Proper display of the text below may depend on webfonts, which in turn require being connected to the internet

ಅಥರ್ವ ಪೈಪ್ಪಲಾದ ಸಂಹಿತಾ (ನಿಸ್ವರ)

ಕಾಂಡ ೧

ಶಂ ನೋ ದೇವೀರ್ ಅಭಿಷ್ಟಯ
ಆಪೋ ಭವಂತು ಪೀತಯೇ |
ಶಂ ಯೋರ್ ಅಭಿ ಸ್ರವಂತು ನಃ || ೧,೧।೧

ಆಪಃ ಪೃಣೀತ ಭೇಷಜಂ
ವರೂಥಂ ತನ್ವೇ ಮಮ |
ಜ್ಯೋಕ್ ಚ ಸೂರ್ಯಂ ದೃಶೇ || ೧,೧।೨

ಅಪ್ಸು ಮೇ ಸೋಮೋ ಅಬ್ರವೀದ್
ಅಂತರ್ ವಿಶ್ವಾನಿ ಭೇಷಜಾ |
ಅಗ್ನಿಂ ಚ ವಿಶ್ವಶಂಭುವಂ || ೧,೧।೩

ಈಶಾನಾ ವಾರ್ಯಾಣಾಂ
ಕ್ಷಯಂತೀಶ್ ಚರ್ಷಣೀನಾಂ |
ಅಪೋ ಯಾಚಾಮಿ ಭೇಷಜಂ || ೧,೧।೪
(೧)

ಅಂಬಯೋ ಯಂತ್ಯ್ ಅಧ್ವಭಿರ್
ಜಾಮಯೋ ಅಧ್ವರೀಯತಾಂ |
ಪೃಂಚತೀರ್ ಮಧುನಾ ಪಯಃ || ೧,೨।೧

ಅಮೂರ್ ಯಾ ಉಪ ಸೂರ್ಯೇ
ಯಾಭಿರ್ ವಾ ಸೂರ್ಯಃ ಸಹ |
ತಾ ನೋ ಹಿನ್ವಂತ್ವ್ ಅಧ್ವರಂ || ೧,೨।೨

ಅಪೋ ದೇವೀರ್ ಉಪ ಬ್ರುವೇ
ಯತ್ರ ಗಾವಃ ಪಿಬಂತಿ ನಃ |
ಸಿಂಧುಭ್ಯಃ ಕರ್ತ್ವಂ ಹವಿಃ || ೧,೨।೩

ಅಪ್ಸ್ವ್ ಅಂತರ್ ಅಮೃತಂ ಅಪ್ಸು ಭೇಷಜಂ |
ಅಪಾಂ ಉತ ಪ್ರಶಸ್ತಿಷ್ವ್
ಅಶ್ವಾ ಭವಥ ವಾಜಿನಃ || ೧,೨।೪
(೨)

ವಿದ್ಮಾ ಶರಸ್ಯ ಪಿತರಂ
ಪರ್ಜನ್ಯಂ ಭೂರಿಧಾಯಸಂ |
ವಿದ್ಮೋ ಹ್ಯ್ ಅಸ್ಯ ಮಾತರಂ
ಪೃಥಿವೀಂ ವಿಶ್ವಧಾಯಸಂ || ೧,೩।೧

ಜ್ಯಾಯಕೇ ಪರಿ ಣೋ ನಮ-
-ಅಶ್ಮಾ ಭವತು ನಸ್ ತನೂಃ |
ವಿರುಡ್ವಿಹಿ ವರೀಯೋ ಽರಾತೀರ್
ಅಪ ದ್ವೇಷಾಂಸ್ಯ್ ಆ ಕೃಧಿ || ೧,೩।೨

ವೃಕ್ಷಂ ಯದ್ ಗಾವಃ ಪರಿಷಸ್ವಜಾನಾ
ಅನಸ್ಫುರಂ ಶರಂ ಅರ್ಚಂತ್ಯ್ ಋಭುಂ |
ಶರಂ ಅಸ್ಮದ್ ಯಾವಯ ದಿದ್ಯುಂ ಇಂದ್ರ
ಶಂ ನೋ ಭವಂತ್ವ್ ಅಪ ಓಷಧೀರ್ ಇಮಾಃ || ೧,೩।೩

ಇಂದ್ರಸ್ಯ ವಜ್ರೋ ಅಪ ಹಂತು ರಕ್ಷಸ
ಆರಾದ್ ವಿಸೃಷ್ಟಾ ಇಷವಃ ಪತಂತ್ವ್ ಅಸ್ಮತ್ || ೧,೩।೪
(೩)

ವಿದ್ಮ ತೇ ಶರ ಪಿತರಂ
ಪರ್ಜನ್ಯಂ ಭೂರಿರೇತಸಂ |
ತೇನಾ ತೇ ತನ್ವೇ ಶಂ ಕರಂ
ಪೃಥಿವ್ಯಾಂ ತೇ ನಿಷೇಚನಂ
ಬಹಿಷ್ ಟೇ ಅಸ್ತು ಬಾಲ್ ಇತಿ || ೧,೪।೧

ಇಂದ್ರೇಣ ವರುಣೇನ ಚಂದ್ರೇಣ ಸೂರ್ಯೇಣ ಚ || ೧,೪।೨

ಯದ್ ಆಂತ್ರೇಷು ಗವೀನ್ಯೋರ್
ಯದ್ ವಸ್ತಾವ್ ಅಧಿ ಸಂಸ್ರುತಂ |
(…) || ೧,೪।೩

ಪ್ರ ತೇ ಭಿನದ್ಮಿ ಮೇಹನಂ
ವರ್ತ್ರಂ ವೇಶಂತ್ಯಾ ಇವ |
ತೇನಾ ತೇ ತನ್ವೇ ಶಂ ಕರಂ
ಪೃಥಿವ್ಯಾಂ ತೇ ನಿಷೇಚನಂ
ಬಹಿಷ್ ಟೇ ಅಸ್ತು ಬಾಲ್ ಇತಿ || ೧,೪।೪

ಯಥೇಷುಕಾ ಪರಾಪತದ್
ಅವಸೃಷ್ಟಾಧಿ ಧನ್ವನಃ |
ಏವಾ ತೇ ಮೂತ್ರಂ ಮುಚ್ಯತಾಂ
ಬಹಿರ್ ಬಾಲ್ ಇತಿ ಸರ್ವಕಂ || ೧,೪।೫
(೪)

ವಷಟ್ ತೇ ಪೂಷನ್ನ್ ಅಸ್ಯೈ ಸುವೃಕ್ತಿಂ
ಅರ್ಯಮಾ ಹೋತಾ ಕೃಣೋತು ವೇಧಾಃ |
ಸಿಸ್ರತಾಂ ನಾರ್ಯ್ ಉತಪ್ರದಾತಾ
ವಿ ಪರ್ವಾಣಿ ಜಿಹತಾಂ ಸೂತವಾ ಉ || ೧,೫।೧

ಚತಸ್ರೋ ದಿಶಃ ಪ್ರದಿಶಶ್
ಚತಸ್ರೋ ಭೂಮ್ಯಾ ಉತ |
ದೇವಾ ಗರ್ಭಂ ಸಂ ಐರಯನ್
ತೇ ವ್ಯ್ ಊರ್ಣುವಂತು ಸೂತವೇ || ೧,೫।೨

ಸುಷ್ಟಾ ವ್ಯ್ ಊರ್ಣೋತು
ವಿ ಯೋನಿಂ ಹಾಪಯಾಮಸಿ |
ಶ್ರಥಯಾ ಸೂಷಣೇ ತ್ವಂ
ಅವ ತ್ವಂ ವಿಷ್ಕಲೇ ಸೃಜ || ೧,೫।೩

ನೇವ ಸ್ನಾವಸು ಪರ್ವಸು
ನ ಕೇಶೇಷು ನಖೇಷು ಚ |
ಅವೈತು ಪೃಶ್ನಿ ಶೇವಲಂ
ಶುನೇ ಜರಾಯ್ವ್ ಅತ್ತವೇ || ೧,೫।೪

ನೇವ ಮಾಂಸೇ ನ ಪೀವಸಿ
ನೇವ ಕಸ್ಮಿಂಶ್ ಚನಾಯತಂ |
ಅವ ಜರಾಯು ಪದ್ಯತಾಂ || ೧,೫।೫
(೫)

ಅನುವಾಕ ೧ ||

ಯೇ ತ್ರಿಷಪ್ತಾಃ ಪರಿಯಂತಿ
ವಿಶ್ವಾ ರೂಪಾಣಿ ಬಿಭ್ರತಃ |
ವಾಚಸ್ಪತಿರ್ ಬಲಾ ತೇಷಾಂ
ತನ್ವಂ ಅದ್ಯ ದಧಾತು ಮೇ || ೧,೬।೧

ಉಪ ನ ಏಹಿ ವಾಚಸ್ಪತೇ
ದೇವೇನ ಮನಸಾ ಸಹ |
ಅಸೋಷ್ಪತೇ ನಿ ರಮಯ
ಮಯ್ಯ್ ಏವ ತನ್ವಂ ಮಮ || ೧,೬।೨

ಇಹೈವಾಭಿ ವಿ ತನು-
-ಉಭೇ ಆರ್ತ್ನೀ ಇವ ಜ್ಯಯಾ |
ವಾಚಸ್ಪತಿರ್ ನಿ ಯಚ್ಛತು
ಮಯ್ಯ್ ಏವ ತನ್ವಂ ಮಮ || ೧,೬।೩

ಉಪಹೂತೋ ವಾಚಸ್ಪತಿರ್
ಉಪಹೂತೋ ಽಹಂ ವಚಸ್ಪತ್ಯುಃ |
ಸಂ ಶ್ರುತೇನ ರಾಧಿಷೀಯ
ಮಾ ಶ್ರುತೇನ ವಿ ರಾಧಿಷಿ || ೧,೬।೪
(೬)

ದಿವ್ಯೋ ಗಂಧರ್ವೋ ಭುವನಸ್ಯ ಯಸ್ ಪತಿರ್
ಏಕಾಯುವೋ ನಮಸಾ ವಿಕ್ಷ್ವ್ ಈಡ್ಯಃ |
ತಂ ತ್ವಾ ಯೌಮಿ ಬ್ರಹ್ಮಣಾ ದೇವ ದಿವ್ಯ
ನಮಸ್ ತೇ ಅಸ್ತು ದಿವಿ ತೇ ಸಧಸ್ಥಂ || ೧,೭।೧

ದಿವ ಸ್ಪೃಷ್ಟೋ ಯಜತಃ ಸೂರ್ಯತ್ವಗ್
ಅವಯಾತಾ ಹರಸೋ ದೈವ್ಯಸ್ಯ |
ಏಕಾಯುವೋ ನಮಸಾ ಸುಶೇವೋ
ಮೃಡಾದ್ ಗಂಧರ್ವೋ ಭುವನಸ್ಯ ಯಸ್ ಪತಿಃ || ೧,೭।೨

ಅನವದ್ಯಾಭಿಃ ಸಂ ಉ ಜಗ್ಮ ಆಭಿರ್
ಅಪ್ಸರಾಭಿರ್ ಅಪಿ ಗಂಧರ್ವ ಆಸು |
ಸಮುದ್ರ ಆಸಾಂ ಸದನಂ ಮ ಆಹುರ್
ಯತಃ ಸದ್ಯ ಆ ಚ ಪರಾ ಚ ಯಂತಿ || ೧,೭।೩

ಅಭ್ರಿಯೇ ದಿದ್ಯುನ್ ನಕ್ಷತ್ರಿಯೇ
ಯಾ ವಿಶ್ವಾವಸುಂ ಗಂಧರ್ವಂ ಸಚಧ್ವೇ |
ತಾಭ್ಯೋ ವೋ ದೇವೀರ್ ನಮ ಇತ್ ಕೃಣೋಮಿ || ೧,೭।೪

ಯಾಃ ಕ್ಲಂದಾಸ್ ತಮಿಷೀಚಯೋ
ಅಕ್ಷಕಾಮಾ ಮನೋಮುಹಃ |
ತಾಭ್ಯೋ ಗಂಧರ್ವಪತ್ನೀಭ್ಯೋ
ಅಪ್ಸರಾಭ್ಯೋ ಽಕರಂ ನಮಃ || ೧,೭।೫
(೭)

ಅಮುಷ್ಮಾದ್ ಅಧಿ ಪರ್ವತಾದ್
ಅವತ್ಕಂ ಅಸಿ ಭೇಷಜಂ |
ಭೇಷಜಂ ಸುಭೇಷಜಂ
ಯತ್ ತೇ ಕೃಣೋಮಿ ಭೇಷಜಂ || ೧,೮।೧

ಆದ್ ಅಂಗಾ ಕುವಿದ್ ಅಂಗಾ
ಶತಂ ಯದ್ ಭೇಷಜಾನಿ ತೇ
ಸಹಸ್ರಂ ವಾ ಘ ಯಾನಿ ತೇ |
ತೇಷಾಂ ಅಸಿ ತ್ವಂ ಉತ್ತಮಂ
ಅನಾಸ್ರಾವಂ ಅರೋಗಣಂ || ೧,೮।೨

ಅರುಸ್ಯಾನಂ ಇದಂ ಮಹತ್
ಪೃಥಿವ್ಯಾ ಅಧ್ಯ್ ಉದ್ಭೃತಂ |
ತದ್ ಆಸ್ರಾವಸ್ಯ ಭೇಷಜಂ
ತದ್ ಉ ರೋಗಂ ಅನೀನಶತ್ || ೧,೮।೩

ಉಪಜೀಕಾ ಉದ್ ಭರಂತಿ
ಸಮುದ್ರಾದ್ ಅಧಿ ಭೇಷಜಂ |
ಅರುಸ್ಯಾನಂ ಅಸ್ಯ್ ಆಥರ್ವಣಂ
ರೋಗಸ್ಥಾನಂ ಅಸ್ಯ್ ಆಥರ್ವಣಂ || ೧,೮।೪
(೮)

ಅಯಂ ದೇವಾನಾಂ ಅಸುರೋ ವಿ ರಾಜತಿ
ವಶಾ ಹಿ ಸತ್ಯಾ ವರುಣಸ್ಯ ರಾಜ್ಞಃ |
ತತಸ್ ಪರಿ ಬ್ರಹ್ಮಣಾ ಶಾಶದಾನ
ಉಗ್ರಸ್ಯ ಮನ್ಯೋರ್ ಉದ್ ಇಮಂ ನಯಾಮಿ || ೧,೯।೧

ನಮಸ್ ತೇ ರಾಜನ್ ವರುಣಾಸ್ತು ಮನ್ಯವೇ
ವಿಶ್ವಂ ಹಿ ದೇವ ನಿಚಿಕೇಷಿ ದ್ರುಗ್ಧಂ |
ಶತಂ ಸಹಸ್ರಂ ಪ್ರ ಸುವಾಮ್ಯ್ ಅನ್ಯಾನ್
ಅಯಂ ನೋ ಜೀವನ್ ಶರದೋ ವ್ಯಾಪೇತ್ || ೧,೯।೨

ಯದ್ ಉವಕ್ಥಾನೃತಂ
ಜಿಹ್ವಯಾ ವೃಜಿನಂ ಬಹು |
ರಾಜ್ಞಸ್ ತ್ವಾ ಸತ್ಯಧರ್ಮಣೋ
ಮುಂಚಾಮಿ ವರುಣಾದ್ ಅಹಂ || ೧,೯।೩

ಅಮುಂಚಂ ತ್ವಾ ವೈಶ್ವಾನರಾದ್
ಅರ್ಣವಾನ್ ಮಹತಸ್ ಪರಿ |
ಸಜಾತಾನ್ ಉಗ್ರ ಆ ವದ
ಬ್ರಹ್ಮ ಚಾಪ ಚಕೀಹಿ ನಃ || ೧,೯।೪
(೯)

ಸೀಸಾಯಾನ್ವ್ ಆಹ ವರುಣಃ
ಸೀಸಾಯಾಗ್ನಿರ್ ಉಪಾವತಿ |
ಸೀಸಂ ಮ ಇಂದ್ರಃ ಪ್ರಾಯಚ್ಛದ್
ಅಮೀವಾಯಾಸ್ ತು ಚಾತನಂ || ೧,೧೦।೧

ಇದಂ ವಿಷ್ಕಂಧಂ ಸಹತ
ಇದಂ ಬಾಧತೇ ಅತ್ರಿಣಃ |
ಅನೇನ ವಿಶ್ವಾ ಸಾಸಹೈ
ಯಾ ಜಾತಾನಿ ಪಿಶಾಚ್ಯಾಃ || ೧,೧೦।೨

ಯೇ ಽಮಾವಾಸ್ಯಾಂ ರಾತ್ರಿಂ
ಉದಸ್ಥುರ್ ಭ್ರಾಜಂ ಅತ್ರಿಣಃ |
ಅಗ್ನಿಸ್ ತುರೀಯೋ ಯಾತುಹಾ
ಸ ಉ ನಃ ಪಾತು ತೇಭ್ಯಃ || ೧,೧೦।೩

ಯದಿ ಹಂಸ್ಯ್ ಅಶ್ವಂ
ಯದಿ ಗಾಂ ಯದಿ ಪೂರುಷಂ |
ಸೀಸೇನ ವಿಧ್ಯಾಮಸ್ ತ್ವಾ
ಯಥಾ ನೋ ಽಸೋ ಅವೀರಹಾ || ೧,೧೦।೪
(೧೦)

ಅನುವಾಕ ೨ ||

ಅಭೀವರ್ತೇನ ಮಣಿನಾ
ಯೇನೇಂದ್ರೋ ಅಭಿವಾವೃತೇ |
ತೇನೇಮಂ ಬ್ರಹ್ಮಣಸ್ಪತೇ
ಅಭಿ ರಾಷ್ಟ್ರಾಯ ವರ್ತಯ || ೧,೧೧।೧

ಅಭಿವೃತ್ತಃ ಸಪತ್ನಾ-
-ಅಭಿ ಯಾ ನೋ ಅರಾತಯಃ |
ಅಭಿ ಪೃತನ್ಯಂತಂ ತಿಷ್ಠ-
-ಅಭಿ ಯೋ ನೋ ದುರಸ್ಯತಿ || ೧,೧೧।೨

ಅಭಿ ತ್ವಾ ದೇವಃ ಸವಿತಾ-
-ಅಭಿ ಸೋಮೋ ಅವೀವೃತತ್ |
ಅಭಿ ತ್ವಾ ವಿಶ್ವಾ ಭೂತಾನ್ಯ್
ಅಭೀವರ್ತೋ ಯಥಾಸಸಿ || ೧,೧೧।೩

ಉದ್ ಅಸೌ ಸೂರ್ಯೋ ಅಗಾದ್
ಉದಿತಂ ಮಾಮಕಂ ವಚಃ |
ಯಥಾಹಂ ಶತ್ರುಹಾಸಾನ್ಯ್
ಅಸಪತ್ನಃ ಸಪತ್ನಹಾ || ೧,೧೧।೪

ಸಪತ್ನಕ್ಷಯಣೋ ವೃಷಾ-
-ಅಭಿರಾಷ್ಟ್ರೋ ವಿಷಾಸಹಿಃ |
ಯಥಾಹಂ ಏಷಾಂ ವೀರಾಣಾಂ
ವಿರಾಜಾನಿ ಜನಸ್ಯ ಚ || ೧,೧೧।೫
(೧೧)

ತುಭ್ಯಂ ಏವ ಜರಿಮನ್ ವರ್ಧತಾಂ ಅಯಂ
ಮೈನಂ ಅನ್ಯೇ ಮೃತ್ಯವೋ ಹಿಂಸಿಷುಸ್ ತ್ವತ್ |
ಮಾತೇವ ಪುತ್ರಂ ಪ್ರಮನಾ ಉಪಸ್ಥೇ
ಮಿತ್ರ ಏನಂ ಮಿತ್ರ್ಯಾತ್ ಪಾತ್ವ್ ಅಂಹಸಃ || ೧,೧೨।೧

ಮಿತ್ರಶ್ ಚ ತ್ವಾ ವರುಣಶ್ ಚ ರಿಶಾದೌ
ಜರಾಮೃತ್ಯುಂ ಕೃಣುತಾಂ ಸಂವಿದಾನೌ |
ತದ್ ಅಗ್ನಿರ್ ಹೋತಾ ವಯುನಾನಿ ವಿದ್ವಾನ್
ವಿಶ್ವಾನಿ ದೇವೋ ಜನಿಮಾ ವಿವಕ್ತಿ || ೧,೧೨।೨

ದ್ಯೌಷ್ ಟೇ ಪಿತಾ ಪೃಥಿವೀ ಮಾತಾ
ಜರಾಂ ಮೃತ್ಯುಂ ಕೃಣುತಂ ದೀರ್ಘಂ ಆಯುಃ |
ಯಥಾ ಜೀವಾ ಅದಿತ್ಯಾ ಉಪಸ್ಥೇ
ಪ್ರಾಣಾಪಾನಾಭ್ಯಾಂ ಗುಪಿತಃ ಶತಂ ಹಿಮಾಃ || ೧,೧೨।೩

ತ್ವಂ ಈಶಿಷೇ ಪಶೂನಾಂ ಪಾರ್ಥಿವಾನಾಂ
ಯೇ ಜಾತಾ ಉತ ಯೇ ಜನಿತ್ವಾಃ |
ಮೈನಂ ಪ್ರಾಣೋ ಹಾಸೀನ್ ಮೋ ಅಪಾನೋ
ಮೈನಂ ಮಿತ್ರಾ ವಧಿಷುರ್ ಮೋ ಅಮಿತ್ರಾಃ || ೧,೧೨।೪
(೧೨)

ಇಂದ್ರೇಣ ದತ್ತೋ ವರುಣೇನ ಶಿಷ್ಟೋ
ಮರುದ್ಭಿರ್ ಉಗ್ರಃ ಪ್ರಯತೋ ನ ಆಗನ್ |
ಏತಂ ವಾಂ ದ್ಯಾವಾಪೃಥಿವೀ ಪರಿ ದದಾಮಿ
ಸ ಮಾ ತೃಷತ್ ಸ ಮಾ ಕ್ಷುಧತ್ || ೧,೧೩।೧

ಊರ್ಜಂ ಅಸ್ಮಾ ಊರ್ಜಸ್ವತೀ ಧತ್ತಂ
ಪಯೋ ಽಸ್ಮೈ ಪಯಸ್ವತೀ ಧತ್ತಂ |
ಊರ್ಜಂ ಅಸ್ಮೈ ದ್ಯಾವಾಪೃಥಿವೀ ಅಧಾತಾಂ
ವಿಶ್ವೇ ದೇವಾ ಮರುತ ಊರ್ಜಂ ಆಪಃ || ೧,೧೩।೨

ಶಿವಾ ಅಸ್ಯ ಹೃದಯಂ ತರ್ಪಯಂತ್ವ್
ಅನಮೀವೋ ಮೋದಮಾನಶ್ ಚರೇಹ |
ಸವಾಸಿನೌ ಪಿಬತಾಂ ಮಂಥಂ ಏತಂ
ಅಶ್ವಿನೋ ರೂಪಂ ಪರಿಧಾಯ ಮಾಯಾಂ || ೧,೧೩।೩

ತಸ್ಯ ಪಾತಾರಂ ಸಚತಾಂ ಪುರೀಷಂ
ಊರ್ಜಾ ಸ್ವಧಾ ಸಚತಾಂ ಏತಂ ಏಷಾ |
ಇಂದ್ರ ಏತಾಂ ಸಸೃಜೇ ವಿದ್ಧೋ ಅಗ್ರ
ಊರ್ಜಾಂ ಸ್ವಧಾಂ ಅಜರಾಂ ಸಾ ತ ಏಷಾ |
ತಯಾ ತ್ವಂ ಜೀವ ಶರದಃ ಸುವರ್ಚಾ
ಮಾ ತ ಆ ಸುಸ್ರೋದ್ ಭಿಷಜಸ್ ತೇ ಅಕ್ರನ್ || ೧,೧೩।೪
(೧೩)

ವಿಶ್ವೇ ದೇವಾಸೋ ಅಭಿ ರಕ್ಷತೇಮಂ
ಉತಾದಿತ್ಯಾ ಜಾಗೃತ ಯೂಯಂ ಅಸ್ಮಿನ್ |
ಮೇಮಂ ಸಮಾನ ಉತ ವಾನ್ಯನಾಭಿರ್
ಮೇಮಂ ಪ್ರಾಪತ್ ಪೌರುಷೇಯೋ ವಧೋ ಯಃ || ೧,೧೪।೧

ಯೇ ವೋ ದೇವಾಃ ಪಿತರೋ ಯೇ ಚ ಪುತ್ರಾಃ
ಸಚೇತಸೋ ಮೇ ಶೃಣುತೇದಂ ಉಕ್ತಂ |
ಸರ್ವೇಭ್ಯೋ ವಃ ಪರಿ ದದಾಮ್ಯ್ ಏತಂ
ತ ಏನಂ ಸ್ವಸ್ತಿ ಜರಸೇ ನಯಾಥ || ೧,೧೪।೨

ಯೇ ದೇವಾ ದಿವಿ ಷ್ಠ ಯೇ ಪೃಥಿವ್ಯಾಂ
ಯೇ ಅಂತರಿಕ್ಷ ಓಷಧೀಷ್ವ್ ಅಪ್ಸು |
ತೇ ಕೃಣುತ ಜರಸಂ ಆಯುರ್ ಅಸ್ಮೈ
ಶತಂ ಅನ್ಯಾನ್ ಪರಿ ವೃಣಕ್ತ ಮೃತ್ಯೂನ್ || ೧,೧೪।೩

ಯೇಷಾಂ ಪ್ರಯಾಜಾ ಉತ ವಾನುಯಾಜಾ
ಹುತಭಾಗಾ ಅಹುತಾದಶ್ ಚ ದೇವಾಃ |
ಯೇಷಾಂ ವಃ ಪಂಚ ಪ್ರದಿಶೋ ವಿಭಕ್ತಾಸ್
ತಾನ್ ವೋ ಅಸ್ಮೈ ಸತ್ತ್ರಸದಃ ಕೃಣೋಮಿ || ೧,೧೪।೪
(೧೪)

ಅಹಂ ತೇ ಭಗಂ ಆ ದದೇ
ಽಧಿ ಶೀರ್ಷ್ಣ ಇವ ಸ್ರಜಂ |
ಮಹಾಮೂಲ ಇವ ಪರ್ವತೋ
ಜ್ಯೋಕ್ ಪಿತೃಷ್ವ್ ಆಸಾಸೈ || ೧,೧೫।೧

ಇಯಂ ತೇ ರಾಜನ್ ಕನ್ಯಾ
ವಧೂರ್ ನಿ ಧೂಯತೇ ಯಮ |
ಸಾ ಮಾತುರ್ ಬಧ್ಯತಾಂ ಗೃಹೇ
ಽಥೋ ಭ್ರಾತುರ್ ಅಥೋ ಪಿತುಃ || ೧,೧೫।೨

ಇಯಂ ತೇ ಕೇತಪಾ ರಾಜನ್ನ್
ಇಮಾಂ ತೇ ಪರಿ ದಧ್ಮಸಿ |
ಜ್ಯೋಕ್ ಪಿತೃಷ್ವ್ ಆಸಾತಾ
ಆ ಶೀರ್ಷ್ಣಃ ಸಮೋಪ್ಯಾತ್ || ೧,೧೫।೩

ಅಸಿತಸ್ಯ ಬ್ರಹ್ಮಣಾ
ಕಶ್ಯಪಸ್ಯ ಗಯಸ್ಯ ಚ |
ಅಂತಃಕೋಶಂ ಇವ ಜಾಮಯೋ
ಅಪಿ ನಹ್ಯಾಮಿ ತೇ ಭಗಂ || ೧,೧೫।೪
(೧೫)

ಅನುವಾಕ ೩ ||

ನಕ್ತಂಜಾತಾಸ್ಯ್ ಓಷಧೇ
ರಾಮೇ ಕೃಷ್ಣೇ ಅಸಿಕ್ನಿ ಚ |
ಇದಂ ರಜನಿ ರಜಯ
ಕಿಲಾಸಂ ಪಲಿತಂ ಚ ಯತ್ || ೧,೧೬।೧

ಕಿಲಾಸಂ ಚ ಪಲಿತಂ ಚ
ನಿರ್ ಇತೋ ನಾಶಯಾ ಪೃಷತ್ |
ಆ ತ್ವಾ ಸ್ವೋ ಅಶ್ನುತಾಂ ವರ್ಣಃ
ಪರಾ ಶ್ವೇತಾನಿ ಪಾತಯ || ೧,೧೬।೨

ಅಸಿತಂ ತೇ ಪ್ರಲಯನಂ
ಆಸ್ಥಾನಂ ಅಸಿತಂ ತವ |
ಅಸಿಕ್ನ್ಯ್ ಅಸ್ಯ್ ಓಷಧೇ
ನಿರ್ ಇತೋ ನಾಶಯಾ ಪೃಷತ್ || ೧,೧೬।೩

ಅಸ್ಥಿಜಸ್ಯ ಕಿಲಾಸಸ್ಯ
ತನೂಜಸ್ಯ ಚ ಯತ್ ತ್ವಚಿ |
ದೂಷಾ ಕೃತಸ್ಯ ಬ್ರಹ್ಮಣಾ
ಲಕ್ಷ್ಮ ಶ್ವೇತಂ ಅನೀನಶಂ || ೧,೧೬।೪
(೧೬)

ಜರಾಯುಜಃ ಪ್ರಥಮ ಉಸ್ರಿಯೋ ವೃಷಾ
ವಾತಭ್ರಜಾ ಸ್ತನಯನ್ನ್ ಏತಿ ವೃಷ್ಟ್ಯಾ |
ಸ ನೋ ಮೃಡಾತಿ ತನ್ವ ಋಜುಗೋ ರುಜನ್
ಯ ಏಕಂ ಓಜಸ್ ತ್ರೇಧಾ ವಿಚಕ್ರೇ || ೧,೧೭।೧

ಅಂಗೇಅಂಗೇ ಶೋಚಿಷಾ ಶಿಶ್ರಿಯಾಣೋ
ಯೋ ಅಗ್ರಭೀತ್ ಪರುರ್ ಅಸ್ಯ ಗ್ರಭೀತಾ |
ಅಂಕಾನ್ ಸಮಂಕಾನ್ ಹವಿಷಾ ಯಜಾಮಿ
ಹೃದಿ ಶ್ರಿತೋ ಮನಸಾ ಯೋ ಜಜಾನ || ೧,೧೭।೨

ಮುಂಚಾಮಿ ಶೀರ್ಷಕ್ತ್ಯಾ ಉತ ಕಾಸ ಏನಂ
ಪರುಷ್ಪರುರ್ ಆವಿವೇಶ ಯೋ ಅಸ್ಯ |
ಯೋ ಅಭ್ರಜಾ ವಾತಜಾ ಯಶ್ ಚ ಶುಷ್ಮೋ
ವನಸ್ಪತೀನ್ ಸಚತಾಂ ಪರ್ವತಾಂಶ್ ಚ || ೧,೧೭।೩

ಶಂ ತೇ ಪರಸ್ಮೈ ಗಾತ್ರಾಯ
ಶಂ ಅಸ್ತ್ವ್ ಅವರಾಯ ತೇ |
ಶಂ ತೇ ಪೃಷ್ಟಿಭ್ಯೋ ಮಜ್ಜಭ್ಯಃ
ಶಂ ಅಸ್ತು ತನ್ವೇ ತವ || ೧,೧೭।೪
(೧೭)

ಆ ಯಾತು ಮಿತ್ರ ಋತುಭಿಃ ಕಲ್ಪಮಾನಃ
ಸಂವೇಶಯನ್ ಪೃಥಿವೀಂ ಉಸ್ರಿಯಾಭಿಃ |
ತದ್ ಅಸ್ಮಭ್ಯಂ ವರುಣೋ ವಾಯುರ್ ಅಗ್ನಿರ್
ಬೃಹದ್ ರಾಷ್ಟ್ರಂ ಸಂವೇಶ್ಯಂ ದಧಾತು || ೧,೧೮।೧

ಧಾತಾ ಮಿತ್ರೋ ವರುಣೋ ದೇವೋ ಅಗ್ನಿರ್
ಇಂದ್ರಸ್ ತ್ವಷ್ಟಾ ಪ್ರತಿ ಗೃಹ್ಣಂತು ಮೇ ವಚಃ |
ಹುವೇ ದೇವೀಂ ಅದಿತಿಂ ಶೂರಪುತ್ರಾಂ
ಸಜಾತಾನಾಂ ಮಧ್ಯಮೇಷ್ಠಾಃ ಸ್ಯಾಂ ಅಹಂ || ೧,೧೮।೨

ಹುವೇ ಸೋಮಂ ಸವಿತಾರಂ ನಮೋಭಿರ್
ವಿಶ್ವಾನ್ ದೇವಾಁ ಅಹಮುತ್ತರತ್ವೇ |
ಅಯಂ ಅಗ್ನಿರ್ ದೀದಾಯದ್ ಆಹ್ನಂ ಏವ
ಸಜಾತೈರ್ ಇದ್ಧೋ ಅಪ್ರತಿಬ್ರುವದ್ಭಿಃ || ೧,೧೮।೩

ಇಹೇದ್ ಅಸಾಥ ನ ಪುರೋ ಗಮಾಥ-
-ಇರ್ಯೋ ಗೋಪಾಃ ಪುಷ್ಟಪತಿರ್ ವ ಆಜತ್ |
ಅಸ್ಮೈ ವಃ ಕಾಮಾಯೋಪ ಕಾಮಿನೀರ್
ವಿಶ್ವೇ ವೋ ದೇವಾ ಉಪ ಸಂ ದ್ಯಾಂ ಇಹ || ೧,೧೮।೪
(೧೮)

ಅಸ್ಮಿನ್ ವಸು ವಸವೋ ಧಾರಯಂತ್ವ್
ಇಂದ್ರಸ್ ತ್ವಷ್ಟಾ ವರುಣೋ ಮಿತ್ರೋ ಅಗ್ನಿಃ |
ಇಮಂ ಆದಿತ್ಯಾ ಉತ ವಿಶ್ವೇ ಚ ದೇವಾ
ಉತ್ತಮೇ ದೇವಾ ಜ್ಯೋತಿಷಿ ಧಾರಯಂತು || ೧,೧೯।೧

ಅಸ್ಮೈ ದೇವಾಃ ಪ್ರದಿಶಜ್ ಜ್ಯೋತಿರ್ ಅಸ್ತು
ಸೂರ್ಯೋ ಅಗ್ನಿರ್ ಉತ ವಾ ಹಿರಣ್ಯಂ |
ಉತ್ತರೇಣ ಬ್ರಹ್ಮಣಾ ವಿ ಭಾಹಿ
ಕೃಣ್ವಾನೋ ಅನ್ಯಾನ್ ಅಧರಾನ್ ಸಪತ್ನಾನ್ || ೧,೧೯।೨

ಯೇನೇಂದ್ರಾಯ ಸಮಭರಂ ಪಯಾಂಸ್ಯ್
ಉತ್ತರೇಣ ಬ್ರಹ್ಮಣಾ ಜಾತವೇದಃ |
ತೇನ ತ್ವಂ ಅಗ್ನ ಇಹ ವರ್ಧಯೇಮಂ
ರಾಯಸ್ಪೋಷಂ ಶ್ರೈಷ್ಠ್ಯಂ ಆ ಧೇಹ್ಯ್ ಅಸ್ಮೈ || ೧,೧೯।೩

ಐಷಾಂ ಯಜ್ಞಂ ಉತ ವರ್ಚೋ ಭರೇ ಽಹಂ
ರಾಯಸ್ಪೋಷಂ ಉತ ವಿತ್ತಾನ್ಯ್ ಅಗ್ನೇ |
ಸಪತ್ನಾ ಅಸ್ಮದ್ ಅಧರೇ ಭವಂತು-
-ಉತ್ತಮೇ ದೇವಾ ಜ್ಯೋತಿಷಿ ಧತ್ತನೇಮಂ || ೧,೧೯।೪
(೧೯)

ಮಾ ನೋ ವಿದನ್ ವಿವ್ಯಾಧಿನೋ
ಮೋ ಅಭಿವ್ಯಾಧಿನೋ ವಿದನ್ |
ಆರಾಚ್ ಛರವ್ಯಾ ಅಸ್ಮದ್
ವಿಷೂಚೀರ್ ಇಂದ್ರ ಪಾತಯ || ೧,೨೦।೧

ವಿಷ್ವಂಚೋ ಅಸ್ಮಚ್ ಛರವಃ ಪತಂತು
ಯೇ ಅಸ್ತಾ ಯೇ ಚಾಸ್ಯಾಃ |
ದೇವಾ ಮನುಷ್ಯಾ ಋಷಯೋ
ಽಮಿತ್ರಾನ್ ನೋ ವಿ ವಿಧ್ಯತು || ೧,೨೦।೨

ಯಃ ಸಮಾನೋ ಯೋ ಽಸಮಾನೋ
ಽಮಿತ್ರೋ ನೋ ಜಿಘಾಂಸತಿ |
ರುದ್ರಃ ಶರವ್ಯಯಾ ತಾನ್
ಅಮಿತ್ರಾನ್ ನೋ ವಿ ವಿಧ್ಯತು || ೧,೨೦।೩

ಸಬಂಧುಶ್ ಚಾಸಬಂಧುಶ್ ಚ
ಯೋ ನ ಇಂದ್ರಾಭಿದಾಸತಿ |
ದೇವಾಸ್ ತಂ ಸರ್ವೇ ಧೂರ್ವಂತು
ಬ್ರಹ್ಮ ವರ್ಮ ಮಮಾಂತರಂ || ೧,೨೦।೪
(೨೦)

ಅನುವಾಕ ೪ ||

ನಾಸಂ ನಶನ್ ಸ್ವಯಂ ಸ್ರಸನ್ನ್
ಅಸತೀಭ್ಯೋ ಅಸತ್ತರಾಃ |
ಸೇಹೋರ್ ಅರಸತರಾ
ಲವಣಾದ್ ವಿಕ್ಲೇದೀಯಸೀಃ || ೧,೨೧।೧

ಅಪಚಿತಃ ಪ್ರ ಪತತ
ಸುಪರ್ಣೋ ವಸತೇರ್ ಇವ |
ಸೂರ್ಯಃ ಕೃಣೋತು ಭೇಷಜಂ
ಚಂದ್ರಮಾ ವೋ ಽಪೋಚ್ಛತು || ೧,೨೧।೨

ಏನ್ಯ್ ಏಕಾ ಶ್ಯೇನ್ಯ್ ಏಕಾ
ಕೃಷ್ಣೈಕಾ ರೋಹಿಣೀ ದ್ವೇ |
ಸರ್ವಾಸಾಂ ಅಗ್ರಭಂ ನಾಮ-
-ಅವೀರಘ್ನೀರ್ ಅಪೇತನ || ೧,೨೧।೩

ಅಸೂತಿಕಾ ರಾಮಾಯಣ್ಯ್
ಅಪಚಿತ್ ಪ್ರ ಪತಿಷ್ಯತಿ |
ಗ್ಲೌರ್ ಇತಃ ಪ್ರ ಪತಿಷ್ಯತಿ
ಸ ಗಲಂತೋ ನಶಿಷ್ಯತಿ || ೧,೨೧।೪

ಅಪೇತೋ ಅಪಚಿತ್ವರೀರ್
ಇಂದ್ರಃ ಪೂಷಾ ಚ ಚಿಕ್ಯತುಃ |
ಅಪೇತ್ವ್ ಅಸ್ಯ ಗ್ರೀವಾಭ್ಯೋ
ಅಪ ಪದ್ಭ್ಯಾಂ ವಿಜಾಮತಃ || ೧,೨೧।೫
(೨೧)

ಆಶಾನಾಂ ಆಶಾಪಾಲೇಭ್ಯಶ್
ಚತುರ್ಭ್ಯೋ ಅಮೃತೇಭ್ಯಃ |
ಇದಂ ಭೂತಸ್ಯಾಧ್ಯಕ್ಷೇಭ್ಯೋ
ವಿಧೇಮ ಹವಿಷಾ ವಯಂ || ೧,೨೨।೧

ಯ ಆಶಾನಾಂ ಆಶಾಪಾಲಾಶ್
ಚತ್ವಾರ ಸ್ಥನ ದೇವಾಃ |
ತೇ ನೋ ನಿರೃತ್ಯಾಃ ಪಾಶೇಭ್ಯೋ
ಮುಂಚತಾಂಹಸೋಅಂಹಸಃ || ೧,೨೨।೨

ಅಶ್ಲೋಣಸ್ ತೇ ಹವಿಷಾ ವಿಧೇಯಂ
ಅಸ್ರಾಮಸ್ ತೇ ಘೃತೇನಾ ಜುಹೋಮಿ |
ಯ ಆಶಾನಾಂ ಆಶಾಪಾಲಸ್ ತುರೀಯೋ
ದೇವಃ ಸ ನಃ ಸುಭೂತಂ ಏಹ ವಕ್ಷತ್ || ೧,೨೨।೩

ಸ್ವಸ್ತಿ ಮಾತ್ರ ಉತ ಪಿತ್ರೇ ನೋ ಅಸ್ತು
ಸ್ವಸ್ತಿ ಗೋಭ್ಯ ಉತ ಪೂರುಷೇಭ್ಯಃ |
ವಿಶ್ವಂ ಸುಭೂತಂ ಸುವಿದತ್ರಂ ಅಸ್ತು ನೋ
ಜ್ಯೋಗ್ ಏವ ದೃಶೇಮ ಸೂರ್ಯಂ || ೧,೨೨।೪
(೨೨)

ಇದಂ ಜನಾಸೋ ವಿದಥಂ
ಮಹದ್ ಬ್ರಹ್ಮ ವದಿಷ್ಯತಿ |
ನ ತತ್ ಪೃಥಿವ್ಯಾಂ ನೋ ದಿವಿ
ಯತಃ ಪ್ರಾಣಂತಿ ವೀರುಧಃ || ೧,೨೩।೧

ಅಂತರಿಕ್ಷೇ ಸಮಹಾಸಾಂ
ಸ್ಥಾನಂ ಶ್ರಾಂತಸದಾಂ ಇವ |
ಆಸ್ಥಾನಂ ಅಸ್ಯ ಭೂತಸ್ಯ
ವಿದುಷ್ ಟದ್ ವೇಧಸೋ ಜನಾಃ || ೧,೨೩।೨

ಯದ್ ರೋದಸೀ ರೇಜಮಾನೇ
ಭೂಮಿಶ್ ಚ ನಿರತಕ್ಷತಾಂ |
ಆರ್ದ್ರಂ ತದ್ ಅದ್ಯ ಸರ್ವದಾ
ಭಿದುರಸ್ಯೇವ ವರ್ತಸೀ || ೧,೨೩।೩

ವಿಶ್ವಂ ಅನ್ಯಾಭಿ ವವಾರ
ವಿಶ್ವಂ ಅನ್ಯಸ್ಯಾಂ ಅಧಿ ಶ್ರಿತಂ |
ದಿವೇ ಚ ವಿಶ್ವವೇದಸೇ
ಪೃಥಿವ್ಯೈ ಚಾಕರಂ ನಮಃ || ೧,೨೩।೪
(೨೩)

ಸಂ ಸಂ ಸ್ರವಂತು ಸಿಂಧವಃ
ಸಂ ವಾತಾ ದಿವ್ಯಾ ಉತ |
ತೇಭಿರ್ ಮೇ ಸರ್ವೈಃ ಸಂಸ್ರಾವೈರ್
ಧನಂ ಸಂ ಸ್ರಾವಯಾಮಸಿ || ೧,೨೪।೧

ಯೇ ಸಂಸ್ರಾವಾಃ ಸಂಸ್ರವಂತಿ
ಕ್ಷೀರಸ್ಯ ಚೋದಕಸ್ಯ ಚ |
ತೇಭಿರ್ ಮೇ ಸರ್ವೈಃ ಸಂಸ್ರಾವೈರ್
ಧನಂ ಸಂ ಸ್ರಾವಯಾಮಸಿ || ೧,೨೪।೨

ಯೇ ನದೀಭ್ಯಃ ಸಂಸ್ರವಂತ್ಯ್
ಉತ್ಸಾಸಃ ಸದಂ ಅಕ್ಷಿತಾಃ |
ತೇಭಿರ್ ಮೇ ಸರ್ವೈಃ ಸಂಸ್ರಾವೈರ್
ಧನಂ ಸಂ ಸ್ರಾವಯಾಮಸಿ || ೧,೨೪।೩

ಇದಂ ಹವ್ಯಾ ಉಪೇತನ-
-ಇದಂ ಸಂಸ್ರಾವಣಾ ಉತ |
ಇಹೈತು ಸರ್ವೋ ಯಃ ಪಶುರ್
ಅಸ್ಯ ವರ್ಧಯತಾ ರಯಿಂ || ೧,೨೪।೪
(೨೪)

ಹಿರಣ್ಯವರ್ಣಾಃ ಶುಚಯಃ ಪಾವಕಾ
ಯಾಸು ಜಾತಃ ಕಶ್ಯಪೋ ಯಾಸ್ವ್ ಇಂದ್ರಃ |
ಯಾ ಅಗ್ನಿಂ ಗರ್ಭಂ ದಧಿರೇ ಸುವರ್ಣಾಸ್
ತಾ ನ ಆಪಃ ಶಂ ಸ್ಯೋನಾ ಭವಂತು || ೧,೨೫।೧

ಯಾಸಾಂ ರಾಜಾ ವರುಣೋ ಯಾತಿ ಮಧ್ಯೇ
ಸತ್ಯಾನೃತೇ ಅವಪಶ್ಯಞ್ ಜನಾನಾಂ |
(…) || ೧,೨೫।೨

ಯಾಸಾಂ ದೇವಾ ದಿವಿ ಕೃಣ್ವಂತಿ ಭಕ್ಷಂ
ಯಾ ಅಂತರಿಕ್ಷೇ ಬಹುಧಾ ಭವಂತಿ |
ಯಾ ಅಗ್ನಿಂ ಗರ್ಭಂ ದಧಿರೇ ಸುವರ್ಣಾಃ
(…) || ೧,೨೫।೩

ಶಿವೇನ ಮಾ ಚಕ್ಷುಷಾ ಪಶ್ಯತಾಪಃ
ಶಿವಯಾ ತನ್ವೋಪ ಸ್ಪೃಶತ ತ್ವಚಂ ಮೇ |
ಘೃತಶ್ಚುತಃ ಶುಚಯೋ ಯಾಃ ಪಾವಕಾಸ್
ತಾ ನ ಆಪಃ ಶಂ ಸ್ಯೋನಾ ಭವಂತು || ೧,೨೫।೪
(೨೫)

ಅನುವಾಕ ೫ ||

ಸುಪರ್ಣೋ ಜಾತಃ ಪ್ರಥಮಸ್
ತಸ್ಯ ತ್ವಂ ಪಿತ್ತಂ ಆಸಿಥ |
ತದ್ ಆಸುರೀ ಯುಧಾ ಜೀತಾ
ರೂಪಂ ಚಕ್ರೇ ವನಸ್ಪತೀನ್ || ೧,೨೬।೧

ಆಸುರೀ ಚಕ್ರೇ ಪ್ರಥಮಾ-
-ಇದಂ ಕಿಲಾಸಭೇಷಜಂ
ಇದಂ ಕಿಲಾಸನಾಶನಂ |
ಅನೀನಶತ್ ಕಿಲಾಸಂ
ಸರೂಪಾಂ ಅಕರತ್ ತ್ವಚಂ || ೧,೨೬।೨

ಸರೂಪಾ ನಾಮ ತೇ ಮಾತಾ
ಸರೂಪೋ ನಾಮ ತೇ ಪಿತಾ |
ಸರೂಪಕೃತ್ ತ್ವಂ ಓಷಧೇ
ಸಾ ಸರೂಪಂ ಇದಂ ಕೃಧಿ || ೧,೨೬।೩

ಯತ್ ತನೂಜಂ ಯದ್ ಅಗ್ನಿಜಂ
ಚಿತ್ರಂ ಕಿಲಾಸಂ ಜಜ್ಞಿಷೇ |
ತದ್ ಅಸ್ತು ಸುತ್ವಕ್ ತನ್ವೋ
ಯತಸ್ ತ್ವಾಪನಯಾಮಸಿ || ೧,೨೬।೪

ಶ್ಯಾಮಾ ಸರೂಪಂಕರಣೀ
ಪೃಥಿವ್ಯಾ ಅಧ್ಯ್ ಉದ್ಭೃತಾ |
ಇದಂ ಊ ಷು ಪ್ರ ಸಾಧಯ
ಪುನಾ ರೂಪಾಣಿ ಕಲ್ಪಯ || ೧,೨೬।೫
(೨೬)

ಅಭಯಂ ಸೋಮಃ ಸವಿತಾ ಕೃಣೋತ್ವ್
ಅಭಯಂ ದ್ಯಾವಾಪೃಥಿವೀ ಉಭೇ |
ಅಭಯಂ ಸ್ವರ್ ಅಂತರಿಕ್ಷಂ ನೋ ಅಸ್ತು
ಸಪ್ತಋಷೀಣಾಂ ಹವಿಷಾಭಯಂ ನೋ ಽಸ್ತು || ೧,೨೭।೧

ಅಭಯಂ ದ್ಯಾವಾಪೃಥಿವೀ ಇಹಾಸ್ತು ನೋ
ಅಗ್ನಿನಾಮಿತ್ರಾನ್ ಪ್ರತ್ಯ್ ಓಷತಂ ಪ್ರತೀಚಃ |
ಮಾ ಜ್ಞಾತಾರಂ ಮಾ ಪ್ರತಿಷ್ಠಾಂ ವಿದಂತ
ಮಿಥೋ ವಿಘ್ನಾನಾ ಉಪ ಯಂತು ಮೃತ್ಯುಂ || ೧,೨೭।೨

ಪಂಚ ದೇವಾ ಅಭಯಸ್ಯೇಶತ
ಇಂದ್ರಸ್ ತ್ವಷ್ಟಾ ವರುಣೋ ಮಿತ್ರೋ ಅಗ್ನಿಃ |
ಮಾಯಂ ಗ್ರಾಮೋ ದುರಿತಂ ಏನ ಆರದ್
ಅನ್ಯತ್ರ ರಾಜ್ಞಾಂ ಅಭಿ ಯಾತು ಮನ್ಯುಃ || ೧,೨೭।೩

ಅಸ್ಮೈ ಗ್ರಾಮಾಯ ಪ್ರದಿಶಶ್ ಚತಸ್ರ
ಊರ್ಜಂ ಸುಭೂತಂ ಸವಿತಾ ದಧಾತು |
ಅಶತ್ರುಂ ಇಂದ್ರೋ ಅಭಯಂ ಕೃಣೋತು
ಮಧ್ಯೇ ಚ ವಿಶಾಂ ಸುಕೃತೇ ಸ್ಯಾಮ || ೧,೨೭।೪
(೨೭)

ಅನು ಸೂರ್ಯಂ ಉದ್ ಅಯತಾಂ
ಹೃದ್ದ್ಯೋತೋ ಹರಿಮಾ ಚ ತೇ |
ಯೋ ರೋಹಿತಸ್ಯ ಗೋರ್ ವರ್ಣಸ್
ತೇನ ತ್ವಾ ಪರಿ ದಧ್ಮಸಿ || ೧,೨೮।೧

ಪರಿ ತ್ವಾ ರೋಹಿತೈರ್ ವರ್ಣೈರ್
ದೀರ್ಘಾಯುತ್ವಾಯ ದಧ್ಮಸಿ |
ಯಥಾ ತ್ವಂ ಅರಪಾ ಅಸೋ
ಅಥೋ ಽಹರಿತೋ ಭವ || ೧,೨೮।೨

ಯಾ ರೋಹಿಣೀರ್ ದೇವಪತ್ಯಾ
ಗಾವೋ ಯಾ ರೋಹಿಣೀರ್ ಉತ |
ರೂಪಂರೂಪಂ ವಯೋವಯಸ್
ತೇನ ತ್ವಾ ಪರಿ ದಧ್ಮಸಿ || ೧,೨೮।೩

ಶುಕೇಷು ತೇ ಹರಿಮಾಣಂ
ಪ್ರಪಣಾಕಾಸು ದಧ್ಮಸಿ |
ಅಥೋ ಹಾರಿದ್ರವೇಷು ತೇ
ಹರಿಮಾಣಂ ನಿ ದಧ್ಮಸಿ || ೧,೨೮।೪
(೨೮)

ಯಾಃ ಪುರಸ್ತಾದ್ ಆಚರಂತಿ
ನೀಚೈಃ ಸೂರ್ಯಾದ್ ಅಥೋ ದಿವಃ |
ಏತಂ ಅಪ್ಸರಸಾಂ ವ್ರಾತಂ
ಬ್ರಹ್ಮಣಾಚ್ಛಾ ವದಾಮಸಿ || ೧,೨೯।೧

ಯಾ ಅಧರಾದ್ ಆಚರಂತಿ
ಜಿಹ್ಮಾ ಮುಖಾ ಕರಿಕ್ರತೀಃ |
ಆಹತಾ ಅಪ ತಾ ಇತೋ
ನಶ್ಯಂತ್ವ್ ಅತಶ್ ಚಿನ್ವತೀಃ || ೧,೨೯।೨

ಯಾಃ ಕುಲ್ಯಾ ಯಾ ವನ್ಯಾ
ಯಾ ಉ ಚೋನ್ಮಾದಯಿಷ್ಣವಃ |
ಸರ್ವಾಸ್ ತಾ ಮೃಶ್ಮಶಾಕರಂ
ದೃಷದಾ ಖಲ್ವಾಁ ಇವ || ೧,೨೯।೩

ಚೇತಂತೀಂ ಅಶ್ಮಲಾಂ ಪಲಾಂ
ತಾಸಾಂ ವೋ ನಮೋ ಅರ್ಚಿಷೇ |
ಆರಾದ್ ಯಕ್ಷ್ಮಂ ನಿ ಧತ್ತ-
-ಅಸ್ಮಾನ್ ನೋ ಅಧಿ ಪೂರುಷಾತ್ || ೧,೨೯।೪
(೨೯)

ಕಾಮಸ್ ತದ್ ಅಗ್ರೇ ಸಂ ಅವರ್ತತ
ಮನಸೋ ರೇತಃ ಪ್ರಥಮಂ ಯದ್ ಆಸೀತ್ |
ಸ ಕಾಮ ಕಾಮೇನ ಬೃಹತಾ ಸಯೋನೀ
ರಾಯಸ್ಪೋಷಂ ಯಜಮಾನಾಯ ಧೇಹಿ || ೧,೩೦।೧

ತ್ವಂ ಕಾಮ ಸಹಸಾಸಿ ಪ್ರತಿಷ್ಠಿತೋ
ವಿಭುರ್ ವಿಭಾವಾ ಸುಷಖಾ ಸಖೀಯತೇ |
ತ್ವಂ ಉಗ್ರಃ ಪೃತನಾಸು ಸಾಸಹಿಃ
ಸಹ ಓಜೋ ಯಜಮಾನಾಯ ಧೇಹಿ || ೧,೩೦।೨

ದೂರಾಚ್ ಚಕಮಾನಾಯ
ಪ್ರವಿಪಾಣಾಯಾಕ್ಷಯೇ |
ಆಸ್ಮಾ ಅಶೃಣ್ವನ್ನ್ ಆಶಾಃ
ಕಾಮೇನಾಜನಯನ್ ಸ್ವಃ || ೧,೩೦।೩

ಕಾಮೇನ ಮಾ ಕಾಮ ಆಗನ್
ಹೃದಯಾದ್ ಧೃದಯಂ ಪರಿ |
ಯದ್ ಅಮೀಷಾಂ ಅದೋ ಮನಸ್
ತದ್ ಐತೂಪ ಮಾಂ ಇಹ || ೧,೩೦।೪

ಯತ್ ಕಾಮ ಕಾಮಯಮಾನಾ
ಇದಂ ಕೃಣ್ಮಸಿ ತೇ ಹವಿಃ |
ತನ್ ನಃ ಸರ್ವಂ ಸಂ ಋಧ್ಯತಾಂ
ಅಥೈತಸ್ಯ ಹವಿಷೋ ವೀಹಿ ಸ್ವಾಹಾ || ೧,೩೦।೫

ಕ ಇದಂ ಕಸ್ಮಾ ಅದಾತ್ ಕಾಮಃ ಕಾಮಾಯಾದಾತ್ |
ಕಾಮೋ ದಾತಾ ಕಾಮಃ ಪ್ರತಿಗ್ರಹೀತಾ
ಕಾಮಃ ಸಮುದ್ರಂ ಆ ವಿವೇಶ |
ಕಾಮೇನ ತ್ವಾ ಪ್ರತಿ ಗೃಹ್ಣಾಮಿ ಕಾಮೈತತ್ ತೇ || ೧,೩೦।೬
(೩೦)

ಅನುವಾಕ ೬ ||

ಇಮಂ ಮೇ ಕುಷ್ಠ ಪೂರುಷಂ
ತಂ ಆ ವಹ ತಂ ನಿಷ್ ಕೃಧಿ |
ತಂ ಉ ಮೇ ಅಗದಂ ಕೃಧಿ || ೧,೩೧।೧

ಉದಙ್ ಜಾತೋ ಹಿಮವತಃ
ಸ ಪ್ರಾಚ್ಯಾಂ ನೀಯಸೇ ಜನಂ |
ತತ್ರ ಕುಷ್ಠಸ್ಯ ನಾಮಾನ್ಯ್
ಉತ್ತಮಾನಿ ವಿ ಭೇಜಿರೇ || ೧,೩೧।೨

ಉತ್ತಮೋ ನಾಮಾಸ್ಯ್
ಉತ್ತಮೋ ನಾಮ ತೇ ಪಿತಾ |
ಯತಃ ಕುಷ್ಠ ಪ್ರಜಾಯಸೇ
ತತ ಏಹ್ಯ್ ಅರಿಷ್ಟತಾತಯೇ || ೧,೩೧।೩

ಶೀರ್ಷಹತ್ಯಾಂ ಉಪಹತ್ಯಾಂ
ಅಕ್ಷ್ಯೋಸ್ ತನ್ವೋ ರಪಃ |
ಕುಷ್ಠೋ ನೋ ವಿಶ್ವತಸ್ ಪಾತು
ದೈವಂ ಸಮಹ ವೃಷ್ಣ್ಯಂ || ೧,೩೧।೪
(೩೧)

ಯದ್ ಅಗ್ನಿರ್ ಆಪೋ ಅದಹತ್ ಪ್ರವಿಶ್ಯ
ಯತ್ರಾಕೃಣ್ವನ್ ಧರ್ಮಧೃತೋ ನಮಾಂಸಿ |
ತತ್ರ ತ ಆಹುಃ ಪರಮಂ ಜನಿತ್ರಂ
ಸ ನಃ ಸಂವಿದ್ವಾನ್ ಪರಿ ವೃಙ್ಧಿ ತಕ್ಮನ್ || ೧,೩೨।೧

ಯದಿ ಶೋಕೋ ಯದ್ಯ್ ಅಭೀಶೋಕೋ
ರುದ್ರಸ್ಯ ಪ್ರಾಣೋ ಯದಿ ವಾರುಣೋ ಽಸಿ |
ಹುಡುರ್ ನಾಮಾಸಿ ಹರಿತಸ್ಯ ದೇವ
ಸ ನಃ ಸಂವಿದ್ವಾನ್ ಪರಿ ವೃಙ್ಧಿ ತಕ್ಮನ್ || ೧,೩೨।೨

ಯದ್ಯ್ ಅರ್ಚಿರ್ ಯದಿ ವಾಸಿ ಧೂಮಃ
ಶಕಲ್ಯೇಷು ಯದಿ ವಾ ತೇ ಜನಿತ್ರಂ |
ಹುಡುರ್ ನಾಮಾಸಿ ಹರಿತಸ್ಯ ದೇವ
ಸ ನಃ ಸಂವಿದ್ವಾನ್ ಪರಿ ವೃಙ್ಧಿ ತಕ್ಮನ್ || ೧,೩೨।೩

ನಮಃ ಶೀತಾಯ ತಕ್ಮನೇ
ನಮೋ ರೂರಾಯ ಕೃಣ್ಮೋ ವಯಂ ತೇ |
ಯೋ +ಽನ್ಯೇದ್ಯುರ್ ಉಭಯದ್ಯುಶ್ ಚರಂತಿ
ತೃತೀಯಕಾಯ ನಮೋ ಅಸ್ತು ತಕ್ಮನೇ || ೧,೩೨।೪

ತೃತೀಯಕಂ ವಿತೃತೀಯಂ
ಸದಂದಿಂ ಉತ ಹಾಯನಂ |
ತಕ್ಮಾನಂ ವಿಶ್ವಶಾರದಂ
ಗ್ರೈಷ್ಮಂ ನಾಶಯ ವಾರ್ಷಿಕಂ || ೧,೩೨।೫
(೩೨)

ಆಪೋ ಅದ್ಯಾನ್ವ್ ಅಚಾರಿಷಂ
ರಸೇನ ಸಂ ಅಸೃಕ್ಷ್ಮಹಿ |
ಪಯಸ್ವಾನ್ ಅಗ್ನ ಆಗಮಂ
ತಂ ಮಾ ಸಂ ಸೃಜ ವರ್ಚಸಾ || ೧,೩೩।೧

ಸಂ ಮಾಗ್ನೇ ವರ್ಚಸಾ ಸೃಜ
ಪ್ರಜಯಾ ಚ ಬಹುಂ ಕೃಧಿ |
ವಿದ್ಯುರ್ ಮೇ ಅಸ್ಯ ದೇವಾ
ಇಂದ್ರೋ ವಿದ್ಯಾತ್ ಸಹ ರ್ಷೀಭಿಃ || ೧,೩೩।೨

ಇದಂ ಆಪಃ ಪ್ರ ವಹತ-
-ಅವದ್ಯಂ ಚ ಮಲಂ ಚ ಯತ್ |
ಯಚ್ ಚ ದುದ್ರೋಹಾನೃತಂ
ಯಚ್ ಚ ಶೇಪೇ ಅಭೀರುಣಂ || ೧,೩೩।೩

ಶಿವೇನ ಮಾ ಚಕ್ಷುಷಾ ಪಶ್ಯತಾಪಃ
ಶಿವಯಾ ತನ್ವೋಪ ಸ್ಪೃಶತ ತ್ವಚಂ ಮೇ |
ಶಿವಾನ್ ಅಗ್ನೀನ್ ಅಪ್ಸುಷದೋ ಹವಾಮಹೇ
ಮಯಿ ಕ್ಷತ್ರಂ ವರ್ಚ ಆ ಧತ್ತ ದೇವೀಃ || ೧,೩೩।೪

ಯದ್ ಆಪೋ ನಕ್ತಂ ಮಿಥುನಂ ಚಚಾರ
ಯದ್ ವಾ ದುದ್ರೋಹ ದುರಿತಂ ಪುರಾಣಂ |
ಹಿರಣ್ಯವರ್ಣಾಸ್ ತತ ಉತ್ ಪುನಂತು ಮಾ
ಪ್ರ ಮಾ ಮುಂಚಂತು ವರುಣಸ್ಯ ಪಾಶಾತ್ || ೧,೩೩।೫
(೩೩)
ಅಗ್ನಿರ್ ಜನವಿನ್ ಮಹ್ಯಂ ಜಾಯಾಂ ಇಮಾಂ ಅದಾತ್ ||ಸೋಮೋ ವಸುವಿನ್ ಮಹ್ಯಂ ಜಾಯಾಂ ಇಮಾಂ ಅದಾತ್ ||ಪೂಷೋ ಜ್ಞಾತಿವಿನ್ ಮಹ್ಯಂ ಜಾಯಾಂ ಇಮಾಂ ಅದಾತ್ ||ಇಂದ್ರಃ ಸಹೀಯಾನ್ ಮಹ್ಯಂ ಜಾಯಾಂ ಇಮಾಂ ಅದಾತ್ ||(೩೪)
ಅಗ್ನಯೇ ಜನವಿದೇ ಸ್ವಾಹಾ ||ಸೋಮಾಯ ವಸುವಿದೇ ಸ್ವಾಹಾ ||ಪೂಷ್ಣೇ ಜ್ಞಾತಿವಿದೇ ಸ್ವಾಹಾ ||ಇಂದ್ರಾಯ ಸಹೀಯಸೇ ಸ್ವಾಹಾ ||(೩೫)

ಅನುವಾಕ ೭ ||

ಯಾಃ ಪುರಸ್ತಾದ್ ಆಚರಂತಿ
ಯಾ ವಾ ಪಶ್ಚಾತ್ ಸದಾನ್ವಾಃ |
ಅಶ್ಮಾನಂ ಋಚ್ಛಂತೀರ್ ಯಂತು
ಯೋ ಽಯಂ ಸ್ವಾದಾವ್ ಅನಾದ್ಯಃ || ೧,೩೬।೧

ಯಾ ಅಧಾರಾದ್ ಆಚರಂತ್ಯ್
ಉತ್ತರಾದ್ ವಾ ಸದಾನ್ವಾಃ |
ಅಶ್ಮಾನಂ ಋಚ್ಛಂತೀರ್ ಯಂತು
ಯೋ ಽಯಂ ಸ್ವಾದಾವ್ ಅನಾದ್ಯಃ || ೧,೩೬।೨

ಯಾಃ ಪಶ್ಚಾದ್ ಆಚರಂತಿ
ಪುರಸ್ತಾದ್ ವಾ ಸದಾನ್ವಾಃ |
ಅಶ್ಮಾನಂ ಋಚ್ಛಂತೀರ್ ಯಂತು
ಯೋ ಽಯಂ ಸ್ವಾದಾವ್ ಅನಾದ್ಯಃ || ೧,೩೬।೩

ಯಾ ಉತ್ತರಾದ್ ಆಚರಂತ್ಯ್
ಅಧರಾದ್ ವಾ ಸದಾನ್ವಾಃ |
ಅಶ್ಮಾನಂ ಋಚ್ಛಂತೀರ್ ಯಂತು
ಯೋ ಽಯಂ ಸ್ವಾದಾವ್ ಅನಾದ್ಯಃ || ೧,೩೬।೪
(೩೬)

ಉಭಯೀರ್ ಅಹಂ ಆಯಾತಾಃ
ಪರಾಚೀರ್ ಅಕರಂ ತ್ವತ್ |
ದೇವೇಭಿರ್ ಅನ್ಯಾ ಅಸ್ತಾ
ಬಹ್ವೀರ್ ಅನ್ಯಾ ಅಥೋ ದಿವಂ || ೧,೩೭।೧

ನಮಸ್ ತೇ ರುದ್ರಾಸ್ಯತೇ
ನಮಃ ಪ್ರತಿಹಿತಾಭ್ಯಃ |
ನಮೋ ವಿಸೃಜ್ಯಮಾನಾಭ್ಯೋ
ನಮೋ ನಿಪತಿತಾಭ್ಯಃ || ೧,೩೭।೨

ಹಿರಣ್ಯಯೀರ್ ಮ ಉಲ್ಬಣ್ಯಃ
ಷಟ್ ಸಹರಾಣಿ ಷಟ್ ಶತಾ |
ತಾಭಿಃ ಪರಿ ಶ್ರಯಾಮಹೇ
ತಾ ನೋ ರಕ್ಷಂತು ಸರ್ವತಃ |
ಬಹ್ವ್ ಇದಂ ಅನ್ಯದ್ ವಿಷ್ಠಿತಂ
ತಸ್ಯ ಕಾಮಂ ವಿ ವಿಧ್ಯತ || ೧,೩೭।೩

ಅಯಸ್ಮಯಂ ಮೇ ವಿಮಿತಂ
ಯುಷ್ಮದ್ ಭಿಯಾ ಮಹತ್ ಕೃತಂ
ನಮಸಾ ನಮಸೇನ್ಯಂ |
ತೇನಾ ಪರಿ ಶ್ರಯಾಮಹೇ
ತನ್ ನೋ ರಕ್ಷಂತು ಸರ್ವತಃ |
(…) || ೧,೩೭।೪

ಅಯಸ್ಮಯಂ ವರ್ಮ ಕೃಣ್ವೇ
ದ್ವಾರಂ ಕೃಣ್ವೇ ಅಯಸ್ಮಯಂ |
ಖೀಲಾನ್ ಅಯಸ್ಮಯಾನ್ ಕೃಣ್ವೇ
ತೇ ನೋ ರಕ್ಷಂತು ಸರ್ವತಃ |
ಬಹ್ವ್ ಇದಂ ಅನ್ಯದ್ ವಿಷ್ಠಿತಂ
ತಸ್ಯ ಕಾಮಂ ವಿ ವಿಧ್ಯತ || ೧,೩೭।೫
(೩೭)

