತಿ ಯೋಽವಾದ್ಯಂ ವದತಿ ।
ಮುಖಂ ವೈ ತ್ರಿವೃತ್ಸ್ತೋಮಾನಾಮ್ ।
ಮುಖಾದೇವ ತೇನ ಪಾಪ್ಮಾನಮಪಘ್ನತೇ ।
ಅಥ ಯೋ ಬಾಹುಭ್ಯಾಂ ಪಾಪಂ ಕೃತ್ವಾ ಮನ್ಯೇತ ಪಞ್ಚದಶೇನಾಗ್ನಿಷ್ಟುತಾ ಯಜೇತ ।
ಏಷ ಹ ವೈ ಬಾಹುಭ್ಯಾಂ ಪಾಪಂ ಕರೋತಿ ಯೋಽನಿಘಾತ್ಯಸ್ಯ ನಿಹನ್ತಿ ।
ಬಾಹೂ ವೈ ಪಞ್ಚದಶ ಸ್ತೋಮಾನಾಮ್ ।
ಬಾಹುಭ್ಯಾಮೇವ ತೇನ ಪಾಪ್ಮಾನಮಪಘ್ನತೇ ।
ಅಥ ಉದರೇಣ ಪಾಪಂ ಕೃತ್ವಾ ಮನ್ಯೇತ ಸಪ್ತದಶೇನಾಗ್ನಿಷ್ಟುತಾಯಜೇತ ।
ಏಷ ಹ ವಾ ಉದರೇಣ ಪಾಪಂ ಕರೋತಿ ಯೋಽನಾಶ್ಯಾನ್ನಸ್ಯಾನ್ನಮತ್ತಿ ।
ಉದರಂ ವೈ ಸಪ್ತದಶ ಸ್ತೋಮಾನಾಮ್ ।
ಉದರಾದೇವ ತೇನ ಪಾಪ್ಮಾನಮಪಘ್ನತೇ ।
ಅಥ ಯಃ ಪದ್ಭ್ಯಾಮ್ಪಾಪಂ ಕೃತ್ವಾ ಮನ್ಯೇತ ಏಕವಿಂಶೇನಾಗ್ನಿಷ್ಟುತಾ ಯಜೇತ ।
ಏಷ ಹ ವೈ ಪದ್ಭ್ಯಾಂ ಪಾಪಂ ಕರೋತಿ ಯೋ ಜನಮೇತಿ ।
ಪ್ರತಿಷ್ಠಾ ವಾ ಏಕವಿಂಶ ಸ್ತೋಮಾನಾಮ್ ।
ಪದ್ಭ್ಯಾಮೇವ ತೇನ ಪಾಪ್ಮಾನಮಪಘ್ನತೇ ।
ಅಥೋ ಆಹುರ್ಯ ಏವಾಯಂ ಜ್ಯೋತಿಷ್ಟೋಮೋಽಗ್ನಿಷ್ಟೋಮಸ್ತೇನೈವ ಯಜೇತೇತಿ ।
ತಸ್ಯ ಯತ್ತ್ರಿವೃದ್ಬಹಿಷ್ಪವಮಾನಂ ಭವತಿ ಮುಖಾದೇವ ತೇನ ಪಾಪ್ಮಾನಮಪಘ್ನತೇ ।
ಅಥ ಯತ್ಪಞ್ಚದಶಾನ್ಯಾಜ್ಯಾನಿ ಭವನ್ತಿ ಪಞ್ಚದಶೋ ಮಾಧ್ಯಂದಿನೋ ಬಾಹುಭ್ಯಾಂ ಏವ ತೇನ ಪಾಪ್ಮಾನಮಪಘ್ನತೇ ।
ಅಥ ಯತ್ಸಪ್ತದಶಾನಿ ಪೃಷ್ಠಾನಿ ಭವನ್ತಿ ಸಪ್ತದಶ ಆರ್ಭವ ಉದರಾದೇವ ತೇನ ಪಾಪ್ಮಾನಮಪಘ್ನತೇ ।
ಅಥ ಯದೇಕವಿಂಶಮಗ್ನಿಷ್ಟೋಮಸಾಮ ಭವತಿ ಪದ್ಭ್ಯಾಮೇವ ತೇನ ಪಾಪ್ಮಾನಮಪಘ್ನತೇ ೧೩೫

ತ್ರಿವೃತಾ ತೇಜಸ್ಕಾಮೋ ಬ್ರಹ್ಮವರ್ಚಸಕಾಮೋಽಗ್ನಿಷ್ಟುತಾ ಯಜೇತ ಪಞ್ಚದಶೇನ ವೀರ್ಯಕಾಮಸ್ಸಪ್ತದಶೇನ ಪಶುಕಾಮಃ ಪ್ರಜನನಕಾಮ ಏಕವಿಂಶೇನ ಪ್ರತಿಷ್ಠಾಕಾಮಸ್ತ್ರಿಣವೇನೌಜಸ್ಕಾಮಸ್ತ್ರಯಸ್ತ್ರಿಂಶೇನ ಶ್ರೀಕಾಮಃ ।
ತದು ವಾ ಆಹುರ್ವದನಮೇವೈತತ್ಸರ್ವಂ ಯ ಏವಾಯಂ ಚತುಷ್ಟೋಮೋಽಗ್ನಿಷ್ಟೋಮಃ ।
ತೇನೈವ ಯಜೇತೇತಿ ।
ಅಯಂ ವೈ ತ್ರಿವೃದಯಂ ಪಞ್ಚದಶೋಽಯಂ ಸಪ್ತದಶೋಽಯಮೇಕವಿಂಶಃ ।
ಇಮಾನ್ವೈ ಪ್ರಾಣಾನಗ್ನಿರನ್ವಾಯತ್ತಃ ।
ಸ ಯೋಽನೂಚಾನಸ್ಸನ್ನ ವಿರೋಚೇತ ಸ ಏತೇನ ಯಜೇತೇತಿ ।
ಯಥಾ ಹ ವೈ ನಿಷ್ಕಶ್ಶಮಲಗೃಹೀತ ಏವಂ ಸ ಯೋಽನೂಚಾನಸ್ಸನ್ನ ವಿರೋಚತೇ ।
ಅಗ್ನಾ ಉ ವಾ ಏತಂ ಪ್ರಾಸ್ಯನ್ತಿ ಯಮಗ್ನಿಷ್ಟುತಾ ಯಾಜಯನ್ತಿ ।
ತದ್ಯಥಾ ನಿಷ್ಕಂ ಶಮಲಗೃಹೀತಮಗ್ನೌ ಪ್ರಾಸ್ಯ ತಸ್ಯಾಯೋಘನೇನ ಸರ್ವಂ ಶಮಲಂ ನಿರ್ಹನ್ಯಾದೇವಂ ಹೈವಾಸ್ಯ ಸರ್ವಂ ಪಾಪ್ಮಾನಂ ನಿರ್ಘ್ನನ್ತಿ ।
ಸೋಽಪಹತಪಾಪ್ಮಾ ತೇಜಸ್ವೀ ಬ್ರಹ್ಮವರ್ಚಸೀ ಭವತಿ ।
ಅಥೋ ಆಹುರ್ಯಸ್ಮಿನ್ನೇವ ಪಶವ್ಯೇ ಸತಿ ಪಶವೋ ನ ರಮೇರನ್ಸ ಏನೇನ ಯಜೇತೇತಿ ।
ಯಥಾ ಹ ವೈ ಜರತ್ಕಷ ಏವಂ ಸ ಯಸ್ಮಿನ್ಪಶವ್ಯೇ ಸತಿ ಪಶವೋ ನ ರಮನ್ತೇ ।
ತಸ್ಯ ರೇವತೀಷ್ವಗ್ನಿಷ್ಟೋಮಸಾಮ ಭವತಿ ।
ಆಪೋ ವೈ ರೇವತಯಃ ।
ಅಗ್ನಾ ಉ ವಾ ಏತಂ ಪ್ರಾಸ್ಯನ್ತಿ ಯಮಗ್ನಿಷ್ಟುತಾ ಯಾಜಯನ್ತಿ ೧೩೬

ತದ್ಯಥಾ ಜರತ್ಕಕ್ಷಮಗ್ನಿನೋಪದೀಪ್ಯ ತಮದ್ಭಿರುಪಸಿಞ್ಚೇತ್ತಸ್ಮಿನ್ಕಲ್ಯಾಣ್ಯ ಓಷಧಯೋ ಜಾಯೇರಂಸ್ತಾಸು ಪಶವೋ ರಮೇರನ್ನೇವಂ ಹೈವಾಸ್ಮಿನ್ಸರ್ವೇ ಪಶವೋ ರಮನ್ತೇ ।
ತಸ್ಯಾಗ್ನ ಆಯೂಂಷಿ ಪವಸ ಇತ್ಯೇಷಾಗ್ನಿಪಾವಮಾನೀ ಪ್ರತಿಪದ್ಭವತಿ ।
ತದಾಹುರ್ವೀವ ವಾ ಏತೈಃ ಪ್ರಾಣೈರೃಧ್ಯನ್ತೇ ಯೇ ಪಾವಮಾನೀಭಿಃ ಪ್ರತಿಪದ್ಯನ್ತ ಇತಿ ।
ತದ್ಯದೇಷಾಗ್ನಿಪಾವಮಾನೀ ಪ್ರತಿಪದ್ಭವತೀತಿ ಪ್ರಾಣೋ ವೈ ವಾಯುಃ ಪ್ರಾಣೈರೇವ ತತ್ಸಮೃಧ್ಯನ್ತೇ ।
ಅಗ್ನೇ ಪಾವಕ ರೋಚಿಷೇತ್ಯನ್ನಂ ವೈ ಪಾವಕಮನ್ನಾದ್ಯೇನೈವೈನಂ ತತ್ಸಮರ್ಧಯನ್ತಿ ।
ಅಥೋ ವಾಯುರ್ವೈ ಪಾವಕಃ ಪ್ರಾಣೋ ವೈ ವಾಯುರಭಿಪೂರ್ವಮೇವೈನಂ ತತ್ಪ್ರಾಣೈಸ್ಸಮರ್ಧಯನ್ತಿ ।
ಅಗ್ನಿಶ್ಶುಚಿವ್ರತತಮ ಇತ್ಯಶುಚಿರಿವ ವಾ ಏಷ ಭವತಿ ಯೋಽಭ್ಯಾಖ್ಯಾಯತೇ ।
ಶುಚಿಮೇವೈನಮೇತೇನ ಪೂತಂ ಮೇಧ್ಯಂ ಕುರ್ವನ್ತಿ ।
ತಸ್ಯ ಯಜ್ಞಾಯಜ್ಞಾ ವೋಽಗ್ನಯ ಇತ್ಯೇತಾ ಮಾಧ್ಯಂದಿನಸ್ಯ ಪವಮಾನಸ್ಯ ಬೃಹತ್ಯೋ ಭವನ್ತಿ ।
ಅಗ್ನಾ ಉ ವಾ ಏತಂ ಪ್ರಾಸ್ಯನ್ತಿ ಯಮಗ್ನಿಷ್ಟುತಾ ಯಾಜಯನ್ತಿ ।
ಉತ ತ್ರಾತಾ ತನೂನಾಮಿತ್ಯಗ್ನಯ ಏವ ತದ್ವೈಶ್ವಾನರಾಯ ಯಜಮಾನಸ್ತನ್ವಂ ಪರಿದತ್ತೇ ।
ತಸ್ಯ ಪಾಹಿ ನೋ ಅಗ್ನ ಏಕಯೇತ್ಯೇತಾಸು ನಾರ್ಮೇಧಸ್ಯರ್ಕ್ಷು ರಥನ್ತರಂ ಪೃಷ್ಠಂ ಭವತಿ ।
ಏತಾಭಿರ್ವೈ ನೃಮೇಧಾ ಔಶಿಜೋಽಗ್ನೇರ್ಹರಾಂಸ್ಯಪೈರಯತ ।
ಅಗ್ನೇರೇವೈತಾಭಿರ್ಹರಾಂಸ್ಯಪೇರಯತೇ ।
ತಸ್ಯ ಶಂ ನೋ ದೇವೀರಭಿಷ್ಟಯ ಇತ್ಯೇತಾಸ್ವಪೋನಪ್ತ್ರಿಯಾಸ್ವಗ್ನಿಷ್ಟೋಮಸಾಮ ಭವತಿ ।
ಆಪೋ ವಾ ಅಪೋನಪ್ತ್ರಿಯಃ ।
ಅಗ್ನಾ ಉ ವಾ ಏತಂ ಪ್ರಾಸ್ಯನ್ತಿ ಯಮಗ್ನಿಷ್ಟುತಾ ಯಾಜಯನ್ತಿ ೧೩೭

ತದ್ಯಥಾಗ್ನಿದಗ್ಧಮದ್ಭಿರಭಿಷಿಞ್ಚೇತ್ತಾದೃಗೇವ ತಚ್ಛಾನ್ತ್ಯೈ ।
ತದಾಹುರ್ಯೋ ವಾ ಅಗ್ನಿದಗ್ಧಮದ್ಭಿರಭಿಷಿಞ್ಚತಿ ಭೂಯೋ ವೈತತ್ಪ್ರಮೃಚ್ಯತಿ ಕಿಲಾಸಂ ಸಂ ವಾ ಭವತಿ ।
ಆ ನೋ ಯಜ್ಞಂ ದಿವಿಸ್ಪೃಶಂ ವಾಯೋ ಯಾಹಿ ಸುಮನ್ಮಭಿರಿತ್ಯೇತಾಸ್ವೇವ ವಾಯುಮತೀಷು ಕಾರ್ಯಂ ವಾಯುರ್ವೈ ಶಾನ್ತಿಶ್ಶಾನ್ತ್ಯಾ ಏವಾನಿರ್ದಾಹಾಯೇತಿ ।
ತದಾಹುರ್ಯೋ ವಾ ಆಗ್ನೀನುಪದೀಪ್ಯ ವಾತೇನೋಪವಾಜಯತಿ ಭೂಯೋ ವೈ ತದ್ದೀಪ್ಯತೇ ।
ದೀಪ್ತಿರ್ವಾವೈಷೇತಿ ।
ತದು ವಾ ಆಹುಸ್ತದ್ವಾವ ಯಜಮಾನ ಇಚ್ಛೇದ್ಯತ್ಸ ದೀಪ್ಯೇತ ।
ಯದು ದೀಪ್ತ್ಯೈ ವಾಯುರೇವ ದೀಪ್ತ್ಯೈ ।
ಯದು ಶಾನ್ತ್ಯೈ ವಾಯುರೇವ ಶಾನ್ತ್ಯೈ ।
ತಸ್ಮಾದೇತಾಸ್ವೇವ ವಾಯುಮತೀಷು ಕಾರ್ಯಮಿತಿ ।
ತಸ್ಯಾಜಾ ಚ ಹಿರಣ್ಯಂ ಚ ದಕ್ಷಿಣಾ ।
ಆಗ್ನೇಯೀ ವಾ ಅಜಾಗ್ನೇಯಂ ಹಿರಣ್ಯಮ್ ।
ಅಥೋ ಆಹುರನಡ್ವಾನ್ದಕ್ಷಿಣೇತಿ ।
ವಹತಿ ವಾ ಅನಡ್ವಾನ್ವಹತ್ಯಗ್ನಿರ್ದೇವೇಭ್ಯೋ ಹವಿಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೧೩೮

ಅಥೈಷ ಇನ್ದ್ರ ಸ್ತೋಮಃ ।
ಇನ್ದ್ರೋ ವಾ ಅಕಾಮಯತ ಸರ್ವೇಷಾಂ ದೇವಾನಾಂ ಶ್ರೇಷ್ಠತಾಂ ಗಚ್ಛೇಯಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಸರ್ವೇಷಾಂ ದೇವಾನಾಂ ಶ್ರೇಷ್ಠತಾಮಗಚ್ಛತ್ ।
ಗಚ್ಛತಿ ಸ್ವಾನಾಂ ಶ್ರೇಷ್ಠತಾಂ ಯ ಏವಂ ವೇದ ।
ಇನ್ದ್ರೇ ಹ ವಾ ಅಗ್ರೇ ಯಜ್ಞ ಆಸ ।
ಶ್ರೀರ್ಹ ವಾ ಅಸ್ಮಿಂಸ್ತದಾಸ ।
ಯಜ್ಞ ಉ ಹ ವಾವ ದೇವಾನಾಂ ಶ್ರೀಃ ।
ತಮು ಹ ವೃತ್ರೋಽಭಿವವೃಧೇ ।
ಸ ದೇವಾನುಪಾಧಾವದ್ಯುಷ್ಮಾಭಿರ್ಬಲೇನೇಮಂ ವೃತ್ರಂ ಹನಾನೀತಿ ।
ತಮಬ್ರುವನ್ಸ ವೈ ನೋ ಯಸ್ತೇಽಯಂ ನಿಷ್ಕೇವಲ್ಯೋ ಯಜ್ಞಸ್ತಂ ಪ್ರಯಚ್ಛೇತಿ ।
ತಸ್ಮಾದ್ರಾ ಜನಿ ವಿಜಿಗೀಷಮಾಣೇ ವಿಷಃ ಪ್ರದಾನಮಿಚ್ಛನ್ತೇ ।
ತಸ್ಮಾದು ರಾಜಾ ವಿಜಿಗೀಷಮಾಣೋ ವಿಶ ಏವ ಪ್ರದಾನಂ ಪ್ರಯಚ್ಛತಿ ।
ಸ ವಸುಭ್ಯ ಏವ ಪ್ರಾತಸ್ಸವನಂ ಪ್ರಾಯಚ್ಛದ್ರುದ್ರೇ ಭ್ಯೋ ಮಾಧ್ಯಂದಿನಂ ಸವನಮಾದಿತ್ಯೇಭ್ಯಸ್ತೃತೀಯಸವನಂ ವಿಶ್ವೇಭ್ಯಶ್ಚ ದೇವೇಭ್ಯಃ ।
ತೈರ್ಬಲೇನೇನ್ದ್ರೋ ವೃತ್ರಮಹನ್ ।
ಅಜಯನ್ದೇವಾ ಅಸುರಾನ್ ।
ಸ ವೃತ್ರಂ ಹತ್ವಾ ವಿಜಿತ್ಯ ಪೃಥಗೇವೈಷಾಂ ಇಮಾ ಶ್ರಿಯೋ ದೀಪ್ಯಮಾನಾ ಅಪಶ್ಯತ್ ।
ತಮಭಿಶಸ್ತಿರವಿನ್ದನ್ ।
ಸ ಷಕ್ಷತ ಕಥಂ ನ್ವಹಮೇಷಾಮಿಮಾ ಶ್ರಿಯಸ್ಸಂವೃಞ್ಜೀಯೇತಿ ।
ಸ ಏತೇನೈವ ಯಜ್ಞೇನಾಯಜತ ।
ತೇನೈಷಾಂ ಸರ್ವಾ ಶ್ರಿಯಸ್ಸಮವೃಙ್ಕ್ತ ।
ವೃಙ್ಕ್ತೇ ದ್ವಿಷತೋ ಭ್ರಾತೃವ್ಯಸ್ಯ ಶ್ರಿಯಂ ಯ ಏವಂ ವೇದ ೧೩೯

ಸ ಷನ್ದ್ರೀ ಷ್ವೇವ ಸರ್ವೋ ಭವತಿ ।
ಷನ್ದ್ರೀ ಷ್ವೇವ ಪ್ರಾತಸ್ಸವನಂ ಭವತ್ಯೈನ್ದ್ರೀ ಷು ಮಾಧ್ಯಂದಿಅನಂ ಸವನಮೈನ್ದ್ರೀ ಷು ತೃತೀಯಸವನಮ್ ।
ತದ್ಯದ್ಗಾಯತ್ರಂ ಸತ್ಪ್ರಾತಸ್ಸವನಮೈನ್ದ್ರೀ ಷು ಕ್ರಿಯತೇ ವಸೂನಾಮೇವ ತೇನ ಯಜ್ಞಂ ಸಮವೃಙ್ಕ್ತ ।
ಅಥ ಯತ್ತ್ರೈಷ್ಟುಭಂ ಸನ್ಮಾಧ್ಯಂದಿನಂ ಸವನಮೈನ್ದ್ರೀ ಷು ಕ್ರಿಯತೇ ರುದ್ರಾ ಣಾಮೇವ ತೇನ ಯಜ್ಞಂ ಸಮವೃಙ್ಕ್ತ ।
ಅಥ ಯಜ್ಜಾಗತಂ ಸತ್ತೃತೀಯಸವನಮೈನ್ದ್ರೀ ಷು ಕ್ರಿಯತ ಆದಿತ್ಯಾನಾಮೇವ ತೇನ ಯಜ್ಞಂ ಸಮವೃಙ್ಕ್ತ ವಿಶ್ವೇಷಾಂ ಚ ದೇವಾನಾಮ್ ।
ತ ಏನಮಾತ್ತಯಜ್ಞಾ ಉಪಾಸೀದನ್ವಿಶಸ್ತೇಽಸಾಮ ಯಜ್ಞೇ ನೋಽನ್ವಾಭಜೇತಿ ಯಥಾ ಭರ್ತಾರಂ ಭಾರ್ಯಾ ಉಪಸೀದನ್ತಿ ತಥಾ ।
ಸ ವಸೂನೇವ ಪ್ರಾತಸ್ಸವನೇಽನ್ವಾಭಜದ್ರುದ್ರಾ ನ್ಮಾಧ್ಯಂದಿನೇ ಸವನ ಆದಿತ್ಯಾಂಸ್ತೃತೀಯಸವನೇ ವಿಶ್ವಾಂಶ್ಚ ದೇವಾನ್ ।
ಯಥಾ ರಾಜಾ ವಿಜಿತ್ಯ ಸ್ವೇ ವಿತ್ತೇ ಭಾರ್ಯಾನನ್ವಾಭಜೇದೇವಮೇವೈನಾಂಸ್ತದನ್ವಾಭಜತ್ ।
ತಸ್ಮಾದಿನ್ದ್ರಾ ಯ ವಸುಮತೇ ರುದ್ರ ವತ ಆದಿತ್ಯವತೇ ವಿಶ್ವದೇವ್ಯಾವತ ಇತ್ಯನ್ವಾಹುಸ್ ।
ಸ ಪಞ್ಚದಶೋ ಭವತಿ ।
ವಜ್ರೋ ವೈ ಪಞ್ಚದಶಃ ।
ವಜ್ರ ಇನ್ದ್ರ ಃ! ।
ಷನ್ದ್ರ ಏಷ ಯಜ್ಞಸ್ತತ್ತತ್ಸಲಕ್ಷ್ಮ ಕ್ರಿಯತೇ ।
ಸ ಉಕ್ಥ್ಯೋ ಭವತಿ ।
ವಿಡ್ವಾ ಉಕ್ಥಾನಿ ।
ಕ್ಷತ್ರಮೇವ ತದ್ವಿಶ್ಯಧ್ಯೂಹನ್ತಿ ।
ತಸ್ಮಾತ್ಕ್ಷತ್ರಿಯೋ ವಿಶ್ಯಧ್ಯೂಢಃ ।
ಸಯ ಶ್ರೀಕಾಮ ಸ್ಯಾತ್ಸ ಏತೇನ ಯಜೇತ ।
ಕ್ಷತ್ರಂ ಶ್ರೀಃ ಕ್ಷತ್ರಯಜ್ಞ ಏಷೋಽಶ್ನುತೇ ಶ್ರಿಯಮ್ ೧೪೦

ಅಥೈಷ ವಿಘನಃ ।
ಪ್ರಜಾಪತಿರ್ದೇವಾನಸೃಜತ ವಸೂನ್ರುದ್ರಾ ನಾದಿತ್ಯಾನ್ ।
ತೇಭ್ಯೋ ಯಜ್ಞಂ ಚೇಮಾಂಶ್ಚ ಲೋಕಾನ್ಪ್ರಾಯಚ್ಛತ್ ।
ವಸುಭ್ಯ ಏವ ಪ್ರಾತಸ್ಸವನಂ ಪ್ರಾಯಚ್ಛದ್ರುದ್ರೇ ಭ್ಯೋ ಮಾಧ್ಯಂದಿನಂ ಸವನಮಾದಿತ್ಯೇಭ್ಯಸ್ತೃತೀಯಸವನಮ್ ।
ವಸುಭ್ಯ ಏವೇಮಂ ಲೋಕಂ ಪ್ರಾಯಚ್ಛದ್ರುದ್ರೇ ಭ್ಯೋಽನ್ತರಿಕ್ಷಮಾದಿತ್ಯೇಭ್ಯೋಽಮುಮ್ ।
ಅಥೇನ್ದ್ರ ಮಸೃಜತ ।
ಸ ಇದಮೇಷಾಂ ಸರ್ವಮ್ವಿಭಕ್ತಮಪಶ್ಯತ್ ।
ಸೋಽಬ್ರವೀದ್ಯದಿದಮೇಷಾಂ ಸರ್ವಂ ವಿಭಕ್ತಮಥ ಕಸ್ಮೈ ಮಾಮಸೃಷ್ಠಾ ಇತಿ ।
ಏತೇಷಾಂ ತ್ವಾ ಇತ್ಯಬ್ರವೀಚ್ಛ್ರೈಷ್ಠ್ಯಾಯಾಧಿಪತ್ಯಾಯಾಸೃಕ್ಷೀತಿ ।
ಸೋಽಹಂ ಕಥಮೇಷಾಂ ಶ್ರೇಷ್ಠೋಽಧಿಪತಿ ಸ್ಯಾಮಿತಿ ।
ಪರೇಹ್ಯೇನಾನ್ಬ್ರೂಹೀತ್ಯಬ್ರವೀದ್ಯುಷ್ಮಾಕಂ ಮಾ ಪ್ರಜಾಪತಿ ಶ್ರೈಷ್ಠ್ಯಾಯಾಧಿಪತ್ಯಾಯಾಸೃಷ್ಟೇತಿ ।
ಸ ಏತ್ಯಾಬ್ರವೀದ್ಯುಷ್ಮಾಕಂ ಮಾ ಪ್ರಜಾಪತಿ ಶ್ರೈಷ್ಠ್ಯಾಯಾಧಿಪತ್ಯಾಯಾಸೃಷ್ಟೇತಿ ।
ತೇಽಬ್ರುವನ್ವಯಂ ವಾವ ಶ್ರೇಷ್ಠಾ ಸ್ಮೋ ವಯಮಧಿಪತಯೋ ಯೇ ಜ್ಯೇಷ್ಠಾ ಸ್ಮ ಇತಿ ನಾಜಾನನ್ ।
ಸ ಪುನರೇತ್ಯಾಬ್ರವೀನ್ನ ವಾ ಅಮೀ ತಜ್ಜಾನನ್ತಿ ಯತ್ತ್ವಮಾತ್ಥೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನೈನಮಯಾಜಯತ್ ।
ಸ ಹೇಷ್ಟ್ವೈವ ಸರ್ವಾ ಮೃಧೋ ವ್ಯಹತ ।
ಯದ್ವ್ಯಹತ ತದ್ವಿಘನಸ್ಯ ವಿಘನತ್ವಮ್ ।
ವಿ ಹ ವೈ ದ್ವಿಷನ್ತಂ ಭ್ರಾತೃವ್ಯಂ ಹತೇ ಯ ಏವಂ ವೇದ ೧೪೧

ತಂ ವಿಜಿಗ್ಯಾನಂ ಸರ್ವೇ ದೇವಾ ಅಭಿತಸ್ಸಮನ್ತಂ ಪರ್ಯವಿಶನ್ವಸವಃ ಪುರಸ್ತಾದ್ರುದ್ರಾ ದಕ್ಷಿಣತ ಆದಿತ್ಯಾಃ ಪಶ್ಚಾನ್ಮರುತ ಉತ್ತರತೋ ವಿಶ್ವೇ ದೇವಾ ಉಪರಿಷ್ಟಾತ್ಸಾಧ್ಯಾಶ್ಚಾಪ್ತ್ಯಾಶ್ಚಾಹ್ದಸ್ತಾದಭಿತೋಽಙ್ಗಿರಸಃ ।
ಏಷಾ ವೈ ದೈವೀ ಶ್ರೀರ್ದೈವಾ ಸಭಾ ದೈವೀ ಸಂಸತ್ ।
ಗಚ್ಛತಿ ಹ ವಾ ಏತಾಂ ದೈವೀಂ ಶ್ರಿಯಂ ದೈವೀಂಸಭಾಂ ದೈವೀಂ ಸಂಸದಂ ಯ ಏವಂ ವೇದ ।
ಸ ವಾ ಏಷ ಷಡ್ಬೃಹತೀರಭಿಸಂಪದ್ಯತೇ ।
ಷಡ್ವಾ ಋತವಸ್ಸಂವತ್ಸರಶ್ರೀಃ ।
ಶ್ರಿಯಾಂ ವಾವೈನಂ ತದಧ್ಯೌಹತ್ ।
ಸ ಏಷ ಋತುಷು ಚ ಸಂವತ್ಸರೇ ಚೈತಸ್ಯಾಂ ಶ್ರಿಯಾಮಧ್ಯೂಢಸ್ತಪತಿ ।
ತಸ್ಯ ಪ್ರತ್ನಂ ಪೀಯೂಷಂ ಪೂರ್ವಂ ಯದುಕ್ಥ್ಯಮಿತ್ಯೇತಾಃ ಸತೋಬೃಹತಯೋ ಭವನ್ತಿ ಗಾಯತ್ರೀಭಾಜನಮ್ ।
ಬ್ರಹ್ಮ ವೈ ಗಾಯತ್ರೀ ।
ಕ್ಷತ್ರಂ ಬೃಹತೀ ।
ಬ್ರಹ್ಮೈವ ತದ್ಯಶಸಾನಕ್ತಿ ।
ಬ್ರಹ್ಮಣೋಽಸ್ಯ ತತ್ಸತಃ ಕ್ಷತ್ರಸ್ಯೇವ ಪ್ರಕಾಶೋ ಭವತಿ ಯ ಏವಂ ವೇದ ೧೪೨

ತಾಸು ವ್ಯತಿಷಕ್ತಾಸು ಸ್ತುವನ್ತಿ ವ್ಯತಿಷಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ಪ್ರಜಾತ್ಯಾ ಏವ ।
ಅಥೋ ವ್ಯತಿಷಕ್ತೋ ವೈ ಪುರುಷಃ ಪಾಪ್ಮಭಿಃ ।
ವ್ಯತಿಷಕ್ತಾಭಿರೇವ ತದ್ವ್ಯತಿಷಕ್ತಾನ್ಪಾಪ್ಮನೋಽಪಹತೇ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥಾಮಹೀಯವಮುಕ್ತಬ್ರಾಹ್ಮಣಮ್ ।
ಅಥ ಸೌಪರ್ಣಮುಕ್ತಬ್ರಾಹ್ಮಣಮ್ ।
ಅಥ ಸತ್ರಾಸಾಹೀಯಂ ವಿಜಿತ್ಯೈ ।
ಸತ್ರಾ ತಮಭಿಷಹಾತೈ ಯೋಽಸ್ಯಾಭಿಷಹ್ಯೋಽಸದಿತಿ ।
ಅಥೋತ್ಸೇಧನಿಷೇಧೌ ಪಾಪವಸ್ಯಸಸ್ಯೈವೋತ್ಸಿದ್ಧ್ಯೈ ಚ ನಿಷಿದ್ಧ್ಯೈ ಚ ।
ಅಥ ವಿಶೋವಿಶೀಯಂ ಚ ಸದೋವಿಶೀಯಂ ಚ ।
ವಿಶೋವಿಶೀಯೇನ ವಾ ಇನ್ದ್ರೋ ದೇವಾನಭ್ಯಾರೋಹತ್ ।
ತಾನ್ಸದೋವಿಶಮಿತ್ಯೇವ ಸದೋವಿಶೀಯೇನ ವಿಶಮಕುರುತ ।
ಅಥೈತಾಸ್ತ್ರಿಷ್ಟುಭೋ ಭವನ್ತಿ ।
ತಾಸು ಬ್ರಹ್ಮಸಾಮ ।
ಬ್ರಹ್ಮ ವೈ ಬ್ರಹ್ಮಸಾಮ ।
ಕ್ಷತ್ರಂ ತ್ರಿಷ್ಟುಪ್ ।
ಯಜಮಾನಕಾಮೋ ವಾ ಏಷ ಯದ್ಬ್ರಹ್ಮಸಾಮ ।
ಸ್ವ ಏವ ತದಾಯತನೇ ಯಜಮಾನಂ ಕಾಮೈಸ್ಸಮರ್ಧಯನ್ತಿ ೧೪೩

ತಾಃ ಪದಬ್ರಾಹ್ಮಣಾ ಭವನ್ತಿ ।
ತದಿದಾಸ ಭುವನೇಷು ಜ್ಯೇಷ್ಠಮಿತಿ ಪ್ರಜಾಪತಿರ್ಹಿ ಸಃ ।
ಪ್ರಜಾಪತಿರ್ಹ್ಯೇಷ ಭುವನೇಷು ಜ್ಯೇಷ್ಠಃ ।
ಯತೋ ಜಜ್ಞ ಉಗ್ರಸ್ತ್ವೇಷನೃಮ್ಣ ಇತಿ ಇನ್ದ್ರೋ ಹ ಸಃ ।
ಸದ್ಯೋ ಜಜ್ಞಾನೋ ನಿ ರಿಣಾತಿ ಶತ್ರೂನಿತಿ ಸದ್ಯೋ ಹ್ಯೇವ ಸ ಜಜ್ಞಾನಸ್ಸರ್ವಾ ಮೃಧೋ ವ್ಯಹತ ।
ಅನು ಯಂ ವಿಶ್ವೇ ಮದನ್ತ್ಯೂಮಾ ಇತ್ಯೃತವೋ ವಾ ಊಮಾಸ್ತ ಏವೈನಂ ತದನುಮದನ್ತಿ ।
ವಾವೃಧಾನಶ್ಶವಸಾ ಭೂರ್ಯೋಜಾಶ್ಶತ್ರುರ್ದಾಸಾಯ ಭಿಯಸಂ ದಧಾತೀನ್ದ್ರೋ ಹ ಸಃ ।
ಅವ್ಯನಶ್ಚ ವ್ಯನಶ್ಚ ಸಸ್ನಿ ಸಂ ತೇ ನವನ್ತ ಪ್ರಭೃತಾ ಮದೇಷ್ವಿತಿ ಯಚ್ಚ ಹ ವೈ ವ್ಯನಿತಿ ಯಚ್ಚ ನ ತತ್ಸರ್ವಮೇತಸ್ಯೈವ ಶ್ರಿಯೈ ತತ್ಸ್ಥಾನಮ್ ।
ತ್ವೇ ಕ್ರತುಂ ವೃಞ್ಜನ್ತಿ ವಿಶ್ವೇ ದ್ವಿರ್ಯದೇತೇ ತ್ರಿರ್ಭವನ್ತ್ಯೂಮಾ ಇತಿ ಋತವೋ ವಾ ಊಮಾಸ್ತ ಏವೈತೇ ದ್ವಿಸ್ತ್ರಿರ್ಭವನ್ತಿ ।
ಸ್ವಾದೋ ಸ್ವಾದೀಯ ಸ್ವಾದುನಾ ಸೃಜಾ ಸಮಿತಿ ಪ್ರಜಾ ವೈ ಸ್ವಾದುಃ ಪ್ರಜಾಯೈ ಯಾ ಪ್ರಜಾ ಸಾ ಸ್ವಾದೋ ಸ್ವಾದು ।
ಅದಃ ಸು ಮಧು ಮಧುನಾಭಿ ಯೋಧೀರಿತಿ ಪ್ರಜಾ ವೈ ಮಧು ಪ್ರಜಾಯೈ ಯಾ ಪ್ರಜಾ ಸಾ ಮಧೋರ್ಮಧು ।
ಅಪಿ ಹ ಪ್ರಜಾಯೈ ಪ್ರಜಾಂ ಪಶ್ಯತೇ ಯ ಏವಂ ವೇದ ।
ತಾಸು ಶ್ಯೈತಮುಕ್ತಬ್ರಾಹ್ಮಣಮ್ ೧೪೪

ಅಥೈತಾನಿ ಗೋನಾಮಾನಿ ಭವನ್ತಿ ಪಶವೋ ವೈ ಗೋನಾಮಾನಿ ಪಶೂನಾಮೇವಾವರುದ್ಧ್ಯೈ ।
ಏಕಪದಾ ಪ್ರಥಮಾ ಭವತಿ ತ್ರಿಪದೇ ಉತ್ತರೇ ದ್ವೇ ।
ತಾನಿ ಸಪ್ತಪದಾನಿ ಸಂಪದ್ಯನ್ತೇ ।
ಸಪ್ತಪದಾ ವೈ ಶಕ್ವರ್ಯಃ ।
ಶಾಕ್ವರಾಃ ಪಶವಃ ।
ಅಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ।
ತದಾಹುರಪಾವಮಾನ್ಯೋ ನ ಪವಮಾನೇ ಕಾರ್ಯಾ ಇತಿ ।
ತದು ವಾ ಆಹುಃ ಪಾವಮಾನ್ಯ ಏವಾಮುಷ್ಯ ವಾ ಏತಾಶ್ಚನ್ದ್ರ ಮಸ ಋಚಃ ।
ಏಷ ವೈ ಪವಮಾನ ಏಷ ಸೋಮೋ ರಾಜಾ ।
ತಸ್ಮಾತ್ಕಾರ್ಯಾ ಏವೇತಿ ।
ಸುಮನ್ಮಾ ವಸ್ವೀ ರನ್ತೀ ಸೂನರೀ ಸುರೂಪ ವೃಷನ್ನಾ ಗಹಿ
ಇಮೌ ಭದ್ರೌ ಧುರ್ಯಾವಭಿ ತಾವಿಮಾ ಉಪಸರ್ಪತಃ
ನೀವ ಶೀರ್ಷಾಣಿ ಮೃಢ್ವಂ ಮಧ್ಯ ಆಪಸ್ಯ ತಿಷ್ಠತಿ
ಶೃಙ್ಗೇಭಿರ್ದಶಭಿರ್ದಿಶನ್
ಇತಿ ಯೇ ಹ ವಾ ಏತ ಆದಿತ್ಯಸ್ಯ ರಶ್ಮಯ ಏತಾನಿ ಹ ವಾ ಏತಸ್ಯ ಶೃಙ್ಗಾಣಿ ।
ಮಧ್ಯ ಉ ಹ ವಾ ಏಷ ಏತದಪಾಮ್ ।
ತಾಸು ವಾರವತೀಯಮ್ ।
ಯದನೇನ ಕರ್ಮಣಾವಾರುತ್ಸ್ಮಹಿ ತನ್ನೋ ವಾರವನ್ತೀಯೇನ ವಾರಿತಮನ್ತತ ಉಪತಿಷ್ಠಾತಾ ಇತಿ ।
ತದು ವಾ ಆಹುರ್ಯದ್ವಾವಾನ್ಯಾ ವಾಙ್ನಾತಿವದತಿ ತದೇತಸ್ಯಾಹ್ನೋಽಗ್ನಿಷ್ಟೋಮಸಾಮ ಕಾರ್ಯಮ್ ।
ಯಜ್ಞಾಯಜ್ಞೀಯಂ ವಾವಾನ್ಯಾ ವಾಙ್ನಾತಿವದತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ಕುತೋ ಹಿ ವಾಗ್ವಾಚಮತಿವದಿಷ್ಯತಿ ।
ತಸ್ಮಾದೇತಸ್ಯಾಹ್ನೋ ಯಜ್ಞಾಯಜ್ಞೀಯಮೇವಾಗ್ನಿಷ್ಟೋಮಸಾಮ ಕಾರ್ಯಮಿತಿ ೧೪೫

ಅಥೈಷ ವೈಶ್ವದೇವಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಪ್ರಜಾಪತಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ವೈಶ್ವದೇವೀಃ ಪ್ರಜಾಸ್ಸೃಜೇಯೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ವೈಶ್ವದೇವೀಃ ಪ್ರಜಾ ಅಸೃಜತ ।
ಸ ಯತ್ಕಾಮಯೇತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ವೈಶ್ವದೇವೀಃ ಪ್ರಜಾಸ್ಸೃಜೇಯೇತಿ ಸ ಏತೇನ ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ವೈಶ್ವದೇವೀಃ ಪ್ರಜಾಸ್ಸೃಜತೇ ।
ತದ್ಯದೇಷ ವೈಶ್ವದೇವೋ ಭವತಿ ವೈಶ್ವದೇವೀನಾಮೇವ ಪ್ರಜಾನಾಂ ಸೃಷ್ಟ್ಯೈ ।
ಸ ಸರ್ವ ಏವ ವೈಶ್ವದೇವೀಷು ಭವತಿ ವೈಶ್ವದೇವೀನಾಮೇವ ಪ್ರಜಾನಾಂ ಪ್ರಜಾತ್ಯೈ ।
ಸ ತ್ರಿವೃದ್ಭವತಿ ನ್ಯೂನಂ ವೈ ತ್ರಿವೃತ್ ।
ನ್ಯೂನಂ ಪ್ರಜನನಂ ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ಪ್ರಜನನಂ ವೈ ರಥನ್ತರಂ ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ಸ ಉಕ್ಥ್ಯೋ ಭವತಿ ಪ್ರಜಾ ವೈ ಪಶವ ಉಕ್ಥಾನಿ ।
ಪ್ರಜಾ ವೈ ಪಶವಃ ಪ್ರಜನನಂ ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ೧೪೬

ಅಥೋ ಆಹುಸ್ಸಪ್ತದಶ ಏವ ಸ್ಯಾದಿತಿ ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ಅಥೋ ಆಹುಸ್ತ್ರಿಣವ ಏವ ಸ್ಯಾದಿತಿ ।
ತ್ರಯೋ ಹ ತೇ ತ್ರಿವೃತಃ ।
ನ್ಯಾನಂ ವೈ ತ್ರಿವೃತ್ ।
ನ್ಯೂನಂ ಪ್ರಜನನಮ್ ।
ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ಅಥೋ ಆಹುಸ್ತ್ರಯಸ್ತ್ರಿಂಶ ಏವ ಸ್ಯಾದಿತಿ ।
ಪ್ರಜಾಪತಿರ್ವೈ ತ್ರಯಸ್ತ್ರಿಂಶಃ ।
ಪ್ರಜಾಪತಿಃ ಪ್ರಜನನಮ್ ।
ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತದು ವಾ ಆಹುಸ್ಸಪ್ತದಶ ಏವ ಸ್ಯಾತ್ ।
ಏಷ ಹ ವಾವ ಪ್ರಜಾಪತಿರ್ಯತ್ಸಪ್ತದಶಃ ।
ತಸ್ಮಾತ್ಸಪ್ತದಶ ಏವ ಸ್ಯಾದಿತಿ ।
ಸ ಉ ಏವ ತ್ರಿವೃತಂ ಚ ಸ್ತೋಮಂ ಗಾಯತ್ರೀಂ ಚ ಛನ್ದೋಽಭಿಸಂಪದ್ಯತೇ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯತ್ತ್ರಿವೃಚ್ಚ ಸ್ತೋಮೋ ಗಾಯತ್ರೀ ಚ ಛನ್ದಃ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ಸ ಉಕ್ಥ್ಯೋ ಭವತಿ ವಿಡ್ವಾ ಉಕ್ಥಾನಿ ವೈಶ್ವದೇವೀನಾಮೇವ ಪ್ರಜಾನಾಂ ಪ್ರಜಾತ್ಯೈ ।
ಸ ಹೈಷ ಭೂರೇವ ನಾಮ ಯಜ್ಞಕ್ರತುಃ ।
ಏತೇನ ಹ ವೈ ಯಜ್ಞೇನೇಷ್ಟ್ವಾ ಪ್ರಜಾಪತಿರಭವತ್ ।
ಯದಭವತ್ತಸ್ಮಾದ್ಭೂಃ ।
ಭವತಿ ಯ ಏವಂ ವೇದ ।
ಸ ವಾ ಏಷ ವೈಶ್ಯಸ್ಯೇವ ಯಜ್ಞೋ ಬ್ರಾಹ್ಮಣಸ್ಯಾಗ್ನಿಷ್ಟುದ್ರಾ ಜನ್ಯಸ್ಯೇನ್ದ್ರ ಸ್ತೋಮಃ ।
ಯರ್ಹಿ ವಾ ಏತೈರೇವಂ ವ್ಯಾಕೃತೈರೀಜಿರೇ ಪ್ರೋಕ್ತಾ ಹ ಸ್ಮ ಮನುಷ್ಯಾ ವಿಜ್ಞಾಯನ್ತೇ ।
ಬ್ರಾಹ್ಮಣೋ ವದತಿ ರಾಜನ್ಯೋ ವದತಿ ವೈಶ್ಯೋ ವದತೀತಿ ।
ಅಥ ಯದಿದಮೇತರ್ಹಿ ಯಥೋಪವಾದಮೇತೈರ್ಯಜನ್ತೇ ತತೋ ಹ ನಾಪ್ರೋಕ್ತಾ ವಿಜ್ಞಾಯನ್ತೇ ೧೪೭

ಅಥೈಷ ಉಪಹವ್ಯಃ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾಸಾಂ ಸೃಷ್ಟಾನಾಂ ನಾವೇನ್ನೋ ಏವ ಪ್ರಜಾ ಅವಿದುಃ ಪ್ರಜಾಪತಿರ್ನೋಽಸೃಷ್ಟೇತಿ ।
ಸ ಷಕ್ಷತ ಕಥಂ ನ್ವಿಮಾ ಅಹಂ ಪ್ರಜಾಸ್ಸೃಜೇಯ ತಾಸಾಂ ಸೃಷ್ಟಾನಾಂ ನ ವಿದ್ಯಾಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋಽನೇನೈವ ತಾ ಉಪಾಹ್ವಯತ ।
ಯದುಪಾಹ್ವಯತ ತದುಪಹವ್ಯಸ್ಯೋಪಹವ್ಯತ್ವಮ್ ।
ಸ ಸಪ್ತದಶೋಽನಿರುಕ್ತಾಸು ಭವತಿ ।
ಯಥಾ ಹ ವೈ ವನಾಕಕ್ಷಾ ಏವಂ ಸಪ್ತದಶೋಽನಿರುಕ್ತಾಸು ।
ಸ ಯಥಾ ವನಾಕಕ್ಷಾನ್ಪರೀತ್ಯಾವಿರ್ಭವೇದೇವಮೇವೈತಾಭಿರ್ದೃಷ್ಟವತೀಭಿರಾವಿರ್ಬಭೂವ ।
ಯದದರ್ಷಿ ಗಾತುವಿತ್ತಮ ಇತ್ಯೇತಾಸು ದೃಷ್ಟವತೀಷ್ವಗ್ನಿಷ್ಟೋಮಸಾಮ ಭವತಿ ।
ತತೋ ವೈ ತಂ ತಾ ಅವಿದುರಸ್ಯ ವೈ ವಯಂ ಸ್ಮೋಽಯಂ ವಾ ಅಸ್ಮಾಕಮಾಸೇತಿ ।
ಅಥೋ ಹಾಭ್ಯೋಽನ್ನಮೇವ ಭೂತೋ ದದೃಶೇ ।
ತಾ ಏನಮನ್ನಕಾಶಿನೀಃ ಪ್ರಜಾ ಅಭ್ಯುಪಾವವೃತುಃ ।
ತದ್ಯಸ್ಮಾದ್ರಾ ಜನ್ಯಾದ್ವಿಶೋಽಪಕ್ರಾಮೇಯುರ್ಬ್ರಾಹ್ಮಣಾದ್ವಾ ಸಜಾತಾಸ್ಸ ಏತೇನ ಯಜೇತ ।
ತಸ್ಮಿನ್ನೃತ್ವಿಜ ಉಪಹ್ವಯೇತ ।
ಏತಾ ಉ ಹ ವೈ ಯಜಮಾನಸ್ಯ ವಿಶೋ ಯದೃತ್ವಿಜಃ ೧೪೮

ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ಅನ್ನಂ ವೈ ರಥನ್ತರಮ್ ।
ಅಥೋ ಹಾಸ್ಮಿನ್ಬಹ್ವೇವ ಪಕ್ವಾನ್ನಂ ದದ್ಯಾತ್ ।
ತಾ ಏನಮನ್ನಕಾಶಿನೀಃ ಪ್ರಜಾ ಅಭ್ಯುಪಾವರ್ತನ್ತೇ ।
ಪ್ರಜಾಪತಿರ್ಯಜ್ಞಮಸೃಜತ ।
ತಂ ದೇವೇಭ್ಯಃ ಪ್ರಾಯಚ್ಛತ್ ।
ಸ ಯಜ್ಞಂ ಪ್ರದಾಯ ರಿರಿಚಾನೋಽಮನ್ಯತ ।
ಸ ಷಕ್ಷತ ಕಥಂ ನ್ವಹಮಿಮಂ ಯಜ್ಞಂ ಪುನರುಪಹ್ವಯೇಯೇತಿ ।
ಸ ಏತೇನೈವ ಯಜ್ಞೇನಾಯಜತ ।
ತೇನೈನಂ ಪುನರುಪಾಹ್ವಯತ ।
ಯದುಪಾಹ್ವಯತ ತದ್ವೇವೋಪಹವ್ಯಸ್ಯೋಪಹವ್ಯತ್ವಮ್ ।
ತದ್ಯಂ ಸಕೃದಿಷ್ಟಿನಂ ಯಜ್ಞೋ ನೋಪನಮೇತ್ಸ ಏತೇನ ಯಜೇತ ।
ಅಪಕ್ರಾನ್ತೋ ಹ ವಾ ಏತಸ್ಮಾದ್ಯಜ್ಞೋ ಭವತಿ ।
ಯಂ ಸಕೃದಿಷ್ಟಿನಂ ಯಜ್ಞೋ ನೋಪನಮತ್ಯೇತೇನ ಹೈವೈನಂ ಪುನರುಪಹ್ವಯತೇ ।
ಉಪ ಹೈನಂ ಯಜ್ಞೋ ನಮತಿ ಯ ಏವಂ ವೇದ ೧೪೯

ದ್ವಯಾ ಉ ಹ ವಾ ಅಗ್ರೇ ಪ್ರಾಜಾಪತ್ಯಾ ಆಸುರ್ದೇವಾಶ್ಚೈವಾಸುರಾಶ್ಚ ।
ತತೋ ಹಾಭಿರಾಧಯತ್ತರಾ ಇವ ದೇವಾ ಆಸುರನಭಿರಾಧಯತ್ತರಾ ಇವಾಸುರಾಃ ।
ಸ ಪ್ರಜಾಪತಿರಕಾಮಯತ ದೇವಾ ಏವ ಸ್ಯುಃ ಪರಾಸುರಾ ಭವೇಯುರಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಸ್ಮಿನ್ದೇವಾನುಪಾಹ್ವಯತ ।
ಅಥಾಸುರಾನ್ದೀರ್ಘವಂಶೇನಾನ್ತರಗೃಹ್ಣಾತ್ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ಸ ಯೋ ಭ್ರಾತೃವ್ಯವಾನ್ಸ್ಯಾದ್ಯೋಽಭಿಚರೇದ್ಯ ಸ್ಪರ್ಧೇತ ಸ ಏತೇನ ಯಜೇತ ।
ತದ್ಯೇಽಸ್ಯ ಪ್ರತಿಕಾಮೀನಾ ಇವರ್ತ್ವಿಜ ಸ್ಯುಸ್ತಾನುಪಹ್ವಯೇತ ।
ಅಥೇತರಾನ್ದೀರ್ಘವಂಶೇನಾನ್ತರ್ಗೃಹ್ಣೀಯಾತ್ ।
ತೇಷಾಮೇವಾನುಪಹವಮನು ದ್ವಿಷನ್ನಸ್ಯ ಭ್ರಾತೃವ್ಯಃ ಪರಾಭವತಿ ಶ್ರಿಯಮಾತ್ಮನಾಶ್ನುತೇ ೧೫೦

ಅಥೈಷ ತೀವ್ರಸೋಮಃ ।
ಪ್ರಜಾಕಾಮೋ ಹೈತೇನ ಯಜೇತ ।
ತನುರಿವ ಹ ವಾ ಏಷ ಯೋಽಪ್ರಜಃ ।
ಪ್ರಜಯೋ ಹ ವೈ ಪುರುಷಸ್ತೀವ್ರೋ ಬಹುಲಃ ।
ಪ್ರಜಯಾ ತೀವ್ರೋ ಬಹುಲೋಽಸಾನೀತಿ ।
ಅಥೋ ಆಹುಃ ಪಶುಕಾಮ ಏವೈನೇನ ಯಜೇತೇತಿ ।
ತನುರಿವ ಹ ವಾ ಏಷ ಯೋಽಪಶುಃ ।
ಪಶುಭಿರ್ಹ ವೈ ಪುರುಷಸ್ತೀವ್ರೋ ಬಹುಲಃ ।
ಪಶುಭಿಸ್ತೀವ್ರೋ ಬಹುಲೋಽಸಾನೀತಿ ।
ಸ ಸಪ್ತದಶೋ ಭವತಿ ।
ಏಷ ಹ ವೈ ತೀವ್ರೋ ಬಹುಲೋ ಯತ್ಸಪ್ತದಶಃ ।
ಪ್ರಜಯಾ ಪಶುಭಿಸ್ತೀವ್ರೋ ಬಹುಲೋಽಸಾನೀತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತೇ ಹ ವೈ ತೀವ್ರೇ ಬಹುಲೇ ಯದುಭೇ ಬೃಹದ್ರ ಥನ್ತರೇ ।
ಪ್ರಜಯಾ ಪಶುಭಿಸ್ತೀವ್ರೋ ಬಹುಲೋಽಸಾನೀತಿ ।
ತಸ್ಯ ವಡವಾ ಗರ್ಭಿಣೀ ದಕ್ಷಿಣಾ ಭವತಿ ।
ಏಷಾ ಹ ವೈ ತೀವ್ರಾ ಬಹುಲಾ ಯದ್ವಡವಾ ।
ತೀವ್ರಾ ತೇನ ಬಹುಲಾ ಯದ್ಗರ್ಭಿಣೀ ।
ತೀವ್ರಾ ತೇನ ಬಹುಲಾ ಯದುಭಯತೋದತೀ ।
ತೀವ್ರಾ ತೇನ ಬಹುಲಾ ಯದೇಕಾ ಸತೀ ಬಹ್ವೀರ್ಗಾ ಅರ್ಹತಿ ।
ಪ್ರಜಯಾ ಪಶುಭಿಸ್ತೀವ್ರೋ ಬಹುಲೋಽಸಾನೀತಿ ।
ಅಥೋ ಆಹುರ್ಧೇನುಶತಮೇವಾಸ್ಯ ನಾನಾವತ್ಸಂ ದಕ್ಷಿಣಾ ಸ್ಯಾದಿತಿ ।
ಏತದ್ಧ ವೈ ತೀವ್ರಂ ಬಹುಲಂ ಯದ್ಧೇನುಶತಮ್ ।
ತೀವ್ರಂ ತೇನ ಬಹುಲಂ ಯಚ್ಛತಮ್ ।
ತೀವ್ರಂ ತೇನ ಬಹುಲಂ ಯದಸ್ಯ ಪಯಃ ।
ತೀವ್ರಂ ತೇನ ಬಹುಲಂ ಯದಸ್ಯ ವತ್ಸಾಃ ।
ಪ್ರಜಯಾ ಪಶುಭಿಸ್ತೀವ್ರೋ ಬಹುಲೋಽಸಾನೀತಿ ೧೫೧

ಇನ್ದ್ರೋ ವೃತ್ರಂ ವಜ್ರೇಣಾಧ್ಯಸ್ಯ ನಾಸ್ತೃಷೀತಿ ಮನ್ಯಮಾನಃ ಪರಾಂ ಪರಾವತಮಗಚ್ಛತ್ ।
ತಂ ದೇವಾ ಅನ್ವೈಚ್ಛನ್ ।
ತಂ ನಾನ್ವವಿನ್ದನ್ ।
ತೇಽಬ್ರುವನ್ನಭಿಷುಣವಾಮೈವ ।
ತತ ಆಗಮಿಷ್ಯತೀತಿ ।
ತೇಽಭ್ಯಷುಣ್ವನ್ ।
ತೇಷಾಂ ಹ ಸರ್ವಮೇವ ಪ್ರಾತಸ್ಸವನಂ ನಾಜಗಾಮ ।
ತೇ ಹ ಸ್ಮ ಚಮಸಾನುರಸ್ಯುಪನಿಗ್ರಾಹಮಭ್ಯುನ್ನಯನ್ತೇ ನೇದಪೇನ್ದ್ರ ಸ್ಯ ಸೋಮಸ್ಯ ಭಕ್ಷಯಾಮೇತಿ ।
ಸ ಉ ಹ ಮಾಧ್ಯಂದಿನೇ ಸವನ ಆಜಗಾಮ ।
ತೇ ಹೋತ್ಕ್ರೋದಂ ಚಕ್ರಿರೇ ಯಥಾ ಶ್ರೇಷ್ಠಿನ್ಯಾಗತ ಉತ್ಕ್ರೋದಂ ಕುರ್ವತೇ ತಥಾ ।
ತದು ವಾ ಆಹುರಚ್ಛಾವಾಕಸ್ಯೇದ್ವಾವ ಸ್ತೋತ್ರೇ ಪ್ರಾತಸ್ಸವನ ಆಜಗಾಮ ।
ಅನ್ತರಿತೋ ವೈ ತಥಾ ಯಜ್ಞಾದಭವಿಷ್ಯದ್ಯದಚ್ಛಾವಾಕಸ್ಯ ಸ್ತೋತ್ರೇ ಪ್ರಾತಸ್ಸವನೇ ನಾಗಮಿಷ್ಯದಿತಿ ।
ತಸ್ಮಾದೇತಸ್ಯ ಯಜ್ಞಸ್ಯಾಚ್ಛಾವಾಕಸ್ಯ ಸ್ತೋತ್ರೇ ಭಕ್ಷಯನ್ತಿ ।
ತಸ್ಮಾದ್ವಚ್ಛಾವಾಕಾಯೋಭಾವಧ್ವರ್ಯೂ ಪ್ರತ್ಯಾಗೃಹ್ಣೀತಃ ಸರ್ವೇ ಚಮಸಾಧ್ವರ್ಯವಃ ।
ಉತ್ಕ್ರೋದಮೇವ ತತ್ಕುರ್ವತೇ ।
ತದ್ಯಸ್ಮಾಚ್ಛ್ರೀರಪಕ್ರಾಮೇತ್ಸ ಏತೇನ ಯಜೇತ ।
ಶ್ರೀರ್ವೈ ತೇಷಾಂ ಸಾಪಾಕ್ರಾಮದ್ಯದೇಷಾಂ ಶ್ರೇಷ್ಠ್ಯಪಾಕ್ರಾಮತ್ ।
ತಾಮೇತೇನೈವಾನ್ವವಿನ್ದನ್ ।
ಅನು ಹ ಶ್ರಿಯಂ ವಿನ್ದತಿ ನಾಸ್ಮಾತ್ಸಾ ಶ್ರೀರಪಕ್ರಾಮತಿ ಯ ಏವಂ ವೇದ ೧೫೨

ತ್ರಿಶೀರ್ಷಾ ಹ ವೈ ತ್ವಾಷ್ಟ್ರ ಆಸ ।
ತಸ್ಯ ಹ ತ್ರೀಣಿ ಮುಖಾನ್ಯಾಸುಸ್ಸೋಮಪಾನಮೇಕಂ ಸುರಾಪಾನಮೇಕಮನ್ನಾದನಮೇಕಮ್ ।
ಪ್ರಸ್ತೌತಿ ಹ ಸ್ಮೈಕೇನೈಕೇನ ಗಾಯತಿ ಪ್ರತಿಹರತ್ಯೇಕೇನಾಶ್ರಾವಯತ್ಯೇಕೇನ ಪ್ರತ್ಯಾಶ್ರಾವಯತ್ಯೇಕೇನ ಶಂಸತ್ಯೇಕೇನ ।
ಸ ಹ ಸ್ಮೈಕಾಕ್ಯೇವಾನುಪರಿಸರ್ಪಂ ಸರ್ವಂ ಯಜ್ಞಂ ಸಂಸ್ಥಾಪಯತಿ ।
ಸ ಹೇಯದ್ವೀರ್ಯಾವಾನಾಸ ।
ಸ ಉ ಹಾಸುರೀಪುತ್ರ ಆಸ ।
ಸ ಹ ಸ್ಮ ಪ್ರತ್ಯಕ್ಷಂ ದೇವೇಭ್ಯೋ ವದತಿ ಪರೋಕ್ಷಮಸುರೇಭ್ಯಃ ।
ಯಸ್ಮಾ ಉ ಹ ವಾ ಭೂಯಃ ಕಾಮಯತೇ ತಸ್ಮೈ ಪರೋಕ್ಷಂ ವದತಿ ।
ತಸ್ಮಾದು ಹೇನ್ದ್ರೋ ಬಿಭಯಾಂ ಚಕಾರ ಯಚ್ಚಾಸುರೀಪುತ್ರ ಆಸ ಯದು ಚೇಯದ್ವೀರ್ಯಾವಾನಾಸ ।
ಸ ಹೇಕ್ಷಾಂ ಚಕ್ರೇಽಸುರ್ಯೋ ವಾ ಅಯಮಾಸುರೀಪುತ್ರಃ ।
ಸ ಪ್ರತ್ಯಕ್ಷಮಸ್ಮಭ್ಯಂ ವದತಿ ಪರೋಕ್ಷಮಸುರೇಭ್ಯಃ ।
ಹನ್ತೈನಂ ಹನಾನೀತಿ ೧೫೩

ತಸ್ಯ ಹ ವಜ್ರೇಣ ಶೀರ್ಷಾಣಿ ಪ್ರಚಿಚ್ಛೇದ ।
ತಾನ್ಯೇವ ವಯಾಂಸ್ಯಭವನ್ ।
ತದ್ಯತ್ಸೋಮಪಾನಮಾಸೀತ್ಸ ಕಪಿಞ್ಜಲೋಽಭವತ್ ।
ತಸ್ಮಾತ್ಸ ಬಭ್ರುರಿವ ।
ಬಭ್ರುರಿವ ಹಿ ಸೋಮಃ ।
ಅಥ ಯತ್ಸುರಾಪಾನಮಾಸೀತ್ಸ ಕಲವಿಙ್ಕೋಽಭವತ್ ।
ತಸ್ಮಾತ್ಸ ಮತ್ತ ಇವಾವಕ್ರನ್ದತಿ ।
ಅಥ ಯದನ್ನಾದನಮಾಸೀತ್ಸ ತಿತ್ತಿರಿರಭವತ್ ।
ತಸ್ಮಾತ್ಸ ಬಹುರೂಪ ಇವ ।
ಬಹುರೂಪಮಿವ ಹ್ಯನ್ನಮ್ ।
ತಸ್ಮಾದು ತಸ್ಯ ವೃಶ್ಚಿಕಶ್ಶಙ್ಕುಲಿಷ್ಠ ಇತ್ಯೇತದನ್ನಮ್ ।
ಸ ತ್ವಷ್ಟಾ ಹತಪುತ್ರೋಽಪೇನ್ದ್ರಂ ಸೋಮಮಾಜಹ್ರೇ ।
ಸ ಇನ್ದ್ರ ಈಕ್ಷಾಂ ಚಕ್ರೇಽಸ್ಮಾಚ್ಚೇದ್ವೈ ಮಾ ಯಜ್ಞಾದನ್ತರೇತ್ಯನ್ತರಿತೋ ವೈ ತಥಾ ಯಜ್ಞಾದ್ಭವಾನಿ ಹನ್ತೈನಂ ಹನಾನೀತಿ ೧೫೪

ತಂ ಹ ವಜ್ರಹಸ್ತೋಽಭಿದುದ್ರಾ ವ ।
ಸ ತ್ವಷ್ಟಾ ಪ್ರತ್ಯಙ್ಪತಿತ್ವಾ ಪತ್ನೀಃ ಪ್ರಪೇದೇ ।
ತಂ ಹ ತತ್ರ ನಾನುಪ್ರಪೇದೇ ।
ತಸ್ಮಾತ್ತ್ವಷ್ಟಾರಂ ಪತ್ನೀಷು ಸಂಯಜನ್ತಿ ।
ತಸ್ಮಾದು ಪತ್ನೀಃ ಪ್ರಪನ್ನಂ ನ ಹನ್ಯಾತ್ ।
ಉದೇಯಾಯೇನ್ದ್ರ ಃ! ।
ಸ ಹವಿರ್ಧಾನಯೋರೇವ ದ್ರೋ ಣಕಲಶೇ ಸೋಮಂ ರಾಜಾನಂ ಸಂಪವಿತುಮುಪೇಯಾಯ ।
ತಂ ಹ ದ್ರೋ ಣಕಲಶೇನೈವ ಪ್ರತಿಧಾಯ ಪೀತ್ವಾ ಪ್ರವವ್ರಾಜ ।
ಅನೂದೇಯಾಯ ತ್ವಷ್ಟಾ ।
ಸ ಹ ಪಪ್ರಚ್ಛಾಸ್ತಿ ಕಿಂಚಿತ್ಪರಿಶಿಷ್ಟಾ೩ಮಿತಿ ।
ಅಸ್ತ್ಯಯಂ ಸಂಸ್ರಾವ ಇತಿ ಹೋಚುಃ ।
ತಂ ಹಾಗ್ನೌ ಪ್ರವರ್ತಯಾಂ ಚಕಾರೇನ್ದ್ರ ಶತ್ರುರ್ವರ್ಧಸ್ವ ಸ್ವಾಹೇತಿ ।
ತಂ ಯತ್ಪ್ರಾವರ್ತಯತ್ಸ ಏವ ವೃತ್ರೋಽಭವತ್ ।
ಸ ವರ್ತಮಾನ ಏವಾಗ್ನೀಷೋಮಾವಭಿಸಂಬಭೂವ ।
ತಸ್ಮಾದಾಹುರಗ್ನೀಷೋಮಾವಸುರ್ಯಾವಿತಿ ।
ಸ ಹ ಸ್ಮೇಷುಮಾತ್ರಮೂರ್ಧ್ವಮುದರ್ದತಿ ।
ತತೋ ಹ ಸ್ಮಾನಾವಚ್ಛಾಂ ಕ್ಷಿತಿಸ್ ।
ಸ ತ್ರಯೀಂ ವಿದ್ಯಾಂ ಸರ್ವಾಂ ಶ್ರಿಯಂ ಸರ್ವಮನ್ನಾದ್ಯಮಪಿ ಯದಿದಂ ತ್ರಿರಾತ್ರೇ ಸಹಸ್ರಂ ಪ್ರೋಚ್ಯತೇ ತದಭಿಸಂಬಭೂವ ।
ತಸ್ಯ ಹೇದಂ ಸರ್ವಂ ಬಲಿಕೃದಾಸ ।
ಕೀಲಾಲಂ ಹ ಸ್ಮಾಸ್ಮೈ ನದ್ಯೋ ವಹನ್ತಿ ।
ಅಥ ಹಾಭಿಯುಗ್ವಾನೋ ನಾಮಾಷ್ಟೌ ದೇವಾನಾಂ ಸಹಚರಾ ಆಸುರಷ್ಟೌ ಪಿತೄಣಾಮಷ್ಟೌ ಮನುಷ್ಯಾಣಾಮಷ್ಟಾವಸುರಾಣಾಮ್ ।
ತೇಷಾಂ ಹ ಸ್ಮೇನ್ದ್ರೋ ಮಾಯಯಾಷ್ಟಮೋ ಭವತಿ ವೃತ್ರಂ ಜಿಘಾಂಸನ್ ।
ತಸ್ಮಾದು ಹೈನಮಿನ್ದ್ರ ಏವ ಜಘಾನ ಯದಿನ್ದ್ರ ಶತ್ರುರ್ವರ್ಧಸ್ವ ಸ್ವಾಹೇತಿ ಪ್ರವರ್ತಯಾಂ ಚಕಾರ ಅಥ ಯದ್ಧ ಪ್ರಾವರ್ತಯಿಷ್ಯದಿನ್ದ್ರ ಸ್ಯ ಶತ್ರುರ್ವರ್ಧಸ್ವ ಸ್ವಾಹೇತಿ ೧೫೫

- ಶಶ್ವದ್ಧೈನಂ ನಾಹನಿಷ್ಯತ್ ।
ತಮಯಮಿನ್ದ್ರಂ ಸೋಮೋ ರಾಜಾ ಪೀತೋಽನುಪಹೂತೋಽಹಿನೋತ್ ।
ತಸ್ಯ ಹ ಸರ್ವೇಭ್ಯ ಏವ ಛಿದ್ರೇ ಭ್ಯಃ ಪ್ರೇಯಾಯ ಮುಖಾದೇವ ನ ।
ತಸ್ಮಾದು ಹ ಭಿಷಜ್ಯ ಆಸ ।
ತಸ್ಯ ಯದವಾಗಿಯಾಯ ಸೈವ ಸುರಾವಾರಿಟಕಾ ಬಭೂವ ।
ಯಚ್ಛಿಶ್ನಾತ್ಸಾ ಪರಿಸ್ರುಕ್ ।
ತ್ರಿರ್ನಿರಷ್ಠೀವತ್ ।
ತದ್ಯತ್ಪ್ರಥಮಂ ನಿರಷ್ಠೀವತ್ತದೇವ ಕರ್ಕನ್ಧ್ವಭವದ್ಯದ್ದ್ವಿತೀಯಂ ತದ್ಬದರಂ ಯತ್ತೃತೀಯಂ ತತ್ಕ್ವಲಮ್ ।
ತಸ್ಮಾದೇತೇಷಾಮನ್ನಂ ಚೈವ ರಸಾಃ ।
ಖಾಟ್ಕೃತ್ಯ ಚತುರ್ಥಂ ನಿರಷ್ಠೀವತ್ ।
ತದೇವಾಮ್ರಮಭವತ್ ।
ತಮೇವಂ ಸನ್ತಂ ದೇವಾ ಅಭಿತೋ ನಿಷೇದುಃ ।
ಅಯಂ ನ ಏಕೋ ವೀರೋಽಭೂತ್ ।
ಸ ಇತ್ಥಂ ನ್ಯಗಾತ್ ।
ಕ್ವ ಭವಾಮ ಇತಿ ।
ಸ ಹೋವಾಚ ನ ವೈ ವಿದ್ಮ ಯತ್ರ ಭೂಮೇತಿ ।
ಕಿಮಿತಿ ।
ಚುಕ್ಷೂಷಾಮಿ ವಾ ಇತಿ ।
ಅಥ ಹ ಸ್ಮ ತತಃ ಪುರಾ ಕ್ಷುತ್ವೈವ ಮ್ರಿಯನ್ತೇ ।
ತಂ ಹೋಚುಃ ಕ್ಷುಹಿ ಜೀವೇತಿ ತ್ವಾ ವಕ್ಷ್ಯಾಮ ಇತಿ ।
ಸ ಹ ಚುಕ್ಷಾವ ।
ತಂ ಹ ಜೀವೇತ್ಯೂಚುಃ ।
ಸ ಹ ಜಿಜೀವ ।
ತಸ್ಮಾದಿದಮಪ್ಯೇತರ್ಹಿ ಚುಕ್ಷ್ವಾಂಸಮಾಹುರ್ಜೀವೇತಿ ।
ತಸ್ಮಾದು ಯಮೇವ ಮನ್ಯೇತ ತಂ ಚುಕ್ಷ್ವಾಂಸಂ ಬ್ರೂಯಾಜ್ಜೀವೇತಿ ತಸ್ಯ ಯನ್ನಸ್ತ ಇಯಾಯ - ೧೫೬

- ತಾವೇವ ಸಿಂಹಾವಭವತಾಮ್ ।
ಯದಕ್ಷಿಭ್ಯಾಂ ತೌ ಶಾರ್ದೂಲೌ ಯತ್ಕರ್ಣಾಭ್ಯಾಂ ತೌ ವೃಕೌ ವೈಲೂಷೌ ಯದುಪಪಕ್ಷಾಭ್ಯಾಂ ತಾವಪಾಷ್ಟಿಹೌ ।
ತಸ್ಮಾದೇತೇ ವಯಸಾಂ ವೀರ್ಯಾವತ್ತರಾಃ ।
ಇನ್ದ್ರೋ ಹ್ಯೇತೇಷಾಮಾಜಾನಮ್ ।
ಅಥ ಯದವಾಗಿಯಾಯ ತದಿದಂ ಕ್ಷುದ್ರಂ ಶ್ವಾಪದಂ ಬಭೂವ ।
ಸ ಹ ವಿಷಿಕ್ತಶ್ಶಿಶ್ಯೇ ।
ಅಪಿ ಹ ತೃಣೈರಭಿವಿಲೂಢ ಆಸ ।
ತಂ ಹೋಚುಃ ಕ್ವೇವಾಸಿ ಕ್ವೇವ ತ್ವಾ ಭಿಷಜ್ಯಾಮ ಇತಿ ।
ತಸ್ಮಾದಿದಮಪ್ಯೇತರ್ಹಿ ಉಪತಾಪಿನಂ ಪೃಚ್ಛನ್ತಿ ಕ್ವೇವ ತೇ ರುಜತಿ ಕ್ವೇವ ತೇ ಭಿಷಜ್ಯಾಮ ಇತಿ ।
ಸ ಹ ತೃಣಾನ್ಯಭಿಪರಿದಿಶನ್ನುವಾಚೇದಮಿವೈವ ಮಾಭಿತೋಽಸ್ಮೀದಮಿವೈವ ಮಾಭಿತೋ ಭಿಷಜ್ಯತೇತಿ ।
ತದಗ್ನಿಮಬ್ರುವನ್ನಿದಂ ದಹೇತಿ ।
ತದಗ್ನಿರದಹತ್ ।
ತತ್ಪರ್ಜನ್ಯಮಬ್ರುವನ್ನಿದಮಭಿ ವರ್ಷೇತಿ ।
ತತ್ಪರ್ಜನ್ಯೋಽಭ್ಯವರ್ಷತ್ ।
ತತ್ಕಲ್ಯಾಣ್ಯೋಷಧಯೋಽಜಾಯನ್ತ ।
ತಾ ಧೇನೂಭಿರಾಧಯನ್ ।
ತತ್ಪಯೋಽದುಹನ್ ।
ತ ಏತಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನೈನಮಯಾಜಯನ್ ।
ತಸ್ಯ ಪ್ರತಿಧುಕ್ಪ್ರಾತಸ್ಸವನೇಽವಾನಯನ್ ।
ಪ್ರತೀವ ವಾ ಅನೇನಾಧಾಯೀತಿ ತಸ್ಮಾತ್ಪ್ರತಿಧುಕ್ ।
ಶ್ರಿತಂ ಮಾಧ್ಯಂದಿನೇ ಸವನೇಽಶ್ರೇಷ್ಟೇವ ವಾ ಅನೇನೇತಿ ತಸ್ಮಾಚ್ಛ್ರಿತಮ್ ।
ದಧಿ ತೃತೀಯಸವನೇಽದಾಧೀವ ವಾ ಅನೇನೇತಿ ತಸ್ಮಾದ್ದಧಿ ।
ಸ ಯಥಾ ಚ ಹ ಪುರ ಆಸಾತಿತರಾಂ ಹ ತತ ಆಸ ।
ಸ ಯಸ್ಸೋಮವಾಮೀ ವಾ ಸೋಮಾತಿಪವಿತೋ ವಾ ಸ್ಯಾತ್ಸ ಏತೇನ ಯಜೇತ ।
ಯಥಾ ಚ ಹ ಪುರಾ ಭವತ್ಯತಿತರಾಂ ಹ ತತೋ ಭವತಿ ।
ತಸ್ಮಾದು ಹ ಸೋಮವಾಮಿನಂ ವಾ ಸೋಮಾತಿಪವಿತಂ ವಾ ನ ಪರಿಚಕ್ಷೀತ ।
ಇನ್ದ್ರ ಹ್ಯಪಿ ತಥಾಸ ೧೫೭

ಅಥೈಷ ಋತಪೇಯಃ ।
ದೇವೇಭ್ಯೋ ವಾ ಊರ್ಗನ್ನಾದ್ಯಮುದಕ್ರಾಮತ್ ।
ಸೋಮಾಹುತಿರ್ಹ ವಾ ಏಭ್ಯಸ್ಸೋಚ್ಚಕ್ರಾಮ ।
ಸೋ ಏವ ವಿರಾಟ್ ।
ತೇ ದೇವಾ ಅಬ್ರುವನ್ನೇತೇಮಾಂ ವಿರಾಜಮನ್ವಿಚ್ಛಾಮೇತಿ ।
ತೇ ತತ್ಪೋಽತಪ್ಯನ್ತ ।
ತ ಏತಾಂ ವಿರಾಜಂ ಯಜ್ಞಮಪಶ್ಯನ್ ।
ತಮಾಹರನ್ತ ।
ತಮಭ್ಯದೀಕ್ಷನ್ತ ।
ತ ಏಕಮಹರ್ನಾಶ್ನನ್ ।
ತಸ್ಯೈ ನಿಯಾನಮನ್ವಪಶ್ಯನ್ ।
ತೇಽಬ್ರುವನ್ಭೂಯೋ ನ್ವೇವ ತಪಸ್ತಪ್ಯಾಮಹಾ ಇತಿ ।
ತೇ ದ್ವಿತೀಯಮಹರ್ನಾಶ್ನನ್ ।
ತಸ್ಯೈ ಘೋಷಮುಪಾಶೃಣ್ವನ್ ।
ತೇಽಬ್ರುವನ್ಭೂಯೋ ನ್ವೇವ ತಪಸ್ತಪ್ಯಾಮಹಾ ಇತಿ ।
ತೇ ತೃತೀಯಮಹರ್ನಾಶ್ನನ್ ।
ತಾಂ ಪರಾಪಶ್ಯನ್ಯಥಾ ಮಹಾನ್ತಂ ಗಿರಿಮುದೀಕ್ಷಿತಂ ಯಥಾ ವಾ ಮಹದಭ್ರಮೇವಮ್ ।
ತಾಮಭಿಕ್ರಾಮಮಪಕ್ರಾಮಮಭ್ಯತ್ಸರನ್ ।
ಯ ಉ ಹ ವೈ ಮೃಗಂ ಪರಾಙೇವಾಭಿತ್ಸರತಿ ನೈನಂ ಸ ಗೃಹ್ಣಾತಿ ।
ಅಥ ಯ ಏನಮಭಿಕ್ರಾಮಮಪಕ್ರಾಮಮಭಿತ್ಸರತಿ ಸ ಏವೈನಂ ಗೃಹ್ಣಾತಿ ।
ತಾಂ ದಶಮೇನೈವಾಹ್ನಾವರುನ್ಧತ ।
ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಟ್ ।
ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ೧೫೮

ತಸ್ಯಾಪಶ್ಚ ಘೃತಂ ಚ ವ್ರತಮ್ ।
ಅಶರೀರಾ ವಾ ಆಪೋಽಶರೀರಂ ಘೃತಮಶರೀರಾ ಸ್ವಧಾ ।
ಅಶರೀರೇಣಾಶರೀರಾಂ ಸ್ವಧಾಮವರುಣಧಾಮಹಾ ಇತಿ ।
ಏತಾವಚ್ಛೋ ವ್ರತಯತಿ ।
ಏತಾವತೀ ವೈ ಪುರುಷಸ್ಯ ಮಾತ್ರಾ ನೇತ್ಪುರುಷಮತಿವ್ರತಯಾನೀತಿ ।
ಅಥೋ ಹೈತತ್ಪರ್ವಶ ಏವಾತ್ಮನೋಽಙ್ಗಾನಿ ಪ್ರತಿಸಂದಧಾತಿ ।
ಸರ್ಪಿಷ್ಮಾನನ್ತರೇಣ ಭವತಿ ಸಮಷ್ಟ್ಯೈ ।
ಸಪ್ತದಶಸ್ತೋಮೋ ಭವತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿರ್ನಷ್ಟಸ್ಯಾನುವೇತ್ತಾ ।
ಸ ಯೋ ನಷ್ಟಸ್ಯಾನುವೇತ್ತಾ ತೇನೇಮಾಂ ಸ್ವಧಾಮನುವಿನ್ದಾಮೇತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮ್ನೀ ಭವತೋ ಯದ್ಯಸ್ಮಿಁ ಲ್ಲೋಕೇ ರಥನ್ತರೇಣಾನುವಿನ್ದಾಮ ಯದ್ಯನ್ತರಿಕ್ಷೇ ವಾಮದೇವ್ಯೇನ ಯದ್ಯಮುಷ್ಮಿಁ ಲ್ಲೋಕೇ ಬೃಹತೇತಿ ।
ತಸ್ಯೌದುಮ್ಬರಸ್ಸೋಮಚಮಸೋ ದಕ್ಷಿಣಾ ಭವತ್ಯೂರ್ಗ್ವಾ ಅನ್ನಮುದುಮ್ಬರ ಊರ್ಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಅಥೋ ಅಶರೀರೋ ವೈ ಸೋಮೋಽಶರೀರಾ ಸ್ವಧಾಶರೀರೇಣಾಶರೀರಾಂ ಸ್ವಧಾಮವರುಣಧಾಮಹಾ ಇತಿ ೧೫೯

ತಂ ಬ್ರಹ್ಮಣೇ ದದಾತಿ ।
ಬ್ರಹ್ಮಣೋ ಹ್ಯೇವೈಕದಕ್ಷಿಣಾ ।
ತದಾಹುರ್ಹುತೋ ದೇಯಾ೩ ಅಹುತಾ೩ ಇತಿ ।
ಅಹುತ ಇತ್ಯಾಹುಃ ।
ಯಾತಯಾಮೇವ ವೈ ತಥಾ ಸ್ಯಾದ್ಯದ್ಧುತಂ ದದ್ಯಾದಿತಿ ।
ತದು ವಾ ಆಹುರ್ಹುತ ಏವ ದೇಯಃ ।
ದೇವಾನಾಂ ವಾ ಏಷ ಭಾಗಃ ।
ಕೋ ದೇವಾನಾಂ ಭಾಗಂ ದಾತುಮರ್ಹತಿ ।
ತಸ್ಮಾದ್ಧುತ ಏವ ದೇಯ ಇತಿ ।
ಯಾದೃಗಹ ವಾ ಅಸ್ಮಿಁ ಲ್ಲೋಕೇಽನ್ನಂ ದದಾತಿ ತಾದೃಗಸ್ಯಾಮುಷ್ಮಿಁ ಲ್ಲೋಕೇಽನ್ನಂ ಭವತಿ ।
ಏತದು ಹ ವಾ ಅಮುಷ್ಮಿಁ ಲ್ಲೋಕೇ ಪರಮಮನ್ನಾದ್ಯಂ ಯತ್ಸೋಮಪೀಥಃ ।
ಏಷಾ ಹೈವಾಸ್ಯ ಸೋಮಾಹುತಿರಮುಷ್ಮಿಁ ಲ್ಲೋಕೇಽನ್ನಂ ಭವತಿ ।
ಋತಂ ಸತ್ಯಂ ವದನ್ತೋ ಭಕ್ಷಯನ್ತಿ ।
ಋತೇನ ಹಿ ತೇ ತಾಂ ಸತ್ಯೇನಾನ್ವವಿನ್ದನ್ ।
ಋತಮಮೃತಮಿತ್ಯಾಹ ।
ಋತೇನ ಹಿ ತೇ ತದಮೃತಮನ್ವವಿನ್ದನ್ ।
ಓ ಯಿ ಜ್ವರಾ ಓಯಿ ಜೂಹೇತಿ ಸಾಮನಿಧನೇ ಭವತೋ ವಾಚಸ್ಸತ್ಯೇ ।
ವಾಚೋ ಹಿ ತೇ ತಾಂ ಸತ್ಯೇನಾನ್ವವಿನ್ದನ್ ।
ತೇನ ಹೈತೇನಾಥೋದಿವೋ ಗಾರ್ಗ್ಯ ಈಜೇ ಕೇಶೀ ದಾರ್ಭ್ಯ ಋಜಿಶ್ವಾ ವಾತವಾತ ಇತಿ ।
ಸ ಹರ್ಜಿಶ್ವಾ ವಾತವಾತೋಽವತತಾಮ ।
ತಮು ಹ ವೃಷಶುಷ್ಮೇಣ ಕುಮಾರೇಣಾರ್ಜಿಶ್ವನೇನಾಕ್ತಾಕ್ಷೇಣೋಪನಿಷೇದುರ್ಯದ್ಯಯಮು ರಿಷ್ಯತ್ಯನೇನೇದಂ ಸಮಾಪಯಿಷ್ಯಾಮ ಇತಿ ।
ಸ ಹ ತತಾಮ ।
ಸ ಹ ತಾನ್ತಃ ಪರಂ ಲೋಕಂ ಜಗಾಮ ।
ಸ ಹಾಮುಷ್ಮಿಁ ಲ್ಲೋಕೇ ಪಿತರಮಾಜಗಾಮ ೧೬೦

ತಸ್ಯ ಹ ಕಲ್ಯಾಣೋ ಲೋಕ ಆಸ ।
ಸ ಹೋವಾಚ ತತ ಕಸ್ಯಾಯಂ ಲೋಕ ಇತಿ ।
ಮಮೇತಿ ಹೋವಾಚ ।
ಅಥ ಹಾನ್ಯೋ ಲೋಕಃ ಕಲ್ಯಾಣತರ ಆಸ ।
ಕಸ್ಯೋ ಅಸಾವಿತಿ ।
ತವೇತಿ ಹೋವಾಚ ।
ಸ ಹೋವಾಚ ತತ ಯತ್ತ್ವಂ ಮದ್ಭೂಯೋ ದದಿವಾನಸಿ ಭೂಯಸ್ತೇ ಮದನೂಕ್ತಮಥ ಕಥಂ ತವಾಯಂ ಲೋಕೋಽಸೌ ಮಮೇತಿ ।
ಸ ಹೋವಾಚ ವ್ರತೋಪಯೋದ್ಧ್ಯೋ ವೈ ಕಿಲ ಪುತ್ರಕಾಸೌ ಲೋಕ ಆಸ ।
ವ್ರತೋಪಯೋಧಿತರ ಏವ ನೌ ತ್ವಮಸಿ ।
ತಸ್ಮಾದಯಂ ಮಮ ಲೋಕೋಽಸೌ ತವೇತಿ ।
ಗಚ್ಛೇತಿ ಹೋವಾಚ ಸಂ ವಾವಾಪ್ಸ್ಯಸಿ ಯಂ ವಾವ ಕಾಮಂ ಕಮಿತಾಸಿ ಸ ತೇ ಕಾಮಸ್ಸಮರ್ಧಿತಾ ।
ವಕ್ರಿತಾಸ್ತ್ವೇವಾಙ್ಗುಲೀಃ ಕುರುತಾದಿತಿ ।
ಸ ಹ ಸಮಾಪ ।
ಸ ಹ ಸಮಾಪ್ಯೋವಾಚಾಪಿಪಾತ್ರ ಏವ ಸ್ಯೋ ಬ್ರಾಹ್ಮಣಾನಾಮಸ್ತ್ವಿತಿ ।
ಸ ಹಾಪಿಪಾತ್ರ ಏವ ಬ್ರಾಹ್ಮಣಾನಾಮಾಸ ।
ತತೋ ಹ ವಾ ಇದಮರ್ವಾಚೀನಮಾರ್ಜಿಶ್ವನಾ ಅಪಿಪಾತ್ರಾಃ ೧೬೧

ಅಥೈಷ ಚಿತಿಸ್ತೋಮಃ ।
ಪ್ರಜನನಕಾಮೋ ಯಜೇತ ।
ತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತಸ್ಯೋಭಯೇ ಸ್ತೋಮಾ ಭವನ್ತ್ಯಯುಜಶ್ಚ ಯುಗ್ಮನ್ತಶ್ಚ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭಯೇ ಸ್ತೋಮಾಃ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭೇ ಬೃಹದ್ರ ಥನ್ತರೇ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ಅಥೋ ಆಹು ಸ್ವರ್ಗಕಾಮ ಏವೈನೇನ ಯಜೇತೇತಿ ।
ತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯೋರ್ಧ್ವಾ ಸ್ತೋಮಾ ಭವನ್ತ್ಯೂರ್ಧ್ವೋ ವೈ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತ ಸ್ವರ್ಗ್ಯೇ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ೧೬೨

ತಸ್ಯ ದ್ವ್ಯುತ್ತರಾಣ್ಯುತ್ತರಾನಿ ಸ್ತೋತ್ರಾಣಿ ಭವನ್ತಿ ।
ದ್ವಿಪಾದ್ವೈ ಯಜಮಾನಃ ।
ಯಜಮಾನಮೇವ ತತ್ಸ್ವರ್ಗೇ ಲೋಕೇ ಪ್ರತಿಷ್ಠಾಪಯತಿ ।
ಅಥೋ ಆಹುರಿಷ್ಟಕೇ ಏವೈತೇ ಉಪಧೀಯೇತ ಇತಿ ।
ಅಥೋ ದ್ಯಾವಾಪೃಥಿವೀ ಏವಾಥೋ ಬೃಹದ್ರ ಥನ್ತರೇ ಏವಾಥೋ ಅಹೋರಾತ್ರಾವೇವಾಥೋ ಅವಸ್ರಾವಾವೇವಾಥೋ ಅವಚ್ಛಾದಾವೇವ ।
ಛದಿರಿವ ಹ ಖಲು ವಾ ಏಷ ಯಜ್ಞಕ್ರತುಃ ।
ನ ಹ ವೈ ಛದಿಷ್ಮತೋ ಗೃಹಾನತಿವರ್ಷತಿ ।
ನೈನಂ ಪಾಪ್ಮಾತಿವರ್ಷತಿ ಯ ಏವಂ ವೇದ ।
ಅಥೋ ಆಹುರನ್ವಿಷ್ಟೀನಾಂ ಹೇದ್ವಾ ಏಷ ಏಕೋ ಯಜ್ಞಕ್ರತುರಿತಿ ।
ಸ ಯಸ್ಸಂವತ್ಸರಭೃತಾ ವಾಸಂವತ್ಸರಭೃತಾ ವಾಗ್ನಿನಾ ಚಿತ್ಯೇನ ಯಜೇತ ಸ ಏತೇನ ಯಜೇತ ।
ಸದ್ಯೋ ಹೈವಾಸ್ಯ ಸಂವತ್ಸರ ಋತುಶೋ ಮಾಸಶೋಽರ್ಧಮಾಸಶೋ ರಾತ್ರಿಶೋಽನ್ವಿಷ್ಟೋ ಭವತಿ ।
ತದ್ಯತ್ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತ್ಯೃತವೋ ವೈ ಪೃಷ್ಠಾನಿ ಸಂವತ್ಸರ ಋತವಸ್ತೇನರ್ತುಶಃ ।
ಅಥ ಯದ್ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಸ್ತೇನ ಮಾಸಶಃ ।
ಅಥ ಯಚ್ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಸ್ತೇನಾರ್ಧಮಾಸಶಃ ।
ಅಥ ಯತ್ತ್ರೀಣಿ ಷಷ್ಟಿಶತಾನಿ ಸ್ತೋತ್ರ್! ಯಾ ಭವನ್ತಿ ತಾವತೀಸ್ಸಂವತ್ಸರಸ್ಯ ರಾತ್ರಯಸ್ತೇನ ರಾತ್ರಿಶಃ ।
ಸದ್ಯೋ ಹೈವಾಸ್ಯ ಸಂವತ್ಸರೋಽನ್ವಿಷ್ಟೋ ಭವತಿ ಯ ಏವಂ ವೇದ ೧೬೩

ಅಥೈತೌ ರಾಶಿ-ಮರಾಯೌ ।
ಪ್ರಜನನಕಾಮೋ ಹೈತಾಭ್ಯಾಂ ಯಜೇತ ।
ಪ್ರಜಾಪತಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ।
ದ್ವನ್ದ್ವಂ ಪ್ರಜಾಃ ಪಶೂನ್ಸೃಜೇಯೇತಿ ।
ಸ ಏತೌ ಯಜ್ಞಾವಪಶ್ಯತ್ ।
ತಾವಾಹರತ ।
ತಾಭ್ಯಾಮಯಜತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ದ್ವನ್ದ್ವಂ ಪ್ರಜಾಃ ಪಶೂನಸೃಜತ ।
ಸ ಯಃ ಕಾಮಯೇತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ದ್ವನ್ದ್ವಂ ಪ್ರಜಾಃ ಪಶೂನ್ಸೃಜೇಯೇತಿ ಸ ಏತಾಭ್ಯಾಂ ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ದ್ವನ್ದ್ವಂ ಪ್ರಜಾಃ ಪಶೂನ್ಸೃಜತೇ ।
ಸ ರಾಶಿಶ್ಚತುಶ್ಚತ್ವಾರಿಂಶೋ ಭವತಿ ರಥನ್ತರಸಾಮಾ ।
ಬ್ರಹ್ಮ ವೈ ರಥನ್ತರಂ ಕ್ಷತ್ರಂ ಚತುಶ್ಚತ್ವಾರಿಂಶಃ ।
ಬ್ರಹ್ಮಣಾ ಚ ಕ್ಷತ್ರೇಣ ಚ ಸಯುಗ್ಭ್ಯಾಂ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯಾ ಇತಿ ।
ಯದ್ವೇವೈತಾನಿ ಸ್ತೋತ್ರಾಣಿ ಬಹುಲಾನ್ಯುದಪದ್ಯನ್ತ ಇವ ತಸ್ಮಾದ್ರಾ ಶಿಃ ।
ಅಷ್ಟಾಚತ್ವಾರಿಂಶೋ ಮರಾಯೋ ಭವತಿ ಬೃಹತ್ಸಾಮಾ ।
ಬ್ರಹ್ಮ ವಾ ಅಷ್ಟಾಚತ್ವಾರಿಂಶಃ ಕ್ಷತ್ರಂ ಬೃಹತ್ ।
ದ್ವೇ ಹಿ ತೇ ಗಾಯತ್ರ್! ಯೌ ಯದಷ್ಟಾಚತ್ವಾರಿಂಶಃ ।
ಬ್ರಹ್ಮಣಾ ಚ ಕ್ಷತ್ರೇಣ ಚ ಸಯುಗ್ಭ್ಯಾಂ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯಾ ಇತಿ ।
ಯದ್ವೇವೈತಾನಿ ಸ್ತೋತ್ರಾಣಿ ಜ್ಯಾಯಾಂಸೀವ ಚ ಭವನ್ತಿ ತಸ್ಮಾನ್ಮರಾಯಃ ।
ಜ್ಯಾಯಾನ್ಹ್ಯೇವ ರಾಶೇರ್ಮರಾಯೋ ಭವತಿ ೧೬೪

ತೌ ವಾ ಏತೌ ಭೂಮೈವ ಸ್ತೋಮಾನಾಮ್ ।
ತೌ ಯೌ ಭೂಮಾ ಸ್ತೋಮಾನಾಂ ತಾಭ್ಯಾಂ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯಾ ಇತಿ ।
ತಯೋಸ್ಸಹ ದೀಕ್ಷಾ ಸಹ ಕ್ರಯಸ್ಸಹೋಪಸದಃ ।
ಕ್ರೀತ್ವಾ ತು ನಾನೋಪನಹ್ಯನ್ತಿ ।
ನಾನ್ರ್ತ್ವಿಜೋ ಭವನ್ತಿ ।
ತದಾಹುಸ್ಸಂಸವೋ ವಾ ಏಷ ಯನ್ನಾನರ್ತ್ವಿಜೋ ಭವನ್ತಿ ।
ಯನ್ನ್ವಾವ ದೂರಾತ್ಸಂಸೂಯತೇ ತದರಮಣೀಯಮ್ ।
ಅಥ ಕಿಂ ಯದನ್ತಿಕಾತ್ಸಮಾನಾ ಏವರ್ತ್ವಿಜ ಸ್ಯುರಿತಿ ।
ನೋ ಹ ತು ತಥಾ ಸದ್ಯಸ್ಸಂತಿಷ್ಠೇಯಾತಾಂ ನಾನೈವರ್ತ್ವಿಜ ಸ್ಯುಃ ।
ತೇ ವಾವ ಸಮಾನಂ ಪ್ರವರಂ ಪ್ರವೃಣತೇ ಸಮಾನೀಮಾಶಿಷಮಾಶಾಸತೇ ।
ತಸ್ಮಾನ್ನಾನೈವರ್ತ್ವಿಜ ಸ್ಯುರಿತಿ ।
ಅಥೋ ಆಹೂ ರಾಶಿನೈವ ಪೂರ್ವೇಣೇಷ್ಟ್ವಾವಭೃತಾದುದೇತ್ಯ ಮರಾಯಾಯ ದೀಕ್ಷೇತೇತಿ ।
ಅಯಮೌ ಹ ತು ತಥಾ ಸ್ಯಾತಾಮ್ ।
ಸಮಾನೀ ಹಿ ಯಮಯೋರ್ಯೋನಿಸ್ಸಹ ಜಾಯೇತೇ ಸಹ ವರ್ಧೇತೇ ।
ತಸ್ಮಾತ್ಸಹೈವ ಸ್ಯಾತಾಮಿತಿ ।
ತಾಭ್ಯಾಂ ಹೈತಾಭ್ಯಾಮುಗ್ರಾಯುಧೋ ಮಾನಶ್ಚಿತ್ತ ಈಜೇ ।
ಅಥೋ ಅಲನ್ದೋ ವಾತ್ಸ್ಯಸ್ತಯೋರ್ಹ ಪರಶ್ಶತಾ ಅನ್ಯಸ್ಮಿನ್ಸಮಾ ಆಸುಃ ಪರಶ್ಶತಾ ಅನ್ಯಸ್ಮಿನ್ ।
ತಥಾ ಬಹುರ್ಹ ಪ್ರಜಜ್ಞಾತೇ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ೧೬೫

ಅಥೈತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ।
ಗೌರಾಯುರಸ್ಕನ್ದತ್ ।
ತತೋ ಜ್ಯೋತಿರಜಾಯತ ।
ಅಯಂ ವೈ ಲೋಕ ಆಯುರಸೌ ಗೌರಿದಮೇವಾನ್ತರಿಕ್ಷಂ ಜ್ಯೋತಿಃ ।
ತಮೇತಂ ಪುರಸ್ತಾದಕುರ್ವಾತಾಂ ಯಥಾ ಪುತ್ರಮೇವಮ್ ।
ಇತೋ ವಾ ಅಯಮೂರ್ಧ್ವೋ ಲೋಕೋಽರ್ವಾಙಸಾವಮುತಃ ।
ತದಿದಮೇನಯೋಃ ಪುರಸ್ತಾಜ್ಜ್ಯೋತಿಃ ಪರ್ಯೂಢಂ ತೇನ ಪಶ್ಯಾಮಃ ।
ತೌ ಯೋಗಮುಪಪ್ರಯನ್ತಾವನ್ತಮಭಿ ಜ್ಯೋತಿರ್ವ್ಯುದೌಹತಾಮ್ ।
ಸ ಯಥಾ ಪಿತರೌ ಪುತ್ರಂ ಪೂರ್ವಂ ಯನ್ತಂ ಪಶ್ಚಾದನ್ವಿಯಾತಾಂ ತಾದೃಕ್ತತ್ ।
ತದೇತನ್ಮಿಥುನೀ ಸ್ತೋಮಾ ಭವನ್ತಿ ಯದ್ಯುಜ್ಯನ್ತೇ ।
ಮಧ್ಯೇ ವೈ ಜಾಯಾಪತ್ಯೋಃ ಪುತ್ರಃ ಶೇತೇ ।
ತೌ ಯಥಾ ಮಿಥುನೀಭವಿಷ್ಯನ್ತಾವಿತ್ಥಾದ್ವೇತ್ಥಾದ್ವಾ ಪುತ್ರಂ ಪರಿಹರೇಯಾತಾಂ ತಾದೃಗೇವೈತತ್ ।
ತ ಏತ ಊನಾತಿರಿಕ್ತಾ ಮಿಥುನಾ ಪ್ರಜನಯ ಸ್ತೋಮಾಃ ।
ಸ ಯಃ ಕಾಮಯೇತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ಸ ಏತೈರ್ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ೧೬೬

ಅಥೈಷ ಶುನಸ್ಕರ್ಣಸ್ತೋಮಃ ।
ಶುನಸ್ಕರ್ಣೋ ಹ ವೈ ವಾರ್ಷ್ಣ್ಯಕಃ ಪುಣ್ಯಕೃದಪಾಪಕೃದಾಸ ।
ಸ ಹ ಚಕಮೇ ಪುಣ್ಯಮೇವಾಸ್ಮಿಁ ಲ್ಲೋಕೇ ಕೃತ್ವಾಪಾಪಂಕೃತ್ಯ ಸ್ವರ್ಗಂ ಲೋಕಂ ಗಚ್ಛೇಯಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಪುಣ್ಯಮೇವಾಸ್ಮಿಁ ಲ್ಲೋಕೇ ಕೃತ್ವಾಪಾಪಂಕೃತ್ಯ ಸ್ವರ್ಗಂ ಲೋಕಮಗಚ್ಛತ್ ।
ಸ ಯಃ ಪುಣ್ಯಕೃತ್ಕಾಮಯೇತ ಪುಣ್ಯಮೇವಾಸ್ಮಿಁ ಲ್ಲೋಕೇ ಕೃತ್ವಾಪಾಪಂಕೃತ್ಯ ಸ್ವರ್ಗಂ ಲೋಕಂ ಗಚ್ಛೇಯಮಿತಿ ಸ ಏತೇನ ಯಜೇತ ।
ಪುಣ್ಯಮೇವಾಸ್ಮಿಁ ಲ್ಲೋಕೇ ಕೃತ್ವಾಪಾಪಂಕೃತ್ಯ ಸ್ವರ್ಗಂ ಲೋಕಂ ಗಚ್ಛತಿ ।
ಸ ತ್ರಿವೃದ್ಭವತಿ ।
ಪರಾಙಿವ ಹ ವಾ ಏಷಃ ।
ಸ್ವರ್ಗಮೇವ ಲೋಕಮಭಿನಿರ್ಮೃಷ್ಟೋ ಯತ್ತ್ರಿವೃತ್ಸ್ತೋಮಃ ।
ಪರಾಙೇವೈತೇನ ಸ್ವರ್ಗಂ ಲೋಕಮೇತಿ ।
ತಸ್ಯ ಪರಾಞ್ಚ್ಯೇವ ಸ್ತೋತ್ರಾಣಿ ಭವನ್ತಿ ಪರಾಞ್ಚಿ ಶಸ್ತ್ರಾಣಿ ಪರಾಞ್ಚಿ ಪೃಷ್ಠಾನಿ ಪರಾಚೀರ್ವಿಷ್ಟುತಯಃ ।
ಪರಾಙೇವ ಸರ್ವೋ ಭವತಿ ।
ಪ್ರವತೀಷು ಸ್ತುವನ್ತಿ ಪರಾಞ್ಚಮೇವೈನಂ ತದಮುಂ ಲೋಕಂ ಗಮಯನ್ತಿ ೧೬೭

ತಸ್ಯ ವಾಮದೇವ್ಯಂ ಪೃಷ್ಠಂ ಭವತಿ ಸ್ವಾರಮ್ ।
ಸ್ವಾರಾಣಿ ಸರ್ವಾಣಿ ಸಾಮಾನ್ಯವಕಲ್ಪಯನ್ತಿ ।
ಪ್ರಾಣೋ ವೈ ಸ್ವರಃ ।
ಪ್ರಾಣೈರೇವ ತತ್ಪ್ರಾಣಾನುದ್ಗಾತಾ ಯಜಮಾನಸ್ಯ ನಿಸ್ವರತಿ ।
ತದಾಹುರ್ಯಜ್ಞಾಯಜ್ಞೀಯಸ್ಯ ಸ್ತೋತ್ರೇ ಜಘನೇನ ಗಾರ್ಹಪತ್ಯಂ ದಕ್ಷಿಣಾ ಪ್ರಾವೃತ್ಯ ನಿಪದ್ಯೇತ ।
ತತ ಏವ ಸ್ವರ್ಗಂ ಲೋಕಮೇತೀತಿ ।
ತದು ವಾ ಆಹುರ್ವಿಕರ್ಷೋ ವೈ ತಥಾ ಯಜ್ಞಸ್ಯ ಭವತಿ ಯದಸಂಸ್ಥಿತೇ ನಿಪದ್ಯೇತ ।
ಯದೈವ ಸರ್ವಂ ಕರ್ಮ ಸಂತಿಷ್ಠೇತ ಯದಾ ವಶಯಾ ಚರೇಯುಃ ।
ಅಥ ಜಘನೇನಾಹವನೀಯಂ ದಕ್ಷಿಣಾ ಪ್ರಾವೃತ್ಯ ನಿಪದ್ಯೇತ ।
ತತ ಏವ ಸ್ವರ್ಗಂ ಲೋಕಮೇತೀತಿ ।
ಅಸೌ ವಾ ಆದಿತ್ಯ ಆಹವನೀಯಃ ।
ಏಷ ವೈ ಸ್ವರ್ಗೋ ಲೋಕಃ ।
ಏತಸ್ಮಿನ್ನೇವ ತತ ಸ್ವರ್ಗೇ ಲೋಕೇಽನ್ತತ ಪ್ರತಿತಿಷ್ಠತಿ ೧೬೮

ಅಥೈಷ ಮನುಸ್ತೋಮಃ ।
ಮನುಶ್ಚ ವೈ ಯಮಶ್ಚ ವೈವಸ್ವತಾವಾಸ್ತಾಮ್ ।
ಸೋಽಕಾಮಯತ ಮನುರಸ್ಮೈ ಮಾಂ ಲೋಕಾಯ ರಾಜ್ಯಾಯ ದೇವಾಸ್ಸುವೀರನ್ನಮುಷ್ಮೈ ಯಮಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ತಮಸ್ಮೈ ಲೋಕಾಯ ರಾಜ್ಯಾಯ ದೇವಾ ಅಸುವತಾಮುಷ್ಮೈ ಯಮಮ್ ।
ಸ ವಾ ಏಷ ಸದಶೋ ಭವತಿ ।
ಸಂದಂಶೋ ಹ ವಾ ಏಷ ಯತ್ಸದಶಃ ।
ಸ ಯಥಾ ಸಂದಂಶೇನ ಸಂದಶ್ಯ ಹರೇದೇವಮೇವೈನಮೇತೇನ ಸಂದಂಶೇನ ಸಂದಶ್ಯಾಸ್ಮಾಲ್ಲೋಕಾದಮುಂ ಲೋಕಂ ಜಹಾರ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ವಜ್ರೋ ವೈ ರಥನ್ತರಮ್ ।
ವಜ್ರೇಣೈವೈನಂ ತದಸ್ಮಾಲ್ಲೋಕಾದಮುಂ ಲೋಕಮಭಿನಿರ್ಜಘಾನ ।
ಸ ಯೋ ಭ್ರಾತೃವ್ಯವಾನ್ಸ್ಯಾದ್ಯೋಽಭಿಚರೇದ್ಯ ಸ್ಪರ್ಧೇತ ಸ ಏತೇನ ಯಜೇತ ವಜ್ರೇಣೈವೈನಂ ತದಸ್ಮಾಲ್ಲೋಕಾದಮುಂ ಲೋಕಮಭಿನಿರ್ಹನ್ತಿ ।
ತಸ್ಮಿನ್ನೇತಾನಿ ಘೋರಾಣಿ ಸಾಮಾನ್ಯವಕಲ್ಪಯನ್ತಿ ೧೬೯

ಜಮದಗ್ನೇಸ್ಸಪ್ತಹಂ ವಿದ್ರ ಥಂ ಚಕ್ಷೂಂಷೀತಿ ।
ಯಾನ್ಯಭಿಚರಣೀಯಸ್ಯ ರೂಪಂ ಸಾಮಾನಿ ತಾನಿ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ।
ಅಥೋ ಆಹುರನ್ನಾದ್ಯಕಾಮ ಏವೈನೇನ ಯಜೇತೇತಿ ।
ಸರ್ವೋ ಹ ವಾ ಅನ್ಯೋ ವಿರಾಜಮತಿಷ್ಟೌತಿ ।
ಏಷ ಹ ವಾವ ವಿರಾಜಂ ನಾತಿಷ್ಟೌತಿ ಯೋ ದಶಭಿ ಸ್ತುತೇ ।
ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಟ್ ।
ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ತಸ್ಯ ರಥನ್ತರಂ ಪೃಷ್ಠಂ ಭವತ್ಯನ್ನಂ ವೈ ರಥನ್ತರಮನ್ನಾದ್ಯಸ್ಯೈವಾವರುದ್ಧ್ಯೈ ।
ತಸ್ಮಿನ್ನೇತಾನಿ ಸಾಮಾನ್ಯವಕಲ್ಪಯನ್ತ್ಯರ್ಕಾರ್ಕಪುಷ್ಪೇ ದೈರ್ಘಶ್ರವಸಮಿತಿ ಯಾನ್ಯನ್ನಾದ್ಯಸ್ಯ ರೂಪಂ ಸಾಮಾನಿ ತಾನಿ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೧೭೦

ಅಥೈಷ ಗಾಯತ್ರಃ ।
ತಸ್ಯ ತ್ರಿವೃತಿ ಪ್ರಾತಸ್ಸವನೇ ಪಞ್ಚದಶಮಚ್ಛಾವಾಕಸ್ಯಾಜ್ಯಂ ಸಪ್ತದಶಂ ಮಾಧ್ಯಂದಿನಂ ಸವನಮೇಕವಿಂಶಂ ತೃತೀಯಸವನಮ್ ।
ಉಕ್ಥ್ಯೋ ಯಜ್ಞ ಉಭಯಸಾಮನೀ ।
ಪುರೋಧಾಕಾಮೋ ಹೈತೇನ ಯಜೇತ ।
ತದ್ಯತ್ತ್ರಿವೃತಿ ಪ್ರಾತಸ್ಸವನೇ ಪಞ್ಚದಶಮಚ್ಛಾವಾಕಸ್ಯಾಜ್ಯಂ ಭವತಿ ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ಪಞ್ಚದಶೋ ಬ್ರಹ್ಮೈವ ತತ್ಕ್ಷತ್ರಸ್ಯ ಪುರಸ್ತಾದ್ದಧಾತಿ ।
ತಸ್ಮಾದ್ಬ್ರಾಃಮಣಃ ಕ್ಷತ್ರಿಯಸ್ಯ ಪುರೋಹಿತಃ ।
ಅಥೋ ಹೈತದ್ಬ್ರಹ್ಮಣ ಏವ ಕ್ಷತ್ರಮನುವರ್ತ್ಮ ಕರೋತಿ ।
ಸಪ್ತದಶಂ ಮಾಧ್ಯಂದಿನಂ ಸವನಮ್ ।
ವಿಡ್ವೈ ಸಪ್ತದಶಃ ।
ಏಷ ಉ ಹ ವೈ ದ್ವಿತೀಯೋ ರಾಜಾ ಯತ್ಪುರೋಹಿತಃ ।
ವಿಶೋ ವಾ ಏಷ ಷಶ್ವರ್ಯಮಾಧಿಪತ್ಯಂ ಗಚ್ಛತಿ ಯ ಶ್ರಿಯಮಶ್ನುತೇ ।
ವಿಶ ಷಶ್ವರ್ಯಮಾಧಿಪತ್ಯಂ ಗಚ್ಛಾನೀತಿ ತಸ್ಮಾತ್ಸಪ್ತದಶಂ ಮಾಧ್ಯಂದಿನಂ ಸವನಂ ಭವತಿ ।
ಅಥೋ ಹೈತದ್ಬ್ರಹ್ಮಣೇ ಚೈವ ಕ್ಷತ್ರಾಯ ಚ ವಿಶಮನುಯುವಂ ಕರೋತಿ ೧೭೧

ತಸ್ಯ ರಥನ್ತರಂ ಪೃಷ್ಠಂ ಭವತಿ ಬೃಹದ್ಬ್ರಹ್ಮಸಾಮ ।
ಬ್ರಹ್ಮ ವೈ ರಥನ್ತರಮ್ ।
ಕ್ಷತ್ರಂ ಬೃಹತ್ ।
ಬ್ರಹ್ಮೈವ ತತ್ಕ್ಷತ್ರಸ್ಯ ಪುರಸ್ತಾದ್ದಧಾತಿ ।
ತಸ್ಮಾದ್ಬ್ರಾಹ್ಮಣಃ ಕ್ಷತ್ರಿಯಸ್ಯ ಪುರೋಹಿತಃ ।
ಅಥೋ ಹೈತದ್ಬ್ರಹ್ಮಣ ಏವ ಕ್ಷತ್ರಮನುವರ್ತ್ಮ ಕರೋತಿ ।
ಸ ಉಕ್ಥ್ಯೋ ಭವತಿ ।
ವಿಡ್ವಾ ಉಕ್ಥಾನಿ ।
ಏಷ ಉ ಹ ವೈ ದ್ವಿತೀಯೋ ರಾಜಾ ಯತ್ಪುರೋಹಿತಃ ।
ವಿಶ ಉ ವಾ ಏಷ ಷಶ್ವರ್ಯಮಾಧಿಪತ್ಯಂ ಗಚ್ಛತಿ ಯ ಶ್ರಿಯಮಶ್ನುತೇ ।
ವಿಶ ಷಶ್ವರ್ಯಮಾಧಿಪತ್ಯಂ ಗಚ್ಛಾನೀತಿ ತಸ್ಮಾದುಕ್ಥ್ಯೋ ಭವತಿ ।
ಅಥೋ ಹೈತದ್ಬ್ರಹ್ಮಣೇ ಚೈವ ಕ್ಷತ್ರಾಯ ಚ ವಿಶಮನುಯುವಂ ಕರೋತಿ ।
ತಾನ್ಯೇಕವಿಂಶಾನಿ ಭವನ್ತಿ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏಷ ಉ ಹ ವೈ ಶ್ರೀಃ ।
ಏತಾಮೇವ ತಚ್ಛ್ರಿಯಮನ್ತತೋಽಭ್ಯಾರೋಹತಿ ।
ಸ ಉ ಏವ ಸರ್ವಸ್ಸಂಸ್ತುತೋ ಗಾಯತ್ರೀಮೇವಾಭಿಸಂಪದ್ಯತೇ ।
ಬ್ರಹ್ಮ ವೈ ಗಾಯತ್ರೀ ।
ಯದೋ ವೈ ಬ್ರಹ್ಮವರ್ಚಸಮೃಧ್ನೋತ್ಯಥ ಸ ತಸ್ಯ ಪುರೋಧಾಂ ಗಚ್ಛತಿ ।
ಸ ಯದಾ ಪುರೋಧಾಂ ಗಚ್ಛೇದಥ ಕಾಮಯೇತಾಚ್ಯಾವ್ಯೋಽಸ್ಯೈ ಪುರೋಧಾಯೈ ಸ್ಯಾಂ ನ ಚ್ಯವೇಯೇತ್ಯೇತಸ್ಯೈವ ಸತಃ ಪಞ್ಚದಶಂ ಬ್ರಾಹ್ಮಣಾಚ್ಛಂಸಿನ ಆಜ್ಯಂ ಕುರ್ಯಾತ್ತತ್ ।
ಬ್ರಹ್ಮ ವೈ ತ್ರಿವೃತ್ ।
ಕ್ಷತ್ರಂ ಪಞ್ಚದಶಃ ।
ತದೇತದ್ಬ್ರಹ್ಮಣೋಭಯತಃ ಕ್ಷತ್ರಂ ಪರಿಗೃಹ್ಣಾತಿ ।
ಸ ಹಾಚ್ಯಾವ್ಯಃ ಪುರೋಧಾಯೈ ಭವತಿ ನ ಚ್ಯವತೇ ೧೭೨

ಅಥೈಷ ಗೌತಮಸ್ಯ ಚತುಷ್ಟೋಮಃ ।
ಗೌತಮೋ ವಾ ಅಕಾಮಯತಾವ ಪಶೂನ್ರುನ್ಧೀಯ ಭೂಮಾನಂ ಪಶೂನಾಂ ಗಚ್ಛೇಯಮಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸೋಽವ ಪಶೂನರುನ್ಧ ಭೂಮಾನಂ ಪಶೂನಾಮಗಚ್ಛತ್ ।
ಸ ಯಃ ಕಾಮಯೇತಾವ ಪಶೂನ್ರುನ್ಧೀಯ ಭೂಮಾನಂ ಪಶೂನಾಂ ಗಚ್ಛೇಯಮಿತಿ ಸ ಏತೇನ ಯಜೇತ ।
ಅವ ಹೈವ ಪಶೂನ್ರುನ್ದ್ಧೇ ಭೂಮಾನಂ ಪಶೂನಾಂ ಗಚ್ಛತಿ ।
ತಸ್ಯ ಚತಸೃಷು ಬಹಿಷ್ಪವಮಾನಂ ಭವತಿ ।
ಚತುಷ್ಪಾದಾ ವಾ ಅಶ್ವಾಸ್ಸನ್ತಶ್ಚತುಶ್ಶಫಾಃ ।
ತೇ ಯೇ ಚತುಷ್ಪಾದಾಃ ಪಶವಶ್ಚತುಶ್ಶಫಾಸ್ತಾನೇವೈತೇನಾವರುನ್ದ್ಧೇ ।
ಅಷ್ಟಾಸ್ವಷ್ಟಾಸ್ವಾಜ್ಯಾನಿ ।
ಅಷ್ಟಾಶಫಾ ವೈ ಪಶವಃ ।
ತೇ ಯೇಽಷ್ಟಾಶಫಾಃ ಪಶವಸ್ತಾನೇವೈತೇನಾವರುನ್ದ್ಧೇ ।
ದ್ವಾದಶೋ ಮಾಧ್ಯಂದಿನಃ ।
ದ್ವಾದಶಾಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಯತ್ಕ್ಷುದ್ರಂ ಪಶೂನಾಂ ತಜ್ಜಾಗತಮ್ ।
ತದೇವೈತೇನಾವರುನ್ದ್ಧೇ ।
ಷೋಡಶಾನಿ ಪೃಷ್ಠಾನಿ ।
ಷೋಡಶಕಲಾ ವೈ ಪಶವೋ ಯಾಂಶ್ಚ ವಿದ್ಮ ಯಾಂಶ್ಚ ನ ।
ತಾನೇವೈತೇನ ಕಲಾಶೋಽವರುನ್ದ್ಧೇ ।
ಸವಿಂಶ ಆರ್ಭವಃ ಪವಮಾನಃ ।
ದ್ವೇ ವಾ ಏತೇ ದಶದಶಿನ್ಯೌ ವಿರಾಜೌ ಯದ್ವಿಂಶತಿಃ ।
ವಿಂಶತಿಪ್ರತಿಷ್ಠಾನಾ ವೈ ಪಶವೋ ವೈರಾಜಾಃ ।
ತೇ ಯೇ ವಿಂಶತಿಪ್ರತಿಷ್ಠಾನಾಃ ಪಶವೋ ವೈರಾಜಾಸ್ತಾನೇವೈತೇನಾವರುನ್ದ್ಧೇ ।
ಅಥ ಚತುರ್ವಿಂಶಮಗ್ನಿಷ್ಟೋಮಸಾಮ ।
ಚತುಷ್ಪಾದಾ ವೈ ಪಶವೋ ವೈರಾಜಾಃ ।
ತೇ ಯೇ ಚತುಷ್ಪಾದಾಃ ಪಶವೋ ವೈರಾಜಾಸ್ತಾನೇವೈತೇನಾವರುನ್ದ್ಧೇ ।
ಅಥೋ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೇಣೈವೈನಾಂಸ್ತತ್ಪರಿಗೃಹ್ಯಾತ್ಮನ್ನಧತ್ತ ।
ನ ಹ ಖಲು ವಾ ಏಷೋಽಗ್ನಿಷ್ಟೋಮೋ ನೋಕ್ಥ್ಯ ಉಭಯಮಿವೈವ ।
ನೋ ವಾ ಏತೇ ಗ್ರಾಮ್ಯಾಃ ಪಶವೋ ನಾರಣ್ಯಾ ಉಭಯಮಿವೈವ ।
ತಾನೇವೈತೇನಾವರುನ್ದ್ಧೇ ೧೭೩

ಅಥೈಷೋಽಪೂರ್ವಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಪ್ರಜಾಪತಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ನ ಮದನ್ಯಃ ಪೂರ್ವ ಸ್ಯಾದಿತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ನಾಸ್ಮಾದನ್ಯಃ ಪೂರ್ವ ಆಸೀತ್ ।
ಸ ಯಃ ಕಾಮಯೇತ ಬಹುಃ ಪ್ರಜಾಯೇಯ ನ ಮದನ್ಯಃ ಪೂರ್ವ ಸ್ಯಾದಿತಿ ಸ ಏತೇನ ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ನಾಸ್ಮಾದನ್ಯಃ ಪೂರ್ವೋ ಭವತಿ ।
ಸ ತ್ರಿವೃದ್ರ ಥನ್ತರಸಾಮಾ ಭವತಿ ।
ನ ಹ ವೈ ತ್ರಿವೃತ ಸ್ತೋಮಾದನ್ಯಃ ಪೂರ್ವ ಸ್ತೋಮೋಽಸ್ತಿ ನ ರಥನ್ತರಾತ್ಪೃಷ್ಠಾದನ್ಯತ್ಪೂರ್ವಂ ಪೃಷ್ಠಮಸ್ತಿ ನ ಪ್ರಜಾಪತೇರನ್ಯಾ ಪೂರ್ವಾ ದೇವತಾಸ್ತಿ ।
ತದ್ಯದೇತಾನ್ಯಪೂರ್ವಾಣಿ ತಸ್ಮಾದಪೂರ್ವಃ ।
ಅಥೋ ಮನೋ ವೈ ಪ್ರಜಾಪತಿಃ ।
ನೋ ವೈ ಮನಸೋಽನ್ಯತ್ಕಿಂ ಚನ ಪೂರ್ವಮಸ್ತಿ ।
ತಸ್ಮಾದು ಏವಾಪೂರ್ವಃ ।
ಸ ತ್ರಿವೃದ್ಭವತಿ ನ್ಯೂನಂ ವೈ ತ್ರಿವೃತ್ ।
ನ್ಯೂನಂ ಪ್ರಜನನಂ ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ಪ್ರಜನನಂ ವೈ ರಥನ್ತರಂ ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ೧೭೪

ಅಥೈಷ ಪಞ್ಚಶಾರದೀಯಃ ।
ಮರುತೋ ವಾ ಅಕಾಮಯನ್ತೌಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ದೇವಾನಾಂ ಸ್ಯಾಮ ಜಯೇಮ ಸ್ವರ್ಗಂ ಲೋಕಮಿತಿ ।
ತ ಏತಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತ ಓಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ದೇವಾನಾಮಾಸನ್ನಜಯನ್ಸ್ವರ್ಗಂ ಲೋಕಮ್ ।
ಓಜಿಷ್ಠೋ ಬಲಿಷ್ಠೋ ಭೂಯಿಷ್ಠೋ ವೀರ್ಯವತ್ತಮ ಸ್ವಾನಾಂ ಭವತಿ ಜಯತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಸ ವಾ ಏಷ ವಿಶಾಮೇವ ಯಜ್ಞಃ ।
ವಿಶೋ ವೈ ಮರುತಸ್ತಸ್ಮಾದ್ವಿಶಾಂ ಯಜ್ಞಃ ।
ತೇನ ಹೈತೇನೈಕ್ಯಾವಾ ಕಾಂದಮ ಈಜೇ ।
ಸ ಹೌಜಿಷ್ಠಶ್ಚೈವ ಬಲಿಷ್ಠಶ್ಚ ಭೂಯಿಷ್ಠಶ್ಚ ವೀರ್ಯವತ್ತಮಶ್ಚ ಸ್ವಾನಾಮಾಸ ಜಿಗಾಯ ವಾ ಲೋಕಂ ನ ವಾ ।
ಸ ಸಪ್ತದಶೋ ಭವತಿ ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿಃ ಪ್ರಜನನಂ ಸ ಯಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ಪ್ರಜನನಂ ವೈ ರಥನ್ತರಂ ತದ್ಯತ್ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ಸ ಉಕ್ಥ್ಯೋ ಭವತಿ ಪ್ರಜಾ ವೈ ಪಶವ ಉಕ್ಥಾನಿ ಪ್ರಜಯಾ ಪಶುಭಿಃ ಪ್ರಜಾಯಾ ಇತಿ ೧೭೫

ತಸ್ಯ ಪಣ್ಚ ಶರದಃ ಪಞ್ಚೋಕ್ಷಾಣಃ ಪ್ರೋಕ್ಷಿತಾಶ್ಚರನ್ತಿ ।
ತದ್ಯತ್ಪಞ್ಚಶರದಃ ಪಞ್ಚೋಕ್ಷಾನಃ ಪ್ರೋಕ್ಷಿತಾಶ್ಚರನ್ತಿ ತಸ್ಮಾತ್ಪಞ್ಚಶಾರದೀಯಃ ।
ತ ಉ ಸರ್ವೇ ಪೃಶ್ನಯೋ ಭವನ್ತಿ ।
ಮರುತಃ ಪೃಶ್ನಿಮಾತರ ಇತಿ ವಾ ಆಹುಃ ।
ಅಥೋ ಋಚಾಭ್ಯನೂಚ್ಯತೇ ಮರುತಃ ಪೃಶ್ನಿಮಾತರ ಇತಿ ।
ತಸ್ಮಾತ್ಪೃಶ್ನಯೋ ಭವನ್ತಿ ।
ವೀರ್ಯಂ ವೈ ದೇವಾನಾಂ ಹವಿಃ ।
ತದಾತ್ಮಭ್ಯ ಏವಾಗೃಹ್ಣತ ।
ತದ್ಯನ್ಮರುದ್ಭ್ಯ ಏವ ಭವತಿ ವೀರ್ಯಮೇವ ತದಾತ್ಮಸು ದಧತೇ ।
ಮರುದ್ಭ್ಯ ಉಜ್ಜೇಷಿಭ್ಯ ಇತಿ ಮರುದ್ಭ್ಯ ಸ್ವಾಪಿಭ್ಯ ಇತಿ ಮರುದ್ಭ್ಯ ಸ್ವತವದ್ಭ್ಯ ಇತಿ ಮರುದ್ಭ್ಯ ಏವ ಮರುದ್ಭ್ಯ ಇತಿ ಮರುದ್ಭ್ಯೋಽಭಿಷ್ಟಿಭ್ಯ ಇತಿ ।
ತದ್ಯನ್ಮರುದ್ಭ್ಯ ಉಜ್ಜೇಷಿಭ್ಯ ಇತಿ ಯಥಾ ತಂ ಕಾಮಮುಜ್ಜಯೇದ್ಯತ್ಕಾಮೋ ಯಜೇತ ।
ಅಥ ಯನ್ಮರುದ್ಭ್ಯ ಸ್ವಾಪಿಭ್ಯ ಇತಿ ಯಥಾ ತಂ ಕಾಮಂ ಸ್ವಾಭ್ಯಾಪ್ತಮಭ್ಯಾಪ್ನುಯಾದ್ಯತ್ಕಾಮೋ ಯಜೇತ ।
ಅಥ ಯನ್ಮರುದ್ಭ್ಯ ಸ್ವತವದ್ಭ್ಯ ಇತಿ ಮರುತೋ ಹ ವಾ ಇದಂ ಸರ್ವಂ ಸ್ವಮ್ ।
ತಾನೇವೈತತ್ಸ್ವೇನ ಪ್ರೀಣಾತಿ ।
ತಸ್ಮೈ ಪ್ರೀತಾ ಸ್ವಂ ಪ್ರತ್ಯವರ್ಜನ್ತಿ ।
ತೇನ ಪ್ರತ್ಯವಸೃಷ್ಟೇನ ಯಜತೇ ಅಥ ಯನ್ಮರುದ್ಭ್ಯ ಏವ ಮರುದ್ಭ್ಯ ಇತಿ - ೧೭೬

ಬಹವೋ ಹ ವೈ ಮರುತೋ ಯಾಂಶ್ಚ ವಿದ್ಮ ಯಾಂಶ್ಚ ನ ।
ತೇ ನಸ್ಸರ್ವೇ ಪ್ರೀತಾ ಆಸನ್ನಿತಿ ।
ಅಥ ಯನ್ಮರುದ್ಭ್ಯೋಽಭಿಷ್ಟಿಭ್ಯ ಇತಿ ಯಥಾ ತಂ ಕಾಮಂ ಸ್ವಾಭ್ಯಾಪ್ತಮಭ್ಯಶ್ನುವೀತ ತತ್ಕಾಮೋ ಯಜೇತ ।
ತಾನೇತಾನ್ಪಶೂನಾಲಭೇತ ।
ದೀಕ್ಷಿಷ್ಯಮಾಣ ಏಕಮುಪವಸಥ ಏಕಂ ಪ್ರಸುತ ಏಕಮನೂಬನ್ಧ್ಯಾಯಾಮೇಕಮುದವಸಾನೀಯಾಯಾಮೇಕಮೇವಮೇತಾನ್ಪಶೂನಾಲಭೇತ ।
ಅಥ ಹೈಕ ಆಹುಃ ಪಞ್ಚರಾತ್ರ ಏವೈಷ ಸ್ಯಾತ್ ।
ತತ್ರೈವೈತಾನನ್ವಹಂ ಪಶೂನಾಲಭೇತೇತಿ ।
ತದು ಹೋದರ ಶಾಣ್ಡಿಲ್ಯ ಸ್ಥವಿರಮೇಕಯಾವಾನಂ ಪಪ್ರಚ್ಛ ಯದಿದಂ ವಿವದನ್ತೋ ಪಞ್ಚರಾತ್ರ ಏವಾಸೇತ್ಯೇಕ ಉಕ್ಥ್ಯ ಏವ ಸಪ್ತದಶ ಇತ್ಯೇಕೇ ಕಥಂ ಸ ಆಸೇತಿ ।
ಸ ಹೋವಾಚೋಕ್ಥ್ಯಮೇವ ನಸ್ತಂ ಸಪ್ತದಶಮೇಕಾಹಮಭ್ಯವೇದಯನ್ತೇತಿ ।
ಅಥ ಹೈಕ ಆಹುರತಿರಾತ್ರ ಏವೈಷ ಸ್ಯಾತ್ ।
ಕಥಂ ಪಞ್ಚ ವರ್ಷಾಣಿ ಯಜ್ಞ ಆಗೂರ್ಣೋಽನತಿರಾತ್ರ ಸ್ಯಾದಿತಿ ।
ತದ್ಧ ತನ್ನ ತಥಾ ।
ಅಗ್ನಿಷ್ಟೋಮ ಏವ ಸ್ಯಾದಿತ್ಯೇಕೇ ।
ಅಗ್ನಿಷ್ಟೋಮಾದ್ವೈ ಸರ್ವೇ ಯಜ್ಞಕ್ರತವಸ್ತಾಯನ್ತ ಇತಿ ।
ತದು ಹ ತನ್ನೋ ಏವ ತಥಾ ।
ಉಕ್ಥ್ಯೋ ಹೈವ ಸ ಸಪ್ತದಶ ಸ್ಯಾತ್ ।
ವಿಡ್ವಾ ಉಕ್ಥ್ಯಾನಿ ।
ವಿಟ್ಸಪ್ತದಶಃ ।
ವಿಶಾಮೇವ ಯಜ್ಞಃ ।
ತಸ್ಮಾದುಕ್ಥ್ಯ ಏವ ಸಪ್ತದಶ ಸ್ಯಾದಿತಿ ।
ತಸ್ಯ ಮರುತಾಂ ಚಾರ್ಕೋ ಮರುತಾಂ ಚ ಸಂಸ್ತೋಭ ಇತ್ಯೇತೇ ಆದಿಷ್ಟಸಾಮನೀ ಪವಮಾನಯೋರ್ಭವತಃ ।
ಸ್ತೋಮಮೇವ ತದ್ರೂ ಪೇಣ ಸಮರ್ಧಯನ್ತಿ ೧೭೭

ಅಥೈಷೋಽಭಿಜಿತ್ ।
ದೇವಾಸುರಾ ವಾ ಏಷು ಲೋಕೇಷ್ವಸ್ಪರ್ಧನ್ತಾಸ್ಮಿನ್ಭುವನೇ ।
ತೇ ದೇವಾ ಅಕಾಮಯನ್ತಾಭೀಮಾಁ ಲ್ಲೋಕಾಞ್ಜಯೇಮ ಜಯೇಮಾಸುರಾನ್ಸ್ಪರ್ಧಾಂ ಭ್ರಾತೃವ್ಯಾನಿತಿ ।
ತ ಏತಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತೇನೇಮಾಁ ಲ್ಲೋಕಾಅಭ್ಯಜಯನ್ನಜಯನ್ಸ್ಪರ್ಧಾಂ ಭ್ರಾತೃವ್ಯಾನಸುರಾನ್ ।
ತದ್ಯದಿಮಾಁ ಲ್ಲೋಕಾನಭ್ಯಜಯಂಸ್ತದಭಿಜಿತೋಽಭಿಜಿತ್ತ್ವಮ್ ।
ಅಭೀಮಾಁ ಲ್ಲೋಕಾಞ್ಜಯತಿ ಜಯತಿ ಸ್ಪರ್ಧಾಂ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತಸ್ಯ ತ್ರ್! ಯುತ್ತರಿಣ ಸ್ತೋಮಾ ಭವನ್ತಿ ತ್ರಯೋ ವಾ ಇಮೇ ಲೋಕಾ ಏಷಾಂ ಲೋಕಾನಾಮಭಿಜಿತ್ಯೈ ।
ಚತುರಾವೃತೋ ಭವನ್ತಿ ಚತಸ್ರೋ ದಿಶೋ ದಿಶಾಮೇವಾಭಿಜಿತ್ಯೈ ।
ಅಭಿವತೀಷು ಸ್ತುವನ್ತ್ಯೇಷಾಮೇವ ಲೋಕಾನಾಮಭಿಜಿತ್ಯೈ ।
ಆಭೀಕಮಭಿನಿಧನಮಭೀವರ್ತ ಆಭೀಶವಮಿತ್ಯೇತಾನಿ ಸಾಮಾನಿ ಭವನ್ತ್ಯೇಷಾಮೇವ ಲೋಕಾನಾಮಭಿಜಿತ್ಯೈ ೧೭೮

ತಸ್ಯ ರಥನ್ತರಂ ಪೃಷ್ಠಂ ಭವತಿ ವಾಮದೇವ್ಯಂ ಮೈತ್ರಾವರುಣಸಾಮ ಬೃಹದಾರ್ಭವೇ ಪವಮಾನೇ ।
ಇದಂ ವೈ ರಥನ್ತರಮ್ ।
ಅನ್ತರಿಕ್ಷಂ ವಾಮದೇವ್ಯಮ್ ।
ಅದ ಏವ ಬೃಹತ್ ।
ಏಷಾಮೇವ ಲೋಕಾನಾಮನನ್ತರ್ಹಿತಾನಾಮಭಿಜಿತ್ಯೈ ।
ತಸ್ಮಿನ್ನೇತಾನಿ ಪರೋಕ್ಷಂ ಪೃಷ್ಠರೂಪಾಣ್ಯವಕಲ್ಪಯನ್ತಿ ವಿಶ್ವಜಿತಃ ಪ್ರತ್ಯುದ್ಯಮಾಯ ।
ಇನ್ದ್ರೋ ವೈ ವೃತ್ರಮಹನ್ ।
ತಂ ವೃತ್ರಂ ಜಘ್ನಿವಾಂಸಮೇಭ್ಯೋ ಲೋಕೇಭ್ಯಸ್ತಮೋಽನ್ವವೃಣೋತ್ ।
ಸೋಽಕಾಮಯತಾಪೇದಂ ತಮೋ ಹನೀಯೇತಿ ।
ಸ ಏತಮಭಿಜಿತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಸ್ಯ ತ್ರ್! ಯುತ್ತರಿಣ ಸ್ತೋಮಾ ಭವನ್ತಿ ।
ತ್ರಯೋ ವಾ ಇಮೇ ಲೋಕಾಃ ।
ತೇನೈಭ್ಯೋ ಲೋಕೇಭ್ಯಸ್ತಮೋಽಪಾಹತ ।
ತಂ ಚತುರ್ಥಾಲ್ಲೋಕಾತ್ತಮೋಽನ್ವೇವಾವೃಣೋತ್ ।
ಸೋಽಕಾಮಯತಾಪೈವೇದಂ ತಮೋ ಹನೀಯೇತಿ ।
ಸ ಏತಂ ವಿಶ್ವಜಿತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಸ್ಯ ಚತುರುತ್ತರಿಣ ಸ್ತೋಮಾ ಭವನ್ತಿ ।
ಚತಸ್ರೋ ದಿಶಃ ।
ಏಷ ಉ ಹ ವೈ ಚತುರ್ಥೋ ಲೋಕೋ ಯದ್ದಿಶಃ ।
ತೇನ ಚತುರ್ಥಾಲ್ಲೋಕಾತ್ತಮೋಽಪೈವಾಹತ ।
ತತೋ ವೈ ಸ ಸರ್ವೇಭ್ಯ ಏಭ್ಯೋ ಲೋಕೇಭ್ಯಸ್ತಮಃ ಪಾಪ್ಮಾನಮಪಹತ್ಯ ಸ್ವರ್ಗಂ ಲೋಕಮಾರೋಹತ್ ।
ಸರ್ವೇಭ್ಯ ಏವೈಭ್ಯೋ ಲೋಕೇಭ್ಯಸ್ತಮಃ ಪಾಪ್ಮಾನಮಪಹತ್ಯ ಸ್ವರ್ಗಂ ಲೋಕಮಾರೋಹತಿ ಯ ಏವಂ ವೇದ ೧೭೯

ಅಥೈಷ ವಿಶ್ವಜಿತ್ ।
ಇನ್ದ್ರೋ ಽಸುರಾನಜಯತ್ ।
ತೇಷಾಂ ತ್ವಾನಿವ ನಾಜಯತ್ ।
ತಮೇತೇನ ದೇವಾ ಅಯಾಜಯನ್ ।
ಸ ವಿಶ್ವಮಜಯತ್ ।
ಇನ್ದ್ರೋ ವೈ ವಿಶ್ವಜಿತ್ ।
ಯದ್ವಾ ಏತೇನ ಶಿಲ್ಪೇನಾಜಯತ್ ।
ತದ್ವಿಶ್ವಜಿತೋ ವಿಶ್ವಜಿತ್ತ್ವಮ್ ।
ದೇವಾ ವಾ ಅಸುರೇಭ್ಯೋ ಬಿಭ್ಯತಸ್ಸರ್ವಮಿದಂ ಸಂಗೃಹ್ಯೋರ್ಧ್ವಾ ಸ್ವರ್ಗಂ ಲೋಕಮುದಕ್ರಾಮನ್ ।
ಯೋ ವೈ ಸರ್ವಂ ವಿನ್ದಮಾನಃ ಸರ್ವಂ ನ ದದಾತಿ ಸ ಸರ್ವಪರಾದಾಯೀ ।
ಅಥ ಯಸ್ಸರ್ವಂ ವಿನ್ದಮಾನಸ್ಸರ್ವಂ ದದಾತಿ ಸ ಸರ್ವವೇದಸೀ ।
ಸರ್ವಂ ವಾ ಏಷ ವಿನ್ದತೇ ಯತ್ಸರ್ವಾನ್ಸ್ತೋಮಾನ್ಸರ್ವಾನ್ಗ್ರಹಾನ್ಸರ್ವಾಣಿ ಪೃಷ್ಠಾನಿ ಸರ್ವಾಣಿ ಛನ್ದಾಂಸಿ ವಿನ್ದತೇ ।
ತಸ್ಯ ಚತುರುತ್ತರಿಣ ಸ್ತೋಮಾ ಭವನ್ತಿ ।
ಇಮಾನೇವ ಲೋಕಾಂಸ್ತ್ರಿಭಿರಭಿಜಯತಿ ।
ಯಶ್ಚತುರ್ಥೋ ವಿಶ್ವಾ ಏವ ತೇನಾಶಾಸ್ಸಂಭಾರ್ಯಾ ಭವನ್ತಿ ।
ಪೃಷ್ಠಾನಾಮೇವ ಸಂಯೋಗೋ ನಾನಾದೇವತ್ಯಾ ಭವನ್ತಿ ತೇನ ಯುಜ್ಯಂ ತೇನ ರೂಪೇಣ ।
ತದಾಹುರಪಥಮಿವ ವಾ ಏತೇ ಯನ್ತಿ ಯೇ ಪಾವಮಾನೀಭಿಃ ಪ್ರತಿಪದ್ಯನ್ತ ಇತಿ ।
ಪವಮಾನಸ್ಯ ತೇ ಕವ ಇತಿ ಪರ್ಯಾಸೋ ಭವತಿ ।
ಪುನಃ ಪನ್ಥಾನಂ ಪರ್ಯವಯನ್ತಿ ।
ನ ಚತ್ವಾರಿ ಷಡ್ಭ್ಯೋ ಭವನ್ತಿ ।
ತೇನ ವಿಭವನ್ತಿ ೧೮೦

ಅಥೈತಾನ್ಯಾಪ್ರೀರಾಜ್ಯಾನಿ ಭವನ್ತಿ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ಸ ಸೃಷ್ಟ್ವಾ ರಿರಿಚಾನೋಽಮನ್ಯತ ।
ಸ ಏತಾನ್ಯಾಪ್ರೀರಾಜ್ಯಾನ್ಯಪಶ್ಯತ್ ।
ತೈರಾತ್ಮಾನಮಾಪ್ರೀಣೀತಾಯಾತಯಾಮತಾಯೈ ।
ರಿಚ್ಯತ ಇವ ವಾ ಏಷ ಯತ್ಸರ್ವಂ ದದಾತಿ ।
ತದ್ಯದೇತಾನ್ಯಾಪ್ರೀರಾಜ್ಯಾನಿ ಭವನ್ತ್ಯಾತ್ಮಾನಮೇವೈತೈರ್ಯಜಮಾನ ಆಪ್ರೀಣೀತೇಽಯಾತಯಾಮತಾಯೈ ।
ತದಾಹುರ್ವೀವ ವಾ ಏತೇ ಪ್ರಾಣೈರೃಧ್ಯನ್ತೇ ।
ಯ ಏತಾನಿ ನಾನಾರೂಪಾಣಿ ನಾನಾದೇವತ್ಯಾನಿ ನಾನಾಛನ್ದಃಸು ಸಮಾನೇ ಯಜ್ಞಕ್ರತೌ ಸಂಪ್ರೋಹನ್ತೀತಿ ।
ತದ್ಯದ್ಗಾಯತ್ರೀಷು ಬೃಹದ್ಭವತಿ ಪ್ರಾಣೋ ವೈ ಬೃಹತ್ ।
ಪ್ರಾಣೋ ಗಾಯತ್ರೀ ಪ್ರಾಣೈರೇವ ತತ್ಸಮೃಧ್ಯನ್ತೇ ।
ಯದ್ಯಥಾಪೂರ್ವಂ ಪೃಷ್ಠಾನ್ಯುಪೇಯೂ ರೇವತೀರುತ್ತಮಾಃ ಕುರ್ಯೂ ರೇವತೀನಾಮೇತಾ ರೂಪಮೃಚಸ್ತೇನೈವ ರೇವತೀನಾಂ ರೂಪಾನ್ನ ಯನ್ತಿ ।
ತದಾಹುರ್ಯನ್ತಿ ವಾ ಏತೇಽಗ್ನಿಷ್ಟೋಮಸಾಮ್ನೋ ಯೇ ತ್ರಯಸ್ತ್ರಿಂಶಂ ಸ್ತೋಮಂ ಕುರ್ವನ್ತೀತಿ ।
ಏಕವಿಂಶತ್ಯಕ್ಷರಾ ಏತಾ ಋಚೋ ಭವನ್ತಿ ।
ತೇನೈವಾಗ್ನಿಷ್ಟೋಮಸಾಮ್ನೋ ನ ಯನ್ತಿ ।
ತದಾಹುರ್ಯನ್ತಿ ವಾ ಏತೇ ಯಜ್ಞಾಯಜ್ಞೀಯಾದ್ಯೇ ಬೃಹದಗ್ನಿಷ್ಟೋಮಸಾಮ ಕುರ್ವನ್ತೀತಿ ।
ತದ್ಯತ್ತ್ವಮಗ್ನೇ ಯಜ್ಞಾನಾಂ ಹೋತೇತಿ ಭವತಿ ತೇನೈವ ಯಜ್ಞಾಯಜ್ಞೀಯಸ್ಯ ರೂಪಾನ್ನ ಯನ್ತಿ ತೇನ ತೃತೀಯಸವನಾನ್ನ ಯನ್ತಿ ।
ತದಾಹುರ್ವೀವ ವಾ ಏಷ ಪಶುಭಿರೃಧ್ಯತೇ ಯತ್ಸರ್ವಂ ದದಾತೀತಿ ೧೮೧

ರೋಹಿಣೀಂ ಛವಿಂ ಪರಿಧತ್ತೇ ।
ಏತದ್ವೈ ಪಶೂನಾಂ ಪ್ರಿಯಂ ರೂಪಂ ಯದ್ರೋ ಹಿತಮ್ ।
ಪಶೂನಾಮೇವ ತತ್ಪ್ರಿಯೇಣ ರೂಪೇಣ ಸಮೃಧ್ಯತೇ ।
ಖನತಿ ಖನಿತ್ರಮವೃತ್ತಿಮಪಜಯತಿ ।
ಉಭಯತಃಕ್ಷ್ಣೂಋ ಅಭ್ರಿರ್ಭವತ್ಯುಭಯತ ಏವಾಸ್ಮಾ ಅನ್ನಾದ್ಯಂ ರದತಿ ।
ಅರಣ್ಯೇ ತಿಸ್ರೋ ವಸತಿ ಯದಾರಣ್ಯಮನ್ನಾದ್ಯಂ ತದೇವ ತಾಭಿರವರುನ್ದ್ಧೇ ।
ನ ಗ್ರಾಮೇ ನಾರಣ್ಯೇ ತಿಸ್ರೋ ಯನ್ನ ಗ್ರಾಮೇ ನಾರಣ್ಯೇಽನ್ನಾದ್ಯಂ ತದೇವ ತಾಭಿಃ ।
ಜನೇ ತಿಸ್ರೋ ಜನ್ಯಂ ತಾಭಿಃ ।
ಸಜನೇ ತಿಸ್ರಃ ಸಜನ್ಯಂ ತಾಭಿಃ ।
ತಾ ದ್ವಾದಶ ಸಂಪದ್ಯನ್ತೇ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಾದೇವಾನ್ನಾದ್ಯಮವರುನ್ದ್ಧೇ ।
ರೋಹಿಣೀಂ ಛವಿಂ ಪರಿಧತ್ತೇ ।
ಏಷಾ ಹ ವಾ ಅಗ್ರೇ ಪಶೂನಾಂ ತ್ವಗಾಸ ಯಾ ಪುರುಷಸ್ಯ ಯಾ ಪಶೂನಾಂ ಸಾ ಪುರುಷಸ್ಯ ।
ತೇ ಪಶವ ಆತಪಂ ವರ್ಷಂ ದಶಾನ್ಮಶಕಾನ್ನ ಧಾರಯನ್ತಿ ।
ತೇ ಪುರುಷಮೇತ್ಯಾಬ್ರುವನ್ಪುರುಷೇಯಂ ತವ ತ್ವಗಸ್ತ್ವೇಷಾಸ್ಮಾಕಮಿತಿ ।
ಕಿಂ ತತ ಸ್ಯಾದಿತಿ ।
ಆದ್ಯಾ ತೇ ಸ್ಯಾಮ ಇತ್ಯಬ್ರುವನ್ ।
ಇದಂ ತೇ ವಾಸ ಇತಿ ವಾಸಃ ಪ್ರಾಯಚ್ಛನ್ ।
ತದ್ಯದ್ರೋ ಹಿಣೀಂ ಛವಿಂ ಪರಿಧತ್ತೇ ಸ್ವೇನೈವ ತದ್ರೂ ಪೇಣ ಸಮೃಧ್ಯತೇ ।
ತಥಾ ಹೈನಮಮುಷ್ಮಿಁ ಲ್ಲೋಕೇ ಪಶವೋ ನಾದನ್ತಿ ।
ಅದನ್ತಿ ಹ ವಾ ಅಮುಷ್ಮಿಁ ಲ್ಲೋಕೇ ಪಶವಃ ಪುರುಷಮ್ ।
ತಸ್ಮಾದು ಹ ಗೋರನ್ತೇ ನಗ್ನೋ ನ ಸ್ಯಾತ್ ।
ಈಶ್ವರೋ ಹಾಸ್ಮಾದಪಕ್ರಮಿತೋಸ್ತ್ವಚಮಸ್ಯ ಬಿಭರ್ಮೀತಿ ೧೮೨

ಸಾ ಸಪುಚ್ಛಾ ಭವತಿ ಕೃತ್ಸ್ನತ್ವಾಯ ।
ಅಥೋ ಸರ್ವೇ ವಾವ ಸ್ಮ ಪ್ರಾಜಾಪ್ತ್ಯಾಃ ।
ಯಸ್ತ್ವಾವ ಪುತ್ರಾಣಾಂ ಕೃಪಣತಮೋ ಭವತಿ ಸ ಪಿತುರ್ಹೃದಯಮಾವ್ಯಯತಿ ।
ಕೃಪಣತಾಮಿವೈಷ ನ್ಯೇತಿ ಯಸ್ಸರ್ವಂ ದದಾತೀತಿ ಗಚ್ಛತಿ ಪ್ರಜಾಪತೇರನುಬೋಧಮ್ ।
ತದ್ಯಾ ಆರಣ್ಯೇ ವಸೇದುದುಮ್ಬರೇ ಹೈವ ತಾ ವಸೇತ್ ।
ಪ್ರಜಾಪತಿರ್ಯತ್ಪ್ರಜಾಭ್ಯ ಊರ್ಜಮನ್ನಾದ್ಯಂ ವ್ಯಭಜತ್ತತೋ ಯಃ ಸಂಶೇಷಃ ಸಮಶಿಷ್ಯತ ಸ ಏಷ ವನಸ್ಪತಿರಭವತ್ ।
ಊರ್ಗ್ವಾ ಉದುಮ್ಬರೋಽನ್ನಮ್ ।
ಅರಣ್ಯಂ ವಾ ಏತಸ್ಯಾನ್ನಾದ್ಯಮಿತಂ ಭವತಿ ಯಸ್ಸರ್ವಂ ದದಾತಿ ।
ಸ ಯೋಽತ್ರ ಪ್ರಜಾಪತಿನ್ಯಙ್ಗೋ ಯದನ್ನಾದ್ಯಮ್ ।
ತದೇವ ತಾಭಿರವರುನ್ದ್ದೇ ।
ಅಥ ಯಾ ನ ಗ್ರಾಮೇ ನಾರಣ್ಯೇ ವಸೇನ್ನಿಷಾದೇಷು ಹೈವ ತಾ ವಸೇತ್ ।
ಏತೇ ಹ ವೈ ನ ಗ್ರಾಮೇ ನಾರಣ್ಯೇ ಯನ್ನಿಷಾದಾಃ ।
ಏತಾಭಿರ್ಹ ವಾ ಉಭಯಮನ್ನಾದ್ಯಂ ಸಮಭ್ಯವೈತಿ ಯಚ್ಚ ಗ್ರಾಮ್ಯಂ ಯಚ್ಚಾರಣ್ಯಮ್ ।
ಸ ಯೋಽತ್ರ ಪ್ರಜಾಪತಿನ್ಯಙ್ಗೋ ಯದನ್ನಾದ್ಯಂ ತದೇವ ತಾಭಿರವರುನ್ದ್ದೇ ।
ಅಥ ಯಾ ಜನೇ ವಸೇದ್ವೈಶ್ಯೇ ವಾ ಹ ತಾ ಭ್ರಾತೃವ್ಯೇ ವಾ ವಸೇತ್ ।
ಏಷ ಹ ವೈ ಬ್ರಾಃಮಣಸ್ಯ ಜನೋ ಯದ್ವೈಶ್ಯೋ ವಾ ಭ್ರಾತೃವ್ಯೋ ವಾ ।
ಜನಂ ವಾ ಏತಸ್ಯಾನಾದ್ಯಮಿತಂ ಭವತಿ ಯಸ್ಸರ್ವಂ ದದಾತಿ ।
ಸ ಯೋಽತ್ರ ಪ್ರಜಾಪತಿನ್ಯಙ್ಗೋ ಯದನ್ನಾದ್ಯಂ ತದೇವ ತಾಭಿರವರುನ್ದ್ಧೇ ।
ಅಥ ಯಾಸ್ಸಜನೇ ವಸೇದ್ರಾ ಜನಿ ಹೈವ ತಾ ವಸೇತ್ ।
ಏತದ್ಧ ವೈ ಸಜನಂ ಯದ್ರಾ ಜಾ ।
ಅನ್ತ ಉ ವಾ ಅನ್ನಾದ್ಯಸ್ಯ ಶ್ರೀರನ್ತ ಏವ ತದನ್ನಾದ್ಯಸ್ಯ ಶ್ರಿಯಮನ್ತತಃ ಪ್ರತಿತಿಷ್ಠತಿ ೧೮೩

ಪ್ರಜಾಪತಿಃ ಪ್ರಜಾ ಅಸೃಜತ ।
ಸ ಏತೇನೈವ ವಿಶ್ವಜಿತೇದಮಸೃಜತ ವಿಶ್ವಮ್ ।
ತದ್ಯದೇತಾ ನಾನಾರೂಪಾಃ ಪ್ರತಿಪದೋ ಭವನ್ತಿ ತಸ್ಮಾದು ಹೇದಂ ವಿಶ್ವಂ ಭೂತಂ ನಾನಾರೂಪಮ್ ।
ಪೃಷ್ಠಾನಾಂ ವಾವೈಷ ಯೋಗಃ ।
ಉಪವತ್ಯೈವ ರಥನ್ತರಂ ಯುಜ್ಯತೇ ।
ಸರಸ್ವತಾ ವೈರಾಜಸ್ಸಾರಸ್ವತ್ಯಾ ಮಹಾನಾಮ್ನಯೋ ಬ್ರಾಹ್ಮಣಸ್ಪತ್ಯಯಾ ವೈರೂಪಂ ಸಾವಿತ್ರ್! ಯಾ ರೇವತಯ ಆಗ್ನಿಪಾವಮಾನ್ಯಾ ಬೃಹತ್ ।
ತದ್ಯದೇತಾ ನಾನಾರೂಪಾಃ ।
ಪ್ರತಿಪದೋ ಭವನ್ತಿ ಪೃಷ್ಠಾನ್ಯೇವೈತತ್ಪ್ರಾತಸ್ಸವನೇ ಯುಕ್ತಾನಿ ।
ತಾನಿ ಮಾಧ್ಯಂದಿನೇ ಸವನೇಽಭ್ಯಾರೋಹನ್ತಿ ।
ತದಾಹುರ್ವೀವ ವಾ ಏತೇ ಪ್ರಾಣೈರೃಧ್ಯನ್ತೇ ಯೇ ಪವಸ್ವಿನೀಭಿಃ ಪ್ರತಿಪದ್ಯನ್ತ ಇತಿ ।
ತದ್ಯದೇಷಾ ವಾಯವ್ಯಾ ಪ್ರತಿಪದ್ಭವತಿ ಪ್ರಾಣೋ ವೈ ವಾಯುಃ ಪ್ರಾಣೈರೇವ ತತ್ಸಮೃಧ್ಯನ್ತೇ ೧೮೪

ಅಥೈತೇ ಸರಸ್ವತಶ್ಚ ಸರಸ್ವತ್ಯಾಶ್ಚ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯತ್ಸರಸ್ವಾಂಶ್ಚ ಸರಸ್ವತೀ ಚ ।
ದೈವ್ಯೇನ ಮಿಥುನೇನ ಪ್ರಜಾಯಾ ಇತಿ ।
ತದಾಹುಃ ಪುಂಸಃ ಪೂರ್ವಾ ಕಾರ್ಯಾ ಸ್ತ್ರಿಯಾ ಉತ್ತರಾ ।
ತಥಾ ಯಜಮಾನಸ್ಯಾನಪಗಲ್ಭ್ಯಾ ಪ್ರಜಾಜಾಯತ ಇತಿ ।
ತದು ವಾ ಆಹುರ್ವಾಯುರ್ವೈ ರೇತೋಧಾಃ ।
ಪ್ರಜನನಂ ಸರಸ್ವತೀ ।
ತೌ ಸರಸ್ವನ್ತಂ ಮಿಥುನಾತ್ಪ್ರಜನಯತಃ ।
ಅಥೋ ವಾಶಿತಾ ವೈ ಪೂರ್ವಾ ಧಾವತ್ಯನ್ವಮೃಷಭಃ ಸರಸ್ವತ್ಯಾ ಏವ ಪೂರ್ವಾ ಕಾರ್ಯೇತಿ ।
ಏತದು ಹೈತತ್ಸರಸ್ವತಸ್ತ್ವೇವ ಪೂರ್ವಾ ಕಾರ್ಯಾ ।
ಅಥೈಷಾ ಬ್ರಾಹ್ಮಣಸ್ಪತ್ಯಾ ಪ್ರತಿಪದ್ಭವತಿ ।
ಪ್ರಜಾಪತಿರ್ಯಾ ಋತೇ ಬ್ರಹ್ಮಣಃ ಪ್ರಜಾ ಅಸೃಜತ ತಾ ಅಸ್ಯ ಸೃಷ್ಟಾ ಪರಾಭವನ್ ।
ಸ ಏತಾಂ ಬ್ರಾಹ್ಮಣಸ್ಪತ್ಯಾಂ ಪ್ರತಿಪದಮಪಶ್ಯತ್ ।
ತಯಾ ಬ್ರಹ್ಮಣ್ವತೀಃ ಪ್ರಜಾ ಅಸೃಜತ ।
ತಾ ಅಸ್ಯ ಸೃಷ್ಟಾ ನ ಪರಾಭವನ್ ।
ತದ್ಯದೇಷಾ ಬ್ರಾಹ್ಮಣಸ್ಪತ್ಯಾ ಪ್ರತಿಪದ್ಭವತಿ ಬ್ರಹ್ಮಣ್ವತೀರೇವೈತಯಾ ಪ್ರಜಾಸ್ಸೃಜತೇ ತಾ ಅಸ್ಯ ಸೃಷ್ಟಾ ನ ಪರಾಭವನ್ತಿ ೧೮೫

ಅಥ ಸಾವಿತ್ರೀಪ್ರಸವಾಃ ।
ಯದಿಹ ವಿಷುರೂಪಮಿಮಾ ನಾನಾರೂಪಾಃ ಪ್ರತಿಪದ ಉಪಾಗಾಮ ತನ್ನಸ್ಸವಿತೃಪ್ರಸೂತಮಸದಿತಿ ।
ಅಥಾಗ್ನಿಪಾವಮಾನ್ಯಃ ।
ಪಥಮಿವ ವಾ ಏತೇ ಯನ್ತಿ ಯೇ ಪಾವಮಾನೀಭಿಃ ಪ್ರತಿಪದ್ಯನ್ತ ಇತಿ ।
ಅಗ್ನಿರ್ವೈ ಪಥಿಕೃದ್ದೇವತಾನಾಮ್ ।
ಯೇನ ವೈ ಕೇನ ಚಾಗ್ನಿನೈತಿ ಪನ್ಥಾನಮೇವ ಕುರ್ವನ್ನೇತಿ ।
ತದ್ಯದೇಷಾಗ್ನಿಪಾವಮಾನೀ ಪ್ರತಿಪದ್ಭವತ್ಯಗ್ನಿನೈವ ತತ್ಪಥಿಕೃತಾ ಪನ್ಥಾನಂ ಪರ್ಯವಯನ್ತಿ ।
ಪವಮಾನಸ್ಯ ತೇ ಕವ ಇತಿ ಪರ್ಯಾಸೋ ಭವತಿ ।
ಏತತ್ಪುನಃ ಪನ್ಥಾನಂ ಪರ್ಯವಯನ್ತಿ ।
ಯೋ ವೈ ಪೃಷ್ಠಾನಾಂ ಧುರ್ಯಂ ವೇದ ಧುರ್ಯ ಸ್ವಾನಾಂ ಭವತಿ ।
ವೈರಾಜಂ ವಾವ ಪೃಷ್ಠಾನಾಂ ಧುರ್ಯಮ್ ।
ಧುರ್ಯ ಸ್ವಾನಾಂ ಭವತಿ ಯ ಏವಂ ವೇದ ೧೮೬

ತದಾಹುಃ ಪಾಪವಸ್ಯಸಮಿವ ವಾ ಏತತ್ಕ್ರಿಯತೇ ಯದ್ಬೃಹದ್ರ ಥನ್ತರೇ ಅಭಿತೋ ಭವತೋ ಮಧ್ಯೇ ಪೃಷ್ಠಾನಿ ।
ಯಥಾ ವೈ ಪಾಪೀಯಾಂಸಮುಪರ್ಯಾಸೀನಂ ಶ್ರೇಯಾನಧಸ್ತಾದುಪಾಸೀತ ತಾದೃಕ್ತದ್ಯದೇತೇ ಬೃಹದ್ರ ಥನ್ತರೇ ಅಭಿತೋ ಭವತೋ ಮಧ್ಯೇ ಪೃಷ್ಠಾನೀತಿ ।
ಬೃಹದ್ರ ಥನ್ತರೇ ಏವ ಮಧ್ಯೇ ಸ್ಯಾತಾಮಭಿತಃ ಪೃಷ್ಠಾನಿ ಪಾಪವಸ್ಯಸಸ್ಯ ವ್ಯಾವೃತ್ತ್ಯೈ ।
ಅಥೋ ಯಥಾ ಶ್ರೇಯಾಂಸಮುಪರ್ಯಾಸೀನಂ ಪಾಪೀಯಾನಧಸ್ತಾದುಪಾಸೀತ ತಾದೃಕ್ತದ್ಯದ್ಬೃಹದ್ರ ಥನ್ತರೇ ಮಧ್ಯೇ ಭವತೋಽಭಿತಃ ಪೃಷ್ಠಾನೀತಿ ।
ಅಸರ್ವಪೃಷ್ಠೋ ಹ ತು ತಥಾ ಸ್ಯಾತ್ ।
ಸರ್ವೇಷಾಂ ವೈ ಪೃಷ್ಠಾನಾಂ ವೈರಾಜಮೇವ ಪೂರ್ವಂ ಯೋಗಮಾನಶೇ ।
ಅಥೋ ಯದ್ಯಪಿ ಚರಮಂ ಯನ್ತಂ ಪೃಚ್ಛೇಯುರುಪ ಪೃಷ್ಠಾನ್ಯಗೂರ್ಣಾ ಇತಿ ನೇತ್ಯೇವ ಬ್ರೂಯಾತ್ ।
ಬೃಹದ್ರ ಥನ್ತರೇ ಏವಾಭಿತ ಸ್ಯಾತಾಂ ಮಧ್ಯೇ ಪೃಷ್ಠಾನಿ ಸರ್ವಪೃಷ್ಠತಾಯೈ ।
ಇದಂ ವೈ ರಥನ್ತರಮದೋ ಬೃಹತ್ ।
ಪಶವಃ ಪೃಷ್ಠಾನಿ ।
ಆಭ್ಯಾಮೇವೈತಲ್ಲೋಕಾಭ್ಯಾಮುಭಯತಃ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೧೮೭

ಅಥೋ ಯಥಾ ಪಿತಾ ಮಾತೈವಂ ಬೃಹದ್ರ ಥನ್ತರೇ ಯಥಾ ಪುತ್ರಾ ಏವಂ ಪೃಷ್ಠಾನಿ ।
ಯದ್ವೈ ಪುತ್ರೋಽತಿಪಾದಯತಿ ಪಿತಾ ವೈ ತಸ್ಯ ಶಮಯಿತಾ ಪಿತಾ ನಿಷೇದ್ಧಾ ।
ತದ್ಯದ್ಬೃಹದ್ರ ಥನ್ತರೇ ಅಭಿತೋ ಭವತಶ್ಶಾನ್ತ್ಯಾ ಏವ ನಿಷಿದ್ಧ್ಯೈ ।
ಅಥೋ ಯಥಾ ಪಿತರೌ ಪುತ್ರಾನಭಿತಃ ಪರಿಶಯೀಯಾತಾಂ ತಾದೃಕ್ತದ್ಯದ್ಬೃಹದ್ರ ಥನ್ತರೇ ಅಭಿತೋ ಭವತೋ ಮಧ್ಯೇ ಪೃಷ್ಠಾನಿ ।
ಯಥಾ ಹ ವಾ ಇದಮೃಷಭಾ ವಾ ಪರಸ್ವನ್ತೋ ವಾ ಸಮುತ್ಕ್ರುದ್ಧಾಸ್ತಿಷ್ಠೇಯುರೇವಮೇತದ್ಯದೇತಾನಿ ಮಧ್ಯತಃ ಪೃಷ್ಠಾನಿ ಭವನ್ತಿ ತದ್ಯಚ್ಛ್ಯೈತನೌಧಸೇ ಅಭಿತೋ ಭವತಃ ।
ಬ್ರಹ್ಮ ವೈ ನೌಧಸಮ್ ।
ಬ್ರಹ್ಮಣೈವೈನಾಂಸ್ತತ್ಪುರಸ್ತಾಚ್ಛಮಯಿತ್ವಾ ಶ್ಯೈತೇನೋಪರಿಷ್ಟಾವ್ಛ್ಯೇತೀಕುರ್ವನ್ತಿ ।
ತಸ್ಮಾತ್ಪುರಸ್ತಾದೇವ ನೌಧಸಂ ಸ್ಯಾದುಪರಿಷ್ಟಾಚ್ಛ್ಯೈತಮ್ ।
ತದಾಹುರ್ಯತ್ಸಮಾನನಿಧನಾನಿ ಪೃಷ್ಠಾನಿ ಕೇನಾಜಾಮಿ ಕ್ರಿಯನ್ತ ಇತಿ ।
ವೈರಾಜಂ ಚ ಮಹಾನಾಮ್ನಯಶ್ಚ ವೈರೂಪಂ ಚ ರೇವತ್ಯಶ್ಚೈತೇನಾಖ್ಯಾನೇನಾಜಾಮೀತಿ ।
ಅಥೋ ಯದೇವೈತಾನಿ ಮಧ್ಯೇನಿಧನಾನಿ ಭವನ್ತಿ ತೇನೋ ಏವೇತಿ ।
ತಸ್ಮಿಂಸ್ತ್ರಯಸ್ಸಪ್ತದಶಾ ಭವನ್ತಿ ।
ತಾ ಏಕಪಞ್ಚಾಶತ್ಸ್ತೋತ್ರ್! ಯಾಃ ।
ತದ್ಗೋಃ ಪ್ರಾತಸ್ಸವನಮ್ ।
ಏಕಾನ್ನನವತಿಶತಂ ರಾತ್ರೇಸ್ಸಾ ಜ್ಯೋತಿಷ್ಟೋಮಸ್ಯ ರಾತ್ರಿಃ ।
ತದೇತನ್ಮಿಥುನಂ ಪ್ರಜನನಂ ಕ್ರಿಯತೇ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ತಾ ಉಭಯೀ ಸ್ತೋತ್ರ್! ಯಾಸ್ಸಂಪದ್ಯನ್ತೇ ದ್ವೇ ಚತ್ವಾರಿಂಶಚ್ಛತೇ ।
ಸಾ ವಿರಾಟ್ ।
ಅನ್ನಂ ವಿರಾಟ್ ।
ವಿರಾಜ್ಯೇವ ತದನ್ನಾದ್ಯೇ ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ೧೮೮

ದೇವಾಸುರಾ ಅಸ್ಪರ್ಧನ್ತ ।
ಅಥ ಹ ತರ್ಹಿ ಪ್ರಜಾಪತಾವೇವೈತಾನಿ ಶಿಲ್ಪಾನ್ಯಾಸುರ್ನೇತರೇಷು ದೇವೇಷು ।
ಸ ಇನ್ದ್ರ ಃ! ಪ್ರಜಾಪತಿಮುಪಾಧಾವಜ್ಜಯಾಮಾಸುರಾನಿತಿ ।
ತಸ್ಮಾ ಏವ ತಚ್ಛಿಲ್ಪಂ ಪ್ರಾಯಚ್ಛತ್ ।
ತದಸ್ಮಿನ್ಪ್ರತ್ಯಮುಞ್ಛತ್ ।
ಯಥಾ ನಿಷ್ಕಂ ಮಣಿಂ ಸ್ರಜಂ ಪ್ರತಿಮುಞ್ಚೇದೇವಂ ತನ್ವೋದಯಚ್ಛತ್ ।
ತಸ್ಮಾದೇತಚ್ಛಿಲ್ಪಂ ನಿರಮಿಮೀತೈತಾನಿ ಪೃಷ್ಠಾನಿ ।
ಅಥ ಯದಿತರತ್ತೇಜ ಆಸೀದ್ಯೇನೈಷ ಏತತ್ತಪತಿ ।
ತೇಽಸುರಾ ಇದಂ ರೂಪಂ ಜ್ಞಾತ್ವಾ ಸೋ ನಃ ಪಿತಾ ಹನ್ತಿ ಸೋ ನಃ ಪಿತಾ ಹನ್ತೀತ್ಯೇವ ವದನ್ತಃ ಪರಾಜಯನ್ತ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೧೮೯

ತದಾಹುರ್ನಾತಿಷ್ಟುತ್ಯಮ್ ।
ಯಥಾ ವೈ ನಿಷ್ಕಂ ಮಣಿಂ ಸ್ರಜಂ ಪ್ರತಿಮುಚ್ಯ ತತ್ಪುನರುನ್ಮುಞ್ಚೇತ್ತಾದೃಕ್ತದ್ಯೋಽಗ್ನಿಷ್ಟೋಮೇಽತಿಷ್ಟೌತೀತಿ ।
ಅನ್ಯತರದ್ಧ ತ್ವಾವ ಸ ವಿಶ್ವಯೋರ್ಜಯತಿ ।
ಅಹೋರಾತ್ರೇ ವೈ ಸರ್ವಂ ವಿಶ್ವಮ್ ।
ಅಥೋ ಯಥಾ ಮಹಾವೃಕ್ಷಸ್ಯಾಗ್ರಂ ರೂಢ್ವಾ ಪ್ರತ್ಯವರೋಢುಂ ನ ವಿನ್ದೇತ್ತಾದೃಕ್ತದ್ಯದಗ್ನಿಷ್ಟೋಮೋ ಭವತಿ ।
ತದ್ಯತ್ಪ್ರತ್ಯವರೋಹೀಣಿ ಸ್ತೋತ್ರಾಣಿ ಭವನ್ತ್ಯೇಷಾ ವೈ ಕೃತ್ಸ್ನಾ ಪ್ರತಿಷ್ಠಾ ಯದತಿರಾತ್ರಸ್ತೇನೈವಾಸ್ಯಾಂ ಪ್ರತಿತಿಷ್ಠತಿ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯೇಽತಿರಾತ್ರಮುಪಯನ್ತೀತಿ ।
ತದ್ಯದ್ಗಾಯತ್ರೀಷು ಬೃಹದ್ಭವತೀಯಂ ವೈ ಗಾಯತ್ರ್! ಯಸ್ಯಾಮೇವೈತತ್ಪ್ರತಿತಿಷ್ಠತಿ ೧೯೦

ಅಥೋ ಯಥಾ ರಥಾಕ್ಷೇ ರಥಚಕ್ರಂ ಪ್ರತಿಮುಞ್ಚೇದೇವಮೇವೈತಾನಿ ಸರ್ವಾಣಿ ಶಿಲ್ಪಾನ್ಯಾಹೃತ್ಯ ಬ್ರಹ್ಮನ್ಪ್ರತಿಷ್ಠಾಪಯನ್ತಿ ಯೇ ಗಾಯತ್ರೀಷು ಬೃಹದಗ್ನಿಷ್ಟೋಮಸಾಮ ಕುರ್ವನ್ತಿ ।
ತಸ್ಮಾದ್ಗಾಯತ್ರೀಷ್ವೇವ ಬೃಹದಗ್ನಿಷ್ಟೋಮಸಾಮ ಕಾರ್ಯಮಿತಿ ।
ತದಾಹುಸ್ಸಹಸ್ರಮೇವ ದದ್ಯಾತ್ತದೇವ ವಿಶ್ವಮಿತಿ ।
ಅಥೋ ಆಹುರ್ಯಾವತೀರೇವೈತಸ್ಯ ವಿಶ್ವಜಿತ ಸ್ತೋತ್ರ್! ಯಾಸ್ತಾವದೇವ ದದ್ಯಾತ್ ।
ತದೇವ ವಿಶ್ವಮಿತಿ ।
ತದು ವಾ ಆಹುರ್ಯದೇವಾಸ್ಯ ಕಿಂಚಿತ್ಸ್ವಂ ಸ್ಯಾತ್ತದ್ದದ್ಯಾತ್ ।
ಯತ್ಪರಿಶಿನಷ್ಟಿ ಸ ಪಾಪ್ಮೇತಿ ।
ಯಥಾ ವೈನಂ ಮಿಥುನಾತ್ಸ್ರವತ್ಯೇವಮೇನಂ ತಸ್ಮಾತ್ಸರ್ವಸ್ಮಾತ್ಪಾಪ್ಮಾ ಸ್ರವತಿ ಯತ್ಪರಿಶಿನಷ್ಟಿ ।
ತಸ್ಮಾತ್ಸರ್ವಮೇವ ದೇಯಮಿತಿ ೧೯೧

ಅಥೈಷ ವಾಜಪೇಯಃ ।
ವಾಜಪೇಯೇನಾನ್ನಾದ್ಯಕಾಮೋ ಯಜೇತ ।
ಅನ್ನಪೇಯೋ ಹ ವಾ ಏಷ ಯದ್ವಾಜಪೇಯಃ ।
ಅನ್ನಂ ವೈ ವಾಜಃ ।
ಯದಾ ವೈ ಗೌರಶ್ವಃ ಪುರುಷೋಽನ್ನಸ್ಯ ಸುಹಿತೋ ಭವತ್ಯಥ ಸ ವಾಜೀ ಭವತಿ ।
ಅಗ್ನಿಷ್ಟೋಮೇನ ಬ್ರಹ್ಮವರ್ಚಸಕಾಮೋ ಯಜೇತ ಬ್ರಹ್ಮ ವಾ ಅಗ್ನಿಷ್ಟೋಮೋ ಬ್ರಹ್ಮವರ್ಚಸಸ್ಯೈವಾವರುದ್ಧ್ಯೈ ।
ಋತೂನಾಂ ಚ ಹ ಖಲು ವೈ ಪಶೂನಾಂ ಚ ಕಾಮಾಯಾಭಿಶಿಚ್ಯಮಾನೋಽಭಿಶಿಚ್ಯತೇ ।
ತಸ್ಯ ಪಞ್ಚ ಸ್ತೋತ್ರಾಣಿ ಚತುಸ್ತ್ರಿಂಶಾನಿ ಕುರ್ಯುಸ್ಸರ್ವಾನ್ಪವಮಾನಾನುಭೇ ಬ್ರಹ್ಮಸಾಮನೀ ।
ತಾವತೀರುಕ್ಥ್ಯಸ್ಯ ಸ್ತೋತ್ರ್! ಯಾಃ ।
ಆಪ್ನುವನ್ತಿ ತಂ ಕಾಮಂ ಯ ಉಕ್ಥ್ಯೇ ।
ನೋ ವಾ ಅಗ್ನಿಷ್ಟೋಮಾದ್ಯನ್ತಿ ।
ನ ಹ ಖಲು ವಾ ಏಷೋಽಗ್ನಿಷ್ಟೋಮೋ ನೋಕ್ಥ್ಯೋ ನ ಷೋಡಶಿಮಾನ್ನಾತಿರಾತ್ರಃ ।
ಅತಿರಿಕ್ತಯಜ್ಞೋ ಹ ವಾ ಏಷಃ ।
ಅತಿರಿಕ್ತೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯ ಏಷ ಯಜ್ಞಃ ।
ಪ್ರಜಾಪತೇರೇವಾಪ್ತ್ಯೈ ।
ತಸ್ಯ ಬೃಹಚ್ಛಿಪಿವಿಷ್ಟವತೀ ಭವತಿ ।
ಪಶವೋ ವೈ ಶಿಪಿವಿಷ್ಟಾಃ ।
ಕ್ಷತ್ರಂ ಬೃಹತ್ ।
ಕ್ಷತ್ರಿಯಸ್ಯೋ ಅಯಂ ಲೋಕಃ ।
ಅಸ್ಯ ನೋ ಲೋಕವತಸ್ಸಾಮ್ನಃ ಪಶವೋ ಲೋಕಮನೂಪತಿಷ್ಠಾನ್ತಾ ಇತಿ ।
ತ್ರಿಷ್ಟುಪ್ಸು ಸ್ತುವನ್ತಿ ಬೃಹತ್ಸಾಮ ।
ಕ್ಷತ್ರಂ ವೈ ತ್ರಿಷ್ಟುಪ್ ।
ಕ್ಷತ್ರೇಣಾಭಿಶಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ವೈಷ್ಣವೀಷು ಸ್ತುವನ್ತಿ ವಿಷ್ಣುರ್ವೈ ಪರಮೋ ದೇವತಾನಾಂ ಪರಮಯಾ ದೇವತಯಾಭಿಷಿಚ್ಯಮಾನೋಽಭಿಷ್ಚ್ಯಾತಾ ಇತಿ ।
ಆಜಿಂ ಧಾವನ್ತಿ ಪ್ರಜಾಪತೇರೇವಾಪ್ತ್ಯೈ ಸ್ವರ್ಗಸ್ಯ ಚ ಲೋಕಸ್ಯೋಜ್ಜಿತ್ಯೈ ।
ಸಪ್ತದಶ ಪ್ರವ್ಯಾಧಾನ್ಧಾವನ್ತಿ ।
ಸಪ್ತದಶೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯ ಏಷ ಯಜ್ಞಃ ಪ್ರಜಾಪತೇರೇವಾಪ್ತ್ಯೈ ೧೯೨

ತದಾಹುಸ್ತಿಸೃಷ್ವೇವಾಸ್ತುತಾಸು ಧಾವೇಯುಃ ।
ತ್ರಯೋ ವೈ ಪ್ರಾಣಾಪಾನವ್ಯಾನಾಃ ।
ತೇಷಾಂ ಸಂತತ್ಯಾ ಅವ್ಯವಚ್ಛೇದಾಯೇತಿ ।
ಅಥೋ ಆಹುರೇಕಸ್ಯಾಮೇವಾಸ್ತುತಾಯಾಂ ಧಾವೇಯುಃ ।
ಕೋ ಹ್ಯೇವೈಷ ಯತ್ಪ್ರಾಣೋಽಪಾನೋ ವ್ಯಾನ ಇತಿ ।
ತದು ವಾ ಆಹುಸ್ಸರ್ವಾಸ್ವೇವಾಸ್ತುತಾಸು ಧಾವೇಯುರೇತಯೋರಾಜ್ಯೋರಸಂಸರ್ಗಾಯೇತಿ ।
ತದಾಹುರ್ಯನ್ತಿ ವಾ ಏತೇ ಯಜ್ಞಾದ್ಯೇ ಬಹಿರ್ವೇದಿ ಪ್ರಸುತೇ ಧಾವಯನ್ತಿ ।
ಏತಾವಾನ್ವಾವ ಯಜ್ಞೋ ಯಾವಾನನ್ತರ್ವೇದಿ ।
ಷವ ವೇದ್ಯನ್ತಾದ್ಧಾವಯೇಯುರಿತಿ ।
ಅಥೋ ಆಹೂ ರಥೋಪಸ್ಥ ಏವ ಪಾದಮಾಧಾಯ ತಂ ಪುನರೇವ ಹರೇತ್ ।
ತದೇವ ಸೃತಂ ಚಾಸೃತಂ ಚೇತಿ ।
ತದು ವಾ ಆಹುರ್ಧಾವಯೇಯುರೇವ ।
ರಥನ್ತರೇಣ ವೈ ದೈವ್ಯಮಾಜಿಮುಜ್ಜಯತಿ ರಥೇನ ಮಾನುಷಮ್ ।
ತಸ್ಮಾದ್ಧಾವಯೇಯುರೇವೈತಯೋರಾಜ್ಯೋರುಜ್ಜಿತ್ಯಾ ಇತಿ ।
ಬ್ರಹ್ಮಾ ರಥಚಕ್ರ ಆಸೀನಸ್ಸಾಮಾಭಿಗಾಯತ್ಯಗ್ಮ ವಾಜಂ ವಾಜಿನ ಇತಿ ।
ತ ಆ ವಾಜಂ ವಾಜಿನೋಽಗ್ಮನ್ನಿತಿ ।
ಅಮೃತೋಽನ್ನಂ ವೈ ವಾಜೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ವರ್ತಮಾನೇ ಗಾಯತಿ ।
ವರ್ತಮಾನೇನ ಹಿ ತತ್ರ ಗಚ್ಛತಿ ಯತ್ರ ಜಿಗಮಿಷತಿ ।
ವಯಶ್ವೋ ದದಾತಿ ।
ವಯಶ್ವೋ ವಾ ಇದಂ ವಿಹಿತಮ್ ।
ಪ್ರಜಾಪತೇರ್ವಾ ಇದಂ ಸರ್ವಮ್ ।
ಪ್ರಾಜಾಪತ್ಯ ಏಷ ಯಜ್ಞಃ ಪ್ರಜಾಪತೇರೇವಾಪ್ತ್ಯೈ ।
ವಯಸೋ ವಯಸಸ್ಸಪ್ತದಶ ಸಪ್ತದಶ ದದಾತಿ ।
ಸಪ್ತದಶೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯ ಏಷ ಯಜ್ಞಃ ಪ್ರಜಾಪತೇರೇವಾಪ್ತ್ಯೈ ।
ತಸ್ಯಾನಿರುಕ್ತಂ ಪ್ರಾತಸ್ಸವನಂ ಭವತಿ ।
ಅನಿರುಕ್ತೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯ ಏಷ ಯಜ್ಞಃ ಪ್ರಜಾಪತೇರೇವಾಪ್ತ್ಯೈ ।
ವಾಜವನ್ಮಾಧ್ಯಂದಿನಂ ಸವನಮ್ ।
ವಾಜಪೇಯೋ ಹ್ಯೇಷಃ ।
ಚಿತ್ರವತ್ತೃತೀಯಸವನಮ್ ।
ಚಿತ್ರತಮೋ ಹ್ಯೇಷ ಯಜ್ಞಃ ।
ಉಚ್ಚಾ ತೇ ಜಾತಮನ್ಧಸೇತಿ ಮಾಧ್ಯಂದಿನಸ್ಯ ಪವಮಾನಸ್ಯ ಅನ್ಧಸ್ವತೀರ್ಗಾಯತ್ರ್! ಯೋ ಭವನ್ತಿ ।
ಅನ್ನಂ ವಾ ಅನ್ಧಃ ।
ತದೇನಂ ತತ್ಸುಷ್ವಾಣಮೇವ ಪವಮಾನಮುಖೇ ಅನ್ನಾದ್ಯೇನ ಸಮರ್ಧಯನ್ತಿ ೧೯೩

ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥಾಮಹೀಯವಮ್ ।
ಪ್ರಜಾಪತೇರ್ವಾ ಆಮಹೀಯವಮ್ ।
ಪ್ರಾಜಾಪತ್ಯ ಏಷ ಯಜ್ಞಃ ಪ್ರಜಾಪತೇರೇವಾಪ್ತ್ಯೈ ।
ಅಥ ಸೈನ್ಧುಕ್ಷಿತಂ ಕ್ಷತ್ರಸಾಮ ।
ಕ್ಷತ್ರೇಣಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ಅಥಾಭೀಕಮಭಿಷಿಕ್ತ್ಯೈ ರೂಪಮ್ ।
ಪುನಾನಸ್ಸೋಮ ಧಾರಯೇತ್ಯುಭಯರೂಪಾ ಬೃಹತೀ ಭವತಿ ।
ಏಷಾ ಉಭಯಸಾಮನೀ ಉದ್ಯಯಾಮ ।
ತಸ್ಮಾದೇತಾಂ ಕುರ್ವನ್ತ್ಯೇವ ಬೃಹತ್ಸಾಮ್ನಃ ಕುರ್ವನ್ತಿ ರಥನ್ತರಸಾಮ್ನಃ ।
ತಾಸು ರೌರವಂ ಪ್ರಜ್ಞಾತಮಗ್ನಿಷ್ಟೋಮಸಾಮ ।
ಪ್ರಜ್ಞಾತಮಗ್ನಿಷ್ಟೋಮಸಾಮ ನೇದನ್ತರಯಾಮೇತಿ ।
ಅಥ ವಾಜಜಿದನ್ನಂ ವೈ ವಾಜೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ದೈರ್ಘಶ್ರವಸಮನ್ನಂ ವೈ ದೈರ್ಘಶ್ರವಸಮನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥಾರ್ಕಪುಷ್ಪಮನ್ನಂ ವಾ ಅರ್ಕೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ಸಮನ್ತಮ್ ।
ಸಮನ್ತೈನಂ ಶ್ರೀರಸದಿತಿ ।
ಅಥ ಯೌಧಾಜಯಂ ತ್ರಿಣಿಧನಂ ಸವನಾನಾಂ ಕ್ಳ್ಪ್ತ್ಯೈ ।
ಅಥೌಶನಮನ್ತ್ಯಂ ಸಾಮ ಅನ್ತ್ಯೇನ ಸಾಮ್ನಾನ್ತ್ಯಂ ಸ್ವರ್ಗಂ ಲೋಕಮಶ್ನವಾತಾ ಇತಿ ।
ಅಥ ರಥನ್ತರಮ್ ।
ಬ್ರಹ್ಮ ವೈ ರಥನ್ತರಮ್ ।
ಬ್ರಹ್ಮಸವ ಏಷಃ ।
ಬ್ರಹ್ಮಣಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ಅಥ ವಾಮದೇವ್ಯಂ ಶಿವಂ ಶಾನ್ತಂ ಸುಷ್ವಾಣಮನುವರ್ತಾತಾ ಇತಿ ।
ಅಥೋ ಪಶವೋ ವೈ ವಾಮದೇವ್ಯಂ ಪಶೂನಾಮೇವಾವರುದ್ಧ್ಯೈ ।
ಅಥ ನೌಧಸಂ ಪ್ರಜ್ಞಾತಂ ಬ್ರಹ್ಮಸಾಮ ।
ಪ್ರಜ್ಞಾತಂ ಬ್ರಹ್ಮಸಾಮ ನೇದನ್ತರಯಾಮೇತಿ ।
ಅಥ ಕಾಲೇಯಂ ಕಂ ಸುಷ್ವಾಣಾಯಾಸದಿತಿ ।
ಅಥೋ ಕಾಲಂ ಸುಷ್ವಾಣೋಽಶ್ನವಾತಾ ಇತ್ಯಥೋ ತಂ ಕಾಲಯಾತಂ ಯೋಽಸ್ಯ ಕಾಲ್ಯೋಽಸದಿತಿ ।
ಯಸ್ತೇ ಮದೋ ವರೇಣ್ಯ ಇತ್ಯಾರ್ಭವಸ್ಯ ಪವಮಾನಸ್ಯಾನ್ಧಸ್ವತೀರ್ಗಾಯತ್ರ್! ಯೋ ಭವನ್ತಿ ।
ಅನ್ನಂ ವಾ ಅನ್ಧಃ ।
ತದೇನಂ ತತ್ಸುಷ್ವಾಣಮೇವ ಪವಮಾನಮುಖೇಽನ್ನಾದ್ಯೇನ ಸಮರ್ಧಯನ್ತಿ ೧೯೪

ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥೋ ಸಂಹಿತಮ್ ।
ಬ್ರಹ್ಮ ವೈ ಸಂಹಿತಮ್ ।
ಬ್ರಹ್ಮಸವ ಏಷಃ ।
ಬ್ರಹ್ಮಣಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ಅಥ ವಾಜದಾವರ್ಯ್ಯಃ ।
ಅನ್ನಂ ವಾಜಃ ।
ಅನ್ನದಾವರ್ಯ್ಯ ಏತಾ ಅನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ವಾರವನ್ತೀಯಂ ವಾರಿತೈನಂ ಶ್ರೀರುಪತಿಷ್ಠಾತಾ ಇತಿ ।
ಅಥೋ ಪಶವೋ ವೈ ವಾರವನ್ತೀಯಮ್ ।
ಪಶೂನಾಮೇವಾವರುದ್ಧ್ಯೈ ।
ಅಥ ಸಭಮ್ ।
ಸಭಮವಿಭಂ ಸುಷ್ವಾಣಾಯಾಸದಿತಿ ।
ಅಥೋ ಸಭಂ ಸುಷ್ವಾಣೋಽಶ್ನವಾತಾ ಇತಿ ।
ಅಥ ಶ್ರುಧೀಯಂ ಕೀರ್ತಿಮತ್ಸಾಮ ।
ಪುಣ್ಯೈನಂ ಕೀರ್ತಿರುತ್ತಸ್ಥಿವಾಂಸಮನೂತ್ತಿಷ್ಠಾದಿತಿ ।
ಪುರೋಜಿತೀ ವೋ ಅನ್ಧಸ ಇತ್ಯನ್ಧಸ್ವತೀರನುಷ್ಟುಭೋ ಭವನ್ತಿ ।
ಅನ್ನಂ ವಾ ಅನ್ಧಃ ।
ತದೇನಂ ತತ್ಸುಷ್ವಾಣಮೇವಾನ್ನಾದ್ಯೇನ ಸಮರ್ಧಯನ್ತಿ ।
ತಾಸು ನಾನದಮ್ ।
ಷೋಡಶೀ ಹ್ಯತ್ರಾಪಿ ಕ್ರಿಯತೇ ।
ಅಥ ವಿಶೋವಿಶೀಯಂ ಕ್ಷತ್ರಸಾಮ ಕ್ಷತ್ರೇಣಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ಅಥೋ ಅಯಂ ಸುಷ್ವಾಣೋ ವಿಶಃ ।
ವಿಶೋ ರಾಜಾಸದಿತಿ ।
ಅಥ ಶ್ಯಾವಾಶ್ವಂ ಸ್ವರ್ಗ್ಯಂ ಸಾಮ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಅಥಾನ್ಧೀಗವಮನ್ನಂ ವಾ ಆನ್ಧೀಗವಮನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ಕಾವಂ ಕಂ ಸುಷ್ವಾಣಾಯಾಸದಿತಿ ।
ಅಥೋ ಕಾವಂ ಸುಷ್ವಾಣೋಽಶ್ನವಾತಾ ಇತಿ ।
ಅಥ ಯಜ್ಞಾಯಜ್ಞೀಯಂ ಪ್ರಜ್ಞಾತಮಗ್ನಿಷ್ಟೋಮಸಾಮ ।
ಪ್ರಜ್ಞಾತಮಗ್ನಿಷ್ಟೋಮಸಾಮ ನೇದನ್ತರಯಾಮೇತಿ ।
ಅಥೋ ಜ್ಯೈಷ್ಠ್ಯಮ್ ।
ಜ್ಯೈಷ್ಠ್ಯಂ ವೈ ಯಜ್ಞಾಯಜ್ಞೀಯಮ್ ।
ಜ್ಯೈಷ್ಠ್ಯ ಏವೈನಂ ತತ್ಪ್ರತಿಷ್ಠಾಪಯತಿ ।
ಅಥ ಸಾಕಮಶ್ವಂ ಸ್ವರ್ಗ್ಯಂ ಸಾಮ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಅಥ ಸೌಭರಂ ಬೃಹತಸ್ತೇಜಃ ।
ಸತೇಜಸ್ಕೇನ ನೋ ಬೃಹತಾ ಸ್ತುತಮಸದಿತಿ ।
ಅಥ ನಾರ್ಮೇಧಮತಿರಾತ್ರಸಾಮಾತಿರಾತ್ರಸಾಮ ನೇದನ್ತರಯಾಮೇತಿ ।
ಅಥೋ ಪಶವೋ ವೈ ನಾರ್ಮೇಧಂ ಪಶೂನಾಂ ಏವಾವರುದ್ಧ್ಯೈ ।
ಅಥ ಷೋಡಶೀ ಯಃ ಷೋಡಶಿನಿ ಕಾಮಸ್ಸ ಮ ಉಪಾಪ್ತೋಽಸದಿತಿ ।
ಅಥ ಬೃಹಚ್ಛಿಪಿವಿಷ್ಟವತೀಷು ಭವತಿ ।
ಮನೋ ವೈ ಬೃಹತ್ ।
ಮನಃ ಪ್ರಜಾಪತಿಃ ।
ಸಪ್ತದಶಮೇತತ್ಸ್ತೋತ್ರಾಣಾಂ ಭವತಿ ।
ಸಪ್ತದಶ ಏಷ ಸ್ತೋಮಃ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿ ಸ್ವರ್ಗೋ ಲೋಕಃ ।
ಶ್ರೀಸ್ತತ್ ।
ಏನಂ ತತ್ಪ್ರಜಾಪತಾವೇವ ಸ್ವರ್ಗೇ ಲೋಕೇ ಶ್ರಿಯಾಮನ್ತತಃ ಪ್ರತಿಷ್ಠಾಪಯನ್ತಿ ೧೯೫

ಅಥೈಷ ರಾಜಸೂಯಃ ।
ವರುಣೋ ವಾ ಅಕಾಮಯತ ಸರ್ವೇಷಾಂ ದೇವಾನಾಂ ರಾಜ್ಯಾಯ ಸೂಯೇಯೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸರ್ವೇಷಾಂ ದೇವಾನಾಂ ರಾಜ್ಯಾಯಾಸೂಯತ ।
ಸೂಯತೇ ಸ್ವಾನಾಂ ಶ್ರೇಷ್ಠತಾಯೈ ಯ ಏವಂ ವೇದ ।
ತಸ್ಯ ಚತುಸ್ತ್ರಿಂಶಾಃ ಪವಮಾನಾ ಭವನ್ತಿ ।
ಸ್ವರಾಡ್ವೈ ದೇವಲೋಕಃ ।
ಸ್ವಾರಾಜ್ಯಮು ಚತುಸ್ತ್ರಿಂಶೀ ।
ತದೇನಂ ತತ್ಸುಷ್ವಾಣಮೇವ ಪವಮಾನಮುಖೇ ಸ್ವಾರಾಜ್ಯೇನ ಲೋಕೇನ ಸಮರ್ಧಯನ್ತಿ ।
ಅನುಷ್ಟುಪ್ಪ್ರತಿಪದ್ಭವತಿ ।
ವಾಗ್ವಾ ಅನುಷ್ಟುಪ್ ।
ಕ್ಷತ್ರಮು ವೈ ವಾಕ್ ।
ಕ್ಷತ್ರೇಣಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ಅಥೈತಾಃ ಪಞ್ಚ ಸಂಭಾರ್ಯಾ ನಾನಾದೇವತ್ಯಾ ಭವನ್ತಿ ।
ಪಞ್ಚಾನಾಂ ಹ ವೈ ಪುರುಷಾಣಾಂ ರಾಜ್ಯಾಯಾಭಿಷಿಚ್ಯಮಾನೋಽಭಿಷಿಚ್ಯತೇ ರಾಜ್ಞೇ ರಾಜನ್ಯಾಯ ಸೂತಾಯ ಗ್ರಾಮಣ್ಯೇ ಶೂದ್ರಾ ಯ ದಾಸಾಯ ।
ಉದತಸ್ತ್ರಿವೃತಂ ಸ್ತೋಮಂ ಹರನ್ತ್ಯುದಾಗ್ನೇಯೀಂ ಸಂಭಾರ್ಯಾಭ್ಯಃ ।
ತಸ್ಮಾದ್ಬ್ರಾಹ್ಮಣ್ಯೋ ರಾಜನ್ಯಸ್ಯಾಜ್ಯೇಯೋಽಮಾರ್ಯೋಽದಣ್ಡ್ಯೋಽಘಾತ್ಯಃ ।
ಯದತ್ರ ತ್ರಿವೃತಂ ಸ್ತೋಮಂ ಕುರ್ಯುರಾಗ್ನೇಯೀಂ ಸಂಭಾರ್ಯಾಸ್ವಬ್ರಹ್ಮಜ್ಯ ಏವ ರಾಜನ್ಯೋ ಬ್ರಾಹ್ಮಣಾಞ್ಜಿನೀಯಾದಭ್ರೂಣಾಹತ್ಯೈ ಮಾರಯಾತ್ ೧೯೬

ತದಾಹುರ್ನೈತದ್ರಾ ಜನ್ಯೋ ವೇದಯೇತ ।
ಯಥಾ ವೈ ಶ್ರೇಷ್ಠೀ ಕಾಮಯತೇ ತಥಾ ಕರೋತಿ ।
ಯಸ್ಸ ಬ್ರೂಯಾತ್ತ್ರಿವೃತಮೇವ ಸ್ತೋಮಂ ಕುರುತಾಗ್ನೇಯೀಂ ಸಂಭಾರ್ಯಾಸ್ವಿತ್ಯಬ್ರಹ್ಮಜ್ಯ ಏವ ರಾಜನ್ಯೋ ಬ್ರಾಹ್ಮಣಾಞ್ಜಿನೀಯಾದಭ್ರೂಣಾಹತ್ಯೈ ಮಾರಯಾತ್ ।
ತದು ವಾ ಆಹುರ್ಯ ಏವೈತದ್ರಾ ಜನ್ಯೋ ವೇದಯೇತ ತಮೇವಾಬ್ರಹ್ಮಜ್ಯೋ ಜಿನೀಯಾತ್ ।
ತಮಭ್ರೂಣಹತ್ಯೈ ಮಾರಯಾದಿತಿ ।
ತದಾಹುರ್ಯನ್ತಿ ವಾ ಏತೇ ಪ್ರಾಣೇಭ್ಯೋ ಯೇ ತ್ರಿವೃತ ಸ್ತೋಮಾದ್ಯನ್ತೀತಿ ।
ತ್ರಿವೃತಾಗ್ನಿಷ್ಟೋಮೇನ ಪುರಸ್ತಾದ್ಯಜೇತ ।
ಪ್ರಾಣೋ ವೈ ತ್ರಿವೃತಃ ।
ತೇನೈವ ಪ್ರಾಣೇಭ್ಯೋ ನ ಯನ್ತಿ ।
ಬ್ರಹ್ಮ ಪುರಸ್ತಾದು ಕ್ಷತ್ರಂ ಸೂಯತೇ ।
ಅಥೋ ಆಹುರಪಿಚಿತಿರಿತಿ ಯಜ್ಞಕ್ರತುಃ ।
ತೇನೈವ ಯಜೇತೇತಿ ।
ತಸ್ಯ ಯದ್ದ್ವೇ ತ್ರಿವೃತೀ ಸ್ತೋತ್ರೇ ಭವತಸ್ತೇನೈವ ಪ್ರಾಣೇಭ್ಯೋ ನ ಯನ್ತಿ ।
ಅಪಚಿತಿಮು ಸುಷ್ವಾಣೋಽಶ್ನುತೇ ।
ತದು ವಾ ಆಹುರ್ಯದೇವೈಷಾ ವಾಯವ್ಯಾ ಪ್ರತಿಪದ್ಭವತಿ ಪ್ರಾಣೋ ವೈ ವಾಯುಃ ಪ್ರಾಣೈರೇವ ತತ್ಸಮೃಧ್ಯನ್ತೇ ।
ವಾಯೋ ಶುಕ್ರೋ ಅಯಾಮಿ ತ ಇತಿ ಶುಕ್ರವತೀ ಭವತಿ ।
ಜ್ಯೋತಿರಿವ ಹ ವಾ ಏಷೋಽನ್ಯೇಷು ಮನುಷ್ಯೇಷ್ವತಿಭಾತಿ ಯಸ್ಸೂಯತೇಽಯಂ ಸುಷ್ವಾಣೋ ಜ್ಯೋತಿರಿವಾಸದಿತಿ ।
ಮಧ್ವೋ ಅಗ್ರಂ ದಿವಿಷ್ಟಿಷ್ವಿತಿ ತದೇತನ್ಮಧವ್ಯಮೇವಾಗ್ರ್ಯಂ ಕುರ್ವನ್ತಿ ।
ಆ ಯಾಹಿ ಸೋಮಪೀತಯ ಇತಿ ಸೌಮೀ ।
ತೇನ ಪಾವಮಾನೀ ಕ್ರಿಯತೇ ।
ಸ್ಪಾರ್ಹೋ ದೇವ ನಿಯುತ್ವತೇತಿ ।
ಕ್ಷತ್ರಂ ವೈ ಸ್ಪಾರ್ಹಃ ।
ವಿಶೋ ನಿಯುತ್ವತೀಃ ।
ಕ್ಷತ್ರಾಯೈವ ತದ್ವಿಶಮನುವರ್ತ್ಮಾನಂ ಕುರ್ವನ್ತಿ ।
ತಸ್ಮಾತ್ಕ್ಷತ್ರಸ್ಯ ವಿಡನುವರ್ತ್ಮಾ ೧೯೭

ಅಥೈತೇ ಸರಸ್ವತಶ್ಚ ಸರಸ್ವತ್ಯಾಶ್ಚ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯತ್ಸರಸ್ವಾಂಶ್ಚ ಸರಸ್ವತೀ ಚ ।
ದೈವ್ಯೇನ ಮಿಥುನೇನ ಪ್ರಜಾಯಾ ಇತಿ ।
ತದಾಹುಃ ಪುಂಸಃ ಪೂರ್ವಾ ಕಾರ್ಯಾ ಸ್ತ್ರಿಯಾ ಉತ್ತರಾ ।
ತಥಾ ಸುಷ್ವಾಣಸ್ಯಾನಪಗಲ್ಭ್ಯೋ ರಾಜಪುತ್ರ ಆಜಾಯತ ಇತಿ ।
ತದು ವಾ ಆಹುರ್ವಾಯುರ್ವೈ ರೇತೋಧಾಃ ।
ಪ್ರಜನನಂ ಸರಸ್ವತೀ ।
ತೌ ಸರಸ್ವನ್ತಂ ಮಿಥುನಾತ್ಪ್ರಜನಯತಃ ।
ಅಥೋ ವಾಶಿತಾ ವೈ ಪೂರ್ವಾ ಧಾವತ್ಯನ್ವಮೃಷಭಃ ಸರಸ್ವತ್ಯಾ ಏವ ಪೂರ್ವಾ ಕಾರ್ಯೇತಿ ।
ಏತದು ಹೈತತ್ಸರಸ್ವತಸ್ತ್ವೇವ ಪೂರ್ವಾ ಕಾರ್ಯಾ ।
ಅಥ ಬ್ರಾಹ್ಮಣಸ್ಪತ್ಯಾ ಬ್ರಹ್ಮಣ್ಯ ಕ್ಷತ್ರಂ ಸೂಯಾತಾ ಇತಿ ।
ಅಥ ಸಾವಿತ್ರೀ ಸವಿತೃಪ್ರಸೂತಸ್ಸೂಯಾತಾ ಇತಿ ।
ಅಥೈತೇ ಉಭೇ ಪ್ರತಿಪದೌ ಭವತಃ ।
ಉಭೇ ಹ್ಯತ್ರ ಸಾಮನೀ ಕ್ರಿಯೇತೇ ।
ಅಭಿವನ್ನವರ್ಚಂ ಭವತ್ಯಭಿಷಿಕ್ತ್ಯೈ ರೂಪಮ್ ।
ಅಥೋ ತೇನೈವ ತ್ರಿವೃತ ಸ್ತೋಮಾನ್ನ ಯನ್ತಿ ।
ಸವತ್ಷಡೃಚಂ ಭವತಿ ।
ಸಾಮಾನಂ ವದನ್ತೀಭಿಸ್ಸೂಯಾತಾ ಇತಿ ।
ವೃಷಣ್ವದ್ಭವತಿ ।
ಅಯಂ ವೃಷಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ।
ಚತುರೃಚಂ ಭವತಿ ಚತುಷ್ಪದಾಂ ಪಶೂನಾಮವರುದ್ಧ್ಯೈ ।
ಪರೋಕ್ಷಂ ದ್ವಿಪದಾ ಭವನ್ತಿ ದ್ವಿಪದಾಂ ಪಶೂನಾಮವರುದ್ಧ್ಯೈ ।
ಪರ್ಯಾಸೋ ಭವತಿ ಯಃ ಪರ್ಯಾಸೇ ಕಾಮಸ್ಸ ಮ ಉಪಾಪ್ತೋಽಸದಿತಿ ೧೯೮

ಅಧ ಕ್ಷಪಾ ಪರಿಷ್ಕೃತ ಇತ್ಯನುಷ್ಟುಬನ್ತ್ಯಾ ಭವತಿ ।
ಸ ಹ ವಾ ಉದ್ಗಾತಾ ರಾಜಾನಂ ರಾಜಸೂಯೇನ ಯಾಜಯೇದ್ಯ ಏನಂ ಬಹಿಷ್ಪವಮಾನ ಏವ ದೇವಾನಾಂ ದೇವಾಸನ್ದೀಮಾರೋಹಯೇತ್ ।
ಅನುಷ್ಟುಪ್ಪ್ರತಿಪದ್ಭವತಿ ಅನುಷ್ಟುಬನ್ತ್ಯಾ ।
ತಯೋಶ್ಚತುಷ್ಷಷ್ಟಿರಕ್ಷರಾಣಿ ।
ತತೋ ಯಾನಿ ಷಷ್ಟಿರಾಸನ್ದೀ ಸಾ ।
ಅಥ ಯಾನಿ ಚತ್ವಾರ್ಯಾಸನ್ದೀಪಾದಾಸ್ತೇ ।
ಏತದ್ವೈ ರಾಜಾನಮುದ್ಗಾತಾ ಬಹಿಷ್ಪವಮಾನ ಏವ ದೇವಾನಾಂ ದೇವಾಸನ್ದೀಮಾರೋಹಯತಿ ।
ಉಭಯಾನ್ಯಾಜ್ಯಾನಿ ಭವನ್ತಿ ।
ಉಭೇ ಹ್ಯತ್ರ ಸಾಮನೀ ಕ್ರಿಯೇತೇ ।
ತದಾಹುರನ್ಯತರಾಣ್ಯೇವ ಕಾರ್ಯಾಣಿ ಯಾನ್ಯೇವ ಬಾರ್ಹತಾನಿ ।
ವಿಡ್ಭಾಜನಾನಿ ವಾ ಆಜ್ಯಾನ್ಯಪಿ ವಾಜಿನ್ಯಾ ವಿಶಃ ಕ್ಷತ್ರಂ ಸೂಯಾತಾ ಇತಿ ।
ತದು ವಾ ಆಹುರುಭಯಾನ್ಯೇವ ಕಾರ್ಯಾಣಿ ।
ಸರ್ವೇಷಾಂ ವೈ ರಾಜ್ಯಾಯಾಭಿಷಿಚ್ಯಮಾನೋಽಭಿಷಿಚ್ಯತೇ ।
ತಸ್ಮಾದುಭಯಾನ್ಯೇವ ಕಾರ್ಯಾಣೀತಿ ।
ತಾನಿ ಪಞ್ಚದಶಾನಿ ಭವನ್ತಿ ।
ಕ್ಷತ್ರಂ ವೈ ಪಞ್ಚದಶಃ ।
ಕ್ಷತ್ರೇಣಾಭಿಷಿಚ್ಯಮಾನೋಽಭಿಷಿಚ್ಯಾತಾ ಇತಿ ೧೯೯

ಅವಭೃತಾದುದೇಯುಷೇ ದ್ವಾದಶಪುಷ್ಕರಾಂ ಸ್ರಜಂ ಪ್ರತಿಮುಞ್ಚತಿ ।
ಆಪೋ ವೈ ದೇವಾನಾಂ ಪತ್ನಯ ಆಸನ್ ।
ತಾ ಮಿಥುನಮೈಚ್ಛನ್ತ ।
ತಾ ದೇವಾ ಉಪಾಯನ್ ।
ತಾ ಗರ್ಭಮದಧತ ।
ತತಃ ಪುಷ್ಕರಾಣ್ಯಜಾಯನ್ತ ।
ಸತ್ಯಂ ವಾ ಆಪಃ ।
ಸತ್ಯಂ ದೀಕ್ಷಾ ।
ಸತ್ಯಸ್ಯೈವ ತತ್ಸತ್ಯಂ ಯತ್ಪುಷ್ಕರಾಣಿ ।
ಸತ್ಯಸ್ಯೈವಾಸ್ಮೈ ತತ್ಸತ್ಯೇನ ತಪೋ ದೀಕ್ಷಾಂ ಪ್ರತಿಮುಞ್ಚತಿ ।
ಸಾ ದ್ವಾದಶಪುಷ್ಕರಾ ಭವತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರೋ ಯಜ್ಞಃ ।
ಯಜ್ಞಮೇವಾಸ್ಮಿಂಸ್ತತ್ಪ್ರತಿಮುಣ್ಚತಿ ।
ಅಥೋ ಆಹುಸ್ಸಪ್ತಪುಷ್ಕರೈವ ಸ್ಯಾದಿತಿ ।
ಸಪ್ತ ವೈ ಛನ್ದಾಂಸಿ ।
ಛನ್ದೋಭಿರ್ಯಜ್ಞಸ್ತಾಯತೇ ।
ಯಜ್ಞಮೇವಾಸ್ಮಿಂಸ್ತತ್ಪ್ರತಿಮುಞ್ಚತಿ ।
ಅಥೋ ಆಹುಷ್ಷಟ್ಪುಷ್ಕರೈವ ಸ್ಯಾದಿತಿ ।
ಷಡ್ವಾ ಋತವಸ್ಸಂವತ್ಸರಃ ।
ಸಂವತ್ಸರೋ ಯಜ್ಞಃ ।
ಯಜ್ಞಮೇವಾಸ್ಮಿಂಸ್ತತ್ಪ್ರತಿಮುಞ್ಚತಿ ।
ಅಥೋ ಆಹುಃ ಪಞ್ಚಪುಷ್ಕರೈವ ಸ್ಯಾದಿತಿ ।
ಪಾಙ್ಕ್ತೋ ಯಜ್ಞಃ ।
ಪಾಙ್ಕ್ತಾಃ ಪಶವಃ ।
ಪಶವೋ ಯಜ್ಞಃ ।
ಯಜ್ಞಮೇವಾಸ್ಮಿಂಸ್ತತ್ಪ್ರತಿಮುಞ್ಚತಿ ।
ಅಥೋ ಆಹುಶ್ಚತುಷ್ಪುಷ್ಕರೈವ ಸ್ಯಾದಿತಿ ।
ಚತಸ್ರೋ ದಿಶಃ ।
ಚತುಷ್ಪದಾ ಪಶವಃ ।
ಪಶವೋ ಯಜ್ಞಃ ।
ಯಜ್ಞಮೇವಾಸ್ಮಿಂಸ್ತತ್ಪ್ರತಿಮುಞ್ಚತಿ ।
ಅಥೋ ಆಹುಸ್ತ್ರಿಪುಷ್ಕರೈವ ಸ್ಯಾದಿತಿ ।
ತ್ರಿಷವಣೋ ಯಜ್ಞಃ ।
ಯಜ್ಞಮೇವಾಸ್ಮಿಂಸ್ತತ್ಪ್ರತಿಮುಞ್ಚತಿ ।
ತದು ವಾ ಆಹುರ್ದ್ವಾದಶಪುಷ್ಕರೈವ ಸ್ಯಾದಿತಿ ।
ದ್ವಾದಶಸು ವಾವೈತಾನಿ ಸರ್ವಾಣಿ ।
ತಸ್ಮಾದ್ದ್ವಾದಶಪುಷ್ಕರೈವ ಸ್ಯಾದಿತಿ ೨೦೦

ಅಥೈತಾಸ್ಸಂಸೃಪ ಇಷ್ಟಯೋ ಭವನ್ತಿ ।
ವರುಣಸ್ಯ ಹ ವೈ ಸುಷ್ವಾಣಸ್ಯ ಷೋಡಶತಯೈರಾಪೋ ಭರ್ಗಂ ನಿರಘ್ನನ್ ।
ತದಿಮಾಂ ದಿಶಮಪತತ್ ।
ತಚ್ಚತುರ್ಧಾಭವದ್ಭೃಗುಸ್ತುರೀಯಂ ಸರಸ್ವತೀ ತುರೀಯಂ ದಶಪೇಯಸ್ತುರೀಯಂ ಶ್ರಾಯನ್ತೀಯಂ ತುರೀಯಮ್ ।
ತಸ್ಮಾದೇತಸ್ಯ ಯಜ್ಞಸ್ಯ ಭಾರ್ಗವೋ ಹೋತಾ ಭವತಿ ಸರಸ್ವತೀರಾಪೋಽಭಿಷೇಚನೀಯಾ ದಶಪೇಯೋ ಯಜ್ಞ ಶ್ರಾಯನ್ತೀಯಂ ಬ್ರಹ್ಮಸಾಮ ।
ತೇ ದೇವಾ ಅಬ್ರುವನ್ನೇತೇದಂ ಭರ್ಗಮನುವಿನ್ದಾಮೇತಿ ।
ತ ಏತಾಸ್ಸಂಸೃಪ ಇಷ್ಟೀರಪಶ್ಯನ್ ।
ತಾಭಿರೇನದನು ಸಮಸರ್ಪನ್ ।
ಯದನು ಸಮಸರ್ಪಂಸ್ತತ್ಸಂಸೃಪಾಂ ಸಂಸೃಪ್ತ್ವಮ್ ।
ತದ್ವಿಷ್ಣುನೈವ ದೇವತಯಾ ದಶಭ್ಯಾಮನ್ವವಿನ್ದನ್ ।
ತಸ್ಮಾದೇತಸ್ಯ ಯಜ್ಞಸ್ಯ ವೈಷ್ಣವಂ ದಶಮಂ ಹವಿರ್ನಿರುಪ್ಯತೇ ।
ದಶಮ್ಯಾಂ ಹ್ಯನ್ವವಿನ್ದನ್ ।
ದಶಮೀಂ ಪ್ರಸೃಪ್ತೋ ಭವತಿ ।
ದಶಮ್ಯಾಂ ಹ್ಯನ್ವವಿನ್ದನ್ ।
ದಶ ಚಮಸಾ ಭವನ್ತಿ ।
ದಶಮ್ಯಾಂ ಹ್ಯನ್ವವಿನ್ದನ್ ।
ದಶ ದಶ ಚಮಸಮನು ಪ್ರಸೃಪ್ತಾ ಭವನ್ತಿ ।
ದಶಮ್ಯಾಂ ಹ್ಯನ್ವವಿನ್ದನ್ ।
ಯೋ ದಶಪುರುಷಂ ಸೋಮಪೀಥಾದವ್ಯವಚ್ಛಿನ್ನಸ್ಸ ಭಕ್ಷಸ್ಯ ಕರ್ತಾ ।
ದಶಮ್ಯಾಂ ಹ್ಯನ್ವವಿನ್ದನ್ ।
ತದನುವಿದ್ಯಾಗ್ನಿನಾ ಪರ್ಯೈನ್ಧತ ।
ಮರುತೋಽಧಮನ್ ।
ಶ್ರಾಯನ್ತೀಯೇನೈನದಶ್ರೀಣನ್ ।
ತಚ್ಛ್ರಾಯನ್ತೀಯಸ್ಯ ಶ್ರಾಯನ್ತೀಯತ್ವಮ್ ।
ತಸ್ಯ ಯಜ್ಞಾಯಜ್ಞೀಯಸ್ಯರ್ಕ್ಷು ಬಹಿಷ್ಪವಮಾನಂ ಭವತಿ ।
ಅಗ್ನಿರ್ವೈ ಯಜ್ಞಾಯಜ್ಞೀಯಸ್ಯರ್ಚಃ ।
ಅಗ್ನಿನೈವೈನತ್ತತ್ಪರೀನ್ಧತೇ ೨೦೧

ಶ್ರಾಯನ್ತೀಯಂ ಬ್ರಹ್ಮಸಾಮ ।
ಸಮೇವೈನತ್ತಚ್ಛ್ರೀಣನ್ತಿ ।
ಯಜ್ಞಾಯಜ್ಞೀಯಮನುಷ್ಟುಪ್ಸು ಪ್ರೋಹನ್ತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ವಾಗನುಷ್ಟುಪ್ ।
ವಾಚೈವೈನತ್ತತ್ಸಮರ್ಧಯನ್ತಿ ।
ವಾರವನ್ತೀಯಮಗ್ನಿಷ್ಟೋಮಸಾಮ ।
ಇನ್ದ್ರಿ ಯಂ ವೈ ವೀರ್ಯಂ ವಾರವನ್ತೀಯಮ್ ।
ಇನ್ದ್ರಿ ಯೇಣೈವೈನತ್ತದ್ವೀರ್ಯೇಣ ಸಮರ್ಧಯನ್ತಿ ।
ಸಪ್ತದಶಸ್ತೋಮೋ ಭವತಿ ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿರ್ನಷ್ಟಸ್ಯಾನುವೇತ್ತಾ ಸ ಯೋ ನಷ್ಟಸ್ಯಾನುವೇತ್ತಾ ತೇನೇದಂ ಭರ್ಗಮನುವಿನ್ದಾಮೇತಿ ।
ಅಗ್ನಿಷ್ಟೋಮೋ ಯಜ್ಞಸ್ಸಂವತ್ಸರೋ ವಾ ಏಷ ಯದಗ್ನಿಷ್ಟೋಮಸ್ಸಂವತ್ಸರೇಣೈವೈನಾಂಸ್ತತ್ಪರಿಗೃಹ್ಯಾತ್ಮಸ್ವದಧತ ।
ತಸ್ಮಿನ್ನೇತಾ ಯಥಾರೂಪಂ ದಕ್ಷಿಣಾ ನೀಯನ್ತೇ ಸ್ರಗುದ್ಗಾತೂ ರುಕ್ಮೋ ಹೋತುಃ ಪ್ರಾಕಾಶಾವಧ್ವರ್ಯೋರ್ದ್ವಾದಶ ಪಷ್ಠೌಹೀರ್ಬ್ರಹ್ಮಣೇ ಧೇನುರ್ಮೈತ್ರಾವರುಣಾಯರ್ಷಭೋ ಬ್ರಾಃಮಣಾಚ್ಛಂಸಿನೇ ವಾಸಸೀ ನೇಷ್ಟಾಪೋತ್ರೋ ಸ್ಥೂರಿ ಯವಾಚಿತಮಚ್ಛಾವಾಕಾಯಾನಡ್ವಾನಗ್ನೀಧಃ ।
ತದ್ಯತ್ಸ್ರಗುದ್ಗಾತುರ್ಭವತಿ ಸೌರ್ಯೋ ವೈ ಸ್ರಕ್ಸೌರ್ಯ ಉದ್ಗಾತಾ ತತ್ತತ್ಸಲಕ್ಷ್ಮ ಕ್ರಿಯತೇ ೨೦೨

ಸಾ ಪಟರಿಣೀ ಭವತಿ ।
ಪಟರೀವ ಹ್ಯಸಾವಾದಿತ್ಯಃ ।
ಅಥ ಯದ್ರುಕ್ಮೋ ಹೋತುರ್ಭವತಿ ತ್ರೀಣಿ ವಾ ಏತಾನಿ ಸಮ್ಯಞ್ಚಿ ಸಂಧೀಯನ್ತೇ ।
ರುಕ್ಮ ಆಹವನೀಯೋಽಸಾವಾದಿತ್ಯಃ ।
ತದ್ಯದೇತಾನಿ ಸಮ್ಯಞ್ಚಿ ಸಂಧೀಯನ್ತೇ ಸಮೃದ್ಧ್ಯಾ ಏವ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಅಥ ಯತ್ಪ್ರಾಕಾಶಾವಧ್ವರ್ಯೋರ್ಭವತೋ ರೂಪೇಣೇನ್ತತಾಂ ಆಹ್ವಯನ್ತೀತಿ ವಾ ಆಹುಃ ।
ಅಥೋ ಯದೇವ ತೌ ಪ್ರಕಾಶೇನೈವ ಸೋ ಸ್ತತ್ತ್ಪ್ರಕಾಶೈವ ಚರತಸ್ತತ್ತತ್ಸಲಕ್ಷಮ ಕ್ರಿಯತೇ ।
ಅಥ ಯದ್ದ್ವಾದಶ ಪಷ್ಠೌಹೀರ್ಬ್ರಹ್ಮಣೇ ಭವನ್ತಿ ಪ್ರಜನನಂ ವೈ ಪಷ್ಠೌಹೀಃ ಪ್ರಜನನಂ ಬ್ರಹ್ಮಾ ತತ್ತತ್ಸಲಕ್ಷ್ಮ ಕ್ರಿಯತೇ ।
ಅಥ ಯದ್ಧೇನುರ್ಮೈತ್ರಾವರುಣಾಯ ಭವತಿ ಪಯಸ್ಯಾ ವೈ ಧೇನುಃ ಪಯಸ್ಯಾಭಾಜಸೌ ಮಿತ್ರಾವರುಣೌ ತತ್ತತ್ಸಲಕ್ಷ್ಮ ಕ್ರಿಯತೇ ।
ಅಥ ಯದೃಷಭೋ ಬ್ರಾಹ್ಮಣಾಚ್ಛಂಸಿನೇ ಭವತ್ಯೈನ್ದ್ರೋ ವೈ ಬ್ರಾಹ್ಮಣಾಚ್ಛಂಸ್ಯೈನ್ದ್ರ ಋಷಭಸ್ತತ್ತತ್ಸಲಕ್ಷ್ಮ ಕ್ರಿಯತೇ ।
ಅಥ ಯದ್ವಾಸಸೀ ನೇಷ್ಟಾಪೋತ್ರೋರ್ಭವತೋ ಮಾರುತೇ ವೈ ವಾಸಸೀ ಮಾರುತೌ ನೇಷ್ಟಾಪೋತಾರೌ ತತ್ತತ್ಸಲಕ್ಷ್ಮ ಕ್ರಿಯತೇ ।
ಅಥೋ ಭೂಮಾ ವೈ ಮರುತೋ ಭೂಮಾ ತನ್ತುಭಿರ್ವಾಸಃ ।
ಅಥ ಯತ್ಸ್ಥೂರಿ ಯವಾಚಿತಮಚ್ಛಾವಾಕಾಯ ಭವತಿ ಧೀತೇವ ಹ ವಾ ಏಷಾ ಹೋತ್ರಾ ಯಾತಯಾಮ್ನೀ ಯದಚ್ಛಾವಾಕೀಯಾ ।
ತಾಮೇತೈರೇವ ಯವೈರಾಪ್ಯಾಯಯನ್ತಿ ।
ತತ್ಸ್ಥೂರಿ ಭವತಿ ಕ್ಷೇಮಸ್ಯ ರೂಪಮ್ ।
ಹೋತ್ರಾ ಅನುವಿಮುಚ್ಯಾನ್ತಾ ಇತಿ ।
ಅಥ ಯದನಡ್ವಾನಗ್ನೀಧೇ ಭವತಿ ವಹತಿ ವಾ ಅನಡ್ವಾನ್ವಹತ್ಯಗ್ನಿರ್ದೇವೇಭ್ಯೋ ಹವಿಸ್ತತ್ತತ್ಸಲಕ್ಷ್ಮ ಕ್ರಿಯತೇ ।
ತದ್ಯದೇತಾ ಯಥಾರೂಪಂ ದಕ್ಷಿಣಾ ನೀಯನ್ತೇ ಸಮೃದ್ಧ್ಯಾ ಏವ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ೨೦೩

ಅವಭೃತಾದುದೇತ್ಯ ಶ್ಮಶ್ರೂಣ್ಯೇವ ವಪತೇ ನ ಕೇಶಾನ್ ।
ಶ್ರೀರ್ವೈ ಶಿರಃ ।
ಶಿರ ಉ ಹ ವೈ ಸುಷ್ವಾಣಸ್ಯ ಶ್ರೀರ್ಗಚ್ಛತಿ ।
ಸ ಯತ್ಪುರಾ ಸಂವತ್ಸರಾತ್ಕೇಶಾನ್ವಪೇತ ಶ್ರಿಯಮೇವ ವಪೇತ ನ ಕೇಶಾನ್ ।
ಅಥ ಯದುಪರಿಷ್ಟಾತ್ಸಂವತ್ಸರಸ್ಯ ಕೇಶಾನ್ವಪತೇ ಸಂವತ್ಸರೇಣೈವ ತದಾತ್ಮಞ್ಶ್ರಿಯಂ ಪರಿಗೃಹ್ಯ ಕೇಶಾನೇವ ವಪತೇ ನ ಶ್ರಿಯಮ್ ।
ತಸ್ಮಾದುಪರಿಷ್ಟಾದೇವ ವಪೇತ ।
ಸೋಽತಿರಾತ್ರೋ ಭವತಿ ।
ಏತದ್ವೈ ಕೇಶಾನಾಂ ರೂಪಂ ಯದತಿರಾತ್ರಃ ।
ಯೇ ಶುಕ್ಲಾ ಅಹ್ನಸ್ತೇ ರೂಪಂ ಯೇ ಕೃಷ್ಣಾ ರಾತ್ರ್! ಯೈ ತೇ ।
ತಸ್ಮಾದತಿರಾತ್ರೋ ಭವತಿ ।
ತಸ್ಯೈತೇ ಪ್ರತಿಲೋಮಾ ಭವನ್ತಿ ।
ತದಾ ಶ್ರೇಯಾಂಸಂ ವಾ ಏಷೋಽಭ್ಯಾರೋಹತಿ ಯಸ್ಸೂಯತ ಇತಿ ।
ತಸ್ಯೈಕವಿಂಶಂ ಪ್ರಾತಸ್ಸವನಂ ಭವತಿ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏಷ ವೈ ವರುಣಃ ।
ವರುಣಸವ ಏಷ ಏತರ್ಹ್ಯಭ್ಯಾರೋಹತಿ ಯೋ ವೈ ಶ್ರೇಯಾಂಸಮಭ್ಯಾರುಹ್ಯಾಥಾಸ್ಮೈ ನ ನಿಹ್ನುತೇ ಯಯಾ ವೈ ಸ ತಮಾರ್ತ್ಯಾ ಕಾಮಯತೇ ತಯೈನಂ ನಿನಯತಿ ।
ತದ್ಯದೇತೇ ಪ್ರತಿಲೋಮಾ ಸ್ತೋಮಾ ಭವನ್ತಿ ನಿಹ್ನವಾನಾ ಏವೈತದಪವಿಜಾನಾನಾಃ ಪುನರರ್ವಾಞ್ಚಿ ಸ್ತೋಮಾ ಆಯನ್ತಿ ।
ಯೋ ವೈ ಶ್ರೇಯಾಂಸಮಭ್ಯಾರುಹ್ಯಾಥಾಸ್ಮೈ ನಿಹ್ನುತೇ ವ್ಯೇಹಿ ಮಾಪಕ್ರಮೀರಿತಿ ವೈ ಸ ತಮಾಹ ತದ್ಯದಾಶ್ವಿನಾಃ ಕ್ರತವಃ ಪುನರೂರ್ಧ್ವಾ ಉದ್ಯನ್ತಿ ಯಥಾ ನಿಹ್ನವಾನಂ ಬ್ರೂಯಾದ್ವ್ಯೇಹಿ ಮಾಪಕ್ರಮೀರಿತಿ ತಾದೃಕ್ತತ್ ।
ತಸ್ಯ ರಥನ್ತರಂ ಮಾಧ್ಯನ್ದಿನೇ ಭವತಿ ।
ಇಯಂ ವೈ ರಥನ್ತರಮ್ ।
ಅಸ್ಯಾಮೇವೈತತ್ಪ್ರತಿತಿಷ್ಠತಿ ೨೦೪

ಅಥೈಷ ದ್ವಿರಾತ್ರಃ ।
ಪ್ರಜಾಕಾಮೋ ಹೈತೇನ ಯಜೇತ ।
ತಸ್ಯೋಭಯೇ ಸ್ತೋಮಾ ಭವನ್ತ್ಯಯುಜಶ್ಚ ಯುಗ್ಮನ್ತಶ್ಚ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭಯೇ ಸ್ತೋಮಾಃ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭೇ ಬೃಹದ್ರ ಥನ್ತರೇ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ಪಞ್ಚವಿಂಶಂ ಬ್ರಹ್ಮಸಾಮ ಭವತಿ ।
ಪುರುಷೋ ವೈ ಪಞ್ಚವಿಂಶಃ ।
ಯಜಮಾನಕಾಮೋ ವಾ ಏಷ ಯದ್ಬ್ರಹ್ಮಸಾಮ ।
ಪ್ರಜಾಮೇವ ತತ್ಪುರುಷತಾಂ ಗಮಯತಿ ।
ತಸ್ಯ ಸಪ್ತ ಚ ಶತಾನಿ ವಿಂಶತಿಶ್ಚ ಸ್ತೋತ್ರ್! ಯಾ ಭವನ್ತಿ ।
ತಾವನ್ತಸ್ಸಂವತ್ಸರಸ್ಯಾಹೋರಾತ್ರಾಃ ।
ಅಹೋರಾತ್ರಾ ವಾ ಇದಂ ಸರ್ವಂ ಪ್ರಜನಯನ್ತಿ ।
ತೇ ಯ ಇದಂ ಸರ್ವಂ ಪ್ರಜನಯನ್ತಿ ತೇ ಮಾ ಪ್ರಜನಯಾನಿತಿ ೨೦೫

ಅಥೈಷ ತ್ರಿಷ್ಟೋಮೋಽಗ್ನಿಷ್ಟೋಮಃ ।
ಪ್ರತಿಷ್ಠಾಕಾಮೋ ಹೈತಮಾಹರೇತ ।
ತದಾಹುಃ ಪ್ರೇವ ವಾ ಏಷೋಽಸ್ಮಾಲ್ಲೋಕಾಚ್ಚ್ಯವತೇ ಯಸ್ಸೂಯತ ಇತಿ ।
ತದ್ಯತ್ತ್ರಿಷ್ಟೋಮೋ ಭವತಿ ತ್ರಯೋ ವಾ ಇಮೇ ಲೋಕಾ ಏಷ್ವೇವ ತಲ್ಲೋಕೇಷು ಪ್ರತಿತಿಷ್ಠತಿ ।
ಅಥೋ ಹೈಷ ಧೃತಿರೇವ ನಾಮ ಯಜ್ಞಕ್ರತುಃ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ತೇನ ಹೈತೇನಾಭಿಪ್ರತಾರಣೋ ರಾಜಾ ನೇಜೇ ।
ದ್ವಿರಾತ್ರಾನ್ತಂ ಹೈವ ಚಕ್ರೇ ।
ತಮು ಹ ಬ್ರಾಹ್ಮಣ ಉವಾಚ ಪರಾ ಕುರವಃ ಕುರುಕ್ಷೇತ್ರಂ ಜೇಷ್ಯನ್ತೇ ।
ಪ್ರಜಾಮೇವಾಹರತ ನ ಕ್ಷೇತ್ರಾಣೀತಿ ।
ತ ಏತೇ ಕುರವಃ ಕುರುಕ್ಷೇತ್ರಂ ಪರಾಜಿತ್ಯ ಚರನ್ತಿ ಸಲ್ವಾ ಏತೇ ಕುರುಕ್ಷೇತ್ರೇ ।
ಸ ವಾ ಏಷ ಕ್ಷೇತ್ರಾಣಾಮೇವ ಧೃತ್ಯಾ ಹ್ರಿಯತೇ ಯತ್ತ್ರಿಷ್ಟೋಮೋಽಗ್ನಿಷ್ಟೋಮಃ ೨೦೬

ಅಥೈತೇ ನಾಕಸದಃ ।
ಸ್ವರ್ಗಂ ಹ ವೈ ಲೋಕಂ ದೇವಾ ಅಭ್ಯಾರುರುಹುಃ ।
ತೇ ಸ್ವರ್ಗಂ ಲೋಕಂ ಗತ್ವಾ ಸಾರ್ಧಮೇವಾವ್ಯವಸಿತಾ ಆಸನ್ ।
ತೇಽಕಾಮಯನ್ತ ನಾಕೇ ಸ್ವರ್ಗೇ ಲೋಕೇ ವ್ಯವಸ್ಯೇಮೇತಿ ।
ತ ಏತಾನ್ನಾಕಸದ ಸ್ತೋಮಾನಪಶ್ಯನ್ ।
ತಾನಾಹರನ್ತ ।
ತೈರಯಜನ್ತ ।
ತತೋ ವೈ ತೇ ನಾಕೇ ಸ್ವರ್ಗೇ ಲೋಕೇ ವ್ಯವಾಸ್ಯನ್ ।
ಯನ್ನಾಕೇ ಸ್ವರ್ಗೇ ಲೋಕೇ ವ್ಯವಾಸ್ಯಂಸ್ತನ್ನಾಕಸದಾಂ ನಾಕಸತ್ತ್ವಮ್ ।
ವಿ ಹ ವೈ ನಾಕೇ ಸ್ವರ್ಗೇ ಲೋಕೇಽವಸ್ಯತಿ ಯ ಏವಂ ವೇದೇತಿ ಹ ಸ್ಮಾಹ ಜಾನಶ್ರುತೇಯಃ ।
ಅಥ ಹ ಸ್ಮಾಹ ವೈತಹವ್ಯೋಽಸ್ಮಿನ್ನೇವಾಗ್ರೇ ಲೋಕೇ ಪ್ರಜಾಪತಿರ್ದೇವಾನಸೃಜತೇತಿ ।
ಅಥ ಹೇಮ ಊರ್ಧ್ವಾ ಲೋಕಾಃ ಕೃನ್ತತ್ರಾರಣ್ಯಾನ್ಯೇವಾಸುರರಥಯಾನಾ ಯಥಾ ವನಾಕಕ್ಷಾ ಏವಮಪ್ರೇತಾಃ ।
ತೇ ದೇವಾ ಅಕಾಮಯನ್ತ ಸ್ವರ್ಗಂ ಲೋಕಮಿಯಾಮೇತಿ ೨೦೭

ತೇ ವಸವಃ ಪ್ರಥಮ ಆಯನ್ ।
ತೇ ತ್ರಿಭಿರೇವ ತ್ರಿವೃದ್ಭಿರಿಮಂ ಲೋಕಂ ಪ್ರಾಯುವನ್ನೇಕೇನ ಪಞ್ಚದಶೇನಾನ್ವವಾಸ್ಯನ್ ।
ತ್ರಿಭಿರೇವ ತ್ರಿವೃದ್ಭಿರಿಮಮನ್ತರಿಕ್ಷಂ ಲೋಕಂ ಪ್ರಾಯುವನ್ ।
ಏಕೇನ ಸಪ್ತದಶೇನಾನ್ವವಾಸ್ಯನ್ ।
ತ್ರಿಭಿರೇವ ತ್ರಿವೃದ್ಭಿರಮುಂ ಲೋಕಂ ಪ್ರಾಯುವನ್ ।
ಏಕೇನೈಕವಿಂಶೇನಾನ್ವವಾಸ್ಯನ್ ।
ತದ್ಯಥಾ ಹ ವೈ ಪರಶೋಸ್ತಿಗ್ಮ ಯಥಾಗ್ನಿರ್ದೇವತಾನಾಮೇವಮೇಷ ಯತ್ತ್ರಿವೃತ್ಸ್ತೋಮಃ ।
ತದ್ಯಥಾ ಪರಶುನಾ ಪುರಸ್ತಾತ್ಸಂವೃಶ್ಚ್ಯನ್ನಿಯಾದಗ್ನಿನಾ ಪಶ್ಚಾತ್ಸಮಂ ಕುರ್ವನ್ನೇವಮೇವ ತದ್ವಸವಸ್ತ್ರಿವೃತಾ ಸ್ತೋಮೇನೇಮಾಁ ಲ್ಲೋಕಾನ್ಪ್ರಾಯುವನ್ ।
ತದ್ಯದಿಮಾಁ ಲ್ಲೋಕಾನ್ಪ್ರಾಯುವಂಸ್ತಸ್ಮಾದು ಹೈತೇ ಪ್ರಯುತೋ ನಾಮಾಪಿ ಸ್ತೋಮಾಃ ।
ತದ್ಯಥಾಗ್ನಿದಗ್ಧೇ ಸುಗೇಽವಸ್ಯನ್ನಿಯಾದೇವಮೇವ ತದ್ವಸವ ಆಯನ್ ।
ತಸ್ಮಾತ್ತೇ ಪರಾರ್ಧ್ಯಾ ದೇವಾನಾಮ್ ।
ತೇ ಹಿ ಪ್ರಥಮ ಆಯನ್ ೨೦೮

ಅಥ ರುದ್ರಾ ಃ! ಕೃತತರಂ ಪನ್ಥಾನಮಪಶ್ಯನ್ ।
ತ ಏಕೇನೈವ ತ್ರಿವೃತೇಮಂ ಲೋಕಂ ಪ್ರಾಯುವನ್ ।
ತ್ರಿಭಿಃ ಪಞ್ಚದಶೈರನ್ವವಾಸ್ಯನ್ ।
ಏಕೇನೈವ ತ್ರಿವೃತೇಮಮನ್ತರಿಕ್ಷಂ ಲೋಕಂ ಪ್ರಾಯುವನ್ ।
ತ್ರಿಭಿಸ್ಸಪ್ತದಶೈರನ್ವವಾಸ್ಯನ್ ।
ಏಕೇನೈವ ತ್ರಿವೃತಾಮುಂ ಲೋಕಂ ಪ್ರಾಯುವನ್ ।
ತ್ರಿಭಿರೇಕವಿಂಶೈರನ್ವವಾಸ್ಯನ್ ।
ತದ್ಯಥಾ ಹ ವೈ ಕೃತಸ್ಯ ಪಥೋ ಯತ್ತತ್ತ್ರಿವಿಷಮಮ್ ।
ತತ್ಪಶ್ಚಾತ್ಸಮಂ ಕುರ್ವನ್ನೇವಮೇವ ತದ್ರುದ್ರಾ ಆಯನ್ ।
ಅಥಾದಿತ್ಯಾಶ್ಚತುರ್ಭಿರೇವ ತ್ರಿವೃದ್ಭಿಶ್ಚತುರ್ಭಿರ್ಪಞ್ಚದಶೈಸ್ತ್ರಿಭಿಸ್ಸಪ್ತದಶೈರೇಕೇನೈಕವಿಂಶೇನ ಕೃತೇನ ಪಥಾಯನ್ ।
ಅಥಾಙ್ಗಿರಸಸ್ತ್ರಿಭಿರೇವ ತ್ರಿವೃದ್ಭಿಃ ಪಞ್ಚದಶೈಸ್ತ್ರಿಭಿಸ್ಸಪ್ತದಶೈಸ್ತ್ರಿಭಿರೇಕವಿಂಶೈರ್ವಿರಾಟ್ಸ್ವರಾಜೇನ ಪೃಥಗೇವಾಯನ್ ।
ತ್ರಿಣವೇನೈವ ಮರುತ ಆಯನ್ ।
ಓಜೋ ವೈ ವೀರ್ಯಮ್ ।
ಮರುತ ಓಜೋ ವೀರ್ಯಮ್ ।
ತ್ರಿಣವಸ್ತೇಽತ ಓಜಸೈವ ವೀರ್ಯೇಣಾಯನ್ ।
ತ್ರಯಸ್ತ್ರಿಂಶೇನೈವ ವಿಶ್ವೇ ದೇವಾ ಆಯನ್ ।
ತೇ ಸ್ವರ್ಗಂ ಲೋಕಂ ಗತ್ವಾ ಸಾರ್ಧಮೇವಾವ್ಯವಸಿತಾ ಆಸನ್ ।
ತೇಽಕಾಮಯನ್ತ ವಯಮಪಿ ನಾಕೇ ಸ್ವರ್ಗೇ ಲೋಕೇ ಸೀದೇಮೇತಿ ೨೦೯

ತ ಏತಂ ವಿಶ್ವೇ ದೇವಾಸ್ತ್ರಯಸ್ತ್ರಿಂಶಂ ಸ್ತೋಮಮಪಶ್ಯನ್ ।
ತಮಾಹರನ್ತ ।
ತದಾಹುಃ ಕತಮೇ ವಿಶ್ವೇ ದೇವಾ ಇತಿ ।
ಏತಾ ಏವ ಪಞ್ಚ ದೇವತಾಸ್ಸಂಪದ್ಯ ಏವ ವಿಶ್ವೇ ದೇವಾ ಭವನ್ತೀತಿ ಹ ಬ್ರೂಯಾತ್ ।
ತ ಏತೇನ ವಿಶ್ವೇ ದೇವಾಸ್ತ್ರಯಸ್ತ್ರಿಂಶೇನ ಸ್ತೋಮೇನ ಸಮಯಜನ್ತ ।
ತತ್ತ್ರಯಸ್ತ್ರಿಂಶದ್ವೈ ದೇವತಾಸ್ತ್ರಯಸ್ತ್ರಿಂಶದ್ದೇವಲೋಕಾಃ ।
ತತೋ ವೈ ತೇ ನಾಕೇ ಸ್ವರ್ಗೇ ಲೋಕೇಽಸೀದನ್ ।
ತೇಽಬ್ರುವನ್ನಸದಾಮ ವೈ ಸ್ವರ್ಗೇ ಲೋಕೇ ನಾಕ ಇತಿ ।
ಯದ್ವಬ್ರುವನ್ನಸದಾಮ ವೈ ಸ್ವರ್ಗೇ ಲೋಕೇ ನಾಕ ಇತಿ ತನ್ನಾಕಸದಾಂ ನಾಕಸತ್ತ್ವಮ್ ।
ಅಪಿ ಸೋ ಹ ವೈ ನಾಕೇ ಸ್ವರ್ಗೇ ಲೋಕೇ ಸೀದತಿ ಯ ಏವಂ ವೇದ ।
ತೇಷೂಭೇ ಉಭೇಸಾಮನೀ ಭವತ ಉಭಾಭ್ಯಾಂ ಹಿ ತತ್ರ ಗಚ್ಛತಿ ಯತ್ರ ಜಿಗಮಿಷತಿ ।
ತೇಷು ಯಾನಿ ಸುವರ್ನಿಧನಾನಿ ಯಾನಿ ಜ್ಯೋತಿರ್ನಿಧನಾನಿ ಸಾಮಾನಿ ತಾನ್ಯವಕಲ್ಪಯನ್ತಿ ಸ್ವರ್ಗ್ಯಾಣಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯಾ ಅಹೋರೂಪಾಣಾಂ ಚ ಸಮೃದ್ಧ್ಯೈ ೨೧೦

ಅಥೈತ ಋತುಷ್ಟೋಮಾಃ ।
ಋತವೋ ವಾ ಅಕಾಮಯನ್ತ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುಯಾಮಾವಾನ್ನಾದ್ಯಂ ರುನ್ಧೀಮಹಿ ಪುನರ್ನವಾಃ ಪುನರ್ನವಾ ಸ್ಯಾಮೇತಿ ।
ತ ಏತಾನ್ಯಜ್ಞಾನಪಶ್ಯನ್ ।
ತಾನಾಹರನ್ತ ।
ತೈರಯಜನ್ತ ।
ಸ ವಸನ್ತಃ ಪ್ರಥಮೋಽಯಜತ ।
ಸ ಏತೇನಾಯಜತ ।
ಸ ಏತಾಮೇವರ್ದ್ಧಿಮಾರ್ಧ್ನೋದೇತದನ್ನಾದ್ಯಮವಾರುನ್ದ್ಧೈತಾಂ ಪುನರ್ನವತಾಂ ಯೈಷಾ ವಸನ್ತಸ್ಯ ।
ಅಥ ಶಿಶಿರ ಷಕ್ಷತ ಯೇನೈವೈಮೇ ಪೂರ್ವಾ ಇಷ್ಟ್ವಾರಾತ್ಸುಸ್ತೇನೋ ಏವಾಹಂ ಯಜಾ ಇತಿ ।
ಸ ಏತೇನೈವಾಯಜತ ।
ಸ ಏತಾಮೇವರ್ದ್ಧಿಮಾರ್ಧ್ನೋದೇತದನ್ನಾದ್ಯಮವಾರುನ್ದ್ಧೈತಾಂ ಪುನರ್ನವತಾಂ ಯೈಷಾ ಶಿಶಿರಸ್ಯ ೨೧೧

ಶಶ್ವದ್ಧೈಷಾಮೇಷ ಏವರ್ದ್ಧತಮಃ ।
ಏತಂ ಹ್ಯೇವ ಪ್ರಾಪ್ಯ ಗೋರಶ್ವಸ್ಯ ಪುರುಷಸ್ಯೈತಮೇವ ರೂಪಮಭ್ಯವೈತಿ ।
ತದೇತದನನ್ತಂ ದೇವಚಕ್ರಮಕ್ಷಿತಂ ಪುನರ್ನವಮಾ ಚ ಪರಾ ಚ ಪರಿವರ್ತತೇ ।
ಸ ಯ ಏತದೇವಂ ವೇದೈತಾಮೇವಾನನ್ತತಾಮೇತಾಮಕ್ಷಿತಿಮೇತಾಂ ಪುನರ್ನವತಾಂ ಜಯತಿ ।
ಸ ಯಃ ಕಾಮಯೇತ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುಯಾಮಾವಾನ್ನಾದ್ಯಂ ರುನ್ಧೀಯ ಪುನರ್ನವಃ ಪುನರ್ನವ ಸ್ಯಾಮಿತಿ ಸ ಏತೈರ್ಯಜೇತ ।
ಸ ವಸನ್ತೇ ಪ್ರಥಮೇನ ಯಜೇತ ।
ಸ ಏತಾಮೇವರ್ದ್ಧಿಮೃಧ್ನೋತಿ ಏತದನ್ನಾದ್ಯಮವರುನ್ದ್ಧ ಏತಾಂ ಪುನರ್ನವತಾಂ ಯೈಷಾ ವಸನ್ತಸ್ಯ ।
ಗ್ರೀಷ್ಮೇ ದ್ವಿತೀಯೇನ ಯಜೇತ ।
ವರ್ಷಾಸು ತೃತೀಯೇನ ಯಜೇತ ।
ಶರದಿ ಚತುರ್ಥೇನ ಯಜೇತ ।
ಹೇಮನ್ಪಞ್ಚಮೇನ ಯಜೇತ ।
ಶಿಶಿರೇ ಷಷ್ಠೇನ ಯಜೇತ ।
ಸ ಏತಾಮೇವರ್ದ್ಧಿಮೃಧ್ನೋತ್ಯೇತದನ್ನಾದ್ಯಮವರುನ್ದ್ಧ ಏತಾಂ ಪುನರ್ನವತಾಂ ಯೈಷಾ ಶಿಶಿರಸ್ಯ ೨೧೨

ಸ ಹರ್ತೂನಾಮೇವೈಕೋ ಭವತಿ ।
ಋತೂನೇವಾಪ್ಯೇತ್ಯಕ್ಷಯ್ಯಂ ಹಾಸ್ಯಾವ್ಯವಚ್ಛಿನ್ನಂ ಸುಕೃತಂ ಭವತಿ ।
ಪುನರ್ನವಃ ಪುನರ್ನವೋ ಹೈವ ಸುಕೃತೇನಾಪ್ಯಾಯಮಾನ ಏತಿ ।
ತೇ ಪಞ್ಚ ಸ್ತೋತ್ರ್! ಯಾ ಭವನ್ತಿ ।
ಯಃ ಪಾಙ್ಕ್ತೋ ಯಜ್ಞೋ ಯೇ ಪಾಙ್ಕ್ತಾಃ ಪಶವೋ ಯತ್ಪಾಙ್ಕ್ತಮನ್ನಾದ್ಯಂ ಯೇ ಪಞ್ಚರ್ತವೋ ಯತ್ಕಿಂ ಚ ಪಞ್ಚ ಪಞ್ಚ ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।
ತೇಷಾಮು ಏಕೈಕಸ್ಯ ಷಷ್ಟಿ ಷಷ್ಟಿ ಸ್ತೋತ್ರ್! ಯಾ ಭವನ್ತಿ ।
ತಾವತೀರೃತೋ ರಾತ್ರಯಃ ।
ತೇನರ್ತೂನ್ನಾತಿಷ್ಟುವನ್ತಿ ।
ತೇಷಾಮು ಸರ್ವೇಷಾಂ ತ್ರೀಣಿ ಷಷ್ಟಿಶತಾನಿ ಸ್ತೋತ್ರ್! ಯಾ ಭವನ್ತಿ ।
ತಾವತೀಷ್ಸಂವತ್ಸರಸ್ಯ ರಾತ್ರಯಃ ।
ರಾತ್ರಿಶ ಏವ ತತ್ಸಂವತ್ಸರಮಾಪ್ನುವನ್ತಿ ।
ತದಾಹುಃ ಪೃಷ್ಠಾನ್ಯೇವೋಪೇತ್ಯಾನೀತಿ ।
ಪೃಷ್ಠಾದ್ವಾವ ಪೃಷ್ಠಮುಪೇಯಾತ್ ।
ಪೃಷ್ಠಾನಿ ಹ್ಯೃತವ ಇತಿ ।
ಸ ರಥನ್ತರಸಾಮೈವ ಪ್ರಥಮ ಸ್ಯಾದಥ ಬೃಹತ್ಸಾಮಾಥ ವೈರೂಪಸಾಮಾಥ ವೈರಾಜಸಾಮಾಥ ಶಕ್ವರೀಸಾಮಾಥ ರೇವತೀಸಾಮೋತ್ತಮ ಸ್ಯಾದಿತಿ ।
ತದು ವಾ ಆಹುರ್ದೀಕ್ಷೋಪಸದ್ಭಿಸ್ಸುತ್ಯಾಯೈ ಪೃಷ್ಠಾನಿ ವ್ಯವಚ್ಛಿದ್ಯೇರನ್ ।
ಯದೇವಂ ಕುರ್ಯುರ್ದೂರೇ ದೂರ ಇವ ವೈ ಪೃಷ್ಠಾನ್ಯುಪಯನ್ತಿ ।
ಪೃಷ್ಠಂ ವಾವ ಪೃಷ್ಠಮಭಿವೋಢುಮರ್ಹತಿ ।
ಉಪಜೋ ವಾ ಏಷಾ ಬೃಹದ್ರ ಥನ್ತರಯೋರ್ಯದೇತಾನಿ ಸಾಮಾನಿ ।
ಬೃಹದ್ರ ಥನ್ತರೇ ವೈ ವಿಚ್ಛಿನ್ನಸ್ಯ ಯಜ್ಞಸ್ಯ ಸನ್ತತ್ಯೌ ।
ತಸ್ಮಾದ್ಬೃಹದ್ರ ಥನ್ತರಾಭ್ಯಾಮೇವ ಸ್ಯುರಿತಿ ।
ಸ ರಥನ್ತರಸಾಮೈವ ಪ್ರಥಮ ಸ್ಯಾದಥ ಬೃಹತ್ಸಾಮಾಥ ರಥನ್ತರಸಾಮಾಥ ಬೃಹತ್ಸಾಮಾಥ ರಥನ್ತರಸಾಮಾಥ ಬೃಹತ್ಸಾಮೋತ್ತಮ ಸ್ಯಾದಿತಿ ।
ತೇಷು ಯಾನ್ಯೃತುನಿಧನಾನಿ ಯಾನ್ಯೃತುನಿಧನಾನಿ ಸಾಮಾನಿ ತಾನ್ಯವಕಲ್ಪಯನ್ತಿ ಸ್ವರ್ಗ್ಯಾಣಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯಾ ಅಹೋರೂಪಾಣಾಂ ಚ ಸಮೃದ್ಧ್ಯೈ ೨೧೩

ಅಥೈತೇ ದಿಶಾಂ ಸ್ತೋಮಾಃ ।
ದಿಶೋ ವಾ ಅಕಾಮಯನ್ತ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುಯಾಮ ಪ್ರತಿತಿಷ್ಠೇಮಾನನ್ತಂ ಸ್ವರ್ಗಂ ಲೋಕಂ ಜಯೇಮೇತಿ ।
ತಾ ಏತಾನ್ಯಜ್ಞಾನಪಶ್ಯನ್ ।
ತಾನಾಹರನ್ತ ।
ತೈರಯಜನ್ತ ।
ಸೇಯಂ ಪ್ರಾಚೀ ದಿಕ್ಪ್ರಥಮಾಯಜತ ।
ಸೈತೇನಾಯಜತ ।
ಸೈತಾಮೇವರ್ದ್ಧಿಮಾರ್ಧ್ನೋದೇತಾಂ ಪ್ರತಿಷ್ಠಾಮೇತಮನನ್ತಂ ಸ್ವರ್ಗಂ ಲೋಕಮಜಯತ್ ।
ಸ ಏಷ ಏತಸ್ಯಾನನ್ತ ಸ್ವರ್ಗೋ ಲೋಕೋ ಜಿತಃ ।
ಸ ಯೋ ಹ ವಾ ಅಪಿ ಬಹೂನ್ಯೇವಾಹಾನಿ ಪ್ರಾಙಿಯಾನ್ನೈವೈತಸ್ಯಾ ಅನ್ತಂ ವಿನ್ದೇತ್ ।
ಅಥೇಯಮೂರ್ಧ್ವಾ ದಿಗೈಕ್ಷತ ಯೇನೈವೇಮಾಃ ಪೂರ್ವಾ ಇಷ್ಟ್ವಾರಾತ್ಸುಸ್ತೇನೋ ಏವಾಹಂ ಯಜಾ ಇತಿ ।
ಸೈತೇನೈವಾಯಜತ ।
ಸೈತಾಮೇವರ್ದ್ಧಿಮಾರ್ಧ್ನೋದೇತಾಂ ಪ್ರತಿಷ್ಠಾಮೇತಮನನ್ತಂ ಸ್ವರ್ಗಂ ಲೋಕಮಜಯತ್ ।
ಸ ಏಷ ಏತಸ್ಯಾನನ್ತ ಸ್ವರ್ಗೋ ಲೋಕೋ ಜಿತಃ ।
ಸ ಯೋ ಹ ವಾ ಅಪಿ ಬಹೂನ್ಯೇವಾಹಾನ್ಯೂರ್ಧ್ವ ಇಯಾನ್ನೈವೈತಸ್ಯಾ ಅನ್ತಂ ವಿನ್ದೇತ್ ೨೧೪

ತದಾಹುಃ ಪೃಷ್ಠಾನ್ಯೇವೋಪೇತ್ಯಾನೀತಿ ।
ಪೃಷ್ಠಾದ್ವಾವ ಪೃಷ್ಠಮುಪೇಯಾತ್ ।
ಪೃಷ್ಠಾನಿ ಹಿ ದಿಶ ಇತಿ ।
ಸ ರಥನ್ತರಸಾಮೈವ ಪ್ರಥಮ ಸ್ಯಾದಥ ಬೃಹತ್ಸಾಮಾಥ ವೈರೂಪಸಾಮಾಥ ವೈರಾಜಸಾಮಾಥ ಶಕ್ವರೀಸಾಮಾಥ ರೇವತೀಸಾಮೋತ್ತಮ ಸ್ಯಾದಿತಿ ।
ತದು ವಾ ಆಹುರ್ದೀಕ್ಷೋಪಸದ್ಭಿಸ್ಸುತ್ಯಾಯೈ ಪೃಷ್ಠಾನಿ ವ್ಯವಚ್ಛಿದ್ಯೇರನ್ ।
ಯದೇವಂ ಕುರ್ಯುರ್ದೂರೇ ದೂರ ಇವ ವೈ ಪೃಷ್ಠಾನ್ಯುಪಯನ್ತಿ ।
ಪೃಷ್ಠಂ ವಾವ ಪೃಷ್ಠಮಭಿವೋಢುಮರ್ಹತಿ ।
ಉಪಜೋ ವಾ ಏಷಾ ಬೃಹದ್ರ ಥನ್ತರಯೋರ್ಯದೇತಾನಿ ಸಾಮಾನಿ ।
ಬೃಹದ್ರ ಥನ್ತರೇ ವೈ ವಿಚ್ಛಿನ್ನಸ್ಯ ಯಜ್ಞಸ್ಯ ಸನ್ತತ್ಯೌ ।
ತಸ್ಮಾದ್ಬೃಹದ್ರ ಥನ್ತರಾಭ್ಯಾಮೇವ ಸ್ಯುರಿತಿ ।
ಸ ರಥನ್ತರಸಾಮೈವ ಪ್ರಥಮ ಸ್ಯಾದಥ ಬೃಹತ್ಸಾಮಾಥ ರಥನ್ತರಸಾಮಾಥ ಬೃಹತ್ಸಾಮಾಥ ರಥನ್ತರಸಾಮಾ ಚ ಬೃಹತ್ಸಾಮಾ ಚೋತ್ತಮ ಸ್ಯಾದಿತಿ ೨೧೫

ತ ಉ ವೈ ಪಞ್ಚ ಪಞ್ಚವಿಂಶಾ ಭವನ್ತಿ ।
ತತೋ ಯಾ ವಿಂಶತಿರ್ವಿರಾಟ್ಸಾ ।
ಅಥ ಯಾಶ್ಚತಸ್ರ ಇಮಾ ಏವ ತಾಶ್ಚತಸ್ರೋ ದಿಶಃ ।
ಅಥ ಯಾ ಪಞ್ಚ ಪಞ್ಚವಿಂಶೀಯಮೇವ ಸೋರ್ಧ್ವಾ ದಿಕ್ ।
ದಿಶೋ ಹ ವೈ ದಿವಂ ದುಹ್ರೇ ದ್ಯೌರ್ವಾ ದಿಶೋ ದುಹೇ ।
ಪ್ರ ಹ ವೈ ದಿಶಾಂ ಚ ದಿವಶ್ಚ ದೋಹಮಾಪ್ನೋತಿ ಯ ಏವಂ ವೇದ ।
ಸ ಯಃ ಕಾಮಯೇತ ಸಮಾನೇನ ಯಜ್ಞೇನ ಸಮಾನೀಮೃದ್ಧಿಮೃಧ್ನುಯಾಂ ಪ್ರತಿತಿಷ್ಠೇಯಮನನ್ತಂ ಸ್ವರ್ಗಂ ಲೋಕಂ ಜಯೇಯಮಿತಿ ಸ ಏತೈರ್ಯಜೇತ ।
ಸ ಹ ಮಹದೇವಾಭಿ ದೇವಯಜನಂ ಜೋಷಯೇತ ।
ತತ್ಪಞ್ಚ ಶಾಲಾಃ ಕರ್ತವೈ ಬ್ರೂಯಾದಿಹೈಕಾಮಿಹೈಕಾಮಿಹೈಕಾಮಿಹೈಕಾಂ ಮಧ್ಯ ಏಕಾಮ್ ।
ಸೋಽನೇನ ರಥನ್ತರಸಾಮ್ನಾ ಯಜೇತ ।
ಸ ಏತಾಮೇವರ್ದ್ಧಿಮೃಧ್ನೋತ್ಯೇತಾಂ ಪ್ರತಿಷ್ಠಾಮೇತಮನನ್ತಂ ಸ್ವರ್ಗಂ ಲೋಕಂ ಜಯತಿ ।
ಅಥಾನೇನ ಬೃಹತ್ಸಾಮ್ನಾ ಯಜೇತಾಥಾನೇನ ರಥನ್ತರಸಾಮ್ನಾ ಯಜೇತಾಥಾನೇನ ಬೃಹತ್ಸಾಮ್ನಾ ಯಜೇತಾಥಾನೇನೋಭಯಸಾಮ್ನಾ ಯಜೇತ ।
ಸ ಏತಾಮೇವರ್ದ್ಧಿಮೃಧ್ನೋತ್ಯೇತಾಂ ಪ್ರತಿಷ್ಠಾಮೇತಮನನ್ತಂ ಸ್ವರ್ಗಂ ಲೋಕಂ ಜಯತಿ ಏತಾಮೇವ ದಿಶಮಪ್ಯೇತಿ ।
ಸ ಹ ದಿಶಾಮೇವೈಕೋ ಭವತಿ ದಿಶ ಏವಾಪ್ಯೇತಿ ।
ತಸ್ಯೈಷೋಽನನ್ತ ಸ್ವರ್ಗೋ ಲೋಕೋ ಜಿತೋ ಭವತಿ ।
ಯ ಏಷ ದಿಶಾಂ ತೇಷು ಯಾನಿ ದಿಙ್ನಿಧನಾನಿ ಯಾನಿ ವಿಣ್ಣಿಧನಾನಿ ಸಾಮಾನಿ ತಾನ್ಯವಕಲ್ಪಯನ್ತಿ ಸ್ವರ್ಗ್ಯಾಣಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯಾ ಅಹೋರೂಪಾಣಾಂ ಚ ಸಮೃದ್ಧ್ಯೈ ೨೧೬

ಅಥೈತ ಋಷಿಷ್ಟೋಮಾಃ ।
ಋಷಯೋ ಹ ವೈ ಸ್ವರ್ಗಂ ಲೋಕಂ ಜಿಗ್ಯುಃ ಶ್ರಮೇಣ ತಪಸಾ ವ್ರತಚರ್ಯೇಣ ।
ತೇಽಕಾಮಯನ್ತ ಪ್ರಜಾ ಅಸ್ಮಿಁ ಲ್ಲೋಕೇ ವಿಧಾಯ ಸ್ವರ್ಗಂ ಲೋಕಂ ಗಚ್ಛೇಮೇತಿ ।
ಸ ವಸಿಷ್ಠೋಽಕಾಮಯತಾಗ್ರ್ಯಾ ಮೇ ಮುಖ್ಯಾ ಪ್ರಜಾ ಸ್ಯಾದಿತಿ ।
ಸ ಏತಂ ತ್ರಿವೃತಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಅಗ್ರಂ ವೈ ಮುಖಂ ತ್ರಿವೃತ್ಸ್ತೋಮಾನಾಮ್ ।
ತತೋ ವೈ ತಸ್ಯಾಗ್ರ್ಯಾ ಮುಖ್ಯಾ ಪ್ರಜಾಭವತ್ ।
ತ ಏತೇಽಪ್ಯೇತರ್ಹಿ ವಸಿಷ್ಠಾಃ ಕುರುಷ್ವಗ್ರ್ಯಾಶ್ಚೈವ ಮುಖ್ಯಾಶ್ಚ ಮನ್ಯನ್ತೇ ।
ಅಗ್ರ್ಯೋ ಮುಖ್ಯೋ ಭವತಿ ಯ ಏವಂ ವೇದ ।
ಅಥಾಕಾಮಯತ ಭರದ್ವಾಜ ಓಜಿಷ್ಠಾ ಮೇ ಬಲಿಷ್ಠಾ ಪ್ರಜಾ ಸ್ಯಾದಿತಿ ।
ಸ ಏತಂ ಪಞ್ಚದಶಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಓಜೋ ವೈ ಬಲಂ ಪಞ್ಚದಶ ಸ್ತೋಮಾನಾಮ್ ।
ತತೋ ವೈ ತಸ್ಯೌಜಿಷ್ಠಾ ಬಲಿಷ್ಠಾ ಪ್ರಜಾಭವತ್ ।
ಅಪಿ ಹ ಸ್ಮ ತೇನ ಪಥಾ ಪುರಾ ಕುರವೋ ನ ಯಾನ್ತಿ ಯೇನ ಭರದ್ವಾಜಾ ಯಯುಃ ।
ಅಥೋ ಹ ಸ್ಮೋತ್ಕ್ರೋಶನ್ತಿ ಭಾರದ್ವಾಜಬಲಮಿತಿ ।
ತಸ್ಮಾದು ಭಾರದ್ವಾಜ ಏವಾನುಜ್ಞಾತಃ ಸಭಾಯಾಂ ದಣ್ಡ್ಯಂ ಪ್ರಹರೇತ್ ।
ಓಜಿಷ್ಠೋ ಬಲಿಷ್ಠೋ ಭವತಿ ಯ ಏವಂ ವೇದ ೨೧೭

ಅಥಾಕಾಮಯತ ಜಮದಗ್ನಿರ್ಭೂಮಾನಂ ಪ್ರಜಯಾ ಪಶುಭಿರ್ಗಚ್ಛೇಯಮಿತಿ ।
ಸ ಏತಂ ಸಪ್ತದಶಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಭೂಮಾ ವೈ ಪ್ರಜಾಪತಿಃ ಸಪ್ತದಶ ಸ್ತೋಮಾನಾಮ್ ।
ತತೋ ವೈ ಸ ಭೂಮಾನಂ ಪ್ರಜಯಾ ಪಶುಭಿರಗಚ್ಛತ್ ।
ಭೂಮಾನಮೇವ ಪ್ರಜಯಾ ಪಶುಭಿರ್ಗಚ್ಛತಿ ಯ ಏವಂ ವೇದ ।
ಅಥಾಕಾಮಯತ ಗೋತಮ ಶ್ರದ್ಧಾನೀಯಾ ಮೇ ಪ್ರಜಾ ಬ್ರಹ್ಮವರ್ಚಸಿನೀ ಸ್ಯಾದಿತಿ ।
ಸ ಏತಮೇಕವಿಂಶಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಶ್ರದ್ಧಾ ವೈ ಬ್ರಹ್ಮವರ್ಚಸಮೇಕವಿಂಶ ಸ್ತೋಮಾನಾಮ್ ।
ಅಸೌ ಹಿ ಸ ಆದಿತ್ಯಃ ।
ತತೋ ವೈ ತಸ್ಯ ಶ್ರದ್ಧಾನೀಯಾ ಬ್ರಹ್ಮವರ್ಚಸಿನೀ ಪ್ರಜಾಭವತ್ ।
ತ ಇಮೇಽಪ್ಯೇತರ್ಹಿ ಗೌತಮಾ ಶ್ರದ್ಧಾನೀಯಾಶ್ಚೈವ ಬ್ರಹ್ಮವರ್ಚಸಿನಶ್ಚ ।
ಶ್ರದ್ಧಾನೀಯೋ ಬ್ರಹ್ಮವರ್ಚಸೀ ಭವತಿ ಯ ಏವಂ ವೇದ ೨೧೮

ಅಥಾಕಾಮಯತಾತ್ರಿರ್ಭೂಯಿಷ್ಠಾ ಮ ಋಷಯಃ ಪ್ರಜಾಯಾಮಾಜಾಯೇರನ್ನಿತಿ ಸ ಏತಂ ತ್ರಿಣವಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತೇಜೋ ವೈ ತ್ರಿಣವ ಸ್ತೋಮಾನಾಮ್ ।
ತತೋ ವೈ ತಸ್ಯ ಭೂಯಿಷ್ಠಾ ಋಷಯಃ ಪ್ರಜಾಯಾಮಾಜಾಯನ್ತ ಪರಸ್ಸಹಸ್ರಾ ಹಾಸ್ಯ ಪ್ರಜಾಯಾಂ ಮನ್ತ್ರಕೃತ ಆಸುರಪಿ ಹಾಸ್ಯ ಸ್ತ್ರಿಯೋ ಮನ್ತ್ರಕೃತ ಆಸುಃ ।
ತಸ್ಮಾದ್ಯೋಽಪ್ಯಾತ್ರೇಯೀಂ ಸ್ತ್ರಿಯಂ ಹನ್ತಿ ತಂ ಪರ್ಯೇವ ಚಕ್ಷತೇ ।
ತೇಜಸ್ವೀ ಭವತಿ ಯ ಏವಂ ವೇದ ।
ಅಥಾಕಾಮಯತ ವಿಶ್ವಾಮಿತ್ರೋ ರಾಜ್ಯಂ ಮೇ ಪ್ರಜಾ ಗಚ್ಛೇದಿತಿ ।
ಸ ಏತಂ ತ್ರಯಸ್ತ್ರಿಂಶಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಕ್ಷತ್ರಂ ವೈ ತ್ರಯಸ್ತ್ರಿಂಶ ಸ್ತೋಮಾನಾಮ್ ।
ತತೋ ವೈ ತಸ್ಯ ರಾಜ್ಯಂ ಪ್ರಜಾಗಚ್ಛತ್ ।
ಅಷ್ಟಕೋ ಹಾಸ್ಯ ಪ್ರಜಾಯಾಮಭಿಷಿಷಿಚೇ ।
ಗಚ್ಛತಿ ರಾಜ್ಯಂ ಯ ಏವಂ ವೇದ ।
ತತೋ ವೈ ತೇ ಪ್ರಜಾ ಅಸ್ಮಿಁ ಲ್ಲೋಕೇ ವಿಧಾಯ ಸ್ವರ್ಗಂ ಲೋಕಮಗಚ್ಛನ್ ।
ಪ್ರಜಾಮೇವಾಸ್ಮಿಁ ಲ್ಲೋಕೇ ವಿಧಾಯ ಸ್ವರ್ಗಂ ಲೋಕಂ ಗಚ್ಛತಿ ಯ ಏವಂ ವೇದ ೨೧೯

ತದು ಹಾಗಸ್ತ್ಯಃ ಪಶ್ಚೇವಾನುಬುಬುಧ ಋಷಯೋ ಹ ವಾ ಇಮೇ ಪ್ರಜಾ ಅಸ್ಮಿಁ ಲ್ಲೋಕೇವಿಧಾಯ ಸ್ವರ್ಗಂ ಲೋಕಮಗ್ಮನ್ನಿತಿ ।
ಸೋಽಕಾಮಯತಾಹಮಪಿ ಪ್ರಜಾ ಅಸ್ಮಿಁ ಲ್ಲೋಕೇ ವಿಧಾಯ ಸ್ವರ್ಗಂ ಲೋಕಮನುಗಚ್ಛೇಯಮಿತಿ ।
ಸ ಏತಂ ಷೋಡಶಂ ಸ್ತೋಮಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ಸ್ವರ್ಗೋ ಲೋಕಷ್ಷೋಡಶ ಸ್ತೋಮಾನಾಮ್ ।
ತತೋ ವೈ ಸ ಪ್ರಜಾ ಅಸ್ಮಿಁ ಲ್ಲೋಕೇ ವಿಧಾಯ ಸ್ವರ್ಗಂ ಲೋಕಮನ್ವಗಚ್ಛತ್ ।
ಪ್ರಜಾಮೇವಾಸ್ಮಿಁ ಲ್ಲೋಕೇ ವಿಧಾಯ ಸ್ವರ್ಗಂ ಲೋಕಮನುಗಚ್ಛತಿ ಯ ಏವಂ ವೇದ ।
ತಸ್ಮಾದ್ಯದಾಗಸ್ತ್ಯೋ ಬ್ರಾಹ್ಮಣಾನ್ಪ್ರಾಪ್ನೋತ್ಯನುಚರ ಇವೈವ ಭವತಿ ।
ಅನುಚರ ಇವ ಹ್ಯೇಷ ಸ್ತೋಮಾನಾಂ ಯತ್ಷೋಡಶಃ ।
ತಸ್ಮಾದ್ವಗಸ್ತಯೋ ಬಹಿರ್ಧೇವ ಕುರುಪಞ್ಚಾಲೇಭ್ಯಃ ।
ಬಹಿರ್ಧೇವ ಹ್ಯೇಷ ಸ್ತೋಮೇಭ್ಯೋ ಯತ್ಷೋಡಶಃ ೨೨೦

ಅಥೈತೇ ವ್ರಾತ್ಯಸ್ತೋಮಾಃ ।
ದಿವ್ಯಾ ವೈ ವ್ರಾತ್ಯಾ ವ್ರಾತ್ಯಾಮಧಾವಯನ್ಬುಧೇನ ಸ್ಥಪತಿನಾ ।
ತ ಏತೇ ವ್ರಾತ್ಯಾ ಆರ್ಛನ್ನಿಮಂ ವೈವ ಯೋಽಯಂ ಪವತ ಈಶಾನಂ ವಾ ದೇವಮ್ ।
ತಾನ್ಯಜ್ಞಸ್ಯಾತ್ಯಾವಿಧ್ಯತ್ ।
ತೇ ಸ್ವರ್ಗಂ ಲೋಕಂ ನ ಪ್ರಾಜಾನನ್ ।
ತೇಽಕಾಮಯನ್ತ ಪ್ರ ಸ್ವರ್ಗಂ ಲೋಕಂ ಜಾನೀಯಾಮೇತಿ ।
ತೇ ಪ್ರಜಾಪತಿಮೇವೋಪಾಧಾವನ್ ।
ತೇಭ್ಯ ಏತಂ ವ್ರಾತ್ಯಸ್ತೋಮಂ ಯಜ್ಞಂ ವ್ಯದಧಾತ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತೇ ಸ್ವರ್ಗಂ ಲೋಕಂ ಪ್ರಾಜಾನನ್ ।
ಮುಹ್ಯನ್ತೀವ ವಾ ಏತೇ ಯೇ ವ್ರಾತ್ಯಾಂ ಧಾವಯನ್ತಿ ।
ತದ್ಯದ್ವ್ರಾತ್ಯಸ್ತೋಮೇನ ಯಜನ್ತೇ ಸ್ವರ್ಗಸ್ಯೈವ ಲೋಕಸ್ಯಾನುಖ್ಯಾತ್ಯೈ ।
ತಸ್ಯ ದ್ವಾತ್ರಿಂಶಾಃ ಪವಮಾನಾ ಭವನ್ತಿ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ವಾಗನುಷ್ಟುಪ್ ।
ವಾಚೋ ವಾ ಏತೇ ವ್ಯೃಧ್ಯನ್ತೇ ಯೇ ವ್ರಾತ್ಯಾಂ ಧಾವಯನ್ತಿ ।
ತದ್ಯದ್ದ್ವಾತ್ರಿಂಶಾಃ ಪವಮಾನಾ ಭವನ್ತಿ ವಾಚೈವ ತತ್ಸಮೃಧ್ಯನ್ತೇ ।
ಅನುಷ್ಟುಪ್ಪ್ರತಿಪದ್ಭವತಿ ।
ವಾಗ್ವಾ ಅನುಷ್ಟುಪ್ ।
ವಾಚೋ ವಾ ಏತೇ ವ್ಯೃಧ್ಯನ್ತೇ ಯೇ ವ್ರಾತ್ಯಾಂ ಧಾವಯನ್ತಿ ೨೨೧

ವಾಚಾ ಹ್ಯಪೂತಮಮೇಧ್ಯಂ ವದನ್ತಿ ।
ತೇಷಾಮಿನ್ದ್ರಿ ಯಂ ವೀರ್ಯಂ ವಾಚೋಽಪಕ್ರಾಮತಿ ।
ತದ್ಯದನುಷ್ಟುಪ್ಪ್ರತಿಪದ್ಭವತಿ ಅಭಿಪೂರ್ವಮೇವ ತದ್ವಾಚಾ ಸಮೃಧ್ಯನ್ತೇ ।
ಸೋ ವಾ ಅರ್ಬುದಸ್ಯರ್ಕ್ಷು ಭವತಿ ।
ಅರ್ಬುದೋ ವೈ ಸರ್ಪ ಏತಾಭಿರ್ಮೃತಾಂ ತ್ವಚಮಪಾಹತ ।
ಮ್ರಿಯನ್ತೇ ಇವ ವಾ ಏತೇ ಯೇ ವ್ರಾತ್ಯಾಂ ಧಾವಯನ್ತಿ ।
ಉತ ಹಿ ಸ್ಥವಿರತರಸ್ಯಾನ್ತ ಆಹನಸ್ಯಂ ವದನ್ತಿ ।
ಮೃತಾಮೇವೈತಾಭಿಸ್ತ್ವಚಮಪಘ್ನತೇ ೨೨೨

ಸೋ ವಾ ಆಗ್ನೇಯೀ ಭವತಿ ।
ಅಗ್ನಿರ್ವೈ ಲೋಕಾನಾಂ ಪ್ರಜ್ಞಪಯಿತಾ ।
ಸ ಯೋ ಲೋಕಾನಾಂ ಪ್ರಜ್ಞಪಯಿತಾ ಸ ನೋ ಲೋಕಾನ್ಪ್ರಜ್ಞಪಯಾದಿತಿ ।
ನ ಹಿ ತೇ ಅಗ್ನೇ ತನ್ವೈ ಕ್ರೂರಂ ವಿವೇದ ಮರ್ತ್ಯ ಇತಿ ಯದಿಹ ಕ್ರೂರಮಶಾನ್ತಮಚಾರಿಷ್ಮ ತದೇತಯಾಪಹನಾಮಹಾ ಇತಿ ।
ಕಪಿರ್ಬಿಭಸ್ತಿ ತೇಜನಂ ಪುನರ್ಜರಾಯು ಗೌರಿವೇತಿ ಪುನರೇವೈತಯಾಪಿಯನ್ತಿ ।
ಅಗ್ನೇ ವಿಶ್ವೇಭಿರಗ್ನಿಭಿರಿತಿ ವೈಶ್ವಾಗ್ನಮಾಜ್ಯಂ ಭವತಿ ।
ಅಗ್ನಯೋ ವೈ ವಿಶ್ವೇ ದೇವಾಃ ।
ವಿಶ್ವಾನೇವ ತೇನ ದೇವಾನಪಿಯನ್ತಿ ।
ತದಾನುಷ್ಟುಭಂ ಭವತಿ ಸವನಮುಖೇ ಸವನಮುಖೇ ವಾಚಾ ಸಮೃಧ್ಯಾಮಹಾ ಇತಿ ।
ತತ್ತ್ರಿವೃದ್ಭವತಿ ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮಣೋ ವಾ ಏತೇ ವ್ಯೃಧ್ಯನ್ತೇ ಯೇ ವ್ರಾತ್ಯಾಂ ಧಾವಯನ್ತಿ ।
ರಾಜಪುತ್ರಾ ಇತಿ ಹ್ಯೇನಾನಾಚಕ್ಷತೇ ।
ತದ್ಯತ್ತ್ರಿವೃದ್ಭವತಿ ಬ್ರಹ್ಮಣೈವ ತತ್ಸಮೃಧ್ಯನ್ತೇ ।
ಪಞ್ಚದಶಂ ಮೈತ್ರಾವರುಣಸ್ಯ ।
ಕ್ಷತ್ರಂ ವೈ ಪಞ್ಚದಶಃ ।
ಅಪಭ್ರಂಶೋ ಹ ವೈ ಬ್ರಹ್ಮಣಃ ಕ್ಷತ್ರಮ್ ।
ಕ್ಷತ್ರೇಣೈವ ತತ್ಸಮೃಧ್ಯನ್ತೇ ।
ಸಪ್ತದಶಂ ಬ್ರಾಹ್ಮಣಾಚ್ಛಂಸಿನಃ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿನೈವ ತತ್ಸಮೃಧ್ಯನ್ತೇ ।
ಷೋಡಶಮಚ್ಛಾವಾಕಸ್ಯ ।
ಇನ್ದ್ರಿ ಯಂ ವೈ ವೀರ್ಯಂ ಷೋಡಶೀ ।
ಇನ್ದ್ರಿ ಯೇಣೈವ ತದ್ವೀರ್ಯೇಣ ಸಮೃಧ್ಯನ್ತೇ ೨೨೩

ಅಥೈತೇ ಉಷ್ಣಿಕ್ಕಕುಭೌ ಮಾಧ್ಯಂದಿನಂ ಸವನಮಭಿ ಪ್ರತ್ಯಾಹರನ್ತಿ ।
ಪ್ರಜಾ ವೈ ಛನ್ದಸಾಮುಷ್ಣಿಕ್ಕಕುಭೌ ।
ತಯೋರ್ಬೃಹತೋ ಮಾರುತಸ್ಯ ಸಾಮನೀ ಭವತಃ ।
ದ್ಯೌತಾನೇ ವಾ ದೇವಸಾಮೇ ।
ಛನ್ದಾಂಸಿ ವೈ ಸ್ವರ್ಗೋ ಲೋಕಃ ।
ಸ ಯಥಾ ಪ್ರಿಯಂ ಪುತ್ರಮಾರಭ್ಯ ಯಾಚೇತ್ಸಖಾ ವಾ ಸಖಾಯಮನುಸಂವಿದಮೇವಮೇವೈತತ್ಸರ್ವಾಣಿ ಛನ್ದಾಂಸ್ಯಾರಭ್ಯ ಮಧ್ಯತೋ ವಿಯನ್ತಿ ।
ತಯೋರನ್ಯತರಸ್ಯಾಂ ಬ್ರಹ್ಮಸಾಮ ।
ಬ್ರಹ್ಮ ವೈ ಬ್ರಹ್ಮಸಾಮ ।
ಯಜಮಾನಕಾಮೋ ವಾ ಏಷ ಯದ್ಬ್ರಹ್ಮಸಾಮ ।
ಸ್ವ ಏವ ತದಾಯತನೇ ಯಜಮಾನಂ ಕಾಮೈಸ್ಸಮರ್ಧಯನ್ತಿ ।
ಸಪ್ತದಶಂ ಹೋತುಃ ಪೃಷ್ಠಂ ಭವತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿಮೇವೈತನ್ಮಧ್ಯತೋ ವಿಯನ್ತಿ ।
ಏಕವಿಂಶಂ ಮೈತ್ರಾವರುಣಸ್ಯ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏತಮೇವೈತನ್ಮಧ್ಯತೋ ವಿಯನ್ತಿ ।
ತ್ರಿಣವಂ ಬ್ರಾಹ್ಮಣಾಚ್ಛಂಸಿನಃ ।
ತ್ರಿಣವಾ ಇಮೇ ಲೋಕಾಃ ।
ಇಮಾನೇವೈತಲ್ಲೋಕಾನ್ಮಧ್ಯತೋ ವಿಯನ್ತಿ ।
ಷೋಡಶಮಚ್ಛಾವಾಕಸ್ಯ ।
ಇನ್ದ್ರಿ ಯಂ ವೈ ವೀರ್ಯಂ ಷೋಡಶೀ ।
ಇನ್ದ್ರಿ ಯೇಣೈವ ತದ್ವೀರ್ಯೇಣ ಸಮೃಧ್ಯನ್ತೇ ।
ಷೋಡಶಮು ಏವಾದೋಽಚ್ಛಾವಾಕಸ್ಯ ।
ತದ್ದ್ವಾತ್ರಿಂಶತ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಯೋಽನುಷ್ಟುಭಿ ಕಾಮಸ್ಸ ನ ಉಪಾಪ್ತೋಽಸದಿತಿ ೨೨೪

ಅಥೈತಾ ನದಂ ವ ಓದತೀನಾಮಿತ್ಯುಷ್ಣಿಹಾಭಾಜನಮಾರ್ಭವೇ ಪವಮಾನೇ ಕ್ರಿಯನ್ತೇ ।
ತಾಸ್ಸಪ್ತಾಕ್ಷರಪದಾ ಭವನ್ತಿ ।
ಸಪ್ತ ಪ್ರಾಣಾಃ ।
ಪ್ರಾಣೈರೇವ ತತ್ಸಮೃಧ್ಯಮಾನಾ ಯನ್ತಿ ।
ಪ್ರಾಣೇಷು ಪ್ರತಿತಿಷ್ಠನ್ತಿ ।
ಉತ ಹ್ಯಹಿಂಸ್ಯಂ ಬ್ರಾಹ್ಮಣಂ ಹಿಂಸನ್ತಿ ಶ್ರೋತ್ರಿಯಂ ವಾ ಗೃಹಮೇಧಿನಂ ವಾ ।
ತದ್ಯತ್ಸಪ್ತಾಕ್ಷರಪದಾ ಭವನ್ತಿ ಪ್ರಾಣೈರೇವ ತತ್ಸಮೃಧ್ಯನ್ತೇ ।
ತಾಶ್ಚತುಷ್ಪದಾ ಭವನ್ತಿ ಪ್ರತಿಷ್ಠಾಯೈ ।
ಚತುಷ್ಪದೀವ ಪ್ರತ್ಯಷ್ಠಾದಿತಿ ವಾ ಆಹುಃ ।
ಸುಪ್ರತಿಷ್ಠಿತಂ ತಾಸ್ವಭೀವರ್ತಃ ।
ವಾಗ್ವಾ ಅಭೀವರ್ತಃ ।
ವಾಚೋ ವಾ ಏತೇ ವ್ಯೃಧ್ಯನ್ತೇ ಯೇ ವ್ರಾತ್ಯಾಂ ಧಾವಯನ್ತಿ ।
ತದ್ಯದಭೀವರ್ತೋ ಭವತಿ ವಾಚೈವ ತತ್ಸಮೃಧ್ಯನ್ತೇ ।
ಅಗ್ನ ಆ ಯಾಹ್ಯಗ್ನಿಭಿರಿತ್ಯಗ್ನಿಷ್ಟೋಮಸಾಮ ಭವತಿ ।
ಅಗ್ನಯೋ ವೈ ಸರ್ವೇ ದೇವಾಃ ।
ಸರ್ವಾನೇವ ತೇನ ದೇವಾನಪಿಯನ್ತಿ ।
ತತ್ತ್ರಯಸ್ತ್ರಿಂಶಂ ಭವತಿ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾಸ್ವೇವೈತದ್ದೇವತಾಸು ಯಜ್ಞಸ್ಯಾನ್ತತಃ ಪ್ರತಿತಿಷ್ಠನ್ತಿ ೨೨೫

ತಾಃ ಕೇಶಿನೀರ್ಭವನ್ತಿ ।
ಊರ್ಜೋ ನಪಾತಂ ಘೃತಕೇಶಮೀಮಹೇಽಗ್ನಿಂ ಯಜ್ಞೇಷು ಪೂರ್ವ್ಯಮಿತಿ ಕೇಶೈರಿವ ಹ್ಯೇತೇ ಚರನ್ತಿ ।
ಅಥೈಷ ಕುಷೀತಗೃಹಪತೀನಾಮೈಷೀಕಪಾವಾನಾಂ ಷೋಡಶಪವಮಾನಃ ।
ಇನ್ದ್ರಿ ಯಂ ವೈ ವೀರ್ಯಂ ಷೋಡಶೀ ।
ಆರಭಮಾಣಾ ಏವೇನ್ದ್ರಿ ಯೇಣ ವೀರ್ಯೇಣ ಸಮೃಧ್ಯಾಮಹಾ ಇತಿ ।
ತ್ರೀಣಿ ಪಞ್ಚದಶಾನ್ಯಾಜ್ಯಾನಿ ಭವನ್ತಿ ।
ಕ್ಷತ್ರಂ ವೈ ಪಞ್ಚದಶಃ ।
ಕ್ಷತ್ರೇಣೈವ ತತ್ಸಮೃಧ್ಯನ್ತೇ ।
ಷೋಡಶಮಚ್ಛಾವಾಕಸ್ಯ ।
ಇನ್ದ್ರಿ ಯಂ ವೈ ವೀರ್ಯಂ ಷೋಡಶೀ ।
ಇನ್ದ್ರಿ ಯೇಣೈವ ತದ್ವೀರ್ಯೇಣ ಸಮೃಧ್ಯನ್ತೇ ।
ಷೋಡಶೋ ಮಾಧ್ಯಂದಿನಃ ।
ತದ್ದ್ವಾತ್ರಿಂಶತ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಯೋಽನುಷ್ಟುಭಿ ಕಾಮಸ್ಸ ನ ಉಪಾಪ್ತೋಽಸದಿತಿ ।
ತ್ರೀಣಿ ಸಪ್ತದಶಾನಿ ಪೃಷ್ಠಾನಿ ಭವನ್ತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿನೈವ ತತ್ಸಮೃಧ್ಯನ್ತೇ ।
ಷೋಡಶಮಚ್ಛಾವಾಕಸ್ಯ ।
ಇನ್ದ್ರಿ ಯಂ ವೈ ವೀರ್ಯಂ ಷೋಡಶೀ ।
ಇನ್ದ್ರಿ ಯೇಣೈವ ತದ್ವೀರ್ಯೇಣ ಸಮೃಧ್ಯನ್ತೇ ।
ಷೋಡಶ ಆರ್ಭವಃ ।
ತದ್ದ್ವಾತ್ರಿಂಶದ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಯೋಽನುಷ್ಟುಭಿ ಕಾಮಸ್ಸ ನ ಉಪಾಪ್ತೋಽಸದಿತಿ ।
ಏಕವಿಂಶಮಗ್ನಿಷ್ಟೋಮಸಾಮ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏತಸ್ಯ ವಾ ಏತೇ ಸಲೋಕತಾಂ ಗಚ್ಛನ್ತಿ ಏತಮಭ್ಯಾರೋಹನ್ತಿ ೨೨೬

ಅಥೈಷ ಕನಿಷ್ಠಾನಾಮಗ್ರಕಾಮಾಣಾಮ್ ।
ತಸ್ಯ ತ್ರಿವೃತಸ್ಸತಶ್ಚತುರ್ವಿಂಶಂ ಬಹಿಷ್ಪವಮಾನಮ್ ।
ತೇ ಯೇ ಕನಿಷ್ಠಾ ಅಗ್ರಕಾಮಾ ಸ್ಯುಸ್ತ ಏತೇನ ಯಜೇರನ್ ।
ತದ್ಯತ್ತ್ರಿವೃತಸ್ಸತಶ್ಚತುರ್ವಿಂಶಂ ಬಹಿಷ್ಪವಮಾನಂ ಭವತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೋ ವಾ ಅಗ್ರಂ ಜ್ಯೈಷ್ಠ್ಯಂ ಸ ಯೋಽಗ್ರಂ ಜ್ಯೈಷ್ಠ್ಯಂ ಸ ನೋಽಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ಸ ತ್ರಿವೃದ್ಭವತಿ ।
ತ್ರಿವೃದ್ವೈ ಸ್ತೋಮಾನಾಮಗ್ರಂ ಜ್ಯೈಷ್ಠ್ಯಮ್ ।
ಸ ಯೋಽಗ್ರಂ ಜ್ಯೈಷ್ಠ್ಯಂ ಸ ನೋಽಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ಸ ಗಾಯತ್ರೀಷು ಭವತಿ ।
ಗಾಯತ್ರೀ ವೈ ಛನ್ದಸಾಮಗ್ರಂ ಜ್ಯೈಷ್ಠ್ಯಮ್ ।
ಸಾ ಯಾಗ್ರಂ ಜ್ಯೈಷ್ಠ್ಯಂ ಸಾ ನೋಽಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ರಥನ್ತರಂ ವೈ ಪೃಷ್ಠಾನಾಮಗ್ರಂ ಜ್ಯೈಷ್ಠ್ಯಮ್ ।
ತದ್ಯದಗ್ರಂ ಜ್ಯೈಷ್ಠ್ಯಂ ತನ್ನೋಽಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರೋ ವಾ ಅಗ್ರಂ ಜ್ಯೈಷ್ಠ್ಯಮ್ ।
ಸ ಯೋಽಗ್ರಂ ಜ್ಯೈಷ್ಠ್ಯಂ ಸ ನೋಽಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೋ ವಾ ಅಗ್ರಂ ಜ್ಯೈಷ್ಠ್ಯಮ್ ।
ಸ ಯೋಽಗ್ರಂ ಜ್ಯೈಷ್ಠ್ಯಂ ಸ ನೋಽಗ್ರಂ ಜ್ಯೈಷ್ಠ್ಯಂ ಗಮಯಾದಿತಿ ।
ಗಚ್ಛನ್ತಿ ಹ ಕನಿಷ್ಠಾಸ್ಸನ್ತೋ ಜ್ಯೇಷ್ಠತಾಮ್ ೨೨೭

ಅಥೈತೇ ಚಾತುರ್ಮಾಸ್ಯಾಃ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಸ್ಯ ಸೃಷ್ಟಾಃ ಪರಾಭವನ್ ।
ತದಿದಂ ಸರೀಸೃಪಮಭವದ್ಯದನ್ಯತ್ಸರ್ಪೇಭ್ಯಃ ।
ಸ ದ್ವಿತೀಯಾ ಅಸೃಜತ ।
ತಾ ಅಸ್ಯ ಪರೈವಾಭವನ್ ।
ತೇ ಮತ್ಸ್ಯಾ ಅಭವನ್ ।
ಸ ತೃತೀಯಾ ಅಸೃಜತ ।
ತಾ ಅಸ್ಯ ಪರೈವಾಭವನ್ ।
ತಾನಿ ವಯಾಂಸ್ಯಭವನ್ ।
ಸ ಷಕ್ಷತ ಯಾ ಇಮಾಸ್ತ್ರಯೀಃ ಪ್ರಜಾ ಅಸೃಕ್ಷ್ಯೃತೇ ಬ್ರಹ್ಮಣ ಋತೇಽನ್ನಾದ್ಯಾದೃತೇ ಯಜ್ಞಾತ್ಪರಾ ತಾ ಅಭೂವನ್ ।
ಹನ್ತೋ ನ್ವೇವ ಬ್ರಹ್ಮಣೋಽನ್ನಾದ್ಯಾದ್ಯಜ್ಞಾತ್ಪ್ರಜಾಸ್ಸೃಜಾ ಇತಿ ।
ಸೋಽನ್ನಾದ್ಯಮಾತ್ಮನ್ನಧತ್ತ ।
ತದಭ್ಯಸ್ತನಯತ್ ।
ತತ್ಪ್ರಾಕ್ಪ್ರೈಷತ್ ।
ತೌ ಸ್ತನಾವಭವತಾಮ್ ।
ಯದಭ್ಯಸ್ತನಯತ್ತತ್ಸ್ತನಯೋ ಸ್ತನತ್ವಮ್ ।
ತದತ್ಯಕ್ಷರತ್ ।
ತತ್ಕ್ಷೀರಮಭವತ್ ।
ಯದತ್ಯಕ್ಷರತ್ತತ್ಕ್ಷೀರಸ್ಯ ಕ್ಷೀರತ್ವಮ್ ।
ವ್ರೀಹಿಯವೌ ಹ ವಾವ ಸ ತದಾತ್ಮನ್ದಧೇ ।
ತದೇತದ್ವ್ರೀಹಿಯವಯೋಃ ಕ್ಷೀರಮ್ ।
ಸ ಷಕ್ಷತಾಲಂ ವೈ ತಸ್ಮಾ ಅಸ್ಮಿ ಸೃಜೇಯೇತ್ತದನ್ನಂ ಲಭೇತ ಯತ್ಸೃಜೇಯ ಹನ್ತ ಸೃಜಾ ಇತಿ ೨೨೮

ಸ ಏತಾಂಶ್ಚಾತುರ್ಮಾಸ್ಯಾನ್ಯಜ್ಞಾನಪಶ್ಯತ್ ।
ತಾನಾಹರತ್ ।
ತೈರಯಜತ ।
ತೈರಿಮಾಃ ಪ್ರಜಾ ಅಸೃಜತ ।
ಯಾ ಇಮಾ ಸ್ತನವತೀಸ್ತಾಭ್ಯೋಽನ್ನಾದ್ಯಂ ಪ್ರಾಯಚ್ಛತ್ ।
ತಾ ಅಸ್ಯಾನ್ನವತೀಃ ಪ್ರಜಾ ಅಭವನ್ ।
ಸ ಯಃ ಕಾಮಯೇತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯಾನ್ನವತೀರ್ಮ ಇಮಾಃ ಪ್ರಜಾ ಸ್ಯುರಿತಿ ಸ ಏತೈರ್ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇಽನ್ನವತೀರಸ್ಯ ಪ್ರಜಾ ಭವನ್ತಿ ।
ತದೇಷಾಭ್ಯನೂಚ್ಯತೇ ।

ತಿಸ್ರೋ ಹ ಪ್ರಜಾ ಅತ್ಯಾಯಮೀಯುರ್
ನ್ಯನ್ಯಾ ಅರ್ಕಮಭಿತೋ ವಿವಿಶ್ಯುಃ
ಬೃಹದ್ಧ ತಸ್ಥೌ ರಜಸೋ ವಿಮಾನೇ
ಪವಮಾನೋ ಹರಿತ ಆ ವಿವೇಶ
ಇತಿ ।
ತದ್ಯದಾಹ ತಿಸ್ರೋ ಹ ಪ್ರಜಾ ಅತ್ಯಾಯಮೀಯುರಿತಿ ಯಾ ಏವ ತಾಃ ಪ್ರಜಾ ಅತ್ಯಾಯಮಾಯಂಸ್ತಾ ಏವ ತಾಃ ।
ನ್ಯನ್ಯಾ ಅರ್ಕಮಭಿತೋ ವಿವಿಶ್ಯುರಿತ್ಯಗ್ನಿರ್ವಾ ಅರ್ಕಸ್ತಮಿಮಾಃ ಪ್ರಜಾ ಅಭಿತೋ ವಿಷ್ಟಾಃ ।
ಬೃಹದ್ಧ ತಸ್ಥೌ ರಜಸೋ ವಿಮಾನೇ ಪವಮಾನೋ ಹರಿತ ಆ ವಿವೇಶೇತಿ ।
ದಿಶೋ ವೈ ಹರಿತಃ ।
ತಾ ಅಯಂ ವಾಯುಃ ಪವಮಾನ ಆವಿಷ್ಟ ಇತಿ ವಾಜಸನೇಯಃ ।
ಅಥೈಕಾದಶಾಕ್ಷೀ ।
ತಿಸ್ರೋ ಹ ಪ್ರಜಾ ಅತ್ಯಾಯಮೀಯುರಿತಿ ।
ಯಾ ಏವ ತಾಃ ಪ್ರಜಾ ಅತ್ಯಾಯಮಾಯಂಸ್ತಾ ಏತಾಃ ।
ನ್ಯನ್ಯಾ ಅರ್ಕಮಭಿತೋ ವಿವಿಶ್ಯುರಿತ್ಯನ್ನಂ ವಾ ಅರ್ಕಸ್ತದಿಮಾಃ ಪ್ರಜಾ ಅಭಿತೋ ವಿಷ್ಟಾಃ ।
ಬೃಹದ್ಧ ತಸ್ಥೌ ರಜಸೋ ವಿಮಾನ ಇತಿ ।
ಮನೋ ವೈ ಬೃಹತ್ ।
ತದಿದಂ ರಜಸೋ ವಿಮಾನೇ ಮಧ್ಯ ಆತ್ಮನೋ ಹೃದಯಂ ತತ್ ।
ಪವಮಾನೋ ಹರಿತ ಆ ವಿವೇಶೇತಿ ।
ಪ್ರಜಾ ವೈ ಹರಿತಃ ।
ತಾ ಅಯಂ ಪ್ರಾಣಃ ಪವಮಾನ ಆವಿಷ್ಟ ಇತಿ ೨೨೯

ಸೋಽಕಾಮಯತ ವೈಶ್ವದೇವೀಃ ಪ್ರಜಾಸ್ಸೃಜೇಯೇತಿ ।
ಸ ಏತಂ ವೈಶ್ವದೇವಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತೇನ ವೈಶ್ವದೇವೀಃ ಪ್ರಜಾ ಅಸೃಜತ ।
ಸ ಯಃ ಕಾಮಯೇತ ವೈಶ್ವದೇವೀಃ ಪ್ರಜಾಸ್ಸೃಜೇಯೇತಿ ಸ ಏತೇನ ಯಜೇತ ।
ವೈಶ್ವದೇವೀರೇವ ಪ್ರಜಾಸ್ಸೃಜತೇ ।
ಸ ತ್ರಿವೃದ್ರ ಥನ್ತರಸಾಮಾ ಭವತಿ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮ ರಥನ್ತರಮ್ ।
ಬ್ರಹ್ಮಣಾ ವಾ ಏನಾಸ್ತದಸೃಜತ ।
ಬ್ರಹ್ಮಣೈವ ಪ್ರಜಾಸ್ಸೃಜತೇ ಯ ಏವಂ ವೇದ ।
ತಸ್ಯಾಗ್ನೇಯಶ್ಚ ಬಾರ್ಹಸ್ಪತ್ಯಶ್ಚ ಪಶೂ ಭವತಃ ।
ಬ್ರಹ್ಮ ವಾ ಅಗ್ನಿಃ ।
ಬ್ರಹ್ಮ ಬೃಹಸ್ಪತಿಃ ।
ಬ್ರಹ್ಮಣಾ ವಾ ಏನಾಸ್ತದಭಿಪೂರ್ವಮಸೃಜತ ।
ಬ್ರಹ್ಮಣೈವಾಭಿಪೂರ್ವಂ ಪ್ರಜಾಸ್ಸೃಜತೇ ಯ ಏವಂ ವೇದ ।
ತಸ್ಯ ಮೈತ್ರಾವರುಣ್ಯನೂಬನ್ಧ್ಯಾ ಭವತಿ ।
ಮಿತ್ರೋ ವೈ ಯಜ್ಞಸ್ಯ ಸ್ವಿಷ್ಟಂ ಗೃಹ್ಣಾತಿ ವರುಣೋ ದುರಿಷ್ಟಮ್ ।
ತದ್ಯನ್ಮೈತ್ರಾವರುಣ್ಯನೂಬನ್ಧ್ಯಾ ಭವತಿ ಪುನರೇವಾಸ್ಮೈ ಮಿತ್ರೋ ದದಾತಿ ।
ಸ್ವಿಷ್ಟಮಸ್ಮೈ ವರುಣಃ ಕರೋತಿ ।
ದ್ಯಾವಾಪೃಥಿವ್ಯೋಪಾಲಂಭ್ಯಾ ಭವತಿ ।
ದ್ಯಾವಾಪೃಥಿವೀ ವಾ ಆಇಕ್ಷೇತಾಂ ಯದ್ವಾ ಅಯಮಿದಂ ಸೃಜತ ಆವಂ ವಾ ಅಯಮಿದಂ ಪ್ರತಿಷ್ಠೇ ಪಶ್ಯನ್ಸೃಜತೇ ಹನ್ತಾಸ್ಮಿನ್ಭಾಗಧೇಯಮಿಚ್ಛಾವಹಾ ಇತಿ ।
ತೇಽಸ್ಮಿನ್ಭಾಗಧೇಯಮೈಚ್ಛೇತಾಮ್ ।
ತಾಭ್ಯಾಮೇತಾಂ ದ್ಯಾವಾಪೃಥಿವ್ಯಾಮುಪಾಲಂಭ್ಯಾಮಕಲ್ಪಯತ್ ।
ತದ್ಯದೇತಾ ದ್ಯಾವಾಪೃಥಿವ್ಯೋಪಾಲಂಭ್ಯಾ ಭವತಿ ದ್ಯಾವಾಪೃಥಿವೀ ಏವೈತೇನ ಭಾಗಧೇಯೇನ ನಿರವದಯನ್ತೇ ।
ಆಗ್ನೇಯಃ ಪಶುರ್ಯಜ್ಞೋ ವಾ ಅಗ್ನಿರ್ನೇದ್ಯಜ್ಞಾದಗ್ನೇರಯಾಮೇತಿ ೨೩೦

ತಾ ಅಸ್ಯ ಪ್ರಜಾಸ್ಸೃಷ್ಟಾ ವರುಣಸ್ಯ ಯವಮಾದನ್ ।
ತಾ ವರುಣೋ ವರುಣಪಾಶೇನಾಗೃಹ್ಣಾತ್ ।
ಸ ಷಕ್ಷತ ಯಾ ಅಮೂಃ ಪೂರ್ವಾಃ ಪ್ರಜಾ ಅಸೃಕ್ಷಿ ಪರಾ ತಾ ಅಭೂವನ್ ।
ಯದೀಮಾಃ ಪರಾಭವನ್ತಿ ಕ್ವ ತತೋ ಭವಾನಿ ಹೈನ್ತೈನಾ ಅಭಿತೋ ಭಿಷಜ್ಯಾನೀತಿ ।
ಸ ಏತೌ ದ್ವಿದಿವೌ ವರುಣಪ್ರಘಾಸಾವಪಶ್ಯತ್ ।
ತಾವಾಹರತ್ ।
ತಾಭ್ಯಾಮಯಜತ ।
ತಾಭ್ಯಾಮೇನಾ ವರುಣೀಯಾದೇನಸೋ ವ್ಯಮುಞ್ಚತ್ ।
ತದ್ಯದೇತೌ ದ್ವಿದಿವೌ ವರುಣಪ್ರಘಾಸೌ ಭವತೋ ವರುಣೀಯಾದೇವೈತಾಭ್ಯಾಮೇನಸಃ ಪ್ರಜಾ ಮುಞ್ಚತಿ ।
ಮರುತ್ವತೀ ಪೂರ್ವಸ್ಯಾಹ್ನ ಪ್ರತಿಪದ್ಭವತಿ ।
ಆಗ್ನೇಯಶ್ಚ ಮಾರುತಶ್ಚ ಪಶೂ ।
ತಾ ಅಸ್ಯ ಪ್ರಜಾ ವರುಣಗೃಹೀತಾ ಮರುತೋ ರನ್ಧ್ರಾಣ್ಯನ್ವವಪಾತಿನೋ ವ್ಯಮಿಮಥಿಷನ್ತ ।
ತದ್ಯನ್ಮರುತ್ವತೀ ಪ್ರತಿಪದ್ಭವತಿ ಮರುತ ಏವೈತೇನ ಭಾಗಧೇಯೇನ ನಿರವದಾಯನ್ತೇ ।
ಆಗ್ನೇಯಪಶುರ್ಯಜ್ಞೋ ವಾ ಅಗ್ನಿರ್ನೇದ್ಯಜ್ಞಾದಗ್ನೇರಯಾಮೇತಿ ।
ಕವತ್ಯುತ್ತರಸ್ಯಾಹ್ನಃ ಪ್ರತಿಪದ್ಭವತಿ ಕಾಯೋಪಾಲಮ್ಭ್ಯಾ ಪ್ರಜಾಪತಿರ್ವೈ ಕಃ ಪ್ರಜಾಪತಿಮೇವ ತದನ್ತತಃ ಪ್ರೀಣನ್ತಿ ।
ಪ್ರಜಾಪತಿರ್ವಾ ಷಕ್ಷತ ಕಂ ವೈ ಪ್ರಜಾಭ್ಯೋ ಭೂವಂ ಕಮಾತ್ಮನೇಽಸಾನೀತಿ ।
ಸ ಏತಾಂ ಕವತೀಂ ಪ್ರತಿಪದಮಪಶ್ಯತ್ಕಾಯಾಮುಪಾಲಂಭ್ಯಾಮ್ ।
ತತೋ ವೈ ಸ ಕಂ ಪ್ರಜಾಭ್ಯೋಽಭವತ್ಕಮಾತ್ಮನೇ ।
ಕಂ ಹೈವ ಪ್ರಜಾಭ್ಯೋ ಭವತಿ ಕಮಾತ್ಮನೇ ಯ ಏವಂ ವೇದ ।
ಆಗ್ನೇಯಃ ಪಶುರ್ಯಜ್ಞೋ ವಾ ಅಗ್ನಿರ್ನೇದ್ಯಜ್ಞಾದಗ್ನೇರಯಾಮೇತಿ ೨೩೧

ಅಥ ಯದ್ವಾರುಣೋ ನಿರ್ವರುಣತಾಯಾ ಏವ ।
ತಾ ಅಸ್ಯ ಪ್ರಜಾ ವರುಣಾನ್ಮುಮುಚಾನಾ ವೃತ್ರಃ ಪಾಪ್ಮಾಗೃಹ್ಣಾತ್ ।
ಸ ಷಕ್ಷತ ಹನ್ತೋ ನ್ವೇವೈನಾ ಅಭಿತೋ ಭಿಷಜ್ಯಾನೀತಿ ।
ಸ ಏತಾಂಸ್ತ್ರಿದಿವಾನ್ಸಾಕಮೇಧಾನಪಶ್ಯತ್ ।
ತಾನಾಹರತ್ ।
ತೈರಯಜತ ।
ತೈರೇನಾ ವೃತ್ರಾತ್ಪಾಪ್ಮನೋಽಭ್ಯಮುಞ್ಚತ್ ।
ತದ್ಯದೇತೇ ತ್ರಿದಿವಾಸ್ಸಾಕಮೇಧಾ ಭವನ್ತಿ ವೃತ್ರಾದೇವೈತೈಃ ಪಾಪ್ಮನಃ ಪ್ರಜಾ ಮುಞ್ಚತಿ ।
ತಾ ಅಸ್ಯ ಪ್ರಜಾ ವೃತ್ರಾತ್ಪಾಪ್ಮನೋ ಮುಮುಚಾನಾಸ್ಸರ್ವಾಸ್ಸಾಕಂ ಸಮೈಧಯನ್ತ ।
ಯತ್ಸಾಕಂ ಸಮೈಧಯನ್ತ ತತ್ಸಾಕಮೇಧಾನಾಂ ಸಾಕಮೇಧತ್ವಮ್ ।
ಸಾಕಂ ಹ ವೈ ಪ್ರಜಯಾ ಪಶುಭಿರೇಧತೇ ಯ ಏವಂ ವೇದ ।
ಅನೀಕವತೀ ಪ್ರಥಮಸ್ಯಾಹ್ನಃ ಪ್ರತಿಪದ್ಭವತಿ ।
ಆಗ್ನೇಯಃ ಪಶುಃ ।
ಅಗ್ನಿನಾ ವಾ ಅನೀಕೇನೇನ್ದ್ರೋ ವೃತ್ರಂ ಪಾಪ್ಮಾನಮಹನ್ ।
ತದ್ಯದನೀಕವತೀ ಪ್ರತಿಪದ್ಭವತ್ಯಗ್ನಿನಾನೀಕೇನ ವೃತ್ರಂ ಪಾಪ್ಮಾನಂ ಹನಾನೀತಿ ।
ಅಗ್ನಿನೈವಾನೀಕೇನ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ಕ್ರೀಡನೀ ದ್ವಿತೀಯಸ್ಯಾಹ್ನಃ ಪ್ರತಿಪದ್ಭವತಿ ।
ಆಗ್ನೇಯಶ್ಚೈನ್ದ್ರಾ ಗ್ನಶ್ಚ ಪಶೂ ।
ತದ್ಯತ್ಕ್ರೀಡನೀ ಪ್ರತಿಪದ್ಭವತಿ ಯದೇವ ಪ್ರಜಾ ವೃತ್ರಾತ್ಪಾಪ್ಮನೋ ಮುಮುಚಾನಾ ಆಕ್ರೀಡನ್ತ ತಸ್ಮಾತ್ಕ್ರೀಡನೀ ।
ಅಥೋ ಹೇನ್ದ್ರೋ ವೃತ್ರಂ ಹನಿಷ್ಯನ್ಮರುತ ಉವಾಚ ಪರಶುವಧಹಸ್ತಾ ಮಾಮಭಿತಃ ಪರಿಕ್ರೀಡತ ಸ ವೀತಭೀರ್ವೃತ್ರಂ ಪಾಪ್ಮಾನಂ ಹನಾನೀತಿ ।
ತಮು ಹ ಮರುತಃ ಪರಶುವಧಹಸ್ತಾ ಅಭಿತಃ ಪರಿಚಿಕ್ರೀಡುಃ ।
ಸ ಹ ವೀತಭೀರ್ವೃತ್ರಂ ಪಾಪ್ಮಾನಮಹನ್ ।
ವೀತಭೀರ್ಹ ವೈ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ಆಗ್ನೇಯಃ ಪಶುರ್ಯಜ್ಞೋ ವಾ ಅಗ್ನಿರ್ನೇದ್ಯಜ್ಞಾದಗ್ನೇರಯಾಮೇತಿ ೨೩೨

ಅಥ ಯದೈನ್ದ್ರಾ ಗ್ನೋ ಬ್ರಹ್ಮ ವಾ ಅಗ್ನಿಃ ।
ಕ್ಷತ್ರಮಿನ್ದ್ರೋ ಬ್ರಹ್ಮಣಾ ಚ ಹ ವಾವ ಸ ತತ್ಕ್ಷತ್ರೇಣ ಚ ಸಯುಗ್ಭ್ಯಾಂ ವೃತ್ರಂ ಪಾಪ್ಮಾನಂ ಹನಾನೀತಿ ।
ಬ್ರಹ್ಮಣಾ ಚ ಹೈವ ಕ್ಷತ್ರೇಣ ಚ ಸಯುಗ್ಭ್ಯಾಂ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ವೈಶ್ವಕರ್ಮಣೀ ತೃತೀಯಸ್ಯಾಹ್ನಃ ಪ್ರತಿಪದ್ಭವತಿ ।
ವೈಶ್ವಕರ್ಮಣ್ಯುಪಾಲಂಭ್ಯಾಗ್ನೇಯಶ್ಚ ಮಾಹೇನ್ದ್ರ ಶ್ಚ ಪಶೂ ।
ತದ್ಯದ್ವೈಶ್ವಕರ್ಮಣೀ ಪ್ರತಿಪದ್ಭವತಿ ವೈಶ್ವಕರ್ಮಣ್ಯುಪಾಲಂಭ್ಯಾ ಪ್ರಜಾಪತಿರ್ವೈ ವಿಶ್ವಕರ್ಮಾ ಪ್ರಜಾಪತಿಮೇವ ತದನ್ತತಃ ಪ್ರೀಣನ್ತಿ ।
ಅಥೋ ಯದೇವ ಪ್ರಜಾ ವೃತ್ರಾತ್ಪಾಪ್ಮನೋ ಮುಮುಚಾನಾ ವಿಶ್ವಂ ಕರ್ಮೋಪಾಕ್ರಮನ್ತ ತಸ್ಮಾದ್ವೈಶ್ವಕರ್ಮಣೀ ।
ಆಗ್ನೇಯಃ ಪಶುರ್ಯಜ್ಞೋ ವಾ ಅಗ್ನಿರ್ನೇದ್ಯಜ್ಞಾದಗ್ನೇರಯಾಮೇತಿ ೨೩೩

ಅಥ ಯನ್ಮಾಹೇನ್ದ್ರ ಃ! ।
ಇನ್ದ್ರೋ ಹ ವಾ ಏಷ ಪುರಾ ವೃತ್ರಸ್ಯ ವಧಾದಾಸ ।
ಸ ವೃತ್ರಂ ಹತ್ವಾ ಮಹೇನ್ದ್ರೋ ಽಭವತ್ ।
ಭೂಯೋ ಹ್ಯೇವ ಜ್ಯಾಯಸಾ ಕರ್ಮಣಾಽಭ್ಯಶ್ನುತೇ ।
ತಸ್ಮಾದು ರಾಜಾನಂ ವಿಜಿತಿನಮಾಚಕ್ಷತೇ ಮಹಾರಾಜ ಇತಿ ।
ಅಥೈಷ ಶುನಾಸೀರ್ಯೋ ಯದ್ವಾ ಇನ್ದ್ರ ಸ್ಯ ವೃತ್ರಂ ಜಘ್ನುಷ ಇನ್ದ್ರಿ ಯಂ ವೀರ್ಯಮಾಸೀತ್ತಚ್ಛುನಮ್ ।
ಯತ್ಸಂವತ್ಸರಸ್ಯ ಪ್ರಜಿತಸ್ಯ ಪಯಸ್ತತ್ಸೀರಮ್ ।
ತದ್ಯದಿನ್ದ್ರ ಸ್ಯ ವೃತ್ರಂ ಜಘ್ನುಷ ಇನ್ದ್ರಿ ಯಂ ವೀರ್ಯಂ ಯತ್ಸಂವತ್ಸರಸ್ಯ ಪ್ರಜಿತಸ್ಯ ಪಯಸ್ತದುಭಯಮವರುಣಧಾಮಹಾ ಇತಿ ।
ಸಂವತ್ಸರಸದ್ಧ ಖಲು ವಾ ಏಷ ಯಶ್ಚಾತುರ್ಮಾಸ್ಯಯಾಜೀ ।
ತಸ್ಯ ಶುನಾಸೀರ್ಯಂ ಮೇ ಮಹಾವ್ರತಂ ಭಾಜನಮ್ ।
ಸ ಯಾವತ್ಸಂವತ್ಸರೇಣ ಮಹಾವ್ರತವತಾವರುನ್ದ್ಧೇ ತಾವದವರುನ್ದ್ಧೇ ಯ ಏವಂ ವೇದ ।
ತಸ್ಯ ಸೌರೀ ಪ್ರತಿಪದ್ಭವತಿ ಸೌರ್ಯುಪಾಲಂಭ್ಯಾ ।
ಅಸೌ ವಾ ಆದಿತ್ಯಃ ।
ಸೂರ್ಯ ಏಷ ಇನ್ದ್ರ ಃ! ।
ಷನ್ದ್ರಂ ಮಹಾವ್ರತಂ ತತ್ತತ್ಸಲಕ್ಷ್ಮ ಕ್ರಿಯತೇ ।
ಋತುಷು ಹ ಖಲು ವಾ ಏಷ ಸಂವತ್ಸರಂ ಸ್ವರ್ಗಂ ಲೋಕಮಪ್ಯೇತಿ ಯಶ್ಚಾತುರ್ಮಾಸ್ಯಯಾಜೀ ।
ಸ ವಸನ್ತಮೇವ ಪ್ರಥಮೇನಾಹ್ನಾಪ್ಯೇತಿ ಗ್ರೀಷ್ಮಂ ದ್ವಿತೀಯೇನ ವರ್ಷಾಸ್ತೃತೀಯೇನ ಶರದಂ ಚತುರ್ಥೇನ ಹೇಮನ್ತಂ ಪಞ್ಚಮೇನ ಶಿಶಿರಂ ಷಷ್ಠೇನ ।
ಸಂವತ್ಸರಮೇವ ಶುನಾಸೀರ್ಯೇಣಾಪ್ಯೇತಿ ।
ಸ ಸರ್ವಸ್ತೋಮೋ ಭವತಿ ।
ಸರ್ವಂ ಹಿ ತದ್ಯತ್ಸರ್ವಸ್ತೋಮಃ ।
ಸರ್ವಮೇವೈತೇನಾಪ್ಯೇತಿ ।
ತಸ್ಯ ತ್ರ್! ಯೇಣೀ ಶಲಲೀ ಭವತಿ ಲೌಹಾಯಸಃ ಕ್ಷುರಃ ।
ಸ ಚತುರ್ಷು ಚತುರ್ಷು ಮಾಸ್ಸು ಕೇಶಾನ್ಪರಿವರ್ತಯತೇಽನನ್ತತಾಯಾ ಅಸೌ ವಾ ಆದಿತ್ಯೋಽನನ್ತಃ ।
ಅನನ್ತೋ ವಾ ಅಸೌ ಭೂತ್ವೇದಂ ಸರ್ವಮಭ್ಯಶ್ನುತೇಽನನ್ತೋ ಭೂತ್ವೇದಂ ಸರ್ವಮಭ್ಯಶ್ನವಾ ಇತಿ ।
ಅನನ್ತೋ ಭೂತ್ವೇದಂ ಸರ್ವಮಭ್ಯಶ್ನವಾ ಇತಿ ೨೩೪

ಇತ್ಯೇಕಾಹಂ ಸಮಾಪ್ತಮ್

ಅಹೀನಮ್

ಅಥೈತೇ ದ್ವಿರಾತ್ರಾಃ ।
ಹವಿಷ್ಮಾಂಶ್ಚ ವೈ ಹವಿಷ್ಕೃಚ್ಚಾಙ್ಗಿರಸಾವಾಸ್ತಾಮ್ ।
ತಾವಸ್ಮಿಁ ಲ್ಲೋಕೇ ಸ್ತ್ರೀಚರ್ಯಂ ಪ್ರಮತ್ತೌ ಚರನ್ತಾವೃಷಯೋಽಙ್ಗಿರಸಃ ಪಿತರಶ್ಚ ಪಿತಾಮಹಾಶ್ಚ ಸುಕೃತೋ ಹಿತ್ವಾ ಸ್ವರ್ಗಂ ಲೋಕಮಾಯನ್ ।
ತೌ ಯದಾ ಸಾ ಚರ್ಯಾ ಪರೈದಥಾಕಾಮಯೇತಾಂ ಕಥಂ ನ್ವಿದ್ಯತ್ರ ನಾವೃಷಯೋಽಙ್ಗಿರಸಃ ಪಿತರಶ್ಚ ಪಿತಾಮಹಾಶ್ಚ ಸುಕೃತ ಸ್ವರ್ಗಂ ಲೋಕಮಿತಾಸ್ತದನುಗಚ್ಛೇವೇತಿ ।
ತೌ ತಪೋಽತಪ್ಯೇತಾಮ್ ।
ತಾವೇತದ್ದ್ವಿರಾತ್ರಂ ಯಜ್ಞಮಪಶ್ಯತಾಮ್ ।
ತಮಾಹರೇತಾಮ್ ।
ತೇನಾಯಜೇತಾಮ್ ।
ತತೋ ವೈ ತೌ ಯತ್ರೈನಯೋರೃಷಯೋಽಙ್ಗಿರಸಃ ಪಿತರಶ್ಚ ಪಿತಾಮಹಾಶ್ಚ ಸುಕೃತ ಸ್ವರ್ಗಂ ಲೋಕಮಿತಾ ಆಸಂಸ್ತದನ್ವಗಚ್ಛತಾಮ್ ।
ಸ ಯಃಕಾಮಯೇತ ಯತ್ರ ಮೇ ಪಿತರಶ್ಚ ಪಿತಾಮಹಾಶ್ಚ ಸುಕೃತ ಸ್ವರ್ಗಂ ಲೋಕಂ ಇತಾಸ್ತದನುಗಚ್ಛೇಯಮಿತಿ ಸ ಏತೇನ ಯಜೇತ ।
ಯತ್ರ ಹೈವಾಸ್ಯ ಪಿತರಶ್ಚ ಪಿತಾಮಹಾಶ್ಚ ಸುಕೃತ ಸ್ವರ್ಗಂ ಲೋಕಮಿತಾ ಭವನ್ತಿ ತದೇವಾನುಗಚ್ಛತಿ ।
ಅಥೋ ಆಹುರ್ಯಸ್ಮಾದೇವ ಶ್ರೇಯಾನ್ಭ್ರಾತೃವ್ಯ ಸ್ಯಾತ್ಸ ಏನೇನ ಯಜೇತೇತಿ ।
ಪೂರ್ವಪ್ರೇತ ಇವ ಹ ವಾ ಏಷ ಯ ಶ್ರೇಯಾನ್ ।
ಪೂರ್ವಪ್ರೇತಾನಿವ ವಾ ಏತೇನ ತೌ ತಾನಾಪ್ನುತಾಮ್ ।
ಆಪ್ತ್ವಾ ಶ್ರೇಯಾಂಸಂ ವಸೀಯಾನಾತ್ಮನಾ ಭವತಿ ।
ಅಥೋ ಆಹುಃ ಪ್ರಜಾಕಾಮ ಏವೈನೇನ ಯಜೇತೇತಿ ।
ಆತ್ಮಾ ವೈ ಪೂರ್ವಮಹಃ ಪ್ರಜೋತ್ತರಮ್ ।
ಆತ್ಮಾನಮೇವ ಪೂರ್ವೇಣಾಹ್ನಾ ಸಂಸ್ಕುರುತೇ ಪ್ರಜಾಮುತ್ತರೇಣ ೨೩೫

ಸುದುಷ್ಷಜ ಇವ ಹ ಖಲು ವಾ ಏಷ ಯಜ್ಞಕ್ರತುರ್ಯದ್ದ್ವಿರಾತ್ರಃ ।
ಯದಿ ಜ್ಯೋತಿರಗ್ನಿಷ್ಟೋಮಃ ಪೂರ್ವಮಹರ್ಭವತಿ ಸರ್ವಸ್ತೋಮೋಽತಿರಾತ್ರ ಉತ್ತರಂ ಸ್ತೋತ್ರಾಣಿ ವಿಚ್ಛಿನ್ದನ್ತಿ ।
ಅಥ ಯದಿ ಜ್ಯೋತಿರಗ್ನಿಷ್ಟೋಮಃ ಪೂರ್ವಮಹರ್ಭವತಿ ಸರ್ವಸ್ತೋಮ ಉ ಏವಾತಿರಾತ್ರ ಉತ್ತರಂ ಸ್ತೋತ್ರಾಣಿ ವಿಚ್ಛಿನ್ದನ್ತಿ ।
ಅಥ ಯದಿ ಜ್ಯೋತಿರುಕ್ಥ್ಯಃ ಪೂರ್ವಮಹರ್ಭವತಿ ಸರ್ವಸ್ತೋಮ ಉ ಏವಾತಿರಾತ್ರ ಉತ್ತರಂ ಯಜ್ಞಮುಖಂ ಛಮ್ಬಟ್ಕುರ್ವನ್ತಿ ।
ತದ್ಯಜ್ಜ್ಯೋತಿರ್ಭವತಿ ತೇನ ಯಜ್ಞಮುಖಂ ನ ಛಮ್ಬಟ್ಕುರ್ವನ್ತಿ ।
ಅಥ ಯದುಕ್ಥ್ಯಸ್ತೇನ ಸ್ತೋತ್ರಾಣಿ ನ ವಿಚ್ಛಿನ್ದನ್ತಿ ।
ಆಪ್ತ ಇವ ಹ ಖಲು ವಾ ಏಷ ಯಜ್ಞಕ್ರತುರ್ಯೋ ವಿರಾಜಮಭಿಸಂಪನ್ನಃ ।
ಸ ಪುನರಾರಮ್ಭ್ಯೋ ಭವತಿ ।
ತ್ಯದ್ಯದುತ್ತರಸ್ಯಾಹ್ನಶ್ಚತುರ್ವಿಂಶಂ ಬಹಿಷ್ಪವಮಾನಂ ಭವತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೋ ಯಜ್ಞೋ ಯಜ್ಞಮೇವೈತದ್ಯಜ್ಞಮುಖ ಆರಭನ್ತೇ ।
ಅಥೋ ಚತುರ್ವಿಂಶತ್ಯಕ್ಷರಾ ವೈ ಗಾಯತ್ರೀ ।
ಗಾಯತ್ರ್! ಯೋ ವಾ ಆಪ್ತಂ ಯಜ್ಞಕ್ರತುಂ ಪುನಸ್ತನ್ವತೇ ।
ನೋ ಹ್ಯನ್ಯಾ ಗಾಯತ್ರ್! ಯಾ ಆಪ್ತಂ ಯಜ್ಞಕ್ರತುಮುದ್ಯನ್ತುಮರ್ಹತಿ ।
ತದಾಹುಃ ಕಥಂ ನ ಚತುಶ್ಚತ್ವಾರಿಂಶೋ ನಾಷ್ಟಾಚತ್ವಾರಿಂಶೋ ಮುಖಂ ಯುಗ್ಮತಾಂ ಸ್ತೋಮಾನಾಂ ಭವಿತುಮರ್ಹತಿ ।
ಕಥಂ ಚತುರ್ವಿಂಶ ಏವೇತಿ ।
ಸ ಬ್ರೂಯಾತ್ತ್ರಿಪದಾ ವೈ ಗಾಯತ್ರೀ ।
ತತ್ತ್ರಿಪದಾ ಪ್ರತಿಪದ್ಯನ್ತ ಇತಿ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ಏಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ೨೩೬

ವಿಚ್ಛಿನ್ನ ಇವ ಹ ಖಲು ವಾ ಏಷ ಯಜ್ಞಕ್ರತುರ್ಯದ್ದ್ವಿರಾತ್ರಃ ।
ಗಾಯತ್ರೀಂ ಪೂರ್ವಮಹಸ್ಸಂಪದ್ಯತೇ ತ್ರಿಷ್ಟುಭಮುತ್ತರಮ್ ।
ಅಥ ಕ್ವ ಜಗತೀ ಚಾನುಷ್ಟುಪ್ಚೇತ್ಯಾಹುಃ ।
ಗಾಯತ್ರೀಂ ಚೈವ ಪೂರ್ವಮಹಸ್ಸಂಪಾದಯೇತ್ತ್ರಿಷ್ಟುಭಂ ಚ ಜಗತೀಂ ಚಾನುಷ್ಟುಭಂ ಚೋತ್ತರಂ ಛನ್ದಸಾಂ ಸಂತತ್ಯಾ ಅವ್ಯವಚ್ಛೇದಾಯ ।
ಉಚ್ಚಾ ತೇ ಜಾತಮನ್ಧಸೇತ್ಯನ್ಧಸ್ವತೀರ್ಭವತ್ಯನ್ಧಸ್ವದ್ವೈ ಜಗತ್ಯೈ ರೂಪಂ ತೇನ ಜಗತ್ಯೈ ರೂಪಾನ್ನ ಯನ್ತಿ ।
ವೈಖಾನಸಂ ಭವತಿ ಜಾಗತಂ ಸಾಮ ।
ತೇನೈವ ಜಗತ್ಯೈ ರೂಪಾನ್ನ ಯನ್ತಿ ।
ಯೇ ದ್ವೇ ಸಾಮನೀ ತಯೋರನ್ಯತರದ್ಭವತಿ ಯಥೋಭಯಾಪದೀ ಪ್ರತಿತಿಷ್ಠೇತ್ತಾದೃಕ್ತತ್ ।
ಸುವರ್ಜ್ಯೋತಿರ್ಭವತಿ ।
ಸುವರ್ವೈ ಪೂರ್ವಮಹರ್ಜ್ಯೋತಿರುತ್ತರಮಹ್ನೋರೇವ ಸನ್ತತ್ಯಾ ಅಹ್ನೋಸ್ಸಮಾರಮ್ಭಾಯ ।
ಹಾವಿಷ್ಮತಹಾವಿಷ್ಕೃತೇ ಸ್ವರ್ಗ್ಯೇ ಸಾಮನೀ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ತದಾಹುಃ ಕ್ಷಿಪ್ರೇ ಸಾಮನೀ ಯದುಭೇ ಕುರ್ಯುರೀಶ್ವರೋ ಯಜಮಾನಂ ಪುರಾಯುಷಃ ಪ್ರಮಥಿತೋರನಾದೃತ್ಯ ಹಿ ತಾವಿಮಂ ಲೋಕಮಮುಮೇವ ಲೋಕಮಭಿಸಂಪ್ರೈತಾಮಿತಿ ।
ಹಾವಿಷ್ಮತಮೇವೋತ್ತರಸ್ಯಾಹ್ನ ಉಕ್ಥೇಷು ಬ್ರಹ್ಮಸಾಮ ಕುರ್ಯುಃ ।
ತಥಾ ಸರ್ವಮಾಯುರೇತಿ ಗಚ್ಛತಿ ಸ್ವರ್ಗಂ ಲೋಕಮ್ ೨೩೭

ಅಥ ಯಸ್ಯೈತಸ್ಯ ಜ್ಯೋತಿರುಕ್ಥ್ಯಃ ಪೂರ್ವಮಹರ್ಭವತ್ಯಾಯುರತಿರಾತ್ರ ಉತ್ತರಮೇತೇನೋ ಹಾಭಿಪ್ರತಾರಣ ಈಜೇ ರಾಜಾ ಪ್ರಜಾಕಾಮಶ್ಚ ಖಲತೀ ಚ ದೈವೋವಾತೀ ಅವಚಿಚ್ಛಿತ್ಸಮಾನಃ ।
ತತೋ ವೈ ಸೋಽವ ಖಲತೀ ದೈವೋವಾತೀ ಅಚ್ಛಿನ್ತ್ತ ।
ಇಮಾಮಿಯತೀಂ ಪ್ರಜಾಮಧ್ಯಗಚ್ಛತ್ ।
ತ್ರೀಣ್ಯನ್ಯಸ್ಯಾತಿರಿಚ್ಯನ್ತೇ ದ್ವಾಭ್ಯಾಮನ್ಯ ಊನಃ ।
ತ್ರೀಣಿ ತಾನಿ ಪುಂಸೋಽತಿರಿಕ್ತಾನಿ ಯೈಸ್ಸ ಪ್ರಜನಯತಿ ।
ದ್ವೇ ತೇ ಸ್ತ್ರಿಯಾ ಊನೇ ಯತಸ್ಸಾ ಪ್ರಜಾಯತೇ ।
ತದೇತನ್ಮಿಥುನಂ ಪ್ರಜನನಂ ಕ್ರಿಯತೇ ।
ಮಿಥುನೇನ ಪ್ರಜನನೇನ ಪ್ರಜಾಯತೇ ಯ ಏವಂ ವೇದ ।
ತಾ ಉಭೇ ಸ್ತೋತ್ರ್! ಯಾಸ್ಸಂಪದ್ಯನ್ತೇ ಸಪ್ತ ಚ ಶತಾನ್ಯೇಕವಿಂಶತಿಶ್ಚ ತಾವನ್ತಿ ಸಂವತ್ಸರಸ್ಯಾಹೋರಾತ್ರಾಣಿ ।
ಅಹೋರಾತ್ರೇ ವೈ ಕೃತ್ಸ್ನಃ ಪ್ರಜಾಪತಿಃ ಕೃತ್ಸ್ನಂ ಪ್ರಜಾಪತಿಮೃಧ್ನವಾಮ ಕೃತ್ಸ್ನೋ ನಃ ಪ್ರಜಾಪತಿರುಪೇತೋಽಸದಿತಿ ।
ಅಥ ಯೈಕಾ ಸ್ತೋತ್ರ್! ಯಾತಿರಿಚ್ಯತೇ ಯಜಮಾನಲೋಕೋ ಹೈವ ಸಃ ।
ಶಶ್ವದ್ಧೈನಂ ಬ್ರಾಃಮಣ ಉವಾಚ ನಾಸ್ಯಾಪರಃ ಪ್ರಜಾಯಾಮೇತಾದೃಙ್ವೀರೋಽನಾಜಾನಿತೋಃ ।
ಆತ್ಮನ ಏವ ಲೋಕಮಕೃತ ನ ಪ್ರಜಾಯಾ ಏಕಮಿಮಂ ಹ್ಯೇವ ಲೋಕಮಭ್ಯುಪಾಗಾದಿತಿ ೨೩೮

ತದ್ಧಾನುಬುಧ್ಯೋವಾಚ ಯಥಾದೈವಂ ತ್ಯಸ್ಯ ಪ್ರಜಾಯಾ ಅಸ್ತು ।
ಖಲತೀ ದೇವೇದೇವೋಽಹಂ ದೈವೋವಾತೀ ಅವಾಚ್ಛಿತ್ಸೀತಿ ।
ತಥಾ ಹೈನಂ ತಾವಭಿತೇಪತುಸ್ತಥಾಭಿಶುಶುಚತುಃ ।
ತದಿದಂ ತದೇವ ।
ಇಮೇ ಹಾಭಿಪ್ರತಾರಣಾ ಇಯನ್ತೋ ನೋ ಅಪರಸ್ತಾದೃಙ್ವೀರ ಆಜಾಯತೇ ।
ಅಥ ಯಸ್ಯೈತಸ್ಯತ್ರಿವೃತ್ಪಞ್ಚದಶಾಭ್ಯಾಂ ವಿಪರ್ಯಾಸಮ್ ।
ಪೂರ್ವಮಹರಗ್ನಿಷ್ಟೋಮೋ ಭವತಿ ।
ಸರ್ವಸ್ತೋಮೋಽತಿರಾತ್ರ ಉತ್ತರಮ್ ।
ಪ್ರಜನನಕಾಮೋ ಹೈತೇನ ಯಜೇತ ।
ತ್ರಿವೃತ್ಪಞ್ಚದಶೌ ಸ್ತೋಮೌ ಭವತ ಊನಾತಿರಿಕ್ತೌ ಮಿಥುನೌ ಪ್ರಜನೀ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ।
ಪ್ರಜನನಂ ವೈ ರಥನ್ತರಮ್ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಮ್ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಯ ಚತುರ್ವಿಂಶತಿ ಸ್ತುತಶಸ್ತ್ರಾಣಿ ಭವನ್ತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಮ್ ।
ತತ್ತದಭಿಪೂರ್ವಂ ಪ್ರಜನನಂ ಕ್ರಿಯತೇ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು । ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ೨೩೯

ಅಥ ಯಸ್ಯೈತಸ್ಯ ತ್ರಿವೃತ್ಪಞ್ಚದಶಃ ಸಪ್ತದಶ ಇತಿ ಪೂರ್ವಮಹರ್ಭವತ್ಯೇಕವಿಂಶಸ್ತ್ರಿಣವಸ್ತ್ರಯಸ್ತ್ರಿಂಶ ಇತ್ಯುತ್ತರಂ ಸ್ವರ್ಗಕಾಮೋ ಹೈತೇನ ಯಜೇತ ।
ಊರ್ಧ್ವಾ ಏತೇ ಸ್ತೋಮಾ ಭವನ್ತಿ ।
ಊರ್ಧ್ವೋ ವೈ ಸ್ವರ್ಗೋ ಲೋಕಃ ।
ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಅಭಿಕ್ರಾನ್ತಸ್ತೋಮಾ ಭವನ್ತಿ ।
ಅಭಿಕ್ರಾನ್ತೇನ ಹ ವೈ ಯಜ್ಞಸ್ಯ ಭುಞ್ಜತೇ ।
ಏತೇನ ಹ ವೈ ತದ್ಧವಿಷ್ಮಾಂಶ್ಚ ಹವಿಷ್ಕೃಚ್ಚ ಸದ್ಯ ಸ್ವರ್ಗಂ ಲೋಕಮೀಯತುಃ ।
ತಸ್ಯ ಪರಾಞ್ಚ್ಯೇವ ಸ್ತೋತ್ರಾಣಿ ಭವನ್ತಿ ಪರಾಞ್ಚಿ ಶಸ್ತ್ರಾಣಿ ಭವನ್ತಿ ಪರಾಞ್ಚಿ ಪೃಷ್ಠಾನಿ ಪರಾಚೀರ್ವಿಷ್ಟುತಯಃ ಪರಾಙೇವ ಸರ್ವೋ ಭವತಿ ।
ತೇನ ಹೈತೇನೋತ್ತರವಯಸ್ಯೇವ ಯಜೇತ ಯದೇಮಂ ಲೋಕಂ ನ ಪ್ರತ್ಯವಕಾಙ್ಕ್ಷೇದ್ಯದಾಸ್ಮಿಁ ಲ್ಲೋಕೇ ನ ನಿಧಿತ್ಸೇದ್ಯದಾಸ್ಮಾಲ್ಲೋಕಾದಮುಮೇವ ಲೋಕಮಭಿಸಂಪ್ರಜಿಗಾಂಸೇತ್ ।
ಸ ಹೈನೇನ ಯಜೇತ ।
ಇಷ್ಟ್ವಾ ಹೈವ ಸ್ವರ್ಗಂ ಲೋಕಮೇತಿ ।
ತಸ್ಮಿನ್ನು ಹ ತರ್ಹ್ಯುಭೇ ಹಾವಿಷ್ಮತಹಾವಿಷ್ಕೃತೇ ಕುರ್ಯು ಸ್ವರ್ಗ್ಯೇ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ತಸ್ಯಾಹುಸ್ಸಪ್ತ ಚ ಶತಾನಿ ವಿಂಶತಿಶ್ಚ ಸ್ತೋತ್ರ್! ಯಾಸ್ಸಂಪಾದಯೇಯುರಿತಿ ।
ತಾವನ್ತಿ ಸಂವತ್ಸರಸ್ಯಾಹೋರಾತ್ರಾಣಿ ।
ಸಂವತ್ಸರಾದೇವ ತನ್ನ ಯನ್ತಿ ।
ಅಥೋ ಆಹುರ್ಯಾವತೀರೇವೈತಸ್ಯ ಜ್ಯೋತಿರ್ಗೌರಾಯುರಿತಿ ತ್ರ್! ಯಹಸ್ಯ ಸ್ತೋತ್ರ್! ಯಾಸ್ತಾವತೀರಸ್ಯ ಸ್ತೋತ್ರ್! ಯಾಸ್ಸಂಪಾದಯೇಯುರಿತಿ ।
ತೇನ ತ್ರ್! ಯಹರೂಪಾನ್ನ ಯನ್ತಿ ।
ಅಥೋ ಆಹುಸ್ಸಹಸ್ರಮೇವಾಸ್ಯ ಸ್ತೋತ್ರ್! ಯಾಸ್ಸಂಪಾದಯೇಯುರಿತಿ ।
ಸಹಸ್ರಂ ವೈ ತ್ರಿರಾತ್ರಸ್ಯ ಸ್ತೋತ್ರ್! ಯಾಃ ।
ತ್ರಿರಾತ್ರರೂಪಾದೇವ ತನ್ನ ಯನ್ತಿ ।
ಏಷ ಹ ವೈ ಸಮೃದ್ಧೋ ದ್ವಿರಾತ್ರೋ ಯಸ್ತ್ರಿರಾತ್ರಸ್ಯ ಸಂಪದಾ ತಾಯತೇ ಯೋ ವಾ ತ್ರಿರಾತ್ರಶ್ಚತೂರಾತ್ರಸ್ಯ ೨೪೦

ಅಥೈತೇ ತ್ರಿರಾತ್ರಾಃ ।
ತ್ರಿರಾತ್ರೇಣ ವೈ ದೇವಾ ಏಷು ಲೋಕೇಷ್ವಾರ್ಧ್ನುವಂಸ್ತ್ರಿರಾತ್ರೇಣ ಸ್ವರ್ಗಂ ಲೋಕಮಾಯನ್ ।
ವಾಗ್ವೈ ತ್ರಿರಾತ್ರಃ ।
ವಾಚೋ ರೂಪೇಣಾಜ್ಯಾನಿ ಚಾಹಾನಿ ಚ ವಿಭಜ್ಯನ್ತೇ ।
ಏಕಾಕ್ಷರಾ ವೈ ವಾಕ್ತ್ರ್! ಯಕ್ಷರಮಕ್ಷರಮ್ ।
ಅಕ್ಷರಸ್ಯ ರೂಪೇಣ ವಿಭಜ್ಯನ್ತೇ ।
ತ್ರಯೋ ಗನ್ಧರ್ವಾಃ ।
ತೇಷಾಮೇಷಾ ಭಕ್ತಿರಗ್ನೇಃ ಪೃಥಿವೀ ವಾಯೋರನ್ತರಿಕ್ಷಮಸಾವ್ಯಥಾ ವಾ ಅಸೌ ದ್ಯೌರೇವಂ ಸಃ । ಆದಿತ್ಯಸ್ಯ ದ್ಯೌಃ ।
ತದೇಷಾಭ್ಯನೂಚ್ಯತೇ
ತ್ರಯಃ ಕೃಣ್ವನ್ತಿ ಭುವನೇಷು ರೇತಸ್ತಿಸ್ರಃ ಪ್ರಜಾ ಆರ್ಯಾ ಜ್ಯೋತಿರಗ್ರಾಃ
ತ್ರಯೋ ಘರ್ಮಾಸ ಉಷಸಂ ಸಚನ್ತೇ ಸರ್ವಂ ಇತ್ತಂ ಅನು ವಿದುರ್ವಸಿಷ್ಠಾಃ
ಇತಿ ।
ತದ್ಯದಾಹ ತ್ರಯಃ ಕೃಣ್ವನ್ತಿ ಭುವನೇಷು ರೇತ ಇತ್ಯಗ್ನಿಃ ಪೃಥಿವ್ಯಾಂ ರೇತಃ ಕೃಣೋತಿ ವಾಯುರನ್ತರಿಕ್ಷ ಆದಿತ್ಯೋ ದಿವಿ ತಿಸ್ರಃ ಪ್ರಜಾ ಆರ್ಯಾ ಜ್ಯೋತಿರಗ್ರಾ ಇತಿ - ೨೪೧

- ವಸವೋ ರುದ್ರಾ ಆದಿತ್ಯಾಃ ।
ತೇಷಾಮೇತಿ ಜ್ಯೋತಿರಗ್ರಂ ಯದಸಾವಾದಿತ್ಯಃ ।
ತ್ರಯೋ ಘರ್ಮಾಸ ಉಷಸಂ ಸಚನ್ತ ಇತ್ಯಗ್ನಿರುಷಸಂ ಸಚತೇ ವಾಯುರುಷಸಂ ಸಚತ ಆದಿತ್ಯ ಉಷಸಂ ಸಚತೇ ।
ಸರ್ವಂ ಇತ್ತಂ ಅನು ವಿದುರ್ವಸಿಷ್ಠಾ ಇತಿ ಯೇ ವೈ ಬ್ರಾಹ್ಮಣಾಶ್ಶುಶ್ರುವಾಂಸಸ್ತೇ ವಸಿಷ್ಠಾಸ್ತೇ ಹ್ಯೇತತ್ಸರ್ವಂ ಅನು ವಿದುಃ ।
ಏತಾವಾನ್ವಾವ ತ್ರಿರಾತ್ರಃ ।
ಗಾಯತ್ರಃ ಪ್ರಾಣಸ್ತ್ರೈಷ್ಟುಭಂ ಚಕ್ಷುರ್ಜಾಗತಂ ಶ್ರೋತ್ರಮ್ ।
ತ್ರೀಣಿ ಮಿಥುನಾನಿ ತಾನ್ಯೇಷು ಮಿಥುನಂ ದ್ವೇ ಸಮ್ಭವತೋ ಯನ್ಮಿಥುನಾತ್ಪ್ರಜಾಯತೇ ತತ್ತೃತೀಯಮ್ ।
ಇನ್ದ್ರೋ ವೃತ್ರಾಯ ವಜ್ರಮುದಯಚ್ಛತ್ ।
ತಂ ವಿಷ್ಣುರನ್ವತಿಷ್ಠತ್ ।
ಸೋಽಬ್ರವೀದಸ್ತಿ ವಾ ಇದಂ ತ್ಯಸ್ಮಿಂಸ್ತೇಜ ಇನ್ದ್ರಿ ಯಂ ವೀರ್ಯಮ್ ।
ತತ್ತ ಆಹರಾಣಿ ।
ಮಾ ಮೇ ಪ್ರಹಾರ್ಷೀರಿತಿ ।
ತಥೇತಿ ।
ತದಸ್ಮೈ ಪ್ರಾಯಚ್ಛತ್ ।
ತದ್ವಿಷ್ಣುಃ ಪ್ರತ್ಯಗೃಹ್ಣಾತ್ ।
ತಸ್ಮೈ ದ್ವಿತೀಯಮುದಯಚ್ಛತ್ ।
ತಂ ವಿಷ್ಣುರನ್ವತಿಷ್ಠತ್ ।
ಸೋಽಬ್ರವೀದಸ್ತಿ ವಾ ಇದಂ ತ್ಯಸ್ಮಿಂಸ್ತೇಜ ಇನ್ದ್ರಿ ಯಂ ವೀರ್ಯಮ್ ।
ತತ್ತ ಆಹರಾಣಿ ।
ಮಾ ಮೇ ಪ್ರಹಾರ್ಷೀರಿತಿ ।
ತಥೇತಿ ।
ತದಸ್ಮೈ ಪ್ರಾಯಚ್ಛತ್ ।
ತದ್ವಿಷ್ಣುಃ ಪ್ರತ್ಯಗೃಹ್ಣಾತ್ ।
ತಸ್ಮೈ ತೃತೀಯಮುದಯಚ್ಛತ್ ।
ತಂ ವಿಷ್ಣುರನ್ವತಿಷ್ಠತ್ ।
ಸೋಽಬ್ರವೀದಸ್ತಿ ವಾ ಇದಂ ತ್ಯಸ್ಮಿಂಸ್ತೇಜ ಇನ್ದ್ರಿ ಯಂ ವೀರ್ಯಮ್ ।
ತತ್ತ ಆಹರಾಣಿ ।
ಮಾ ಮೇ ಪ್ರಹಾರ್ಷೀರಿತಿ ।
ತಥೇತಿ ।
ತದಸ್ಮೈ ಪ್ರಾಯಚ್ಛತ್ ।
ತದ್ವಿಷ್ಣುಃ ಪ್ರತ್ಯಗೃಹ್ಣಾತ್ ।
ತಸ್ಮಿನ್ಹೋದಾತೇ ಸರ್ವಂ ಮಮೇತೀನ್ದ್ರ ಸ್ತೃತೀಯಂ ಮಮೇತಿ ವಿಷ್ಣುಃ ೨೪೨

ತೌ ವೈ ಪೃಚ್ಛಾವಹಾ ಇತಿ ।
ತೌ ಹ ಪ್ರಜಾಪತಾವಪೃಚ್ಛೇತಾಮ್ ।
ತಾಭ್ಯಾಂ ಹೈತಯಾ ವ್ಯುವಾಚ
ಉಭಾ ಜಿಗ್ಯಥುರ್ನ ಪರಾ ಜಯೇಥೇ ನ ಪರಾ ಜಿಗ್ಯೇ ಕತರಶ್ಚನೈನೋಃ
ಇನ್ದ್ರ ಶ್ಚ ವಿಷ್ಣೋ ಯದಪಸ್ಪೃಧೇಥಾಂ ತ್ರೇಧಾ ಸಹಸ್ರಂ ವಿ ತದೈರಯೇಥಾಮ್
ಇತಿ ।
ದ್ವೌ ತವ ಭಾಗಾವಿತೀನ್ದ್ರ ಮಬ್ರವೀತ್ತೃತೀಯಂ ತವೇತಿ ವಿಷ್ಣುಮ್ ।
ಏತದಾಭ್ಯಾಂ ತತ್ಸಹಸ್ರಂ ಪ್ರಾಯಚ್ಛತ್ ।
ತಸ್ಯೈಷಾಪ್ತಿರ್ಯೋ ಬನ್ಧುಮಾನನೂಚಾನ ಸ್ಯಾತ್ತಸ್ಮೈ ಪ್ರಥಮೇಽಹನಿ ದದ್ಯಾತ್ ।
ಯಥಾ ಇಯಂ ಪೃಥಿವ್ಯೇವಂ ಸಃ ।
ಪ್ರತಿಷ್ಟಿಃತಾ ವಾ ಇಯಂ ಪ್ರತಿಷ್ಠಿತಸ್ಸಃ ।
ಅಥ ಯೋಽಬನ್ಧುರನೂಚಾನ ಸ್ಯಾತ್ತಸ್ಮೈ ದ್ವಿತೀಯೇಽಹನ್ದದ್ಯಾತ್ ।
ಯಥಾ ವಾ ಇದಮನ್ತರಿಕ್ಷಮೇವಂ ಸಃ ।
ಅನ್ತರಿಕ್ಷಮಿತಿ ವಾ ಇದಂ ವಿದುರ್ವೇದಂ ತಸ್ಯ ವಿದುಃ ।
ಅಥ ಯೋ ಬನ್ಧುಮಾನನನೂಚಾನ ಸ್ಯಾತ್ತಸ್ಮೈ ತೃತೀಯೇಽಹನಿ ದದ್ಯಾತ್ ।
ಯಥಾ ವಾ ಅಸೌ ದ್ಯೌರೇವಂ ಸಃ ।
ದ್ಯೌರಿತಿ ವಾ ಅಮುಂ ವಿದುರ್ಬನ್ಧು ತಸ್ಯ ವಿದುಃ ।
ಅನ್ವಹಂ ದಶತೋ ದೀಯನ್ತೇ ।
ದಶಾಕ್ಷರಾ ವಿರಾಟ್ ।
ವೈರಾಜೋ ಯಜ್ಞಃ ।
ಸೈವ ಸಾ ವ್ಯವಚ್ಛಿನ್ನಾ ದೀಯತೇ ।
ಅನ್ವಹಂ ಶತಾನಿ ದೀಯನ್ತೇ ।
ಏಷಾ ವೈ ಯಜ್ಞಸ್ಯ ಮಾತ್ರಾ ಯಚ್ಛತಮ್ ।
ಸೈವ ಸಾ ವ್ಯವಚ್ಛಿನ್ನಾ ದೀಯತೇ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಪ್ರಥಮೇಽಹನಿ ದದ್ಯಾತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ದ್ವಿತೀಯೇಽಹನಿ ದದ್ಯಾತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ತೃತೀಯೇಽಹನಿ ದದ್ಯಾತ್ ।
ಅಥೈಷಾ ಸಹಸ್ರತಮೀ ತ್ರಿರೂಪಾ ದ್ವಿದೇವತ್ಯಾ ।
ತಸ್ಯೈ ದ್ವೌ ಭಾಗೌ ಬ್ರಹ್ಮಣ ಏಕೋಽಗ್ನೀಧಃ ೨೪೩

ಪ್ರಜಾಪತಿರ್ವಾ ಇದಮಗ್ರ ಆಸೀತ್ ।
ನಾನ್ಯಂ ದ್ವಿತೀಯಂ ಪಶ್ಯಮಾನಸ್ತಸ್ಯ ವಾಗೇವ ಸ್ವಮಾಸೀದ್ವಾಗ್ದ್ವಿತೀಯಾ ಸ ಷಕ್ಷತ ಹನ್ತೇಮಾಂ ವಾಚಂ ವಿಸೃಜೈ ।
ಇಯಂ ವಾವೇದಂ ವಿಸೃಷ್ಟಾ ಸರ್ವಂ ವಿಭವನ್ತ್ಯೇಷ್ಯನ್ತೀತಿ ।
ತಾಂ ವಾಗಿತ್ಯೇವ ವ್ಯಸೃಜತ ।
ಸೋರ್ಧ್ವೋದಾತನೋದ್ಯಥಾಪಾಂ ಧಾರಾ ಸನ್ತತೈವಮ್ ।
ತಸ್ಯಾ ಏತ್ಯೇಕಮಕ್ಷರಮಚ್ಛಿನತ್ ।
ತದಿದಮಭವತ್ ।
ಅಭೂದ್ವಾ ಇದಮಿತಿ ।
ತದ್ಭೂಮೇರ್ಭೂಮಿತ್ವಮ್ ।
ಕೇತಿ ದ್ವಿತೀಯಮ್ ।
ತದಿದಮನ್ತರಿಕ್ಷಮಭವತ್ ।
ಅನ್ತರೇವ ವಾ ಇದಮುಭಯಮಭೂದಿತಿ ।
ತದನ್ತರಿಕ್ಷಸ್ಯಾನ್ತರಿಕ್ಷತ್ವಮ್ ।
ಹೋ ಇತಿ ತೃತೀಯಮೂರ್ಧ್ವಮುದಾಸ್ಯತ್ ।
ತದ್ದ್ಯೌರಭವತ್ ।
ಅದ್ಯುತದಿವ ವಾ ಅದ ಇತಿ ।
ತದ್ದಿವೋ ದಿವತ್ವಮ್ ।
ಪ್ರಜಾಪತಿರ್ವಾ ಇದಮಗ್ರ ಏಕಾಕ್ಷರಾಂ ವಾಚಂ ತ್ರೇಧಾ ವ್ಯಭಜತ್ ।
ತ ಇಮೇ ಲೋಕಾ ಅಭವನೃಕ್ಷಾ ಅನುಪಜೀವನೀಯಾಃ ।
ಸೋಽಶೋಚತ್ಸೋಽತಪ್ಯತ ।
ಸ ಷಕ್ಷತ ಕಥಮಿಮೇ ಲೋಕಾ ಲೋಮ ಗೃಹ್ಣೀಯುಃ ಕಥಮುಪಜೀವನವನ್ತ ಸ್ಯುರಿತಿ ।
ಸ ಏತಂ ತ್ರಿರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಮೇಷು ಲೋಕೇಷ್ವನ್ವಾಯಾತಯತ್ ।
ತತೋ ವಾ ಇಮೇ ಲೋಕಾ ಲೋಮಾಗೃಹ್ಣಂಸ್ತತ ಉಪಜೀವನವನ್ತೋಽಭವನ್ ।
ತ್ರಿರಾತ್ರಸ್ಯ ಹ ಖಲು ವಾ ಇದಂ ಪುಷ್ಠಂ ತ್ರಿರಾತ್ರಸ್ಯೋದರಣಂ ಯದೇಷು ಲೋಕೇಷ್ವಧಿ ।
ಗಚ್ಛತಿ ಪಶೂನಾಂ ದ್ವಿಪದಾಂ ಚತುಷ್ಪದಾಂ ಭೂಮಾನಂ ಯ ಏವಂ ವೇದ ೨೪೪

ಯಥೋ ಹ ವೈ ಮಣೌ ಮಣಿಸೂತ್ರಮೋತಂ ಸ್ಯಾದೇವಮೇಷು ಲೋಕೇಷು ತ್ರಿರಾತ್ರ ಓತಃ ।
ಶೋಭತೇಽಸ್ಯ ಮುಖಂ ಯ ಏವಂ ವೇದ ।
ಏಷಾ ಹ ಖಲು ವೈ ಪ್ರತ್ಯಕ್ಷಂ ವಾಗ್ಯಜ್ಜಿಹ್ವಾಗ್ರೇಣೈತದ್ವಾಚೋ ವದತಿ ಯದೇತಿ ।
ಮಧ್ಯೇನೈತದ್ವಾಚೋ ವದತಿ ಯದ್ಕೇತಿ ।
ಸರ್ವಯೈತದ್ವಾಚೋ ರಸೋಽಧ್ಯೂರ್ಧ್ವ ಉದ್ವದತಿ ಯದ್ಧೋ ಇತಿ ।
ಹೋ ಇತಿ ಹಿ ಸರ್ವಾ ವಾಕ್ ।
ತದ್ಯದೇತಾನಿ ರೂಪಾಣ್ಯಾಜ್ಯೇಷು ಚಾಹಸ್ಸು ಚ ನಿಯುಜ್ಯನ್ತೇ ।
ಮುಖತ ಏವೈತದ್ವಾಚಂ ವಿಸೃಜನ್ತೇ ಮುಖತೋ ಯಾಜ್ಞಿಯಂ ಕರ್ಮ ।
ಪ್ರಜಾಪತಿರ್ಯದ್ವಾಚಂ ವ್ಯಸೃಜತ ಸಾಕ್ಷರದೇವ ।
ತಸ್ಯಾ ಏತ್ಯೇವ ಪ್ರಥಮಮಕ್ಷರಂ ಕ್ಷೇತಿ ದ್ವಿತೀಯಂ ರದಿತಿ ತೃತೀಯಮ್ ।
ತದ್ಯೇನ ಯೇನ ವೈ ರೂಪೇಣ ಪ್ರಜಾಪತಿರ್ವಾಚಂ ವ್ಯಸೃಜತ ತೇನ ತೇನ ರೂಪೇಣಾಜ್ಯಾನ್ಯಾರಭ್ಯನ್ತೇ ತೇನ ತೇನಾಹಾನ್ಯಾಪ್ಯನ್ತೇ ।
ಅಕ್ಷರೇಷ್ಠಾ ಹ ಖಲು ವಾ ಏಷ ಯಜ್ಞೋ ಯಸ್ತ್ರಿರಾತ್ರಃ ।
ಅಕ್ಷರಂ ತ್ರ್! ಯಕ್ಷರಂ ।
ತ್ರ್! ಯಕ್ಷರಸ್ತ್ರಿರಾತ್ರಃ ।
ಅಕ್ಷರಂ ತ್ರಿರಾತ್ರಃ ।
ಸ ಹ ವಾ ಏನಂ ವೇದ ಯ ಏನಂ ಪುರುಷಸಮ್ಮಿತಂ ವೇದ ಪುರುಷಸ್ತ್ರಿರಾತ್ರಃ ೨೪೫

ಇದಮೇವ ಪ್ರಥಮೇನಾಹ್ನಾ ವ್ಯಕರೋದ್ಯದಸ್ಯಾಮಾಯತ್ತಮೂಲಮಿದಂ ದ್ವಿತೀಯೇನ ಯತ್ಪ್ರಾಣದೇಜತ್ಯದಸ್ತೃತೀಯೇನ ಯದ್ವರ್ಷತಿ ಯನ್ನಕ್ಷತ್ರಾಣಿ ಯದಮುಂ ಲೋಕಂ ಭೇಜೇ ।
ಮಹಾವ್ರತಂ ವಾ ಏತದ್ಯದೇಷ ತ್ರಿರಾತ್ರಸ್ಯ ।
ಯಾನ್ಯೇತೇಷಾಮಹ್ನಾಂ ಬಹಿಷ್ಪವಮಾನಾನಿ ತಚ್ಛಿರಃ ।
ಯೇಽಭಿತೋಽಹನೀ ತೌ ಪಕ್ಷೌ ।
ಯನ್ಮಧ್ಯಮಮಹಸ್ಸ ಆತ್ಮಾ ।
ಅಗ್ನಿಷ್ಟೋಮಸಾಮಾನ್ಯೇವ ಪುಚ್ಛಮ್ ।
ಅಥೋ ಆಹುರ್ಯದೇವಾಸಾವುದೇತಿ ತಚ್ಛಿರಃ ।
ಯೇಽಭಿತೋಽಹನೀ ತೌ ಪಕ್ಷೌ ।
ಯನ್ಮಧ್ಯಮಮಹಸ್ಸ ಆತ್ಮಾ ।
ಅಗ್ನಿರೇವ ಪುಚ್ಛಮ್ ।
ಅಥೋ ಆಹುರ್ಯ ಏವಾಸಾವುದೇತಿ ತಚ್ಛಿರಃ ।
ಯೇಽಭಿತೋಽಹನೀ ತೌ ಪಕ್ಷೌ ।
ಯನ್ಮಧ್ಯಮಮಹಸ್ಸ ಆತ್ಮಾ ।
ಯದೇವಾಸ್ತಮೇತಿ ತತ್ಪುಚ್ಛಮಿತಿ ೨೪೬

ವಾಗ್ದೇವತ್ಯಂ ವೈ ತ್ರಿರಾತ್ರಸ್ಯ ಪ್ರಥಮಮಹಃ ಪ್ರಾಣದೇವತ್ಯಂ ದ್ವಿತೀಯಂ ಚಕ್ಷುರ್ದೇವತ್ಯಂ ತೃತೀಯಮ್ ।
ತದಾಹುಃ ಕಿಯಾಂಸ್ತ್ರಿರಾತ್ರ ಇತಿ ।
ಇಯಾನಿತಿ ಬ್ರೂಯಾತ್ ।
ಇಯದ್ಧ್ಯೇವೈತದಿತಿ ।
ಅಥೋ ಇಯಾನಿತಿ ಬ್ರೂಯಾತ್ ।
ಇಯದ್ಧ್ಯೇವೈತದಿತಿ ।
ತದಾಹುರರ್ವಾಙ್ತ್ರಿರಾತ್ರಾ೩ಃ! ಪರಾ೩ಙಿತಿ ।
ಪರಾಙಿತಿ ಬ್ರೂಯಾತ್ ।
ಪರಾಙ್ಹಿ ವದತಿ ಪರಾಙ್ಪ್ರಾಣಿತಿ ಪರಾಙ್ಪಶ್ಯತಿ ಪರಾಙ್ಛೃಣೋತಿ ।
ಅಥೋ ಹ ಬ್ರೂಯಾದರ್ವಾಞ್ಚ ಪರಾಞ್ಚೇತಿ ।
ಅರ್ವಾಞ್ಚ ಹಿ ಪರಾಞ್ಚ ವದತ್ಯರ್ವಾಞ್ಚ ಪರಾಞ್ಚ ಪ್ರಾಣಿತ್ಯರ್ವಾಞ್ಚ ಪರಾಞ್ಚ ಪಶ್ಯತ್ಯರ್ವಾಞ್ಚ ಪರಾಞ್ಚ ಶೃಣೋತಿ ।
ತದಾಹುರೇಕಸ್ತ್ರಿರಾತ್ರಾ೩ಉ! ದ್ವಾ೩ಉ! ತ್ರಯಾ೩ ಇತಿ ।
ಏಕ ಇತಿ ಬ್ರೂಯಾತ್ ।
ಏಕೋ ಹ್ಯೇವೈಷ ಯತ್ಪ್ರಾಣೋಽಪಾನೋ ವ್ಯಾನ ಇತಿ ।
ತದಾಹುರೇಕಂ ಭೂಯಾ೩ಸ್ಸಹಸ್ರಾ೩ಮಿತಿ ।
ಏಕಮಿತಿ ಬ್ರೂಯಾತ್ ।
ಏಕಂ ಹ್ಯೇವ ಭೂಯಸ್ಸಹಸ್ರಾತ್ಸಂಖ್ಯಾನೇ ಭವತಿ ೨೪೭

ವಾಗೇವೇತಿ ।
ಗಾಯತ್ರಂ ವೈ ತ್ರಿರಾತ್ರಸ್ಯ ಪ್ರಥಮಮಹಸ್ತ್ರೈಷ್ಟುಭಂ ದ್ವಿತೀಯಂ ಜಾಗತಂ ತೃತೀಯಮ್ ।
ಯದ್ವಾ ಅನ್ಯಸ್ಯ ತ್ರಿರಾತ್ರಸ್ಯ ವಿಲೋಮ ತಸಸ್ಯ ಸಲೋಮ ಯಸಸ್ಯ ಸಲೋಮ ತದನ್ಯಸ್ಯ ವಿಲೋಮ ।
ತದ್ಯದೇತತ್ಪರಂ ಸದಹರವರಂ ಕ್ರಿಯತೇ ಯಜಮಾನಾಯೈವ ತತ್ಪಶೂನ್ಪ್ರಜನಯನ್ತಿ ನ ಹ್ಯಮುಷ್ಮಿಂಲ್ಲೋಕೇ ಪಶವಃ ಪ್ರಜಾಯನ್ತೇ ।
ಏತೇ ಹ ಖಲು ವೈ ಛನ್ದಸಾಂ ವೀರ್ಯವತ್ತಮೇ ಯದ್ಗಾಯತ್ರೀ ಚ ತ್ರಿಷ್ಟುಪ್ಚ ।
ತದ್ಯದ್ಗಾಯತ್ರೀ ಚ ತ್ರಿಷ್ಟುಪ್ಚಾಭಿತೋ ಭವತೋ ಮಧ್ಯೇ ಪಶವೋ ಜಗತೀ ವೀರ್ಯವದ್ಭ್ಯಾಮೇವೈತಚ್ಛನ್ದೋಭ್ಯಾಂ ಯಜಮಾನಾಯೋಭಯತಃ ಪಶೂನ್ಪರಿಗೃಹ್ಣನ್ತ್ಯಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಅಸಾವೇವ ತ್ರಿರಾತ್ರೋ ಯೋಽಸೌ ತಪತಿ ।
ಸ ಯಥೋದೇತ್ಯೇವಮಸ್ಯ ಪ್ರಥಮಮಹರ್ಯಥಾ ಮಧ್ಯನ್ದಿನ ಏವಂ ದ್ವಿತೀಯಂ ಯಥಾಸ್ತಮೇತ್ಯೇವಂ ತೃತೀಯಮ್ ।
ಸ ಯ ಏತದೇವಂ ವೇದ ಗಚ್ಛತ್ಯೇತಸ್ಯ ಸಾಯುಜ್ಯಂ ಸಾಂವೇಶ್ಯಮ್ ೨೪೮

ಇನ್ದ್ರೋ ವೈ ಮರುತಸ್ಸಹಸ್ರಮೇತೇನ ಹ ವೈ ತದೇನೇನೇನ್ದ್ರಾ ಗ್ನೀ ಮರುತಃ ಸಹಸ್ರಂ ಜಿಗ್ಯತುಃ । ಅಜಿನೋತ್ಸ್ವಾಂ ವಿಶಂ ಸೋಮಾಯ ರಾಜ್ಞೇ ಪ್ರತಿಪ್ರೋಚ್ಯ ।
ತದನುಕೃತೀದಮಪ್ಯೇತರ್ಹಿ ರಾಜ್ಞೇ ಪ್ರತಿಪ್ರೋಚ್ಯ ವಿಶಂ ಜಿನ್ವನ್ತಿ ।
ತದ್ಯಮೋಽನ್ವಬುಧ್ಯತ ಸಹಸ್ರಮಜ್ಯಾಸಿಷ್ಟಾಮಿತಿ ।
ಸ ಆಗಚ್ಛತ್ ।
ಸ ಏತ್ಯಾಬ್ರವೀದುಪ ಮಾಸ್ಮಿನ್ಸಹಸ್ರೇ ಹ್ವಯೇಥಾಮಿತಿ ।
ತಥೇತಿ ।
ತಮುಪಾಹ್ವಯೇತಾಮ್ ।
ಸ ಯಮೋಽಸ್ಮಿನ್ಸಹಸ್ರೇಽಪಿ ಗಾಮಪಶ್ಯತ್ಸಹಸ್ರಸ್ಯ ಗವಾಂ ಪಯೋ ಬಿಭ್ರತೀಮ್ ।
ತಾಮಬ್ರವೀದಿಯಮೇವ ಮಮ ಯುವಯೋರೇತದಿತರದಿತಿ ।
ತಾವಿತರಾವಬ್ರೂತಾಂ ಯದ್ವಾವ ತ್ವಮೇತಸ್ಯಾಂ ಪಶ್ಯಸಿ ತದಾವಂ ಪಶ್ಯಾವ ಇತಿ ಸೋಽಬ್ರವೀತ್ತಯಾ ವಾ ಏತಾ ಏವ ವಿಕರವಾಮಹಾ ಇತಿ ।
ತೇ ತಯೈವ ವ್ಯಕುರ್ವತ ।
ತೇಽಬ್ರುವನ್ನಂಶಾನಾಹರಾಮಹೈ ಯಸ್ಮೈ ನಃ ಪ್ರಥಮೈಷ್ಯತಿ ।
ತೇಽಕ್ತ್!ಆಆಹರನ್ತ ।
ಸೋಮಸ್ಯ ಪ್ರಥಮೈತ್ ।
ಅಥೇನ್ದ್ರ ಸ್ಯಾಥ ಯಮಸ್ಯ ।
ತಾಮಪ್ಸು ಪ್ರಾವೇಶಯನ್ ೨೪೯

ತಾಮಬ್ರುವನ್ಸೋಮಾಯೋದೇಹಿ ತೃತೀಯೇನ ಚಾತ್ಮನಸ್ತೃತೀಯೇನ ಚ ಸಹಸ್ರಸ್ಯೇತಿ ।
ಸಾ ಬಭ್ರುಃ ಪಿಙ್ಗಾಕ್ಷ್ಯುದೈತ್ತೃತೀಯೇನ ಚಾತ್ಮನಸ್ತೃತೀಯೇನ ಚ ಸಹಸ್ರಸ್ಯ ।
ಸೈಷಾ ಸೋಮಕ್ರಯಣೀ ।
ತೃತೀಯೇನ ಚ ಹ ವೈ ತಸ್ಯೈ ತೃತೀಯೇನ ಚ ಸಹಸ್ರಸ್ಯ ಸಹ ಸೋಮೋ ರಾಜಾ ಕ್ರೀತೋ ಭವತಿ ।
ತಾಮ್ಪುನರೇವಾಪ್ಸು ಪ್ರಾವೇಶಯನ್ ।
ತಾಮಬ್ರುವನ್ನಿನ್ದ್ರಾ ಯೋದೇಹಿ ತೃತೀಯೇನ ಚಾತ್ಮನಸ್ತೃತೀಯೇನ ಚ ಸಹಸ್ರಸ್ಯೇತಿ ।
ಸಾ ಶಬಲೀ ಪಷ್ಠೌಹ್ಯುದೈತ್ತೃತೀಯೇನ ಚಾತ್ಮನಸ್ತೃತೀಯೇನ ಚ ಸಹಸ್ರಸ್ಯ ।
ಸೈಷೇನ್ದ್ರೇ ಷ್ಯಾ ದೀಯತೇ ।
ತೃತೀಯೇನ ಚ ಹ ವೈ ತಸ್ಯೈ ತೃತೀಯೇನ ಚ ಸಹಸ್ರಸ್ಯ ಸಹ ಸಾ ದತ್ತಾ ಭವತಿ ।
ತಾಮ್ಪುನರೇವಾಪ್ಸು ಪ್ರಾವೇಶಯನ್ ।
ತಾಮಬ್ರುವನ್ಯಮಾಯೋದೇಹಿ ತೃತೀಯೇನ ಚಾತ್ಮನಸ್ತೃತೀಯೇನ ಚ ಸಹಸ್ರಸ್ಯೇತಿ ।
ಸಾ ಧೂಮ್ರಾ ದಿತ್ಯೌಹ್ಯುದೈದೀರ್ಮತೋ ಹ್ರಸೀಯಸೀ ಪಶ್ಚಾದ್ವರ್ಷೀಯಸೀ ಜರತೀ ವಾಕುಷ್ಠಾಶೃಙ್ಗೀ ತೃತೀಯೇನ ಚಾತ್ಮನಸ್ತೃತೀಯೇನ ಚ ಸಹಸ್ರಸ್ಯ ।
ಸೈಷಾನುಸ್ತರಣೀ ।
ತೃತೀಯೇನ ಚ ಹ ವೈ ತಸ್ಯೈ ತೃತೀಯೇನ ಚ ಸಹಸ್ರಸ್ಯ ಸಹ ಸಾನುಸ್ತರಣೀ ಕೃತಾ ಭವತಿ ।
ನೋ ಹಾಚಕ್ರುರಿವ ಮನ್ಯೇತ ೨೫೦

ತದಾಹುರ್ನಾಮುಷ್ಮಿಁ ಲ್ಲೋಕೇ ಸಹಸ್ರಸ್ಯಾವಕಾಶೋಽಸ್ತಿ ।
ಆತ್ಮನೇ ವೈವ ನ ವಾತ್ಮನೇ ಚನೇತಿ ।
ತದಾಹುಃ ಕಿಯದಿತ ಸ್ವರ್ಗೋ ಲೋಕ ಇತಿ ।
ಯಾವತ್ಸಹಸ್ರಂ ಗೌರ್ಗವ್ಯಧಿ ಪ್ರತಿಷ್ಠಿತಾ ತಾವದಿತಿ ಬ್ರೂಯಾತ್ ।
ಅಥೋ ಯಾವತ್ಸಹಸ್ರಂ ಪ್ರಾಣೈಸ್ಸಂ ಪ್ರಾನನ್ತೀತ್ಯಥೋ ಯಾವತ್ಸಹಸ್ರಮಾಶ್ವೀನಾನೀತ್ಯಥೋ ಯಾವತ್ಸಹಸ್ರಂ ಯೋಜನಾನೀತ್ಯಥೋ ಯಾವತ್ಸಹಸ್ರಮಹ್ನ್ಯಾನೀತಿ ।
ತದ್ಗವಾ ಗವೈವಾಪ್ನೋತಿ ।
ಸಾ ಯೈಷಾ ಶಬಲೀ ಪಷ್ಠೌಹ್ಯುಪೈನಮೇಷಾಮುಷ್ಮಿಁ ಲ್ಲೋಕೇ ಕಾಮದುಘಾ ಭೂತ್ವಾ ತಿಷ್ಠತೇ ಯ ಏವಂ ವೇದ ।
ತಾರ್ಪ್ಯಂ ಪ್ರತ್ಯಸ್ಯ ದಕ್ಷಿಣಾ ನಯತಿ ಸಹಸ್ರಸ್ಯ ಸಯೋನಿತಾಯೈ ।
ಸಹಸ್ರಂ ವೈ ಯದಸೃಜತ ತಸ್ಯ ತಾರ್ಪ್ಯಮೇವ ಯೋನಿರಾಸೀತ್ ।
ತದ್ಯತ್ತಾರ್ಪ್ಯಂ ಪ್ರತ್ಯಸ್ಯ ಸ ದಕ್ಷಿಣಾ ನಯತಿ ಸಯೋನ್ಯೇವ ತತ್ಸಹಸ್ರಂ ಕರೋತಿ ।
ಉಪ ಹೈನಂ ಸಹಸ್ರಂ ದದಿವಾಂಸಂ ಸಯೋನಿಸಹಸ್ರಂ ತಿಷ್ಠತೇ ಯ ಏವಂ ವೇದ ।
ಸಾ ಯಾ ಸಹಸ್ರತಮೀ ಸ್ಯಾತ್ತಸ್ಯೈ ಕರ್ಣಮಾಜಪೇದಿಳೇ ರನ್ತೇ ಮಹಿ ವಿಶ್ರುತಿ ಶುಕ್ರೇ ಚನ್ದ್ರೇ ಹವ್ಯೇ ಕಾಮ್ಯೇಽದಿತೇ ಸರಸ್ವತ್ಯೇತಾನಿ ತೇಽಘ್ನ್ಯೇ ನಾಮಾನಿ ದೇವೇಷು ನಸ್ಸುಕೃತೋ ಬ್ರೂತಾದಿತಿ ।
ಸುಕೃತಂ ಹ ವಾ ಏನಂ ದೇವೇಷ್ವಾಹ ।
ತಾಂ ಕಲಶಮಪಘ್ರಾಪಯತ್ಯಪಜಿಘ್ರ ಕಲಶಂ ಮಹ್ಯಾ ತ್ವಾ ವಿಶನ್ತ್ವಿನ್ದವಸ್ಸಾ ನೋ ಧುಕ್ಷಸ್ಸಹಸ್ರಮುರುಧಾರಾ ಪಯಸ್ವತೀತಿ ।
ಉಪ ಹೈನಂ ಸಹಸ್ರಂ ದದಿವಾಂಸಂ ಸಹಸ್ರಂ ತಿಷ್ಠತೇ ಯ ಏವಂ ವೇದ ೨೫೧

ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಸೋಽಕಾಮಯತ ಬಹುಃ ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ಸ ತಪೋಽತಪ್ಯತ ।
ಸ ವಾಚಮಸೃಜತ ।
ವಾಚೋ ಗಾಂ ನಿರಮಿಮೀತ ।
ಸ ಷಕ್ಷತಾಲಂ ವೈ ತಸ್ಮಾ ಅಸ್ಮಿ ಯತ್ಸೃಜೇಯೇತ್ ।
ತದನ್ನಂ ಲಭೇತ ಯತ್ಸೃಜೇಯ ಹನ್ತ ಸೃಜಾ ಇತಿ ಸ ವಸೂನಸೃಜತ ಸ ರುದ್ರಾ ನ್ಸ ಆದಿತ್ಯಾನ್ ।
ತಂ ವಸವ ಉಪಾಸೀದನ್ನಸ್ತು ನ ಸ್ವಮಿತಿ ।
ತೇಭ್ಯ ಏತಾಂ ಗಾಂ ಪ್ರಾಯಚ್ಛತ್ ।
ತಾಂ ಸಂವತ್ಸರಮರಕ್ಷನ್ತ ।
ಸೈಭ್ಯಸ್ಸಂವತ್ಸರೇ ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಪ್ರಾಜನಯತ್ ।
ತಾಂ ಪುನರಾಜಾಯತ ।
ತಂ ರುದ್ರಾ ಉಪಾಸೀದನ್ನಸ್ತು ನ ಸ್ವಮಿತಿ ।
ತೇಭ್ಯ ಏತಾಂ ಗಾಂ ಪ್ರಾಯಚ್ಛತ್ ।
ತಾಂ ಸಂವತ್ಸರಮರಕ್ಷನ್ತ ।
ಸೈಭ್ಯಸ್ಸಂವತ್ಸರೇ ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಪ್ರಾಜನಯತ್ ।
ತಾಂ ಪುನರಾಜಾಯತ ।
ತಮಾದಿತ್ಯಾ ಉಪಾಸೀದನ್ನಸ್ತು ನ ಸ್ವಮಿತಿ ।
ತೇಭ್ಯ ಏತಾಂ ಗಾಂ ಪ್ರಾಯಚ್ಛತ್ ।
ತಾಂ ಸಂವತ್ಸರಮರಕ್ಷನ್ತ ।
ಸೈಭ್ಯಸ್ಸಂವತ್ಸರೇ ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಪ್ರಾಜನಯತ್ ।
ತತ್ಸಹಸ್ರಮಭವತ್ ।
ಸೈವ ಸಹಸ್ರತಮೀ ।
ತಾಂ ಪುನರಾಜಾಯತ ।
ಸ ಯೋ ಹೈವಂ ವಿದ್ವಾನ್ಗಾ ರಕ್ಷತೇ ಪ್ರ ಹೈವಾಸ್ಯ ಸಹಸ್ರಮಾಪ್ನುವನ್ತಿ ।
ತಸ್ಮಾದು ಹೈವಂವಿದಾ ರಕ್ಷಿತವ್ಯಾ ಏವ ಗಾವಸ್ ।
ತೇಽಬ್ರುವನ್ನಲಂ ವೈ ತಸ್ಮೈ ಸ್ಮೋ ಯತ್ಸಹಸ್ರೇಣ ಯಜೇಮಹಿ ।
ಏತ ಸಹಸ್ರೇಣ ಯಜಾಮಹಾ ಇತಿ ೨೫೨

ತತ್ಸಾರ್ಧಂ ಸಹಸ್ರಂ ಸಮಾಕುರ್ವನ್ ।
ತದೇಷಾಂ ಸಹಸ್ರಂ ಸಂಖ್ಯಾನ ಏವೈಕಸ್ಯೈ ಗೋರ್ನೋದಭವತ್ ।
ತೇಽಬ್ರುವನ್ಪ್ರಜಾಪತಿಮೇವೇಮಾಂ ಸಹಸ್ರತಮೀಂ ಯಾಚಾಮಹಾ ಇತಿ ।
ತೇ ಪ್ರಜಾಪತಿಮೇವ ತಾಂ ಸಹಸ್ರತಮೀಮಯಾಚನ್ತ ।
ಸ ಪ್ರಜಾಪತಿರೈಕ್ಷತ ಯದ್ಯೇಭ್ಯಃ ಪ್ರದಾಸ್ಯಾಮಿ ರೇಕ್ಷ್ಯೇ ಯದ್ಯೇಭ್ಯೋ ನ ಪ್ರದಾಸ್ಯಾಮ್ಯೂನಮೇಷಾಂ ಸಹಸ್ರಂ ಭವಿಷ್ಯತಿ ।
ಹೈನ್ತೈನಾನ್ಸಹೈವಾನಯಾಭ್ಯುಪಯಾನೀತಿ ।
ತಾನಬ್ರವೀತ್ಸಹೈವ ವೋಽಹಮನಯಾಭ್ಯುಪಯಾನೀತಿ ।
ತಥೇತಿ ।
ತಾಂಸ್ತಯೈವ ಸಹಾಭ್ಯುಪೈತ್ ।
ತ ಏತಂ ತ್ರಿರಾತ್ರಂ ಯಜ್ಞಮಪಶ್ಯತ್ ।
ತಮಾಹರನ್ತ ।
ಸೋಽಬ್ರವೀತ್ಸಮೇನಾ೩ನೇನ ಯಜ್ಞೇನ ಯಕ್ಷಾಮಹಾ೩ ಅಸಮೇನಾ೩ ಇತಿ ।
ಸಮೇನೇತ್ಯಬ್ರುವನ್ ।
ಯತ್ಸಮೇನೇತ್ಯಬ್ರುವನ್ಸಮ ಏವ ತದ್ವರ್ಷಮಕುರ್ವತ ಸಮೇ ರಾಷ್ಟ್ರಂ ಸಂಜ್ಞಾಂ ಏವ ತದಕುರ್ವತ ।
ಅಥ ಯದವಕ್ಷ್ಯನ್ನಸಮೇನೇತ್ಯಸಮ ಏವ ವರ್ಷಮಭವಿಷ್ಯದಸಮೇ ರಾಷ್ಟ್ರಮಸಂಜ್ಞಾಭವಿಷ್ಯತ್ ।
ತೇ ಕೇನ ಸಮೇಷ್ಯಾಮ ಇತಿ ।
ಯಜ್ಞಾಯಜ್ಞೀಯೇನೇತಿ ।
ತಸ್ಮಾದ್ಯಜ್ಞಾಯಜ್ಞೀಯೇನೈವ ಸಂಯನ್ತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ವಾಗಿಮೇ ಲೋಕಾಃ ।
ವಾಚೈವ ತದ್ವಾಚಮಾರೋಹನ್ ।
ತೇ ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಪ್ರಥಮೇಽಹನ್ನದದುಃ ।
ತೇನಾಸ್ಮಿಁ ಲ್ಲೋಕೇ ವಸುಭಿರರಾಧ್ನೋತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ದ್ವಿತೀಯೇಽಹನ್ನದದುಃ ।
ತೇನಾಸ್ಮಿನನ್ತರಿಕ್ಷೇ ಲೋಕೇ ರುದ್ರೈ ರರಾಧ್ನೋತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ತೃತೀಯೇಽಹನ್ನದದುಃ ।
ತೇನಾಮುಷ್ಮಿಁ ಲ್ಲೋಕ ಆದಿತ್ಯೈರರಾಧ್ನೋತ್ ।
ಸ ಯೋ ಹೈವಂ ವಿದ್ವಾನೇತೇನ ಯಜ್ಞಕ್ರತುನಾ ಯಜತ ಏತಾಸು ಚೈವ ದೇವತಾಸ್ವೃಧ್ನೋತ್ಯೇತಾಂಶ್ಚ ಲೋಕಾನಾಪ್ನೋತಿ ೨೫೩

ಪ್ರಜಾಪತಿರ್ಯದಗ್ರೇ ಸಹಸ್ರಮಸೃಜತ ತತ್ಪ್ರಜಾಭ್ಯಃ ಪ್ರಾಯಚ್ಛದೇತದ್ವಸ್ಸಹೇತಿ ।
ಯತ್ಸಹೇತ್ಯಬ್ರವೀತ್ತತ್ಸಹಸ್ರಸ್ಯ ಸಹಸ್ರತ್ವಮ್ ।
ತಸ್ಮಾದು ಹ ಸಹಸ್ರೀವ ಸತಿರೇವ ಸ್ಯಾತ್ ।
ಸಹೇತಿ ಹ್ಯಬ್ರವೀತ್ ।
ಸಾ ಯೋ ಹೈನಸ್ತತ್ರಾವಾಸ್ಯಮಾನೋ ಬ್ರೂಯಾದಾ ತೇ ಸಹಸ್ರಸ್ಯ ಪಯೋ ದದ ಇತಿ ತಥಾ ಹೈವ ಸ್ಯಾತ್ ।
ತೇ ದೇವಾ ಈಶಾನಂ ದೇವಮಬ್ರುವಂಸ್ತ್ವಂ ವೈ ನ ಶ್ರೇಷ್ಠೋಽಸಿ ।
ತಮುದ್ಧಾರಮುದ್ಧರಸ್ವೇತಿ ।
ಸ ಏತಾನಿ ತ್ರೀಣಿ ಸಾಮಾನಿ ಸಹಸ್ರಸ್ಯ ರಸಂ ಪ್ರಾವಹತರ್ತ್ತನಿಧನಮೀನಿಧನಂ ತ್ರಿಣಿಧನಮಿತಿ ।
ತಾನಿ ವಾ ಏತಾನಿ ಸಾಮಾನಿ ಸಹಸ್ರತ್ರಿರಾತ್ರೇಣ ಕಾರ್ಯಾಣೀಶಾನಸ್ಯ ದೇವಸ್ಯೋದ್ಧಾರ ಉದ್ಧೃತಾನಿ ।
ಉದುದ್ಧಾರಂ ಹರತ ಉದ್ಧಾರ್ಯೋ ಭವತಿ ಯ ಏವಂ ವೇದ ।
ತಸ್ಮಾದೇತಾನಿ ಸಾಮಾನಿ ಸಹಸ್ರತ್ರಿರಾತ್ರೇಣ ಕಾರ್ಯಾಣೀಶಾನಸ್ಯ ದೇವಸ್ಯಾಖಲಸ್ಯ ಸಾಮಾನೀಶ್ವರೋ ಯಜಮಾನಸ್ಯ ಪಶೂನಭಿಮನ್ತೋರಿತಿ ।
ಅಪರಸಮಿವ ತು ಹಾಸ್ಯ ಸಹಸ್ರಂ ದತ್ತಂ ಸ್ಯಾತ್ ।
ಕಾರ್ಯಾಣ್ಯೇವ ಸಹಸ್ರಸ್ಯ ಧರತಾಯೈ ।
ಪ್ರಜಾಪ್ತಿರ್ಯದ್ದೇವೇಭ್ಯಸ್ಸಹಸ್ರಂ ಪ್ರಾಯಚ್ಛತ್ತದಪ್ರತೀಕ್ಷಮಾಣಾ ಏವಾದನ್ ।
ತದ್ದೇವೇಭ್ಯೋಽದ್ಯಮಾನಂ ತಿರೋಽಭವತ್ ।
ತದನ್ವಮನ್ತ್ರಯನ್ತ ।
ತದಬ್ರವೀತ್ಕ್ಷಯಾದ್ವೈ ಬಿಭೇಮೀತಿ ।
ನೇತ್ಯಬ್ರುವನ್ ।
ತಥಾ ವೈ ತ್ವಾತ್ಸ್ಯಾಮೋ ಯಥಾ ನೋಽದ್ಯಮಾನಂ ಪೀಯಮಾನಂ ನ ಕ್ಷೇಷ್ಯಸ ಇತಿ ।
ತಸ್ಮೈ ವೈ ಮ ಋತಂ ಕುರುತೇತಿ ।
ತಸ್ಮಾ ಋತನಿಧನೇನೈವರ್ತಮಕುರ್ವನೀನಿಧನೇನಾದಯನ್ಪ್ರ ಚೈವೈನತ್ತ್ರಿಣಿಧನೇನಾಜನಯನ್ನಕ್ಷಿತಿಂ ಚಾಸ್ಮಾ ಅಕುರ್ವನ್ ।
ಅದ್ಯಮಾನಮಸ್ಯ ಸಹಸ್ರಂ ನ ಕ್ಷೀಯತೇ ಯ ಏವಂ ವೇದ ೨೫೪

ಅನ್ವಹಮಾಜಿದೋಹಾನಿ ಭವನ್ತಿ ।
ಪ್ರಾಣಾ ವಾ ಆಜಿದೋಹಾನಿ ।
ಯದನ್ವಹಮಾಜಿದೋಹಾನಿ ಭವನ್ತಿ ।
ಪ್ರಾಣೇಷ್ವೇವ ತತ್ಪ್ರತಿತಿಷ್ಠತಿ ।
ಅನ್ವಹಮಾಜಿದೋಹಾನಿ ಭವನ್ತಿ ।
ಪಶವೋ ವಾ ಆಜಿದೋಹಾನಿ ।
ಯದನ್ವಹಮಾಜಿದೋಹಾನಿ ಭವನ್ತಿ ಪಶುಷ್ವೇವ ತತ್ಪ್ರತಿತಿಷ್ಠತಿ ।
ಅನ್ವಹಮಾಜಿದೋಹಾನಿ ಭವನ್ತಿ ।
ಇಮೇ ವೈ ಲೋಕಾ ಆಜಿದೋಹಾನಿ ।
ಯದನ್ವಹಮಾಜಿದೋಹಾನಿ ಭವನ್ತ್ಯೇಷ್ವೇವ ತಲ್ಲೋಕೇಷು ಪ್ರತಿತಿಷ್ಠತಿ ।
ಅಗ್ನಿರಾಜಿದೋಹಂ ವಾಯುರಾಜಿದೋಹಮಸಾವಾದಿತ್ಯ ಆಜಿದೋಹಮ್ ।
ಯದನ್ವಹಮಾಜಿದೋಹಾನಿ ಭವನ್ತ್ಯೇತಾಸ್ವೇವ ತದ್ದೇವತಾಸು ಪ್ರತಿತಿಷ್ಠತಿ ।
ಇಮೇ ವೈ ಲೋಕಾ ಆಜಯೋ ನಾಮ ।
ಏತೇಷಾಮೇತೇ ದೋಹಾಃ ।
ದುಹ ಇಮಾಁ ಲ್ಲೋಕಾನ್ಯ ಏವಂ ವೇದ ।
ಅನ್ವಹಮರ್ಕಾ ಭವನ್ತ್ಯನ್ನಂ ವಾ ಅರ್ಕೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಸ್ವಾಶಿರಾಮರ್ಕಃ ಪ್ರಥಮೇಽಹನಿ ಭವತಿ ।
ಆಪೋ ವೈ ಸ್ವಾಶಿರಃ ।
ಅನ್ನಮು ವಾ ಆಪಃ ।
ನೋ ವಾ ಅನವಸೋಽಧ್ವಾನಂ ಸಮಶ್ನುತೇ ।
ಅಗ್ನೇರರ್ಕೋ ದ್ವಿತೀಯೇಽಹನಿ ಭವತಿ ।
ಅನ್ತರಿಕ್ಷಾಯತನಂ ವೈ ದ್ವಿತೀಯಮಹಃ ।
ಅಸ್ತಮೇವಾನ್ತರಿಕ್ಷಂ ತಮಸ್ಸಹಚಯಾನಿ ರಕ್ಷಾಂಸ್ಯಗ್ನಿರ್ವೈ ರಕ್ಷಸಾಮಪಹನ್ತಾ ರಕ್ಷಸಾಮೇವಾಪಹತ್ಯೈ ।
ದೀರ್ಘತಮಸೋಽರ್ಕಸ್ತೃತೀಯೇಽಹನಿ ಭವತಿ ।
ಜಾಗತೋ ವೈ ದೀರ್ಘತಮಸೋಽರ್ಕಃ ।
ಜಾಗತಂ ತೃತೀಯಮಹಃ ।
ಅಹರೇವ ತದ್ರೂ ಪೇಣ ಸಮರ್ಧಯನ್ತಿ ೨೫೫

ಅನ್ವಹಂ ಸೌಪರ್ಣಾನಿ ಭವನ್ತಿ ಸ್ವರ್ಗ್ಯಾಣಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ತದಾಹುಃ ಕ್ಷಿಪ್ರಾಣಿ ಸಾಮಾನೀಶ್ವರೋ ಯಜಮಾನಂ ಪುರಾಯುಷಃ ಪ್ರಮಥಿತೋಃ ।
ದ್ವೇ ಏವ ಕಾರ್ಯೇ ಪತನಾಯೈವೇತಿ ।
ಸಂ ವಾ ಏನಂ ತತ್ಸಾಧಯನ್ತೀತ್ಯಾಹುಃ ।
ಏಕಮೇವ ಕಾರ್ಯಂ ಸಮಷ್ಟ್ಯಾ ಏವೇತಿ ।
ಕಿಮು ಯ ಏನಂ ಪ್ರಮಥ್ನೀಯುರಪಿ ಸರ್ವಾಣ್ಯೇವ ಕಾರ್ಯಾಣಿ ।
ತ್ರಿರಾತ್ರೇಣ ವೈ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ಸ ಏಷಾಮಸಂಗೃಹೀತೋ ವೀವಾವೃಹ್ಯತ ।
ತಂ ಗಾಯತ್ರಪಾರ್ಶ್ವೇಣೈವೋದಸ್ತಭ್ನುವನ್ಸಂತನಿನಾ ಸಮತನ್ವನ್ಸಂಕೃತಿನಾ ಸಮಕುರ್ವಂಸ್ತ್ರಿಷನ್ಧಿನಾ ಸಮದಧುಃ ಶ್ರಾಯನ್ತೀಯೇನ ಸಮಶ್ರೀಣನ್ನರಿಷ್ಟೇನಾರಿಷ್ಟತಾಮಗಮಯನ್ ।
ತದ್ಯದೇತಾನಿ ಸಾಮಾನಿ ಭವನ್ತಿ ತ್ರಿರಾತ್ರಸ್ಯೈವೋತ್ತಬ್ಧ್ಯೈ ತ್ರಿರಾತ್ರಸ್ಯ ಸನ್ತತ್ಯೈ ತ್ರಿರಾತ್ರಸ್ಯ ಸಂಕೃತ್ಯೈ ತ್ರಿರಾತ್ರಸ್ಯ ಸಂಹಿತ್ಯೈ ತ್ರಿರಾತ್ರಸ್ಯ ಸಂಶ್ರಿತ್ಯೈ ತ್ರಿರಾತ್ರಸ್ಯಾರಿಷ್ಟತಾಯೈ ।
ಷಳಂ ಕಕುಭಿ ಸ್ವಾರಮುಷ್ಣಿಹಿ ।
ತ್ರಿರಾತ್ರಮೇವೈತನ್ಮಧ್ಯತೋ ವ್ಯತಿಷಜನ್ತ್ಯನವಸ್ರಂಸಾಯ ೨೫೬

ಷಟ್ಚ ವೈ ಗಾಯತ್ರೀ ಪ್ರಥಮಮಹಸ್ಸಂಪದ್ಯತೇ ದಶ ಚ ಸ್ತೋತ್ರ್! ಯಾಃ ।
ಷಟ್ಚ ವೈ ತ್ರಿಷ್ಟುಭೋ ದ್ವಿತೀಯಮಹಸ್ಸಂಪದ್ಯತ ಏಕಾಂ ಚ ಸ್ತೋತ್ರ್! ಯಾಮ್ ।
ಅಥ ಯತ್ತೃತೀಯಮಹಸ್ತಸ್ಯ ದ್ವೇ ಸವನೇ ಜಗತೀಸ್ಸಂಪದ್ಯತೇಽನುಷ್ಟುಭಃ ।
ತೃತೀಯಸವನಮೇಕವಿಂಶಷ್ಷೋಡಶೀ ।
ಷೋಡಶೀ ವೈ ಪೂರ್ವಯೋರಹ್ನೋರಪಿತ್ವಮೈಚ್ಛತ ।
ಷೋಡಶಿನಿ ಪೂರ್ವೇಽಹನೀ ಅಪಿತ್ವಮೈಚ್ಛೇತಾಮ್ ।
ತಮೇತಾಭಿರೇಕಾದಶಭಿ ಸ್ತೋತ್ರ್! ಯಾಭಿರುಪಸಂಪರಾಇತಾಮ್ ।
ಸ ಆನುಷ್ಟುಭಷ್ಷೋಡಶೀ ಸಮಪದ್ಯತ ।
ಸ ಯೋ ವೈ ಷೋಡಶಿನಂ ಪೂರ್ವಯೋರಹ್ನೋರಪಿತ್ವಿನಂ ವೇದ ಷೋಡಶಿನಿ ಪೂರ್ವೇಽಹನೀ ಅಪಿತ್ವಿನೀ ಅಪಿತ್ವೀ ಹ ತತ್ರ ಭವತಿ ಯತ್ರ ಕಾಮಯತೇಽಪಿತ್ವೀ ಹ ಸ್ಯಾಮಿತಿ ।
ತದಾಹು ಸ್ತೋಮೈರೇವ ಪೃಷ್ಠ್ಯಂ ಷಡಹಮಾಪ್ನೋತಿ ಸಂಪದಾ ಛನ್ದೋಮಾನ್ರಾತ್ರ್! ಯಾ ದಶಮಮಹರಿತಿ ।
ಸ ಯವದ್ವಾದಶಾಹೇನ ದಕ್ಷಿಣಾವತಾವರುನ್ದ್ಧೇ ಯ ಏವಂ ವೇದ ।
ಅಥೈಷಾ ಸಹಸ್ರತಮೀ ತಾಂ ಯದ್ದದ್ಯಾದ್ರಿ ಚ್ಯೇತಾನು ಗರ್ಭಾಶ್ಶುಷ್ಯೇಯುರ್ಯನ್ನ ದದ್ಯಾದೂನಮಸ್ಯ ಸಹಸ್ರಂ ದತ್ತಂ ಸ್ಯಾತ್ ।
ಕಲಾಂ ಚಾದೇಯಂ ಚ ನ ದದ್ಯಾತ್ ।
ತನ್ಮಿಥುನಮ್ ।
ತದನು ಪ್ರಜಾಯತೇ ।
ತದಾಹುರದತ್ತಂ ವೈ ತಥಾ ಭವತ್ಯುತ ವೈ ಕಲಾಮೇವಾನ್ವವಜಯತಿ ।
ತತ್ತತ್ಕಲಾಂ ವಾನು ಸಹಸ್ರಂ ಇಯಾತ್ ।
ಕಲಾವಾನು ಸಹಸ್ರಂ ತತ್ತದವಿಜ್ಞಾನಂ ದತ್ವೈವೈನಾಮದ್ಯಯಾ ಗವಾ ನಿಷ್ಕ್ರೀಣೀಯಾದಿತಿ ।
ತದು ವಾ ಆಹುರ್ದತ್ತಂ ವೈ ತಥಾ ಭವತಿ ।
ಗೌರಿತರಾ ಗೌರಿತರೋರ್ಣಾಸೂತ್ರಸ್ಯೈವನಾಮಾವಿಕಸ್ಯ ಯಾವದರ್ಹನ್ತೀಮ್ಮನ್ಯೇತ ತಾವತಾ ನಿಷ್ಕ್ರೀಣೀಯಾದಿತಿ ।
ಊರ್ಣಾಸೂತ್ರಮು ವೈ ಗೋಃ ಕಿಞ್ಚಿದಿವ ।
ದತ್ತಮಸ್ಯ ಸಹಸ್ರಂ ಭವತಿ ನಾತ್ಮನಾ ರಿಚ್ಯತೇ ।
ಸ ಯಥಾ ವಾಗರಯಾ ವಾ ರಜ್ಜ್ವಾ ವಾ ವ್ರಜಂ ಪರಿತನುಯಾದೇವಮೇವೈತತ್ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೨೫೭

ಶಬಲಿ ಸಮುದ್ರೋ ಽಸ್ಯಕ್ಷಿತಿರ್ಬ್ರಹ್ಮದೇವೀ ಪ್ರಥಮ್ಜಾ ಋತಸ್ಯೈಕಮಕ್ಷರಂ ಕ್ಷರಸಿ ವಿಭಾವರ್ಯಭೀಮಾಁ ಲ್ಲೋಕಾನಮೃತಂ ದುಹಾನಾ ತಾಂ ತ್ವಾ ವಿದ್ಮ ಸರಮೇ ದೀದ್ಯಾನಾಮಕ್ಷಿತಿಂ ದೇವೇಭ್ಯೋ ಭಾಸಾ ತಪನ್ತೀಮ್ ।
ತೇಜೋಽಸಿ ಶುಕ್ರಮಸ್ಯಮೃತಮಸ್ಯನ್ನಮಸಿ ಮಹದಸ್ಯೇಷಾಸಿ ಮಹಿ ತಾಂ ತ್ವಾ ತಥಾ ವೇದ ।
ತಸ್ಯಾಂ ತ್ವಯ್ಯೇತಾಂ ದಕ್ಷಿಣಾಂ ನಿದಧೇಽಕ್ಷಿತಿಮಕ್ಷೀಯಮಾಣಾಂ ಶ್ರಿಯಂ ದೇವಾನಾಂ ಬೃಹಜ್ಜ್ಯೋತಿರ್ವಸಾನಾಂ ಪ್ರಜಾನಾಂ ಶಚಿಷ್ಠಾಮಾವೃತಮನುಗೇಷಮಿತಿ ।
ಏಷಾ ಹ ವೈ ಶಚಿಷ್ಠಾವೃದ್ಯದಸಾವಾದಿತ್ಯಃ ।
ತಸ್ಯಾ ಏತೇ ದ್ವೇ ಪದೇ ಅಹಶ್ಚೈವ ರಾತ್ರಿಶ್ಚ ಸತ್ಯಂ ಚಾನೃತಂ ಚ ।
ತದ್ಧಾಸ್ಯಾ ಏತತ್ಸತ್ಯಂ ಪದಂ ಯದಹಃ ।
ತದೇತದತ್ಯಾಯು ನಾಮ ।
ಸ ಯೋ ಹಾಸ್ಯ ಏತದತ್ಯಾಯು ನಾಮ ಪದಂ ವೇದಾತ್ಯೇವಾನ್ಯಾನ್ಪ್ರಜಯಾ ಪಶುಭಿ ಶ್ರಿಯಾ ಕೀರ್ತ್ಯಾಯುಷಾ ಭವತಿ ೨೫೯

ಅಥಾಸ್ಯಾ ಏತತ್ಪೃಶ್ನಿ ಶಬಲಂ ಪದಂ ಯದ್ರಾ ತ್ರಿಃ ।
ಸ ಯೋ ಹಾಸ್ಯ ಏತತ್ಪೃಶ್ನಿ ಶಬಲಂ ಪದಂ ವೇದ ಪೃಶ್ನಿರೇವ ಪ್ರಜಯಾ ಪಶುಭಿ ಶ್ರಿಯಾ ಕೀರ್ತ್ಯಾಯುಷಾ ಭವತಿ ।
ತದ್ಯಥಾಗ್ನಿಂ ದೀಪ್ಯಮಾನಮುಪವಾಜನೇನೋಪವಾಜಯೇದೇವಮೇವೈತದ್ಬ್ರಾಹ್ಮಣ ಆತ್ಮಾನಂ ಸಂಶ್ಯತೇ ಸತ್ಯಂ ವದನ್ ।
ಸ ಸತ್ಯಮೇವ ವದೇತ್ಸತ್ಯಂ ಚರೇತ್ಸತ್ಯಂ ಚಿಕೀರ್ಷೇತ್ಸತ್ಯಮೇವ ಭವತಿ ।
ಉತ ತ್ವೇನಮನೃತಸ್ಯ ಕಾಮೋ ವಿನ್ದೇಜ್ಜೀವನಕಾಮ್ಯಾ ವಾ ಸ್ತ್ರೀಕಾಮ್ಯಾ ವಾ ನರ್ಮಕಾಮ್ಯಾ ವಾ ಸಖಿಕಾಮ್ಯಾ ವಾ ।
ರಾತ್ರ್! ಯಾಂ ವಾ ಹೈನಚ್ಛಾಯಾಯಾಂ ವಾ ವದೇತ್ ।
ತಥಾ ಹೈನಂ ತನ್ನ ದ್ರುಣೀತೇದ್ರುಣಾತಿ ।
ಸ್ವೇ ಹ್ಯೇನದಾಯತನೇ ವದತಿ ।
ಪೃಥ್ವೀ ಬೇಕುರ ಇತಿ ।
ಹೇತಿ ಹೇಸಿನೀ ಪರಿಮನ್ಥಾದಿತ್ಯೇ ಮನಸ್ತೇ ಭುವೋ ಯುವಸ್ತೇ ಯಜ್ಞಸ್ಯಾಜ್ಯಮಸಿ ಧೀಷ್ಣಸ್ತ್ವೃತುಸ್ಥಾ ಮನಸ್ಥಾ ಮನಸೋ ಗ್ರಾಮಸ್ಯಾಮಾವಿಶನಾಭೃತ್ತೇಽಸ್ಮಿ ರನ್ತಿರಸಿ ರಮತಿರಸೀಮೇ ಸ್ವರ್ಗಸ್ಯ ಊರ್ಜಸ್ವತೀ ಪಯಸ್ವತೀ ಶಬಲ್ಯೇಹ್ಯರಾಭುರಸ್ಮಿ ಸಿಕತಾಃ ಪುರೋಮಿ ವತ್ಸಾ ಬಿಭರ್ಮಿ ಸಹಸ್ರಮಾತರಂ ವಿದ್ಮ ತ್ವಾ ಪುರುಷ ತಲ್ಲಕ ಸ ನ ಇದಂ ಬ್ರೂಹಿ ಯಥೇದಂ ಭವಿಷ್ಯತಿ ೨೫೯

ಅಗ್ನೇ ದೇವಾಣಾಂ ಹೋತಸ್ತ್ವಂ ದೇವಾನಾಂ ಹೋತಾಸ್ಯಹಂ ಮನುಷ್ಯಾಣಾಂ ಸ ನ ಇದಂ ಬ್ರೂಹಿ ಯಥೇದಂ ಭವಿಷ್ಯತಿ ನ ಸಾಮ ಸಮೈತಿ ನ ಸ್ತೋತ್ರ್! ಯಾ ನೋ ಮೇ ಲೋಕಾಸ್ಸಂಕ್ರಾಮನ್ತಿ ವರೀಯಾನ್ಯಜಮಾನಸ್ಯ ಲೋಕೋ ಭವತಿ ।
ಯತ್ಸಾಮ ಸಮೇಯಾದ್ಯತ್ಸ್ತೋತ್ರ್! ಯೋ ಯದಿಮೇ ಲೋಕಾಸ್ಸಂಕ್ರಾಮೇಯುರಂಹೀಯಾನ್ಯಜಮಾನಸ್ಯ ಲೋಕ ಸ್ಯಾತ್ ।
ಗಾಯತ್ರಂ ಸಮೈತಿ ।
ಪ್ರಾಣೋ ವೈ ಗಾಯತ್ರಮ್ ।
ಸರ್ವತ್ರ ಹ್ಯೇವ ಪ್ರಾಣಃ ಸಮೈತಿ ।
ಯಜ್ಞಾಯಜ್ಞೀಯಂ ಸಮೈತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ಸರ್ವತ್ರ ಹ್ಯೇವ ವಾಕ್ಚ ಪ್ರಾಣಶ್ಚ ಸಮೇತಃ ।
ದ್ವೇ ಸಾಮನೀ ಸಮೇತೋ ದ್ವಿಪಾದ್ಯಜಮಾನಃ ಪ್ರತಿಷ್ಠಿತ್ಯೈ ।
ಪ್ರತಿತಿಷ್ಠತಿ ಯ ಏವಂ ವೇದ ೨೬೦

ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಸೋಽಕಾಮಯತ ಬಹುಃ ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ಸೋಽಶೋಚತ್ ।
ಸೋಽತಪ್ಯತ ।
ತಂ ಶೋಚನ್ತಂ ತಪ್ಯಮಾನಂ ಪ್ರಾಣಾ ಅಭ್ಯವದನ್ವಯಂ ವಾ ಇಮಂ ಯಜ್ಞಮದೃಶ್ಮ ತೇನ ತ್ವಾ ಯಾಜಯಾಮೇತಿ ।
ಸೋಽಬ್ರವೀತ್ತಂ ಕಥಮದ್ರಾ ಷ್ಟ ಕತಮಮದ್ರಾ ಷ್ಟೇತಿ ।
ತೇಽಬ್ರುವನ್ನಾಶ್ರಾವಯಾಸ್ತು ಶ್ರೌಷಟ್ ।
ಯಜಯೇ ಯಜಾಮಹೇ ।
ವೌಷಡಿತ್ಯೇತಮದೃಶ್ಮೇತಿ ।
ಸೋಽವೇದದೃಶನ್ವಾ ಇತಿ ।
ಯತ್ಪಞ್ಚಾಸನ್ಪಾಙ್ಕ್ತೋ ಯಜ್ಞಃ ।
ತೇನಾವೇದದೃಶನ್ವಾ ಇತಿ ।
ತೇಷಾಮು ಯತ್ಪಞ್ಚಾನಾಂ ಸತಾಂ ಸಪ್ತದಶಾಕ್ಷರಾಣ್ಯಾಸನ್ಸಪ್ತದಶಃ ಪ್ರಜಾಪತಿಃ ಪ್ರಾಜಾಪತ್ಯೋ ಯಜ್ಞಃ ।
ತೇನೋ ಏವಾವೇದದೃಶನ್ವಾವೇತಿ ।
ಸೋಽಬ್ರವೀತ್ತೇ ಕೇನ ಹೋಷ್ಯಾಮಃ ಕಸ್ಮಿನ್ಹೋಷ್ಯಾಮ ಇತಿ ।
ತೇಽಬ್ರುವಂಸ್ತವೈವ ವಪಾಮುತ್ಖಿದ್ಯ ತಾಂ ತವೈವ ಹೃದಯೇಽಗ್ನೌ ಸರ್ವಹುತಾಂ ಹೋಷ್ಯಾಮ ಇತಿ ।
ತೇ ಪ್ರಜಾಪತೇರೇವ ವಪಾಮುದಖಿದನ್ ।
ವಾಚಮೇವ ತೇಷಾಂ ಪ್ರಾಣ ಏವಾಶ್ರಾವಯದಪಾನಃ ಪ್ರತ್ಯಾಶ್ರಾವಯತ್ ।
ಮನ ಏವ ಹೋತಾಸೀತ್ ।
ಪ್ರಜಾಪತಿರೇವ ಚತುರ್ಥೋ ಬ್ರಹ್ಮಾ ದಕ್ಷಿಣತ ಆಸ್ತ ।
ತಾಂ ಪ್ರಜಾಪತೇರೇವ ಹೃದಯೇಽಗ್ನೌ ಸರ್ವಹುತಾಂ ಅಜುಹವುಃ ।
ತಾಂ ಯದವಪಂಸ್ತದ್ವಪಾಯೈ ವಪಾತ್ವಮ್ ।
ಯದ್ವೋ ಏನಾಂ ತದಜುಹವುಸ್ತದೇನಾಮವಪನ್ ।
ತಸ್ಮಾದು ಹ ವಪ್ತವ್ಯಮೇವ ।
ಉಪ್ತಾದ್ಧ್ಯೇವೇದಂ ಸರ್ವಂ ಜಾಯತೇ ತಸ್ಯೈ ಹುತಾಯಾ ಅಜಃ - ೨೬೧

- ಶ್ವೇತೋ ಲೋಮಶಸ್ತೂಪರೋ ಲಪ್ಸುಗ್ಯನ್ಯತೋದಂಶ್ಚತುಷ್ಪಾದಜಾಯತ ।
ತಸ್ಮಿನ್ಸರ್ವಾಣಿ ರೂಪಾಣಿ ಪರ್ಯಪಶ್ಯನ್ ।
ತೇಽಬ್ರುವನ್ನಿಮಾನಿ ವಾ ಅಸ್ಮಿನ್ಸರ್ವಾಣಿ ರೂಪಾಣಿ ।
ಏತೇಮಮೇವಾಲಭಾಮಹಾ ಇತಿ ।
ತೇ ತಮಾಲಭನ್ತ ।
ತೇಷಾಂ ಪ್ರಾಣ ಏವಾಶ್ರಾವಯದಪಾನಃ ಪ್ರತ್ಯಾಶ್ರಾವಯತ್ ।
ಮನ ಏವ ಹೋತಾಸೀತ್ ।
ಪ್ರಜಾಪತಿರೇವ ಚತುರ್ಥೋ ಬ್ರಹ್ಮಾ ದಕ್ಷಿಣತ ಆಸ್ತ ।
ತಂ ಪ್ರಜಾಪತೇರೇವ ಹೃದಯೇಽಗ್ನೌ ಸರ್ವಹುತಂ ಅಜುಹವುಃ ।
ತಸ್ಮಾದ್ಧುತಾದಗ್ನಿರ್ದೇವತಾಜಾಯತ ।
ತದೃಚೋ ವೇದಃ ।
ಅನು ವಾಯುರ್ದೇವತಾಜಾಯತ ।
ತದ್ಯಜೂಂಷಿ ವೇದಃ ।
ಅನ್ವಾದಿತ್ಯೋ ದೇವತಾಜಾಯತ ।
ತತ್ಸಾಮಾನಿ ವೇದಃ ।
ಅನ್ವೇತೇ ಚ ತ್ರಯೋ ದೇವಾನಾಂ ಶ್ರೇಷ್ಠಾ ಅಜಾಯನ್ತೈತಾಶ್ಚ ತಿಸ್ರೋ ವಿಯಾಃ ।
ಶಶ್ವದ್ಧೈತಾವದೇವ ಪ್ರಜಾಪತಿನಾ ಸೃಷ್ಟಮ್ ।
ಅಥೈತಾಭಿರೇವ ದೇವತಾಭಿರಿದಮಿತರತ್ಸರ್ವಮ್ ।
ತೇಽಬ್ರುವನ್ಯೇನ ನಃ ಪಿತಾ ಪ್ರಜಾಪತಿರ್ಯಜ್ಞೇನೇಷ್ಟ್ವಾರಾತ್ಸೀತ್ತೇನ ಯಜಾಮಹಾ ಇತಿ ।
ತೇ ತಮಾಹರನ್ತ ।
ತೇಷಾಂ ವಾಯುರೇವಾಶ್ರಾವಯದಾದಿತ್ಯಃ ಪ್ರತ್ಯಾಶ್ರಾವಯತ್ ।
ಅಗ್ನಿರೇವ ಹೋತಾಸೀತ್ ।
ಪ್ರಜಾಪತಿರೇವ ಚನ್ದ್ರ ಮಾಶ್ಚತುರ್ಥೋ ಬ್ರಹ್ಮಾ ದಕ್ಷಿಣತ ಆಸ್ತ ೨೬೨

ತ ಏವ ಚತುರ್ಹೋತಾರಮಾಸತ ।
ಏತೇ ಹ ವಾವ ಚತುರ್ಹೋತಾರೋ ಯಾನಿಮಾನಾಹುಶ್ಚತುರ್ಹೋತೄನ್ ।
ತೇಷಾಂ ಸಹಸ್ರತಮ್ಯಾಮಾಹುತ್ಯಾಂ ಗೌರಾಜಾಯತ ।
ತಸ್ಯಾಂ ಸರ್ವಾನ್ಭೋಗಾನ್ಪರ್ಯಪಶ್ಯನ್ಯೇ ಕೇ ಚ ಗವಿ ಭೋಗಾಸ್ತಾನ್ ।
ತೇಽಬ್ರುವನ್ನಿಮೇ ವಾ ಅಸ್ಯಾಂ ಸರ್ವೇ ಭೋಗಾಃ ।
ಏತೇಮಾಮೇವ ಪ್ರ ಣೋ ಜನಯೇತಿ ಬ್ರವಾಮೇತಿ ।
ತಾಮಬ್ರುವನ್ಪ್ರ ಣೋ ಜನಯೇತಿ ।
ಸಾ ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನ್ಯಾಗ್ನಯೇ । ಪ್ರಾಜನಯತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ವಾಯವೇ ಪ್ರಾಜನಯತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಆದಿತ್ಯಾಯ ಪ್ರಾಜನಯತ್ ।
ತತ್ಸಹಸ್ರಮಭವತ್ ।
ಸೈವ ಸಹಸ್ರತಮೀ ।
ತಾಂ ಪುನರಾಜಾಯತ ।
ಸ ಯೋ ಹೈವಂ ವಿದ್ವಾನ್ಗಾ ರಕ್ಷತೇ ಪ್ರ ಹೈವಾಸ್ಯ ಸಹಸ್ರಮಾಪ್ನುವನ್ತಿ ।
ತಸ್ಮಾದು ಹೈವಂವಿದಾ ರಕ್ಷಿತವ್ಯಾ ಏವ ಗಾವಃ ।
ತೇಽಬ್ರುವನ್ನಲಂ ವೈ ತಸ್ಮೈ ಸ್ಮೋ ಯನ್ನಾನಾಶೋ ವಿಪರೇತ್ಯ ಯಜಮಾನಾ ಆಸೀಮಹ್ಯೇತ ನಾನಾಶೋ ವಿಪರೇತ್ಯ ಯಜಮಾನಾ ಆಸಾಮಹಾ ಇತಿ ।
ತೇ ನಾನಾಶೋ ವಿಪರೇತ್ಯ ಯಜಮಾನಾ ಆಸತ ।
ತೇ ನೈವ ಶ್ರೇಯಾಂಸೋಽಭವನ್ನ ಪಾಪೀಯಾಂಸಃ ।
ತೇಽಬ್ರುವನ್ನ ವೈ ಶ್ರೇಯಾಂಸೋಽಭೂಮ ನ ಪಾಪೀಯಾಂಸಃ ।
ಏತ ಸಹಸ್ರೇಣ ಯಜಾಮಹಾ ಇತಿ ೨೬೩

ತತ್ಸಾರ್ಧಂ ಸಹಸ್ರಂ ಸಮಾಕುರ್ವನ್ ।
ತದೇಷಾಂ ಸಹಸ್ರಂ ಸಂಖ್ಯಾನ ಏಕಸ್ಯೈ ಗೋರ್ನೋದಭವತ್ ।
ತೇಽಬ್ರುವನ್ಪ್ರಜಾಪತಿಮೇವೇಮಾಂ ಸಹಸ್ರತಮೀಂ ಯಾಚಾಮಹಾ ಇತಿ ।
ತೇ ಪ್ರಜಾಪತಿಮೇವ ತಾಂ ಸಹಸ್ರತಮೀಮಯಾಚನ್ತ ।
ಸ ಪ್ರಜಾಪತಿರೈಕ್ಷತ ಯದ್ಯೇಭ್ಯಃ ಪ್ರದಾಸ್ಯಾಮಿ ರೇಕ್ಷ್ಯೇ ಯದ್ಯೇಭ್ಯೋ ನ ಪ್ರದಾಸ್ಯಾಮ್ಯೂನಮೇಷಾಂ ಸಹಸ್ರಂ ಭವಿಷ್ಯತಿ ।
ಹೈನ್ತೈನಾನ್ಸಹೈವಾನಯಾಭ್ಯುಪಯಾನೀತಿ ।
ತಾನಬ್ರವೀತ್ಸಹೈವ ವೋಽಹಮನಯಾಭ್ಯುಪಯಾನೀತಿ ।
ತಥೇತಿ ।
ತಾಂಸ್ತಯೈವ ಸಹಾಭ್ಯುಪೈತ್ ।
ತ ಏತಂ ತ್ರಿರಾತ್ರಂ ಯಜ್ಞಮಪಶ್ಯತ್ ।
ತಮಾಹರನ್ತ ।
ಸೋಽಬ್ರವೀತ್ಸಮೇನಾ೩ನೇನ ಯಜ್ಞೇನ ಯಕ್ಷಾಮಹಾ೩ ಅಸಮೇನಾ೩ ಇತಿ ।
ಸಮೇನೇತ್ಯಬ್ರುವನ್ ।
ಯತ್ಸಮೇನೇತ್ಯಬ್ರುವನ್ಸಮ ಏವ ತದ್ವರ್ಷಮಕುರ್ವತ ಸಮೇ ರಾಷ್ಟ್ರಂ ಸಂಜ್ಞಾಂ ಏವ ತದಕುರ್ವತ ।
ಅಥ ಯದವಕ್ಷ್ಯನ್ನಸಮೇನೇತ್ಯಸಮ ಏವ ವರ್ಷಮಭವಿಷ್ಯದಸಮೇ ರಾಷ್ಟ್ರಮಸಂಜ್ಞಾಭವಿಷ್ಯತ್ ।
ತೇ ಕೇನ ಸಮೇಷ್ಯಾಮ ಇತಿ ।
ಯಜ್ಞಾಯಜ್ಞೀಯೇನೇತಿ ।
ತಸ್ಮಾದ್ಯಜ್ಞಾಯಜ್ಞೀಯೇನೈವ ಸಂಯನ್ತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ವಾಗಿಮೇ ಲೋಕಾಃ ।
ವಾಚೈವ ತದ್ವಾಚಮಾರೋಹನ್ ।
ತೇ ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ಪ್ರಥಮೇಽಹನ್ನದದುಃ ।
ತೇನಾಸ್ಮಿಁ ಲ್ಲೋಕೇಽಗ್ನಿರರಾಧ್ನೋತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ದ್ವಿತೀಯೇಽಹನ್ನದದುಃ ।
ತೇನಾಸ್ಮಿನನ್ತರಿಕ್ಷೇ ಲೋಕೇ ವಾಯುರರಾಧ್ನೋತ್ ।
ತ್ರಯಸ್ತ್ರಿಂಶತಂ ಚ ತ್ರೀಣಿ ಚ ಶತಾನಿ ತೃತೀಯೇಽಹನ್ನದದುಃ ।
ತೇನಾಮುಷ್ಮಿಁ ಲ್ಲೋಕ ಆದಿತ್ಯೋಽರಾಧ್ನೋತ್ ।
ಸ ಯೋ ಹೈವಂ ವಿದ್ವಾನೇತೇನ ಯಜ್ಞಕ್ರತುನಾ ಯಜತ ಏತಾಸು ಚೈವ ದೇವತಾಸ್ವೃಧ್ನೋತ್ಯೇತಾಂಶ್ಚ ಲೋಕಾನಾಪ್ನೋತಿ ೨೬೪

ಸಾ ಯಾ ಸಹಸ್ರತಮ್ಯಾಸ ವಿದ್ಯುದ್ಧೈವ ಸಾ ಭೂತ್ವಾ ಪ್ರಜಾಪತಿಂ ವಿವೇಶ ।
ತದೇಷಾಭ್ಯನೂಚ್ಯತೇ
ಅಯಂ ಸ ಶಿಙ್ಕ್ತೇ ಯೇನ ಗೌರಭೀವೃತಾ ಮಿಮಾತಿ ಮಾಯುಂ ಧ್ವಸನಾವಧಿ ಶ್ರಿತಾ
ಸಾ ಚಿತ್ತಿಭಿರ್ನಿ ಹಿ ಚಕಾರ ಮರ್ತ್ಯಂ ವಿದ್ಯುದ್ಭವನ್ತೀ ಪ್ರತಿ ವವ್ರಿಮೌಹತ
ಇತಿ ।
ಇಮಾಂ ಹೈವ ಗಾಂ ರೂಪಂ ಪ್ರತ್ಯುಹ್ಯ ವಿದ್ಯುದೇವ ಭೂತ್ವಾ ಪುನಃ ಪ್ರಜಾಪತಿಂ ಪ್ರವಿವೇಶ ।
ಸೈಷಾ ವಿದ್ಯುತ್ಸಾ ಯದೇತತ್ಸ್ತನಯತಿ ದದದದದದೇತಿ ।
ದದಾನಿ ದದಾನೀತಿ ಹೈವ ತತ್ಪ್ರಜಾಭ್ಯೋ ವೃಷ್ಟಿಮನ್ನಾದ್ಯಂ ಪ್ರಯಚ್ಛತಿ ।
ಪ್ರಾಸ್ಮಾ ಏಷಾ ದೇವತಾ ವೃಷ್ಟಿಮನ್ನಾದ್ಯಂ ಯಚ್ಛತಿ ಯ ಏವಂ ವೇದ ೨೬೫

ಅಥೈಷೋಽಶ್ವಮೇಧಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಪ್ರಜಾಪತಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ವೀಮಾಁ ಲ್ಲೋಕಾನಾಪ್ನುಯಾಮವೇನ್ದ್ರಿ ಯಂ ವೀರ್ಯಂ ರುನ್ಧೀಯೇತಿ ।
ಸ ಏತಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ವೀಮಾಁ ಲ್ಲೋಕಾನಾಪ್ನೋದವೇನ್ದ್ರಿ ಯಂ ವೀರ್ಯಮರುನ್ದ್ಧ ।
ಸ ಯಃ ಕಾಮಯೇತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ ವೀಮಾಁ ಲ್ಲೋಕಾನಾಪ್ನುಯಾಮವೇನ್ದ್ರಿ ಯಂ ವೀರ್ಯಂ ರುನ್ಧೀಯೇತಿ ಸ ಏತೇನ ಯಜೇತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ವೀಮಾಁ ಲ್ಲೋಕಾನಾಪ್ನೋತ್ಯವೇನ್ದ್ರಿ ಯಂ ವೀರ್ಯಂ ರುನ್ದ್ಧೇ ।
ಸ ವಾ ಏಷ ವೀರ್ಯಮೇವ ಯಜ್ಞಃ ।
ಯರ್ಹಿ ವಾ ಏತೇನ ಪುರೇಜಿರೇ ಸರ್ವಮೇವ ವೀರ್ಯವದಾಸ ಋಷಿರ್ಹ ಸ್ಮ ಮನ್ತ್ರಕೃದ್ಬ್ರಾಹ್ಮಣ ಆಜಾಯತೇಽತಿವ್ಯಾಧೀ ರಾಜನ್ಯಶ್ಶೂರಃ ಪೋಷಯಿಷ್ಣುರ್ವೈಶ್ಯೋ ರಯಿಮಾನುತ್ಥಾತಾ ಶೂದ್ರೋ ದಕ್ಷಃ ಕರ್ಮಕರ್ತಾ ಕಲ್ಯಾಣ್ಯ ಸ್ತ್ರಿಯಃ ಪತಿವ್ರತಾಃ ।
ಅಕೃಷ್ಟಪಚ್ಯಂ ಹ ಸ್ಮ ಧಾನ್ಯಂ ಪಚ್ಯತೇ ।
ಅಪಿ ಹ ಸ್ಮೈಕೋ ವ್ರೀಹಿಪಾತ್ರಃ ಪಕ್ವಃ ಕುಲಾಯಾಲಂ ಭವತಿ ।
ತಥಾ ಪಯಸ್ವದ್ಧ ತರ್ಹಿ ಸರ್ವಮೇವಾಸ ।
ಅಪಿ ಹ ಸ್ಮಾರಣ್ಯೇ ವೀರ್ಯಾಣ್ಯುಪಜಾಯನ್ತೇಽಘಲಾಸ್ಸಿಂಹಾ ಅಘಲಾಶ್ಶಾರ್ದೂಲಾ ಅಘಲಾ ಋಕ್ಷಾ ಋಕ್ಷೀಕಾ ಅಘಲಾ ಅಹಯೋಽಜಗರಾಃ ।
ಪುರುಷವ್ಯಾಘ್ರಾ ಹ ಸ್ಮಾರಣ್ಯೇಷ್ವಾದದಾನಾಸ್ತಿಷ್ಠನ್ತಿ ।
ಅಪಿ ಹ ಸ್ಮೈಕಃ ಶಿಂಶುಮಾರೋ ಬಹೂನಿ ತೀರ್ಥಾನಿ ಗೋಪಾಯತಿ ।
ವೀರ್ಯೇಣ ಹ ವಾವ ತೇ ತತ್ತಥಾಸುಃ ೨೬೬

ತಸ್ಯ ವಾ ಏತಸ್ಯ ಲಲಾಟಾದೇವ ಸಿಂಹೋಽಜಾಯತೋರಸೋಽಧಿ ಶಾರ್ದೂಲ ಉದರಾದ್ದ್ವೀಪ್ಯಕ್ಷೀಭ್ಯಾಮಪಾಷ್ಠಿಹೌ ಕರ್ಣಾಭ್ಯಾಮಶ್ವಕರ್ಣೌ ಕೇಸರೇಭ್ಯ ಋಕ್ಷಾ ಋಕ್ಷೀಕಾ ಲೋಮಭ್ಯೋ ದೂರ್ವಾ ಅನೂಕಾಚ್ಛಿಂಶುಮಾರೋ ವಾಲೇಭ್ಯೋಽಶ್ವವಾಲಾಃ ಸಕ್ಥಿಭ್ಯಾಂ ಕ್ರೌಞ್ಚಾವಾಣ್ಡಾಭ್ಯಾಂ ವರಾಹೌ ವಕ್ತ್ರಾಭ್ಯಾಂ ಚಕ್ರವಾಕೌ ವನಿಷ್ಠೋರುದ್ರೋ ಗುದಾಭ್ಯೋಽಹಯೋಽಜಗರಾಃ ಕುಷ್ಠಿಕಾಭ್ಯೋ ವರ್ತಕಾಃ ಶಫೇಭ್ಯಃ ಶಲ್ಯಕಾಃ ಶಕೃತ್ಪಿಣ್ಡೇಭ್ಯಃ ಕೂಶ್ಮಾ ಊವಧ್ಯಾದುರ್ವಾರು ತಂತಿಸನ್ತದೂಲಃ ಶ್ಯಾಮಾಕೋ ಲೋಹಿತಕಮಿತ್ಯೇತತ್ಕ್ಷುದ್ರ ಮನ್ನಾದ್ಯಮುಪಜಜ್ಞೇ ೨೬೭

ತದಾಹುರ್ಯಃಕಥಂ ಸ ಆಲಭ್ಯ ಇತಿ ।
ಯ ಏವ ದೂರೇ ಶ್ರುತಸ್ಸ ಆಲಭ್ಯ ಇತ್ಯಾಹುಃ ।
ವೀರ್ಯೇಣ ವೈ ಸ ಶ್ರುತಃ ।
ವೀರ್ಯಮೇಷ ಯಜ್ಞ ಇತಿ ।
ಅಥೋ ಆಹುರ್ಯ ಏವ ಯುಗ್ಯಯೋರ್ವಹೀಯಾನ್ಸ ಆಲಭ್ಯ ಇತಿ ।
ವೀರ್ಯೇಣ ಹ ವೈ ಸ ತಯೋರ್ವಹೀಯಾನ್ ।
ವೀರ್ಯಮೇಷ ಯಜ್ಞ ಇತಿ ।
ತಸ್ಮಿನ್ಹ ಶೌನಕಶ್ಚ ಕಾಪೇಯೋಽಭಿಪ್ರತಾರಣಶ್ಚ ಸಮೂದಾತೇ ಯಃಕಥಂರೂಪಸ್ಸ ಆಲಭ್ಯ ಇತಿ ।
ತೌ ಹ ಕೃಷ್ಣಪಿಶಙ್ಗೇ ಸಂಪಾದಯಾಂ ಚಕ್ರತುಃ ।
ಯಸ್ಯ ಶ್ವೇತಸ್ಯ ಸತಃ ಕೃಷ್ಣಮಸ್ತಿ ಕೃಷ್ಣಸ್ಯ ವಾ ಸತ ಶ್ವೇತಂ ಸ ಏವ ಸಃ ಪ್ರಜಾಪತಿನ್ಯಙ್ಗಃ ।
ಪ್ರಜಾಪತೇರಕ್ಷ್ಯಶ್ವಯತ್ ।
ತತ್ಪರಾಪತತ್ ।
ತದಪಃ ಪ್ರಾವಿಶತ್ ।
ತತೋಽಶ್ವಸ್ಸಮಭವತ್ ।
ಯದಶ್ವಯತ್ತಸ್ಮಾದಶ್ವಃ ।
ಯಚ್ಛ್ವಯಥೋಸ್ಸಮಭವತ್ತಸ್ಮಾತ್ಪೂತಿರ್ಯದಪಃ ಪ್ರಾವಿಶತ್ತಸ್ಮಾಚ್ಛ್ವೇತನಃ । ಶ್ವೇತವರ್ಣ್ಕ್ತಃ
ಶ್ವೇತಸ್ಯ ವಾ ವೈ ಸತೋಽಕ್ಷ್ಣಃ ಕೃಷ್ಣಮಸ್ತಿ ಕೃಷ್ಣಸ್ಯ ವಾ ಸತ ಶ್ವೇತಮ್ ।
ಸ ಏವ ಸ ಪ್ರಜಾಪತಿನ್ಯಙ್ಗಃ ।
ತಮೇತದಾಲಭನ್ತೇ ೨೬೮

ತೇನ ಹೈತೇನ ಮೌಣ್ಡಿಭ ಉದನ್ಯುರೀಜ ಉದನ್ಯೂನಾಂ ರಾಜಾ ।
ತದ್ಧ ಯವಕ್ರೀಃ ಸೌಮಸ್ತಮ್ಬಿರಾಸ್ತಾವಂ ಪ್ರತಿ ನಿಷಸಾದ ।
ತಸ್ಯ ಹಾಯಂ ಪೂಷಾ ರಯಿರ್ಭಗ ಇತ್ಯೇತಾಃ ಪ್ರತಿಪದಶ್ಚಕ್ರುಃ ।
ಸ ಹೋವಾಚ ಛಂಬಣ್ಮಾಸ್ಥಾ ಮೌಣ್ಡಿಭಾಪ ಪ್ರಾಣಾನರಾತ್ಸೀರಿತಿ ।
ಏಷ ಹ ತರ್ಹ್ಯನುವ್ಯಾಹಾರ ಆಸ ।
ಅಥ ಹ ಮೌಣ್ಡಿಭ ಉದನ್ಯುಸ್ತ್ರಯ್ಯೈ ವಿದ್ಯಾಯೈ ಕಸ್ಸವಿತ ಆಸ ।
ಸ ಹೋವಾಚಸಂವೃಹತ ಮೇ ಸದೋಹವಿರ್ಧಾನೇ ಮೃದಾ ಮೇ ಗ್ರಹಾನ್ಸಂದಿಹ್ಯ ನಿಧತ್ತ ।
ಯರ್ಹ್ಯಯಂ ಬ್ರಾಹ್ಮಣೋಽನುವ್ಯಾಹಾರೀ ಮರ್ತಾ ತರ್ಹಿ ಯಷ್ಟಾಸ ಇತಿ ।
ತಸ್ಯ ಹ ಮೃದಾ ಗ್ರಹಾನ್ಸಂದಿಹ್ಯ ನಿದಧುಃ ।
ಅಥ ಹ ಯವಕ್ರೀಃ ಸೌಮಸ್ತಂಬಿಸ್ತೇಜಸ್ವೀ ಬ್ರಹ್ಮವರ್ಚಸ್ಯಾಸ ।
ಸ ಹ ಸ್ಮ ಯಾಮಚ್ಛಾಬ್ರೂತೇ ಯಾ ಹ ಸ್ಮೈನಂ ಕಾಮಯತೇ ಮ್ರಿಯತೇ ಹ ಸ್ಮ ।
ಯೋ ಹ ಸ್ಮೈನಂ ನ ಕಾಮಯತೇ ಮ್ರಿಯತ ಉ ಏವ ।
ಸ ಹ ಯಜ್ಞವಚಸೋ ರಾಜಸ್ತಂಬಾಯನಸ್ಯ ಜಾಯಾಮಚ್ಛೋಚೇ ।
ಸಾ ಹೇಕ್ಷಾಂ ಚಕ್ರೇ ಯದಿ ವಾ ಏನಂ ಕಾಮಯಿಷ್ಯೇ ಯದಿ ಚ ನ ಮರಿಷ್ಯತ್ಯೇವ ಸ್ಯಾ ।
ಹನ್ತೈನಂ ಕಾಮಯೈ ।
ಬ್ರಾಹ್ಮಣಸ್ಯ ಚಿತ್ಸ್ಯಾ ಪ್ರಿಯಂ ಕೃತ್ವಾ ಮ್ರಿಯತಾದಿತಿ ।
ತಂ ಹೋವಾಚಾದಸ್ತಿಷ್ಠ ।
ಅಥ ತ್ವಾಭ್ಯೇಷ್ಯಾಮ ಇತಿ ೨೬೯

ತಾಂ ಹಾಲಂಕುರ್ವಾಣಾಂ ರುದತೀಂ ಪತಿರಾಜಗಾಮ ।
ತಾಂ ಹೋವಾಚ ಕಿಮಲಂಕುರುಷೇ ಕಿಂ ರೋದಿಷೀತಿ ।
ಸಾ ಹೋವಾಚ ಮರಿಷ್ಯಸಿ ಹೀತ್ಯಾತ್ಮಾನಮೇವೈತತ್ಕೃಪಯೇ ।
ಯವಕ್ರೀರ್ವೈ ತ್ಯಾಮಚ್ಛಾವೋಚತೇತಿ ।
ಸ ಹೋವಾಚಾಜ್ಯಮತ ಆಹರತೇತಿ ।
ತದ್ಧ ಪವಿತ್ರಾಭ್ಯಾಮುತ್ಪೂಯ ಜುಹವಾಂ ಚಕಾರ
ಯಾ ನೋ ಅದ್ಯ ತ್ರಾಯಾತಿ ಭಾರದ್ವಾಜಸ್ಯ ಸಂಸ್ಕೃತಾ
ಪ್ರೇಣೀಮಗ್ನಿಪ್ರಿಯಾಮಗ್ನೇ ತಾಂ ಮಹ್ಯಮಾ ವಹ ಸ್ವಾಹಾ
ಇತಿ ।
ತಸ್ಯೈ ಹಾಯಃಕೂಟಹಸ್ತಂ ಗನ್ಧರ್ವಮೀರ್ಷ್ಯುಮುತ್ಥಾಪಯಾಂ ಚಕಾರ ।
ತಂ ಹೋವಾಚಾಸೌ ತೇ ಜಾಯಾ ಯವಕ್ರಿಯಮಭ್ಯಗಾತ್ ।
ತದಿಹೀತಿ ।
ತಸ್ಯೈ ಹಾಯತ್ಯಾ ಉಪತಸ್ತಾರ ।
ಸಾ ಹ ಸಿಷ್ಮಿಯೇ ।
ಸ ಹೋವಾಚ ನಾಹ ಕಿಲ ತೇ ಸ್ತ್ರಿಕೇ ಸ್ಮೇತವ್ಯಮ್ ।
ಅಥ ಸ್ಮಯಸ ಇತಿ ।
ಕಥಾ ಹೇತಿ ।
ಮರಿಷ್ಯಸಿ ಹೀತಿ ।
ಸಾ ಹ ಪಾದಂ ಪ್ರಗೃಹ್ಣತ್ಯುವಾಚ ನ ಖಲು ತ್ವಂ ಪುರುಷೇತ್ಥಂಪದೀಂ ಸ್ತ್ರಿಯಂ ಪೇಚಿಷ ಇತಿ ।
ಲೋಮಶೌ ಹಾಸ್ಯಾ ಅಧಸ್ತಾತ್ಪಾದಾವಾಸತುಃ ।
ಸಂನಿಪನ್ನೌ ವಾ ಹಾಸಂನಿಪನ್ನೌ ವಾಸತುಃ ।
ಅಥ ಹೇದಮೇವಾಯಃಕೂಟಹಸ್ತೋ ಗನ್ಧರ್ವೋಽಭಿವಿಚಕ್ರಮೇ ।
ಸ ಹೋವಾಚ ನಮಸ್ತೇಽಸ್ತು ।
ಕಾಸ್ಯ ಪ್ರಾಯಶ್ಚಿತ್ತಿರಿತಿ ೨೭೦

ಅಸ್ತಿ ವಾ ನ ವೇತಿ ಹೋವಾಚ ।
ಯದೇವ ತೇ ಕಿಂ ಚ ಪಿತು ಸ್ವಂ ತಸ್ಯ ಸರ್ವಸ್ಯ ಪುರಾ ಸೂರ್ಯಸ್ಯೋದೇತೋಶ್ಶಿರಶ್ಛಿನ್ದ್ಧಿ ।
ಸಾ ವೈವ ಸಾ ವಾ ನೇತಿ ।
ಸ ಹ ತಥಾ ಛೇತ್ತುಮುಪಚಕ್ರಮೇ ।
ತೇ ಹೋಚುರದೃಪದ್ಯವಕ್ರೀರ್ವಿಬಧ್ನಾಮೇತಿ ।
ನೇತಿ ಹ ಪಿತೋವಾಚ ।
ದೇವೇಷಿತೋ ವೈ ಮೇ ಪುತ್ರಃ ಕರೋತಿ ।
ಏಷ ಏವ ತದ್ವೇದ ಯದತ್ರ ಶ್ರೇಯ ಇತಿ ।
ತದ್ಧ ಬಧಿರೋ ಗ್ರಾಮೇ ತಕ್ಷಾ ಪ್ರತಿಷಿಧ್ಯಮಾನಂ ನ ಶುಶ್ರಾವ ।
ತಸ್ಯ ಹ ಘ್ನನ್ಪರೇಯಾಯ ।
ಸ ಹ ಕೋ ನು ನೋ ಜನಸ್ತೃಣೇಢೀತಿ ।
ಸ ಏವಾಸ್ಯ ಪ್ರಜಘಾನೇತ್ಯೇಕೇ ।
ಘ್ನನ್ತಮೇವೈನಂ ಸೂರ್ಯೋಽಭ್ಯುದಿಯಾಯ ।
ತಸ್ಯೋದಿತೇ ಸ ಏವ ಗನ್ಧರ್ವಃ ಪ್ರಜಘಾನೇತ್ಯೇಕೇ ।
ಯಥಾ ಹ ತು ಮಮಾರ ತಥಾಸ ।
ಶಶ್ವದ್ಧಾಸ್ಯ ಸ ಏವ ಗನ್ಧರ್ವಃ ಪ್ರಜಘಾನ ೨೭೧

ತದು ಹ ಮೌಣ್ಡಿಭೋಽನುಬುಧ್ಯೋವಾಚ ಸಂಮಿನುತ ಮೇ ಸದೋಹವಿಧಾನೇ ಯಾಜಯತ ಮಾ ಬ್ರಾಹ್ಮಣಾಃ ।
ಅಮೃತ ಹ ವೈ ಸ ಬ್ರಾಹ್ಮಣೋಽನುವ್ಯಾಹಾರೀತಿ ।
ತಸ್ಯ ಹ ತಥಾ ಚಕ್ರುಃ ।
ತದು ಹ ಸೌಮಸ್ತಮ್ಬಿರನುಬುಧ್ಯಾಜಗಾಮ ।
ಸ ಹ ತಥೈವಾಸ್ತಾವಂ ಪ್ರತಿನಿಷಸಾದ ।
ತಸ್ಯ ಹಾಯಂ ಪೂಷಾ ರಯಿರ್ಭಗ ಇತ್ಯೇತಾ ಏವ ಪ್ರತಿಪದಶ್ಚಕ್ರುಃ ।
ಸ ಹೋವಾಚ ನ ವೈ ಕಿಲಾಯಂ ರಾಜನ್ಯಬನ್ಧುರಿಮಂ ಯಜ್ಞಕ್ರತುಂ ವಿದಾಂ ಚಕಾರ ।
ನ ವೈ ಕಿಲ ಮೇಽನೇನೋಕ್ತೇನ ಪುತ್ರಮವಧೀತ್ ।
ಏತಾವದ್ವಾವ ಕಿಲ ತ್ಯಸ್ಯ ಪುತ್ರಸ್ಯಾಯುರಭೂದಿತಿ ।
ತಂ ಹ ತಚ್ಛಶಾಪ ಮರಿಷ್ಯತ್ಯಹಾಯಂ ರಾಜನ್ಯಬನ್ಧುಃ ಪರೋ ಇಮೇ ಮೌಣ್ಡಿಭಾ ಭವಿಷ್ಯನ್ತೀತಿ ।
ತ ಏತೇ ಪರಾಭೂತಾ ಗೋತಮಾ ಬ್ರುವಾಣಾಶ್ಚರನ್ತಿ ।
ತಸ್ಯ ವಾ ಏತಸ್ಯ ತರತ್ಸ ಮನ್ದೀ ಧಾವತೀತ್ಯೇವ ಪ್ರತಿಪದೋ ಭವನ್ತಿ ತರದ್ವತೀಃ ।
ತಸ್ಮಾದಶ್ವೋಽಧ್ವಾನಂ ತರಿಷ್ಟಃ ।
ಧಾವದ್ವತೀರ್ಭವನ್ತಿ ।
ತಸ್ಮಾದಶ್ವೋಽಧ್ವಾನಂ ಧಾವನ್ಸಮಶ್ನುತೇ ।
ಸಮಯ್ಯೇಕಂ ಪದಂ ಭವತಿ ।
ತಸ್ಮಾದಶ್ವ ಏಕೈಕಂ ಪಾದಮುದಙ್ಕಂ ತಿಷ್ಠತಿ ೨೭೨

ತಸ್ಯ ಚತಸೃಷು ಬಹಿಷ್ಪವಮಾನಂ ಭವತಿ ।
ಚತುಷ್ಪಾದಾ ವಾ ಅಶ್ವಾಃ ಸನ್ತಶ್ಚತುಶ್ಶಫಾಃ ।
ತೇ ಯೇ ಚತುಷ್ಪಾದಾಃ ಪಶವಶ್ಚತುಶ್ಶಫಾಸ್ತಾನೇವೈತೇನಾವರುನ್ದ್ಧೇ ।
ಅಷ್ಟಾಸ್ವಷ್ಟಾಸ್ವಾಜ್ಯಾನಿ ।
ಅಷ್ಟಾಶಫಾ ವೈ ಪಶವಃ ।
ತೇ ಯೇಽಷ್ಟಾಶಫಾಃ ಪಶವಸ್ತಾನೇವೈತೇನಾವರುನ್ದ್ಧೇ ।
ದ್ವಾದಶೋ ಮಾಧ್ಯಂದಿನಃ ।
ದ್ವಾದಶಾಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಯತ್ಕ್ಷುದ್ರಂ ಪಶೂನಾಂ ತಜ್ಜಾಗತಮ್ ।
ತದೇವೈತೇನಾವರುನ್ದ್ಧೇ ।
ಸವಿಂಶ ಆರ್ಭವಃ ಪವಮಾನಃ ।
ದ್ವೇ ವಾ ಏತೇ ದಶದಶಿನ್ಯೌ ವಿರಾಜೌ ಯದ್ವಿಂಶತಿಃ ।
ವಿಂಶತಿಪ್ರತಿಷ್ಠಾನಾ ವೈ ಪಶವೋ ವೈರಾಜಾಃ ।
ತೇ ಯೇ ವಿಂಶತಿಪ್ರತಿಷ್ಠಾನಾಃ ಪಶವೋ ವೈರಾಜಾಸ್ತಾನೇವೈತೇನಾವರುನ್ದ್ಧೇ ।
ಅಥ ಚತುರ್ವಿಂಶಮಗ್ನಿಷ್ಟೋಮಸಾಮ ।
ಚತುಷ್ಪಾದಾ ವೈ ಪಶವೋ ವೈರಾಜಾಃ ।
ತೇ ಯೇ ಚತುಷ್ಪಾದಾಃ ಪಶವೋ ವೈರಾಜಾಸ್ತಾನೇವೈತೇನಾವರುನ್ದ್ಧೇ ।
ಅಥೋ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ಸಂವತ್ಸರೇಣೈವೈನತ್- ೨೭೩

ತತ್ಪರಿಗೃಹ್ಯೈತಸ್ಮಿನ್ದ್ವಿತೀಯೇಽಹನ್ನಾಲಭನ್ತೇ ।
ತದೇತದೇಕವಿಂಶಂ ದ್ವಿತೀಯಮಹರ್ಭವತ್ಯೇಕಸ್ತೋಮಮ್ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಯಥಾ ಹ ವೈ ದೃಢಾ ಮೇಥೀ ನಿಹತೈವಮೇಕವೀಂಶ ಸ್ತೋಮಾನಾಮ್ ।
ತಸ್ಮಿನ್ನೇತಾನ್ಪಶೂನಾಲಭನ್ತೇ ಹಸ್ತಿನಂ ಪರಮಂ ಪ್ಲುಷಿಮವಮಮ್ ।
ತಾನ್ಪರ್ಯಗ್ನಿಕೃತ್ವಾಇಕಾಁ ಲ್ಲಭನ್ತ ಉದೇಕಾನ್ಸೃಜನ್ತೇ ।
ತಸ್ಯ ಮಹಾನಾಮ್ನ್ಯಃ ಪೃಷ್ಠಂ ಭವನ್ತಿ ।
ನೋ ಹ್ಯೇತಾನನ್ಯನ್ಮಹಾನಾಮ್ನೀಭ್ಯಃ ಪೃಷ್ಠಂ ಪಶೂನುದ್ಯನ್ತುಮರ್ಹತಿ ।
ತಾಸ್ಸಪ್ತಪದಾ ಭವನ್ತಿ ಸಪ್ತ ವೈ ಗ್ರಾಮ್ಯಾಃ ಪಶವೋ ಗ್ರಾಮ್ಯಾಣಾಮೇವ ಪಶೂನಾಮವರುದ್ಧ್ಯೈ ।
ಅತಿ ಸಪ್ತಮಂ ಪದಂ ಭವತ್ಯಾರಣ್ಯಾನಾಮೇವ ಪಶೂನಾಮವರುದ್ಧ್ಯೈ ।
ತಸ್ಯ ಪಾರ್ಥುರಶ್ಮಂ ಬ್ರಹ್ಮಸಾಮ ಭವತ್ಯಥಕಾರೇಣ ಸಮೃದ್ಧಮ್ ।
ಅಥಗಥಗಿತೀವ ಹ್ಯಶ್ವೋ ಧಾವತಿ ।
ಅಥೋ ಪೃಥುರ್ವಾವ ರಶ್ಮಿರಶ್ವಂ ಯನ್ತುಂ ಅರ್ಹತಿ ।
ತದು ಪಾಙ್ಕ್ತಂ ಭವತಿ ।
ಪಾಙ್ಕ್ತಂ ಹಿ ಮಹಾನಾಮ್ನೀನಾಂ ಬ್ರಹ್ಮಸಾಮ ।
ತಸ್ಯೈಕವಿಂಶತಿರ್ಯೂಪಾ ಭವನ್ತ್ಯೇಕವಿಂಶತ್ಯರತ್ನಯಃ ।
ನೋ ಹ್ಯೇತಾನನೇಕವಿಂಶತಿರ್ಯೂಪಾಃ ಪಶೂನುದ್ಯನ್ತುಮರ್ಹನ್ತಿ ।
ಷಡ್ಬೈಲ್ವಾ ದ್ವಾದಶ ಖಾದಿರಾಃ ಪೌತುದ್ರಾ ವಾವಭಿತೋಽಗ್ನೇರ್ವಾ ಏತಚ್ಛರೀರಂ ಯತ್ಪೂತುದ್ರು ರಾಜ್ಜುದಾಲ ಏಕವಿಂಶತಿಃ ।
ಸೋಽಗ್ನಿಷ್ಠಃ ।
ಪ್ರಜಾಪತಿರ್ವಾ ಏಷ ವೃಕ್ಷಾಣಾಂ ಯದ್ರಾ ಜ್ಜುದಾಲಃ ।
ತಸ್ಯ ಯಾನಿ ಫಲಾನಿ ಶಿಶ್ನಾನ್ಯೇವ ತಾನಿ ।
ಅಥ ಯ ಶ್ಲೇಷ್ಮಾ ರೇತ ಏವ ತತ್ ।
ಪ್ರಜಾಪತಿರ್ವೈ ಪಿತಾ ಆದಿತ್ಯಃ ಪುತ್ರಃ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ೨೭೪

ಅಥೈಷ ಗೋವಿನತಶ್ಛನ್ದೋಮಪವಮಾನಃ ।
ಪಶುಕಾಮೋ ಹೈತೇನ ಯಜೇತ ।
ತಸ್ಯೋಭಯೇ ಸ್ತೋಮಾ ಭವನ್ತ್ಯಯುಜಶ್ಚ ಯುಗ್ಮನ್ತಶ್ಚ ತದ್ಯೇ ಹ ವಾ ಅಯುಜ ಸ್ತೋಮಾಸ್ತಾನ್ಗ್ರಾಮ್ಯಾಃ ಪಶವೋಽನ್ವಥ ಯೇ ಯುಗ್ಮನ್ತಸ್ತಾನಾರಣ್ಯಾಃ ।
ಪಶವೋ ವೈ ಛನ್ದೋಮಾಃ ।
ಸ ಯೋ ಹೈವಂ ವಿದ್ವಾಞ್ಛನ್ದೋಮಪವಮಾನೇನ ಯಜೇತ ಉಭಯಾನೇವ ಪಶೂನವರುನ್ದ್ಧೇ ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾಃ ।
ಅಥೈತದೇಕವಿಂಶಪೃಷ್ಠಂ ದ್ವಿತೀಯಮಹರ್ಭವತಿ ।
ಯೈವಾಸಾವೇಕವಿಂಶಸ್ಯ ಪ್ರಶಂಸಾ ನ ಉಪಾಪ್ತಾಸದಿತಿ ।
ತದೇವೈತಸ್ಯ ಬ್ರಾಹ್ಮಣಮ್ ।
ತಸ್ಮಿನ್ನೇತಮಶ್ವಂ ಮೇಧ್ಯಮಾಲಭನ್ತೇ ।
ಯದ್ವೇವೈತದೇಕವಿಂಶಪೃಷ್ಠಂ ತಸ್ಮಾದ್ಗೋವಿನತಃ ।
ತ್ರಯಸ್ತ್ರಿಂಶಂ ಪುನರಭ್ಯಾವರ್ತಿ ತೃತೀಯಸ್ಯಾಹ್ನೋ ಭವತಿ ।
ತ್ರಯಸ್ತ್ರಿಂಸದ್ವೈ ದೇವತಾಸ್ತ್ರಯಸ್ತ್ರಿಂಶದ್ದೇವಲೋಕಾಃ ।
ತಾನೇವೈತದನ್ತತ ಆಪ್ತ್ವಾಭ್ಯಾರೋಹನ್ತಿ ।
ಅಥ ಯಸ್ಯೈತಸ್ಯ ಪಞ್ಚದಶೋಽಗ್ನಿಷ್ಟೋಮಃ ಪಞ್ಚದಶ ಉಕ್ಥ್ಯಃ ಪಞ್ಚದಶೋಽತಿರಾತ್ರ ಇತಿ ।
ಕ್ಷತ್ರಕಾಮೋ ಹೈತೇನ ಯಜೇತ ।
ಕ್ಷತ್ರಮಶ್ವಃ ಕ್ಷತ್ರಂ ಪಞ್ಚದಶಃ ಕ್ಷತ್ರಂ ಯಜ್ಞಃ ।
ಏಷ ತತ್ತತ್ಸಲಕ್ಷ್ಮ ಕ್ರಿಯತೇ ।
ತೇನ ಹೈತೇನರ್ಷಭೋ ಯಾಜ್ಞತುರ ಈಜೇ ಶ್ವೈತ್ನೋ ರಾಜೈಕರಾಟ್ಕಾಮಃ ।
ಸ ಹೇಷ್ಟ್ವೈವೈಕರಾಡಾಸ ಶ್ವಿತ್ನಾನಾಮ್ ।
ಸ ಯ ಶ್ರೀಕಾಮ ಸ್ಯಾತ್ಸ ಏತೇನ ಯಜೇತ ।
ಕ್ಷತ್ರಂ ಶ್ರೀಃ ।
ಕ್ಷತ್ರಯಜ್ಞ ಏಷಃ ।
ಅಶ್ನುತೇ ಶ್ರಿಯಮ್ ೨೭೫

ಅಥ ಯಸ್ಯೈತಸ್ಯ ತ್ರಿವೃದಹಃ ಪಞ್ಚದಶೀ ರಾತ್ರಿಸ್ತ್ರಿವೃದಹಃ ಪಞ್ಚದಶೀ ರಾತ್ರಿಸ್ತ್ರಿವೃದಹಃ ಪಞ್ಚದಶೀ ರಾತ್ರಿ ಸ್ವರ್ಗಕಾಮೋ ಹೇಇತೇನ ಯಜೇತ ।
ದತ್ವಶ್ಚ ಹ ಸೌತೇಮನಸೋ ಮಿತ್ರವಿಚ್ಚ ದಂಷ್ಟ್ರದ್ಯುಮ್ನಸ್ತೌ ಹ ಪ್ರತಿದರ್ಶಸ್ಯ ವೈಭಾವತಸ್ಯ ಶ್ವೈತ್ನಸ್ಯ ರಾಜ್ಞೋ ಬ್ರಹ್ಮಚಾರಿಣಾವಾಸತುಃ ।
ತಯೋರ್ಹ ಮಿತ್ರವಿದ್ದಂಷ್ಟ್ರದ್ಯುಮ್ನ ಆಚಾರ್ಯಕರ್ಮ ಚಕಾರ ।
ಗಾ ಹ ಸ್ಮ ರಕ್ಷತಿ ।
ಅಥ ಹೇತರೋಽಧ್ಯಾಯಮೇವ ಚಚಾರ ।
ತೌ ಹ ಸ್ಮ ಸಾಯಂ ಸಮಾಗತ್ಯಾನ್ಯೋನ್ಯಮಾಹತುರಾಹರ ಸೋಮ್ಯಾನೂಕ್ತೇ ಹಸ್ತಂ ನಿಧಾಸ್ಯಾವ ಆಹರ ಸೋಮ್ಯ ಸುಚರಿತೇ ಹಸ್ತಂ ನಿಧಾಸ್ಯಾವ ಇತಿ ।
ಅಥ ಹ ದತ್ವಂ ಸೌತೇಮನಸಮಾಚಾರ್ಯೋಽನುಶಶಾಸ ।
ತೌ ಹ ಸಾಯಂ ಸಮಾಗತ್ಯಾನ್ಯೋನ್ಯಮಾಹತುರಾಹರ ಸೋಮ್ಯಾನೂಕ್ತೇ ಹಸ್ತಂ ನಿಧಾಸ್ಯಾವ ಆಹರ ಸೋಮ್ಯ ಸುಚರಿತೇ ಹಸ್ತಂ ನಿಧಾಸ್ಯಾವ ಇತಿ ।
ನೇತಿ ಹೋವಾಚ ।
ಅತಿ ವಾ ಅಹಂ ತ್ವದಮುಕ್ಷ್ಯಾಚಾರ್ಯಪ್ರಶಿಷ್ಟೋ ವಾ ಅಹಮಸ್ಮೀತಿ ।
ಸ ಹ ತಾಂ ರಾತ್ರಿಮಪ್ರಿಯವಿದ್ಧ ಉವಾಸ ।
ಶ್ವೋ ಹ ಭೂತೇ ಗಾ ಅನ್ವಿಯಾಯ ।
ತಂ ಹ ಗೌರೀಕ್ಷಿತ್ವೈವ ವಿಜಜ್ಞಾವಪ್ರಿಯಂ ವಾ ಅಸ್ಯೇತಿ ೨೭೬

ಸಾ ಹೋವಾಚ ವೇದ ವೈ ಯತ್ತೇಽಪ್ರಿಯಮ್ ।
ಮಾ ತೇಽಪ್ರಿಯಂ ಭೂತ್ ।
ಏಹ್ಯಹಂ ತುಭ್ಯಂ ದೇವಯಾನಂ ಪನ್ಥಾನಂ ವಕ್ಷ್ಯಾಮೀತಿ ।
ತಥೇತಿ ।
ತಂ ಹಾಸ್ಮಾ ಉವಾಚ ।
ತೌ ಹ ಸಾಯಂ ಸಮಾಜಗ್ಮತುಃ ।
ಸ ಹೋವಾಚ ದತ್ವೇಹೀದಮಾಚಾರ್ಯಪ್ರಶಿಷ್ಟೋ ಬ್ರೂಷೇ ।
ಪಶ್ಯಸಿ ತ್ವಂ ದೇವಯಾನಂ ಪನ್ಥಾನಮಿತಿ ।
ನೇತಿ ಹೋವಾಚ ।
ಅಥ ವಾ ಅಹಂ ಪಶ್ಯಾಮೀತಿ ।
ತಂ ವೈ ಮೇ ಬ್ರೂಹೀತಿ ।
ತಥೇತಿ ।
ತಂ ಹಾಸ್ಮಾ ಉವಾಚ ।
ತಸ್ಮಾದು ಹ ರಾಜನ್ಯಬನ್ಧುರೇವ ಬ್ರಾಹ್ಮಣಾತ್ಸುಹೃದಯತರಃ ।
ಸ ಹ ದತ್ವಃ ಸೌತೇಮನಸ ಉವಾಚ ಪಶ್ಯಸಿ ವೈ ತ್ವಂ ದೇವಯಾನಂ ಪನ್ಥಾನಮೇಹಿ ಸ್ವರ್ಗಂ ಲೋಕಮಯಾವೇತಿ ೨೭೭

ನೇತಿ ಹೋವಾಚ ।
ದಾನೇನ ವಾ ವೈ ಶ್ರಮೇಣ ವೈತಂ ಪ್ರಜಾನನ್ನೇತಿ ।
ಹನ್ತ ನು ದದಾವ ವಾ ಶ್ರಾಮ್ಯಾವ ವೇತಿ ।
ಸ ಹ ಮಿತ್ರವಿದ್ದಂಷ್ಟ್ರದ್ಯುಮ್ನೋ ಗೋಆಯುರ್ಭ್ಯಾಮೇವ ಸಂವತ್ಸರಮಿಯಾಯ ।
ಸ ಹೋಪರಿಷ್ಟಾದೇವ ಸಂವತ್ಸರಸ್ಯ ಸ್ವರ್ಗಂ ಲೋಕಮಿಯಾಯ ।
ಅಥ ಹ ದತ್ವಸ್ಸೌತೇಮನಸ ಏತೇನೈವ ತ್ರಿರಾತ್ರೇಣೇಷ್ಟ್ವಾ ಸ್ವರ್ಗಂ ಲೋಕಮಿಯಾಯ ।
ತೇನ ಹೈತೇನೇಷ್ಟ್ವೈವ ಸ್ವರ್ಗಂ ಲೋಕಮೇತಿ ।
ಏತೇನೋ ಏವ ಹಿರಣ್ಯದನ್ವೇದ ಈಜೇ ದ್ವನ್ದ್ವಕಾಮಃ ।
ಯದಿದಂ ಗೋಅಶ್ವಂ ಹಸ್ತಿಹಿರಣ್ಯಮಜಾವಿಕಂ ವ್ರೀಹಿಯವಾಸ್ತಿಲಮಾಷಾ ಇತಿ ತದ್ಧಾಸ್ಯ ಬಹ್ವಾಸ ।
ಸ ಯೋ ಹೈವಂ ವಿದ್ವಾನೇತೇನ ದ್ವನ್ದ್ವಕಾಮೋ ಯಜತೇ ಬಹು ಹೈವಾಸ್ಯೈತದ್ಭವತಿ ೨೭೮

ಅಥೈಷೋಽನ್ತರ್ವಸುಃ ।
ಖಣ್ಡಿಕಶ್ಚ ಹೌದ್ಭಾರಿಃ ಕೇಶೀ ಚ ದಾರ್ಭ್ಯಃ ಪಾಞ್ಚಾಲೇಷು ಪಸ್ಪೃಧಾತೇ ।
ಸ ಹ ಖಣ್ಡಿಕಃ ಕೇಶಿನಮಭಿಬಭೂವ ।
ಸ ಹ ಕೇಶೀ ಖಣ್ಡಿಕೇನ ನಿಬಾಢ ಉಚ್ಚೈಃಶ್ರವಸಂ ಕೌವಯೇಯಂ ಜಗಾಮ ಕೌರವ್ಯಂ ರಾಜಾನಂ ಮಾತುರ್ಭ್ರಾತರಮ್ ।
ತಂ ಹೋವಾಚ ಯಜ್ಞಂ ಮೇ ವಿಧೇಹೀತಿ ।
ತಥೇತಿ ಹೋವಾಚ ।
ಕಥಂ ತೇ ವಿಧಾಸ್ಯಾಮಿ ।
ಯಥಾಸ್ಮಿಁ ಲ್ಲೋಕ ಋಧ್ನೋತೀ೩ ಯಥಾಹೋ ಅಮುಷ್ಮೀ೩ನಿತಿ ।
ಯಥಾಸ್ಮಿನ್ನಿತಿ ಹೋವಾಚ ।
ಸ ಹೋವಾಚೋತ ನು ಸ ಯಜ್ಞಂ ಪೃಚ್ಛತಿ ಯೋ ಯಜ್ಞಸ್ಸಹಯಂ ನ ವೇದೇತಿ ।
ಕಥಾ ಹೇತಿ ।
ಅಮುಷ್ಮೈ ಹ್ಯೇವ ಲೋಕಾಯ ಯಜ್ಞೋ ನಾಸ್ಮಾ ಇತಿ ।
ನೇತಿ ಹೋವಾಚ ।
ಖಣ್ಡಿಕೋ ವೈ ತ್ಯಮೌದ್ಭಾರಿರಭ್ಯಭೂತ್ ।
ಸ ಯಥಾ ತಮಭಿಭವಾನ್ಯೇವಂ ಮೇ ವಿಧೇಹೀತಿ ।
ತಸ್ಮಾ ಏತಮನ್ತರ್ವಸುಂ ವಿದಧೌ ।
ಸರ್ವಸ್ತೋಮೋಽಗ್ನಿಷ್ಟೋಮಃ ।
ಇತ-ಊರ್ಧ್ವ-ಛನ್ದೋಮವಿಧಂ ಮಧ್ಯಮಮಹಶ್ಚತುರ್ವಿಂಶಂ ಪ್ರಾತಸ್ಸವನಂ ಚತುಶ್ಚತ್ವಾರಿಂಶಂ ಮಾಧ್ಯಂದಿನಂ ಸವನಮಷ್ಟಾಚತ್ವಾರಿಂಶಂ ತೃತೀಯಸವನಮ್ ।
ಸರ್ವಸ್ತೋಮೋಽತಿರಾತ್ರಃ ಪರಸ್ತಾತ್ಪ್ರತ್ಯಙ್ ।
ಬ್ರಹ್ಮ ವೈ ಚತುರ್ವಿಂಶಃ ಕ್ಷತ್ರಂ ಚತುಶ್ಚತ್ವಾರಿಂಶೋ ವಿಡಷ್ಟಾಚತ್ವಾರಿಂಶಃ ।
ಸಂವತ್ಸರೋ ವೈ ಸರ್ವಸ್ತೋಮಃ ।
ಏತಾಭ್ಯಾಮೇವ ಸರ್ವಸ್ತೋಮಾಭ್ಯಾಮೇತಾಂ ತ್ರಯೀಂ ವಿಶಂ ಪರಿಗೃಹ್ಯಾತ್ಮನ್ದಧೇ ।
ತಸ್ಯೈ ಹ ಶ್ರಿಯಂ ಜಗಾಮ ೨೭೯

ತತೋ ವೈ ಸ ಖಣ್ಡಿಕಂ ನಿಸ್ಸಾರಯಾಂ ಚಕಾರ ।
ತತೋ ವೈ ಕೇಶೀ ದಾರ್ಭ್ಯೋಽಭವತ್ಪರಾ ಖಣ್ಡಿಕಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ।
ಸ ಯ ಶ್ರೀಕಾಮ ಸ್ಯಾತ್ಸ ಏತೇನ ಯಜೇತ ।
ಏತಾಭ್ಯಾಮೇವ ಸರ್ವಸ್ತೋಮಾಭ್ಯಾಮೇತಾಂ ತ್ರಯೀಂ ವಿಶಂ ಪರಿಗೃಹ್ಯಾತ್ಮನ್ಧತ್ತೇ ।
ತಸ್ಯೈ ಹ ಶ್ರಿಯಂ ಗಚ್ಛತಿ ।
ಅಥೈಷ ಪರಾಕಃ ।
ಸ್ವರ್ಗಕಾಮೋ ಹೈತೇನ ಯಜೇತ ।
ತಸ್ಯ ಪರಾಞ್ಚ್ಯೇವ ಸ್ತೋತ್ರಾಣಿ ಭವನ್ತ್ಯ್ಪರಆಞ್ಚಿ ಶಸ್ತ್ರಾಣಿ ಪರಾಞ್ಚಿ ಪೃಷ್ಠಾನಿ ಪರಾಚೀರ್ವಿಷ್ಟುತಯಃ ಪರಾಙೇವ ಸರ್ವೋ ಭವತಿ ।
ತೇನ ಹೈತೇನೋಚ್ಚೈಃಶ್ರವಾಃ ಕೌವೇಯಾಯ ಈಜೇ ಸ್ಥವಿರೋ ರಾಜಾ ಕೌರವ್ಯಃ ।
ಸ ಹೇಷ್ಟ್ವೈವ ಸ್ವರ್ಗಂ ಲೋಕಮಿಯಾಯ ।
ತೇನ ಹೈತೇನೇಷ್ಟ್ವೈವ ಸ್ವರ್ಗಂ ಲೋಕಮೇತಿ ।
ಅಥ ಯಸ್ಯೈತಸ್ಯ ಜ್ಯೋತಿರಗ್ನಿಷ್ಟೋಮೋ ಜ್ಯೋತಿರುಕ್ಥ್ಯೋ ಜ್ಯೋತಿರತಿರಾತ್ರ ಇತಿ ಬ್ರಹ್ಮವರ್ಚಸಕಾಮೋ ಹೈತೇನ ಯಜೇತ ।
ಜ್ಯೋತಿರಿವ ಹ ವೈ ಸ ಭಾತಿ ಯೋ ಬ್ರಹ್ಮವರ್ಚಸಮೃಧ್ನೋತಿ ।
ಋಧ್ನೋತಿ ಹೈನೇನ ಬ್ರಹ್ಮವರ್ಚಸಂ ಬ್ರಹ್ಮವರ್ಚಸೀ ಭವತಿ ।
ಅಥ ಯಸ್ಯೈತಸ್ಯ ಸಪ್ತದಶೋಽಗ್ನಿಷ್ಟೋಮಸ್ಸಪ್ತದಶ ಉಕ್ಥ್ಯಸ್ಸಪ್ತದಶೋಽತಿರಾತ್ರ ಇತಿ ಪ್ರಜಾಪತೇರಶ್ವಮೇಧಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಅಥ ಯಸ್ಯೈತಸ್ಯಕವಿಂಶೋಽಗ್ನಿಷ್ಟೋಮ ಏಕವಿಂಶ ಉಕ್ಥ್ಯ ಏಕವಿಂಶೋಽತಿರಾತ್ರ ಇತ್ಯಾದಿತ್ಯಸ್ಯಾಶ್ವಮೇಧಃ ।
ಸ್ವರ್ಗಕಾಮೋ ಹೈತೇನ ಯಜೇತ ೨೮೦

ಅಥೈತೇ ಚತೂರಾತ್ರಾಃ ।
ಅತ್ರಿರ್ವಾ ಅಕಾಮಯತ ಚತ್ವಾರೋ ಮೇ ವೀರಾ ಆಜಾಯೇರನ್ನಿತಿ ।
ಸ ಏತಂ ಚತೂರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ತಸ್ಯ ಚತ್ವಾರೋ ವೀರಾ ಆಜಾಯನ್ತ ।
ಅಸ್ಯ ಚತ್ವಾರೋ ವೀರಾ ಆಜಾಯನ್ತೇ ಯ ಏವಂ ವೇದ ।
ಅತ್ರ್! ಯೃಷಯೋ ವಾ ಅಕಾಮಯನ್ತ ಚತ್ವಾರಶ್ಚತ್ವಾರೋ ನೋ ವೀರಾ ಆಜಾಯೇರನ್ನಿತಿ ।
ತ ಏತಂ ಚತೂರಾತ್ರಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತೇಷಾಂ ಚತ್ವಾರಶ್ಚತ್ವಾರೋ ವೀರಾ ಆಜಾಯನ್ತ ಅಸ್ಯ ಚತ್ವಾರಶ್ಚತ್ವಾರೋ ವೀರಾ ಆಜಾಯನ್ತೇ ಯ ಏವಂ ವೇದ ।
ಆ ಚತುರಂ ಹ ಖಲು ವೈ ಮಿಥುನಂ ಪ್ರಜನನಂ ಮಿಥುನಂ ಪರಾಚೀನಮ್ ।
ಏಕಶ್ಚ ವಾ ಏಕಾ ಚ ದ್ವೌ ಚ ದ್ವೇ ಚ ತ್ರಯಶ್ಚ ತಿಸ್ರಶ್ಚ ಚತ್ವಾರಶ್ಚ ಚತಸ್ರಶ್ಚ ಏತದ್ವಾ ಆ ಚತುರಂ ಮಿಥುನಂ ಪ್ರಜನನಮ್ ।
ನ ಹ ವೈ ಪಞ್ಚ ಚ ಪಞ್ಚ ಚೇತಿ ನಾಮ ಸನ್ತಿ ।
ತದ್ಯನ್ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯ ಚತುರ್ವಿಂಶಾಃ ಪವಮಾನಾ ಭವನ್ತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರಃ ಪ್ರಜನನಂ ಸ ಮಾ ಪ್ರಜನಯಾದಿತಿ ।
ತಸ್ಯೋಭೇ ಬೃಹದ್ರ ಥನ್ತರೇ ಸಾಮನೀ ಭವತಃ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭೇ ಬೃಹದ್ರ ಥನ್ತರೇ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತಸ್ಯೋಭಯೇ ಸ್ತೋಮಾ ಭವನ್ತ್ಯಯುಜಶ್ಚ ಯುಗ್ಮನ್ತಶ್ಚ ।
ಏತದ್ವೈ ದೈವ್ಯಂ ಮಿಥುನಂ ಪ್ರಜನನಂ ಯದುಭಯೇ ಸ್ತೋಮಾಃ ।
ತದ್ಯದ್ದೈವ್ಯಂ ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ೨೮೧

ಅಯುಜಶ್ಚ ಉತ್ತರೇ ಸ್ತೋಮಾ ಭವನ್ತಿ ।
ಋತವೋ ವಾ ಅಯುಜಃ ।
ಋತವೋ ವಾ ಇದಂ ಸರ್ವಂ ಪ್ರಜನಯನ್ತಿ ।
ತೇ ಯ ಇದಂ ಸರ್ವಂ ಪ್ರಜನಯನ್ತಿ ತೇ ಮಾ ಪ್ರಜನಯಾನಿತಿ ।
ಅಹ್ನೋಽಹ್ನ ಸ್ತೋಮಮುತ್ಸೃಜಮಾನಾ ಯನ್ತಿ ।
ಅಹ್ನೋಽಹ್ನ ಸ್ತೋಮಮಭ್ಯುಪಾಹರನ್ತೇ ।
ವೀರೋ ವಾ ಏಷ ಯತ್ಸ್ತೋಮಃ ।
ಅಹ್ನೋಽಹ್ನ ಏವ ತದ್ವೀರ್ಯಂ ಪ್ರಜನಯನ್ತೋ ಯನ್ತ್ಯಹ್ನೋಽಹ್ನೋ ವೀರ್ಯಮಭ್ಯುಪಾಹರನ್ತೇಽಕ್ಷರೇಣಾಕ್ಷರೇಣೋತ್ಕ್ರಾಮನ್ತೋ ಯನ್ತಿ ।
ಏಕಾಕ್ಷರಣಿಧನಂ ಪ್ರಥಮೇಽಹನಿ ಭವತಿ ದ್ವ್ಯಕ್ಷರಣಿಧನಂ ದ್ವಿತೀಯೇ ತ್ರ್! ಯಕ್ಷರಣಿಧನಂ ತೃತೀಯೇ ಚತುರಕ್ಷರಣಿಧನಂ ಚತುರ್ಥೇಽಕ್ಷರೇಷ್ಠಾ ವೀರೋಽಸದಕ್ಷರೇಷ್ಠಾ ವೀರೋಽಸದಿತಿ ।
ನಾನಾಗ್ನಿಷ್ಟೋಮಸಾಮಾನಿ ಭವನ್ತಿ ವೀರಾಣಾಮೇವ ನಾನಾವೀರ್ಯತಾಯೈ ।
ನ ಹ ವೈ ಸ ವೀರೋ ಯೋಽನ್ಯಸ್ಯ ವೀರ್ಯಮನು ವೀರಃ ।
ಸ ಹ ವಾವ ವೀರೋ ಯ ಆತ್ಮನ ಏವ ವೀರ್ಯಮನು ವೀರಃ ।
ತದ್ಯನ್ನಾನಾಗ್ನಿಷ್ಟೋಮಸಾಮಾನಿ ಭವನ್ತಿ ವೀರಾಣಾಮೇವ ನಾನಾವೀರ್ಯತಾಯೈ ೨೮೨

ತದಾಹುರ್ಯಜ್ಞಾಯಜ್ಞೀಯಮೇವಾಹ್ನೋಽಹ್ನೋಽಗ್ನಿಷ್ಟೋಮಸಾಮ ಕುರ್ಯುಃ ।
ಜ್ಯೈಷ್ಠ್ಯಂ ವೈ ಯಜ್ಞಾಯಜ್ಞೀಯಮ್ ।
ಜ್ಯೈಷ್ಠ್ಯಾದ್ವೀರೋ ನ ಚ್ಯವಾತಾ ಇತಿ ।
ತದ್ಯತ್ಸಮಾನಿ ಸ್ತೋತ್ರಾಣಿ ಸ್ಯುಸ್ಸಮಾವಚ್ಛ ಏವ ವೀರ್ಯಮಶ್ನುವೀರನ್ ।
ಯದ್ವಿಷಮಾಣಿ ಜ್ಯೇಷ್ಠೇಷ್ವೇವೈಕಧಾ ವೀರ್ಯಂ ದಧ್ಯುಃ ।
ತದ್ಯತ್ಸಮಾಃ ಪವಮಾನಾ ಭವನ್ತಿ ಸಮಾವಚ್ಛ ಏವ ತದ್ವೀರ್ಯಮಶ್ನುವತೇ ।
ಅಥ ಯದುತ್ತರೈರ್ಸ್ತೋತ್ರೈರುತ್ಕ್ರಾಮನ್ತೋ ಯನ್ತಿ ಜ್ಯೇಷ್ಠೇಷ್ವೇವ ತದ್ಭೂಯೋ ವೀರ್ಯಂ ದಧತೋ ಯನ್ತಿ ।
ದ್ವಿರಾತ್ರೋ ಹ ಖಲು ವಾ ಏಷ ತಾಯತೇ ।
ಯೋ ಬೃಹದ್ರ ಥನ್ತರಾಭ್ಯಾಮಭಿ ತ್ವಾ ವೃಷಭಾ ಸುತ ಇತ್ಯೇತಾಸು ತೃತೀಯೇಽಹನಿ ರಥನ್ತರಂ ಪೃಷ್ಠಂ ಕುರ್ಯುಃ ।
ತದ್ಯದಭಿ ತ್ವೇತಿ ತೇನ ರಥನ್ತರಸ್ಯ ರೂಪಾನ್ನ ಯನ್ತಿ ।
ಗಾಯತ್ರ್! ಯಾಯಾತಯಾಮ್ನ್ಯಾ ತೃತೀಯಮಹಸ್ತಾಯತೇ ।
ಕಸ್ತಮಿನ್ದ್ರ ತ್ವಾವಸವಿತಿ ಮೈತ್ರಾವರುಣಸಾಮ ।
ತಾಸಾಮಿಹಾಕ್ಷರಾಣಿ ಸಂಪದ್ಯನ್ತೇ ।
ಯಾ ಗಾಯತ್ರ್! ಯೋ ಗಾಯತ್ರ್! ಯಸ್ತಾ ಯಾಃ ಕಕುಭಃ ಕಕುಭಸ್ತಾ ಯಾ ಬೃಹತ್ಯೋ ಬೃಹತ್ಯಸ್ತಾಃ ।
ಯಥಾಯತನಂ ಛನ್ದಾಂಸಿ ಯುಜ್ಯನ್ತೇ ।
ಗಾಯತ್ರ್! ಯಾ ವೈ ಪ್ರಥಮಮಹಸ್ತಾಯತೇ ತ್ರಿಷ್ಟುಭಾ ದ್ವಿತೀಯಂ ಜಗತ್ಯಾ ತೃತೀಯಮನುಷ್ಟುಭಾ ಚತುರ್ಥಮ್ ।
ತಂ ತ್ವಾ ಯಜ್ಞೇಭಿರೀಮಹ ಇತ್ಯೇತಾಸು ಚತುರ್ಥೇಽಹನಿ ಬೃಹತ್ಪೃಷ್ಠಂ ಕುರ್ಯುಃ ।
ತದ್ಯತ್ತಂ ತ್ವೇತಿ ತೇನ ಬೃಹತೋ ರೂಪಾನ್ನ ಯನ್ತಿ ।
ಅನುಷ್ಟುಭಾಯಾತಯಾಮ್ನ್ಯಾ ಚತುರ್ಥಮಹಸ್ತಾಯತೇ ।
ವಯಮು ತ್ವಾಮಪೂರ್ವ್ಯೇತಿ ಮೈತ್ರಾವರುಣಸಾಮ ।
ತಾಸಾಮಿಹಾಕ್ಷರಾಣಿ ಸಂಪದ್ಯನ್ತೇ ।
ಯಾ ಗಾಯತ್ರ್! ಯೋ ಗಾಯತ್ರ್! ಯಸ್ತಾ ಯಾ ಕಕುಭಃ ಕಕುಭಸ್ತಾ ಯಾ ಬೃಹತ್ಯೋ ಬೃಹತ್ಯಸ್ತಾಃ ।
ಯಥಾಯತನಂ ಛನ್ದಾಂಸಿ ಯುಜ್ಯನ್ತೇ ೨೮೩

ಅಗ್ನಿಷ್ಟೋಮೋ ವೈ ಪ್ರಥಮಮಹರುಕ್ಥ್ಯೋ ದ್ವಿತೀಯಂ ಷೋಡಶಿಮಾಂಸ್ತೃತೀಯಮತಿರಾತ್ರಶ್ಚತುರ್ಥಮ್ ।
ನಾನಾವೀರ್ಯಾಣ್ಯಹಾನಿ ಭವನ್ತಿ ವೀರಾಣಾಮೇವ ನಾನಾವೀರ್ಯತಾಯೈ ।
ಅಥ ಹ ಸ್ಮಾಹ ತಕ್ಷಕೋ ಭಾಗೇರಥಿರ್ಮಾತ್ಸ್ಯೋ ರಾಜಾನು ಚತೂರಾತ್ರಃ ಪೃಷ್ಠಾನಿ ವ್ಯಾಪ್ನೋತಿ ।
ದ್ವಿರಾತ್ರೋ ವೈ ಬೃಹದ್ರ ಥನ್ತರಾಭ್ಯಾಂ ತಾಯತ ಇತಿ ।
ವೈರೂಪಂ ಚ ಮಹಾನಾಮ್ನಯಶ್ಚ ತೃತೀಯೇಽಹನಿ ಕುರ್ಯುಃ ।
ರಾಥನ್ತರೇ ವೈತೇ ।
ರಾಥನ್ತರಂ ತೃತೀಯಮಹರಿತಿ ।
ವೈರಾಜಂ ಚ ರೇವತ್ಯಶ್ಚ ಚತುರ್ಥೇಽಹನಿ ಕುರ್ಯುಃ ।
ಬಾರ್ಹತೇ ವೈತೇ ।
ಬಾರ್ಹತಂ ಚತುರ್ಥಮಹರಿತಿ ।
ಏವಂ ವೈ ಚತೂರಾತ್ರಃ ಪೃಷ್ಠಾನಿ ವ್ಯಾಪ್ನೋತೀತಿ ಹ ಸ್ಮ ಸ ಆಹ ।
ತದಾಹುಃ ಕೋ ಯಜ್ಞಾನಾಂ ವರ್ಷಿಷ್ಠಃ ಕೋ ವರಿಷ್ಠ ಇತಿ ।
ಸ ಬ್ರೂಯಾತ್ತ್ರಿರಾತ್ರ ಏವ ಯಜ್ಞಾನಾಂ ವರ್ಷಿಷ್ಠ ಇತಿ ।
ಇಮೇ ವೈ ಲೋಕಾಸ್ತ್ರಿರಾತ್ರೋ ದಿಶ ಏವ ಚತೂರಾತ್ರಃ ೨೮೪

ಅಥೈಷ ಜಾಮದಗ್ನ್ಯಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಜಮದಗ್ನಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತಂ ಚತೂರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ಅಪಿ ಹಾಸ್ಯ ದ್ವಾವೌರ್ವೌ ಪ್ರಜಾಯಾಂ ನ ಸಂಜಜ್ಞಾತೇ ಕಯಸ್ತ್ವಮಸಿ ಕಯಸ್ತ್ವಮಸೀತಿ ।
ತಥಾ ಬಹುರಿಹ ಪ್ರಜಜ್ಞೇ ।
ತಸ್ಮಾದಿದಮಪ್ಯೇತರ್ಹಿ ದ್ವಾವೌರ್ವೌ ಪಲಿತೌ ಸಮಾಗತ್ಯ ನ ಸಂಜಾನಾತೇ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ತಸ್ಯಾಹುಸ್ಸಂವತ್ಸರಂ ಏವ ದೀಕ್ಷಾ ಸ್ಯುರಿತಿ ।
ಪ್ರಜನನಂ ವೈ ಸಂವತ್ಸರಃ ।
ಪ್ರಜನನಮೇಷ ಯಜ್ಞಃ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಮಾದು ಹೈನೇನ ಪ್ರಜನನಕಾಮೋ ಯಜೇತ ।
ಅಥೋ ಆಹುರಷ್ಟಾಚತ್ವಾರಿಂಶದೇವ ಸ್ಯುರಿತಿ ।
ಅಷ್ಟಾಚತ್ವಾರಿಂಶದಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಜಾಗತ ಏಷ ಯಜ್ಞಃ ।
ತಸ್ಮಾದು ಹೈನೇನ ಪಶುಕಾಮೋ ಯಜೇತ ।
ಅಥೋ ಆಹುಷ್ಷಟ್ತ್ರಿಂಶದೇವ ಸ್ಯುಃ ।
ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ವೈ ಸ್ವರ್ಗಂ ಲೋಕಮಾನಶೇ ।
ತದ್ವಾ ಅಸ್ಯ ಸ್ವರ್ಗ್ಯಮ್ ।
ತಸ್ಮಾದು ಹೈನೇನ ಸ್ವರ್ಗಕಾಮೋ ಯಜೇತ ।
ತಾನಿ ತ್ರೀಣಿ ಜಾಗತಾನಿ ।
ತ್ರೀಣಿ ಜಾಗತಾನಿ ಪದಾನಿ ಭವನ್ತಿ ।
ತೇನ ಜಗತ್ಯೈ ರೂಪಾನ್ನ ಯನ್ತಿ ।
ಅಥೋ ಆಹುಶ್ಚತುರ್ವಿಂಶತಿರೇವ ಸ್ಯುರಿತಿ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ಪ್ರಜನನಮ್ ।
ಪ್ರಜನನಮೇಷ ಯಜ್ಞಃ ।
ತತ್ತತ್ಪ್ರಜನನಂ ಕ್ರಿಯತೇ ।
ತಸ್ಮಾದು ಹೈನೇನ ಪ್ರಜನನಕಾಮೋ ಯಜೇತ ।
ತದೇಕಂ ಜಾಗತಂ ಪದಂ ಭವತಿ ।
ತೇನೈವ ಜಗತ್ಯೈ ರೂಪಾನ್ನ ಯನ್ತಿ ೨೮೫

ತದಾಹುರ್ಯದ್ಗಾಯತ್ರ್! ಯಾ ಪ್ರಥಮಮಹಸ್ತಾಯತೇ ತ್ರಿಷ್ಟುಭಾ ದ್ವಿತೀಯಂ ಜಗತ್ಯಾ ತೃತೀಯಮನುಷ್ಟುಭಾ ಚತುರ್ಥಮಥ ಕಸ್ಮಾಜ್ಜಾಗತ ಏವೈಷ ಯಜ್ಞ ಆಖ್ಯಾಯತ ಇತಿ ।
ಸ ಬ್ರೂಯಾದ್ಯದಾ ವೈ ಬಹ್ವಶ್ವೋ ವಾ ಬಹ್ವಶ್ವತರೀಕೋ ವಾನ್ಯಾನನ್ಯಾನಾಯುಞ್ಜಾನಾ ಏತ್ಯೇವಮೇವೈತಜ್ಜಗತ್ಯನ್ಯದನ್ಯಚ್ಛನ್ದೋಽಭ್ಯಾರೋಹನ್ತ್ಯೇತೀತಿ ।
ಅಥೋ ಯದೇವೈತಾನಿ ಸ್ತೋತ್ರಾಣಿ ಸಂಸ್ತುತಾನಿ ಜಗತೀಮಭಿ ಸಂಪದ್ಯನ್ತೇ ತೇನೋ ಏವ ಜಾಗತ ಇತಿ ।
ಅಥೋ ಜ್ಯೈಷ್ಠ್ಯಂ ವೈ ಜಗತೀ ಛನ್ದಸಾಮ್ ।
ತಸ್ಮಾಜ್ಜ್ಯೈಷ್ಠ್ಯೇನ ಗೃಹ್ಯಾನಾಚಕ್ಷತೈನೇನ ಗೃಹ್ಯಾಂಶ್ಚಕ್ಷತೇ ಯ ಏವಂ ವೇದ ।
ದ್ವಿರಾತ್ರೋ ಹ ಖಲು ವಾ ಏಷ ತಾಯತೇ ಯೋ ಬೃಹದ್ರ ಥನ್ತರಾಭ್ಯಾಮಭಿ ತ್ವಾ ವೃಷಭಾ ಸುತ ಇತ್ಯೇತಾಸು ತೃತೀಯೇಽಹನಿ ರಥನ್ತರಂ ಪೃಷ್ಠಂ ಕುರ್ಯುಃ ।
ತದ್ಯದಭಿ ತ್ವೇತಿ ತೇನ ರಥನ್ತರಸ್ಯ ರೂಪಾನ್ನ ಯನ್ತಿ ।
ಗಾಯತ್ರ್! ಯಾಯಾತಯಾಮ್ನ್ಯಾ ತೃತೀಯಮಹಸ್ತಾಯತೇ ।
ಕಸ್ತಮಿನ್ದ್ರ ತ್ವಾವಸವಿತಿ ಮೈತ್ರಾವರುಣಸಾಮ ।
ತಾಸಾಮಿಹಾಕ್ಷರಾಣಿ ಸಂಪದ್ಯನ್ತೇ ।
ತಂ ತ್ವಾ ಯಜ್ಞೇಭಿರೀಮಹ ಇತ್ಯೇತಾಸು ಚತುರ್ಥೇಽಹನಿ ಬೃಹತ್ಪೃಷ್ಠಂ ಕುರ್ಯುಃ ।
ತದ್ಯತ್ತಂ ತ್ವೇತಿ ತೇನ ಬೃಹತೋ ರೂಪಾನ್ನ ಯನ್ತಿ ।
ಅನುಷ್ಟುಭಾಯಾತಯಾಮ್ನ್ಯಾ ಚತುರ್ಥಮಹಸ್ತಾಯತೇ ।
ವಯಮು ತ್ವಾಮಪೂರ್ವ್ಯೇತಿ ಮೈತ್ರಾವರುಣಸಾಮ ।
ತಾಸಾಮಿಹಾಕ್ಷರಾಣಿ ಸಂಪದ್ಯನ್ತೇ ೨೮೬

ವ್ಯೂಢಚ್ಛನ್ದಾ ಹ ಖಲು ವಾ ಏಷ ಚತೂರಾತ್ರಃ ।
ಪೂರ್ವೋ ವೈ ಬೃಹತ್ಯೈ ಪೃಷ್ಠೇಷು ಯೋಗ ಉತ್ತರೋ ಗಾಯತ್ರ್! ಯೈ ಪೂರ್ವೋ ವಾ ಉಷ್ಣಿಕ್ಕಕುಭೋರಾರ್ಭವೇ ಯೋಗ ಉತ್ತರೋಽನುಷ್ಟುಭಃ ।
ತದ್ಯದೇತಾನಿ ವ್ಯತಿಷಕ್ತಾನಿ ಛನ್ದಾಂಸಿ ಕ್ರಿಯನ್ತೇ ವ್ಯತಿಷಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ಪ್ರಜಾತ್ಯಾ ಏವ ।
ಅಥೋ ವ್ಯತಿಷಕ್ತೋ ವೈ ಪುರುಷಃ ಪಾಪ್ಮಭಿಃ ।
ವ್ಯತಿಷಕ್ತೈರೇವ ತಚ್ಛನ್ದೋಭಿರ್ವ್ಯತಿಷಕ್ತಾನ್ಪಾಪ್ಮನೋಽಪಹತೇ ।
ತದಾಹುಃ ಕಿಮನು ಚತೂರಾತ್ರ ಇತಿ ।
ಅಹೋರಾತ್ರೇ ಇತಿ ಬ್ರೂಯಾತ್ ।
ಅಹೋರಾತ್ರೇ ಹ ವಾ ಅನು ಚತೂರಾತ್ರಃ ।
ಅಹರೇವ ಪ್ರಥಮೇನಾಹ್ನಾ ಸ್ತೃಣುತೇಽಹ್ನಃ ಕೇತುಂ ದ್ವಿತೀಯೇನ ರಾತ್ರಿಮೇವ ತೃತೀಯೇನಾಹ್ನಾ ಸ್ತೃಣುತೇ ಯಃ ಪ್ರಾತರಹ್ನಃ ಕೇತುಸ್ತಂ ಚತುರ್ಥೇನ ।
ಅಹೋರಾತ್ರೇ ವಾ ಇದಂ ಸರ್ವಂ ಪ್ರಜನಯತಃ ।
ತೇ ಯ ಇದಂ ಸರ್ವಂ ಪ್ರಜನಯತಸ್ತೇ ಮಾ ಪ್ರಜನಯತಾಮಿತಿ ।
ಅಥೋ ಹ ಬ್ರೂಯಾದ್ದಿಶ ಏವಾನು ಚತೂರಾತ್ರ ಇತಿ ।
ಚತಸ್ರೋ ದಿಶಃ ।
ಊರ್ಧ್ವಾ ದಿಕ್ಪಞ್ಚಮೀ ।
ಚತ್ವಾರ್ಯೇತಾನ್ಯಹಾನಿ ಭವನ್ತಿ ।
ರಾತ್ರಿಃ ಪಞ್ಚಮೀ ।
ದಿಶ ಏವೈತೇನರ್ಧ್ನೋತಿ ।
ದಿಕ್ಷು ಪ್ರತಿಷ್ಠಾಯ ಸ್ವರ್ಗಂ ಲೋಕಮೇತಿ ।
ತಸ್ಯೈತಾಃ ಪುರೋಡಾಶಿನೀರುಪಸದೋ ಭವನ್ತಿ ।
ಯೋನಿರ್ವೈ ಪುರೋಡಾಶೋ ರೇತ ಆಜ್ಯಮ್ ।
ತದ್ಯತ್ಪುರೋಡಾಶಂ ಹುತ್ವಾಜ್ಯೇನಾಭಿಜುಹೋತಿ ಯೋನ್ಯಾಮೇವೈತದ್ರೇ ತಃ ಪ್ರತಿಷ್ಠಾಪಯನ್ತಿ ।
ಅನುಷ್ಠ್ಯಾಸ್ಯ ರೇತಸ್ಸಿಕ್ತಂ ಪ್ರಜಾಯತೇ ಯ ಏವಂ ವೇದ ।
ಅಥೋ ಯಾಭ್ಯ ಏವೈತದ್ದೇವತಾಭ್ಯೋ ಹವೀಂಷಿ ನಿರ್ವಪತಿ ತಾಸ್ವೇವೈತದೃಧ್ನೋತಿ ।
ತಾಸು ಪ್ರತಿಷ್ಠಾಯ ಸ್ವರ್ಗಂ ಲೋಕಮೇತಿ ೨೮೭

ಅಥೈಷ ಪ್ರಾಜಾಪತ್ಯಃ ।
ಪ್ರಜನನಕಾಮೋ ಹೈತೇನ ಯಜೇತ ।
ಪ್ರಜಾಪತಿರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತಂ ಚತೂರಾತ್ರಮಪಶ್ಯತ್ತಮಾಹರತ್ ।
ತೇನಾಯಜತ ।
ತಸ್ಯೈತೇ ತ್ರಿವೃತ್ಪಞ್ಚದಶಾ ಸ್ತೋಮಾ ಭವನ್ತಿ ಸಪ್ತದಶೈಕವಿಂಶಾಃ ।
ಊನಾತಿರಿಕ್ತಾ ಮಿಥುನಾಃ ಪ್ರಜನಯಃ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತ್ರಿವೃಚ್ಚ ಪಞ್ಚದಶಶ್ಚ ತನ್ಮಿಥುನಂ ಪ್ರಜನನಮ್ ।
ಸಪ್ತದಶಶ್ಚೈಕವಿಂಶಶ್ಚ ತನ್ಮಿಥುನಂ ಪ್ರಜನನಂ ತದ್ಯನ್ಮಿಥುನಂ ಪ್ರಜನನಂ ತನ್ಮಾ ಪ್ರಜನಯಾದಿತಿ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ಅಥೋ ಆಹುಸ್ತಾಸಾಮೇವ ಪ್ರಜಾನಾಂ ಸೃಷ್ಟಾನಾಂ ಪರಾವಾಪಾದಬಿಭೇದಿತಿ ।
ಸ ಏತಂ ಚತೂರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಸ್ಯಾಗ್ನಿಷ್ಟೋಮಾವಭಿತೋ ಭವತ ಉಕ್ಥ್ಯೌ ಮಧ್ಯೇ ।
ಬ್ರಹ್ಮ ವಾ ಅಗ್ನಿಷ್ಟೋಮಃ ಪ್ರಜಾಃ ಪಶವ ಉಕ್ಥ್ಯಾನಿ ಬ್ರಹ್ಮಣೈವ ತದುಭಯತಃ ಪ್ರಜಾಃ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೨೮೮

ಅಥೈಷ ವಸಿಷ್ಠಸ್ಯ ಸಂಸರ್ಪಃ ।
ವಸಿಷ್ಠೋ ವಾ ಅಕಾಮಯತ ಸಮಿಮಾಁ ಲ್ಲೋಕಾನ್ಸರ್ಪೇಯಮಿತಿ ।
ಸ ಏತಂ ಚತೂರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ಇಮಾಁ ಲ್ಲೋಕಾನ್ಸಮಸರ್ಪತ್ ।
ಯದಿಮಾಁ ಲ್ಲೋಕಾನ್ಸಮಸರ್ಪತ್ತತ್ಸಂಸರ್ಪಸ್ಯ ಸಂಸರ್ಪತ್ವಮ್ ।
ಸಮಿಮಾಁ ಲ್ಲೋಕಾನ್ಸರ್ಪತಿ ಯ ಏವಂ ವೇದ ।
ತಸ್ಯ ತ್ರಯಸ್ತ್ರಯ ಸ್ತೋಮಾ ಯುಕ್ತಾ ಅಹರ್ವಹನ್ತಿ ।
ತ್ರಯಸ್ತ್ರಯೋ ವೈ ಯುಕ್ತಾನಾಂ ವಹಿಷ್ಠೌ ।
ಯುಕ್ತೇನ ತತ್ರ ಗಚ್ಛತಿ ಯತ್ರ ಜಿಗಮಿಷತಿ ।
ಅಥೋ ಆಹುಃ ಪ್ರಜಾಕಾಮ ಏವೈನೇನ ಯಜೇತೇತಿ ಸ್ತೋಮೋ ವಾ ಏತತ್ಸ್ತೋಮೇನ ಸಂಸಕ್ತೋ ಭವತಿ ।
ಸಂಸಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ಪ್ರಜಾತ್ಯಾ ಏವ ।
ಅಹ್ನೋಽಹ್ನ ಸ್ತೋಮಮುತ್ಸೃಜಮಾನಾ ಯನ್ತ್ಯಹ್ನೋಽಹ್ನ ಸ್ತೋಮಮಭ್ಯುಪಾಹರನ್ತೇ ೨೮೯

ಅಥೈಷ ಗೌತಮಸ್ಯ ಚತುಷ್ಟೋಮಃ ।
ಗೌತಮಾಯ ವೈ ನ ಶ್ರದದಧತ ।
ಅಶ್ರದ್ಧಾನೀಯೋ ರಾಜನ್ಯ ಋಷಿರಿತಿ ।
ಸೋಽಕಾಮಯತ ಶ್ರನ್ಮೇ ದಧೀರಞ್ಶ್ರದ್ಧಾನೀಯ ಸ್ಯಾಮಿತಿ ।
ಸ ಏತಂ ಚತೂರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ತಸ್ಮೈ ಶ್ರದದಧತ ಶ್ರದ್ಧಾನೀಯೋಽಭವತ್ ।
ಶ್ರದ್ಧಾನೀಯೋ ಭವತಿ ಯ ಏವಂ ವೇದ ।
ಸ ವಾ ಏಷ ಕೃತಸ್ತೋಮಃ ।
ಶ್ರದ್ಧಾ ವೈ ಕೃತಮ್ ।
ಯದ್ಧ ವಾ ಇದಂ ಕೃತೇನ ಜಿತ್ವಾ ಹರನ್ತಿ ಶ್ರದ್ಧಯಾ ಹೈವ ತದ್ಧರನ್ತಿ ।
ತಸ್ಮಾತ್ಕೃತಸ್ತೋಮಃ ।
ಸ ವಾ ಏಷ ಚತುರುತ್ತರ್ಯಙ್ಗಿರಸಾಮ್ ।
ದ್ವ್ಯುತ್ತರೇಣ ವಾ ಆದಿತ್ಯಾ ಸ್ವರ್ಗಂ ಲೋಕಮಾಯಂಶ್ಚತುರುತ್ತರೇಣಾಙ್ಗಿರಸಃ ।
ಚತುರುತ್ತರೇಣ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ।
ತದಾಹುರಪಭ್ರಂಶೀ ಯಜ್ಞಕ್ರತುರೀಶ್ವರಃ ಪುರಾಯುಷೋಽಮುಂ ಲೋಕಮೇತೋರಿತಿ ।
ತದ್ಯತ್ಪ್ರತ್ಯವರೋಹೀಣಿ ಸ್ತೋತ್ರಾಣಿ ಭವನ್ತಿ ತೇನಾನಪಭ್ರಂಶೀ ತೇನೋ ಆಯುಷ್ಯಃ ।

ಅಥೈಷ ವಿಶ್ವಜ್ಯೋತಿಃ ।
ದೇವಾ ವಾ ಅಕಾಮಯನ್ತ ಸರ್ವ ಏವ ಜ್ಯೋತಿರಿವ ಸ್ಯಾಮೇತಿ ।
ತ ಏತಂ ಚತೂರಾತ್ರಂ ಯಜ್ಞಮಪಶ್ಯನ್ ।
ತಮಾಹರಂಸ್ತೇನಾಯಜನ್ತ ।
ತತೋ ವೈ ತೇ ಸರ್ವ ಏವ ಜ್ಯೋತಿರಿವಾಸನ್ ।
ತಸ್ಮಾದ್ಯಮಪ್ಯೇತರ್ಹಿ ದೇವಾನಾಂ ಪಶ್ಯನ್ತಿ ಜ್ಯೋತಿರಿವಾದೃಶ್ಮೇತ್ಯೇವಾಹುಃ ।
ಸ ಯೋ ಬ್ರಹ್ಮವರ್ಚಸಕಾಮ ಸ್ಯಾತ್ಸ ಏತೇನ ಯಜೇತ ।
ಜ್ಯೋತಿರಿವ ಹ ವೈ ಸ ಭಾತಿ ಯೋ ಬ್ರಹ್ಮವರ್ಚಸಮೃಧ್ನೋತಿ ।
ಋಧ್ನೋತಿ ಹೈನೇನ ಬ್ರಹ್ಮವರ್ಚಸಂ ಬ್ರಹ್ಮವರ್ಚಸೀ ಭವತಿ ೨೯೦

ಅಥೈತೇ ಪಞ್ಚರಾತ್ರಾಃ ।
ಪಞ್ಚ ವೈ ಜಯಾಃ ।
ಪಞ್ಚಭಿರ್ವೈ ವ್ಯಾಹೃತಿಭಿರಿದಂ ದೇವಾ ಅಜಯನ್ ।
ತದ್ಯಾವತೇದಂ ದೇವಾ ಅಜಯಂಸ್ತಾವತಾ ಜಯಾನೀತಿ ।
ಪಾಙ್ಕ್ತೋ ಯಜ್ಞಃ ।
ಯಾವತೀ ಯಜ್ಞಸ್ಯ ಮಾತ್ರಾ ತಾಮಾಪ್ನವಾನೀತಿ ।
ಪಾಙ್ಕ್ತಾಃ ಪಶವಃ ।
ಯಾವತೀ ಪಶೂನಾಂ ಮಾತ್ರಾ ತಾವತಾ ಮಾ ಪಶವೋಽವರುದ್ಧಾ ಉಪತಿಷ್ಠಾನ್ತಾ ಇತಿ ।
ಪಾಙ್ಕ್ತಮನ್ನಾದ್ಯಮ್ ।
ಯಾವತ್ಯನ್ನಾದ್ಯಸ ಮಾತ್ರಾ ತಾವತಾ ಮಾನ್ನಾದ್ಯಮವರುದ್ಧಮುಪತಿಷ್ಠಾತಾ ಇತಿ ।
ಪಞ್ಚೈತಾನ್ಯಹಾನಿ ಭವನ್ತಿ ।
ಪಞ್ಚರ್ತವಸ್ಸಂವತ್ಸರಃ ।
ಸಂವತ್ಸರಃ ಪ್ರಜಾಪತಿರ್ಯಜ್ಞಃ ।
ಸಂವತ್ಸರಮೇವೈತೇನ ಪ್ರಜಾಪತಿಂ ಯಜ್ಞಮಾಪ್ನೋತಿ ।
ದೇವಾಸುರಾ ಅಸ್ಪರ್ಧನ್ತ ।
ತೇ ನೈವ ದಣ್ಡೈರ್ನೇಷುಭಿರ್ವ್ಯಜಯನ್ತ ।
ತೇಽಬ್ರುವನ್ನ ವೈ ದಣ್ಡೈರ್ನೇಷುಭಿರ್ವಿಜಯಾಮಹೈ ।
ವಾಚ್ಯೇವ ವಾವ ನೋ ಬ್ರಹ್ಮನ್ವಿಜಯೋಽಸ್ತ್ವಿತಿ ।
ತ ಷಕ್ಷನ್ತ ಯತರೇ ನೋ ಯತರಾನ್ಪೂರ್ವೇಽಭಿವ್ಯಾಹರಿಷ್ಯನ್ತಿ ತೇ ತೇಷಾಂ ಕ್ಷೇಷ್ಯನ್ತ ಇತಿ ।
ತೇ ದೇವಾ ಅಸುರಾನಬ್ರುವನ್ಯೂಯಂ ಪೂರ್ವೇ ಬ್ರೂಧ್ವಮಿತಿ ।
ಯೂಯಮಿದ್ವಾ ಇತ್ಯಸುರಾ ದೇವಾನ್ ।
ತೇ ದೇವಾ ಏತದ್ವಾಚೋ ಮಿಥುನಮಪಶ್ಯನ್ ೨೯೧

ಏಕೋಽಸ್ಮಾಕಮಿತಿ ದೇವಾ ಅಬ್ರುವತೈಕಾಸ್ಮಾಕಮಿತ್ಯಸುರಾಃ ।
ಮನ ಏವ ದೇವಾ ಅಬ್ರುವತ ವಾಚಮಸುರಾಃ ।
ತೇ ದೇವಾ ಮನಸೈವ ವಾಚಮಸುರಾಣಾಮವೃಞ್ಜತ ।
ತಸ್ಮಾದ್ಯನ್ಮನಸಾಧಿಗಚ್ಛತಿ ತದ್ವಾಚಾ ವದತಿ ।
ದ್ವಾವಸ್ಮಾಕಮಿತಿ ದೇವಾ ಅಬ್ರುವತ ದ್ವೇ ಅಸ್ಮಾಕಮಿತ್ಯಸುರಾಃ ।
ಪ್ರಾಣಾಪಾನಾವೇವ ದೇವಾ ಅಬ್ರುವತ ಅಹೋರಾತ್ರೇ ಅಸುರಾಃ ।
ತೇ ದೇವಾಃ ಪ್ರಾಣಾಪಾನಾಭ್ಯಾಮೇವಾಹೋರಾತ್ರೇ ಅಸುರಾಣಾಮವೃಞ್ಜತ ।
ತಸ್ಮಾಜ್ಜ್ಯೋಗ್ಜೀವನ್ಬಹೂನ್ಯಹೋರಾತ್ರಾಣ್ಯೇವಾನಿತಿ ।
ತ್ರಯೋಽಸ್ಮಾಕಮಿತಿ ದೇವಾ ಅಬ್ರುವತ ತಿಸ್ರೋಽಸ್ಮಾಕಮಿತ್ಯಸುರಾಃ ।
ಇಮಾನೇವ ತ್ರೀಁ ಲ್ಲೋಕಾನ್ದೇವಾ ಅಬ್ರುವತ ತಿಸ್ರೋ ವಿದ್ಯಾ ಅಸುರಾಃ ।
ತೇ ದೇವಾ ಏಭಿರೇವ ಲೋಕೈಸ್ತಿಸ್ರೋ ವಿದ್ಯಾ ಅಸುರಾಣಾಮವೃಞ್ಜತ ।
ತಸ್ಮಾದೇತಾ ವಿದ್ಯಾ ಏಷ್ವೇವ ಲೋಕೇಷು ಪ್ರೋಚ್ಯನ್ತೇ ।
ಚತ್ವಾರೋಽಸ್ಮಾಕಮಿತಿ ದೇವಾ ಅಬ್ರುವತ ಚತಸ್ರೋಽಸ್ಮಾಕಮಿತ್ಯಸುರಾಃ ।
ಚತುಷ್ಪದ ಏವ ಪಶೂನ್ದೇವಾ ಅಬ್ರುವತ ಚತಸ್ರೋ ದಿಶೋಽಸುರಾಃ ।
ತೇ ದೇವಾ ಚತುಷ್ಪಾದ್ಭಿರೇವ ಪಶುಭಿಶ್ಚತಸ್ರೋ ದಿಶೋಽಸುರಾಣಾಮವೃಞ್ಜತ ।
ತಸ್ಮಾದ್ಯಾಂ ಕಾಂ ಚನ ದಿಶಂ ಪಶುಮಾನಯತಿ ಸರ್ವಾಮೇವ ಜಿತಾಂ ಕ್ಳ್ಪ್ತಾಂ ಪ್ರತಿಷ್ಠಿತಾಮನ್ವೇತಿ ।
ಪಞ್ಚಾಸ್ಮಾಕಮಿತಿ ದೇವಾ ಋತೂಣೇವಾಬ್ರುವತ ।
ಅಥಾಸುರಾ ನ ಪ್ರಾವಿನ್ದನ್ ।
ನ ಹಿ ಪಞ್ಚಿ ಕಿಂ ಚನಾಸ್ತಿ ।
ತೇಽಸುರಾ ಆರಮ್ಭಮವಿನ್ದನ್ತಃ ಪಞ್ಚ ಪಞ್ಚೇತ್ಯೇವ ವದನ್ತಃ ಪರಾಜಯನ್ತ ।
ತತೋ ವೈ ದೇವಾ ಅಭವನ್ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೨೯೨

ಜಿತಿರ್ವಾ ಏತಾ ವ್ಯಾಹೃತಯಃ ।
ಜಿತಿಃ ಪಞ್ಚರಾತ್ರಃ ।
ಜಯತಿ ಜಯತಿ ಯ ಏವಂ ವೇದ ।
ಸಾ ವಾ ಏಷಾ ಸರ್ವಸ್ಯಾನ್ಯಾ ಜಿತಿಸ್ಸರ್ವಸ್ಯಾನ್ಯಾ ಪರಾಜಿತಿಃ ।
ಸರ್ವಂ ವಾ ಏತೇನ ದೇವಾ ಅಸುರಾನಜಯನ್ ।
ಸರ್ವಮಸುರಾಃ ಪರಾಜಯನ್ತ ।
ಸರ್ವಮೇವ ದ್ವಿಷನ್ತಂ ಭ್ರಾತೃವ್ಯಂ ಜಯತಿ ಸರ್ವಮಸ್ಯ ದ್ವಿಷನ್ಭ್ರಾತೃವ್ಯಃ ಪರಾಜಯತೇ ಯ ಏವಂ ವೇದ ।
ಅಥೈತೇ ಸನ್ತತಾ ಭವನ್ತಿ ।
ಯಥಾ ಹ ವೈ ದಾರೂಣಿ ವರ್ಧ್ರೇಣ ಸನ್ತತಾನಿ ರಥಸ್ಯ ವಾನಸೋ ವೈವಂ ಸ್ತೋಮೈಃ ಪಞ್ಚರಾತ್ರಸ್ಸನ್ತತಃ ।
ಪ್ರಾಣಾ ಹ ಖಲು ವೈ ಸ್ತೋಮಾಃ ।
ಪ್ರಾಣೈಃ ಪುರುಷಸ್ಸನ್ತತಃ ।
ಸಂ ಹ ತಾಯತೇ ಯ ಏವಂ ವೇದ ।
ತಸ್ಯ ದ್ವೌ-ದ್ವೌ ಸ್ತೋಮೌ ಯುಕ್ತಾವಹರ್ವಹತಃ ।
ದ್ವೌ-ದ್ವೌ ವೈ ಯುಕ್ತಾನಾಂ ವಹಿಷ್ಠೌ ।
ಯುಕ್ತೇನ ತತ್ರ ಗಚ್ಛತಿ ಯತ್ರ ಜಿಗಮಿಷತಿ ೨೯೩

ಅಥ ಯಸ್ಯೈತಸ್ಯ ಜ್ಯೋತಿರ್ಗೌರಾಯುರಿತಿ ತ್ರ್! ಯಹಃ ಪಞ್ಚವಿಂಶಂ ಮಹಾವ್ರತಂ ಸರ್ವಸ್ತೋಮೋಽತಿರಾತ್ರೋಽನ್ನಾದ್ಯಕಾಮೋ ಹೈತೇನ ಯಜೇತ ।
ತದಾಹುರ್ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮಿತಿ ।
ತದ್ಯಜ್ಜ್ಯೋತಿರ್ಗೌರಾಯುರಿತಿ ತ್ರ್! ಯಹೋ ಭವತ್ಯಯಂ ವೈ ಲೋಕೋ ಜ್ಯೋತಿರಯಂ ಗೌರಸಾವಾಯುಃ ।
ಇಮೇ ವೈ ಲೋಕಾ ಋತವಸ್ಸಂವತ್ಸರಃ ।
ಋತವಸ್ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ಸಂವತ್ಸರಾಭಿಜಿತಮೇವ ತದನ್ನಾದ್ಯಮುಪಯನ್ತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ।
ಅಥ ಯಸ್ಯೈತಸ್ಯ ತ್ರಿವೃತ್ಪಞ್ಚದಶಸ್ಸಪ್ತದಶ ಇತಿ ತ್ರ್! ಯಹಃ ಪಞ್ಚವಿಂಶಂ ಮಹಾವ್ರತಂ ಸರ್ವಸ್ತೋಮೋಽತಿರಾತ್ರೋಽನ್ನಾದ್ಯಕಾಮ ಉ ಏವೈತೇನ ಯಜೇತ ।
ತದಾಹುರ್ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮಿತಿ ।
ತದ್ಯತ್ತ್ರಿವೃತ್ಪಞ್ಚದಶಸ್ಸಪ್ತದಶ ಇತಿ ತ್ರ್! ಯಹೋ ಭವತ್ಯಯಂ ವೈ ಲೋಕಸ್ತ್ರಿವೃದಯಂ ಪಞ್ಚದಶೋಽಸೌ ಸಪ್ತದಶಃ ।
ಇಮೇ ವೈ ಲೋಕಾ ಋತವಸ್ಸಂವತ್ಸರಃ ।
ಋತವಸ್ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ಸಂವತ್ಸರಾಭಿಜಿತಮೇವ ತದನ್ನಾದ್ಯಮುಪಯನ್ತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ೨೯೪

ಅಥ ಯಸ್ಯೈತಸ್ಯ ಜ್ಯೋತಿರ್ಗೌರಾಯುರಿತಿ ತ್ರ್! ಯಹಶ್ಚತುರ್ವಿಂಶಮಹಸ್ಸರ್ವಸ್ತೋಮೋಽತಿರಾತ್ರೋ ಯಃ ಕಾಮಯೇತ ಪರೋಕ್ಷೋಪೇತಂ ಮೇ ಮಹಾವ್ರತಂ ಸ್ಯಾದಿತಿ ಸ ಏತೇನ ಯಜೇತ ।
ತದ್ಯಚ್ಚತುರ್ವಿಂಶಮಹರ್ಭವತಿ ತೇನೈವಾಸ್ಯ ಪರೋಕ್ಷೋಪೇತಂ ಮಹಾವ್ರತಂ ಭವತಿ ।
ಯದ್ವೇವ ತತ್ರ ಹಿಂಕಾರೋ ವಾ ಪ್ರಸ್ತಾವೋ ವಾ ಪ್ರತಿಹಾರೋ ವಾ ಕಿಞ್ಚಿದ್ಭವತಿ ತೇನೈವಾಸ್ಯ ಪಞ್ಚವಿಂಶ್ಯುಪಾಪ್ತಾ ಭವತಿ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ।
ಅಥ ಯಸ್ಯೈತಸ್ಯ ತ್ರಿವೃತ್ಪಞ್ಚದಶಸ್ಸಪ್ತದಶ ಇತಿ ತ್ರ್! ಯಹಶ್ಚತುರ್ವಿಂಶಮಹರ್ಜ್ಯೋತಿರತಿರಾತ್ರೋ ಯ ಉ ಏವ ಕಾಮಯೇತ ಪರೋಕ್ಷೋಪೇತಂ ಮೇ ಮಹಾವ್ರತಂ ಸ್ಯಾದಿತಿ ಸ ಏತೇನ ಯಜೇತ ।
ತದ್ಯಚ್ಚತುರ್ವಿಂಶಮಹರ್ಭವತಿ ತೇನೈವಾಸ್ಯ ಪರೋಕ್ಷೋಪೇತಂ ಮಹಾವ್ರತಂ ಭವತಿ ।
ಯದ್ವೇವ ತತ್ರ ಹಿಂಕಾರೋ ವಾ ಪ್ರಸ್ತಾವೋ ವಾ ಪ್ರತಿಹಾರೋ ವಾ ಕಿಞ್ಚಿದ್ಭವತಿ ತೇನೈವಾಸ್ಯ ಪಞ್ಚವಿಂಶ್ಯುಪಾಪ್ತಾ ಭವತಿ ।
ಜ್ಯೋತಿರತಿರಾತ್ರ ಏತದ್ವೈ ಪ್ರಜ್ಞಾತಂ ದೇವತೀರ್ಥಂ ಯಜ್ಜ್ಯೋತಿರತಿರಾತ್ರಃ ಪ್ರಜ್ಞಾತೇನ ದೇವತೀರ್ಥೇನಾರಿಷ್ಟೇನಾರಿಷ್ಟಾ ಉದೃಚಮಶ್ನವಾಮಹಾ ಇತಿ ೨೯೫

ಅಥ ಯಸ್ಯೈತಸ್ಯ ಜ್ಯೋತಿಷೀ ಅಗ್ನಿಷ್ಟೋಮಾವಭಿತೋ ಭವತೋ ಗೋಆಯುಷೀ ಉಕ್ಥ್ಯಾವನ್ತರೌ ಜ್ಯೋತಿರತಿರಾತ್ರೋ ಮಧ್ಯೇ ಪ್ರಜನನಕಾಮೋ ಹೈತೇನ ಯಜೇತ ।
ಏತದ್ವೈ ಕೃತ್ಸ್ನಮ್ಪ್ರಜನನಂ ಯಜ್ಜ್ಯೋತಿರತಿರಾತ್ರಃ ।
ಮಧ್ಯತ ಉ ವಾ ಆತ್ಮನಃ ಪ್ರಜನನಮ್ ।
ತದ್ಯನ್ಮಧ್ಯೇ ಜ್ಯೋತಿರತಿರಾತ್ರೋ ಭವತಿ ಮಧ್ಯತ ಏವೈತದಾತ್ಮನಃ ಪ್ರಜನನಂ ಧತ್ತೇ ಬಹುರ್ಭವತಿ ಪ್ರಜಾಯತೇ ।
ಗೋಆಯುಷೀ ಉಕ್ಥ್ಯಾವನ್ತರೌ ಭವತಃ ।
ಪಶವೋ ವಾ ಉಕ್ಥಾನಿ ।
ತಯೋಃ ಪಞ್ಚಶತಾನಿ ಸ್ತೋತ್ರಿಯಾಃ ।
ಪಶುಭಿರೇವ ತದುಭಯತಃ ಪ್ರಜಾಂ ಪರಿಗೃಹ್ಣೀತೇ ।
ಜ್ಯೋತಿಷೀ ಅಗ್ನಿಷ್ಟೋಮಾವಭಿತೋ ಭವತಃ ।
ಬ್ರಹ್ಮ ವೈ ಜ್ಯೋತಿರಗ್ನಿಷ್ಟೋಮಃ ।
ಬ್ರಹ್ಮಣೈವ ತದುಭಯತಃ ಪ್ರಜಾಂ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಅಥ ಯಸ್ಯೈತಸ್ಯ ಜ್ಯೋತಿಷೀ ಅಗ್ನಿಷ್ಟೋಮಾವಭಿತೋ ಭವತೋ ಗೋಆಯುಷೀ ಉಕ್ಥ್ಯಾವನ್ತರೌ ಜ್ಯೋತಿರಗ್ನಿಷ್ಟೋಮೋ ಮಧ್ಯೇ ಯಃ ಕಾಮಯೇತಾ ಮೇ ಬ್ರಹ್ಮವರ್ಚಸೀ ಪ್ರಜಾಯಾಂ ಜಾಯೇತೇತಿ ಸ ಏತೇನ ಯಜೇತ ।
ತೇಜೋ ವೈ ಬ್ರಹ್ಮವರ್ಚಸಂ ಜ್ಯೋತಿರಗ್ನಿಷ್ಟೋಮಃ ।
ಮಧ್ಯತ ಉ ವಾ ಆತ್ಮನಃ ಪ್ರಜನನಮ್ ।
ತದ್ಯನ್ಮಧ್ಯೇ ಜ್ಯೋತಿರಗ್ನಿಷ್ಟೋಮೋ ಭವತಿ ಮಧ್ಯತ ಏವೈತದಾತ್ಮನೋ ಜ್ಯೋತಿರ್ಧತ್ತ ಆ ಹಾಸ್ಯ ಬ್ರಹ್ಮವರ್ಚಸೀ ಪ್ರಜಾಯಾಂ ಜಾಯತೇ ।
ಗೋಆಯುಷೀ ಉಕ್ಥ್ಯಾವನ್ತರೌ ಭವತಃ ।
ಪಶವೋ ವಾ ಉಕ್ಥಾನಿ ।
ತಯೋಃ ಪಞ್ಚಶತಾನಿ ಸ್ತೋತ್ರಿಯಾಃ ।
ಪಶುಭಿರೇವ ತದುಭಯತೋ ಬ್ರಹ್ಮವರ್ಚಸಿನೀಂ ಪ್ರಜಾಂ ಪರಿಗೃಹ್ಣೀತೇ ।
ಜ್ಯೋತಿಷೀ ಅತಿರಾತ್ರಾವಭಿತೋ ಭವತಃ ।
ಇಮೌ ವೈ ಲೋಕಾವತಿರಾತ್ರೌ ।
ಆಭ್ಯಾಮೇವೈತಲ್ಲೋಕಾಭ್ಯಾಮುಭಯತಃ ಪ್ರಜಾಂ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೨೯೬

ಅಥೈತೇ ಷಡ್ರಾತ್ರಾಃ ।
ಮರುತೋ ವಾ ಅಕಾಮಯನ್ತೌಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ದೇವಾನಾಂ ಸ್ಯಾಮ ಜಯೇಮ ಸ್ವರ್ಗಂ ಲೋಕಮಿತಿ ।
ತ ಏತಂ ಷಡ್ರಾತ್ರಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತೋ ವೈ ತ ಓಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ದೇವಾನಾಮಾಸನ್ನಜಯನ್ಸ್ವರ್ಗಂ ಲೋಕಮ್ ।
ಓಜಿಷ್ಠೋ ಬಲಿಷ್ಠೋ ಭೂಯಿಷ್ಠೋ ವೀರ್ಯವತ್ತಮ ಸ್ವಾನಾಂ ಭವತಿ ಜಯತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಪೃಷ್ಠ್ಯೇನ ಷಡಹೇನ ಯನ್ತಿ ।
ಶ್ರೀರ್ವೈ ವರ್ಷ್ಮ ಪೃಷ್ಠಾನಿ ।
ಶ್ರಿಯಮೇವ ತದ್ವರ್ಷ್ಮ ಪೃಷ್ಠಾನ್ಯಭ್ಯಾರೋಹತಿ ।
ಓಜೋ ವೈ ವೀರ್ಯಂ ಪೃಷ್ಠಾನಿ ।
ಓಜಸೈವ ತದ್ವೀರ್ಯೇಣ ಯನ್ತಿ ।
ಸ್ವರ್ಗೋ ವೈ ಲೋಕಃ ಪೃಷ್ಠಾನಿ ।
ಸ್ವರ್ಗಮೇವ ತಲ್ಲೋಕಂ ರೋಹನ್ತೋ ಯನ್ತಿ ।
ತೇಷಾಂ ಸರಸ್ವತ್ಯಾ ಉಪಮಜ್ಜನೇ ದೀಕ್ಷಾ ।
ದಕ್ಷಿಣೇ ತೀರೇ ದೀಕ್ಷನ್ತೇ ೨೯೭

ಚಕ್ರವತೀ ಸದೋಹವಿರ್ಧಾನೇ ಭವತ ಉಲೂಖಲಬುಧ್ನೋ ಯೂಪ ಉತ್ಕ್ರಾನ್ತ್ಯಾ ಅನಪಭ್ರಂಶಾಯ ।
ಯದ್ಧಿ ತೇ ತತ್ರ ಕುರ್ವಾಣಾ ಇವಾಸೀರನ್ನಪಭ್ರಂಶೋ ಹೈಷಾಂ ಸಃ ।
ಶಮ್ಯಾಪರಾಸಂ ಯನ್ತಿ ।
ಏತೇ ಹ ವೈ ಸ್ವರ್ಗಸ್ಯ ಲೋಕಸ್ಯ ವಿಕ್ರಮಾ ಯಚ್ಛಮ್ಯಾಪರಾಸಾಃ ।
ಸ್ವರ್ಗಸ್ಯೈವ ತಲ್ಲೋಕಸ್ಯ ವಿಕ್ರಮಾನ್ಕ್ರಮಮಾಣಾ ಯನ್ತಿ ।
ಘ್ನನ್ತ ಆಕ್ರೋಶನ್ತೋ ಯನ್ತಿ ।
ಏತದ್ವೈ ಬಲಸ್ಯ ರೂಪಂ ಯದ್ಧತಮಾಕ್ರುಷ್ಟಮ್ ।
ಸರಸ್ವತ್ಯಾ ಯನ್ತಿ ।
ವಾಗ್ವೈ ಸರಸ್ವತೀ ।
ವಾಗು ದೇವಯಾನಃ ಪನ್ಥಾಃ ।
ದೇವಯಾನೇನೈವ ತತ್ಪಥಾ ಯನ್ತಿ ।
ಪ್ರತೀಪಂ ಯನ್ತಿ ।
ಪ್ರತೀಪಮಿವ ವೈ ಸ್ವರ್ಗೋ ಲೋಕಃ ।
ಸ್ವರ್ಗಮೇವ ತಲ್ಲೋಕಂ ಪ್ರತಿಪದ್ಯನ್ತೇ ।
ಪ್ರಾಞ್ಚ ಉದಞ್ಚೋ ಯನ್ತಿ ।
ಪ್ರಾಙಿವ ಹ ವಾ ಉದಙ್ಸ್ವರ್ಗೋ ಲೋಕಃ ।
ಸ್ವರ್ಗಮೇವ ತಲ್ಲೋಕಂ ರೋಹನ್ತೋ ಯನ್ತಿ ।
ಆ ಪ್ರಕ್ಷಾತ್ಪ್ರಾಸ್ರವಣಾದ್ಯನ್ತಿ ।
ಏಷ ಉ ಹ ವೈ ವಾಚೋಽನ್ತೋ ಯತ್ಪ್ರಕ್ಷಃ ಪ್ರಾಸ್ರವಣಃ ।
ಯತ್ರೋ ಹ ವೈ ವಾಚೋಽನ್ತಸ್ತತ್ಸ್ವರ್ಗೋ ಲೋಕಃ ।
ಸ್ವರ್ಗಮೇವೈತಲ್ಲೋಕಂ ಗಚ್ಛನ್ತಿ ೨೯೮

ತೇನ ಹೈತೇನ ಮರುತೋ ಯತ ಇನ್ದ್ರಾ ಗ್ನೀ ಈಕ್ಷಾಂ ಚಕ್ರಾತೇ ಇಮೇ ಚೇದ್ವಾ ಇದಂ ಸಮಾಪಯನ್ತಿ ಮರುತ ಏವೇದಂ ಸರ್ವಂ ಭವನ್ತೀತಿ ।
ತಾನ್ಹ ಸತ್ರಪರಿವೇಷಣಂ ಸಹಸ್ರಂ ಜಿಗ್ಯತುಃ ।
ತದ್ಧೈಷಾಂ ವಿಮಾಥೀಚಕ್ರಿರೇ ।
ಪಾಪ್ಮಾನಂ ಹ ವಾ ಏಷಾಂ ತದ್ವಿಮೇಥಿರೇ ।
ತಸ್ಮಾದು ಹ ವಿಮಾಥ್ಯಸ್ಯ ನ ಲಿಪ್ಸೇತ ನೇತ್ಪಾಪ್ಮನೋಽಪಭಜಾ ಇತಿ ।
ತಯೋರ್ಹ ವೈ ತೇ ಜ್ಯಾನ್ಯಾ ರರಾಧುಃ ।
ತೇ ಹೋತ್ತಸ್ಥುರರಾತ್ಸ್ಮೇತಿ ।
ತೇಷಾಮೇತಾ ಉದೃಚೋ ಯತ್ಸಮಾಪಯನ್ತಿ ಸೈಕಾ ।
ಯದೇಷಾಮ್ಮ್ರಿಯತೇ ಸೈಕಾ ।
ಯದ್ದಶ ಗಾವಶ್ಶತಂ ಭವನ್ತಿ ಸೈಕಾ ।
ಯಚ್ಛತಂ ಗಾವಸ್ಸಹಸ್ರಂ ಭವನ್ತಿ ಸೈಕಾ ।
ತೇನ ಹೈತೇನ ಪುರಾಯು ಸ್ಥೂರಗೃಹಪತಯಃ ।
ತಾನ್ಹ ತ್ರಿಕರ್ತಾನಾಂ ವಾ ಸಲ್ವಾನಾಂ ವಾವ್ಯಾಧಿನೀಃ ಪರ್ಯುತ್ಥಾಯ ಜಿಗ್ಯುಃ ।
ತದ್ಧೈಷಾಂ ಗೃಹಪತಿಂ ಜಘ್ನುಃ ।
ತಂ ಹೇಮಂ ಗೃಹಪತಿಂ ಹತಮಭಿತಃ ಕೃಪಯಮಾಣಾ ನಿಷೇದುಃ ।
ತಮು ಹ ಧ್ರುವಗೋಪಃ ಸಾಂಕಾಶಿನೇನೈವ ದ್ರ ವನ್ತಂ ನಿರ್ಜಜ್ಞೌ ।
ಸ ಆಹವನೀಯಾದೇವೋರ್ಧ್ವ ಸ್ವರ್ಗಂ ಲೋಕಮಾಚಕ್ರಮೇ ।
ಸ ಹೋವಾಚ ಮಾ ಕೃಪಯಧ್ವಮ್ ।
ಯಂ ವಾ ಇಮಂ ಕೃಪಯಧ್ವೇಽಯಂ ವೈ ಸ ಆಹವನೀಯಾದೇವೋರ್ಧ್ವ ಸ್ವರ್ಗಂ ಲೋಕಮಾಕ್ರಂಸ್ತೇತಿ ।
ತೇಷಾಂ ಯಾಂಸ್ತತ್ರ ಜಘ್ನುಸ್ತೇ ಸ್ವರ್ಗಂ ಲೋಕಮೀಯುಃ ।
ಅಥ ಯೇ ಪರಿಶಿಶಿಷಿರೇ ತ ಇಮ ಏತರ್ಹಿ ಪಣಾಯ್ಯತರಾ ಇವ ಸ್ಥೂರಾಣಾಮ್ ।
ಪಾಪಗ್ರಾಮತರಾ ಇವ ಹಿ ತತಃ ಪುರಾಸುಃ ।
ತಸ್ಮಾದು ಸ್ಥೌರ್ಯಂ ಶಮ್ಯಾಪರಾಸಿನೇತ್ಯಾಖ್ಯಾಪಯನ್ತಿ ೨೯೯

ಅಥ ಯಸ್ಯೈತಸ್ಯ ವಿಶ್ವಜಿದಭಿಜಿತಾವತಿರಾತ್ರಾವಭಿತೋ ಭವತೋ ಗೌರಾಯುರ್ಗೌರಾಯುರಿತಿ ಚತ್ವಾರ ಉಕ್ಥ್ಯಾ ಮಧ್ಯೇ ಪಶುಕಾಮಾ ಹೈತದುಪೇಯುಃ ।
ಅಯಂ ವೈ ಲೋಕೋಽಭಿಜಿದಸೌ ವಿಶ್ವಜಿತ್ ।
ಅಥೈತೇ ಚತ್ವಾರೋ ಮಧ್ಯ ಉಕ್ಥ್ಯಾ ಭವನ್ತಿ ।
ಪಶವೋ ವಾ ಉಕ್ಥಾನಿ ।
ತೇಷಾಂ ಸಹಸ್ರಂ ಸ್ತೋತ್ರಿಯಾಃ ।
ಅನೇನ ಚೈವ ತಲ್ಲೋಕೇನಾಮುನಾ ಚೋಭಯತ ಏತಾನ್ಪಶೂನ್ಪರಿಗೃಹ್ಣತೇಽವ ಪಶೂನ್ರುನ್ಧತೇ ।
ಬಹುಪಶವೋ ಹ ಭವನ್ತಿ ।
ಏತೇನ ಹ ವೈ ತದೇನೇನೇನ್ದ್ರಾ ಗ್ನೀ ಮರುತಃ ಸಹಸ್ರಂ ಜಿಗ್ಯತುಃ ಇನ್ದ್ರೋ ವೈ ಮರುತಸ್ಸಹಸ್ರಮಜಿನೋತ್ ।
ಅಗ್ನಿರಭಿಜಿದಿನ್ದ್ರೋ ವಿಶ್ವಜಿತ್ ।
ಅಥೈತೇ ಚತ್ವಾರೋ ಮಧ್ಯ ಉಕ್ಥ್ಯಾ ಭವನ್ತಿ ।
ಪಶವೋ ವಾ ಉಕ್ಥಾನಿ ।
ತೇಷಾಂ ಸಹಸ್ರಂ ಸ್ತೋತ್ರಿಯಾ ।
ಏತದ್ಧ ವೈ ತದಿನ್ದ್ರಾ ಗ್ನೀ ಉಭಯತಸ್ಸಹಸ್ರಂ ಪರಿಗೃಹ್ಯಾಜಹ್ರತುಃ ।
ಆಭ್ಯಾಂ ಚ ಹ ವಾ ಏನಂ ತಲ್ಲೋಕಾಭ್ಯಾಮಿನ್ದ್ರಾ ಗ್ನಿಭ್ಯಾಂ ಚೋಭಯತಃ ಪಶವಃ ಪರಿಗೃಹೀತಾ ಉಪತಿಷ್ಠನ್ತೇ ಯ ಏವಂ ವೇದ ।
ತೇಷಾಮು ತೇಷಾಂ ಪರೀಣದಿತಿ ಕುರುಕ್ಷೇತ್ರಸ್ಯ ಜಘನಾರ್ಧೇ ಸರಸ್ಕಂ ತದ್ದೀಕ್ಷಾಯೈ ।
ತೇ ಪ್ರಾಞ್ಚೋ ಯನ್ತಿ ಸಮಯಾ ಕುರುಕ್ಷೇತ್ರಮ್ ।
ಏತದ್ವೈ ದೇವಾನಾಂ ದೇವಯಜನಂ ಯತ್ಕುರುಕ್ಷೇತ್ರಮ್ ।
ದೇವಾನಾಮೇವ ತದ್ದೇವಯಜನೇನ ಯನ್ತಿ ।
ತೇಷಾಂ ಯಮುನಾವಭೃಥಃ ।
ಏಷ ವೈ ಸ್ವರ್ಗೋ ಲೋಕೋ ಯದ್ಯಮುನಾ ।
ಸ್ವರ್ಗಮೇವ ತಲ್ಲೋಕಂ ಗಚ್ಛನ್ತಿ ।
ಅಥ ಯಸ್ಯೈತಸ್ಯೋರ್ಧ್ವಸ್ತ್ರಿಯಹಃ ಪ್ರತ್ಯಙ್ತ್ರ್ ಯಹೋ ಯಃ ಕಾಮಯೇತ ಗಚ್ಛೇಯಂ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠೇಯಮಿತಿ ಸ ಏತೇನ ಯಜೇತ ।
ತ್ರ್! ಯಹೇಣೈವೇತ ಊರ್ಧ್ವ ಸ್ವರ್ಗಂ ಲೋಕಂ ಗಚ್ಛತಿ ಪ್ರತ್ಯೇವಾಮುತಸ್ತ್ರ್! ಯಹೇಣಾವರೋಹತಿ ।
ಗಚ್ಛತಿ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠತಿ ।
ಅಥೋ ಹ ವೇದ ಯೋಽಸಾವಾಸಂ ಸೋಽಯಮಸ್ಮೀತಿ ಪುನರ್ಹೈವಾಸ್ಮಿಁ ಲ್ಲೋಕ ಆಜಾಯತೇ ೩೦೦

ಅಥೈತೇ ಸಪ್ತರಾತ್ರಾಃ ।
ಸಪ್ತ ವೈ ಛನ್ದಾಂಸಿ ।
ಛನ್ದಾಂಸಿ ವೈ ಸರ್ವಾ ವಾಕ್ ।
ವಾಚಸ್ಸ ಷಶ್ವರ್ಯಮಾಧಿಪತ್ಯಂ ಗಚ್ಛತಿ ಯ ಶ್ರಿಯಮಶ್ನುತೇ ।
ವಾಚ ಷಶ್ವರ್ಯಮಾಧಿಪತ್ಯಂ ಗಚ್ಛಾನೀತಿ ।
ತಸ್ಮಾತ್ಸಪ್ತರಾತ್ರೇಣ ಯಜತೇ ।
ಸಪ್ತ ವೈ ಪ್ರಾಣಾಃ ।
ಪ್ರಾಣೈರ್ವೈ ಪ್ರಜಾಃ ಪಶವಃ ಪರಿಗೃಹೀತಾ ಉಪತಿಷ್ಠನ್ತೇ ।
ತದ್ಯೈಃ ಪ್ರಾಣೈಃ ಪ್ರಜಾಃ ಪಶವಃ ಪರಿಗೃಹೀತಾ ಉಪತಿಷ್ಠನ್ತೇ ತೈರ್ಮಾ ಪ್ರಾಣೈಃ ಪ್ರಜಾಃ ಪಶವಃ ಪರಿಗೃಹೀತಾ ಉಪತಿಷ್ಠಾನ್ತಾ ಇತಿ ।
ಪ್ರಾಣೈರ್ವೈ ದೇವಾ ಸ್ವರ್ಗಂ ಲೋಕಮಾಯನ್ ।
ತದ್ಯೈಃ ಪ್ರಾಣೈರ್ದೇವಾ ಸ್ವರ್ಗಂ ಲೋಕಮಾಯಂಸ್ತೈಃ ಪ್ರಾಣೈ ಸ್ವರ್ಗಂ ಲೋಕಮಯಾನೀತಿ ।
ಸಪ್ತ ವೈ ಮುಖ್ಯಾಃ ಪ್ರಾಣಾಃ ।
ಏತೇ ವಾ ಅಪಹತಪಾಪ್ಮಾನಃ ಪ್ರಾಣಾ ಯನ್ಮುಖ್ಯಾಃ ।
ತೇ ಯೇಽಪಹತಪಾಪ್ಮಾನಃ ಪ್ರಾಣಾಸ್ತೇಷಾಂ ಮಾತ್ರಯಾ ಯಜ್ಞಂ ತನವಾ ಇತಿ ।
ಸಪ್ತರ್ಷಯೋ ವಾ ಋದ್ಧಿಕಾಮಾಸ್ತಪೋಽತಪ್ಯನ್ತ ।
ತ ಏತಂ ಸಪ್ತರಾತ್ರಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ೩೦೧

ತೇಽಹರ್ಭಾಜ ಆಸನ್ ।
ತತೋ ವೈ ತೇಷಾಮಹ್ನೈವೈಕ ಆರ್ಧ್ನೋದಹ್ನೈಕೋಽಹ್ನೈಕಃ ।
ಸಾ ಹ ಖಲು ವೈ ಶ್ರೇಷ್ಠರ್ದ್ಧೀನಾಂ ಸ ಲೋಕಾನಾಂ ಪುಣ್ಯತಮೋ ಯಮೇತೇನ ಸಪ್ತರ್ಷಯ ಆರ್ಧ್ನುವನ್ ।
ಸಾ ಯಾ ಶ್ರೇಷ್ಠರ್ದ್ಧೀನಾಂ ಯೋ ಲೋಕಾನಾಂ ಪುಣ್ಯತಮೋ ಯಮೇತೇನ ಸಪ್ತರ್ಷಯ ಆರ್ಧ್ನುವಂಸ್ತಮೃಧ್ನವಾನೀತಿ ।
ತಸ್ಮಾತ್ಸಪ್ತರಾತ್ರೇಣ ಯಜತೇ ।
ಸಪ್ತೈತಾನ್ಯಹಾನಿ ಭವನ್ತಿ ಸಪ್ತ ಸ್ತೋಮಾಃ ।
ಅಹರೇವ ಸ್ತೋಮೋ ವಹತ್ಯಹ ಸ್ತೋಮೋಽಹ ಸ್ತೋಮಃ ।
ಸಾ ಹ ಖಲು ವಾ ಅಹ್ನಾಂ ಸಮೃದ್ಧಿರ್ಯದೇನಾನಿ ನಾನಾ ಸ್ತೋಮಾ ವಹನ್ತಿ ।
ಸಾ ಯೈವಾಹ್ನಾಂ ಸಮೃದ್ಧಿಸ್ಸೈವೈಷಾ ಕ್ರಿಯತೇ ।
ತ ಉ ಸರ್ವೇ ಸಪ್ತ ಸಂಪದ್ಯೈಕವಿಂಶಮೇವಾಭಿಸಂಪದ್ಯನ್ತೇ ತ್ರಿವೃಚ್ಚ ತ್ರಯಸ್ತ್ರಿಂಶಶ್ಚ ತೌ ದ್ವಾವೇಕವಿಂಶೌ ಪಞ್ಚದಶಶ್ಚ ತ್ರಿಣವಶ್ಚ ತೌ ದ್ವಾವೇಕವಿಂಶೌ ಸಪ್ತದಶಶ್ಚ ಪಞ್ಚವಿಂಶಶ್ಚ ತೌ ದ್ವಾವೇಕವಿಂಶಾವೇಕವಿಂಶ ಏವೈಕವಿಂಶಃ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏತಸ್ಯ ವಾ ಏತೇ ಸಲೋಕತಾಂ ಗಚ್ಛನ್ತಿ ಯೇ ಸಪ್ತರಾತ್ರಯಾಜಿನಃ ।
ಏತಮಭಿಸಂಪನ್ನ ಏಷಾಂ ಲೋಕ ಋಧ್ನೋತಿ ।
ಏತಂ ಗಚ್ಛತ್ಯೇತಸ್ಯ ಸಲೋಕತಾಂ ಯ ಏವಂ ವೇದ ೩೦೨

ತೇನ ಹೈತೇನ ಜನಕೋ ವೈದೇಹ ಇಯಕ್ಷಾಂ ಚಕ್ರೇ ।
ತಂ ಹ ಸ್ಮ ಯದ್ಬ್ರಾಹ್ಮಣಾಃ ಕುರುಪಾಞ್ಚಾಲಾ ಆಹುರನೇನ ತ್ವಾ ಯಜ್ಞೇನ ಯಾಜಯಾಮಾನೇನ ತ್ವಾ ಯಜ್ಞೇನ ಯಾಜಯಾಮೇತಿ ।
ನೇತಿ ಹ ಸ್ಮಾಹ ।
ನ ಸ ಯುಷ್ಮದ್ಬ್ರಾಹ್ಮಣೋ ಬ್ರಹ್ಮೀಯಾನಾಸೀದ್ಯೋ ಮಹ್ಯಮೇತಂ ಯಜ್ಞಕ್ರತುಂ ವ್ಯದಧಾತ್ ।
ಏತೇನೈವ ಮಾ ಯಾಜಯತೇತಿ ।
ತಥೇತಿ ।
ತೇನ ಹೈನಂ ಯಾಜಯಾಂ ಚಕ್ರುಃ ।
ಸ ವಾ ಏಷ ಪೃಷ್ಠ್ಯ ಏವ ಷಡಹಃ ಪಞ್ಚವಿಂಶಂ ಮಹಾವ್ರತಮ್ ।
ತತ ಏವ ರಾತ್ರಿಮುಪಯನ್ತಿ ।
ಶ್ರೀರ್ವೈ ವರ್ಷ್ಮ ಪೃಷ್ಠಾನಿ ।
ಶ್ರಿಯಮೇವ ತದ್ವರ್ಷ್ಮ ಪೃಷ್ಠಾನ್ಯಭ್ಯಾರೋಹತಿ ।
ಅನ್ನಂ ವೈ ಮಹಾವ್ರತಮನ್ನಾದ್ಯಸ್ಯೈವಾವರುದ್ಧ್ಯೈ ।
ತದಾಹುರ್ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮಿತಿ ।
ತದ್ಯತ್ಪೃಷ್ಠ್ಯಷ್ಷಡಹೋ ಭವತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ಸಂವತ್ಸರಾಭಿಜಿತಮೇವ ತದನ್ನಾದ್ಯಮುಪಯನ್ತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ೩೦೩

ತದಾಹುಸ್ತತ್ಸ್ಥಾನಂ ವಾ ಏತದಹೋರಾತ್ರ್! ಯಾ ಅಗ್ನಿಷ್ಟೋಮೋ ವಾ ಏತದಹರಿತಿ ।
ತದು ವಾ ಆಹುಸ್ಸಂವತ್ಸರೋ ವಾ ಏಷ ಯದಗ್ನಿಷ್ಟೋಮಃ
ಸಂವತ್ಸರಃ ಪ್ರಜಾಪತಿಃ ।
ಪ್ರಾಜಾಪತ್ಯಂ ಮಹಾವ್ರತಮೇವಾಗ್ನಿಷ್ಟೋಮಸಾಮ್ನಃ ಪಞ್ಚವಿಂಶಾನಿ ಸ್ತೋತ್ರಾಣಿ ಸ್ಯುಃ ।
ಅಥೈಕವಿಂಶೈರುಕ್ಥ್ಯೈ ರಾತ್ರಿಮುಪಾವರೋಹೇಯುರಿತಿ ।
ತಥಾ ಹೈತೌ ಯಜ್ಞಕ್ರತೂ ವ್ಯಾಕ್ರಿಯೇತೇ ।
ಅಥ ಯಸ್ಯೈತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾಃ ಪಞ್ಚಮೇಽಹನಿ ಮಹಾವ್ರತಂ ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರ ಏತೇನೋ ಹ ಕ್ರತುಃ ಕಾರೀರಾದಿರೀಜೇ ಶ್ರೀಕಾಮೋಽನ್ನಾದ್ಯಕಾಮಃ ।
ಆತ್ಮಾ ವೈ ಪೃಷ್ಠ್ಯಷ್ಷಡಹೋಽನ್ನಂ ಮಹಾವ್ರತಮ್ ।
ಸ ಮಧ್ಯತ ಏವಾತ್ಮನೋಽನ್ನಾದ್ಯಂ ಧಾಸ್ಯೇ ಸೋಽನ್ನಾದ ಶ್ರೇಷ್ಠ ಸ್ವಾನಾಂ ಭವಿಷ್ಯಾಮೀತಿ ।
ಅಥೋ ಸಂವತ್ಸರೋ ವೈ ಪೃಷ್ಠ್ಯಷ್ಷಡಹಃ ।
ತನ್ಮಾ ಸಂವತ್ಸರೇಣಾನ್ನಾದ್ಯಂ ಪರಿಗೃಹೀತಮುಪಸ್ಥಾಸ್ಯತ ಇತಿ ।
ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರೋ ಭವತಿ ।
ಶ್ರೀರ್ವೈ ವರ್ಷ್ಮ ಪೃಷ್ಠಾನಿ ।
ತದು ಶ್ರಿಯಂ ವರ್ಷ್ಮ ಪೃಷ್ಠಾನ್ಯಭ್ಯುತ್ಕ್ರಮಿಷ್ಯಾಮೀತಿ ।
ತಮು ಹ ಬ್ರಾಹ್ಮಣ ಉವಾಚ ಯಾವಜ್ಜೀವಿಷ್ಯತ್ಯನ್ನಾದ ಏವ ಶ್ರೇಷ್ಠ ಸ್ವಾನಾಂ ಭವಿಷ್ಯತಿ ವಿಶೀರ್ಷಾಸ್ತ್ವೇವ ಮರ್ತೇತಿ ।
ಶಿರೋ ವಾ ಏತದ್ಯಜ್ಞಸ್ಯ ಯನ್ಮಹಾವ್ರತಮ್ ।
ತದ್ಯಥಾ ಶಿರಶ್ಛಿತ್ವಾ ತದುಪಪಕ್ಷಯೋರುಪಗೂಹೇತ್ತದ್ವೈ ನ ಶ್ಲಿಷ್ಯತಿ ತಾದೃಗಕೃದಿತಿ ಹೋವಾಚ ।
ಜಾನನ್ತ ಏವಾಸ್ಯ ಶಿರಶ್ಛೇತ್ತಾರ ಇತಿ ।
ತದ್ಧ ತಥೈವಾಸ ।
ಯಾವದ್ಧ ಕ್ರತುಃ ಕಾರೀರಾದಿರ್ಜಿಜೀವಾನ್ನಾದ ಏವ ಶ್ರೇಷ್ಠ ಸ್ವಾನಾಮಾಸ ।
ವಿಶೀರ್ಷಾಸ್ತ್ವೇವ ಮಮಾರ ।
ಜಾನನ್ತೋ ಹ ತ್ವೇವಾಸ್ಯ ಶಿರಶ್ಚಿಚ್ಛಿದುರ್ಭಾರ್ಯಕಾಃ ।
ಸ ಹೈಷ ಕಲ್ಯಾಣ ಏವ ಯಜ್ಞಕ್ರತುರ್ಯಸ್ತ್ವೈನೇನಾನುಪದ್ರ ಷ್ಟ್ರೇ ಯಜೇತ ೩೦೪

ಅಥೈಷ ಬಬರಸಪ್ತರಾತ್ರಃ ।
ತಸ್ಯ ಸಪ್ತದಶಮೇವ ಪ್ರಥಮಮಹರಥ ತ್ರಿವೃದಥ ಪಞ್ಚದಶಮಥೈಕವಿಂಶಮಥ ತ್ರಿಣವಮಥ ತ್ರಯಸ್ತ್ರಿಂಶಂ ಜ್ಯೋತಿರತಿರಾತ್ರಃ ।
ಏತೇನೋ ಹ ಸ ಈಜೇ ಶ್ರೀಕಾಮೋಽನ್ನಾದ್ಯಕಾಮಃ ।
ಆತ್ಮಾ ವೈ ಪೃಷ್ಠ್ಯಷ್ಷಡಹ ಇತಿ ।
ಮುಖಂ ತ್ರಿವೃದನ್ನಂ ಸಪ್ತದಶಃ ।
ಸ ಪ್ರಥಮತ ಏವ ಮುಖತೋಽನ್ನಾದ್ಯಂ ಧಾಸ್ಯೇ ಸೋಽನ್ನಾದ ಶ್ರೇಷ್ಠ ಸ್ವಾನಾಂ ಭವಿಷ್ಯಾಮೀತಿ ।
ಅಥೋ ಸಂವತ್ಸರೋ ವೈ ಪೃಷ್ಠ್ಯಷ್ಷಡಹಸ್ತನ್ಮಾ ಸಂವತ್ಸರಸ್ಯ ಪುರಸ್ತಾದನ್ನಾದ್ಯಮವರುದ್ಧಮುಪಸ್ಥಾಸ್ಯತ ಇತಿ ।
ಜ್ಯೋತಿರತಿರಾತ್ರಃ ।
ಏತದ್ವೈ ಪ್ರಜ್ಞಾತಂ ದೇವತೀರ್ಥಂ ಯಜ್ಜ್ಯೋತಿರತಿರಾತ್ರಃ ।
ಸ ಉ ಪ್ರಜ್ಞಾತೇನ ದೇವತೀರ್ಥೇನಾರಿಷ್ಟೇನಾರಿಷ್ಟ ಉದೃಚಂ ಗಮಿಷ್ಯಾಮೀತಿ ತಮು ಹ ಸ್ವ ಏವಾನ್ತೇವಾಸ್ಯನುವ್ಯಾಜಹಾರ - ೩೦೫

- ಗೋವರ್ಣಃ ಖಾಲತೇಯಃ ಪಾಪೀಯಾನ್ಭವಿಷ್ಯತಿ ।
ಪ್ರಥಮತ ಏವ ಮುಖತೋಽನ್ನಾದ್ಯಮಧಿತ ।
ಯದಾ ವೈ ಮುಖಮನ್ನಂ ಪ್ರಾಪ್ನೋತಿ ತತೋ ವಾವ ತತ್ಪೂಯತಿ ಯದಿ ಪ್ರಗಿರತಿ ಪೂಯತಿ ಯದಿ ಷ್ಠೀವತಿ ಪೂಯತ್ಯಪೂಪುಯದನ್ನಾದ್ಯಂ ಪಾಪೀಯಾನ್ಭವಿಷ್ಯತೀತಿ ।
ತದ್ಧ ತಥೈವಾಸ ।
ಸ ಹ ಪಾಪೀಯಾನಾಸ ।
ತಸ್ಮೈ ಹೋಚುರ್ಯೋ ವೈ ತೇಽಯಂ ಸ್ವ ಏವಾನ್ತೇವಾಸೀ ಗೋವರ್ಣಃ ಖಾಲತೇಯಸ್ಸ ವೈ ತ್ವಾನುವ್ಯಾಹಾರ್ಷೀದಿತಿ ।
ತಂ ಹೋವಾಚ ಸ ವೈ ಮಾ ತ್ವಮನೇನ ಯಜ್ಞೇನ ಯಾಜಯೇತಿ ।
ತಥೇತಿ ಹೋವಾಚ ।
ತಂ ವೈ ತ್ವಾ ಯಥಾ ರಥಂ ವಾ ರಿಷ್ಟಂ ಸಂಸ್ಕುರ್ಯಾದನೋ ವಾ ಏವಂ ತ್ವಾ ಸಂಸ್ಕರಿಷ್ಯಾಮೀತಿ ।
ತಸ್ಯ ಹ ತ್ರಿವೃದೇವ ಪ್ರಥಮಮಹಶ್ಚಕಾರ ಅಥ ಪಞ್ಚದಶಮಥೈಕವಿಂಶಮಥ ತ್ರಿಣವಮಥ ತ್ರಯಸ್ತ್ರಿಂಶಮಥ ಸಪ್ತದಶಮಥ ಸಪ್ತದಶಮ್ ।
ದ್ವೇ ಸಪ್ತದಶೇ ಅನೂಚೀ ।
ಏತೇನೋ ಹ ಗೋವರ್ಣಃ ಖಾಲತೇಯ ಆಚಾರ್ಯಂ ಯಾಜಯಾಂ ಚಕಾರ ।
ಆತ್ಮಾ ವೈ ಪೃಷ್ಠ್ಯಷ್ಷಡಹೋಽನ್ನಂ ಸಪ್ತದಶಃ ।
ಸ ಆತ್ಮನ ಏವಾಧ್ಯೂರ್ಧ್ವೋಽನ್ನಾದ್ಯಮಭ್ಯುತ್ಕ್ರಮಿಷ್ಯತೇ ।
ತತ್ತ್ವೋಪರಿಷ್ಟಾದನ್ನಾದ್ಯಮವರುದ್ಧಮುಪಸ್ಥಾಸ್ಯತೇ ಸಪ್ತದಶಾತ್ಸಪ್ತದಶಮನ್ನಾದನ್ನಮ್ ।
ಅಭಿ ತೇ ಪ್ರಜಾನ್ನಾದೀ ಭವಿತೇತಿ ಹೋವಾಚ ೩೦೬

ಏತೇ ಬಾಬರಯಃ ಕುರುಷು ಪಣಾಯ್ಯಾ ಏವ ।
ಸ ಹ ಸ್ಮ ತದ್ದೇವಯಜನೇ ಪರಿಚರತೀದಮಯಜ ಇದಮು ನಾಯಜ ಇತಿ ।
ಅಥ ಯಸ್ಯೈತಸ್ಯ ಜ್ಯೋತಿರ್ಗೌರಾಯುರಿತಿ ತ್ರ್! ಯಹೋ ವಿಶ್ವಜಿತ್ಸರ್ವಪೃಷ್ಠ್ಯ ಉಕ್ಥ್ಯಷ್ಷೋಡಶಿಮಾಞ್ಛನ್ದೋಮಪವಮಾನಃ ಸರ್ವಸ್ತೋಮ ಉಕ್ಥ್ಯಃ ಪಞ್ಚವಿಂಶಂ ಮಹಾವ್ರತಂ ಜ್ಯೋತಿರತಿರಾತ್ರೋ ಯಃ ಕಾಮಯೇತೋಪೇತ್ಯಾಭಿಪ್ಲವಮುಪೇತ್ಯ ಪೃಷ್ಠಾನ್ಯುಪೇತ್ಯ ಛನ್ದೋಮಾನ್ಮಹಾವ್ರತಂ ಮ ಉಪೇತಂ ಸ್ಯಾದಿತಿ ಸ ಏತೇನ ಯಜೇತ ।
ಉಪೇತ್ಯ ಹೈವಾಭಿಪ್ಲವಮುಪೇತ್ಯ ಪೃಷ್ಠಾನ್ಯುಪೇತ್ಯ ಛನ್ದೋಮಾನ್ಮಹಾವ್ರತಮಸ್ಯೋಪೇತಂ ಭವತ್ಯನ್ನಂ ವೈ ಮಹಾವ್ರತಮನ್ನಾದ್ಯಸ್ಯೈವಾವರುದ್ಧ್ಯೈ ।
ತದಾಹುರ್ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮಿತಿ ।
ತದ್ಯತ್ಪೃಷ್ಠ್ಯಷ್ಷಡಹೋ ಭವತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ಸಂವತ್ಸರಾಭಿಜಿತಮೇವ ತದನ್ನಾದ್ಯಮುಪಯನ್ತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಜ್ಯೋತಿರತಿರಾತ್ರಃ ।
ಏತದ್ವೈ ಪ್ರಜ್ಞಾತಂ ದೇವತೀರ್ಥಂ ಯಜ್ಜ್ಯೋತಿರತಿರಾತ್ರಃ ।
ಪ್ರಜ್ಞಾತೇನ ದೇವತೀರ್ಥೇನಾರಿಷ್ಟೇನಾರಿಷ್ಟ ಉದೃಚಂ ಅಶ್ನವಾ ಇತಿ ೩೦೭