ಇಮಾ ಯಾಸ್ ತಿಸ್ರಃ ಪೃಥಿವೀಸ್
ತಾಸಾಂ ಹ ಭೂಮಿರ್ ಉತ್ತಮಾ |
ತಾಸಾಂ ಅಧಿ ತ್ವಚೋ ಅಹಂ
ಸಂ ಉ ಜಗ್ರಭ ಭೇಷಜಂ || ೧,೩೮।೧

ಶ್ರೇಷ್ಠಂ ಅಸಿ ವೈರುಧಾನಾಂ
ವಸಿಷ್ಠಂ ಭೇಷಜಾನಾಂ |
ಯಜ್ಞೋ ಭಗ ಇವ ಯಾಮೇಷು
ದೇವೇಷು ವರುಣೋ ಯಥಾ || ೧,೩೮।೨

ರೇವತೀರ್ ಅನಾಧೃಷ್ಠಾಃ
ಸಿಷಾಸಂತೀಃ ಸಿಷಾಸಥ |
ಏತಾ ಸ್ಥ ಕೇಶವರ್ಧನೀರ್
ಅಥೋ ಸ್ಥ ಕೇಶದೃಂಹಣೀಃ || ೧,೩೮।೩

ದೃಂಹ ಮೂಲಂ ಅಗ್ರಂ ಯಚ್ಛ
ವಿ ಮಧ್ಯಂ ಯಮಯೌಷಧೇ |
ಕೇಶವರ್ಧನಂ ಅಸ್ಯ್ ಆಥರ್ವಣಂ
ಕೇಶದೃಂಹಣಂ ಅಸ್ಯ್ ಆಥರ್ವಣಂ || ೧,೩೮।೪
(೩೮)

ಅಗ್ನೇ ಗೋಭಿರ್ ನ ಆ ಗಹಿ-
-ಇಂದೋ ರಯ್ಯಾ ಸಚಸ್ವ ನಃ |
ಇಂದ್ರೋ ಧರ್ತಾ ಗೃಹೇಷು ನಃ || ೧,೩೯।೧

ಸವಿತಾ ಯಃ ಸಹಸ್ರಿಯಃ
ಸ ನೋ ಗೃಹೇಷು ರಣ್ಯತು |
ಆ ಪುಷ್ಟಂ ಏತ್ವ್ ಆ ವಸು || ೧,೩೯।೨

ತ್ವಷ್ಟಾ ಯೋ ವೃಷಭೋ ಯುವಾ
ಸ ನೋ ಗೃಹೇಷು ರಾರಣತ್ |
ಸಹಸ್ರೇಣ ಶತೇನ ಚ || ೧,೩೯।೩

ಧಾತಾ ದಧಾತು ನೋ ರಯಿಂ
ಈಶಾನೋ ಜಗತಸ್ ಪತಿಃ |
ಸ ನಃ ಪೂರ್ಣೇನ ಯಚ್ಛತು || ೧,೩೯।೪
(೩೯)

ಮಮೋಭಾ ಮಿತ್ರಾವರುಣಾ
ಮಮೋಭೇಂದ್ರಾಬೃಹಸ್ಪತೀ |
ಮಮ ತ್ವಷ್ಟಾ ಚ ಪೂಷಾ ಚ
ಮಮೈವ ಸವಿತಾ ವಶೇ || ೧,೪೦।೧

ಮಮ ವಿಷ್ಣುಶ್ ಚ ಸೋಮಶ್ ಚ
ಮಮೈವ ಮರುತೋ ಭುವನ್ |
ಸರಸ್ವಾಂಶ್ ಚ ಭಗಶ್ ಚ
ವಿಶ್ವೇ ದೇವಾ ವಶೇ ಮಮ || ೧,೪೦।೨

ಮಮೋಭೇ ದ್ಯಾವಾಪೃಥಿವೀ
ಅಂತರಿಕ್ಷಂ ಸ್ವರ್ ಮಮ |
ಮಮೇಮಾಃ ಸರ್ವಾ ಓಷಧೀರ್
ಆಪಃ ಸರ್ವಾ ವಶೇ ಮಮ || ೧,೪೦।೩

ಮಮ ಗಾವೋ ಮಮಾಶ್ವಾ
ಮಮಾಜಾಶ್ ಚಾವಯಶ್ ಚ |
ಮಮೈವ ಪುರುಷಾ ಭುವನ್
ಮಮೇದಂ ಸರ್ವಂ ಆತ್ಮನ್ವದ್
ಏಜತ್ ಪ್ರಾಣದ್ ವಶೇ ಮಮ || ೧,೪೦।೪
(೪೦)

ಅನುವಾಕ ೮ ||

ಅಗ್ನೇ ಽಭ್ಯಾವರ್ತಿನ್ನ್
ಅಭಿ ನ ಆ ವವೃತ್ಸ್ವ |
ಆಯುಷಾ ವರ್ಚಸಾ ಸನ್ಯಾ
ಮೇಧಯಾ ಪ್ರಜಯಾ ಧನೇನ || ೧,೪೧।೧

ಅಗ್ನೇ ಜಾತವೇದಃ
ಶತಂ ತೇ ಸಂತ್ವ್ ಆವೃತಃ
ಸಹಸ್ರಂ ತ ಉಪಾವೃತಃ |
ಅಧಾ ಪುಷ್ಟಸ್ಯೇಶಾನಃ
ಪುನರ್ ನೋ ರಯಿಂ ಆ ಕೃಧಿ || ೧,೪೧।೨

ಸಹ ರಯ್ಯಾ ನಿ ವರ್ತಸ್ವ-
-ಅಗ್ನೇ ಪಿನ್ವಸ್ವ ಧಾರಯಾ |
ವಿಶ್ವಪ್ಸ್ನ್ಯಾ ವಿಶ್ವತಸ್ ಪರಿ || ೧,೪೧।೩

ಪುನರ್ ಊರ್ಜಾ ವವೃತ್ಸ್ವ
ಪುನರ್ ಅಗ್ನೇ ವಿಶಾಯುಷಾ |
ಪುನರ್ ನಃ ಪಾಹ್ಯ್ ಅಂಹಸಃ || ೧,೪೧।೪
(೪೧)

ಯಾಃ ಸೇನಾ ಅಭೀತ್ವರೀರ್
ಆವ್ಯಾಧಿನೀರ್ ಉಗಣಾ ಉತ |
ಯ ಸ್ತೇನೋ ಯಶ್ ಚ ತಸ್ಕರಸ್
ತಾಂಸ್ ತೇ ಅಗ್ನೇ ಽಪಿ ದಧಾಮ್ಯ್ ಆಸನಿ || ೧,೪೨।೧

ಜಂಭೈರ್ ಮಲಿಮ್ಲೂನ್ ಅಗ್ನೇ
ದಂಷ್ಟ್ರಾಭ್ಯಾಂ ತಸ್ಕಾರಾನ್ ಉತ |
ಹನೂಭ್ಯಾಂ ಸ್ತೇನಾನ್ ಮಘವನ್
ತಾಂಸ್ ತ್ವಂ ಖಾದ ಸುಖಾದಿತಾನ್ || ೧,೪೨।೨

ಯೇ ಗ್ರಾಮೇಷು ಮಲಿಮ್ಲುಚ
ಸ್ತೇನಾಸಸ್ ತಸ್ಕರಾ ವನೇ |
ಯೇ ಕಕ್ಷೇಷ್ವ್ ಅಘಾಯವಸ್
ತಾಂಸ್ ತೇ ಽಗ್ನೇ ಽಪಿ ದಧಾಮ್ಯ್ ಆಸನಿ || ೧,೪೨।೩

ಯೋ ಅಸ್ಮಭ್ಯಂ ಅರಾತೀಯಾದ್
ಯಶ್ ಚ ನೋ ದ್ವೇಷದ್ ಇಜ್ ಜನಃ |
ಆಮಾದಃ ಕ್ರವ್ಯಾದೋ ರಿಪೂಂಸ್
ತಾನ್ ಅಗ್ನೇ ಸಂ ದಹಾ ತ್ವಂ || ೧,೪೨।೪
(೪೨)

ಆ ಕ್ರಂದಯ ಧನಪತ
ಉದ್ ಏನಂ ಅರ್ದಯಾಮುತಃ |
ಅರ್ವಂಚಂ ಪುನರ್ ಆ ಕೃಧಿ
ಯಥಾಹಂ ಕಾಮಯೇ ತಥಾ || ೧,೪೩।೧

ಪರಿಸರ್ತಃ ಪರಿ ಧಾವ-
-ಆಕರ್ತಃ ಪುನರ್ ಆ ಕೃಧಿ |
ಅಥೋ ಮ ಇಂದ್ರಶ್ ಚಾಗ್ನಿಶ್ ಚ-
-ಅಮುಂ ಆ ನಯತಾಂ ಇಹ || ೧,೪೩।೨

ಏಕಾರ್ಕ ಏಕಕಾಮಾಯ
ಯಸ್ಮೈ ಕಾಮಾಯ ಖಾಯಸೇ |
ತೇನ ಮೇ ವಿಶ್ವಧಾವೀರ್ಯ-
-ಅಮುಂ ಆ ನಯತಾದ್ ಇಹ || ೧,೪೩।೩

ಯತ್ರಯತ್ರ ಚರಂತಂ
ನ್ಯಮ್ರೌಗ್ ಅಭಿ ಸೂರ್ಯಃ |
ತತೋ ಮೇ ಪಥ್ಯೇ ರೇವತ್ಯ್
ಅಮುಂ ಆ ನಯತಾದ್ ಇಹ || ೧,೪೩।೪
(೪೩)

ಅಸಿತಸ್ಯ ತೈಮಾತಸ್ಯ
ಬಭ್ರೋರ್ ಅಪೋದಕಸ್ಯ ಚ |
ಸರ್ವಾ ವಿಷಸ್ಯ ಧಾಮಾನ್ಯ್
ಉದ್ನೇವಾಗ್ನಿಂ ಅವೀವರೇ || ೧,೪೪।೧

ಇಷೀಕಾದಂತ ದುರ್ಲಭ
ಕಿಂ ಮೇ ಸಖಾಯಂ ಆತುದಃ |
ನ ಮಾಂ ಅಪಶ್ಯ ಆಗತಂ
ಸತೀನಂ ವಿಷದೂಷಣಂ || ೧,೪೪।೨

ಯತ್ ತಾಲವ್ಯೇ ದತಿ
ಸಂಸಿಸಿಕ್ಷೇ ವಿಷಂ ತ್ವಂ |
ತ್ರಯಸ್ ತುದಾ ರುಜಾಮಸಿ
ಬಭ್ರುಕೋ ನಕುಲಸ್ ತ್ವತ್ || ೧,೪೪।೩

ತ್ರಯೋ ವೈ ಸ್ಮಃ ಸಖಾಯೋ
ಬಭ್ರುಕೋ ನಕುಲಸ್ ತ್ವತ್ |
ತೇ ಸರ್ವೇ ಅಪ್ಯ್ ಅಪಾತಯನ್ನ್
ಆಹೇಯಂ ಅರಸಂ ವಿಷಂ || ೧,೪೪।೪
(೪೪)

ಸಾರಸ್ವತಂ ವೃಷಣಂ ಬಭ್ರುವಕ್ಷಂ
ಶೀತರೂರೇ ತನ್ವಾವ್ ಅಸ್ಯ ಭೀಮೇ |
ಅನ್ಯೇದ್ಯುಕಂ ಸದಂದಿಂ ತ್ವಾ ತೃತೀಯಕ
ಹುವೇ ನಮಸ್ಯಂ ಸಹದೇವಂ ಅಪ್ಸುಜಂ || ೧,೪೫।೧

ಯೋ ಅಪ್ಸುಜೋ ಅರುಣೋ ಮಾನುಷೇ ಜನೇ
ವಿವೇಶ ಬಭ್ರುರ್ ಹರ್ಷಯಿಷ್ಣುರ್ ಅಕ್ಷಿತಃ |
ಶೀತರೂರಾಯ ತರ್ಷಯಿಷ್ಣವೇ
ಜುಗುಶೀರ್ಷಸಾವಯೇಶಂ ನಮೋ ಅಸ್ತು ದೇವಾಃ || ೧,೪೫।೨

ಯೋ ಹರ್ಷಯಞ್ ಜಂಜಭಃ ಸ್ವೇದನೋ ವಶೀ
ವಶಃ ಪ್ರಾರಃ ಶೀತರೂರಾಶಿಷೇ ಮನೂನ್ |
ಸೋ ಅಸ್ಮಭ್ಯಂ ಮೃಡಯನ್ ಪ್ರೇಹಿ ಸಂಶಿತೋ
ಯಂ ವಯಂ ದ್ವಿಷ್ಮಸ್ ತಂ ಅಭಿ ಪ್ರಜಾನನ್ || ೧,೪೫।೩

ನಮಸ್ ತೇ ವಿದ್ಮ ತೇ ಕಾಸನಾಯನಂ
ಯತೋಯತಃ ಸುರಭೇ ಸಂಬಭೂವಿಥ |
ಸ ನೋ ಮಾ ಹಿಂಸೀರ್ ನಮೋ ಅಸ್ತು ತುಭ್ಯಂ
ಶೀರ್ಷಕ್ತ್ಯಾ ಯಕ್ಷ್ಮಾದ್ ಇಹ ಪಾರಯಾ ನಃ || ೧,೪೫।೪
(೪೫)

ಅನುವಾಕ ೯ ||

ಅಸ್ಯ ತ್ವಂ ದದತಃ ಸೋಮ ರಾಜನ್
ವರ್ಮೇವ ತನ್ವಂ ಪರಿ ಪಾಹಿ ವಿಶ್ವತಃ |
ಯೋ ಬ್ರಹ್ಮಣೇ ರಾಧೋ ವಿದ್ಧೋ ದದಾತಿ
ತಸ್ಯ ಸೋಮ ಪ್ರ ತಿರ ದೀರ್ಘಂ ಆಯುಃ || ೧,೪೬।೧

ಅಸ್ಯ ಸೋಮ ಪ್ರ ತಿರ ದೀರ್ಘಂ ಆಯುರ್
ಅಹಾನೀವ ಸೂರ್ಯೋ ವಾಸರಾಣಿ |
ಮಾಸ್ಯಾ ಸುಸ್ರೋನ್ ನಾಶಯಾ ವ್ಯಧ್ಮನೋ ವಿಷಂ
ಬಹಿಃ ಶಲ್ಯಶ್ ಚರತು ರೋಗೋ ಅಸ್ಮಾತ್ || ೧,೪೬।೨

ದಾನಂ ತೃಷ್ಣಾಯಾಃ ಪರಿ ಪಾತು ವಿದ್ಧಂ
ದಾನಂ ಕ್ಷುಧೋ ದಾನವಿದ್ ಏವ ಮೃತ್ಯೋಃ |
ಅವಿಷ್ಕಂಧೋ ಭವತು ಯೋ ದದಾತ್ಯ್
ಆ ಪ್ಯಾಯತೇ ಪಪುರಿರ್ ದಕ್ಷಿಣಯಾ || ೧,೪೬।೩

ಆ ಪ್ಯಾಯತಾಂ ಪಪುರಿರ್ ದಕ್ಷಿಣಯಾ
ವರ್ಮೇವ ಸ್ಯೂತಂ ಪರಿ ಪಾಹಿ ವಿಶ್ವತಃ |
ಬಹಿರ್ ವಿಷಂ ತನ್ವೋ ಅಸ್ತ್ವ್ ಅಸ್ಯ
ಸ್ರಂಸತಾಂ ಶಲ್ಯೋ ಅಧ್ಯ್ ಆರೇ ಅಸ್ಮಾತ್ || ೧,೪೬।೪

ಬ್ರಹ್ಮಾ ಶರವ್ಯಾಂ ಅಪ ಬಾಧತಾಂ ಇತೋ
ನದ್ಯಾಃ ಕೂಲಾನ್ ನಾವಂ ಇವಾಧಿ ಶಂಬೀ |
ತಸ್ಮೈ ದದದ್ ದೀರ್ಘಂ ಆಯುಷ್ ಕೃಣುಷ್ವ
ಶತಂ ಚ ನಃ ಶರದೋ ಜೀವತಾದ್ ಇಹ || ೧,೪೬।೫

ಯದಾ ದದಾತಿ ಪ್ರದದಾತಿ ಯದಾ
ಬ್ರಹ್ಮಾ ಪ್ರತಿಗೃಹ್ಣಾತಿ ರಾಧೋ ಅಸ್ಯ |
ಆದ್ ಇದ್ ವಿದ್ಯಾದ್ ಉಪಹತ್ಯಾರಾತಿಃ
ಸರ್ವೇ ಯಕ್ಷ್ಮಾ ಅಪ ತಿಷ್ಠಂತು ಸಾಕಂ || ೧,೪೬।೬
(೪೬)

ವ್ಯಾಘ್ರರೂಪಃ ಸುರಭಿಃ
ಸಿಂಹಸ್ಯ ರೇತಸಾ ಕೃತಃ |
ಮಧ್ಯೇ ಪೃಥಿವ್ಯಾ ನಿಷ್ಠಿತಃ
ಸಂ ಅಖ್ಯದ್ ಯಾತುಧಾನ್ಯಃ || ೧,೪೭।೧

ಅಭಿ ಪ್ರೇಹಿ ಮಾಪ ವಿಕ್ಥಾಃ
ಪದೇ ಗೃಭಾಯ ಮಾಪದೇ |
ಅತ್ರೈವ ಸರ್ವಾ ಜಂಭಯ
ಯಾಃ ಕಾಶ್ ಚ ಯಾತುಧಾನ್ಯಃ || ೧,೪೭।೨

ಪ್ರತೀಬೋಧಶ್ ಚತುರಕ್ಷಃ
ಸ್ರಕ್ತ್ಯೋ ಅಶ್ಮೇವ ವೀಡುಭಿತ್ |
ಪ್ರತೀಚೀಃ ಕೃತ್ಯಾ ಆಕೃತ್ಯ-
-ಅಮುಂ ಕೃತ್ಯಾಕೃತಂ ಜಹಿ || ೧,೪೭।೩

ಕೃತ್ಯಾಕೃತಂ ವಲಗಿನಂ
ಮೂಲಿನಂ ಶಪಥೇಯ್ಯಂ |
ಇಂದ್ರಸ್ ತು ಸರ್ವಾಂಸ್ ತಾನ್ ಹಂತು
ಸಪ್ತಘ್ನೇನ ರುವಾಂ ಇವ || ೧,೪೭।೪
(೪೭)

ಅರಸಸ್ಯ ಶರ್ಕೋಟಸ್ಯ
ನೀಚೀನಸ್ಯೋಪಸರ್ಪತಃ |
ವಿಷಂ ಹಿ ಸರ್ವಂ ಆದಿಷ್ಯ್
ಅಥೋ ಏನಂ ಅಜೀಜಭಂ || ೧,೪೮।೧

ನ ತೇ ಬಾಹ್ವೋ ರಸೋ ಅಸ್ತಿ
ನ ಶೀರ್ಷೇ ನೋತ ಮಧ್ಯತಃ |
ಕಿಂ ಇದಂ ಪಾಪಯಾಮುಯಾ
ಪುಚ್ಛೇ ಬಿಭರ್ಷ್ಯ್ ಅರ್ಭಕಂ || ೧,೪೮।೨

ಯತ್ ತೇ ಸ್ಕಂಧಾನ್ ಉಪತಸ್ಥೌ
ವಿಜಾಮ್ನಿ ಯಚ್ ಚ ತೇ ಪರೌ |
ಅಪಮಿತ್ಯಂ ಇವಾಭೃತಂ
ಮಲಂ ತೇ ಪ್ರತಿ ದಧ್ಮಸಿ || ೧,೪೮।೩

ಅದಂತಿ ತ್ವಾ ಪಿಪೀಲಿಕಾ
ವಿ ವೃಶ್ಚಂತಿ ಮಯೂರ್ಯಃ |
ಸರ್ವೇ ಭಲ ಬ್ರವಾಥ
ಶಾರ್ಕೋಟಂ ಅರಸಂ ವಿಷಂ || ೧,೪೮।೪
(೪೮)

ಕೃತಂ ಮೇ ದಕ್ಷಿಣೇ ಹಸ್ತೇ
ಸವ್ಯೇ ಮೇ ಜಯ ಆಹಿತಃ |
ಗೋಜಿದ್ ಭೂಯಾಸಂ ಅಶ್ವಜಿತ್
ಕೃತಂಚಯೋ ಹಿರಣ್ಯಜಿತ್ || ೧,೪೯।೧

ಅಕ್ಷಾಃ ಫಲವತೀಂ ದಿವಂ
ದತ್ತ ಗಾಂ ಕ್ಷೀರಿಣೀಂ ಇವ |
ಸಂ ಮಾ ಕೃತಸ್ಯ ಧಾರಯಾ
ಧನುಃ ಸ್ನಾವ್ನೇವ ನಹ್ಯತ || ೧,೪೯।೨

ಉಭೌ ಹಸ್ತೌ ಪ್ರತಿದೀವ್ನೋ
ಬ್ರಹ್ಮಣಾಪೋಂಭಾಮಸಿ |
ಕಲಿರ್ ಏನಂ ಯಥಾ ಹನದ್
ಆಸ್ಯ ವೇದೋ ಭರಾಮಹೈ || ೧,೪೯।೩

ಆ ಭದ್ರಂ ದ್ವಾಪರಂ
ಉತ ತ್ರೇತಾಂ ಪರಾ ಕಲಿಂ |
ಕೃತಂ ಮೇ ಹಸ್ತ ಆಹಿತಂ
ಸ ಹಿ ಸೌಮನಸೋ ಮಹಾನ್ || ೧,೪೯।೪
(೪೯)

ಯದ್ ಏಯಥ ಪರೇಯಥ
ಯತ್ ತೇ ತನ್ ಮನ ಈಯತೇ |
ತತಸ್ ತ್ವಾ ಪುನರ್ ಅರ್ವಾಂಚಂ
ಭೂತಸ್ಯಾಜೀಗಮತ್ ಪತಿಃ || ೧,೫೦।೧

ಆ ತ್ವಾ ನಯಾದ್ ಭೂತಪತಿರ್
ಆ ದೇವೋ ಬೃಹಸ್ಪತಿಃ |
ಆದಿತ್ಯಾಃ ಸರ್ವೇ ತ್ವಾ ನೇಷನ್
ವಿಶ್ವೇ ದೇವಾಃ ಸುವರ್ಚಸಃ || ೧,೫೦।೨

ಅನುಮತಿಃ ಸರಸ್ವತೀ
ಭಗೋ ರಾಜಾ ನ್ಯ್ ಆ ನಯಾತ್ |
ಶಾಲಾ ಮಾನಸ್ಯ ಪತ್ನೀ-
-ಇಹೈವಾಸ್ಯ ಮನಸ್ ಕರತ್ || ೧,೫೦।೩

ಯಸ್ ತ್ವಾ ನಿನಾನಯಕಃ
ಸ ಉ ತ್ವೇಹಾ ನಯಾತ್ ಪುನಃ |
ಮನೋ ಹಿ ಬ್ರಹ್ಮಾಣೋ ವಿದುರ್
ವಿಶ್ವಕರ್ಮಾ ಮನೀಷಿಣಃ || ೧,೫೦।೪
(೫೦)

ಅನುವಾಕ ೧೦ ||

ಗಾತೋ ಹವಿರ್ ಜನಯನ್ ತಸ್ಥ ಇಂದ್ರ-
-ಅಗ್ರಂ ಜ್ಯೇಷ್ಠ ಪರ್ಯ್ ಅಗಾಮೇಹ ದೇವ |
ಸ ಗಾತೋ ಗಾತೋತ್ತಮಾ ಪಯಾಪಿಂ
ಅಸ್ಮಭ್ಯಂ ಇಂದ್ರ ದದತಃ ಪ್ರಚೇತಃ || ೧,೫೧।೧

ಅಗ್ನಿರ್ ನಃ ಪುರಏತಾಸ್ತ್ವ್ ಅಂಜಸಾ
ಬೃಹಸ್ಪತಿಃ ಸನ್ಯಾಸ್ತು ನಃ ಸಖಾ |
ಇಂದ್ರಂ ಹುವೇ ವೃತ್ರಹಣಂ ಪುರಂದರಂ
ಭಗೇನಾದ್ಯ ಭಗವಂತಃ ಸ್ಯಾಮ || ೧,೫೧।೨

ತ್ವಂ ಸೋಮ ದಿವ್ಯೋ ನೃಚಕ್ಷಾಃ
ಸುಗಾಁ ಅಸ್ಮಭ್ಯಂ ಪಥೋ ಅನು ಖ್ಯಃ |
ಅಭಿ ನೋ ಗೋತ್ರಂ ವಿದುಷ ಇವ ನೇಷೋ
ಽಚ್ಛಾ ನೋ ವಾಚಂ ಉಶತೀಂ ಜಿಗಾಸಿ || ೧,೫೧।೩

ಇಮಾಂ ಅಗ್ನೇ ಶರಣಿಂ ಮೀಮೃಷೋ ನ
ಇಮಂ ಅಧ್ವಾನಂ ಯಂ ಅಗಾಮ ದೂರಂ |
ಆಪಿಃ ಪಿತಾ ಪ್ರಮತಿಃ ಸೋಮ್ಯಾನಾಂ
ಭೃಮಿರ್ ಅಸ್ಯ್ ಋಷಿಕೃನ್ ಮರ್ತ್ಯಾನಾಂ || ೧,೫೧।೪
(೫೧)

ಯೇ ಪುರಸ್ತಾದ್ ಆಸ್ಯಂದೇತೇ
ಗಾವೌ ಸ್ವಋಷಭೇ ಇವ |
ಕೃಣೋಮ್ಯ್ ಅರ್ವಣೀ ಅಹಂ
ಅಶ್ವವಾರಾದ್ ಅಣೀಯಸೀ || ೧,೫೨।೧

ಯೇ ಅಧರಾದ್ ಆಸ್ಯಂದೇತೇ
ಗಾವೌ ಸ್ವಋಷಭೇ ಇವ |
ಕೃಣೋಮ್ಯ್ ಅರ್ವಣೀ ಅಹಂ
ಅಶ್ವವಾರಾದ್ ಅಣೀಯಸೀ || ೧,೫೨।೨

ಯೇ ಪಶ್ಚಾದ್ ಆಸ್ಯಂದೇತೇ
ಗಾವೌ ಸ್ವಋಷಭೇ ಇವ |
ಕೃಣೋಮ್ಯ್ ಅರ್ವಣೀ ಅಹಂ
ಅಶ್ವವಾರಾದ್ ಅಣೀಯಸೀ || ೧,೫೨।೩

ಯೇ ಉತ್ತರಾದ್ ಆಸ್ಯಂದತೇ
ಗಾವೌ ಸ್ವಋಷಭೇ ಇವ |
ಕೃಣೋಮ್ಯ್ ಅರ್ವಣೀ ಅಹಂ
ಅಶ್ವವಾರಾದ್ ಅಣೀಯಸೀ || ೧,೫೨।೪
(೫೨)

ಅಗ್ನೇ ಯಶಸ್ವಿನ್ ಯಶಸಾ ವರ್ಧಯೇಮಂ
ಇಂದ್ರಾವತೀಂ ಉಪಚಿತಿಂ ಇಹಾ ವಹ |
ಅಯಂ ಮೂರ್ಧಾ ಪರಮೇಷ್ಠೀ ಸುವರ್ಚಾಃ
ಸಮಾನಾನಾಂ ಉತ್ತಮಶ್ಲೋಕೋ ಅಸ್ತು || ೧,೫೩।೧

ಧಾತಾ ವಿಧರ್ತಾ ಪರಮೋತ ಸಂದೃಕ್
ಪ್ರಜಾಪತಿಃ ಪರಮೇಷ್ಠೀ ವಿರಾಟ್ |
ಸ್ತೋಮಾಶ್ ಛಂದಾಂಸಿ ನಿವಿದೋ ಮ ಆಹುಸ್
ತೇ ಅಸ್ಮೈ ರಾಷ್ಟ್ರಂ ಉಪ ಸಂ ನಮಂತು || ೧,೫೩।೨

ಭದ್ರಂ ಇಚ್ಛಂತ ಋಷಯಃ ಸ್ವರ್ವಿದಸ್
ತಪೋ ದೀಕ್ಷಾಂ ಉಪ ನಿ ಷೇದುರ್ ಅಗ್ರೇ |
ತತೋ ರಾಷ್ಟ್ರಂ ಬಲಂ ಓಜಶ್ ಚ ಜಾತಂ
ತದ್ ಅಸ್ಮೈ ದೇವಾ ಉಪ ಸಂ ನಮಂತು || ೧,೫೩।೩

ಉಪಾ ವರ್ತಧ್ವಂ ಉಪ ನ ಏತ ಸರ್ವೇ
ಽಯಂ ಚೇತ್ತಾಧಿಪತಿರ್ ವೋ ಅಸ್ತು
ಸಮಾನಂ ಮಂತ್ರಂ ಅಭಿ ಮಂತ್ರಯಾಧ್ವಾ
ಇಮಂ ಪಶ್ಚಾದ್ ಉಪ ಜೀವಾಥ ಸರ್ವೇ || ೧,೫೩।೪
(೫೩)

ತ್ವಂ ಅಗ್ನೇ ಪ್ರಮತಿಸ್ ತ್ವಂ ಪಿತಾಸಿ ನಸ್
ತ್ವಂ ಸಖಾ ಯುಜ್ಯೋ ಽಸಿ ಜಾತವೇದಃ |
ತ್ವಂ ವಿಶ್ವವಿದ್ ಗಾತುವಿತ್ ಕವಿರ್
ವಿಶ್ವಾ ಆಶಾ ಅಭಯಾಃ ಸಂತ್ವ್ ಅಸ್ಮೇ || ೧,೫೪।೧

ಇದಂ ವರ್ಚೋ ಅಗ್ನಿನಾ ದತ್ತಂ ಆಗನ್
ಭರ್ಗೋ ಯಶಃ ಸಹ ಓಜೋ ವಯೋ ಬಲಂ |
ತ್ರಯಸ್ತ್ರಿಂಶದ್ ಯಾನಿ ವೀರ್ಯಾಣಿ
ತಾನ್ಯ್ ಅಗ್ನಿಃ ಪ್ರ ದದಾತು ಮೇ || ೧,೫೪।೨

ವರ್ಚ ಆ ಧೇಹಿ ಮೇ ತನ್ವಾಂ
ಸಹ ಓಜೋ ವಯೋ ಬಲಂ |
ಇಂದ್ರಿಯಾಯ ತ್ವಾ ಕರ್ಮಣೇ ವೀರ್ಯಾಯ
ಪ್ರತಿ ಗೃಹ್ಣಾಮಿ ಶತಶಾರದಾಯ || ೧,೫೪।೩

ಊರ್ಜೇ ತ್ವಾ ಬಲಾಯ ತ್ವಾ-
-ಓಜಸೇ ಸಹಸೇ ತ್ವಾ |
ಅಭಿಭೂಯಾಯ ತ್ವಾ ರಾಷ್ಟ್ರಭೃತ್ಯಾಯ
ಪರ್ಯ್ ಊಹಾಮಿ ಶತಶಾರದಾಯ || ೧,೫೪।೪

ಋತುಭಿಷ್ ಟ್ವಾರ್ತವೈರ್
ಆಯುಷೇ ವರ್ಚಸೇ ತ್ವಾ |
ಸಂವತ್ಸರಸ್ಯ ತೇಜಸಾ
ತೇನ ಸಂಹನು ಕೃಣ್ಮಸಿ || ೧,೫೪।೫
(೫೪)

ಇದಂ ಆಂಜನಂ ಆನಜೇ
ಶೈಲೂನಂ ಆಕನಿಕ್ರದಂ |
ಅಭಿ ಮಾ ಚಕ್ರಂದ ಭಗ
ಋಷಭೋ ವಾಶಿತಾಂ ಇವ || ೧,೫೫।೧

ಅಶ್ವಃ ಕನಿಕ್ರದದ್ ಯಥಾ
ಪ್ರತ್ಯಙ್ ಮಾ ಭಗ ಆಗಮತ್ |
ತಂ ಅಹಂ ಪ್ರೇಣ್ಯಾ ಅಧಿ
ಪುತ್ರಂ ಇವೋಪಸ್ಥ ಆಧಿಷಿ || ೧,೫೫।೨

ಅಕ್ಷ್ಯೌ ಮೇ ಮಧುಸಂಕಾಶೇ
ಜಿಹ್ವಾ ಮೇ ಮಧುವಾದಿನೀ |
ನಸೋರ್ ಅಧಿ ಪ್ರಮಂದನಂ
ದತ್ಸು ಮೇ ಸಾರಘಂ ಮಧು || ೧,೫೫।೩

ಮಧುಮನ್ ಮಮ ನೀಸನಂ
ಜಘನಂ ಮಧುಮನ್ ಮಮ |
ಮಾಂ ಇತ್ ಕಿಲ ತ್ವಂ ವಾವನಃ
ಶಾಖಾಂ ಮಧುಮತೀಂ ಇವ || ೧,೫೫।೪
(೫೫)

ಅನುವಾಕ ೧೧ ||

ಪ್ರೇತಾ ಜಯತಾ ನರ
ಉಗ್ರಾ ವಃ ಸಂತು ಬಾಹವಃ |
ಇಂದ್ರೋ ವಃ ಶರ್ಮ ಯಚ್ಛತ್ವ್
ಅನಾಧೃಷ್ಯಾ ಯಥಾಸಥ || ೧,೫೬।೧

ಉದ್ ಧರ್ಷಂತಾಂ ಮಘವನ್ನ್ ಆಯುಧಾನ್ಯ್
ಉತ್ ಸತ್ವನಾಂ ಮಾಮಕಾನಾಂ ಮನಾಂಸಿ |
ಉದ್ ಧರ್ಷಂತಾಂ ವಾಜಿನಾಂ ವಾಜಿನಾನ್ಯ್
ಉದ್ ವೀರಾಣಾಂ ಜಯತಾಂ ಏತು ಘೋಷಃ || ೧,೫೬।೨

ಪೃಥಗ್ ಘೋಷಾ ಉಲುಲಯಃ
ಕೇತುಮಂತ ಉದ್ ಈರತಾಂ |
ದೇವಾ ಇಂದ್ರಜ್ಯೇಷ್ಠಾ
ಮರುತೋ ಯಂತು ಸೇನಯಾ || ೧,೫೬।೩

ಅವಸೃಷ್ಟಾ ಪರಾ ಪತ
ಶರವ್ಯೇ ಬ್ರಹ್ಮಸಂಶಿತೇ |
ಜಯಾಮಿತ್ರಾನ್ ಪ್ರ ಪದ್ಯಸ್ವ
ಮಾಮೀಷಾಂ ಕಂ ಚನೋಚ್ ಛಿಷಃ || ೧,೫೬।೪
(೫೬)
ದೂಷ್ಯಾ ದೂಷಿರ್ ಅಸಿ ಹೇತ್ಯಾ ಹೇತಿರ್ ಅಸಿ ಮೇನ್ಯಾ ಮೇನಿರ್ ಅಸಿ ||ಸ್ರಕ್ತ್ಯೋ ಽಸಿ ಪ್ರತಿಸರೋ ಽಸಿ ಪುನಃಸರೋ ಽಸಿ ಪ್ರತ್ಯಭಿಚರಣೋ ಽಸಿ ||ಪ್ರತಿ ತಂ ಅಭಿ ಚರ ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ ||ಸೂರಿರ್ ಅಸಿ ವರ್ಚೋಧಾಸ್ ತನೂಪಾನಾಯುಷ್ಯಃ ಕೃತ್ಯಾದೂಷಣಃ ||ಶುಕ್ರೋ ಽಸಿ ಭ್ರಾಜೋ ಽಸಿ ಜ್ಯೋತಿರ್ ಅಸಿ ಸ್ವರ್ ಅಸಿ ||ಆಪ್ನುಹಿ ಶ್ರೇಯಾಂಸಂ ಅತಿ ಸಮಂ ಕ್ರಾಮ ||(೫೭)

ವಿಷ್ಕಂಧಸ್ಯ ಕಾಬವಸ್ಯ
ಕರ್ದಮಸ್ಯೋಲೂಕ್ಯಾಃ |
ಅಪಸ್ಥಾನಸ್ಯ ಕೃತ್ಯಾ ಯಾಸ್
ತೇಷಾಂ ತ್ವಂ ಖೃಗಲೇ ಜಹಿ || ೧,೫೮।೧

ಪ್ರ ಮೃಣೀಹ್ಯ್ ಉಪಹತ್ಯಾಂ
ಕರ್ದಮಂ ನೀಲಶಾಕ್ಯಂ |
ಅಧಾ ಸಾರಂ ಇವ ದಾರುಣ
ಆಯುಷ್ ಕೃಣೋಮ್ಯ್ ಅಂತರಂ || ೧,೫೮।೨

ವಿವಿದ್ಧಸ್ಯಾವತೃಣ್ಣಸ್ಯ
ಹೃದಸ್ಯ ಚಾಹೃದಸ್ಯ ಚ |
ತ್ರಿಪರ್ಣೀ ವಿಶ್ವಭೇಷಜೀ-
-ಇದಂ ಕೃಣೋತು ಭೇಷಜಂ || ೧,೫೮।೩

ಕಾಬವಸ್ಯ ವಿಷ್ಕಂಧಸ್ಯ-
-ಅಪಸ್ಥಾಪನಭೇಷಜಂ |
ಇದಂ ಕೃಣೋಮಿ ಭೇಷಜಂ
ಯಥಾಯಂ ಅಗದೋ ಽಸತಿ || ೧,೫೮।೪
(೫೮)

ಯಸ್ಮಾದ್ ಅಂಗಾತ್ ಸಂಸುಸ್ರಾವ
ಯದ್ ಬಭೂವ ಗಲಂತ್ಯಶಃ |
ಗಾವೋ ವತ್ಸಂ ಇವ ಜಾನಾನಾಸ್
ತತ್ ಪರೈತು ಯಥಾಯಥಂ || ೧,೫೯।೧

ನಾಸೃಗ್ ಅಸ್ತಿ ಪತಂಗಸ್ಯ
ತರ್ದಸ್ಯ ಮಶಕಾದ್ಯಾಃ |
ವೇಣೋಃ ಪೂತುದ್ರೋರ್ ನಾಸ್ತ್ಯ್ ಅಸೃಙ್
ಮಾಸ್ಯ ಗ್ಲೌರ್ ಮಾಪಚಿದ್ ಭುವತ್ || ೧,೫೯।೨

ಅಹಂ ವೇದ ಯಥಾಸಿಥ
ಗುರ್ವಿಕಾ ನಾಮ ವಾ ಅಸಿ |
ಅಮುಂ ತ್ವಂ ತಂ ಇತೋ ಗಚ್ಛ
ಯಂ ಅಹಂ ದ್ವೇಷ್ಮಿ ಪೂರುಷಂ || ೧,೫೯।೩

ತಸ್ಯಾಪಿ ಮಧ್ಯ ಆ ಸೀದ
ನೀಲಗ್ರೀವಾಸು ಸೀದತಾ |
ವಾತಸ್ಯಾನು ಪ್ರವಾಂ
ಮಶಕಸ್ಯಾನು ಸಂವಿದಂ || ೧,೫೯।೪

ಪ್ರೇತೋ ಯಂತ್ವ್ ಅಗ್ರುವೋ
ನಿರ್ ಇತೋ ಯಂತ್ವ್ ಅಗ್ರುವಃ |
ಅಧರಾಚೀಂ ಇತಃ ಪರಃ || ೧,೫೯।೫

ಪ್ರಾಹಂ ಗ್ಲಾವಂ ಅಧ್ಮಾಸಂ
ನಿರ್ ಅಹಂ ಗ್ಲಾವಂ ಅಧ್ಮಾಸಂ |
ಅಧರಾಚೀಂ ಇತಃ ಪರಃ || ೧,೫೯।೬
(೫೯)

ಅಭಿ ತ್ವಾಂ ಅಹಂ ಓಜಸಾ-
-ಇಂದ್ರೋ ದಸ್ಯೂನ್ ಇವಾಭುವಂ |
ಸಪತ್ನಿ ನಶ್ಯತಾದ್ ಇತೋ
ದೂರಂ ಗಚ್ಛಾಧ್ಯ್ ಓಕಸಃ || ೧,೬೦।೧

ಸಾಸಹಾ ಇದ್ ಅಹಂ ಪತಿಂ
ಸಾಸಹೈ ಶ್ವಶುರಾ ಉಭೌ |
ಅಥೋ ಸಪತ್ನೀಂ ಸಾಸಹೈ
ಯಥಾ ನಶ್ಯಾತ್ಯ್ ಓಕಸಃ || ೧,೬೦।೨

ಅಭಿಭೂರ್ ಅಹಂ ಆಗಮಂ
ವಿಶ್ವಕರ್ಮಾ ಮಹಾವದಾತ್ |
ಅಹಂ ಮಿತ್ರಸ್ಯ ಕಲ್ಪಯನ್ನ್
ಏಷು ಗೃಹೇಷು ದುಷ್ಟರಾತ್ || ೧,೬೦।೩

ಉತ್ ತಿಷ್ಠ ಮಮ ವಾ ಇದಂ
ನ ತವೇಹಾಪಿ ಕಿಂ ಚನ |
ಮಾಂ ಚೈವ ಪಶ್ಯನ್ನ್ ಆಯತ್ಯ್
ಅಮುಂ ಚ ದಿವಿ ಸೂರ್ಯಂ || ೧,೬೦।೪
(೬೦)

ಅನುವಾಕ ೧೨ ||

ಯಸ್ ತ್ವಾ ಮೃತ್ಯುರ್ ಅಭ್ಯಧತ್ತ
ಜಾಯಮಾನಂ ಸುಪಾಶಯಾ |
ತಂ ತೇ ಸತ್ಯಸ್ಯ ಹಸ್ತಾಭ್ಯಾಂ
ಉದ್ ಅಮುಂಚದ್ ಬೃಹಸ್ಪತಿಃ || ೧,೬೧।೧

ಅಭಿ ತ್ವಾ ಜರಿಮಾಹಿತ
ಗಾಂ ಉಕ್ಷಣಾಂ ಇವ ರಜ್ಜ್ವಾ |
ವ್ಯ್ ಅನ್ಯೇ ಯಂತು ಮೃತ್ಯವೋ
ಯಾನ್ ಆಹುರ್ ಇತರಾಞ್ ಛತಂ || ೧,೬೧।೨

ಪ್ರ ವಿಶತಂ ಪ್ರಾಣಾಪಾನಾವ್
ಅನಡ್ವಾಹಾವ್ ಇವ ವ್ರಜಂ |
ಶರೀರಂ ಅಸ್ಯಾಂಗಾನಿ
ಜರಿಮ್ಣೇ ನಯತಂ ಯುವಂ || ೧,೬೧।೩

ಇಹೈವ ಸ್ತಂ ಪ್ರಾಣಾಪಾನೌ
ಮೇಮಂ ಹಾಸಿಷ್ಟಂ ಮೃತ್ಯವೇ |
ಅಯಂ ಜರಿಮ್ಣಃ ಶೇವಧಿರ್
ಅರಿಷ್ಟ ಇಹ ವರ್ಧತಾಂ || ೧,೬೧।೪

ಜರಸೇ ತ್ವಾ ಪರಿ ದಧ್ಮೋ
ಜರಸೇ ನಿ ಧುಯಾಮಸಿ |
ಜರಾ ತ್ವಾ ಭದ್ರಯಾ ನೇಷತ್ |
ವ್ಯ್ ಅನ್ಯೇ ಯಂತು ಮೃತ್ಯವೋ
ಯಾನ್ ಆಹುರ್ ಇತರಾಞ್ ಛತಂ || ೧,೬೧।೫
(೬೧)

ಮುಂಚಾಮಿ ತ್ವಾ ಹವಿಷಾ ಜೀವನಾಯ ಕಂ
ಅಜ್ಞಾತಯಕ್ಷ್ಮಾದ್ ಉತ ರಾಜಕ್ಷ್ಮಾತ್ |
ಗ್ರಾಹ್ಯಾ ಗೃಭೀತೋ ಯದ್ಯ್ ಏಷ ಏತತ್
ತತ ಇಂದ್ರಾಗ್ನೀ ಪ್ರ ಮುಮುಕ್ತಂ ಏನಂ || ೧,೬೨।೧

ಯದಿ ಕ್ಷಿತಾಯುರ್ ಯದಿ ವಾ ಪರೇತೋ
ಯದಿ ಮೃತ್ಯೋರ್ ಅಂತಿಕಂ ನೀತ ಏವ |
ತಂ ಆ ಹರಾಮಿ ನಿರೃತೇರ್ ಉಪಸ್ಥಾದ್
ಅಸ್ಪಾರ್ಷಂ ಏನಂ ಶತಶಾರದಾಯ || ೧,೬೨।೨

ಸಹಸ್ರಾಕ್ಷೇಣ ಶತವೀರ್ಯೇಣ
ಶತಾಯುಷಾ ಹವಿಷಾಹಾರ್ಷಂ ಏನಂ |
ಇಂದ್ರೋ ಯಥೈನಂ ಜರಸೇ ನಯಾತ್ಯ್
ಅತಿ ವಿಶ್ವಸ್ಯ ದುರಿತಸ್ಯ ಪಾರಂ || ೧,೬೨।೩

ಶತಂ ಜೀವ ಶರದೋ ವರ್ಧಮಾನಃ
ಶತಂ ಹೇಮಂತಾಞ್ ಛತಂ ಉ ವಸಂತಾನ್ |
ಶತಂ ಇಂದ್ರಾಗ್ನೀ ಸವಿತಾ ಬೃಹಸ್ಪತಿಃ
ಶತಾಯುಷಾ ಹವಿಷಾಹಾರ್ಷಂ ಏನಂ || ೧,೬೨।೪
(೬೨)

ಯತ್ ತೇ ಅನ್ನಂ ಭುವಸ್ಪತ
ಆಕ್ಷಿಯೇತ ಪೃಥಿವೀಂ ಅನು |
ತಸ್ಯ ನಸ್ ತ್ವಂ ಭುವಸ್ಪತೇ
ಸಂ ಪ್ರ ಯಚ್ಛ ಪ್ರಜಾಪತೇ || ೧,೬೩।೧

ವ್ಯಾತ್ತೇ ಪರಮೇಷ್ಠಿನೋ
ಬ್ರಹ್ಮಣಾಪೀಪದಾಮ ತಂ |
ಸಂವತ್ಸರಸ್ಯ ದಂಷ್ಟ್ರಾಭ್ಯಾಂ
ಹೇತಿಸ್ ತಂ ಸಂ ಅಧಾದ್ ಅಭಿ || ೧,೬೩।೨

ಇಯಂ ತಂ ಭವಸ್ತ್ವ್ ಆಹುತಿಃ
ಸಮಿದ್ ದೇವೀ ಸಹೀಯಸೀ |
ರಾಜ್ಞೋ ವರುಣಸ್ಯ ಬಂಧೋ ಅಸಿ
ಸೋ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ
ಅಹ್ನೇ ರಾತ್ರಯೇ ಬಧಾನ || ೧,೬೩।೩

ಮೃಣೋ ಽಸಿ ದೇವ ಸವಿತರ್ ಗಾಯತ್ರೇಣ ಛಂದಸಾ
ಮೃಣಾಮುಷ್ಯ ಪಶೂನ್ ದ್ವಿಪದಶ್ ಚತುಷ್ಪದಃ |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ಜಹಿ ತಂ ಮೃಣ ತಸ್ಮೈ ಮಾ ಮೀಮೃಡಸ್ ತಸ್ಮೈ ದುರಾಹಾ || ೧,೬೩।೪
(೬೩)

ನಿ ತೇ ಪದಂ ಪದೇ ಮಮ
ನಿ ಚಿತ್ತಂ ಏತು ನಿಷ್ಕೃತಃ |
ಯಥಾಸಃ ಕೇವಲೋ ಮಮ-
-ಅಹಂ ಸಾಧಾರಣೀ ತವ || ೧,೬೪।೧

ಪದೇನ ಗಾಂ ಅನು ಯಂತಿ
ಪದೇನಾಶ್ವಂ ಪದಾ ರಥಂ |
ಪದೇನ ಮರ್ಯಾ ಮತ್ ತ್ವಂ
ನ ಏಷೋ ನೋ ಅಹಂ ತ್ವತ್ || ೧,೬೪।೨

ಮಾಪ ಸೃಪೋ ಮಾ ಪರಾ ಸೃಪೋ
ಮಾನ್ಯತ್ರಾಸ್ಮನ್ ಮನಸ್ ಕೃಥಾಃ |
ಯಂ ತ್ವಾಹಿರ್ ಇವ ಭೋಗೈರ್
ನಾಕುಲೇನ ಪರೀಮಸಿ || ೧,೬೪।೩

ನಿ ತ್ವಾ ಕೃಣ್ವೇ ಸಂನಹನೇ
ನಿ ಕುರೀರೇ ನ್ಯ್ ಓಪಶೇ |
ನಿ ತ್ವಾಧಮಸ್ಮಿಂಲ್ ಲೋಮ್ನಿ
ನ್ಯ್ ಉ ತ್ವಾ ಮುಷ್ಕಯೋರ್ ಮೃಜೇ || ೧,೬೪।೪
(೬೪)

ಘೃತಾಹುತಾ ಪೃಥಿವೀ ಮಾ ನ ಏನೋ
ಽಸ್ಮಾನ್ ಪ್ರಜಾಂ ವೋಚತ ಕಿಲ್ಬಿಷಾಣಿ |
ಅನಾತುರಾಃ ಸುಮನಸಃ ಸುವೀರಾ
ಜ್ಯೋಗ್ ಜೀವಂತಸ್ ತವ ಸಖ್ಯೇ ಸ್ಯಾಮ || ೧,೬೫।೧

ಅಂತರ್ ಏಮಿ ಯಾತುಧಾನಾನ್
ಅಂತರ್ ಏಮಿ ಕಿಮೀದಿನಃ |
ಧಿಯಾಮ ಪಿತ್ರ್ಯಾ ವಯಂ
ಸರಸ್ವತ್ಯಾ ಚರಾಮಸಿ || ೧,೬೫।೨

ಮಾ ತೇ ರಿಷಂ ಖನಿತಾ
ಯಸ್ಮೈ ಚ ತ್ವಾ ಖನಾಮಸಿ |
ದ್ವಿಪಾಚ್ ಚತುಷ್ಪಾದ್ ಅಸ್ಮಾಕಂ
ಮಾ ರಿಷದ್ ದೇವ್ಯ್ ಓಷಧೇ || ೧,೬೫।೩

ಅನ್ಯಾ ವೋ ಅನ್ಯಾಂ ಅವತ್ವ್
ಅನ್ಯಾನ್ಯಸ್ಯಾ ಉಪಾವತ |
ಸಧ್ರೀಚೀಃ ಸವ್ರತಾ ಭೂತ್ವಾ
ಅಸ್ಯಾವತ ವೀರ್ಯಂ || ೧,೬೫।೪
(೬೫)

ಅನುವಾಕ ೧೩ ||

ಧ್ರುವಸ್ ತಿಷ್ಠ ಭುವನಸ್ಯ ಗೋಪ
ಮಾ ಸಂ ವಿಕ್ಥಾ ವನಸ್ಪತೇ |
ಅತ್ರೈವ ತ್ವಂ ಇಹ ವಯಂ ಸುವೀರಾ
ವಿಶ್ವಾ ಮೃಧೋ ಅಭಿಮಾತೀರ್ ವ್ಯ್ ಅಸ್ಯ || ೧,೬೬।೧

ಯೋ ವಾನಸ್ಪತ್ಯಾನಾಂ ಅಧಿಪತಿರ್ ಬಭೂವ
ಯಸ್ಮಿನ್ನ್ ಇಮಾ ವಿಶ್ವಾ ಭುವನಾನ್ಯ್ ಆರ್ಪಿತಾ |
ತಂ ಅನಜ್ಮಿ ಮಧುನಾ ದೈವ್ಯೇನ
ತಸ್ಮಾನ್ ಮಣಿಂ ನಿರ್ ಮಮೇ ವಿಶ್ವರೂಪಂ || ೧,೬೬।೨

ಇಮಂ ಮಣಿಂ ವಿಶ್ವಜಿತಂ ಸುವೀರಂ
ಅಸ್ಮಾದ್ ಅಶ್ವತ್ಥಾತ್ ಪರ್ಯ್ ಉದ್ ಭರಾಮಿ |
ಯೇನ ವಿಶ್ವಾಃ ಪೃತನಾಃ ಸಂಜಯಾನ್ಯ್
ಅಥೋ ದ್ಯುಮತ್ ಸಮಿತಿಂ ಆ ವದಾನಿ || ೧,೬೬।೩

ಸಬಂಧುಶ್ ಚಾಸಬಂಧುಶ್ ಚ
ಯೋ ನ ಇಂದ್ರಾಭಿದಾಸತಿ |
ವೃಶ್ಚಾಮಿ ತಸ್ಯಾಹಂ ಮೂಲಂ
ಪ್ರಜಾಂ ಚಕ್ಷುರ್ ಅಥೋ ಬಲಂ || ೧,೬೬।೪
(೬೬)

ದೇವೀ ದೇವ್ಯಾಂ ಜಾತಾಸಿ
ಪೃಥಿವ್ಯಾಂ ಅಧ್ಯ್ ಓಷಧೇ |
ತಾಂ ತ್ವಾ ನಿತತ್ನಿ ಕೇಶೇಭ್ಯೋ
ದೃಂಹಣಾಯ ಖನಾಮಸಿ || ೧,೬೭।೧

ಇಂದ್ರಸ್ ತ್ವಾಖನತ್ ಪ್ರಥಮೋ
ವರುಣಸ್ಯ ದುಹಿತೃಭ್ಯಃ |
ದೃಂಹ ಜಾತಾಞ್ ಜನಯಾಜಾತಾನ್
ಯೇ ಜಾತಾಸ್ ತಾನ್ ಉ ವರ್ಷೀಯಸಸ್ ಕೃಧಿ || ೧,೬೭।೨

ಯಸ್ ತೇ ಕೇಶೋ ಽವತತಃ
ಸಮೂಲೋ ಯಶ್ ಚ ವೃಹ್ಯತೇ |
ಸರ್ವಂ ತಂ ವಿಶ್ವಭೇಷಜ್ಯಾ-
-ಅಭಿ ಷಿಂಚಾಮಿ ವೀರುಧಾ || ೧,೬೭।೩

ಅಭೀಶುನಾ ಮೇಯೋ ಽಸ್ತು
ವಿಯಾಮೇನಾನುಮೇಯಃ |
ಕೇಶೋ ನಡ ಇವ ವರ್ಧತಾಂ
ಶೀರ್ಷ್ಣಸ್ ತೇ ಅಸಿತಸ್ ಪರಿ || ೧,೬೭।೪
(೬೭)

ಯಥಾ ನಡಂ ಕಶಿಪುನೇ
ಸ್ತ್ರಿಯೋ ಭಿಂದಂತ್ಯ್ ಅಶ್ಮನಾ |
ಏವಾ ಭಿನದ್ಮಿ ತೇ ಮುಷ್ಕೌ
ತಸ್ಮೈ ತ್ವಾಂ ಅವಸೇ ಹುವೇ || ೧,೬೮।೧

ತ್ವಂ ವೀರುಧಾಂ ಶ್ರೇಷ್ಠತಮಾ-
-ಅಭಿಶ್ರುತಾಸ್ಯ್ ಓಷಧೇ |
ಸಾಮುಂ ಅದ್ಯ ಪೂರುಷಂ
ಕ್ಲೀಬಂ ಓಪಶಿನಂ ಕೃಧಿ || ೧,೬೮।೨

ಕ್ಲೀಬಂ ಕೃಧ್ಯ್ ಓಪಶಿನಂ
ಅಥೋ ಕುರೀರಿಣಂ ಕೃಧಿ |
ಉಭಾಭ್ಯಾಂ ಅಸ್ಯ ಗ್ರಾವಭ್ಯಾಂ
ಇಂದ್ರೋ ಭಿನತ್ತ್ವ್ ಆಂಡ್ಯೌ || ೧,೬೮।೩

ಕ್ಲೀಬ ಕ್ಲೀಬಂ ತ್ವಾಕರಂ
ವಧ್ರೇ ವಧ್ರಿಂ ತ್ವಾಕರಂ |
ಅರಸಾರಸಂ ತ್ವಾಕರಂ
ಅರಸಾರಸೋ ಽಸಿ |
ಕುರೀರಂ ಅಸ್ಯ ಶೀರ್ಷಣಿ
ಕುಂಬಂ ಚಾಧಿ ನಿ ದಧ್ಮಸಿ || ೧,೬೮।೪

ಯೇ ತೇ ನಾಡ್ಯೌ ದೇವಕೃತೇ
ಯಯೋಸ್ ತಿಷ್ಠತಿ ವೃಷ್ಣ್ಯಂ |
ತೇ ತೇ ಭಿನದ್ಮಿ ಶಮ್ಯಯಾ-
-ಅಮುಷ್ಯಾ ಅಧಿ ಮುಷ್ಕಯೋಃ || ೧,೬೮।೫
(೬೮)

ಜಾಯಮಾನೋ ನಿರ್ ಅರುಜತ್
ಸಪತ್ನಾನ್ ದೋಧತೋ ಽಭಯಾನ್ |
ಸ ವೈ ಸಪತ್ನಾನಾಂ ಸಭಾ
ಅವಾಲಪ್ಸ್ಯೋ ಅನಾಶಯತ್ || ೧,೬೯।೧

ಆರಾದ್ ಅರಾತಿಂ ಕೃಣುತೇ
ಅಶಸ್ತಿಂ ಅಪ ಬಾಧತೇ |
ಅವಾಲಪ್ಸ್ಯಃ ಸ ಯೋ ಮಣಿಃ
ಸಹಸ್ವಾನ್ ಅಭಿಮಾತಿಹಾ || ೧,೬೯।೨

ಚಕ್ಷುರ್ ಅಸ್ಯ ಸೂತ್ರಂ ಆಸೀತ್
ತರ್ದ್ಮ ಶ್ರೋತ್ರಂ ಉತಾಭರತ್ |
ಅವಾಲಪ್ಸ್ಯಃ ಸ ಯೋ ಮಣಿಃ
ಸಹಸ್ವಾನ್ ಅಭಿಮಾತಿಹಾ || ೧,೬೯।೩

ಇಮಂ ಮಣಿಂ ಆವಾಲಪ್ಸ್ಯಂ
ಯಸ್ಮಿನ್ನ್ ಆರೋಹಯಾಮಸಿ |
ಸ ವೈ ಸಪತ್ನಾನ್ ಆ ದತ್ತೇ
ಸ ಏನಂ ಪಾತು ವಿಶ್ವತಃ
ಸ ಏನಂ ಜರಸೇ ನಯಾತ್ || ೧,೬೯।೪
(೬೯)

ಯತೋ ಜೀವೇಭ್ಯೋ ನ ಪಿತೃ̄ನ್ ಉಪೈತಿ
ಯಂ ಆನಶೇ ದುಷ್ಕೃತಂ ದೈಧಿಷವ್ಯಂ |
ಅಯಜ್ಞಿಯಃ ಪ್ರಥಮೋ ಯೋ ವಿವೇಶ
ಕೃಚ್ಛ್ರಾದ್ ಇಜ್ ಜ್ಯೋತಿರ್ ಅಭ್ಯ್ ಅಶ್ನವಾತೈ || ೧,೭೦।೧

ನಾಸ್ಯೌಷಧೀಷ್ವ್ ಅಪ್ಯ್ ಅಸ್ತಿ ನಾಪ್ಸ್ವ್ ಅಂತರ್
ನಾಸ್ಯ ಸೂರ್ಯಂ ಸಂದೃಶಂ ಏತಿ ಚಕ್ಷುಃ |
ಭೂಮಿರ್ ದ್ವೇಷ್ಟಿ ಚರಂತಂ ಏನಂ
ಯಂ ಆನಶೇ ದುಷ್ಕೃತಂ ದೈಧಿಷವ್ಯಂ || ೧,೭೦।೨

ತ್ರಿತೇ ದೇವಾ ಅಮೃಜತೈನ ಏತತ್
ತ್ರಿತ ಏನನ್ ಮನುಷ್ಯೇಷ್ವ್ ಅಮೃಷ್ಟ |
ತತ ಏತದ್ ಅಮುಯಾ ರಕ್ಷ ಈರ್ತೇ
ಪ್ರಮುಕ್ತಂ ಜ್ಯೋತೇರ್ ಅಧಿ ದೂರಂ ಏತಿ || ೧,೭೦।೩

ಯೇಭಿಃ ಪಾಶೈರ್ ದಿಧಿಷೂಪತಿರ್ ವಿಬದ್ಧಃ
ಪರೌಪರಾವ್ ಆರ್ಪಿತೋ ಅಂಗೇಅಂಗೇ |
ವಿ ತೇ ಚೃತ್ಯಂತಾಂ ವಿಚೃತೋ ಹಿ ಸಂತಿ
ಭ್ರೂಣಘ್ನಿ ಪೂಷನ್ ದುರಿತಾನಿ ಮೃಷ್ಟಾ || ೧,೭೦।೪
(೭೦)

ಅನುವಾಕ ೧೪ ||

ಅಗ್ನಿಷ್ ಟೇ ವಿಶ ಆ ನಯಾದ್
ಇಂದ್ರೋ ವಾಯುರ್ ಬೃಹಸ್ಪತಿಃ |
ಸ ತೇ ಧರ್ಮಂ ಅದೀಧರದ್
ಧಾತೇವ ಭುವನೇಭ್ಯಃ || ೧,೭೧।೧

ಬೃಹಸ್ಪತೇ ಪುರಏತಾ ವಿಶಾಂ ಇಹ್ಯ್
ಅಗ್ನಿಃ ಪಶ್ಚಾದ್ ಅಭಿ ನುದಾತ್ಯ್ ಆಯತೀಃ |
ವಾಯುರ್ ಏನಾ ದಕ್ಷಿಣತಃ
ಪೂಷೋತ್ತರಾದ್ ಉಪಾನುದಾತ್ || ೧,೭೧।೨

ಆ ಸಹಸ್ರೀ ಶತರಥ
ಆ ರೇವಾನ್ಯೇತು ನೋ ವಿಶಂ |
ಏಂದ್ರೋ ವಾಮೇನ ವಿಶ್ಪತಿರ್
ಆ ರೂಪೇಣ ಬೃಹಸ್ಪತಿಃ || ೧,೭೧।೩

ಸ್ವರ್ಜುಷ್ಟಃ ಕಶ್ಯಪಸ್ಯ
ಸ ರಾಷ್ಟ್ರೇ ಜಾಗರತ್ ಸ್ವೇ |
ಋಷಭಃ ಶಾತಮಾತುರಃ
ಶ್ವೇತಂತಾದ್ ಅವಿಹ್ರುತೋ
ದೇವಾನ್ ಯಜ್ಞೇನ ಬೋಧಯಾತ್ || ೧,೭೧।೪
(೭೧)

ಮಹಾಜನಾಃ ಪ್ರಥಮಾ ಯೇ ದಿದೀವಿರೇ
ಧನೇ ಸಂಹತ್ಯ ಮಹತಿ ದ್ವಿರಾಜೇ |
ತೇಷಾಂ ವರೇ ಯಃ ಪ್ರಥಮೋ ಜಿಗಾಯ
ತಸ್ಯಾಹಂ ಲೋಕಂ ಅನೂದ್ ಭಿದೇಯಂ || ೧,೭೨।೧

ಮೇದಿನಸ್ ತೇ ವೈಭೀದಕಾಸ್
ತತ ಇಂದ್ರ ಉಪಾವತು |
ಅವ್ಯಾ ವೃಕ ಇವ ಸಂರಭ್ಯ
ಜಿಗೀವಾನ್ ಅಸ್ತಂ ಆಯಸಿ || ೧,೭೨।೨

ಉದ್ಬಾಹೂ ಹಿರಣ್ಯಜಿದ್
ಗೋಜಿದ್ ಅಶ್ವಜಿತೌ ಭರೇ |
ವ್ಯಾಘ್ರೋ ಜಘ್ನಿವಾಁ ಇವ-
-ಉತ್ ತಿಷ್ಠಾಧಿದೇವನಾತ್ || ೧,೭೨।೩

ಆದಿನವಂ ಪ್ರತಿದೀವ್ನೇ
ಕೃತೇನಾಸ್ಮಾಁ ಅಭಿ ಕ್ಷರ |
ವೃಕ್ಷಂ ಇವಾಶನ್ಯಾ ಜಹಿ
ಯೋ ಅಸ್ಮಾನ್ ಪ್ರತಿದೀವ್ಯತಿ || ೧,೭೨।೪
(೭೨)

ದಿವಸ್ ಪೃಥಿವ್ಯಾಃ ಪರ್ಯ್ ಅಂತರಿಕ್ಷಾದ್
ವನಸ್ಪತಿಭ್ಯೋ ಅಧ್ಯ್ ಓಷಧೀಭ್ಯಃ |
ಯತ್ರಯತ್ರ ವಿಭೃತೋ ಜಾತವೇದಾಸ್
ತತಸ್ತತೋ ಜುಷಮಾಣೋ ನ ಏಹಿ || ೧,೭೩।೧

ಯಸ್ ತೇ ಅಪ್ಸು ಮಹಿಮಾ ಯೋ ವನೇಷು
ಯ ಓಷಧೀಷು ಪಶುಷ್ವ್ ಅಪ್ಸ್ವ್ ಅಂತಃ |
ಅಗ್ನೇ ಸರ್ವಾಸ್ ತನ್ವಃ ಸಂ ರಭಸ್ವ
ತಾಭಿರ್ ನ ಏಹಿ ದ್ರವಿಣೋದಾ ಅಜಸ್ರಃ || ೧,೭೩।೨

ಯಸ್ ತೇ ದೇವೇಷು ಮಹಿಮಾ ಸ್ವರ್ಗೋ
ಯಾ ತೇ ತನೂಃ ಪಿತೃಷ್ವ್ ಆವಿವೇಶ |
ಪುಷ್ಟಿರ್ ಯಾ ತೇ ಮನುಷ್ಯೇಷು ಪಪ್ರಥೇ
ಽಗ್ನೇ ತಯಾ ರಯಿಂ ಅಸ್ಮಾಸು ಧೇಹಿ || ೧,೭೩।೩

ಶ್ರುತ್ಕರ್ಣಾಯ ಕವಯೇ ವೇದ್ಯಾಯ
ವಚೋಭಿರ್ ವಾಕೈರ್ ಉಪ ಯಾಮಿ ರಾತಿಂ |
ಯತೋ ಭಯಂ ಅಭಯಂ ತನ್ ನೋ ಅಸ್ತ್ವ್
ಅವ ದೇವಾನಾಂ ಯಜ ಹೇಡೋ ಅಗ್ನೇ || ೧,೭೩।೪
(೭೩)

ಇಂದ್ರೋ ದೇವಾನಾಂ ವರುಣೋ ಧೃತವ್ರತಃ
ಸೋಮೋ ವೀರುಧಾಂ ಜಗತಃ ಪರಸ್ಪಾಃ |
ವಾಯುಃ ಪಶೂನಾಂ ಪಶುಪಾ ಜನಾನಾಂ
ಅಯಂ ಪುರೋರಾ ನೋ ಅಸ್ಯಾಸ್ತು ಮೂರ್ಧಾ || ೧,೭೪।೧

ಮೂರ್ಧಾ ದಿವೋ ಅಂತರಿಕ್ಷಸ್ಯ ಮೂರ್ಧಾ
ಮೂರ್ಧಾ ಸಿಂಧೂನಾಂ ಉತ ಪರ್ವತಾನಾಂ |
ಮೂರ್ಧಾ ವಿಶ್ವಸ್ಯ ಭುವನಸ್ಯ ರಾಜಾ-
-ಅಯಂ ಪುರೋರಾ ನೋ ಅಸ್ಯಾಸ್ತು ಮೂರ್ಧಾ || ೧,೭೪।೨

ಮೃಧಸ್ ತೇ ಸಮ್ರಾಡ್ ಅವ ಹಂತು ಸರ್ವಾಁ
ಅಮಿತ್ರಾನ್ ರಾಜಾ ವರುಣೋ ವಿಷೂಚಃ |
ಇಂದ್ರಃ ಶತ್ರೂನ್ ಅಸುನೀತಿಂ ನಯಾತಿ ತೇ
ಽಯಂ ಪುರೋರಾ ನೋ ಅಸ್ಯಾಸ್ತು ಮೂರ್ಧಾ || ೧,೭೪।೩