ಪೃಷ್ಠ್ಯಷ್ಷಡಹೋಽಥ ಯತ್ಸಪ್ತಮಮಹಸ್ತಸ್ಯ ಚತುರ್ವಿಂಶಂ ಬಹಿಷ್ಪವಮಾನಂ ತ್ರಯಸ್ತ್ರಿಂಶಾನ್ಯುತ್ತರಾಣಿ ಸ್ತೋತ್ರಾಣಿ ಪಞ್ಚವಿಂಶಂ ಮಹಾವ್ರತಂ ಚತುಸ್ತ್ರಿಂಶಮಗ್ನಿಷ್ಟೋಮಸಾಮ ।
ಆಪ್ಯತ ಇವ ವಾ ಏತದ್ಯಜ್ಞೋ ಯದೇಷ ಪೃಷ್ಠ್ಯಷ್ಷಡಹ ಆಪ್ಯತ ಇತಿ ।
ತದ್ಯತ್ಸಪ್ತಮಸ್ಯಾಹ್ನಶ್ಚತುರ್ವಿಂಶಂ ಬಹಿಷ್ಪವಮಾನಂ ಭವತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೋ ಯಜ್ಞೋ ಯಜ್ಞಮೇವೈತದ್ಯಜ್ಞಮುಖ ಆರಭನ್ತೇ ।
ಅಥೋ ಚತುರ್ವಿಂಶತ್ಯಕ್ಷರಾ ವೈ ಗಾಯತ್ರೀ ।
ಗಾಯತ್ರ್! ಯೋ ವಾ ಆಪ್ತಂ ಯಜ್ಞಕ್ರತುಂ ಪುನಸ್ತನ್ವತೇ ।
ತೇನೋ ಹ್ಯನ್ಯಾ ಗಾಯತ್ರ್! ಯಾ ಆಪ್ತಂ ಯಜ್ಞಕ್ರತುಮುದ್ಯನ್ತುಮರ್ಹತಿ ।
ತ್ರಯಸ್ತ್ರಿಂಶಾನ್ಯುತ್ತರಾಣಿ ಸ್ತೋತ್ರಾಣಿ ತ್ರಯಸ್ತ್ರಿಂಶದ್ವೈ ದೇವತಾ ದೇವತಾನಾಮೇವಾಪ್ತ್ಯೈ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಚತುಸ್ತ್ರಿಂಶಮಗ್ನಿಷ್ಟೋಮಸಾಮ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ಪ್ರಜಾಪತಿಶ್ಚತುಸ್ತ್ರಿಂಶಃ ।
ಸಪ್ರಜಾಪತಿಕಾಸ್ವೇವೈತದ್ದೇವತಾಸು ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ।
ಪೃಷ್ಠ್ಯ ಏವ ಷಡಹೋಽಥ ಯತ್ಸಪ್ತಮಮಹಸ್ತಸ್ಯ ಚತುರ್ವಿಂಶಾಃ ಪವಮಾನಾಸ್ತ್ರಯಸ್ತ್ರಿಂಶಂ ಪುನರಭ್ಯಾವರ್ತಿ ಪಞ್ಚವಿಂಶಂ ಮಹಾವ್ರತಂ ಚತುಸ್ತ್ರಿಂಶಮಗ್ನಿಷ್ಟೋಮಸಾಮ ।
ಆಪ್ಯತ ಇವ ವಾ ಏತದ್ಯಜ್ಞೋ ಯದೇಷ ಪೃಷ್ಠ್ಯಷ್ಷಡಹ ಆಪ್ಯತ ಇತಿ ।
ತದ್ಯತ್ಸಪ್ತಮಸ್ಯಾಹ್ನಶ್ಚತುರ್ವಿಂಶಾಃ ಪವಮಾನಾ ಭವನ್ತಿ ಸವನಮುಖೇ ಸವನಮುಖೇ ನೋ ಯಜ್ಞ ಆರಬ್ಧೋಽಸದಿತಿ ।
ತ್ರಯಸ್ತ್ರಿಂಶಂ ಪುನರಭ್ಯಾವರ್ತಿ ತ್ರಯಸ್ತ್ರಿಂಶದ್ವೈ ದೇವತಾ ದೇವತಾನಾಮೇವಾಪ್ತ್ಯೈ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಚತುಸ್ತ್ರಿಂಶಮಗ್ನಿಷ್ಟೋಮಸಾಮ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ಪ್ರಜಾಪತಿಶ್ಚತುಸ್ತ್ರಿಂಶಃ ।
ಸಪ್ರಜಾಪತಿಕಾಸ್ವೇವೈತದ್ದೇವತಾಸು ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ೩೦೮

ಪೃಷ್ಠ್ಯ ಏವ ಷಡಹೋಽಥ ಯತ್ಸಪ್ತಮಮಹಸ್ತತ್ಸರ್ವಮೇವ ಚತುರ್ವಿಂಶಂ ಪಞ್ಚವಿಂಶಂ ಮಹಾವ್ರತಂ ಚತುಸ್ತ್ರಿಂಶಮಗ್ನಿಷ್ಟೋಮಸಾಮ ।
ಆಪ್ಯತ ಇವ ವಾ ಏತದ್ಯಜ್ಞೋ ಯದೇಷ ಪೃಷ್ಠ್ಯಷ್ಷಡಹ ಆಪ್ಯತ ಇತಿ ।
ತದ್ಯತ್ಸಪ್ತಮಮಹಸ್ಸರ್ವಮೇವ ಚತುರ್ವಿಂಶಂ ಭವತಿ ಸರ್ವೇಣೈವಾಹ್ನಾ ಯಜ್ಞ ಆರಬ್ಧೋಽಸದಿತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಚತುಸ್ತ್ರಿಂಶಮಗ್ನಿಷ್ಟೋಮಸಾಮ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ಪ್ರಜಾಪತಿಶ್ಚತುಸ್ತ್ರಿಂಶಃ ।
ಸಪ್ರಜಾಪತಿಕಾಸ್ವೇವೈತದ್ದೇವತಾಸು ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ।
ಪೃಷ್ಠ್ಯ ಏವ ಷಡಹೋಽಥ ಯತ್ಸಪ್ತಮಮಹಸ್ತಸ್ಯ ಛನ್ದೋಮಾಃ ಪವಮಾನಾಶ್ಚತುಸ್ತ್ರಿಂಶಂ ಪುನರಭ್ಯಾವರ್ತಿ ಪಞ್ಚವಿಂಶಂ ಮಹಾವ್ರತಂ ತ್ರಯಸ್ತ್ರಿಂಶಮಗ್ನಿಷ್ಟೋಮಸಾಮ ।
ಯಃ ಕಾಮಯೇತೋಪೇತ್ಯ ಪೃಷ್ಠಾನ್ಯುಪೇತ್ಯ ಛನ್ದೋಮಾನ್ಮಹಾವ್ರತಂ ಮ ಉಪೇತಂ ಸ್ಯಾದಿತಿ ಸ ಏತೇನ ಯಜೇತ ।
ಉಪೇತ್ಯ ಹೈವ ಪೃಷ್ಠಾನ್ಯುಪೇತ್ಯ ಛನ್ದೋಮಾನ್ಮಹಾವ್ರತಮಸ್ಯೋಪೇತಂ ಭವತ್ಯನ್ನಂ ವೈ ಮಹಾವ್ರತಮನ್ನಾದ್ಯಸ್ಯೈವಾವರುದ್ಧ್ಯೈ ।
ಚತುಸ್ತ್ರಿಂಶಂ ಪುನರಭ್ಯಾವರ್ತಿ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ಪ್ರಜಾಪತಿಶ್ಚತುಸ್ತ್ರಿಂಶಃ ।
ಸಪ್ರಜಾಪತಿಕಾಸ್ವೇವೈತದ್ದೇವತಾಸು ಪ್ರತಿತಿಷ್ಠತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ತ್ರಯಸ್ತ್ರಿಂಶಮಗ್ನಿಷ್ಟೋಮಸಾಮ ತ್ರಯಸ್ತ್ರಿಂಶದ್ವೈ ದೇವತಾ ದೇವತಾನಾಮೇವಾಪ್ತ್ಯೈ ೩೦೯

ಅಥೈತೌ ಸಂಸಙ್ಗ್ಯೌ ।
ಜಮದಗ್ನಿರ್ಹ ವೈ ಮಾಹೇನಾನಾಂ ಪುರೋಹಿತ ಆಸ ।
ತಾನ್ಹ ವಿತ್ತೇನಾತ್ಯಾದಧೌ ।
ತ ಉ ಹೈನಮುಪಜಿಹಿಂಸುಃ ।
ಸ ಹೇಕ್ಷಾಂ ಚಕ್ರೇ ಕಥಂ ನ್ವಹಮೇಷಾಂ ಸಪ್ತ ಸಪ್ತೈಕಾಹನಿ ಗ್ರಾಮ್ಯಾಣಾಂ ಪಶೂನಾಂ ಹನ್ಯಾಮಿತಿ ।
ಸ ಏತೌ ಯಜ್ಞಾವಪಶ್ಯತ್ ।
ತಾವಾಹರತ ।
ತಾಭ್ಯಾಮಯಜತ ।
ತತೋ ವೈ ಸ ತೇಷಾಂ ಸಪ್ತ-ಸಪ್ತೈಕಾಹನಿ ಗ್ರಾಮ್ಯಾಣಾಂ ಪಶೂನಾಮಹನ್ ।
ಸ ವಾ ಏಷೋಽಛಿದ್ರೋ ವಜ್ರಃ ।
ತಾನ್ಹ ಸ್ಮೈತೇನೈವಾಛಿದ್ರೇ ಣ ವಜ್ರೇಣೋಪಪ್ರವರ್ತಯತಿ ।
ತದ್ಯಥಾ ಮತ್ಯೇನ ತಿಲಾಂಸ್ತೃಂಹ್ಯಾದೇವಂ ಹ ಸ್ಮೈವೈನಾಂಸ್ತತ್ತೃಢಾನಪೋಪ್ತಾನಭಿವ್ಯುಚ್ಛತಿ ।
ಸ ಯೋ ಭ್ರಾತೃವ್ಯವಾನ್ಸ್ಯಾದ್ಯೋಽಭಿಚರೇದ್ಯ ಸ್ಪರ್ಧೇತ ಸ ಏತಾಭ್ಯಾಂ ಯಜೇತ ।
ಏತೇನೈವಾಛಿದ್ರೇ ಣ ವಜ್ರೇಣ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಸ್ತೃಣುತೇ ।
ಅಥೋ ಆಹುಃ ಪ್ರಜಾಕಾಮ ಏವಾಭ್ಯಾಂ ಯಜೇತೇತಿ ।
ಸ್ತೋಮೋ ವಾ ಏತತ್ಸ್ತೋಮೇನ ಸಂಸಕ್ತೋ ಭವತಿ ಸಂಸಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ಪ್ರಜಾತ್ಯಾ ಏವ ।
ಅಥೈತತ್ಸಪ್ತದಶಂ ಸಪ್ತಮಮಹರ್ಭವತಿ ।
ತಸ್ಮಿನ್ಮಹಾವ್ರತಮುಪಯನ್ತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಅನ್ನಂ ಮಹಾವ್ರತಂ ಸ್ವ ಏವ ತದಾಯತನೇ ಪ್ರಜಾಪತಿಮನ್ನಾದ್ಯೇನ ಸಮರ್ಧಯನ್ತಿ ೩೧೦

ಅಥೈತೇಽಷ್ಟರಾತ್ರಾಃ ।
ಬೃಹಸ್ಪತಿರ್ವಾ ಅಕಾಮಯತ ತೇಜಸ್ವೀ ಬ್ರಹ್ಮವರ್ಚಸೀ ಸ್ಯಾಂ ಯಶೋ ದೇವೇಷು ಗಚ್ಛೇಯಮಿತಿ ।
ಸ ಏತಮಷ್ಟರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ತೇಜಸ್ವೀ ಬ್ರಹ್ಮವರ್ಚಸ್ಯಭವದ್ಯಶೋ ದೇವೇಷ್ವಗಚ್ಛತ್ ।
ಯಶೋ ಹ್ಯೇಷ ತದಗಚ್ಛದ್ಯದೇಷಾಂ ಪುರೋಧಾಮಾಶ್ನುತ ।
ತೇಜಸ್ವೀ ಬ್ರಹ್ಮವರ್ಚಸೀ ಭವತಿ ಯಶೋ ದೇವೇಷು ಗಚ್ಛತಿ ಯ ಏವಂ ವೇದ ।
ಅಥೋ ಆಹುರಾಯುಷ್ಕಾಮ ಏವೈನೇನ ಯಜೇತೇತಿ ।
ಪ್ರಾಣೋ ವೈ ಗಾಯತ್ರೀ ।
ಗಾಯತ್ರೀಮೇಷ ಯಜ್ಞೋಽಭಿ ಸಂಪನ್ನಃ ।
ತಸ್ಮಾದು ಹೈನೇನಾಯುಷ್ಕಾಮೋ ಯಜೇತ ।
ಅಥೋ ಆಹುಃ ಪಶುಕಾಮ ಏವೈನೇನ ಯಜೇತೇತಿ ।
ಅಷ್ಟಾಕ್ಷರಾ ವೈ ಗಾಯತ್ರೀ ।
ಅಷ್ಟಾಶಫಾಃ ಪಶವಃ ।
ಪಶವೋ ಗಾಯತ್ರೀ ।
ಗಾಯತ್ರೀಮೇಷ ಯಜ್ಞೋಽಭಿ ಸಂಪನ್ನಃ ।
ತಸ್ಮಾದು ಹೈನೇನ ಪಶುಕಾಮೋ ಯಜೇತ ।
ಪ್ರಜಾಪತಿರ್ವಾ ಅಕಾಮಯತಾಸ್ಮಾಲ್ಲೋಕಾದಮುಂ ಲೋಕಂ ಗಚ್ಛೇಯಮಿತಿ ।
ಸ ಏತಮಷ್ಟರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸೋಽಸ್ಮಾಲ್ಲೋಕಾದಮುಂ ಲೋಕಮಾಷ್ಟ ।
ಯದಸ್ಮಾಲ್ಲೋಕಾದಮುಂ ಲೋಕಮಾಷ್ಟ ತದಷ್ಟರಾತ್ರಾಣಾಮಷ್ಟರಾತ್ರತ್ವಮ್ ।
ಅಷ್ಟೇ ಹಾಸ್ಮಾಲ್ಲೋಕಾದಮುಂ ಲೋಕಂ ಯ ಏವಂ ವೇದ ।
ತದಾಹುಃ ಕಿಮನ್ವಷ್ಟರಾತ್ರ ಇತಿ ।
ದಿಶ ಇತಿ ಬ್ರೂಯಾತ್ ।
ದಿಶೋ ಹ ವಾ ಅನ್ವಷ್ಟರಾತ್ರಃ ।
ಚತಸ್ರೋ ದಿಶಶ್ಚತ್ವಾರೋಽವಾನ್ತರದೇಷಾಃ ।
ಊರ್ಧ್ವಾ ದಿಙ್ನವಮೀ ।
ಅಷ್ಟಾವೇತಾನ್ಯಹಾನಿ ಭವನ್ತಿ ರಾತ್ರಿರ್ನವಮೀ ।
ದಿಶ ಏವೈತೇನರ್ಧ್ನೋತಿ ದಿಕ್ಷು ಪ್ರತಿಷ್ಠಾಯ ಸ್ವರ್ಗಂ ಲೋಕಮೇತಿ ೩೧೧

ಅಥ ಯಸ್ಯೈತಸ್ಯ ಜ್ಯೋತಿರಗ್ನಿಷ್ಟೋಮಃ ಪೃಷ್ಠ್ಯಷ್ಷಡಹೋ ಜ್ಯೋತಿರಗ್ನಿಷ್ಟೋಮೋ ಯಃ ಕಾಮಯೇತ ತೇಜಸ್ವೀ ಬ್ರಹ್ಮವರ್ಚಸ್ಯಸ್ಮಿಁ ಲ್ಲೋಕೇ ಸ್ಯಾಂ ಗಚ್ಛೇಯಂ ಸ್ವರ್ಗಂ ಲೋಕಂ ತೇಜಸ್ವೀ ಬ್ರಹ್ಮವರ್ಚಸ್ಯಮುಷ್ಮಿಁ ಲ್ಲೋಕೇ ಸ್ಯಾಮಿತಿ ಸ ಏತೇನ ಯಜೇತ ।
ತದ್ಯತ್ಪುರಸ್ತಾಜ್ಜ್ಯೋತಿರಗ್ನಿಷ್ಟೋಮೋ ಭವತಿ ತೇಜೋ ವೈ ಬ್ರಹ್ಮವರ್ಚಸಂ ಜ್ಯೋತಿರಗ್ನಿಷ್ಟೋಮಸ್ತೇನೈವಾಸ್ಮಿಁ ಲ್ಲೋಕೇ ತೇಜಸ್ವೀ ಬ್ರಮವರ್ಚಸೀ ಭವತಿ ।
ಪೃಷ್ಠ್ಯಷ್ಷಡಹೋ ಭವತಿ ಸ್ವರ್ಗೋ ವೈ ಲೋಕಃ ಪೃಷ್ಠ್ಯಷ್ಷಡಹ ಸ್ವರ್ಗಮೇವೈತೇನ ಲೋಕಂ ಗಚ್ಛತಿ ।
ಜ್ಯೋತಿರಗ್ನಿಷ್ಟೋಮ ಉಪರಿಷ್ಟಾದ್ಭವತಿ ತೇಜೋ ವೈ ಬ್ರಹ್ಮವರ್ಚಸಂ ಜ್ಯೋತಿರಗ್ನಿಷ್ಟೋಮಸ್ತೇನೈವಾಮುಷ್ಮಿಁ ಲ್ಲೋಕೇ ಬ್ರಹ್ಮವರ್ಚಸೀ ಭವತಿ ।
ಅಥ ಯಸ್ಯೈತಸ್ಯ ಜ್ಯೋತಿರತಿರಾತ್ರಃ ಪೃಷ್ಠ್ಯಷ್ಷಡಹೋ ಜ್ಯೋತಿರತಿರಾತ್ರೋ ಯಃ ಕಾಮಯೇತ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠೇಯಂ ಗಚ್ಛೇಯಂ ಸ್ವರ್ಗಂ ಲೋಕಂ ಪ್ರತ್ಯಮುಷ್ಮಿಁ ಲ್ಲೋಕೇ ತಿಷ್ಠೇಯಮಿತಿ ಸ ಏತೇನ ಯಜೇತ ।
ತದ್ಯತ್ಪುರಸ್ತಾಜ್ಜ್ಯೋತಿರತಿರಾತ್ರೋ ಭವತ್ಯೇಷಾ ವೈ ಕೃತ್ಸ್ನಾ ಪ್ರತಿಷ್ಠಾ ಯಜ್ಜ್ಯೋತಿರತಿರಾತ್ರಸ್ತೇನೈವಾಸ್ಮಿಁ ಲ್ಲೋಕೇ ಪ್ರತಿತಿಷ್ಠತಿ ।
ಪೃಷ್ಠ್ಯಷ್ಷಡಹೋ ಭವತಿ ಸ್ವರ್ಗೋ ವೈ ಲೋಕಃ ಪೃಷ್ಠ್ಯಷ್ಷಡಹ ಸ್ವರ್ಗಮೇವೈತೇನ ಲೋಕಂ ಗಚ್ಛತಿ ।
ಜ್ಯೋತಿರತಿರಾತ್ರ ಉಪರಿಷ್ಟಾದ್ಭವತ್ಯೇಷ ವೈ ಕೃತ್ಸ್ನಾ ಪ್ರತಿಷ್ಠಾ ಯಜ್ಜ್ಯೋತಿರತಿರಾತ್ರಸ್ತೇನೈವಾಮುಷ್ಮಿಁ ಲ್ಲೋಕೇ ಪ್ರತಿತಿಷ್ಠತಿ ೩೧೨

ಅಥ ಯಸ್ಯೈತಸ್ಯ ಜ್ಯೋತಿರಗ್ನಿಷ್ಟೋಮಃ ಪೃಷ್ಠ್ಯಷ್ಷಡಹೋ ಜ್ಯೋತಿರತಿರಾತ್ರೋ ಯಃ ಕಾಮಯೇತ ತೇಜಸ್ವೀ ಬ್ರಹ್ಮವರ್ಚಸ್ಯಸ್ಮಿಁ ಲ್ಲೋಕೇ ಸ್ಯಾಂ ಗಚ್ಛೇಯಂ ಸ್ವರ್ಗಂ ಲೋಕಂ ಪ್ರತ್ಯಮುಷ್ಮಿಁ ಲ್ಲೋಕೇ ತಿಷ್ಠೇಯಮಿತಿ ಸ ಏತೇನ ಯಜೇತ ।
ತದ್ಯತ್ಪುರಸ್ತಾಜ್ಜ್ಯೋತಿರಗ್ನಿಷ್ಟೋಮೋ ಭವತಿ ತೇಜೋ ವೈ ಬ್ರಹ್ಮವರ್ಚಸಂ ಜ್ಯೋತಿರಗ್ನಿಷ್ಟೋಮಸ್ತೇನೈವಾಸ್ಮಿಁ ಲ್ಲೋಕೇ ತೇಜಸ್ವೀ ಬ್ರಮವರ್ಚಸೀ ಭವತಿ ।
ಪೃಷ್ಠ್ಯಷ್ಷಡಹೋ ಭವತಿ ಸ್ವರ್ಗೋ ವೈ ಲೋಕಃ ಪೃಷ್ಠ್ಯಷ್ಷಡಹ ಸ್ವರ್ಗಮೇವೈತೇನ ಲೋಕಂ ಗಚ್ಛತಿ ।
ಜ್ಯೋತಿರತಿರಾತ್ರ ಉಪರಿಷ್ಟಾದ್ಭವತಿ ಏಷಾ ವೈ ಕೃತ್ಸ್ನಾ ಪ್ರತಿಷ್ಠಾ ಯಜ್ಜ್ಯೋತಿರತಿರಾತ್ರಸ್ತೇನೈವಾಮುಷ್ಮಿಁ ಲ್ಲೋಕೇ ಪ್ರತಿತಿಷ್ಠತಿ ।
ಅಥ ಯಸ್ಯೈತಸ್ಯ ಜ್ಯೋತಿರತಿರಾತ್ರಃ ಪೃಷ್ಠ್ಯಷ್ಷಡಹೋ ಜ್ಯೋತಿರಗ್ನಿಷ್ಟೋಮೋ ಯಃ ಕಾಮಯೇತ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠೇಯಂ ಗಚ್ಛೇಯಂ ಸ್ವರ್ಗಂ ಲೋಕಂ ತೇಜಸ್ವೀ ಬ್ರಹ್ಮವರ್ಚಸ್ಯಮುಷ್ಮಿಁ ಲ್ಲೋಕೇ ಸ್ಯಾಮಿತಿ ಸ ಏತೇನ ಯಜೇತ ।
ತದ್ಯತ್ಪುರಸ್ತಾಜ್ಜ್ಯೋತಿರತಿರಾತ್ರೋ ಭವತ್ಯೇಷಾ ವೈ ಕೃತ್ಸ್ನಾ ಪ್ರತಿಷ್ಠಾ ಯಜ್ಜ್ಯೋತಿರತಿರಾತ್ರಸ್ತೇನೈವಾಸ್ಮಿಁ ಲ್ಲೋಕೇ ಪ್ರತಿತಿಷ್ಠತಿ ।
ಪೃಷ್ಠ್ಯಷ್ಷಡಹೋ ಭವತಿ ಸ್ವರ್ಗೋ ವೈ ಲೋಕಃ ಪೃಷ್ಠ್ಯಷ್ಷಡಹ ಸ್ವರ್ಗಮೇವೈತೇನ ಲೋಕಂ ಗಚ್ಛತಿ ।
ಜ್ಯೋತಿರಗ್ನಿಷ್ಟೋಮ ಉಪರಿಷ್ಟಾದ್ಭವತಿ ತೇಜೋ ವೈ ಬ್ರಹ್ಮವರ್ಚಸಂ ಜ್ಯೋತಿರಗ್ನಿಷ್ಟೋಮಸ್ತೇನೈವಾಮುಷ್ಮಿಁ ಲ್ಲೋಕೇ ತೇಜಸ್ವೀ ಬ್ರಹ್ಮವರ್ಚಸೀ ಭವತಿ ೩೧೩

ಅಥೈಷ ಪೃಷ್ಠ್ಯಷ್ಷಡಹಃ ಪಞ್ಚವಿಂಶಂ ಮಹಾವ್ರತಂ ಸರ್ವಸ್ತೋಮೋಽತಿರಾತ್ರಃ ।
ಅನ್ನಾದ್ಯಕಾಮೋ ಹೈತೇನ ಯಜೇತ ।
ತದಾಹುರ್ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮಿತಿ ।
ತದ್ಯತ್ಪೃಷ್ಠ್ಯಷ್ಷಡಹೋ ಭವತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ಸಂವತ್ಸರಾಭಿಜಿತಮೇವ ತದನ್ನಾದ್ಯಮುಪಯನ್ತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ।
ಅಥ ಯಸ್ಯೈತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾಶ್ಚತುರ್ವಿಂಶಮಹರ್ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರೋ ಯಃ ಕಾಮಯೇತ ಪರೋಕ್ಷೋಪೇತಂ ಮೇ ಮಹಾವ್ರತಂ ಸ್ಯಾದಿತಿ ಸ ಏತೇನ ಯಜೇತ ।
ತದ್ಯಚ್ಚತುರ್ವಿಂಶಮಹರ್ಭವತಿ ತೇನೈವಾಸ್ಯ ಪರೋಕ್ಷೋಪೇತಂ ಮಹಾವ್ರತಂ ಭವತಿ ।
ಯದ್ವೇವ ತತ್ರ ಹಿಂಕಾರೋ ವಾ ಪ್ರಸ್ತಾವೋ ವಾ ಪ್ರತಿಹಾರೋ ವಾ ಕಿಞ್ಚಿದ್ಭವತಿ ತೇನೈವಾಸ್ಯ ಪಞ್ಚವಿಂಶ್ಯುಪಾಪ್ತಾ ಭವತಿ ।
ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರೋ ಭವತಿ ।
ಶ್ರೀರ್ವೈ ವರ್ಷ್ಮ ಪೃಷ್ಠಾನಿ ।
ಶ್ರಿಯಮೇವ ತದ್ವರ್ಷ್ಮ ಪೃಷ್ಠಾನ್ಯಭ್ಯಾರೋಹನ್ತಿ ೩೧೪

ಅಥ ಯಸ್ಯೈತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಜ್ಯೋತಿರಗ್ನಿಷ್ಟೋಮೋ ಮಧ್ಯೇ ಭವತಿ ಜ್ಯೋತಿರತಿರಾತ್ರ ಉಪರಿಷ್ಟಾದ್ಯಃ ಕಾಮಯೇತಾ ಮೇ ಬ್ರಹ್ಮವರ್ಚಸೀ ಪ್ರಜಾಯಾಂ ಜಾಯೇತೇತಿ ಸ ಏತೇನ ಯಜೇತ ।
ಆತ್ಮ ವೈ ಪೃಷ್ಠ್ಯಷ್ಷಡಹಃ ।
ತೇಜೋ ವೈ ಬ್ರಹ್ಮವರ್ಚಸಂ ಜ್ಯೋತಿರಗ್ನಿಷ್ಟೋಮಃ ।
ಮಧ್ಯತ ಉ ವಾ ಆತ್ಮನಃ ಪ್ರಜನನಮ್ ।
ತದ್ಯನ್ಮಧ್ಯೇ ಜ್ಯೋತಿರಗ್ನಿಷ್ಟೋಮೋ ಭವತಿ ಮಧ್ಯತ ಏವೈತದಾತ್ಮನೋ ಜ್ಯೋತಿರ್ಧತ್ತ ಆ ಹಾಸ್ಯ ಬ್ರಹ್ಮವರ್ಚಸೀ ಪ್ರಜಾಯಾಂ ಜಾಯತೇ ।
ಜ್ಯೋತಿರತಿರಾತ್ರ ಉಪರಿಷ್ಟಾದೇತದ್ವೈ ಪ್ರಜ್ಞಾತಂ ದೇವತೀರ್ಥಂ ಯಜ್ಜ್ಯೋತಿರತಿರಾತ್ರಃ ಪ್ರಜ್ಞಾತೇನ ದೇವತೀರ್ಥೇನಾರಿಷ್ಟೇನಾರಿಷ್ಟಾ ಉದೃಚಮಶ್ನವಾಮಹಾ ಇತಿ ।
ಅಥ ಯಸ್ಯೈತಸ್ಯ ವಿಶ್ವಜಿದಭಿಜಿತಾವಗ್ನಿಷ್ಟೋಮಾವಭಿತೋ ಭವತ ಉಭಯತೋ ಜ್ಯೋತಿಷ್ಷಡಹೋ ಮಧ್ಯೇ ಪಶುಕಾಮೋ ಹೈತೇನ ಯಜೇತ ।
ಚತ್ವಾರ ಏತೇ ಮಧ್ಯ ಉಕ್ಥ್ಯಾ ಭವನ್ತಿ ।
ಪಶವೋ ವಾ ಉಕ್ಥಾನಿ ।
ತೇಷಾಂ ಸಹಸ್ರಂ ಸ್ತೋತ್ರಿಯಾಃ ।
ಚತ್ವಾರ ಉ ವೈತೇಽಗ್ನಿಷ್ಟೋಮಾ ಅಭಿತೋ ಭವನ್ತಿ ।
ಬ್ರಹ್ಮ ವೈ ಜ್ಯೋತಿರಗ್ನಿಷ್ಟೋಮಃ ।
ಬ್ರಹ್ಮಣೈವ ತದುಭಯತಃ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಈಶ್ವರೋ ಹ ತು ಯಾದೃಶ ಏವ ಸನ್ಯಜತೇ ತಾದೃಙ್ಭವಿತೋಃ ।
ಸ ಯದೈವಾನ್ತಗತ ಇವ ಶ್ರಿಯೈ ಮನ್ಯೇತಾಥ ಹೈನೇನ ಯಜೇತ ।
ಇಷ್ಟ್ವಾ ಹೈವ ಸ್ವರ್ಗಂ ಲೋಕಂ ಏತಿ ೩೧೫

ಅಥೈತೇ ನವರಾತ್ರಾಃ ।
ತೇಜಸ್ಕಾಮೋ ಹೈತೇನ ಯಜೇತ ಯನ್ನವರಾತ್ರಃ ।
ತೇಜೋ ವೈ ತ್ರಿವೃತ್ಸ್ತೋಮಃ ।
ತ್ರಿವೃತಮೇಷ ಸ್ತೋಮಂ ಯಜ್ಞೋಽಭಿಸಂಪನ್ನಃ ।
ತಸ್ಮಾದು ಹೈನೇನ ತೇಜಸ್ಕಾಮೋ ಯಜೇತ ।
ಅಥೋ ಆಹುರ್ಬ್ರಹ್ಮವರ್ಚಸಕಾಮ ಏವೈನೇನ ಯಜೇತೇತಿ ।
ಬ್ರಹ್ಮ ವೈ ತ್ರಿವೃತ್ಸ್ತೋಮಃ ।
ತ್ರಿವೃತಮೇಷ ಸ್ತೋಮಂ ಯಜ್ಞೋಽಭಿಸಂಪನ್ನಃ ।
ತಸ್ಮಾದು ಹೈನೇನ ಬ್ರಹ್ಮವರ್ಚಸಕಾಮೋ ಯಜೇತ ।
ಅಥೋ ಆಹುರಾಯುಷ್ಕಾಮ ಏವೈನೇನ ಯಜೇತೇತಿ ।
ಪ್ರಾಣೋ ವೈ ತ್ರಿವೃತ್ಸ್ತೋಮಃ ।
ನವೈತಾನ್ಯಹಾನಿ ಭವನ್ತಿ ರಾತ್ರಿರ್ದಶಮೀ ।
ನವ ಪುರುಷೇ ಪ್ರಾಣಾ ನಾಭಿರ್ದಶಮೀ ।
ಪ್ರಾಣಾನೇವೈತೇನಾಭಿಜಯತಿ ಪ್ರಾಣಾನಾಪ್ನೋತಿ ।
ತದಾಹುಃ ಕಿಮನು ನವರಾತ್ರ ಇತಿ ।
ದಿಶ ಇತಿ ಬ್ರೂಯಾತ್ ।
ದಿಶೋ ಹ ವಾ ಅನು ನವರಾತ್ರಃ ।
ಚತಸ್ರೋ ದಿಶಶ್ಚತ್ವಾರೋಽವಾನ್ತರದೇಶಾ ಊರ್ಧ್ವಾ ದಿಙ್ನವಮ್ಯರ್ವಾಚೀ ದಶಮೀ ।
ದಿಶ ಏವೈತೇನರ್ಧ್ನೋತಿ ।
ದಿಕ್ಷು ಪ್ರತಿಷ್ಠಾಯ ಸ್ವರ್ಗಂ ಲೋಕಮೇತಿ ೩೧೬

ಅಥ ಯಸ್ಯೈತಸ್ಯ ಜ್ಯೋತಿರ್ಗೌರಾಯುರಿತಿ ತ್ರ್! ಯಹೋ ಜ್ಯೋತಿರ್ಗೌರಾಯುರಿತಿ ತ್ರ್! ಯಹೋ ಜ್ಯೋತಿರ್ಗೌರಾಯುರತಿರಾತ್ರೋ ಯಃ ಕಾಮಯೇತ ಅನನ್ತರ್ಹಿತಾನಿಮಾಁ ಲ್ಲೋಕಾನಭ್ಯಾರೋಹೇಯಮಿತಿ ಸ ಏತೇನ ಯಜೇತ ।
ತದ್ಯಜ್ಜ್ಯೋತಿರ್ಗೌರಾಯುರಿತಿ ತ್ರ್! ಯಹೋ ಭವತ್ಯಯಂ ವೈ ಲೋಕೋ ಜ್ಯೋತಿರಯಂ ಗೌರಸಾವಾಯುರನನ್ತರ್ಹಿತಾನೇವೈತೇನೇಮಾಁ ಲ್ಲೋಕಾನಭ್ಯಾರೋಹತಿ ।
ಅತಿರಾತ್ರಾವನುತ್ತಮಸ್ತ್ರ್! ಯಹೋ ಭವತಿ ।
ಏವಂವಿಧಾ ಇವ ವಾ ಇಮೇ ಲೋಕಾ ಅಗ್ನಿಷ್ಟೋಮ ಇವಾಯಂ ಲೋಕ ಉಕ್ಥ್ಯ ಇವಾಯಮತಿರಾತ್ರ ಇವಾಸೌ ।
ತದ್ಯಥಾವಿಧಾ ಇಮೇ ಲೋಕಾ ಏವಮೇವೈನಾನೇತದಭ್ಯಾರೋಹನ್ನೇತಿ ।
ಅಥ ಯಸ್ಯೈತಸ್ಯ ಜ್ಯೋತಿರ್ಗೌರಾಯುರತಿರಾತ್ರೋ ಜ್ಯೋತಿರ್ಗೌರಾಯುರತಿರಾತ್ರೋ ಜ್ಯೋತಿರ್ಗೌರಾಯುರತಿರಾತ್ರೋ ಯ ಉ ಏವ ಕಾಮಯೇತ ಅನನ್ತರ್ಹಿತಾನಿಮಾಁ ಲ್ಲೋಕಾನಭ್ಯಾರೋಹೇಯಮಿತಿ ಸ ಏತೇನ ಯಜೇತ ।
ತದ್ಯಜ್ಜ್ಯೋತಿರ್ಗೌರಾಯುರತಿರಾತ್ರೋ ಭವತ್ಯಯಂ ವೈ ಲೋಕೋ ಜ್ಯೋತಿರಯಂ ಗೌರಸಾವಾಯುರನನ್ತರ್ಹಿತಾನೇವೈತೇನೇಮಾಁ ಲ್ಲೋಕಾನಭ್ಯಾರೋಹತಿ ।
ಅತಿರಾತ್ರವನ್ತಸ್ತ್ರ್! ಯಹಾ ಭವನ್ತಿ ।
ಅಥೋ ಏವಂವಿಧಾ ಇವ ವಾ ಇಮೇ ಲೋಕಾ ಅಗ್ನಿಷ್ಟೋಮ ಇವಾಯಂ ಲೋಕ ಉಕ್ಥ್ಯ ಇವಾಯಮತಿರಾತ್ರ ಇವಾಸೌ ।
ತದ್ಯಥಾವಿಧಾ ಇಮೇ ಲೋಕಾ ಏವಮೇವೈನಾನೇತದಭ್ಯಾರೋಹನ್ನೇತಿ ೩೧೭

ತ್ರಯೋ ಹ ವಾ ಏಷಾಂ ಲೋಕಾನಾಂ ವಿಷುವನ್ತೋಽಗ್ನಿರ್ವಾ ಅಸ್ಯ ಲೋಕಸ್ಯ ವಿಷುವಾನ್ವಾಯುರನ್ತರಿಕ್ಷಸ್ಯ ಆದಿತ್ಯೋ ದಿವಃ ।
ತಾನೇವೈತೇನಾತಿತರತಿ ।
ತ್ರ್! ಯನೀಕೋ ಭವತ್ಯೈನ್ದ್ರೋ ವಿಜಿತ್ಯೈ ।
ತ್ರ್! ಯನೀಕೇನ ವೈ ದೇವಸದನೇನ ದೇವಾ ಅಸುರಾನಜಯನ್ ।
ತಸ್ಮಾದ್ಯಾ ಅಪ್ಯೇತರ್ಹಿ ತ್ರ್! ಯನೀಕಾ ಸೇನಾ ಭವತಿ ಜಯತ್ಯೇವ ।
ತದ್ಯಥಾ ತ್ರ್! ಯನೀಕಯಾ ಸೇನಯಾ ಜೇಷ್ಯನ್ತ್ಯೋಪಪ್ರೇಯಾದೇವಮೇವೈತೇನ ಜೇಷ್ಯನ್ಸ್ವರ್ಗಂ ಲೋಕಮುಪಪ್ರೈತಿ ಜಯತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಅಥ ಯಸ್ಯೈತಸ್ಯ ಜ್ಯೋತಿರತಿರಾತ್ರಃ ಪೃಷ್ಠ್ಯಷ್ಷಡಹಃ ಪಞ್ಚವಿಂಶಂ ಮಹಾವ್ರತಂ ಜ್ಯೋತಿರತಿರಾತ್ರೋಽನ್ನಾದ್ಯಕಾಮೋ ಹೈತೇನ ಯಜೇತ ।
ತದಾಹುರ್ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮಿತಿ ।
ತದ್ಯತ್ಪೃಷ್ಠ್ಯಷ್ಷಡಹೋ ಭವತ್ಯೃತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ಸಂವತ್ಸರಾಭಿಜಿತಮೇವ ತದನ್ನಾದ್ಯಮುಪಯನ್ತಿ ।
ಪಞ್ಚವಿಂಶಂ ಮಹಾವ್ರತಮನ್ನಂ ವೈ ಪಞ್ಚವಿಂಶಮನ್ನಾದ್ಯಸ್ಯೈವಾವರುದ್ಧ್ಯೈ ।
ಜ್ಯೋತಿರತಿರಾತ್ರ ಏತದ್ವೈ ಪ್ರಜ್ಞಾತಂ ದೇವತೀರ್ಥಂ ಯಜ್ಜ್ಯೋತಿರತಿರಾತ್ರಃ ।
ಪ್ರಜ್ಞಾತೇನ ದೇವತೀರ್ಥೇನಾರಿಷ್ಟೇನಾರಿಷ್ಟ ಉದೃಚಂ ಅಶ್ನವಾ ಇತಿ ೩೧೮

ತದ್ವೇತಸ್ಯ ಪರಿಚಕ್ಷತೇ ಯದೇನತ್ಸತ್ರಮೇವ ಮನ್ಯನ್ತೇ ಸತ್ರಂ ಹ ಸ್ಮೈತತ್ಪುರೋಪಯನ್ತಿ ।
ಅನೇನ ಹ ತ್ವಾವ ಸತ್ರಿಯಾಶ್ಚ ದಕ್ಷಿಣಾವನ್ತಶ್ಚ ಸ್ತೋಮಾ ವಿಜ್ಞಾಯನ್ತೇ ।
ಉಭಯತೋಽತಿರಾತ್ರಾ ಏವ ಸತ್ರಿಯಾ ಅನ್ಯತರತೋಽತಿರಾತ್ರಾ ದಕ್ಷಿಣಾವನ್ತಃ ।
ಸ ಯ ಏನೇನ ದಕ್ಷಿಣಾವತಾ ಯಜೇತ ಪುರಸ್ತಾದಗ್ನಿಷ್ಟೋಮಂ ಕೃತ್ವಾ ಯಜೇತ ।
ಅಥ ಯಸ್ಯೈತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾಃ ಪಞ್ಚಮೇಽಹನಿ ಮಹಾವ್ರತಂ ವಿಶ್ವಜಿತ್ಸ್ತೋಮೋಽತಿರಾತ್ರಃ ।
ಇಹೇವ ಚ ಹ ಖಲು ವಾ ಏತ ಇಹೇವ ಚ ವಾಚಂ ವಿಪ್ರಯುಞ್ಜತೇ ಯೇ ಯಜನ್ತೇ ಯೇ ಸತ್ರಮಾಸತೇ ।
ತಾಂ ದಶಮೇನೈವಾಹ್ನಾ ಸಂಪಾದಯನ್ತಿ ।
ಸಂಪನ್ನಾಯೈ ವಾಚೋಽವಿಕೃಷ್ಟಾಯೈ ಪ್ರತಿಷ್ಠಿತಾಯೈ ಮಹಾವ್ರತಮುಪೇತಮಸದಿತಿ ।
ಅನ್ನಂ ವೈ ಮಹಾವ್ರತಮ್ ।
ಅನ್ನಾದ್ಯಸ್ಯೈವಾವರುದ್ಧ್ಯೈ ।
ವಿಶ್ವಜಿತ್ಸ್ತೋಮೋಽತಿರಾತ್ರೋ ಭವತಿ ।
ಪರಾಙಿವ ಹ ವಾ ಏಷಃ ।
ಸ್ವರ್ಗಮೇವ ಲೋಕಮಭಿನಿರ್ಮೃಷ್ಟೋ ಯದ್ವಿಶ್ವಜಿತ್ಸ್ತೋಮೋಽತಿರಾತ್ರಃ ।
ಪರಾಙೇವೈತೇನ ಸ್ವರ್ಗಂ ಲೋಕಮೇತಿ ।
ತದ್ಯಚ್ಚತುರ್ಥಸ್ತೋಮ ಏಕವಿಂಶೋ ಭವತಿ ಪ್ರತಿಷ್ಠಾ ವಾ ಏಕವಿಂಶಸ್ತೇನೈವಾಸ್ಯಾಂ ಪ್ರತಿತಿಷ್ಠತಿ ೩೧೯

ಅಥ ಯಸ್ಯೈತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಜ್ಯೋತಿರ್ಗೌರಾಯುರಿತಿ ಮಧ್ಯೇ ತ್ರ್! ಯಹೋ ಭವತಿ ಪ್ರಜನನಕಾಮೋ ಹೈತೇನ ಯಜೇತ ।
ಆತ್ಮಾ ವೈ ಪೃಷ್ಠ್ಯಷ್ಷಡಹಃ ।
ಪ್ರಜನನಮೇತೇ ಸ್ತೋಮಾಃ ।
ತದ್ಯನ್ಮಧ್ಯೇ ಜ್ಯೋತಿರ್ಗೌರಾಯುರಿತಿ ತ್ರ್! ಯಹೋ ಭವತಿ ಮಧ್ಯತ ಏವೈತದಾತ್ಮನಃ ಪ್ರಜನನಂ ಧತ್ತೇ ಬಹುರ್ಭವತಿ ಪ್ರಜಾಯತೇ ।
ಅಥ ಯಸ್ಯೈತಸ್ಯೋರ್ಧ್ವಷ್ಷಡಹಃ ಪ್ರತ್ಯಙ್ತ್ರ್ ಯಹೋ ಯಃ ಕಾಮಯೇತ ಗಚ್ಛೇಯಂ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠೇಯಮಿತಿ ಸ ಏತೇನ ಯಜೇತ ।
ಷಡಹೇನೈವೇತ ಊರ್ಧ್ವ ಸ್ವರ್ಗಂ ಲೋಕಂ ಗಚ್ಛತಿ ಪ್ರತ್ಯೇವಾಮುತಸ್ತ್ರ್! ಯಹೇಣಾವರೋಹತಿ ।
ಗಚ್ಛತಿ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠತಿ ।
ಅಥೋ ಹ ವೇದ ಯೋಽಸಾವಾಸಂ ಸೋಽಯಮಸ್ಮೀತಿ ಪುನರ್ಹೈವಾಸ್ಮಿಁ ಲ್ಲೋಕ ಆಜಾಯತೇ ।
ಅಥ ಯಸ್ಯೈತಸ್ಯೋರ್ಧ್ವಸ್ತ್ರ್! ಯಹಃ ಪ್ರತ್ಯಙ್ಷಡಹೋ ಯ ಉ ಏವ ಕಾಮಯೇತ ಗಚ್ಛೇಯಂ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠೇಯಮಿತಿ ಸ ಏತೇನ ಯಜೇತ ।
ತ್ರ್! ಯಹೇಣೈವೇತ ಊರ್ಧ್ವ ಸ್ವರ್ಗಂ ಲೋಕಂ ಗಚ್ಛತಿ ಪ್ರತ್ಯೇವಾಮುತಷ್ಷಡಹೇನಾವರೋಹತಿ ।
ಗಚ್ಛತಿ ಸ್ವರ್ಗಂ ಲೋಕಂ ಪ್ರತ್ಯಸ್ಮಿಁ ಲ್ಲೋಕೇ ತಿಷ್ಠತಿ ।
ಅಥೋ ಹ ವೇದ ಯೋಽಸಾವಾಸಂ ಸೋಽಯಮಸ್ಮೀತಿ ಪುನರ್ಹೈವಾಸ್ಮಿಁ ಲ್ಲೋಕ ಆಜಾಯತೇ ।
ಅಥ ಯಸ್ಯೈತಸ್ಯೋರ್ಧ್ವಷ್ಷಡಹ ಊರ್ಧ್ವಸ್ತ್ರ್! ಯಹ ಸ್ವರ್ಗಕಾಮೋ ಹೈತೇನ ಯಜೇತ ।
ಊರ್ಧ್ವಾ ಏತೇ ಸ್ತೋಮಾ ಭವನ್ತ್ಯೂರ್ಧ್ವೋ ವೈ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ೩೨೦

ಅಥೈಷ ವಿವಧಃ ।
ತಸ್ಯ ಜ್ಯೋತಿರಗ್ನಿಷ್ಟೋಮೋ ಗೌರುಕ್ಥ್ಯ ಆಯುರುಕ್ಥ್ಯೋ ಜ್ಯೋತಿರಗ್ನಿಷ್ಟೋಮ ಆಯುರತಿರಾತ್ರೋ ಜ್ಯೋತಿರಗ್ನಿಷ್ಟೋಮೋ ಗೌರುಕ್ಥ್ಯ ಆಯುರುಕ್ಥ್ಯೋ ಜ್ಯೋತಿರಗ್ನಿಷ್ಟೋಮಃ ।
ಪಶುಕಾಮೋ ಹೈತೇನ ಯಜೇತ ।
ತಸ್ಯೈಷೋಽನ್ಯತಸ್ಸಙ್ಗೋ ಗೋಆಯುಷೀ ಉಕ್ಥ್ಯಾವನ್ತರೌ ಭವತಃ ।
ಪಶವೋ ವಾ ಉಕ್ಥಾನಿ ।
ತಯೋಃ ಪಞ್ಚ ಶತಾನಿ ಸ್ತೋತ್ರ್! ಯಾಃ ।
ಜ್ಯೋತಿಷೀ ಅಗ್ನಿಷ್ಟೋಮಾವಭಿತೋ ಭವತಃ ।
ಬ್ರಹ್ಮ ವೈ ಜ್ಯೋತಿರಗ್ನಿಷ್ಟೋಮಃ ।
ಬ್ರಹ್ಮಣೈವ ತದುಭಯತಃ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಆಯುರತಿರಾತ್ರೋ ಮಧ್ಯೇ ಭವತಿ ।
ತದ್ಯಥಾ ಹ ವೈ ವಿವಧಸ್ತಸ್ಯ ಮಧ್ಯೇ ಪೃಥ್ವಿವಾನವಮರ್ದಾಯ ತಾದೃಕ್ತದ್ ।
ತಸ್ಯೈಷೋಽನ್ಯತಸ್ಸಙ್ಗೋ ಗೋಆಯುಷೀ ಉಕ್ಥ್ಯಾವನ್ತರೌ ಭವತಃ ।
ಪಶವೋ ವಾ ಉಕ್ಥಾನಿ ।
ತಯೋಃ ಪಞ್ಚ ಶತಾನಿ ಸ್ತೋತ್ರಿಯಾಃ ।
ಜ್ಯೋತಿಷೀ ಅಗ್ನಿಷ್ಟೋಮಾವಭಿತೋ ಭವತಃ ।
ಬ್ರಹ್ಮ ವೈ ಜ್ಯೋತಿರಗ್ನಿಷ್ಟೋಮಃ ।
ಬ್ರಹ್ಮಣೈವ ತದುಭಯತಃ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ೩೨೧

ಅಥೈತೇ ದಶರಾತ್ರಾಃ ।
ಅಭಿಚರ್ಯಮಾಣೋ ಹೈತೇನ ಯಜೇತ ಯದ್ದಶರಾತ್ರಃ ।
ದಶೈತಾನ್ಯಹಾನಿ ಭವನ್ತಿ ।
ದಶ ಪುರುಷೇ ಪ್ರಾಣಾಃ ।
ಅಹ್ನೈವ ಪ್ರಾಣಂ ಪರಿಗೃಹ್ಣೀತೇಽಹ್ನಾ ಪ್ರಾಣಮಹ್ನಾ ಪ್ರಾಣಂ ನ ತತಸ್ತಸ್ಯ ಸ ಪ್ರಾಣೋಽತಿಶಯೇ ಯಮಸ್ಯಾಭಿಚರಂಸ್ಸ್ತೃಣ್ವೀತ ।
ಅಥೋ ಆಹುರಭಿಚರನ್ನೇವೈನೇನ ಯಜೇತೇತಿ ।
ದಶೈತಾನ್ಯಹಾನಿ ಭವನ್ತಿ ।
ದಶ ಪುರುಷೇ ಪ್ರಾಣಾಃ ।
ಅಹ್ನೈವ ಪರಸ್ಯ ಪ್ರಾಣಂ ಸ್ತೃಣುತೇಽಹ್ನಾ ಪ್ರಾಣಮಹ್ನಾ ಪ್ರಾಣಮ್ ।
ನ ತತಃ ಪರಸ್ಯ ಸ ಪ್ರಾಣಃ ಪರಿಶಿಷ್ಯತೇ ಯೇನಾಭಿಚರ್ಯಮಾಣೋ ಜೀವೇತ್ ।
ಏತದ್ಧ ವೈ ಜ್ಯೈಷ್ಠ್ಯಂ ಕರ್ಮಣಾಂ ಯದೇಷ ಸೌಮ್ಯೋಽಧ್ವರೋ ದಶರಾತ್ರೋ ವಿಧಯಾ ವಿಧೀಯತೇ ।
ತದ್ಯಜ್ಜ್ಯೈಷ್ಠ್ಯಂ ಕರ್ಮಣಾಂ ತೇನ ನೋ ಯಜ್ಞೋ ವಿಹಿತೋಽಸದಿತಿ ೩೨೨

ಏತದ್ಧ ವೈ ಪರಮಂ ವಾಚಃ ಕ್ರಾನ್ತಂ ಯದ್ದಶೇತಿ ।
ಏತಾವದ್ಧ ಪರಮಂ ವಾಕ್ಚಕ್ರಮೇ ।
ತದ್ಯತ್ಪರಮಂ ವಾಚಃ ಕ್ರಾನ್ತಂ ತತ್ಸರ್ವಮಾಪ್ನವಾನೀತಿ ।
ಅಥೋ ಆಹುರನ್ನಾದ್ಯಕಾಮ ಏವೈನೇನ ಯಜೇತೇತಿ ।
ಸರ್ವೋ ಹ ವಾ ಅನ್ಯೋ ವಿರಾಜಮತಿಷ್ಟೌತಿ ।
ಏಷ ಹ ವಾವ ವಿರಾಜಂ ನಾತಿಷ್ಟೌತಿ ಯೋ ದಶಭಿ ಸ್ತುತೇ ।
ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಟ್ ।
ಅಹ್ನೈವ ವಿರಾಜಮವರುನ್ದ್ಧೇಽಹ್ನಾ ವಿರಾಜಮಹ್ನಾ ವಿರಾಜಂ ಸ ದಶಮೇನೈವಾಹ್ನಾ ಸರ್ವಾಂ ವಿರಾಜಮನ್ನಾದ್ಯಮವರುದ್ಧ್ಯಾನ್ತತ ಉತ್ತಿಷ್ಠತಿ ।
ಪುರುಷೋ ಹ ವಾವ ವಿರಾಜಮತಿಶಯೇ ।
ದಶೈತಾನ್ಯಹಾನಿ ಭವನ್ತಿ ರಾತ್ರಿರೇಕಾದಶೀ ।
ದಶ ಪುರುಷೇ ಪ್ರಾಣಾ ಆತ್ಮೈಕಾದಶಃ ।
ಪುರುಷೋ ಹ ವಾ ಏಷ ವಿರಾಜ್ಯಧ್ಯೂಢೋಽನಿಷ್ಪಾದಾಯ ।
ನ ಹ ವೈ ಗೌರ್ನಾಶ್ವೋ ನಾಶ್ವತರೋ ವಿರಾಜಮಧಿತಿಷ್ಠತಿ ।
ಪುರುಷೋ ಹ ವಾವ ವಿರಾಜಮಧಿತಿಷ್ಠತಿ ।
ತಸ್ಮಾತ್ಪುರುಷಃ ಪಶೂನಾಮತ್ತಾ ।
ಅತ್ತಾ ಪಶೂನಾಂ ಭವತ್ಯಧಿ ವಿರಾಜಂ ತಿಷ್ಠತಿ ಯ ಏವಂ ವೇದ ೩೨೩

ಇನ್ದ್ರೋ ವೃತ್ರಂ ವಜ್ರೇಣಾಧ್ಯಸ್ಯ ನಾಸ್ತೃಷೀತಿ ಮನ್ಯಮಾನಸ್ಸ ವ್ಯಸ್ಮಯತ ।
ಸ ಹರಿತೋ ವಿಸ್ಮಿತೋಽಜರತ್ ।
ಸ ಷಕ್ಷತ ಕಥಂ ನ್ವಹಮಸ್ಯ ಹರಿಮ್ಣಃ ಪಾಪ್ಮನೋ ದಶಮೀಂ ನಿರ್ದಶ್ಯಂ ಗಚ್ಛೇಯಮಿತಿ ।
ಸ ಏತಂ ದಶರಾತ್ರಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತತೋ ವೈ ಸ ತಸ್ಯ ಹರಿಮ್ಣಃ ಪಾಪ್ಮನೋ ದಶಮೀಂ ನಿರ್ದಶ್ಯಮಗಚ್ಛತ್ ।
ಗಚ್ಛತಿ ಹ ಹರಿಮ್ಣಃ ಪಾಪ್ಮನೋ ದಶಮೀಂ ನಿರ್ದಶ್ಯಂ ಯ ಏವಂ ವೇದ ।
ತಸ್ಮಾದುತ ವಿದ್ಧಂ ವಾ ವಿಜಾತಂ ವಾವತೀರ್ಣಿನಂ ವಾ ಪೃಚ್ಛನ್ತಿ ನಿರ್ದಶ್ಯೋಽಭೂದಿತಿ ।
ತಸ್ಯ ಹ ವಾವ ತೇ ತದ್ಧರಿಮ್ಣಃ ಪಾಪ್ಮನೋ ದಶಮೀಂ ನಿರ್ದಶ್ಯಂ ಗಚ್ಛನ್ತಿ ।
ಗಚ್ಛತಿ ಹ ಹರಿಮ್ಣಃ ಪಾಪ್ಮನೋ ದಶಮೀಂ ನಿರ್ದಶ್ಯಂ ಯ ಏವಂ ವೇದ ೩೨೪

ಅಥೈಷ ತ್ರಿಕಕುಪ್ ।
ಪ್ರಜನನಕಾಮೋ ಹೈತೇನ ಯಜೇತ ।
ತ್ರಿವೃತ್ಪಞ್ಚದಶೌ ಸ್ತೋಮೌ ಭವತಃ ।
ಊನಾತಿರಿಕ್ತೌ ಮಿಥುನೌ ಪ್ರಜನೀ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತಾಭ್ಯಾಂ ತ್ರಿವೃತಂ ಸ್ತೋಮಂ ಪರ್ಯೂಹನ್ತಿ ।
ತಮೇವ ತೌ ಪ್ರಜನಯತಃ ।
ಸಪ್ತದಶೈಕವಿಂಶೌ ಸ್ತೋಮೌ ಭವತಃ ।
ಊನಾತಿರಿಕ್ತೌ ಮಿಥುನೌ ಪ್ರಜನೀ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತಾಭ್ಯಾಂ ಸಪ್ತದಶಂ ಸ್ತೋಮಂ ಪರ್ಯೂಹನ್ತಿ ।
ತಮೇವ ತೌ ಪ್ರಜನಯತಃ ।
ತ್ರಿಣವಸ್ತ್ರಯಸ್ತ್ರಿಂಶೌ ಸ್ತೋಮೌ ಭವತಃ ।
ಊನಾತಿರಿಕ್ತೌ ಮಿಥುನೌ ಪ್ರಜನೀ ।
ಊನಮನ್ಯಸ್ಯಾತಿರಿಕ್ತಮನ್ಯಸ್ಯ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ತಾಭ್ಯಾಂ ತ್ರಿಣವಂ ಸ್ತೋಮಂ ಪರ್ಯೂಹನ್ತಿ ।
ತಮೇವ ತೌ ಪ್ರಜನಯತಃ ।
ತದಾಹುರಾಪ್ಯನ್ತೇ ವಾ ಏತತ್ಸ್ತೋಮಾ ಆಪ್ಯನ್ತೇ ಛನ್ದಾಂಸ್ಯಾಪ್ಯನ್ತೇ ದೇವತಾ ಆಪ್ಯನ್ತ ಋತವೋ ಗೃಹಾ ಯದೇಷ ಪೃಷ್ಠ್ಯಷ್ಷಡಹ ಆಪ್ಯನ್ತ ಇತಿ ।
ಆಗ್ನೇಯೀಷ್ವಯಾತಯಾಮ್ನೀಷು ಸಪ್ತಮೇಽಹನಿ ಸ್ತುವೀರನ್ ।
ಅಗ್ನಿರ್ವೈ ದೇವಾನಾಮಯಾತಯಾಮಾ ।
ಅಗ್ನಿಮೇವ ತದ್ದೇವಾನಾಮಯಾತಯಾಮಾನಂ ಪಶ್ಯನ್ತೋ ಯಜನ್ತೇ ।
ಷನ್ದ್ರೀ ಷ್ವಯಾತಯಾಮ್ನೀಷ್ವಷ್ಟಮೇಽಹನಿ ಸ್ತುವೀರನ್ ।
ಇನ್ದ್ರೋ ವೈ ದೇವಾನಾಮಯಾತಯಾಮಾ ।
ಇನ್ದ್ರ ಮೇವ ತದ್ದೇವಾನಾಂ ಅಯಾತಯಾಮಾನಂ ಪಶ್ಯನ್ತೋ ಯಜನ್ತೇ ।
ವೈಶ್ವದೇವೀಷ್ವಯಾತಯಾಮ್ನೀಷು ನವಮೇಽಹನಿ ಸ್ತುವೀರನ್ ।
ವಿಶ್ವೇ ವೈ ದೇವಾ ದೇವಾನಾಮಯಾತಯಾಮಾನಃ ।
ವಿಶ್ವಾನೇವ ದೇವಾಂಸ್ತದ್ದೇವಾನಾಮಯಾತಯಾಮ್ನಃ ಪಶ್ಯನ್ತೋ ಯಜನ್ತೇ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ೩೨೫

ಅಥೈಷ ಪಞ್ಚಯಜ್ಞಕ್ರತುಃ ।
ಯಾಃ ಪಞ್ಚ ದೈವೀರಾಚ್ಛದಸ್ತಾಸಾಮೇಷರ್ದ್ಧಿಃ ।
ಯಃ ಪಾಙ್ಕ್ತೋ ಯಜ್ಞೋ ಯೇ ಪಾಙ್ಕ್ತಾಃ ಪಶವೋ ಯತ್ಪಾಙ್ಕ್ತಮನ್ನಾದ್ಯಂ ಯೇ ಪಞ್ಚರ್ತವೋ ಯತ್ಕಿಂ ಚ ಪಞ್ಚ ಪಞ್ಚ ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।
ತಸ್ಯೋ ಏತಸ್ಯ ನ ರಾತ್ರಿಮುಪಯನ್ತಿ ನೇದ್ವಿರಾಜಮತಿಷ್ಟವಾಮೇತಿ ।
ತದಾಹುರತಿ ವೈ ದಶರಾತ್ರೋ ಯಜ್ಞಸ್ಯ ಮಾತ್ರಾಮೇತಿ ।
ತದ್ಯದೇಷ ಪಞ್ಚಯಜ್ಞಕ್ರತುರ್ಭವತಿ ಪಞ್ಚಾಹೇ ಶ್ರುತಸ್ತಂ ಕಾಮಮೃಧ್ನವಾನಿ ಯೋ ದಶರಾತ್ರ ಇತಿ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ।
ಅಥೈಷ ಸಪ್ತಯಜ್ಞಕ್ರತುಃ ।
ಯಾಸ್ಸಪ್ತ ದೈವೀರಾಚ್ಛದಸ್ತಾಸಾಮೇಷರ್ದ್ಧಿಃ ।
ಯಾಸ್ಸಪ್ತಪದಾಶ್ಶಕ್ವರ್ಯೋ ಯೇ ಸಪ್ತ ಗ್ರಾಮ್ಯಾಃ ಪಶವೋ ಯಾನಿ ಸಪ್ತ ಚತುರುತ್ತರಾಣಿ ಛನ್ದಾಂಸಿ ಯೇ ಸಪ್ತ ಮುಖ್ಯಾಃ ಪ್ರಾಣಾ ಯಾನಿ ಸಪ್ತವಿಂಶತಿರ್ದಿವ್ಯಾನಿ ನಕ್ಷತ್ರಾಣಿ ಯಸ್ಸಪ್ತವಿಂಶ ಸ್ತೋಮೋ ಯತ್ಕಿಂ ಚ ಸಪ್ತ ಸಪ್ತ ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।
ತದಾಹುರತಿ ವೈ ದಶರಾತ್ರೋ ಯಜ್ಞಸ್ಯ ಮಾತ್ರಾಮೇತಿ ।
ತದ್ಯದೇಷ ಸಪ್ತಯಜ್ಞಕ್ರತುರ್ಭವತಿ ಸಪ್ತಾಹೇ ಶ್ರುತಸ್ತಂ ಕಾಮಮೃಧ್ನವಾನಿ ಯೋ ದಶರಾತ್ರ ಇತಿ ।
ಸರ್ವಸ್ತೋಮೋಽತಿರಾತ್ರೋ ಭವತಿ ಸರ್ವೇಷಾಂ ಲೋಕಾನಾಮಭಿಜಿತ್ಯಾ ಅಭಿಕ್ರಾನ್ತ್ಯೈ ।
ಸರ್ವಂ ಹೀದಂ ಸ್ತೋಮಾ ಏವ ।
ಅಥೋ ಯಾನಿಮಾನೇಕೈಕಾನ್ಸ್ತೋಮಾನುಪಾಗಾಮ ತಾನ್ಸಾರ್ಧಮೃದ್ಧ್ವಾ ತೇಷು ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ೩೨೬

ಅಥೈಷ ಮಹಾತ್ರಿಕಕುಪ್ ।
ಯ ಶ್ರೀಕಾಮಃ ಪುರೋಧಾಕಾಮ ಸ್ಯಾತ್ಸ ಏತೇನ ಯಜೇತ ।
ತ್ರೀಣಿ ವರ್ಷ್ಮಾಣಿ ತಿಸ್ರ ಶ್ರಿಯಸ್ತ್ರಯ ಇಮೇ ಲೋಕಾಃ ।
ತದೇವೈತೇನಾವರುನ್ದ್ಧೇ ।
ತ್ರಿವೃತಾ ಪಞ್ಚದಶಂ ಪರಿಷ್ಟುವನ್ತಿ ।
ಬ್ರಹ್ಮ ವೈ ತ್ರಿವೃತ್ಕ್ಷತ್ರಂ ಪಞ್ಚದಶಃ ।
ಬ್ರಹ್ಮಣೈವ ತತ್ಕ್ಷತ್ರಂ ಪರಿಗೃಹ್ಣನ್ತಿ ।
ಸಪ್ತದಶೇನೈಕವಿಂಶಂ ಪರಿಷ್ಟುವನ್ತಿ ।
ಬ್ರಹ್ಮ ವೈ ಸಪ್ತದಶಃ ಕ್ಷತ್ರಮೇಕವಿಂಶಃ ।
ಬ್ರಹ್ಮಣೈವ ತತ್ಕ್ಷತ್ರಂ ಪರಿಗೃಹ್ಣನ್ತಿ ।
ತ್ರಿಣವೇನ ತ್ರಯಸ್ತ್ರಿಂಶಂ ಪರಿಷ್ಟುವನ್ತಿ ।
ಬ್ರಹ್ಮ ವೈ ತ್ರಿಣವಃ ಕ್ಷತ್ರಂ ತ್ರಯಸ್ತ್ರಿಂಶಃ ।
ಬ್ರಹ್ಮಣೈವ ತತ್ಕ್ಷತ್ರಂ ಪರಿಗೃಹ್ಣನ್ತಿ ।
ಯದೋ ವೈ ಬ್ರಹ್ಮಣಾ ಕ್ಷತ್ರಂ ಪರಿಗೃಹ್ಣಾತ್ಯಥ ಸ ತಸ್ಯ ಪುರೋಧಾಂ ಗಚ್ಛತಿ ಗಚ್ಛತಿ ಪುರೋಧಾಂ ಪುರ ಏನಂ ದಧತೇ ೩೨೭

ಸ ವಾ ಏಷ ಮಹಾತ್ರಿಕಕುಬ್ಭವತಿ ।
ತ್ರಯೋ ಹ ವಾ ಏಷಾಂ ಲೋಕಾನಾಂ ಕಕುಭಃ ।
ಅಗ್ನಿರ್ವಾ ಅಸ್ಯ ಲೋಕಸ್ಯ ಕಕುಬ್ವಾಯುರನ್ತರಿಕ್ಷಸ್ಯಾದಿತ್ಯೋ ದಿವಃ ।
ಕಕುಭಾಮೇಕೋ ಭವತಿ ಯ ಏವಂ ವೇದ ।
ವಿಶ್ವಜಿತ್ಸರ್ವಪೃಷ್ಠಾತಿರಾತ್ರೋ ಭವತಿ ।
ಶ್ರೀರ್ವೈ ವರ್ಷ್ಮ ಪೃಷ್ಠಾನಿ ।
ಶ್ರಿಯಮೇವ ತದ್ವರ್ಷ್ಮ ಪೃಷ್ಠಾನ್ಯಭ್ಯಾರೋಹತಿ ।
ಓಜೋ ವೈ ವೀರ್ಯಂ ಪೃಷ್ಠಾನಿ ।
ಓಜಸೈವ ತದ್ವೀರ್ಯೇಣನ್ತತಃ ಪುರೋಧಾಂ ಪರಿಗೃಹ್ಣೀತೇ ।
ನಾನಾಗ್ನಿಷ್ಟೋಮಸಾಮಾನಿ ಭವನ್ತ್ಯನ್ಯೋಽನ್ಯಸ್ಯಾನನುಯಾನಾಯ ।
ಶಂ ನೋ ದೇವೀರಭಿಷ್ಟಯೇ ತಂ ಗೂರ್ಧಯಾ ಸ್ವರ್ಣರಮಿತಿ ಯಜ್ಞಾಯಜ್ಞೀಯಂ ಚ ಸಾಕಮಶ್ವಂ ಚ ।
ಅಗ್ನೇ ವಾಜಸ್ಯ ಗೋಮತೋ ವಿಶೋವಿಶೋ ವೋಽತಿಥಿಮಿತಿ ಶ್ರುಧೀಯಂ ಚ ವಿಶೋವಿಶೀಯಂ ಚ ।
ಆ ತೇ ಅಗ್ನ ಇಧೀಮಹಿ ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ ಇತಿ ಸಂಜಯಂ ಚ ದೈರ್ಘಶ್ರವಸಂ ಚ ।
ಅಗ್ನಿಂ ನರೋ ದೀಧಿತಿಭಿರರಣ್ಯೋಸ್ತ್ವಮಗ್ನೇ ಗೃಹಪತಿರಿತಿ ಬೃಹಚ್ಚಾಗ್ನೇಯಂ ಸಮನ್ತಂ ಚ ।
ಸಮಿದ್ಧಮಗ್ನಿಂ ಸಮಿಧಾ ಗಿರಾ ಗೃಣ ಆ ನೋ ಯಜ್ಞಂ ದಿವಿಸ್ಪೃಶಮಿತಿ ರಾಜೋವಾಜೀಯಂ ಚ ಬೃಹಚ್ಚ ೩೨೮

ತೇನ ಹೈತೇನ ಜಬಾಲಮಾರುಣಿರ್ಯಾಜಯಾಂ ಚಕಾರ ।
ಸ ಹ ತ್ರಯಾಣಾಂ ನಿಗೃಧ್ನಾನಾನಾಂ ಪುರೋಧಾಂ ಜಗಾಮ ಕಾಶ್ಯಸ್ಯ ಕೌಸಲ್ಯಸ್ಯೈಕ್ಷ್ವಾಕಸ್ಯೇತಿ ।
ತಸ್ಯ ಹ ಶ್ರೀರಾಸ ಕಲ್ಯಾಣೀ ।
ತಸ್ಯ ಹ ಸ್ಮ ತಚ್ಛ್ರಿಯಂ ದೃಷ್ಟ್ವಾ ಶ್ವೇತಕೇತುಃ ಪಿತ್ರಾ ವಿವದತೇ ಪಲಿತ ಯಜ್ಞಕಾಮ ಅನ್ಯಾನೇವ ಶ್ರಿಯಾ ಯಶಸಾ ಸಮಞ್ಜಂಶ್ಚರಸಿ ನಾತ್ಮಾನಮಿತಿ ।
ನೇತಿ ಹ ಸ್ಮಾಹ ।
ಮಾ ಮಾ ಪುತ್ರಕ ವೋಚಃ ।
ಯಜ್ಞಕ್ರತುರೇವ ಮೇ ವಿಜ್ಞಾತ ಆಸ ।
ತಂ ಪಾಪಕ ಇವ ಬ್ರಹ್ಮಬನ್ಧುಕೇ ವ್ಯಜಿಜ್ಞಾಸೇ ।
ಸ ಕಿಲ ತಹೈವಾಸ ಯಥಾ ಮ ಏನಮನೂಚುಃ ।
ತತೋ ವಾ ಅತಿತರಾಮಿವ ।
ಸ ವಾ ಏಷ ಯಜ್ಞೋ ಮೃತ್ಯೋರೇವ ನಿಕೃತಿಃ ।
ದೇವಾ ವೈ ಮೃತ್ಯೋರಬಿಭಯುರ್ಯ ಸ್ವರ್ಗೇ ಲೋಕೇ ।
ತಸ್ಮಾತ್ತೇ ಪ್ರಜಾಪತಿಮೇವೋಪಾಧಾವನ್ ।
ತೇಭ್ಯ ಏತಂ ದಶರಾತ್ರಂ ಯಜ್ಞಂ ವ್ಯದಧಾತ್ ।
ತಮಾಹರನ್ ।
ತೇನಾಯಜನ್ತ ೩೨೯

ತೇ ತ್ರಿವೃತಾಸ್ತುವತ ।
ತ್ರಿವೃತ ವೈ ಸ್ತುವತ ಇತಿ ಮೃತ್ಯುಃ ಪಞ್ಚದಶಮಭಿಪರ್ಯೇತ್ಯಾತಿಷ್ಠದಿದಮತ ಏಷ್ಯನ್ತೀತಿ ।
ತಂ ಪಞ್ಚದಶೇಽನ್ವಾಗಚ್ಛನ್ ।
ತಂ ತತ ಉದರುನ್ಧನ್ ।
ಸ ಸಪ್ತದಶಮಭ್ಯುದಕ್ರಾಮತ್ ।
ಅಥೇತರೇ ಪಞ್ಚದಶೇನ ಸ್ತುತ್ವಾ ತ್ರಿವೃತೈವ ಪುನರಸ್ತುವತ ।
ತ್ರಿವೃತಾ ವೈ ಸ್ತುವತ ಇತಿ ಮೃತ್ಯುಃ ಪಞ್ಚದಶಮೇವಾಭಿಪ್ರತ್ಯಾದ್ರ ವದಿದಮೇವಾತ ಏಷ್ಯನ್ತೀತಿ ।
ಅಥೇತರೇ ಸಪ್ತದಶಮಭ್ಯತ್ಯಕ್ರಾಮನ್ ।
ತೇ ಸಪ್ತದಶೇನಾಸ್ತುವತ ।
ಸಪ್ತದಶೇನ ವೈ ಸ್ತುವತ ಇತಿ ಮೃತ್ಯುರೇಕವಿಂಶಮಭಿಪರ್ಯೇತ್ಯಾತಿಷ್ಠದಿದಮತ ಏಷ್ಯನ್ತೀತಿ ।
ತಮೇಕವಿಂಶೇಽನ್ವಾಗಚ್ಛನ್ ।
ತಂ ತತ ಉದರುನ್ಧನ್ ।
ಸ ತ್ರಿಣವಮಭ್ಯುದಕ್ರಾಮತ್ ।
ಅಥೇತರ ಏಕವಿಂಶೇನ ಸ್ತುತ್ವಾ ಸಪ್ತದಶೇನೈವ ಪುನರಸ್ತುವತ ।
ಸಪ್ತದಶೇನ ವೈ ಸ್ತುವತ ಇತಿ ಮೃತ್ಯುರೇಕವಿಂಶಮೇವಾಭಿಪ್ರತ್ಯಾದ್ರ ವದಿದಮೇವಾತ ಏಷ್ಯನ್ತೀತಿ ।
ಅಥೇತರೇ ತ್ರಿಣವಮಭ್ಯತ್ಯಕ್ರಾಮನ್ ।
ತೇ ತ್ರಿಣವೇನಾಸ್ತುವತ ।
ತ್ರಿಣವೇನ ವೈ ಸ್ತುವತ ಇತಿ ಮೃತ್ಯುಸ್ತ್ರಯಸ್ತ್ರಿಂಶಮಭಿಪರ್ಯೇತ್ಯಾತಿಷ್ಠದಿದಮತ ಏಷ್ಯನ್ತೀತಿ ।
ತಂ ತ್ರಯಸ್ತ್ರಿಂಶೇಽನ್ವಾಗಚ್ಛನ್ ।
ತಂ ತತ ಉದರುನ್ಧನ್ ।
ಸ ಛನ್ದೋಮಾನಭ್ಯುದಕ್ರಾಮತ್ ।
ಅಥೇತರೇ ತ್ರಯಸ್ತ್ರಿಂಶೇನ ಸ್ತುತ್ವಾ ತ್ರಿಣವೇನೈವ ಪುನರಸ್ತುವತ ।
ತ್ರಿಣವೇನ ವೈ ಸ್ತುವತ ಇತಿ ಮೃತ್ಯುಸ್ತ್ರಯಸ್ತ್ರಿಂಶಮೇವಾಭಿಪ್ರತ್ಯಾದ್ರ ವದಿದಮೇವಾತ ಏಷ್ಯನ್ತೀತಿ ೩೩೦

ಅಥೇತರೇ ವಿಶ್ವಜಿತಮೇವ ಸರ್ವಪೃಷ್ಠಂ ಪಿತರಂ ಪ್ರಜಾಪತಿಂ ಪ್ರಾಪದ್ಯನ್ತ ।
ತತೋ ವೈ ತೇ ನಿಕೃತ್ಯ ಮೃತ್ಯುಮಮೃತಾ ಅಭವನ್ ।
ನಿಕೃತ್ಯ ಹೈವ ಮೃತ್ಯುಮಮೃತೋ ಭವತಿ ಯ ಏವಂ ವೇದ ।
ಅಥೈತೇಽಗ್ನಿಷ್ಟೋಮಾ ಏವ ದಶಾಹಾನಿ ಭವನ್ತಿ ।
ಏತೇಭ್ಯೋ ಹ ವೈ ಸಾಮಭ್ಯಃ ಪ್ರಜಾಪತಿಸ್ಸೋಮಪೀಥಂ ಪ್ರದದೌ ।
ತಾನಿ ವಾ ಏತಾನಿ ಪ್ರತ್ತಸೋಮಪೀಥಾನ್ಯಪಹತಪಾಪ್ಮಾನಿ ಸಾಮಾನಿ ।
ಅಪಹತ್ಯ ಪಾಪ್ಮಾನಂ ಶ್ರೇಯಾನ್ಭವತಿ ಯ ಏವಂ ವೇದ ।
ಏತಾನ್ಯು ಹ ವೈ ಸಾಮಾನಿ ಕಾಮಾನಾಂ ಪೂರ್ಣಾನಿ ।
ಯಥಾ ದೃತಿ ಸ್ವಾಸಿಕ್ತ ಸ್ಯಾದ್ದಧ್ನೋ ವಾ ಘೃತಸ್ಯ ವಾ ಮಧುನೋ ವೈವಮೇತಾನಿ ಸಾಮಾನಿ ಕಾಮಾನಾಂ ಪೂರ್ಣಾನಿ ।
ಏತಾನ್ಯು ಹ ಸ್ಮ ವೈ ತತ್ಕುಂಸ್ಥಃ ಕಾಲಾಶಭಿರುಪಗಾಯತಿ
ಅರುಣಾನ್ಸದಮುಕ್ಷನ್ನಶ್ವಾನ್ಕಾಷ್ಠಾತೋ ಯಥಾ
ಪೂರ್ಣಾನ್ಪರಿಸ್ರುತಃ ಕುಮ್ಭಾಞ್ಜನಮೇಜಯಸಾದನ
ಇತಿ ।
ಯಂ ಹ ವಾ ಏತೈಸ್ಸಾಮಭಿಃ ಕಾಮಂ ಕಾಮಯತೇ ತಮೇವಾವರುನ್ದ್ಧೇ ।
ಅಥೈತಾನಿ ದ್ವಾದಶಾಹಸ್ಯ ದಶಾಹಾನಿ ಭವನ್ತಿ ।
ಏತಾನ್ಯು ಹ ವೈ ವೀರ್ಯವನ್ತ್ಯಹಾನಿ ಯಾನಿ ದ್ವಾದಶಾಹಸ್ಯ ।
ತದ್ಯಾನಿ ವೀರ್ಯವನ್ತ್ಯಹಾನಿ ತೈರ್ನ ಸ್ತುತಮಸದಿತಿ ।
ತಾನ್ಯು ನಾನಾ ಸ್ತೋಮಾ ವಹನ್ತಿ ।
ಏಷಾ ಹ ವಾ ಅಹ್ನಾಂ ಸಮೃದ್ಧಿರ್ಯದೇನಾನಿ ನಾನಾ ಸ್ತೋಮಾ ವಹನ್ತಿ ।
ಸಾ ಯಾಇವಾಹ್ನಾಂ ಸಮೃದ್ಧಿಸ್ಸೈವೈಷಾ ಕ್ರಿಯತೇ ೩೩೧

ಅಥೈಷ ಕುಸುರ್ವಿನ್ದದಶರಾತ್ರಃ ।
ತಸ್ಯ ತ್ರಯಸ್ತ್ರಿವೃತೋಽಗ್ನಿಷ್ಟೋಮಾಸ್ತ್ರಯಃ ಪಞ್ಚದಶಾ ಉಕ್ಥ್ಯಾಸ್ತ್ರಯಸ್ಸಪ್ತದಶಾ ಉಕ್ಥ್ಯಾ ಜ್ಯೋತಿರತಿರಾತ್ರೋ ಯಃ ಕಾಮಯೇತ ತೇಜಸ್ವೀ ಬ್ರಹ್ಮವರ್ಚಸ್ಯೋಜಸ್ವೀ ವೀರ್ಯಾವಾನನ್ನಾದಃ ಪ್ರತಿತಿಷ್ಠೇಯಮಿತಿ ಸ ಏತೇನ ಯಜೇತ ।
ತೇಜೋ ವೈ ಬ್ರಹ್ಮವರ್ಚಸಂ ತ್ರಿವೃತ್ಸ್ತೋಮ ಓಜೋ ವೀರ್ಯಂ ಪಞ್ಚದಶೋಽನ್ನಂ ಸಪ್ತದಶಃ ಪ್ರತಿಷ್ಠಾ ಜ್ಯೋತಿರತಿರಾತ್ರ ಋಧ್ನೋತಿ ಹೈನೇನೈತಾನ್ಕಾಮಾನ್ಯ ಏತಸ್ಮಿನ್ಕಾಮಾಃ ।
ಅತೋ ಜ್ಯೋತಿಷ್ಟೋಮೇಽತಿರಾತ್ರೇ ಶ್ರುತಸ್ತಂ ಕಾಮಮೃಧ್ನವಾನಿ ಯೋ ದಶರಾತ್ರ ಇತಿ ।
ಏತಂ ಹ ಸ್ಮ ವೈ ತತ್ಪ್ರಸೃಪ್ತೌ ಬ್ರಾಹ್ಮಣೌ ಸಮೂದಾತೇ ಕಂ ನು ಸೋಮ್ಯ ಯಜ್ಞಕ್ರತುಂ ಪ್ರಸೃಪ್ತೌ ಸ್ವ ಇತಿ ।
ತಯೋರ್ಹಾನ್ಯತರ ಉವಾಚ ಯದಿ ನ್ವಾ ಇದಮೇವಾಪ್ಯಹ ಶ್ವೋ ಭವಿತಾಗ್ನಿಷ್ಟೋಮಾ ಏವ ತರ್ಹಿ ದಶೋ ಏವ ತ್ವಯಿ ನೂನಮಹಾನ್ಯಾಸಿಷ್ಯಾವಹಾ ಇತಿ ।
ತಂ ಹೈತಂ ತಾವಗ್ನಿಷ್ಟೋಮಮೇವ ಮೇನಾತೇ ಯೇ ಹ್ಯೇವಾಮೀ ಅಗ್ನಿಷ್ಟಿಮಸ್ಯ ಸ್ತೋಮಾಸ್ತ ಏವೈತೇ ಅಥೈಷೋಽಭ್ರಿರುಭಯತಃಕ್ಷ್ಣೂಃ - ೩೩೨

- ತಸ್ಯ ತ್ರಿವೃದಗ್ನಿಷ್ಟೋಮಃ ಪುರಸ್ತಾದ್ಭವತಿ ತ್ರಿವೃದಗ್ನಿಷ್ಟೋಮ ಉಪರಿಷ್ಟಾದಷ್ಟಾವುಕ್ಥ್ಯಾಃ ಸಪ್ತದಶಾ ಮಧ್ಯೇ ।
ಅನ್ನಾದ್ಯಕಾಮೋ ಹೈತೇನ ಯಜೇತ ।
ಅಗ್ನಿರ್ವೈ ಪೂರ್ವಸ್ತ್ರಿವೃದಾದಿತ್ಯ ಉತ್ತರಃ ।
ಅಗ್ನಿರ್ವಾ ಅಸ್ಯ ಲೋಕಸ್ಯಾಭ್ರಿರಾದಿತ್ಯೋಽಮುಷ್ಯ ।
ಅಥೈತದನ್ನಮೇವ ಯಜೇತ ।
ಅಷ್ಟಾವುಕ್ಥ್ಯಾಸ್ಸಪ್ತದಶಾ ಮಧ್ಯೇ ।
ಅಯಮೇವಾಸ್ಮಾ ಅಗ್ನಿರಿತ ಏತದನ್ನಾದ್ಯಂ ರದತ್ಯಾದಿತ್ಯೋಽಮುತೋ ವೃಷ್ಟಿಂ ಪ್ರಯಚ್ಛತಿ ।
ತಾ ಅಸ್ಮಾ ಏತದುಭಯತೋಽನ್ನಾದ್ಯಂ ರದತೋಽನ್ನಾದೋ ಹ ಭವತಿ ಯ ಏವಂ ವೇದ ।
ಅಥೋ ಆಹುಃ ಪಶುಕಾಮ ಏವೈನೇನ ಯಜೇತೇತಿ ।
ತಸ್ಯಾಗ್ನಿಷ್ಟೋಮಾವಭಿತೋ ಭವತ ಉಕ್ಥ್ಯಾ ಮಧ್ಯೇ ।
ಬ್ರಹ್ಮ ವಾ ಅಗ್ನಿಷ್ಟೋಮಃ ಪಶವ ಉಕ್ಥಾನಿ ।
ಬ್ರಹ್ಮಣೈವ ತದುಭಯತಃ ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಅಥ ಯಸ್ಯೈತಸ್ಯೋರ್ಧ್ವಷ್ಷಡಹ ಊರ್ಧ್ವಸ್ತ್ರ್! ಯಹೋ ಜ್ಯೋತಿರತಿರಾತ್ರ ಸ್ವರ್ಗಕಾಮೋ ಹೈತೇನ ಯಜೇತ ।
ಊರ್ಧ್ವಾ ಏತೇ ಸ್ತೋಮಾ ಭವನ್ತ್ಯೂರ್ಧ್ವೋ ವೈ ಸ್ವರ್ಗೋ ಲೋಕ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಅಥ ಯಸ್ಯೈತಸ್ಯ ಜ್ಯೋತಿರ್ಗೌರಾಯುರತಿರಾತ್ರೋ ಜ್ಯೋತಿರ್ಗೌರಾಯುರತಿರಾತ್ರೋ ಜ್ಯೋತಿರತಿರಾತ್ರೋ ಯಃ ಕಾಮಯೇತ ಜ್ಯೋತಿಷ್ಮತೋ ಲೋಕಾಞ್ಜಯೇಯಮಿತಿ ಸ ಏತೇನ ಯಜೇತ ।
ಚತ್ವಾರ್ಯು ಹ ವೈ ದೇವಾನಾಮಾವಿಷ್ಟಮಾನೀವ ಜ್ಯೋತೀಂಷ್ಯಗ್ನಿಃ ಪೃಥಿವ್ಯಾಮಾದಿತ್ಯೋ ದಿವಿ ಚನ್ದ್ರ ಮಾ ನಕ್ಷತ್ರೇಷು ವಿದ್ಯುದಪ್ಸು ।
ಏತಾನೇವ ಜ್ಯೋತಿಷ್ಮತೋ ಲೋಕಾಞ್ಜಯತಿ ಯ ಏವಂ ವಿದ್ವಾನೇತೇನ ಯಜ್ಞಕ್ರತುನಾ ಯಜತೇ ಯ ಉ ಚೈನಮೇವಂ ವೇದ ಯ ಉ ಚೈನಮೇವಂ ವೇದ ೩೩೩

ಸತ್ರಮ್

ಅಥೈಷ ತ್ರಯೋದಶರಾತ್ರಃ ।
ಅಸೌ ವಾ ಆದಿತ್ಯಸ್ಸದೃಙ್ಙೇವಾನ್ಯೈರ್ದೇವೈರಾಸೀದನೇನಾಗ್ನಿನಾ ವಾಯುನಾ ಚನ್ದ್ರ ಮಸಾನ್ಯೈರ್ದೇವೈಃ ।
ಸಽಕಾಮಯತ ಸರ್ವೇಷಾಂ ದೇವಾನಾಂ ಶ್ರೈಷ್ಠ್ಯಂ ಗಚ್ಛೇಯಂ ತ್ರಯೋದಶೋ ಮಾಸೋ ಭೂತ್ವೇದಂ ಸರ್ವಮಭ್ಯಾರೋಹೇಯಮಿತಿ ।
ಸ ಏತಂ ತ್ರಯೋದಶರಾತ್ರಮಪಶ್ಯತ್ ।
ತಮುಪೈತ್ ।
ತತೋ ವೈ ಸ ಸರ್ವೇಷಾಂ ದೇವಾನಾಂ ಶ್ರೈಷ್ಠ್ಯಮಗಚ್ಛತ್ ।
ತ್ರಯೋದಶೋ ಮಾಸೋ ಭೂತ್ವೇದಂ ಸರ್ವಮಭ್ಯಾರೋಹತ್ ।
ಸಂವತ್ಸರೋ ವಾ ಇದಂ ಸರ್ವಮ್ ।
ತ ಏವ ಸರ್ವೇ ಸ್ತೋಮಾಸ್ತಾನಿ ಸರ್ವಾಣಿ ಪೃಷ್ಠಾನಿ ತಾನಿ ಸರ್ವಾಣಿ ಛನ್ದಾಂಸಿ ತಾನಿ ಸರ್ವಾಣಿ ಸವನಾನಿ ತೇ ಸರ್ವೇ ದೇವಾಸ್ತೇ ಸರ್ವೇ ಲೋಕಾಸ್ತೇ ಸರ್ವೇ ಕಾಮಾಃ ।
ಸ ದ್ವಾದಶಭಿರೇವಾಹೋಭಿರ್ದ್ವಾದಶ ಮಾಸಾನಾಪ್ತ್ವಾ ತ್ರಯೋದಶೇನೈವಾಹ್ನಾ ತ್ರಯೋದಶೋ ಮಾಸೋ ಭೂತ್ವೇದಂ ಸರ್ವಮಭ್ಯಾರೋಹತ್ ।
ತೇ ಯ ಏವಂ ವಿದ್ವಾಂಸಸ್ತ್ರಯೋದಶರಾತ್ರಮುಪಯನ್ತ್ಯೇತಮೇವರ್ಧ್ನುವನ್ತ್ಯೇತಸ್ಯ ಸಲೋಕತಾಂ ಗಚ್ಛನ್ತಿ ೩೩೪

ಮಾಸ್ಯಂ ವಾ ಏತತ್ಸತ್ರಮ್ ।
ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಮಾಸೋ ಹ ಖಲು ವೈ ಪುನಃಪುನಃ ಪಲ್ಯಯಮಾನಸ್ಸಂವತ್ಸರಮಾಪ್ನೋತಿ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯಚ್ಚತುರ್ದಶ ।
ಸಪ್ತ ಪರಸ್ತಾದಹಾನಿ ಸಪ್ತಾವಸ್ತಾತ್ ।
ಅಥ ಯೋ ಮಧ್ಯೇ ಲೋಕಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ವಿರಾಜಂ ಚ ಗಾಯತ್ರೀಂ ಚ ।
ಏತೇ ಹ ಖಲು ವೈ ಛನ್ದಸಾಂ ವೀರ್ಯವತ್ತಮೇ ಯದ್ವಿರಾಟ್ಚ ಗಾಯತ್ರೀ ಚ ।
ತೇ ಯೇ ಛನ್ದಸಾಂ ವೀರ್ಯವತ್ತಮೇ ತಯೋರೃಧ್ನವಾಮ ತಯೋಃ ಪ್ರತಿತಿಷ್ಠಾಮ ತಾಭ್ಯಾಂ ನ ಸ್ತುತಮಸದಿತಿ ।
ಉಪೋ ವಿರಾಜಂ ಗಚ್ಛನ್ತಿ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ದ್ವ್ಯೂನಾ ವಿರಾಡ್ದ್ವೇ ತೇ ಸ್ತ್ರಿಯಾ ಊನೇ ಯತಸ್ಸಾ ಪ್ರಜಾಯತೇ ತೇನೋ ಪ್ರಜನನಮ್ ।
ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತಿ ।
ವೈಶ್ವಾನರಪ್ರಾಯಣಾ ಹ್ಯಹೀನಾಸ್ಸೋಮಾಃ ೩೩೫

ಅಥೈಷ ಪೃಷ್ಠ್ಯಷ್ಷಡಹೋ ಭವತಿ ।
ಶ್ರೀರ್ವೈ ಪೃಷ್ಠಾನಿ ವರ್ಷ್ಮ ವೈ ಪೃಷ್ಠಾನಿ ।
ತಚ್ಛ್ರಿಯಂ ವರ್ಷ್ಮ ಪೃಷ್ಠಾನಿ ರೋಹನ್ತಿ ।
ತದು ಸತ್ರಿಣೋ ಭವನ್ತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ಪೃಷ್ಠ್ಯಂ ಷಡಹಮುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಙ್ಪೃಷ್ಠ್ಯಷ್ಷಡಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ತತ್ತ್ವೇತಸ್ಯ ಪರಿಚಕ್ಷತೇ ಯದಾರಭಮಾಣಾ ಏವಂ ಪೃಷ್ಠ್ಯಂ ಷಡಹಮಾರಭನ್ತೇ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ।
ಅಥೈತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ।
ಏತೇ ಹ ವೈ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾ ಯೇ ಜ್ಯೋತಿರ್ಗೌರಾಯುರಿತಿ ।
ತೇ ಯೇ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾಸ್ತೈರ್ನ ಸ್ತುತಮಸದಿತಿ । ಉ ವಿರಾಜಂ ಸಂಪನ್ನಾಃ ।
ತದು ವಿರಾಜಮನ್ನಾದ್ಯಮಾರಭನ್ತೇ ।
ಯೋ ವೈ ಶ್ರೇಯಾಂಸಮಸಂವಿದ್ಯೋಪಾಧಿರೋಹತ್ಯುದ್ವೈ ಸ ತಂ ಹಿಂಸ್ತೇ ।
ಯಯಾ ವೈ ಸ ತಮಾರ್ತ್ಯಾ ಕಾಮಯತೇ ತಯೈನಂ ನಿನಯತಿ ।
ಅಥ ಯ ಏನಮನು ಸಂವಿದಮನುಸಮಾಸಾದ್ಯೋಪಾಧಿರೋಹತಿ ನ ವೈ ಸ ತಮುದ್ಧಿಂಸ್ತೇ ।
ತದ್ಯದೇತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ಯಥಾ ಶ್ರೇಯಾಂಸಮನು ಸಂವಿದಮನುಸಮಾಸಾದ್ಯೋಪಾಧಿರೋಹೇತ್ತಾದೃಕ್ತತ್ ೩೩೬

ಅಥೈಷ ಪೃಷ್ಠ್ಯಷ್ಷಡಹೋ ಭವತಿ ।
ಶ್ರೀರ್ವೈ ಪೃಷ್ಠಾನಿ ವರ್ಷ್ಮ ವೈ ಪೃಷ್ಠಾನಿ ।
ತಚ್ಛ್ರಿಯಂ ವರ್ಷ್ಮ ಪೃಷ್ಠಾನಿ ರೋಹನ್ತಿ ।
ತದು ಸತ್ರಿಣೋ ಭವನ್ತಿ ।
ತದಾಹುರಗ್ರಮಿವ ವಾ ಏತೇ ರೋಹನ್ತಿ ಯ ಏತಂ ಪೃಷ್ಠ್ಯಂ ಷಡಹಮುಪಯನ್ತೀತಿ ।
ಯೋ ವೈ ಮಹಾವೃಕ್ಷಸ್ಯಾಗ್ರಂ ರೂಢ್ವಾ ಪ್ರತ್ಯವರೋಢುಂ ನ ವೇದ ಭಙ್ಗಂ ವೈ ಸ ನ್ಯೇತ್ಯವ ವಾ ಹಿ ಪದ್ಯತೇ ತದ್ವೈ ವೋಪರಿ ಶುಷ್ಯತಿ ।
ತದ್ಯತ್ಪರಸ್ತಾತ್ಪ್ರತ್ಯಙ್ತ್ರ್ ಯಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ಜ್ಯೋತಿಷೋಽಧ್ಯಹ್ನ ಉತ್ತಿಷ್ಠನ್ತಿ ಪ್ರಜ್ಞಾತಾಜ್ಜ್ಯೈಷ್ಠ್ಯಾತ್ಸ್ತೋಮಾತ್ ।
ಪ್ರಜ್ಞಾತೇ ಜ್ಯೈಷ್ಠ್ಯೇ ಸ್ತೋಮೇ ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ದ್ವಾದಶ ಮಾಸಾಸ್ಸಂವತ್ಸರಃ ।
ಸಂವತ್ಸರೋ ಜ್ಯೈಷ್ಠ್ಯಂ ತಸ್ಯ ಭ್ರಾತೃವ್ಯೋ ನಾಸ್ತ್ಯಭ್ರಾತೃವ್ಯೇ ಜ್ಯೈಷ್ಠ್ಯೇ ಸ್ತೋಮೇ ಪ್ರತಿಷ್ಠಾಯೋದೃಚಮಶ್ನವಾಮಹಾ ಇತಿ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೩೭

ಅಥೈತಾ ದ್ವಾದಶಾಹವತೀರ್ಭವನ್ತಿ ದೇವಸತ್ರಂ ಹ ಖಲು ವಾ ಏತತ್ಪ್ರಜಾಪತಿಸತ್ರಂ ಯದ್ದ್ವಾದಶಾಹಃ ।
ಏತೇನ ವೈ ಸತ್ರೇಣ ಪ್ರಜಾಪತಿರಾರ್ಧ್ನೋತ್ತದ್ಯೇನ ಸತ್ರೇಣ ಪ್ರಜಾಪತಿರಾರ್ಧ್ನೋತ್ತೇನರ್ಧ್ನವಾಮೇತಿ ।
ತದಾಹುಃ ಕಿಂ ವರ್ಷ್ಮ ಸತ್ರಾಣಾಮಿತಿ ।
ದ್ವಾದಶಾಹ ಇತಿ ಬ್ರೂಯಾತ್ ।
ದ್ವಾದಶಾಹೋ ಹ ವೈ ವರ್ಷ್ಮ ಸತ್ರಾಣಾಂ ನ ಹ್ಯನ್ಯಸ್ಮಿನ್ಸತ್ರೇ ಚತುಶ್ಚತ್ವಾರಿಂಶ ಸ್ತೋಮೋಽಸ್ತಿ ನಾಷ್ಟಾಚತ್ವಾರಿಂಶಃ ।
ತದ್ಯದ್ವರ್ಷ್ಮ ಸತ್ರಾಣಾಂ ತನ್ನ ಉಪೇತಮಸದಿತಿ ।
ಇಹೇವ ಚ ಹ ಖಲು ವಾ ಏತ ಇಹೇವ ಚ ವಾಚಂ ವಿಪ್ರಯುಞ್ಜತೇ ಯೇ ಯಜನ್ತೇ ಯೇ ಸತ್ರಮಾಸತೇ ।
ತಾಂ ದಶಮೇನೈವಾಹ್ನಾ ಸಂಪಾದಯನ್ತಿ ।
ಸಂಪನ್ನಾಯೈ ನೋ ವಾಚೋಽವಿಕೃಷ್ಟಾಯೈ ಪ್ರತಿಷ್ಠಿತಾಯಾ ಉದೃಚಮಶ್ನವಾಮಹಾ ಇತಿ ।
ಏಕೇನೋ ಚ ಸತ್ರೇಣ ದ್ವೇ ಸತ್ರೇ ಉಪಯನ್ತಿ ದ್ವಾದಶಾಹಂ ಚ ಚತುರ್ದಶರಾತ್ರಂ ಚ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೩೮

ಮಾಸ್ಯಂ ವಾ ಏತತ್ಸತ್ರಮ್ ।
ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಮಾಸೋ ಹ ಖಲು ವೈ ಪುನಃಪುನಃ ಪಲ್ಯಯಮಾನಸ್ಸಂವತ್ಸರಮಾಪ್ನೋತಿ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯತ್ಪಞ್ಚದಶ ।
ಸಪ್ತ ಪರಸ್ತಾದಹಾನಿ ಸಪ್ತಾವಸ್ತಾತ್ ।
ಅಥ ಯನ್ಮಧ್ಯೇಽಹಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ವಜ್ರೋ ಹ ಖಲು ವಾ ಏಷ ಯತ್ಪಞ್ಚದಶರಾತ್ರಃ ।
ಪಞ್ಚದಶರಾತ್ರೇಣ ವೈ ವಜ್ರೇಣ ದೇವಾ ಅಸುರಾನಭ್ಯಭವನ್ ।
ತೇ ಯೇ ಪಾಪ್ಮಗೃಹೀತಾ ಇವ ಮನ್ಯೇರಂಸ್ತ ಏತಮೇವ ಪಞ್ಚದಶರಾತ್ರಮುಪೇಯುಃ ।
ಪಞ್ಚದಶರಾತ್ರೇಣೈವ ವಜ್ರೇಣ ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಮಭಿಭೂಯೋತ್ತಿಷ್ಠನ್ತಿ ।
ತದು ಹೋವಾಚ ಯಾಮನೋ ಭ್ರಾತಲಾಯನೋ ಯಾಮಹಂ ಸರಸ್ವತೀಂ ಪಞ್ಚದಶರಾತ್ರೇಣ ವಜ್ರೇಣಾಜಯಂ ಕಸ್ತಸ್ಯಾಮುದನ್ಯೋಽವಸಾತುಮರ್ಹತಿ ।
ವಜ್ರೇಣ ವಾ ಅಹಮೇತಾಮಜಯಮ್ ।
ದುರಪಜಯ್ಯಂ ವೈ ವಜ್ರಜಿತಮಿತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ವಿರಾಜಂ ಚ ಗಾಯತ್ರೀಂ ಚ ।
ಏತೇ ಹ ಖಲು ವೈ ಛನ್ದಸಾಂ ವೀರ್ಯವತ್ತಮೇ ಯದ್ವಿರಾಟ್ಚ ಗಾಯತ್ರೀ ಚ ।
ತೇ ಯೇ ಛನ್ದಸಾಂ ವೀರ್ಯವತ್ತಮೇ ತಯೋರೃಧ್ನವಾಮ ತಯೋಃ ಪ್ರತಿತಿಷ್ಠಾಮ ತಾಭ್ಯಾಂ ನ ಸ್ತುತಮಸದಿತಿ ।
ಉಪೋ ವಿರಾಜಂ ಗಚ್ಛನ್ತಿ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ಏಕೋನಾ ವಿರಾಡೂನಂ ತತ್ಸ್ತ್ರಿಯೈ ಯತಸ್ಸಾ ಪ್ರಜಾಯತೇ ತೇನೋ ಪ್ರಜನನಮ್ ।
ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತಿ ।
ವೈಶ್ವಾನರಪ್ರಾಯಣಾ ಹ್ಯಹೀನಾಸ್ಸೋಮಾಃ ೩೩೯

ಅಥೈತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ।
ಏತೇ ಹ ವೈ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾ ಯೇ ಜ್ಯೋತಿರ್ಗೌರಾಯುರಿತಿ ।
ತೇ ಯೇ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾಸ್ತೈರ್ನ ಸ್ತುತಮಸದಿತಿ ।
ತ ಉ ವಿರಾಜಂ ಸಂಪನ್ನಾಃ ।
ತದು ವಿರಾಜಮನ್ನಾದ್ಯಮಾರಭನ್ತೇ ।
ಯೋ ವೈ ಶ್ರೇಯಾಂಸಮಸಂವಿದ್ಯೋಪಾಧಿರೋಹತ್ಯುದ್ವೈ ಸ ತಂ ಹಿಂಸ್ತೇ । ಯಯಾ ವೈ ಸ ತಮಾರ್ತ್ಯಾ ಕಾಮಯತೇ ತಯೈನಂ ನಿನಯತಿ ।
ಅಥ ಯ ಏನಮನು ಸಂವಿದಮನುಸಮಾಸಾದ್ಯೋಪಾಧಿರೋಹತಿ ನ ವೈ ಸ ತಮುದ್ಧಿಂಸ್ತೇ ।
ತದ್ಯದೇತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ಯಥಾ ಶ್ರೇಯಾಂಸಮನು ಸಂವಿದಮನುಸಮಾಸಾದ್ಯೋಪಾಧಿರೋಹೇತ್ತಾದೃಕ್ತತ್ ।
ಅಥೈಷ ತ್ರಿವೃದಗ್ನಿಷ್ಟುದಗ್ನಿಷ್ಟೋಮೋ ಭವತಿ ।
ಬ್ರಹ್ಮ ವೈ ತ್ರಿವೃತ್ ।
ಕ್ಷತ್ರಂ ಪೃಷ್ಠ್ಯಷ್ಷಡಹಃ ।
ತದ್ಯತ್ಪುರಸ್ತಾತ್ಪೃಷ್ಠ್ಯಸ್ಯ ಷಡಹಸ್ಯಾಗ್ನಿಷ್ಟುತಮುಪಯನ್ತಿ ಬ್ರಹ್ಮೈವ ತತ್ಕ್ಷತ್ರಸ್ಯ ಪುರಸ್ತಾದ್ದಧಾತಿ ।
ತಸ್ಮಾದ್ಬ್ರಾಹ್ಮಣಃ ಕ್ಷತ್ರಿಯಸ್ಯ ಪುರೋಹಿತಃ ।
ಏಕೇನೋ ಚ ಸತ್ರೇಣ ದ್ವೇ ಸತ್ರೇ ಉಪಯನ್ತಿ ದ್ವಾದಶಾಹಂ ಚ ಪಞ್ಚದಶರಾತ್ರಂ ಚ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೪೦

ದ್ವಿಮಾಸ್ಯಂ ವಾ ಏತತ್ಸತ್ರಮ್ ।
ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಯೌ ಹ ಖಲು ವೈ ದ್ವೌ ಮಾಸಾವೃತೋಸ್ಸರ್ದ್ಧಿಃ ।
ಋತುರು ಪ್ರತ್ಯಕ್ಷಂ ಸಂವತ್ಸರಸ್ಯರ್ದ್ಧಿಃ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯದೇಕವಿಂಶತಿರ್ದಶ ಪರಸ್ತಾದಹಾನಿ ದಶಾವಸ್ತಾತ್ ।
ಅಥ ಯನ್ಮಧ್ಯೇಽಹಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ವಿರಾಜಮೇವ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ಪಞ್ಚ ಚ ವಿರಾಟ್ಚ ।
ತಾ ಯಾಃ ಪಞ್ಚ ದೈವೀರಾಚ್ಛದಸ್ತಾಸಾಮೇಷರ್ದ್ಧಿಃ ।
ಯಃ ಪಾಙ್ಕ್ತೋ ಯಜ್ಞೋ ಯೇ ಪಾಙ್ಕ್ತಾಃ ಪಶವೋ ಯತ್ಪಾಙ್ಕ್ತಮನ್ನಾದ್ಯಂ ಯೇ ಪಞ್ಚರ್ತವೋ ಯತ್ಕಿಂ ಚ ಪಞ್ಚ ಪಞ್ಚ ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।

ದಶೈತಾನಿ ಪರಸ್ತಾದಹಾನಿ ಭವನ್ತಿ ದಶಾವಸ್ತಾದ್ವಿಷುವಾನೇಕವಿಂಶಃ ।
ದಶ ವೈ ಪುರುಷಸ್ಯ ಹಸ್ತ್ಯಾ ಅಙ್ಗುಲಯೋ ದಶ ಪದ್ಯಾ ಆತ್ಮೈಕವಿಂಶಃ ।
ಪುರುಷೋ ಹ ವಾ ಏಷ ವಿರಾಜ್ಯಧ್ಯೂಢೋಽನಿಷ್ಪಾದಾಯ ।
ನ ಹ ವೈ ಗೌರ್ನಾಶ್ವೋ ನಾಶ್ವತರೋ ವಿರಾಜಮಧಿತಿಷ್ಠತಿ ।
ಪುರುಷೋ ಹ ವಾವ ವಿರಾಜಮಧಿತಿಷ್ಠತಿ ।
ತಸ್ಮಾತ್ಪುರುಷಃ ಪಶೂನಾಮತ್ತಾ ।
ಅತ್ತಾ ಪಶೂನಾಂ ಭವತ್ಯಧಿ ವಿರಾಜಂ ತಿಷ್ಠತಿ ಯ ಏವಂ ವೇದ ।
ತಾ ಹೈತಾ ರಾತ್ರೀರ್ನೈದಾಘೀಯೇ ಮಾಸ್ಯುಪೇಯುಃ ।
ನೈದಾಘೀಯೇ ವೈ ಮಾಸಿ ಪ್ರಜಾಪತಿರಾದಿತ್ಯಾಯ ರುಚಂ ಪ್ರಾಯಚ್ಛತ್ ।
ತಸ್ಮಾದೇಷ ನೈದಾಘೀಯೇ ಮಾಸಿ ಬಲಿಷ್ಠಂ ತಪತ್ಯಪಿ ದ್ವಿಗುಣಾಶ್ಛಾಯಾ ಉಪಸರ್ಪನ್ತಿ ।
ತಾ ಹಾಗ್ರದೇವೋ ರಾಜನಿರ್ಬ್ರಹ್ಮವರ್ಚಸಕಾಮ ಉಪೇಯಾಯ ।
ತಮು ಹ ಬ್ರಾಹ್ಮಣ ಉವಾಚ ಯಾವದ್ಬ್ರಹ್ಮವರ್ಚಸಮವಾರುದ್ಧಾಭಿಶ್ವೇತೋ ಭವಿಷ್ಯತೀತಿ ।
ಸ ಯಥಾಶ್ವ ಶ್ವೇತ ಏವಮಾಸ ।
ತಾವತ್ತೇಜಸ್ವಿನೀಸ್ತಾವದ್ಬ್ರಹ್ಮವರ್ಚಸಿನೀಸ್ತಾವದ್ವೀರ್ಯವತೀರೇತಾ ರಾತ್ರಯಃ ।
ತೇ ಯ ಏವಂ ವಿದ್ವಾಂಸ ಏತಾ ರಾತ್ರೀರುಪಯನ್ತಿ ಸರ್ವ ಏವರ್ಧ್ನುವತೇ ಸರ್ವೇ ಬ್ರಹ್ಮವರ್ಚಸಿನೋ ಭವನ್ತಿ ।
ತಾಸು ವಾಯವ್ಯಂ ಪಶುಮಾಲಭೇರನ್ವಾಯುರ್ವೈ ಶಾನ್ತಿಶ್ಶಾನ್ತ್ಯಾ ಏವಾನಿರ್ದಾಹಾಯ ।
ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತಿ ।
ವೈಶ್ವಾನರಪ್ರಾಯಣಾ ಹ್ಯಹೀನಾಸ್ಸೋಮಾಃ ೩೪೨

ಅಥೈಷ ಪೃಷ್ಠ್ಯಷ್ಷಡಹೋ ಭವತಿ ।
ಶ್ರೀರ್ವೈ ಪೃಷ್ಠಾನಿ ವರ್ಷ್ಮ ವೈ ಪೃಷ್ಠಾನಿ ।
ತಚ್ಛ್ರಿಯಂ ವರ್ಷ್ಮ ಪೃಷ್ಠಾನಿ ರೋಹನ್ತಿ ।
ತದು ಸತ್ರಿಣೋ ಭವನ್ತಿ ।
ಅಥೈತೇ ಸಪ್ತದಶಾ ಸ್ವರಸಾಮಾನೋ ಭವನ್ತಿ ಪ್ರಾಜಾಪತ್ಯಾನ್ಯಹಾನಿ ತ್ರಯಃ ಪರಸ್ತಾತ್ತ್ರಯೋಽವಸ್ತಾತ್ ।
ಪ್ರಜಾಪತಿರ್ವಾ ಏಷ ದ್ವೇಧಾ ವ್ಯೂಢ ಆದಿತ್ಯಾಯ ರುಚಂ ಪ್ರಯಚ್ಛತಿ ।
ತದ್ಯೋ ರುಚಃ ಪ್ರದಾತಾ ಯೇನ ರುಕ್ಪ್ರತ್ತಾ ಸ ನೋ ರುಚಂ ಪ್ರಯಚ್ಛಾದಿತಿ ।
ಅಥೈಷ ಏಕವಿಂಶೋ ವಿಷುವಾನ್ಭವತಿ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏತಸ್ಯ ವಾ ಏತೇ ಸಲೋಕತಾಂ ಗಚ್ಛನ್ತ್ಯೇತಮಭ್ಯಾರೋಹನ್ತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ಆದಿತ್ಯಮಿತಿ ।
ತದ್ಯತ್ಪರಸ್ತಾದ್ಪ್ರತ್ಯಙ್ಪೃಷ್ಠ್ಯಷ್ಷಡಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೪೩

ಅಥ ಯಸ್ಯೈತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಯನ್ಮಧ್ಯೇ ಸಪ್ತದಶಮಹಸ್ತದುಪರಿಷ್ಟಾತ್ತ್ರಯಸ್ತ್ರಿಂಶಸ್ಯ ಪರ್ಯೂಹನ್ತಿ ।
ಪ್ರಜನನಕಾಮಾ ಹೈತದುಪೇಯುಃ ।
ಪ್ರಜನನಂ ವೈ ಪೃಷ್ಠ್ಯಷ್ಷಡಹಃ ।
ಷಡುತ್ತರೇಣ ವೈ ಸ್ತೋಮಾಃ ಪ್ರಜನಯನ್ತಿ ಚತುರುತ್ತರೇಣ ಛನ್ದಾಂಸಿ ।
ಅಥೈಷ ಷಡುತ್ತರೈ ಸ್ತೋಮೈಸ್ಸ್ತೋಮಸ್ಸಪ್ತದಶೋ ಮಧ್ಯೇ ವ್ಯವಹಿತಃ ।
ಪ್ರಜನನಮನ್ತರ್ಧಾಯೇವ ತಿಷ್ಠತಿ ।
ತಂ ಯದುಪರಿಷ್ಟಾತ್ತ್ರಯಸ್ತ್ರಿಂಶಸ್ಯ ಪರ್ಯೂಹನ್ತ್ಯನನ್ತರ್ಹಿತಾತ್ಪ್ರಜನನಾತ್ಪ್ರಜಾಯಾಮಹಾ ಇತಿ ।
ದ್ವಯೋರು ವೈ ಸಪ್ತದಶಯೋಸ್ತೃತೀಯತಾಯೈ ।
ಅಥೈತೌ ವಿಶ್ವಜಿದಭಿಜಿತಾವಭಿತ ಸ್ತೋಮಾನಾಂ ವೀರ್ಯಮ್ ।
ವೀರ್ಯೇಣ ಹ ವಾ ಏತೌ ವಿಷುವನ್ತಂ ದಾಧರ್ತುಃ ।
ಯಜ್ಞಸ್ಯ ಹ ಖಲು ವಾ ಮೇಥ್ಯೌ ಯದ್ವಿಶ್ವಜಿದಭಿಜಿತೌ ।
ಏತಾಭ್ಯಾಂ ವೈ ಯಜ್ಞೋ ಧೃತಃ ।
ದೇವತಲ್ಪೋ ಹ ಖಲು ವಾ ಏಷ ಯದ್ವಿಶ್ವಜಿದಭಿಜಿತೌ ಕ್ಷತ್ರಮಸಾವಾದಿತ್ಯಃ ।
ದೇವತಲ್ಪ ಏವ ತತ್ಕ್ಷತ್ರಮಧ್ಯೂಹನ್ತಿ ।
ತಸ್ಮಾತ್ಕ್ಷತ್ರಿಯೋ ವಿಶ್ಯಧ್ಯೂಢಃ ।
ಅಥೈಷ ಏಕವಿಂಶೋ ವಿಷುವಾನ್ಭವತಿ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏತಸ್ಯ ವಾ ಏತೇ ಸಲೋಕತಾಂ ಗಚ್ಛನ್ತ್ಯೇತಮಭ್ಯಾರೋಹನ್ತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ಆದಿತ್ಯಮಿತಿ ।
ತದ್ಯತ್ಪರಸ್ತಾದ್ಪ್ರತ್ಯಙ್ಙೇವಂವಿಧಷ್ಷಡಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೪೪

ಅಥೈತತ್ಪಞ್ಚಾಹವಿಧಂ ಭವತಿ ।
ನ ಹ ಖಲು ವೈ ಸ ಏಕವಿಂಶತಿರಾತ್ರೋ ಯೋ ವಿಷುವಾನ್ ।
ಕೋ ನು ಸ ವಿಷುವಾನ್ಯಸ್ಮಿನ್ನ ವಿಶ್ವಜಿಅಭಿಜಿತೌ ಭವತಃ ।
ತದ್ಯದ್ವಿಶ್ವಜಿದಭಿಜಿತೌ ಭವತಃ ಕೃತ್ಸ್ನಂ ವಿಷುವನ್ತಮೃಧ್ನವಾಮ ಕೃತ್ಸ್ನೋ ನೋ ವಿಷುವಾನುಪೇತೋಽಸದಿತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಾ ರಾತ್ರೀರುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಙ್ಪಞ್ಚಾಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೪೫

ದ್ವಿಮಾಸ್ಯಂ ವಾ ಏತತ್ಸತ್ರಮ್ ।
ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಯೌ ಹ ಖಲು ವೈ ದ್ವೌ ಮಾಸಾವೃತೋಸ್ಸರ್ದ್ಧಿಃ ।
ಋತುರು ಪ್ರತ್ಯಕ್ಷಂ ಸಂವತ್ಸರಸ್ಯರ್ದ್ಧಿಃ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯದ್ಚತುರ್ವಿಂಶತಿರ್ದ್ವಾದಶ ಪರಸ್ತಾದಹಾನಿ ದ್ವಾದಶಾವಸ್ತಾತ್ ।
ಅಥ ಯೋ ಮಧ್ಯೇ ಲೋಕಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ಜಗತೀಮೇವ ।
ಪಶವೋ ವೈ ಜಗತೀ ।
ತೇನೈತತ್ಸತ್ರಂ ಪಶವ್ಯಮ್ ।
ಉಪೋ ವಿರಾಜಂ ಗಚ್ಛನ್ತಿ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ದ್ವ್ಯೂನಾ ವಿರಾಟ್ದ್ವೇ ತೇ ಸ್ತ್ರಿಯಾ ಊನೇ ಯತಸ್ಸಾ ಪ್ರಜಾಯತೇ ತೇನೋ ಪ್ರಜನನಮ್ ।
ಗಾಯತ್ರೀಮು ದೀಕ್ಷೋಪಸದ್ಭಿಶ್ಚ ಸುತ್ಯಾಭಿಶ್ಚ ಸಂಪದ್ಯನ್ತೇ ।
ಪ್ರಾಣೋ ವೈ ಗಾಯತ್ರೀ ತೇನೈತತ್ಸತ್ರಮಾಯುಷ್ಯಮ್ ।
ತೇಜೋ ವೈ ಗಾಯತ್ರೀ ತತ್ತೇಜಸ್ವಿನೋ ಬ್ರಹ್ಮವರ್ಚಸಿನೋ ಭವನ್ತಿ ।
ಜ್ಯೈಷ್ಟ್ಯಂ ವೈ ಗಾಯತ್ರೀ ತದ್ವಭ್ರಾತೃವ್ಯೇ ಜ್ಯೈಷ್ಠ್ಯೇ ಪ್ರತಿತಿಷ್ಠನ್ತಿ ೩೪೬

ಅಥೈತೇ ಸಪ್ತಾಹಾ ಭವನ್ತಿ ಸಪ್ತ ವೈ ಛನ್ದಾಂಸಿ ।
ಛನ್ದಾಂಸಿ ವೈ ಸ್ವಾರಾಜ್ಯೋ ಲೋಕಸ್ತದ್ಯಾವಾನ್ಸ್ವಾರಾಜ್ಯೋ ಲೋಕಸ್ತಾವನ್ತಂ ಸ್ವಾರಾಜ್ಯಂ ಲೋಕಮೃಧ್ನವಾಮೇತಿ ।
ಸಪ್ತ ವೈ ಪ್ರಾಣಾಃ ।
ಪ್ರಾಣೈರ್ವೈ ಪ್ರಜಾಃ ಪಶವಃ ಪರಿಗೃಹೀತಾ ಉಪತಿಷ್ಠನ್ತೇ ।
ತದ್ಯೈಃ ಪ್ರಾಣೈಃ ಪ್ರಜಾಃ ಪಶವಃ ಪರಿಗೃಹೀತಾ ಉಪತಿಷ್ಠನ್ತೇ ತೈರ್ನಃ ಪ್ರಾಣೈಃ ಪ್ರಜಾಃ ಪಶವಃ ಪರಿಗೃಹೀತಾ ಉಪತಿಷ್ಠಾನ್ತಾ ಇತಿ ।
ಪ್ರಾಣೈರ್ವೈ ದೇವಾ ಸ್ವರ್ಗಂ ಲೋಕಮಾಯನ್ ।
ತದ್ಯೈಃ ಪ್ರಾಣೈರ್ದೇವಾ ಸ್ವರ್ಗಂ ಲೋಕಮಾಯಂಸ್ತೈಃ ಪ್ರಾಣೈ ಸ್ವರ್ಗಂ ಲೋಕಮಾಯಾಮೇತಿ ।
ಸಪ್ತ ವೈ ಮುಖ್ಯಾಃ ಪ್ರಾಣಾಃ ।
ಏತೇ ವಾ ಅಪಹತಪಾಪ್ಮಾನಃ ಪ್ರಾಣಾ ಯನ್ಮುಖ್ಯಾಃ ।
ತೇ ಯೇಽಪಹತಪಾಪ್ಮಾನಃ ಪ್ರಾಣಾಸ್ತೇಷಾಂ ಮಾತ್ರಯಾ ಯಜ್ಞಂ ತನವಾಮಹಾ ಇತಿ ।
ಅಗ್ನಿಷ್ಟೋಮಾ ಭೂಯಾಂಸ ಉಕ್ಥ್ಯೇಭ್ಯೋ ಭವನ್ತಿ ।
ಬ್ರಹ್ಮ ವಾ ಅಗ್ನಿಷ್ಟೋಮಃ ।
ತದ್ಬ್ರಹ್ಮವರ್ಚಸಮೃಧ್ನುವನ್ತಿ ।
ತದು ಬ್ರಹ್ಮವರ್ಚಸಿನೋ ಭವನ್ತಿ ।
ಅಗ್ನಿಷ್ಟೋಮಾಃ ಪರಸ್ತಾದ್ಭವನ್ತ್ಯಗ್ನಿಷ್ಟೋಮಾ ಅವಸ್ತಾದುಕ್ಥ್ಯಾ ಮಧ್ಯೇ ।
ಬ್ರಹ್ಮ ವಾ ಅಗ್ನಿಷ್ಟೋಮಃ ಪಶವ ಉಕ್ಥ್ಯಾನಿ ।
ಬ್ರಹ್ಮಣೈವ ತದುಭಯತಃ ಪಶೂನ್ಪರಿಗೃಹ್ಣನ್ತ್ಯಪರಾವಾಪಾಯ ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತಿ ।
ವೈಶ್ವಾನರಪ್ರಾಯಣಾ ಹ್ಯಹೀನಾಸ್ಸೋಮಾಃ ೩೪೭

ಅಥೈತೇ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತಿ ।
ಶ್ರೀರ್ವೈ ಪೃಷ್ಠಾನಿ ವರ್ಷ್ಮ ವೈ ಪೃಷ್ಠಾನಿ ।
ತಚ್ಛ್ರಿಯಂ ವರ್ಷ್ಮ ಪೃಷ್ಠಾನಿ ರೋಹನ್ತಿ ।
ತದು ಸತ್ರಿಣೋ ಭವನ್ತಿ ।
ಅಥೈತತ್ತ್ರಯಸ್ತ್ರಿಂಶಮಹರ್ಭವತಿ ।
ತ್ರಯಸ್ತ್ರಿಂಶಾದೇವಾಧಿ ತ್ರಯಸ್ತ್ರಿಂಶಮ್ ।
ಸ ಹ್ಯನ್ತಃ ।
ಕುತೋ ಹ್ಯನ್ಯದಾಹರೇಯುಃ ।
ತಸ್ಯ ಚತುಸ್ತ್ರಿಂಶಂ ಬಹಿಷ್ಪವಮಾನಂ ಭವತಿ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ಪ್ರಜಾಪತಿಶ್ಚತುಸ್ತ್ರಿಂಶಃ ।
ಷಷ್ಠಾಯತನೋ ವೈ ಪ್ರಜಾಪತಿರ್ದೇವತಾನಾಮ್ ।
ಅಥ ಯತ್ಸಪ್ತಮಮಹ ಸ್ವಾರಾಜ್ಯಸ್ಸ ಲೋಕಃ ।
ಸ್ವಾರಾಜ್ಯಮು ಚತುಸ್ತ್ರಿಂಶೀ ।
ತದ್ಯತ್ಸಪ್ತಮಸ್ಯಾಹ್ನಶ್ಚತುಸ್ತ್ರಿಂಶಂ ಬಹಿಷ್ಪವಮಾನಂ ಭವತಿ ತದ್ಯಾವಾನ್ಸ್ವಾರಾಜ್ಯೋ ಲೋಕಸ್ತಾವನ್ತಂ ಸ್ವಾರಾಜ್ಯಂ ಲೋಕಮೃಧ್ನವಾಮೇತಿ ।
ತ್ರಯಾಣಾಮು ಚೈವ ತ್ರಯಸ್ತ್ರಿಂಶಾನಾಮನನೂಚೀನತಾಯೈ ।
ಪ್ರೋಷ್ಠಸ್ಯ ಹ ಖಲು ವಾ ಏತಾ ರೂಪಂ ರಾತ್ರಯಃ ।
ಊರ್ಧ್ವೋ ವಾ ಅಯಮಿತಷ್ಷಡಹಸ್ತಿರ್ಯಙ್ಮಧ್ಯೇಽರ್ವಾಙಸಾವಮುತಃ ।
ಉಪರಿಷದ್ಯಸ್ಯೋ ವಾ ಏತಾ ರೂಪಂ ರಾತ್ರಯಃ ।
ಉಪರಿಷದ್ಯಂ ವೈ ಸೋಽಶ್ನುತೇ ಯ ಶ್ರಿಯಮಶ್ನುತೇ ।
ಉಪರಿಷದ್ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಂ ಶ್ರಿಯಮಶ್ನವಾಮಹಾ ಇತಿ ।
ತಸ್ಮಾದೇತಾ ರಾತ್ರೀರುಪಯನ್ತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಾ ರಾತ್ರೀರುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಞ್ಚಃ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ಜ್ಯೋತಿಷೋಽಧ್ಯಹ್ನ ಉತ್ತಿಷ್ಠನ್ತ್ಯುಕ್ತಬ್ರಾಹ್ಮಣಾತ್ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೪೮

ಅಥ ಯಸ್ಯೈತಸ್ಯ ಸರ್ವಮೇವ ಚತುಸ್ತ್ರಿಂಶಮಹರ್ಭವತಿ ಸರ್ವೇಣೈವಾಹ್ನಾ ಸ್ವಾರಾಜ್ಯಂ ಲೋಕಮೃಧ್ನವಾಮೇತಿ ।
ತ್ರಯಾಣಾಮು ಚೈವ ತ್ರಯಸ್ತ್ರಿಂಶಾನಾಮನನೂಚೀನತಾಯೈ ।
ಅಥ ಹ ಸ್ಮಾಹ ಭಾಲ್ಲಬೇಯೋ ನ ಪುರಾ ಸಂವತ್ಸರಾನ್ಮಹಾವ್ರತಮುಪೇತ್ಯಮ್ ।
ಉಪೋ ಚೇದಿಯುಶ್ಚತುರ್ವಿಂಶತ್ಯಾಮೇವೈನದ್ರಾ ತ್ರೀಷೂಪೇಯುರಿತಿ ।
ಸಂವತ್ಸರೋ ವಾ ಏತಾ ರಾತ್ರಯೋ ಯಚ್ಚತುರ್ವಿಂಶತಿಃ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರ ಏವೈಷ ಉಭಯತಃ ಪರ್ಯೂಢಃ ।
ತಸ್ಯ ಯನ್ಮಧ್ಯೇ ಸಪ್ತದಶಮಹಸ್ತಸ್ಮಿನ್ನೇವೋಪೇತ್ಯಮಿತಿ ।
ಸಪ್ತದಶೋ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಂ ಮಹಾವ್ರತಮ್ ।
ಮಧ್ಯಾಯತನೋ ವೈ ಪ್ರಜಾಪತಿರ್ದೇವತಾನಾಮ್ ।
ತದ್ಯತ್ರಾಯತನಃ ಪ್ರಜಾಪತಿರ್ದೇವತಾನಾಂ ತತ್ಪ್ರಜಾಪತಿಮೃಧ್ನವಾಮೇತಿ ।
ಮಧ್ಯತೋ ವಾ ಅನ್ನಮಶಿತಂ ಧಿನೋತಿ ।
ತದ್ಯದೇವಮುಪಯನ್ತಿ ಮಧ್ಯತ ಏವೈತದಶನಯಾಮಪಹತ್ಯೋತ್ತಿಷ್ಠನ್ತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಾ ರಾತ್ರೀರುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಞ್ಚಃ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ಜ್ಯೋತಿಷೋಽಧ್ಯಹ್ನ ಉತ್ತಿಷ್ಠನ್ತ್ಯುಕ್ತಬ್ರಾಹ್ಮಣಾತ್ ।
ಯದಿತಿ ಹ ಖಲು ವಾ ಏತಚ್ಛನ್ದೋ ಯದ್ಗಾಯತ್ರೀ ।
ಯದ್ಗಾಯತ್ರ್! ಯಾ ಅಧ್ಯುತ್ತಿಷ್ಠೇಯುರೀಶ್ವರಾ ಅಪ್ರತಿಷ್ಠಿತಾಶ್ಚರಿತೋಃ ।
ಸವಿತಾ ಯನ್ತ್ರೈಃ ಪೃಥಿವೀಮರಮ್ಣಾದಿತಿ ಸಾವಿತ್ರಂ ವೈಶ್ವದೇವೇ ಹೋತಾರಮನುಶಂಸ್ತವೈ ಬ್ರೂಯಾತ್ ।
ತದು ದೃಢಾತ್ಪ್ರತಿಷ್ಠಿತಾದುತ್ತಿಷ್ಠನ್ತಿ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೪೯

ಅಥೈತಾಸ್ಸಂಸದೋ ಭವನ್ತಿ ।
ಏತದ್ಧ ವೈ ಸಂಸದಾಂ ಸಂಸತ್ತ್ವಂ ಯದೇತೇ ಸ್ತೋಮಾಶ್ಚ ಛನ್ದಾಂಸಿ ಚ ಮಧ್ಯತಃ ಸಂಸನ್ನಾಃ ।
ಸ್ತೋಮಾಶ್ಚ ಹ ಖಲು ವೈ ಛನ್ದಾಂಸಿ ಚ ಸರ್ವಾ ದೇವತಾಃ ।
ದೇವಾ ವೈ ಮೃತ್ಯೋರಬಿಭಯುರ್ಯ ಸ್ವರ್ಗೇ ಲೋಕೇ ।
ತಸ್ಮಾತ್ತೇ ಪ್ರಜಾಪತಿಮೇವೋಪಾಧಾವನ್ ।
ತಾನ್ಪ್ರಜಾಪತಿರಬ್ರವೀನ್ಮಾ ಬಿಭೀತ ।
ಅಹಂ ವಸ್ತಂ ಮೃತ್ಯುಮತಿನೇಷ್ಯಾಮಿ ಯ ಸ್ವರ್ಗೇ ಲೋಕ ಇತಿ ।
ತಾನ್ಪೃಷ್ಠ್ಯೇ ಷಡಹೇ ಸಮಸಾದಯತ್ ।
ಋತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರೋ ಮೃತ್ಯುಃ ।
ಮೃತ್ಯೋರ್ವಾವೈನಾಂಸ್ತತ್ಪೃಷ್ಠೇ ಪ್ರತಿಷ್ಠಿತಸ್ಸಮಸಾದಯತ್ ।
ತಾನೇತೇನಾನಿರುಕ್ತೇನ ತ್ರಯಸ್ತ್ರಿಂಶೇನಾತ್ಯನಯತ್ ।
ಸ ಷಕ್ಷತ ಮಾನಿರುಕ್ತಾ ಭೂವನ್ನಿತಿ ।
ತಾನ್ನಿರುಕ್ತೇನ ನಿರಬ್ರವೀತ್ ।
ತೇ ಸ್ತೋಮಾಂಶ್ಚ ಛನ್ದಾಂಸಿ ಚಾಕ್ರಮಮಾಣಾ ಆಯನ್ ।
ಮೃತ್ಯೋರ್ವಾವ ತೇ ತತ್ಪದಯೋಪನಂ ಕುರ್ವನ್ತ ಈಯುಸ್ತದ್ಯದೇತೇ ಸ್ತೋಮಾಶ್ಚ ಛನ್ದಾಂಸಿ ಚ ಮಧ್ಯತೋ ವಿಷ್ವಞ್ಚೋ ಭವನ್ತಿ ೩೫೦

ಯಥಾ ವಿಷೂಚೀ ಪದೇ ವಿನಿಹಿತೇ ಅನೇನಾಗಾ೩ದನೇನಾ೩ ಇತ್ಯಪ್ರಜಾನಂಸ್ತಿಷ್ಠೇದೇವಮೇವೈತನ್ಮೃತ್ಯೋಃ ಪದಯೋಪನಂ ಕೃತಂ ಭವತಿ ಪಾಪ್ಮನೋಽನನ್ವವಾಯಾಯ ।
ನ ಹ ವಾ ಏನಂ ಪುನರ್ಮೃತ್ಯುರನ್ವೇತ್ಯಪ ಪಾಪ್ಮಾನಂ ಹತೇ ಗಚ್ಛತಿ ಸ್ವರ್ಗಂ ಲೋಕಮ್ ।
ತೇ ಪರಮನ್ತಮಿತ್ವಾ ಪುನರೇವಾಬಿಭಯುಃ ।
ತಾನೇತೇನೈವಾನಿರುಕ್ತೇನ ತ್ರಯಸ್ತ್ರಿಂಶೇನಾತ್ಯನಯನ್ನಿರುಕ್ತೇನ ನಿರಬ್ರವೀತ್ ।
ತತೋ ವೈ ತೇ ತಂ ಮೃತ್ಯುಮಪಾಜಯನ್ಯ ಸ್ವರ್ಗೇ ಲೋಕೇ ।
ಅಪ ಹ ವೈ ತಂ ಮೃತ್ಯುಂ ಜಯತಿ ಯ ಸ್ವರ್ಗೇ ಲೋಕೇ ಯ ಏವಂ ವೇದ ।
ಸಂವತ್ಸರೋ ವಾ ಏತಾ ರಾತ್ರಯಸ್ಸಂವತ್ಸರಸ್ಯ ಗರ್ಭಃ ।
ಸಂವತ್ಸರಸ್ಯ ವೈ ಗರ್ಭಂ ಪ್ರಜಾಃ ಪಶವ ಉಪಜೀವನ್ತಿ ।
ಗರ್ಭಿಣೀರು ಏತಾ ರಾತ್ರಯಃ ।
ಯಥಾ ವಾ ಅಜಗರೋ ಗೀರ್ಣವಾನೇವಮೇತಾ ರಾತ್ರಯಃ ।
ಯದ್ಯು ವಾ ಅಜಗರೋ ಗೀರ್ಣವಾನ್ಭವತ್ಯುಭಾವನ್ತಾವಣೂ ಸ್ಥೂಲಂ ಮಧ್ಯಮ್ ।
ಸುಹಿತ್ಯಸ್ಯೋ ವಾ ಏತಾ ರೂಪಂ ರಾತ್ರಯಃ ।
ಸುಹಿತ್ಯಂ ವೈ ಸೋಽಶ್ನುತೇ ಯ ಶ್ರಿಯಮಶ್ನುತೇ ।
ಸುಹಿತ್ಯಂ ಜ್ಯೈಷ್ಠ್ಯಂ ಶ್ರೈಷ್ಠ್ಯಂ ಶ್ರಿಯಮಶ್ನವಾಮಹಾ ಇತಿ ತಸ್ಮಾದೇತಾ ರಾತ್ರೀರುಪಯನ್ತಿ ೩೫೧

ಅಥ ಹ ಸ್ಮಾಹಾಷಾಢಸ್ಸಾವಯಸೋ ಯಾದೋವಶ್ಯಂ ಯಸ್ಮಿನ್ನೇವ ಮೇ ಸಂವತ್ಸರೇ ಸಮಾನಾ ದಾಸ್ಯುದಕಂ ಚೌದನಂ ಚಾಹರತ್ತಸ್ಮಿನ್ನೇವ ಮೇ ಸಂವತ್ಸರೇ ಚತುರ್ವಿಂಶತಿಃ ಪರಿಷ್ಕನ್ದಾ ನಿಷ್ಕಗ್ರೀವಾಃ ಪರಿವೇಷಣಮನ್ವಾಯನ್ ।
ನೋ ತಾನ್ಸಂಪಶ್ಯಾಮೋ ಯೇಽನಿಷ್ಕಾ ಆಸನ್ನಿತಿ ।
ತಾವತ್ತೇಜಸ್ವಿನೀಸ್ತಾವದ್ಬ್ರಹ್ಮವರ್ಚಸಿನೀಸ್ತಾವದ್ವೀರ್ಯಾವತೀರೇತಾ ರಾತ್ರಯಃ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಾ ರಾತ್ರೀರುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಞ್ಚಃ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾ ಭವನ್ತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ತ್ರಿವೃತೋಽಧ್ಯಹ್ನ ಉತ್ತಿಷ್ಠನ್ತಿ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮಣ್ಯೇವೈತತ್ಪ್ರತಿಷ್ಠಾಯೋದೃಚಮಶ್ನುವತೇ ।
ತ್ರಿವೃತ್ತ್ರಿವೃತೋಽನುಚರೋ ಭವತಿ ।
ತಸ್ಮಾದ್ಬ್ರಾಹ್ಮಣೋ ಬ್ರಾಹ್ಮಣಸ್ಯಾನುಚರೋ ಭವತಿ ।
ವಿನ್ದತೇಽನುಚರಿತೄನ್ಬಹವೋಽಸ್ಯಾನುಚರಾ ಭವನ್ತಿ ಯ ಏತಾ ರಾತ್ರೀರುಪೈತಿ ।
ನ ಹ ಖಲು ವಾ ಏಷಾ ಕ್ಷಮಾ ರಮತೇ ಯದ್ಗಾಯತ್ರೀ ।
ಊರ್ಧ್ವಾ ಹ ವಾ ಏಷಾ ಸಹ ಯಜಮಾನೇನ ಸ್ವರ್ಗಂ ಲೋಕಮೇತಿ ।
ಊರ್ಧ್ವಾ ಹೈವಾಸ್ಯ ಕೀರ್ತಿರೂರ್ಧ್ವಾ ಶ್ರೀರೂರ್ಧ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೫೨

ದ್ವಿಮಾಸ್ಯಂ ವಾ ಏತತ್ಸತ್ರಮ್ ।
ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಯೌ ಹ ಖಲು ವೈ ದ್ವೌ ಮಾಸಾವೃತೋಸ್ಸರ್ದ್ಧಿಃ ।
ಋತುರು ಪ್ರತ್ಯಕ್ಷಂ ಸಂವತ್ಸರಸ್ಯರ್ದ್ಧಿಃ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯತ್ಪಞ್ಚವಿಂಶತಿರ್ದ್ವಾದಶ ಪರಸ್ತಾದಹಾನಿ ದ್ವಾದಶಾವಸ್ತಾತ್ ।
ಅಥ ಯನ್ಮಧ್ಯೇ ಅಹಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ಜಗತೀಮೇವ ।
ಪಶವೋ ವೈ ಜಗತೀ ।
ತೇನೈತತ್ಸತ್ರಂ ಪಶವ್ಯಮ್ ।
ಉಪೋ ವಿರಾಜಂ ಗಚ್ಛನ್ತಿ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ಏಕೋನಾ ವಿರಾಡೂನಂ ತತ್ಸ್ತ್ರಿಯೈ ಯತಸ್ಸಾ ಪ್ರಜಾಯತೇ ತೇನೋ ಪ್ರಜನನಮ್ ।
ಗಾಯತ್ರೀಮು ದೀಕ್ಷೋಪಸದ್ಭಿಶ್ಚ ಸುತ್ಯಾಭಿಶ್ಚ ಸಂಪದ್ಯನ್ತೇ ।
ಪ್ರಾಣೋ ವೈ ಗಾಯತ್ರೀ ತೇನೈನತ್ಸತ್ರಮಾಯುಷ್ಯಮ್ ।
ತೇಜೋ ವೈ ಗಾಯತ್ರೀ ತತ್ತೇಜಸ್ವಿನೋ ಬ್ರಹ್ಮವರ್ಚಸಿನೋ ಭವನ್ತಿ ।
ಜ್ಯೈಷ್ಟ್ಯಂ ವೈ ಗಾಯತ್ರೀ ತದ್ವಭ್ರಾತೃವ್ಯೇ ಜ್ಯೈಷ್ಠ್ಯೇ ಪ್ರತಿತಿಷ್ಠನ್ತಿ ೩೫೩

ಸಂವತ್ಸರಸ್ಯ ಹ ಖಲು ವಾ ಏಷ ರಸಃ ಪ್ರವೃಢೋ ಯದೇಷ ಪಞ್ಚವಿಂಶತಿರಾತ್ರಃ ।
ಏತದ್ಧಿ ಸರ್ವಂ ಸಂವತ್ಸರರೂಪಂ ಕ್ರಿಯತೇ ।
ಏತಾವತಿರಾತ್ರಾವೇತೇ ಆರಮ್ಭಣೀಯಮಹಾವ್ರತೀಯೇ ಅಹನೀ ಏತೌ ಪೃಷ್ಠ್ಯಾವೇತೌ ವಿಶ್ವಜಿದಭಿಜಿತಾವೇತೇ ಸ್ವರಸಾಮಾನ ಏಷ ವಿಷುವಾನ್ ।
ತೇ ಯೇ ಕಾಮಂಕಾಮಂ ಸಮಾರೇಭಾಣಾ ಇವ ಮನ್ಯೇರಂಸ್ತ ಏತಮೇವ ಪಞ್ಚವಿಂಶತಿರಾತ್ರಮುಪೇಯುಃ ।
ಆಪ್ತ್ವಾ ಹೈವೈತತ್ಸತ್ರಮುತ್ತಿಷ್ಠನ್ತಿ ।
ಪುರುಷಸಂಮಿತಂ ಹ ಖಲು ವಾ ಏತತ್ಸತ್ರಂ ಯದೇಷ ಪಞ್ಚವಿಂಶತಿರಾತ್ರಃ ।
ದಶ ವೈ ಪುರುಷಸ್ಯ ಹಸ್ತ್ಯಾ ಅಙ್ಗುಲಯೋ ದಶ ಪದ್ಯಾಶ್ಚತ್ವಾರಿ ಪ್ರಾಙ್ಗಾಣ್ಯಾತ್ಮಾ ಪಞ್ಚವಿಂಶಃ ।
ಷಡಿಮಾನಿ ಪರ್ವಾಣಿ ಷಡಿಮಾನಿ ಷಡಿಮಾನಿ ಷಡಿಮಾನ್ಯಾತ್ಮಾ ಪಞ್ಚವಿಂಶಃ ।
ದ್ವಾದಶೇಮಾಃ ಪರಿಶವೋ ದ್ವಾದಶೇಮಾ ಆತ್ಮೈವ ಪಞ್ಚವಿಂಶಃ ।
ಪುರುಷಂ ವಾವೈತೇನ ಸಂಸ್ಕುರ್ವನ್ತಿ ಪುರುಷಂ ಪ್ರಜನಯನ್ತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ಪಞ್ಚವಿಂಶತಿರಾತ್ರಮುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಙ್ಪೃಷ್ಠ್ಯಷ್ಷಡಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ಮಹಾವ್ರತೀಯಾದಧ್ಯಹ್ನ ಉತ್ತಿಷ್ಠನ್ತ್ಯನ್ನಂ ವೈ ಮಹಾವ್ರತಮನ್ನಾದ್ಯ ಏವೈತತ್ಪ್ರತಿಷ್ಠಾಯೋದೃಚಮಶ್ನುವತೇ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೫೪

ದ್ವಿಮಾಸ್ಯಂ ವಾ ಏತತ್ಸತ್ರಮ್ ।
ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಯೌ ಹ ಖಲು ವೈ ದ್ವೌ ಮಾಸಾವೃತೋಸ್ಸರ್ದ್ಧಿಃ ।
ಋತುರು ಪ್ರತ್ಯಕ್ಷಂ ಸಂವತ್ಸರಸ್ಯರ್ದ್ಧಿಃ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯತ್ತ್ರಯಸ್ತ್ರಿಂಶತ್ಷೋಡಶ ಪರಸ್ತಾದಹಾನಿ ಷೋಡಶಾವಸ್ತಾತ್ ।
ಅಥ ಯನ್ಮಧ್ಯೇ ಅಹಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ವಿರಾಜಮೇವ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ತಿಸ್ರಶ್ಚ ವಿರಾಟ್ಚ ।
ತಾ ಯಾಸ್ತಿಸ್ರೋ ದೈವೀರಾಚ್ಛದಸ್ತಾಸಾಮೇಷರ್ದ್ಧಿರ್ಯಾನಿ ತ್ರೀಣಿ ಛನ್ದಾಂಸಿ ಯಾನಿ ತ್ರೀಣಿ ಸವನಾನಿ ಯೇ ತ್ರಯಃ ಪ್ರಾಣಾಪಾನಾವ್ಯಾನಾ ಯೇ ತ್ರಯ ಇಮೇ ಲೋಕಾಃ ।
ಯತ್ಕಿಂ ಚ ತ್ರಿಸ್ತ್ರಿಸ್ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।
ದೇವಸತ್ರಂ ಹ ಖಲು ವಾ ಏತದ್ಯದೇಷ ತ್ರಯಸ್ತ್ರಿಂಶದ್ರಾ ತ್ರಃ ।
ತ್ರಯಸ್ತ್ರಿಂಶದ್ವೈ ದೇವತಾಃ ।
ದೇವತಾ ವಾ ಋದ್ಧಿಕಾಮಾಸ್ತಪೋಽತಪ್ಯನ್ತ ।
ತಾ ಏತದಯನಮಪಶ್ಯನ್ ।
ತದುಪಾಯನ್ ।
ತತೋ ವೈ ತಾಸಾಮಹ್ನೈವೈಕಾರ್ಧ್ನೋದಹ್ನೈಕಾಹ್ನೈಕಾ ।
ಸಾ ಹ ಖಲು ವೈ ಶ್ರೇಷ್ಠರ್ದ್ಧೀನಾಂ ಸ ಲೋಕಾನಾಂ ಪುಣ್ಯತಮೋ ಯಮೇತೇನ ದೇವತಾ ಆರ್ಧ್ನುವನ್ ।
ಸಾ ಯಾ ಶ್ರೇಷ್ಠರ್ದ್ಧೀನಾಂ ಯೋ ಲೋಕಾನಾಂ ಪುಣ್ಯತಮೋ ಯಮೇತೇನ ದೇವತಾ ಆರ್ಧ್ನುವಂಸ್ತಮೃಧ್ನವಾಮೇತಿ ।
ತಸ್ಮಾದೇತಾ ರಾತ್ರೀರುಪಯನ್ತಿ ೩೫೫

ಅಥೈತೇ ಪಞ್ಚಾಹಾ ಭವನ್ತಿ ಪಞ್ಚ ವೈ ಜಯಾಃ ।
ಪಞ್ಚಭಿರ್ವೈ ವ್ಯಾಹೃತಿಭಿರಿದಂ ದೇವಾ ಅಜಯಂಸ್ತದ್ಯಾವತೇದಂ ದೇವಾ ಅಜಯಂಸ್ತಾವತಾ ಜಯಾಮೇತಿ ।
ಪಾಙ್ಕ್ತೋ ಯಜ್ಞಃ ।
ಯಾವತೀ ಯಜ್ಞಸ್ಯ ಮಾತ್ರಾ ತಾಮಾಪ್ನವಾಮೇತಿ ।
ಪಾಙ್ಕ್ತಾಃ ಪಶವಃ ।
ಯಾವತೀ ಪಶೂನಾಂ ಮಾತ್ರಾ ತಾವತಾ ನಃ ಪಶವೋಽವರುದ್ಧಾ ಉಪತಿಷ್ಠಾನ್ತಾ ಇತಿ ।
ಪಾಙ್ಕ್ತಮನ್ನಾದ್ಯಂ ಯಾವತ್ಯನ್ನಾದ್ಯಸ್ಯ ಮಾತ್ರಾ ತಾವತಾ ನೋಽನ್ನಾದ್ಯಮವರುದ್ಧಮುಪತಿಷ್ಠಾತಾ ಇತಿ ।
ಅಥ ಸ್ಮಾಹುಃ ಕಾಪೇಯಾ ಅನೃತೌ ವಾ ಏಷ ಪ್ರತಿಷ್ಠಿತೋ ಯತ್ಷಡಹಃ ।
ಪಞ್ಚಾಹೋ ವಾ ಋತೌ ಪ್ರತಿಷ್ಠಿತ ಇತಿ ।
ವಸನ್ತೋ ವೈ ಪ್ರಥಮ ಋತೂನಾಂ ಗ್ರೀಷ್ಮೋ ದ್ವಿತೀಯೋ ವರ್ಷಾಸ್ತೃತೀಯಾಶ್ಶರಚ್ಚತುರ್ಥೀ ಹೇಮನ್ತಃ ಪಞ್ಚಮಶ್ಶಿಶಿರಷ್ಷಷ್ಠಃ ।
ಸ ಏಷ ಶ್ರೇಷ್ಠ ಋತೂನಾಂ ಯದ್ಧೇಮನ್ತಃ ಪೀವಗುಃ ಪೀವವತ್ಸಃ ।
ತಮನು ಪಞ್ಚಾಹಃ ಪ್ರತಿತಿಷ್ಠನ್ನೇತಿ ।
ಅಥೈಷ ಪರಿಚಕ್ಷ್ಯೈವ ಯಚ್ಛಿಶಿರಃ ಕೃಶಗುಃ ಕೃಶಪುರುಷಃ ।
ತಮನು ಷಡಹಃ ಪ್ರತಿತಿಷ್ಠತಿ ।
ಸ ಯ ಶ್ರೇಷ್ಠ ಋತೂನಾಂ ಹೇಮನ್ತಸ್ತಸ್ಯ ಪ್ರತಿಷ್ಠಾಮನು ಪ್ರತಿತಿಷ್ಠನ್ತೋಽಯಾಮೇತಿ ।
ತಸ್ಮಾದೇತತ್ಪಞ್ಚಾಹವಿಧಮುಪಯನ್ತಿ ।
ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತಿ ।
ವೈಶ್ವಾನರಪ್ರಾಯಣಾ ಹ್ಯಹೀನಾಸ್ಸೋಮಾಃ ೩೫೬

ಅಥೈತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ।
ಏತೇ ಹ ವೈ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾ ಯೇ ಜ್ಯೋತಿರ್ಗೌರಾಯುರಿತಿ ।
ತೇ ಯೇ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾಸ್ತೈರ್ನ ಸ್ತುತಮಸದಿತಿ ।
ತ ಉ ವಿರಾಜಂ ಸಂಪನ್ನಾಃ ।
ತದು ವಿರಾಜಮನ್ನಾದ್ಯಮಾರಭನ್ತೇ ।
ತಾಮಾನ್ತಂ ನಾವಸೃಜೇಯುಃ ।
ಬೃಹದ್ರ ಥನ್ತರೇ ಸಾಮನೀ ಭವತಃ ।
ಸಾ ಹ್ಯೃದ್ಧಿಸ್ಸ ಪನ್ಥಾಃ ।
ಶ್ಯೈತನೌಧಸೇ ಬ್ರಹ್ಮಸಾಮನೀ ಭವತಃ ।
ಪ್ರಸ್ಪಷ್ಟಮಾಜಿಮನು ಶೂಕರವಾಮೇತಿ ।
ತದ್ಯತ್ತೃತೀಯೇಽಹನಿ ರಥನ್ತರಂ ಸಂಪದ್ಯೇತ ತದ್ವೈರೂಪಮುಪೇಯುಃ ।
ಇದಂ ವೈ ರಥನ್ತರಮದೋ ಬೃಹದಿದಮೇವಾನ್ತರಿಕ್ಷಂ ವೈರೂಪಮ್ ।
ಏತಯೋರೇವ ಸಾಮ್ನೋರಸಮದೇ ।
ಅಥ ಹ ವೈ ನಿಷ್ಕರಣೀಯಾ ಇತಿ ಬ್ರಾಹ್ಮಣಾಃ ಪೂರ್ವಿಣಸ್ಸತ್ರಂ ನಿಷೇದುಃ ।
ತೇಷಾಂ ಹ ಸ್ಮ ವಾಸಿಷ್ಠಸ್ಸಾತ್ಯಹವ್ಯ ಆಸದ್ಯ ಸೋಮಂ ಭಕ್ಷಯಿತ್ವಾ ಪ್ರಧಾವತಿ ।
ತೇ ಹಾಭಿಶಸ್ತಿಂ ಚಕ್ರಿರೇ ಕಥಂ ನು ನೋ ದೀಕ್ಷಿತಾನಾಮದೀಕ್ಷಿತಾಸ್ಸೋಮಂ ಭಕ್ಷಯೇಯುರಿತಿ ।
ತೇ ಹೈತದೇಕಮಹರ್ವೈರೂಪಮುಪೇಯುಃ ।
ಸ ಹ ಪುನರಾಸದ್ಯ ತೂಷ್ಣೀಮೇವೇಕ್ಷಮಾಣೋ ನಿಷಸಾದ ।
ತಂ ಹೋಚುಃ ಕಥಂ ನ ಸರ್ಪಸಿ ಕಥಂ ನ ಭಕ್ಷಯಸೀತಿ ।
ಸ ಹೋವಾಚ ಸತ್ರಿಣೋ ವಾ ಅಭೂತ ದೀರ್ಘಸೋಮೋ ವಾವ ವಃ ಪುರಾಭೂದಿತಿ ।
ತದ್ಯತ್ತೃತೀಯೇಽಹನಿ ವೈರೂಪಮುಪಯನ್ತಿ ಸತ್ರಿತಾಯಾ ಏವ ।
ತೇ ವಾ ಏತೇ ಸಾಮನೀ ಅನ್ಯದನ್ಯದಹರುಪಪದ್ಯಮಾನೇ ಇತಃ ಯತ್ರ ಗವಿ ರಥನ್ತರಂ ಸಂಪದ್ಯೇತ - ೩೫೭

- ತದ್ಧೋತಾರಂ ಬ್ರೂಯಾದುಭೇ ರೂಪೇ ಸಂಸ ಯಚ್ಚ ರಾಥನ್ತರಂ ಯಚ್ಚ ಬಾರ್ಹತಮಿತಿ ।
ಯತ್ರಾಯುಷಿ ಬೃಹತ್ಸಂಪದ್ಯೇತ ತದ್ಧೋತಾರಂ ಬ್ರೂಯಾದುಭೇ ರೂಪೇ ಶಂಸ ಯಚ್ಚ ಬಾರ್ಹತಂ ಯಚ್ಚ ರಾಥನ್ತರಮಿತಿ ।
ಯದ್ಯುಭೇ ರಾಥನ್ತರೇ ಅಹನೀ ಸಂಪದ್ಯೇಯಾತಾಂ ಪೂರ್ವಸ್ಯಾಹ್ನಸ್ಸೌಭರಮುಕ್ಥ್ಯೇಷು ಬ್ರಹ್ಮಸಾಮ ಕುರ್ಯುರ್ ।
ಯದ್ಯುಭೇ ಬಾರ್ಹತೇ ಅಹನೀ ಸಂಪದ್ಯೇಯಾತಾಮುತ್ತರಸ್ಯಾಹ್ನಃ ಕಣ್ವರಥನ್ತರಂ ಮಾಧ್ಯನ್ದಿನೇ ಪವಮಾನೇ ಪ್ರೋಹೇಯುಃ ।
ಪ್ರಜಾ ವಾ ಏಷಾ ಬೃಹದ್ರ ಥನ್ತಯೋರ್ಯದೇತೇ ಸಾಮನೀ ।
ತದ್ಯದೇವಮುಪಯನ್ತ್ಯಜಾಮಿತಾಯಾ ಏವ ।
ಅಥೈಷ ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರೋ ಭವತಿ ಪ್ರಾಜಾಪತ್ಯಮಹರಹೋರಾತ್ರೇ ವೈ ಕೃತ್ಸ್ನಃ ಪ್ರಜಾಪತಿಃ ಕೃತ್ಸ್ನಂ ಪ್ರಜಾಪತಿಮೃಧ್ನವಾಮ ಕೃತ್ಸ್ನೋ ನಃ ಪ್ರಜಾಪತಿರುಪೇತೋಽಸದಿತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ವಿಶ್ವಜಿತಮತಿರಾತ್ರಮುಪಯನ್ತಿ ।
ಪ್ರಜಾಪತಿಂ ಹ್ಯೇವ ಪ್ರತ್ಯಕ್ಷಮುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಞ್ಚಃ ತ್ರಯಃ ಪಞ್ಚಾಹಾ ಭವನ್ತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೫೮

ಅಥೈತಾ ದ್ವಾದಶಾಹವತೀರ್ಭವನ್ತಿ ಯೈವಾಸೌ ದ್ವಾದಶಾಹವತೀನಾಂ ಪ್ರಶಂಸಾ ಸಾ ನ ಉಪಾಪ್ತಾಸದಿತಿ ।
ಇದಮಿವ ತ್ವತ್ರೋಪಾಧೀಯತೇ ।
ತಾ ವಾ ತ್ವೈ ಪುರಸ್ತಾದುಪೇಯುಸ್ತಾ ವೋಪರಿಷ್ಟಾತ್ ।
ಯದಿ ಪುರಸ್ತಾದುಪೇಯುಃ ಪ್ರಾಯಣೀಯಸ್ಯೈವಾಹ್ನೋಽಛಂಬಟ್ಕಾರಾಯ ।
ತದಿವ ತ್ವತ್ರ ಪರಿಚಕ್ಷತೇ ಯದ್ವಾಚಮೋಹುಷೀಂ ದಶಮೇನಾಹ್ನಾಸಂಪಾದ್ಯ ತಸ್ಯೈ ವಿಕೃಷ್ಟಾಯೈ ವಾಚೋಽಪ್ರತಿಷ್ಠಿತಾಯಾ ಉದೃಚಮಶ್ನುವತೇ ।
ಯದೇವ ತತ್ರ ಪ್ರಾಯಣೀಯರೂಪಂ ಮನ್ಯೇರಂಸ್ತದೇವ ತತ್ರ ಕುರ್ಯುಃ ।
ಪ್ರತ್ನವತ್ಪ್ರೇತಿವತ್ಸಂಪನ್ನಾಯೈ ವಾಚೋಽವಿಕೃಷ್ಟಾಯೈ ಪ್ರತಿಷ್ಠಾಯಾ ಉದೃಚಮಶ್ನವಾಮಹಾ ಇತಿ ।
ಅಥೈಷ ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರೋ ಭವತಿ ಪ್ರಾಜಾಪತ್ಯಮಹರಹೋರಾತ್ರೇ ವೈ ಕೃತ್ಸ್ನಃ ಪ್ರಜಾಪತಿಃ ಕೃತ್ಸ್ನಂ ಪ್ರಜಾಪತಿಮೃಧ್ನವಾಮ ಕೃತ್ಸ್ನೋ ನಃ ಪ್ರಜಾಪತಿರುಪೇತೋಽಸದಿತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ವಿಶ್ವಜಿತಮತಿರಾತ್ರಮುಪಯನ್ತಿ ।
ಪ್ರಜಾಪತಿಂ ಹ್ಯೇವ ಪ್ರತ್ಯಕ್ಷಮುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಙ್ಪಞ್ಚಾಹೋ ಭವತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೫೯

ಅಥೈತತ್ತ್ರ್! ಯಹವಿಧಂ ಭವತಿ ।
ತ್ರಯೋ ಹ ವಾ ಋತವೋಽನೃತವೋಽನ್ಯೇ ।
ಗ್ರೀಷ್ಮೋ ವರ್ಷಾ ಹೇಮನ್ತ ಏತೇ ಹ ವಾ ಋದ್ಧಾ ಋತವ ಉಪಶ್ಲೇಷಗಾ ಇವಾನ್ಯೇ ।
ತೇ ಯ ಋದ್ಧಾ ಋತವಸ್ತೇ ನ ಉಪಾಪ್ತಾ ಅಸನ್ನಿತಿ ।
ತ್ರೀಣಿ ವಾವ ಛನ್ದಾಂಸಿ ತ್ರೀಣಿ ಸವನಾನಿ ತ್ರಯಃ ಪ್ರಾಣಾಪಾನಾವ್ಯಾನಾಸ್ತ್ರಯ ಇಮೇ ಲೋಕಾಃ ।
ಯತ್ಕಿಂ ಚ ತ್ರಿಸ್ತ್ರಿಸ್ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।
ಪಞ್ಚೈತೇ ಪರಸ್ತಾತ್ತ್ರ್! ಯಹಾ ಭವನ್ತಿ ಪಞ್ಚಾವಸ್ತಾತ್ ।
ತೇನೋ ಏವ ಪಞ್ಚಾಹವಿಧತಾಯೈ ನ ಯನ್ತಿ ।
ಅಥೈಷ ವಿಶ್ವಜಿತ್ಸರ್ವಪೃಷ್ಠೋಽತಿರಾತ್ರೋ ಭವತಿ ಪ್ರಾಜಾಪತ್ಯಮಹರಹೋರಾತ್ರೇ ವೈ ಕೃತ್ಸ್ನಃ ಪ್ರಜಾಪತಿಃ ಕೃತ್ಸ್ನಂ ಪ್ರಜಾಪತಿಮೃಧ್ನವಾಮ ಕೃತ್ಸ್ನೋ ನಃ ಪ್ರಜಾಪತಿರುಪೇತೋಽಸದಿತಿ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯ ಏತಂ ವಿಶ್ವಜಿತಮತಿರಾತ್ರಮುಪಯನ್ತಿ ।
ಪ್ರಜಾಪತಿಂ ಹ್ಯೇವ ಪ್ರತ್ಯಕ್ಷಮುಪಯನ್ತೀತಿ ।
ತದ್ಯತ್ಪರಸ್ತಾದ್ಪ್ರತ್ಯಞ್ಚಃ ಪಞ್ಚ ತ್ರ್! ಯಹಾ ಭವನ್ತಿ ನಿಹ್ನವಾಯೈವಾನಾರ್ತ್ಯೈ ಶಿವತ್ವಾಯ ಶಾನ್ತ್ಯೈ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೬೦

ತ್ರಿಮಾಸ್ಯಂ ವಾ ಏತತ್ಸತ್ರಂ ತೇನ ಯರ್ದ್ಧಿಸ್ಸೈವರ್ದ್ಧಿಃ ।
ಯೌ ಹ ಖಲು ವೈ ದ್ವೌ ಮಾಸಾವೃತೋಸ್ಸರ್ದ್ಧಿಃ ।
ಋತುರು ಪ್ರತ್ಯಕ್ಷಂ ಸಂವತ್ಸರಸ್ಯರ್ದ್ಧಿಃ ।
ಅಥ ಯಸ್ತೃತೀಯೋ ಮಾಸಸ್ತ್ರಯೋದಶಸ್ಯ ಸ ಮಾಸಸ್ಯರ್ದ್ಧಿಃ ।
ಸಂವತ್ಸರಂ ವಾ ಏತದೀರ್ತ್ಸನ್ತಿ ಸಂವತ್ಸರಮೀಪ್ಸನ್ತಿ ಯದ್ಯಜನ್ತೇ ಯತ್ಸತ್ರಮಾಸತೇ ।
ನ ಹಿ ಕಿಂ ಚನ ಬಹಿಸ್ಸಂವತ್ಸರಾದಸ್ತಿ ।
ಸ್ವಾರಾಜ್ಯಂ ವಾ ಏತಾ ರಾತ್ರಯೋ ಯದೇಕಾನ್ನಪಞ್ಚಾಶಚ್ಚತುರ್ವಿಂಶತಿಃ ಪರಸ್ತಾದಹಾನಿ ಚತುರ್ವಿಂಶತಿರವಸ್ತಾತ್ ।
ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರ ಏವೈಷ ಉಭಯತಃ ಪರ್ಯೂಢಃ । ಯನ್ಮಧ್ಯೇ ಅಹಸ್ಸ ಸ್ವರಾಟ್ಸ ಸ್ವರ್ಗೋ ಲೋಕಃ ।
ತದ್ಬ್ರಧ್ನಸ್ಯ ವಿಷ್ಟಪಂ ಗಚ್ಛನ್ತಿ ತತ್ಸ್ವಾರಾಜ್ಯಂ ಗಚ್ಛನ್ತಿ ।
ತದನ್ಯಸ್ಯಾನನುಯಾನಾ ಭವನ್ತಿ ।
ತಾ ವಾ ಏತಾ ರಾತ್ರಯಸ್ಸಂಪದ್ಯನ್ತೇ ಜಗತೀಮೇವ ।
ಪಶವೋ ವೈ ಜಗತೀ ।
ತೇನೈತತ್ಸತ್ರಂ ಪಶವ್ಯಮುಪೋ ವಿರಾಜಂ ಗಚ್ಛನ್ತಿ ।
ತದು ವಿರಾಜೋಽನ್ನಾದ್ಯಸ್ಯೈಶ್ವರ್ಯಮಾಧಿಪತ್ಯಂ ಗಚ್ಛನ್ತಿ ।
ಏಕೋನಾ ವಿರಾಡೂನಂ ತತ್ಸ್ತ್ರಿಯೈ ಯತಸ್ಸಾ ಪ್ರಜಾಯತೇ ತೇನೋ ಪ್ರಜನನಮ್ ।
ಗಾಯತ್ರೀಮು ದೀಕ್ಷೋಪಸದ್ಭಿಶ್ಚ ಸುತ್ಯಾಭಿಶ್ಚ ಸಂಪದ್ಯನ್ತೇ ।
ಪ್ರಾಣೋ ವೈ ಗಾಯತ್ರೀ ತೇನೈತತ್ಸತ್ರಮಾಯುಷ್ಯಮ್ ।
ತೇಜೋ ವೈ ಗಾಯತ್ರೀ ತತ್ತೇಜಸ್ವಿನೋ ಬ್ರಹ್ಮವರ್ಚಸಿನೋ ಭವನ್ತಿ ।
ಜ್ಯೈಷ್ಟ್ಯಂ ವೈ ಗಾಯತ್ರೀ ತದ್ವಭ್ರಾತೃವ್ಯೇ ಜ್ಯೈಷ್ಠ್ಯೇ ಪ್ರತಿತಿಷ್ಠನ್ತಿ ೩೬೧

ಆದಿತ್ಯಾಶ್ಚ ವಾ ಅಙ್ಗಿರಸಶ್ಚ ಸ್ವರ್ಗೇ ಲೋಕೇಽಸ್ಪರ್ಧನ್ತ ।
ತ ಆದಿತ್ಯಾ ಅಕಾಮಯನ್ತ ವಯಂ ಪೂರ್ವೇ ಸ್ವರ್ಗಂ ಲೋಕಂ ಗಚ್ಛೇಮೇತಿ ।
ತ ಏತದಯನಮಪಶ್ಯನ್ ।
ತದುಪಾಯನ್ ।
ತತೋ ವಾ ಆದಿತ್ಯಾಃ ಪೂರ್ವೇ ಸ್ವರ್ಗಂ ಲೋಕಮಗಚ್ಛನ್ನಹೀಯನ್ತಾಙ್ಗಿರಸಃ ।
ಸಾ ಹ ಖಲು ವೈ ಶ್ರೇಷ್ಠರ್ದ್ಧೀನಾಂ ಸ ಲೋಕಾನಾಂ ಪುಣ್ಯತಮೋ ಯಮೇತೇನಾದಿತ್ಯಾ ಅಗಚ್ಛನ್ ।
ಸಾ ಯಾ ಶ್ರೇಷ್ಠರ್ದ್ಧೀನಾಂ ಯೋ ಲೋಕಾನಾಂ ಪುಣ್ಯತಮೋ ಯಮೇತೇನಾದಿತ್ಯಾ ಅಗಚ್ಛಂಸ್ತಂ ಗಚ್ಛಾಮೇತಿ ತಸ್ಮಾದೇತಾ ರಾತ್ರೀರುಪಯನ್ತಿ ।
ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತಿ ।
ವೈಶ್ವಾನರಪ್ರಾಯಣಾ ಹ್ಯಹೀನಾಸ್ಸೋಮಾಃ ೩೬೨

ಅಥೈತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ।
ಏತೇ ಹ ವೈ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾ ಯೇ ಜ್ಯೋತಿರ್ಗೌರಾಯುರಿತಿ ।
ತೇ ಯೇ ಶಿವಾಶ್ಶಾನ್ತಾಃ ಪಥ್ಯಾ ಸ್ತೋಮಾಸ್ತೈರ್ನ ಸ್ತುತಮಸದಿತಿ ।
ತ ಉ ವಿರಾಜಂ ಸಂಪನ್ನಾಃ ।
ತದು ವಿರಾಜಮನ್ನಾದ್ಯಮಾರಭನ್ತೇ ।
ಬೃಹದ್ರ ಥನ್ತರೇ ಸಾಮನೀ ಭವತಃ ।
ಸಾ ಹ್ಯೃದ್ಧಿಸ್ಸ ಪನ್ಥಾಃ ।
ಶ್ಯೈತನೌಧಸೇ ಬ್ರಹ್ಮಸಾಮನೀ ಭವತಃ ।
ಪ್ರಸ್ಪಷ್ಟಮಾಜಿಮನು ಶೂಕರವಾಮೇತಿ ।
ಅಥೈತೇ ಷಡತಿರಾತ್ರಾ ಭವನ್ತಿ ।
ಷಡ್ವೈ ಪುರುಷೇ ಪಾಪ್ಮಾನಷ್ಷಡ್ವಿಷುವನ್ತ ಸ್ವಪ್ನಶ್ಚ ತನ್ದ್ರೀ ಚ ಮನ್ಯುಶ್ಚಾಶನಯಾ ಚಾಕ್ಷಕಾಮ್ಯಾ ಚ ಸ್ತ್ರೀಕಾಮ್ಯಾ ಚ ।
ತಾನೇವೈತೈರಪಘ್ನತೇ ತಾನತಿತರನ್ತಿ ।
ಅಥೈತೇ ತ್ರಯಸ್ತ್ರ್! ಯಹಾ ಭವನ್ತಿ ।
ನವಾಹಾನಿ ।
ನವ ವೈ ಪುರುಷೇ ಪ್ರಾಣಾಃ ।
ಪ್ರಾಣಾನಾಮೇವೈಷಾ ಸಂಮಾ ಪ್ರಾಣಾನಾಮೃದ್ಧಿಃ ।
ಅಥೈತದ್ವೈರಾಜಪೃಷ್ಠಂ ದಶಮಮಹರ್ಭವತಿ ।
ನಾಭಿರ್ಹ ಸಾ ತದ್ವಾ ಏತದಾಕ್ಷಿತ್ಸದಹರೇತೇಷ್ವಹಸ್ಸು ನಿಯುಕ್ತಮ್ ।
ಯಸ್ಮಾದೇತದಾಕ್ಷಿತ್ಸದಹರೇತೇಷ್ವಹಸ್ಸು ನಿಯುಕ್ತಂ ತಸ್ಮಾದಾಕ್ಷಿತ್ಸತೀ ನಾಭಿಃ ಪ್ರಾಣೇಸು ನಿಯುಕ್ತಾ ।
ಪ್ರಾಣತೋ ಹ್ಯೇನಾಮನೂದನಿತ್ಯಪಾನತೋಽನ್ವಪಾನಿತಿ ।
ತದೇತೇಷಾಮಹ್ನಾಂ ದಶಮಂ ಭವತಿ ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಡ್ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ೩೬೩

ತದ್ವೈರಾಜಪೃಷ್ಠಂ ಭವತ್ಯನ್ನಂ ವೈ ವೈರಾಜಮನ್ನಾದ್ಯಸ್ಯೈವಾವರುದ್ಧ್ಯೈ ।
ತದುಕ್ಥ್ಯಂ ಭವತಿ ಪಶವೋ ವಾ ಉಕ್ಥಾನ್ಯನ್ನಂ ಪಶವೋಽಭಿಪೂರ್ವಸ್ಯೈವಾನ್ನಾದ್ಯಸ್ಯಾವರುದ್ಧ್ಯೈ ।
ತತ್ಷೋಡಶಿಮದ್ಭವತಿ ವಜ್ರೋ ವೈ ಷೋಡಶ್ಯನ್ನಂ ವಿರಾಡ್ವಜ್ರೇಣೈವಾನ್ನಾದ್ಯಂ ಪರಿಗೃಹ್ಣನ್ತಿ ।
ತದೇಕವಿಂಶಂ ಭವತಿ ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಏತದ್ವೈ ದೈವ್ಯಂ ಕ್ಷತ್ರಮ್ ।
ಕ್ಷತ್ರಿಯ ಉ ವಾ ಅನ್ನಾದ್ಯಸ್ಯ ಪ್ರದಾತಾ ।
ಸ ಯೋಽನ್ನಾದ್ಯಸ್ಯ ಪ್ರದಾತಾ ಸ ನೋಽನ್ನಾದ್ಯಂ ಪ್ರಯಚ್ಛಾದಿತಿ ।
ಅಥೈತೇ ಚತ್ವಾರಸ್ತ್ರಿಯಹಾ ಭವನ್ತಿ ದ್ವಾದಶಾಹಾನಿ ।
ದ್ವಾದಶ ವೈ ಸಂವತ್ಸರಸ್ಯ ಪೌರ್ಣಮಾಸ್ಯಃ ।
ಪೌರ್ಣಮಾಸೀನಾಮೇವೈಷಾ ಸಂಮಾ ಪೌರ್ಣಮಾಸೀನಾಮೃದ್ಧಿಃ ।
ಅಥೈಷ ಪೃಷ್ಠ್ಯಷ್ಷಡಹೋ ಭವತಿ ।
ಶ್ರೀರ್ವೈ ಪೃಷ್ಠಾನಿ ವರ್ಷ್ಮ ವೈ ಪೃಷ್ಠಾನಿ ।
ತಚ್ಛ್ರಿಯಂ ವರ್ಷ್ಮ ಪೃಷ್ಠಾನಿ ರೋಹನ್ತಿ ।
ತದು ಸತ್ರಿಣೋ ಭವನ್ತಿ ।
ಅಥೈತೇ ಚತ್ವಾರ ಉತ್ತರೇ ತ್ರ್! ಯಹಾ ಭವನ್ತಿ ದ್ವಾದಶೋ ಏವಾಹಾನಿ ।
ದ್ವಾದಶ ವೈ ಸಂವತ್ಸರಸ್ಯಾಮಾವಾಸ್ಯಾಃ ।
ಅಮಾವಾಸ್ಯಾನಾಮೇವೈಷಾ ಸಂಮಾಮಾವಾಸ್ಯಾನಾಮೃದ್ಧಿಃ ।
ದ್ವಾದಶೈತಾನಿ ಪರಸ್ತಾತ್ಪೃಷ್ಠ್ಯಸ್ಯ ಷಡಹಸ್ಯಾಹಾನಿ ಭವನ್ತಿ ದ್ವಾದಶಾವಸ್ತಾತ್ ।
ತಸ್ಮಾತ್ಸಮಾವತೀಸ್ಸಂವತ್ಸರಸ್ಯ ಪೌರ್ಣಮಾಸ್ಯಶ್ಚಾಮಾವಾಸ್ಯಾಶ್ಚ ।
ವೈಶ್ವನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೬೪

ಆದಿತ್ಯಾಶ್ಚ ವಾ ಅಙ್ಗಿರಸಶ್ಚ ಸ್ವರ್ಗೇ ಲೋಕೇಽಸ್ಪರ್ಧನ್ತ ।
ತ ಆದಿತ್ಯಾಃ ಪೂರ್ವೇ ಸ್ವರ್ಗಂ ಲೋಕಮಗಚ್ಛನ್ ।
ತೇಽಙ್ಗಿರಸೋಽಕಾಮಯನ್ತ ವಯಮಪಿ ತಂ ಲೋಕಂ ಗಚ್ಛೇಮ ಯಮಾದಿತ್ಯಾ ಅಗ್ಮನ್ನಿತಿ ।
ತೇ ಯೇನ ಯೇನೈವಾಯನೇನಾಯಂಸ್ತತಸ್ತತ ಏನಾನ್ಪ್ರತ್ಯಪಾನುದನ್ತ ।
ತಾನ್ಹ ಪರಶ್ಚತ್ವಾರಿಂಶಾನಿ ವರ್ಷಾಣಿ ಪ್ರತ್ಯೇವ ನುನುದಿರೇ ।
ತ ಏತದಯನಮಪಶ್ಯನ್ ।
ತದೇವಾಸೀದನ್ ।
ಯಥಾವಿಧಮಿವ ತದುಪಾಯನ್ ।
ತತೋ ವಾ ಅಙ್ಗಿರಸಸ್ತಂ ಲೋಕಮಗಚ್ಛನ್ಯಮಾದಿತ್ಯಾಃ ।
ಸಾ ಹ ಖಲು ವೈ ಶ್ರೇಷ್ಠರ್ದ್ಧೀನಾಂ ಸ ಲೋಕಾನಾಂ ಪುಣ್ಯತಮೋ ಯಮೇತೇನಾಙ್ಗಿರಸೋಽಗಚ್ಛನ್ ।
ಸಾ ಯಾ ಶ್ರೇಷ್ಠರ್ದ್ಧೀನಾಂ ಯೋ ಲೋಕಾನಾಂ ಪುಣ್ಯತಮೋ ಯಮೇತೇನಾಙ್ಗಿರಸೋಽಗಚ್ಛಂಸ್ತಂ ಗಚ್ಛಾಮೇತಿ ೩೬೫

ತದ್ಯೇ ಹ ವಾ ಏತ ಆದಿತ್ಯಸ್ಯೋದಞ್ಚೋ ರಶ್ಮಯಸ್ತ ಆದಿತ್ಯಾ ಯೇ ದಕ್ಷಿಣಾಸ್ತೇಽಙ್ಗಿರಸಃ ।
ತೇ ಹೈತ ಆದಿತ್ಯಾಶ್ಚಾಙ್ಗಿರಸಶ್ಚ ಸಲೋಕಾಃ ।
ಸಲೋಕೋ ಹ ವಾ ಆದಿತ್ಯೈಶ್ಚಾಙ್ಗಿರೋಭಿಶ್ಚ ಭವತಿ ಯ ಏವಂ ವೇದ ।
ಅಥೈತೌ ದ್ವೌ ತ್ರ್! ಯಹೌ ಭವತಷ್ಷಡಹಾನಿ ।
ಷಡ್ವಾ ಋತವಃ ।
ಋತುಷ್ವೇವ ತತ್ಪ್ರತಿತಿಷ್ಠನ್ತಿ ।
ಅಥೈತೌ ದ್ವಾವುತ್ತರೌ ತ್ರ್! ಯಹೌ ಭವತಷ್ಷಡು ಏವಾಹಾನಿ ।
ಅಭಿಪೂರ್ವಮೇವ ತದೃತುಷು ಪ್ರತಿತಿಷ್ಠನ್ತಿ ।
ಅಥೈತೇ ಷಡತಿರಾತ್ರಾ ಭವನ್ತ್ಯುಕ್ತಬ್ರಾಹ್ಮಣಾಃ ।
ಅಥೈತೇ ತ್ರಯಸ್ತ್ರ್! ಯಹಾ ಭವನ್ತ್ಯುಕ್ತಬ್ರಾಹ್ಮಣಾಃ ।
ಅಥೈತೇ ಚತ್ವಾರಸ್ತ್ರ್! ಯಹಾ ಭವನ್ತಿ ದ್ವಾದಶಾಹಾನಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಮಾಸಾ ಏವ ತದ್ಭೂತ್ವಾ ಮಧ್ಯತಸ್ಸಂವತ್ಸರಮತೀತ್ಯ ಸ್ವರ್ಗಂ ಲೋಕಂ ರುರುಹುಃ ೩೬೬

ಅಥೈತಾ ದ್ವಾದಶಾಹವತೀರ್ಭವನ್ತಿ ಯೈವಾಸೌ ದ್ವಾದಶಾಹವತೀನಾಂ ಪ್ರಶಂಸಾ ಸಾ ನ ಉಪಾಪ್ತಾಸದಿತಿ ।
ಅಥೈತಾನಿ ಚತುರುತ್ತರಾಣಿ ಛನ್ದಾಂಸ್ಯುಪಯನ್ತಿ ।
ಚತುರುತ್ತರಾ ವೈ ವಾಚೋ ರೋಹಾಃ ।
ವಾಚಮೇವೈತೇ ರೋಹನ್ತಿ ।
ಅಥೋ ಚತುಷ್ಪದಾ ವೈ ಪಶವಃ ।
ತದ್ಯದೇತಾನಿ ಚತುರುತ್ತರಾಣಿ ಛನ್ದಾಂಸ್ಯುಪಯನ್ತಿ ಚತುಷ್ಪದಾಮೇವ ಪಶೂನಾಮವರುದ್ಧ್ಯೈ ।
ಅಥೈತಾನಿ ಅಥೈತಾನಿ ದ್ವಿಯನ್ತರಾಣ್ಯುಪಾಹರನ್ತಿ ।
ಚತುರುತ್ತರಾಣಿ ದ್ವಿಯನ್ತರಾಣಿ ।
ನ ಹ ವೈ ತಾವಚ್ಛ್ರಿಯಮಶ್ನುತೇ ಯಾವದ್ದ್ವಿಪದಾಂ ಚತುಷ್ಪದಾಂ ಪಶೂನಾಮೈಶ್ವರ್ಯಮಾಧಿಪತ್ಯಂ ನ ಗಚ್ಛತಿ ।
ತದ್ಯದೇತಾನಿ ದ್ವಿಯನ್ತರಾಣ್ಯುಪಾಹರನ್ತಿ ಚತುರುತ್ತರದ್ವಿಯನ್ತರಾಣಿ ದ್ವಿಪದಾಂ ಚತುಷ್ಪದಾಂ ಪಶೂನಾಮೈಶ್ವರ್ಯಮಾಧಿಪತ್ಯಂ ಗಚ್ಛಾಮೇತಿ ।
ಅಥೈತಾನ್ಯಷ್ಟಾನ್ತರಾಣ್ಯುಪಾಹರನ್ತಿ ಚತುರುತ್ತರದ್ವಿಯನ್ತರಾಣಿ ಸರ್ವಾಣಿ ಚತಸ್ರೋ ದಿಶಶ್ಚತ್ವಾರೋಽವಾನ್ತರದೇಶಾ ದಿಶಾಂ ಸ ಉಪರಿಷ್ಟಾಲ್ಲೋಕೋ ಯಃ ಪುಣ್ಯಸ್ಸರ್ವಾಸು ದಿಕ್ಷು ಪ್ರತಿಷ್ಠಾಯ ಸ್ವರ್ಗಂ ಲೋಕಂ ಗಚ್ಛಾಮೇತಿ ।
ಅಥೈತಾನಿ ಪಞ್ಚ ಸನ್ಧಿಷಾಮಾನಿ ಭವನ್ತಿ ರಥನ್ತರಂ ಜರಾಬೋಧೀಯಂ ಶ್ರುಧೀಯಂ ನಾನದಗೌರಿವೀತೇ ಇತಿ ।
ಏತದ್ಧ ವಾ ಏಕಂ ಪ್ರಜ್ಞಾತಂ ಸನ್ಧಿಷಾಮ ಯದ್ರ ಥನ್ತರಮ್ ತದ್ಯದೇಕಂ ಪ್ರಜ್ಞಾತಮ್ ೩೬೭

- ಸನ್ಧಿಷಾಮ ತೇನ ನ ಸ್ತುತಮಸದಿತಿ ।
ಅಥೋ ವಾಗ್ವೈ ರಥನ್ತರಂ ವಾಗಾಶ್ವಿನಂ ವಾಗ್ವೈ ವಾಚಂ ಪ್ರತಿ ವಿಭವಿತುಮರ್ಹತೀಯಂ ವಾಗ್ವಾಚಂ ಪ್ರತಿ ವಿಭವಾದಿತಿ ।
ಏತದು ಹ ವೈ ದ್ವಿತೀಯಂ ಪ್ರಜ್ಞಾತಂ ಸನ್ಧಿಷಾಮ ಯಜ್ಜರಾಬೋಧೀಯಮ್ ।
ತದ್ಯದ್ದ್ವಿತೀಯಂ ಪ್ರಜ್ಞಾತಂ ಸನ್ಧಿಷಾಮ ತೇನ ನ ಸ್ತುತಮಸದಿತಿ ।
ಅಥ ಶ್ರುಧೀಯಂ ಕೀರ್ತಿಮತ್ ।
ಸಾಮವೃಕ್ತಿರು ಸನ್ಧಿಷಾಮನೀ ।
ತದ್ಯದಾಭ್ಯಾಂ ಸನ್ಧಿಷಾಮಭ್ಯಾಮವೃಕ್ಷ್ಮಹಿ ತನ್ನೋಽಸ್ಯ ಲೋಕವತಸ್ಸಾಮ್ನಃ ಪಶವೋ ಲೋಕಮನೂಪತಿಷ್ಠಾನ್ತಾ ಇತಿ ।
ಅಥ ನಾನದಗೌರಿವೀತೇ ಲೋಕವತೀ ಸಾಮನೀ ಭೂಯಾಂಸಂ ನೋ ಲೋಕಮನೂಪತಿಷ್ಠಾನ್ತಾ ಇತಿ ।
ತದಾಹುಸ್ತ್ರಿರೇವಾಶ್ವಿನಂ ಶಸ್ತವ್ಯಮಿತಿ ತ್ರಿಷತ್ಯಾ ವೈ ವಾಕ್ ।
ತ್ರಯ ಇಮೇ ಲೋಕಾಃ ।
ಯದತಿರಾತ್ರೇಽತಿರಾತ್ರ ಆಶ್ವಿನಂ ಶಂಸೇದ್ವಿಕರ್ಷಸ್ಸ ವಾಚಃ ।
ಹೋತಾರಂ ಬ್ರೂಯಾದಾಶ್ವಿನಕ್ರತೂನೇವಾನ್ಯೇಷ್ವತಿರಾತ್ರೇಷ್ವಶಂಸ ತ್ರಿರೇವಾಶ್ವಿನಂ ಶಸ್ತವ್ಯಮಿತಿ ಪ್ರಾಯಣತೋ ಮಧ್ಯತ ಉದಯನತಃ ।
ಏತದ್ಧ ವೈ ಸಮೃದ್ಧಮಾಶ್ವಿನಂ ಯದ್ರ ಥನ್ತರೇಣ ಸಂಪದ್ಯತೇ ।
ಯದ್ಯೇಕೇನ ಸಂಪದ್ಯೇತ ರಥನ್ತರಮೇವ ಪ್ರಾಯಣತೋ ಮಧ್ಯತ ಉದಯನತೋ ಯದಿ ದ್ವಾಭ್ಯಾಂ ರಥನ್ತರಮೇವ ಪ್ರಾಯಣತೋ ಮಧ್ಯತ ಉದಯನತೋ ಯದಿ ತ್ರಿಭೀ ರಥನ್ತರಮೇವ ಪ್ರಾಯಣತೋ ಮಧ್ಯತ ಉದಯನತೋ ನ ಚತುರ್ಭಿಸ್ಸಂಪದ್ಯತೇ ನೋ ಏವ ಪಞ್ಚಭಿಃ ೩೬೮

ಅಥೈತಾ ಏಣ್ಯ ಏಕಕೃಷ್ಣಾಃ ।
ಏಣ್ಯೋ ಹ ವೈ ನಾಮೈತಾ ರಾತ್ರಯಃ ।
ತಾಸು ಕೃಷ್ಣೋಽಪಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ತಂ ವಾ ತ್ವೈ ಪುರಸ್ತಾದುಪೇಯುಸ್ತಂ ವೋಪರಿಷ್ಟಾತ್ ।
ಯದಿ ಪುರಸ್ತಾದುಪೇಯುಃ ಪುಂಸ್ಪ್ರಣೇತ್ರಾ ಅಸನ್ನಿತಿ ।
ಯದ್ಯುಪರಿಷ್ಟಾತ್ಪಶ್ಚಾದ್ವೈ ಪುಮಾನ್ಯೋಷಾಯಾಂ ರೇತೋ ದಧಾತಿ ರೇತೋಧೇಯಾಯ ।
ಪ್ರಜಾಪತಿರ್ವಾವೇದಮಗ್ರ ಏಕೋಽಸೃಜ್ಯತ ನಾನ್ಯಂ ದ್ವಿತೀಯಂ ಪಶ್ಯಮಾನಃ ।
ಸ ಷಕ್ಷತಾಹಂ ವಾವ ಪ್ರಥಮೋಽಜನಿಷ್ಯಹಂ ಶ್ರೇಷ್ಠೋಽಸ್ಮ್ಯಸ್ತಿ ಸ್ವಿನ್ಮದಿಹಾನ್ಯಾ೩ ಇತಿ ।
ಸ ವ್ಯೈಕ್ಷತ ।
ಸೋಽನ್ಯದಾತ್ಮನೋಽಧ್ಯುತ್ತರತೋ ಜ್ಯಾಯಸ್ತಿಷ್ಠದಪ್ಶ್ಯತ್ ।
ತದಪೃಚ್ಛತ್ಕಿಮಿದಮಸಿ ಯದಿದಮಸೀತಿ ।
ಬ್ರಹ್ಮ ವಾ ಅಸ್ಮೀತ್ಯಬ್ರವೀತ್ ।
ತದಬ್ರವೀತಾವಂ ವಾವ ಪ್ರಥಮಾವಜನಿಷ್ವಹ್ಯಾವಂ ಶ್ರೇಷ್ಠೌ ಸ್ವಸ್ಸಂಸೃಜಾವಹೈ ಸಹಾಸಾವೇತಿ ।
ನೇತ್ಯಬ್ರವೀತ್ ।
ಪಾಪ್ಮಗೃಹೀತೋ ವಾ ಅಸೀತಿ ।
ಸ ಮೇ ಕ್ವ ಸ ಪಾಪ್ಮೇತಿ ।
ಏಷ ತೇ ಶೀರ್ಷನ್ನಿತಿ ।
ತಂ ವೈ ಮೇಽವಜಹೀತಿ ।
ತಥೇತಿ ।
ತಮವಾಹನ್ ।
ತಂ ಗ್ರೀವಾಸ್ವಸಿನಾತ್ ।
ತಂ ಸಮಪೀಡಯತ್ ।
ತದೇತತ್ಪರಿಗೃಹೀತಕಮಿವಾವಜಹೀತಿ ।
ತಮವಾಹನ್ ।
ತಂ ನೀವ್ಯಾಮಸಿನಾತ್ ।
ತಂ ಸಮಪೀಡಯತ್ ।
ತದೇತತ್ಪರಿಗೃಹೀತಕಮಿವಾವಜಹೀತಿ ।
ತಮವಾಹನ್ ।
ತಂ ಕುಲ್ಫಯೋರಸಿನಾತ್ ।
ತಂ ಸಮಪೀಡಯತ್ ।
ತದೇತತ್ಪರಿಗೃಹೀತಕಮಿವಾವೈವ ಜಹೀತಿ ।
ತಮವಾಹನ್ ।
ಪದಾಭಿತಿಷ್ಠೇತಿ ।
ತಂ ಪದಾಭ್ಯತಿಷ್ಠತ್ ೩೬೯

ಸ ಏವೈಷ ಪದೋರುಚ್ಛ್ಲಙ್ಖಃ ।
ತ್ರೇಧಾ ವಿಚ್ಛಿನ್ದ್ಧೀತಿ ।
ತಂ ತ್ರೇಧಾ ವ್ಯಚ್ಛಿನತ್ ।
ಸೈವಾಸ್ಯ ಶ್ರೀರಭವದ್ಗೌಸ್ತೃತೀಯಂ ಸ್ವಪ್ನಸ್ತೃತೀಯಂ ಛಾಯಾ ತೃತೀಯಮ್ ।
ತಸ್ಮಾದೇತಾನಿ ಶ್ರೇಷ್ಠಸ್ಯ ಭೂಯಿಷ್ಠಾನಿ ।
ಭೂಯಿಷ್ಠಾಃ ಪಶವೋ ಜ್ಯೇಷ್ಠಾ ಛಾಯಾ ಸ್ವಪಿತಿ ।
ಸ ಷಕ್ಷತ ಯಂ ಮ ಇಮಂ ಪಾಪ್ಮಾನಮವೋಚದ್ಧನ್ತೇಮಮಪೈವ ಛಿನದಾ ಇತಿ ।
ಸ ಏತದೇವ ಬ್ರಹ್ಮಾಷ್ಟಧಾ ವ್ಯೌಹತ್ ।
ಅಷ್ಟಾಕ್ಷರಾ ಗಾಯತ್ರೀ ।
ಬ್ರಹ್ಮ ಗಾಯತ್ರೀ ।
ಬ್ರಹ್ಮೈವ ತದಷ್ಟಧಾ ವ್ಯೌಹತ್ ।
ತಮಷ್ಟಾಭಿಸ್ತ್ರಿವೃದ್ಭಿಃ ಪರಾಞ್ಚಮಪೌಹತ್ ।
ತಮಷ್ಟಾಭಿಃ ಪಞ್ಚದಶೈಃ ಪರಾಞ್ಚಮಪೌಹತ್ ।
ತಮಷ್ಟಾಭಿಃ ಸಪ್ತದಶೈಃ ಪರಾಞ್ಚಮಪೌಹತ್ ।
ತಮಷ್ಟಾಭಿರೇಕವಿಂಶೈಃ ಪರಾಞ್ಚಮಪೌಹತ್ ।
ತಮಷ್ಟಾಭಿಸ್ತ್ರಿಣವೈಃ ಪರಾರ್ಧಮಗಮಯತ್ ।
ತಮಷ್ಟಾಭಿಸ್ತ್ರಯಸ್ತ್ರಿಂಶೈರಪೈವಾಛಿನತ್ ।
ಸ ಏವೈಷ ಉಪರಿಷ್ಟಾದತಿರಾತ್ರಃ ।
ಪಾಪ್ಮಾ ಹಾಸ್ಯೈಷೋಽಪೋಢಃ ।
ಅಥೋ ಏಷ ಏವ ಪ್ರಜಾಪತಿರ್ಯೋಽಸೌ ತಪತಿ ।
ಸ ಏಷೋಽಪಹತಪಾಪ್ಮಾ ತಪತಿ ।
ತಸ್ಯ ಛಾಯಾ ನಾಸ್ತಿ ।
ತಸ್ಮಾದು ಛಾಯಾಮಭಿ ಚ ಷ್ಠೀವೇದಭಿ ಚ ಮೇಹೇತ್ ।
ಪಾಪ್ಮಾನಮೇವ ತದ್ಧತೇ ।
ಸುಪ್ತ್ವೋದಕಮಾಚಾಮೇತ್ ।
ಪಾಪ್ಮಾನಮೇವ ತದ್ಧತೇ ।
ಗಾಮುಪಾಷ್ಟಾಂ ಹನೀತ ।
ಪಾಪ್ಮಾನಮೇವ ತದ್ಧತೇ ।
ತೇ ಯ ಏವಂ ವಿದ್ವಾಂಸ ಏತಾ ರಾತ್ರೀರುಪಯನ್ತಿ ಸರ್ವಮೇವ ಪಾಪ್ಮಾನಮಪಹತ್ಯೋತ್ತಿಷ್ಠನ್ತಿ ।
ಈಶ್ವರಾ ಹ ತ್ವಪಶವೋ ಭವಿತೋಃ ಪಶವೋ ವಾ ಉಕ್ಥಾನಿ ಪಶೂನ್ಹಿ ಸ ತತ್ರಾಪ್ಯಪೌಹತ್ ।
ತೇ ಯೇ ಶ್ರೀಕಾಮಾ ಸ್ಯುಸ್ತ ಏತಾ ರಾತ್ರೀರುಪೇಯುಃ ।
ಏತಾ ಹ ಸ್ಮ ವೈ ತತ್ಪುರಾ ಕುರುಪಾಞ್ಚಾಲಾನಾಂ ಬ್ರಾಹ್ಮಣಾ ಶ್ರೀಕಾಮಾ ಉಪಯನ್ತಿ ।
ತೇ ಹಾಗವೋಽಭದ್ರಾ ಆಸುಃ ।
ಸಜಾತೇಷು ಹೈವೈಷಾಂ ಪಶವ ಆಸುಃ ।
ತತೋ ಹ ಸ್ಮೈವ ಗೋರುಹಾಯಾಗತಾಯ ಗಾಮುಪಾಞ್ಜನ್ತಿ ।
ತತೋಽದೇಯಾಯ ದದುಃ ।
ತದು ಹೋವಾಚ ಶಾಟ್ಯಾಯನಿರ್ನ ತಾಂ ವದೇದ್ಯಾ ಪರಿಚಕ್ಷಾ ।
ಯದಾಕಾಮೀನಾ ವೈ ಶ್ರಿಯಾಂ ಪಶವೋ ಯದಾಕಾಮೀನಂ ವಿತ್ತಂ ಪಶುಮನ್ತಶ್ಚ ಭವಿಷ್ಯಾಮ ಶ್ರೇಷ್ಠಾಶ್ಚ ರಾತ್ಸ್ಯಾಮಶ್ಚೇತ್ಯೇವಂ ಮನ್ಯಮಾನಾ ಏತಾ ರಾತ್ರೀರುಪೇಯುರಿತಿ ।
ತಥಾ ಹೈವ ಭವತಿ ।
ವೈಶ್ವಾನರ ಉದಯನೀಯೋಽತಿರಾತ್ರೋ ಭವತಿ ।
ವೈಶ್ವಾನರೋದಯನಾ ಹ್ಯಹೀನಾಸ್ಸೋಮಾಃ ೩೭೦

ಗವಾಮಯನಶೇಷಃ

ಸಾವಿತ್ರಂ ಪೂರ್ವೇದ್ಯುಃ ಪಶುಮಾಲಭನ್ತೇ ।
ಸವಿತಾ ವೈ ದೇವಾನಾಂ ಪ್ರಸವಿತಾ ಸವಿತೃಪ್ರಸೂತಾ ಏವೈತತ್ಸಂವತ್ಸರಮಾರಭನ್ತೇ ।
ಕೋ ಹ್ಯೇತಮರ್ಹತ್ಯಪ್ರಸೂತ ಆರಭಮ್ ।
ಪ್ರಾಜಾಪತ್ಯಂ ಶ್ವೋ ಭೂತ ಆಲಭನ್ತೇ ।
ಪ್ರಜಾಪತಿಶ್ರೇಷ್ಠಾ ವೈ ದೇವಾಃ ।
ಶ್ರೇಷ್ಠತ ಏವೈತದ್ದೇವತಾಃ ಪ್ರೀಣನ್ತಿ ।
ಯೋ ವೈ ಶ್ರೇಷ್ಠಮರಾಧಯಿತ್ವಾಥಾನ್ಯಾನೀಪ್ಸತಿ ಸರ್ವೇ ವಾವ ತಸ್ಯ ತೇಽರಾಧಿತಾ ಭವನ್ತಿ ।
ಅಥ ಯ ಶ್ರೇಷ್ಠಂ ರಾಧಯಿತ್ವಾಥಾಪ್ಯನ್ಯಾನಾದ್ರಿ ಯತೇ ಸರ್ವೇ ವಾವ ತಸ್ಯ ತೇಽಭೀಷ್ಠಾಃ ಪ್ರೀತಾ ಭವನ್ತಿ ।
ಪ್ರಜಾಪತಿಶ್ರೇಷ್ಠಾ ವೈ ದೇವಾಃ ।
ಶ್ರೇಷ್ಠತ ಏವೈತತ್ಸರ್ವಾ ದೇವತಾಃ ಪ್ರೀಣನ್ತಿ ।
ಶ್ವೇತೋ ಲೋಮಶಸ್ತೂಪರೋ ಲಪ್ಸುಗ್ಯನ್ಯತೋದಞ್ಚತುಷ್ಪಾದ್ ।
ಯಚ್ಛ್ವೇತೋ ಲೋಮಶಸ್ತದವೀನಾಂ ರೂಪಮ್ ।
ಯತ್ತೂಪರಸ್ತದಶ್ವಾನಾಮ್ ।
ಯಲ್ಲಪ್ಸುಗೀ ತತ್ಪ್ರುಷಾಣಾಮ್ ।
ಯದನ್ಯತೋದಳ್ಸ್ತದ್ಗವಾಮ್ ।
ಯದಜಸ್ತದಜಾನಾಮ್ ।
ಸರ್ವೇಷಾಂ ವಾ ಏಷ ಪಶೂನಾಂ ಮೇಹ್ದಃ ।
ಸರ್ವೇಷಾಮೇವೈತತ್ಪಶೂನಾಂ ಮೇಧೇನ ಸಂವತ್ಸರಂ ಪಿತರಂ ಪ್ರಜಾಪತಿಂ ಪ್ರೀಣನ್ತಿ ।
ಸ ಏನಾನ್ಪ್ರೀತಃ ಪ್ರೀಣಾತಿ ।
ದೇವಾ ವಾ ಋದ್ಧಿಕಾಮಾಸ್ತಪೋಽತಪ್ಯನ್ತ ೩೭೧

ಸ ಇನ್ದ್ರ ಏತಾಮಷ್ಟಕಾಮಪಶ್ಯತ್ ।
ತಸ್ಯಾಮದೀಕ್ಷತ ।
ಸ ಏಕಯಾಶ್ನುತ ।
ಯದೇಕಯಾಶ್ನುತ ತದೇಕಾಷ್ಟಕಾಯಾ ಏಕಾಷ್ಟಕಾತ್ವಮ್ ।
ತೇ ಯ ಏವಂ ವಿದ್ವಾಂಸೋ ದೀಕ್ಷನ್ತೇ ಸರ್ವ ಏವಾಶ್ನುವತೇ ಸರ್ವೇ ವಿಷುವನ್ತೋ ಭವನ್ತಿ ।
ವಿಷುವಾನ್ಹ್ಯೇಷೋಽಭವತ್ ।
ತೇ ಯತ್ಪುರಸ್ತಾದ್ದೀಕ್ಷೇರನ್ಪಿತೃಲೋಕೇ ದೀಕ್ಷೇರನ್ಪ್ರಮಾಯುಕಾಃ ಸ್ಯುರ್ ।
ಯದುಪರಿಷ್ಟಾದ್ದೀಕ್ಷೇರನ್ಯಥಾ ಪೂರ್ವಂ ಪಲಾಯಿತುಮೀಪ್ಸೇತ್ತಂ ವಾಪ್ನುಯಾತ್ತಂ ವಾ ನ ತಾದೃಕ್ತತ್ ।
ತ ಏತಸ್ಯಾಮೇವಾಷ್ಟಕಾಯಾಂ ದೀಕ್ಷೇರನ್ ।
ತದ್ಯಥಾ ರಥಮುಪಸ್ಥಿತಮಾತಿಷ್ಠೇದ್ಧಸ್ತಿನಂ ವಾ ನಿಷಾದಿತಂ ತಥಾ ।
ಕದ್ರಿ ಯಞ್ಚಸ್ಸತ್ರಿಣ ಇತಿ ವೈ ಪೃಚ್ಛನ್ತಿ ।
ನಾರ್ವಾಞ್ಚೋ ನ ಪರಾಞ್ಚ ಇತಿ ಬ್ರೂಯಾದ್ಯಥಾಸಾವಾದಿತ್ಯ ಇತಿ ।
ನ ಹ ವಾ ಏತೇಽರ್ವಾಞ್ಚೋ ನ ಪರಾಞ್ಚಃ ।
ತಿರ್ಯಞ್ಚೋ ಹ ವಾ ಏತೇ ।
ನೋ ಹ ವಾ ಅಸಾವಾದಿತ್ಯೋಽರ್ವಾಙ್ನ ಪರಾಙ್ತಿರ್ಯಙು ಹ ವಾ ಏಷ ।
ಷಡ್ವಾ ಏಷ ಮಾಸೋ ದಕ್ಷಿಣೈತಿ ಷಡುದಙ್ ।
ಯಾನ್ದಕ್ಷಿಣೈತಿ ತೇ ಪಿತೃದೇವತ್ಯಾ ಯಾನುದಙ್ತೇ ದೇವದೇವತ್ಯಾಃ ೩೭೨

ಏತಂ ವಾ ಏತ ಆರಭ್ಯ ಯನ್ತೀನ್ದ್ರಂ ಪ್ರಜಾಪತಿಂ ವಿಪ್ರಂ ಪದಮೃತುಪಾತ್ರಂ ವಿಶ್ವಾನ್ದೇವಾನ್ಸ್ವರ್ಗಂ ಲೋಕಮ್ ।
ಏತಸ್ಯ ವಾ ಏತ ಆವೃತಮನ್ವಾವರ್ತನ್ತ ।
ಏತಸ್ಯ ವಾ ಏತ ಆವೃತಮನ್ವಾವರ್ತನ್ತ ಏತಸ್ಯ ವಿಮುಕ್ತಿಮನು ವಿಮುಚ್ಯನ್ತೇ ।
ತಸ್ಯೈಷಾ ಪರಿಚಕ್ಷಾ ಯದಪಕ್ಷೀಯಮಾಣೇ ಸುತ್ಯಾಂ ಗಚ್ಛನ್ತ್ಯಪಕ್ಷೀಯಮಾಣ ಉದೃಚಮಶ್ನುವತೇ ।
ದ್ವಾದಶ ದೀಕ್ಷಾಃ ಕುರ್ವೀರಂಸ್ತಿಸ್ರ ಉಪಸದಃ ।
ತೇನೈತದುಭಯಮುಪಾಪ್ನುವನ್ತಿ ।
ತದು ವಾ ಆಹುರುಪಾಹೈವೈತೇನೈತದುಭಯಮಾಪ್ನುವನ್ತೀತಿ ।
ಸೇವ ತು ಪರಿಚಕ್ಷಾ ಯದಪೋಽನಭಿನನ್ದನ್ತಶ್ಶಿಶಿರೇಽವಭೃಥಮಹ್ಬ್ಯವಯನ್ತಿ ।
ಸಮಿವ ಕೋಪಯತಿ ಹಿಮಃ ।
ಸ ಯ ಏನಾಂಸ್ತಥಾ ಚಕ್ರುಷೋಽನುವ್ಯಾಹರೇದಿತಿ ವೇತಿ ವಾ ಭವಿಷ್ಯನ್ತೀತಿ ತಥಾ ಹೈವ ಸ್ಯುಃ ।
ಯೈವಾಸೌ ಫಾಲ್ಗುನಸ್ಯಾಮಾವಾಸ್ಯಾ ತಸ್ಯಾ ಉಪರಿಷ್ಟಾತ್ಪಞ್ಚಾಹ ಷಡಹೇ ದೀಕ್ಷೇರನ್ ।
ಯೋ ವೈ ಶ್ರೇಯಸೋ ನಿಯಾನೇನೈತೀದಮಯಾಸೀದಿದಮಯಾಸೀದಿತಿ ನ ವೈ ಸ ರಿಷ್ಯತಿ ಶ್ರೇಯಸೋ ವಾ ಏತೇ ನಿಯಾನೇನ ಯನ್ತಿ ಯ ಆದಿತ್ಯಸ್ಯ ತೇ ಸ್ವಸ್ತ್ಯರಿಷ್ಟಾ ಉದೃಚಮಶ್ನುವತೇ ತೇ ತದ್ಗಚ್ಛನ್ತಿ ಯತ್ರೈಷ ಆದಿತ್ಯೋ ಗಚ್ಛತಿ ತತ್ತೇ ತದ್ಗತ್ವೈತಸ್ಯೈವಾಯನೇನ ಪುನರಾಯನ್ತಿ ೩೭೩

ಗಾವೋ ವಾ ಏತದಗ್ರೇ ಸತ್ರಮಾಸತಾನ್ನಾದ್ಯಮವರುರುತ್ಸಮಾನಾಃ ।
ತಾ ದಶಮೇ ಮಾಸ್ಯುದತಿಷ್ಠನ್ಸರ್ವಮನ್ನಾದ್ಯಮವಾರುತ್ಸ್ಮಹೀತಿ ಮನ್ಯಮಾನಾಃ ।
ತಾ ಏತಾ ಶೃಙ್ಗಿಣೀಃ ।
ತಾಸಾಂ ತ್ವಾ ಇವಾಬ್ರುವನ್ಸರ್ವಾನೇವೈತಾನ್ದ್ವಾದಶ ಮಾಸಃ ಸಮಾಪಯಾಮೇತಿ ।
ತಾ ಅತಿಪ್ರಾಯುಞ್ಜತ ।
ತಾಸಾಂ ದ್ವಾದಶೇ ಮಾಸಿ ಶೃಙ್ಗಾಣಿ ಪ್ರಾವರ್ತನ್ತ ।
ತಾ ಏತಾಸ್ತೂಪರಾಃ ।
ತಸ್ಮಾತ್ಸತ್ರಿಣೋ ದ್ವಾದಶೇ ಮಾಸ್ಯಪಿ ಶಿಖಾಃ ಪ್ರವಪನ್ತೇ ।
ಗವಾಂ ಹಿ ತರ್ಹ್ಯನುರೂಪಾ ಭವನ್ತಿ ।
ತಾ ಉದತಿಷ್ಠನ್ನರಾತ್ಸ್ಮೇತ್ಯಾಪ್ತ್ವಾ ಸತ್ರಮಾಪ್ತ್ವಾ ಸರ್ವಮನ್ನಾದ್ಯಮ್ ।
ತಸ್ಮಾದೇತಾಸ್ಸರ್ವಾನ್ದ್ವಾದಶ ಮಾಸ ಉತ್ತಿಷ್ಠನ್ತಿ ಪ್ರತ್ವಾಪಿ ವಾರ್ಷಿಕಾವಪಿ ಶಿಶಿರೌ ।
ಸತ್ರಾಭಿಜಿತಂ ಹ್ಯಾಸಾಮವರುದ್ಧಂ ಹ್ಯಾಸಾಮ್ ।
ತೇ ಯ ಏವಂ ವಿದ್ವಾಂಸೋ ದ್ವಾದಶ ಮಾಸಃ ಸಮಾಪಯನ್ತಿ ಸರ್ವಮೇವಾನ್ನಾದ್ಯಮವರುಧ್ಯೋತ್ತಿಷ್ಠನ್ತಿ ।
ಆತ್ಮದಕ್ಷಿಣಂ ಹ ಖಲು ವೈ ಸತ್ರಮ್ ।
ಲೋಮೈವ ಪ್ರಥಮಾಭ್ಯಾಮುಪಸದ್ಭ್ಯಾಂ ಸ್ಪೃಣ್ವತೇ ತ್ವಚಂ ದ್ವಿತೀಯಾಭ್ಯಾಂ ಮಾಂಸಂ ತೃತೀಯಾಭ್ಯಾಮಸ್ಥಿ ಚತುರ್ಥೀಭ್ಯಾಂ ಮಜ್ಜಾನಂ ಪಞ್ಚಮೀಭ್ಯಾಮ್ ।
ಯದೇವೈಷಾಂ ತತ್ರ ಕಿಂ ಚಾಸ್ಪೃತಂ ಭವತಿ ತದೇವ ಷಷ್ಠೀಭ್ಯಾಂ ಸ್ಪೃಣ್ವತೇ ।
ತೇ ಶುದ್ಧಾಃ ಪೂತಾ ಮೇಧ್ಯಾಶ್ಶುಚಯೋ ಭೂತ್ವಾ ದೇವಲೋಕಮಪಿಯನ್ತಿ ೩೭೪

ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಸೋಽಕಾಮಯತ ಬಹುಃ ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ಸ ತಪೋಽತಪ್ಯತ ।
ಸ ಏತಂ ವೈಶ್ವಾನರಂ ಪ್ರಾಯಣೀಯಮತಿರಾತ್ರಮಪಶ್ಯತ್ ।
ತಸ್ಮಾದಹೋರಾತ್ರೇ ಪ್ರಾಜನಯತ್ ।
ಅಹೋರಾತ್ರಯೋಃ ಪ್ರತ್ಯತಿಷ್ಠತ್ ।
ತದ್ಯದೇಷ ವೈಶ್ವಾನರಃ ಪ್ರಾಯಣೀಯೋಽತಿರಾತ್ರೋ ಭವತ್ಯಹೋರಾತ್ರೇ ಏವೈತಸ್ಮಾತ್ಪ್ರಜನಯನ್ತ್ಯಹೋರಾತ್ರಯೋಃ ಪ್ರತಿತಿಷ್ಠನ್ತಿ ।
ಸೋಽಕಾಮಯತ ಪ್ರೈವ ಜಾಯೇಯೇತಿ ।
ಸ ಏತಸ್ಮಾದೇವ ವೈಶ್ವಾನರಾತ್ಪ್ರಾಯಣೀಯಾದತಿರಾತ್ರಾತ್ತ್ರ್! ಯಹಂ ನಿರಮಿಮೀತ ಅಗ್ನಿಷ್ಟೋಮಾದೇವ ಜ್ಯೋತಿರ್ನಿರಮಿಮೀತ ಉಕ್ಥ್ಯೇಭ್ಯೋ ಗಾಂ ರಾತ್ರ್! ಯಾ ಆಯುಃ ।
ತಸ್ಮಾತ್ತ್ರ್! ಯಹಾತ್ತ್ರೀನೃತೂನ್ಪ್ರಾಜನಯತ್ತ್ರಿಷ್ವೃತುಷು ಪ್ರತ್ಯತಿಷ್ಠತ್ ।
ತದ್ಯದೇಷ ತ್ರ್! ಯಹೋ ಭವತಿ ತ್ರೀನೇವೈತಸ್ಮಾದೃತೂನ್ಪ್ರಜನಯನ್ತಿ ತ್ರಿಷ್ವೃತುಷು ಪ್ರತಿತಿಷ್ಠನ್ತಿ ।
ಸೋಽಕಾಮಯತ ಪ್ರೈವ ಜಾಯೇಯೇತಿ ।
ಸ ಏತಮೇವ ಷಡಹಂ ಪರಸ್ತಾತ್ಪರ್ಯೌಹತ್ ।
ತೌ ದ್ವೌ ಷಡಹಾವಭವತಾಮ್ ।
ತಾಭ್ಯಾಂ ದ್ವಾಭ್ಯಾಂ ಷಡಹಾಭ್ಯಾಂ ದ್ವಾದಶ ಮಾಸಃ ಪ್ರಾಜನಯದ್ದ್ವಾದಶಸು ಮಾಸೇಷು ಪ್ರತ್ಯತಿಷ್ಠತ್ ।
ತದ್ಯದೇತೌ ದ್ವೌ ಷಡಹೌ ಭವತೋ ದ್ವಾದಶೈವೈತಾಭ್ಯಾಂ ಮಾಸಃ ಪ್ರಜನಯನ್ತಿ ದ್ವಾದಶಸು ಮಾಸೇಷು ಪ್ರತಿತಿಷ್ಠನ್ತಿ ।
ಸೋಽಕಾಮಯತ ಪ್ರೈವ ಜಾಯೇಯೇತಿ ।
ಸ ಏತಾವೇವ ಷಡಹೌ ಪರಸ್ತಾತ್ಪರ್ಯೌಹತ್ ।
ತೇ ಚತ್ವಾರಷ್ಷಡಹಾ ಅಭವನ್ ।
ತೇಭ್ಯಶ್ಚತುರ್ಭ್ಯಷ್ಷಡಹೇಭ್ಯಶ್ಚತುರ್ವಿಂಶತಿಮರ್ಧಮಾಸಾನ್ಪ್ರಾಜನಯಚ್ಚತುರ್ವಿಂಶತ್ಯಾಮರ್ಧಮಾಸೇಷು ಪ್ರತ್ಯತಿಷ್ಠತ್ ।
ತದ್ಯದೇತೇ ಚತ್ವಾರಷ್ಷಡಹಾ ಭವನ್ತಿ ಚತುರ್ವಿಂಶತಿಮೇವೈತೇಭ್ಯೋಽರ್ಧಮಾಸಾನ್ಪ್ರಜನಯನ್ತಿ ಚತುರ್ವಿಂಶತ್ಯಾಮರ್ಧಮಾಸೇಷು ಪ್ರತಿತಿಷ್ಠನ್ತಿ ೩೭೫

ಸ ಇದಂ ಸರ್ವಂ ಭುವನಂ ಪ್ರಜನ್ಯ ಪೃಷ್ಠ್ಯೇನ ಷಡಹೇನಾತ್ಮನ್ನಧತ್ತ ।
ತದ್ಯದೇಷ ಪೃಷ್ಠ್ಯಷ್ಷಡಹೋ ಭವತಿ ಸರ್ವಮೇವೈತೇನ ಭುವನಂ ಪ್ರಜನ್ಯಾತ್ಮಸು ದಧತೇ ।
ವರ್ಷ್ಮ ವೈ ಪೃಷ್ಠಾನಿ ।
ವರ್ಷ್ಮಣ್ಯೇವೈತತ್ಪ್ರತಿತಿಷ್ಠನ್ತಿ ।
ಶ್ರೀರ್ವೈ ಪೃಷ್ಠಾನಿ ।
ಶ್ರಿಯಾಮೇವೈತತ್ಪ್ರತಿತಿಷ್ಠನ್ತಿ ।
ಜ್ಯೈಷ್ಠ್ಯಂ ವೈ ಪೃಷ್ಠಾನಿ ।
ಜ್ಯೈಷ್ಠ್ಯ ಏವೈತತ್ಪ್ರತಿತಿಷ್ಠನ್ತಿ ।
ತೇಜೋ ವೈ ಪೃಷ್ಠಾನಿ ತೇಜಸ್ಯೇವೈತತ್ಪ್ರತಿತಿಷ್ಠನ್ತಿ ।
ಪಶವೋ ಹ ಖಲು ವಾ ಅಭಿಪ್ಲವಷ್ಷಡಹ ಆತ್ಮಾ ಪೃಷ್ಠ್ಯಃ ।
ಯದಭಿಪ್ಲವಂ ಷಡಹಮುಪೇತ್ಯಾಥ ಪೃಷ್ಠ್ಯಮುಪಯನ್ತಿ ಪುರುಷಮೇವೈತತ್ಪಶುಷ್ವಧ್ಯೂಹನ್ತಿ ।
ತಸ್ಮಾತ್ಪುರುಷ ಉಪರಿಷ್ಟಾತ್ಪಶೂನಧೀವ ತಿಷ್ಠತಿ ।
ಮೂಲಂ ಹ ಖಲು ವಾ ಅಭಿಪ್ಲವಷ್ಷಡಹೋಽಗ್ರಂ ಪೃಷ್ಠ್ಯಃ ।
ಯದಭಿಪ್ಲವಂ ಷಡಹಮುಪೇತ್ಯಾಥ ಪೃಷ್ಠ್ಯಮುಪಯನ್ತಿ ತಸ್ಮಾದೋಷಧಯೋ ಮೂಲತೋ ಜಾಯನ್ತೇಽಗ್ರತಃ ಪಚ್ಯನ್ತೇ ।
ಪಞ್ಚೈತೇ ಷಡಹಾ ಭವನ್ತಿ ।
ಪಾಙ್ಕ್ತೋ ಯಜ್ಞಃ ।
ಯಾವತೀ ಯಜ್ಞಸ್ಯ ಮಾತ್ರಾ ತಸ್ಯಾಮೇವೈತತ್ಪ್ರತಿತಿಷ್ಠನ್ತಿ ।
ಸ ಮಾಸಸ್ಸಂಪದ್ಯತೇ ।
ಸಂವತ್ಸರೋ ವೈ ಮಾಸಃ ।
ಮಾಸಶ ಏವ ತತ್ಸಂವತ್ಸರಮಾಪ್ನುವನ್ತಿ ।
ತಸ್ಯ ತ್ರಿಂಶದ್ರಾ ತ್ರಯೋ ಭವನ್ತಿ ತ್ರಿಂಶದಕ್ಷರಾ ವಿರಾಡನ್ನಂ ವಿರಾಡ್ವಿರಾಜ್ಯೇವ ತದನ್ನಾದ್ಯೇ ಪ್ರತಿತಿಷ್ಠನ್ತೋ ಯನ್ತಿ ೩೭೬

ಪ್ರಾಯಣೀಯಮಹರ್ಭವತಿ ।
ಪ್ರಾಯಣೀಯೇನ ವಾ ಅಹ್ನಾ ದೇವಾ ಸ್ವರ್ಗಂ ಲೋಕಂ ಪ್ರಾಯನ್ ।
ಯತ್ಪ್ರಾಯಂಸ್ತತ್ಪ್ರಾಯಣೀಯಸ್ಯ ಪ್ರಾಯಣೀಯತ್ವಮ್ ।
ತದ್ಯತ್ಪ್ರಾಯಣೀಯಮಹರ್ಭವತಿ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ತಸ್ಮಾದು ಹೈತಸ್ಯಾಹ್ನ ಋತ್ವಿಜಾ ಬುಭೂಷಿತವ್ಯಂ ಸ್ವರ್ಗಸ್ಯ ಹ್ಯೇತಲ್ಲೋಕಸ್ಯ ನೇದಿಷ್ಠಮ್ ।
ತಚ್ಚತುರ್ವಿಂಶಂ ಭವತಿ ।
ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರಃ ।
ಅರ್ಧಮಾಸಶ ಏವ ತತ್ಸಂವತ್ಸರಮಾಪ್ನುವನ್ತಿ ।
ಏತದು ಹ ವಾ ಏಕೇ ಸತ್ರಿಣೋಽಹರುಪೇತ್ಯೋತ್ತಸ್ಥುರಾಪಾಮ ಸಂವತ್ಸರಮಿತಿ ವದನ್ತಃ ।
ತೇ ಯೇ ಕಾಮಂಕಾಮಂ ಸಮಾರೇಭಾಣಾ ಇವ ಸ್ಯುಸ್ತ ಏತದೇವಾಹರುಪೇತ್ಯೋತಿಷ್ಠೇಯುಃ ।
ಆಪ್ತೋ ಹೈಷಾಂ ಸಂವತ್ಸರೋ ಭವತಿ ।
ತಸ್ಯ ತ್ರೀಣಿ ಚ ಶತಾನಿ ಸ್ತೋತ್ರಿಯಾ ಭವನ್ತಿ ಷಷ್ಟಿಶ್ಚ ।
ತಾವತೀಸ್ಸಂವತ್ಸರಸ್ಯ ರಾತ್ರಯಃ ।
ರಾತ್ರಿಶ ಏವ ತತ್ಸಂವತ್ಸರಮಾಪ್ನುವನ್ತಿ ।
ತದಾಹುರ್ಯತ್ಸಂವತ್ಸರಸದಸ್ಸಂವತ್ಸರಸ್ಯಾಹಾನಿ ಸುನ್ವನ್ತ ಆಸತೇಽಥ ಕೇನ ರಾತ್ರೀರಾಪ್ನುವನ್ತೀತಿ ।
ಸ ಬ್ರೂಯಾದ್ಯಾವತೀಃ ಪ್ರಾಯಣೀಯಸ್ಯಾಹ್ನ ಸ್ತೋತ್ರ್! ಯಾಸ್ತಾವತೀಸ್ಸಂವತ್ಸರಸ್ಯ ರಾತ್ರಯಃ ।
ಪ್ರಾಯಣೀಯಸ್ಯಾಹ್ನ ಏವ ಸ್ತೋತ್ರ್! ಯಾಭೀ ರಾತ್ರೀರಾಪ್ತ್ವಾ ಅಹಾನಿ ಸುನ್ವನ್ತ ಆಸತ ಇತಿ ।
ತದುಕ್ಥ್ಯಂ ಭವತಿ ಪಶವೋ ವಾ ಉಕ್ಥಾನಿ ಪಶೂನಾಮೇವಾವರುದ್ಧ್ಯೈ ।
ತಸ್ಯ ಪಞ್ಚದಶ ಸ್ತೋತ್ರಾಣಿ ಭವನ್ತಿ ।
ಪಞ್ಚದಶ ವಾ ಅರ್ಧಮಾಸಸ್ಯ ರಾತ್ರಯಃ ।
ಅರ್ಧಮಾಸಶ ಏವ ತತ್ಸಂವತ್ಸರಮಾಪ್ನುವನ್ತಿ ।
ತ್ರಿಂಶತ್ಸ್ತುತಶಸ್ತ್ರಾಣಿ ಭವನ್ತಿ ।
ತ್ರಿಂಶನ್ಮಾಸಸ್ಯ ರಾತ್ರಯಃ ।
ಮಾಸಶ ಏವ ತತ್ಸಂವತ್ಸರಮಾಪ್ನುವನ್ತಿ ೩೭೭

ತದಾಹುರೀರ್ಮ ಇವ ವಾ ಏಷಾ ಹೋತ್ರಾಣಾಂ ಯದಚ್ಛಾವಾಕೋ ಯದಚ್ಛಾವಾಕಮನುಸಂತಿಷ್ಠೇತೇರ್ಮ ಇವ ತುಷ್ಟುವಾನಾ ಸ್ಯುರಿತಿ ।
ತಸ್ಯ ತ್ರೈಕಕುಭಂ ಬ್ರಹ್ಮಸಾಮ ಭವತ್ಯುದ್ವಂಶೀಯಮಚ್ಛಾವಾಕಸಾಮ ।
ಇನ್ದ್ರಿ ಯಂ ವೈ ವೀರ್ಯಂ ತ್ರೈಕಕುಭಂ ಸರ್ವಂ ಪೃಷ್ಠರೂಪಮುದ್ವಂಶೀಯಮ್ ।
ಇನ್ದ್ರಿ ಯೇ ಚೈವ ತದ್ವೀರ್ಯೇ ಸರ್ವಸ್ಮಿಂಶ್ಚ ಪೃಷ್ಠರೂಪೇಽನ್ತತಃ ಪ್ರತಿತಿಷ್ಠನ್ತಿ ।
ತದ್ವಾ ಏನತ್ತತ್ಪ್ರಾಶಂಸತ್ ।
ತದಾಹುರಗ್ನಿಷ್ಟೋಮ ಏವ ಕಾರ್ಯ ಇತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಏತದು ಹ ವೈ ಸಂವತ್ಸರಸ್ಯ ಜ್ಯೈಷ್ಠ್ಯಂ ಪರ್ವ ಯನ್ಮಾಸಃ ।
ತದ್ಯತ್ಸಂವತ್ಸರಸ್ಯ ಜ್ಯೈಷ್ಠ್ಯಂ ಪರ್ವ ತೇನ ನಸ್ಸಂವತ್ಸರ ಆರಬ್ಧೋಽಸದಿತಿ ।
ಈಶ್ವರಾ ಹ ತ್ವಪಶವೋ ಭವಿತೋಃ ಪಶವೋ ವಾ ಉಕ್ಥಾನಿ ತೇಭ್ಯೋ ಹಿ ಯನ್ತಿ ।
ತಸ್ಯ ತ್ರೀಣಿ ಸ್ತೋತ್ರಾಣ್ಯಷ್ಟಾಚತ್ವಾರಿಂಶಾನಿ ಕುರ್ಯುರುಭೌ ಪವಮಾನೌ ಬ್ರಹ್ಮಸಾಮ ।
ತಾವತೀರುಕ್ಥ್ಯಸ್ಯ ಸ್ತೋತ್ರ್! ಯಾಃ ।
ಆಪ್ನುವನ್ತಿ ತಂ ಕಾಮಂ ಯ ಉಕ್ಥ್ಯೇ ನೋ ವಾ ಅಗ್ನಿಷ್ಟೋಮಾದ್ಯನ್ತಿ ।
ವರ್ಷ್ಮ ವಾ ಅಗ್ನಿಷ್ಟೋಮೋ ವರ್ಷ್ಮ ಹೋತಾ ವರ್ಷ್ಮಣೈವ ತದ್ವರ್ಷ್ಮ ಸಂದಧತಿ ವರ್ಷ್ಮಣಾ ವರ್ಷ್ಮನ್ಪ್ರತಿತಿಷ್ಠನ್ತಿ ।
ಶ್ರೀರ್ವಾ ಅಗ್ನಿಷ್ಟೋಮೋ ಜ್ಯೈಷ್ಠ್ಯಂ ಹೋತಾ ಜ್ಯೈಷ್ಠ್ಯೇನೈವ ತಜ್ಜ್ಯೈಷ್ಠ್ಯಂ ಸಂದಧತಿ ಜ್ಯೈಷ್ಠ್ಯೇನ ಜ್ಯೈಷ್ಠ್ಯೇ ಪ್ರತಿತಿಷ್ಠನ್ತಿ ೩೭೮

ತದಾಹುಃ ಪ್ಲವಮಿವ ವಾ ಏತಚ್ಛನ್ದೋ ಯಜ್ಜಗತೀ ನ ಪ್ರಾಯಣಾಯ ।
ತತ್ಸ್ಥಾನಂ ಷಡೇವ ಷಟ್ತ್ರಿಂಶಾನಿ ಸ್ತೋತ್ರಾಣಿ ಕುರ್ಯುಷ್ಷಟ್ಚತುರ್ವಿಂಶಾನೀತಿ ।
ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ಸ್ವರ್ಗೋ ಲೋಕಃ ಸಾಮ್ರಾಜ್ಯಂ ।
ಬೃಹತ್ಯಾಮೇವ ತತ್ಸ್ವರ್ಗೇ ಲೋಕೇ ಸಾಮ್ರಾಜ್ಯೇ ಪ್ರತಿತಿಷ್ಠನ್ತೋ ಯನ್ತಿ ।
ಬೃಹತ್ಯು ಹ ವಾ ಇಮಾನ್ಸರ್ವಾಁ ಲ್ಲೋಕಾನಕ್ಷರೈರ್ವ್ಯಾಪ್ನೋತಿ ದಶಭಿರೇವಾಕ್ಷರೈರಿಮಂ ಲೋಕಂ ವ್ಯಾಪ್ನೋತಿ ದಶಭಿರನ್ತರಿಕ್ಷಂ ದಶಭಿರಮುಂ ಚತುರ್ಭಿರ್ದಿಶೋ ದ್ವಾಭ್ಯಾಮಹೋರಾತ್ರೇ ।
ಸಾ ಯೇಮಾಂಲ್ಲೋಕಾನ್ವ್ಯಾಪ್ನೋತಿ ತಯೇಮಾಂಲ್ಲೋಕಾನ್ವ್ಯಾಪ್ನವಾಮೇತಿ ।
ತಸ್ಮಾತ್ಷಡೇವ ಷಟ್ತ್ರಿಂಶಾನಿ ಸ್ತೋತ್ರಾಣಿ ಕುರ್ಯುಷ್ಷಟ್ಚತುರ್ವಿಂಶಾನೀತಿ ।
ಅಥೋ ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರಃ ।
ಅರ್ಧಮಾಸಶ ಏವ ತತ್ಸಂವತ್ಸರಮಾಪ್ನುವನ್ತಿ ।
ಏತೇ ಅಸೃಗ್ರಮಿನ್ದವ ಇತಿ ಬಹುರೂಪಾಂ ಪ್ರತಿಪದಂ ಕುರ್ವೀರನ್ ।
ಬಹವೋ ಹ್ಯೇತೇ ದೀಕ್ಷನ್ತೇ ।
ತದು ವಾ ಆಹುಃ ಪವಸ್ವ ವಾಚೋ ಅಗ್ರಿಯ ಇತ್ಯೇವ ಪ್ರತಿಪತ್ಕಾರ್ಯಾ ।
ಏಷಾ ವೈ ಬಹುರೂಪಾ ।
ಏತಸ್ಯಾಂ ವೈ ಸರ್ವಾಣಿರೂಪಾಣಿ ।
ಉಭೇ ಪ್ರತಿಪದೌ ಭವತ ಉಭೇ ಹ್ಯತ್ರ ಸಾಮನೀ ಕ್ರಿಯೇತೇ ।
ತರ್ಹಿ ಯಥೌಜಿಷ್ಠೌ ಬಲಿಷ್ಠೌ ವಹಿಷ್ಠೌ ಸಂಪಾರಯಿಷ್ಣೂ ಮಹಾನ್ತಮಧ್ವಾನಂ ಸಂಯುಜ್ಯೋಪಪ್ರೇಯಾತ್ತಾದೃಕ್ತತ್ ।
ಸರ್ವಂ ಪೃಷ್ಠರೂಪಮನು ಸಮಾವರ್ತಯನ್ತಿ ಯಥಾ ಪಿತ್ರೇ ಚ ಮಾತ್ರೇ ಚ ವತ್ಸಾನನು ಸಮಾವರ್ತಯೇತ್ತಾದೃಕ್ತಥಾ ।
ತದಗ್ನೇ ಯುಙ್ಕ್ಷ್ವಾ ಹಿ ಯೇ ತವೇತ್ಯೇತಾಸ್ವಗ್ನಿಷ್ಟೋಮಸಾಮ ಕಾರ್ಯಮಾಹುಃ ।
ಅಗ್ನಿರ್ವಾ ಏಷ ವೈಶ್ವಾನರೋ ಯತ್ಸಂವತ್ಸರಃ ।
ತಸ್ಯೈವ ಯುಕ್ತ್ಯಾ ಅಶ್ವಾಸೋ ದೇವ ಸಾಧವ ಇತಿ ಸಿದ್ಧ್ಯೈ ಅರಂ ವಹನ್ತ್ಯಾಶವ ಇತಿ ಸಮಷ್ಟ್ಯೈ ।
ತದಾಹುರ್ಯಜ್ಞೇನ ವಾ ಏತೇ ಯಜ್ಞಾನಭಿಯನ್ತಿ ಯೇ ಯಜ್ಞಾಯಜ್ಞೀಯಸ್ಯರ್ಗ್ಭ್ಯೋಽಧಿ ಯಜ್ಞಾಯಜ್ಞೀಯಂ ಚ್ಯಾವಯನ್ತಿ ।
ಅಥೈತೇ ಯಜ್ಞೇನ ಯಜ್ಞೇ ಪ್ರತಿತಿಷ್ಠನ್ತಿ ಯೇ ಯಜ್ಞಾಯಜ್ಞೀಯಸ್ಯರ್ಕ್ಷು ಯಜ್ಞಾಯಜ್ಞೀಯಂ ಚ್ಯಾವಯನ್ತಿ ।
ತಸ್ಮಾದ್ಯಜ್ಞಾಯಜ್ಞೀಯಂ ಸ್ವಾಸ್ವೇವ ಕಾರ್ಯಮಿತಿ ೩೭೯

ಅಭೀವರ್ತೋ ಬ್ರಹ್ಮಸಾಮ ಭವತಿ ।
ಅಭೀವರ್ತೇನ ವೈ ದೇವಾ ಇಮಾಁ ಲ್ಲೋಕಾನಭ್ಯ-ವರ್ತನ್ತ ।
ಯದಭ್ಯವರ್ತನ್ತ ತದಭೀವರ್ತಸ್ಯಾಭೀವರ್ತತ್ವಮ್ ।
ತದ್ಯದಭೀವರ್ತೋ ಬ್ರಹ್ಮಸಾಮ ಭವತ್ಯೇಷಾಮೇವ ಲೋಕಾನಾಮಭಿವೃತ್ಯೈ ।
ಪ್ರಜಾಪತಿರ್ವಾ ಅಭೀವರ್ತಃ ಪ್ರಜಾಶ್ಛನ್ದಾಂಸಿ ।
ಸ ಏಷ ಪ್ರಜಾಪತಿಃ ಪ್ರಜಾಸು ಗರ್ಭಂ ದಧದೇತಿ ।
ಅನ್ಯಾಸ್ವನ್ಯಾಸ್ವಸ್ತುವನ್ತಿ ಸಮಾನೇನ ಸಾಮ್ನಾ ।
ರೇತ ಏವ ತತ್ಸಿಞ್ಚನ್ತಿ ।
ತಸ್ಮಾದ್ಸಮಾನೋ ಬಹ್ವೀಷ್ವ್ರೇತೋ ದಧಾತಿ ।
ಸಮಾನೀಃ ಪರಸ್ತಾದೃಚೋ ಭವನ್ತ್ಯನ್ಯದನ್ಯತ್ಸಾಮ ।
ರೇತ ಏವ ತತ್ಸಿಕ್ತಂ ಪ್ರಜನಯನ್ತಿ ।
ತಸ್ಮಾತ್ಸಮಾನಾ ಬಹೂನ್ಸೂತೇ ।
ಅನ್ಯಾಸ್ವನ್ಯಾಸ್ವಸ್ತುವನ್ತಿ ಸಮಾನೇನ ಸಾಮ್ನಾ ।
ಅನ್ಯದನ್ಯದ್ಧಿ ಯನ್ತಃ ಪಶ್ಯನ್ತಿ ।
ಸಮಾನೀಃ ಪರಸ್ತಾದೃಚೋ ಭವನ್ತ್ಯನ್ಯದನ್ಯತ್ಸಾಮ ।
ಯಾನೇವೇತೋ ಲೋಕಾನ್ಪ್ರಗಾಥೈರಭ್ಯಾರೋಹನ್ತೋ ಯನ್ತಿ ತಾನಮುತಸ್ಸಾಮಭಿಃ ಪ್ರತ್ಯವರೋಹನ್ತ ಆಯನ್ತಿ ।
ಋಗ್ವಾ ಅಯಂ ಲೋಕಸ್ಸಾಮಾಸೌ ।
ಯದಿತೋ ಯನ್ತಸ್ಸಾಮಾರಭ್ಯ ಯನ್ತ್ಯಮುಂ ತಲ್ಲೋಕಮಾರಭ್ಯ ಯನ್ತಿ ।
ತೇ ಯತ್ಪುರಸ್ತಾದ್ವಿಷುವತ ಉತ್ಸೃಜೇರನ್ನವಾಮುಷ್ಮಾಲ್ಲೋಕಾಚ್ಛಿದ್ಯೇರನ್ ।
ಯದಮುತ ಆಯನ್ತ ಋಚಮಾರಭ್ಯಾಯನ್ತೀಮಂ ತಲ್ಲೋಕಮಾರಭ್ಯನ್ತಿ ।
ತೇ ಯತ್ಪುರಸ್ತಾದ್ದ್ವಾದಶಾಹೀಯೇಭ್ಯೋಽಹೋಭ್ಯ ಉತ್ಸೃಜೇರನ್ನವಾಸ್ಮಾಲ್ಲೋಕಾಚ್ಛಿದ್ಯೇರನ್ ೩೮೦

ಸಕೃತ್ಪರಸ್ತಾದಭೀವರ್ತಂ ಪರ್ಯಸ್ಯನ್ತಿ ।
ತಸ್ಮಾದ್ಗರ್ಭಾ ಜಾಯಮಾನಾಃ ಪರ್ಯಾವರ್ತನ್ತೇ ।
ಪುರಾ ಹ ಖಲು ವೈ ಪಞ್ಚಮಾನ್ಮಾಸೋ ಬಾರ್ಹತಾಃ ಪ್ರಗಾಥಾ ಆಪ್ಯನ್ತ ।
ಉಷ್ಣಿಹಂ ಚ ತ್ರಿಷ್ಟುಭಂ ಚ ದ್ವೇ ಛನ್ದಸೀ ಸಂಯುಜ್ಯ ಪಞ್ಚ ಮಾಸಸ್ಸಮಾಪಯೇಯುಃ ।
ಅನುಷ್ಟುಭಂ ಚ ಪಙ್ಕ್ತಿಂ ಚ ದ್ವೇ ಛನ್ದಸೀ ಸಂಯುಜ್ಯ ಷಣ್ಮಾಸಸ್ಸಮಾಪಯೇಯುರೇಕಚ್ಛನ್ದಃ ಪರಿಶಿಷ್ಯ ।
ಜಗತೀಂ ತದ್ವಿಷುವತ್ಯುಪೇಯುಃ ।
ಜಾಗತೋ ವೈ ವಿಷುವಾನ್ ।
ಸ್ವ ಏವ ತದಾಯತನೇ ವಿಷುವನ್ತಂ ಸಮರ್ಧಯನ್ತಿ ।
ಛನ್ದಾಂಸಿ ವೈ ಸ್ವರ್ಗೋ ಲೋಕಃ ।
ಸ್ವರ್ಗಮೇವ ತಲ್ಲೋಕಂ ರೋಹನ್ತೋ ಯನ್ತಿ ।
ತದಾಹುರ್ವೀವ ವಾ ಏತಚ್ಛನ್ದಾಂಸಿ ವಿಶನ್ತಿ ಯದೇತಾನಿ ದ್ವೇ ದ್ವೇ ಸಂಯುಜ್ಯನ್ತಿ ।
ಕ್ವ ಹ್ಯದ್ಯತನಂ ಚ ಶ್ವಸ್ತನಂ ಚಾಹನೀ ಸಂಪತ್ಸ್ಯತಃ ।
ಸರ್ವಾಣ್ಯೇವ ಸಪ್ತ ಚತುರುತ್ತರಾಣ್ಯುಪೇತ್ಯಾನೀತಿ ।
ಗಾಯತ್ರೀಮೇವ ಪ್ರಥಮೇಽಹನ್ನುಪೇತ್ಯೋಷ್ಣಿಹಂ ದ್ವಿತೀಯೇಽನುಷ್ಟುಭಂ ತೃತೀಯೇ ಬೃಹತ್ಯಾ ಪಞ್ಚ ಮಾಸಸ್ಸಮಾಪಯೇಯುಃ ।
ಪಙ್ಕ್ತಿಮೇವ ಪ್ರಥಮೇಽಹನ್ನುಪೇತ್ಯ ತ್ರಿಷ್ಟುಭಾ ಷಣ್ಮಾಸಸ್ಸಮಾಪಯೇಯುರೇಕಚ್ಛನ್ದಃ ಪರಿಶಿಷ್ಯ ।
ಜಗತೀಂ ತದ್ವಿಷುವತ್ಯುಪೇಯುಃ ।
ಜಾಗತೋ ವೈ ವಿಷುವಾನ್ ।
ಸ್ವ ಏವ ತದಾಯತನೇ ವಿಷುವನ್ತಂ ಸಮರ್ಧಯನ್ತಿ ।
ಛನ್ದಾಂಸಿ ವೈ ಸ್ವರ್ಗೋ ಲೋಕಃ ।
ಸ್ವರ್ಗಮೇವ ತಲ್ಲೋಕಂ ರೋಹನ್ತೋ ಯನ್ತಿ ೩೮೧

ತದಾಹುರಯಾತಯಾಮಾನೀವ ವಾ ಏತಚ್ಛನ್ದಾಂಸಿ ಯುಞ್ಜತಿ ಯದೇನಾನಿ ಯಾತಯಾಮಾನಿ ಸನ್ತಿ ।
ತಾನಿ ಸರ್ವಾಣಿ ಪುನಃ ಪುನಃ ಪ್ರಯುಞ್ಜತೇ ।
ಯಾನೇವ ವೀರ್ಯವತ್ತಮಾನ್ಪ್ರಗಾಥಾನ್ಮನ್ಯೇರಂಸ್ತಾನ್ಪ್ರಣಿಶ್ಚಿತ್ಯ ಷಟ್ತ್ರಿಂಶದುಪೇಯುರಿತಿ ।
ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ಸ್ವರ್ಗೋ ಲೋಕಸ್ಸಾಮ್ರಾಜ್ಯಮ್ ।
ಬೃಹತ್ಯಾಮೇವ ತತ್ಸ್ವರ್ಗೇ ಲೋಕೇ ಸಾಮ್ರಾಜ್ಯೇ ಪ್ರತಿತಿಷ್ಠನ್ತೋ ಯನ್ತಿ ।
ಷಡುತ್ಸರ್ಗಂ ತ್ರಿಂಶತಾ ಪುನರಭ್ಯಾವರ್ತಮಯಾತಯಾಮತಾಯೈ ।
ಅಥೋ ಆಹುಸ್ತ್ರಯಸ್ತ್ರಿಂಶದೇವೋಪೇತ್ಯಾ ಇತಿ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾಸ್ವೇವೈತದ್ದೇವತಾಸು ಪ್ರತಿತಿಷ್ಠನ್ತೋ ಯನ್ತಿ ।
ತ್ರೀನುತ್ಸರ್ಗಂ ತ್ರಿಂಶತಾ ಪುನರಭ್ಯಾವರ್ತಮಯಾತಯಾಮತಾಯೈ ।
ಅಥೋ ಆಹುಸ್ತ್ರಿಂಶದೇವೋಪೇತ್ಯಾ ಇತಿ ।
ತ್ರಿಂಶದಕ್ಷರಾ ವಿರಾಡನ್ನಂ ವಿರಾಟ್ ।
ವಿರಾಜ್ಯೇವ ತದನ್ನಾದ್ಯೇ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಆಹುಶ್ಚತುರ್ವಿಂಶತಿರೇವೋಪೇತ್ಯಾ ಇತಿ ।
ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರಃ ।
ಅರ್ಧಮಾಸಶ ಏವ ತತ್ಸಂವತ್ಸರೇ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಆಹುರ್ದ್ವಾದಶೈವೋಪೇತ್ಯಾ ಇತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಮಾಸಶ ಏವ ತತ್ಸಂವತ್ಸರೇ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಆಹುಷ್ಷಡೇವೋಪೇತ್ಯಾ ಇತಿ ।
ಷಡ್ವಾ ಋತವಃ ।
ಋತುಷ್ವೇವ ತತ್ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಆಹುಶ್ಚತ್ವಾರ ಏವೋಪೇತ್ಯಾ ಇತಿ ।
ಚತಸ್ರೋ ದಿಶಶ್ಚತುಷ್ಪದಾಃ ಪಶವಃ ।
ದಿಕ್ಷು ಚೈತತ್ಪಶುಷು ಚ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಆಹುಸ್ತ್ರಯ ಏವೋಪೇತ್ಯಾ ಇತಿ ।
ತ್ರಯೋ ವಾ ಇಮೇ ಲೋಕಾಃ ।
ಏಷ್ವೇವ ತಲ್ಲೋಕೇಷು ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಆಹುರ್ದ್ವಾವೇವೋಪೇತ್ಯಾವಿತಿ ಶ್ಯೈತನೌಧಸಯೋರೇವ ಪ್ರಗಾಥಾವಿತಿ ।
ಶ್ಯೈತನೌಧಸಯೋರ್ಹ ಖಲು ವೈ ಪ್ರಗಾಥೌ ವೀರ್ಯವತ್ತಮೌ ।
ದ್ವಿಪಾದ್ಯಜಮಾನಃ ಪ್ರತಿಷ್ಠಿತ್ಯೈ ೩೮೨

ಯೋ ವೈ ಪುನರ್ನಿವೃತ್ತಮಧ್ವಾನಮೇತಿ ನೈನಂ ಸ ಸಮಶ್ನುತೇ ।
ಅಥ ಯ ಏನಮಪುನರ್ನಿವೃತ್ತಮೇತಿ ಸ ಏವೈನಂ ಸಮಶ್ನುತೇ ।
ಪುನರ್ನಿವೃತ್ತಮಿವೈತೇ ಯನ್ತಿ ಯೇ ದ್ವಾ ಉಪಯನ್ತಿ ।
ತ್ರೈಷ್ಟುಭಬಾರ್ಹತಾ ಏವೋಪೇತ್ಯಾ ಇತಿ ।
ತ್ರೈಷ್ಟುಭಬಾರ್ಹತೋ ವೈ ಮಾಧ್ಯನ್ದಿನಃ ।
ತದ್ಯದ್ರಾ ಥನ್ತರಮಹ ಸ್ಯಾತ್ತಸ್ಮಿನ್ಬಾರ್ಹತಮುಪೇಯುರ್ಬಾರ್ಹತೇಽಹಂಸ್ತ್ರೈಷ್ಟುಭಮ್ ।
ನೈಷಾಂ ತ್ರೈಷ್ಟುಭಾಃ ಪ್ರಗಾಥಾ ಆಪ್ಯನ್ತೇ ನ ಬಾರ್ಹತಾಃ ।
ಯಥಾಯತನಂ ಛನ್ದಾಂಸಿ ಯುಜ್ಯನ್ತೇಽಯಾತಯಾಮಾನಮು ಸಂವತ್ಸರಮಾಸತೇ ।
ತದು ವಾ ಆಹುರ್ದ್ವಾವೇವೋಪೇತ್ಯೌ ಶ್ಯೈತನೌಧಸಯೋರೇವ ಪ್ರಗಾಥಾವಿತಿ ।
ಅಥಾ ಉ ಹ ವೈ ವೀರ್ಯವತ್ತಮಾವೇತಾ ಉ ಹ ವೈ ಸ್ವರ್ಗಸ್ಯ ಲೋಕಸ್ಯ ಮೇ ಪನ್ಥಾವಞ್ಜಸಾಯನೌ ಯದ್ಬೃಹದ್ರ ಥನ್ತರೇ ।
ತಯೋರೇತೇಽಞ್ಜಸಾಯನೇ ಯಚ್ಛ್ಯೈತನೌಧಸೇ ।
ಅಹರಹರೇವೈತದಞ್ಜಸಾ ಸ್ವರ್ಗಂ ಲೋಕಮುಪಯನ್ತಿ ।
ತಸ್ಯೈಷ ಶ್ಲೋಕೋ
ಮಹಾಪಥಾದ್ವಿಶ್ವವಯೋ ಯದುದ್ರುಧ್ಯತೇ ಪುರುಷಃ
ತಮೇವ ಸೃಪ್ತ್ವಾಜಿಂ ಶ್ರಾನ್ತಃ ಪುನರಭ್ಯಾಜಿಗಾಂಸತಿ
ಇತಿ ।
ಮಹಾಪಥೇ ವಾ ಏತೇ ಸತ್ಯಪಥಂ ಪ್ರತಿಪದ್ಯನ್ತೇ ಯೇಽನ್ಯಾನ್ಪ್ರಗಾಥಾನುಪಯನ್ತಿ ।
ಅಥೈತೇ ಅಹರಹರೇವಾಞ್ಜಸಾ ಸ್ವರ್ಗಂ ಲೋಕಮುಪಯನ್ತಿ ಯೇ ಶ್ಯೈತನೌಧಸಯೋಃ ಪ್ರಗಾಥಾವುಪಯನ್ತಿ ।
ತಸ್ಮಾದ್ದ್ವಾವೇವೋಪೇತ್ಯೌ ಶ್ಯೈತನೌಧಸಯೋರೇವ ಪ್ರಗಾಥಾವಿತಿ ೩೮೩

ಅನುಷ್ಟುಭೋ ವಾ ಅನ್ಯಾನಿ ಸಾಮಾನ್ಯನ್ನಮ್ ।
ಅನುಷ್ಟುಬೇವಾನ್ಯೇಷಾಂ ಸಾಮ್ನಾಮನ್ನಮ್ ।
ಯಾನಿ ವಾ ಅಭಿಕ್ರಾನ್ತ್ಯಪಕ್ರಾನ್ತಾನಿ ಸಾಮಾನಿ ತಾನ್ಯನುಷ್ಟುಬೋಽನ್ನಮ್ ।
ತೈರೇನಾಂ ಯೇ ವ್ಯರ್ಧಯನ್ತಿ ತಾನೇಷಾವಿಭೂಷಿತಾಪ್ರೀತಾಜ್ಞಾತಾಸ್ವಾ ವಾಗಭಿವದತ್ಯಲೂಲುಭನ್ನೃತೂನಶ್ರದ್ದಧಾನಾ ಅಯಕ್ಷತ ನಾರಾತ್ಸುರಿತಿ ।
ಅಥ ಯ ಏನಾಂ ತೈಸ್ಸಮರ್ಧಯನ್ತಿ ತಾನೇಷಾ ತೃಪ್ತಾ ಪ್ರೀತಾ ಜ್ಞಾತಾ ಸ್ವಾ ವಾಗಭಿವದತ್ಯಚೀಕ್ಳ್ಪನ್ನೃತೂಞ್ಶ್ರದ್ದಧಾನಾ ಅಯಕ್ಷತಾರಾತ್ಸುರಿತಿ ।
ಅನ್ವಹಂ ಸುಜ್ಞಾನಂ ಭವತಿ ।
ಸ ಹ ವಾ ಉದ್ಗಾತಾ ಸತ್ರಿಣಸ್ಸತ್ರಾಯ ದೀಕ್ಷಯೇದ್ಯದಿ ಯ ಏನಾನ್ದೇವಾನಾಂ ದೇವಕ್ಷೇತ್ರಮಭ್ಯಾರೋಹಯೇತ್ ।
ನ ಹ ವೈ ದೇವಾನಾಂ ದೇವಕ್ಷೇತ್ರಮಭ್ಯಾರುಹ್ಯ ಬಿಭೇತಿ ನಾಶನಾಯತಿ ನ ಪಿಪಾಸತಿ ನಾರ್ತಿಮಾರ್ಚ್ಛತಿ ।
ಸುಜ್ಞಾನಂ ಹ ವಾವ ದೇವಾನಾಂ ದೇವಕ್ಷೇತ್ರಮ್ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯೇಽನ್ವಹಂ ಸುಜ್ಞಾನಮುಪಯನ್ತೀತಿ ।
ತದ್ಯದ್ರಾ ಥನ್ತರಮಹ ಸ್ಯಾತ್ತಸ್ಮಿನ್ಪೌಷ್ಕಲಮುಪೇಯುರ್ಬಾರ್ಹತೇಽಹನ್ಸುಜ್ಞಾನಮ್ ।
ತದು ವಾ ಆಹುಸ್ಸುಜ್ಞಾನೇ ವಾವೈತಾನಿ ಸರ್ವಾಣಿ ರೂಪಾಣೀತಿ ।
ಸುವರ್ವಿದ ಇತ್ಯೇವಾಸ್ಯ ಲೋಕಸ್ಯ ರೂಪಮೇ ಇತ್ಯನ್ತರಿಕ್ಷಸ್ಯ ಸುವರಿತ್ಯಮುಷ್ಯ ೩೮೪

ತತ್ಸಪ್ತಾಕ್ಷರಣಿಧನಂ ಭವತಿ ।
ಸಪ್ತ ವೈ ಪ್ರಾಣಾಃ ।
ಪ್ರಾಣೈರೇವ ತತ್ಸಮೃಧ್ಯಮಾನಾ ಯನ್ತಿ ಪ್ರಾಣೇಷು ಪ್ರತಿತಿಷ್ಠನ್ತಃ ।
ಅನ್ವಹಂ ಗೌರಿವೀತಂ ಭವತಿ ।
ಅತಿರಿಕ್ತಂ ವಾ ಏತದ್ಬ್ರಹ್ಮಣೋ ಯದ್ಗೌರಿವೀತಮ್ ।
ಅತಿರಿಕ್ತಾನ್ಯೇತಾನ್ಯಹಾನಿ ಯಾನ್ಯಹೀನಸ್ಯ ।
ಅತಿರಿಕ್ತಾ ಏವ ತದತಿರಿಕ್ತಂ ಬ್ರಹ್ಮಣೋ ರಸಂ ದಧತೋ ಯನ್ತಿ ।
ಅನ್ವಹಂ ಪ್ಲವೋ ಭವತಿ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಏ ಇತ್ಯೇವಾನ್ತರಿಕ್ಷಮತಿಪ್ಲವನ್ತೇ ।
ಆತಿ ವಿಶ್ವಾನಿ ದುರಿತಾ ತರೇಮೇತಿ ಯತ್ಕಿಂ ಚ ಯಜ್ಞಸ್ಯ ದುಷ್ಟುತಂ ದುಶ್ಶಸ್ತಂ ವಿಧುರಂ ತದತಿತರನ್ತಿ ।
ತದ್ದ್ವಾದಶಾಕ್ಷರಣಿಧನಂ ಭವತಿ ।
ದ್ವಾದಶ ಮಾಸಾಸ್ಸಂವತ್ಸರಃ ।
ಮಾಸೇಷ್ವೇವ ತತ್ಸಂವತ್ಸರೇ ಪ್ರತಿತಿಷ್ಠನ್ತೋ ಯನ್ತಿ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯ ಏತಾನ್ಪರಾಚಷ್ಷಡಹಾನುಪಯನ್ತೀತಿ ।
ಓಕೋನಿಧನಂ ಷಷ್ಠೇಽಹನಿ ಕುರ್ಯುಃ ।
ಅಯಂ ವೈ ಲೋಕಃ ಪುರುಷಸ್ಯೌಕಃ ।
ಅಸ್ಮಿನ್ನೇವೈತಲ್ಲೋಕೇ ಪ್ರತಿತಿಷ್ಠನ್ತಿ ।
ತದ್ವೇವಾಚಕ್ಷತೇ ಪ್ರಹಿತೋಸ್ಸಂಯೋಜನಮಿತಿ ।
ಅಹೋರಾತ್ರೇ ವೈ ಪ್ರಹಿತೌ ।
ಪ್ರಹಿತೇ ಇವ ಹ್ಯೇತೇ ಚರತಃ ।
ಅಥ ಹ ವಾ ಏತತ್ಷಡಹಾ ವೀವ ಛಿದ್ಯನ್ತೇ ಯದಾ ಷಷ್ಠಮಹರಾಗಚ್ಛನ್ತಿ ।
ಸ ಯಥಾಶ್ವಂ ಸಂಯೋಜನೇನ ಸಂಯುಜ್ಯಾದೇವಮೇವೈತೇನ ಸಾಮ್ನಾ ಷಡಹಾನ್ಸಂಯುಞ್ಜನ್ತೋ ಯನ್ತಿ ।
ತದಾಹುಃ ಕಾರ್ಯಮೋಕೋನಿಧನಂ ಪೃಷ್ಠ್ಯೇ ಷಡಹಾ೩ ಇತಿ ನಾ೩ ಇತಿ ।
ನೇತಿ ಬ್ರೂಯಾತ್ ।
ಏತದಗ್ರಾ ವೈ ಷಡಹಾ ಯತ್ಪೃಷ್ಠ್ಯ ಏತದನ್ತಾ ।
ಏತಂ ವಾವೈತೇನ ಪ್ರೇಪ್ಸ್ಯನ್ತ್ಯೇತಮಭೀವರ್ತೇನೈತಂ ಪ್ಲವೇನೈತಂ ಸುಜ್ಞಾನೇನ ।
ಪುನಃಪ್ರಯೋಗ ಇವ ಸ್ಯಾದ್ಯದೇತದತ್ರ ಕುರ್ಯುಃ ।
ತಸ್ಮಾದೇತದತ್ರ ನ ಕಾರ್ಯಮಿತಿ ೩೮೫

ಸ್ವರ್ಭಾನುರ್ವಾ ಆಸುರ ಆದಿತ್ಯಂತಮಸಾವಿಧ್ಯತ್ ।
ತಂ ದೇವಾಶ್ಚರ್ಷಯಶ್ಚಾಭಿಷಜ್ಯನ್ ।
ತ ಏತಾನಿ ಸ್ವರಾಣ್ಯಪಶ್ಯನ್ ।
ತೈರೇನಮಸ್ಪೃಣ್ವನ್ ।
ಯದಸ್ಪೃಣ್ವಂಸ್ತತ್ಸ್ವರಾಣಾಂ ಸ್ವರತ್ವಮ್ ।
ತದ್ಯದೇತಾನಿ ಸ್ವರಾಣಿ ಭವನ್ತ್ಯಾದಿತ್ಯಮೇವೈತೈ ಸ್ಪೃಣ್ವನ್ತಿ ।
ಯಾದೃಗಹ ವೈ ಮನುಷ್ಯೋ ದೇವೇಭ್ಯಃ ಕರೋತಿ ತಾದೃಗಸ್ಮೈ ದೇವಾಃ ಕುರ್ವನ್ತಿ ।
ತದ್ಯದೇತಾನಿ ಸ್ವರಾಣಿ ಭವನ್ತ್ಯಾತ್ಮಾನಮೇವೈತೈ ಸ್ಪೃಣ್ವತೇ ।
ಸಪ್ತದಶಾ ಸ್ವರಸಾಮಾನೋ ಭವನ್ತ್ಯೇಕವಿಂಶೋ ವಿಷುವಾನ್ ।
ಪ್ರಜಾಪತಿರ್ವೈ ಸಪ್ತದಶೋಽಸಾವಾದಿತ್ಯ ಏಕವಿಂಶಃ ।
ಪಿತ್ರೈವ ತತ್ಪುತ್ರಂ ಪರ್ಯೂಹನ್ತಿ ।
ಪಿತಾ ಹಿ ಪುತ್ರಾಯ ಕನ್ತಮಃ ಪುತ್ರೋ ಹಿ ಪಿತ್ರೇ ಕನ್ತಮಃ ।
ಯದತ್ರಾನ್ಯಂ ಸ್ತೋಮಮವದಧ್ಯುಃ ಪ್ರಾಸೌ ತಂ ತೇಜಸಾ ದಹೇದಗ್ನಿರ್ವೈಶ್ವಾನರಃ ಪ್ರಜಾ ಆದದೀತ ।
ಷಡೇತೇ ಸ್ವರಸಾಮಾನೋ ಭವನ್ತಿ ।
ಷಡೃತವಃ ।
ಋತುಷ್ವೇವೈನಂ ತದಧ್ಯೂಹನ್ತಿ ತಸ್ಮಾದೇಷಸ್ತ್ರೀನೃತೂನ್ದಕ್ಷಿಣೈತಿ ತ್ರೀನುದಙ್ ।
ಸ ಯಥಾ ಪುತ್ರಃ ಪಿತೄನನುಸಂಚರೇತ್ತಾದೃಗೇವೈತದಜಾಮಿತಾಯೈ ।
ಅಜಾಮಿ ಹಿ ಪುತ್ರಃ ಪಿತೄನನುಸಂಚರತಿ ।
ಅಥೈತೌ ವಿಶ್ವಜಿದಭಿಜಿತಾವಭಿತ ಸ್ತೋಮಾನಾಂ ವೀರ್ಯಮ್ ।
ವೀರ್ಯೇಣ ಹ ವಾ ಏತೌ ವಿಷುವನ್ತಂ ದಾಧರ್ತುಃ ।
ತದಾಹು ಸ್ತೋಮಕೃನ್ತತ್ರಮಿವ ವಾ ಏತತ್ಸ್ತೋಮಾ ಯನ್ತಿ ಯತ್ತ್ರಯಸ್ತ್ರಿಂಶಾತ್ಸಪ್ತದಶಮುಪಯನ್ತೀತಿ ।
ಪುರಸ್ತಾದೇವ ಪೃಷ್ಠ್ಯಸ್ಯ ಷಡಹಸ್ಯಾಭಿಜಿತಮುಪೇತ್ಯ ಪೃಷ್ಠ್ಯಸ್ಯೈವ ಷಡಹಸ್ಯ ಯನ್ಮಧ್ಯೇ ಸಪ್ತದಶಮಹಸ್ತದುಪರಿಷ್ಟಾತ್ತ್ರಯಸ್ತ್ರಿಂಶಸ್ಯ ಪರ್ಯೂಹೇಯುಃ ।
ತದ್ಯತ್ಸಪ್ತದಶಾದೇವ ಸಪ್ತದಶಮುಪಯನ್ತಿ ಸಮಾತ್ಸಮಂ ನ ಸ್ತೋಮಕೃನ್ತತ್ರಂ ಸ್ತೋಮಾ ಯನ್ತಿ ನಾರ್ತಿಮಾರ್ಚ್ಛನ್ತಿ ೩೮೬

ತದ್ ಆಹುರಾತ್ಮಾ ವೈ ಪೃಷ್ಠ್ಯಷ್ಷಡಹೋಽನ್ನಂ ಸಪ್ತದಶಃ ।
ಯತ್ಪೃಷ್ಠ್ಯಾತ್ಷಡಹಾತ್ಸಪ್ತದಶಂ ನಿರ್ಹರೇಯುರನ್ನಾದ್ಯಂ ಬಹಿರ್ಧಾ ಕುರ್ಯುರಶನಾಯುಕಾ ಸ್ಯುಃ ।
ತ್ರಯಸ್ತ್ರಿಂಶಾದೇವೋಪೇತ್ಯಮಿತಿ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾ ಉ ಹ ವೈ ದೇವತಾಸ್ಸಂಪದ್ಯ ಪ್ರಜಾಪತಿಮುದ್ವಾ ಆಪ್ನುವನ್ತಿ ನ ವಾ ।
ತತ್ತತ್ಸಮಾದೇವ ಸಮಮುಪಯನ್ತಿ ।
ವರ್ಷ್ಮಣೋ ವಾ ವರ್ಷ್ಮ ।
ವರ್ಷ್ಮ ಹಿ ಪಿತಾ ।
ಅಥೋ ಉತ್ಕ್ರಾನ್ತಿರೇವ ।
ಪಿತಾ ಹಿ ಪುತ್ರಾಚ್ಛ್ರೇಯಾನ್ ।
ತ ಉಕ್ಥ್ಯಾ ಭವನ್ತಿ ಪಶವೋ ವಾ ಉಕ್ಥಾನಿ ಪಶೂನಾಮೇವಾವರುದ್ಧ್ಯೈ ।
ತದಾಹುರ್ವಿಲೋಮೇವ ವಾ ಏತದ್ಯಜ್ಞಃ ಕ್ರಿಯತೇ ಯದಾಗ್ನಿಷ್ಟೋಮೌ ವಿಶ್ವಜಿದಭಿಜಿತೌ ಭವತೋಽಗ್ನಿಷ್ಟೋಮೋ ವಿಷುವಾನುಕ್ಥ್ಯಾ ಸ್ವರಸಾಮಾನಃ ।
ಸರ್ವ ಏವಾಗ್ನಿಷ್ಟೋಮಾಃ ಕಾರ್ಯಾ ಇತಿ ।
ವರ್ಷ್ಮ ವಾ ಅಗ್ನಿಷ್ಟೋಮೋ ವರ್ಷ್ಮ ವಿಷುವಾನ್ ।
ವರ್ಷ್ಮಣೈವ ತದ್ವರ್ಷ್ಮ ಸಂದಧತಿ ।
ವರ್ಷ್ಮಣಾ ವರ್ಷ್ಮ ರೋಹನ್ತಿ ।
ತೇಜೋ ವಾ ಅಗ್ನಿಷ್ಟೋಮಸ್ತೇಜೋ ವಿಷುವಾಂಸ್ತೇಜಸೈವ ತತ್ತೇಜಸ್ಸಂದಧತಿ ತೇಜಸಾ ತೇಜೋ ರೋಹನ್ತಿ ।
ಅಥ ಹ ಕಾಮ್ಯಕೀಯಾ ಇತಿ ಸತ್ರಿಣೋಽಯಸ್ಥೂಣಗೃಹಪತಯಸ್ಸತ್ರಂ ನಿಷೇದುಃ ।
ತಾನ್ಹೇನ್ದ್ರ ದ್ಯುಮ್ನೋ ಭಾಲ್ಲಬೇಯೋಽಭಿಪ್ರಧಾವಯಾಂ ಚಕಾರ -ಪುತ್ರಂ ವಿಷುವತಾ ಸ್ತಾವಯಿಷ್ಯಾಮೀತಿ ।
ತೇಷಾಂ ಹ ಪೃಷ್ಠ್ಯಸ್ಯ ಷಡಹಸ್ಯೈಕೇನಾಹ್ನಾಸ್ತುತಮಾಜಗಾಮ ।
ಸ ಹೋವಾಚ ಸಾಧು ಹೈವಾಕೃತ ಯದಸ್ತೋಢ್ವಮ್ ।
ಯತ್ತ್ವಹಮಿಹಾಭವಿಷ್ಯಮನ್ಯಥಾತೋ ವಿಷುವನ್ತಮಕಲ್ಪಯಿಷ್ಯಮಿತಿ ।
ಕಥಂ ಭಗವೋಽಕಲ್ಪಯಿಷ್ಯ ಇತಿ ಹೈನಂ ಪುತ್ರ ಉವಾಚ ।
ಸ ಹೋವಾಚ ಪುರಸ್ತಾದೇವ ಪೃಷ್ಠ್ಯಸ್ಯ ಷಡಹಸ್ಯಾಭಿಜಿತಮುಪೇತ್ಯ ಪೃಷ್ಠ್ಯಾದೇವ ಷಡಹಾತ್ಸ್ವರಸಾಮ್ನ ಉಪೈಷ್ಯಮಿತಿ ೩೮೭

ಆತ್ಮಾ ವೈ ಪೃಷ್ಠ್ಯಷ್ಷಡಹಃ ಪ್ರಜಾ ಸ್ವರಸಾಮಾನಃ ।
ಪ್ರಜೋ ವಾ ಅಸ್ಮತ್ಪರೇತಿ ।
ವಾಗ್ವೈ ವಯಮಿಮೇ ಸ್ಮಃ ।
ವಾಗಸ್ಮತ್ಪರೇತಿ ।
ತದ್ಯದೇಷೋಽಭಿಜಿದನ್ತರೇಣ ಭವತಿ ಪ್ರಜನನಂ ವಾ ಏಷ ಏತದನ್ತರ್ಧಾಯೈವ ತಿಷ್ಠತಿ ।
ತಂ ಯತ್ಪುರಸ್ತಾತ್ಪೃಷ್ಠ್ಯಸ್ಯ ಷಡಹಸ್ಯ ಪರ್ಯೂಹನ್ತ್ಯನನ್ತರ್ಹಿತಾತ್ಪ್ರಜನನಾತ್ಪ್ರಜಾಯಾಮಹಾ ಇತಿ ।
ತ ಉ ವೈ ಸಪ್ತದಶಾ ಭವನ್ತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಿಃ ಪ್ರಜಾನಾಂ ಪ್ರಜನಯಿತಾ ।
ಸ ಯಃ ಪ್ರಜಾನಾಂ ಪ್ರಜನಯಿತಾ ತೇನ ಪ್ರಜಾತಾಃ ಪ್ರಜಾಯಾಮಹಾ ಇತಿ ।
ತ ಉ ವಾ ಆನುಷ್ಟುಭಾ ಭವನ್ತಿ ವಾಗ್ವಾ ಅನುಷ್ಟುಬ್ವಾಕ್ಪ್ರಜನನಂ ವಾಚಃ ಪ್ರಜನನಾತ್ಪ್ರಜಾಯಾಮಹಾ ಇತಿ ।
ತ ಉ ವಾ ಉಕ್ಥ್ಯಾ ಭವನ್ತಿ ಪಶವೋ ವಾ ಉಕ್ಥಾನ್ಯನ್ನಂ ಪಶವಃ ಪಶುಭ್ಯೋಽನ್ನಾದ್ಯಾತ್ಪ್ರಜಾಂ ನೇದನ್ತರಯಾಮೇತಿ ।
ತದು ಹೋವಾಚ ಶಾಟ್ಯಾಯನಿರನಾದೃತ್ಯ ಭಾಲ್ಲಬೇಯಸ್ಯ ವದನಮಭಿಜಿತ ಏವಾಧ್ಯುಪೇತ್ಯಮ್ ।
ಯೋ ವಾ ಏಷ ಪೃಷ್ಠ್ಯಷ್ಷಡಹಸ್ಸ ಏವಾಭಿಜಿತ್ ।
ಆಯತನೇನ ಯೇ ವಾ ಏತೇ ಪೃಷ್ಠ್ಯಸ್ಯ ಷಡಹಸ್ಯ ಸ್ತೋಮಾಸ್ತ ಏವೈತೇ ।
ಏಕೋ ವೈ ಪೃಷ್ಠ್ಯೇ ಷಡಹೇ ಸಪ್ತದಶಃ ।
ಅಥೈತಸ್ಮಿಂಸ್ತ್ರಯಸ್ಸಪ್ತದಶಾಃ ।
ತಂ ವಾವೈತದೇತಂ ಸ್ತೋಮಂ ಕೃತ್ವಾ ಪ್ರಜನಯನ್ತಿ ।
ತದ್ಯತ್ಸಪ್ತದಶಾದೇವ ಸಪ್ತದಶಂ ಪ್ರಜನಯನ್ತಿ ಸಪ್ತದಶಾತ್ಸಪ್ತದಶಂ ಸಪ್ತದಶಾತ್ಸಪ್ತದಶಮ್ ।
ಪರಸ್ತಾದು ವೈ ವಿಶ್ವಜಿತಿ ತ್ರಯಸ್ಸಪ್ತದಶಾಃ ।
ತೇ ವಾವೈತದುಭಯೇ ಸಂಪದ್ಯ ಪ್ರಜನಯನ್ತಿ ।
ತೇಷಾಂ ವಾ ಅತ್ರ ಪ್ರತಿಷ್ಠಾ ।
ಅಭಿಜಿತ ಏವಾಧ್ಯುಪೇತ್ಯಮಿತಿ ೩೮೮

ಏಕವಿಂಶೋ ವಿಷುವಾನ್ಭವತಿ ।
ಏಕವಿಂಶೋ ವಾ ಅಸ್ಯ ಭುವನಸ್ಯ ವಿಷುವಾನ್ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಸರ್ವಸ್ಮಿನ್ವಾ ಏಷೋಽಸ್ಮಿನ್ನಧಿ ಪ್ರತಿಷ್ಠಿತಃ ।
ತದ್ಯಸ್ಮಿನ್ನೇಷ ಸರ್ವಸ್ಮಿನ್ನಧಿ ಪ್ರತಿಷ್ಠಿತಸ್ತಸ್ಮಿನ್ಸರ್ವಸ್ಮಿನ್ನಧಿ ಪ್ರತಿತಿಷ್ಠಾಮೇತಿ ।
ತಸ್ಮಾದ್ವಾಯವ್ಯಾನುಷ್ಟುಪ್ಪ್ರತಿಪದ್ಭವತಿ ।
ವಾಕ್ಚ ವೈ ವಾಯುಶ್ಚೈತಂ ದೇವತಾನಾಮಾನಶಾನೌ ।
ತೌ ಯಾವೇತಂ ದೇವತಾನಾಮಾನಶಾನೌ ತಾಭ್ಯಾಮೇನಮಶ್ನವಾಮಹಾ ಇತಿ ।
ಯದ್ಧ ವೈ ವಾಯುರ್ನ ಪವೇತ ಪ್ರಾಸಾವಿದಂ ತೇಜಸಾ ದಹೇದಗ್ನಿರ್ವೈಶ್ವಾನರಃ ಪ್ರಜಾ ಆದದೀತ । ವಾಯವ್ಯಾ ಪ್ರತಿಪದ್ಭವತ್ಯಗ್ನೇರೇವ ವೈಶ್ವಾನರಸ್ಯ ಶಾನ್ತ್ಯಾ ಅಪ್ರದಾಹಾಯ ।
ತದಾಹುರ್ವೀವ ವಾ ಏತೇ ಪ್ರಾಣೈರೃಧ್ಯನ್ತೇ ಯೇ ಪಾವಮಾನೀಭಿಃ ಪ್ರತಿಪದ್ಯನ್ತ ಇತಿ ।
ತದ್ಯದೇಷಾ ವಾಯವ್ಯಾ ಪ್ರತಿಪದ್ಭವತಿ ಪ್ರಾಣೋ ವೈ ವಾಯುಃ ಪ್ರಾಣೈರೇವ ತತ್ಸಮೃಧ್ಯನ್ತೇ ।
ವಾಯೋ ಶುಕ್ರೋ ಅಯಾಮಿ ತ ಇತಿ ಶುಕ್ರವತೀ ಭವತಿ ।
ಶುಕ್ರಿಯಂ ಹ್ಯೇತದಹಃ ।
ಮಧ್ವೋ ಅಗ್ರಂ ದಿವಿಷ್ಟಿಷ್ವಿತಿ ತದು ಮಧವ್ಯಾ ಅಗ್ರ್ಯಾ ಬ್ರಹ್ಮವರ್ಚಸಿನೋ ಭವನ್ತಿ ।
ಆ ಯಾಹಿ ಸೋಮಪೀತಯ ಇತಿ ಸೌಮೀ ತೇನ ಪಾವಮಾನೀ ಕ್ರಿಯತೇ ।
ಸ್ಪಾರ್ಹೋ ದೇವ ನಿಯುತ್ವತೇತ್ಯಸ್ಯೌ ವೈ ಸ್ಪಾರ್ಹೋಽನ್ನಂ ನಿಯುತ್ವದೇತಮೇವ ತದನ್ನಾದ್ಯೇನಾಭ್ಯುಪಯನ್ತಿ ।
ಯೋ ವೈ ಶ್ರೇಯಾಂಸಮಾಹರನ್ನುಪೈತಿ ಪ್ರತಿ ವೈ ಸ ತಂ ನನ್ದತಿ ।
ಅಥ ಯ ಏನಮನಾಹರನ್ನುಪೈತಿ ನ ವೈ ಸ ತಂ ಪ್ರತಿನನ್ದತಿ ।
ತದ್ಯದೇಷಾ ವಾಯವ್ಯಾನುಷ್ಟುಪ್ಪ್ರತಿಪದ್ಭವತ್ಯೇಷ ನಃ ಪ್ರತಿನನ್ದಾದೇತಮೃಧ್ನವಾಮೇತಿ ।
ತದು ವಾ ಆಹುಃ ಪವಸ್ವ ವಾಚೋ ಅಗ್ರಿಯ ಇತ್ಯೇವ ಪ್ರತಿಪತ್ಕಾರ್ಯೇತಿ ।
ವಾಗ್ವಾ ಇಯಂ ವಿತತಾ ಯದಿಮೇ ಲೋಕಾಃ ।
ತಸ್ಯಾ ಅದೋಽಗ್ರಂ ತಪತಿ ಯದಸಾವಾದಿತ್ಯಃ ।
ತದ್ಯದೇಷಾ ಪವಸ್ವ ವಾಚೋ ಅಗ್ರಿಯ ಇತಿ ಪ್ರತಿಪದ್ಭವತ್ಯೇತಮೇವೈತದೇತಯಾ ಅಭಿಪ್ರತಿಪದ್ಯನ್ತೇ ।
ಸ ಯಥಾತ್ಮನಾತ್ಮಾನಮಾರಭೇತೈವಮೇವೈನಮೇತತ್ಸ್ವೇನ ರೂಪೇಣಾರಭನ್ತೇ ।
ಯದ್ವೇವೈತತ್ಪದಂ ಪವಸ್ವೇತ್ಯವಸ್ತಾತ್ಪರ್ಯೂಢಂ ಭವತಿ ತೇನಾಯಂ ವಾಯುರವಸ್ತಾತ್ಪರ್ಯೂಢಃ ಪವತೇಽನಿರ್ದಾಹಾಯ ೩೮೯

ಸ್ವರ್ಭಾನುರ್ವಾ ಆಸುರ ಆದಿತ್ಯಂ ತಮಸಾವಿಧ್ಯತ್ ।
ತಂ ದೇವಾಶ್ಚರ್ಷಯಶ್ಚಾಭಿಷಜ್ಯನ್ ।
ತ ಏತಾನಿ ದಿವಾಕೀರ್ತ್ಯಾನಿ ಸಾಮಾನ್ಯಪಶ್ಯನ್ ।
ತೈರಸ್ಯ ತಮೋಽಪಘ್ನನ್ ।
ತದ್ಯದೇತಾನಿ ದಿವಾಕೀರ್ತ್ಯಾನಿ ಭವನ್ತ್ಯಾದಿತ್ಯಸ್ಯೈವೈತೈಸ್ತಮೋಽಪಘ್ನನ್ತಿ ।
ಯಾದೃಗಹ ವೈ ಮನುಷ್ಯೋ ದೇವೇಭ್ಯಃ ಕರೋತಿ ತಾದೃಗಸ್ಮೈ ದೇವಾಃ ಕುರ್ವನ್ತಿ ।
ತದ್ಯದೇತಾನಿ ದಿವಾಕೀರ್ತ್ಯಾನಿ ಭವನ್ತ್ಯಾತ್ಮನ ಏವೈತೈಸ್ತಮೋಽಪಘ್ನತೇ ।
ಭ್ರಾಜಾಭ್ರಾಜೇ ಪವಮಾನಯೋರ್ಮುಖೇ ಭವತಃ ।
ಅಙ್ಗೇಭ್ಯ ಏವಾಸ್ಯ ತತ್ತಮೋಽಪಘ್ನನ್ತಿ ।
ಮಹಾದಿವಾಕೀರ್ತ್ಯಂ ಪೃಷ್ಠಂ ವಿಕರ್ಣಂ ಬ್ರಹ್ಮಸಾಮ ।
ಮಧ್ಯತ ಏವಾಸ್ಯ ತತ್ತಮೋಽಪಘ್ನನ್ತಿ ।
ದಶಸ್ತೋಭಂ ಭಾಸಮಗ್ನಿಷ್ಟೋಮಸಾಮ ।
ಶೀರ್ಷತ ಏವಾಸ್ಯ ತತ್ತಮೋಽಪಘ್ನನ್ತಿ ।
ಅಸಾವಾದಿತ್ಯ ಏಕವಿಂಶೋ ವಿಷುವಾಂಸ್ತಸ್ಯ ದಿವಾಕೀರ್ತ್ಯಾನ್ಯೇವ ರಶ್ಮಯಃ ।
ತದ್ಯದೇತಾನಿ ದಿವಾಕೀರ್ತ್ಯಾನಿ ಭವನ್ತ್ಯೇತಮೇವೈತೈಃ ಪರ್ಯೂಹನ್ತ್ಯೇತಂ ಸಮರ್ಧಯನ್ತಿ ।
ತದಾಹುಃ ಕೇನ ಸಂವತ್ಸರಸದ ಸ್ವರ್ಗಲೋಕ ಇತಿ ।
ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ ಇತ್ಯಗ್ನಿಷ್ಟೋಮಸಾಮ ಭವತೀತಿ ಬ್ರೂಯಾತ್ ।
ತೇನೇತಿ ।
ಅಸೌ ವೈ ದಿವೋ ಮೂರ್ಧಾ ಯೋಽಸೌ ತಪತ್ಯೇತಮೇವೈತೇನಾಭ್ಯಾರೋಹನ್ತಿ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯ ಏತಮಭ್ಯಾರೋಹನ್ತೀತಿ ।
ಅರತಿಂ ಪೃಥಿವ್ಯಾ ಇತಿ ಭವತಿ ।
ಅಯಂ ವೈ ಲೋಕೋಽರತಿಃ ಪೃಥಿವ್ಯಾ ಅಸ್ಮಿನ್ನೇವೈತಲ್ಲೋಕೇ ಪ್ರತಿತಿಷ್ಠನ್ತಿ ।
ದಶಸ್ತೋಭಂ ಭಾಸಮಗ್ನಿಷ್ಟೋಮಸಾಮ ಭವತಿ ದಶಾಕ್ಷರಾ ವಿರಾಡನ್ನಂ ವಿರಾಡ್ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಈಶ್ವರಾ ಹ ತ್ವನ್ಯಸ್ಮೈ ಮೂರ್ಧ್ನಾನ್ನಾದ್ಯಂ ಹರ್ತೋರ್ಯ ಏತಾಸು ಮೂರ್ಧನ್ವತೀಷ್ವಗ್ನಿಷ್ಟೋಮಸಾಮ ಕುರ್ವನ್ತೀತಿ ।
ತದನುಷ್ಟುಭ್ಯೇವ ಕಾರ್ಯಮ್ ।
ವಾಗ್ವಾ ಅನುಷ್ಟುಬನ್ನಂ ದಶಸ್ತೋಭಮ್ ।
ಮುಖತೋ ವೈ ವಾಗಿಯಂ ಮುಖತೋ ಏವೈತದಾತ್ಮನೋಽನ್ನಾದ್ಯಂ ದಧತೇ ತಸ್ಮಾದನುಷ್ಟುಭ್ಯೇವ ಕಾರ್ಯಮಿತಿ ೩೯೦