ವಿಶಸ್ ತ್ವಾ ರಾಜನ್ ಪ್ರದಿಶೋ ಜುಷಂತಾಂ
ದೈವೀರ್ ವಿಶಃ ಸುಪ್ರಕೇತಾಃ ಸಕೇತಾಃ |
ವಿಶ್ವಾ ಆಶಾ ಮನುಷ್ಯೋ ವಿ ಭಾಹ್ಯ್
ಅಯಂ ಪುರೋರಾ ನೋ ಅಸ್ಯಾಸ್ತು ಮೂರ್ಧಾ || ೧,೭೪।೪
(೭೪)

ವಿ ಬಾಧಸ್ವ ದೃಂಹಸ್ವ ವೀಡಯಸ್ವ-
-ಅಧಸ್ಪದಂ ಶತ್ರವಸ್ ತೇ ಭವಂತು |
ಸಪತ್ನಸಾಹ ಋಷಭೋ ಜನಾಷಾಡ್
ಉಗ್ರಶ್ ಚೇತ್ತಾ ಪಂಚ ಕೃಷ್ಟೀರ್ ವಿ ರಾಜ || ೧,೭೫।೧

ಶಿವಂ ಕ್ಷೇತ್ರಂ ಅನಮೀವಂ ತೇ ಅಸ್ತು-
-ಉತ್ತಮೇ ನಾಕೇ ಅಧಿ ತಿಷ್ಠೇಹಿ |
ಪುತ್ರಾನ್ ಭ್ರಾತೃ̄ನ್ ಬಹುಲಾನ್ ಪಶ್ಯಮಾನೋ
ವಿಶ್ವೇ ತ್ವಾ ದೇವಾ ಇಹ ಧಾರಯಂತು || ೧,೭೫।೨

ತ್ವಷ್ಟಾ ರೂಪೇಣ ಸವಿತಾ ಸವೇನ-
-ಅಹರ್ ಮಿತ್ರೇಣ ವರುಣೇನ ರಾತ್ರೀ |
ಇಂದ್ರೋ ಜ್ಯೈಷ್ಠ್ಯೇನ ಬ್ರಹ್ಮಣಾಯಂ ಬೃಹಸ್ಪತಿರ್ |
ಧಾತಾ ತ್ವಾ ಧೀಭಿರ್ ಅಭಿ ರಕ್ಷತ್ವ್ ಇಹ || ೧,೭೫।೩

ವಾಸ್ತೋಷ್ಪತ ಇಹ ನಃ ಶರ್ಮ ಯಚ್ಛ
ಘನೇ ವೃತ್ರಾಣಾಂ ಸಂಗಥೇ ವಸೂನಾಂ |
ಇಹೈವೈಧಿ ಗ್ರಾಮಪತಿರ್ ಜನಾಷಾಡ್
ವಿಶ್ವೈರ್ ದೇವೈರ್ ಗುಪಿತೋ ರಕ್ಷಮಾಣಃ || ೧,೭೫।೪
(೭೫)

ಅನುವಾಕ ೧೫ ||

ಊರ್ಧ್ವೋ ಭವ ಪ್ರತಿ ವಿಧ್ಯಾಧ್ಯ್ ಅಸ್ಮದ್
ಉಗ್ರಂ ಧನುರ್ ಓಜಸ್ವಾನ್ ಆ ತನುಷ್ವ |
ಪ್ರತಿ ದುರ್ಹಾರ್ದಂ ಹರಸಾ ಶೃಣೀಹಿ
ಕೃತ್ವಾನಂ ಅಗ್ನೇ ಅಧರಂ ಕೃಣುಷ್ವ || ೧,೭೬।೧

ಪ್ರತ್ಯ್ ಏನಂ ಯಾಹಿ ಪ್ರತಿ ಭಙ್ಧ್ಯ್ ಏನಂ
ವಿವಿಧ್ಯನ್ನ್ ಅಗ್ನೇ ವಿತರಂ ವಿ ಭಾಹಿ |
ಪ್ರತ್ಯಙ್ ಪ್ರೇಹಿ ವರ್ತ್ಮನಾ ಜರ್ಹೃಷಾಣಃ
ಕೃತ್ಯಾಕೃತೇ ದುಷ್ಕೃತೇ ಮಾಧಿ ವೋಚಃ || ೧,೭೬।೨

ಯೋ ನೋ ದುರ್ಹಾರ್ದ್ ಧೃದಯೇನಾಭಿವಸ್ತೇ
ಯಶ್ ಚಕ್ಷುಷಾ ಮನಸಾ ಯಶ್ ಚ ವಾಚಾ |
ಪ್ರತ್ಯಙ್ ದಂಷ್ಟ್ರಾಭ್ಯಾಂ ಅಭಿ ತಂ ಬುಭೂಷನ್
ಕೃತ್ಯಾಕೃತಂ ದುಷ್ಕೃತಂ ನಿರ್ ದಹಾಗ್ನೇ || ೧,೭೬।೩

ಪ್ರತೀಬೋಧಶ್ ಚತುರಕ್ಷೋ
ದಿವ್ಯೋ ಅಶ್ಮೇವ ವೀಡುಭಿತ್ |
ಪ್ರಭಂಜಞ್ ಛತ್ರೂನ್ ಪ್ರತಿ ಯಾಹ್ಯ್ ಅಗ್ನೇ
ಕೃತ್ಯಾಕೃತಂ ದುಷ್ಕೃತಂ ಹೃದಯೇ ವಿಧ್ಯ ಮರ್ಮಣಿ || ೧,೭೬।೪
(೭೬)

ಇಂದ್ರ ಕ್ಷತ್ರಂ ಅಭಿ ವಾಮಂ ಓಜೋ
ಽಜಾಯಥಾ ವೃಷಭ ಚರ್ಷಣೀನಾಂ |
ಅಪಾನುದೋ ಜನಂ ಅಮಿತ್ರಯಂತಂ
ಉರುಂ ದೇವೇಭ್ಯೋ ಅಕೃಣೋರ್ ಉಲೋಕಂ || ೧,೭೭।೧

ಮೃಗೋ ನ ಭೀಮಃ ಕುಚರೋ ಗಿರಿಷ್ಠಾಃ
ಪರಾವತ ಆ ಜಗಾಮಾ ಪರಸ್ಯಾಃ |
ಸೃಕಂ ಸಂಶಾಯ ಪವಿಂ ಇಂದ್ರ ತಿಗ್ಮಂ
ವಿ ಶತ್ರೂನ್ ತಾಢಿ ವಿ ಮೃಧೋ ನುದಸ್ವ || ೧,೭೭।೨

ಅಂಹೋಮುಚೇ ಪ್ರ ಭರೇ ಮನೀಷಾಂ
ಆ ಸುತ್ರಾಮ್ಣೇ ಸುಮತಿಂ ಆವೃಣಾನಃ |
ಇದಂ ಇಂದ್ರ ಪ್ರತಿ ಹವ್ಯಂ ಗೃಭಾಯ
ಸತ್ಯಾಃ ಸಂತು ಯಜಮಾನಸ್ಯ ಕಾಮಾಃ || ೧,೭೭।೩

ಅಂಹೋಮುಚಂ ವೃಷಭಂ ಯಜ್ಞಿಯಾನಾಂ
ವಿರಾಜಂತಂ ಪ್ರಥಮಂ ಅಧ್ವರಾಣಾಂ |
ಅಪಾಂ ನಪಾತಂ ಅಶ್ವಿನೌ ಹುವೇ ಧಿಯ
ಇಂದ್ರಿಯೇಣ ನ ಇಂದ್ರಿಯಂ ಧತ್ತಂ ಓಜಃ || ೧,೭೭।೪
(೭೭)

ಧಾತಾರಂ ಇಂದ್ರಂ ಸವಿತಾರಂ ಊತಯೇ
ಹುವೇ ದೇವಾಁ ಅಮೃತಾನ್ ಮರ್ತ್ಯಃ ಸನ್ |
ಶ್ರೇಷ್ಠೇ ನೋ ವಸವೋ ಧತ್ತ ಧಾಮ್ನಿ
ಮಾ ರಧಾಮ ದ್ವಿಷತೇ ಮೋ ಅರಾತಯೇ || ೧,೭೮।೧

ಅಧಿ ಬ್ರವೀತ್ವ್ ಅಧಿವಕ್ತಾ ನ ಇಂದ್ರೋ
ಅಧಿ ಬ್ರವೀತು ಸವಿತಾ ದೈವ್ಯೇನ |
ಸ್ವಸ್ತಿ ಮಿತ್ರಾವರುಣಾ ಚ ಧತ್ತಾಂ
ರಾತ್ರಿಂರಾತ್ರಿಂ ಅಹರಹಶ್ ಚ ದೇವಾಃ || ೧,೭೮।೨

ಅಧಿ ಬ್ರವೀತು ಪೃಥಿವೀ ಉತ ದ್ಯೌರ್
ಅಧಿ ಬ್ರುವಂತು ಮರುತಃ ಪೃಶ್ನಿಮಾತರಃ |
ಯೋ ನೋ ದ್ವೇಷ್ಟ್ಯ್ ಅರಣೋ ಯಃ ಸನಾಭಿಃ
ಪವಿರ್ ಇವ ನೇಮೇರ್ ಅಧರಃ ಸೋ ಅಸ್ತು || ೧,೭೮।೩

ಯಸ್ಯ ತ್ರಯಾ ಗತಂ ಅನುಪ್ರಯಂತಿ
ದೇವಾ ಮನುಷ್ಯಾಃ ಪಶವಶ್ ಚ ಸರ್ವೇ |
ತನ್ ನೋ ದೇವಂ ಮನೋ ಅಧಿ ಬ್ರವೀತು
ಸುನೀತಿ ನೋ ನಯತು ದ್ವಿಷತೇ ಮಾ ರಧಾಮ || ೧,೭೮।೪
(೭೮)

ವರ್ಚಸ್ವಾನ್ ಅಸಿ ದೇವೇಷು
ವರ್ಚಸ್ವಾನ್ ಓಷಧೀಷ್ವ್ ಆ |
ಅಥೋ ವರ್ಚಸ್ವಿನಂ ಕೃಧಿ
ಯಂ ಅಶ್ವತ್ಥಾಧಿರೋಹಸಿ || ೧,೭೯।೧

ಯಂ ಅಶ್ವತ್ಥೋ ಅಧ್ಯರುಕ್ಷದ್
ರಾಜಾ ಮನುಷ್ಯಂ ಜನಂ |
ಇಂದ್ರಂ ಇವ ವಿ ಮೃಧೋ ಹನತ್
ತಸ್ಮಾದ್ ರಾಷ್ಟ್ರಂ ಅನಪಚ್ಯುತಂ || ೧,೭೯।೨

ಆರೋಹೋ ನಾಮ ವಾ ಅಸಿ
ಸಹಸ್ವಾನ್ ಉದ್ ಅಜಾಯಥಾಃ |
ತಂ ತ್ವಾ ಸಪತ್ನಸಾಸಹಂ
ಅಶ್ವತ್ಥ ಬಿಭರಾದ್ ಅಯಂ || ೧,೭೯।೩

ರಾಜಾ ವಾ ಅಸಿ ಭೂತಾನಾಂ
ಋಷಭೋ ವೀರುಧಾಂ ಪತಿಃ |
ಸ ನಃ ಸಪತ್ನಾನ್ ಅಶ್ವತ್ಥ
ವಿಷೂಚೋ ವ್ಯ್ ಉದ್ ಆ ಕೃಧಿ || ೧,೭೯।೪
(೭೯)

ಸಂಪಶ್ಯಮಾನಾ ಅಮೃತಾಯ ಆಯನ್
ಶುದ್ಧಾ ಯೋನಿಭ್ಯಸ್ ಪರಿ ಜಾಯಮಾನಾಃ |
ಶಿವಂ ಕೃಣ್ವಾನಾ ಉಪ ಜಿಘ್ರತೇಮಂ
ವೀರಂ ವೀರೇಷ್ವ್ ಅಪ್ಯ್ ಆ ಕೃಣುಧ್ವಂ || ೧,೮೦।೧

ಶಿವೋ ವೋ ವೀರ ಇಹ ಜಾತೋ ಅಸ್ತು
ಶುದ್ಧೋ ಯೋನಿಭ್ಯಸ್ ಪರಿ ಜಾಯಮಾನಃ |
ಅರಿಷ್ಟೋ ಽಯಂ ವರ್ಧತಾಂ ಸರ್ವಂ ಆಯುರ್
ವರ್ಮ ಜ್ಯಾಯೋಭ್ಯೋ ಹವಿಷಾ ಕೃಣೋತು || ೧,೮೦।೨

ಜರಾಂ ಮೃತ್ಯುಂ ಪ್ರೇಪ್ಸತು ಜೀವ ಏಷ
ನಾಸ್ಯ ಕ್ರಿಮಿರ್ ಈಶಾತೋ ನೋತ ಜಂಭಃ |
ಸಂರಭ್ಯ ಜೀವ ಶರದಃ ಸುವರ್ಚಾ
ಅಗ್ನಿಷ್ ಟೇ ಗೋಪಾ ಅಧಿಪಾ ವಸಿಷ್ಠಃ || ೧,೮೦।೩

ಜರಾಮೃತ್ಯುರ್ ಜರಾಯುರ್ ಜರಾಚಕ್ಷುರ್ ಜರಾಸ್ವಃ |
ಜರಸೇ ತ್ವಾ ಜರದಷ್ಟಿಂ ಪರಿ ದದಾಮಿ || ೧,೮೦।೪

ದ್ಯೌಷ್ ಟೇ ಪಿತಾ ಪೃಥಿವೀ ಮಾತಾಂತರಿಕ್ಷಂ ಆತ್ಮಾ |
ವಾತಃ ಪ್ರಾಣಃ ಸೂರ್ಯಶ್ ಚಕ್ಷುರ್ ದಿವಸ್ ಪಯಃ |
ಸುಪರ್ಣಸ್ ತ್ವಾಭ್ಯ್ ಅವ ಪಶ್ಯಾದ್ ಆಯುಷೇ ವರ್ಚಸೇ
ಽಯಂ ಅನ್ನಸ್ಯಾನ್ನಪತಿರ್ ಅಸ್ತು ವೀರಃ || ೧,೮೦।೫
(೮೦)

ಅನುವಾಕ ೧೬ ||

ಯಜ್ಞಸ್ಯ ಚಕ್ಷುಃ ಪ್ರಭೃತಿರ್ ಮುಖಂ ಚ
ವಾಚಾ ಶ್ರೋತ್ರೇಣ ಮನಸಾ ಜುಹೋಮಿ |
ಇಮಂ ಯಜ್ಞಂ ವಿತತಂ ವಿಶ್ವಕರ್ಮಣಾ-
-ಆ ದೇವಾ ಯಂತು ಸುಮನಸ್ಯಮಾನಾಃ || ೧,೮೧।೧

ಯೇ ದೇವಾನಾಂ ಋತ್ವಿಜೋ ಯೇ ಚ ಯಜ್ಞಿಯಾ
ಯೇಭ್ಯೋ ಹವ್ಯಂ ಕ್ರಿಯತೇ ಭಾಗಧೇಯಂ |
ಇಮಂ ಯಜ್ಞಂ ಸಹ ಪತ್ನೀಭಿರ್ ಏತ್ಯ
ಯಾವಂತೋ ದೇವಾಸ್ ತತಿ ಮಾದಯಂತಾಂ || ೧,೮೧।೨

ಯನ್ ಮಾ ಹುತಂ ಯದ್ ಅಹುತಂ ಆಜಗಾಮ
ಯಸ್ಮಾದ್ ಅನ್ನಾನ್ ಮನಸೋದ್ರಾರಜೀಮಿ |
ಯದ್ ದೇವಾನಾಂ ಚಕ್ಷುಷ ಆಗಸೀನಂ
ಅಗ್ನಿಷ್ ಟದ್ ಧೋತಾ ಸುಹುತಂ ಕೃಣೋತು || ೧,೮೧।೩

ಅಗ್ನೇಷ್ ಟ್ವಾ ಜಿಹ್ವಯಾ ಹುತಂ ಇಷ್ಟಂ ಮರುದ್ಭಿರ್
ಅನುಮತಂ ಪಿತೃಭಿಃ ಪ್ರಾಶ್ನಾಮಿ || ೧,೮೧।೪
(೮೧)

ಅಗ್ನೇಃ ಪ್ರಜಾತಂ ಪರಿ ಯದ್ ಧಿರಣ್ಯಂ
ಅಮೃತಂ ದಧ್ರೇ ಅಧಿ ಮರ್ತ್ಯೇಷು |
ಯ ಏನದ್ ವೇದ ಸ ಇದ್ ಏನದ್ ಅರ್ಹತಿ
ಜರಾಮೃತ್ಯುರ್ ಭವತಿ ಯೋ ಬಿಭರ್ತಿ || ೧,೮೨।೧

ಯದ್ ಧಿರಣ್ಯಂ ಸೂರ್ಯೇಣ ಸುವರ್ಣಂ
ಪ್ರಜಾವಂತೋ ಮನವಃ ಪೂರ್ವ ಈಷಿರೇ |
ತತ್ ತ್ವಾ ಚಂದ್ರಂ ವರ್ಚಸಾ ಸಂ ಸೃಜಾತ್ಯ್
ಆಯುಷ್ಮಾನ್ ಭವತಿ ಯೋ ಬಿಭರ್ತಿ || ೧,೮೨।೨

ಆಯುಷೇ ತ್ವಾ ವರ್ಚಸೇ ತ್ವಾ-
-ಓಜಸೇ ಚ ಬಲಾಯ ಚ |
ಯಥಾ ಹಿರಣ್ಯ ತೇಜಸಾ
ವಿಭಾಸಾಸಿ ಜನಾಁ ಅನು || ೧,೮೨।೩

ಯದ್ ವೇದ ರಾಜಾ ವರುಣೋ
ವೇದ ದೇವೋ ಬೃಹಸ್ಪತಿಃ |
ಇಂದ್ರೋ ಯದ್ ವೃತ್ರಹಾ ವೇದ
ತತ್ ತ ಆಯುಷ್ಯಂ ಭುವತ್
ತತ್ ತೇ ವರ್ಚಸ್ಯಂ ಭುವತ್ || ೧,೮೨।೪
(೮೨)

ಯದ್ ಆಬಧ್ನನ್ ದಾಕ್ಷಾಯಣಾ ಹಿರಣ್ಯಂ
ಶತಾನೀಕಾಯ ಸುಮನಸ್ಯಮಾನಾಃ |
ತತ್ ತೇ ಬಧ್ನಾಮಿ ಶತಶಾರದಾಯ-
-ಆಯುಷ್ಮಾನ್ ಜರದಷ್ಟಿರ್ ಯಥಾಸಃ || ೧,೮೩।೧

ನೈನಂ ರಕ್ಷಾಂಸಿ ನ ಪಿಶಾಚಾಃ ಸಹಂತೇ
ದೇವಾನಾಂ ಓಜಃ ಪ್ರಥಮಜಂ ಹ್ಯ್ ಏತತ್ |
ಯೋ ಬಿಭರ್ತಿ ದಾಕ್ಷಾಯಣಂ ಹಿರಣ್ಯಂ
ಸ ಜೀವೇಷು ಕೃಣುತೇ ದೀರ್ಘಂ ಆಯುಃ || ೧,೮೩।೨

ಅಪಾಂ ರೇತೋ ಜ್ಯೋತಿರ್ ಓಜೋ ಬಲಂ ಚ
ವನಸ್ಪತೀನಾಂ ಉತ ವೀರ್ಯಾಣಿ |
ಇಂದ್ರ ಇವೇಂದ್ರಿಯಂ ಅವ ರುಧ್ಮೋ ಅಸ್ಮಿನ್
ಸ ದಕ್ಷಮಾಣೋ ಬಿಭರದ್ ಧಿರಣ್ಯಂ || ೧,೮೩।೩

ಸಮಾನಾಂ ಮಾಸಾಂ ಋತುಭಿಷ್ ಟ್ವಾಹಂ
ಸಂವತ್ಸರಸ್ಯ ಪಯಸಾ ಪಿಪರ್ಮಿ |
ಇಂದ್ರಾಗ್ನೀ ತ್ವಾ ಬ್ರಹ್ಮಣಾ ವಾವೃಧಾನಾವ್
ಆಯುಷ್ಮಂತಂ ಉತ್ತಮಂ ತ್ವಾ ಕರಾತಃ || ೧,೮೩।೪
(೮೩)

ಯತ್ ತೇ ಚತಸ್ರಃ ಪ್ರದಿಶೋ
ಮನೋ ಜಗಾಮ ದೂರಕಂ |
ತತ್ ತ ಆ ವರ್ತಯಾಮಸಿ-
-ಇಹ ಕ್ಷಯಾಯ ಜೀವಸೇ || ೧,೮೪।೧

ಯತ್ ತೇ ಭೂಮಿಂ ಚತುಃಸ್ರಕ್ತಿಂ
ಮನಃ (…) || ೧,೮೪।೨

ಯತ್ ತೇ ಯಮಂ ವೈವಸ್ವತಂ
ಮನಃ (…) || ೧,೮೪।೩

ಯತ್ ತೇ ಸಮುದ್ರಂ ಅರ್ಣವಂ
ಮನಃ (…) || ೧,೮೪।೪

ಯತ್ ತೇ ದಿವಂ ಯತ್ ಪೃಥಿವೀಂ
ಮನಃ (…) || ೧,೮೪।೫

ಯತ್ ತೇ ವಾಯುಂ ಅಂತರಿಕ್ಷಂ
ಮನಃ (…) || ೧,೮೪।೬

ಯತ್ ತೇ ಸೂರ್ಯಂ ಯದ್ ಉಷಸಂ
ಮನಃ (…) || ೧,೮೪।೭

ಯತ್ ತೇ ಚಂದ್ರಂ ನಕ್ಷತ್ರಾಣಿ
ಮನಃ (…) || ೧,೮೪।೮

ಯತ್ ತ ಆಪೋ ಯದ್ ಓಷಧೀರ್
ಮನಃ (…) || ೧,೮೪।೯

ಯತ್ ತೇ ಪರಾಂ ಪರಾವತಂ
ಮನೋ ಜಗಾಮ ದೂರಕಂ |
ತತ್ ತ ಆ ವರ್ತಯಾಮಸಿ-
-ಇಹ ಕ್ಷಯಾಯ ಜೀವಸೇ || ೧,೮೪।೧೦
(೮೪)

ಯಂ ಗೃಹ್ಣಂತ್ಯ್ ಅಪ್ಸರಸೋ
ಯಂ ಮಥ್ನಾತಿ ಬೃಹಸ್ಪತಿಃ |
ತಂ ಕಶ್ಯಪಸ್ಯ ಬ್ರಹ್ಮಣಾ
ಸವಿತಾ ಪುನರ್ ಆ ಭರತ್ || ೧,೮೫।೧

ಯೋ ಭರ್ತಾಕೂಃ ಪರಿಧಾಯ
ಮೃಗೇಷ್ವ್ ಅಪಿ ಧಾವತಿ |
ತಂ ಕಶ್ಯಪಸ್ಯ ಬ್ರಹ್ಮಣಾ
ಸವಿತಾ ಪುನರ್ ಆ ಭರತ್ || ೧,೮೫।೨

ಸವಿತಾಗ್ನಿರ್ ಬ್ರಹ್ಮಾ ಸೋಮ
ಇಂದ್ರಸ್ ತ್ವಷ್ಟಾ ಬೃಹಸ್ಪತಿಃ |
ಏತೇ ಮರುದ್ಯುತಂ ತ್ವಾ
ಬ್ರಹ್ಮಣಾ ಪುನರ್ ಆ ಭರನ್ || ೧,೮೫।೩

ಭದ್ರಾಂ ವಾಚಂ ಶಿವಂ ಚಕ್ಷುರ್
ಮರುದ್ಯುತಾಯ ಕೃಣ್ಮಸಿ |
ಇಮಾಂ ಹ್ಯ್ ಅಸ್ಮಾ ಓಷಧಿಂ
ಆ ಹರಾಮ್ಯ್ ಅರುಂಧತೀಂ || ೧,೮೫।೪
(೮೫)

ಅನುವಾಕ ೧೭ ||

ತ್ರಿಭ್ಯೋ ರುದ್ರೇಭ್ಯಃ ಪ್ರವಸನ್ ಯಜಾಮಿ
ಜ್ಯೇಷ್ಠಃ ಕನಿಷ್ಠ ಉತ ಮಧ್ಯಮೋ ಯಃ |
ಜ್ಯೋತಿಷ್ಕಾರಾಃ ಕವಯಃ ಸೋಮಪಾ ಯೇ
ಕಣ್ವಾ ಅಜಂತು ನಿರ್ ಇತೋ ವಧೇನ || ೧,೮೬।೧

ಇಂದ್ರಾಗ್ನೀ ವೀತಂ ಹವಿಷಃ ಸಂವಿದಾನೌ
ಸಮಿದ್ಧೋ ಅಗ್ನಿಃ ಸಮಿಧಾ ಗೀರ್ಭಿರ್ ಇಂದ್ರಃ |
ನುದೇಥಾಂ ಕಣ್ವಾ ನಿರ್ ಇತೋ ಅರಾತಿಂ
ಆರಾದ್ ರಕ್ಷಾಂಸಿ ತಪತಂ ವ್ಯ್ ಅಸ್ಮತ್ || ೧,೮೬।೨

ವಾಸ್ತೋಷ್ಪತೇ ಸುಪ್ರಜಸಃ ಸುವೀರಾ
ಷಷ್ಠೀಸ್ಯಾಮಿ ಶರದಃ ಶತಾನಿ |
ದುರ್ವಾಸ್ತು ಕಣ್ವಾ ಅಭಿ ನಿರ್ ಣುದಸ್ವ
ಸುವಾಸ್ತ್ವ್ ಅಸ್ಮಾಁ ಉಪ ಸಂ ವಿಶಸ್ವ || ೧,೮೬।೩

ಯಾ ತಂತಿಷತ್ ಖಲಸದ್ ಯಾ ಚ ಗೋಷ್ಠೇ
ಯಾ ಜಾತಾಃ ಶಕಧೂಮೇ ಸಭಾಯಾಂ |
ಪ್ರಪಾಯಾಂ ಜಾತಾ ಉತ ಯಾಶ್ ಚ ಭಿತ್ಸು
ತಾಶ್ ಚಾತಯಾಮಃ ಶಿವತಾ ನೋ ಅಸ್ತು || ೧,೮೬।೪

ದುದ್ವಾ ಚ ದುದ್ವತೀ ಚ ಸ್ಥಸ್
ತದ್ ವಾಂ ನಾಮ ತದ್ ವಾಂ ನಾಮಧೇಯಂ |
ರುದ್ರಪ್ರೇಷಿತೇ ಸ್ಥೋ ಽವ್ಯೇ ನಾಮ
ಪರ್ಯ್ ಅಸ್ಮಾನ್ ವೃಂಕ್ತಂ |
ಯೋ ನೋ ದ್ವೇಷ್ಟಿ ತಂ ಋಚ್ಛತಂ || ೧,೮೬।೫

ವೀಚೀ ನಾಮಾಸ್ಯ್ ಅಘಹಾರಾ ನಾಮ |
ನಮಸ್ ತೇ ಅಸ್ತು ವಾತಕೇ
ಽನ್ಯತ್ರಾಸ್ಮದ್ ಅಘಂ ಕೃಧಿ || ೧,೮೬।೬

ಋಜೀತೇ ಪರಿ ಣೋ ನಮ-
-ಅಗ್ರೇಣ ಪರಿ ಣೋ ನಮ |
ಅಶ್ಮಾನಂ ತನ್ವಂ ಕೃಣ್ಮಹೇ
ಅದ್ಯಾ ನಃ ಸೋಮ ಮೃಡಯ || ೧,೮೬।೭
(೮೬)

ತ್ವಂ ದರ್ಭಾಸಿ ಪತಿರ್ ಓಷಧೀನಾಂ
ವಿಭಿಂದನ್ ಯಾಸಿ ಕನ್ಯಾ ಇವೈನಾಂ |
ಭಿಂಧಿ ಶಿರಃ ಕೃಮೇರ್ ಜಾಯಾನ್ಯಸ್ಯ
ಶರೀರಂ ಭಿಂಧ್ಯ್ ಉತ ಭಿಂಧ್ಯ್ ಅಸ್ಥಿ || ೧,೮೭।೧

ಯಃ ಕೀಕಸಾಸ್ಥೋ ವಿರದಾತ್ ಪರೂಂಷಿ
ಯಸ್ಯೋದ್ಧಾರ ಉಷ್ಣಿಹಾಸ್ ತಾ ಹಿ ವವ್ರೇ |
ಹನಿಷ್ಯಾಮಿ ವಾಂ ನಿರ್ ಅತಃ ಪರೇತಂ
ತೃಣಾನ್ಯ್ ಅತ್ತಂ ಅವಸೀರಿಣಾಂ ಇವ || ೧,೮೭।೨

ಅಯಂ ಯ ಆಸ್ತೇ ಜಠರೇಷ್ವ್ ಅಂತಃ
ಕಾಸ್ಫೀವಶಂ ನಿರಜಂ ಮರ್ತ್ಯಸ್ಯ |
ಹನಿಷ್ಯಾಮಿ ವಾಂ ನಿರ್ ಅತಃ ಪರೇತಂ
ಸ್ತಾಯದ್ ಏಯಥುಃ ಪ್ರತಿ ವಾಂ ಅಭುತ್ಸಿ || ೧,೮೭।೩

ಯೇನೇಯಥುಸ್ ತೇನ ಪಥಾ ಪರೇತಂ
ಸ್ತಾಯದ್ ಏಯಥುಃ ಪ್ರತಿ ವಾಂ ಅಭುತ್ಸಿ |
ಬ್ರಹ್ಮಣಾ ವಾಂ ಪರಿತೃಹ್ಯ ಸಮಂತಂ
ವಿ ಚ್ಛೇತ್ಸ್ಯಾಮಿ ನಕುಲ ಇವ ಸರ್ಪಂ || ೧,೮೭।೪
(೮೭)

ಯಜ್ಞಪತಿಂ ಋಷಯ ಏನಸಾಹುರ್
ನಿರ್ಭಕ್ತಾ ಭಾಗಾದ್ ಅನುತಪ್ಯಮಾನಾಃ |
ಯದ್ ಏನಶ್ ಚಕೃವಾನ್ ಬದ್ಧ ಏಷ
ತತೋ ವಿಶ್ವಕರ್ಮನ್ ಪ್ರ ಮುಮುಗ್ಧ್ಯ್ ಏನಂ || ೧,೮೮।೧

ಅದಾನ್ಯಾನ್ ಸೋಮಪಾನ್ ಮನ್ಯಮಾನೋ
ಯಜ್ಞಸ್ಯ ವಿದ್ವಾನ್ ಸಮಯೇ ನ ಧೀರಃ |
ಮಧವ್ಯಾನ್ ಸ್ತೋಕಾನ್ ಅಪ ಯಾನ್ ರರಾಧ
ಸಂ ಮಾ ತೈಃ ಸೃಜತು ವಿಶ್ವಕರ್ಮಾ || ೧,೮೮।೨

ಯೇ ಭಕ್ಷಯಂತೋ ನ ವಸೂನ್ಯ್ ಆನೃಧುರ್
ಯಾನ್ ಅಗ್ನಯೋ ಅನ್ವತಪ್ಯಂತ ಧಿಷ್ಣ್ಯಾಃ |
ಯಾ ತೇಷಾಂ ಅವಯಾ ದುರಿಷ್ಟಾತ್
ಸ್ವಿಷ್ಟಂ ತದ್ ವಿಶ್ವಕರ್ಮಾ ಕೃಣೋತು || ೧,೮೮।೩

ಭೀಮಾ ಋಷಯೋ ನಮೋ ಅಸ್ತ್ವ್ ಏಭ್ಯಶ್
ಚಕ್ಷುರ್ ಯದ್ ಏಷಾಂ ಮನಸಶ್ ಚ ಸಂದೃಕ್ |
ಬೃಹಸ್ಪತಯೇ ಮಹಿಷಾಯ ದಿವೇ ನಮೋ
ವಿಶ್ವಕರ್ಮನ್ ನಮಸ್ ತೇ ಪಾಹ್ಯ್ ಅಸ್ಮಾನ್ || ೧,೮೮।೪
(೮೮)

ಸರ್ವಾ ಇಮಾ ಓಷಧಯಃ
ಪೃಥಿವ್ಯಾಂ ಅಧಿ ನಿಷ್ಠಿತಾಃ |
ಅಥೈವ ಭದ್ರಿಕೇ ತ್ವಂ
ಅಸುರೇಭ್ಯೋ ಅಜಾಯಥಾಃ || ೧,೮೯।೧

ಶತಂ ಜಹ್ಯ್ ಅಪ್ಸರಸಾಂ
ಶತಂ ಶ್ವನ್ವತೀನಾಂ |
ಗಂಧರ್ವಪತ್ನೀನಾಂ ಶತಸ್ಯ-
-ಇಂದ್ರೋ ಅಪಿ ಕೃತಚ್ ಛಿರಃ || ೧,೮೯।೨

ಯಾಃ ಪತಂತಿ ಪುರೋ ವಾತಂ
ಪತಂತಿ ರೇಷ್ಮಭಿಃ ಸಹ |
ಚೇತಂತೀಂ ಅಶ್ಮಲಾಂ ಪಲಾಂ
ಇಂದ್ರೋ ಅಪ್ಸರಸೋ ಹನತ್ || ೧,೮೯।೩

ವಿ ವೋ ಯಶೋ ಹವಾಮಹೇ
ವಿ ವೋ ಹವಿಷ್ಯಂ ಓದನಂ |
ಅಪಾವರೀರ್ ಅಪೋರ್ಣುತ-
-ಅಸ್ಮದ್ ಯಕ್ಷ್ಮಂ ಅಪೋರ್ಣುತ
ವಾತಸ್ ತೇಜನ್ಯಂ ಯಥಾ || ೧,೮೯।೪
(೮೯)

ಅಸಿತಸ್ಯ ವಿದ್ರಧಸ್ಯ
ಲೋಹಿತಸ್ಯ ವನಸ್ಪತೇ |
ವಿಸಲ್ಪಕಸ್ಯೌಷಧೇ
ಮೋಚ್ ಛಿಷಃ ಪಿಶಿತಂ ಚನ || ೧,೯೦।೧

ಯತ್ ತೇ ಬಲಾಸ ತಿಷ್ಠತಃ
ಕಕ್ಷೇ ಮುಷ್ಕಾವ್ ಅಪಾಕೃತಂ |
ವೇದಾಹಂ ತಸ್ಯ ಭೇಷಜಂ
ಚೀಪದ್ರಾಂ ಅಭಿಚಕ್ಷಣಂ || ೧,೯೦।೨

ನಿರ್ ಬಲಾಸಂ ಬಲಾಸಿನೋ
ವಿಸಲ್ಪಂ ಉತ ವಿದ್ರಧಂ |
ಪರೋಪಹತ್ಯಾಂ ತೇ ವಯಂ
ಪರಾ ಯಕ್ಷ್ಮಂ ಸುವಾಮಸಿ || ೧,೯೦।೩

ಶೀರ್ಷರೋಗಂ ಅಂಗರೋಗಂ
ಶುಕ್ತಿವಲ್ಗಂ ವಿಲೋಹಿತಂ |
ಪರಾ ತೇ ಅಜ್ಞಾತಂ ಯಕ್ಷ್ಮಂ
ಅಧರಾಂಚಂ ಸುವಾಮಸಿ || ೧,೯೦।೪
(೯೦)

ಅನುವಾಕ ೧೮ ||

ಪಯೋ ದೇವೇಷು ಪಯ ಓಷಧೀಷು
ಪಯ ಆಶಾಸು ಪಯೋ ಽನ್ತರಿಕ್ಷೇ |
ತನ್ ಮೇ ಧಾತಾ ಸವಿತಾ ಚ ಧತ್ತಾಂ
ವಿಶ್ವೇ ತದ್ ದೇವಾ ಅಭಿ ಸಂ ಗೃಣಂತು || ೧,೯೧।೧

ಪಯೋ ಯದ್ ಅಪ್ಸು ಪಯ ಉಸ್ರಿಯಾಸು
ಪಯ ಉತ್ಸೇಷೂತ ಪರ್ವತೇಷು |
ತನ್ ಮೇ ಧಾತಾ ಸವಿತಾ ಚ ಧತ್ತಾಂ
ವಿಶ್ವೇ ತದ್ ದೇವಾ ಅಭಿ ಸಂ ಗೃಣಂತು || ೧,೯೧।೨

ಯನ್ ಮೃಗೇಷು ಪಯ ಆವಿಷ್ಟಂ ಅಸ್ತಿ
ಯದ್ ಏಜತಿ ಪತತಿ ಯತ್ ಪತತ್ರಿಷು |
ತನ್ ಮೇ ಧಾತಾ ಸವಿತಾ ಚ ಧತ್ತಾಂ
ವಿಶ್ವೇ ತದ್ ದೇವಾ ಅಭಿ ಸಂ ಗೃಣಂತು || ೧,೯೧।೩

ಯಾನಿ ಪಯಾಂಸಿ ದಿವ್ಯ್ ಆರ್ಪಿತಾನಿ
ಯಾನ್ಯ್ ಅಂತರಿಕ್ಷೇ ಬಹುಧಾ ಬಹೂನಿ |
ತೇಷಾಂ ಈಶಾನೇ ವಶಿನೀ ನೋ ಅದ್ಯ
ಪ್ರ ದತ್ತಾಂ ದ್ಯಾವಾಪೃಥಿವೀ ಅಹೃಣೀಯಮಾನೇ || ೧,೯೧।೪
(೯೧)

ಆಗನ್ಮೇಮಾಂ ಸಮಿತಿಂ ವಿಶ್ವರೂಪಾಂ
ಯಸ್ಯಾಂ ಪೂರ್ವಂ ಅವದದ್ ದೇವ ಏಕಃ |
ಸಾ ನಃ ಸೂಕ್ತೈರ್ ಜುಜುಷಾಣಾ ಸಮೀಚ್ಯ್
ಅಸ್ಮಾನ್ ವೃಣೀತಾಂ ಸುಮನಸ್ಯಮಾನಾ || ೧,೯೨।೧

ಇಯಂ ದೇವೀ ಸಮಿತಿರ್ ವಿಶ್ವರೂಪಾ
ಶಿಲ್ಪಂ ಕೃಣ್ವಾನಾ ಚರತಿ ಜನೇಷು |
ತಾಂ ರಾಜಾನಃ ಕವಯೋ ಹೃತ್ಸು ಕೇತೈರ್
ಅರಾಜಾನಶ್ ಚ ವದನೈಃ ಪುನಂತಿ || ೧,೯೨।೨

ಅಗ್ನಿಂ ಸಾಮಿತ್ಯಂ ಉಪ ಸಂ ಸದೇಮ
ವಾಚಾ ಪ್ರಿಯಂ ಮಧುಮತ್ಯಾ ವದಂತಃ |
ಸೋಮೋ ರಾಜಾ ವರುಣೋ ಮಿತ್ರಧರ್ಮಾ
ಮಯಿ ಶ್ರೇಮಾಣಂ ಉಪ ಸಂ ನಮಂತು || ೧,೯೨।೩

ಯೋ ವಃ ಶುಷ್ಮೋ ಹೃದಯೇ
ಯೋ ಬಾಹ್ವೋರ್ ಯಶ್ ಚ ಚಕ್ಷುಷಿ |
ಜಿಹ್ವಾಯಾ ಅಗ್ರೇ ಯೋ ಮನ್ಯುಸ್
ತಂ ವೋ ವಿ ನಯಾಮಸಿ || ೧,೯೨।೪
(೯೨)

ತ್ರಿಷ್ ಕುಷ್ಠಾಸಿ ವೃತ್ರಾಜ್ ಜಾತಸ್
ತ್ರಿರ್ ದಿವಸ್ ಪರಿ ಜಜ್ಞಿಷೇ |
ತ್ರಿಃ ಸೋಮಾಜ್ ಜಜ್ಞಿಷೇ ತ್ವಂ
ತ್ರಿರ್ ಆದಿತ್ಯೇಭ್ಯಸ್ ಪರಿ || ೧,೯೩।೧

ಜೀವಲಂ ನಘಾರಿಷಂ
ಜಯತ್ಕಂ ಅಪರಾಜಿತಂ |
ತಂ ತ್ವಾಮೃತಸ್ಯೇಶಾನಂ
ರಾಜನ್ ಕುಷ್ಠಾ ವದಾಮಸಿ || ೧,೯೩।೨

ಅಂತರಾ ದ್ಯಾವಾಪೃಥಿವೀ
ಅಂತರಿಕ್ಷಂ ಇದಂ ಮಹತ್ |
ತತ್ರಾಮೃತಸ್ಯೇಶಾನಂ
ಕುಷ್ಠಂ ದೇವಾ ಅಬಧ್ನತ || ೧,೯೩।೩

ಕುಷ್ಠೋ ಽಸಿ ದೇವಕೃತೋ
ಹಿಮವದ್ಭ್ಯೋ ನಿರಾಭೃತಃ |
ತೀಕ್ಷ್ಣಾಭಿರ್ ಅಭ್ರಿಭಿಃ ಖಾತಃ
ಸ ಚಕರ್ಥಾರಸಂ ವಿಷಂ || ೧,೯೩।೪
(೯೩)

ಯಾಸ್ ತೇ ಶತಂ ಧಮನಯಃ
ಸಹಸ್ರಾಣೀ ಚ ವಿಂಶತಿಃ |
ಬಭ್ರೋರ್ ಅಶ್ವಸ್ಯ ವಾರೇಣ-
-ಅಪಿ ನಹ್ಯಾಮಿ ತಾ ಅಹಂ || ೧,೯೪।೧

ಶತಸ್ಯ ತೇ ಧಮನೀನಾಂ
ಸಹಸ್ರಸ್ಯಾಯುತಸ್ಯ ಚ |
ದೃತೇಃ ಪಾದಂ ಇವ ಸಾರಥಿರ್
ಅಪಿ ನಹ್ಯಾಮಿ ಯದ್ ಬಿಲಂ || ೧,೯೪।೨

ಪರಮಸ್ಯಾಂ ಪರಾವತಿ
ಶುಷ್ಕೋ ಭಂಡುಶ್ ಚ ತಿಷ್ಠತಃ |
ತತಃ ಶುಷ್ಕಸ್ಯ ಶುಷ್ಮೇಣ
ತಿಷ್ಠಂತು ಲೋಹಿನೀರ್ ಅಪಃ || ೧,೯೪।೩

ಪರಿ ವಃ ಸಿಕತಾಮಯಂ
ಮರುಂ ಬಿಲೇ ವಪಾಮಸಿ |
ಯಕಚ್ ಚಿದ್ ಅಸ್ರವೀತ್ ಪುರಾ
ತಕಚ್ ಚಿದ್ ಅಶಮೀದ್ ಇದಂ || ೧,೯೪।೪
(೯೪)

ರುದ್ರ ಮಾ ತ್ವಾ ಜೀಹಿಡಾಮ ಸುಷ್ಟುತ್ಯಾ
ಮಘವನ್ ಮಾ ಸಹೂತ್ಯಾ |
ಭಿಷಕ್ತಮಂ ತ್ವಾ ಭಿಷಜಾಂ ಶೃಣೋಮ್ಯ್
ಉನ್ ನೋ ವೀರಾಁ ಈರಯ ಭೇಷಜೇಭಿಃ || ೧,೯೫।೧

ರುದ್ರ ಯತ್ ತೇ ಗುಹ್ಯಂ ನಾಮ
ಯತ್ ತೇ ಅದ್ಧಾತಯೋ ವಿದುಃ |
ಶಿವಾ ಶರವ್ಯಾ ಯಾ ತವ
ತಯಾ ನೋ ಮೃಡ ಜೀವಸೇ || ೧,೯೫।೨

ಅಗ್ನಿಂ ತ್ವಾಹುರ್ ವೈಶ್ವಾನರಂ
ಸದನಾನ್ ಪ್ರದಹನ್ ವ್ ಅಗಾಃ |
ಸ ನೋ ದೇವತ್ರಾಧಿ ಬ್ರೂಹಿ
ಮಾ ರಿಷಾಮಾ ವಯಂ ತವ || ೧,೯೫।೩

ಯಾ ದೇವೈಃ ಪ್ರಹಿತೇಷುಃ ಪತಾತ್
ತಪಸೇ ವಾ ಮಹಸೇ ವಾವಸೃಷ್ಟಾ |
ಸೋಮಸ್ ತ್ವಾಂ ಅಸ್ಮದ್ ಯಾವಯತು ವಿದ್ವಾನ್
ಅವಂತು ನಃ ಪಿತರೋ ದೇವಹೂತಿಷು || ೧,೯೫।೪
(೯೫)

ಅನುವಾಕ ೧೯ ||

ರಾಯಸ್ಪೋಷಂ ಧೇಹಿ ನೋ ಜಾತವೇದ
ಊರ್ಜಾವದ್ ಅಗ್ನೇ ಯಶಃ ಸೂನೃತಾವತ್ |
ದಧಾಮ ಭಾಗಂ ಸುನವಾಮ ಸೋಮಂ
ಯಜ್ಞೇನ ತ್ವಾಂ ಉಪ ಶಿಕ್ಷೇಮ ಶಕ್ರ || ೧,೯೬।೧

ವಯಂ ಅಗ್ನೇ ಧನವಂತಃ ಸ್ಯಾಮ-
-ಅಲಂ ಯಜ್ಞಾಯೋತ ದಕ್ಷಿಣಾಯೈ |
ಗ್ರಾವಾ ವದೇದ್ ಅಭಿ ಸೋಮಸ್ಯಾಂಶೂನ್
ಏಂದ್ರಂ ಶಿಕ್ಷೇಮೇಂದುನಾ ಸುತೇನ || ೧,೯೬।೨

ಈಶಾನಂ ತ್ವಾ ಶುಶ್ರುಮಾ ವಯಂ ಪುರೋ
ಧನಾನಾಂ ಧನಪತೇ |
ಗೋಮದ್ ಅಗ್ನೇ ಅಶ್ವವದ್ ಭೂರಿ ಪುಷ್ಟಂ
ಹಿರಣ್ಯವದ್ ಅನ್ನವದ್ ಧೇಹಿ ಮಹ್ಯಂ || ೧,೯೬।೩

ದುಹಾಂ ಮೇ ದ್ಯೌಃ ಪೃಥಿವೀ ಪಯೋ
ಽಜಗರೋ ಮಾ ಸೋದಕೋ ಽಭಿ ವಿ ಸರ್ಪತು |
ಪ್ರಜಾಪತಿನಾ ತನ್ವಂ
ಆ ಪ್ರೀಣೇ ಽರಿಷ್ಟೋ ಮ ಆತ್ಮಾ || ೧,೯೬।೪
(೯೬)

ಅಸ್ಮಾಞ್ ಜುಷಧ್ವಂ ಅಸವೋ ಽದ್ಯ
ಮಾ ನಃ ಪುರಾ ಜರಸೋ ಽಸವೋ ವಧಿಷ್ಟ |
ಪಾಕಾ ಗೃಣೀಮಸ್ ತವ ವೀರ್ಯಾಯ
ಶತಂ ಹಿಮಾನ್ ಅಧಿಪತಿರ್ ನ ಏಹಿ || ೧,೯೭।೧

ಉನ್ ಮೃಣೋ ಅಗಾದ್ ಆರ್ಜುನಂ ಅಗಾತ್
ಸುಶ್ರುದ್ ಭಗವೋ ಗೋಪಾಯ ಮಾ |
ಅಹ್ನೇ ಽದ್ಯಾತ್ಮಾನಂ ಪರಿ ದದೇ
ಸೂರ್ಯಪ್ರಾಣೋ ಭವಾಮಿ || ೧,೯೭।೨

ನಿ ಮೃಣೋ ಅಗಾದ್ ಆಸಿತಂ ಅಗಾತ್
ಸುಶ್ರುದ್ ಭಗವೋ ಗೋಪಾಯ ಮಾ |
ರಾತ್ರಯೇ ಽದ್ಯಾತ್ಮಾನಂ ಪರಿ ದದೇ
ಅಗ್ನಿಪ್ರಾಣೋ ಭವಾಮಿ || ೧,೯೭।೩

ಅನಾಭೂರ್ ಅಸ್ಯ್ ಅನಾಭೋ
ಽನಾಭುವೋ ಭೂಯಾಸ್ಮ |
ಸ ಯತ್ರ ತ್ವಂ ಪ್ರಜಾಪತೇ
ತ್ರಿರ್ ಏಕಸ್ಯಾಹ್ನಃ ಪ್ರಜಾಃ ಸಂಪಶ್ಯಸಿ |
ತತ್ರ ಮಾಂ ಅಪಿ ಸಂ ಪಶ್ಯ-
-ಅನಷ್ಟಪಶುರ್ ಭುವನಸ್ಯ ಗೋಪಾಃ || ೧,೯೭।೪
(೯೭)

ಯಥಾ ಮೃಗಂ ರೋಪಯಸಿ
ತಿರಶ್ ಚರ್ಮಾತಿವಿಧ್ಯಸಿ |
ಏವಾ ತ್ವಂ ಉಗ್ರ ಓಷಧೇ
ಅಮುಂ ರೋಪಯ ಮಾಂ ಅಭಿ || ೧,೯೮।೧

ಬಂಧಶ್ ಚೇಮಾ ಉಪಧಿಶ್ ಚ
ಮಧುಮನ್ ನೌ ಸಮಂಜನಂ |
ದ್ವಾರೌ ಭಗಸ್ಯೇಮಾ ಊರೂ
ಮೃಗಸ್ ತೃಷ್ಯನ್ನ್ ಇವಾ ಚರ || ೧,೯೮।೨

ಅಭಿ ತ್ವಾಧಾಂ ಅಭಿಧಿನಾ
ಜಾಲೇನೇವ ಮಹಾಜಷಂ |
ಯಥಾ ಮಮ ಕ್ರತಾವ್ ಅಸೋ
ಮಮ ಚಿತ್ತೇ ಸಚಾವಹೈ || ೧,೯೮।೩

ಅಹಂ ವೈ ತ್ವದ್ ಉತ್ತರಾಸ್ಮ್ಯ್
ಅಧ ತ್ವಂ ಉಪಧಿರ್ ಮಮ |
ಸಂ ನೌ ಬಧ್ನಾಮಿ ಸಂಬಂಧನೇನ
ಯಥಾಸಾವಾವಿಚರ್ತ್ಯಾವ್
ಆ ಮೃತ್ಯೋರ್ ಆ ಪರಾವತಃ || ೧,೯೮।೪
(೯೮)

ಅಪೋಚ್ಛಂತೀ ದುಷ್ವಪ್ನ್ಯಂ
ಅಪ ದುರ್ಹಾರ್ದಂ ಉಚ್ಛತಂ |
ಅಪೋಷ್ಟಂ ಸರ್ವಂ ಕ್ಷೇತ್ರಿಯಂ
ಸರ್ವಾಶ್ ಚ ಯಾತುಧಾನ್ಯಃ || ೧,೯೯।೧

ಉದ್ ಅಗಾತಾಂ ಭಗವತೀ
ವಿಚೃತೌ ನಾಮ ತಾರಕೇ |
ವಿ ಕ್ಷೇತ್ರಿಯಸ್ಯ ಮುಂಚತಾಂ
ಸಂಗ್ರಂಥಿಂ ಹೃದಯಸ್ಯ ಚ || ೧,೯೯।೨

ನಮೋ ಅಸ್ತು ವರತ್ರಾಭ್ಯೋ
ನಮ ಈಷಾಯುಗೇಭ್ಯಃ |
ಮೃಗಾಯಾರಣ್ಯೇ ತಿಷ್ಠತೇ
ಕ್ಷೇತ್ರಿಯಾಯಾಕರಂ ನಮಃ || ೧,೯೯।೩

ಆಖೋರ್ ಇದಂ ಕ್ಷೈತ್ರಪತ್ಯಂ
ಮನೋಶ್ ಚ ಮಾನವಸ್ಯ ಚ |
ಮನಃ ಸರ್ವಸ್ಯ ಪಶ್ಯತ
ಇಹ ಭೂಯಃ ಸ್ಯಾದ್ ಇತಿ || ೧,೯೯।೪
(೯೯)

ಉದ್ ಏಹಿ ದೇವಿ ಕನ್ಯ
ಆಚಿತಾ ವಸುನಾ ಸಹ |
ನ ತ್ವಾ ತರಂತ್ಯ್ ಓಷಧಯೋ
ಬಾಹ್ಯಾಃ ಪರ್ವತೀಯಾ ಉತ || ೧,೧೦೦।೧

ಯಥಾ ತ್ವಾ ದೇವ್ಯ್ ಓಷಧೇ
ಸರ್ವಃ ಕಾಮಯತೇ ಜನಃ |
ಏವಾ ಭಗಸ್ಯ ನೋ ಧೇಹಿ
ದೇವೇಭ್ಯ ಇವಾಮೃತಂ ಪರಿ || ೧,೧೦೦।೨

ಉತ್ಸಕ್ತಪತ್ನ್ಯ್ ಓಷಧ
ಆವತಂಕರಣೀದ್ ಅಸಿ |
ಯದ್ ಏಷಿ ಯನ್ ನಿಷೀದಸಿ
ತತ್ರ ತ್ವಾಹಂ ಸಂ ಅಗ್ರಭಂ
ಅಶ್ವಂ ಇವಾಶ್ವಾಭಿಧಾನ್ಯಾ || ೧,೧೦೦।೩

ಯಥಾ ಕುಮಾರಸ್ ತರುಣೋ
ಮಾತರಂ ಪ್ರತಿನಂದತಿ |
ಏವಾಸ್ಮಾನ್ ಪ್ರತಿ ನಂದತು
ಯಾಂ ವಯಂ ಕಾಮಯಾಮಹೇ || ೧,೧೦೦।೪
(೧೦೦)

ಅನುವಾಕ ೨೦ ||

ತ್ರೀಣಿ ಪಾತ್ರಾಣಿ ಪ್ರಥಮಾನ್ಯ್ ಆಸನ್
ತಾನಿ ಸತ್ಯಂ ಉತ ಭೂತಂ ತತಕ್ಷ |
ಋತಸ್ಯ ಮಾನೇ ಅಧಿ ಯಾ ಧ್ರುವಾಣ್ಯ್
ಏಭಿರ್ ದೇವಾ ಅಮೃತಂ ಭಕ್ಷಯಂತಿ || ೧,೧೦೧।೧

ಸ್ವರ್ ಯದ್ ದೇವಾ ವಿಭಜಂತ ಆಯನ್
ತ್ರೀಣಿ ಪಾತ್ರಾಣಿ ಪ್ರಥಮಾನ್ಯ್ ಆಸನ್ |
ಆದಿತ್ಯಾ ಏಕಂ ವಸವೋ ದ್ವಿತೀಯಂ
ತೃತೀಯಂ ರುದ್ರಾ ಅಧಿ ಸಂ ಬಭೂವುಃ || ೧,೧೦೧।೨

ಧಾತಾ ವೇದ ಸವಿತೈತಾನಿ ಸರ್ವಾ
ಬೃಹಸ್ಪತಿಃ ಪ್ರಥಮೋ ದೇವೋ ಅಗ್ನಿಃ |
ಏಭಿರ್ ಇಂದ್ರೋ ಜಠರಂ ಆಪೃಣೀತೇ
ತ್ರಿಭಿಃ ಪಾತ್ರೈರ್ ಉತ ವಿಶ್ವೇ ಚ ದೇವಾಃ || ೧,೧೦೧।೩

ಊರ್ಧ್ವಾ ತಿಷ್ಠಂತಿ ನ ನು ಜಿಹ್ಮಾ ಭವಂತಿ
ನೋನಂ ಬಭೂವ ಕತಮಚ್ ಚನೈಷಾಂ |
ದೇವಾನಾಂ ಪಾತ್ರಾಣಿ ನಿಹಿತಾನಿ ಯಾನಿ
ತಾನಿ ಸಂ ಪಾತಿ ಯ ಋತಸ್ಯ ಗೋಪಃ || ೧,೧೦೧।೪
(೧೦೧)

ಪೌರ್ಣಮಾಸೀ ಪ್ರಥಮಾ ಯಜ್ಞಿಯಾಸೀದ್
ಅಹ್ನಾಂ ರಾತ್ರೀಣಾಂ ಅತಿಶರ್ವರೇಷು |
ಯೇ ತ್ವಾಂ ಯಜ್ಞೈರ್ ಯಜ್ಞಿಯೇ ಬೋಧಯಂತ್ಯ್
ಅಮೀ ತೇ ನಾಕಂ ಸುಕೃತಃ ಪರೇತಾಃ || ೧,೧೦೨।೧

ಪೂರ್ಣಾ ಪಶ್ಚಾದ್ ಉತ ಪೂರ್ಣಾ ಪುರಸ್ತಾತ್
ಪೌರ್ಣಮಾಸೀ ಮಧ್ಯತ ಉಜ್ ಜಿಗಾಯ |
ತಸ್ಯಾಂ ದೇವೈಃ ಸಂವಸಂತೋ ಮಹಿತ್ವಾ
ನಾಕಸ್ಯ ಪೃಷ್ಠೇ ಸಂ ಇಷಾ ಮದೇಮ || ೧,೧೦೨।೨

ಚತಸ್ರೋ ದಿಶಃ ಪ್ರದಿಶೋ ಹ ಪಂಚ
ಷಡ್ ಉರ್ವೀರ್ ಆಹೂ ರಜಸೋ ವಿಮಾನೀಃ |
ದ್ವಾದಶ ರ್ತವ ಆರ್ತವಾಶ್ ಚ ತೇ ಮಾ-
-ಆ ಪ್ಯಾಯಯಂತು ಭುವನಸ್ಯ ಗೋಪಾಃ || ೧,೧೦೨।೩

ಯಥಾದಿತ್ಯಾ ಅಂಶುಂ ಆಪ್ಯಾಯಯಂತಿ
ಯಂ ಅಕ್ಷಿತಂ ಅಕ್ಷಿತಯಃ ಪಿಬಂತಿ |
ಏವಾ ಮಾಂ ಇಂದ್ರೋ ವರುಣೋ ಬೃಹಸ್ಪತಿರ್
ಆ ಪ್ಯಾಯಯಂತು ಭುವನಸ್ಯ ಗೋಪಾಃ || ೧,೧೦೨।೪
(೧೦೨)

ಆಗನ್ ರಾತ್ರೀ ಸಂಗಮನೀ ವಸೂನಾಂ
ವಿಶ್ವಂ ಪುಷ್ಟಂ ವಸ್ವ್ ಆವೇಶಯಂತೀ |
ಅಮಾವಾಸ್ಯಾಯೈ ಹವಿಷಾ ವಿಧೇಮ-
-ಊರ್ಜಂ ವಸಾನಾ ಪಯಸಾ ನ ಆಗನ್ || ೧,೧೦೩।೧

ಮಾ ತ್ವಾ ರಾತ್ರಿ ಪುರೋ ದಘನ್
ಮೋತ ಪಶ್ಚಾದ್ ವಿಭಾವರಿ |
ಆಯುಷ್ಮಂತಃ ಸುಪ್ರಜಸಃ ಸುವೀರಾ
ಋಧ್ಯಾಸ್ಮ ತ್ವಾ ಸುವರ್ಚಸಃ || ೧,೧೦೩।೨

ಯಸ್ಯ ದೇವಸ್ಯ ಸುಮತೌ ಸುನೀತಿರ್
ಏತಿ ಸುಮತಿಂ ಗೃಹಾಣಾಂ |
ಆ ಮಾ ಪುಷ್ಟಂ ಚ ಪೋಷ್ಯಂ ಚ
ರಾತ್ರ್ಯಾ ದೇವಾನಾಂ ಸುಮತೌ ಸ್ಯಾಮ || ೧,೧೦೩।೩

ಅಹಂ ಏವಾಸ್ಮ್ಯ್ ಅಮಾವಾಸ್ಯಾ-
-ಅಮಾ ವಸಂತಿ ಸುಕೃತೋ ಮಯೀಮೇ |
ಮಯಿ ದೇವಾ ಉಭಯೇ ಸಾಧ್ಯಾಶ್ ಚ-
-ಇಂದ್ರಜ್ಯೇಷ್ಠಾಃ ಸಂ ಅಗಚ್ಛಂತ ಸರ್ವೇ || ೧,೧೦೩।೪
(೧೦೩)

ಪ್ರಥಮಾ ಹ ವ್ಯ್ ಉವಾಸ
ಸಾ ಧೇನುರ್ ಅಭವದ್ ಯಮೇ |
ಸಾ ನಃ ಪಯಸ್ವತೀ ದುಹಾ
ಉತ್ತರಾಮುತ್ತರಾಂ ಸಮಾಂ || ೧,೧೦೪।೧

ಯಾಂ ದೇವಾಃ ಪ್ರತಿನಂದಂತಿ
ಧೇನುಂ ರಾತ್ರೀಂ ಉಪಾಯತೀಂ |
ಸಂವತ್ಸರಸ್ಯ ಯಾ ಪತ್ನೀ
ಸಾ ನೋ ಅಸ್ತು ಸುಮಂಗಲೀ || ೧,೧೦೪।೨

ಸಂವತ್ಸರಸ್ಯ ಪ್ರತಿಮಾಂ
ಯೇ ತ್ವಾ ರಾತ್ರ್ಯ್ ಉಪಾಸತೇ |
ತೇಷಾಂ ಆಯುಷ್ಮತೀಂ ಪ್ರಜಾಂ
ರಾಯಸ್ಪೋಷೇಣ ಸಂ ಸೃಜ || ೧,೧೦೪।೩

ಇಯಂ ಏವ ಸಾ ಯಾ ಪ್ರಥಮಾ ವ್ಯೌಚ್ಛತ್
ಸಾಪ್ಸ್ವ್ ಅಂತರ್ ಆಸು ಚರತಿ ಪ್ರವಿಷ್ಟಾ |
ವಧೂರ್ ಜಿಗಾಯ ನವಗಜ್ ಜನಿತ್ರೀ
ತ್ರಯ ಏನಾಂ ಮಹಿಮಾನಃ ಸಚಂತೇ || ೧,೧೦೪।೪
(೧೦೪)

ವಾನಸ್ಪತ್ಯಾ ಗ್ರಾವಾಣೋ ಘೋಷಂ ಅಕ್ರತ
ಹವಿಷ್ ಕೃಣ್ವಂತಃ ಪರಿವತ್ಸರೀಣಂ |
ಏಕಾಷ್ಟಕೇ ಸುಪ್ರಜಸಃ ಸುವೀರಾ
ವಯಂ ಸ್ಯಾಮ ಪತಯೋ ರಯೀಣಾಂ || ೧,೧೦೫।೧

ಇಡಾಯಾಸ್ ಪದಂ ಘೃತವತ್ ಸರೀಸೃಪಂ
ಜಾತವೇದಃ ಪ್ರತಿ ಹವ್ಯಾ ಗೃಭಾಯ |
ಯೇ ಗ್ರಾಮ್ಯಾಃ ಪಶವೋ ವಿಶ್ವರೂಪಾಸ್
ತೇಷಾಂ ಸಪ್ತಾನಾಂ ಮಯಿ ರಂತಿರ್ ಅಸ್ತು || ೧,೧೦೫।೨

ಇಡಯಾ ಜುಹ್ವತೋ ಹವಿರ್
ದೇವಾನ್ ಘೃತವತಾ ಯಜೇ |
ಗೃಹಾನ್ ಅಲುಭ್ಯತೋ ವಯಂ
ದೃಷದೋಮೋಪ ಗೋಮತಃ || ೧,೧೦೫।೩

ಯಜ ರ್ತುಭ್ಯ ಆರ್ತವೇಭ್ಯೋ
ಮಾದ್ಭ್ಯಃ ಸಂವತ್ಸರಾಯ ಚ |
ಧಾತ್ರೇ ವಿಧರ್ತ್ರೇ ಸಮೃಧೇ
ಭೂತಸ್ಯ ಪತಯೇ ಯಜ || ೧,೧೦೫।೪
(೧೦೫)

ಆಯಂ ಅಗನ್ ಸಂವತ್ಸರಃ
ಪತಿರ್ ಏಕಾಷ್ಟಕೇ ತವ |
ತಸ್ಮೈ ದೇವಾಯ ಹವಿಷಾ ವಿಧೇಮ
ಸ ಉ ನಃ ಶರ್ಮ ಯಚ್ಛತು || ೧,೧೦೬।೧

ಏಕಾಷ್ಟಕಾಯೈ ಹವಿಷಾ ವಿಧೇಮ
ಯ ರ್ತೂನ್ ಪಂಚಾನು ಪ್ರವಿಷ್ಟಾ |
ಸಸ್ಯೇನ ಸಸ್ಯಂ ಉಪಸಂಚರಂತೋ
ಅರಿಷ್ಟಾಸ ಋತುನ ರ್ತುಂ ಉಪ ಸಂ ಚರೇಮ || ೧,೧೦೬।೨

ವಸಂತೋ ಗ್ರೀಷ್ಮೋ ಮಧುಮಂತ ವರ್ಷಾಃ
ಶರದ್ ಧೇಮಂತ ಋತವೋ ನೋ ಜುಷಂತಾಂ |
ಆ ನೋ ಗೋಷು ಭಜಂತ್ವ್ ಆ ಪ್ರಜಾಯಾಂ
ಸುಶರ್ಮಣ್ಯ್ ಏಷಾಂ ತ್ರಿವರೂಥೇ ಸ್ಯಾಮ || ೧,೧೦೬।೩

ಏಕಾಷ್ಟಕಾ ತಪಸಾ ತಪ್ಯಮಾನಾ
ಜಜಾನ ಗರ್ಭಂ ಮಹಿಮಾನಂ ಇಂದ್ರಂ |
ತೇನ ದೇವಾ ವ್ಯ್ ಅಷಹಂತ ಶತ್ರೂನ್
ಹಂತಾಸುರಾಣಾಂ ಅಭವಚ್ ಛಚೀಪತಿಃ || ೧,೧೦೬।೪

ಪೂರ್ಣಾ ದರ್ವೇ ಪರಾ ಪತ
ಸುಪೂರ್ಣಾ ಪುನರ್ ಆ ಪತ |
ಸರ್ವಾನ್ ಯಜ್ಞಾನ್ ಸಂ ಪೃಂಚತಿ-
-ಇಷಂ ಊರ್ಜಂ ನ ಆ ಭರ || ೧,೧೦೬।೫

ಇಷಂ ಊರ್ಜಂ ನ ಆಭೃತ್ಯ-
-ಇಡಯಾ ಪಶುಭಿಃ ಸಹ |
ಸರಸ್ವತಿ ತ್ವಂ ಅಸ್ಮಾಸು
ರಾಯಸ್ಪೋಷಂ ನಿ ಯಚ್ಛ || ೧,೧೦೬।೬
(೧೦೬)

ಅನುವಾಕ ೨೧ ||

ವಾತಸ್ಯ ನು ಮಹಿಮಾ ರಥಸ್ಯ-
-ಆರುಜನ್ನ್ ಏತಿ ಸ್ತನಯನ್ನ್ ಅಸ್ಯ ಘೋಷಃ |
ದಿವಸ್ಪೃಗ್ ಏತ್ಯ್ ಅರುಣಾನಿ ಕೃಣ್ವನ್ನ್
ಅಥೋ ಏತಿ ಪೃಥಿವ್ಯಾ ರೇಣುಂ ಅಸ್ಯನ್ || ೧,೧೦೭।೧

ಸಂ ಪ್ರೇರತೇ ಅನು ವಾತಸ್ಯ ವಿಷ್ಠಾ
ಐನಂ ಗಚ್ಛಂತಿ ಸಮನೇವ ಯೋಷಾಃ |
ತಾಭಿರ್ ವಿದ್ವಾನ್ ಸರಥಂ ದೇವ ಈಯತೇ
ಪತಿರ್ ವಿಶ್ವಸ್ಯ ಭುವನಸ್ಯ ಗೋಪಾಃ || ೧,೧೦೭।೨

ಆತ್ಮಾ ದೇವಾನಾಂ ಭುವನಸ್ಯ ಗೋಪಾ
ಯಥಾವಶಂ ಚರತಿ ದೇವ ಏಷಃ |
ಘೋಷ ಇದ್ ಅಸ್ಯ ಶ್ರೂಯತೇ ನ ರೂಪಂ
ತಸ್ಮೈ ದೇವಾಯ ಹವಿಷಾ ವಿಧೇಮ || ೧,೧೦೭।೩

ಅಂತರಿಕ್ಷೇ ಪಥಿಭಿರ್ ಈಯಮಾನೋ
ನ ನಿ ವಿಶತೇ ಕತಮಚ್ ಚನಾಹಃ |
ಅಪಾಂ ಯೋನಿಃ ಪ್ರಥಮಜಾ ಋತಸ್ಯ
ಕ್ವ ಸ್ವಿಜ್ ಜಾತಃ ಕುತ ಆ ಬಭೂವ || ೧,೧೦೭।೪