ಆತ್ಮಾ ವೈ ಸಂವತ್ಸರಸ್ಯ ವಿಷುವಾನ್ಪಕ್ಷಾವಭಿತೋ ಯೇನ ಚೇತೋಽಭೀವರ್ತೇನ ಯನ್ತಿ ಯೇನ ಚಾಮುತಃ ಪ್ರಗಾಥೇನ ಪ್ರತ್ಯವರೋಹನ್ತಿ ತಾವುಭೌ ವಿಷುವತಿ ಕುರ್ಯುಃ ।
ಆತ್ಮನ್ನೇವ ತತ್ಪಕ್ಷೌ ಪ್ರತಿದಧತೇ ಸ್ವರ್ಗಸ್ಯ ಲೋಕಸ್ಯ ಪತನಾಯ ।
ತಸ್ಮಾದಾತ್ಮನ್ಪಕ್ಷೌ ಪ್ರತಿಹಿತೌ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯ ಏತಾನ್ಪರಾಚಷ್ಷಡಹಾನ್ಪರಾಚ ಸ್ತೋಮಾನ್ಪರಾಞ್ಚಿ ಪೃಷ್ಠಾನಿ ಪರಾಞ್ಚಿ ಛನ್ದಾಂಸ್ಯುಪಯನ್ತೀತಿ ।
ತದ್ಯತ್ಪರಸ್ತಾದ್ವಿಷುವತೋಽರ್ವಾಚಷ್ಷಡಹಾನುಪಯನ್ತ್ಯಸ್ಮಿನ್ನೇವೈತಲ್ಲೋಕೇ ಪ್ರತಿತಿಷ್ಠನ್ತಿ ।
ಅದ್ಯಾದ್ಯಾ ಶ್ವಶ್ವೋ ವಯಮೇನಮಿದಾ ಹ್ಯಸ್ತ್ವಾಮಿದಾ ಹ್ಯೋ ನರಃ ಕ್ವೇಯಥ ಕ್ವೇದಸಿ । ಇನ್ದ್ರ ತ್ರಿಧಾತು ಶರಣಮಿತಿ ಸಂತನಯಃ ಪ್ರಗಾಥಾ ಭವನ್ತ್ಯದ್ಯಶ್ವಸ್ಯೈವ ಸಂತತ್ಯೈ ।
ಅದ್ಯ ಚೈವ ತೇ ಶ್ವಶ್ಚ ಸಂತನ್ವನ್ತಿ ।
ಅಯಾತಯಾಮಾನಮು ಸಂವತ್ಸರಮಾಸತೇ ।
ತದಾಹುರಿನ್ದ್ರ ಕ್ರತುಂ ನ ಆ ಭರೇತ್ಯೇತಾಸ್ವಾವತೀಷು ಸ್ತೋತವ್ಯಮಹ್ನೋ ರೂಪೇಣೇತಿ ।
ಪಿತಾ ಪುತ್ರೇಭ್ಯೋ ಯಥಾ
ಶಿಕ್ಷಾ ಣೋ ಅಸ್ಮಿನ್ಪುರುಹೂತ ಯಾಮನಿ ಜೀವಾ ಜ್ಯೋತಿರಶೀಮಹಿ
ಇತಿ ।
ಏತೇ ಹ ವೈ ಜೀವಾ ಜ್ಯೋತಿರಶ್ನುವತೇ ಯೇ ಸಂವತ್ಸರಸ್ಯೋದೃಚಮಶ್ನುವತೇ ।
ಮಾ ನೋ ಅಜ್ಞಾತಾ ವೃಜನಾ ದುರಾಧ್ಯೋ ಮಾಶಿವಾಸೋ ಅವ ಕ್ರಮುಃ
ತ್ವಯಾ ವಯಂ ಪ್ರವತಃ ಶಶ್ವತೀರಪೋ ಅತಿ ಶೂರ ತರಾಮಸಿ
ಇತ್ಯೇತಾ ಹ ವೈ ಪ್ರವತಃ ಶಶ್ವತೀರಾಪೋ ಯತ್ಸಂವತ್ಸರ ಋತವೋ ಮಾಸಾ ಅರ್ಧಮಾಸಾ ಅಹೋರಾತ್ರಾಣ್ಯುಷಸಃ ।
ತಾ ಏವೈತೇನಾತಿತರನ್ತಿ ೩೯೧

ಶಕ್ತಿಂ ಹ ವಾಸಿಷ್ಠಂ ಸೌದಾಸಾ ಅಗ್ನೌ ಪ್ರಾಸುಃ ।
ಸ ಹ ಪ್ರಾಸ್ಯಮಾನ ಉವಾಚೇನ್ದ್ರ ಕ್ರತುಂ ನ ಆ ಭರ ಪಿತಾ ಪುತ್ರೇಭ್ಯೋ ಯಥೇತಿ ।
ಏತಾವದ್ಧೈವಾಸ್ಯ ವ್ಯಾಹೃತಮಾಸ ।
ಅಥ ಹೈನಮಗ್ನೌ ಪ್ರಾಸುಃ ।
ಅಥ ಹ ವಸಿಷ್ಠ ಆಜಗಾಮ ।
ಸ ಹೋವಾಚ ಕಿಂ ಮೇ ಪುತ್ರಃ ಪ್ರಾಸ್ಯಮಾನೋಽಬ್ರವೀದಿತಿ ।
ತಸ್ಮೈ ಹೋಚುರಿನ್ದ್ರ ಕ್ರತುಂ ನ ಆ ಭರ ಪಿತಾ ಪುತ್ರೇಭ್ಯೋ ಯಥೇತ್ಯೇತಾವದೇವಾಸ್ಯ ವ್ಯಾಹೃತಮಾಸೀದಥೈನಮಗ್ನೌ ಪ್ರಾಸ್ಯನ್ನಿತಿ ।
ಸ ಹೋವಾಚ ಶಿಕ್ಷಾ ಣೋಽಸ್ಮಿನ್ಪುರುಹೂತ ಯಾಮನಿ ಜೀವಾ ಜ್ಯೋತಿರಶೀಮಹೀತಿ ಯನ್ಮ ಏತಮುತ್ತರಮರ್ಧರ್ಚಂ ಪುತ್ರಃ ಪ್ರಾಪ್ಸ್ಯನ್ನ ಚೈವೈನಮಗ್ನೌ ಪ್ರಾಸಿಷ್ಯನ್ಸರ್ವಮು ಚಾಯುರಯಿಷ್ಯತ್ ।
ಯೈವ ಕುರುತಮಾ ದೇವತಾನಾಮಭೂತ್ತಾಮುಪಾಸರತ್ ।
ಋಧ್ನವಂಸ್ತೇ ಸತ್ರಿಣೋ ಯೇ ಮ ಏತೇನ ಪುತ್ರಸ್ಯ ಪ್ರಗಾಥೇನ ಸ್ತವಾನ್ತಾ ಇತಿ ।
ಸ ಏಷ ಋದ್ಧಿಪ್ರಾಗುಭಿತಃ ಪ್ರಗಾಥಃ ।
ಋದ್ಧಿಷ್ಣವೋ ಹ ಭವನ್ತ್ಯೇನೇನ ತುಷ್ಟುವಾನಾಃ ।
ಗೌಶ್ಚಾಯುಶ್ಚ ಸ್ತೋಮೌ ಭವತಃ ಪ್ರತಿಷ್ಟಿತ್ಯೈ ।
ಊನಾತಿರಿಕ್ತೌ ಭವತಃ ಪ್ರಜನನಾಯ ।
ವೈರಾಜೌ ಭವತೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಪೃಷ್ಠ್ಯಷ್ಷಡಹೋ ಭವತಿ ।
ಶ್ರೀರ್ವೈ ವರ್ಷ್ಮ ಪೃಷ್ಠಾನಿ ।
ತದು ಶ್ರಿಯಂ ವರ್ಷ್ಮ ಪೃಷ್ಠಾನ್ಯೂರ್ಧ್ವಾ ರೋಹನ್ತಿ ।
ಛನ್ದೋಮಾ ಭವನ್ತಿ ಪಶವೋ ವೈ ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ದಶಮಮಹರ್ಭವತಿ ದಶಾಕ್ಷರಾ ವಿರಾಡನ್ನಂ ವಿರಾಡ್ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಅಯಂ ಸಹಸ್ರಮಾನವ ಇತಿ ಪುರಾ ತೂಷ್ಣೀಂ ಸ್ತೋಮಾದೇತಾಸ್ವತಿಛನ್ದಸ್ಸು ಸ್ತೋತವ್ಯಮಾಹುಃ ।
ಅತಿ ವಾ ಏಷೋ ಅನ್ಯಾನಿ ಛನ್ದಾಂಸಿ ಯದತಿಛನ್ದಾಃ ।
ಅತ್ಯೇತೇಽನ್ಯಾನ್ಯೇ ಸಂವತ್ಸರಸದಃ ।
ಸ್ವ ಏವೈತಚ್ಛನ್ದಸಿ ಪ್ರತಿತಿಷ್ಠನ್ತಿ ।
ಏಕಾಕ್ಷರಣಿಧನಂ ಸಾಮ ಭವತಿ ।
ಏಕಾಕ್ಷರಾ ವೈ ವಾಕ್ ।
ವಾಚಮೇವೈತದ್ದಶಮೇನಾಹ್ನಾ ಸಂಪಾದಯನ್ತಿ ।
ಗೋರಿತಿ ನಿಧನಂ ಭವತಿ ಗೌರ್ವೈ ಕೃತ್ಸ್ನಮನ್ನಾದ್ಯಂ ಕೃತ್ಸ್ನಸ್ಯೈವಾನ್ನಾದ್ಯಸ್ಯಾವರುದ್ಧ್ಯೈ ।
ತದಾಹುರತಿಷ್ಟುತಾನುಷ್ಟುಪ್ಸ್ಯಾದ್ಯದೇತದತ್ರ ಕುರ್ಯುಃ ।
ನೇದ್ವಾಚಮತಿಷ್ಟವಾಮೇತಿ ವೈ ಮನಸಾ ತೂಷ್ಣೀಂ ಸ್ತೋಮೇನ ಸ್ತುವನ್ತಿ ।
ಅತ್ರೋ ವಾವೈತದ್ವಾಚಾ ಸಂಪನ್ನಮ್ ।
ತಸ್ಮಾದೇತದತ್ರ ನ ಕಾರ್ಯಮಿತಿ ೩೯೨

ಉತ್ಸೃಜ್ಯಾ೩ಂ! ನೋತ್ಸೃಜ್ಯಾ೩ಮಿತಿ ಮೀಮಾಂಸನ್ತೇ ।
ತದಾಹುರುತ್ಸೃಜ್ಯಮೇವೇತಿ ।
ಯೋ ವಾ ಅವಿಮೋಕಂ ಯಾತ್ಯುದ್ವಾ ವೈ ಸ ಕೃನ್ತತಿ ಪ್ರ ವಾ ಕ್ಷಿಣೋತಿ ।
ಅವಿಮೋಕಮಿವೈತೇ ಯನ್ತಿ ಯೇ ನೋತ್ಸೃಜನ್ತೇ ।
ತದ್ಯತ್ಪೌರ್ಣಮಾಸೀರುತ್ಸೃಜನ್ತೇಽರಿಷ್ಟ್ಯಾ ಏವ ।
ಯೋ ವೈ ಪೂರ್ಣ ಆವಪತಿ ವಿ ವಾ ವೈ ತತ್ಪತತಿ ಪ್ರ ವಾ ಶೀರ್ಯತೇ ।
ಪೂರ್ಣ ಏಷ ಯತ್ಸಂವತ್ಸರಃ ।
ತದ್ಯತ್ಪೌರ್ಣಮಾಸೀರುತ್ಸೃಜನ್ತೇಽರಿಷ್ಟ್ಯಾ ಏವ ।
ಊನಾದ್ವೈ ರೇತಸ್ಸಿಚ್ಯತ ಊನಾತ್ಪ್ರಜಾಃ ಪ್ರಜಾಯನ್ತೇ ।
ಪೂರ್ಣ ಏಷ ಯತ್ಸಂವತ್ಸರಃ ।
ತದ್ಯತ್ಪೌರ್ಣಮಾಸೀರುತ್ಸೃಜನ್ತೇ ರೇತಸ ಏವ ತಲ್ಲೋಕಂ ಕುರ್ವನ್ತಿ ಪ್ರಜನನಾಯ ।
ಊನಾದ್ವೈ ಪ್ರಾಣಾ ಈರತೇ ।
ಪ್ರಜಾಪತಿರೇಷ ಯತ್ಸಂವತ್ಸರಃ ।
ತಸ್ಯೈತೇ ಪ್ರಾಣಾ ಯತ್ಪೌರ್ಣಮಾಸ್ಯಃ ।
ತದ್ಯತ್ಪೌರ್ಣಮಾಸೀರುತ್ಸೃಜನ್ತೇ ಪ್ರಜಾಪತೇರೇವ ತತ್ಪ್ರಾಣಾನುತ್ಸೃಜನ್ತೇ ।
ಪೌರ್ಣಮಾಸೀಸ್ತೋಮಾ ಹ ಖಲು ವೈ ದೇವಾಃ ।
ತದ್ಯತ್ಪೌರ್ಣಮಾಸೀರುತ್ಸೃಜನ್ತೇ ಕೋ ದೇವಾನ್ಪ್ರತ್ಯಭಿಷ್ಟೋತುಮರ್ಹತೀತಿ ೩೯೩

ತೇ ಯದಹರುತ್ಸೃಜೇರನ್ನಿನ್ದ್ರಾ ಯ ವಸುಮತೇ ಪೂರ್ವಾಹ್ಣೇ ಪುರೋಡಾಶಮಷ್ಟಾಕಪಾಲಂ ನಿರ್ವಪೇಯುಃ ।
ಇನ್ದ್ರಾ ಯ ರುದ್ರ ವತೇ ಮಧ್ಯನ್ದಿನೇ ಪುರೋಡಾಶಮೇಕಾದಶಕಪಾಲಂ ನಿರ್ವಪೇಯುಃ ।
ಇನ್ದ್ರಾ ಯಾದಿತ್ಯವತೇಽಪರಾಹ್ಣೇ ಪುರೋಡಾಶಂ ದ್ವಾದಶಕಪಾಲಂ ನಿರ್ವಪೇಯುಃ ।
ಏತಾಸಾಂ ವೈ ದೇವತಾನಾಂ ಸವನಾನಿ ಭಾಜನಂ ತನ್ನ ಸವನೇನೈಭ್ಯೋ ಯನ್ತಿ ನ ದೇವತಾ ಅನ್ತರ್ಯನ್ತಿ ।
ಪ್ರಜಾಪತಿರೇಷ ಯತ್ಸಂವತ್ಸರಃ ।
ತಸ್ಯೈತೇ ಪ್ರಾಣಾಪಾನಾ ಯತ್ಪೌರ್ಣಮಾಸ್ಯಶ್ಚಾಮಾವಾಸ್ಯಾಶ್ಚ ।
ತದ್ಯತ್ಪೌರ್ಣಮಾಸೀಶ್ಚಾಮಾವಾಸ್ಯಾಶ್ಚೋತ್ಸೃಜ್ಯನ್ತೇ ಪ್ರಜಾಪತೇರೇವ ತತ್ಪ್ರಾಣಾಪಾನಾನುತ್ಸೃಜನ್ತೇ ।
ತಮೇತಮುಪರಿಷ್ಟಾತ್ಸಂವತ್ಸರಸ್ಯ ಚತುರ್ವಿಂಶತಿರಾತ್ರಮುಪಯನ್ತಿ ।
ಅಥೋ ಆಹುಃ ಪೌರ್ಣಮಾಸೀರೇವೋತ್ಸೃಜ್ಯಾ ಇತಿ ।
ಪ್ರಾಣಾಭಾಜನಾ ವೈ ಪೌರ್ಣಮಾಸ್ಯಪಾನಭಾಜನಾಮಾವಾಸ್ಯಾ ।
ಬಹಿರ್ವೈ ಸನ್ತಂ ಪ್ರಾಣಮುಪಜೀವನ್ತ್ಯನ್ತಸ್ಸನ್ತಮಪಾನಮ್ ।
ತದ್ಯತ್ಪೌರ್ಣಮಾಸೀರುತ್ಸೃಜನ್ತೇ ಬಹಿಸ್ಸನ್ತಂ ಪ್ರಾಣಮುಪಜೀವಾಮಾನ್ತಸ್ಸನ್ತಮಪಾನಮಿತಿ ।
ತಮೇತಮುಪರಿಷ್ಟಾದ್ದ್ವಾದಶರಾತ್ರಮುಪಯನ್ತಿ ೩೯೪

ತದು ಹೋವಾಚಾರುಣಿರಷಾಢಂ ಸಾವಯಸಮುತ್ಸಸೃಜಾನಂ ಹೋತಾ ಛಿದ್ರೇ ಸಂವತ್ಸರ ಆಸ್ತ ಇತಿ ।
ಸ ಹೋವಾಚ ಮಾ ನ ಏವಂ ಬ್ರವೀರುಪ ವೈ ವಯಂ ತಮುಪರಿಷ್ಟಾದ್ದ್ವಾದಶರಾತ್ರಮೈಮೇತಿ ।
ತಂ ಹ ತದುಪಜಗೌ
ಜ್ಯಾಯೋ ವಾ ಹಿ ಕನೀಯೋ ವಾ ನ ಹಿ ವಾ ತೇನ ತತ್ಸಮಮ್
ಕಪಾಲಮನ್ಯಥಾ ಸತ್ಯಛಿದ್ರ ಉಪಧೀಯತೇ
ಇತಿ ವಾ ಅಹಮೇತದ್ಧೋತುರ್ಮನ್ಯೇ ।
ಛಿದ್ರಂ ವಾ ಅಹಂ ತೇಷಾಂ ಸಂವತ್ಸರಂ ಮನ್ಯೇ ಯ ಉತ್ಸೃಜನ್ತೇ ।
ಅಥೋ ಹೈಷಾಂ ತದನ್ಯಥೇವ ಸತ್ರಮುಪೇತಂ ಭವತಿ ।
ಯಥಾ ವೈ ಶಶ ಏವಂ ಯಜ್ಞಃ ।
ಯೋ ವೈ ಶಶಮುತ್ಸರ್ಗಂ ಲಿಪ್ಸತೇ ನೈನಂ ಸ ಗೃಹ್ಣಾತಿ ।
ಅಥ ಯ ಏನಮನುತ್ಸರ್ಗಂ ಲಿಪ್ಸತೇ ಸ ಏವೈನಂ ಗೃಹ್ಣಾತಿ ।
ಉತ್ಸರ್ಗಮೇವೈತಲ್ಲಿಪ್ಸನ್ತೇ ಯ ಉತ್ಸೃಜನ್ತೇ ।
ತಸ್ಮಾನ್ನೈವೋತ್ಸೃಜ್ಯಮಿತಿ ೩೯೫

ಅಥ ಹ ಸ್ಮಾಹ ಕುಸುರ್ಬಿನ್ದ ಔದ್ದಾಲಕಿರುತ್ಸೃಜ್ಯಂ ಚೈವ ನ ನೇತಿ ।
ಯದೇವಾದ್ಯಾಹರುತ್ಸೃಜೇರಂಸ್ತಚ್ಛ್ವೋ ಭೂತೇ ಪ್ರತಿಸಂಖ್ಯಾಯೋಪಪ್ರಸ್ತುಯುಃ ।
ತೇನೈವೋತ್ಸೃಷ್ಟಂ ಚ ನ ಚೇತಿ ।
ಅಥೋ ಯಾವನ್ತ್ಯೇವಾಹಾನ್ಯುತ್ಸೃಜೇರಂಸ್ತಾನಿ ಸಂಖ್ಯಾಯೋಪರಿಷ್ಟಾದತಿರಾತ್ರಸ್ಯೋಪೇಯುಃ ।
ತೇನೋ ಏವೋತ್ಸೃಷ್ಟಂ ಚ ನ ಚೇತಿ ।
ಅಥ ಹ ಸ್ಮಾಹ ಭಾಲ್ಲಬೇಯ ಉಕ್ಥಾನ್ಯೇವೋತ್ಸೃಜ್ಯಾನೀತಿ ।
ಪ್ರಜಾ ವೈ ಪಶವ ಉಕ್ಥಾನಿ ।
ಪ್ರಜಾ ಏವ ತತ್ಪಶೂನುತ್ಸೃಜನ್ತೇ ।
ಅಥೋ ಯಥಾ ದೃತಿಮ್ಪದೋಚ್ಛ್ವಾಸಯೇತ್ತಾದೃಕ್ತತ್ ।
ತದಾಹುರುತ್ಸೃಜ್ಯಮೇವೇತಿ ।
ಪ್ರಜಾಪತಿರೇಷ ಯತ್ಸಂವತ್ಸರಃ ।
ತಸ್ಯೈತೇ ಪ್ರಾಣಾಃ ಪರ್ವಾಣಿ ಯತ್ಪೌರ್ಣಮಾಸ್ಯಶ್ಚಾಮಾವಾಸ್ಯಾಶ್ಚ ।
ಯಥಾ ಹ ವಾ ಇದಂ ದೃತಿರಭಿಧ್ಮಾತಶ್ಶೋಚೇದೇವಂ ಹ ವಾ ಏಷ ಪ್ರಜಾಪತಿಃ ಪಶೂಞ್ಛೋಚಯತ್ಯನುತ್ಸೃಜ್ಯಮಾನಃ ।
ತದ್ಯತ್ಪೌರ್ಣಮಾಸೀಶ್ಚಾಮಾವಾಸ್ಯಾಶ್ಚೋತ್ಸೃಜನ್ತೇಽಙ್ಗಾನ್ಯೇವಾಸ್ಯ ತತ್ಪ್ರಾಣಾನ್ಪರ್ವಾಣಿ ಪ್ರಸಾರಯನ್ತಿ ನೇನ್ನಸ್ಸಂವತ್ಸರಶ್ಶುಶುಚಾನೋ ಹಿನಸದಿತಿ ।
ತಮೀಂ ಹಿನ್ವನ್ತ್ಯಗ್ರುವ ಇತಿ ಶ್ವೋ ಭೂತೇ ಪ್ರತಿಪದಂ ಕುರ್ವೀರನ್ ।
ತದ್ಯಥಾ ದೃತಿಮುಚ್ಛ್ವಾಸಿತಂ ಪುನರಭಿಧಮೇತ್ತಾದೃಕ್ತತ್ ।
ಧಮನ್ತಿ ಬಾಕುರಂ ದೃತಿಂ ತ್ರಿಧಾತು ಸಾರಘಂ ಮಧ್ವಿತಿ ಸಂವತ್ಸರೋ ವೈ ಬಾಕುರೋ ದೃತಿರ್ಯಜ್ಞಸ್ತ್ರಿಧಾತುರ್ಬ್ರಾಹ್ಮಣಾಸ್ಸರಘಾಸ್ತ ಏವೈತನ್ಮಧು ಕುರ್ವನ್ತಿ ೩೯೬

ಅಥ ಹ ಸ್ಮಾಹ ಸಿರಿನ್ದಃ ಪಾಲಾಲಿರಮಾವಾಸ್ಯಾಯಾಮೇವೋತ್ಸೃಜ್ಯಮಿತಿ ।
ಅಮಾವಾಸ್ಯಾಯಾಂ ವಾ ಏತದ್ದೇವತಾ ಉದಸೃಜನ್ತ ।
ದೇವತಾನಾಮುತ್ಸೃಷ್ಟಿಮನೂತ್ಸೃಜಾಮಹಾ ಇತಿ ।
ಏತೇ ಉ ಹ ವೈ ಸಂವತ್ಸರಸ್ಯ ಮೇಧ್ಯೇ ರಾತ್ರೀ ಯತ್ಪೌರ್ಣಮಾಸೀ ಚಾಮಾವಾಸ್ಯಾ ಚ ।
ತದ್ಯತ್ಪೌರ್ಣಮಾಸೀಂ ಚಾಮಾವಾಸ್ಯಾಂ ಚೋತ್ಸೃಜೇರನ್ಸಂವತ್ಸರಂ ಮೇಧೇನವ್ಯರ್ಧಯೇಯುಃ ।
ತ್ರಿವೃದೇವಾಗ್ನಿಷ್ಟೋಮಃ ಕಾರ್ಯ ಇತಿ ।
ತಸ್ಯ ಯನ್ನ್ಯೂನಾನಿ ಸ್ತೋತ್ರಾಣಿ ಭವನ್ತಿ ತೇನೈವೋತ್ಸೃಷ್ಟಂ ಚ ನ ಚೇತಿ ।
ಅಥ ಹ ಸ್ಮಾಹ ನಗರೀ ಜಾನಶ್ರುತೇಯ ಏಕತ್ರಿಕ ಏವೋಪೇತ್ಯ ಇತಿ ।
ತಸ್ಯ ಯಚ್ಛ್ವಾಙ್ಕ್ಷಿತಾನೀವ ಸ್ತೋತ್ರಾಣಿ ಭವನ್ತಿ ತೇನೈವೋತ್ಸೃಷ್ಟಂ ಚ ನ ಚೇತಿ ।
ಅಥ ಹ ಸ್ಮಾಹಾರುಣಿರ್ಯಾವೇವೈತೌ ಗೋಆಯುಷೀ ಸ್ತೋಮೌ ತಾಭ್ಯಾಮೇವೋತ್ಸೃಷ್ಟಂ ಚ ನ ಚೇತಿ ।
ತಯೋರ್ಯಸ್ಯ ನ್ಯೂನಾನಿ ಸ್ತೋತ್ರಾಣಿ ತೇನೋತ್ಸೃಷ್ಟಂ ಯಸ್ಯಾತಿರಿಕ್ತಾನಿ ತೇನಾನುತ್ಸೃಷ್ಟಮ್ ।
ತಸ್ಮಾದೇತಾವೇವೋಪೇತ್ಯಾವಿತಿ ೩೯೭

ಅಧ್ವರ್ಯುರ್ಗ್ರಹಂ ಗೃಹೀತ್ವಾ ದ್ರ ವತಿ ।
ಸ ಆಹೋಪಾವರ್ತಧ್ವಮಿತಿ ।
ತೇ ಹಿಂಕೃತ್ಯೈವ ಪ್ರಾಞ್ಚೋ ನಿಷ್ಕ್ರಮ್ಯಾಗ್ರೇಣಾಗ್ನೀಧ್ರಂ ತಿಷ್ಠನ್ತೋ ವಿಶ್ವೇಷಾಂ ದೇವಾನಾಂ ವ್ರತೇನ ಸ್ತುವತೇ ।
ವಿಶ್ವೇಭ್ಯ ಏವ ತದ್ದೇವೇಭ್ಯೋ ನಿವೇದಯನ್ತೇಽರಾತ್ಸ್ಮೇತಿ ।
ತೇ ಪ್ರಾಞ್ಚೋಽಭಿಕ್ರಮ್ಯ ಚಾತ್ವಾಲಮವೇಕ್ಷಮಾಞಾಃ ಕ್ರೋಶೇನ ಸ್ತುವತೇ ।
ದೇವಾನಾಂ ವಾ ಅನ್ತಂ ಜಗ್ಮುಷಾಮಿನ್ದ್ರಿ ಯಂ ವೀರ್ಯಮಪಾಕ್ರಾಮತ್ ।
ತತ್ಕ್ರೋಶೇನೈವಾವರುನ್ಧತ ।
ಅನ್ತಮಿವೈತೇ ಗಚ್ಛನ್ತಿ ಯೇ ಸಂವತ್ಸರಸ್ಯೋದೃಚಮಶ್ನುವತೇ ।
ತದ್ಯತ್ಕ್ರೋಶೇನ ಸ್ತುವತ ಇನ್ದ್ರಿ ಯಸ್ಯೈವ ವೀರ್ಯಸ್ಯಾವರುದ್ಧ್ಯೈ ।
ಅಥಾನುಕ್ರೋಶಮ್ ।
ದೇವಾ ವೈ ಯತ್ರ ತ್ರ್! ಯಹೇಣ ಸ್ವರ್ಗಂ ಲೋಕಮಾಯಂಸ್ತದ್ಧೈಷಾಮೇತತ್ತೃತೀಯಮಹರ್ವೈರೂಪಂ ವ್ಯಾರ ।
ತಸ್ಯೈಷ್ ಶ್ಲೋಕೋ
ವೈರೂಪಂ ದೇವಾ ಅಭಿಸಂವಸಾನಾಸ್ತದಾತಸ್ಥುಸ್ತದು ಹೈಷಾಂ ವ್ಯಾರ
ತೇ ಹಿಂಕೃತ್ಯ ಪುನರಾರುಹ್ಯ ಸರ್ವ ಅವಾಧೂನ್ವತ ಜರಸಂ ತನೂನಾಮ್
ಇತಿ ।
ತಸ್ಯ ಏವೈಷಾ ಶ್ಲೋಕೋ
ಯದ್ವೈರೂಪ ಉಪಹತೇ ವ್ಯದ್ಧ್ವೇ ಹಿಂಕೃಣ್ವನ್ತಸ್ಸಮತಿಷ್ಠನ್ತ ಯಾಮನ್
ತದ್ದೇವಸ್ಥಾನಮಸೃಜನ್ತ ಸಾಮ ತೇನ ದೇವಾಸೋ ಅಮೃತತ್ವಮಾಯನ್
ಇತಿ ।
ತೇ ಯತ್ರ ಸ್ವರ್ಗಂ ಲೋಕಮಾಯಂಸ್ತದ್ವಿಧಾತಾ ಪುತ್ರಾನಬ್ರವೀನ್ಮಾ ಯೂಯಮಾದೃಢ್ವಮಿಹೈವಾಹಂ ಯುಷ್ಮಾನ್ವಿಧಾಸ್ಯಾಮೀತಿ ೩೯೮

ಸೋಽಸ್ಯಾಂ ಪ್ರಾಚ್ಯಾಂ ದಿಶಿ ಪುರಂ ವೈಧಾತ್ರಮದಧಾತ್ ।
ತಸ್ಯ ಪ್ರಾಚೀನ ಆಹುರ್ಯಾಯಣಃ ಪುರೋಹಿತಃ ।
ಸೋಽಸ್ಯಾಂ ದಕ್ಷಿಣಾಯಾಂ ದಿಶ್ಯಧರಾಹಿಂ ವೈಧಾತ್ರಮದಧಾತ್ ।
ತಸ್ಯ ದಕ್ಷಿಣ ಆಹುರ್ಯಾಯಣಃ ಪುರೋಹಿತಃ ।
ಸೋಽಸ್ಯಾಂ ಪ್ರತೀಚ್ಯಾಂ ದಿಶಿ ಪಶ್ಚಂ ವೈಧಾತ್ರಮದಧಾತ್ ।
ತಸ್ಯ ಪ್ರತೀಚೀನ ಆಹುರ್ಯಾಯಣಃ ಪುರೋಹಿತಃ ।
ಸೋಽಸ್ಯಾಮುದೀಚ್ಯಾಂ ದಿಶ್ಯುತ್ತರಾಹಿಂ ವೈಧಾತ್ರಮದಧಾತ್ ।
ತಸ್ಯೋದೀಚೀನ ಆಹುರ್ಯಾಯಣಃ ಪುರೋಹಿತಃ ।
ತೇ ದೇವಾ ವಿಧಾತಾರಮಬ್ರುವನ್ನೇವಮು ಚೇತ್ತ್ವಮೇತದಧಿಥಾಸ್ತಥಾಸ್ಮಾನನ್ವೀಕ್ಷಸ್ವ ಯಥಾ ವಯಂ ಸ್ವಸ್ತಿ ಸ್ವರ್ಗಂ ಲೋಕಂ ಗಚ್ಛೇಮೇತಿ ।
ತಾನೇತೇನ ಕ್ರೋಶೇನಾನ್ವೈಕ್ಷತ ೩೯೯

ಇನ್ದ್ರಾ ಸುತೇಷು ಸೋಮೇಷು ಹೋಯೇಹೂಹೋ ಇತ್ಯೇವೈನಾನ್ಪ್ರಾಸೇಧತ್ ।
ತೇಽಬ್ರುವನ್ಸತ್ರಾ ವೈ ನೋಽತ್ಯುದಸೀತ್ಸಸ್ ।
ತಥಾ ನೋಽನ್ವೀಕ್ಷಸ್ವ ಯಥಾ ನ ಏತಸ್ಮಿಁ ಲ್ಲೋಕೇ ಅನ್ವಾಭಜಾ ಇತಿ ।
ತಾನೇತೇನೈವಾನುಕ್ರೋಶೇನೇನ್ದ್ರಾ ಹೋ ಇಹ ವೇಹೋ ಇತ್ಯೇವಾಸ್ಮಿಁ ಲ್ಲೋಕೇಽನ್ವಾಭಜತ್ ।
ತತೋ ವೈ ತ ಉಭಯೋರನಯೋರ್ಲೋಕಯೋಃ ಪ್ರತ್ಯತಿಷ್ಠನ್ ।
ಕ್ರೋಶೇನೈವ ಸ್ವರ್ಗಂ ಲೋಕಮಗಚ್ಛನ್ನನುಕ್ರೋಶೇನಾಸ್ಮಿನ್ಪ್ರತ್ಯತಿಷ್ಠನ್ ।
ತೇ ಯ ಏವಂ ವಿದ್ವಾಂಸಃ ಕ್ರೋಶಾನುಕ್ರೋಶಾಭ್ಯಾಂ ಸ್ತುವತ ಉಭಯೋರೇವಾನಯೋರ್ಲೋಕಯೋಪ್ರತಿತಿಷ್ಠನ್ತಿ ಕ್ರೋಶೇನೈವ ಸ್ವರ್ಗಂ ಲೋಕಂ ಗಚ್ಛನ್ತ್ಯನುಕ್ರೋಶೇನಾಸ್ಮಿನ್ಪ್ರತಿತಿಷ್ಠನ್ತಿ ೪೦೦

ಅಗ್ನೇರಪಿಪಕ್ಷಂ ಪ್ರತಿ ಸತ್ರಸ್ಯರ್ದ್ಧ್ಯಾ ಸ್ತುವತೇ ।
ಅಗ್ನಯ ಏವ ತದ್ದೇವೇಭ್ಯೋ ನಿವೇದಯನ್ತೇಽರಾತ್ಸ್ಮೇತಿ ।
ವ್ರತಪಕ್ಷಾಭ್ಯಾಮಭಿತೋ ಹವಿರ್ಧಾನೇ ।
ಸ್ವರ್ಗಾಯ ವಾ ಏತೇ ಲೋಕಾಯ ದೀಕ್ಷನ್ತೇ ಯೇ ಸಂವತ್ಸರಾಯ ।
ತದ್ಯದ್ವ್ರತಪಕ್ಷಾಭ್ಯಾಂ ಸ್ತುವತೇ ಆತ್ಮನ್ನೇವ ತತ್ಪಕ್ಷೌ ಪ್ರತಿದಧತೇ ಸ್ವರ್ಗಸ್ಯ ಲೋಕಸ್ಯ ಪತನಾಯ ।
ತಸ್ಮಾದಾತ್ಮನ್ಪಕ್ಷೌ ಪ್ರತಿಹಿತೌ ।
ಪ್ರಾಣಾಪಾನಾಭ್ಯಾಂ ಸ್ತುವತೇ ।
ಪ್ರಾಣೇನ ಪುರಸ್ತಾದಪಾನೇನ ಪಶ್ಚಾತ್ ।
ತದಾಹುರ್ವೀವ ವಾ ಏತೇ ಪ್ರಾಣಾಪಾನಾಭ್ಯಾಮೃಧ್ಯನ್ತೇ ಯೇ ಯಜ್ಞಿಯಸ್ಯ ಕರ್ಮಣೋಽತಿಪಾದಯನ್ತಿ ಯದಿ ವಾ ನಾತಿಪಾದಯನ್ತಿ ।
ಕೋ ಹಿ ತದ್ವೇದ ಯದಿ ತೇಽತಿ ವಾ ಪಾದಯನ್ತಿ ನ ವಾ ।
ತದ್ಯತ್ಪ್ರಾಣಾಪಾನಾಭ್ಯಾಂ ಸ್ತುವತೇ ಪ್ರಾಣಾಪಾನಾಭ್ಯಾಮೇವ ತತ್ಸಮೃಧ್ಯನ್ತೇ ೪೦೧

ಶ್ಲೋಕಾನುಶ್ಲೋಕಾಭ್ಯಾಂ ಸ್ತುವತೇ ।
ಶ್ಲೋಕೇನ ಪುರಸ್ತಾದನುಶ್ಲೋಕೇನ ಪಶ್ಚಾತ್ ।
ತದ್ಯಚ್ಛ್ಲೋಕೇನ ಸ್ತುವತೇ ಪುಣ್ಯಂ ಶ್ಲೋಕಮವರುಣಧಾಮಹಾ ಇತಿ ।
ಅಥ ಯದನುಶ್ಲೋಕೇನ ಪುಣ್ಯೋಽನುಶ್ಲೋಕ ಉತ್ತಸ್ಥುಷೋಽನೂತ್ತಿಷ್ಠಾದಿತಿ ।
ನಿಹ್ನವಾಭಿನಿಹ್ನವಾಭ್ಯಾಂ ಸ್ತುವತೇ ।
ನಿಹ್ನವೇನ ಪುರಸ್ತಾದಭಿನಿಹ್ನವೇನ ಪಶ್ಚಾತ್ ।
ತದಾಹು ಶ್ರೇಯಾಂಸಂ ವಾ ಏತೇಽಭ್ಯಾರೋಹನ್ತಿ ಯೇ ಸಂವತ್ಸರಮಿತಿ ।
ತದ್ಯನ್ನಿಹ್ನವೇನ ಸ್ತುವತೇ ಶ್ರೇಯಸ ಏವ ತನ್ನಿಹ್ನುವತೇಽಭ್ಯೇವಾಭಿನಿಹ್ನವೇನಾರೋಹನ್ತಿ ।
ಯದು ಚೇಹಾಕರ್ಮ ತದು ಚ ಮಾಪಹ್ನೋಷ್ಮಹಾ ಇತಿ ।
ತಥಾ ಹೈಷಾಂ ತದನುಮೋದಿತಂ ಭವತಿ ।
ಅಙ್ಗಿರಸಾಂ ಷಡ್ವಿಂಶತ್ಯಕ್ಷರಣಿಧನೇನಾನ್ತಸ್ಸದಸಂ ಸ್ತುವತೇ ।
ಜಘನೇನೌದುಮ್ಬರೀಮಙ್ಗಿರೋಭ್ಯ ಏತದ್ದೇವೇಭ್ಯೋ ನಿವೇದಯನ್ತೇಽರಾತ್ಸ್ಮೇತಿ ೪೦೨

ತತ್ಪಞ್ಚವಿಂಶಂ ಕೃತ್ವಾ ಸ್ತುವತೇ ವ್ರತಸ್ಯಾನತಿಷ್ಟವಾಯ ಯದ್ವೇವ ಪ್ರತಿ ಭೂತೇಚ್ಛನ್ದಸಾಂವ್ರತೇನ ಸ್ತುವತೇ
ಹರೀ ತ ಇನ್ದ್ರ ಶ್ಮಶ್ರೂಣ್ಯುತೋ ತೇ ಹರಿತಾ ಹರೀ
ತಂ ತ್ವಾ ಸ್ತುವನ್ತಿ ಕಾರವಃ ಪುರುಷಾಸೋ ವನರ್ಗವಃ
ಋದ್ಧ್ಯಾಸ ಇನ್ದ್ರ ಭುಙ್ಙಿತಿ ಮಘವನ್ನಿನ್ದ್ರ ಭುಙ್ಙಿತಿ
ಇನ್ದ್ರ ಸ್ತ್ರಸರಪೂತಃ
ಸ್ಫಿಗಿ ಪುನಃಪುನಸ್ತ್ರಸರಸ್ಫಿಗಿರ್
ಇತಿ ।
ಏತಾವದ್ಧ ವಾ ಅಸ್ಯೈಕಮಙ್ಗಮನಾಸ್ತುತಮಾಸ ಯತ್ಸ್ಫಿಗೌ ।
ಅನಾಸ್ತುತೇನೈನಮಙ್ಗೇನ ಸ್ತುವನ್ತಿ ।
ಋದ್ಧಿಷ್ಣವೋ ಹ ಭವನ್ತ್ಯೇನೇನ ತುಷ್ಟುವಾನಾಃ ।
ತದಾಹುಃ ಕಸ್ಮೈ ಕಂ ಪರಿಮಾದಃ ಕ್ರಿಯನ್ತ ಇತಿ ।
ಯಥಾ ಹ ವೈ ಶಾರದ ಉಕ್ಷೈವಂ ಮಹಾವ್ರತಮ್ ।
ಸ ಯಥಾ ಶಾರದಮುಕ್ಷಾಣಂ ವಾಗರಾಭಿಃ ಪರಿತತ್ಯಾಲಭೇರನ್ನೇವಮೇವೈತತ್ಪರಿಮಾದ್ಭಿರ್ಮಹಾವ್ರತಮಾಲಭನ್ತೇ ವ್ರತಸ್ಯಾಪ್ರಕ್ಷಯಾಯ ।
ಅಥೋ ಯಥೈವೇದಂ ಪುರುಷಸ್ಯ ಕೇಶಾ ನಖಾ ಲೋಮಾನಿ ಶ್ಮಶ್ರೂಣಿ ತಥೈವಾಸ್ಯೈತದಿತಿ ।
ಅಥೋ ಯದೇವೇದಂ ಪುರುಷಮಭಿತೋ ಗೌರಶ್ವೋಽಜಾವಿರ್ವ್ರೀಹಯೋ ಯವಾಸ್ತದೇವಾಸ್ಯೈತದಿತಿ ೪೦೩

ಸಪ್ತಾಶೀತಿರ್ಮಹಾವ್ರತಸ್ಯ ಸ್ತೋತ್ರ್! ಯಾ ಭವನ್ತಿ ತ್ರಯೋದಶ ಪರಿಮಾದಃ ।
ತಚ್ಛತಮ್ ।
ಶತಾಯುರ್ವೈ ಪುರುಷಶ್ಶತೇನ್ದ್ರಿ ಯಶ್ಶತವೀರ್ಯಸ್ತಸ್ಯೈವೇನ್ದ್ರಿ ಯಸ್ಯ ವೀರ್ಯಸ್ಯಾವರುದ್ಧ್ಯೈ ।
ಅಥೈತಾ ವಾಚಃ ಪ್ರವದನ್ತಿ ।
ಕ್ಷುದ್ರಾ ಃ! ಪರಿಮಾದಃ ಕರ್ಕರೀ ಚಾಲಾಬುಶ್ಚ ವಕ್ರಾ ಚ ಕಪಿಶೀರ್ಷ್ಣೀ ಚೈಷೀಕೀ ಚಾಪಾಘಾಟಲೀಕಾ ಚ ವೀಣಾ ಚ ಕಶ್ಯಪೀ ಚ ಭೂಮಿದುನ್ದುಭಿಶ್ಚಾರ್ಷಭೇಣ ಚರ್ಮಣಾಭಿವಿಹತೋ ವಾಣಶ್ಚ ಶತತನ್ತ್ರೀಃ ।
ಅನ್ತರಿಕ್ಷೇ ದುನ್ದುಭಯೋ ವಿತತಾ ವದನ್ತಿ ।
ಅಧಿಕುಮ್ಭಾಃ ಪರ್ಯಾಯನ್ತಿ ।
ಏತಾ ವಾಚಃ ಪ್ರವದನ್ತಿ ಸರ್ವಸ್ಯೈ ವಾಚೋಽವರುದ್ಧ್ಯೈ ಕೃತ್ಸ್ನಾಯೈ ವಾಚಃ ಕೃತ್ಸ್ನಾಂ ವಾಚಮವರುಣಧಾಮಹಾ ಇತಿ ।
ತದ್ಯದ್ಭೂಮಿದುನ್ದುಭಿರಾರ್ಷಭೇಣ ಚರ್ಮಣಾಭಿವಿಹತೋ ವದತಿ ಪರಮಾ ವಾ ಋಷಭೋ ವಾಕ್ಪರಮಸ್ಯಾ ಏವ ವಾಚೋಽವರುದ್ಧ್ಯೈ ।
ಅನ್ತರಿಕ್ಷೇ ದುನ್ದುಭಯೋ ವಿತತಾ ವದನ್ತಿ ಯೈವಾನ್ತರಿಕ್ಷೇ ವಾಕ್ತಾಮೇವ ತೇನಾವರುನ್ಧತೇ ।
ಅಧಿಕುಮ್ಭಾಃ ಪರ್ಯಾಯನ್ತ್ಯೇತದ್ವೈ ಪ್ರತ್ಯಕ್ಷಂ ದಿವೋ ರೂಪಂ ಯನ್ಮೂರ್ಧಾ ಯೈವಾಮುಷ್ಯಾಂ ವಾಕ್ತಾಮೇವ ತೇನಾವರುನ್ಧತೇ ।
ವಾಣಂ ಶತತನ್ತ್ರೀಮಾಘ್ನನ್ತಿ ಶತಾಯುರ್ವೈ ಪುರುಷಶ್ಶತೇನ್ದ್ರಿ ಯಶ್ಶತವೀರ್ಯಸ್ತಸ್ಯೈವೇನ್ದ್ರಿ ಯಸ್ಯ ವೀರ್ಯಸ್ಯಾವರುದ್ಧ್ಯೈ ೪೦೪

ಮಾಗಧಂ ಚ ಪುಂಶ್ಚಲೂಂ ಚ ದಕ್ಷಿಣೇ ವೇದ್ಯನ್ತೇ ಮಿಥುನೀಕಾರಯನ್ತಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ಆರ್ಯಂ ಚ ವರ್ಣಂ ಶೌದ್ರಂ ಚೋಪರ್ಯುಪರಿ ಚಾತ್ವಾಲಂ ಬಸ್ತಾಜಿನೇ ವ್ಯಾಯಮಯನ್ತ್ಯಾರ್ಷಭೇ ವಾ ಚರ್ಮಣಿ ।
ತಯೋರನ್ತರ್ವೇದ್ಯಾರ್ಯೋ ವರ್ಣೋ ಭವತಿ ಬಹಿರ್ವೇದಿ ಶೌದ್ರ ಃ! ।
ತಯೋರಾರ್ಯೇಣ ವರ್ಣೇನ ಶೌದ್ರಂ ವರ್ಣಂ ಜ್ಯಾಪಯನ್ತಿ ।
ದೇವಾಶ್ಚ ವಾ ಅಸುರಾಶ್ಚಾಮುಷ್ಮಿನ್ನಾದಿತ್ಯೇಽಸ್ಪರ್ಧನ್ತ ।
ತಂ ದೇವಾ ಅಸುರಾಣಾಮವೃಞ್ಜತ ।
ತದ್ಯದಾರ್ಯೇಣ ವರ್ಣೇನ ಶೌದ್ರಂ ವರ್ಣಂ ಜ್ಯಾಪಯನ್ತ್ಯೇತಮೇವ ತದ್ದ್ವಿಷತೋ ಭ್ರಾತೃವ್ಯಸ್ಯ ವೃಞ್ಜತೇ ।
ತಯೋರಾನ್ಯಃ ಕ್ರೋಶತಿ ಪ್ರಾನ್ಯಶ್ಶಂಸತಿ ।
ಯ ಆಕ್ರೋಶತಿ ಪುನಾತ್ಯೇವೈನಾನ್ಸಃ ।
ಅಥ ಯಃ ಪ್ರಶಂಸತಿ ಪೂತೇಷ್ವೇವೈತೇಷು ಸ ಇನ್ದ್ರಿ ಯಂ ವೀರ್ಯಂ ದಧಾತಿ ।
ಆಜಿಂ ಧಾವನ್ತಿ ।
ಪರಮಂ ವಾ ಏತನ್ಮಹೋ ಯದಾಜಿಃ ಪರಮಸ್ಯೈವ ಮಹಸೋಽವರುದ್ಧ್ಯೈ ।
ಸಂನದ್ಧಾ ಭವನ್ತಿ ।
ಪರಮಾ ವೈ ಸಂನದ್ಧೇ ತ್ವಿಷಿಃ ।
ಪರಮಾಮೇವ ತತ್ತ್ವಿಷಿಮಾತ್ಮಸು ದಧತೇ ।
ಪೂರ್ಣಕುಮ್ಭಾ ಮಾರ್ಜಾಲೀಯಂ ಪರ್ಯಾಯನ್ತಿ ಪೂರ್ಣಸ್ಯೈವಾವರುದ್ಧ್ಯೈ ।
ಹೈ ಮಹಾ ಹೈ ಮಹಾ ಇತಿ ಮಹಸೋಽವರುದ್ಧ್ಯೈ ।
ಇದಂ ಮಧ್ವಿದಂ ಮಧ್ವಿತಿ ಮಧ್ವಿವ ವಾ ಏತದ್ದೇವೇಭ್ಯಃ ಕ್ರಿಯತೇ ಯನ್ಮಹಾವ್ರತಮ್ ।
ಪರಮೋ ವೈ ಮಧುನಿ ರಸಃ ಪರಮಸ್ಯೈವ ರಸಸ್ಯಾವರುದ್ಧ್ಯೈ ।
ತದಾಹುರೀಶ್ವರಾ ಆದ್ಯಾ ಭವಿತೋರ್ಯದ್ಧೈ ಮಹಾ ಇದಂ ಮಧ್ವಿತಿ ಗಾಯನ್ತೀಃ ಪರ್ಯೇಯುಃ ।
ಹೈ ಮಹಾಮೇವ ಗಾಯನ್ತೀಃ ಪರ್ಯೇಯುರಿತಿ ।
ತದು ಹೋವಾಚ ಶಾಟ್ಯಾಯನಿರ್ಯದಾ ವೈ ಭವತಿ ಯದಾಸ್ತ್ಯಥಾದ್ಯೋ ಭವತಿ ।
ಕಿಮಸತೋಽದ್ಯುಃ ।
ಹೈ ಮಹಾ ಇದಂ ಮಧ್ವಿತ್ಯೇವ ಗಾಯನ್ತೀಃ ಪರ್ಯೇಯುರಿತಿ ೪೦೫

ತೇ ಸ್ತೋಷ್ಯನ್ತೋ ವಿಪರಾಯನ್ತಿ ।
ಅಧ್ವರ್ಯುಸ್ತ್ರಿವೃತಾ ಶೀರ್ಷ್ಣಾ ಗಾಯತ್ರೇಣ ಸ್ತೋಷ್ಯನ್ನಗ್ರೇಣ ಹವಿರ್ಧಾನೇ ಉಪವಿಶತಿ ಮೈತ್ರಾವರುಣಃ ಪಞ್ಚದಶೇನ ಪಕ್ಷೇಣ ಬೃಹತಾ ಸ್ತೋಷ್ಯನ್ದಕ್ಷಿಣತ ಉಪವಿಶತಿ ಬ್ರಾಹ್ಮಣಾಚ್ಛಂಸೀ ಸಪ್ತದಶೇನ ಪಕ್ಷೇಣ ರಥನ್ತರೇಣ ಸ್ತೋಷ್ಯನ್ನುತ್ತರತ ಉಪವಿಶತಿ ನೇಷ್ಟೈಕವಿಂಶೇನ ಪುಚ್ಛೇನ ಭದ್ರೇ ಣ ಸ್ತೋಷ್ಯನ್ಪತ್ನೀನಾಂ ಮಧ್ಯ ಉಪವಿಶತ್ಯುದ್ಗಾತಾ ಪಞ್ಚವಿಂಶೇನಾತ್ಮನಾ ರಾಜನೇನ ಸ್ತೋಷ್ಯನ್ನೌದುಮ್ಬರೀಮಧಿರೋಹತ್ಯೂರ್ಗ್ವಾ ಅನ್ನಮುದುಮ್ಬರ ಊರ್ಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ತಾಮಭಿಮನ್ತ್ರಯತೇ ಬೃಹದ್ರ ಥನ್ತರೇ ತೇ ಪೂರ್ವೌ ಪಾದೌ ವೈರೂಪವೈರಾಜೇಽಪರೌ ಶಾಕ್ವರರೈವತೇಽನೂಚ್ಯಾನಿ ಛನ್ದಾಂಸ್ಯಾಸ್ತರಣಂ ಯಜೂಂಷಿ ವಿವಯನಂ ಸ್ಯೋನಾಮಾಸದಂ ಸುಷದಾಮಾಸದಮಿತಿ ।
ತಸ್ಯೈ ಪ್ರತ್ಯವರೋಹೋ
ಮಹೀ ದ್ಯೌಃ ಪೃಥಿವೀ ಚ ನ ಇಮಂ ಯಜ್ಞಂ ಮಿಮಿಕ್ಷತಾಮ್
ಪಿಪೃತಾಂ ನೋ ಭರೀಮಭಿಃ
ಇತಿ ೪೦೬

ತೇ ಸಕೃದೇವ ಸರ್ವೇ ಹಿಂಕುರ್ವನ್ತಿ ।
ತಸ್ಮಾತ್ಪುರುಷಸ್ಸಂವಿದ್ಧೋ ಜಾಯತೇ ।
ಉದ್ಗಾತುರ್ಹಿಂಕಾರಮನು ಹಿಂಕುರ್ವನ್ತಿ ।
ತಸ್ಮಾದಾತ್ಮನೋ ವಶಮಙ್ಗಾನಿ ಯನ್ತಿ ।
ಅಧ್ವರ್ಯುಸ್ತ್ರಿವೃತಾ ಶೀರ್ಷ್ಣಾ ಗಾಯತ್ರೇಣೋದ್ಗಾಯತಿ ।
ಇದಂ ತಚ್ಛಿರಃ ಪ್ರತಿದಧಾತಿ ।
ತಸ್ಮಾದಿದಂ ಶಿರಃ ಪ್ರತಿಹಿತಮ್ ।
ಪರಾಚೀಭಿರಪುನರಭ್ಯಾವರ್ತಮ್ ।
ತಸ್ಮಾದಿದಂ ಶಿರಃ ಪರಾಙೇವ ನೇತಿ ನೇತಿ ।
ನವಭಿರುದ್ಗಾಯತಿ ।
ತಸ್ಮಾದಿದಂ ಶಿರೋ ನ ಮೇದ್ಯತೋಽನುಮೇದ್ಯತಿ ನ ಕೃಶ್ಯತೋಽನುಕೃಶ್ಯತಿ ।
ಮೈತ್ರಾವರುಣಃ ಪಞ್ಚದಶಪಕ್ಷೇಣ ಬೃಹತೋದ್ಗಾಯತಿ ।
ಇಮಂ ತದ್ಬಾಹುಂ ಪ್ರತಿದಧಾತಿ ।
ತಸ್ಮಾದಯಂ ಬಾಹುಃ ಪ್ರತಿಹಿತಃ ।
ಪರಾಚೀಭಿರಪುನರಭ್ಯಾವರ್ತಮ್ ।
ತಸ್ಮಾದಿದಂ ಬಾಹುಂ ಸಂ ಚಾಞ್ಚತಿ ಪ್ರ ಚ ಸಾರಯತಿ ।
ತಿಸ್ರಸ್ಸತೀಃ ಪಞ್ಚದಸ ಕರೋತಿ ।
ತಸ್ಮಾದಯಂ ಬಾಹುರ್ಮೇದ್ಯತೋಽನುಮೇದ್ಯತಿ ಕೃಶ್ಯತೋಽನುಕೃಶ್ಯತಿ ।
ವೀರ್ಯಂ ವೈ ಬೃಹದ್ವೀರ್ಯಂ ಪಞ್ಚದಶಃ ।
ತದ್ಯತ್ಪಞ್ಚದಶೇನ ಪಕ್ಷೇಣ ಬೃಹತೋದ್ಗಾಯತಿ ತಸ್ಮಾದಯಂ ಬಾಹ್ವೋರ್ವೀರ್ಯವತ್ತರಃ ।
ತಸ್ಮಾದು ದಕ್ಷಿಣಂ ಪಕ್ಷಂ ವಯಾಂಸ್ಯನು ಪರಿಪ್ಲವನ್ತೇ ।
ಪುಂಸೋ ವಾ ಏತದ್ರೂ ಪಂ ಯದ್ಬೃಹತ್ಸ್ತ್ರಿಯೈ ರಥನ್ತರಮ್ ।
ತದ್ಯದಿತೋ ಬೃಹತಾ ಸ್ತುವತ ಇತೋ ರಥನ್ತರೇಣ ತಸ್ಮಾತ್ಪುಮಾನ್ದಕ್ಷಿಣತೋ ಯೋಷಾಮುಪಶೇತೇ ।
ಬ್ರಾಹ್ಮಣಾಚ್ಛಂಸೀ ಸಪ್ತದಶೇನ ಪಕ್ಷೇಣ ರಥನ್ತರೇಣೋದ್ಗಾಯತಿ ।
ಇಮಂ ತಂ ಬಾಹುಂ ಪ್ರತಿದಧಾತಿ ।
ತಸ್ಮಾದಯಂ ಬಾಹುಃ ಪ್ರತಿಹಿತಃ ।
ಪರಾಚೀಭಿರಪುನರಭ್ಯಾವರ್ತಮ್ ।
ತಸ್ಮಾದಿಮಂ ಬಾಹುಂ ಸಂ ಚಾಞ್ಚತಿ ಪ್ರ ಚ ಸಾರಯತಿ ।
ತಿಸ್ರಸ್ಸತೀಸ್ಸಪ್ತದಶ ಕರೋತಿ ।
ತಸ್ಮಾದಯಂ ಬಾಹುರ್ಮೇದ್ಯತೋಽನುಮೇದ್ಯತಿ ಕೃಶ್ಯತೋಽನುಕೃಶ್ಯತಿ ೪೦೭

ನೇಷ್ಟೈಕವಿಂಶೇನ ಪುಚ್ಛೇನ ಭದ್ರೇ ಣೋದ್ಗಾಯತಿ ।
ಇದಂ ತತ್ಪುಚ್ಛಂ ಪ್ರತಿದಧಾತಿ ।
ತಸ್ಮಾದಿದಂ ಪುಚ್ಛಂ ಪ್ರತಿಹಿತಮ್ ।
ಪರಾಚೀಭಿರಪುನರಭ್ಯಾವರ್ತಮ್ ।
ತಸ್ಮಾದಿದಂ ಪುಚ್ಛಂ ಸಂ ಚಾಞ್ಚತಿ ಪ್ರ ಚ ಸಾರಯತಿ ।
ತಿಸ್ರಸ್ಸತೀರೇಕವಿಂಶತಿಂ ಕರೋತಿ ।
ತಸ್ಮಾದಿದಂ ಪುಚ್ಛಂ ಮೇದ್ಯತೋಽನುಮೇದ್ಯತಿ ಕೃಶ್ಯತೋಽನುಕೃಶ್ಯತಿ ।
ಉದ್ಗಾತಾ ಪಞ್ಚವಿಂಶೇನಾತ್ಮನಾ ರಾಜನೇನೋದ್ಗಾಯತಿ ।
ಇಮಂ ತದಾತ್ಮಾನಂ ಪ್ರತಿದಧಾತಿ ।
ತಸ್ಮಾದಯಮಾಮಾ ಪ್ರತಿಹಿತಃ ।
ಪರಾಚೀಭಿರಪುನರಭ್ಯಾವರ್ತಮ್ ।
ತಸ್ಮಾದಿದಮಾತ್ಮಾನಂ ಸಂ ಚಾಞ್ಚತಿ ಪ್ರ ಚ ಸಾರಯತಿ ।
ತಿಸ್ರಸ್ಸತೀಃ ಪಞ್ಚವಿಂಶತಿಂ ಕರೋತಿ ।
ತಸ್ಮಾದಯಮಾತ್ಮಾ ಮೇದ್ಯತೋಽನುಮೇದ್ಯತಿ ಕೃಶ್ಯತೋಽನುಕೃಶ್ಯತಿ ।
ತ ಏಕೈಕಯಾಸ್ತುತಯೋದ್ಗಾತಾರಮುಪಸಮಾಯನ್ತಿ ।
ತಾಭಿರುದ್ಗಾತೋದ್ಗಾಯತಿ ।
ಆತ್ಮನ್ನೇವ ತದಙ್ಗಾನಿ ಪ್ರತಿದಧಾತಿ ।
ತಸ್ಮಾದಾತ್ಮನ್ನಙ್ಗಾನಿ ಪ್ರತಿಹಿತಾನಿ ।
ಆತ್ಮನ್ಯಯೋತ್ತಮಯೋದ್ಗಾಯತಿ ।
ತಸ್ಮಾದಿದಮಾತ್ಮನ ಉದಿವ ಶೇತೇ ೪೦೮

ಪ್ರಜಾಪತಿಃ ಪ್ರಜಾಸ್ಸಸೃಜಾನಸ್ಸ ವ್ಯಸ್ರಂಸತ ।
ತಸ್ಮಾದ್ದೇವತಾ ವ್ಯುದಕ್ರಾಮನ್ ।
ತಮಿನ್ದ್ರ ಏವ ದೇವತಾನಾಂ ನಾಜಹಾತ್ ।
ಸ ಇನ್ದ್ರ ಮಬ್ರವೀತ್ಕಥಂ ನ್ವಹಮಿತಃ ಪುನರನ್ವಾಭವೇಯಮಿತಿ ।
ಕಿಂಖಲು ವೈ ತೇಽಸ್ತೀತ್ಯಬ್ರವೀತ್ ।
ಸ್ತೋ ನ್ವೈ ಮ ಇಮೌ ಪ್ರಾಣಾಪಾನಾವಿತಿ ।
ಯತ್ಸ್ತೋ ಮ ಇತ್ಯಬ್ರವೀತ್ತತ್ಸ್ತೋಮಸ್ಯ ಸ್ತೋಮತ್ವಮ್ ।
ಸ್ತುವತ ಏನಂ ಸ್ವಾ ಅಯಂ ನ ಶ್ರೇಷ್ಠ ಇತಿ ಯ ಏವಂ ವೇದ ।
ತಮಬ್ರವೀತ್ಸ ವಾ ಏತಾಭ್ಯಾಮೇವ ಸಂವತ್ಸರಂ ಸ್ತುಷ್ವ ।
ತಂ ತ್ವೈತಾಭ್ಯಾಮೇವ ತುಷ್ಟುವಾನಮುಪರಿಷ್ಟಾತ್ ಸಂವತ್ಸರಸ್ಯ ಸರ್ವಾ ದೇವತಾಸ್ಸಮಭ್ಯವೈಷ್ಯನ್ತೀತಿ ।
ಸ ಏತಾಭ್ಯಾಮೇವ ಸಂವತ್ಸರಮಸ್ತುತ ।
ತಮೇತಾಭ್ಯಾಮೇವ ತುಷ್ಟುವಾನಮುಪರಿಷ್ಟಾತ್ಸಂವತ್ಸರಸ್ಯ ಸರ್ವಾ ದೇವತಾಸ್ಸಮಭ್ಯವಾಯನ್ದಿಶಾಂ ರಸಂ ಪ್ರವೃಹ್ಯಾಪಾಂ ರಸಂ ವೇದಸ್ಯ ರಸಮನ್ನಸ್ಯ ರಸಂ ಮಹತೇ ವ್ರತಂ ಹರಾಮೋ ಮಹತೇ ವ್ರತಂ ಹರಾಮ ಇತಿ ವದನ್ತೀಃ ।
ತಾ ಯದಬ್ರುವನ್ಮಹತೇ ವ್ರತಂ ಹರಾಮ ಇತಿ ತನ್ಮಹಾವ್ರತಸ್ಯ ಮಹಾವ್ರತತ್ವಮ್ ।
ತದಸ್ಮೈ ಪ್ರಾಯಚ್ಛನ್ ।
ತದವ್ರತಯತ್ ।
ತಾಃ ಪ್ರಾಮೋದನ್ತ ಮಹಾವ್ರತಯತೀತಿ ಮಹಾವ್ರತಯತೀತಿ ।
ತಸ್ಮಾದೇತಸ್ಮಿನ್ನಹನ್ಪ್ರೈವ ಮೋದನ್ತೇ ।
ದೇವತಾ ಹ್ಯಸ್ಮಿನ್ಪ್ರಾಮೋದನ್ತ ।
ತದಾಹುರ್ಮಧ್ಯತಸ್ಸಂವತ್ಸರಸ್ಯ ವಿಷುವತ್ಯುಪೇತ್ಯಮ್ ೪೦೯

- ಅನ್ನಂ ವೈ ವ್ರತಮ್ ।
ಮಧ್ಯತೋ ವಾ ಅನ್ನಮಶಿತಂ ಧಿನೋತೀತಿ ।
ತದು ವಾ ಆಹುರರ್ಧಂ ವಾ ಏತೇಽನ್ನಾದ್ಯಸ್ಯಾವರುನ್ಧತೇ ಯೇ ಮಧ್ಯತಸ್ಸಂವತ್ಸರಸ್ಯ ವಿಷುವತಿ ಮಹಾವ್ರತಮುಪಯನ್ತಿ ।
ಸಂವತ್ಸರಃ ಕೃತ್ಸ್ನಮನ್ನಾದ್ಯಂ ಪಚತಿ ।
ತದುಪರಿಷ್ಟಾತ್ಸಂವತ್ಸರಸ್ಯೋಪೇತ್ಯಂ ಕೃತ್ಸ್ನಸ್ಯೈವಾನ್ನಾದ್ಯಸ್ಯಾವರುದ್ಧ್ಯಾ ಇತಿ ।
ಅಥ ಹ ಸ್ಮಾಹ ನಗರೀ ಜಾನಶ್ರುತೇಯ ಉಗ್ರೋ ವಾ ಏಷ ಮಧ್ಯಮಶೀವಾ ಯನ್ಮಹಾವ್ರತಮ್ ।
ಯದ್ವಾ ಉಗ್ರೋ ಮಧ್ಯಮಶೀವಾ ಭವತಿ ಸರ್ವಾನ್ವೈ ಸೋಽನ್ಯಾನ್ವ್ಯವಕೀರ್ಯಾಥೈಕಶ್ಶೇತೇ ।
ತದುಪರಿಷ್ಟಾದೇವ ಸಂವತ್ಸರಸ್ಯೋಪೇತ್ಯಂ ಕೃತ್ಸ್ನಸ್ಯೈವಾನ್ನಾದ್ಯಸ್ಯಾವರುದ್ಧ್ಯಾ ಇತಿ ।
ತತ್ಪಞ್ಚವಿಂಶಂ ಭವತಿ ।
ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರಃ ।
ಅನ್ನಾದ್ಯಂ ಪಞ್ಚವಿಂಶ್ಯನ್ನಾದ್ಯಮೇವೈತತ್ಪಞ್ಚವಿಂಶ್ಯೋಪಧೀಯತೇ ।
ಸ ಯಥಾ ಪೂರ್ಣೋಧ್ನೀಮುಪಸದ್ಯ ದುಹೀತೈವಮೇವೈತತ್ಪಞ್ಚವಿಂಶ್ಯಾನ್ನಾದ್ಯಂ ದುಹ್ರೇ ೪೧೦

ತದಾಹುಸ್ತವಶ್ಶಾವ್ಯಮೇವೈತಸ್ಯಾಹ್ನಃ ಪೃಷ್ಠಂ ಕಾರ್ಯಮಿತಿ ।
ದೇವಾ ವೈ ಯದಗ್ರೇ ವ್ರತಂ ಸಮಭರಂಸ್ತತ್ತವಶ್ಶಾವ್ಯಮಭವತ್ ।
ತದ್ಯದೇತಸ್ಯಾಹ್ನಸ್ತವಶ್ಶಾವ್ಯಂ ಪೃಷ್ಠಂ ಭವತಿ ವ್ರತಮೇವೈತತ್ಪ್ರತ್ಯಕ್ಷಮುಪಯನ್ತಿ ।
ತದು ವಾ ಆಹುರ್ದುಷ್ಪ್ರಜ್ಞಾನಾ ವೈ ತವಶ್ಶಾವ್ಯಸ್ಯ ಸ್ತೋಭಾಃ ಪದವೃತ್ತೀಃ ಪ್ರಸ್ತಾವಾಃ ಪ್ರತಿಹಾರಾ ದೇವತಾ ನಿಧನಾನಿ ।
ವಾಮದೇವ್ಯಮೇವೈತಸ್ಯಾಹ್ನಃ ಪೃಷ್ಠಂ ಕಾರ್ಯಮಿತಿ ।
ಆತ್ಮಾ ವೈ ವ್ರತಸ್ಯ ವಾಮದೇವ್ಯಮ್ ।
ಸ ಯಥಾಗತ್ಯ ಗೃಹಾನ್ನ ವಿನ್ದೇತ್ತಾದೃಕ್ತದ್ಯದೇತಸ್ಯಾಹ್ನೋಽನ್ಯದ್ವಾಮದೇವ್ಯಾತ್ಪೃಷ್ಠಂ ಕುರ್ಯುಃ ।
ತದಾಹು ಸ್ವಾರಂ ನ ಪೃಷ್ಠತಾಯೈ ।
ತತ್ಸ್ಥಾನಂ ರಾಜನಮೇವೈತಸ್ಯಾಹ್ನಃ ಪೃಷ್ಠಂ ಕಾರ್ಯಮಿತಿ ।
ರಾಜನೇನ ವೈ ಪ್ರಜಾಅತಿಃ ಪ್ರಜಾನಾಂ ರಾಜ್ಯಮೈಶ್ವರ್ಯಮಾಧಿಪತ್ಯಮಗಚ್ಛತ್ ।
ತದ್ಯೇನ ಪ್ರಜಾಪತಿಃ ಪ್ರಜಾನಾಂ ರಾಜ್ಯಮೈಶ್ವರ್ಯಮಾಧಿಪತ್ಯಮಗಚ್ಛತ್ತೇನ ಪ್ರಜಾನಾಂ ರಾಜ್ಯಮೈಶ್ವರ್ಯಮಾಧಿಪತ್ಯಂ ಗಚ್ಛಾಮೇತಿ ।
ಪರೋಕ್ಷಮಿವ ಹ ಖಲು ವಾ ಏತದ್ವಾಮದೇವ್ಯಂ ಯದ್ರಾ ಜನಮ್ ।
ರಾಜನಂ ಪೃಷ್ಠಂ ಭವತಿ ।
ವಾಮದೇವ್ಯಂ ಮೈತ್ರಾವರುಣಸಾಮ ।
ಪಞ್ಚನಿಧನಂ ವಾಮದೇವ್ಯಂ ಬ್ರಹ್ಮಸಾಮ ।
ಸಾಮಾಭಿಪೂರ್ವಮೇವೈತದ್ವಾಮದೇವ್ಯೇನ ಮಧ್ಯತ ಆತ್ಮಾನಂ ಸಂದಧತೋ ಯನ್ತಿ ೪೧೧

ತತ್ಪಞ್ಚಸ್ತೋಭಂ ಭವತಿ ಪಞ್ಚಪದವೃತ್ತೀಕಂ ಪಞ್ಚದೇವತಂ ಪಞ್ಚಪ್ರತಿಹಾರಂ ಪಞ್ಚನಿಧನಮ್ ।
ಯಃ ಪಾಙ್ಕ್ತೋ ಯಜ್ಞೋ ಯೇ ಪಾಙ್ಕ್ತಾಃ ಪಶವೋ ಯತ್ಪಾಙ್ಕ್ತಮನ್ನಾದ್ಯಂ ಯೇ ಪಞ್ಚರ್ತವೋ ಯತ್ಕಿಂ ಚ ಪಞ್ಚ ಪಞ್ಚ ತಸ್ಯೈಷಾ ಸರ್ವಸ್ಯರ್ದ್ಧಿಸ್ತಸ್ಯೋಪಾಪ್ತಿಃ ।
ಪಞ್ಚನಿಧನಂ ವಾಮದೇವ್ಯಂ ಬ್ರಹ್ಮಸಾಮ ಭವತಿ ।
ಪಞ್ಚಧೇವ ಹಿ ವ್ರತೇನ ಸ್ತುವತೇ ।
ತದತಿಚ್ಛನ್ದಸ್ಸು ಭವತಿ ತ್ರಿಕದ್ರುಕೇಷು ಮಹಿಷೋ ಯವಾಶಿರಮಿತ್ಯೇತಾಸು ।
ಅತಿ ವಾ ಏಷೋಽನ್ಯಾನಿ ಛನ್ದಾಂಸಿ ಯದತಿಚ್ಛನ್ದಾಃ ।
ಅತ್ಯೇತೇಽನ್ಯಾನ್ಯೇ ಸಂವತ್ಸರಸದಃ ।
ಸ್ವ ಏವೈತಚ್ಛನ್ದಸಿ ಪ್ರತಿತಿಷ್ಠನ್ತಿ ।
ತದ್ವತಿಚ್ಛನ್ದಸ್ಸ್ವೇವ ತದೇಹಿವದಿಹವದ್ಭವತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ತದಾಹುರಿಲಾನ್ದಮೇವೈತಸ್ಯಾಹ್ನೋಽಗ್ನಿಷ್ಟೋಮಸಾಮ ಕಾರ್ಯಮಿತಿ ।
ಇಲಾನ್ದೇನ ವೈ ಪ್ರಜಾಪತಿಃ ಪ್ರಜಾಭ್ಯ ಇರಾಮನ್ನಾದ್ಯಂ ಪ್ರಾಯಚ್ಛತ್ ।
ತದ್ಯೇನ ಪ್ರಜಾಪತಿಃ ಪ್ರಜಾಭ್ಯ ಇರಾಮನ್ನಾದ್ಯಂ ಪ್ರಾಯಚ್ಛತ್ತೇನೇರಾಮನ್ನಾದ್ಯಮವರುಧ್ಯೋತ್ತಿಷ್ಠಾಮೇತಿ ।
ತದ್ವತಿಚ್ಛನ್ದಸ್ಸ್ವೇವ ಭವತಿ ।
ಅತಿ ವಾ ಏಷೋಽನ್ಯಾನಿ ಛನ್ದಾಂಸಿ ಯದತಿಚ್ಛನ್ದಾಃ ।
ಅತ್ಯೇತೇಽನ್ಯಾನ್ಯೇ ಸಂವತ್ಸರಸದಃ ।
ಸ್ವ ಏವೈತಚ್ಛನ್ದಸಿ ಪ್ರತಿತಿಷ್ಠನ್ತಿ ೪೧೨

ತದ್ವೈಶ್ವಾನರೀಯಾಸು ಭವತಿ ।
ವೈಶ್ವಾನರಸ್ಯ ಹ್ಯೇತತ್ಸ್ತೋತ್ರಮ್ ।
ಅಶೀತ್ಯಕ್ಷರಾಸು ಭವತ್ಯಶ್ನವಾಮಹಾ ಇತಿ ।
ಸಮುದ್ರ ಇವಾಕ್ಷಿತಮಿವ ಹ ಖಲು ವಾ ಏತಚ್ಛನ್ದೋ ಯದತಿಚ್ಛನ್ದಾಸ್ಸಮುದ್ರ ಇವಾಕ್ಷಿತಾಸ್ತುಷ್ಟುವಾನಾ ಅಸಾಮೇತಿ ।
ತತ್ಪಕ್ಷಿ ಭವತಿ ।
ಪಕ್ಷಿ ಹ್ಯೇತಸ್ಯಾಹ್ನೋ ವ್ರತಮ್ ।
ಏ ವ್ರತಮಿತ್ಯಾಹ - ಅನ್ನಂ ವೈ ವ್ರತಮನ್ನಾದ್ಯಸ್ಯೈವಾವರುದ್ಧ್ಯೈ ।
ಏ ಸುವರಿತ್ಯಾಹ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಏ ಶಕುನಾ ಇತ್ಯಾಹ ವಯ ಏವೈತಚ್ಛಕುನಾ ಭೂತ್ವಾ ಸ್ವರ್ಗಂ ಲೋಕಂ ಸಮಶ್ನುವತೇ ।
ತದಾಹುರ್ವಾರವನ್ತೀಯಮೇವೈತಸ್ಯಾಹ್ನೋಽಗ್ನಿಷ್ಟೋಮಸಾಮ ಕಾರ್ಯಮಿತಿ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ತಾನ್ವಾರವನ್ತೀಯೇನೈವ ವರಣಶಾಖಾಮಾಚ್ಛಿದ್ಯಾವಾರಯತ ।
ಯದವಾರಯತ ತದ್ವಾರವನ್ತೀಯಸ್ಯ ವಾರವನ್ತೀಯತ್ವಮ್ ।
ತಸ್ಮಾದ್ವರಣಂ ಭಿಷಜ್ಯಮಾಹುಃ ।
ತದ್ಯದೇತಸ್ಯಾಹ್ನೋ ವಾರವನ್ತೀಯಮಗ್ನಿಷ್ಟೋಮಸಾಮ ಭವತಿ ಯದನೇನ ಕರ್ಮಣಾವಾರುತ್ಸ್ಮಹಿ ತನ್ನೋ ವಾರವನ್ತೀಯೇನ ವಾರಿತಮನ್ತತ ಉಪತಿಷ್ಠಾತಾ ಇತಿ ।
ತದೇಹಿವದಿಹವದ್ಭವತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ತದು ವಾ ಆಹುರ್ಯದ್ವಾವಾನ್ಯಾ ವಾಙ್ನಾತಿವದತಿ ತದೇತಸ್ಯಾಹ್ನೋಽಗ್ನಿಷ್ಟೋಮಸಾಮ ಕಾರ್ಯಮ್ ।
ಯಜ್ಞಾಯಜ್ಞೀಯಂ ವಾವಾನ್ಯಾ ವಾಙ್ನಾತಿವದತಿ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ಕುತೋ ಹಿ ವಾಗ್ವಾಚಮತಿವದಿಷ್ಯತಿ ।
ತಸ್ಮಾದೇತಸ್ಯಾಹ್ನೋ ಯಜ್ಞಾಯಜ್ಞೀಯಮೇವಾಗ್ನಿಷ್ಟೋಮಸಾಮ ಕಾರ್ಯಮಿತಿ ೪೧೩

ಅಸ್ನ್ನಂ ವೈ ವ್ರತಂ ಶ್ರೀರ್ವೈ ವ್ರತಮ್ ।
ವ್ರತೇನ ವಾ ಅನ್ನಮದ್ಯತೇ ವ್ರತೇನ ಶ್ರೀರಾಪ್ಯತೇ ।
ತದಾಹುರುಪರಿಷ್ಟಾದೇವ ಸಂವತ್ಸರಸ್ಯೋಪೇತ್ಯಮ್ ।
ದೂರೂಪಂ ವೈ ತತೋ ವ್ರತಂ ವಿಜ್ಞಾಯತೇ ಯತ್ರೋಪಜಾಯತ ಇತಿ ।
ತತ್ಪಞ್ಚವಿಂಶಂ ಭವತಿ ।
ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರೋಽನ್ನಾದ್ಯಂ ಪಞ್ಚವಿಂಶತ್ಯನ್ನಾದ್ಯಮೇವೈತತ್ಪಞ್ಚವಿಂಶ್ಯೋಪಧೀಯತೇ ।
ಪಞ್ಚವಿಂಶೋ ಹ ಖಲು ವೈ ಪುರುಷಃ ।
ಪುರುಷಸ್ಯೈತತ್ಸ್ತೋತ್ರಮಿತ್ಯಾಹುರ್ದಶ ವೈ ಪುರುಷಸ್ಯ ಹಸ್ತ್ಯಾ ಅಙ್ಗುಲಯೋ ದಶ ಪದ್ಯಾಶ್ಚತ್ವಾರಿ ಪ್ರಾಙ್ಗಾಣ್ಯಾತ್ಮಾ ಪಞ್ಚವಿಂಶಷ್ಷಡಿಮಾನಿ ಪರ್ವಾಣಿ ಷಡಿಮಾನಿ ಷಡಿಮಾನಿ ಷಡಿಮಾನ್ಯಾತ್ಮಾ ಪಞ್ಚವಿಂಶೋ ದ್ವಾದಶೇಮಾಃ ಪರಿಶವೋ ದ್ವಾದಶೇಮಾ ಆತ್ಮೈವ ಪಞ್ಚವಿಂಶಃ ।
ಪುರುಷಂ ವಾವೈತೇನ ಸಂಸ್ಕುರ್ವನ್ತಿ ಪುರುಷಂ ಪ್ರಜನಯನ್ತಿ ।
ತದಾಹುಸ್ಸರ್ವಮೇವೈತದಹಃ ಪಞ್ಚವಿಂಶಮುಪೇತ್ಯಮಿತಿ ।
ಪಞ್ಚವಿಂಶಮೇವ ಶಿರ ಉಪೇಯುಃ ಪಞ್ಚವಿಂಶಮನ್ಯಂ ಪಕ್ಷಂ ಪಞ್ಚವಿಂಶಮನ್ಯಂ ಪಞ್ಚವಿಂಶಂ ಪುಚ್ಛಂ ಪಞ್ಚವಿಂಶಮಾತ್ಮಾನಮೇವಂ ವ್ರತಸ್ಯೋಪಾಪ್ತಿರಙ್ಗೇನಾಙ್ಗೇನ ವ್ರತಮುಪಾಪ್ನವಾಮೇತಿ ।
ತಸ್ಮಾದಥ ಹ ಸ್ಮಾಹರ್ಜ್ಜಿಶ್ವಾ ವಾತವಾತ ಏಕಂ ವಾವೈತತ್ಸ್ತೋತ್ರಂ ಸತ್ತತ್ಪಞ್ಚಧಾ ವಿಹೃತ್ಯ ಸ್ತುಯುಃ ಪಞ್ಚಭಿರೇವ ಶಿರ ಸ್ತುಯುಃ ಪಞ್ಚಭಿರನ್ಯಂ ಪಕ್ಷಂ ಪಞ್ಚಭಿರನ್ಯಂ ಪಞ್ಚಭಿಃ ಪುಚ್ಛಂ ಪಞ್ಚಭಿರಾತ್ಮಾನಮ್ ।
ತಥೈಕಮೇವ ಪಞ್ಚವಿಂಶಂ ನಾತಿರಿಚ್ಯತೇ ।
ಏವಂ ವ್ರತಸ್ಯೋಪಾಪ್ತಿರಿತಿ ೪೧೪

ಅಥ ಹ ಸ್ಮಾಹಾರುಣಿರ್ನ ವಾ ಅನ್ಯಾನ್ಯಙ್ಗಾನ್ಯಾತ್ಮನಾ ಸಮಾನಿ ।
ನೋಽನ್ಯೈರಙ್ಗೈರಾತ್ಮಾ ಸಮಃ ।
ವಿಷಮೇಣ ವೈ ಪುರುಷಃ ಕಲ್ಪತೇ ವಿಷಮೇಣ ಸಮಃ ।
ತದ್ಯಥಾವಿಧಮೇವೈತದೇವಮುಪೇತ್ಯಮಿತಿ ।
ಬ್ರಹ್ಮ ವೈ ವ್ರತಸ್ಯ ಶಿರೋ ದ್ಯಾವಾಪೃಥಿವೀ ಪಕ್ಷಾವನ್ತರಿಕ್ಷಮಾತ್ಮಾ ಸಾಮ ಪುಚ್ಛಮ್ ।
ಗಾಯತ್ರಂ ವೈ ವ್ರತಸ್ಯ ಶಿರಸ್ತದ್ಧಿ ಬ್ರಹ್ಮ ।
ಬೃಹದ್ರ ಥನ್ತರೇ ಪಕ್ಷೌ ತೇ ಹಿ ದ್ಯಾವಾಪೃಥಿವೀ ।
ವಾಮದೇವ್ಯಮಾತ್ಮಾ ತದ್ಧ್ಯನ್ತರಿಕ್ಷಮ್ ।
ಯಜ್ಞಾಯಜ್ಞೀಯಮ್ಪುಚ್ಛಂ ತದ್ಧಿ ಸಾಮ ।
ನವಭಿಶ್ಶಿರ ಸ್ತುವನ್ತಿ ।
ನವ ವೈ ಪುರುಷೇ ಪ್ರಾಣಾಃ ।
ಪ್ರಾಣಾನಾಮೇವೈಷಾ ಸಂಮಾ ಪ್ರಾಣಾನಾಮೃದ್ಧಿಃ ।
ತಸ್ಮಿನ್ಗಾಯತ್ರಸಾಮಾಧ್ಯೂಹನ್ತಿ ।
ಪ್ರಾಣೋ ವೈ ಗಾಯತ್ರಸಾಮ ।
ಪ್ರಾಣಮೇವ ತಚ್ಛೀರ್ಷನ್ದಧತಿ ।
ತಸ್ಮಾಚ್ಛೀರ್ಷನ್ಪ್ರಾಣೋ ಹಿತಃ ।
ತೇ ಪ್ರತ್ಯಞ್ಚೋ ನಿಃಸೃಪ್ಯಾರ್ಕಶೀರ್ಷಮಿತಿ ತೇನ ಸ್ತುವತೇ ।
ಗ್ರೀವಾ ಹ ತಾಸ್ತದ್ಯದಿಮಾಁ ಲ್ಲೋಕಾನನುದಾಖ್ಯಾಯಮಿವ ಗಾಯತಿ ।
ಶಿರ್ತಶ್ಚೈವ ತದಾತ್ಮಾನಂ ಚ ಸಂದಧಾತಿ ।
ತಸ್ಮಾಚ್ಛಿರಶ್ಚಾತ್ಮಾ ಚ ಸಂಹಿತೌ ।
ತದಾಹುರಪಞ್ಚವಿಂಶಂ ಭವತ್ಯತಿರಿಚ್ಯತೇ ತಸ್ಮಾದೇತದತ್ರ ನ ಕಾರ್ಯಮಿತಿ ೪೧೫

ತ ಏತೇನ ತ್ರಿವೃತಾ ಸ್ತೋಮೇನ ರಥನ್ತರಮಭ್ಯಾಯನ್ತಿ ।
ಬ್ರಹ್ಮ ವೈ ತ್ರಿವೃದನ್ನಂ ರಥನ್ತರಮ್ ।
ಬ್ರಹ್ಮಣೈವ ತದನ್ನಾದ್ಯಂ ಸ್ಪೃಣ್ವನ್ತಿ ।
ತಸ್ಮಿನ್ಪಞ್ಚದಶಂ ಸ್ತೋಮಮಧ್ಯೂಹನ್ತಿ ।
ವಜ್ರೋ ವೈ ಪಞ್ಚದಶೋಽನ್ನಂ ರಥನ್ತರಮ್ ।
ವಜ್ರೇಣೈವ ತದನ್ನಾದ್ಯಂ ಪರಿಗೃಹ್ಣನ್ತಿ ।
ತ ಏತೇನ ಪಞ್ಚದಶೇನ ಸಪ್ತದಶಮಭ್ಯಾಯನ್ತಿ ।
ವಜ್ರೋ ವೈ ಪಞ್ಚದಶೋ ವಿಟ್ಸಪ್ತದಶಃ ।
ವಜ್ರೇಣೈವ ತದ್ವಿಶಂ ಸ್ಪೃಣ್ವನ್ತಿ ।
ತಸ್ಮಿನ್ಬ್ರಹ್ಮಸಾಮಾಧ್ಯೂಹನ್ತಿ ।
ಕ್ಷತ್ರಂ ವೈ ಬೃಹತ್ ।
ಕ್ಷತ್ರಮೇವ ತದ್ವಿಶ್ಯಧ್ಯೂಹನ್ತಿ ।
ಸ ತಸ್ಮಾತ್ಕ್ಷತ್ರಿಯೋ ವಿಶ್ಯಧ್ಯೂಢಃ ।
ತದಾಹುರಿತೋ ಬೃಹತಾ ಸ್ತೋತವ್ಯಮಿತೋ ರಥನ್ತರೇಣೇತಿ ।
ಪ್ರಾಣಮಿವ ವಾ ಇದಂ ಸರ್ವಂ ಪ್ರತ್ಯುದ್ಯತ್ಯಾ ಇತಿ ।
ತದು ಹ ಸ್ಮಾಹ ಕೀಜೋ ವಾಕಾಯನಃ ಪೃಷ್ಠತೋ ವಾ ಏತೇಽನ್ನಾದ್ಯಂ ಕುರ್ವತೇ ಯ ಇತೋ ಬೃಹತಾ ಸ್ತುವತ ಇತೋ ರಥನ್ತರೇಣ ।
ಅನ್ನಂ ವೈ ರಥನ್ತರಮ್ ।
ದಕ್ಷಿಣತೋ ವಾ ಅನ್ನಾದ್ಯಮವರುದ್ಧಮುಪಾಚರತಿ ।
ತಸ್ಮಾದಿತ ಏವ ಬೃಹತಾ ಸ್ತುವತ ಇತೋ ರಥನ್ತರೇಣಾನ್ನಾದ್ಯಸ್ಯಾವರುದ್ಧ್ಯಾ ಇತಿ ।
ಯ ಉ ಏವೈಷ ಪಞ್ಚದಶ ಸ್ತೋಮಸ್ಸ ಉ ಪ್ರತ್ಯುದ್ಯತ್ಯಾ ಇತಿ ।
ತಸ್ಮಾದು ಸವ್ಯಂ ಪಕ್ಷಂ ವಯಾಂಸ್ಯನು ಪರಿಪ್ಲವನ್ತೇ ।
ತ ಏತೇನ ಸರ್ವೇಣೈಕವಿಂಶಂ ಪ್ರತಿಷ್ಠಾಮಾಯನ್ತಿ ।
ದ್ವಾದಶ ಮಾಸಾಃ ಪಞ್ಚರ್ತವಸ್ತ್ರಯ ಇಮೇ ಲೋಕಾ ಅಸಾವಾದಿತ್ಯ ಏಕವಿಂಶಃ ।
ಸರ್ವಸ್ಮಿನ್ವಾ ಏಷೋಽಸ್ಮಿನ್ನಧಿ ಪ್ರತಿಷ್ಠಿತಃ ।
ತದ್ಯಸ್ಮಿನ್ನೇಷ ಸರ್ವಸ್ಮಿನ್ನಧಿ ಪ್ರತಿಷ್ಠಿತಸ್ತಸ್ಮಿನ್ಸರ್ವಸ್ಮಿನ್ನಧಿ ಪ್ರತಿಷ್ಠಾಮೇತ್ಯೇತಂ ಪ್ರತಿಷ್ಠಾಪಯನ್ತಿ ೪೧೬

ತಸ್ಮಿನ್ಭದ್ರಂ ಸಾಮಾಧ್ಯೂಹನ್ತಿ ।
ಪ್ರಜಾ ವೈ ಭದ್ರ ಮ್ ।
ಪುಚ್ಛತೋ ವೈ ಪ್ರಜಾಃ ಪ್ರಜಾಯನ್ತೇ ।
ಪುಚ್ಛತ ಏವೈತತ್ಪ್ರಜನನೇ ಪ್ರಜಾಂ ದಧತೇ ಪ್ರಜಾತ್ಯೈ ।
ತತ್ರಾಪಿ ಶ್ರೇಯಃ ಕಾರ್ಯಮಾಹುಃ ।
ಪ್ರಜಾ ವೈ ಭದ್ರಂ ಪ್ರಜಾಯೈ ಯಾ ಪ್ರಜಾ ಸಾ ಶ್ರೇಯಃ ।
ಅಪಿ ಹ ಪ್ರಜಾಯೈ ಪ್ರಜಾಂ ಪಶ್ಯತೇ ಯ ಏವಂ ವೇದ ।
ತದಾಹುಸ್ಸಕೃದೇವ ಸರ್ವೇಣ ಸ್ತೋತವ್ಯಂ ವಯಸೋಽನುರೂಪಂ ಕೃತ್ವೇತಿ ।
ಯದ್ವೈ ವಯಃ ಪ್ರಪತತಿ ಸರ್ವಾಣ್ಯಙ್ಗಾನಿ ನಾನಾಶೋ ಯುಕ್ತ್ವಾ ಪ್ರಪತತಿ ।
ಅಥ ಯದುಪವಿಶತಿ ಸರ್ವಾಣ್ಯಙ್ಗಾನ್ಯಾತ್ಮಾನಮುಪಸಮಾಹೃತ್ಯೋಪವಿಶತೀತಿ ।
ತದ್ಯತ್ಸಕೃದೇವ ಸರ್ವೇಣ ಸ್ತುವನ್ತಿ ಯಥಾ ವಯಃ ಪ್ರಪತತ್ಸರ್ವಾಣ್ಯಙ್ಗಾನಿ ನಾನಾಶೋ ಯುಕ್ತ್ವಾ ಪ್ರಪತೇತ್ತಾದೃಕ್ತತ್ ।
ಅಥ ಯದೇಕೈಕಯಾ ಸ್ತುತಯೋಪಸಮಾಯನ್ತಿ ಯಥಾ ವಯ ಉಪವಿಶತ್ಸರ್ವಾಣ್ಯೇವಾಙ್ಗಾನ್ಯಾತ್ಮಾನಮುಪಸಮಾಹೃತ್ಯೋಪವಿಶೇತ್ತಾದೃಗು ತತ್ ।
ಅಥ ಹ ಸ್ಮಾಹ ಭಾಲ್ಲಬೇಯೋ ನೈತಸ್ಮಿನ್ನಹನ್ನನ್ಯ ಉದ್ಗಾತುಸ್ಸಾಮ್ನಾರ್ತ್ವಿಜ್ಯಂ ಕುರ್ಯಾತ್ ।
ಶ್ರೀರ್ವಾ ಏತದಹಃ ಶ್ರೀರುದ್ಗಾತಾ ।
ಯದೇತಸ್ಮಿನ್ನಹನ್ನನ್ಯ ಉದ್ಗಾತುಸ್ಸಾಮ್ನಾರ್ತ್ವಿಜ್ಯಂ ಕುರ್ಯಾದನವವದಿತೈನಾನವವದೇದನಭ್ಯಾರೋಢಾಭ್ಯಾರೋಹೇತ್ಪಾಪವಸ್ಯಸಂ ಸ್ಯಾತ್ಸ ವೈವಾನುಪರಿಸರ್ಪಂ ಸಂಸ್ಥಾಪಯೇತ್ಸ ವೈಕೈಕಯಾ ಸ್ತುತಯೋಪಸಮೇಯಾದಿತಿ ।
ತದಿವ ತ್ವತ್ರ ಪರಿಚಕ್ಷತೇ ಯನ್ನವವಿಂಶ ಸ್ತೋಮಸ್ಸಂಪದ್ಯತೇ ।
ತದಾಹುರ್ನವವಿಂಶ ಸ್ತೋಮಸ್ಸಂಪದ್ಯತೇ ವಾಶ್ಯಮಾನಾನುಪತೇತ್ಸ್ವಂ ಯೂಥಂ ಜಾನಮೇಜಯ ಗೌರ್ಗಾಸ್ಸಾಹಸ್ರಯಾಜಿನ ಶಲಕಾಣ್ಡಾಣಿ ವಿಗಚ್ಛತೀತೀವ ವಾ ಏತಾ ಯಥಾಯಥಮಪಿಯನ್ತೀತಿ ।
ಶಿರ ಏವ ಶೀರ್ಷನ್ನಾಪ್ಯೇತಿ ಪಕ್ಷೌ ಪಕ್ಷೇ ಪುಚ್ಛಂ ಪುಚ್ಛ ಆತ್ಮಾನಮಿದಾತ್ಮನ್ನಾಪ್ಯೇತಿ ।
ನವವಿಂಶ ಸ್ತೋಮಸ್ಸಂಪದ್ಯತೇ ಕಾರ್ಯಮೇವಾಪ್ಯೇವಮಿತಿ ೪೧೭

ಆಸನ್ದೀಮುದ್ಗಾತಾಧಿರ್ಹತಿ ಪ್ಲೇಙ್ಖಂ ಹೋತಾ ಕೂರ್ಚಾವಧ್ವರ್ಯೂ ಕೂರ್ಚಸದ ಏವಾನ್ಯಾ ಹೋತ್ರಾ ಭವನ್ತಿ ।
ತದಾಹುರ್ನ ದೀಕ್ಷಿತೇನಾಸನ್ದ್ಯಧಿರುಹ್ಯೇತಿ ।
ಉತ್ಥಿತಾ ಹ ಖಲು ವಾ ಏತದಹರಾಗಚ್ಛನ್ತಿ ।
ಯದ್ವಾವಾದೋ ದಶಮಮಹಸ್ತದೇವೋಕ್ಥಾನಿ ।
ಇಯಮಧಿರುಹ್ಯೈವೇತ್ಯಾಹುಃ ।
ಅನ್ತರಿಕ್ಷಸಾಚ್ಯೇವ ವೈ ಶ್ರೀಃ ।
ಏವಂ ಶ್ರಿಯಾ ಉಪಾಪ್ತಿರಿತಿ ।
ವಾಣಶ್ಶತತನ್ತ್ರೀರ್ಭವತಿ ।
ಶತಾಯುರ್ವೈ ಪುರುಷಶ್ಶತೇನ್ದ್ರಿ ಯಶ್ಶತವೀರ್ಯಸ್ತಸ್ಯೈವೇನ್ದ್ರಿ ಯಸ್ಯ ವೀರ್ಯಸ್ಯಾವರುದ್ಧ್ಯೈ ।
ತದಾಹುರ್ನ ವಾಣಶ್ಶತತನ್ತ್ರೀಃ ಕಾರ್ಯೋ ಯರ್ಹಿ ವಾ ಏತಸ್ಯ ಬ್ರಾಹ್ಮಣಾಸ್ಸನ್ತಾನಮವಿದುಸ್ಸಕೃತ್ಸನ್ತತೋ ವಾ ಏಷ ತರ್ಹಿ ರಾಜ್ಞಾಂ ಸಭಾಸು ಪ್ರವಿಶಾಮಿ ಬ್ರುವನ್ನಶಯತ್ತಂ ಕಿಂ ತತ್ಕುರ್ಯುರ್ಯಸ್ತಥೈತರ್ಹಿ ನ ಯಥಾ ಪುರೇತಿ ।
ತದು ವಾ ಆಹುಃ ಕಿಂ ಖಲು ತಥೈತರ್ಹಿ ಯಥಾ ಪುರಾ ।
ಏಕಸಾಮ್ನಾ ಹ ಸ್ಮ ವೈ ಪುರಾ ಸ್ತುತ್ವಾ ಸ್ವರ್ಗಂ ಲೋಕಂ ಗಚ್ಛನ್ತ್ಯಥೋ ಅವಭೃಥಾದೇವೋದೇತ್ಯ ಕಾರ್ಯಃ ।
ಏವಂ ವಾಣಶ್ಶತತನ್ತ್ರೀರ್ವಾಚಃ ಕೃತ್ಸ್ನತ್ವಾಯೇತಿ ।
ತಸ್ಯೈಷ ಸನ್ತಾನೋ ಭೂರ್ಭುವ ಸ್ವರ್ವದಾ ವದಾ ವದಾ ವದೀ ವದಾ ವದೋರುಃ ಪೃಥುಸ್ಸುಗಸ್ಸುಗನ್ತುಃ ಕರ್ಮಃ ಕರಣಃ ಕರಃ ಕರಿಷ್ಯನ್ನೈನ್ದ್ರೀ ಂ! ವಾಚಂ ಬೃಹತೀಂ ವಿಶ್ವರೂಪಾಂ ಶತಾಯುಷಂ ಪ್ರವದ ದೇವ ವಾಣೇತಿ ।
ಅಥೇನ್ದ್ರೇ ಣತಯಾ ಚೇಷೀಕಯಾ ವೇತಸಶಾಖಯಾ ಚೋಲ್ಲಿಖತಿ ಮನೋ ಜ್ಯೋತಿರಿತಿ ವಾಕ್ಸತ್ಯಮಿತಿ ಮನೋ ಭದ್ರ ಇತಿ ೪೧೮

ಅಹೀನಸಂ ಹಾಶ್ವತ್ಥಿಂ ಪುತ್ರಾ ಉಪಸಮೇತ್ಯೋಚುಸ್ಸತ್ರಾಯಾಮೋ ವೈ ಭಗವೋಽನು ನಶ್ಶಾಧೀತಿ ।
ಸ ಹೋವಾಚ ಮೈವಂ ವೋಚತ ।
ದುರುಪಧರ್ಷೋ ವೈ ಸಂವತ್ಸರಃ ।
ಯಥಾ ವೈ ರಥನಾಭಾವರಾಃ ಪ್ರತಿಷ್ಠಿತಾ ಏವಂ ವೈ ಸಂವತ್ಸರೇ ಸರ್ವೇ ಮೃತ್ಯವಃ ಪ್ರತಿಷ್ಠಿತಾಃ ।
ಅಥೈತದೇವಂ ಬ್ರೂಥೇತಿ ।
ತೇ ಹೋಚುಸ್ತೇಷಾಂ ವೈ ತ್ವಮೇವ ಭಿಷಗಸಿ ತ್ವಂ ಪ್ರಾಯಶ್ಚಿತ್ತಿರನ್ವೇವ ನಶ್ಶಾಧೀತಿ ।
ತದ್ಧಾಸ್ಯ ಪ್ರಿಯಮಾಸ ।
ಸ ಹೋವಾಚೈವಂ ಚೇದ್ಬ್ರೂಥ ಷಟ್ಸು ಸ್ಮ ಪ್ರತಿಷ್ಠಾಸು ಪ್ರತಿತಿಷ್ಠತ ।
ಷಡ್ಭ್ಯ ಸ್ಮ ಹರಿತ್ಮತೀಭ್ಯೋ ಮೇತ ।
ಚತುಶ್ಚಕ್ರಂ ಸ್ಮ ಪಾರಯಿಷ್ಣುಂ ಸಮಾರೋಹತ ।
ಸ್ವರ್ಗಸ್ಯ ಸ್ಮ ಲೋಕಸ್ಯ ಪಥೋಽಞ್ಜಸಾಯನಾನ್ಮೇತ ।
ಸಂವತ್ಸರಸ್ಯ ಸ್ಮ ವ್ಯಾಪ್ತಮತಿಪ್ಲವಧ್ವಮ್ ।
ದೈವ್ಯಂ ಸ್ಮ ಮಿಥುನಮುಪೇತ ।
ಪ್ರಸ್ಪಷ್ಟಾತ್ಸ್ಮ ಸಾರ್ಥಾನ್ಮಾ ಹೀಯಧ್ವಮ್ ।
ಅಚ್ಯುತಂ ಸ್ಮ ಯಜ್ಞಸ್ಯ ಮಾ ಚ್ಯಾವಯತ ।
ಯಜ್ಞಸ್ಯ ಸ್ಮ ಶ್ವಸ್ತನಮುಪೇತ ।
ವಾಚಂ ಸ್ಮ ಸತ್ಯವತೀಮುಪೇತ ।
ವರ್ಷಿಷ್ಠಾನ್ಸ್ಮಾಜೌ ಯುಙ್ಗ್ಧ್ವಮುತ್ತರಾವತೀಂ ಸ್ಮ ಶ್ರಿಯಮುಪೇತ ।
ಸ್ವರ್ಗೇ ಸ್ಮ ಲೋಕೇ ಪ್ರತಿತಿಷ್ಠತ ।
ಗ್ರಾಮಾತ್ಸ್ಮಾರಣ್ಯಂ ಮೇತ ।
ಜ್ಞಾನಾತ್ಸ್ಮಾವಿರ್ಭವಾನ್ಮೇತ ।
ದೈವ್ಯಾತ್ಸ್ಮ ವಿವಾಹಾನ್ಮೇತ ।
ಯಜ್ಞಾತ್ಸ್ಮ ಮೇತೇತಿ ।
ಏತಾನಿ ಹೈನಾನನುಶಶಾಸ ।
ತೇ ಹೋಚುರನು ನ ಇದಮಶಿಷಃ ಪರೋಕ್ಷೇಣೇವ ।
ತಥಾ ನೋಽನುಶಾಧಿ ಯಥೇದಂ ವಿಜಾನೀಯಾಮೇತಿ ೪೧೯

ಸ ಹೋವಾಚ ಯದ್ವೋಽವೋಚಂ ಷಟ್ಸು ಸ್ಮ ಪ್ರತಿಷ್ಠಾಸು ಪ್ರತಿತಿಷ್ಠೇತಿ ನಿಧನವನ್ತಿ ಸ್ಮ ಪವಮಾನಮುಖೇಭ್ಯೋ ಮಾ ಚ್ಯಾವಯತೇತ್ಯೇವ ವಸ್ತದವೋಚಮಿತಿ ।
ಏಷಾ ಹ ವೈ ಸಾಮ್ನಃ ಪ್ರತಿಷ್ಠಾ ಯನ್ನಿಧನಮ್ ।
ಷಡೇತಾನಿ ನಿಧನವನ್ತಿ ಭವನ್ತಿ ಷಡೃತವಸ್ಸಂವತ್ಸರಃ ।
ಸ ಯಥಾ ವೃಕ್ಷಮಾಕ್ರಮಣೈರಾಕ್ರಮಮಾಣ ಇಯಾದೇವಮೇವೈತೈಸ್ಸಾಮನಿಧನೈ ಸ್ವರ್ಗಂ ಲೋಕಂ ರೋಹನ್ತೋ ಯನ್ತಿ ।
ತಸ್ಮಾನ್ನಿಧನವನ್ತಿ ಪವಮಾನಮುಖೇಭ್ಯೋ ನ ಚ್ಯಾವಯಿತವ್ಯಾನಿ ।
ಅಥ ಯದ್ವೋಽವಾಚಂ ಷಡ್ಭ್ಯ ಸ್ಮ ಹರಿತ್ಮತೀಭ್ಯೋ ಮೇತೇತೀಳಾವಿಭಕ್ತಿರೇವ ವಸ್ತದವೋಚಮಿಳಾಭಿ ಸ್ಮ ಬೃಹತೀರಾರಭಧ್ವಮಿತ್ಯೇವ ವಸ್ತದವೋಚಮಿತಿ ।
ತಾ ಏತಾಷ್ಷಡ್ಢರಿತ್ಮತೀಃ ।
ಸ ಯಥಾ ಷಡ್ಢರಿತ್ಮತೀರಶ್ವತರೀಸ್ಸಂಯುಜ್ಯ ಯತ್ರ ಜಿಗಮಿಷೇತ್ತದ್ಗಚ್ಛೇದೇವಮೇವೈತಾಭಿರಿಳಾವಿಭಕ್ತಿಭಿ ಸ್ವರ್ಗಂ ಲೋಕಮಭ್ಯಶ್ನುವತೇ ।
ತಸ್ಮಾದಿಳಾಭಿರೇವ ಬೃಹತೀರಾರಭ್ಯಾಃ ೪೨೦

ಅಥ ಯದ್ವೋಽವೋಚಂ ಚತುಶ್ಚಕ್ರಂ ಸ್ಮ ಪಾರಯಿಷ್ಣುಂ ಸಮಾರೋಹತೇತಿ ಪ್ರ ಸೋಮ ದೇವವೀತಯೇ ಪರೀತೋ ಷಿಞ್ಚತಾ ಸುತಮಭಿ ಸೋಮಾಸ ಆಯವಃ ಪುನಾನಸ್ಸೋಮ ಧಾರಯೇತ್ಯೇತಾ ಏವ ವಸ್ತಚ್ಚತಸ್ರೋ ಬೃಹತೀರವೋಚಮಿತಿ ।
ಏಷ ಹ ವೈ ಚತುಶ್ಚಕ್ರಃ ಪಾರಯಿಷ್ಣುರ್ಯದೇತಾ ಬೃಹತ್ಯಃ ।
ಸ ಯಥಾ ಚತುಶ್ಚಕ್ರೇಣ ಪಾರಯಿಷ್ಣುನಾ ಯತ್ರ ಜಿಗಮಿಷೇತ್ತದ್ಗಚ್ಛೇದೇವಮೇವೈತಾಭಿರ್ಬೃಹತೀಭಿ ಸ್ವರ್ಗಂ ಲೋಕಂ ಗಚ್ಛನ್ತಿ ।
ಅಥೋ ಏಷ ವಾವ ದೇವರಥಃ ।
ಸ ಯಥಾ ದೇವರಥೇನ ಸುಯುಕ್ತೇನ ಯತ್ರ ಜಿಗಮಿಷೇತ್ತದ್ಗಚ್ಛೇದೇವಮೇವೈತಾಭಿರ್ಬೃಹತೀಭಿ ಸ್ವರ್ಗಂ ಲೋಕಂ ಗಚ್ಛನ್ತಿ ।
ತಸ್ಮಾದೇತಾ ಏವ ಬೃಹತೀಃ ಕಾರ್ಯಾಃ ।
ಅಥ ಯದ್ವೋಽವೋಚಂ ಸ್ವರ್ಗಸ್ಯ ಸ್ಮ ಲೋಕಸ್ಯ ಪಥೋಽಞ್ಜಸಾಯನಾನ್ಮೇತೇತ್ಯೌಶನಕಾವೇ ಏವ ವಸ್ತದವೋಚಮಿತಿ ।
ಏಷ ಹ ವೈ ಸ್ವರ್ಗಸ್ಯ ಲೋಕಸ್ಯ ಪನ್ಥಾ ಅಞ್ಜಸಾಯನೋ ಯದೌಶನ್ಕಾವೇ ।
ಔಶನಂ ಪುರಸ್ತಾದ್ಭವತಿ ಕಾವಮುಪರಿಷ್ಟಾತ್ ।
ತಾವೇತತ್ಪಿತಾಪುತ್ರಾವೇವ ನಾವಮಜತಃ ।
ಸ ಯಥಾ ಪಿತಾಪುತ್ರೌ ನಾವಮಜನ್ತೌ ತಾಮರಿಷ್ಟಾಂ ಸ್ವಸ್ತಿ ಪಾರಂ ಗಮಯೇಯಾತಾಮೇವಮೇವೈತದೌಶನಕಾವಾಭ್ಯಾಂ ಸ್ವಸ್ತ್ಯರಿಷ್ಟಾ ಉದೃಚಮಶ್ನುವತೇ ।
ತಸ್ಮಾದೌಶನಕಾವೇ ನಾವಸೃಜ್ಯೇ ೪೨೧

ಅಥ ಯದ್ವೋಽವೋಚಂ ಸಂವತ್ಸರಸ್ಯ ಸ್ಮ ವ್ಯಾಪ್ತಮತಿಪ್ಲವಧ್ವಮಿತ್ಯಭೀವರ್ತಂ ವಾ ಸ್ಮ ಪವಮಾನೇ ಕುರುಧ್ವಂ ಪ್ಲವಂ ವೇತ್ಯೇವ ವಸ್ತದವೋಚಮಿತಿ ।
ಏತದ್ಧ ವೈ ಸಂವತ್ಸರಸ್ಯ ವ್ಯಾಪ್ತಂ ಯದೃತವೋ ಯನ್ಮಾಸಾ ಯದೃತುಸನ್ಧಯಃ ।
ತದು ವಾ ಆಹುರ್ಯ ಋತವೋ ಯೇ ಮಾಸಾ ಯ ಋತುಸನ್ಧಯೋಽಹೋರಾತ್ರೇ ವಾವ ತದ್ಭವತಃ ।
ಅಹೋರಾತ್ರೇ ವಾವ ಸಂವತ್ಸರಸ್ಯ ವ್ಯಾಪ್ತಮಿತಿ ।
ತತ್ಪ್ಲವಃ ಕಾರ್ಯಃ ।
ಅವ ವೈ ಗೌಃ ಪ್ಲವತೇಽವ ಹಸ್ತ್ಯವ ಪುರುಷಃ ಪ್ಲವೋ ನಾವಪ್ಲವತೇ ।
ತದೇತೇನ ಪ್ಲವೇನಾನವಪ್ಲಾವಿನೈತತ್ಸಂವತ್ಸರಸ್ಯ ವ್ಯಾಪ್ತಮತಿಪ್ಲವಾಮಹಾ ಇತಿ ।
ತದಾಹುರಸ್ತಿ ಪರಿಚಕ್ಷಾ ಪ್ಲವಾತಿಪ್ಲಿತಾ ಇತಿ ವೈ ನಿನ್ದನ್ತಿ ।
ಯೋ ವೈ ಜೀಯತೇ ಯೋ ಹೀಯತೇ ತಮಾಹುರಪ್ಲೋಷ್ಟೇತಿ ।
ಅಭೀವರ್ತ ಏವ ಕಾರ್ಯಃ ।
ತಸ್ಯೈಕಾಕ್ಷರಂ ನಿಧನಂ ಭವತಿ ।
ಏಕಾಕ್ಷರಾ ವೈ ವಾಕ್ ।
ವಾಗು ಕೃತ್ಸ್ನಂ ಬ್ರಹ್ಮ ।
ತದೇತೇನ ಕೃತ್ಸ್ನೇನ ಬ್ರಹ್ಮಣಾ ಯಥಾ ಚರ್ಮಣಾ ಕುದೀಕಣ್ಟಕಾನ್ಪ್ರಾವೃತ್ಯಾತೀಯಾದೇವಮೇವೈತತ್ಸಂವತ್ಸರಸ್ಯ ವ್ಯಾಪ್ತಂ ಪ್ರಾವೃತ್ಯಾತಿಯನ್ತಿ ।
ಅಥೋ ಯಥಾ ತಪ್ತಾನ್ಪಾಂಸೂನುಪಾನಹ್ಯತೀಯಾತ್ತಾದೃಕ್ತತ್ ।
ತಸ್ಮಾದಭೀವರ್ತ ಏವ ಕಾರ್ಯಃ ।
ಅಥ ಯದ್ವೋಽವೋಚಂ ದೈವ್ಯಂ ಸ್ಮ ಮಿಥುನಮುಪೇತೇತ್ಯುಚ್ಚಾ ತೇ ಜಾತಮನ್ಧಸಾ ಸ್ವಾದಿಷ್ಠಯಾ ಮದಿಷ್ಠಯೇತ್ಯೇತೇ ಏವ ವಸ್ತದ್ಗಾಯತ್ರ್! ಯಾವವೋಚಮಿತಿ ।
ಏತದ್ವೈ ದೈವ್ಯಂ ಮಿಥುನಂ ಯದೇತೇ ಗಾಯತ್ರ್! ಯಾ ಉಚ್ಚಾ ತ ಇತಿ ಪುಂಸೋ ರೂಪಂ ಸ್ವಾದಿಷ್ಠಯೇತಿ ಸ್ತ್ರಿಯೈ ।
ತದೇತನ್ಮಿಥುನಂ ಪ್ರಜನನಂ ಕ್ರಿಯತೇ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ತಸ್ಮಾದೇತೇ ಏವ ಗಾಯತ್ರ್! ಯೌ ಕಾರ್ಯೇ ೪೨೨

ಅಥ ಯದ್ವೋಽವೋಚಂ ಪ್ರಸ್ಪಷ್ಟಾತ್ಸ್ಮ ಸಾರ್ಥಾನ್ಮಾ ಹೀಯಧ್ವಮಿತಿ ಬೃಹದ್ರ ಥನ್ತರೇ ಏವ ವಸ್ತದವೋಚಮಿತಿ ।
ಏಷ ಹ ವೈ ಪ್ರಸ್ಪಷ್ಟಃ ಸಾರ್ಥೋ ಯದ್ಬೃಹದ್ರ ಥನ್ತರೇ ।
ಏತೇ ಹ ವಾ ಏತಾನ್ಯರಣ್ಯಾನ್ಯತಿನಯತೋ ಯಾನ್ಯೇತಾನಿ ಸವನಾರಣ್ಯಾನಿ ।
ತದೇತದ್ಷಡ್ಗ್ರಾಮಮಿತಿ ತ್ರಿವೃತ್ಸ್ತೋಮಃ ।
ಅಸ್ತಿ ಪರಸ್ತರಾಮಿತಿ ಪಞ್ಚದಶಃ ।
ಅಸ್ತಿ ಪರಸ್ತರಾಮಿತಿ ಸಪ್ತದಶಃ ।
ಅಸ್ತ್ಯೇವ ಪರಸ್ತರಾಮಿತ್ಯೇಕವಿಂಶಃ ।
ಶ್ರಾನ್ತ ಏನದ್ಗಚ್ಛೇದಿತಿ ತ್ರಿಣವಃ ।
ಆಸಾಯೈನದಿತಿ ತ್ರಯಸ್ತ್ರಿಂಶಃ ।
ಅಥ ಯಥೈಕಾಂ ವಾ ದ್ವೇ ವಾನ್ತರೋಷ್ಯೈವ ತದ್ಯಚ್ಛನ್ದೋಮಾಃ ।
ಕ್ಷತ್ರಂ ವಾ ಏತೇ ಸಾಮ್ನಾಂ ಯದ್ಬೃಹದ್ರ ಥನ್ತರೇ ।
ಕ್ಷತ್ರಿಯ ಉ ವಾ ಅರಣ್ಯಸ್ಯಾತಿನೇತಾ ।
ತದ್ಯತ್ರ ವೈ ಕ್ಷತ್ರೇಣಾರಣ್ಯೇನೈತಿ ಯೋ ವೈ ತತ್ರ ತಂ ದಸ್ಯುರ್ಜಾನಾತಿ ಯದ್ಯತ್ಸ್ಯಾಲ್ವಂ ವಾ ಮಧು ವಾ ಭವತಿ ತೇನಾಸ್ಮಾ ಆವಿರ್ಭವತಿ ।
ಅಥ ಯೇಽನ್ಯೇ ನಂಷ್ಟ್ರಾಃ ಪರಿಪನ್ಥಿನಃ ಪರಾಞ್ಚಸ್ತೇ ಕಕ್ಷಂ ಗಹನಾನ್ಯಭ್ಯವಯನ್ತಿ ।
ಸ ಯಥಾ ಕ್ಷತ್ರಿಯೇಣ ಸಹಾಬಿಭ್ಯದರಣ್ಯಮತೀಯಾದೇವಮೇವೈತದ್ಬೃಹದ್ರ ಥನ್ತರಾಭ್ಯಾಮತಿಯನ್ತಿ ।
ಅಥೋ ಏಷ ವಾವ ದೇವಯಾನಃ ಪನ್ಥಾ ಯತ್ಪೃಷ್ಠ್ಯಷ್ಷಡಹಃ ।
ತೇ ದೇವಾ ಏತೇನ ದೇವಯಾನೇನ ಪಥೈತಂ ಸ್ವರ್ಗಂ ಲೋಕಂ ಗತ್ವಾನ್ವಾಗಮಾನ್ಮನುಷ್ಯಾಣಾಮಬಿಭಯುಃ ।
ತೇ ಹೋಚುರುಪ ತಜ್ಜಾನೀತ ಯಥಾ ನೋ ಮನುಷ್ಯಾ ನಾನ್ವಾಗಚ್ಛಾನಿತಿ ।
ತ ಏತಾನ್ಯಜ್ಞಮುಹೋ ರಕ್ಷಾಂಸಿ ಪ್ರತ್ಯೌಹನ್ ।
ತದ್ಯದ್ದೀಕ್ಷಿತೋ ಮೀಯತೇ ಯದ್ರುಧ್ಯತೇ ಏತೇ ಹೈವ ತತ್ಕುರ್ವನ್ತಿ ।
ತದ್ಬೃಹದ್ರ ಥನ್ತರೇ ಏವಾತಿನಯತಃ ।
ತಾನ್ಯಾನೇತೇ ಘ್ನನ್ತ್ಯನೇತ್ರಾನ್ಹೈವ ತಾನ್ಘ್ನನ್ತಿ ಯೇ ಬೃಹದ್ರ ಥನ್ತರೇ ಅವಸೃಜನ್ತಿ ।
ತಸ್ಮಾದ್ಬೃಹದ್ರ ಥನ್ತರೇ ನಾವಸೃಜ್ಯೇ ೪೨೩

ಅಥ ಹ ಸ್ಮಾಹ ನಗರೀ ಜಾನಶ್ರುತೇಯೋ ವೃಕಸ್ಯ ಚರತಸ್ಸರ್ಪಣಮಿತಿ ।
ಕೋ ವೃಕ ಇತಿ ।
ಪ್ರಜಾಪತಿರಿತಿ ।
ಕಃ ಪ್ರಜಾಪತಿರಿತಿ ।
ಸಂವತ್ಸರ ಇತಿ ।
ತಸ್ಯ ಕಿಂ ಸರ್ಪಣಮಿತಿ ।
ಅಹೋರಾತ್ರೇ ಇತಿ ।
ಕೇ ಅಹೋರಾತ್ರೇ ಇತಿ ।
ಬೃಹದ್ರ ಥನ್ತರೇ ಇತಿ ।
ಏತಾಭ್ಯಾಂ ಹ ವಾ ಏಷ ಏತತ್ಸರ್ಪತಿ ।
ತೌ ಪ್ರಾಣಾಪಾನೌ ತಾವಿಮೌ ಲೋಕೌ ಯದ್ದೈವ್ಯಂ ಮಿಥುನಮ್ ।
ತೌ ಹೈತತ್ಸಂವತ್ಸರಸ್ಯೈವ ಪಾದಾವಾರಭ್ಯ ಯನ್ತಿ ।
ತೇ ಸ್ವಸ್ತ್ಯರಿಷ್ಟಾ ಉದೃಚಮಶ್ನುವತೇ ।
ಅಥ ಯದ್ವೋಽವೋಚಮಚ್ಯುತಂ ಸ್ಮ ಯಜ್ಞಸ್ಯ ಮಾ ಚ್ಯಾವಯತೇತಿ ವಾಮದೇವ್ಯಮೇವ ವಸ್ತದವೋಚಮಿತಿ ।
ಏತದ್ಧ ವೈ ಯಜ್ಞಸ್ಯಾಚ್ಯುತಂ ಯದ್ವಾಮದೇವ್ಯಮ್ ।
ಪ್ರಾಣೋ ಹಿ ವಾಮದೇವ್ಯಮ್ ।
ಪ್ರಾಣಾನ್ನೇದವಚ್ಛಿದ್ಯಾಮಹಾ ಇತಿ ।
ಅಥ ಯದ್ವೋಽವೋಚಂ ಯಜ್ಞಸ್ಯ ಸ್ಮ ಶ್ವಸ್ತನಮುಪೇತಿ ಗೌರಿವೀತಮೇವ ವಸ್ತದವೋಚಮಿತಿ ।
ಏತದ್ಧ ವೈ ಯಜ್ಞಸ್ಯ ಶ್ವಸ್ತನಂ ಯದ್ಗೌರಿವೀತಂ ಪ್ರಜಾ ಶ್ವಸ್ತನಂ ಪಶವ ಶ್ವಸ್ತನಂ ಸ್ವರ್ಗೋ ಲೋಕ ಶ್ವಸ್ತನಮ್ ।
ಸ ಯಥಾ ಕ್ಷೇತ್ರಜ್ಞೋ ಗ್ರಾಮಂ ಯಾಪಯೇದದಸ್ಸುಗಂ ತೇನ ಯಾಸ್ಯಾಮೋಽದಸ್ಸುತೀರ್ಥಂ ತೇನ ತರಿಷ್ಯಾಮೋಽದಸ್ಸುವಸಂ ತದ್ವತ್ಸ್ಯಾಮ ಇತ್ಯೇವಮೇತೌ ಗೌರಿವೀತಸ್ಯೋದಾಸಾವವಸಾನದರ್ಶೌ ಚರತಃ ।
ಅಥೋ ಯಥಾ ಸೋಮಪ್ರವಾಕಸ್ಸೋಮಂ ಪ್ರಾಹೈವಮೇತೌ ಗೌರಿವೀತಸ್ಯೋದಾಸೌ ದೇವೇಭ್ಯಸ್ಸೋಮಂ ಪ್ರಾಹತುಃ ।
ಪ್ರೋಕ್ತಸೋಮೋ ಹ ಸ ತಾಂ ರಾತ್ರಿಂ ವಸತಿ ಯಸ್ಮಿನಹನಿ ಗೌರಿವೀತಂ ಭವತಿ ।
ಅಥೋ ಹೈನಂ ದೇವಾ ಈಕ್ಷನ್ತೇ ಧಾವತ ಶ್ವೋ ಯಷ್ಟೇತಿ ।
ತದ್ಯದೇಕಾಹೇ ಗೌರಿವೀತಂ ನ ಕುರ್ವನ್ತಿ ನೇದ್ದೇವಾಁ ಲ್ಲಾಪಯಾಮಹಾ ಇತಿ ೪೨೪

ಅಥ ಯದ್ವೋಽವೋಚಂ ವಾಚಂ ಸ್ಮ ಸತ್ಯವತೀಮುಪೇತೇತಿ ಪುರೋಜಿತೀ ವೋ ಅನ್ಧಸ ಇತ್ಯೇತಾಮೇವ ವಸ್ತದನುಷ್ಟುಭಮವೋಚಮಿತಿ ।
ಏಷಾ ವೈ ವಾಕ್ಸತ್ಯವತೀ ಯದೇಷಾನುಷ್ಟುಪ್ ।
ಅನುಷ್ಟುಪ್ಪೂರ್ವಾ ಭವತಿ ಗಾಯತ್ರ್! ಯಾ ಉತ್ತರೇ ।
ವಾಗ್ವಾ ಅನುಷ್ಟುಪ್ಪ್ರಾಣೋ ಗಾಯತ್ರೀ ।
ಏತದ್ವೈ ವಾಚಸ್ಸತ್ಯಂ ಯತ್ಪ್ರಾಣಃ ।
ಸೈಷಾ ವಾಕ್ಸತ್ಯವತೀ ।
ಅಥೋ ಯಥಾನ್ಯೌ ನವತರೌ ಚಕ್ರಾವುಪಾಸ್ಯೇದೇವಮೇವೈತಾಮನುಷ್ಟುಭಂ ತ್ರ್! ಯಹಮುಖೇಷು ಪರ್ಯಾಹರನ್ತಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ತಸ್ಮಾದೇಷೈವಾನುಷ್ಟುಪ್ಕಾರ್ಯಾ ।
ಅಥ ಯದ್ವೋಽವೋಚಂ ವರ್ಷಿಷ್ಠಾನ್ಸ್ಮಾಜೌ ಯುಙ್ಗ್ಧ್ವಮಿತ್ಯಗ್ನಿಷ್ಟೋಮಸಾಮಾನ್ಯೇವ ವಸ್ತದವೋಚಮಿತಿ ।
ಏತೇ ಹ ವೈ ವರ್ಷಿಷ್ಠಾ ಆಜೌ ಯುಜ್ಯನ್ತೇ ಯದಗ್ನಿಷ್ಟೋಮಸಾಮಾನಿ ಯಾನಿ ವೈ ತಾನ್ಯಕ್ಷ್ಯನ್ತ್ಯಹಾನಿ ।
ಅಥ ಯದ್ವೋಽವೋಚಮುತ್ತರಾವತೀಂ ಸ್ಮ ಶ್ರಿಯಮುಪೇತೇತಿ ಪೃಷ್ಠಾನ್ಯೇವ ವಸ್ತದವೋಚಮಿತಿ ।
ಏಷಾ ಹ ವಾ ಉತ್ತರಾವತೀ ಶ್ರೀರ್ಯತ್ಪೃಷ್ಠಾನಿ ತ್ರಿವೃತ್ಪಞ್ಚದಶಂ ಸಪ್ತದಶಮೇಕವಿಂಶಂ ತ್ರಿಣವಮಿತ್ಯಾ ತ್ರಯಸ್ತ್ರಿಂಶಾದುತ್ಕ್ರಾಮನ್ತಿ ।
ಅಥ ಯದ್ವೋಽವೋಚಂ ಸ್ವರ್ಗೇ ಸ್ಮ ಲೋಕೇ ಪ್ರತಿತಿಷ್ಠತೇತಿ ಯಜ್ಞಾಯಜ್ಞೀಯಂ ಸ್ಮ ವೋಽಗ್ನಿಷ್ಟೋಮಸಾಮಾಸ್ತ್ವಿತ್ಯೇವ ವಸ್ತದವೋಚಮಿತಿ ।
ಏಷ ಹ ವೈ ಸ್ವರ್ಗೋ ಲೋಕೋ ಯದ್ಯಜ್ಞಾಯಜ್ಞೀಯಮಸಾವಾದಿತ್ಯ ಏಕವಿಂಶಃ ।
ಏತಸ್ಮಿನ್ನೇವ ತತ್ಸ್ವರ್ಗೇ ಲೋಕೇಽನ್ತತಃ ಪ್ರತಿತಿಷ್ಠನ್ತಿ ೪೨೫

ಅಥ ಯದ್ವೋಽವೋಚಂ ಗ್ರಾಮಾತ್ಸ್ಮಾರಣ್ಯಂ ಮೇತೇತ್ಯಾಹಾರ್ಯಾಣಿ ಸ್ಮ ಸಾಮಾನಿ ಮಾಭಿಧ್ಯಾಯತೇತ್ಯೇವ ವಸ್ತದವೋಚಮಿತಿ ।
ಸ ಯಥಾ ಗ್ರಾಮಾದ್ಗ್ರಾಮಂ ಸಂವ್ರಜೇದಬಿಭ್ಯದೇವಂ ತದ್ಯದಗ್ನಿಷ್ಟೋಮಸಾಮಾನಿ ।
ಅಥ ಯಥಾರಣ್ಯಾದರಣ್ಯಂ ಯನ್ಸ ಕಣ್ಟಕೇನ ವಾ ಶಲಾಕಯಾ ವಾ ಪರಿತೃಣ್ಣ ಆಗಚ್ಛೇದಥೋ ಇಯತೋ ನೋಽವ್ಯಾತ್ಸುರಿಯನ್ತೋ ವಿ ವಿಧ್ಯಮಾನಾನಾಮಮುಕ್ಷ್ಮಹೀತ್ಯೇವಂ ತದ್ಯದಾಹಾರ್ಯಾಣಿ ಸಾಮಾನಿ ।
ತಸ್ಮಾದಾಹಾರ್ಯಾಣಾಂ ಸಾಮ್ನಾಂ ನಾಶಯಿತವ್ಯಾನಿ ।
ಅಥ ಯದ್ವೋಽವೋಚಂ ಜ್ಞಾನಾತ್ಸ್ಮಾವಿರ್ಭವಾನ್ಮೇತೇತಿ ಸುಜ್ಞಾನಮೇವ ವಸ್ತದವೋಚಮಿತಿ ।
ಅಥ ಯದ್ವೋಽವೋಚಂ ದೈವ್ಯಾತ್ಸ್ಮ ವಿವಾಹಾನ್ಮೇತೇತಿ ಶ್ಯೈತನೌಧಸೇ ಏವ ವಸ್ತದವೋಚಮಿತಿ ।
ಅಥ ಯದ್ವೋಽವೋಚಂ ಯಜ್ಞಾತ್ಸ್ಮ ಮೇತೇತಿ ಶ್ರದ್ಧಾ ಸ್ಮ ವೋ ಮಾ ವ್ಯೈದಿತ್ಯೇವ ವಸ್ತದವೋಚಮಿತಿ ।
ಏಷಾ ಹ ವೈ ದೇವಾನಾಂ ರಾಜ್ಞಿ ಯಚ್ಛ್ರದ್ಧಾ ।
ಸೈಷಾ ಪ್ರಾತರುಪಕ್ರಮ್ಯ ತಿಷ್ಠತಿ ।
ತಾಂ ದೇವಾ ಉಪತಿಷ್ಠನ್ತೇ ಯಾದ್ರೀ ಚ್ಯೇಷ್ಯತಿ ತದ್ರ ಯ್ಞ್ಚ ಏಷ್ಯಾಮ ಇತಿ ।
ತಸ್ಯೈ ಸರ್ವೇ ದೇವಾ ಅನುವರ್ತ್ಮಾನಸ್ಸಾಯಂ ಜುಷನ್ತೇ ।
ತಮಾವಿಶತಿ ಸ ಜುಹೋತಿ ಸ ಯಜತೇ ।
ತದ್ದೇವಾ ಉಪಜೀವನ್ತಿ ।
ಏತಾಂ ಹೈಭ್ಯಸ್ತತ್ಸಂವತ್ಸರೇಽರಿಷ್ಟಿಮುವಾಚ ।
ತೇ ಯ ಏವಂ ವಿದ್ವಾಂಸಸ್ಸಂವತ್ಸರಮುಪಯನ್ತಿ ಸ್ವಸ್ತ್ಯೇವಾರಿಷ್ಟಾ ಉದೃಚಮಶ್ನುವತೇ ೪೨೬

ಪುರುಷಂ ವಾವೈತದಾಸತೇ ಯತ್ಸಂವತ್ಸರಮ್ ।
ಪುರುಷೋ ವೈ ಪ್ರಜಾಪತಿಃ ಪ್ರಜಾಪತಿಸ್ಸಂವತ್ಸರಃ ।
ತಮೇವೈತದೀಪ್ಸನ್ತ ಆಸತ ಆತ್ಮಾನಂ ಯಜ್ಞಂ ಕೃತ್ವಾ ।
ತಸ್ಯ ಪಾದಾವೇವ ಪ್ರಾಯಣೀಯೋಽತಿರಾತ್ರಃ ।
ತಯೋರ್ಯದಧಸ್ತಾಚ್ಛುಕ್ಲಂ ತದಹ್ನೋ ರೂಪಂ ಯದುಪರಿಷ್ಟಾತ್ಕೃಷ್ಣಂ ತದ್ರಾ ತ್ರೇರ್ನಖಾನ್ಯೇವ ನಕ್ಷತ್ರಾಣಾಮಿಮಾನ್ಯೇವ ಚತ್ವಾರ್ಯೂರ್ವಷ್ಠೀವಾನಿ ಆರಮ್ಭಣೀಯಮಹರಯಮಭಿಪ್ಲವೋಽಯಂ ಪೃಷ್ಠ್ಯೋಽಯಮಿತೋಽರ್ವಾಚೀನೋಽಭಿಜಿದಯಂ ವಿಶ್ವಜಿದಿಮೇ ತ್ರಯ ಸ್ವರಸಾಮಾನ ಇಮೇ ತ್ರಯೋಽಯಂ ವಿಷುವಾನಿದಂ ಮಹಾವ್ರತೀಯಮಹರಯಮುದಯನೀಯೋಽತಿರಾತ್ರಃ ।
ಇದಮಹ್ನೋ ರೂಪಮಿದಂ ರಾತ್ರೇರ್ನಖಾನ್ಯೇವ ನಕ್ಷತ್ರಾಣಾಮ್ ।
ತಮೇತಂ ಪುರುಷಂ ಪ್ರಜಾಪತಿಂ ಸಂವತ್ಸರಮಾಪ್ನುವನ್ತ್ಯಾತ್ಮಾನಮೇವ ಯಥಾಙ್ಗಮ್ ೪೨೭

ತೇ ಮನೋಮಯಾಃ ಪ್ರಾಣಮಯಾಶ್ಚಕ್ಷುರ್ಮಯಾಃ ಶ್ರೋತ್ರಮಯಾ ವಾಙ್ಮಯಾ ಋಙ್ಮಯಾ ಯಜುರ್ಮಯಾಸ್ಸಾಮಮಯಾ ಬ್ರಹ್ಮಮಯಾ ಹಿರಣ್ಮಯಾ ಅಮೃತಾಸ್ಸಂಭವನ್ತಿ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾಃ ಪ್ರಜಾಪತಿಮುಪಾಧಾವಞ್ಜಯಾಮಾಸುರಾನಿತಿ ।
ಸೋಽಬ್ರವೀನ್ನ ವೈ ಮಾಂ ಯೂಯಂ ವಿತ್ಥ ನಾಸುರಾಃ ।
ಯದ್ವೈ ಮಾಂ ಯೂಯಂ ವಿದ್ಯಾತ ತತೋ ವೈ ಯೂಯಮೇವ ಸ್ಯಾತ ಪರಾಸುರಾ ಭವೇಯುರಿತಿ ।
ತದ್ವೈ ಬ್ರೂಹೀತ್ಯಬ್ರುವನ್ ।
ಸೋಽಬ್ರವೀತ್ಪುರುಷಃ ಪ್ರಜಾಪತಿಸ್ಸಂವತ್ಸರ ಇತಿ ಮೋಪಾದ್ಧ್ವಮ್ ।
ತತೋ ವೈ ಯೂಯಮೇವ ಭವಿಷ್ಯಥ ಪರಾಸುರಾ ಭವಿಷ್ಯನ್ತೀತಿ ।
ತಂ ಪುರುಷಃ ಪ್ರಜಾಪತಿಸ್ಸಂವತ್ಸರ ಇತ್ಯುಪಾಸತ ತತೋ ವೈ ದೇವಾ ಅಭವನ್ಪರಾಸುರಾಃ ।
ಸ ಯೋ ಹೈವಂ ವಿದ್ವಾನ್ಪುರುಷಃ ಪ್ರಜಾಪತಿಸ್ಸಂವತ್ಸರ ಇತ್ಯುಪಾಸ್ತೇ ಭವಿಷ್ಯತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ೪೨೮

ಅಥಾಧಿದೈವತಮ್ ।
ಅಯಮೇವ ಲೋಕಃ ಪ್ರಾಯಣೀಯೋಽತಿರಾತ್ರಃ ।
ತಸ್ಯ ಯಚ್ಛುಕ್ಲಂ ತದಹ್ನೋ ರೂಪಂ ಯತ್ಕೃಷ್ಣಂ ತದ್ರಾ ತ್ರೇಶ್ಚಿತ್ರಾಣ್ಯೇವ ನಕ್ಷತ್ರಾಣಾಮ್ ।
ಸಂವತ್ಸರ ಏವ ಸ್ವರ್ಗೋ ಲೋಕ ಆರಮ್ಭಣೀಯಮಹರ್ಬ್ರಹ್ಮಾಭಿಪ್ಲವಃ ಕ್ಷತ್ರಂ ಪೃಷ್ಠ್ಯೋಽಗ್ನಿರಭಿಜಿದ್ವಿಶ್ವೇ ದೇವಾ ಸ್ವರಸಾಮಾನ ಆದಿತ್ಯೋ ವಿಷುವಾನಿನ್ದ್ರೋ ವಿಶ್ವಜಿದಹೋರಾತ್ರೇ ಏವ ಗೋಆಯುಷೀ ಲೋಕಾ ಏವ ದ್ವಾದಶಾಹಸ್ಯಾಹಾನಿ ಪ್ರಜಾಪತಿರೇವ ಮಹಾವ್ರತೀಯಮಹರಸಾವೇವ ಲೋಕ ಉದಯನೀಯೋಽತಿರಾತ್ರಃ ।
ಇದಮಹ್ನೋ ರೂಪಮಿದಂ ರಾತ್ರೇರ್ನಕ್ಷತ್ರಾಣ್ಯೇವ ನಕ್ಷತ್ರಾಣಾಮ್ ೪೨೯

ತೇ ಸತಿಸದೋ ಹ ವಾ ಅನ್ಯೇ ಸತ್ರಸದೋಽನ್ಯೇ ।
ತೇ ಯಾಂ ಪ್ರಾಯಣೀಯಮತಿರಾತ್ರಮುಪೇತ್ಯ ವಸನ್ತ್ಯಸ್ಮಿನ್ನೇವ ತಾಂ ಲೋಕೇ ವಸನ್ತಿ ।
ತದ್ಯದಸ್ಮಿಁ ಲ್ಲೋಕೇಽನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರಸ್ಮಿನ್ನಿದಮೇತರ್ಹಿ ಲೋಕೇ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಮಾರಮ್ಭಣೀಯಮಹರುಪೇತ್ಯ ವಸನ್ತಿ ಸಂವತ್ಸರ ಏವ ತಾಂ ಸ್ವರ್ಗೇ ಲೋಕೇ ವಸನ್ತಿ ।
ತದ್ಯತ್ಸಂವತ್ಸರೇ ಸ್ವರ್ಗೇ ಲೋಕೇಽನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದುಸ್ಸಂವತ್ಸರ ಇದಮೇತರ್ಹಿ ಸ್ವರ್ಗೇ ಲೋಕೇ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಮಭಿಪ್ಲವಮುಪೇತ್ಯ ವಸನ್ತಿ ಬ್ರಹ್ಮಣ್ಯೇವ ತಾಂ ವಸನ್ತಿ ।
ತದ್ಯದ್ಬ್ರಹ್ಮಣ್ಯನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರ್ಬ್ರಹ್ಮಣೀದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ಪೃಷ್ಠ್ಯಮುಪೇತ್ಯ ವಸನ್ತಿ ಕ್ಷತ್ರ ಏವ ತಾಂ ವಸನ್ತಿ ।
ತದ್ಯತ್ಕ್ಷತ್ರೇಽನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುಃ ಕ್ಷತ್ರ ಇದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ಅಭಿಜಿತಮುಪೇತ್ಯ ವಸನ್ತ್ಯಗ್ನಾವೇವ ತಾಂ ವಸನ್ತಿ ।
ತದ್ಯದಗ್ನಾವನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರಗ್ನಾವಿದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ಸ್ವರಸಾಮ್ನ ಉಪೇತ್ಯ ವಸನ್ತಿ ವಿಶ್ವೇಷು ಏವ ತಾಂ ದೇವೇಷು ವಸನ್ತಿ ।
ತದ್ಯದ್ವಿಶ್ವೇಷು ದೇವೇಷ್ವನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರ್ವಿಶ್ವೇಷ್ವಿದಮೇತರ್ಹಿ ದೇವೇಷು ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ವಿಷುವತಮುಪೇತ್ಯ ವಸನ್ತ್ಯಾದಿತ್ಯ ಏವ ತಾಂ ವಸನ್ತಿ ।
ತದ್ಯದಾದಿತ್ಯೇಽನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರಾದಿತ್ಯ ಇದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ವಿಶ್ವಜಿತಮುಪೇತ್ಯ ವಸನ್ತೀನ್ದ್ರ ಏವ ತಾಂ ವಸನ್ತಿ ।
ತದ್ಯದಿನ್ದ್ರೇ ಽನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರಿನ್ದ್ರ ಇದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ಗೋಆಯುಷೀ ಉಪೇತ್ಯ ವಸನ್ತ್ಯಹೋರಾತ್ರಯೋರೇವ ತಾಂ ವಸನ್ತಿ ।
ತದ್ಯದಹೋರಾತ್ರಯೋರನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರಹೋರಾತ್ರಯೋರಿದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ದ್ವಾದಶಾಹಸ್ಯಾಹಾನ್ಯುಪೇತ್ಯ ವಸನ್ತಿ ಲೋಕೇಷ್ವೇವ ತಾಂ ವಸನ್ತಿ ।
ತದ್ಯಲ್ಲೋಕೇಷ್ವನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರ್ಲೋಕೇಷ್ವಿದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ಮಹಾವ್ರತೀಯಮಹರುಪೇತ್ಯ ವಸನ್ತಿ ಪ್ರಜಾಪತಾವೇವ ತಾಂ ವಸನ್ತಿ ।
ತದ್ಯತ್ಪ್ರಜಾಪತಾವನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುಃ ಪ್ರಜಾಪತಾವಿದಮೇತರ್ಹಿ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ।
ಅಥ ಯಾಂ ಉದಯನೀಯಮತಿರಾತ್ರಮುಪೇತ್ಯ ವಸನ್ತ್ಯಮುಷ್ಮಿನ್ನೇವ ತಾಂ ಲೋಕೇ ವಸನ್ತಿ ।
ತದ್ಯದಮುಷ್ಮಿಁ ಲ್ಲೋಕೇಽನ್ನಾದ್ಯಂ ತದೇವ ತೇನಾವರುನ್ಧತೇ ।
ಅಥೋ ಹ ವಿದ್ಯುರಮುಷ್ಮಿನ್ನಿದಮೇತರ್ಹಿ ಲೋಕೇ ಸ್ಮಸ್ತೇಷಾಂ ನೋ ನ ಕಾ ಚನಾರ್ತಿರಸ್ತೀತಿ ೪೩೦

ತೇ ಸತಿಸದೋ ಹ ವಾ ಅನ್ಯೇ ಸತ್ರಸದೋಽನ್ಯೇ ।
ಸತ್ಯೇವಾನ್ಯೇ ಸೀದನ್ತಿ ಸತ್ರಮನ್ಯ ಆಸತೇ ।
ತೇ ಹೈವ ಸತಿಸದೋ ಯ ಏವಂ ವಿದ್ವಾಂಸೋ ದೀಕ್ಷನ್ತೇ ।
ಏತಾಸು ಹಿ ದೇವತಾಸು ಸತಿ ಸೀದನ್ತೋ ಯನ್ತಿ ।
ತೇ ಹ ತೇ ಸರ್ವಂ ಪಾಪ್ಮಾನಮಪಘ್ನತೇ ।
ಅಥ ಯ ಏತೇ ಶಿಖಾಚ್ಛಿನ್ನಾಃ ಪ್ರಸರ್ಪಮಿಚ್ಛಮಾನಾ ಆವೇಷ್ಟನ್ತೇ ತೇ ಹೈವ ಸತ್ರಸದಃ ।
ಯ ಏವಂ ವಿದ್ವಾಂಸಮುಪವದತಿ ಯಥೈತಾ ದೇವತಾ ಋತ್ವಾನೀಯಾದೇವಂ ನೇತ್ಯೇತಾಸು ಹ್ಯೇವೈನಂ ದೇವತಾಸು ಪ್ರಪನ್ನಮೇತಾಸು ವಸನ್ತಮುಪವದತಿ ತಸ್ಯ ಹೈತಸ್ಯ ನೈವ ಕಾ ಚನಾರ್ತಿರಸ್ತಿ ಯ ಏವಂ ವೇದ ।
ಯ ಏವೈನಮುಪವದತಿ ಸ ಆರ್ತಿಮಾರ್ಚ್ಛತಿ ।
ತಾನಿ ವಾ ಏತಾನಿ ಸಂವತ್ಸರಸ್ಯ ದಶೈವಾಹಾನ್ಯತಿರಾತ್ರಾವಾರಮ್ಭಣೀಯಮಹಾವ್ರತೀಯೇ ಅಹನೀ ಪೃಷ್ಠ್ಯಾಭಿಪ್ಲವೌ ವಿಶ್ವಜಿದಭಿಜಿತೌ ಸ್ವರಸಾಮಾನಶ್ಚ ವಿಷುವಾಂಶ್ಚ ।
ಪ್ರವತಿರ್ಹ ಕೌಶಾನ್ತೇಯಃ ಕುಸುರ್ಬಿನ್ದಸ್ಯೌದ್ದಾಲಕೇರ್ಬ್ರಹ್ಮಚಾರ್ಯಾಸ ।
ತಂ ಹೋವಾಚ ಸೋಮ್ಯ ಸೂತಪುತ್ರ ಕತಿ ತೇ ಪಿತಾ ಸಂವತ್ಸರಸ್ಯಾಹಾನ್ಯಮನ್ಯತೇತಿ ।
ದಶೇತಿ ಹೋವಾಚ ।
ದಶ ವಾವೇತಿ ಹೋವಾಚ ದಶಾಕ್ಷರಾ ವಿರಾಡನ್ನಂ ವಿರಾಡ್ವೈರಾಜೋ ಯಜ್ಞಃ ।
ಕತ್ಯೇವಾಮನ್ಯತೇತಿ ।
ನವೇತಿ ಹೋವಾಚ ।
ನವ ವಾವೇತಿ ಹೋವಾಚ ।
ನವ ವೈ ಪುರುಷೇ ಪ್ರಾಣಾಃ ।
ಪ್ರಾಣೈರು ಯಜ್ಞಸ್ತಾಯತೇ ।
ಕತ್ಯೇವಾಮನ್ಯತೇತಿ ।
ಆಷ್ಟಾವಿತಿ ಹೋವಾಚ ।
ಅಷ್ಟೌ ವಾವೇತಿ ಹೋವಾಚ ।
ಅಷ್ಟಾಕ್ಷರಾ ಗಾಯತ್ರೀ ।
ಗಾಯತ್ರೋ ಯಜ್ಞಃ ।
ಕತ್ಯೇವಾಮನ್ಯತೇತಿ ।
ಸಪ್ತೇತಿ ಹೋವಾಚ ।
ಸಪ್ತ ವಾವೇತಿ ಹೋವಾಚ ।
ಸಪ್ತ ವೈ ಛನ್ದಾಂಸಿ ಛನ್ದೋಭಿರ್ಯಜ್ಞಸ್ತಾಯತೇ ।
ಕತ್ಯೇವಾಮನ್ಯತೇತಿ ।
ಷಡಿತಿ ಹೋವಾಚ ।
ಷಡ್ವಾವೇತಿ ಹೋವಾಚ ।
ಷಡ್ವಾ ಋತವಸ್ಸಂವತ್ಸರಃ ।
ಸಂವತ್ಸರೋ ಯಜ್ಞಃ ।
ಕತ್ಯೇವಾಮನ್ಯತೇತಿ ।
ಪಞ್ಚೇತಿ ಹೋವಾಚ ।
ಪಞ್ಚ ವಾವೇತಿ ಹೋವಾಚ ।
ಪಾಙ್ಕ್ತೋ ಯಜ್ಞಃ ।
ಪಾಙ್ಕ್ತಾಃ ಪಶವಃ ।
ಪಶವೋ ಯಜ್ಞಃ ।
ಕತ್ಯೇವಾಮನ್ಯತೇತಿ ।
ಚತ್ವಾರೀತಿ ಹೋವಾಚ ।
ಚತ್ವಾರಿ ವಾವೇತಿ ಹೋವಾಚ ।
ಚತಸ್ರೋ ದಿಶಶ್ಚತುಷ್ಪದಾಃ ಪಶವಶ್ಚತ್ವಾರಿ ಛನ್ದಾಂಸಿ ಯಜ್ಞವಾಹೋ ಗಾಯತ್ರೀ ತ್ರಿಷ್ಟುಬ್ಜಗತ್ಯನುಷ್ಟುಪ್ ।
ಕತ್ಯೇವಾಮನ್ಯತೇತಿ ।
ತ್ರೀಣೀತಿ ಹೋವಾಚ ।
ತ್ರೀಣಿ ವಾವೇತಿ ಹೋವಾಚ ।
ತ್ರಿಷವಣೋ ಯಜ್ಞಸ್ತ್ರಯಃ ಪ್ರಾಣಾಪಾನವ್ಯಾನಾಸ್ತ್ರಯ ಇಮೇ ಲೋಕಾಃ ।
ಕತ್ಯೇವಾಮನ್ಯತೇತಿ ।
ದ್ವೇ ಇತಿ ಹೋವಾಚ ।
ದ್ವೇ ವಾವೇತಿ ಹೋವಾಚ ।
ಅಹೋರಾತ್ರಾವೇವೇತಿ ।
ದ್ವಾವಿಮೌ ಲೋಕಾವಾವಿಷ್ಟಮಾವಿವ ದ್ವೌ ಪ್ರಾಣಾಪಾನೌ ದ್ವಿಪಾತ್ಪುರುಷಃ ।
ಕತ್ಯೇವಾಮನ್ಯತೇತಿ ।
ಏಕಮಿತಿ ಹೋವಾಚ ।
ಏಕಂ ವಾವೇತಿ ಹೋವಾಚ ।
ಅಹರೇವೇತಿ ।
ತದಿದಮಹರಭೂದಹ ಶ್ವೋ ಭವಿತಾ ।
ತದೇತದಹರಹರಿತ್ಯೇವ ಪ್ರೋಚ್ಯತೇ ।
ಸಾ ಹೈಷಾ ಸಂವತ್ಸರಸ್ಯ ಪ್ರತಿಷ್ಠಾ ಯದಹಃ ।
ಸ ಯೋ ಹಾಸ್ಯತಾಂ ಪ್ರತಿಷ್ಠಾಂ ವೇದ ಪ್ರತಿತಿಷ್ಠತಿ ।
ಏಷೋ ಏವಾಸ್ಯೈಕತಾ ।
ಸ ಯೋ ಹಾಸ್ಯೈತಾಮೇಕತಾಂ ವೇದೈಕಧಾ ಹೈನಂ ಭೂತ್ವಾ ಶ್ರೀಸ್ಸಚತೇ ।
ತದಾಹುರ್ಭೂತಂ ಭೂಯಾ೩ ಭವಿಷ್ಯಾ೩ದಿತಿ ।
ಭೂತಮೇವ ಭೂಯೋ ಭವಿಷ್ಯತ ಇತಿ ಬ್ರೂಯಾತ್ ।
ಭೂತಾ ಇಮೇ ಲೋಕಾ ಭೂತೋಽಯಮಗ್ನಿರ್ವಾಯುರಸಾವಾದಿತ್ಯ ಇನ್ದ್ರ ಶ್ಚನ್ದ್ರ ಮಾಃ ।
ಏತೇ ವೈ ಭೂತಸ್ಯ ಭವಿಷ್ಯತಶ್ಚೇಶತೇ ।
ತಸ್ಮಾದ್ಭೂತಮೇವ ಭೂಯೋ ಭವಿಷ್ಯತ ಇತಿ ೪೩೧

ಅಥೈಷ ವೈಶ್ವಾನರಃ ಪ್ರಾಯಣೀಯೋಽತಿರಾತ್ರಃ ।
ತಸ್ಯೈಷೋರ್ಧ್ವಾ ಕ್ಳ್ಪ್ತಿ ಸ್ವರ್ಗ್ಯಾ ।
ತಸ್ಯ ರಥನ್ತರಂ ಪೃಷ್ಠಂ ಭವತಿ ವಾಮದೇವ್ಯಂ ಮೈತ್ರಾವರುಣಸಾಮ ಬೃಹದಾರ್ಭವೇ ಪವಮಾನೇ ।
ಇದಂ ವೈ ರಥನ್ತರಮನ್ತರಿಕ್ಷಂ ವಾಮದೇವ್ಯಮದ ಏವ ಬೃಹತ್ ।
ಸೈಷೋರ್ಧ್ವಾ ಕ್ಳ್ಪ್ತಿ ಸ್ವರ್ಗ್ಯಾ ।
ತಯಾ ಹೈತಯಾ ಕ್ಳ್ಪ್ತ್ಯೋರ್ಧ್ವಂ ಸ್ವರ್ಗಂ ಲೋಕಂ ರೋಹನ್ತಿ ।
ಅಥೋ ಹೈಷಾಮೇತದೇವ ಸಾಮ ಕ್ಳ್ಪ್ತಂ ಕೃತ್ಸ್ನಂ ಯುಕ್ತಂ ಯಜ್ಞಂ ವಹತಿ ೪೩೨

ತಸ್ಯ ಗಾಯತ್ರಮೇವ ಹಿಂಕಾರೋ ರಥನ್ತರಂ ಪ್ರಸ್ತಾವೋ ವಾಮದೇವ್ಯಮುದ್ಗೀಥೋ ಬೃಹತ್ಪ್ರತಿಹಾರೋ ಯಜ್ಞಾಯಜ್ಞೀಯಂ ನಿಧನಮ್ ।
ಏಕೈಕಮು ಹ ವಾ ಏತೇಷಾಂ ಸ್ವರ್ಗಸ್ಯ ಲೋಕಸ್ಯೇಶೇ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಅಥೋ ಹೈತದೇವಾರ್ಕ್ಯಮೇತನ್ಮಹಾವ್ರತಮ್ ।
ತಸ್ಯ ಗಾಯತ್ರಮೇವ ಶಿರೋ ಬೃಹದ್ರ ಥನ್ತರೇ ಪಕ್ಷೌ ವಾಮದೇವ್ಯಮಾತ್ಮಾ ಯಜ್ಞಾಯಜ್ಞೀಯಂ ಪುಚ್ಛಮ್ ।
ಸ ಯಾವದರ್ಕ್ಯವತಾ ಮಹಾವ್ರತವತಾವರುನ್ದ್ಧೇ ತಾವದವರುನ್ದ್ಧೇ ಯ ಏವಂ ವೇದ ।
ಅಥೋ ಹೈಷಾಯುಷ್ಯೈವ ಕ್ಳ್ಪ್ತಿಃ ।
ಆಯುರ್ವೈ ಗಾಯತ್ರಂ ವಿಶ್ವಾಯೂ ರಥನ್ತರಂ ಸಮಾಯುರ್ವಾಮದೇವ್ಯಂ ಸರ್ವಾಯುರ್ಬೃಹದತ್ಯಾಯುರ್ಯಜ್ಞಾಯಜ್ಞೀಯಮ್ ।
ಆಯುಷ್ಮನ್ತೋ ಹ ಭವನ್ತ್ಯೇನಯಾ ತುಷ್ಟುವಾನಾಃ ।
ಅಥೋ ಹೈಷಾಮೇತಾನ್ಯೇವ ಪಞ್ಚ ಜ್ಯೋತೀಂಷಿದ್ಧಾನ್ಯೇಷು ಲೋಕೇಷು ದೀಪ್ಯನ್ತೇಽಗ್ನಿಃ ಪೃಥಿವ್ಯಾಂ ವಾಯುರನ್ತರಿಕ್ಷ ಆದಿತ್ಯೋ ದಿವಿ ಚನ್ದ್ರ ಮಾ ನಕ್ಷತ್ರೇಷು ವಿದ್ಯುದಪ್ಸು ।
ಅಗ್ನಿರೇವ ರಥನ್ತರಸ್ಯ ವಾಯುರ್ವಾಮದೇವ್ಯಸ್ಯಾದಿತ್ಯೋ ಬೃಹತಶ್ಚನ್ದ್ರ ಮಾ ಗಾಯತ್ರಸ್ಯ ವಿದ್ಯುದ್ಯಜ್ಞಾಯಜ್ಞೀಯಸ್ಯ ।
ಆಪೋ ಹಿ ಯಜ್ಞಾಯಜ್ಞೀಯಮ್ ।
ಏತಾನ್ಯೇವ ಪಞ್ಚ ಜ್ಯೋತೀಂಷೀದ್ಧಾನ್ಯೇಷು ಲೋಕೇಷು ದೀಪ್ಯನ್ತೇ ೪೩೩

ತಸ್ಯ ವಾ ಏತಸ್ಯಾಗ್ನಿಷ್ಟೋಮಸ್ಯ ಸೋಕ್ಥಕಸ್ಯ ದ್ವೇ ತ್ರಯಃ ಪಞ್ಚಾಶೇ ಶತೇ ಸ್ತೋತ್ರಿಯಾ ಭವನ್ತಿ ।
ಅಥ ರಾತ್ರೇಸ್ಸಹ ರಾಥನ್ತರೇಣ ಸನ್ಧಿನೈಕಾನ್ನನವತಿಶತಂ ಸ್ತೋತ್ರಿಯಾ ಭವನ್ತಿ ।
ತ್ರೀಣಿ ತಾನಿ ಪುಂಸೋಽತಿರಿಕ್ತಾನಿ ಯೈಸ್ಸ ಪ್ರಜನಯತಿ ದ್ವೇ ತೇ ಸ್ತ್ರಿಯಾ ಊನೇ ಯತಸ್ಸಾ ಪ್ರಜಾಯತೇ ।
ಪುಂಸೋ ವಾ ಏತದ್ರೂ ಪಂ ಯದಹ ಸ್ತ್ರಿಯೈ ರಾತ್ರಿಃ ।
ತದಿದಂ ಪುಂಸೋಽತಿರಿಕ್ತಮಮುಷ್ಮಿನ್ಸ್ತ್ರಿಯಾ ಊನೇ ದಧಾತಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ಅಥ ಯೇ ದ್ವೇ ಸ್ತೋತ್ರ್! ಯೇ ಅತಿರಿಚ್ಯೇತೇ ಆಣ್ಡಾವೇವ ತಾವತಿರಿಚ್ಯೇತೇ ।
ತೇ ಬೃಹದ್ರ ಥನ್ತರೇ ಯುಕ್ತೇ ಯಜ್ಞಂ ವಹತಃ ।
ಸ ಯತ್ರ ಷೋಡಶಿನಂ ಕುರ್ಯುರರ್ಶೋ ವೈಷಾಂ ಜಾಯೇತ ವರ್ಧ್ಮ ವಾ ।
ಯದ್ಧ್ಯೇತೇಷು ತ್ರಿಷು ಪುಂಸೋಽತಿರಿಕ್ತೇಷೂಪ ಚತುರ್ಥಂ ಜಾಯೇತಾರ್ಶೋ ವಾಸ್ಯಾಜನಿ ವರ್ಧ್ಮ ವೇತಿ ಬ್ರೂಯುಃ ।
ಏವಮೇವ ಯತ್ಸ್ತ್ರಿಯೈ ಜಾಯೇತ ।
ಸ ಯೋಽತ್ರ ಷೋಡಶಿನಂ ಕುರ್ವಾಣಾನ್ಬ್ರೂಯಾದರ್ಶೋ ವೈಷಾಂ ಜನಿಷ್ಯತೇ ವರ್ಧ್ಮ ವೇತಿ ತಥಾ ಹೈವ ಸ್ಯುಃ ।
ತಸ್ಮಾದತ್ರ ಷೋಡಶೀ ನ ಕಾರ್ಯಃ ೪೩೪

ಸ ವಾ ಏಷೋಽತಿರಾತ್ರ ಋತೇ ಷೋಡಶಿನ ಏಕವಿಂಶತಿಂ ಚೈಕವಿಂಶಾನ್ಸಂಪದ್ಯತ ಏಕಾಂ ಚ ಸ್ತೋತ್ರ್! ಯಾಮ್ ।
ತತೋ ಯ ಏಕವಿಂಶತಿರೇಕವಿಂಶಾ ಆದಿತ್ಯ ಏವ ಸಃ ।
ಆದಿತ್ಯಸ್ಯ ವಾ ಅಮುಷ್ಯ ಲೋಕಸ್ಯೈಶ್ವರ್ಯಮಾಧಿಪತ್ಯಮ್ ।
ಗಚ್ಛನ್ತ್ಯಮುಷ್ಯ ಲೋಕಸ್ಯೈಶ್ವರ್ಯಮಾಧಿಪತ್ಯಂ ಯ ಏವಂ ವೇದ ।
ಸ ಯದತ್ರ ಷೋಡಶಿನಂ ಕುರ್ಯುರ್ದ್ವಾವಿಂಶತಿಶ್ಚೈಕವಿಂಶಾಸ್ಸಂಪದ್ಯೇರನ್ನೇಕಾ ಚ ಸ್ತೋತ್ರ್! ಯಾ ।
ಸಂಪದಂ ಲೋಭಯೇತ್ ।
ಸ ಉ ಏವೈಕಾನ್ನಪಞ್ಚಾಶತಂ ತ್ರಿವೃತೋಽಭಿಸಂಪದ್ಯತ ಏಕಾಂ ಚ ಸ್ತೋತ್ರ್! ಯಾಮ್ ।
ತತೋ ಯ ಏಕಾನ್ನಪಞ್ಚಾಶತಂ ತ್ರಿವೃತೋಽಗ್ನಿರೇವ ಸಃ ।
ಅಗ್ನೇರ್ವಾ ಅಸ್ಯ ಲೋಕಸ್ಯೈಶ್ವರ್ಯಮಾಧಿಪತ್ಯಮ್ ।
ಗಚ್ಛತ್ಯಸ್ಯ ಲೋಕಸ್ಯೈಶ್ವರ್ಯಮಾಧಿಪತ್ಯಂ ಯ ಏವಂ ವೇದ ।
ಸ ಯದತ್ರ ಷೋಡಶಿನಂ ಕುರ್ಯುರೇಕಪಞ್ಚಾಶಚ್ಚ ತ್ರಿವೃತಸ್ಸಂಪದ್ಯೇರಂಶ್ಚತಸ್ರಶ್ಚ ಸ್ತೋತ್ರ್! ಯಾಃ ।
ಸಂಪದಂ ಲೋಭಯೇಯುಃ ।
ನೈವೇತರಾಂ ಸಂಪದಮುಪಪದ್ಯೇತ ನೇತರಾಮ್ ।
ದೇವತೀರ್ಥಂ ವಾ ಏತದ್ಯದೇಷ ವೈಶ್ವಾನರಃ ಪ್ರಾಯಣೀಯೋಽತಿರಾತ್ರಃ ।
ತಸ್ಮಿನ್ನೇಷ ಸ್ಥಾಣುಃ ಕ್ರಿಯತೇ ಯತ್ಷೋಡಶೀ ।
ವೈರಾಜೋ ವೈ ಷೋಡಶೀ ವಿರಾಜಿ ವಿರಾಜಿ ಪ್ರತಿಷ್ಠಿತಃ ।
ಸ ಯತ್ರೈವೈತಂ ವಿರಾಜಂ ಸಂಪದ್ಯಮಾನಂ ಮನ್ಯೇತ ತದೇವೈತೇನ ಸ್ತೋತವ್ಯಮ್ ೪೩೫

ಅಥೈತಚ್ಚತುರ್ವಿಂಶಮಾರಮ್ಭಣೀಯಮಹಃ ।
ತಸ್ಯೈಷೋರ್ಧ್ವಾ ಕ್ಳ್ಪ್ತಿ ಸ್ವರ್ಗ್ಯಾ ।
ತಸ್ಯ ರಥನ್ತರಂ ಮಾಧ್ಯನ್ದಿನೇ ಭವತ್ಯಥ ದೈರ್ಘಶ್ರವಸಮಥ ನೌಧಸಮ್ ।
ಇದಂ ವೈ ರಥನ್ತರಮ್ ।
ಅನ್ತರಿಕ್ಷಂ ದೈರ್ಘಶ್ರವಸಮ್ ।
ವಾಮದೇವ್ಯಂ ಹ್ಯೇತನ್ನಿಧಾನೇನ ।
ಅದ ಏವ ನೌಧಸಮ್ ।
ಬೃಹತೋ ಹ್ಯೇಷಾ ತನೂಃ ।
ಸೈಷೋರ್ಧ್ವಾ ಕ್ಳ್ಪ್ತಿ ಸ್ವರ್ಗ್ಯಾ ।
ತಯಾ ಹೈತಯಾ ಕ್ಳ್ಪ್ತ್ಯೋರ್ಧ್ವಾ ಏವ ಸ್ವರ್ಗಂ ಲೋಕಂ ರೋಹನ್ತಿ ।
ತಸ್ಯ ಹೈತಸ್ಯಾಹ್ನ ಏಕೇ ರಥನ್ತರಮೇವ ಪೃಷ್ಠಂ ಕುರ್ವನ್ತಿ ಯಥಾಇವಾತಿರಾತ್ರಸ್ಯ ರಥನ್ತರಂ ಪೃಷ್ಠಂ ಭವತಿ ತಥಾ ।
ಪರಾಙ್ವೈ ಸ್ವರ್ಗೋ ಲೋಕಃ ।
ಪರಾಞ್ಚ ಏತಂ ಸ್ವರ್ಗಂ ಲೋಕಂ ರೋಹಾಮ ।
ಪ್ರತ್ಯವರೋಹಸ್ಸ ಯದ್ರ ಥನ್ತರಂ ಮಾಧ್ಯನ್ದಿನೇ ಸ್ಯಾತ್ ।
ಅಥೈವಮಪ್ರತ್ಯವರೂಢಮಿತಿ ವದನ್ತಃ ।
ತದು ಹ ತತ್ಪರಾಙಿವಾನಾಯುಷ್ಯಮಿವ ।
ಸ ಯ ಏನಾಂಸ್ತಥಾ ಚಕ್ರುಷೋಽನುವ್ಯಾಹರೇದಿತಿ ವೇತಿ ವಾ ಭವಿಷ್ಯನ್ತೀತಿ ತಥಾ ಹೈವ ಸ್ಯುಃ ।
ತಸ್ಮಾದು ಬೃಹದೇವ ಪೃಷ್ಠಂ ಸ್ಯಾನ್ಮಾಧ್ಯನ್ದಿನೇ ರಥನ್ತರಮ್ ।
ತಸ್ಯೈಷಾ ತನೂಃ ।
ಸೈಷಾ ಸಮೀಚೀ ಕ್ಳ್ಪ್ತಿ ಸ್ವರ್ಗ್ಯಾ ೪೩೬

ತಸ್ಯ ಬೃಹತ್ಪೃಷ್ಠಂ ಭವತಿ ವಾಮದೇವ್ಯಂ ಮೈತ್ರಾವರುಣಸಾಮ ಶ್ಯೈತಂ ಬ್ರಹ್ಮಸಾಮ ।
ಅದೋ ವೈ ಬೃಹದನ್ತರಿಕ್ಷಂ ವಾಮದೇವ್ಯಮಿದಮೇವ ಶ್ಯೈತಮ್ ।
ರಥನ್ತರಸ್ಯೈಷಾ ತನೂಃ ।
ಸೈಷಾ ಸಮೀಚೀ ಕ್ಳ್ಪ್ತಿ ಸ್ವರ್ಗ್ಯಾ ।
ತಯಾ ಹೈತಯಾ ಕ್ಳ್ಪ್ತ್ಯಾ ಸಮ್ಯಞ್ಚ ಏವ ಸ್ವರ್ಗಂ ಲೋಕಂ ರೋಹನ್ತಿ ।
ಸಮ್ಯಞ್ಚೋ ವೈ ಪ್ರಾಣಾಪಾನವ್ಯಾನಾಃ ।
ಆ ಚ ಪರಾ ಚ ಸಂಚರನ್ತ್ಯಯಾತಯಾಮಾನಃ ।
ಆಯುಷ್ಮನ್ತೋ ಹ ಭವನ್ತ್ಯೇನಯಾ ತುಷ್ಟುವಾನಾಃ ।
ತಸ್ಯ ದ್ವಯಾನಿ ಸ್ತೋತ್ರಾಣಿ ಭವನ್ತಿ ಚತುರ್ವಿಂಶಾನ್ಯೇಕಾನಿ ಷಟ್ತ್ರಿಂಶಾನ್ಯೇಕಾನಿ ।
ತತೋ ಯಾನಿ ಚತುರ್ವಿಂಶಾನಿ ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರೋಽರ್ಧಮಾಸಶ ಏವ ತೈಸ್ಸಂವತ್ಸರಮಾಪ್ನುವನ್ತಿ ।
ಅಥ ಯಾನಿ ಷಟ್ತ್ರಿಂಶಾನಿ ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ಸ್ವರ್ಗೋ ಲೋಕಸ್ಸಾಮ್ರಾಜ್ಯಂ ಬೃಹತ್ಯಾಮೇವ ತತ್ಸ್ವರ್ಗೇ ಲೋಕೇ ಸಾಮ್ರಾಜ್ಯೇ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಹೈಷಾಮೇತೇನೈವ ಷಟ್ತ್ರಿಂಶೇನ ಸ್ತೋಮೇನ ಪರ್ವಶಸ್ಸಂವತ್ಸರ ಆರಬ್ಧೋ ಭವತಿ ।
ದ್ವಾದಶ ವೈ ಸಂವತ್ಸರಸ್ಯ ಪೌರ್ಣಮಾಸೀರ್ದ್ವಾದಶಾಷ್ಟಕಾ ದ್ವಾದಶಾಮಾವಾಸ್ಯಾಃ ।
ತದೇವೈತೇನ ಷಟ್ತ್ರಿಂಶೇನ ಸ್ತೋಮೇನ ಪರ್ವಶಸ್ಸಂವತ್ಸರಮಾರಭನ್ತೇ ೪೩೭

ತಸ್ಯೈತೌ ಶ್ಲೋಕಾವಯುಜೋ ಯುಕ್ತಾಃ ಪ್ರವಹನ್ತ್ಯಗ್ರೇ ತತೋ ಯುಗ್ಮನ್ತೋ ಅನುಸಂವಹನ್ತಿ
ತ ಏಕಂ ಛನ್ದೋಭಿಸ್ಸಂವತ್ಸರಮಾ ದ್ವಾದಶ ಪರಿಸರ್ಪನ್ತಿ ಮಾಸಃ
ದ್ವಾದಶಸ್ಯ ಮಾಸ ಉತ್ತಮೇಽಹನ್ಷಟ್ತ್ರಿಂಶಂ ಹ ದಧ್ರಿರೇ ವ್ಯಾವೃತಾ ಏಕಂ
ತತೋ ಯುಗ್ಮಭಿರ್ವ್ಯಯುಞ್ಜತಾಧ್ಯನ್ಯ ಆಯನ್ಸುವರನ್ಯೇ ಪರಾಯನ್
ಇತಿ ।
ತಸ್ಯ ದ್ವಾದಶ ಸ್ತೋತ್ರಾಣಿ ಭವನ್ತಿ ।
ತೇನಾಗ್ನಿಷ್ಟೋಮಃ ।
ತಾನ್ಯು ಏವ ದ್ವಾದಶ ಸನ್ತಿ ಪಞ್ಚದಶ ಚತುರ್ವಿಂಶಾನಿ ಸ್ತೋತ್ರಾಣಿ ಭವನ್ತಿ ।
ತೇನೋಕ್ಥ್ಯಃ ।
ಸ ವಾ ಏಷೋಽಗ್ನಿಷ್ಟೋಮಸ್ಸನ್ನುಕ್ಥ್ಯ ಉಕ್ಥ್ಯಸ್ಸನ್ನಗ್ನಿಷ್ಟೋಮಃ ।
ಉಭೌ ಹ ತೌ ಕಾಮಾವುಪಾಪ್ನೋತಿ ಯಶ್ಚಾಗ್ನಿಷ್ಟೋಮೇ ಯಶ್ಚೋಕ್ಥ್ಯೇ ಯ ಏವಂ ವೇದ ೪೩೮

ಅಥೈತೇ ಜ್ಯೋತಿರ್ಗೌರಾಯುರಿತಿ ಸ್ತೋಮಾ ಭವನ್ತಿ ।
ಗೌರಾಯುರಸ್ಕನ್ದತ್ ।
ತತೋ ಜ್ಯೋತಿರಜಾಯತ ।
ಅಯಂ ವೈ ಲೋಕ ಆಯುರಸೌ ಗೌರಿದಮೇವಾನ್ತರಿಕ್ಷಂ ಜ್ಯೋತಿಃ ।
ತಮೇತಂ ಪುರಸ್ತಾದಕುರ್ವಾತಾಂ ಯಥಾ ಪುತ್ರಮೇವಮ್ ।
ಇತೋ ವಾ ಅಯಮೂರ್ಧ್ವೋ ಲೋಕೋಽರ್ವಾಙಸಾವಮುತಃ ।
ತದಿದಮೇನಯೋಃ ಪುರಸ್ತಾಜ್ಜ್ಯೋತಿಃ ಪರ್ಯೂಢಮ್ ।
ತೇನ ಪಶ್ಯಾಮಃ ।
ತೌ ಯೋಗಮುಪಪ್ರಯನ್ತಾವನ್ತಮಭಿ ಜ್ಯೋತಿರ್ವ್ಯುದೌಹತಾಮ್ ।
ಸ ಯಥಾ ಪಿತರೌ ಪುತ್ರಂ ಪೂರ್ವಂ ಯನ್ತಂ ಪಶ್ಚಾದನ್ವಿಯಾತಾಂ ತಾದೃಕ್ತತ್ ।
ತದೇತನ್ಮಿಥುನೀ ಸ್ತೋಮಾ ಭವನ್ತಿ ಯದ್ಯುಜ್ಯನ್ತೇ ।
ಮಧ್ಯೇ ವೈ ಜಾಯಾಪತ್ಯೋಃ ಪುತ್ರಶ್ಶೇತೇ ।
ತೌ ಯಥಾ ಮಿಥುನೀಭವಿಷ್ಯನ್ತಾವಿತ್ಥಾದ್ವೇತ್ಥಾದ್ವಾ ಪುತ್ರಂ ಪರಿಹರೇಯಾತಾಂ ತಾದೃಗೇವೈತತ್ ।
ತ ಏತ ಊನಾತಿರಿಕ್ತಾ ಮಿಥುನಾಃ ಪ್ರಜನಯ ಸ್ತೋಮಾಃ ೪೩೯

ಅಥ ಹ ವೈ ಪಣಯೋ ನಾಮಾಸುರಾ ದೇವಾನಾಂ ಗೋರಕ್ಷಾ ಆಸುಃ ।
ತಾಭಿರಹಾಪಾತಸ್ಥುಃ ।
ತಾ ಹ ರಸಾಯಾಂ ನಿರುಧ್ಯ ವಲೇನಾಪಿದಧುಃ ।
ತೇ ದೇವಾ ಅಲಿಕ್ಲವಮೂಚುಸ್ಸುಪರ್ಣೇಮಾ ನೋ ಗಾ ಅನ್ವಿಚ್ಛೇತಿ ।
ತಥೇತಿ ।
ಸ ಹಾನುಪ್ರಪಪಾತ ।
ತಾ ಹಾನ್ವಾಜಗಾಮ ರಸಾಯಾಮನ್ತರ್ವಲೇನಾಪಿಹಿತಾಃ ।
ತಸ್ಮೈ ಹಾನ್ವಾಗತಾಯ ಸರ್ಪಿಃ ಕ್ಷೀರಮಾಮಿಕ್ಷಾಂ ದಧೀತ್ಯೇತದುಪನಿದಧುಃ ।
ತಸ್ಯ ಹ ಸುಹಿತ ಆಸ ।
ತಂ ಹೋಚುಸ್ಸುಪರ್ಣೈಷ ಏವ ತೇ ಬಲಿರ್ಭವಿಷ್ಯತ್ಯೇತದನ್ನಂ ಮಾ ನಃ ಪ್ರವೋಚ ಇತಿ ।
ಸ ಹ ಪುನರಾಪಪಾತ ।
ತಂ ಹೋಚುಸ್ಸುಪರ್ಣಾವಿದೋ ಗಾ ಇತಿ ।
ಕಾ ಕೀರ್ತಿಶ್ಚಿದ್ಗವಾಮಿತಿ ಹೋವಾಚ ।
ಏಷೈವ ಕೀರ್ತಿರ್ಗವಾಮಿತಿ ತಸ್ಯ ಹೇನ್ದ್ರೋ ಗಲಮುತ್ಪೀಳಯನ್ನುವಾಚ ಗೋಷ್ವೇವಾಹ ಕಿಲ ತವೋಷುಷೋ ಮುಖಮಿತಿ ।
ಸ ಹ ದಧಿದ್ರ ಪ್ಸಂ ವಾಮಿಕ್ಷಾಂ ವೋದಾಸ ।
ಸೋಽಯಂ ಬಭೂವ ಯೋಽಯಂ ವಸನ್ತಾ ಭೂಮಿಕಪಠುರ್ಜಾಯತೇ ।
ತಂ ಹ ತಚ್ಛಶಾಪಾಶ್ಲೀಲಂ ಜಾಲ್ಮ ತೇ ಜೀವನಂ ಭೂಯಾದ್ಯೋ ನೋ ಗಾ ಅನುವಿದ್ಯ ತಾ ನ ಪ್ರಾವೋಚ ಇತಿ । ತಸ್ಯ ಹೈತದ್ಗ್ರಾಮಸ್ಯ ಜಘನಾರ್ಧೇ ಯತ್ಪಾಪಿಷ್ಠಂ ತಜ್ಜೀವನಮ್ ೪೪೦

ತೇ ಸರಮಾಮಬ್ರುವನ್ಸರಮ ಇಮಾ ನಸ್ತ್ವಂ ಗಾ ಅನ್ವಿಚ್ಛೇತಿ ।
ತಥೇತಿ ಸಾ ಹಾನುಪ್ರಸಸಾರ ।
ಸಾ ಹ ರಸಾಮಾಜಗಾಮ ।
ಏಷಾ ಹ ವೈ ಸಾ ರಸಾ ಯೈಷಾರ್ವಾಕ್ಸಮುದ್ರ ಸ್ಯ ವಾಪಾಯತೀ ।
ತಾಂ ಹೋವಾಚ ಪ್ಲೋಷ್ಯೇ ವಾ ತ್ವಾ ಗಾಧಾ ವಾ ಮೇ ಭವಿಷ್ಯಸೀತಿ ।
ಪ್ಲವಸ್ವ ಮೇತಿ ಹೋವಾಚ ನ ತೇ ಗಾಧಾ ಭವಿಷ್ಯಾಮೀತಿ ।
ಸಾ ಹಾವಾಚ್ಯ ಕರ್ಣೌ ಪ್ಲೋಷ್ಯಮಾಣಾಸಸಾರ ।
ಸಾ ಹೇಕ್ಷಾಂ ಚಕ್ರೇ ಕಥಂ ನು ಮಾ ಶುನೀ ಪ್ಲವೇತ ಹನ್ತಾಸ್ಯೈ ಗಾಧಾಸಾನೀತಿ ।
ತಾಂ ಹೋವಾಚ ಮಾ ಮಾ ಪ್ಲೋಷ್ಠಾ ಗಾಧಾ ತೇ ಭವಿಷ್ಯಾಮೀತಿ ।
ತಹ್ತೇತಿ ।
ತಸ್ಯೈ ಹ ಗಾಧ ಆಸ ।
ಸಾ ಹ ಗಾಧೇನಾತಿಸಸಾರ ।
ತಾ ಹಾನ್ವಾಜಗಾಮ ರಸಾಯಾಮನ್ತರ್ವಲೇನಾಪಿಹಿತಾಃ ।
ತಸ್ಯೈ ಹಾನ್ವಾಗತಾಯೈ ತಥೈವ ಸರ್ಪಿಃ ಕ್ಷೀರಮಾಮಿಕ್ಷಾಂ ದಧೀತ್ಯೇತದೇವೋಪನಿದಧುಃ ।
ಸಾ ಹೋವಾಚ ನಾಹಮೇತಾವದಪ್ರಿಯಾ ದೇವಾನಾಂ ಗಾ ಅವಿದಂ ಯದ್ವೋಽಶ್ನೀಯಾಮ್ ।
ತ ಉ ವೈ ದೇವಾನಾಂ ಸ್ತೇಯಂ ಕೃತ್ವಾ ಚರಥೈತಾಸಾಂ ವಾ ಅಹಂ ಗವಾಂ ಪದವೀರಸ್ಮಿ ।
ನ ಮಾ ಲಾಪಯಿಷ್ಯಧ್ವೇ ನೇನ್ದ್ರ ಸ್ಯ ಗಾ ಉಪಹರಿಷ್ಯಧ್ವ ಇತಿ ।
ಸಾ ಹಾನಾಶುಷ್ಯುವಾಸ ।
ಸಾ ಹ ಜರಾಯ್ವಪಾಸ್ತಂ ವಿವೇದ ।
ತದ್ಧ ಚಖಾದ ।
ತಾಂ ಹೈಕ ಉಪಜಗೌ ತ್ಯಮಿವ ವೈ ಘ್ನತೀ ಸರಮಾ ಜಾರು ಖಾದತೀತಿ ।
ತದಿದಮಪ್ಯೇತರ್ಹಿ ನಿವಚನಂ ತ್ಯಮಿವ ವೈ ಘ್ನತೀ ಸರಮಾ ಜಾರು ಖಾದತೀತಿ ।
ಜರಾಯು ಹ ಸಾ ತಚ್ಚಖಾದ ।
ಸಾ ಹ ಪುನರಾಸಸಾರ ।
ತಾಂ ಹೋಚುಸ್ಸರಮೇಽವಿದೋ ಗಾ ಇತಿ ೪೪೧

ಅವಿದಮಿತಿ ಹೋವಾಚೇಮಾ ರಸಾಯಾಮನ್ತರ್ವಲೇನಾಪಿಹಿತಾಃ ।
ತಾ ಯಥಾ ಮನ್ಯಧ್ವಮೇವಮಾಜಿಹೀರ್ಷತೇತಿ ।
ತಾಂ ಹ ತದಿನ್ದ್ರ ಉವಾಚಾನ್ನಾದೀಮರೇ ತೇ ಸರಮೇ ಪ್ರಜಾಂ ಕರೋಮಿ ಯಾ ನೋ ಗಾ ಅನ್ವವಿದ ಇತಿ ।
ತೇ ಹೈತೇ ವಿದರ್ಭೇಷು ಮಾಚಲಾಸ್ಸಾರಮೇಯಾಃ ।
ಅಪಿ ಹ ಶಾರ್ದೂಲಂ ಮಾರಯನ್ತಿ ।
ತೇ ದೇವಾ ಏತಮಭಿಪ್ಲವಂ ಸಮಭರನ್ ।
ತೇನೈನಾ ಅಹ್ಬ್ಯಪ್ಲವನ್ತ ।
ಯದಭ್ಯಪ್ಲವನ್ತ ತದಭಿಪ್ಲವಸ್ಯಾಭಿಪ್ಲವತ್ವಮ್ ।
ತೇಽಗ್ನಿನೈವ ವಲಮಭ್ಯೌಷನ್ವಜ್ರೇಣಾಭಿನ್ದನ್ ।
ಸ ಯ ಏಷ ಪುರಸ್ತಾಜ್ಜ್ಯೋತಿಸ್ಸೋಽಗ್ನಿರಥ ಯತ್ಪಞ್ಚದಶಂ ಗೋರ್ಬಹಿಷ್ಪವಮಾನಂ ಸ ವಜ್ರಃ ।
ತಾ ಆಯುಷೈವಾಯುವತ ।
ಯದಾಯುಷೈವಾಯುವತ ತದಾಯುಷ ಆಯುಷ್ಟ್ವಮ್ ।
ತಾ ಏತೇನೈವ ಜ್ಯೋತಿಷೋಭಯತಃ ಪರ್ಯೌಹನ್ ।
ತ ಏತೇ ಚತ್ವಾರೋ ಮಧ್ಯ ಉಕ್ಥ್ಯಾ ಭವನ್ತಿ ।
ಪಶವೋ ವಾ ಉಕ್ಥಾನಿ ।
ತೇಷಾಂ ಸಹಸ್ರಂ ಸ್ತೋತ್ರ್! ಯಾಃ ।
ಬ್ರಹ್ಮ ವೈ ಜ್ಯೋತಿರಗ್ನಿಷ್ಟೋಮಃ ।
ತಾ ಏತೇನೈವ ಬ್ರಹ್ಮಣಾ ಜ್ಯೋತಿಷೋಭಯತಃ ಪರಿಗೃಹ್ಯೋದಾಹರನ್ ।
ತೇ ಯ ಏವಂ ವಿದ್ವಾಂಸೋಽಭಿಪ್ಲವಮುಪಯನ್ತಿ ಸಹಸ್ರಸನಯೋ ಹೈವೋತ್ಥಿತಾ ಭವನ್ತಿ ।
ತದಾಹುರ್ಯದೇಷ ಚತುರಹೋ ಮಧ್ಯೇ ವ್ಯತಿಷಕ್ತೋ ಗೌರಾಯುರ್ಗೌರಾಯುರಿತ್ಯಥ ಕಸ್ಮಾಜ್ಜ್ಯೋತಿಷೀ ವಿಪರ್ಯೂಢೇ ಇತಿ ।
ಮಿಥುನತ್ವಾಯ ಪ್ರಜನನಾಯೇತಿ ಹ ಬ್ರೂಯಾತ್ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ೪೪೨

ತೃತೀಯೋ ಭಾಗಃ
ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಸೋಽಕಾಮಯತ ಬಹು ಸ್ಯಾಂ । ಪ್ರಜಾಯೇಯ । ಭೂಮಾನಂ ಗಚ್ಛೇಯಮಿತಿ ।
ಸ ತಪೋಽತಪ್ಯತ ।
ಸ ಆತ್ಮನ್ನೃತ್ವಿಯಮಪಶ್ಯತ್ ।
ತತಸ್ತ್ರೀನೃತೂನಸೃಜತೇಮಾನೇವ ಲೋಕಾನ್ ।
ಯದೃತ್ವಿಯಾದಸೃಜತ ತದೃತೂನಾಮೃತುತ್ವಮ್ ।
ಯದೃತ್ವಿಯಾದಜನಯತ್ತಸ್ಮಾದೃತ್ವಿಜ ಇತ್ಯಾಖ್ಯಾಯನ್ತೇ ।
ಸ ಯತ್ಪ್ರಥಮಮತಪ್ಯತ ತತೋ ಗ್ರೀಷ್ಮಮಸೃಜತ ।
ತಸ್ಮಾತ್ಸ ಬಲಿಷ್ಠಂ ತಪತಿ ।
ಸ ಯತ್ಪ್ರಥಮಮತಪ್ಯತ ತತೋ ಗ್ರೀಷ್ಮಮಸೃಜತ ।
ತಸ್ಮಾತ್ಸ ಬಲಿಷ್ಠಂ ತಪತಿ ।
ಯದ್ದ್ವಿತೀಯಮತಪ್ಯತ ತತೋ ವರ್ಷಾ ಅಸೃಜತ ।
ತಸ್ಮಾತ್ತಾ ಉಭಯಂ ಕುರ್ವನ್ತ್ಯಾ ಚ ತಪನ್ತಿ ವರ್ಷನ್ತಿ ಚ ।
ಯತ್ತೃತೀಯಮತಪ್ಯತ ತತೋ ಹೇಮನ್ತಮಸೃಜತ ।
ತಸ್ಮಾತ್ಸ ಶೀತತಮ ಇವ ।
ತ್ರೀನ್ಸತೋಽಭ್ಯತಪ್ಯತ ।
ತಾನ್ದ್ವೇಧಾ ವ್ಯೌಗತ್ ।
ತೇ ಷಡೃತವೋಽಭವನ್ ।
ಸ ಗ್ರೀಷ್ಮಾದೇವ ವಸನ್ತಂ ನಿರಮಮೀತ । ವರ್ಷಾಭ್ಯಶ್ಶರದಂ । ಹೇಮನ್ತಾಶ್ಛಿಶಿರಮ್ ।
ತಸ್ಮಾದೇತ ಋತೂನಾಮುಪಶ್ಲೇಷಾ ಇವ ನಿರ್ಮಿತಾ ಹಿ ।
ಷಟ್ಸತೋಽಭ್ಯತಪ್ಯತ ।
ತಾನ್ದ್ವೇಧಾ ವ್ಯೌಹತ್ ।
ತೇ ದ್ವಾದಶ ಮಾಸಾ ಅಭವನ್ ।
ದ್ವಾದಶ ಸತೋಽಭ್ಯತಪ್ಯತ ।
ತಾನ್ದ್ವೇಧಾ ವ್ಯೌಹತ್ ।
ತೇ ಚತುರ್ವಿಂಶತಿರರ್ಧಮಾಸಾ ಅಭವನ್ ।
ಚತುರ್ವಿಂಶತಿಂ ಸತೋಽಭ್ಯತಪ್ಯತ ।
ಸ ಷಕ್ಷತ ಯದಿ ದ್ವೇಧಾ ವ್ಯೂಹಿಷ್ಯಾಮಿ । ನ ವಿಭವಿಷ್ಯನ್ತಿ । ಹನ್ತ । ನಿರ್ಮಿಮಾ ಇತಿ ।
ತೇಭ್ಯಸ್ಸಪ್ತ ಚ ಶತಾನಿ ವಿಂಶತಿಂ ಚಾಹೋರಾತ್ರಾಣಿ ನಿರಮಮೀತ ।
ಸ ಇದಂ ಸರ್ವಂ ವ್ಯಕರೋತ್ ।
ಯಥಾ ಹ ವೈ ಹಿರಣ್ಯಮವಿಕೃತಮೇವಮಿದಂ ತತಃ ಪುರಾ ।
ಸ ಸರ್ವಮಧಿ ಹಾಸ್ಮಿಞ್ಛಿಲ್ಪಾನಿ ಗಮ್ಯನ್ತೇ ವಿಕೃತಾನಿ ಚಾವಿಕೃತಾನಿ ಚ ಯ ಏವಂ ವೇದ ೧

ಕ್ತ್ಚ್ಸ ಏವೈಷ ಪ್ರಜಾಪತಿಸ್ಸಂವತ್ಸರೋಽಭವತ್ ।
ಸ ಇದಂ ಸರ್ವಂ ಸ್ತಬ್ಧ್ವಾ ವ್ಯಾಪ್ಯಾತಿಷ್ಷ್ಥತ್ ।
ಸ ಷಕ್ಷತ ಕಯಾ ಸ್ವಧಯಾ ಕೇನಾನ್ನಾದ್ಯೇನ ಕಯೋರ್ಜೇದಮಯಂ ವ್ಯಾಪದಿತಿ ।
ತಸ್ಮಿನ್ನೇತಾಂ ಸ್ವಧಾಮೂರ್ಜಮನ್ನಾದ್ಯಮಕ್ಷಿತಿಂ ಪರ್ಯಪಶ್ಯದ್ದ್ವಾದಶ ಪೌರ್ಣಮಾಸೀರ್ದ್ವಾದಶಾಷ್ಟಕಾ ದ್ವಾದಶಾಮಾವಾಸ್ಯಾಃ ।
ತಾಮವಾರುರುತ್ಸತ ।
ಸೈನಮಬ್ರವೀನ್ನ ಮಾನಭಿಶ್ರಾನ್ತಾಮವರೋತ್ಸ್ಯಸ ಇತಿ ।
ಸ ತಪೋಽತಪ್ಯತ ।
ಸ ಏತಂ ದ್ವಾದಶಾಹಂ ಯಜ್ಞಮಪಶ್ಯತ್ ।
ತಮಾಹರತ ।
ಸೋಽಕಾಮಯತ ದೀಕ್ಷಿತಂ ಮಾ ದೀಕ್ಷಿತಾ ಯಾಜಯೇಯುರಿತಿ ।
ಸ ಮಾಸಾಂಶ್ಚರ್ತೂಂಶ್ಚಾಬ್ರವೀದ್ಯಾಜಯತ ಮೇತಿ ।
ತಂ ಮಾಸಾ ನಾಬ್ರುವನ್ ।
ಸ ವಾ ಅಸ್ಮಾಸ್ವೇವ ಸತ್ಯಾ ಭುನಜಾಸಾ ಇತಿ ।
ತಸ್ಮಾದೇತಾ ಮಾಸ್ಯೇವ ಸರ್ವಾಃ ಪೌರ್ಣಮಾಸ್ಯಷ್ಟಕಾಮಾವಾಸ್ಯಾಃ ।
ತದೃತವಃ ಪ್ರಸುತೇ ಪಶ್ಚೇವಾನ್ವಬುಧ್ಯನ್ತ ಪ್ರ ಹೈಭ್ಯೋಽದಾದಿತಿ ।
ತಮಬ್ರುವನ್ನಸ್ಮಭ್ಯಮಪಿ ದಕ್ಷಿಣಾಂ ಪ್ರಯಚ್ಛೇತಿ ।
ತೇಭ್ಯೋಽನ್ನಾದ್ಯಂ ಪ್ರಾಯಚ್ಛತ್ ।
ತದೇತದ್ಯಥರ್ತ್ವನ್ನಾದ್ಯಂ ಪಚ್ಯತೇ ।
ಸ ದೀಕ್ಷಾಭಿರೇವ ಪೌರ್ಣಮಾಸೀರವಾರುನ್ಧೋಪಸದ್ಭಿರಷ್ಟಕಾಃ ಪ್ರಸುತೇನಾಮಾವಾಸ್ಯಾಃ ।
ಸ ಯೋ ಹೈವಂ ವಿದ್ವಾನ್ದ್ವಾದಶಾಹೇನ ಯಜತ ಏತಾಮೇವ ಸ್ವಧಾಮೂರ್ಜಮನ್ನಾದ್ಯಮಕ್ಷಿತಿಮವರುನ್ದ್ಧೇ ।
ಪ್ರತ್ಯೃತವೋಽಗೃಹ್ಣನ್ನ ಮಾಸಾಃ ಪ್ರತಿಗ್ರಹಮಕಾಮಯನ್ತ ।
ತಸ್ಮಾನ್ಮಾಸಾ ಆಖ್ಯಾತತರಾ ಇವ ।
ಆಖ್ಯಾತತರ ಉಪ ಹ್ಯೇವಾಪ್ರತಿಗೃಹ್ಣನ್ಭವತಿ ।
ತಸ್ಮಾದೃತವೋ ಜ್ಯಾಯಾಂಸಃ ।
ಜ್ಯಾಯಾನ್ಹ್ಯೇವ ಪ್ರತಿಗೃಹ್ಣನ್ಭವತಿ ।
ತಾ ಹ ವಾ ಏತಾಸ್ತಿಸ್ರ ಏವ ರಾತ್ರಯಃ ಪೌರ್ಣಮಾಸ್ಯಷ್ಟಕಾಮಾವಾಸ್ಯಾಃ ೨

ಕ್ತ್ಚ್ಪುರೋ ಇನ್ದ್ರಾ ಯ ದೇವಾ ಶ್ರೈಷ್ಠ್ಯಾಯ ನಾತಿಷ್ಠನ್ತ ।
ಸ ಪ್ರಜಾಪತಿಮುಪಾಧಾವತ್ಪ್ರ ಮ ಇಮಾ ಯಚ್ಛೇತಿ ।
ತಸ್ಮಾ ಏತೇ ದ್ವೇ ಪ್ರಾಯಚ್ಛತ್ಪೌರ್ಣಮಾಸೀಂ ಚಾಮಾವಾಸ್ಯಾಂ ಚ ।
ಅಸ್ಮಿನ್ನೇವಾಷ್ಟಕಾಮಧತ್ತ ।
ತತೋ ವಾ ಇನ್ದ್ರಾ ಯ ದೇವಾ ಶ್ರೈಷ್ಠ್ಯಾಯಾತಿಷ್ಠನ್ತ ।
ತಿಷ್ಠನ್ತೇಽಸ್ಮೈ ಸ್ವಾ ಶ್ರೈಷ್ಠ್ಯಾಯ ಯ ಏವಂ ವೇದ ।
ತಸ್ಮಾದೇತಾಂ ರಾತ್ರಿಂ ಸರ್ವ ಏವ ಸುಹಿತಾ ವಸನ್ತಿ ।
ಪಿತರ್ಹ್ಯೇವೈತಾಂ ಪ್ರಜಾಪತೌ ವಸನ್ತಿ ।
ತಸ್ಮಾದೇತಾಂ ರಾತ್ರಿಂ ನ ಜುಹುಯಾದ್ । ಯಜ್ಜುಹುಯಾನ್ನ ಬ್ರೂಯಾತ್ ।
ಅನಿರುಕ್ತೋ ವೈ ಪ್ರಜಾಪತಿಃ ।
ಸ ಯದೇವ ತತ್ರ ತ್ರಿರ್ವಿಲಾಂ ಕುರುತೇ ಯದಸ್ಯ ಗೃಹೇ ಸುಹಿತಾ ವಸನ್ತಿ ಸಾ ಹೈವಾಸ್ಯೈ ಸಮೃದ್ಧಿಃ ।
ತೇ ಮಾಸಾಶ್ಚರ್ತವಶ್ಚಾಬ್ರುವನ್ಯೇನ ನಃ ಪಿತಾ ಪ್ರಜಾಪತಿರ್ಯಜ್ಞೇನೇಷ್ಟ್ವಾರಾತ್ಸೀತ್ತೇನ ಯಜಾಮಹಾ ಇತಿ ।
ತೇ ತಮಾಹರನ್ತ ।
ಸ ಪ್ರಜಾಪತಿರೈಕ್ಷತ ಯದಿ ವಾ ಇದಮಿಮೇ ಸಮಾಪಯನ್ತಿ ಯಥಾ ವಾ ಅಹಮಿದಮಸ್ಮ್ಯೇವಮಿಮೇ ತರ್ಹಿ ಭವನ್ತೀತಿ ।
ತಾನಬ್ರವೀನ್ಮಯೈವ ಗೃಹಪತಿನಾ ದೀಕ್ಷಧ್ವಮಿತಿ ।
ತಂ ವೈ ತ್ವಾಸ್ಮಾಭಿರಾಚಕ್ಷಾನ್ತಾ ಇತ್ಯಬ್ರುವನ್ ।
ಮಯೋ ಯುಷ್ಮಾನಿತಿ ।
ತಸ್ಮಾನ್ಮಾಸೈಶ್ಚತುರ್ಭಿಶ್ಚ ಸಂವತ್ಸರಮಾಚಕ್ಷತೇ । ಸಂವತ್ಸರೇಣರ್ತೂಂಶ್ಚ ಮಾಸಾಂಶ್ಚ ।
ತಸ್ಮಾತ್ಪುತ್ರೇಣ ಪಿತರಮಾಚಕ್ಷತೇ । ಪಿತ್ರಾ ಪುತ್ರಾನ್ ।
ಷತೇನ ಗೃಹ್ಯಾಂಶ್ಚಕ್ಷತೇ ಯ ಏವಂ ವೇದ ೩

ಕ್ತ್ಚ್ತೇಽಯಜನ್ತ । ತೇ ಮಾಸಾಶ್ಚತ್ರವಶ್ಚ ಸಂವತ್ಸರೇ ಪ್ರತ್ಯತಿಷ್ಠನ್ । ಸಂವತ್ಸರ ಋತುಷು ಚ ಮಾಸೇಷು ಚ ।
ತಸ್ಮಾದಾಹುಸ್ಸಮಾವನ್ಮಾತ್ರಿಯೇವರ್ದ್ಧಿರ್ಯಂ ಚ ಯಾಜಯನ್ತಿ ಯೇ ಚ ಯಾಜಯನ್ತೀತಿ ।
ಸಮಾವನ್ಮಾತ್ರಿಯೇವ ಮಮಾನೇನರ್ದ್ಧಿರಿತಿ ಹೇಕ್ಷೇತ ।
ಯಥೈವಾಸ್ಯೈವಮೇವ ಮಮೇತಿ ।
ತೇನ ಹೈತೇನೈಕ ಏವ ಯಜೇತ ।
ಏಕೋ ಹ್ಯೇವ ಪ್ರಜಾಪತಿರಾರ್ಧ್ನೋತ್ ।
ಯದ್ಯು ಭೂಯಾಂಸೋ ಯಜೇರನ್ದ್ವಾದಶ ವಾ ತ್ರಯೋದಶ ವಾ ಯಜೇರನ್ನಿಮೇ ಚತ್ವಾರ ಇಮೇ ಚತ್ವಾರ ಇಮೇ ಚತ್ವಾರೋಽಯಮೇಕ ಇತಿ ನಿರ್ಮಿಮೀರನ್ ।
ಯಂ ಕಾಮಯೇರನ್ನಿಮಂ ಯಜ್ಞಸ್ಯ ವ್ಯೃದ್ಧಿರನ್ವಿಯಾದಿತಿ ತಂ ಹೈವ ಯಜ್ಞಸ್ಯ ವ್ರೃದ್ಧಿರನ್ವೇತಿ ।
ಯದ್ಯು ಭೂಯಾಂಸೋ ಯಜೇರನ್ಷೋಡಶ ವಾ ಸಪ್ತದಶ ವಾ ಯಜೇರನ್ನಿಮೇ ಚತ್ವಾರ ಇಮೇ ಚತ್ವಾರ ಇಮೇ ಚತ್ವಾರ ಇಮೇ ಚತ್ವಾರೋಽಯಮೇಕ ಇತಿ ನಿರ್ಮಿಮೀರನ್ । ಯಂ ಕಾಮಯೇರನ್ನಿಮಂ ಯಜ್ಞಸ್ಯ ವ್ರೃದ್ಧಿರನ್ವಿಯಾದಿತಿ ತಂ ಹೈವ ಯಜ್ಞಸ್ಯ ವ್ಯೃದ್ಧಿರನ್ವೇತಿ ।
ಯದ್ಯು ಭೂಯಾಂಸೋ ಯಜೇರಂಶ್ಚತುರ್ವಿಂಶತಿರ್ವಾ ಪಞ್ಚವಿಂಶತಿರ್ವಾ ಯಜೇರನ್ನಿಮೇ ಪಞ್ಚೇಮೇ ಪಞ್ಚೇಮೇ ಪಞ್ಚೇಮೇ ಪಞ್ಚೇಮೇ ಚತ್ವಾರೋಽಯಮೇಕ ಇತಿ ನಿರ್ಮಿನೀರನ್ । ಯಂ ಕಾಮಯೇರನ್ನಿಮಂ ಯಜ್ಞಸ್ಯ ವ್ಯೃದ್ಧಿರನ್ವಿಯಾದಿತಿ ತಂ ಹೈವ ಯಜ್ಞಸ್ಯ ವ್ಯೃದ್ಧಿರನ್ವೇತಿ ।
ಸರ್ವ ಇತರ ಋಧ್ನುವನ್ತಿ ।
ಯೋ ವೈ ಸತ್ರಸ್ಯ ಗೃಹಪತಿಂ ಚ ಗೃಹಪತ್ನೀಂ ಚ ವೇದಾಶ್ನುತೇ ಗಾರ್ಹಪತ್ಯಂ ಪ್ರ ಗಾರ್ಹಪತ್ಯಮಾಪ್ನೋತಿ ।
ಸಂವತ್ಸರೋ ವಾವ ಗೃಹಪತಿರಿಯಮೇವ ಗೃಹಪತ್ನೀ ।
ಅಶ್ನುತೇ ಗಾರ್ಹಪತ್ಯಂ ಪ್ರ ಗಾರ್ಹಪತ್ಯಮಾಪ್ನೋತಿ ಯ ಏವಂ ವೇದ ೪

ಕ್ತ್ಚ್ಯೋ ವೈ ಛನ್ದಸಾಂ ಸ್ವಾರಾಜ್ಯಂ ವೇದ ಗಚ್ಛತಿ ಸ್ವಾರಾಜ್ಯಂ ಪ್ರ ಸ್ವಾರಾಜ್ಯಂ ಲೋಕಮಾಪ್ನೋತಿ ।
ಬೃಹತೀ ವೈ ಛನ್ದಸಾಂ ಸ್ವರಾಟ್ ।
ತಾಮೇತಾಂ ಪ್ರತೀಚೀಂ ಪರಾಚೀಂ ತಿರಶ್ಚೀಮನ್ನಾದ್ಯಾಯಾಸತೇ ।
ತಸ್ಮಾತ್ಪಶುಂ ಪ್ರತ್ಯಞ್ಚಂ ಪರಾಞ್ಚಂ ತಿರ್ಯಞ್ವಮುಪಜೀವನ್ತಿ ।
ಏತಾವದ್ವಾವ ಸಂವತ್ಸರ ಇನ್ದ್ರಿ ಯಂ ವೀರ್ಯಂ ಯದ್ದ್ವಾದಶಾಹೋ ದ್ವಾದಶ ಪೌರ್ಣಮಾಸೀರ್ದ್ವಾದಶಾಷ್ಟಕಾ ದ್ವಾದಶಾಮಾವಾಸ್ಯಾಸ್ । ತದೇವೈತೇನಾವರುನ್ದ್ಧೇ ।
ಯೋ ವೈ ವಿರಾಜಮೃತುಪ್ರತಿಷ್ಠಿತಾಂ ವೇದರ್ತೂನ್ವಿರಾಜಿ ಪ್ರತಿಷ್ಠಿತಾನ್ । ಗಚ್ಛತಿ ಪ್ರತಿಷ್ಠಾಮವಾನ್ನಾದ್ಯಂ ರುನ್ದ್ಧೇ ।
ತ್ರಿಂಶದಕ್ಷರಾ ವಿರಾಟ್ ।
ಷಡೃತವಃ ।
ಏತದ್ವೈ ವಿರಾಡೃತುಷು ಪ್ರತಿತಿಷ್ಠತ್ಯ್ । ಋತವೋ ವಿರಾಜಿ ।
ಗಚ್ಛತಿ ಪ್ರತಿಷ್ಠಾಮವಾನ್ನಾದ್ಯಂ ರುನ್ದ್ಧೇ ಯ ಏವಂ ವೇದ ।
ಅನುಷ್ಟುಭಂ ವಾವೈತಾಮಾಸತೇ ಯದ್ದ್ವಾದಶಾಹಮ್ ।
ದ್ವಾತ್ರಿಂಶದಕ್ಷರಾನುಷ್ಟುಪ್ ।
ಚತುಷ್ಪದಾಃ ಪಶವಃ ।
ವಾಗನುಷ್ಟುಪ್ ।
ವಾಚಾ ಪಶೂನ್ದಾಧಾರ ।
ತಸ್ಮಾತ್ಪಶ್ವೋ ವಾಚಾ ಸಿದ್ಧಾ ವಾಚಾಹೂತಾ ಆಯನ್ತಿ ೫

ಕ್ತ್ಚ್ಗಾಯತ್ರಮುಖೋ ವೈ ಪ್ರಥಮಸ್ತ್ರ್! ಯಹಃ ।
ತಸ್ಮಾದಯಮಗ್ನಿರೂರ್ಧ್ವೋ ದೀದಾಯ ।
ಗಾಯತ್ರಮಧ್ಯೋ ದ್ವಿತೀಯಸ್ತ್ರಿಯಹಃ ।
ತಸ್ಮಾದಯಂ ವಾಯುಸ್ತಿರ್ಯಙ್ಪವತೇ ।
ಗಾಯತ್ರೋತ್ತಮಸ್ತೃತೀಯಸ್ತ್ರಿಯಹಃ ।
ತಸ್ಮಾದಸಾವರ್ವಾಙಾದಿತ್ಯಸ್ತಪತಿ ।
ತೇಜಸಾ ವೈ ಗಾಯತ್ರೀ ಪ್ರಥಮಂ ತ್ರಿಯಹಂ ದಾಧಾರ । ಪದೈರ್ದ್ವಿತೀಯಮ್ । ಅಕ್ಷರೈಸ್ತೃತೀಯಮ್ ।
ತ್ರಿವೃದ್ವೈ ಗಾಯತ್ರೀ ತೇಜಃ ।
ತ್ರಿವೃತ್ಪ್ರಥಮಮಹಃ ।
ತೇನ ಪ್ರಥಮಸ್ತ್ರಿಯಹೋ ಧೃತಃ ।
ತ್ರಿಪದಾ ಗಾಯತ್ರೀ । ತ್ರಿಯಹೋ ಮಧ್ಯೇ । ತೇನ ದ್ವೀತೀಯಸ್ತ್ರಿಯಹೋ ಧೃತಃ ।
ಚತುರ್ವಿಂಶತ್ಯಕ್ಷರಾ ಗಾಯತ್ರೀ । ಚತುರ್ವಿಂಶಂ ಸಪ್ತಮಮಹಸ್ । ತೇನೈವ ತೃತೀಯಸ್ತ್ರಿಯಹೋ ಧೃತಃ ।
ಕಥಂ ಗಾಯತ್ರೀ ದ್ವಾದಶಾಹಮಿತ್ಯಾಹುಃ ।
ಯಥಾರಾನ್ನೇಮಿಸ್ಸರ್ವತಃ ಪರ್ಯೇತ್ಯ್ । ಏವಂ ಗಾಯತ್ರೀ ದ್ವಾದಶಾಹಂ ಸರತಃ ಪರ್ಯೇತ್ಯವಿಸ್ರಂಸಾಯ ।
ಯಥಾ ರಥನಾಭಾವರಾ ಧೃತಾ ಏವಂ ಗಾಯತ್ರ್! ಯಾಂ ದ್ವಾದಶಾಹೋ ಧೃತೋಽಸಂಪ್ಲವಾಯ ।
ಮಯೂಖೋ ವಾ ಏಷ ವಾ ಧರುಣೋ ಯದ್ಗಾಯತ್ರೀ ।
ತಸ್ಯಾಂ ದ್ವಾದಶಾಹೋ ಧೃತೋಽಸಂವ್ಯಾಥಾಯ ।
ಅನುಷ್ಟುಬ್ವಾ ಏಷಾ ಪ್ರತಾಯತೇ ಯದ್ದ್ವಾದಶಾಹಃ ।
ಅಷ್ಟಾಭಿರ್ವಾ ಅಕ್ಷರೈರನುಷ್ಟುಪ್ಪ್ರಥಮಮಹರುದ್ಯಚ್ಛತ್ಯ್ । ಏಕಾದಶಭಿರ್ದ್ವಿತೀಯಂ । ದ್ವಾದಶಭಿಸ್ತೃತೀಯಮ್ ।
ಅಕ್ಷರಮೇವ ತ್ರಿಯಕ್ಷರಂ ಪರಿಶಿಷ್ಯತೇ ।
ತದೇವೋತ್ತರಂ ತ್ರಿಯಹಮನುವಿದಧಾತಿ ೬

ಕ್ತ್ಚ್ಛನ್ದಾಂಸ್ಯೇವಾಸ್ಯೈ ತುರೀಯಂ ವಹನ್ತಿ ।
ತಾಮೇತಾಂ ಪ್ರತೀಚೀಂ ಪರಾಚೀಂ ತಿರಶ್ಚೀಮನ್ನಾದ್ಯಾಯಾಸತೇ ।
ತಸ್ಮಾತ್ಪಶುಂ ಪ್ರತ್ಯಞ್ಚಂ ಪರಾಞ್ಚಂ ತಿರ್ಯಞ್ಚಮುಪಜೀವನ್ತಿ ।
ಪ್ರಜಾಪತಿರ್ಜಾಯಮಾನ ಏವ ಸಹ ಪಾಪ್ಮನಾಜಾಯತ ।
ಸೋಽಕಾಮಯತಾಪ ಪಾಪ್ಮಾನಂ ಹನೀಯೇತಿ ।
ಸ ಏತಂ ವ್ಯೂಢಛನ್ದಸಂ ದ್ವಾದಶಾಹಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತೇನ ವಿಷ್ವಞ್ಚಂ ಪಾಪ್ಮಾನಂ ವ್ಯೌಹತ ।
ಸ ಯಃ ಪಾಪ್ಮಗೃಹೀತ ಇವ ಮನ್ಯತೇ ಸ ಏತೇನ ವ್ಯೂಢಛನ್ದಸಾ ದ್ವಾದಶಾಹೇನ ಯಜೇತ ।
ವಿಷ್ವಞ್ಚಂ ಹೈವ ಪಾಪ್ಮಾನಂ ವ್ಯೂಹತೇ ।
ಪ್ರಜಾ ಹ ತು ಸಂಸರ್ಪಕಾ ಇವ ಭವನ್ತಿ ।
ತದ್ಯದ್ಗಾಯತ್ರ್! ಯಾಣ್ಯುತ್ತರಾಣ್ಯಾಜ್ಯಾನಿ ಭವನ್ತಿ ಪ್ರಜಾನಾಮೇವಾಸಂಸರ್ಪಾಯ ।
ಮಯೂಖೋ ವಾ ಏಷ ವಾ ಧರುಣೋ ಯದ್ಗಾಯತ್ರೀ ।
ತಸ್ಯಾಂ ದ್ವಾದಶಾಹೋ ಧೃತೋಽಸಂಸರ್ಪಾಯ ೭

ಕ್ತ್ಚ್ದಶಾಹೇನ ವೈ ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಸ್ಯ ಸೃಷ್ಟಾ ವಿಷೂಚೀರ್ವಿಪರೌಪ್ಯನ್ತ ।
ಸ ಏತೌ ವೈಶ್ವಾನರಾವತಿರಾತ್ರಾವಪಶ್ಯತ್ ।
ತಾಭ್ಯಾಮೇನಾ ಉಭಯತಃ ಪರ್ಯಗೃಹ್ಣಾದನೇನೇತಿ ಉಪರಿಷ್ಟಾದಮುತ್ಕ್ತಾ ।
ತಾ ಏತಾಭ್ಯಾಮೇವಾವಾರಯತ ।
ಯದ್ವಿಶ್ವಂ ಭೂತಮವಾರಯತ ತದ್ವೈಶ್ವಾನರಯೋರ್ವೈಶ್ವಾನರತ್ವಮ್ ।
ಪ್ರಜಾಪತಿರೇಷ ಯದುದ್ಗಾತಾ ।
ಸ ಏತದ್ದಶಾಹೇನೈವ ಪ್ರಜಾಸ್ಸೃಜತೇ ।
ತಾ ಏತಾಭ್ಯಾಮೇವ ವೈಶ್ವಾನರಾಭ್ಯಾಂ ವಾರಯತೇಽನೇನೇತ ಉಪರಿಷ್ಟಾದಮುನಾ ಪ್ರಜಾನಾಂ ಧೃತ್ಯಾ ಅಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಪ್ರಾಣೋ ವೈ ಪೂರ್ವೋ ವೈಶ್ವಾನರೋಽಪಾನ ಉತ್ತರಃ ।
ಪ್ರಾಣಾಪಾನಾಭ್ಯಾಮೇವೈತತ್ಸಮೃದ್ಧ್ಯೋದೃಚಮಶ್ನುವತೇ ।
ತಸ್ಮಾದು ಹೈತಯೋ ಸ್ತೋತ್ರೇಣ ಸುಪ್ಯಾತ್ಪ್ರಾಣಾನ್ನೇತ್ಸಂಲುಂಪಾನೀತಿ ।
ತದು ವಾ ಆಹುಃ ಕೋ ಹಾಸ್ವಪ್ನಸ್ಯೇಶೇ ।
ಯದ್ವಾವ ಪ್ರಾಣೋ ಜಾಗರ್ತಿ ತದೇವ ಜಾಗರಿತಮ್ ।
ಕಾಮಮೇವ ಸ್ವಪ್ತವ್ಯಮಿತಿ ।
ತದಾಹುರ್ಯನ್ನು ಪರಮ ಏಷ ಯಜ್ಞಕ್ರತುರ್ಯದತಿರಾತ್ರಃ ಕಸ್ಮಾದೇತಂ ಪರಮಂ ಸನ್ತಂ ಪ್ರಥಮಮುಪಯನ್ತೀತಿ ।
ಯಜ್ಞಕ್ರತೂನಾಮೇವಾಪ್ತ್ಯಾ ಇತಿ ಬ್ರೂಯಾತ್ ।
ಏತೇ ವೈ ಸರ್ವೇ ಯಜ್ಞಕ್ರತವೋ ಯದಗ್ನಿಷ್ಟೋಮ ಉಕ್ಥೋಽತಿರಾತ್ರಃ ।
ತಾನೇವೈತೇನಾಪ್ನೋತಿ ಯೋ ವಾ ಅಗ್ನಿಷ್ಟೋಮೇನ ದಶಾಹಂ ಕಲ್ಪಮಾನಂ ವೇದ ।
ಕಲ್ಪತೇಽಸ್ಮೈ ಪ್ರಾತಸ್ಸವನೇನೈವ ಪ್ರಥಮಸ್ತ್ರಿಯಹಃ । ಕಲ್ಪತೇ ಮಾಧ್ಯನ್ದಿನೇನ ದ್ವಿತೀಯಸ್ । ತೃತೀಯಸವನೇನತೃತೀಯೋಽಗ್ನಿಷ್ಟೋಮಸಾಮ್ನೈವ ದಶಮಮಹಃ ಕಲ್ಪತೇ ।
ಕಲ್ಪತೇಽಸ್ಮೈ ಯ ಏವಂ ವೇದ ೮

ಕ್ತ್ಚ್ಪ್ರಾಣಃ ಪೂರ್ವೋ ವೈಶ್ವಾನರೋಽಪಾನ ಉತ್ತರೋಽಥ ಯದಸ್ತಿ ಯತ್ಸತ್ರಂ ತದಿತರಾಣ್ಯಹಾನಿ ।
ಗಾಯತ್ರೀ ವಾ ಏಷಾ ಜ್ಯೋತಿಷ್ಪಕ್ಷಾಯ ದ್ವಾದಶಾಹಃ ।
ಪಕ್ಷಾವತಿರಾತ್ರಾವಗ್ನಿಷ್ಟೋಮೌ ಚಕ್ಷುಷೀ ಬಾಹ್ಯಾವತಿರಾತ್ರಾವನ್ತರಾ । ವಗ್ನಿಷ್ಟೋಮೌ ।
ತಸ್ಮಾದನ್ತರೇ ಅಕ್ಷ್ಯೋಃ ಕನೀನಿಕೇ ।
ಅಥ ಯಾನ್ಯಷ್ಟಾವಹಾನಿ ಸಾ ಗಾಯತ್ರೀ ।
ತಯಾ ದೇವಾ ಸ್ವರ್ಗಂ ಲೋಕಮಾಯನ್ ।
ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಜಾಮಿ ದ್ವಾದಶಾಹಸ್ಯಾಸ್ತೀತ್ಯಾಹುಃ ।
ಯದೇತಾನ್ಯಷ್ಟಾವಹಾನಿ ಮಧ್ಯ ಉಕ್ಥ್ಯಾನೀತಿ । ನ ತತ್ರ ಜಾಮ್ಯಸ್ತೀತಿ ಬ್ರೂಯಾತ್ ।
ಪಶವೋ ವಾ ಉಕ್ಥಾನಿ ।
ಪಶೂನೇವೈತತ್ಪಶುಭಿಸ್ಸಮಾಕರೋತಿ ।
ಭೂಯೋ ವೈ ಪಶವಃ ಪಶುಭಿಸ್ಸಮಾಕೃತಾಶ್ಶೋಭನ್ತ ಇತಿ ।
ಜ್ಯೋತಿಷ್ಟೋಮೋಽತಿರಾತ್ರೋ ವಿರಾಜಂ ಸಂಪದ್ಯತೇ ।
ಸಂವತ್ಸರೋ ವಿರಾಟ್ಪ್ರಜನನಂ ಸಂವತ್ಸರಃ ।
ದ್ವೇ ಸ್ತೋತ್ರಿಯೇ ಪೂರ್ವಸ್ಯಾಹ್ನೋ ವಿರಾಜಮತೀತೋ । ದ್ವೇ ಉತ್ತರಸ್ಯ ।
ತೇ ಯೇ ಪೂರ್ವಸ್ಯಾಹ್ನೋ ವಿರಾಜಮಭಿತೋ ಬೃಹದ್ರ ಥನ್ತರೇ ತೇ ಯುಕ್ತೇ ಯಜ್ಞಂ ವಹತೋಽಥ ಯೇ ಉತ್ತರಸ್ಯ ವಿರಾಜಸ್ಸ ದೋಹಃ ಪ್ರತಿಷ್ಠಿತಿಃ ।
ಆಯುಷ್ಟೋಮಮಾಹರೇತ ಸ್ವರ್ಗಕಾಮಃ ।
ಊರ್ಧ್ವಾ ಸ್ತೋಮಾ ಯನ್ತ್ಯನಪಭ್ರಂಶಾಯ ೯

ಗೋಷ್ಟೋಮಮಾಹರೇತ ವೀರ್ಯಕಾಮಃ ।
ಇನ್ದ್ರಿ ಯಂ ವೈ ವೀರ್ಯಂ ಪಞ್ಚದಶಃ ।
ಯಾವಜ್ಜೀವನ್ತಿ ತಾವದ್ವೀರ್ಯಾವನ್ತೋ ಭವನ್ತಿ ।
ಈಶ್ವರಾ ಹ ತು ಪ್ರಮಾಯುಕಾ ಭವಿತೋಃ ।
ಪ್ರಾಣೇಭ್ಯೋ ಹಿ ಯನ್ತಿ ।
ತ್ರಿವೃತೋ ಯ ಈಜಾನಾಃ ಕ್ಳ್ಪ್ತಂ ತೇಷಾಮಥ ಯೇಽನೀಜಾನಾ ಅಕ್ಳ್ಪ್ತಂ ತೇಷಾಮ್ ।
ಯದಿ ಬೃಹತ್ಪೃಷ್ಠಂ ಭವತಿ ರಥನ್ತರೇಣಾಶ್ವಿಭ್ಯಾಂ ಸ್ತುವನ್ತಿ ।
ಇದಂ ವೈ ರಥನ್ತರಮದೋ ಬೃಹತ್ ।
ಅನಾಕ್ರಮ್ಯಾಸ್ಯಾಮಮುಷ್ಯಾಮಾಕ್ರಮನ್ತೇ ।
ತೇ ಪ್ರಮಾಯುಕಾ ಭವನ್ತಿ ಜ್ಯಾಯುಕಾ ವಾ ।
ಅಥೋ ಯಥಾ ಪರೇಣ ಬಿಲೇನ ಪ್ರತಿದಧೀತ ತದ್ವೈ ಪರೈವ ಸಿಚ್ಯತೇ ನ ಪಿಬತಿ ।
ತಾದೃಗ್ಯದಿ ರಥನ್ತರಂ ಪೃಷ್ಠಂ ಭವತಿ ರಥನ್ತರೇಣಾಶ್ವಿಭ್ಯಾಂ ಸ್ತುವನ್ತಿ ೧೦

ದುಗ್ಧೋಪಸದ್ಯಂ ತದಿತ್ಯಾಹುಃ ।
ನ ತತ್ರ ದುಗ್ಧೋಪಸದ್ಯಮಸ್ತೀತಿ ಬ್ರೂಯಾತ್ ।
ವಾಗ್ವೈ ರಥನ್ತರಂ । ವಾಗಾಶ್ವಿನಂ । ಕುತೋ ವಾ ಕ್ಷೇಷ್ಯತ ಇತಿ ।
ಏತದು ಹ ವಾ ಏಕಚ್ಛನ್ದೋ ದುಗ್ಧ ಯದ್ವಾಗ್ಯದೀಜಾನಾ ಅನೀಜಾನಾಃ ।
ತದು ವಾ ಆಹುಃ
ಪವಸ್ವ ವಾಚೋಽಗ್ರಿಯ । ಉಪಾಸ್ಮೈ ಗಾಯತಾ ನರಃ ।
ಪವಮಾನಸ್ಯ ತೇ ಕವ
ಇತಿ ಪ್ರತಿಪದೋ ಭವನ್ತಿ ।
ಪವಮಾನೇ ರಥನ್ತರಂ ಪ್ರೋಹನ್ತಿ ।
ಬೃಹತ್ಪೃಷ್ಠಂ ಭವತಿ ।
ಜರಾಬೋಧೀಯೇನಾಶ್ವಿಭ್ಯಾಂ ಸ್ತುವನ್ತಿ ।
ರುದ್ರ ಸ್ಯ ವಾ ಏತದ್ದೇವಸ್ಯ ಸಾಮ ಯಜ್ಜರಾಬೋಧೀಯಮ್ ।
ಏತೇನ ವೈ ರುದ್ರೋ ದೇವಃ ಪಶೂನಾಮೈಶ್ವರ್ಯಮಾಧಿಪತ್ಯಮಗಛತ್ । ತದ್ಯೇನ ರುದ್ರೋ ದೇವಃ ಪಶೂನಾಮೈಶ್ವರ್ಯಮಾಧಿಪತ್ಯಮಗಚ್ಛತ್ತೇನ ಪಶೂನಾಮೈಶ್ವರ್ಯಮಾಧಿಪತ್ಯಂ ಗಚ್ಛಾಮೇತಿ ।
ತದಾಹುಃ ಕ್ರೂರಮಶಾನ್ತಮೀಶ್ವರೋ ಯಜಮಾನಸ್ಯ ಪಶೂನಭಿಮನ್ತೋರಿತಿ ।
ತದು ವಾ ಆಹುಸ್ಸರ್ವಾ ವಾ ಏಷಾ ವಾಗ್ಬ್ರಹ್ಮ ಯದಾಶ್ವಿನಮ್ ।
ಸರ್ವಯೈವೈನದೇತದ್ವಾಚಾ ಬ್ರಹ್ಮಣಾಶ್ವಿನೇನ ಶಮಂ ಯನ್ತೀತಿ ।
ಔರ್ಧ್ವಸದ್ಮನಮಾಪಿಶರ್ವರೇಷು ಪ್ರೋಹನ್ತಿ ।
ಔರ್ಧ್ವಸದ್ಮನೇನ ವೈ ದೇವಾ ಅಸುರಾನೇಭ್ಯೋ ಲೋಕೇಭ್ಯೋ ನುತ್ವಾ ಸ್ವ ಆಯತನೇ ಸತ್ರಮಾಸತ ।
ಔರ್ಧ್ವಸದ್ಮನೇನೈವ ದ್ವಿಷನ್ತಂ ಭ್ರಾತೃವ್ಯಮೇಭ್ಯೋ ಲೋಕೇಭ್ಯೋ ನುತ್ವಾ ಸ್ವ ಆಯತನೇ ಸತ್ರಮಾಸ್ತೇ ಯ ಏವಂ ವೇದ ೧೧

ಬ್ರಹ್ಮ ವಾ ಅಗ್ನಿಷ್ಟೋಮಃ ।
ಬ್ರಹ್ಮ ಪ್ರಾಯಣೀಯಮಹಃ ।
ಏಷಾ ವೈ ಯಜ್ಞಸ್ಯ ಮಾತ್ರಾ ಯದಗ್ನಿಷ್ಟೋಮಃ ।
ಯೈವ ಯಜ್ಞಸ್ಯ ಮಾತ್ರಾ ತಯೈವೈತತ್ಸತ್ರ ಆಕ್ರಮನ್ತೇ ಯಾದೃಕ್ಪ್ರವಯಣತ ಸ್ಪರ್ಶಸ್ತಾದೃಗುಪಪ್ರಾರ್ಞ್ಜನತಃ ।
ತಸ್ಮಾದಗ್ನಿಷ್ಟೋಮೇನೈವ ಪ್ರಯನ್ತ್ಯ್ । ಅಗ್ನಿಷ್ಟೋಮೇನೋದ್ಯನ್ತಿ ।
ಮನೋ ವೈ ಪೂರ್ವಮಥ ವಾಕ್ ।
ಮನೋ ವೈ ಬೃಹದ್ವಾಗ್ರಥನ್ತರಮ್ ।
ಪ್ರತ್ನಂ ವೈ ಬೃಹದುಪ ರಥನ್ತರಮ್ ।
ತದ್ಯದೇತಾಃ ಪ್ರತ್ನವತೀಶ್ಚೋಪವತೀಶ್ಚ ಭವನ್ತಿ ಬೃಹದ್ರ ಥನ್ತರೇ ಏವೈತತ್ಸತ್ರಾಯ ಯುಜ್ಯೇತೇ ।
ಪ್ರೇತಿ ಚ ವಾ ಏತಿ ಚ ಗಾಯತ್ರ್! ಯೈ ರೂಪಮ್ ।
ತದ್ಯತ್ಪ್ರೇತಿ ಚೇತಿ ಚ ಭವತಿ ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ನ ವೈತಾ ಭವನ್ತಿ ನ ವಾ ಹಸ್ಯೈವ ಯುಕ್ತ್ಯಾ ಋಚರ್ಚೈವಾಹರ್ಯುಜ್ಯತೇ ಯಥಾ ನದ್ಧಯುಗಸ್ಯ ಶಮ್ಯಾ ಅವದಧ್ಯಾತ್ತಾದೃಕ್ತತ್ ।
ತದಾಹುರ್ವೀವ ವಾ ಏತೇ ಪ್ರಾಣೈರೃಧ್ಯನ್ತೇ ಯೇ ಪ್ರಾಯಣೀಯಸ್ಯಾಹ್ನಸ್ತೃಚಾನ್ವಿಚ್ಛಿನ್ದನ್ತೀತಿ ।
ಸಲಕ್ಷ್ಮಾಣೋ ಭವನ್ತಿ ಸಲಕ್ಷ್ಮಾಣೋ ವೈ ಪ್ರಾಣಾಃ ಪ್ರಾಣಾನಾಮೇವ ಸಂತತ್ಯಾ ಅವ್ಯವಚ್ಛೇದಾಯ ।
ಅಗ್ನ ಆ ಯಾಹಿ ವೀತಯೇ । ಆ ನೋ ಮಿತ್ರಾವರುಣಾ ।
ಆ ಯಾಹಿ ಸುಷುಮಾ ಹಿ ತ । ಇನ್ದ್ರಾ ಗ್ನೀ ಆ ಗತಂ ಸುತಮ್
ಇತ್ಯಾ ಯಾಹ್ಯಾ ಯಾಹೀತ್ಯಾಜ್ಯಾನಿ ಭವನ್ತಿ ।
ಆ ಯಾಹ್ಯಾ ಯಾಹೀತಿ ಯುಕ್ತಾನಾಂ ಪುರಸ್ತಾತ್ಪ್ರಯನ್ತಿ ।
ಯಥಾ ಯುಕ್ತಾನಾಂ ಪುರಸ್ತಾದಾ ಯಾಹ್ಯಾ ಯಾಹೀತಿ ಪ್ರೇಯಾತ್ತಾದೃಕ್ತತ್ ।
ತ್ರಿವೃತ್ಸ್ತೋಮೋ ಭವತಿ ।
ಬ್ರಹ್ಮ ವೈ ತ್ರಿವೃತ್ ।
ಬ್ರಹ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ೧೨

ಪ್ರ ಸೋಮಾಸೋ ವಿಪಶ್ಚಿತಃ । ಪ್ರ ಸೋಮ ದೇವವೀತಯೇ ।
ಪ್ರ ತು ದ್ರ ವ ಪರಿ ಕೋಶಂ ನಿ ಷೀದೇ
ತಿ ಪ್ರವತೀರ್ಭವನ್ತಿ ರಾಥನ್ತರೇಽಹನ್ ।
ಪ್ರಣಿನೀಷೇಣ್ಯಂ ವಾ ಏತದಹಃ ।
ಪ್ರೇತಿ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ।
ಯತ್ಪಞ್ಚಸಾಮಾ ವಿಲಓಂ ತದಸಮೃದ್ಧಮ್ ।
ಪ್ರಾಣೋಽಪಾನೋ ವ್ಯಾನಸ್ಸ ತೃಚಃ ।
ತಂ ವಿಚ್ಛಿನ್ದನ್ತಿ ।
ಆತ್ಮಾನಂ ಪ್ರಜಾಂ ಜಾಯಾಮಿಮಾಁ ಲ್ಲೋಕಾಂಸ್ತದ್ವಿಚ್ಛಿನ್ದನ್ತಿ ।
ತ್ರೀಣಿ ಸಾಮಾನಿ ।
ತತ್ಕ್ಳ್ಪ್ತಂ ತ್ರಿವೃತ್ತ್ರಿಷಾಮಾ ।
ಅಥಾಶ್ವಂ ಪದನಿಧನಮಪರಿಷ್ಟೋಭಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಇಳಾವಾನ್ಪವಮಾನಸ್ಸೋಮಸಾಮ್ನಾ ಕ್ರಿಯತೇ ।
ಪಞ್ಚಸಾಮಾ ಹ ಖಲು ವೈ ಸಂವತ್ಸರಂ ಯನ್ತುಮರ್ಹತಿ ।
ತದ್ಯತ್ಷಡಕ್ಷರಣಿಧನಂ ಯೌಧಾಜಯಂ ಭವತಿ ಷಡ್ವಾ ಋತವಸ್ಸಂವತ್ಸರಸ್ಯೈವ ಯುಕ್ತ್ಯೈ ।
ಅಭಿ ದ್ರೋ ಣಾನಿ ಬಭ್ರವ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಸುತಾ ಇನ್ದ್ರಾ ಯ ವಾಯವೇ ವರುಣಾಯ ಮರುದ್ಭ್ಯ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ೧೩

ಅಥಾಶ್ವಮ್ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಆಶ್ವೇನೈವಾಶ್ವೋ ಭೂತ್ವಾಸೃಜತ ।
ಯದಾಶ್ವೇನಾಶ್ವೋ ಭೂತ್ವಾಸೃಜತ ತದಾಶ್ವಸ್ಯಾಶ್ವತ್ವಮ್ ।
ತತ್ಪ್ರಜನನಂ ಸಾಮ ।
ಪ್ರಜನನೇಽಹನ್ಕ್ರಿಯತೇ ।
ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ತಸ್ಮಾದು ಹೈತತ್ಸಾಮೈತಸ್ಮಾದಹ್ನೋ ನಾನ್ತರಿತ್ಯಮ್ ।
ಪ್ರಜನನಂ ವಾ ಏತತ್ಸಾಮ ।
ಪ್ರಜನನಮೇತದಹಃ ।
ಪ್ರಜನನ ಏವೈತತ್ಪ್ರಜನನಂ ಕ್ರಿಯತೇ ।
ತದ್ವೇವಾಚಕ್ಷತೇಽಶ್ವಸ್ಯ ಸಾಮುದ್ರೇ ರಿತಿ ।
ಅಶ್ವೋ ವೈ ಸಾಮುದ್ರಿ ರಕಾಮಯತಾವ ಪಶೂನ್ರುನ್ಧೀಯ ಭೂಮಾನಂ ಪಶೂನಾಂ ಗಚ್ಛೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಪಶೂನವಾರುನ್ಧ ಭೂಮಾನಂ ಪಶೂನಾಮಗಚ್ಛತ್ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ । ಭೂಮಾನಂ ಪಶೂನಾಂ ಗಚ್ಛತಿ ಯ ಏವಂ ವೇದ ।
ಯದಶ್ವಸ್ಸಾಮುದ್ರಿ ರಪಶ್ಯತ್ತಸ್ಮಾದಾಶ್ವಮಿತ್ಯಾಖ್ಯಾಯತೇ ।
ಅಥೋ ಆಹುರಾಶ್ವೇನ ವೈ ದೇವಾ ಅಶ್ವಾ ಭೂತ್ವಾ ಸ್ವರ್ಗಂ ಲೋಕಮಾಯನ್ನಿತಿ ।
ತದ್ವೇವಾಶ್ವಸ್ಯಾಶ್ವತ್ವಮ್ ।
ತದ್ವಾ ಅಸ್ಯ ಸ್ವರ್ಗ್ಯಮ್ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ೧೪

ಅಥ ಸೋಮಸಾಮ ।
ಸೋಮೋ ವೈ ರಾಜಾ ಸಧಮಾದಮಿವಾನ್ಯಾಭಿರ್ದೇವತಾಭಿರಾಸೀತ್ ।
ಸೋಽಕಾಮಯತ ಸರ್ವೇಷಾಂ ದೇವಾನಾಂ ರಾಜ್ಯಾಯ ಸೂಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ
ತತೋ ವೈ ಸ ಸರ್ವೇಷಾಂ ದೇವಾನಾಂ ರಾಜ್ಯಾಯಾಸೂಯತ ।
ಸೂಯತೇ ಸ್ವಾನಾಂ ಶ್ರೇಷ್ಠತಾಯೈ ಯ ಏವಂ ವೇದ ।
ತೇಭ್ಯಸ್ತಿರೋಽಭವತ್ ।
ತದನ್ವೈಚ್ಛನ್ ।
ತೇಭ್ಯ ಏತೇನ ರೂಪೇಣಾದೃಶ್ಯತ ಯದೇತಚ್ಚನ್ದ್ರ ಮಸಃ ।
ತಮಭಿಸಮಗಚ್ಛನ್ತಾದರ್ಶ್ಯದರ್ಶೀತಿ ।
ತಸ್ಮಾದ್ಯದಾ ದರ್ಶಯತೇಽಥಾಭಿಸಂಗಚ್ಛನ್ತೇಽದರ್ಶ್ಯದರ್ಶೀತಿ ।
ತಮೇತದಭ್ಯಷಿಞ್ಚನ್ತ ।
ಸ ಏತದಭವತ್ ।
ತದೇತಚ್ಛ್ರೀಸ್ಸವಸ್ಸಾಮ ।
ಅಶ್ನುತೇ ಶ್ರಿಯಂ ಗಚ್ಛತಿ ರಾಜ್ಯಂ ಯ ಏವಂ ವೇದ ।
ಯದು ಸೋಮೋ ರಾಜಾ ಅಪಶ್ಯತ್ತಸ್ಮಾತ್ಸೋಮಸಾಮೇತ್ಯಾಖ್ಯಾಯತೇ ।
ಅಥ ವಜ್ರಮ್ ।
ವಜ್ರ ಆಙ್ಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ಧತ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ವಜ್ರ ಆಙ್ಗಿರಸೋಽಪಶ್ಯತ್ತಸ್ಮಾದ್ವಜ್ರಮಿತ್ಯಾಖ್ಯಾಯತೇ ।
ಅಥ ಯೌಧಾಜಯಂ ತ್ರಿಣಿಧನಂ ಸವನಾನಾಂ ಕ್ಳ್ಪ್ತ್ಯೈ ।
ಅಥೌಶನಮನ್ತ್ಯಂ ಸಾಮಾನ್ತ್ಯೇನ ಸಾಮ್ನಾನ್ತ್ಯಂ ಸ್ವರ್ಗಂ ಲೋಕಮಶ್ನವಾಮಹಾ ಇತಿ ।
ಅಥ ರಥನ್ತರಮ್ ।
ಬ್ರಹ್ಮ ವಾ ಅಗ್ನಿಷ್ಟೋಮೋ । ಬ್ರಹ್ಮ ರಥನ್ತರಮ್ ।
ಬ್ರಹ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಅಥ ನೌಧಸಮ್ ।
ಸಲೋಕೇ ವೈ ಕಾಲೇಯಂ ಚ ರಥನ್ತರಂ ಚ ೧೫

ಪ್ರ ಸೋಮಾಸೋ ಮದಚ್ಯುತ
ಇತ್ಯಾರ್ಭವಸ್ಯ ಪವಮಾನಸ್ಯ ಪ್ರವತೀರ್ಗಾಯತ್ರ್! ಯೋ ಭವನ್ತಿ ರಾಥನ್ತರೇಽಹನ್ ।
ಪ್ರಣಿನೀಷೇಣ್ಯಂ ವಾ ಏತದಹಃ ।
ಪ್ರೇತಿ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ।
ತಾ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ । ರಸಮೇವಾಸ್ಮಿನ್ನೇತದ್ದಧತಿ ।
ಷವೈನದೇತೇನ ಪ್ಯಾಯಯನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಸಂಹಿತಂ ದ್ವ್ಯಕ್ಷರಣಿಧನಂ ಪ್ರತಿಷ್ಠಾಯೈ ।
ದ್ವಿಪಾದ್ವೈ ಯಜಮಾನಃ ಪ್ರತಿಷ್ಠಿತ್ಯೈ ।
ಅಯಾ ಪವಸ್ವ ದೇವಯುಃ । ಪವತೇ ಹರ್ಯತೋ ಹರಿರ್
ಇತ್ಯುಷ್ಣಿಕ್ಕಕುಭೌ ಭವತಃ ।
ಗಾಯತ್ರ್! ಯೌ ರೂಪೇಣ ರಾಥನ್ತರೇ ಸಭಂ ಪೂರ್ವಸ್ಯಾಂ ವಿಜಿತ್ಯಾ ಏವ ।
ಅಥಾಕ್ಷರಂ ಪದನಿಧನಮಪರಿಷ್ಟೋಭಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಪ್ರಜಾಪತಿರ್ವಾ ಏತಂ ಯಜ್ಞಮಸೃಜತ ಯದ್ದ್ವಾದಶಾಹಮ್ ।
ತಸ್ಯ ತೃಚೈರನ್ಯಾನ್ಯಹಾನ್ಯಕಲ್ಪನ್ತೈಕರ್ಚೈರೇತತ್ ।
ತದಸ್ಯ ಸಮಿವಾಪ್ಲೀಯತ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮೇನದ್ಯಥಾ ಶಾಂಕುಭ್ಯಾಂ ಚರ್ಮ ವಿಹನ್ಯಾದೇವಮೇವಾಭ್ಯಾಮೇತದಹರ್ವ್ಯಹನ್ ।
ಆಶ್ವೇನ ಪುರಸ್ತಾದಾಕ್ಷಾರೇಣೋಪರಿಷ್ಟಾತ್ ।
ತದ್ಯದೇತೇ ಸಾಮನೀ ಭವತೋಽಹ್ನ ಏವ ಧೃತ್ಯೈ ।
ಪ್ರ ಸುನ್ವಾನಾಯಾನ್ಧಸ
ಇತಿ ಪ್ರವತೀರನುಷ್ಟುಭೋ ಭವನ್ತಿ ರಾಥನ್ತರೇಽಹನ್ ।
ಪ್ರಣಿನೀಷೇಣ್ಯಂ ವಾ ಏತದಹಃ ।
ಪ್ರೇತಿ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ೧೬

ತಾಸು ಗೌರಿವೀತಮ್ ।
ಯಥಾ ಹ ವಾ ಇದಮವಸಾನದರ್ಶಾವವಸಾನಂ ವಿನ್ದತ ಏವಮೇತೌ ಗೌರಿವೀತಸ್ಯೋದಾಸೌ ದೇವೇಭ್ಯ ಶ್ವಸ್ತನಂ ವಿನ್ದತಃ ।
ಶ್ವಸ್ತನಂ ನೋಽಸದಿತಿ ವೈ ಸತ್ರಮಾಸತೇ ।
ಶ್ವಸ್ತನಂ ಹೈವೈಭ್ಯೋ ಭವತಿ ।
ಏತದ್ಧ ವಾ ಅದ್ಯಶ್ವಂ ದೇವಾನಾಂ ಯದ್ಗೌರಿವೀತಮ್ ।
ಅಕ್ಷಿತಮಸ್ಯಾದ್ಯಶ್ವಂ ಭವತಿ ಯ ಏವಂ ವೇದ ।
ಅವಸಾನದರ್ಶೋ ವಾ ಏತಯೋರುದಾಸೋಽನ್ಯತರೋಽವಸಾಯಯಿತಾನ್ಯಃ ।
ಸ ಯಥಾ ಪ್ರ ಸ್ಪಷ್ಟಂ ತೃಣೋದಕಮನ್ವವಸ್ಯೇತ್ತಾದೃಕ್ತತ್ ।
ಯಥಾ ಹ ವಾ ಇದಂ ಸೋಮಪ್ರವಾಕಸ್ಸೋಮಂ ಪ್ರಾಹೈವಮೇತೌ ಗೈರಿವೀತಸ್ಯೋದಾಸೌ ದೇವೇಭ್ಯಸ್ಸೋಮಂ ಪ್ರಾಹತುಃ ।
ಪ್ರೋಕ್ತಸೋಮೋ ಹ ಸ ತಾಂ ರಾತ್ರಿಂ ವಸತಿ ಯಸ್ಮಿನ್ನಹನಿ ಗೌರಿವೀತಂ ಭವತಿ ।
ಅಥೋ ಹೈನಂ ದೇವಾ ಈಕ್ಷನ್ತೇ ಧಾವತ ಶ್ವೋ ಯಷ್ಟೇತಿ ।
ತದ್ಯದೇಕಾಹೇ ಗೌರಿವೀತಂ ನ ಕುರ್ವನ್ತಿ ನೇದ್ದೇವಾಁ ಲ್ಲಾಪಯಾಮಹಾ ಇತಿ ।
ಯಥಾ ಹ ವಾ ಇದಂ ವೃಕ್ಷಸ್ಯಾಕ್ರಮಣಾನಿ ಕೃತಾನ್ಯೇವಮೇತಾನಿ ಗೌರಿವೀತಸ್ಯಾಕ್ರಮಣಾನಿ ಕೃತಾನಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಪ್ರ ಸ್ವರ್ಗಂ ಲೋಕಮಾಪ್ನೋತಿ ಯ ಏವಂ ವೇದ ।
ಯಥಾ ಹ ವಾ ಇದಮಭೀಯಾಯಮುಪ ವಿಮೋಕಂ ಯಾಯಾದೇವಮೇತದ್ಯದ್ಗೌರಿವೀತಮ್ ।
ತತ್ತಥೈವ ಗೇಯಮ್ ೧೭

ಶಾಕ್ತ್ಯಾಸ್ತರಸಪುರೋಡಾಶಾಸ್ಸತ್ರಮಾಸತ ।
ಸ ಗೌರಿವೀತಿಶ್ಶಾಕ್ತ್ಯೋ ಮೃಗಮಹನ್ ।
ತಂ ತಾರ್ಕ್ಷ್ಯಸ್ಸುಪರ್ಣ ಉಪರಿಷ್ಟಾದಭ್ಯವಾಪತತ್ ।
ತಸ್ಮಾ ಉಪಪ್ರತ್ಯಧತ್ತ ।
ತಮಬ್ರವೀದ್ ಋಷೇ । ಮಾ ಮೇಽಸ್ಥಃ ।
ಶ್ವಸ್ತನಂ ತೇ ವಕ್ಷ್ಯಾಮಿ ।
ಅದ್ಯ ವಾವ ತ್ವಂ ವೇತ್ಥ ನ ಶ್ವ ಇತಿ ।
ತಸ್ಮಾ ಏತದ್ಗೌರಿವೀತಮಬ್ರವೀತ್ ।
ತತೋ ವೈ ಸ ಶ್ವಸ್ತನಮಪಶ್ಯತ್ ।
ತತ್ಪ್ರಜಾ ವೈ ಶ್ವಸ್ತನಂ ಪಶವ ಶ್ವಸ್ತನಂ ಸ್ವರ್ಗೋ ಲೋಕ ಶ್ವಸ್ತನಮ್ ।
ತದ್ಯದ್ಗೌರಿವೀತಂ ಭವತಿ । ಏತಸ್ಯೈವ ಸರ್ವಸ್ಯಾವರುದ್ಧ್ಯಾ ಏತಸ್ಯೋಪಾಪ್ತ್ಯೈ ।
ವಾಚೋ ವೈ ರಸೋಽತ್ಯಕ್ಷರತ್ ।
ತದ್ಗೌರಿವೀತಮಭವತ್ । ಯದನ್ವಹಂ ಗೌರಿವೀತಂ ಭವತಿ । ಅನ್ವಹಮೇವೈತದ್ವಾಚೋ ರಸಂ ದಧತೋ ಯನ್ತಿ ।
ಯೇ ಗೌರಿವೀತಮಹೀನೇಽವಸೃಜೇಯುಸ್ತಾನ್ಬ್ರೂಯಾದಶ್ವಸ್ತನಾ ಅಪ್ರಜಸೋ ಭವಿಷ್ಯಥೇತಿ ।
ಅಶ್ವಸ್ತನಾ ಹೈವಾಪ್ರಜಸೋ ಭವನ್ತಿ ೧೮

ಅಥ ತ್ವಾಷೃತೀಸಾಮ ಮಧ್ಯೇನಿಧನಂ ಭವತಿ ಪ್ರತಿಷ್ಠಾಯೈ ।
ಸಮುದ್ರಂ ವಾ ಏತೇನಾರಮ್ಭಣಂ ಪ್ರಪ್ಲವನ್ತೇ ಯ ಆರ್ಭವಂ ಪವಮಾನಮುಪಯನ್ತಿ ।
ತದ್ಯನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಿತ್ಯಾ ಏವ ।
ತಸ್ಯ ಪುರಸ್ತಾನ್ನಿಧನಸ್ಯ ಪ್ರತಿಹಾರಮುಪಯನ್ತಿ ।
ಪ್ರಸ್ತಾವಪ್ರತಿಹಾರಾಭ್ಯಾಂ ವೈ ಯಜಮಾನೋ ಧೃತಃ ।
ಪ್ರದ್ರುತಮಿವೈತದಹರ್ಯತ್ತ್ರಿವೃತ್ ।
ತದ್ಯತ್ಪುರಸ್ತಾನ್ನಿಧನಸ್ಯ ಪ್ರತಿಹಾರಮುಪಯನ್ತ್ಯಪ್ರಸ್ರಂಸಾಯೈವ ।
ಇನ್ದ್ರೋ ವೃತ್ರಂ ವಜ್ರೇಣಾಧ್ಯಸ್ಯ ನಾಸ್ತೃಷೀತಿ ಮಯಮಾನೋ ಗಾಃ ಪ್ರಾವಿಶತ್ ।
ತಾ ಅಕಾಮಯನ್ತೇನ್ದ್ರಂ ಜನಯೇಮೇತಿ ।
ತಾ ಏತಾನಿ ಸಾಮಾನ್ಯಪಶ್ಯಂಸ್ತ್ವಾಷ್ಟ್ರೀಸಾಮಾನಿ ।
ತೈರಿನ್ದ್ರ ಮಜನಯನ್ ।
ತಾನಿ ವಾ ಏತಾನಿ ವೀರಜನನಾನಿ ಸಾಮಾನಿ ।
ಆಸ್ಯ ವೀರೋ ಜಾಯತೇ ಯ ಏವಂ ವೇದ ।
ಅಥೋ ಪಶವೋ ವೈ ತ್ವಾಷ್ಟ್ರ್ಯಃ ।
ತದ್ಯದೇತಾನಿ ಸಾಮಾನಿ ಭವನ್ತಿ ಪಶೂನಾಮೇವಾವರುಧ್ಯೈ ।
ತದೈಳಂ ಭವತಿ ಪಶವೋ ವಾ ಇಳಾ ಪಶೂನಾಮೇವಾವರುದ್ಧ್ಯೈ ।
ಯದು ತ್ವಾಷ್ಟ್ರ್ಯೋಽಪಶ್ಯಂಸ್ತಸ್ಮಾತ್ತ್ವಾಷ್ಟ್ರೀಸಾಮೇತ್ಯಾಖ್ಯಾಯತೇ ।
ಅಭಿ ಪ್ರಿಯಾಣಿ ಪವತೇ ಚನೋಹಿತ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ತಾಸು ಕಾವಮುಕ್ತಬ್ರಾಹ್ಮಣಮ್ ।
ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ೧೯

ಪವಸ್ವ ವಾಚೋ ಅಗ್ರಿಯ
ಇತಿ ಪ್ರತಿಪದೋ ಭವನ್ತಿ ।
ಬೃಅದ್ರ ಥನ್ತರೇ ಯದಸೃಜ್ಯೇತಾಂ ಬೃಹತ್ಪೂರ್ವಮಸೃಜ್ಯತಾಥ ರಥನ್ತರಮ್ ।
ತಸ್ಮಾತ್
ಪವಸ್ವ ವಾಚೋಽಗ್ರಿಯ
ಇತಿ ಪ್ರತಿಪದೋ ಭವನ್ತಿ ।
ಪ್ರೇತ್ಯನ್ಯ ಋಷಯೋಽಪಶ್ಯನ್ನೇತ್ಯನ್ಯೇ ।
ಅಥೈತನ್ನ ಪ್ರೇತಿ ನೇತಿ ಸ್ಥಿತಮ್ ।
ವಾಚೋ ಬಾರ್ಹತಂ ರೂಪಂ ಭರದ್ವಾಜ ಋಷಿರಪಶ್ಯತ್ ।
ಭರದ್ವಾಜಸ್ಯ ವಾ ಏತದಾರ್ಷೇಯಂ ಯದ್ಬೃಹತ್ ।
ಮನೋ ಬೃಹತ್ ।
ಪ್ರಜಾಪತಿರ್ಬೃಹತ್ ।
ಪ್ರಜಾಪತಿತಾಮೇವಾಶ್ನುತೇ ಯ ಏವಂ ವೇದ ।
ಸೋಮ ಚಿತ್ರಾಭಿರೂತಿಭಿರಭಿ ವಿಶ್ವಾನಿ ಕಾವ್ಯಾ
ತ್ವಂ ಸಮುದ್ರಿ ಯಾ ಅಪ ಇತಿ ।
ತ್ವಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಅಗ್ರಿಯೋ ವಾಚ ಈರಯನ್ನ್
ಇತ್ಯಗ್ರಂ ವಾ ಏತದಹಃ ।
ದ್ವಿತೀಯಂ ವಾ ಏತದಹಸ್ಸತ್ತದಗ್ರಮಿತ್ಯಾಖ್ಯಾಯತೇ ।
ತುಭ್ಯೇಮಾ ಭುವನಾ ಕವೇ ಮಹಿಮ್ನೇ ಸೋಮ ತಸ್ಥಿರ ಇತಿ ।
ಪ್ರದ್ರುತಮಿವ ವಾ ಇತ ಏತದಹರ್ಯದ್ಬಾರ್ಹತಮ್ ।
ಅದೋ ಹಿ ಬೃಹತ್ ।
ತದ್ಯನ್
ಮಹಿಮ್ನೇ ಸೋಮ ತಸ್ಥಿರ
ಇತ್ಯಹ್ನ ಏವೋಪಸ್ಥಿತ್ಯೈ ।
ತುಭ್ಯಂ ಧಾವನ್ತಿ ಧೇನವ
ಇತಿ ಸಮಷ್ಟ್ಯೈ ೨೦

ತಾ ಏತಾ ಭವನ್ತಿ ಗಾಯತ್ರ್! ಯಸ್ತ್ರಿಷ್ಟುಬ್ವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮರ್ಧಯನ್ತಿ ಸಂ ತತ್ರರ್ಧ್ಯನ್ತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಪವಸ್ವೇನ್ದೋ ವೃಷಾ ಸುತ
ಇತಿ ವೃಷಣ್ವಾನನುರೂಪೋ ಭವತಿ ।
ಬಾರ್ಹತಂ ವಾ ಏತದಹಃ ।
ತ್ರೈಷ್ಟುಭಂ ಕ್ಷತ್ರಸ್ಯ ರೂಪಮ್ ।
ತದಾಹುರಹ್ನ ಏವ ರೂಪಂ ಸ್ತೋತ್ರಿಯೇಣಾರಭನ್ತೇಽನುರೂಪೇಣ ಸಾಮ್ನ ಇತಿ ।
ಸ್ತೋತ್ರಿಯಾನುರೂಪೌ ಭವತಃ ।
ಪ್ರಾಣೋ ವೈ ಸ್ತೋತ್ರಿಯೇಣಾರಭನ್ತೇಽನುರೂಪೇಣ ಸಾಮ್ನ ಇತಿ ।
ಸ್ತೋತ್ರಿಯಾನುರೂಪೌ ಭವತಃ ।
ಪ್ರಾಣೋ ವೈ ಸ್ತೋತ್ರಿಯೋಽಪಾನೋಽನುರೂಪಃ ।
ಪ್ರಾಣಾಪಾನಾಭ್ಯಾಮೇವೈತತ್ಸಮೃಧ್ಯ ಪ್ರಯನ್ತಿ ।
ಮನೋ ವೈ ಸ್ತೋತ್ರಿಯೋ । ವಾಗನುರೂಪಃ ।
ಸಾಮ ವೈ ಸ್ತೋತ್ರಿಯ । ಋಗನುರೂಪಃ ।
ಅಹರ್ವೈ ಸ್ತೋತ್ರಿಯೋ । ರಾತ್ರಿರನುರೂಪಃ ।
ಇಯಂ ವೈ ಸ್ತೋತ್ರಿಯೋಽಸಾವನುರೂಪಃ ।
ಆತ್ಮಾ ವೈ ಸ್ತೋತ್ರಿಯಃ । ಪ್ರಜಾನುರೂಪಃ ।
ಸ್ತೋತ್ರಿಯಾನುರೂಪಯೋರ್ಹ ಖಲು ವೈ ತದ್ರೂ ಪಂ । ಯಸ್ಮಾದ್ಯಾಂ ಶ್ರೇಷ್ಠೀಂ ವಾಚಂ ವದತಿ ತಾಂ ಪಾಪೀಯಾನನುವದತಿ । ಯಸ್ಮಾತ್ಕರ್ತಾ ಚ ಕರಣಶ್ಚ ಸದೃಶೌ ಸನ್ತೌ ವಿಜ್ಞಾಯೇತೇ ।
ಸ್ತೋತ್ರಿಯಾನುರೂಪಯೋರ್ವೈ ಹೇತೋಃ ಪ್ರಜಾ ಅನುರೂಪಾ ಆಜಾಯನ್ತ ।
ಆ ಹಾಸ್ಯಾನುರೂಪಃ ಪ್ರಜಾಯಾಂ ಜಾಯತೇ ಯ ಏವಂ ವೇದ ।
ತದಾಹುರ್ವೀವ ವಾ ಏತೇ ಪ್ರಾಣೈರೃಧ್ಯನ್ತೇ ಯೇ ಪ್ರಾಯಣೀಯಸ್ಯಾಹ್ನಸ್ತೃಚಾನ್ವಿಚ್ಛಿನ್ದನ್ತೀತಿ ।
ಸಂತತಾನತ್ರ ಪಞ್ಚ ತೃಚಾನುಪಯನ್ತಿ ಪ್ರಾಣಾನಾಮೇವ ಸಂತತ್ಯಾ ಅವ್ಯವಚ್ಛೇದಾಯ ।
ಸರ್ವೇ ವೃಷಣ್ವನ್ತೋ ಭವನ್ತಿ ।
ಬಾರ್ಹತಂ ವಾ ಏತದಹಃ ।
ತ್ರೈಷ್ಟುಭಂ ಕ್ಷತ್ರಸ್ಯ ರೂಪಮ್ ।
ಪರ್ಯಾಸೋ ಭವತಿ ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ಪಞ್ಚದಶಸ್ತೋಮೋ ಭವತಿ -- ಇನ್ದ್ರಿ ಯಂ ವೈ ವೀರ್ಯಂ ಪಞ್ಚದಶ -- ಇನ್ದ್ರಿ ಯ ಏವೈತದ್ವೀರ್ಯೇ ಪ್ರತಿತಿಷ್ಠನ್ತೋ ಯನ್ತಿ ೨೧

ಅಗ್ನಿಂ ದೂತಂ ವೃಣೀಮಹ
ಇತ್ಯಾಗ್ನೇಯಂ ಆಜ್ಯಂ ಭವತಿ ।
ಪ್ರೇತ್ಯನ್ಯ ಋಷಯೋಽಪಶ್ಯನ್ನೇತ್ಯನ್ಯೇ ।
ಅಥೈತನ್ನ ಪ್ರೇತಿ ನೇತಿ ಸ್ಥಿತಮ್ ।
ವಾಚೋ ಬಾರ್ಹತಂ ರೂಪಂ ಭರದ್ವಾಜ ಋಷಿರಪಶ್ಯತ್ ।
ಭರದ್ವಾಜಸ್ಯ ವಾ ಏತದಾರ್ಷೇಯಂ ಯದ್ಬೃಹತ್ ।
ಮನೋ ಬೃಹತ್ ।
ಪ್ರಜಾಪತಿರ್ಬೃಹತ್ ।
ಪ್ರಜಾಪತಿತಾಮೇವಾಶ್ನುತೇ ಯ ಏವಂ ವೇದ ।
ಹೋತಾರಂ ವಿಶ್ವವೇದಸಮಿತಿ ।
ಹೋ ಇತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಮಿತ್ರಂ ವಯಂ ಹವಾಮಹ । ಇನ್ದ್ರ ಮಿದ್ಗಾಥಿನೋ ಬೃಹದ್ ।
ಇನ್ದ್ರೇ ಅಗ್ನಾ ನಮೋ ಬೃಹದ್
ಇತ್ಯೇಕರೂಪಾಣ್ಯಾಜ್ಯಾನಿ ಭವನ್ತಿ । ಸರ್ವಾಣ್ಯೇವ ಬಾರ್ಹತಾನಿ ।
ಕ್ಷತ್ರಂ ವಾ ಏತದಹಃ ।
ತಸ್ಮಾತ್ಸರ್ವೇ ರಾಜಾನ ಏಕಮನ್ತ್ರಾ ಏಕವಚಸಃ ।
ಮಹದ್ವತೀ ದ್ವೇ ಭವತೋ ಬೃಹದ್ವತೀ ದ್ವೇ ।
ಏತದ್ವೈ ಪ್ರತ್ಯಕ್ಷಂ ಬೃಹತೋ ರೂಪಂ ಯನ್ಮಹದ್ಯದ್ಬೃಹತ್ ।
ಬೃಹದೇವೈತತ್ಪ್ರತ್ಯಕ್ಷಮುಪಯನ್ತಿ ।
ಪಞ್ಚದಶಸ್ತೋಮೋ ಭವತಿ -- ಇನ್ದ್ರಿ ಯಂ ವೈ ವೀರ್ಯಂ ಪಞ್ಚದಶ -- ಇನ್ದ್ರಿ ಯ ಏವೈತದ್ವೀರ್ಯೇ ಪ್ರತಿತಿಷ್ಠನ್ತೋ ಯನ್ತಿ ೨೨

ವೃಷಾ ಪವಸ್ವ ಧಾರಯೇ
ತಿ ಮಾಧ್ಯನ್ದಿನಸ್ಯ ಪವಮಾನಸ್ಯ ವೃಷಣ್ವತೀರ್ಗಾಯತ್ರ್! ಯೋ ಭವನ್ತಿ ।
ಬಾರ್ಹತಂ ವಾ ಏತದಹಃ ।
ತ್ರೈಷ್ಟುಭಂ ಕ್ಷತ್ರಸ್ಯ ರೂಪಮ್ ।
ಮರುತ್ವತೇ ಚ ಮತ್ಸರ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯಂದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ತಂ ತ್ವಾ ಧರ್ತಾರಮೋಣ್ಯೋರ್
ಇತ್ಯಹ್ನ ಏವ ಧೃತ್ಯೈ ।
ಅಯಾ ಚಿತ್ತೋ ವಿಪಾನಯಾ ಹರಿಃ ಪವಸ್ವ ಧಾರಯೇ
ತಿ ಹರಿವತೀರ್ಭವನ್ತಿ ।
ಹರಿವದ್ವೈ ತ್ರಿಷ್ಟುಭೋ ರೂಪಮ್ ।
ತ್ರೈಷ್ಟುಭಮೇತದಹಃ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಯೌಕ್ತಾಶ್ವಂ ಪರಿಷ್ಟೋಭವದ್ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ವಸಿಷ್ಠೋ ವೈ ಸುದಾಸಃ ಪೈಜವನಸ್ಯೈಕ್ಷ್ವಾಕಸ್ಯ ರಾಜ್ಞಃ ಪುರೋಹಿತ ಆಸ ।
ಸ ಸುದಾಃ ಪೈಜವನೋ ವಸಿಷ್ಠೇ ವಳವಾನ್ನ್ಯಧತ್ತ ಯಥಾ ಪುರೋಹಿತೇ ನಿದಧತೇ ತಥಾ ।
ವಸಿಷ್ಠಸ್ಸನಿಂ ಪ್ರಯನ್ನಬ್ರವೀದ್ಯುಕ್ತಾಶ್ವಂ ಕನೀಯಾಂಸಂ ಭ್ರಾತರಮೇತೇಷಾಂ ನೋ ಭಾರ್ಯಾಣಾಮಧ್ಯಕ್ಷಃ ಸ್ಯಾ ಇತಿ ।
ಸ ಯುಕ್ತಾಶ್ವೋ ರಾಜವಳವಾನಾಂ ಶಿಶೂಞ್ಜಾತಾನ್ವಿಪರ್ಯಹರತ್ ।
ಯೇ ಕಲ್ಯಾಣಾ ಆಸಂಸ್ತಾನಾತ್ಮನೇಽಕೃತ ।
ಯೇ ಪಾಪೀಯಾಂಸಸ್ತಾನ್ರಾಜವಳವಾಸು ।
ತೇ ತದನ್ವಬುಧ್ಯನ್ತ ಶಿಶೂನ್ಹ ಜಾತಾನ್ವಿಪರ್ಯಹಾರ್ಷೀದಿತಿ ।
ತಮಬಾಧನ್ತ --ಸ್ತೇನೋಽಸ್ಯನೃಷಿರಿತಿ ।
ಸೋಽಕಾಮಯತ ಶ್ರದ್ಧಾಂ ವಿನ್ದೇಯೋಪ ಮಾ ಹ್ವಯೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ೨೩

ಸ ಓ ಇ ಜ್ವರೇತ್ಯೇವ ನಿಧನಮುಪೈತ್ ।
ತತೋ ವೈ ಸ ಶ್ರದ್ಧಾಮುಪಹವಮವಿನ್ದತ ।
ಶ್ರದ್ಧಾಂ ವಿನ್ದಾಮಹಾ ಇತಿ ಸತ್ರಮಾಸತೇ ।
ಶ್ರದ್ಧಾಮೇವ ವಿನ್ದನ್ತೇ ।
ಏತದ್ಧ ವೈ ವಾಚಸ್ಸತ್ಯಂ ಯದ್
ಓ ಇ ಜ್ವರೇ
ತಿ ।
ಜ್ವರೇತೀವ ಹ ವೈ ಚಾಚಸ್ಸತ್ಯಮ್ ।
ಸತ್ಯೇನ ವೈ ಸ ತದ್ವಾಚಶ್ಶ್ರದ್ಧಾಮುಪಹವಮವಿನ್ದತ ।
ಶ್ರದ್ಧಾನೀಯೋ ಭವತಿ । ವಿನ್ದತ ಉಪಹವಂ ಯ ಏವಂ ವೇದ ।
ತದು ಪ್ರಜನಿಷ್ಣು ಪಶವ್ಯಂ ಸಾಮ ।
ಓ ಇ ಜ್ವರೇ
ತಿ ನಿಧನಂ ಭವತಿ ।
ಅಜ್ಯತ ಇತಿ ಪಶುಂ ಪ್ರವೀಯಮಾಣಮಾಹುಃ ।
ಅಜ್ವರಾ ಹಾಸ್ಯ ಪಶವಃ ಪ್ರಜನಿಷ್ಣವೋ ಭವನ್ತಿ ಯ ಏವಂ ವೇದ ।
ಯದು ಯುಕ್ತಾಶ್ವೋಽಪಶ್ಯತ್ತಸ್ಮಾದ್ಯೌಕ್ತಾಶ್ವಮಿತ್ಯಾಖ್ಯಾಯತೇ ।
ಪುನಾನಸ್ಸೋಮ ಧಾರಯೇ
ತ್ಯುಭಯರೂಪಾ ಬೃಹತೀ ಭವತಿ ।
ಏಷಾ ಹ ವಾ ಉಭೇ ಸಾಮನೀ ಉದ್ಯಯಾಮ ।
ತಸ್ಮಾದೇತಾಂ ಕುರ್ವನ್ತ್ಯೇವ ಬೃಹತ್ಸಾಮ್ನಃ ಕುರ್ವನ್ತಿ ರಥನ್ತರಸಾಮ್ನಃ ।
ತಾಸು ಸೋಮಸಾಮನೀ ಪರಿಷ್ಟೋಭವತೀ ಬಾರ್ಹತೇ ।
ತಸ್ಮಾದ್ಬಾರ್ಹತೇಽಹನಿ ಕ್ರಿಯೇತೇ ।
ವೃಷಾ ವೈ ಸೋಮೋ । ವೃಷೇನ್ದ್ರ । ಷನ್ದ್ರ ಮೇತದಹಃ ।
ಕ್ಷತ್ರಂ ವೈ ಸೋಮಃ । ಕ್ಷತ್ರಮಿನ್ದ್ರ । ಷನ್ದ್ರ ಮೇತದಹಃ ।
ರೇತೋ ವೈ ಸೋಮಃ ಪ್ರಜನನಮೇತದಹಃ ।
ತದ್ಯದೇತೇ ಸಾಮನೀ ಏತಸ್ಮಿನ್ನಹನಿ ಕ್ರಿಯೇತೇ ಪ್ರಜನನ ಏವೈತದ್ರೇ ತಸ್ಸಿಚ್ಯತೇ ।
ಅನುಷ್ಠ್ಯಾಸ್ಯ ರೇತಸ್ಸಿಕ್ತಂ ಪ್ರಜಾಪತೇ ಯ ಏವಂ ವೇದ ।
ಊರ್ಧ್ವೇಳಮನ್ಯದ್ಭವತಿ ಬೃಹತೋ ರೂಪಂ ಬಾರ್ಹತೇಽಹನ್ ।
ಬಾರ್ಹತಮನ್ಯತ್ತ್ರಿಣಿಧನಂ ಮಾಧ್ಯನ್ದಿನಸ್ಯ ರೂಪಂ ಪವಮಾನಸ್ಯ ಧೃತ್ಯೈ ।
ಯದು ಸೋಮೋ ರಾಜಾಽಪಶ್ಯತ್ತಸ್ಮಾತ್ಸೋಮಸಾಮನೀ ಇತ್ಯಾಖ್ಯಾಯೇತೇ ।
ವೃಷಾ ಶೋಣೋ ಅಭಿಕನಿಕ್ರದದ್ಗಾ
ಇತಿ ವೃಷಣ್ವತೀರ್ಭವನ್ತಿ ।
ಬಾರ್ಹತಂ ವಾ ಏತದಹಸ್ತ್ರೈಷ್ಟುಭಂ ಕ್ಷತ್ರಸ್ಯ ರೂಪಮ್ ೨೪

ತಾಸು ಪಾರ್ಥಂ ದ್ವಿಯಭ್ಯಾಸಂ ದ್ವಿತೀಯಸ್ಯಾಹ್ನೋ ರೂಪಂ ಪರಿಷ್ಟೋಭವದ್ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ಪೃಥುರ್ವೈ ವೈನ್ಯೋಽಕಾಮಯತ ಸರ್ವೇಷಾಂ ಪಶೂನಾಂ ರಾಜ್ಯಾಯ ಸೂಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸರ್ವೇಷಾಂ ಪಶೂನಾಂ ರಾಜ್ಯಾಯ ಸೂಯೇಯತ ।
ಸ ಏತಚ್ಛ್ರೀಸ್ಸಾಮ ।
ಸರ್ವೇಷಾಂ ಪಶೂನಾಂ ರಾಜ್ಯಾಯ ಸೂಯತೇ ಯ ಏವಂ ವೇದ ।
ತದು ಸ್ತೋಭಪ್ರಸ್ತಾವಂ ಸ್ವರಂ ಭವತಿ ಸ್ವರಾಣಾಂ ವಿಭಕ್ತ್ಯೈ ।
ಏತದ್ಧ್ಯೇತಸ್ಯಾಹ್ನ ಸ್ವಾರಂ ಯತ್ಸ್ತೋಭಪ್ರಸ್ತಾವಮ್ ।
ಸ್ವಾರಮೂರ್ಧ್ವಮಿವೈತದಹರ್ । ಊರ್ಧ್ವಮಿವೈತತ್ಸಾಮ ।
ಅಹರೇವೈತೇನ ರೋಹತಿ ತುಷ್ಟುವಾನಃ ।
ಯದು ಪೃಥುರ್ವೈನ್ಯೋಽಪಶ್ಯತ್ತಸ್ಮಾತ್ಪಾರ್ಥಮಿತ್ಯಾಖ್ಯಾಯತೇ ೨೫

ವಾಸಿಷ್ಠಂ ತು ಕಾರ್ಯತರಮಾಹುಃ ।
ಕ್ಷತ್ರಮೇತದ್ಯತ್ಪಾರ್ಥಂ । ಕ್ಷತ್ರಮೇತದ್ಯತ್ಸೋಮಸಾಮನೀ । ಕ್ಷತ್ರಮೇತದಹಃ । ಕ್ಷತ್ರಂ ತೇನ ಯದೈನ್ದ್ರಂ । ಕ್ಷತ್ರಂ ತೇನ ಯತ್ತ್ರೈಷ್ಟುಭಂ । ಕ್ಷತ್ರಂ ತೇನ ಯದ್ಬಾರ್ಹತಂ । ಕ್ಷತ್ರಂ ತೇನ ಯತ್ಪಞ್ಚದಶಸ್ತೋಮಃ ।
ಏಕಧೈವ ಕ್ಷತ್ರಂ ಭವತಿ ।
ತದ್ಯತ್ಪುರಸ್ತಾದ್ಯೌಕ್ತಾಶ್ವಂ ಭವತಿ ವಾಸಿಷ್ಠಮುಪರಿಷ್ಟಾದೃಷಿಸಾಮನೀ ಬ್ರಹ್ಮಣ ಏವ ಸ ವಿವಧತಾಯೈ ।
ಬ್ರಹ್ಮ ಕ್ಷತ್ರೇಣ ಸಮದ್ಯಾಮ್ಯಸದಿತಿ ।
ವಸಿಷ್ಠೋ ವೈ ಜೀತೋ ಹತಪುತ್ರೋಽಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ತದೇತತ್ಪ್ರಜನನಂ ಸಾಮ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಾಸಿಷ್ಠಮಿತ್ಯಾಖ್ಯಾಯತೇ ।
ಅಥ ಬೃಹತ್ ।
ವರ್ಷ್ಮ ವೈ ಬೃಹತ್ ।
ವರ್ಷ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಅಥ ಶ್ಯೈತಂ । ಸಾಮ್ನೋರ್ವಿವಾಹೋ ಯಜ್ಞಸ್ಯ ಸನ್ತತಿಃ ।
ಏಕಂ ವಾವಾಹಸ್ತದ್ಯತ್
ತ್ವಾಮಿದಾ ಹ್ಯೋ ನರ
ಇತಿ ಭವತಿ ।
ತೇನೈವ ದ್ವಿತೀಯಮಹಃ ಕ್ರಿಯತೇ ೨೬

ತಾಸು ಮಾಧುಚ್ಛನ್ದಸಮ್ ।
ಮಧುಚ್ಛನ್ದಾ ವೈ ವೈಶ್ವಾಮಿತ್ರೋಽಕಾಮಯತಾಗ್ರ್ಯೋ ಮುಖ್ಯೋ ಬ್ರಹ್ಮವರ್ಚಸೀ ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽಗ್ರ್ಯೋ ಮುಖ್ಯೋ ಬ್ರಹ್ಮವರ್ಚಸ್ಯಭವತ್ ।
ಅಗ್ರ್ಯಾ ಮುಖ್ಯಾ ಬ್ರಹ್ಮವರ್ಚಸಿನೋಽಸಾಮೇತಿ ಸತ್ರಮಾಸತೇ ।
ಅಗ್ರ್ಯಾ ಏವ ಮುಖ್ಯಾ ಬ್ರಹ್ಮವರ್ಚಸಿನೋ ಭವನ್ತಿ ।
ಯದು ಮಧುಚ್ಛನ್ದಾ ವೈಶ್ವಾಮಿತ್ರೋಽಪಶ್ಯತ್ತಸ್ಮಾನ್ಮಾಧುಚ್ಛನ್ದಸಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೨೭

ಯಸ್ತೇ ಮದೋ ವರೇಣ್ಯ
ಇತ್ಯಾರ್ಭವಸ್ಯ ಪವಮಾನಸ್ಯ ಮದ್ವತೀರ್ಗಾಯತ್ರ್! ಯೋ ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಂ ಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತ್ಯೈವೈನದೇತೇನ ಪ್ಯಾಯಯನ್ತಿ ।
ತೇನಾ ಪವಸ್ವಾನ್ಧಸೇತ್ಯನ್ಧಸ್ವತೀರ್ಭವನ್ತ್ಯನ್ನಂ ವಾ ಅನ್ಧೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಜಘ್ನಿರ್ವೃತ್ರಮಮಿತ್ರಿಯಮ್
ಇತಿ ತ್ರೈಷ್ಟುಭಂ ರೂಪಮ್ ।
ಯದ್ವೈ ಘ್ನದ್ವತ್ತತ್ತ್ರಿಷ್ಟುಭೋ ರೂಪಮ್ ।
ಕ್ಷತ್ರಂ ಹಿ ತ್ರಿಷ್ಟುಪ್ ।
ಸಂಮಿಶ್ಲೋ ಅರುಷೋ ಭುವಸ್ಸೂಪಸ್ಥಾಭಿರ್ನ ಧೇನುಭಿರ್
ಇತಿ ಪ್ರದ್ರುತಮಿವ ವಾ ಇತ ಏತದಹರ್ಯದ್ಬಾರ್ಹತಮ್ ।
ಅದೋ ಹಿ ಬೃಹತ್ ।
ತದ್ಯತ್ಸೂಪಸ್ಥಾಭಿರಿತ್ಯಹ್ನ ಏವೋಪಸ್ಥಿತ್ಯೈ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಹಾವಿಷ್ಮತಂ ಪರಿಷ್ಟೋಭವದ್ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ಹವಿಷ್ಮಾಂಶ್ಚ ವೈ ಹವಿಷ್ಕೃಚ್ಚಾಙ್ಗಿರಸಾವಙ್ಗಿರಸಾಂ ಸ್ವರ್ಗಂ ಲೋಕಂ ಯತಾಮ್ । ಅಹೀಯೇತಾಮ್ ।
ತಾವಕಾಮಯೇತಾಮನೂತ್ಪತೇವ ಸ್ವರ್ಗಂ ಲೋಕಂ ಯತಾಮ್ । ಅಹೀಯೇತಾಮ್ ।
ತಾವಕಾಮಯೇತಾಮನೂತ್ಪತೇವ ಸ್ವರ್ಗಂ ಲೋಕಮಿತಿ ।
ತೌ ತಪೋಽತಪ್ಯೇತಾಮ್ ।
ತಾವೇತೇ ಸಾಮನೀ ಅಪಶ್ಯತಾಮ್ ।
ತಾಭ್ಯಾಮಸ್ತುವತಾಮ್ ।
ತೌ ಸ್ತುತ್ವೇವ ಹವಿಷ್ಮತೇ ಹವಿಷ್ಕೃತ ಇತ್ಯೇವ ಸ್ವರ್ಗಂ ಲೋಕಮನೂದಪತತಾಮ್ ।
ಪಶವೋ ಹ ಖಲು ವೈ ಹವಿಷ್ಮನ್ತಃ । ಪಶವೋ ಹವಿಷ್ಕೃತಃ ।
ಪಶೂನ್ವಾವ ತೌ ತದೇತಾಭ್ಯಾಮವಾರುನ್ಧೇತಾಮ್ ।
ತೈರು ಪಶುಭಿರಿಷ್ಟ್ವಾ ಸ್ವರ್ಗಮೇವ ಲೋಕಮಗಚ್ಛತಾಮ್ ।
ತೇ ಏತೇ ಪಶವ್ಯೇ ಸ್ವರ್ಗ್ಯೇ ಸಾಮನೀ ।
ಅವ ಪಶೂನ್ರುನ್ದ್ಧೇ ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ೨೮