ಅಂತರಿಕ್ಷೇ ಪತಯಂತಂ
ವಾತ ತ್ವಾಂ ಆಶುಂ ಆಶುಭಿಃ |
ಪಶ್ಯಂತಿ ಸರ್ವೇ ಚಕ್ಷುಷಾ
ನ ಸರ್ವೇ ಮನಸಾ ವಿದುಃ || ೧,೧೦೭।೫

ಉಪತ್ರಿಕಂ ಸಂಚವಿಚಂ
ತ್ರಿರ್ಯಮಂ ಚತುರೇಕಜಂ |
ತಂ ಮಾತರಿಶ್ವಾನಂ ದೇವಂ
ದಿವೋ ದೇವಾ ಅವಾಸೃಜನ್ || ೧,೧೦೭।೬
(೧೦೭)

ಅಪ ನ್ಯ್ ಅಧುಃ ಪೌರುಷೇಯಂ ವಧಂ ಮದ್
ಇಂದ್ರಾಗ್ನೀ ಧಾತಾ ಸವಿತಾ ಬೃಹಸ್ಪತಿಃ |
ಸೋಮೋ ರಾಜಾ ವರುಣೋ ಅಶ್ವಿನಾ ಯಮಃ
ಪೂಷಾಸ್ಮಾನ್ ಪರಿ ಪಾತು ಮೃತ್ಯೋಃ || ೧,೧೦೮।೧

ಯಾನಿ ಚಕಾರ ಭುವನಸ್ಯ ಯಸ್ ಪತಿಃ
ಪ್ರಜಾಪತಿರ್ ಮಾತರಿಶ್ವಾ ಪ್ರಜಾಭ್ಯಃ |
ಪ್ರದಿಶೋ ಯಾನಿ ವಸತೇ ದಿಶಶ್ ಚ
ತಾನಿ ಮೇ ವರ್ಮಾಣಿ ಬಹುಲಾನಿ ಸಂತು || ೧,೧೦೮।೨

ಯತ್ ತನುಷ್ವ್ ಅನಹ್ಯಂತ
ದೇವಾ ದ್ವಿರಾಜಯೋಧಿನಃ |
ಇಂದ್ರೋ ಯಚ್ ಚಕ್ರೇ ವರ್ಮ
ತದ್ ಅಸ್ಮಾನ್ ಪಾತು ವಿಶ್ವತಃ || ೧,೧೦೮।೩

ವರ್ಮ ಮೇ ದ್ಯಾವಾಪೃಥಿವೀ
ವರ್ಮಾಹರ್ ವರ್ಮ ಸೂರ್ಯಃ |
ವರ್ಮ ಮೇ ವಿಶ್ವೇ ದೇವಾಃ ಕ್ರನ್
ಮಾ ಮಾ ಪ್ರಾಪತ್ ಪ್ರತೀಚಿಕಾ || ೧,೧೦೮।೪
(೧೦೮)

ಸೋಮಾರುದ್ರಾ ವಿ ವೃಹತಂ ವಿಷೂಚೀಂ
ಅಮೀವಾ ಯಾ ನೋ ಗಯಂ ಆವಿವೇಶ |
ಬಾಧೇಥಾಂ ದ್ವೇಷೋ ನಿರೃತಿಂ ಪರಾಚೈಃ
ಕೃತಂ ಚಿದ್ ಏನಃ ಪ್ರ ಮುಮುಕ್ತಂ ಅಸ್ಮತ್ || ೧,೧೦೯।೧

ತಿಗ್ಮಾಯುಧೌ ತಿಗ್ಮಹೇತೀ ಸುಶೇವೌ
ಸೋಮಾರುದ್ರಾವ್ ಇಹ ಸು ಮೃಡತಂ ನಃ |
ಪ್ರ ಣೋ ಮುಂಚತಂ ದುರಿತಾದ್ ಅವದ್ಯಾದ್
ಗೋಪಾಯತಂ ನಃ ಸುಮನಸ್ಯಮಾನೌ || ೧,೧೦೯।೨

ಸೋಮಾರುದ್ರಾ ಧಾರಯೇಥಾಂ ಅಸುರ್ಯಂ
ಪ್ರ ವಾಂ ಇಷ್ಟ್ವಾ ವರಂ ಅಶ್ನವಾತೈ |
ಯುವಂ ನೋ ಧತ್ತಾಂ ಇಹ ಭೇಷಜಾನಿ
ಪ್ರ ಯಚ್ಛತಂ ವೃಷಣಾ ಜೇತ್ವಾನಿ || ೧,೧೦೯।೩

ಸೋಮಾರುದ್ರಾ ಯುವಂ ಅಸ್ಮಾಸ್ವ್ ಅಂತಸ್
ತನೂಷು ವಿಶ್ವಾ ಭೇಷಜಾನಿ ಧತ್ತಂ |
ಅವ ಸ್ಯತಂ ಮುಂಚತಂ ಕಿಂ ಚಿದ್ ಏನೋ
ಅಂಗೇಷು ಬದ್ಧಂ ಉತ ಯದೃಶತ್ವಿ || ೧,೧೦೯।೪
(೧೦೯)

ಘೃತಸ್ಯ ಜೂತಿಃ ಸಮನಾ ಸದೇವಾಃ
ಸಂವತ್ಸರಂ ಹವಿಷಾ ವರ್ಧಯಂತೀ |
ಶ್ರೋತ್ರಂ ಚಕ್ಷುಃ ಪ್ರಾಣೋ ಅಚ್ಛಿನ್ನೋ ನೋ ಅಸ್ತ್ವ್
ಅಚ್ಛಿನ್ನಾ ವಯಂ ಆಯುಷೋ ವರ್ಚಸಃ || ೧,೧೧೦।೧

ಉಪಾಸ್ಮಾನ್ ಪ್ರಾಣೋ ಹ್ವಯತಾಂ
ಉಪ ವಯಂ ಪ್ರಾಣಂ ಹವಾಮಹೇ |
ವರ್ಚೋ ಜಗ್ರಾಹ ಪೃಥಿವ್ಯ್ ಅಂತರಿಕ್ಷಂ
ವರ್ಚಃ ಸೋಮೋ ಬೃಹಸ್ಪತಿರ್ ವಿಧರ್ತಾ || ೧,೧೧೦।೨

ವರ್ಚಸೋ ದ್ಯಾವಾಪೃಥಿವೀ
ಸಂಗ್ರಹಣೀ ಬಭೂವತುರ್
ವರ್ಚೋ ಗೃಹೀತ್ವಾ ಪೃಥಿವೀಂ ಅನು ಸಂ ಚರೇಮ |
ಯಶಸಾ ಗಾವೋ ಗೋಪತಿಂ
ಉಪ ತಿಷ್ಠಂತ್ಯ್ ಆಯತೀರ್
ಯಶೋ ಗೃಹೀತ್ವಾ ಪೃಥಿವೀಂ ಅನು ಸಂ ಚರೇಮ || ೧,೧೧೦।೩

ವ್ರಜಂ ಕೃಣುಧ್ವಂ ಸ ಹಿ ವೋ ನೃಪಾಣೋ
ವರ್ಮಾ ಸೀವ್ಯಧ್ವಂ ಬಹುಲಾ ಪೃಥೂನಿ |
ಪುರಃ ಕೃಣುಧ್ವಂ ಆಯಸೀರ್ ಅಧೃಷ್ಟಾ
ಮಾ ವಃ ಸುಸ್ರೋಚ್ ಚಮಸೋ ದೃಂಹತಾ ತಂ || ೧,೧೧೦।೪
(೧೧೦)

ನ್ಯಗ್ ವಾತೋ ವಾತಿ
ನ್ಯಕ್ ತಪತಿ ಸೂರ್ಯಃ |
ನೀಚೀನಂ ಅಘ್ನ್ಯಾ ದುಹೇ
ನ್ಯಗ್ ಭವತು ತೇ ವಿಷಂ || ೧,೧೧೧।೧

ನಿ ಗಾವೋ ಗೋಷ್ಠೇ ಅಸದನ್
ನಿ ವತ್ಸಾ ಅಧಿ ತಂತ್ಯಾಂ |
ನ್ಯ್ ಊರ್ಮಯೋ ನದೀನಾಂ
ನಿ ಶುಷ್ಮಾ ಅರಸಾನಾಂ || ೧,೧೧೧।೨

ಅಹೀನಾಂ ಅಹಿಕಾನಾಂ
ಸಂ ಹಿ ಶೀರ್ಷಾಣ್ಯ್ ಅಗ್ರಭಂ |
ಹ್ರದಂ ಸಹಸ್ರಬಾಹುಃ ಪರೇತ್ಯ
ವ್ಯ್ ಅನಿಜಂ ಅಹೇರ್ ವಿಷಂ || ೧,೧೧೧।೩

ತುರಾಣಾಂ ಅತುರಾಣಾಂ
ವಿಶಾಂ ಉರುಕ್ಷಿತಾಂ ಉತ |
ಕೃಣೋಮಿ ತುಭ್ಯಂ ಭೇಷಜಂ
ಆಹೇಯಂ ಅರಸಂ ವಿಷಂ || ೧,೧೧೧।೪
(೧೧೧)

ಇಮಾ ಊರೂ ಸವಾಸಿನೌ
ವರ್ಚಸಾಂಜೇ ಅಹಂ ಮಮ |
ನಾಮ ಹ್ಯ್ ಏನಯೋರ್ ವೇದ
ಯಥಾ ನ ಬಹವೋ ವಿದುಃ || ೧,೧೧೨।೧

ವರ್ಚಸಾಪೀನಾ ಪೃಥಿವೀ
ಸೂರ್ಯೇಣೋತ್ತಭಿತಾ ದ್ಯೌಃ |
ತ್ವಿಷಿಂ ಯಾಂ ಪಶ್ಯಾಮೋ ವಾತೇ
ತಾಂ ನಿ ಯಚ್ಛೇ ಮಮೋರ್ವೋಃ || ೧,೧೧೨।೨

ವೇದ ವೈ ವಾಂ ನಾಮಧೇಯಂ
ಜಿಗೀವಾಁ ಅಪರಾಜಿತಂ |
ಪ್ರಜಾಂ ಚ ಬಹ್ವೀಂ ಆ ಶಾಸೇ
ರಾಷ್ಟ್ರಂ ಚೇಂದ್ರಾಭಿರಕ್ಷಿತಂ || ೧,೧೧೨।೩

ವಿದುಷೀ ವಾಂ ನಾಮಧೇಯಂ
ಅಶ್ವಿನಾ ಸಾರಘಂ ಮಧು |
ಸೂರ್ಯ ಇವ ಚಕ್ಷುರ್ ಭೂತಾನಾಂ
ಪ್ರಜಾಂ ಧಾರಯತಂ ಮಯಿ
ರಯಿಂ ಧಾರಯತಂ ಮಯಿ || ೧,೧೧೨।೪

ಶತಪಾಶಾಂ ವಿ ತನೋಮ್ಯ್
ಊರುಭ್ಯಾಂ ಜಘನೇನ ಚ |
ತಸ್ಮಿನ್ ಯೋ ಬಧ್ಯತೇ ಬಂಧೇ
ಸ ಮೇ ಅಸ್ತ್ವ್ ಅನ್ಯಕ್ಷಕಃ || ೧,೧೧೨।೫
(೧೧೨)

ಅನುವಾಕ ೨೨ ||
(೧)


ಕಾಂಡ ೨

ಅರಸಂ ಪ್ರಾಚ್ಯಂ ವಿಷಂ
ಅರಸಂ ಯದ್ ಉದೀಚ್ಯಂ |
ಅಥೇದಂ ಅಧರಾಚ್ಯಂ
ಕರಂಭೇಣ ವಿ ಕಲ್ಪತೇ || ೨,೧।೧

ಕರಂಭಂ ಕೃತ್ವಾ ತಿರ್ಯಂ
ಪೀವಸ್ಫಾಕಂ ಉದಾರಥಿಂ |
ಕ್ಷುಧಾ ಕಿಲ ತ್ವಾ ದುಷ್ಟನೋ
ಜಕ್ಷಿವಾಂಸಂ ನ ರೂರುಪಃ || ೨,೧।೨

ವಿ ತೇ ಮದಂ ಮದವತಿ
ಶರುಂ ಇವ ಪಾತಯಾಮಸಿ |
ಪ್ರ ತ್ವಾ ಚರುಂ ಇವ ಯೇಷಂತಂ
ವಚಸಾ ಸ್ಥಾಪಯಾಮಸಿ || ೨,೧।೩

ಪರಿ ಗ್ರಾಮಂ ಇವಾಚಿತಂ
ಪರಿ ತ್ವಾ ಸ್ಥಾಪಯಾಮಸಿ |
ತಿಷ್ಠಾ ವೃಕ್ಷ ಇವ ಸ್ಥಾಮನ್ನ್
ಅಭ್ರಿಖಾತೇ ನ ರೂರುಪಃ || ೨,೧।೪

ಪವಸ್ತೈಸ್ ತ್ವಾ ಪರ್ಯ್ ಅಕ್ರೀಣನ್
ದೂರ್ಶೇಭಿರ್ ಅಜಿನೈರ್ ಉತ |
ಪ್ರಕ್ರೀರ್ ಅಸಿ ತ್ವಂ ಓಷಧೇ
ಽಭ್ರಿಖಾತೇ ನ ರೂರುಪಃ || ೨,೧।೫
(೧)

ಆವಿದ್ಯ ದ್ಯಾವಾಪೃಥಿವೀ
ಆವಿದ್ಯ ಭಗಂ ಅಶ್ವಿನಾ |
ಆವಿದ್ಯ ಬ್ರಹ್ಮಣಸ್ಪತಿಂ
ಕೃಣೋಮ್ಯ್ ಅರಸಂ ವಿಷಂ || ೨,೨।೧

ಅರಸಂ ಹೇದ್ ಇದಂ ವಿಷಂ
ಯಥೈನದ್ ಅಹಂ ಆಶಿಷಂ |
ಉತೈನದ್ ಅದ್ಯಾತ್ ಪುರುಷೋ
ಭವಾದ್ ಇದ್ ಅಗದಃ ಪುನಃ || ೨,೨।೨

ಮಾ ಬಿಭೇರ್ ನ ಮರಿಷ್ಯಸಿ
ಪರಿ ತ್ವಾ ಪಾಮಿ ವಿಶ್ವತಃ |
ರಸಂ ವಿಷಸ್ಯ ನಾವಿದಂ
ಉದ್ನಃ ಫೇನಂ ಅದನ್ನ್ ಇವ || ೨,೨।೩

ಅಪಾವೋಚದ್ ಅಪವಕ್ತಾ
ಪ್ರಥಮೋ ದೈವ್ಯೋ ಭಿಷಕ್ |
ಸಮಕ್ಷಂ ಇಂದ್ರ ಗಾ ಇವ
ಯಾ ವಾಚೋ ವಿಷದೂಷಣೀಃ || ೨,೨।೪

ಯಚ್ ಚ ಪಿಷ್ಟಂ ಯಚ್ ಚಾಪಿಷ್ಟಂ
ಯದ್ ದಿಗ್ಧಂ ಯಚ್ ಚ ದೇಹ್ಯಂ |
ದೇವಾಃ ಸರ್ವಸ್ಯ ವಿದ್ವಾಂಸೋ
ಽರಸಂ ಕೃಣುತಾ ವಿಷಂ || ೨,೨।೫
(೨)

ಕ್ಷೇತ್ರಿಯಾತ್ ತ್ವಾ ನಿರೃತ್ಯಾ ಜಾಮಿಶಂಸಾದ್
ದ್ರುಹೋ ಮುಂಚಾಮಿ ವರುಣಸ್ಯ ಪಾಶಾತ್ |
ಅನಾಗಸಂ ಬ್ರಹ್ಮಣಾ ತ್ವಾ ಕೃಣೋಮಿ
ಶಿವೇ ತೇ ದ್ಯಾವಾಪೃಥಿವೀ ಅಭೂತಾಂ || ೨,೩।೧

ಶಂ ತೇ ಅಗ್ನಿಃ ಸಹಾದ್ಭಿರ್ ಅಸ್ತು
ಶಂ ಗಾವಃ ಸಹೌಷಧೀಭಿಃ |
ಶಂ ಅಂತರಿಕ್ಷಂ ಸಹವಾತಂ ಅಸ್ತು ತೇ
ಶಂ ತೇ ಭವಂತು ಪ್ರದಿಶಶ್ ಚತಸ್ರಃ || ೨,೩।೨

ಯಾ ದೇವೀಃ ಪ್ರದಿಶಶ್ ಚತಸ್ರೋ
ವಾತಪತ್ನೀರ್ ಅಭಿ ಸೂರ್ಯೋ ವಿಚಷ್ಟೇ |
ತಾಸ್ವ್ ಏತಂ ಜರಸ ಆ ದಧಾಮಿ
ಪ್ರ ಯಕ್ಷ್ಮ ಏತು ನಿರೃತಿಃ ಪರಾಚೈಃ || ೨,೩।೩

ಸೂರ್ಯಂ ಋತಂ ತಮಸೋ ಗ್ರಾಹ್ಯಾ ಯಥಾ
ದೇವಾ ಮುಂಚಂತೋ ಅಸೃಜನ್ ನಿರ್ ಏನಸಃ |
ಏವಾ ತ್ವಾ ಕ್ಷೇತ್ರಿಯಾನ್ ನಿರೃತ್ಯಾ ಜಾಮಿಶಂಸಾದ್
ದ್ರುಹೋ ಮುಂಚಾಮಿ ವರುಣಸ್ಯ ಪಾಶಾತ್ || ೨,೩।೪

ಅಮೋಚಿ ಯಕ್ಷ್ಮಾದ್ ದುರಿತಾದ್ ಅವದ್ಯಾದ್
ದ್ರುಹಃ ಪಾಶಾದ್ ಗ್ರಾಹ್ಯಾಶ್ ಚೋದ್ ಅಮೋಚಿ |
ಜಹದ್ ಅವರ್ತಿಂ ಅವಿದತ್ ಸ್ಯೋನಾಂ
ಅಪ್ಯ್ ಅಭೂದ್ ಭದ್ರೇ ಸುಕೃತಸ್ಯ ಲೋಕೇ || ೨,೩।೫
(೩)

ನಿಃಸಾಲಾಂ ಧೃಷ್ಣುಂ ಧಿಷಣಂ
ಏಕಾವಾದ್ಯಾಂ ಜಿಘತ್ಸ್ವಂ |
ಸರ್ವಾಶ್ ಚಂಡಸ್ಯ ನಪ್ತ್ಯೋ
ನಾಶಯಾಮಃ ಸದಾನ್ವಾಃ || ೨,೪।೧

ಯದಿ ವಾ ಘ ಕ್ಷೇತ್ರಿಯಾದ್
ಯದಿ ವಾ ಪುರುಷೇಷಿತಾಃ |
ಯದಿ ಸ್ಥ ದಸ್ಯುಭ್ಯೋ ಜಾತಾ
ನಶ್ಯತೇತಃ ಸದಾನ್ವಾಃ || ೨,೪।೨

ಪರಿ ಧಾಮಾನ್ಯ್ ಆಸಾಂ
ಆಶುರ್ ಗಾಷ್ಠಾಂ ಇವಾಸರಂ |
ಅಜೈಷಂ ಸರ್ವಾಁ ಆಜೀನ್ ವೋ
ನಶ್ಯತೇತಃ ಸದಾನ್ವಾಃ || ೨,೪।೩

ನಿರ್ ವೋ ಗೋಷ್ಠಾದ್ ಅಜಾಮಸಿ
ನಿರ್ ಯೋನೇರ್ ನಿರ್ ಉಪಾನಸಾತ್ |
ನಿರ್ ವೋ ಮಗುಂದ್ಯಾ ದುಹಿತರೋ
ಗೃಹೇಭ್ಯಶ್ ಚಾತಯಾಮಸಿ || ೨,೪।೪

ಅಮುಷ್ಮಿನ್ನ್ ಅಧರೇ ಗೃಹೇ
ಸರ್ವಾಃ ಸಂತ್ವ್ ಅರಾಯ್ಯಃ |
ತತ್ರ ಪಾಪ್ಮಾ ನ್ಯ್ ಉಚ್ಯತು
ಸರ್ವಾಶ್ ಚ ಯಾತುಧಾನ್ಯಃ || ೨,೪।೫
(೪)

ದ್ಯಾವಾಪೃಥಿವೀ ಉರ್ವ್ ಅಂತರಿಕ್ಷಂ
ಕ್ಷೇತ್ರಸ್ಯ ಪತ್ನ್ಯ್ ಉರುಗಾಯೋ ಅದ್ಭುತಃ |
ಉತಾಂತರಿಕ್ಷಂ ಉರು ವಾತಗೋಪಂ
ತೇ ಘ ತಪ್ಯಂತಾಂ ಮಯಿ ತಪ್ಯಮಾನೇ || ೨,೫।೧

ಇದಂ ಇಂದ್ರ ಶೃಣುಹಿ ಸೋಮಪ
ಯತ್ ತ್ವಾ ಹೃದಾ ಶೋಚತಾ ಜೋಹವೀಮಿ |
ವೃಶ್ಚಾಮಿ ತಂ ಕುಲಿಶೇನೇವ ವೃಕ್ಷಂ
ಯೋ ಅಸ್ಮಾಕಂ ಮನ ಇದಂ ಹಿನಸ್ತಿ || ೨,೫।೨

ಇದಂ ದೇವಾಃ ಶೃಣುತ ಯೇ ಚ ಯಜ್ಞಿಯಾ ಸ್ಥ
ಭರದ್ವಾಜೋ ಮಹ್ಯಂ ಉಕ್ಥಾನಿ ಶಂಸತು |
ಪಾಶೇ ಸ ಬದ್ಧೋ ದುರಿತೇ ನಿ ಯುಜ್ಯತಾಂ
ಯೋ ಅಸ್ಮಾಕಂ ಮನ ಇದಂ ಹಿನಸ್ತಿ || ೨,೫।೩

ಅಶೀತಿಭಿಸ್ ತಿಸೃಭಿಃ ಸಾಮಗೇಭಿರ್
ಆದಿತ್ಯೇಭಿರ್ ವಸುಭಿರ್ ಅಂಗಿರೋಭಿಃ |
ಇಷ್ಟಾಪೂರ್ತಂ ಅವತು ನಃ ಪಿತೃ̄ಣಾಂ
ಆಮುಂ ದದೇ ಹರಸಾ ದೈವ್ಯೇನ || ೨,೫।೪

ದ್ಯಾವಾಪೃಥಿವೀ ಅನು ಮಾ ದೀಧೀಥಾಂ
ವಿಶ್ವೇ ದೇವಾಸೋ ಅನು ಮಾ ರಭಧ್ವಂ |
ಅಂಗಿರಸಃ ಪಿತರಃ ಸೋಮ್ಯಾಸಃ
ಪಾಪಂ ಆ ರ್ಚ್ಛತ್ವ್ ಅಪಕಾಮಸ್ಯ ಕರ್ತಾ || ೨,೫।೫

ಅತೀವ ಯೋ ಮರುತೋ ಮನ್ಯತೇ ನೋ
ಬ್ರಹ್ಮ ವಾ ಯೋ ನಿಂದಿಷತ್ ಕ್ರಿಯಮಾಣಂ |
ತಪೂಂಷಿ ತಸ್ಮೈ ವೃಜಿನಾನಿ ಸಂತು
ಬ್ರಹ್ಮದ್ವಿಷಂ ಅಭಿ ತಂ ಶೋಚತು ದ್ಯೌಃ || ೨,೫।೬

ಆ ದಧಾಮಿ ತೇ ಪದಂ
ಸಮಿದ್ಧೇ ಜಾತವೇದಸಿ |
ಅಗ್ನಿಃ ಶರೀರಂ ವೇವೇಷ್ಟು
ಯಮಂ ಗಚ್ಛತು ತೇ ಅಸುಃ || ೨,೫।೭

ಸಪ್ತ ಪ್ರಾಣಾನ್ ಅಷ್ಟೌ ಮಜ್ಜ್ಞಸ್
ತಾಂಸ್ ತೇ ವೃಶ್ಚಾಮಿ ಬ್ರಹ್ಮಣಾ |
ಯಮಸ್ಯ ಗಚ್ಛ ಸಾದನಂ
ಅಗ್ನಿದೂತೋ ಅರಂಕೃತಃ || ೨,೫।೮
(೫)

ಅನುವಾಕ ೧ ||

ವೇನಸ್ ತತ್ ಪಶ್ಯತ್ ಪರಮಂ ಪದಂ
ಯತ್ರ ವಿಶ್ವಂ ಭವತ್ಯ್ ಏಕನೀಡಂ |
ಇದಂ ಧೇನುರ್ ಅದುಹಜ್ ಜಾಯಮಾನಾಃ
ಸ್ವರ್ವಿದೋ ಅಭ್ಯ್ ಅನೂಷತ ವ್ರಾಃ || ೨,೬।೧

ಪ್ರ ತದ್ ವೋಚೇದ್ ಅಮೃತಂ ನ ವಿದ್ವಾನ್
ಗಂಧರ್ವೋ ಧಾಮ ಪರಮಂ ಗುಹಾ ಯತ್ |
ತ್ರೀಣಿ ಪದಾ ನಿಹಿತಾ ಗುಹಾಸ್ಯ
ಯಸ್ ತಾನಿ ವೇದ ಸ ಪಿತುಷ್ ಪಿತಾಸತ್ || ೨,೬।೨

ಸ ನೋ ಬಂಧುರ್ ಜನಿತಾ ಸ ವಿಧರ್ತಾ
ಧಾಮಾನಿ ವೇದ ಭುವನಾನಿ ವಿಶ್ವಾ |
ಯತ್ರ ದೇವಾ ಅಮೃತಂ ಆನಶಾನಾಃ
ಸಮಾನೇ ಧಾಮನ್ನ್ ಅಧ್ಯ್ ಐರಯಂತ || ೨,೬।೩

ಪರಿ ವಿಶ್ವಾ ಭುವನಾನ್ಯ್ ಆಯಂ
ಉಪಾತಿಷ್ಠೇ ಪ್ರಥಮಜಾ ಋತಸ್ಯ |
ವಾಚಂ ಇವ ವಕ್ತರಿ ಭುವನೇಷ್ಠಾ
ಧಾಸ್ಯುರ್ ನ್ವ್ ಏಷ ನನ್ವ್ ಏಷೋ ಅಗ್ನಿಃ || ೨,೬।೪

ಪರಿ ದ್ಯಾವಾಪೃಥಿವೀ ಸದ್ಯ ಆಯಂ
ಋತಸ್ಯ ತಂತುಂ ವಿತತಂ ದೃಶೇ ಕಂ |
ದೇವೋ ದೇವತ್ವಂ ಅಭಿರಕ್ಷಮಾಣಃ
ಸಮಾನಂ ಬಂಧುಂ ವ್ಯ್ ಅಪೃಚ್ಛದ್ ಏಕಃ || ೨,೬।೫
(೬)

ಇಂದ್ರ ಜುಷಸ್ವಾ ಯಾಹಿ ಶೂರ
ಪಿಬಾ ಸುತಸ್ಯ ಮಧೋಶ್ ಚಕಾನಃ |
ಚಾರುರ್ ಮದಾಯ || ೨,೭।೧

ಆ ತ್ವಾ ವಿಶಂತು ಸುತಾಸ ಇಂದ್ರ
ಪೃಣಸ್ವ ಕುಕ್ಷೀ ವಿಡ್ಢಿ ಶಕ್ರ |
ಧಿಯೇಹ್ಯ್ ಆ ನಃ || ೨,೭।೨

ಇಂದ್ರ ಜಠರಂ ಪೃಣಸ್ವ ಮಧೋರ್
ಅಸ್ಯ ಸುತಸ್ಯ |
ಉಪ ತ್ವಾ ಮದೇಷು ವಾಜೋ ಅಸ್ತು || ೨,೭।೩

ಇಂದ್ರಸ್ ತುರಾಷಾಡ್ ಜಘಾನ ವೃತ್ರಂ
ಸಾಸಾಹ ಶತ್ರೂನ್ ಸಮತ್ಸು ವಜ್ರೀ |
ಮದೇ ಸೋಮಸ್ಯ || ೨,೭।೪

ಶ್ರುಧೀ ಹವಂ ಮೇ ಗಿರೋ ಜುಷಸ್ವ-
-ಇಂದ್ರ ಸ್ವಯುಗ್ಭಿಃ ಮತ್ಸ್ವ ಮದಾಯ |
ಮಹೇ ರಣಾಯ || ೨,೭।೫
(೭)

ಉದ್ ಇತ್ಯೇ ಅಕ್ರಮನ್ ತ್ರಯೋ
ವ್ಯಾಘ್ರಃ ಪುರುಷೋ ವೃಕಃ |
ಹಿರುಗ್ ಜ್ಯೋತಿಃ ಸೂರ್ಯೋ
ಹಿರುಗ್ ದೇವೋ ವನಸ್ಪತಿರ್
ಹಿರುಙ್ ನವಂತು ಶತ್ರವಃ || ೨,೮।೧

ಪರಮೇಣ ಪಥಾ ವೃಕಃ
ಪರೇಣ ಸ್ತೇನೋ ಅರ್ಷತು |
ತತೋ ವ್ಯಾಘ್ರಃ ಪರಮಃ || ೨,೮।೨

ಅಕ್ಷ್ಯೌ ಚ ತೇ ಹನೂ ಚ ತೇ
ವ್ಯಾಘ್ರ ಜಂಭಯಾಮಸಿ |
ಆತ್ ಸರ್ವಾನ್ ವಿಂಶತಿಂ ನಖಾನ್ || ೨,೮।೩

ಯತ್ ಸಂನಶೋ ವಿ ಯನ್ ನಶೋ
ಯದ್ ?ವಿನಶೋ ನ ಸಂ ನಶಃ? |
ಮೂರ್ಣಾ ಮೃಗಸ್ಯ ದಂತಾ
ಅಪಿಶೀರ್ಣಾ ಉ ಪೃಷ್ಟಯಃ || ೨,೮।೪

ವ್ಯಾಘ್ರಂ ದತ್ವತಾಂ ವಯಂ
ಪ್ರಥಮಂ ಜಂಭಯಾಮಸಿ |
ಆದ್ ಇತ್ ಸ್ತೇನಂ ಅಹಿಂ
ಯಾತುಧಾನಂ ಅಥೋ ವೃಕಂ || ೨,೮।೫

ನೇವ ರಪ್ಸಸೈ
ನ ಗೃಹಃ ಪರಶ್ ಚರ |
ದ್ವಿಪಾಚ್ ಚತುಷ್ಪಾನ್ ನೋ ಮಾ ಹಿಂಸೀರ್
ಇಂದ್ರಜಾಃ ಸೋಮಜಾ ಅಸಿ || ೨,೮।೬
(೮)

ಇಯಂ ವೀರುನ್ ಮಧುಜಾತಾ
ಮಧುನೇ ತ್ವಾ ಖನಾಮಸಿ |
ಮಧೋರ್ ಅಧಿ ಪ್ರಜಾತಾಸಿ
ಸಾ ನೋ ಮಧುಮತಸ್ ಕೃಧಿ || ೨,೯।೧

ಜಿಹ್ವಾಯಾ ಅಗ್ರೇ ಮೇ ಮಧು
ಜಿಹ್ವಾಮೂಲೇ ಮಧೂಲಕಂ |
ಯಥಾ ಮಾಂ ಕಾಮಿನ್ಯ್ ಅಸೋ
ಯಥಾ ಮಾಂ ಅನ್ವ್ ಆಯಸಿ || ೨,೯।೨

ಪರಿ ತ್ವಾ ಪರಿತತ್ನುನಾ-
-ಇಕ್ಷುಣಾಗಾಂ ಅವಿದ್ವಿಷೇ |
ಯಥಾ ನ ವಿದ್ವಿಷಾವಹೈ
ನ ವಿಭವಾವ ಕದಾ ಚನ || ೨,೯।೩

ರಾಜ್ಞೇ ಬ್ರೂಹಿ ವರುಣಾಯ-
-ಅಶ್ವಾಯ ಪುರುಷಾಯ ಚ |
ಪಥಾ ಮೇ ಪಥ್ಯೇ ರೇವತಿ
ಜಾಯಾಂ ಆ ವಹ ಸಾಧುನಾ || ೨,೯।೪

ಜಾಯಾಂ ಮೇ ಮಿತ್ರಾವರುಣಾ
ಜಾಯಾಂ ದೇವೀ ಸರಸ್ವತೀ |
ಜಾಯಾಂ ಮೇ ಅಶ್ವಿನೋಭಾ-
-ಆ ಧತ್ತಾಂ ಪುಷ್ಕರಸ್ರಜಾ || ೨,೯।೫
(೯)

ದಶವೃಕ್ಷ ಮುಂಚೇಮಂ
ಅಂಹಸೋ ಗ್ರಾಹ್ಯಾಶ್ ಚ |
ಅಥೋ ಏನಂ ವನಸ್ಪತೇ
ಜೀವಾನಾಂ ಲೋಕಂ ಉನ್ ನಯ || ೨,೧೦।೧

ಯಶ್ ಚಕಾರ ಸ ನಿಷ್ ಕರತ್
ಸ ಏವ ಸುಭಿಷಕ್ತಮಃ |
ಸ ಏವ ತುಭ್ಯಂ ಭೇಷಜಂ
ಚಕಾರ ಭಿಷಜಾತಿ ಚ || ೨,೧೦।೨

ಚೀತಿಂ ತೇ ದೇವಾ ಅವಿದನ್
ಬ್ರಹ್ಮಾಣ ಉತ ವೀರುಧಃ |
ಚೀತಿಂ ತೇ ಽದ್ಯೋತ್ತಮಾಂ
ಅವಿದನ್ ಭೂಮ್ಯಾಂ ಅಧಿ || ೨,೧೦।೩

ಆಗಾದ್ ಉದ್ ಅಗಾದ್ ಅಯಂ
ಜೀವಾನಾಂ ವ್ರಾತಂ ಅಪ್ಯ್ ಅಗಾತ್ |
ಅಭೂದ್ ಉ ಪುತ್ರಾಣಾಂ ಪಿತಾ
ನೃಣಾಂ ಚ ಭಗವತ್ತಮಃ || ೨,೧೦।೪

ಅಧೀತಿಂ ಅಧ್ಯ್ ಅಗಾದ್ ಅಯಂ
ಅಧಿ ಜೀವಪುರಾ ಅಗಾತ್ |
ಶತಂ ಚ ಯಸ್ಯ ವೀರುಧಃ
ಸಹಸ್ರಂ ಉತ ಭೇಷಜಾ || ೨,೧೦।೫
(೧೦)

ಅನುವಾಕ ೨ ||

ದೀರ್ಘಾಯುತ್ವಾಯ ಬೃಹತೇ ರಣಾಯ-
-ಅರಿಷ್ಯಂತೋ ದಕ್ಷಮಾಣಾಃ ಸದೈವ |
ಮಣಿಂ ವಿಷ್ಕಂಧದೂಷಣಂ
ಜಂಗಿಡಂ ಬಿಭೃಮೋ ವಯಂ || ೨,೧೧।೧

ಜಂಗಿಡೋ ಜಂಭಾದ್ ವಿಶರಾದ್
ವಿಷ್ಕಂಧಾದ್ ಅಭಿಶೋಚನಾತ್ |
ಮಣಿಃ ಸಹಸ್ರವೀರ್ಯಃ
ಪರಿ ಣಃ ಪಾತು ವಿಶ್ವತಃ || ೨,೧೧।೨

ಅಯಂ ವಿಷ್ಕಂಧಂ ಸಹತೇ
ಅಯಂ ರಕ್ಷೋ ಽಪ ಬಾಧತೇ |
ಅಯಂ ನೋ ವಿಶ್ವಭೇಷಜೋ
ಜಂಗಿಡಃ ಪಾತ್ವ್ ಅಂಹಸಃ || ೨,೧೧।೩

ದೇವೈರ್ ದತ್ತೇನ ಮಣಿನಾ
ಜಂಗಿಡೇನ ಮಯೋಭುವಾ |
ವಿಷ್ಕಂಧಂ ಸರ್ವಾ ರಕ್ಷಾಂಸಿ
ವ್ಯಾಯಾಮೇ ಸಹಾಮಹೇ || ೨,೧೧।೪

ಶಣಶ್ ಚ ತ್ವಾ ಜಂಗಿಡಶ್ ಚ
ವಿಷ್ಕಂಧಾದ್ ಅಧಿ ಮುಂಚತಾಂ |
ಅರಣ್ಯಾದ್ ಅನ್ಯ ಆಭೃತಃ
ಕೃಷ್ಯಾ ಅನ್ಯೋ ರಸೇಭ್ಯಃ || ೨,೧೧।೫
(೧೧)

ಏಹ ಯಂತು ಪಶವೋ ಯೇ ಪರೇಯುರ್
ವಾಯುರ್ ಯೇಷಾಂ ಸಹಚಾರಂ ಜುಜೋಷ |
ತ್ವಷ್ಟಾ ಯೇಷಾಂ ರೂಪಧೇಯಾನಿ ವೇದ-
-ಅಸ್ಮಿನ್ ತಾನ್ ಗೋಷ್ಠೇ ಸವಿತಾ ನಿ ಯಚ್ಛಾತ್ || ೨,೧೨।೧

ಇಮಂ ಗೋಷ್ಠಂ ಪಶವಃ ಸಂ ಸ್ರವಂತು
ಬೃಹಸ್ಪತಿರ್ ಆ ನಯತು ಪ್ರಜಾನನ್ |
ಸಿನೀವಾಲೀ ನಯತ್ವ್ ಆಗ್ರಂ ಏಷಾಂ
ಆಜಗ್ಮುಷೋ ಅನುಮತಿರ್ ನಿ ಯಚ್ಛಾತ್ || ೨,೧೨।೨

ಸಂ ಸಂ ಸ್ರವಂತು ಪಶವಃ
ಸಂ ಅಶ್ವಾ ಉತ ಪೂರುಷಾಃ |
ಸಂ ಧಾನ್ಯಸ್ಯ ಯಾ ಸ್ಫಾತಿಃ
ಸಂಸ್ರಾವ್ಯೇಣ ಹವಿಷಾ ಜುಹೋಮಿ || ೨,೧೨।೩

ಸಂ ಸಿಂಚಾಮಿ ಗವಾಂ ಕ್ಷೀರಂ
ಸಂ ಆಜ್ಯೇನ ಬಲಂ ರಸಂ |
ಸಂಸಿಕ್ತಾ ಅಸ್ಮಾಕಂ ವೀರಾ
ಮಯಿ ಗಾವಶ್ ಚ ಗೋಪತೌ || ೨,೧೨।೪

ಆ ಹರಾಮಿ ಗವಾಂ ಕ್ಷೀರಂ
ಆಹಾರ್ಷಂ ಧಾನ್ಯಂ ರಸಂ |
ಆಹಾರ್ಷಂ ಅಸ್ಮಾಕಂ ವೀರಾನ್
ಆ ಪತ್ನೀಂ ಏದಂ ಅಸ್ತಕಂ || ೨,೧೨।೫
(೧೨)

ಸಂ ವಃ ಸೃಜತ್ವ್ ಅರ್ಯಮಾ
ಸಂ ಪೂಷಾ ಸಂ ಬೃಹಸ್ಪತಿಃ |
ಸಂ ಇಂದ್ರೋ ಯೋ ಧನಂಜಯ
ಇಹ ಪುಷ್ಯತ ಯದ್ ವಸು || ೨,೧೩।೧

ಇಹೈವ ಗಾವ ಏತನ-
-ಇಹೋ ಶಕಾ ಇವ ಪುಷ್ಯತ |
ಇಹೈವೋತ ಪ್ರ ಜಾಯಧ್ವಂ
ಮಯಿ ಸಂಜ್ಞಾನಂ ಅಸ್ತು ವಃ || ೨,೧೩।೨

ಮಯಾ ಗಾವೋ ಗೋಪತ್ಯಾ ಸಚಧ್ವಂ
ಅಯಂ ವೋ ಗೋಷ್ಠ ಇಹ ಪೋಷಯಾತಿ |
ರಾಯಸ್ಪೋಷೇಣ ಬಹುಲಾ ಭವಂತೀರ್
ಜೀವಾ ಜೀವಂತೀರ್ ಉಪ ವಃ ಸದೇಮ || ೨,೧೩।೩

ಸಂ ವೋ ಗೋಷ್ಠೇನ ಸುಷದಾ
ಸಂ ರಯ್ಯಾ ಸಂ ಸುಪುಷ್ಟ್ಯಾ |
ಅಹರ್ಜಾತಸ್ಯ ಯನ್ ನಾಮ
ತೇನ ವಃ ಸಂ ಸೃಜಾಮಸಿ || ೨,೧೩।೪

ಸಂಜಾನಾನಾ ಅವಿಹ್ರುತಾ
ಅಸ್ಮಿನ್ ಗೋಷ್ಠೇ ಕರೀಷಿಣೀಃ |
ಬಿಭ್ರತೀಃ ಸೋಮ್ಯಂ ಹವಿಃ
ಸ್ವಾವೇಶಾಸ ಏತನ || ೨,೧೩।೫
(೧೩)

ಉದ್ಯನ್ನ್ ಆದಿತ್ಯಃ ಕ್ರಿಮೀನ್ ಹಂತು ಸೂರ್ಯೋ
ನಿಮ್ರೋಚನ್ ರಶ್ಮಿಭಿರ್ ಹಂತು |
ಯೇ ಅಂತಃ ಕ್ರಿಮಯೋ ಗವಿ || ೨,೧೪।೧

ಯೋ ವಿಶ್ವರೂಪಶ್ ಚತುರಕ್ಷಃ
ಕ್ರಿಮಿಃ ಸಾರಂಗೋ ಅರ್ಜುನಃ |
ಹತೋ ಹತಭ್ರಾತಾ ಕ್ರಿಮಿರ್
ಹತಮಾತಾ ಹತಸ್ವಸಾ || ೨,೧೪।೨

ಹತೋ ರಾಜಾ ಕ್ರಿಮೀಣಾಂ
ಉತೈಷಾಂ ಸ್ಥಪತಿರ್ ಹತಃ |
ಹತಾಸೋ ಅಸ್ಯ ವೇಶಸೋ
ಹತಾಸಃ ಪರಿವೇಶಸಃ || ೨,೧೪।೩

ಪ್ರ ತೇ ಶೃಣಾಮಿ ಶೃಂಗೇ
ಯಾಭ್ಯಾಂ ತ್ವಂ ವಿತುದಾಯಸಿ |
ಅಥೋ ಭಿನದ್ಮಿ ತಂ ಕುಂಭಂ
ಯಸ್ಮಿನ್ ತೇ ನಿಹಿತಂ ವಿಷಂ || ೨,೧೪।೪

ಅತ್ರಿವತ್ ತ್ವಾ ಕ್ರಿಮೇ ಹನ್ಮಿ
ಕಣ್ವವಜ್ ಜಮದಗ್ನಿವತ್ |
ಅಗಸ್ತ್ಯಸ್ಯ ಬ್ರಹ್ಮಣಾ
ಸರ್ವೇ ತೇ ಕ್ರಿಮಯೋ ಹತಾಃ || ೨,೧೪।೫
(೧೪)

ಇಂದ್ರಸ್ಯ ಯಾ ಮಹೀ ದೃಷತ್
ಕ್ರಿಮೇರ್ ವಿಶ್ವಸ್ಯ ತರ್ಹಣೀ |
ತಯಾ ಪಿನಷ್ಮಿ ಸಂ ಕ್ರಿಮೀನ್
ದೃಷದಾ ಖಲ್ವಾಁ ಇವ || ೨,೧೫।೧

ದೃಷ್ಟಂ ಅದೃಷ್ಟಂ ಅತೃಹಂ
ಅಥೋ ಕುರೂರುಂ ಅತೃಹಂ |
ಅಲ್ಗಂಡೂನ್ ಸರ್ವಾಞ್ ಛಲೂಲಾನ್ ಕ್ರಿಮೀನ್
ವಚಸಾ ಜಂಭಯಾಮಸಿ || ೨,೧೫।೨

ಅಲ್ಗಂಡೂನ್ ಹನ್ಮಿ ಮಹತಾ ವಧೇನ
ದೂನಾ ಅದೂನಾ ಅರಸಾ ಅಭೂವನ್ |
ಶಿಷ್ಟಾನ್ ಅಶಿಷ್ಟಾನ್ ನಿ ತಿರಾಮಿ ವಾಚಾ
ಯಥಾ ಕ್ರಿಮೀಣಾಂ ನಕಿರ್ ಉಚ್ಛಿಷಾತೈ || ೨,೧೫।೩

ಅನ್ವಾಂತ್ರಿಯಂ ಶೀರ್ಷಣ್ಯಂ
ಅಥೋ ಪಾರ್ಷ್ಟೇಯಂ ಕ್ರಿಮಿಂ |
ಅವಸ್ಕವಂ ವ್ಯದ್ವರಂ ಕ್ರಿಮೀನ್
ವಚಸಾ ಜಂಭಯಾಮಸಿ || ೨,೧೫।೪

ಯೇ ಕ್ರಿಮಯಃ ಪರ್ವತೇಷು ಯೇ ವನೇಷು
ಯ ಓಷಧೀಷು ಪಶುಷ್ವ್ ಅಪ್ಸ್ವ್ ಅಂತಃ |
ಯೇ ಅಸ್ಮಾಕಂ ತನ್ವಂ ಸ್ಥಾಮ ಚಕ್ರಿರ
ಇಂದ್ರಸ್ ತಾನ್ ಹಂತು ಮಹತಾ ವಧೇನ || ೨,೧೫।೫
(೧೫)

ಅನುವಾಕ ೩ ||

ಯಾ ಶತ್ರೂನ್ ಪ್ರಾಶಂಜಯಾ
ಸಹಮಾನಾಭಿಭೂರ್ ಅಸಿ |
ಸಾಮೂನ್ ಪ್ರತಿಪ್ರಾಶೋ ಜಹ್ಯ್
ಅರಸಾನ್ ಕೃಣ್ವ್ ಓಷಧೇ || ೨,೧೬।೧

ಸುಪರ್ಣಸ್ ತ್ವಾನ್ವ್ ಅವಿಂದತ್
ಸೂಕರಸ್ ತ್ವಾಖನನ್ ನಸಾ |
ಇಂದ್ರಸ್ ತ್ವಾ ಚಕ್ರೇ ಬಾಹ್ವೋರ್
ಅಸುರೇಭ್ಯ ಸ್ತರೀತವೇ || ೨,೧೬।೨

ಪಾಟಾಂ ಇಂದ್ರೋ ವ್ಯ್ ಆಶ್ನಾದ್
ಧಂತವಾ ಅಸುರೇಭ್ಯಃ |
ತಯಾಹಂ ಶತ್ರೂನ್ ಸಾಕ್ಷೀಯ-
-ಇಂದ್ರಃ ಶಾಲಾವೃಕಾನ್ ಇವ || ೨,೧೬।೩

ರುದ್ರ ಜಲಾಷಭೇಷಜ
ನೀಲಶಿಖಂಡ ಕರ್ಮಕೃತ್ |
ಪ್ರಶ್ನಂ ದುರಸ್ಯತೋ ಜಹಿ
ಯೋ ಅಸ್ಮಾಁ ಅಭಿದಾಸತಿ || ೨,೧೬।೪

ತಸ್ಯ ಪ್ರಶ್ನಂ ತ್ವಂ ಜಹಿ
ಯೋ ನ ಇಂದ್ರಾಭಿದಾಸತಿ |
ಅಧಿ ನೋ ಬ್ರೂಹಿ ಶಕ್ತಿಭಿಃ
ಪ್ರಾಶಿ ಮಾಂ ಉತ್ತರಂ ಕೃಧಿ || ೨,೧೬।೫
(೧೬)

ಯಥೇದಂ ಭೂಮ್ಯಾ ಅಧಿ
ವಾತಸ್ ತೃಣಂ ಮಥಾಯತಿ |
ಏವಾ ಮಥ್ನಾಮಿ ತೇ ಮನೋ
ಯಥಾ ಮಾಂ ಕಾಮಿನ್ಯ್ ಅಸೋ
ಯಥಾ ಮಾಂ ಅನ್ವ್ ಆಯಸಿ || ೨,೧೭।೧

ಏಯಂ ಅಗನ್ ಪತಿಕಾಮಾ
ಜನಿಕಾಮೋ ಽಹಂ ಆಗಮಂ |
ಅಶ್ವಃ ಕನಿಕ್ರದದ್ ಯಥಾ
ಭಗೇನಾಹಂ ಸಹಾಗಮಂ || ೨,೧೭।೨

ಸಂ ಚೇನ್ ನಯಾಥೋ ಅಶ್ವಿನಾ
ಕಾಮಿನಾ ಸಂ ಚ ನೇಷಥಃ |
ಸಂ ವಾಂ ಮನಾಂಸ್ಯ್ ಅಗ್ಮತ
ಸಂ ಚಕ್ಷೂಂಷಿ ಸಂ ಉ ವ್ರತಾ || ೨,೧೭।೩

ಯದ್ ಅಂತರಂ ತದ್ ಬಾಹ್ಯಂ
ಯದ್ ಬಾಹ್ಯಂ ತದ್ ಅಂತರಂ |
ಕನ್ಯಾನಾಂ ವಿಶ್ವರೂಪಾಣಾಂ
ಮನೋ ಗೃಭಾಯೌಷಧೇ || ೨,೧೭।೪

?ಯಾಸುಪರ್ಣಾಪಕ್ಷಣವಾ-
-ಆನಪಕ್ಷಣವಾ? |
ಅತ್ರಾ ತ ಆರ್ಪಿತಂ ಮನಃ
ಶಲ್ಯ ಇವ ಕುರ್ಮಲಂ ಯಥಾ || ೨,೧೭।೫
(೧೭)

ಸಿಂಹೇ ವ್ಯಾಘ್ರ ಉತ ಯಾ ಪೃದಾಕೌ
ತ್ವಿಷಿರ್ ಅಗ್ನೌ ಬ್ರಾಹ್ಮಣೇ ಸೂರ್ಯೇ ಯಾ |
ಇಂದ್ರಂ ಯಾ ದೇವೀ ಸುಭಗಾ ವವರ್ಧ
ಸಾ ನ ಐತು ವರ್ಚಸಾ ಸಂವಿದಾನಾ || ೨,೧೮।೧

(ಯಾ) ಹಸ್ತಿನಿ ದ್ವೀಪಿನಿ ಯಾ ಹಿರಣ್ಯೇ
ತ್ವಿಷಿರ್ ಅಶ್ವೇಷು ಪುರುಷೇಷು ಗೋಷು |
(…) || ೨,೧೮।೨

(ಯಾ) ರಾಜನ್ಯೇ ದುಂದುಭಾವ್ ಆಯತಾಯಾಂ
ತ್ವಿಷಿಃ ಸೇನಾಯಾಂ ಸ್ತನಯಿತ್ನೌ ಘೋಷೇ ಯಾ |
(…) || ೨,೧೮।೩

ರಥೇ ಅಕ್ಷೇಷ್ವ್ ಋಷಭಸ್ಯ ವಾಜೇ
ಪರ್ಜನ್ಯೇ ವಾತೇ ವರುಣಸ್ಯ ಶುಷ್ಮೇ |
ಇಂದ್ರಂ ಯಾ ದೇವೀ ಸುಭಗಾ ವವರ್ಧ
(…) || ೨,೧೮।೪

ಯಾ ರುದ್ರೇಷು ಯಾ ವಸುಷ್ವ್
ಆದಿತ್ಯೇಷು ಮರುತ್ಸು ಯಾ |
ತ್ವಿಷಿರ್ ಯಾ ವಿಶ್ವೇಷು ದೇವೇಷು
ಸಾ ನ ಐತು ವರ್ಚಸಾ ಸಂವಿದಾನಾ || ೨,೧೮।೫
(೧೮)

ಯದಿ ಗಾಧಾನಾಂ ಯದಿ ನಾವ್ಯಾನಾಂ
ನದೀನಾಂ ಪಾರೇ ನೃಪತಿಃ ಸಖಾ ನಃ |
ವಿಶ್ವೇ ದೇವಾಸೋ ಅಭಿ ರಕ್ಷತೈನಂ
ಯಥಾ ಜೀವೋ ವಿದಥಂ ಆವದಾಸಿ || ೨,೧೯।೧

ಯದ್ಯ್ ಅವಾರೇ ಯದಿ ವಾ ಘ ಪಾರೇ
ಯದಿ ಧನ್ವನಿ ನೃಪತಿಃ ಸಖಾ ನಃ |
(…) || ೨,೧೯।೨

ಯದಿ ಯತ್ಸು ಯದಿ ಧೃತ್ಯಾಂ
ಯದಿ ಸಮಿತ್ಯಾಂ ನೃಪತಿಃ ಸಖಾ ನಃ |
(…) || ೨,೧೯।೩

ಅಧಸ್ ಪದ್ಯಂತಾಂ ಅಧರೇ ಭವಂತು
ಯೇ ನಃ ಸೂರಿಂ ಮಘವಾನಂ ಪೃತನ್ಯಾನ್ |
ವಿಶ್ವೇ ದೇವಾಸೋ ಅಭಿ ರಕ್ಷತೈನಂ
ಯಥಾ ಜೀವೋ ವಿದಥಂ ಆವದಾಸಿ || ೨,೧೯।೪

ಯಮ ಮೃತ್ಯೋ ಮೈನಂ ಹಿಂಸೀರ್
ಯಂ ಅಹಂ ಹೃದಾ ಮನಸಾ ಜುಗೋಪ |
ಯೋ ಮಾಂ ಪಿಪರ್ತಿ ಯಂ ಅಹಂ ಪಿಪರ್ಮಿ
ಸ ಪ್ರಜಾವಾನ್ ಮಘವಾನ್ ಸೂರಿರ್ ಅಸ್ತು || ೨,೧೯।೫
(೧೯)

ಇಮಾಂ ನಾವಂ ಆ ರೋಹತ-
-ಅಚ್ಛಿದ್ರಾಂ ಪಾರಯಿಷ್ಣ್ವಂ |
ನರಾಶಂಸಸ್ಯ ಯಾ ಗೃಹೇ
ಶತಾರಿತ್ರಾ ಭಗಸ್ಯ ಚ || ೨,೨೦।೧

ಉಪ ಧುವ ಗುಲ್ಗುಲುನಾ-
-ಅಯಕ್ಷ್ಮಾಃ ಸಂತ್ವ್ ಅಘ್ನ್ಯಾಃ |
ರುದ್ರಸ್ಯೇಷ್ವಾ ಯಾತುಧಾನಾನ್
ಅಥೋ ರಾಜ್ಞೋ ಭವಸ್ಯ ಚ || ೨,೨೦।೨

ರುದ್ರಾವ್ ಈಶಾತೇ ದ್ವಿಪದಾಂ ಚತುಷ್ಪದಾಂ
ತಯೋರ್ ವಯಂ ಅಧಿವಾಕೇ ಸ್ಯಾಮ |
ಪಕ್ವೈರ್ ವಿತ್ಥೈಃ ಪ್ರತಿಭೂಷಂತ ಏನೌ
ವಯಂ ದೇವಾನಾಂ ಸುಮತೌ ಸ್ಯಾಮ || ೨,೨೦।೩

ಪ್ರತೀಚೀ ನಾಮ ತೇ ಮಾತಾ
ಶತವಾರೋ ಘ ತೇ ಪಿತಾ |
ತತೋ ಹ ಜಜ್ಞಿಷೇ ತ್ವಂ
ಅರಿಷ್ಯಂತ್ಯ್ ಅರುಂಧತಿ || ೨,೨೦।೪

ಮಾತಾ ನಾಮಾಸಿ ಮಾತೃತೋ
ಅಮೃತಸ್ಯೇವ ವಾ ಅಸಿ |
ಅರುಂಧತಿ ತ್ವಂ ಸರ್ವಂ
ಅಭಿ ಜೀವಂ ಅಧಾ ಇದಂ || ೨,೨೦।೫
(೨೦)

ಅನುವಾಕ ೪ ||

ಆ ನೋ ಅಗ್ನೇ ಸುಮತಿಂ ಸಂಭಲೋ ಗೇದ್
ಇಮಾಂ ಕುಮಾರೀಂ ಸಹ ನೋ ಭಗೇನ |
ಜುಷ್ಟಾ ವರೇಷು ಸಮನೇಷು ವಲ್ಗುರ್
ಓಷಂ ಪತ್ಯಾ ಭವತು ಸಂಭಗೇಯಂ || ೨,೨೧।೧

ಇಯಂ ಅಗ್ನೇ ನಾರೀ ಪತಿಂ ವಿದೇಷ್ಟ
ಸೋಮೋ ಹಿ ರಾಜಾ ಸುಭಗಾಂ ಕೃಣೋತು |
ಸುವಾನಾ ಪುತ್ರಾನ್ ಮಹಿಷೀ ಭವಾತಿ
ಗತ್ವಾ ಪತಿಂ ಸುಭಗಾ ವಿ ರಾಜಾತ್ || ೨,೨೧।೨

ಸೋಮಜುಷ್ಟೋ ಬ್ರಹ್ಮಜುಷ್ಟೋ
ಅರ್ಯಮ್ಣಾ ಸಂಭೃತೋ ಭಗಃ |
ಧಾತುರ್ ದೇವಸ್ಯ ಸತ್ಯೇನ
ಕೃಣೋಮಿ ಪತಿವೇದನಂ || ೨,೨೧।೩

ಯಥಾಖರೋ ಮಘವಂಶ್ ಚಾರುರ್ ಏಷ
ಪ್ರಿಯೋ ಮೃಗಾಣಾಂ ಸುಷದಾ ಬಭೂವ |
ಏವೇಯಂ ಜುಷ್ಟಾ ಭಗಸ್ಯಾಸ್ತು
ಸಂಪ್ರಿಯಾ ಪತ್ಯಾವಿರಾಧಯಂತೀ || ೨,೨೧।೪

ಭಗಸ್ಯ ನಾವಂ ಆ ರೋಹ
ಪೂರ್ಣಾಂ ಅನುಪದಸ್ವತೀಂ |
ತಯೋಪ ಪ್ರ ಯಾಹಿ ತಂ
ಯಃ ಪತಿಃ ಪ್ರತಿಕಾಮ್ಯಃ || ೨,೨೧।೫

ಇದಂ ಹಿರಣ್ಯಂ ಗುಲ್ಗುಲ್ವ್
ಅಯಂ ಔಕ್ಷೋ ಅಥೋ ಭಗಃ |
ಏತೇ ಪತಿಭ್ಯಸ್ ತ್ವಾಂ ಅದುಃ
ಪ್ರತಿಕಾಮಾಯ ವೇತ್ತವೇ || ೨,೨೧।೬
(೨೧)

ಯುನಕ್ತ ಸೀರಾ ವಿ ಯುಗಾ ತನೋತ
ಕೃತೇ ಕ್ಷೇತ್ರೇ ವಪತೇಹ ಬೀಜಂ |
ವಿರಾಜಃ ಶ್ನುಷ್ಟಿಃ ಸಭರಾ ಅಸನ್ ನೋ
ನೇದೀಯ ಇತ್ ಸೃಣ್ಯಃ ಪಕ್ವಂ ಆ ಯವಂ || ೨,೨೨।೧

ಸೀರಾ ಯುಂಜಂತಿ ಕವಯೋ
ಯುಗಾ ವಿ ತನ್ವತೇ ಪೃಥಗ್
ಧೀರಾ ದೇವೇಷು ಸುಮ್ನಯೌ |
ಅನಡ್ವಾಹಃ ಪುರುಷಾ ಯೇ ಕೃಷಂತಿ
ಲಾಂಗಲಂ ಫಾಲಂ ಸಂ ಅನಜ್ಮಿ ಸ್ಫಾತ್ಯಾ || ೨,೨೨।೨

ಶುನಂ ಕೀನಾಶೋ ಅನ್ವ್ ಏತು ವಾಹಾಞ್
ಛುನಂ ಫಾಲೋ ವಿನುದನ್ನ್ ಏತು ಭೂಮಿಂ |
ಶುನಾಸೀರಾ ಹವಿಷಾ ಯೋ ಯಜಾತೈ
ಸುಪಿಪ್ಪಲಾ ಓಷಧಯಃ ಸಂತು ತಸ್ಮೈ || ೨,೨೨।೩

ಶುನಂ ನರೋ ಲಾಂಗಲೇನಾನಡುದ್ಭಿರ್
ಭಗಃ ಫಾಲೈಃ ಕ್ಷೇತ್ರಪತಿರ್ ಮರುದ್ಭಿಃ |
ಪರ್ಜನ್ಯೋ ಬೀಜಂ ಇರಯೇದಂ ಹಿನೋತು
ಶುನಾಸೀರಾ ಕೃಣುತಂ ಧಾನ್ಯೇಹ || ೨,೨೨।೪

ಇಂದ್ರಃ ಸೀತಾಂ ನಿ ಗೃಹ್ಣಾತು
ತಾಂ ಪೂಷಾಭಿ ರಕ್ಷತು |
ಸಾ ನಃ ಪಯಸ್ವತೀ ದುಹಾಂ
ಉತ್ತರಾಮುತ್ತರಾಂ ಸಮಾಂ || ೨,೨೨।೫

ಉದ್ ಅಸ್ಥಾದ್ ರಥಜಿದ್ ಗೋಜಿದ್ ಅಶ್ವಜಿದ್ ಧಿರಣ್ಯಜಿತ್
ಸೂನೃತಯಾ ಪರೀವೃತಃ |
ಏಕಚಕ್ರೇಣ ಸವಿತಾ ರಥೇನ-
-ಊರ್ಜೋ ಭಾಗೈಃ ಪೃಥಿವೀಂ ಏತ್ಯ್ ಆಪೃಣನ್ || ೨,೨೨।೬
(೨೨)

ಗವಾಂ ಗೃಹಾಣಾಂ ರಸಂ ಓಷಧೀನಾಂ
ಅನುಜ್ಯೇಷ್ಠಂ ವರ್ಚ ಆಯುರ್ ವಿಕಲ್ಪ್ಯ |
ಸ ಮಾ ಹಿಂಸೀಃ ಪಿತರೌ ವರ್ಧಮಾನೋ
ಭದ್ರಾಚ್ ಛ್ರೇಯಾಂಸಂ ಅಭಿ ಲೋಕಂ ಏಹಿ || ೨,೨೩।೧

ಯದೀದಂ ಭಕ್ತಂ ಯದಿ ವಾ ವಿಭಕ್ತಂ
ಕ್ಷೇತ್ರಂ ದೇವಾನಾಂ ಯದಿ ವಾ ಪಿತೃ̄ಣಾಂ |
ಯದಿ ಸೂರ್ಯ ಉದಿತೇ ಯದಿ ವಾ ಮನುಷ್ಯವಚ್
ಛಿವಾ ನೋ ಅಸ್ತು ಪೃಥಿವೀ ಉತ ದ್ಯೌಃ || ೨,೨೩।೨

ಊರ್ಜೋ ವಾಂ ಭಾಗೋ ವರ ಆ ಪೃಥಿವ್ಯಾ
ದೇವೀ ದ್ವಾರೌ ಬ್ರಹ್ಮಣಾ ವಾಂ ಧಾರಯಾಮಿ |
ಶಿವಂ ಶಗ್ಮಂ ಅವಸಾನಂ ನೋ ಅಸ್ತು
ರಾತಂ ದೇವೇಭಿಃ ಪಿತೃಭಿರ್ ಮನುಷ್ಯೈಃ || ೨,೨೩।೩

ವಿಶ್ವಾವಸೋಸ್ ತ್ವಾ ಸದನಂ ಕುಲಾಯಂ
ಗಂಧರ್ವಾಸೋ ವೇಧಸೋ ಮಹ್ಯಂ ಊಚುಃ |
ಸ ಮಾ ಹಿಂಸೀಃ ಶೇವಧಿಂ ಯಂ ತ ಏತಂ
ಶತಂ ಹಿಮಾಃ ಪರಿ ದದ್ಮೋ ಮನುಷ್ಯಂ || ೨,೨೩।೪

ರುದ್ರಾ ಉತ್ಸೇ ಸದಂ ಅಕ್ಷೀಯಮಾಣೇ
ದೇವಾ ಮದಂತಿ ಪಿತರೋ ಮನುಷ್ಯಾಃ |
ಅಯಂ ಭಾಗೋ ಭಾಗಪತಿಶ್ ಚ ದೇವಾ
ಉರ್ವೀರ್ ಅಸ್ತರ್ಯಾಃ ಶರದಸ್ ತರೇಮ || ೨,೨೩।೫
(೨೩)

ಯೋ ಅಸ್ಮಿನ್ ಯಕ್ಷ್ಮಃ ಪುರುಷೇ ಪ್ರವಿಷ್ಟ
ಇಷಿತಂ ದೈವ್ಯಂ ಸಹಃ |
ಅಗ್ನಿಷ್ ಟಂ ಘೃತಬೋಧನೋ
ಅಪ ಸ್ಕಂದಯತ್ವ್ ಅಧಿ ದೂರಂ ಅಸ್ಮತ್
ಸೋ ಅನ್ಯೇನ ಸಂ ಋಚ್ಛತಾಂ
ತಂ ಅಸ್ಮೈ ಪ್ರ ಸುವಾಮಸಿ || ೨,೨೪।೧

ಯಸ್ ತ್ವಾ ಯಕ್ಷ್ಮೋ ದೇವೇಷಿತ
ಇಷಿತಃ ಪಿತೃಭಿಶ್ ಚ ಯಃ |
ತಸ್ಮಾತ್ ತ್ವಾ ವಿಶ್ವೇ ದೇವಾ
ಮುಂಚಂತು ಪರ್ಯ್ ಅಂಹಸಃ |
ತೇ ತೇ ಯಕ್ಷ್ಮಂ ಅಪ ಸ್ಕಂದಯಂತ್ವ್ ಅಧಿ (…) |
(…) || ೨,೨೪।೨

ಯತ್ ತ್ವಂ ಏನೋ ಅನ್ಯಕೃತಂ
ಯದ್ ಆತ್ಮಕೃತಂ ಆರಿಥ |
ತಸ್ಮಾತ್ ತ್ವಾ ವಿಶ್ವಾ ಭೂತಾನಿ
ಮುಂಚಂತು ಪರ್ಯ್ ಅಂಹಸಃ |
ತಾನಿ ತೇ ಯಕ್ಷ್ಮಂ ಅಪ ಸ್ಕಂದಯಂತ್ವ್ ಅಧಿ (…)
(…) || ೨,೨೪।೩

ಯತ್ ತ್ವಾ ಸ್ವ ಆದೃಶಾ
ಯದ್ ವಾ ಚಕಾರ ನಿಷ್ಟ್ಯಃ |
ತಸ್ಮಾತ್ ತ್ವಾ ಪೃಥಿವೀ ಮಾತಾ
ಮುಂಚತು ಪರ್ಯ್ ಅಂಹಸಃ |
ಸಾ ತೇ ಯಕ್ಷ್ಮಂ ಅಪ ಸ್ಕಂದಯತ್ವ್ ಅಧಿ (…)
(…) || ೨,೨೪।೪

ಅಪಸ್ಕಂದೇನ ಹವಿಷಾ
ಯಕ್ಷ್ಮಂ ತೇ ನಾಶಯಾಮಸಿ |
ತದ್ ಅಗ್ನಿರ್ ಆಹ ತದ್ ಉ ಸೋಮ ಆಹ
ಬೃಹಸ್ಪತಿಃ ಸವಿತಾ ತದ್ ಇಂದ್ರಃ |
ತೇ ತೇ ಯಕ್ಷ್ಮಂ ಅಪ ಸ್ಕಂದಯಂತ್ವ್ ಅಧಿ ದೂರಂ ಅಸ್ಮತ್
ಸೋ ಅನ್ಯೇನ ಸಂ ಋಚ್ಛತಾಂ
ತಂ ಅಸ್ಮೈ ಪ್ರ ಸುವಾಮಸಿ || ೨,೨೪।೫
(೨೪)

ಅಗ್ನ್ಯಗ್ರಾ ಇಂದ್ರಬಲಾ
ಆದಿತ್ಯಾ ಯೇ ಯುಧೋ ವಿದುಃ |
ಯುಧೋ ಅಧಿ ಪ್ರತಿಷ್ಠಿತಾ
ಹೋತ್ರಾ ಜೈತ್ರಾಯ ಜುಹ್ವತಿ || ೨,೨೫।೧

ಅಭಿಯುಕ್ತಸ್ಯ ಪ್ರಧನೇ
ಽನು ಯೋದ್ಧಾರಂ ಇಚ್ಛತಾಂ |
ಹವೀಂಷ್ಯ್ ಅಗ್ರೇ ಯುಧ್ಯತಾಂ
ಪ್ರತಿ ಗೃಹ್ಣೀತ ಜುಹ್ವತಾಂ || ೨,೨೫।೨