ಪ್ರೋಕ್ತಿಶ್ಚ ಹ ಖಲು ವಾ ಏತೇ ಸಾಮನೀ ಹವಿಷೋ ನಿರುಕ್ತಿಶ್ಚ ।
ತದ್ಯದ್ಧಾವಿಷ್ಮತಂ ದ್ವಿತೀಯೇಽಹನಿ ಭವತಿ । ಹವಿಷ್ಮನ್ತ ಸ್ಮ ಇತ್ಯೇವೈತದ್ದೇವೇಭ್ಯಃ ಪ್ರಾಹುಃ ।
ಹವಿಷ್ಮನ್ತ ಇವ ಹ್ಯೇತರ್ಹಿ ಭವನ್ತಿ ।
ಅಥ ಯದ್ಧಾವಿಷ್ಕೃತಂ ನವಮೇಽಹನಿ ಭವತಿ । ಹವಿಷ್ಕೃತ ಸ್ಮ ಇತ್ಯೇವೈತದ್ದೇವೇಭ್ಯೋ ನಿರಾಹುಃ ।
ಹವಿಷ್ಕೃತ ಇವ ಹಿ ತರ್ಹಿ ಭವನ್ತಿ ।
ತೇ ಹ ವಾ ಏತೇ ಸಾಮನೀ ಪ್ರೋಕ್ತಿಶ್ಚೈವ ಹವಿಷೋ ನಿರುಕ್ತಿಶ್ಚ ।
ಯದು ಹವಿಷ್ಮಾಂಶ್ಚ ಹವಿಷ್ಕೃಚ್ಚಾಙ್ಗಿರಸಾವಪಶ್ಯತಾಂ ತಸ್ಮಾದ್ಧಾವಿಷ್ಮತ-ಹಾವಿಷ್ಕೃತೇ ಇತ್ಯಾಖ್ಯಾಯೇತೇ ।
ಪವಸ್ವ ಮಧುಮತ್ತಮ
ಇತಿ ಮಧುಮತೀಃ ಕಕುಭೋ ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮಧುಮತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತ್ಯೈವೈನದೇತೇನ ಪ್ಯಾಯಯನ್ತಿ ।
ಇನ್ದ್ರಾ ಯ ಸೋಮ ಋತುವಿತ್ತಮೋ ಮದಃ ।
ಮಹಿ ದ್ಯುಕ್ಷತಮೋ ಮದಃ ।
ಇತ್ಯಭಿಪೂರ್ವಮೇವಾಸ್ಮಿಂಸ್ತದ್ರ ಸಂ ಮದಂ ದಧತಿ ೨೯

ತಾಸು ಸೀದನ್ತೀಯಮ್ ।
ದೇವಾ ವಾ ಅಕಾಮಯನ್ತ ಸ್ವರ್ಗೇ ಲೋಕೇ ಸೀದೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸ್ವರ್ಗೇ ಲೋಕೇಽಸೀದನ್ ।
ಸ್ವರ್ಗೇ ಲೋಕೇ ಸೀದಾಮೇತಿ ಸತ್ರಮಾಸತೇ ।
ಸ್ವರ್ಗ ಏವ ಲೋಕೇ ಸೀದನ್ತಿ ।
ಯದು ದೇವಾ ಏತೇನ ಸಾಮ್ನಾ ಸ್ವರ್ಗೇ ಲೋಕೇಽಸೀದಂಸ್ತಸ್ಮಾತ್ಸೀದನ್ತೀಯಮಿತ್ಯಾಖ್ಯಾಯತೇ ।
ತದ್ವೇವಾಚಕ್ಷತೇ ಶಂಕ್ವಿತಿ ।
ಶಂಕುನಾ ವೈ ತದ್ದೃಂಹನ್ತಿ ಯದ್ದಧಿಷೇಣ್ಯಂ ಭವತಿ ।
ದಧಿಷೇಣ್ಯಮಿವೈತದಹರ್ಯದ್ದ್ವಿತೀಯಮ್ ।
ತಸ್ಮಾದ್ದ್ವಿತೀಯೇಽಹನ್ಕ್ರಿಯತೇ ।
ಇನ್ದ್ರ ಮಚ್ಛ ಸುತಾ ಇಮೇ ವೃಷಣಂ ಯನ್ತು ಹರಯಃ ।
ಶ್ರುಷ್ಟೇ ಜಾತಾಸ ಇನ್ದವ ಸ್ವರ್ವಿದಃ ।
ಇತ್ಯೃಚಾ ವೈ ಪೂರ್ವಮಹ ಸ್ವರ್ವತ್ಕ್ರಿಯತೇ । ಸಾಮ್ನೈತತ್ ।
ರಾಥನ್ತರಂ ಹಿ ಪೂರ್ವಮಹರ್ । ಬಾರ್ಹತಮೇತತ್ ೩೦

ತಾಸು ಸುಜ್ಞಾನಂ ।
ದೇವಾನ್ವಾ ಅಸುರಾ ವ್ಯವಂಹ್ವಾರಮಜಿಘಾಂಸನ್ಯದ್ರೂ ಪಂ ದೇವಾನಾಮಾಸೀತ್ತೇನ ರೂಪೇಣಾನುಪ್ರವಿಶ್ಯ ತೇಷಾಂ ಹ ದೇವಾನಾಂ ಯೇಽರಣ್ಯೇ ಸ್ವಾಧ್ಯಾಯಂ ಚೇರುರ್ ।
ಯೇ ಗ್ರಾಮ ಆಸುಸ್ । ತೇಷಾಂ ತಾನ್ರೂಪೇಣ ಜಿಘಾಂಸಾಂಚಕ್ರುಃ ।
ಅಥ ಯೇ ಗ್ರಾಮ ಆಸುರ್ । ಯೇಽರಣ್ಯೇ ಸ್ವಾಧ್ಯಾಯಂ ಚೇರುರ್ । ತೇಷಾಮು ತಾನ್ರೂಪೇಣ ಜಿಘಾಂಸಾಂಚಕ್ರುಃ ।
ತಾನ್ಹೈವ ವ್ಯವಂಹ್ವಾರಂ ಜಿಘಾಂಸಾಂ ಚಕ್ರುಃ ।
ತದ್ದೇವಾಃ ಪ್ರತ್ಯಬುಧ್ಯನ್ತೇ ।
ತೇಽಬ್ರುವನ್ಸಂವಾಚನಂ ಕರವಾಮಹಾ ಇತಿ ।
ತೇ ಸಂವಾಚನಮಕುರ್ವತ ಯಂ ಪೃಚ್ಛಾಮ ಚರನ್ತಂ ಕಮಚ್ಛ ಚರಸೀತಿ । ಇನ್ದ್ರ ಮಚ್ಛ ಚರಾಮೀತ್ಯೇವ ಸ ಬ್ರೂತಾದಿತಿ ।
ತೇ ಹ ಸ್ಮ ಯಂ ಪೃಚ್ಛನ್ತಿ ಚರನ್ತಂ ಕಮಚ್ಛ ಚರಸೀತಿ । ಇನ್ದ್ರ ಮಚ್ಛ ಚರಾಮೀತಿ ಹ ಸ್ಮೈವಾಹ ।
ಸುಜ್ಞಾನೋಽಸೀತಿ ಹ ಸ್ಮಾಹುಃ ।
ತದೇವ ಸುಜ್ಞಾನಸ್ಯ ಸುಜ್ಞಾನತ್ವಮ್ ।
ತತ್ಸಂಜ್ಞಾನಂ ವಾ ಏತತ್ಸಾಮ ।
ಸಂಜ್ಞಾನಮೇವಾಸ್ಮೈ ತೇನ ಭವತಿ । ಯೇನ ಕಾಮಯತೇಽನೇನ ಸಂಜಾನೀಯೇತಿ । ಯ ಏವಂ ವೇದ ।
ತೇಷಾಮು ಯೋ ಯ ಏವ ಪೃಷ್ಟೋ ನ ಪ್ರತ್ಯಮನುತ । ತಸ್ಯೈತದೇವ ಪ್ರಾಘ್ನನ್ ।
ತದು ಭ್ರಾತೃವ್ಯಹಾ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ದೇವಾ ವೈ ಸ್ವರ್ಗಂ ಲೋಕಂ ಯನ್ತೋ ಜ್ಞಾನಾದಬಿಭಯುಃ ।
ತೇಽಕಾಮಯನ್ತ ಜ್ಞಾನಮಾವಿರ್ಭಾವಂ ಗಚ್ಛೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಜ್ಞಾನಮಾವಿರ್ಭಾವಮಗಚ್ಛನ್ ।
ಜ್ಞಾನಮಾವಿರ್ಭಾವಂ ಗಚ್ಛತಿ ಯ ಏವಂ ವೇದ ।
ಅಯಂ ಪೂಷಾ ರಯಿರ್ಭಗಸ್ಸೋಮಃ ಪುನಾನೋ ಅರ್ಷತಿ ।
ಪತಿರ್ವಿಶ್ವಸ್ಯ ಭೂಮನೋ ವ್ಯಖ್ಯದ್ರೋ ದಸೀ ಉಭೇ ।
ಇತ್ಯುಭಯೋರೇವಾಹ್ನೋಸ್ಸಮಾರಮ್ಭಾಯ ।
ಯಥಾ ಹ ವಾ ಇದಂ ಶ್ರಮಣಂ ವ್ಯವಲಮ್ಬಮಾನಂ ನಯೇದೇವಂ ಹ ವಾ ಏತದಹರೇತೇ ಅಹನೀ ನಯತೋ ಬಾರ್ಹತಂ ರಾಥನ್ತರೇ ।
ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ೩೧

ಅಥ ಕ್ರೌಞ್ಚಮ್ ।
ಕ್ರುಂಙಾಂಗಿರಸ ಈಷ್ಯಮಿವಾಹರವಿನ್ದತ್ ।
ಈಷ್ಯಮಿವೈತದಹರ್ಯದ್ದ್ವಿತೀಯಮ್ ।
ತಸ್ಮಾದ್ದ್ವಿತೀಯೇಽಹನ್ಕ್ರಿಯತೇ ।
ಏಕಂ ವಾವಾಹರಾಸೀತ್ ।
ಸ ಕ್ರುಂಙಾಙ್ಗಿರಸೋಽಕಾಮಯತಾಹ್ನ ಏವಾಹರ್ನಿರ್ಮಿಮೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽಹ್ನೇ ಏವಾಹರ್ನಿರಮಿಮತ ।
ತದ್ಯದೇತತ್ಸಾಮ ಭವತ್ಯ್ । ಅಹ್ನ ಏವೈತೇನಾಹರ್ನಿರ್ಮಿಮತ ।
ಏತದ್ಧ ಸ್ಮ ವೈ ತತ್ಕ್ರುಙ್ಗಾಙ್ಗಿರಸೋಽಹ್ನೇ ಏವಾಹರ್ವಿಪಿಪೀತೇ ।
ಯದ್ಧ ವಾ ಇದಮಾಹುಃ ಕ್ರುಙ್ಕ್ಷೀರಂ ವಿಪಿಪೀತ ಇತಿ । ನ ಹ ವೈ ತತ್ಕ್ರುಙ್ವಿಪಿಪೀತೇ ।
ಕ್ರುಙ್ಹ ಸ್ಮ ವೈ ತದಾಙ್ಗಿರಸೋಽಹ್ನ ಏವಾಹರ್ವಿಪಿಪೀತೇ ।
ಕ್ರುಂಙಾಙ್ಗಿರಸ ಸ್ವರ್ಗಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸ್ವರ್ಗಂ ಲೋಕಮಾಶ್ನುತ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತದೂರ್ಧ್ವೇಳಂ ಭವತಿ ಬೃಹತೋ ರೂಪಂ ಬಾರ್ಹತೇಽಹನ್ ।
ತೇನ ವೈ ರೂಪಸಮೃದ್ಧಮ್ ।
ಯದು ಕ್ರುಂಙಾಙ್ಗಿರಸೋಽಪಶ್ಯತ್ತಸ್ಮಾತ್ಕ್ರೌಞ್ಚಮಿತ್ಯಾಖ್ಯಾಯತೇ ।
ವೃಷಾ ಮತೀನಾಂ ಪವತೇ ವಿಚಕ್ಷಣ ಇತಿ ವೃಷಣ್ವತೀರ್ಭವನ್ತಿ ।
ಬಾರ್ಹತಂ ವಾ ಏತದಹಸ್ತ್ರೌಷ್ಟುಭಂ ಕ್ಷತ್ರಸ್ಯ ರೂಪಮ್ ೩೨

ತಾಸು ಯಾಮಮ್ ।
ಯಮಮಿವ ವಾ ಏತದಹರ್ಯದ್ದ್ವಿತೀಯಮ್ ।
ಯಥಾ ವೈ ಯಮೌ ಜಾಯೇಯಾತಾಮೇವಮೇತದಹಃ ।
ಯಮೈರ್ವೈ ಯಮೋತ್ಗಮೋರವಂ ಲೋಕಾನ್ನಿರುಂಹ್ಯ ಲೋಕಮಸ್ಯಾಭ್ಯಾರೋಹತ್ ।
ಲೋಕಾದೇವ ದ್ವಿಷನ್ತಂ ಭ್ರಾತೃವ್ಯಂ ರುಂಹ್ಯ ಲೋಕಮಸ್ಯಾಭ್ಯಾರೋಹತಿ ಯ ಏವಂ ವೇದ ।
ಮನ್ತ್ರೇಣರ್ಷಯೋ ನಿದಾನವನ್ತೋ ಯಾಮೇನ ಯಮಃ ।
ನಿದಾನವನ್ತೋಽಸಾಮೇತಿ ಸತ್ರಮಾಸತೇ ।
ನಿದಾನವನ್ತ ಏವ ಭವನ್ತಿ ।
ತದ್ಗೃಹಾ ವೈ ನಿದಾನಂ । ಪ್ರಜಾ ನಿದಾನಂ । ಪಶವೋ ನಿದಾನಂ । ಸ್ವರ್ಗೋ ಲೋಕೋ ನಿದಾನಮ್ ।
ನಿದಾನವಾನ್ಭವತಿ ಯ ಏವಂ ವೇದ ।
ಯಮಂ ವೈವಸ್ವತಂ ದೇವಾ ಅಮುಷ್ಮೈ ಲೋಕಾಯಾಸುವತ ।
ಸೋಽಕಾಮಯತ ನಿದಾನವಾನಸ್ಮಿಁ ಲ್ಲೋಕೇ ಸ್ಯಾಮಿತಿ ।
ಸ ಏತಾನಿ ಯಾಮಾನಿ ಸಾಮಾನ್ಯಪಶ್ಯತ್ ।
ತೈರಸ್ತುತ ।
ತೈರಸ್ಮಿಁ ಲ್ಲೋಕೇ ನಿದಾನವಾನಭವತ್ ।
ಏತನ್ನಿದಾನೋ ಹ ವಾವ ಸೋಽಸ್ಮಿಁ ಲ್ಲೋಕೇ ಏತತ್ಪ್ರಜಾ ಏತೈರೇವ ಸಾಮಭಿರ್ಯ ಏವೈತಾನಿ ಸಾಮಾನಿ ವೇದ ।
ತೇನಾಸ್ಮಿಁ ಲ್ಲೋಕೇ ನಿದಾನವಾನ್ಯಮಸ್ಯ ಪುತ್ರತಾಂ ಗಚ್ಛತಿ ಯ ಏವಂ ವೇದ ।
ತದಾಹುಃ ಪಿತೃದೇವತ್ಯಾನಿ ಸಾಮಾನಿ ।
ಈಶ್ವರಃ ಪುರಾಯುಷೋಽಮುಂ ಲೋಕಮೇತೋರಿತ್ಯಾಯುರಿತಿ ವಾ ಸ್ತೋಭತ್ಯಥೋ ವಾಯುರಿತಿ ।
ತಥಾ ಹ ಪುರಾಯುಷೋಽಮುಂ ಲೋಕಂ ನೈತಿ ।
ಯದು ಯಮೋಽಪಶ್ಯತ್ತಸ್ಮಾದ್ಯಾಮಮಿತ್ಯಾಖ್ಯಾಯತೇ ।
ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಏಹ್ಯೂ ಷು ಬ್ರವಾಣಿ ತೇ ಅಗ್ನ ಇತ್ಥತರಾ ಗಿರಃ ।
ಏಭಿರ್ವರ್ಧಾಸ ಇನ್ದುಭಿಃ
ಇತಿ ವೃದ್ಧಂ ಹ್ಯೇತದಹರ್ಯದ್ಬಾರ್ಹತಮ್ ೩೩

ತಾಸು ಸಾಕಮಶ್ವಂ ಸ್ವರ್ಗ್ಯಂ ಸಾಮ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಏವಾ ಹ್ಯಸಿ ವೀರಯುರ್
ಇತ್ಯೇವೇತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ತಾಸ್ವಾಮಹೀಯವಂ ಪ್ರಾಜಾಪತ್ಯಂ ಸಾಮ ।
ಕ್ಷತ್ರಂ ವೈ ಪ್ರಜಾಪತಿಃ ।
ಪ್ರಾಜಾಪತ್ಯಮೇತದಹಃ ।
ತದ್ಗಾಯತ್ರೀಷು ಭವತಿ ।
ಬ್ರಹ್ಮ ವೈ ಗಾಯತ್ರೀ ।
ಕ್ಷತ್ರಮೇತದಹಃ ।
ತದ್ಯದ್ಗಾಯತ್ರೀಷ್ವಾಮಹೀಯವಂ ಭವತಿ । ಬ್ರಹ್ಮೈವ ತದ್ಯಶಸಾರ್ಪಯನ್ತಿ ।
ಬ್ರಹ್ಮಣೋಽಸ್ಯ ಸತಃ ಕ್ಷತ್ರಸ್ಯೇವ ಪ್ರಕಾಶೋ ಭವತಿ ಯ ಏವಂ ವೇದ ।
ಏತಸ್ಮಾದ್ಧ ವಾ ಇದಂ ಬ್ರಾಹ್ಮಣಾನಾಂ ರಾಜ್ಞಾಮಿವ ಪ್ರಕಾಶೋ ಯದ್ಗಾಯತ್ರೀಷೂಕ್ಥಂ ಬ್ರಹ್ಮಸಾಮ ಭವತಿ ।
ತತ್ಸಮಾನಂ ವದನ್ತೀಷು ಭವತಿ ।
ಯದ್ಧ ವೈ ಬಹವಸ್ಸಮಾನಮಾಚಕ್ಷತೇ ತತ್ಸತ್ಯಮ್ ।
ತದ್ಯದ್
ಏವಾ ಹ್ಯಸಿ ವೀರಯುರೇವಾಶೂರ ಉತ ಸ್ಥಿರಃ ।
ಏವಾ ತೇ ರಾಧ್ಯಂ ಮನಃ
ಇತಿ ಭವತಿ ಸತ್ಯಸ್ಯೈವರ್ದ್ಧ್ಯೈ ।
ಇನ್ದ್ರಂ ವಿಶ್ವಾ ಅವೀವೃಧನ್ನ್
ಇತಿ ವೃದ್ಧಂ ಹ್ಯೇತದಹರ್ಯದ್ಬಾರ್ಹತಮ್ ।
ತಾಸ್ವಾಷ್ಟಾದಂಷ್ಟ್ರಮುಕ್ತಬ್ರಾಹ್ಮಣಮ್ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ।
ಅಭೀಳಾಯೈ ಸ್ವರೇಣ ತೃತೀಯಮಹ ಸ್ವರತಿ ೩೪

ದವಿದ್ಯುತತ್ಯಾ ರುಚೇ
ತಿ ಪ್ರತಿಪದೋ ಭವನ್ತಿ ।
ದವಿದ್ಯುತತ್ಯಾ ರುಚೇ
ತಿ ವೈ ಗಾಯತ್ರ್! ಯೈ ರೂಪಮ್ ।
ಪರಿಷ್ಟೋಭನ್ತ್ಯಾ
ಕೃಪೇತಿ ತ್ರಿಷ್ಟುಭಃ ।
ಸೋಮಾಶ್ಶುಕ್ರಾ ಗವಾಶಿರ
ಇತಿ ಜಗತ್ಯೈ ।
ಛನ್ದಸಾಂ ವಾ ಏಷಾಂ ರೂಪಂ ಛನ್ದೋಭಿಸ್ತೃತೀಯಸವನಂ ಕ್ರಿಯತೇ ।
ತೃತೀಯಸವನಮಿವ ವೈ ತೃತೀಯಮಹಃ ।
ತಾ ಏತಾ ಭವನ್ತಿ ಗಾಯತ್ರ್! ಯೋ ಜಗದ್ವರ್ಣಾ ಅಹ್ನೋರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮೃದ್ಧಯನ್ತಿ ಸಂ ತತ್ರರ್ಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಏತೇ ಅಸೃಗ್ರಮಿನ್ದವ
ಇತ್ಯನುರೂಪೋ ಭವತಿ ।
ಭೂತಾನುವಾದಿನೀರೇತ ಏತ ಇತಿ ವೈ ಪೂರ್ವಾಣ್ಯತೋಽನುದಿಶನ್ತಿ ।
ಬೃಹದ್ರ ಥನ್ತರಯೋರೇವೈತದ್ಯಾತೇನ ಯಾನ್ತಿ ತ್ರಿವೃತ್ಪಞ್ಚದಶಯೋ ಸ್ತೋಮಯೋಃ ।
ತದಾಹುಸ್ಸಾಮ್ನ ಏವ ರೂಪಂ ಸ್ತೋತ್ರಿಯೇಣಾರಭನ್ತೇಽನುರೂಪೇಣಾಹ್ನ ಇತಿ ।
ಸ್ತೋತ್ರಿಯಾನುರೂಪೌ ಭವತಃ ।
ಪ್ರಾಣೋ ವೈ ಸ್ತೋತ್ರಿಯೋಽಪಾನೋಽನುರೂಪಃ ।
ಪ್ರಾಣಾಪಾನಾಭ್ಯಾಮೇವೈತತ್ಸಮೃಧ್ಯ ಪ್ರಯನ್ತಿ ೩೫

ತಾ ಗೋಮತೀರಿಳಾವತೀರಶ್ವವತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಅನ್ತರಿಕ್ಷವತೀರ್ಭವನ್ತಿ ।
ಅನ್ತರಿಕ್ಷಂ ಹ್ಯೇತದಹಃ ।
ಆಶೀರ್ವತೀರ್ಭವನ್ತಿ ।
ಆಶೀರ್ವದ್ಧ್ಯೇತದಹಃ ।
ಅಥೋ ಆಶಿರಂ ವೈ ತೃತೀಯಸವನೇಽವನಯನ್ತಿ ।
ತೃತೀಯಸವನಭಾಜನಮೇತದಹಃ ।
ಪಞ್ಚರ್ಚಂ ಭವತಿ ಪಞ್ಚ ವೈ ದಿಶೋ ದಿಶಾಮೇವ ಧೃತ್ಯೈ ।
ಅಥೋ ಪಾಂಕ್ತೋ ವೈ ಯಜ್ಞೋ ಯಜ್ಞಸ್ಯೈವಾರಮ್ಭಾಯ ।
ಪರ್ಯಾಸೋ ಭವತಿ ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ಸಪ್ತದಶಸ್ತೋಮೋ ಭವತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಾವೇವೈತತ್ಪ್ರತಿತಿಷ್ಠನ್ತೋ ಯನ್ತಿ ೩೬

ಅಗ್ನಿನಾಗ್ನಿಸ್ಸಮಿಧ್ಯತ
ಇತ್ಯಾಗ್ನೇಯಮಾಜ್ಯಂ ಭವತಿ ರಾಥನ್ತರಮ್ ।
ರಾಥನ್ತರಂ ಹ್ಯೇತದಹಃ ।
ಯದ್ಧ ವಾ ಅಗ್ನಿನಾಗ್ನಿಸ್ಸಮಿದ್ಧ್ಯತೇ ವೈರೂಪಂ ಹ ವೈ ತದ್ರ ಥನ್ತರೇಣ ಸಮಿಧ್ಯತೇ । ರಥನ್ತರಂ ವಾ ವೈರೂಪೇಣ ।
ತದು ಹೋವಾಚ ಸೌಜಾತಸ್ಯಾರಾಟೇರ್ಜಾಯಾ ಯನ್ನು ಮೇ ದ್ವೇ ಏವ ಪೃಷ್ಠೇ ಪತಿರಮನ್ಯತಾಥ ಕ್ರೋಽಯಂ ಗರ್ದಭ ಔದುಮ್ಬರಿಮಭಿನಾನದ್ಯತ ಇತಿ ।
ತದಾಹೂ ರಾಥನ್ತರಮೇತದಹಃ ।
ತಸ್ಮಾದೇತಸ್ಯಾಹ್ನೋ ರಥನ್ತರಂ ಪೃಷ್ಠಂ ಕಾರ್ಯಮಿತಿ ।
ತದು ವಾ ಆಹುಃ ಕೋ ವಾ ನ್ವೈ ಸ್ಯಾತ್ಪುರುಷಃ ಕೋ ವಾ ಯದಸ್ಯಾತ್ಮೇವ ಸ್ಯಾನ್ನ ಪಶವಃ ।
ಆತ್ಮಾ ವೈ ಬೃಹದ್ರ ಥನ್ತರೇ ।
ಪಶವಃ ಪೃಷ್ಠಾನಿ ।
ತಸ್ಮಾದೇತಸ್ಯಾಹ್ನೋ ವೈರೂಪಮೇವ ಪೃಷ್ಥಂ ಕಾರ್ಯಮಿತಿ ।
ತದ್ಯದೇತಸ್ಯಾಹ್ನೋ ವೈರೂಪಂ ಪೃಷ್ಠಂ ಭವತ್ಯಾತ್ಮನ್ನೇವೈತದ್ಪಶೂನ್ಪ್ರತಿಷ್ಠಾಪಯನ್ತಿ ೩೭

ಮಿತ್ರಂ ಹುವೇ ಪೂತದಕ್ಷಮ್
ಇತಿ ಮೈತ್ರಾವರುಣಂ ಭವತಿ ।
ಹು ಇತಿ ವೈ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ವರುಣಂ ಚ ರಿಶಾದಸಂ ಧಿಯಂ ಘೃತಾಚೀಂ ಸಾಧನ್ತೇ
ತಿ ಸಿದ್ಧ್ಯಾ ಏವ ।
ಋತೇನ ಮಿತ್ರಾವರುಣಾವೃತಾವೃಧಾವೃತಸ್ಪೃಶಾ ।
ಋತುಂ ಬೃಹನ್ತಮಾಶಾಥೇ
ಕವೀ ನೋ ಮಿತ್ರಾವರುಣಾ
ಇತಿ ವೀತಿ ಭವತ್ಯನ್ತರಿಕ್ಷಸ್ಯ ರೂಪಮ್ ।
ಅನ್ತರಿಕ್ಷಭಾಜನಮೇತದಹಃ ।
ಇನ್ದ್ರೇ ಣ ಸಂ ಹಿ ದೃಕ್ಷಸ
ಇತ್ಯೈನ್ದ್ರಂ ಭವತಿ ।
ಸಮಿತಿ ಚ ವೈ ವೀತಿ ವಾನ್ತರಿಕ್ಷಸ್ಯ ರೂಪಮ್ ।
ಇತೋ ವಾ ಅಯಂ ಊರ್ಧ್ವೋ ಲೋಕೋಽರ್ವಾಙಸಾವಮುತಃ ।
ಸಮಿತಿ ಚ ವಾ ಇದಮನ್ತರಿಕ್ಷಂ ವೀತಿ ಚ ।
ಸಂಜಗ್ಮಾನೋ ಅಬಿಭ್ಯುಷಾ ಮನ್ದೂ ಸಮಾನವರ್ಚಸೇ
ತಿ ।
ಸಮಾನಂ ವೈ ತೃತೀಯಂ ಚ ಚತುರ್ಥಂ ಚಾಹನೀ ।
ತೃತೀಯಾದ್ವಾ ಅಹ್ನಶ್ಚತುರ್ಥಮಹಃ ಪ್ರಜಾತಮ್ ।
ಆದಹ ಸ್ವಧಾಮನು ಪುನರ್ಗರ್ಭತ್ವಮೇರಿರ
ಇತಿ ಪುನರೇವೈತತ್ತೃತೀಯೇಽಹನಿ ಗರ್ಭತ್ವಮೇರಯನ್ತೇ ಚತುರ್ಥಸ್ಯಾಹ್ನಃ ಪ್ರಜಾತ್ಯೈ ।
ದಧಾನಾ ನಾಮ ಯಜ್ಞಿಯಂ
ವೀಳು ಚಿದಾರುಜತ್ನುಭಿರ್ಗುಹಾ ಚಿದಿನ್ದ್ರ ವಹ್ನಿಭಿಃ ।
ಅವಿನ್ದ ಉಸ್ರಿಯಾ ಅನು
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ೩೮

ತೋ ಹುವೇ ಯಯೋರಿದಮ್
ಇತ್ಯೈನ್ದ್ರಾ ಗ್ನಂ ಭವತಿ ।
ವಾಚಮೇವೈತದ್ಯಜ್ಞಮೂಹಿಷೀಮನ್ತ ತ ಉಪಹ್ವಯನ್ತೇ
ಪಪ್ರೇ ವಿಶ್ವಂ ಪುರಾ ಕೃತಮ್
ಇತಿ ।
ಪುರೇವ ಹ್ಯೇತದೇತರ್ಹಿ ಕೃತಂ ಭವತಿ ।
ಇನ್ದ್ರಾ ಗ್ನೀ ನ ಮರ್ಧತಃ
ಉಗ್ರಾ ವಿಘನಿನಾ ಮೃಧ
ಇತಿ ।
ವೀತಿ ಭವತ್ಯನ್ತರಿಕ್ಷಸ್ಯ ರೂಪಮ್ ।
ಅನ್ತರಿಕ್ಷಭಾಜನಮೇತದಹಃ ।
ಹಥೋ ವೃತ್ರಾಣ್ಯಾರ್ಯಾ ಹಥೋ ದಾಸಾನಿ ಸತ್ಪತೀ ।
ಹಥೋ ವಿಶ್ವಾ ಅಪ ದ್ವಿಷಃ
ಇತಿ ವಾರ್ತ್ರಘ್ನಂ ಭವತ್ಯನ್ತತೋ ವಿಜಿತ್ಯೈ ।
ಏತೇನ ವೈ ತ್ರ್! ಯಹೇಣ ದೇವಾ ಅಗ್ರೇ ವ್ಯಜಯನ್ತ ।
ತದ್ಯದೇತದ್ಬಾರ್ತ್ರಘ್ನಮನ್ತತ ಆಜ್ಯಂ ಕ್ರಿಯತೇ । ವಿಜಿತ್ಯಾ ಏವ ಭ್ರಾತೃವ್ಯಸ್ಯೈವ ವಧಾಯ ।
ವಿಜಯತೇ । ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ । ಯ ಏವಂ ವೇದ ।
ಸಪ್ತದಶ ಸ್ತೋಮೋ ಭವತಿ ।
ಪ್ರಜಾಪತಿರ್ವೈ ಸಪ್ತದಶಃ ।
ಪ್ರಜಾಪತಾವೇವೈತತ್ಪ್ರತಿತಿಷ್ಠನ್ತೋ ಯನ್ತಿ ೩೯

ಉಚ್ಚಾ ತೇ ಜಾತಮನ್ಧಸೇ
ತಿ ಮಾಧ್ಯನ್ದಿನಸ್ಯ ಪವಮಾನಸ್ಯಾನ್ಧಸ್ವತೀರ್ಗಾಯತ್ರ್! ಯೋ ಭವನ್ತ್ಯನ್ನಂ ವಾ ಅನ್ಧೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ದಿವಿ ಸದ್ಭೂಮ್ಯಾ ದದ
ಇತಿ ದ್ಯಾವಾಪೃಥಿವೀಯಾ ಭವನ್ತಿ ।
ಅಪ್ರತಿಷ್ಠಿತಮಿವ ವಾ ಏತದಹರ್ಯದ್ವೈರೂಪಮ್ ।
ತದ್ಯದೇತಾ ದ್ಯಾವಾಪೃಥಿವೀಯಾ ಭವನ್ತ್ಯಹರೇವೈತಾಭಿಃ ಪ್ರತಿಷ್ಠಾಪಯನ್ತಿ ।
ಸ ನ ಇನ್ದ್ರಾ ಯ ಯಜ್ಯವೇ ವರುಣಾಯ ಮರುದ್ಭ್ಯ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ಏನಾ ವಿಶ್ವಾನ್ಯರ್ಯ ಆ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ವೈಷ್ಟಮ್ಭಮ್ ।
ಊರ್ಧ್ವಾ ವೈ ದೇವಾ ಸ್ವರ್ಗಂ ಲೋಕಮುದಕ್ರಾಮನ್ ।
ತೇ ದಿಶೋ ನಾಪಶ್ಯನ್ ।
ತೇಽಕಾಮಯನ್ತ ದಿಶಃ ಪಶ್ಯೇಮೇತಿ ।
ತ ಏತೇ ಸಾಮನೀ ಅಪಶ್ಯನ್ ।
ತಾಭ್ಯಾಮಸ್ತುವತ ।
ತತೋ ದಿಶೋಽಪಶ್ಯನ್ ।
ತಾಸ್ವಾಕ್ರಮನ್ತ ।
ತಾಸ್ಸಮಿವಾಪ್ಲೀಯನ್ತ ।
ತಾ ಏತಾಭ್ಯಾಂ ನಿಧನಾಭ್ಯಾಂ ಯಥಾ ಚರ್ಮ ಕುಶೀಭ್ಯಾಮನ್ವಸ್ಯೇದೇವಮೇವಾಭ್ಯಾಮನ್ವಾಸ್ಯನ್ ।
ತಾ ಅಧ್ರಿಯನ್ತ ।
ತದ್ಯದೇತೇ ಸಾಮನೀ ಭವತೋ ದಿಶಾಮೇವ ಧೃತ್ಯೈ ಸ್ವರ್ಗಸ್ಯ ಚ ಲೋಕಸ್ಯೋಜ್ಜಿತ್ಯೈ ।
ದಿಶೋ ವಾ ಏತದಹರ್ । ದಿಶ ಏತೇ ಸಾಮನೀ ।
ತದ್ಯದೇತೇ ಸಾಮನೀ ಏತಸ್ಮಿನ್ನಹನಿ ಕ್ರಿಯೇತೇ । ದಿಶ ಏವೈತತ್ಪ್ರತ್ಯಕ್ಷಮಾರಭನ್ತೇ ।
ಅಭಿ ಸೋಮಾಸ ಆಯವ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ೪೦

ಯದ್ಯದ್ವೈ ದೇವಾ ಯಜ್ಞೇಽಕುರ್ವತ । ತತ್ತದ್ವೇವಾಸುರಾ ಅನ್ವಕುರ್ವತ ।
ತೇ ದೇವಾ ಅಬ್ರುವನ್ಯದ್ಯದ್ವಾವ ವಯಂ ಯಜ್ಞೇ ಕುರ್ಮಹೇ । ತತ್ತನ್ನೋಽಸುರಾ ಅನುಕುರ್ವತೇ ।
ಏತೇಮಂ ತ್ರಯಂ ವೇದಂ ಗಾಥಯಾ ಸಂಸೃಜಾಮೇತಿ ।
ತೇ ತ್ರಯಂ ವೇದಂ ಗಾಥಯಾ ಸಂಯುಕ್ತಂ ನ್ಯಾಸ್ಯನ್ ।
ತಮಸುರಾ ಅಬ್ರುವನ್ನ ವಾ ಅಯಮಭೂದ್ಯಂ ಗಾಥಯಾ ಸಮಸ್ರಾಕ್ಷುಃ ।
ಏತೇಮಂ ಜಹಾಮೇತಿ ।
ತಮಜಹುಃ ।
ತಸ್ಮಾದ್ಧೀನಾದ್ದೇವಾ ಏತಂ ಗಾಥಾಯೈ ರಸಂ ಪ್ರಾವೃಹನ್ತ ।
ಸ ಏಷ ಪ್ರಗಾಥೋಽಭವತ್ ।
ತದ್ಯದ್ಗಾಥಾಯೈ ರಸಂ ಪ್ರಾವೃಹನ್ತ । ತತ್ಪ್ರಗಾಥಸ್ಯ ಪ್ರಗಾಥತ್ವಮ್ ।
ಸ ಹೈಷ ರಸ ಏವ ಪ್ರವೃಢಃ ।
ರಸೇನ ಹಾಸ್ಯ ಸ್ತುತಂ ಭವತಿ ಯ ಏವಂ ವಿದ್ವಾನ್ಪ್ರಗಾಥೇನ ಸ್ತುತೇ ।
ಅಥ ಹ ವಾ ಅಗ್ರ ಋಕ್ಚ ಗಾಥಾ ಚ ಸದೃಶ್ಯಾವೇವಾಸತುರ್ । ತಾನ್ಯಾನ್ಯಾಮತಿ ।
ತೇ ಆಜಿಮೈತಾಮ್ ।
ಸೈತಂ ಋಗ್ಗಾಥಾಯೈ ರಸಂ ಪ್ರಾವೃಹತ ।
ಸ ಏಷ ಪ್ರಗಾಥೋಽಭವತ್ ।
ತದ್ಯದ್ಗಾಥಾಯೈ ರಸಂ ಪ್ರಾವೃಹತ । ತದ್ವೇವ ಪ್ರಗಾಥಸ್ಯ ಪ್ರಗಾಥತ್ವಮ್ ।
ಸ ಹೈಷ ರಸ ಏವ ಪ್ರವೃಢಃ ।
ರಸೇನ ಹಾಸ್ಯ ಸ್ತುತಂ ಭವತಿ ಯ ಏವಂ ವಿದ್ವಾನ್ಪ್ರಗಾಥೇನ ಸ್ತುತೇ ೪೧

ತಸ್ಮಿನ್ನು ಹ ದೇವಾ ವಿರಾಜಮನ್ನಾದ್ಯಂ ದದೃಶುರ್ಮಿಥುನಂ ಪ್ರಜನನಮ್ ।
ತದ್ಯಚ್ಚತುಷ್ಪದಾ ಪ್ರಥಮಾ ಭವತಿ ತ್ರಿಪದೇ ಉತ್ತರೇ ದ್ವೇ । ತಾನಿ ದಶ ಪದಾನಿ ಸಂಪದ್ಯನ್ತೇ ।
ದಶಾಕ್ಷರಾ ವಿರಾಡ್ । ಅನ್ನಂ ವಿರಾಟ್ ।
ಏತಾಂ ಹ ತದ್ದದೃಶುಃ ।
ಅಥ ಯದ್ಬೃಹತೀತಿ ಪೂರ್ವಾಮಾಚಕ್ಷತೇ ಪ್ರಗಾಥ ಇತ್ಯುತ್ತರೇ ತದು ಮಿಥುನಂ ಪ್ರಜನನಮ್ ।
ತಸ್ಮಿನ್ನು ಹೈವ ವಸಿಷ್ಠೋ ವಿರಾಜಮನ್ನಾದ್ಯಂ ದದರ್ಶಾಚತುರಂ ಮಿಥುನಂ ಪ್ರಜನನಮ್ ।
ತದ್ಯಚ್ಚತುಷ್ಪದಾ ಪ್ರಥಮಾ ಭವತಿ ದ್ವಿಪದ ಉತ್ತರಾಸ್ತಿಸ್ರಸ್ತಾನಿ ದಶ ಪದಾನಿ ಸಂಪದ್ಯನ್ತೇ ।
ದಶಾಕ್ಷರಾ ವಿರಾಡ್ । ಅನ್ನಂ ವಿರಾಟ್ ।
ಏತಾಂ ಹ ತದ್ದದರ್ಶ ।
ಏಕೇತಿ ತದೇಕಾ । ದ್ವೇ ಇತಿ ತತ್ತಿಸ್ರಸ್ । ತಿಸ್ರ ಇತಿ ತತ್ಷಟ್ । ಚತಸ್ರ ಇತಿ ತದ್ದಶ ।
ಸೋ ಏವ ವಿರಾಟ್ ।
ಏಕ ಇತ್ಯೇಕೇತಿ । ದ್ವಾವಿತಿ ದ್ವೇ ಇತಿ । ತ್ರಯ ಇತಿ ತಿಸ್ರ ಇತಿ । ಚತ್ವಾರ ಇತಿ ಚತಸ್ರ ಇತ್ಯ್ । ಏತದ್ವಾ ಆಚತುರಂ ಮಿಥುನಂ ಪ್ರಜನನಮ್ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ೪೨

ತಾಸು ಪೌರುಮುದ್ಗಮ್ ।
ಇಳಾವಾನ್ಪವಮಾನಃ ಪೌರುಮುದ್ಗೇನ ಕ್ರಿಯತೇ ।
ಪುರುಮುದ್ಗ ಆಙ್ಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ಧ ।
ತದೇತತ್ಪಶವ್ಯಂ ಸಾಮ ।
ಅಬ ಪಶೂನ್ರುನ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಪುರುಮುದ್ಗ ಆಙ್ಗಿರಸೋಽಪಶ್ಯತ್ತಸ್ಮಾತ್ಪೌರುಮುದ್ಗಮಿತ್ಯಾಖ್ಯಾಯತೇ ।
ದೇವಾಶ್ಚ ವಾ ಅಸುರಾಶ್ಚಾಧಿ ಸಮುದ್ರ ಮಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತ ಪೂರ್ವ ಏವಾಸುರಾನ್ಸಮುದ್ರೇ ಮಜ್ಜಯೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನಾಸುರಾನ್ಪೂರ್ವೇಽಮಜ್ಜಯನ್ ।
ತದ್ಯತ್ಪೂರ್ವೇಽಮಜ್ಜಯಂಸ್ತದ್ವೇವ ಪೌರುಮುದ್ಗಸ್ಯ ಪೌರುಮುದ್ಗತ್ವಮ್ ।
ಪೂರ್ವ ಏವ ದ್ವಿಷನ್ತಂ ಭ್ರಾತೃವ್ಯಂ ಮಜ್ಜಯತಿ ಯ ಏವಂ ವೇದ ।
ತೇಷಾಮು ಯೋ ಯ ಏವೋದಮಜ್ಜತ್ತಸ್ಯೈತೇನೈವ ಸಾಮ್ನಾ ಪ್ರಾಘ್ನನ್ ।
ತದು ಭ್ರಾತೃವ್ಯಹಾ ।
ಕಸ್ಮಾದೇತತ್ಸಾಮಾಹೂ ರಕ್ಷೋಹೇತಿ ।
ರಕ್ಷಾಂಸೀವ ವಾ ಏತತ್ತಾನಘ್ನನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮ್ । ಅವ ರಕ್ಷಃ ಪಾಪ್ಮಾನಂ ಹತೇ ಯ ಏವಂ ವೇದ ೪೩

ಅಥ ಗೌತಮಮ್ ।
ಉಭೌ ವರ್ಣೌ ಸಮೃದ್ಧ್ಯೈ ಬಾರ್ಹತಂ ಪ್ರಸ್ತಾವೇನ ರಾಥನ್ತರಮೂರ್ಧಮ್ ।
ಗೋತಮೋ ವೈ ರಾಹೂಗಣೋಽಕಾಮಯತ ಸಾತಸನಿ ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸಾತಸನಿರಭವತ್ ।
ಸಾತಸನಯೋಽಸಾಮೇತಿ ಸತ್ರಮಾಸತೇ ।
ಸಾತಸನಯ ಏವ ಭವನ್ತಿ ।
ತದ್ಯೇ ಚ ಹ ವೈ ಗೋತಮಾದೃಷಯಃ ಪರಾಞ್ಚೋ ಯೇ ಚಾರ್ವಾಞ್ಚಸ್ತೇ ಗೋತಮಮೇವರ್ಷಿಮುಭಯ ಉಪಾಸತೇ ।
ಏತಂ ಹಿ ಸ ಮಹಿಮಾನಮಪಶ್ಯತ್ ।
ಯೇ ಚ ಹಾಸ್ಮಾತ್ಪರಾಞ್ಚಃ ಪಿತರೋ ಭವನ್ತಿ । ಯೇ ಚಾರ್ವಾಞ್ಚಸ್ತ ಏನಮುಭಯ ಉಪಾಸತೇ ಯ ಏವಂ ವೇದ ।
ಯದು ಗೋತಮೋ ರಾಹೂಗಣೋಽಪಶ್ಯತ್ತಸ್ಮಾದ್ಗೌತಮಮಿತ್ಯಾಖ್ಯಾಯತೇ ೪೪

ಅಥಾನ್ತರಿಕ್ಷಮ್ ।
ದೇವಾನ್ವಾ ಅನ್ತರಿಕ್ಷಂ ಪರೇತಾನಸುರಾ ಅವಿಧ್ಯನ್ ।
ತೇಽಕಾಮಯನ್ತಾನ್ತರಿಕ್ಷಾದೇವಾನ್ತರಿಕ್ಷೇಣ ವಿಜಿತ್ಯ ಸ್ವರ್ಗಂ ಲೋಕಮಾರೋಹೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇಽನ್ತರಿಕ್ಷಾದೇವಾನ್ತರಿಕ್ಷೇಣ ವಿಜಿತ್ಯ ಸ್ವರ್ಗಂ ಲೋಕಮಾರೋಹನ್ ।
ತದೇವಾನ್ತರಿಕ್ಷಸ್ಯಾನ್ತರಿಕ್ಷತ್ವಮ್ ।
ತದೇತದ್ವಿಜಿತಿ ಸ್ವರ್ಗ್ಯಂ ಸಾಮ ।
ವಿಜಯತೇ ಗಚ್ಛತಿ ಸ್ವರ್ಗಂ ಯ ಏವಂ ವೇದ ।
ಅನ್ತರಿಕ್ಷಂ ವಾ ಏತದಹಃ ।
ಲೇಲೇವ ವಾ ಅನ್ತರಿಕ್ಷಮ್ ।
ತದ್ಯನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಿತ್ಯಾ ಏವ ।
ತಸ್ಯೋಭಯತಃ ಪದಂ ಪರಿಷ್ಟೋಭತ್ಯನ್ತರಿಕ್ಷಸ್ಯ ರೂಪಮ್ ।
ಉಭಯತ ಇವ ಹೀದಮನ್ತರಿಕ್ಷಂ ಪರಿಷ್ಟುಬ್ಧಮಾಭ್ಯಾಂ ಲೋಕಾಭ್ಯಾಮ್ ।
ತಸ್ಮಾದು ಹೈತತ್ಸಾಮೈತಸ್ಮಾದಹ್ನೋ ನಾನ್ತರಿತ್ಯಮ್ ।
ಅನ್ತರಿಕ್ಷಂ ವಾ ಏತದಹರ್ । ಅನ್ತರಿಕ್ಷಮೇತತ್ಸಾಮ ।
ಅಹರೇವೈತೇನ ರೋಹತಿ ತುಷ್ಟುವಾನಃ ।
ಯದು ದೇವಾ ಏತೇನ ಸಾಮ್ನಾನ್ತರಿಕ್ಷಾದೇವಾನ್ತರಿಕ್ಷೇಣ ವಿಜಿತ್ಯ ಸ್ವರ್ಗಂ ಲೋಕಮಾರೋಹಂಸ್ತಸ್ಮಾದನ್ತರಿಕ್ಷಮಿತ್ಯಾಖ್ಯಾಯತೇ ೪೫

ಅಥ ಕಾಣ್ವಮ್ ।
ಕಣ್ವೋ ವೈ ನಾರ್ಷದೋ ಜ್ಯೋಗಪ್ರತಿಷ್ಠಿತಶ್ಚರನ್ಸೋಽಕಾಮಯತ ಪ್ರತಿತಿಷ್ಠೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತಸ್ಯ ನಿಧನಂ ನಾಪಶ್ಯತ್ ।
ಸ ವೃಷದಂಶಸ್ಯ ಕ್ಷ್ವತ ಉಪಾಶೃಣೋತ್ ।
ತದಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಪ್ರತ್ಯತಿಷ್ಠತ್ ।
ತದೇತತ್ಪ್ರತಿಷ್ಠಾಸಾಮ ।
ಪ್ರತಿತಿಷ್ಠತಿ ಯ ಏವಂ ವೇದ ।
ಯದು ಕಣ್ವೋ ನಾರ್ಷದೋಽಪಶ್ಯತ್ತಸ್ಮಾತ್ಕಾಣ್ವಮಿತ್ಯಾಖ್ಯಾಯತೇ ।
ತಿಸ್ರೋ ವಾಚ ಈರಯತಿ ಪ್ರ ವಹ್ನಿರ್
ಇತಿ ತ್ರಿಷ್ಟುಭೋಽನ್ತ್ಯಾ ಭವನ್ತಿ ತೃತೀಯಸ್ಯಾಹ್ನೋ ರೂಪಮ್ ।
ತೇನೈವ ತ್ರೀಣ್ಯಹಾನಿ ಕಲ್ಪನ್ತೇ ।
ಋತಸ್ಯ ಧೀತಿಂ ಬ್ರಹ್ಮಣೋ ಮನೀಷಾಮ್ ।
ಗಾವೋ ಯನ್ತಿ ಗೋಪತಿಂ ಪೃಚ್ಛಮಾನಾಸ್ಸೋಮಂ ಯನ್ತಿ ಮತಯೋ ವಾವಶಾನಾಃ
ಇತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ೪೬

ತಾಸು ಸಂಕ್ರೋಶಃ ।
ಸಂಕ್ರೋಶೇನ ವೈ ದೇವಾಸ್ಸಂಕ್ರೋಶಮಾನಾ ಸ್ವರ್ಗಂ ಲೋಕಮಾಯನ್ ।
ಯತ್ಸಂಕ್ರೋಶಮಾನಾ ಸ್ವರ್ಗಂ ಲೋಕಮಾಯಂಸ್ತತ್ಸಂಕ್ರೋಶಸ್ಯ ಸಂಕ್ರೋಶತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಸಂಕ್ರೋಶಮಾನ ಏವೈತೇನ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ।
ತದ್ವೇವಾಚಕ್ಷತೇಽಙ್ಗಿರಸಾಂ ಸಂಕ್ರೋಶ ಇತಿ ।
ಅಙ್ಗಿರಸೋ ವಾ ಅಕಾಮಯನ್ತ ಸಂವಿದಾನಾ ಏವ ಸಂಕ್ರೋಶಮಾನಾ ಸ್ವರ್ಗಂ ಲೋಕಮಿಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸಂವಿದಾನಾ ಏವ ಸಂಕ್ರೋಶಮಾನಾ ಸ್ವರ್ಗಂ ಲೋಕಮಾಯನ್ ।
ಯತ್ಸಂಕ್ರೋಶಮಾನಾ ಸ್ವರ್ಗಂ ಲೋಕಮಾಯಂಸ್ತದ್ವೇವ ಸಂಕ್ರೋಶಸ್ಯ ಸಂಕೋಶತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಸಂವಿದಾನ ಏವೈತೇನ ಸಂಕ್ರೋಶಮಾನ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ।
ತಚ್ಛ್ರೀರ್ವೈ ಸ್ವರ್ಗೋ ಲೋಕಃ ।
ಅಶ್ನುತೇ ಶ್ರಿಯಂ । ಗಚ್ಛತಿ ಸ್ವರ್ಗಂ ಲೋಕಂ । ಯ ಏವಂ ವೇದ ।
ಯದ್ವಙ್ಗಿರಸೋಽಪಶ್ಯಂಸ್ತಸ್ಮಾದಙ್ಗಿರಸಾಂ ಸಂಕ್ರೋಶ ಇತ್ಯಾಖ್ಯಾಯತೇ ।
ಹೂತಿಶ್ಚ ಹ ಖಲು ವಾ ಏತೇ ಸಾಮನೀ ಪ್ರತಿಶ್ರುತಿಶ್ಚ ಹೇ ಯೇ ಹೋ ವಾ ಹಾ ಹೋ ಇತ್ಯೇವಾನೇನಾಙ್ಗಿರಸೋಽಹ್ವಯನ್ ।
ಹಾ ವಾ ಓ ವಾ ಇತ್ಯೇತೇನ ಪ್ರತ್ಯಶೃಣ್ವನ್ ।
ತೇ ಹ ವಾ ಏತೇ ಸಾಮನೀ ಹೂತಿಶ್ಚೈವ ಪ್ರತಿಶ್ರುತಿಶ್ಚ । ಸ್ವರ್ಗ್ಯೇ । ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ೪೭

ಯದ್ದ್ಯಾವ ಇನ್ದ್ರ ತೇ ಶತಂ ಶತಂ ಭೂಮೀರುತ ಸ್ಯುಃ ।
ನ ತ್ವಾ ವಜ್ರಿನ್ಸಹಸ್ರಂ ಸೂರ್ಯಾ ಅನು
ಇತಿ ಯದ್ವೈ ಶತವತ್ಸಹಸ್ರವತ್ತಜ್ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ನ ಜಾತಮಷ್ಟ ರೋದಸೀ
ಇತೀಮೇ ಹ ವಾವ ರೋದಸೀ ।
ಏತೇ ಏವೈತದಭಿವದತಿ ।
ಆ ಪಪ್ರಾಥ ಮಹಿನಾ ವೃಷ್ಣ್ಯಾ ವೃಷನ್ವಿಶ್ವಾ ಶವಿಷ್ಠ ಶವಸೇ
ತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಅಸ್ಮಂ ಅವ ಮಘವನ್ಗೋಮತಿ ವ್ರಜೇ ವಜ್ರಿಞ್ಚಿತ್ರಾಭಿರೂತಿಭಿರ್
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ತಾಸು ವೈರೂಪಮ್ ।
ಸಂವತ್ಸರೋ ವೈ ವಿರೂಪೋ । ವಿರೂಪಾ ಋತವೋ । ವಿರೂಪಾ ಅರ್ಧಮಾಸಾಃ ।
ತದ್ಯತ್ಪಞ್ಚನಿಧನಂ ಪಞ್ಚ ಹ್ಯೃತವೋ । ಯದ್ದ್ವಾದಶನಿಧನಂ ದ್ವಾದಶ ಹಿ ಮಾಸಾ । ಯದ್ದಿಗ್ವದಾಕ್ರಮಣಾವತ್ತೇನ । ಯದ್ವಿಶ್ವವದ್ವೈಶ್ವದೇವಂ ಹ್ಯೇತದಹಃ ।
ಪ್ರಜನನಂ ವಾ ಏತದ್ವೈರೂಪಮ್ ।
ತದ್ಯತ್ತೃತೀಯೇಽಹನ್ಕ್ರಿಯತೇ ಚತುರ್ಥಸ್ಯಾಹ್ನಃ ಪ್ರಜಾತ್ಯೈ ।
ಯದ್ದೇವಾ ಅಭವಂಸ್ತದಸುರಾ ಅಭವನ್ ।
ತೇ ದೇವಾ ಅಶ್ವಾ ಅಭವಂಸ್ । ತದಸುರಾ ನಾನ್ವವಾಯನ್ ।
ತತೋ ವೈ ದೇವಾ ಅಭವನ್ । ಪರಾಸುರಾಃ ।
ಭವತ್ಯಾತ್ಮನಾ ಪರಾಸ್ಯ ದ್ವಿಷನ್ಭ್ರಾತೃವ್ಯೋ ಭವತಿ ಯ ಏವಂ ವೇದ ೪೮

ತದ್ಯದಶ್ವವದ್ಭವತಿ ಭ್ರಾತೃವ್ಯಸ್ಯೈವಾಪನುತ್ತ್ಯೈ ।
ಅಧ್ಯರ್ಧೇಳಾ ತೃತೀಯಸ್ಯಾಹ್ನೋಽಧ್ಯರ್ಧೇಳಾ ಪಞ್ಚಮಸ್ಯ ।
ಸ ಯಥಾ ಮಣ್ಡೂಕ ಇಟ್ಕುರ್ಯಾದೇವಮತ್ರೇಟ್ಕುರ್ಯಾತ್ ।
ತೇನೈವ ಪಞ್ಚಮಮಹರಯಾತಯಾಮ ಕ್ರಿಯತೇ ।
ಸರ್ವಾ ವೈ ವಾಕ್ತೃತೀಯೇಽಹನ್ನಾಪ್ಯತೇ ।
ತದ್ಯದೇತೇ ವೃಕಣಾವಾ ಭವನ್ತ್ಯುಭಯ್ಯಾ ಏವ ವಾಚುಪಾಪ್ತ್ಯೈ । ಯಾ ಚ ಗ್ರಾಮ್ಯಾ ಯಾ ಚಾರಣ್ಯಾ ೪೯

ತಾಸು ವೈಷ್ಟಮ್ಭಮ್ ।
ವೈಷ್ಟಮ್ಭೇನ ವೈ ದೇವಾ ಅಸುರಾನೇಭ್ಯೋ ಲೋಕೇಭ್ಯೋ ನಿಷ್ಟಭ್ಯ ಸ್ವ ಆಯತನೇ ಸತ್ರಮಾಸತ ।
ವೈಷ್ಟಮ್ಭೇನೈವ ದ್ವಿಷನ್ತಂ ಭ್ರಾತೃವ್ಯಮೇಭ್ಯೋ ಲೋಕೇಭ್ಯೋ ನಿಷ್ಟಭ್ಯ ಸ್ವ ಆಯತನೇ ಸತ್ರಮಾಸ್ತೇ ಯ ಏವಂ ವೇದ ।
ನೈಷ್ಟಮ್ಭಂ ಹ ವೈ ನಾಮೈತತ್ ।
ತದ್ವೈಷ್ಟಮ್ಭಮಿತ್ಯಾಖ್ಯಾಯತೇ ।
ಉದರಂ ವಾ ಏತದಹಃ ।
ಅನ್ನಮೇತದ್ಯದ್ವೈಷ್ಟಮ್ಭಮ್ ।
ತದ್ಯದತ್ರ ವೈಷ್ಟಮ್ಭಂ ಕ್ರಿಯತೇ ಮಧ್ಯತ ಏವೈತದಾತ್ಮನೋಽನ್ನಾದ್ಯಂ ದಧತೇ ।
ತಸ್ಮಾದು ಹೇದಂ ಪುರುಷೋಽನ್ನೇನ ವಿಷ್ಟಬ್ಧ ಇವ ।
ತರಣಿರಿತ್ಸಿಷಾಸತೀ
ತಿ ಪ್ರಜ್ಞಾತಾ ಸ್ತೋತ್ರಿಯಾ ಭವನ್ತಿ ।
ತಾಸು ರೌರವಂ ತ್ರಿರೂಪಂ ತ್ರಿಪರಿಷ್ಟೋಭಂ ತೃತೀಯಸ್ಯಾಹ್ನೋ ರೂಪಮ್ ।
ಅಗ್ನಿರ್ವೈ ರುರೂ । ರುದ್ರೋ ಽಗ್ನಿಃ ।
ಯಸ್ಮಾತ್ಪಶವೋಽಪಕ್ರಾಮನ್ತ್ಯಗ್ನಿರೇವ ತಸ್ಮಾತ್ಪಶೂನಪಕ್ರಮಯತಿ ।
ಅಥ ಯಂ ಪಶವ ಉಪನಮನ್ತ್ಯಗ್ನಿರೇವ ತಸ್ಮೈ ಪಶೂನುಪನಮಯತಿ ।
ಆಗ್ನೇಯಾಸ್ಸತ್ರಿಣ ಸ್ವೈವೈಭ್ಯೋ ದೇವತಾ ಪಶೂನವರುನ್ದ್ಧೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೫೦

ತಿಸ್ರೋ ವಾಚ ಉದೀರತ
ಇತ್ಯಾರ್ಭವಸ್ಯ ಪವಮಾನಸ್ಯ ಗಾಯತ್ರ್! ಯೋ ಭವನ್ತಿ ತೃತೀಯಸ್ಯಾಹ್ನೋ ರೂಪಮ್ ।
ತೇನೈವ ತ್ರೀಣ್ಯಹಾನಿ ಕಲ್ಪನ್ತೇ ।
ಗಾವೋ ಮಿಮನ್ತಿ ಧೇನವಃ ।
ಹರಿರೇತಿ ಕನಿಕ್ರದತ್
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ಅಭಿ ಬ್ರಹ್ಮೀರನೂಷತೇ
ತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ರಾಯೇ ಸಮುದ್ರಾ ಶ್ಚಂ!ತುರ
ಇತಿ ಚತುರ್ಥಸ್ಯೈವಾಹ್ನಃ ಪ್ರಜಾತ್ಯೈ ।
ಅಸ್ಮಭ್ಯಂ ಸೋಮ ವಿಶ್ವತ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಆ ಪವಸ್ವ ಸಹಸ್ರಿಣ
ಇತಿ ಯದ್ವೈ ಶತವತ್ಸಹಸ್ರವತ್ತಜ್ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಪಾಷ್ಠೌಹಮ್ ।
ಪಾಷ್ಠೌಹೀರಾಙ್ಗಿರಸ ಸ್ವರ್ಗಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸ್ವರ್ಗಂ ಲೋಕಮಾಶ್ನುತ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದು ಪಾಷ್ಠೌಹೀರಾಙ್ಗಿರಸೋಽಪಶ್ಯತ್ತಸ್ಮಾತ್ಪಾಷ್ಠೌಹಮಿತ್ಯಾಖ್ಯಾಯತೇ ।
ಹೂತಿಶ್ । ಚ ಹ ಖಲು ವಾ ಏತೇ ಸಾಮನೀ ಪ್ರತಿಶ್ರುತಿಶ್ಚ ಹೋ ಯೇ ಹೋ ವಾ ಹಾ ಹೋ ಇತ್ಯೇವೈತೇನಾಙ್ಗಿರಸೋಽಹ್ವಯನ್ ।
ಹಾ ಓ ವಾ ಓ ವಾ ಇತ್ಯನೇನ ಪ್ರತ್ಯಶೃಣ್ವನ್ ।
ತೇ ಹ ವಾ ಏತೇ ಸಾಮನೀ ಹೂತಿಶ್ಚೈವ ಪ್ರತಿಶ್ರುತಿಶ್ಚ । ಸ್ವರ್ಗ್ಯೇ । ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಆ ಸೋತಾ ಪರಿ ಷಿಞ್ಚತೇ
ತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ೫೧

ತಾಸು ವಾಚಸ್ಸಾಮ ।
ನಿಷ್ಕರ್ಯಾ ದೇವಾಸ್ಸತ್ರಮಾಸತೇ ।
ತೇ ಸ್ವರ್ಗಂ ಲೋಕಂ ನ ಪ್ರಜಾನನ್ನೇತತ್ತೃತೀಯಮಹಃ ।
ತೇಽಕಾಮಯನ್ತ ಪ್ರ ಸ್ವರ್ಗಂ ಲೋಕಂ ಜಾನೀಯಾಮೇದಂ ತೃತೀಯಮಹರಿತಿ ।
ತಾನ್ವಾಕ್ಸಾಮ ಗಾಯಮಾನೋಪಾಪ್ಲವತ ।
ತದಪಶ್ಯನ್ ।
ತೇನಾಸ್ತುವತ ।
ತೇನಾರ್ಧ್ನುವನ್ ।
ತೇನ ಸ್ವರ್ಗಂ ಲೋಕಂ ಪ್ರಜಾನನ್ನೇತತ್ತೃತೀಯಮಹಃ ।
ತದೇತದೃದ್ಧಿ ಸ್ವರ್ಗ್ಯಂ ಸಾಮ ।
ಋಧ್ನೋತಿ । ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದ್ಧ ವೈ ಶಿವಂ ಶಾನ್ತಂ ವಾಚಸ್ತತ್ಸಾಮ ।
ಸಾಮನ್ವದತೀತಿ ವಾ ಆಹುಃ ।
ಸಾಧು ವದನ್ತಂ ತದ್ಯದೇತತ್ಸಾಮ ಭವತಿ ಶಿವೇನೈವೈತದ್ವಾಚಶ್ಶಾನ್ತೇನ ತ್ರ್! ಯಹಂ ಶಮಯನ್ತಿ ।
ಯದು ವಾಕ್ಸಾಮ ಗಾಯಮಾನೋಪಾಪ್ಲವತ ತಸ್ಮಾದ್ವಾಚಸ್ಸಾಮೇತ್ಯಾಖ್ಯಾಯತೇ ।
ಸಖಾಯ ಆ ನಿ ಷೀದತ ಪುನಾನಾಯ ಪ್ರ ಗಾಯತೇ
ತಿ ಪ್ರವತೀಃ ಪರಿವತೀರ್ಭವನ್ತಿ ।
ತದ್ಯತ್ಪ್ರವತೀರ್ಭವನ್ತಿ ಚತುರ್ಥಸ್ಯೈವಾಹ್ನಃ ಪ್ರಜಾತ್ಯೈ ।
ಅಥ ಯತ್ಪರಿವತೀರನ್ತಸ್ಯ ರೂಪಮನ್ತೋ ಹ್ಯೇತದಹರ್ಯೋಽನ್ತಸ್ಸೋಽನ್ತೋಽಸದಿತಿ ।
ಪರಿ ಪರೀತಿ ವಾ ಅನ್ತಂ ಪರ್ಯನ್ತಿ ೫೨

ತಾಸು ಶೌಕ್ತಮ್ ।
ಅಙ್ಗಿರಸೋ ವೈ ತಪಸ್ತೇಪಾನಾ ಅಶೋಚನ್ ।
ತೇಽಕಾಮಯನ್ತಾಪ ಶುಚಂ ಹನೀಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನ ಶುಚಮಪಾಘ್ನತ ।
ತದ್ಯಚ್ಛುಚಮಪಾಘ್ನತ ತಚ್ಛೌಕ್ತಸ್ಯ ಶೌಕ್ತತ್ವಮ್ ।
ಅಪ ಶುಭಂ ಹತೇ ಯ ಏವಂ ವೇದ ।
ಶುಕ್ತಿರಾಂಗಿರಸ ಸ್ವರ್ಗಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸ್ವರ್ಗಂ ಲೋಕಮಾಶ್ನುತ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವಗಂ ಲೋಕಂ ಯ ಏವಂ ವೇದ ।
ಯದು ಶುಕ್ತಿರಾಙ್ಗಿರಸೋಽಪಶ್ಯತ್ತಸ್ಮಾಚ್ಛೌಕ್ತಮಿತ್ಯಾಖ್ಯಾಯತೇ ।
ಸುತಾಸೋ ಮಧುಮತ್ತಮಾಸ್ಸೋಮಾ ಇನ್ದ್ರಾ ಯ ಮನ್ದಿನ
ಇತಿ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತ್ಯೈವೈನದೇತೇನ ಪ್ಯಾಯಯನ್ತಿ ।
ಪವಿತ್ರವನ್ತೋ ಅಕ್ಷರನ್ದೇವಾನ್ಗಚ್ಛನ್ತು ವೋ ಮದಾ
ಇತ್ಯಭಿಪೂರ್ವಮೇವಾಸ್ಮಿಂಸ್ತದ್ರ ಸಂ ಮದಂ ದಧತಿ ।
ಇನ್ದುರಿನ್ದ್ರಾ ಯ ಪವತ ಇತಿ ದೇವಾಸೋ ಅಬ್ರುವನ್ ।
ವಾಚಸ್ಪತಿರ್ಮಖಸ್ಯತೇ ವಿಶ್ವಸ್ಯೇಶಾನ ಓಜಸಾ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಸಹಸ್ರಧಾರಃ ಪವತೇ ಸಮುದ್ರೋ ವಾಚಮೀಙ್ಖಯ
ಇತಿ ಯದ್ವೈ ಶತವತ್ಸಹಸ್ರವತ್ತಜ್ಜಗತ್ಯೈ ರೂಪಮ್ ।
ಜಾಗತಮೇತದಹಃ ೫೩

ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ।
ಅಥ ತ್ವಾಷ್ಟ್ರೀಸಾಮ ವೀರಜನನಂ ಸಾಮ ।
ಅಸ್ಯ ವೀರೋ ಜಾಯತೇ ಯ ಏವಂ ವೇದ ಅಥೋ ಚತುರ್ಥಸ್ಯೈವಾಹ್ನಃ ಪ್ರಜಾತ್ಯೈ ।
ಪ್ರಜನನಂ ಹ್ಯೇತದ್ಯತ್ತ್ವಾಷ್ಟ್ರೀಸಾಮ ।
ತನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಾಯೈ ।
ಸಮುದ್ರಂ ವಾ ಏತೇನಾರಮ್ಭಣಂ ಪ್ರಪ್ಲವನ್ತೇ ಯ ಆರ್ಮ । ವಂ ಪವಮಾನಮುಪಯನ್ತಿ ।
ಯದ್ಯನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಿತ್ಯಾ ಏವ ।
ತದು ನಿಷಿದ್ಧಮಿವ ಭವತ್ಯನ್ತಸ್ಯ ರೂಪಮ್ ।
ಅನ್ತೋ ವೈ ಸ್ವರ್ಗೋ ಲೋಕಾನಾಮ್ ।
ಸ್ವರ್ಗಾಯೈತಲ್ಲೋಕಾಯಾಹ್ರಿಯತೇ ಯತ್ತೃತೀಯಮಹಃ ।
ತದ್ಯದೇತನ್ನಿಷಿದ್ಧಮಿವ ಭವತಿ ಸ್ವರ್ಗಸ್ಯೈವ ಲೋಕಸ್ಯಾನತಿಪಾದಾಯ ।
ಪವಿತ್ರಂ ತೇ ವಿತತಂ ಬ್ರಹ್ಮಣಸ್ಪತ
ಇತಿ ಪವಿತ್ರವತೀರ್ಭವನ್ತಿ ।
ಪವಿತ್ರಮಿವ ವಾ ಇದಂ ವಿತತಂ ಯದನ್ತರಿಕ್ಷಮ್ ।
ಅನ್ತರಿಕ್ಷಭಾಜನಮೇತದಹಃ ।
ಪ್ರಭುರ್ಗಾತ್ರಾಣಿ ಪರ್ಯೇಷಿ ವಿಶ್ವತ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಅತಪ್ತತನೂರ್ನ ತದಾಮೋ ಅಶ್ನುತೇ ಶೃತಾಸ ಇದ್ವಹನ್ತಸ್ಸಂ ತದಾಶತೇ
ತಿ ಸಮಷ್ಟ್ಯೈ ।
ತಪೋಷ್ । ಪವಿತ್ರಂ ವಿತತಂ ದಿವಸ್ಪದೇ ಶೋಚನ್ತೋ ಅಸ್ಯ ತನ್ತವೋ ವ್ಯಸ್ಥಿರನ್ ।
ಅವನ್ತ್ಯಸ್ಯ ಪವಿತಾರಮಾಶವೋ ದಿವಃ ಪೃಷ್ಠಮಧಿ ತಿಷ್ಠನ್ತಿ ತೇಜಸಾ
ಇತಿ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಅರೂರುಚದುಷಸಃ ಪೃಶ್ನಿರಗ್ರಿಯ ಉಕ್ಷಾ ಮಿಮಾತಿ ಭುವನೇಷು ವಾಜಯುಃ ।
ಮಾಯಾವಿನೋ ಮಮಿರೇ ಅಸ್ಯ ಮಾಯಯಾ ನೃಚಕ್ಷಸಃ ಪಿತರೋ ಗರ್ಭಮಾ ದಧುಃ
ಇತಿ ಪುನರೇವೈತತ್ತೃತೀಯೇಽಹನಿ ಗರ್ಭಮಾದಧತಿ ಚತುರ್ಥಸ್ಯೈವಾಹ್ನಃ ಪ್ರಜಾತ್ಯೈ ೫೪

ತಾಸ್ವರಿಷ್ಟಂ ಯಜ್ಞಸ್ಯೈವಾರಿಷ್ಟ್ಯೈ ।
ಯದ್ಧ ವೈ ಕಿಂ ಚ ಯಜ್ಞಸ್ಯ ದುಷ್ಟುತಂ ದುಶ್ಶಸ್ತಂ ವಿಧುರಂ ತಸ್ಯ ಹ ವಾ ಏತದರಿಷ್ಟ್ಯೈ ।
ಅರಿಷ್ಟೋ ಹ ವಾ ಏತೇನ ಯಜ್ಞಃ ।
ದೇವಾ ವಾ ಏತಂ ದ್ವಾದಶರಾತ್ರಮತನ್ವತ ।
ತೇಷಾಂ ಯದ್ಯದರಿಷ್ಯತ್ತದರಿಷ್ಟೇನಾರಿಷ್ಟಮಕುರ್ವತ ।
ತದರಿಷ್ಟಸ್ಯಾರಿಷ್ಟತ್ವಮ್ ।
ಅರಿಷ್ಟೇನ ದ್ವಾದಶರಾತ್ರೇಣ ಪಾಪ್ಮಾನಂ ತರತಿ ಶ್ರಿಯಮಶ್ನುತೇ ಯ ಏವಂ ವೇದ ।
ತಂಸ್ತ್ರೀಳಂ ಭವತಿ ಪಶವೋ ವಾ ಇಳಾ ।
ಪಶವ ಏತದಹರಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ।
ಭೇಷಜಂ ಹ ಖಲು ವೈ ತಿಸ್ರ ಇಳಾಃ ।
ಏತದ್ಧ ವೈ ಶಿವಂ ಶಾನ್ತಂ ವಾಚೋ ಯತ್ತಿಸ್ರ ಇಳಾಃ ।
ತದ್ಯತ್ತ್ರೀಳಂ ತೃತೀಯೇಽಹನಿ ಭವತಿ ತೇನೈವ ತ್ರೀಣ್ಯಹಾನಿ ಶಮಯನ್ತಿ ।
ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಪ್ರ ಮಂಹಿಷ್ಠಾಯ ಗಾಯತೇ
ತಿ ಪ್ರಮಂಹಿಷ್ಠೀಯಮುಕ್ತಬ್ರಾಹ್ಮಣಮ್ ।
ತಂ ತೇ ಮದಂ ಗೃಣೀಮಸೀ
ತಿ ಮದ್ವತೀರ್ಭವನ್ತಿ ।
ಅಭಿಪೂರ್ವಮೇವೈತತ್ತೃತೀಯಸವನೇ ರಸಂ ಮದಂ ದಧತಿ ।
ತಾಸು ಹಾರಿವರ್ಣಮುಕ್ತಬ್ರಾಹ್ಮಣಮ್ ।
ತಚ್ಚತುರಕ್ಷರಣಿಧನಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವ ಉಷ್ಣಿಗಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ೫೫

ಶ್ರುಧೀ ಹವಂ ತಿರಶ್ಚ್ಯಾ
ಇತಿ ತೈರಶ್ಚಮ್ ।
ಊರ್ಧ್ವಾನ್ವಾ ಅನ್ಯೇ ಲೋಕಾನ್ದೇವಾಶ್ಚರ್ಷಯಶ್ಚಾಜಯನ್ ।
ಅಥ ತಿರಶ್ಚಿರಾಙ್ಗಿರಸೋಽಕಾಮಯತ ತಿರಶ್ಚೋಽಹಂ ಲೋಕಾಞ್ಜಯೇಯಂ । ಯೇನೇಮಾ ಆಪ ಸ್ಯನ್ದನ್ತೇ । ಯೇನಾಯಂ ವಾಯುಃ ಪವತೇ । ಯೇನಾಸಾಬಾದಿತ್ಯ ಏತಿ । ಯೇನ ಚನ್ದ್ರ ಮಾ ಯೇನ ನಕ್ಷತ್ರಾಣೀತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನ ತಿರಶ್ಚೋ ಲೋಕಾನಜಯದ್ । ಯೇನೇಮಾ ಆಪ ಸ್ಯನ್ದನ್ತೇ । ಯೇನಾಯಂ ವಾಯುಃ ಪವತೇ । ಯೇನಾಸಾವಾದಿತ್ಯ ಏತಿ । ಯೇನ ಚನ್ದ್ರ ಮಾ ಯೇನ ನಕ್ಷತ್ರಾಣಿ ।
ಊರ್ಧಾನ್ಹ ವಾ ಅನ್ಯೈಃ ಕರ್ಮಭಿರ್ಲೋಕಾಞ್ಜಯನ್ತಿ ।
ಅಥೈತೇನ ತಿರಶ್ಚ ಉಭಯಾಁ ಲ್ಲೋಕಾನ್ಸಧ್ರೀಚಃ ।
ಜಯತಿ ತಿರಶ್ಚಶ್ । ಚೋರ್ಧ್ವಾಂಶ್ಚ ಯ ಏವಂ ವೇದ ।
ತಿರಶ್ಚಿರ್ಹಾಂಗಿರಸಶ್ಚಕಮೇಽವ ವೀರಾಂಶ್ಚ ಪಶೂಂಶ್ಚ ರುನ್ಧೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಶ್ರುಧೀ ಹವಂ ತಿರಶ್ಚ್ಯಾ ಇನ್ದ್ರ ಯಸ್ತ್ವಾ ಸಪರ್ಯತಿ ।
ಸುವೀರ್ಯಸ್ಯ ಗೋಮತೋ ರಾಯಸ್ಪೂರ್ಧಿ ಮಹಂ ಅಸಿ
ಇತ್ಯೇವ ವೀರಾಂಶ್ಚ ಪಶೂಂಶ್ಚಾವರುನ್ದ್ಧೇ ।
ತದು ವೀರಾಣಾಂ ಚ ಪಶೂನಾಂ ಚಾವರುದ್ಧಿಃ ।
ಅವ ವೀರಾಂಶ್ಚ ಪಶೂಂಶ್ಚ ರುನ್ದ್ಧೇ ಯ ಏವಂ ವೇದ ।
ಯದು ತಿರಶ್ಚಿರಾಂಗಿರಸೋಽಪಶ್ಯತ್ತಸ್ಮಾತ್ತೈರಶ್ಚಮಿತ್ಯಾಖ್ಯಾಯತೇ ।
ದೇವಾನ್ವೈ ಸ್ವರ್ಗಂ ಲೋಕಂ ಯತೋ ರಕ್ಷಾಂಸ್ಯನ್ವಸಚನ್ತ ।
ತೇಽಕಾಮಯನ್ತಾಪ ರಕ್ಷಾಂಸಿ ಹನೀಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತದ್ದೇವಪುರಾಮೇವ ಕೃತ್ವಾ ತಿರ್ಯಕ್ಪರ್ಯೌಹನ್ ।
ತೇನ ರಕ್ಷಾಂಸ್ಯಪಾಘ್ನತ ।
ತದು ರಕ್ಷಸಾಮಪಹತಿಃ ।
ಅಪ ರಕ್ಷಃ ಪಾಪ್ಮಾನಂ ಹತೇ ಯ ಏವಂ ವೇದ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೫೬

ಯದಾಪ್ಯತೇ ಯಜ್ಞ । ಆಪ್ಯನ್ತೇ ಛನ್ದಾಂಸ್ಯ್ । ಆಪ್ಯನ್ತೇ ದೇವತಾ । ಆಪ್ಯನ್ತೇ ಇಮೇ ಲೋಕಾ ಅಥ ಕೇನ ಚತುರ್ಥಮಹಸ್ತಾಯತ ಇತ್ಯಾಹುಃ ।
ವಾಚೈವೇತಿ ಬ್ರೂಯಾತ್ ।
ವಾಗೇವ ತತ ಉಚ್ಛಿಷ್ಯತೇಽಕ್ಷರಮೇವ ತ್ರ್! ಯಕ್ಷರಂ ಪರಿಶಿಷ್ಯತೇ ।
ತದೇವೋತ್ತರಂ ತ್ರ್! ಯಹಮನುವಿದಧಾತಿ ।
ಯದಾಹಾಪ್ಯತೇ ಯಜ್ಞ ಇತಿ ಪ್ರಾತಸ್ಸವನಭಾಜನಂ ಪ್ರಥಮಮಹರ್ । ಮಾಧ್ಯನ್ದಿನಭಾಜನಂ ದ್ವಿತೀಯಂ । ತೃತೀಯಸವನಭಾಜನಂ ತೃತೀಯಂ ತೇನ ಯಜ್ಞ ಆಪ್ಯತೇ ।
ಯದಾಹಾಪ್ಯನ್ತೇ ಛನ್ದಾಂಸೀತಿ ಗಾಯತ್ರಂ ಪ್ರಾತಸ್ಸವನಂ । ತ್ರೈಷ್ಟುಭಂ ಮಾಧ್ಯನ್ದಿನಂ ಸವನಂ । ಜಾಗತಂ ತೃತೀಯಸವನಂ ತೇನ ಛನ್ದಾಂಸ್ಯಾಪ್ಯನ್ತೇ ।
ಯದಾಹಾಪ್ಯನ್ತೇ ದೇವತಾ ಇತಿ ವಸೂನಾಂ ಪ್ರಾತಸ್ಸವನಂ । ರುದ್ರಾ ಣಾಂ ಮಾಧ್ಯನ್ದಿನಂ ಸವನಮ್ । ಆದಿತ್ಯಾನಾಂ ತೃತೀಯಸವನಂ ತೇನ ದೇವತಾ ಆಪ್ಯನ್ತೇ ।
ಯದಾಹಾಪ್ಯನ್ತೇ ಇಮೇ ಲೋಕಾ ಇತಿ -- ಇದಂ ಪ್ರಾತಸ್ಸವನಮ್ । ಇದಂ ಮಾಧ್ಯನ್ದಿನಂ ಸವನಮ್ । ಅದಸ್ತೃತೀಯಸವನಂ ತೇನೇಮೇ ಲೋಕಾ ಆಪ್ಯನ್ತೇ ।
ಅಕ್ಷರಮೇವ ತ್ರ್! ಯಕ್ಷರಂ ಪರಿಶಿಷ್ಯತೇ ।
ತದೇವೋತ್ತರಂ ತ್ಯಹಮನುವಿದಧಾತಿ ।
ಯೋ ವೈ ಚತುರ್ಥೇಽಹನೀನ್ದ್ರಂ ವೇದೇನ್ದ್ರಿ ಯಾವಾನ್ಭವತಿ ।
ವಾಗ್ವಾವ ಚತುರ್ಥೇಽಹನೀನ್ದ್ರ ಃ! ।
ಇನ್ದ್ರಿ ಯಾವಾನ್ಭವತಿ ಯ ಏವಂ ವೇದ ೫೭

ಏತಾ ಭವನ್ತಿ
ಪ್ರ ತ ಆಶ್ವಿನೀಃ ಪವಮಾನ ಧೇನವ
ಇತಿ ಪ್ರವತೀಃ ಪ್ರಾಯಣೀಯೇಽಹನ್ ।
ಪ್ರಣಿನೀಷೇಣ್ಯಂ ವಾ ಏತದಹಃ ।
ಪ್ರೇತಿ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ।
ದಿವ್ಯಾ ಅಸೃಗ್ರನ್ಪಯಸಾ ಧರೀಮಣೀ
ತಿ ವಿರಾಜಾಮೇವೈತದ್ರೂ ಪಮುಪಗಚ್ಛನ್ತಿ ।
ವೈರಾಜಂ ಹ್ಯೇತದಹಃ ।
ಪ್ರಾನ್ತರಿಕ್ಷಾತ್ಸ್ಥಾವರೀಸ್ತೇ ಅಸೃಕ್ಷತೇ
ತ್ಯನ್ತರಿಕ್ಷವತೀರ್ಭವನ್ತಿ ।
ಅನ್ತರಿಕ್ಷಭಾಜನಂ ವೈ ತೃತೀಯಮಹಃ ।
ತೃತೀಯಾದಹ್ನ ಏತತ್ಪ್ರಜಾತಮ್ ।
ಯೇ ತ್ವಾ ಮೃಜನ್ತ್ಯೃಷಿಷಾಣ ವೇಧಸ
ಇತಿ ಮೃಜನ್ತೀವ ವೈ ಜಾತಮ್ ।
ಜಾಯತ ಉ ಏತೇನಾಹ್ನಾ ।
ಉಭಯತಃ ಪವಮಾನಸ್ಯ ರಶ್ಮಯ
ಇತ್ಯುಭಾಭ್ಯಾಂ ಹ ವಾ ಏತತ್ತ್ರ್! ಯಹಾಭ್ಯಾಂ ಪ್ರಜನಯನ್ತಿ ।
ಪ್ರೈವ ಪೂರ್ವಸ್ಮಾಜ್ಜನಯನ್ತಿ । ತನ್ವತ ಉತ್ತರಸ್ಮಾತ್ ।
ಧ್ರುವಸ್ಯ ಸತಃ ಪರ್ಯನ್ತಿ ಕೇತವ
ಇತಿ ಅಹರ್ವೈ ಧ್ರುವಂ ಛನ್ದಾಂಸಿ ಕೇತವಃ ।
ಸ ಯಥಾ ಶ್ರಾನ್ತಾನನಡುಹ ಊರ್ಧ್ವಾಂಸ್ತಾನ್ದ್ವಿಪರಿಣಾಯಂ ಧುರಿ ಯುಞ್ಜ್ಯುರೇವಮೇವೈತದ್ದ್ವಿಪರಿಣಾಯಂ ಛನ್ದಾಂಸಿ ಯುಞ್ಜನ್ತ್ಯಾಪ್ತೇಷ್ವಹಸ್ಸು ।
ಯದಿ ಪವಿತ್ರೇ ಅಧಿ ಮೃಜ್ಯತೇ ಹರಿರ್
ಇತಿ ಮೃಜನ್ತೀವ ವೈ ಜಾತಮ್ ।
ಜಾಯತ ಉ ಏತೇನಾಹ್ನಾ ।
ಸತ್ತಾ ನಿ ಯೋನೌ ಕಲಶೇಷು ಸೀದತೀ
ತಿ ಸೋಮಮೇವೈತತ್ಪ್ರತ್ಯಕ್ಷಮನುವದನ್ತಿ ।
ವಿಶ್ವಾ ಧಾಮಾನಿ ವಿಶ್ವಚಕ್ಷ ಋಭ್ವಸಃ ಪ್ರಭೋಷ್ಟೇ ಸತಃ ಪರ್ಯನ್ತಿ ಕೇತವ
ಇತ್ಯಗ್ನಿರ್ಹ ವಾ ಇಮಾಁ ಲ್ಲೋಕಾನನು ಪ್ರಭುಃ ।
ತಮೇವೈತತ್ಪ್ರಾತಸ್ಸವನಾತ್ಪ್ರಜನಯನ್ತಿ ।
ತಂ ಪ್ರಜಾತಂ ಮಾಧ್ಯನ್ದಿನೇ ಸವನೇ ಮನ್ಥನ್ತಿ ।
ವ್ಯಾನಶೀ ಪವಸೇ ಸೋಮ ಧರ್ಮಣಾ ಪತಿರ್ವಿಶ್ವಸ್ಯ ಭುವನಸ್ಯ ರಾಜಸೀ
ತಿ ಸ ಹ್ಯಸ್ಯ ವಿಶ್ವಸ್ಯ ಭುವನಸ್ಯ ರಾಜತಿ ೫೮

ತಾ ಏತಾ ಭವನ್ತಿ ಜಗತ್ಯೋ ಗಾಯತ್ರವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮೃದ್ಧಯನ್ತಿ ಸಂ ತತ್ರ ಋಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಏತಸ್ಯ ಹ ವೈ ಸನ್ಧೇರರ್ಪಣಂ ನ ದದೃಶೇ ।
ಜಗದನ್ತಃಪೂರ್ವಸ್ತ್ರಿಯಹೋ ಭವತಿ ।
ಜಗತ್ಯೈತದಹಃ ಪ್ರತಿಪದ್ಯನ್ತೇ ।
ಸಮಾದೇವೈತತ್ಸಮಮುಪಯನ್ತಿ ।
ಯೋ ವೈ ಸ್ತೋಮ ಚತುರ್ಯುಜಂ ವೇದ ವಹನ್ತ್ಯೇನಂ ಚತಸ್ರಸ್ಸಂಯುಕ್ತಾಃ ।
ಜಗದನ್ತಃಪೂರ್ವಸ್ತ್ರಿಯಹೋ ಭವತಿ ।
ಜಗತ್ಯೈತದಹಃ ಪ್ರತಿಪದ್ಯನ್ತೇ ।
ಸ ಯಥಾ ಪ್ರಷ್ಟಿಂ ಪ್ರಷ್ಟಿಯುಗಾಯ ನಿಯುಜ್ಯಾದೇವಮೇವೈತತ್ಪೂರ್ವಸ್ಮಿಂಸ್ತ್ರಿಯಹ ಉತ್ತರಂ ತ್ರ್! ಯಹಮನುನಿಯುನಕ್ತಿ ।
ವಹನ್ತ್ಯೇನಂ ಚತಸ್ರಸ್ಸಂಯುಕ್ತಾ ಯ ಏವಂ ವೇದ ।
ಯೋ ಹ ಖಲು ವೈ ವ್ಯೂಢಚ್ಛನ್ದಾಸ್ಸ ಸಮೂಢಚ್ಛನ್ದಾ । ಯಸ್ಸಮೂಢಚ್ಛನ್ದಾಸ್ಸ ವ್ಯೂಢಚ್ಛನ್ದಾಃ ।
ಜಗದನ್ತಃಪೂರ್ವಸ್ತ್ರಿಯಹೋ ಭವತಿ ।
ಜಗತ್ಯೈತದಹಃ ಪ್ರತಿಪದ್ಯನ್ತೇ ।
ಸಮಾದೇವೈತತ್ಸಮಮುಪಯನ್ತಿ ।
ತ್ರಿಷ್ಟುಬನ್ತೋ ದ್ವಿತೀಯಸ್ತ್ರ್! ಯಹೋ ಭವತಿ ।
ತ್ರಿಷ್ಟುಭಾ ತೃತೀಯಂ ತ್ರಿಯಹಂ ಪ್ರತಿಪದ್ಯನ್ತೇ ।
ಸಮಾದೇವೈತತ್ಸಮಂ ಸಂಕ್ರಾಮನ್ತಿ ಯತ್ರಾನ್ತಸ್ತೃತೀಯಸ್ತ್ರಿಯಹೋ ಭವತಿ ।
ಗಾಯತ್ರ್! ಯಾ ದಶಮಮಹಃ ಪ್ರತಿಪದ್ಯನ್ತೇ ।
ಸಮಾದೇವೈತತ್ಸಮಂ ಸಂಕ್ರಾಮನ್ತೋ ಯನ್ತಿ ।
ಏಷ ಹ ವಾವ ಸಮೂಢಚ್ಛನ್ದಾಃ ।
ಪವಮಾನೋ ಅಜೀಜನದ್
ಇತಿ ಜನದ್ವಾನನುರೂಪೋ ಭವತಿ ।
ಷೋಡಶಿನಮೇವೈತತ್ಪ್ರಾತಸ್ಸವನಾತ್ಪ್ರಜನಯನ್ತಿ ।
ತಂ ಪ್ರಜಾತಂ ತೃತೀಯಸವನ ಆರಭನ್ತೇ ।
ತದಾಹುರಹ್ನ ಏವ ರೂಪಂ ಸ್ತೋತ್ರಿಯೇಣಾರಭನ್ತೇಽನುರೂಪೇಣ ಸಾಮ್ನ ಇತಿ ಸ್ತೋತ್ರಿಯಾನುರೂಪೌ ಭವತಃ ।
ಪ್ರಾಣೋ ವೈ ಸ್ತೋತ್ರಿಯೋಽಪಾನೋಽನುರೂಪಃ ।
ಪ್ರಾಣಾಪಾನಾಭ್ಯಾಮೇವೈತತ್ಸಮೃಧ್ಯ ಪ್ರಯನ್ತಿ ೫೯

ದಿವಶ್ಚಿತ್ರಂ ನ ತನ್ಯತುಂ ಜ್ಯೋತಿರ್ವೈಶ್ವಾನರಂ ಬೃಹದ್
ಇತಿ ಬೃಹತೋ ರೂಪಮುಪಗಚ್ಛನ್ತಿ ।
ಬಾರ್ಹತಂ ಹ್ಯೇತದಹಃ ।
ಪವಮಾನಸ್ಯ ತೇ ರಸಃ । ಪವಮಾನ ರಸಸ್ತವೇ
ತಿ ಸಮಾನಮನುತುದತಿ ವೈರಾಜರೂಪಮ್ ।
ಅನುತುನ್ನಂ ಹಿ ವೈರಾಜಸ್ಯ ರೂಪಮ್ ।
ಪ್ರ ಯದ್ಗಾವೋ ನ ಭೂರ್ಣಯ
ಇತಿ ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ತ್ವೇಷಾ ಅಯಾಸೋ ಅಕ್ರಮುರ್ಘ್ನನ್ತಃ ಕೃಷ್ಣಾಮಪ ತ್ವಚಮ್
ಇತಿ ಪಾಪ್ಮಾ ವೈ ಕೃಷ್ಣಾ ತ್ವಕ್ ।
ತಾಮೇವೈತೇನಾಪಘ್ನತೇ ।
ಸುವಿತಸ್ಯ ವನಾಮಹೇ ಅತಿ ಸೇತುಂ ದುರಾಯ್ಯಮ್
ಇತಿ ಪೂರ್ವೋ ಹ ವೈ ತ್ರಿಯಹಸ್ಸೇತುರ್ದುರಾಯ್ಯಸ್ತಮೇವೈತೇನಾತಿರ್ತರನ್ತಿ ।
ಶೃಣ್ವೇ ವೃಷ್ಟೇರಿವ ಸ್ವನಃ ಪವಮಾನಸ್ಯ ಶುಷ್ಮಿಣಃ ।
ಚರನ್ತಿ ವಿದ್ಯುತೋ ದಿವಿ
ಇತಿ ಬೃಹತೋ ರೂಪಮುಪಗಚ್ಛನ್ತಿ ।
ಬಾರ್ಹತಂ ಹ್ಯೇತದಹಃ ।
ಆ ಪವಸ್ವ ಮಹೀಮಿಷಂ ಗೋಮದಿನ್ದೋ ಹಿರಣ್ಯವತ್ ।
ಅಶ್ವವತ್ಸೋಮ ವೀರವತ್
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪವಸ್ವ ವಿಶ್ವಚರ್ಷಣ ಆ ಮಹೀ ರೋದಸೀ ಪೃಣಾ ।
ಉಷಾಸ್ಸೂರ್ಯೋ ನ ರಶ್ಮಿಭಿಃ
ಇತಿ ಸೂರ್ಯವತೀರ್ಭವನ್ತಿ ।
ಸೌರ್ಯಂ ಹ್ಯೇತದಹರೇಕವಿಂಶಂ ಪ್ರತಿಷ್ಠಾ ವೈರಾಜಮ್ ।
ಪರಿ ನಶ್ಶರ್ಮಯನ್ತ್ಯಾ ಧಾರಯಾ ಸೋಮ ವಿಶ್ವತಃ ।
ಸರಾ ರಸೇವ ವಿಷ್ಟಪಮಿತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ಆಶುರರ್ಷ ಬೃಹನ್ಮತೇ ಪರಿ ಪ್ರಿಯೇಣ ಧಾಮ್ನಾ ।
ಯತ್ರ ದೇವಾ ಇತಿ ಬ್ರುವನ್
ಪರಿಷ್ಕೃಣ್ವನ್ನನಿಷ್ಕೃತಮ್
ಅಯಂ ಸ ಯೋ ದಿವಸ್ಪರಿ
ಇತಿ ಪರಿಪರೀತಿ ಭವತ್ಯನ್ತಸ್ಯ ರೂಪಮ್ ।
ಅನ್ತೋ ವಾ ಅನುಷ್ಟುಪ್ಛನ್ದಸಾಮ್ ।
ಆನುಷ್ಟುಭಮೇತದಹಃ ೬೦

ಷಡೃಚಂ ಭವತಿ ಷಡ್ವಾ ಋತವ -- ಋತೂನಾಮೇವಾಪ್ತ್ಯೈ ।
ತದಾಹುರ್ಯತ್ಷಡೃಚಂ ಷಷ್ಠಸ್ಯಾಹ್ನೋ ರೂಪಮ್ । ಅಥ ಕಸ್ಮಾಚ್ಚತುರ್ಥೇಽಹನ್ಕ್ರಿಯತೇ ಇತಿ ।
ಸ ಬ್ರೂಯಾತ್ಷಡ್ವಾ ಋತವಸ್ಸಂ ವತ್ಸರಸ್ । ಸಂವತ್ಸರಃ ಪ್ರಜಾಪತಿರ್ಯಜ್ಞಃ ।
ಸಂವತ್ಸರಮೇವೈತೇನ ಪ್ರಜಾಪತಿಂ ಯಜ್ಞಮಾಪ್ತ್ವಾ ಸವನಮುಖೇ ಪುನರಾರಭನ್ತೇ ।
ಆಪ್ಯತ ಇವ ಹ್ಯೇತದ್ಯಜ್ಞೋ ಯದೇಷ ಪೂರ್ವಸ್ತ್ರ್! ಯಹ ಆಪ್ಯತ ಇತಿ ।
ಉತ್ತರಂ ಷಡೃಚಂ ಭವತಿ ।
ಅಭಿಪೂರ್ವಮೇವೈತೇನ ಯಜ್ಞಮಾರಭನ್ತೇ ।
ಹಿನ್ವನ್ತಿ ಸೂರಮುಸ್ರಯ
ಇತಿ ಹಿನ್ವನ್ತೀವ ವೈ ಜಾತಮ್ ।
ಜಾಯತ ಉ ಏತೇನಾಹ್ನಾ ।
ಸ್ವಸಾರೋ ಜಾಮಯಸ್ಪತಿಮಿತೀಮಾ ಹ ವಾವ ಸ್ವಸಾರಃ ।
ಇಮಾ ಉ ಏವ ಜಾಮಯಃ ।
ಮಹಾಮಿನ್ದುಂ ಮಹೀಯುವ
ಇತೀಮಾ ಹ ವಾವ ಮಹೀಯುವಃ ।
ತಾ ಏವೈನಮೇತದ್ಧಿನ್ವನ್ತಿ ।
ಪವಮಾನ ರುಚಾರುಚೇ
ತಿ ರುಕ್ಮತ್ಸೌರ್ಯರೂಪಮುಪಗಚ್ಛನ್ತಿ ।
ಸೌರ್ಯಂ ಹ್ಯೇತದಹರೇಕವಿಂಶಂ ಪ್ರತಿಷ್ಠಾ ವೈರಾಜಮ್ ।
ಆ ಪವಮಾನ ಸುಷ್ಟುತಿಂ ವೃಷ್ಟಿಂ ದೇವೇಭ್ಯೋ ದುವಃ ।
ಇಷೇ ಪವಸ್ವ ಸಂಯತಮಿತಿ ಪರ್ಯಾಸೋ ಭವತಿ ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ಏಕವಿಂಶ ಸ್ತೋಮೋ ಭವತಿ ।
ದ್ವಾದಶ ಮಾಸಾಃ । ಪಞ್ಚರ್ತವಸ್ । ತ್ರಯ ಇಮೇ ಲೋಕಾ । ಅಸಾವಾದಿತ್ಯ ಏಕವಿಂಶಃ ।
ತಾಸ್ಸಂಸ್ತುತಾ ದ್ವಾದಶ ಜಗತ್ಯೋ ಭವನ್ತಿ ।
ತಾಶ್ಚತುರ್ವಿಂಶತಿರ್ಗಾಯತ್ರ್! ಯಃ ।
ತಾ ಅಷ್ಟಾದಶಾನುಷ್ಟುಭಃ ।
ಆನುಷ್ಟುಭಮೇತದಹಃ ೬೧

ಜನಸ್ಯ ಗೋಪಾ ಅಜನಿಷ್ಟ ಜಾಗೃವಿರ್
ಇತ್ಯಾಗ್ನೇಯಮಾಜ್ಯಂ ಭವತಿ ಜನದ್ವತ್ ।
ಏಷ ಹ ವಾವ ಜನಸ್ಯ ಗೋಪಾಃ ।
ತಮೇವೈತತ್ಪ್ರಾತಸ್ಸವನಾತ್ಪ್ರಜನಯನ್ತಿ ।
ತಂ ಪ್ರಜಾತಂ ಮಾಧ್ಯನ್ದಿನೇ ಸವನೇ ಮನ್ಥನ್ತಿ ।
ಅಗ್ನಿರ್
ಇತಿ ನಿರೇವೈನಂ ತದಾಹ ।
ಸುದಕ್ಷಸ್ಸುವಿತಾಯ ನವ್ಯಸ
ಇತಿ ಪ್ರಾಣಾ ವೈ ದಕ್ಷಃ ।
ಪ್ರಾಣಾನೇವಾಸ್ಮಿಂಸ್ತದ್ದಧತಿ ।
ಘೃತಪ್ರತೀಕ
ಇತ್ಯೇತದ್ವಾ ಅಗ್ನೇಃ ಪ್ರಿಯಂ ಧಾಮ ಯದ್ಘೃತಂ ಪ್ರಿಯೇಣೈವೈನಂ ತದ್ಧಾಮ್ನಾ ಸಮರ್ಧಯನ್ತಿ ।
ಬೃಹತಾ ದಿವಿಸ್ಪೃಶೇ
ತಿ ಬೃಹತೋ ರೂಪಮುಪಗಚ್ಛನ್ತಿ ।
ಬಾರ್ಹತಂ ಹ್ಯೇತದಹಃ ।
ದ್ಯುಮದ್ವಿ ಭಾತಿ ಭರತೇಭ್ಯಶ್ಶುಚಿರ್
ಇತೀಮಾ ಹ ವೈ ಪ್ರಜಾ ಭಾರತೀಸ್ತಾಭ್ಯ ಏವೈತಚ್ಛುಚಿರ್ವಿಭಾತಿ ।
ಅಥೋ ಯದೇವೈನೇನ ಭರತಾ ಅಗ್ರ ಈಜಿರೇಽಥೋ ಯದೇವೈಷ ದೇವೇಭ್ಯೋ ಹವ್ಯಂ ವಹತಿ ತಸ್ಮಾದ್ಭಾರತಃ ।
ತ್ವಾಮಗ್ನೇ ಆಂಗಿರಸೋ ಗುಹಾ ಹಿತಮ್
ಇತಿ ತ್ವಾಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಅನ್ವವಿನ್ದಞ್ಛಿಶ್ರಿಯಾಣಂ ವನೇವನ
ಇತಿ ವನೇವನ ಹ್ಯೇತಂ ಶಿಶ್ರಿಯಾಣಮನ್ವವಿನ್ದನ್ ।
ಸ ಜಾಯಸೇ ಮಥ್ಯಮಾನಸ್ಸಹೋ ಮಹದ್
ಇತಿ ಪ್ರಾತಸ್ಸವನಾದ್ಧ ವಾ ಏತಮಗ್ರೇ ಮನ್ಥನ್ತಿ ।
ತಂ ಪ್ರಜಾತಂ ಮಾಧ್ಯಂದಿನೇ ಸವನೇ ಜನಯನ್ತಿ ।
ತ್ವಾಮಾಹುಸ್ಸಹಸಸ್ಪುತ್ರಮಙ್ಗಿರ
ಇತಿ ಸಹಸೇವಂ ಹ್ಯೇತಂ ಜನಯನ್ತಿ ।
ಯಜ್ಞಸ್ಯ ಕೇತುಮಿತ್ಯೇಷ ಹ ವಾವ ಯಜ್ಞಸ್ಯ ಕೇತುಃ ।
ಯತ್ರ ಹ ವೈ ಕ್ವ ಚ ಸೂಯತೇ ತದೇಷ ಏವ ಪುರಸ್ತಾತ್ಕೇತುರುಚ್ಛ್ರಿಯತೇ ೬೨

ಪ್ರಥಮಃ ಪುರೋಹಿತಮ್
ಇತಿ ಪುರ ಏವ ವಾ ಏನಮೇತದ್ದಧತೇ ।
ಯದಗ್ನಿಮಾದಧತೇಽಗ್ನಿಂ ನರಸ್ತ್ರಿಷಧಸ್ಥೇ ಸಮಿನ್ಧತ ಇತೀಮಾ ಹ ವೈ ಪ್ರಜಾ ನರಃ ।
ತಾ ಏವೈನಮೇತತ್ಸಮಿನ್ಧತ ।
ಇನ್ದ್ರೇ ಣ ದೇವೈಸ್ಸರಥಂ ಸ ಬರ್ಹಿಷಿ ಸೀದನ್ನಿ ಹೋತಾ ಯಜಥಾಯ ಸುಕ್ರತುರ್
ಇತಿ ಸರ್ವದೇವತ್ಯಂ ಭವತಿ ।
ಸರ್ವದೇವತ್ಯಂ ಹ್ಯೇತದಹರಾನುಷ್ಟುಭಮ್ ।
ಸರ್ವದೇವತ್ಯೋ ವಾ ಅನುಷ್ಟುಪ್ ।
ಅಯಂ ವಾಂ ಮಿತ್ರಾವರುಣೇ
ತಿ ಮೈತ್ರಾವರುಣಂ ಭವತಿ ।
ಪುನಃಪ್ರೋಕ್ತಿರ್ಹ ವಾ ಏಷಾ ಹವಿಷಃ ।
ಸಂ ಹ ವಾ ಏತದ್ಯಜ್ಞಸ್ತಿಷ್ಠತೇ ಯದೇಷ ಪೂರ್ವಸ್ತ್ರ್! ಯಹ ಆಪ್ಯತೇ ।
ಯನ್ನು ವೋ ಪರೋ ಯಜ್ಞ
ಇತಿ ಹ ವಾ ಏತದ್ದೇವೇಭ್ಯಃ ಪ್ರಾಹುಃ ।
ತಸ್ಮಾದು ಹೈತದ್ದ್ವಿತೀಯಂ ಯಜಮಾನ ಆಜ್ಯಂ ಕುರ್ವೀತ ।
ರಾಜಾನಾವನಭಿದ್ರುಹಾ ಧ್ರುವೇ ಸದಸ್ಯುತ್ತಮೇ ।
ಸಹಸ್ರಸ್ಥೂಣ ಆಸಾತೇ
ಇತಿ ಸಹಸ್ರರೂಪಂ ವಿರಾಜಾಮುಪಗಚ್ಛನ್ತಿ ।
ವೈರಾಜಂ ಹ್ಯೇತದಹಃ ।
ತಾ ಸಮ್ರಾಜಾ ಘೃತಾಸುತೀ
ಇತಿ ಸಮ್ರಾಡ್ವತೀರ್ಭವನ್ತಿ ।
ಸಾಮ್ರಾಜ್ಯಮಿವ ಹ್ಯೇತರ್ಹ್ಯಗಚ್ಛನ್ ।
ಇನ್ದ್ರೋ ದಧೀಚೋ ಅಸ್ಥಭಿರ್
ಇತ್ಯೈನ್ದ್ರಂ ಭವತಿ ೬೩

ದಧ್ಯಙ್ಹ ವಾ ಆಥರ್ವಣಸ್ತೇಜಸ್ವೀ ಬ್ರಹ್ಮವರ್ಚಸ್ಯಾಸ ।
ತಂ ಹ ಸ್ಮ ಯಾವನ್ತೋಽಸುರಾಃ ಪರಾಪಶ್ಯನ್ತಿ ತೇ ಹ ಸ್ಮ ತದೇವ ವಿಶೀರ್ಷಾಣಶ್ಶೇರತೇ ।
ಸ ಉ ಹ ಸ್ವರ್ಗಂ ಲೋಕಮುಚ್ಚಕ್ರಾಮ ।
ಸ ಹೇನ್ದ್ರೋ ಽಸುರೈರಭಿಬಾಢ ಉವಾಚ ಕ್ವ ನು ಸ ದಧ್ಯಙ್ಙ್ಭವಾದಿತಿ ।
ತಸ್ಮೈ ಹೋಚು ಸ್ವರ್ಗಂ ವೈ ಭಗವಸ್ಸ ಲೋಕಮುದಕ್ರಾಮದಿತಿ ।
ಸ ಹೋವಾಚ ನೈವಾಸ್ಯೇಹ ಕಿಂ ಚಿತ್ಪರಿಶಿಷ್ಟಮಸ್ತೀತಿ ।
ತಸ್ಮೈ ಹೋಚುರಾಸೀದೇವೇದಮಶ್ವಶೀರ್ಷಂ ಯನಾಶ್ವಿಭ್ಯಾಂ ದೇವವೇದಂ ಪ್ರಾಬ್ರವೀತ್ತತ್ತು ನ ವಿದ್ಮ ಯತ್ರಾಭವದಿತಿ ।
ತದ್ವಾ ಅನ್ವಿಚ್ಛತೇತಿ ।
ತದ್ಧಾನ್ವೀಷುಃ ।
ಇಚ್ಛನ್ನಶ್ವಸ್ಯ ಯಚ್ಛಿರಃ ಪರತೇಷ್ವಪಶ್ರಿತಮ್ ।
ತದ್ವಿದಚ್ಛರ್ಯಣಾವತಿ
ಇತಿ ।
ಶರ್ಯಣಾವದ್ಧ ನಾಮೈತತ್ಕುರುಕ್ಷೇತ್ರಸ್ಯ ಜಘನಾರ್ಧೇ ಸರಸ್ಕಮ್ ।
ತದೇತದನುವಿದ್ಯಾಜಹುಃ ।
ತದಸ್ಮೈ ಪ್ರಾಯಚ್ಛನ್ ।
ತದ್ಧ ಸ್ಮಾಸುರಾಣಾಂ ಪ್ರಕಾಶೇ ಧಾರಯತಿ ।
ತಂ ಹ ಸ್ಮ ಯಾವನ್ತೋಽಸುರಾಃ ಪರಾಪಶ್ಯನ್ತಿ ತೇ ಹ ಸ್ಮ ತದೇವ ವಿಶೀರ್ಷಾಣಶ್ಶೇರತೇ ೬೪

ಸ ಹ ತೈರೇವಾಸ್ಥಿಭಿರ್ನವ ನವತೀರ್ಜಘಾನಾಸುರಾಣಾಮ್ ।
ತದೇತದ್ಭ್ರಾತೃವ್ಯಹಾ ವಿಜಿತಿಃ ।
ಇನ್ದ್ರೋ ದಧೀಚೋ ಅಸ್ಥಭಿರ್ವೃತ್ರಾಣ್ಯಪ್ರತಿಷ್ಕುತಃ ।
ಜಘಾನ ನವತೀರ್ನವ
ಇತಿ ।
ವಿಜಯತೇ ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಅತ್ರಾಹ ಗೋರಮನ್ವತ ನಾಮ ತ್ವಷ್ಟುರಪೀಚ್ಯಮ್ ।
ಇತ್ಥಾ ಚನ್ದ್ರ ಮಸೋ ಗೃಹೇ
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಇಯಂ ವಾಮಸ್ಯ ಮನ್ಮನ
ಇತ್ಯೈನ್ದ್ರಾ ಗ್ನಂ ಭವತಿ ।
ಇನ್ದ್ರಾ ಗ್ನೀ ಪೂರ್ವ್ಯಸ್ತುತಿಃ ।
ಅಭ್ರಾದ್ವೃಷ್ಟಿರಿವಾಜನಿ
ಇತಿ ।
ಅಜನೀತಿ ವಾ ಆಹುರ್ಜಾತಮ್ ।
ಜಾಯತ ಉ ಏತೇನಾಹ್ನಾ ।
ಶೃಣುತಂ ಜರಿತುರ್ಹವಮಿನ್ದ್ರಾ ಗ್ನೀ ವನತಂ ಗಿರಃ ।
ಈಶಾನಾ ಪಿಪ್ಯತಂ ಧಿಯಃ
ಮಾ ಪಾಪತ್ವಾಯ ನೋ ನರೇನ್ದ್ರಾ ಗ್ನೀ ಮಾಭಿಶಸ್ತಯೇ ।
ಮಾ ನೋ ರೀರಧತಂ ನಿದೇ
ಇತಿ ಪಾಪ್ಮನ ಏವೈಷೋಪಹತಿಃ ।
ಏಕವಿಂಶ ಸ್ತೋಮೋ ಭವತಿ ।
ದ್ವಾದಶ ಮಾಸಾಃ । ಪಞ್ಚರ್ತವಸ್ । ತ್ರಯ ಇಮೇ ಲೋಕಾ । ಅಸಾವಾದಿತ್ಯ ಏಕವಿಂಶಃ ।
ಏತಸ್ಯ ವಾ ಏತೇ ಸಲೋಕತಾಂ ಗಚ್ಛನ್ತ್ಯೇತಮಭ್ಯಾರೋಹನ್ತಿ ೬೫

ಪವಸ್ವ ದಕ್ಷಸಾಧನ
ಇತಿ ಮಾಧ್ಯನ್ದಿನಸ್ಯ ಪವಮಾನಸ್ಯ ದಕ್ಷವತೀರ್ಗಾಯತ್ರ್! ಯೋ ಭವನ್ತಿ ।
ಅಹರೇವೈತಾಭಿರ್ದಕ್ಷಯನ್ತಿ । ಛನ್ದಾಂಸಿ ದಕ್ಷಯನ್ತಿ । ದೇವತಾ ದಕ್ಷಯನ್ತಿ । ಷೋಡಶಿನಂ ದಕ್ಷಯನ್ತಿ ।
ದೇವೇಭ್ಯಃ ಪೀತಯೇ ಹರೇ ಮರುದ್ಭ್ಯೋ ವಾಯವೇ ಮದ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ಸಂ ದೇವೈಶ್ಶೋಭತೇ ವೃಷೇ
ತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಪವಮಾನ ಧಿಯಾ ಹಿತೋಽಭಿ ಯೋನಿಂ ಕನಿಕ್ರದದ್
ಇತಿ ಯೋನಿಮತೀರ್ಭವನ್ತಿ ।
ಯೋನೇರ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಜನದ್ವದೇತಸ್ಯ ವೈರಾಜಸ್ಯಾಹ್ನೋ ರೂಪಮ್ ।
ಧರ್ಮಣಾ ವಾಯುಮಾ
ರುಹೇತಿ ವಾಯುಮತೀರ್ಭವನ್ತಿ ವಾಯುರ್ವೈ ಶಾನ್ತಿಶ್ಶಾನ್ತ್ಯಾ ಏವಾನಿರ್ದಾಹಾಯ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಚತುರ್ಣಿಧನಮಾಥರ್ವಣಂ ಚತುರ್ಥಸ್ಯಾಹ್ನೋ ರೂಪಮ್ ।
ಅಥರ್ವಾಣ ಉಪರಿ ಶ್ಯೇನಂ ಸ್ವರ್ಗಂ ಲೋಕಮಾಯನ್ ।
ತೇ ತತ್ರ ನ ಪ್ತರ್ಯತಿಷ್ಠನ್ ।
ತೇಽಕಾಮಯನ್ತ ಪ್ರತಿ ಸ್ವರ್ಗೇ ಲೋಕೇ ತಿಷ್ಠೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸ್ವರ್ಗೇ ಲೋಕೇ ಪ್ರತ್ಯತಿಷ್ಠನ್ ।
ತಚ್ಚತುರ್ನಿಧನಂ ಭವತಿ ಪ್ರತಿಷ್ಠಾಯೈ ಚತುಷ್ಪದೀವ ಪ್ರತ್ಯತಿಷ್ಠಾದಿತಿ ವಾ ಆಹುಃ ।
ಸುಪ್ರತಿಷ್ಠಿತಂ ತದೇತತ್ಸ್ವರ್ಗ್ಯಂ ಪ್ರತಿಷ್ಠಾಸಾಮ ।
ಗಚ್ಛತಿ ಸ್ವರ್ಗಂ ಲೋಕಂ । ಪ್ರತಿ ಸ್ವರ್ಗೇ ಲೋಕೇ ತಿಷ್ಠತಿ ಯ ಏವಂ ವೇದ ।
ತದು ಭೇಷಜಮೇವ ಪ್ರಾಯಶ್ಚಿತ್ತಿಃ ।
ಅಥರ್ಭವಮಿವೈ ಭೇಷಜಂ ಕುರ್ವನ್ತಿ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದನುತುನ್ನಂ ಭವತಿ ।
ಅನುತುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಅನುತುನ್ನಮೇವೈತಸ್ಯ ವೈರಾಜಸ್ಯಾಹ್ನೋ ರೂಪಮ್ ।
ತೇನ ವೈ ರೂಪಸಮೃದ್ಧಮ್ ।
ಯದ್ವಥರ್ವಾಣೋಽಪಶ್ಯಂಸ್ತಸ್ಮಾಚ್ಚತುರ್ಣಿಧನಮಾಥರ್ವಣಮಿತ್ಯಾಖ್ಯಾಯತೇ ೬೬

ಅಥ ನಿಧನಕಾಮಂ ವೈರಾಜಮ್ ।
ಏವಮಿವ ವೈ ವಿರಾಡ್ನೈವ ಸ್ವಾರಂ ನೈವ ನಿಧನವನ್ನೈವೈಳಂ ವೈನರ್ಕ್ಸಮಮ್ ।
ತದ್ವಾಙ್ನಿಧನಂ ಭವತಿ ।
ವಾಗ್ವೈ ವಿರಾಡ್ । ವಿರಾಜ ಏವಾರಮ್ಭಾಯ ।
ವಿರಾಜಮೇವೈತೇನ ಪ್ರತ್ಯಕ್ಷಮಾರಭನ್ತೇ ।
ತಸ್ಯ ಹೈತಸ್ಯ ನಿಧನ ಏವ ಕಾಮಾಃ ।
ಸ ಯಂ ಕಾಮಂ ಕಾಮಯೇತ ತಂ ಧ್ಯಾಯೇದ್ । ಏತಸ್ಯ ನಿಧನಮುಪಾವಯನ್ ।
ಸ ಹೈವಾಸ್ಮೈ ಕಾಮಸ್ಸಮೃಧ್ಯತೇ ।
ಯದ್ವಸ್ಯ ನಿಧನೇ ಕಾಮಾಸ್ತಸ್ಮಾನ್ನಿಧನಕಾಮಂ ವೈರಾಜಮಿತ್ಯಾಖ್ಯಾಯತೇ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸ್ವರ್ಗಂ ಲೋಕಮಾಶ್ನುವತ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತಸ್ಯೈತದೇವ ನಿಧನಂ ಯಮೇತಂ ವೈರಾಜಸ್ಯ ಸ್ತೋತ್ರೇಽಗ್ನಿಂ ಮನ್ಥನ್ತಿ ।
ತವಾಹಂ ಸೋಮ ರಾರಣೇ
ತಿ ತವೇತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಸಖ್ಯ ಇನ್ದೋ ದಿವೇದಿವೇ ।
ಪುರೂಣಿ ಬಭ್ರೋ ನಿ ಚರನ್ತಿ ಮಾಮವ ಪರಿಧೀಂರತಿ ತಂ ಇಹಿ
ಇತ್ಯತಿ ಹ್ಯಾಯನ್ ।
ತವಾಹಂ ನಕ್ತಮುತ ಸೋಮ ತೇ ದಿವಾ ದುಹಾನೋ ಬಭ್ರ ಊಧನೀತೀಮೇ ಹ ವಾವೋಧನೀ ।
ಏತೇ ಏವೈತದಭಿವದತ್ಯ್ । ಏತೇ ಏವಾಸ್ಮೈ ಸರ್ವಾನ್ಕಾಮಾನ್ದುಹಾತೇ ।
ಘೃಣಾ ತಪನ್ತಮತಿ ಸೂರ್ಯಂ ಪರ
ಇತಿ ಸೂರ್ಯವತೀರ್ಭವನ್ತಿ ।
ಸೌರ್ಯಂ ಹ್ಯೇತದಹರೇಕವಿಂಶಂ ಪ್ರತಿಷ್ಠಾ ವೈರಾಜಮ್ ।
ಶಕುನಾ ಇವ ಪ್ರತಿಮೇ
ತ್ಯತಿ ಹ್ಯಪತನ್ ।
ತಾಸ್ವಾಷ್ಟಾದಂಷ್ಟ್ರಮುಕ್ತಪ್ರಾಹ್ಮಣಮ್ ।
ತದೂರ್ಧ್ವೇಳಂ ಭವತಿ ಬೃಹತೋ ರೂಪಂ ಬಾರ್ಹತೇಽಹನ್ ।
ತೇನ ವೈ ರೂಪಂ ಸಮೃದ್ಧಮ್ ೬೭

ಅಥಾಭೀಶವಮಭ್ಯಾರಮ್ಭೋ ಯಜ್ಞಸ್ಯ ಪ್ರತ್ಯಪಸಾರೋಽಭ್ಯೇವ ಪಞ್ಚಮಮಹರಾರಭತೇ ಪ್ರತಿ ತೃತೀಯಮಪಧಾವತಿ ।
ದ್ವಾದಶಾಹೇನ ವೈ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ಸ ಏಷಾಮಸಂಗೃಹೀತೋ ವೀವಾಸ್ರಂಸತ ।
ತ ಏತೇ ಸಾಮನೀ ಅಪಶ್ಯನ್ ।
ತಾಭ್ಯಾಮೇನಂ ಯಥಾಭೀಶುಭ್ಯಾಂ ರಥಂ ಸಂಗೃಹ್ಯಾರೋಹೇದೇವಮೇವಾಭ್ಯಾಂ ಸಂಗೃಹ್ಯ್ಸ್ವರ್ಗಂ ಲೋಕಮಾರೋಹನ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಅಭೀಶೂ ವಾವ ನ ಇಮೇ ಸಾಮನೀ ಯಜ್ಞಸ್ಯಾಭೂತಾಮಿತಿ ।
ತದೇವಾಭೀಶವಯೋರಾಭೀಶವತ್ವಮ್ ।
ತೇ ಏತೇ ಸ್ವರ್ಗ್ಯೇ ಸಾಮನೀ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತಸ್ಮಾದು ಹಿತೇ ಸಾಮನೀ ಉಭೇ ಕಾರ್ಯೇ ।
ಯಥಾ ಹೈಕಾಭೀಶುನಾ ಯಾಯಾದೇವಂ ತದ್ಯದನ್ಯತರದ್ । ಅಥ ಯಥೋಭಯಾಭೀಶುನಾ ಯಾಯಾದೇವಂ ತದ್ಯದುಭೇ ।
ತಸ್ಮಾದುಭೇ ಏವ ಕಾರ್ಯೇ ।
ಅತ್ರಾನ್ಯತ್ಸ್ಯಾನ್ನವಮೇಽಹನ್ನನ್ಯತರತ್ ।
ಅಭೀಶುರ್ವೈ ಶ್ಯಾವಾಶ್ವಿರಕಾಮಯತ ದೇವಾ ಮೇ ಸೋಮಸ್ಯ ತೃಪ್ಯೇಯುರಿತಿ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮಸ್ತುತ ।
ತತೋ ವೈ ತಸ್ಯ ದೇವಾಸ್ಸೋಮಸ್ಯಾತೃಪ್ಯನ್ ।
ತಯೋರ್ವಾ ಏತಯೋರಸ್ತ್ಯಪಸಿದ್ಧಮಿವ ಯಥೈವ ತರ್ಪಯೇದೇವಮ್ ।
ಏ ಏ ಇತಿ ವಾ ಅಪಸೇಧನ್ತಸ್ಸಂತರ್ಪಯನ್ತಿ ।
ತೇ ಏತೇ ತೃಪ್ತಿಸ್ಸಾಮನೀ ।
ತೃಪ್ಯನ್ತ್ಯಸ್ಯ ದೇವಾಸ್ಸೋಮಸ್ಯ ಯ ಏವಂ ವೇದ ।
ಯದ್ವಭೀಶುಶ್ಶ್ಯಾವಾಶ್ವಿರಪಶ್ಯತ್ । ತಸ್ಮಾದಾಭಿಶವೇ ಇತ್ಯಾಖ್ಯಾಯೇತೇ ೬೮

ಅಥ ಚತುರ್ಣಿಧನಮಾಂಗಿರಸಂ ಚತುರ್ಥಸ್ಯಾಹ್ನೋ ರುಪಮ್ ।
ಅಥೋ ತೇನೈವ ಚತ್ವಾರ್ಯಹಾನಿ ಕಲ್ಪನ್ತೇ ।
ಅಂಗಿರಸಃ ಪಶುಕಾಮಾ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತ ಏತಾಂ ಮಧ್ಯ ಇಳಾಮುಪೇತ್ಯ ಸ್ವರ್ಯುಪರಿಷ್ಟಾದುಪಾಯನ್ ।
ಪಶವೋ ವಾ ಇಳಾ ಸ್ವರ್ಗೋ ಲೋಕ ಸ್ವಃ ।
ಪಶುಷು ವಾವ ತೇ ತದಾಸ್ಥಾಯ ಸ್ವರ್ಗಂ ಲೋಕಮಗಚ್ಛನ್ ।
ತದೇತತ್ಪಶವ್ಯಂ ಸ್ವರ್ಗ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದ್ವಾಂಗಿರಸೋಽಪಶ್ಯಂಸ್ತಸ್ಮಾಚ್ಚತುರ್ಣಿಧನಮಾಂಗಿರಸಮಿತ್ಯಾಖ್ಯಾಯತೇ ।
ಅಥೈನಾ ಭವನ್ತಿ
ಪುನಾನೋ ಅಕ್ರಮೀದಭೀ
ತ್ಯಭ್ಯತಿಕ್ರಾನ್ತಿನೀಃ ।
ಪರಾಞ್ಚೋ ಹ್ಯೇತದಿಮಾಁ ಲ್ಲೋಕಾನಭ್ಯತಿಕ್ರಾಮನ್ತಿ ।
ಆದಿತ್ಯಲೋಕಮೇವಾಭೀಮೇ ವೈ ಲೋಕಾಃ ।
ಏಷ ಪೂರ್ವಸ್ತ್ರ್! ಯಹಃ ।
ಆದಿತ್ಯಲೋಕ ಏವ ಚತುರ್ಥಮಹಃ ।
ತಮೇವೈತದಭ್ಯತಿಕ್ರಾಮನ್ತಿ ।
ಆ ಯೋನಿಸರುಣೋ ರುಹದ್
ಇತಿ ಯೋನಿಮತೀರ್ಭವನ್ತಿ ।
ಯೋನೇರ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಜನದ್ವದೇತಸ್ಯ ವೈರಾಜಸ್ಯಾಹ್ನೋ ರೂಪಮ್ ।
ಗಮದಿನ್ದ್ರೋ ವೃಷಾ ಸುತ
ಇತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ನೂ ನೋ ರಯಿಂ ಮಹಾಮಿನ್ದ್ರೋ ಽಸ್ಯಭ್ಯಂ ಸೋಮ ವಿಶ್ವತ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಆ ಪವಸ್ವ ಸಹಸ್ರಿಣಮ್
ಇತಿ ಸಹಸ್ರರೂಪಂ ವಿರಾಜಮುಪಗಚ್ಛನ್ತಿ ।
ವೈರಾಜಂ ಹ್ಯೇತದಹಃ ।
ತದಾಹುರ್ಯನ್ತಿ ವಾ ಏತೇ ತ್ರಿಷ್ಟುಭಃ ಪವಮಾನನ್ತಾದ್ಯೇ ಗಾಯತ್ರೀಷ್ವನ್ತ್ಯಂ ಕುರ್ವನ್ತೀತಿ ।
ವೃಷಣ್ವತೀರ್ಭವನ್ತಿ ।
ವೃಷಣ್ವದ್ವೈ ತ್ರಿಷ್ಟುಭೋ ರೂಪಮ್ ।
ತೇನ ತ್ರಿಷ್ಟುಭಃ ಪವಮಾನಾನ್ತಾನ್ನ ಯನ್ತಿ ।
ತಾಸು ಸತ್ರಾಸಾಹೀಯಮುಕ್ತಬ್ರಾಹ್ಮಣಮ್ ।
ತದುಕ್ಥಸಾಮ ಭವತಿ ಪಶವೋ ವಾ ಉಕ್ಥಾನಿ ಪಶೂನಾಮೇವಾವರುದ್ಧ್ಯೈ ।
ತದಾಹುರುಕ್ಥಸಾಮ ಸತ್ಪವಮಾನೇ ಕ್ರಿಯತೇ ಕಸ್ಮಾತ್ತದಿತಿ ।
ಪ್ರಾತಸ್ಸವನಭಾಜನಂ ಪ್ರಥಮಮಹರ್ । ಮಾಧ್ಯನ್ದಿನಭಾಜನಂ ದ್ವಿತೀಯಂ । ತೃತೀಯಸವನಭಾಜನಂ ತೃತೀಯಮ್ ।
ಅಥೈತದುಕ್ಥಭಾಜನಮ್ ।
ತದ್ಯದತ್ರ ಸತ್ರಾಸಾಹೀಯಂ ಕ್ರಿಯತೇ ತೇನೈನದುಕ್ಥೇಭ್ಯೋ ತ ಚ್ಯಾವಯನ್ತಿ ।
ತದೇನತ್ಸ್ವೇನಾಯತನೇನ ಸಮೃದ್ಧಯನ್ತಿ ।
ತೇನೈಭ್ಯಸ್ಸಮೃದ್ಧೇನ ಸ್ವಾಯಾಂ ಜನತಾಯಾಮರ್ಧುಕಂ ಭವತಿ ।
ಅಥೋ ಪಶವೋ ವಾ ಉಕ್ಥಾನ್ಯ್ । ಆತ್ಮಾ ಮಧ್ಯನ್ದಿನಃ ।
ತದ್ಯತ್ಸತ್ರಾಸಾಹೀಯಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನೇವೈತತ್ಪಶೂನ್ಪ್ರತಿಷ್ಠಾಪಯನ್ತಿ ೬೯

ಪ್ರಜನನಂ ವಾ ಏತದ್ಯದ್ವೈರಾಜಮ್ ।
ತದ್ಯನ್ಮಿಥುನಾಭ್ಯಾಂ ಸ್ತೋಭಾಭ್ಯಾಮಾರಭತೇ ಮಿಥುನಸ್ಯೈವ ಪ್ರಜಾತ್ಯೈ ।
ತ್ರಯಃ ಪೂರ್ವೇ ಸ್ತೋಭಾದೇವ ಸತ್ಯಾತ್ಪ್ರಜಾಃ ಪ್ರಜಾಯಾನ್ತಾ ಇತಿ । ತ್ರಯ ಉತ್ತರೇ ಪ್ರಾಣೋಽಪಾನೋ ವ್ಯಾನಃ ।
ತ ಏವ ತೇನೋಪಧೀಯನ್ತೇ ।
ತ್ರಿಃ ಪದಮಾಹ ।
ಮಿಘುನಂ ದ್ವೇ ಸಂಭವತಃ ।
ಯನ್ಮಿಥುನಾತ್ಪ್ರಜಾಯತೇ ತತ್ತೃತೀಯಮ್ ।
ತ್ರಿರನುನುದತಿ ।
ಅನುನುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ದಶಕೃತ್ವೋ ವಿಷ್ಟಭ್ನೋತ್ಯ್ । ಅಸ್ಥಾನ್ಯೇವ ತತ್ಪ್ರತಿವಪತಿ ।
ನವೋತ್ತರೇ ಸ್ತೋಭಾ ನಿಧನಂ ದಶಮಂ ದಶಾಕ್ಷರಾ ವಿರಾಡ್ । ಅನ್ನಂ ವಿರಾಡ್ ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಅಗ್ನಿಂ ಮನ್ಥನ್ತಿ ।
ಅಗ್ನಿರ್ವೈ ವಿರಾಟ್ ।
ವಿರಾಜಮೇವ ತದನ್ನಾದ್ಯಂ ಪ್ರಜನಯನ್ತಿ ।
ಹಿಂಕೃತ್ಯಾ ಪ್ರಸ್ತುತ್ಯ ಮನ್ಥನ್ತಿ ।
ಹಿಂಕೃತಾದ್ಧಿ ರೇತೋ ಧೀಯತೇ ।
ಅಥೋ ಸಾಮ್ನ ಏವೈತನ್ಮಧ್ಯತೋ ವಿರಾಜಮನ್ನಾದ್ಯಂ ಪ್ರಜನಯನ್ತಿ ।
ಉದ್ಗಾತುರೂರೌ ಮನ್ಥನ್ತಿ । ಪ್ರಸ್ತೋತೃಪ್ರತಿಹರ್ತಾರೌ ಧಾಯನತೋ । ವಿರಾಜೋಽನವಚ್ಛೇದಾಯ ।
ದಕ್ಷಿಣ ಊರೌ ಮನ್ಥನ್ತಿ ।
ತಸ್ಮಾದೇಷ ಪುರುಷಸ್ಯಾರ್ಧೋ ವೀರ್ಯಾವತ್ತರಃ ।
ಶಕಲೇಽಧಿ ಮನ್ಥನ್ತಿ ಶಾನ್ತ್ಯೈ ।
ಅವಕಾಸ್ವಧಿ ಮನ್ಥನ್ತ್ಯನತಿದಾಹಾಯ ।
ತಂ ಜಾತಮಾಗ್ನೀಧ್ರಂ ಹರನ್ತಿ ।
ಅತೋ ಹ್ಯಗ್ನೀನ್ವಿಹರನ್ತಿ ।
ತದು ವಾ ಆಹುರಾಹವನೀಯಮೇವ ಹಾರ್ಯೋ ಯಜಮಾನೋ ವಾ ಆಹವನೀಯಃ ಪ್ರಜೈಷಾ ।
ಯಜಮಾನಮೇವ ತತ್ಪ್ರಜಯಾ ಸಮರ್ಧಯನ್ತಿ ೭೦

ತದಾಹುರನ್ನಾದ್ಯಂ ವಾ ಏತಸ್ಮಾದ್ಧರನ್ತಿ ಯಸ್ಮಾದಗ್ನಿಂ ಹರನ್ತೀತಿ ।
ತಮನುಮನ್ತ್ರಯೇತ
ಪುನರೂರ್ಜಾ ನಿ ವರ್ತತ್ವ ಪುನರಗ್ನ ಇಷಾಯುಷಾ ।
ಪುನರ್ನಃ ಪಾಹ್ಯಂಹಸಃ
ಸಹ ರಯ್ಯಾ ನಿವರ್ತಸ್ವಾಗ್ನೇ ಪಿನ್ವಸ್ವ ಧಾರಯಾ ।
ವಿಶ್ವಪ್ಸ್ನ್ಯಾ ವಿಶ್ವತಸ್ಪರಿ
ಇತಿ ಪುನರೇವಾನ್ನಾದ್ಯಮಾತ್ಮನ್ಧತ್ತೇ ।
ಯೇನ ಪ್ರಸ್ತೌತಿ ತೇನ ನಿಧನಮುಪಯನ್ತಿ ।
ತಸ್ಮಾದಸಾವಾದಿತ್ಯ ಆ ಚ ಪರಾ ಚ ಸಂಚರತಿ ।
ಯತ ಏವಾದ್ಯೋದಗಾತ್ತತ ಶ್ವ ಉದೇತಾ ।
ಅಥ ವಾಮದೇವ್ಯಮ್ ।
ಪಶವೋ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ವಿಶ್ವಾಃ ಪೃತನಾ ಅಭಿಭೂತರಂ ನರಸ್ಸಜೂಸ್ತತಕ್ಷುರಿನ್ದ್ರಂ ಜಜನುಶ್ಚ ರಾಜಸ
ಇತಿ ಜನದ್ವತೀರ್ಭವನ್ತಿ ।
ಜನದ್ವದೇತಸ್ಯ ವೈರಾಜಸ್ಯಾಹ್ನೋ ರೂಪಮ್ ೭೧

ತಾಸು ತ್ರೈಶೋಕಮ್ ।
ವ್ಯವಪ್ಲೀನಾತೀವ ವೈ ವೈರಾಜಂ ಯಜ್ಞಮ್ ।
ತಂ ತ್ರೈಶೋಕೇನೋತ್ತಭ್ನುವನ್ತಿ ವರ್ಷೀಯಸೇವ ಛನ್ದಸಾ ।
ಇಮೇ ವೈ ಲೋಕಾಸ್ಸಹ ಸನ್ತಸ್ತ್ರೇಧಾಪ್ಯಾಯನ್ ।
ತೇಽಶೋಚನ್ಯಥೈಕಸ್ತ್ರೇಧಾ ವಿಚ್ಛಿನ್ನಶ್ಶೋಚೇದೇವಮ್ ।
ತೇ ದೇವಾ ಅಬ್ರುವನ್ನೇತೇಷಾಂ ತ್ರಯಾಣಾಂ ಲೋಕಾನಾಂ ತಿಸ್ರಶ್ಚುಚೋಽಪಹನಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನೈಷಾಂ ತ್ರಯಾಣಾಂ ಲೋಕಾನಾಂ ತಿಸ್ರಶ್ಶುಚೋಽಪಾಘ್ನನ್ ।
ತದ್ಯದೇಷಾಂ ತ್ರಯಾಣಾಂ ಲೋಕಾನಾಂ ತಿಸ್ರಶ್ಶೋಚೋಽಪಾಘ್ನಂಸ್ತತ್ತ್ರೈಶೋಕಸ್ಯ ತ್ರೈಶೋಕತ್ವಮ್ ।
ಅಪ ಶುಚಂ ಹತೇ ಯ ಏವಂ ವೇದ ।
ತಾಃ ಕೀಬೇ ಕಿತವೇ ಪುಂಶ್ಚಲ್ಯಾಂ ನ್ಯವೇಶಯನ್ ।
ತಸ್ಮಾದೇತೇ ಶುಚಾ ವಿದ್ಧಾಶ್ಶೋಚನ್ತಿ ।
ನ ಹಾಸ್ಯೈತ ಆಜಾಯನ್ತೇ ಯ ಏವಂ ವೇದ ।
ತಸ್ಮಾದು ಹೈತೇಷಾಂ ನೋಽಪ ಬ್ರೂವೀತ ನೇಚ್ಛುಚೋಽಪಭಜಾ ಇತಿ ।
ಕಣ್ವೋ ವೈ ನಾರ್ಷದೋಽಖಗಸ್ಯಾಸುರಸ್ಯ ದುಹಿತರಮವಿನ್ದತ ।
ತಸ್ಯಾಂ ಹಾಸ್ಯ ತ್ರಿಶೋಕನಭಾಕೌ ಪುತ್ರೌ ಜಜ್ಞಾತೇ ।
ಸಾ ಹ ಕ್ರುದ್ಧಾ ಜ್ಞಾತೀನಾಯಯೌ ।
ತಾಂ ಹಾನ್ವಾಜಗಾಮ ।
ತಂ ಹಾಸುರಾ ಅವಲೇಪೇನಾವಲಿಮ್ಪನ್ತ ಊಚುರತ್ರ ವ್ಯುಷ್ಟಾಂ ವಿಜಾನೀಹಿ ಯದಿ ಬ್ರಾಹ್ಮಣೋಽಸೀತಿ ।
ತದು ಹಾಶ್ವಿನಾವನುಬುಬುಧಾತೇ ।
ಆಶ್ವಿನಾ ಉ ಹ ವೈ ದೇವಾನಾಂ ಬದ್ಧಮುಚೌ ।
ತೌ ಹೈನಮದೃಶ್ಯಮಾನಾವೇತ್ಯೋಚತುರ್ಯದೈವ ತ್ರಾವಂ ವೀಣಾಂ ಸಮಾಘ್ನನ್ತಾ ಉಪರ್ಯುಪರ್ಯತಿಪತಾವೋಽಥ ವ್ಯುಷ್ಟಾಂ ವಿಜಾನೀತಾದಿತಿ ।
ತೇ ಹ ಸ್ಮೇಮೇ ರಾತ್ರಿಮುತ್ಪತನ್ತ್ಯುತ್ತಿಷ್ಠತ । ವ್ಯಾಪದ್ದ್ಯುರ್ । ಯುಙ್ಗ್ಧ್ವಂ ಸೀರಾಣೀತಿ ।
ನ ವಾವ ನು ವ್ಯುಚ್ಛತೀತಿ ಹ ಸ್ಮಾಹ ।
ಅಥ ಹೇಮೌ ವೀಣಾಂ ಸಮಾಘ್ನನ್ತಾ ಉಪರ್ಯುಪರ್ಯತಿಪೇತತುಃ ।
ಸ ಹೋವಾಚಾಪಹರತೇದಮೇತರ್ಹಿ ವ್ಯಾಪದ್ದ್ಯುರ್ । ಯುಙ್ಗ್ಧ್ವಂ ಸೀರಾಣೀತಿ ೭೨

ತೇ ಹೋಚುರ್ಬ್ರಾಹ್ಮಣೋ ವಾ ಅಯಮೃಷಿರಾಸೀತ್ ।
ದುರಪಹರಾ ವಾ ಅಸ್ಯ ಜಾಯಾ ।
ಹನ್ತಾಸ್ಮಾ ಇಮಾಂ ದದಾಮೇತಿ ।
ತಾಂ ಹಾಸ್ಮೈ ದದುಃ ಸಾ ಹೋವಾಚ ಪುನರ್ವಾವ ತ್ವಾ ಪರೋಕ್ಷೇಣೇವ ಜಿಘಾಂಸನ್ತಿ ।
ತಸ್ಯಾಂ ಮೋಪವೇಶೀರಿತಿ ।
ತೇ ಹ ಪ್ರಯಯುಃ ।
ತಸ್ಮೈ ಹ ಹಿರಣ್ಮಯೀಮಾಸನ್ದೀಂ ಪ್ರಚ್ಛಾಯೇ ನಿದಧುಃ ।
ತಸ್ಯಾಂ ಹ ಪ್ರಮತ್ತ ಉಪವಿವೇಶ ।
ಸಾ ಹೈನಂ ತದೇವ ಶಿಲಾ ಭೂತ್ವಾಭಿಸಂವಿವೇಷ್ಟೇ ।
ತದು ಹ ತ್ರಿಶೋಕನಭಾಕೌ ಪುತ್ರಾವನುಬುಬುಧಾತೇಽಸುರಾ ಹ ವೈ ನೌ ಪಿತರಂ ಶಿಲಯಾಭಿಸಮವಿವೇಷ್ಟನ್ನಿತಿ ।
ತಾವಾಗಚ್ಛತಾಮ್ ।
ಸೋಽಕಾಮಯತ ನಭಾಕಃ ಪ್ರೈನಾನ್ದಮ್ಭಯೇಯಮಿತಿ ।
ಸ ಏತನ್ನಾಭಾಕಂ ಸೂಕ್ತಮಪಶ್ಯತ್ ।
ತೇನೈನಾಮಭ್ಯಷ್ಟೌತ್ ।
ತಸ್ಯಾಂ ಪರ್ಯದೃಶ್ಯತ ೭೩

ಯಥಾ ಮಣೌ ಮಣಿಸೂತ್ರಂ ಪರಿದೃಶ್ಯೇತೈವಮ್ ।
ಅಥಾಕಾಮಯತ ತ್ರಿಶೋಕೋ ವ್ಯೇನಾಮಸ್ಯೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾಂ ದ್ವೇಧಾ ವ್ಯಾಸ್ಯತ್ ।
ತಸ್ಯೈ ತಾನ್ತೋ ನಿವರ್ತತ ।
ತಮಕಾಮಯತ ಜೀವೇದಿತಿ ।
ತಮೋ ಯಿ ಜೀವೇತ್ಯೇವಾಭ್ಯಮೃಶತ್ ।
ಸೋಽಜೀವತ್ ।
ತಸ್ಮೈ ತಮ ಇವಾಸೀತ್ ।
ಸೋಽಕಾಮಯತ ದಿವೇವಾಸ್ಮೈ ಸ್ಯಾದಿತಿ ।
ತಮೋ ಯಿ ದಿವೇತ್ಯೇವಾಭ್ಯಮೃಶತ್ ।
ತಸ್ಮೈ ದಿವೇವಾಸಾತ್ ।
ತಮಕಾಮಯತ ಸ್ವರ್ಗಮೇವೈನಂ ಲೋಕಂ ಗಮಯೇಯಮಿತಿ ।
ತಮೋ ಯಿ ದಿವಮಿತ್ಯೇವ ಸ್ವರ್ಗಂ ಲೋಕಮಗಮಯತ್ ।
ಯಯಸ್ತಾನ್ತ ಇವ ಸ್ಯಾತ್ತಸ್ಯ ಓ ಯಿ ಜೀವೇತಿ ನಿಧನಮುಪೇಯಾತ್ ।
ಅಥ ಯಸ್ಮೈ ತಮ ಇವ ಸ್ಯಾತ್ತಸ್ಯ ಓ ಯಿ ದಿವೇತಿ ನಿಧನಮುಪೇಯಾತ್ ।
ಅಥ ಯ ಸರ್ಗಕಾಮ ಸ್ಯಾತ್ತಸ್ಯ ಓ ಯಿ ದಿವಮಿತ್ಯೇವ ನಿಧನಮುಪೇಯಾತ್ ।
ಏತಾನಿ ವಾ ಏತಸ್ಯ ಸಾಮ್ನೋ ನಿಧನಾನಿ । ಏತೇ ಕಾಮಾಃ ।
ಏತಾನೇವ ಕಾಮಾನವರುನ್ದ್ಧೇ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ । ಯದು ತ್ರಿಶೋಕೋಽಪಶ್ಯತ್ತಸ್ಮಾತ್ತ್ರೈಶೋಕಮಿತ್ಯಾಖ್ಯಾಯತೇ ೭೪

ಯೋ ರಾಜಾ ಚರ್ಷಣೀನಾಮ್
ಇತಿ ರಾಜ್ಯಮಿವ ಹ್ಯೇತರ್ಹ್ಯಗಚ್ಛನ್ ।
ಯಾತಾ ರಥೇಭಿರಧ್ರಿಗುಃ ।
ವಿಶ್ವಾಸಾಂ ತರುತಾ ಪೃತನಾನಾಂ ಜ್ಯೇಷ್ಠಂ ಯೋ ವೃತ್ರಹಾ ಗೃಣೇ
ಇತಿ ಜ್ಯೈಷ್ಟ್ಯಮಿವ ಹ್ಯೇತರ್ಹ್ಯಗಚ್ಛನ್ ।
ಇನ್ದ್ರಂ ತಂ ಶುಮ್ಭ ಪುರುಹನ್ಮನ್ನವಸೇ ಯಸ್ಯ ದ್ವಿತಾ ವಿಧರ್ತರಿ ।
ಹಸ್ತೇನ ವಜ್ರಃ ಪ್ರತಿ ಧಾಯಿ ದರ್ಶತೋ ಮಹಾನ್ದೇವೋ ನ ಸೂರ್ಯಃ
ಇತಿ ಸೂರ್ಯವತೀರ್ಭವನ್ತಿ ।
ಸೌರ್ಯಂ ಹ್ಯೇತದಹರೇಕವಿಂಶಮ್ ।
ಪ್ರತಿಷ್ಠಾ ವೈರಾಜಮ್ ।
ತಾಸು ಪೃಶ್ನಿ ।
ವಾಗ್ವೈ ಪೃಶ್ನಿ ।
ವಾಚಮೇತೇನಾಹ್ನಾ ಸಮಿಚ್ಛನ್ತಿ ।
ತಾಮೇವೈತತ್ಸಂವಿದನ್ತಿ ।
ತದ್ವೇವಾಚಕ್ಷತೇ ಭರದ್ವಾಜಸ್ಯ ಪೃಶ್ನೀತಿ ।
ಭರದ್ವಾಜೋ ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತ ।
ಸೋಽಬ್ರವೀತ್ಪೃಶ್ನಿರ್ವೈ ಬಹುಃ ಪ್ರಜಯಾ ಪಶುಭಿಃ ಪ್ರಾಜನಿಷೀತಿ ।
ತತ್ಪೃಶ್ನಿನಃ ಪೃಶ್ನಿತ್ವಮ್ ।
ತದೇತತ್ಪ್ರಜನನಂ ಸಾಮ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ಅಥೋ ಹ ಸ್ಮೈತೇನೈವ ಸಾಮ್ನಾ ಭರದ್ವಾಜಃ ಪೃಶನ್ಯನ್ನಾದ್ಯಮವರುನ್ದ್ಧೇ ।
ತದ್ವನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಯದು ಭರದ್ವಾಜೋಽಪಶ್ಯತ್ತಸ್ಮಾದ್ಭರದ್ವಾಜಸ್ಯ ಪೃಶ್ನೀತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೭೫

ಪರಿ ಪ್ರಿಯಾ ದಿವಃ ಕವಿರ್
ಇತ್ಯಾರ್ಭವಸ್ಯ ಪವಮಾನಸ್ಯ ಪರಿವತೀರ್ಗಾಯತ್ರ್! ಯೋ ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ವಾ ಅನುಷ್ಟುಪ್ಛನ್ದಸಾಮ್ ।
ಆನುಷ್ಟುಭಮೇತದಹಃ ।
ಪ್ರಪ್ರ ಕ್ಷಯಾಯ ಪನ್ಯಸ
ಇತಿ ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ಸ ಸೂನುರ್ಮಾತರಾ ಶುಚಿರ್ಜಾತೋ ಜಾತೇ ಅರೋಚಯದ್
ಇತಿ ಜನದ್ವತೀರ್ಭವನ್ತಿ ।
ಷೋಡಶಿನಮೇವೈತತ್ತೃತೀಯಸವನಾತ್ಪ್ರಜನಯನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥೌರ್ಣಾಯವಮ್ ।
ಊರ್ಣಾಯುರ್ವೈ ಗನ್ಧರ್ವೋಽಪ್ಸರಸೋಽಕಾಮಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನ ಯಾಂ ಯಾಮಕಾಮಯತ ತಾಮೀಯಾಮಿತಿ ಯಾಂ ಯಾಮೇವಾಭ್ಯಮೃಶತ್ತಾಮುಪೈತ್ತಾಮವಾರುನ್ದ್ಧ ।
ತದೇತತ್ಕಾಮಸನಿ ಸಾಮ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ । ಸಮಸ್ಮೈ ಸ ಕಾಮ ಋಧ್ಯತೇ ।
ಯದೂರ್ಣಾಯುರ್ಗನ್ಧರ್ವೋಽಪಶ್ಯತ್ತಸ್ಮಾದೌರ್ಣಾಯವಮಿತ್ಯಾಖ್ಯಾಯತೇ ೭೬

ಅಙ್ರಿರಸ ಸ್ವರ್ಗಕಾಮಾಸ್ಸತ್ರಮಾಸತ ।
ತೇ ಸ್ವರ್ಗಂ ಲೋಕಂ ನ ಪ್ರಾಜಾನನ್ ।
ಸ ಶ್ವಿತ್ರ ಆಂಗಿರಸಸ್ಸಮಿದ್ವಾರಃ ಪರೈತ್ ।
ತಮೂರ್ಣಾಯುರ್ಗನ್ಧರ್ವ ಏತೇನ ಸಾಮ್ನೋಪರಿಷ್ಟಾದಭ್ಯವಪತ್ಯಾಬ್ರವೀತ್ಸಾಮ ವಾ ಇದಂ ಸ್ವರ್ಗ್ಯಂ । ತೇನ ಸ್ತುಧ್ವಂ । ತೇನ ಸ್ತುತ್ವೈವ ಸ್ವರ್ಗಂ ಲೋಕಂ ಪ್ರಜ್ಞಾಸ್ಯಥ ।
ಮಮ ತ್ವೇವ ಸಾಮ ಬ್ರೂತಾತ್ ।
ಯಸ್ತ್ವಾ ಪೃಚ್ಛೇತ್ಕಸ್ತ ಇದಮವೋಚದಿತ್ಯ್ । ಊರ್ಣಾಯುರ್ಮೇಽವೋಚದಿತ್ಯೇವ ಬ್ರೂತಾತ್ ।
ಮೈವ ಮದನ್ಯಸ್ಯ ವೋಚ ಇತಿ ।
ಸ ಪುನರೇತ್ಯಾಬ್ರವೀತ್ಸಾಮ ವಾ ಇದಂ ಸ್ವರ್ಗ್ಯಮ್ ।
ತೇನ ಸ್ತವಾಮಹೈ ।
ತೇನ ಸ್ತುತ್ವೈವ ಸ್ವರ್ಗಂ ಲೋಕಂ ಪ್ರಜ್ಞಾಸ್ಯಾಮ ಇತಿ ।
ತಮಬ್ರುವನ್ಕಸ್ತ ಇದಮವೋಚದಿತಿ ।
ಅಹಮೇವಾದರ್ಶಮಿತ್ಯಬ್ರವೀತ್ ।
ತೇನಾಸ್ತುವತ ।
ತೇನ ಸ್ತುತ್ವೈವ ಸ್ವರ್ಗಂ ಲೋಕಂ ಪ್ರಾಜಾನನ್ ।
ತೇಷಾಂ ಸ್ವರ್ಗಂ ಲೋಕಂ ಯತಾಂ ಸೋಽಹೀಯತ ।
ಅನೃತಂ ಹ್ಯಬ್ರವೀತ್ । ಸ ಏಷ ಶ್ವಿತ್ರೋಽಭವತ್ ।
ಏತೇ ಹ ವಾ ಅಹಯೋ ಯಚ್ಛ್ವಿತ್ರಾಃ ।
ಯದಹೀಯತ ತದಹೀನಾಮಹಿತ್ವಮ್ ।
ಅಥ ಹಾನ್ಯೇ ಸರ್ಪಾ ಏವ ।
ತಸ್ಮಾದು ಹ ಯಸ್ಮಾದೇವಾನುಬ್ರುವೀತ । ತಂ ಬ್ರೂಯಾದಮುಷ್ಮಾದನ್ವವೋಚ ಇತಿ ।
ಅಥೋ ಹ ಸತ್ಯಮೇವ ವಿವದಿಷೇತ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತ್ವಂ ಹ್ಯಂಗ ದೈವ್ಯೇ
ತಿ ತ್ವಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಪವಮಾನ ಜನಿಮಾನಿ ದ್ಯುಮತ್ತಮ
ಇತಿ ಜನದ್ವತೀರ್ಭವನ್ತಿ ।
ಷೋಡಶಿನಮೇವೈತತ್ತೃತೀಯಸವನಾತ್ಪ್ರಜನಯನ್ತಿ ೭೭

ತಾಸು ಬೃಹತ್ಕಂ ಬೃಹತಾಮೇಕಮ್ ।
ಏತೇನ ಹ ವಾ ಏತದಹರ್ಬಾರ್ಹತಂ ಕ್ರಿಯತೇ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನ್ಬೃಹದೇವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇನಾಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಬೃಹದ್ವಾವ ನ ಇದಂ ಕಮಭೂದ್ಯೇನ ಸ್ವರ್ಗಂ ಲೋಕಂ ವ್ಯಾಪಾಮೇತಿ ।
ತದೇವ ಬೃಹತ್ಕಸ್ಯ ಬೃಹತ್ಕತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಬೃಹದಸ್ಮೈ ಕಂ ಭವತ್ಯ್ । ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಸೋಮಃ ಪುನಾನ ಊರ್ಮಿಣಾ ಅವ್ಯಂ ವಾರಂ ವಿ ಧಾವತಿ ।
ಅಗ್ರೇ ವಾಚಃ ಪವಮಾನಃ ಕನಿಕ್ರದತ್
ಇತ್ಯಗ್ರಮಿವ ಭವತಿ ।
ಅಗ್ರಂ ಹ್ಯೇತದಹರ್ಯದ್ಬಾರ್ಹತಮ್ ।
ಧೀಭಿರ್ಮೃಜನ್ತಿ ವಾಜಿನಮಿತಿ ಮೃಜನ್ತೀವ ವೈ ಜಾತಮ್ ।
ಜಾಯತ ಉ ಏತೇನಾಹ್ನಾ ।
ಅಸರ್ಜಿ ಕಲಶಂ ಅಭಿ ಮೀಢ್ವಾನ್ಸಪ್ತಿರ್ನ ವಾಜಯುಃ ।
ಪುನಾನೋ ವಾಚಂ ಜನಯನ್ನಸಿಷ್ಯದತ್
ಇತಿ ಜನದ್ವತೀರ್ಭವನ್ತಿ ।
ಷೋಡಶಿನಮೇವೈತತ್ತೃತೀಯಸವನಾತ್ಪ್ರಜನಯನ್ತಿ ।
ಸವನಾತ್ಸವನಾದ್ಧ ವೈ ಷೋಡಶಿನಂ ಪ್ರಜನಯನ್ತಿ ೭೮

ತಾಸ್ವಾತೀಷಾದೀಯಮ್ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಸ್ಯ ಸೃಷ್ಟಾ ಅತಾಮ್ಯನ್ ।
ಸೋಽಕಾಮಯತ ನ ಮ ಇಮಾಃ ಪ್ರಜಾಸ್ತಾಮ್ಯೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾ ಅಭ್ಯಮೃಶತ್ ।
ತಾಸ್ಸಮಾನನ್ ।
ಪ್ರೇವ ಮೀಯನ್ತೇ ಚತುರ್ಥೇನಾಹ್ನಾನುಷ್ಟುಭಂ ಹಿ ಗಚ್ಛನ್ತಿ ।
ಅನುಷ್ಟುಬ್ವೈ ಪರಾ ।
ಪರಾವತ್ಸಮೇವೈತೇನಾನನ್ತಿ ।
ತಸ್ಮಾದು ಹೈತಸ್ಯ ಸಾಮ್ನ ಆತಮಿತೋರ್ನಿಧನಮುಪೇಯಾತ್ಸರ್ವಸ್ಯಾಯುಷೋಽವರುದ್ಧ್ಯೈ ।
ತದಾಹುರತಾಮ್ಯನ್ನೇವೋಪೇಯಾತ್ ।
ಯದಾ ವೈ ತಾಮ್ಯತ್ಯಥ ಮ್ರಿಯತೇ ।
ತಸ್ಮಾದತಾಮ್ಯನ್ನೇವೋಪೇಯಾದಿತಿ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನ್ಸಾದ ಏವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ನೇತಿ ವೈ ಸಾದ ಇತಿ ।
ಯದಬ್ರುವನ್ನೇತಿ ವೈ ಸಾದ ಇತಿ । ತದೇತೀಷಾದೀಯಸ್ಯೇತೀಷಾದೀಯತ್ವಮ್ ।
ತ ಉ ಸ್ವರ್ಗಂ ಲೋಕಂ ಗತ್ವಾಬ್ರುವನ್ನಾತ ಇವ ಬತ ಸ್ವರ್ಗೇ ಲೋಕೇ ಸದಾಮೇತಿ ।
ತದ್ವೇವಾತೀಷಾದೀಯಸ್ಯಾತೀಷಾದೀಯತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಅಥೈತಾ ಭವನ್ತಿ
ಪುರೋಜಿತೀ ವೋ ಅನ್ಧಸ
ಇತಿ ವಿರಾಜೋಽನುಷ್ಟುಭೋ ವೈರಾಜೇಽಹನ್ । ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಅಥೋ ಯಥಾನ್ಯೌ ನವತರೌ ಚಕ್ರಾವುಪಾಸ್ಯೇದ್ । ಏವಮೇವೈತಾಮನುಷ್ಟುಭಂ ತ್ರ್! ಯಹಮುಖೇಷು ಪರ್ಯಾಹರನ್ತಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ೭೯

ತಾಸು ನಾನದಮ್ ।
ನಾನದೇನ ವಾ ಇನ್ದ್ರೋ ವೃತ್ರಂ ನಾನದ್ಯಮಾನಮಹನ್ ।
ಯನ್ನಾನದ್ಯಮಾನಮಹಂಸ್ತನ್ನಾನದಸ್ಯ ನಾನದತ್ವಮ್ ।
ನಾನದ್ಯಮಾನಮೇವೈತೇನ ದ್ವಿಷನ್ತಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ।
ತಸ್ಯ ಷೋಡಶಭಿರಕ್ಷರೈಃ ಪ್ರಸ್ತೌತಿ ।
ಷೋಡಶಿನಮೇವೈತೇನ ಪ್ರತ್ಯಕ್ಷಮಾರಭನ್ತೇ ।
ಔಪೋದಿತಿರ್ಹ ಸ್ಮಾಹ ಗೌಪಾಲಯೋ ವಿಶಾಲಂ ಲಿಬುಜಯಾಭ್ಯಧಾತ್ ।
ಅನುಷ್ಟುಭಿ ನಾನದಮಕೃದ್ಗೌರಿವೀತೇನ ಷೋಡಶಿನಮತುಷ್ಟುವನ್ । ನ ಶ್ರಿಯಾವಪದ್ಯ ಇತಿ ।
ನ ಹ ವೈ ಶ್ರಿಯಾವಪದ್ಯತೇ ಯ ಏವಂ ವೇದ ।
ತದು ಶ್ವಸ್ತನವದಪಿ ಪ್ರಜಯಾ ಉಪಕ್ಳ್ಪ್ತಮ್ ।
ಅಥಾನ್ಧೀಗವಂ ವೈರಾಜಂ ಸಾಮ ವೈರಾಜೇಽಹನ್ಕ್ರಿಯತೇ । ವೈರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ತಸ್ಯೈತಾಂ ದಶಾಕ್ಷರಾಂ ವಿರಾಜಂ ಮಧ್ಯತ ಉಪಯನ್ತಿ ದಶಾಕ್ಷರಾ ವಿರಾಡ್ । ಅನ್ನಂ ವಿರಾಡ್ ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಸೋಮಃ ಪವತೇ ಜನಿತಾ ಮತೀನಾಂ ಜನಿತಾ ದಿವೋ ಜನಿತಾ ಪೃಥಿವ್ಯಾಃ ।
ಜನಿತಾಗ್ನೇರ್ಜನಿತಾ ಸೂರ್ಯಸ್ಯ ಜನಿತೇನ್ದ್ರ ಸ್ಯ ಜನಿತೋತ ವಿಷ್ಣೋಃ
ಇತಿ ಜನಿತಾ ಜನಿತೇತಿ ಭವತಿ ।
ಷೋಡಶಿನಮೇವೈತತ್ತೃತೀಯಸವನಾತ್ಪ್ರಜನಯನ್ತಿ ।
ಯಥಾ ಬಾಧಸ್ವ ಬಾಧಸ್ವ ಜಾಯಸ್ವ ಜಾಯಸ್ವೇತ್ಯೇವಮೇವೈತದಭಿಪೂರ್ವಂ ತೃತೀಯಸವನಾತ್ಷೋಡಶಿನಂ ಪ್ರಜನಯನ್ತಿ ೮೦

ತಾಸು ವಾತ್ಸಪ್ರಮ್ ।
ವತ್ಸಪ್ರಿಯಂ ವೈ ಭಾಲನ್ದನಂ ಪ್ರತಿಸತ್ರಿಣೋಽಬಾಧನ್ತ ಸ್ತೇನಸ್ತೇ ಪಿತೇತಿ ।
ಸೋಽಕಾಮಯತ ಶ್ರದ್ಧಾಂ ವಿನ್ದೇಯೋಪ ಮಾಂ ಹ್ವಯೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಶ್ರದ್ಧಾಮುಪಹವಮವಿನ್ದತ ।
ಶ್ರದ್ಧಾಂ ವಿನ್ದಾಮಹಾ ಇತಿ ಸತ್ರಮಾಸತೇ ।
ಶ್ರದ್ಧಾಮೇವ ವಿನ್ದನ್ತೇ ।
ವೈರಾಜಸ್ಯ ಹ ಖಲು ವಾ ಏತದನುರೂಪಂ ಸಾಮ ।
ಯಥಾ ಹ ವೈ ವೈರಾಜಸ್ಯ ಸ್ತೋಭಾಃ ಪದವೃತ್ತಯ ಏವಂ ಹ ವೈ ವಾತ್ಸಪ್ರಸ್ಯ ಸ್ತೋಭಾಃ ಪದವೃತ್ತಯಃ ।
ಪ್ರಜಾ ಹ ವಾ ಏಷಾ ವೈರಾಜಸ್ಯ ।
ಆ ಹಾಸ್ಯಾನುರೂಪಃ ಪ್ರಜಾಯಾಂ ಜಾಯತೇ ಯ ಏವಂ ವೇದ ।
ಏತದ್ಧ ವಾ ಏನಂ ತದುಪಜುಹುವಿರೇಽನುರೂಪಂ ವೈರಾಜಸ್ಯಾಸೃಷ್ಟೇತಿ ।
ತದನುತುನ್ನಂ ಭವತಿ ।
ಅನುತುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಅನುತುನ್ನಮೇತಸ್ಯ ವೈರಾಜಸ್ಯಾಹ್ನೋ ರೂಪಮ್ ।
ತೇನ ವೈ ರೂಪಸಮೃದ್ಧಮ್ ।
ಯದು ವತ್ಸಪ್ರೀರ್ಭಾಲನ್ದನೋಽಪಶ್ಯತ್ತಸ್ಮಾದ್ವಾತ್ಸಪ್ರಮಿತ್ಯಾಖ್ಯಾಯತೇ ।
ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಅಗ್ನಿಂ ವೋ ವೃಧನ್ತಮ್
ಇತಿ ವೃದ್ಧಂ ಹ್ಯೇತದಹರ್ಯದ್ಬಾರ್ಹತಮ್ ೮೧

ತಾಸು ಸೈನ್ಧುಕ್ಷಿತಮ್ ।
ಸಿನ್ಧುಕ್ಷಿದ್ವಾ ಅನ್ತಂ ವಾಚೋಽಪಶ್ಯತ್ ।
ವಾಚಮೇತೇನಾಹ್ನಾ ಸಮಿಚ್ಛನ್ತಿ ತಾಮೇವೈತತ್ಸಂವಿನ್ದನ್ತಿ ।
ಸಿನ್ಧುಕ್ಷಿದ್ವೈ ಭಾರತೋ ರಾಜಾ ಜ್ಯೋಗಪರುದ್ಧಶ್ಚರನ್ಸೋಽಕಾಮಯತಾವ ಸ್ವ ಓಕಸಿ ಗಚ್ಛೇಯಮಿತಿ ।
ಸಿನ್ಧುಂ ಹೈವ ಚಚಾರ ।
ಸಾಸ್ಯ ಸಿನ್ಧುಕ್ಷಿತ್ತಾ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽವ ಸ್ವ ಓಕಸ್ಯಗಚ್ಛತ್ ।
ತದೇತದ್ಕಾಮಸನಿ ಸಾಮ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ।
ತದು ಶ್ರೀರೇವ ರಾಜ್ಯಮ್ ।
ರಾಜ್ಯಂ ವೈ ಸ ತದಗಚ್ಛತ್ ।
ಅಶ್ನುತೇ ಶ್ರಿಯಂ ಗಚ್ಛತಿ ರಾಜ್ಯಂ ಯ ಏವಂ ವೇದ ।
ಯದು ಸಿನ್ಧುಕ್ಷಿದ್ಭಾರತೋ ರಾಜಾಪಶ್ಯತ್ತಸ್ಮಾತ್ಸೈನ್ಧುಕ್ಷಿತಮಿತ್ಯಾಖ್ಯಾಯತೇ ।
ವಯಮು ತ್ವಾಮಪೂರ್ವ್ಯೇ
ತ್ಯಪೂರ್ವಾಮಿವ ಹ್ಯೇತರ್ಹಿ ತನ್ವಮಗಚ್ಛನ್ ।
ತಾಸು ಸೌಭರಂ ಬೃಹತಸ್ತೇಜಃ ।
ವ್ಯವಪ್ಲೀನಾತೀವ ವೈ ವೈರಾಜಂ ಯಜ್ಞಮ್ ।
ತತ್ಸೌಭರೇಣೋತ್ತಭ್ನುವನ್ತಿ ಬೃಹತಸ್ತೇಜಸಾ ।
ತದೂಕಾರಣಿಧನಂ ಭವತಿ ।
ಏತದ್ವೈ ಪ್ರತ್ಯಕ್ಷಂ ಬೃಹತೋ ರೂಪಂ ಯದೂಕಾರೋ ಯದೀಕಾರಃ ।
ತೇನ ವೈ ರೂಪಸಮೃದ್ಧಮ್ ।
ಇಮಮಿನ್ದ್ರ ಸುತಂ ಪಿಬ ಜ್ಯೇಷ್ಠಮಮರ್ತ್ಯಂ ಮದಮ್
ಇತಿ ಜ್ಯೈಷ್ಠ್ಯಮಿವ ಹ್ಯೇತರ್ಹ್ಯಗಚ್ಛನ್ ।
ಅಥೋ ತೃತೀಯಸವನ ಏವೈತದ್ರ ಸಂ ಮದಂ ದಧತಿ ೮೨

ತಾಸು ವಾಸಿಷ್ಠಮ್ ।
ವಸಿಷ್ಠೋ ವಾ ಅಕಾಮಯತ ವಿರಾಜಂ ಪಶ್ಯೇಯಂ । ತಾಮವರುನ್ಧೀಯೇತಿ ।
ಸ ಪ್ರಸ್ತುವನ್ನೇವೈತಾಂ ದಶಾಕ್ಷರಾಂ ವಿರಾಜಮಪಶ್ಯತ್ ।
ತಾಮುಪೈತ್ । ತಾಮವಾರುನ್ದ್ಧ ।
ತದೇತದ್ವಿರಾಜೋಽನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವ ವಿರಾಜಮನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಾಸಿಷ್ಠಮಿತ್ಯಾಖ್ಯಾಯತೇ ।
ತದ್ವೇವಾಚಕ್ಷತೇ ವಸಿಷ್ಠಸ್ಯಪ್ರಿಯಮಿತಿ ।
ವಸಿಷ್ಠೋ ವೈ ಜೀತೋ ಹತಪುತ್ರೋಽಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ಸೋಽಬ್ರವೀತ್ಪ್ರಿಯಂ ವಾವೇದಂ ಮಮಾಭೂದ್ಯೇನ ಪ್ರಿಯಾಂ ಪ್ರಜಾಮವಾರುತ್ಸೀತಿ ।
ತದೇವ ಪ್ರಿಯಸ್ಯ ಪ್ರಿಯತ್ವಮ್ ।
ತದೇತತ್ಪ್ರಜನನಂ ಸಾಮ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಸಿಷ್ಠಸ್ಯಪ್ರಿಯಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ।
ಅಥ ಷೋಡಶೀ ।
ಪ್ರಾತಸ್ಸವನಭಾಜನಂ ಪ್ರಥಮಮಹರ್ । ಮಾಧ್ಯನ್ದಿನಭಾಜನಂ ದ್ವಿತೀಯಂ । ತೃತೀಯಸವನಭಾಜನಂ ತೃತೀಯಮ್ ।
ಅಥೈತದುಕ್ಥಭಾಜನಮ್ ।
ಉಕ್ಥಾನಾಂ ವಾ ಏಷ ಏಕೋ ಯತ್ಷೋಡಶೀ ।
ತದ್ಯದತ್ರ ಷೋಡಶೀ ಕ್ರಿಯತೇ ಸ್ವೇನೈವೈನಂ ತದಾಯತನೇನ ಸಮೃದ್ಧಯನ್ತಿ ।
ತೇನೈಭ್ಯಸ್ಸಮೃದ್ಧೇನ ಸ್ವಾಯಾಂ ಜನತಾಯಾಮೃದ್ಧುಕಂ ಭವತಿ ೮೩

ಗೋವಿತ್ಪವಸ್ವ ವಸುವಿದ್ಧಿರಣ್ಯವಿದ್
ಇತಿ ಸಿಮಾನಾಂ ರೂಪಮ್ ।
ಕರಿಷ್ಯದ್ಧರಿವತ್ತ್ರೈಷ್ಟುಭಂ ರೂಪಮ್ ।
ತಸ್ಮಾದೇತಾಸ್ತ್ರೈಷ್ಟುಭೇಽಹನ್ಕ್ರಿಯನ್ತೇ ।
ರೇತೋಧಾ ಇನ್ದೋ ಭುವನೇಷ್ವರ್ಪಿತ
ಇತ್ಯೃಷಭಮೇವೈತದ್ರೇ ತೋಧಾಂ ಪ್ರಾತಸ್ಸವನೇ ಮಹಾನಾಮ್ನೀಷ್ವಪಿಸೃಜನ್ತಿ ಪ್ರಜನನಾಯ ।
ತ್ವಂ ಸುವೀರೋ ಅಸಿ ಸೋಮ ವಿಶ್ವವಿದ್
ಇತಿ ಸಿಮಾನಾಂ ರೂಪಮ್ ।
ತಂ ತ್ವಾ ವಿಪ್ರಾ ಉಪ ಗಿರೇಮ ಆಸತ ಇತಿ ಬ್ರಾಹ್ಮಣಾ ಹ ವೈ ವಿಪ್ರಾಸ್ । ತ ಏವೈನಂ ತದ್ಗಿರೋಪಾಸತೇ ।
ತ್ವಂ ನೃಚಕ್ಷಾ ಅಸಿ ಸೋಮ ವಿಶ್ವತ
ಇತಿ ವಿಶ್ವತ ಇತಿ ಸಿಮಾನಾಂ ರೂಪಮ್ ।
ಪವಮಾನ ವೃಷಭ ತಾ ವಿ ಧಾವಸೀ
ತ್ಯೃಷಭಮೇವೈತತ್ಪ್ರಾತಸ್ಸವನೇ ಮಹಾನಾಮ್ನೀಷ್ವಪಿಸೃಜನ್ತಿ ಪ್ರಜನನಾಯ ।
ಸ ನಃ ಪವಸ್ವ ವಸುಮದ್ಧಿರಣ್ಯವದಿತಿ ಪಶವೋ ವೈ ವಸು ಸುವರ್ಣಮ್ ।
ಅಸುವರ್ಣಮಿತಿ ವಾ ಆಹುರಪಶುಮ್ ।
ಪಶವಶ್ಚಕ್ವರ್ಯಃ ।
ವಯಂ ಸ್ಯಾಮ ಭುವನೇಷು ಜೀವಸ
ಇತ್ಯಾಶಿಷಮೇವೈತೇನಾಶಾಸ್ತೇ ।
ಈಶಾನ ಇಮಾ ಭುವನಾನಿ ವೀಯಸ
ಇತಿ ವೀತಿ ಸಿಮಾನಾಂ ರೂಪಮ್ ।
ಯುಜಾನ ಇನ್ದೋ ಹರಿತಸ್ಸುಪರ್ಣ್ಯ ಇತಿ ಶಕ್ವರ್ಯೋ ವೈ ಹರಿತಸ್ಸುಪರ್ಣ್ಯಃ ।
ತಾ ಏವೈತತ್ಪ್ರಾತಸ್ಸವನೇ ಯುಜ್ಯನ್ತೇ ।
ತಾ ಯುಕ್ತಾ ಮಾಧ್ಯನ್ದಿನೇ ಸವನೇಽಭ್ಯಾರೋಹನ್ತಿ ।
ತಾಸ್ತೇ ಕ್ಷರನ್ತು ಮಧುಮದ್ಘೃತಂ ಪರ ಇತಿ ಪಶವೋ ವೈ ಮಧು ಕ್ಷೀರಂ ದಧಿ ಸರ್ಪಿರೇತತ್ಕ್ಷರನ್ತಿ ಪಶವಶ್ಶಕ್ವರ್ಯಃ ।
ತವ ವ್ರತೇ ಸೋಮ ತಿಷ್ಠನ್ತು ಕೃಷ್ಟಯ
ಇತಿ ಸೋಮಸ್ಯ ಹ ವಾ ಇದಂ ವ್ರತಂ ಸರ್ವಮನೂಪತಿಷ್ಠತೇ ೮೪

ತಾ ಏತಾ ಭವನ್ತಿ ಜಗತ್ಯಸ್ತ್ರಿಷ್ಟುಬ್ವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮೃದ್ಧಯನ್ತಿ ಸಂ ತತ್ರರ್ದ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಪವಮಾನಸ್ಯ ವಿಶ್ವವಿದ್
ಇತ್ಯನುರೂಪೋ ಭವತಿ ।
ವಿಶ್ವವಿದಿತಿ ಸಿಮಾನಾಂ ರೂಪಮ್ ।
ತದಾಹುಸ್ಸಾಮ್ನ ಏವ ರೂಪಂ ಸ್ತೋತ್ರಿಯೇಣಾರಭನ್ತೇಽನುರೂಪೇಣಾಹ್ನ ಇತಿ ।
ಸ್ತೋತ್ರಿಯಾನುರೂಪೌ ಭವತಃ ।
ಪ್ರಾಣೋ ವೈ ಸ್ತೋತ್ರಿಯೋಽಪಾನೋಽನುರೂಪಃ ।
ಪ್ರಾಣಾಪಾನಾಭ್ಯಾಮೇವೈತತ್ಸಮೃಧ್ಯ ಪ್ರಯನ್ತಿ ।
ಪ್ರ ತೇ ಸರ್ಗಾ ಅಸೃಕ್ಷತ ಸೂರ್ಯಸ್ಯೇವ ನ ರಶ್ಮಯ
ಇತಿ ಸರ್ಗಶ ಇವ ವೈ ಪಶವಸ್ಸೃಜ್ಯನ್ತೇ ।
ಪಶವಶ್ಶಕ್ವರ್ಯಃ ।
ಕೇತುಂ ಕೃಣ್ವನ್ದಿವಸ್ಪರಿ ವಿಶ್ವಾ ಸೂಪಾಭ್ಯರ್ಷಸೀ
ತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಸಮುದ್ರ ಸ್ಸೋಮ ಪಿನ್ವಸ ಇತಿ ಸಮುದ್ರ ವತೀರ್ಭವನ್ತ್ಯಾಪೋ ಹ್ಯೇತದಹಃ ।
ಜಜ್ಞಾನೋ ವಾಚಮಿಷ್ಯಸೀ
ತಿ ಜಾಯತೇ ವೈ ಪೂರ್ವೇಣಾಹ್ನಾ ।
ಜಜ್ಞಾನ ಏವೈತೇನ ತಸ್ಮಾಜ್
ಜಜ್ಞಾನೋ ವಾಚಮಿಷ್ಯಸೀ
ತಿ ಭವತಿ ।
ಪವಮಾನ ವಿಧರ್ಮಣಿ ।
ಕ್ರನ್ದಂ ದೇವೋ ನ ಸೂರ್ಯಃ
ಇತಿ ಸೌರ್ಯಂ ರೂಪಂ ಮಹಾನಾಮ್ನೀನಾಮುಪಗಚ್ಛನ್ತಿ ।
ಸೌರ್ಯಾ ಹಿ ಮಹಾನಾಮ್ನಯಃ ೮೫

ಪ್ರ ಸೋಮಾಸೋ ಅಧನ್ವಿಷುಃ ಪವಮಾನಾಸ ಇನ್ದವಃ ।
ಶ್ರೀಣಾನಾ ಅಪ್ಸು ವೃಞ್ಜತೇ
ಅಭಿ ಗಾವೋ ಅಧನ್ವಿಷುರಾಪೋ ನ ಪ್ರವತಾ ಯತೀಃ ।
ಪುನಾನಾ ಇನ್ದ್ರ ಮಾಶತ
ಇತ್ಯಾಪ ಆಪ ಇತಿ ಭವತ್ಯಾಪೋ ಹ್ಯೇತದಹಃ ।
ಪ್ರ ಪವಮಾನ ಧನ್ವಸಿ ಸೋಮೇನ್ದ್ರಾ ಯ ಮಾದನಃ ।
ನೃಭಿರ್ಯತೋ ವಿ ನೀಯಸೇ
ಇತಿ ಸಪ್ತರ್ಚಂ ಭವತಿ ।
ಸಪ್ತ ವೈ ಪ್ರಾಣಾಃ ।
ಪ್ರಾಣೈರೇವೈತತ್ಸಮೃಧ್ಯಮಾನಾ ಯನ್ತಿ । ಪ್ರಾಣೇಷು ಪ್ರತಿತಿಷ್ಠನ್ತಃ ।
ತದಾಹುರ್ಯತ್ಸಪ್ತರ್ಚಂ ಸಪ್ತಮಸ್ಯಾಹ್ನೋ ರೂಪಮಥ ಕಸ್ಮಾತ್ಪಞ್ಚಮೇಽಹನ್ಕ್ರಿಯತ ಇತಿ ।
ಸ ಬ್ರೂಯಾತ್ಸಪ್ತಪದಾ ವೈ ಶಕ್ವರ್ಯಸ್ । ಸಪ್ತ ಗ್ರಾಮ್ಯಾಃ ಪಶವಸ್ । ಸಪ್ತ ಚತುರುತ್ತರಾಣಿ ಛನ್ದಾಂಸಿ । ಸಪ್ತ ಮುಖ್ಯಾಃ ಪ್ರಾಣಾಸ್ । ಸಪ್ತವಿಂಶತಿರ್ದಿವ್ಯಾನಿ ನಕ್ಷತ್ರಾಣಿ । ಸಪ್ತವಿಂಶಮೇತದಹರ್ । ಏತಸ್ಯೈವ ಸರ್ವಸ್ಯಾವರುದ್ಧ್ಯಾ ಏತಸ್ಯೋಪಾಪ್ತ್ಯಾ ಇತಿ ।
ಉತ್ತರಂ ಸಪ್ತರ್ಚಂ ಭವತಿ ।
ಅಭಿಪೂರ್ವಮೇವೈತತ್ಪ್ರಾಣೈಸ್ಸಮೃಧ್ಯಮಾನಾ ಯನ್ತಿ ।
ಚೌತ್ರೃಚಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವ ಏತದಹಃ ಪಶೂನಾಮೇವಾವರುದ್ಧ್ಯೈ ।
ಪರ್ಯಾಸೋ ಭವತಿ ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ತ್ರಿಣವ ಸ್ತೋಮೋ ಭವತಿ ।
ತ್ರಿಣವಾ ಇಮೇ ಲೋಕಾಃ ।
ಏಷ್ವೇವೈತಲ್ಲೋಕೇಷು ಪ್ರತಿತಿಷ್ಠನ್ತೋ ಯನ್ತಿ ೮೬

ಭೂರಿತಿ ವ್ಯಾಹೃತಿಃ ।
ತದಯಂ ಲೋಕೋಽಗ್ನಿರ್ದೇವತಾ ಗಾಯತ್ರೀ ಛನ್ದಸ್ತ್ರಿವೃತ್ಸ್ತೋಮೋ ರಥನ್ತರಂ ಸಾಮ ವಸವೋ ದೇವತಾ ವನಸ್ಪತಯಶ್ಚೌಷಧಯಶ್ಚ ।
ಭುವ ಇತಿ ವ್ಯಾಹೃತಿಃ ।
ತದಿದಮನ್ತರಿಕ್ಷಂ ವಾಯುರ್ದೇವತಾ ಜಗತೀ ಛನ್ದಸ್ಸಪ್ತದಶ ಸ್ತೋಮೋ ವಾಮದೇವ್ಯಂ ಸಾಮ ರುದ್ರಾ ದೇವತಾಪಶ್ಚ ಪ್ರಾಣಭೃಚ್ಚ ।
ಸ್ವರಿತಿ ವ್ಯಾಹೃತಿಃ ।
ತದಸೌ ಲೋಕ ಆದಿತ್ಯೋ ದೇವತಾ ತ್ರಿಷ್ಟುಪ್ಛನ್ದಃ ಪಞ್ಚದಶ ಸ್ತೋಮೋ ಬೃಹತ್ಸಾಮಾದಿತ್ಯಾ ದೇವತಾ ಚನ್ದ್ರ ಮಾಶ್ಚ ನಕ್ಷತ್ರಾಣಿ ಚ ।
ಏತದಿಮೇ ಲೋಕಾಸ್ತ್ರಿಣವಾ ಭವನ್ತಿ ।
ತದಾಹುರ್ಮಿಥುನಾನಿ ಚತ್ವಾರ್ಯಹಾನ್ಯ್ । ಅಮಿಥುನಂ ಪಞ್ಚಮಮಹಃ ।
ಆಚತುರಂ ವಾವ ಮಿಥುನಂ ಪ್ರಜನನಮ್ ।
ತದ್ಯತ್
ತವ ಶ್ರಿಯೋ ವರ್ಷಸ್ಯೇವ ವಿದ್ಯುತ
ಇತ್ಯಾಗ್ನೇಯಮಾಜ್ಯಂ ಭವತಿ ।
ತೇನೈವ ಮಿಥುನಂ ಪಞ್ಚಮಮಹಃ ಕ್ರಿಯತೇ ।
ತವೇತಿ ಪುಂಸೋ ರೂಪಂ । ಶ್ರಿಯ ಇತಿ ಸ್ತ್ರಿಯೈ ।
ವರ್ಷಸ್ಯೇವೇತಿ ಪುಂಸೋ । ವಿದ್ಯುತ ಇತಿ ಸ್ತ್ರಿಯೈ ।
ಅಗ್ನ ಇತಿ ಪುಂಸ । ಉಷಸಾಮಿವೇತಿ ಸ್ತ್ರ್! ಯೈ ।
ಯದೋಷಧೀರಿತಿ ಸ್ತ್ರಿಯಾ । ಅಭಿಸೃಷ್ಟ ಇತಿ ಪುಂಸಃ ।
ಅಭಿಪೂರ್ವಮೇವೈತನ್ಮಿಥುನಂ ಪ್ರಜನನಂ ದಧತಿ ಯಜಮಾನಸ್ಯ ಪ್ರಜಾತ್ಯೈ ೮೭

ವಾತೋಪಜೂತ ಇಷಿತೋ ವಶಂ ಅನು ತೃಷು ಯದನ್ನಾ ವೇವಿಷದ್ವಿತಿಷ್ಠಸೇ ।
ಆ ತೇ ಯತನ್ತೇ ರಥ್ಯೋ ಯಥಾ ಪೃಥಕ್ಶರ್ಧಾಂಸ್ಯಗ್ನೇ ಅಜರಸ್ಯ ಧಕ್ಷತಃ
ಇತಿ ।
ಯದಾ ವಾ ಅಗ್ನಿಂ ವಾತ ಉಪವಾಜಯತ್ಯಥ ಸ ಮಹದ್ದೀಪ್ಯತೇ ।
ತದೇತದ್ದೀಪ್ತಿರೇವ ಬ್ರಹ್ಮವರ್ಚಸಸ್ಯ ರೂಪಮ್ ।
ಮೇಧಾಕಾರಂ ವಿದಥಸ್ಯ ಪ್ರಸಾಧನಮಗ್ನಿಂ ಹೋತಾರಂ ಪರಿಭೂತಮಂ ಮತಿಮ್ ।
ತ್ವಾಮರ್ಭಸ್ಯ ಹವಿಷಸ್ಸಮಾನಮಿತ್ತ್ವಾಂ ಮಹೋ ವೃಣತೇ ನಾನ್ಯಂ ತ್ವತ್
ಇತಿ ಯಚ್ಚ ಹ ವಾ ಅರ್ಭಕಂ ಹವಿರ್ಯಚ್ಚ ಮಹಸ್ತಸ್ಯ ಸರ್ವಸ್ಯಾಗ್ನಿಮೇವ ಹೋತೃತ್ವಾಯ ವೃಣುತೇ ।
ಪುರೂರುಣಾ ಚಿದ್ಧ್ಯಸ್ತ್ಯವೋ ನೂನಂ ವಾಂ ವರುಣ ।
ಮಿತ್ರ ವಂಸಿ ವಾಂ ಸುಮತಿಮಿತಿ ಮೈತ್ರಾವರುಣಂ ಭವತಿ ದುರಿಷ್ಟಸ್ಯೈವಾವೇಷ್ಟ್ಯೈ ।
ಯದ್ಧ ವೈ ಕಿಂ ಚ ಯಜ್ಞಸ್ಯ ದುಷ್ಟುತಂ ದುಶ್ಶಸ್ತಂ ವಿಧುರಂ ತಸ್ಯ ಹ ವಾ ಏತದವೇಷ್ಟ್ಯೈ ।
ತಾ ವಾಂ ಸಮ್ಯಗದ್ರುಹ್ವಾಣೇಷಮಶ್ಯಾಮ ಧಾಮ ಚ ।
ವಯಂ ವಾಂ ಮಿತ್ರಾ ಸ್ಯಾಮ
ಪಾತಂ ನೋ ಮಿತ್ರಾ ಪಾಯುಭಿರುತ ತ್ರಾಯೇಥಾಂ ಸುತ್ರಾತ್ರಾ ।
ಸಾಹ್ಯಾಮ ದಸ್ಯೂಂಸ್ತನೂಭಿಃ
ಇತ್ಯಾಶಿಷಮೇವೈತೇನಾಶಾಸ್ತೇ ೮೮

ಉತ್ತಿಷ್ಠನ್ನೋಜಸಾ ಸಹೇ
ತ್ಯೈನ್ದ್ರಂ ಭವತಿ ।
ತ್ರಿಣವೋ ವೈ ಸ್ತೋಮ ಓಜೋ ವೀರ್ಯಮ್ ।
ತಮೇವೈತತ್ಪ್ರತ್ಯಕ್ಷಮನುವದನ್ತಿ ।
ಅನು ತ್ವಾ ರೋದಸೀ ಉಭೇ
ಇತೀಮೇ ಹ ವಾವ ರೋದಸೀ ।
ಏತೇ ಏವೈತದಭಿವದತಿ ।
ಸ್ಪರ್ಧಮಾನಮದದಾತಾಮ್
ಇತ್ಯೇತೇ ವಾ ಏನಂ ತತ್ಸ್ಪರ್ಧಮಾನಮನ್ವದದಾತಾಮ್ ।
ಇನ್ದ್ರ ಯದ್ದಸ್ಯುಹಾಭವ
ಇತಿ ಘ್ನದ್ವತ್ ।
ಏತದ್ವೈ ಯಜಮಾನಸ್ಯ ಸ್ವಂ ಸ್ತೋತ್ರಂ ಯದ್ಬ್ರಹ್ಮಣಃ ।
ಸ್ವ ಏವ ತದಾಯತನೇ ಯಜಮಾನಸ್ಯ ಸರ್ವಂ ಪಾಪ್ಮಾನಂ ಘ್ನನ್ತಿ ।
ವಾಚಮಷ್ಟಾಪದೀಮಹಂ ನವಸ್ರಕ್ತಿಮೃತಾವೃಧಮ್ ।
ಇನ್ದ್ರಾ ತ್ಪರಿ ತನ್ವಂ ಮಮೇ
ಇತಿ ಗಾಯತ್ರೀ ವೈ ವಾಗಷ್ಟಾಪದೀ ।
ತಸ್ಯೈ ತ್ರಿವೃದೇವ ಸ್ತೋಮ ಸ್ರಕ್ತಯಃ ।
ಏತದ್ವೈ ದೈವ್ಯಂ ಪರಮಂ ಮಿಥುನಂ ಪ್ರಜನನಂ ಯತ್ತ್ರಿವೃಚ್ಚ ಸ್ತೋಮೋ ಗಾಯತ್ರೀ ಚ ಛನ್ದಃ ।
ದೈವ್ಯಮೇವ ತತ್ಪರಮಂ ಮಿಥುನಂ ಪ್ರಜನನಂ ದಧತಿ ಯಜಮಾನಸ್ಯ ಪ್ರಜಾತ್ಯೈ ೮೯

ತಾಮಾಹುರಾರಮ್ಭಣತಸ್ತೃಚಸ್ಯ ಕಾರ್ಯಾ ।
ಮುಖತೋ ವೈ ರೇತಸ್ಸಿಕ್ತಂ । ತದಿತಃ ಪ್ರಜಾಯತೇ ।
ತದ್ವೈ ರೇತೋ ಯದಿತಸ್ಸಿಚ್ಯತೇ ।
ಅನ್ನಾದ್ಧಿ ರೇತಸ್ಸಿಚ್ಯತ ಇತಿ ।
ತದಾಹುರುಪರಿಷ್ಟಾದೇವ ಕಾರ್ಯಾ -- ಇದಂ ವೈ ಪ್ರಜನನಮ್ । ಇತಃ ಪ್ರಜಾಃ ಪ್ರಜಾಯನ್ತೇ ಯತಃ ಪ್ರಜಾಃ ಪ್ರಜಾಯನ್ತೇ ತತಃ ಪ್ರಜಾಯಾಮಹಾ ಇತಿ ।
ತಸ್ಮಾದುಪರಿಷ್ಟಾದೇವ ಕಾರ್ಯಾ ।
ಇನ್ದ್ರಾ ಗ್ನೀ ಯುವಾಮಿಮ
ಇತ್ಯೈನ್ದ್ರಾ ಗ್ನಿಂ ಭವತಿ ।
ಅಭಿ ಸ್ತೋಮಾ ಅನೂಷತೇ
ತಿ ಬಹೂನ್ಸ್ತೋಮಾನಭಿವದತಿ ।
ಏಕಸ್ತೋಮಾನ್ಯನ್ಯಾನ್ಯಹಾನಿ ಭವನ್ತಿ ।
ಅಥೈತತ್ತ್ರಿಷ್ಟೋಮಮ್ ।
ತಸ್ಮಾದ್
ಅಭಿ ಸ್ತೋಮಾ ಅನೂಷತೇ
ತಿ ಬಹೂನ್ಸ್ತೋಮಾನಭಿವದತಿ ।
ಪಿಬತಂ ಶಂಭುವಾ ಸುತಂ
ಯಾ ವಾ ಸನ್ತಿ ಪುರುಸ್ಪೃಹೋ ನಿಯುತೋ ದಾಶುಷೇ ನರಾ ।
ಇನ್ದ್ರಾ ಗ್ನೀ ತಾಭಿರಾ ಗತಂ
ತಾಭಿರಾ ಗಚ್ಛತಂ ನರೋಪೇದಂ ಸವನಂ ಸುತಮ್ ।
ಇನ್ದ್ರಾ ಗ್ನೀ ಸೋಮಪೀತಯೇ
ಇತ್ಯೇಕದೇವತ್ಯಾನ್ಯನ್ಯಾನಿ ಸ್ತೋತ್ರಾಣಿ ಭವನ್ತ್ಯ್ । ಅಥೈತದ್ದ್ವಿದೇವತ್ಯಮ್ ।
ಯಥೋಭಯಾಪದೀ ಪ್ರತಿತಿಷ್ಠೇತ್ತಾದೃಕ್ತತ್ ।
ತ್ರಿಣವ ಸ್ತೋಮೋ ಭವತಿ ।
ತ್ರಿಣವಾ ಇಮೇ ಲೋಕಾಃ ।
ಏಷ್ವೇವೈತಲ್ಲೋಕೇಷು ಪ್ರತಿತಿಷ್ಠನ್ತೋ ಯನ್ತಿ ೯೦

ಅರ್ಷಾ ಸೋಮ ದ್ಯುಮತ್ತಮ
ಇತಿ ಮಾಧ್ಯನ್ದಿನಸ್ಯ ಪವಮಾನಸ್ಯಾರ್ಷಣ್ವತೀರ್ಗಾಯತ್ರ್! ಯೋ ಭವನ್ತಿ ।
ಅರ್ಷೇತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಅಭಿ ದ್ರೋ ಣಾನಿ ರೋರುವದ್
ಇತ್ಯಭೀತಿ ಭವತಿ ರಥನ್ತರಸ್ಯೋ ಏವ ರೂಪಮ್ ।
ಅಪ್ಸಾ ಇನ್ದ್ರಾ ಯ ವಾಯವ
ಇತ್ಯಪ್ಸುಮತೀರ್ಭವನ್ತಿ ।
ಆಪೋ ಹ್ಯೇತದಹಃ ।
ವರುಣಾಯ ಮರುದ್ಭ್ಯ ಇತಿ ಮರುತ್ವಾತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವೈತದ್ರೂ ಪಾನ್ನ ಯನ್ತಿ ।
ಇಷಂ ತೋಕಾಯ ನೋ ದಧದಸ್ಮಭ್ಯಂ ಸೋಮ ವಿಶ್ವತ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಆ ಪವಸ್ವ ಸಹಸ್ರಿಣಮ್
ಇತಿ ಸಹಸ್ರರೂಪಂ ಮಹಾನಾಮ್ನೀನಾಮುಪಗಚ್ಛನ್ತಿ ।
ಪಶವೋ ಹಿ ಮಹಾನಾಮ್ನಯಃ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಯಣ್ವಸನ್ತನಿ ।
ಪಞ್ಚಮಾದ್ವೈ ದೇವಾ ಅಹ್ನಷ್ಷಷ್ಠಮಹರ್ನಿರಮಿಮತ ।
ಛಿದ್ರ ಮಿವ ವೈ ಪಞ್ಚಮಮಹಃ ।
ಯದ್ಯಣ್ವಸನ್ತನಿನಾ ಮಾಧ್ಯನ್ದಿನಸ್ಯ ಪವಮಾನಮುಖೇ ಸ್ತುವನ್ತಿ ಅಹ್ನ ಏವ ಸನ್ತತ್ಯಾ ಅಹ್ನೋಽಛಿದ್ರ ತಾಯೈ ।
ಪ್ರತಿತಿಷ್ಠತಿ ಯ ಏವಂ ವೇದ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪ ಕ್ರಾಮನ್ ।
ಸೋಽಕಾಮಯತಾತ್ಮನ್ಪಶೂನ್ಯಚ್ಛೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾತ್ಮನ್ಪಶೂನಯಚ್ಛತ್ ।
ಯದಾತ್ಮನ್ಪಶೂನಯಚ್ಛತ್ತದ್ಯಣ್ವಸ್ಯ ಯಣ್ವತ್ವಮ್ ।
ಪ್ರಜಾಪತಿರೇಷ ಯದುದ್ಗಾತಾ ।
ಸ ಯಣ್ವೇನೈವಾತ್ಮನ್ಪಶೂನ್ಯಚ್ಛತೇ ।
ಏತದ್ವಿಷುವತ್ಕೋ ವೈ ದ್ವಾದಶಾಹೋ ಯತ್ಪಞ್ಚಮಮಹಃ ।
ಯ । ನ್ವಸನ್ತನಿ ಪುರುಸ್ತಾದ್ಭವತಿ । ಸನ್ತನ್ಯುಪರಿಷ್ಟಾತ್ ।
ಯಣ್ವಸನ್ತನಿನೈವ ಪೂರ್ವಂ ತ್ರ್! ಯಹಂ ಸನ್ತನ್ವನ್ತಿ । ಸನ್ತನಿನೋತ್ತರಮ್ ೯೧

ಇನ್ದ್ರೋ ವೈ ಸಿಮಾ ನಾಸಘ್ನೋತ್ ।
ಸೋಽಕಾಮಯತ ಸಿಮಾಸ್ಸಘ್ನುಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸಿಮಾ ಅಸಘ್ನೋತ್ ।
ತದ್ಯದೇತತ್ಸಾಮ ಭವತಿ । ಸಿಮಾನಾಮೇವ ಸಗ್ಧ್ಯೈ ।
ತಸ್ಯ ತ್ರಿಃ ಪ್ರಸ್ತೌತಿ । ಸಕೃತ್ಪ್ರತಿಹರತಿ । ತ್ರಿರ್ನಿಧನಮುಪಯನ್ತಿ ।
ತತ್ಸಪ್ತ ಸಂಪಯನ್ತೇ ।
ಸಪ್ತಪದಾ ವೈ ಶಕ್ವರ್ಯಃ ।
ಶಾಕ್ವರಾಃ ಪಶವಃ ।
ಪಚ್ಛೋ ವಾವೈನಾಂಸ್ತದ್ದಾಧಾರ ।
ಪಶವಶ್ಶಕ್ವರ್ಯಃ ।
ಯಣ್ವಸನ್ತನಿ ಪುರಸ್ತಾದ್ಭವತಿ । ಸನ್ತನ್ಯುಪರಿಷ್ಟಾತ್ । ಪಶೂನಾಮೇವ ಪರಿಗೃಹೀತ್ಯೈ ।
ಸ ಯಥಾ ವಾಗರಯಾ ವಾ ರಜ್ಜ್ವಾ ವಾ ವ್ರಜಂ ಪರಿತನುಯಾದೇವಮೇವೈತತ್ಪಶೂನ್ಪರಿಗೃಹ್ಣೀತೇಽಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಆಪೋ ವೈ ಶಕ್ವರ್ಯಃ ।
ಯಣ್ವಸನ್ತನಿ ಪುರಸ್ತಾದ್ಭವತಿ । ಸನ್ತನ್ಯುಪರಿಷ್ಟಾದ್ । ಅಪಾಮೇವ ಪರಿಗೃಹೀತ್ಯೈ ।
ತಸ್ಮಾದಾಪಃ ಪರಿಗೃಹೀತಾ ಸ್ಯನ್ದನ್ತೇ ।
ಕೂಲೇ ಹ ಖಲು ವಾ ಏತೇಽಪಾಮ್ ।
ಯದ್ಧ ವಾ ಏತೇ ನ ಸ್ಯಾತಾಮೋಧ ಇದಂ ಸರ್ವಂ ನಿರ್ಮೃಜ್ಯ ಯಥಾಪಾಂ ವಾರ್ತ್ರಂ ದಿಹ್ಯಾತ್ತಾದೃಗೇವೈತದನಿರ್ಮಾರ್ಗಾಯ ।
ತಸ್ಯೈತಸ್ಯ ಯಣ್ವಸನ್ತನಿನೋ ಮಧ್ಯ ಇಳಾಮುಪೇತ್ಯಾಧ್ಯರ್ಧಾಮಿಳಾಮುಪರಿಷ್ಟಾದುಪಯನ್ತಿ । ಪ್ರತ್ಯಕ್ಷಂ ಶಕ್ವರೀಣಾಂ ರೂಪಂ ಶಾಕ್ವರೇಽಹನ್ ।
ತೇನ ವೈ ರೂಪಸಮೃದ್ಧಮ್ ೯೨

ಅಥ ಶಾಕಲಂ ।
ಶಕಲೋ ವೈ ಪಞ್ಚಮಮಹರಪಶ್ಯದ್ರಾ ಥನ್ತರಂ ರೂಪೇಣ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಶಕಲೋ ವಾ ಅನ್ನಾದ್ಯಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽನ್ನಾದ್ಯಮವಾರುನ್ದ್ಧ ।
ತಸ್ಯ ವಾ ಏತಸ್ಯಾಸ್ತಿ ಯಥೈವ ಪ್ರಯಚ್ಛೇದೇವಮ್ ।
ತದ್ಧಿಂಕಾರವದ್ಭವತಿ ।
ಅನ್ನಂ ವೈ ಹಿಂಕಾರಃ ।
ಹುಮಿತಿ ವಾ ಅನ್ನಾದ್ಯಂ ಪ್ರದೀಯತೇ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಅಥೋ ಯದೇವೈತಸ್ಮಿನ್ನಹನ್ಪ್ರಾಚೀನಂ ಶಕ್ವರೀಭ್ಯಃ ಕ್ರೂರಮಿವ ಕ್ರಿಯತೇ । ತದೇವೈತೇನ ಹಿಂಕಾರೇಣ ಶಮಯನ್ತಿ ।
ಯದು ಶಕಲೋಽಪಶ್ಯತ್ತಸ್ಮಾಚ್ತಸ್ಮಾಚ್ಛಾಕಲಮಿತ್ಯಾಖ್ಯಾಯತೇ ೯೩

ಅಥ ವಾರ್ಶಮ್ ।
ವೃಶೋ ವೈ ಜಾನಸ್ತ್ರಿಯರುಣಸ್ಯ ತ್ರೈವೃಷ್ಣಸ್ಯೈಕ್ಷ್ವಾಕಸ್ಯ ರಾಜ್ಞಃ ಪುರೋಹಿತ ಆಸ ।
ಅಥ ಹ ಸ್ಮ ತತಃ ಪುರಾ ರಾಜಭ್ಯಃ ಪುರೋಹಿತಾ ಏವ ರಥಾನ್ಸಂಗೃಹ್ಣನ್ತ್ಯೌಪದ್ರ ಷ್ಟ್ರ್ಯಾಯ ನೇದಯಂ ಪಾಪಂ ಕರವದಿತಿ ।
ತೌ ಹಾಧಾವಯನ್ತೌ ಬ್ರಾಹ್ಮಣಕುಮಾರಂ ಪಥಿ ಕ್ರೀಡನ್ತಂ ರಥಚಕ್ರೇಣ ವಿಚಿಚ್ಛಿದತುಃ ।
ಇತರೋ ಹಾಧಾವಯನ್ನಭಿಪ್ರಯುಯಾವಾಪೇತರ ಆಯಯಾಮ ।
ಸ ಹಾಧಿಗತ್ಯ ನ ಶಶಾಕಾಪಾಯನ್ತುಮ್ ।
ತಂ ಹ ತದೇವ ವಿಚಿಚ್ಛಿದತುಃ ।
ತಸ್ಮಿನ್ಹೋದಾತೇ ತ್ವಂ ಹನ್ತಾಸಿ ತ್ವಂ ಹನ್ತಾಸೀತಿ ।
ಸ ಹ ವೃಶೋಽಭೀಶೂನ್ಪ್ರಕೀತ್ಯಾವತಿಷ್ಠನ್ನುವಾಚ ತ್ವಂ ಹನ್ತಾಸೀತಿ ।
ನೇತಿ ಹೋವಾಚ ।
ಯೋ ವೈ ರಥಂ ಸಂಗೃಹ್ಣಾತಿ ಸ ರಥಸ್ಯೇಶೇ ।
ತ್ವಂ ಹನ್ತಾಸೀತಿ ।
ನೇತಿ ಹೇತರ ಉವಾಚಾಪ ವಾ ಅಹಮಾಯಾಂಸಂ । ಸ ತ್ವಮಭಿಪ್ರಾಯೌಷೀಸ್ । ತ್ವಮೇವ ಹನ್ತಾಸೀತಿ ೯೪

ತೌ ವೈ ಪೃಚ್ಛಾವಹಾ ಇತಿ ।
ತೌ ಹೇಕ್ಷ್ವಾಕೂನೇವ ಪ್ರಶ್ನಮೇಯತುಃ ।
ತೇ ಹೇಕ್ಷ್ವಾಕವ ಊಚುರ್ಯೋ ವಾವ ರಥಂ ಸಂಗೃಹ್ಣಾತಿ ಸ ರಥಸ್ಯೇಶೇ ।
ತ್ವಮೇವ ಹನ್ತಾಸೀತಿ ವೃಶಮೇವ ಪರಾಬ್ರುವನ್ ।
ಸೋಽಕಾಮಯತೋದಿತ ಇಯಾಂ । ಗಾತುಂ ನಾಥಂ ವಿನ್ದೇಯ ।
ಸಮಯಂ ಕುಮಾರೋ ಜೀವೇದಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಂ ಸಮೈರಯದ್
ಆ ತೇ ದಕ್ಷಂ ಮಯೋಭುವಮ್
ಇತಿ ।
ಪ್ರಾಣಾ ವೈ ದಕ್ಷಾಃ ।
ಪ್ರಾಣಾನೇವಾಸ್ಮಿಂಸ್ತದದಧಾತ್ ।
ವಹ್ನಿಮದ್ಯಾ ವೃಣೀಮಹೇ ।
ಪಾನ್ತಮಾ ಪುರುಸ್ಪೃಹಮಾ ಮನ್ದ್ರ ಮಾ ವರೇಣ್ಯಮಾ ವಿಪ್ರಮಾ ಮನೀಷಿಣಮ್ ।
ಪಾನ್ತಮಾ ಪುರುಸ್ಪೃಹಮಾ ರಯಿಮಾ ಸುಚೇತನಮಾ ಸುಕ್ರತೋ ತನುಷ್ವಾ ।
ಪಾನ್ತಮಾ ಪುರುಸ್ಪೃಹಮಿತಿ ।
ಪಾನ್ತೋ ವೈ ಪುರುಷಃ ।
ತದೇನಂ ತತ್ಸಮೈರಯತ್ ।
ತದೇತದ್ಭೇಷಜಂ ಪ್ರಾಯಶ್ಚಿತ್ತಿಸ್ಸಾಮ ।
ಭೇಷಜಂ ವೈ ತತ್ಪ್ರಾಯಶ್ಚಿತ್ತಿಮಕುರುತ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದು ಕಾಮಸನಿ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ । ಸಮಸ್ಮೈ ಸ ಕಾಮ ಋಧ್ಯತೇ ೯೫

ಸ ಕ್ರುದ್ಧೋ ಜನಮಗಚ್ಛತ್ ।
ಅನೃತಂ ಮಾ ವ್ಯವೋಚನ್ನಿತಿ ।
ತೇಷಾಂ ಹೇಕ್ಷ್ವಾಕೂಣಾಮಗ್ನೇರ್ಹರೋಽಪಾಕ್ರಾಮತ್ ।
ಯಂ ಸಾಯಮೋದನಮಧ್ಯದಧುಃ । ಪ್ರಾತಸ್ಸೋಽಪಚ್ಯತ ।
ಯಂ ಪ್ರಾತಸ್ಸಾಯಂ ಸಃ ।
ತೇ ಹೋಚುರ್ಬ್ರಾಹ್ಮಣಂ ವಾ ಅನಾರ್ಯಮಪಾರಾಮ ।
ತೇಷಾಂ ನೋಽಗ್ನೇರ್ಹರೋಽಪಾಕ್ರಮೀತ್ ।
ಏತೈನಂ ಅನುಮನ್ತ್ರಯಾಮಹಾ ಇತಿ ।
ತಮನ್ವಮನ್ತ್ರಯನ್ತ ।
ಸ ಆಗಚ್ಛದ್ಯಥಾ ರಾಜ್ಞಾ ಬ್ರಾಹ್ಮಣೋಽನುಮನ್ತ್ರ್! ಯಮಾಣ ಆಗಚ್ಛೇದೇವಮ್ ।
ಸ ಆಗತ್ಯಾಕಾಮಯತ ಪಶ್ಯೇಯಮಿದಮಗ್ನೇರ್ಹರ ಇತಿ ।
ಸ ಏತತ್ಸಾಮಾಪಶ್ಯತ್ ।
ತದಾಭ್ಯಗಾಯತ ।
ತದಪಶ್ಯತ್ಪಿಶಾಚೀ ವಾ ಇಯಂ ತ್ರಿಯರುಣಸ್ಯ ಜಾಯಾ ।
ಸೈನತ್ಕಶಿಪುನಾ ಛಾದಯಿತ್ವಾಧ್ಯಾಸ್ತ ಇತಿ ।
ತದಭಿವ್ಯಾಹರತ್ ।
ಕುಮಾರಂ ಮಾತಾ ಯುವತಿಸ್ಸಮುಬ್ಧಂ ಗುಹಾ ಬಿಭರ್ತಿ ನ ದದಾತಿ ಪಿತ್ರೇ ।
ಅನೀಕಮಸ್ಯ ನ ಮಿನಜ್ಜನಾಸಃ ಪುರಃ ಪಶ್ಯನ್ತಿ ನಿಹಿತಮರತೌ
ಕಮೇತಂ ತ್ವಂ ಯುವತೇ ಕುಮಾರಂ ಪೇಷೀ ಬಿಮರ್ಷಿ ಮಹಿಷೀ ಜಜಾನ ।
ಪೂರ್ವೀರ್ಹಿ ಗರ್ಭಶ್ಶರದೋ ವವರ್ಧಾಪಶ್ಯಂ ಜಾತಂ ಯದಸೂತ ಮಾತಾ
ವಿ ಜ್ಯೋತಿಷಾ ಬೃಹತಾ ಭಾತ್ಯಗ್ನಿರಾವಿರ್ವಿಶ್ವಾನಿ ಕೃಣುತೇ ಮಹಿತ್ವಾ ।
ಪ್ರಾದೇವೀರ್ಮಾಯಾಸ್ಸಹತೇ ದುರೇವಾಶ್ಶಿಶೀತೇ ಶೃಂಗೇ ರಕ್ಷಸೇ ವಿನಿಕ್ಷೇ
ಉತ ಸ್ವಾನಾಸೋ ದಿವಿ ಷನ್ತ್ವಗ್ನೇಸ್ತಿಗ್ಮಾಯುಧಾ ರಕ್ಷಸೇ ಹನ್ತವಾ ಉ ।
ಮದೇ ಚಿದಸ್ಯ ಪ್ರ ರುಜನ್ತಿ ಭಾಮಾ ನ ವರನ್ತೇ ಪರಿಬಾಧೋ ಅದೇವೀಃ
ಇತ್ಯೇವೈನಾಮಿದಮಗ್ನೇರ್ಹರ ಊರ್ಧ್ವಮುದ್ದ್ರವತ್ಸರ್ವಾಂ ಪ್ರಾದಹತ್ ।
ತತೋ ವೈ ತೇ ಯಥಾಯಥಮಗ್ನೇರ್ಹರೋ ವ್ಯಹರನ್ತ ।
ಯಥಾಯಥಮೇಭ್ಯೋಽಗ್ನಿರಪಚತ್ ।
ತದೇತದ್ದೀಪ್ತಿರ್ಬ್ರಹ್ಮವರ್ಚಸಂ ಸಾಮ ।
ಏತೇನ ವಾ ಅಗ್ನೇರ್ಹರೋಽಪಕ್ರಾನ್ತಮನ್ವವಿನ್ದನ್ ।
ತೇಜಸ್ವೀ ಬ್ರಹ್ಮವರ್ಚಸೀ ದೀಪ್ತಿಮಾನ್ಭವತಿ ಯ ಏವಂ ವೇದ ।
ತದಧ್ಯರ್ಧೇಳಂ ಭವತಿ ಪ್ರತ್ಯಕ್ಷಂ ಶಕ್ವರೀಣಾಂ ರೂಪಂ ಶಾಕ್ವರೇಽಹನ್ ।
ತೇನ ವೈ ರೂಪಸಮೃದ್ಧಮ್ ।
ಯದು ವೃಶೋಽಪಶ್ಯತ್ತಸ್ಮಾದ್ವಾರ್ಶಮಿತ್ಯಾಖ್ಯಾಯತೇ ೯೬

ಸೋಮ ಉ ಷ್ವಾಣಸ್ಸೋತೃಭಿರ್
ಇತಿ ಸಿಮಾನಾಂ ರೂಪಮ್ ।
ಅಧಿ ಷ್ಣುಭಿರವೀನಾಮ್
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ಸಮುದ್ರಂ ನ ಸಂವರಣಾನ್ಯಗ್ಮನ್ಮನ್ದೀ ಮದಾಯ ತೋಶತ
ಇತಿ ಸಮುದ್ರ ವತೀರ್ಭವನ್ತಿ ।
ಆಪೋ ಹ್ಯೇತದಹಃ ।
ತಾ ನ್ಯೂನಾಕ್ಷರಾ ಭವನ್ತಿ ।
ಸಪ್ತಾಕ್ಷರಾಣ್ಯೇಕಾನಿ ಪದಾನಿ ಭವನ್ತಿ । ನವಾಕ್ಷರಾಣ್ಯೇಕಾನ್ಯ್ । ಏಕಾದಶಾಕ್ಷರಾಣ್ಯೇಕಾನಿ । ದ್ವಾದಶಾಕ್ಷರಾಣ್ಯೇಕಾನಿ ।
ತದೇತದಭಿಪೂರ್ವಮೇವ ಶಕ್ವರೀಣಾಂ ರೂಪಮುಪಗಚ್ಛನ್ತಿ ।
ತಾಸ್ವಾನೂಪಮನುತೋದವತ್ಸಿಮಾನಾಂ ರೂಪಮ್ ।
ಅನುತುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ಅನೂಪೋ ವೈ ಧೀತೋನಿರಕಾಮಯತೋಭಯಂ ಬ್ರಹ್ಮ ಚ ಕ್ಷತ್ರಂ ಚಾವರುನ್ಧೀಯ । ರಾಜಾ ಸನ್ನೃಷಿ ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಉಭಯಂ ಬ್ರಹ್ಮ ಚ ಕ್ಷತ್ರಂ ಚಾವಾರುನ್ದ್ಧ । ರಾಜಾ ಸನ್ನೃಷಿರಭವತ್ ।
ಉಭಯಮೇವ ಬ್ರಹ್ಮ ಚ ಕ್ಷತ್ರಂ ಚಾವರುನ್ದ್ಧೇ । ರಾಜಾ ಸನ್ನೃಷಿರ್ಭವತಿ ಯ ಏವಂ ವೇದ ।
ಯದ್ವನೂಪೋ ಧೀತೋನಿರಪಶ್ಯತ್ತಸ್ಮಾದಾನೂಪಮಿತ್ಯಾಖ್ಯಾಯತೇ ೯೭

ಅಥ ಮಾನವಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಮನುರ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ । ಮಾನವೀಃ ಪ್ರಜಾಸ್ಸೃಜೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಜಾಯತ ।
ತಾ ಇಮಾ ಮಾನವೀಃ ಪ್ರಜಾಃ ।
ಬಹುರೇವ ಪ್ರಜಯಾ ಪಶುಭಿಃ ಪ್ರಜಾಯತೇ ಯ ಏವಂ ವೇದ ।
ಅಥೋ ಆಹುಸ್ತಾ ಏವಾಸ್ಯ ಪ್ರಜಾಸ್ಸೃಷ್ಟಾ ರಕ್ಷಾಂಸ್ಯಜಿಘಾಂಸನ್ನಿತಿ ।
ಸೋಽಕಾಮಯತಾಪ ರಕ್ಷಾಂಸಿ ಹನೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ನಿ ತ್ವಾಮಗ್ನೇ ಮನುರ್ದಧೇ ಜ್ಯೋತಿರ್ಜನಾಯ ಶಶ್ವತೇ ।
ದೀದೇಥ ಕಣ್ವ ಋತಜಾತ ಉಕ್ಷಿತೋ ಯಂ ನಮಸ್ಯನ್ತಿ ಕೃಷ್ಟಯಃ
ತ್ವೇಷಾಸೋ ಅಗ್ನೇರಮವನ್ತೋ ಅರ್ಚಯೋ ಭೀಮಾಸೋ ನ ಪ್ರತೀತಯೇ ।
ರಕ್ಷಸ್ವಿನಸ್ಸದಮಿದ್ಯಾತುಮಾವತೋ ವಿಶ್ವಂ ಸಮತ್ರಿಣಂ ದಹ
ಏವಾಸಾಂ ರಕ್ಷಾಂಸ್ಯಪಾಹನ್ನಿತಿ ।
ತದು ರಕ್ಷಸಾಮಪಹತಿಃ ।
ಅಪ ರಕ್ಷಃ ಪಾಪ್ಮಾನಂ ಹತೇ ಯ ಏವಂ ವೇದ ೯೮

ಓಘೋ ವಾ ಇಮಾಁ ಲ್ಲೋಕಾನ್ನಿರಮಾರ್ಟ್ ।
ಸೋಽಮನ್ಯತ ಮನುರಿದಂ ವಾವೇದಮಭೂದಿತಿ ।
ಸೋಽಕಾಮಯತೋದಿತ ಇಯಾಂ ಗಾತುಂ ಪ್ರತಿಷ್ಠಾಂ ವಿನ್ದೇಯೇತಿ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮಸ್ತುತ ।
ತೇ ಏನಂ ಹಿರಣ್ಮಯ್ಯೌ ನಾವೌ ಭೂತ್ವೋಪಾಪ್ಲವೇತಾಮ್ ।
ತಯೋಃ ಪ್ರತ್ಯತಿಷ್ಠತ್ ।
ತೇ ಏನಮುದಪಾರಯೇತಾಮ್ ।
ತತೋ ವೈ ಸ ಗಾತುಂ ಪ್ರತಿಷ್ಠಾಂ ಅವಿನ್ದತ ।
ವಿನ್ದತೇ ಗಾತುಂ ಪ್ರತಿಷ್ಠಾಂ ಯ ಏವಂ ವೇದ ।
ಯದು ಮನುರಪಶ್ಯತ್ತಸ್ಮಾನ್ಮಾನವೇ ಇತ್ಯಾಖ್ಯಾಯೇತೇ ।
ಅಥ ವಾಮ್ರಮಭ್ಯಾರಮ್ಭೋ ಯಜ್ಞಸ್ಯ ಪ್ರತ್ಯಪಸಾರಃ ।
ಅಭ್ಯೇವ ಷಷ್ಠಮಹರಾರಭತೇ ಪ್ರತಿ ಚತುರ್ಥಮಪಧಾವತಿ ।
ಅಭ್ಯಾರಮ್ಭೈರ್ವೈ ದೇವಾ ಅಸುರಾನ್ಯಜ್ಞಾದನ್ತರಾಯನ್ ।
ವಮ್ರೋ ವೈಖಾನಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಂ ಮಧ್ಯ ಇಳಾಮುಪೇತ್ಯಾಧ್ಯರ್ಧಾಮಿಳಾಮುಪರಿಷ್ಟಾದುಪೈತ್ ।
ಪಶವೋ ವಾ ಇಳಾ ।
ಭೂಮೋ ವಾ ಅಧ್ಯರ್ಧೇಳಾ ।
ತತೋ ವೈ ಸ ಭೂಮಾನಮಭಿಪೂರ್ವಂ ಪಶೂನಾಮವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಭೂಮಾನಮೇವಾಭಿಪೂರ್ವಂ ಪಶೂನಾಮವರುನ್ದ್ಧೇ ಯ ಏವಂ ವೇದ ।
ಯದು ವಮ್ರೋ ವೈಖಾನಸೋಽಪಶ್ಯತ್ತಸ್ಮಾದ್ವಾಮ್ರಮಿತ್ಯಾಖ್ಯಾಯತೇ ೯೯

ಅಥಾಗ್ನೇಯಂ ತ್ರಿಣಿಧನಂ ಸವನಾನಾಂ ಕ್ಳ್ಪ್ತ್ಯೈ ।
ಪವಮಾನೇನ ವೈ ದೇವೇಭ್ಯೋಽನ್ನಾದ್ಯಂ ಪ್ರದೀಯತೇ ।
ತನ್ಮಧ್ಯೇನಿಧನಂ ಭವತಿ ಅನ್ನಾದ್ಯಸ್ಯ ವಿಶೇಷಾಯ ।
ಅಗ್ನಿರ್ವಾ ಅಕಾಮಯತ ಅನ್ನಾದ ಏವ ಶ್ರೇಷ್ಠ ಸ್ವಾನಾಮಭವತ್ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಯದ್ವಗ್ನಿರಪಶ್ಯತ್ತಸ್ಮಾದಾಗ್ನೇಯಂ ತ್ರಿಣಿಧನಮಿತ್ಯಾಖ್ಯಾಯತೇ ೧೦೦

ತದ್ವೇವಾಚಕ್ಷತೇ ಸಾಕಮಶ್ವಮಿತಿ ।
ಕಕ್ಷೀವಾನ್ಪ್ರಿಯಮೇಧಮಪೃಚ್ಛತ್ ।
ಇದ್ಧ ಇನ್ । ನ ದಿದೀಪಾ೩ ಇತ್ಪ್ರಿಯಮೇಧೇತಿ ।
ತದಸ್ಯ ನಾಮನುತ ।
ಸೋಽಬ್ರವೀತ್ಪ್ರಜಾಯಾನ್ಮೇ ತ್ವಾ ಪ್ರತಿಬ್ರವದಿತಿ ।
ಅಥ ಹ ಕಕ್ಷೀವತೋ ನಾಕುಲಿಭಸ್ತ್ರಾಸ ಪ್ರಿಯಂಗುತಣ್ಡುಲಾನಾಂ ವಾ ಸಿಕತಾನಾಂ ವಾ ಪೂರ್ಣಾ ।
ತಾಸಾಂ ಹ ಸ್ಮ ಸಂವತ್ಸರೇ ಸಂವತ್ಸರ ಏಕೈಕಾಂ ಪ್ರಾಸ್ಯತಿ ।
ತಾವದ್ಧಾಸ್ಮಾ ಆಯುರ್ದತ್ತಮಾಸ ।
ಸ ಉ ಹ ನವಮಸ್ಸಾಕಮಶ್ವ ಆಜಜ್ಞೇ ಪ್ರಿಯಮೇಧಾತ್ ।
ಸೋಽಕಾಮಯತೋದಿತ ಇಯಾಂ । ಗಾತುಂ ಪ್ರತಿವಚನಂ ವಿನ್ದೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತದಭ್ಯಗಾಯತ ।
ತತಃ ಪ್ರತಿವಚನಮಪಶ್ಯತ್ ।
ಸ ಕಕ್ಷೀವನ್ತಮಭ್ಯಾದ್ರ ವತ್ ।
ತಮಬ್ರವೀದಾದ್ರ ವನ್ತಂ ದೃಷ್ಟ್ವಾ -- ಇಮಾಂ ಮೇ ಭಸ್ತ್ರಾಮುದಕೇ ಪ್ರಾಸ್ಯತ । ಇಮಮಹಂ ತಂ ಪಶ್ಯಾಮಿ ಯೋ ಮಾಂ ಪ್ರತ್ಯುಚ್ಯಾತಿಪ್ರಕ್ಷ್ಯತೀತಿ ।
ಅಥ ಹೈನಮಭ್ಯೇವ ಜಗಾಮ ।
ಸ ಹೋವಾಚ ಯ ಋಚಂ ಕರೋತಿ ನ ಸಾಮ । ಸ ಇದ್ಧೋ ನ ದಿದೀಪೇ ।
ಅಥ ಯ ಋಚಂ ಚ ಸಾಮ ಚ ಕರೋತಿ । ಸ ಇದ್ಧಸ್ಸ ದಿದೀಪೇ ।
ಏತತ್ತ್ವಾಹಂ ಪ್ರತಿಬ್ರವೀಮ್ಯೇತನ್ಮೇ ಪಿತೈತತ್ಪಿತಾಮಹ ಏತತ್ಪ್ರಪಿತಾಮಹ ಇತ್ಯಾ ಹ ಪ್ರಿಯಮೇಧಾದ್ಗಮಯಾಂಚಕಾರ ।
ತದೇತತ್ತೇಜೋ ಬ್ರಹ್ಮವರ್ಚಸಂ ಸಾಮ ।
ಏತೇನ ವೈ ಸ ಪೂರ್ವೇಷಾಂ ಪಿತಾಮಹಾನಾಂ ಪಾಪ್ಮಾನಮಪಾಹನ್ ।
ತೇಜಸ್ವೀ ಬ್ರಹ್ಮವರ್ಚಸೀ ಭವತ್ಯ್ । ಅಪ ಪೂರ್ವೇಷಾಂ ಪಿತಾಮಹಾನಾಂ ಪಾಪ್ಮಾನಂ ಹತೇ ಯ ಏವಂ ವೇದ ।
ಯದು ಸಾಕಮಶ್ವೋಽಪಶ್ಯತ್ತಸ್ಮಾತ್ಸಾಕಮಶ್ವಮಿತ್ಯಾಖ್ಯಾಯತೇ ।
ಯತ್ಸೋಮ ಚಿತ್ರಮುಕ್ಥ್ಯಮ್
ಇತಿ ಚಿತ್ರವತೀರ್ಭವನ್ತಿ ಚಿತ್ರರೂಪಾ ವೈ ಪಶವಃ ।
ಪಶವ ಏತದಹಃ ಪಶೂನಾಮೇವಾವರುದ್ಧ್ಯೈ ।
ತದಾಹುರ್ಯನ್ತಿ ವಾ ಏತೇ ತ್ರಿಷ್ಟುಭಃ ಪವಮಾನಾನ್ತಾದ್ಯೇ ಗಾಯತ್ರೀಷ್ವನ್ತ್ಯಂ ಕುರ್ವನ್ತೀತಿ ।
ವೃಷಣ್ವತೀರ್ಭವನ್ತಿ ।
ವೃಷಣ್ವದ್ವೈ ತ್ರಿಷ್ಟುಭೋ ರೂಪಮ್ ।
ತೇನ ತ್ರಿಷ್ಟುಭಃ ಪವಮಾನಾನ್ತಾನ್ನ ಯನ್ತಿ ೧೦೧

ತಾಸು ಶೈಶವಮ್ ।
ಶಾನ್ತಿರ್ವೈ ಶೈಶವಮ್ ।
ಯಚ್ಛೈಶವೇನ ಸ್ತುವನ್ತಿ ಶಾನ್ತ್ಯಾ ಏವ ।
ಅಥೋ ಆಹುಶ್ಶೈಶವೇನ ವಾ ಇನ್ದ್ರೋ ವೃತ್ರಂ ಪರ್ಯಾಕಾರಂ ಶಕ್ವರೀಭಿರಹನ್ನಿತಿ ।
ತದ್ವೇವ ಶೈಶವಸ್ಯ ಶೈಶವತ್ವಮ್ ।
ತದು ಭಾತೃವ್ಯಹಾ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಪ್ರಜಾಪತೇರಕ್ಷ್ಯಶ್ವಯತ್ ।
ತತ್ಪರಾಪತತ್ ।
ಸೋಽಕಾಮಯತ ಪುನರ್ಮಾ ಚಕ್ಷುರಾವಿಶೇದಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತಂ ಚಕ್ಷುಃ ಪುನರಾವಿಶತ್ ।
ಅಶ್ವ ಏವ ಶುಚಿರ್ಭೂತ್ವೈನಂ ಪುನರಾವಿಶತ್ ।
ತಜ್ಜ್ಯೋತಿರ್ವೈ ಚಕ್ಷುಃ ।
ಜ್ಯೋತಿರ್ವಾವೈನಂ ತದಾವಿಶತ್ ।
ತದೇತಚ್ಚಕ್ಷುಷ್ಯಂ ಸಾಮ ।
ಅಜರಸಂ ಹಾಸ್ಯ ಚಕ್ಷುರ್ನ ವ್ಯೇತಿ ಯ ಏವಂ ವೇದ ೧೦೨

ಅಥ ಮಹಾನಾಮ್ನಯಃ ।
ಮಹಾನಾಮ್ನೀರ್ವಾ ಅನು ಪ್ರಜಾಃ ಪ್ರಜಾಯನ್ತೇ ।
ನಿತ್ಯವತ್ಸಾಃ ಪಶವಃ ।
ತಾ ಏತಾ ಮಹಾನಾಮ್ನಯಸ್ಸಂ ಭಾರ್ಯಾಃ ।
ತಸ್ಮಾನ್ಮನುಷ್ಯಾ ಗರ್ಭಿಣಃ ಕನೀಯಶ್ಶೋಭನ್ತೇ ।
ಸಂಭಾರ್ಯೋ ಹಿ ಸ ತೇಷಾಂ ಗರ್ಭೋ ನಿತ್ಯಃ ।
ನಿತ್ಯವತ್ಸಾಃ ಪಶವೋಽನುಪ್ರಜಾಯನ್ತೇ ।
ತಸ್ಮಾತ್ಪಶವೋ ಗರ್ಭಿಣೋ ಭೂಯಶ್ಶೋಭನ್ತೇ ।
ಮಾತ್ಯೋ ಹಿ ಸ ತೇಷಾಂ ಗರ್ಭೋ ನಿತ್ಯಃ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಅಥ ಬಾರ್ಹದ್ಗಿರರಾಯೋವಾಜೀಯೇ ಪಾಂಕ್ತೇ ಪಾಂಕ್ತೇಽಹನಿ ಕ್ರಿಯೇತೇ ಪಾಂಕ್ತಾ ವೈ ಪಶವಃ ।
ಪಶವ ಏತದಹಃ ಪಶೂನಾಮೇವಾವರುದ್ಧಯಿ ।
ತೇ ಉ ಅಥಕಾರವಚ್ಚಾಧ್ಯರ್ಧೇಳಂ ಚ ಭವತಃ ಪ್ರತ್ಯಕ್ಷಾಂ ಶಕ್ವರೀಣಾಂ ರೂಪಂ ಶಾಕ್ವರೇಽಹನ್ ।
ತೇನ ವೈ ರೂಪಸಮೃದ್ಧೇ ।
ತದಾಹುಸ್ಸ ವಾದ್ಯ ಭೋಗಿಃ ಪ್ರಸ್ನಾಯಾದ್ಯ ಆಭ್ಯಃ ಪಾರೇ ಪ್ರತಿಷ್ಠಾಂ ಚ ತೀರ್ಥಂ ಚ ವಿನ್ದೇದಿತಿ ।
ಗಾವೋ ವೈ ಶಕ್ವರ್ಯಃ ।
ತಾಸಾಮೇಷಾ ಪಾರೇ ಪ್ರತಿಷ್ಠಾ ಚ ತೀರ್ಥಂ ಚ ಯದಥಕಾರಶ್ಚಾಧ್ಯರ್ಧಾ ಚೇಳಾ ।
ನಿಷ್ಠಾಭಿಶ್ಶಕ್ವರೀಭಿಃ ಪಾಪ್ಮಾನಂ ತರತಿ । ಶ್ರಿಯಮಶ್ನುತೇ ಯ ಏವಂ ವೇದ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೧೦೩

ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾಃ ಪ್ರಜಾಪತಿಮುಪಾಧಾವಂಸ್ತನ್ನಶ್ಛನ್ದಃ ಪ್ರಯಚ್ಛಾಯಾತಯಾಮ ಯೇನಾಸುರಾನಭಿಭವಾಮೇತಿ ।
ಸ ತಪೋಽತಪ್ಯತ ।
ಸ ತಪಸ್ತಪ್ತ್ವಾತ್ಮನ್ಸಿಂಸಿಮಾಯದವಾಪಶ್ಯತ್ ।
ಯದಾತ್ಮನ್ಸಿಂಸಿಮಾಯದವಾಪಶ್ಯತ್ತತ್ಸಿಮಾನಾಂ ಸಿಮಾತ್ವಮ್ ।
ತಾ ಅಬ್ರವೀತ್ಸೃಜ್ಯಧ್ವಮಿತಿ ।
ಕೇನೇತಿ ।
ಯೇನ ಕಾಮಯಧ್ವ ಇತಿ ।
ತಾಸ್ಸಿಮಾನಮೇವೋರ್ಧ್ವಾ ಉದೀರ್ಯಾಸೃಜ್ಯನ್ತ ।
ತದ್ವೇವಾಸಾಂ ಸಿಮಾತ್ವಮ್ ।
ತಾ ಅಮಿಮೀತ ।
ತಾಸು ತ್ರಯಂ ವೇದಮಧ್ಯಾದಧಾತ್ ।
ತಾ ಏವಾಯಚ್ಛತ್ ।
ತಾಸ್ವಿಮಾಂಸ್ತ್ರೀಁ ಲ್ಲೋಕಾನಭ್ಯಾದಧಾತ್ ।
ತಾ ಏವಾಯಚ್ಛತ್ ।
ಸೋಽಬ್ರವೀನ್ಮಹದ್ಬತಾಸಾಮಿದಂ ಮಾನಮಭೂದಿತಿ ।
ಯದಬ್ರವೀನ್ಮಹದ್ಬತಾಸಾಮಿದಂ ಮಾನಮಭೂದಿತಿ । ತನ್ಮಹಾಮಾನೀನಾಂ ಮಹಾಂಆನಿತ್ವಮ್ ।
ಮಹಾಮಾನಯೋ ಹ ವೈ ನಾಮೈತಾಃ ।
ತಾ ಮಹಾನಾಮ್ನಯ ಇತಿ ಪರೋಕ್ಷಮಾಖ್ಯಾಯನ್ತೇ ।
ತಾ ದೇವೇಭ್ಯಃ ಪ್ರಾಯಚ್ಛತ್ ।
ತಾಭಿರದ್ಯ ದೇವಾ ಅಸ್ತುವತ ।
ಶ್ವೋಽಶಕ್ನುವನ್ ।
ತದ್ಯದದ್ಯ ಸ್ತುತ್ವಾ ಶ್ವೋಽಶಕ್ನುವಂಸ್ತಚ್ಛಕ್ವರೀಣಾಂ ಶಕ್ವರೀತ್ವಮ್ ।
ಶಕ್ನೋತಿ ಯಚ್ಛಿಕ್ಷತೇ ಯ ಏವಂ ವೇದ ।
ತಾ ದೇವಾ ನೋದಯಚ್ಛನ್ ।
ತಾಃ ಪ್ರಜಾಪತಯ ಏವ ಪುನಃ ಪ್ರಾಯಚ್ಛನ್ ।
ತಾಃ ಪ್ರಜಾಪತೌ ಸಂವತ್ಸರಮುಷಿತ್ವಾಪಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ೧೦೪

ತಾ ಅಬ್ರುವನ್ನೈನ್ದ್ರಾ ನ್ಹ ನೋ ಘೋಷಾನ್ವೇತ್ಥ ।
ತಾನ್ನಃ ಪ್ರಯಚ್ಛ । ಯೈರ್ವಯಂ ಘೋಷಿಣೀರಸಾಮ ।
ಘೋಷೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾನ್ವೇದೇತಿ ।
ತಾಭ್ಯ ಏತಾನೈನ್ದ್ರಾ ನ್ಘೋಷಾನ್ಪ್ರಾಯಚ್ಛತ್ ।
ಯೋಽಗ್ನೇರ್ಘೋಷೋ ಯೋ ರಥಸ್ಯ । ತಮಸ್ಯೈ ಪ್ರಾಯಚ್ಛತ್ ।
ಯೋ ವಾಯೋರ್ಘೋಷೋ ಯೋ ವಯಸಾಂ । ತಮೇತಸ್ಯೈ ಪ್ರಾಯಚ್ಛತ್ ।
ಯಃ ಪರ್ಜನ್ಯಸ್ಯ ಘೋಷೋ ಯೋ ದುನ್ದುಭೇಸ್ತಮಮುಷ್ಯೈ ಪ್ರಾಯಚ್ಛತ್ ।
ಏತೇ ಹ ವಾ ಆಸಾಮೈನ್ದ್ರಾ ಘೋಷಾಃ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ।
ತಾ ಅಬ್ರುವನ್ನೈನ್ದ್ರಾ ನ್ಹ ನೋ ನಿಕ್ರಿಳಾನ್ವೇತ್ಥ ।
ತಾನ್ನಃ ಪ್ರಯಚ್ಛ । ಯೈರ್ವಯಂ ಕ್ರೀಳಾಮ ।
ಕ್ರೀಳಾತ್ಸ ಬ್ರಾಹ್ಮಣಃ ಪ್ರಜಯಾ ಪಶುಭಿರ್ಯೋಽಸ್ಮಾ ವೇದೇತಿ ।
ತಾಭ್ಯ ಏತಾನೈನ್ದ್ರಾ ನ್ನಿಕ್ರೀಳಾನ್ಪ್ರಾಯಚ್ಛದಿನ್ದ್ರಾ ಇನ್ದ್ರಾ ಇನ್ದ್ರಾ ಇತಿ ।
ಏತೇ ಹ ವಾ ಆಸಾಮೈನ್ದ್ರಾ ನಿಕ್ರೀಳಾಃ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ೧೦೫

ತಾ ಅಬ್ರುವನ್ರೂಪಾಣಿ ಹ ನೋ ವೇತ್ಥ ।
ತಾನಿ ನಃ ಪ್ರಯಚ್ಛ । ಯೈರ್ವಯಂ ರೂಪಿಣೀರಸಾಮ ।
ರೂಪೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾ ವೇದೇತಿ ।
ತಾಭ್ಯೋ ರೂಪಾಣಿ ಪ್ರಾಯಚ್ಛತ್ ।
ಯತ್ಪ್ರಾವೃಷಿ ನಿಹತರಜಸ್ಕಾಯೈ ಪ್ರಥಮಂ ಸಂಜಾಯಮಾನಾಯಾ ಅಸ್ಯೈ ರೂಪಂ ಭವತಿ । ತದಸ್ಯೈ ಪ್ರಾಯಚ್ಛತ್ ।
ಯದ್ವೇವ ಪ್ರಾವೃಷಿ ನಿಹತರಜಸ್ಕಸ್ಯಾನ್ತರಿಕ್ಷಸ್ಯ ರೂಪಂ ಭವತಿ । ತದಮುಷ್ಯೈ ಪ್ರಾಯಚ್ಛತ್ ।
ಏತಾನಿ ಹ ವಾ ಆಸಾಂ ರೂಪಾಣಿ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ।
ತಾ ಅಬ್ರುವನ್ನಾಮಾನಿ ಹ ನೋ ವೇತ್ಥ ।
ತಾನಿ ನಃ ಪ್ರಯಚ್ಛ । ಯೈರ್ವಯಂ ನಾಮಿನೀರಸಾಮ ।
ನಾಮೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾ ವೇದೇತಿ ।
ತಾಭ್ಯೋ ನಾಮಾನಿ ಪ್ರಾಯಚ್ಛತ್ ।
ಭೂಸ್ತ್ವಮಸೀತೀಮಾಮಬ್ರವೀದ್ । ಭುವಸ್ತ್ವಮಿತ್ಯೇತಾಂ । ಸ್ವಸ್ತ್ವಮಿತ್ಯಮೂಮ್ ।
ಏತಾನಿ ಹ ವಾ ಆಸಾಂ ನಾಮಾನಿ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ೧೦೬

ತಾ ಅಬ್ರುವನ್ವತ್ಸಾನ್ಹ ನೋ ವೇತ್ಥ ।
ತಾನ್ನಃ ಪ್ರಯಚ್ಛ । ಯೈರ್ವಯಂ ವತ್ಸಿನೀರಸಾಮ ।
ವತ್ಸೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾ ವೇದೇತಿ ।
ತಾಭ್ಯೋ ವತ್ಸಾನ್ಪ್ರಾಯಚ್ಛತ್ ।
ಅಗ್ನಿಮೇವಾಸ್ಯೈ ಪ್ರಾಯಚ್ಛದ್ । ವಾಯುಮನ್ತರಿಕ್ಷಾಯಾದಿತ್ಯಮಮುಷ್ಯೈ ।
ಏತೇ ಹ ವಾ ಆಸಾಂ ವತ್ಸಾಃ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ।
ತಾ ಅಬ್ರುವನ್ನೃಷಭಾನ್ಹ ನೋ ವೇತ್ಥ ।
ತಾನ್ನಃ ಪ್ರಯಚ್ಛ । ಯೈರ್ವಯಮೃಷಭಿಣೀರಸಾಮ ।
ಋಷಭೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾನ್ವೇದೇತಿ ।
ತಾಭ್ಯ ಋಷಭಾನ್ಪ್ರಾಯಚ್ಛದೇತಾನಥಕಾರಾನ್ ।
ಏತೇ ಹ ವಾ ಆಸಾಮೃಷಭಾಃ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ೧೦೭

ತಾ ಅಬ್ರುವನ್ನೇಕಂ ಹ ನೋ ರೂಪಂ ವೇತ್ಥ ।
ತನ್ನಃ ಪ್ರಯಚ್ಛ । ಯೇನ ವಯಂ ರೂಪಿಣೀರಸಾಮ ।
ರೂಪೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾ ವೇದೇತಿ ।
ತಾಭ್ಯ ಏತದೇಕಂ ರೂಪಂ ಪ್ರಾಯಚ್ಛದಾಪ ಇತಿ ।
ಏತದ್ಧ ವಾ ಆಸಾಮೇಕಂ ರೂಪಂ ಯದಾಪಃ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ।
ತಾ ಅಬ್ರುವನ್ನೇಕಂ ಹ ನೋ ನಾಮ ವೇತ್ಥ ।
ತನ್ನಃ ಪ್ರಯಚ್ಛ । ಯೇನ ವಯಂ ನಾಮಿನೀರಸಾಮ ।
ನಾಮೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾ ವೇದೇತಿ ।
ತಾಭ್ಯ ಏತದೇಕಂ ನಾಮ ಪ್ರಾಯಚ್ಛದಿನ್ದ್ರಾ ಇತಿ ।
ಏತದ್ಧ ವಾ ಆಸಾಮೇಕಂ ನಾಮ ಯದಿನ್ದ್ರಾ ಃ! ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ೧೦೮

ತಾ ಅಬ್ರುವಂಸ್ತೃಪ್ತೀರ್ಹ ನೋ ವೇತ್ಥ ।
ತಾ ನಃ ಪ್ರಯಚ್ಛ । ಯಾಭಿರ್ವಯಂ ತೃಪ್ಯಾಮ ।
ತೃಪ್ಯಾತ್ಸ ಬ್ರಾಹ್ಮಣಃ ಪ್ರಜಯಾ ಪಶುಭಿರ್ಯೋಽಸ್ಮಾ ವೇದೇತಿ ।
ತಾಭ್ಯ ಏತಾಸ್ತೃಪ್ತೀಃ ಪ್ರಾಯಚ್ಛದೇತಾನೇಕಾರಾನ್ ।
ಏತೇ ಹ ವಾ ಆಸಾಂ ತೃಪ್ತಯಃ ।
ತಾಸ್ಸಂವತ್ಸರಮುಷಿತ್ವಾಪೈವಾಕ್ರಾಮನ್ ।
ಸೋಽಬ್ರವೀತ್ಕಥಾಪಾಕ್ರಮಿಷ್ಟೇತಿ ।
ತಾ ಅಬ್ರುವನಾವಪನಾನ್ಹ ನೋ ವೇತ್ಥ । ಪಲ್ಯಾನ್ಹ ನೋ ವೇತ್ಥ । ಗೋಷ್ಠಾನ್ಹ ನೋ ವೇತ್ಥ ।
ತಾನ್ನಃ ಪ್ರಯಚ್ಛ । ಯೈರ್ವಯಮಾವಪನವತೀಃ ಪಲ್ಯವತೀರ್ಗೋಷ್ಠಿನೀರಸಾಮ ।
ಆವಪನವಾನ್ಪಲ್ಯವಾನ್ಗೋಷ್ಠೀ ಸ ಬ್ರಾಹ್ಮಣೋಽಸದ್ಯೋಽಸ್ಮಾ ವೇದೇತಿ ।
ತಾಭ್ಯೋ ವಾಚಂ ಪ್ರಾಯಚ್ಛತ್ ।
ವಾಚಂ ವಾವೇದಂ ಸರ್ವಂ ನಾತಿರಿಚ್ಯತೇ ।
ಏವಾ ಹ್ಯೇವಾ ಇತ್ಯೇಷಾಂ ವಾಗ್ । ಏವಾ ಹ್ಯಗ್ನಾ ಇತಿ ಗವ್ಯಾಃ ಪಶವ । ಏವಾ ಹೀನ್ದ್ರಾ ಇತ್ಯಶ್ವ್ಯಾಃ ಪಶವಃ ।
ಏವಾ ಹಿ ಪೂಷನ್ನಿತ್ಯಜಾವಿಕಮೇವೈತತ್ ।
ಏವಾ ಹಿ ದೇವಾ ಇತಿ ಪರಿಗ್ರಾಹ ಏವೈಷಃ ೧೦೯

ಅಥ ಮಹಾನಾಮ್ನಯಃ ।
ಪ್ರಾಣಾ ವಾ ಅಗ್ರೇ ಸಪ್ತ ।
ತೇಭ್ಯ ಏತಾಂ ಸಪ್ತಪದಾಂ ಶಕ್ವರೀಂ ನಿರಮಿಮೀತ ।
ಪ್ರಾಣಾನೇವ ಸರ್ವಮಾಯುರೇತಿ ಯ ಏವಂ ವೇದ ।
ಸಪ್ತಪದಾಯೈ ಷಟ್ಪದಾಂ ಷ್ತೂನ್ಸಂವತ್ಸರಮ್ ।
ಋತುಭ್ಯ ಆತ್ಮಾನಂ ಪರಿದತ್ತೇ ಯ ಏವಂ ವೇದ ।
ಷಟ್ಪದಾಯೈ ಪಞ್ಚಪದಾಂ ಪಶೂನ್ಪಂಕ್ತಿಮ್ ।
ಪಶುಮಾನ್ಭವತಿ ಯ ಏವಂ ವೇದ ।
ಪಞ್ಚಪದಾಯೈ ಚತುಷ್ಪದಾಂ ವಾಚಮನುಷ್ಟುಭಂ ಪ್ರತಿಷ್ಠಿತಿಮ್ ।
ವಾಚಾ ವದತಿ ಯ ಏವಂ ವೇದ ।
ಚತುಷ್ಪದಾಯೈ ತ್ರಿಪದಾಂ ತೇಜೋ ಬ್ರಾಹ್ಮವರ್ಚಸಂ ಗಾಯತ್ರೀಮ್ ।
ತೇಜಸ್ವೀ ಬ್ರಹ್ಮವರ್ಚಸೀ ಭವತಿ ಯ ಏವಂ ವೇದ ।
ತ್ರಿಪದಾಯೈ ದ್ವಿಪದಾಂ ಪುರುಷಮ್ ।
ನೈನಂ ಪೌರುಷೋ ವಧೋ ಹನ್ತಿ ಯ ಏವಂ ವೇದ ।
ದ್ವಿಪದಾಯಾ ಏಕಪದಾಂ ಪುರುಷಮೇವ ।
ಅನ್ವಞ್ಚಾವಿವ ವೈ ಪುರುಷೌ ।
ತಸ್ಮಾತ್ಪುರುಷಃ ಪುರುಷಂ ಪರಿವೇದೇಷ್ಟಿ । ಪುರುಷಃ ಪುರುಷಸ್ಯಾನುಚರೋ ಭವತಿ । ವಿನ್ದತೇಽನುಚರಿತೄನ್ ।
ಬಹವೋಽಸ್ಯಾನುಚರಾ ಭವನ್ತಿ । ನೈನಂ ಪೌರುಷ್ಯೇವಾವೃತ್ತಿರ್ವಿನ್ದತಿ ಯ ಏವಂ ವೇದ ೧೧೦

ತಾನಿ ಸರ್ವಾಣಿ ಛನ್ದಾಂಸಿ ಸಂಭೃತ್ಯ ತೈರಿನ್ದ್ರೋ ವೃತ್ರಮಹನ್ ।
ಯನ್ಮಹಾನ್ತಮಹಂಸ್ತಸ್ಮಾನ್ಮಹಾನಾಮ್ನಯಃ ।
ಯದಶಕ್ನೋತ್ತಸ್ಮಾಚ್ಛಕ್ವರ್ಯಃ ।
ಯನ್ಮಟ್ವಿಯಮಕರೋತ್ತಸ್ಮಾನ್ಮಟ್ವೀಃ ।
ಯತ್ಸೀಮಾನಮಭಿನತ್ತಸ್ಮಾತ್ಸಿಮಾಃ ।
ಅಥೋ ಹೈನಾಸ್ಸೀಮತ ಏವ ಸಮೃಜೇ ।
ಸಿಮ ಇತಿ ವೈ ಶ್ರೇಷ್ಠಮಾಚಕ್ಷತೇ ।
ಸಿಮ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ತಾ ಹ ವಾ ಏತಾ ಇನ್ದ್ರಾ ಏವ ನಾಮ ।
ಇನ್ದ್ರೋ ವೈ ಯತ್ರ ಮಹಾನಾಮ್ನೀಷು ಮಿಥುನತ್ವಮೈಚ್ಛತ । ತಾ ಏನಮಬ್ರುವನ್ಸ ವೈ ನಃ ಪ್ರಯಚ್ಛೇತಿ ।
ಕಿಮಿತಿ ।
ಯತ್ತ ಏತನ್ನಾಮೇತಿ ।
ತಾಭ್ಯಸ್ತತ್ಪ್ರಾಯಚ್ಛತ್ ।
ತಸ್ಮಾದೇತಾ ಇನ್ದ್ರಾ ನಾಮ ।
ಏತದ್ಧ ವಾ ಆಸಾಂ ಪ್ರಿಯಂ ಗುಹ್ಯಂ ನಾಮ ಯದಿನ್ದ್ರಾ ಃ! ।
ಸ ಯೋ ಹಾಸಾಮೇತದ್ವಿದ್ವಾನ್ಪರಿಹರತ । ಆಗಾಮುಕಮೇನಂ ಪ್ರಿಯಂ ಭವತಿ ಪಶ್ಯತೇ ಪ್ರಿಯಮ್ ।
ತಸ್ಮಾದೇತಾ ಮಹಾನಾಮ್ನಯ ಇತಿ ಪರೋಕ್ಷಮಾಖ್ಯಾಯನ್ತೇ ೧೧೧

ಅಸಾ ಉ ಆವ ಮಹಾನ್ ।
ತಸ್ಯೈತಾಃ ಪ್ರತಿನಾಮ್ನಯಃ ।
ತಸ್ಯೋ ಏವೈತನ್ನಾಮ ಪರಿಹನತಿ ।
ಸಾ ಯೈಷಾ ಪುರಸ್ತಾದ್ದ್ವಿಪದೋಪಧೀಯತೇ ಪುರುಷ ಏವ ಸಃ ।
ಅಥ ಯಾನ್ಯುತ್ತರಾಣಿ ತ್ರೀಣಿ ಪದಾನಿ ಪಶವಸ್ತೇ ।
ಭಸತ್ಪ್ರಥಮಾ ಸಕ್ಥ್ಯೌ ದ್ವ ।
ಪರಾಞ್ಚಃ ಪಶವಸ್ಸಂಭವನ್ತಿ ।
ತಸ್ಮಾದ್ಭಸತ್ಪ್ರಥಮಾಖ್ಯಾಯತೇ ।
ಅಥ ಯಾನ್ಯುತ್ತರಾಣಿ ತ್ರೀಣಿ ಪದಾನಿ ವತ್ಸಃ ಪ್ರಥಮೋಽಥೋಧೋಽಥ ಪುರುಷಃ ।
ಅಥ ಯಾನ್ಯುತ್ತರಾಣಿ ತ್ರೀಣಿ ಪದಾನೀಮೌ ದ್ವೌ ಶಿರೋಗ್ರೀವಮ್ । ಏಕಮಥ ಯದುತ್ತಮಂ ಪದಮುಪಶ ಏವ ಸಃ ।
ಪಶ್ಚೇವ ದ್ವಿತೀಯ ಆಗಚ್ಛತ್ತಸ್ಮಾದುತ್ತಮಾ ದ್ವ್ಯುಪಶೈವಂ ಪ್ರಿಯಸ್ಯ ಕುರ್ಯಾತ್ ।
ಏತದ್ಧ ವಾ ಆಸಾಂ ಪ್ರತ್ತಮಧೀತಮುಪಜೀವನೀಯಮ್ ।
ಯದ್ವತ್ಸಃ ಪ್ರಥಮೋ ಭವತ್ಯಥೋಧೋಽಥ ಪುರುಷಃ । ಪ್ರತ್ತಂ ಹೈವಾಸ್ಯಾಧೀತಮುಪಜೀವನೀಯಂ ಭವತಿ ।
ಅಥ ಯಂ ಕಾಮಯೇತ ಧೀತಮಸ್ಯಾಪ್ರತ್ತಮನುಪಜೀವನೀಯಂ ಸ್ಯಾದಿತಿ ೧೧೨

ಊಧಃ ಪ್ರಥಮಂ ಕುರ್ಯಾದಥ ವತ್ಸಮಥ ಪುರುಷಮ್ ।
ಧೀತಂ ಹೈವಾಸ್ಯಾಪ್ರತ್ತಮನುಪಜೀವನೀಯಂ ಭವತಿ ।
ಅಥ ಯಂ ಕಾಮಯೇತಾಪಶು ಸ್ಯಾದಿತಿ ವತ್ಸಮಸ್ಯಾನ್ತರಿಯಾತ್ ।
ಪಶವೋ ವೈ ವತ್ಸಃ ।
ಪಶೂನೇವಾಸ್ಯಾನ್ತರೇತಿ ।
ಅಥ ಯಂ ಕಾಮಯೇತ ರುದ್ರೋ ಽಸ್ಯ ಪಶೂಞ್ಛಮಯೇದಿತ್ಯನ್ತರಾ ವತ್ಸಂ ಚೋಧಶ್ಚ ಪುರುಷಮವದಧ್ಯಾತ್ ।
ರುದ್ರೋ ವೈ ಪುರುಷಃ ।
ರುದ್ರ ಮೇವಾಸ್ಯ ತದ್ಗೋಷ್ಠೇಽವದಧಾತಿ ।
ಸೈಷಾ ಮೀಮಾಂಸಾ ।
ಅಥ ಯಥೈವಾಸಾಮಿದಂ ಪ್ರಜ್ಞಾತಂ ಸ್ತೋತ್ರಂ ತಯೈವ ಸ್ತೋತವ್ಯಮ್ ।
ಇಯಂ ವೈ ಪ್ರಥಮಾ ಮಹಾನಾಮ್ನೀ । ತಸ್ಯಾ ಅಗ್ನಿರುಪಶಃ ।
ಇಯಂ ದ್ವಿತೀಯಾ । ತಸ್ಯೈ ವಾಯುರುಪಶಃ ।
ಅಸೌ ತೃತೀಯಾ । ತಸ್ಯೈ ಸೂರ್ಯಾಚನ್ದ್ರ ಮಸಾವುಪಶೌ ।
ತಾಸಾಂ ಯೋ ಹೃದಾವಕಿನೋ ವೇದ ತ್ರಿರ್ವಿಲಾ ಹಾಸ್ಯ ಗೃಹಾ ಭವನ್ತಿ ತೃಪ್ತಾ ಇವಾರೂಕ್ಷಾ ಅನ್ತರತಃ ।
ಏಕಾರಾ ಹ ವಾ ಆಸಾಂ ಹೃದಾವಕಿನಃ ।
ತಸ್ಮಾದ್ಧೃದ ಏಕಾರಮುಪಾವಸೇಧಂ ಪಶೂಂಸ್ತರ್ಪಯನ್ತಿ ।
ಅಥ ಯ ಆಸಾಮಲಂಕಾರಾನ್ವೇದಾಲಂಕುರ್ವನ್ತೋಽಸ್ಯಾಸತೇ ಗೃಹೇಷ್ವಂಶುಂ ರುಕ್ಮಂ ನಿಷ್ಕಂ ಹಸ್ತಿನಮಶ್ವತರೀರಥಮಶ್ವರಥಮ್ ।
ಸ್ತೋಮಾ ಹ ವಾ ಆಸಾಮಲಂಕಾರಾಃ ।
ತಾ ಅಲಂಕುರ್ವನ್ನಿವ ಶೋಭಯನ್ನಿವ ಗಾಯೇತ್ ।
ಉಪ ಹೈನಮೇತಾನಿ ರೂಪಾಣ್ಯಕ್ರೀತಾನಿ ತಿಷ್ಠನ್ತೇ ಯ ಏವಂ ವೇದ ೧೧೩

ಆಪೋ ವೈ ಮಹಾನಾಮ್ನಯಃ ।
ತಾಸಾಮಾದಿತ್ಯ ಏವ ವತ್ಸಃ ।
ತದ್ಯಾ ಹ ವೈ ಪ್ರಾಚೀರಾಪೋ ಧಾವನ್ತ್ಯೇತಮೇವ ತಾ ಉದ್ಯನ್ತಮಭೀಪ್ಸನ್ತೀರ್ಧಾವನ್ತಿ ।
ಅಥ ಯಾಃ ಪ್ರತೀಚೀರ್ಧಾವನ್ತ್ಯೇತಮೇವ ತಾ ಅಸ್ತಂ ಯನ್ತಮಭೀಪ್ಸನ್ತೀರ್ಧಾವನ್ತಿ ।
ತದ್ಯತ್ಪೃಚ್ಛೇಯುರ್ಯಾ ಇಮಾ ಆಪೋಽಹರಹರ್ಧಾವನ್ತಿ ಕಮೇತಾ ಅಭೀಪ್ಸನ್ತೀರ್ಧಾವನ್ತೀತಿ ।
ಏತಮಿತ್ಯೇವ ತತ್ರ ಪ್ರತಿವಚನಮ್ ।
ಅಥೋ ಆಹುರ್ವಾಯುರ್ವೈ ಮಹಾನಾಮ್ನೀನಾಂ ವತ್ಸಃ ।
ಏಷ ಹೀಮಾಁ ಲ್ಲೋಕಾನಿಮಾ ದಿಶಃ ಪ್ರತಾಪಯತ ಇತಿ ।
ಇಮ ಉ ಲೋಕಾ ಮಹಾನಾಮ್ನಯಃ ।
ತಸ್ಮಾತ್ಪುರೋವಾತೇ ವಾತಿ । ವೃಷ್ಟ್ಯಾಮಾಶಾಸನ್ತೇ ।
ಯಥಾ ಹ ಪ್ರತ್ತಾ ನ ದುಹೀತ ತಾದೃಕ್ತದ್ಯತ್ಪುರೋವಾತೇ ವಾತ್ಯಥ ನ ವರ್ಷತಿ ।
ಪಶವೋ ವೈ ಮಹಾನಾಮ್ನಯಃ ।
ಗೋಷ್ಠ ಏವ ಪುರೀಷಮ್ ।
ತದಾಹುಃ ಪುರೀಷೇಣಾಗ್ರೇ ಸ್ತೋತವ್ಯಮಥ ಮಹಾನಾಮ್ನೀಭಿಃ ।
ಆಯತನಂ ವಾ ಅಗ್ರೇಽಥ ಪಶವಃ ।
ಆಯತನಂ ಹಿ ಪಶವೋಽಭಿಸಮಾಯನ್ತೀತಿ ।
ತದು ವಾ ಆಹುಃ ಪಶೂನಾಂ ವೈ ಪುರೀಷಂ ಭವತಿ ।
ಯದ್ವೈ ಪಶವೋ ನ ಸ್ಯುರ್ನ ಪುರೀಷಂ ಸ್ಯಾತ್ ।
ಯದೋ ವೈ ಪುರುಷಃ ಪಶೂನ್ವಿನ್ದತೇಽಥ ಸ ಗೋಷ್ಠಂ ಪರ್ಯಸ್ಯತೇ ಗುಪ್ತ್ಯೈ ।
ತಸ್ಮಾನ್ಮಹಾನಾಮ್ನೀಭಿರೇವ ಪೂರ್ವಾಭಿ ಸ್ತೋತವ್ಯಮಿತಿ ೧೧೪

ತದಾಹುಸ್ಸಕೃದೇವ ಸಂಸ್ತುತಾಸೂಪರಿಷ್ಟಾತ್ಪುರೀಷೇಣ ಸ್ತೋತವ್ಯಮುತ ವೈ ಬಹುತಯಾಃ ಪಶವೋ ನಾನಾತ್ಯಾಸ್ಸಮಾನಮೇವ ಗೋಷ್ಠಮಭಿಸಮಾಯನ್ತೀತಿ ।
ಯದ್ದ್ವಯೀರು ಹ ತಥಾ ಪ್ರಜಾ ಭವನ್ತಿ ।
ಅನುಪರ್ಯಾಯಮೇವ ಪುರೀಷೇಣ ಸ್ತೋತವ್ಯಮ್ ।
ತಥಾ ಹ ಸರ್ವಾ ವ್ರಜವತೀರ್ಭವನ್ತಿ ।
ಷಳಾನಿ ಪುರೀಷಾಣಿ ಭವನ್ತಿ ।
ಅನುಪರ್ಯಾಯಮೇವ ಪುರೀಷೇಣ ಸ್ತೋತವ್ಯಮ್ ।
ತಥಾ ಹ ಸರ್ವಾ ವ್ರಜವತೀರ್ಭವನ್ತಿ ।
ಷಳಾನಿ ಪುರೀಷಾಣಿ ಭವನ್ತಿ ।
ಪಶವೋ ವಾ ಇಳಾ । ಆಯತನಂ ಪುರೀಷಮ್ ।
ಆಯತನ ಏವ ತದೇತಾನ್ಪಶೂನ್ಪ್ರತಿಷ್ಠಾಪಯನ್ತಿ ।
ಅಪ ಉಪನಿಧಾಯ ಸ್ತುವನ್ತಿ ಸಾಮ್ನಸ್ಸರ್ವತ್ವಾಯ ।
ಏತದ್ವೈ ಮಹಾನಾಮ್ನೀನಾಂ ಸರ್ವಂ ರೂಪಂ ಯದಾಪಃ ।
ತಾ ಉದಿಂಗಯೇಯೂ ರೂಪಸಮೃದ್ಧತಾಯೈ ।
ತದಾಹುಃ ಕ್ವೇಮಾ ನಿನಯೇದಿತಿ ।
ತಾಸಾಮೇಷಾ ಮೀಮಾಂಸಾ ವಸತೀವರೀಷ್ವವನೀಯ ಸೋಮಮಭಿಷುತ್ಯ ಭಕ್ಷಯೇಯುರಿತಿ ।
ಮಥಿತಮಿವ ಹ ತ್ವೇಷಾಂ ಭವತಿ ಯಾತಯಾಮ ।
ಯಾತಯಾಮ್ನೀರಯಾತಯಾಮ್ನೀಷ್ವವನಯನ್ತಿ ।
ಅಥೋ ಆಹುಸ್ತೃತೀಯಸವನೀಯಾನೇವಾಭಿಃ ಪುರೋಡಾಶಾನುಪಸೃಜೇಯುರಿತಿ ।
ಯಜಮಾನೋ ವೈ ಪುರೋಡಾಶೋಽನ್ನಮಾಪಃ ।
ಅನ್ನೇನೈವ ತದ್ಯಜಮಾನಂ ಸಮನಕ್ತಿ ।
ಈಶ್ವರೋ ಹ ತು ಯಜಮಾನಮುತ್ತರವಯಸೇ ಶ್ವಃ ಪಾಮಾ ವೇತ್ಥೋಃ ।
ಕಣ್ಡೂಯಿತಾ ಇವ ಹಿ ಭವನ್ತಿ ।
ಅಥೋ ಆಹುಶ್ಚಾತ್ವಾಲ ಏವ ನಿನಯೇದಿತಿ ।
ಯೋನಿರ್ವೈ ಯಜ್ಞಸ್ಯ ಚಾತ್ವಾಲಂ । ರೇತ ಆಪೋ । ಯೋನ್ಯಾಮೇವೈತದ್ರೇ ತಃ ಪ್ರತಿಷ್ಠಾಪಯತಿ ।
ಅನುಷ್ಠ್ಯಾಸ್ಯ ರೇತಸ್ಸಿಕ್ತಂ ಪ್ರಜಾಯತೇ ಯ ಏವಂ ವೇದ ೧೧೫

ತದಾಹುರ್ವಿಹೃತಾ ಅಗ್ನಯೋ ಭವನ್ತಿ । ವಾಸ್ತು ಪರಿಶಿಷ್ಯತೇ । ಗರ್ಭಾ ಅನುಶೋಷುಕಾ ಸ್ಯುರ್ । ಯಚ್ಚಾತ್ವಾಲೇ ನಿನಯೇತ್ ।
ಆಸ್ತಾವೇ ನಿನಯೇದಿತಿ ।
ಏಷ ಹ ವಾ ಉದ್ಗಾತುಶ್ಚ ಯಜಮಾನಸ್ಯ ಚ ಧಿಷ್ಣ್ಯೋ ಯದಾಸ್ತಾವಃ ।
ಆಯತನಮಾಸ್ತಾವಃ ।
ಆಯತನ ಏವ ತದೇತಾನ್ಕಾಮಾನ್ಪ್ರತಿಷ್ಠಾಪಯನ್ತಿ ।
ತಾಸಾಮತ್ರ ಯಾವತ್ಕಾಮಂ ನಿನೀಯ । ಅಥಾನ್ತಃಪರಿಧಿ ನಿನಯೇತ್ ।
ತಥಾ ಹೈಷಾಂ ತಾ ಹುತಾಶ್ಚಾಹುತಾಶ್ಚ ಭವನ್ತಿ ।
ಯಥಾ ಹ ವಾ ಇದಂ ವಿದಾವನ್ಪ್ರಾಣಾವನಿರುಕ್ತಾವೇವಮೇತೌ ಧಿಷ್ಣ್ಯೌ ಸನ್ತಾವನವಗತೌ ।
ಪ್ರಾಣೌ ವಾ ಇಮೌ ಸನ್ತಾವನಪತೃಣ್ಣೌ ಧಿಷ್ಣ್ಯಾವೇತೌ ಸನ್ತೌ ನ ವಿಹ್ರಿಯೇತೇ ೧೧೬

ಅಸುರಾಣಾಂ ಹ ವಾ ಅಗ್ರ ಇಮೇ ಲೋಕಾ ಆಸುಃ ।
ಉಪಜೀವಿನ ಇವ ಹಿ ದೇವಾ ಆಸುಸ್ತಪ ಏವ ಶ್ರದ್ಧಾಮನ್ವಾಯತ್ತಾಃ ।
ತೇಽರ್ಚನ್ತಸ್ತಾಮ್ಯನ್ತಸ್ತೇಜೋ ಬಲಮಿನ್ದ್ರಿ ಯಂ ವೀರ್ಯಮಾತ್ಮಸ್ವದಧತ ।
ತದೇಷಾಮಸುರಾ ಆದಿತ್ಸನ್ತ ।
ತದಾದಿತ್ಸ್ಯಮಾನಮಪ್ಸು ಪ್ರಾವೇಶಯನ್ । ನೇದಿದಮಸುರಾ ವಿನಾನ್ತಾ ಇತಿ ।
ತಸ್ಮಾದಿದಮಪ್ಯೇತರ್ಹ್ಯಮಿತ್ರೇಷ್ವಾಯತ್ಸು ವಿತ್ತಮುಪಗೂಹನ್ತಿ । ನೇದಿದಮಮಿತ್ರಾ ವಿನ್ದಾನ್ತಾ ಇತಿ ।
ತದಪೈವ ದೇವೇಭ್ಯೋಽಕ್ರಾಮನ್ । ನಾಸುರಾನ್ಪ್ರಾಪ್ನೋತ್ ।
ತೇ ದೇವಾ ಏತಂ ಸಂವತ್ಸರಶ್ರಮಮಪಶ್ಯನ್ ।
ತೇನೈನದಭ್ಯಾಶ್ರಾಮ್ಯನ್ ।
ತದೂರ್ಧ್ವಮುಪಶ್ರಯತ ।
ತದ್ದಿವಿ ಸ್ಪೃಷ್ಟಮತಿಷ್ಠತ್ ।
ಯದ್ದಿವಿ ಸ್ಪೃಷ್ಟಮತಿಷ್ಠತ್ । ತತ್ಸ್ಪೃಷ್ಟಾನಾಂ ಸ್ಪೃಷ್ಟತ್ವಮ್ ।
ಸ್ಪೃಷ್ಟಾನಿ ಹ ವೈ ನಾಮೈತಾನಿ ।
ತಾನಿ ಪೃಷ್ಠಾನೀತಿ ಪರೋಕ್ಷಮಾಖ್ಯಾಯನ್ತೇ ।
ಸರ್ವಾನ್ಕಾಮಾನ್ಸ್ಪೃಶತಿ ಯ ಏವಂ ವೇದ ।
ಸ ಯತ್ಕಾಮ ಸ್ಯಾತ್ಸಂವತ್ಸರಂ ಶ್ರಾಮ್ಯೇದ್ । ಅವ ಹೈವೈನದ್ರುನ್ದ್ಧೇ ।
ಸಂವತ್ಸರಪರಿಮಿತೋ ಹ್ಯೇವೈಷ ಯಚ್ಛ್ರಮಃ ೧೧೭

ಆಪೋ ವೈ ದೇವಾನಾಂ ಪತ್ನಯ ಆಸನ್ ।
ತಾ ಮಿಥುನಮೈಚ್ಛನ್ತ ।
ತಾಸಾಂ ವಾಯುಃ ಪೃಷ್ಠೇ ವ್ಯವರ್ತತ ।
ತಾ ಗರ್ಭಮದಧತ ।
ತಾ ದೇವಾ ಅಬ್ರುವನ್ಸೃಜಧ್ವಮಿತಿ ।
ತಾ ರಥನರಂ ಪ್ರಥಮೇಽಹನ್ನಸೃಜನ್ತ ।
ತದ್ರ ಥಘೋಷೋಽನ್ವಸೃಜ್ಯತ ।
ತಸ್ಮಾದ್ರ ಥನ್ತರಸ್ಯ ಸ್ತೋತ್ರೇ ರಥಘೋಷಂ ಕುರ್ವನ್ತಿ ।
ತಾ ಅಬ್ರುವನ್ಸೃಜಧ್ವಮೇವೇತಿ ।
ತಾ ಬೃಹದ್ದ್ವಿತೀಯೇಽಹನ್ನಸೃಜನ್ತ ।
ತತ್ಪರ್ಜನ್ಯಸ್ಯ ಘೋಷೋಽನ್ವಸೃಜ್ಯತ ।
ತಸ್ಮಾದ್ಬೃಹತ ಸ್ತೋತ್ರೇ ದುನ್ದುಭೀನುದ್ವಾದಯನ್ತಿ ।
ವರ್ಷುಕಃ ಪರ್ಜನ್ಯೋ ಭವತಿ ।
ತಾ ಅಬ್ರುವನ್ಸೃಜಧ್ವಮೇವೇತಿ ।
ತಾ ವೈರೂಪಂ ತೃತೀಯೇಽಹನ್ನಸೃಜನ್ತ ।
ತದ್ಗ್ರಾಮಘೋಷೋಽನ್ವಸೃಜ್ಯತ ।
ತಸ್ಮಾದ್ವೈರೂಪಸ್ಯ ಸ್ತೋತ್ರೇ ಗ್ರಾಮಘೋಷಂ ಕುರ್ವನ್ತಿ ।
ತಾ ಅಬ್ರುವನ್ಸೃಜಧ್ವಮೇವೇತಿ ।
ತಾ ವೈರಾಜಂ ಚತುರ್ಥೇಽಹನ್ನಸೃಜನ್ತ ।
ತದಗ್ನೇರ್ಘೋಷೋಽನ್ವಸೃಜ್ಯತ ।
ತಸ್ಮಾದ್ವೈರಾಜಸ್ಯ ಸ್ತೋತ್ರೇಽಗ್ನಿಂ ಮನ್ಥನ್ತಿ ।
ತಾ ಅಬ್ರುವನ್ಸೃಜಧ್ವಮೇವೇತಿ ।
ತಾಶ್ಶಾಕ್ವರಂ ಪಞ್ಚಮೇಽಹನ್ನಸೃಜನ್ತ ।
ತದಪಾಂ ಘೋಷೋಽನ್ಯಸೃಜ್ಯತ ।
ತಸ್ಮಾಚ್ಛಾಕ್ವರಸ್ಯ ಸ್ತೋತ್ರೇಽಪ ಉಪನಿಧಾಯ ಸ್ತುವನ್ತಿ ।
ತಾ ಅಬ್ರುವನ್ಸೃಜಧ್ವಮೇವೇತಿ ।
ತಾ ರೈವತಂ ಷಷ್ಠೇಽಹನ್ನಸೃಜನ್ತ ।
ತತ್ಪಶುಘೋಷೋಽನ್ವಸೃಜ್ಯತ ।
ತಸ್ಮಾದ್ರೈ ವತಸ್ಯ ಸ್ತೋತ್ರೇ ಪಶುಘೋಷಂ ಕುರ್ವನ್ತಿ । ವತ್ಸಾನ್ಮಾತೃಭಿಸ್ಸಂವಾಶಯನ್ತಿ ।
ತಾ ಅಬ್ರುವನ್ಸೃಜಧ್ವಮೇವೇತಿ ।
ಏತಾವದ್ವಾವೇತ್ಯಬ್ರುವನ್ ।
ತದೇತೇ ಹ ವಾ ಆಸಾಮೈನ್ದ್ರಾ ಘೋಷಾ ವದನ್ತಿ ।
ಅಸ್ಮಿನ್ನೈನ್ದ್ರಾ ಘೋಷಾಸ್ಸರ್ವಾ ಅಸ್ಮಿನ್ಪುಣ್ಯಾ ವಾಚೋ ವದನ್ತಿ ಯ ಏವಂ ವೇದ ।
ತೇ ದೇವಾ ವಾಮದೇವ್ಯಮೇವ ಯೋನಿಂ ಪರಿಗೃಹ್ಯೋರ್ಧ್ವಾ ಉದಾಗಾಹನ್ತ ।
ತದೇತಸ್ಯ ಪೃಷ್ಠ್ಯಸ್ಯ ಷಡಹಸ್ಯ ಮಧ್ಯೇ ಹ ಮಾಯಂ ನ್ಯದಧುಃ ।
ತದ್ಯಾನಿ ಹ ವೈ ಸ್ತುತಾನಿ ಸಾಮಾನಿ ಪಶ್ಚಾತ್ವಂ ತೇಷಾಂ ವಾಮದೇವ್ಯಮ್ । ಅಥ ಯಾನ್ಯಸ್ತುತಾನಿ ಪುರಸ್ತ್ವಂ ತೇಷಾಮ್ ।
ಯೋ ವೈ ಗ್ರಾಮಸ್ಯ ಶ್ರೇಷ್ಠೀ ಬಲಿಷ್ಠೋ ಭವತಿ ತೇನ ಪಶ್ಚಾತ್ವೇನ ತೇನ ಪುರಸ್ತ್ವೇನ ಯನ್ತಿ ।
ಅರಿಷ್ಟೇನ ಯಜ್ಞೇನ ಯಜತೇ ಯ ಏವಂ ವೇದ ।
ಏತಸ್ಮಾದ್ಧ ವಾ ಇದಂ ಯುಗ್ಯೌ ನ ಸಮವಹನೌ ವಹತೋಽನ್ಯತರ ಏವ ವಹೀಯಾನ್ಭವತಿ ।
ತಸ್ಮಾದ್ವಾಮದೇವ್ಯಂ ಪೃಷ್ಠಮ್ ।
ಪೃಷ್ಠಂ ಹಿ ಪ್ರತಿವಹತೀತಿ ।
ಕ್ಳ್ಪ್ತಿರ್ವಾ ಏಷಾ ಶಾನ್ತಿರ್ವಾ ಏಷಾ ಪ್ರತಿಷ್ಠಾ ವಾ ಏಷೈಷ ವಾವ ಯಜ್ಞೋ ಯದ್ವಾಮದೇವ್ಯಮ್ ।
ತಸ್ಮಾದ್ಯೇನ ಯೇನಾಹ್ನಾ ಸ್ತುವನ್ತಿ ತತ್ತದನುಸರ್ಪತಿ ಕಲ್ಪಯಚ್ಛಮಯತ್ ೧೧೮

ಅಸಾವ್ಯಂಶುರ್ಮದಾಯೇ
ತ್ಯಸಾವೀತಿ ಸಿಮಾನಾಂ ರೂಪಮ್ ।
ಅಪ್ಸು ದಕ್ಷೋ ಗಿರಿಷ್ಠಾಃ ।
ಶ್ಯೇನೋ ನ ಯೋನಿಮಾಸದತ್
ಶುಭ್ರಮನ್ಧೋ ದೇವವಾತಮಪ್ಸು ಧೌತಂ ನೃಭಿಸ್ಸುತಮ್ ।
ಇತ್ಯಪ್ಸುಮತೀರ್ಭವನ್ತಿ ।
ಆಪೋ ಹ್ಯೇತದಹಃ ।
ಸ್ವದನ್ತಿ ಗಾವಃ ಪಯೋಭಿಃ
ಆದೀಮಶ್ವಂ ನ ಹೇತಾರಮಶೂಶುಭನ್ನಮೃತಾಯ ।
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ಮಧೋ ರಸಂ ಸಧಮಾದ
ಇತಿ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತಿ ।
ಷವೈನದೇತೇನ ಪ್ಯಾಯಯನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಸನ್ತನಿ ।
ವಾಗ್ವಾ ಏಷಾ ಪ್ರತತಾ ಯದ್ದ್ವಾದಶಾಹಃ ।
ತಾಂ ಸನ್ತನಿನೈವ ಸಂತನ್ವನ್ತಿ ।
ಪ್ರಾಣಾ ಹ ಖಲು ವೈ ಸನ್ತನಯಃ ।
ಪ್ರಾಣೈರ್ವಾಕ್ಸನ್ತತಾ ।
ತದ್ಯತ್ಸನ್ತನಿ ಭವತಿ ಪ್ರಾಣಾನಾಮೇವ ಸನ್ತತ್ಯೈ । ವಾಚಂ ಪ್ರಾಣೈಸ್ಸನ್ತನವಾಮೇತಿ ।
ಇಮೇ ವೈ ಲೋಕಾಸ್ಸನ್ತನಯ । ಇಮ ಉ ಲೋಕಾ ಮಹಾನಾಮ್ನಯಃ ।
ತದ್ಯತ್ಸನ್ತನಿ ಭವತ್ಯೇಷಾಮೇವ ಲೋಕಾನಾಂ ಸನ್ತತ್ಯೈ ।
ಸಮಸ್ಮಾ ಇಮೇ ಲೋಕಾಸ್ತಾಯನ್ತೇ ಯ ಏವಂ ವೇದ ।
ಅಭಿ ದ್ಯುಮ್ನಂ ಬೃಹದ್ಯಶ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಜಿನ್ವನ್ಗವಿಷ್ಟಯೇ ಧಿಯ
ಇದ್ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ೧೧೯

ತಾಸು ಚ್ಯಾವನಮ್ ।
ಚ್ಯವನೋ ವೈ ಭಾರ್ಗವೋ ವಾಸ್ತುಪಸ್ಯ ಬ್ರಾಹ್ಮಣಮವೇತ್ ।
ಸ ಪುತ್ರಾನಬ್ರವೀದ್ವಾಸ್ತುಪಸ್ಯ ವೈ ಬ್ರಾಹ್ಮಣಂ ವೇದ ।
ತಂ ಮಾ ವಾಸ್ತೌ ನಿಧಾಯ ತ್ರಿಃ ಪುನಃಪ್ರಯಾಣಂ ಪ್ರಯಾತೇತಿ ।
ತೇಽಬ್ರುವನ್ನ ಶಕ್ಷ್ಯಾಮ । ಆಕ್ರೋಶನವನ್ತೋ ಭವಿಷ್ಯಾಮಃ ।
ಪಿತರಮಹಾಸಿಷುರಿತಿ ನೋ ವಕ್ಷ್ಯನ್ತೀತಿ ।
ನೇತಿ ಹೋವಾಚ । ತೇನ ವೈ ಯೂಯಂ ವಸೀಯಾಂಸೋ ಭವಿಷ್ಯಥ । ತೇನೋ ಏವ ಮಮ ಪುನರ್ಯುವತಾಯಾ ಆಶಾ ।
ಹಿತ್ವೈವ ಮಾ ಪ್ರಯಾತೇತಿ ತಾನಜ್ಞಾಪಯತ್ ।
ತಂ ಸರಸ್ವತ್ಯೈ ಶೈಶವೇ ನಿಧಾಯ ತ್ರಿಃ ಪುನಃಪ್ರಯಾಣಂ ಪ್ರಾಯನ್ ।
ಸೋಽಕಾಮಯತ ವಾಸ್ತೌ ಹೀನಃ ಪುನರ್ಯುವಾ ಸ್ಯಾಂ । ಕುಮಾರೀಂ ಜಾಯಾಂ ವಿನ್ದೇಯ । ಸಹಸ್ರೇಣ ಯಜೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ೧೨೦

ತಂ ತುಷ್ಟುವಾನಂ ಶರ್ಯಾತೋ ಮಾನವೋ ಗ್ರಾಮೇಣಾಧ್ಯವಾಸ್ಯತ್ ।
ತಂ ಕುಮಾರಾ ಗೋಪಾಲಾ ಅವಿಪಾಲಾ ಮೃದಾ ಶಕೃತ್ಪಿಣ್ಡೈರಾಸಪಾಂಸುಭಿರದಿಹನ್ ।
ಸೋಽಸಂಜ್ಞಾಂ ಶಾರ್ಯಾತ್ಯೇಭ್ಯೋಽಕರೋತ್ ।
ತನ್ನ ಮಾತಾ ಪುತ್ರಮಜಾನಾನ್ । ನ ಪುತ್ರೋ ಮಾತರಮ್ ।
ಸೋಽಬ್ರವೀಚ್ಛರ್ಯಾತೋ ಮಾನವಃ ಕಿಮಿಹಾಭಿತಃ ಕಿಂ ಚಿದದ್ರಾ ಷ್ಟ । ಯತ ಇದಮಿತ್ಥಮಭೂದಿತಿ ।
ತಸ್ಮೈ ಹೋಚುರ್ನ ನು ತತೋಽನ್ಯತ್ಸ್ಥವಿರ ಏವಾಯಂ ನಿಷ್ಠಾವಶ್ಶೇತೇ ।
ತಮದ್ಯ ಕುಮಾರಾ ಗೋಪಾಲಾ ಅವಿಪಾಲಾ ಮೃದಾ ಶಕೃತ್ಪಿಣ್ಡೈರಾಸಪಾಂಸುಭಿರಧಿಕ್ಷನ್ ।
ತತ ಇದಮಿತ್ಥಮಭೂದಿತಿ ೧೨೧

ಸ ಹೋವಾಚ ಚ್ಯವನೋ ವೈ ಸ ಭಾರ್ಗವೋಽಭೂತ್ ।
ಸ ವಾಸ್ತುಪಸ್ಯ ಬ್ರಾಹ್ಮಣಂ ವೇದ ।
ತಂ ನೂನಂ ಪುತ್ರಾ ವಾಸ್ತೌ ಹಿತ್ವಾ ಪ್ರಾಯಾಸಿಷುರಿತಿ ।
ತಮಾದ್ರುತ್ಯಾಬ್ರವೀದೃಷೇ । ನಮಸ್ತೇಽಸ್ತು ।
ಶಾರ್ಯಾತ್ಯಭ್ಯೋ ಭಗೋ ಮೃಳೇತಿ ।
ಅಥ ಹ ಸುಕನ್ಯಾ ಶಾರ್ಯಾತ್ಯಾ ಕಲ್ಯಾಣ್ಯಾಸ ।
ಸ ಹೋವಾಚ ಸ ವೈ ಮೇ ಸುಕನ್ಯಾಂ ದೇಹೀತಿ ।
ನೇತಿ ಹೋವಾಚ ।
ಅನ್ಯದ್ಧನಂ ಬ್ರೂಷ್ವೇತಿ ।
ನೇತಿ ಹೋವಾಚ ।
ವಾಸ್ತುಪಸ್ಯ ವೈ ಬ್ರಾಹ್ಮಣಂ ವೇದ ।
ತಾಂ ಮ ಇಹೋಪನಿಧಾಯಾಸಾಯಮೇವಾದ್ಯ ಗ್ರಾಮೇಣ ಯಾತಾದಿತಿ ।
ತೇ ವೈ ತ್ವಾ ಮನ್ತ್ರಯಿತ್ವಾ ಪ್ರತಿಬ್ರವಾಮೇತಿ ।
ತೇ ಹೋಚುರ್ಮನ್ತ್ರಯಿತ್ವಾ -- ಏಕಂ ವೈ ದ್ವೇ ತ್ರೀಣಿ ಪರಮಮನಯಾ ಧನಾನಿ ಲಭೇಮಹ್ಯ್ । ಅಥೈನಯೇಹ ಸರ್ವಮೇವ ಲಪ್ಸ್ಯಾಮಹೇ ।
ಹನ್ತಾಸ್ಮಾ ಇಮಾ ದದಾಮೇತಿ ।
ತಾಂ ಹಾಸ್ಮೈ ದದುಃ ।
ತಾಂ ಹೋಚುಃ ಕುಮಾರಿ । ಸ್ಥವಿರೋ ವಾ ಅಯಂ ನಿಷ್ಠಾವೋ ನಾಲಮನುಸರಣಾಯ ।
ಯದೈವ ವಯಂ ಯುನಜಾಮಹಾ । ಅಥಾನ್ವಾಧಾವತಾದಿತಿ ।
ಸಾ ಹೇಯಂ ಯುಕ್ತಂ ಗ್ರಾಮಮನುಸರಿಷ್ಯನ್ತ್ಯನೂತ್ತಸ್ಥೌ ।
ಸಾ ಹೋವಾಚಾಹೇ ಪರಿಧಾವ ಸಖಾಯಂ ಜೀವಹಾಯಿನಮಿತಿ ।
ಸಾ ಯದೀತೀಯಾಯ ಯದೀತಿ ೧೨೨

ಕೃಷ್ಣಸರ್ಪ ಉ ಹೈವೈನಾಂ ಪ್ರತ್ಯುತ್ತಸ್ಥೌ ।
ಸಾ ಹ ತದೇವ ನಿರ್ವಿದ್ಯೋಪವಿವೇಶ ।
ಅಥ ಹಾಶ್ವಿನೌ ದರ್ವಿಹೋಮಿಣೌ ಭಿಷಜ್ಯನ್ತಾವಿದಂ ಚೇರತುರನಪಿಸೋಮೌ ।
ತೌ ಹೈನಾಮೇತ್ಯೋಚತುಃ ಕುಮಾರಿ । ಸ್ಥವಿರೋ ವಾ ಅಯಮಸರ್ವೋ ನಾಲಂ ಪತಿತ್ವನಾಯಾವಯೋರ್ಜಾಯೈಧೀತಿ ।
ನೇತಿ ಹೋವಾಚ ।
ಯಸ್ಮಾ ಏವ ಮಾ ಪಿತಾದಾತ್ । ತಸ್ಯ ಜಾಯಾ ಭವಿಷ್ಯಾಮೀತಿ ।
ತದ್ಧಾಯಮಾಜುಘೋಷ ।
ಅಥ ಹೇಮೌ ಪ್ರೇಯತುಃ ।
ಸ ಹೋವಾಚ ಕುಮಾರಿ । ಕೋ ನ್ವೇಷ ಘೋಷೋಽಭೂದಿತಿ ।
ಪುರುಷೌ ಮೇಮಾವುಪಾಗಾತಾಂ ಯತ್ಕಲ್ಯಾಣತಮಂ ರೂಪಾಣಾಂ ತೇನ ರೂಪೇಣೇತಿ ।
ತೌ ತ್ವಾ ಕಿಮವೋಚತಾಮಿತಿ ।
ಕುಮಾರಿ । ಸ್ಥವಿರೋ ವಾ ಅಯಮಸರ್ವೋ ನಾಲಂ ಪತಿತ್ವನಾಯಾವಯೋರ್ಜಾಯೈಧೀತಿ ।
ಸಾ ತ್ವಂ ಕಿಮವೋಚ ಇತಿ ।
ನೇತ್ಯಹಮವೋಚಂ । ಯಸ್ಮಾ ಏವ ಮಾ ಪಿತಾದಾತ್ತಸ್ಯ ಜಾಯಾ ಭವಿಷ್ಯಾಮೀತಿ ೧೨೩

ತದ್ಧಾಸ್ಯ ಪ್ರಿಯಮಾಸ ।
ಸ ಸಹೋಚಾಶ್ವಿನೌ ವೈ ತೌ ದರ್ವಿಹೋಮಿಣೌ ಭಿಷಜ್ಯನ್ತಾವಿದಂ ಚರತೋಽನಪಿಸೋಮೌ ।
ತೌ ತ್ವೈತದೇವಾಗತ್ಯ ಶ್ವೋ ವಕ್ತಾರೌ ।
ತೌ ತ್ವಂ ಬ್ರೂತಾದ್ಯುವಂ ವಾ ಅಸರ್ವೌ ಸ್ಥೋ । ಯೌ ದೇವೌ ಸನ್ತಾವಸೋಮಪೌ ಸ್ಥಃ ।
ಸರ್ವೋ ವೈ ಮಮ ಪತಿರ್ಯಸ್ಸೋಮಪ ಇತಿ ।
ತೌ ವೈ ತ್ವಾ ವಕ್ತಾರೌ ಕಸ್ತಸ್ಯೇಶೇ ಯದಾವಮಪಿಸೋಮೌ ಸ್ಯಾವೇತಿ ।
ಅಯಂ ಮಮ ಪತಿರಿತಿ ಬ್ರೂತಾತ್ ।
ತೇನೋ ಏವ ಮೇ ಪುನರ್ಯುವತಾಯಾ ಆಶತಿ ।
ತೌ ಹೈನಾಂ ಶ್ವೋ ಭೂತ ಏತ್ಯೈತದೇವೋಚತುಃ ।
ಸಾ ಹೋವಾಚ ಯುವಂ ವಾ ಅಸರ್ವೌ ಸ್ಥೋ । ಯೌ ದೇವೌ ಸನ್ತಾವಸೋಮಪೌ ಸ್ಥಃ ।
ಸರ್ವೋ ವೈ ಮಮ ಪತಿರ್ಯಸ್ಸೋಮಪ ಇತಿ ।
ತೌ ಹೋಚತುಃ ಕಸ್ತಸ್ಯೇಶೇ ಯದಾವಮಪಿಸೋಮೌ ಸ್ಯಾವೇತಿ ।
ಅಯಂ ಮಮ ಪತಿರಿತಿ ಹೋವಾಚ ೧೨೪

ತಂ ಹೋಚತುರೃಷೇಽಪಿಸೋಮೌ ನೌ ಭಗವಃ ಕುರ್ವಿತಿ ।
ತಥೇತಿ ಹೋವಾಚ ।
ತೌ ವೈ ನು ಮಾ ಯುವಂ ಪುನರ್ಯುವಾನಂ ಕುರುತಮಿತಿ ।
ತಂ ಹ ಸರಸ್ವತ್ಯೈ ಶೈಶವಮಭ್ಯವಚಕೃಷತುಃ ।
ಸ ಹೋವಾಚ ಕುಮಾರಿ । ಸರ್ವೇ ವೈ ಸದೃಶಾ ಉದೇಷ್ಯಾಮೋಽನೇನ ಮಾ ಲಕ್ಷ್ಮಕೇಣ ಜಾನೀತಾದಿತಿ ।
ತೇ ಹ ಸರ್ವ ಏವ ಸದೃಶಾ ಉದೇಯುರ್ಯತ್ಕಲ್ಯಾಣತಮಂ ರೂಪಾಣಾಂ ತೇನ ರೂಪೇಣ ।
ತಂ ಹೇಯಂ ಜ್ಞಾತ್ವಾವಬಿಭೇದೇ -- ಅಯಂ ಮಮ ಪತಿರಿತಿ ।
ತಂ ಹೋಚತುರ್ । ಋಷೇಽಕುರ್ವಾವಂ ತವ ತಂ ಕಾಮಂ ಯಸ್ತವ ಕಾಮೋಽಭೂತ್ ।
ಪುನರ್ಯುವಾಭೂಃ ।
ಆವಂ ತ್ವಂ ತಥಾನುಶಾಧಿ । ಯದಾವಮಪಿಸೋಮೌ ಸ್ಯಾವೇತಿ ೧೨೫

ಸ ಹೋವಾಚ ದೇವಾ ವಾ ಏತೇ ಕುರುಕ್ಷೇತ್ರೇಽಪಶೀಋಷ್ಣಾ ಯಜ್ಞೇನ ಯಜಮಾನಾ ಆಸತೇ ।
ತೇ ತಂ ಕಾಮಂ ನಾಪ್ನುವನ್ತಿ ಯೋ ಯಜ್ಞೇ ಕಾಮಃ ।
ತದ್ಯಜ್ಞಸ್ಯ ಶಿರೋಽಛಿದ್ಯತ ।
ತದ್ಯದ್ದಧ್ಯಙಾಥರ್ವಣೋಽನ್ವಪಶ್ಯತ್ತಂ ತದ್ಗಚ್ಛತಮ್ ।
ಸ ವಾಂ ತದನುವಕ್ಷ್ಯತಿ ।
ತತೋಽಪಿಸೋಮೌ ಭವಿಷ್ಯಥ ಇತಿ ।
ತದ್ಯತ್ತದ್ಯಜ್ಞಸ್ಯ ಶಿರೋಽಛಿದ್ಯತೇತಿ । ಸೋಽಸಾವಾದಿತ್ಯಃ ।
ಸ ಉ ಏವ ಪ್ರವರ್ಗ್ಯಃ ।
ತೌ ಹ ದಧ್ಯಞ್ಚಮಾಥರ್ವಣಮಾಜಗ್ಮತುಃ ।
ತಂ ಹೋಚತುರ್ । ಋಷೇ ಉಪ ತ್ವಾಯಾವೇತಿ ।
ಕಸ್ಮೈ ಕಾಮಾಯೇತಿ ।
ಏತದ್ಯಜ್ಞಸ್ಯ ಶಿರೋಽನುವಕ್ಷ್ಯಾವಹಾ ಇತಿ ।
ನೇತಿ ಹೋವಾಚ ।
ಇನ್ದ್ರೋ ವೈ ತದಪ್ಯಪಶ್ಯತ್ ।
ಸ ಮಾಬ್ರವೀದ್ಯದಿ ವಾ ಇದಮನ್ಯಸ್ಮೈ ಬ್ರೂಯಾಶ್ಶಿರಸ್ತೇ ಛಿನ್ದ್ಯಾಮಿತಿ ।
ತಸ್ಮಾದ್ಬಿಭೇಮೀತಿ ।
ಸ ವೈ ನಾವನೇನಾಶ್ವಸ್ಯ ಶೀರ್ಷ್ಣಾನುಬ್ರೂಹೀತಿ ।
ತಥೇತಿ ಹೋವಾಚ ।
ಸ ವೈ ನು ವಾಂ ಸಂವದಮಾನೌ ಪಶ್ಯಾನೀತಿ ।
ತೌ ಹೇಮೌ ಸ್ವಂ ಶಿರೋ ನಿಧಾಯೇದಮಶ್ವಸ್ಯ ಶಿರಃ ಪ್ರತಿಸಂಧಾಯ ತೇನ ಹ ಸ್ಮ ಸಂವದಮಾನಾವಾಸಾತೇ ಸಾಮ ಗಾಯಮಾನಾವೃಚಂ ಯಜುರಭಿವ್ಯಾಹರನ್ತೌ ।
ತಾಭ್ಯಾಂ ಹ ಶ್ರದ್ಧಾಯ ತೇನಾಶ್ವಸ್ಯ ಶೀರ್ಷ್ಣಾನುವಾಚ ೧೨೬

ತದಿನ್ದ್ರೋ ಽನ್ವಬುಧ್ಯತ ಪ್ರ ಹಾಭ್ಯಾಮವೋಚದಿತಿ ।
ತಸ್ಯಾದ್ರುತ್ಯ ಶಿರಃ ಪ್ರಾಚ್ಛಿನದಿದಮಶ್ವಶೀರ್ಷಮ್ ।
ಅಥ ಯದಸ್ಯ ಸ್ವಂ ಶಿರ ಆಸೀತ್ತದಿಮೌ ಮನೀಷಿಣೌ ಪ್ರತಿಸಮಧತ್ತಾಮ್ ।
ತೌ ಹ ದೇವಾನಾಜಗ್ಮತುರಪಶೀರ್ಷ್ಣಾ ಯಜ್ಞೇನ ಯಜಮಾನಾನ್ ।
ತಾನ್ಹೋಚತುರಪಶೀರ್ಷ್ಣಾ ವೈ ಯಜ್ಞೇನ ಯಜಮಾನಾ ಆಧ್ವೇ ।
ತೇ ತಂ ಕಾಮಂ ನಾಪ್ನುಥ ಯೋ ಯಜ್ಞೇ ಕಾಮ ಇತಿ ।
ಕಸ್ತದ್ಯಜ್ಞಸ್ಯ ಶಿರೋ ವೇದೇತಿ ।
ಆವಮಿತಿ ।
ತದ್ವೈ ಪ್ರತಿಸಂಧತ್ತಮಿತಿ ।
ತಾಭ್ಯಾಂ ವೈ ನೌ ಗ್ರಹಂ ಗೃಹ್ಣೀತೇತಿ ।
ತಾಭ್ಯಾಮೇತಮಾಶ್ವಿನಂ ಗ್ರಹಮಗೃಹ್ಣನ್ ।
ತಾವಬ್ರುವನ್ಯುವಮೇವಾಧ್ವರ್ಯೂ ಸ್ಥಸ್ । ತೌ ತತ್ಪ್ರಜಾನನ್ತಾವೇತದ್ಯಜ್ಞಸ್ಯ ಶಿರಃ ಪ್ರತಿಸನ್ಧಾಸ್ಯಥ ಇತಿ ।
ತಥೇತಿ ।
ತಾವಧ್ವರ್ಯೂ ಆಸ್ತಾಮ್ ।
ತತ್ತಾವಪಿಸೋಮಾವಭವತಾಮ್ ೧೨೭

ಅಥ ಹ ಚ್ಯವನೋ ಭಾರ್ಗವಃ ಪುನರ್ಯುವಾ ಭೂತ್ವಾಗಚ್ಛಚ್ಛರ್ಯಾತಂ ಮಾನವಮ್ ।
ತಂ ಪ್ರಾಚ್ಯಾಂ ಸ್ಥಲ್ಯಾಮಯಾಜಯತ್ ।
ತದಸ್ಮೈ ಸಹಸ್ರಮದದಾತ್ ।
ತೇನಾಯಜತ ।
ಏತದ್ವೈ ತಚ್ಚ್ಯವನೋ ಭಾರ್ಗವ ಏತೇನ ಸಾಮ್ನಾ ಸ್ತುತ್ವಾ ಪುನರ್ಯುವಾಭವತ್ । ಕುಮಾರೀಂ ಜಾಯಾಮವಿನ್ದತ । ಸಹಸ್ರೇಣಾಯಜತ ।
ಏತೇ ವಾ ಏತಸ್ಮಿನ್ಸಾಮನ್ಕಾಮಾ । ಏತಾನೇವ ಕಾಮಾನವರುನ್ದ್ಧೇ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ । ಸಮಸ್ಮೈ ಸ ಕಾಮ ಋಧ್ಯತೇ ।
ಅಥೋ ಹ ಸ್ಮೈತೇನೈವ ಸಾಮ್ನಾ ಚ್ಯವನೋ ಭಾರ್ಗವೋ ಯದ್ಯದಶನಂ ಚಕಮೇ ತತ್ತದ್ಧ ಸ್ಮ ಸರಸ್ವತ್ಯೈ ಶೈಶವಾದುದಚತಿ ।
ತದ್ವನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಯದು ಚ್ಯವನೋ ಭಾರ್ಗವೋಽಪಶ್ಯತ್ತಸ್ಮಾಚ್ಚ್ಯಾವನಮಿತ್ಯಾಖ್ಯಾಯತೇ ।
ಪ್ರಾಣಾ ಶಿಶುರ್ಮಹೀನಾಮ್
ಇತಿ ಪಶುರೂಪಮೇವೈತದುಪಾಗಚ್ಛನ್ತಿ ।
ಪಶೂನಾಂ ವೈ ಶಿಶುರ್ಭವತಿ ।
ತಾಸು ಕ್ರೋಶಂ । ಭ್ರಾತೃವ್ಯಹಾ ಸೇನ್ದ್ರಂ ಸಾಮ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮಾಸ್ಯೇನ್ದ್ರೋ ಹವಂ ಗಚ್ಛತಿ ಯ ಏವಂ ವೇದ ।
ತದೈಳಂ ಭವತಿ ಪಶವೋ ವಾ ಇಳಾ ।
ಪಶವ ಏತದಹಃ ಪಶುನಾಮೇವಾವರುದ್ಧಯಿ ೧೨೮

ಪವಸ್ವ ವಾಜಸಾತಯ
ಇತಿ ವಾಜವತೀರನುಷ್ಟುಭೋ ಭವನ್ತ್ಯನ್ನಂ ವೈ ವಾಜೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಪವಿತ್ರೇ ಧಾರಯಾ ಸುತಃ ।
ಇನ್ದ್ರಾ ಯ ಸೋಮ ವಿಷ್ಣವೇ ದೇವೇಭ್ಯೋ ಮಧುಮತ್ತಮಃ
ಇತಿ ವೈಷ್ಣವ್ಯೋ ಭವನ್ತಿ ಯಜ್ಞೋ ವೈ ವಿಷ್ಣುರ್ಯಜ್ಞಸ್ಯೈವಾರಮ್ಭಾಯ ।
ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ।
ಅಥಾಷ್ಟೇಳಃ ಪದಸ್ತೋಭ ಇಳಾನಾಮಯಾತಯಾಮಾವರುಧ್ಯತೇ ।
ತೇನೋ ಹಾಸ್ಮಾ ಏಕಶಫಾಃ ಪಶವಸ್ತಿಷ್ಠನ್ತೇ ।
ಪ್ರಜಾಪತಿಂ ಪ್ರಜಾಸ್ಸಮೃಜಾನಂ ಶೀರ್ಷತಃ ಪಾಪ್ಮಾಗೃಹ್ಣಾತ್ ।
ಸೋಽಕಾಮಯತಾಪ ಪಾಪ್ಮಾನಂ ಹನೀಯೇತಿ ।
ಸ ಏತಾನ್ಪದಸ್ತೋಭಾನಪಶ್ಯತ್ ।
ತೈರಸ್ತುತ ।
ತೈಃ ಪಾಪ್ಮಾನಮಪಾಹತ ।
ತಾನಪವೇಷ್ಟಯನ್ನಿವ ಗಾಯೇತ್ ।
ಅಪವೇಷ್ಟಯನ್ನಿವ ವೈ ಸ ತಚ್ಛೀರ್ಷತೋಽಗ್ರೇ ಪಾಪ್ಮಾನಮಪಜಘ್ನೇ ।
ಅಪವೇಷ್ಟಯನ್ನಿವೈವ ಶೀರ್ಷತೋಽಗ್ರೇ ಪಾಪ್ಮಾನಮಪಹತೇ ಯ ಏವಂ ವೇದ ೧೨೯

ಋಷೀಣಾಂ ವಾ ಅಗ್ರೇ ಮನ್ತ್ರಶ್ಚೈವ ಪ್ರಜಾ ಚಾಸೀನ್ನ ಪಶವಃ ।
ತೇಽಕಾಮಯನ್ತಾವ ಪಶೂನ್ರುನ್ಧೀಮಹೀತಿ ।
ತೇ ಸಂವತ್ಸರೇ ಪಶೂನ್ಪರ್ಯಪಶ್ಯನ್ ।
ತಾನೇತೇನಾಷ್ಟೇಳೇನ ಪದಸ್ತೋಭೇನೋದಸೃಜನ್ತ ।
ತೇಽಬ್ರುವನ್ನಸ್ತಿ ನ್ವಾ ಇತಿ ।
ತಾನ್ಷಡಿಳೇನೋದಸೃಜನ್ತ ।
ತೇಽಬ್ರುವನ್ನಸ್ತಿ ನ್ವಾ ಇತಿ ।
ತಾಂಶ್ಚತುರಿಳೇನೋದಸೃಜನ್ತ ।
ತೇಽಬ್ರುವನ್ನಸ್ತಿ ನ್ವಾವೇತಿ ।
ತಾನ್ದ್ವೀಲೇನೋದಸೃಜನ್ತ ।
ತೇ ವಾ ಏತೇ ಪಶವ ಏವ ಯತ್ಪದಸ್ತೋಭಾಃ ।
ಪಶವ ಏತದಹಃ ।
ಪಶುಮಾನ್ಭವತಿ ಯ ಏವಂ ವೇದ ।
ತ ಉ ಸರ್ವೇ ಜಾಗತಾ ಭವನ್ತಿ ।
ಪಶವೋ ವೈ ಜಗತೀ ।
ತೇನೋ ಹೈವಾಸ್ಮಿಂಸ್ತದಪ್ಯೇಕಶಫಾಃ ಪಶವಸ್ತಿಷ್ಠನ್ತೇ ಯತ್ಸರ್ವೇ ಜಾಗತಾ ಭವನ್ತಿ ।
ಸರ್ವೇ ಹಿ ಜಾಗತಾಃ ಪಶವಃ ೧೩೦

ಅಥ ಪಾರ್ಥಂ ದ್ವಿಯಭ್ಯಾಸಂ ದ್ವಿತೀಯಸ್ಯಾಹ್ನೋ ರೂಪಮ್ ।
ದ್ವಿತೀಯಂ ಹ್ಯೇತದಹರಾಯತನೇನ ।
ಅಥ ಋಷಭಶ್ಶಾಕ್ವರಃ ।
ಪಶವೋ ವೈ ಸಿಮಾಃ । ಪಶವೋ ರೇವತಯಃ । ಪಶವ ಋಷಭಃ ।
ಋಷಭಮೇವೈತತ್ಪಶುಷ್ವಪಿಸೃಜನ್ತಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ಸ ಉ ದ್ವಾಭ್ಯಾಂ ದ್ವಾಭ್ಯಾಂ ದೇವತಾಭ್ಯಾಂ ಪ್ರತಿತಿಷ್ಠತಿ ।
ತಸ್ಮಾದೃಷಭ ಸ್ಕನ್ದನ್ದ್ವಿಪಾದ್ಭವತಿ ।
ತಾ ಏತಾಶ್ಚತುರಕ್ಷರಾ ದೇವತಾ ಭವನ್ತಿ ।
ತಸ್ಮಾದ್ದ್ವಿಪಾತ್ಸ್ಕನ್ದತಿ ।
ಚತುಷ್ಪದಃ ಪ್ರಜನಯತಿ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ಸ ಉ ಪಾಂಕ್ತಃ ।
ಪಾಂಕ್ತೇಽಹನಿ ಕ್ರಿಯತೇ ರೂಪಸಮೃದ್ಧತಾಯೈ ।
ಇನ್ದುರ್ವಾಜೀ ಪವತೇ ಗೋನ್ಯೋಘಾ
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ತಾಸು ದಾಶಸ್ಪತ್ಯಮುಕ್ತಬ್ರಾಹ್ಮಣಮ್ ।
ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಆ ತೇ ಅಗ್ನ ಏಧೀಮಹೀ
ತ್ಯಾವತೀರ್ಭವನ್ತಿ ।
ಅಪಚ್ಛಿದ್ಯೇವ ವಾ ಏತದ್ಯಜ್ಞಕಾಣ್ಡಂ ಯದುಕ್ಥಾನಿ ।
ತದ್ಯದಾವತೀರ್ಭವನ್ತಿ ಯಜ್ಞಸ್ಯೈವ ಸಲೋಮತಾಯೈ ೧೩೧

ತಾಸು ಸಂಜಯಮ್ ।
ದೇವಾಸುರಾ ವಾ ಏಷು ಲೋಕೇಷ್ವಸ್ಪರ್ಧನ್ತ ।
ಅಸ್ಮಿನ್ಭುವನೇ ತೇ ದೇವಾ ಅಕಾಮಯನ್ತ ಸಮಿಮಾಁ ಲ್ಲೋಕಾಞ್ಜಯೇಮ ಜಯೇಮಾಸುರಾನ್ಸ್ಪರ್ಧಾಂ ಭ್ರಾತೃವ್ಯಾನಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನೇಮಾಁ ಲ್ಲೋಕಾನ್ಸಮಜಯನ್ನ್ । ಅಜಯನ್ಸ್ಪರ್ಧಾಂ ಭ್ರಾತೃವ್ಯಾನಸುರಾನ್ ।
ತದ್ಯದಿಮಾಁ ಲ್ಲೋಕಾನ್ಸಮಜಯಂಸ್ತತ್ಸಂಜಯಸ್ಯ ಸಂಜಯತ್ವಮ್ ।
ಸಮಿಮಾಁ ಲ್ಲೋಕಾಞ್ಜಯತಿ । ಜಯತಿ ಸ್ಪರ್ಧಾಂ ದ್ವಿಷನ್ತಂ ಭ್ರಾತೃವ್ಯಂ । ಯ ಏವಂ ವೇದ ।
ತದು ಪಾಂಕ್ತಂ । ಪಾಂಕ್ತೇಽಹನ್ಕ್ರಿಯತೇ ಪಾಂಕ್ತಾ ವೈ ಪಶವಃ ।
ಪಶವ ಏತದಹಃ ಪಶೂನಾಮೇವಾವರುದ್ಧ್ಯೈ ।
ತದ್ವೇವಾಚಕ್ಷತೇ ದ್ವಿಹಿಂಕಾರಂ ವಾಮದೇವ್ಯಮಿತಿ ।
ಪಶವೋ ವೈ ಸಿಮಾಃ । ಪಶವೋ ರೇವತಯಃ । ಪಶವೋ ದ್ವಿಹಿಂಕಾರಂ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಅಥೋ ಯದೇವೈತಸ್ಮಿನ್ನಹನ್ನೂರ್ಧ್ವಂ ಶಕ್ವರೀಭ್ಯಃ ಕ್ರೂರಮಿವ ಕ್ರಿಯತೇ ತದೇವೈತಾಭ್ಯಾಂ ಹಿಂಕಾರಾಭ್ಯಾಂ ಶಮಯನ್ತಿ ।
ಅಥ ಸೌಮಿತ್ರಂ ಭ್ರಾತೃವ್ಯಹಾ ಸೇನ್ದ್ರಂ ಸಾಮ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮಾಸ್ಯೇನ್ದ್ರೋ ಹವಂ ಗಚ್ಛತಿ ಯ ಏವಂ ವೇದ ೧೩೨

ತ್ರಯೋ ಬ್ರಹ್ಮಾಪಶ್ಯನ್ । ನೋಧಾಸ್ತೃತೀಯಂ । ಸುಮಿತ್ರಸ್ತೃತೀಯಂ । ಬೃಹದುಕ್ಥಸ್ತೃತೀಯಮ್ ।
ತದ್ಯತ್ಪ್ರಥಮೇ ತ್ರಿಯಹೇ ನೌಧಸಂ ಕ್ರಿಯತೇ । ತೇನ ಪ್ರಥಮಸ್ತ್ರಿಯಹೋ ಬ್ರಹ್ಮಣ್ವಾನ್ಕ್ರಿಯತೇ ।
ಅಥ ಯತ್ತೃತೀಯೇ ತ್ರಿಯಹೇ ಬಾರ್ಹದುಕ್ಥಂ ಕ್ರಿಯತೇ ತೇನೈವ ತೃತೀಯಸ್ತ್ರಿಯಹೋ ಬ್ರಹ್ಮಣ್ವಾನ್ಕ್ರಿಯತೇ ।
ಏತೈರ್ಹ ವೈ ಸಾಮಭಿರೇತೇ ತ್ರಿಯಹಾ ಬ್ರಹ್ಮಣ್ವನ್ತಃ ಕ್ರಿಯನ್ತೇ ।
ತತ್ಪಞ್ಚಾಕ್ಷರಣಿಧನಂ ಭವತಿ ಪಞ್ಚಮಸ್ಯಾಹ್ನೋ ರೂಪಂ ಪಞ್ಚರಾತ್ರಸ್ಯ ಸನ್ತತ್ಯಾ ಅವ್ಯವಚ್ಛೇದಾಯ ।
ಅಸಾವಿ ಸೋಮ ಇನ್ದ್ರ ತ
ಇತ್ಯಸಾವೀತಿ ಸಿಮಾನಾಂ ರೂಪಮ್ ೧೩೩

ತಾಸು ಮಹಾವೈಶ್ವಾಮಿತ್ರಮ್ ।
ಏತೇನ ವೈ ವಿಶ್ವಾಮಿತ್ರೋ ಮಹಿಮಾನಂ ಭೂಮಾನಮಭಿಪೂರ್ವಂ ಪಶೂನಾಮವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಮಹಿಮಾನಮೇವ ಭೂಮಾನಮಭಿಪೂರ್ವಂ ಪಶೂನಾಮವರುನ್ದ್ಧೇ ಯ ಏವಂ ವೇದ ।
ಇನ್ದ್ರೋ ವೈ ವೃತ್ರಮಜಿಘಾಂಸತ್ ।
ಸ ವಿಶ್ವಾಮಿತ್ರಮುಪಾಧಾವದೃಷ ಉಪ ತ್ವಾ ಧಾವಾಮ । ಇಹ ನೋಽಧಿಬ್ರೂಹೀತಿ ।
ಸ ಏತದ್ವಿಶ್ವಾಮಿತ್ರಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವಾ ಇನ್ದ್ರೋ ವೃತ್ರಮಹನ್ ।
ಸೋಽಬ್ರವೀನ್ಮಹದ್ವಾ ಇದಂ ವಿಶ್ವಾಮಿತ್ರಸ್ಯಾಭೂದಿತಿ ।
ತದೇವ ಮಹಾವೈಶ್ವಾಮಿತ್ರಸ್ಯ ಮಹಾವೈಶ್ವಾಮಿತ್ರತ್ವಮ್ ।
ತದು ಭ್ರಾತೃವ್ಯಹಾ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತತ್ತ್ರೀಳಂ ಭವತಿ ಪಶವೋ ವಾ ಇಳಾ ।
ಪಶವ ಏತದಹರಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ।
ಭೇಷಜಂ ಹ ಖಲು ವೈ ತಿಸ್ರ ಇಳಾಃ ।
ಏತದ್ಧ ವೈ ಶಿವಂ ಶಾನ್ತಂ ವಾಚೋ ಯತ್ತಿಸ್ರ ಇಳಾಃ ।
ತದ್ಯತ್ತ್ರೀಳಂ ಪಞ್ಚಮೇಽಹನಿ ಭವತಿ ತೇನೈವ ತ್ರಿಣವಂ ಚ ಸ್ತೋಮಂ ಶಮಯನ್ತಿ ।
ಸಿಮಾಶ್ಚಾದಿತ್ಯಾದೃತವ ಉದಕ್ರಾಮನ್ ।
ಸೋಽಕಾಮಯತ ನ ಮದೃತವ ಉತ್ಕ್ರಾಮೇಯುರಭಿ ಮಾ ವರ್ತೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಹೇಹಯಾ ಓ ಹಾ ಓ ಹಾ ಇತಿ ಹಯಾ ಹ ವಾ ಅಸ್ಯೈತೇ ಯಥಾಶ್ವಾ ಸ್ಯುರೇವಮ್ ।
ತತೋ ವೈ ತಸ್ಮಾದೃತವೋ ನೋದಕ್ರಾಮನ್ ।
ತತ ಏನಮುಪಾವರ್ತನ್ತ ।
ತಂ ಪ್ರಾವಿಶನ್ ।
ತಾನಭ್ಯಾರೋಹತ್ ।
ಸ ಏಷ ಋತುಷು ಚ ಸಂವತ್ಸರೇ ಚೈತಸ್ಯಾಂ ಶ್ರಿಯಾಮಧ್ಯೂಢಸ್ತಪತಿ ।
ಯದು ವಿಶ್ವಾಮಿತ್ರೋಽಪಶ್ಯತ್ತಸ್ಮಾನ್ಮಹಾವೈಶ್ವಾಮಿತ್ರಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೧೩೪

ಜ್ಯೋತಿರ್ಯಜ್ಞಸ್ಯ ಪವತೇ ಮಧು ಪ್ರಿಯಮ್
ಇತಿ ಸಿಮಾನಾಂ ರೂಪಮ್ ।
ಸಮಾನಂ ವೈ ಸಿಮಾನಾಂ ಚ ರೇವತೀನಾಂ ಚ ರೂಪಮ್ ।
ಸಿಮಾಭ್ಯೋ ವಾ ಅಧಿ ರೇವತಯೋ ನಿರ್ಮಿತಾಃ ।
ಜ್ಯೋತಿರಿತ್ಯಾಹ ।
ಜ್ಯೋತಿರೇವೈತತ್ಪ್ರಜಾಸು ದಧಾತಿ ।
ಜ್ಯೋತಿರಿತಿ ಚ ಹ ಖಲು ವೈ ಪವತ ಇತಿ ಚ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯೋ ಏತದಹಸ್ತಾಯತೇ ।
ಪಿತಾ ದೇವಾನಾಂ ಜನಿತಾ ವಿಭೂವಸುರ್
ಇತಿ ಪ್ರಜಾಪತಿರ್ವೈ ಪಿತಾ ದೇವಾನಾಂ । ಸ ಜನಿತಾ । ಸ ವಿಭೂವಸುಃ ।
ಪ್ರಾಜಾಪತ್ಯಮೇತದಹಃ ।
ದಧಾತಿ ರತ್ನಂ ಸ್ವಧಯೋರಪೀಚ್ಯಂ ಮದಿನ್ತಮೋ ಮತ್ಸರ ಇನ್ದ್ರಿ ಯೋ ರಸ
ಇತಿ ।
ರಸೋ ಹ್ಯೇತದಹಃ ।
ಯೋ ವೈ ಪಞ್ಚಮಾದಹ್ನೋ ರಸೋಽತ್ಯನೇದತ್ತದೇತದಹರಭವತ್ ।
ಸ ಏಷ ರಸ ಏವ ।
ಅಭಿಕ್ರನ್ದನ್ಕಲಶಂ ವಾಜ್ಯರ್ಷತೀ
ತ್ಯೃಷಭಂ ಏವೈತತ್ಪ್ರಾತಸ್ಸವನೇ ರೇವತೀಷ್ವಪಿಸೃಜನ್ತಿ ಪ್ರಜನನಾಯ ।
ಪತಿರ್ದಿವಶ್ಶತಧಾರೋ ವಿಚಕ್ಷಣ
ಇತಿ ಯದ್ವೈ ಶತವತ್ಸಹಸ್ರವತ್ತಜ್ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ಹರಿರ್ಮಿತ್ರಸ್ಯ ಸದನೇಷು ಸೀದತಿ ಮರ್ಮೃಜಾನೋಽವಿಭಿಸ್ಸಿನ್ಧುಭಿರ್ವೃಷೇ
ತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಅಗ್ರೇ ಸಿನ್ಧೂನಾಂ ಪವಮಾನೋ ಅರ್ಷಸ್ಯಗ್ರೇ ವಾಚೋ ಅಗ್ರಿಯೋ ಗೋಷು ಗಚ್ಛಸಿ ।
ಅಗ್ರೇ ವಾಜಸ್ಯ ಭಜಸೇ ಮಹದ್ಧನಂ ಸ್ವಾಯುಧಸ್ಸೋತೃಭಿಸ್ಸೋಮ ಸೂಯಸೇ
ಇತ್ಯಗ್ರಮಗ್ರಮಿತಿ ಭವತಿ ।
ಅಗ್ರಂ ಹ್ಯೇತದಹರ್ಯದ್ಬಾರ್ಹತಮ್ ।
ಅಗ್ರಂ ತ್ರಯಸ್ತ್ರಿಂಶ ಸ್ತೋಮಾನಾಮ್ ।
ತಮೇವೈತದ್ರೇ ವತಯೋಽನು ೧೩೫

ತಾ ಏತಾ ಭವನ್ತಿ ಜಗತ್ಯೋ ಜಗದ್ವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮೃದ್ಧಯನ್ತಿ ಸಂ ತತ್ರರ್ಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಅಸೃಕ್ಷತ ಪ್ರ ವಾಜಿನ
ಇತ್ಯನುರೂಪೋ ಭವತಿ ಭೂತಾನುವಾದಿನೀಃ ।
ಷಡಹಮೇವೈತದೇತಾಸ್ಸೃಷ್ಟಮನುವದನ್ತಿ ।
ತದಾಹುರಹ್ನ ಏವ ರೂಪಂ ಸ್ತೋತ್ರಿಯೇಣಾರಭನ್ತೇಽನುರೂಪೇಣ ಸಾಮ್ನ ಇತಿ ।
ಸ್ತೋತ್ರಿಯಾನುರೂಪೌ ಭವತಃ ।
ಪ್ರಾಣೋ ವೈ ಸ್ತೋತ್ರಿಯೋಽಪಾನೋಽನುರೂಪಃ ।
ಪ್ರಾಣಾಪಾನಾಭ್ಯಾಮೇವೈತತ್ಸಮೃಧ್ಯ ಪ್ರಯನ್ತಿ ।
ಗವ್ಯಾ ಸೋಮಾಸೋ ಅಶ್ವಯಾ ।
ಶುಕ್ರಾಸೋ ವೀರಯಾಶವಃ
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ಶುಮ್ಭಮಾನಾ ಋತಾಯುಭಿರ್ಮೃಜ್ಯಮಾನಾ ಗಭಸ್ತ್ಯೋಃ ।
ಪವನ್ತೇ ವಾರೇ ಅವ್ಯಯೇ
ಇತಿ ರೂತಿ ರೇವತೀನಾಂ ರೂಪಮ್ ।
ತೇ ವಿಶ್ವಾ ದಾಶುಷೇ ವಸ್ವಿತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಸೋಮಾ ದಿವ್ಯಾನಿ ಪಾರ್ಥಿವಾ ।
ಪವನ್ತಾಮಾನ್ತರಿಕ್ಷ್ಯಾ
ಇತೀಮಾಁ ಲ್ಲೋಕಾನ್ಸಮಾರಭತೇ ।
ಇಮೇ ವೈ ಲೋಕಾಃ ಪ್ರಜಾಪತಿಃ ।
ಪ್ರಾಜಾಪತ್ಯಮೇತದಹಃ ।
ಷಷ್ಠಾಯತನೋ ವೈ ಪ್ರಜಾಪತಿರ್ದೇವತಾನಾಮ್ ೧೩೬

ಪವಸ್ವ ದೇವವೀರತೀ
ತಿ ದಶರ್ಚಸ್ಯ ಪ್ರಭೃತಿರ್ಭವತ್ಯತಿ ಪ್ರಾದೇತಿ ವಾ ಆಹುರುಪಸ್ಥಿತಮ್ ।
ಉಪಸ್ಥಿತಮಿವೈತದಹಃ ।
ಪವಿತ್ರಂ ಸೋಮ ರಂಹ್ಯಾ ।
ಇನ್ದ್ರ ಮಿನ್ದೋ ವೃಷಾ ವಿಶ
ಇತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಆ ವಚ್ಯಸ್ವ ಮಹಿ ಪ್ಸರ
ಇತಿ ಆವತೀರ್ಭವನ್ತ್ಯನತಿಪಾದಾಯೈವ ।
ಅನ್ತಮಿವ ಹ್ಯೇತರ್ಹಿ ಗಚ್ಛನ್ತಿ ।
ಷಡಹಾನ್ನೇತ್ಪರಾಞ್ಚೋಽತಿಪದ್ಯಾಮಹಾ ಇತಿ ।
ಅಧುಕ್ಷತ ಪ್ರಿಯಂ ಮಧ್ವಿತಿ ಯದ್ವೈ ಮಹಾನಾಮ್ನೀನಾಂ ದುಗ್ಧಂ ಪಯಸ್ತಾ ರೇವತಯೋಽಭವನ್ ।
ಮಹಾನಾಮ್ನೀನಾಂ ವಾ ಏತದ್ದುಗ್ಧಂ ಪಯೋ ಯದ್ರೇ ವತಯಃ ।
ಮಹಾನ್ತಂ ತ್ವಾ ಮಹೀರನ್ವಿತಿ ತ್ರಯಸ್ತ್ರಿಂಶೋ ವೈ ಸ್ತೋಮೋ ಮಹಾನ್ ।
ತಮೇವೈತದ್ರೇ ವತಯಃ ।
ಆಪೋ ಅರ್ಷನ್ತಿ ಸಿನ್ಧವಃ ।
ಯದ್ಗೋಭಿರ್ವಾಸಯಿಷ್ಯಸೇ
ಸಮುದ್ರೋ ಅಪ್ಸು ಮಾಮೃಜೇ ವಿಷ್ಟಮ್ಭೋ ಧರುಣೋ ದಿವಃ ।
ಸೋಮಃ ಪವಿತ್ರೇ ಅಸ್ಮಯುಃ
ಇತ್ಯಪ್ಸುಮತೀರ್ಭವನ್ತಿ ।
ಆಪೋ ಹ್ಯೇತದಹಃ ।
ಅಚಿಕ್ರದದ್ವೃಷಾ ಹರಿರ್
ಇತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಂ ಹ್ಯೇತದಹಃ ।
ಮಹಾನ್ಮಿತ್ರೋ ನ ದರ್ಶತ
ಇತಿ ಮಹದ್ಧ್ಯೇತದಹರ್ಯತ್ತ್ರಯಸ್ತ್ರಿಂಶಮ್ ।
ಗಿರಸ್ತ ಇನ್ದ್ರ ಓಜಸಾ ಮರ್ಮೃಜ್ಯನ್ತೇ ಅಪಸ್ಯುವಃ ।
ಯಾಭಿರ್ಮದಾಯ ಶುಮ್ಭಸೇ
ತಂ ತ್ವಾ ಮದಾಯ ಘೃಷ್ವಯ ಉ ಲೋಕಕೃತ್ನುಮೀಮಹೇ ।
ತವ ಪ್ರಶಸ್ತಯೇ ಮಹೇ
ಗೋಷಾ ಇನ್ದೋ ನೃಷಾ ಅಸ್ಯಶ್ವಸಾ ವಾಜಸಾ ಉತ ।
ಆತ್ಮಾ ಯಜ್ಞಸ್ಯ ಪೂರ್ವ್ಯಃ
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ಅಸ್ಮಭ್ಯಮಿನ್ದವಿನ್ದ್ರಿ ಯಂ ಮಧೋಃ ಪವಸ್ವ ಧಾರಯಾ ।
ಪರ್ಜನ್ಯೋ ವೃಷ್ಟಿಮಂ ಇವ
ಇತಿ ದಶರ್ಚಂ ಭವತಿ ದಶಾಕ್ಷರಾ ವಿರಾಡ್ । ಅನ್ನಂ ವಿರಾಡ್ ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ೧೩೭

ಸನಾ ಚ ಸೋಮ ಜೇಷಿ ಚೇ
ತ್ಯುತ್ತರಂ ದಶರ್ಚಂ ಭವತಿ ।
ಅಭಿಪೂರ್ವಮೇವೈತೇನ ವಿರಾಜಮನ್ನಾದ್ಯಮವರುನ್ಧತೇ ।
ಋಷಯೋ ವಾ ಏತದೃದ್ಧಿಕಾಮಾ ಉಪೋತ್ಥಾನಂ ಪ್ರಿಯಂ ವಾಚೋಽಪಶ್ಯನ್ನ್
ಅಥಾ ನೋ ವಸ್ಯಸಸ್ಕೃಢ್ಯ್ । ಅಥಾ ನೋ ವಸ್ಯಸಸ್ಕೃಧೀ
ತಿ ।
ತೇನಾಸ್ತುವತ ।
ತತೋ ವೈ ತೇ ಸರ್ವ ಏವಾರ್ಧ್ನುವನ್ ।
ಸರ್ವೇ ಹೈವರ್ಧ್ನುವನ್ತಿ ಯ ಏವಂ ವಿದ್ವಾಂಸ ಏತೇನ ದಶರ್ಚೇನ ಸ್ತುವತೇ ।
ಉಪರಿಷ್ಟಾದುದರ್ಕಂ ದಧತಿ ।
ರಸೋ ವೈ ಷಷ್ಠಮಹಃ ।
ತಸ್ಯಾನತಿನೇದಾಯ ।
ಸ ಯಥಾಪಾಂ ವಾರ್ತ್ರಂ ದಿಹ್ಯಾತ್ತಾದೃಗೇವೈತದುಪರಿಷ್ಟಾದುದರ್ಕಂ ದಧತಿ ರಸಸ್ಯಾನತಿನೇದಾಯ ।
ಚತುರೃಚೋ ಭವತಿ ಚತುಷ್ಪದಾಂ ಪಶೂನಾಮೇವಾವರುದ್ಧ್ಯೈ ।
ಪರೋಕ್ಷಂ ದ್ವಿಪದಾ ಭವನ್ತಿ । ದ್ವಿಪದಾಂ ಪಶೂನಾಮವರುದ್ಧ್ಯೈ ।
ವಿ ನಾರಾಶಂಸಮಿವ ಭವತ್ಯುಭಯೋಃ ಕಾಮಯೋರುಪಾಪ್ತ್ಯೈ ।
ಯಚ್ಚ ದಿವ್ಯೋ ಯಚ್ಚ ಮಾನುಷ ಉಪರಿಷ್ಟಾದುದರ್ಕಂ ದಧತಿ ।
ರಸೋ ವೈ ಷಷ್ಠಮಹಃ ।
ತಸ್ಯಾನತಿನೇದಾಯ ೧೩೮

ಅಥ ಹ ವೈ ತರನ್ತಪುರುಮೀಢೌ ವೈತದಶ್ವೀ ಧ್ವಸ್ರಯೋಃ ಪುರುಷನ್ತ್ಯೋರ್ಬಹು ಪ್ರತಿಗೃಹ್ಯ ಗರಗಿರಾವಿವ ಮೇನಾತೇ ।
ತೌ ಹ ಸ್ಮಾಂಗುಲ್ಯಾ ಸಾತಂ ಪ್ರತಿಮಮೃಶಾತೇ ।
ತಾವಕಾಮಯೇತಾಮಸಾತಂ ನಾವಿದಂ ಸಾತಂ ಸ್ಯಾದಾತ್ತಮಿವೈವ ನ ಪ್ರತಿಗೃಹೀತಮಿತಿ ।
ತಾವೇತಚ್ಚತುರೃಚಮಪಶ್ಯತಾಂ । ತೇನ ಪ್ರತ್ಯೈತಾಮ್ ।
ತತೋ ವೈ ತಯೋರಸಾತಂ ಸಾತಮಭವದಾತ್ತಮಿವೈವ ನ ಪ್ರತಿಗೃಹೀತಮ್ ।
ಸ ಯಃ ಪ್ರತಿಗೃಹ್ಯ ಕಾಮಯೇತಾಸಾತಮ್ಮ ಇದಂ ಸಾತಂ ಸ್ಯಾದಾತ್ತಮಿವೈವ ನ ಪ್ರತಿಗೃಹೀತಮಿತಿ ಸ ಹೈತೇನ ಚತುರೃಚೇನ ಪ್ರತೀಯಾತ್ ।
ಅಸಾತಂ ಹೈವಾಸ್ಯ ಸಾತಂ ಭವತ್ಯಾತ್ತಮೇವೈವ ನ ಪ್ರತಿಗೃಹೀತಮ್ ।
ಏತೇ ಸೋಮಾ ಅಸೃಕ್ಷತೇ
ತ್ಯೇತಾ ಅನ್ತ್ಯಾ ಭವನ್ತಿ ಭೂತಾನುವಾದಿನೀರು ಏವ ।
ಷಡಹಮೇವೈತದೇತಾಸ್ಸೃಷ್ಟಮನುವದನ್ತಿ ।
ಅಭಿ ಗವ್ಯಾನಿ ವೀತಯೇ ನೃಮ್ಣಾ ಪುನಾನೋ ಅರ್ಷಸಿ ।
ಸನದ್ವಾಜಃ ಪರಿ ಸ್ರವ
ಇತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ಉತ ನೋ ಗೋಮತೀರಿಷೋ ವಿಶ್ವಾ ಅರ್ಷ ಪರಿಷ್ಟುಭಃ ।
ಗೃಣಾನೋ ಜಮದಗ್ನಿನಾ
ಇತಿ ಪರ್ಯಾಸೋ ಭವತಿ ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ತ್ರಯಸ್ತ್ರಿಂಶ ಸ್ತೋಮೋ ಭವತಿ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾಸ್ವೇವೈತದ್ದೇವತಾಸು ಪ್ರತಿತಿಷ್ಠನ್ತೋ ಯನ್ತಿ ೧೩೯

ತದಾಹುರ್ಮಿಥುನಾನಿ ಪಞ್ಚಾಹಾನ್ಯ್ । ಅಮಿಥುನಂ ಷಷ್ಠಮಹಃ ।
ತದ್ಯದ್
ಇಮಂ ಸ್ತೋಮಮರ್ಹತೇ ಜಾತವೇದಸ
ಇತ್ಯಾಗ್ನೇಯಮಾಜ್ಯಂ ಭವತಿ । ತೇನೈವ ಮಿಥುನಂ ಷಷ್ಠಮಹಃ ಕ್ರಿಯತೇ ।
ರಥಮಿವ ಸಂ ಮಹೇಮಾ ಮನೀಷಯೇ
ತ್ಯೇತೇನ ಮಿಥುನಂ ಕ್ರಿಯತೇ ।
ಹೋತಾ ವೈ ಪೂರ್ವೇಷ್ವಹಸ್ಸು ಯಜಮಾನಾಯಾಶಿಷಮಾಶಾಸ್ತ ಉದ್ಗಾತೈತಸ್ಮಿನ್ ।
ಯೋ ವೈ ಸಾಮ್ನಾಶಿಷಮಾಶಾಸ್ತೇ ಮೀಯತ ಇವ ವೈ ತಸ್ಯ ।
ತದ್ಯದ್
ಅಗ್ನೇ ಸಖ್ಯೇ ಮಾ ರಿಷಾಮಾ ವಯಃ ತವ । ಅಗ್ನೇ ಸಖ್ಯೇ ಮಾ ರಿಷಾಮಾ ವಯಂ ತವೇ
ತಿ ಭವತಿ । ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತಥಾ ಹಾಸ್ಯ ನ ಮೀಯತೇ ।
ಉಪರಿಷ್ಟಾದುದರ್ಕಂ ದಧತಿ ।
ರಸೋ ವೈ ಷಷ್ಠಮಹಸ್ತಸ್ಯಾನತಿನೇದಾಯ ।
ಸ ಯಥಾಪಾಂ ವಾರ್ತ್ರಂ ದಿಹ್ಯಾತ್ತಾದೃಗೇವೈತದುಪರಿಷ್ಟಾದುದರ್ಕಂ ದಧತಿ ರಸಸ್ಯಾನತಿನೇದಾಯ ೧೪೦

ಪ್ರತಿ ವಾಂ ಸೂರ ಉದಿತ
ಇತಿ ಮೈತ್ರಾವರುಣಂ ಭವತಿ ।
ಪ್ರತಿ ಹ್ಯೇತರ್ಹಿ ಸ್ತೋಮಾಶ್ಛನ್ದೋ ಹ್ಯೃತವೋ ಗ್ರಹಾ ಆವರ್ತನ್ತೇ ।
ಅಥೋ ಯತ್
ಪ್ರತಿ ವಾಮ್
ಇತಿ ಭವತಿ ತಸ್ಮಾದು ಹೇದಂ ಯಥರ್ತ್ವನ್ನಾದ್ಯಂ ಪ್ರತಿಧೀಯತ ಉಪರಿಷ್ಟಾದುದರ್ಕಾಣ್ಯನ್ಯಾನಿ ಸ್ತೋತ್ರಾಣಿ ಭವನ್ತಿ ।
ಅಥೈತದನುಪರಿಷ್ಟಾದುದರ್ಕಮ್ ।
ಪ್ರಾಣಾಪಾನೌ ವೈ ಮೈತ್ರಾವರುಣೌ ।
ಯದುಪರಿಷ್ಟಾದುದರ್ಕಂ ದಧ್ಯುಃ ಪ್ರಾಣಾಪಾನಾವಪಿಹನ್ಯುಃ ।
ತದ್ಯದನುಪರಿಷ್ಟಾದುದರ್ಕಂ ದಧತಿ ಪ್ರಾಣಾಪಾನಾಭ್ಯಾಮೇವೋತ್ಸೃಷ್ಟ್ಯೈ ।
ಭಿನ್ಧಿ ವಿಶ್ವಾ ಅಪ ದ್ವಿಷ
ಇತ್ಯೈನ್ದ್ರಂ ಭವತಿ ।
ಪರಿ ಬಾಧೋ ಜಹೀ ಮೃಧ
ಇತಿ ಘ್ನದ್ವತ್ ।
ಏತದ್ವೈ ಯಜಮಾನಸ್ಯ ಸ್ವಂ ಸ್ತೋತ್ರಂ ಯದ್ಬ್ರಹ್ಮಣಃ ।
ಸ್ವ ಏವ ತದಾಯತನೇ ಯಜಮಾನಸ್ಯ ಸರ್ವಂ ಪಾಪ್ಮಾನಂ ಘ್ನನ್ತಿ ।
ವಸು ಸ್ಪಾರ್ಹಂ ತದಾ ಭರ ಯಸ್ಯ ತೇ ವಿಶ್ವಮಾನುಷಗ್ಭೂರೇರ್ದತ್ತಸ್ಯ ವೇದತಿ ।
ವಸು ಸ್ಪಾರ್ಹಂ ತದಾ ಭರ
ಯದ್ವೀಳಾವಿನ್ದ್ರ ಯತ್ಸ್ಥಿರೇ ಯತ್ಪರ್ಶಾನೇ ಪರಾಭೃತಮ್ ।
ವಸು ಸ್ಪಾರ್ಹಂ ತದಾ ಭರ
ಇತಿ ।
ಪಶವೋ ವೈ ವಸು ಸ್ಪಾರ್ಹಮ್ ।
ಅನ್ನಮು ವೈ ಪಶವಃ ।
ಏತಾಂಸ್ತದುದ್ಗಾತಾ ಯಜಮಾನಾಯಾಶಿಷಮಾಶಾಸ್ತ । ಉಪರಿಷ್ಟಾದುದರ್ಕಂ ದಧತಿ ।
ರಸೋ ವೈ ಷಷ್ಠಮಹಸ್ತಸ್ಯಾನತಿನೇದಾಯ ೧೪೧

ಯಜ್ಞಸ್ಯ ಹಿ ಸ್ಥ ಋತ್ವಿಜಾ
ಇತ್ಯೈನ್ದ್ರಾ ಗ್ನಂ ಭವತಿ ।
ಅತ್ರೇನ್ದ್ರಾ ಗ್ನೀ ಆರ್ತ್ವಿಜ್ಯಾಯ ವೃಣೀತೇಽತ್ರೇನ್ದ್ರಾ ಗ್ನಿಭ್ಯಾಂ ಯಜ್ಞಂ ಸಂಪ್ರದಾಯ ನಿರ್ಮುಚ್ಯತೇ ।
ತಸ್ಯ ನ ಮೀಯತೇ ಯಥಾ ಪುರಮೇವ ಭವತೀನ್ದ್ರಾ ಗ್ನೀ ಏವಾತಃ ಪ್ರಆಚೀನಮಾರ್ತ್ವಿಜ್ಯಂ ಕುರುತಃ ।
ಇದಂ ವಾಂ ಮದಿರಂ ಮಧ್ವಧುಕ್ಷನ್ನದ್ರಿ ಭಿರ್ನರಃ ।
ಇನ್ದ್ರಾ ಗ್ನೀ ತಸ್ಯ ಬೋಧತಮಿತಿ ಶಕ್ವರೀಣಾಂ ಚ ರೇವತೀನಾಂ ಚ ರೂಪಮ್ ।
ತೋಶಾಸಾ ರಥಯಾವಾನಾ ವೃತ್ರಹಣಾಪರಾಜಿತಾ ।
ಇನ್ದ್ರಾ ಗ್ನೀ ತಸ್ಯ ಬೋಧತಮಿತಿ ವಾರ್ತ್ರಘ್ನಮ್ಭವತ್ಯನ್ತತೋ ವಿಜಿತ್ಯೈ ।
ಏತೇನ ವೈ ಷಡಹೇನ ದೇವಾ ಅಗ್ರೇ ವ್ಯಜಯನ್ತ ।
ತದ್ಯದೇತದ್ವಾರ್ತ್ರಘ್ನಮನ್ತತ ಆಜ್ಯಂ ಕ್ರಿಯತೇ । ವಿಜಿತ್ಯಾ ಏವ ಭ್ರಾತೃವ್ಯಸ್ಯೈವ ವಧಾಯ ।
ವಿಜಯತೇ ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಉಪರಿಷ್ಟಾದುದರ್ಕಂ ದಧತಿ ।
ರಸೋ ವೈ ಷಷ್ಠಮಹಸ್ । ತಸ್ಯಾನತಿನೇದಾಯ ।
ಸ ಯಥಾಪಾಂ ವಾರ್ತ್ರಂ ದಿಹ್ಯಾತ್ತಾದೃಗೇವೈತದುಪರಿಷ್ಟಾದುದರ್ಕಂ ದಧತಿ ರಸಸ್ಯಾ ನತಿನೇದಾಯ ।
ತ್ರಯಸ್ತ್ರಿಂಶ ಸ್ತೋಮೋ ಭವತಿ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾಸ್ವೇವೈತದ್ದೇವತಾಸು ಪ್ರತಿತಿಷ್ಠನ್ತೋ ಯನ್ತಿ ೧೪೨

ಇನ್ದ್ರಾ ಯೇನ್ದೋ ಮರುತ್ವತ
ಇತಿ ಮಾಧ್ಯನ್ದಿನಸ್ಯ ಪವಮಾನಸ್ಯ ಗಾಯತ್ರ್! ಯೋ ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ತಂ ತ್ವಾ ವಿಪ್ರಾ ವಚೋವಿದಃ ಪರಿಷ್ಕೃಣ್ವನ್ತಿ ಧರ್ಣಸಿಮ್
ಇತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ರಸಂ ತೇ ಮಿತ್ರೋ ಅರ್ಯಮೇ
ತಿ ರಸೋ ಹ್ಯೇತದಹಃ ।
ಯೋ ವೈ ಪಞ್ಚಮಾದಹ್ನೋ ರಸೋಽತ್ಯನೇದತ್ತದೇತದಹರಭವತ್ ।
ಸ ಏಷ ರಸ ಏವ ।
ಪಿಬನ್ತು ವರುಣಃ ಕವೇ ।
ಪವಮಾನಸ್ಯ ಮರುತಃ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ರೇವತಯಃ ।
ಪಶವೋ ವೈ ಸಿಮಾಃ ।
ಪಶವೋ ರೇವತಯಃ ।
ಪಶವ ಏತದಹಃ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಶಕ್ವರ್ಯೋ ವಾ ಇದಂ ತೇಜಸಾ ಪ್ರಾತಪನ್ ।
ತೇಜಸಾ ನಾಭಿಮೃಶ್ಯಾ ಆಸನ್ ।
ತಾಸಾಂ ದೇವಾಃ ಪ್ರದಾಹಾದಬಿಭಯುಃ ।
ತೇಽಬ್ರುವನ್ಸರ್ವಂ ವಾ ಇದಮಿಮಾಃ ಪ್ರಧಕ್ಷ್ಯನ್ತಿ ।
ಏತೇದಮಾಸಾಂ ಶಮಯಾಮೇತಿ ।
ತಾಸಾಂ ದ್ವೇ ಏಕಸ್ಯೈ ಪದೇ ನಿರಮಿಮತೈಕಮೇಕಸ್ಯೈ ।
ಯಸ್ಯೈ ದ್ವೇ ನಿರಮಿಮತ ತದೇತಾಂ ದ್ವಿಪದಾಂ ಪ್ರತ್ಯುಪಾದಧುರ್ । ಯಸ್ಯಾ ಏಕಂ ತದೇಕಪದಾಮ್ ।
ಸೈವೈಷಾ ತ್ರಿಪದಾ ಗಾಯತ್ರ್! ಯಭವತ್ ।
ಸಮಾನಂ ವಾ ಏತಚ್ಛನ್ದಃ ।
ತದ್ದ್ವೇಧಾ ವ್ಯೌಹನ್ಭೂಮ್ನೇ ಚ ಶಾನ್ತ್ಯೈ ಚ ।
ಬಹುಃ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ೧೪೩

ಪಞ್ಚಮಾದ್ವೈ ದೇವಾ ಅಹ್ನಷ್ಷಷ್ಠಮಹರ್ನಿರಮಿಮತ ।
ತಸ್ಮಾ ಆಯತನಮೈಚ್ಛನ್ ।
ತಸ್ಮೈ ರೇವತೀರೇವಾಯತನಮವಿನ್ದನ್ ।
ಆಯತನವಾನ್ಭವತಿ ಯ ಏವಂ ವೇದ ।
ಪಶವೋ ವೈ ರೇವತಯಃ ।
ಆತ್ಮಾ ಮಧ್ಯನ್ದಿನಃ ।
ತದ್ಯದ್ರೇ ವತೀರ್ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನೇವೈತತ್ಪಶೂನ್ಪ್ರತಿಷ್ಠಾಪಯನ್ತಿ ।
ಪಶವೋ ವೈ ರೇವತಯಃ ।
ಆತ್ಮಾ ಮಧ್ಯನ್ದಿನಃ ।
ತದ್ಯದ್ರೇ ವತೀರ್ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನೇವೈತತ್ಪಯಃ ಪ್ರತಿಷ್ಠಾಪಯನ್ತಿ ।
ರೇತೋ ವೈ ರೇವತಯಃ ।
ಆತ್ಮಾ ಮಧ್ಯನ್ದಿನಃ ।
ತದ್ಯದ್ರೇ ವತೀರ್ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನ್ ಏವೈತದ್ರೇ ತಃ ಪ್ರತಿಷ್ಠಾಪಯನ್ತಿ ।
ರೇತೋ ವೈ ರೇವತಯಃ ।
ರೇತ ಉ ರೈವತಂ ಸಾಮ ।
ವಜ್ರಾ ಹ ಖಲು ವಾ ಏತೇ ಯದ್ರೈ ವತಸ್ಯ ಸಾಮ್ನೋ ನಿಧನಾನಿ ।
ತದ್ಯದ್ರೇ ವತೀಷು ರೈವತಂ ಪೃಷ್ಠಂ ಕುರ್ಯುರ್ವಜ್ರೇಣ ರೇತೋ ವೀಯುಸ್ತಾ ಯತ್ಪುರಸ್ತಾತ್ಪವಮಾನೇ ಕುರ್ವನ್ತಿ । ವಜ್ರೇಣ ನೇದ್ರೇ ತೋ ವ್ಯಯಾಮೇತಿ ೧೪೪

ಪಯೋ ವೈ ರೇವತಯಃ ।
ಪಶವಃ ಪಞ್ಚಮಮಹಃ ।
ತಾ ಯದನ್ತರಿಹಿತಾ ಅನ್ಯೇನ ಸಾಮ್ನಾ ಸ್ಯುರನ್ತರ್ಹಿತಂ ಪಯಃ ಪಶುಭ್ಯ ಸ್ಯಾತ್ ।
ತಾ ಯದನನ್ತರ್ಹಿತಾ ಭವನ್ತಿ ತೇನ ಪಯಃ ಪಶುಭ್ಯೋಽನನ್ತರ್ಹಿತಂ ಭವತಿ ।
ತದಾಹುರ್ಜಾಮೀವ ವಾ ಏತತ್ಕ್ರಿಯತೇ ಯದೇತಾ ಇಳಾಭಿರಿಳಾ ಉಪಯನ್ತಿ ।
ಇಷೋವೃಧೀಯೇನೈವಾರಭ್ಯಮಜಾಮಿತಾಯಾ ಇತಿ ।
ಅನ್ತರ್ಹಿತಂ ಹ ತು ತಥಾ ಪಯಃ ಪಶುಭ್ಯ ಸ್ಯಾತ್ ।
ವಜ್ರೇಣ ರೇತೋ ವೀಯೂ ರೇವತೀಭಿರೇವಾರಭ್ಯಂ । ವಜ್ರೇಣ ನೇದ್ರೇ ತೋ ವ್ಯಯಾಮೇತಿ ।
ಅಥೋ ಹ ನ ತಥಾ ಪಯಃ ಪಶುಭ್ಯೋಽನ್ತರ್ಹಿತಂ ಭವತಿ ।
ಋಗ್ವಾ ಅಯಂ ಲೋಕಸ್ಸಾಮಾಸೌ ।
ದೇವಕ್ಷೇತ್ರಂ ವಾ ಅಸೌ ಲೋಕಃ ಪವಮಾನಃ ।
ತಾ ಯದ್ದ್ವೇಧಾ ವ್ಯೂಹನ್ತಿ ತೇನೈವಾಭ್ಯಾಮುಭಾಭ್ಯಾಂ ಲೋಕಾಭ್ಯಾಂ ನ ಯನ್ತಿ ।
ಆಪೋ ವೈ ರೇವತಯಃ ।
ಆಪ ಉ ರೈವತಂ ಸಾಮ ।
ತದ್ಯದ್ರೇ ವತೀಷು ರೈವತಂ ಪೃಷ್ಠಂ ಕುರ್ಯುರಗಾಧೇ ಮಜ್ಜೇಯುರ್ನ ಪ್ರತಿತಿಷ್ಠೇಯುಃ ।
ತದ್ಯದ್ವಾರವನ್ತೀಯಂ ಪೃಷ್ಠಂ ಭವತಿ ಪ್ರತಿಷ್ಠಿತ್ಯಾ ಏವ ।
ಜೀರ್ಯನ್ತೀವ ವಾ ಏತತ್ಪೃಷ್ಠಾನಿ ಯದಾ ಷಷ್ಠಮಹರಾಗಚ್ಛನ್ತಿ ।
ನ ವೈ ಜೀರ್ಣೇ ರೇತಃ ಪರಿಶಿಷ್ಯತೇ ।
ತದ್ಯದ್ವಾರವನ್ತೀಯಂ ಪೃಷ್ಠಂ ಭವತ್ಯುತ್ತರೇಷಾಮೇವ ಯಜ್ಞಕ್ರತೂನಾಂ ಪ್ರಜಾತ್ಯೈ ೧೪೫

ವತ್ಸೈಃ ಪಶೂನ್ಸಂವಾಶಯನ್ತಿ ।
ಯದಾ ವೈ ಪಶವೋ ವತ್ಸೈಸ್ಸಂವಾಶನ್ತೇಽಥ ಕಾಮಾನ್ದುಹ್ರೇ ।
ಕಾಮದುಘಾ ಅಸ್ಮೈ ರೇವತಯೋ ಭವನ್ತಿ ।
ಪವಮಾನೇ ಸಂವಾಶಯೇದ್ಯಃ ಕಾಮಯೇತಾಮುಷ್ಮಿನ್ಮೇ ಲೋಕೇ ಕಾಮಾದುಘಾ ಸ್ಯುರಿತಿ ।
ಅಮುಷ್ಮಿನ್ಹೈವಾಸ್ಯ ಲೋಕೇ ಕಾಮದುಘಾ ಭವನ್ತಿ ।
ಅಭ್ಯಾವರ್ತಿಷು ಸಂವಾಶಯೇದ್ಯಃ ಕಾಮಯೇತಾಸ್ಮಿನ್ಮೇ ಲೋಕೇ ಕಾಮದುಘಾ ಸ್ಯುರಿತಿ ।
ಅಸ್ಮಿನ್ಹೈವಾಸ್ಯ ಲೋಕೇ ಕಾಮದುಘಾ ಭವನ್ತಿ ।
ಉಭಯತ್ರ ಸಂವಾಶಯೇದ್ಯಃ ಕಾಮಯೇತೋಭಯೋರ್ಮೇ ಲೋಕಯೋಃ ಕಾಮದುಘಾ ಸ್ಯುರಿತಿ ।
ಉಭಯೋರ್ಹೈವಾಸ್ಯ ಲೋಕಯೋಃ ಕಾಮದುಘಾ ಭವನ್ತಿ ।
ತದಾಹುರಿತೋ ವತ್ಸಾ ಸ್ಯುರ್ । ಇತೋ ಮಾತರಃ ।
ಉದೀಚೀರ್ವಾ ಆಪ ಸ್ಯನ್ದನ್ತೇ ।
ಆಪೋ ವಾ ಏತೇ ಯತ್ಪಶವ ಇತಿ ।
ತದು ವಾ ಆಹುರಿತ ಏವ ವತ್ಸಾ ಸ್ಯುರ್ । ಇತೋ ಮಾತರಃ ।
ಯದಾ ವೈ ಪಿತಾ ಪುತ್ರಂ ನಿರವಸಾಯಯತ್ಯ್ । ಉತ್ತರತೋ ವಾವ ಸ ತಂ ನಿರವಸಾಯಯತಿ ।
ತಸ್ಮಾದುತ್ತರತೋ ವತ್ಸಾ ಸ್ಯುರ್ । ದಕ್ಷಿಣತೋ ಮಾತರಃ ।
ದೇವಾಸುರಾಃ ಪಶುಷ್ವಸ್ಪರ್ಧನ್ತ ।
ತೇ ದೇವಾ ವತ್ಸೈರುತ್ತರತೋಽತಿಷ್ಠನ್ನ್ । ಅಥಾಸುರಾ ಮಾತೃಭಿರ್ದಕ್ಷಿಣತಃ ।
ತಾ ಮಾತರೋ ನಿರ್ದೀರ್ಯ ವತ್ಸಾನಭಿಪಲಾಯನ್ತ ।
ಅಧಾರಯನ್ದೇವಾ ವತ್ಸಾನ್ ।
ತಾಸ್ಸಮಾಕ್ರಮ್ಯಾಸುರಾಣಾಮವೃಞ್ನತ ।
ತಾಭಿರುದಞ್ಚಃ ಪ್ರಾದ್ರ ವನ್ ।
ವೃಂಕ್ತೇ ದ್ವಿಷತೋ ಭ್ರಾತೃವ್ಯಸ್ಯ ಪಶೂನ್ಯ ಏವಂ ವೇದ ।
ತಸ್ಮಾದುತ್ತರತ ಏವ ವತ್ಸಾ ಸ್ಯುರ್ । ದಕ್ಷಿಣತೋ ಮಾತರ ಇತಿ ೧೪೬

ಅಥ ವಾಜದಾವರ್ಯಃ ।
ಅನ್ನಂ ವೈ ವಾಜೋಽನ್ನಂ ದಾವರ್ಯಃ ।
ಏತಾ ಅನ್ನಾದ್ಯಸ್ಯೈವಾವರುದ್ಧ್ಯೈ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅನಶನಾ ಅಸೃಜತ ।
ತಾಃ ಪ್ರಜಾಪತಿಮೇವೋಪಾಧಾವಂಸ್ತಾಭ್ಯ ಏತೇನೈವ ಸಾಮ್ನಾನ್ನಾದ್ಯಂ ಪ್ರಾಯಚ್ಛತ್ ।
ತಾ ಅಬ್ರುವನ್ವಾಜಂ ವೈ ನೋಽನ್ನಾದ್ಯಂ ಪ್ರಾದಾದಿತಿ ।
ತದೇವ ವಾಜದಾವರೀಣಾಂ ವಾಜದಾವರೀತ್ವಮ್ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಅಥ ಸೌಪರ್ಣಂ ಯಜ್ಞಸ್ಯೈವಾರಮ್ಭಃ ।
ಯಜ್ಞೋ ವೈ ದೇವೇಭ್ಯ ಉದಕ್ರಾಮತ್ ।
ಸ ಸುಪರ್ಣೋ ಭೂತಃ ಪರ್ಯಪ್ಲವತ ।
ತೇ ದೇವಾ ಅಕಾಮಯನ್ತಾ ಯಜ್ಞಂ ರಭೇಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನ ಯಜ್ಞಮಾರಭನ್ತ ।
ಉತ್ಕ್ರಾನ್ತ ಇವೈತರ್ಹಿ ಯಜ್ಞೋ ಭವತಿ ಷಷ್ಠೇಽಹನ್ ।
ತದ್ಯದತ್ರ ಸೌಪರ್ಣಂ ಭವತಿ ಯಜ್ಞಸ್ಯೈವಾರಮ್ಭಾಯ ।
ಯದ್ವೇವೈನಮೇತೇನ ಸುಪರ್ಣಂ ಭೂತಂ ಪರಿಪ್ಲವಮಾನಮಾರಭನ್ತೇ । ತಸ್ಮಾತ್ಸೌಪರ್ಣಮಿತ್ಯಾಖ್ಯಾಯತೇ ।
ತದ್ವೇವಾಚಕ್ಷತೇ ಕ್ರೌಞ್ಚಮಿತಿ ।
ಕ್ರುಂಙಾಙ್ರಿರಸ ಈಷ್ಯಮಿವಾಹರವಿನ್ದತ್ ।
ಈಷ್ಯಮಿವೈತದಹರ್ಯತ್ಷಷ್ಠಮ್ ।
ತಸ್ಮಾತ್ಷಷ್ಠೇಽಹನ್ಕ್ರಿಯತೇ ।
ತದೈಳಂ ಭವತಿ ಪಶವೋ ವಾ ಇಳಾ ।
ಪಶವ ಏತದಹಃ ಪಶೂನಾಮೇವಾವರುದ್ಧ್ಯೈ ೧೪೭

ಅಥೇಷೋವೃಧೀಯಂ ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ಇಷೋ ವೈ ಷಷ್ಠಮಹರ್ । ವೃಧೇ ಸಪ್ತಮಮ್ ।
ಷಷ್ಠಾದ್ವಾ ಅಹ್ನಸ್ಸಪ್ತಮಮಹಃ ಪ್ರಜಾತಮ್ ।
ತದ್ಯದಿಷ ಇತಿ ಷಷ್ಠಾದೇವೈತದಹ್ನಸ್ಸಪ್ತಮಮಹಃ ಪ್ರಜನಯನ್ತಿ ।
ಯದ್ವೃಧ ಇತ್ಯವರ್ಧನ್ತ ಇವ ಹ್ಯೇತರ್ಹಿ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅನಶನಾ-ಅನಶನಾ ಅಸೃಜತ ।
ತಾ ಅಶನಾಯನ್ತೀರನ್ಯಾನ್ಯಾಮಾದನ್ ।
ಸ ಪ್ರಜಾಪತಿರೈಕ್ಷತ ಕಥಂ ನು ಮ ಇಮಾಃ ಪ್ರಜಾ ನಾಶನಾಯೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾ ಇಷೋವೃಧೀಯ ಇತ್ಯೇವಾಭ್ಯಮೃಶತ್ ।
ತಾ ಅಸ್ಯೇಷಾ ಸಮಕ್ತಾ ಅವರ್ಧನ್ತ ।
ತದೇವೇಷೋವೃಧೀಯಸ್ಯೇಷೋವೃಧೀಯತ್ವಮ್ ।
ಇಷಾ ಹೈವಾಸ್ಯ ಸಮಕ್ತಾ ಭಾರ್ಯಾ ವರ್ಧನ್ತೇ ಯ ಏವಂ ವೇದ ।
ತಚ್ಚತುರಕ್ಷರಣಿಧನಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವ ಏತದಹಃ ಪಶೂನಾಮೇವಾವರುದ್ಧಯಿ ೧೪೮

ಮೃಜ್ಯಮಾನಸ್ಸುಹಸ್ತ್ಯಾ ಸಮುದ್ರೇ ವಾಚಮಿನ್ವಸಿ ರಯಿಮ್
ಇತಿ ರು ಇತಿ ರೇವತೀನಾಂ ರೂಪಮ್ ।
ಪಿಶಙ್ಗಂ ಬಹುಲಂ ಪುರುರಪೃಹಂ ಪವಮಾನಾಭ್ಯರ್ಷಸಿ
ಪುನಾನೋ ವಾರೇ ಪವಮಾನೋ ಅವ್ಯಯೇ ವೃಷೋ ಅಚಿಕ್ರದದ್ವನೇ ।
ಇತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ದೇವಾನಾಂ ಸೋಮ ಪವಮಾನ ನಿಷ್ಕೃತಂ ಗೋಭಿರಞ್ಜಾನೋ ಅರ್ಷಸೀ
ತ್ಯ್ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ತಾಸು ಸೌಷಾವಮಭ್ಯಾಸವತ್ ಸಿಮಾನಾಂ ರೂಪಮ್ ।
ಅಭ್ಯಾಸೋ ವೈ ಸಿಮಾನಾಂ ರೇವತಯಃ ।
ತದ್ವೇವಾಚಕ್ಷತೇ ವಸಿಷ್ಠಸ್ಯ ಪಿಪ್ಪಲೀತಿ ।
ವಸಿಷ್ಠೋ ವೈ ಜೀತೋ ಹತಪುತ್ರಾಽಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಾಯಾಯತ ।
ಸೋಽಬ್ರವೀತ್ಪಿಪ್ಪಲಿ ವಾ ಇದಮಾಸ ಯೇನ ಪ್ರಾಜನಿಷೀತಿ ।
ತತ್ಪಿಪ್ಪಲೀನಾಂ ಪಿಪ್ಪಲಿತ್ವಮ್ ।
ಪಿಪ್ಪಲಿನಂ ಹ ವೈ ನಾಮೈತತ್ಪಿಪ್ಪಲೀತ್ಯಾಖ್ಯಾಯತೇ ತತ್ ।
ಪ್ರಜಾ ಅವಿ ಪಿಪ್ಪಲಂ । ಪಶವಃ ಪಪ್ಪಲಂ । ಸ್ವರ್ಗೋ ಲೋಕಃ ಪಪ್ಪಲಮ್ ।
ತದ್ಯತ್ಪಿಪ್ಪಲಿ ಭವತ್ಯೇತಸ್ಯೈವ ಸರ್ವಸ್ಯಾವರುದ್ಧ್ಯಾ ಏತಸ್ಯ್ । ಓಪಾಪ್ತ್ಯೈ ।
ಯದೂರ್ಧ್ವೇಳಂ ಭವತಿ ಬೃಹತೋ ರೂಪಂ । ಬಾರ್ಹತೇಽಹನ್ ।
ತೇನ ವೈ ರೂಪಸಮೃದ್ಧಮ್ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ ವಸಿಷ್ಠಸ್ಯ ಪಿಪ್ಪಲೀತ್ಯಾಖ್ಯಾಯತೇ ೧೪೯

ಅಥೌಕ್ಷ್ಣೋರನ್ಧ್ರಮ್ ।
ಉಕ್ಷ್ಣೋ ವೈ ರನ್ಧ್ರಃ ಕಾವ್ಯೋಽಕಾಮಯತಾದ್ಭಿಃ ಪ್ರತೀಪಂ ಸ್ವರ್ಗಂ ಲೋಕಮಾರೋಹೇಯಮಪ್ಸು ಮೇ ವರ್ತ್ಮಾನಿ ಪಶ್ಯೇಯಂ ನಿಯಾನಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽದ್ಭಿಃ ಪ್ರತೀಪಂ ಸ್ವರ್ಗಂ ಲೋಕಮಾರೋಹದ್ । ಅಪ್ಸು ಸ್ವವರ್ತ್ಮಾನ್ಯಪಶ್ಯನ್ನಿಯಾನಮ್ ।
ಸ ಹ ವಾವ ರೌಮಣ್ವತಃ ।
ಸ ಏವೋಶನಾ ಕಾವ್ಯಃ ।
ಸ ಹ ಸ ಯಮುನಯೈವ ಪ್ರತೀಪಂ ಸ್ವರ್ಗಂ ಲೋಕಮಾರೋಹತ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅದ್ಭಿಃ ಪ್ರತೀಪಂ ಸ್ವರ್ಗಂ ಲೋಕಮಾರೋಹತಿ ಯ ಏವಂ ವೇದ ।
ಯದುಕ್ಷ್ಣೋ ರನ್ಧ್ರಃ ಕಾವ್ಯೋಽಪಶ್ಯತ್ತಸ್ಮಾದೌಕ್ಷ್ಣೋರನ್ಧ್ರಮಿತ್ಯಾಖ್ಯಾಯತೇ ।
ಅಥೋ ಆಪೋನಿಯಾನಮಿತಿ । ಯದಸ್ಯಾಪ್ಸು ನಿಯಾನಮಪಶ್ಯತ್ ೧೫೦

ಅಥ ವಾಜಜಿತ್ ।
ಅನ್ನಂ ವೈ ವಾಜಃ ।
ಯದಾ ವೈ ಗೌರಶ್ವಃ ಪುರುಷೋಽನ್ನಸ್ಯ ಸುಹಿತೋ ಭವತಿ । ಅಥ ಸ ವಾಜೀ ಭವತಿ ।
ದೇವಾಸುರಾ ಅನ್ನಾದ್ಯೇ ಅಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತ ವೃಞ್ಜೀಮಹ್ಯನ್ನಾದ್ಯಮಸುರಾಣಾಮಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇ ವಾಜಿಜಿಗೀವೇತ್ಯೇವಾನ್ನಾದ್ಯಮಸುರಾಣಾಮವೃಞ್ಜತ ।
ತದೇವ ವಾಜಜಿತೋ ವಾಜಜಿತ್ತ್ವಮ್ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇ । ವೃಂಕ್ತೇ ದ್ವಿಷತೋ ಭ್ರಾತೃವ್ಯಸ್ಯಾನ್ನಾದ್ಯಂ ಯ ಏವಂ ವೇದ ।
ತತ್ಪಞ್ಚಾಕ್ಷರಣಿಧನಂ ಭವತಿ ।
ಪಾಂಕ್ತೋ ವೈ ಯಜ್ಞಃ ।
ಅತೀವ ವಾ ಏತೇ ಯಜ್ಞಸ್ಯ ಮಾತ್ರಾಂ ಕ್ರಾಮನ್ತಿ ಯ ಏತದಹರಾಗಚ್ಛನ್ತಿ ।
ತದ್ಯತ್ಪಞ್ಚಾಕ್ಷರಣಿಧನಂ ಭವತಿ ಪಾಂಕ್ತೋ ಯಜ್ಞೋ ಯಾವತೀ ಯಜ್ಞಸ್ಯ ಮಾತ್ರ ತಾಂ ನೇದತಿಕ್ರಾಮಾಮೇತಿ ೧೫೧

ಅಥ ವರುಣಸಾಮ ।
ವರುಣೋ ವೈ ರಾಜಾ ಸಧಮಾದಮಿವಾನ್ಯಾಭಿರ್ದೇವತಾಭಿರಾಸೀತ್ ।
ಸೋಽಕಾಮಯತ ಸರ್ವೇಷಾಂ ದೇವಾನಾಂ ರಾಜ್ಯಾಯ ಸೂಯೇಯೇತಿ ।
ಸ ಪ್ರಜಾಪತೌ ಶತಂ ವರ್ಷಾಣಿ ಬ್ರಹ್ಮಚರ್ಯಮವಸತ್ ।
ತಸ್ಮಾ ಏತತ್ಸಾಮಾಬ್ರವೀದೇತದ್ವೈ ಮೇ ರಾಜ್ಯಂ ರೂಪಮ್ ।
ಗಚ್ಛ ।
ರಾಜಾನಂ ತ್ವಾ ದೇವಾಃ ಕರಿಷ್ಯನ್ತ ಇತಿ ।
ಸ ದೇವಾನಭ್ಯೈತ್ ।
ತಮಾಯನ್ತಂ ದೃಷ್ಟ್ವಾ ದೇವಾಃ ಪ್ರತ್ಯವಾರೋಹನ್ ।
ತಾನಬ್ರವೀನ್ಮಾ ಮಾ ಪ್ರತ್ಯವರುಕ್ಷತ ।
ಭ್ರಾತರೋ ವೈ ಮಮ ಯೂಯಂ ಸ್ಥ ।
ಯಾದೃಶಾ ವೈ ಯೂಯಂ ಸ್ಥ । ತಾದೃಂಙಹಮಸ್ಮೀತಿ ।
ನೇತ್ಯಬ್ರುವನ್ ।
ಯದ್ವೈ ನಃ ಪಿತುಃ ಪ್ರಜಾಪತೇ ರೂಪಂ ತದಿದಂ ತ್ವಯಿ ಪಶ್ಯಾಮ ಇತಿ ।
ತಂ ಪ್ರತ್ಯೇವಾವಾರೋಹನ್ ।
ತಸ್ಮಾ ಏತಾಂ ರಾಜಾಸನ್ದೀಂ ನ್ಯದಧುಃ ।
ತಸ್ಯಾಮೇನಮಭ್ಯಷಿಞ್ಚನ್ತ ವಸವೋ ರಾಜ್ಯಾಯ ರುದ್ರಾ ವೈರಾಜ್ಯಾಯಾದಿತ್ಯಾ ಸ್ವಾರಾಜ್ಯಾಯ ವಿಶ್ವೇದೇವಾಸ್ಸಾಮ್ರಾಜ್ಯಾಯ ಮರುತಸ್ಸಾರ್ವವಶ್ಯಾಯ ಸಾಧ್ಯಾಶ್ಚಾಪ್ತ್ಯಾಶ್ಚ ಪಾರಮೇಷ್ಠ್ಯಾಯ ।
ತದೇತಚ್ಛ್ರೀಸವಸ್ಸಾಮ ।
ಅಶ್ನುತೇ ಶ್ರಿಯಂ ಗಚ್ಛತಿ ರಾಜ್ಯಂ ಯ ಏವಂ ವೇದ ।
ಯದು ವರುಣೋ ರಾಜಾಪಶ್ಯತ್ । ತಸ್ಮಾದ್ವರುಣಸಾಮೇತ್ಯಾಖ್ಯಾಯತೇ ೧೫೨

ಅಥ ಗೋಷ್ಠಃ ।
ಶಕ್ವರೀಣಾಂ ಚ ವಾ ಏಷ ರೇವತೀನಾಂ ಚ ಗೋಷ್ಠಃ ।
ಪಶೂನಾಂ ಧೃತ್ಯೈ ಗೋಷ್ಠಃ ।
ಧ್ರಿಯನ್ತೇಽಸ್ಮಿನ್ಪಶವಃ ।
ಪಶೂಮಾನ್ಭವತಿ ಯ ಏವಂ ವೇದ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ತಾನ್ಪ್ರಥಮೇನಾಹ್ನಾವಿವಾರಯಿಷತ ।
ತಾನ್ನಾವಾರಯತ ।
ತಾನ್ದ್ವಿತೀಯೇನ ನಾವಾರಯತ ।
ತಾಂಸ್ತೃತೀಯೇನ ನಾವಾರಯತ ।
ತಾಂಶ್ಚತುರ್ಥೇನ ನಾವಾರಯತ ।
ತಾನ್ಪಞ್ಚಮೇನ ನೈವಾವಾರಯತ ।
ತಾನ್ಷಷ್ಠೇಽಹನ್ನೇತೇನೈವ ಸಾಮ್ನಾವಾರಯತ ।
ಸೋಽಬ್ರವೀದ್ಗೋಷ್ಠೋ ವಾವ ಮ ಇದಂ ಪಶೂನಾಂ ಸಾಮಾಭೂದಿತಿ ।
ತದೇವ ಗೋಷ್ಠಸ್ಯ ಗೋಷ್ಠತ್ವಮ್ ।
ತದೇತತ್ಪಶವ್ಯಂ ಸಾಮ ಗೋಷ್ಠಃ ।
ಧ್ರಿಯನ್ತೇಽಸ್ಮಿನ್ಪಶವಃ ।
ಪಶುಮಾನ್ಭವತಿ ಯ ಏವಂ ವೇದ ।
ತದು ನಿಷಿದ್ಧಮಿವ ಭವತೀಹಾ ಇಳಾ ಇಹಾ ಇಳಾ ಇತಿ ।
ಏತದ್ಧ ವಾ ಏನಾಂಸ್ತದೇತೇನ ಪುರಸ್ತಾದ್ವಾರಯಾಂಚಕ್ರೇ ।
ಏತಮು ತ್ಯಂ ದಶ ಕ್ಷಿಪೋ ಮೃಜನ್ತಿ ಸಿನ್ಧುಮಾತರಮ್
ಇತಿ ಯದ್ವೈ ಸಿನ್ಧುಮತ್ಸಮುದ್ರ ವತ್ತದೇತಸ್ಯಾಹ್ನೋ ರೂಪಮ್ ।
ಆಪೋಭಾಜನಮೇತದಹಃ ।
ತದಾಹುರ್ಯನ್ತಿ ಏತೇ ತ್ರಿಷ್ಟುಭಃ ಪವಮಾನಾನ್ತಾದ್ಯೇ ಗಾಯತ್ರೀಷ್ವನ್ತ್ಯಂ ಕುರ್ವನ್ತೀತಿ ।
ತಾಸ್ಸೂರ್ಯವತೀರ್ಭವನ್ತಿ ।
ಅಥೋ ಷನ್ದ್ರೀ ಃ! ।
ತೇನ ತ್ರಿಷ್ಟುಭಃ ಪವಮಾನಾನ್ತಾನ್ನ ಯನ್ತಿ ।
ತಾಸ್ವಿಹವದ್ವಾಮದೇವ್ಯಮ್ ।
ಪಶವೋ ವೈ ಸಿಮಾಃ ।
ಪಶವೋ ರೈವತಮ್ ।
ಪಶವ ಇಹವದ್ವಾಮದೇವ್ಯಮ್ ।
ಪಶುಮನ್ತ ಇವ ಭವನ್ತ್ಯೇನೇನ ತುಷ್ಟುವಾನಾಃ ।
ತದು ನಿಷಿದ್ಧಮಿವೈವ ಭವತ್ಯೇತಮು ತ್ಯಂ ದಶ ಕ್ಷಿಪ ಇಹಾ ಮೃಜನ್ತಿ ಸಿನ್ಧುಮಾತರಮಿಹೇ
ತಿ ಏತದ್ಧ ವಾ ಏನಾಂಸ್ತದಪ್ಯೇತೇನೈವ ಪುರಸ್ತಾದ್ವಾರಯಾಂಚಕ್ರೇ ೧೫೩

ರೇವತೀರ್ನಸ್ಸಧಮಾದ
ಇತಿ ರೇವತಯೋ ಭವನ್ತಿ ।
ಸಮಾದೇವೈತತ್ಸಮಮುಪಯನ್ತಿ ।
ಗಾಯತ್ರ್! ಯೋ ಮಧ್ಯನ್ದಿನಸ್ಯಾನ್ತ್ಯಾ ಭವನ್ತಿ ।
ಗಾಯತ್ರ್! ಯ ಏತಾಃ ।
ಸ ಯಥಾ ಸಮಾತ್ಸಮಂ ಸಂಕ್ರಾಮೇತ್ತಾದೃಕ್ತತ್ ।
ಯಾತಯಾಮಾನಿ ವಾ ಏತರ್ಹ್ಯನ್ಯಾನಿ ಛನ್ದಾಂಸಿ । ಗಾಯತ್ರ್! ಯೇವಾಯಾತಯಾಮ್ನೀ ।
ಯಾತಯಾಮಭಿ ಸ್ತೋತ್ರೈರ್ಯಾತಯಾಮಭಿಶ್ಶಸ್ತ್ರೈರ್ವಷಟ್ಕಾರೋ ಯಾತಯಾಮ ।
ಋತುಮನ್ತಿ ಪಞ್ಚಾಹಾನ್ಯನೃತು ಷಷ್ಠಮ್ ।
ತದ್ಯದ್ಧೋತ್ರಾ ಋತುಯಾಜಾನ್ನಾನಾ ವಷಟ್ಕುರ್ವನ್ತಿ ತೇನೈವ ಷಷ್ಠಮಹರೃತುಮತ್ಕ್ರಿಯತೇ ।
ತಾಸು ವಾರವನ್ತೀಯಮ್ ।
ಏತದ್ಧ ವೈ ರೇವದ್ರೈ ವತ್ಯಂ ಯದ್ರೇ ವತೀಷು ವಾರವನ್ತೀಯಮ್ ।
ರೇವಾನ್ಭವತ್ಯಾಸ್ಯ ರೇವಾನ್ರೈವತ್ಯೋ ಜಾಯತೇ ಯ ಏವಂ ವಿದ್ವಾನ್ರೇವತೀಷು ವಾರವನ್ತೀಯೇನ ಸ್ತುತೇ ।
ಏತದ್ವೈ ಬೃಹದ್ರೈ ವತ್ಯಂ ಯದ್ರೇ ವತೀಷು ವಾರಯನ್ತೀಯಮ್ ।
ಬಾರ್ಹತಂ ಷಷ್ಠಮಹಃ ।
ತೇನೈವ ಷಷ್ಠಮಹರ್ಬಾರ್ಹತಂ ಕ್ರಿಯತೇ ।
ಅಗ್ನಿರ್ವಾ ಏಷ ವೈಶ್ವಾನರೋ ಯತ್ಪೃಷ್ಠ್ಯಷ್ಷಡಹಃ ।
ಋತವೋ ವೈ ಪೃಷ್ಠಾನಿ ।
ಸಂವತ್ಸರ ಋತವಃ ।
ಸಂವತ್ಸರೋಽಗ್ನಿರ್ವೈಶ್ವಾನರಃ ।
ಸೋಽಶಾನ್ತ ಈಶ್ವರಃ ಪ್ರದಗ್ಧೋಃ ।
ತದ್ಯದ್ವಾರವನ್ತೀಯಂ ಪೃಷ್ಠಂ ಭವತ್ಯಗ್ನೇರೇವ ವೈಶ್ವಾನರಸ್ಯ ಶಾನ್ತ್ಯಾ ಅಪ್ರದಾಹಾಯ ೧೫೪

ಪ್ರಜಾಪತಿರ್ವಾ ಏತಂ ಯಜ್ಞಮಸೃಜತ ಯತ್ಪೃಷ್ಠ್ಯಂ ಷಡಹಮ್ ।
ಸ ಸೃಷ್ಟಃ ಪ್ರಾದ್ರ ವತ್ ।
ತಂ ರಥನ್ತರೇಣಾವಿವಾರಯಿಷತ ।
ತಂ ನಾವಾರಯತ ।
ತಂ ಬೃಹತಾ ನಾವಾರಯತ ।
ತಂ ವೈರೂಪೇಣ ನಾವಾರಯತ ।
ತಂ ವೈರಾಜೇನ ನಾವಾರಯತ ।
ತಂ ಮಹಾನಾಮ್ನೀಭಿರ್ನಾವಾರಯತ ।
ತಂ ರೇವತೀಭಿರ್ನೈವವಾರಯತ ।
ತಂ ವಾರವನ್ತೀಯೇನೈವಾವಾರಯತ ।
ಯದವಾರಯತ ತದ್ವಾರವನ್ತೀಯಸ್ಯ ವಾರವನ್ತೀಯತ್ವಮ್ ।
ತದ್ಯದ್ವಾರವನ್ತೀಯಂ ಪೃಷ್ಠಂ ಭವತಿ ಯಜ್ಞಸ್ಯೈವ ವಾರಣಾಯೈ ।
ಪ್ರಜಾಪತಿರ್ವಾ ಏತಂ ಯಜ್ಞಮಸೃಜತ ಯತ್ಪೃಷ್ಠ್ಯಂ ಷಡಹಮ್ ।
ತಸ್ಮೈ ಪ್ರತಿಷ್ಠಾಮೈಚ್ಛತ್ ।
ತಸ್ಮಾ ಅಪ ಏವಾವಿನ್ದತ್ ।
ತಾಸು ರಥನ್ತರೇಣ ಪ್ರತಿಷ್ಠಾಮೈಚ್ಛತ್ ।
ಸ ನಾವಿನ್ದತ್ ।
ತಾಸು ಬೃಹತಾ ನಾವಿನ್ದತ್ ।
ತಾಸು ವೈರೂಪೇಣ ನಾವಿನ್ದತ್ ।
ತಾಸು ವೈರಾಜೇನ ನಾವಿನ್ದತ್ ।
ತಾಸು ಮಹಾನಾಮ್ನೀಭಿರ್ನಾವಿನ್ದತ್ ।
ತಾಸು ರೇವತೀಭಿರ್ನೈವಾವಿನ್ದತ್ ।
ತಾಸು ವಾರವನ್ತೀಯೇನೈವಾವಿನ್ದತ್ ।
ಯದವಿನ್ದತ್ತದ್ವೇವ ವಾರವನ್ತೀಯಸ್ಯ ವಾರವನ್ತೀಯತ್ವಮ್ ।
ಅಸ್ಯಾಮೇವೈತದ್ಯಜ್ಞಂ ಪ್ರತಿಷ್ಠಾಪಯನ್ತಿ ।
ಅಗ್ನಿರ್ವಾ ಏಷ ವೈಶ್ವಾನರೋ ಯದ್ವಾರವನ್ತೀಯಮ್ ।
ಆಪ ಉ ರೇವತಯಃ ।
ತದ್ಯದ್ರೇ ವತೀಷು ವಾರವನ್ತೀಯಂ ಭವತಿ । ತಸ್ಮಾದಾಪೋಽಗ್ನಿಯೋನಯಃ ।
ಜೀರ್ಯನ್ತೀವ ವಾ ಏತತ್ಪೃಷ್ಠಾನಿ ಯದಾ ಷಷ್ಠಮಹರಾಗಚ್ಛನ್ತಿ ।
ನ ವೈ ಜೀರ್ಣೇ ರೇತಃ ಪರಿಶಿಷ್ಯತೇ ।
ತದ್ಯದ್ವಾರವನ್ತೀಯಂ ಪೃಷ್ಠಂ ಭವತ್ಯುತ್ತರೇಷಾಮೇವ ಯಜ್ಞಕ್ರತೂನಾಂ ಪ್ರಜಾತ್ಯೈ ೧೫೫

ತದು ಹೋವಾಚಾಭಿಪ್ರತಾರಣೋ ಜೀರ್ಣಶ್ಶಯಾನಃ ।
ಪುತ್ರಾ ಹಾಸ್ಯ ದಾಯಂ ವಿಭೇಜಿರೇ ।
ಸ ಹ ಘೋಷ ಆಸ ।
ಕೋ ಘೋಷ ಇತಿ ।
ತಸ್ಮೈ ಹೋಚುಃ ಪುತ್ರಾಸ್ತೇ ಭಗವೋ ದಾಯಂ ವಿಭಜನ್ತ ಇತಿ ।
ಸ ಹೋವಾಚ ಸುಶ್ರವಾ ವಾ ಅಹಂ ತತ್ಪೃಷ್ಠಾನಾಂ ಬ್ರಾಹ್ಮಣೇ ಜೀವತೋಽಸ್ಯ ಪುತ್ರಾ ದಾಯಮುಪಯನ್ತೀತಿ ।
ಸುಶ್ರವಾ ವಾ ಅಹಂ ತದಿತಿ ।
ತದೇತದ್ಯಥಾ ಜೀವತೋ ದಾಯಮುಪೇಯಾದೇವಂ ತದ್ಯದ್ರೈ ವತೇಽಹನಿ ಸತಿ ವಾರವನ್ತೀಯಂ ಪೃಷ್ಠಂ ಭವತಿ ।
ಅಥೇತರತ್ಪವಮಾನೇ ಕುರ್ವನ್ತಿ ।
ಅಥ ಹ ಗೈರೇಯ ಆಷಾಢಿರಷಾಢಂ ಭಾಲ್ಲಬೇಯಂ ಪಪ್ರಚ್ಛ ಯದಿಮಾನಿ ಯದ್ಬಹೂನಿ ಸಾಮಾನಿ ಕಥಂ ಷಷ್ಠಾಯಾಹ್ನೇ ನ ಪ್ರಾಭವನ್ನಿತಿ ।
ಸ ಹೋವಾಚ ತ್ವತ್ವಾದೃಶಾಷ್ಷಡ್ರಾಜಾನಃ ಪಞ್ಚಾಲೇಷು ವೇದ್ಯಾ ಇತಿ ।
ಸ ಹೋವಾಚೈವಂ ನ್ಯೂನಂ ತ್ವಂ ವೇತ್ಥಾನ್ಯಥಾ ವಯಮತೋ ವಿದ್ಮೇತಿ ।
ಸ ಯದೇವೈತದಪೃಷ್ಠಂ ಪೃಷ್ಠಂ ವಾರವನ್ತೀಯಂ ಕ್ರಿಯತೇ ತೇನೈವೈತದಹರಪ್ರಭೂತಮ್ ।
ಅಥ ಹ ನೈತತ್ನವ ಆರುಣಿಂ ಪಪ್ರಚ್ಛಾರುಣ ಆರುಣೇ ಕಸ್ಮಾದರೇತೋಧಾಸ್ಸತ್ಯೋ ಮಹಾನಾಮ್ನಯಃ ಪ್ರಜನಯನ್ತಿ ।
ಕಸ್ಮಾದು ರೇತೋಧಾಸ್ಸತ್ಯೋ ರೇವತಯೋ ನ ಪ್ರಜನಯನ್ತೀತಿ ।
ಯದ್ರ ಇತಿ ರೇತ ಏವ ಪ್ರಥಮೇನಾಭಿವ್ಯಾಹರತೀತಿ ।
ತದ್ಧ ನ ಪ್ರತ್ಯುವಾಚ ।
ತೇನ ಹೈನಂ ಜಿಗಾಯ ।
ಸ ಯತ್ಪ್ರತ್ಯವಕ್ಷ್ಯದ್ರೇ ತೋ ವೈ ರೇವತಯೋ ರೇತ ಉ ರೈವತಂ ಸಾಮ । ನ ವೈ ರೇತಸೋ ರೇತೋಽಸ್ತಿ ।
ಪುತ್ರ ಏವೈತರ್ಹಿ ರೇತೋಽನ್ತಮೇತತ್ಪೃಷ್ಠಾನಿ ಗಚ್ಛನ್ತಿ ।
ಯದಾ ಷಷ್ಠಮಹರಾಗಚ್ಛನ್ತಿ ನಾತಃ ಪರಾಞ್ಚ ಪ್ರಜಾಯನ್ತೇ ।
ತಸ್ಮಾದರೇತೋಧಾಸ್ಸತ್ಯೋ ಮಹಾನಾಮ್ನಯಃ ಪ್ರಜನಯನ್ತಿ ।
ತಸ್ಮಾದು ರೇತೋಧಾಸ್ಸತ್ಯೋ ರೇವತಯೋ ನ ಪ್ರಜನಯನ್ತೀತಿ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಸುಂರೂಪಕೃತ್ನುಮೂತಯ
ಇತ್ಯಭ್ಯಾರಮ್ಭೇಣ ಷಟ್ಪದಾಷ್ಷಷ್ಠೇಽಹನ್ಭವನ್ತಿ ।
ತೇನೈವ ಷಡಹಾನಿ ಕಲ್ಪನ್ತೇ ೧೫೬

ತಾಸ್ವೃಷಭೋ ರೈವತಃ ।
ಪಶವೋ ವೈ ಸಿಮಾಃ । ಪಶವೋ ರೇವತಯಃ । ಪಶವ ಋಷಭಃ ।
ಋಷಭಮೇವೈತತ್ಪಶುಷ್ವಪಿಸೃಜನ್ತಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ತಸ್ಯ ಪೂರ್ವಾರ್ಧಂ ಚ ಭೂಯಿಷ್ಠಂ ಭಾಜಯನ್ತಿ ।
ತಸ್ಮಾತ್ಪಶವಃ ಪೂರ್ವಾರ್ಧೇನ ಚ ಜಘನಾರ್ಧೇನ ಚ ಭೂಯಿಷ್ಠಂ ಭುಞ್ಜನ್ತಿ ವಹನ್ತಿ ।
ಪೂರ್ವಾರ್ಧೇನ ದುಹ್ರೇ ಚ ಜಘನಾರ್ಧೇನ ಪ್ರ ಚ ಜನಯನ್ತಿ ।
ಉಭಯಂ ಧೇನುಪಯಸಂ ಚಾನಡುತ್ಪಯಸಂ ಚಾವರುನ್ದ್ಧೇ ಯ ಏವಂ ವೇದ ।
ಉಭೇ ಯದಿನ್ದ್ರ ರೋದಸೀ
ಇತಿ ಷಟ್ಪದಾಷ್ಷಷ್ಠೇಽಹನ್ಭವನ್ತಿ ।
ತೇನೈವ ಷಡಹಾನಿ ಕಲ್ಪನ್ತೇ ।
ದೇವಾಸುರಾಃ ಪಶುಷ್ವಸ್ಪರ್ಧನ್ತ ।
ತೇಽಸುರಾಃ ಪಶುಭಿಸ್ಸಹ ಸಮುದ್ರ ಮಭ್ಯವಾಯನ್ ।
ತೇ ದೇವಾ ಅಕಾಮಯನ್ತ ವೃಞ್ಜೀಮಹ್ಯಸುರಾಣಾಂ ಪಶೂನಿತಿ ।
ತ ಏತಾನಂಕಾನಪಶ್ಯನ್ನೇತಾ ಋಚೋ
ದೇವೀ ಜನಿತ್ರ್! ಯಜೀಜನದ್ಭದ್ರಾ ಜನಿತ್ರ್! ಯಜೀಜನದ್
ಇತಿ ।
ಏತದಙ್ಕಂ ರೂಪಮ್ ।
ತೈರುದಾರುಮ್ಪಂಸ್ತಾನ್ಪಶೂನ್ ।
ತಾ ಏತಾಃ ಪಶವ್ಯಾ ಋಚಃ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತ್ಯೇತಾಭಿರೃಗ್ಭಿಸ್ತುಷ್ಟುವಾನಃ ೧೫೭

ತಾಸು ಶ್ಯೇನಸ್ಸಂಪಾರಣೋಽನಪಹಾನಾಯ ಕ್ರಿಯತೇ ।
ಶ್ಯೇನೋ ಹ ವಾ ಏತದಹಸ್ಸಂಪಾರಯಿತುಮರ್ಹತಿ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾಞ್ಛ್ಯೇನ ಏವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಶ್ಯೇನೋ ವಾವ ನೋ ಭೂತ್ವೇದಂ ಸಾಮ ಸ್ವರ್ಗಂ ಲೋಕಮವಾಕ್ಷೀದಿತಿ ।
ತದೇವ ಶ್ಯೇನಸ್ಯ ಶ್ಯೇನತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಇನ್ದ್ರೋ ವಾ ಏತೇನ ಸಾಮ್ನಾ ಶ್ಯೇನೋ ಭೂತ್ವಾ ಅಸುರಾನಪಾವಪತ್ ।
ತದ್ವೇವ ಶ್ಯೇನಸ್ಯ ಶ್ಯೇನತ್ವಮ್ ।
ತದು ಭ್ರಾತೃವ್ಯಹಾ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೧೫೮

ಪರಿ ಸ್ವಾನೋ ಗಿರಿಷ್ಠಾ
ಇತ್ಯಾರ್ಭವಸ್ಯ ಪವಮಾನಸ್ಯ ಪರಿವತೀರ್ಗಾಯತ್ರ್! ಯೋ ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ಪವಿತ್ರೇ ಸೋಮೋ ಅಕ್ಷರತ್ ।
ಮದೇಷು ಸರ್ವಧಾ ಅಸಿ
ಇತಿ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತ್ಯೈವೈನದೇತೇನ ಪ್ಯಾಯಯನ್ತಿ ।
ತ್ವಂ ವಿಪ್ರಸ್ತ್ವಂ ಕವಿರ್
ಇತಿ ತ್ವಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಮಧು ಪ್ರ ಜಾತಮನ್ಧಸಾ ।
ಮದೇಷು ಸರ್ವಧಾ ಅಸಿ
ತ್ವೇ ವಿಶ್ವೇ ಸಜೋಷಸಃ
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ದೇವಾಸಃ ಪೀತಿಮಾಶತ ।
ಮದೇಷು ಸರ್ವಧಾ ಅಸಿ
ಇತ್ಯುಪರಿಷ್ಟಾದುದರ್ಕಂ ದಧತಿ ।
ರಸೋ ವೈ ಷಷ್ಠಮಹಸ್ । ತಸ್ಯಾನತಿನೇದಾಯ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ತ್ರೀಣಿ ವೈದನ್ವತಾನಿ ।
ಶರ್ಯಾತೋ ವೈ ಮಾನವಃ ಪ್ರಾಚ್ಯಾಂ ಸ್ಥಲ್ಯಾಮಯಜತ ।
ತಂ ಹರ್ಷಯೋ ಯಾಜಯಾಂಚಕ್ರುಃ ।
ತದುಭಯೇ ದೇವಮನುಷ್ಯಾಸ್ಸೋಮಂ ಸಮಪಿಬನ್ ।
ತದುಭಯೈರ್ದೇವಮನುಷ್ಯೈರುತ್ತಮಂ ಸೋಮಸ್ಸಂಪೀತಃ ।
ತಸ್ಮಿಂಶ್ಚ್ಯವನೋ ಭಾರ್ಗವೋಽಶ್ವಿಭ್ಯಾಂ ಗ್ರಹಮಗೃಹ್ಣಾತ್ ।
ತಮಿನ್ದ್ರ ಶ್ಚಮಸಮವಾಗೃಹ್ಣಾತ್ಕೋಽಯಮಜ್ಞಾತಶ್ಚಮಸಃ ಪ್ರಚರತೀತಿ ।
ತಸ್ಯ ವಿದನ್ವಾನ್ಭಾರ್ಗವಃ ಪ್ರತ್ಯಹನ್ । ಕಸ್ತಂ ಚಮಸಂ ಮೀಮಾಂಸಿತುಮರ್ಹತಿ ಯಂ ವಯಂ ಪ್ರಯಚ್ಛೇಮೇತಿ ೧೫೯

ತೇ ದೇವಾ ಅಕ್ರುಧ್ಯನ್ನ್ । ಅಕ್ರುಧ್ಯನ್ನೃಷಯಃ ।
ತೇ ನವನವತಯೋ ಮರುತ ಋಷ್ಟಿಹಸ್ತಾ ಅತಿಷ್ಠನ್ನಿದಾನೀಮಿದಂ ಪರ್ಯಾಕರಿಷ್ಯಾಮೋಽಥೇದಂ ಸರ್ವಂ ಮರ್ದಿಷ್ಯತ ಇತಿ ।
ಅಥ ಹ ಋಷಯೋ ಮದಮಾಸುರಮುದಾಹ್ವಯನ್ ।
ಸ ಉತ್ತೃನ್ದನ್ನೇವಾನ್ತರಿಕ್ಷಂ ಶೀರ್ಷ್ಣಾಭ್ಯಧಾತ್ । ಸಾ ಮಹತೀ ಸಮದಾಸೀತ್ ।
ಸೋಽಗ್ನಿರಿನ್ದ್ರ ಮಬ್ರವೀದ್ವ್ಯೇತು ತೇ ಕ್ರೋಧ ಶ್ರೇಯಾಂಸೋ ವಾ ಏತೇಽಸ್ಮತ್ ।
ಯದಿ ವಾ ಏತಾನ್ಕ್ರೋಧಯಿಷ್ಯತಿ ನೇಹ ಕಿಂ ಚನ ಪರಿಶೇಕ್ಷ್ಯತೇ ।
ಏತೇಭ್ಯೋ ವೈ ವಯಂ ಜಾತಾಸ್ಮ ಇತಿ ।
ತಸ್ಯಾಗ್ನಿರೇವ ಕ್ರೋಧಂ ವ್ಯನಯತ್ ।
ಸ ಇನ್ದ್ರೋ ವೀತಕ್ರೋಧಸ್ಸಹ ದೇವೈಃ ಪ್ರಾದ್ರ ವತ್ ।
ತೇಷಾಮಪೇನ್ದ್ರೋ ಽಪದೇವೋ ಯಜ್ಞೋಽಭವತ್ ।
ತೇಽಕಾಮಯನ್ತ ಸೇನ್ದ್ರೋ ನಸ್ಸದೇವೋ ಯಜ್ಞ ಸ್ಯಾದಿತಿ ।
ಸ ಏತಾನಿ ವಿದನ್ವಾನ್ಭಾರ್ಗವಸ್ಸಾಮಾನ್ಯಪಶ್ಯತ್ ।
ತೈರಸ್ತುತ ।
ತೈರಿನ್ದ್ರ ಮಾಹ್ವಯತ್ ।
ತೈರಸ್ಯ ಕ್ರೋಧಂ ವ್ಯನಯತ್ ।
ತತೋ ವೈ ತೇಷಾಮಿನ್ದ್ರೋ ಯಜ್ಞಮುಪಾವರ್ತತ ।
ತತ ಏಭ್ಯೋಽನಪಕ್ರಮ್ಯಾಭವತ್ ।
ತತ ಏಷಾಂ ಸೇನ್ದ್ರ ಸ್ಸದೇವೋ ಯಜ್ಞೋಽಭವತ್ ।
ತಾನಿ ವಾ ಏತಾನಿ ಸೇನ್ದ್ರಾ ಣಿ ಸದೇವಾನಿ ಸಾಮಾನಿ ।
ಸೇನ್ದ್ರೋ ಹಾಸ್ಯ ಸದೇವೋ ಯಜ್ಞೋ ಭವತ್ಯ್ । ಅಭ್ಯಸ್ಯೇನ್ದ್ರೋ ಯಜ್ಞಮಾವರ್ತತೇ । ನಾಸ್ಯೇನ್ದ್ರೋ ಯಜ್ಞಾದಪಕ್ರಾಮತಿ ಯ ಏವಂ ವೇದ ।
ಪಶವೋ ಹ ಖಲು ವೈ ವಿದನ್ವನ್ತ । ಏತಾ ಋಚೋ ವಿದನ್ವತೀಃ ।
ತಾಸ್ವೇತಮೃಷಭಂ ವೈದನ್ವತಮಪಿಸೃಜನ್ತಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ಯದು ವಿದನ್ವಾನ್ಭಾರ್ಗವೋಽಪಶ್ಯತ್ತಸ್ಮಾದ್ವೈದನ್ವತಾನೀತ್ಯಾಖ್ಯಾಯನ್ತೇ ೧೬೦

ಅಥ ಹ ಮದ ಆಸುರೋ ಬಿಭಯಾಂಚಕಾರ ।
ಸ ಹೋವಾಚ ಮಾ ಮಾಂ ಮೋಘಾಯೋದಾಹ್ವಯತ ವಿ ಮಾಂ ನಿಧತ್ತೇತಿ ।
ತೇಽಬ್ರುವನ್ಪಾಸ್ಯಾಮ ಇತಿ ಮನ್ಯಮಾನಾಸ್ಸುರಾಮಾಹರಾಮ ವರುಣಸ್ಯಾನ್ಧಸೋಽಧಿ ।
ತಸ್ಯಾಂ ನೈವಾಸೀತ್ಕತಮಶ್ಚನಾರ್ತಸ್ಸಾಮರ್ತ್ಯಾನೀತಿ ।
ತತ್ರ ಮದ ಪರೇಹೀತಿ ।
ಸ ಏಷ ಮದ ಆಸುರಸ್ಸುರಾಯಾಂ ವಿನಿಹಿತಃ ।
ಸ ಸುನ್ವೇ ಯೋ ವಸೂನಾಂ ಯೋ ರಾಯಾಮ್
ಇತಿ ರೂತಿ ರೇವತೀನಾಂ ರೂಪಮ್ ೧೬೧

ತಾಸು ದೀರ್ಧಂ ಬೃಹತಾಮೇಕಮ್ ।
ಏತೇನ ಹ ವಾ ಏತದಹರ್ಬಾರ್ಹತಂ ಕ್ರಿಯತೇ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನ್ದೀರ್ಘಮೇವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ದೀರ್ಘಂ ವಾವ ನೋ ಭೂತ್ವೇದಂ ಸಾಮ ಸ್ವರ್ಗಂ ಲೋಕಮವಾಕ್ಷೀದಿತಿ ।
ತದೇವ ದೀರ್ಘಸ್ಯ ದೀರ್ಘತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತಂ ವಃ ಸಖಾಯೋ ಮದಾಯೇ
ತಿ ಮದ್ವತೀರ್ಭವನ್ತಿ ।
ಅಭಿಪೂರ್ವಮೇವೈತತ್ತೃತೀಯಸವನೇ ರಸಂ ಮದಂ ದಧತಿ ।
ಪುನಾನಮಭಿ ಗಾಯತ ।
ಶಿಶುಂ ನ ಹವ್ಯೈ ಸ್ವದಯನ್ತ ಗೂರ್ತಿಭಿಃ
ಇತಿ ಪಶುರೂಪಮೇವೈತದುಪಗಚ್ಛನ್ತಿ ।
ಪಶೂನಾಂ ವೈ ಶಿಶುರ್ಭವತಿ ।
ಸಂ ವತ್ಸ ಇವ ಮಾತೃಭಿರಿನ್ದುರ್ಹಿನ್ವಾನೋ ಅಜ್ಯತ
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹ್ಯೇತದಹಃ ।
ದೇವಾವೀರ್ಮದೋ ಮತಿಭಿಃ ಪರಿಷ್ಕೃತ
ಇತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ೧೬೨

ತಾಮು ಕಾರ್ಣಶ್ರವಸಮ್ ।
ಇನ್ದ್ರೋ ವೃತ್ರಂ ವಜ್ರೇಣಾಧ್ಯಸ್ಯ ನಾಸ್ತೃಷೀತಿ ಮನ್ಯಮಾನಸ್ಸ ವ್ಯಸ್ಮಯತ ।
ತಸ್ಯ ಕರ್ಣೌ ಸಮೈಷತಾಮ್ ।
ತಾಮ್ಯಾಂ ನಾಶೃಣೋತ್ ।
ಸೋಽಕಾಮಯತಾಬಧಿರ ಸ್ಯಾಂ । ಶೃಣುಯಾಂ ಕರ್ಣಾಭ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽಬಧಿರೋಽಭವದ್ । ಅಶೃಣೋತ್ಕರ್ಣಾಭ್ಯಾಮ್ ।
ಸೋಽಬ್ರವೀದಶ್ರೌಷಂ ವೈ ಕರ್ಣಾಭ್ಯಾಮಿತಿ ।
ತದೇವ ಕಾರ್ಣಶ್ರವಸಸ್ಯ ಕಾರ್ಣಶ್ರವಸತ್ವಮ್ ।
ಅಬಧಿರೋ ಭವತಿ । ಶೃಣೋತಿ ಕರ್ಣಾಭ್ಯಾಂ ಯ ಏವಂ ವೇದ ।
ತದ್ವೇವಾಚಕ್ಷತೇ ಗೌಲೋಮಮಿತಿ ।
ಗೋಲೋಮಾ ಆಙ್ಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ । ಬಹುಪಶುರ್ಭವತಿ ಯ ಏವಂ ವೇದ ।
ಯದು ಗೋಲೋಮಾ ಆಂಗಿರಸೋಽಪಶ್ಯತ್ತಸ್ಮಾದ್ಗೌಲೋಮಮಿತ್ಯಾಖ್ಯಾಯತೇ ।
ಸೋಮಾಃ ಪವನ್ತ ಇನ್ದವೋಽಸ್ಮಭ್ಯಂ ಗಾತುವಿತ್ತಮಾಃ ।
ಮಿತ್ರಾ ಸ್ವಾನಾ ಅರೇಪಸ
ಇತಿ ರೂತಿ ರೇವತೀನಾಂ ರೂಪಮ್ ।
ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ೧೬೩

ಅಥ ಮಧುಶ್ಚ್ಯುನ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ -- ಅಥೋಽನ್ತೋ ವೈ ರಸಾನಾಂ ಮಧ್ವನ್ತ ಸ್ವರ್ಗೋ ಲೋಕಾನಾಮ್ । ಅನ್ತ ಏತದಹರನ್ತ್ಯೇನ ಸಾಮ್ನಾನ್ತ್ಯಂ ಸ್ವರ್ಗಂ ಲೋಕಮಶ್ನವಾಮಹಾ ಇತಿ ।
ಅಥ ಕ್ರೌಞ್ಚೇ ।
ಕ್ರುಂಙಾಂಗಿರಸ ಈಷ್ಯಮಿವಾಹರವಿನ್ದತ್ ।
ಈಷ್ಯಮಿವೈತದಹರ್ಯತ್ಷಷ್ಠಮ್ ।
ತಸ್ಮಾತ್ಷಷ್ಠೇಽಹನಿ ಕ್ರಿಯೇತೇ ।
ತೇ ಉ ಏವಾಚಕ್ಷತ ಉದ್ವಚ್ಚ ಶಾಮ್ಮದಂ ಚೇತಿ ।
ಉದ್ವತಾ ವೈ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮುದಕ್ರಾಮನ್ ।
ಯದೂರ್ಧ್ವಾ ಸ್ವರ್ಗಂ ಲೋಕಮುದಕ್ರಾಮಂಸ್ತದುದ್ವತ ಉದ್ವತ್ತ್ವಮ್ ।
ತದೇತದ್ಸ್ವರ್ಗ್ಯಂ ಸಾಮ ।
ಊರ್ಧ್ವ ಏವೈತೇನ ಸ್ವರ್ಗಂ ಲೋಕಮುತ್ಕ್ರಾಮತಿ ಯ ಏವಂ ವೇದ ।
ಅಥ ಶಾಮ್ಮದಮ್ ।
ದೇವೇಭ್ಯೋ ವೈ ವಿಜಿಗ್ಯಾನೇಭ್ಯ ಇಮೇ ಲೋಕಾ ಬಿಭ್ಯತೋ ವ್ಯುದಕ್ರಾಮನ್ ।
ತೇಽಕಾಮಯನ್ತಾಭಿ ನ ಇಮೇ ಲೋಕಾ ಆವರ್ತೇರನ್ ।
ನಾಸ್ಮದಪಕ್ರಾಮೇಯುರಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತಾನಿಮೇ ಲೋಕಾ ಅಭ್ಯಾವರ್ತನ್ತ ।
ತತ ಏಭ್ಯೋಽನಪಕ್ರಾಮಿಣೋಽಭವನ್ ।
ತೇಽಬ್ರುವಞ್ಛಂ ವೈ ನ ಇಮೇ ಲೋಕಾ ಅಮಾದಿಷುರಿತಿ ।
ತದೇವ ಶಾಮ್ಮದಸ್ಯ ಶಾಮ್ಮದತ್ವಮ್ ।
ಶಮಸ್ಮಾ ಇಮೇ ಲೋಕಾ ಮದನ್ತ್ಯಭ್ಯೇನಮಿಮೇ ಲೋಕಾ ಆವರ್ತನ್ತೇ ।
ನಾಸ್ಮಾದಿಮೇ ಲೋಕಾ ಅಪಕ್ರಾಮನ್ತಿ ಯ ಏವಂ ವೇದ ।
ತದೂರ್ಧ್ವೇಳಂ ಭವತಿ ಬೃಹತೋ ರೂಪಂ ಬಾರ್ಹತೇಽಹನ್ ।
ತೇನ ವೈ ರೂಪಸಮೃದ್ಧಮ್ ।
ಅಯಾ ಪವಾ ಪವಸ್ವೈನಾ ವಸೂನಿ ಮಾಂಶ್ಚತ್ವ ಇನ್ದೋ ಸರಸಿ ಪ್ರ ಧನ್ವ ।
ಬ್ರಧ್ನಶ್ಚಿದ್ಯಸ್ಯ ವಾತೋ ನ ಜೂತಿಂ ಪುರುಮೇಧಶ್ಚಿತ್ತಕವೇ ನರಂ ಧಾತ್
ಇತಿ ರೂತಿ ರೇವತೀನಾಂ ರೂಪಮ್ ೧೬೪

ತಾಸು ಶ್ನೌಷ್ಟಮ್ ।
ಏತೇನ ವಾ ಅಗ್ನಿರ್ವೈಶ್ವಾನರೋ ದೀದಾಯ ।
ದೀದಯಾಮೇತಿ ಸತ್ರಮಾಸತೇ ।
ದೀದಯನ್ತ್ಯೇವೈನಮೇತೇನ ।
ಅಥ ಹ ವಾ ಅಗ್ನಿರ್ವೈಶ್ವಾನರ ಇತ್ಥಮೇವಾಸ ಯಥೇಮೇಽಙ್ಗಾರಾಃ ।
ಸೋಽಕಾಮಯತ ಶ್ನುಷ್ಟಯೋ ಮೇ ಜಾಯೇರನ್ನಚರ್ಯ ಇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತಸ್ಯ ಶ್ನುಷ್ಟಯೋಽರ್ಚಯೋಽಜಾಯನ್ತ ।
ಏತೇ ಹ ವಾ ಅಸ್ಯ ಶ್ನುಷ್ಟಯೋ ಯದರ್ಚಯಃ ।
ತೇಜೋ ವಾ ಅಸ್ಯ ತದ್ಬ್ರಹ್ಮವರ್ಚಸಮಜಾಯತ ।
ತೇಜಸ್ವೀ ಬ್ರಹ್ಮವರ್ಚಸೀ ಶ್ನುಷ್ಟಿಮಾನ್ಭವತಿ ಯ ಏವಂ ವೇದ ।
ತದು ನಿಷಿದ್ಧಮಿವ ಭವತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ।
ತದ್ಯಥಾ ವಾ ಅದೋಽನಯನಂ ಯನ್ತಮೇಹೀಹ ಮಾತ್ರೈರಿತ್ಯನುಹ್ವಯೇದೇವಮೇವೈತೇನ ಸ್ತೋಮಾ ಆಪ್ತಾ ಅನ್ತತೋಽನುಹ್ವಯನ್ತಿ ೧೬೫

ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಅಥೈತಾ ದ್ವಿಪದೋ ಭವನ್ತಿ । ಛನ್ದಸಾಮಯಾತಯಾಮತಾಯಾ ಅವರುದ್ಧ್ಯೈ ।
ಯಾತಯಾಮಾನಿ ವಾ ಏತರ್ಹ್ಯಹಾನಿ ಛನ್ದಾಂಸಿ । ದ್ವಿಪದ ಏವಾಯಾತಯಾಮ್ನೀಃ ।
ತಾ ಯದತ್ರ ಕ್ರಿಯನ್ತೇ ತೇನೈವೈತದಹರಯಾತಯಾಮ ಕ್ರಿಯತೇ ।
ತದ್ಧ ಸ್ಮ ಕೇಶೀ ದಾರ್ಭ್ಯ ಉಪಗಾಯತಿ
ಸರ್ವದೈವ ಗಿರೌ ಭದ್ರ ಮಪಿ ಪರ್ಣೇನ ಜೀವತಿ ।
ಯದಾವಸಂ ನ ವಿನ್ದತಿ ತದಾಶಾ ಉಪಧಾವತಿ
ಇತಿ ।
ಯಾದೃಗಿವ ಸ್ಯುರೇವ ಬ್ರಾಹ್ಮಣಾಸ್ತಾದೃಗಿದಂ ಯೂಯಂ ಕುರುಥಾಪ್ತೇಷು ಛನ್ದಸ್ಸು ದ್ವಿಪದ ಇತಿ ।
ಪಶವೋ ವೈ ಪೃಷ್ಠ್ಯಷ್ಷಡಹಃ । ಪುರುಷ ಛನ್ದಸಾಂ ದ್ವಿಪದಃ ।
ತಾ ಯದತ್ರ ಕ್ರಿಯನ್ತೇ ಪುರುಷಮೇವ ತತ್ಪಶುಷ್ವಧ್ಯೂಹನ್ತಿ ।
ತಸ್ಮಾತ್ಪುರುಷ ಉಪರಿಷ್ಟಾತ್ಪಶೂನಧೀವ ತಿಷ್ಠತಿ ।
ಅಥೋ ಸ್ವರ್ಗ ಏಷ ಲೋಕೋ ಯತ್ಪೃಷ್ಠ್ಯಷ್ಷಡಹೋ । ಯಜಮಾನ ಏಷ ನಿದಾನೇನ ಯದ್ದ್ವಿಪದಃ ।
ತಾ ಯದುಪರಿಷ್ಟಾತ್ಪೃಷ್ಠ್ಯಸ್ಯ ಷಡಹಸ್ಯ ಪರ್ಯೂಹನ್ತಿ ಯಜಮಾನಮೇವ ತತ್ಸ್ವರ್ಗೇ ಲೋಕೇ ಸಮುದೂಹನ್ತಿ ೧೬೬

ಛನ್ದಾಂಸಿ ಯದಮುಮಾದಿತ್ಯಮುದಯಚ್ಛಂಸ್ತಾನಿ ನಾಶಕ್ನುವನ್ನುದ್ಯನ್ತುಮ್ ।
ತಾನಿ ದ್ವಿಪದಾಞ್ಛನ್ದಾಂಸ್ಯಬ್ರುವಂಸ್ತ್ವಯಿ ಪ್ರತಿಷ್ಠಾಯೈತಮುದ್ಯಚ್ಛಾಮೇತಿ ।
ತಾನಿ ವೈ ಮೇಽನ್ನಂ ಭವತೇತಿ ।
ಅನ್ನಂ ತೇ ಭವಾಮ ಇತ್ಯಬ್ರುವನ್ ।
ತದ್ಬ್ರಾಹ್ಮಣೋ ಹ ವೈ ಛನ್ದೋ ದ್ವಿಪದಸ್ । ತಾನ್ಯಸ್ಯೈತಾನ್ಯನ್ನಮಿಹ ಚಾಮುತ್ರ ಚ ।
ತಾನ್ಯೇತಾನಿ ಛನ್ದಾಂಸಿ ದ್ವಿಪದಾಯಾಂ ಪ್ರತಿಷ್ಠಾಯೈತಮಾದಿತ್ಯಮುದ್ಯಚ್ಛನ್ತ್ಯೇತಾಂಶ್ಚ ಯಜ್ಞಕ್ರತೂನ್ ।
ತದ್ಯತ್ಪೃಚ್ಛೇಯುಃ ಕಸ್ಮಾದ್ದ್ವಿಪದಷ್ಷಷ್ಠೇಽಹನ್ಕ್ರಿಯನ್ತ ಇತಿ । ಪ್ರತಿಷ್ಠಿತ್ಯಾ ಇತ್ಯೇವ ಬ್ರೂಯಾತ್ ।
ತಸ್ಮಾದೇತಾ ಅತ್ರ ನಾನ್ತರಿತ್ಯಾಃ ।
ತಾ ಏತಾ ಭವನ್ತ್ಯಗ್ನೇ
ತ್ವಂ ನೋ ಅನ್ತಮ
ಇತಿ ೧೬೭

ಅಸಮಾತಿಂ ರಾಥಪ್ರೌಷ್ಠಂ ಗೌಪಾಯನಾ ಅಭ್ಯದಾಸನ್ ।
ತೇ ಖಾಣ್ಡವೇ ಸತ್ರಮಾಸತ ।
ಅಥ ಹಾಸಮಾತೌ ರಾಥಪ್ರೌಷ್ಠೇ ಕಿರಾತಾಕುಲೀ ಊಷತುರಸುರಮಾಯೌ ।
ತೌ ಹ ಸ್ಮಾನಗ್ನಾವಧಿಧಾಯೌದನಂ ಪಚತೋಽನಗ್ನೌ ಮಾಂಸಮ್ ।
ವಪನ್ತೌ ಹ ಸ್ಮ ಪುರಸ್ತಾದಿತೋ ಲೋನನ್ತೋ ಹ ಸ್ಮ ಪಶ್ಚಾದನುಯನ್ತಿ ತಾವನ್ಮಾಯಾವಿನೌ ಹಾಸತುಃ ।
ತದ್ವೈ ತಚ್ಛಶ್ವದಿಕ್ಷ್ವಾಕವೋಽಸುರಾಶನಂ ಜಗ್ಧ್ವಾ ಪರಾಭೂತಾಃ ।
ತಮಸಮಾತಿಂ ರಾಥಪ್ರೌಷ್ಠಂ ಗೌಪಾಯನಾನಾಮಾಹುತಯೋಽಭ್ಯತಪನ್ ।
ಸೋಽಬ್ರವೀದಿಮೌ ಕಿರಾತಾಕುಲೀ ಇಮಾ ವೈ ಮಾ ಗೌಪಾಯನಾನಾಮಾಹುತಯೋಽಭಿತಪನ್ತೀತಿ ।
ತಾವಬ್ರೂತಾಂ ತಸ್ಯ ವಾ ಆವಮೇವ ಭಿಷಜೌ ಸ್ವ । ಆವಂ ಪ್ರಾಯಶ್ಚಿತ್ತಿರ್ । ಆವಂ ತಥಾ ಕರಿಷ್ಯಾವೋ ಯಥಾ ತ್ವೈತಾ ನಾಭಿತಪ್ಸ್ಯನ್ತೀತಿ ।
ತೌ ಪರೇತ್ಯ ಸುಬನ್ಧೋರ್ಗೌಪಾಯನಸ್ಯ ಸ್ವಪತಃ ಪ್ರಮತ್ತಸ್ಯಾಸುಮಾಹೃತ್ಯಾನ್ತಃಪರಿಧಿ ನ್ಯಧತ್ತಾಮ್ ।
ಪರಿಧಿಮನ್ತೋ ಹ ತರ್ಹ್ಯಗ್ನಯ ಆಸುಃ ।
ತತ್ಸುಬನ್ಧಾವಪ್ರಬುದ್ಧೇಽನ್ವಬುಧ್ಯನ್ತಾಹಾರ್ಷ್ಟಾಂ ವಾ ಅಸ್ಯಾಸುಮಸುರಮಾಯಾವಿತಿ ।
ತೇಽಬ್ರುವನ್ನೇತ ಸುಬನ್ಧೋರಸುಮನ್ವಯಾಮೇತಿ ।
ತೇ ಖಾಣ್ಡವಾತ್ಪ್ರಾಯನ್
ಮಾ ಪ್ರ ಗಾಮ ಪಥೋ ವಯಂ ಮಾ ಯಜ್ಞಾದಿನ್ದ್ರ ಸೋಮಿನಃ ।
ಮಾನ್ತ ಸ್ಥುರ್ನೋ ಅರಾತಯಃ
ಯಚ್ಚೇದಮಿಮೋ ಯಚ್ಚ ಸತ್ರಮಾಸ್ಮಹೇ ತಸ್ಮಾದುಭಯಸ್ಮಾನ್ಮಾ ಪ್ರಗಾಮೇತಿ ತೇ ಸುಬನ್ಧುನಾವತನ್ತುಮತಾ ಸುಬನ್ಧುತೀರ್ಥೇನೈವ ಹ್ವೃಣಿನೀಂ ಪ್ರಾಞ್ಚಸ್ತೀರ್ತ್ವಾಗಚ್ಛನ್ನಸಮಾತಿಂ ರಾಥಪ್ರೌಷ್ಠಮ್ ೧೬೮

ತಸ್ಯ ಹ ಪರಾಖ್ಯಾಯೈವಾಗ್ನಿಮಜಾನನ್ವರೂಥ್ಯೋ ವೈ ನಾಮಾಸ್ಯಾಗ್ನಿರಿತಿ ।
ಅಥ ಹ ತತಃ ಪುರಾಗ್ನಿರ್ವರೂಥ್ಯೋ ನಾಮ ಪ್ರೋಚೇ ವರೂಥ್ಯೋ ವೈ ನಾಮಾಸ್ಮಿ ।
ಸ ಯಸ್ತ್ವೈತದಭಿರಾಧಯಾದ್ಯದೇವ ತ್ವಾ ಕಿಂ ಚ ಸ ಬ್ರವತ್ತತ್ಕುರುತಾದಿತಿ ।
ತಮುಪಾಯನ್ನ್
ಅಗ್ನೇ ತ್ವಂ ನೋ ಅನ್ತಮ ಉತ ತ್ರಾತಾ ಶಿವೋ ಭುವೋ ವರೂಥ್ಯ
ಇತಿ ।
ತಾನಬ್ರವೀತ್ಕಿಂಕಾಮಾ ಆಗಾತೇತಿ ।
ಸುಬನ್ಧೋರೇವಾಸುಂ ಪುನರ್ವನುಮ ಇತ್ಯಬ್ರುವನ್ ।
ಏಷೋಽನ್ತಃಪರಿಧೀತ್ಯಬ್ರವೀತ್ ।
ತಮಾದದ್ಧ್ವಮಿತಿ ।
ತಂ ನಿರಾಹ್ವಯನ್ನ್
ಅಯಂ ಮಾತಾಯಂ ಪಿತಾಯಂ ಜೀವಾತುರಾಗಮತ್ ।
ಇದಂ ತವ ಪ್ರಸರ್ಪಣಂ ಸುಬನ್ಧವೇಹಿ ನಿರಿಹಿ
ಇತಿ ।
ತಂ ಸುಬನ್ಧುಮಸುಃ ಪುನಃ ಪ್ರಾವಿಶತ್ ।
ಸ ಯಥಾಪುರಮಭವತ್ ।
ತದಾಭ್ಯಾಂ ಕಿರಾತಾಕುಲೀಭ್ಯಾಮಾಚಕ್ಷತೇಮೇ ವಾ ಋಷಯೋಽಸುಂ ನಿರಾಹ್ವಯನ್ನಿತಿ ।
ತಾವಧಾರಯಮಾಣೌ ನಿರಾದ್ರ ವತಾಮ್ ।
ತಯೋರಿಮಾನೇವ ಪರಾಖ್ಯಾಯ ಸರ್ವಾ ಮಾಯಾ ಅಪಾಕ್ರಾಮನ್ ।
ತಯೋರ್ಹ ಯತ್ಪಾಪಿಷ್ಠತಮಂ ರೂಪಾಣಾಂ ತದ್ರೂ ಪಮಾಸ ೧೬೯

ಅಥ ಹ ತತಃ ಪುರಾ ಮಾಯಯಾ ದರ್ಶನೀಯಾವಾಸತುಃ ।
ತಯೋರನ್ಯತರೋಽಗ್ನಿಂ ಪ್ರಪ್ಲವಮಾಣೋಽಬ್ರವೀದಿತ್ಥಂ ವೈ ಸ ಕರೋತಿ ಯಸ್ಸತ್ಯಮನೃತೇನ ಜಿಘಾಂಸತೀತಿ ।
ಅಥೇತ್ಥಂ ಗಾ ನ್ಯಕೃನ್ತನ್ ।
ತದನ್ಯತರ ಉಪಪರೇತ್ಯ ಗ್ರೀವಾ ಅಪಿಕೃನ್ತಮಾಣೋಽಬ್ರವೀದಿತ್ಥಮು ವಾವ ಸ ಕರೋತಿ ಯಸ್ಸತ್ಯಮನೃತೇನ ಜಿಘಾಂಸತೀತಿ ।
ತೌ ತದೇವಾಮ್ರಿಯೇತಾಮ್ ।
ತಾ ಏತಾ ಭ್ರಾತೃವ್ಯಘ್ನ್ಯೋ ರಕ್ಷೋಘ್ನ್ಯ ಋಚಃ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮಪ ರಕ್ಷಃ ಪಾಪ್ಮಾನಂ ಹತ ಏತಾಭಿರೃಗ್ಭಿಸ್ತುಷ್ಟುವಾನಃ ।
ತದಾಹುರ್ಯದ್ವಾಲಖಿಲ್ಯಾ ವಿಹರನ್ತಿ ಕಥಮೇತಾಸು ವಿಹೃತಾಸು ಸ್ತುವತ ಇತಿ ।
ಸ ಬ್ರೂಯಾದ್ಯದೇವೈತಾನಿ ವ್ಯೂನಾಕ್ಷರಾಣಿ ವ್ಯತಿಷಕ್ತಾನಿ ಪದಾನಿ ಭವನ್ತಿ । ತೇನೇತಿ ೧೭೦

ತಾಸು ಗೂರ್ದಃ ।
ದೇವಾಸುರಾ ಅನ್ನಾದ್ಯೇಽಸ್ಪರ್ಧನ್ತ ।
ತೇ ದೇವಾ ಅನ್ನಾದ್ಯಮಸುರಾಣಾಮವೃಞ್ಜತ ।
ತೇಷು ಹಾಸುರೇಷು ಗೂರ್ದ ಏವ ನಾಮ ಮಹದನ್ನಾದ್ಯಂ ಪರಿಶಿಶಿಷೇ ।
ತೇ ದೇವಾ ಅಕಾಮಯನ್ತ ವೃಞ್ಜೀಮಹೀಮಂ ಗೂರ್ದಮನ್ನಾದ್ಯಮಸುರಾಣಾಮಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನ ಗೂರ್ದಮನ್ನಾದ್ಯಮಸುರಾಣಾಮವೃಞ್ಜತ ।
ತಸ್ಮಿನ್ನಗೂರ್ದನ್ ।
ಯದಗೂರ್ದಂಸ್ತದ್ಗೂರ್ದಸ್ಯ ಗೂರ್ದತ್ವಮ್ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇ ವೃಂಕ್ತೇ ದ್ವಿಷತೋ ಭ್ರಾತೃವ್ಯಸ್ಯಾನ್ನಾದ್ಯಂ ಯ ಏವಂ ವೇದ ।
ಪ್ರಜಾಪತಿರನ್ನಾದ್ಯಮಸೃಜತ ।
ತಸ್ಯ ಸರ್ವೇ ದೇವಾ ಮಮತ್ವಿನ ಆಸನ್ಮಮ ಮಮೇತಿ ।
ಸೋಽಗ್ನಿರಕಾಮಯತಾಹಮಿದಮನ್ನಾದ್ಯಮುಜ್ಜಯೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಂ ಪರ್ಯಗೃಹ್ಣಾತ್ ।
ತದುದಜಯತ್ ।
ತದೇತದಗ್ನಾವೇವ ಸರ್ವಮನ್ನಾದ್ಯಮ್ ।
ತಸ್ಮಾದ್ಯಸ್ಯೈ ಯಸ್ಯೈ ದೇವತಾಯೈ ಜುಹ್ವತ್ಯ್ । ಅಗ್ನಾವೇವ ಜುಹ್ವತಿ ।
ತಸ್ಮಿನ್ನಗೂರ್ದತ್ ।
ಯದಗೂರ್ದತ್ । ತದ್ವೇವ ಗೂರ್ದಸ್ಯ ಗೂರ್ದತ್ವಮ್ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಇಮಾ ನು ಕಂ ಭುವನಾ ಸೀಷಧೇಮೇನ್ದ್ರ ಶ್ಚ ವಿಶ್ವೇ ಚ ದೇವಾ
ಇತಿ ವೈಶ್ವದೇವ್ಯೋ ಭವನ್ತಿ ।
ವೈಶ್ವದೇವೋ ವೈ ವೃಷಕಪಿಃ ।
ವೈಶ್ವದೇವಮೇತದಹಃ ।
ಯಜ್ಞಂ ಚ ನಸ್ತನ್ವಂ ಚ ಪ್ರಜಾಂ ಚಾದಿತ್ಯೈರಿನ್ದ್ರ ಸ್ಸಹ ಸೀಷಧಾತ್ವಿತಿ ಸಿದ್ಧ್ಯಾ ಏವ ।
ಆದಿತ್ಯೈರಿನ್ದ್ರ ಸ್ಸಗಣೋ ಮರುದ್ಭಿರಸ್ಮಭ್ಯಂ ಭೇಷಜಾ ಕರದ್
ಇತಿ ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ೧೭೧

ತಾಸು ಗೋತಮಸ್ಯ ಭದ್ರ ಮ್ ।
ಗೋತಮೋ ವೈ ಶ್ರೀಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಶ್ರಿಯಮಾಶ್ನುತ ।
ತಚ್ಛ್ರೀರ್ವೈ ಭದ್ರ ಮ್ ।
ಪ್ರಜಾ ವೈ ಭದ್ರ ಮ್ ।
ಪ್ರಜಾಯೈ ಯಾ ಪ್ರಜಾ ಸಾ ಶ್ರೇಯಃ ।
ಅಪಿ ಹ ಪ್ರಜಾಯೈ ಪ್ರಜಾಂ ಪಶ್ಯತೇ ಯ ಏವಂ ವೇದ ।
ಯದು ಗೋತಮೋಽಪಶ್ಯತ್ತಸ್ಮಾದ್ಗೋತಮಸ್ಯ ಭದ್ರ ಮಿತ್ಯಾಖ್ಯಾಯತೇ ।
ಪ್ರ ವ ಇನ್ದ್ರಾ ಯ ವೃತ್ರಹನ್ತಮಾಯೇ
ತಿ ವಾರ್ತ್ರಘ್ನ್ಯೋ ಭವನ್ತ್ಯ್ । ಅನ್ತತೋ ವಿಜಿತ್ಯೈ ।
ದೇವಾ ವೈ ಷಡಹೇನ ವಿಜಿತ್ಯಾಬ್ರುವನ್ಕಿಂ ನು ನೋಽಸ್ಯಾನ್ತತ ಸ್ಯಾದ್ಯಥಾ ನ ಇದಂ ಜಿತಮಸುರಾನಪಜಯೇಯುರಿತಿ ।
ತೇ ಪೃಷ್ಠಾನಾಮೇವ ರಸಾನ್ಸಂಪ್ರಾವೃಹನ್ ।
ತಾನಭ್ಯಸ್ವರನ್ ।
ತದೂರ್ಧ್ವಮುದಶ್ರಯದ್ಯಥಾ ವಂಶ ಏವಮ್ ।
ತದುದ್ವಂಶೀಯಮಭವತ್ ।
ತದುದ್ವಂಶೀಯಸ್ಯೋದ್ವಶೀಯತ್ವಮ್ ।
ತದ್ಯಜ್ಞಮತ್ಯರಿಚ್ಯತ ।
ತಸ್ಮಾದೇತಮುದ್ವಂಶಪುತ್ರಂ ಪ್ರಾವೃಹನ್ತ ।
ರಸಾದೇವ ರಸಂ ತಂ ಪೃಷ್ಠ್ಯಸ್ಯ ಷಡಹಸ್ಯಾನ್ತತೋಽಕುರ್ವಂಶ್ಛನ್ದೋಮಾನಾಮುದ್ವಂಶೀಯಮ್ ।
ತಾವೇತೌ ವಜ್ರಾವುದ್ಯತಾವನ್ತತಸ್ತಿಷ್ಠತಃ । ಪಶೂನಾಂ ಗುಪ್ತ್ಯೈ ಪಶೂನಾಮಪರಾವಾಪಾಯ ।
ನಾಸ್ಯ ವಿತ್ತಂ ಪರೋಪ್ಯತೇ ಯ ಏವಂ ವೇದ ।
ಸರ್ವೇಷಾಂ ವಾ ಏತತ್ಪೃಷ್ಠಾನಾಂ ರೂಪಂ ರಸಸ್ತೇಜಸ್ಸಂಭೃತಮ್ ।
ಸರ್ವಸ್ಮಿನ್ನೇವೈತತ್ಪೃಷ್ಠರೂಪೇ ರಸೇ ತೇಜಸ್ಯಪರಾಜಿತೇ ಛನ್ದಸಿ ಯಜ್ಞಸ್ಯಾನ್ತತಃ ಪ್ರತಿತಿಷ್ಠನ್ತಿ ।
ತಸ್ಯ ಪುರಸ್ತಾನ್ನಿಧನಸ್ಯ ಪ್ರತಿಹಾರಮುಪಯನ್ತಿ ।
ಪ್ರಸ್ತಾವಪ್ರತಿಹಾರಾಭ್ಯಾಂ ವೈ ಯಜಮಾನೋ ಧೃತಃ ।
ಅತೀತಾ ಇವೈತರ್ಹಿ ಭವನ್ತಿ ತದ್ಯತ್ಪುರಸ್ತಾನ್ನಿಧನಸ್ಯ ಪ್ರತಿಹಾರಮುಪಯನ್ತ್ಯನತಿಪಾದಾಯೈವ ।
ತತ್ಸ್ವಾರಂ ಭವತಿ ।
ಅಭಿ ಸಪ್ತಮಮಹ ಸ್ವರತಿ ।
ಸ್ವಾರಮೇವ ತದ್ಭವತಿ ।
ಸ್ವರೇಣ ಶ್ವೋ ಭೂತೇ ಪ್ರತಿಪದ್ಯನ್ತೇ ।
ಸ ಯಥಾ ಸಮಾತ್ಸಮಂ ಸಂಕ್ರಾಮೇದ್ । ಯಥಾ ಪ್ರಾಣೇನ ಪ್ರಾಣಂ ಸಂದಧ್ಯಾತ್ । ತಾದೃಕ್ತತ್ ೧೭೨

ಪ್ರಜಾಪತಿರ್ವಾ ಏತಂ ಯಜ್ಞಮಸೃಜತ ಯದ್ದ್ವಾದಶಾಹಮ್ ।
ತಂ ಪೃಷ್ಠ್ಯೇನೈವ ಷಡಹೇನ ಸರ್ವಮಾಪ್ನೋತ್ ।
ಸ ಷಕ್ಷತ ಕಥಂ ನ್ವಿಮಾನಿ ಚತ್ವಾರ್ಯಹಾನಿ ಪ್ರತಿಸಂದಧ್ಯಾಮಿತಿ ।
ಸ ಗಾಯತ್ರ್! ಯಾ ಏವ ಚತುರ್ವಿಂಶಮಹರ್ನಿರಮಿಮೀತ । ತ್ರಿಷ್ಟುಭಶ್ಚತುಶ್ಚತ್ವಾರಿಂಶಂ । ಜಗತ್ಯಾ ಅಷ್ಟಾಚತ್ವಾರಿಂಶಮ್ । ಅನುಷ್ಟುಭ ಏವ ದಶಮಮಹರ್ನಿರಮಿಮೀತ ।
ಸರ್ವೇಭ್ಯೋ ವಾ ಅಹೋಭ್ಯಸ್ತದ್ಯಚ್ಛನ್ದೋಭ್ಯೋ ನಿರಮಿಮತ ತಚ್ಛನ್ದೋಮಾನಾಂ ಛನ್ದೋಮತ್ವಮ್ ।
ತದಾಹುರಾಪ್ಯನ್ತೇ ವಾ ಏತತ್ಸ್ತೋಮಾ । ಆಪ್ಯನ್ತೇ ಛನ್ದಾಂಸ್ಯ್ । ಆಪ್ಯನ್ತೇ ದೇವತಾ । ಆಪ್ಯನ್ತ ಋತವೋ ಗ್ರಹಾ । ಯದೇಷ ಪೃಷ್ಠ್ಯಷ್ಷಡಹ ಆಪ್ಯತ ಇತಿ ।
ತದ್ಯತ್ಸಪ್ತಮಸ್ಯಾಹ್ನಶ್ಚತುರ್ವಿಂಶಂ ಬಹಿಷ್ಪವಮಾನಂ ಭವತಿ ಚತುರ್ವಿಂಶತ್ಯರ್ಧಮಾಸಸ್ಸಂವತ್ಸರಃ ।
ಸಂವತ್ಸರೋ ಯಜ್ಞೋ ಯಜ್ಞಮೇವೈತದ್ಯಜ್ಞಮುಖ ಆರಭನ್ತೇ ।
ಅಥೋ ಚತುರ್ವಿಂಶತ್ಯಕ್ಷರಾ ವೈ ಗಾಯತ್ರೀ ।
ಗಾಯತ್ರ್! ಯೋ ವಾ ಆಪ್ತಂ ಯಜ್ಞಕ್ರತುಂ ಪುನಸ್ತನ್ವತೇ ।
ನೋ ಹ್ಯನ್ಯಾ ಗಾಯತ್ರ್! ಯಾ ಆಪ್ತಂ ಯಜ್ಞಕ್ರತುಮುದ್ಯನ್ತುಮರ್ಹತಿ ೧೭೩

ಏತಾ ಭವನ್ತಿ
ಪ್ರ ಕಾವ್ಯಮುಶನೇವ ಬ್ರುವಾಣ
ಇತಿ ಪ್ರವತೀಃ ಪ್ರಾಯಣೇಽಹನ್ ।
ಪ್ರಣಿನೀಷೇಣ್ಯಂ ವಾ ಏತದಹಃ ।
ಪ್ರೇತಿ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ।
ದೇವೋ ದೇವಾನಾಂ ಜನಿಮಾ ವಿವಕ್ರೀ
ತಿ ಸೋಮೋ ವೈ ದೇವೋ ದೇವಾನಾಂ ಜನಿಮಾ ।
ಸೋಮಮೇವ ತತ್ಪ್ರಜನಯನ್ತಿ ।
ಮಹಿವ್ರತಶ್ಶುಚಿಬನ್ಧುಃ ಪಾವಕ
ಇತ್ಯನ್ನಂ ವೈ ದೇವಾಶ್ಶುಚಿಬ್ರತಮಿತ್ಯಾಚಕ್ಷತೇ ।
ಅನ್ನಮು ದೇವಾನಾಂ ಸೋಮಃ ।
ತಮೇವೈತತ್ಪ್ರಜನಯನ್ತಿ ।
ಪದಾ ವರಾಹೋ ಅಭ್ಯೇತಿ ರೇಭನ್ನ್
ಇತಿ ವರಾಹೋ ವೈ ಭೂತ್ವಾ ಪ್ರಜಾಪತಿಷ್ಷಷ್ಠಾದ್ ಅಹ್ನಸ್ಸಪ್ತಮಮಹರಭ್ಯತ್ಯಕ್ರಾಮತ್ ।
ಅತಿಕ್ರಾನ್ತಿರೇವೈಷಾ ।
ಪ್ರ ಹಂಸಾಸಸ್ತೃಪಲಾ ವಗ್ನುಮಚ್ಛೇ
ತಿ ಬ್ರಾಹ್ಮಣಾ ಹ ವೈ ಹಂಸಾಸಸ್ತೃಪಲಾಃ ।
ಅಮಾದಸ್ತಂ ವೃಷಗಣಾ ಅಯಾಸುರ್
ಇತಿ ಷಡಹೋ ವಾ ಅಮಾಚ್ಛನ್ದೋಮಾ ಅಸ್ತಮ್ ।
ಛನ್ದಾಂಸಿ ವೃಷಗಣಾಃ ।
ಛನ್ದಾಂಸ್ಯೇವೈತಚ್ಛನ್ದೋಮಾನಭ್ಯತಿನಯನ್ತ್ಯುತ್ತರಸ್ಯ ತ್ರ್! ಯಹಸ್ಯ ಸಂಪಾರಣಾಯ ।
ಅಙ್ಗೋಷಿಣಂ ಪವಮಾನಂ ಸಖಾಯೋ ದುರ್ಮರ್ಷಂ ವಾಣಂ ಪ್ರ ವದನ್ತಿ ಸಾಕಮ್
ಇತಿ ಬೃಹದ್ರ ಥನ್ತರೇ ಏವೈತತ್ಪ್ರಾತಸ್ಸವನೇ ಯುಜ್ಯೇತೇ ।
ತೇ ಯುಕ್ತೇ ಮಾಧ್ಯನ್ದಿನೇ ಸವನೇಽಭ್ಯಾರೋಹನ್ತಿ ।
ಸ ಯೋಜತ ಉರುಗಾಯಸ್ಯ ಜೂತಿಂ ವೃಥಾ ಕ್ರೀಳನ್ತಂ ಮಿಮತೇ ನ ಗಾವ
ಇತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ಪರೀಣಸಂ ಕೃಣುತೇ ತಿಗ್ಮಶೃಂಗ
ಇತಿ ।
ಪರೀಣಸಮಿತ್ಯಾಹ -- ಅನ್ನಂ ವೈ ಪರೀಣಸಮನ್ನಾದ್ಯಸ್ಯೈವಾವರುದ್ಧ್ಯೈ ।
ದಿವಾ ಹರಿರ್ದದೃಶೇ ನಕ್ತಮೃಜ್ರ
ಇತ್ಯತಿರಾತ್ರೋ ರೂಪೇಣ ಕ್ರಿಯತೇ ೧೭೪

ತಾ ಏತಾ ಭವನ್ತಿ ತ್ರಿಷ್ಟುಭೋ ಗಾಯತ್ರವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮೃದ್ಧಯನ್ತಿ ಸಂ ತತ್ರರ್ಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ತದಾಹುರ್ಯದ್ಗಾಯತ್ರಂ ಸಪ್ತಮಮಹಸ್ । ತ್ರೈಷ್ಟುಭಮಷ್ಟಮಂ । ಜಾಗತಂ ನವಮಮ್ । ಅಥ ಕಸ್ಮಾದೇತದ್ಗಾಯತ್ರಂ ಸತ್ತ್ರಿಷ್ಟುಬ್ಭಿಃ ಪ್ರತಿಪದ್ಯನ್ತ ಇತಿ ।
ಸ ಬ್ರೂಯಾತ್ಸರ್ವೇ ಹ್ಯೇವೈತಚ್ಛನ್ದೋಮಾಸ್ತ್ರಿಷ್ಟುಪ್ಪ್ರತಿಪದೋ ಭವನ್ತೀತಿ ।
ಪ್ರ ಸ್ವಾನಾಸೋ ರಥಾ ಇವೇ
ತಿ ಪ್ರವತೀರ್ಭವನ್ತಿ ।
ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ಸೂಕ್ತಮನುರೂಪೋ ಭವತಿ ಪಶವೋ ವೈ ಸೂಕ್ತಮ್ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥೋ ಭೂಮಾ ವೈ ಪಶವಃ ।
ಭೂಮಾ ಸೂಕ್ತಮ್ ।
ಪಶೂನಾಮೇವೈತತ್ಪಶೂನನುರೂಪಾನ್ಕುರ್ವನ್ತಿ ।
ನಾತ್ರ ಪ್ರತ್ಯಕ್ಷಾನುರೂಪಾನ್ಕುರ್ವನ್ತಿ ।
ತಸ್ಮಾತ್ಪಶವೋ ನಾನಾರೂಪಾಞ್ಜನಯನ್ತ್ಯುತ ಶ್ವೇತಾ ಕೃಷ್ಣಂ ಜನಯನ್ತ್ಯ್ । ಉತ ಕೃಷ್ಣಾ ಶ್ವೇತಮ್ । ಉತ ರೋಹಿಣೀ ಕಲ್ಮಾಷಮ್ । ಉತ ಕಲ್ಮಾಷೀ ರೋಹಿತಮ್ ।
ಅರ್ವನ್ತೋ ನ ಶ್ರವಸ್ಯವಃ ।
ಸೋಮಾಸೋ ರಾಯೇ ಅಕ್ರಮುಃ
ಇತಿ ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ಹಿನ್ವಾನಾಸೋ ರಥಾ ಇವೇ
ತಿ ಯದ್ವೈ ರಥವತ್ಪ್ರಾಯಣೀಯರೂಪಮು ಏವ ತತ್ ।
ದಧನ್ವಿರೇ ಗಭಸ್ತ್ಯೋಃ ।
ಭರಾಸಃ ಕಾರಿಣಾಮಿವ
ರಾಜಾನೋ ನ ಪ್ರಶಸ್ತಿಭಿಸ್ಸೋಮಾಸೋ ಗೋಭಿರಞ್ಜತೇ ।
ಇತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ಯಜ್ಞೋ ನ ಸಪ್ತ ಧಾತೃಭಿರ್
ಇತಿ ಸಪ್ತಮಸ್ಯಾಹ್ನೋ ರೂಪಮುಪಗಚ್ಛನ್ತಿ ೧೭೫

ನವರ್ಚಂ ಭವತಿ ।
ನವ ವೈ ಪುರುಷೇ ಪ್ರಾಣಾಃ ।
ಪ್ರಾಣೈರೇವೈತತ್ಸಮೃಧ್ಯಮಾನಾ ಯನ್ತಿ । ಪ್ರಾಣೇಷು ಪ್ರತಿತಿಷ್ಠನ್ತಃ ।
ಅಥೋ ತೇನೈವ ತ್ರಿವೃತ ಸ್ತೋಮಾನ್ನ ಯನ್ತಿ ।
ಯದ್ಧಿ ಕಿಂ ಚ ಪ್ರಾಯಣಂ ತ್ರಿವೃತ್ ।
ಪ್ರಾಯಣಮು ಏವೋತ್ತರಂ ನವರ್ಚಂ ಭವತಿ ।
ಅಭಿಪೂರ್ವಮೇವೈತತ್ಪ್ರಾಣೈಃ ಸಮೃಧ್ಯಮಾನಾ ಯನ್ತಿ ।
ಆ ತೇ ದಕ್ಷಂ ಮಯೋಭುವಮ್
ಇತಿ ಪರ್ಯಾಸೋ ಭವತಿ । ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ತದಾಹುರ್ಯತ್ಸಮಂ ಕಸ್ತೃಣಸ್ಯಾಗ್ರಂ ಸರ್ಪತಿ । ಕ್ವ ಸ ತಪೋ ಭವತೀತಿ ।
ಉತ್ಪಕ್ಷಿಣಃ ಪತನ್ತೀತ್ಯಾಹುಃ ।
ಕಥಮಪಕ್ಷಾ ಭಿನ್ದತ ಇತಿ ।
ಪಕ್ಷಿಣೀರಿವ ವಾ ಏತಾ ಯಾಸ್ಸಮಾನಪ್ರಾಯಣಾಸ್ಸಮಾನೋದಯನಾಃ ।
ಏತಾಭಿರ್ವಾ ಏತದಹಃ ಪಕ್ಷಿ ಕ್ರಿಯತ । ಏತಾಭಿರುತ್ಪತತ್ಯ್ । ಏತಾಭಿಸ್ತ್ರಯಸ್ತ್ರಿಂಶಂ ಸ್ತೋಮಂ ಪ್ರತ್ಯುದ್ಯಚ್ಛತಿ ।
ಪಕ್ಷೀ ಪಾಪ್ಮಾನಂ ತರತಿ । ಪಕ್ಷೀ ಶ್ರಿಯಮಶ್ನುತೇ ಯ ಏವಂ ವೇದ ಪ್ರೇತಿ ಪನಮಾನಸ್ಯ ಪ್ರಥಮೇತ್ಯುತ್ತಮೈವಮಿವ ಹ್ಯೇತದಹಃ ।
ತಸ್ಮಾದ್ವಯಸ್ಸಮ್ಯಕ್ಪಕ್ಷಾಭ್ಯಾಮೇವೈತೇ ।
ಚತುರ್ವಿಂಶ ಸ್ತೋಮೋ ಭವತಿ ।
ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರಃ ।
ಅರ್ಧಮಾಸಶ ಏವೈತತ್ಸಂವತ್ಸರೇ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಚತುರ್ವಿಂಶತ್ಯಕ್ಷರಾ ವೈ ಗಾಯತ್ರೀ ।
ತೇಜೋ ಬ್ರಾಹ್ಮವರ್ಚಸಂ ಗಾಯತ್ರೀ ತೇಜಸ್ಯೇವೈತದ್ಬ್ರಹ್ಮವರ್ಚಸೇ ಪ್ರತಿತಿಷ್ಠನ್ತೋ ಯನ್ತಿ ೧೭೬

ತ್ರಯೋ ವೈಶ್ವಾನರಾ ಅತಿರಾತ್ರಾ ಅತಿರಾತ್ರಾ ದ್ವಾದಶಾಹೇ ಕಾರ್ಯಾ ಇತ್ಯಾಹುಃ ।
ಪ್ರಾಣಃ ಪ್ರಥಮೋ ವೈಶ್ವಾನರೋಽಪಾನೋ ದ್ವಿತೀಯೋ । ವ್ಯಾನಸ್ತೃತೀಯಃ ।
ವಾಗ್ವಾ ಏಷಾ ಪ್ರತತಾ ಯದ್ದ್ವಾದಶಾಹಃ ।
ತಾಂ ತ್ವಯಿ ವಿಚ್ಛಿನ್ದ್ಯುಃ ।
ತಾಂ ಹಾರ್ಯಲಃ ಕಾಹೋಳಿರುಪೇಯಾಯ ತ್ರ್! ಯನೀಕಾ ವಿಜಿತ್ಯೇತಿ ।
ತಮು ಹ ಬ್ರಾಹ್ಮಣ ಉವಾಚಾನುಷ್ಠ್ಯಾ ಪ್ರಾಣಾನುಪಾಗಾತ್ ।
ವಿ ವಾಚಮಚ್ಛೈತ್ಸೀದಿತಿ ।
ತಸ್ಯ ಹ ತತ್ಕುಲಂ ವ್ಯೇವ ಚಿಚ್ಛಿನ್ದ್ಯುಃ ।
ತಾಂ ಹಾರ್ಯಲಃ ಕಾಹೋಳಿರುಪೇಯಾಯ ತ್ರ್! ಯನೀಕಾ ವಿಜಿತ್ಯೇತಿ ।
ತಮು ಹ ಬ್ರಾಹ್ಮಣ ಉವಾಚಾನುಷ್ಠ್ಯಾ ಪ್ರಾಣಾನುಪಾಗಾತ್ ।
ವಿ ವಾಚಮಚ್ಛೈತ್ಸೀದಿತಿ ।
ತಸ್ಯ ಹ ತತ್ಕುಲಂ ವ್ಯೇವ ಚಿಚ್ಛಿದೇ ।
ಜ್ಯೋಕ್ತು ಹೈವ ಜಿಜೀವ ।
ತದು ಹ ಪಶ್ಚೇವಾನುಸಂತಾಯಯಾಂಚಕ್ರೇ ।
ಮೂರ್ಧಾನಂ ದಿವೋ ಅರತಿಃ ಪೃಥಿವ್ಯಾ
ಇತ್ಯೇವಂರೂಪೇಣ ವೈಶ್ವಾನರಃ ಕಾರ್ಯಃ ।
ತನ್ನ ವಾಚಂ ವಿಛಿನತ್ತಿ । ನಾಗ್ನಿಂ ವೈಶ್ವಾನರಮನ್ತರೇತೀತಿ ।
ಪ್ರ ವಶ್ಶುಕ್ರಾಯ ಭಾನವೇ ಭರಧ್ವಮ್
ಇತಿ ಪ್ರವತೀ ಕಾರ್ಯಾಃ ।
ಪ್ರಣಿನೀಷೇಣ್ಯಂ ವಾ ಏತದಹಃ ।
ಪ್ರೇತಿ ಗಾಯತ್ರ್! ಯೈ ರೂಪಮ್ ।
ಗಾಯತ್ರ್! ಯಾ ಏವೈತದ್ರೂ ಪೇಣ ಪ್ರಯನ್ತಿ ।
ಭೂಯಾಂಸಿ ರೂಪಾಣ್ಯಪರಾಧ್ಯನ್ತ ।
ಇತರಾಣ್ಯೇವ ಭೂಯಾಂಸಿ ರೂಪಾಣಿ ।
ಯನ್
ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ
ಇತ್ಯಾಹ ದ್ಯಾವಾಪೃಥಿವೀಯೋ ವಾತಿರಾತ್ರೋಽತಿರಾತ್ರ ಏವೈತೇನ ರೂಪೇಣ ಕ್ರಿಯತೇ ।
ವೈಶ್ವಾನರಮೃತ ಆ ಜಾತಮಗ್ನಿಮ್
ಇತ್ಯಗ್ನಿರೇವ ವೈಶ್ವಾನರಃ ಪ್ರತ್ಯಕ್ಷಂ ಭವತಿ ।
ಕವಿಂ ಸಮ್ರಾಜಮತಿಥಿಂ ಜನಾನಾಮ್
ಇತಿ ಮಾಧ್ಯನ್ದಿನಂ ಸವನಮ್ ।
ಆಸನ್ನಾ ಪಾತ್ರಂ ಜನಯನ್ತ ದೇವಾ
ಇತಿ ಷಷ್ಠಸ್ಯಾಹ್ನಸ್ತೃತೀಯಸವನಮ್ಪ್ರತ್ಯುಪಗಚ್ಛನ್ತಿ ೧೭೭

ತದ್ಧಿ ಜಘನ್ಯಂ ಯಜ್ಞೇ ದೇವಾ ಅಪಶ್ಯನ್ ।
ಅತೀತಾ ಇವೈತರ್ಹಿ ಭವನ್ತಿ ।
ತದೇವೈತತ್ಪ್ರತ್ಯುಪಗಚ್ಛನ್ತಿ ಸನ್ತತ್ಯೈ ।
ತೇ ದೇವಾ ಅಬ್ರುವನ್ಯದಿಮಾವಸತ್ರಮತಿರಾತ್ರಾವಥ ಕೇನೇಮಾವಗ್ನೇರ್ವೈಶ್ವಾನರಸ್ಯ ತನ್ವಂ ವ್ಯೇಷ್ಯಾಮ ಇತಿ ।
ತೇಽಬ್ರುವನ್ಯಾ ಏವ ನ ಇಮಾ ಅನ್ತ್ಯಾ ಅಯಾತಯಾಮ್ನ್ಯಃ ಪರಮಾ ಗುಹ್ಯಾಸ್ತನ್ವಸ್ತಾಭಿರ್ವ್ಯಯಾಮೇತಿ ।
ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ
ಇತಿ ದ್ಯಾವಾಪೃಥಿವ್ಯೋರನ್ತ್ಯಾಯಾತಯಾಮ್ನೀ ಪರಮಾ ಗುಹ್ಯಾ ತನೂಃ ।
ವೈಶ್ವಾನರಮೃತ ಆ ಜಾತಮಗ್ನಿಮ್
ಇತ್ಯಗ್ನೇರ್ವೈಶ್ವಾನರಸ್ಯಾನ್ತ್ಯಾಯಾತಯಾಮ್ನೀ ಪರಮಾ ಗುಹ್ಯಾ ತನೂಃ ।
ವೈಶ್ವಾನರಮೃತ ಆ ಜಾತಮಗ್ನಿಮ್
ಇತ್ಯಗ್ನೇರ್ವೈಶ್ವಾನರಸ್ಯಾನ್ತ್ಯಾಯಾತಯಾಮ್ನೀ ಪರಮಾ ಗುಹ್ಯಾ ತನೂಃ ।
ಕವಿಂ ಸಮ್ರಾಜಮತಿಥಿಂ ಜನಾನಾಮ್
ಇತೀನ್ದ್ರ ಸ್ಯ ಸಮ್ರಾಡ್ವತೀಷ್ವನ್ತ್ಯಾಯಾತಯಾಮ್ನೀ ಪರಮಾ ಗುಹ್ಯಾ ತನೂಃ ।
ಆಸನ್ನಾ ಪಾತ್ರಂ ಜನಯನ್ತ ದೇವಾ
ಇತಿ ವಿಶ್ವೇಷಾಂ ದೇವಾನಾಮನ್ತ್ಯಾಯಾತಯಾಮ್ನೀ ಪರಮಾ ಗುಹ್ಯಾ ತನೂಃ ೧೭೮

ಸ ಯಥಾ ಪ್ರೀಹಿತಾವೀಜಂ ಪರಿಚತೇ ವಾಸಸ್ತಾ ವಾಸೋ ನಿಧನಾನಿಮಂ ಪರಿಧತ್ತ ಏವಮೇವ ತದ್ದೇವಾ ಅನ್ತ್ಯಾಭಿರಯಾತಯಾಮ್ನೀಭಿಸ್ತನೂಭಿರಗ್ನೇರ್ವೈಶ್ವಾನರಸ್ಯ ತನ್ವಂ ವ್ಯಾಯನ್ ।
ತಥೋ ಏವೈತರ್ಹಿ ವಿಯನ್ತಿ ।
ಸರ್ವಾಣಿ ವಾ ಅಗ್ನಿಷ್ಟೋಮೇ ಸಂಸ್ಥಿತೇ ।
ಷಡುಕ್ಥಾನ್ಯುತ್ಕ್ರಾಮನ್ತಿ ।
ತಾನ್ಯೇತಸ್ಮಿನ್ಷಡಹೇ ಸಂಸ್ಥಿತ ಉತ್ಕ್ರಾಮನ್ತಿ ।
ತಾನ್ಯೇತಸ್ಮಿನ್ನೇವಾಗ್ನೇಯ ಆಜ್ಯೇ ಪುನರ್ಯುಜ್ಯನ್ತೇ ।
ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ
ಇತಿ ದ್ಯಾವಾಪೃಥಿವೀಯಮೇವೈತೇನ ಯುಜ್ಯತೇ ।
ವೈಶ್ವಾನರಮ್
ಇತಿ ವೈಶ್ವಾನರೀಯಮೇವೈತೇನ ಯುಜ್ಯತೇ ।
ಋತ ಆ ಜಾತಮಗ್ನಿಮ್
ಇತಿ ಜಾತವೇದಸೀಯಮೇವೈತೇನ ಯುಜ್ಯತೇ ।
ಕವಿಂ ಸಮ್ರಾಜಮತಿಥಿಂ ಜನಾನಾಮ್
ಇತಿ ಮರುತ್ವತೀಯ-ನಿಷ್ಕೇವಲ್ಯೇ ಏವೈತೇನ ಯುಜ್ಯೇತೇ ।
ಆಸನ್ನಾ ಪಾತ್ರಂ ಜನಯನ್ತ ದೇವಾ
ಇತ್ಯಾಜ್ಯಪ್ರ-ಉಗೇ ಏವೈತೇನ ಯುಜ್ಯೇತೇ ।
ಏವಮೇತಾನ್ಯುಕ್ಥಾನಿ ಪುನರ್ಯುಜ್ಯನ್ತೇ ।
ಅರ್ವಾಙ್ಹ್ಯೇಷ ತ್ರಿಯಹಸ್ತಾಯತೇ ।
ತಸ್ಮಾನ್ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ ಇತಿ ಭವತಿ ।
ಅಸೌ ವೈ ದಿವೋ ಮೂರ್ಧೇಯಮರತಿಃ ಪೃಥಿವ್ಯೈ ೧೭೯

ಪ್ರ ವೋ ಮಿತ್ರಾಯ ಗಾಯತೇ
ತಿ ಮೈತ್ರಾವರುಣಂ ಭವತಿ ।
ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ಸಮ್ರಾಜಾ ಯಾ ಘೃತಯೋನೀ ಮಿತ್ರಶ್ಚೋಭಾ ವರುಣಶ್ಚೇ
ತ್ಯುಭಯೋರೇವೈತದ್ಬೃಹದ್ರ ಥನ್ತರಯೋ ರೂಪಮುಪಗಚ್ಛನ್ತಿ ।
ಉಭೇಽಪ್ಯತ್ರ ಬೃಹದ್ರ ಥನ್ತರೇ ಕ್ರಿಯೇತೇ ।
ಇನ್ದ್ರಾ
ಯಾಹಿ ಚಿತ್ರಭಾನೋ । ಇನ್ದ್ರಾ ಯಾಹಿ ಧಿಯೇಷಿತ । ಇನ್ದ್ರಾ ಯಾಹಿ ತೂತುಜಾನ
ಇತ್ಯಾ ಯಾಹ್ಯಾ ಯಾಹೀತಿ ಭವತಿ ।
ಆ ಯಾಹ್ಯಾ ಯಾಹ್ಯಾ ಯಾಹೀತಿ ಯುಕ್ತಾನಾಂ ಪುರಸ್ತಾತ್ಪ್ರಯನ್ತಿ ।
ಯಥಾ ಯುಕ್ತಾನಾಂ ಪುರಸ್ತಾದಾ ಯಾಹ್ಯಾ ಯಾಹೀತಿ ಪ್ರೇಯಾತ್ತಾದೃಕ್ತದ್ಯತ್ತೃತೀಯಸ್ಯಾಹ್ನ ಷನ್ದ್ರಾ ಗ್ನಮ್ ।
ತದೈನ್ದ್ರಾ ಗ್ನಂ ಸಮೈನ್ಯಾಜ್ಯಾನಿ ಭವನ್ತಿ ।
ನಾನಾಗ್ರಾಮಾವಿವ ಹ ವಾ ಏತೌ ಯತ್ಪೃಷ್ಠ್ಯಶ್ಚ ಷಡಹಶ್ಛನ್ದೋಮಾಶ್ಚ ।
ಸ ಯಥಾ ನಾನಾಗ್ರಾಮೋ ಮಿತ್ರಾಣಿ ವ್ಯತಿಷಜ್ಯಾಭಯ ಆಸೀಯಾತಾಂ ತಾದೃಕ್ತದ್ಯತ್ಸಮೈನ್ಯಾಜ್ಯಾನಿ ಭವನ್ತಿ ।
ಅಸಮೈನಿ ಹೈಕೇ ಕುರ್ವನ್ತಿ ।
ತಸ್ಮಾತ್ಸಮೈನ್ಯೇವ ಕಾರ್ಯಾಣಿ ।
ಚತುರ್ವಿಂಶ ಸ್ತೋಮೋ ಭವತಿ ಚತುರ್ವಿಂಶತ್ಯರ್ಧಮಾಸೋ ವೈ ಸಂವತ್ಸರೋಽರ್ಧಮಾಸಶ ಏವೈತತ್ಸಂವತ್ಸರೇ ಪ್ರತಿತಿಷ್ಠನ್ತೋ ಯನ್ತಿ ।
ಅಥೋ ಚತುರ್ವಿಂಶತ್ಯಕ್ಷರಾ ವೈ ಗಾಯತ್ರೀ ।
ತೇಜೋ ಬ್ರಹ್ಮವರ್ಚಸಂ ಗಾಯತ್ರೀ ।
ತೇಜಸ್ಯೇವೈತದ್ಬ್ರಹ್ಮವರ್ಚಸೇ ಪ್ರತಿತಿಷ್ಠನ್ತೋ ಯನ್ತಿ ೧೮೦

ಯೇ ಹ ಖಲು ವಾ ಅಯುಜ ಸ್ತೋಮಾಸ್ತೇ ಯುಗ್ಮನ್ತೋ । ಯೇ ಯುಗ್ಮನ್ತಸ್ತೇಽಯುಜಃ ।
ತದ್ಯೇಽಯುಜ ಸ್ತೋಮಾಸ್ತಾನ್ಗ್ರಾಮ್ಯಾಃಪಶವೋಽನ್ವಥ ಯೇ ಯುಗ್ಮನ್ತಸ್ತಾನಾರಣ್ಯಾಃ ।
ತದ್ಯದಯುಜಾಂ ಸ್ತೋಮಾನಾಂ ಸಾಮ ಯುಜ್ಮೋತ್ತಮಂ ಭವತಿ । ತಸ್ಮಾದ್ಗ್ರಾಮ್ಯಾಃ ಪಶವೋ ಯುಕ್ತಾ ವಹನ್ತಿ ।
ಅಥ ಯದ್ಯುಗ್ಮತಾಂ ಸ್ತೋಮಾನಾಂ ಸಾಮಾಯುಗುತ್ತಮಂ ಭವತಿ ತಸ್ಮಾದಾರಣ್ಯಾಃ ಪಶವೋ ಯುಕ್ತಾಶ್ಚರನ್ತಿ ।
ಅಥ ಯಸ್ಮಾದ್ದಶಮೇಽಹನಿ ಪಞ್ಚದಶತ್ರಯಸ್ತ್ರಿಂಶೌ ಸ್ತೋಮೌ ಭವತಸ್ತಸ್ಮಾದು ಯೌ ಜ್ಯೇಷ್ಠೌ ಪಶೂನಾಂ ತೌ ಯುಕ್ತೌ ವಹತೋ ಹಸ್ತೀ ಚೋಷ್ಟ್ರಶ್ಚ ೧೮೧

ವೃಷಾ ಪವಸ್ವ ಧಾರಯೇ
ತಿ ಮಾಧ್ಯನ್ದಿನಸ್ಯ ಪವಮಾನಸ್ಯ ವೃಷಣ್ವತೀರ್ಗಾಯತ್ರ್! ಯೋ ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಮರುತ್ವತೇ ಚ ಮತ್ಸರ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ತಂ ತ್ವಾ ಧರ್ತಾರಮೋಣ್ಯೋರ್
ಇತಿ ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದ್ಯತ್ತಂ ತ್ವಾ ಧರ್ತಾರಮಿತ್ಯಗ್ನ ಏವ ಧೃತ್ಯೈ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಸನ್ತನಿ ।
ಯಥಾ ಹ ವೈ ವ್ಯೋಕಸೌ ವಿಚ್ಛಿದ್ಯ ವ್ಯುತ್ಕ್ರಾಮತ ಏವಂ ಷಷ್ಠಂ ಚ ಸಪ್ತಮಂ ಚಾಹನೀ ವ್ಯುಚ್ಛಿದ್ಯ ವ್ಯುತ್ಕಾಮತಃ ।
ಸ ಯಥಾಶ್ವಂ ಸಂಯೋಜನೇನ ಸಂಯುಜ್ಯಾದೇವಮತ್ರ ಸನ್ತತಿ ।
ತಸ್ಯ ಸಕೃತ್ಪ್ರಸ್ತೌತಿ । ತ್ರಿಃ ಪ್ರತಿಹರತಿ । ತ್ರಿರ್ನಿಧನಮುಪಯನ್ತಿ ।
ತತ್ಸಪ್ತ ಸಂಪದ್ಯನ್ತೇ ಸಪ್ತಮಸ್ಯಾಹ್ನೋ ರೂಪಂ । ಸಪ್ತರಾತ್ರಸ್ಯ ಸನ್ತತ್ಯಾ ಅವ್ಯವಚ್ಛೇದಾಯ ।
ಅಥ ಸೌಪರ್ಣಮುಕ್ತಬ್ರಾಹ್ಮಣಮ್ ।
ಅತಿಕ್ರಾನ್ತೋ ವಾ ಏತರ್ಹಿ ಯಜ್ಞೋ ಭವತಿ ಸಪ್ತಮೇಽಹನ್ ।
ತದ್ಯದತ್ರ ಸೌಪರ್ಣಮ್ಭವತಿ ಯಜ್ಞಸ್ಯೈವಾರಮ್ಭಾಯ ।
ತದೈಳಂ ಭವತಿ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ೧೮೨

ಅಥ ರೋಹಿತಕೂಲೀಯಮ್ ।
ವಿಶ್ವಾಮಿತ್ರೋ ವೈ ಭರತಾನಾಮನಸ್ವತ್ಯಾ ಮಹಾವೃಷಾನಯಾತ್ ।
ತದ್ಧ ಗಂಗಾಯೈ ವಾ ಯಮುನಾಯೈ ವಾ ಬೃಹತ್ಪ್ರತಿಕೂಲಮಾಸ ।
ತೇ ಹೋಚುರ್ಮಹಾವೃಷಾಃ ಕೌ ಸ್ವಿತ್ತಾವೇತರ್ಹ್ಯನಡ್ವಾಹೌ । ಯಾವಿದಮಿಯದ್ಬೃಹತ್ಪ್ರತಿಕೂಲಮುದ್ವಹೇತಾಮಿತಿ ।
ಸ ಹೋವಾಚ ವಿಶ್ವಾಮಿತ್ರಸ್ತೌ ನ್ವೈ ಮಮ ರೋಹಿತಾವಿತಿ ।
ರೋಹಿತೌ ಹಾಸ್ಯಾನಡ್ವಾಹಾವಾಸತುಃ ।
ತೇ ಹೋಚುರ್ಮಹಾವೃಷಾಸ್ತೇ ವಾ ಅಂಶಮವಹರಾವಹೈ ಯದಿ ತಅವಿತದನಡ್ವಾಹಾವುದ್ವಹಾತೋ । ವಸ್ನ್ಯ ಏವ ತ್ವಮನಾಂಸಿ ಪೂರಯಾಸೈ ।
ಯದ್ಯು ನೋದ್ವಹಾತೋ । ವಸ್ನ್ಯಾ ಉ ವಯಂ ತ್ವಾಂ ಜಯೇಮೇತಿ ।
ತಥೇತಿ ।
ತೇ ಹಾಂಶಮವಜಹ್ರಿರೇ ।
ತೌ ಹ ಯವಾಚಿತಸ್ಯ ವಾ ವ್ರೀಹ್ಯಾಚಿತಸ್ಯ ವಾ ಧುರಿ ಯುಯುಜುಃ ।
ಸೋಽಕಾಮಯತ ವಿಶ್ವಾಮಿತ್ರ -- ಉದಿಮಮಾಜಿಂ ಜಯೇಯಮಿತಿ ।
ಸ ಏತೇ ಸಾಮನೀ ಅಪಶ್ಯತ್ ।
ತಾಭ್ಯಾಮೇನಾವನುಪರಿಕ್ರಾಮಮಭ್ಯಸೇಧತ್ ।
ತಾವುದಪಾರಯೇತಾಮ್ ।
ತಾಉದಜಯೇತಾಮ್ ।
ತತೋ ವೈ ಸ ತಮಾಜಿಮುದಜಯತ್ ।
ಪ್ರತಿಕೂಲಮಿವೈತೇ ಯನ್ತಿ ಯೇ ಷಷ್ಠಾದಹ್ನಶ್ಛನ್ದೋಮಾನಭ್ಯುತ್ಕ್ರಾಮನ್ತಿ ।
ತದ್ಯದತ್ರ ರೋಹಿತಕೂಲೀಯಂ ಭವತ್ಯುಜ್ಜಿತ್ಯಾ ಏವ ।
ಉಜ್ಜಯತಿ ಯ ಏವಂ ವೇದ ।
ತದು ಕಾಮಸನಿ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ । ಸಮಸ್ಮೈ ಸ ಕಾಮ ಋಧ್ಯತೇ ।
ಯದು ಕೂಲೇ ರೋಹಿತಾಭ್ಯಾಮುದಜಯತ್ । ತಸ್ಮಾದ್ರೋ ಹಿತಕೂಲೀಯೇ ಇತ್ಯಾಖ್ಯಾಯೇತೇ ।
ಪುನಾನಸ್ಸೋಮ ಧಾರಯೇ
ತ್ಯುಭಯರೂಪಾ ಬೃಹತೀ ಭವತಿ ।
ಏಷಾ ಹ ವಾ ಉಭೇ ಸಾಮನೀ ಉದ್ಯಯಾಮ । ತಸ್ಮಾದೇತಾಂ ಕುರ್ವನ್ತ್ಯೇವ ಬೃಹತ್ಸಾಮ್ನಃ ಕುರ್ವನ್ತಿ ರಥನ್ತರಸಾಮ್ನಃ ೧೮೩

ತಾಸು ರೌರವಮ್ ।
ದೇವಾ ವಾ ಏತಾ ಅಯಾತಯಾಮ್ನೀಸ್ತನೂರಸುರಯುದ್ಧಾಯ ಪ್ರಾವೃಹನ್ತ ।
ಅಗ್ನಿರೇವ ರೌರವಂ ಪ್ರಾವೃಹತ ।
ತೇನಾಸುರಾನಭ್ಯತಪತ್ ।
ತೇಽಭಿತಪ್ಯಮಾನಾ ಅರವನ್ತ ।
ಯದಭಿತಪ್ಯಮಾನಾ ಅರವನ್ತ ತದ್ರೌ ರವಸ್ಯ ರೌರವತ್ವಮ್ ।
ಅಭಿತಪತಿ ಭ್ರಾತೃವ್ಯಂ ಶ್ರೇಯಾನ್ಭೂತ್ವಾ ಯ ಏವಂ ವೇದ ।
ತದಾಗ್ನೇಯಂ ಸಾಮಾಗ್ನೇಯೇಽಹನ್ಕ್ರಿಯತೇ ।
ಆಗ್ನೇಯಮೇತದಹರ್ಯದ್ಗಾಯತ್ರಮ್ ।
ಅಗ್ನಿರ್ಹಿ ಗಾಯತ್ರೀ ।
ತದ್ಯದತ್ರ ರೌರವಂ ಕ್ರಿಯತೇಽಹರೇವ ತದ್ರೂ ಪೇಣ ಸಮರ್ಧಯನ್ತಿ ।
ತೇನೈಭ್ಯಸ್ಸಮೃದ್ಧೇನ ಸ್ವಾಯಾಂ ಜನತಾಯಾಮೃದ್ಧುಕಂ ಭವತಿ ।
ತದೈಳಂ ಭವತಿ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥ ರಥನ್ತರಮ್ ।
ಜಾಮಿ ದ್ವಾದಶಾಹಸ್ಯಾಸ್ತೀತ್ಯಾಹುಃ ।
ಬಾರ್ಹತಂ ಷಷ್ಠಮಹರ್ಬಾರ್ಹತಂ ಸಪ್ತಮಮ್ ।
ಪವಮಾನೇ ರಥನ್ತರಂ ಪ್ರೋಹನ್ತ್ಯಜಾಮಿತಾಯೈ ।
ನಾನ್ಯತೋಽಪಸಕ್ತೋ ವಿವಧೋ ಹ್ರಿಯತ ಇತ್ಯಾಹುಃ ।
ತದ್ಯದುಭೇ ಬೃಹದ್ರ ಥನ್ತರೇ ಭವತಸ್ಸ ವಿವಧತಾಯಾ ಏವ ।
ಯೋ ವೈ ಮೂಲಾದಗ್ರಂ ಸಂಚಿಕ್ರಮಿಷತಿ ನ ಸ ಶಕ್ನೋತ್ಯ್ । ಅಥ ಯೋಽಗ್ರಾದಗ್ರಂ ಸಂಕ್ರಾಮತಿ ಸ ಶಕ್ನೋತಿ ।
ಅಗ್ರಾದ್ವಾ ಏತೇಽಗ್ರಂ ಸಂಕ್ರಾಮನ್ತಿ ಯೇ ಬೃಹತೋ ಬೃಹದುಪಯನ್ತಿ ।
ತಸ್ಮಾದ್ಬಾರ್ಹತಂ ಷಷ್ಠಮಹರ್ಭವತಿ । ಬಾರ್ಹತಂ ಸಪ್ತಮಮ್ ೧೮೪

ಅಥ ಗೌಙ್ಗವಂ ಯತ್ಸಾಮ ದೇವತಾ ಪ್ರಶಂಸತಿ ।
ಸಾಮೈತದ್ದೇವತಾ ಪ್ರಶಂಸತಿ ತೇನ ಯಜಮಾನಾಸ್ಸತ್ಯಾಶಿಷೋ ಭವನ್ತಿ ।
ದೇವಾಸುರಾಃ ಪಶುಷ್ವಸ್ಪರ್ಧನ್ತ ।
ತೇಽಸುರಾಃ ಪಶುಭಿಸ್ಸಹ ಸಮುದ್ರ ಮಭ್ಯವಾಯನ್ ।
ತೇ ದೇವಾ ಅಕಾಮಯನ್ತ ವೃಞ್ಜೀಮಹ್ಯಸುರಾಣಾಂ ಪಶೂನಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನಾಸುರಾಣಾಂ ಪಶೂನವೃಞ್ಜತ ।
ತೇಽಬ್ರುವನ್ಗಾಂ ಗಾಂ ವಾವಾಸುರಾಣಾಮವೃಕ್ಷ್ಮಹೀತಿ ।
ತದೇವ ಗೌಙ್ಗವಸ್ಯ ಗೌಙ್ಗವತ್ವಮ್ ।
ತದೇತತ್ಪಶವ್ಯಂ ಸಾಮ ।
ಗಾಂ-ಗಾಮೇವ ದ್ವಿಷತೋ ಭ್ರಾತೃವ್ಯಸ್ಯ ವೃಂಕ್ತೇಽವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಗೌಙ್ಗವೇನ ವೈ ದೇವಾ ಅಸುರಾನ್ಹತ್ವಾ ಘೋಷಂ ಗಂಗಣಿಮಕುರ್ವತ ।
ತದ್ವೇವ ಗೌಙ್ಗವಸ್ಯ ಗೌಙ್ಗವತ್ವಮ್ ।
ತದು ಭ್ರಾತೃವ್ಯಹಾ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ತದೂರ್ಧ್ವಮಿವ ಚ ತಿರ್ಯಗಿವ ಚ ಗೀಯತೇ ।
ಯದೂರ್ಧ್ವಮಿವ ಗೀಯತೇ ತದ್ಬೃಹತೋ ರೂಪಂ । ಯತ್ತಿರ್ಯಗಿವ ತದ್ರ ಥನ್ತರಸ್ಯ ।
ಏತದ್ವೈ ಸಮೃದ್ಧಂ ಛನ್ದೋಮಾನಾಂ ಯದುಭಯಂ ರೂಪಮ್ ೧೮೫

ಅಥ ಸಮನ್ತಮ್ ।
ಇನ್ದ್ರಾ ಗ್ನೀ ವಾ ಅಕಾಮಯೇತಾಂ ಸಮನ್ತೌ ಸ್ಯಾವ । ಸಮಾನೀಮೃದ್ಧಿಮೃಧ್ನುಯಾವೇತಿ ।
ತಾವೇತತ್ಸಾಮಾಪಶ್ಯತಾಮ್ ।
ಅರ್ಧಮನ್ಯೋಽಪಶ್ಯದ ಅರ್ಧಮನ್ಯಃ ।
ತಸ್ಯಾನ್ತೌ ಸಮಾಹೃತ್ಯ ಸಮಧತ್ತಾಮ್ ।
ಯತ್ಸಮಧತ್ತಾಂ ತತ್ಸಮನ್ತಸ್ಯ ಸಮನ್ತತ್ವಮ್ ।
ತೇನಾಸ್ತುವಾತಾಮ್ ।
ತತೋ ವೈ ತೌ ಸಮನ್ತಾವಭವತಾಂ । ಸಮಾನೀಮೃದ್ಧಿಮಾರ್ಧ್ನುತಾಮ್ ।
ತದ್ಬ್ರಹ್ಮ ವಾ ಅಗ್ನಿಃ । ಕ್ಷತ್ರಮಿನ್ದ್ರ ಃ! ।
ಉಭಯಂ ಬ್ರಹ್ಮ ಚ ಕ್ಷತ್ರಂ ಚಾವರುನ್ದ್ಧೇ ಯ ಏವಂ ವೇದ ।
ತಸ್ಮಾದು ಹೈತತ್ಸಾಮೈತಸ್ಮಾದಹ್ನೋ ನಾನ್ತರಿತ್ಯಮ್ ।
ಇದಂ ವೈ ರಥನ್ತರಮದೋ ಬೃಹತ್ ।
ಇದಮೇವಾನ್ತರಿಕ್ಷಂ ಸಮನ್ತಮನಯೋರೇವ ಲೋಕಯೋಸ್ಸಮನ್ತತ್ವಾಯ ।
ಏತೇನ ವಾ ಏತೇ ಸಮನ್ತೇ ।
ಸಮನ್ತೇನ ಪಶುಕಾಮ ಸ್ತುವೀತ ।
ಪಶವೋ ವಾ ಅನ್ತರಿಕ್ಷಂ । ಪಶವಸ್ಸಮನ್ತಮ್ ।
ಪಶುಮಾನೇವ ಭವತಿ ಸಮನ್ತೇನ ತುಷ್ಟುವಾನಃ ।
ಬ್ರಾಹ್ಮಣಃ ಪುರೋಧಾಕಾಮಸ್ಸಮನ್ತೇನ ಸ್ತುವೀತ ।
ಆಗ್ರೇಯೋ ಬ್ರಾಹ್ಮಣ । ಷನ್ದ್ರೋ ರಾಜನ್ಯ । ಆಗ್ನೇಯೀ ಪೃಥಿವ್ಯ್ । ಷನ್ದ್ರೀ ದ್ಯೌಃ ।
ತೇ ಏತೇಽನ್ತರಿಕ್ಷಮಭಿ ಸಮನ್ತೇ ।
ಸಮನ್ತಾವೇನೌ ಕರೋತಿ ಬ್ರಾಹ್ಮಣಂ ಚ ರಾಜನ್ಯಂ ಚ ಸಮನ್ತೇನ ತುಷ್ಟುವಾನೋ । ಗಚ್ಛತಿ ಪುರೋಧಾಂ । ಪುರ ಏವಂ ದಧತೇ ।
ಪ್ರಜಾಪತಿರ್ವಾ ಅಕಾಮಯತ ಸಮನ್ತಃ ಪ್ರಜಯಾ ಪಶುಭಿ ಸ್ಯಾಮ ಇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ತತೋ ವೈ ಸ ಸಮನ್ತಃ ಪ್ರಜಯಾ ಪಶುಭಿರಭವತ್ ।
ತದ್ವೇವ ಸಮನ್ತಸ್ಯ ಸಮನ್ತತ್ವಮ್ ।
ಸಮನ್ತ ಏವ ಪ್ರಜಯಾ ಪಶುಭಿರ್ಭವತಿ ಯ ಏವಂ ವೇದ ೧೮೬

ಅಥಾಯಾಸ್ಯಂ ಬಾರ್ಹತರಾಥನ್ತರಮ್ ।
ಉಭೌ ವರ್ಣೌ ಸಮೃದ್ಧ್ಯೈ ।
ಮಧ್ಯೇನಿಧನಂ ಪ್ರತಿಷ್ಠಾಯೈ ।
ಆದಿತ್ಯಾಶ್ಚ ವಾ ಅಂಗಿರಸಶ್ಚ ಸ್ವರ್ಗೇ ಲೋಕೇಽಸ್ಪರ್ಧನ್ತ ।
ತ ಷಕ್ಷನ್ತ ಯತರೇ ನೋ ಯತರಾನ್ಯಾಜಯಿಷ್ಯನ್ತಿ ತೇ ಹಾಸ್ಯನ್ತ ಇತಿ ।
ತೇಽಗ್ಗಿರಸಃ ಪೂರ್ವೇ ಯಜ್ಞಂ ಸಮಭರನ್ । ಶ್ವಸ್ಸುತ್ಯಾನ್ತೇಽಗ್ನಿಮಾಙ್ಗಿರಸಂ ದೂತಂ ಪ್ರಾಹಿಣ್ವನ್ನಿಮಾನ್ನ ಶ್ವಸ್ಸುತ್ಯಾಮಾದಿತ್ಯೇಭ್ಯಃ ಪ್ರಬ್ರೂಹೀತಿ ।
ಸ ಏತ್ಯಾಬ್ರವೀದಾದಿತ್ಯಾ । ಅಙ್ಗಿರಸೋ ವ ಶ್ವಸ್ಸುತ್ಯಾಂ ಪ್ರಾಹುರಿತಿ ।
ತಂ ಹೋಚುರಪೇಹಿ ಮನ್ತ್ರಯಿತ್ವಾ ತ್ವಾ ಪ್ರತಿವಕ್ಷ್ಯಾಮ ಇತಿ ।
ತಸ್ಮಾದಿದಮಪ್ಯೇತರ್ಹಿ ದೂತಮಾಹುರಪೇಹಿ ಮನ್ತ್ರಯಿತ್ವಾ ತ್ವಾ ಪ್ರತಿವಕ್ಷ್ಯಾಮ ಇತಿ ।
ತೇ ಹೋಚುರುಪ ತಜ್ಜಾನೀತ ಯಥಾ ಅಸ್ಮಾನೇವಾಂಗಿರಸೋ ಯಾಜಯೇಯುರ್ನ ವಯಮಙ್ಗಿರಸಃ ।
ಯದಿ ಯಾಜಯಿಷ್ಯಾಮೋ ಹಾಸ್ಯಾಮಹೇ । ಯದ್ಯು ನ ಯಾಜಯಿಷ್ಯಾಮೋ ಯಜ್ಞಾದ್ಯಶಸೋಽಪಕ್ರಮಿಷ್ಯಾಮ ಇತಿ ।
ತಸ್ಮಾದು ಹ ವೃತೇನ ನಾಪಕ್ರಾಮ್ಯಂ । ಯಜ್ಞಾದ್ಯಶಸೋ ನೇದಪಕ್ರಾಮಾಣೀತಿ ೧೮೭

ಪದೇನ ಹಾಪೇಯಾತ್ ।
ಸ್ವಂ ವಾ ಯಜ್ಞಮಭ್ಯುಪೇಯಾದ್ । ಇದಂ ಚ ತ್ವಯಾ ಕೃತಮಿತಿ ವಾ ।
ತ ಏತಮಾದಿತ್ಯಾಸ್ಸದ್ಯಃಕ್ರೀಯಂ ಯಜ್ಞಂ ಸಮಭರನ್ ।
ತೇಽಬ್ರುವನ್ನಗ್ನೇ ಚಿರಂ ತದ್ಯಚ್ಛ್ವ । ಇಮಾಮೇವ ವಯಂ ತುಭ್ಯಮದ್ಯ ಸುತ್ಯಾಂ ಪ್ರಬ್ರೂಮಃ ।
ತೇಷಾಂ ನಸ್ತ್ವಂ ಹೋತಾಸಿ । ಗೌರಾಂಗಿರಸೋಽಧ್ವರ್ಯುರ್ । ಬೃಹಸ್ಪತಿರುದ್ಗಾತಾ ಅಯಾಸ್ಯೋ ಬ್ರಹ್ಮೇತಿ ಸರ್ವಾನವೃಣತ ।
ಸೋಽಬ್ರವೀದ್ದೂತೋ ವಾ ಅಹಂ ಚರಾಮೀತಿ ।
ತಮಗ್ನಿಂ ದೂತಂ ವೃಣೀಮಹ ಇತ್ಯೇವ ದೂತಂ ಚರನ್ತಮವೃಣತ ।
ಸ ಏಷಾಂ ವೃತೋ ನಾಪಾಕ್ರಾಮತ್ ।
ಸ ಪುನರೇತ್ಯಾಬ್ರವೀದ್ । ಅಙ್ಗಿರಸ । ಆದಿತ್ಯಾ ವೋಽದ್ಯಸುತ್ಯಾಂ ಪ್ರಾಹುರಿತಿ ।
ತೇನ ಹಾತುರೇವ ನೋಽವೃಥಾ ಇತಿ ।
ನೇತಿ ಹೋವಾಚ ।
ದೂತೋ ಯುಷ್ಮಾಕಮಭೂವಂ । ವೃತ ಏವಾಮೀಷಾಮಸ್ಮ್ಯ್ । ಆದಹ ನೂನಮಮೀ ಯುಷಂನ್ಮೇಧಾವಿತರಾ ವಾ ಧೀರತರಾ ವಾಭೂವನ್ಯ ಏತದ್ಪೂರ್ವೇ ದೃಶನ್ನಿತಿ ।
ತೇ ವೃತಾ ನಾಪಾಕ್ರಾಮನ್ ।
ತ ಏತ್ಯಾಯಾಜಯನ್ ।
ತೇಭ್ಯ ಏತಮಾದಿತ್ಯಾ ಆದಿತ್ಯಮೇವಾಶ್ವಂ ಶ್ವೇತಂ ಭೂತಮಶ್ವಾಭಿಧಾನ್ಯಭಿಹಿತಮಯಾಸ್ಯಾಯ ಬ್ರಹ್ಮಾಶ್ವಂ ನೀತ್ವಾ ಸ್ವರ್ಗಂ ಲೋಕಮಗಚ್ಛನ್ ।
ಅಹೀಯನ್ತಾಙ್ಗಿರಸಃ ।
ಸೋಽಯಾಸ್ಯಸ್ಸದೃಶಾವಾತ್ಮನ ಶ್ರೇಯಾಂಸಂ ವಾ ಪ್ರತಿಗೃಹ್ಯ ವ್ಯಭ್ರಂಶತ ।
ಸೋಽಕಾಮಯತ ಸಮಾತ್ಮಾನಂ ಶ್ರೀಣೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾತ್ಮಾನಂ ಸಮಶ್ರೀಣೀತ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದ್ಯದತ್ರಾಯಾಸ್ಯಂ ಭವತಿ ಸಮೇವೈನದೇತೇನ ಶ್ರೀಣನ್ತಿ । ಭಿಷಜ್ಯನ್ತ್ಯೇವೈನಮೇತೇನ ।
ಯದ್ವಯಾಸ್ಯೋಽಪಶ್ಯತ್ತಸ್ಮಾದಾಯಾಸ್ಯಮಿತ್ಯಾಖ್ಯಾಯತೇ ।
ಪ್ರೋ ಅಯಾಸೀದಿನ್ದುರಿನ್ದ್ರ ಸ್ಯ ನಿಷ್ಕೃತಮ್
ಇತಿ ಪ್ರವದೃಚಾ ಚ ಸಾಮ್ನಾ ಚೈತದಹಃ ಪ್ರಣಯನ್ತಿ ।
ಉಭೌ ವರ್ಣೌ ಸಮೃದ್ಧ್ಯೈ ।
ಪ್ರೇತಿ ಭೃಗವಃ ಪ್ರ್ತ್ಯಙ್ಗಿರಸಃ ಪ್ರೇತ್ಯಾದಿತ್ಯಾ ಸ್ವರ್ಗಂ ಲೋಕಮಾರೋಹನ್ ।
ಪ್ರೇತ್ಯೇವೈತೇನ ಸ್ವರ್ಗಂ ಲೋಕಮಾರೋಹನ್ತಿ ೧೮೮

ಅಥ ಬೃಹತ್ ।
ವರ್ಷ್ಮ ವೈ ಬೃಹತ್ ।
ವರ್ಷ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ।
ತದ್ಗಾಯತ್ರೇಽಹನ್ಭವತಿ ।
ಪುಂಸೋ ವಾ ಏತದ್ರೂ ಪಂ ಯದ್ಬೃಹತ್ । ಸ್ತ್ರಿಯೈ ಗಾಯತ್ರೀ ।
ತದ್ಯದತ್ರ ಬೃಹತ್ಪೃಷ್ಠಂ ಭವತಿ ತೇನೈವೈತದಹರ್ಮಿಥುನಂ ಕ್ರಿಯತೇ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ವಯಂ ಘ ತ್ವಾ ಸುತಾವನ್ತ
ಇತಿ ಸತೋಬೃಹತೀರಾಕ್ರಮನ್ತೇಽನಪಭ್ರಂಶಾಯ ।
ತಾಸ್ವಭಿನಿಧನಂ ಕಾಣ್ವಮ್ ।
ತದಾಹುರ್ವಿರುದ್ಧಂ ವಾ ಏತದ್ಬ್ರಹ್ಮಸಾಮ್ನೋ ಯದನ್ಯತರದ್ರೂ ಪಮಭಿವದತೀತಿ ।
ತದ್ಯದಭೀತಿ ಭವತಿ ತೇನ ರಥನ್ತರಸ್ಯ ರೂಪಾನ್ನ ಯನ್ತಿ ।
ಇನ್ದ್ರೋ ವೈ ವೃತ್ರಮಜಿಘಾಂಸತ್ ।
ಸ ಕಣ್ವಮುಪಾಧಾವದೃಷ ಉಪ ತ್ವಾ ಧಾವಾಮ । ಇಹ ನೋಽಧಿಬ್ರೂಹೀತಿ ।
ಸ ಏತತ್ಕಣ್ವಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವಾ ಇನ್ದ್ರೋ ವೃತ್ರಮಹನ್ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಯದ್ವೇವಾಸ್ಮಾ ಏತೇನ ಸಾಮ್ನಾ ಕಣ್ವೋಽಭೀತಿ ವಜ್ರಮಭ್ಯನದತ್ । ತಸ್ಮಾದಭಿನಿಧನಂ ಕಾಣ್ವಮಿತ್ಯಾಖ್ಯಾಯತೇ ।
ಅಥೈತಾ ಭವನ್ತಿ
ನಕಿಷ್ಟಂ ಕರ್ಮಣಾ ನಶದ್
ಇತಿ ।
ಅತಿ ವಾ ಏತರ್ಹಿ ಬೃಹತೀ ಬೃಹತೀಂ ಕ್ರಾಮತ್ಯ್ । ಅತಿ ಕಕುಪ್ಕಕುಮಮ್ । ಅತ್ಯನುಷ್ಟುಬನುಷ್ಟುಭಮ್ ।
ಸೈಷಾ ಬೃಹತೀ ಸತೀ ಜಗತೀ ಸಂಪದ್ಯತೇ ।
ತೇನಾತಿಕ್ರಾಮತಿ ।
ಸಾ ಅತ್ಯಷ್ಟಮಮಹರ್ಜಿಹೀತೇ । ನವಮಮಹರಭ್ಯಾರಭತೇ । ಪ್ರತಿ ಷಷ್ಠಮಪಧಾವತಿ ೧೮೯

ತಾಸು ವೈಖಾನಸಮ್ ।
ವೈಖಾನಸಾ ವಾ ಏತಾನಿ ಸಾಮಾನ್ಯಪಶ್ಯನ್ನಭ್ಯಾರಮ್ಭಂ ಯಜ್ಞಸ್ಯ ಪ್ರತ್ಯಪಸಾರಮ್ ।
ಅಭ್ಯಾರಮ್ಭೈರ್ವೈ ದೇವಾ ಅಸುರಾನ್ಯಜ್ಞಾದನ್ತರಾಯನ್ ।
ಅಥ ಹ ವೈ ವೈಖಾನಸಾ ಇತ್ಯೃಷಿಕಾ ಇನ್ದ್ರ ಸ್ಯ ಪ್ರಿಯಾ ಆಸುಃ ।
ತಾನ್ಹ ರಹಸ್ಯುರ್ಮಾರಿಮ್ಲವೋ ಮಾರಯಾಂಚಕಾರ ।
ತಾನ್ಹೇಚ್ಛನ್ರಹಸ್ಯುಮುಪೇಯಾಯ ।
ತಂ ಹೋವಾಚ ರಹಸ್ಯೋ ನೇಹ ತಾನ್ವೈಖಾನಸಾನಿತ್ಯೃಷಿಕಾನದ್ರಾ ಕ್ಷೀರಿತಿ ।
ಸ ಹೋವಾಚ ಸ್ಯೋ ವೈ ಭಗವಸ್ತಾನಮಾರಯದಿತಿ ।
ತಂ ಹೋವಾಚಾಂ ರಹಸ್ಯೋ । ಯತ್ರಾ ದುಷ್ಪ್ರತಿಜ್ಞಾನಾ ಭ್ರೂಣಹತ್ಯಾ ।
ಅಥ ಕಥಂ ಪ್ರತ್ಯಜ್ಞಾಸ್ಥಾ ಇತಿ ।
ಸ ಹೋವಾಚಾನೃಟಂ ಚ ಭ್ರೂಣಹತ್ಯಾಂ ಚೋದಯಾಂಸಮ್ ।
ತದನೃತಮೇವಾಯಾಸೀತ್ ।
ಸ ಸತ್ಯಮೇವಾಭ್ಯುಪಾಗಾದಿತಿ ।
ತಂ ಹೋವಾಚ ವರಂ ವೃಣೀಷ್ವ ಯಃ ಪ್ರತ್ಯಜ್ಞಾಸ್ಥಾ ಇತಿ ।
ಸ ಹೋವಾಚ ಬ್ರಾಹ್ಮಣ ಏವ ಮೇ ಪ್ರಜಾಯಾಮಾಜಾಯತಾಮಿತಿ ।
ತೇ ಹೈತೇ ತಕ್ಷವೋ ರಾಹಸ್ಯವಾ ।
ಅಥೋ ಆಹುರಿನ್ದ್ರ ಮೇವ ತದ್ದೇವತಾ ಅಭ್ಯಶಂಸನ್ನಿನ್ದ್ರಂ ಪರ್ಯಚಕ್ಷತ ತ್ವಯಿ ಸತಸ್ತವೋ ಮಾರಿಮ್ಲವೋಽಮೀಮರದಿತಿ ।
ಸೋಽಕಾಮಯತ ಸಮೈನಾನೀರಯೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾನ್ಸಮೈರಯತ್ ।
ತದೇತದ್ಭೇಷಜಂ ಪ್ರಾಯಶ್ಚಿತ್ತಿಸ್ಸಾಮ ।
ಭೇಷಜಂ ವೈ ಸತ್ಪ್ರಾಯಶ್ಚಿತ್ತಿಮಕುರುತ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದೇವೈತೇನ ಭಿಷಜ್ಯನ್ತಿ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದು ಕಾಮಸನಿ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ।
ತದಿನ್ದ್ರೋ ಹ ವೈ ವಿಖಾನಾಃ ।
ಸ ಯದಿನ್ದ್ರ ಏತತ್ಸಾಮಾಪಶ್ಯತ್ । ತಸ್ಮಾದ್ವೈಖಾನಸಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೧೯೦

ಯಸ್ತೇ ಮದೋ ವರೇಣ್ಯ
ಇತ್ಯಾರ್ಭವಸ್ಯ ಪವಮಾನಸ್ಯ ಮದ್ವತೀರ್ಗಾಯತ್ರ್! ಯೋ ಭವನ್ತಿ ।
ರಸೋ ಅವಿ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತ್ಯ್ । ಷವೈನದೇತೇನ ಪ್ಯಾಯಯನ್ತಿ ।
ತೇನಾ ಪವಸ್ವಾನ್ಧಸೇ
ತ್ಯನ್ಧಸ್ವತೀರ್ಭವನ್ತ್ಯನ್ನಂ ವಾ ಅನ್ಧೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಜಘ್ನಿರ್ವೃತ್ರಮಮಿತ್ರಿಯಮ್
ಇತಿ ಬಾರ್ಹತಂ ರೂಪಮ್ ।
ಯದೂರ್ಧ್ವಂ ಮಧ್ಯಂದಿನಾತ್ತದೇತಸ್ಯಾಹ್ನೋ ಬಾರ್ಹತಮ್ ।
ಸಂಮಿಶ್ಲೋ ಅರುಷೋ ಭುವಸ್ಸೂಪಸ್ಥಾಭಿರ್ನ ಧೇನುಭಿರ್
ಇತಿ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದ್ಯತ್ಸೂಪಸ್ಥಾಭಿರಿತ್ಯಹ್ನ ಏವೋಪಸ್ಥಿತ್ಯೈ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥಾಗ್ನೇರರ್ಕ ಆಗ್ನೇಯಂ ಸಾಮಾಗ್ನೇಯೇಽಹನ್ಕ್ರಿಯತೇ ।
ಆಗ್ನೇಯಮೇತದಹರ್ಯದ್ಗಾಯತ್ರಮ್ ।
ಅಗ್ನಿರ್ಹಿ ಗಾಯತ್ರೀ ।
ತದ್ಯದತ್ರಾಗ್ನೇರರ್ಕಃ ಕ್ರಿಯತೇಽಹರೇವ ತದ್ರೂ ಪೇಣ ಸಮೃದ್ಧಯನ್ತಿ ।
ತೇನೈಭ್ಯಸ್ಸಮೃದ್ಧೇನ ಸ್ವಾಯಾಂ ಜನತಾಯಾಮರ್ಧುಕಂ ಭವತಿ ।
ಅಥೋ ಅನ್ನಂ ವಾ ಅರ್ಕೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಅಥ ಸೋಮಸಾಮ ।
ಪ್ರಜನನಂ ವೈ ಸೋಮಃ ।
ಪ್ರಜನನಮೇತದಹಃ ।
ಪ್ರಜನನ ಏವೈತತ್ಪ್ರಜನನಂ ಕ್ರಿಯತೇ ।
ಅಥೋ ಕ್ಷತ್ರಂ ವೈ ಸೋಮಃ ।
ಕ್ಷತ್ರಿಯ ಉ ವಾ ಅನ್ನಾದ್ಯಸ್ಯ ಪ್ರದಾತಾ ।
ಸ ಯೋಽನ್ನಾದ್ಯಸ್ಯ ಪ್ರದಾತಾ ಸ ನೋಽನ್ನಾದ್ಯಂ ಪ್ರಯಚ್ಛಾದಿತಿ ।
ತದಧ್ಯರ್ಧೇಳಂ ಭವತಿ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾ -- ಅಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ೧೯೧

ಅಥ ದಕ್ಷೋಣಿಧನಮ್ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದ್ದಕ್ಷೋಣಿಧನೇನೈವ ಸಂದಕ್ಷಯನ್ತಿ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ತಾ ಅಪ್ರಾಣಾ ಅಸೃಜತ ।
ಸೋಽಕಾಮಯತ ಪ್ರಾಣವತೀರ್ಮ ಇಮಾಃ ಪ್ರಜಾ ಸ್ಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾ ದಕ್ಷಾಯಾ ಇತ್ಯೇವಾಭ್ಯಮೃಶತ್ ।
ಪ್ರಾಣಾ ವೈ ದಕ್ಷಾಃ ।
ಪ್ರಾಣಾನೇವಾಸು ತದದಧಾತ್ ।
ಪ್ರಾಣಾನೇವಾತ್ಮಂಶ್ಚ ಯಜಮಾನೇ ಚ ದಧಾತಿ ಯ ಏವಂ ವೇದ ।
ತದು ಹೋವಾಚ ಸುದಕ್ಷಿಣಃ ಕ್ಷೈಮಿರ್ಮನ್ಥಂ ಹಾಸ್ಯ ಕುಲೇ ವಿದುರ್ನ ವಿವಿದುರ್ದಕ್ಷೋಣಿಧನಂ ಸ್ವಿತ್ತೇ ಪವಮಾನಮುಖೇ ಚಕ್ರುರಿತಿ ।
ಕಥಾ ಹೇತಿ ।
ಮನ್ಥಂ ಹಿ ತೇ ಕುಲೇ ನ ವಿನ್ದನ್ತೀತಿ ।
ತಸ್ಮಾದಗ್ನೇರೇವಾರ್ಕಃ ಪ್ರಥಮಾಯಾಂ ಕಾರ್ಯಃ ।
ಏಷ ಸ್ಯ ಧಾರಯಾ ಸುತ
ಇತಿ ಸನ್ತನಿನಃ ಪ್ರಗಾಥಸ್ । ಸಸನ್ತನಿಕೇನ ಪ್ರಗಾಥೇನೈತದಹರ್ಭಿಷಜ್ಯಾಮೇತಿ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತತ್ಸಸನ್ತನಿಕೇನೈವ ಪ್ರಾಗಾಥೇನ ಭಿಷಜ್ಯನ್ತಿ ।
ಅವ್ಯಾ ವಾರೇಭಿಃ ಪವತೇ ಮದಿನ್ತಮಃ ।
ಕ್ರೀಳನ್ನೂರ್ಭಿರಪಾಮಿವ
ಇತ್ಯತಿ ವಾ ಏತರ್ಹಿ ಕಕುಪ್ಕಕುಭಂ ಕ್ರಾಮತ್ಯ್ । ಅತ್ಯನುಷ್ಟುಬನುಷ್ಟುಭಮ್ ।
ಸೈಷಾ ಕಕುಪ್ಸತೀ ತ್ರಿಷ್ಟುಪ್ಸಂಪದ್ಯತೇ ।
ತೇನಾತಿಕ್ರಾಮತಿ ।
ಸಾಷ್ಟಮಮಹರಾರಭತೇ ।
ಯ ಉಸ್ರಿಯಾ ಅಪಿಯಾ ಅನ್ತರಶ್ಮನಿ ನಿರ್ಗಾ ಅಕೃನ್ತದೋಜಸಾ ।
ಅಭಿ ವ್ರಜಂ ತತ್ನಿಷೇ ಗವ್ಯಮಶ್ವ್ಯಂ ವರ್ಮೀವ ಧೃಷ್ಣವಾ ರುಜಾ
ಇತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ೧೯೨

ತಾಸು ಶಾರ್ಕರಮಿನ್ದ್ರಂ ವೈ ಸರ್ವಾಣಿ ಭೂತಾನ್ಯಸ್ತುವನ್ ।
ತಂ ಶರ್ಕರಸ್ಶಿಂಚುಮಾರ ಸ್ತೋತುಂ ನಾಕಾಮಯತ ।
ತಮಬ್ರವೀತ್ಸ್ತುಹಿ ಮೇತಿ ।
ಸೋಽಬ್ರವೀನ್ನಾಹಂ ತ್ವಾಂ ಸ್ತೋಷ್ಯಾಮಿ ।
ಸಮುದ್ರೇ ವಾ ಅಹಮಪ್ಸ್ವನ್ತಶ್ಚರಾಮ್ಯುಪನಿಮಜ್ಜನ್ನ್ । ಏತಾವತೋಽಹಂ ತ್ವಾಂ ಸ್ತುಯಾಮಿತಿ ।
ತಂ ಪರ್ಜನ್ಯೋ ವೃಷ್ಟ್ಯೋರ್ಧ್ವಮುದಪ್ಲಾವಯದ್ಧನ್ವಾಭಿ ।
ಅಪೋ ಹೈವಾಸ್ಮೈ ದರ್ಶಯಾಂಚಕಾರ ।
ತಮುತ್ತರಾದ್ವಾತೇನ ಪರ್ಯಶೋಷಯತ್ ।
ಸೋಽವೇತ್ಪರಿಶುಷ್ಕಶ್ಶಯಾನೋ ಯದ್ವಾ ಅಹಮಿದಮಿತ್ಥಂ ನ್ಯಗಾಮ್ । ಇನ್ದ್ರೋ ವಾವ ಮೇದಮಿತ್ಥಮಕೃದ್ । ಧನ್ತ ತಮೇವ ಸ್ತವಾನಿ ।
ಸ ಏವ ಮಾ ಸ್ತುತಸ್ಸಮುದ್ರಂ ಪುನರಭ್ಯವಪ್ಲಾವಯಿಷ್ಯತೀತಿ ।
ಸ ಏತಂ ಮನ್ತ್ರಮಪಶ್ಯತ್ ।
ತೇನೈನಮಸ್ತೌದ್
ಯೋ ನ ಇದಮಿದಂ ಪುರಾ ಪ್ರ ವಸ್ಯ ಆನಿನಾಯ ತಮು ವ ಸ್ತುಷೇ ।
ಸಖಾಯ ಇನ್ದ್ರ ಮೂತಯೇ
ಇತಿ ।
ತಮಬ್ರವೀತ್ಕಿಂಕಾಮೋ ಮಾ ಸ್ತೌಷೀತಿ ।
ಇಮಮೇವ ಮಾ ಸಮುದ್ರಂ ಪುನರಭ್ಯವಪ್ಲಾವೇತ್ಯಬ್ರವೀತ್ ।
ತಂ ಪರ್ಜನ್ಯೋ ವೃಷ್ಟ್ಯಾ ಸಮುದ್ರಂ ಪುನರಭ್ಯವಾಪ್ಲಾವಯತ್ ।
ತದೇತದ್ಭೇಷಜಂ ಪ್ರಾಯಶ್ಚಿತ್ತಿಸ್ಸಾಮ ।
ಭೇಷಜಂ ವೈ ಸ ತತ್ಪ್ರಾಯಶ್ಚಿತ್ತಿಮಕುರುತ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದು ಕಾಮಸನಿ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ೧೯೩

ಸ ತೇನೈವ ಮನ್ತ್ರೇಣ ಸ್ವರ್ಗಂ ಲೋಕಮುದಕ್ರಾಮತ್ ।
ಸ ಏವೈಷ ಶರ್ಕರ ಉದೇತಿ ।
ತದ್ವಾ ಅಸ್ಯ ಸ್ವರ್ಗ್ಯಮ್ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಸಮುದ್ರೋ ವೈ ಛನ್ದೋಮಾಃ ।
ಶಿಂಶುಮಾರೋ ವೈ ಸಮುದ್ರ ಮತಿಪಾರಯಿತುಮರ್ಹತಿ ।
ತದ್ಯದತ್ರ ಶಾರ್ಕರಂ ಭವತಿ ಸಮುದ್ರ ಸ್ಯೈವಾತಿಪಾರಣಾಯ ।
ತತ್ಪುನರ್ನಿತುನ್ನಂ ಛನ್ದೋ ಭವತಿ ।
ಯತ್ರ ಯತ್ರ ವೈ ದೇವಾಶ್ಛನ್ದಸಾಂ ರಸಮನ್ವವಿನ್ದಂಸ್ತತ್ಪುನರ್ನಿತುನ್ನಮಕುರ್ವಂಸ್ । ತತ್ಪುನರಭ್ಯಾಘ್ನನ್ ।
ಧೀತಾ ಇವೈತೇ ಯಚ್ಛನ್ದೋಮಾಸ್ತೃತೀಯಸವನಾಯತನಾಃ ।
ಧೀತಮಿವ ವೈ ತೃತೀಯಸವನಮ್ ।
ತದ್ಯತ್ಪುನರ್ನಿತುನ್ನಂ ಛನ್ದೋ ಭವತಿ ರಸಮೇವೈತಚ್ಛನ್ದೋಮೇಷು ದಧತಿ ।
ರಸಸ್ಯೈವೈಷಾನುವಿತ್ತಿಃ ।
ತದು ಕಾಕುಭಂ ಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ಪುರುಷಶ್ಛನ್ದಸಂ ಕಕುಪ್ ।
ಜ್ಯೈಷ್ಠ್ಯಂ ವೈ ಪ್ರಾಣೋ ಜ್ಯೈಷ್ಠ್ಯಂ ಪುರುಷಃ ।
ಜ್ಯೈಷ್ಠ್ಯೈನೈವ ತಜ್ಜ್ಯೈಷ್ಠ್ಯಂ ಸಂದಧಾತಿ । ಜ್ಯೈಷ್ಠ್ಯೇನ ಪ್ರತಿತಿಷ್ಠತಿ ।
ಯದು ಶರ್ಕರಸ್ಶಿಂಶುಮಾರೋಽಪಶ್ಯತ್ತಸ್ಮಾಚ್ಛಾರ್ಕರಮಿತ್ಯಾಖ್ಯಾಯತೇ ।
ಸಖಾಯ ಆ ನಿ ಷೀದತ ಪುನಾನಾಯ ಪ್ರ ಗಾಯತೇ
ತಿ ಪ್ರವತೀರ್ಭವನ್ತಿ ।
ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ಶಿಶುಂ ನ ಯಜ್ಞೈಃ ಪರಿ ಭೂಷತ ಶ್ರಿಯ
ಇತಿ ಪಶುರೂಪಮೇವೈತದುಪಗಚ್ಛನ್ತಿ ।
ಪಶೂನಾಂ ವೈ ಶಿಶುರ್ಭವತಿ ೧೯೪

ತಾಸು ಪ್ಲವಮ್ ।
ಯೋ ವೈ ಸಮುದ್ರ ಮಪ್ಲವಃ ಪ್ರಸ್ನಾತಿ ನೈನಂ ಸ ವ್ಯಶ್ನುತೇಽಥ ಯಃ ಪ್ಲವೀ ಪ್ರಸ್ನಾತಿ ಸ ವ್ಯಶ್ನುತೇ ।
ಸಮುದ್ರೋ ವೈ ಛನ್ದೋಮಾಃ ।
ತದ್ಯತ್ಪ್ಲವಂ ಪ್ಲವಿನ ಏವೈತೇನ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನ್ಪ್ಲವಮೇವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಪ್ಲವಂ ವಾವ ನೋ ಭೂತ್ವೇದಂ ಸಾಮ ಸ್ವರ್ಗಂ ಲೋಕಮವಾಕ್ಷೀದಿತಿ ।
ತದೇವ ಪ್ಲವಸ್ಯ ಪ್ಲವತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತದ್ವೇವಾಚಕ್ಷತೇ ವಸಿಷ್ಠಸ್ಯ ಪ್ಲವಮಿತಿ ।
ವಸಿಷ್ಠೋ ವಾ ಅಕಾಮಯತ ಸ್ವಸ್ತೀಮಾಁ ಲ್ಲೋಕಾನ್ಸರ್ವಾನ್ಸಂಪ್ಲವೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸ್ವಸ್ತೀಮಾಁ ಲ್ಲೋಕಾನ್ಸರ್ವಾನ್ಸಮಪ್ಲವತ ।
ತದ್ವೇವ ಪ್ಲವಸ್ಯ ಪ್ಲವತ್ವಮ್ ।
ಸ್ವಸ್ತೀಮಾಁ ಲ್ಲೋಕಾನ್ಸರ್ವಾನ್ಸಂಪ್ಲವತೇ ಯ ಏವಂ ವೇದ ।
ವಸಿಷ್ಠಮೃಷಯೋಽಮೇಧನ್ವೈಶ್ಯೋಽಸ್ಯಬ್ರಾಹ್ಮಣ ಇತಿ ।
ಸೋಽಕಾಮಯತ ತರೇಯಂ ದುರಿತಂ ಪಾಪ್ಮಾನಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನ ಏ ಆತಿ ವಿಶ್ವಾನಿ ದುರಿತಾ ತರೇಮೇ ತ್ಯೇವ ದುರಿತಂ ಪಾಪ್ಮಾನಮತರತ್ ।
ತರತಿ ದುರಿತಂ ಪಾಪ್ಮಾನಂ ಯ ಏವಂ ವೇದ ।
ತದ್ದ್ವಾದಶಾಕ್ಷರಣಿಧನಂ ಭವತಿ ದ್ವಾದಶಾಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಸಿಷ್ಠಸ್ಯ ಪ್ಲವಮಿತ್ಯಾಖ್ಯಾಯತೇ ।
ಅಥೈತಾ ಭವನ್ತಿ
ಪುರೋಜಿತೀ ವೋ ಅನ್ಧಸ
ಇತಿ ।
ಪುರಸ್ತಾದ್ಧ ವಾ ಏತಾಃ ಪಾಪ್ಮಾನಂ ಜಯನ್ತೀಃ । ಪುರಸ್ತಾತ್ಪಾಪ್ಮಾನಮಪಘ್ನತ್ಯೋ । ಯನ್ತಿ ।
ಜಿತಂ ಹ ವಾ ಏತಾಭಿರ್ । ವಿಜಿತಮನ್ವವಸ್ಯನ್ತಿ ।
ಅಥೋ ಯಥಾನ್ಯೌ ನವತರೌ ಚಕ್ರಾವುಪಾಸ್ಯೇದೇವಮೇವ ಏತಾಮನುಷ್ಟುಭಂ ತ್ರ್! ಯಹಮುಖೇಷು ಪರ್ಯಾಹರನ್ತಿ । ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ೧೯೫

ಅಥ ಕಾರ್ತವೇಶಮ್ ।
ತ್ರೇಧಾ ಭರತೇಷು ರಾಷ್ಟ್ರಮಾಸೀದ್ವೈತಹವ್ಯೇಷು ತೃತೀಯಂ । ಮಿತ್ರವತ್ಸು ತೃತೀಯಂ । ಕೃತವೇಶೇ ತೃತೀಯಮ್ ।
ಸೋಽಕಾಮಯತ ಕೃತವೇಶೋ ಹ ತ್ವಿಮೇ ದ್ವೇ ರಾಷ್ಟ್ರೇ ಏಕಧಾ ರಾಷ್ಟ್ರಂ ಸ್ಯಾದಿತಿ ।
ಸ ಏತದ್ದ್ವಿನಿಧನಂ ಸಾಮಾಪಶ್ಯತ್ ।
ತೇನಾಸ್ತುತ ।
ತೇನೇಮೇ ದ್ವೇ ರಾಷ್ಟ್ರೇ ಹ ತ್ವೈಕಧಾ ರಾಷ್ಟ್ರಮಭವತ್ ।
ತದೇತಚ್ಛ್ರೀರ್ಭ್ರಾತೃವ್ಯಹಾ ಸಾಮ ।
ಅಶ್ನುತೇ ಶ್ರಿಯಂ ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ।
ಯದು ಕೃತವೇಶೋಽಪಶ್ಯತ್ತಸ್ಮಾತ್ಕಾರ್ತವೇಶಮಿತ್ಯಾಖ್ಯಾಯತೇ ।
ಅಥ ಶ್ಯಾವಾಶ್ವಂ ಸ್ವರ್ಗ್ಯಂ ಸಾಮ । ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ಅಥಾನ್ಧೀಗವಮಿಳಾವತ್ಯನುಷ್ಟುಬಸದಿತಿ -- ಅನಿಳಾನುಷ್ಟುಪ್ಸ್ಯಾದ್ಯದೇತದತ್ರ ಕುರ್ಯುಃ ।
ಅಥೋ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥೈತಾ ದ್ವಿಪದೋ ಭವನ್ತ್ಯುಕ್ತಬ್ರಾಹ್ಮಣಾಃ ।
ತಾ ಏತಾ ಭವನ್ತಿ
ಪ್ರ ವಾಜ್ಯಕ್ಷಾರ್
ಇತಿ ಪ್ರವತೀರ್ಭವನ್ತಿ ।
ಪ್ರಾಯಣೀಯರೂಪಮೇವೈತದುಪಗಚ್ಛನ್ತಿ ।
ಪ್ರಾಯಣೀಯಂ ಹ್ಯೇತದಹಃ ।
ತಾಸು ಸೌಹವಿಷಮ್ ।
ದೇವಾ ವಾ ಅಸುರಾನ್ಹತ್ವಾ ಅಪೂತಾ ಇವಾಮೇಧ್ಯಾ ಅಮನ್ಯನ್ತ ।
ತೇಽಕಾಮಯನ್ತ ಪೂತಾ ಮೇಧ್ಯಾ ಸ್ಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಪೂತಾ ಮೇಧ್ಯಾ ಅಭವನ್ ।
ತೇಽಬ್ರುವನ್ಸುಹವಿಷೋ ವಾ ಅಭೂಮೇತಿ ।
ತದೇವ ಸೌಹವಿಷಸ್ಯ ಸೌಹವಿಷತ್ವಮ್ ।
ಪೂತೋ ಮೇಧ್ಯೋ ಭವತಿ ಯ ಏವಂ ವೇದ ।
ಯೇ ಸೋಮಾಸಃ ಪರಾವತೀ
ತಿ ಪರಾವತಮಿವ ಹ್ಯೇತರ್ಹಿ ಯಜ್ಞೋಽಗಚ್ಛತ್ ೧೯೬

ತಾಸು ಜರಾಬೋಧೀಯಮ್ ।
ಶಾಕ್ತ್ಯಾಸ್ತರಸಪುರೋಡಾಶಾಸ್ಸತ್ರಮಾಸತ ।
ಸ ಗೌರಿವೀತಿಶ್ಶಾಕ್ತ್ಯೋ ಮೃಗಮಹನ್ ।
ತಂ ತಾರ್ಕ್ಷ್ಯಸ್ಸುಪರ್ಣ ಉಪರಿಷ್ಟಾದಭ್ಯವಾಪತತ್ ।
ತಸ್ಮಾ ಉಪಪ್ರತ್ಯಧತ್ತ ।
ತಮಬ್ರವೀದೃಷೇ । ಮಾ ಮೇಽಸ್ಥಃ ।
ಯತ್ಕಾಮೋಽಸಿ ತಂ ತೇ ಕಾಮಂ ಸಮರ್ಧಯಿಷ್ಯಾಮ ಇತಿ ।
ಕಿಂಕಾಮಃ ಖಲ್ವಹಮಸ್ಮೀತ್ಯಬ್ರವೀತ್ ।
ಅಸಿತಸ್ಯ ಧಾಮ್ನ್ಯಸ್ಯ ದುಹಿತರಂ ಕಾಮಯಸೇ ।
ತಸ್ಯೈ ತ್ವಾ ನಿವಕ್ಷ್ಯಾಮೀತಿ ।
ಅಥ ಹಾಸಿತೋ ಧಾಮ್ನ್ಯ ಈರ್ಷ್ಯುರಾಸ ।
ತಸ್ಯ ಹಾನ್ತರಿಕ್ಷೇ ಪ್ರಾಸಾದ ಆಸ ।
ತದ್ಧಾಸ್ಯ ದುಹಿತರಂ ಜುಗುಪುಃ ।
ತಂ ಹ ಸ್ಮ ಪತ್ರನಾಡ್ಯಾಮುಪಗುಹ್ಯಾಸ್ಯೈ ಕುಮಾರ್ಯೈ ನಿವಹತಿ । ತಂ ಹ ಸ್ಮೈತೇನೈವ ಸಾಮ್ನಾ ಪ್ರಾತರ್ಬೋಧಯತಿ ಜಾರ ಬುಧ್ಯಸ್ವೇತಿ ।
ತದೇವ ಜರಾಬೋಧೀಯಸ್ಯ ಜರಾಬೋಧೀಯತ್ವಮ್ ।
ಸೇಯಂ ಕುಮಾರೀ ಗರ್ಭಮಧತ್ತ ।
ಸ ಕುಮಾರೋಽಜಾಯತ ।
ತಮಸುರಾ ವಿಚ್ಛಿದ್ಯ ಪರಾಸ್ಯನ್ತೋಽಬ್ರುವಞ್ಜಾಮೀಗರ್ಭೋ ವಾ ಅಯಂ । ರಕ್ಷೋ ವಾ ಇದಮಜನೀತಿ ।
ತಮಕಾಮಯತ ಸಮೇನಮೀರಯೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈವಂ ಸಮೈರಯತ್ ।
ಸ ಏವ ಸಂಕೃತಿರ್ಗೌರಿವೀತೋಽಭವತ್ ।
ತದೇತದ್ಭೇಷಜಂ ಪ್ರಾಯಶ್ಚಿತ್ತಿಸ್ಸಾಮ ।
ಭೇಷಜಂ ವೈ ಸ ತತ್ಪ್ರಾಯಶ್ಚಿತ್ತಿಮಕುರುತ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದೇವೈತೇನ ಭಿಷಜ್ಯನ್ತಿ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದು ಕಾಮಸನಿ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ । ಸಮಸ್ಮೈ ಸ ಕಾಮ ಋಧ್ಯತೇ ।
ತಸ್ಯೋ ಪ್ರಾಚೀಮಿಳಾಮುಪಯನ್ತಿ ।
ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ।
ಪಶುಷ್ವೇವೈತದ್ರೇ ತಾಂಸಿ ದಧತಿ ೧೯೭

ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಆ ತೇ ವತ್ಸೋ ಮನೋ ಯಮದ್
ಇತ್ಯಾವತೀರ್ಭವನ್ತಿ ।
ಅಪಚ್ಛಿದಿವ ವಾ ಏತದ್ಯಜ್ಞಕಾಣ್ಡಂ ಯದುಕ್ಥಾನಿ ।
ತದ್ಯದಾವತೀರ್ಭವನ್ತಿ ಯಜ್ಞಸ್ಯೈವ ಸಲೋಮತಾಯೈ ।
ತಾಸು ವಾತ್ಸಮ್ ।
ವತ್ಸಃ ಕಾಣ್ವಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಹ ವಾವ ತ್ರಿಶೋಕೋ ಯಾನೇವಾಮೂಂಸ್ತ್ರೀಞ್ಛೋಕಾನಪಾಹನ್ಸಾಸ್ಯ ತ್ರಿಶೋಕತಾ ।
ಸ ಹ ಸ ಸದ್ಯ ಏವಾಲೋಮ್ನೋ ಕರ್ಣಕಾನ್ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ವತ್ಸಃ ಕಾಣ್ವೋಽಪಶ್ಯತ್ತಸ್ಮಾದ್ವಾತ್ಸಮಿತ್ಯಾಖ್ಯಾಯತೇ ।
ತ್ವಂ ನ ಇನ್ದ್ರಾ ಭರೇ
ತಿ ತ್ವಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಓಜೋ ನೃಮ್ಣಂ ಶತಕ್ರತೋ ವಿಚರ್ಷಣೇ ।
ಆ ವೀರಂ ಪೃತನಾಸಹಮಿತಿ ಯದ್ವೈ ಶತವತ್ಸಹಸ್ರವತ್ತಚ್ಛನ್ದೋಮಾನಾಂ ರೂಪಮ್ ।
ಪಶವೋ ವೈ ಛನ್ದೋಮಾಃ ೧೯೮

ತಾಸು ಸೌಶ್ರವಸಮ್ ।
ಕುತ್ಸೋ ಹ ವಾ ಔರವ ಇನ್ದ್ರ ಸ್ಯೋರೋರಧಿ ನಿರ್ಮಿತ ಆಸ ।
ಯಾದೃಶ ಏವೇನ್ದ್ರ ಸ್ತಾದೃಶ । ಯಥಾತ್ಮನೋ ನಿರ್ಮಿತ ಸ್ಯಾದೇವಮ್ ।
ತಂ ಹ ಸಂಗ್ರಹೀತಾರಂ ಚಕ್ರೇ ।
ತಂ ಹ ಜಾಯಯಾಭಿಜಗ್ರಾಹ ಶಚ್ಯಾ ಪೌಲೋಮ್ಯಾ ।
ತಾಂ ಹೋವಾವ ಕಥೇತ್ಯಮಕರಿತಿ ।
ಸಾ ಹೋವಾಚ ನ ವಾಂ ವ್ಯಜ್ಞಾಸಮಿತಿ ।
ಸ ಹೋವಾಚ ಖಲತಿಂ ವಾ ಏನಂ ಕರಿಷ್ಯಾಮಿ । ತಥಾ ವಿಜಾನೀತಾದಿತಿ ।
ತಂ ಹ ಖಲತಿಂ ಚಕಾರ ।
ಸ ಹೋಷ್ಣೀಷಂ ಪರಿಹೃತ್ಯೋಪನಿಪೇದೇ ।
ಸ ಏವೈಷ ಸಂಗ್ರಹೀತುರುಷ್ಣೀಷಃ ।
ತಂ ಹಾಭ್ಯೇವ ಜಗ್ರಾಹ ।
ತಾಂ ಹೋವಾಚ ಕಥೇತ್ಥಮಕರಿತಿ ।
ಸಾ ಹೋವಾಚ ನ ವಾಂ ವ್ಯಜ್ಞಾಸಮ್ । ಉಷ್ಣೀಷೇಣ ವೈ ಮಾ ಪರಿಹೃತ್ಯೋಪನ್ಯಪಾದೀತಿ ।
ಸ ಹೋವಾಚಾನ್ತರಾಂಸಯೋರ್ವಾ ಅಸ್ಯ ಪಾಂಸೂನಧಿವಪ್ಸ್ಯಾಮಿ । ತಥಾ ವಿಜಾನೀತಾದಿತಿ ।
ತಸ್ಯ ಹಾನ್ತರಾಂಸಯೋಃ ಪಾಂಸೂನಧ್ಯುವಾಪ ।
ತ ಏವೈತೇ ಸಂಗ್ರಹೀತುರನ್ತರಾಂಸಯೋಃ ಪಾಂಸವಃ ।
ತಾನ್ಹ ಪ್ರಾವೃತ್ಯೋಪನಿಪೇದೇ ।
ತಂ ಹಾಭ್ಯೇವ ಜಗ್ರಾಹ ।
ತಾಂ ಹೋವಾಚ ಕಥೇತ್ಥಮಕರಿತಿ ।
ಸಾ ಹೋವಾಚ ನ ವಾಂ ವ್ಯಜ್ಞಾಸಮ್ ।
ಪ್ರಾವೃತ್ಯ ವೈ ಮೋಪನ್ಯಪಾದೀತಿ ೧೯೯

ತಂ ಹ ಬಬಾಧೇ ಮಲ್ಲೋಽಸೀತಿ ।
ಸ ಹೋವಾಚ ಮಘವನ್ಮಾಮುಯಾ ಭೂಮ ।
ತೇಭ್ಯೋ ವೈ ನಸ್ತ್ವಂ ತದ್ದೇಹಿ । ಯೇನ ವಯಂ ಜೀವಾಮ ।
ತ್ವದ್ವೈ ವಯಂ ಜಾತಾ ಸ್ಮ ಇತಿ ।
ಸ ವಾ ಏತಾನನ್ತರಾಂಸಯೋಃ ಪಾಂಸೂನ್ಪ್ರಧ್ವಂಸಯಸ್ವೇತಿ ।
ತಾನ್ಹ ಪ್ರಧ್ವಂಸಯಾಂಚಕ್ರೇ ।
ತೇ ಹೈವ ರಜಸಶ್ಚ ರಜೀಯಾಂಸಶ್ಚ ನಾಮ ಮಹಾಞ್ಜನಪದ ಉತ್ತಸ್ಥೌ ।
ತೇಷಾಂ ಹ ರಾಜಾಸ ।
ತಸ್ಯ ಹೋಪಗುಸ್ಸೌಶ್ರವಸಃ ಪುರೋಹಿತ ಆಸ ।
ಸ ಹೋವಾಚ ಮಾ ಕಶ್ಚನ ಯಷ್ಟ ।
ಯೋ ಮ ಈಶಾಯಾಂ ಯಜತೇ । ಜ್ಯೇಯಸ್ಸಃ ।
ನ ವೈ ದೇವಾ ಅಹುತಸ್ಯಾದನ್ತಿ ।
ನ ಪರ್ಣಾಹುತಿಶ್ಚ ನ ಹೋತವ್ಯೇತಿ ।
ಸ ಹೇನ್ದ್ರ ಉಪಗುಂ ಸೌಶ್ರವಸಮೇತ್ಯೋವಾಚ ಯಾಜಯಾನಿ ತ್ವೇತಿ ।
ಸ ಹೋವಾಚ ನ ವಾ ಇಹ ಯಜನ್ತೇ ।
ಯೋ ವಾ ಇಹ ಯಜೇತ । ಜಿನೀಯುರ್ವೈ ತಮಿತಿ ।
ತಂ ಹ ಲೋಕಂ ಲೋಕಂ ದರ್ಶಯಾಂಚಕಾರೇಮಮಿಮಂ ವೈ ಲೋಕಮಿಷ್ಟ್ವಾ ಜಯತೀತಿ ।
ಸ ಹೇಕ್ಷಾಂಚಕ್ರೇಽಪಿ ತ್ಯಂ ಜಿನನ್ತು ।
ಹನ್ತ ಯಜಾ ಇತಿ ।
ತಂ ಹೋವಾಚ ಯಾಜಯ ಮೇತಿ ।
ತಂ ಹ ಯಾಜಯಾಂಚಕಾರ ।
ಸ್ವಯಮೇವ ಸದೋಹವಿರ್ಧಾನೇ ಉತ್ತಸ್ಥತುಃ ।
ಉಲ್ಖಲೇ ಸೋಮಮಭಿಷುಷಾವ ।
ಸ ಹೋವಾಚಾರಾದೇವ ಕುತ್ಸಾದಿಹಾಗಹೀತಿ ।
ಸ ಹ ಕುತ್ಸಮೇವೋಪೇಯಾಯ ।
ತಂ ಹೋವಾಚ ಕಮಯಜ ಇತಿ ।
ಉಪಗುಮಿತಿ ।
ಏತಮುಪಗುಂ ಜಿನೀತೇತಿ ೨೦೦

ತಂ ಹ ಜಿಗ್ಯುಃ ।
ತಂ ಹ ದ್ವಿತೀಯಂ ತಂ ಹ ತೃತೀಯಮೇತ್ಯೋವಾಚ ಯಾಜಯಾನಿ ತ್ವೇತಿ ।
ಸ ಹೋವಾಚ ನ ವಾ ಇಹ ಯಜನ್ತೇ ।
ಯೋ ವಾ ಇಹ ಯಜೇತ । ಜಿನೀಯುರ್ವೈ ತಮ್ ।
ದ್ವಿರ್ವೈ ಸ್ಯೋಽಯಜತ ।
ತಂ ತ್ಯಮಜಿನನ್ನೇವೇತಿ ।
ತಮು ಹ ಲೋಕಂ ಲೋಕಮೇವ ದರ್ಶಯಾಂಚಕಾರೇಮಮಿಮಮು ವಾವ ಲೋಕಮಿಷ್ಟ್ವಾ ಜಯತೀತಿ ।
ಸ ಹೇಕ್ಷಾಂಚಕ್ರೇಽಪಿ ತ್ಯಂ ಜಿನನ್ತು । ಹನ್ತ ಯಜಾ ಏವೇತಿ ।
ತಂ ಹೋವಾಚ ಯಾಜಯ ಮೇತಿ ।
ತಂ ಹ ಯಾಜಯಾಂಚಕಾರ ।
ಸ್ವಯಮೇವ ಸದೋಹವಿರ್ಧಾನೇ ಉತ್ತಸ್ಥತುರ್ । ಉಲೂಖಲೇ ಸೋಮಮಭಿಷುಷಾವ ।
ಸ ಹೋವಾಚ ಕಮಯಜ ಇತಿ ।
ಉಪಗುಮಿತಿ ।
ತಮು ಹ ಸ್ವಯಮೇವೋಪೋತ್ಥಾಯ ಸಂವೃಶ್ಚ್ಯೋದಕೇ ಪ್ರಚಕಾರ ೨೦೧

ತದು ಹ ಸುಶ್ರವಾ ಸ್ಥೌರಾಯಣಃ ಪಿತಾನುಬುಬುಧೇ ಕುತ್ಸೋ ಹ ವೈ ಮ ಔರವಃ ಪುತ್ರಂ ಸಂವೃಶ್ಚ್ಯೋದಕೇ ಪ್ರಾಕಾರೀದಿತಿ ।
ತಮಾದ್ರುತ್ಯಾಬ್ರವೀತ್ಕ್ವ ಮೇ ಪುತ್ರಮಕರಿತಿ ।
ಏಷ ಉದಕೇ ಪ್ರಕೀರ್ಣಶ್ಶೇತ ಇತಿ ।
ತಂ ಹಾನ್ವಭ್ಯವೇಯಾಯ ।
ತಸ್ಯ ಹೇನ್ದ್ರೋ ರೋಹಿತೋ ಭೂತ್ವಾ ಮುಖಾತ್ಸೋಮಂ ನಿಷ್ಪಪೌ ।
ಸ ಹೇಕ್ಷಾಂಚಕ್ರೇಽಯಂ ವಾವೇನ್ದ್ರ ಃ! ।
ಇದಮೇವ ಸ್ತವಾನಿ ।
ಅಯಮೇವ ಮ ಇಮಂ ಸಮೈರಯಿಷ್ಯತೀತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಮಸ್ತೌದ್
ಅಪಾದು ಶಿಪ್ರಿಯನ್ಧಸಸ್ಸುದಕ್ಷಸ್ಯ ಪ್ರಹೋಷಿಣಃ ।
ಇನ್ದೋರಿನ್ದ್ರೋ ಯವಾಶಿರಃ
ಇತಿ ।
ತಮಬ್ರವೀತ್ಕಿಂಕಾಮೋ ಮಾ ಸ್ತೌಷೀತಿ ।
ಇಮಮೇವ ಮೇ ಪುತ್ರಂ ಸಮೈರಯೇತ್ಯಬ್ರವೀತ್ ।
ತಮೇ ಮಥಾಯಾ ಇತ್ಯುದಮಥ್ನಾತ್ ।
ತಂ ಸಮೈರಯತ್ ।
ತದೇತದ್ಭೇಷಜಂ ಪ್ರಾಯಶ್ಚಿತ್ತಿಸ್ಸಾಮ ।
ಭೇಷಜಂ ವೈ ಸ ತತ್ಪ್ರಾಯಶ್ಚಿತ್ತಿಮಕುರುತ ।
ವಿಭ್ರಷ್ಟಮಿವೈತದಹರ್ಯತ್ಸಪ್ತಮಮ್ ।
ತದೇವೈತೇನ ಭಿಷಜ್ಯನ್ತಿ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದು ಕಾಮಸನಿ ।
ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ।
ಯದು ಸುಶ್ರವಾ ಸ್ಥೌತಾಯಣೋಽಪಶ್ಯತ್ತಸ್ಮಾತ್ಸೌಶ್ರವಸಮಿತ್ಯಾಖ್ಯಾಯತೇ ೨೦೨

ಋಷಯೋ ವೈ ಸತ್ರಾದುತ್ಥಾಯಾಯನ್ತ ಆಯುಞ್ಜಾನಾಃ ।
ತೇ ಹೋಚುರೇತ ಕಿಂ ಚಿದೇವ ಯಕ್ಷಂ ಪಶ್ಯಾಮೇತಿ ।
ತೇ ಹೋಚುರಕೂಪಾರೋ ವಾ ಅಯಂ ಕಶ್ಯಪಸ್ಸಮುದ್ರೇ ಽನ್ತರ್ಮಹದ್ಯಕ್ಷಮ್ ।
ಏತ ತಂ ಪಶ್ಯಾಮೇತಿ ।
ತಂ ಹಾನ್ವಭ್ಯವೇಯುಃ ।
ತೇಭ್ಯೋ ಹ ನಾವಿರಾಸ ।
ತೇ ಹೋಚುರೇತೇನ್ದ್ರ ಮೇವ ಸ್ತವಾಮ ಸ ವಾವಾಸ್ಯೇಶೇ ।
ಸ ಏವ ನ ಇಮಂ ದರ್ಶಯಿಷ್ಯತೀತಿ ।
ತೇಽತ್ರಿಮಬ್ರುವನ್ನೃಷೇ । ತ್ವಂ ಸ್ತುತಾದಿತಿ ।
ಸ ಏತಮತ್ರಿಸ್ತೃಚಮಪಶ್ಯತ್ ।
ತೇನೈನಮುಪಾಯನ್
ಯದಿನ್ದ್ರ ಚಿತ್ರ ಮ ಇಹ ನಾಸ್ತಿ ತ್ವಾದಾತಮದ್ರಿ ವಃ ।
ರಾಧಸ್ತನ್ನೋ ವಿದದ್ವಸ ಉಭಯಾಹಸ್ತ್ಯಾ ಭರ
ಇತಿ ।
ಸ ಹೇಕ್ಷಾಂಚಕ್ರೇ ಮಹದ್ಬತ ಮ ಋಷಯೋ ಯಾಚನ್ತಿ ।
ಉಭಯಾಹಸ್ತ್ಯಾ ಭರೇ
ತಿ ವಾ ಆಹುರಿತಿ ।
ಯತ್ತೇ ದಿಕ್ಷು ಪ್ರರಾಧ್ಯಂ ಮನೋ ಅಸ್ತಿ ಶ್ರುತಂ ಬೃಹತ್ ।
ತೇನ ದೃಢಾ ಚಿದದ್ರಿ ವ ಆ ವಾಜಂ ದರ್ಷಿ ಸಾತಯೇ
ಇತಿ ।
ಸ ಹೇಕ್ಷಾಂಚಕ್ರೇ ದೃಢಂ ಬತ ಮ ಋಷಯೋ ಯಾಚನ್ತಿ ।
ನ ಹಾಜಜ್ಞಾವಕೂಪಾರಂ ದಿದೃಕ್ಷನ್ತ ಇತಿ ।
ಯನ್ಮಿನ್ಯಸೇ ವರೇಣ್ಯಮಿನ್ದ್ರ ದ್ಯುಕ್ಷಂ ತದಾ ಭರ ।
ವಿದ್ಯಾಮ ತಸ್ಯ ತೇ ವಯಮಕೂಪಾರಸ್ಯ ದಾವನೇ
ಇತಿ ।
ಸ ಹಾಜಜ್ಞಾವಕೂಪಾರಂ ವೈ ದಿದೃಕ್ಷನ್ತ ಇತಿ ।
ತಂ ಹ ಪದೋದಸ್ಯನ್ನುವಾಚೇದಮೇವ ಮೇದಮೃಷಯೋ ಮಹದಿವೋಭಯಾಹಸ್ತ್ಯಾ ಭರೇ
ತ್ಯವೋಚನ್ನಿತಿ ।
ತಮಪಶ್ಯನ್ ।
ತಾ ಏತಾಃ ಕಾಮಸನಯ ಋಚಃ ।
ಏತಂ ವೈ ತೇ ಕಾಮಮಕಾಮಯನ್ತ ।
ಸ ಏಭ್ಯಃ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತಾಭಿರೃಗ್ಭಿ ಸ್ತುತೇ । ಸಮಸ್ಮೈ ಸ ಕಾಮ ಋಧ್ಯತೇ ೨೦೩

ತಾಸು ವಸಿಷ್ಠಸ್ಯ ವೀಙ್ಕಮತಿಕ್ರಾನ್ತಿಃ ।
ಅತಿ ವಾ ಏತರ್ಹ್ಯನುಷ್ಟುಬನುಷ್ಟುಭಂ ಕ್ರಾಮತಿ ।
ಸೈಷಾನುಷ್ಟುಪ್ಸತೀ ತ್ರಯಸ್ತ್ರಿಂಶದಕ್ಷರಾ ಸಂಪದ್ಯತೇ ।
ತೇನಾತಿಕ್ರಾಮತಿ ।
ವಸಿಷ್ಠೋ ವೈ ಜೀತೋ ಹತಪುತ್ರೋಽಕಾಮಯತ ವೀಮಾಁ ಲ್ಲೋಕಾನಶ್ನುವೀಯ । ವಿ ಪ್ರಜಯಾ ಪಶುಭಿರಶ್ನುವೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನ ವೀವೀತ್ಯೇವೇಮಾಁ ಲ್ಲೋಕಾನಾಶ್ನುತ । ವಿ ಪ್ರಜಯಾ ಪಶುಭಿರಾಶ್ನುತೇ ।
ತದೇತತ್ಸ್ವರ್ಗ್ಯಂ ಪ್ರಜನನಂ ಸಾಮ ।
ವೀಮಾಁ ಲ್ಲೋಕಾನಶ್ನುತೇ । ವಿ ಪ್ರಜಯಾ ಪಶುಭಿರಶ್ನುತೇ । ಯ ಏವಂ ವೇದ ।
ತದು ಸ್ತೋಭಾನುತುನ್ನಂ ಭವತಿ ।
ಅನುತುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಪಶವಶ್ಛನ್ದೋಮಾಃ ।
ತೇನ ವೈ ರೂಪಸಮೃದ್ಧಮ್ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಸಿಟ್ಠಸ್ಯ ವೀಂಕಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೨೦೪

ಶಿಶುಂ ಜಜ್ಞಾನಂ ಹರ್ಯತಂ ಮೃಜನ್ತೀ
ತಿ ಹರಿವತೀರ್ಭವನ್ತಿ ।
ಹರಿವತೀ ವೈ ಪರಮಾ ವಾಚಸ್ತನೂಃ ।
ವಾಚಂ ಛನ್ದೋಮೈಸ್ಸಮಿಚ್ಛನ್ತಿ ।
ಆಪ್ತೇವ ವಾ ಏತರ್ಹಿ ವಾಗ್ಭವತಿ ಛನ್ದೋಮೇಷು ।
ತಾಮೇವೈತತ್ಸಂವಿನ್ದನ್ತಿ ।
ಶುಮ್ಭನ್ತಿ ವಿಪ್ರಂ ಮರುತೋ ಗಣೇನೇ
ತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ತ್ರಿಷ್ಟುಭೋ ರೂಪಮ್ ।
ತ್ರೈಷ್ಟುಭಮೇತದಹಃ ।
ಅಥೋ ಕ್ಷತ್ರಂ ವೈ ತ್ರಿಷ್ಟುಬ್ವಿಶೋ ಮರುತಃ ।
ತದ್ಯತ್ತ್ರಿಷ್ಟುಭೋ ಮರುತ್ವತೀರ್ಭವನ್ತಿ । ಕ್ಷತ್ರಾಯೈವ ತದ್ವಿಶಮನುವರ್ತ್ಮಾನಂ ಕುರ್ವನ್ತಿ ।
ತಸ್ಮಾತ್ಕ್ಷತ್ರಸ್ಯ ವಿಡನುವರ್ತ್ಮಾ
ಕವಿರ್ಗೀರ್ಭಿಃ ಕಾವ್ಯೇನ ಕವಿಸ್ಸನ್ಸೋಮಃ ಪವಿತ್ರಮತ್ಯೇತಿ ರೇಭನ್ನ್
ಇತ್ಯತಿಹಾಯನ್ ।
ಋಷಿಮನಾ ಯ ಋಷಿಕೃತ್ಸ್ವರ್ಷಾಸ್ಸಹಸ್ರನೀಥಃ ಪದವೀಃ ಕವೀನಾಮ್
ಇತಿ ಸಹಸ್ರರೂಪಂ ಛನ್ದೋಮಾನಾಮುಪಗಚ್ಛನ್ತಿ ।
ಪಶವೋ ವೈ ಛನ್ದೋಮಾಃ ।
ತೃತೀಯಂ ಧಾಮ ಮಹಿಷಸ್ಸಿಷಾಸನ್ನ್
ಇತಿ ತೃತೀಯೋ ಹ್ಯೇಷ ತ್ರಿಯಹಃ ಕ್ರಿಯತೇ ಯಚ್ಛನ್ದೋಮಾಃ ।
ಸೋಮೋ ವಿರಾಜಮನು ರಾಜತಿ ಷ್ಟುಬ್
ಇತಿ ತ್ರೈಷ್ಟುಭಂ ರೂಪಮುಪಗಚ್ಛನ್ತಿ ।
ತರಿಷ್ಟುಭಂ ಹ್ಯೇತದಹಃ ।
ಅಥೋ ಪೂರ್ವೋ ವೈಷ ಸಹೋ ರಾಜ್ಯಮ್ ।
ತಮೇವೈತಚ್ಛನ್ದೋಮಾ ಅನು ರಾಜನ್ತಿ ।
ಚಮೂಷಚ್ಛ್ಯೇನಶ್ಶಕುನೋ ವಿಭೃತ್ವಾ ಗೋವಿನ್ದುರ್ದ್ರ ಪ್ಸ ಆಯುಧಾನಿ ಬಿಭ್ರದ್
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ಅಪಾಮೂರ್ಮಿಂ ಸಚಮಾನಸ್ಸಮುದ್ರ ಮ್
ಇತಿ ಸಮುದ್ರ ವತೀರ್ಭವನ್ತಿ । ಛನ್ದೋಮಾನಾಂ ರೂಪಮ್ ।
ಸಮುದ್ರೋ ವೈ ಛನ್ದೋಮಾಃ ।
ತುರೀಯಂ ಧಾಮ ಮಹಿಷೋ ವಿವಕ್ತೀ
ತಿ ತುರೀಯಂ ಹ್ಯೇತದಹರಹ್ನಾಂ ಕ್ರಿಯತೇ ಯಚ್ಛನ್ದೋಮಾಃ ೨೦೫

ತಾ ಏತಾ ಭವನ್ತಿ ತ್ರಿಷ್ಟುಭಸ್ತ್ರಿಷ್ಟುಬ್ವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮರ್ಧಯನ್ತಿ ಸಂ ತತ್ರರ್ಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಏತೇ ಸೋಮಾ ಅಭಿ ಪ್ರಿಯಮ್
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಇನ್ದ್ರ ಸ್ಯ ಕಾಮಮಕ್ಷರನ್ನ್
ಇತಿ ಯದೈನ್ದ್ರಂ ತತ್ತ್ರಿಷ್ಟುಭೋ ರೂಪಮ್ ।
ಕ್ಷತ್ರಂ ಹಿ ತ್ರಿಷ್ಟುಪ್ ।
ವರ್ಧನ್ತೋ ಅಸ್ಯ ವೀರ್ಯಮ್
ಇತಿ ವೃದ್ಧಂ ಹ್ಯೇತದಹರ್ಯಚ್ಚತುಶ್ಚತ್ವಾರಿಂಶಂ ಸೂಕ್ತಮನುರೂಪೋ ಭವತಿ ಪಶವೋ ವೈ ಸೂಕ್ತಂ ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥೋ ಭೂಮಾ ವೈ ಪಶವೋ । ಭೂಮಾ ಸೂಕ್ತಮ್ ।
ಪಶೂನಾಮೇವೈತತ್ಪಋಊನನುರೂಪಾನ್ಕುರ್ವನ್ತಿ ।
ನಾತ್ರ ಪ್ರತ್ಯಕ್ಷಾನುರೂಪಂ ಕುರ್ವನ್ತಿ ।
ತಸ್ಮಾತ್ಪಶವೋ ನಾನಾರೂಪಾಞ್ಜನಯನ್ತ್ಯುತ ಶ್ವೇತಾ ಕೃಷ್ಣಂ ಜನಯತ್ಯ್ । ಉತ ಕೃಷ್ಣಾ ಶ್ವೇತಮ್ । ಉತ ರೋಹಿಣೀ ಕಲ್ಮಾಷಮ್ । ಉತ ಕಲ್ಮಾಷೀ ರೋಹಿತಮ್ ।
ನವರ್ಚಂ ಭವತಿ ।
ನವ ವೈ ಪುರುಷೇ ಪ್ರಾಣಾಃ ।
ಪ್ರಾಣೈರೇವೈತತ್ಸಮೃಧ್ಯಮಾನಾ ಯನ್ತಿ । ಪ್ರಾಣೇಷು ಪ್ರತಿತಿಷ್ಠನ್ತಃ ।
ದ್ವಿತೀಯಂ ನವರ್ಚಂ ಭವತಿ । ತೃತೀಯಂ ನವರ್ಚಂ ಭವತಿ ।
ಅಭಿಪೂರ್ವಮೇವೈತತ್ಪ್ರಾಣೈಸ್ಸಮೃಧ್ಯಮಾನಾ ಯನ್ತಿ ।
ಪಞ್ಚರ್ಚಂ ಭವತಿ ಪಞ್ಚಪದಾ ವೈ ಪಂಕ್ತಿಃ ।
ಪಾಂಕ್ತಾಃ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ತದಾಹು ಋತುಮಾನ್ಪೃಷ್ಠ್ಯಷ್ಷಡಹೋಽನೃತವಶ್ಛನ್ದೋಮಾಃ ।
ಅನೃತಾವಿವ ಏತೇ ಪ್ರತಿಷ್ಠಿತಾ ಯಚ್ಛನ್ದೋಮಾ ಇತಿ ।
ತದ್ಯದೇತಾನಿ ಪಞ್ಚರ್ಚ ಷ್ಷಡೃಚಾನಿ ಭವನ್ತಿ ತೇನೈವರ್ತುಮನ್ತಶ್ಛನ್ದೋಮಾಃ ಕ್ರಿಯನ್ತೇ ।
ಪರ್ಯಾಸೋ ಭವತಿ ಪ್ರಜಾನಾಂ ಧೃತ್ಯೈ ಪಶೂನಾಮುಪಸ್ಥಿತ್ಯೈ ।
ಚತುಶ್ಚತ್ವಾರಿಂಶ ಸ್ತೋಮೋ ಭವತಿ ।
ಚತುಶ್ಚತ್ವಾರಿಂಶದಕ್ಷರಾ ವೈ ತ್ರಿಷ್ಟುಪ್ ।
ಇನ್ದ್ರಿ ಯಂ ವೀರ್ಯಂ ತ್ರಿಷ್ಟುಪ್ ।
ಇನ್ದ್ರಿ ಯ ಏವೈತದ್ವೀರ್ಯೇ ಪ್ರತಿತಿಷ್ಠನ್ತೋ ಯನ್ತಿ ೨೦೬

ಅಗ್ನಿಂ ವೋ ದೇವಮಗ್ನಿಭಿಸ್ಸಜೋಷಾ
ಇತ್ಯಾಗ್ನೇಯಮಾಜ್ಯಂ ಭವತಿ ರಾಥನ್ತರಮ್ ।
ರಾಥನ್ತರಂ ಹ್ಯೇತದಹಃ ।
ಯಜಿಷ್ಠಂ ದೂತಮಧ್ವರೇ ಕೃಣುಧ್ವಮ್ ।
ಯೋ ಮರ್ತ್ಯೇಷು ನಿಧ್ರುವಿರೃತಾವಾ ತಪುಮೂರ್ವಾ ಘೃತಾನ್ನಃ ಪಾವಕಃ
ಇತಿ ।
ಏತದ್ವಾ ಅಗ್ನೇಃ ಪ್ರಿಯಂ ಧಾಮ ಯದ್ಘೃತಮ್ ।
ಪ್ರಿಯೇಣೈವೈನಂ ತಂ ಧಾಮ್ನಾ ಸಮೃದ್ವಯನ್ತಿ ।
ಪ್ರೋಥದಶ್ವೋ ನ ಯವಸೇಽವಿಷ್ಯನ್ನ್
ಇತ್ಯಶ್ವವದ್ಭವತಿ ಭ್ರಾತೃವ್ಯಸ್ಯೈವಾವನುತ್ತ್ಯೈ ।
ಯದಾ ಮಹಸ್ಸಂವರಣಾದ್ವ್ಯಸ್ಥಾದ್
ಇತಿ ಮಹದ್ಧ್ಯೇತದಹರ್ಯಚ್ಚತುಶ್ಚತ್ವಾರಿಂಚಮ್ ।
ಆದಸ್ಯ ವಾತೋ ಅನು ವಾತಿ ಶೋಚಿರಘ ಸ್ಮ ತೇ ವ್ರಜನಂ ಕೃಷ್ಣಮಸ್ತೀ
ತಿ ।
ಯದಾ ವಾ ಅಗ್ನಿಂ ವಾತ ಉಪವಾಜಯತ್ಯಥ ಸ ಮಹದ್ದೀಪ್ಯತೇ ।
ತದೇತದ್ದೀಪ್ತಿರೇವ ಬ್ರಹ್ಮವರ್ಚಸಸ್ಯ ರೂಪಮ್ ।
ಉದ್ಯಸ್ಯ ತೇ ನವಜಾತಸ್ಯ ವೃಷ್ಣ
ಇತಿ ತ್ರೈಷ್ಟುಭಂ ರೂಪಮುಪಗಚ್ಛನ್ತಿ ।
ತ್ರೈಷ್ಟುಭ ಹ್ಯೇತದಹಃ ।
ಅಗ್ನೇ ಚರನ್ತ್ಯಜರಾ ಇಧಾನಾಃ ।
ಅಚ್ಛಾ ದ್ಯಾಮರುಷೋ ಧೂಮ ಏಷಿ ಸಂ ದೂತೋ ಅಗ್ನ ಈಯಸೇ ಹಿ ದೇವಾನ್
ಇತಿ ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ೨೦೭

ಯದದ್ಯ ಸೂರ ಉದಿತ
ಇತಿ ಮೈತ್ರಾವರುಣಂ ಭವತಿ ।
ಯದಿತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಅನಾಗಾ ಮಿತ್ರೋ ಅರ್ಯಮಾ ।
ಸುವಾತಿ ಸವಿತಾ ಭಗಃ
ಸುಪ್ರಾವೀರಸ್ತು ಸ ಕ್ಷಯಃ ಪ್ರ ನು ಯಾಮನ್ಸುದಾನವಃ ।
ಯೋ ನೋ ಅಂಹೋಽತಿಪಿಪ್ರತಿ
ಇತ್ಯತಿಹಾಯನ್ ।
ಉತ ಸ್ವರಾಜೋ ಅದಿತಿರದಬ್ಧಸ್ಯ ಬ್ರತಸ್ಯ ಯೇ ।
ಮಹೋ ರಾಜಾನ ಈಶತೇ
ಇತಿ ಮಹದ್ಧ್ಯೇತದಹರ್ಯಚ್ಚತುಶ್ಚತ್ವಾರಿಂಶಮ್ ।
ತಮಿನ್ದ್ರಂ ವಾಜಯಾಮಸೀ
ತ್ಯೈನ್ದ್ರಂ ಭವತಿ ।
ಮಹೇ ವೃತ್ರಾಯ ಹನ್ತವ
ಇತಿ ಘ್ನದ್ವತ್ ।
ಏತದ್ವೈ ಯಜಮಾನಮ್ಯ ಸ್ವಂ ಸ್ತೋತ್ರಂ ಯದ್ಬ್ರಹ್ಮಣಃ ।
ಸ್ವ ಏವ ತದಾಯತನೇ ಯಜಮಾನಸ್ಯ ಸರ್ವಂ ಪಾಪ್ಮಾನಂ ಘ್ನನ್ತಿ ।
ಸ ವೃಷಾ ವೃಷಭೋ ಭುವದ್
ಇತಿ ವೃಷಣ್ವದ್ಭವತಿ ।
ವೃಷಣ್ವದ್ವೈ ತ್ರಿಷ್ಟುಭೋ ರೂಪಮ್ ।
ತ್ರೈಷ್ಟುಭಮೇತದಹಃ ।
ಇನ್ದ್ರ ಸ್ಸ ದಾಮನೇ ಕೃತ ಓಜಿಷ್ಟಸ್ಸ ಬಲೇ ಹಿತ
ಇತಿ ।
ಏತೇನ ವೈ ತೃತೀಯೇನ ತ್ರ್! ಯಹೇಣ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ಸ ಏಷಾಮಸಂಗೃಹೀತೋ ವೀವಾಹ್ವಲತ್ ।
ತಸ್ಮಿನ್ನಿನ್ದ್ರ ಸ್ಸ ದಾಮನೇ ಕೃತ ಓಜಿಷ್ಠಸ್ಸ ಬಲೇ ಹಿತ ಇತ್ಯೇವ ಬಲಮದಧುಃ ।
ಗಿರಾ ವಜ್ರೋ ನ ಸಂಭೃತ
ಇತ್ಯೇವೈನಂ ಸಮಭರನ್ ।
ಸಬಲೋ ಅನಪಚ್ಯುತ
ಇತ್ಯೇವೈನಂ ಸಬಲಮಕುರ್ವನ್ ।
ತಂ ಸಂಸ್ಕೃತ್ಯ ತೇನ ಸ್ವರ್ಗಂ ಲೋಕಮಾಯನ್ ।
ತದ್ಯದೇತದಾಜ್ಯಂ ಭವತಿ ಸ್ವರ್ಗಮ್ಯೈವ ಲೋಕಸ್ಯ ಸಮಷ್ಟ್ಯೈ ।
ಯತ್ಪ್ರಥಮಸ್ಯಾಹ್ನ ಷನ್ದ್ರಾ ಗ್ನಂ ತದೈನ್ದ್ರಾ ಗ್ನಂ ರಾಥನ್ತರಮ್ ।
ರಾಥನ್ತರಂ ಹ್ಯೇತದಹಃ ।
ಸಮೈನ್ಯಾಜ್ಯಾನಿ ಭವನ್ತಿ ।
ನಾನಾಗ್ರಾಮಾವಿವ ಹ ವಾ ಏತೌ ಯತ್ಪೃಷ್ಠ್ಯಸ್ಯ ಷಡಹಶ್ಛನ್ದೋಮಾಶ್ಚ ।
ಸ ಯಥಾ ನಾನಾಗ್ರಾಮೋ ಮಿತ್ರಾಣಿ ವ್ಯತಿಷಜ್ಯಾಭಯ ಆಸೀಯಾತಾಂ ತಾದೃಕ್ತದ್ಯತ್ಸಮೈನ್ಯಾಜ್ಯಾನಿ ಭವನ್ತಿ ।
ಅಸಮೈನಿ ಹೈಕ ಕುರ್ವನ್ತಿ ।
ತಸ್ಮಾತ್ಸಮೈನ್ಯೇವ ಕಾರ್ಯಾಣಿ ।
ಚತುಶ್ಚತ್ವಾರಿಂಶ ಸ್ತೋಮೋ ಭವತಿ ।
ಚತುಶ್ಚತ್ವಾರಿಂಶದಕ್ಷರಾ ವೈ ತ್ರಿಷ್ಟುಪ್ ।
ಇನ್ದ್ರಿ ಯಂ ವೀರ್ಯಂ ತ್ರಿಷ್ಟುಪ್ ।
ಇನ್ದ್ರಿ ಯ ಏವೈತದ್ವೀರ್ಯೇ ಪ್ರತಿತಿಷ್ಠನ್ತೋ ಯನ್ತಿ ೨೦೮

ಅಧ್ವರ್ಯೋ ಅದ್ರಿ ಭಿಸ್ಸುತಮ್
ಇತಿ ತ್ರಿಷ್ಟುಭೋ ರೂಪೇಣ ಪ್ರಯನ್ತಿ ।
ತ್ರೈಷ್ಟುಭಮೇತದಹಃ ।
ಸೋಮ ಪವಿತ್ರ ಆ ನಯ ।
ಪುನಾಹೀನ್ದ್ರಾ ಯ ಪಾತವೇ
ತವ ತ್ಯ ಇನ್ದೋ ಅನ್ಧಸಾ
ಇತ್ಯನ್ಧಸ್ವತೀರ್ಭವನ್ತ್ಯನ್ನಂ ವಾ ಅನ್ಧೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ದೇವಾ ಮಧೋರ್ವ್ಯಾಶತ ।
ಪವಮಾನಸ್ಯ ಮರುತಃ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ದಿವಃ ಪೀಯೂಷಮುತ್ತಮಮ್
ಇತ್ಯುತ್ತಮೋ ಹ್ಯೇಷ ತ್ರ್! ಯಹಃ ಕ್ರಿಯತೇ ಯಚ್ಛನ್ದೋಮಾಃ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥಾಞ್ಜಃ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ದೇವಾ ವಾ ಅಕಾಮಯನ್ತಾಞ್ಜಸಾ ಸ್ವರ್ಗಂ ಲೋಕಮಾರೋಹೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇಽಞ್ಜಸಾ ಸ್ವರ್ಗಂ ಲೋಕಮಾರೋಹನ್ ।
ತದೇವಾಞ್ಜಸೋಽಞ್ಜಸ್ತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಞ್ಜಸೈವೈತೇನ ಸ್ವರ್ಗಂ ಲೋಕಮಾರೋಹತಿ ಯ ಏವಂ ವೇದ ।
ತದ್ವೇವಾಚಕ್ಷತೇ ವೈರೂಪಮಿತಿ ।
ಪಶವೋ ವೈ ವಿರೂಪಾಃ ।
ಪಶವೋ ವೈರೂಪಮ್ ।
ಪಶುಷ್ವೇವೈತತ್ಪಶೂನನುಸಂದಧಾತಿ ।
ವಿರೂಪ ಆಂಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ವಿರೂಪ ಆಙ್ಗಿರಸೋಽಪಶ್ಯತ್ತಸ್ಮಾದ್ವೈರೂಪಮಿತ್ಯಾಖ್ಯಾಯತೇ ೨೦೯