ಜೇತ್ರಾ ರಾಜ್ಞಾ ವರುಣೇನ
ಜೇತ್ರಾ ರುದ್ರೇಣ ಕೇಶಿನಾ |
ಭವೇನ ಜಿಷ್ಣುನಾ ಜಯತಿ
ಪರ್ಜನ್ಯೇನ ಸಹೀಯಸಾ || ೨,೨೫।೩

ಅಸ್ತ್ರಾ ತಾಮ್ರೇಣ ಬೃಹತಾ-
-ಅಸ್ತ್ರಾ ಶರ್ವೇಣ ಯುಧ್ಯತಾ |
ಗಂಧರ್ವೇಣ ತ್ವಿಷೀಮತಾ
ರಥೇನಾಸಮಯೋಧಿನಾ || ೨,೨೫।೪

ಸಿನೀವಾಲ್ಯ್ ಅನುಮತಿರ್
ವಾಹಾಶ್ವಾ ನಿಷಂಗಿಣಃ |
ಜಯಂತೋ ಽಭಿ ಪ್ರೇತಾಮಿತ್ರಾನ್
ಸಾಕಂ ಇಂದ್ರೇಣ ಮೇದಿನಾ || ೨,೨೫।೫
(೨೫)

ಅನುವಾಕ ೫ ||

ಯತ್ ಸ್ವಪ್ನೇ ನಿಜಗಂಥ
ಯದ್ ವಾ ಶೇಪಿಷೇ ಽನೃತಂ |
ಅಗ್ನಿಷ್ ಟ್ವಾ ತಸ್ಮಾದ್ ಏನಸೋ
ಬ್ರಹ್ಮಾ ಮುಂಚತ್ವ್ ಅಂಹಸಃ || ೨,೨೬।೧

ಯದ್ ಅಕ್ಷೇಷು ದುದ್ರೋಹಿಥ
ಯದ್ ವಾ ಮಿತ್ರೇಭ್ಯಸ್ ತ್ವಂ |
ಸೋಮಸ್ ತ್ವಾ ತಸ್ಮಾದ್ ಏನಸೋ
ಬ್ರಹ್ಮಾ ಮುಂಚತ್ವ್ ಅಂಹಸಃ || ೨,೨೬।೨

ಯತ್ ಕುಮಾರಃ ಕುಮಾರೇಷು
ಯದ್ ವಾ ಜ್ಯಾಯಸ್ತರೇಷು ಚ |
ನೀವಿಂ ಯತ್ ಕೃತ್ವಾ ಶೇಪಿಷೇ
ತತ್ ಕೃಣ್ಮೋ ಅಗದಂ ಶಿವಂ || ೨,೨೬।೩

ಪ್ರತೀಚೀನಫಲೋ ಹಿ ತ್ವಂ
ಅಪಾಮಾರ್ಗ ಬಭೂವಿಥ |
ಸರ್ವಾನ್ ಮಚ್ ಛಪಥಾಁ ಅಧಿ
ವರೀಯೋ ಯಾವಯಾ ತ್ವಂ || ೨,೨೬।೪

ಅಪಾಮಾರ್ಗ ಓಷಧೀನಾಂ
ವಿಶ್ವಾಸಾಂ ಏಕ ಇತ್ ಪತಿಃ |
ತೇನ ತೇ ಮೃಜ್ಮ ಆಸ್ಥಿತಂ
ಅಥ ತ್ವಂ ಅಗದಶ್ ಚರ || ೨,೨೬।೫
(೨೬)

ಶತವಾರೋ ಅನೀನಶದ್
ಯಕ್ಷ್ಮಾನ್ ರಕ್ಷಾಂಸಿ ತೇಜಸಾ |
ಆರೋಹನ್ ವರ್ಚಸಾ ಸಹ
ಮಣಿರ್ ದುರ್ಣಾಮಚಾತನಃ || ೨,೨೭।೧

ಶೃಂಗಾಭ್ಯಾಂ ರಕ್ಷೋ ನುದತೇ
ಮೂಲೇನ ಯಾತುಧಾನ್ಯಃ |
ಮಧ್ಯೇನ ಯಕ್ಷ್ಮಂ ಬಾಧತೇ
ನೈನಂ ಪಾಪ್ಮಾತಿ ?ತತ್ರತಿ || ೨,೨೭।೨

ಯೇ ಯಕ್ಷ್ಮಾಸೋ ಅರ್ಭಕಾ
ಮಹಾಂತೋ ಯೇ ಚ ಶಬ್ದಿನಃ |
ಸರ್ವಾನ್ ದುರ್ಣಾಮಹಾ ಮಣಿಃ
ಶತವಾರೋ ಅನೀನಶತ್ || ೨,೨೭।೩

ಶತಂ ವೀರಾನ್ ಅಜನಯಚ್
ಛತಂ ಯಕ್ಷ್ಮಾನ್ ಅಪಾವಪತ್ |
ದುರ್ಣಾಮ್ನಃ ಸರ್ವಾನ್ ಹತ್ವಾ-
-ಅಪ ರಕ್ಷಾಂಸಿ ಧೂನುತೇ || ೨,೨೭।೪

ಹಿರಣ್ಯಶೃಂಗ ಋಷಭಃ
ಶಾತವಾರೋ ಅಯಂ ಮಣಿಃ |
ದುರ್ಣಾಮ್ನಃ ಸರ್ವಾನ್ ತೃಢ್ವಾ-
-ಅವ ರಕ್ಷಾಂಸ್ಯ್ ಅಕ್ರಮೀತ್ || ೨,೨೭।೫

ಶತಂ ಅಹಂ ದುರ್ಣಾಮ್ನೀನಾಂ
ಗಂಧರ್ವಾಪ್ಸರಸಾಂ ಶತಂ |
ಶತಂ ಶ್ವನ್ವತೀನಾಂ
ಶತವಾರೇಣ ವಾರಯೇ || ೨,೨೭।೬
(೨೭)

ವಿಶ್ವಂ ವಿವ್ಯಜ್ಮಿ ಪೃಥಿವೀವ ಪುಷ್ಟಂ
ಆಯದಾಯತ್ ಪ್ರತಿ ಗೃಹ್ಣಾಮ್ಯ್ ಅನ್ನಂ |
ವೈಶ್ವಾನರಸ್ಯ ಮಹತೋ ಮಹಿಮ್ನಾ-
-ಅಗ್ನಿಷ್ ಟದ್ ವಿಶ್ವಾದ್ ಅಗದಂ ಕೃಣೋತು || ೨,೨೮।೧

ಯದ್ ಅನ್ನಂ ಅದ್ಮಿ ಬಹುಧಾ ವಿರೂಪಂ
ಹಿರಣ್ಯಂ ಅಶ್ವಂ ಉತ ಗಾಂ ಅಜಾಂ ಅವಿಂ |
ವೈಶ್ವಾನರಸ್ಯ (…) || ೨,೨೮।೨

ಯದ್ ಅನ್ನಂ ಅದ್ಮ್ಯ್ ಅನೃತೇನ ದೇವಾ
ದಾಸ್ಯನ್ನ್ ಅದಾಸ್ಯನ್ನ್ ಉತ ವಾ ಕರಿಷ್ಯನ್ |
ವೈಶ್ವಾನರಸ್ಯ (…) || ೨,೨೮।೩

ಯನ್ ಮಾ ಹುತಂ ಯದ್ ಅಹುತಂ ಆಜಗಾಮ
ಯಸ್ಮಾದ್ ಅನ್ನಾನ್ ಮನಸೋದ್ರಾರಜೀಮಿ |
ವೈಶ್ವಾನರಸ್ಯ ಮಹತೋ ಮಹಿಮ್ನಾ-
-ಅಗ್ನಿಷ್ ಟದ್ ವಿಶ್ವಾದ್ ಅಗದಂ ಕೃಣೋತು || ೨,೨೮।೪

ಜಮದಗ್ನಿಃ ಕಶ್ಯಪಃ ಸ್ವಾದ್ವ್ ಏತದ್
ಭರದ್ವಾಜೋ ಮಧ್ವ್ ಅನ್ನಂ ಕೃಣೋತು |
ಪ್ರತಿಗ್ರಹೀತ್ರೇ ಗೋತಮೋ ವಸಿಷ್ಠೋ
ವಿಶ್ವಾಮಿತ್ರೋ ನಃ ಪ್ರ ತಿರಾತ್ಯ್ ಆಯುಃ || ೨,೨೮।೫
(೨೮)

ಅಗ್ನೇ ಯಜ್ಞಸ್ಯ ಚಕ್ಷೋ |
ಇದಂ ವೇದಾಮ ಯಥೇದಂ ಭವಿಷ್ಯತಿ ಸ್ವಾಹಾ || ೨,೨೯।೧

ಅಗ್ನೇ ಯಜ್ಞಸ್ಯ ಶ್ರೋತ್ರ |
ಇದಂ ವೇದಾಮ ಯಥೇದಂ ಭವಿಷ್ಯತಿ ಸ್ವಾಹಾ || ೨,೨೯।೨

ಅಗ್ನೇ ಯಜ್ಞಸ್ಯ ಪ್ರಾಣ |
ಇದಂ ವೇದಾಮ ಯಥೇದಂ ಭವಿಷ್ಯತಿ ಸ್ವಾಹಾ || ೨,೨೯।೩

ಅಗ್ನೇ ಯಜ್ಞಸ್ಯಾಪಾನ |
ಇದಂ ವೇದಾಮ ಯಥೇದಂ ಭವಿಷ್ಯತಿ ಸ್ವಾಹಾ || ೨,೨೯।೪

ಅಗ್ನೇ ಯಜ್ಞಸ್ಯಾತ್ಮನ್ |
ಇದಂ ವೇದಾಮ ಯಥೇದಂ ಭವಿಷ್ಯತಿ ಸ್ವಾಹಾ || ೨,೨೯।೫

ಅಗ್ನೇ ಯಜ್ಞಸ್ಯ ಸರ್ವ |
ಇದಂ ವೇದಾಮ ಯಥೇದಂ ಭವಿಷ್ಯತಿ ಸ್ವಾಹಾ || ೨,೨೯।೬
(೨೯)

ದೇವಾನಾಂ ಭದ್ರಾ ಸುಮತಿರ್ ಋಜೂಯತಾಂ
ದೇವಾನಾಂ ರಾತಿರ್ ಅಭಿ ನೋ ನಿ ವರ್ತತಾಂ |
ದೇವಾನಾಂ ಸಖ್ಯಂ ಉಪ ಸೇದಿಮಾ ವಯಂ
ದೇವಾ ನ ಆಯುಃ ಪ್ರ ತಿರಂತು ಜೀವಸೇ || ೨,೩೦।೧

ತಾನ್ ಪೂರ್ವಯಾ ನಿವಿದಾ ಹೂಮಹೇ ವಯಂ
ಭಗಂ ಮಿತ್ರಂ ಅದಿತಿಂ ದಕ್ಷಂ ಅಸ್ರಿಧಂ |
ಅರ್ಯಮಣಂ ವರುಣಂ ಸೋಮಂ ಅಶ್ವಿನಾ
ಸರಸ್ವತೀ ನಃ ಸುಭಗಾ ಮಯಸ್ ಕರತ್ || ೨,೩೦।೨

ಇದಂ ಪಿತೃಭ್ಯೋ ನಮೋ ಅಸ್ತ್ವ್ ಅದ್ಯ
ಯೇ ಪೂರ್ವಾಸೋ ಯೇ ಽಪರಾಸಃ ಪರೇಯುಃ |
ಯೇ ಪಾರ್ಥಿವೇ ರಜಸ್ಯ್ ಆ ನಿಷತ್ತಾ
ಯೇ ವಾ ನೂನಂ ಸುವೃಜನಾಸು ವಿಕ್ಷು || ೨,೩೦।೩

ಪ್ರತ್ಯಂಚೋ ಅಗ್ನೇ ಶರವಃ ಪತಂತು
ಕೃತ್ಯಾಕೃತೇ ರಿಪವೇ ಮರ್ತ್ಯಾಯ |
ಕ್ರವ್ಯಾದೇ ಅತ್ರಿಣೇ ಮಾ ಮೀಮೃಡಃ
ಕ್ರವಿಷ್ಣುಂ ಆ ಧೇಹಿ ನಿರೃತೇರ್ ಉಪಸ್ಥೇ || ೨,೩೦।೪

ಜ್ಯಾಯಸಃ ಶಂಸಾದ್ ಉತ ವಾ ಕನೀಯಸಃ
ಸಜಾತಶಂಸಾದ್ ಉತ ಜಾಮಿಶಂಸಾತ್ |
ಅನಾದಿಷ್ಟಂ ಅನ್ಯಕೃತಂ ಯದ್ ಏನಸ್
ತ್ವಂ ನಸ್ ತಸ್ಮಾಜ್ ಜಾತವೇದೋ ಮುಮುಗ್ಧಿ || ೨,೩೦।೫
(೩೦)

ಅನುವಾಕ ೬ ||

ಇಮೌ ಪಾದೌ ಪ್ರ ಹರಾಮ್ಯ್
ಆ ಗೃಹೇಭ್ಯಃ ಸ್ವಸ್ತಯೇ |
ಇಂದ್ರಃ ಪಶ್ಚಾದ್ ಇಂದ್ರಃ ಪುರಸ್ತಾದ್
ಇಂದ್ರೋ ನಃ ಪಾತು ಮಧ್ಯತಃ || ೨,೩೧।೧

ಇಂದ್ರೋ ಭಯಂ ವ್ಯ್ ಅಸ್ಯತು
ಶೂದ್ರಾಚ್ ಚ ನ ಆರ್ಯಾಚ್ ಚ |
ಇಂದ್ರಃ ಪಥಿಭಿರ್ ಅದ್ರವದ್
ಅಸಮೃದ್ಧಾ ಅಘಾಯವಃ || ೨,೩೧।೨

ಇಂದ್ರೋ ಹನಿಷ್ಯತಾಂ ವಧಂ
ವಿ ನಃ ಪಾಶಾಁ ಇವಾಚೃತತ್ || ೨,೩೧।೩

ಏಮಂ ಪಂಥಾಂ ಅರುಕ್ಷಾಮ
ಸುಗಂ ಸ್ವಸ್ತಿವಾಹನಂ |
ಯೇನ ವಿಶ್ವಾಃ ಪರಿ ದ್ವಿಷೋ
ವೃಣಕ್ತಿ ವಿಂದತೇ ವಸ್ವ್
ಆಸ್ತಂ ಏತ್ಯ್ ಅನಾಹತಃ || ೨,೩೧।೪

ಪರಾ ವ್ರಜತು ಕೃಂತತ್ಯ್
ಅವಕಾಂ ವಿಕ್ಷಣನ್ನ್ ಇವ |
ವಿಷ್ವಂಚೋ ಯಂತ್ವ್ ?ಅಸ್ಯಪಾಲಾ
ವಿಷ್ವಂಚಃ ಪರಿಪಂಥಿನಃ |
ವಿಷ್ವಕ್ ಪುನರ್ಭುವಾ ಮನೋ
ಅಸಮೃದ್ಧಾ ಅಘಾಯವಃ || ೨,೩೧।೫

ಸ್ವಸ್ತ್ಯ್ ಅನ್ವ್ ಅಚಾಕಶಂ
ಸ್ವಸ್ತಿ ಪ್ರತ್ಯ್ ಅಚಾಕಶಂ |
ಸ್ವಸ್ತಿ ಪಥಿಷು ಧನ್ವಸು
ಸ್ವಸ್ತ್ಯ್ ಅಪ್ಸ್ವ್ ಅಂತಃ |
ಪರಿವ್ರಜನ್ ಸ್ವರಿತ
ಸ್ವಸ್ತ್ಯಯನಂ ಅಸಿ |
ಭಾರದ್ವಾಜಂ ಸ್ವಸ್ತಿ ಪುನರಾಯಣಂ || ೨,೩೧।೬
(೩೧)

ಯ ಉತ್ತರಾದ್ ಆಜಾಯತೇ
ಮಧುಘೋ ಮಧುಘಾದ್ ಅಧಿ |
ವೇದಾಹಂ ತಸ್ಮಿನ್ ಭೇಷಜಂ
ಜಿಹ್ವಾ ಮಧುಮತೀ ಮಮ || ೨,೩೨।೧

ಮಧುಮತ್ ತೇ ಪರ್ಣಂ ಆಸ
ಮಧುಶೃಂಗೋತ ಪುಷ್ಪಕಂ |
ಮಧುಮಾನ್ ಪರ್ವತಾಸಿಥ
ಯತೋ ಜಾಯಸ ಓಷಧೇ || ೨,೩೨।೨

ಗರ್ಭೋ ಅಸ್ಯ್ ಓಷಧೀನಾಂ
ಅಪಾಂ ಗರ್ಭ ಉತಾಸಿಥ |
ಅಥೋ ಸೋಮಸ್ಯ ಭ್ರಾತಾಸಿ
ಮಧುಘ ಪ್ರಾವ ಮೇ ವಚಃ || ೨,೩೨।೩

ಶುನಂ ಅಹಂ ಮಧುಘಸ್ಯ
ಪಿತುರ್ ನಾಮೇವ ಜಗ್ರಭ |
ಯೋ ಮಾ ಹಿರಣ್ಯವರ್ಚಸಂ
ಕೃಣವತ್ ಪೂರುಷಪ್ರಿಯಂ || ೨,೩೨।೪

ಪ್ರಿಯಂ ಮಾ ಕೃಣು ದೇವೇಷು
ಪ್ರಿಯಂ ರಾಜಸು ಮಾ ಕೃಣು |
ಪ್ರಿಯಂ ಸರ್ವಸ್ಯ ಪಶ್ಯತ
ಉತ ಶೂದ್ರ ಉತಾರ್ಯೇ || ೨,೩೨।೫
(೩೨)

ಊಧ್ನಾ ವನ ಹೃದಾ ವನ
ಮುಖೇನ ಜಿಹ್ವಯಾ ವನ |
ಪ್ರಪೀನಾ ಪಯಸಾ ವನ || ೨,೩೩।೧

ವಾಂಛ ಪದೋ ವಾಂಛ ತ್ವಚಂ
ವಾಂಛಾಕ್ಷ್ಯೌ ವಾಂಛ ಸಕ್ಥ್ಯೌ |
ವತ್ಸಂ ಅನು ಪ್ರ ತೇ ಮನೋ
ನಿಮ್ನಂ ವಾರ್ ಇವ ಧಾವತು || ೨,೩೩।೨

ಊರ್ಧ್ವಾನಿ ತೇ ಲೋಮಾನಿ ತಿಷ್ಠಂತ್ವ್
ಅಕ್ಷ್ಯೌ ಕಾಮೇನ ಶುಷ್ಯತಾಂ |
ಸಂ ಇದ್ ವತ್ಸೇನ ಗೌರ್ ಇವ
ಮುದ್ರಾ ಸುರೇವ ಪೃಚ್ಯತಾಂ || ೨,೩೩।೩

ಇಮಾ ಗಾವಃ ಸಬಂಧವಃ
ಸಮಾನಂ ವತ್ಸಂ ಅಕ್ರತ |
ಹಿಙ್ಙ್ ಇತಿ ಕರಿಕ್ರತೀರ್
ಆದ್ಧಾರಾನಿರಮವಶ್ವಸಾ || ೨,೩೩।೪

ಶೃಂಗೌಪಶಾ ಗಲಭೂಷಾ
ಅಘ್ನ್ಯಾಶ್ ಚರ್ಮವಾಸಿನೀಃ |
ಗಾವೋ ಘೃತಸ್ಯ ಮಾತರಸ್
ತಾ ವತ್ಸೇವಾ ನಯಾಮಸಿ || ೨,೩೩।೫
(೩೩)

ಯಚ್ ಚ ವರ್ಚಃ ಕನ್ಯಾಸು
ಯಚ್ ಚ ಹಸ್ತಿಷ್ವ್ ಆಹಿತಂ |
ಹಿರಣ್ಯೇ ಗೋಷು ಯದ್ ವರ್ಚಸ್
ತಸ್ಯ ಭಕ್ಷೀಯ ವರ್ಚಸಃ || ೨,೩೪।೧

ಯಚ್ ಚ ವರ್ಚೋ ರಾಜರಥೇ
ಯಚ್ ಚ ರಾಜಸ್ವ್ ಆಹಿತಂ |
ನಿಷ್ಕೇ ರುಕ್ಮೇ ಚ ಯದ್ ವರ್ಚಸ್
ತಸ್ಯ ಭಕ್ಷೀಯ ವರ್ಚಸಃ || ೨,೩೪।೨

ಯದ್ ಅಪ್ಸು ಯದ್ ವನಸ್ಪತೌ
ಯದ್ ಅಗ್ನೌ ಯಚ್ ಚ ಸೂರ್ಯೇ |
ಯಜ್ಞೇ ದಕ್ಷಿಣಾಯಾಂ ವರ್ಚಸ್
ತಸ್ಯ ಭಕ್ಷೀಯ ವರ್ಚಸಃ || ೨,೩೪।೩

ವರ್ಚಸ್ವನ್ ಮೇ ಮುಖಂ ಅಸ್ತು
ವರ್ಚಸ್ವದ್ ಉತ ಮೇ ಶಿರಃ |
ವರ್ಚಸ್ವಾನ್ ವಿಶ್ವತಃ ಪ್ರತ್ಯಙ್
ವರ್ಚಸ್ವಾನ್ ವರ್ಣೋ ಅಸ್ತು ಮೇ || ೨,೩೪।೪

ಸುಭಾಗಂ ಮೇ ಮುಖಂ ಅಸ್ತು
ಸುಭಾಗಂ ಉತ ಮೇ ಶಿರಃ |
ಸುಭಾಗೋ ವಿಶ್ವತಃ ಪ್ರತ್ಯಙ್
ಸುಭಾಗೋ ವರ್ಣೋ ಅಸ್ತು ಮೇ || ೨,೩೪।೫
(೩೪)

ಉದ್ ಅಸೌ ಸೂರ್ಯೋ ಅಗಾತ್
ಸಹ ವಹತುನಾ ಮಮ |
ಅಹಂ ತೇ ಮಧುಮತೀ
ಮಧುಘಾನ್ ಮಧುಮತ್ತರಾ || ೨,೩೫।೧

ಯದ್ ಗಿರಿಷು ಪರ್ವತೇಷು
ಗೋಷ್ವ್ ಅಶ್ವೇಷು ಯನ್ ಮಧು |
ಸುರಾಯಾಂ ಸಿಚ್ಯಮಾನಾಯಾಂ
ಕೀಲಾಲೇ ಮಧು ತನ್ ಮಯಿ || ೨,೩೫।೨

ಯಥಾ ಸುರಾ ಯಥಾ ಮಧು
ಯಥಾಕ್ಷಾ ಅಧಿದೇವನೇ |
ಯಥಾ ಹ ಗವ್ಯತೋ ಮನ
ಏವಾ ಮಾಂ ಅಭಿ ತೇ ಮನಃ || ೨,೩೫।೩

ಆ ತೇ ಪದಂ ಪದೇನಾದಿಷ್ಯ್
ಆ ತೇ ಮನಸಾ ಮನಃ |
ಪ್ರತ್ಯಂಚಂ ಅಗ್ರಭಂ ತ್ವಾ-
-ಅಶ್ವಂ ಇವಾಶ್ವಾಭಿಧಾನ್ಯಾ || ೨,೩೫।೪

ಮಹ್ಯಂ ತ್ವಾ ದ್ಯಾವಾಪೃಥಿವೀ
ಮಹ್ಯಂ ದೇವೀ ಸರಸ್ವತೀ |
ಮಹ್ಯಂ ತ್ವಾ ಮಧ್ಯಂ ಭೂಮ್ಯಾ
ಉಭಾವ್ ಅಂತೌ ಸಂ ಅಸ್ಯತಾಂ || ೨,೩೫।೫
(೩೫)

ಅನುವಾಕ ೭ ||

ಯಾ ವೈಶ್ವದೇವೀರ್ ಇಷವೋ ಯಾ ವಸೂನಾಂ
ಯಾ ರುದ್ರಸ್ಯ ಸೋಮಸ್ಯ ಯಾ ಭಗಸ್ಯ |
ವಿಶ್ವೇ ದೇವಾ ಇಷವೋ ಯಾವತೀರ್ ವಸ್
ತಾ ವೋ ಅಗ್ನಿನಾ ಶರ್ಮಣಾ ಶಮಯಾಮಿ || ೨,೩೬।೧

ಯಾ ಆದಿತ್ಯಾನಾಂ ಇಷವೋ ಯಾ ವಸೂನಾಂ
ಯಾ ರುದ್ರಸ್ಯಾಶ್ವಿನೋರ್ ಯಾವತೀಸ್ ತಾಃ |
ವಿಶ್ವೇ ದೇವಾ ಇಷವೋ ಯಾವತೀರ್ ವಸ್
ತಾ ವೋ ದೇವಃ ಸವಿತಾ ಶಮಯಾತಿ || ೨,೩೬।೨

ಯಾಸ್ ತೇ ಅಗ್ನ ಇಷವೋ ವಾತ ಯಾಸ್ ತೇ
ಅಪಾಂ ಅದಿತ್ಯಾಂ ಉತ ಯಾ ಮರುತ್ಸು |
ಇಂದ್ರಶ್ ಚ ಸಾಮ್ನಾ ವರುಣಶ್ ಚ ರಾಜಾ
ತಾ ವಃ ಸೂರ್ಯೋ ಬೃಹತಾ ಶಮಯಾತಿ || ೨,೩೬।೩

ಮಾ ವೃಕ್ಷ್ಮಹ್ಯ್ ಆದಿತ್ಯೇಭ್ಯೋ ಮಾ ವಸುಭ್ಯೋ
ಮಾ ರುದ್ರಾಯಾಗ್ನಯೇ ಪಾರ್ಥಿವಾಯ |
ಇಂದ್ರಸ್ಯ ಶುಚೋ ವರುಣಸ್ಯ ಯಾಃ ಶುಚಸ್
ತಾ ವೋ ದೇವ್ಯ್ ಅದಿತಿಃ ಶಮಯಾತಿ || ೨,೩೬।೪

ಯಾಶ್ ಚ ವಾತೇ ವಿಷ್ವಗ್ವಾತೇ
ಯಾಶ್ ಚ ರುದ್ರಸ್ಯ ಧನ್ವನಿ |
ಅಗ್ನಿಷ್ ಟಾ ವಸೋರ್ ಈಶಾನಃ
ಸರ್ವಾಸ್ ತಾ ಭೇಷಜಾ ಕರತ್ || ೨,೩೬।೫
(೩೬)

ಚಿತ್ತಿಂ ಯಜಾಮಿ ಮನಸಾ
ಚಿತ್ತಿಂ ದೇವಾಁ ಋತಾವೃಧಃ |
ಜಾತವೇದಃ ಪ್ರ ಣಸ್ ತಿರ-
-ಅಗ್ನೇ ವಿಶ್ವಾಭಿರ್ ಊತಿಭಿಃ || ೨,೩೭।೧

ಯಾವಯಾಸ್ಮದ್ ದ್ವೇಷಾಂಸಿ
ಯವಮಯೇನ ಹವಿಷಾ |
ಯಸ್ ತೇ ತ್ರಿತ ದುಷ್ವಪ್ನ್ಯಸ್ಯ ಭಾಗಃ
ಸ ತ ಏಷ ತಂ ತ ಏತಂ ಪ್ರ ಹಿಣ್ಮಃ || ೨,೩೭।೨

ಯಥಾ ಕಲಾಂ ಯಥಾ ಶಫಂ
ಯಥರ್ಣಂ ಸಂನಯಂತಿ |
ಏವಾ ದುಷ್ವಪ್ನ್ಯಂ ಸರ್ವಂ
ಅಪ್ರಿಯೇ ಸಂ ನಯಾಮಸಿ || ೨,೩೭।೩

ಅರರೋ ಹೈ ಶತಂ ಅದ್ಯ ಗವಾಂ ಭಕ್ಷೀಯ
ಶತಂ ಅಜಾನಾಂ ಶತಂ ಅವೀನಾಂ ಶತಂ ಅಶ್ವಾನಾಂ ಶತಂ ಪುರುಷಾಣಾಂ |
ತತ್ರಾಪಿ ಭಕ್ಷೀಯಾಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ || ೨,೩೭।೪

ತಂ ಅಹಂ ನಿರೃತಯೇ ಪ್ರ ಯಚ್ಛಾಮಿ
ತಂ ಮೃತ್ಯೋಃ ಪಾಶೇ ಬಧ್ನಾಮಿ |
ಸ ಬದ್ಧೋ ಹತೋ ಅಸ್ತು
ಸ ತತೋ ಮಾ ಮೋಚಿ || ೨,೩೭।೫
(೩೭)

ಯೇ ನಃ ಶಪಂತ್ಯ್ ಅಪ ತೇ ಭವಂತು
ವೃಕ್ಷಾನ್ ಇವ ವೃಕ್ಣಾಁ ಅತಿ ತಾಁ ಅಯಾಮ |
ದ್ರಾಘೀಯ ಆಯುಃ ಪ್ರತರಂ ದಧಾನಾ
ವಯಂ ದೇವಾನಾಂ ಸುಮತೌ ಸ್ಯಾಮ || ೨,೩೮।೧

ಕೃತ್ಯಾಕೃತಂ ಪ್ರತ್ಯ್ ಅವಸಾನದರ್ಶನಂ
ಅಗ್ನೇ ಪ್ರತಿ ಸ್ಮ ಬುಧ್ಯಸ್ವ |
ಪ್ರತಿ ಸ್ಮ ದೇವ ತಂ ದಹ || ೨,೩೮।೨

ಯಸ್ ತ್ವಾ ಕೃತ್ಯೇ ಪ್ರಜಿಘಾಯ
ವಿದ್ವಾಁ ಅವಿದುಷೋ ಗೃಹಂ |
ಪುನಸ್ ತ್ವಾ ತಸ್ಮಾ ಆ ದಧ್ಮೋ
ಯಥಾ ಕೃತ್ಯಾಕೃತಂ ಹನಃ || ೨,೩೮।೩

ಪುನಃ ಕೃತ್ಯಾಂ ಕೃತ್ಯಾಕೃತೇ
ಹಸ್ತಗೃಹ್ಯ ಪರಾ ಣಯ |
ಉತೋ ತಂ ಅತ್ತು ಸಾ ಪುನಸ್
ತರ್ದ ಇವ ಸದನಂ ಸ್ವಂ || ೨,೩೮।೪

ಕೃತ್ಯಾ ಯಂತು ಕೃತ್ಯಾಕೃತಂ
ವೃಕ ಇವಾವಿಮತೋ ಗೃಹಂ |
ತೋಕಂ ಪಾಕಸ್ಯ ವರ್ಧತಾಂ
ಸುವೃಷ್ಟ ಓಷಧೀರ್ ಇವ || ೨,೩೮।೫
(೩೮)

ಯತ್ ತೇ ಗ್ರಾವಾ ಬಾಹುಚ್ಯುತೋ ಅಚುಚ್ಯೋನ್
ನರೋ ಯದ್ ವಾ ತೇ ಹಸ್ತಯೋರ್ ಅಧುಕ್ಷನ್ |
ತತ್ ತ ಆ ಪ್ಯಾಯತಾಂ ತತ್ ತೇ
ನಿ ಷ್ಟ್ಯಾಯತಾಂ ಸೋಮ ರಾಜನ್ || ೨,೩೯।೧

ಯತ್ ತೇ ಗ್ರಾವ್ಣಾ ಚಿಚ್ಛಿದುಃ ಸೋಮ ರಾಜನ್
ಪ್ರಿಯಾಣ್ಯ್ ಅಂಗಾ ಸುಕೃತಾ ಪುರೂಣಿ |
ತತ್ ಸಂ ಧತ್ಸ್ವಾಜ್ಯೇನೋತ ವರ್ಧಯಸ್ವ-
-ಅನಾಗಸೋ ಯಥಾ ಸದಂ ಇತ್ ಸಂಕ್ಷಿಯೇಮ || ೨,೩೯।೨

ಯಾಂ ತೇ ತ್ವಚಂ ಬಿಭಿದುರ್ ಯಾಂ ಚ ಯೋನಿಂ
ಯದ್ ವಾಸ್ಥಾನಾತ್ ಪ್ರಚ್ಯುತೋ ಯದಿ ವಾ ಸುತೋ ಽಸಿ |
ತ್ವಯಾ ಸೋಮ ಕ್ಲ್̥ಪ್ತಂ ಅಸ್ಮಾಕಂ ಏತದ್
ಉಪ ನೋ ರಾಜನ್ ಸುಕೃತೇ ಹ್ವಯಸ್ವ || ೨,೩೯।೩

ಸಂ ಪ್ರಾಣಾಪಾನಾಭ್ಯಾಂ ಸಂ ಉ ಚಕ್ಷುಷಾ
ಸಂ ಶ್ರೋತ್ರೇಣ ಗಚ್ಛಸ್ವ ಸೋಮ ರಾಜನ್ |
ಯತ್ ತೇ ವಿರಿಷ್ಟಂ ಸಂ ಉ ತತ್ ತ ಏತಜ್
ಜಾನೀತಾನ್ ನಃ ಸಂಗಮನೇ ಪಥೀನಾಂ || ೨,೩೯।೪

ಅಹಾಃ ಶರೀರಂ ಪಯಸಾ ಸಂ ಏತ್ಯ್
ಅನ್ಯೋಅನ್ಯೋ ಭವತಿ ವರ್ಣೋ ಅಸ್ಯ |
ತಸ್ಮೈ ತ ಇಂದೋ ಹವಿಷಾ ವಿಧೇಮ
ವಯಂ ಸ್ಯಾಮ ಪತಯೋ ರಯೀಣಾಂ || ೨,೩೯।೫

ಅಭಿ ಕ್ಷರಂತಿ ಜುಹ್ವೋ ಘೃತೇನ-
-ಅಂಗಾ ಪರೂಂಷಿ ತವ ವರ್ಧಯಂತೀಃ |
ತಸ್ಮೈ ತೇ ಸೋಮ ನಮ ಇದ್ ವಷಟ್ ಚ-
-ಉಪ ನೋ ರಾಜನ್ ಸುಕೃತೇ ಹ್ವಯಸ್ವ || ೨,೩೯।೬
(೩೯)

ಇಹೇತ ದೇವೀರ್ ಅಯಂ ಅಸ್ತು ಪಂಥಾ
ಅಯಂ ವೋ ಲೋಕಃ ಶರಣಾಯ ಸಾಧುಃ |
ಇದಂ ಹವಿರ್ ಜುಷಮಾಣಾ ಉದೇತ
ಕ್ಷಿಪ್ರಾ ರಾಜ್ಞಾ ವರುಣೇನ ಪ್ರಸೂತಾಃ || ೨,೪೦।೧

ಇಹೈತು ರಾಜಾ ವರುಣೋ ಽಜಿರಾಭಿರ್
ದೇವೋ ದೇವೀಭಿರ್ ಹವಿಷೋ ಜುಷಾಣಃ |
ಕೃಣುಷ್ವ ಪಂಥಾಂ ಉದಯಾನಂ ಊರ್ಮಿಭಿರ್
ಅನೇನ ಬಭ್ರೋ ಮಹತಾ ಪೃಥಿವ್ಯಾಃ || ೨,೪೦।೨

ಪ್ರಿಯೇ ಧ್ರಿಯಧ್ವಂ ಉದಯಾನಂ ಉಂದತೀರ್
ಓಕ ಔಘಾನಾಂ ಇಹ ರಾರಣೀತು |
ಅನೇನ ವೇಗಾನ್ ಅಸೃಜತ್ ಪ್ರಜಾಪತಿರ್
ಇಹ ಧ್ರಿಯಧ್ವಂ ಶರಣಂ ಸರಸ್ವತೀಃ || ೨,೪೦।೩

ಇಹ ವೋ ಜೂತಿರ್ ಧ್ರಿಯತಾಂ ಸಮಾನ್ಯ್
ಅಪಾಂ ಅಗ್ನೀನಾಂ ವರುಣಸ್ಯ ಸೋಮ |
ಅನೇನ ವೇಗಾನ್ ಅಸೃಜತ್ ತ್ವಿಷೀಮತೋ
ಽಹಿಂಸ್ರಾಞ್ ಛಂಭೂನ್ ಅಜಿರಾಁ ಅತೃಷ್ಣಜಃ || ೨,೪೦।೪

ಯೇ ಪಾರತೋ ಮಧ್ಯತೋ ಯೇ ತೇ ಅಂತಯೋರ್
ಅಪ್ಸುಷದೋ ನಿಹಿತಾಸ್ ತೀರೇ ಅಗ್ನಯಃ |
ತೇ ದೇವಜಾ ಇಹ ನೋ ಮೃಡಯಂತ್ವ್
ಆಪಶ್ ಚ ಜನ್ಮನ್ನ್ ಉಭಯೇ ಸಬಂಧವಃ || ೨,೪೦।೫

ಇದಂ ವ ಆಪೋ ಹೃದಯಂ
ಅಯಂ ವತ್ಸ ಋತಾವರೀಃ |
ಇಹೇತ್ಥಂ ಏತ ಶಕ್ವರೀರ್
ಯತ್ರೇಮಁ ವೇಶಯಾಮಸಿ || ೨,೪೦।೬
(೪೦)

ಅನುವಾಕ ೮ ||

ಉದ್ ಅಸೌ ಸೂರ್ಯೋ ಅಗಾದ್
ಉದ್ ಅಯಂ ಮಾಮಕೋ ಭಗಃ |
ತೇನಾಹಂ ವಿದ್ವಲಾ ಪತಿಂ
ಅಭ್ಯ್ ಅಸಾಕ್ಷಿ ವಿಷಾಸಹಿಃ || ೨,೪೧।೧

ಅಹಂ ಕೇತುರ್ ಅಹಂ ಮೂರ್ಧಾ-
-ಅಹಂ ಉಗ್ರಾ ವಿವಾಚನೀ |
ಮಮೇದ್ ಅಪಿ ಕ್ರತುಂ ಪತಿಃ
ಸೇಹಾನಾಯಾ ಉಪಾ ಚರಾತ್ || ೨,೪೧।೨

ಮಮ ಪುತ್ರಾಃ ಶತ್ರುಹಣೋ
ಽಥೋ ಮೇ ದುಹಿತಾ ವಿರಾಟ್ |
ಉತಾಹಂ ಅಸ್ಮಿ ಸಂಜಯಾ
ಪತ್ಯಾಂ ಮೇ ಶ್ಲೋಕ ಉತ್ತಮಃ || ೨,೪೧।೩

ಯೇನ ದೇವಾ ಅಸುರೇಭ್ಯೋ
ಽಭವನ್ ದ್ಯುಮ್ನವತ್ತರಾಃ |
ಇದಂ ತದ್ ಅಕ್ರಿ ದೇವಾ
ಅಸಪತ್ನಾ ಕಿಲಾಭುವಂ || ೨,೪೧।೪

ಅಸಪತ್ನಾ ಸಪತ್ನಘ್ನೀ
ಜಯಂತ್ಯ್ ಅಭಿಭೂವರೀ |
ಮುಷ್ಣಾಮ್ಯ್ ಅನ್ಯಾಸಾಂ ಭಗಂ
ವಾಸೋ ಅಸ್ಥೇಯಸಾಂ ಇವ || ೨,೪೧।೫
(೪೧)

ಶೇರಭಕ ಶೇರಭ |
ಪುನರ್ ವೋ ಯಂತು ಯಾತವಃ
ಪುನರ್ ಜೂತಿಃ ಕಿಮೀದಿನಃ |
ಯಸ್ಯ ಸ್ಥ ತಂ ಅತ್ತ
ಯೋ ವಃ ಪ್ರಾಹೈತ್ ತಂ ಅತ್ತ
ಸ್ವಾ ಮಾಂಸಾನ್ಯ್ ಅತ್ತ || ೨,೪೨।೧

ಶೇವೃಧಕ ಶೇವೃಧ |
(…) || ೨,೪೨।೨

ಸರ್ಪಾನುಸರ್ಪ |
(…) || ೨,೪೨।೩

ಮ್ರೋಕಾನುಮ್ರೋಕ |
(…) || ೨,೪೨।೪

ಜೂರ್ಣ ಭರೂಜ್ಯ್ ಅರ್ಜುನ್ಯ್ ಉಪಬ್ದೋ |
ಪುನರ್ ವೋ ಯಂತು ಯಾತವಃ
ಪುನರ್ ಜೂತಿಃ ಕಿಮೀದಿನಃ |
ಯಸ್ಯ ಸ್ಥ ತಂ ಅತ್ತ
ಯೋ ವಃ ಪ್ರಾಹೈತ್ ತಂ ಅತ್ತ
ಸ್ವಾ ಮಾಂಸಾನ್ಯ್ ಅತ್ತ || ೨,೪೨।೫
(೪೨)
ದ್ಯಾವಾಪೃಥಿವೀ ಉಪಶ್ರುತಯೇ ಮಾ ಪಾತಂ ಸ್ವಾಹಾ ||ಧನಾಯಾಯುಷೇ ಪ್ರಜಾಯೈ ಮಾ ಪಾತಂ ಸ್ವಾಹಾ ||ಪ್ರಾಣಾಪಾನೌ ಮೃತ್ಯೋರ್ ಮಾ ಪಾತಂ ಸ್ವಾಹಾ ||ಸೂರ್ಯ ಚಕ್ಷುಷೇ ಮಾ ಪಾಹಿ ಸ್ವಾಹಾ ||ಅಗ್ನೇ ವಿಶ್ವಂಭರ ವಿಶ್ವತೋ ಮಾ ಪಾಹಿ ಸ್ವಾಹಾ ||(೪೩)
ಆಯುರ್ದಾ ಅಗ್ನಿರ್ ಆಯುರ್ ಮೇ ದಾತ್ ಸ್ವಾಹಾ ||ವರ್ಚೋದಾ ಅಗ್ನಿರ್ ವರ್ಚೋ ಮೇ ದಾತ್ ಸ್ವಾಹಾ ||ತೇಜೋದಾ ಅಗ್ನಿಸ್ ತೇಜೋ ಮೇ ದಾತ್ ಸ್ವಾಹಾ ||ಸಹೋದಾ ಅಗ್ನಿಃ ಸಹೋ ಮೇ ದಾತ್ ಸ್ವಾಹಾ ||ಬಲದಾ ಅಗ್ನಿರ್ ಬಲಂ ಮೇ ದಾತ್ ಸ್ವಾಹಾ ||(೪೪)
ಆಯುರ್ ಅಸ್ಯ್ ಆಯುರ್ ಮಯಿ ಧೇಹಿ ಸ್ವಾಹಾ ||ವರ್ಚೋ ಽಸಿ ವರ್ಚೋ ಮಯಿ ಧೇಹಿ ಸ್ವಾಹಾ ||ತೇಜೋ ಽಸಿ ತೇಜೋ ಮಯಿ ಧೇಹಿ ಸ್ವಾಹಾ ||ಸಹೋ ಽಸಿ ಸಹೋ ಮಯಿ ಧೇಹಿ ಸ್ವಾಹಾ ||ಬಲಂ ಅಸಿ ಬಲಂ ಮಯಿ ಧೇಹಿ ಸ್ವಾಹಾ ||(೪೫)

ಅನುವಾಕ ೯ ||

ಪಿಶಾಚಕ್ಷಯಣಂ ಅಸಿ
ಪಿಶಾಚಜಂಭನಂ ಅಸಿ ಸ್ವಾಹಾ || ೨,೪೬।೧

ಯಾತುಧಾನಕ್ಷಯಣಂ ಅಸಿ
ಯಾತುಧಾನಜಂಭನಂ ಅಸಿ ಸ್ವಾಹಾ || ೨,೪೬।೨

ಸದಾನ್ವಾಕ್ಷಯಣಂ ಅಸಿ
ಸದಾನ್ವಾಜಂಭನಂ ಅಸಿ ಸ್ವಾಹಾ || ೨,೪೬।೩

ಸಪತ್ನಕ್ಷಯಣಂ ಅಸಿ
ಸಪತ್ನಜಂಭನಂ ಅಸಿ ಸ್ವಾಹಾ || ೨,೪೬।೪

ಭ್ರಾತೃವ್ಯಕ್ಷಯಣಂ ಅಸಿ
ಭ್ರಾತೃವ್ಯಜಂಭನಂ ಅಸಿ ಸ್ವಾಹಾ || ೨,೪೬।೫
(೪೬)
ಆ ತೇ ಸೌವೀರ್ಯಂ ದದೇ ಮಯಿ ತೇ ಸೌವೀರ್ಯಂ ||ಆ ತೇ ಸೌವರ್ಚೋ ದದೇ ಮಯಿ ತೇ ಸೌವರ್ಚಃ ||ಆ ತೇ ಸೌತೇಜೋ ದದೇ ಮಯಿ ತೇ ಸೌತೇಜಃ ||ಆ ತೇ ಸೌನೃಮ್ಣಂ ದದೇ ಮಯಿ ತೇ ಸೌನೃಮ್ಣಂ ||ಆ ತೇ ಸೌಶುಕ್ರಂ ದದೇ ಮಯಿ ತೇ ಸೌಶುಕ್ರಂ ||(೪೭)

ಅಗ್ನೇ ಯತ್ ತೇ ತಪಸ್ ತೇನ ತಂ ಪ್ರತಿ ತಪ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೨,೪೮।೧

(…) ತೇ ಹರಸ್ ತೇನ ತಂ ಪ್ರತಿ ಹರ
ಯೋ (…) || ೨,೪೮।೨

(…) ತೇ ಶೋಚಿಸ್ ತೇನ ತಂ ಪ್ರತಿ ಶೋಚ
ಯೋ (…) || ೨,೪೮।೩

(…) ತೇ ಽರ್ಚಿಸ್ ತೇನ ತಂ ಪ್ರತ್ಯ್ ಅರ್ಚ
ಯೋ (…) || ೨,೪೮।೪

ಅಗ್ನೇ ಯತ್ ತೇ ಜ್ಯೋತಿಸ್ ತೇನ ತಂ ಪ್ರತಿ ದಹ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೨,೪೮।೫
(೪೮)

ಪ್ರಾಚೀ ದಿಗ್ ಗಾಯತ್ರಂ ದೇವತಾ |
ಯದ್ ದೇವೇಷು ಪಿತೃಷು ಮನುಷ್ಯೇಷ್ವ್ ಏನಶ್ ಚಕಾರಾಯಂ
ತ್ವಂ ತಸ್ಯಾವಯಜನಂ ಅಸಿ |
ಮುಂಚೇಮಂ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ ಸ್ವಾಹಾ || ೨,೪೯।೧

ದಕ್ಷಿಣಾ ದಿಗ್ ರಥಂತರಂ ದೇವತಾ | (…) || ೨,೪೯।೨

ಪ್ರತೀಚೀ ದಿಗ್ ವಾಮದೇವ್ಯಂ ದೇವತಾ | (…) || ೨,೪೯।೩

ಉದೀಚೀ ದಿಗ್ ಯಜ್ಞಾಯಜ್ಞಿಯಂ ದೇವತಾ | (…) || ೨,೪೯।೪

ಊರ್ಧ್ವಾ ದಿಗ್ ಬೃಹದ್ ದೇವತಾ |
ಯದ್ ದೇವೇಷು ಪಿತೃಷು ಮನುಷ್ಯೇಷ್ವ್ ಏನಶ್ ಚಕಾರಾಯಂ
ತ್ವಂ ತಸ್ಯಾವಯಜನಂ ಅಸಿ |
ಮುಂಚೇಮಂ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ ಸ್ವಾಹಾ || ೨,೪೯।೫
(೪೯)

ಅಗ್ನಿಂ ವಯಂ ತ್ರಾತಾರಂ ಹವಾಮಹೇ
ಯ ಇಮಂ ತ್ರಾಯಾತಾ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ |
ಜುಷಾಣೋ ಅಗ್ನಿರ್ ಆಜ್ಯಸ್ಯ ತ್ರಾತಾ ತ್ರಾಯತಾಂ ಸ್ವಾಹಾ || ೨,೫೦।೧

ಮಿತ್ರಾವರುಣೌ ವಯಂ ತ್ರಾತಾರೌ ಹವಾಮಹೇ
ಯಾವ್ ಇಮಂ ತ್ರಾಯೈತೇ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ |
ಜುಷಾಣೌ ಮಿತ್ರಾವರುಣಾವ್ ಆಜ್ಯಸ್ಯ ತ್ರಾತಾರೌ ತ್ರಾಯೇತಾಂ ಸ್ವಾಹಾ || ೨,೫೦।೨

ಮರುತೋ ವಯಂ ತ್ರಾತೃ̄ನ್ ಹವಾಮಹೇ
ಯ ಇಮಂ ತ್ರಾಯಾಂತಾ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ |
ಜುಷಾಣಾ ಮರುತ ಆಜ್ಯಸ್ಯ ತ್ರಾತಾರಸ್ ತ್ರಾಯಂತಾಂ ಸ್ವಾಹಾ || ೨,೫೦।೩

ಪಿತೃ̄ನ್ ವಯಂ ತ್ರಾತೃ̄ನ್ ಹವಾಮಹೇ
ಯ ಇಮಂ ತ್ರಾಯಾಂತಾ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ |
ಜುಷಾಣಾಃ ಪಿತರ ಆಜ್ಯಸ್ಯ ತ್ರಾತಾರಸ್ ತ್ರಾಯಂತಾಂ ಸ್ವಾಹಾ || ೨,೫೦।೪

ಬೃಹಸ್ಪತಿಂ ವಯಂ ತ್ರಾತಾರಂ ಹವಾಮಹೇ
ಯ ಇಮಂ ತ್ರಾಯಾತಾ ಅಸ್ಮಾದ್ ಯಕ್ಷ್ಮಾದ್ ಅಸ್ಮಾದ್ ಆಮಯತಃ |
ಜುಷಾಣೋ ಬೃಹಸ್ಪತಿರ್ ಆಜ್ಯಸ್ಯ ತ್ರಾತಾ ತ್ರಾಯತಾಂ ಸ್ವಾಹಾ || ೨,೫೦।೫
(೫೦)

ಅನುವಾಕ ೧೦ ||

ಅಗ್ನಿಂ ವಯಂ ತ್ರಾತಾರಂ ಯಜಾಮಹೇ
ಮೇನಿಹನಂ ವಲಗಹನಂ |
ಜುಷಾಣೋ ಅಗ್ನಿರ್ ಆಜ್ಯಸ್ಯ
ಮೇನಿಹಾ ವಲಗಹಾ
ತ್ರಾತಾ ತ್ರಾಯತಾಂ ಸ್ವಾಹಾ || ೨,೫೧।೧

ಇಂದ್ರಂ ವಯಂ ತ್ರಾತಾರಂ ಯಜಾಮಹೇ
ಮೇನಿಹನಂ ವಲಗಹನಂ |
ಜುಷಾಣ ಇಂದ್ರ ಆಜ್ಯಸ್ಯ
ಮೇನಿಹಾ ವಲಗಹಾ
ತ್ರಾತಾ ತ್ರಾಯತಾಂ ಸ್ವಾಹಾ || ೨,೫೧।೨

ಸೋಮಂ ವಯಂ ತ್ರಾತಾರಂ ಯಜಾಮಹೇ
ಮೇನಿಹನಂ ವಲಗಹನಂ |
ಜುಷಾಣಃ ಸೋಮ ಆಜ್ಯಸ್ಯ
ಮೇನಿಹಾ ವಲಗಹಾ
ತ್ರಾತಾ ತ್ರಾಯತಾಂ ಸ್ವಾಹಾ || ೨,೫೧।೩

ವಿಶ್ವಾನ್ ವಯಂ ದೇವಾಂಸ್ ತ್ರಾತೃ̄ನ್ ಯಜಾಮಹೇ
ಮೇನಿಘ್ನೋ ವಲಗಘ್ನಃ |
ಜುಷಾಣಾ ವಿಶ್ವೇ ದೇವಾ ಆಜ್ಯಸ್ಯ
ಮೇನಿಹನೋ ವಲಗಹನಸ್
ತ್ರಾತಾರಸ್ ತ್ರಾಯಂತಾಂ ಸ್ವಾಹಾ || ೨,೫೧।೪

ಬೃಹಸ್ಪತಿಂ ವಯಂ ತ್ರಾತಾರಂ ಯಜಾಮಹೇ
ಮೇನಿಹನಂ ವಲಗಹನಂ |
ಜುಷಾಣೋ ಬೃಹಸ್ಪತಿರ್ ಆಜ್ಯಸ್ಯ
ಮೇನಿಹಾ ವಲಗಹಾ
ತ್ರಾತಾ ತ್ರಾಯತಾಂ ಸ್ವಾಹಾ || ೨,೫೧।೫
(೫೧)

ಯೇ ಕೇಶಿನಃ ಪ್ರಥಮಾಃ ಸತ್ತ್ರಂ ಆಸತ
ಯೇಭಿರ್ ಆಭೃತಂ ಯದ್ ಇದಂ ವಿರೋಚತೇ |
ತೇಭ್ಯೋ ಜುಹೋಮಿ ಹವಿಷಾ ಘೃತೇನ-
-ಅಶ್ವವಾನ್ ಗೋಮಾನ್ ಅಯಂ ಅಸ್ತು ವೀರಃ || ೨,೫೨।೧

ನ ರ್ತೇ ದಾನಾತ್ ತಮಸೋ ಮುಚ್ಯತೇ ಪರಿ
ದ್ವಿನಾಮ್ನೀಂ ದೀಕ್ಷಾಂ ವಶಿನೀಂ ಯ ಆಯತ್ |
ಪ್ರಾಸ್ಯ ಕೇಶಾಃ ಸುವತೇ ಕಾಂಡಿನೋ ಭವಂತಿ
ತೇಷಾಂ ಬ್ರಹ್ಮೇಶೇ ವಪನಸ್ಯ ನಾನ್ಯಃ || ೨,೫೨।೨

ಯೇನಾವಪತ್ ಸವಿತಾ ಶೀರ್ಷ್ಣೋ ಅಗ್ರೇ
ಕ್ಷುರೇಣ ರಾಜ್ಞೋ ವರುಣಸ್ಯ ಕೇಶಾನ್ |
ತೇನ ಬ್ರಹ್ಮಾಣೋ ವಪತೇದಂ ಅಸ್ಯ-
-ಆಸ್ರಾಮೋ ದೀರ್ಘಾಯುರ್ ಅಯಂ ಅಸ್ತು ವೀರಃ || ೨,೫೨।೩

ಮಾ ತೇ ಕೇಶಾಁ ಅನು ಗಾದ್ ವರ್ಚ ಏತತ್
ತಥಾ ಧಾತಾ ದಧಾತು ತೇ |
ತುಭ್ಯಂ ಇಂದ್ರೋ ವರುಣೋ ಬೃಹಸ್ಪತಿಃ
ಸವಿತಾ ವರ್ಚ ಆ ದಧನ್ || ೨,೫೨।೪

ಆ ರೋಹ ಪ್ರೋಷ್ಠಂ ವಿ ಷಹಸ್ವ ಶತ್ರೂನ್
ಅವಾಸ್ರಾಗ್ ದೀಕ್ಷಾಂ ವಶಿನೀ ಹ್ಯ್ ಉಗ್ರಾ |
ದೇಹಿ ದಕ್ಷಿಣಾಂ ಬ್ರಾಹ್ಮಣೇಭ್ಯೋ
ಅಥೋ ಮುಚ್ಯಸ್ವ ವರುಣಸ್ಯ ಪಾಶಾತ್ || ೨,೫೨।೫
(೫೨)

ಯೇ ದೇವಾಃ ಪುರಃಸದೋ ಽಗ್ನಿನೇತ್ರಾ ರಕ್ಷೋಹಣಃ |
ತೇ ನಃ ಪಾಂತು ತೇ ನೋ ಽವಂತು ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೩।೧

ಯೇ ದೇವಾ ದಕ್ಷಿಣಾಸದೋ ಯಮನೇತ್ರಾ ರಕ್ಷೋಹಣಃ |
ತೇ ನಃ ಪಾಂತು ತೇ ನೋ ಽವಂತು ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೩।೨

ಯೇ ದೇವಾಃ ಪಶ್ಚಾತ್ಸದೋ ಮರುನ್ನೇತ್ರಾ ರಕ್ಷೋಹಣಃ |
ತೇ ನಃ ಪಾಂತು ತೇ ನೋ ಽವಂತು ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೩।೩

ಯೇ ದೇವಾ ಉತ್ತರಾಸದಃ ಸೋಮನೇತ್ರಾ ರಕ್ಷೋಹಣಃ |
ತೇ ನಃ ಪಾಂತು ತೇ ನೋ ಽವಂತು ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೩।೪

ಯೇ ದೇವಾ ಅಂತರಿಕ್ಷಸದೋ ಬೃಹಸ್ಪತಿನೇತ್ರಾ ರಕ್ಷೋಹಣಃ |
ತೇ ನಃ ಪಾಂತು ತೇ ನೋ ಽವಂತು ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೩।೫
(೫೩)
ಅಗ್ನಯೇ ಪುರಃಸದೇ ರಕ್ಷೋಘ್ನೇ ಸ್ವಾಹಾ ||ಯಮಾಯ ದಕ್ಷಿಣಾಸದೇ ರಕ್ಷೋಘ್ನೇ ಸ್ವಾಹಾ ||ಮರುದ್ಭ್ಯಃ ಪಶ್ಚಾತ್ಸದ್ಭ್ಯೋ ರಕ್ಷೋಹಭ್ಯಃ ಸ್ವಾಹಾ ||ಸೋಮಾಯೋತ್ತರಾಸದೇ ರಕ್ಷೋಘ್ನೇ ಸ್ವಾಹಾ ||ಬೃಹಸ್ಪತಯೇ ಅಂತರಿಕ್ಷಸದೇ ರಕ್ಷೋಘ್ನೇ ಸ್ವಾಹಾ ||ಅವಸ್ಪತೇ ದಿವಸ್ಪತೇ ರಕ್ಷೋಘ್ನೇ ಸ್ವಾಹಾ ||(೫೪)

ದಿವೋ ಜಾತೋ ದಿವಸ್ ಪುತ್ರೋ
ಯಸ್ಮಾಜ್ ಜಾತಂ ಮಹತ್ ಸಹಃ |
ಅಶ್ವತ್ಥಂ ಅಗ್ರೇ ಜೈತ್ರಾಯ-
-ಅಚ್ಛಾ ದೇವಂ ವದಾಮಸಿ || ೨,೫೫।೧

ತಂ ತ್ವಾಶ್ವಾ ಯಥಾ ರಥಂ
ಉಪ ತಿಷ್ಠಂತು ರಾಜಾನಃ |
ಸಮಿತಿಭ್ಯೋ ವಿವಕ್ತವೇ || ೨,೫೫।೨

ತ್ವಯಾ ವಯಂ ದೇವಜಾತ
ಸರ್ವಾಃ ಪ್ರಾಶೋ ಜಯಾಮಸಿ |
ಉತ ಸತ್ಯಾ ಉತಾನೃತಾಃ || ೨,೫೫।೩

ಯೋ ಅಶ್ವತ್ಥೇನ ಮಿತ್ರೇಣ
ಸಮಿತೀರ್ ಅವಗಚ್ಛತಿ |
ಜಯಾತ್ ಸ ಸರ್ವಾಃ ಪೃತನಾ
ಯಾಶ್ ಚ ಸತ್ಯಾ ಉತಾನೃತಾಃ || ೨,೫೫।೪

ಅಧರಾಂಚೋ ನಿರ್ ದ್ರವಂತು
ಸಮಿತ್ಯಾ ಉಲುಲಾಕೃತಾಃ |
ಅಶ್ವತ್ಥಮಿತ್ರಂ ಪುರುಷಂ
ಯೇ ವಾಚಾ ಪೃತನ್ಯಾನ್ || ೨,೫೫।೫
(೫೫)

ಅನುವಾಕ ೧೧ ||

ಉಗ್ರಾ ನಾಮ ಸ್ಥ
ತೇಷಾಂ ವಃ ಪುರೋ ಗೃಹಾಃ ಪ್ರಾಚೀ ದಿಕ್
ತೇಷಾಂ ವೋ ಅಗ್ನಿರ್ ಇಷವಃ |
ತೇ ನೋ ಮೃಡತ ದ್ವಿಪದೇ ಚತುಷ್ಪದೇ
ತೇಷಾಂ ವೋ ಯಾನ್ಯ್ ಆಯುಧಾನಿ ಯಾ ಇಷವಸ್
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೬।೧

ಕ್ರವ್ಯಾ ನಾಮ ಸ್ಥ
ತೇಷಾಂ ವೋ ದಕ್ಷಿಣಾ ಗೃಹಾ ದಕ್ಷಿಣಾ ದಿಕ್
ತೇಷಾಂ ವ ಆಪ ಇಷವಃ |
(…) || ೨,೫೬।೨

ವಿರಾಜೋ ನಾಮ ಸ್ಥ
ತೇಷಾಂ ವಃ ಪಶ್ಚಾದ್ ಗೃಹಾಃ ಪ್ರತೀಚೀ ದಿಕ್
ತೇಷಾಂ ವಃ ಕಾಮ ಇಷವಃ |
(…) || ೨,೫೬।೩

ಅವಸ್ಥಾ ನಾಮ ಸ್ಥ
ತೇಷಾಂ ವ ಉತ್ತರಾದ್ ಗೃಹಾ ಉದೀಚೀ ದಿಕ್
ತೇಷಾಂ ವೋ ವಾತ ಇಷವಃ |
(…) || ೨,೫೬।೪

ಉತ್ತರೇ ನಾಮ ಸ್ಥ
ತೇಷಾಂ ವ ಉಪರಿ ಗೃಹಾ ಊರ್ಧ್ವಾ ದಿಕ್
ತೇಷಾಂ ವೋ ವರ್ಷಂ ಇಷವಃ |
ತೇ ನೋ ಮೃಡತ ದ್ವಿಪದೇ ಚತುಷ್ಪದೇ
ತೇಷಾಂ ವೋ ಯಾನ್ಯ್ ಆಯುಧಾನಿ ಯಾ ಇಷವಸ್
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೨,೫೬।೫
(೫೬)

ಯದೀದಂ ದೇವೋ ದಿವ ಆಜಗಾಮ
ಯದ್ಯ್ ಅಂತರಿಕ್ಷಾದ್ ಯದಿ ಪಾರ್ಥಿವೋ ಯಃ |
ಯದಿ ಯಜ್ಞೋ ಯಜ್ಞಪತೇಃ ಸ್ವರ್ಗಸ್
ತೇಭ್ಯಃ ಸರ್ವೇಭ್ಯೋ ನಮಸಾ ವಿಧೇಮ || ೨,೫೭।೧

ಯಂ ಇಂದ್ರಂ ಆಹುರ್ ವರುಣಂ ಯಂ ಆಹುರ್
ಯಂ ಮಿತ್ರಂ ಆಹುರ್ ಯಂ ಉ ಸೋಮಂ ಆಹುಃ |
ಯಂ ಅಗ್ನಿಂ ಆಹುರ್ ಯಂ ಉ ಸೂರ್ಯಂ ಆಹುಸ್
ತೇಭ್ಯಃ ಸರ್ವೇಭ್ಯೋ ನಮಸಾ ವಿಧೇಮ || ೨,೫೭।೨

ಯೇ ಶ್ಮಶಾನಾನಿ ಮನಸಾ ನಯಂತಿ
ಸೂರ್ಯಸ್ಯ ರಶ್ಮೀನ್ ಅನುಸಂಚರಂತಿ |
ಯೇ ದೇವಾನಾಂ ಋತ್ವಿಜೋ ಯಜ್ಞಿಯಾನಾಂ
ತೇಭ್ಯಃ ಸರ್ವೇಭ್ಯೋ ನಮಸಾ ವಿಧೇಮ || ೨,೫೭।೩

ಯೇ ತಂದ್ರಿಯಾ ಜಲ್ಪ್ಯಾ ಪ್ರೋರ್ಣುವಂತಿ
ಸ್ವಪ್ನಂ ದುರ್ಭೂತಂ ಅಭಿ ಯೇ ಕಿರಂತಿ |
ಯೇ ದೇವಾನಾಂ ಧರ್ಮಧೃತೋ ಬಭೂವುಸ್
ತೇಭ್ಯಃ ಸರ್ವೇಭ್ಯೋ ನಮಸಾ ವಿಧೇಮ || ೨,೫೭।೪

ಸ್ವಭ್ಯಸೈರ್ ಅಭಿ ಯೇ ಭಾಯಂತೇ
ಯೇ ಭಾಃ ಕೃಣ್ವಂತಿ ಯ ಉ ರೋದಯಂತಿ |
ಯೇ ವಾ ಸ್ತ್ರೀಣಾಂ ಪ್ರತಿರೂಪಾ ಬಭೂವುಸ್
ತೇಭ್ಯಃ ಸರ್ವೇಭ್ಯೋ ನಮಸಾ ವಿಧೇಮ || ೨,೫೭।೫
(೫೭)

ವ್ಯಾವೃತ್ತೌ ಪಥೋ ಗಾವೌ
ವ್ಯಸ್ಯೌ ಯುಗ್ಯಾ ಉತ |
ವಿದ್ವೇಷಣಂ ಕಿಲಾಸಿಥ
ಯಥೈನೌ ವ್ಯ್ ಅದಿದ್ವಿಷಃ || ೨,೫೮।೧

ವಿ ಕಿಲೈನಾವ್ ಅದಿದ್ವಿಷಃ
ಶಶ್ವತೀಭ್ಯಃ ಸಮಾಭ್ಯಃ |
ಅಥೋಲ್ಮುಕಂ ಇವ ಖಾದಿರಂ
ಅಗ್ನಿರ್ ವಾಂ ಅಸ್ತ್ವ್ ಅಂತರಾ || ೨,೫೮।೨

ಸಿಂಹಸ್ ತೇ ಅಸ್ತು ಚಕ್ಷುಷೇ
ವ್ಯಾಘ್ರಃ ಪರಿಷ್ವಂಜನೇ |
ಅಗ್ನಿರ್ ವಾಂ ಅಸ್ತ್ವ್ ಅಂತರಾ
ಯಥಾ ವಾಂ ನ ಸಹಾಸತಿ || ೨,೫೮।೩

ವ್ಯ್ ಅದ್ಯೌದ್ ವ್ಯ್ ಅತತನದ್
ವ್ಯ್ ಆಸ್ಥತ್ ಕಪಟ್ವ್ ಇವ |
ಯಾ ಓಷಧೇ ಪ್ರಸರ್ಪಸಿ
ವ್ಯ್ ಅಗ್ನಿರ್ ಇವ ತೌ ದಹ || ೨,೫೮।೪

ವಿ ವಾಂ ಯಂತು ಹೃದಯಾನಿ
ವಿ ಚಿತ್ತಾನಿ ಮನಾಂಸಿ ಚ |
ಅಥೋ ಯತ್ ತನ್ವೋಃ ಸಂಗತಂ
ತದ್ ವಾಂ ಅಸ್ತು ವಿದೂರಕಂ || ೨,೫೮।೫

ಅಸ್ತಿ ವೈ ವಾಂ ವಿದ್ವಿಕಂ
ಉಭೌ ಶಯನೇ ಅಂತರಾ |
ವಿಷ್ವಂಚೌ ಪರ್ಯ್ ಆ ವರ್ತೇಥಾಂ
ಯಥಾ ವಾಂ ನ ಸಹಾಸತಿ || ೨,೫೮।೬
(೫೮)

ತ್ರಯಃ ಪೋಷಾಸ್ ತ್ರಿವೃತಃ ಶ್ರಯಂತಾಂ
ಅನಕ್ತು ಪೂಷಾ ಪಯಸಾ ಘೃತೇನ |
ಅನ್ನಸ್ಯ ಭೂಮಾ ಪುರುಷಸ್ಯ ಭೂಮಾ
ಭೂಮಾ ಪಶೂನಾಂ ತ ಇಹ ಶ್ರಯಂತಾಂ || ೨,೫೯।೧

ಇಮಂ ಆದಿತ್ಯಾ ವಸುನಾ ಸಂ ಉಕ್ಷತ-
-ಇಮಂ ಅಗ್ನೇ ವರ್ಧಯ ವಾವೃಧಾನಃ |
ಅಸ್ಮಿನ್ ತ್ರಿವೃಚ್ ಛ್ರಯತಾಂ ಪೋಷಯಿಷ್ಣುರ್
ಇಮಂ ಇಂದ್ರ ಸಂ ಸೃಜ ವೀರ್ಯೇಣ || ೨,೫೯।೨

ಭೂಮಿಷ್ ಟ್ವಾ ಪಾತು ಹರಿತೇನ ವಿಶ್ವಭೃದ್
ಅಗ್ನಿಃ ಪಿಪರ್ತ್ವ್ ಅಯಸಾ ಸಜೋಷಾಃ |
ವೀರುದ್ಭಿಸ್ ತೇ ಅರ್ಜುನಂ ಸಂವಿದಾನಂ
ವರ್ಚೋ ದಧಾತು ಸುಮನಸ್ಯಮಾನಂ || ೨,೫೯।೩