ಅಥ ಧುರಾಂ ಸಾಮ ದ್ರ ವದಿಳಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಛನ್ದಾಂಸಿ ವೈ ಧುರಃ ।
ಯಾತಯಾಮಾನ ಇವೈತೇ ಯಚ್ಛನ್ದೋಮಾಃ ।
ತದ್ಯದತ್ರ ಧುರಾಂ ಸಾಮ ಕ್ರಿಯತೇ ತೇನೈವ ಛನ್ದೋಮಾ ಧೂರ್ವನ್ತಶ್ಛನ್ದಸ್ವನ್ತೋಽಯಾತಯಾಮಾನಃ ಕ್ರಿಯನ್ತೇ ।
ಅಥೋ ಪ್ರಾಣಾ ವೈ ಧುರಃ ।
ಪಶವೋ ಧುರಃ ।
ಪ್ರಾಣೇಷ್ವೇವ ತತ್ಪಶುಷು ಪ್ರತಿತಿಷ್ಠತಿ ।
ಅಥೇಳತಂ ತ್ರಿಣಿಧನಂ ಸವನಾನಾಂ ಕ್ಳ್ಪ್ತ್ಯೈ ।
ಏತದ್ಧ ವೈ ಸಮೃದ್ಧಂ ಯದ್ಗಾಯತ್ರಂ ತ್ರಿಣಿಧನಮ್ ।
ಇಳನ್ಕಾವ್ಯ ಸ್ವರ್ಗಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಇಮಮೇವ ಲೋಕಂ ಪ್ರಥಮೇನ ನಿಧನೇನಾಭ್ಯಾರೋಹದ್ । ಅನ್ತರಿಕ್ಷಂ ದ್ವಿತೀಯೇನ । ಅಮುಂ ತೃತೀಯೇನ ।
ತಾನಿಮಾಂಸ್ತ್ರೀಁ ಲ್ಲೋಕಾನಭ್ಯಾರೋಹತ್ ।
ತತೋ ವೈ ಸ ಸ್ವರ್ಗೇ ಲೋಕೇ ಪ್ರತ್ಯತಿಷ್ಠತ್ ।
ತದೇತತ್ಸ್ವರ್ಗ್ಯಂ ಪ್ರತಿಷ್ಠಾ ಸಾಮ ।
ಗಚ್ಛ್ತಿ ಸ್ವರ್ಗಂ ಲೋಕಂ । ಪ್ರತಿ ಸ್ವರ್ಗೇ ಲೋಕೇ ತಿಷ್ಥತಿ ಯ ಏವಂ ವೇದ ।
ಯದ್ವಿಳನ್ಕಾವ್ಯೋಽಪಶ್ಯತ್ತಸ್ಮಾದೈಳತಮಿತ್ಯಾಖ್ಯಾಯತೇ ।
ಅಥ ಸೌಮಿತ್ರಂ । ಭ್ರಾತೃವ್ಯಹಾ ಸೇನ್ದ್ರಂ ಸಾಮ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮಾಸ್ಯೇನ್ದ್ರೋ ಹವಂ ಗಚ್ಛತಿ ಯ ಏವಂ ವೇದ ।
ಅಥ ಸೌಪರ್ಣಮುಕ್ತಬ್ರಾಹ್ಮಣಮ್ ।
ತಚ್ಚತುರಕ್ಷರಣಿಧನಂ ಭವತಿ ಚತುಷ್ಪದಾ ವೈ ಪಶವಃ । ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ೨೧೦

ಅಥಾಶು ।
ದೇವಾ ವಾ ಅಕಾಮಯನ್ತಾಶು ಸ್ವರ್ಗಂ ಲೋಕಮಿಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತ ಆಶು ಸ್ವರ್ಗಂ ಲೋಕಮಾಯನ್ ।
ತದೇವಾಶೀರಾಶುತ್ವಮ್ ।
ತದೇತದ್ಸ್ವರ್ಗ್ಯಂ ಸಾಮ ।
ಆಶ್ವೇವೈತೇನ ಸ್ವರ್ಗಂ ಲೋಕಮೇತಿ ಯ ಏವಂ ವೇದ ।
ತದ್ವೇವಾಚಕ್ಷತ ಆಶು ಭಾರ್ಗವಮಿತಿ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಭೃಗುಮುಪಾಧಾವಞ್ಜಯಾಮಾಸುರಾನಿತಿ ।
ಸ ಏತದ್ಭೃಗುಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ದೇವಾ ಅಸುರಾನಜಯನ್ ।
ತೇಽಬ್ರುವನ್ನಾಶು ವಾವೇದಂ ಭೃಗೋರಭೂದಿತಿ ।
ತದ್ವೇವಾಶೋರಾಶುತ್ವಮ್ ।
ತದು ಭ್ರಾತೃವ್ಯಹಾ ಕಾಮಸನಿ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಮ್ ।
ಯತ್ಕಾಮ ಏತೇನ ಸ್ತುತ । ಸಮಸ್ಮೈ ಸ ಕಾಮ ಋಧ್ಯತೇ ೨೧೧

ಅಥ ಮಾರ್ಗೀಯವಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಮೃಗಯುರ್ವೈ ದೇವೋಽಕಾಮಯತೋಭಯೇಷಾಂ ಪಶೂನಾಮೈಶ್ವರ್ಯಮಾಧಿಪತ್ಯಂ ಗಚ್ಛೇಯಂ ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾ ಇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಉಭಯೇಷಾಂ ಪಶೂನಾಮೈಶ್ವರ್ಯಮಾಧಿಪತ್ಯಮಗಚ್ಛದ್ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾಃ ।
ತತೋ ಹ ಸ್ಮ ವೈ ತಸ್ಮೈ ಮೃಗೋ ಮೃಗಮಾನಯತಿ ।
ತದೇತತ್ಪಶವ್ಯಂ ಸಾಮ ।
ಉಭಯೇಷಾಂ ಪಶೂನಾಮೈಶ್ವರ್ಯಮಾಧಿಪತ್ಯಂ ಗಚ್ಛತಿ ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾ ಯ ಏವಂ ವೇದ ।
ಏಷ ಹ ವಾವ ಸ ದೇವೋ ಮೃಗಯುಃ ।
ನ ಹಾಸ್ಯೈಷ ಪಶೂನಭಿಮನ್ಯತೇ ಯ ಏವಂ ವೇದ ।
ಯದು ಮೃಗಯುರ್ದೇವೋಽಪಶ್ಯತ್ತಸ್ಮಾನ್ಮಾರ್ಗೀಯವಮಿತ್ಯಾಖ್ಯಾಯತೇ ೨೧೨

ಅಭಿ ಸೋಮಾಸ ಆಯವ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಪವನ್ತೇ ಮದ್ಯಂ ಮದಮ್ ।
ಸಮುದ್ರ ಸ್ಯಾಧಿ ವಿಷ್ಟಪೇ ಮನೀಷಿಣೋ ಮತ್ಸರಾಸೋ ಮದಚ್ಯುತಃ
ಇತಿ ಸಮುದ್ರ ವತೀರ್ಭವನ್ತಿ । ಛನ್ದೋಮಾನಾಂ ರೂಪಮ್ ।
ಸಮುದ್ರೋ ವೈ ಛನ್ದೋಮಾಃ ।
ತರತ್ಸಮುದ್ರಂ ಪವಮಾನ ಊರ್ಮಿಣಾ ರಾಜಾ ದೇವ ಋತಂ ಬೃಹತ್ ।
ಅರ್ಷಾ ಮಿತ್ರಸ್ಯ ವರುಣಸ್ಯ ಧರ್ಮಣಾ ಪ್ರ ಹಿನ್ವಾನ ಋತಂ ಬೃಹತ್
ನೃಭಿರ್ಯೇಮಾಣೋ ಹರಿಯತೋ ವಿಚಕ್ಷಣೋ ರಾಜಾ ದೇವಸ್ಸಮುದ್ರಿ ಯಃ
ಇತಿ ಚತುರೃಚಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ತಾಸು ದ್ವಿಹಿಂಕಾರಂ ವಾಮದೇವ್ಯಮ್ ।
ಪಶವೋ ವೈ ಸಿಮಾಃ ।
ಪಶವೋ ರೇವತಯಃ ।
ಪಶವೋ ದ್ವಿಹಿಂಕಾರಂ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಸಂಜಾನಾನಾ ಅಪಾಕ್ರಾಮನ್ ।
ಸೋಽಕ್ರಾಮಯತಾಭಿ ಮಾ ಪಶವಸ್ಸಂಜಾನೀರನ್ ।
ನ ಮದಪಕ್ರಾಮೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತಂ ಪಶವೋಽಭಿಸಮಜಾನತ ।
ತತೋಽಸ್ಮಾದನಪಕ್ರಾಮಿಣೋಽಭವನ್ ।
ತದ್ದ್ವಿಹಿಂಕಾರಂ ಭವತಿ ।
ಹುಮಿತಿ ವೈ ಪಶವಸ್ಸಂಜಾನತೇ । ಹುಮಿತಿ ಮಾತಾ ಪುತ್ರಮಭ್ಯೇತಿ । ಹುಮಿತಿ ಪುತ್ರೋ ಮಾತರಮ್ ।
ತದೇತತ್ಸಂಜ್ಞಾನಂ ಪಶೂನಾಂ ಸಾಮ ।
ಅಭ್ಯೇನಂ ಪಶವಸ್ಸಂಜಾನತೇ । ನಾಸ್ಮಾತ್ಪಶವೋಽಪಕ್ರಾಮನ್ತಿ ಯ ಏವಂ ವೇದ ।
ತದೈಳಂ ಭವತಿ ಪಶವೋ ವಾ ಇಳಾ । ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ೨೧೩

ಅಥಗಾಯತ್ರಪಾರ್ಶ್ವಮ್ ।
ಇಮೇ ವೈ ಲೋಕಾ ಗಾಯತ್ರಪಾರ್ಶ್ವಮ್ ।
ಏಷ್ವೇವ ತಲ್ಲೋಕೇಷು ಪ್ರತಿತಿಷ್ಥನ್ತಿ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನ್ಗಾಯತ್ರಮೇವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ಗಾಯತ್ರಂ ವಾವ ನೋಽಸ್ಯ ಸಾಮ್ನಃ ಪಕ್ಷಾವಭೂತಾಮಿತಿ ।
ತದೇವ ಗಾಯತ್ರಪಕ್ಷಸ್ಯ ಗಾಯತ್ರಪಕ್ಷತ್ವಮ್ ।
ಗಾಯತ್ರಪಕ್ಷಂ ಹ ವೈ ನಾಮೈತತ್ ।
ತದ್ಗಾಯತ್ರಪಾರ್ಶ್ವಮಿತ್ಯಾಖ್ಯಾಯತೇ ।
ತದ್ಧಿಂಕಾರವದ್ಭವತ್ಯನ್ನಾದ್ಯಸ್ಯ ಪ್ರತ್ಥ್ಯೈ ।
ಹಿಂಕಾರವದ್ಭಿರ್ವೈ ಪ್ರಜಾಪತಿಃ ಪ್ರಜಾಭ್ಯೋಽನ್ನಾದ್ಯಂ ಪ್ರಾಯಚ್ಛತ್ ।
ಪ್ರಾಸ್ಮಾ ಅನ್ನಾದ್ಯಂ ದೀಯತೇ ಯ ಏವಂ ವೇದ ೨೧೪

ಅಥ ಪೌರುಹನ್ಮನಮಭ್ಯಾರಮ್ಭೋ ಯಜ್ಞಸ್ಯ ಪ್ರತ್ಯಪಸಾರಃ ।
ಅಭ್ಯೇವ ನವಮಮಹರಾರಭತೇ ಪ್ರತಿ ಸಪ್ತಮಮಪಧಾವತಿ ।
ಅಭ್ಯಾರಮ್ಭೈರ್ವೈ ದೇವಾ ಅಸುರಾನ್ಯಜ್ಞಾದನ್ತರಾಯನ್ ।
ಪುರುಹನ್ಮಾ ವೈಖಾನಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಪುರುಹನ್ಮಾ ವೈಖಾನಸೋಽಪಶ್ಯತ್ತಸ್ಮಾತ್ಪೌರುಹನ್ಮನಮಿತ್ಯಾಖ್ಯಾಯತೇ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತ ಪೂರ್ವ ಏವಾಸುರಾನ್ಹನ್ಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನಾಸುರಾನ್ಪೂರ್ವೇಽಘ್ನನ್ ।
ತದ್ ಯತ್ಪೂರ್ವೇಽಘ್ನಂಸ್ತದ್ವೇವ ಪೌರುಹನ್ಮನಸ್ಯ ಪೌರುಹನ್ಮನತ್ವಮ್ ।
ಪೂರ್ವಂ ಏವ ದ್ವಿಷನ್ತಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ೨೧೫

ಅಥ ದ್ವೈಗತಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ದೇವಾ ವೈ ಸರ್ವಂ ಯಜ್ಞಂ ಸಂಗೃಹ್ಯೋರ್ಧ್ವಾ ಸ್ವರ್ಗಂ ಲೋಕಮುದಕ್ರಾಮನ್ ।
ತೇ ಮನುಷ್ಯಾ ಯಜ್ಞಂ ನ ಪ್ರಜಾನನ್ ।
ತದ್ವ್ಯಚ್ಛಿದ್ಯತ ।
ತೇ ದೇವಮನುಷ್ಯಾ ಅಶನಾಯನ್ನ್ । ಇತಃಪ್ರದಾನಾದ್ಧಿ ದೇವಾ ಜೀವನ್ತ್ಯ್ । ಅಮುತಃಪ್ರದಾನಾನ್ಮನುಷ್ಯಾಃ ।
ತೇನ ಊರ್ಧ್ವಾ ಆಹುತಯೋಽಗಚ್ಛನ್ । ನಾಮುತೋಽರ್ವಾಚೀ ವೃಷ್ಟಿಃ ಪ್ರಾದೀಯತ ।
ತೇ ದೇವಾ ಅಯಾಸ್ಯಮಬ್ರುವನ್ಮನುಷ್ಯಾ ವೈ ಯಜ್ಞಂ ನ ಪ್ರಜಾನನ್ತಿ ।
ತದ್ವ್ಯಚ್ಛೇದಿ ।
ತೇಭ್ಯಃ ಪರೇಹಿಯಜ್ಞಂ ವಿಧೇಹೀತಿ ।
ಸೋಽಯಾಸ್ಯ ಏತ್ಯೈತೇನೈವ ಸಾಮ್ನಾ ಮನುಷ್ಯೇಭ್ಯೋ ಯಜ್ಞಂ ವ್ಯದಧಾತ್ ।
ಸೋಽಯಂ ಮನುಷ್ಯೇಷು ಯಜ್ಞೋ ವಿಹಿತಃ ।
ಸ ಮನುಷ್ಯೇಷೂಷಿತ್ವಾ ಸ್ವರ್ಗಂ ಲೋಕ ಪುನರ್ನ ಪ್ರಾಜಾನಾತ್ ।
ಸೋಽಕಾಮಯತ ಪ್ರ ಸ್ವರ್ಗಂ ಲೋಕಂ ಜಾನೀಯಾಮಿತಿ ।
ಸ ಏತೇನೈವ ಸಾಮ್ನಾ ಸ್ತುತ್ವಾ ಸ್ವರ್ಗಂ ಲೋಕಂ ಪುನಃ ಪ್ರಾಜಾನಾತ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕ ಯ ಏವಂ ವೇದ ।
ಅಥೋ ಹಾಸ್ಯೈತೇನೇವ ಸಾಮ್ನಾ ಯಜ್ಞೋ ವಿಹಿತೋ ಭವತಿ ।
ಸ ಯದಯಾಸ್ಯೋಽಮುಷ್ಮಾಲ್ಲೋಕಾದಿಮಂ ಲೋಕಮಾಗಚ್ಛದ್ । ಅಸ್ಮಾಲ್ಲೋಕಾದಮುಂ ಲೋಕಮಗಚ್ಛತ್ । ಸ ಇಮೌ ಲೋಕೌ ದ್ವಿರನುಸಮಚರತ್ । ತದ್ದ್ವೈಗತಸ್ಯ ದ್ವೈಗತತ್ವಮ್ ।
ಅಯಾಸ್ಯೋ ಹ ವಾವ ದ್ವಿಗತ್ ೨೧೬

ಅಥ ಹಾರಾಯಣಮ್ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತ ಹರೋಽಸುರಾಣಾಂ ಹರೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇನಾಸುರಾಣಾಂ ಹರೋಽಹರನ್ ।
ತದ್ಯದ್ಧರೋಽಹರಂಸ್ತದ್ಧಾರಾಯಣಸ್ಯ ಹಾರಾಯಣತ್ವಮ್ ।
ಹರತಿ ಹರೋ ದ್ವಿಷತೋ ಭ್ರಾತೃವ್ಯಸ್ಯ ಯ ಏವಂ ವೇದ ।
ಹಾರಾಯಣ ಆಙ್ಗಿರಸಃ ಪಶುಕಾಮಸ ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಶಗ್ಧ್ಯೂ ಷು ಶವೀಪತ ಇನ್ದ್ರ ವಿಶ್ವಾಭಿರೂತಿಭಿಃ ।
ಭಗಂ ನ ಹಿ ತ್ವಾ ಯಶಸಂ ವಸುವಿದಮನು ಶೂರ ಚರಾಮಸಿ
ಪೌರೋ ಅಶ್ವಸ್ಯ ಪುರುಕೃದ್ಗವಾಮಸ್ಯುತ್ಸೋ ದೇವ ಹಿರಣಯಃ ।
ಇತ್ಯೇವ ಗವ್ಯಾಂಶ್ಚಾಶ್ವ್ಯಾಂಶ್ಚ ಪಶೂನವಾರುನ್ದ್ಧ ।
ತೈರು ಪಶುಭಿರಿಷ್ಟ್ವಾ ಸ್ವರ್ಗಮೇವ ಲೋಕಮಗಚ್ಛತ್ ।
ತದೇತತ್ಪಶವ್ಯಂ ಸ್ವರ್ಗ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದು ಹಾರಾಯಣ ಆಙ್ಗಿರಸೋಽಪಶ್ಯತ್ತಸ್ಮಾದ್ಧಾರಾಯಣಮಿತ್ಯಾಖ್ಯಾಯತೇ ೨೧೭

ಅಥಾಛಿದ್ರಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಪ್ರಜಾಪತಿರ್ವಾ ಅಕಾಮಯತಾಛಿದ್ರ ಃ! ಪ್ರಜಯಾ ಪಶುಭಿರಭವತ್ ।
ತದೇವಾಛಿದ್ರ ಸ್ಥಾಛಿದ್ರ ತ್ವಮ್ ।
ಅಛಿದ್ರ ಏವ ಪ್ರಜಯಾ ಪಶುಭಿರ್ಭವತಿ ಯ ಏವಂ ವೇದ ।
ದೇವಾ ವಾ ಆಪ್ತಾಂ ವಾಚಮಛಿದ್ರೇ ಣೈವೈಭ್ಯೋ ಲೋಕೇಭ್ಯಸ್ಸಮದಲುಮ್ಪನ್ ।
ಆಪ್ತೇವ ವಾ ಏತರ್ಹಿ ವಾಗ್ಭವತಿ ಛನ್ದೋಮೇಷು ।
ತಾಮಛಿದ್ರೇ ಣೈವ ಸಂಲುಮ್ಪನ್ತಿ ।
ಯೋ ವೈ ಛಿದ್ರ ಣ ಸಂಚಿನೋತಿ ನ ತದುತ್ಪೂರ್ಯತೇ ।
ಅಥ ಯೋಽಛಿದ್ರೇ ಣ ಸಂಚಿನೋತಿ ತದುತ್ಪೂರ್ಯತೇ ।
ಜ್ಯಾಯೋಽಭ್ಯಾರಮ್ಭಂ ಭವತ್ಯ್ । ಅತಿ ನವಮಮಹರ್ಜಿಹೀತೇ । ದಶಮಮಹರಭ್ಯಾರಭತೇ । ಪ್ರತಿ ಸಪ್ತಮಮಪಧಾವತಿ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ಸೋಽಕಾಮಯತ ನ ಮತ್ಪಶವೋಽಪಕ್ರಾಮೇಯುರ್ । ಅಭಿ ಮಾ ವರ್ತೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಾನ್ಪರ್ಯಾಸ್ಯತ್ ।
ತಾಞ್ಶ್ರೈಷ್ಠ್ಯೇನೋಪಾಗೃಹ್ಣಾತ್ ।
ತೇಽಸ್ಮಿನ್ನರಮನ್ತ ।
ರಮನ್ತೇಽಸ್ಮಿನ್ಪಶವಃ ಪಶುಮಾನ್ಭವತಿ ಯ ಏವಂ ವೇದ ೨೧೮

ಅಥ ಬಾರ್ಹದುಕ್ಥಮ್ ।
ಬೃಹದುಕ್ಥ ಆಙ್ಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಬೃಹದುಕ್ಥ ಆಙ್ಗಿರಸೀಽಪಶ್ಯತ್ತಸ್ಮಾದ್ಬಾರ್ಹದುಕ್ಥಮಿತ್ಯಾಖ್ಯಾಯತೇ ।
ಧರ್ತಾ ದಿವಃ ಪವತೇ ಕೃತ್ವಿಯೋ ರಸ
ಇತ್ಯಹ್ನೋ ಧೃತ್ಯೈ ।
ದಕ್ಷೋ ದೇವಾನಾಮನುಮಾದ್ಯಾ ನೃಭಿರ್
ಇತಿ ಛನ್ದಾಂಸ್ಯೇವೈತದ್ದಕ್ಷಯನ್ತ್ಯಹ್ನೋ ವೀರ್ಯವತ್ತ್ವಾಯ ।
ತಾಸೂದ್ವತ್ತ್ರಿಪ್ರರೋಹಮ್ ।
ತೃತೀಯೋ ಹ್ಯೇಷ ಪ್ರರೋಹಃ ಕ್ರಿಯತೇ । ಯದೇಷ ತೃತೀಯಸ್ತ್ರಿಯಹ । ಸ್ವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ।
ತದ್ವೇವಾಚಕ್ಷತೇ ವಿಶಾಲಮಿತಿ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತದೇನಾನ್ವಿಶಾಲಮೇವ ಭೂತ್ವಾ ಸ್ವರ್ಗಂ ಲೋಕಮವಹತ್ ।
ತೇಽಬ್ರುವನ್ಸ್ವರ್ಗಂ ಲೋಕಂ ಗತ್ವಾ ವಿಶಾಲಂ ವಾವ ನೋ ಭೂತ್ವೇದಂ ಸಾಮ ಸ್ವರ್ಗಂ ಲೋಕಮವಾಕ್ಷೀದಿತಿ ।
ತದೇವ ವಿಶಾಲಸ್ಯ ವಿಶಾಲತ್ವಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತದ್ಯಥಾ ಹ ವೈ ಬ್ರಧ್ನಸ್ಯ ವಿಷ್ಟಪಾನ್ಯೇವಮೇತಾನಿ ವಿಶಾಲಸ್ಯ ವಿಷ್ಟಪಾನಿ ಸ್ವರ್ಗಸ್ಯೈವ ಲೋಕಸ್ಯ ಸಮಷ್ಟ್ಯೈ ।
ಪ್ರ ಸ್ವರ್ಗಂ ಲೋಕಮಾಪ್ನೋತಿ ಯ ಏವಂ ವೇದ ।
ಅಥ ರಥನ್ತರಮ್ ।
ಬ್ರಹ್ಮ ವೈ ರಥನ್ತರಮ್ ।
ಬ್ರಹ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ।
ತತ್ತ್ರೈಷ್ಟುಭೇಽಹನ್ಭವತಿ ।
ಪುಂಸೋ ವಾ ಏತದ್ರೂ ಪಂ ಯತ್ತ್ರಿಷ್ಟುಪ್ । ಸ್ತ್ರಿಯೈ ರಥನ್ತರಮ್ ।
ತದ್ಯದತ್ರ ರಥನ್ತರಂ ಪೃಷ್ಠಂ ಭವತಿ । ತೇನೈವೈತದಹರ್ಮಿಥುನಂ ಕ್ರಿಯತೇ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇತೇನ ತುಷ್ಟುವಾನಾಃ ।
ಯದಿನ್ದ್ರ ಪ್ರಾಗಪಾಗುದಗ್
ಇತೀನ್ದ್ರ ಮೇವೈತತ್ಸರ್ವಾಭ್ಯೋ ದಿಗ್ಭ್ಯೋ ಹ್ವಯನ್ತಿ ।
ಆಪ್ತೇಷ್ವಹಸ್ಸು ಯದ್ಯಸ್ಯಾಂ ದಿಶ್ಯಸಿ ಯದ್ಯಸ್ಯಾಂ ಯದ್ಯಸ್ಯಾಮಿತಿ ೨೧೯

ತಾಸು ವಾಶಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ತೇ ದೇವಾ ಅಕಾಮಯನ್ತ ವಶಮಸುರಾಣಾಂ ವೃಞ್ಜೀಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇ ವಾಶ ಇತ್ಯೇವ ವಶಮಸುರಾಣಾಮವೃಞ್ಜತ ।
ತದೇವ ವಾಶಸ್ಯ ವಾಶತ್ವಮ್ ।
ವೃಂಕ್ತೇ ದ್ವಿಷತೋ ಭ್ರಾತೃವ್ಯಸ್ಯ ವಶ ಯ ಏವಂ ವೇದ ।
ಕ ಈಂ ವೇದ ಸುತೇ ಸಚೇ
ತಿ ಸತೋಬೃಹತೀರಾಕ್ರಮನ್ತೇಽನಪಭ್ರಂಶಾಯ ।
ತಾಸು ನೈಪಾತಿಥಮ್ ।
ಕಾಣ್ವಾಯನಾನಾಂ ಸತ್ರಮಾಸೀನಾನಾಂ ಪಶವ ಉಪಾದಸ್ಯನ್ ।
ತೇಽಕಾಮಯನ್ತಾವ ಪಶೂನ್ರುನ್ಧೀಮಹೀತಿ ।
ಸ ಏತನ್ನೇಪಾತಿಥಿಃ ಕಾಣ್ವಸ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತೇ ಪಶೂನವಾರುನ್ಧತ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ನೇಪಾತಿಥಿಃ ಕಾಣ್ವೋಽಪಶ್ಯತ್ತಸ್ಮಾನ್ನೈಪಾತಿಥಮಿತ್ಯಾಖ್ಯಾಯತೇ ।
ಉಭಯಂ ಶೃಣ್ವವ್ಚ ನ
ಇತ್ಯುಭೇ ಏವೈತೇನ ರೂಪೇ ಸಮಾರಭತೇ ಯಚ್ಚ ಪೃಷ್ಠ್ಯಸ್ಯ ಷಡಹಸ್ಯ ಯದು ಚ ಛನ್ದೋಮಾನಾಮ್ ।
ತಸ್ಮಾದು ಹೈತಸ್ಯಾಂ ದ್ವಯೋಸ್ಸಂಯಜಮಾನಯೋರ್ಬ್ರಹ್ಮಸಾಮ ಕುರ್ಯಾತ್ ೨೨೦

ತಾಸು ವೈಯಶ್ವಮ್ ।
ವ್ಯಶ್ವಂ ವೈ ಸಾಕಮಶ್ವಂ ಗರ್ಭೇ ಸನ್ತಂ ಗಯಃ ಪಿತೃವ್ಯಃ ಪರ್ಯಪಶ್ಯದೃಷಿರ್ಜನಿಷ್ಯತ ಇತಿ ।
ತಂ ಜಾತಂ ಪರಾಸ್ತಾವಬ್ರವೀಜ್ಜಾತಕ್ಷೇಣೋಽಜನೀತಿ ।
ತಂ ಛಾಯಾ ನಾಜಹಾತ್ ।
ಸ್ವಾವಸ್ಮಾ ಅಙ್ಗುಷ್ಠೋ ಪ್ರಾಸ್ನುತಾಮ್ ।
ತದಸ್ಮಾ ಆಚಕ್ಷತ ಯಂ ವೈ ಕುಮಾರಂ ಪರಾಸ್ತಾವಬ್ರವೀರಯಂ ವೈ ಸ ಜೀವತೀತಿ ।
ತಂ ಮುಸಲಮಾದಾಯಾಭ್ಯೈದ್ಧನಿಷ್ಯನ್ ।
ಸೋಽಕಾಮಯತೋದಿತ ಇಯಾಂ । ಗಾತುಂ ನಾಥಂ ವಿನ್ದೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತದಭ್ಯಗಾಯತ ।
ತದಸ್ಯ ಮುಸಲಂ ಪ್ರತ್ಯಕ್ಪತಿತ್ವಾ ಶಿರೋಽಛಿನತ್ ।
ತದೇತದ್ಭ್ರಾತೃವ್ಯಹಾ ಗಾತುವಿನ್ನಾಥವಿತ್ಸಾಮ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ । ವಿನ್ದತೇ ಗಾತುಂ ನಾಥಂ ಯ ಏವಂ ವೇದ ।
ಯದು ವ್ಯಶ್ವೋಽಪಶ್ಯತ್ । ತಸ್ಮಾದ್ವೈಯಶ್ವಮಿತ್ಯಾಖ್ಯಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೨೨೧

ಪವಸ್ವ ದೇವ ಆಯುಷಗ್
ಇತಿ ತ್ರಿಷ್ಟುಭೋ ರೂಪೇಣ ಪ್ರಯನ್ತಿ ।
ತ್ರೈಷ್ಟುಭಮೇತದಹಃ ।
ಇನ್ದ್ರಂ ಗಚ್ಛತು ತೇ ಮದಃ ।
ವಾಯುಮಾ ರೋಹ ಧರ್ಮಣಾ
ಇತಿ ಮದ್ವತೀರ್ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತ್ಯ್ । ಏವೈನದೇತೇನ ಪ್ಯಾಯಯನ್ತಿ ।
ಪವಮಾನ ನಿ ತೋಶಸೇ ರಯಿಂ ಸೋಮ ಶ್ರವಾಯ್ಯಮ್ ।
ಇನ್ದೋ ಸಮುದ್ರ ಮಾ ವಿಶ
ಇತಿ ಸಮುದವತೀರ್ಭವನ್ತಿ ಛನ್ದೋಮಾನಾಂ ರೂಪಮ್ ।
ಸಮುದ್ರೋ ವೈ ಛನ್ದೋಮಾಃ ।
ಅಪಘ್ನನ್ಪವಸೇ ಮೃಧ
ಇತಿ ಮೃಧ ಏವೈತೇನ ಪಾಪ್ಮಾನಮಪಘ್ನತೇ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಮಾದಿಲಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ದೇವಾ ವಾ ಅಕಾಮಯನ್ತ ಮದ್ವಾನ್ನಸ್ಸೋಮ ಸ್ಯಾತ್ಸೋಮಮದಸ್ಯ ಮಾದ್ಯೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇಷಾಂ ಮದ್ವಾನ್ಸೋಮೋಽಭವತ್ಸೋಮಮದಸ್ಯಾಮಾದ್ಯನ್ ।
ತದೇವ ಮಾದಿಲಸ್ಯ ಮಾದಿಲತ್ವಮ್ ।
ತದ್ರ ಸೋ ವೈ ಮದಃ ।
ರಸೇನ ಹ ವಾವ ತೇ ತನ್ಮೇದುಃ ।
ಮದ್ವಾನಸ್ಯ ಸೋಮೋ ರಸವಾನ್ಭವತಿ ಯ ಏವಂ ವೇದ ।
ಅಥೋ ಹೈಷಾಮವಾರುದ್ಧಾ ಇವ ಛನ್ದೋಮಾ ಸ್ಯುರ್ಯದೇತದತ್ರ ಕುರ್ಯುಃ ।
ಧೀತಾ ಇವೈತೇ ಯಚ್ಛನ್ದೋಮಾಸ್ತೃತೀಯಸವನಾಯತನಾಃ ।
ಧೀತಮಿವ ವೈ ತೃತೀಯಸವನಮ್ ।
ತದ್ಯದತ್ರ ಮಾದಿಲಂ ಭವತಿ ರಸಮೇವೈತಚ್ಛನ್ದೋಮೇಷು ದಧತ್ಯೈವೈನಾಏತೇನ ಪ್ಯಾಯಯನ್ತಿ ೨೨೨

ಅಥ ಸುರೂಪಂ ರೂಪಸ್ಯೈವ ಸಮೃದ್ಧ್ಯೈ ।
ಆಙ್ಗಿರಸೋ ವೈ ತಪಸ್ತೇಪಾನಾಸ್ತೇ ರೂಪೇಣ ವರ್ಚಸಾ ವ್ಯಾರ್ಧ್ಯನ್ತ ।
ತೇಽಕಾಮಯನ್ತ ಸಂ ರೂಪೇಣ ವರ್ಚಸರ್ಧ್ಯೇಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸಂ ರೂಪೇಣ ವರ್ಚಸಾರ್ಧ್ಯನ್ತ ।
ತೇಽಬ್ರುವನ್ಸುರೂಪಾ ವಾ ಅಭೂಮೇತಿ ।
ತದೇವ ಸುರೂಪಸ್ಯ ಸುರೂಪತ್ವಮ್ ।
ಸಂ ರೂಪೇಣ ವರ್ಚಸರ್ಧ್ಯತೇ ಯ ಏವಂ ವೇದ ।
ಸುರೂಪ ಆಙ್ಗಿರಸಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಸುರೂಪ ಆಙ್ಗಿರಸೋಽಪಶ್ಯತ್ತಸ್ಮಾತ್ಸುರೂಪಮಿತ್ಯಾಖ್ಯಾಯತೇ ।
ಪ್ರಜಾಪತಿಃ ಪಶೂನಸೃಜತ ।
ತೇಷಾಂ ಸೃಷ್ಟಾನಾಂ ರೂಪಾಣಿ ನ ಪ್ರಾಜ್ಞಾಯನ್ತ ।
ಸ ಏತಾನಿ ಸುರೂಪಾಣಿ ಸಾಮಾನ್ಯಪಶ್ಯತ್ ।
ತೈರೇಷಾಂ ರೂಪಾಣ್ಯದಧಾತ್ ।
ತತ್ಸುರೂಪಾಣಾಂ ಸುರೂಪತ್ವಮ್ ।
ರೂಪಣ್ವತಃ ಪಶೂನವರುನ್ದ್ಧೇ ಯ ಏವಂ ವೇದ ।
ಅರ್ಕಸಾಮಾನೋ ವೈ ಛನ್ದೋಮಾಸ್ಸುರೂಪರೂಪಾಃ ।
ಸಾಮನ್ವದ್ಭೀ ರೂಪಣ್ವದ್ಭಿಶ್ಛನ್ದೋಮೈ ಸ್ತುತೇ ಯ ಏವಂ ವೇದ ।
ತತ್ಪುನರ್ನಿತುನ್ನಂ ಛನ್ದೋ ಭಅತಿ ।
ಯತ್ರ ಯತ್ರ ವೈ ದೇವಾ ಛನ್ದಸಾಂ ರಸಮನ್ವವಿನ್ದಂಸ್ತತ್ಪುನರ್ನಿತುನ್ನಮಕುರ್ವಂಸ್ । ತತ್ಪುನರಭ್ಯಾಘ್ನನ್ ।
ಧೀತಾ ಇವೈತೇ ಯಚ್ಛನ್ದೋಮಾಸ್ತೃತೀಯಸವನಾಯತನಾಃ ।
ಧೀತಮಿವ ವೈ ತೃತೀಯಸವನಮ್ ।
ತದ್ಯತ್ಪುನರ್ನಿತುನ್ನಂ ಛನ್ದೋ ಭವತಿ ರಸಮೇವೈತಚ್ಛನ್ದೋಭೇಷು ದಧತಿ ।
ರಸಸ್ಯೈವೈಷಾನುವಿತ್ತಿಃ ೨೨೩

ಅಥ ಕಾಕ್ಷೀವತಮ್ ।
ಕಕ್ಷೀವಾನ್ವಾ ಅಕಾಮಯತ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯೇಯ । ಶ್ರಿಯಂ ರಾಜ್ಯಂ ಗಚ್ಛೇಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತ ಶ್ರಿಯಂ ರಾಜ್ಯಮಗಚ್ಛತ್ ।
ತೇ ಹ ವೈ ಸಹಸ್ರಂ ಕಾಕ್ಷೀವತಾ ಆಸುಃ ।
ತೈರ್ಹ ವೈ ಸ ಪುತ್ರೈ ಶ್ರಿಯಂ ರಾಜ್ಯಂ ಜಗಾಮ ।
ಅಶ್ನುತೇ ಶ್ರಿಯಂ ಗಚ್ಛತಿ ರಾಜ್ಯಂ ಯ ಏವಂ ವೇದ ।
ತದು ಸ್ತೋಭಾನುತುನ್ನಂ ಭವತಿ ।
ಅನುತುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಪಶವಶ್ಛನ್ದೋಮಾಃ ।
ತೇನ ವೈ ರೂಪಸಮೃದ್ಧಮ್ ।
ಯದು ಕಕ್ಷೀವಾನಪಶ್ಯತ್ತಸ್ಮಾತ್ಕಾಕ್ಷೀವತಮಿತ್ಯಾಖ್ಯಾಯತೇ ೨೨೪

ಅಥ ಪ್ರಮಂಹಿಷ್ಠೀಯಮ್ ।
ಋಷೀಣಾಂ ವೈ ಸತ್ರಮಾಸೀನಾನಾಂ ಪಶವ ಉಪಾದಸ್ಯನ್ ।
ತೇಽಕಾಮಯನ್ತಾವ ಪಶೂನ್ರುನ್ಧೀಮಹೀತಿ ।
ತೇ ಹೋಚುರೇತಾಗ್ನಿಮೇವ ಪಶೂನ್ಯಾಚಾಮ ।
ಸ ವಾವ ಪಶೂನಾಮೀಶೇ ।
ಸ ಏವ ನಃ ಪಶೂನ್ಪ್ರದಾಸ್ಯತೀತಿ ।
ತ ಏತತ್ಸಾಮಾಪಶ್ಯನ್ ।
ತೇನೈನಮಸ್ತುವನ್
ಪ್ರ ಮಂಹಿಷ್ಠಾಯ ಗಾಯತ ಋತಾವ್ನೇ ಬೃಹತೇ ಶುಕ್ರಶೋಚಿಷೇ ।
ಉಪಸ್ತುತಾಸೋ ಅಗ್ನಯೇ
ಇತಿ ।
ತಾನಬ್ರವೀತ್ಕಿಂಕಾಮಾ ಸ್ಥೇತಿ ।
ಪಶುಕಾಮಾ ಇತ್ಯಬ್ರುವನ್ ।
ತೇಭ್ಯ ಏತೇನೈವ ಸಾಮ್ನಾ ಪಶೂನ್ಪ್ರಾಯಚ್ಛತ್ ।
ತೇಽಬ್ರುವನ್ಪ್ರಮಂಹಿಷ್ಠೋ ವೈ ನೋಽಭೂದಿತಿ ।
ತದೇವ ಪ್ರಮಂಹಿಷ್ಠೀಯಸ್ಯ ಪ್ರಮಂಹಿಷ್ಠೀಯತ್ವಮ್ ।
ತದೇತತ್ಪಶವ್ಯಂ ಸಾಮ ।
ಪ್ರಮಂಹಿಷ್ಠೋ ಹಾಸ್ಮಾ ಏಷ ಭವತ್ಯ್ । ಅವ ಪಶೂನ್ರುನ್ದ್ಧೇ । ಬಹುಪಶುರ್ಭವತಿ ಯ ಏವಂ ವೇದ ।
ತತ್ಪುನರ್ನಿತುನ್ನಂ ಛನ್ದೋ ಭವತಿ ।
ಯತ್ರ ಯತ್ರ ವೈ ದೇವಾ ಛನ್ದಸಾಂ ರಸಮನ್ವವಿನ್ದಂಸ್ತತ್ಪುನರ್ನಿತುನ್ನಮಕುರ್ವಂಸ್ತತ್ಪುನರಭ್ಯಾಘನ್ನ್ ।
ಧೀತಾ ಇವೈತೇ ಯ ಚೇ ಛನ್ದೋಮಾಸ್ತೃತೀಯಸವನಾಯತನಾಃ ।
ಧೀತಮಿವ ವೈ ತೃತೀಯಸವನಮ್ ।
ತದ್ಯತ್ಪುನರ್ನಿತುನ್ನಂ ಛನ್ದೋ ಭವತಿ ರಸಮೇವೈತಚ್ಛನ್ದೋಮೇಷು ದಧತಿ ।
ರಸಸ್ಯೈವೈಷಾಮನುವಿತ್ತಿಃ ೨೨೫

ಅಥ ಸ್ವಾಶಿರಾಮರ್ಕೋಽನ್ನಂ ವಾ ಅರ್ಕೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಸ್ವಾಶಿರೋ ವೈ ನಾಮಾಪ್ಸರಸ ಇಮಾ ಏವೌಷಧಯಃ ।
ತಾ ಅಕಾಮಯನ್ತ ಬಹ್ವೀ ಸ್ಯಾಮ । ಪ್ರಜಾಯೇಮಹಿ । ವೀಮಂ ಲೋಕಮಾಪ್ನುಯಾಮೇತಿ ।
ತಾ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತಾ ಬಹ್ವೀಯ ಆಸನ್ । ಪ್ರಾಜಾಯನ್ತ । ವೀಮಂ ಲೋಕಮಾಪ್ನುವನ್ ।
ಸೋಽಯಂ ಸರ್ವೋ ಲೋಕ ಓಷಧೀಭಿಸ್ಸಂಛನ್ನೋಽಪಿ ಗಿರಯಃ ।
ತದೇತತ್ಪ್ರಜನನಂ ಸಾಮ ।
ಬಹುಃ ಪ್ರಜಯಾ ಪಶುಭಿಃ ಪ್ರಜಾಯತೇ । ವೀಮಂ ಲೋಕಮಾಪ್ನೋತಿ ಯ ಏವಂ ವೇದ ।
ಯದು ಸ್ವಾಶಿರೋಽಪ್ಸರಸೋಽಪಶ್ಯಂಸ್ತಸ್ಮಾತ್ಸ್ವಾಶಿರಾಮರ್ಕ ಇತ್ಯಾಖ್ಯಾಯತೇ ।
ಅಭಿ ದ್ಯುಮ್ನಂ ಬೃಹದ್ಯಶ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಜಿನ್ವನ್ಗವಿಷ್ಟಯೇ ಧಿಯ
ಇತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ೨೨೬

ತಾಸ್ವೈಷಿರಂ ವಾಯೋರಾರ್ಷೇಯಮ್ ।
ವಾಯುರ್ವಾ ಇಷಿರಃ ।
ಯದ್ವೈ ಸತ್ರಿಣಾಂ ಸತ್ರೇ ವಿನಶ್ಯತೇ ತದೇಭ್ಯೋ ವಾಯುರಪಿರೋಹಯತಿ ।
ಪ್ರಾಣೋ ವೈ ವಾಯುಃ ।
ಪ್ರಾಣ ಏವೈಭ್ಯಸ್ತದ್ಭಿಷಜ್ಯತಿ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತ ।
ಪ್ರಾಣಾ ಶಿಶುರ್ಮಹೀನಾಮ್
ಇತಿ ಪಶುರೂಪಮೇವೈತದುಪಗಚ್ಛನ್ತಿ ।
ಪಶೂನಾಂ ವೈ ಶಿಶುರ್ಭವತಿ ।
ತಾಸು ತ್ರೈತಮುಕ್ತಬ್ರಾಹ್ಮಣಮ್ ।
ಅಭೀ ನೋ ವಾಜಸಾತಮಮ್
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ರಯಿಮರ್ಷ ಶತಸ್ಪೃಹಮ್ ।
ಇನ್ದೋ ಮಹಸ್ರಭರ್ಣಸಂ ತುವಿದ್ಯುಮ್ನಂ ವಿಭಾಸಹಮಿತಿ ।
ಯದ್ವೈ ಶತವತ್ಸಹಸ್ರವತ್ತಚ್ಛನ್ದೋಮಾನಾಂ ರೂಪಮ್ ।
ಪಶವೋ ವೈ ಛನ್ದೋಮಾಃ ।
ಪರಿ ಸ್ಯ ಸ್ವಾನೋ ಅಕ್ಷರದಿನ್ದುರವ್ಯೇ ಮದಚ್ಯುತ
ಇತಿ ಮದ್ವತೀರ್ಭವನ್ತಿ ।
ಅಭಿಪೂರ್ವಮೇವೈತತ್ತೃತೀಯಸವನೇ ರಸಂ ಮದಂ ದಧತಿ ।
ವಯಂ ತೇ ಅಸ್ಯ ರಾಧಸೋ ವಸೋರ್ವಸೋ ಪುರುಸ್ಪೃಹಃ ।
ನಿ ನೇದಿಷ್ಠತಮಾ ಇಷ ಸ್ಯಾಮ ಸುಮ್ನೇ ತೇ ಅಧ್ರಿಗೋ
ಇತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ೨೨೭

ಅಥ ಶುದ್ಧಾಶುದ್ಧೀಯಮ್ ।
ಇನ್ದ್ರೋ ವಾ ಅಸುರಾನ್ಹತ್ವಾಪೂತ ಇವಾಮೇಧ್ಯೋಽಮನ್ಯತ ।
ಸೋಽಕಾಮಯತ ಶುದ್ಧಮೇವ ಮಾಸನ್ತಂ ಶುದ್ಧೇನ ಸಾಮ್ನಾ ಸ್ತುಯುರಿತಿ ।
ಸ ಋಷೀನಬ್ರವೀತ್ಸ್ತುತ ಮೇತಿ ।
ತ ಏತದೃಷಯಸ್ಸಾಮಾಪಶ್ಯನ್ ।
ತೇನೈನಮಸ್ತುವನ್ ।
ಏತೋ ನ್ವಿನ್ದ್ರಂ ಸ್ತವಾಮ ಶುದ್ಧಂ ಶುದ್ಧೇನ ಸಾಮ್ನಾ ।
ಶುದ್ಧೈರುಕ್ಥೈರ್ವಾವೃಧ್ವಾಂಸಂ ಶುದ್ಧೈರಾಶೀರ್ವಾನ್ಮಮತ್ತು
ಇತಿ ।
ತತೋ ವಾ ಇನ್ದ್ರ ಶ್ಶುದ್ಧಃ ಪೂತೋ ಮೇಧ್ಯೋಽಭವತ್ ।
ತದೇತತ್ಪವಿತ್ರಂ ಸಾಮ ।
ಶುದ್ಧಃ ಪೂತೋ ಮೇಧ್ಯೋ ಭವತಿ ಯ ಏವಂ ವೇದ ।
ಅಥೌದಲಮ್ ।
ಉದಲೋ ವೈ ದೈವರಾತೋಽಕಾಮಯತಾಗ್ರೋ ಮುಖ್ಯೋ ಬ್ರಹ್ಮವರ್ಚಸೀ ಸ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽಗ್ರ್ಯೋ ಮುಖ್ಯೋ ಬ್ರಹ್ಮವರ್ಚಸ್ಯಭವತ್ ।
ಅಗ್ರಿಯಾ ಮುಖ್ಯಾ ಬ್ರಹ್ಮವರ್ಚಸಿನೋಽಸಾಮೇತಿ ಸತ್ರಮಾಸತೇ ।
ಅಗ್ರಿಯಾ ಏವ ಮುಖ್ಯಾ ಬ್ರಹ್ಮವರ್ಚಸಿನೋ ಭವನ್ತಿ ।
ತತ್ಸ್ವಾರಮನುಷ್ಟುಭಿ ಕ್ರಿಯತೇ । ರೂಪಸಮೃದ್ಧತಾಯೈ ।
ಗಾಯತ್ರಯೋನಿ ಸದನುಷ್ಟುಭಿ ಕ್ರಿಯತೇ ।
ದ್ವನ್ದ್ವಂ ವೈ ಭೂತ್ವಾ ಪಶವೋ ವೀರ್ಯಾಣ್ಯುದ್ಯಚ್ಛನ್ತಿ ।
ಪಶವಶ್ಛನ್ದೋಮಾಃ ।
ತಸ್ಮಾಚ್ಛನ್ದೋಮೇಷು ಕ್ರಿಯತೇ ।
ಯದುದಲೋ ದೈವರಾತೋಽಪಶ್ಯತ್ತಸ್ಮಾದೌದಲಮಿತ್ಯಾಖ್ಯಾಯತೇ ೨೨೮

ಅಥ ಪಾಞ್ಚವಾಜಮ್ ।
ಏತೇನ ವೈ ಪಞ್ಚವಾಜಾಃ ಕೌತ್ಸ ಉಭೇ ಅನ್ಧಸೀ ವ್ಯಪಪೀತ ಯಚ್ಚ ದೈವ್ಯಂ ಯಚ್ಚ ಮಾನುಷಮ್ ।
ತೇ ಏವೈತೇನ ವಿಪಿಪೀತೇ ।
ಪಞ್ಚವಾಜಾ ವೈ ಕೌತ್ಸೋಽಕಾಮಯತೋಭೇ ಅನ್ಧಸೀ ವಿಪಿಪೀಯ ಯಚ್ಚ ದೈವ್ಯಂ ಯಚ್ಚ ಮಾನುಷಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತೇ ಸ ಉಭೇ ಅನ್ಧಸೀ ವ್ಯಪಿಪೀತ ಯಚ್ಚ ದೈವ್ಯಂ ಯಚ್ಚ ಮಾನುಷಮ್ ।
ತತೋ ಹ ಸ್ಮ ವೈ ಸ ಸುರಾದೃತಿಮುಪಾಧಾಯ ಸೋಮಾರ್ಥಂ ಧಾರಯತಿ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಉಭೇ ಅನ್ಧಸೀ ವಿಪಿಪೀತೇ ಯಚ್ಚ ದೈವ್ಯಂ ಯಚ್ಚ ಮಾನುಷಂ ಯ ಏವಂ ವೇದ ।
ಯದು ಪಞ್ಚವಾಜಾಃ ಕೌತ್ಸೋಽಪಶ್ಯತ್ತಸ್ಮಾತ್ಪಾಞ್ಚವಾಜಮಿತ್ಯಾಖ್ಯಾಯತೇ ।
ಅಥ ಕ್ರೌಞ್ಚಮ್ ।
ಕ್ರುಂಙಾಙ್ಗಿರಸ ಈಷ್ಯಮಿವಾಹರವಿನ್ದತ್ ।
ಈಷ್ಯಾ ಇವೈತೇ ಯಚ್ಛನ್ದೋಮಾಃ ।
ತಸ್ಮಾಚ್ಛನ್ದೋಮೇಷು ಕ್ರಿಯತೇ ।
ತನ್ಮಧ್ಯೇಸ್ವಾರಂ ಭವತಿ ।
ಪ್ರಾಣೋ ವೈ ಸ್ವರಃ ।
ಅಭಿಷಜ್ಯಾ ಇವೈತೇ ಯಚ್ಛನ್ದೋಮಾಃ ।
ದ್ವೇ ದ್ವೇ ಅಹನೀ ಸಮಸ್ತಾಃ ।
ತದ್ಯನ್ಮಧ್ಯೇ ಸ್ವಾರಂ ಭವತಿ ಪ್ರಾಣಮೇವೈತಚ್ಛನ್ದೋಮೇಷು ದಧತಿ ಭಿಷಜ್ಯನ್ತ್ಯೇವೈನಾನೇತೇನ ೨೨೯

ಅಥ ರಯಿಷ್ಠಂ ಮಧ್ಯೇನಿಧನಂ ಭವತಿ ಪ್ರತಿಷ್ಠಾಯೈ ।
ಸಮುದ್ರಂ ವಾ ಏತೇನಾರಮ್ಭಣಂ ಪ್ರಪ್ಲವನ್ತೇ ಯ ಆರ್ಭವಂ ಪವಮಾನಮುಪಯನ್ತಿ ।
ತದ್ಯನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಿತ್ಯಾ ಏವ ।
ಪ್ರಜಾಪತಿಃ ಪಶೂನಸೃಜತ ।
ತೇಽಸ್ಮಾತ್ಸೃಷ್ಟಾ ಅಪಾಕ್ರಾಮನ್ ।
ಸೋಽಕಾಮಯತ ನ ಮತ್ಪಶವೋಽಪಕ್ರಾಮಯುರ್ । ಅಭಿ ಮಾ ವರ್ತೇರನ್ನಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ತಂ ಪಶವೋಽಭ್ಯಾವರ್ತನ್ತ ।
ತತೋಽಸ್ಮಾದನಪಕ್ರಮಿಣೋಽಭವನ್ ।
ಸೋಽಬ್ರವೀದಸ್ಥಾದ್ವಾ ಇಯಂ ಮಯಿ ರಯಿರಿತಿ ।
ತದೇವ ರಯಿಷ್ಠಸ್ಯ ರಯಿಷ್ಠತ್ವಮ್ ।
ತದೇತತ್ಪಶವ್ಯ ಸಾಮ ।
ತಿಷ್ಠತ್ಯಸ್ಮಿನ್ನ್ರಯಿರ್ । ಅಭ್ಯೇನಂ ಪಶವ ಆವರ್ತನ್ತೇ । ನಾಸ್ಮಾತ್ಪಶವೋಽಪಕ್ರಾಮನ್ತಿ ಯ ಏವಂ ವೇದ ।
ತದಧ್ಯರ್ಧೇಳಂ ಭವತಿ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾ -- ಅಭಿಪೂರ್ವಾಣಾಮೇವ ಪಶೂನಾಮವರುದ್ಧ್ಯೈ ।
ಅಥೈತಾ ದ್ವಿಪದಾ ಭವನ್ತ್ಯುಕ್ತಬ್ರಾಹ್ಮಣಾಃ ।
ತಾ ಏತಾ ಭವನ್ತಿ
ಪವಸ್ವ ಸೋಮ ಮಹಾನ್ಸಮುದ್ರ
ಇತಿ ।
ಮಹದ್ಧ್ಯೇತದಹರ್ಯಚ್ಚತುಶ್ಚತ್ವಾರಿಂಶಮ್ ।
ಪಿತಾ ದೇವಾನಾಂ ವಿಶ್ವಾಭಿ ಧಾಮೇ
ತ್ಯಭಾತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ೨೩೦

ತಾಸು ಧರ್ಮ ।
ಧರ್ಮಣಾ ವೈ ದೇವಾ ಧರ್ಮಮಾದಾಯಾಸುರಾಣಾಂ ವಿಧರ್ಮಣೈನಾನ್ವಿಧರ್ಮಣಃ ಕೃತ್ವಾ ಪರಾಭಾವಯನ್ ।
ಧರ್ಮಣೈವ ಧರ್ಮಮಾದಾಯ ದ್ವಿಷತೋ ಭ್ರಾತೃವ್ಯಸ್ಯ ವಿಧರ್ಮಣೈನಂ ಕೃತ್ವಾ ಪರಾಭಾವಯತಿ ಯ ಏವಂ ವೇದ ।
ತಚ್ಛ್ರೀರ್ವೈ ಧರ್ಮೋ । ರಾಜ್ಯಂ ವೈ ಧರ್ಮೋ । ಧರ್ಮೇಣ ವೈ ರಾಜಾ ಧರ್ಮೋ । ಧರ್ಮ ಸ್ವಾನಾಂ ಭವತ್ಯ್ । ಷನಂ ಸ್ವಾ ಯನ್ತಿ । ಧರ್ಮಣೋ ಧಾರಯತಿ ।
ತದಾಹುರ್ನವಮೇಽಹನಿ ಕಾರ್ಯಮ್ ।
ಅದೋ ವೈ ಕ್ಷತ್ರಂ ಯದ್ಬಾರ್ಹತಮ್ ।
ಅಥೇದಂ ವಿಡ್ರಾಥನ್ತರಮಿತಿ ।
ತದು ವಾ ಆಹುರ್ವಿಧರ್ಮಾಣೋ ವೈ ರಾಜಾನೋ ನ ವೈ ತೇಽನ್ಯೈರ್ಮನುಷ್ಯೈ ಸ್ವಧರ್ಮಾಣಃ ।
ಇದಮು ವಾವ ಕ್ಷತ್ರಂ ಯಚ್ಚತುಶ್ಚತ್ವಾರಿಂಶಂ ತ್ರೈಷ್ಟುಭಮ್ ।
ತಸ್ಮಾನ್ನವಮ ಏವಾಹನ್ವಿಧರ್ಮ ಸ್ಯಾದಿಹೈತದಿತಿ ।
ಹಿನ್ವನ್ತಿ ಸೂರಮುಸ್ರಯ ಸ್ವಸಾರೋ ಜಾಮಯಸ್ಪತಿಮ್ ।
ಮಹಾಮಿನ್ದುಂ ಮಹೀಯುವಃ
ಇತಿ ಮಹದ್ಧ್ಯೇತದಹರ್ಯಚ್ಚತುಶ್ಚತ್ವಾರಿಂಶಮ್ ।
ತಾಸು ವಿಶೋವಿಶೀಯಮುಕ್ತಬ್ರಾಹ್ಮಣಮ್ ।
ತದೈಳಂ ಭವತಿ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ೨೩೧

ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಅಥೌಶನಮ್ ।
ಉಶನಾ ವೈ ಕಾವ್ಯೋ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮೈಚ್ಛತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮಾಶ್ನುತೈತಂ ರೋಮಣ್ವನ್ತಮ್ ।
ತೇ ಹೈತೇ ಕಾವ್ಯಾಃ ।
ರೋಮಣ್ವತ್ಯಶ್ನುತೇ ದೇವೇಷ್ವಮರ್ತ್ಯಂ ಗನ್ಧರ್ವಲೋಕಮೇತೇನ ತುಷ್ಟುವಾನಃ ।
ಅಗ್ನಿರ್ವೈ ದೇವೇಷ್ವವಸತ್ ।
ತಂ ದೇವಾ ನಾಪ್ರೀಣನ್ ।
ಸೋಽಪ್ರೀಯಮಾಣ ಉಶನಸಂ ಕಾವ್ಯಮಾಗಚ್ಛತ್ ।
ತಮಬ್ರವೀದೃಷೇ ಪ್ರೀಣೀಹಿ ಮಾಽಪ್ರೀತೋ ವಾ ಅಸ್ಮೀತಿ ।
ತಮಕಾಮಯತ ಪ್ರೀಣೀಯಾಮೇನಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನಮಪ್ರೀಣಾತ್ ।
ಪ್ರೇಷ್ಠಂ ವೋ ಅತಿಥಿಂ ಸ್ತುಷೇ ಮಿತ್ರಮಿವ ಪ್ರಿಯಮ್ ।
ಅಗ್ನೇ ರಥಂ ನ ವೇದ್ಯಮಿತ್ಯೇವೈನಂ ಪ್ರಿಯತಮಮತಿಥಿಮಕುರುತ ।
ಅಪ್ರೀತ ಇವ ಹ ವಾ ಏಷ ಏತರ್ಹಿ ಭವತಿ ಯಜ್ಞಮೂಹಿವಾನ್ ।
ತಮೇತದತ್ರ ಪ್ರೀಣನ್ತಿ ।
ಸ ಪ್ರೀತೋ ಯದತ್ರ ಯಜ್ಞಸ್ಯ ಪರಿಶಿಷ್ಟಮ್ಭವತಿ ತದ್ವಹತಿ ।
ಯದೂಶನಾ ಕಾವ್ಯೋಽಪಶ್ಯತ್ತಸ್ಮಾದೌಶನಮಿತ್ಯಾಖ್ಯಾಯತೇ ।
ಏನ್ದ್ರ ನೋ ಗಧಿ ಪ್ರಿಯ ಸತ್ರಾಜಿದಗೋಹ್ಯ ।
ಗಿರಿರ್ನ ವಿಶ್ವತಃ ಪೃಥುಃ ಪತಿರ್ದಿವಃ
ಅಭಿ ಹಿ ಸತ್ಯ ಸೋಮಪಾ
ಇತ್ಯಭೀತಿ ಭವತಿ ರಥನ್ತರಸ್ಯ ರೂಪಮ್ ।
ರಾಥನ್ತರಮೇತದಹಃ ।
ಉಭೇ ಬಭೂಥ ರೋದಸೀ
ಇತೀಮೇ ಹ ವಾವ ರೋದಸೀ ।
ಏತೇ ಏವೈತದಭಿವದತಿ ।
ಇನ್ದ್ರಾ ಸಿ ಸುನ್ವತೋ ವೃಧಸ್ಪತಿರ್ದಿವ
ಇತಿ ವೃದ್ಧಂ ಹ್ಯೇತದಹರ್ಯಚ್ಚತುಶ್ಚತ್ವಾರಿಂಶಮ್ ೨೩೨

ತಾಸು ಸಾಂವರ್ತಂ ಪದನಿಧನಂ ರಾಥನ್ತರಮ್ ।
ತಸ್ಮಾದ್ರಾ ಥನ್ತರೇಽಹನ್ಕ್ರಿಯತೇ ।
ಸಂವರ್ತ ಆಙ್ಗಿರಸ ಸ್ವರ್ಗಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಪತಿರ್ದಿವಃ ಪತಿರ್ದಿವ ಇತ್ಯೇವ ಸ್ವರ್ಗಂ ಲೋಕಮಾರೋಹತ್ ।
ಯಥಾಹ ಪತೇದೇವಮೇತದ್ಯತ್ಪತಿರ್ದಿವ ಇತಿ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದು ಸಂವರ್ತ ಆಙ್ಗಿರಸೋಽಪಶ್ಯತ್ತಸ್ಮಾತ್ಸಾಂವರ್ತಮಿತ್ಯಾಖ್ಯಾಯತೇ ।
ದೇವಾಸುರಾ ಅಸ್ಪರ್ಧನ್ತ ।
ತೇಽಸುರಾ ಮಹದಭಿವ್ಯಾಸತ ।
ಸ ಇನ್ದ್ರೋ ಽಕಾಮಯತ ಸಾರ್ಧಮೇವಾಸುರಾನ್ಸಂವೃತ್ಯ ಹನ್ಯಾಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತ್ವಂ ಹಿ ಶಶ್ವತೀನಾಮಿನ್ದ್ರ ಧರ್ತಾ ಪುರಾಮಸಿ ।
ಹನ್ತಾ ದಸ್ಯೋರ್ಮನೋರ್ವೃಧಃ ಪತಿರ್ದಿವಃ
ಇತ್ಯೇವೈನಾನ್ಸಾರ್ಧಂ ಸಂವೃತ್ಯಾಹನ್ ।
ತದ್ವೇವ ಸಾಂವರ್ತಸ್ಯ ಸಾಂವರ್ತತ್ವಮ್ ।
ಸಾರ್ಧಮೇವ ಸಂವೃತ್ಯ ದ್ವಿಷನ್ತಂ ಭ್ರಾತೃವ್ಯಂ ಹನ್ತಿ ಯ ಏವಂ ವೇದ ೨೩೩

ಅಥ ಮೈಧಾತಿಥಮ್ ।
ಮೇಧಾತಿಥಿಗೃಹಪತಯೋ ವೈ ವಿಭಿನ್ದುಕೀಯಾಸ್ಸತ್ರಮಾಸತ ।
ತೇಷಾಂ ದೃಢಚ್ಯುದಾಗಸ್ತಿರುದ್ಗಾತಾಸೀದ್ಗೌರೀವಿತಿಃ ಪ್ರಸ್ತೋತಾಚ್ಯುತಚ್ಯುತ್ಪ್ರತಿಹರ್ತಾ ವಸುಕ್ಷಯೋ ಹೋತಾ ಸನಕ-ನವಕೌ ಕಾವ್ಯಾವಧ್ವರ್ಯೂ ।
ಪಶುಕಾಮೋ ಮೇಧಾತಿಥಿರ್ಜನಿಕಾಮೌ ಸನಕ-ನವಕೌ । ಯತ್ಕಾಮಾ ಇತರೇ ತತ್ಕಾಮಾಃ ।
ನಾನಾಕ್ರಾಮಾ ಹ ಸ್ಮ ವೈ ಪುರಾ ಸತ್ರಮಾಸತೇ ।
ತೇ ಹ ಸ್ಮ ನಾನೈವ ಕಾಮಾನೃದ್ಧ್ವಾಪ್ತ್ವೋತಿಷ್ಠನ್ತಿ ।
ತೇಷಾಂ ಹ ಸ್ಮೇನ್ದ್ರೋ ಮೇಧಾತಿಥೇರ್ಮೇಷಸ್ಯ ರೂಪಂ ಕೃತ್ವಾ ಸೋಮಂ ವ್ರತಯತಿ ।
ತಂ ಹ ಸ್ಮ ಬಾಧನ್ತೇ ಮೇಧಾತಿಥೇರ್ನೋ ಮೇಷಸ್ಸೋಮಂ ವ್ರತಯತೀತಿ ।
ಸ ಉ ಹ ಸ್ಮೈಷಾಂ ಸ್ವಮೇವ ರೂಪಂ ಕೃತ್ವಾ ಸೋಮಂ ವ್ರತಯತಿ ।
ತತೋ ಹ ವಾ ಇದಮರ್ವಾಚೀನಂ ಮೇಧಾತಿಥೇರ್ಮೇಷ ಇತ್ಯಾಹ್ವಯನ್ತಿ ।
ಸ ಏತನ್ಮೇಧಾತಿಥಿಃ ಪಶುಕಾಮಸ್ಸಾಮಾಪಶ್ಯತ್ ।
ತೇನಾಸ್ತುತ ।
ಪುರಾಂ ಭಿನ್ದುರ್ಯುವಾ ಕವಿರ್
ಇತ್ಯೇವ ವಲಮಭಿನತ್ ।
ತ್ವಂ ವಲಸ್ಯ ಗೋಮತೋಽಪಾವರದ್ರಿ ವೋ ಬಿಲಮ್
ಇತ್ಯೇತಯಾ ಬಿಲಮಪಾವೃಣೋತ್ ೨೩೪

ತತಃ ಪಶವೋಽಸೃಜ್ಯನ್ತ ।
ಯೇ ಪ್ರಥಮೇಽಸೃಜ್ಯನ್ತ । ತ ಇಮ ಏತರ್ಹಿತನಾಃ ಪಶವಃ ।
ತದು ಹೈವ ಹಿರಣ್ಯಶೃಙ್ಗೀರ್ದ್ವ್ಯೂಧ್ನೀರನೂದೇಯುಃ ।
ತದು ಹೈವ ಹಿರಣ್ಯಚಣ್ಡಾತಕೌ ವಸಾನೇಽಪ್ಸರಸಾವನೂದೇಯತುಃ ।
ತೇ ಗೃಹಪತಿರಭಿದಧ್ಯೌ ।
ಸ ಹೋವಾಅ ಮಮ ವಾ ಇಮೇ । ಯೇಽಹಂ ಮಮ ಗಾರ್ಹಪತ್ಯೇಽವಾರುತ್ಸಿ ।
ಗೃಹಪತೇರ್ವಾವ ಸರ್ವರ್ದ್ಧಿರಿತಿ ।
ನೇತಿ ಹೋಚತುಸ್ಸನಕ-ನವಕೌ । ಪಶುಕಾಮಸ್ತ್ವಮಾಸಿಷ್ಠಾಃ ।
ತೇ ತವೈತೇ ಪಶವಃ ।
ಜನಿಕಾಮಾವಾವಮ್ ।
ತಯೋರಾವಯೋರಿಮೇ ಜಾಯೇ ಇತಿ ।
ತದ್ಧೈವ ಸಂವದಮಾನೇಷ್ವನ್ಯತರಾಮಭಿಪೇದೇ ।
ಸಾ ಹ ಪ್ರತಿಜಘ್ನೇ ।
ಸೈಷಾ ಯಸ್ಯಾ ಏತತ್ಕಬಲಿಕಮಿವ ।
ಅಥ ಹಾನ್ಯತರಾ ವಿಸಿಷ್ಮಿಯೇ ।
ಸೈಷಾ ಹರಿಣಿಕಾ ।
ತಸ್ಮಾದೇತೇ ಪಶೂನ್ಸೇವತೇ ಪಶ್ವಾಜಾನೇಹಿ ।
ಅಥ ಹೇಮಾ ಹಿರಣ್ಯಶೃಙ್ಗೀರ್ದ್ವ್ಯೂಧ್ನೀರ್ಯತ ಏವೋದೇಯುಸ್ತತ್ಪುನರಭ್ಯವದುದ್ರುವುರನೃತಂ ಗೃಹಪತಿರಕೃತ್ ।
ನ ವೈ ವಯಂ ತಸ್ಯ ಸ್ಮೋ ಯೋಽನೃತಂ ಕರೋತೀತಿ ।
ತಾ ಹೈತಾ ಅಪ್ಯದ್ಯ ಕ್ರೂರರ್ಷಭಾ ವಿಭಿನ್ದುಕೇ ಶಾರೀರ್ಭೂತಾ ವೇದಯನ್ತೇ ।
ಕಾಣ್ವಾಯನೌ ಬ್ರಹ್ಮಣ್ಯಸ್ಪರ್ಧೇತಾಂ ಮೇಧಾತಿಥಿಶ್ಚ ತ್ರಿಶೋಕಶ್ಚ ।
ತಾವಬ್ರೂತಾಮೇಹ್ಯಗ್ನಿಂ ಸಮಿದ್ಧಮತ್ಯಯಾವೇತಿ ।
ತಾವಗ್ನಿಂ ಸಮಿದ್ಧಮತ್ಯೈತಾಮ್ ।
ಉಪರ್ಯುಪರ್ಯೇವ ತ್ರಿಶೋಕೋಽತ್ಯೈದ್ । ಅಥೈತರಸ್ಯ ಪಕ್ಷ್ಮಾಣ್ಯುದೌಷತ್ ।
ತಮಬ್ರವೀದಜೈಷಂ ತ್ವೇತಿ ।
ನೇತ್ಯಬ್ರವೀದ್ । ಅಸುರೀಪ್ತ್ರ ಏವ ತ್ವಮಸಿ ದೇವತಾ ಏವ ತ್ವಯಾ ಸಂಸ್ಪೃಷ್ಟಂ ನಾಚೀಕಮನ್ತೇತಿ ।
ತೌ ವಾ -- ಏಹ್ಯಪೋಽತ್ಯಯಾವೇತಿ ।
ತೌ ಹ ರಥಸ್ಯಾಂ ವಿಷ್ಯಣ್ಣಾಮತ್ಯೈತಾಮ್ ।
ಉಪತ್ಯುಪತ್ಯೇವ ತ್ರಿಶೋಕೋಽತ್ಯೈದ್ । ಅಥೇತರಸ್ಯ ಪವೀ ಅತ್ರಾಯೇತಾಮ್ ।
ತದೇವಾರ್ದ್ರ ಪವಿ ರಥಸ್ಪಾಯೈ ।
ತಮಬ್ರವೀದಜೈಷಂ ತ್ವೇತಿ ।
ನೇತ್ಯಬ್ರವೀದ್ । ಅಸುರೀಪುತ್ರ ಏವ ತ್ವಮಸಿ ।
ದೇವತಾ ಏವ ತ್ವಯಾ ಸಂಸ್ಪೃಷ್ಟಂ ನಾಚೀಕಮನ್ತತಿ ।
ತೌ ವಾ -- ಏಹಿ ಪಶೂನುತ್ಸೃಜಾವಹಾ ಇತಿ ೨೩೫

ಸ ತ್ರಿಶೋಕಸ್ಸದ್ಯ ಏವಾಲೋಮ್ನೋ ಕರ್ಣಕಾನ್ಪಶೂನುದಸೃಜತ ।
ತೇಽತ್ರಾಭ್ಯಾತಪ್ತಾ ನ್ಯಮೃಚ್ಯ ನ್ಯಮಹನ್ ।
ಸೈಷೋ ಪ್ರಾಭವತ್ ।
ತಸ್ಮಾದಾಹುರ್ಗಾವೋ ಪ್ರೇತಿ ।
ತಸ್ಮಾದ್ವಮಾಂಸಾಶೀ ಪ್ರಾಯು ನಾಶ್ನೀಯಾತ್ ।
ಅಥ ಹೈಕೇಽಭಿತಪ್ಯಮಾನಾನಾಃ ಪ್ರತ್ಯಞ್ಚಃ ಪ್ರಾದ್ರ ವನ್ ।
ತೇ ಸಿನ್ಧುಂ ಪ್ರಾವಿಶನ್ ।
ತಲ ಲವಣಮಭವತ್ ।
ತಸ್ಮಾದಾಹುರ್ಗಾವೋ ಲವಣಮಿತಿ ।
ತಸ್ಮಾದು ಯೋ ಲವಣೇನ ಪಣಞ್ಚರತಿ । ಗಾವ ಏವ ಭವನ್ತಿ ।
ಅಥ ಮೇಧಾತಿಥಿಸ್ಸಂವತ್ಸರಮುಪಪ್ರಾಸ್ತೃಣೀತ ಪಶುಕಾಮಃ ।
ಸ ಏತಸ್ಮಾದೇವ ವಲಾದಶ್ಮಾಭಿಧಾನಾತ್ಪಶೂನುದಸೃಜತ
ತ್ವಂ ವಲಸ್ಯ ಗೋಮತ
ಇತಿ ।
ತದೇತತ್ಪಶೂನಾಮುತ್ಸೃಷ್ಟಿಸ್ಸಾಮ ।
ಅವ ಪಶೂನ್ರುನ್ದ್ಧೇ । ಬಹುಪಶುರ್ಭವತಿ ಯ ಏವಂ ವೇದ ।
ಯದು ಮೇಧಾತಿಥಿರಪಶ್ಯತ್ । ತಸ್ಮಾನ್ಮೈಧಾತಿಥಿಮಿತ್ಯಾಖ್ಯಾಯತೇ ೨೩೬

ತದ್ವೇವಾಚಕ್ಷತೇಽಙ್ಗಿರಸ್ಯಾನಾಂ ಸಾಮೇತಿ ।
ಅಙ್ಗಿರಸ್ಯಾ ಹ ವೈ ನಾಮರ್ಷೀಣಾಂ ಪುತ್ರಾ ಆಸುಃ ।
ತೇಽಕಾಮಯನ್ತ ಸ್ವರ್ಗಂ ಲೋಕಮಶ್ನುವೀಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸ್ವರ್ಗಂ ಲೋಕಮಾಶ್ನುವತ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದ್ವಙ್ಗಿರಸ್ಯಾ ಅಪಶ್ಯಂಸ್ತಸ್ಮಾದಙ್ಗಿರಸ್ಯಾನಾಂ ಸಾಮೇತ್ಯಾಖ್ಯಾಯತೇ ।
ತದ್ವೇವಾಚಕ್ಷತೇ ಮಾರುತಮಿತಿ ।
ಮರುತೋ ವಾ ಅಕಾಮಯನ್ತೌಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ದೇವಾನಾಂ ಸ್ಯಾಮ । ಜಯೇಮ ಸ್ವರ್ಗಂ ಲೋಕಮಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತ ಓಜಿಷ್ಠಾ ಬಲಿಷ್ಠಾ ಭೂಯಿಷ್ಠಾ ವೀರ್ಯವತ್ತಮಾ ದೇವಾನಾಮಾಸನ್ನ್ । ಅಜಯನ್ಸ್ವರ್ಗಂ ಲೋಕಮ್ ।
ಓಜಿಷ್ಠೋ ಬಲಿಷ್ಠೋ ಭೂಯಿಷ್ಠೋ ವೀರ್ಯವತ್ತಮ ಸ್ವಾನಾಂ ಭವತಿ ಜಯತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದು ಮರುತೋಽಪಶ್ಯಂಸ್ತಸ್ಮಾನ್ಮಾರುತಮಿತ್ಯಾಖ್ಯಾಯತೇ ೨೩೭

ತದ್ವೇವಾಚಕ್ಷತೇ ವೈಶ್ವಾಮಿತ್ರಮಿತಿ ।
ಭರತಾ ಹ ವೈ ಸಿನ್ಧೋರಪರತಾರ ಆಸುರಿಕ್ಷ್ವಾಕುಭಿರುದ್ಬಾಢಾಃ ।
ತೇಷು ಹ ವಿಶ್ವಾಮಿತ್ರಜಮದಗ್ನೀ ಊಷತುಃ ।
ಸ ಹೇನ್ದ್ರೋ ಭಯದಮಾಸಮಾತ್ಯಂ ಹರೀ ಯಯಾಚ ।
ತೌ ಹಾಸ್ಮೈ ನ ದದೌ ।
ತಯೋರ್ಹಾದತ್ತಯೋರ್ಜುಹಾವೇನ್ದ್ರ ಕ್ರೋಶ ಇತಿ ।
ಅಮ್ಮಕಸ್ತಸ್ಮಿಂಸ್ತಿಷ್ಠನ್ವಿಶ್ವಾಮಿತ್ರಜಮದಗ್ನೀ । ಇಮಾ ಇಕ್ಷ್ವಾಕೂಣಾಂ ಗಾ ವಿನ್ದಧ್ವಮಿತಿ ।
ತದ್ಧೇಮಾವಪರತಾರೇ ಸನ್ತೀ ಶುಶ್ರುವತುಃ ।
ತೌ ಹೋಚತುರ್ಭರತಾನಿನ್ದ್ರೋ ವೈ ನಾವಯಂ ಹ್ವಯತೀಮಾ ಇಕ್ಷ್ವಾಕೂಣಾಂ ಗಾ ವಿನ್ದಧ್ವಮಿತಿ ।
ಏತ । ಗಾ ವಿನ್ದಾಮಹಾ ಇತಿ ।
ತೌ ವೈ ನ ಇಮಂ ಗಾಧಂ ಕುರುತಮಿತಿ ।
ತೇ ವೈ ಯುಙ್ಧ್ವಮಿತಿ ।
ತೇ ಹ ಯುಯುಜಿರೇ ।
ತೇ ಹಾಭ್ಯವೇಯುಃ ।
ತೌ ಹೋಚತುರ್ಯಾ ವಃ ಪಲ್ಪೂಲನ್ಯಸ್ತಾ ಅಪಾಸ್ಯತೇತಿ ।
ತಾ ಹಾಪಾಸುಃ ।
ಅಥ ಹ ರಾಜನ್ಯಬನ್ಧುರ್ಯಸ್ಮೈ ಪಲ್ಪೂಲನ್ಯಾಸ । ತಾಂ ಹಾಧೋಽಕ್ಷಂ ಬಬನ್ಧ ।
ತಾವಕಾಮಯೇತಾಂ ಗಾಧೋ ನಾವಯಂ ಸ್ಯಾದಿತಿ ।
ಸ ಏತದ್ವಿಶ್ವಾಮಿತ್ರಸ್ಸಾಮಾಪಶ್ಯತ್ ।
ತೇನಾಸ್ತುತ ।
ಪುರಾಂ ಭಿನ್ದುರ್ಯುವಾ ಕವಿರಮಿತೌಜಾ ಅಜಾಯತ ।
ಇನ್ದ್ರೋ ವಿಶ್ವಸ್ಯ ಕರ್ಮಣೋ ಧರ್ತಾ ವಜ್ರೀ ಪುರುಷ್ಟುತಃ
ತ್ವಂ ವಲಸ್ಯ ಗೋಮತೋಽಪಾವರದ್ರಿ ವೋ ಬಿಲಮ್ ।
ತ್ವಾಂ ದೇವಾ ಅಬಿಭ್ಯುಷಸ್ತುಜ್ಯಮಾನಾಸ ಆವಿಷುಃ
ತವಾಹಂ ಶೂರ ರಾತಿಭಿಃ ಪ್ರತ್ಯಾಯಂ ಸಿನ್ಧುಮಾವದನ್ ।
ಇತ್ಯೇತಾ ಆವದನ್ತೌ ಪ್ರತ್ಯೈತಾಮ್ ।
ಉಪಾತಿಷ್ಠನ್ತ ಗಿರ್ವಣೋ ವಿದುಷ್ಟೇ ತಸ್ಯ ಕಾರವ
ಇತಿ ಹೈವಾಪ ಉಪತಸ್ಥಿರೇ ।
ತಾಭ್ಯಾಂ ಹ ಗಾಧ ಆಸ ।
ತೇ ಹ ಗಾಧೇನಾತಿಯಯುಃ ।
ತದ್ಯಸ್ಮಿನ್ನಿಯಂ ಪಲ್ಪೂಲನ್ಯಾಸ । ತದ್ಧೈವಾಪೋಽವಚಿಛಿನ್ದುಃ ।
ಅನಶದ್ವಾ ಇಯಮಿತಿ ತ ಏವ ನಂಶವಃ ।
ಯೋಗೋ ನೋದ್ಯತ ಇತಿ ತ ಏವಾಯೋಗವ ಇತಿ ।
ಇದಮೇವಾದ್ಯ ವಸಾಮೇತಿ ತ ಏವ ವಸಾತಯಃ ೨೩೮

ತದು ಹೈವ ಕುಮಾರಿಕಾಃ ಕ್ರೀಳನ್ತೀರ್ಜಹುಃ ।
ಸ ಏವ ಯೌಷಿತೋ ಗಿರಿರಭವತ್ ।
ಅಥ ಹವಾ ಇಮಾನಿ ವನಾನೀಮಾಚ್ಚ ನದ್ಯೋಽಪರತಾರ ಆಸ ಪುರಾ ಸಿನ್ಧೋರಾಸುಃ ।
ತೌ ಹ ಪಶ್ಚಾತ್ಪರೀತ್ಯ ಪ್ರಾಚೀಃ ಪ್ರರುರುಧತುಃ ।
ತತೋ ಯಾನ್ಯುಕ್ಷಶರ್ಧತಾನ್ಯಾಸಂಸ್ । ತಾನೀಮಾನಿ ಲವಣಾನಿ ।
ಅಥ ಯೇ ತಸ್ಥುಸ್ । ತ ಏತೇ ಕ್ಷುದ್ರಾ ವನಸ್ಪತಯೋಽಭವನ್ ।
ಅಥ ಹ ವಾ ಇಮಾನಿ ಪೀರುಸ್ತಚ್ಛಮೈತದ್ । ಅಥ ಯಾ ನದೀಸ್ತಾರಯಾಂಚಕ್ರುಸ್ । ತಾ ಇಮಾ ನದ್ಯೋ ವಿವಸತಿಹೋತ್ತಮಾಸ್ತಾರಯಾಂಚಕ್ರುಃ ।
ತಾಸು ಹ ತಾರ್ಯಮಾಣಾಸು ಸಿನ್ಧೋರಪ್ರಿಯಮಾಸ ।
ಸ ಹೋವಾಚ
ನನು ಬ್ರಹ್ಮೇತಿ ಶುಶ್ರುಮ ಗಾಥಿನಂ ಪಿತರಂ ತವ ।
ಕುತಸ್ತ್ವಾ ಸಹಸ್ರಮಾಗಮದ್ವಿಶ್ವಾಮಿತ್ರ ಬಲಂ ತವ
ಇತಿ ।
ಸ ಹೋವಾಚ
ಉತ ಪುತ್ರೋ ಮಮತಾಯೈ ಗರ್ಭೇ ದೀರ್ಘತಮಾ ವದನ್ ।
ವಿಪಶ್ಚಿತ್ತದಭ್ಯಜಾಯತ ಯಜ್ಞಸ್ಯಾಂಗಾನಿ ಕಲ್ಪಯನ್
ಕಥೋದನ್ವಃ ಪಣಾಯಸಿ
ಇತಿ ।
ತತೋ ವೈ ತೇ ತಾನ್ಪಶೂನವಿನ್ದನ್ತ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ವಿಶ್ವಾಮಿತ್ರೋಽಪಶ್ಯತ್ತಸ್ಮಾದ್ವೈಶ್ವಾಮಿತ್ರಮಿತ್ಯಾಖ್ಯಾಯತೇ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೨೩೯

ಅಕ್ರಾನ್ಸಮುದ್ರ ಃ! ಪರಮೇ ವಿಧರ್ಮನ್ನ್
ಇತಿ ಪರಮೋ ವಾ ಅಶ್ವಃ ಪಶೂನಾಂ । ಪರಮಸ್ಸಮುದ್ರ ಃ! । ಪರಮಂ ನವಮಮಹಸ್ । ತಸ್ಮಾದೇತಾ ನವಮೇಽಹನ್ಕ್ರಿಯನ್ತೇ ।
ಜನಯನ್ಪ್ರಜಾ ಭುವನಸ್ಯ ಗೋಪಾ
ಇತಿ ಜನದ್ವತೀರ್ಭವನ್ತಿ ।
ಜನದ್ವದ್ವೈ ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ವೃಷಾ ಪವಿತ್ರೇ ಅಧಿ ಸಾನೋ ಅವ್ಯೇ ಬೃಹತ್ಸೋಮೋ ವಾವೃಧೇ ಸ್ವಾನೋ ಅದ್ರಿ ರ್
ಇತಿ ವೃಷಣ್ವತೀರ್ಬೃಹದ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಮಹತ್ತತ್ಸೋಮೋ ಮಹಿಷಶ್ಚಕಾರೇ
ತಿ ಮಹದ್ಧ್ಯೇತದಹರ್ಯದಷ್ಟಾಚತ್ವಾರಿಂಶಮ್ ।
ಅಪಾಂ ಯದ್ಗರ್ಭೋಽವೃಣೀತ ದೇವಾನ್ ।
ಅದಧಾದಿನ್ದ್ರೇ ಪವಮಾನ ಓಜೋಽಜನಯತ್ಸೂರ್ಯೇ ಜ್ಯೋತಿರಿನ್ದುಃ
ಇತಿ ಜನದ್ವತೀರ್ಭವನ್ತಿ ।
ಪ್ರಾತಸ್ಸವನಾದೇವೈತನ್ನವಮಮಹಃ ಪ್ರಜನಯನ್ತಿ ।
ಮತ್ಸಿ ವಾಯುಮಿಷ್ಟಯೇ ರಾಧಸೇ ಚ ಮತ್ಸಿ ಮಿತ್ರಾವರುಣಾ ಪೂಯಮಾನಃ ।
ಮತ್ಸಿ ಶರ್ಧೋ ಮಾರುತಂ ಮತ್ಸಿ ದೇವಾನ್ಮತ್ಸಿ ದ್ಯಾವಾಪೃಥಿವೀ ದೇವ ಸೋಮ
ಇತಿ ಸರ್ವದೇವತ್ಯಂ ಭವತಿ ।
ವೈಶ್ವದೇವಂ ಹ್ಯೇತದಹರ್ಜಾಗತಮ್ ೨೪೦

ತಾ ಏತಾ ಭವನ್ತಿ ತ್ರಿಷ್ಟುಭೋ ಜಗದ್ವರ್ಣಾ ಅಹ್ನೋ ರೂಪೇಣ ಸಮೃದ್ಧಾಃ ।
ಯತ್ರ ವಾ ಅಹಾರೂಪೇಣ ಸಮರ್ಧಯನ್ತಿ ಸಂ ತತ್ರರ್ಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ।
ಏಷ ದೇವೋ ಅಮತ್ಯ
ಇತಿ ಸೂಕ್ತಮನುರೂಪೋ ಭವತಿ ಪಶವೋ ವೈ ಸೂಕ್ತಮ್ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥೋ ಭೂಮಾ ವೈ ಪಶವಃ ।
ಭೂಮಾ ಸೂಕ್ತಮ್ ।
ಪಶೂನಾಮೇವೈತತ್ಪಶೂನನುರೂಪಾನ್ಕುರ್ವನ್ತಿ ।
ನಾತ್ರ ಪ್ರತ್ಯಕ್ಷಾನುರೂಪಾನ್ಕುರ್ವನ್ತಿ ।
ತಸ್ಮಾತ್ಪಶವೋ ನಾನಾರೂಪಾಞ್ಜನಯನ್ತ್ಯುತ ಶ್ವೇತಾ ಕೃಷ್ಣಂ ಜನಯತ್ಯ್ । ಉತ ಕೃಷ್ಣಾ ಶ್ವೇತಮ್ । ಉತ ರೋಹಿಣೀ ಕನ್ಮಾಷಮ್ । ಉತ ಕನ್ಮಾಷೀ ರೋಹಿತಮ್ ।
ತಾಸು ಸಮಾನಪ್ರಭೃತಯೋ ಭವನ್ತಿ ನಾನೋದರ್ಕಾಃ -- ಏಷ ದೇವೋ ಅಮರ್ತ್ಯ । ಏಷ ದೇವೋ ವಿಪಾ ಕೃತ । ಏಷ ದೇವೋ ವಿಪನ್ಯುಭುರಿತಿ ।
ಇದಂ ವೈ ಪ್ರಥಮಂ ಪದಮ್ । ಇದಂ ದ್ವಿತೀಯಂ ಅದಸ್ತೃತೀಯಮ್ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯೇ ದ್ವಾದಶಾಹಯಾಜಿನಃ ।
ಅನ್ತಮಿವ ಹಿ ಗಚ್ಛನ್ತಿ ತದ್ಯದೇತಾಸ್ಸಮಾನಪ್ರಭೃತಯೋ ಭವ್ನ್ತಿ ನಾನೋದರ್ಕಾಃ ।
ಅಸ್ಮಿನ್ನೇವೈತಲ್ಲೋಕೇ ಪ್ರತಿತಿಷ್ಠನ್ತಿ ।
ನಾನಾಪ್ರಭೃತಯಸ್ಸಮಾನೋದರ್ಕಾಷ್ಷಷ್ಠೇಽಹನ್ಭವನ್ತಿ ।
ಅಮುಷ್ಮಿನ್ನು ತಾಭಿರ್ಲೋಕೇ ಪ್ರತಿತಿಷ್ಠನ್ತಿ ೨೪೧

ದಶರ್ಚಂ ಭವತಿ ದಶಾಕ್ಷರಾ ವಿರಾಟ್ ।
ಅನ್ನಂ ವಿರಾಡ್ ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ಅಷ್ಟರ್ಚಂ ಭವತಿ ।
ಅಷ್ಟಾಚತ್ವಾರಿಂಶಮೇವೈವೈತೇನ ಸ್ತೋಮಮಭಿವದತಿ ।
ಅಥೋ ಅಷ್ಟಾಕ್ಷರಾ ವೈ ಗಾಯತ್ರ್! ಯಷ್ಟಾಶಫಾಃ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಇನ್ದ್ರೋ ವೈ ವೃತ್ರಮಹನ್ ।
ತಂ ವೃತ್ರಂ ಜಘ್ನಿವಾಂಸಮೇಭ್ಯೋ ಲೋಕೇಭ್ಯಸ್ಸರ್ವಾಣಿ ಭೂತಾನ್ಯನ್ವವದನ್ನೇಷ ವೀರ । ಏಷ ವೃತ್ರಹತಿ ।
ವೀರ್ಯಮೇವಾಸ್ಮಿಂಸ್ತದಭಿಪೂರ್ವಮದಧುಃ ।
ವೀರ್ಯಮಿವ ವಾ ಏಷ ಚಕ್ರಿವಾನ್ಭವತಿ ವೃತ್ರಮಿವ ಜಘ್ನಿವಾನ್ಯ ಏತದಹರಾಗಚ್ಛತಿ ।
ತದ್ಯದೇಷ ಇತಿ ಭವ ತ ವೀರ್ಯಮೇವಾಸ್ಮಿಂಸ್ತದಭಿಪೂರ್ವಂ ದಧತಿ ।
ತದಾಹುರೃತುಮಾನ್ಪೃಷ್ಠ್ಯಷ್ಷಡಹೋಽನೃತವಶ್ಛನ್ದೋಮಾಃ ।
ಅನೃತಾವಿವ ವಾ ಏತೇ ಪ್ರತಿಷ್ಠಿತಾ ಯಚ್ಛನ್ದೋಮಾ ಇತಿ ।
ತದ್ಯದೇತಾನಿ ಪಞ್ಚರ್ಚ ಷಡೃಚಾನಿ ಭವನ್ತಿ ತೇನೈವರ್ತುಮನ್ತಶ್ಛನ್ದೋಮಾಃ ಕ್ರಿಯನ್ತೇ ।
ಸ ವಾನುತ್ತಮಷ್ಷಡೃಚೋ ಭವತಿ ।
ಯದಾ ವೈ ಪ್ರತ್ಯಕ್ಷಂ ಭವತ್ಯಥೈಷ ಇತ್ಯಾಚಕ್ಷತೇ । ಯದಾ ಪರೋಕ್ಷಮಥ ಸ ಇತಿ ।
ಪರೋಕ್ಷಮಿವೈತೇ ಯನ್ತಿ ಯ ಏತದಹರಾಗಚ್ಛನ್ತಿ ।
ತಸ್ಮಾತ್ಸ ವಾನುತ್ತಮಷ್ಷಡೃಚೋ ಭವತಿ ಯೇನ ಪ್ರಯನ್ತಿ ।
ತೇನೋದ್ಯನ್ತಿ ।
ಅಷ್ಟಾಚತ್ವಾರಿಂಶ ಸ್ತೋಮೋ ಭವತಿ ।
ಅಷ್ಟಾಚತ್ವಾರಿಂಶದಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಪಶವಶ್ಛನ್ದೋಮಾಃ ।
ಪಶುಷ್ವೇವೈತಜ್ಜಗತ್ಯಾಂ ಪ್ರತಿತಿಷ್ಠನ್ತೋ ಯನ್ತಿ ೨೪೨

ಅಗನ್ಮ ಮಹಾ ನಮಸಾ ಯವಿಷ್ಠಮ್
ಇತಿ ಗದ್ವನ್ತ್ಯಾಜ್ಯಾನಿ ಭವನ್ತಿ ।
ಗಚ್ಛನ್ತೀವ ವಾ ಏತೇ ಯ ಏತದಹರಾಗಚ್ಛನ್ತಿ ।
ಯೋ ದೀದಾಯ ಸಮಿದ್ಧ ಸ್ವೇ ದುರೋಣ
ಇತಿ ದೀದ್ಯನ್ತ್ಯೇವೈನಮೇತೇನ ।
ಚಿತ್ರಭಾನುಂ ರೋದಸೀ ಅನ್ತರೂರ್ವೀ
ಇತೀಮೇ ಹ ವಾವ ರೋದಸೀ ಇದಮೇವಾನ್ತರಿಕ್ಷಂ ಮರುತಃ ।
ಸ್ವಾಹುತಂ ವಿಶ್ವತಃ ಪ್ರತ್ಯಞ್ಚಮ್
ಇತಿ ಪ್ರತ್ಯಙ್ಹ್ಯೇಷ ತ್ರಿಯಹಸ್ತಾಯತೇ ।
ಸ ಮಹ್ನಾ ವಿಶ್ವಾ ದುರಿತಾನಿ ಸಾಹ್ವಾನ್
ಇತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಅಗ್ನಿ ಷ್ಟವೇ ದಮ ಆ ಜಾತವೇದಾಃ ।
ಸ ನೋ ರಕ್ಷಿಷದ್ದುರಿತಾದವದ್ಯಾದಸ್ಮಾನ್ಗೃಣತ ಉತ ನೋ ಮಘೋನಃ
ಇತ್ಯಾಶಿಷಮೇವೈತೇನಾಶಾಸ್ತೇ ।
ತ್ವಂ ವರುಣ ಉತ ಮಿತ್ರೋ ಅಗ್ನ
ಇತ್ಯಾಗ್ನಾವಾರುಣೀ ಭವತಿ । ದುರಿಷ್ಟಸ್ಯೈವಾವೇಷ್ಟ್ಯೈ ।
ಯದ್ಧ ವೈ ಕಿಂ ಚ ಯಜ್ಞಸ್ಯ ದುಷ್ಟುತಂ ದುಶ್ಶಸ್ತಂ ವಿಧುರಂ ತಸ್ಯ ಹ ವಾ ಏಷಾ ವೇಷ್ಟ್ಯೈ ।
ತ್ವಾಂ ವರ್ಧನ್ತಿ ಮತಿಭಿರ್ವಸಿಷ್ಠಾ
ಇತಿ ವೃದ್ಧಂ ಹ್ಯೇತದಹಃ ।
ತ್ವೇ ವಸು ಸುಷಣನಾನಿ ಸನ್ತು ಯೂಯಂ ಪಾತ ಸ್ವಸ್ತಿಭಿಸ್ಸದಾ ನ
ಇತ್ಯಾಶಿಷಮೇವೈತೇನಾಶಾಸ್ತೇ ೨೪೩

ಪ್ರ ಮಿತ್ರಯೋರ್ವರುಣಯೋರ್
ಇತಿ ಮೈತ್ರಾವರುಣಂ ಭವತಿ ।
ಸ್ತೋಮೋ ನ ಏತು ಶೂಷ್ಯಃ ।
ನಮಸ್ವಾಂಸ್ತುವಿಜಾತಯೋಃ
ಇತಿ ಜನದ್ವತ್ ।
ನವಮಮೇವೈತೇನಾಹಃ ಪ್ರಜನಯನ್ತಿ ।
ಯಾ ಧಾರಯನ್ತ ದೇವಾ
ಇತಿ ಧೃತ್ಯೈ ।
ಅನ್ತಮಿವ ಹ್ಯೇತರ್ಹಿ ಗಚ್ಛನ್ತಿ । ಛಾನ್ದೋಮೇಭ್ಯೋ ನೇತ್ಪರಾಞ್ಚೋಽತಿಪದ್ಯಾಮಹಾ ಇತಿ ।
ಸುದಕ್ಷಾ ದಕ್ಷಪಿತರಾ ।
ಅಸುರ್ಯಾಯ ಪ್ರಮಹಸಾ
ತಾ ನಃ ಸ್ತಿಪಾ ತನೂಪಾ ವರುಣಾ ಜರಿತೄಣಾಮ್ ।
ಮಿತ್ರ ಸಾಧಯತಂ ಧಿಯಃ
ಇತಿ ಸಿದ್ಧ್ಯಾ ಏವ ।
ಮಹಂ ಇನ್ದ್ರೋ ಯ ಓಜಸೇ
ತ್ಯೈನ್ದ್ರಂ ಭವತಿ ।
ಮಹದ್ಧ್ಯೇತದಹರ್ಯದಷ್ಟಾಚತ್ವಾರಿಂಶಮ್ ।
ಪರ್ಜನ್ಯೋ ವೃಷ್ಟಿಮಂ ಇವ ।
ಸ್ತೋಮೈರ್ವತ್ಸಸ್ಯ ವಾವೃಧೇ
ಇತಿ ವೃದ್ಧಂ ಹ್ಯೇತದಹಃ ।
ಕಣ್ವಾ ಇನ್ದ್ರಂ ಯದಕ್ರತ ಸ್ತೋಮೈರ್ಯಜ್ಞಸ್ಯ ಸಾಧನಮ್
ಇತಿ ಸಿದ್ಧ್ಯಾ ಏವ ।
ಪ್ರಜಾಮೃತಸ್ಯ ಪಿಪ್ರತ ಇತಿ ಜನದ್ವತ್ ।
ನವಮಾದೇವೈತದಹ್ನೋ ದಶಮಮಹಃ ಪ್ರಜನಯನ್ತಿ ।
ನವಮಾದ್ವಾ ಏತದಹ್ನಃ ಪ್ರಜಾತಂ ಯದ್ದಶಮಮಹಃ ।
ಯದ್ದ್ವಿತೀಯಸ್ಯಾಹ್ನ ಷನ್ದ್ರಾ ಗ್ನಂ ತದೈನ್ದ್ರಾ ಗ್ನಂ ಬಾರ್ಹತಮ್ ।
ಬಾರ್ಹತಂ ಹ್ಯೇತದಹಃ ।
ಸಮಯೀನ್ಯಾಜ್ಯಾನಿ ಭವನ್ತಿ ।
ನಾನಾಗ್ರಾಮಾವಿವ ಹ ವಾ ಏತೌ ಯತ್ಪೃಷ್ಠ್ಯಶ್ಚ ಷಡಹಶ್ಛನ್ದೋಮಾಶ್ಚ ।
ಸ ಯಥಾ ನಾನಾಗ್ರಾಮೌ ಮಿತ್ರಾಣಿ ವ್ಯತಿಷಜ್ಯಾಭಯ ಆಸೀಯಾತಾಂ ತಾದೃಕ್ತದ್ಯತ್ಸಮಯೀನ್ಯಾಜ್ಯಾನಿ ಭವನ್ತಿ ।
ಅಸಮಯೀನಿ ಹೈಕೇ ಕುರ್ವನ್ತಿ ।
ತಸ್ಮಾತ್ಸಮಯೀನ್ಯೇವ ಕಾರ್ಯಾಣಿ ಅಷ್ಟಾಚತ್ವಾರಿಂಶ ಸ್ತೋಮೋ ಭವತಿ ।
ಅಷ್ಟಾಚತ್ವಾರಿಂಶದಕ್ಷರಾ ವೈ ಜಗತೀ ।
ಪಶವೋ ಜಗತೀ ।
ಪಶವಶ್ಛನ್ದೋಮಾಃ ।
ಪಶುಷ್ವೇವೈತಜ್ಜಗತ್ಯಾಂ ಪ್ರತಿತಿಷ್ಠನ್ತೋ ಯನ್ತಿ ೨೪೪

ಪವಮಾನಸ್ಯ ಜಿಘ್ನತ
ಇತಿ ಬೃಹತೋ ರೂಪಂ । ಹರೇಶ್ಚನ್ದ್ರಾ ಇತಿ ಜಗತ್ಯೈ ।
ಪವಮಾನೋ ರಥೀತಮಶ್ಶುಭ್ರೇಮಿಶ್ಶುಭ್ರಶಸ್ತಮಃ ।
ಹರಿಶ್ಚನ್ದ್ರೋ ಮರುದ್ಗಣಃ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ಪವಮಾನ ವ್ಯಶ್ನುಹೀ
ತಿ ವೈಶ್ವದೇವಂ ರೂಪಮುಪಗಚ್ಛನ್ತಿ ।
ವೈಶ್ವದೇವಂ ಹ್ಯೇತದಹಃ ।
ತಾ ಘ್ನದ್ವತೀರ್ಭವನ್ತಿ ।
ಅನ್ತೋ ನವಮಮಹಃ ।
ಅನ್ತಮೇವೈತದಾಗತ್ಯೈತಾಭಿಸ್ಸರ್ವಂ ಪಾಪ್ಮಾನಮಪಘ್ನತೇ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಗಾತುವಿನ್ನಿಧನಮ್ ।
ಗಾತುಂ ವಿನ್ದಾಮಹಾ ಇತಿ ಸತ್ರಮಾಸತೇ ।
ಗಾತುಮೇವ ವಿನ್ದನ್ತೇ ।
ತದುಪರಿಷ್ಟೋಭವದ್ಭವತಿ ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ತದ್ವೇವಾಚಕ್ಷತೇ ಭರದ್ವಾಜಸ್ಯಾದಾರಸೃದಿತಿ ।
ಕ್ಷತ್ರಂ ವೈ ಪ್ರಾತರ್ದನಂ ದಾಶರಾಜ್ಞೇ ದಶ ರಾಜಾನಃ ಪರ್ಯತನ್ತ ಮಾನುಷೇ ।
ತಸ್ಯ ಹ ಭರದ್ವಾಜಃ ಪುರೋಹಿತ ಆಸ ।
ತಮುಪಾಧಾವದೃಷ । ಉಪ ತ್ವಾ ಧಾವಾಮ ।
ಇಹ ನಃ ಪ್ರಜಾನೀಹೀತಿ ।
ಸೋಽಕಾಮಯತ ಭರದ್ವಾಜೋ ಜಯೇಮ ಸಂಗ್ರಾಮಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸೋಽಬ್ರವೀತ್ಸ್ತುತ್ವಾ -- ಆ ವೈ ನ ಇನ್ದ್ರೋ ಹವಂ ಗಮಿಷ್ಯತಿ ।
ಜೇಷ್ಯಾಮೋ ವಾ ಇಮಂ ಸಂಗ್ರಾಮಮಿತಿ ೨೪೫

ಅಥ ಹೋಪಮಾ ಸಾವೇದಸೀ ಕಲ್ಯಾಣ್ಯಾಸ ಕ್ಷತ್ರಸ್ಯ ಪ್ರಾತರ್ದನಸ್ಯ ಜಾಯಾ ।
ತಸ್ಯೈ ಹ ಭ್ರಾತರಂ ಜಘ್ನುಃ ।
ತದ್ಧ ಧುವನಮಾಸ ।
ತಾಂ ಹ ಪರಿಧಾವನ್ತೀಮಿನ್ದ್ರೋ ಽಭಿದಧ್ಯೌ ।
ಸ ಹ ಶುಷ್ಕಾಜಿನಂ ಪರಿಧಾಯಾಭ್ಯವೇಯಾಯ ।
ತಸ್ಯ ಹ ವಿವಧೇ ಅಪೂಪಮೂತ ಇತರಾರ್ಧೇಽಪಾಸಕ್ತ ಆಸಾಮಿಕ್ಷಾ ಸರ್ಪಿಷಾ ಸಂಯತೇತರಾರ್ಧೇ ।
ಸ ಹಾಸ್ಯಾ ಅನ್ತಿಕಂ ನರ್ತಿತುಂ ದಧ್ರೇ ।
ತಾಂ ಹ ಸ್ಮ ನಯತ್ಸರ್ಪಿಷಾ ಪ್ರಲಿಮ್ಪತಿ ।
ತಂ ಹ ಸ್ಮ ಯದಪಸೇಧತ್ಯ್ । ಅಥ ಹ ಸ್ಮಾಸ್ಯಾ ಅನ್ತಿಕಮೇವ ನೃತ್ಯತಿ ।
ಸಾಯಮಾಸ । ವ್ಯಪೇಯುಃ ।
ತಾಂ ಹ ಪತಿಃ ಪಪ್ರಚ್ಛ ಕಿಮತ್ರ ಕಿಞ್ಚಿದ್ದಿವಾದೋಽದ್ರಾ ಕ್ಷೀರಿತಿ ।
ಸಾ ಹೋವಾಚ ನ ನು ತತೋಽನ್ಯತ್ । ಸ್ಥವಿರ ಏವ ಮೇಽದ್ಯಾನ್ತಿಕಮನರ್ತೀತ್ ।
ತಸ್ಯ ವಿವಧೇಽಪೂಪಮೂತ ಇತರಾರ್ಧೇಽಪಾಸಕ್ತೋಽಭೂದಾಮಿಕ್ಷಾ ಸರ್ಪಿಷಾ ಸಂಯತೇತರಾರ್ಧೇ ।
ತಂ ಯದಪಾಸೀತ್ಸ ಮಥಮೇದ್ಯಾನ್ತಿಕಮೇವಾನರ್ತೀದಿತಿ ।
ಸ ಹೋವಾಚಾ ವೈ ನ ಇನ್ದ್ರೋ ಹವಮಗಮತ್ ।
ಜೇಷ್ಯಾಮೋ ವಾ ಇಮಂ ಸಂಗ್ರಾಮಮ್ ೨೪೬

ಇನ್ದ್ರೋ ವೈ ಸೋಽಭೂತ್ । ತಂ ಮೋದ್ಧಿಂಸಿಷ್ಠಾಸ್ । ತಂ ಸಖೀಕೃತ್ಯ ಬ್ರೂತಾಜ್ಜಯಾಮ ಸಂಗ್ರಾಮಮಿತಿ ।
ಶ್ವೋ ಹ ಭೂತೇ ಪರಿಸಸ್ರುಃ ।
ಸ ಹಾಯಂ ತಾದೃಶೇನೈವ ವಿವಧೇನ ಪರಸ್ತರಾಮಿವ ನರ್ತಿತುಂ ದಧ್ರೇ ।
ತಂ ಹ ಸ್ಮ ಯತ್ಪ್ರೇಪ್ಸ್ಯತ್ಯ್ । ಅಥ ಹ ಸ್ಮೇತರಃ ಪರಸ್ತರಾಮೇವ ।
ಸಾ ಹೇಕ್ಷಾಞ್ಚಕ್ರೇ ಹನ್ತೈನಮಭಿವದಾನೀತಿ ।
ತಂ ಹಾಭ್ಯುವಾದ
ಕಿಂ ತೇ ಮಜಾಕ ಮೂತ
ಇತಿ ।
ಯ ಕಲ್ಪಿತೋಪನರಾಹಿ
ಇತೀನ್ದ್ರ ಃ! ।
ವಿ ತೇ ಮಜಾಕ ಶೀಯತಾಂ ಮಹತೋ ಜೋಷವಾಜಿನ
ಇತ್ಯುಪಮಾ ಸಾವೇದಸೀ ।
ವಿ ಚೇತ್ಪುತ್ರಕ ಶೀಯಾತೈ ಸಮಿತ್ತಚ್ಚಿನವತ್ಪಿತಾ
ಇತೀನ್ದ್ರ ಃ! ।
ವಿಷಂ ಮಜಾಕ ತೇ ಭೂಯಾತ್ಪ್ರಾವಭ್ರಾವೇವ ಸರ್ಪತ
ಇತ್ಯುಪಮಾ ಸಾವೇದಸೀ ।
ವಿಷಂ ಚಿತ್ಪುತ್ರಕಾ ಸತೀ ಮೃಗಂ ತೇನ ಹನತ್ಪಿತಾ
ಇತೀನ್ದ್ರ ಃ! ।
ಪರೋ ಮಜಾಕ ಧಾವಾನುಕೂಲಂ ಪಥೈವ ಯನ್
ಇತ್ಯುಪಮಾ ಸಾವೇದಸೀ ।
ಪರಶ್ಚಿತ್ಪುತ್ರಕಾ ಸತ್ಯುಪಕೂಲಂ ಪಿತಾಯತಿ
ಇತೀನ್ದ್ರ ಃ! ।
ಪ್ರಿಯೋ ಮೇ ಮಹಿರೋ ದೃಶೇ ಹಸ್ತೇನಾಭಿಮೃಶಾತ್ತತ
ಇತ್ಯುಪಮಾ ಸಾವೇದಸೀ ।
ಹಿಮಿತಿ ಸ್ಮ ಕುರುಥಾ ಪೇವಸ್ಮ ಹಸ್ತಮಸ್ಯಥ
ಕಿಮೋಭೂತ್ಕಥೋಭೂತ್
ಕಥಾರ್ಮೇ ಮಹಿರಃ ಪ್ರಿಯೋ ಹಸ್ತೇನಾಭಿಮೃಶಾತ್ತತ
ಇಟೀನ್ದ್ರ ಃ! ।
ಏವೋಽಭೂತ್ತತೋಽಭೂತ್
ಯಥಾ ತೇ ಮಹಿರಃ ಪ್ರಿಯೋ ಹಸ್ತೇನಾಭಿಮೃಶಾತ್ತತ
ಇತೀನ್ದ್ರ ಃ! ।
ಏವೋಽಭೂತ್ತತೋಽಭೂತ್
ಯಥಾ ತೇ ಮಹಿರಃ ಪ್ರಿಯೋ ಹಸ್ತೇನಾಭಿಮೃಶಾತ್ತತ
ಇತ್ಯುಪಮಾ ಸಾವೇದಸೀ ೨೪೭

ತಂ ಹಾನುಸಂದ್ರುತ್ಯೋವಾಚ ಜಯಾಮ ಸಂಗ್ರಾಮಮಿತಿ ।
ಸ ಹಾಜಿನಮುಪಾಧ್ನಾನ ಉವಾಚ
ಯಥೇಮಾಮಮೂರ್ವ್ಯುಪಾಪತತಿ ಭಾಸ್ವಿತಿ ।
ಏವಂ ಕ್ಷತ್ರಸ್ಯ ಮಾನುಷಾದ್ವ್ಯುಪಾಪತತ ಶತ್ರವಃ
ಇತಿ ಹೈವೈಣೇಯಲೋಮಾನಿ ಶಾತಯಾಞ್ಚಕ್ರೇ ।
ತೇ ಹೈವಾಶ್ವರಥಾ ಉತ್ತಸ್ಥುಃ ।
ತೈರ್ವೈ ಸ ತಂ ಸಂಗ್ರಾಮಮಜಯತ್ ।
ಸೋಽಬ್ರವೀದ್ಭರದ್ವಾಜೋ ನ ವೈ ದಾರೇಽಸೃನ್ಮೇತಿ ।
ಯದಬ್ರವೀದ್ಭರದ್ವಾಜೋ ನ ವೈ ದಾರೇಽಸೃನ್ಮೇತಿ । ತದೇವಾದಾರಸೃತೋಽದಾರಸೃತ್ತ್ವಮ್ ।
ತದೇತದ್ವಿಜಿತಿರ್ಭ್ರಾತೃವ್ಯಹಾ ಸಾಮ ।
ವಿಜನತೇ ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ । ದಾರೇ ದ್ವಿಷನ್ತಂ ಭ್ರಾತೃವ್ಯಂ ಸಾರಯತಿ । ನಾತ್ಮನಾ ದಾರೇ ಧಾವಯತಿ ।
ಅಥೋ ಸೇನ್ದ್ರ ಮೇವ ।
ಇನ್ದ್ರೋ ವಾ ಏಷಾಮೇತೇನ ಹವಮಗಚ್ಛದ್ । ಆಸ್ಯೇನ್ದ್ರೋ ಹವಂ ಗಚ್ಛತಿ ಯ ಏವಂ ವೇದ ।
ತದ್ವಷ್ಟಾಕ್ಷರಣಿಧನಂ ಭವತ್ಯಷ್ಟಾಕ್ಷರಾ ವೈ ಗಾಯತ್ರೀ ।
ಅಷ್ಟಾಶಫಾಃ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಯದು ಭರದ್ವಾಜೋಽಪಶ್ಯತ್ತಸ್ಮಾದ್ಭರದ್ವಾಜಸ್ಯಾದಾರಸೃದಿತ್ಯಾಖ್ಯಾಯತೇ ೨೪೮

ಅಥ ಸೈನ್ಧುಕ್ಷಿತಮ್ ।
ಸಿನ್ಧುಕ್ಷಿದ್ವಾ ಅನ್ತಂ ವಾಚೋಽಪಶ್ಯತ್ ।
ವಾಚಂ ಛನ್ದೋಮೈಸ್ಸಮಿಚ್ಛನ್ತಿ ।
ಆಪ್ತೇವ ವಾ ಏತರ್ಹಿ ವಾಗ್ಭವತಿ ಛನ್ದೋಮೇಷು ।
ತಾಮೇವೈತತ್ಸಂವಿನ್ದನ್ತಿ ।
ಅಥೋ ಅನ್ತ್ಯೇನ ಸಾಮ್ನಾನ್ತ್ಯಂ ಸ್ವರ್ಗಂ ಲೋಕಮಶ್ನವಾಮಹಾ ಇತಿ ।
ತದೈಳಂ ಭವತಿ ।
ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥ ಹರಿಶ್ರೀನಿಧನಮ್ ।
ಪ್ರಜಾಪತೌ ಹ ವಾ ಅಗ್ರೇ ಶ್ರೀರಾಸ ।
ಸ ಇನ್ದ್ರೋ ಽಕಾಮಯತ ಯೇಯಂ ಪ್ರಜಾಪತೌ ಶ್ರೀರ್ಮಯ್ಯೇಷಾ ಸ್ಯಾದಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನ ಹರಿಶ್ರೀರಿತಿ ಪ್ರಜಾಪತೇ ಶ್ರಿಯಮಹರತ್ ।
ತದ್ಧರಿಶ್ರೀನಿಧನಸ್ಯ ಹರಿಶ್ರೀನಿಧನತ್ವಮ್ ।
ತದೇತಚ್ಛ್ರೀಸ್ಸವಸ್ಸಾಮ ।
ಅಶ್ನುತೇ ಶ್ರಿಯಂ ಯ ಏವಂ ವೇದ ।
ದೇವಾಸುರಾ ಅಸ್ಪರ್ಧನ್ತ ।
ತೇಷು ಹೋಭಯೇಷ್ವೇವ ಶ್ರೀರಾಸ ।
ಸ ಇನ್ದ್ರೋ ಽಕಾಮಯತ ವೃಞ್ಜೀಯಾಸುರಾಣಾಂ ಶ್ರಿಯಮಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನ ಹರಿಶ್ರೀರಿತ್ಯೇವಾಸುರಾಣಾಂ ಶ್ರಿಯಮವೃಂಕ್ತ ।
ತದ್ವೇವ ಹರಿಶ್ರೀನಿಧನಸ್ಯ ಹರಿಶ್ರೀನಿಧನತ್ವಮ್ ।
ತದೇತಚ್ಛ್ರೀರೇವ ಸಾಮ ।
ಅಶ್ನುತೇ ಶ್ರಿಯಂ । ವೃಂಕ್ತ ದ್ವಿಷತೋ ಭ್ರಾತೃವ್ಯಸ್ಯ ಶ್ರಿಯಂ ಯ ಏವಂ ವೇದ ।
ತತ್ತ್ರ್! ಯಕ್ಷರಣಿಧನಂ ಭವತಿ ತ್ರಯೋ ವಾ ಇಮೇ ಲೋಕಾ -- ಏಷಾಂ ಲೋಕಾನಾಂ ವಿಧೃತ್ಯೈ ೨೪೯

ಅಥಾಙ್ಗಿರಸಾಂ ನಿವೇಷ್ಟಃ ।
ಅಙ್ಗಿರಸೋ ವಾ ಅಕಾಮಯನ್ತಾವ ಪಶೂನ್ರುನಧೀಮಹೀತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತಾನ್ಸರ್ವಾಭ್ಯೋ ದಿಗ್ಭ್ಯಃ ಪಶವೋಽಭಿನ್ಯವೇಷ್ಟತ್ವಮ್ ।
ತೇಽಬ್ರುವನ್ಸಂ ವೈ ನ ಇಮಾ ಇಳಾ ಅಕ್ಷಾರಿಷುರಿತಿ ।
ಪಶವೋ ವಾ ಇಳಾ ।
ತಸ್ಮಾದ್ವಿಳಾನಾಂ ಸಂಕ್ಷಾರಃ ।
ಅಥ ಬಾಭ್ರವಂ ಗ್ವಾಮಿರ್ನಿಧನಂ ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ಬಭ್ರುರ್ವೈ ಕುಮ್ಭ್ಯೋಽಕಾಮಯತ ಪಶುಭಿಸ್ಸೂಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಗ್ವಾಭಿರಿತ್ಯೇವ ನಿಧನಮುಪೈತ್ ।
ತತೋ ವೈ ಸ ಪಶುಭಿರಸೂಯತ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ । ಬಹುಪಶುರ್ಭವತಿ ಯ ಏವಂ ವೇದ ।
ಯದು ಬಭ್ರುಃ ಕುಮ್ಭ್ಯೋಽಪಶ್ಯತ್ತಸ್ಮಾದ್ಬಾಭ್ರವಮಿತ್ಯಾಖ್ಯಾಯತೇ ।
ಅಥ ಋಷಭಃ ಪವಮಾನಃ ।
ಪಶವೋ ವೈ ಸಿಮಾಃ । ಪಶವೋ ರೇವತಯಃ । ಪಶವ ಋಷಭಃ ।
ಋಷಭಮೇವೈತತ್ಪಶುಷ್ವಪಿಸೃಜನ್ತಿ ಮಿಥುನತ್ವಾಯ ಪ್ರಜನನಾಯ ।
ಪ್ರ ಮಿಥುನೇನ ಜಾಯತೇ ಯ ಏವಂ ವೇದ ।
ಅಥೋ ಹೈಷಾಮೇತೇನೈವ ಸರ್ವೇ ಛನ್ದೋಮಾ ಋಷಭವನ್ತಃ ಕ್ರಿಯನ್ತೇ ೨೫೦

ಅಥ ಗೌಷೂಕ್ತಂ ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ಗೌಷೂಕ್ತಿಶ್ಚ ವಾ ಆಶ್ವಸೂಕ್ತಿಶ್ಚೈಷೌ ।
ತೌ ಹ ಬಹು ಪ್ರತಿಗೃಹ್ಯ ಗರಗಿರಾವಿವ ಮೇನಾತೇ ।
ತಾವಕಾಮಯೇತಾಮಪೇಮಂ ಗರಂ ಗೀರ್ಣಂ ಹನೀವಹೀತಿ ।
ತಾವೇತೇ ಸಾಮನೀ ಅಪಶ್ಯತಾಮ್ ।
ತಾಭ್ಯಾಮಸ್ತುವಾತಾಮ್ ।
ತಯೋರನ್ಯತರೋಽಗ್ನಿರಾಹುತ ಇತ್ಯೇವೇಮಂ ಲೋಕಮಭಿನಿರಾಜುಹೋತ್ ।
ಅಗ್ನಿಂ ಹ ವಾ ಅಸ್ಮಿಁ ಲ್ಲೋಕೇ ನ ಕಿಞ್ಚನಾತಿರಿಚ್ಯತೇ ।
ಶುಕ್ರ ಆಹುತ ಇತ್ಯೇವಾನ್ಯತರೋಽಮುಂ ಲೋಕಮಭಿನಿರಾಜುಹೋತ್ ।
ಆದಿತ್ಯಮು ಹ ವಾ ಅಮುಷ್ಮಿಁ ಲ್ಲೋಕೇ ನ ಕಿಞ್ಚನಾತಿರಿಚ್ಯತೇ ।
ತತೋ ವೈ ತೌ ತಂ ಗರಂ ಗೀರ್ಣಮಪಾಹ್ನಾತಾಮ್ ।
ತತ ಏನಯೋರ್ಯಥಾ ದ್ವಿದತಃ ಕುಮಾರಸ್ಯ ಸಾತಂ ಸ್ಯಾದ್ । ಏವಂ ಸಾತಮಾಸ ।
ಯೋ ಗರಗೀರ್ಮನ್ಯೇತಾಪ್ರತಿಗೃಹ್ಯಸ್ಯ ಪ್ರತಿಗೃಹ್ಯಾನಾಶ್ಯಾನ್ನಸ್ಯಾನ್ನಮಶಿತ್ವಾ । ಸ ಏತಾಭ್ಯಾಂ ಸ್ತುವೀತ ।
ಅಪ ಹೈವ ತಂ ಗರಂ ಗೀರ್ಣಂ ಹತೇ ।
ಯದೇನೇನ ಕಿಂ ಚ ಪಾಪಂ ಕೃತಂ ಭವತಿ । ತದಪಹತೇ ।
ತೇ ಉ ಪಞ್ಚಾಕ್ಷರಣಿಧನೇ ಭವತಃ ಪಞ್ಚಪದಾ ವೈ ಪಂಕ್ತಿಃ ।
ಪಾಂಕ್ತಾಃ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಯದು ಗೌಷೂಕ್ತಿಶ್ಚಾಶ್ವಸೂಕ್ತಿಶ್ಚೈಷಾವಪಶ್ಯತಾಂ ತಸ್ಮಾದ್ಗೌಷೂಕ್ತಾಶ್ವಸೂಕ್ತೇ ಇತ್ಯಾಖ್ಯಾಯತೇ ೨೫೧

ಪರೀತೋ ಷಿಂಚತಾ ಸುತಮ್
ಇತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತ್ಯೋ ಹ್ಯೇತದಹಃ ।
ಸೋಮೋ ಯ ಉತ್ತಮಂ ಹವಿರ್
ಇತ್ಯುತ್ತಮಂ ಹ್ಯೇತದ್ಧವಿಃ ಕ್ರಿಯತೇ ಯಚ್ಛನ್ದೋಮಾಃ ।
ದಧನ್ವಾಂ ಯೋ ನರ್ಯೋ ಅಪ್ಸ್ವನ್ತರಾ ಸುಷಾವ ಸೋಮಮದ್ರಿ ಭಿಃ
ನೂನಂ ಪುನಾನೋಽವಿಭಿಃ ಪರಿ ಸ್ರವಾದಬ್ಧಸ್ಸುರಭಿನ್ತರಃ ।
ಸುತೇ ಚಿತ್ತ್ವಾಪ್ಸು ಮದಾಮೋ ಅನ್ಧಸಾ
ಇತ್ಯನ್ಧಸ್ವತೀರ್ಭವನ್ತ್ಯನ್ನಂ ವಾ ಅನ್ಧೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ಶ್ರೀಣನ್ತೋ ಗೋಭಿರುತ್ತರಮ್
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ಪರಿ ಸ್ವಾನಶ್ಚಕ್ಷಸೇ ದೇವಮಾದನಃ ಕ್ರತುರಿನ್ದುರ್ವಿಚಕ್ಷಣ
ಇತಿ ಚತುರೃಚಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ತಾಸು ಪೃಷ್ಠಮ್ ।
ಪೃಷ್ಠೇನ ವೈ ದೇವಾಃ ಪೃಷ್ಠಮಭವನ್ ।
ಪೃಷ್ಠಮಸಾಮೇತಿ ಸತ್ರಮಾಸತೇ ।
ಪೃಷ್ಠಮೇವ ಭವನ್ತಿ ।
ದೇವಾ ವಾ ಅಕಾಮಯನ್ತ ಪೃಷ್ಠಂ ಸ್ಯಾಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಪೃಷ್ಠಮಭವನ್ ।
ತತ್ಪೃಷ್ಠಂ ವಾ ಅಯಮಗ್ನಿರಸ್ಯ ಲೋಕಸ್ಯ । ಪೃಷ್ಠಮಯಂ ವಾಯುರನ್ತರಿಕ್ಷಸ್ಯ । ಪೃಷ್ಠಮಸಾವಾದಿತ್ಯೋ ದಿವಃ ।
ತತ್ಪೃಷ್ಠಮಿತಿ ವೈ ಪ್ರಶಂಸನ್ತ್ಯತ್ರ ಪ್ರತಿಷ್ಠಾಪಯನ್ತಿ ।
ತಚ್ಛ್ರೀರ್ವೈ ಪೃಷ್ಠಂ । ವರ್ಷ್ಮ ವೈ ಪೃಷ್ಠಮ್ ।
ಅಶ್ನುತೇ ಶ್ರಿಯಂ । ವರ್ಷ್ಮ ಭವತಿ ಯ ಏವಂ ವೇದ ।
ತದೂರ್ಧ್ವೇಳಂ ಭವತಿ ಬೃಹತೋ ರೂಪಂ ಬಾರ್ಹತೇಽಹನ್ ।
ತೇನ ವೈ ರೂಪಸಮೃದ್ಧಮ್ ೨೫೨

ಅಥ ಸಂಕೃತಿ ।
ತ್ರಿರಾತ್ರೇಣ ವೈ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ಸ ಏಷಾಮಸಂಗೃಹೀತೋ ವೀವಾವೃಹ್ಯತ ।
ತಂ ಗಾಯತ್ರಪಾರ್ಶ್ವೇಣೈವೋದತ್ತಭ್ನುವನ್ । ಸನ್ತನಿನಾ ಸಮತನ್ವನ್ । ಸಂಕೃತಿನಾ ಸಮಕುರ್ವಂಸ್ । ತ್ರಿಷನ್ಧಿನಾ ಸಮದಧುಃ । ಶ್ರಾಯನ್ತೀಯೇನ ಸಮಶ್ರೀಣನ್ನ್ । ಅರಿಷ್ಟೇನಾರಿಷ್ಟತಾಮಗಮಯನ್ ।
ತ್ರಿರಾತ್ರೇಣ ಯದ್ದೇವಾ ಸ್ವರ್ಗಂ ಲೋಕಮಾಯನ್ನೇತೇನ ವೈ ತದಾಯನ್ ।
ಸ ಏಷಾಂ ಸಂವ್ಯವೃಹ್ಯತ ।
ತಸ್ಮಿನ್ನೇತಾನಿ ಭೂಯಿಷ್ಠಾನಿ ಸಾಮಾನಿ ಕ್ರಿಯನ್ತೇ ।
ಏತಮೇವೈತತ್ತ್ರಿರಾತ್ರಂ ಭಿಷಜ್ಯನ್ತಿ ।
ಭೇಷಜಮೇವೈತೇನ ಪ್ರಾಯಶ್ಚಿತ್ತಿಂ ಕುರ್ವತೇ ।
ಸಂಕೃತಿನಾ ವೈ ದೇವಾಃ ಪ್ರಜಾಃ ಪಶೂಞ್ಛ್ರಿಯಮನ್ನಾದ್ಯಂ ಸಮಕುರ್ವತ ।
ತತ್ಸಂಕೃತಿನಸ್ಸಂಕೃತಿತ್ವಮ್ ।
ಪ್ರಜಾಃ ಪಶೂಞ್ಛ್ರಿಯಮನ್ನಾದ್ಯಂ ಸಂಸ್ಕುರುತೇ ಯ ಏವಂ ವೇದ ।
ತಸ್ಯೋ ಏತೇ ವೃಕಣಾವಾ ಭವನ್ತ್ಯ್ । ಉಭಯ್ಯಾ ಏವ ವಾಚ ಉಪಾಪ್ತ್ಯೈ ಯಾ ಚ ಗ್ರಾಮ್ಯಾ ಯಾ ಚಾರಣ್ಯಾ ।
ತಚ್ಚತುರ್ನಿಧನಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ೨೫೩

ಅಥ ಕೌನ್ಮಲಬರ್ಹಿಷಮ್ ।
ಏತೇನ ವೈ ಕುನ್ಮಲಬರ್ಹಿರುಭಯಾನ್ಪಶೂನಸ್ಪೃಣೋದ್ಗವ್ಯಾಂಶ್ಚಾಶ್ವ್ಯಾಂಶ್ಚ ।
ತಾನೇವೈತೇನ ಸ್ಪೃಣೋತಿ ।
ಕುನ್ಮಲಬರ್ಹಿರ್ವಾ ಅಕಾಮಯತೋಭಯಾನ್ಪಶೂನವರುನ್ಧೀಯ ಗವ್ಯಾಂಶ್ಚಾಶ್ವ್ಯಾಂಶ್ಚೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತ್ವಂ ಹ್ಯೇಹಿ ಚೇರವೇ ವಿದಾ ಭಗಂ ವಸುತ್ತಯೇ ।
ಉದ್ವಾವೃಷಸ್ವ ಮಘವನ್ಗವಿಷ್ಟಯ ಉದಿನ್ದ್ರೋ ಅಶ್ವಮಿಷ್ಟಯೇ
ಇತ್ಯೇವ ಗವ್ಯಾಂಶ್ಚಾಶ್ವ್ಯಾಂಶ್ಚ ಪಶೂನವಾರುನ್ದ್ಧ ।
ತೈರು ಪಶುಭಿರಿಷ್ಟ್ವಾ ಸ್ವರ್ಗಮೇವ ಲೋಕಮಗಚ್ಛತ್ ।
ತದೇತತ್ಪಶವ್ಯಂ ಸ್ವರ್ಗ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದು ಕುನ್ಮಲಬರ್ಹಿರಪಶ್ಯತ್ತಸ್ಮಾತ್ಕೌನ್ಮಲಬರ್ಹಿಷಮಿತ್ಯಾಖ್ಯಾಯತೇ ೨೫೪

ಅಥ ದೇವಸ್ಥಾನಮ್ ।
ಏತೇನ ವೈ ತೃತೀಯೇನ ತ್ರ್! ಯಹೇಣ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ಸ ಏಷಾಮಸಂಗೃಹೀತೋ ವೀವಾಸ್ರಂಸತ ।
ತ ಏತತ್ಸಾಮಾಪಶ್ಯನ್ ।
ತೇನೈನಮೇಽಸ್ಥಾದಿದಂ ಏಽಸ್ಥಾದಿದಮಿತ್ಯೇವಾಸ್ಥಾಪಯನ್ ।
ತಮೇತೇನೈವಾದೃಂಹನ್ ।
ತದ್ಯದೇತೇನಾಸ್ಥಾಪಯಂಸ್ತದ್ದೇವಸ್ಥಾನಸ್ಯ ದೇವಸ್ಥಾನತ್ವಮ್ ।
ತದ್ಯದತ್ರ ದೇವಸ್ಥಾನಂ ಭವತ್ಯೇತಮೇವೈತತ್ತ್ರಿರಾತ್ರಂ ಪ್ರತಿಷ್ಠಾಪಯನ್ತ್ಯ್ । ಏತಂ ದೃಂಹನ್ತಿ ।
ತಂ ಸಂಸ್ಕೃತ್ಯ ತೇನ ಸ್ವರ್ಗಂ ಲೋಕಮಾಯನ್ ।
ತಸ್ಮಿನ್ಯತ್ಸ್ವರ್ಗೇ ಲೋಕೇ ಸಮತಿಷ್ಠನ್ತ ತದ್ವೇವ ದೇವಸ್ಥಾನಸ್ಯ ದೇವಸ್ಥಾನತ್ವಮ್ ।
ತೇ ಯತ್ರ ಸ್ವರ್ಗಂ ಲೋಕಮಾಯಂಸ್ತದ್ಧೀದಂ ಸರ್ವಂ ಸಂಗೋಪಾಞ್ಚಕ್ರೇ ಯಥಾಸ್ಯೈತನ್ನಿಧನಮ್ ।
ತೇನ ಹೈತೇನ ಸಾಮ್ನಾ ಮಹದೇವಾನಪಜಯ್ಯಂ ಜಯತಿ ।
ತಸ್ಯೈಷ ಶ್ಲೋಕೋ
ವೈರೂಪಂ ದೇವಾ ಅಭಿಸಂವಸಾನಾಸ್ತದಾತಸ್ಥುಸ್ತದು ಹೈಷಾಂ ವ್ಯಾರತೇ ।
ಹಿಂಕೃತ್ಯ ಪುನರಾರುಹ್ಯ ಸರ್ವಂ ಏವಾಧೂನ್ವತ ಜರಸಂ ತನೂನಾಮಿತಿ ।
ತ ಏತಮೇವ ಛನ್ದೋಮ್ಯಂ ತ್ರ್! ಯಹಂ ಸಂಸ್ಕೃತ್ಯ ದೇವಸ್ಥಾನಮೇವ ಸಾಮ ಸಮಾರುಹ್ಯ ಸ್ವರ್ಗಂ ಲೋಕಮಗಚ್ಛನ್ ।
ತಸ್ಯೋ ಏವೈಷ ಶ್ಲೋಕೋ
ಯದ್ವೈರೂಪ ಉಪಹತೇ ವ್ಯದ್ಧ್ವೇ ಹಿಂಕೃಣ್ವನ್ತಸ್ಸಮತಿಷ್ಠನ್ತ ಯಾಮಮ್ ।
ತದ್ದೇವಸ್ಥಾನಮಸೃಜನ್ತ ಸಾಮ ತೇನ ದೇವಾಸೋ ಅಮೃತತ್ವಮಾಯನ್
ಇತ್ಯೇವಾಮೃತತ್ವಮಗಚ್ಛನ್ ೨೫೫

ಪ್ರಜಾಪತಿರನ್ನಾದ್ಯಮಸೃಜತ ।
ತತ್ಕ್ಷಯಾದ್ಬಿಭ್ಯದ್ದಿಶೋ ವ್ಯುದಕ್ರಾಮತ್ ।
ಸೋಽಕಾಮಯತಾವಾನ್ನಾದ್ಯಂ ರುನ್ಧೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನೈನದೇಽಸ್ಥಾದಿದಮೇಽಸ್ಥಾದಿದಮಿತ್ಯೇವ ಸರ್ವಾಭ್ಯೋ ದಿಗ್ಭ್ಯೋಽನ್ನಾದ್ಯಮವಾರುನ್ದ್ಧ ।
ಸ ಯೋಽನ್ನಾದ್ಯಕಾಮ ಸ್ಯಾಚ್ಚತುರ್ಬ್ರೂಯಾತ್ ।
ಚತಸ್ರೋ ದಿಶಃ ।
ದಿಗ್ಭ್ಯ ಏವಾನ್ನಾದ್ಯಮವರುನ್ದ್ಧೇ ।
ಅಥ ಯ ಸ್ವರ್ಗಕಾಮ ಸ್ಯಾತ್ತ್ರಿರ್ಬ್ರೂಯಾತ್ತ್ರಯೋ ವಾ ಇಮೇ ಲೋಕಾ -- ಏಷಾಂ ಲೋಕಾನಾಂ ಸಮಷ್ಟ್ಯೈ ।
ಅಥಾರ್ಕಪುಷ್ಪಮನ್ನಂ ವಾ ಅರ್ಕಃ ।
ತಸ್ಯೈತತ್ಪುಷ್ಪಂ ಯದಾರಣ್ಯಮ್ ।
ತದ್ಧ್ಯರಣ್ಯೇ ಜಾಯತ -- ಆರಣ್ಯಸ್ಯೈವಾನ್ನಾದ್ಯಸ್ಯಾವರುದ್ಧ್ಯೈ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತೇ ಸಾಮನೀ ಅಪಶ್ಯನ್ ।
ತಾಭ್ಯಾಮಸ್ತುವತ ।
ತತೋ ವೈ ತೇ ಸ್ವರ್ಗಂ ಲೋಕಮಾಶ್ನುವತ ।
ತೇ ಏತೇ ಸ್ವರ್ಗ್ಯೇ ಸಾಮನೀ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ತದ್ಯಥಾ ವಾ ಅದೋ ವೃಷ್ಟೇ ನಿಯಾನೇಽನುದದೃಶಾತೇ ಏವಮೇವೈತಾಭ್ಯಾಂ ಸ್ವರ್ಗೋ ಲೋಕೋಽನುದದೃಶೇ ।
ತೇ ಉ ಸ್ವರ್ಗ್ಯೇ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ೨೫೬

ಅಥದೈರ್ಘಶ್ರವಸಮನ್ನಂ ವೈ ದೈರ್ಘಶ್ರವಸಮನ್ನಾದ್ಯಸ್ಯೈವಾವರುದ್ಧ್ಯೈ ।
ದೀರ್ಘತಮಾ ವೈ ಮಾಮತೇಯಸ್ಸನಿಂ ಪ್ರಯನ್ನಬ್ರವೀದ್ದೀರ್ಘಶ್ರವಸಂ ಕನೀಯಾಂಸಂ ಭ್ರಾತರಮೇತೇಷಾಂ ನೋ ಭಾರ್ಯಾಣಾಮಧ್ಯಕ್ಷ ಸ್ಯಾ ಇತಿ ।
ಸೋಽಕಾಮಯತ ದೀರ್ಘಶ್ರವಾ -- ಅವಾನ್ನಾದ್ಯಂ ರುನ್ಧೀಯ । ನೇಮೇ ಭಾರ್ಯಾ ಅಶನಾಯೇಯುರಿತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಗ್ನಿಮಸ್ತೌದ್
ಯೋ ವಿಶ್ವಾ ದಯತೇ ವಸು ಹೋತಾ ಮನ್ದ್ರೋ ಜನಾನಾಮ್ ।
ಮಧೋರ್ನ ಪಾತ್ರಾ ಪ್ರಥಮಾನ್ಯಸ್ಮೈ ಪ್ರ ಸ್ತೋಮಾ ಯನ್ತ್ವಗ್ನಯೇ
ಇತಿ ।
ಸೋಽಸ್ಮಾ ಅಗ್ನಿ ಸ್ತುತಸ್ಸರ್ವಮೇವೇದಂ ಮಧುಮಯಮನ್ನಾದ್ಯಮಕರೋತ್ ।
ತೇ ಹಾಸ್ಯ ಭಾರ್ಯಾ ಆಸುರ್ಯಥಾ ಮಧ್ವಶ್ನನ್ತ ಏವಮ್ ।
ಸ ಹೈಷ ಮಹಾನೇವ ರಸೋ । ಮಹದೇವೈತದನ್ನಾದ್ಯಮ್ ।
ತೇನ ಹೈತೇನ ಸಾಮ್ನಾ ಮಹದೇವಾನ್ನಾದ್ಯಮವರುನ್ದ್ಧೇ ।
ಯದು ದೀರ್ಘಶ್ರವಾ ಅಪಶ್ಯತ್ತಸ್ಮಾದ್ದೈರ್ಘಶ್ರವಸಮಿತ್ಯಾಖ್ಯಾಯತೇ ೨೫೭

ಅಥ ಯಶಃ ।
ಯಶಸಾ ವೈ ದೇವಾ ಯಶೋಽಭವನ್ ।
ಯಶೋಽಸಾಮೇತಿ ಸತ್ರಮಾಸತೇ ।
ಯಶ ಏವ ಭವನ್ತಿ ।
ತಚ್ಛ್ರೀರ್ವೈ ಯಶಃ ।
ಅಶ್ನುತೇ ಶ್ರಿಯಂ ಯ ಏವಂ ವೇದ ।
ತದು ಸಪ್ತತ್ರಿಂಶದಕ್ಷರಾಣಧನಂ ಭವತಿ ।
ಷಟ್ತ್ರಿಂಶದಕ್ಷರಾ ವೈ ಬೃಹತೀ ।
ಬೃಹತೀ ಸ್ವರ್ಗೋ ಲೋಕಃ ।
ಅಸಾವಾದಿತ್ಯಸ್ಸಪ್ತತ್ರಿಂಶಃ ।
ಏತಸ್ಮಿನ್ನೇವ ತತ್ಸ್ವರ್ಗೇ ಲೋಕೇಽನ್ತತಃ ಪ್ರತಿತಿಷ್ಠನ್ತಿ ।
ತಸ್ಯೋ ಏತಾಂ ಕಲ್ಯಾಣೀಮಾಶಿಷಮನ್ತತ ಆಶಾಸತ
ಆಯುರ್ವಿಶ್ವಾಯುರ್ವಿಶ್ವಂ ವಿಶ್ವಮಾಯುರಶೀಮಹೀ
ತಿ ।
ತಯೈವೈತತ್ಸಮೃಧ್ಯೋದೃಚಮಶ್ನುವತೇ ।
ಅಥ ಶುಲ್ಕಃ ।
ಶುಲ್ಕೇನ ವೈ ದೇವಾಶ್ಶುಲ್ಕೋಽಭವನ್ ।
ಶುಲ್ಕೋಽಸಾಮೇತಿ ಸತ್ರಮಾಸತೇ ।
ಶುಲ್ಕ ಏವ ಭವನ್ತಿ ।
ತಚ್ಛ್ರೀರ್ವೈ ಶುಲ್ಕಃ ।
ಅಶ್ನುತೇ ಶ್ರಿಯಂ ಯ ಏವಂ ವೇದ ।
ತದ್ವೇವಾಚಕ್ಷತ ಆಶ್ವಮಿತಿ ।
ದೇವಾ ವೈ ಸ್ವರ್ಗಕಾಮಾಸ್ತಪೋಽತಪ್ಯನ್ತ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ಸ್ವರ್ಗಂ ಲೋಕಮಾಶ್ನುವತ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಅಥ ಭರ್ಗಃ ।
ಭರ್ಗೇಣ ವೈ ದೇವಾ ಭರ್ಗೋಽಭವನ್ ।
ಭರ್ಗೋಽಸಾಮೇತಿ ಸತ್ರಮಾಸತೇ ।
ಭರ್ಗ ಏವ ಭವನ್ತಿ ।
ತಚ್ಛ್ರೀರ್ವೈ ಭರ್ಗಃ ।
ಅಶ್ನುತೇ ಶ್ರಿಯಂ ಯ ಏವಂ ವೇದ ।
ಅಥಾಭಿಶವಮುಭಯಾಭೀಶುತಾಯೈ ।
ಯಥಾ ಹೈಕಾಭೀಶುನಾ ಯಾಯಾದೇವಂ ತದ್ಯದನ್ಯತರದ್ । ಅಥ ಯಥೋಭಯಾಭೀಶುನಾ ಯಾಯಾದೇವಂ ತದ್ಯದುಭೇ ।
ಏತಾಭ್ಯಾಂ ವೈ ದ್ವಾದಶರಾತ್ರೋಽರಿಷ್ಟಸ್ಸಂಗೃಹೀತ ಏತಿ ।
ಅರಿಷ್ಟೇನ ಸಂಗೃಹೀತೇನ ದ್ವಾದಶರಾತ್ರೇಣ ಪಾಪ್ಮಾನಂ ತರತಿ ಶ್ರಿಯಮಶ್ನುತೇ ಯ ಏವಂ ವೇದ ೨೫೮

ಅಥ ದೀರ್ಘತಮಸೋಽರ್ಕೋಽನ್ನಂ ವಾ ಅರ್ಕೋಽನ್ನಾದ್ಯಸ್ಯೈವಾವರುದ್ಧ್ಯೈ ।
ದೀರ್ಘತಮಾ ವೈ ಮಾಮತೇಯೋಽನ್ನಾದ್ಯಕಾಮಸ್ತಪೋಽತಪ್ಯತ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸೋಽನ್ನಾದ್ಯಮವಾರುನ್ದ್ಧ ।
ತದೇತದನ್ನಾದ್ಯಸ್ಯೈವಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ।
ಯದು ದೀರ್ಘತಮಾ ಮಾಮತೇಯೋಽಪಶ್ಯತ್ತಸ್ಮಾದ್ದೀರ್ಘತಮಸೋಽರ್ಕ ಇತ್ಯಾಖ್ಯಾಯತೇ ।
ಅಸಾವಿ ಸೋಮೋ ಅರುಷೋ ವೃಷಾ ಹರಿರ್
ಇತಿ ವೃಷಣ್ವತೀರ್ಭವನ್ತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ರಾಜೇವ ದಸ್ಮೋ ಅಭಿ ಗಾ ಅಚಿಕ್ರದತ್ ।
ಪುನಾನೋ ವಾರಮತ್ಯೇಷ್ಯವ್ಯಯಂ ಶ್ಯೇನೋ ನಯೋನಿಂ ಘೃತವನ್ತಮಾಸದತ್
ಪರ್ಜನ್ಯಃ ಪಿತಾ ಮಹಿಷಸ್ಯ ಪರ್ಣಿನೋ ನಾಭಾ ಪೃಥಿವ್ಯಾ ಗಿರಿಷು ಕ್ಷಯ ದಧೇ ।
ಸ್ವಸಾರ ಆಪೋ ಅಭಿ ಗಾ ಉದಾಸರನ್ಸಂ ಗ್ರಾವಭಿರ್ವಸತೇ ವೀತೇ ಅಧ್ವರೇ
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ಕವಿರ್ವೇಧಸ್ಯಾ ಪರ್ಯೇಷಿ ಮಾಹಿನಮತ್ಯೋ ನ ನಿಕ್ತೋ ಅಭಿ ವಾಜಮರ್ಷಸಿ ।
ಅಪಸೇಧಂ ದುರಿತಾ ಸೋಮ ನೋ ಮೃಡ ಘೃತಾ ವಸಾನಃ ಪರಿ ಯಾಸಿ ನಿರ್ಣಿಜಮಿತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ೨೫೯

ತಾಸು ಸಾಮರಾಜಮ್ ।
ಶ್ರೀರ್ವೈ ರಾಜ್ಯಮ್ ।
ಅಶ್ನುತೇ ಶ್ರಿಯಂ ಗಚ್ಛತಿ ರಾಜ್ಯಂ ಯ ಏವಂ ವೇದ ।
ತದ್ವೇವಾಚಕ್ಷತೇ ಸಂವದಿತಿ ।
ಪ್ರವತಾ ವೈ ದೇವಾ ಸ್ವರ್ಗಂ ಲೋಕಮಾಯನ್ನುದ್ವತೋದಪತನ್ ।
ಸಂವತಾ ಸಮಾಶ್ನುವತ ।
ತದ್ಯದೇತಾನಿ ಸಾಮಾನಿ ಭವನ್ತಿ ಪ್ರವತೈವ ಸ್ವರ್ಗಂ ಲೋಕಂ ಪ್ರಯನ್ತ್ಯ್ । ಉದ್ವತೋತ್ಪತನ್ತಿ ।
ಸಂವತಾ ಸಮಶ್ನುವತೇ ।
ತಾನ್ಯು ವಾಙ್ನಿಧನಾನಿ ಭವನ್ತಿ ।
ವಾಚಶ್ಛನ್ದೋಮೈಸ್ಸಮಿಚ್ಛನ್ತಿ ।
ಆಪ್ತೇವ ವಾ ಏತರ್ಹಿ ವಾಗ್ಭವತಿ ।
ಛನ್ದೋಮೇಷು ತದ್ಯದೇತಾನಿ ವಾಙ್ನಿಧನಾನಿ ಭವನ್ತಿ । ತಾಮೇವೈತದ್ವಾಚಂ ಪ್ರತ್ಯಕ್ಷಮುಪಯನ್ತಿ ೨೬೦

ಅಥ ಬೃಹತ್ ।
ವರ್ಷ್ಮ ವೈ ಬೃಹತ್ ।
ವರ್ಷ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ।
ತಜ್ಜಾಗತೇಽಹನ್ಭವತಿ ।
ಪುಂಸೋ ವಾ ಏತದ್ರೂ ಪಂ ಯದ್ಬೃಹತ್ಸ್ತ್ರಿಯೈ ಜಗತೀ ।
ತದ್ಯದತ್ರ ಬೃಹತ್ಪೃಷ್ಠಂ ಭವತಿ । ತೇನೈವೈತದಹರ್ಮಿಥುನಂ ಕ್ರಿಯತೇ ।
ಅಥ ವಾಮದೇವ್ಯಮ್ ।
ಪಶವೋ ವೈ ವಾಮದೇವ್ಯಮ್ ।
ಪಶುಮನ್ತ ಏವ ಭವನ್ತ್ಯೇನೇನ ತುಷ್ಟುವಾನಾಃ ।
ಶ್ರಾಯನ್ತ ಇವ ಸೂರ್ಯಂ ವಿಶ್ವೇದಿನ್ದ್ರ ಸ್ಯ ಭಕ್ಷತೇ
ತಿ ವಿಶ್ವವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ವಸೂನಿ ಜಾತೇ ಜನಿಮಾನ್ಯೋಜಸೇ
ತಿ ಜನದ್ವತೀರ್ಭವನ್ತಿ ।
ಜನದ್ವದ್ವೈ ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ಪ್ರತಿ ಭಾಗಂನ ದೀಧಿಮಃ
ಅಲರ್ಷಿರಾತಿಂ ವಸುದಾಮುಪ ಸ್ತುಹಿ ಭದ್ರೋ ಇ ದ್ರ ಸ್ಯ ರಾತಯಃ ।
ಯೋ ಅಸ್ಯ ಕಾಮಂ ವಿಧತಾ ನ ರೋಷತಿ ಮನೋ ದಾನಾಯ ಚೋದಯನ್
ಇತ್ಯಾಶಿಷಮೇವೈತೇನಾಶಷಾಸ್ತೇ ೨೬೧

ತಾಸು ಶ್ರಾಯನ್ತೀಯಮ್ ।
ದೇವಾ ವೈ ಸತ್ರಮುಪಯನ್ತೋಽಬ್ರುವನ್ಯನ್ನಃ ಕ್ರುರಮಾತ್ಮನಸ್ತನ್ನಿರ್ಭಿಮಾಮಹೈ ।
ಮಾ ಸಕ್ರೂರಾ ಉಪಗಾಮೇತಿ ।
ತದ್ಯದೇಷಾಂ ಕ್ರೂರಮಾತ್ಮನ ಆಸೀತ್ । ತನ್ನಿರ್ಮಾಯ ಶರಾವಯೋಸ್ಸಂಮಾರ್ಜಂ ನ್ಯದಧುಃ ।
ಅಥ ಸತ್ರಮುಪಾಯನ್ ।
ತತ ಏಷೋಽಖಲೋ ದೇವೋಽಜಾಯತ ।
ತದ್ಯಚ್ಛರಾವಾಭ್ಯಾಮಜಾಯತ । ತದಸ್ಯೈತನ್ನಾಮ ।
ಏಷ ಹ ವಾವ ಸೋಽಗ್ನಿರ್ಜಜ್ಞೇ ।
ನ ಹೈನಮೇಷ ಹಿನಸ್ತಿ ಯ ಏವಂ ವೇದ ।
ಸ ದೇವಾನಬ್ರವೀತ್ಕಸ್ಮೈ ಮಾಮಜೀಜನತೇತಿ ।
ಔಪದ್ರ ಷ್ಟ್ರ್ಯಾಯೇತ್ಯಬ್ರುವನ್ಯೋಽತಿಪಾದಯಾತ್ತಂ ಹನಾಸಾ ಇತಿ ।
ಪ್ರಜಾಪತಿರ್ಹೋಷಸಂ ಸ್ವಾಂ ದುಹಿತರಮಭ್ಯಧ್ಯಾಯತ್ ।
ಸಾಸ್ಮೈ ರೋಹಿದ್ಭೂತ್ವಾತಿಷ್ಠತ್ ।
ತಾಂ ಪೃಷತೋ ಭೂತ್ವಾಸ್ಕನ್ದತ್ ।
ಸ ಷಕ್ಷತಾಸ್ಮೈ ವೈ ಮಾಂ ದೇವಾ ಅಜೀಜನನ್ನೌಪದ್ರ ಷ್ಟ್ರ್ಯಾಯ ।
ಅತಿ ವಾ ಅಯಂ ಪಾದಯತಿ । ಹನ್ತೈನಂ ವಿಧ್ಯಾನೀತಿ ।
ತಮವಿಧ್ಯತ್ ।
ಸ ವಿದ್ಧ ಏತದ್ರೂ ಪಂ ಪ್ರತ್ಯಸ್ಯೋರ್ಧ್ವ ಉದಕ್ರಾಮತ್ ೨೬೨

ಸ ಏಷ ಇಷುಸ್ತ್ರಿಕಾಣ್ಡಃ ।
ತಸ್ಮಾತ್ಪೃಷತೋಽಸ್ವಾದುತಮಃ ।
ತಸ್ಮಾದು ಶೋಚತೀವ ।
ತಸ್ಯ ವಿದ್ಧಸ್ಯ ರೇತಃ ಪರಾಪತತ್ ।
ತದ್ಧಿಮವತಿ ಪ್ರತ್ಯತಿಷ್ಠತ್ ।
ತನ್ಮಾನುಷಮಭವತ್ ।
ತದ್ದೇವಾಶ್ಚರ್ಷಯಶ್ಚೋಪಸಮೇತ್ಯಾಬ್ರುವನ್ಮೇದಂ ದುಷದ ಇತಿ ।
ಯದಬ್ರುವನ್ಮೇದಂ ದುಷದಿತಿ । ತನ್ಮಾದುಷಸ್ಯ ಮಾದುಷತ್ವಮ್ ।
ಮಾದುಷಂ ಹ ವೈ ನಾಮೈತತ್ ।
ತನ್ಮಾನುಷಮಿತ್ಯಾಖ್ಯಾಯತೇ ।
ತದಗ್ನಿನಾ ಪರ್ಯೈನ್ಧತ ।
ಮರುತೋಽಧಮನ್ ।
ಶ್ರಾಯನ್ತೀಯೇನೈನದಶ್ರೀಣನ್ ।
ತಚ್ಛ್ರಾಯನ್ತೀಯಸ್ಯ ಶ್ರಾಯನ್ತೀಯತ್ವಮ್ ।
ತತಃ ಪಶವೋಽಸೃಜ್ಯನ್ತ ।
ಯೇ ಪ್ರಥಮೇಽಸೃಜ್ಯನ್ತ ತೇ ರೋಹಿತಾಃ ।
ಯೇಽಭಿತಪ್ಯಮಾನಾದಸೃಜ್ಯನ್ತ ತೇಽರುಣಾಃ ।
ಯೇಽಭಿತಪ್ತಾದಸೃಜ್ಯನ್ತ ತೇ ಬಭ್ರವಃ ।
ಯೇ ದಹ್ಯಮಾನಾದಸೃಜ್ಯನ್ತ ತೇ ಶ್ವೇತಾಶ್ಚ ಕೃಷ್ಣಾಶ್ಚ ।
ತಸ್ಮಾದ್ವಯಮೇವಾಗ್ನಿರ್ದಹತಿ ಶ್ವೇತಂ ಚೈವ ಕೃಷ್ಣಂ ಚ ।
ವಿಷ್ಫುಲಿಂಗಾಭ್ಯ ಏವಾಜಾಶ್ಚೈಣೇಯಾಞ್ಚಾಸೃಜ್ಯನ್ತ । ಅಙ್ಗಾರೇಭ್ಯೋಽಙ್ಗಿರಸಃ ೨೬೩

ಅಙ್ಗಾರಮಿಶ್ರಾದ್ಭಸ್ಮನಸ್ತಿಸ್ರೋ ವಶಾ ಅಸೃಜ್ಯನ್ತ ಮೈತ್ರಾವರುಣೀ ಬಾರ್ಹಸ್ಪತ್ಯಾ ವೈಶ್ವದೇವೀ ।
ಭಸ್ಮನ ಏವ ಗರ್ದಭೋಽಸೃಜ್ಯತ ।
ತಸ್ಮಾತ್ಸ ಭಸ್ಮನಃ ಪ್ರತಿರೂಪಃ ।
ತಸ್ಮಾತ್ಸ ಬಭ್ರಿಯಮಾಣೋ ಜೀವತಿ ।
ತದೇತದ್ವೀರಜನನಂ ಪಶವ್ಯಂ ಸಾಮ ।
ವೀರಾ ವೈ ತದಜಾಯನ್ತ ಯದಙ್ಗಿರಸಃ ।
ಏತ ಉ ಪಶವೋಽಸೃಜ್ಯನ್ತ ।
ಅಸ್ಯ ವೀರೋ ಜಾಯತೇಽವ ಪಶೂನ್ರುನ್ದ್ಧೇ । ಬಹುಪಶುರ್ಭವತಿ ಯ ಏವಂ ವೇದ ।
ಸ ಯೋ ಯಜ್ಞವಿಭ್ರಷ್ಟ ಸ್ಯಾಚ್ಛ್ರಾಯನ್ತೀಯಮಸ್ಯ ಪೃಷ್ಠೇಷು ಬ್ರಹ್ಮಸಾಮ ಕುರ್ಯುಃ ।
ಪೃಷ್ಠಾನಿ ಚ ವಾ ಏತಂ ಸ್ತೋತ್ರಾಣಿ ಚಾವಧೂನ್ವತೇ ಯೋ ಯಜ್ಞಸ್ಯ ವಿಭ್ರಷ್ಟಃ ।
ಪೃಷ್ಠೇಷು ಚೈವೈನಂ ತತ್ಸ್ತೋತ್ರೇಷುಚ ಪ್ರತಿಷ್ಠಾಪಯನ್ತಿ ।
ಯತ ಇನ್ದ್ರ ಭಯಾಮಹೇ ತತೋ ನೋ ಅಭಯಂ ಕೃಧಿ ।
ಮಘವಞ್ಶಗ್ಧಿ ತವ ತನ್ನ ಊತಯೇ ವಿ ದ್ವಿಷೋ ವಿ ಮೃಧೋ ಜಹಿ
ಇತಿ ಮೃಧ ಏವೈತೇನ ಪಾಪ್ಮಾನಮಪಘ್ನತೇ ।
ತಾಸು ಸಮನ್ತಮುಕ್ತಬ್ರಾಹ್ಮಣಮ್ ।
ತದೈಳಮಚ್ಛಾವಾಕಸಾಮ ಭವತಿ ।
ಪಶವೋ ವಾ ಇಳಾ ।
ಪಶುಷ್ವೇವೈತತ್ಪ್ರತಿತಿಷ್ಠನ್ತಿ ೨೬೪

ತ್ವಂ ಸೋಮಾಸಿ ಧಾರಯುರ್
ಇತಿ ಧೃತ್ಯೈ ।
ಅನ್ತಮಿವ ಹ್ಯೇತರ್ಹಿ ಗಚ್ಛನ್ತಿ ಛನ್ದೋಮೇಭ್ಯೋ ನೇತ್ಪರಾಞ್ಚೋಽತಿಪದ್ಯಾಮಹಾ ಇತಿ ।
ತ್ವಂ ಸುತೋ ಮದಿನ್ತಮ
ಇತಿ ಮದ್ವತೀರ್ಭವನ್ತಿ ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ ರಸಮೇವಾಸ್ಮಿನ್ನೇತದ್ದಧತಿ ।
ಷವೈನದೇತೇನ ಪ್ಯಾಯಯನ್ತಿ ।
ತ್ವಂ ಸುಷ್ವಾಣೋ ಅದ್ರಿ ಭಿರ್
ಇತಿ ತ್ವಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಅಭ್ಯರ್ಷ ಕನಿಕ್ರದತ್ ।
ದ್ಯುಮನ್ತಂ ಶುಷ್ಮಮುತ್ತಮಮಿತ್ಯುತ್ತಮೋ ಹ್ಯೇಷ ತ್ರ್! ಯಹಃ ಕ್ರಿಯತೇ ಯಶ್ಛನ್ದೋಮಾಃ ।
ತಾಸ್ಸಮಾನಪ್ರಭೃತಓ ಭವನ್ತಿ ನಾನೋದರ್ಕಾಃ ।
ಇದಂ ವೈ ಪ್ರಥಮಂ ಪದಮಿದಂ ದ್ವಿತೀಯಮದಸ್ತೃತೀಯಮ್ ।
ತದಾಹುಃ ಪ್ರೇವ ವಾ ಏತೇಽಸ್ಮಾಲ್ಲೋಕಾಚ್ಚ್ಯವನ್ತೇ ಯೇ ದ್ವಾದಶಾಹಯಾಜಿನೋಽನ್ತಮಿವ ಹಿ ಗಚ್ಛನ್ತಿ ।
ತದ್ಯದೇತಾಸ್ಸಮಾನಪ್ರಭೃತಯೋ ಭವನ್ತಿ ನಾನೋದರ್ಕ್ಕ್ತಾಅಸ್ಮಿನ್ನೇವೈತಲ್ಲೋಕೇ ಪ್ರತಿತಿಷ್ಠನ್ತಿ ।
ನಾನಾಪ್ರಭೃತಯಸ್ಸಮಾನೋದರ್ಕಾಷ್ಷಷ್ಠೇಽಹನ್ಭವನ್ತಿ ।
ಅಮುಷ್ಮಿನ್ನುತಾಭಿರ್ಲೋಕೇ ಪ್ರತಿತಿಷ್ಠನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥೈದಾವಸುನಿಧನಂ ಬಹಿರ್ನಿಧನಂ ಬಾರ್ಹತಮ್ ।
ತಸ್ಮಾದ್ಬಾರ್ಹತೇಽಹನ್ಕ್ರಿಯತೇ ।
ಅಸುರ್ಹ ವೈ ನಾಮರ್ಷಿರಪಶುರಾಸ ।
ಸೋಽಕಾಮಯತಾವ ಪಶೂನ್ರುನ್ಧೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ಸ ಇದಂ ವಸ್ವಿತ್ಯೇವ ನಿಧನಮುಪೈತ್ ।
ತದೇವೈದಾವಸುನಿಧನಸ್ಯೈದಾವಸುನಿಧನತ್ವಮ್ ।
ತತ್ಪಶವೋ ವೈ ವಸು ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ತಚ್ಚತುರಕ್ಷರಣಿಧನಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ೨೬೫

ಅಥ ಕಾಶೀತಮ್ ।
ಕಶೀತಿಂ ವೈ ಸೌಭರಂ ಸತ್ರೇ ಯಕ್ಷ್ಮಾವಿನ್ದತ್ ।
ಸೋಽಕಾಮಯನ್ತಾಪ ಯಕ್ಷ್ಮ ಹನೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ವಾತ ಆ ವಾತು ಭೇಷಜಂ ಶಂಭು ಮಯೋಭು ನೋ ಹೃದೇ ।
ಪ್ರ ನ ಆಯೂಂಷಿ ತಾರಿಷತ್
ಯದದೋ ವಾತ ತೇ ಗೃಹೇಽಮೃತಸ್ಯ ನಿಧಿರ್ಹಿತಃ ।
ತತೋ ನೋ ದೇಹಿ ಜೀವಸೇ
ಉತ ವಾತ ಪಿತಾಸಿ ನ ಉತ ಭ್ರಾತೋತ ನಸ್ಸಖಾ ।
ಸ ನೋ ಜೀವಾತವೇ ಕೃಧಿ
ಇತಿ ವಾತ ಏವಾಸ್ಮೈ ಭೇಷಜಮಕರೋತ್ ।
ತದೇತದ್ಭೇಷಜಂ ಪ್ರಾಯಶ್ಚಿತ್ತಿಂ ಕುರ್ವತೇ ।
ತದು ಕಾಮಸನಿ ಏತಂ ವೈ ಸ ಕಾಮಮಕಾಮಯತ ।
ಸೋಽಸ್ಮೈ ಕಾಮಸ್ಸಮಾರ್ಧ್ಯತ ।
ಯತ್ಕಾಮ ಏವೈತೇನ ಸಾಮ್ನಾ ಸ್ತುತೇ ಸಮಸ್ಮೈ ಸ ಕಾಮ ಋಧ್ಯತೇ ।
ತಸ್ಯೋ ಪ್ರತೀಚೀಮಿಳಾಮುಪಯನ್ತಿ । ಛನ್ದೋಭೇಭ್ಯೋ ನೇತ್ಪರಾಞ್ಚೋಽತಿಪದ್ಯಾಮಹಾ ಇತಿ ಪಶವೋ ವಾ ಇಳಾ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಯದು ಕಶೀತಿಸ್ಸೌಭರೋಽಪಶ್ಯತ್ತಸ್ಮಾತ್ಕಾಶೀತಮಿತ್ಯಾಖ್ಯಾಯತೇ ।
ಅಥಾಶ್ವಸೂಕ್ತಮುಕ್ತಬ್ರಾಹ್ಮಣಮ್ ।
ತತ್ಪಞ್ಚಾಕ್ಷರಣಿಧನಂ ಭವತಿ ಪಞ್ಚಪದಾ ವೈ ಪಂಕ್ತಿಃ ।
ಪಾಂಕ್ತಾಃ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಅಥ ಶಾಮ್ಮದಮುಕ್ತಬ್ರಾಹ್ಮಣಮ್ ।
ಅಥ ಹಾವಿಷ್ಕೃತಮುಕ್ತಬ್ರಾಹ್ಮಣಂ ನಿರುಕ್ತಿರ್ಹವಿಷಃ ।
ತಚ್ಚತುರಕ್ಷರಣಿಧನಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ತ್ವಂ ಹ್ಯಂಗ ದೈವ್ಯೇ
ತಿ ತ್ವಮಿತಿ ಭವತಿ ಬೃಹತೋ ರೂಪಮ್ ।
ಬಾರ್ಹತಮೇತದಹಃ ।
ಪವಮಾನ ಜನಿಮಾನಿ ದ್ಯುಮತ್ತಮ
ಇತಿ ಜನದ್ವತೀರ್ಭವನ್ತಿ ।
ಜನದ್ವದ್ವೈ ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ತಾಸು ಸೌಪರ್ಣಮುಕ್ತಬ್ರಾಹ್ಮಣಮ್ ।
ಪವಸ್ವ ದೇವವೀತಯ
ಇತಿ ಸರ್ವದೇವತ್ಯಂ ಭವತಿ ।
ವೈಶ್ವದೇವಂ ಹ್ಯೇತದಹರ್ಜಾಗತಮ್ ।
ತವ ದ್ರ ಪ್ಸಾ ಉದಪ್ರುತ ಇನ್ದ್ರಂ ಮದಾಯ ವಾವೃಧುರ್
ಇತಿ ವೃದ್ಧಂ ಹ್ಯೇತದಹಃ ।
ಆ ನಸ್ಸುತಾಸ ಇನ್ದವ
ಇತ್ಯಾವತೀರ್ಭವನ್ತ್ಯನತಿಪಾದಾಯೈವ ೨೬೬

ತಾಸು ವೈಶ್ವಮನಸಮ್ ।
ವಿಶ್ವಮನಸಂ ವೈ ಸಮಿದ್ಧಾರಂ ಪರೇತಮರಣ್ಯ ಋಕ್ಷೋಽವಿನ್ದತ್ ।
ಸೋಽಕಾಮಯತಾಪರ್ಕ್ಷಂ ಹನೀಯೇತಿ ।
ಸ ಏತತ್ಸಾಮಾಪಶ್ಯತ್ ।
ತದಭ್ಯಗಾಯತ ।
ತಮಿನ್ದ್ರೋ ಽಪಶ್ಯದ್ವಿಶ್ವಮನಸಮೃಕ್ಷೋಽವಿದದಿತಿ ।
ತಮಭ್ಯಾದ್ರ ವತ್ ।
ತಸ್ಯಾದ್ರ ವತ ಶ್ವಸಥಾತ್ಪ್ರಾವ್ಲೀಯತ ।
ತಮಪೃಚ್ಛದ್ವಿಶ್ವಮನಃ ಕಸ್ತ್ವೈಷ್ಪರೇಣೇತಿ ।
ಸೂರ್ಮೀ ಮಘವನ್ನಿತಿ ಬ್ರೂಹೀತ್ಯಬ್ರವೀತ್ ।
ಸೂರ್ಮೀ ಮಘವನ್ನಿತ್ಯಬ್ರವೀತ್ ।
ಅಙ್ಗೈನಾಂ ದಣ್ಡೇನಾಭಿಜಹೀತಿ ಸೋಽಬ್ರವೀತ್ ।
ತೃಣಕಮಾಛಿದ್ರ ಯ್! ಶನೈರಧ್ಯಸ್ಯೇತಿ ।
ತಂ ತೃಣಕಮಾಛಿದ್ಯ ಶನೈರಧ್ಯಾಸ್ಯತ್ ।
ತದೇವೇನ್ದ್ರೋ ವರ್ಜಮಸಿಞ್ಚತ್ ।
ತಸ್ಯೋ ತದೇವ ಪ್ರಾಘ್ನನ್ ।
ತದು ಭ್ರಾತೃವ್ಯಹಾ ರಕ್ಷೋಹಾ ಸಾಮ ।
ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ । ಅಪ ರಕ್ಷಃ ಪಾಪ್ಮಾನಂ ಹತೇ । ಯ ಏವಂ ವೇದ ।
ಯದು ವಿಶ್ವಮನಾ ಅಪಶ್ಯತ್ತಸ್ಮಾದ್ವೈಶ್ವಮನಸಮಿತ್ಯಾಖ್ಯಾಯತೇ ೨೬೭

ಪತಿ ತ್ಯಂ ಹರ್ಯತಂ ಹರಿಮ್
ಇತಿ ಪರಿವತೀರ್ಭವನ್ತ್ಯನ್ತಸಯ್ರೂಪಮ್ ।
ಅನ್ತೋ ಹ್ಯೇತದಹಃ ।
ಬಭ್ರುಂ ಪುನನ್ತಿ ವಾರೇಣ ।
ಯೋ ದೇವಾನ್ವಿಶ್ವಂ ಇತ್ಪರಿ
ಇತಿ ವಿಶ್ವಾವತೀರ್ಭವನ್ತಿ ।
ವೈಶ್ವದೇವಂ ಹ್ಯೇತದಹಃ ।
ಮದೇನ ಸಹ ಗಚ್ಛತೀ
ತಿ ಮದ್ವತೀರ್ಭವನ್ತಿ ।
ಅಭಿಪೂರ್ವಮೇವೈತತ್ತೃತೀಯಸವನೇ ರಸಂ ಮದಂ ದಧತಿ ।
ದ್ವಿರ್ಯಂ ಪಞ್ಚ ಸ್ವಯಶಸಂ ಸ್ವಸಾರೋ ಅದ್ರಿ ಸಂಹತಮ್ ।
ಪ್ರಿಯಮಿನ್ದ್ರ ಸ್ಯ ಕಾಮ್ಯಂ ಪ್ರಸ್ನಾಪಯನ್ತ ಊರ್ಮಯಃ
ಇತ್ಯಾಶಿಷಮೇವೈತೇನಾಶಾಸ್ತೇ ।
ಇನ್ದ್ರಾ ಯ ಸೋಮ ಪಾತವೇ ವೃತ್ರಘ್ನೇ ಪರಿ ಷಿಚ್ಯಸ
ಇತಿ ವರ್ತ್ರಘ್ನ್ಯೋ ಭವನ್ತ್ಯನ್ತತೋ ವಿಜಿತ್ಯೈ ।
ತಾಸು ಗೌರಿವೀತಮುಕ್ತಬ್ರಾಹ್ಮಣಮ್ ।
ಅಥ ನಿಹವಃ ।
ಇನ್ದ್ರೋ ವೈ ತೃತೀಯಸವನಾದ್ಬೀಭತ್ಸಮಾನ ಉದಕ್ರಾಮತ್ ।
ಧೀತಮಿವ ಹ್ಯಾಸೀತ್ ।
ತಮೇತೇನ ವಿಶ್ವೇ ದೇವಾಸ್ಸಾಮ್ನಾನ್ವಹ್ವಯನ್ತಾಯಿಹೀ ಆಯಿಹೀ ಇತಿ ।
ತತೋ ವಾ ಇನ್ದ್ರ ಸ್ತೃತೀಯಸವನಮುಪಾವರ್ತತ ।
ತತೋಽಸ್ಮಾದನಪಕ್ರಮ್ಯಭವತ್ ।
ತದೇತತ್ಸೇನ್ದ್ರಂ ಸಾಮ ।
ಸೇನ್ದ್ರೋ ಹಾಸ್ಯ ಸದೇವೋ ಯಜ್ಞೋ ಭವತಿ ।
ಅಭ್ಯಸ್ಯೇನ್ದ್ರೋ ಯಜ್ಞಮಾವರ್ತತೇ ।
ನಾಸ್ಯೇನ್ದ್ರೋ ಯಜ್ಞಾದಪಕ್ರಾಮತಿ ಯ ಏವಂ ವೇದ ।
ತದ್ವೇವಾಚಕ್ಷತೇ ವಸಿಷ್ಠಸ್ಯ ನಿಹವ ಇತಿ ।
ವಸಿಷ್ಠೋ ವೈ ಜೀತೋ ಹತಪುತ್ರೋಽಕಾಮಯತ ಪ್ರಜಾಂ ಪಶೂನ್ನಿಹ್ವಯೇಯೇತಿ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತೇನಾಯಿಹೀ ಆಯಿಹೀ ಇತ್ಯೇವ ಪ್ರಜಾಂ ಪಶೂನ್ನ್ಯಹ್ವಯತ ।
ತದ್ವೇವ ನಿಹವತ್ವಮ್ ।
ಪ್ರಜಾಂ ಪಶೂನ್ನಿಹ್ವಯತೇ ಯ ಏವಂ ವೇದ ।
ತದು ಸ್ತೋಭಾನುತುನ್ನಂ ಭವತಿ ।
ಅನುತುನ್ನಾದ್ವೈ ಪ್ರಜಾಃ ಪಶವಃ ಪ್ರಜಾಯನ್ತೇ ।
ಪಶವಶ್ಛನ್ದೋಮಾಃ ।
ತೇನ ವೈ ರೂಪಸಮೃದ್ಧಮ್ ।
ಯದು ವಸಿಷ್ಠೋಽಪಶ್ಯತ್ತಸ್ಮಾದ್ವಾಸಿಷ್ಠಸ್ಯ ನಿಹವ ಇತ್ಯಾಖ್ಯಾಯತೇ ೨೬೮

ಅಥ ಯದ್ವಾಹಿಷ್ಠೀಯಮ್ ।
ಅಗ್ನಿರ್ವೈ ದೇವೇಭ್ಯೋ ಹವ್ಯಂ ನವಮಾದಹ್ನೋ ದಶಮಮಹರಭ್ಯತಿವೋಢುಂ ನಾಕಾಮಯತ ।
ತೇ ದೇವಾ ಅಕಾಮಯನ್ತಾತಿ ನ ಇದಮಗ್ನಿರ್ಹವ್ಯಂ ವಹೇದಿತಿ ।
ತ ಏತತ್ಸಾಮಾಪಶ್ಯನ್ ।
ತೇನೈನಮಸ್ತುವನ್ಯದ್ವಾಹಿಷ್ಠಂ ತದಗ್ನಯೇ ಬೃಹದರ್ಚ ವಿಭಾವಸೋ ।
ಮಹಿಷೀವ ತ್ವದ್ರ ಯಿಸ್ತ್ವದ್ವಾಜಾ ಉದೀರತೇ
ತವ ದ್ಯುಮನ್ತೋ ಅರ್ಚಯೋ ಗ್ರಾವೇವೋಚ್ಯತೇ ಬೃಹತ್ ।
ಉತೋ ತೇ ತನ್ಯತುರ್ಯಥಾ ಸ್ವಾನೋ ಅರ್ತ ತ್ಮನಾ ದಿವಃ
ಏವೋ ಅಗ್ನಿಂ ವಸೂಯವಸ್ಸಹಸಾನಂ ವವನ್ದಿಮ ।
ಸ ನೋ ವಿಶ್ವಾ ಅತಿ ದ್ವಿಷಃ ಪರ್ಷನ್ನಾವೇವ ಸುಕ್ರತುಃ
ಇತಿ ।
ಯಥಾ ನಾವಾತಿಪಾರಯೇದೇವಮೇವೈಭ್ಯ ಏತದಗ್ನಿರ್ಹವ್ಯಂ ನವಮಾದಹ್ನೋ ದಶಮಮಹರಭ್ಯತ್ಯಪಾರಯತ್ ।
ಏಷ ಹ ವಾ ಏತದತಿಪಾರಯಿತುಮರ್ಹತಿ ।
ತದ್ಯದತ್ರ ಯದ್ವಾಹಿಷ್ಠೀಯಂ ಭವತಿ ಯಜ್ಞಸ್ಯೈವ ಸಂತತ್ಯೈ ।
ಸಮಸ್ಮೈ ಯಜ್ಞಸ್ತಾಯತೇ ತಸ್ಯಾಗ್ನಿರ್ಹವ್ಯಂ ಪಾರಯತಿ ಯ ಏವಂ ವೇದ ।
ತದೂರ್ಧ್ವೇಳಂ ಭವತಿ ಬೃಹತೋ ರೂಪಂ ಬಾರ್ಹತೇಽಹನ್ ।
ತೇನ ವೈ ರೂಪಸಮೃದ್ಧಮ್ ೨೬೯

ಅಥಾಸಿತಮ್ ।
ಋಷಯೋ ವಾ ಅಬ್ರುವನ್ನೇತೇಮಮುಪರಿಶ್ಯೇನಂ ಸ್ವರ್ಗಂ ಲೋಕಂ ಜಿಗೀಸಾಮ । ಯದಸ್ಮಿನ್ನೇತೇಽಥರ್ವಾಣ ಇತಿ ।
ಪ್ರೇಣೀ ಸೌಭಾಹಿತೋ ಮಧುಚ್ಛನ್ದಾ ವೈಶ್ವಾಮಿತ್ರೋಽಸಿತೋ ದೈವಲೋ ಯ ಉ ಚಾನ್ಯೇ ತಸ್ಯ ಹಾನ್ತಿಕಂ ದಿದೀಕ್ಷತೇ । ತೇಷಾಂ ಹ ಜ್ಯೋಗೇವ ಯಜಮಾನಾನಾಂ ನೋಪಶುಶ್ರುವುರ್ಬಹೂ ಯೇವ ವರ್ಷಾಣಿ ।
ತೇಷಾಮು ಹೋಪಶುಶ್ರುವುರಾಶ್ರಾವಯತಿ ವೈ । ವಷಟ್ಕರೋತಿ ವಾ ಇತಿ ।
ಸ ಹೋದ್ವನ್ತೋ ನಾಮಾಥರ್ವಣಾಮೇಕಶ್ಚಮಸಹಸ್ತ ಉಪಾವರುರೋಹ ।
ತಾನ್ಹೋವಾಚ ಕಿಂಕಾಮಾ ಆಧ್ವ ಇತಿ ।
ಇಮಮುಪರಿಶ್ಯೇನಂ ಸ್ವರ್ಗಂ ಲೋಕಂ ಜಿಗೀಷಾಮ । ಯಸ್ಮಿನ್ನೇತೇಽಥರ್ವಾಣ ಇತಿ ।
ತಾನ್ಹೋವಾಚೇಥ ಗ್ರಾಮಂ ಜಘನೇನಾ೩ ಇತಿ ।
ಇಮೋ ಹೀತಿ ।
ಕಸ್ಮೈ ಕಾಮಾಯೇತಿ ।
ಪಥ ಇತಿ ।
ಓಮಿತಿ ಹೋವಾಚ । ನ ನು ವಸ್ತತ್ಸ್ವರ್ಗ್ಯಮಿತಿ ।
ಅಥ ಹ ಚಮಸಮವೇಕ್ಷಾಂಚಕ್ರೇ ।
ಸ ಹೋವಾಚಾಶ್ನೀಥ ಮಾಂಸಾ೩ಮಿತಿ ।
ಅಶ್ನೀಮೋ ಹೀತಿ ।
ಕಸ್ಮೈ ಕಾಮಾಯೇತಿ ।
ಚಕ್ಷುಷಶ್ಚ ಪ್ರಾಣಾನಾಂ ಚೇತಿ ।
ಓಮಿತಿ ಹೋವಾಚ । ನೋ ವಾವ ವಸ್ತತ್ಸ್ವರ್ಗ್ಯಮಿತಿ ।
ಅಥ ಹ ಚಮಸಮೇವಾವೇಕ್ಷಾಂಚಕ್ರೇ ।
ಸ ಹೋವಾಚೋಽಪೇಥ ಸ್ತ್ರಿಯಾ೩ ಇತಿ ।
ಉಪೇಮೋ ಹೀತಿ ।
ಕಸ್ಮೈ ಕಾಮಾಯೇತಿ ।
ಪ್ರಜಾಯೈ ಸಂತತ್ಯಾ ಅವ್ಯವಚ್ಛೇದಾಯೇತಿ ।
ಓಮಿತಿ ಹೋವಾಚ । ನೋ ವಾವ ವಸ್ತತ್ಸ್ವರ್ಗ್ಯಮಿತಿ ।
ಅಥ ಹ ಚಮಸಮೇವಾಚಕ್ಷಾಂಚಕ್ರೇ ।
ಸ ಹೋವಾಚ ವದಥಾನೃತಾ೩ಮಿತಿ ।
ವದಾಮೋ ಹೀತಿ ।
ಕಸ್ಮೈ ಕಾಮಾಯೇತಿ ।
ಸ್ತ್ರೀಕಾಮ್ಯಾ ವಾ ನರ್ಮಕಾಮ್ಯಾ ವಾ ಸಖೀಕಾಮ್ಯಾ ವೇತಿ ।
ಓಮಿತಿ ಹೋವಾಚ ೨೭೦

ಉತ್ತಿಷ್ಠತ । ಕಾಮಾನ್ಬ್ರೂಧ್ವಂ । ನೋ ವಾವ ವಸ್ತಸ್ಯಾಶಾಸ್ತಿ ಯದಮುಂ ಲೋಕಂ ಜಯೇತೇತಿ ।
ಅಥ ಹ ಪ್ರೇಣೀ ಸೌಮಾಹಿತಃ ಪಾಪಕ ಆಸ ।
ಸ ಹೋವಾಚ ಸಪ್ತಾನಾಮೇವ ಸ್ಯೋ ಬಸ್ತಾನಾಂ ದುರ್ವೃಷತಾಂ ವೃಣೀತೇ ।
ಯಾಂ ಯಾಂ ವಚ್ಛಾಬ್ರೂವೀಯ । ಸಾ ಸಾ ತ್ಯಂ ಕಾಮಯತಾದಿತಿ ।
ಅಥ ಹ ಮಧುಚ್ಛನ್ದಾ ವೈಶ್ವಾಮಿತ್ರ ಉವಾಚ ಬ್ರಾಹ್ಮಣಮುಖಮೇವಾಹಂ ವೃಣಾ ಇತಿ ।
ಅಥ ಹಾಸಿತೋ ದೈವಲ ಉವಾಚೈತಮೇವಾಹಂ ಚಮಸಮವೇಕ್ಷಾ ಇತಿ ।
ಸ ಹೋವಾಚೈಷ ಏವೈಷಾಮೇಕೋ ವ್ರತಯತಿ ।
ತಂ ದೈವಾವೇಕ್ಷ್ಯೈತತ್ಸಾಮ ದದರ್ಶ ।
ತೇನಾಸ್ತುತ ।
ರಾಯೇ ಅಗ್ನೇ ಮಹೇ ತ್ವಾ ದಾನಾಯ ಸಮಿಧೀಮಹಿ ।
ಈಳಿಷ್ವಾ ಹಿ ಮಹೇ ವೃಷಂ ದ್ಯಾವಾ ಹೋತ್ರಾಯ ಪೃಥಿವೀ
ಇತಿ ।
ದ್ಯಾವಾಪೃಥಿವೀ ಸರ್ವ ಇಮೇ ಲೋಕಾಃ ।
ತತೋ ವೈ ಸ ಸರ್ವಾನಿಮಾಁ ಲ್ಲೋಕಾನನುಸಮಚರತ್ ।
ಸ ಹ ಪೂರ್ವಾಹ್ಣ ಏವ ದೇವಾನಾಂ ಸಮಿತ್ಯಾಮಾಸ । ಮಧ್ಯನ್ದಿನೇ ಮನುಷ್ಯಾಣಾಂ ದ್ರುಪದಸ್ಯ ವಾರ್ದ್ಧ್ರವಿಷ್ಣಸ್ಯ । ಅಪರಾಹ್ಣೇ ಪಿತೃಣಾಮ್ ।
ತದೇತತ್ಸ್ವರ್ಗ್ಯಂ ಸಾಮ ।
ಸರ್ವಾನಿಮಾಁ ಲ್ಲೋಕಾನನುಸಂಚರತ್ಯ್ । ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದ್ವಸಿತೋ ದೈವಲೋಽಪಶ್ಯತ್ । ತಸ್ಮಾದಾಸಿತಮಿತ್ಯಾಖ್ಯಾಯತೇ ೨೭೧

ಅಥ ಸಾಧ್ರಂ ಸಿದ್ಧ್ಯಾ ಏವ ।
ತನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಾಯೈ ।
ಸಮುದ್ರಂ ವಾ ಏತೇನಾರಮ್ಭಣಂ ಪ್ರಪ್ಲವನ್ತೇ ಯ ಆರ್ಭವಂ ಪವಮಾನಮುಪಯನ್ತಿ ।
ತದ್ಯನ್ಮಧ್ಯೇನಿಧನಂ ಭವತಿ ಪ್ರತಿಷ್ಠಿತ್ಯಾ ಏವ ।
ದೇವಾ ವಾ ಅಕಾಮಯನ್ತ ಕೃತಂಕೃತಂ ನಸ್ಸಿಧ್ಯೇದಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇಷಾಂ ಕೃತಂಕೃತಮಸಿಧ್ಯತ್ ।
ಕೃತಂಕೃತಂ ನಸ್ಸಿಧ್ಯೇದಿತಿ ಸತ್ರಮಾಸತೇ ।
ಕೃತಂಕೃತಂ ಹೈವೈಭ್ಯಸ್ಸಿಧ್ಯತಿ ।
ಯದ್ವೇವೈಷಾಮೇತೇನ ಸಾಮ್ನಾ ಕೃತಂಕೃತಮಸಿಧ್ಯತ್ತಸ್ಮಾತ್ಸಾಧ್ರಮಿತ್ಯಾಖ್ಯಆಯತೇ ।
ಸಧ್ರಿರ್ವೈರೂಪಃ ಪಶುಕಾಮಸ್ತಪೋಽತಪ್ಯತ ।
ಸ ಏತತ್ಸಾಮ್ಪಆಶ್ಯತ್ ।
ತೇನಾಸ್ತುತ ।
ಸ ಏತಾಮಿಳಾಮುಪೈತ್ ।
ಪಶವೋ ವಾ ಇಳಾ ।
ತತೋ ವೈ ಸ ಪಶೂನವಾರುನ್ದ್ಧ ।
ತದೇತತ್ಪಶವ್ಯಂ ಸಾಮ ।
ಅವ ಪಶೂನ್ರುನ್ದ್ಧೇ ಬಹುಪಶುರ್ಭವತಿ ಯ ಏವಂ ವೇದ ।
ಯದು ಸಧ್ರಿರ್ವೈರೂಪೋಽಪಶ್ಯತ್ತಸ್ಮಾತ್ಸಾಧ್ರಮಿತ್ಯಾಖ್ಯಾಯತೇ ೨೭೨

ಅಥಾಕೂಪಾರಮ್ ।
ಅಕೂಪಾರೋ ವೈ ಕಶ್ಯಪಃ ಕಲಿಭಿಸ್ಸಹ ಸಮುದ್ರ ಮಭ್ಯವೈಷತ್ ।
ತಸ್ಮಿನ್ಪ್ರತಿಷ್ಠಾಮೈಚ್ಛತ್ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ।
ತತೋ ವೈ ಸ ಸಮುದ್ರೇ ಪ್ರತಿಷ್ಠಾಮವಿನ್ದತೇಮಾಮೇವ ಪೃಥಿವೀಮ್ ।
ತತೋ ಹ ಸ್ಮ ವೈ ತಸ್ಯ ಕಲಯಃ ಪೃಷ್ಠ ಆಸತೇ ।
ತದೇತತ್ಪ್ರತಿಷ್ಠಾಸಾಮ ।
ಪ್ರತಿತಿಷ್ಠತಿ ಯ ಏವಂ ವೇದ ।
ಸಮುದ್ರೋ ವೈ ಛನ್ದೋಮಾಃ ।
ಕಶ್ಯಪೋ ವೈ ಸಮುದ್ರ ಮತಿಪಾರಯಿತುಮರ್ಹತಿ ।
ತದ್ಯದತ್ರಾಕೂಪಾರಂ ಭವತಿ ಸಮುದ್ರ ಸ್ಯೈವಾತಿಪಾರಣಾಯ ।
ಯದ್ವಕೂಪಾರಃ ಕಶ್ಯಪೋಽಪಶ್ಯತ್ । ತಸ್ಮಾದಾಕೂಪಾರಮಿತ್ಯಾಖ್ಯಾಯತೇ ।
ಅಥೈತಾ ದ್ವಿಪದೋ ಭವನ್ತ್ಯುಕ್ತಬ್ರಾಹ್ಮಣಾಃ ।
ತಾ ಏತಾ ಭವನ್ತಿ
ಪವಸ್ವ ಸೋಮ ಮಹೇ ದಕ್ಷಾಯೇ
ತಿ ।
ಮಹದ್ಧ್ಯೇತದಹರ್ಯದಷ್ಟಾಚತ್ವಾರಿಂಶಮ್ ।
ತಾಸು ವಿಧರ್ಮೋಕ್ತಬ್ರಾಹ್ಮಣಮ್ ।
ತಚ್ಚತುರಕ್ಷರಣಿಧನಂ ಭವತಿ ಚತುಷ್ಪದಾ ವೈ ಪಶವಃ ।
ಪಶವಶ್ಛನ್ದೋಮಾಃ ಪಶೂನಾಮೇವಾವರುದ್ಧ್ಯೈ ।
ಉಪೋ ಷು ಜಾತಮಪ್ತುರಮ್
ಇತಿ ಜನದ್ವತೀರ್ಭವನ್ತಿ ।
ಜನದ್ವದ್ವೈ ಜಗತ್ಯೈ ರೂಪಮ್ ।
ಜಾಗತಮೇತದಹಃ ।
ಗೋಭಿರ್ಭಂಗಂ ಪರಿಷ್ಕೃತಮ್ ।
ಇನ್ದುಂ ದೇವಾ ಅಯಾಸಿಷುಃ
ಅರ್ಷಾ ನಸ್ಸೋಮ ಶಂ ಗವೇ ಧುಕ್ಷಸ್ವ ಪಿಪ್ಯುಷೀಮಿಷಮ್ ।
ವರ್ಧಾ ಸಮುದ್ರ ಮುಕ್ಥ್ಯಮಿತಿ ಗೋಮತೀಃ ಪಶುಮತೀರ್ಭವನ್ತಿ । ಪಶೂನಾಮೇವಾವರುದ್ಧ್ಯೈ ।
ಪಶವೋ ಹಿ ಛನ್ದೋಮಾಃ ।
ತಮಿದ್ವರ್ಧನ್ತು ನೋ ಗಿರ
ಇತಿ ವೃದ್ಧಂ ಹ್ಯೇತದಹರ್ಯದಷ್ಟಾಚತ್ವಾರಿಂಶಮ್ ೨೭೩

ತಾಸು ಶ್ರುಧೀಯಮ್ ।
ಪ್ರಜಾಪತಿರ್ಯಜ್ಞಮಸೃಜತ ।
ತಂ ದೇವೇಭ್ಯಃ ಪ್ರಾಯಚ್ಛತ್ ।
ಸ ಕ್ಷಯಾದ್ವಿಭ್ಯತ್ಪ್ರಾದ್ರ ವತ್ ।
ತೇ ದೇವಾ ಅಕಾಮಯನ್ತ ಶೃಣುಯಾನ್ನ ಇತಿ ।
ತ ಏತತ್ಸಾಮಾಪಶ್ಯನ್ ।
ತೇನೈನಂ ಶ್ರೋಧಿಯೇತ್ಯನ್ವಹ್ವಯನ್ ।
ಸೋಽಶೃಣೋತ್ ।
ತಮಬ್ರುವನ್ನಭಿ ನ ಆವರ್ತಸ್ವೇತಿ ।
ಕ್ಷಯಾದ್ವೈ ಬಿಭಮೀತಿ ।
ನೇತ್ಯಬ್ರುವನ್ ।
ತಸ್ಮೈ ವೈ ಮೇ ಶ್ರದ್ಧಾಂ ಕುರುತೇತಿ ।
ತಸ್ಮೈ ಶ್ರೋಧಿಯೇತ್ಯೇವ ಶ್ರದ್ಧಾಮಕುರ್ವನ್ ।
ತಮೇಹ್ಯಾ ಇತ್ಯೇವ ನ್ಯಹ್ವಯನ್ತ ।
ತತೋ ವೈ ತೇಭ್ಯೋ ಯಜ್ಞೋ ನೋದಕ್ರಾಮತ್ ।
ತತ ಏವಾನುಪಾವರ್ತತ ।
ಉಕ್ತ್ರಾನ್ತ ಇವೈತರ್ಹಿ ಯಜ್ಞೋ ಭವತಿ ನವಮೇಽಹನ್ ।
ತದ್ಯದತ್ರ ಶ್ರುಧೀಯಂ ಭವತಿ । ಸಮೇವೈನಮೇತೇನ ಯಜ್ಞಂ ನಿಹ್ವಯನ್ತೇ ।
ತಸ್ಮಾಚ್ಛ್ರೋಧಿಯೇತ್ಯೇವ ಪ್ರಥಮಾಯಾಂ ಕುರ್ಯಾಚ್ಛ್ರೋಧೇಮೇತ್ಯುತ್ತರಯೋಃ ।
ಅಥೋ ಯಸ್ಮೈ ಜೀವಾತುಂ ಕಾಮಯೇತ । ತಮೇತನೈವ ನಿಹ್ವಯೇತ ೨೭೪

ಅಥ ಯಜ್ಞಾಯಜ್ಞೀಯಮುಕ್ತಬ್ರಾಹ್ಮಣಮ್ ।
ಅಥ ದೈವಾನೀಕಮ್ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತಾಗ್ನಿನೈವಾತೀಕೇನಾಸುರಾಞ್ಜಯೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ಭದ್ರೋ ನೋ ಅಗ್ನಿರಾಹುತ
ಇತ್ಯಗ್ನಿಮೇವಾನೀಕಮಕುರುತ ।
ಭದ್ರಾ ರಾತಿಸ್ಸುಭಗ ಭದ್ರೋ ಅಧ್ವರಃ ।
ಭದ್ರಾ ಉತ ಪ್ರಶಸ್ತಯಃ
ಭದ್ರಂ ಮನಃ ಕೃಣುಷ್ವ ವೃತ್ರತೂರ್ಯೇ ಯೇನಾ ಸಮತ್ಸು ಸಾಸಹಿಃ ।
ಇತಿ ಸಮತ್ಸ್ವೇವೈನಾನಸಹನ್ತ ।
ಅವ ಸ್ಥಿರಾ ತನುಹಿ ಭೂರಿ ಶರ್ಧತಾಮ್
ಇತಿ ಯದೇವೈಷಾಂ ವೀರ್ಯಂ ಯದ್ಬಲಮಾಸೀತ್ತದೇತೇನಾವಾಘ್ನನ್ ।
ವನೇಮಾ ತೇ ಅಭಿಷ್ಟಯ
ಇತ್ಯೇವೈನಾನಭ್ಯತಿಷ್ಠನ್ ।
ತತೋ ವೈ ತೇಽಗ್ನಿನೈವಾನೀಕೇನಾಸುರಾನಜಯನ್ ।
ತದೇವ ದೈವಾನೀಕಸ್ಯ ದೈವಾನೀಕತ್ವಮ್ ।
ತದೇತದ್ವಿಜಿತಿ ಭ್ರಾತೃವ್ಯಹಾ ಸಾಮ ।
ವಿಜಿಯತೇ ಹನ್ತಿ ದ್ವಿಷನ್ತಂ ಭ್ರಾತೃವ್ಯಂ ಯ ಏವಂ ವೇದ ೨೭೫

ಅಥೇಧ್ಮವಾಹಮ್ ।
ಋಷಯೋ ವೈ ಸ್ವರ್ಗಂ ಲೋಕಂ ಯನ್ತ ಇಧ್ಮವಾಹಂ ಸಮಿದ್ಧಾರಂ ಪರೇತಮರಣ್ಯ ಏಕಮಜಹುಃ ।
ಸೋಽಕಾಮಯತಾನೂತ್ಪತೇಯಂ ಸ್ವರ್ಗಂ ಲೋಕಂ ಪ್ರತಿಸತ್ರಿಭಿಸ್ಸಂಗಚ್ಛೇಯೇತಿ ।
ಸ ಷಕ್ಷತ ಹನ್ತ ಪ್ರತಿ ಸತ್ರಿಣ ಏವ ಸ್ತವಾನಿ ।
ತ ಏವ ಮಾ ಸ್ತುತಾಸ್ತಥಾ ಕರಿಷ್ಯನ್ತಿ ಯಥೈಷಾಮುಪಶ್ರೋಷ್ಯಾಮೀತಿ ।
ಸ ಏತಂ ತೃಚಮಪಶ್ಯತ್ ।
ತೇನೈನಾನಸ್ತೌದಾ ಘಾ ಯೇ ಅಗ್ನಿಮಿನ್ಧತೇ ಸ್ತೃಣನ್ತಿ ಬರ್ಹಿರಾನುಷಕ್ ।
ಯೇಷಾಮಿನ್ದ್ರೋ ಯುವಾ ಸಖಾ
ಬೃಹನ್ನಿದಿಧ್ಮ ಏಷಾಂ ಭೂರಿ ಶಸ್ತಂ ಪೃಥು ಸ್ವರುಃ ।
ಯೇಷಾಮಿನ್ದ್ರೋ ಯುವಾ ಸಖಾ
ಅಯುದ್ಧ ಇದ್ಯುಧಾ ವೃತಂ ಶೂರ ಆಜತಿ ಸತ್ವಭಿಃ ।
ಯೇಷಾಮಿ ದ್ರೋ ಯುವಾ ಸಖಾ
ಇತಿ ।
ತೇಽಸ್ಮೈ ಸ್ತುತಾಸ್ತಥಾಕುರ್ವನ್ಯಥೈಷಾಮುಪಾಶ್ರೋಷತ್ ।
ತೇಷಾಂ ಹ ಕಶಾನಾಂ ವದನ್ತೀನಾಮುಪಶುಶ್ರಾವ ।
ಸ ಏತತ್ಸಾಮಾಪಶ್ಯತ್ ।
ತೇನಾಸ್ತುತ ೨೭೬

ಇಹೈವಾ ಶೃಣ್ವ ಏಷಾಂ ಕಶಾ ಹಸ್ತೇಷು ಯಾದ್ವಾದಾನ್ ।
ನಿ ಯಾಮೈಶ್ಚಿತ್ರಾಮೃಞ್ಜತಾಇ
ನಿ ಯಾಮೈಶ್ಚಿತ್ರಂ ಚಿತ್ರಮಾರ್ಞ್ಜಾತಾಯಿ ಏಹಿ ಯಾ ಔಹೋ ತಮೇಹಿ ಯೌ ಹೋ ಏಹಿ ಯೌ ಹೋ ವಾ ಏಹೀ ತ್ಯೇವ ಸ್ವರ್ಗೇ ಲೋಕೇ ಉಪಾಹ್ವಯನ್ತ ।
ತತೋ ವೈ ಸ ಪ್ರತಿಸತ್ರಿಭಿಸ್ಸಮಗಚ್ಛತ ।
ಸ ಏತೇನೈವ ಸಾಮ್ನಾ ಸ್ತುತ್ವಾ ಸ್ವರ್ಗಂ ಲೋಕಮಾರೋಹತ್ ।
ಆ ಘಾ ಯೇ ಅಗ್ನಿಮಿನ್ಧಾತಾಯಿ ಸ್ತೃಣನ್ತಿ ಬರ್ಹಿರಾನುಷಕ್ ।
ಯೇಷಾಮಿನ್ದ್ರೋ ಯುವಾ ಇಹಾ ಮವಾವುವೋ ವಾ ಸಾಖೋ ಹಾ
ಇತ್ಯೇವ ಸ್ವರ್ಗಂ ಲೋಕಮನ್ವಾರೋಹತ್ ।
ತದೇತತ್ಸ್ವರ್ಗ್ಯಂ ಸಾಮ ।
ಅಶ್ನುತೇ ಸ್ವರ್ಗಂ ಲೋಕಂ ಯ ಏವಂ ವೇದ ।
ಯದ್ವಿಧ್ಮವಾಹೋಽಪಶ್ಯತ್ತಸ್ಮಾದೈಧ್ಮವಾಹಮಿತ್ಯಾಖ್ಯಾಯತೇ ।
ಅಥ ತ್ರೈಕಕುಭಮುಕ್ತಬ್ರಾಹ್ಮಣಂ ತ್ರೀನ್ದ್ರಿ ಯಂ ಸಾಮ ।
ಷನ್ದ್ರೀ ಋಚ ಷನ್ದ್ರಂ ಸಾಮೇನ್ದ್ರ ಇತಿ ನಿಧನಂ ಭವತಿ ।
ತ್ರೀಣಿ ಪುರುಷ ಇನ್ದ್ರಿ ಯಾಣ್ಯಾತ್ಮಾ ಪ್ರಜಾ ಪಶವಃ ।
ತಾನ್ಯೇವೈತೇನಾತ್ಮನ್ಪರಿಗೃಹ್ಣೀತೇ ।
ಗಾಯನ್ತಿ ತ್ವಾ ಗಾಯತ್ರಿಣೋ ಅರ್ಚನ್ತ್ಯರ್ಕಮರ್ಕಿಣಃ ।
ಬ್ರಹ್ಮಾಣಸ್ತ್ವಾ ಶತಕ್ರತ ಉದ್ವಂಶಮಿವ ಯೇಮಿರೇ
ಇತಿ ಯದ್ವೈ ಶತವತ್ಸಹಸ್ರವತ್ತಚ್ಛನ್ದೋಮಾನಾಂ ರೂಪಮ್ ।
ಪಶವೋ ವೈ ಛನ್ದೋಮಾಃ ೨೭೭

ತಾಸೂದ್ವಂಶೀಯಮುಕ್ತಬ್ರಾಹ್ಮಣಮ್ ।
ತಸ್ಯ ಪುರಸ್ತಾನ್ನಿಧನಸ್ಯ ಪ್ರತಿಹಾರಮುಪಯನ್ತಿ ।
ಪ್ರಸ್ತಾವಪ್ರತಿಹಾರಾಭ್ಯಾಂ ವೈ ಯಜಮಾನೋ ಧೃತಃ ।
ಅತೀತಾ ಇವೈತರ್ಹಿ ಭವನ್ತಿ ।
ತದ್ಯತ್ಪುರಸ್ತಾನ್ ನಿಧನಸ್ಯ ಪ್ರತಿಹಾರಮುಪಯನ್ತ್ಯನತಿಪಾದಾಯೈವ ।
ತತ್ಸ್ವಾರಂ ಭವತಿ ।
ಅಭಿ ದಶಮಮಹ ಸ್ವರತಿ ।
ಸ್ವಾರಮೇತದ್ಭವತಿ ।
ಸ್ವರೇಣ ಶ್ವೋ ಭೂತೇ ಪ್ರತಿಪದ್ಯನ್ತೇ ।
ಸ ಯಥಾ ಸಮಾತ್ಸಮಂ ಸಂಕ್ರಾಮೇದ್ । ಯಥಾ ಪ್ರಾಣೇನ ಪ್ರಾಣಂ ಸಂದಧ್ಯಾತ್ । ತಾದೃಕ್ತತ್ ೨೭೮

ಪೂರ್ವೈರಹೋಭಿರ್ವಾಚಂ ವಿಪ್ರಯುಞ್ಜತೇ ।
ತಾಂ ಯದಸಂಪಾದ್ಯೋತ್ತಿಷ್ಠೇಯುರ್ವ್ಯೃದ್ಧೇನೋತ್ತಿಷ್ಠೇಯುಃ ।
ತಾಮೇವೈತತ್ಸಂಪಾದಯನ್ತಿ ।
ಅನ್ವಹಂ ವಾ ಏತೇ ವರುಣಸ್ಯ ಪಾಶೇ ಬಧ್ಯನ್ತೇ ಯೇ ಯಜನ್ತೇ ಯೇ ಸತ್ರಮಾಸತೇ ।
ಯದ್ಯತ್ಪ್ರತ್ಯಪಕ್ರಾಮನ್ತೋ ಯನ್ತಿ ವರುಣಸ್ಯ ಪಾಶಾನೇವೈತದ್ವಿಷ್ಯಮಾಣಾ ಯನ್ತಿ । ಸ್ತೋತ್ರಿಯೈರ್ವಾ ಇತೋ ರೇತೋ ದಧತೋ ಯನ್ತ್ಯ್ । ಅನುರೂಪೈರತ್ರ ಪ್ರತಿಪದ್ಯನ್ತೇ । ಪ್ರ ತಜ್ಜನಯನ್ತಿ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ಪ್ರಾಯಣೀಯೇನೈವಾಹ್ನಾ ದ್ವಾದಶಾಹೋ ಯುಜ್ಯತೇ ದಶಮೇನಾಹ್ನಾ ವಿಮುಚ್ಯತೇ ।
ಯೇನ ವೈ ಯೋಕ್ತ್ರೇಣಾಶ್ವಮಶ್ವತರಂ ಯುಞ್ಜನ್ತಿ ತೇನೈವೈನಂ ಪುನರ್ವಿಮುಞ್ಚನ್ತಿ ।
ತದ್ಯಾ ಅಮೂಃ ಪುರಸ್ತಾನ್ನವ ಸ್ತೋತ್ರೀಯಾಸ್ತಾ ಏವೈತದುಪರಿಷ್ಟಾತ್ ।
ಶಮ್ಯಾ ಉದಸ್ಯನ್ತಿ ।
ತಸ್ಮಾತ್ಪಶುರ್ಯಥೈವ ಯುಜ್ಯತೇ ತಥಾ ವಿಮುಚ್ಯತೇ ।
ತಸ್ಮಾದು ಯೋಗಕ್ಷೇಮಃ ಕಲ್ಪತೇ ।
ಯಾನ್ಪ್ರಾಯಣೀಯಸ್ಯಾಹ್ನಸ್ತೃಚಾನ್ವಿಚ್ಛಿನ್ದನ್ತಿ ೨೭೯

ಕ್ವ ತೇ ಸಂತಾಯನ್ತ ಇತ್ಯಾಹುಃ ।
ದಶಮೇಽಹನ್ನಿತಿ ಬ್ರೂಯಾತ್ ।
ತೃಚೈರೇಕರ್ಚಾನುಭಯತಸ್ಸಂತನ್ವನ್ತಿ । ಪ್ರಾಣಾನಾಮೇವ ಸಂತತ್ಯಾ ಅವ್ಯವಚ್ಛೇದಾಯ ।
ಅಭಿ ವಾ ಏತಾ ಅನ್ಯಾನ್ಯಸ್ಯೈ ಲೋಕಂ ಧ್ಯಾಯನ್ತಿ ಬ್ರಹ್ಮ ಕ್ಷತ್ರಸ್ಯಾಭಿಧ್ಯಾಯತಿ । ಕ್ಷತ್ರಂ ವಿಶೋ । ವಿಡ್ಬ್ರಹ್ಮಣಃ ।
ತಾ ಅನ್ಯಾನ್ಯಸ್ಯೈ ಲೋಕಮಭಿಧ್ಯಾಯನ್ತೀಃ ಕಾಮಂ ಗಮಯನ್ತಿ ।
ಯತ್ಕಾಮ ಏನಾ ಆಹರತೇ ಸಮಸ್ಮೈ ಸ ಕಾಮ ಋಧ್ಯತೇ ಪ್ರಸೃತಛನ್ದಾ ವೈ ಪ್ರಥಮಸ್ತ್ರಿಯಹಃ ।
ತೇನ ಸೋಽಯಾತಯಾಮಾ ಕ್ರಿಯತೇ ।
ವಿ ದ್ವಿತೀಯಸ್ಯ ಛನ್ದಾಂಸಿ ಪರ್ಯೂಹನ್ತಿ ।
ತೇನ ದ್ವಿತೀಯಸ್ತ್ರಿಯಹೋಽಯಾತಯಾಮಾ ಕ್ರಿಯತೇ ।
ವಿ ತೃತೀಯಸ್ಯ ಛನ್ದಾಂಸಿ ಪರ್ಯೂಹನ್ತಿ ।
ತೇನೈವ ತೃತೀಯಸ್ಯ ತ್ರಿಯಹೋಽಯಾತಯಾಮಾ ಕ್ರಿಯತೇ ೨೮೦

ಗಾಯತ್ರಮುಖೋ ವೈ ಪ್ರಥಮಸ್ತ್ರಿಯಹಃ ।
ತಸ್ಮಾದಯಮಗ್ನಿರೂರ್ಧ್ವೋ ದೀದಾಯ ।
ಗಾಯತ್ರಮಧ್ಯೋ ದ್ವಿತೀಯಸ್ತ್ರಿಯಹಃ ।
ತಸ್ಮಾದಯಂ ವಾಯುಸ್ತಿರ್ಯಙ್ಪವತೇ ।
ಗಾಯತ್ರೋತ್ತಮಸ್ತೃತೀಯಸ್ತ್ರಿಯಹಃ ।
ತಸ್ಮಾದಸಾವರ್ವಾಙಾದಿತ್ಯಸ್ತಪತಿ ।
ದೇವಾಸುರಾ ಅಸ್ಪರ್ಧನ್ತ ।
ತೇಽಬ್ರುವನ್ಯೋ ನಸ್ತ್ರಿರನವಾನಂ ಗಾಯತ್ರ ಗಾಯತಿ ಸ ನ ಇಮಾಂಶ್ಚ ಲೋಕಾನ್ಸಂಜಯತಿ ಪ್ರಾಣಾಪಾನವ್ಯಾನಾಂಶ್ಚೇತಿ ।
ಸೋಽಯಾಸ್ಯ ಆಙ್ಗಿರಸಸ್ತ್ರಿರನವಾನಂ ಗಾಯತ್ರಮಗಾಯತ್ ।
ತೇನೇಮಾಂಶ್ಚ ಲೋಕಾನ್ಸಮಜಯತ್ಪ್ರಾಣಾಪಾನವ್ಯಾನಾಂಶ್ಚ ।
ಸಂ ಇಮಾಂಶ್ಚ ಲೋಕಾಞ್ಜಯತಿ ಪ್ರಾಣಾಪಾನವ್ಯಾನಾಂಶ್ಚ ಯ ಏವಂ ವಿದ್ವಾಂಸ್ತ್ರಿರನವಾನಂ ಗಾಯತ್ರಂ ಗಾಯತಿ ।
ಯೋ ವಾ ಅಗ್ನಿಷ್ಟೋಮೇನ ದಶಾಹಂ ಕಲ್ಪಮಾನಂ ವೇದ ಕಲ್ಪತೇಽಸ್ಮೈ ಪ್ರಾತಸ್ಸವನೇನೈವ ಪ್ರಥಮಸ್ತ್ರ್! ಯಹಃ । ಕಲ್ಪತೇ ಮಾಧ್ಯನ್ದಿನೇನ ದ್ವಿತೀಯಸ್ । ತೃತೀಯಸವನೇನ ತೃತೀಯೋಽಗ್ನಿಷ್ಟೋಮಸಾಮ್ನೈವ ದಶಮಮಹಃ ಕಲ್ಪತೇ ।
ಕಲ್ಪತೇಽಸ್ಮೈ ಯ ಏವಂ ವೇದ ೨೮೧

ಅಥೈತಾನ್ಯಾಪ್ರೀಋ ಆಜ್ಯಾನಿ ಭವನ್ತಿ ।
ಪ್ರಜಾಪತಿಃ ಪ್ರಜಾ ಅಸೃಜತ ।
ಸ ಸೃಷ್ಟ್ವಾ ರಿರಿಚಾನೋಽಮನ್ಯತ ।
ಸ ಏತಾನ್ಯಾಪ್ರೀರಾಜ್ಯಾನ್ಯಪಶ್ಯತ್ ।
ತೈರಾತ್ಮಾನಮಾಪ್ರೀಣೀತಾಯಾತಯಾಮತಾಯೈ ।
ರಿಚ್ಯನ್ತೇ ಇವ ವಾ ಏತೇ ಯ ಏತದಹರಾಗಚ್ಛನ್ತಿ ।
ತದ್ಯದೇತಾನ್ಯಾಪ್ರೀಋ ಆಜ್ಯಾನಿ ಭವನ್ತ್ಯಾತ್ಮಾನಮೇವೈತೈರ್ಯಜಮಾನಾ ಆಪ್ರೀಣತೇಽಯಾತಯಾಮತಾಯೈ ।
ಅನಿರುಕ್ತಾನ್ಯಾಜ್ಯಾನಿ ಭವನ್ತಿ ಛನ್ದಸಾಮನಭಿಧರ್ಷಾಯ । ಪಾಪವಸ್ಯಸಸ್ಯ ವಿವಕ್ತ್ಯೈ ।
ವಿ ಪಾಪ್ಮನಾ ವಿಚ್ಯತೇ ಯ ಏವಂ ವೇದ ।
ಷನ್ದ್ರಾ ಗ್ನಮುತ್ತಮಂ ಪದಂ ನಿರಾಹ ಛನ್ದಸಾಮಪ್ರಣಾಶಾಯ ಯಜ್ಞಸ್ಯಾನುಖ್ಯಾತ್ಯೈ ।
ಅನುಖ್ಯಾತನೈವ ಯಜ್ಞೇನ ಸ್ವರ್ಗಂ ಲೋಕಂ ಸಮಶ್ನುವತೇ ।
ತದಾಹುರ್ಯತ್ಸರ್ವೇಭ್ಯೋಽಹೋಭ್ಯೋ ದಶಮಮಹಸ್ಸಂಮರನ್ತ್ಯ್ । ಅಥ ಕೇನೈಷಾಂ ಛನ್ದೋಮಾ ಅನನ್ತರಿತಾ ಭವನ್ತೀತಿ ।
ಸ್ತೋಮೇನೇತಿ ಬ್ರೂಯಾತ್ ।
ಚತುರ್ವಿಂಶಂ ಸಪ್ತಮಮಹರ್ಭವತಿ । ಚತುರ್ವಿಂಶಂ ದಶಮಮಹಃ ।
ಅಥೋ ಯದೇವೈತತ್ಸಮಯ್ಯೇಕಮಾಜ್ಯಂ ಭವತಿ ತೇನೋ ಏವೇತಿ ೨೮೨

ಉಚ್ಚಾ ತೇ ಜಾತಮನ್ಧಸೇ
ತ್ಯುದ್ವತೀರುತ್ಥಾನೀಯೇಽಹನ್ಭವನ್ತ್ಯಥೋ ಸ್ವರ್ಗಸ್ಯೈವ ಲೋಕಸ್ಯಾಭ್ಯುತ್ಕ್ರಾನ್ತ್ಯೈ ।
ಸ್ವರ್ಗೋ ಹ್ಯೇಷ ಲೋಕೋ ಯದ್ದಶಮಮಹಃ ।
ಸ ನ ಇನ್ದ್ರಾ ಯ ಯಜ್ಯವೇ ವರುಣಾಯ ಮರುದ್ಭ್ಯ
ಇತಿ ಮರುತ್ವತೀರ್ಭವನ್ತಿ ।
ಮರುತ್ವದ್ವೈ ಮಧ್ಯನ್ದಿನಸ್ಯ ರೂಪಮ್ ।
ಮಧ್ಯನ್ದಿನಸ್ಯೈವ ತದ್ರೂ ಪಾನ್ನ ಯನ್ತಿ ।
ಏನಾ ವಿಶ್ವಾನ್ಯರ್ಯ ಆ ದ್ಯುಮ್ನಾನಿ ಮಾನುಷಾಣಾಮ್ ।
ಸಿಷಾಸನ್ತೋ ವನಾಮಹೇ
ಇತಿ ಸಿಷಾಸದ್ವತೀರ್ಭವನ್ತಿ ।
ಸಿಷಾಸನ್ತೋ ಹ್ಯೇವೈತೇನಾಹ್ನಾ ಸ್ವರ್ಗಂ ಲೋಕಂ ಗಚ್ಛನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥಾಮಹೀಯವಮ್ ।
ಪ್ರಜಾಪತೇರ್ವಾ ಆಮಹೀಯವಮ್ ।
ಪ್ರಾಜಾಪತ್ಯಮೇತದಹಃ ।
ತದ್ಯದತ್ರಾಮಹೀಯವಂ ಪ್ರಾಜಾಪತ್ಯೇಽಹನ್ಕ್ರಿಯತೇಽಹರೇವ ತದ್ರೂ ಪೇಣ ಸಮರ್ಧಯನ್ತಿ ।
ತೇನೈಭ್ಯಸ್ಸಮೃದ್ಧೇನ ಸ್ವಾಯಾಂ ಜನತಾಯಾಮೃದ್ಧುಕಂ ಭವತಿ ।
ಅಥಾಜೀಕಮುಜ್ಜಿತ್ಯೈ ।
ದೇವಾಸುರಾ ಯಜ್ಞ ಆಜಿಮಾಯನ್ ।
ತೇ ದೇವಾ ಅಕಾಮಯನ್ತೋದಿಮಮಾಜಿಂ ಜಯೇಮೇತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತೇ ತಮಾಜಿಮುದಜಯನ್ ।
ಆಜಿಮಿವೈತೇ ಯನ್ತಿ ಯ ಏತದಹರಾಗಚ್ಛನ್ತಿ ।
ತದ್ಯದತ್ರಾಜೀಕಂ ಭವತ್ಯುಜ್ಜಿತ್ಯಾ ಏವ ।
ಉಜ್ಜಯತಿ ಯ ಏವಂ ವೇದ ।
ತದ್ವಾ ಆಜೀಕಮಿತಿ ಕವತ್ಪ್ರಾಜಾಪತ್ಯಂ ಸಾಮಾಹ್ನೋ ರೂಪೇಣ ಸಮೃದ್ಧಮ್ ।
ಯತ್ರ ವಾ ಅಹಾರೂಪೇಣ ಸಮರ್ಧಯನ್ತಿ ಸಂ ತತ್ರರ್ಧ್ಯತ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ೨೮೩

ಅಥಾಭೀಕಮ್ ।
ದೇವಾ ವಾ ಅಕಾಮಯನ್ತಾಭೀಕಂ ನಶ್ಶಿರಮಾಪ ಉಪಸ್ಪೃಶೇಯುರಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತಾನಭೀಕಂ ಶಿವಮಾಪ ಉಪಾಸ್ಪೃಶನ್ ।
ತದಾಭೀಕಸ್ಯಾಭೀಕತ್ವಮ್ ।
ಅಭೀಕಂ ಹ ವಾ ಏನಂ ಶಿವಮಾಪ ಉಪಸ್ಪೃಶನ್ತಿ ಯ ಏವಂ ವೇದ ।
ಋಷಯೋ ವೈ ತಪಸ್ತೇಪಾನಾ ಅಶೋಚನ್ ।
ತೇಽಕಾಮಯನ್ತಾಭೀಕಂ ನಶ್ಶಿವಮಾಪ ಉಪಸ್ಪೃಶೇಯುರಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತತೋ ವೈ ತಾನಭೀಕೇಽಭ್ಯವರ್ಷತ್ ।
ತದ್ವೇವಾಭೀಕಸ್ಯಾಭೀಕತ್ವಮ್ ।
ತದಾಪೋ ವೈ ಶಾನ್ತಿಃ ।
ಶುಶುಚಾನಾ ಇವೈತೇ ತೇಪಾನಾ ಇವ ಭವನ್ತಿ ಯ ಏತದಹರಾಗಚ್ಛನ್ತಿ ।
ತದ್ಯದತ್ರಾಭೀಕಂ ಭವತಿ ಶುಚ ಏವಾಪಹತ್ಯೈ ।
ತದ್ವಾ ಆಭೀಕಮಿತಿ ಕವತ್ಪ್ರಾಜಾಪತ್ಯಂ ಸಾಮಾಹ್ನೋ ರೂಪೇಣ ಸಮೃದ್ಧಮ್ ।
ಯತ್ರ ವಾ ಅಹಾರೂಪೇಣ ಸಮರ್ಧಯನ್ತಿ ಸಂ ತತ್ರರ್ಧ್ಯತೇ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ೨೮೪

ಅಥೈತಾಃ
ಪ್ರತ್ನಂ ಪೀಯೂಷಂ ಪೂರ್ವ್ಯಂ ಯದುಕ್ಥ್ಯಮ್
ಇತಿ ಸತೋಬೃಹತಯೋ ಭವನ್ತಿ ।
ಅನುಷ್ಟುಬ್ವೈ ಯಜ್ಞಮಸೃಜತ ।
ವಾಗ್ವಾ ಅನುಷ್ಟುಪ್ ।
ಪ್ರಜಾಪತಿರ್ವಾ ಅನುಷ್ಟುಪ್ಛನ್ದಃ ।
ಸೋಽಬ್ರವೀದ್ಯಜ್ಞಂ ಸೃಷ್ಠ್ವಾ ಛನ್ದಾಂಸಿ ಪುತ್ರಕಾ ವೈನ್ದಧ್ವಮಿತಿ ।
ತಾನ್ಯೇತಯಾವಿನ್ದನ್ತ ।
ಯತ್ತ್ರಿಪದಾ ತೇನ ಗಾಯತ್ರೀ ।
ಉಷ್ಣಿಕ್ಕಕುಭೌ ತಯಾವಿನ್ದನ್ತ ।
ಯದ್ದ್ವಾದಶಾಕ್ಷರಾಣಿಪದಾನಿ ತೇನ ಜಗತೀ ।
ತೇನೋ ಏವಾನುಷ್ಟುಪ್ ।
ಅಕ್ಷರೈರೇವ ಬೃಹತ್ಯವಿನ್ದತ ।
ಯದ್ದೋಹವತೀ ತೇನ ಪಂಕ್ತಿಃ ।
ಆಯತನೇನ ತ್ರಿಷ್ಟುಪ್ ।
ಯದ್ವಿಶ್ವವತೀ ತೇನ ಸರ್ವಾಣಿ ಛನ್ದಾಂಸಿ ।
ತಾನ್ಯೇತಯೈವಾವಿನ್ದನ್ತ ।
ವಿನ್ದತೇ ಯ ಏವಂ ವೇದ ।
ಸರ್ವೇಷಾಂ ವಾ ಏಷಾ ಛನ್ದಸಾಂ ರಸಸ್ತೇಜಸ್ಸಂಭೃತಮ್ ।
ಸರ್ವೇಷಾಮೇವೈತಚ್ಛನ್ದಸಾಂ ರಸೇ ತೇಜಸ್ಯಪರಾಜಿತೇ ಛನ್ದಸಿ ಯಜ್ಞಸ್ಯಾನ್ತತಃ ಪ್ರತಿತಿಷ್ಠನ್ತಿ ೨೮೫

ತಾಃ ಪ್ರತ್ನವತೀರ್ಭವನ್ತಿ ।
ಪ್ರಜಾಪತಿರ್ವೈ ಪ್ರತ್ನಃ ।
ಪ್ರಜಾಪತಾವೇವ ತತ್ಪ್ರತಿತಿಷ್ಠನ್ತಿ ।
ಅಥೋ ಸ್ವರ್ಗೋ ವೈ ಲೋಕಃ ಪ್ರತ್ನಃ ।
ಸ್ವರ್ಗ ಏವ ತಲ್ಲೋಕೇ ಪ್ರತಿತಿಷ್ಠನ್ತಿ ।
ತಾಸಾಂ ಸರ್ವಾಸಾಂ ಸಮಾವದಕ್ಷರಾಣಿ ಪದಾನಿ ಭವನ್ತಿ ।
ತದ್ಯತ್ಸಮಾವದಕ್ಷರಾಣಿ ಪದಾನಿ ಭವನ್ತಿ ತತ್ಸತೋಬೃಹತೀನಾಂ ಸತೋಬೃಹತೀತ್ವಮ್ ।
ಸರ್ವತೋ ಹ ವೈ ಬೃಹದ್ಭವತಿ ಯ ಏವಂ ವೇದ ।
ತದು ಹೋವಾಚ ಯಾಮನೋ ಶ್ರಾತಲಾಯನೋ ಯದಾ ವಾ ಏತದಹರಾಗಚ್ಛನ್ತ್ಯಥ ಮುಹ್ಯನ್ತಿ ।
ಅತೋಽನ್ಯಾ ಬೃಹತೀಃ ಕುರ್ವತೇ ।
ಪುನಾನಸ್ಸೋಮ ಧಾರಯೇ
ತ್ಯೇವ ಬೃಹತೀ ಕಾರ್ಯಾ ।
ಏಷಾ ವೈ ಜ್ಞಾತಾ ಬೃಹತೀ ।
ಯದ್ಧ ವೈ ಬಹವೋ ಯನ್ತೋ ಜ್ಞಾತಮುಖಂ ಕೃತ್ವಾ ಯನ್ತಿ ಸರ್ವೇ ವಾವ ತೇ ಜ್ಞಾತಾ ಭವನ್ತಿ ।
ತದ್ಯತ್
ಪುನಾನಸ್ಸೋಮ ಧಾರಯೇ
ತಿ ಬೃಹತೀ ಭವತಿ ತೇನೈವೈತದಹರ್ಜ್ಞಾತಂ ಕ್ರಿಯತೇ ।
ಭೂಯಾಂಸಿ ತು ರೂಪಾಣ್ಯಪರಾಧ್ಯನ್ತೇ ।
ಇತರಾಣ್ಯೇವ ಭೂಯಾಂಸಿ ರೂಪಾಣಿ ೨೮೬

ತದಾಹುರ್ನ ಬುಭೂಷನ್ಭೂತಬೃಹತೀಭಿ ಸ್ತುವೀತ ।
ಭೂತ ಏವೈತಾಭಿ ಸ್ತುವೀತ ನ ಬಭೂಷನ್ನಿತಿ ।
ಭೂತಾ ಇವ ವಾ ಏತಾ ಯಾಸಾಂ ದ್ವಾದಶಾಕ್ಷರಾಣಿ ಪದಾನಿ ।
ಅಥೇಮಾ ಭವಿಷ್ಯದ್ಬೃಹತಯಃ ಪುನರಾದಾಯೇನ ಬೃಹತ್ಯೋ ಭವನ್ತಿ ।
ತಸ್ಮಾದ್ಭೂತ ಏವ ಭೂತಬೃಹತೀಭಿ ಸ್ತುವೀತ ನ ಬುಭೂಷನ್ನಿತಿ ।
ತದು ವಾ ಆಹುರ್ಯಾವದ್ವೈ ಕೃತ್ವೋ ಯಜತೇ ತಾವದ್ಬುಭೂಷತಿ ತಾವತ್ಕಾಮಯತೇ ಶ್ರೇಯಾನ್ಸ್ಯಾಂ ಶ್ರೇಯಾನ್ಸ್ಯಾಮಿತಿ ।
ತಸ್ಮಾದುಭಯೀರೇವ ಕಾರ್ಯಾ ಏತಯೋರುಭಯೋಃ ಕಾಮಯೋರುಪಾಪ್ತ್ಯಾ ಇತಿ ೨೮೭

ಉತ್ಸೇಧನಿಷೇಧಾವೇವ ಸತೋಬೃಹತೀಷು ಸ್ಯಾತಾಂ । ಯಜ್ಞಾಯಜ್ಞೀಯಂ ಭವಿಷ್ಯದ್ಬೃಹತ್ಯಾಮ್ ।
ತಥಾ ಹಾಭ್ಯಾವರ್ತಾ ಭವನ್ತ್ಯಪರಾಚೀಃ ।
ತದಾಹುರ್ನ ಚತುರ್ಥಾಯ ಛನ್ದಸೇ ಮಾಧ್ಯನ್ದಿನಃ ಪವಮಾನಃ ।
ತತ್ಸ್ಥಾನಶ್ಚತುರ್ಥಮಿವ ವಾ ಏತಚ್ಛನ್ದಃ ಕ್ರಿಯತ ಇತಿ ।
ತದ್ಯದ್ಬೃಹತೀತರಾ ಭವತಿ ಬೃಹತೀತರಾ ತೇನ ಸಮಾನಚ್ಛನ್ದಃ ।
ತಾಸೂತ್ಸೇಧನಿಷೇಧೌ ।
ಉತ್ಸೇಧೇನ ವಾ ಅಙ್ಗಿರಸಃ ಪಶೂನುತ್ಸಿಧ್ಯ ನಿಷೇಧೇನ ನಿಷಿಧ್ಯೋದತಿಷ್ಠನ್ ।
ಉತ್ಸೇಧೇನೈವೈತತ್ಪಶೂನುತ್ಸಿಧ್ಯ ನಿಷೇಧೇನ ನಿಷಿಧ್ಯ ಉತ್ತಿಷ್ಠನ್ತಿ ೨೮೮

ತಾವನ್ತರಾ ಯಜ್ಞಾಯಜ್ಞೀಯಂ ಭವತಿ ।
ಪಶವೋ ವೈ ಯಜ್ಞಾಯಜ್ಞೀಯಮ್ ।
ಏತಾಂಸ್ತಾನ್ಪಶೂನುತ್ಸಿಧ್ಯ ಚ ನಿಷಿಧ್ಯ ಚೋತ್ತಿಷ್ಠನ್ತಿ ।
ಪ್ರಜಾಪತೇರ್ವಾ ಏತೌ ಪ್ರಾಣಾಪಾನೌ ।
ಯದುತ್ಸೇಧನಿಷೇಧೋ ಭವತಃ ಪ್ರಾಣಾಪಾನಾಭ್ಯಾಮೇವ ತತ್ಸಮೃಧ್ಯನ್ತೇ ।
ಪಾಪವಸ್ಯಸಸ್ಯ ಹ ಖಲು ವಾ ಏತೇ ವಿಹಾರಣಂ ಸಾಮನೀ ।
ರಾಜಸಭಮೇತದ್ಯದ್ದಶಮಹ್ನಾಮ್ ।
ಉಚ್ಚ ವೈ ಪಾಪೀಯಾಂಸಂ ಸಭಾಯಾಮತಿವದನ್ತಂ ಸೇಧನ್ತಿ ನಿ ಚ ಸೇಧನ್ತಿ ।
ತದ್ಯದುತ್ಸೇಧನಿಷೇಧೌ ಭವತಃ ಪಾಪವಸ್ಯಸಸ್ಯೈವೋತ್ಸಿದ್ಧ್ಯೈ ಚ ನಿಷಿದ್ಧ್ಯೈ ಚ ।
ವಾಗ್ವೈ ಯಜ್ಞಾಯಜ್ಞೀಯಮ್ ।
ತದನ್ತರೋತ್ಸೇಧನಿಷೇಧೌ ಭವತಿ ।
ಆತ್ಮಾ ವೈ ವಾಕ್ ।
ಪ್ರಾಣಾಪಾನಾವುತ್ಸೇಧನಿಷೇಧೌ ।
ತದ್ಯದ್ಯಜ್ಞಾಯಜ್ಞೀಯಮನ್ತರೋತ್ಸೇಧನಿಷೇಧೌ ಭವತಿ । ಪ್ರಾಣಾಪಾಣಾಪಾನಾವುತ್ಸೇಧನಿಷೇಧೌ ।
ತದ್ಯದ್ಯಜ್ಞಾಯಜ್ಞೀಯಮನ್ತರೋತ್ಸೇಧನಿಷೇಧೌ ಭವತಿ । ಪ್ರಾಣಾಪಾನಾಭ್ಯಾಮೇವೈತದುಭಯತ ಆತ್ಮಾನಂ ಪರಿಗೃಹ್ಣತೇ ।
ತಸ್ಮಾತ್ಪ್ರಾಣಾಪಾನಾಭ್ಯಾಂ ವಾಕ್ಪರಿಗೃಹೀತಾ ೨೮೯

ತೇಜೋ ವೈ ಯಜ್ಞಾಯಜ್ಞೀಯಮ್ । ಆತ್ಮಾ ಮಧ್ಯನ್ದಿನಃ ।
ತದ್ಯದ್ಯಜ್ಞಾಯಜ್ಞೀಯಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನೇವೈತತ್ತೇಜಃ ಪ್ರತಿಷ್ಠಾಪಯನ್ತಿ ।
ಯಜ್ಞಾಯಜ್ಞೀಯೇನ ವೈ ಪೂರ್ವೇಷ್ವಹಸ್ಸು ಗರ್ಭಾನ್ದಧತೋ ಯನ್ತಿ ।
ತದ್ದಶಮೇಽಹನ್ಯೋನೇಶ್ಚ್ಯಾವಯನ್ತಿ ।
ತಸ್ಮಾದ್ದಶಮಾಸ್ಯಾ ಗರ್ಭಾ ಯೋನೇಶ್ಚ್ಯವನ್ತೇ ಪ್ರಜಾತ್ಯೈ ।
ತಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತಿ ।
ಆತ್ಮಾ ವೈ ಮಧ್ಯನ್ದಿನಃ ಪ್ರಜೈಷಾ ।
ತದ್ಯದ್ಯಜ್ಞಾಯಜ್ಞೀಯಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯ್ । ಆತ್ಮನ್ನೇವೈತತ್ಪ್ರಜಾಂ ಪ್ರತಿಷ್ಠಾಪಯನ್ತಿ ।
ಮಧ್ಯನ್ದಿನಾದ್ವೈ ದೇವಾ ಯಜ್ಞಾಯಜ್ಞೀಯೇನೋರ್ಧ್ವಾ ಸ್ವರ್ಗಂ ಲೋಕಮುದಕ್ರಾಮನ್ ।
ತದ್ಯದುಷ್ಣಿಕ್ಕಕುಭಾವುತ್ತರ ಭವತೋ । ಬೃಹತೀ ಪೂರ್ವಾ ಪುರುಷ ಛನ್ದಸಂ ಕಕುಪ್ । ಸ್ವರ್ಗೋ ಲೋಕೋ ಬೃಹತೀ ಸ್ವರ್ಗ ಏವ ತಲ್ಲೋಕೇ ಪ್ರತಿಷ್ಠಾಯ ಸ್ವರ್ಗಂ ಲೋಕಮಾರೋಹನ್ ।
ದೇವಾಸುರಾ ಯಜ್ಞ ಆಜಿಮಾಯನ್ ।
ದಶಮಸ್ಯಾಹ್ನಃ ।
ತೇ ಯಜ್ಞಾಯಜ್ಞೀಯಮೇವ ಕಾಷ್ಠಾಮಕುರ್ವತ ।
ತೇ ದೇವಾ ಅಕಾಮಯನ್ತ ವಯಮಿಮಮಾಜಿಮುಜ್ಜಯೇಮೇತಿ ।
ತೇ ಯಜ್ಞಾಯಜ್ಞೀಯಮ್ಮಧ್ಯನ್ದಿನಮಭಿ ಪ್ರತ್ಯಾಹರನ್ನ್ । ಅತೋಽನ್ತಿಕಾದುಜ್ಜೇಷ್ಯಾಮ ಇತಿ ।
ಏತದು ಹ ವೈ ದೇವಾನಾಂ ದೇವಕ್ಷೇತ್ರಂ ಯತ್ಪವಮಾನಃ ।
ತತೋ ವೈ ತೇ ತಮಾಜಿಮುದಜಯನ್ ।
ಆಜಿಮಿವೈತೇ ಯನ್ತಿ ಯ ಏತದಹರಾಗಚ್ಛನ್ತಿ ।
ತದ್ಯದತ್ರಯಜ್ಞಾಯಜ್ಞೀಯಂ ಭವತ್ಯುಜ್ಜಿತ್ಯಾ ಏವ ।
ಉಜ್ಜಯತಿ ಯ ಏವಂ ವೇದ ೨೯೦

ಪಶವೋ ವೈ ಯಜ್ಞಾಯಜ್ಞೀಯಮ್ ।
ಆತ್ಮಾ ಮಧ್ಯನ್ದಿನಃ ।
ಪಶುಮಾನ್ಹ್ಯೇವ ಯಜ್ಞಂಯಜ್ಞಮಾಹರತೇ ।
ತದ್ಯದ್ಯಜ್ಞಾಯಜ್ಞಿಯಮ್ಮಧ್ಯನ್ದಿನಮಭಿ ಪ್ರತ್ಯಾಹರನ್ತಿ ಆತ್ಮನ್ನೇವೈತತ್ಪಶೂನ್ಪ್ರತಿಷ್ಠಾಪಯನ್ತಿ ।
ಅಥೈತಾ ಭವನ್ತ್ಯಾ ಜಾಗೃವಿರ್ವಿಪ್ರ ಋತಂ ಮತೀನಾಮಿತ್ಯಾವತೀರುತ್ಥಾನೀಯೇಽಹನ್ ।
ಯತ್ಪ್ರವತೀಃ ಕುರ್ಯುಃ ಪರಾಞ್ಚೋಽತಿಪದ್ಯೇರನ್ ।
ತದ್ಯದಾವತೀರ್ಭವನ್ತ್ಯನತಿಪಾದಾಯೈವ ।
ತದಾಹುರಪೇವ ವಾ ಏತೇ ಭ್ರಂಶನ್ತೇ ಯ ಆವತೀರುತ್ಥಾನೀಯೇಽಹನ್ಕುರ್ವನ್ತೀತಿ ।
ತದ್ಯತ್
ಸೋಮೋ ಮೀಢ್ವಮಭಿ ನೋ ಜ್ಯೋತಿಷಾವೀದ್
ಇತಿ ಭವತ್ಯಭಿಕ್ರಾನ್ತ್ಯಾ ಏವಾನಪಭ್ರಂಶಾಯ ।
ತಾಸು ಗೌರಿವೀತಮ್ ।
ಪ್ರಜಾ ವೈ ಪಶವೋ ಗೌರಿವೀತಮ್ । ಆತ್ಮಾ ಮಧ್ಯನ್ದಿನಃ ।
ತದ್ಯದ್ಗೌರಿವೀತಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನೇವೈತತ್ಪ್ರಜಾಂ ಪಶೂನ್ಪ್ರತಿಷ್ಠಾಪಯನ್ತಿ ।
ಶ್ವಸ್ತನಂ ವೈ ಗೌರಿವೀತಮ್ । ಆತ್ಮಾ ಮಧ್ಯನ್ದಿನಃ ।
ತದ್ಯದ್ಗೌರಿವೀತಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತ್ಯಾತ್ಮನ್ನೇವೈತಚ್ಛ್ವಸ್ತನಂ ಪ್ರತಿ ಷ್ಠಾಪಯನ್ತಿ ।
ರಸೋ ವೈ ಗೌರಿವೀತಮ್ । ಆತ್ಮಾ ಮಧ್ಯನ್ದಿನಃ ।
ತದ್ಯದ್ಗೌರಿವೀತಂ ಮಧ್ಯನ್ದಿನಮಭಿಪ್ರತ್ಯಾಹರನ್ತ್ಯ್ । ಆತ್ಮನ್ನೇವೈತದ್ರ ಸಂ ಪ್ರತಿಷ್ಠಾಪಯನ್ತಿ ೨೯೧

ಅಥ ರಥನ್ತರಮ್ ।
ಬ್ರಹ್ಮ ವೈ ರಥನ್ತರಮ್ ।
ಬ್ರಹ್ಮಣ್ಯೇವೈತತ್ಪ್ರತಿತಿಷ್ಠನ್ತೋ ಯನ್ತಿ ।
ತದ್ಗಾಯತ್ರೀಷು ರಥನ್ತರಂ ಭವತಿ । ಯೋನ್ಯಾಮೇವೈತದ್ರೇ ತಃ ಪ್ರತಿಷ್ಠಾಯನ್ತಿ ।
ಅನುಷ್ಠ್ಯಾಸ್ಯ ರೇತಸ್ಸಿಕ್ತಂ ಪ್ರಜಾಯತೇ ಯ ಏವಂ ವೇದ ।
ಗಾಯತ್ರಂ ಹ ಖಲು ವೈ ರಥನ್ತರಂ ಗಾಯತ್ರೀ ಛನ್ದಃ ।
ತದ್ಯದ್ಗಾಯತ್ರೀಷು ರಥನ್ತರಂ ಪೃಷ್ಠಂ ಭವತಿ । ಸ್ವೇನೈವೈನಂ ತದಾಯತನೇನ ಸಮರ್ಧಯನ್ತಿ ।
ತೇನೈಭ್ಯಸ್ಸಮೃದ್ಧೇನ ಸ್ವಾಯಾಂ ಜನತಾಯಾಮೃದ್ಧುಕಂ ಭವತಿ ।
ತ್ರೀಣಿ ವಾ ಏತಾನಿ ಸಮ್ಯಞ್ಚಿ ಸಂಧೀಯನ್ತೇ ಗಾಯತ್ರೀ ಛನ್ದಶ್ । ಚತುರ್ವಿಂಶ ಸ್ತೋಮೋ । ರಥನ್ತರಂ ಸಾಮ ।
ತದ್ಯದೇತಾನಿ ಸಮ್ಯಞ್ಚಿ ಸಂಧೀಯನ್ತೇ ಸಮೃದ್ಧ್ಯಾ ಏವ ।
ಸಮಸ್ಮಾ ಋಧ್ಯತೇ ಯ ಏವಂ ವೇದ ೨೯೨

ಏತೇ ಹ ಖಲು ವಾ ಅರ್ಕ್ಯೋದಾಮನೀಯೇ ಏತೇ ರಥನ್ತರಸ್ಯಾಕ್ಷರೇ ವ್ಯತಿಷಕ್ತೇ ।
ಏತಾಭ್ಯಂ ಏವೈತದ್ದ್ವಿಷನ್ತಂ ಭ್ರಾತೃವ್ಯಮುಪೋಭ್ಯೋತ್ತಿಷ್ಠನ್ತಿ ।
ತದಾಹುರ್ವ್ಯೂಢಮೇತದಹಾ೩ಸ್ಸಮೂಢಾ೩ಮಿತಿ ।
ಉಭಯಮಿತಿ ಬ್ರೂಯಾದ್ । ವ್ಯೂಢಂ ಚ ಸಮೂಢಂ ಚೇತಿ ।
ಸಾಮಭಿರ್ವ್ಯೂಢಂ ಛನ್ದೋಭಿಸ್ಸಮೂಢಮಿತಿ ।
ಏತಾ ಭವನ್ತಿ
ಮಾ ಚಿದನ್ಯದ್ವಿ ಶಂಸತೇ
ತಿ ಮಾಸಾನೇವೈತದರ್ಧಮಾಸಾನಭಿವದತಿ ।
ಅಥೋ ತೇಷಾಮೇವ ಪ್ರಜಾಪತಿಮನು ಪ್ರಜಾಯತ ।
ಇನ್ದ್ರ ಮಿತಿ ಸ್ತೋತಾ ವೃಷಣಂ ಸಚಾ ಸುತೇ ಮುಹುರುಕ್ಥಾ ಚ ಶಂಸತ
ಅವಕ್ರಕ್ಷಿಣಂ ವೃಷಭಂ ಯಥಾಜುವಂ ಗಾಂ ನ ಚರ್ಷಣೀಸಹಮ್ ।
ಇತಿ ಗೋಮತೀಃ ಪಶುಮತೀರ್ಭವನ್ತಿ ಪಶೂನಾಮೇವಾವರುದ್ಧ್ಯೈ ।
ತಾಸು ಮೈಧಾತಿಥಮುಕ್ತಬ್ರಾಹ್ಮಣಮ್ ।
ಉದು ತ್ಯೇ ಮಧುಮತ್ತಮಾ
ಇತ್ಯುದ್ವತೀರುತ್ಥಾನೀಯೇಽಹನ್ಭವನ್ತ್ಯ್ । ಅಥೋ ಸ್ವರ್ಗಸ್ಯೈವ ಲೋಕಸ್ಯಾಭ್ಯುತ್ಕ್ರಾನ್ತ್ಯೈ ।
ಸ್ವರ್ಗೋ ಹ್ಯೇಷ ಲೋಕೋ ಯದ್ದಶಮಮಹಃ ೨೯೩

ತಾಸ್ವಭೀವರ್ತಃ ।
ದೇವಾಸುರಾ ಅಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತಾಭೀಮಾನಸುರಾನ್ಭವೇಮೇತಿ ।
ತ ಏತಮಭೀವರ್ತಮಪಶ್ಯನ್ ।
ತೇನಾಸುರಾನಭ್ಯವರ್ತನ್ತ ।
ಯದಭ್ಯವರ್ತನ್ತ ತದಭೀವರ್ತಸ್ಯಾಭೀವರ್ತತ್ವಮ್ ।
ತದ್ಯದತ್ರಾಭೀವರ್ತೋ ಭವತಿ ವಜ್ರೋ ವಾ ಅಭೀವರ್ತೋ ವಜ್ರೇಣೈವ ತದ್ದ್ವಿಷನ್ತಂ ಭ್ರಾತೃವ್ಯಮಭಿವೃತ್ಯೋತ್ತಿಷ್ಠನ್ತಿ ।
ತಸ್ಯೈಕಾಕ್ಷರಂ ನಿಧನಂ ಭವತಿ ।
ಏಕಾಕ್ಷರಾ ವೈ ವಾಕ್ ।
ಪ್ರತಿಕೂಲ ಇವ ವಾ ಇತ ಸ್ವರ್ಗೋ ಲೋಕಃ ।
ಸ್ವರ್ಗೋ ಹ್ಯೇಷ ಲೋಕೋ ಯದ್ದಶಮಮಹಃ ।
ತದ್ಯದೇಕಾಕ್ಷರಂ ನಿಧನಂ ಭವತಿ ಯಥಾ ದೃಢಾಂ ಮೇಥೀಂ ನಿಹನ್ಯಾತ್ತಾದೃಗೇವೈತದನಪಭ್ರಂಶಾಯ ।
ಅಥ ಕಳೇಯಮ್ ।
ಅಗ್ನಿರ್ವೈ ರಥನ್ತರಮ್ ।
ವಿಶ್ವೇದೇವಾಃ ಕಾಲೇಯಮ್ ।
ಅಥೈಷ ಸ್ವರ್ಗ ಏಷ ಲೋಕೋ ವಿಶ್ವ ಏವ ದೇವಾಃ ।
ಸ್ವರ್ಗ ಏವ ತಲ್ಲೋಕೇ ವಿಶ್ವೇಷು ದೇವೇಷು ಪ್ರತಿತಿಷ್ಠನ್ತಿ ೨೯೪

ಸ್ವಾದಿಷ್ಟ್ಯಾ ಮದಿಷ್ಟ್ಯೇ
ತ್ಯಾರ್ಭವಸ್ಯ ಪವಮಾನಸ್ಯ ಮದ್ವತೀರ್ಗಾಯತ್ರ್! ಯೋ ಭವನ್ತಿ ।
ರಸೋ ವೈ ಮದಃ ।
ಧೀತಮಿವೈತದ್ಯತ್ತೃತೀಯಸವನಮ್ ।
ತದ್ಯದೇತಾ ಮದ್ವತೀರ್ಭವನ್ತಿ । ರಸಮೇವಾಸ್ಮಿನ್ನೇತದ್ದಧತ್ಯ್ । ಷವೈನದೇತೇನ ಪ್ಯಾಯಯನ್ತಿ ।
ತಾಸು ಗಾಯತ್ರಮುಕ್ತಬ್ರಾಹ್ಮಣಮ್ ।
ಅಥ ಸಂಹಿತಂ ದ್ವ್ಯಕ್ಷರಣಿದಹ್ನಂ ಪ್ರತಿಷ್ಠಾಯೈ ।
ದ್ವಿಪಾದ್ವೈ ಯಜಮಾನಃ ಪ್ರತಿಷ್ಠಿತ್ಯೈ ।
ತಸ್ಯರ್ಚಾ ನಿಧನಮುಪಯನ್ತಿ ।
ಪಶವೋ ವಾ ಋಕ್ । ಪಶವೋ ರಥನ್ತರಂ । ಪಶೂನಾಮೇವಾವರುದ್ಧ್ಯೈ ।
ಅಥೋಷ್ಣಿಕ್ಕಕುಭೌ ।
ಉಷ್ಣಿಕ್ಕಕುಬ್ಭ್ಯಾಂ ವಾ ಇನ್ದ್ರೋ ವೃತ್ರಾಯ ವಜ್ರಂ ಪ್ರಾಹರತ್ ।
ತಮಸ್ತೃಣುತ ।
ವಜ್ರೋ ವಾ ಉಷ್ಣಿಕ್ಕಕುಭೌ ।
ವಜ್ರೇಣೈವ ತದ್ದ್ವಿಷನ್ತಂ ಪಾಪ್ಮಾನಂ ಭ್ರಾತೃವ್ಯಂ ಸ್ತೃಣುತೇ ಯ ಏವಂ ವೇದ ।
ಕಕುಭಿ ಪರಾಕ್ರಮತೋಷ್ಣಿಹಾ ಪ್ರಾಹರತ್ ।
ತಸ್ಮಾತ್ಕಕುಭೋ ಮಧ್ಯಮಾನ್ಯಕ್ಷರಾಣಿ ಭೂಯಿಷ್ಠಾನಿ ।
ಪರಾಕ್ರಮಮಾಣೋ ಹ್ಯಸ್ಯಾ ಅಕ್ಷರಾಣಿ ಸಮೌಹತ್ ।
ತಸ್ಮಾದುಷ್ಣಿಹ ಉತ್ತಮಾನ್ಯಕ್ಷರಾಣಿ ಭೂಯಿಷ್ಠಾನಿ ।
ಪರೋ ಗುರುರಿವ ಹಿ ವಜ್ರ । ಆರಮ್ಭಣತೋಽಣೀಯಾನ್ ।
ಸಾ ಕಕುಬಬ್ರವೀದ್ವಿಲಿಷ್ಠಾ ವಾ ಅಹಮಸ್ಮೀತಿ ।
ಪರಾಕ್ರಮಮಾಣೋ ವೈ ಮೇಽಕ್ಷರಾಣಿ ಸಮೌಹೀತ್ । ಪೂರ್ವಾಂ ಮಾಂ ಪ್ರಯುಞ್ಜತಾಮಿತಿ ।
ಅಥೋಷ್ಣಿಗಬ್ರವೀದಥ ವೈ ಮಾಂ ಪೂರ್ವಾಮಾಚಕ್ಷನ್ತಾ ಇತಿ ।
ತಥೇತಿ ।
ತಸ್ಮಿನ್ಸಮಪಾದಯೇತಾಮ್ ।
ಪೂರ್ವಪ್ರಯೋಗಮನ್ಯಾವೃಣೀತ । ಪೂರ್ವಾ ಖ್ಯಾನಮಸ್ಯಾ ।
ತಸ್ಮಾದೇನೇ ಏವಂ ಪ್ರಯುಞ್ಜತೇ ।
ತಸ್ಮಾದುಷ್ಣಿಕ್ಕಕುಭಾವಿತ್ಯಾಖ್ಯಾಯತೇ ೨೯೫

ತಾ ಏತಾ ಭವನ್ತಿ
ಪವಸ್ವ ಮಧುಮತ್ತಮ । ಇನ್ದ್ರ ಮಚ್ಛ ಸುತಾ ಇಮ
ಇತಿ ।
ಋಜೀಷಂ ವಾ ಏತದ್ದುಗ್ಛಂ ಧೀತಂ ಯಾತಯಾಮ ಯತ್ತೃತೀಯಸವನಮ್ ।
ತಸ್ಮಾದಿನ್ದ್ರೋ ಬೀಭತ್ಸಮಾನ ಉದಕ್ರಾಮತ್ ।
ಧೀತಮಿವ ಹ್ಯಾಸೀತ್ ।
ತಸ್ಮೈ ವೈ ದೇವಾಃ ಪವಸ್ವೇ ತ್ಯೇವಾಪವಯನ್ ।
ಮಧುಮತ್ತಮ
ಇತಿ ಮಧುಮದಕುರ್ವನ್ ।
ಇನ್ದ್ರಾ ಯ ಸೋಮ ಕ್ರತುವಿತ್ತಮೋ ಮದಃ ।
ಮಹಿ ದ್ಯುಕ್ಷತಮೋ ಮದಃ
ಇತ್ಯಭಿಪೂರ್ವಮೇವಾಸ್ಮೈ ಮದ್ವದಕುರ್ವನ್ ।
ಇನ್ದ್ರ ಮಚ್ಛ ಸುತಾ ಇಮ
ಇತಿ ಯಥಾಭಿವತ್ಯಾನಯೇದೇವಂ ವಾ ಏತತ್ಪದಮ್ ।
ಪಾವಮಾನ್ಯಸ್ಸತ್ಯ ಷನ್ದ್ರಿ ಯೋ ಭವನ್ತಿ ವೀರ್ಯವತೀಃ ।
ತಸ್ಮಾದೇತಾ ಏವೋಷ್ಣಿಕ್ಕಕುಭಃ ಕಾರ್ಯಾಃ ।
ತಾಸು ಸಭಮುಕ್ತಬ್ರಾಹ್ಮಣಮ್ ।
ಅಥ ಪೌಷ್ಕಲಮುಕ್ತಬ್ರಾಹ್ಮಣಮ್ ।
ಅಥೈತಾ ಭವನ್ತಿ
ಪರ್ಯೂ ಷು ಪ್ರ ಧನ್ವ ವಾಜಸಾತಯ
ಇತಿ ಪಿಪೀಲಿಕಾಮಧ್ಯಾನುಷ್ಟುಭಃ ಪರಿವತೀರನ್ತಸ್ಯ ರೂಪಮ್ ।
ಅನ್ತೋ ವಾ ಅನುಷ್ಟುಪ್ಛನ್ದಸಾಮ್ ।
ಆನುಷ್ಟುಭಮೇತದಹಃ ೨೯೬

ಇನ್ದ್ರೋ ವೃತ್ರಂ ವಜ್ರೇಣಾಧ್ಯಸ್ಯ ನಾಸ್ತೃಷೀತಿ ಮನ್ಯಮಾನಃ ಪರಾಂ ಪರಾವತಮಗಚ್ಛತ್ ।
ತದನುಷ್ಟುಬ್ವೈ ಪರಾ ।
ಪರಾವತ್ಸ ತಾಮೇವ ಪ್ರಾವಿಶತ್ ।
ತಸ್ಯೈ ದ್ವಾದಶಾಕ್ಷರಾಣಿ ಪ್ರಾಞ್ಚ್ಯುದೌಹದ್ದ್ವಾದಶೋರ್ಧ್ವಾನಿ ।
ಅಥ ಯಾಷ್ಟಾಕ್ಷರಾ ಮಧ್ಯೇ ಗಾಯತ್ರೀ ತಾಂ ಪ್ರಾವಿಶತ್ ।
ಸ ತಾಮೇವ ಪ್ರಾವಿಶತ್ ।
ತತ್ತಸ್ಯೈ ದ್ವಾದಶಾಕ್ಷರಾಣಿ ।
ಬ್ರಹ್ಮಾ ಗಾಯತ್ರೀ ।
ಬ್ರಹ್ಮೈವ ತನ್ಮಧ್ಯತಃ ಪ್ರಾವಿಶತ್ ।
ಸ ಏತಮೇವ ಸಂವತ್ಸರಮುಭಯತಃ ಪರ್ಯೌಹತ ।
ಇನ್ದ್ರ ಗ್ರಹೋ ವಾ ಏತಾ ಋಚಃ ।
ಇನ್ದ್ರ ಗ್ರಹಮೇವೈತತ್ಪ್ರಪದ್ಯೋತ್ತಿಷ್ಠನ್ತಿ ।
ತಸ್ಮಾದು ಹೈನಾ ಅಭಿಚರನ್ವಾ ಭ್ರಾತೃವ್ಯವಾನ್ವಾ ಕುರ್ವೀತ ।
ಇನ್ದ್ರ ಗ್ರಹೋ ವಾ ಏತಾ ಋಚಃ ।
ಇನ್ದ್ರ ಗ್ರಹಮೇವೈತತ್ಪ್ರಪದ್ಯ ದ್ವಿಷನ್ತಂ ಭ್ರಾತೃವ್ಯಮಭಿಭವತಿ ೨೯೭

ಅಭಯೇ ಹ ಖಲು ವಾ ಏಷ ದೀಕ್ಷತೇಽಭಯೇ ಯಜತೇಽಭಯ ಉತ್ತಿಷ್ಠತಿ ಯ ಏವಂ ವಿದ್ವಾನೇತಾಭಿ ಋಗ್ಭಿ ಸ್ತುತೇ ।
ತಾಮೇತಾಂ ಪರೋಕ್ಷಮನುಷ್ಟುಭಂ ಕುರ್ವನ್ತಿ ।
ಯತ್ಪ್ರತ್ಯಕ್ಷಮನುಷ್ಟುಭಂ ಕುರ್ಯುಃ ಪರಾಂ ಪರಾವತಂ ಯಜಮಾನಾ ಗಚ್ಛೇಯುರ್ । ನ ಪ್ರತಿತಿಷ್ಠೇಯುಃ ।
ತದ್ಯತ್ಪರೋಕ್ಷಮನುಷ್ಟುಭಂ ಕುರ್ವನ್ತಿ ಪ್ರತಿಷ್ಠಿತ್ಯೈ ।
ತಾಸು ಶ್ಯಾವಾಶ್ವಮುಕ್ತಬ್ರಾಹ್ಮಣಮ್ ।
ತದ್ವಾಙ್ನಿಧನಂ ಭವತಿ ।
ತದಾಹುರ್ಯನ್ತಿ ವಾ ಏತೇ ತೃತೀಯಸವನಾದ್ಯೇ ಯಜ್ಞಾಯಜ್ಞೀಯಂ ಮಧ್ಯನ್ದಿನಮಭಿ ಪ್ರತ್ಯಾಹರನ್ತೀತಿ ।
ತದ್ಯದ್ವಾಙ್ನಿಧನಂ ಭವತಿ । ತೇನೈವ ಯಜ್ಞಾಯಜ್ಞೀಯಸ್ಯ ರೂಪಾನ್ನ ಯನ್ತಿ । ತೇನ ತೃತೀಯಸವನಾನ್ನ ಯನ್ತಿ ।
ತಸ್ಮಾದು ಹೈತತ್ಸಾಮೈತಸ್ಮಾದಹ್ನೋ ನಾನ್ತರಿತ್ಯಮ್ ।
ಸೂರ್ಯಸ್ಯೇವ ರಶ್ಮಯೋ ದ್ರಾ ವಯಿತ್ನವ
ಇತಿ ಸೂರ್ಯವತೀರ್ಭವನ್ತಿ ರಕ್ಷಸಾಮೇವಾಪಹತ್ಯೈ ।
ಮತ್ಸರಾಸಃ ಪ್ರಸುಪಸ್ಸಾಕಮೀರತೇ ।
ತನ್ತುಂ ತತಂ ಪರಿ ಸರ್ಗಾಸ ಆಶವೋ ನೇನ್ದ್ರಾ ದೃತೇ ಪವತೇ ಧಾಮ ಕಿಂ ಚನ
ಇತಿ ನ ಹೀನ್ದ್ರಾ ದೃತೇ ಪವತೇ ಧಾಮ ಕಿಂ ಚನ ।
ಉಪೋ ಮತಿಃ ಪೃಚ್ಯತೇ ಸಿಚ್ಯತೇ ಮಧ್ವಿತ್ಯುಪ ವಾ ಅಯಮದ್ಯ ಲೋಕ ಉಪಶ್ವ ಇಮಮೇವೈತೇನ ಲೋಕಮನು ಪ್ರಜಾಯನ್ತೇಽಸ್ಮಿನ್ನೇವೈತಲ್ಲೋಕೇ ಪಶೂನ್ಪ್ರತಿಷ್ಠಾಪಯನ್ತಿ ।
ಉಕ್ಷಾ ಮಿಮಾತಿ ಪ್ರತಿ ಯನ್ತಿ ಧೇನವೋ ದೇವಸ್ಯ ದೇವೀರುಪ ಯನ್ತಿ ನಿಷ್ಕೃತಮ್ ।
ಅತ್ಯಕ್ರಮೀದರ್ಜುನಂ ವಾರಮವ್ಯಯಮತ್ಕಂ ನ ನಿಕ್ತಂ ಪರಿ ಸೋಮೋ ಅವ್ಯತ
ಇತಿ ಪರಿವತೀರ್ಭವನ್ತ್ಯನ್ತಸ್ಯ ರೂಪಮ್ ।
ಅನ್ತೋ ಹ್ಯೇತದಹಃ ೨೯೮

ತಾಸು ವಾಜಜಿತ್ ।
ಅನ್ನಂ ವೈ ವಾಜಃ ।
ಯದಾ ವೈ ಗೌರಶ್ವಃ ಪುರುಷೋಽನ್ನಸ್ಯ ಸುಹಿತೋ ಭವತ್ಯಥ ಸ ವಾಜೀ ಭವತಿ ।
ದೇವಾಸುರಾ ಅನ್ನಾದ್ಯೇಽಸ್ಪರ್ಧನ್ತ ।
ತೇ ದೇವಾ ಅಕಾಮಯನ್ತ ವೃಞ್ಜೀಮಹ್ಯನ್ನಾದ್ಯಮಸುರಾಣಾಮಿತಿ ।
ತ ಏತತ್ಸಾಮಾಪಶ್ಯನ್ ।
ತೇನಾಸ್ತುವತ ।
ತೇ ವಾಜಜಿಗೀವಾ ವಿಶ್ವ ಧನಾನೀ ತ್ಯೇವಾಸುರಾಣಾಂ ಯದ್ಧನಂ ಯೇ ಪಶವೋ ಯದನ್ನಾದ್ಯಮಾಸೀತ್ತದವೃಞ್ಜತ ।
ತದೇವ ವಾಜಜಿತೋ ವಾಜಜಿತ್ತ್ವಮ್ ।
ತದೇತದನ್ನಾದ್ಯಸ್ಯಾವರುದ್ಧಿಸ್ಸಾಮ ।
ಅವಾನ್ನಾದ್ಯಂ ರುನ್ದ್ಧೇ ವೃಂಕ್ತೇ ದ್ವಿಷತೋ ಭ್ರಾತೃವ್ಯಸ್ಯ ಯದ್ಧನಂ ಯೇ ಪಶವೋ ಯದನ್ನಾದ್ಯಂ ಯ ಏವಂ ವೇದ ।
ತದ್ದಶಾಕ್ಷರಣಿಧನಂ ಭವತಿ ।
ಏಕಾಕ್ಷರಣಿಧನೇನ ವೈ ಪ್ರಥಮಮಹಃ ಕಲ್ಪತೇ । ದಶಾಕ್ಷರಣಿಧನೇನ ದಶಮಮ್ ।
ತದ್ಯದ್ದಶಾಕ್ಷರಣಿಧನಂ ದಶಮೇಽಹನಿ ಭವತಿ । ತೇನೈವ ದಶಾಹಾನಿ ಕಲ್ಪನ್ತೇ ।
ಅಥೋ ಏತಾಂ ದಶಾಕ್ಷರಾಮೇವ ವಿರಾಜಮನ್ನಾದ್ಯಮವರುದ್ಧ್ಯಾನ್ತತ ಉತ್ತಿಷ್ಠನ್ತಿ ೨೯೯

ದ್ವಾದಶಾಹೇನ ವೈ ದೇವಾ ಊರ್ಧ್ವಾ ಸ್ವರ್ಗಂ ಲೋಕಮಾಯನ್ ।
ತಾನಸುರಾ ರಕ್ಷಾಂಸ್ಯನ್ವಸಚನ್ತ ತೇ ಛನ್ದಾಂಸಿ ಪಶ್ಚಾತ್ತಾನ್ಯಕುರ್ವತ ।
ತಾನ್ಯಭಿವಿಚ್ಛಿದಾನ್ಯಯುಕ್ಷ್ವಕ್ಷರೇಷ್ವಶ್ರಯನ್ತ ।
ತತ ಏತಾನಿ ನಾಚ್ಯಾವಯನ್ ।
ತಸ್ಮಾದಯುಜ ಸ್ತೋಮಾ ವೀರ್ಯಾವತ್ತರಾಃ ।
ತೇಷಾಮೇಷಾ ತ್ರಿಷ್ಟುಮ್ನಿಷ್ಕುರ್ಯಾದಪರಾಜಯೇತಾಮ್ ।
ಪರಾಜಿತಂ ವಾ ಏತಚ್ಛನ್ದಃ ।
ಪರಾಜಿತ ಏವೈತಚ್ಛನ್ದಸಿ ಯಜ್ಞಸ್ಯಾನ್ತತಃ ಪ್ರತಿತಿಷ್ಠತಿ ।
ತಾಸ್ತ್ರಯಸ್ತ್ರಿಂಶದಕ್ಷರಾ ಭವನ್ತಿ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾಸ್ವೇವೈತದ್ದೇವತಾಸು ಯಜ್ಞಸ್ಯಾನ್ತತಃ ಪ್ರತಿತಿಷ್ಠನ್ತಿ ।
ಸ ತಾ ವಿರಾಜೋ ಲೋಮಶಾ ಭವನ್ತ್ಯನ್ನಂ ವೈ ವಿರಾಡ್ ವಿರಾಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ತಾ ಆಗ್ನೇಯ್ಯೋ ಭವನ್ತಿ ।
ಮುಖಂ ಮುಖ್ಯಮೇವೈತದುದ್ಗಾತಾತ್ಮಾನಂ ಚ ಯಜಮಾನಂ ಚ ಕರೋತಿ ।
ಮುಖ್ಯೋ ಹಾಗ್ರ್ಯೋಽನ್ನಾದ ಶ್ರೇಷ್ಠ ಸ್ವಾನಾಂ ಭವತಿ ಯ ಏವಂ ವೇದ ೩೦೦

ತಾಸು ವಾಮದೇವ್ಯಮ್ ।
ಸ್ತುತಶಸ್ತ್ರಯೋರ್ಹ ಖಲು ವಾ ಏಷಾ ಶಾನ್ತಿರ್ಯದ್ವಾಮದೇವ್ಯಮ್ ।
ಯದ್ಧ ವೈ ಕಿಂ ಚ ಯಜ್ಞಸ್ಯ ಮಿಥ್ಯೋಲ್ವಣಂ ಕ್ರಿಯತೇ ತದೇತೇನೈವ ಶಮಯಿತ್ವೋತ್ತಿಷ್ಠನ್ತಿ ।
ಮತ್ಯಂ ವಾ ಏತದ್ಯಜ್ಞಸ್ಯ ಯದ್ವಾಮದೇವ್ಯಮ್ ।
ಸ ಯಥಾ ಸ್ಥೂಲಲೋಷ್ಠಮ್ಮತ್ಯೇನ ಶಮ್ಯೇದೇವಮೇವೈತದ್ವಾಮದೇವ್ಯೇನ ಸರ್ವಾಣಿ ಸ್ತುತಶಸ್ತ್ರಾಣಿ ಶಮಯನ್ತಿ ।
ಪ್ರಜಾಪತಿರ್ಹ ಖಲು ವಾ ಏತತ್ಸ್ತೋತ್ರಾಣಾಂ ಯ ವಾಮದೇವ್ಯಮ್ ।
ಯಥಾ ಹ ವಾ ಇದಂ ಪ್ರಜಾಪತೌ ಸರ್ವಾ ಜಾತವಿದ್ಯಾಃ ಪ್ರತಿತಿಷ್ಠನ್ತ್ಯೇವಂ ಹ ವೈ ವಾಮದೇವ್ಯೇ ಸರ್ವಾಣಿ ಸ್ತೋತ್ರಾಣಿ ಪ್ರತಿತಿಷ್ಠನ್ತಿ ।
ಯೋನಿರ್ವೈ ವಾಮದೇವ್ಯಮ್ ।
ತದ್ದಶಮೇಽಹನ್ಯೋನೇಶ್ಚ್ಯಾವಯನ್ತಿ ।
ತಸ್ಮಾದ್ದಶಮಾಸ್ಯಾ ಗರ್ಭಾ ಯೋನೇಶ್ಚ್ಯವನ್ತೇ ಪ್ರಜಾತ್ಯೈ ।
ಪ್ರಾಣಾ ವೈ ವಾಮದೇವ್ಯಮ್ ।
ತದಾಹುರ್ವೀವ ವಾ ಏತೇ ಪ್ರಾಆನಿರೃಧ್ಯನ್ತೇ ಯೇ ಯಜ್ಞೀಯಸ್ಯ ಕರ್ಮಣೋಽತಿಪಾದಯನ್ತಿ । ಯದಿ ವಾ ನಾತಿಪಾದಯನ್ತಿ ।
ಕೋ ಹಿ ತದ್ವೇದ ಯದಿ ತೇಽತಿ ವಾ ಪಾದಯನ್ತಿ ನ ವ್ಕ್ತಾ
ತದ್ಯದತ್ರ ವಾಮದೇವ್ಯಂ ಭವತಿ ಪ್ರಾಣೈರೇವ ತತ್ಸಮೃಧ್ಯ್ನತೇ ।
ಸದ್ಧ ಖಲು ವೈ ವಾಮದೇವ್ಯಂ ಸ್ತೋತ್ರಾಣಾಂ । ಸದಗ್ನಿರ್ದೇವತಾನಾಂ । ಸದ್ವಿರಾಟ್ಛನ್ದಸಾಂ । ಸತ್ತ್ರಯಸ್ತ್ರಿಂಶ ಸ್ತೋಮಾನಾಮ್ ।
ಸತ್ಯೇವೈತತ್ಸನ್ನಿಧಾಯೋತ್ತಿಷ್ಠನ್ತಿ ।
ಸದೇವ ಭವನ್ತಿ ।
ಏತಾಂ ಹ ಖಲು ವಾ ಏತದ್ದ್ವಾದಶಾಹಯಾಜೀ ಚತುಷ್ಪದೀಂ ವೇದಾಸನ್ದೀಮವಿವ್ಯಾಧಿನೀಮನ್ತತೋಽಭ್ಯಾರೋಹತಿ ವಾಮದೇವ್ಯಂ ಸಾಮಾಗ್ನಿಂ ದೇವತಾಂ ವಿರಾಜಂ ಛನ್ದಸ್ತ್ರಯಸ್ತ್ರಿಂಶಂ ಸ್ತೋಮಮ್ ।
ಅಭಿ ಹೈತಾಮಾರೋಹತಿ ಯ ಏವಂ ವೇದ ೩೦೧

ಗೌರೀವಿತಿರ್ವಾ ಏತಂ ಶಾಕ್ತ್ಯಸ್ತ್ರಯಸ್ತ್ರಿಂಶಂ ಸ್ತೋಮಮಪಶ್ಯದುಭಯೇಷಾಂ ಪಶೂನಾಮವರುದ್ಧ್ಯೈ ಯೇ ಚ ಗ್ರಾಮ್ಯಾ ಯೇ ಚಾರಣ್ಯಾಃ ।
ತತೋ ವೈ ಸ ಉಭಯಾನ್ಪಶೂನವಾರುನ್ದ್ಧ ।
ತದ್ಯತ್ತ್ರಯಸ್ತ್ರಿಂಶಂ ಸ್ತೋಮಂ ನಾನ್ತರ್ಯನ್ತಿ ತಸ್ಮಾತ್ತ್ರಯಸ್ತ್ರಿಂಶ ಸ್ತೋಮೋಽನ್ತತಃ ಕ್ರಿಯತ । ಉಭಯೇಷಾಮೇವ ಪಶೂನಾಮವರುದ್ಧ್ಯೈ ।
ಪುರುಷೋ ಹ ವಾ ಏಷ ಪರಸ್ತಾದ್ಧಿತಸ್ತಿಷ್ಠತಿ ।
ದಶ ವೈ ಪುರುಷಸ್ಯ ಹಸ್ತ್ಯಾ ಅಂಶೂನಾಮವರುದ್ಧ್ಯೈ ।
ಪುರುಷೋ ಹ ವಾ ಏಷ ಪರಸ್ತಾದ್ಧಿತಸ್ತಿಷ್ಠತಿ ।
ದಶ ವೈ ಪುರುಷಸ್ಯ ಹಸ್ತ್ಯಾ ಅಂಗುಲಯೋ । ದಶ ಪದ್ಯಾ । ದಶ ಪ್ರಾಣಾ । ದ್ವೇ ಪ್ರತಿಷ್ಠೇ । ಆತ್ಮಾ ತ್ರಯಸ್ತಿಂಶಃ ।
ಪರಾಞ್ಚ ಆರಣ್ಯಾಃ ಪಶವಃ ಪ್ರೇರತೇ ।
ತಸ್ಮಾದಭ್ಯಾಸೃಣತೋ ಮೃಗಂ ಶ್ರಯನ್ತೇ ।
ಅಭ್ಯಾಸೃಣತೋ ಹ್ಯೇಷ ಏತತ್ಕ್ರಿಯತೇ ।
ಪ್ರಜಾಪತೇರ್ವಾ ಏತ ಏಕವೀರಾಃ ಪುತ್ರಾ । ಯದ್ದ್ವಾದಶಾಹಸ್ಯ ಸ್ತೋಮಾಃ ।
ತದಾಹುಶ್ಚತುರ್ವಿಂಶಮೇತದಹಃ ।
ತತ್ಸರ್ವಮೇವ ಚತುರ್ವಿಂಶಂ ಕಾರ್ಯಮ್ । ಏತೇಷಾಂಪ್ರಜಾಪತೇಃ ಪುತ್ರಾಣಾಮೇಕವೀರಾಣಾಮವಿಲೋಮಾಯೇತಿ ।
ಯದ್ವೇವೈತಾಸ್ತ್ರಯಸ್ತ್ರಿಂಶದಕ್ಷರಾ ಭವನ್ತಿ ತೇನ ತ್ರಯಸ್ತ್ರಿಂಶಂ ಸ್ತೋಮಂ ನಾನ್ತರ್ಯನ್ತಿ ।
ಭೂಯಾಂಸಿ ತು ರೂಪಾಣ್ಯಪರಾಧ್ಯನ್ತೇ ।
ಇತರಾಣ್ಯೇವ ಭೂಯಾಂಸಿ ರೂಪಾಣಿ ।
ತ್ರಯಸ್ತ್ರಿಂಶ ಏವ ಕಾರ್ಯಃ ।
ತ್ರಯಸ್ತ್ರಿಂಶದ್ವೈ ಸರ್ವಾ ದೇವತಾಃ ।
ಸರ್ವಾಸ್ವೇವೈತದ್ದೇವತಾಸು ಯಜ್ಞಸ್ಯಾನ್ತತಃ ಪ್ರತಿತಿಷ್ಠನ್ತಿ ।
ಅಥೋ ಏಷ ವಾವ ದೃಢಃ ಪ್ರತಿಷ್ಠಿತಸ್ಸರ್ವದೇವತ್ಯ ಸ್ತೋಮೋ ಯತ್ರ ತ್ರಯಸ್ತ್ರಿಂಶಃ ।
ತಸ್ಮಾತ್ತ್ರಯಸ್ತ್ರಿಂಶ ಏವ ಸ್ತೋಮೋಽನ್ತತಃ ಕಾರ್ಯ ಇತಿ ೩೦೨

ಸಮ್ಪದಂ ಹ ತು ಲೋಭಯನ್ತಿ ।
ಬ್ರಹ್ಮಸಾಮ್ನ ಏವ ನವ ಸ್ತೋತ್ರ್! ಯಾ ಉಪಾದಾಯಾತ್ರೋಪದಧ್ಯಾತ್ ।
ನ ಸಮ್ಪದೋ ಯನ್ತ್ಯ್ । ಉಭಯೇಷು ಸ್ತೋಮೇಷು ಪ್ರತಿತಿಷ್ಠನ್ತಿ ಯೇ ಚಾಯುಜೋ ಯೇ ಚ ಯುಗ್ಮನ್ತಃ ।
ತದ್ಯಥಾನ್ತರೀಷೇ ತಿಷ್ಠನ್ವಿಮುಞ್ಚೇದೇವಮೇವೈತದ್ವಾಮದೇವ್ಯೇನ ಸರ್ವಾಣಿ ಸ್ತುತಶಸ್ತ್ರಾಣ್ಯನ್ತತೋ ವಿಮುಚ್ಯನ್ತೇ ।
ತದಾಹುರ್ವ್ಯುಚ್ಯಾ೩ಂ! ನ ವ್ಯುಚ್ಯಾ೩ಮಿತಿ ।
ನ ವ್ಯುಚ್ಯಮಿತ್ಯಾಹುಃ ।
ಆಜಿಂ ವಾ ಏತೇ ಯನ್ತಿ ಯ ಏತದಹರಾಗಚ್ಛನ್ತಿ ।
ತೇಷಾಮೇಷ ಹೀಯತೇ ಯ ಉಪಹನ್ಯತೇ ।
ಸ ಯಥಾ ಹೀನಮುಪಾದಧೀತ ತಾದೃಕ್ತತ್ ।
ಯೋ ವೈ ಹೀನಮುಪಾಧತ್ತ ಉಭೌ ವಾವ ತೌ ಹೀಯೇತೇ ।
ಅಥೋ ಪ್ರಜಾಪತಿಂ ವಾವೈತೇನಾಹ್ನಾ ಪರಿವೇವಿಷನ್ತಿ ।
ತದ್ಯನ್ನ ವ್ಯಾಹುಃ ಕೋ ಹಿ ಶ್ರೇಯಸಃ ಪರಿವೇಷಣಮವವದಿತುಮರ್ಹತಿ ।
ಯೋ ವೈ ಶ್ರೇಯಸಃ ಪರಿವೇಷಣಮವವದತಿ ಯಯಾ ವೈ ಸ ತಮಾರ್ತ್ಯಾ ಕಾಮಯತ ತಯೈನಂ ನಿನಯತಿ ।
ತದಾಹುಃ ಬ್ರಹ್ಮೈವ ವಿಬ್ರೂಯಾದಿತಿ ।
ಬ್ರಹ್ಮ ವೈ ಬ್ರಹ್ಮಾ ।
ಬ್ರಹ್ಮೈವ ತದ್ಯಜ್ಞಂ ವ್ಯಾಹ ।
ಅಥೋ ಆಹುರುದ್ಗಾತೈವ ವಿಬ್ರೂಯಾದಿತಿ ।
ಪ್ರಜಾಪತಿರ್ವಾ ಉದ್ಗಾತಾ ।
ಪ್ರಜಾಪತಿರೇವ ತದ್ಯಜ್ಞಂ ವ್ಯಾಹ ।
ಅಥೋ ಆಹುರ್ಯಜಮಾನ ಏವ ವಿಬ್ರೂಯಾದಿತಿ ।
ಯಜ್ಞೀ ವೈ ಯಜಮಾನಃ ।
ಯಜ್ಞ ಏವ ತದ್ಯಜ್ಞಂ ವ್ಯಾಹ ।
ಅಥೋ ಯಥಾಕಾಮಂ ವೈ ಸ್ವಂ ಪರಿವೇಷಣಂ ಪ್ರಶಾಸ್ತೀತಿ ।
ಅಥೋ ಆಹುಃ ಪ್ರಾಙೇವೋತ್ಕ್ರಮ್ಯ ಕ್ರೋಶೇದಿತ್ಯಮೀ ಅಕುರ್ವತೇತ್ಯಮೀ ಅಕುರ್ವತೇತಿ ।
ತದೇವ ವ್ಯುಕ್ತಂ ಚಾವ್ಯುಕ್ತಂ ಚೇತಿ ।
ತದು ವಾ ಆಹುರ್ವ್ಯುಚ್ಯಮೇವ ।
ಯದವ್ಯುಚ್ಯಮಾನೇ ತೂಷ್ಣೀಮಾಸೀರನ್ವಿಚ್ಛಿದ್ಯೇರನ್ವೈ ಯಜ್ಞಾದ್ಯಜ್ಞೀಯಸ್ಯೈವಾನಾರ್ತಿರುಪೇತ್ಯಾವ್ಯುಚ್ಯಮೇವೇತಿ ।
ತದ್ಯಾವತಾ ವ್ಯಾಹ ತದ್ಧೋತ್ರೇ ಪ್ರಾಹ ।
ತದ್ಧೋತಾನುಷ್ಟುಭಮಭಿ ಸಂಪಾದಯತಿ ಸಮಿದಂ ದಶಮಮಹರಪಾದೀತಿ ।
ಸಂವ್ಯಾಹರನ್ತಿ ಯದೇವಾತ್ರೋನಾಕ್ಷರಾಸು ಸ್ತುವನ್ತಿ ಯದತಿರೇಚಯನ್ತಿ ।
ತದೇವೈತತ್ಪ್ರಜಾಪತಿಮಭಿ ಸಂಪಾದಯನ್ತಿ ಸಂಪರಿವೇಷಣಂ ಪ್ರಶಾಸ್ತಿ ೩೦೩

ಅಪಶವ್ಯಾ ಇವ ವೈ ಯುಗ್ಮನ್ತ ಸ್ತೋಮಾ ಶ್ಲಕ್ಷ್ಣಾ ಇವ ಹಿ ಸಮಾ ಇವ ।
ತದ್ಯತ್ತ್ರಿವೃತಂ ಸ್ತೋಮಮನ್ವವಸ್ಯನ್ತಿ ಮಿಥುನತ್ವಾಯೈವ ಪ್ರಜಾತ್ಯೈ ।
ಊನಾತಿರಿಕ್ತಾದ್ವೈ ಮಿಥುನಾತ್ಪ್ರಜಾಃ ಪಶವಃ ಪ್ರಜಾಯನ್ತೇ ।
ಪ್ರ ಪ್ರಜಯಾ ಪಶುಭಿರ್ಜಾಯತೇ ಯ ಏವಂ ವೇದ ।
ಇಯಂ ವೈ ಪೃಥಿವ್ಯರಿಕ್ಷೇವಾ ಲೋಕಮಾಸೀತ್ ।
ಸಾಕಾಮಯತ ಪೃಶ್ನಿಂ ವರ್ಣಂ ಪುಷ್ಯೇಯಮಿತಿ ।
ಸೈತಮ್ಮನ್ತ್ರಮಪಶ್ಯದ್
ಆಯಂ ಗೌಃ ಪೃಶ್ನಿರಕ್ರಮೀದ್
ಇತಿ ।
ತತೋ ವಾ ಇಯಂ ಪೃಥಿವೀ ಪೃಶ್ನಿಂ ವರ್ಣಮಪುಷ್ಯತ್ ।
ಪೃಶ್ನಿಂ ಹ ವೈ ವರ್ಣಂ ಪ್ರಜಯಾ ಪಶುಭಿಃ ಪುಷ್ಯತಿ ಯ ಏವಂ ದೇವ ।
ತದಾಹುರೂರ್ಧ್ವಾ ವಾ ಏತೇ ಸ್ವರ್ಗಲೋಕಂ ರೋಹನ್ತಿ ಯೇ ಯಜನ್ತೇ ।
ತ ಈಶ್ವರಾಃ ಪ್ರಆಞ್ಚೋಽತಿಪತ್ತೋರಿತಿ ।
ತದ್ಯತ್ಸರ್ಪರಾಜ್ಞೀಷು ಸ್ತುವನ್ತಿ -- ಇಯಂ ವೈ ಸರ್ಪರಾಜ್ಞೀ -- ಅಸ್ಯಾಮೇವತತ್ಪ್ರತಿತಿಷ್ಠನ್ತಿ ।
ಇಯಂ ವೈ ಸರ್ಪತಾಂ ರಾಜ್ಞೀ ।
ನ ಹ ವಾ ಏನಂ ಸರೀಸೃಪಂ ಹಿನಸ್ತಿ ಯ ಏವಂ ವೇದ ೩೦೪