ತ್ರೇಧಾ ಜಾತಂ ಜನ್ಮನೇದಂ ಹಿರಣ್ಯಂ
ಅಗ್ನೇರ್ ಏಕಂ ಪ್ರಿಯತಮಂ ಬಭೂವ |
ಸೋಮಸ್ಯೈಕಂ ಹಿಂಸಿತಸ್ಯ ಪರಾಪತದ್
ಅಪಾಂ ಏಕಂ ವೇಧಸೋ ರೇತ ಆಹುಸ್
ತತ್ ತೇ ಹಿರಣ್ಯಂ ತ್ರಿವೃದ್ ಅಸ್ತ್ವ್ ಆಯುಷೇ || ೨,೫೯।೪

ತ್ರ್ಯಾಯುಷಂ ಜಮದಗ್ನೇಃ
ಕಶ್ಯಪಸ್ಯ ತ್ರ್ಯಾಯುಷಂ |
ತ್ರೇಧಾಮೃತಸ್ಯ ಚಕ್ಷಣಂ
ತ್ರೀಣ್ಯ್ ಆಯೂಂಷಿ ನಸ್ ಕೃಧಿ || ೨,೫೯।೫

ತ್ರಯಃ ಸುಪರ್ಣಾಸ್ ತ್ರಿವೃತಾ ಯದ್ ಆಯನ್ನ್
ಏಕಾಕ್ಷರಂ ಅಭಿಸಂಭೂಯ ಶಕ್ರಾಃ |
ಪ್ರತ್ಯ್ ಔಹನ್ ಮೃತ್ಯುಂ ಅಮೃತೇನ ಸಾಕಂ
ಅಂತರ್ದಧಾನಾ ಭುವನಾನಿ ವಿಶ್ವಾ || ೨,೫೯।೬

ದಿವಸ್ ತ್ವಾ ಪಾತು ಹರಿತಂ
ಮಧ್ಯಾತ್ ತ್ವಾ ಪಾತ್ವ್ ಅರ್ಜುನಂ |
ಭೂಮ್ಯಾ ಅಯಸ್ಮಯಂ ಪಾತು
ಪ್ರಾಗಾದ್ ದೇವಪುರಾ ಅಯಂ || ೨,೫೯।೭

ಇಮಾಸ್ ತಿಸ್ರೋ ದೇವಪುರಾಸ್
ತಾಸ್ ತ್ವಾ ರಕ್ಷಂತು ಸರ್ವತಃ |
ತಾಸ್ ತ್ವಂ ಬಿಭ್ರದ್ ಆಯುಷ್ಮಾನ್ ವರ್ಚಸ್ವಾನ್
ಉತ್ತರೋ ದ್ವಿಷತೋ ಭವ || ೨,೫೯।೮

ಪುರಂ ದೇವಾನಾಂ ಅಮೃತಂ ಹಿರಣ್ಯಂ
ಯ ಆಬೇಧೇ ಪ್ರಥಮೋ ದೇವೋ ಅಗ್ರೇ |
ತಸ್ಮೈ ನಮೋ ದಶ ಪ್ರಾಚೀಃ ಕೃಣೋಮ್ಯ್
ಅನು ಮನ್ಯತಾಂ ತ್ರಿವೃತಾ ವಧೇನ || ೨,೫೯।೯

ನವ ಪ್ರಾಣಾನ್ ನವಭಿಃ ಸಂ ಮಿಮೀತೇ
ದೀರ್ಘಾಯುತ್ವಾಯ ಶತಶಾರದಾಯ |
ಹರಿತೇ ತ್ರೀಣಿ ರಜತೇ ತ್ರೀಣ್ಯ್
ಅಯಸಿ ತ್ರೀಣಿ ತಪಸಾವಿಷ್ಟಿತಾನಿ || ೨,೫೯।೧೦

ಆ ತೇ ಚೃತತ್ವ್ ಅರ್ಯಮಾ-
-ಆ ಪೂಷಾ ಬೃಹಸ್ಪತಿಃ |
ಅಹರ್ಜಾತಸ್ಯ ಯನ್ ನಾಮ
ತೇನ ತೇ ಽತಿ ಚೃತಾಮಸಿ || ೨,೫೯।೧೧

ಋತುಭಿಷ್ ಟ್ವಾರ್ತವೈರ್ ಇತ್ಯ್ ಏಕಾ || ೨,೫೯।೧೨
(೫೯)

ಯಜ್ಞಂ ಯಂತಂ ತಪಸಾ ಬೃಹಂತಂ
ಅನ್ವ್ ಆ ರೋಹಾಮಿ ಮನಸಾ ಸಯೋನಿಃ |
ಉಪಹೂತಾ ಅಗ್ನೇ ಜರಸಃ ಪರಸ್ತಾತ್
ತೃತೀಯೇ ನಾಕೇ ಸಧಮಾದಂ ಮದೇಮ || ೨,೬೦।೧

ತಂ ಪ್ರಜಾನನ್ ಪ್ರತಿ ಗೃಹ್ಣಾತು ವಿದ್ವಾನ್
ಪ್ರಜಾಪತಿಃ ಪ್ರಥಮಜಾ ಋತಸ್ಯ |
ಅಸ್ಮಾಭಿರ್ ದತ್ತಂ ಜರಸಃ ಪರಸ್ತಾದ್
ಅಚ್ಛಿನ್ನಂ ತಂತುಂ ಅನು ಸಂ ಚರೇಮ || ೨,೬೦।೨

ಶ್ಯೇನಃ ಸುಪರ್ಣೋ ದಿವ್ಯೋ ನೃಚಕ್ಷಾಃ
ಸಹಸ್ರಪಾಚ್ ಛತಯೋನಿರ್ ವಯೋಧಾಃ |
ಸ ನೋ ನಿ ಯಂಸದ್ ವಸು ಯತ್ ಪರಾಭೃತಂ
ಅಸ್ಮಾಕಂ ಅಸ್ತು ಪಿತೃಷು ಸ್ವಧಾವತ್ || ೨,೬೦।೩

ಏತಂ ಸಧಸ್ಥಾಃ ಪರಿ ವೋ ದದಾಮಿ
ಯಂ ಆವಹಾಚ್ ಛೇವಧಿಂ ಜಾತವೇದಾಃ |
ಅನ್ವಾಗಂತಾ ಯಜಮಾನಃ ಸ್ವಸ್ತಿ
ತಂ ಸ್ಮ ಜಾನೀತ ಪರಮೇ ವ್ಯೋಮನ್ || ೨,೬೦।೪

ಜಾನೀತ ಸ್ಮೈನಂ ಪರಮೇ ವ್ಯೋಮನ್
ದೇವಾಃ ಸಧಸ್ಥಾ ವಿದ ಲೋಕಂ ಏತಂ |
ಇಷ್ಟಾಪೂರ್ತಂ ಅನು ಸಂ ಕ್ರಾಮ ವಿದ್ವಾನ್
ಯತ್ರ ತೇ ದತ್ತಂ ಬಹುಧಾ ವಿಬಂಧುಷು || ೨,೬೦।೫
(೬೦)

ಅನುವಾಕ ೧೨ ||

ಯೇಭಿಃ ಪಾಶೈರ್ ಅಭಿದಧಾಸಿ ದ್ರುಹ್ವಣಃ
ಸಮಾಮಿನೋ ಅನೃತಂ ಯೇ ಸಮಾಮಿರೇ |
ತಾಂಸ್ ತೇ ವಿ ಷ್ಯಾಮ್ಯ್ ಆಯುಷೇ ಬಲಾಯ-
-ಅನಮೀವಂ ಪಿತುಂ ಅದ್ಧಿ ಪ್ರಸೂತಃ || ೨,೬೧।೧

ಅನಾಗಾ ಬಭ್ರೋ ಅಯಂ ಅಸ್ತು ವೀರೋ
ದ್ರುಹಃ ಪಾಶೇಭ್ಯಃ ಪರಿ ಪಾಹ್ಯ್ ಏನಂ |
ರಾಜನ್ ಪ್ರವಿದ್ವಾನ್ ಪ್ರ ಮುಮುಗ್ಧಿ ಪಾಶಾನ್
ಯಸ್ಮೈ ಚರಾಮಿ ಹವಿಷಾ ಘೃತೇನ || ೨,೬೧।೨

ಕಶ್ಯಪ ಇಂದ್ರಾಯ ಹವಿಷಾ ಚಚಾರ
ಹರಿತ್ವತೀಷು ಮಘವಾ ಮಘೋನೇ |
ಪಸ್ಪಾರ ವಿಶ್ವಾ ಭುವನಸ್ಯ ಗೋಪಾ
ಅಂತರಿಕ್ಷಸ್ಯ ಮಹತೋ ವಿಮಾನೇ || ೨,೬೧।೩

ಅಪೂಪಂ ನಾಭಿಲಂ ತೇ ಘೃತಶ್ಚುತಂ
ನದೀನಾಂ ಪದೇ ಸುಶ್ರುತಂ ಜುಹೋಮಿ |
ಪ್ರವಿದ್ವಾನ್ ರಾಜನ್ ಪ್ರ ಮುಮುಗ್ಧಿ ಪಾಶಾನ್
ಅನ್ಯಸ್ಯ ಪತ್ನೀ ವಿಧವಾ ಯಥಾಸತ್ || ೨,೬೧।೪

ಅನಾತುರೇಣ ವರುಣಃ ಪಥೇಮಂ
ಸ್ವಸ್ತಿಭಿರ್ ಅತಿ ದುರ್ಗಾಣಿ ನೇಷತ್ |
ತಂ ಅಶ್ವಿನಾ ಪ್ರತಿಗೃಹ್ಯಾ ಸ್ವಸ್ತಯೇ
ದೋಷಾ ಏನಂ ಉಷಸೇ ಸಂ ಪ್ರ ಯಚ್ಛಾತ್ || ೨,೬೧।೫
(೬೧)

ಯೇ ಪಿಶಾಚಾ ಇಮಾಂ ವಿತ್ತಿಂ
ಆಕೂತಿಂ ಮೋಹಯಂತಿ ನಃ |
ತೇಷಾಂ ತ್ವಂ ಅಗ್ನೇ ನಾಶಯ
ವರ್ಚಶ್ ಚಿತ್ತಂ ಅಥೋ ಪ್ರಜಾಂ || ೨,೬೨।೧

ನಾಶಯಾಗ್ನೇ ಪಿಶಾಚಾನಾಂ
ವರ್ಚಶ್ ಚಿತ್ತಂ ಅಥೋ ಪ್ರಜಾಂ |
ಅಥಾಶಾಂ ಮಹ್ಯಂ ರಾಧಯ
ಯಥಾಹಂ ಕಾಮಯೇ ತಥಾ || ೨,೬೨।೨

ಆಶಾಂ ಮಹ್ಯಂ ರಾಧಯಿತ್ವಾ-
-ಇಂದ್ರಿಯೇಣ ಯಥಾಮೃತಾಂ |
ತ್ವಂ ಅಗ್ನೇ ಕ್ರವ್ಯಾದಃ ಸರ್ವಾನ್
ಪಿಶಾಚಾಁ ಅರ್ಚಿಷಾ ದಹ || ೨,೬೨।೩

ಪ್ರತಿ ದಹ ಯಾತುಧಾನಾನ್
ಮೂರದೇವಾನ್ ವಿಚರ್ಷಣೇ |
ಯೇ ನೋ ದುರಸ್ಯಾ ದ್ವೇಷೇಣ-
-ಅಥಾಶಾಂ ಮೋಹಯಂತಿ ನಃ || ೨,೬೨।೪

ಯೇ ನಃ ಪಶುಷು ದಿಪ್ಸಂತ್ಯ್
ಆಶಾಯಾಂ ಪುರುಷೇಷು ಚ |
ತಾಂಸ್ ತ್ವಂ ಸಹಸ್ರಾಕ್ಷೇಶಾನಃ
ಪಿಶಾಚಾಁ ಅರ್ಚಿಷಾ ದಹ || ೨,೬೨।೫
(೬೨)

ಸಹಸ್ವೇದಂ ಸಹಮಾನೇ
ಅಥೋ ದೇವಿ ಸರಸ್ವತಿ |
ಅಥೇದಂ ಅಶ್ವಿನಾ ಲಕ್ಷ್ಮ
ರೋಹಿತಂ ಕೃಣುತಂ ಯುವಂ || ೨,೬೩।೧

ಆಸುರಸ್ಯ ಮುಖಸ್ಯಾಗ್ನೇ
ಲಕ್ಷ್ಮಮುಖಂ ನಾಮಾಸಿ |
ಮೇತೋ ಜ್ಯಾಯೋ ಭೂರ್ ಇತ ಇತ್ ಕನೀಯೋ ಽಸೋ
ನಶ್ಯೇತಃ ಪರೋ ಮಾ ತ್ವಾ ಹಿಂಸಿಷಂ || ೨,೬೩।೨

ಯಾಸಾಂ ಪಿತಾ ಪರ್ಜನ್ಯೋ
ಭೂಮಿರ್ ಮಾತಾ ಬಭೂವ |
ಹ್ವಯಾಮಿ ಸರ್ವಾ ಓಷಧೀರ್
ಗೋಜಾತಾಃ ಸೋಮಜಿನ್ವತಾಃ || ೨,೬೩।೩

ಇದಂ ಸಪ್ತಪ್ರಖೇ ತ್ವಂ
ಕಿಲಾಸಂ ನಾಶಯಾ ತ್ವಚಃ |
ನಿಷ್ಕೃತಿರ್ ನಾಮ ವಾ ಅಸಿ
ಸೇದಂ ನಿಷ್ ಕೃಧಿ ಭದ್ರಯಾ || ೨,೬೩।೪

ನಿಷ್ಕೃತಿರ್ ನಾಮ ತೇ ಮಾತಾ
ನಿಷ್ಕೃತಿರ್ ನಾಮ ತೇ ಪಿತಾ |
ಉತೋ ತ್ವಂ ಅಸಿ ನಿಷ್ಕೃತಿಃ
ಸೇದಂ ನಿಷ್ ಕೃಧಿ ಭದ್ರಯಾ || ೨,೬೩।೫
(೬೩)

ಔರ್ಧ್ವನಭಸಃ ಪ್ರಥಮಃ
ಸೂರ್ಯಚೇತಾ ಉಶದ್ಭ್ಯಃ |
ಚಕಾರ ಕೃತ್ಯಾಂ ಆಸುರಃ
ಸಾ ನೋ ಭವತು ಭದ್ರಯಾ || ೨,೬೪।೧

ಯ ಇಮಾಂ ಕೃತ್ಯಾಂ ಉಪಜಹ್ರುರ್
ಯೇ ವಾ ಚಕಮಿರೇ ?ಕ್ಷಿತಂ |
ದೇವಾನಾಂ ಸರ್ವೇಷಾಂ ಸ್ವಸಾ
ತಾನ್ ದೇವೀ ನಿರೃತಿರ್ ಹನತ್ || ೨,೬೪।೨

ಕಶ್ಯಪಸ್ಯ ಪ್ರತಿಸರೋ
ದ್ಯೌಷ್ ಪಿತಾ ಪೃಥಿವೀ ಮಾತಾ |
ಯಥಾಭಿಚಕ್ರ ದೇವಾಸ್
ತಥಾಪಿ ಕೃಣುತಾ ಪುನಃ || ೨,೬೪।೩

ಯಾಃ ಕೃತ್ಯಾ ನೀಲವತೀರ್
ಯಾಃ ಕೃತ್ಯಾಃ ಪಾಶ್ಯಾವತೀಃ |
ಕೃತ್ಯಾ ಯಾಶ್ ಚಕ್ರುರ್ ಲೋಹಿನೀಸ್
ತಾ ಇತೋ ನಾಶಯಾಮಸಿ || ೨,೬೪।೪

ಯದಿ ವಾ ಇದಂ ಆಜಹ್ರುರ್
ಇಮೇ ಭದ್ರಾ ಅಸನ್ನ್ ಇತಿ |
ಕೃತ್ಯಾಸಿ ಕಲ್ಯಾಣ್ಯ್ ಅಸಿ
ಸಾಮುಂ ಕರ್ತಾರಂ ಅನ್ವ್ ಇಹಿ || ೨,೬೪।೫
(೬೪)

ಬೃಹತ್ ತೇ ವರ್ಚಃ ಪ್ರಥತಾಂ ಉಪ ದ್ಯಾಂ
ಮಿತ್ರೇಭ್ಯ ಏಧಿ ಸುರಭಿಃ ಸುವರ್ಚಾಃ |
ಅಧಿ ತೇ ರಾಜಾ ವರುಣೋ ಬ್ರವೀತು
ತಸ್ಮಾ ಉ ತ್ವಂ ಹವಿಷಾ ಭಾಗಧಾ ಅಸಃ |
ಶತಂ ಹೇಮಂತಾನ್ ದಮಯಾ ಸಪತ್ನಾನ್
ವಿಶಸ್ ತ್ವಾ ಸರ್ವಾ ಅನು ಗುಂಗವೋ ಭವಂತು || ೨,೬೫।೧

ಯಸ್ ತ್ವೋತ್ಪಿಪಾನಂ ಪ್ರತ್ಯುತ್ಪಿಪಾತಿ
ಯಸ್ ತ್ವಾ ಸಜಾತೋ ವಿರಿಫಾತ್ಯ್ ಅಂತಿತಃ |
ಇಂದ್ರಸ್ ತಂ ಯೋಕ್ತ್ರೇ ಅಧಮೇ ಯುನಕ್ತು
ತಸ್ಮೈ (…) || ೨,೬೫।೨

ಯಸ್ ತ್ವಾ ಯಚ್ಛಂತಂ ಪ್ರತಿಯಂಯಮೀತಿ
ಯಸ್ ತ್ವಾ ಜಿಗೀಷಾತ್ ಪೃತನಾಃ ಸಮರ್ಯೇ |
ಬೃಹಸ್ಪತಿಸ್ ತಂ ಅವ ಜಂಘನೀತು
ತಸ್ಮೈ (…) || ೨,೬೫।೩

ಯೇ ತೇ ಶುಲ್ಕಂ ಆಹರಾನ್ ಯ ಉ ತೇ ಬಲಿಂ
ಸೋಮಃ ಸಜಾತಾನ್ ಉಪ ಸಂ ನಮಾತಿ ತೇ |
ಅಗ್ನಿಃ ಸಯುಗ್ವಾನ್ ಅಧಿ ತೇ ಬ್ರವೀತು
ತಸ್ಮೈ (…) || ೨,೬೫।೪

ವರಿಷ್ಠೈಧಿ ಪುರುಃ ಪ್ರಜಯಾ ಸುವೀರೋ
ಅಭಿ ಪ್ರ ಯುಂಕ್ಷ್ವ ದಮಯಾ ಸಪತ್ನಾನ್ |
ಇಂದ್ರೋ ಮರುತ್ವಾನ್ ಅಧಿ ತೇ ಬ್ರವೀತು
ತಸ್ಮಾ ಉ ತ್ವಂ ಹವಿಷಾ ಭಾಗಧಾ ಅಸಃ |
ಶತಂ ಹೇಮಂತಾನ್ ದಮಯಾ ಸಪತ್ನಾನ್
ವಿಶಸ್ ತ್ವಾ ಸರ್ವಾ ಅನು ಗುಂಗವೋ ಭವಂತು || ೨,೬೫।೫
(೬೫)

ಅನುವಾಕ ೧೩ ||

ಭಗಾಯ ರಾಜ್ಞೇ ಪ್ರಥಮಂ ಜುಹೋಮಿ
ವಿಶ್ವೇ ದೇವಾ ಉತ್ತರೇ ಮಾದಯಂತಾಂ |
ಉಶನ್ ಪತ್ನೀಭ್ಯ ಉಶತೀಭ್ಯ ಆಭ್ಯಃ
ಪತಿಂ ಅಗ್ನ ಆ ವಹ ರಾತಹವ್ಯಃ || ೨,೬೬।೧

ಪತಿಂ ವೃಣೀಷ್ವ ಹವಿಷಾ ಗೃಣಾನಾ
ತಂ ಆ ವಹಾತ್ ಸವಿತಾ ತಂ ತೇ ಅಗ್ನಿಃ |
ತಸ್ಮೈ ನಮಸ್ವ ಶತಶಾರದಾಯ
ಭಗಭಕ್ತಾ ಭಗವತೀ ಸುವೀರಾ || ೨,೬೬।೨

ಯಂ ಅರ್ಯಮನ್ ಪತಿಂ ಅಸ್ಯೈ ದಿದೇಶಿಥ
ಜನೇ ಚಿತ್ ಸಂತಂ ತಂ ಇಹಾ ವಹಾಸಿ |
ಸುಮಂಗಲ್ಯ್ ಅಪತಿಘ್ನೀ ಸುಶೇವಾ
ರಾಯಸ್ಪೋಷೇಣ ತಂ ಇಷಾ ಸಚಸ್ವ || ೨,೬೬।೩

ಯಂ ತೇ ಪತಿಂ ಅರ್ಯಮಾ ಜಾಯಮಾನಾಯೈ
ಧಾತಾ ಚಕಲ್ಪ ತಂ ಇಹಾ ವಹಾಸಿ |
ಅಭಿವರೇಣ ಹವಿಷಾ ಜುಹೋಮಿ
ಪ್ರಜಾನನ್ನ್ ಐತು ಸುಮನಸ್ಯಮಾನಃ || ೨,೬೬।೪

ಪತಿಂ ತೇ ದ್ಯಾವಾಪೃಥಿವೀ ಅಧಾತಾಂ
ಪತಿಂ ಮಿತ್ರಾವರುಣಾ ವಾತೋ ಅಗ್ನಿಃ |
ಸಪ್ತ ರ್ಷಯೋ ಽದಿತಿಃ ಸೋಮ ಇಂದ್ರಸ್
ತೇ ತ್ವಾ ದೇವಾಃ ಪತಿವತ್ನೀಂ ಕೃಣ್ವಂತು || ೨,೬೬।೫
(೬೬)

ಯಸ್ ತ್ವಾರಾಯಃ ಪ್ರವಿವೇಶ-
-ಅಜಾನಿರ್ ಜನಿವಾಁ ಉತ |
ಅಥೋ ಯಸ್ ತನ್ವಂ ಪಸ್ಪರ್ಶ
ತಂ ಇತೋ ನಿರ್ ಣಯಾಮಸಿ || ೨,೬೭।೧

ನಿಷ್ ಟ್ವಾರಾಯ ನಯಾಮಸಿ
ಯ ಇಮಾಂ ಪ್ರವಿವೇಶಿಥ |
ಆತ್ಮಾನಂ ಅಸ್ಯಾ ಮಾ ಹಿಂಸೀರ್
ಅನ್ಯತ್ರ ಚರ ಮೇಹ ಭೂಃ || ೨,೬೭।೨

ಯದ್ ಅರಾಯೇಮಾಂ ಉಪಾಯಸಿ
ಧೇಹ್ಯ್ ಅಸ್ಯೈ ರಯಿಪೋಷಣಂ |
ಪ್ರಜಾಂ ಚಿದ್ ಅಸ್ಯಾ ಮಾ ಹಿಂಸೀರ್
ಅನ್ಯತ್ರ ಚರ ಮೇಹ ಭೂಃ || ೨,೬೭।೩

ಯದ್ ಅರಾಯೇಹಾಯಸಿ
ಹನಾಮ ವೀರುಧಾ ತ್ವಾ |
ಅಥೋ ಖನಿತ್ರಿಮೈಸ್ ತ್ವಾ-
-ಆದ್ ವೃಷೇಣ ಯಥಾಭಗಂ || ೨,೬೭।೪

ಯದ್ ಅರಾಯಾಸೂಯಂ
ಸ್ತ್ರೈಷೂಯಂ ಆವತೋಕ್ಯಂ |
ಯತ್ ಪೈತೃಷದ್ಯಂ ದೌರ್ಭಾಗ್ಯಂ
ತದ್ ಇತೋ ನಿರ್ ಣಯಾಮಸಿ || ೨,೬೭।೫
(೬೭)
ಅಗ್ನೇರ್ ವೋ ಬಲವತೋ ಬಲೇನ ಮನ್ಯುಂ ವಿ ನಯಾಮಸಿ ||ಇಂದ್ರಸ್ಯ ವೋ ಬಲವತೋ ಬಲೇನ ಮನ್ಯುಂ ವಿ ನಯಾಮಸಿ ||ಸೋಮಸ್ಯ ವೋ ಬಲವತೋ ಬಲೇನ ಮನ್ಯುಂ ವಿ ನಯಾಮಸಿ ||ಬೃಹಸ್ಪತೇರ್ ವೋ ಬಲವತೋ ಬಲೇನ ಮನ್ಯುಂ ವಿ ನಯಾಮಸಿ ||ಪ್ರಜಾಪತೇರ್ ವೋ ಬಲವತೋ ಬಲೇನ ಮನ್ಯುಂ ವಿ ನಯಾಮಸಿ ||
ಯತ್ ತೇ ಸೂರ್ಯ ದಿವಿ ದೇವೇಷು ವರ್ಚಸ್
ತಸ್ಯ ನೋ ಧೇಹಿ ತ್ವಂ ಅಸಿ ಪ್ರಚೇತಾಃ |
ಅಹಂ ತ್ವದ್ ಉಗ್ರಸ್ ತ್ವಿಷಿತಸ್ ತ್ವಿಷೀಮಾನ್
ಇಮಾಂ ವಾಚಂ ವಿ ಸಾಕ್ಷೀಯ || ೨,೬೮।೬
(೬೮)

ವಾತಃ ಪುರಸ್ತಾತ್ ಪವಸೇ ನಭಸ್ವಾನ್ |
ನಮಸ್ ತೇ ವಿದ್ಮ ತೇ ನಾಮಧೇಯಂ ಮಾ ನೋ ಹಿಂಸೀಃ || ೨,೬೯।೧

ತಪೋಜಾ ಅಮೂರೋ ದಕ್ಷಿಣತಃ ಪವಸೇ ನಭಸ್ವಾನ್ |
ನಮಸ್ ತೇ ವಿದ್ಮ ತೇ ನಾಮಧೇಯಂ ಮಾ ನೋ ಹಿಂಸೀಃ || ೨,೬೯।೨

ವಿಶ್ವಾಯುರ್ ವಿಶ್ವಜನೀನಃ ಪ್ರತೀಚ್ಯಾ ದಿಶಃ ಪವಸೇ ನಭಸ್ವಾನ್ |
ನಮಸ್ ತೇ ವಿದ್ಮ ತೇ ನಾಮಧೇಯಂ ಮಾ ನೋ ಹಿಂಸೀಃ || ೨,೬೯।೩

ಶಿವೋ ವೈಶ್ವದೇವ ಉದೀಚ್ಯಾ ದಿಶಃ ಪವಸೇ ನಭಸ್ವಾನ್ |
ನಮಸ್ ತೇ ವಿದ್ಮ ತೇ ನಾಮಧೇಯಂ ಮಾ ನೋ ಹಿಂಸೀಃ || ೨,೬೯।೪

ಅತಿಷ್ಠಾವಾನ್ ಬಾರ್ಹಸ್ಪತ್ಯ ಊರ್ಧ್ವಾಯಾ ದಿಶಃ ಪವಸೇ ನಭಸ್ವಾನ್ |
ನಮಸ್ ತೇ ವಿದ್ಮ ತೇ ನಾಮಧೇಯಂ ಮಾ ನೋ ಹಿಂಸೀಃ || ೨,೬೯।೫
(೬೯)

ಅಪಾದ್ಯೌದ್ ಅಪಾತತನದ್
ಅಪಸ್ಕಂದ್ಯ ವಧೇದ್ ಅಹಿಂ |
ಕಲ್ಯಾಣ್ಯಾ ಯಥಾ ಸ್ಮಿತಂ
ಶಂ ಉ ನಃ ಸಂತು ವಿದ್ಯುತಃ || ೨,೭೦।೧

ಯತ್ ಪರ್ಜನ್ಯ ಸ್ತನಯತಿ
ಸರ್ವಂ ಸಂವಿಜತೇ ಜಗತ್ |
ಪತಿಂ ತದ್ ಋತ್ವಿಯಾವತೀ
ಪೃಥಿವೀ ಪ್ರತಿ ಮೋದತೇ || ೨,೭೦।೨

ಏಷ ಏನಾ ಅಭ್ಯ್ ಅಕ್ರಂದೀದ್
ವೃಷಾಶ್ವೋ ಧೇನುಕಾ ಇವ |
ಅಹೀಂಸ್ ತ್ವಂ ವಿದ್ಯುತಾ ಜಹಿ
ಮಾಸ್ಮಾಕಂ ಪುರುಷಾನ್ ವಧೀಃ || ೨,೭೦।೩

ಅಭಿಕ್ರಂದಾತ್ ಸ್ತನಯಿತ್ನೋರ್
ಅವಸ್ಫೂರ್ಜಾದ್ ಅಶನ್ಯಾ ಉತ |
ದೇವಾ ಮರುತೋ ಮೃಡತ ನಃ
ಪಾತು ನೋ ದುರಿತಾದ್ ಅವದ್ಯಾತ್ || ೨,೭೦।೪

ಋಜೀತೇ ಪರಿ ಣೋ ನಮ-
-ಆದಿತ್ಯಾಃ ಶರ್ಮ ಯಚ್ಛತ |
ಯುಯುತ ಪರ್ಣಿನಂ ಶರಂ
ಉತಾಪರ್ಣಂ ರಿಶಾದಸಃ || ೨,೭೦।೫
(೭೦)

ಅನುವಾಕ ೧೪ ||

ಕೃತವ್ಯಧನಿ ವಿಧ್ಯ ತಂ
ಯಶ್ ಚಕಾರ ತಂ ಇಜ್ ಜಹಿ |
ನ ತ್ವಾಂ ಅಚಕ್ರುಷೇ ವಯಂ
ವಧಾಯ ಸಂ ಶಿಶೀಮಹೇ || ೨,೭೧।೧

ಯಥಾ ತೇ ದೇವ್ಯ್ ಓಷಧೇ
ಪ್ರತೀಚೀನಂ ಫಲಂ ಕೃತಂ |
ಏವಾ ತ್ವಂ ಕೃತ್ವನೇ ಕೃತ್ಯಾಂ
ಹಸ್ತಗೃಹ್ಯ ಪರಾ ಣಯ || ೨,೭೧।೨

ಪುನಃ ಕೃತ್ಯಾಂ ಕೃತ್ಯಾಕೃತೇ
ಗೋಧೇವಾವಟಂ ಅನ್ವ್ ಅಯತ್ |
ಸಕ್ತುರ್ ಇವ ಸಕ್ತುಪ್ರೇಷ್ಯಂ
ಪ್ರತೀಚೀ ಪ್ರತಿ ದಧ್ವಸತ್ || ೨,೭೧।೩

ಯಾಂ ತೇ ಚಕ್ರುರ್ ವರ್ತನೇಷು
ವಾರ್ತಾಕುಷು ವೃತಾಸು ಚ |
ಮಂಡೂಕೇ ಕೃತ್ಯಾಂ ಯಾಂ ಚಕ್ರುಸ್
ತಯಾ ಕೃತ್ಯಾಕೃತೋ ಜಹಿ || ೨,೭೧।೪

ಅಗ್ನಿರ್ ಇವೈತು ಪ್ರತಿಕೂಲಂ
ಅನುಕೂಲಂ ಇವೋದಕಂ |
ಸುಖೇ ರಥ ಇವ ವರ್ತತಾಂ
ಕೃತ್ಯಾ ಕೃತ್ಯಾಕೃತಂ ಕೃತಾ || ೨,೭೧।೫
(೭೧)

ಅಗ್ನಿರ್ ದ್ಯುಮ್ನೇನ ಸೂರ್ಯೋ ಜ್ಯೋತಿಷಾ
ದ್ಯೌರ್ ಮಹಿಮ್ನಾಂತರಿಕ್ಷಂ ವ್ಯಚಸಾ |
ದಿಶ ಆಶಾಭಿಃ ಪೃಥಿವೀ ಪಯೋಭಿರ್
ಇದಂ ರಾಷ್ಟ್ರಂ ವರ್ಧಯಂತು ಪ್ರಜಾವತ್ || ೨,೭೨।೧

ತ್ವಷ್ಟಾ ರೂಪೇಣ ಸವಿತಾ ಸವೇನ-
-ಅಹರ್ ಮಿತ್ರೇಣ ವರುಣೇನ ರಾತ್ರೀ |
ಪೂಷಾ ಪುಷ್ಟೈರ್ ಭಗೋ ಅಂಶೇನ ಭಕ್ತ್ಯಾ-
-ಇದಂ ರಾಷ್ಟ್ರಂ ವರ್ಧಯಂತು ಪ್ರಜಾವತ್ || ೨,೭೨।೨

ಯಾಂ ವಿಶ್ವಕರ್ಮಾ ನಿಜಘಾನ ಮೇಥಿಂ
ಅಂತರಾ ದ್ಯಾವಾಪೃಥಿವೀ ಉಭೇ |
ತಸ್ಯಾ ಆಹುಃ ಕ್ಷತ್ರಿಯಂ ಗರ್ಭಂ ಏತಂ
ಪರಿ ಮಾವ ಪತ್ಥಾ ಮೂರ್ಧನಿ ಧಾರಯಸ್ವ || ೨,೭೨।೩

ಛಂದಾಂಸ್ಯ್ ಅಸ್ಯಾ ಅಭಿತೋ ಮಯೂಖಾ
ಸ್ತೋಮಾ ಆತ್ಮಾ ಯಜುರ್ ಅಸ್ಯಾಃ ಪುರೀಷಂ |
ತಸ್ಯಾ ಆಹುಃ ಕ್ಷತ್ರಿಯಂ ನಿರ್ಮಿತಂ ಪರಿ
ಮಾವ ಪತ್ಥಾ ಮೂರ್ಧನಿ ಧಾರಯಸ್ವ || ೨,೭೨।೪

ಪರಾ ಣುದಸ್ವ ವ್ಯಥಯಾಭಿಮಾತಿಂ
ಅಧಸ್ಪದಂ ಕೃಣುಷ್ವ ದುರ್ಧರಾಯತಃ |
ಮಾ ತ್ವಾ ದಭನ್ ಸಪತ್ನಾ ದಿಪ್ಸಂತಸ್
ತವ ರಾಷ್ಟ್ರಂ ಉತ್ತಮಂ ದ್ಯುಮ್ನಂ ಅಸ್ತು || ೨,೭೨।೫
(೭೨)

ಇದಂ ತನ್ ಮಿತ್ರಾವರುಣಾ ಹವಿರ್ ವಾಂ
ಯೇನಾಗ್ರೇ ದೇವಾ ಅಮೃತತ್ವಂ ಆಯನ್ |
ತೇನಾಸ್ಮೈ ಕ್ಷತ್ರಂ ಅಧಿ ಧಾರಯೌಜೋ
ಽಸಪತ್ನಾಃ ಪ್ರದಿಶಃ ಸಂತ್ವ್ ಅಸ್ಮೈ || ೨,೭೩।೧

ಘೃತಸ್ಯ ಧಾರಾ ಮಿತ್ರಾವರುಣಾ
ದುಹಾಂ ವಾಂ ಧೇನುರ್ ಅನಪಸ್ಫುರಂತೀ |
ದೇವಃ ಸವಿತೋತ ವಾಯುರ್ ಅಗ್ನಿರ್
ಭೂತಸ್ಯ ಪತಿರ್ ಇಹ ಶರ್ಮ ಯಚ್ಛಾತ್ || ೨,೭೩।೨

ಶಂ ನಸ್ ತನ್ ಮಿತ್ರಾವರುಣಾ ಗೃಣೀತಂ
ತೃಢಾ ಅಮಿತ್ರಾ ಬಹುಧಾ ವಿ ಶೇರಾಂ |
ಜಯತು ಸೇನೋಪ ಘೋಷ ಏತು
ಪೃಥಕ್ ಸತ್ವಾನೋ ಬಹುಧಾ ಭರಂತಾಂ || ೨,೭೩।೩

ಹನಾಮ ಮಿತ್ರಾವರುಣಾವ್ ಅಮಿತ್ರಾನ್
ಭವಾಮ ಭದ್ರೇ ಸುಕೃತಸ್ಯ ಲೋಕೇ |
ಪಾರಯಾನ್ ನಃ ಸವಿತಾ ದೇವೋ ಅಗ್ನಿರ್
ಜಯಾಮೇದಂ ಹವಿಷಾ ಕಶ್ಯಪಸ್ಯ || ೨,೭೩।೪

ವಾತೋ ಯಂ ಮಿತ್ರಾವರುಣಾ ತದ್ ಆಹ
ವಿಶ್ವಂತರಂ ನಿರ್ಮಿತಂ ಕಶ್ಯಪಸ್ಯ |
ಅಧ್ವರ್ಯವೋ ಮರುತೋ ಯಸ್ಯಾಸನ್
ತೇನ ದೇವೇಭ್ಯೋ ವರಿಮಾಣಿ ಚಕ್ರುಃ || ೨,೭೩।೫
(೭೩)

ಅಚಿಕ್ರದತ್ ಸ್ವಪಾ ಇಹ ಭವದ್
ಅಗ್ನೇ ಯಜಸ್ವ ರೋದಸೀ ಉರೂಚೀ |
ಆಮುಂ ನಯ ನಮಸಾ ರಾತಹವ್ಯೋ
ಯುಂಜಂತು ಸುಪ್ರಜಸಂ ಪಂಚ ಜನಾಃ || ೨,೭೪।೧

ದೂರೇ ಚಿತ್ ಸಂತಂ ಅರುಷಾಸ ಇಂದ್ರಂ
ಆ ಚ್ಯಾವಯಂತು ಸಖ್ಯಾಯ ವಿಪ್ರಂ |
ಯದ್ ಗಾಯತ್ರೀಂ ಬೃಹತೀಂ ಅರ್ಕಂ ಅಸ್ಮೈ
ಸೌತ್ರಾಮಣ್ಯಾದಧೃಷನ್ ?ತು ದೇವಾಃ || ೨,೭೪।೨

ಅದ್ಭ್ಯಸ್ ತ್ವಾ ರಾಜಾ ವರುಣೋ ಜುಹಾವ
ಸೋಮಸ್ ತ್ವಾಯಂ ಹ್ವಯತು ಪರ್ವತೇಭ್ಯಃ |
ಇಂದ್ರಸ್ ತ್ವಾಯಂ ಹ್ವಯತು ವಿಡ್ಭ್ಯ ಆಭ್ಯಃ
ಶ್ಯೇನೋ ಭೂತ್ವಾ ವಿಶ ಆ ಪತೇಮಾಃ || ೨,೭೪।೩

ಶ್ಯೇನಂ ಹವಿರ್ ನಯತ್ವ್ ಆ ಪರಸ್ಮಾದ್
ಅನ್ಯಕ್ಷೇತ್ರೇ ಅಪರುದ್ಧಂ ಚರಂತಂ |
ಅಶ್ವಿನಾ ಪಂಥಾಂ ಕೃಣುತಾಂ ಸುಗಂ ತೇ
ಗರ್ಭಂ ಸಜಾತಾ ಅಭಿ ಸಂ ವಿಶಧ್ವಂ || ೨,೭೪।೪

ಶ್ಯೇನಂ ಹವಿಃ ಕಶ್ಯಪಸ್ಯೋಪ ಶಿಕ್ಷ-
-ಇಂದ್ರಂ ವಾತಃ ಪ್ರಹಿತೋ ದೂತ ಆ ವಹ |
ವಿಷಹ್ಯ ಶತ್ರೂನ್ ಸೇನಾಗ್ರೈರ್
ವಿಶೋ ವೃಣಾನೋ ಽವ ಗಚ್ಛ ಕಾಮೀ || ೨,೭೪।೫

ಯಸ್ ತೇ ಹವಂ ಪರಿತಿಷ್ಠಾತ್
ಸಜಾತ ಉತ ನಿಷ್ಟಿಯಃ |
ಅಪಾಚ ಇಂದ್ರ ತಾನ್ ನೀತ್ವಾ-
-ಅಥೇಮಂ ಅವ ಗಮಯ || ೨,೭೪।೬

ಹ್ವಯಂತು ತ್ವಾ ಪಂಚ ಜನಾಃ
ಪತಿಂ ಮಿತ್ರಾ ಅವೃಷತ |
ಇಂದ್ರಾಗ್ನೀ ವಿಶ್ವೇ ದೇವಾ
ವಿಶಿ ಕ್ಷೇಮಂ ಅದೀಧರನ್ || ೨,೭೪।೭
(೭೪)

ಪ್ರಜಾಪತಿರ್ ಅನವರ್ತಿಃ
ಸ ಪ್ರಜಾಭಿರ್ ಅನವರ್ತಿಃ |
ಸ ಮಾನವರ್ತಿರ್ ಅನವರ್ತಿಂ ಕೃಣೋತು || ೨,೭೫।೧

ಇಂದ್ರೋ ಽನವರ್ತಿಃ
ಸ ವೀರ್ಯೇಣಾನವರ್ತಿಃ |
(…) || ೨,೭೫।೨

ಸೋಮೋ ಽನವರ್ತಿಃ
ಸ ಓಷಧೀಭಿರ್ ಅನವರ್ತಿಃ |
ಸ ಮಾನವರ್ತಿರ್ ಅನವರ್ತಿಂ ಕೃಣೋತು || ೨,೭೫।೩

ಆಪೋ ಽನವರ್ತಯಸ್
ತಾಃ ಪರ್ಜನ್ಯೇನಾನವರ್ತಯಃ |
ತಾ ಮಾನವರ್ತಯೋ ಽನವರ್ತಿಂ ಕೃಣ್ವಂತು || ೨,೭೫।೪

ದೇವಾ ಅನವರ್ತಯಸ್ ತೇ ಽಮೃತೇನಾನವರ್ತಯಃ |
ತೇ ಮಾನವರ್ತಯೋ ಽನವರ್ತಿಂ ಕೃಣ್ವಂತು || ೨,೭೫।೫
(೭೫)

ಅನುವಾಕ ೧೫ ||

ಪಯೋ ಮಹ್ಯಂ ಓಷಧಯಃ
ಪಯೋ ಮೇ ವೀರುಧೋ ದಧನ್ |
ಅಪಾಂ ಪಯಸ್ವದ್ ಯತ್ ಪಯಸ್
ತನ್ ಮೇ ವರ್ಷಂತು ವೃಷ್ಟಯಃ || ೨,೭೬।೧

ಪಯೋ ಮಹ್ಯಂ ಪಯಸ್ವಂತೋ
ಹಸ್ತಿನೋ ಮೇ ಪಯೋ ದಧನ್ |
ಪಯಃ ಪತತ್ರಿಣೋ ಮಹ್ಯಂ
ಐಣೇಯಾ ಮೇ ಪಯೋ ದಧನ್ || ೨,೭೬।೨

ಪಯಸ್ವನ್ ಮೇ ಕ್ಷೇತ್ರಂ ಅಸ್ತು
ಪಯಸ್ವದ್ ಉತ ಧಾನ್ಯಂ |
ಅಹಂ ಪಯಸ್ವಾನ್ ಭೂಯಾಸಂ
ಗಾವೋ ಮ ಉತ ಪಯಸ್ವತೀಃ || ೨,೭೬।೩

ಪಯೋ ಮಹ್ಯಂ ಅಪ್ಸರಸೋ
ಗಂಧರ್ವಾ ಮೇ ಪಯೋ ದಧನ್ |
ಪಯೋ ಮೇ ವಿಶ್ವಾ ಭೂತಾನಿ
ವಾತೋ ದಧಾತು ಮೇ ಪಯಃ || ೨,೭೬।೪

ಪಯೋ ಮಹ್ಯಂ ದ್ಯಾವಾಪೃಥಿವೀ
ಅಂತರಿಕ್ಷಂ ಪಯೋ ದಧತ್ |
ಪಯೋ ಮ ಇಂದ್ರಶ್ ಚಾಗ್ನಿಶ್ ಚ
ಧಾತಾ ದಧಾತು ಮೇ ಪಯಃ || ೨,೭೬।೫
(೭೬)

ಅಹಂ ಬಿಭರ್ಮಿ ತೇ ಮನೋ
ಅಹಂ ಚಿತ್ತಂ ಅಹಂ ವ್ರತಂ |
ಮಮೇದ್ ಅಪಿ ಕ್ರತಾವ್ ಅಸೋ
ಮಮ ಚಿತ್ತೇ ಸಚಾವಹೈ || ೨,೭೭।೧

ಆಮನಾ ಅಸ ಇಹಮನಾ ಅಸ
ಇಹ ತೇ ರಮತಾಂ ಮನಃ |
ಮಯಿ ತೇ ರಮತಾಂ ಮನಃ || ೨,೭೭।೨

ಆಂಜನಸ್ಯ ಮಧುಘಸ್ಯ
ಕುಷ್ಠಸ್ಯ ನಲದಸ್ಯ ಚ |
ವೀರೋದೇಕಸ್ಯ ಮೂಲೇನ
ಮುಖೇ ನಿಮಂದನಂ ಕೃತಂ || ೨,೭೭।೩

ಮಧು ಮೇ ಅಂತರ್ ಆಸ್ಯೇ
ಮುಖೇ ನಿಮಂದನಂ ಕೃತಂ |
ತತ್ರೋ ತ್ವಂ ವಿ ವರ್ತಸ್ವ
ನರಾಚೀವ ವರ್ತಸಿ || ೨,೭೭।೪

ಯಥಾ ನೇಮೀ ರಥಚಕ್ರಂ
ಸಮಂತಂ ಪರಿಷಸ್ವಜೇ |
ಏವಾ ಪರಿ ಷ್ವಜಸ್ವ ಮಾ
ಯಥಾಸನ್ ಮಯಿ ತೇ ಮನಃ || ೨,೭೭।೫
(೭೭)

ಯಥೇದಂ ಅಶ್ವಿನಾ ತೃಣಂ
ವಾತೋ ವಹತಿ ಭೂಮ್ಯಾಃ |
ಏವಾ ವಯಂ ವಹಾಮಸಿ
ಯಾಂ ವಯಂ ಕಾಮಯಾಮಹೇ || ೨,೭೮।೧

ಉತ್ ತ್ವಾ ಮಾತಾ ಸ್ಥಾಪಯತು
ಪ್ರ ತ್ವಾ ನುದತಾಂ ಅಶ್ವಿನಾ |
ಅಧಾ ಶಿಶುರ್ ಇವ ಮಾತರಂ
ಮಾಂ ಏವಾನ್ವ್ ಏತು ತೇ ಮನಃ || ೨,೭೮।೨

ಯಥಾ ಕ್ಷೀರಂ ಚ ಸರ್ಪಿಶ್ ಚ
ಮನುಷ್ಯಾಣಾಂ ಹೃದಃ ಪ್ರಿಯಂ |
ಏವಾಹಂ ಅಸ್ಯಾ ನಾರ್ಯಾ
ಹೃದೋ ಭೂಯಾಸಂ ಉತ್ತರಃ || ೨,೭೮।೩

ಅಗ್ನೇಷ್ ಟ್ವಾ ತಪಸ್ ತಪತು
ವಾತಸ್ಯ ಧ್ರಾಜಿಃ |
ಮಾ ಸ್ಪೃಕ್ಷಥಾ ನಿಷದನಾಯ ಸಾಧವ
ಉತ್ ತಿಷ್ಠ ಪ್ರೇಹ್ಯ್ ಅಗ್ನಿವತ್ ತೇ ಕೃಣೋಮಿ || ೨,೭೮।೪

ಸೂರ್ಯಸ್ಯ ತ್ವಾ ತಪಸ್ ತಪತು
ವಾತಸ್ಯ ಧ್ರಾಜಿಃ |
ಮಾ ಸ್ಪೃಕ್ಷಥಾ ನಿಷದನಾಯ ಸಾಧವ
ಉತ್ ತಿಷ್ಠ ಪ್ರೇಹಿ ಸೂರ್ಯವತ್ ತೇ ಕೃಣೋಮಿ || ೨,೭೮।೫
(೭೮)

ಹಿರಣ್ಯಪುಷ್ಪೀ ಸುಭಗಾ
ಕೂಪಶ್ ಚಾಯಂ ಸುಮಂಗಲಃ |
ತಾವ್ ಏನಾಂ ಭದ್ರಯಾ ಧತ್ತಾಂ
ಅಮೃತಾವ್ ಅಮೃತೇ ಭಗೇ || ೨,೭೯।೧

ಹಿರಣ್ಯಂ ಪೃಡ್ವದ್ ಧರಿತಂ
ತತ್ ತೇ ಅಂಗೇಷು ರೋಹತು |
ತೇನೇಮಾಂ ಅಶ್ವಿನಾ ನಾರೀಂ
ಭಗೇನಾಭಿ ಷಿಂಚತಂ || ೨,೭೯।೨

ಯಥಾ ಕೂಪಂ ಉದಹೃತಸ್
ತೃಷ್ಯಂತೋ ಯಂತಿ ಕಾಮಿನಃ |
ಏವಾ ತ್ವಾ ಸರ್ವೇ ದೇವರಃ
ಪತಯೋ ಯಂತು ಕಾಮಿನಃ || ೨,೭೯।೩

ಹಿರಣ್ಯಾಕ್ಷಿ ಮಧುವರ್ಣೇ
ಹಿರಣ್ಯಪರಿಚರ್ತನೇ |
ಅಂಕೋ ಹಿರಣ್ಯಯಸ್ ತವ
ತೇನಾಸ್ಯೈ ಪತಿಂ ಆ ವಹ || ೨,೭೯।೪

ಯದಿ ವಾಸಿ ತಿರೋ ಜನಂ
ಯದಿ ವಾ ನದ್ಯಸ್ ತಿರಃ |
ಇಯಂ ತ್ವಾ ಮಹ್ಯಂ ಓಷಧಿರ್
ಅಂಕೇನೇವ ನ್ಯ್ ಆ ನಯಾತ್ || ೨,೭೯।೫
(೭೯)

ಪುನಃ ಪ್ರಾಣಂ ಪುನರ್ ಅಪಾನಂ ಅಸ್ಮೈ
ಪುನರ್ ವ್ಯಾನಂ ಉತ ಸೋಮ ಧೇಹಿ |
ಆತ್ಮಾಯಂ ಚಕ್ಷುರ್ ?ಉದತೇ ಸಮಾನಸ್
ತಂ ಊ ನು ಪಾಹಿ ತಂ ಊ ನು ಜಿನ್ವ ಜಾಗೃಹಿ || ೨,೮೦।೧

ತ್ವಷ್ಟಾ ರೂಪೇಣ ಸವಿತಾ ಸವೇನ-
-ಅಹರ್ ಮಿತ್ರೇಣ ವರುಣೇನ ರಾತ್ರೀ |
ಇಂದ್ರೋ ಜ್ಯೈಷ್ಠ್ಯೇನ ಬ್ರಹ್ಮಣಾಯಂ ಬೃಹಸ್ಪತಿಃ
ಪೂಷಾಸ್ಮೈ ಪುನರ್ ಅಸುಂ ದಧಾತು || ೨,೮೦।೨

ಯ ಆದಿತ್ಯಾ ವಸವೋ ಯೇ ಚ ರುದ್ರಾ
ವಿಶ್ವೇ ದೇವಾ ಅದಿತಿರ್ ಯಾ ಚ ರಾತ್ರೀ |
ಯಜ್ಞೋ ಭಗಃ ಸವಿತಾ ಯೇ ಚ ದೇವಾ
ಯಮೋ ಽಸ್ಮೈ ಪುನರ್ ಅಸುಂ ದಧಾತು || ೨,೮೦।೩

ಪುನಸ್ ತೇ ರಾಜಾ ವರುಣೋ ದದಾತು
ಸೋಮೋ ರಾಜಾಸುಂ ಇತ್ ತೇ ಪುನರ್ ದಾತ್ |
ಇಂದ್ರೋ ಮರುದ್ಭಿರ್ ಅಶ್ವಿನಾ ತೇ ಭಿಷಜ್ಯತಾಂ
ಅಗ್ನೀ ರುದ್ರೋ ಽಸುಂ ಇತ್ ತೇ ಪುನರ್ ದಾತ್ || ೨,೮೦।೪

ಪುನರ್ ದ್ಯೌರ್ ದೇವೀ ಪುನರ್ ಅಂತರಿಕ್ಷಂ
ಅಗ್ನಿರ್ ವಾತಃ ಪವಮಾನೋ ಭಿಷಜ್ಯತು |
ಗ್ರಾಹ್ಯಾಃ ಪಾಶಾನ್ ನಿರೃತ್ಯಾಃ ಪಾಶಾನ್ ಮೃತ್ಯೋಃ ಪಾಶಾದ್
ವಾಕ್ ತ್ವಾ ದೇವೀ ಪುನರ್ ದದಾತು || ೨,೮೦।೫
(೮೦)

ಅನುವಾಕ ೧೬ ||

ಇದಂ ಚಕ್ಷುರ್ ಋತಾವರೀ
ಮಾ ಮಾ ಹಾಸೀತ್ ಪುರಾಯುಷಃ |
ಯದ್ ವಾಂ ತಮೋ ಯದ್ ರಿಪಿಶಂ
ಅಪ ವಾಂ ತನ್ ನಿ ದಧ್ಮಸಿ || ೨,೮೧।೧

ಯದ್ ಅಂಧಿಯಂ ಯದ್ ಅಲ್ಗಣಂ
ಯೋ ಽರ್ಮೋ ಅಧಿರೋಹತಿ |
ಅಯಸ್ಮಯಸ್ ತದ್ ಅಂಕುಶೋ
ಅಕ್ಷ್ಣೋ ಽರ್ಮಂ ಅಪ ಲುಂಪತು || ೨,೮೧।೨

ಯಂ ಅಹ್ಯಾಜಿಂ ಅಜಯನ್ ನೃಚಕ್ಷಾ
ಯಂ ವಾ ಶ್ಯೇನಃ ಶಕುನಿರ್ ಯಂ ಸುಪರ್ಣಃ |
ಯದ್ ಆಹುಶ್ ಚಕ್ಷುರ್ ಅದಿತೇರ್ ಅನಂತಂ
ಸೋಮೋ ನೃಚಕ್ಷಾ ಮಯಿ ತದ್ ದಧಾತು || ೨,೮೧।೩

ಯಥಾ ಚಕ್ಷುಃ ಸುಪರ್ಣಸ್ಯ
ಯಥಾಶ್ವಸ್ಯ ಯಥಾ ಶುನಃ |
ಏವಾ ಮೇ ಅಶ್ವಿನಾ ಚಕ್ಷುಃ
ಕೃಣುತಂ ಪುಷ್ಕರಸ್ರಜಾ || ೨,೮೧।೪

ಯಸ್ಯಾಃ ಸುಪರ್ಣಃ ಪ್ರಪತಞ್
ಚಕ್ಷುಷಾ ಚಕ್ಷುರ್ ಆದದೇ |
ತಸ್ಯಾಃ ಸಮುದ್ರಜೇ ತವ
ಚಕ್ಷುಷಾ ಚಕ್ಷುರ್ ಆ ದದೇ || ೨,೮೧।೫
(೮೧)
ಅಗ್ನಿಂ ತೇ ಹರಃ ಸಿಷಕ್ತು ಯಾತುಧಾನ ಸ್ವಾಹಾ ||ವಾತಂ ತೇ ಪ್ರಾಣಃ ಸಿಷಕ್ತು ಯಾತುಧಾನ ಸ್ವಾಹಾ ||ಸೂರ್ಯಂ ತೇ ಚಕ್ಷುಃ ಸಿಷಕ್ತು ಯಾತುಧಾನ ಸ್ವಾಹಾ ||ಅಂತರಿಕ್ಷಂ ತೇ ಶ್ರೋತ್ರಂ ಸಿಷಕ್ತು ಯಾತುಧಾನ ಸ್ವಾಹಾ ||ಪರಮಾಂ ತೇ ಪರಾವತಂ ಮನಃ ಸಿಷಕ್ತು ಯಾತುಧಾನ ಸ್ವಾಹಾ ||(೮೨)
ಅಪಸ್ ತೇ ರಸಃ ಸಿಷಕ್ತು ಯಾತುಧಾನ ಸ್ವಾಹಾ ||ಓಷಧೀಸ್ ತೇ ಲೋಮಾನಿ ಸಿಷಚಂತು ಯಾತುಧಾನ ಸ್ವಾಹಾ ||ಪೃಥಿವೀಂ ತೇ ಶರೀರಂ ಸಿಷಕ್ತು ಯಾತುಧಾನ ಸ್ವಾಹಾ ||ಸಮುದ್ರಂ ತೇ ವಾಕ್ ಸಿಷಕ್ತು ಯಾತುಧಾನ ಸ್ವಾಹಾ ||ನಿರೃತ್ಯಾಸ್ ತ್ವಾಸನಿ ಜುಹೋಮಿ ಯಾತುಧಾನ ಸ್ವಾಹಾ ||(೮೩)

ಇದಂ ತೇ ಶಿರೋ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಮಸ್ತಿಷ್ಕಂ ನಿ ತೃಣದ್ಮಿ ಭೂಮ್ಯಾಂ || ೨,೮೪।೧

ಇದಂ ತೇ ಹನೂ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಜಿಹ್ವಾಂ ನಿ ತೃಣದ್ಮಿ ಭೂಮ್ಯಾಂ || ೨,೮೪।೨

ಇದಂ ತೇ ಗ್ರೀವಾ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಸ್ಕಂಧಾನ್ ನಿ ತೃಣದ್ಮಿ ಭೂಮ್ಯಾಂ || ೨,೮೪।೩

ಇದಂ ತೇ ಅಂಸೌ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಬಾಹೂ ನಿ ತೃಣದ್ಮಿ ಭೂಮ್ಯಾಂ || ೨,೮೪।೪

ಇದಂ ತೇ ಹೃದಯಂ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಕ್ಲೋಮಾನಂ ನಿ ತೃಣದ್ಮಿ ಭೂಮ್ಯಾಂ || ೨,೮೪।೫

ಇದಂ ತೇ ಪೃಷ್ಟೀರ್ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಪರ್ಶೂರ್ ನಿ ತೃಣದ್ಮಿ ಭೂಮ್ಯಾಂ || ೨,೮೪।೬

ಇದಂ ತೇ ಶ್ರೋಣೀ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ವಸ್ತ್ರಂ ನಿ ತೃಣದ್ಮಿ ಭೂಮ್ಯಾಂ || ೨,೮೪।೭

ಇದಂ ತ ಊರೂ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಜಂಘೇ ನಿ ತೃಣದ್ಮಿ ಭೂಮ್ಯಾಂ || ೨,೮೪।೮

ಇದಂ ತೇ ಕುಲ್ಫೌ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಪಾದೌ ನಿ ತೃಣದ್ಮಿ ಭೂಮ್ಯಾಂ || ೨,೮೪।೯

ಇದಂ ತೇ ತ್ವಚಂ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಪ್ರಾಣಾನ್ ನಿ ತೃಣದ್ಮಿ ಭೂಮ್ಯಾಂ || ೨,೮೪।೧೦

ಇದಂ ತೇ ಪರೂಂಷಿ ಭಿನದ್ಮಿ ಯಾತುಧಾನ ಸ್ವಾಹಾ-
-ಇದಂ ತೇ ಮಜ್ಜ್ಞೋ ನಿ ತೃಣದ್ಮಿ ಭೂಮ್ಯಾಂ || ೨,೮೪।೧೧
(೮೪)

ನರ್ದಮೋದಲವುಂತಕ
ಜಿಷ್ಣೋ ಹಾಪರಾಜಿತಃ |
ಅಮುಂ ಭ್ರೂಣಾನ್ಯ್ ಅರ್ಪಯ
ಸ್ವಯಂ ಪಾಶಂ ನ್ಯ್ ಆಯತಿ || ೨,೮೫।೧

ಅಸುರ್ ಐತು ಸಹಕ್ರತುರ್
ಆತ್ಮಾ ಪ್ರಾಣೋ ಅಥೋ ಬಲಂ |
ಸ ನೋ ದಧಾತು ಭದ್ರಯಾ-
-ಅಗ್ನಿರ್ ವಿಶ್ವಾದ್ ವಸುಮಾನ್ ಸ್ವಸ್ತಯೇ || ೨,೮೫।೨

ದಕ್ಷಿಣಾ ಮಾ ದಕ್ಷಿಣತೋ
ದಕ್ಷಿಣಾ ಪಾತು ಸವ್ಯತಃ |
ಪಶ್ಚಾದ್ ಅನುವ್ಯಾಧಾತ್ ಪಾತು
ಪುರಸ್ತಾತ್ ಪಾತು ದಕ್ಷಿಣಾ || ೨,೮೫।೩

ಶತಂ ಆಪೋ ದಿವ್ಯಾ
ಮಿತ್ರಸ್ಯ ಚ ದಕ್ಷಿಣಾಃ |
ಧಾತಾ ಸವಿತಾದ್ ರುದ್ರಸ್
ತೇ ನೋ ಮುಂಚಂತ್ವ್ ಅಂಹಸಃ || ೨,೮೫।೪

ಶತಂ ಪಾಶಾ ವರುಣಸ್ಯ
ಬ್ರಹ್ಮಣಸ್ಪತೇರ್ ಉ ಶತಂ |
ಮರ್ತಾತ್ ಪಾಶಾನ್ ನೋ ವಿ ಷ್ಯ
ಶತಾತ್ ಪಾಶೇಭ್ಯೋ ವಯಂ ತ್ವಾಂ || ೨,೮೫।೫
(೮೫)

ಅನುವಾಕ ೧೭ ||

ಪ್ರಾಚೀಂ ದಿಶಂ ಆಸ್ಥಾಂ
ಅಗ್ನಿರ್ ಮಾವತ್ವ್ ಓಜಸೇ ಬಲಾಯ
ದಿಶಾಂ ಪ್ರಿಯೋ ಭೂಯಾಸಂ |
ಅನಮಿತ್ರಾ ಮೇ ದಿಶೋ ಭವಂತು ಘೃತಪ್ರತೀಕಾಃ || ೨,೮೬।೧

ದಕ್ಷಿಣಾಂ ದಿಶಂ ಆಸ್ಥಾಂ
ಇಂದ್ರೋ ಮಾವತ್ವ್ ಓಜಸೇ ಬಲಾಯ (…) || ೨,೮೬।೨

ಪ್ರತೀಚೀಂ ದಿಶಂ ಆಸ್ಥಾಂ
ವರುಣೋ ಮಾವತ್ವ್ ಓಜಸೇ ಬಲಾಯ (…) || ೨,೮೬।೩

ಉದೀಚೀಂ ದಿಶಂ ಆಸ್ಥಾಂ
ಸೋಮೋ ಮಾವತ್ವ್ ಓಜಸೇ ಬಲಾಯ (…) || ೨,೮೬।೪

ಧ್ರುವಾಂ ದಿಶಂ ಆಸ್ಥಾಂ
ವಿಷ್ಣುರ್ ಮಾವತ್ವ್ ಓಜಸೇ ಬಲಾಯ (…) || ೨,೮೬।೫

ಊರ್ಧ್ವಾಂ ದಿಶಂ ಆಸ್ಥಾಂ
ಬೃಹಸ್ಪತಿರ್ ಮಾವತ್ವ್ ಓಜಸೇ ಬಲಾಯ
ದಿಶಾಂ ಪ್ರಿಯೋ ಭೂಯಾಸಂ |
ಅನಮಿತ್ರಾ ಮೇ ದಿಶೋ ಭವಂತು ಘೃತಪ್ರತೀಕಾಃ || ೨,೮೬।೬
(೮೬)

ಮನಾಯ್ಯೈ ತಂತುಂ ಪ್ರಥಮಂ
ಪಶ್ಚೇದ್ ಅನ್ಯಾ ಅತನ್ವತ |
ತನ್ ನಾರೀಃ ಪ್ರ ಬ್ರವೀಮಿ ವಃ
ಸಾಧ್ವೀರ್ ವಃ ಸಂತೂರ್ವರೀಃ || ೨,೮೭।೧

ಸಾಧುರ್ ವಸ್ ತಂತುರ್ ಭವತು
ಸಾಧುರ್ ಓತುರ್ ಅಥೋ ವೃತಾ |
ಅಥೋ ಹೋರ್ವರೀರ್ ಯೂಯಂ
ಪ್ರಾತರ್ ವೋಢೇವ ಧಾವತ || ೨,೮೭।೨

ಖರ್ಗಲಾ ಇವ ಪತ್ವರೀರ್
ಅಪಾಂ ಉಗ್ರಂ ಇವಾಯನಂ |
ಪತಂತು ಪತ್ವರೀರ್ ಇವ-
-ಉರ್ವರೀಃ ಸಾಧುನಾ ಪಥಾ || ೨,೮೭।೩

ಅವಾಚ್ಯೌ ತೋತುದ್ಯೇತೇ
ತೋದೇನಾಶ್ವತರಾವ್ ಇವ |
ಪ್ರ ಸ್ತೋಮಂ ಉರ್ವರೀಣಾಂ
ಶಶಯಾನಾಂ ಅಸ್ತಾವಿಷಂ || ೨,೮೭।೪

ನಾರೀ ಪಂಚಮಯೂಖಂ
ಸೂತ್ರವತ್ ಕೃಣುತಂ ವಸು |
ಅರಿಷ್ಟೋ ಅಸ್ಯ ವಸ್ತಾ
ಪ್ರೇಂದ್ರ ವಾಸ ಉತೌ ತಿರ || ೨,೮೭।೫
(೮೭)

ಶಾಸ ಇತ್ಥಾ ಮಹಾಁ ಅಸ್ಯ್
ಅಮಿತ್ರಘಾತೋ ಅದ್ಭುತಃ |
ನ ಯಸ್ಯ ಹನ್ಯತೇ ಸಖಾ
ನ ಜೀಯತೇ ಕದಾ ಚನ || ೨,೮೮।೧

ವಿ ರಕ್ಷೋ ವಿ ಮೃಧೋ ಜಹಿ
ವಿ ವೃತ್ರಸ್ಯ ಹನೂ ರುಜ |
ವಿ ಮನ್ಯುಂ ಇಂದ್ರ ವೃತ್ರಹನ್ನ್
ಅಮಿತ್ರಸ್ಯಾಭಿದಾಸತಃ || ೨,೮೮।೨

ವಿ ನ ಇಂದ್ರ ವಿ ಮೃಧೋ ಜಹಿ
ನೀಚಾ ಯಚ್ಛ ಪೃತನ್ಯತಃ |
ಅಧಮಂ ಗಮಯಾ ತಮೋ
ಯೋ ಅಸ್ಮಾಁ ಅಭಿದಾಸತಿ || ೨,೮೮।೩

ಸ್ವಸ್ತಿದಾ ವಿಶಾಂ ಪತಿರ್
ವೃತ್ರಹಾ ವಿಮೃಧೋ ವಶೀ |
ವೃಷೇಂದ್ರಃ ಪುರ ಏತು ನಃ
ಸೋಮಪಾ ಅಭಯಂಕರಃ || ೨,೮೮।೪

ಅಪೇಂದ್ರ ದ್ವಿಷತೋ ಮನೋ
ಽಪ ಜಿಜ್ಯಾಸತೋ ವಧಂ |
ವಿ ಮಹಚ್ ಛರ್ಮ ಯಚ್ಛ
ವರೀಯೋ ಯಾವಯಾ ವಧಂ || ೨,೮೮।೫
(೮೮)

ಅಯಂ ಯೋ ಽತಿತರೋ ಮಣಿಸ್
ತೇನಾತಿ ತರ ದುಶ್ಯಸಃ |
ಸಪತ್ನಾನ್ ದ್ವಿಷತೋ ಮಣೇ
ಪ್ರ ಣುದಸ್ವ ಪೃತನ್ಯತಃ || ೨,೮೯।೧

ಪ್ರ ಣುದಸ್ವ ಪ್ರ ಸಹಸ್ವ
ಸಪತ್ನಾನ್ ದ್ವಿಷತೋ ಮಣೇ |
ತರಾಭಿಮಾತಿಂ ದುಶ್ಯಸಾಂ
ವರ್ಚೋ ಭಂಗ್ಧಿ ಪೃತನ್ಯತಾಂ || ೨,೮೯।೨

ವರ್ಚೋ ಜಹಿ ಮನ್ಯುಂ ಜಹ್ಯ್
ಆಕೂತಿಂ ದ್ವಿಷತಾಂ ಮಣೇ |
ದೇವೋ ಯೋ ಽತಿತರೋ ಮಣಿಸ್
ತೇನಾತಿ ತರ ಧೂರ್ವತಃ || ೨,೮೯।೩

ಯೇ ಧೂರ್ವಂತಿ ಯೇ ದ್ರುಹ್ಯಂತಿ
ಯೇ ದ್ವಿಷಂತಿ ಪೃತನ್ಯತಃ |
ಸರ್ವಾನ್ ಸಪತ್ನಾಂಸ್ ತೇ ಮಣಿರ್
ನಿ ಮನ್ಯುಂ ದ್ವಿಷತಸ್ ಕರತ್ || ೨,೮೯।೪

ತವ ಚಿತ್ತೇ ತವ ವ್ರತೇ
ತವೈವಾಧಸ್ಪದಂ ಚರಾನ್ |
ದೇವೋ ಯೋ ಽತಿತರೋ ಮಣಿಸ್
ತೇನಾತಿ ತರ ದುಶ್ಯಸಃ || ೨,೮೯।೫
(೮೯)

ಆ ತೇ ಮನಶ್ ಚಕ್ಷುಷ್ಯಂ
ಆ ತೇ ಹೃದಯ್ಯಂ ದದೇ |
ಪದೋಷ್ ಟೇ ಪದ್ಯಂ ಆ ದದೇ
ಯಥಾ ತಿಷ್ಠಾಸಿ ಮೇ ವಶೇ || ೨,೯೦।೧

ವಾಂಛ ಮೇ ಪಾದೌ ತನ್ವಂ
ವಾಂಛಾಕ್ಷ್ಯೌ ವಾಂಛ ಸಕ್ಥ್ಯೌ |
ಅಕ್ಷ್ಯೌ ವೃಷಣ್ಯಂತ್ಯಾಃ ಕೇಶಾ
ಓಷ್ಠೌ ಮಾಂ ತೇ ಕಾಮೇನ ಶುಷ್ಯತಾಂ || ೨,೯೦।೨

ಮಯಿ ತ್ವಾ ದೋಷಣಿಶ್ಲಿಷಂ
ಕೃಣೋಮಿ ಹೃದಯಶ್ಲಿಷಂ |
ಯಥಾ ಮಮ ಕ್ರತಾವ್ ಅಸೋ
ಮಮಾಸಶ್ ಚೇದ್ ಅಸೀದ್ ಅಪಿ || ೨,೯೦।೩

ಯಾಸಾಂ ನಾಭಿರ್ ಆರೇಹಣಂ
ಹೃದಿ ಸಂವನನಂ ಕೃತಂ |
ಗಾವೋ ಘೃತಸ್ಯ ಮಾತರೋ
ಅಮೂಂ ಸಂ ವಾನಯಂತು ಮೇ || ೨,೯೦।೪

ಮಹ್ಯಂ ತ್ವಾ ದ್ಯಾವಾಪೃಥಿವೀ
ಮಹ್ಯಂ ದೇವೀ ಸರಸ್ವತೀ |
ಮಹ್ಯಂ ತ್ವೇಂದ್ರಶ್ ಚಾಗ್ನಿಶ್ ಚ-
-ಅಹೋರಾತ್ರೇ ನಿ ಯಚ್ಛತಾಂ || ೨,೯೦।೫
(೯೦)

ತೂಲಿ ಮೂಲ್ಯ್ ಅರ್ಜುನಿ
ಪುನರ್ ವೋ ಯಂತು ಯಾತವಃ
ಪುನರ್ ಜೂತಿಃ ಕಿಮೀದಿನೀಃ |
ಯಸ್ಯ ಸ್ಥ ತಂ ಅತ್ತ
ಯೋ ವಃ ಪ್ರಾಹೈತ್ ತಂ ಅತ್ತ
ಸ್ವಾ ಮಾಂಸಾನ್ಯ್ ಅತ್ತ || ೨,೯೧।೧

ಅತ್ಸ್ಯವೋ ಜಿಘತ್ಸವಃ
(…) || ೨,೯೧।೨

ಅವಿಷ್ಯವಸ್ ಪಾಸ್ಯವಃ
(…) || ೨,೯೧।೩

ಸ್ಫಾತಿಹಾರೀ ರಸಹಾರೀಃ
(…) || ೨,೯೧।೪

ವಾತಜೂತೇ ಮನೋಜವಃ
ಪುನರ್ ವೋ ಯಂತು ಯಾತವಃ
ಪುನರ್ ಜೂತಿಃ ಕಿಮೀದಿನೀಃ |
ಯಸ್ಯ ಸ್ಥ ತಂ ಅತ್ತ
ಯೋ ವಃ ಪ್ರಾಹೈತ್ ತಂ ಅತ್ತ
ಸ್ವಾ ಮಾಂಸಾನ್ಯ್ ಅತ್ತ || ೨,೯೧।೫
(೯೧)

ಅನುವಾಕ ೧೮ ||
(೨)


ಕಾಂಡ ೩

ಆ ತ್ವಾಗನ್ ರಾಷ್ಟ್ರಂ ಸಹ ವರ್ಚಸೋದ್ ಇಹಿ
ಪ್ರಾಙ್ ವಿಶಾಂ ಪತಿರ್ ಏಕರಾಟ್ ತ್ವಂ ವಿ ರಾಜ |
ಸರ್ವಾಸ್ ತ್ವಾ ರಾಜನ್ ಪ್ರದಿಶೋ ಹ್ವಯಂತು-
-ಉಪಸದ್ಯೋ ನಮಸ್ಯೋ ಭವೇಹ || ೩,೧।೧

ತ್ವಾಂ ವಿಶೋ ವೃಣತಂ ರಾಜ್ಯಾಯ
ತ್ವಾಂ ಇಮಾಃ ಪ್ರದಿಶಃ ಪಂಚ ದೇವೀಃ |
ವರ್ಷ್ಮನ್ ರಾಷ್ಟ್ರಸ್ಯ ಕಕುದಿ ಶ್ರಯಸ್ವ-
-ಅತೋ ವಸೂನಿ ವಿ ಭಜಾಸ್ಯ್ ಉಗ್ರಃ || ೩,೧।೨

ಅಚ್ಛ ತ್ವಾ ಯಂತು ಹವಿನಃ ಸಜಾತಾ
ಅಗ್ನಿರ್ ದೂತೋ ಅಜಿರಃ ಸಂತುರಾತಿಃ |
ಜಾಯಾಃ ಪುತ್ರಾಃ ಸುಮನಸೋ ಭವಂತು
ಬಹುಂ ಬಲಿಂ ಪ್ರತಿ ಪಶ್ಯಾಸಾ ಉಗ್ರಃ || ೩,೧।೩

ಅಶ್ವಿನಾ ತ್ವಾಗ್ರೇ ಮಿತ್ರಾವರುಣೋಭಾ
ವಿಶ್ವೇ ದೇವಾ ಮರುತಸ್ ತ್ವಾ ಹ್ವಯಂತು |
ಸಜಾತಾನಾಂ ಮಧ್ಯಮೇಷ್ಠಾ ಇಹ ಸ್ಯಾಃ
ಸ್ವೇ ಕ್ಷೇತ್ರೇ ಸವಿತೇವ ವಿ ರಾಜ || ೩,೧।೪

ಆ ಪ್ರ ದ್ರವ ಪರಮಸ್ಯಾಃ ಪರಾವತಃ
ಶಿವೇ ತೇ ದ್ಯಾವಾಪೃಥಿವೀ ಅಭೂತಾಂ |
ತದ್ ಅಯಂ ರಾಜಾ ವರುಣಸ್ ತಥಾಹ
ಸ ತ್ವಾಯಂ ಅಹ್ವತ್ ಸ ಇಹೇದಂ ಏಹಿ || ೩,೧।೫

ಇಂದ್ರೇಂದ್ರಂ ಮನುಷ್ಯಃ ಪರೇಹಿ
ಸಂ ಯಜ್ಞಿಯಾಸ್ ತ್ವಾ ವರುಣೇನ ಸಂವಿದಾನಃ |
ಸ ತ್ವಾಯಂ ಅಹ್ವತ್ ಸ್ವೇ ಸಧಸ್ಥೇ
ಸ ದೇವಾನ್ ಯಕ್ಷತ್ ಸ ಉ ಕಲ್ಪಯಾದ್ ವಿಶಃ || ೩,೧।೬

ಪಥ್ಯಾ ರೇವತೀರ್ ಬಹುಧಾ ವಿರೂಪಾಃ
ಸರ್ವಾಃ ಸಂಗತ್ಯ ವರಿವಸ್ ತೇ ಅಕ್ರನ್ |
ತಾಸ್ ತ್ವಾ ಸರ್ವಾಃ ಸಂವಿದಾನಾ ಹ್ವಯಂತು
ದಶಮೀಂ ಉಗ್ರಃ ಸುಮನಾ ವಶೇಹ || ೩,೧।೭

ಯದ್ ಅಜಿರೇಣ ಹವಿಷಾ-
-ಅವ ತ್ವಾ ಗಮಯಾಮಸಿ |
ಅತ್ರಾತ ಇಂದ್ರಃ ಕೇವಲೀರ್
ವಿಶೋ ಬಲಿಹೃತಸ್ ಕರತ್ || ೩,೧।೮
(೧)

ಹರಿಣಸ್ಯ ರಘುಷ್ಯದೋ
ಽಧಿ ಶೀರ್ಷಣಿ ಭೇಷಜಂ |
ಸುಕ್ಷೇತ್ರಿಯಂ ವಿಷಾಣಯಾದ್
ವಿಸೂಚೀನಂ ಅನೀನಶತ್ || ೩,೨।೧

ಅನು ತ್ವಾ ಹರಿಣೋ ವೃಷಾ
ಪದ್ಭಿಶ್ ಚತುರ್ಭಿರ್ ಅಕ್ರಮೀತ್ |
ವಿಷಾಣೇ ವಿ ಷ್ಯ ಗುಷ್ಪಿತಂ
ಯತ್ ಕಿಂ ಚ ಕ್ಷೇತ್ರಿಯಂ ಹೃದಿ || ೩,೨।೨

ಅದೋ ಯದ್ ಅವರೋಚತೇ
ಚತುಷ್ಪಕ್ಷಂ ಇವ ಚ್ಛದಿಃ |
ತೇನ ತೇ ಸರ್ವಂ ಕ್ಷೇತ್ರಿಯಂ
ಅಂಗೇಭ್ಯೋ ನಾಶಯಾಮಸಿ || ೩,೨।೩

ಉದ್ ಅಗಾತಾಂ ಭಗವತೀ
ವಿಚೃತೌ ನಾಮ ತಾರಕೇ |
ವಿ ಕ್ಷೇತ್ರಿಯಸ್ಯ ಮುಂಚತಾಂ
ಅಧಮಂ ಪಾಶಂ ಉತ್ತಮಂ || ೩,೨।೪

ಯದ್ ಆಸುತೇಃ ಕ್ರಿಯಮಾಣಾಯಾಃ
ಕ್ಷೇತ್ರಿಯಂ ತ್ವಾ ವ್ಯಾನಶೇ |
ವೇದಾಹಂ ತಸ್ಯ ಭೇಷಜಂ
ಕ್ಷೇತ್ರಿಯಂ ನಾಶಯಾಮಿ ತೇ || ೩,೨।೫

ಅಪವಾಸೇ ನಕ್ಷತ್ರಾಣಾಂ
ಅಪವಾಸ ಉತೋಷಸಾಂ |
ಅಪಾಸ್ಮತ್ ಸರ್ವಂ ಆಮಯದ್
ಅಪ ಕ್ಷೇತ್ರಿಯಂ ಅಕ್ರಮೀತ್ || ೩,೨।೬

ಆಪ ಇದ್ ವಾ ಉ ಭೇಷಜೀರ್
ಆಪೋ ಅಮೀವಚಾತನೀಃ |
ಆಪೋ ವಿಶ್ವಸ್ಯ ಭೇಷಜೀಸ್
ತಾಸ್ ತ್ವಾ ಮುಂಚಂತು ಕ್ಷೇತ್ರಿಯಾತ್ || ೩,೨।೭
(೨)

ಪುಮಾನ್ ಪುಂಸಃ ಪರಿಜಾತೋ
ಽಶ್ವತ್ಥಃ ಖದಿರಾದ್ ಅಧಿ |
ಸ ಹಂತು ಶತ್ರೂನ್ ಮಾಮಕಾನ್
ಯಾಂಶ್ ಚಾಹಂ ದ್ವೇಷ್ಮಿ ಯೇ ಚ ಮಾಂ || ೩,೩।೧

ತಾನ್ ಅಶ್ವತ್ಥ ನಿಃ ಶೃಣೀಹಿ
ಶತ್ರೂನ್ ವೈಬಾಧ ದೋಧತಃ |
ಇಂದ್ರೇಣ ವೃತ್ರಘ್ನಾ ಮೇಹ್ಯ್
ಅಗ್ನಿನಾ ವರುಣೇನ ಚ || ೩,೩।೨

ಯಥಾಶ್ವತ್ಥ ನಿಃಶೃಣಾಸಿ
ಪೂರ್ವಾನ್ ಜಾತಾನ್ ಉತಾಪರಾನ್ |
ಏವಾ ಪೃತನ್ಯತಸ್ ತ್ವಂ
ಅಭಿ ತಿಷ್ಠ ಸಹಸ್ವ ಚ || ೩,೩।೩

ಯಥಾಶ್ವತ್ಥ ವಿಭಿನತ್ಸ್ಯ್
ಅಂತರ್ ಮಹತ್ಯ್ ಅರ್ಣವೇ |
ಏವಾ ಮೇ ಶತ್ರೋಶ್ ಚಿತ್ತಾನಿ
ವಿಷ್ವಗ್ ಭಿಂಧಿ ಸಹಸ್ವ ಚ || ೩,೩।೪

ಯಃ ಸಹಮಾನಶ್ ಚರಸಿ
ಸಾಸಹಾನ ಇವ ರ್ಷಭಃ |
ತೇನಾಶ್ವತ್ಥ ತ್ವಯಾ ವಯಂ
ಸಪತ್ನಾನ್ ಸಹಿಷೀಮಹಿ || ೩,೩।೫

ಸಿನಾತ್ವ್ ಏನಾನ್ ನಿರೃತಿರ್
ಮೃತ್ಯೋಃ ಪಾಶೈರ್ ಅಮೋಕ್ಯೈಃ |
ಅಶ್ವತ್ಥ ಶತ್ರೂನ್ ಮಾಮಕಾನ್
ಯಾಂಶ್ ಚಾಹಂ ದ್ವೇಷ್ಮಿ ಯೇ ಚ ಮಾಂ || ೩,೩।೬

ಅಧರಾಂಚಃ ಪ್ರ ಪ್ಲವಂತಾಂ
ಛಿನ್ನಾ ನೌರ್ ಇವ ಬಂಧನಾತ್ |
ನ ನಿರ್ ಬಾಧ ಪ್ರಣುತ್ತಾನಾಂ
ಪುನರ್ ಅಸ್ತಿ ನಿವರ್ತನಂ || ೩,೩।೭

ಪ್ರೈಣಾನ್ ನುದಾಮಿ ಮನಸಾ
ಪ್ರ ಚಿತ್ತೇನ ಪ್ರ ಬ್ರಹ್ಮಣಾ |
ಪ್ರೈಣಾನ್ ವೃಕ್ಷಸ್ಯ ಶಾಖಯ-
-ಅಶ್ವತ್ಥಸ್ಯ ನುದಾಮಸಿ || ೩,೩।೮
(೩)

ಯದ್ ಅದಃ ಸಂಪ್ರಯತೀರ್
ಅಹಾವನದತಾ ಹತೇ |
ತಸ್ಮಾದ್ ಆ ನದ್ಯೋ ನಾಮ ಸ್ಥ
ತಾ ವೋ ನಾಮಾನಿ ಸಿಂಧವಃ || ೩,೪।೧

ಯತ್ ಪ್ರೇಷಿತಾ ವರುಣೇನ-
-ಆಚ್ ಛೀಭಂ ಸಮವಲ್ಗತ |
ತದ್ ಆಪ್ನೋದ್ ಇಂದ್ರೋ ವೋ ಯತೀಸ್
ತಸ್ಮಾದ್ ಆಪೋ ಅನು ಷ್ಠನ || ೩,೪।೨

ಅಪಕಾಮಂ ಸ್ಯಂದಮಾನಾ
ಅವೀವರತ ವೋ ಹಿಕಂ |
ಇಂದ್ರೋ ವಃ ಶಕ್ತಿಭಿರ್ ದೇವೀಸ್
ತಸ್ಮಾದ್ ವಾರ್ ಣಾಮ ವೋ ಹಿಕಂ || ೩,೪।೩

ಏಕೋ ವೋ ದೇವ ಉಪಾತಿಷ್ಠತ್
ಸ್ಯಂದಮಾನಾ ಉಪೇತ್ಯ |
ಉದಾನಿಷುರ್ ಮಹೀರ್ ಇತಿ
ತಸ್ಮಾದ್ ಉದಕಂ ಉಚ್ಯಧ್ವೇ || ೩,೪।೪

ಆಪೋ ದೇವೀರ್ ಘೃತಂ ಇದ್ ಆಪ ಆಹುರ್
ಅಗ್ನೀಷೋಮೌ ಬಿಭ್ರತ್ಯ್ ಆಪ ಇತ್ ತಾಃ |
ತೀವ್ರೋ ರಸೋ ಮಧುಪೃಚಾಂ ಅರಂಗಮ
ಆ ಮಾ ಪ್ರಾಣೇನ ಸಹ ವರ್ಚಸಾಗನ್ || ೩,೪।೫

ಆದ್ ಇತ್ ಪಶ್ಯಾಮ್ಯ್ ಉತ ವಾ ಶೃಣೋಮ್ಯ್
ಆ ಮಾ ಘೋಷೋ ಗಚ್ಛತಿ ವಾಙ್ ಮಾಸಾಂ |
ಮೇನೇ ಭೇಜಾನೋ ಅಮೃತಸ್ಯ ತರ್ಹಿ
ಹಿರಣ್ಯವರ್ಣಾ ಅತೃಪಂ ಯದಾಪಃ || ೩,೪।೬
(೪)

ಅಗ್ನಿರ್ ನೋ ದೂತಃ ಪ್ರತ್ಯ್ ಏತು ಶತ್ರೂನ್
ಪ್ರತಿದಹನ್ನ್ ಅಭಿಶಸ್ತಿಂ ಅರಾತಿಂ |
ಸ ಚಿತ್ತಾನಿ ಮೋಹಯತು ಪರೇಷಾಂ
ನಿಹಸ್ತಾಂಶ್ ಚ ಕೃಣವಜ್ ಜಾತವೇದಾಃ || ೩,೫।೧

ಅಯಂ ಅಗ್ನಿರ್ ಅಮೂಮುಹದ್
ಯಾನಿ ಚಿತ್ತಾನಿ ವೋ ಹೃದಿ |
ವಿ ವೋ ಧಮಾತ್ಯ್ ಓಕಸಃ
ಪ್ರ ವೋ ಧಮಾತಿ ಸರ್ವತಃ || ೩,೫।೨

ಇಂದ್ರ ಚಿತ್ತಾನಿ ಮೋಹಯ-
-ಅರ್ವಾಗ್ ಆಕೂತ್ಯಾ ಅಧಿ |
ಅಗ್ನೇರ್ ವಾತಸ್ಯ ಧ್ರಾಜ್ಯಾ
ತಾನ್ ವಿಷೂಚೋ ವಿ ನಾಶಯ || ೩,೫।೩

ವ್ಯ್ ಏಷಾಂ ಆಕೂತಯ ಇತ-
-ಅಥೋ ಚಿತ್ತಾನಿ ಮುಹ್ಯತ |
ಅಥೋ ಯದ್ ಅದ್ಯೈಷಾಂ ಹೃದಿ
ತದ್ ಏಷಾಂ ಪರಿ ನಿರ್ ಜಹಿ || ೩,೫।೪

ಅಮೀಷಾಂ ಚಿತ್ತಾನಿ ಪ್ರತಿಮೋಹಯಂತೀ
ಗೃಹಾಣಾಂಗಾನ್ಯ್ ಅಪ್ವೇ ಪರೇಹಿ |
ಅಭಿ ಪ್ರೇಹಿ ನಿರ್ ದಹ ಹೃತ್ಸು ಶೋಕೈರ್
ಗ್ರಾಹ್ಯಾಮಿತ್ರಾಂಸ್ ತಮಸಾ ವಿಧ್ಯ ಶತ್ರೂನ್ || ೩,೫।೫

ಅಸೌ ಯಾ ಸೇನಾ ಮರುತಃ ಪರೇಷಾಂ
ಅಸ್ಮಾನ್ ಅಭ್ಯ್ ಐತ್ಯ್ ಓಜಸಾ ಸ್ಪರ್ಧಮಾನಾ |
ತಾಂ ಗುಹತ ತಮಸಾಪವ್ರತೇನ
ಯಥೈಷಾಂ ಅನ್ಯೋ ಅನ್ಯಂ ನ ಜಾನಾತ್ || ೩,೫।೬
(೫)

ಅನುವಾಕ ೧ ||

ಅಗ್ನಿರ್ ನೋ ವಿದ್ವಾನ್ ಪ್ರತ್ಯ್ ಏತು ಶತ್ರೂನ್
ಪ್ರತಿದಹನ್ನ್ ಅಭಿಶಸ್ತಿಂ ಅರಾತಿಂ |
ಸ ಸೇನಾಂ ಮೋಹಯತು ಪರೇಷಾಂ
ನಿಹಸ್ತಾಂಶ್ ಚ ಕೃಣವಜ್ ಜಾತವೇದಾಃ || ೩,೬।೧

ಯೂಯಂ ಉಗ್ರಾ ಮರುತ ಈದೃಶೇ ಸ್ಥ-
-ಅಭಿ ಪ್ರೇತ ಮೃಡತ ಸಹಧ್ವಂ |
ಅಮೀಮೃಡನ್ ವಸವೋ ನಾಥಿತೇಭ್ಯೋ
+ಽಗ್ನಿರ್ ಹ್ಯ್ ಏಷಾಂ ವಿದ್ವಾನ್ ಪ್ರತ್ಯ್ ಏತು ಶತ್ರೂನ್ || ೩,೬।೨

ಅಮಿತ್ರಸೇನಾಂ ಮಘವನ್ನ್
ಅಸ್ಮಾಞ್ ಛತ್ರೂಯತಾಂ ಅಭಿ |
ಯುವಂ ತಾನ್ ಇಂದ್ರ ವೃತ್ರಹನ್ನ್
ಅಗ್ನಿಶ್ ಚ ದಹತಂ ಪ್ರತಿ || ೩,೬।೩

ಪ್ರಸೂತ ಇಂದ್ರಃ ಪ್ರವತಾ ಹರಿಭ್ಯಾಂ
ಪ್ರ ತೇ ವಜ್ರಃ ಪ್ರ ಮೃಣನ್ನ್ ಏತು ಶತ್ರೂನ್ |
ಜಹಿ ಪ್ರತೀಚೋ ಅನೂಚಃ ಪರಾಚೋ
ವಿಶ್ವಂ ಹಿ ರಿಷ್ಟಂ ಕೃಣುಹಿ ಸತ್ಯಂ ಏಷಾಂ || ೩,೬।೪

ಸೇನಾಮೋಹನಂ ಕೃಣ್ವ್
ಇಂದ್ರಾಮಿತ್ರೇಭ್ಯಸ್ ತ್ವಂ |
ಅಗ್ನೇರ್ ವಾತಸ್ಯ ಧ್ರಾಜ್ಯಾ
ತಾನ್ ವಿಷೂಚೋ ವಿ ನಾಶಯ || ೩,೬।೫

ಇಂದ್ರಃ ಸೇನಾಂ ಮೋಹಯತು
ಮರುತೋ ಘ್ನಂತ್ವ್ ಓಜಸಾ |
ಚಕ್ಷೂಂಷ್ಯ್ ಅಗ್ನಿರ್ ಆ ದತ್ತಾಂ
ಪುನರ್ ಏತು ಪರಾಜಿತಾಂ || ೩,೬।೬
(೬)

ಏಕಶತಂ ವಿಷ್ಕಂಧಾನಿ
ವಿಷ್ಠಿತಾ ಪೃಥಿವೀಂ ಅನು |
ತೇಷಾಂ ತು ಸರ್ವೇಷಾಂ ಇದಂ
ಅಸ್ತು ವಿಷ್ಕಂಧದೂಷಣಂ || ೩,೭।೧

ಕರ್ಷಫಸ್ಯ ವಿಶಫಸ್ಯ
ದ್ಯೌಷ್ಪಿತಾ ಪೃಥಿವೀ ಮಾತಾ |
ಯಥಾಭಿಚಕ್ರ ದೇವಾಸ್
ತಥಾಪಿ ಕೃಣುತಾ ಪುನಃ || ೩,೭।೨

ಅಶ್ಲೇಷ್ಮಾಣೋ ಅಧಾರಯನ್
ತಥಾ ತನ್ ಮನುನಾ ಕೃತಂ |
ಕೃಣೋಮಿ ವಧ್ರಿ ವಿಷ್ಕಂಧಂ
ಮುಷ್ಕಾಬರ್ಹೋ ಗವಾಂ ಇವ || ೩,೭।೩

ಸೂತ್ರೇ ಪಿಶಂಗೇ ಖೃಗಲಂ
ಯದ್ ಆಬಧ್ನಂತಿ ವೇಧಸಃ |
ಶ್ರವಸ್ಯಂ ಶುಷ್ಮಂ ಕಾಬವಂ
ವಧ್ರಿಂ ಕೃಣ್ವಂತು ಬಂಧುರಃ || ೩,೭।೪

ಯೇನಾ ಶ್ರವಸ್ಯೋ ಚರಥ
ದೇವಾ ಇವಾಸುರಮಾಯಯಾ |
ಶುನಾಂ ಕಪಿರ್ ಇವ ದೂಷಣೋ
ಬಂಧುರಾ ಕಾಬವಸ್ಯ ಚ || ೩,೭।೫

ದುಷ್ಟ್ಯೈ ಹಿ ತ್ವಾ ಭಂತ್ಸ್ಯಾಮಿ
ದೂಷಯಿತ್ವಾ ಕಾಬವಂ |
ಉದ್ ಆಶವೋ ರಥಾ ಇವ
ಶಪಥೇಭಿಃ ಸರಿಷ್ಯಥ || ೩,೭।೬
(೭)

ಯಮಸ್ಯ ಲೋಕಾದ್ ಅಧ್ಯ್ ಆ ಬಭೂವಿಥ
ಪ್ರಮದಾ ಮರ್ತಾನ್ ಪ್ರ ಯುನಕ್ಷುಧೀರಃ |
ಏಕಾಕಿನಾ ಸರಥಂ ಯಾಸಿ ವಿದ್ವಾನ್
ಸ್ವಪ್ನ ಮಿಮಾನೋ ಅಸುರಸ್ಯ ಯೋನೌ || ೩,೮।೧

ಬಂಬಸ್ ತ್ವಾಗ್ರೇ ವಿಶ್ವವಯಾಪಶ್ಯತ್
ಪುರಾ ರಾತ್ರ್ಯಾ ಜನಿತೋರ್ ಏಕೇ ಅಹ್ನಿ |
ತತಃ ಸ್ವಪ್ನೇದಂ ಅಧ್ಯ್ ಆ ಬಭೂವಿಥ
ವಿಷ್ವಙ್ವರೂಪಂ ಅಪಗೂಹಮಾನಃ || ೩,೮।೨

ಬೃಹನ್ ಗ್ರಾವಾಸುರೇಭ್ಯೋ ಽಧಿ ದೇವಾನ್
ಉಪಾವವರ್ತ ಮಹಿಮಾನಂ ಇಚ್ಛನ್ |
ತಸ್ಮೈ ಸ್ವಪ್ನಾಯ ದಧುರ್ ಆಧಿಪತ್ಯಂ
ತ್ರಯಸ್ತ್ರಿಂಶಾಸಃ ಸ್ವರ್ ಆನಶಾನಾಃ || ೩,೮।೩

ನೈತಾಂ ವಿದುಃ ಪಿತರೋ ನೋತ ದೇವಾ
ಯೈಷಾ ಜಲ್ಪಿಶ್ ಚರತ್ಯ್ ಅಂತರೇದಂ |
ತ್ರಿತೇ ಸ್ವಪ್ನಂ ಅದಧುರ್ ಆಪ್ತ್ಯೇ ನರ
ಆದಿತ್ಯಾಸೋ ವರುಣೇನಾನುಶಿಷ್ಟಾಃ || ೩,೮।೪

ವ್ಯ್ ಅಸ್ಯ ಕ್ರೂರಂ ಅಭಿ ಯಂತು ದುಷ್ಕೃತೋ
ಽಸ್ವಪ್ನೇನ ಸುಕೃತಃ ಪುಣ್ಯಂ ಆಯುಃ |
ಸ್ವರ್ ಮದಸಿ ಪರಮೇಣ ಬಂಧುನಾ
ತಪ್ಯಮಾನಸ್ಯ ಮನಸೋ ಽಧಿ ಜಜ್ಞಿಷೇ || ೩,೮।೫

ವಿದ್ಮ ತೇ ಸರ್ವಾಃ ಪರಿಜಾಃ ಪುರಸ್ತಾದ್
ವಿದ್ಮ ಸ್ವಪ್ನ ಯೋ ಅಧಿಪಾ ಇಹೋ ತೇ |
ಯಶಸ್ವಿನೋ ನೋ ಯಶಸೇಹ ಪಾಹ್ಯ್
ಆರಾದ್ ದ್ವಿಷೇಭಿರ್ ಅಪ ಯಾಹಿ ದೂರಂ || ೩,೮।೬
(೮)

ಅಂಬಾಃ ಸುಮುಖಾಃ ಸೃಜತ
ಪದ್ವತ್ ಸೃಜತ ಸತ್ಯಜ್ಞೇಯಂ |
ಸೃಜಾಮ್ಯ್ ಅಹಂ ದೂತಾನ್
ಅಸ್ಮೈ ವಿಷಾಯ ಹಂತವೇ |
ವಾರ್ ಉಗ್ರಂ ಅರಸಂ ವಿಷಂ
ಆಹೇಯಂ ಅರಸಂ ವಿಷಂ ನಿರ್ವಿಷಂ || ೩,೯।೧

ಇಂದ್ರಂ ಅಹಂ ಇಹ ಹುವೇ
ಸೋಮಪಾಂ ಉಭಯಾವಿನಂ
ಅಸ್ಮೈ ವಿಷಾಯ ಹಂತವೇ |
ವಾರ್ ಉಗ್ರಂ ಅರಸಂ ವಿಷಂ
ಆಹೇಯಂ ಅರಸಂ ವಿಷಂ ನಿರ್ವಿಷಂ || ೩,೯।೨

ವರುಣಂ ಅಹಂ ಇಹ ಹುವ
ಉಗ್ರಂ ರಾಜನ್ಯೈಃ ಸಹ-
-ಅಸ್ಮೈ ವಿಷಾಯ ಹಂತವೇ |
ವಾರ್ ಉಗ್ರಂ ಅರಸಂ ವಿಷಂ
ಆಹೇಯಂ ಅರಸಂ ವಿಷಂ ನಿರ್ವಿಷಂ || ೩,೯।೩

ಅದಿತಿಂ ಅಹಂ ಇಹ ಹುವೇ
ಸೂರಪುತ್ರಾಂ ಕನೀನಿಕಾಂ
ಅಸ್ಮೈ ವಿಷಾಯ ಹಂತವೇ |
ವಾರ್ ಉಗ್ರಂ ಅರಸಂ ವಿಷಂ
ಆಹೇಯಂ ಅರಸಂ ವಿಷಂ ನಿರ್ವಿಷಂ || ೩,೯।೪

ಬೃಹಸ್ಪತಿಂ ಅಹಂ ಇಹ ಹುವೇ
ಯೋ ದೇವಾನಾಂ ಪುರೋಹಿತೋ
ಽಸ್ಮೈ ವಿಷಾಯ ಹಂತವೇ |
ವಾರ್ ಉಗ್ರಂ ಅರಸಂ ವಿಷಂ
ಆಹೇಯಂ ಅರಸಂ ವಿಷಂ ನಿರ್ವಿಷಂ || ೩,೯।೫

ಆಣಾಶ್ಚಾಣಾಶ್ ಚಂಡಾಮರ್ಕಾ
ಅಸ್ಮೈ ವಿಷಾಯ ಹಂತವೇ |
ವಾರ್ ಉಗ್ರಂ ಅರಸಂ ವಿಷಂ
ಆಹೇಯಂ ಅರಸಂ ವಿಷಂ ನಿರ್ವಿಷಂ || ೩,೯।೬

ನವಾನಾಂ ನವತೀನಾಂ
ವಿಷಸ್ಯ ರೋಪುಷೀಣಾಂ |
ಸರ್ವಾಸಾಂ ಅಗ್ರಭಂ ನಾಮ
ವೀತಾಪೇತಾರಸಂ ವಿಷಂ || ೩,೯।೭
(೯)

ಮೃತ್ಯುರ್ ಏಕೋ ಯಮ ಏಕಃ
ಶರ್ವ ಏಕಃ ಶರುರ್ ಭವಃ |
ತೇ ನಃ ಕೃಣ್ವಂತು ಭೇಷಜಂ
ದೇವಸೇನಾಭ್ಯಸ್ ಪರಿ || ೩,೧೦।೧

ಪುನರ್ ನೋ ಯಮಃ ಪಿತೃಭಿರ್ ದದಾತು
ಪುನರ್ ಮಿತ್ರಾವರುಣಾ ವಾತೋ ಅಗ್ನಿಃ |
ಅಘಮಾರೋ ಅಘಶಂಸಃ ಪುನರ್ ದಾತ್
ಪುನರ್ ನೋ ದೇವೀ ನಿರೃತಿರ್ ದದಾತು || ೩,೧೦।೨

ಯಾ ದೇವೈಃ ಪ್ರಹಿತೇಷುಃ ಪತಾತ್
ತಪಸೇ ವಾ ಮಹಸೇ ವಾವಸೃಷ್ಟಾ |
ಸೋಮಸ್ ತ್ವಾಂ ಅಸ್ಮದ್ ಯಾವಯತು ವಿದ್ವಾನ್
ಪಿತರೋ ವಾ ದೇವಹುತಾ ನೃಚಕ್ಷಸಃ || ೩,೧೦।೩

ಸಹಸ್ರಾಕ್ಷೋ ಅಮರ್ತ್ಯಃ
ಪುರುರೂಪ ಇಹಾವತು |
ಸಖ್ಯೇ ತ ಉಗ್ರ ಮಾ ರಿಷಂ
ಸಹಗುಃ ಸಹಪೂರುಷಃ || ೩,೧೦।೪

ಯಸ್ ತೇ ಮನ್ಯುಃ ಸಹಸ್ರಾಕ್ಷ
ವಿಷೇಣ ಪರಿಷಿಚ್ಯತೇ |
ತೇನ ತ್ವಂ ಅಸ್ಮಭ್ಯಂ ಮೃಡ
ಶಿವೋ ನಃ ಶಂಭುರ್ ಆ ಚರ || ೩,೧೦।೫

ಮಾ ತೇ ಮಯೌ ಸಹಸ್ರಾಕ್ಷ
ಭಾಮೇ ಭೂನ್ ಮಾಮಕಂ ಜಗತ್ |
ಯೋ ನೋ ದ್ವೇಷ್ಟಿ ತಂ ಗಚ್ಛ
ಯಂ ದ್ವಿಷ್ಮಸ್ ತಂ ಜಹಿ || ೩,೧೦।೬
(೧೦)

ಅನುವಾಕ ೨ ||

ಯೇ ಸ್ಥಾಸ್ಯಾಂ ಪ್ರಾಚ್ಯಾಂ ದಿಶಿ ಹೇತಯೋ ನಾಮ ದೇವಾಸ್
ತೇಷಾಂ ವೋ ಅಗ್ನಿರ್ ಇಷವಃ |
ತೇ ನೋ ಮೃಡತ ತೇ ನೋ ಽಧಿ ಬ್ರೂತ
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೩,೧೧।೧

ಯೇ ಸ್ಥಾಸ್ಯಾಂ ದಕ್ಷಿಣಾಯಾಂ ದಿಶ್ಯ್ ಅವಿಷ್ಯವೋ ನಾಮ ದೇವಾಸ್
ತೇಷಂ ವ ಆಪ ಇಷವಃ |
ತೇ ನೋ ಮೃಡತ ತೇ ನೋ ಽಧಿ ಬ್ರೂತ
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೩,೧೧।೨

ಯೇ ಸ್ಥಾಸ್ಯಾಂ ಪ್ರತೀಚ್ಯಾಂ ದಿಶಿ ವಿರಾಜೋ ನಾಮ ದೇವಾಸ್
ತೇಷಂ ವಃ ಕಾಮ ಇಷವಃ |
ತೇ ನೋ ಮೃಡತ ತೇ ನೋ ಽಧಿ ಬ್ರೂತ
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೩,೧೧।೩

ಯೇ ಸ್ಥಾಸ್ಯಾಂ ಉದೀಚ್ಯಾಂ ದಿಶಿ ಪ್ರವಿಧ್ಯಂತೋ ನಾಮ ದೇವಾಸ್
ತೇಷಂ ವೋ ವಾತ ಇಷವಃ |
ತೇ ನೋ ಮೃಡತ ತೇ ನೋ ಽಧಿ ಬ್ರೂತ
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೩,೧೧।೪

ಯೇ ಸ್ಥಾಸ್ಯಾಂ ಧ್ರುವಾಯಾಂ ದಿಶಿ ವಿಲಿಂಪಾ ನಾಮ ದೇವಾಸ್
ತೇಷಂ ವೋ ಽನ್ನಂ ಇಷವಃ |
ತೇ ನೋ ಮೃಡತ ತೇ ನೋ ಽಧಿ ಬ್ರೂತ
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೩,೧೧।೫

ಯೇ ಸ್ಥಾಸ್ಯಾಂ ಊರ್ಧ್ವಾಯಾಂ ದಿಶ್ಯ್ ಅವಿಷ್ಯಂತೋ ನಾಮ ದೇವಾಸ್
ತೇಷಂ ವೋ ವರ್ಷಂ ಇಷವಃ |
ತೇ ನೋ ಮೃಡತ ತೇ ನೋ ಽಧಿ ಬ್ರೂತ
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೩,೧೧।೬
(೧೧)

ಯೋ ಅಪ್ಸ್ವ್ ಅಂತರ್ ಯೋ ವೃತ್ರೇ
ಅಂತರ್ ಯಃ ಪುರುಷೇ ಯೋ ಅಶ್ಮನಿ |
ಯ ಆವಿವೇಶೌಷಧೀರ್ ಯೋ ವನಸ್ಪತೀಂಸ್
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೧

ಯಃ ಸೋಮೇ ಅಂತರ್ ಯ ಉ ಗೋಷ್ವ್ ಅಂತರ್
ಯ ಆವಿಷ್ಟೋ ವಯಸಿ ಯೋ ಮೃಗೇಷು |
ಯ ಆವಿವೇಶ ದ್ವಿಪದೋ ಯಶ್ ಚತುಷ್ಪದಸ್
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೨

ಯ ಇಂದ್ರೇಣ ಸರಥಂ ಸಂಬಭೂವ
ವೈಶ್ವಾನರ ಉತ ವಿಶ್ವದಾವ್ಯಃ |
ಯಂ ಜೋಹವೀಮಿ ಪೃತನಾಸುಷಾಸಹಿಂ
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೩

ಯೋ ದೇವೋ ವಿಶ್ವಾದ್ ಯಂ ಉ ಕಾಮಂ ಆಹುರ್
ಯಂ ದಾತಾರಂ ಪ್ರತಿಗೃಹ್ಣಂತಂ ಆಹುಃ |
ಯೋ ಧೀರಃ ಶಕ್ರಃ ಪರಿಭೂರ್ ಅದಾಭ್ಯಸ್
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೪

ಯಂ ತ್ವಾ ಹೋತಾರಂ ಮನಸಾಭಿಸಂವಿದುಸ್
ತ್ರಯೋದಶ ಭೌವನಾಃ ಪಂಚ ಮಾನವಾಃ |
ವರ್ಚೋಧಸೇ ಯಶಸೇ ಸೂನೃತಾವತೇ
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೫

ಉಕ್ಷಾನ್ನಾಯ ವಶಾನ್ನಾಯ
ಸೋಮಪೃಷ್ಠಾಯ ವೇಧಸೇ |
ವೈಶ್ವಾನರಸ್ಯ ಜ್ಯೇಷ್ಠೇಭ್ಯಸ್
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೬

ದಿವಂ ಪೃಥಿವೀಂ ಅಂತರಿಕ್ಷಂ
ಯೇ ವಿದ್ಯುತಂ ಅನುಸಂಚರಂತಿ |
ಯೇ ದಿಕ್ಷ್ವ್ ಅಂತರ್ ಯ ಉ ವಾತೇ ಅಂತಸ್
ತೇಭ್ಯೋ ಅಗ್ನಿಭ್ಯೋ ಹುತಂ ಅಸ್ತ್ವ್ ಏತತ್ || ೩,೧೨।೭

ಬೃಹಸ್ಪತಿಂ ವರುಣಂ ಮಿತ್ರಂ ಅಗ್ನಿಂ
ಹಿರಣ್ಯಪಾಣಿಂ ಸವಿತಾರಂ ಇಂದ್ರಂ |
ವಿಶ್ವಾನ್ ದೇವಾನ್ ಅಂಗಿರಸೋ ಹವಾಮಹ
ಇಮಂ ಕ್ರವ್ಯಾದಂ ಶಮಯಂತ್ವ್ ಅಗ್ನಿಂ || ೩,೧೨।೮

ಶಾಂತೋ ಅಗ್ನಿಃ ಕ್ರವ್ಯಾದ್
ಅಥೋ ಪುರುಷರೇಷಣಃ |
ಅಥೋ ಯೋ ವಿಶ್ವದಾವ್ಯಸ್
ತಂ ಕ್ರವ್ಯಾದಂ ಅಶೀಶಮಂ || ೩,೧೨।೯
(೧೨)

ಆಯಂ ಅಗನ್ ಪರ್ಣಮಣಿರ್
ಬಲೀ ಬಲೇನ ಪ್ರಮೃಣನ್ ಸಪತ್ನಾನ್ |
ಓಜೋ ದೇವಾನಾಂ ಪಯ ಓಷಧೀನಾಂ
ಮಯಿ ರಾಷ್ಟ್ರಂ ಜಿನ್ವತ್ವ್ ಅಪ್ರಯುಚ್ಛನ್ || ೩,೧೩।೧

ಮಯಿ ರಾಷ್ಟ್ರಂ ಪರ್ಣಮಣೇ
ಮಯಿ ಧಾರಯಾ ಶ್ರಿಯಂ |
ಅಹಂ ರಾಷ್ಟ್ರಸ್ಯಾಭೀವರ್ಗೇ
ಯುಜಾ ಭೂಯಾಸಂ ಉತ್ತರಃ || ೩,೧೩।೨

ಯಂ ನಿದಧುರ್ ವನಸ್ಪತೌ
ವಾಜಂ ದೇವಾಃ ಪ್ರಿಯಂ ನಿಧಿಂ |
ತಂ ಮ ಇಂದ್ರಃ ಸಹಾಯುಷಾ
ಮಣಿಂ ದಧಾತು ಭರ್ತವೇ || ೩,೧೩।೩

ಸೋಮಸ್ಯ ಪರ್ಣಃ ಸಹ ಉಗ್ರಂ ಆಗನ್ನ್
ಇಂದ್ರೇಣ ದತ್ತೋ ವರುಣೇನ ಸಖ್ಯಾ |
ತಂ ಅಹಂ ಬಿಭರ್ಮಿ ಬಹು ರೋಚಮಾನೋ
ದೀರ್ಘಾಯುತ್ವಾಯ ಶತಶಾರದಾಯ || ೩,೧೩।೪

ಆ ಮಾ ರುಕ್ಷತ್ ಪರ್ಣಮಣಿರ್
ಮಹ್ಯಾ ಅರಿಷ್ಟತಾತಯೇ |
ಯಥಾಹಂ ಉತ್ತರೋ ಽಸಾನಿ
ಮಾನುಷ್ಯಾ ಅಧಿ ಸಂಪದಃ || ೩,೧೩।೫

ಪುನರ್ ಮೈತ್ವ್ ಇಂದ್ರಿಯಂ
ಪುನರ್ ಆತ್ಮಾ ದ್ರವಿಣಂ ಬ್ರಾಹ್ಮಣಂ ಚ |
ಪುನರ್ ಅಗ್ನಯೋ ಧಿಷ್ಣ್ಯಾಸೋ
ಯಥಾಸ್ಥಾಮ ಕಲ್ಪಯಂತಾಂ ಇಹೈವ || ೩,೧೩।೬

ಯೇ ತಕ್ಷಾಣೋ ರಥಕಾರಾಃ
ಕರ್ಮಾರಾ ಯೇ ಮನೀಷಿಣಃ |
ಸರ್ವಾಂಸ್ ತಾನ್ ಪರ್ಣ ರಂಧಯ-
-ಉಪಸ್ತಿಂ ಕೃಣು ಮೇ ಜನಂ || ೩,೧೩।೭

ಉಪಸ್ತಿರ್ ಅಸ್ತು ವೈಶ್ಯ
ಉತ ಶೂದ್ರ ಉತಾರ್ಯಃ |
ಸರ್ವಾಂಸ್ ತಾನ್ ಪರ್ಣ ರಂಧಯ-
-ಉಪಸ್ತಿಂ ಕೃಣು ಮೇ ಜನಂ || ೩,೧೩।೮
(೧೩)

ಯೇನ ವೇಹದ್ ಬಭೂವಿಥ
ನಾಶಯಾಮಸಿ ತದ್ ವಯಂ |
ಇದಂ ತದ್ ಅನ್ಯತ್ರ ತ್ವದ್
ಅಪ ದೂರೇ ನಿ ದಧ್ಮಸಿ || ೩,೧೪।೧

ಆ ತೇ ಗರ್ಭೋ ಯೋನಿಂ ಏತು
ಪುಮಾನ್ ವಾಣ ಇವೇಷುಧಿಂ |
ಆ ವೀರೋ ಽತ್ರ ಜಾಯತಾಂ
ಪುತ್ರಸ್ ತೇ ದಶಮಾಸ್ಯಃ || ೩,೧೪।೨

ಪುಮಾಂಸಂ ಪುತ್ರಂ ಜನಯ
ತಂ ಪುಮಾನ್ ಅನು ಜಾಯತಾಂ |
ಭವಾಸಿ ಪುತ್ರಾಣಾಂ ಮಾತಾ
ಜಾತಾನಾಂ ಜನಯಾಸಿ ಚ || ೩,೧೪।೩

ಯಾನಿ ಭದ್ರಾಣಿ ಬೀಜಾನ್ಯ್
ಋಷಭಾ ಜನಯಂತಿ |
ತೈಸ್ ತ್ವಂ ಪುತ್ರಂ ವಿಂದಸ್ವ
ಸಾ ಪ್ರಸೂರ್ ಧೇನುಕಾ ಭವ || ೩,೧೪।೪

ಕೃಣೋಮಿ ತೇ ಪ್ರಜಾಪತ್ಯಂ
ಆ ಗರ್ಭೋ ಯೋನಿಂ ಏತು ತೇ |
ವಿಂದಸ್ವ ಪುತ್ರಂ ನಾರಿ
ಯಸ್ ತುಭ್ಯಂ ಶಂ ಅಸಚ್
ಛಂ ಉ ತಸ್ಮೈ ತ್ವಂ ಭವ || ೩,೧೪।೫

ಯಾಸಾಂ ಪಿತಾ ಪರ್ಜನ್ಯೋ
ಭೂಮಿರ್ ಮಾತಾ ಬಭೂವ |
ತಾಸ್ ತ್ವಾ ಪುತ್ರವಿದ್ಯಾಯ
ದೇವೀಃ ಪ್ರಾವಂತ್ವ್ ಓಷಧೀಃ || ೩,೧೪।೬

ಯಸ್ ತೇ ಯೋನಿಂ ಉದಿಂಗಯಾದ್
ಋಷಭೋ ರೇತಸಾ ಸಹ |
ಸ ತ ಆ ಸಿಂಚತು ಪ್ರಜಾಂ
ದೀರ್ಘಾಯುಂ ಶತಶಾರದಾಂ || ೩,೧೪।೭
(೧೪)

ಯಾಂ ತ್ವಾ ವಾತೋವರಯದ್
ಆರ್ದ್ರನಾಭಾ ಮಹರ್ಷಭಃ |
ತಸ್ಯಾಸ್ ತೇ ವಿಶ್ವಧಾಯಸೋ
ವಿಷದೂಷಣಂ ಉದ್ ಭರೇ || ೩,೧೫।೧

ಯಾಂ ತ್ವಾ ವರಾಹೋ ಅಖನದ್
ಏಕಸ್ಮಿನ್ನ್ ಅಧಿ ಪುಷ್ಕರೇ |
ತಸ್ಯಾಸ್ ತೇ ವಿಶ್ವಧಾಯಸೋ
ವಿಷದೂಷಣಂ ಉದ್ ಭರೇ || ೩,೧೫।೨

ಯಾಂ ತ್ವಾದಿತಿರ್ ಅವಪದ್
ಬೀಜವಾಪಂ ಅಧಿ ಪುಷ್ಕರೇ |
ತಸ್ಯಾಸ್ ತೇ ವಿಶ್ವಧಾಯಸೋ
ವಿಷದೂಷಣಂ ಉದ್ ಭರೇ || ೩,೧೫।೩

ಯಸ್ಯಾಃ ಕುಲಾಯಂ ಸಲಿಲೇ
ಅಂತರ್ ಮಹತ್ಯ್ ಅರ್ಣವೇ |
ತಸ್ಯಾಸ್ ತೇ ವಿಶ್ವಧಾಯಸೋ
ವಿಷದೂಷಣಂ ಉದ್ ಭರೇ || ೩,೧೫।೪

ಉತ್ ತೇ ಭರ ಉತ್ತಮಾಯಾ
ಅಧಮಾಯಾಸ್ ತ ಉದ್ ಭರೇ |
ಉನ್ ಮಧ್ಯಮಾನ್ ಮಧ್ಯಮೇ ತದ್
ವಿಷದೂಷಣಂ ಉದ್ ಭರೇ || ೩,೧೫।೫

ಅಗ್ರಭಂ ಸಂ ಅಗ್ರಭಂ
ಉಭಾವಂತೌ ಸಂ ಅಗ್ರಭಂ |
ದಿವಶ್ ಚ ಪೃಥಿವ್ಯಾಶ್ ಚ
ವಿಷದೂಷಣಂ ಉದ್ ಭರೇ || ೩,೧೫।೬
(೧೫)

ಅನುವಾಕ ೩ ||
ಪೈದ್ವೋ ಽಸಿ ಪೃತನಾಯುಃ ಸ್ವಾಹಾ ||ಸೋಮಂ ಅಹಿಂಸೀಃ ಸೋಮಹಿಂಸಿತೋ ಽಸಿ ಸ್ವಾಹಾ ||ಬ್ರಾಹ್ಮಣಂ ಅಹಿಂಸೀರ್ ಬ್ರಹ್ಮಹಿಂಸಿತೋ ಽಸಿ ಸ್ವಾಹಾ ||
ನಾಭೂದ್ ಅಹಿರ್ ಭ್ರೂಣಂ ಆರದ್ ಅಹಿರ್
ಅದ್ರಿಂ ಅರಸಾವಧೀತ್ |
ವಿಷಸ್ಯ ಬ್ರಹ್ಮಣಾಮಾಸೀತ್
ತತೋ ಜೀವನ್ ನ ಮೋಕ್ಷಸೇ || ೩,೧೬।೪

ಉಷ್ಟೋ ಽಹಿಃ ಸಮುಷ್ಟೋ *ಽಹಿರ್
ನಿರ್ಧೀತೋ ಅರಸಃ ಕೃತಃ |
ವಿಷಸ್ಯ ಬ್ರಹ್ಮಣಾಮಾಸೀತ್
ತತೋ ಜೀವನ್ ನ ಮೋಕ್ಷಸೇ || ೩,೧೬।೫

ಪುನರ್ ದದಾಮಿ ತೇ ವಿಷಂ
ಪೂರ್ವಪದ್ಯಂ ಇದ್ ಆರಿಥ |
ಮಾಂ ದದಶ್ವಾನ್ ಮನ್ಯಸೇ
ಮಯಾ ದಷ್ಟೋ ನ ಮೋಕ್ಷಸೇ || ೩,೧೬।೬
(೧೬)

ಏಕಶತಂ ಭೇಷಜಾನಿ
ತೇಷಾಂ ಮಾತಾಸ್ಯ್ ಓಷಧೇ |
ಸಮುದ್ರಂ ಅವ ಗಚ್ಛಸಿ
ಪೃಥಿವ್ಯಾಂ ಅಧಿ ನಿಷ್ಠಿತಾ || ೩,೧೭।೧

ತಸ್ಯಾಂ ವೇದಾಧಿ ಭೇಷಜಂ
ದಶಶೀರ್ಷೋ ದಶಜಿಹ್ವಃ |
ಯಸ್ ತೇ ಪ್ರಥಮ ಆದದೇ
ಶಂ ಶ್ವಾವಂತ ಓಷಧೇ
ಯಂ ಅದಾದ್ ವೀರಯುಗ್ ಭಿಷಕ್ || ೩,೧೭।೨

ಪುನಶ್ ಚಕ್ಷುಃ ಪುನಃ ಪ್ರಾಣಃ
ಪುನರ್ ಆಯುರ್ ನ ಆಗಮತ್ |
ನಿಷ್ ಟ್ವಾಕರಂ ನಿಷ್ಕೃತ್ಯಾ
ನಿಷ್ ಟ್ವಾ ನಿಷ್ಕೃತ್ಯಾಕರಂ || ೩,೧೭।೩

ಮುಂಚಾಮಿ ತ್ವಾ ಶಪಥ್ಯಾದ್
ಅಥೋ ವರುಣ್ಯಾದ್ ಉತ |
ಅಥೋ ಯಮಸ್ಯ ಪಡ್ವೀಶಾದ್
ವಿಶ್ವಸ್ಮಾದ್ ದೇವಕಿಲ್ಬಿಷಾತ್ || ೩,೧೭।೪

ಸಂ ತೇ ಶೀರ್ಷ್ಣಃ ಕಪಾಲಾನಿ
ಹೃದಯಸ್ಯ ಚ ಯೋ ವಿದುಃ |
ಉದ್ಯನ್ ಸೂರ್ಯ ಆದಿತ್ಯೋ
ಅಂಗದ್ಯೋತಂ ಅನೀನಶತ್ || ೩,೧೭।೫

ಹಿಮವತಃ ಪ್ರ ಸ್ರವಥ
ಸಿಂಧೌ ಸಮಹ ಸಂಗಮಃ |
ತಾ ಆಪಃ ಸರ್ವಾಃ ಸಂಗತ್ಯ
ಚಕ್ಷುಃ ಪ್ರಾಣಂ ಚ ಧತ್ತ ನಃ || ೩,೧೭।೬
(೧೭)

ಹಸ್ತಿವರ್ಚಸಂ ಪ್ರಥತಾಂ ಬೃಹದ್ ಯಶೋ
ಅದಿತ್ಯಾ ಯತ್ ತನ್ವಃ ಸಂಬಭೂವ |
ತತ್ ಸರ್ವೇ ಸವಿತುರ್ ಮಹ್ಯಂ ಏತದ್
ವಿಶ್ವೇ ದೇವಾಸೋ ಅದಿತಿಃ ಸಜೋಷಾಃ || ೩,೧೮।೧

ಮಿತ್ರಶ್ ಚ ವರುಣಶ್ ಚ-
-ಇಂದ್ರೋ ರುದ್ರಶ್ ಚ ವೇಧತು |
ದೇವಾಸೋ ವಿಶ್ವಧಾಯಸಸ್
ತೇನ ಮಾಂಜಂತು ವರ್ಚಸಾ || ೩,೧೮।೨

ಯತ್ ತೇ ವರ್ಚೋ ಜಾತವೇದೋ
ಬೃಹದ್ ಭವತ್ಯ್ ಆಹುತೇ |
ತೇನ ಮಾಂ ಅದ್ಯ ವರ್ಚಸಾ
ಅಗ್ನೇ ವರ್ಚಸ್ವಿನಂ ಕೃಧಿ || ೩,೧೮।೩

ಯೇನ ಹಸ್ತೀ ವರ್ಚಸಾ ಸಂಬಭೂವ
ಯೇನ ರಾಜಾ ಮನುಷ್ಯೇಷ್ವ್ ಅಂತಃ |
ಯೇನ ದೇವಾ ಜ್ಯೋತಿಷಾ ದ್ಯಾಂ ಉದಾಯನ್
ತೇನ ಮಾಗ್ನೇ ವರ್ಚಸಾ ಸಂ ಸೃಜೇಹ || ೩,೧೮।೪

ಯಾವದ್ ವರ್ಚಃ ಸೂರ್ಯಸ್ಯ-
-ಅಸುರಸ್ಯ ಚ ಹಸ್ತಿನಃ |
ತಾವನ್ ಮೇ ಅಶ್ವಿನಾ ವರ್ಚಃ
ಕೃಣುತಂ ಪುಷ್ಕರಸ್ರಜಾ || ೩,೧೮।೫

ಯಾವಚ್ ಚತಸ್ರಃ ಪ್ರದಿಶಶ್
ಚಕ್ಷುರ್ ಯಾವತ್ ಸಮಶ್ನುತೇ |
ತಾವತ್ ಸಂ ಐತ್ವ್ ಇಂದ್ರಿಯಂ
ಮಯಿ ತದ್ ಧಸ್ತಿವರ್ಚಸಂ || ೩,೧೮।೬
(೧೮)

ಸಂಶಿತಂ ಮ ಇದಂ ಬ್ರಹ್ಮ
ಸಂಶಿತಂ ವೀರ್ಯಂ ಮಮ |
ಸಂಶಿತಂ ಕ್ಷತ್ರಂ ಮೇ ಜಿಷ್ಣು
ಯೇಷಾಂ ಅಸ್ಮಿ ಪುರೋಹಿತಃ || ೩,೧೯।೧

ಸಂ ಅಹಂ ಏಷಾಂ ರಾಷ್ಟ್ರಂ ಶ್ಯಾಮಿ
ಸಂ ಓಜೋ ವೀರ್ಯಂ ಬಲಂ |
ವೃಶ್ಚಾಮಿ ಶತ್ರೂಣಾಂ ಬಾಹೂ
ಸಂ ಶ್ಯಾಮಿ ಸ್ವಾನ್ ಅಹಂ || ೩,೧೯।೨

ತೇಕ್ಷ್ಣೀಯಾಂಸಃ ಪರ್ಶೋರ್
ಅಗ್ನೇಸ್ ತೀಕ್ಷ್ಣತರಾ ಉತ |
ಇಂದ್ರಸ್ಯ ವಜ್ರಾತ್ ತೇಕ್ಷ್ಣಿಯಾಂಸೋ
ಯೇಷಾಂ ಅಸ್ಮಿ ಪುರೋಹಿತಃ || ೩,೧೯।೩

ಅಧಸ್ ಪದ್ಯಂತಾಂ ಅಧರೇ ಭವಂತು
ಯೇ ನ ಇಂದ್ರಂ ಮಘವಾನಂ ಪೃತನ್ಯಾನ್ |
ಕ್ಷಣಾಮಿ ಬ್ರಹ್ಮಣಾಮಿತ್ರಾನ್ ಉನ್ ನಯಾಮಿ ಸ್ವಾನ್ ಅಹಂ || ೩,೧೯।೪

ಏಷಾಂ ಅಹಂ ಆಯುಧಾ ಸಂ ಶ್ಯಾಮ್ಯ್
ಏಷಾಂ ರಾಷ್ಟ್ರಂ ಸುವೀರಂ ವರ್ಧಯಾಮಿ |
ಏಷಾಂ ಕ್ಷತ್ರಂ ಅಜರಂ ಅಸ್ತು ಜಿಷ್ಣು-
-ಉಗ್ರಂ ಏಷಾಂ ಚಿತ್ತಂ ವಿಶ್ವೇ ವಂತು ದೇವಾಃ || ೩,೧೯।೫

ಅಭಿ ಪ್ರೇತ ಜಯತ ಪ್ರಸೂತಾಃ
ಸಂ ವಃ ಶ್ಯಾಮಿ ನರ ಆಯುಧಾನಿ |
ತೀಕ್ಷ್ಣೇಷವೋ ಬಲಧನ್ವನೋ ಹತ-
-ಉಗ್ರಾಯುಧಾ ಅಬಲಾನ್ ಉಗ್ರಬಾಹವಃ || ೩,೧೯।೬
(೧೯)

ಇಹೈವ ಧ್ರುವಾಂ ನಿ ಮಿನೋಮಿ ಶಾಲಾಂ
ಕ್ಷೇಮೇ ತಿಷ್ಠಾತಿ ಘೃತಂ ಉಕ್ಷಮಾಣಾ |
ತಾಂ ತ್ವಾ ಶಾಲೇ ಸರ್ವವೀರಾಃ ಸುವೀರಾ
ಅರಿಷ್ಟವೀರಾ ಅಭಿ ಸಂ ಚರೇಮ || ೩,೨೦।೧

ಇಹೈವ ಧ್ರುವಾ ಪ್ರತಿ ತಿಷ್ಠ ಶಾಲೇ
ಅಶ್ವಾವತೀ ಗೋಮತೀ ಸೂನೃತಾವತೀ |
ಊರ್ಜಸ್ವತೀ ಘೃತವತೀ ಪಯಸ್ವತ್ಯ್
ಉಚ್ ಛ್ರಯಸ್ವ ಮಹತೇ ಸೌಭಗಾಯ || ೩,೨೦।೨

ಧರುಣ್ಯ್ ಅಸಿ ಶಾಲೇ
ಬೃಹಚ್ಛಂದಾಃ ಪೂತಿಧಾನ್ಯಾ |
ಆ ತ್ವಾ ವತ್ಸೋ ಮೀಮಯದ್ ಆ ಕುಮಾರ
ಆ ಧೇನವಃ ಸಾಯಂ ಆ ಸ್ಯಂದಮಾನಾಃ || ೩,೨೦।೩

ಇಮಾಂ ಶಾಲಾಂ ಸವಿತಾ ವಾಯುರ್ ಅಗ್ನಿಸ್
ತ್ವಷ್ಟಾ ಹೋತಾ ನಿ ಮಿನೋತು ಪ್ರಜಾನನ್ |
ಉಕ್ಷಂತೂಧ್ನಾ ಮರುತೋ ಘೃತೇನ
ಭಗೋ ನೋ ರಾಜಾ ನಿ ಕೃಷಿಂ ತನೋತು || ೩,೨೦।೪

ಮಾನಸ್ಯ ಪತ್ನೀ ಶರಣಾ ಸ್ಯೋನಾ
ದೇವೀ ದೇವೇಭಿರ್ ನಿಮಿತಾಸ್ಯ್ ಅಗ್ರೇ |
ತೃಣಂ ವಸಾನಾ ಸುಮನಾ ಅಸಸ್ ತ್ವಂ
ರಯಿಂ ನೋ ಧೇಹಿ ಸುಭಗೇ ಸುವೀರಂ || ೩,೨೦।೫

ಆ ತ್ವಾ ಕುಮಾರಸ್ ತರುಣ
ಆ ವತ್ಸೋ ಜಗತಾ ಸಹ |
ಆ ತ್ವಾ ಪರಿಶ್ರುತಃ ಕುಂಭ
ಆ ದಧ್ನಃ ಕಲಶ್ಯ್ ಅಯತ್ || ೩,೨೦।೬
(೨೦)

ಅನುವಾಕ ೪ ||

ಇಮಂ ಇಂದ್ರ ವರ್ಧಯ ಕ್ಷತ್ರಿಯಂ ಮ
ಇಮಂ ವಿಶಾಂ ಏಕವೃಷಂ ಕೃಣು ತ್ವಂ |
ನಿರ್ ಅಮಿತ್ರಾನ್ ಅಕ್ಷ್ಣುಹ್ಯ್ ಅಸ್ಯ ಸರ್ವಾಂಸ್
ತಾನ್ ರಂಧಯಾಸ್ಮಾ ಅಹಮುತ್ತರೇಷು || ೩,೨೧।೧

ಅಯಂ ಅಸ್ತು ಧನಪತಿರ್ ಧನಾನಾಂ
ಅಯಂ ವಿಶಾಂ ವಿಶ್ಪತಿರ್ ಅಸ್ತು ರಾಜಾ |
ಅಸ್ಮಿನ್ನ್ ಇಂದ್ರ ಮಹಿ ವರ್ಚಾಂಸಿ ಧೇಹ್ಯ್
ಅವರ್ಚಸಂ ಕೃಣುಹಿ ಶತ್ರುಂ ಅಸ್ಯ || ೩,೨೧।೨

ಏಮಂ ಭಜ ಗ್ರಾಮೇ ಅಶ್ವೇಷು ಗೋಷು
ನಿಷ್ಟಂ ಭಜ ಯೋ ಽಮಿತ್ರೋ ಅಸ್ಯ |
ವರ್ಷ್ಮತ್ ಕ್ಷತ್ರಾಣಾಂ ಅಯಂ ಅಸ್ತು ರಾಜಾ-
-ಇಂದ್ರ ಶತ್ರೂಂ ರಂಧಯ ಸರ್ವಂ ಅಸ್ಮೈ || ೩,೨೧।೩

ಅಸ್ಮೈ ದ್ಯಾವಾಪೃಥಿವೀ ಭೂರಿ ವಾಮಂ
ಸಂ ದುಹಾತಾಂ ಘರ್ಮದುಘೇ ಇವ ಧೇನುಂ |
ಅಯಂ ರಾಜಾ ಪ್ರಿಯ ಇಂದ್ರಸ್ಯ ಭೂಯಾತ್
ಪ್ರಿಯೋ ಗವಾಂ ಓಷಧೀನಾಂ ಉತಾಪಾಂ || ೩,೨೧।೪

ಯುನಜ್ಮಿ ತ ಉತ್ತರಾವಂತಂ ಇಂದ್ರಂ
ಯೇನ ಜಯಂತಿ ನ ಪರಾಜಯಂತೇ |
ಯಸ್ ತ್ವಾ ಕರದ್ ಏಕವೃಷಂ ಜನಾನಾಂ
ಉತ ರಾಜನ್ನ್ ಉತ್ತಮಂ ಮಾನವಾನಾಂ || ೩,೨೧।೫

ಉತ್ತರಸ್ ತ್ವಂ ಅಧರೇ ಸಂತ್ವ್ ಅನ್ಯೇ
ಯೇ ಕೇ ಚ ರಾಜನ್ ಪ್ರತಿಶತ್ರವಸ್ ತೇ |
ಏಕವೃಷ ಇಂದ್ರಸಖಾ ಜಿಗೀವಾಂ
ಛತ್ರೂಯತಾಂ ಅಭಿ ತಿಷ್ಠಾ ಮಹಾಂಸಿ || ೩,೨೧।೬
(೨೧)

ವಿಷಾಣಾಸ್ಯಾಂಗಿರಸೀ
ದೇವಜಾಃ ಪ್ರತಿಚಕ್ಷಣೀ |
ದಿವಸ್ ಪೃಥಿವ್ಯಾಃ ಸಂಭೂತಾ
ಸಹಸ್ರಾಕ್ಷೀಹೈಧಿ ನಃ || ೩,೨೨।೧

ಸಹಸ್ರಾಕ್ಷೀ ಯಾ ತು ಗೃಭಾ-
-ಅತಿ ಪಶ್ಯಾಸ್ಯ್ ಓಷಧೇ |
ಸದಾನ್ವಾಘ್ನೀ ರಕ್ಷೋಘ್ನೀ
ಭವೇಹ ಪ್ರತಿಚಕ್ಷಣೀ || ೩,೨೨।೨

ಯೇ ಹರಂತ್ಯ್ ಆಸುತೇಯಂ
ಪಯಸ್ಫಾತಿಂ ಚೌಷಧೇ |
ತಾಂಸ್ ತ್ವಂ ಸಹಸ್ರಚಕ್ಷೋ
ಗೃಭಾಯ ಕೃತವೀರ್ಯೇ || ೩,೨೨।೩

ಯ ಆತುರಂ ರಂಧಯಂತೇ
ಽರ್ಷ್ಮಂತಂ ಚ ವಿಹೃತಂ |
ತಾಂಸ್ ತ್ವಂ ಸಹಸ್ರಚಕ್ಷೋ
ಗೃಭಾಯ ಕೃತವೀರ್ಯೇ || ೩,೨೨।೪

ಯಥಾಶ್ವಾ ಚತುರಕ್ಷೋ
ರಾತ್ರಿಂ ನಕ್ತಾತಿಪಶ್ಯತಿ |
ಏವಾ ಸಹಸ್ರಚಕ್ಷೋ ತ್ವಂ
ಪ್ರತಿ ಪಶ್ಯಾಸ್ಯ್ ಆಯತಃ || ೩,೨೨।೫