ಗಾಯತ್ರೀಷು ಸ್ತುವನ್ತಿ ಗಾಯತ್ರೀ ವೈ ಛನ್ದಸಾಮಯಾತಯಾಮ್ನ್ಯಯಾತಯಾಮತಾಯಾ ಏವ ।
ತಿಸೃಷು ಸ್ತುವನ್ತಿ ತ್ರಯೋ ವಾ ಇಮೇ ಲೋಕಾ -- ಏಷಾಂ ಲೋಕಾನಾಂ ಸಮಷ್ಟ್ಯೈ ।
ಅಥೋ ತ್ರಯೋ ವೈ ಪ್ರಾಣಾಪಾನವ್ಯಾನಾಃ ।
ತಾನೇವೈತತ್ಸಂತತ್ಯ ತೇಷು ಪ್ರತಿಷ್ಠಾಯೋದೃಚಮಶ್ನುವತೇ ।
ಗಾಯತ್ರಂ ಸಾಮ ಭವತ್ಯಯಾತಯಾಮ ವೈ ಗಾಯತ್ರಮಯಾತಯಾಮತಾಯಾ ಏವ ।
ಅಥೋ ಮನೋ ವೈ ಗಾಯತ್ರಮ್ ।
ಮನಸೈವೈನತ್ತತ್ಸಮೃದ್ಧಯನ್ತಿ । ಮನಸೋಪಾವರ್ತಯನ್ತಿ । ಮನಸಾ ಹಿಂಕುರ್ವನ್ತಿ । ಮನಸಾ ಪ್ರಸ್ತೌತಿ । ಮನಸಾದಿಮಾದತ್ತೇ । ಮನಸೋದ್ಗಾಯತಿ ಮನಸಾ ಪ್ರತಿಹರತಿ । ಮನಸೋಪದ್ರ ವತಿ । ಮನಸಾ ನಿಧನಮುಪಯನ್ತ್ಯಸಮಾಪ್ತಸ್ಯ ಸಮಾಪ್ತ್ಯೈ ।
ಯದ್ವೈ ದೇವಾ ಯಜ್ಞಸ್ಯ ವಾಚಾ ನ ಸಮಾಪ್ನುವಂಸ್ತದಸ್ಯ ಮನಸಾ ಸಮಾಪ್ನುವನ್ ।
ತದ್ಯನ್ಮನಸಾ ಸ್ತುವನ್ತ್ಯಸಮಾಪ್ತಸ್ಯೈವ ಸಮಾಪ್ತ್ಯೈ ।
ರಸೋ ವಾ ಏತಸ್ಯಾಹ್ನೋಽತ್ಯನೇದತ್ ।
ತಮ್ಮನಸೈವ ಪರ್ಯಗೃಹ್ಣನ್ ।
ಏಷ ವೈ ಸ ರಸಃ ।
ತದ್ಯನ್ಮನಸಾ ಸ್ತುವನ್ತಿ ರಸಸ್ಯಾನತಿನೇದಾಯ ೩೦೫

ಮಹಾವ್ರತಭಾಜನಂ ವಾ ಏತಾ ಋಚಃ ।
ಸ ಯಾವನ್ಮಹಾವ್ರತೇನಾವರುನ್ದ್ಧೇ ತಾವದವರುನ್ದ್ಧ ಏತಾಭಿ ಋಗ್ಭಿಸ್ತುಷ್ಟುವಾನಃ ।
ಮನಸೋ ವಾ ಅನ್ಯದಹರಾಸೀದ್ವಾಚೋಽನ್ಯತ್ ।
ತದ್ಯನ್ಮನಸೋಽಹರಾಸೀತ್ತದ್ದೇವಾ ಸಂಗೃಹ್ಯೋರ್ಧ್ವಾ ಸ್ವರ್ಗಂ ಲೋಕಮುದಕ್ರಾಮನ್ ।
ಅಥ ಯದ್ವಾಚೋಽಹರಾಸೀತ್ತದೇತದಹರಭವತ್ ।
ತೇನಾಸ್ಮಿಁ ಲ್ಲೋಕೇ ಪ್ರಜಯಾ ಚ ಪಶುಭಿಶ್ಚ ಪ್ರತ್ಯತಿಷ್ಠನ್ ।
ತದ್ಯನ್ಮನಸಾ ಸ್ತುವನ್ತಿ ತಸ್ಯೈವಾಹ್ನೋಽನುಖ್ಯಾತ್ಯೈ ।
ಚತುರ್ಹೋತೄನ್ಹೋತಾನುವ್ಯಾಚಷ್ಟೇ ಬ್ರಹ್ಮ ವೈ ಚತುರ್ಹೋತಾರಃ ।
ಬ್ರಹ್ಮ ವಾ ಅಸ್ಯೈ ಸ್ತೋತ್ರಶಸ್ತ್ರಾಣಾಮಾಪ್ತುಮರ್ಹತಿ ।
ಏತಾನ್ಯು ಹ ವೈ ದೇವಾನಾಂ ಗುಹ್ಯಾನಿ ನಾಮಾನಿ ಯಚ್ಚತುರ್ಹೋತಾರಃ ।
ತಾನ್ಯೇವ ತತ್ಪ್ರಕಾಶಂ ಗಮಯತಿ ।
ತಾನ್ಯೇನಂ ಪ್ರಕಾಶಂ ಗತಾನಿ ಪ್ರಕಾಶತಾಂ ಗಮಯನ್ತಿ ।
ಗಚ್ಛತಿ ಪ್ರಕಾಶತಾಂ ಯ ಏವಂ ವೇದ ।
ತದ್ಯಂ ಬ್ರಾಹ್ಮಣಮಲಂ ಯಶಸೇ ಸನ್ತಮಥ ಯಶೋ ನಾರ್ಚ್ಛೇತ್ಸೋಽರಣ್ಯಂ ಪರೇತ್ಯ ಗ್ರನ್ಥೀನುದ್ಗ್ರಥ್ಯ । ತೇಭ್ಯಶ್ಚತುರ್ಹೋತೄನ್ವ್ಯಾಚಕ್ಷೀತ । ಬ್ರಾಹ್ಮಣಂ ವೋಪದ್ರ ಷ್ಟಾರಂ ಕೃತ್ವಾ ।
ಏತಾನ್ಯು ಹ ವೈ ದೇವಾನಾಂ ಗುಹ್ಯಾನಿ ನಾಮಾನಿ ಯಚ್ಚತುರ್ಹೋತಾರಃ ।
ತಾನ್ಯೇವ ತತ್ಪ್ರಕಾಶಂ ಗಮಯತಿ ।
ತಾನ್ಯೇನಂ ಪ್ರಕಾಶಂ ಗತಾನಿ ಪ್ರಕಾಶತಾಂ ಗಮಯನ್ತಿ ।
ಗಚ್ಛತಿ ಪ್ರಕಾಶತಾಂ ಯ ಏವಂ ವೇದ ೩೦೬

ತೂಷ್ಣೀಂ ಸ್ತುತಂ ವಾಚಾನುಶಂಸತಿ ।
ತಸ್ಮಾದ್ಯನ್ಮನಸಾಧಿಗಚ್ಛತಿ ತದ್ವಾಚಾ ವದತಿ ।
ತಸ್ಮಾದೋಷಧಯೋ ಮೂಲತೋ ಜಾಯನ್ತೇಽಗ್ರತಃ ಪಚ್ಯನ್ತೇ ।
ತದಾಹುಸ್ಸಮಿಷ್ಟೇಷು ಪತ್ನೀಸಂಯಾಜೇಷು ಸ್ತೋತವ್ಯಾ೩ಮಸಮಿಷ್ಟೇಷೂ೩ ಇತಿ ।
ಅಸಮಿಷ್ಟೇಷ್ವಿತ್ಯಾಹುಃ ।
ಪ್ರತೀಚೀಷ್ವೇವಾಸು ತದ್ಗರ್ಭಾನ್ದಧತಿ ।
ಸ್ತ್ರೀ ಬಲಂ ಚ ಹ ತು ಭವತಿ ಪಾಪವಸ್ಯಸಂ ಚ ।
ಸಮಿಷ್ಟೇಷ್ವೇವ ಸ್ತೋತವ್ಯಂ ಪಾಪವಸ್ಯಸಸ್ಯ ವ್ಯಾವೃತ್ತ್ಯೈ ।
ಅಥೋ ಹ ನ ತಥಾ ಸ್ತ್ರೀ ಬಲಂ ಭವತಿ ।
ಅಥೋ ಹಾಸು ತತ್ಪರಾಚೀಷ್ವೇವ ಗರ್ಭಾನ್ದಧತಿ ।
ಪ್ರತ್ಯಞ್ಚಶ್ಚ ವೈ ಪರಾಞ್ಚಶ್ಚ ಮನುಷ್ಯಾಸ್ಸಂಭವನ್ತಿ ।
ತಸ್ಮಾತ್ಸಮಿಷ್ಟೇಷ್ವೇವ ಸ್ತೋತವ್ಯಮಿತಿ ।
ಔದುಮ್ಬರೀಂ ಸಮಾರಭನ್ತೇ -- ಊರ್ಗ್ವಾ ಅನ್ನಮುದುಮ್ಬರ -- ಊರ್ಜ ಏವಾನ್ನಾದ್ಯಸ್ಯಾವರುದ್ಧ್ಯೈ ।
ವಾಚಂ ಯಚ್ಛನ್ತಿ ।
ವಾಗ್ವೈ ಬ್ರಹ್ಮ ।
ವಾಚಮೇವ ತದ್ಬ್ರಹ್ಮ ಯಜ್ಞಮಾತ್ಮಸು ಯಚ್ಛನ್ತಿ ।
ಇಹ ಧೃತಿರಿಹ ಸ್ವ ಧೃತಿರ್ಮೈರಮೋ ಮೈರಮತಿರಿತಿ ।
ಯಚ್ಚಿತ್ತಂ ಯಾ ಧೃತಿರ್ಯನ್ಮನೋ ಯಾ ವಾಕ್ತಾನ್ಯೇವೈತದಾಸ್ತಸು ಯಚ್ಛನ್ತಿ ।
ಯದಸ್ತಮಿತೇ ವಿಸೃಜೇರನ್ನಹರ್ಭ್ರಾತೃವ್ಯಲೋಕಮುಚ್ಛಿಂಷ್ಯುಃ ।
ಯದನಸ್ತಮಿತೇ ವಿಸೃಜೇರನ್ರಾತ್ರಿಂ ಭ್ರಾತೃವ್ಯಲೋಕಮುಚ್ಛಿಂಷ್ಯುಃ ।
ಅರ್ಧಾಸ್ತಮಿತ ಆಹವನೀಯಂ ಪರೇತ್ಯ ವಿಸೃಜನ್ತೇ ।
ಉಭಾಭ್ಯಾಮೇವ ತದಹೋರಾತ್ರಾಭ್ಯಾಂ ದ್ವಿಷನ್ತಂ ಭ್ರಾತೃವ್ಯಮನ್ತರ್ಯನ್ತಿ ।
ಉಭಾಭ್ಯಾಮೇವಾಹೋರಾತ್ರಾಭ್ಯಾಂ ದ್ವಿಷನ್ತಂ ಭ್ರಾತೃವ್ಯಮನ್ತರೇತಿ ಯ ಏವಂ ವೇದ ।
ತದು ವಾ ಆಹುರಸ್ತಮಿತ ಏವ ವಿಸೃಜ್ಯಮ್ ।
ಅಹೋರಾತ್ರೇ ವೈ ಪರಿವರ್ತಮಾನೇ ಸಂವತ್ಸರಮಾಪ್ನುತಃ ।
ಸಂವತ್ಸರೋ ಯಜ್ಞಾಃ ।
ಯಜ್ಞಮೇವೈತದಾಪ್ತ್ವಾ ವಿಸೃಜನ್ತ --
ಉಪಸೃಜನ್ಧರುಣಂ ಮಾತ್ರೇ ಮಾತರಂ ಧರುಣೋ ಧಯನ್ರಾಯಸ್ಪೋಷಮಿಷಮೂಜಮಸ್ಮಾಸು ದೀಧರತ್ಸ್ವಾಹೇ
ತಿ ।
ಸ ಯಥಾ ನ್ಯೋಕಸಂ ಗಾಂ ಸಂಯುಜ್ಯ ಪ್ರಾರ್ಜಯೇದೇವಮೇವೈತದ್ವಾಚಂ ಚಂ ಯಜಮಾನಂ ಚ ಸಂಯುಜ್ಯ ಪ್ರಾರ್ಜಯನ್ತಿ ।
ಯಥಾ ಹೈನಯಾ ವದತಿ । ತಥೈಭ್ಯೋಽನಪಕ್ರಮಣೀ ಭವತಿ ।
ತೇ ಯಂ ಕಾಮಂ ಕಾಮಯೇರಂಸ್ತಂ ಧ್ಯಾಯೇಯುಃ ।
ಸ ಹೈವೈಭ್ಯಃ ಕಾಮಸ್ಸಮೃಧ್ಯತೇ ।
ಸುಬ್ರಹ್ಮಣ್ಯಯಾ ವಾಚಂ ವಿಸೃಜನ್ತೇ ।
ಬ್ರಹ್ಮ ವೈ ಸುಬ್ರಹ್ಮಣ್ಯಾ ।
ಬ್ರಹ್ಮ ವಾಕ್ ।
ಬ್ರಹ್ಮಣೈವ ತದ್ವಾಚಂ ವಿಸೃಜನ್ತೇ ೩೦೭

ಅಗ್ನಿರೇವ ಪ್ರಥಮಮಹರ್ । ಇನ್ದ್ರೋ ದ್ವಿತೀಯಂ । ಪ್ರಜಾಪತಿಸ್ತೃತೀಯಂ । ಬೃಹಸ್ಪತಿಶ್ಚತುರ್ಥಂ । ಮರುತಃ ಪಞ್ಚಮಂ । ವಿಶ್ವೇ ದೇವಾಷ್ಷಷ್ಠಂ । ವಸವಸ್ಸಪ್ತಮಂ । ರುದ್ರಾ ಅಷ್ಟಮಮ್ । ಆದಿತ್ಯಾ ನವಮಂ । ಪ್ರಜಾಪತಿರೇವ ದಶಮಮಹಃ ।
ಇಯಮೇವ ದಿಕ್ಪ್ರಾಯಣಮ್ । ಇಯಮುದಯನಮ್ ।
ತಸ್ಮಾದಸಾವಾದಿತ್ಯ ಇತೋಽಸ್ತಮೇತೀತ ಉದೇತಿ ।
ಏತದೇವ ಪ್ರಾಯಣಂ ಚೋದಯನಂ ಚಾನುಸಂಚರತಿ ।
ಆಶುಸ್ತ್ರಿವೃದ್ । ಭಾನ್ತಃ ಪಞ್ಚದಶೋ । ವ್ಯೋಮ ಸಪ್ತದಶೋ । ಧರುಣ ಏಕವಿಂಶ । ಓಜಸ್ತ್ರಿಣವಃ । ಪ್ರತಿಷ್ಠಾ ತ್ರಯಸ್ತ್ರಿಂಶೋ । ಬ್ರಹ್ಮ ಚತುರ್ವಿಂಶಃ । ಕ್ಷತ್ರಂ ಚತುಶ್ಚತ್ವಾರಿಂಶೋ । ವಿವರ್ತೋ ವಿಶಾಂ ಸ್ತೋಮೋಽಷ್ಟಾಚತ್ವಾರಿಂಶಃ । ಪ್ರಜಾಪತಿರೇವ ದಶಮಮಹಃ ೩೦೮

ತದ್ಯದಾಶುಸ್ತ್ರಿವೃದಿತಿ । ಯಥಾ ಕ್ಷಿಪ್ರಃ ಪಕ್ಷ್ಯೇವಮೇಷ ಯತ್ತ್ರಿವೃತ್ಸ್ತೋಮಃ ।
ಅಥ ದ್ಯ ಭಾನ್ತಃ ಪಞ್ಚದಶ ಇತಿ ಕ್ಷತ್ರಂ ಹಿ ತತ್ ।
ಕ್ಷತ್ರಮುವ ಇಭಾತಿ ।
ಅಥ ಯದ್ವ್ಯೋಮ ಸಪ್ತದಶ ಇತಿ । ಪ್ರಜಾಪತಿರ್ಹಿ ಸಃ ।
ಪ್ರಜಾಪತಿರ್ವೈ ವ್ಯೋಮ ।
ಅಥ ಯದ್ಧರುಣ ಏಕವಿಂಶ ಇತ್ಯಸೌ ಹಿ ಸ ಆದಿತ್ಯಃ ।
ಏತಸ್ಮಿನ್ವಾ ಇದಂ ಸರ್ವಂ ಧೃತಮ್ ।
ಅಥ ಯದೋಜಸ್ತ್ರಿಣವ ಇತಿ । ಮರುತೋ ಹಿ ಸಃ ।
ಓಜೋ ವೈ ವೀರ್ಯಂ ಮರುತಃ ।
ಓಜೋ ವೀರ್ಯಂ ತ್ರಿಣವಃ ।
ಅಥ ಯತ್ಪ್ರತಿಷ್ಠಾ ತ್ರಯಸ್ತ್ರಿಂಶ ಇತ್ಯ್ । ಅನ್ತೋ ಹಿ ಸಃ ।
ಅಥ ಯದ್ಬ್ರಹ್ಮ ಚತುರ್ವಿಂಶ ಇತಿ । ಗಾಯತ್ರೀ ಹಿ ಸಾ ।
ಬ್ರಹ್ಮ ವೈ ಗಾಯತ್ರೀ ।
ಅಥ ಯತ್ಕ್ಷತ್ರಂ ಚತುಶ್ಚತ್ವಾರಿಂಶ ಇತಿ ತ್ರಿಷ್ಟುಬ್ಭಿ ಸಃ ।
ಕ್ಷತ್ರಮು ವೈ ತ್ರಿಷ್ಟುಪ್ ।
ಅಥ ಯದ್ವಿವರ್ತೋ ವಿಶಾಂ ಸ್ತೋಮೋಽಷ್ಟಾಚತ್ವಾರಿಂಶ ಇತಿ । ಜಗತೀ ಹಿ ಸಾ ।
ವಿಡ್ವೈ ಜಗತೀ ।
ವಿಶ ಉ ವಾ ಇದಂ ಸರ್ವಂ ಅನುಷ್ಟುಪ್ ।
ಇದಮೇವ ಪ್ರಾಯಣಮ್ । ಇದಮುದಯನಮ್ ।
ತಸ್ಮಾದಿತ ಏವ ಪ್ರಯನ್ತ್ಯತ ಉದ್ಯನ್ತಿ ।
ಅಗ್ನಿರೇವ ಪ್ರಾಯಣಮ್ । ಆದಿತ್ಯ ಉದಯನಮ್ ।
ಅನುಷ್ಠ್ಯೈತಂ ಲೋಕಂ ಪ್ರಜಾನನ್ನೇತಿ ಯ ಏವಂ ವೇದ ೩೦೯

ಗಾಯತ್ರಮುಖೋ ವೈ ಪ್ರಥಮಸ್ತ್ರ್! ಯಹಃ ।
ತಸ್ಮಾದಯಮಗ್ನಿರಸ್ಮಿಁ ಲ್ಲೋಕ ಊರ್ಧ್ವೋ ದೀದಾಯ ।
ಗಾಯತ್ರಮಧ್ಯೋ ದ್ವಿತೀಯಸ್ತ್ರ್! ಯಹಃ ।
ತಸ್ಮಾದಥ ವಾಯುರಸ್ಮಿನ್ನನ್ತರಿಕ್ಷೇ ತಿರ್ಯಙ್ಪವತೇ ।
ಗಾಯತ್ರೋತ್ತಮಸ್ತೃತೀಯಸ್ತ್ರ್! ಯಹಃ ।
ತಸ್ಮಾದಸಾವರ್ವಾಙಾದಿತ್ಯೋ ದಿವಸ್ತಪತಿ ।
ಏತಾ ವೈ ದೇವೇಷವಃ ಪ್ರಣಿಹಿತಾ ಅನಿಶಿತಾ ಅನಿಲಯನ್ತೀರೇಷು ಲೋಕೇಷು ಸರ್ವಂ ಪಾಪ್ಮಾನಮಪಸೇಧನ್ತೀಸ್ತಿಷ್ಠನ್ತ್ಯಗ್ನಿಃ ಪೃಥಿವ್ಯಾಂ । ವಾಯುರನ್ತರಿಕ್ಷ । ಆದಿತ್ಯೋ ದಿವಿ ।
ಏತಾ ಅಸ್ಯ ಸರ್ವಂ ಪಾಪ್ಮಾನಮಪಘ್ನತ್ಯೋ ಯನ್ತಿ ಯ ಏವಂ ವೇದ ।
ಏತಾಭಿರ್ವೈ ವಿಜಿತಿಭಿರ್ವಿವಿಕ್ರಿಭಿರ್ವಿಜಿತಾ ವಿವಿಕ್ತಾ ಇಮೇ ಲೋಕಾ ಯಥಾಯಥಮ್ ।
ಯಸ್ಮಾದೇತೇ ಸಮಾನೇ ಯಜ್ಞಕ್ರತೌ ಸನ್ತೋಽಥ ನಾನಾ ಭವನ್ತಿ ತಸ್ಮಾದ್ಧ ವೈ ದೇವಾಃ ಪಿತರೋ ಮನುಷ್ಯಾಸ್ಸಮಾನೇ ಲೋಕೇ ಸನ್ತೋಽನುಸಂದದರ್ಶಿರೇ ।
ಏತಾಭಿರ್ಹ ವಿಜಿತಿಭಿರ್ವಿವಿಕ್ತಿಭಿರ್ವಿಜಿತಾ ವಿವಿಕ್ತಾ ಯಥಾಯಥಮ್ ೩೧೦

ಪ್ರಜಾಪತಿಂ ಪ್ರಜಾಸ್ಸಮೃಜಾನಂ ಮುಖತಃ ಪಾಪ್ಮಾಸಿನೋತ್ ।
ಸೋಽಕಾಮಯತಾಪ ಪಾಪ್ಮಾನಂ ಹನೀಯೇತಿ ।
ಸ ಏತಂ ಗಾಯತ್ರಮುಖಂ ಪ್ರಥಮಂ ತ್ರಿಯಹಮಪಶ್ಯತ್ ।
ತೇನ ಮುಖತಃ ಪಾಪ್ಮಾನಮಪಾಹತ ।
ತಂ ಮಧ್ಯತೋಽಸಿನೋತ್ ।
ಸ ಏತಂ ಗಾಯತ್ರಮಧ್ಯಂ ದ್ವಿತೀಯಂ ತ್ರಿಯಹಮಪಶ್ಯತ್ ।
ತೇನ ಮಧ್ಯತಃ ಪಾಪ್ಮಾನಮಪಾಹತ ।
ತಂ ಪದೋರಸಿನೋತ್ ।
ಸ ಏತಂ ಗಾಯತ್ರೋತ್ತಮಂ ತೃತೀಯಂ ತ್ರ್! ಯಹಮಪಶ್ಯತ್ ।
ತೇನ ಪತ್ತಃ ಪಾಪ್ಮಾನಮಪಾಹತ ।
ತಂ ಪದೋರಸಿನೋತ್ ।
ಸ ಏತಂ ಗಾಯತ್ರೋತ್ತಮಂ ತೃತೀಯಂ ತ್ರ್! ಯಹಮಪಶ್ಯತ್ ।
ತೇನ ಪತ್ತಃ ಪಾಪ್ಮಾನಮಪಾಹತ ।
ಅಪ ಪಾಪ್ಮಾನಂ ಹತೇ ಯ ಏವಂ ವೇದ ।
ಸ್ವರಾನ್ತೇನ ವೈ ತ್ರ್! ಯಹೇಣ ಪ್ರಜಾಪತಿರ್ಮೃತ್ಯೋರಾತ್ಮಾನಮತ್ರಾಯತ । ನಿಧನಾನ್ತೇನ ಪ್ರಜಾಮ್ । ಇಳಾನ್ತೇನ ಪಶೂನ್ ।
ಏತಾವದ್ವಾವಾಸ್ತಿ ಯದಾತ್ಮಾ ಪ್ರಜಾ ಪಶವಃ ।
ತದ್ಯತ್ಸದತ್ರಾಯತ ತತ್ಸತ್ರಸ್ಯ ಸತ್ರತ್ವಮ್ ।
ತ್ರಾಯತ ಏನಂ ಸರ್ವಸ್ಮಾತ್ಪಾಪ್ಮನೋ ಯ ಏವಂ ವೇದ ।
ಸ್ವರಾನ್ತೇನ ವೈ ತ್ರಿಯಹೇಣ ಪ್ರಜಾಪತಿರ್ದೇವಾನಸೃಜತ । ನಿಧನಾನ್ತೇನ ಪಿತೄನ್ । ಇಳಾನ್ತೇನ ಮನುಷ್ಯಾನ್ ।
ತದ್ಯತ್ಸ್ವರಾನ್ತೇನ ದೇವಾನಸೃಜತ ತಸ್ಮಾತ್ತೇಽಮೃತಾಃ ।
ಅಮೃತೇನ ಹಿ ತಾನ್ಪ್ರಾಣೇನಾಸೃಜತ ।
ಅಥ ಯನ್ನಿಧನಾನ್ತೇನ ಪಿತೄನಸೃಜತ ತಸ್ಮಾದು ತೇ ನಿಧನಸಂಸ್ಥಾಃ ।
ಅಥ ಯದಿಳಾನ್ತೇನ ಮನುಷ್ಯಾನಸೃಜತ ಪಶವೋ ವಾ ಇಳಾ ತಸ್ಮಾದ್ಯ ಏವ ಪಶುಮಾನ್ಭವತಿ ತಂ ಮನುಷ್ಯಾ ಉಪಸಮಾಯನ್ತಿ ೩೧೧

ಅಥ ಹ ಕಬನ್ಧ ಆಥರ್ವಣೇ ಕೇಶೀ ದಾರ್ಭ್ಯ ಉವಾಸ ।
ಅಥ ಹ ತರ್ಹಿ ಸಮೂಢಾನ್ಯೇವ ಛನ್ದಾಂಸ್ಯಾಸುರ್ನ ವ್ಯೂಢಾನಿ ।
ತಸ್ಮೈ ಹ ಕಬನ್ಧ ಆಥರ್ವಣಃ ಕೇಶಿನೇ ದಾರ್ಭ್ಯಯೈತಂ ವ್ಯೂಢಛನ್ದಸಂ ದ್ವಾದಶಾಹಂ ಪ್ರೋವಾಚ ತ್ರಿರೇವ ಗಾಯತ್ರೀಂ ತರ್ಪಯತಾತ್ತ್ರಿಸ್ತ್ರಿಷ್ಟುಭಂ ತ್ರಿರ್ಜಗತೀಮ್ ।
ತವೈವ ಪ್ರಜಾಯಾ ಅನ್ಯೇ ಜೀವಿತಮಭಿಧ್ಯಾತಾರೋ । ನ ತವ ಪ್ರಜಾ ಇತಿ ।
ತೇನ ಹೇಜೇ ।
ತತೋ ಹ ವಾ ಇದಮರ್ವಾಚೀನಂ ವ್ಯೂಢಾನಿ ಛನ್ದಾಂಸಿ ।
ತಸ್ಮಾದನಾಢ್ಯಾನಾಮಪಿ ಸತಾಂ ಪಞ್ಚಾಲಾನಾಮಭ್ಯೇವಾನ್ಯೇ ಜೀವಿತಂ ಧ್ಯಾಯನ್ತಿ ।
ತಸ್ಯೈತೌ ಶ್ಲೋಕೌ
ಕಸ್ಮಾದೂರ್ಧ್ವಾ ಭೂಮೇರ್ಯನ್ತಿ ಸರ್ಗಾಃ ಕಸ್ಮಾತ್ತಿರ್ಯಞ್ಚೋಽನ್ವನ್ತರಿಕ್ಷಮ್ ।
ಕಸ್ಮಾದರ್ವಾಞ್ಚೋ ದಿವ ಉತ್ತರಸ್ಯೈ ಸೂರ್ಯಸ್ಯ ರಶ್ಮೀನನು ಯನ್ತಿ ಸೃಷ್ಟಾಃ
ಗಾಯತ್ರೀ ತ್ರಿವೃತ ವಸಾನಾ ಸಾ ತ್ರಿಷ್ಟುಭಂ ನುನುದೇಽನ್ತರಿಕ್ಷಾತ್ ।
ಸಾ ಜಗತೀಮಾಯತನಾದ್ದಿವೋಽಧಿ ತಸ್ಮಾದರ್ವಾಞ್ಚಃ ಪ್ರವಹನ್ತಿ ಸರ್ಗಾಃ ೩೧೨

ವಾಗ್ವೈ ಯಜ್ಞಂ ಸಸೃಜಾನಾ ಸಾಶನಾಯತ್ಸಾಪಿಪಾಸತ್ ।
ತಾಂ ದೇವಾ ಅರ್ವಾಗ್ಯಜ್ಞಾಹುತ್ಯಾತಿತರ್ಪಯಿಷನ್ ।
ತಾಂ ನಾತರ್ಪಯನ್ ।
ತಾಮರ್ವಾಕ್ಸೋಮಾಹುತಿಹವಿರ್ಯಜ್ಞೈರತಿತರ್ಪಯಿಷನ್ ।
ತಾಂ ನೈವಾತರ್ಪಯನ್ ।
ತ ಏತಂ ವ್ಯೂಢಚ್ಛನ್ದಸಂ ದ್ವಾದಶಾಹಂ ಯಜ್ಞಮಪಶ್ಯನ್ ।
ತಮಾಹರನ್ ।
ತೇನಾಯಜನ್ತ ।
ತತ ಏನಾಂ ಛನ್ದಾಂಸಿ ಭೂತಾಂ ಪ್ರಾರ್ಜನ್ ।
ತಾ ಅನ್ಯಾನ್ಯಸ್ಯೈ ಭಾಗಾಯ ಧೇನುಪರಿಸಾರಮತೃಪ್ಯನ್ ।
ತಸ್ಮಾತ್ಪಶವೋಽನ್ಯೋನ್ಯಸ್ಯ ಭಾಗಾಯ ಧೇನುಪರಿಸಾರಂ ತೃಪ್ಯನ್ತಿ ।
ಸಾತೃಪ್ಯತ್ ।
ಸ ಯ ಏವಮೇತಾಂ ವಾಚಶ್ಚ ಛನ್ದಸಾಂ ಚ ತೃಪ್ತಿಂ ವೇದ ಟೃಪ್ಯತ್ಯಾತ್ಮನಾ ತೃಪ್ಯತ್ಯಸ್ಯ ಪ್ರಜಾ ।
ದೇವಾ ವೈ ದೇ । ವಿಶ್ವಾನ್ದೇವರಥೇಷು ಯುಕ್ತ್ವೇಮಾಁ ಲ್ಲೋಕಾನಭ್ಯಾರೋಹನ್ ।
ಛನ್ದಾಂಸಿ ವಾವ ದೇವಾಶ್ವಾ । ಸ್ತೋಮಾ ದೇವರಥಾಃ ೩೧೩

ತೇ ಗಾಯತ್ರೀಮೇವ ದಕ್ಷಿಣಾಂ ಯುಗ್ಯಾಮಕುರ್ವತ । ತ್ರಿಷ್ಟುಭಂ ಸವ್ಯಾಂ ಯುಗ್ಯಾಂ । ಜಗತೀಂ ಸವ್ಯಾಂ ಪ್ರಷ್ಟಿಮ್ ।
ತೇನೇಮಂ ಲೋಕಮಭ್ಯರೋಹನ್ ।
ತೇಽಬ್ರುವಞ್ಜ್ಯಾಯಾನ್ವಾ ಅಧ್ವಾ ವಿಪರ್ಯೂಹಾಮೇತಿ ।
ತೇ ಜಗತೀಮೇವ ದಕ್ಷಿಣಾಂ ಯುಗ್ಯಾಮಕುರ್ವತ । ಗಾಯತ್ರೀಂ ಸವ್ಯಾಂ ಯುಗ್ಯಾಂ । ತ್ರಿಷ್ಟುಭಂ ಸವ್ಯಾಂ ಪ್ರಷ್ಟಿಮ್ ।
ತೇನೇಮಮನ್ತರಿಕ್ಷಂ ಲೋಕಮಭ್ಯಾರೋಹನ್ ।
ತೇಽಬ್ರುವಞ್ಜ್ಯಾಯಾನ್ದೇವಾಧ್ವಾ ವ್ಯೇವ ಪರ್ಯೂಹಾಮೇತಿ ।
ತೇ ತ್ರಿಷ್ಟುಭಮೇವ ದಕ್ಷೀಣಾಂ ಯುಗ್ಯಾಮಕುರ್ವತ । ಜಗತೀಂ ಸವ್ಯಾಂ ಯುಗ್ಯಾಂ । ಗಾಯತ್ರೀಂ ಸವ್ಯಾಂ ಪ್ರಷ್ಟಿಮ್ ।
ತೇನಾಮುಂ ಲೋಕಮಭ್ಯಾರೋಹನ್ ।
ಏವಂ ವೈ ದೇವಾ ದೇವಾಶ್ವಾನ್ದೇವರಥೇಷು ಯುಕ್ತ್ವೇಮಾಁ ಲ್ಲೋಕಾನಭ್ಯಾರೋಹನ್ ।
ಅಭೀಮಾಁ ಲ್ಲೋಕಾನಾರೋಹತಿ ಯ ಏವಂ ವೇದ ೩೧೪

ಯಾ ಹ ಖಲು ವೈ ಸಪದಾ ಛನ್ದಸ್ಸಾ ಪ್ರಥಮಮಹರುದ್ಯಚ್ಛತಿ । ವಿಪದಾ ದ್ವಿತೀಯಂ । ನಾನಾಪದಾ ತೃತೀಯಮ್ । ಅನುಪದಾ ಚತುರ್ಥಮ್ । ಅತಿಪದಾ ಪಞ್ಚಮಮ್ । ಅಭಿಪದಾ ಷಷ್ಠಮ್ ।
ಗಾಯತ್ರೀ ವೈ ಸಪದಾ ।
ತ್ರಿಪದಾ ವೈ ಗಾಯತ್ರೀ ।
ತ್ರಯ ಇಮೇ ಲೋಕಾಃ ।
ತ್ರಿಷ್ಟುಬ್ವಿಪದಾ । ಏಕಾದಶಾಕ್ಷರಾಣಿ ಹಿ ತಸ್ಯೈ ಪದಾನಿ ।
ಜಗತೀ ನಾನಾಪದಾ ದ್ವಾದಶಾಕ್ಷರಾಣಿ ಹಿ ತಸ್ಯೈ ಪದಾನಿ ।
ಅನುಷ್ಟುಬನುಪದಾ ।
ಅನುಪದಾ ಹಿ ಸಾ ಗಾಯತ್ರ್! ಯಾ ಅಕ್ಷರೈಃ ।
ಅಷ್ಟಾಕ್ಷರಾಣಿ ವೈ ಗಾಯತ್ರ್! ಯೈ ಪದಾನ್ಯಷ್ಟಾಕ್ಷರಾಣ್ಯನುಷ್ಟುಭಃ ।
ಪಂಕ್ತಿರತಿಪದಾ । ಪಞ್ಚಪದಾ ಹಿ ಸಾ ।
ಅತಿಚ್ಛನ್ದಾ ಅಭಿಪದಾಃ ।
ನ ಹಿ ಏತಾವನ್ತಿ ಕಸ್ಯೈ ಚನಾಕ್ಷರಾಣಿ ೩೧೫

ಪ್ರಜಾಪತಿರ್ಯದ್ಬೃಹದ್ರ ಥನ್ತರೇಽಸೃಜತ । ಸ ಮನ ಏವಾಗ್ರೇ ಬೃಹದಪಶ್ಯದ್ । ವಾಚಂ ರಥನ್ತರಮಭಿ ವ್ಯಾಹರತ್ ।
ತದ್ಯದ್ವಾಚಂ ರಥನ್ತರಮಭಿ ವ್ಯಾಹರತ್ತಸ್ಮಾದ್ರ ಥನ್ತರಂ ಪೂರ್ವಂ ಯೋಗಮಾನಶೇ ।
ಅಥ ಯನ್ಮನೋಽಗ್ರೇ ಬೃಹದಪಶ್ಯತ್ತಸ್ಮಾದು ಬೃಹದ್ರ ಥನ್ತರೇ ಇತ್ಯಾಖ್ಯಾಯತೇ ।
ಮನೋ ವೈ ಪೂರ್ವಮಥ ವಾಕ್ ।
ಮನೋ ವೈ ಬೃಹದ್ । ವಾಗ್ರಥನ್ತರಮ್ ।
ಬ್ರಹ್ಮ ವೈ ರಥನ್ತರಂ । ಕ್ಷತ್ರಂ ಬೃಹತ್ ।
ತದಿದಂ ಮನೋ ವಾಚಮತ್ಯಮನ್ಯತ । ಕ್ಷತ್ರಂ ಬ್ರಹ್ಮ ।
ತದಿದಂ ರಥನ್ತರಮವೇದತಿ ವೈ ಮಾ ಮನ್ಯತೇತಿ ।
ತದ್ವೈರೂಪಮಸೃಜತ ।
ತೇನ ಪುರಸ್ತಾತ್ಪರ್ಯವೈತ್ ।
ತೇ ದ್ವೇ ಭೂತ್ವಾತ್ಯಮನ್ಯೇತಾಮ್ ।
ತದಿದಂ ಬೃಹದವೇದತಿ ವೈ ಮಾ ಮನ್ಯತೇತಿ ।
ತದ್ವೈರಾಜಮಸೃಜತ ।
ತೇನ ಪುರಸ್ತಾತ್ಪರ್ಯವೈತ್ ।
ತೇ ದ್ವೇ ಭೂತ್ವಾತ್ಯಮನ್ಯೇತಾಂ ತದಿದಂ ರಥನ್ತರಮವೇದತಿ ವೈ ಮಾ ಮನ್ಯತೇತಿ ।
ತಚ್ಛಾಕ್ವರಮಸೃಜತ ।
ತೇನ ಪುರಸ್ತಾತ್ಪರ್ಯವೈತ್ ।
ತಾನಿ ತ್ರೀಣಿ ಭೂತ್ವಾತ್ಯಮನ್ಯನ್ತ ।
ತದಿದಂ ಬೃಹದವೇದತಿ ವೈ ಮಾ ಮನ್ಯತೇತಿ ।
ತದ್ರೈ ವತಮಸೃಜತ ।
ತೇನ ಪುರಸ್ತಾತ್ಪರ್ಯವೈತ್ ।
ತಾನಿ ತ್ರೀಣಿ ಭೂತ್ವಾರ್ಯಮನ್ಯನ್ತ ।
ತೇಽನ್ತಮಗಚ್ಛತಾಮ್ ।
ತೇಽವಿತ್ತಾಂ ಸಮೇ ವೈ ಸ್ವೋ ನಾನ್ಯದನ್ಯದತೀತಿ ।
ತಾನಿ ಷಟ್ಪೃಷ್ಠಾನ್ಯಾಸಂಸ್ । ತ್ರೀಣಿ ಛನ್ದಾಂಸಿ ।
ತಾನೀಮಾನಿ ತ್ರೀಣಿ ಛನ್ದಾಂಸಿ ಷಟ್ಪೃಷ್ಠಾನಿ ನಾನುವ್ಯಭವನ್ ೩೧೬

ಸಾ ಗಾಯತ್ರ್! ಯನುಷ್ಟುಭಮಸೃಜತ ।
ಸಾ ಚತುರ್ಥಮಹರುದಯಚ್ಛತ್ ।
ತಯಾ ಚತುರ್ಥಮಹರಕಲ್ಪತ ।
ತ್ರಿಷ್ಟುಪ್ಪಂಕ್ತಿಮಸೃಜತ ।
ಸಾ ಪಞ್ಚಮಮಹರುದಯಚ್ಛತ್ ।
ತಯಾ ಪಞ್ಚಮಮಹರಕಲ್ಪತ ।
ಜಗತ್ಯತಿಛನ್ದಸಮಸೃಜತ ।
ಸಾ ಷಷ್ಠಮಹರುದಯಚ್ಛತ್ ।
ತಯಾ ಷಷ್ಠಮಹರಕಲ್ಪತ ।
ತಾನಿ ಷಟ್ಪೃಷ್ಠಾನ್ಯಾಸನ್ । ಷಟ್ಛನಾಂಸಿ ।
ತಾನಿ ದ್ವನ್ದ್ವಮಕಲ್ಪನ್ತ ।
ದ್ವನ್ದ್ವಮಸ್ಮೈ ಪ್ರಜಾಃ ಪಶವಃ ಕಲ್ಪನ್ತೇ ಯ ಏವಂ ವೇದ ।
ಗಾಯತ್ರ್! ಯಾ ವೈ ಪ್ರಥಮಮಹಸ್ತಾಯತೇ । ತ್ರಿಷ್ಟುಭಾ ದ್ವಿತೀಯಂ । ಜಗತ್ಯಾ ತೃತೀಯಮ್ । ಅನುಷ್ಟುಭಾ ಚತುರ್ಥಂ । ಪಂಕ್ತ್ಯಾ ಪಞ್ಚಮಮ್ । ಅತಿಛನ್ದಸಾ ಷಷ್ಠಮ್ ।
ತಸ್ಮಾದತಿಛನ್ದಸಷ್ಷಷ್ಠೇಽಹನಿ ಶಸ್ಯನ್ತೇ ।
ತದ್ಯಥಾ ವರ್ಷಿಷ್ಠೇನ ಗಮ್ಭಿಷ್ಠೇ ಗಾಧಮಿಚ್ಛೇತೈವಮೇವ ತದ್ದೇವಾ ಅತಿಛನ್ದೋಭಿಷ್ । ಷಷ್ಠೇಽಹನಿ ಗಾಧಮೈಚ್ಛನ್ತ ।
ಅಥೋ ವೈ ತರ್ಹೀಚ್ಛನ್ತೇಽಥೋ ಷಷ್ಠಸ್ಯೈವಾಹ್ನೋ ವ್ಯಾಪ್ತ್ಯಾ । ಉತ್ತರಸ್ಯೋ ಏವ ತ್ರ್! ಯಹಸ್ಯ ಸನ್ತತ್ಯಾ ಅವ್ಯವಚ್ಛೇದಾಯ ೩೧೭

ಆಪೋ ವಾ ಇದಮಗ್ರೇ ಮಹತ್ಸಲಿಲಮಾಸೀತ ।
ತಸ್ಮಿನ್ಪ್ರಜಾಪತಿಃ ಪ್ರತಿಷ್ಠಾಮೈಚ್ಛತ್ ।
ಸ ಏತಂ ವೈಶ್ವಾನರಂ ಪ್ರಾಯಣೀಯಮತಿರಾತ್ರಮಪಶ್ಯತ್ ।
ತಮುಪಾದಧಾತ್ ।
ಇಮಮೇವ ಲೋಕಮಸ್ಮಿನ್ಸಲಿಲೇಽಧಿ ತಮಪ್ರಥಯತ್ ।
ಯದಪ್ರಥಯತ್ತಸ್ಮಾತ್ಪೃಥಿವೀ ।
ತಸ್ಮಿನ್ನಧಿ ಪ್ರತ್ಯತಿಷ್ಠತ್ ।
ತದ್ವೈ ತಮ ಇವಾಸೀತ್ ।
ರಾತ್ರೀ ಹ್ಯಹ್ನ ಉತ್ತರಾ ।
ಸ ಏತತ್ತ್ರಿವೃತಮಗ್ನಿಷ್ಟೋಮಮಪಶ್ಯತ್ ।
ತಮುಪಾದಧಾದಿಮಮೇವಾಗ್ನಿಮಸ್ಯಾಂ ಪೃಥಿವ್ಯಾಮಧಿ ।
ತೇನ ಜ್ಯೋತಿಷೇಮಾಁ ಲ್ಲೋಕಾನ್ಪ್ರಾಪಶ್ಯತ್ ।
ಸ ಏತಾನಷ್ಟಾವುಕ್ಥ್ಯಾನಷ್ಟಾತಯಾನ್ಪಶೂನ್ದಿಶೋಽನುವ್ಯತನೋದ್ವಾಮದೇವ್ಯಮನ್ತರಿಕ್ಷಮ್ । ಆದಿತ್ಯಮೇವ ದಶಮಮಹರ್ । ಅಮುಮೇವ ಲೋಕಮುತ್ತರಮತಿರಾತ್ರಮ್ ।
ಸ ಏತಾಂ ವ್ಯಾಪ್ತಿಂ ವ್ಯಾಪ್ನೋತ್ ।
ಇದಂ ಸರ್ವಮಭವತ್ ।
ಏತಾಮೇವ ವ್ಯಾಪ್ತಿಂ ವ್ಯಾಪ್ನೋತೀದಂ ಸರ್ವಂ ಭವತಿ ಯ ಏವಂ ವೇದ ।
ಋತವೋ ವೈ ಪೃಷ್ಠ್ಯಷ್ಷಡಹೋ । ದಿಶಶ್ಛನ್ದೋಮಾ । ಇಮಾವೇವ ಲೋಕಾವತಿರಾತ್ರೌ ।
ಋತವೋ ವೈ ಪೃಷ್ಠ್ಯಷ್ಷಡಹೋ । ಅರ್ಧಮಾಸಾ ಮಾಸಾ ಅಹೋರಾತ್ರಾಣಿ ಛನ್ದೋಮಾ । ಇಮಾವೇವ ಲೋಕಾವತಿರಾತ್ರೌ ।
ಅಥ ಯಾವೇತಾವನ್ತರಾವಗ್ನಿಷ್ಟೋಮಾವಿನ್ದ್ರಾ ಗ್ನೀ ಏವ ತೌ ।
ತದ್ಯನ್ನೇದೀಯಸ್ಸತ್ಕನೀಯಸ್ತೋಮಂ ಪೂರ್ವಮಹಸ್ತಸ್ಮಾದಯಮಗ್ನಿರ್ನೇದೀಯಸ್ಸನ್ಮ್ರದಾಯಸ್ತಪತಿ ।
ಅಥ ಯಸ್ಮಾದ್ದವೀಯಸ್ಸಞ್ಜ್ಯಾಯಸ್ತೋಮಮುತ್ತಮಮಹಸ್ತಸ್ಮಾದಸಾವಾದಿತ್ಯೋ ದವೀಯಸ್ಸನ್ನೋಜೀಯಸ್ತಪತಿ ।
ಯೋ ವೈ ಸರ್ವಂ ದ್ವಾದಶಾಹಮಾತ್ಮಾನಮಭಿ ಸಂಪದ್ಯಮಾನಂ ವೇದ ಸರ್ವ ಏನಂ ಕಾಮಾ ಅಭಿ ಸಂಪದ್ಯನ್ತೇ ೩೧೮

ಪದೋರೇವ ಪ್ರತಿಮಾ ಪೂರ್ವೋಽತಿರಾತ್ರಃ ।
ನವ ಪುರುಷೇ ಪ್ರಾಣಾಃ ।
ಸ ತ್ರಿವೃತ್ ।
ತ್ರಿವೃತ್ಪ್ರಾಯಣೀಯಮಹಃ ।
ತೇನ ತತ್ಸಂಪನ್ನಮ್ ।
ದಶ ಹಸ್ತ್ಯಾ ಅಂಗುಲಯಶ್ಚತ್ವಾರ್ಯುರೋರ್ಬಾಹ್ವಾಣಿ ।
ಯದೂರ್ಧ್ವಂ ನಾಭೇಸ್ತತ್ಪಞ್ಚದಶ ।
ಪಞ್ಚದಶಂ ದ್ವಿತೀಯಮಹಃ ।
ತೇನ ತತ್ಸಂಪನ್ನಮ್ ।
ದಶ ಹಸ್ತ್ಯಾ ಅಙ್ಗುಲಯಸ್ । ಸಪ್ತ ಶೀರ್ಷನ್ಪ್ರಾಣಾಃ ।
ತತ್ಸಪ್ತದಶ ।
ಸಪ್ತದಶಂ ತೃತೀಯಮಹಸ್ತೇನ ಸಂಪನ್ನಮ್ ।
ದಶ ಹಸ್ತ್ಯಾ ಅಂಗುಲಯೋ ದಶ ಪದ್ಯಾ ಆತ್ಮೈಕವಿಂಶಃ ।
ಏಕವಿಂಶಂ ಚತುರ್ಥಮಹಃ ।
ತೇನ ತತ್ಸಂಪನ್ನಮ್ ।
ದಶ ಹಸ್ತ್ಯಾ ಅಙ್ಗುಲಯೋ । ದಶ ಪದ್ಯಾ । ಸಪ್ತ ಶೀರ್ಷನ್ಪ್ರಾಣಾಃ ।
ತತ್ಸಪ್ತವಿಂಶತಿಃ ।
ಸಪ್ತವಿಂಶಂ ಪಞ್ಚಮಮಹಃ ।
ತೇನ ತತ್ಸಂಪನ್ನಮ್ ।
ದಶ ಹಸ್ತ್ಯಾ ಅಙ್ಗುಲಯೋ । ದಶ ಪದ್ಯಾ । ದಶ ಪ್ರಾಣಾ । ಮನೋ ವಾಗ್ಘೃದಯಂ । ತತ್ತ್ರಯಸ್ತ್ರಿಂಶತ್ ।
ತ್ರಯಸ್ತ್ರಿಂಶಂ ಷಷ್ಠಮಹಃ ।
ತೇನ ತತ್ಸಂಪನ್ನಮ್ ।
ಪ್ರಾಣಾ ಏವ ಸಪ್ತಮಮಹರ್ಗಾಯತ್ರಮ್ ।
ಚಕ್ಷುರೇವಾಷ್ಟಮಮಹಸ್ತರಿಷ್ಟುಭಮ್ ।
ಶ್ರೋತ್ರಮೇವ ನವಮಮಹರ್ಜಾಗತಮ್ ।
ವಾಗೇವ ದಶಮಮಹರಾನುಷ್ಟುಭಮ್ ।
ಅಥ ಯದೂರ್ಧ್ವಂ ಶ್ರೋತ್ರಾಭ್ಯಾಂ ತದುತ್ತರೋಽತಿರಾತ್ರಃ ।
ಪ್ರಾಣ ಏವ ಪೂರ್ವೋಽತಿರಾತ್ರ । ಉದಾನ ಉತ್ತರಃ ।
ತೌ ಪ್ರಾಯಣೀಯೋದಯನೀಯಾವಿತಿ ಪರೋಕ್ಷಮಾಚಕ್ಷತೇ ।
ಪ್ರತಿ ಪ್ರಾಣಾಪಾನಯೋಸ್ತಿಷ್ಠತಿ । ಅನ್ಪ್ರಾಣಾಪಾನಾಭ್ಯಾಂ ವ್ಯಥತೇ । ಸರ್ವಮಾಯುರೇತ್ಯ್ । ಏವಂ ವೈ ಸರ್ವೋ ದ್ವಾದಶಾಹ ಆತ್ಮಾನಮಭಿಸಂಪದ್ಯತೇ । ಸರ್ವ ಏನಂ ಕಾಮಾ ಅಭಿಸಂಪದ್ಯನ್ತೇ । ಯ ಏವಂ ವೇದ ೩೧೯


ವಿಷುವತ್ಕಂ ವಾ ಏತತ್ಸತ್ರಂ ಯದ್ದ್ವಾದಶಾಹಃ ।
ಸ ಯ ಏತಸ್ಯ ಸತ್ರಸ್ಯ ವಿಷುವನ್ತಂ ವೇದ ಶ್ರೀರ್ವೈ ವಿಷುವಾನ್ವಿಶುವಾಞ್ಶ್ರೇಷ್ಠ ಸ್ವಾನಾಂ ಭವತಿ ।
ಪುರುಷೋ ಹ ವಾ ಏತಸ್ಯ ಸತ್ರಸ್ಯ ವಿಷುವಾನ್ ।
ಪುರುಷೋ ಹ್ಯೇಷಾಂ ಲೋಕಾನಾಂ ವಿಷುವಾನ್ ।
ಇಮೇ ವೈ ಲೋಕಾ ಏಷ ದ್ವಾದಶಾಹೋಽಹಮಸ್ಯ ಸತ್ರಸ್ಯ ವಿಷುವಾನಸ್ಮೀತ್ಯೇವ ಮನ್ಯಮಾನ ಏತೇನ ದ್ವಾದಶಾಹೇನ ಯಜೇತ ।
ತಸ್ಯ ಹೈತಸ್ಮಿನ್ನೇವ ಸತ್ರೇ ವಿಷುವಾನುಪೇತೋ ಭವತಿ ।
ಸ ವಾ ಏಷೋಽಹನ್ನೇವ ಪ್ರತಿಷ್ಠಿತಃ ।
ಪ್ರಾಯಣೀಯಮಹರ್ದ್ವಿತೀಯಮಹಸ್ತೃತೀಯಮಹರಿತ್ಯಹರಹರಿತಿ ಭಅತಿ ।
ಅಸೌ ವಾ ಆದಿತ್ಯೋಽಹಃ ।
ಏತಮೇವೈತೇನರ್ಧ್ನುವನ್ತ್ಯೇತಸ್ಯ ಸಲೋಕತಾಂ ಗಚ್ಛನ್ತ ೩೨೦

ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಸೋಽಕಾಮಯತ ಬಹು ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ಸೋಽಷ್ಟಾದಶೈವಾಕ್ಷರಾಣಿ ಪ್ರಜಾಯತ ।
ತಾನಿ ದ್ವೇಧಾ ವ್ಯೌಹನ್ನವಾನ್ಯಾನಿ ನವಾನ್ಯಾನಿ ।
ಸ ಏವ ತ್ರಿವೃಚ್ಚ ಸ್ತೋಮೋಽಭವದ್ಗಾಯತ್ರೀ ಚ ಛನ್ದಃ ।
ಸೋಽಯಂ ಸಂಪೂರ್ಣಸ್ತ್ರಿವೃತ್ಸ್ತೋಮ ಆಸೀದ್ । ಅಥ ಗಾಯತ್ರೀ ಪ್ರಣವನವಮಾಸೀತ್ ।
ಪ್ರಣವಸ್ತಸ್ಯೈ ನವಮ ಆಸೀತ್ ।
ತಾಮಯಂ ತ್ರಿವೃತ್ಸ್ತೋಮೋಽಬ್ರವೀದ್ಗಾಯತ್ರೀಮೇಹಿ ಸಂಭವಾವೇತಿ ।
ತೌ ಸಮೌ ಸನ್ತೌ ನಾಶಕ್ನುತಾಂ ಸಂಭವೈತುಮ್ ।
ತಾಮಬ್ರವೀನ್ನ ವೈತರ್ಹಿ ಶಕ್ಷ್ಯಾವಸ್ಸಮೌ ಸನ್ತೌ ಸಂಭವಿತುಮ್ ।
ಯತ್ತ ಏತನ್ನವಮಮಕ್ಷರಂ ತದುದೂಹಸ್ವೇತಿ ।
ತತ್ಕಿಂ ಭವಿಷ್ಯತಿ ।
ಯದೇವಾಸ್ತಿ ತದ್ಭವಿಷ್ಯತೀತಿ ।
ತಥೇತಿ ।
ತದುದೌಹತ ।
ಸ ಏವ ಪ್ರಣವೋಽಭವತ್ ೩೨೧

ಸ ಪ್ರತಿಗರಸಸುದ್ಗೀಥಸ್ತದಾಶ್ರಾವಣಮ್ ।
ತಸ್ಮಾದೋಮಿತಿ ಪ್ರಣೌತ್ಯೋಮಿತಿ ಪ್ರತ್ಯಾಗೃಣಾತ್ಯೋಮಿತ್ಯುದ್ಗಾಯತ್ಯೋಮಿತ್ಯಾಶ್ರಾವಯತಿ ।
ಏತದ್ವಾ ಅಸ್ತಿ ಯದಭವತ್ ।
ತಾಮಬ್ರವೀದೇತರ್ಹಿ ವೈ ತಸ್ಮಾ ಅಲಂ ಸ್ವೋ ಯತ್ಪ್ರಜನಯೇವೇಹಿ ಪ್ರಜನಯಾವೇತಿ ।
ತಾಮಬ್ರವೀತ್ಸಂಭವ ಛನ್ದಾಂಸಿ ತ್ವಂ ಪ್ರಜನಯತಾತ್ಸ್ತೋಮಾನಹಂ ಪ್ರಜನಯಿಷ್ಯಾಮೀತಿ ।
ಸೋಽಯಂ ತ್ರಿವೃತ್ಸ್ತೋಮಶ್ಚತುರ್ವಿಂಶತಿಂ ಸ್ತೋತ್ರ್! ಯಾಃ ಪ್ರಾಯನಯತ್ ।
ಅಥ ಗಾಯತ್ರೀ ಚತುರ್ವಿಂಶತಿಮಕ್ಷರಾಣಿ ಪ್ರಜಾಯತ ।
ತಾಮಬ್ರವೀದ್ವಿಭವ ಯಾವತ್ಯಸಿ ತಾವತ್ಯೇಧೀತಿ ।
ಸಾಷ್ಟಾಕ್ಷರಾ ಸತ್ಯಕ್ಷರಾಣಿ ತ್ರ್! ಯಕ್ಷರಾಣ್ಯಕುರುತ ।
ತಾನಿ ಚತುರ್ವಿಂಶತಿರಭವನ್ ।
ಚತುರ್ವಿಂಶತಿಃ ಪೂರ್ವಾಣಿ ।
ತದಸ್ಯಾ ಅಷ್ಟಾಚತ್ವಾರಿಂಶತ್ಪ್ರಜಾತಮಾಸೀತ್ ।
ಸೇಯಂ ಗಾಯತ್ರೀ ಚತ್ವಾರ್ಯಕ್ಷರಾಣ್ಯಾದತ್ತ ।
ಸೋಷ್ಣಿಗಭವತ್ ।
ಷಡಿತರ ಆದತ್ತ ೩೨೨

ಸ ಪಞ್ಚದಶ ಸ್ತೋಮೋಽಭವತ್ ।
ಚತ್ವಾರೀಯಮಾದತ್ತ ।
ಸಾನುಷ್ಟುಬಭವತ್ ।
ಷಡಿತರ ಆದತ್ತ ।
ಸ ಏಕವಿಂಶ ಸ್ತೋಮೋಽಭವತ್ ।
ಚತ್ವಾರೀಯಮಾದತ್ತ ।
ಸಾ ಬೃಹತ್ಯಭವತ್ ।
ಷಡಿತರ ಆದತ್ತ ।
ಸ ತ್ರಿಣವ ಸ್ತೋಮೋಽಭವತ್ ।
ಚತ್ವಾರೀಯಮಾದತ್ತ ।
ಸಾ ಬೃಹತ್ಯಭವತ್ ।
ಷಡಿತರ ಆದತ್ತ ।
ಸ ತ್ರಿಣವ ಸ್ತೋಮೋಽಭವತ್ ।
ಚತ್ವಾರೀಯಮಾದತ್ತ ।
ಸಾ ಪಂಕ್ತಿರಭವತ್ ।
ಷಡಿತರ ಆದತ್ತ ।
ಸ ತ್ರಯಸ್ತ್ರಿಂಶ ಸ್ತೋಮೋಽಭವತ್ ।
ತದೇಷೋಽನ್ತಮಗಚ್ಛತ್ ।
ಚತ್ವಾರೀಯಮಾದತ್ತ ।
ಸಾ ತ್ರಿಷ್ಟುಬಭವತ್ ।
ಅಪರಾಣಿ ಚತ್ವಾರ್ಯಾದತ್ತ ।
ಸಾ ಜಗತ್ಯಭವತ್ ।
ತಾವನ್ತಮಗಚ್ಛತಾಂ ತಾಮಬ್ರವೀನ್ನ ವಾ ಅತಃ ಪರಾಞ್ಚೌ ಪ್ರಜನಯಿಷ್ಯಾವ । ಏಹಿ । ಯಾವದಕ್ಷರೈವಾಗ್ರೇಽಭೂಸ್ತಾವದಕ್ಷರಾ ಭೂತ್ವೇತಿ ।
ಸಾಷ್ಟಾಕ್ಷರೈವ ಭೂತ್ವೈ ತ್ ।
ತಸ್ಮಾದೇತತ್ಪತಿರ್ಯಥಾಕಾಮಂ ಜಾಯಾಂ ನೇನೀಯತೇ ೩೨೩

ತೌ ಪಞ್ಚದಶಂ ಚೈಕವಿಂಶಂ ಚ ವ್ಯೂಹ್ಯ ಮಧ್ಯೇ ಸಮಭವತಾಮ್ ।
ಸ ಏವೈಷ ಪ್ರಜಾಪತಿಸ್ಸಪ್ತದಶೋಽನ್ನಾದ ಸ್ತೋಮೋಽಭವತ್ ।
ತಸ್ಮೈ ತ್ರಿವೃತ್ಪಞ್ಚದಶಾವಿತ ಸ್ತೋಮೌ ಬಲಿಂ ಕುರುತ । ಏಕವಿಂಶಸ್ತ್ರಿಣವಸ್ತ್ರಯಸ್ತ್ರಿಂಶಃ ಪರಸ್ತಾತ್ ।
ತಾಮಬ್ರವೀತ್ಸಂಭವಂ ಛನ್ದಾಂಸಿ ತ್ವಂ ಪ್ರಜನಯತಾತ್ । ಸ್ತೋಮಾನಹಂ ಪ್ರಜನಯಿಷ್ಯಾಮೀತಿ ।
ಸೋಽಯಂ ತ್ರಿವೃತ್ಸ್ತೋಮಶ್ಚತುಷ್ಟೋಮಂ ಚತುರ್ದಶಂ ಷೋಡಶಮಷ್ಟಾದಶಂ ನವದಶಂ ಪಞ್ಚವಿಂಶಂ ಷಟ್ತ್ರಿಂಶಮಿತ್ಯೇತಾನ್ಮೃಗಸ್ತೋಮಾನ್ಪ್ರಾಜನಯತ್ ।
ಅಥ ಗಾಯತ್ರೀ ಏಕಪದಾಂ ದ್ವಿಪದಾಮಕ್ಷರಪಂಕ್ತಿಂ ವಿಷ್ಟಾರಪಂಕ್ತಿಂ ವಿರಾಜಮತಿಚ್ಛನ್ದಸಮಮಿತಂ ಛನ್ದ ಇತ್ಯೇತಾನಿ ಮೃಗಚ್ಛನ್ದಸಾನಿ ಪ್ರಾಯಾಯತ ।
ಸೈಷಾ ಸ್ತೋಮಾನಾಂ ಚ ಛನ್ದಸಾಂ ಚ ಪ್ರಜಾಪತಿಃ ।
ತದ್ಧ ಶೌನಕಂ ಕಾಪೇಯಂ ಚೈಕತಾನೇಯಃ ಪಪ್ರಚ್ಛ ಯತ್ಷಡುತ್ತರೇಣ ವೈ ಸ್ತೋಮಾಃ ಪ್ರಜನಯನ್ತಿ । ಚತುರುತ್ತರೇಣ ಛನ್ದಾಂಸ್ಯ್ । ಅಥ ಕೌಽಯಮಷಡುತ್ತರೀ ಸ್ತೋಮಸ್ಸಪ್ತದಶ ಆಕ್ಷಿಸ್ಸನ್ಮಧ್ಯೇ ವ್ಯವಹಿತ ಇತಿ ।
ಸ ಹೋವಾಚ ಸ್ತೋಮಾಶ್ಚ ಛನ್ದಾಂಸಿ ಚ ಯನ್ನ ಪ್ರಜಾಯನ್ತ ಸ ಏವೈಷ ಪ್ರಜಾಪತಿಸ್ಸಪ್ತದಶೋ ಮಧ್ಯೇ ವ್ಯವಕ್ರಮ್ಯ ಪ್ರಜನಯನ್ನತಿಷ್ಠತ್ ।
ಸ ಯೋ ವಾ ಏತಮಾಕ್ಷಿತಂ ವೇದಾಕ್ಷಿದ್ವೈ ಸ ಸರ್ವತ್ರೈವ ಭವತಿ ।
ಅನಾಕ್ಷಿದ್ವಾ ಏಷ ಯತ್ಪ್ರಜಾಪತಿಃ ।
ಸರ್ವಂ ಹೀದಂ ಪ್ರಾಜಾಪತ್ಯಮಿತಿ ।
ತೇ ಹೈತ ಆಕ್ಷಿತ ಇವ ಚೈಕಿತಾನೇಯಾಃ ।
ತಾನೀಮಾನಿ ಛನ್ದಾಂಸಿ ಸ್ತೋಮೈರಕಲ್ಪನ್ತ ೩೨೪

ತ್ರಿವೃತಾ ಗಾಯತ್ರ್! ಯಕಲ್ಪತ । ಪಞ್ಚದಶೇನ ತ್ರಿಷ್ಟುಪ್ । ಸಪ್ತದಶೇನ ಜಗತ್ಯ್ । ಏಕವಿಂಶೇನಾನುಷ್ಟುಪ್ । ತ್ರಿಣವೇನ ಪಂಕ್ತಿಸ್ । ತ್ರಯಸ್ತ್ರಿಂಶೇನ ವಿರಾಟ್ । ಪಞ್ಚವಿಂಶೇನ ಬೃಹತ್ಯ್ । ಅಷ್ಟಾದಶನವದಶಾಭ್ಯಾಮುಷ್ಣಿಕ್ಕಕುಭೌ ।
ತಾ ಯಾ ನವ ಗಾಯತ್ರ್! ಯಶ್ಚತುರ್ವಿಂಶತಿಸ್ತೇ ತ್ರಿವೃತಃ ।
ಅಥ ಯಾ ಪಞ್ಚದಶ ತ್ರಿಷ್ಟುಭಶ್ಚತುಶ್ಚತ್ವಾರಿಂಶತ್ತೇ ಪಞ್ಚದಶಾಃ ।
ಅಥ ಯಾಸ್ಸಪ್ತದಶ ಜಗತ್ಯೋಽಷ್ಟಾಚತ್ವಾರಿಂಶತ್ತೇ ಸಪ್ತದಶಾಃ ।
ಅಥ ಯಾ ಏಕವಿಂಶತಿರನುಷ್ಟುಭೋ ದ್ವಾತ್ರಿಂಶತ್ತ ಏಕವಿಂಶಾಃ ।
ಅಥ ಯಾಸ್ಸಪ್ತವಿಂಶತಿಃ ಪಂಕ್ತ್ಯಶ್ಚತ್ವಾರಿಂಶತ್ತೇ ತ್ರಿಣವಾಃ ।
ಅಥ ಯಾಸ್ತ್ರಯಸ್ತ್ರಿಂಶದ್ವಿರಾಜಸ್ತ್ರಿಂಶತ್ತೇ ತ್ರಯಸ್ತ್ರಿಂಶಾಃ ।
ಅಥ ಯಾಃ ಪಞ್ಚವಿಂಶತಿರ್ಬೃಹತ್ಯಷ್ಷಟ್ತ್ರಿಂಶತ್ತೇ ಪಞ್ಚವಿಂಶಾಃ ।
ಅಥ ಯಾ ಅಷ್ಟಾದಶನವದಶೋಷ್ಣಿಕ್ಕಕುಭೋಽಷ್ಟಾವಿಂಶತಿಸ್ತೇಽಷ್ಟಾದಶನವದಶಾಃ ೩೨೫

ಏಕಂ ವಾವೇದಮಗ್ರೇಽಕ್ಷರಮಾಸೀದ್ವಾಗೇವ ।
ಸಾಕಾಮಯತ ಬಹ್ವ್ಯಸಾನಿ । ಪ್ರಜಾಯೇಯ । ಭೂಮಾನಂ ಗಚ್ಛಾನಿ । ಯಜ್ಞಂ ತನವಾ ಇತಿ ।
ಸಾ ಸ್ವಾಹಾ ಸ್ವಾಹಾ ಸ್ವಾಹೇತ್ಯೇವ ದ್ವಾದಶಕೃತ್ವೋಽಜುಹೋತ್ ।
ಸಾ ತ್ರಿಂಶತಂ ತ್ರಿಂಶತಮೇವಾಸಿನೋತ್ ।
ತ್ರಿಂಶದಕ್ಷರೋ ಏವಾತ್ಮನಾಭವತ್ ।
ತಸ್ಯೈ ಪಶ್ಚೇವಾಕ್ಷರೇ ಉಪೋದಸರ್ಪತಾಮ್ ।
ಸೈವೈಷಾನುಷ್ಟುಬಭವತ್ ।
ತಸ್ಮಾದೇತದ್ಯೋಷಿತಃ ಪಶ್ಚೇವ ಸ್ತನಾವುಪೋತ್ಸರ್ಪತಃ ।
ಸೈಷಾ ವಿರಾಡೇವ ಸ್ತನಿನೀ ।
ಸಾ ಯತ್ತದ್ದ್ವಾದಶಕೃತ್ವೋಽಜುಹೋದೇತಾನೇವ ತದ್ದ್ವಾದಶ ಮಾಸೋಽಸೃಜತ ।
ತಾನ್ಯೇವೈತಾನಿ ದ್ವಾದಶಾಹಸ್ಯ ದ್ವಾದಶಾಹಾನ್ಯಭವಂಸ್ । ತ ಏವ ಚತುರ್ವಿಂಶತಿರರ್ಧಮಾಸಾ ಅಭವಂಸ್ತಾನ್ಯೇವ ಸಪ್ತ ಚ ಶತಾನಿ ವಿಂಶತಿಂ ಚಾಹೋರಾತ್ರಾಣ್ಯಭವನ್ ।
ಸೈತಂ ಸಂವತ್ಸರಂ ಯಜ್ಞಮಸೃಜತ ।
ಏಷ ಹ ವಾವ ಯಜ್ಞೋ ಯಸ್ಸಂವತ್ಸರಃ ।
ಸಾ ನಾವೇದ್ಯಜ್ಞಂ ವಾ ಅಸೃಕ್ಷೀತಿ ।
ಕಿಮು ಚಿದಸೃಕ್ಷೀತ್ಯೇವಾಮನ್ಯತ ।
ತಾಂ ಮೋದಃ ಪ್ರತ್ಯಾಗಚ್ಛತ್ ।
ತತೋಽವೇದ್ಯಜ್ಞಂ ವಾ ಅಸೃಕ್ಷೀತಿ ।
ಸೈಕ್ಷತ ಯಮಿದಂ ಯಜ್ಞಮಸೃಕ್ಷಿ ಹನ್ತೈನಮಾತ್ಮನ ಏವಾಧಿ ತನವಾ ಇತಿ ೩೨೬

ಸಾಷ್ಟಾಭಿರೇವಾಕ್ಷರೈಃ ಪ್ರಥಮಮಹರತನುತ । ಏಕಾದಶಭಿರ್ದ್ವಿತೀಯಂ । ದ್ವಾದಶಭಿಸ್ತೃತೀಯಮ್ ।
ಅಕ್ಷರಮೇವ ತ್ರ್! ಯಕ್ಷರಂ ಪರ್ಯಶಿಷ್ಯತ ।
ತದೇವೋತ್ತರಂ ತ್ರ್! ಯಹಮನುವ್ಯದಧಾತ್ ।
ಸೈತಂ ಪೃಷ್ಠ್ಯಂ ಷಡಹಮತನುತ ।
ಸೈತಂ ಪೃಷ್ಠ್ಯಂಷಡಹಂ ತತ್ವೈಕ್ಷತ ಕೇನ ನ್ವಿಮಂ ತೃತೀಯಂ ತ್ರ್! ಯಹಂ ತನ್ವಿಯೇತಿ ।
ಸ್ವಾತ್ಮಾನಮೇವಾಪಶ್ಯದ್ । ಯೋ ನ್ವಾವ ಮೇಽಸಾವಾತ್ಮಾ ಸೋಽಯಮ್ ।
ಹನ್ತೈನಮಾತ್ಮನ ಏವಾಧಿ ತನವಾ ಇತಿ ।
ಸಾಷ್ಟಾಭಿರೇವಾಕ್ಷರೈಸ್ಸಪ್ತಮಮಹರತನುತೈಕಾದಶಭಿರಷ್ಟಮಂ । ದ್ವಾದಶಭಿರ್ನವಮಮ್ ।
ಅಥ ಯದಕ್ಷರಂ ಪರ್ಯಶಿಷ್ಯತ ತದೇವೈತದ್ದ್ವಾದಶಾಹಸ್ಯ ದಶಮಮಹರಭವತ್ ।
ಸೈಷಾ ಶ್ರಾನ್ತಾ ವಿಕೃಷ್ಟಾಶಯೇ ವಾಗ್ಯಜ್ಞಮೂಹಿಷೀ ಕಾಲಿಲಿಮತ್ತಾ ಯಥಾ ಸಿಂಹೀ ವಾ ವಿಜಾತಾ ಸ್ಯಾದ್ವ್ಯಾಘ್ರೀ ವಾ ಶಿಂಶುಮಾರೀ ವೈವಮ್ ।
ತಾಂ ಯದೇತರ್ಹಿ ಪ್ರತ್ಯಕ್ಷಮಾಲಭೇರನ್ವ್ಯಾಪ್ತಮಸ್ಯಾ ಆಪದ್ಯೇರನ್ ।
ಯದ್ಯು ವಾ ಸಾ ಇಯುರೇತಸ್ಮಾತ್ಸರ್ವಸ್ಮಾದಿಯುಃ ।
ತಾಮೇತಾಂ ಪರೋಕ್ಷಮನುಷ್ಟುಭಂ ಕುರ್ವನ್ತಿ ೩೨೭

ನ ಹೋತಾ ಚನಾನುಷ್ಟುಭಶ್ಶಂಸತಿ । ವಿರಾಜ ಏವ ಸ ಶಂಸತಿ ।
ತೇ ದೇವಾ ಅಬ್ರುವನ್ನಿಯಮಿಯಂ ಯಜ್ಞಮಸೃಷ್ಟೈತಾನನ ಯಜಾಮಹಾ ಇತಿ ।
ತೇ ಬೃಹತೀಮಬ್ರುವನ್ನಿದಂ ನಸ್ತ್ವಂ ತೃತೀಯಮಹರ್ವಹ ।
ಅಭಿಜಿತಂ ವೈ ನಸ್ಸತ್ತದವ್ಯಾಪ್ತಮಿತಿ ।
ಸದ್ಧ ವೈ ಬೃಹತೀ ಭವತಿ ಯತ್ಸಾ ಪೃಷ್ಠಂ ಭವತಿ ।
ಸೈತದ್ಬೃಹತೀ ತೃತೀಯಮಹರೂಢ್ವಾ ನಾಕಾಮಯತ ವೋಢುಮ್ ।
ತ ಇಯಮೇವ ಲೋಕಂ ರಥನ್ತರೇಣಾಜಯನ್ನನ್ತರಿಕ್ಷಂ ಬೃಹತ್ಯಾಮುಂ ಬೃಹತಾ ।
ತ ಏತೇನ ತ್ರ್! ಯಹೇಣ ವ್ಯಜಯನ್ತ ।
ತದ್ಯಥಾ ವಿಜಿತೇನ ಯನ್ತಿ ಸೈನ್ಧವಾನಜನ್ತಿ ಹಸ್ತಿನಂ ವಹನ್ತಿ ಧೂರ್ಗೃಹೀತಂ ರಥಂ ಯಾತಿ ಹುಲುಭ್ಯಾಂ ಯಾತಿ ವಿಚ್ಛಿದ್ವಹಾಭ್ಯಾಮೇವಂ ಗರ್ದಭರಥೇನ ।
ಏವಮೇತಂ ದ್ವಿತೀಯಂ ತ್ರ್! ಯಹಂ ದೇವಾ ಅತ್ಯಾಯನ್ ೩೨೮

ತೇ ಬೃಹದ್ರ ಥನ್ತರೇ ಏತಾನಿ ರೂಪಾಣಿ ಪ್ರತ್ಯೌಹತಾಂ ವೈರೂಪಂ ವೈರಾಜಂ ಮಹಾನಾಮ್ನೀ ರೇವತೀರಿತಿ ।
ಅಥ ಬೃಹತೀ ಪ್ರತ್ಯೌಹದ್ವಿರಾಜಂ ಶಕ್ವರೀಂ ರೇವತೀಮಿತಿ ।
ತಾನೀಮಾನ್ಯತ್ಯಾಯನ್ ।
ತಾನಿ ದೇವಾ ಅನ್ವಪಶ್ಯನ್ಯಥಾ ಮತ್ಸ್ಯಮೂರ್ಮ್ಯಾ ಯನ್ತಮನುಪಶ್ಯೇದೇವಮ್ ।
ತಾನಿ ಸಪ್ತಮೇಽಹನ್ಸಮುದಮಜ್ಜನ್ಯಥಾ ಮತ್ಸ್ಯಾಸ್ಸಮುನ್ಮಜ್ಜಯುರೇವಮ್ ।
ತಾನ್ಯೇತಾನಿ ಛನ್ದೋಮೇಷು ಸರ್ವಾಣಿ ಸಂಸೃಜ್ಯನ್ತೇ ।
ಏತದ್ಬೃಹತ್ಯಾಂ ಬೃಹದ್ಭವತಿ । ಬೃಹತ್ಯಾಂ ರಥನ್ತರಮ್ ।
ಸ ಯಥೋಗ್ರಗಾಧೇ ಸಂರಭ್ಯಾತೀಯಾದೇವಮೇವೈತಂ ತೃತೀಯಂ ತ್ರಿಯಹಂ ದೇವಾ ಅತ್ಯಾಯನ್ ।
ತ ಏತಂ ಸ್ವರ್ಗಂ ಲೋಕಮಾಗಚ್ಛನ್ನೇತದ್ದಶಮಮಹಃ ।
ಏಷ ವಾವ ಸ್ವರ್ಗೋ ಲೋಕೋ ಯದ್ದಶಮಮಹಃ ।
ತಚ್ಚತುರ್ವಿಂಶಂ ಭವತಿ ।
ತತೋ ಯಾ ವಿಂಶತಿರ್ವಿರಾಟ್ಸಾ ।
ಅಥ ಯಾಶ್ಚತಸ್ರಸ್ತದೇವ ಬ್ರಧ್ನಸ್ಯ ವಿಷ್ಟಪಮ್ ।
ತಸ್ಮಿನ್ನೇತದ್ದೇವಾಸ್ಸರ್ವಾನ್ಕಾಮಾನ್ದುಹ್ರೇ ।
ಉಪಸೃಜನ್ಧರುಣಂ ಮಾತ್ರೇ ಮಾತರಂ ಧರುಣೋ ಧಯನ್ರಾಯಸ್ಪೋಷಮಿಷಮೂರ್ಜಮಸ್ಮಾಸು ದೀಧರತ್ಸ್ವಾಹೇ
ತಿ ಜುಹೋತಿ ।
ಸ ಯಂ ಕಾಮಂ ಕಾಮಯೇತ ತಂ ಧ್ಯಾಯೇತ್ ।
ಏತಸ್ಯಾಂ ಹುತಾಯಾಂ ಸ ಹೈವಾಸ್ಮೈ ಕಾಮಸ್ಸಮೃಧ್ಯತ ಏವಂವಿದೇ ।
ಕಿಮು ನೈವಂವಿದೇ ಸಮೃಧ್ಯೇತೇತಿ ಹ ಸ್ಮಾಹ ಶಾಟ್ಯಾಯನಿಃ ೩೨೯

ಏತಿ ಪ್ರೇತ್ಯಾಶುಮದ್ವೀತೀಮದ್ರುಕ್ಮವತ್ತೇಜಸ್ವದ್ಯುಞ್ಜಾನಂ ಪ್ರಥಮಸ್ಯಾಹ್ನೋ ರೂಪಂ । ತ್ರಿವೃತ ಸ್ತೋಮಸ್ಯ । ಗಾಯತ್ರ್! ಯೈ ಛನ್ದಸೋ । ರಥನ್ತರಸ್ಯ ಸಾಮ್ನಃ ।
ವೃಷವದ್ವೃತ್ರಹವದ್ರ ಯಿಮದ್ವಿಶ್ವವದುಪಸ್ಥಿತಂ ದ್ವಿತೀಯಸ್ಯಾಹ್ನೋ ರೂಪಂ । ಪಞ್ಚದಶಸ್ಯ ಸ್ತೋಮಸ್ಯ । ತ್ರಿಷ್ಟುಭಶ್ಛನ್ದಸೋ । ಬೃಹತಸ್ಸಾಮ್ನಃ ।
ಉದ್ವತ್ತ್ರಿವದ್ದಿಗ್ವದ್ಗತವತ್ಪುರಾಣವತ್ತೃತೀಯಸ್ಯಾಹ್ನೋ ರೂಪಂ । ಸಪ್ತದಶಸ್ಯ ಸ್ತೋಮಸ್ಯ । ಜಗತ್ಯೈ ಛನ್ದಸೋ । ವೈರೂಪಸ್ಯ ಸಾಮ್ನಃ ।
ರಾಜನ್ವಜ್ಜನದ್ವದ್ವಿರಾಟ್ಸೂರ್ಯವಚ್ಚತುರ್ಥಸ್ಯಾಹ್ನೋ ರೂಪಮ್ । ಏಕವಿಂಶಸ್ಯ ಸ್ತೋಮಸ್ಯ । ಅನುಷ್ಟುಭಶ್ಛನ್ದಸೋ । ವೈರಾಜಸ್ಯ ಸಾಮ್ನಃ ।
ಚಿತ್ರವಚ್ಛಿಶುಮತ್ಪಂಕ್ತ್ಯಶ್ಶಕ್ವರ್ಯೋ ವ್ಯೂನಾಕ್ಷರಾ ಗೋಮದ್ವೃಷಭವದ್ವಜ್ರ್ಯಭಿಮತ್ಪಞ್ಚಮಸ್ಯಾಹ್ನೋ ರೂಪಂ । ತ್ರಿಣವಸ್ಯ ಸ್ತೋಮಸ್ಯ । ಪಂಕ್ತೇಶ್ಛನ್ದಸಶ್ । ಶಾಕ್ವರಸ್ಯ ಸಾಮ್ನಃ ।
ಪರಿವತ್ಪ್ರತಿವತ್ಸಪ್ತಪದಾ ದ್ವಿಪದಾ ವಿನಾರಾಶಂಸಂ ಗೋಮದ್ವೃಷಭವದ್ವಜ್ರ್ಯಭಿಮತ್ಷಷ್ಠಸ್ಯಾಹ್ನೋ ರೂಪಂ । ತ್ರಯಸ್ತ್ರಿಂಶಸ್ಯ ಸ್ತೋಮಸ್ಯಾತಿಚ್ಛನ್ದಸಶ್ಛನ್ದಸೋ । ರೈವತಸ್ಯ ಸಾಮ್ನಃ ೩೩೦

ಯಸ್ಮಾದೇಷಾ ಸಮಾನಾ ಸತೀ ಷಡಹವಿಭಕ್ತಿರಥ ನಾನಾ ಭವತಿ । ತಸ್ಮಾನ್ನಾನಾರೂಪಸ್ಸಂವತ್ಸರೋ ನಾನಾರೂಪಮೇನಮನು ಪ್ರಜಾಯತೇ ।
ಅಗ್ನ ಇತಿ ಪ್ರಥಮಸ್ಯಾಹ್ನೋ ವಿಭಕ್ತಿರ್ । ಅಗ್ನಿಮಿತಿ ದ್ವಿತೀಯಸ್ಯಾಗ್ನಿನೇತಿ ತೃತೀಯಸ್ಯಾಗ್ನಿರಿತಿ ಚತುರ್ಥಸ್ಯಾಗ್ನೇರಿತಿ ಪಞ್ಚಮಸ್ಯಾಗ್ನ ಇತ್ಯೇವ ಪುನಷ್ಷಷ್ಠಸ್ಯ ।
ತಾವೇತಾವನ್ತೌ ಸಂಧತ್ತ ।
ಏತದನ್ವನನ್ತಸ್ಸಂವತ್ಸರಃ ।
ತಸ್ಯೈತಾವನ್ತೌ ಯದ್ಧೇಮನ್ತಶ್ಚ ವಸನ್ತಶ್ಚ ।
ಏತದನು ಗ್ರಾಮಸ್ಯಾನ್ತೌ ಸಮೇತ । ಏತದನು ನಿಷ್ಕಸ್ಯಾನ್ತೌ ಸಮೇತ । ಏತದನ್ವಹಿರ್ಭೋಗಾನ್ಪರ್ಯಾಹೃತ್ಯ ಶಯೇ ।
ತದೇತದನ್ನಮ್ ।
ತಂ ದೇವಚಕ್ರಮಕ್ಷಿತಂ ಪುನರ್ನವಮಾ ಚ ಪರಾ ಚ ಪರಿವರ್ತತೇ ।
ಸ ಯ ಏತದೇವಂ ವೇದೈತಾಮೇವಾನನ್ತತಾಮೇತಾಮಕ್ಷಿತಿಮೇತಾಂ ಪುನರ್ನವತಾಂ ಜಯತಿ ।
ಅಗ್ನ ಆ ಯಾಹಿ ವೀತಯ
ಇತಿ ಹ್ವಯನ್ತ್ಯೇವೈನಮೇತೇನ । ಅಗ್ನಿಂ ದೂತಂ ವೃಣೀಮಹ ಇತಿ ವೃಣತ ಏವೈನಮೇತೇನ ।
ಅಗ್ನಿನಾಗ್ನಿಸ್ಸಮಿಧ್ಯತ
ಇತಿ ಸಮೇವೈನಮೇತದಿನ್ಧತೇ ।
ಅಗ್ನಿರ್ವೃತ್ರಾಣಿ ಜಂಘನದ್
ಇತಿ ವ್ಯೇವೈತೇನೈತಜ್ಜಯನ್ತೇ ।
ತವ ಶ್ರಿಯೋ ಚರ್ಷ್ಯಸ್ಯೇವ ವಿದ್ಯುತ
ಇತಿ ಶ್ರಿಯಮೇವಾಸ್ಮಿನ್ನೇತದ್ದಧತಿ ।
ಯೋ ವೈ ಷಷ್ಠಸ್ಯಾಹ್ನೋ ವಿಭಕ್ತಿಂ ವೇದ ಸರ್ವಮಾಯುರೇತಿ ।
ಜಾತವೇದಸ ಇತಿ ವೈ ಷಷ್ಠಸ್ಯಾಹ್ನೋ ವಿಭಕ್ತಿರಗ್ನ ಇತಿ ಚ ।
ಸರ್ವಮಾಯುರೇತಿ ಯ ಏವಂ ವೇದ ೩೩೧

ದೇವಾ ವೈ ಪೃಷ್ಠ್ಯೇ ಷಡಹೇ ಶ್ರಿಯಮೈಚ್ಛನ್ ।
ತಾಮಗ್ನ ಇತಿ ಪ್ರಥಮೇಽಹನ್ನಾನ್ವವಿನ್ದನ್ ।
ತಾಮಗ್ನಿಮಿತಿ ದ್ವಿತೀಯಽಹನ್ನಾನ್ವವಿನ್ದನ್ ।
ತಾಮಗ್ನಿನೇತಿ ತೃತೀಯೇಽಹನ್ನಾನ್ವವಿನ್ದನ್ ।
ತಾಮಗ್ನಿರಿತ್ಯೇವ ಚತುರ್ಥೇಽಹನ್ನನ್ವವಿನ್ದನ್ ।
ಭೂತಮೇವೋತ್ತರೇಽನ್ವವದತಾಮ್ ।
ಯಸ್ಮಾದೇಷಾ ಸಮಾನಾ ಸತ್ಯಗ್ನಿವಿಭಕ್ತಿರಥ ನಾನಾ ಭವತಿ ಯ ಏತೇ ಪ್ರವಿಷ್ಟಾಃ ।
ಅಥೋ ಹಾಮ್ಯೈತೈರೇವಾಗ್ನಿಭಿಸ್ಸರ್ವ ಋತವೋಽಗ್ನಿಮನ್ತೋ ಭವನ್ತಿ ।
ಪ್ರಸೃತೇಳಾ ಪ್ರಥಮಸ್ಯಾಹ್ನ । ಊರ್ಧ್ವೇಳಂ ದ್ವಿತೀಯಂ । ಪರಿಷ್ಟುಬ್ಧೇಳಂ ತೃತೀಯಮ್ । ಇಳಾಭಿರಿಳಂ ಚತುರ್ಥಮ್ । ಅಧ್ಯರ್ಧೇಳಂ ಪಞ್ಚಮಮ್ । ಇಹಕಾರೇಣಾಭ್ಯಸ್ತೇಳಂ ಷಷ್ಠಂ ಚ ।
ಅಥೋ ಹ ವಾಸ್ಯಸ್ಕೋ ನೈಮಿಶೀಯಾನ್ಪಪ್ರಚ್ಛ ಕಿಂ ಪ್ರಥಮೇನಾಹ್ನಾ ಕುರುಧ್ವಮಿತಿ ।
ಪ್ರೈಮೇತಿ ।
ಕಿಂ ದ್ವಿತೀಯೇನೇತಿ ।
ಅವಸಂ ಕುರ್ಮಹಾ ಇತಿ ।
ಕಿಂ ತೃತೀಯೇನೇತಿ ।
ಪರಿ ವಾ ಪ್ಲವಾಮಹಾ ಇತಿ ।
ಕಿಂ ಚತುರ್ಥೇನೇತಿ ।
ಸತಾ ಸದಪ್ಯದಧ್ಮೇತಿ ।
ಕಿಂ ಪಞ್ಚಮೇನೇತಿ ।
ಪಶೂನ್ವಿಚ್ಛಿನ್ದನ್ತ ಷಮೇತಿ ।
ಕಿಂ ಷಷ್ಠೇನತಿ ।
ಆಗಚ್ಛಾಮೇತಿ ಹೋಚುಃ ।
ಅಥೋ ತೇಭ್ಯ ಷೇತತ್ಪಶುಭ್ಯೋ ಭಿಷಜ್ಯಾಮೇತಿ ।
ತದ್ಯತ್ಪ್ರೈಮೇತಿ ಪ್ರವ ವಾ ಏತತ್ಸಾರ್ಯತೇ ಯತ್ಪ್ರೈತಿ ।
ಪ್ರಸೃತೇಳಾ ಪ್ರಥಮಸ್ಯಾಹ್ನಃ ೩೩೨

ಅಥ ಯದವಸಂ ಕುರ್ಮ ಇತ್ಯುಪರತ್ಯೇವ ವಾ ಉಪವಿಮುಚ್ಯೇವಾವಸಂ ಕುರ್ವತೇ ।
ಉಪರತ್ಯೇವ ಹಿ ದ್ವಿತೀಯಸ್ಯಾಹ್ನ ಇಳಾ ನಿಧನಂ ಗಚ್ಛತಿ ।
ಅಥ ಯತ್ಪರಿ ವಾ ಪ್ಲವಾಮಹಾ ಇತಿ ಪರಿಪ್ಲುತ್ಯೇವ ಹಿ ತೃತೀಯಸ್ಯಾಹ್ನ ಇಳಾನಿಧನಂ ಗಚ್ಛತಿ ।
ಅಥ ಯತ್ಸತಾ ಸದಪ್ಯದಧ್ಮೇತೀಳಾಭಿರಿಳಾಃ ಪಶುಭಿಃ ಪಶೂಂಸ್ತತ್ ।
ತದೇತತ್ಸತಾ ಸದಪಿಹಿತಮ್ ।
ಅಥ ಯತ್ಪಶೂನ್ವಿಚ್ಛಿನ್ದನ್ತ ಷಮೇತಿ ವಿಚ್ಛಿನ್ನೇವ ವಾ ಏಷಾ ಯದಧ್ಯರ್ಧೇಳಾನ್ನಕೃತಾ ।
ಪಶವೋ ವಾ ಇಳಾ ।
ತಸ್ಮಾತ್ಪಶೂನ್ವಿಚ್ಛೇದಂ ವಿಕಾರಂ ಭುಞ್ಜತೇ ।
ಅಥ ಯದಾಗಚ್ಛಾಮೇತೀಹೇತ್ಯಸ್ಯಾಮೇವೈತತ್ಪ್ರತ್ಯತಿಷ್ಠನ್ ।
ಅಥೋ ತೇಭ್ಯ ಏವೈತತ್ಪಶುಭ್ಯೋ ಭಿಷಜಿತಮ್ ।
ಯಜ್ಮಾದೇಷಾ ಸಮಾನಾ ಸತೀಳಾವಿಭಕ್ತಿರಥ ನಾನಾ ಭವತಿ । ತಸ್ಮಾನ್ನಾನಾರೂಪಾಃ ಪಶವಃ ।
ನಾನಾರೂಪಮೇನಾನನು ಪ್ರಜಾಯತೇ ।
ಯದೃಚಾರಭತೇ ತತ್ಪ್ರಥಮಸ್ಯಾಹ್ನೋ ರೂಪಮ್ ।
ಪರಿಷ್ಟುಬ್ಧಂ ದ್ವಿತೀಯಸ್ಯೋಭಯತಃಪರಿಷ್ಟುಬ್ಧಂ ತೃತೀಯಸ್ಯಾನುತುನ್ನಂ ಚತುರ್ಥಸ್ಯಾಭ್ಯಸ್ತಂ ಪಞ್ಚಮಸ್ಯೇಹಕಾರೇಣಾಭ್ಯಸ್ತಂ ಷಷ್ಠಸ್ಯ ।
ಯಸ್ಮಾದೇಷಾ ಸಮಾನಾ ಸತೀ ಸ್ವರವಿಭಕ್ತಿರಥ ನಾನಾ ಭವತಿ ತಸ್ಮಾದಯಂ ವಾಯುರ್ಯಥರ್ತು ಪವತ ಶೀತೋ ಹೇಮನ್ತಮ್ । ಉಷ್ಣೋ ಗ್ರೀಷ್ಮಮ್ ।
ಇನ್ದ್ರೇ ತಿ ಪ್ರಥಮಸ್ಯಾಹ್ನೋ ವಿಭಕ್ತಿರಿನ್ದ್ರ ಮಿತಿ ದ್ವಿತೀಯಸ್ಯೇನ್ದ್ರೇ ಣೇತಿ ತೃತೀಯಸ್ಯೇನ್ದ್ರ ಇತಿ ಚತುರ್ಥಸ್ಯೇನ್ದ್ರಾ ದಿತಿ ಪಞ್ಚಮಸ್ಯೇನ್ದ್ರ ಇತ್ಯೇವ ಪುನಷ್ಷಷ್ಠಸ್ಯ ।
ಯಸ್ಮಾದೇಷಾ ಸಮಾನಾ ಸತೀನ್ದ್ರ ವಿಭಕ್ತಿರಥ ನಾನಾ ಭವತಿ ತಸ್ಮಾದಸಾವಾದಿತ್ಯೋ ಯಥರ್ತು ತಪತಿ ಶೀತೋ ಹೇಮನ್ತಮ್ । ಉಷ್ಣೋ ಗ್ರೀಷ್ಮಮ್ ೩೩೩

ಇತಿ ಹೈವೇದಮಗ್ರ ಆಸ ।
ತದಕಾಮಯತ ಬಹುಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ತನ್ಮನೋಽಮನುತ ।
ತಸ್ಯ ದ್ವಿತೀಯಂ ವಿತ್ವಾವಿತರಾಹ್ವಯಮೈತ್ ।
ತಸ್ಮಾದ್ದ್ವಿತೀಯಂ ವಿತ್ವಾವಿತರಾಹ್ವಯಮೇತಿ ।
ತದನೇನ ಮನಸಾ ಸಹಾತಪ್ಯತ ।
ಮನೋ ಹ ವಾವ ತಪಃ ।
ತತ್ತಪ್ಯಮಾನಂ ವಾಚಮಸೃಜತ ।
ತಾಭ್ಯಾಮಸ್ತುತ ಸ್ತೋ ಮೇ ಸ್ತೋ ಮ ಇತಿ ।
ಯತ್ಸ್ತೋ ಮ ಇತ್ಯಬ್ರವೀತ್ತತ್ಸ್ತೋಮಸ್ಯ ಸ್ತೋಮತ್ವಮ್ ।
ಸ್ತುವತ ಏನೇನ ಸ್ವಾ ಅಯಂ ನ ಶ್ರೇಷ್ಠ ಇತಿ ಯ ಏವಂ ವೇದ ।
ತಾವೇವೈತೌ ಸ್ತೋಮಾವಭವತಾಂ ಪರಾಙ್ಚ ಪೂರ್ವಾಙ್ಚ ।
ತೌ ಪ್ರಾಣಾಪಾನೌ । ತೇಽಹೋರಾತ್ರೇ । ತೌ ಪೂರ್ವಪಕ್ಷಾಪರಪಕ್ಷೌ । ತಾವಿಮೌ ಲೋಕೌ । ತಾವಿನ್ದ್ರಾ ಗ್ನೀ । ತೌ ಮಿತ್ರಾವರುಣೌ । ತಾವಶ್ವಿನೌ । ತದ್ದೈವ್ಯಂ ಮಿಥುನಂ । ಯದಿದಂ ಕಿಂ ಚ ದ್ವನ್ದ್ವಂ ತದಭವತಾಮ್ ।
ತೌ ಹ ಸ್ಮ ಪ್ರಜಾಪತಾವೇವಾನ್ತಸ್ಸಂಭವತಃ ।
ತದಿದಂ ಮನೋ ವಾಚಮಸ್ಕನ್ದತ್ ।
ಸ ಹಿರಣ್ಮಯೋ ಗರ್ಭೋಽಧೀಯತಾಮೃತಃ ।
ಏಷ ವೈ ಮೃತ್ಯುರ್ಯದಗ್ನಿಃ ।
ತಸ್ಮಿನ್ಯದ್ಧಿರಣ್ಯಂ ಪ್ರಾಸ್ಯನ್ತಿ ಕಲ್ಯಾಣತರಂ ಭವತಿ ।
ಸೋಽಯಂ ಗರ್ಭೋಽಜಾಯತ ।
ತಂ ಜಾತಮಮೃಜನ್ಯಥಾ ವತ್ಸಂ ಜಾತಂ ಮಾತಾ ಲೋಹ್ಯಾದೇವಮ್ ೩೩೪

ತಸ್ಯ ಯತ್ಪ್ರಥಮಮುಲ್ಬಮಪಾಲುಮ್ಪಂಸ್ತತ್ಕೃಷ್ಣಾಯಸ್ಸಮಭವತ್ ।
ಯದ್ದ್ವಿತೀಯಮುಲ್ಬಮಪಾಲುಮ್ಪಂಸ್ತದ್ರ ಜತಮಭವತ್ ।
ಯತ್ತೃತೀಯಮುಲ್ಬಮಪಾಲುಮ್ಪಂಸ್ತದ್ಧರಿತಮಭವತ್ ।
ತಸ್ಮಾತ್ತತ್ತ್ವಿಷಿಮತ್ತಮಮ್ ।
ತತ್ತದ್ಧ್ಯಸ್ಯಾಧ್ಯಾತ್ಮಮಾಸೀದಥ ಯಜ್ಜರಾಯು ನಾಡ್ಯಾಮಾಸೀತ್ ।
ತಲ್ಲೋಹಮಭವತ್ ।
ತಸ್ಮಾತ್ತದ್ದುರ್ಗನ್ಧಿತಮಮ್ ।
ತಾನಿ ಸಪ್ತದಶೈವಾಕ್ಷರಾಣ್ಯಜಾಯನ್ತ ।
ತಾನಿ ದ್ವೇಧಾ ವ್ಯೌಹನ್ನವಾನ್ಯಾನ್ಯಷ್ಟಾವನ್ಯಾನಿ ।
ಸ ಏವ ತ್ರಿವೃಚ್ಚ ಸ್ತೋಮೋಽಭವದ್ಗಾಯತ್ರೀ ಚ ಛನ್ದಃ ।
ಸ ಷಕ್ಷತಾಯಂ ಸ್ತೋಮ ಇದಂ ಛನ್ದ ಇಮೌ ವಾವ ತಸ್ಮಾ ಅಲಂ ಯತ್ಪ್ರಜನಯೇತಾಮ್ ।
ಹನ್ತೈಮಾವೇವ ಪ್ರಜನಯತಮಿತಿ ಬ್ರವಾಣೀತಿ ।
ಸ ತ್ರಿವೃತಾ ಸ್ತುತ್ವಾಬ್ರವೀದ್ಗಾಯತ್ರೀಂ ವಿಭವ । ಯಾವತ್ಯಸಿ ತಾವತ್ಯೇಧೀತಿ ।
ಸಾಷ್ಟಾಕ್ಷರಾ ಸತ್ಯಕ್ಷರಾಣಿ ತ್ರ್! ಯಕ್ಷರಾಣ್ಯಕುರುತ ।
ತಾನಿ ಚತುರ್ವಿಂಶತಿರಭವನ್ ।
ಸೋಽಸ್ಯೈ ಗಾಯತ್ರ್! ಯೈ ಚತುರ್ವಿಂಶತ್ಯಕ್ಷರಾಯೈ ಷಡಕ್ಷರಾಣ್ಯಾದತ್ತ ೩೩೫

ಸ ಪಞ್ಚದಶ ಸ್ತೋಮೋಽಭವತ್ ।
ಅಪರೇ ದ್ವೇ ಆದತ್ತ ।
ಸ ಸಪ್ತದಶ ಸ್ತೋಮೋಽಭವತ್ ।
ಅಪರಾಣಿ ಚತ್ವಾರ್ಯಾದತ್ತ ।
ಸ ಏಕವಿಂಶ ಸ್ತೋಮೋಽಭವತ್ ।
ತದರ್ಧೇನ ಗಾಯತ್ರೀ ವಿಷುವನ್ತಮಗಚ್ಛತ್ ।
ಅಪರಾಣಿ ಷಡಾದತ್ತ ।
ಸ ತ್ರಿಣವ ಸ್ತೋಮೋಽಭವತ್ ।
ಅಪರಾಣಿ ಷಡಾದತ್ತ ಸ ತ್ರಯಸ್ತ್ರಿಂಶ ಸ್ತೋಮೋಽಭವತ್ ।
ಸೋಽತಃ ಪರಾಚೀನಂ ನ ಪ್ರಾವಿನ್ದತ್ ।
ಸ ಷಕ್ಷತೇಮಾನ್ಯೇವ ವೀರ್ಯಾಣಿ ಸಂಸ್ತುತಾನಿ ಪ್ರತ್ಯಪಧಾವಾನಿ ದ್ವೇ ದ್ವೇಽಹನೀ ಸಮಸ್ಯಾನೀತಿ ೩೩೬

ಸ ತ್ರಿವೃಚ್ಚ ಪಞ್ಚದಶಂ ಚ ಸಮಾಸ್ಯತ್ ।
ತದೇವ ಚತುರ್ವಿಂಶಂ ಸಪ್ತಮಮಹರಭವದ್ಗಾಯತ್ರೀ ಛನ್ದಸಾಮ್ ।
ತಸ್ಮಾದತ್ರೋಭೇ ಬೃಹದ್ರ ಥನ್ತರೇ ಕ್ರಿಯೇತೇ ।
ಉಭೋ ಹ್ಯೇತೌ ಬಾರ್ಹತರಾಥನ್ತರೌ ಸ್ತೋಮೌ ।
ರಥನ್ತರಂ ವೈ ಮಾತ್ರಾಯಾಮತ್ರ ಸ್ಯಾದ್ । ಅಥ ಬೃಹತ್ಪೃಷ್ಠಂ ಕ್ರಿಯತೇ ।
ಸಪ್ತದಶಂ ಚ ತ್ರಿಣವಂ ಚ ಸಮಾಸ್ಯತ್ ।
ತದೇವ ಚತುಶ್ಚಅತ್ವಾರಿಂಶಮಷ್ಟಮಮಹರಭವತ್ತ್ರಿಷ್ಟುಪ್ಛನ್ದಸಾಮ್ ।
ತಸ್ಮಾದತ್ರ ರಥನ್ತರಂ ಪೃಷ್ಠಂ ಕ್ರಿಯತೇ ।
ಏಕವಿಂಶಂ ಚ ತ್ರಯಸ್ತ್ರಿಂಶಂ ಚ ಸಮಾಸ್ಯತ್ ।
ತತಷ್ಷಡಕ್ಷರಾಣ್ಯತ್ಯರಿಚ್ಯನ್ತ ।
ಅಥ ಯಾನ್ಯಷ್ಟಾಚತ್ವಾರಿಂಶತ್ಪರ್ಯಶಿಷ್ಯನ್ತ ತದೇಆಷ್ಟಾಚತ್ವಾರಿಂಶಂ ನವಮಮಹರಭವತ್ । ಜಗತೀ ಛನ್ದಸಾಮ್ ।
ತಸ್ಮಾದತ್ರ ಬೃಹತ್ಪೃಷ್ಠಂ ಕ್ರಿಯತೇ ।
ಉಭೌ ಹ್ಯೇತೌ ಬಾರ್ಹತೌ ಸ್ತೋಮೌ । ರಥನ್ತರಂ ವೈ ಮಾತ್ರಾಯಾಮತ್ರ ಸ್ಯಾದ್ । ಅಥ ಬೃಹತ್ಪೃಷ್ಠಂ ಕ್ರಿಯತೇ ೩೩೭

ತಾನೀಮಾನಿ ಷಡಕ್ಷರಾಣ್ಯಭಿಹಿಂಙಕರೋತ್ ।
ತತಷ್ಷಣ್ಣಿರಮಿಮೀತ ।
ತಾನಿ ದ್ವಾಚಶಾಭವನ್ ।
ತಾನಿ ಪುನರೇವಾಭಿಹಿಂಙಕರೋತ್ ।
ತತಷ್ಷಣ್ಣಿರಮಿಮೀತ ।
ತಾನ್ಯಷ್ಟಾದಶಾಭವನ್ ।
ತಾನಿ ಪುನರೇವಾಭಿಹಿಂಙಕರೋತ್ ।
ತತಷ್ಷಣ್ಣಿರಮಿಮೀತ ।
ತಾನಿ ಚತುರ್ವಿಂಶತಿರಭವನ್ ।
ತದೇವ ಚತುರ್ವಿಂಶಂ ದಶಮಮಹರಭವದನುಷ್ಟುಪ್ಛನ್ದಸಾಮ್ ।
ತಸ್ಮಾದು ತ್ರಿಹಿಂಕೃತಂ ಸಾಮ ।
ತದಾಹುರತಿ ತ್ರಿವೃತಂ ಸ್ತೋಮಾ ಯನ್ತಿ । ನ ಗಾಯತ್ರೀಂ ಛನ್ದಾಂಸೀತಿ ।
ನಾಹೈವ ತ್ರಿವೃತಂ ಸ್ತೋಮಾ ಅತಿಯನ್ತೀತಿ ಬ್ರೂಯಾನ್ನೋ ಗಾಯತ್ರೀಂ ಛನ್ದಾಂಸೀತಿ ।
ತ್ರಿಪ್ರಾಯಣಾ ಹಿ ಸ್ತೋಮಾಸ್ತ್ರಿಮಧ್ಯಾಸ್ತ್ರ್! ಯುದಯಾಃ ।
ಏತದು ಗಾಯತ್ರೀಂ ಸರ್ವಾಣಿ ಛನ್ದಾಂಸಿ ನಾತಿಯನ್ತಿ ।
ತದೇತದ್ತ್ರಿವೃತಶ್ಚೈವ ಸ್ತೋಮಸ್ಯ ಪುಷ್ಟಂ ಗಾಯತ್ರ್! ಯೈ ಛನ್ದಸೋ ಯದೇಷ ದ್ವಾದಶಾಃಅಃ ।
ತದ್ಬ್ರಹ್ಮ ವೈ ಗಾಯತ್ರೀ ।
ಕ್ಷತ್ರಂ ತ್ರಿವೃತ್ ।
ಯತ್ಸ ವಜ್ರಸ್ತೇನ ಕ್ಷತ್ರಮ್ ।
ತದೇತದ್ಬ್ರಹ್ಮ ಚ ಕ್ಷತ್ರಂ ಚೈಷ ದ್ವಾದಶಾಹಃ ।
ತದು ವಾ ಆಹುರ್ಬ್ರಹ್ಮ ವೈ ತ್ರಿವೃದ್ । ಬ್ರಹ್ಮ ಗಾಯತ್ರೀ । ಬ್ರಹ್ಮೈಷ ದ್ವಾದಶಾಹೋ । ಬ್ರಹ್ಮೈವೈಷ ಸರ್ವೋ ದ್ವಾದಶಾಹ ಇತ್ಯೇವ ವೇದಿತವ್ಯಮ್ ।
ತಸ್ಯೈತೌ ಶ್ಲೋಕೌ
ಚತ್ವಾರೋಽಗ್ರೇ ಪ್ರ ವಹನ್ತಿ ಯುಕ್ತಾಸ್ತೇ ಷಡ್ಭವನ್ತಿ ಪರಮೇ ವ್ಯೋಮನ್ ।
ತೇ ದ್ವೌ ದ್ವೌ ಭೂತ್ವಾ ಪ್ರ ಪತನ್ತಿ ಪಕ್ಷೈಸ್ತೇಽಸ್ಮಿನ್ಕಸ್ಮಿನ್ಪ್ರತಿತಿಷ್ಠನ್ತಿ ಗತ್ವಾ
ದ್ವೌ ಸ್ತೋಮೌ ಗಾಯತ್ರೀಂ ವಸಾತೇ ದ್ವೌ ತ್ರಿಷ್ಟುಭಂ ಜಗತೀಂ ದ್ವೌ ವಸಾತೇ ।
ತೇಭ್ಯೋ ಮಹತ್ಪ್ರ ರಿರಿಚೇತಿ ಷಡ್ಭ್ಯಸ್ತಸ್ಮಿನ್ಸರ್ವೇ ಪ್ರತಿತಿಷ್ಠನ್ತಿ ಗತ್ವಾ ೩೩೮

ಪ್ರಜಾಪತಿರ್ವಾವೇದಮಗ್ರ ಆಸೀತ್ ।
ಸೋಽಕಾಮಯತ ಬಹು ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ಸ ತಪೋಽತಪ್ಯತ ।
ಸ ಏತಂ ವ್ಯೂಢಛನ್ದಸಂ ದ್ವಾದಶಾಹಂ ಯಜ್ಞಮಪಶ್ಯತ್ ।
ತಮಾಹರತ್ ।
ತೇನಾಯಜತ ।
ತಂ ವ್ಯೌಹತ್ ।
ಯದ್ವ್ಯೌಹದಙ್ಗಾನ್ಯೇವ ತದ್ವ್ಯೌಹತ್ ।
ತಸ್ಯ ಯಾನಿ ಶರೀರಾಣ್ಯಾಸಂಸ್ತಾ ಏವೇಮಾ ಮರ್ತ್ಯಃ ಪ್ರಜಾ ಅಭವನ್ ।
ಅಥಾತ್ಮಾ ಮನೋಮಯಸ್ಸಮಭವತ್ ।
ತಸ್ಯ ಮನಶ್ಶರೀರಂ ಪ್ರಾಣಾ ಅಭಿ ಸಮವಿಶನ್ ।
ಸ ವ್ಯೂಢ ಇವಾಸೀತ್ ।
ಸ ದೇವಾನಬ್ರವೀತ್ಶರೀರಂ ಮ ಇಚ್ಛತೇತಿ ।
ಕಥಂ ತ ಇಚ್ಛಾಮ ಇತಿ ।
ಸಮೂಢಛನ್ದಸಾ ದ್ವಾದಶಾಹೇನ ಯಾಜಯತೇತಿ ।
ತಥೇತಿ ।
ತಂ ಸಮೂಢಛನ್ದಸಾ ದ್ವಾದಶಾಹನಾಯಾಜಯನ್ ।
ತದ್ಯತ್ಸಮೌಹನ್ನಂಗಾನ್ಯೇವಾಸ್ಯ ತತ್ಸಮೌಹನ್ ೩೩೯

ಸ ಮನೋಮಯಃ ಪ್ರಾಣಮಯಶ್ಚಕ್ಷುರ್ಮಯ ಶ್ರೋತ್ರಮಯೋ ವಾಙ್ಮಯ ಋಙ್ಮಯೋ ಯಜುರ್ಮಯಸ್ಸಾಮಮಯೋ ಬ್ರಹ್ಮಮಯೋ ಹಿರಣ್ಮಯೋಽಮೃತಃ ಪ್ರಜಾಪತಿಸ್ಸಮಭವತ್ ।
ಏಷೈವ ವಿದ್ಯುತ್ ।
ಸ ಏಷ ಏವ ತ್ರಯೋ ವೇದಃ ।
ಯೋರ್ಧ್ವಾ ವಿದ್ಯುತ್ತಾನಿ ಸಾಮಾನಿ । ಯಾ ತಿರಶ್ಚೀ ತಾ ಋಚೋ । ಯದಭೀಕ್ಷ್ಣಂ ಮನ್ಮಲಾಯತಿ ತದ್ಯಜುಃ ।
ಸ ಯ ಏತದೇವಂ ವೇದೈಷೈವ ದೇವತಾ ಭವತಿ ।
ಏಷಾ ಹ ವೈ ದೇವತಾ ಸಂಸ್ತುತೋ ಯಜ್ಞೋ ಭವತಿ ।
ತದ್ಯತ್ಪೃಚ್ಛೇಯುಃ ಕಾ ದೇವತಾ ಸಂಸ್ತುತೋ ಯಜ್ಞೋ ಭವತೀತಿ । ವಿದ್ಯುದಿತಿ ಹ ಬ್ರೂಯಾತ್ ।
ಏಷಾ ಹ ವೈ ದೇವತಾ ಸಂಸ್ತುತೋ ಯಜ್ಞೋ ಭವತಿ ।
ತಸ್ಮಾದ್ಯದಿ ವ್ಯೂಢಛನ್ದಸಾ ದ್ವಾದಶಾಹೇನ ಯಜೇತ ।
ಯಜೇತೋ ಏವ ಸಮೂಢಛನ್ದಸಾ ।
ಉಭಾಭ್ಯಾಂ ಹ ತ್ವಾವೇಷ್ಟಂ ಭವತ್ಯೇವಂವಿದಃ ೩೪೦

ಏಕಾ ಹ ವಾವ ದೇವತಾ ಸ್ವಯಂಭೂಃ ಪ್ರಜಾಪತಿರೇವ ।
ಸೋಽಕಾಮಯತ ಬಹು ಸ್ಯಾಂ ಪ್ರಜಾಯೇಯೇತಿ ।
ಸೋಽಸ್ಮಿಁ ಲ್ಲೋಕೇ ತ್ರಿವೃತಾ ಸ್ತೋಮೇನ ದೇವಾನಸೃಜತ ವಸೂನ್ ।
ತಮಭಿ ಸಮಪತನ್ ।
ಸ್ವಾದು ಸ್ವಾದುರಿತಿ ತಮಾದನ್ ।
ತಮಧಯನ್ಯಥಾ ವತ್ಸೋ ಜಾತೋ ಮಾತರಂ ಧಯೇದೇವಮ್ ।
ಸ ಷಕ್ಷತ ಯದಿ ವಾ ಇಹ ಭವಿಷ್ಯಾಮಿ ಕ್ಷೇಷ್ಯನ್ತಿ ಮಾ । ಹನ್ತೋರ್ಧ್ವ ಉತ್ಕ್ರಾಮಾಣೀತಿ ।
ಸ ಉ ವಾ ಷಕ್ಷತ ಹನ್ತೋ ನು ಸಂಸೃಜೇಯ ಯಂ ಮಾಂ ಮನ್ಯಮಾನಾ ಯಂ ಪಶ್ಯನ್ತೀರಿಮಾ ಇಹೋಪರಮೇರನ್ನಿತಿ ।
ಸೋಽಗ್ನಿಮಸೃಜತ ೩೪೧

ತಮಸ್ಮಿಁ ಲ್ಲೋಕೇ ಪ್ರತಿನಿಧಾಯ ಪಞ್ಚದಶೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ವಾಯುಃ ।
ತತ್ತದ್ವಸೃಜತೋ ಏವ ರುದ್ರಾ ನ್ ।
ಅನ್ವಿಮೇ ಸಮಗಚ್ಛನ್ನಭ್ಯಭೀ ಸಮಪತನ್ ।
ತಮತ್ತುಮೇವಾಧ್ರಿಯನ್ತ ।
ಸ ಷಕ್ಷತ ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ।
ಸ ವಾಯುಮೇವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ಸಪ್ತದಶೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ಚನ್ದ್ರ ಮಾಃ ।
ತತ್ತದ್ವಸೃಜತೋ ಏವಾದಿತ್ಯಾನ್ ।
ಅನ್ವಿಮೇ ಸಮಗಚ್ಛನ್ನಭ್ಯಮೀ ಸಮಪತನ್ ।
ತಮತ್ತುಮೇವಾಧ್ರಿಯನ್ತ ।
ಸ ಷಕ್ಷತ ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ೩೪೨

ಸ ಚನ್ದ್ರ ಮಸಮೇವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ಏಕವಿಂಶೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ಆದಿತ್ಯಃ ।
ತತ್ತದ್ವಸೃಜತೋ ಏವ ವಿಶ್ವಾನ್ದೇವಾನ್ ।
ತದನ್ತಮಸೃಜತಾನ್ವಿಮೇ ಸಮಗಚ್ಛನ್ನಭ್ಯಮೀ ಸಮಪತನ್ ।
ತಮತ್ತುಮೇವಾಧ್ರಿಯನ್ತ ।
ಸ ಷಕ್ಷತ ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ।
ಸ ಆದಿತ್ಯಮೇವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ತ್ರಿಣವೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ವರುಣಃ ।
ತೇತ್ತನ್ನಾಸೃಜತ ।
ತಮನ್ವೇವಾಗಚ್ಛನ್ ।
ತಮತ್ತುಮೇವಾಧ್ರಿಯನ್ತ ।
ಸ ಷಕ್ಷತ ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ೩೪೩

ಸ ವರುಣಮೇವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ತ್ರಯಸ್ತ್ರಿಂಶೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ಮೃತ್ಯುಃ ।
ತತ್ತನ್ಮೃತ್ಯುರಭವತ್ ।
ತದಙ್ಗಾನಿ ಮುಖಮಕುರುತ ।
ತಂ ಮೃತ್ಯುಂ ಸರ್ವತೋಮುಖಂ ಭೂತಮನ್ವಾಗತ್ಯೋಪೇಕ್ಷಮಾಣಾ ಏವಾಸತ । ಅನಭಿಧೃಷ್ಣುವತೀಃ ।
ನೈನಂ ತತ್ರಾದನ್ ।
ಸ ಷಕ್ಷತ ಪಾಪ್ಮಾ ವಾ ಅಸ್ಮಿ ಯೋ ಮೃತ್ಯುರಸ್ಮಿ ।
ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ।
ಸ ಮೃತ್ಯುಮೇವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ಚತುರ್ವಿಂಶನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ರೋಚನೋ ನಾಮ ಲೋಕಃ ।
ತತ್ತದಶನಯಾಭವತ್ ।
ತಮಶನಾಯಾಂ ಭೂತಂ ಬಿಭ್ಯತೀರ್ನಾನ್ವಾಯನ್ ।
ಅನ್ವೀಕ್ಷಮಾಣಾ ಏವಾತಿಷ್ಠನ್ನಸೌ ರೋಚತೇಽಸೌ ರೋಚತೇತಿ ।
ಸಾಸ್ಯ ರೋಚನತಾ ।
ಸ ಷಕ್ಷತ ಪಾಪ್ಮಾ ವಾ ಅಸ್ಮಿ ಯೋಽಶನಯಾ ಅಸ್ಮಿ ।
ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ।
ಸ ಮೃತ್ಯುಮೇವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ಚತುರ್ವಿಶನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ರೋಚನೋ ನಾಮ ಲೋಕಃ ।
ತತ್ತದಶನಯಾಭವತ್ ।
ತಮಶನಾಯಾಂ ಭೂತಂ ಬಿಭ್ಯತೀರ್ನಾನ್ವಾಯನ್ ।
ಅನ್ವೀಕ್ಷಮಾಣಾ ಏವಾತಿಷ್ಠನ್ನಸೌ ರೋಚತೇಽಸೌ ರೋಚತೇತಿ ।
ಸಾಸ್ಯ ರೋಚನತಾ ।
ಸ ಷಕ್ಷತ ಪಾಪ್ಮಾ ವಾ ಅಸ್ಮಿ ಯೋಽಶನಯಾ ಅಸ್ಮಿ ।
ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ।
ಸೋಽಹೋರಾತ್ರೇ ಪ್ರತಿನ್ಯದಧಾತ್ ।
ತೇ ಏವ ಪಿಪಾಸಾ ಚಾಶನಾಯಾ ಚಾಭವತಾಮ್ ।
ಅಹರ್ಹ ಪಿಪಾಸಾ । ರಾತ್ರಿರಶನಾಯಾ ।
ತದ್ಯಥಾ ದ್ವಾರಫಲಕೇ ಪ್ರತಿನಿಹಿತೇ ಸ್ಯಾತಾಮೇವಮೇವೈತೇಽಹೋರಾತ್ರೇ ಪ್ರತಿನಿಹಿತೇ ಅನತ್ಯಯನಾಯ ।
ತೇ ಉ ಹ ತ್ವೇವಂವಿದಮೇವಾತ್ಯರ್ಜಯತಃ ೩೪೪

ಸೋಽಹೋರಾತ್ರೇ ಏವೈತಸ್ಮಿಁ ಲ್ಲೋಕೇ ಪ್ರತಿನಿಧಾಯ ಚತುಶ್ಚತ್ವಾರಿಂಶೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ಕಾಮೋ ನಾಮ ಲೋಕಃ ।
ತತ್ತಚ್ಛನ್ದನ್ನಾದ್ಯಾ ಅನ್ತರೇಣ ನದೀರಸೃಜತೈತಸ್ಯ ಪಾಪ್ಮನೋಽನನ್ವಾಗಮಾಯ ।
ತಾ ಉ ಏವ ಕಾಮದುಘಾ ಅಕುರುತ ।
ಸ ಷಕ್ಷತ ಹನ್ತೋರ್ಧ್ವ ಏವೋತ್ಕ್ರಾಮಾಣೀತಿ ।
ಸೋಽಷ್ಟಾಚತ್ವಾರಿಂಶೇನೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ಸುವರ್ನಾಮ ಲೋಕಃ ।
ತತ್ತಸ್ಮಿಞ್ಜ್ಯೋಗರಮತ ಬಹ್ವಸ್ಯ ಸ್ವಂ ಭವತೀತಿ ।
ಸಾಸ್ಯ ಸುವತಾ ।
ಸ ಷಕ್ಷತ ಹನ್ತೇಭ್ಯೋ ಲೋಕೇಭ್ಯ ಏಕಂ ಲೋಕಂ ಸಂಭರಾಣೀತಿ ।
ಸ ಏಭ್ಯೋ ಲೋಕೇಭ್ಯ ಏಕಂ ಲೋಕಂ ಸಮಭರತ್ ।
ತದೇವೈತದ್ದ್ವಾದಶಾಹಸ್ಯ ದಶಮಮಹರಭವತ್ ।
ಸೋಽಬ್ರವೀನ್ನ ವೈ ಮ ಇದಮಕಮಭೂದಿತಿ ।
ಯದಬ್ರವೀನ್ನ ವೈ ಮ ಇದಮಕಮಭೂದಿತಿ ತನ್ನಾಕಸ್ಯ ನಾಕತ್ವಮ್ ।
ಸ ಏಷ ವಾವ ನಾಕೋ ಯದ್ದಶಮಮಹರ್ । ಏಷ ಸ್ವರ್ಗೋ ಲೋಕ । ಏತದ್ಬ್ರಧ್ನಸ್ಯ ವಿಷ್ಟಪಮ್ ೩೪೫

ತದ್ಯಥಾ ವೃಕ್ಷಂ ವಾ ಗಿರಿಂ ವಾಧಿರುಹ್ಯ ವ್ಯವೇಕ್ಷೇತೈವಮೇವೈತಸ್ಮಾಲ್ಲೋಕಾದನ್ಯಾಁ ಲ್ಲೋಕಾನ್ವ್ಯವೇಕ್ಷತೇ ।
ಸ ಇಮಾಃ ಪ್ರಜಾ ಅಶನಾಯನ್ತೀಃ ಪ್ರತ್ಯವೈಕ್ಷತ ।
ತಾ ದ್ವಾಭ್ಯಾಂ ರೂಪಾಭ್ಯಾಂ ಪ್ರತ್ಯಾದ್ರ ವನ್ನೀಲೇನ ಚ ಸುವರ್ಣೇನ ಚ ।
ತದ್ಯತ್ಪರ್ಜನ್ಯಸ್ಯ ವರ್ಷಿಷ್ಯತಃ ಕೃಷ್ಣಂ ತನ್ನೀಲಮ್ ।
ಅಥ ಯದಪ್ಸ್ವನ್ತರ್ವಿದ್ಯೋತತೇ ತತ್ಸುವರ್ಣಮ್ ।
ತಾಭ್ಯೋಽವರ್ಷತ್ ।
ತತ ಓದನೋಽಜಾಯತ ।
ತಮಶಿತ್ವೋದಾನನ್ ।
ಸ ಉದನೋಽಭವತ್ ।
ತದುದನಸ್ಯೋದನತ್ವಮ್ ।
ಉದನೋ ಹ ವೈ ನಾಮೈಷ ।
ತಮೋದನ ಇತಿ ಪರೋಕ್ಷಮಾಚಕ್ಷತೇ ।
ದ್ವಿತೀಯಂ ಜ್ಯಾಯೋಽನ್ನಾದ್ಯಮಜಾಯತ ।
ತದಭಿಸಂಪದ್ಯ ವ್ಯಮಥ್ನತ ।
ಸ ಮನ್ಥೋಽಭವತ್ ।
ತನ್ಮನ್ಥಸ್ಯ ಮನ್ಥತ್ವಮ್ ।
ತದೇತದ್ದ್ವಯಮೇವಾನ್ನಾದ್ಯಸ್ಯ ರೂಪಂ ಯಚ್ಚೈವಾಶ್ನಾತಿ ಯಚ್ಚ ಪಿಬತಿ ।
ಯದಶ್ನಾತ್ಯೋದನಸ್ಯ ತದ್ರೂ ಪಂ । ಯತ್ಪಿಬತಿ ಮನ್ಥಸ್ಯ ತತ್ ।
ಉಭಯಂ ಹಾಸ್ಯೈತದ್ಗೃಹೇಽಧಿಗಮ್ಯತೇ ಯ ಏವಂ ವೇದ ।
ತೌ ಹೈತೌ ಪ್ರಜಾಪತೇರೇವ ಸ್ತನೌ ಯದ್ವ್ರೀಹಿಶ್ಚ ಯವಶ್ಚ ।
ತಾಭ್ಯಾಮಿಮಾಃ ಪ್ರಜಾ ಬಿಭರ್ತಿ ೩೪೬

ಸ ಉಪೋದಕೋ ನಾಮ ಲೋಕೋ ಯಸ್ಮಿನ್ನಯಮಗ್ನಿಃ ।
ಅಥರ್ತಧಾಮಾ ಯಸ್ಮಿನ್ವಾಯುಃ ।
ಅಥ ಶಿವೋ ಯಸ್ಮಿಂಶ್ಚನ್ದ್ರ ಮಾಃ ।
ಅಥಾಪರಾಜಿತೋ ಯಸ್ಮಿನ್ನಾದಿತ್ಯಃ ।
ಅಥಾಧಿದ್ಯುರ್ಯಸ್ಮಿನ್ವರುಣಃ ।
ಅಥ ಪ್ರದ್ಯುರ್ಯಸ್ಮಿನ್ಮೃತ್ಯುಃ ।
ಅಥ ರೋಚನೋ ಯಸ್ಮಿನ್ನಶನಾಯಾ ।
ಅತೋ ಹ ಪರಾಚೀನಮಹೋರಾತ್ರೇ ನಾನ್ವಿತಸ್ಸಕೃದ್ವಿಷ್ಟಾ ಹೈವಾತಃ ಪರಾಚೀನಂ ಯಥಾ ವಿದ್ಯುತೋವರೂಪಂ ಸ್ಯಾದ್ದಾರ್ವಾಚಿತಾನಾಂ ವಾ ಸಮಿದ್ಧಾನಾಮೇವಮ್ ।
ಅಥ ಹೈತೇ ಪ್ರಜಾಪತಿಲೋಕಾ ಏವಾತ ಊರ್ಧ್ವಾಃ ।
ಕಾಮೋಽಷ್ಟಮಸ್ । ಸುವರ್ನವಮೋ । ನಾಕ ಏವ ದಶಮಮಹಃ ।
ಇದಮೇವಂ ಪ್ರಾಯಣಮದ ಉದಯನಮ್ ।
ತೇ ಹೈತೇ ಲೋಕಾ ಏವೈತಾನಿ ದ್ವಾದಶಾಹಸ್ಯಾಹಾನಿ ।
ಸ ಯ ಏತದೇವಂ ವೇದೈತೇ ಹೈವಾಸ್ಯ ಲೋಕಾ ಭವನ್ತಿ ೩೪೭

ಉಪೋದಕೋ ನಾಮ ಲೋಕೋಽನ್ನೇ ವಿಷ್ಟೋ । ಮನುಷ್ಯಾ ಗೋಪ್ತಾರೋ । ಅಗ್ನಿರಧಿಪತಿರ್ । ಯದರ್ಚಿಷೋ ರೂಪಂ ತದ್ರೂ ಪಮ್ । ಅಪ್ಸು ಪ್ರತಿಷ್ಠಿತಃ ।
ಋತಧಾಮಾ ನಾಮ ಲೋಕೋ ವಯೋಭಿರ್ವಿಷ್ಟೋ । ಗನ್ಧರ್ವಾಪ್ಸರಸೋ ಗೋಪ್ತಾರೋ । ವಾಯುರಧಿಪತಿ । ಶ್ವೇತಂ ರೂಪಂ । ಪ್ರಾಣೇ ಪ್ರತಿಷ್ಠಿತಃ ।
ಅಪರಾಜಿತೋ ನಾಮ ಲೋಕೋ ನಕ್ಷತ್ರೈರ್ವಿಷ್ಟಶ್ । ಚನ್ದ್ರ ಮಾ ಗೋಪ್ತಾ । ಆದಿತ್ಯೋಽಧಿಪತಿರ್ । ಯದುದ್ಯತಶ್ಚ ಸೂರ್ಯಸ್ಯ ರೂಪಮಸ್ತಂ ಚ ಯತಸ್ತದ್ರೂ ಪಂ । ಮನಸಿ ಪ್ರತಿಷ್ಠಿತಃ ।
ಅಧಿದ್ಯುರ್ನಾಮ ಲೋಕೋ ಯಜ್ಞೇ ವಿಷ್ಟ । ಆದಿತ್ಯಾ ಗೋಪ್ತಾರೋ । ವರುಣೋಽಧಿಪತಿರ್ । ನೀಲಂ ರೂಪಂ ಯತ್ಪರ್ಜನ್ಯಸ್ಯ ವರ್ಷಿಷ್ಯತಃ ಕೃಷ್ಣಂ ತನ್ನೀಲಂ । ಯದ್ವಾ ಕಾರ್ತಸ್ವರಸ್ಯ ಮಣೇರ್ । ಅನೃತೇ ಪ್ರತಿಷ್ಠಿತಃ ।
ಪ್ರದ್ಯುರ್ನಾಮ ಲೋಕೋಽಮೃತೇ ವಿಷ್ಟೋ । ರುದ್ರಾ ಗೋಪ್ತಾರೋ । ಮೃತ್ಯುರಧಿಪತಿರ್ । ಲೋಹಿತಂ ರೂಪಂ ಯದ್ಗೌರವಚ್ಛದಾಯೈ ಯದ್ವಾ ಮಾಹಾರೋಹಣಸ್ಯ ವಾಸಸ । ಋತೇ ಪ್ರತಿಷ್ಠಿತೋ ಯನ್ನಾರ್ಚ್ಛತಿ ತಸ್ಮಿನ್ ।
ರೋಚನೋ ನಾಮ ಲೋಕಸ್ತಪಸಿ ವಿಷ್ಟೋ । ವಸವೋ ಗೋಪ್ತಾರಸ್ತೇ ಹಿ ಪ್ರಥಮೇ ದೇವಾನಾಮಿಯುಸ್ತಸ್ಮಾತ್ತೇ ಪರಾರ್ಧ್ಯಾ । ಯಜ್ಞೋಽಧಿಪತಿರ್ । ಯತ್ಸುವರ್ಣಸ್ಯ ಹಿರಣ್ಯಸ್ಯ ರೂಪಂ ತದ್ರೂ ಪಂ । ಸತ್ಯೇ ಪ್ರತಿಷ್ಠಿತಃ ।
ಏತೇ ವೈ ಲೋಕಾ । ಏತೇ ಗೋಪ್ತಾರ । ಏತೇಽಧಿಪತಯಃ ।
ಏತೇ ಹೈವಾಸ್ಯ ಲೋಕಾ । ಏತೇಽಧಿಪತಯೋ ಭವನ್ತಿ ಯ ಏವಂ ವೇದ ೩೪೮

ಪ್ರಜಾಪತಿರ್ದೇವಾನಸೃಜತ ।
ಸಹ ಶ್ರಿಯಾ ವಾಚಾ ಚ ವಾ ಏನಾಂಸ್ತತ್ಸಹಾಸೃಜತಾನ್ನೇನ ಚ ಸಹಾದ್ಭಿಃ ।
ತೇ ದೇವಾ ಅನ್ನಂ ಶ್ರಿಯಂ ವಾವಿದಾನಾನಾ ವಾಚಾ ಯತ್ಸಧಮಾದಮಿವೈವಾಸನ್ನನ್ನಂ ಹಿ ಶ್ರೀಸ್ಸೋಽಶೋಚತ್ ।
ಸ ಷಕ್ಷತ ಕಥಂ ನ್ವಹಮೇಷಾಮಿಮಾ ಶ್ರಿಯಸ್ಸಂವೃಞ್ಜೀಯೇತಿ ।
ತಾನ್ಮನೋ ಭೂತ್ವಾನುಪ್ರಾವಿಶತ್ ।
ತೇಷಾಂ ಸರ್ವಾಂ ಶ್ರಿಯಂ ನಿರಚಿನೋದ್ಯಥಾ ಬದರಾಣಿ ನಿಶ್ಚಿನುಯಾದೇವಮ್ ।
ತೇಷಾಂ ಮನಸಾ ವಾಚಮಗೃಹ್ಣಾತ್ ।
ಸೈಷಾ ಮನಸಾ ವಾಗ್ಗೃಹೀತಾಪ್ಯದ್ಯ ।
ಯದ್ಧ್ಯೇವ ಮನಸಾ ಕಾಮಯತೇ ತದ್ವಾಚಾ ವದತಿ ।
ಸ ಷಕ್ಷತ ಕೇನ ನ್ವೇಷಾಂ ರೂಪೇಣ ವಾಚಮಾದದೀಯೇತಿ ।
ಸ ಪುರುಷರೂಪಮಕುರುತ ।
ತೇಷಾಂ ಪುರುಷರೂಪೇಣ ವಾಚಮಾದತ್ತ ।
ತಸ್ಮಾತ್ಪುರುಷಸ್ಸರ್ವಾ ವಾಚೋ ವದತಿ ।
ಸ ಇಮಾ ಅಪಸ್ಸಂಗೃಹ್ಯೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈಷ ಋಷಭೋ ನಾಮಾನ್ನಲೋಕಃ ।
ತದನ್ನಂ ವಾ ಋಷಭಃ ।
ಯದಾ ವಾ ಅಶ್ನಾತ್ಯಥರ್ಷಭ್ಯತಿ ।
ಸ ಷಕ್ಷತ ಕಿಂ ನು ತದ್ರೂ ಪಂ ಕುರ್ವೀಯ ಯನ್ಮೇಽನ್ಯೋ ನಾಭ್ಯಾರೋಹೇದಿತಿ ।
ಸೋಽಜಃ ಪೃಶ್ನಿರಭವತ್ ।
ತಸ್ಮಾದಜಂ ಪೃಶ್ನಿಂ ನಾಧಿಗಚ್ಛಾಮ ।
ತದ್ಯಾಸ್ತಾ ಅಪೋಽಹರದ್ಯಾ ಏತಾ ಉಪರ್ಯಾಪ । ಏತಾ ಏವ ತಾಃ ।
ಅಥ ಯಾಂ ತಾಂ ವಾಚಮಹರದ್ । ಯ ಏಷ ಉಪರಿ ಸ್ತನಯಿತ್ನುರ್ । ಏಷೈವ ಸಾ ವಾಗಥ ಯೋಽಪ್ಸ್ವನ್ತರ್ವಿದ್ಯೋತತೇ ।
ಸ ಇಮಾಃ ಪ್ರಜಾ ಅಶನಾಯನ್ತೀಃ ಪ್ರತ್ಯವೈಕ್ಷತ ೩೪೯

ಅನ್ಧೇ ತಮಸಿ ಜಲ್ಪನ್ತೀಃ ।
ಸೋಽಸ್ಯೈ ವಾಚ ಏಕಮಕ್ಷರಮವಚ್ಛಿದ್ಯ ವಾಗಿತಿ ವ್ಯಸೃಜತ ।
ತಂ ಪತಿತ್ವೈಷಾಂ ಲೋಕಾನಾಂ ಮಧ್ಯೇ ವ್ಯರಮತ ।
ತದೇತನ್ಮಣ್ಡಲಮಭವತ್ ।
ತದನ್ವಾನೈತ್ ।
ಸ ಪ್ರಾಣೋಽಭವತ್ ।
ತಾಭ್ಯೋ ವ್ಯೌಚ್ಛತ್ ।
ಅಶನಾಯಂಸ್ತ್ವೇವ ಸ ಆಸಾಮಪಾಮೇಕಂ ಸ್ತೋಕಂ ಪ್ರಾಶ್ಚ್ಯೋತಯತ್ಕಿಯತ್ಸ್ವಿದಾಭ್ಯೋಽಲಂ ಭವಿಷ್ಯತೀತಿ ।
ಸ ದಶಧಾಭವಚ್ಛತಧಾ ಸಹಸ್ರಧಾ ಯಾವತೀಯಂ ಪೃಥಿವೀ ತಾವಾನಭವತ್ ।
ತದಭಿಸಂಪದ್ಯ ವ್ಯಮಥ್ನತ ।
ಸ ಮನ್ಥೋಽಭವತ್ ।
ತನ್ಮನ್ಥಸ್ಯ ಮನ್ಥತ್ವಮ್ ।
ತಮಶಿತ್ವೋದಾನನ್ ।
ಸ ಉದನೋಽಭವತ್ ।
ತದುದನಸ್ಯೋದನತ್ವಮ್ ।
ತದೇತದ್ದ್ವಯಮೇವಾನ್ನಸ್ಯ ರೂಪಂ ಯಚ್ಚೈವ ಪಿಬತಿ ಯಚ್ಚಾಶ್ನಾತಿ ।
ಯತ್ಪಿಬತಿ ಮನ್ಥಸ್ಯ ತದ್ರೂ ಪಂ । ಯದಶ್ನಾತ್ಯೋದನಸ್ಯ ತತ್ ।
ಉಭಯಂ ಹಾಸ್ಯೈತದ್ಗೃಹೇಽಧಿಗಮ್ಯತೇ ಯಚ್ಚೈವ ಪಿಬತಿ ಯಚ್ಚಾಶ್ನಾತಿ ಯ ಏವಂ ವೇದ ।
ತದಾಹುಸ್ತ್ರಯ ಸ್ತೋಕಾ ಆಗಚ್ಛನ್ತೀತ್ಯುದಸ್ತೋಕೋ ಘೃತಸ್ತೋಕೋ ಮಧುಸ್ತೋಕಃ ।
ತತೋ ಯ ಉದಸ್ತೋಕ ಇಮಾಂ ಸ ಪ್ರವಿಶತ್ಯ್ । ಓಷಧೀರ್ಘೃತಸ್ತೋಕೋ । ವನಸ್ಪತೀನ್ಮಧುಸ್ತೋಕಃ ।
ತದ್ಧೈತಂ ಮೀಮಾಂಸಾಂಚಕ್ರುರಾಮಲಕ ಅಕೂಪಯೇಯೋಽಹೀನಾ ಆಶ್ವತ್ಥಿಃ ಕೇಶೀ ದಾರ್ಭ್ಯಃ ಕಿಂ ಸ್ತೋಕಂ ತ್ವಮಾಗಚ್ಛನ್ತಂ ಮನ್ಯಸೇ । ಕಿಂ ಸ್ತೋಕಂ ತ್ವಂ । ಕಿಂ ಸ್ತೋಕಂ ತ್ವಮಿತಿ ।
ಸ ಹೋವಾಚ ಕೇಶೀ ಘೃತಸ್ತೋಕಮಹಂ ಮನ್ಯ ಇತಿ ।
ಅಥ ಹೋವಾಚಾಹೀನಾ ಮಧುಸ್ತೋಕಮಹಂ ಮನ್ಯ ಇತಿ ।
ಅಥ ಹೋವಾಚಾಮಲಕ -- ಉದಸ್ತೋಕಮಹಂ ಮನ್ಯ ಇತಿ ।
ತಸ್ಮಿನ್ನು ಹೈವ ಸಂಪಾದಯಾಂಚಕ್ರುಃ ।
ಉದಕಾಧ್ಯೇವೇದಂ ಸರ್ವಂ ಜಾಯತೇ ।
ತದ್ಯಾಂ ತಾಂ ವಾಚಂ ವ್ಯಸೃಜತ ಸೋಽಗ್ನಿಃ ।
ಅಥ ಯಂ ತಂ ಪ್ರಾಣಮನ್ವಾನೈತ್ಸ ಇನ್ದ್ರ ಃ! ।
ಅಥ ಯಸ್ಸ ಪ್ರಜಾನಾಂ ಜನಯಿತ ಋಷಭೇಽನ್ನಲೋಕೇಽಪ್ಸ್ವನ್ತಃ ೩೫೦

ಚನ್ದ್ರ ಮಾ ಹೈವ ಸಃ ।
ಸ ಉ ಹೇವ ಪ್ರಜಾಪತಿಃ ।
ತದೇತತ್ಪರಸ್ತಾದರ್ವಾಕ್ತೇಜೋ ನಿರ್ಮಿತಂ ದೀಪ್ಯಮಾನಂ ತಿಷ್ಠತ್ಯಗ್ನಿಶ್ಚೇನ್ದ್ರ ಶ್ಚ ।
ತದಿದಮಧ್ಯಾತ್ಮಮ್ ।
ಯಾ ಸಾ ವಾಗಿಯಂ ಸಾ ವಾಕ್ತಾಮಯಂ ಪ್ರಾಣ ಉಪರಿಷ್ಟಾದಧ್ಯಾಸ್ತೇ ।
ಅಥ ಯಸ್ಸ ಪ್ರಜಾನಾಂ ಜನಯಿತ ಋಷಭೇಽನ್ನಲೋಕೇಽಪ್ಸ್ವನ್ತರಯಂ ಸ ಪುರುಷಃ ।
ತಾ ಏತಾ ಸಮಾನೀರ್ದೇವತಾ ಇಹ ಚಾಮುತ್ರ ಚ ।
ತಾ ಏಹ ಗಚ್ಛನ್ತಿ । ಗಚ್ಛನ್ತ್ಯಮುತ್ರ ।
ಯಾ ಇಮಾಸ್ತಾ ಅಮೂರ್ । ಯಾ ಅಮೂಸ್ತಾ ಇಮಾಃ ।
ತಾ ಹ ಯೋಽಧ್ಯಾತ್ಮಮುಪಾಸ್ತೇ ಸ ಹಾನಿದೇವೋ ಭವತಿ ।
ತೇಷಾಂ ಹೈತೇಷ್ । ಏಂ ದೇವಾನಾಂ ಪ್ರಜಾಪತಾವಾತ್ಮಾನಸ್ಸಂನಿಹಿತಾಃ ।
ಅಥ ಹೈಷಾಂ ಪ್ರಾಣಾನಾಮಸ್ಮಿನ್ಪುರುಷ ಆತ್ಮಾನಸ್ಸಂನಿಹಿತಾಃ ।
ತಮೇತಂ ಪುರುಷಂ ಪರಿಗೃಹ್ಯ ಗೋಪಾಯನ್ತಿ ।
ತಸ್ಯೈಷ ಶ್ಲೋಕ
ಋಷಭೋ ಲೋಕೋ ಮಹದೇವ ಯಕ್ಷಂ ನೈವಾಸ್ಮಾತ್ಪೂರ್ವಂ ನ ಪರಂ ಬಭೂವ ।
ಯಂ ದೇವಂ ದೇವಾಃ ಪ್ರಾಣಾಃ ಪುರುಷಂ ಪರಿಗೃಹ್ಯ ಜಾಗ್ರತಿ ಸ ವೇದ ಲೋಕಂ ಪುರುಷಂ ಮಹಾನ್ತಮಿತಿ ।
ಇಮಂ ಹ ವಾವ ತಂ ದೇವಂ ದೇವಾಃ ಪ್ರಾಣಾಃ ಪುರುಷಂ ಪರಿಗೃಹ್ಯ ಜಾಗ್ರತಿ ।
ಯೋಽಯಮಕ್ಷನ್ನನ್ತ ಸ ಹೈಷ ವಾಮನಃ ।
ಸ ಯೋ ಹೈತಂ ವಾಮನ ಇತ್ಯುಪಾಸ್ತೇ ವಾಮಂ ವಾಮಂ ಹೈವೈನಮೇಷಾ ದೇವತಾಭಿನೇನೀಯತೇ ।
ಏತಸ್ಮಾದ್ಧ ವಾ ಇದಂ ರಾಜನ್ಯಬನ್ಧವೋ ವಾಮನಂ ಕೇನ ಚಿದವಕಾಂಕ್ಷನ್ತಿ ।
ಏತಸ್ಯೈ ಹ ದೇವತಾಯೈ ನಾಮ್ನೋಽನ್ತಿಕಮೇನಂ ವಿದುಃ ।
ಸ ಹೈಷ ನ ಜೀರ್ಯತಿ ।
ಸಮಾವಾನ್ಹೈವೈಷ ಯೂನಶ್ಚ ಜರಸಶ್ಚ ।
ಸ ಹೈಷ ಪ್ರಾಣಾನ್ಸಂಗೃಹ್ಯಾವಧೂಯ ಶರೀರಂ ಪ್ರಾಣೈಸ್ಸಹೋರ್ಧ್ವ ಉತ್ಕ್ರಾಮತಿ ।
ಏತೇನ ಹ ವೈ ಪ್ರತ್ಯೂಢಾನಿ ಮೃತ್ಯುಶ್ಶರೀರಾಣಿ ಹರತಿ ।
ತಸ್ಯೈ ಹೈತಸ್ಯೈ ದೇವತಾಯೈ ಯಥಾ ಮೃತ್ಪಿಣ್ಡ ಇಷೀಕೇಽಧಿಹತೇ ಸ್ಯಾತಾಮೇವಮೇವ ಹೃದಯೇ ಪಾದಾವಧಿಹತೌ ।
ತೌ ಯದಾಚ್ಛಿನತ್ಯಥ ಮ್ರಿಯತೇ ।
ತದಿದಮಪ್ಯವಿದ್ವಾಂಸ ಆಹುರಾಚ್ಛೇದ್ಧ್ಯಸ್ಯೇತಿ ।
ಸ ಯ ಏತದೇವಂ ವೇದಾಜರಸಂ ಹಾಸ್ಮಾದೇಷಾ ದೇವತಾ ನೋತ್ಕ್ರಾಮತಿ । ಸರ್ವಮಾಯುರೇತಿ ೩೫೧

ದೇವಾ ವೈ ಶ್ರಮೇಣ ತಪಸಾ ವತರಚರ್ಯೇಣಾಸುರಾನ್ರಕ್ಷಾಂಸ್ಯಭ್ಯಭವನ್ ।
ತೇಽಸುರಾ ವಿದಿತ್ವೈತ್ಪರಾ ವೈ ತೇ ಭವನ್ತೀತಿ । ಸ್ತ್ರೀರೂಪಾಣ್ಯಕುರ್ವತ ಪ್ರಥಮೋತ್ತನಕಾಶ್ಚಣ್ಡಾತಕವಾಸಿನೀರ್ಯತ್ಕಲ್ಯಾಣತಮಂ ರೂಪಾಣಾಂ ತತ್ ।
ತಾ ದೇವಾನ್ಪ್ರತ್ಯಾಕ್ರಮನ್ತ ।
ತಾ ದೇವಾ ಉಪನ್ಯಪಾದಯನ್ತ ।
ನ ಹಿ ಕಸ್ಯ ಚನ ಸ್ತ್ರಿಯೋಽಪ್ರಿಯಾಃ ।
ತೇಷು ಯದೇಷಾಂ ತೇಜ ಇನ್ದ್ರಿ ಯಂ ವೀರ್ಯಂ ಶ್ರಮಾಭಿಜಿತಮಾಸೀತ್ತದಸಿಂಚನ್ ।
ತೇಽಸುರಾ ವಿದಿತ್ವೈತದಿಯದ್ವಾ ಏಷಾಂ ತೇಜ ಇನ್ದ್ರಿ ಯಂ ವೀರ್ಯಮಭೂದಿತ್ಯಾದಾಯ ಪ್ರಾರವನ್ ।
ತೇಷಾಂ ಹ ದೇವಾನಾಮಪ್ರಿಯಮಾಸೀತ್ ।
ರಿರಿಚಾನಾ ಇವಾಮನ್ಯನ್ತ ।
ತೇಽಬ್ರುವನ್ಕಥಂ ನ್ವಿದಂ ತೇಜ ಇನ್ದ್ರಿ ಯಂ ವೀರ್ಯಂ ಪುನರಾದದೀಮಹೀತಿ ।
ತ ಏತಾ ವ್ಯಾಹೃತೀರಪಶ್ಯನ್ ೩೫೨

ತಮೇತ್ಯೇಕಾಕ್ಷರೇಣ ರಥನ್ತರಮಾದದತ ।
ತಸ್ಮಾತ್ತತ್ಪ್ರಥಮೇಽಹನ್ಕ್ರಿಯತೇ ।
ಪ್ರಮೇತಿ ದ್ವ್ಯಕ್ಷರೇಣ ಬೃಹದಾದದತ ।
ತಸ್ಮಾತ್ತದ್ದ್ವಿತೀಯೇಽಹನ್ಕ್ರಿಯತೇ ।
ಪ್ರತಿಮೇತಿ ತ್ರ್! ಯಕ್ಷರೇಣವೈರೂಪಮಾದದತ ।
ತಸ್ಮಾತ್ತತ್ತೃತೀಯೇಽಹನ್ಕ್ರಿಯತೇ ।
ಅಸ್ರೀವಗಿತಿ ಚತುರಕ್ಷರೇಣ ವೈರಾಜಮಾದದತ ।
ತಸ್ಮಾತ್ತಚ್ಚತುರ್ಥೇಽಹನ್ಕ್ರಿಯತೇ ।
ಸಿರಿಕಮಸೀತಿ ಪಞ್ಚಾಕ್ಷರೇಣ ಶಾಕ್ವರಮಾದದತ ।
ತಸ್ಮಾತ್ತತ್ಪಞ್ಚಮೇಽಹನ್ಕ್ರಿಯತೇ ।
ಛರ್ದಿರಿನ್ದ್ರಿ ಯಾವದಿತಿ ಷಡಕ್ಷರೇಣ ರೈವತಮಾದದತ ।
ತಸ್ಮಾತ್ತತ್ಷಷ್ಠೇಽಹನ್ಕ್ರಿಯತೇ ।
ಆ ಗಯಂ ವೀರ್ಯಂ ಯೋನಿಮಾ ದಧ್ವಂ ವಿದ್ವಜ್ಜನಸ್ಯ ಛಾಯೇ
ತಿ ವಾಮದೇವ್ಯಮಾದದತ ।
ತಸ್ಮಾತ್ತನ್ಮಧ್ಯತೋ ಯಜ್ಞಸ್ಯ ಕ್ರಿಯತೇ ।
ಯತ್ಪರೋ ಯೋನಿಮತಿಶ್ಚ್ಯುತಿತಮಭೂತ್ತದ್
ಆ ದಧ್ವಂ ವಸ್ವಿತಿ ಯಜ್ಞಾಯಜ್ಞೀಯಮಾದದತ ।
ತಸ್ಮಾತ್ತತ್ಪರಾರ್ಧೇ ಯಜ್ಞಸ್ಯ ಕ್ರಿಯತೇ ೩೫೩

ಅಥೋ ಆಹುರಪಹತಪಾಪ್ಮಾನೋ ವೈ ದೇವಾಃ ।
ತೇ ನ ಸ್ವಪನ್ತಿ ।
ತ ಉ ಶ್ರಮಸ್ಯ ಭೂಮ್ನಾ ಸಮಮೀಲಯನ್ ।
ತೇಷಾಮು ಸ್ವಪತಾಂ ಪ್ರಮತ್ತಾನಾಮಸೂರಾಸ್ತೇಜ ಇನ್ದ್ರಿ ಯಂ ವೀರ್ಯಮಾದಾಯಾಪ್ಸ್ವನ್ವಭ್ಯವಾನಯನ್ ।
ತದ್ವಿಷ್ಣುರನ್ವಪಶ್ಯತ್ ।
ತೇಷಾಂ ಹ ದೇವಾನಾಂ ಪ್ರಬುಬುಧಾನಾನಾಮಪ್ರಿಯಮಾಸೀತ್ ।
ತಾನ್ವಿಷ್ಣುರಬ್ರವೀನ್ಮಾ ವೋಽಪ್ರಿಯಂ ಭೂತ್ ।
ಅಹಂ ವೈ ತದನ್ವಖ್ಯಮಿತಿ ।
ತಾನಪ್ಸ್ವನ್ವಭ್ಯವಾನಯತ್ ।
ತದಪ್ಸ್ವನ್ತಃ ಪರ್ಯಪಶ್ಯನ್ಯಥಾ ಪೃಷ್ಠಾತ್ ಕಕುದುದೀಷಿತಾ ಸ್ಯಾದೇವಮ್ ।
ತದೇತಾಭಿರೇತಾಭಿರೇವ ವ್ಯಾಹೃತಿಭಿರಾದಾಯ ವಿಷ್ಣವೇ ಪ್ರಾಯಚ್ಛನ್ ।
ತದಿದಂ ವಿಷ್ಣುಸ್ತೇಜ ಇನ್ದ್ರಿ ಯಂ ವೀರ್ಯಂ ಧಾರಯನ್ಸಮೈಷತ್ ।
ತಸ್ಮಾದ್ಧ್ರಸ್ವೋ ವಿಷ್ಣುಃ ।
ತಸ್ಮಾದು ಹ್ರಸ್ವಂ ವೈಷ್ಣವಂ ಗಾಮಾಲಭನ್ತೇ ।
ಸ ಯತ್ರ ಧಾರಯನ್ಪರಾಕ್ರಮತ ತದೇವ । ವಿಷ್ಣುಪದಮಭವತ್ ।
ತಸ್ಮಾದ್ಯೋ ವಿಷ್ಣುಪದೀಯಃ ಕೈಕೇಯಸ್ಸ ಯಜ್ಞ ಆತ್ತರಃ ।
ಏತಂ ಹ್ಯಸ್ಮಿನ್ಯಜ್ಞಮನ್ವವಿನ್ದನ್ ।
ಸ ಯ ಏತದೇವಂ ವೇದಾ ದ್ವಿಷತೋ ಭ್ರಾತೃವ್ಯಸ್ಯ ತೇಜ ಇನ್ದ್ರಿ ಯಂ ವೀರ್ಯಂ ದತ್ತೇ ೩೫೪

ಪ್ರಜಾಪತಿರ್ವಾ ಇಮಾಁ ಲ್ಲೋಕಾನಿಮಾ ದಿಶೋಽಸೃಜತ ।
ತಾನ್ಸೃಷ್ಟ್ವೋಭಯಾನ್ದೇವಾನಸುರಾನಸೃಜತ ।
ತಾನ್ಸಮದವಿನ್ದತ್ ।
ತೇ ಪ್ರಜಾಪತೌ ಬ್ರಹ್ಮ ಸಂನ್ಯದಧತ ।
ತತ್ಪ್ರಜಾತಿರ್ನೋದಯಚ್ಛತ್ ।
ತದಪ್ಸು ಪ್ರಾವೇಶಯತ್ ।
ತೇ ದೇವಾ ಅಸುರಾನಜಯನ್ ।
ತೇ ಜಿತ್ವಾ ಪುನರೇತ್ಯಾಬ್ರುವನ್ಪ್ರಜಾಪತೇ ಯನ್ನಸ್ತ್ವಯಿ ಬ್ರಹ್ಮ ತನ್ನಃ ಪ್ರಯಚ್ಛತಿ ।
ಸೋಽಬ್ರವೀನ್ನ ವಾ ಅಹಂ ತದುದಯಚ್ಛಮ್ ।
ತದಪ್ಸು ಪ್ರಾವೇಶಯಮಿತಿ ।
ತಾನಪ್ಸ್ವನ್ವಭ್ಯವಾನಯತ್ ।
ತದಪ್ಸ್ವನ್ತಃ ಪರ್ಯಪಶ್ಯನ್ಯಥಾ ಪೃಷ್ಠಾತ್ಕಕುದುದೀಷಿತಾ ಸ್ಯಾದೇವಮ್ ।
ತೇಽಬ್ರುವನ್ಸೃಜಾಮಹಾ ಇತ ಇತಿ ।
ತ ಓಮಿತ್ಯೇತೇನಾಕ್ಷರೇಣಾಸ್ಯೈ ೩೫೫

ಪ್ರಾಚ್ಯೈ ದಿಶೋ ರಥನ್ತರಂ ಭಾ ಅಸೃಜನ್ತ ।
ತದಗ್ನೇರ್ಘೋಷೋಽನ್ವಸೃಜ್ಯತ ।
ತಸ್ಮಾದ್ರ ಥನ್ತರಸ್ಯ ಸ್ತೋತ್ರಾ ಅಗ್ನೀನ್ಮನ್ಥನ್ತಿ ।
ತ ಓಮಿತ್ಯೇತೇನೈವಾಕ್ಷರೇಣಾಸ್ಯೈ ದಕ್ಷಿಣಾಯೈ ದಿಶೋ ಬೃಹದ್ಭಾ ಅಸೃಜನ್ತ ।
ತತ್ಪರ್ಜನ್ಯಸ್ಯ ಘೋಷೋಽನ್ವಸೃಜ್ಯತ ।
ತಸ್ಮಾದ್ಬೃಹತ ಸ್ತೋತ್ರೇ ದುನ್ದುಭೀನುದ್ವಾದಯನ್ತಿ ।
ವರ್ಷುಕಃ ಪರ್ಜನ್ಯೋ ಭವತಿ ।
ತ ಓಮಿತ್ಯೇತೇನೈವಾಕ್ಷರೇಣಾಸ್ಯೈ ಪ್ರತೀಚ್ಯೈ ದಿಶೋ ವೈರೂಪಂ ಭಾ ಅಸೃಜನ್ತ ।
ತದ್ವಾಯೋರ್ಘೋಷೋಽನ್ವಸೃಜ್ಯತ ।
ತಸ್ಮಾದ್ವೈರೂಪಸ್ಯ ಸ್ತೋತ್ರ ಆಧವೈರಾಧೂನ್ವನ್ತಿ ।
ಅಧೋವಾತ ಆಗಾಮುಕಃ ।
ತ ಓಮಿತ್ಯೇತೇನೈವಾಕ್ಷರೇಣಾಸ್ಯಾ ಉದೀಚ್ಯೈ ದಿಶೋ ವೈರಾಜಂ ಭಾ ಅಸೃಜನ್ತ ।
ತದ್ವಯಸಾಂ ಘೋಷೋಽನ್ವಸೃಜ್ಯತ ।
ತಸ್ಮಾದ್ಯಥಾ ವಯಾಂಸಿ ಪುನರಾದಾಯಂ ವಾಚಂ ವದನ್ತ್ಯೇವಂ ವೈರಾಜೇನ ಪುನರಾದಾಯಮಿವ ಸ್ತುವತೇ ।
ತ ಓಮಿತ್ಯೇತೇನೈವಾಕ್ಷರೇಣಾಸ್ಯಾ ಊರ್ಧ್ವಾಯೈ ದಿಶಶ್ಶಾಕ್ವರಂ ಭಾ ಅಸೃಜನ್ತ ।
ತದಪಾಂ ಘೋಷೋಽನ್ವಸೃಜ್ಯತ ।
ತಸ್ಮಾಚ್ಛಾಕ್ವರಸ್ಯ ಸ್ತೋತ್ರೇಽಪ ಉಪನಿಧಾಯ ಸ್ತುವನ್ತಿ ।
ತ ಓಮಿತ್ಯೇತೇನೈವಾಕ್ಷರೇಣಾಸ್ಯೈ ದಿಶೋ ರೈವತಂ ಭಾ ಅಸೃಜನ್ತ ।
ತತ್ಪಶುಘೋಷೋಽನ್ವಸೃಜ್ಯತ ।
ತಸ್ಮಾದ್ರೈ ವತಸ್ಯ ಸ್ತೋತ್ರ ಪಶುಘೋಷಂ ಕುರ್ವನ್ತಿ । ವತ್ಸಾನ್ಮಾತೃಭಿಸ್ಸಂವಾಶಯನ್ತಿ ।
ತೇಽಬ್ರುವಂಸ್ತದ್ವೇದಾಮ ಯತ ಇಮೇಽಸೃಕ್ಷ್ಮಹೀತಿ ।
ತೇಽಪ್ಸ್ವೇವ ವಾಮದೇವ್ಯಂ ಪರ್ಯಪಶ್ಯನ್ ।
ತದಾದದತ ।
ತತ್ಸರ್ವಾ ವಾಚೋಽನ್ವಸೃಜ್ಯನ್ತೈಕೈಕೇತರಾಣಿ ಪೃಷ್ಠಾನಿ ।
ತಾನೀಮಾನಿ ಪೃಷ್ಠಾನಿ ಸೃಷ್ಟಾನಿ ದಿಗ್ಭ್ಯ ಆತಪನ್ ।
ಏತಾನಿ ಹ ತರ್ಹ್ಯಾತೇಷುಃ ।
ಆತಪತಿ ಸ್ವೇಭ್ಯ । ಆತಪತೀತ್ಯೇನಮಾಹುರ್ಯ ಏವಂ ವೇದ ।
ತಾನೀಯಂ ದೇವತಾಭ್ಯಧ್ಯಾಯತ್ ।
ಯೇಯಂ ಪುರಸ್ತಾದುಚ್ಚರತಿ ಪುರುಷಾಕೃತಿರ್ಹ್ಯೇಷಾ ತರ್ಹ್ಯಾಸ ।
ಸಾ ತ್ರಿವೃತಾ ಸ್ತೋಮನ ಗಾಯತ್ರ್! ಯಾ ಛನ್ದಸಾ ರಥನ್ತರಸ್ಯ ಭಾ ಆದತ್ತ ।
ತದಿತೋಽಧತ್ತ ।
ಪಞ್ಚದಶೇನ ಸ್ತೋಮೇನ ತ್ರಿಷ್ಟುಭಾ ಛನ್ದಸಾ ಬೃಹತೋ ಭಾ ಆದತ್ತ ।
ತದಿತೋಽಧತ್ತ ।
ಸಪ್ತದಶೇನ ಸ್ತೋಮೇನ ಜಗತ್ಯಾ ಛನಸಾ ವೈರೂಪಸ್ಯ ಭಾ ಆದತ್ತ ।
ತದಿತೋಽಧತ್ತ ।
ಏಕವಿಂಶೇನ ಸ್ತೋಮೇನಾನುಷ್ಟುಭಾ ಛನ್ದಸಾ ವೈರಾಜಸ್ಯ ಭಾ ಆದತ್ತ ।
ತದಿತೋಽಧತ್ತ ।
ತ್ರಿಣವೇನ ಸ್ತೋಮೇನ ಪಂಕ್ತ್ಯಾ ಛನ್ದಸಾ ಶಾಕ್ವರಸ್ಯ ಭಾ ಆದತ್ತ ।
ತದಿತೋಽಧತ್ತ ।
ತ್ರಯಸ್ತ್ರಿಂಶೇನ ಸ್ತೋಮೇನಾತಿಚ್ಛನ್ದಸಾ ರೈವತಸ್ಯ ಭಾ ಆದತ್ತ ।
ತದಿತೋಽಧತ್ತ ।
ತಸ್ಮಾತ್ಸರ್ವಾಣಿ ಭೂತಾನ್ಯಪ್ಸ್ವನ್ತತಃ ಪ್ರತಿಷ್ಠಿತಾನಿ ।
ತಮಾದದ ನಮಾದಿತಾದಿತೇತಿ ವಾಚೋಽವದನ್ ।
ತದಾದಿತ್ಯಸ್ಯಾದಿತ್ಯತ್ವಮ್ ।
ಮಾನಿನ್ದಿತುಸ್ತೇಜ ಇನ್ದ್ರಿ ಯಂ ವೀರ್ಯಂ ತತ್ತೇ ಶಮಲಮಸ್ಯ ನಿನ್ದಿತಾ ಪ್ರತಿಮುಞ್ಚತೇ ಯ ಏವಂ ವೇದ ೩೫೬

ತಂ ಸರ್ವಾಣಿ ಭೂತಾನಿ ಸೋಽರ್ಯಸ್ಸೋಽರ್ಯ ಇತ್ಯಾಯನ್ ।
ತತ್ಸೋರ್ಯಸ್ಯ ಸೋರ್ಯತ್ವಮ್ ।
ಸೋರ್ಯೋ ಹ ವೈ ನಾಮೈಷ ।
ತಂ ಸೂರ್ಯ ಇತಿ ಪರೋಕ್ಷಮಾಚಕ್ಷತೇ ।
ಅರ್ಯೋ ನೋಽಸಿ ಭರ್ತಾ ನೋಽಸೀತಿ ಹೈನಂ ಸ್ವಾಶ್ಚಾರಣಾಶ್ಚೋಪಾಸತೇ ಯ ಏವಂ ವೇದ ।
ಸ ಯತ್ಪ್ರತ್ಯಂಙಾದಾಯ ಸ್ವರಯನ್ವೈ ತತ್ಸೋರ್ಯಸ್ಯ ಸೋರ್ಯತ್ವಮ್ ।
ತದ್ವಾವ ಸ್ವರಸ್ಯ ಸ್ವರತ್ವಂ ಯತ್ಸ್ವರಯನ್ವೈತ್ ।
ತೇ ದೇವಾ ಅಬ್ರುವನ್ನ ಹಾರ್ಷೀದ್ವಾ ಅಯಮಿತಿ ।
ತದಹರಭವತ್ ।
ರಾತಂ ವಾ ಅಸ್ಮಾ ಅಭೂದಿತಿ ಸೋ ಏವ ರಾತ್ರಿರಭವತ್ ।
ಏತದ್ಧ ವಾ ಅಹೋರಾತ್ರಯೋರ್ಜನ್ಮ ।
ಸ ಯ ಏ ವಮೇತದಹೋರಾತ್ರಯೋರ್ಜನ್ಮ ವೇದಾಪ್ನೋತ್ಯಹೋರಾತ್ರೇ । ನೈಅನ್ಮೇತೇ ಅತೀತಃ ।
ಸರ್ವಂ ಹ ವಾ ಇದಮನ್ಯತ್ಪರ್ಯನ್ತವತ್ ।
ಏತೇ ಹ ವಾ ಅಪರ್ಯನ್ತೇ ಯದಹೋರಾತ್ರೇ ।
ಯೇ ತೇ ವಾ ಇದಂ ಪರಿವರ್ತಮಾನೇ ಸರ್ವಮಾಪ್ನುತಃ ।
ತದ್ಯಥಾ ರಥೋಪಸ್ಥೇ ತಿಷ್ಠನ್ಪಕ್ಷಸಿ ಪ್ರತ್ಯವೇಕ್ಷೇತೈವಮೇವೈತೇಽಹೋರಾತ್ರೇ ಆದಿತ್ಯಲೋಕೇ ತಿಷ್ಠನ್ಪ್ರತ್ಯವೇಕ್ಷತೇ ।
ಸ ಪಿತರಂ ಪ್ರಜಾಪತಿಮವ್ರವೀತ್ತತ ಯತ್ತ ಇದಂ ತೇಜ ಇನ್ದ್ರಿ ಯಂ ವೀರ್ಯಂ ಮಹ್ಯಮಿದಂ ಪ್ರಯಚ್ಛೇತಿ ।
ತಥೇತಿ ।
ತದಸ್ಮೈ ಪ್ರಾಯಚ್ಛತ್ ।
ತಸ್ಮಾದುತ ಪಿತಾ ಪುತ್ರಯ ಜೀವನ್ನೇವೇಶಾಂ ಸಂಪ್ರಯಚ್ಛತಿ ೩೫೭

ಸ ವಶಮೇವ ದಿವ ಆದತ್ತ । ಕ್ಷತ್ರಂ ನಕ್ಷತ್ರಾಣಾಮ್ । ಆತ್ಮಾನಮನ್ತರಿಕ್ಷಸ್ಯ । ರೂಪಂ ವಾಯೋರ್ । ಆಜ್ಞಾಂ ಮನುಷ್ಯಾಣಾಂ । ಚಕ್ಷುಃ ಪಶೂನಾಮ್ । ಊರ್ಜಮಪಾಂ । ರಸಮೋಷಧೀನಾಂ । ಚರಥಂ ವನಸ್ಪತೀನಾಂ । ಶಿಶ್ನಂ ವಯಸಾಮ್ । ಅರ್ಚಿಮಗ್ನೇರ್ । ಹೃದಯಂ ಪೃಥಿವ್ಯೈ । ಗನ್ಧಂ ಹಿರಣ್ಯಸ್ಯ । ಸ್ತನಯಿತ್ನುಂ ವಾಚಸ್ । ಸಂಗಮಂ ಪಿತೄಣಾಂ । ಭಾಂ ಚನ್ದ್ರ ಮಸಃ ।
ತದ್ಯದೇತೇಷಾಂ ಭೂತಾನಾಮಾದತ್ತ ತದಾದಿತ್ಯಸ್ಯಾದಿತ್ಯತ್ವಮ್ ।
ಆದತ್ತೇ ತೇಜೋ ದ್ವಿಷತೋ ಭ್ರಾತೃವ್ಯಸ್ಯ ಯ ಏವಂ ವೇದ ।
ಸಾ ಹೈಷಾ ದೇವತಾ ದೀಕ್ಷಿತಾ ಕೇಶವಾಧಿ ಕೃಷ್ಣಾಜಿನಾ ।
ತಸ್ಯೈ ಯೇಽರ್ವಾಞ್ಚೋ ರಶ್ಮಯಸ್ತಾನಿ ಶ್ಮಶ್ರೂಣಿ । ಯ ಊರ್ಧ್ವಾಸ್ತೇ ಕೇಶಾಃ ।
ಅಹೋರಾತ್ರೇ ಏವ ಕೃಷ್ಣಾಜಿನೇ ।
ತದ್ಯದ್ದಿವಿಕ್ಷಯಮಕುರುತ ತಸ್ಮಾದ್ದೀಕ್ಷಿತಾ ।
ದಿವಿ ಹ ವಾ ಏಷ ಕ್ಷಯಂ ಕುರುತ ಯೋ ಯಜತೇ ।
ಯಾಂ ದೀಕ್ಷಯಾ ಜಿತಿಂ ಜಯತಿ ಯಾಮೃದ್ಧಿಮೃಧ್ನೋತಿ । ಜಯತಿ ತಾಂ ಜಿತಿಮೃಧ್ನೋತಿ ತಾಮ್ ಋದ್ಧಿಂ ಯ ಏವಂ ವೇದ ೩೫೮

ತಸ್ಯೋಷಸ್ಯೇವ ಪತ್ನೀ ಚನ್ದ್ರ ಮಾಸ್ಸೋಮಪೀಥಃ ।
ತಸ್ಮಾತ್ಸಪತ್ನೀಕೋ ದೀಕ್ಷತ ।
ಸಾ ಹೈಷಾ ದೇವತಾ ದೀಕ್ಷಮಾಣಸ್ಯ ತೇಜ ಇನ್ದ್ರಿ ಯಂ ವೀರ್ಯಂ ಯಶ ಆದತ್ತೇ ।
ಸ ದೀಕ್ಷಿಷ್ಯಮಾಣ ಆದಿತ್ಯಮುಪತಿಷ್ಠೇತ ತ್ವಂ ದೇವತಾ ದೀಕ್ಷಿತಾಸಿ ।
ಸಾ ದಕ್ಷಿಮಾಣಸ್ಯ ತೇಜ ಇನ್ದ್ರಿ ಯಂ ವೀರ್ಯಂ ಯಶ ಆದತ್ಸೇ ।
ಮಾ ಮೇ ತೇಜ ಇನ್ದ್ರಿ ಯಂ ವೀರ್ಯಂ ಯಶ ಆದಿಥಾಃ ।
ತವ ದೀಕ್ಷಂ ಅನು ದಕ್ಷಿ ಇತಿ ।
ತಸ್ಯೈಷಾ ದೇವತಾ ದೀಕ್ಷಮಾಣಸ್ಯ ತೇಜ ಇನ್ದ್ರಿ ಯಂ ವೀರ್ಯಂ ಯಶೋ ನಾದತ್ತೇ ।
ತದೇತದುಕ್ಥಸ್ಯೈವ ಸ್ತೋಮ್ಭಃ ।
ತೇ ಯೇಽರ್ವಾಞ್ಚೋ ರಶ್ಮಯಸ್ತೈರಸ್ಯೇಮೇ ಲೋಕಾ ಸ್ತಬ್ಧಾ ಯ ಏತಸ್ಮಾದರ್ವಾಞ್ಚೋಽಥ ಯತ್ಕಿಂ ಚ ಪ್ರಾಣಭೃತ್ಸಶಾರೀರಮ್ ।
ಅಥ ಯ ಊರ್ಧ್ವಾಸ್ತೈರು ಅಸ್ಯ ತೇ ಲೋಕಾ ಸ್ತಬ್ಧಾ ಯ ಏತಸ್ಮಾತ್ಪರಾಞ್ಚೋಽಥ ಯತ್ಕಿಂ ಚಾಭೃತಮಶರೀರಮ್ ।
ತದ್ಯದೇಷಾ ದೇವತೋಭಯಾನ್ದೇವಾಸುರಾನನ್ತರಾ ಸ್ತವಧ್ವಾ ತಿಷ್ಠತಿ ತಸ್ಮಾದೇತತ್ಸ್ತಮ್ಭಃ ।
ಸ ಹ ವೈ ಸ್ತಬ್ಧಸ್ಸಸ್ತಭೇತ ।
ಅಥೋ ಯ ಏನಂ ಸ್ತಭಸ್ಯೋಪಮೀಮಾಂಸೇತ ತಂ ಬ್ರೂಯಾದ್ಯಾ ಸ್ತಬ್ಧಾ ದೇವತಾ ತಸ್ಯೈ ತ್ವಾ ವೃಶ್ಚ್ಯಾಮೀಮಾಮಾರ್ತಿಂ ನ್ಯೇಷ್ಯಸೀತಿ ।
ತಾಂ ದೈವಾರ್ತಿಂ ನ್ಯೇತಿ ।
ತೇ ಯೇಽರ್ವಾಞ್ಚೋ ರಶ್ಮಯ ಏತೇ ಹಾವಶಾ ಮೃತ್ಯೋರನ್ನವನ್ತಃ ।
ಅಥ ಯ ಊರ್ಧ್ವಾಸ್ತ ಉ ಹಾಮೃತಲೋಕಾಃ ।
ತೇ ಯೇಽರ್ವಾಞ್ಚೋ ರಶ್ಮಯ ಏತೇ ಹೋರಯೋ ನಾಮ ಯಥಾ ನಳೋ ವಾಸುಶಿರ ಸ್ಯಾದ್ವೇ ಅರ್ವಾ ।
ಅಥ ಯ ಊರ್ಧ್ವಾಸ್ತ ಉಪರೀಯಾಂಸೋ ನಾಮ ।
ಸ ಯಥಾ ಹಸ್ತೀ ಹಸ್ತೇನಾದಾಯ ಪೃಷ್ಠ್ಯೇಽಧ್ಯಸ್ಯೇತೈವಮೇವೈಷಾ ದೇವತೈತದ್ವಿದ್ವಾಂಸಮುರುಭೀ ರಶ್ಮಿಭಿರಾದಾಯಾವರೀಯಸ್ವಧ್ಯಸ್ಯತೇ ।
ತಮಸ್ಯೇಷ ಲೋಕೋ ಯ ಏತಸ್ಮಾತ್ಪರಾಚೀನಃ ೩೫೯

ನಾಸದಾಸೀನ್ನೋ ಸದಾಸೀತ್ತದಾನೀಂ ನಾಸೀದ್ರ ಜೋ ನೋ ವ್ಯೋಮಾ ಪರೋ ಯತ್ ।
ಕಿಮಾವರೀವಃ ಕುಹ ಕಸ್ಯ ಶರ್ಮನ್ನಮ್ಭಃ ಕಿಮಾಸೀದ್ಗಹನಂ ಗಭೀರಮಿತಿ ।
ತಸ್ಮಿನ್ನಸತಿ ಸತಿ ನ ಕಸ್ಮಿಂಶ್ಚನ ಸತ್ಯೃತಂ ಜ್ಯೋತಿಷ್ಮದುದಪ್ಲವತ । ಸತ್ಯಂ ಜ್ಯೋತಿಷ್ಮದುದಪ್ಲವತ । ತಪೋ ಜ್ಯೋತಿಷ್ಮದುದಪ್ಲವತ ।
ತದ್ಯದೃತಮಿತಿ ವಾಕ್ಸಾ । ಯತ್ಸತ್ಯಮಿತಿ ಪ್ರಾಣಸ್ಸೋ । ಯತ್ತಪ ಇತಿ ಮನಸ್ತತ್ ।
ತೇಷಾಮನ್ನಮೇವ ಜ್ಯೋತಿರಾಸೀತ್ ।
ತಾನ್ಯೇಕಮಭವನ್ ।
ತದೇಕಂ ಭೂತ್ವೈತೇನಾನ್ನೇನ ಜ್ಯೋತಿಷಾಪ್ಯಾಯತ ।
ತದಭವದ್ಯಥಾ ಮಧ್ವಷ್ಠೀ ಲಾವಾಸ್ವಾಸಿಕ್ತಾ ಸ್ಯಾದೃತಿರ್ನೈವಮ್ ।
ತದೈಕ್ಷತ ಹನ್ತಾಧಸ್ತಾತ್ಪ್ರಾಣಂ ಕರವಾ ಇತಿ ।
ತದಧಸ್ತಾತ್ಪ್ರಾಣಮಕುರುತ । ಯಥೈಷ ಸ್ತ್ರಿಯಾ ಅಧಸ್ತಾದಾಕಾಶ ಏವಮ್ ।
ತಸ್ಮಾದಾಪೋಽಸೃಜ್ಯನ್ತ ಬಲವಲಬಲಿತ್ಯೇತಯಾ ವಾಚಾ ।
ತದಿದಮಾಪೋ ಮಹತ್ಸಲಿಲಮಾಸೀತ್ ।
ಯದ್ಧ ವಾ ಇದಮಾಹುರಾಪೋ ವಾ ಇದಮಗ್ರೇ ಮಹತ್ಸಲಿಲಮಾಸೀದಿತ್ಯೇತಾಸ್ತಾ ಆಪಃ ।
ತ ಊರ್ಮಯಸ್ಸ ಮಾಸ್ಯನ್ತ ಫಾ೩ಲ್ಫಾಶ್ಲಿತ್ಕ್ತಿ ।
ತದ್ಧಿರಣ್ಮಯಮಾಣ್ಡಂ ಸಮೈಷತ್ ೩೬೦

ತಸ್ಯ ಹರಿತಮಧರಂ ಕಪಾಲಮಾಸೀದ್ರ ಜತಮುತ್ತರಮ್ ।
ತಚ್ಛತಂ ದೇವಸಂವತ್ಸರಾಞ್ಛಯಿತ್ವಾ ನಿರ್ಭಿದ್ಯಮಭವತ್ಸಹಸ್ರಂ ವಾ ದ್ಯುಮ್ನಾನ್ ।
ದ್ಯುಮ್ನಾ ಹ ನಾಮ ತರ್ಹ್ಯಪ್ಯಾಸುಃ ।
ಯಾವಾನೇಷ ಸಂವತ್ಸರಸ್ । ತಾವನ್ತಸ್ಸಂವತ್ಸರಸ್ಯ ಪ್ರತಿಮಾಃ ।
ದ್ಯುಮ್ನೈರ್ಹ ಸ್ಮ ಸಂವತ್ಸರಂ ವಿಜಾನನ್ತಿ ।
ಅಥ ಹ ತತಃ ಪುರಾಹೋರಾತ್ರೇ ಸಂಶ್ಲಿಷ್ಟೇ ಏವಾಸತುರವ್ಯಾಕೃತೇ ।
ತೇ ಉ ಸ್ಮ ಸಂವತ್ಸರಂ ವಿಜಾನನ್ತಿ ।
ಅಥ ಹ ತತಃ ಪುರಾಹೋರಾತ್ರೇ ಸಂಶ್ಲಿಷ್ಟೇ ಏವಾಸತುರವ್ಯಾಕೃತೇ ।
ತೇ ಉ ಅಗ್ನಿಹೋತ್ರೇಣೈವ ವ್ಯಾಕೃತೇ ।
ತದೇತಯಾ ವಾಚಾ ನಿರಭಿದ್ಯತ ಸ್ರುವಸ್ಥೇ ಸರಣೇ ಸನ್ಯೌ ಕಪಾಲೇ ವಿಜಿಹಾಥಾಮ್ ।
ಕಂ ಲೋಕಮಭಿ ಜಾಯಾ ಇತಿ ।
ಫಳ್ ಇತ್ಯೇವದಮಾಣ್ಡಂ ನಿರಭಿದ್ಯತ ।
ತಸ್ಯ ಯದಧರಂ ಕಪಾಲಮಾಸೀತ್ । ಸೇಯಂ ಪೃಥಿವ್ಯಭವತ್ ।
ಅಥ ಯದುತ್ತರಮಾಸೀತ್ । ಸಾಸೌ ದ್ಯೌರಭವತ್ ।
ಅಥ ಯದನ್ತರಾಸೀತ್ । ತದಿದಮನ್ತರಿಕ್ಷಮಭವತ್ ।
ಸ ಯಾಂ ಜಾಯಮಾನೋ ವಾಚಮವದತ್ । ಸ ಏವ ತ್ರಯೋ ವೇದೋಽಭವತ್ ।
ಯದ್ಧೈವೈಷಾಗ್ರೇ ಕಿಂ ಚ ದೇವತಾ ಜಾಯಮಾನೋವಾದ ತದು ಹ ಬ್ರಹ್ಮೈವ ಬಭೂವ ।
ಸ ಷಕ್ಷತ ಮಹತೀಂ ವಾ ಇಮಾಂ ಪ್ರತಿಷ್ಠಾಂ ಅಸೃಕ್ಷೀಮಾಁ ಲ್ಲೋಕಾನ್ ।
ಯದ್ವಾ ಅತಸ್ಸ್ರಕ್ಷ್ಯೇ ವೇತ್ಸ್ಯತೇ ವೈ ತತ್ಪ್ರತಿಷ್ಠಾಮ್ ।
ಹನ್ತ ಸೃಜಾ ಇತಿ ।
ಸ ಮನಸಾತ್ಮಾನಮಧ್ಯೈತ್ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ವಾಸನ್ತಿಕೌ ಮಾಸೌ ೩೬೧

ತಾವಬ್ರವೀತ್ಸೃಜ್ಯೇಥಾಮಿತಿ ।
ಕಾಂ ದಿಶಂ ತತೇತಿ ।
ಇಮಾಮಿತಿ ।
ತಾವೋಮಿತ್ಯೇತಯಾ ವಾಚಾಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ । ತಜ್ಜ್ಯೋತಿಸ್ । ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರಂ ಹ ವೈ ಭವತಿ ಯ ಏವಂ ವೇದ ।
ಸ ಮನಸೈವ ಪುನರಾತ್ಮಾನಮಧ್ಯೈತ್ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ಗ್ರೈಷ್ಮೌ ಮಾಸೌ ।
ತಾವಬ್ರವೀತ್ಸೃಜ್ಯೇಥಾಮಿತಿ ।
ಕಾಂ ದಿಶಂ ತತೇತಿ ।
ಇಮಾಮಿತಿ ।
ತಾವೋಮಿತ್ಯೇತಯೈವ ವಾಚಾಸೃಜ್ಯತ ।
ತಾವೇತಸ್ಯಾಂ ದಿಶಿ ಪತಿತ್ವಾ ಪ್ರತ್ಯತಿಷ್ಠತಾಮ್ ।
ತೌ ಬೃಹದ್ಭಾ ಅನ್ವಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ತಜ್ಜ್ಯೋತಿಸ್ । ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರಂ ಹ ವೈ ಭವತಿ ಯ ಏವಂ ವೇದ ।
ಸ ಮನಸೈವ ಪುನರಾತ್ಮಾನಮಧ್ಯೈತ್ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ಗ್ರೈಷ್ಮೌ ಮಾಸೌ ।
ತಾವಬ್ರವೀತ್ಸೃಜ್ಯೇಥಾಮಿತಿ ।
ಕಾಂ ದಿಶಂ ತತೇತಿ ।
ಇಮಾಮಿತಿ ।
ತಾವೋಮಿತ್ಯೇತಯೈವ ವಾಚಾಸೃಜ್ಯತ ।
ತಾವೇತಸ್ಯಾಂ ದಿಶಿ ಪತಿತ್ವಾ ಪ್ರತ್ಯತಿಷ್ಠತಾಮ್ ।
ತೌ ಬೃಹದ್ಭಾ ಅನ್ವಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ತಜ್ಜ್ಯೋತಿಸ್ । ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರಂ ಹ ವೈ ಭವತಿ ಯ ಏವಂ ವದ ।
ಸ ಮನಸೈವ ಪುನರಾತ್ಮಾನಮಧ್ಯೈತ್ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ವಾರ್ಷಿಕೌ ಮಾಸೌ ।
ತಾವಬ್ರವೀತ್ಸೃಜ್ಯೇಥಾಮಿತಿ ।
ಕಾಂ ದಿಶಂ ತತೇತಿ ।
ಇಮಾಮಿತಿ ।
ತಾವೋಮಿತ್ಯೇತಯೈವ ವಾಚಾಸೃಜ್ಯತ ।
ತಾವೇತಸ್ಯಾಂ ದಿಶಿ ಪತಿತ್ವಾ ಪ್ರತಿಷ್ಠತಾಮ್ ।
ತೌ ವೈರೂಪಂ ಭಾ ಅನ್ವಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ । ತಜ್ಜ್ಯೋತಿಸ್ । ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರಂ ಹ ವೈ ತಿ ಯ ಏವಂ ವೇದ ।
ಸ ಮನಸೈವ ಪುನರಾತ್ಮಾನಮಧ್ಯೈತ್ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ಶಾರದೌ ಮಾಸೌ ।
ತಾವಬ್ರವೀತ್ಸೃಜ್ಯೇಥಾಮಿತಿ ।
ಕಾಂ ದಿಶಂ ತತೇತಿ ।
ಇಮಾಮಿತಿ ।
ತಾವೋಮಿತ್ಯೇತಯೈವ ವಾಚಾಸೃಜ್ಯತ ।
ತಾವೇತಸ್ಯಾಂ ದಿಶಿ ಪತಿತ್ವಾ ಪ್ರತ್ಯತಿಷ್ಠತಾಮ್ ।
ತೌ ವೈರಾಜಂ ಭಾ ಅನ್ವಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ । ತಜ್ಜ್ಯೋತಿಸ್ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರೇ ಹ ವೈ ಭವತಿ ಯ ಏವಂ ವೇದ ।
ಸ ಮನಸೈವ ಪುನರಾತ್ಮಾನಮಧ್ಯೈ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ಹೈಮನ್ತಿಕೌ ಮಾಸೌ ।
ತಾವಬ್ರವೀತ್ಸೃಜ್ಯೇಥಾಮಿತಿ ।
ತಾವೋಮಿತ್ಯೇತಯೈವ ವಾಚಾಸೃಜ್ಯತ ।
ತಾವೇತಸ್ಯಾಂ ದಿಶಿ ಪತಿತ್ವಾ ಪ್ರತ್ಯತಿಷ್ಠತಾಮ್ ।
ತೌ ಶಾಕ್ವರಂ ಭಾ ಅನ್ವಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ । ತಜ್ಜ್ಯೋತಿಸ್ । ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರಂ ಹ ವೈ ಭವತಿ ಯ ಏವಂ ವೇದ ।
ಸ ಮನಸೈವ ಪುನರಾತ್ಮಾನಮಧ್ಯೈತ್ ।
ತಸ್ಮಿನ್ದ್ವೌ ದ್ರ ಪ್ಸೌ ಸಮಭವತಾಂ ಶೈಶಿರೌ ಮಾಸೌ ।
ತಾವಬ್ರವೀತ್ಸೃಜ್ಯೇಥಾಮಿತಿ ।
ಕಾಂ ದಿಶಂ ತತೇತಿ ।
ಇಮಾಮಿತಿ ।
ತಾವೋಮಿತ್ಯೇತಯೈವ ವಾಚಾಸೃಜ್ಯತ ।
ತಾವೇತಸ್ಯಾಂ ದಿಶಿ ಪತಿತ್ವಾ ಪ್ರತ್ಯತಿಷ್ಠತಾಮ್ ।
ತೌ ರೈವತಂ ಭಾ ಅನ್ವಸೃಜ್ಯತ ।
ತಯೋಸ್ತದೇವಾನ್ನಮಾಸೀತ್ । ತಜ್ಜ್ಯೋತಿಸ್ । ತದಾಭ್ಯಾಮಾತಪತ್ ।
ತತಸ್ತೌ ರಾಷ್ಟ್ರಮಭವತಾಮ್ ।
ರಾಷ್ಟ್ರಂ ಹ ವೈ ಭವತಿ ಯ ಏವಂ ವೇದ ೩೬೨

ಅಥ ಜ್ಯೃಗ್ಭ್ಯಾಮಾರ್ಚ್ಛತ್ ।
ತಸ್ಮಾತ್ಪಶವಃ ಶೈಶಿರ ಋತೌ ಜ್ಯೃಗ್ಭ್ಯಾಮೃಚ್ಛನ್ತಿ ।
ಸ ಷಕ್ಷತ ಯಮಿಮಂ ತ್ರಯಂ ಚೇದಮಸೃಕ್ಷಿ ಹನ್ತಾಸ್ಮಾತ್ಸೃಜಾ ಇತಿ ।
ಸ ತ್ರಿವೃತಾ ಸ್ತೋಮೇನ ಗಾಯತ್ರೀಮಧ್ಯೈತ್ ।
ತತೋ ವಸೂನಸೃಜತ ।
ತ ಇಮಾಂ ದಿಶಮನ್ವಾಯನ್ ।
ಪಞ್ಚದಶೇನ ಸ್ತೋಮೇನ ತ್ರಿಷ್ಟುಭಮಧ್ಯೈತ್ ।
ತತೋ ರುದ್ರಾ ನಸೃಜತ ।
ತ ಇಮಾಂ ದಿಶಮನ್ವಾಯನ್ ।
ಸ ಸಪ್ತದಶೇನ ಸ್ತೋಮೇನ ಜಗತೀಮಧ್ಯೈತ್ ।
ತತ ಆದಿತ್ಯಾನಸೃಜತ ।
ತ ಇಮಾಂ ದಿಶಮನ್ವಾಯನ್ ।
ಏಕವಿಂಶೇನ ಜಗತೀಮಧ್ಯೈತ್ ।
ತತ ಆದಿತ್ಯಾನಸೃಜತ ।
ತ ಇಮಾಂ ದಿಶಮನ್ವಾಯನ್ ।
ಏಕವಿಂಶೇನ ಸ್ತೋಮೇನಾನುಷ್ಟುಭಮಧ್ಯೈತ್ ।
ತತೋ ವಿಶ್ವಾನ್ದೇವಾನಸೃಜತ ।
ತ ಇಮಾಂ ದಿಶಮನ್ವಾಯನ್ ।
ತ್ರಿಣವೇನ ಸ್ತೋಮೇನ ಪಂಕ್ತಿಮಧ್ಯೈತ್ ।
ತತೋ ಮರುತೋಽಸೃಜತ ।
ತ ಇಮಾಂ ದಿಶಮನ್ವಾಯನ್ ।
ತ್ರಯಸ್ತ್ರಿಂಶೇನ ಸ್ತೋಮೇನಾತಿಚ್ಛನ್ದಸಮಧ್ಯೈತ್ ।
ತತಸ್ಸಾಧ್ಯಾಂಶ್ಚಾಪ್ತ್ಯಾಂಶ್ಚಾಸೃಜತ ।
ತಈಮಾಂ ದಿಶಮನ್ವಾಯನ್ ೩೬೩

ತಾ ಏತಾ ದೇವತಾ ಸೃಷ್ಟಾ ಸ್ತೋಮಾ ಛನ್ದಾಂಸ್ಯೃತವೋ ಗ್ರಹಾಃ ।
ಪೃಥಗೇವೈಷಾಮಿಮಾ ಶ್ರಿಯೋ ದೀಪ್ಯಮಾನಾ ಅತಿಷ್ಠನ್ । ನಾನ್ಯೋನ್ಯಸ್ಯ ಶ್ರೇಷ್ಠತಾಯಾ ಅತಿಷ್ಠನ್ತ ।
ತೇಽಬ್ರುವನ್ನ ವಾ ಅನ್ಯೋಽನ್ಯಸ್ಯ ಶ್ರೇಷ್ಠತಾಯೈ ತಿಷ್ಠಾಮಹೈ ।
ಏತ ತಮಿಚ್ಛಾಮಹೈ ಯೋ ನ ಈಶಾತಾ ಇತಿ ।
ತೇ ಪ್ರಜಾಪತಿಮೇವ ಜನಯಿತಾರಮೇತ್ಯಾಬ್ರುವನ್ನ ವಾ ಅನ್ಯೋಽನ್ಯಸ್ಯ ಶ್ರೇಷ್ಠತಾಯೈ ತಿಷ್ಠಾಮಹೈ ।
ತನ್ನಸ್ಸೃಜಸ್ವ ಯೋ ನ ಈಶಾತಾ ಇತಿ ।
ಸ ಪ್ರಜಾಪತಿರಬ್ರವೀದೇತಾವದ್ವಾವ ತ್ಯಸ್ಮಿಂಸ್ತೇಜ ಇನ್ದ್ರಿ ಯಂ ವೀರ್ಯಮಭೂದ್ಯದ್ಯುಷ್ಮಾನಸೃಕ್ಷಿ ।
ತೇ ವೈ ಸಂವತ್ಸರಂ ತಪ್ಯಧ್ವಮ್ ।
ತೇ ಮಾ ಸಂವತ್ಸರಂ ತಪ್ತ್ವೋಪಸಮೇತ ಯದೇಕೋಽಧಿಗಚ್ಛತಿ ಯದೇಕೋ ಯದೇಕ ಇತಿ ।
ತೇ ಸಂವತ್ಸರಮತಪ್ಯನ್ತ ।
ತಂ ಸಂವತ್ಸರಂ ತಪ್ತ್ವೋಪಸಮಾಯನ್ ।
ಯದೇಕೋಽಧ್ಯಗಚ್ಛದ್ಯದೇಕೋ ಯದೇಕಸ್ತದಸ್ಯ ಮನ್ಯೌ ಯೋನಾವಸಿಞ್ಚನ್ ।
ತತ ಇನ್ದ್ರ ಸ್ಸಂಭವತ್ ।
ತದೇಷಾಭ್ಯನೂಚ್ಯತೇ
ಅಶ್ವಾದಿಯಾಯೇತಿ ಯದ್ವದನ್ತ್ಯೋಜಸೋ ಜಾತಮುತ ಮನ್ಯ ಏನಮ್ ।
ಮನ್ಯೋರಿಯಾಯ ಹರ್ಮ್ಯೇಷೂ ತಸ್ಥೌ ಯತಃ ಪ್ರಜಜ್ಞ ಇನ್ದ್ರೋ ಅಸ್ಯ ವೇದ
ಇತಿ ।
ಮನ್ಯೋರಿಯಾಯೇತಿ ಯದಸ್ಯ ಮನ್ಯೌ ಯೋನಾವಸಿಞ್ಚನ್ ।
ಹರ್ಮ್ಯೇಷು ತಸ್ಥಾವಿತಿ ಹೃದಯಾನ್ಯು ವೈ ಹರ್ಮ್ಯಾಣಿ ।
ಹೃದಯೋ ಹ ವೈ ಕ್ರುಧ್ಯತಿ ।
ಓಜಸೋ ಜಾತಮುತ ಮನ್ಯ ಏನಮ್
ಇತಿ ೩೬೪

ಗೌರ್ವೀತಂ ಹ ಪಪ್ರಚ್ಛುಸ್ತ್ವಂ ಹ ವೈ ದದರ್ಶಿಥೇನ್ದ್ರಂ ಜಾಯಮಾನಮಿತಿ ।
ಸ ಹೈತದುವಾಚ
ಅಶ್ವಾದಿಯಾಯೇತಿ ಯದ್ವದನ್ತ್ಯೋಜಸೋ ಜಾತಮುತ ಮನ್ಯ ಏನಮ್ ।
ಮನ್ಯೋರಿಯಾಯ ಹರ್ಮ್ಯೇಷು ತಸ್ಥೌ ಯತಃ ಪ್ರಜಜ್ಞ ಇನ್ದ್ರೋ ಅಸ್ಯ ವೇದ
ಇತ್ಯೋಜಸೋಽನ್ವಾಹಂ ಜಾತಂ ಮನ್ಯ ಇತಿ ಹೋವಾಚ ।
ಇನ್ದ್ರ ಸ್ತ್ವೇವ ತದ್ವೇದ ಯತಸ್ಸ ಜಾತ ಇತಿ ।
ಸ ಶಿರೋ ನಿರ್ಹೃತ್ಯ ವ್ಯೈಕ್ಷತ ।
ಸ ಇದಮೇಷಾಂ ಸರ್ವಂ ಸ್ಪೃತಮಪಶ್ಯತ್ ।
ಸೋಽಬ್ರವೀದ್ಯದಿದಮೇಷಾಂ ಸರ್ವಂ ಸ್ಪೃತಂ । ಕಂ ಲೋಕಮಭಿ ಜಾಯೈ ಸ ವೈ ನು ಮೇ ಪ್ರಯಚ್ಛ ।
ಇಮೌ ನು ಮೇ ೩೬೫

ವಾಸನ್ತಿಕೌ ಮಾಸೌ ಪ್ರಯಚ್ಛೇತಿ ।
ಏತೌ ತೇ ಪ್ರಯಚ್ಛಾನೀತ್ಯನ್ನಮನ್ನಮಿತಿ ಪತಿತ್ವಾಸ್ಯೈ ಪ್ರಾಚ್ಯೈ ದಿಶೌ ರಥನ್ತರಂ ಭಾ ಆದತ್ತ ।
ತದಿತೋಽಧತ್ತ ।
ಷಕೋ ದ್ವಯೋರ್ವೀರ್ಯಂ ದತ್ತೇ ಯ ಏವಂ ವೇದ ।
ತಂ ಪುನರೇವ ಪ್ರಾವಿಶತ್ ।
ತಮಬ್ರವೀಜ್ಜಾಯಸ್ವೈವೇತಿ ।
ಸೋಽಬ್ರವೀತ್ಸ ವೈ ನು ಮೇ ಪ್ರಯಚ್ಛೇಮೌ ನು ಮೇ ಗ್ರೈಷ್ಮೌ ಮಾಸೌ ಪ್ರಯಚ್ಛೇತಿ ।
ಏತೌ ತೇ ಪ್ರಯಚ್ಛಾನೀತ್ಯನ್ನಮನ್ನಮಿತ್ಯೇವ ಪತಿತ್ವಾಸ್ಯೈ ದಕ್ಷಿಣಾಯೈ ದಿಶೋ ಬೃಹದ್ಭಾ ಆದತ್ತ ।
ತದಿತೋಽಧತ್ತ ।
ಷಕಶ್ಚತುರ್ಣಾಂ ವೀರ್ಯಂ ದತ್ತೇ ಯ ಏವಂ ವೇದ ।
ತಂ ಪುನರೇವ ಪ್ರಾವಿಶತ್ ।
ತಮಬ್ರವೀಜ್ಜಾಯಸ್ವೈವೇತಿ ।
ಸೋಽಬ್ರವೀತ್ಸ ವೈ ನು ಮೇ ಪ್ರಯಚ್ಛಮೌ ನು ಮೇ ವಾರ್ಷಿಕೌ ಮಾಸೌ ಪ್ರಯಚ್ಛೇತಿ ।
ಏತೌ ತೇ ಪ್ರಯಚ್ಛಾನೀತ್ಯನ್ನಮನ್ನಮಿತ್ಯೇವ ಪತಿತ್ವಾಸ್ಯೈ ಪ್ರತೀಚ್ಯೈ ದಿಶೋ ವೈರೂಪಂ ಭಾ ಆದತ್ತ ।
ತದಿತೋ ಅಧತ್ತ ।
ಷಕಷ್ಷಣ್ಣಾಂ ವೀರ್ಯಂ ದತ್ತೇ ಯ ಏವಂ ವೇದ ।
ತಂ ಪುನರೇವ ಪ್ರಾವಿಶತ್ ।
ತಮಬ್ರವೀಜ್ಜಾಯಮ್ವೈವೇತಿ ।
ಸೋಽಬ್ರವೀತ್ಸ ವೈ ನು ಮೇ ಪ್ರಯಚ್ಛೇಮೌ ನು ಮೇ ಶಾರದೌ ಮಾಸೌ ಪ್ರಯಚ್ಛತಿ ।
ಏತೌ ತೇ ಪ್ರಯಚ್ಛಾನೀತ್ಯನ್ನಮನ್ನಮಿತ್ಯೇವ ಪತಿತ್ವಾಸ್ಯಾ ಉದೀಚ್ಯೈ ದಿಶೋ ವೈರಾಜಂ ಭಾ ಆದತ್ತ ।
ತದಿತೋಽಧತ್ತ ।
ಷಕೋಽಷ್ಟಾನಾಂ ವೀರ್ಯಂ ದತ್ತೇ ಯ ಏವಂ ವೇದ ।
ತಮ್ಪುನರೇವ ಪ್ರಾವಿಶತ್ ।
ತಮಬ್ರವೀಜ್ಜಾಯಸ್ವೈವತಿ ।
ಸೋಽಬವೀತ್ಸ ವೈ ನು ಮೇ ಪ್ರಯಚ್ಛೇಮೌ ನು ಮೇ ಹೈಮನ್ತಿಕೌ ಮಾಸೌ ಪ್ರಯಚ್ಛತಿ ।
ಏತೌ ತೇ ಪ್ರಯಚ್ಛಾನೀತ್ಯನ್ನಮನ್ನಮಿತ್ಯೇವ ಪತಿತ್ವಾಸ್ಯಾ ಊರ್ಧ್ವಾಯೈ ದಿಶಶ್ಶಾಕ್ವರಂ ಭಾ ಆದತ್ತ ।
ತದಿತೋಽಧತ್ತ ।
ಷಕೋ ದಶಾನಾಂ ವೀರ್ಯಂ ದತ್ತೇ ಯ ಏವಂ ವೇದ ।
ತಂ ಪುನರೇವ ಪ್ರಾವಿಶತ್ ।
ತಮಬ್ರವೀಜ್ಜಾಯಸ್ವೈವೇತಿ ।
ಸೋಽಬ್ರವೀತ್ಸ ವೈ ನು ಮೇ ಪ್ರಯಚ್ಛೇಮೌ ನು ಮೇ ಶೈಶಿರೌ ಮಾಸೌ ಪ್ರಯಚ್ಛೇತಿ ।
ಏತೌ ತೇ ಪ್ರಯಚ್ಛಾನೀತ್ಯನ್ನಮನ್ನಮಿತ್ಯೇವ ಪತಿತ್ವಾಸ್ಯೈ ದಿಶೋ ರೈವತಂ ಭಾ ಆದತ್ತ ।
ತದಿತೋಽಧತ್ತ ।
ಷಕೋ ದ್ವಾದಶಾನಾಂ ವೀರ್ಯಂ ದತ್ತೇ ಯ ಏವಂ ವೇದ ।
ಸ ಷಕ್ಷತ ಕಥಂ ನ್ವಿಮಾನೃತೂನ್ಗೃಹ್ಣೀಯಾಮಿತಿ ೩೬೬

ತಾ ಉತ್ತಾನಶಯ್ಯಾಮಪಶ್ಯತ್ ।
ಸ ಶೀರ್ಷ್ಣೈವಮೌ ಪ್ರಾಞ್ಚಾವಗೃಹ್ಣಾದ್ । ಬಾಹುಭ್ಯಾಮಿಮಾನ್ನಾನಾ । ಪದ್ಭ್ಯಾಂ ಪ್ರತ್ಯಞ್ಚಾವುರಸೋರ್ಧ್ವೌ । ಪ್ರಷ್ಟಿಭಿರವಾಞ್ಚೌ ।
ತಾನೇವಂ ಗೃಹೀತ್ವಾಧಸ್ತಾತ್ಪರ್ಯೌಹತ ।
ಸ ಏಷ ಋತುಷು ಚ ಸಂವತ್ಸರೇ ಚೈತಸ್ಯಾಂ ಶ್ರಿಯಾಮಧ್ಯೂಢಸ್ತಪತಿ ।
ತಂ ಪುನರನೇನ ಸಹ ಸರ್ವೇಣ ಪ್ರಾವಿಶತ್ ।
ತಮಬ್ರವೀದೇಕಂ ವಾವ ತ್ವಾಗ್ರೇ ನಾಶಕಮುದ್ಯನ್ತುಮ್ ।
ನ ವೈ ತ್ವಾನೇನ ಸಹ ಸರ್ವೇಣ ಶಕ್ಷ್ಯಾಸ್ಯುದ್ಯನ್ತುಂ । ಜಾಯಸ್ವೈವೇತಿ ।
ತಸ್ಮಿನ್ನಾಪಸ್ಸಿಂಸಿಮಾಯತ್ಪರ್ಯಪಶ್ಯತ್ ।
ಸೋಽಬ್ರವೀ ಸ ವೈ ನು ಮೇ ಪ್ರಯಚ್ಛೇಮಾ ನು ಮ ಅಪಃ ಪ್ರಯಚ್ಛಾಥ ಜನಿಷ್ಯ ಇತಿ ।
ತಸ್ಮೈ ಷಟ್ಸಹಸ್ರಾಣ್ಯಪಾಂ ಪ್ರಾಯಚ್ಛತ್ ।
ತಸ್ಯೈಷ ಶ್ಲೋಕೋ
ನ ತಾ ಅನ್ಯಃ ಪ್ರ ತರತಿ ನೈನಾವಿಷ್ಣಾತುಮರ್ಹತಿ ।
ವಹನ್ತ್ಯಸ್ಮಿನ್ಸರ್ವತೋ ಮಧು ಕ್ಷೀರಂ ಘೃತಂ ದಧಿ ಷಟ್ಸಹಸ್ರಾಣ್ಯಮ್ಬಯಾಃ
ಇತಿ ।
ಇಮಾ ಹ ವೈ ತಾ ಅಮ್ಬಯಾ ನಾಮೈತಾ ಏವ ದಿಶಃ ।
ಏತಾ ಏವಾಸ್ಮೈ ಸಹಸ್ರಂ ಸಹಸ್ರಂ ಕ್ಷರನ್ತ್ಯ್ । ಏತಾ ಏವೈನಂ ತರ್ಪಯನ್ತಿ ।
ಸೋಽಜಾಯತ ।
ತಂ ಜಾತಮುಪಾಮದತ್
ತೇಜೋಽಜನೀನ್ದ್ರಿ ಯಮಜನಿ ವೀರ್ಯಮಜನಿ ಬ್ರಹ್ಮಾಜನಿ ಕ್ಷತ್ರಮಜನಿ ಸಪ್ತಾನಾಂ ಪಶೂನಾಂ ಯನ್ತಾಜನಿ ಸಪ್ತಾನೀ ದಿಶಾಂ ಧರ್ತಾಜನಿ ಜಾತೋಽಜನಿ ಜನಿತಾಜನಿ ಜಾನಿತ್ರಿರಜನೀ
ತಿ ।
ಅಪಿ ಹಾತ್ಮಾನಮುಪಾಮಾದಯಜ್ಜಾನಿತ್ರಿರಿತ್ಯುವಾಚ ।
ಉಪಮಾದ್ಯೋ ಹ ಭವತಿ ಯ ಏವಂ ವೇದ ।
ತಸ್ಮೈ ಜಾತಾಯೈತಾಂ ರಾಜಾಸನ್ದೀಂ ನ್ಯದಧುಃ ।
ತಸ್ಯಾಮೇನಮಭ್ಯಷ್ಞ್ಚನ್ತ ೩೬೭

ವಸವೋ ರಾಜ್ಯಾಯ ರುದ್ರಾ ವೈರಾಜ್ಯಾಯಾದಿತ್ಯಾ ಸ್ವಾರಾಜ್ಯಾಯ ವಿಶ್ವೇ ದೇವಾ ಸಾಮ್ರಾಜ್ಯಾಯ ಮರುತಸ್ಸಾರ್ವವಶ್ಯಾಯ ಸಾಧ್ಯಾಶ್ಚಾಪ್ತ್ಯಾಶ್ಚ ಪಾರಮೇಷ್ಠ್ಯಾಯ ।
ತಮೇವಂ ಸನ್ತಂ ಪಿತಾ ಪ್ರಜಾಪತಿರಭ್ಯೇವಾಶಯತ್ ।
ಸ ವಸೂನಬ್ರವೀದಿಮಂ ಮೇ ಪ್ರಯಚ್ಛತೇತಿ ।
ತೇಽಬ್ರುವನ್ನ ಶಕ್ಷ್ಯಾಮಃ ಪಿತರಂ ಪ್ರಜಾಪತಿಂ ಹಿಂಸಿತುಮಿತಿ ।
ರುದ್ರಾ ನಬ್ರವೀನ್ । ನಾಕಾಮಯನ್ತ ।
ಆದಿತ್ಯಾನಬ್ರವೀನ್ । ನೈವಾಕಾಮಯನ್ತ ।
ಅಥ ಮರುತೋಽಬ್ರವೀತ್ಕಿಮಸ್ಮಾಕಂ ತತ ಸ್ಯಾದಿತಿ ।
ಯನ್ಮ ಇದಂ ನಿಷ್ಕೇವಲ್ಯಂ ಮಾಧ್ಯನ್ದಿನಂ ಸವನಂ ತನ್ಮೇ ಯುಷ್ಮಾಭಿಸ್ಸಾಧಾರಣಂ ಭವಿಷ್ಯತೀತಿ ।
ತಥೇತಿ ।
ತಮಸ್ಮಾ ಅಭಿಪ್ರದ್ಯ ಪ್ರಾಯಚ್ಛನ್ ।
ತಸ್ಯೈತಚ್ಚನ್ದ್ರಂ ಮೇ ಚನ್ದ್ರಂ ಮ ಇತ್ಯೇವ ವದತ ಏತತ್ತೇಜ ಆದತ್ತ ಯೇನೈಷ ಏತತ್ತಪತಿ ।
ಸ ಯಚ್ಚನ್ದ್ರಂ ಮ ಇತ್ಯಬ್ರವೀತ್ತಸ್ಮಾಚ್ಚನ್ದ್ರ ಮಾಃ ।
ತಸ್ಯ ಹ ಸ್ಮ ಯತ್ಸ ಪುನಃ ಪುನರಾದತ್ತೇ ಸ ಹ ಸ್ಮ ತಾದೃಶ ಏವ ಪರಿಶಿಷ್ಯತೇ ।
ತಸ್ಮಾದೇತಸ್ಯಾಪ್ಯದ್ಯಾಸ್ತ್ಯೇವಾಭಾ ।
ಯಥೈಷ ಏತದ್ದಿವಾ ತಪತ್ಯೇವಮೇಷ ರಾತ್ರಿಂ ಭಾತಿ ।
ತಮವೈದಕ್ಷಯ್ಯೋ ವಾ ಅಯಮಿತಿ ।
ತಮುದಾರ್ಜತ ।
ತಮಬ್ರವೀನ್ಮಾ ಮಾ ತ್ವಂ ತತಃ ಪ್ರತ್ಯಾತಪ್ಸೀರಿತಿ ।
ನೇತ್ಯಬ್ರವೀತ್ಪ್ರತ್ಯೇವ ತ್ವಾತಪ್ಸ್ಯಾನೀತಿ ।
ತಸ್ಮಾದೇತಮುಭಯೋರಹೋರಾತ್ರಯೋಃ ಪಶ್ಯನ್ತಿ ।
ಪ್ರತಿ ಹೈನಂ ತದಾತಪನ್ತಿ ।
ತೌ ಹೈತೌ ಪಿತಾಪುತ್ರಾವೇವ ಯಚ್ಚನ್ದ್ರ ಮಾಶ್ಚಾದಿತ್ಯಶ್ಚ ।
ಪಿತಾ ಚನ್ದ್ರ ಮಾ । ಆದಿತ್ಯಃ ಪುತ್ರಃ ।
ಪರಶ್ಚನ್ದ್ರ ಮಾ । ಅಪರ ಆದಿತ್ಯಃ ।
ತೌ ಹೈತೌ ಸರ್ವಾಸಾಂ ದೇವತಾನಾಂ ಶ್ರೇಷ್ಠತಾಂ ಗತೌ ।
ತದ್ಯಥೈತೌ ಸರ್ವಾಸಾಂ ದೇವತಾನಾಂ ಶ್ರೇಷ್ಠತಾಂ ಗತಾವೇವಮೇವ ಸ್ವಾನಾಂ ಶ್ರೇಷ್ಠತಾಂ ಗಚ್ಛತಿ ಯ ಏವಂ ವೇದ ।
ಇತ್ಯಧಿದೇವತಮಥಾಧ್ಯಾತ್ಮಮ್ ।
ಅಯಮೇವ ಚನ್ದ್ರ ಮಾ । ಅಯಮಾದಿತ್ಯಃ ।
ತದ್ವೇವಮಧ್ಯಾತ್ಮಮುಪಾಸಿತವ್ಯಮ್ ।
ತದ್ವೇವ ಭೃಗುಚಕ್ಷುಷಮ್ ।
ಸ ಯಂ ದ್ವಿಷ್ಯಾತ್ತಂ ಬ್ರೂಯಾದ್ಭೃಗುಚಕ್ಷುಷೇಣ ತ್ವೇಕ್ಷ ಇತಿ ।
ನ ಹೈವ ಭೋಗ್ಯ ಇವ ಭವತಿ ೩೬೮

ಛನ್ದಾಂಸಿ ಯದಯಜನ್ತ ತೇಷಾಂ ಬೃಹತ್ಯೇವೋದಗಾಯತ್ ।
ಅಥ ಯಾವೇತಾ ಉತ್ತರೌ ಪ್ರಗಾಥೌ ತೌ ಪ್ರಸ್ತೋತೃಪ್ರತಿಹರ್ತಾರಾವಾಸ್ತಾಮ್ ।
ಅಮಿತಚ್ಛನ್ದೋ ಗೃಹಪತಿರ್ । ವಿರಾಡ್ಬ್ರಹ್ಮ । ಗಾಯತ್ರೀ ಮೈತ್ರಾವರುಣಾ । ಜಗತೀ ಹೋತಾ । ಪಂಕ್ತಿರಧ್ವರ್ಯುಃ ।
ತಸ್ಯ ಯತ್ಪಞ್ಚಮಂ ಪದಂ ಸ ಪ್ರತಿಪ್ರಸ್ಥಾತಾ ತ್ರಿಷ್ಟುಬ್ಬ್ರಾಹ್ಮಣಾಚ್ಛಂಸ್ಯ್ । ಉಷ್ಣಿಕ್ಕಕುಭೌ ಛನ್ದಸೀ ನೇಷ್ಟಾಪ್ತೋತಾರಾವನುಷ್ಟುಬಚ್ಛಾವಾಕೋ । ದ್ವಿಪದೋನ್ನೇತಾ । ಅಕ್ಷರಪಂಕ್ತಿರ್ಗ್ರಾವಸ್ತುದ್ । ಏಕಪದಾ ಸುಬ್ರಹ್ಮಣ್ಯೋಽತಿಚ್ಛನ್ದಾ ಆಗ್ನೀಧ್ರಃ ।
ಗಾಯತ್ರೇಯಸ್ಸ ಏಷ ಸರ್ವಚ್ಛನ್ದಾ ಯಜ್ಞೋ ಯದ್ದ್ವಾದಶಾಹಃ ।
ಏತೈರ್ಹಿ ಸರ್ವೈಶ್ಛನ್ದೋಭಿರ್ದ್ವಾದಶಾಹಸ್ತಾಯತೇ ।
ಏತಾನ್ಯೇವ ಸರ್ವಾಣಿ ಛನ್ದಾಂಸಿ ದ್ವಾದಶಾಹೇ ಕ್ರಿಯನ್ತೇ ।
ತಸ್ಮಾದ್ಯದೇತೇಷು ಛನ್ದಸ್ಸೂಪಹವಮಿಚ್ಛೇತ । ಅಥರ್ತ್ವಿಕ್ಷೂಪಹವಮಿಚ್ಛೇತ ।
ಯದೋ ಯಜತ ಏತಾನ್ಯೇವ ಛನ್ದಾಂಸಿ ಭೂತೋ ಯಜತೇ ।
ಯದೋ ಯಾಜಯತ್ಯೇತಾನ್ಯೇವ ಛನ್ದಾಂಸಿ ಭೂತೋ ಯಾಜಯತಿ ।
ತಸ್ಯ ಹೈತಸ್ಯ ನೈವ ಕಾ ಚನಾರ್ತಿರಸ್ತಿ ಯ ಏವಂ ವೇದ ।
ಯ ಏವೈನಮುಪವದತಿ ಸ ಆರ್ತಿಮಾರ್ಚ್ಛತಿ ೩೬೯

ತದಾಹುಃ ಕಸ್ಮಿನ್ಸ್ತೋಮೇ ಕಸ್ಮಿಂಶ್ಛನ್ದಸಿ ಕಸ್ಯಾಂ ದೇವತಾಯಾಂ ದ್ವಾದಶಾಹೋಽನ್ತತಃ ಪ್ರತಿಷ್ಠಿತ ಇತಿ ।
ಸ ಬ್ರೂಯಾತ್ತ್ರಿವೃತಿ ಸ್ತೋಮೇ । ಗಾಯತ್ರ್! ಯಾಂ ಛನ್ದಸ್ಯ್ । ಅಗ್ನೌ ದೇವತಾಯಾಂ । ದ್ವಾದಶಾಹೋಽನ್ತತಃ ಪ್ರತಿಷ್ಠಿತ ಇತಿ ।
ತ್ರಿವೃತಾ ಹ್ಯೇವ ಸ್ತೋಮೇನ ಪ್ರಯನ್ತಿ ಗಾಯತ್ರ್! ಯಾ ಛನ್ದಸಾಗ್ನಿನಾ ದೇವತಯಾ ।
ತೈರು ಏವೋದ್ಯನ್ತಿ ।
ತದಾಹುಃ ಕ ಸ್ತೋಮ ಏಕಃ । ಕಿಂ ಛನ್ದ ಏಕಂ । ಕಾ ದೇವತೈಕಾ ದ್ವಾದಶಾಹಂ ವಹತೀತಿ ।
ಸ ಬ್ರೂಯಾತ್ತ್ರಿವೃತ್ಸ್ತೋಮ ಏಕೋ । ಗಾಯತ್ರೀ ಛನ್ದ ಏಕಂ । ವಾಗ್ದೇವತೈಕಾ ದ್ವಾದಶಾಹಂ ವಹತೀತಿ ।
ಸ ಬ್ರೂಯಾತ್ತ್ರಿವೃತ್ಸ್ತೋಮ ಏಕೋ । ಗಾಯತ್ರೀ ಛನ್ದ ಏಕಂ । ವಾಗ್ದೇವತೈಕಾ ದ್ವಾದಶಾಹಂ ವಹತೀತಿ ।
ತ್ರಿವೃತೋ ಹ್ಯೇವ ಸರ್ವೇ ಸ್ತೋಮಾಃ ಪ್ರಜಾತಾ ಗಾಯತ್ರ್! ಯಾಸ್ಸರ್ವಾಣಿ ಛನ್ದಾಂಸಿ ।
ವಾಗ್ದೇವತೈಕಾ ದ್ವಾದಶಾಹಂ ವಹತಿ ।
ತದಾಹುಃ ಕ ಸ್ತೋಮಃ । ಕಿಂ ಛನ್ದಃ । ಕಾ ದೇವತಾ ದ್ವಾದಶಾಹ ಇತಿ ।
ಸ ಬ್ರೂಯಾದೇಕವಿಂಶ ಸ್ತೋಮೋ ವಿರಾಟ್ಛನ್ದ ಆದಿತ್ಯೋ ದೇವತಾ ದ್ವಾದಶಾಹ ಇತಿ ।
ಆದಿತ್ಯೋ ಹ್ಯೇವೈಕವಿಂಶ । ಆದಿತ್ಯೋ ವಿರಾಡ್ । ಆದಿತ್ಯೋ ದೇವತಾ ದ್ವಾದಶಾಹಃ ।
ತದಾಹುರ್ಯತ್ಸಾಮ ದ್ವಾದಶಾಹಸ್ಸ ಸಾಮ ಇದಂ ಸರ್ವಮ್ ।
ಕಸ್ಸಾಮ್ನ ಸ್ತೋಭಃ ಕಿಂ ಪದಂ ಕಿಮಕ್ಷರಮಿತಿ ।
ಸ ಬ್ರೂಯಾದಾದಿತ್ಯ ಏವ ಸಾಮ್ನ ಸ್ತೋಭೋಽನ್ತರಿಕ್ಷಂ ಪದಂ । ವಾಗಕ್ಷರಮಿತಿ ।
ತದಾಹುಃ ಕ ಸ್ತೋಭಸ್ಯ ಸ್ತೋಭಃ । ಕಿಂ ಪದಸ್ಯ ಪದಂ ಕಿಮಕ್ಷರಸ್ಯಾಕ್ಷರಮಿತಿ ।
ಸ ಬ್ರೂಯಾಚ್ಚಕ್ಷುರೇವ ಸ್ತೋಭಸ್ಯ ಸ್ತೋಭೋ । ಮನ ಏವ ಪದಸ್ಯ ಪದಂ । ಪ್ರಾಣ ಏವಾಕ್ಷರಸ್ಯಾಕ್ಷರಮಿತಿ ೩೭೦

ತದಾಹುಃ ಕಥಂ ಸ್ತೋಮಾ ಏಕ ಸ್ತೋಮೋ ಭವತಿ । ಕಥಂ ಛನ್ದಾಂಸ್ಯೇಕಶ್ಛನ್ದೋ ಭವತಿ । ಕಥಮಹಾನ್ಯೇಕಮಹರ್ಭವತಿ । ಅಕ್ಥಂ ರೂಪಾಣ್ಯೇಕಂ ರೂಪಂ ಭವತಿ । ಕಥಂ ಪೃಷ್ಠಾನ್ಯೇಕಂ ಯಜುರ್ಭವತಿ । ಕಥಂ ಸಾಮಾನ್ಯೇಕಂ ಸಾಮ ಭವತಿ । ಕಥಂ ವೇದಾ ಏಕೋ ವೇದೋ ಭವತಿ । ಕಥಮಿದಂ ಸರ್ವಮೇಕಂ ಭೂತ್ವಾ ಕಸ್ಮಿನ್ಪ್ರತಿಷ್ಠಿತಮಿತಿ ।
ಸ ಬ್ರೂಯಾತ್ಸ್ತೋಮ ಇತಿ ಸ್ತೋಮಾ ಏಕಂ ಭವನ್ತಿ । ಛನ್ದ ಇತಿ ಛನ್ದಾಂಸ್ಯೇಕಂ ಭವನ್ತ್ಯ್ । ಅಹರಿತ್ಯಹಾನ್ಯೇಕಂ ಭವನ್ತಿ । ರೂಪಮಿತಿ ರೂಪಾಣ್ಯೇಕಂ ಭವನ್ತಿ । ಪೃಷ್ಠಮಿತಿ ಪೃಷ್ಠಾನ್ಯೇಕಂ ಭವನ್ತಿ । ದೇವತೇತಿ ದೇವತಾ ಏಕಂ ಭವನ್ತ್ಯ್ । ಋಗಿತ್ಯೃಚ ಏಕಂ ಭವ ನ್ತ । ಯಜುರಿತಿ ಯಜೂಂಷ್ಯೇಕಂ ಭವನ್ತಿ । ಸಾಮೇತಿ ಸಾಮಾನ್ಯೇಕಂ ಭವನ್ತಿ । ವೇದ ವೇದಾ ಏಕಂ ಭವನ್ತಿ । ಮನ ಇದಂ ಸರ್ವಮೇಕಂ ಭೂತ್ವಾ ಪ್ರಾಣೇ ಪ್ರತಿಷ್ಠಿತಮಿತಿ ।
ತದಾಹುರ್ಯನ್ಮನ ಇದಂ ಸರ್ವಮೇಕಂ ಭೂತ್ವಾ ಪ್ರಾಣೇ ಪ್ರತಿಷ್ಠಿತಂ ಕಸ್ಮಿನ್ನು ಪ್ರಾಣಃ ಪ್ರತಿಷ್ಠಿತ ಇತಿ ೩೭೧

ಪುರುಷ ಇತಿ ಬ್ರೂಯಾತ್ ।
ಪುರುಷೇ ಹ ವೈ ಪ್ರಾಣಃ ಪ್ರತಿಷ್ಠಿತಃ ।
ಸ ಯೋ ಹ ಸ ಪುರುಷೇ ಯ ಏವಂ ವೇದೈವಂವಿದೋ ಹ ವೈ ಪ್ರಾಣಃ ಪ್ರತಿಷ್ಠಿತಃ ।
ತಸ್ಮಾದು ಹೈವಂ ವಿದ್ವಾನ್ಗುರು ಸ್ಯಾನ್ನ ಹೀದಂ ಸರ್ವಂ ಲಘಯೇದ್ ।
ಅಥೋ ಹ ವಿದ್ಯಾದಹಮೇವೇದಂ ಸರ್ವಮಸ್ಮಿ ಮಯೀದಂ ಸರ್ವಂ ಪ್ರತಿಷ್ಠಿತಮಿತಿ ।
ತಸ್ಯ ಹ ನ ಲೋಕೋ ವ್ಯೃದ್ಧ್ಯತೇ ।
ತದಾಹುಸ್ಸ ವಾದ್ಯ ದ್ವಾದಶಾಹಂ ವಿದ್ಯಾತ್ಸ ವಾ ವೇದೇತಿ ಮನ್ಯೇತ । ಯ ಏನಂ ಸರ್ವಾಸು ದಿಕ್ಷು ಪ್ರತಿಷ್ಠಿತಂ ವಿದ್ಯಾದಿತಿ ।
ದಶ ವೈ ದಿಶಃ ।
ದಶೋ ದ್ವಾದಶಾಹಸ್ಯಾಹಾನಿ ।
ತಸ್ಯೇಮಾವೇವ ಲೋಕೌ ಪ್ರಾಯಣೀಯೋದಯನೀಯಾವಯಮೇವ ಲೋಕಃ ಪ್ರಾಯಣೀಯೋಽಸಾವುದಯನೀಯಃ ।
ತಸ್ಯೇಯಮೇವ ಪ್ರಾಚೀ ದಿಕ್ಪ್ರಥಮಮಹರ್ । ಇಯಂ ದ್ವಿತೀಯಮ್ । ಇಯಂ ತೃತೀಯಮ್ । ಇಯಂ ಚತುರ್ಥಮ್ । ಇಯಂ ಪಞ್ಚಮಮ್ । ಇಯಂ ಷಷ್ಠಮ್ । ಇಯಮೇವಾನ್ತರದಿಕ್ ಸಪ್ತಮಮಹರ್ । ಇಯಮಷ್ಟಮಮ್ । ಇಯಂ ನವಮಮ್ । ಇಯಂ ದಶಮಮ್ ।
ಸ ಏಷ ದ್ವಾದಶಾಹಸ್ಸರ್ವಾಸು ದಿಕ್ಷು ಪ್ರತಿತಿಷ್ಠತಿ । ಸರ್ವೇಷಾಂ ದೇವಾನಾಂ ಸಲೋಕೋ ಭವತಿ ।
ನಾಸ್ಯ ತಸ್ಯ ದೇವಾಶ್ಚ ನೇಶತೇ ಯದೇನಾನ್ಸ ನಾನ್ವಾಗಚ್ಛೇತ್ ।
ದೇವಾನಾಂ ಹ ವೈ ಸ ಏಕೋ ಯ ಏವಂವಿದ್ ।
ಪ್ರಜಾಪತಿರ್ವೈ ದ್ವಾದಶಾಹಃ ।
ತಸ್ಯ ದಿಶ ಏವ ಲೋಕಾಃ ।
ಸ ಏಷ ದ್ವಾದಶಾಹಸ್ಸರ್ವೇಷು ಲೋಕೇಷು ಪ್ರತಿಷ್ಠಿತಃ ।
ಸ ಯ ಏವಮೇತಂ ದ್ವಾದಶಾಹಂ ಸರ್ವೇಷು ಲೋಕೇಷು ಪ್ರತಿಷ್ಠಿತಂ ವೇದ । ಸರ್ವೇಷು ಲೋಕೇಷು ಪ್ರತಿತಿಷ್ಠತಿ ।
ಸ ಏಷ ವಾವ ದ್ವಾದಶಾಹೋ ಯ ಏಷ ತಪತ್ಯ್ । ಏಷ ಇನ್ದ್ರ । ಏಷ ಪ್ರಜಾಪತಿರ್ । ಏಷ ಏವೇದಂ ಸರ್ವಮ್ ।
ತದೇತತ್ಕೃತೇ ಬ್ರಹ್ಮಾಧ್ಯಾಹಿತಂ ತಪತಿ ೩೭೨

ಕ್ಷತ್ರಂ ಚ ರಾಷ್ಟ್ರಂ ಚರ್ತಂ ಚ ಸತ್ಯಂ ಚ ತಾನ್ಯವಸ್ತಾತ್ತಪಶ್ಚ ತೇಜಶ್ಚ ಸ್ವಧಾ ಚಾಮೃತಂ ಚ ತಾನ್ಯು ಪರಸ್ತಾತ್ ।
ತದ್ಯದತ್ರ ಕ್ಷತ್ರಮಿನ್ದ್ರೋ ವಾ ವರುಣೋ ವಾ ಸೋಮೋ ವಾ ರಾಜಾ ತತ್ತತ್ ।
ಅಥ ಯದ್ರಾ ಷ್ಟ್ರಂ ಯದ್ದೇವವಿಶೋ ಮರುತಸ್ತತ್ತತ್ ।
ಋತಂ ರಾತ್ರಿಃ ।
ಸತ್ಯಂ ತದಹಃ ।
ತಪೋ ವಿದ್ಯುತ್ ।
ತೇಜೋ ಯೋ ವಿದ್ಯುತೋಽಶನಿಃ ಪತತಿ ತತ್ತತ್ ।
ಸ್ವಧಾ ವೃಷ್ಟಿಃ ।
ಅನ್ನಂ ತದಮೃತಮ್ ।
ತಸ್ಯೈಷ ಶ್ಲೋಕಃ
ಕ್ಷತ್ರಂ ರಾಷ್ಟ್ರಮೃತಂ ಸತ್ಯಂ ಬ್ರಹ್ಮಣೋ ನಿಹಿತಾವರಾಃ ।
ತಪಸ್ತೇಜ ಸ್ವಧಾಮೃತಂ ತ ಊರ್ಧ್ವಾಸು ಆಸತೇ । ಮಧ್ಯೇ ಬ್ರಹ್ಮ ವಿರಾಜತಿ ಇತಿ ।
ಏತದು ಹೈತನ್ಮಧ್ಯೇ ಬ್ರಹ್ಮ ವಿರಾಜತಿ ।
ಯ ಉ ಏವಂವಿದಸ್ತ ಊರ್ಧ್ವಾಸ ಆಸತೇ ।
ಸ ಯಥಾ ಕ್ಷತ್ರಿಯಃ ಪ್ರತಿನಿಹಿತ ಸ್ಯಾದೇವಮೇವೈತದ್ಬ್ರಹ್ಮ ಪ್ರತಿನಿಹಿತಮನತ್ಯಯನಾಯ ೩೭೩

ದೇವಾ ಯದಯಜನ್ತ ತೇಷಾಂ ಬೃಹಸ್ಪತಿರೇವೋದ್ಗಾಯತ್ ।
ಗೌಶ್ಚಾಯಾಸ್ಯಶ್ಚ ಪ್ರಸ್ತೋತೃಪ್ರತಿಹರ್ತಾರಾವಾಸ್ತಾಮ್ ।
ಪ್ರಜಾಪತಿರೇವ ಗೃಹಪತಿರಾಸೀತ್ ।
ಇನ್ದ್ರ ಏವ ಬ್ರಹ್ಮಾಸೀತ್ ।
ಸ ಬ್ರಾಹ್ಮಣಾದಶಂಸತ್ ।
ಮಿತ್ರಾವರುಣಾವೇವ ಮೈತ್ರಾವರುಣಾವಾಸ್ತಾಮ್ ।
ಅಗ್ನಿರೇವ ಹೋತಾಸೀತ್ ।
ಸ ಆಗ್ನೀಧ್ರಮಕರೋದ್ । ಅಶ್ವಿನಾವಧ್ವರ್ಯೂ । ಮರುತೋ ನೇಷ್ಟಾಪೋತಾರೌ ವಿಶ್ವೇ ದೇವಾ ಅಚ್ಛಾವಾಕೋಽರ್ಬುದೋ ಗ್ರಾವಸ್ತುತ್ ।
ವಿಷ್ಣುರ್ವಾ ಯಜ್ಞಮಭ್ಯಷ್ಟೌತ್ ।
ಸೋಮ ಉನ್ನೇತಾ । ಬ್ರಹ್ಮೈವ ಸುಬ್ರಹ್ಮಣ್ಯಾಮಾಹ್ವಯದ್ವಾ ಗಾಯತ್ರೇಯಃ ।
ಸ ಏಷ ಸರ್ವದೇವತಾಯಜ್ಞೋ ಯದ್ದ್ವಾದಶಾಹಃ ।
ಏತಾಭಿರ್ಹ ಸರ್ವಾಭಿರ್ದೇವತಾಭಿರ್ದ್ವಾದಶಾಹಸ್ತಾಯತೇ ।
ಏತಾ ಹಿ ಸರ್ವಾ ದೇವತಾ ದ್ವಾದಶಾಹೇ ಕ್ರಿಯನ್ತೇ ।
ತಸ್ಮಾದ್ಯದೇತಾಸು ದೇವತಾಸೂಪಹವಮಿಚ್ಛೇತಾಥರ್ತ್ವಿಕ್ಷೂಪಹವಮಿಚ್ಛೇತ ।
ಯದೋ ಯಜತ ಏತಾ ಏವ ದೇವತಾ ಭೂತೋ ಯಜತೇ । ಯದೋ ಯಾಜಯತ್ಯೇತಾ ಏವ ದೇವತಾ ಭೂತೋ ಯಾಜಯತಿ ।
ತಸ್ಯ ಹೈತಸ್ಯ ನೈವ ಕಾ ಚನಾರ್ತಿರಸ್ತಿ ಯ ಏವಂ ವೇದ ।
ಯ ಏವೈನಮುಪವದತಿ ಸ ಆರ್ತಿಮಾರ್ಚ್ಛತಿ ೩೭೪

ತದಾಹುರ್ಯದನ್ಯಾನಿ ಸತ್ರಾಣಿ ರಾತ್ರಿಭಿರಾಖ್ಯಾಯನ್ತೇಽಥ ಕಸ್ಮಾದ್ದ್ವಾದಶಾಹೋಽಹೋಭಿರಾಖ್ಯಾಯತ ಇತಿ ।
ಸ ಬ್ರೂಯಾದ್ವಿಶ್ವೇ ವೈ ದೇವಾಃ ಪಿತರಂ ಪ್ರಜಾಪತಿಮುಪೇತ್ಯಾಬ್ರುವನ್ಕಿಯಾನ್ಸ್ವಿದ್ಭವಾನಿತಿ ।
ಸೋಽಬ್ರವೀದ್ದ್ವಾದಶಾಹಮಸ್ಮೀತಿ ।
ಯದಬ್ರವೀದ್ದ್ವಾದಶಾಹಮಸ್ಮೀತಿ ತದ್ದ್ವಾದಶಾಹಸ್ಯ ದ್ವಾದಶಾಹತ್ವಮ್ ।
ಏಷ ಹ ವಾವ ಸಂವತ್ಸರಃ ಪ್ರಜಾಪತಿರಾಸ ।
ಏತಾನೇವ ತದ್ದ್ವಾದಶ ಮಾಸ ಉವಾಚ ದ್ವಾದಶಾಹಮಸ್ಮೀತಿ ।
ತದಾಹುಃ ಕಿಂ ದ್ವಾಃ ಕಿಂ ದಶ ಕಿಮಹರಿತಿ ।
ಸ ಬ್ರೂಯಾದಾದಿತ್ಯ ಏವ ದ್ವಾರಾದಿತ್ಯೋ ದಶಾದಿತ್ಯೋಽಹರಿತಿ ।
ಸ ಯದಾದಿತ್ಯ ಏವ ದ್ವಾರಿತ್ಯೇಷ ಹ್ಯೇವ ಸ್ವರ್ಗಸ್ಯ ಲೋಕಸ್ಯ ದ್ವಾರಮ್ ।
ಅಥ ಯದಾದಿತ್ಯೋ ದಶೇತ್ಯೇಷ ಹ್ಯೇವಾಸು ದಶಸು ದಿಕ್ಷು ತಪತಿ ।
ಅಥ ಯದಾದಿತ್ಯೋಽಹರಿತ್ಯೇಷ ಹ್ಯೇವಾಹಃ ।
ತದಾಹುರ್ಯಾಜಯಿತವ್ಯಂ ದ್ವಾದಶಾಹೇನಾ೩ ನಾ೩ ಇತಿ ।
ನೇತಿ ಬ್ರೂಯಾತ್ ೩೭೫

ಆಪ್ನೋತಿ ವಾ ಏಷ ಸ್ತೋಮಾನ್ । ಆಪ್ನೋತಿ ಛನ್ದಾಂಸ್ಯ್ । ಆಪ್ನೋತಿ ದೇವಾನ್ । ಆಪ್ನೋತಿ ಲೋಕಾನಾಪ್ನೋತಿ ಕಾಮಾನ್ಯೋ ದ್ವಾದಶಾಹೇನ ಯಾಜಯತಿ ।
ಸ ಉ ದುಗ್ಛ ಆಭಿರಲೋಕೋ ಭವತಿ ।
ಅಥೋ ಯೇ ಚ ವಿಜಾನನ್ತಿ ಯೇ ಚ ನ ತ ಏನಂ ಮನ್ಯನ್ತೇ ಕೃತಂ ಕರೋತೀತಿ ।
ತಸ್ಮಾದ್ದ್ವಾದಶಾಹೇನ ನೈವ ಯಾಜಯೇತ್ತದು ವಾ ಆಹುರ್ಯಾಜಯಿತವ್ಯಮೇವ ।
ಪ್ರಜಾಪತಿರ್ವೈ ವಾದಶಾಹಃ । ಪ್ರಜಾಪತಿರುದ್ಗಾತಾ । ಪ್ರಜಾಪತಿರ್ಯಜಮಾನಃ ।
ಸಮಾನೀ ವೈ ದೇವತೋದ್ಗಾತಾ ಚ ಯಜಮಾನಶ್ಚ ।
ಸಮಾನೀಮ್ವಾ ಏತಾವೃದ್ಧಿಮೃಧ್ನುತಸ್ । ಸಮಾನಂ ಲೋಕಂ ಜಯತ । ಸಮಾನ್ಯಾಂ ದೇವತಾಯಾಂ ಪ್ರತಿತಿಷ್ಠತಃ ।
ಅಥೋ ಯಜ್ಞೋ ವೈ ಯಜಮಾನೋ । ಬ್ರಹ್ಮೋದ್ಗಾತಾ ।
ಯಜ್ಞ ಏವ ತತ್ಪ್ರತಿಷ್ಠಾಯ ಬ್ರಹ್ಮಣಸ್ಸಲೋಕತಾಂ ಜಯತಿ ।
ಸಲೋಕಿತರೋ ಯಜಮಾನಾದ್ಭವತಿ ।
ತದಾಹುರ್ಯದೇಕೈವೇದಂ ದೇವತಾ ಸರ್ವಮಭವದ್ದ್ವಾದಶಾಹ ಏವ । ಕತಮಾ ಸಾ ದೇವತೇತಿ ೩೭೬

ಪ್ರಾಣ ಇತಿ ಬ್ರೂಯಾತ್ ।
ಪ್ರಾಣೋ ವಾ ಇದಂ ಸರ್ವಮಭವತ್ ।
ಸ ಯದ್ದ್ವಾರಿತ್ಯೇತದ್ಧ್ಯೇವೇದಂ ಸರ್ವಂ ದ್ವಾರಮುಪಜೀವತಿ ।
ಅಥ ಯದ್ದಾ ಇತ್ಯೇಷ ಹೀದಂ ಸರ್ವಂ ದದಾತಿ ।
ಅಥ ಯಚ್ಛಾ ಇತ್ಯೇಷ ಹೀದಂ ಸರ್ವಂ ಶಂ ಸ್ಪೃಶತಿ ।
ಅಥ ಯದ್ಧಾ ಇತ್ಯೇಷ ಹೀದಂ ಸರ್ವಂ ಹರತಿ ।
ಸ ಯ ಏತದೇವಂ ವೇದ ಯದಿ ಚ ಹ ಸಾಧು ಕರೋತಿ ಯದಿ ಚ ನ । ಅಥ ಹಾಸ್ಯ ಸಾಧ್ವೇವ ಕೃತಂ ಭವತಿ ।
ಅಥೋ ಹ ವಿದ್ಯಾತ್ಸಾಧ್ವೇವಾಹಂ ಕರೋಮಿ । ನಾಸಾಧು ।
ಯಸ್ಸಾಧುಕೃತೋ ಲೋಕಸ್ಸ ಮೇ ಲೋಕ ಇತಿ ।
ತಸ್ಯ ಹ ಸ ಏವ ಲೋಕೋ ಭವತಿ ।
ಸರ್ವಸ್ಯ ಹ ವಾ ಅನ್ಯಸ್ಯ ಲೋಕೋ ಜೀರ್ಯತಿ ।
ಏವಂವಿದೋ ಹೈವ ಲೋಕೋ ನ ಜೀರ್ಯತಿ ।
ಸೈಷಾ ಪ್ರಣೇತಾ ದೇವತಾ ।
ಏಷಾ ಹೀದಂ ದೇವತಾ ಸರ್ವಂ ಪ್ರಾಣಯತ ।
ತದ್ಯತ್ಪ್ರಾಣಯತ ತಸ್ಮಾತ್ಪ್ರಾಣಃ ।
ಸ ಯದಸ್ಮಾಲ್ಲೋಕಾದೇವಂವಿತ್ಪ್ರೈತ್ಯೇಷಾ ಹೈವೈನಂ ದೇವತಾದಾಯೋತ್ಪತತಿ ।
ಸೈನಂ ತಂ ಲೋಕಂ ಗಮಯತಿ । ಯ ಏತಸ್ಯೈ । ಯತಃ ಪರಂ ನಾಸ್ತಿ ।
ತದಾಹುಃ ಸ ವಾದ್ಯ ದ್ವಾದಶಾಹೇನ ಯಜೇತ ಸ ವಾ ದ್ವಾದಶಾಹೇನ ಯಾಜಯೇದ್ । ಯ ಏತಮಾದಿತ್ಯೇ ಪ್ರತಿಷ್ಠಿತಂ ವಿದ್ಯಾದಿತ್ಯಾದಿತ್ಯೋ ವೈ ದ್ವಾದಶಾಹಸ್ತಸ್ಯಾಹೋರಾತ್ರಾವೇವ ಪ್ರಾಯಣೀಯೋದಯನೀಯೌ ।
ಅಹರೇವ ಪ್ರಾಯಣೀಯೋ । ರಾತ್ರಿರುದಯನೀಯಃ ।
ತಸ್ಯ ಯೇ ಪ್ರಾಞ್ಚೋ ರಶ್ಮಯಸ್ತತ್ಪ್ರಥಮಮಹಃ ೩೭೭

ಯೇ ದಕ್ಷಿಣಾಸ್ತದ್ದ್ವಿತೀಯಂ । ಯೇ ಪ್ರತ್ಯಞ್ಚಸ್ತತ್ತೃತೀಯಂ । ಯ ಉದಞ್ಚಸ್ತಚ್ಚತುರ್ಥಂ । ಯ ಊರ್ಧ್ವಾಸ್ತತ್ಪಞ್ಚಮಂ । ಯ ಅರ್ವಾಞ್ಚಸ್ತತ್ಷಷ್ಠಂ । ಯದೇವ ಭಾತಿ ತತ್ಸಪ್ತಮಂ । ಯತ್ತಪತಿ ತದಷ್ಟಮಂ । ಯದೇವ ತಾಮ್ರಮಿವ ತನ್ನವಮಂ । ಮಣ್ಡಲಮೇವ ದಶಮಮಹಃ ।
ಸ ಏಷ ದ್ವಾದಶಾಹ ಆದಿತ್ಯೇ ಪ್ರತಿಷ್ಠಿತಃ ।
ಸ ಯ ಏವಮೇತಂ ದ್ವಾದಶಾಹಮಾದಿತ್ಯೇ ಪ್ರತಿಷ್ಠಿತಂ ವೇದ ಪ್ರತ್ಯಾದಿತ್ಯೇ ತಿಷ್ಠತಿ । ಸರ್ವಮಾಯುರೇತ್ಯ್ । ಅಪ ಪಾಪ್ಮಾನಂ ಹತೇ । ಗಚ್ಛತಿ ಸ್ವರ್ಗಂ ಲೋಕಂ ಯ ಏವಂ ವೇದ ।
ಇತ್ಯಧಿದೇವತಮ್ ।
ಅಥಾಧ್ಯಾತ್ಮಮ್ ।
ಅಯಮೇವ ದ್ವಾದಶಾಹೋ ಯೋಽಯಂ ಚಕ್ಷುಷಿ ಪುರುಷಃ ।
ತಸ್ಯ ಪಕ್ಷ್ಮಾಣ್ಯೇವ ಪ್ರಾಯಣೀಯೋದಯನೀಯೌ ಯಾನ್ಯರ್ವಾಞ್ಚಿ ಪಕ್ಷಮಾಣಿ ಸ ಪ್ರಾಯಣೀಯೋ । ಯಾನ್ಯೂರ್ಧ್ವಾನಿ ಸ ಉದಯನೀಯಃ ।
ತಸ್ಯಾಧರೈವ ವರ್ತನೀ ಪ್ರಥಮಮಹಃ ೩೭೮

ಉತ್ತರಾ ದ್ವಿತೀಯಂ । ಸಮಮೇಷಸ್ತೃತೀಯಂ । ಶುಕ್ಲಂ ಚತುರ್ಥಂ । ಕೃಷ್ಣಂ ಪಞ್ಚಮಂ । ಕನೀನಿಕಾ ಷಷ್ಠಮ್ ।
ಯ ಏವೈಷ ಪುರುಷಸ್ತಸ್ಯ ಯೇ ಪ್ರಾಣಾಸ್ತಾನ್ಯುತ್ತರಾಣ್ಯಹಾನಿ ।
ಪ್ರಾಣ ಏವ ಸಪ್ತಮಮಹಶ್ । ಚಕ್ಷುರಷ್ಟಮಂ । ಶ್ರೋತ್ರಂ ನವಮಂ । ವಾಗೇವ ದಶಮಮಹಃ ।
ಸ ಯದ್ದ್ವಾಚಿತಿ ದ್ವಾವೇವ ಹೇಮೌ ಪುರುಷೋ ದೃಶ್ಯೇತೇ ।
ಅಥ ಯದ್ದಾ ಇತ್ಯೇಷ ಹೀದಂ ಸರ್ವಂ ದತ್ತೇ ।
ಅಥ ಯಚ್ಛಾ ಇತ್ಯೇಷ ಹೀದಂ ಸರ್ವಂ ಶಂ ಸ್ಪೃಶತಿ ।
ಅಥ ಯದ್ಧಾ ಇತ್ಯೇಷ ಹೀದಂ ಸರ್ವಂ ದತ್ತೇ ।
ಅಥ ಯಚ್ಛಾ ಇತ್ಯೇಷ ಹೀದಂ ಸರ್ವಂ ಶಂ ಸ್ಪೃಶತಿ ।
ಅಥ ಯದ್ಧಾ ಇತ್ಯೇಷ ಹೀದಂ ಸರ್ವಂ ಹರತಿ ।
ಸ ಏಷ ಏವೋಕ್ಥ್ಯಮ್ ।
ಏಷ ಹೀದಂ ಸರ್ವಮುತ್ಥಾಪಯತೀವ ।
ತಸ್ಮಾದೇಷ ಏವೋಕ್ಥಮ್ ।
ಸ ಏಷ ಏವೋಕ್ಥ್ಯಮ್ ।
ಏಷ ಹೀದಂ ಸರ್ವಂ ಶಂ ಸ್ಪೃಶತಿ ।
ಅಥ ಯದ್ಧಾ ಇತ್ಯೇಷ ಹೀದಂ ಸರ್ವಂ ಹರತಿ ।
ಸ ಏಷ ಏವೋಕ್ಥ್ಯಮ್ ।
ಏಷ ಹೀದಂ ಸರ್ವಮುತ್ಥಾಪಯತೀವ ।
ತಸ್ಮಾದೇಷ ಏವೋಕ್ಥಮ್ ।
ಸ ಏಷ ಏವರ್ಕ್ ।
ಊರ್ಘ ವೈ ನಾಮೈಷ ।
ತಮೃಗಿತಿ ಪರೋಕ್ಷಮಾಚಕ್ಷತೇ ।
ತಸ್ಮಾದೇಷ ಏವೋಕ್ಥಮ್ ।
ಸ ಏಷ ಏವ ಯಜುಃ ।
ಏಷ ಹೀದಂ ಸರ್ವಂ ಜರಯತೀವ ।
ತಸ್ಮಾದೇಷ ಏವ ಯಜುಃ ।
ಸ ಏಷ ಏವ ಸಾಮ ।
ಏತಂ ಹ ತಂ ಹೀದಂ ಸರ್ವಂ ಸಮೇತಮ್ ।
ತಸ್ಮಾದೇಷ ಏವ ಸಾಮ ।
ಸ ಏಷ ಏವೋದ್ಗೀಥಃ ।
ಸ ಯದುದಿತ್ಯೇತೇನ ಹೀದಂ ಸರ್ವಮುತ್ತಬ್ಧಮ್ ।
ಅಥ ಯದ್ಗೀತ್ಯೇಷ ಹೀದಂ ಸರ್ವಂ ಗಿರತಿ ।
ಅಥ ಯತ್ಥ ಇತ್ಯನ್ನಮೇವಾಸ್ಯೈತತ್ ।
ತಸ್ಮಾದೇಷ ಏವೋದ್ಗೀಥಃ ।
ಸ ಏಷ ಏವ ಬ್ರಹ್ಮ ।
ಏಷ ಹೀದಂ ಸರ್ವಂ ಜರಯತೀವ ।
ತಸ್ಮಾದೇಷ ಏವ ಯಜುಃ ।
ಸ ಏಷ ಏವ ಸಾಮ ।
ಏತಂ ಹ ತಂ ಹೀದಂ ಸರ್ವಂ ಸಮೇತಮ್ ।
ತಸ್ಮಾದೇಷ ಏವ ಸಾಮ ।
ಸ ಏಷ ಏವೋದ್ಗೀಥಃ ।
ಸ ಯದುದಿತ್ಯೇತೇನ ಹೀದಂ ಸರ್ವಮುತ್ತಬ್ಧಮ್ ।
ಅಥ ಯದ್ಗೀತ್ಯೇಷ ಹೀದಂ ಸರ್ವಂ ಗಿರತಿ ।
ಅಥ ಯತ್ಥ ಇತ್ಯನ್ನಮೇವಾಸ್ಯೈತತ್ ।
ತಸ್ಮಾದೇಷ ಏವೋದ್ಗೀಥಃ ।
ಸ ಏಷ ಏವ ಬ್ರಹ್ಮ ।
ಏಷ ಹೀದಂ ಸರ್ವಂ ಬಿಭರ್ತಿ ।
ತಸ್ಮಾದೇಷ ಏವ ಬ್ರಹ್ಮ ।
ಭರ್ಮ ಹ ವೈ ನಾಮೈಷಃ ।
ತದ್ಬ್ರಹ್ಮೇತಿ ಪರೋಕ್ಷಮಾಚಕ್ಷತೇ ।
ಬಿಭರ್ತಿ ಹೈನಮೇಷಾ ದೇವತಾಸ್ಮಿಂಶ್ಚ ಲೋಕೇಽಮುಷ್ಮಿಂಶ್ಚ ಯ ಏವಂ ವೇದ ।
ಸ ಯ ಏವಮೇತಂ ದ್ವಾದಶಾಹಮಧಿದೇವತಮಧಿಸೂರ್ಯಮಧಿಪುರುಷಮಧ್ಯಾತ್ಮನ್ಪ್ರತಿಷ್ಠಿತಂ ವೇದ ಪ್ರತ್ಯಾದಿತ್ಯೇ ತಿಷ್ಠತಿ । ಸರ್ವೇ ಹಾಸ್ಮೈ ವೇದಾಸ್ಸರ್ವೇ ದೇವಾಸ್ಸರ್ವೇ ಲೋಕಾಃ ಕಾಮಾನ್ದುಹ್ರೇ ।
ಅತೀತ್ಯ ದೇವಾನ್ಬ್ರಹ್ಮಣಸ್ಸಲೋಕತಾಂ ಜಯತಿ ।
ಸ ಏಷ ಏವೋಕ್ಥಮೇಷ ಋಗೇಷ ಯಜುರೇಷ ಸಾಮೈಷ ಉದ್ಗೀಥ ಏಷ ಬ್ರಹ್ಮೈಷ ಏವೇದಂ ಸರ್ವಮಿತ್ಯುಪಾಸಿತವ್ಯಮ್ ೩೭೯

ಇದಮೇವೇದಮಗ್ರೇಽನ್ತರಿಕ್ಷಮಾಸೀತ್ ।
ತದ್ವೇವಾಪ್ಯೇತರ್ಹಿ ।
ತದೇತದ್ವಿತಾನಂ ಯದಿಮಾಁ ಲ್ಲೋಕಾನ್ವ್ಯಾಪ್ತಮ್ ।
ತಸ್ಮಾದ್ದ್ವಿ ನಾಮ ।
ತದಕಾಮಯತ ಸ್ಯಾಂ ಪ್ರಜಾಯೇಯ ಭೂಮಾನಂ ಗಚ್ಛೇಯಮಿತಿ ।
ತತ್ತಪೋಽತಪ್ಯತ ।
ತತ್ತಪ್ಯಮಾನಮದ್ಯೋತತ ।
ವೀವ ವಾ ಇದಮದ್ಯುತದಿತಿ ।
ಸೈಷಾ ವಿದ್ಯುದಭವತ್ ।
ಏಷೋಽರ್ಚಿರೇತಜ್ಜ್ಯೋತಿಃ ।
ವಿದ್ಯುದ್ಭೂತ್ವಾತಪ್ಯತ ।
ತತ ಸ್ತನಯಿತ್ನುರಜಾಯತ ।
ತಸ್ಮಾದ್ಯದಾ ವಿದ್ಯೋತತೇಽಥ ಸ್ತನಯತಿ ।
ಸ್ತನಯಿತ್ನುರ್ಭೂತ್ವಾತಪ್ಯತ ।
ತತೋ ವೃಷ್ಟಿರಜಾಯತ ।
ತಸ್ಮಾದ್ಯದಾ ಸ್ತನಯತ್ಯಥ ವರ್ಷತಿ ।
ತದಿದಮಾಪೋ ಮಹತ್ಸಲಿಲಮಾಸೀತ್ ।
ಯದ್ಧ ವಾ ಇದಮಾಹುರಾಪೋ ವಾ ಇದಮಗ್ರೇ ಮಹತ್ಸಲಿಲಮಾಸೀದಿತ್ಯೇತಾಸ್ತಾ ಆಪಃ ।
ಆಪೋ ಭೂತ್ವಾತಪ್ಯತ ।
ತತೋಽನ್ನಮಜಾಯತ ।
ಅನ್ನಂ ಭೂತ್ವಾತಪ್ಯತ ।
ತತೋಽನ್ನಮಯಃ ಪುರುಷೋಽಜಾಯತ ಪ್ರಜಾನಾಂ ಜನಯಿತಾ ।
ಸ ಆಸ್ವಪ್ಸ್ವನ್ತರ್ಭೂರ್ಭುವ ಸ್ವರಿತಿ ವ್ಯಾಹರತ್ ।
ತ ಏವೇಮೇ ಲೋಕಾ ಅಭವನ್ ।
ತದ್ದಿಶೋಽನ್ವಸೃಜ್ಯನ್ತ ।
ಅಥ ಯತ್ಕರಜ್ಜನದ್ವೃಧದಿತಿ ವ್ಯಾಹರತ್ತ ಏವೈತೇ ಲೋಕಾ ಅಭವನ್ ।
ತದೃತವೋಽನ್ವಸೃಜ್ಯನ್ತ ।
ಸೋಽಬ್ರವೀದಿಮಾ ವೈ ಮೇ ಸದಭೂದಿತಿ ।
ತ ಏವ ಮಾಸಾ ಅಭವನ್ ।
ತದೃತವೋಽನ್ವಸೃಜ್ಯನ್ತ ।
ಸೋಽಬ್ರವೀದಿಮಾ ವೈ ಮೇ ಸದಭೂದಿತಿ ।
ತ ಏವ ಮಾಸಾ ಅಭವನ್ ।
ಋದ್ಧಿಷ್ವಾ ಇತಿ ತೇಽರ್ಧಮಾಸಾಃ ।
ಅಹಮರಾತ್ಸಮೋಷಮಿತಿ ಯದಹಮಿತಿ ತಾನ್ಯಹಾನ್ಯಭವನ್ ।
ಯದರಾತ್ಸಮಿತಿ ತಾ ರಾತ್ರಯೋ । ಯದೋಷಮಿತಿ ತಾ ಉಷಸಃ ।
ಸ ಯಾಂ ಜಾಯಮಾನೋ ವಾಚಮವದತ್ಸ ಏವ ತ್ರಯೋ ದೇವೋಽಭವತ್ ।
ಯದ್ಧೈವೈಷಾಗ್ರೇ ಕಿಂ ಚ ದೇವತಾ ಜಾಯಮಾನೋವಾದ ತದು ಹ ಬ್ರಹ್ಮೈವ ಬಭೂವ ।
ಸ ಷಕ್ಷತ ಯಮಿಮಂ ತ್ರಯಂ ವೇದಮಸೃಕ್ಷಿ ಹನ್ತಾಸ್ಮಾತ್ಸೃಜಾ ಇತಿ ೩೮೦

ತ್ರಿವೃತಾ ಸ್ತೋಮೇನ ಗಾಯತ್ರೀಮಭ್ಯಕ್ರನ್ದತ್ ।
ತತೋ ವಸೂನಸೃಜತಾಗ್ನಿಮುಖಾನ್ ।
ಪಞ್ಚದಶೇನ ಸ್ತೋಮೇನ ತ್ರಿಷ್ಟುಭಮಭ್ಯಕ್ರನ್ದತ್ ।
ತತೋ ರುದ್ರಾ ನಸೃಜತೇನ್ದ್ರ ಮುಖಾನ್ ।
ಸಪ್ತದಶೇನ ಸ್ತೋಮೇನ ಜಗತೀಮಭ್ಯಕ್ರನ್ದತ್ ।
ತತ ಆದಿತ್ಯಾನಸೃಜತ ವರುಣಮುಖಾನ್ ।
ಏಕವಿಂಶೇನ ಸ್ತೋಮೇನಾನುಷ್ಟುಭಮಭ್ಯಕ್ರನ್ದತ್ ।
ತತೋ ವಿಶ್ವಾನ್ದೇವಾನಸೃಜತ ವಿಷ್ಣುಮುಖಾನ್ ।
ತ್ರಿಣವೇನ ಸ್ತೋಮೇನ ಪಂಕ್ತಿಮಭ್ಯಕ್ರನ್ದತ್ ।
ತತೋ ಮರುತೋಽಸೃಜತೇಶಾನಮುಖಾನ್ ।
ತ್ರಯಸ್ತ್ರಿಂಶೇನ ಸ್ತೋಮೇನಾತಿಛನ್ದಸಮಭ್ಯಕ್ರನ್ದತ್ ।
ತತಸ್ಸಾಧ್ಯಾಂಶ್ಚಾಪ್ತ್ಯಾಂಶ್ಚಾಸೃಜತ ಸವಿತೃಮುಖಾನ್ ।
ಪಞ್ಚವಿಂಶೇನ ಸ್ತೋಮೇನ ಬೃಹತೀಮಭ್ಯಕ್ರನ್ದತ್ ।
ತತೋ ಗನ್ಧರ್ವಾನಸೃಜತ ಮಿತ್ರಮುಖಾನ್ ।
ವಿರಾಜಮಭ್ಯಕ್ರನ್ದತ್ ।
ತತೋಽಪ್ಸರಸೋಽಸೃಜತ ತ್ವಷ್ಟೃಮುಖಾಃ ।
ಕಕುಭಮಭ್ಯಕ್ರನ್ದತ್ ।
ತತಸ್ಸರ್ಪಾನಸೃಜತಾಙ್ಗಿರಸೋಮುಖಾನ್ ।
ಉಷ್ಣಿಹಮಭ್ಯಕ್ರನ್ದತ್ ।
ತತೋಽಙ್ಗಿರಸೋಽಸೃಜತಾಥರ್ವಮುಖಾನ್ ।
ಅಕ್ಷರಪಂಕ್ತಿಮಭ್ಯಕ್ರನ್ದತ್ ।
ತತೋಽಸುರಾನಸೃಜತಾಸಿತಮುಖಾನ್ ।
ವಿಷ್ಟಾರಪಂಕ್ರಿಮಭ್ಯಕ್ರನ್ದತ್ ।
ತತಃ ಪಿತೄನಸೃಜತ ಯಮಮುಖಾನ್ ।
ದ್ವಿಪದಾಮಭ್ಯಕ್ರನ್ದತ್ ।
ತತೋ ಮನುಷ್ಯಾನಸೃಜತ ಮೃತ್ಯುಮುಖಾನ್ ।
ಏಕಪದಾಮಭ್ಯಕ್ರನ್ದತ್ ।
ತತೋ ವಯಾಂಸ್ಯಸೃಜತ ಮೃತ್ಯುಮುಖಾನ್ಯು ಏವ ।
ಅಮಿತಚ್ಛನ್ದೋಽಭ್ಯಕ್ರನ್ದತ್ ।
ತತಃ ಪಶೂನಸೃಜತ ಧಾತೃಮುಖಾನ್ ।
ಸ ಇದಂ ಸರ್ವಂ ಸೃಷ್ಟ್ವೋರ್ಧ್ವ ಉದಕ್ರಾಮತ್ ।
ಸೋಽಗಚ್ಛದ್ಯತ್ರೈನಮೇತದುಪರಿ ವೇದಯನ್ತೇ ೩೮೧

ತಮಸ್ಯಾಂ ಪ್ರಾಚ್ಯಾಂ ದಿಶಿ ವಸವೋಽನ್ವೈಚ್ಛನ್ನಗ್ನಿಮುಖಾಃ ।
ತೇಽನ್ವವಿನ್ದನ್ಯದರ್ಚಿಷೋ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಸ್ಯಾಂ ದಕ್ಷಿಣಾಯಾಂ ದಿಶಿ ರುದ್ರಾ ಅನ್ವೈಚ್ಛನ್ನಿನ್ದ್ರ ಮುಖಾಃ ।
ತೇಽನ್ವವಿನ್ದನ್ಯದಾದಿತ್ಯಸ್ಯ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಸ್ಯಾಂ ಪ್ರತೀಚ್ಯಾಂ ದಿಶ್ಯಾದಿತ್ಯಾ ಅನ್ವೈಚ್ಛನ್ವರುಣಮುಖಾಃ ।
ತೇಽನ್ವವಿನ್ದನ್ಯಚ್ಚನ್ದ್ರ ಮಸೋ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಸ್ಯಾಮುದೀಚ್ಯಾಂ ದಿಶಿ ವಿಶ್ವೇ ದೇವಾ ಅನ್ವೈಚ್ಛನ್ವಿಷ್ಣುಮುಖಾಃ ।
ತೇಽನ್ವವಿನ್ದನ್ಯದ್ವಿದ್ಯುತೋ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಸ್ಯಾಮೂರ್ಧ್ವಾಯಾಂ ದಿಶಿ ಮರುತೋಽನ್ವೈಚ್ಛನ್ನೀಶಾನಮುಖಾಃ ।
ತೇಽನ್ವವಿನ್ದನ್ಯತ್ಶ್ರೇತಂ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮೇತಸ್ಮಿನ್ಪರ್ಲೋಕೇ ಸಾಧ್ಯಾಶ್ಚಾಪ್ತ್ಯಾಶ್ಚಾನ್ವೈಚ್ಛನ್ಸವಿತೃಮುಖಾಃ ।
ತೇಽನ್ವವಿನ್ದನ್ಯತ್ಕೃಷ್ಣಂ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಸ್ಮಿನ್ನೇವಾನ್ತರದೇಶೇ ಗನ್ಧರ್ವಾ ಅನ್ವೈಚ್ಛನ್ಮಿತ್ರಮುಖಾಃ ।
ತೇಽನ್ವವಿನ್ದನ್ಯನ್ಮಧುನೋ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಙ್ಗಿರಸೋಽನ್ವೈಚ್ಛನ್ನಥರ್ವಮುಖಾಃ ।
ತೇಽನ್ವವಿನ್ದನ್ಯದ್ಘೃತಸ್ಯ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತಮಾಸುರಾ ಅನ್ವೈಚ್ಛನ್ನಸಿತಮುಖಾಃ ।
ತೇಽನ್ವವಿನ್ದನ್ಯತ್ಸುರಾಯೈ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ೩೮೨

ತಸ್ಮಾತ್ತೇ ಪರಾಭೂತಾಃ ।
ತೇ ಹ್ಯಸ್ಯ ಪಾಪಿಷ್ಠಮುಪಾಸತೇ ।
ತಂ ಪಿತರಃ ಪಿತೃಲೋಕೇಽನ್ವೈಚ್ಛನ್ಯಮಮುಖಾಃ ।
ತೇಽನ್ವವಿನ್ದನ್ಯತ್ಕ್ಷೀರೌದನಸ್ಯ ರೂಪಂ ತತ್ ।
ತದೇವಾಸ್ಯ ತ ಉಪಾಸತೇ ।
ತದೇತದ್ಧ ವಾ ಏತದಗ್ರೇಽನ್ನಸ್ಯ ರೂಪಮಾಸ ಯತ್ಕ್ಷೀರೌದನಃ ।
ತಸ್ಯೇಯಂ ವಿಕೃತಿರ್ಯದಿದಂ ಮನುಷ್ಯಾ ಉಪಾಸತೇ ।
ತಂ ವಯಾಂಸ್ಯನ್ವೈಚ್ಛನ್ಮೃತ್ಯುಮುಖಾನ್ಯು ಏವ ।
ತಾನ್ಯನ್ವವಿನ್ದನ್ಹಿರಣ್ಯಪಕ್ಷಶ್ಚಕುನ ಇತಿ ।
ತತ್ತದೇವಾಸ್ಯ ತಾನ್ಯುಪಾಸತೇ ।
ತಂ ಪಶವೋಽನ್ವೈಚ್ಛನ್ಧಾತೃಮುಖಾಃ ।
ತೇಽನ್ವವಿನ್ದನ್ಹಿರಣ್ಯಶೃಙ್ಗೋ ಹಿರಣ್ಯಶಫಃ ಕೃಷ್ಣ ಋಷಭ ಇತಿ ।
ತತ್ತದೇವಾಸ್ಯ ತ ಉಪಾಸತೇ ।
ತದೇತದ್ಧ ವಾ ಏತಸ್ಯೈ ದೇವತಾಯೈ ಸಾತ್ಯಯಜ್ಞಯೋ ರೂಪಮುಪಾಸತೇ ಹಿರಣ್ಯಶೃಙ್ಗೋ ಹಿರಣ್ಯಶಫಃ ಕೃಷ್ಣ ಋಷಭ ಇತಿ ।
ಸ ಯ ಏತದೇವಂ ವೇದ ಋಷಭ ಏವ ಸ್ವಾನಾಂ ಭವತಿ ।
ಅಥೋ ಯೋಽಯಂ ತಪತಿ ೩೮೩

ಸೋಽಸ್ಯಾಮೂರ್ಧ್ವಾಯಂ ದಿಶ್ಯನ್ವೈಚ್ಛತ್ ।
ತಮೇತೈಸ್ಸರ್ವೈ ರೂಪೈಸ್ಸಹಾಸೀನಮನ್ವವಿನ್ದತ್ ।
ತಾನ್ಯೇತಸ್ಮಾ ಏವ ಸರ್ವಾಣಿ ರೂಪಾಣಿ ಪ್ರಾಯಚ್ಛತ್ ।
ತದ್ಯದಿದಮಿಹ ಕಲ್ಯಾಣಂ ರೂಪಮಾಜಾಯತೇ ಯದೇವೈಷ ಪ್ರಯಚ್ಛತಿ ತದಿದಮಿಹಾಜಾಯತೇ ।
ಸ ಯದ್
ಭೂರ್ಭುವ ಸ್ವರ್
ಇತಿ ವ್ಯಾಹರತ್ತ ಏವೇಮೇ ತ್ರಯೋ ಲೋಕಾ ಅಭವನ್ನುಪೋದಕ ಋತಧಾಮಾಽಪರಾಜಿತಃ ।
ಅಥ ಯತ್
ಕರಜ್ಜನದ್ವೃಧದ್
ಇತಿ ವ್ಯಾಹರತ್ತ ಏವೈತೇಽಪರೇ ಲೋಕಾ ಅಭವನ್ನಧಿದಿವಃ ಪ್ರದಿವೋ ರೋಚತಃ ವಿಷ್ಟಪ ಏವ ಸಪ್ತಮೋ ಬ್ರಹ್ಮಲೋಕೋ ಯಸ್ಮಿನ್ನೇತತ್ಸತ್ಯಂ ಭಾತಿ ।
ತಮೇಷಾ ದೇವತಾ ಸತ್ಯಂ ಭೂತ್ವಾನುಪ್ರಾವಿಶತ್ ।
ತತ್ಸದ್ವೈ ಪ್ರಾಣಸ್ಸತ್ಯಾಃ ಪ್ರಜಾಃ ।
ತೇನಾಸ್ಯ ಸತ್ಯೇನೇದಂ ಸರ್ವಂ ಸಂಗೃಹೀತಂ ಭವತಿ ।
ಯದಿ ಚ ಹ ಸತ್ಯಂ ವದತಿ ಯದಿ ಚ ನಾಥ ಹಾಸ್ಯ ಸತ್ಯಮೇವೋದಿತಂ ಭವತಿ ।
ಅಥೋ ಹ ವಿದ್ಯಾತ್ಸತ್ಯಮೇವಾಹಂ ವದಾಮಿ ನಾನೃತಂ । ಯತ್ಸತ್ಯಂ ವದತೋ ಲೋಕಸ್ಸ ಮೇ ಲೋಕ ಇತಿ ।
ತಸ್ಯ ಹ ಸ ಏವ ಲೋಕೋ ಭವತಿ ।
ತದ್ಯಥೇದಂ ವಯಂ ಮೀಮಾಂಸಾಮಹ ಇದಂ ಬ್ರಹ್ಮೇದಂ ಬ್ರಹ್ಮೇತ್ಯೇವಮೇವೈಷಾ ದೇವತೈತದ್ವಿದಾಂಸಂ ಮೀಮಾಂಸತೇ ನ ಹೈಷ ಚನ ತದ್ವೇದ ।
ಮಾಸೋ ದೇವತಾಪ್ರವಿಷ್ಟೇತಿ ಯ ಏವ ತದ್ವೇದ ಸ ಏವ ತದ್ವೇದ ।
ಏತಂ ಸಾ ದೇವತಾ ಪ್ರವಿಷ್ಟೇತಿ ।
ನ ಹ ವಾ ಏವಂವಿದಃ ಕಿಂ ಚನಾವಿದಿತಂ ಭವತಿ ನ ಕಾ ಚನ ದೇವತಾ ೩೮೪

ತಸ್ಯೈಷ ಶ್ಲೋಕಃ ।
ಇತಃ ಪರಸ್ತಾತ್ಪರ ಉ ಪರಸ್ಮಾತ್ಪರಸ್ತೃತೀಯಾದುತ ವಾ ಚತುರ್ಥಾತ್ ।
ಸಹಸ್ರಸ್ಥೂಣೇ ವಿಮಿತೇ ದೃಢ ಉಗ್ರೇ ಯತ್ರ ದೇವಾನಾಮಧಿದೇವ ಆಸ್ತೇ

ಇತಿ । ಏಷ ಹ ವಾವ ಸ ದೇವಾನಾಮಧಿದೇವೋ ಯ ಏಷ ತಪತಿ ।
ತಸ್ಯೈತತ್ಸಹಸ್ರಸ್ಥೂಣಂ ವಿಮಿತಂ ದೃಢಮುಗ್ರಂ ಯತ್ಸಂವತ್ಸರ ಋತವೋ ಮಾಸಾ ಅರ್ಧಮಾಸಾ ಅಹೋರಾತ್ರಾಣ್ಯುಷಸಃ ।
ಸ ಯ ಏವಮೇತತ್ಸರ್ವಂ ದ್ವಾದಶಾಹಮಾತ್ಮಾನಮಭಿ ಸಂಪದ್ಯಮಾನಂ ವೇದ ಸರ್ವ ಏನಂ ಕಾಮಾ ಅಭಿ ಸಂಪದ್ಯನ್ತೇ ।
ದ್ವಾದಶಾಹೇ ವೈ ಸರ್ವೇ ಸ್ತೋಮಾ ಸರ್ವಾಣಿ ಪೃಷ್ಠಾನಿ ಸರ್ವಾಣಿ ಛನ್ದಾಂಸಿ ಸರ್ವಾಣಿ ಸವನಾನಿ ಸರ್ವೇ ಪಶವಸ್ಸರ್ವೇ ದೇವಾಸ್ಸರ್ವೇ ಲೋಕಾಸ್ಸರ್ವೇ ಕಾಮಾ । ದ್ವಾದಶಾಹಮನ್ವಾಯತ್ತಾ । ದ್ವಾದಶಾಹಮನ್ವಾಭಕ್ತಾ । ದ್ವಾದಶಾಹಮನುಸಂತೃಪ್ಯನ್ತಿ । ದ್ವಾದಶಾಹೇ ಸಂಪನ್ನಾ । ದ್ವಾದಶಾಹೇ ಪ್ರತಿಷ್ಠಿತಾಃ ।
ತದಾಹುರ್ಯದೇತಾನಿ ದಶೈವಾಹಾನ್ಯಥ ಕಸ್ಮಾದ್ದ್ವಾದಶಾಹ ಇತ್ಯಾಖ್ಯಾಯತ ಇತಿ ।
ಸ ಬ್ರೂಯಾದ್ಯದೇವೈತೇ ದ್ವಾದಶಾಗ್ನಿಷ್ಟೋಮಾ ಸಂಪದ್ಯನ್ತೇ ತೇನೇತಿ ೩೮೫

ತದಾಹುರ್ಯತ್ತ್ರಯೋದಶ ಮಾಸಾಸ್ಸಂವತ್ಸರಸ್ಸಂವತ್ಸರಶ್ಚ ಚತುರ್ದಶೋಽಥ ಕೇನ ತ್ರಯೋದಶಂ ಚ ಮಾಸಮುಪಾಪ್ನುವನ್ತಿ ಸಂವತ್ಸರಂ ಚ ಚತುರ್ದಶಮಿತಿ ।
ಅತಿರಾತ್ರಾಭ್ಯಾಮಿತಿ ಬ್ರೂಯಾತ್ ।
ಪ್ರಾಯಣೀಯೇನಾತಿರಾತ್ರೇಣ ತ್ರಯೋದಶಂ ಮಾಸಮುಪಾಪ್ನುವನ್ತ್ಯ್ । ಉದಯನೀಯೇನ ಸಂವತ್ಸರಂ ಚತುರ್ದಶಮ್ ।
ತದಾಹುಸ್ಸ ವಾದ್ಯ ದ್ವಾದಶಾಹಂ ವಿದ್ಯಾತ್ । ಸ ವಾ ವೇದೇತಿ ಮನ್ಯೇತ । ಯ ಏನಂ ಸರ್ವೇಷು ಲೋಕೇಷು ಪ್ರತಿಷ್ಠಿತಂ ವಿದ್ಯಾದಿತಿ ।
ಮಾಸಾ ವೈ ದ್ವಾದಶಾಹಸ್ಯಾಹಾನಿ । ತ ಏವ ಲೋಕಾ । ಏತ ಏವ ದೇವಲೋಕಾಃ ।
ಫಾಲ್ಗುನೋ ವೈ ಮಾಸೋ ದ್ವಾದಶಾಹಸ್ಯ ಪ್ರಥಮಮಹಶ್ । ಚೈತ್ರೋ ದ್ವಿತೀಯಂ ವೈಶಾಖಸ್ತೃತೀಯಮ್ । ಆಷಾಢಾಪೌರ್ಣಮಾಸಶ್ಚತುರ್ಥಂ । ಶ್ರೋಣಾಶ್ರವಿಷ್ಠಃ ಪಞ್ಚಮಂ । ಶಾತಭಿಷಜಷ್ಷಷ್ಠಂ । ಪ್ರೋಷ್ಠಪದಃ ಸಪ್ತಮಮ್ । ಆಶ್ವಯುಜೋಽಷ್ಟಮಂ । ಕಾರ್ತಿಕೋ ನವಮಮ್ । ಮಾರ್ಗಶೀರ್ಷೋ ದಶಮಂ । ತೈಷ ಏಕಾದಶಂ । ಮಾಘೋ ದ್ವಾದಶಂ । ಪ್ರಾಯಣೀಯ ಏವಾತಿರಾತ್ರಸ್ತ್ರಯೋದಶೋ ಮಾಸ । ಉದಯನೀಯಸ್ಸಂವತ್ಸರಶ್ಚತುರ್ದಶಃ ।
ಸ ಏಷ ದ್ವಾದಶಾಹಸ್ಸರ್ವೇಷು ಲೋಕೇಷು ಪ್ರತಿಷ್ಠಿತಃ ।
ಸ ಯ ಏವಮೇತಂ ದ್ವಾದಶಾಹಂ ಸರ್ವೇಷು ಲೋಕೇಷು ಪ್ರತಿಷ್ಠಿತಂ ವೇದ ಸರ್ವೇಷು ಲೋಕೇಷು ಪ್ರತಿತಿಷ್ಠತಿ ।
ಸ ಏಷ ವಾವ ದ್ವಾದಶಾಹೋ ಯ ಏಷ ತಪತ್ಯೇಷ ಇನ್ದ್ರ । ಏಷ ಪ್ರಜಾಪತಿರ್ । ಏಷ ಏವೇದಂ ಸರ್ವಮಿತ್ಯುಪಾಸಿತವ್ಯಮ್ ।
ಏಷ ಏವೇದಂ ಸರ್ವಮಿತ್ಯುಪಾಸಿತವ್ಯಮ್ ೩೮