ಗೋಭಿರ್ ಅಶ್ವೈರ್ ವಸುಭಿರ್
ಅಪಕ್ರೀತಾಸ್ಯ್ ಓಷಧೇ |
ಶ್ಯಾವಸ್ಯಾಶ್ವಸ್ಯ ಚಕ್ಷುಷಾ
ಪ್ರತಿ ಪಶ್ಯ ಕಿಮೀದಿನಃ || ೩,೨೨।೬
(೨೨)

ಸಂ ಸಚಧ್ವಂ ಸಂ ಪಿಬಧ್ವಂ
ಅನ್ನಂ ವೋ ಮಧುಮತ್ ಸಹ |
ವ್ರತಂ ವಃ ಸರ್ವಂ ಸಧ್ರ್ಯಕ್
ಸಮಾನಂ ಚೇತೋ ಅಸ್ತು ವಃ || ೩,೨೩।೧

ಸಂ ಜಾನೀಧ್ವಂ ಇಂದ್ರಶ್ ಚೇತ್ತಾ ವೋ ಽಸ್ತ್ವ್
ಅಯಂ ವೋ ಽಗ್ನಿರ್ ನಿ ಹರಃ ಶಮಯಾತಿ |
ಯದ್ ವೈರಹತ್ಯಂ ಉತ ಭೀಮಂ ಆಸೀದ್
ವಿಶ್ವೇ ದೇವಾ ಅಪ ತತ್ ಪ್ಲಾವಯಂತು || ೩,೨೩।೨

ಶಂ ವಃ ಸ್ಯಾಸ್ತು ಬೃಹಸ್ಪತಿಃ
ಶಂ ದ್ಯಾವಾಪೃಥಿವೀ ಉಭೇ |
ಶಂ ಅಂತರಿಕ್ಷಂ ಉತ ವೋ ಮರುತ್ವಾನ್
ಶಂ ವಃ ಸ್ಯಾಸ್ತ್ವ್ ಅದಿತಿರ್ ದೇವಪುತ್ರಾ || ೩,೨೩।೩

ಕಲ್ಪೇತಾಂ ದ್ಯಾವಾಪೃಥಿವೀ
ಕಲ್ಪಂತಾಂ ಆಪ ಓಷಧೀಃ |
ಕಲ್ಪಂತಾಂ ಅಗ್ನಯಃ ಸರ್ವೇ
ಽಸ್ಮೈ ಶ್ರೈಷ್ಠಾಯ ಸವ್ರತಾಃ || ೩,೨೩।೪

ಸಂ ವಃ ಸೃಜಾಮಿ ಹೃದಯಂ
ಸಂಸೃಷ್ಟಂ ಮನೋ ಅಸ್ತು ವಃ |
ಸಂಸೃಷ್ಟಾ ವಸ್ ತನ್ವಃ ಸಂತು
ಸಂಸೃಷ್ಟಃ ಪ್ರಾಣೋ ಅಸ್ತು ವಃ || ೩,೨೩।೫

ಸಂ ವಃ ಪಶೂನಾಂ ಹೃದಯಂ ಸೃಜಾಮಿ
ಸಂ ಪುತ್ರಾಣಾಂ ಉತ ಯಾ ದುಹಿತರೋ ವಃ |
ಸಂ ವೋ ಜಾಯಾನಾಂ ಮನಸಾ ಮನಾಂಸಿ
ಸಂ ಪತೀನಾಂ ಉತ ಚಕ್ಷುಃ ಸೃಜಾಮಿ || ೩,೨೩।೬
(೨೩)

ಪ್ರಾಚೀ ದಿಗ್ ಅಗ್ನಿರ್ ಅಧಿಪತಿರ್
ಅಸಿತೋ ರಕ್ಷಿತಾದಿತ್ಯಾ ಇಷವಃ |
ತೇಭ್ಯೋ ನಮೋ ಽಧಿಪತಿಭ್ಯೋ ನಮೋ
ರಕ್ಷಿತೃಭ್ಯೋ ನಮ ಇಷುಭ್ಯೋ ನಮೋ ವೋ ಽಸ್ತು |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ವೋ ಜಂಭೇ ದಧ್ಮಸ್ ತಂ ಉ ಪ್ರಾಣೋ ಜಹಾತು || ೩,೨೪।೧

ದಕ್ಷಿಣಾ ದಿಗ್ ಇಂದ್ರೋ ಽಧಿಪತಿಸ್
ತಿರಶ್ಚಿರಾಜೀ ರಕ್ಷಿತಾ ವಸವ ಇಷವಃ |
ತೇಭ್ಯೋ ನಮೋ ಽಧಿಪತಿಭ್ಯೋ ನಮೋ
ರಕ್ಷಿತೃಭ್ಯೋ ನಮ ಇಷುಭ್ಯೋ ನಮೋ ವೋ ಽಸ್ತು |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ವೋ ಜಂಭೇ ದಧ್ಮಸ್ ತಂ ಉ ಪ್ರಾಣೋ ಜಹಾತು || ೩,೨೪।೨

ಪ್ರತೀಚೀ ದಿಗ್ ವರುಣೋ ಽಧಿಪತಿಃ
ಪೃದಾಕೂ ರಕ್ಷಿತಾ ಮಿತ್ರ ಇಷವಃ |
ತೇಭ್ಯೋ ನಮೋ ಽಧಿಪತಿಭ್ಯೋ ನಮೋ
ರಕ್ಷಿತೃಭ್ಯೋ ನಮ ಇಷುಭ್ಯೋ ನಮೋ ವೋ ಽಸ್ತು |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ವೋ ಜಂಭೇ ದಧ್ಮಸ್ ತಂ ಉ ಪ್ರಾಣೋ ಜಹಾತು || ೩,೨೪।೩

ಉದೀಚೀ ದಿಕ್ ಸೋಮೋ ಽಧಿಪತಿಃ
ಸ್ವಜೋ ರಕ್ಷಿತಾ ವಾತ ಇಷವಃ |
ತೇಭ್ಯೋ ನಮೋ ಽಧಿಪತಿಭ್ಯೋ ನಮೋ
ರಕ್ಷಿತೃಭ್ಯೋ ನಮ ಇಷುಭ್ಯೋ ನಮೋ ವೋ ಽಸ್ತು |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ವೋ ಜಂಭೇ ದಧ್ಮಸ್ ತಂ ಉ ಪ್ರಾಣೋ ಜಹಾತು || ೩,೨೪।೪

ಧ್ರುವಾ ದಿಗ್ ವಿಷ್ಣುರ್ ಅಧಿಪತಿಃ
ಕಲ್ಮಾಷಗ್ರೀವೋ ರಕ್ಷಿತಾ ವೀರುಧ ಇಷವಃ |
ತೇಭ್ಯೋ ನಮೋ ಽಧಿಪತಿಭ್ಯೋ ನಮೋ
ರಕ್ಷಿತೃಭ್ಯೋ ನಮ ಇಷುಭ್ಯೋ ನಮೋ ವೋ ಽಸ್ತು |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ವೋ ಜಂಭೇ ದಧ್ಮಸ್ ತಂ ಉ ಪ್ರಾಣೋ ಜಹಾತು || ೩,೨೪।೫

ಊರ್ಧ್ವಾ ದಿಗ್ ಬೃಹಸ್ಪತಿರ್ ಅಧಿಪತಿಶ್
ಚಿತ್ರೋ ರಕ್ಷಿತಾಶನಿರ್ ಇಷವಃ |
ತೇಭ್ಯೋ ನಮೋ ಽಧಿಪತಿಭ್ಯೋ ನಮೋ
ರಕ್ಷಿತೃಭ್ಯೋ ನಮ ಇಷುಭ್ಯೋ ನಮೋ ವೋ ಽಸ್ತು |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ವೋ ಜಂಭೇ ದಧ್ಮಸ್ ತಂ ಉ ಪ್ರಾಣೋ ಜಹಾತು || ೩,೨೪।೬
(೨೪)

ಅನಡ್ವಾನ್ ದಾಧಾರ ಪೃಥಿವೀಂ ದ್ಯಾಂ ಉತಾಮೂಂ
ಅನಡ್ವಾನ್ ದಾಧಾರೋರ್ವ್ ಅಂತರಿಕ್ಷಂ |
ಅನಡ್ವಾನ್ ದಾಧಾರ ಪ್ರದಿಶಃ ಷಡ್ ಉರ್ವೀರ್
ಅನಡ್ವಾನ್ ಇದಂ ವಿಶ್ವಂ ಭುವನಂ ಆ ವಿವೇಶ || ೩,೨೫।೧

ಅನಡ್ವಾನ್ ದುಹೇ ಸುಕೃತಸ್ಯ ಲೋಕ
ಐನಂ ಪ್ಯಾಯೇತ ಪವಮಾನಃ ಪುರಸ್ತಾತ್ |
ಪರ್ಜನ್ಯೋ ಧಾರಾ ಮರುತ ಊಧೋ ಅಸ್ಯ
ಯಜ್ಞಃ ಪಯೋ ದಕ್ಷಿಣಾ ದೋಹೋ ಅಸ್ಯ || ೩,೨೫।೨

ಅನಡ್ವಾನ್ ಇಂದ್ರಃ ಸ ಪಶುಭ್ಯೋ ವಿ ಚಷ್ಟೇ
ತ್ರಯಾಂ ಛಕ್ರೋಪ ಮಿಮೀತೇ ಅಧ್ವನಃ |
ಸ ಭೂತಂ ಭವಿಷ್ಯದ್ ಭುವನಂ ದುಹಾನಃ
ಸರ್ವಾ ದೇವಾನಾಂ ಬಿಭ್ರಚ್ ಚರತಿ ವ್ರತಾನಿ || ೩,೨೫।೩

ಯಸ್ಯ ನೇಶೇ ಯಜ್ಞಪತಿರ್ ನ ಯಜ್ಞೋ
ನಾಸ್ಯ ದಾತೇಶೇ ನ ಪ್ರತಿಗ್ರಹೀತಾ |
ಯೋ ವಿಶ್ವಭೃದ್ ವಿಶ್ವಕರ್ಮಾ
ಘರ್ಮಂ ನೋ ಬ್ರೂತ ಯತಮಶ್ ಚತುಷ್ಪಾತ್ || ೩,೨೫।೪

ಇಂದ್ರ ಏಷ ಮನುಷ್ಯೇಷ್ವ್ ಅಂತರ್
ಘರ್ಮಸ್ ತಪ್ತಶ್ ಚರತಿ ಶೋಶುಚಾನಃ |
ಸುಪ್ರಜಾ ಅಸತ್ ಸ ಉದಾರೇ ನ ಸರ್ಷದ್
ಯೋ ನಾಶ್ನೀಯಾದ್ ಅನಡುಹೋ ವಿಜಾನನ್ || ೩,೨೫।೫

ಯೇನ ದೇವಾಃ ಸ್ವರ್ ಆರುರುಹುರ್
ಹಿತ್ವಾ ಶರೀರಂ ಅಮೃತಸ್ಯ ಧಾಮ |
ತೇನ ಗೇಷ್ಮ ಸುಕೃತಸ್ಯ ಲೋಕಂ
ಘರ್ಮಸ್ಯ ವ್ರತೇನ ಯಶಸಾ ತಪಸ್ಯಯಾ || ೩,೨೫।೬

ದ್ವಾದಶೈತಾ ರಾತ್ರೀರ್
ವ್ರತ್ಯಾ ಆಹುಃ ಪ್ರಜಾಪತೇಃ |
ತತ್ರಾಪಿ ಬ್ರಹ್ಮಣೋ ವ್ರತಂ
ತತ್ರಾಪ್ಯ್ ಅನಡುಹೋ ಬಲಂ || ೩,೨೫।೭

ಯಾಸ್ ತ ಆಹುಃ ಪ್ರಜಾಪತೇರ್
ವ್ರತ್ಯಾ ರಾತ್ರೀರ್ ದ್ವಾದಶ |
ತತ್ರಾಪಿ ಬ್ರಹ್ಮ ಯೋ ವೇದ
ತದ್ ವಾ ಅನಡುಹೋ ಬಲಂ || ೩,೨೫।೮

ದುಹೇ ವಾ ಅನಡ್ವಾನ್ ಸಾಯಂ
ದುಹೇ ಪ್ರಾತರ್ ದುಹೇ ದಿವಾ |
ದೋಹಾ ಯೇ ಅಸ್ಯ ಸಂಯಂತಿ
ತಾನ್ ವಿದ್ಮಾನುಪದಸ್ವತಃ || ೩,೨೫।೯

ಯೋ ವೇದಾನಡುಹೋ ದೋಹಾನ್
ಸಪ್ತಾನ್ ಉಪದಸ್ವತಃ |
ಪ್ರಜಾಂ ಚ ಲೋಕಂ ಚಾಪ್ನೋತಿ
ತಥಾ ಸಪ್ತ ರ್ಷಯೋ ವಿದುಃ || ೩,೨೫।೧೦

ಮಧ್ಯಂ ಏತದ್ ಅನಡುಹೋ
ಯತ್ರೈಷ ವಹ ಆಹಿತಃ |
ಏತಾವದ್ ಅಸ್ಯ ಪ್ರಾಚೀನಂ
ಯಾವಾನ್ ಪ್ರತ್ಯಙ್ ಸಮಾಹಿತಃ || ೩,೨೫।೧೧

ಪದ್ಭಿಃ ಸೇದಿಂ ಅವಕ್ರಾಮನ್ನ್
ಇರಾಂ ಜಂಘಾಭಿರ್ ಉತ್ಖಿದನ್ |
ಶ್ರಮೇಣಾನಡ್ವಾನ್ ಕೀಲಾಲಂ
ಕೀನಾಶಶ್ ಚಾಭಿ ಗಚ್ಛತಃ || ೩,೨೫।೧೨

ಇಂದ್ರ ಏಷ ಮನುಷ್ಯೇಷ್ವ್
ಅನಡ್ವಾನ್ ಇತ್ಯ್ ಉಚ್ಯತೇ |
ಶಫಾಸೋ ಅಸ್ಯ ಮಾ ರಿಷನ್
ಸರ್ವಾ ಯಾಶ್ ಚಾಸ್ಯ ಕುಷ್ಠಿಕಾಃ || ೩,೨೫।೧೩

ಇಂದ್ರೋ ಬಲೇನಾಸಿ ಪರಮೇಷ್ಠೀ
ವ್ರತೇನ ಯೇನ ಗೌಸ್ ತೇನ ವೈಶ್ವದೇವಃ |
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಸ್ಯ ಪ್ರಾಣಾನ್ ಸಂ ಬೃಹತ್ ತಸ್ಯ ಪ್ರಾಣಾನ್ ವಿ ವೃಹ || ೩,೨೫।೧೪
(೨೫)

ಅನುವಾಕ ೫ ||

ಗೃಹಾನ್ ಐಮಿ ಮನಸಾ ಮೋದಮಾನ
ಊರ್ಜಂ ಬಿಭ್ರದ್ ವಸುಮನಿಃ ಸುಮೇಧಾಃ |
ಅಘೋರೇಣ ಚಕ್ಷುಷಾ ಮಿತ್ರಿಯೇಣ
ಗೃಹಾಣಾಂ ಪಶ್ಯನ್ ಪಯ ಉತ್ ತರಾಮಿ || ೩,೨೬।೧

ಇಮೇ ಗೃಹಾ ಮಯೋಭುವ
ಊರ್ಜಸ್ವಂತಃ ಪಯಸ್ವಂತಃ |
ಪೂರ್ಣಾ ವಾಮಸ್ಯ ತಿಷ್ಠಂತಸ್
ತೇ ನೋ ಜಾನಂತು ಜಾನತಃ || ೩,೨೬।೨

ಸೂನೃತಾವಂತಃ ಸುಭಗಾ
ಇರಾವಂತೋ ಹಸಾಮುದಾಃ |
ಅಕ್ಷುಧ್ಯಾ ಅತೃಷ್ಯಾಸೋ
ಗೃಹಾ ಮಾಸ್ಮದ್ ಬಿಭೀತನ || ೩,೨೬।೩

ಯೇಷಾಂ ಅಧ್ಯೇತಿ ಪ್ರವಸನ್
ಯೇಷು ಸೌಮನಸೋ ಬಹುಃ |
ಗೃಹಾನ್ ಉಪ ಹ್ವಯಾಮಹೇ
ತೇ ನೋ ಜಾನಂತ್ವ್ ಆಯತಃ || ೩,೨೬।೪

ಉಪಹೂತಾ ಇವ ಗಾವ
ಉಪಹೂತಾ ಅಜಾವಯಃ |
ಅಥೋ ಅನ್ನಸ್ಯ ಕೀಲಾಲ
ಉಪಹೂತೋ ಗೃಹೇಷು ನಃ || ೩,೨೬।೫

ಉಪಹೂತಾ ಭೂರಿಧನಾಃ
ಸಖಾಯಃ ಸ್ವಾದುಸಂಮುದಃ |
ಅರಿಷ್ಟಾಃ ಸರ್ವಪೂರುಷಾ
ಗೃಹಾ ನಃ ಸಂತು ಸರ್ವದಾ || ೩,೨೬।೬
(೨೬)

ಹಂತಾಯಂ ಅಸ್ತ್ವ್ ಅಪ್ರತಿಘಾತ್ಯಃ
ಸಾಸಹ್ವಾಁ ಇಂದ್ರಃ ಪೃತನಾ ಅಭಿಷ್ಠಿಃ |
ಪ್ರಜಾಪತಿರ್ ಅದಧಾದ್ ಓಜೋ ಅಸ್ಮೈ
ಬೃಹದ್ ಧವಿರ್ ಹವಿಷಾ ವರ್ಧನೇನ || ೩,೨೭।೧

ಪ್ರಜಾಪತೇ ಹವಿಷಾ ವರ್ಧನೇನ
ಹಂತಾರಂ ಇಂದ್ರಂ ಅಕೃಣೋರ್ ಅಘಾತ್ಯಂ |
ತಸ್ಮೈ ವಿಶೋ ದೇವಕೃತಾ ನಮಂತ
ಸ ಹಿ ಹಂತಾ ಸ ಹಿ ಹವ್ಯೋ ಬಭೂವ || ೩,೨೭।೨

ಪ್ರಜಾಪತೇ ಅಭಿ ನೋ ನೇಷ ವಸ್ಯ
ಉರ್ವೀಂ ಗವ್ಯೂತಿಂ ಅಭಿಮಾತಿಷಾಹಃ |
ವರ್ಧಯನ್ನ್ ಇಂದ್ರಂ ಬೃಹತೇ ರಣಾಯ
ದೇವಂ ದೇವೇನ ಹವಿಷಾ ವರ್ಧನೇನ || ೩,೨೭।೩

ಯಥಾ ವಿಶ್ವಾಃ ಪೃತನಾಃ ಸಂಜಯಾಸಿ
ಯಥಾ ಶತ್ರೂನ್ ಸಹಮಾನಃ ಸಹಾಸೈ |
ಯಥಾಸಃ ಸಮ್ರಾಟ್ ಸುಸಮ್ರಾಡ್
ಏವಾ ತ್ವೇಂದ್ರೋ ಽಪ್ರತಿವಧಂ ಕೃಣೋತು || ೩,೨೭।೪

ಅಯಂ ವೀರೋ ಽಪ್ರತಿ ಹಂತು ಶತ್ರೂನ್
ವಿಶ್ವೇ ದೇವಾ ಅಪ ಸದಸ್ ಕರಾಥ |
ಮಾಸ್ಯ ಪ್ರಜಾಂ ರೀರಿಷನ್ ಮೋತ ವೀರಾನ್
ಇಮಂ ಇಂದ್ರೋ ಽಪ್ರತಿವಧಂ ಕೃಣೋತು || ೩,೨೭।೫

ಜಹಿ ಶತ್ರೂನ್ ಪ್ರತಿ ರಂಧಯಸ್ವ-
-ಅಗ್ನಿಷ್ ಟೇ ಗೋಪಾ ಅಧಿಪಾ ವಸಿಷ್ಠಃ |
ಶರ್ಮ ತೇ ರಾಜಾ ವರುಣೋ ನಿ ಯಚ್ಛಾದ್
ಏವಾ ತ್ವೇಂದ್ರೋ ಽಪ್ರತಿವಧಂ ಕೃಣೋತು || ೩,೨೭।೬
(೨೭)

ಸಂ ಸ್ಪೃಶೇಥಾಂ ತನೂಭ್ಯಾಂ
ಸಂ ಮುಖಾಭ್ಯಾಂ ಸಂ ಆತ್ಮನಾ |
ಸಂ ವಾಂ ಬ್ರಹ್ಮಣಸ್ಪತಿಃ
ಸೋಮಃ ಸಂ ಸ್ಪರ್ಶಯಾತಿ ವಾಂ || ೩,೨೮।೧

ಅಭ್ಯ್ ಅಸ್ಯ ನಾಮ ವಾಚಾ
ದಧಾಮಿ ನಾಹ ಮೋಕ್ಷ್ಯತೇ |
ಮಮೇದ್ ಅಹೈನಂ ಕಾಮೇ
ಲಭೈ ಕೃಷ್ಣಂ ಇವಾಖರೇ || ೩,೨೮।೨

ಯಃ ಪ್ರೇಮಾ ಪ್ರೇಣ್ಯಾಂ ಆಸೀದ್
ದತ್ತಃ ಸೋಮೇನ ಬಭ್ರುಣಾ |
ತಸ್ಮಾದ್ ಅಧಿ ಶ್ರುತಂ ಮಮ
ಮಯ್ಯ್ ಅಸ್ಯ ಮನ ಆಹಿತಂ || ೩,೨೮।೩

ಯಂ ಪುಮಾಂಸಂ ಕಾಮಯಸೇ
ಯಸ್ಮಿನ್ ವಾ ಭಗಂ ಇಚ್ಛಸೇ |
ಹೃಚ್ಛೋಕಂ ಅಸ್ಮಿನ್ನ್ ಆ ದಧ್ಮೋ
ಯಥಾ ಶುಷ್ಯಾತಿ ತ್ವಾಂ ಅನು || ೩,೨೮।೪

ಯಥಾಸ್ಯ ಹೃದಯಂ ಶುಷ್ಯಾದ್
ಅಪಿಚ್ಛಿನ್ನೇವ ಶಂಗುಣೀ |
ಚಕ್ಷುರ್ ಆಕಾಶ್ಯಂ ಭೀಮಂ
ಮಾಂಪಶ್ಯಂ ಅಭಿರೋರುದಂ || ೩,೨೮।೫

ಪ್ರಿಯಂಕರಣಂ ಉತ್ತಮಂ
ಮಧುಘೇನ ತದ್ ಆಭೃತಂ |
ತ್ವಂ ಹಾಸಿ ವರ್ಚಸ್ಯೋ
ಽಥೋ ಹಾಸಿ ಸುಮಂಗಲಃ |
ಅಥೋ ಸರ್ವಾಸಾಂ ವೀರುಧಾಂ
ಪ್ರಿಯಂಕರಣಂ ಉಚ್ಯಸೇ || ೩,೨೮।೬
(೨೮)

ಪ್ರತೀಚೀ ಸೋಮಂ ಅಸ್ಯ್ ಓಷಧೇ
ಪ್ರತೀಚ್ಯ್ ಉತ ಸೂರ್ಯಂ |
ಪ್ರತೀಚೀ ವಿಶ್ವಾನ್ ದೇವಾಂಸ್
ತಥಾ ತ್ವಾಚ್ಛಾ ವದಾಮಸಿ || ೩,೨೯।೧

ಇಮಾಂ ಖನಾಮ್ಯ್ ಓಷಧಿಂ
ನಿತತ್ನೀಂ ಅನುತಂತಮಾಂ |
ಆಯತಃ ಪ್ರತಿನಂದನೀಂ
ಪರಾಯತೋ ನಿವರ್ತನೀಂ || ೩,೨೯।೨

ಅಮುಷ್ಯಾಹಂ ಪರಾಯತ
ಆಯತೋ ಮನೋ ಅಗ್ರಭಂ |
ಅಗ್ರಭಂ ಹಸ್ತ್ಯಂ ಮನೋ
ಽಥೋ ಹೃದಯ್ಯಂ ಮನಃ || ೩,೨೯।೩

ಮಯಿ ತೇ ಮನ ಆಹಿತಂ
ಮಯಿ ಚಿತ್ತಂ ಮಯಿ ವ್ರತಂ |
ಮಮೇದ್ ಅಪಿ ಕ್ರತಾವ್ ಅಸೋ
ಮಮ ಚಿತ್ತೇ ಸಚಾವಹೈ || ೩,೨೯।೪

ಅಹಂ ವದಾನಿ ಮಾ ತ್ವಂ
ಸಭಾಯಾಂ ಘ ತ್ವಂ ವದ |
ಮಮೇದ್ ಅಸಸ್ ತ್ವಂ ಕೇವಲೋ
ನಾನ್ಯಾಸಾಂ ಕೀರ್ತಯಾಶ್ ಚನ || ೩,೨೯।೫

ಯದಿ ವಾಸಿ ತಿರೋ ಜನಂ
ಯದಿ ವಾ ನದ್ಯಸ್ ತಿರಃ |
ಇಯಂ ತ್ವಾ ಮಹ್ಯಂ ಓಷಧಿರ್
ಬದ್ಧ್ವೇವ ನ್ಯ್ ಆನಯಾತ್ || ೩,೨೯।೬
(೨೯)
ಯಥಾ ಕಲಾಂ ಇತ್ಯ್ ಏಕಾ ||
ಸಂ ರಾಜಾನೋ ಽಗುಃ ಸಂ ಋಣಾನ್ಯ್ ಅಗುಃ
ಸಂ ಕುಷ್ಠಾ ಅಗುಃ ಸಂ ಕುಲಾ ಅಗುಃ |
ಸಂ ಅಸ್ಮಾಸು ಸುಷ್ವಪ್ನ್ಯಂ
ನಿರ್ ದ್ವಿಷತೇ ದುಷ್ವಪ್ನ್ಯಂ ಸುವಾಮಃ || ೩,೩೦।೨

ದೇವಾನಾಂ ಪತ್ನೀನಾಂ
ಗರ್ಭ ಯಮಸ್ಯ ಕರಣಃ |
ಯೋ ಭದ್ರಃ ಸ್ವಪ್ನಃ ಸ ಮಮ
ಯಃ ಪಾಪಸ್ ತಂ ದ್ವಿಷತೇ ಪ್ರ ಹಿಣ್ಮಃ || ೩,೩೦।೩

ತೃಷ್ಣಾಮಾ ನಾಮಾಸಿ ಕೃಷ್ಣಶಕುನೇರ್ ಮುಖಂ ನಿರೃತೇರ್ ಮುಖಂ |
ತಂ ತ್ವಾ ಸ್ವಪ್ನ ತಥಾ ವಿದ್ಮ || ೩,೩೦।೪

ಸ ತ್ವಂ ಸ್ವಪ್ನಾಶ್ವ ಇವಾಕಾಯಂ ಅಶ್ವ ಇವ ನೀನಾಹಂ |
ಅನಾಸ್ಮಾಕಂ ದೇವಪೀಯುಂ ಪಿಯಾರುಂ ವಪ್ಸಃ || ೩,೩೦।೫

ಯದ್ ಅಸ್ಮಾಸು ದುಷ್ವಪ್ನ್ಯಂ
ಯದ್ ಗೋಷು ಯಚ್ ಚ ನೋ ಗೃಹೇ |
ಅನಾಸ್ಮಾಕಸ್ ತದ್ ದೇವಪೀಯುಃ ಪಿಯಾರುಂ
ನಿಷ್ಕಂ ಇವ ಪ್ರತಿ ಮುಂಚತಾಂ || ೩,೩೦।೬

ನವಾರತ್ನೀನ್ ಅವಮಾಯ-
-ಅಸ್ಮಾಕಂ ತನ್ವಸ್ ಪರಿ |
ದುಷ್ವಪ್ನ್ಯಂ ಸರ್ವಂ ದುರ್ಭೂತಂ
ದ್ವಿಷತೇ ನಿರ್ ದಿಶಾಮಸಿ || ೩,೩೦।೭
(೩೦)

ಅನುವಾಕ ೬ ||

ದೇವಾ ಮರುತಃ ಪೃಶ್ನಿಮಾತರೋ
ಽಪೋ ದತ್ತೋದಧಿಂ ಭಿಂತ |
ದಿವಸ್ ಪೃಥಿವ್ಯಾ ಉರೋರ್ ಅಂತರಿಕ್ಷಾದ್
ಅಸ್ಮೈ ಕ್ಷತ್ರಾಯಾನೇನ ಬ್ರಹ್ಮಣಾಭ್ಯಃ
ಪ್ರಜಾಭ್ಯ ಆಭ್ಯ ಓಷಧೀಭ್ಯಃ ಸ್ವಾಹಾ || ೩,೩೧।೧

ದೇವಾ ಅಗ್ನ ಇಂದ್ರ ಸೂರ್ಯ-
-ಅಪಃ (…) || ೩,೩೧।೨

ದೇವಾಃ ಸಯುಜೋ ಮಿತ್ರ ವರುಣಾರ್ಯಮನ್ನ್
ಅಪಃ (…) || ೩,೩೧।೩

ದೇವಾಃ ಪಿತರೋ ಽವಮಾ ಆಯವಃ ಕ್ರಾವ್ಯ-
-ಅಪಃ (…) || ೩,೩೧।೪

ದೇವಾಪ್ಸುಷದೋ ಽಪಾಂ ನಪಾತ್ ತನೂನಪಾನ್ ನರಾಶಂಸ-
-ಅಪೋ ದತ್ತೋದಧಿಂ ಭಿಂತ |
(…) || ೩,೩೧।೫

ದೇವ ಬೃಹಸ್ಪತೇ ಽಪೋ ಧೇಹ್ಯ್ ಉದಧಿಂ ಭಿಂಧಿ |
(…) || ೩,೩೧।೬

ದೇವ ಪ್ರಜಾಪತೇ ಽಪೋ ಧೇಹ್ಯ್ ಉದಧಿಂ ಭಿಂಧಿ |
(…) || ೩,೩೧।೭

ದೇವ ಪರಮೇಷ್ಠಿನ್ನ್ ಅಪೋ ಧೇಹ್ಯ್ ಉದಧಿಂ ಭಿಂಧಿ |
ದಿವಸ್ ಪೃಥಿವ್ಯಾ ಉರೋರ್ ಅಂತರಿಕ್ಷಾದ್
ಅಸ್ಮೈ ಕ್ಷತ್ರಾಯಾನೇನ ಬ್ರಹ್ಮಣಾಭ್ಯಃ
ಪ್ರಜಾಭ್ಯ ಆಭ್ಯ ಓಷಧೀಭ್ಯಃ ಸ್ವಾಹಾ || ೩,೩೧।೮
(೩೧)

ಪ್ರಜಾಪತೇರ್ ಜಾಯಮಾನಾಃ
ಪ್ರಜಾ ಜಾತಾಶ್ ಚ ಯಾ ಇಮಾಃ |
ತಾ ಅಸ್ಮೈ ಪ್ರತಿ ವೇದಯ
ಚಿಕಿತ್ವಾಁ ಅನು ಮನ್ಯತಾಂ || ೩,೩೨।೧

ಯೇಷಾಂ ಈಶೇ ಪಶುಪತಿಃ ಪಶೂನಾಂ
ಚತುಷ್ಪದಾಂ ಉತ ವಾ ಯೇ ದ್ವಿಪಾದಃ |
ನಿಷ್ಕ್ರೀತಾಸ್ ತೇ ಯಜ್ಞಿಯಾ ಯಂತಿ ಲೋಕಂ
ರಾಯಸ್ಪೋಷಾಯ ಯಜಮಾನಂ ಸಚಂತಾಂ || ೩,೩೨।೨

ಪ್ರಮುಂಚಂತೋ ಭುವನಸ್ಯ ಗೋಪಾ
ಗಾತುಂ ದೇವಾ ಯಜಮಾನಾಯ ಧತ್ತ |
ಉಪಾಕೃತಂ ಶಶಮಾನಂ ಯದ್ ಅಸ್ಥಾತ್
ಪ್ರಿಯಂ ದೇವಾನಾಂ ಅಪ್ಯ್ ಏತು ಪಾಥಃ || ೩,೩೨।೩

ಯೇ ಬಧ್ಯಮಾನಂ ಅನು ದೀಧ್ಯಾನಾ
ಅನ್ವೈಕ್ಷಂತ ಮನಸಾ ಚಕ್ಷುಷಾ ಚ |
ಅಗ್ನಿಷ್ ಟಾನ್ ಅಗ್ರೇ ಪ್ರ ಮುಮುಕ್ತ ದೇವಃ
ಪ್ರಜಾಪತಿಃ ಪ್ರಜಯಾ ಸಂವಿದಾನಃ || ೩,೩೨।೪

ಯೇಷಾಂ ಪ್ರಾಣಾ ಅನ್ವಬಧ್ನಂತ ಬದ್ವಂ
ಗವಾಂ ಪಶೂನಾಂ ಉತ ಪೂರುಷಾಣಾಂ |
ಇಂದ್ರಸ್ ತಾನ್ ಅಗ್ರೇ ಪ್ರ ಮುಮುಕ್ತ ದೇವಃ
ಪ್ರಜಾಪತಿಃ ಪ್ರಜಯಾ ಸಂವಿದಾನಃ || ೩,೩೨।೫

ಯ ಆರಣ್ಯಾಃ ಪಶವೋ ವಿಶ್ವರೂಪಾ
ಯೇ ವಿಶ್ವರೂಪಾ ಉತೈಕರೂಪಾಃ |
ವಾಯುಷ್ ಟಾನ್ ಅಗ್ರೇ ಪ್ರ ಮುಮುಕ್ತ ದೇವಃ
ಪ್ರಜಾಪತಿಃ ಪ್ರಜಯಾ ಸಂವಿದಾನಃ || ೩,೩೨।೬

ಪ್ರಜಾನಂತಃ ಪ್ರತಿ ಗೃಹ್ಣಂತು ದೇವಾಃ
ಪ್ರಾಣಂ ಅಂಗೇಭ್ಯಸ್ ಪರ್ಯಾಚರಂತಂ |
ದ್ಯಾಂ ಗಚ್ಛ ಪ್ರತಿ ತಿಷ್ಠಾ ಶರೀರೈಃ
ಸ್ವರ್ಗಂ ಯಾಹಿ ಪಥಿಭಿಃ ಶಿವೇಭಿಃ || ೩,೩೨।೭
(೩೨)

ಸಮಾಸ್ ತ್ವಾಗ್ನ ಋತವೋ ವರ್ಧಯಂತು
ಸಂವತ್ಸರ ಋಷಯೋ ಯಾನಿ ಸತ್ಯಾ |
ಸಂ ದ್ಯುಮ್ನೇನ ದೀದಿಹಿ ರೋಚನೇನ
ವಿಶ್ವಾ ಆ ಭಾಹಿ ಪ್ರದಿಶಶ್ ಚತಸ್ರಃ || ೩,೩೩।೧

ಸಂ ಚೇಧ್ಯಸ್ವಾಗ್ನೇ ಪ್ರ ಚ ಬೋಧಯೈನಂ
ಉಚ್ ಚ ತಿಷ್ಠ ಮಹತೇ ಸೌಭಗಾಯ |
ಮಾ ತೇ ರಿಷನ್ನ್ ಉಪಸತ್ತಾರೋ ಅತ್ರ
ಬ್ರಾಹ್ಮಣಾಸ್ ತೇ ಯಶಸಃ ಸಂತು ಮಾನ್ಯೇ || ೩,೩೩।೨

ತ್ವಾಂ ಅಗ್ನೇ ವೃಣತೇ ಬ್ರಾಹ್ಮಣಾ ಇಮೇ
ಶಿವೋ ಅಗ್ನೇ ಪ್ರತರಣೋ ನ ಏಧಿ |
ಸಪತ್ನಹಾಗ್ನೇ ಅಭಿಮಾತಿಜಿದ್ ಭವ
ಸ್ವೇ ಕ್ಷಯೇ ದೀದಿಹ್ಯ್ ಅಪ್ರಯುಚ್ಛನ್ || ೩,೩೩।೩

ಇಹೈವಾಗ್ನೇ ಅಧಿ ಧಾರಯಾ ರಯಿಂ
ಮಾ ತ್ವಾ ದಭನ್ ಪೂರ್ವಚಿತ್ತಾ ನಿಕಾರಿಣಃ |
ಕ್ಷತ್ರಂ ಅಗ್ನೇ ಸುಯಮಂ ಅಸ್ತು ತುಭ್ಯಂ
ಉಪಸತ್ತಾ ವರ್ಧತಾಂ ತೇ ಅನಿಷ್ಟೃತಃ || ೩,೩೩।೪

ಕ್ಷತ್ರೇಣಾಗ್ನೇ ಸ್ವೇನ ಸಂ ರಭಸ್ವ
ಮಿತ್ರೇಣಾಗ್ನೇ ಮಿತ್ರಧೇಯಂ ಯತಸ್ವ |
ಸಜಾತಾನಾಂ ಮಧ್ಯಮೇಷ್ಠೇಯಂ ಅಸ್ಯಾ
ರಾಜ್ಞಾಂ ಅಗ್ನೇ ವಿಹವ್ಯೋ ದೀದಿಹೀಹ || ೩,೩೩।೫

ಅತಿ ನಿಹೋ ಽತಿ ನಿರೃತೀರ್
ಅತ್ಯ್ ಅರಾತೀರ್ ಅತಿ ದ್ವಿಷಃ |
ವಿಶ್ವಾ ಹ್ಯ್ ಅಗ್ನೇ ದುರಿತಾ ತರ ತ್ವಂ
ಅಥಾಸ್ಮಭ್ಯಂ ಸಹವೀರಂ ರಯಿಂ ದಾಃ || ೩,೩೩।೬

ಅನಾಧೃಷ್ಯೋ ಜಾತವೇದಾ ಅನಿಷ್ಟೃತೋ
ವಿರಾಡ್ ಅಗ್ನೇ ಕ್ಷತ್ರಭಿರ್ ದೀದಿಹೀಹ |
ವ್ಯಮೀವಾಃ ಪ್ರಮುಂಚನ್ ಮಾನುಷೇಭ್ಯಃ
ಶಿವೇಭಿರ್ ಅದ್ಯ ಪರಿ ಪಾಹಿ ನೋ ಗಯೈಃ || ೩,೩೩।೭
(೩೩)

ಅಯಂ ತೇ ಯೋನಿರ್ ಋತ್ವಿಯೋ
ಯತೋ ಜಾತೋ ಅರೋಚಥಾಃ |
ತಂ ಜಾನನ್ನ್ ಅಗ್ನ ಆ ರೋಹ-
-ಅಥಾ ನೋ ವರ್ಧಯಾ ರಯಿಂ || ೩,೩೪।೧

ಪ್ರದಾತಾರಂ ಹವಾಮಹೇ
ಅಗ್ನಿಂ ಉಗ್ರಂ ಊತಯೇ |
ಶುಚಿರ್ ಯೋ ವೃತ್ರಹಂತಮಃ || ೩,೩೪।೨

ಅಗ್ನೇ ಅಚ್ಛಾ ವದೇಹ ನಃ
ಪ್ರತ್ಯಙ್ ನಃ ಸುಮನಾ ಭವ |
ಪ್ರ ಣೋ ಯಚ್ಛ ವಿಶಾಂ ಪತೇ
ಧನದಾ ಅಸಿ ನಸ್ ತ್ವಂ || ೩,೩೪।೩

ಪ್ರ ಣೋ ಯಚ್ಛತ್ವ್ ಅರ್ಯಮಾ
ಪ್ರ ಭಗಃ ಪ್ರ ಬೃಹಸ್ಪತಿಃ |
ಪ್ರ ಪೂಷಾ ಪ್ರೋತ ಸೂನೃತಾ
ರಯಿಂ ದೇವೀ ದಧಾತು ನಃ || ೩,೩೪।೪

ಅರ್ಯಮಣಂ ಬೃಹಸ್ಪತಿಂ
ಇಂದ್ರಂ ದಾನಾಯ ಚೋದಯ |
ವಾತಂ ವಿಷ್ಣುಂ ಸರಸ್ವತೀಂ
ಸವಿತಾರಂ ಚ ವಾಜಿನಂ || ೩,೩೪।೫

ಸೋಮಂ ರಾಜಾನಂ ಅವಸೇ
ಽಗ್ನಿಂ ಗೀರ್ಭಿರ್ ಹವಾಮಹೇ |
ಆದಿತ್ಯಂ ವಿಷ್ಣುಂ ಸೂರ್ಯಂ
ಬ್ರಹ್ಮಾಣಂ ಚ ಬೃಹಸ್ಪತಿಂ || ೩,೩೪।೬

ಇಂದ್ರವಾಯೂ ಬೃಹಸ್ಪತಿಃ
ಸುಹವೇಹ ಹವಾಮಹೇ |
ಯಥಾ ನಃ ಸರ್ವಂ ಇಜ್ ಜಗತ್
ಸಂಗತ್ಯಾಂ ಸುಮನಾ ಅಸತ್ || ೩,೩೪।೭

ತ್ವಂ ನೋ ಅಗ್ನೇ ಅಗ್ನಿಭಿರ್
ಬ್ರಹ್ಮ ಯಜ್ಞಂ ಚ ವರ್ಧಯ |
ತ್ವಂ ನೋ ದೇವ ದಾತವೇ
ರಯಿಂ ದಾನಾಯ ಚೋದಯ || ೩,೩೪।೮

ವಾಜಸ್ಯೇದಂ ಪ್ರಸವೇ ಸಂಬಭೂವ
ಮೇಮಾ ಚ ವಿಶ್ವಾ ಭುವನಾನ್ಯ್ ಅಂತಃ |
ಉತಾದಿತ್ಸಂತಂ ದಾಪಯತಿ ಪ್ರಜಾನನ್
ರಯಿಂ ಚ ನಃ ಸರ್ವವೀರಂ ನಿ ಯಚ್ಛಾತ್ || ೩,೩೪।೯

ದುಹ್ರಾಂ ಮೇ ಪಂಚ ಪ್ರದಿಶೋ
ದುಹ್ರಾಂ ಉರ್ವೀರ್ ಯಥಾಬಲಂ |
ಪ್ರಾಪೇಯಂ ಸರ್ವಾಂ ಆಕೂತಿಂ
ಮನಸಾ ಹೃದಯೇನ ಚ || ೩,೩೪।೧೦

ಗೋಸನಿಂ ವಾಚಂ ಉದೇಯಂ
ವರ್ಚಸಾ ಮಾಭ್ಯ್ ಊರ್ಣುಹಿ |
ಆ ರುಂಧಾಂ ಸರ್ವತೋ ವಾಯುಸ್
ತ್ವಷ್ಟಾ ಪೋಷಾಯ ಧ್ರಿಯತಾಂ || ೩,೩೪।೧೧
(೩೪)

ಯತ ಇಂದ್ರ ಭಯಾಮಹೇ
ತತೋ ನೋ ಅಭಯಂ ಕೃಧಿ |
ಮಘವಞ್ ಛಗ್ಧಿ ತವ ತ್ವಂ ನ ಊತಿಭಿರ್
ವಿ ದ್ವಿಷೋ ವಿ ಮೃಧೋ ಜಹಿ || ೩,೩೫।೧

ಇಂದ್ರಂ ವಯಂ ಅನೂರಾಧಂ ಹವಾಮಹೇ
ಽನು ರಾಧ್ಯಾಸ್ಮ ದ್ವಿಪದಾ ಚತುಷ್ಪದಾ |
ಮಾ ನಃ ಸೇನಾ ಅರರುಷೀರ್ ಉಪ ಗುರ್
ವಿಷೂಚೀರ್ ಇಂದ್ರ ದ್ರುಹೋ ವಿ ನಾಶಯ || ೩,೩೫।೨

ಇಂದ್ರಸ್ ತ್ರಾತೋತ ವೃತ್ರಹಾ
ಪರಸ್ಪಾ ನೋ ವರೇಣ್ಯಃ |
ಸ ರಕ್ಷಿತಾ ಚರಮತಃ ಸ ಮಧ್ಯತಃ
ಸ ಪಶ್ಚಾತ್ ಸ ಪುರಸ್ತಾನ್ ನೋ ಅಸ್ತು || ೩,೩೫।೩

ಉರುಂ ನೋ ಲೋಕಂ ಅನು ನೇಷಿ ವಿದ್ವಾನ್
ಸ್ವರ್ಯಜ್ ಜ್ಯೋತಿರ್ ಅಭಯಂ ಸ್ವಸ್ತಿ |
ಉಗ್ರಾ ತ ಇಂದ್ರ ಸ್ಥವಿರಸ್ಯ ಬಾಹೂ
ಉಪ ಕ್ಷಿಯೇಮ ಶರಣಾ ಬೃಹಂತಾ || ೩,೩೫।೪

ಅಭಯಂ ನಃ ಕರತ್ಯ್ ಅಂತರಿಕ್ಷಂ
ಅಭಯಂ ದ್ಯಾವಾಪೃಥಿವೀ ಉಭೇ |
ಅಭಯಂ ಪಶ್ಚಾದ್ ಅಭಯಂ ಪುರಸ್ತಾದ್
ಉತ್ತರಾದ್ ಅಧರಾದ್ ಅಭಯಂ ನೋ ಅಸ್ತು || ೩,೩೫।೫

ಅಭಯಂ ಮಿತ್ರಾದ್ ಅಭಯಂ ಅಮಿತ್ರಾದ್
ಅಭಯಂ ಜ್ಞಾತಾದ್ ಅಭಯಂ ಪುರೋ ನಃ |
ಅಭಯಂ ನಕ್ತಂ ಅಭಯಂ ದಿವಾ ನಃ
ಸರ್ವಾ ಆಶಾ ಮಮ ಮಿತ್ರಂ ಭವಂತು || ೩,೩೫।೬
(೩೫)

ಅನುವಾಕ ೭ ||

ಜಯ ಪ್ರೇಹಿ ಮಾಪ ಕ್ರಾಮಃ
ಶತ್ರೂಣಾಂ ವೇದ ಆ ಖಿದ |
ಇಂದ್ರಃ ಸಪತ್ನಹಾ ಭೀಮಃ
ಸಂಜಯಸ್ ತೇ ಸಂ ಆನೃಧತ್ || ೩,೩೬।೧

ತ್ವಂ ಜಯಾಸಿ ನ ಪರಾ ಜಯಾಸಾ
ಅರ್ಭೇಷ್ವ್ ಆಜೌ ಮಘವನ್ ಮಹತ್ಸು ಚ |
ಉಗ್ರಂ ಚಿತ್ ತ್ವಾಂ ಅವಸೇ ಸಂ ಶಿಶೀಮಹೇ
ಸ ತ್ವಂ ನ ಇಂದ್ರ ಹವನೇಷು ಮೃಡ || ೩,೩೬।೨

ಗೋಜಿತಾ ಬಾಹೂ ಅಸಮಕ್ರತೂ ಯುಧಿ
ಕರ್ಮನ್ಕರ್ಮಞ್ ಛತಮೂತೀ ಸ್ವಜಂಕರಾ |
ಅಕಲ್ಪ ಇಂದ್ರೋ ಽಪ್ರತಿಮಾನಂ ಓಜಃ
ಸ ತ್ವಂ ನ ಇಂದ್ರ ಹವನೇಷು ಮೃಡ || ೩,೩೬।೩

ವೇದಾಹಂ ಐಂದ್ರಂ ಪ್ರಿಯಂ ಅಸ್ಯ ಶೇವಧಿಂ
ಯದ್ ಅಸ್ಯ ನಾಮ ಗುಹ್ಯಂ ಸಮೀಕೇ |
ಸ ಇಜ್ ಜಯಾತಿ ಮಘವಾ ಮಮಾಸತ್ಯ್
ಅಸ್ಮಾಕಂ ಯುಧ್ಮೋ ವಿಹವೇ ಹವಂ ಗಮತ್ || ೩,೩೬।೪

ವಯಂ ಜಯೇಮ ತ್ವಾಯುಜಾ ಭೃತೋ
ಅಸ್ಮಾಕಂ ಅಂಶಂ ಉದ್ ಅವಾ ಭರೇಭರೇ |
ಅಸ್ಮಭ್ಯಂ ಇಂದ್ರ ವರಿವಃ ಸುಗಂ ಕೃಧಿ
ಪ್ರ ಶತ್ರೂಣಾಂ ಮಘವನ್ ವೃಷ್ಣಿಯಾ ರುಜ || ೩,೩೬।೫

ತ್ವಾಂ ದೇವೇಷು ಪ್ರಥಮಂ ಹವಾಮಹೇ
ತ್ವಂ ಬಭೂವಿಥ ಪೃತನಾಸು ಸಾಸಹಿಃ |
ಸೇಮಂ ನಃ ಕಾರುಂ ಉಪಮನ್ಯುಂ ಉದ್ಭಿದಂ
ಇಂದ್ರ ಕರಾಸಿ ಪ್ರಸವೇ ರಥಂ ಪುರಃ || ೩,೩೬।೬
(೩೬)

ಸ್ಮರ ಸ್ಮರೋ ಽಸಿ
ದೇವೈರ್ ದತ್ತೋ ಽಸಿ ಸ್ಮರ |
ಅಮುಷ್ಯ ಮನ ಆ ಸ್ಮರ
ಯಥಾಹಂ ಕಾಮಯೇ ತಥಾ || ೩,೩೭।೧

ಶೋಚಯಾಸ್ಯ ಹೃದಯಂ ಕಾಮ ಗಚ್ಛ-
-ಅಂಗಜ್ವರೋ ದಹತು ಶೋಚತು ತ್ಮನಾ |
ಸಂಕಲ್ಪಾ ಅಸ್ಯ ಸಮರಂತಾಧೀಭಿರ್
ಇಯಂ ಏವಾಸ್ಯ ದಿಗಮಹನ್ಯನ್ಯಾಃ || ೩,೩೭।೨

ನಿರಾನಂದಾಃ ಪ್ರಮುಚ್ಛದೋ ಮನೋಮುಹೋ
ನಯುವೋ ನಷ್ಟಕೃತ್ವಾ ಅರಣ್ಯವಃ |
ಆವೇಶಿನೀಃ ಪ್ರದ್ರುಪೋ ರೋಪಯಿಷ್ಣುರ್
ಏತ ಆಸ್ತಾಧ್ಯಃ ಪ್ರ ಹಿಣೋಮಿ ಬ್ರಹ್ಮಣಾ || ೩,೩೭।೩

ಹೃತ್ಕರ್ತನೀ ಋತುದಾ ಗ್ರಾಮಾನ್ನಾಶನೀಃ
ಸ್ವಪ್ನಚ್ಛಿದ ಉಘ್ನನೀಘ್ನಾ ಮನೋಮುಹಃ |
ಆವೇಶಿನೀಃ ಪ್ರದ್ರುಪೋ ರೋಪಯಿಷ್ಣುರ್
ಏತ ಆಸ್ತಾಧ್ಯಃ ಪ್ರ ಹಿಣೋಮಿ ಬ್ರಹ್ಮಣಾ || ೩,೩೭।೪

ಇಂದ್ರಾಗ್ನೀ ಮಿತ್ರಾವರುಣಾ ತೇ ಅದ್ಯ-
-ಉಭೇ ಚ ದ್ಯಾವಾಪೃಥಿವೀ ಮಾತರಿಶ್ವಾ |
ಅಶ್ವಿನಾ ದೇವಃ ಸವಿತಾ ಭಗಶ್ ಚ
ಮನಸ್ ತ ಉ ಘ್ನಂತು ನ ರಮಾಸಾ ಅತ್ರ || ೩,೩೭।೫

ತ್ರಯಸ್ತ್ರಿಂಶತ್ ತ್ವಾ ಉತ ಘ್ನಂತು ದೇವಾ
ಆಧ್ಯಶ್ ಚಿತ್ತಂ ಉಪ ತೇ ಭರಂತಾಂ |
ಭರದ್ವಾಜಸ್ಯ ಮತಯಸ್ ತ ಈಶತಾಂ
ಛಿನ್ನೇವ ನೌರ್ ಬಂಧನಾತ್ ಪ್ರ ಪ್ಲವಸ್ವ || ೩,೩೭।೬

ಏತಾಃ ಪತಂತ್ಯ್ ಆಧ್ಯೋ
ವಾರ್ಷಿಕೀರ್ ಇವ ವಿದ್ಯುತಃ |
ತಾಸಾಂ ಪ್ರತಿಗ್ರಹೋ ಭವ
ಸಾಯಂ ಗೋಷ್ಠೇ ಗವಾಂ ಇವ || ೩,೩೭।೭

ನಿ ಶೀರ್ಷತೋ ನಿ ಪಾತಿತ
ಆಧ್ಯೋ ವೇಶಯಾಮಿ ತೇ |
ತಾಸ್ ತ್ವಾ ಸಮುತ್ತುದಂತೀರ್
ಬೋಧಯಂತೀರ್ ಉಪಾಸತಾಂ || ೩,೩೭।೮

ಏತಾಸ್ ತ ಆಧ್ಯಃ ಪ್ರ ಹಿಣೋಮಿ ಬ್ರಹ್ಮಣಾ
ತೃಪ್ರಾ ಅಶ್ರೀಪುರೋಗವಾಃ |
ತಾಸ್ ತ್ವಾ ತೃಣಂ ಇವ ಶೋಷಯಾನ್
ಅಥೋ ತ್ವಾ ರೋದಯಾನ್ ಬಹು || ೩,೩೭।೯
(೩೭)

ಅಜೋ ಹ್ಯ್ ಅಗ್ನೇರ್ ಅಜನಿಷ್ಟ ಶೋಕಾತ್
ಸೋ ಽಪಶ್ಯಜ್ ಜನಿತಾರಂ ಅಗ್ರೇ |
ತೇನ ದೇವಾ ದೇವತಾಂ ಅಗ್ರ ಆಯನ್
ತೇನ ರೋಹಾನ್ ಅರೋಹನ್ನ್ ಉಪ ಮೇಧೀಯಾಂಸಃ || ೩,೩೮।೧

ಕ್ರಮಧ್ವಂ ಅಗ್ನಿಭಿರ್ ನಾಕಂ
ಉಖ್ಯಾಂ ಹಸ್ತೇಷು ಬಿಭ್ರತಃ |
ದಿವಸ್ ಪೃಷ್ಠಂ ಸ್ವರ್ ಗತ್ವಾ
ಮಿಶ್ರಾ ದೇವೇಭಿರ್ ಆಧ್ವಂ || ೩,೩೮।೨

ಅಗ್ನೇ ಪ್ರೇಹಿ ಪ್ರಥಮೋ ದೇವಯತಾಂ
ಚಕ್ಷುರ್ ದೇವಾನಾಂ ಉತ ಮರ್ತ್ಯಾನಾಂ |
ಇಯಕ್ಷಮಾಣಾ ಭೃಗುಭಿಃ ಸಜೋಷಸಃ
ಸ್ವರ್ ಯಂತು ಯಜಮಾನಾಃ ಸ್ವಸ್ತಿ || ೩,೩೮।೩

ಸ್ವರ್ ಯಂತೋ ನಾಪೇಕ್ಷಂತ
ಆ ದ್ಯಾಂ ರೋಹಂತು ರಾಧಸಃ |
ಯಜ್ಞಂ ಯೇ ವಿಶ್ವತೋಧಾರಂ
ಸುವಿದ್ವಾಂಸೋ ವಿ ತೇನಿರೇ || ೩,೩೮।೪

ಓದನಂ ಅನಜ್ಮಿ ಶವಸಾ ಘೃತೇನ
ದಿವ್ಯಂ ಸಮುದ್ರಂ ಪಯಸಂ ಬೃಹಂತಂ |
ತೇನ ಗೇಷ್ಮ ಸುಕೃತಸ್ಯ ಲೋಕಂ
ಸರೋರುಹಾಣಾ ಅಧಿ ನಾಕಂ ಉತ್ತಮಂ || ೩,೩೮।೫

ಯೌ ತೇ ಪಕ್ಷಾವ್ ಅಜರೌ ಪತತ್ರಿಣೌ
ಯಾಭ್ಯಾಂ ರಕ್ಷಾಂಸ್ಯ್ ಅಪಹಂಸ್ಯ್ ಓದನ |
ತಾಭ್ಯಾಂ ಪತ್ಯಾಸ್ಮ ಸುಕೃತಸ್ಯ ಲೋಕಂ
ಯತ್ರ ರ್ಷಯಃ ಪ್ರಥಮಜಾಃ ಪುರಾಣಾಃ || ೩,೩೮।೬

ಯತಸ್ ತಿಷ್ಠೋ ದಿವಸ್ ಪೃಷ್ಠೇ
ವ್ಯೋಮನ್ನ್ ಅಧ್ಯ್ ಓದನ |
ಅನ್ವಾಯನ್ ಸತ್ಯಧರ್ಮಾಣೋ
ಬ್ರಾಹ್ಮಣಾ ರಾಧಸಾ ಸಹ || ೩,೩೮।೭

ಪೃಷ್ಠಾತ್ ಪೃಥಿವ್ಯಾ ಅಹಂ ಅಂತರಿಕ್ಷಂ ಆರುಹಂ
ಅಂತರಿಕ್ಷಾದ್ ದಿವಂ ಆರುಹಂ |
ದಿವೋ ನಾಕಸ್ಯ ಪೃಷ್ಠಾತ್ ಸ್ವರ್ ಜ್ಯೋತಿರ್ ಅಗಾಂ ಅಹಂ || ೩,೩೮।೮

ಅಜೋ ಽಸ್ಯ್ ಅಜ ಸ್ವರ್ಗೋ ಽಸಿ
ತ್ವಯಾ ಲೋಕಂ ಅಂಗಿರಸಃ ಪ್ರ ಜಾನನ್ |
ತಂ ಲೋಕಂ ಅನು ಪ್ರ ಜ್ಞೇಷ್ಮ || ೩,೩೮।೯

ಯೇನಾ ಸಹಸ್ರಂ ವಹಸಿ
ಯೇನ ವಾ ಸರ್ವವೇದಸಂ |
ತೇನೇಮಂ ಯಜ್ಞಂ ನೋ ವಹ
ಸ್ವರ್ ದೇವೇಷು ಗಂತವೇ || ೩,೩೮।೧೦

ಅಜಂ ಚ ಪಚತ ಪಂಚ ಚೌದನಾನ್ |
ಅಜಂ ಪಂಚೌದನಂ ಪಕ್ತ್ವಾ
ದೇವಾ ಲೋಕಾನ್ ಸಂ ಆನಶುಃ || ೩,೩೮।೧೧
(೩೮)

ಯಾ ತೇ ಪ್ರಜಾಪಿಹಿತಾ ಪುರಾಭೂದ್
ಧ್ರುವೇಣಾಶ್ವಿನಾಪ ತಂ ಭರಾಮಿ |
ಅಗ್ನಿಷ್ ಟೇ ತಾಮಾದ್ಯಮಃ ಪುನರ್ ದಾದ್
ವೈಶ್ವಾನರಃ ಪರಮಸ್ಮಾದ್ ವ್ಯೋಮ್ನಃ || ೩,೩೯।೧

ತ್ವಂ ಪತಿಃ ಶಿವೋ ಽಗ್ನೇ ದ್ವಿತೀಯೋ
*ಽಸ್ಯೈ ಪ್ರಜಾಂ ಜರದಷ್ಟಿಂ ಸೃಜಸ್ವ |
ಮುಂಚೈನಾಂ ಗ್ರಾಹ್ಯಾ ನಿರೃತಿರ್ ಯದ್ ಬಂಧ-
-ಅಗ್ನೇ ಪ್ರಜಾಂ ಪ್ರಜಾಕಾಮಾಯೈ ಧೇಹಿ || ೩,೩೯।೨

ತ್ವಾಂ ಅಗ್ನೇ ವೃಷಭಂ ವಾಶಿತೇಯಂ
ಆಚ್ಯಾ ಜಾನು ಪುತ್ರಕಾಮಾ ಸಪರ್ಯತಿ |
ತಾಂ ಆ ರೋಹ ಸುಮನಸ್ಯಮಾನಃ
ಪ್ರಜಾಪತೇಃ ಪ್ರಜಯಾ ಸಂ ಸೃಜೈನಾಂ || ೩,೩೯।೩

ತುಭ್ಯಂ ನಾರೀ ಪುತ್ರಕಾಮೇಯಂ ಅಗ್ನೇ
ಶುದ್ಧಂ ಪೂತಂ ಘೃತಂ ಆ ಜುಹೋತಿ |
ತಾಂ ಅಧಿ ಸ್ಕಂದ ವೀರಯಸ್ವ ರೇತೋಧಾ
ಉಗ್ರಃ ಪ್ರಜಯಾ ಸಂ ಸೃಜೈನಂ || ೩,೩೯।೪

ಪರ್ವತಾದ್ ದಿವೋ ಯೋನೇರ್
ಗಾತ್ರಾದ್ಗಾತ್ರಾತ್ ಸಮಾಶೃತಂ |
ರೇತೋ ದೇವಸ್ಯದೇವಸ್ಯ
ತ್ಸರೌ ಪರ್ಣಂ ಇವಾಧಾಂ || ೩,೩೯।೫

ಇಂದ್ರಸ್ಯ ಜಾತಸ್ಯ ಪ್ರ ಪಪಾತ ನಾಭಿಸ್
ತಾಂ ಏಕೋ ದೇವಃ ಪ್ರತಿ ಜಗ್ರಾಹ ಕಾಮೀ |
ತ್ವಯಾ ವಯಂ ಬ್ರಾಹ್ಮಣಾಃ ಸೋಮಪಾಃ
ಸೂಪಯಾಮ ಉತ ಯಾ ನ ಸೂತೇ || ೩,೩೯।೬
(೩೯)

ತೇಜನಾತ್ ತ್ಯಜನಂ ಜಾತಂ
ತೇಜನಂ ಜಾಯತೇ ಶರಾತ್ |
ನ ಯೇಷತಿ ನ ಶೋಚತಿ
ಯಸ್ ತ್ವಾ ಬಿಭರ್ತಿ ತೇಜನ || ೩,೪೦।೧

ಪರುತ್ನಂ ಅಸಿ ತೇಜನ
ಪರುತ್ನಂ ತೇ ಪ್ರಭಂಜನಂ |
ಪರುತ್ನೋ ಅಸ್ತು ಸ ಕಾಮೋ
ಯೇನಾಮೂಂ ಕಾಮಯಾಮಹೇ || ೩,೪೦।೨

ಯಾವದ್ ಓಷಃ ಶರೋ ಅಸ್ತ್ವೋ
ಜನೇಭ್ಯಃ ಕೃಣವದ್ ಭಯಂ |
ತಾವದ್ ಓಷಸ್ ತ್ವಂ ತೇಜನ
ತ್ಯಜನಂ ಭವತಾದ್ ಇಹ || ೩,೪೦।೩

ತ್ಯಜನಂ ಮ ಆಪೋ ದಧನ್
ತ್ಯಜನಂ ಮರುತೋ ದಧನ್ |
ತ್ಯಜನಂ ಮೇ ವಿಶ್ವೇ ದೇವಾಸ್
ತ್ಯಜನಂ ಪಿತರೋ ದಧನ್ || ೩,೪೦।೪

ತೇನಾಹಂ ಅನ್ಯೇಷಾಂ ಸ್ತ್ರಿಯೋ
ಅತ್ಯಾಕ್ಷಂ ವಿದ್ವಿಷಃ ಪುರಾ |
ಪುರಾ ದ್ವಿಷೋ ಅತ್ಯಾಕ್ಷಂ
ಪುರಾ ಮಧ್ಯಂದಿನಾದ್ ಉತ |
ಪುರಾ ಸಾಯತ್ವಾದ್ ಅತ್ಯಾಕ್ಷಂ
ತೇಜನೇ ಹಿ ಮಹದ್ ಬಲಂ || ೩,೪೦।೫

ಅಸ್ಥಾದ್ ದ್ಯೌರ್ ಅಸ್ಥಾತ್ ಪೃಥಿವ್ಯ್
ಅಸ್ಥಾದ್ ವಿಶ್ವಂ ಇದಂ ಜಗತ್ |
ಅಸ್ಥಾದ್ ಅವಹೃದೇವಾತ್
ತಿಷ್ಠಾತ್ ಕಾಮೋ ಅಯಂ ತವ || ೩,೪೦।೬
(೪೦)

ಅನುವಾಕ ೮ ||
(೩)


ಕಾಂಡ ೪

ಹಿರಣ್ಯಗರ್ಭಃ ಸಂ ಅವರ್ತತಾಗ್ರೇ
ಭೂತಸ್ಯ ಜಾತಃ ಪತಿರ್ ಏಕ ಆಸೀತ್ |
ಸ ದಾಧಾರ ಪೃಥಿವೀಂ ದ್ಯಾಂ ಉತಾಮುಂ
ತಸ್ಮೈ ದೇವಾಯ ಹವಿಷಾ ವಿಧೇಮ || ೪,೧।೧

ಯ ಓಜೋದಾ ಬಲದಾ ಯಶ್ ಚ ವಿಶ್ವ
ಉಪಾಸತೇ ಪ್ರಶಿಷಂ ಯಸ್ಯ ದೇವಾಃ |
ಯಸ್ಯ ಛಾಯಾಮೃತಂ ಯಸ್ಯ ಮೃತ್ಯುಸ್
ತಸ್ಮೈ ದೇವಾಯ ಹವಿಷಾ ವಿಧೇಮ || ೪,೧।೨

ಯಃ ಪ್ರಾಣತೋ ನಿಮಿಷತೋ ವಿಧರ್ತಾ
ಪತಿರ್ ವಿಶ್ವಸ್ಯ ಜಗತೋ ಬಭೂವ |
ಯ ಈಶೇ ಽಸ್ಯ ದ್ವಿಪದೋ ಯಶ್ ಚತುಷ್ಪದಸ್
ತಸ್ಮೈ ದೇವಾಯ ಹವಿಷಾ ವಿಧೇಮ || ೪,೧।೩

ಯೇನ ದ್ಯೌರ್ ಉಗ್ರಾ ಪೃಥಿವೀ ಚ ದೃಢಾ
ಯೇನ ಸ್ವ ಸ್ತಭಿತಂ ಯೇನ ನಾಕಃ |
ಯೋ ಅಂತರಿಕ್ಷಂ ವಿಮಮೇ ವರೀಯಸ್
ತಸ್ಮೈ ದೇವಾಯ ಹವಿಷಾ ವಿಧೇಮ || ೪,೧।೪

ಯ ಇಮೇ ದ್ಯಾವಾಪೃಥಿವೀ ತಸ್ತಭಾನ-
-ಅಧಾರಯದ್ ಅವಸಾ ರೇಜಮಾನೇ |
ಯಸ್ಮಿನ್ನ್ ಅಧಿ ವಿತತ ಏತಿ ಸೂರ್ಯಸ್
ತಸ್ಮೈ ದೇವಾಯ ಹವಿಷಾ ವಿಧೇಮ || ೪,೧।೫

ಯಸ್ಯ ವಿಶ್ವೇ ಹಿಮವಂತೋ ಮಹಿತ್ವಾ
ಸಮುದ್ರಂ ಯಸ್ಯ ರಸಯಾ ಸಹಾಹುಃ |
ದಿಶೋ ಯಸ್ಯ ಪ್ರದಿಶಃ ಪಂಚ ದೇವೀಸ್
ತಸ್ಮೈ ದೇವಾಯ ಹವಿಷಾ ವಿಧೇಮ || ೪,೧।೬

ಆಪೋ ಹ ಯಸ್ಯ ವಿಶ್ವಂ ಆಯುರ್
ದಧಾನಾ ಗರ್ಭಂ ಜನಯಂತ ಮಾತರಃ |
ತತ್ರ ದೇವಾನಾಂ ಅಧಿ ದೇವ ಆಸ್ತ
ಏಕಸ್ಥೂಣೇ ವಿಮಿತೇ ದೃಢ ಉಗ್ರೇ || ೪,೧।೭

ಆಪೋ ಗರ್ಭಂ ಜನಯಂತೀರ್
ವತ್ಸಂ ಅಗ್ರೇ ಸಂ ಐರಯನ್ |
ತಸ್ಯೋತ ಜಾಯಮಾನಸ್ಯ-
-ಉಲ್ಬ ಆಸೀದ್ ಧಿರಣ್ಯಯಃ || ೪,೧।೮

ಹಿರಣ್ಯ ಉಲ್ಬ ಆಸೀದ್ ಯೋ
ಽಗ್ರೇ ವತ್ಸೋ ಅಜಾಯತ |
ತಂ ಯೋನ್ಯೋರ್ ವಿದ್ರವಂತ್ಯೋಃ
ಪರ್ಯ್ ಅಪಶ್ಯದ್ ದಿತಿರ್ ಮಹೀ || ೪,೧।೯
(೧)

ಭೂತೋ ಭೂತೇಷು ಪಯ ಆ ದಧಾತಿ
ಸ ಭೂತಾನಾಂ ಅಧಿಪತಿರ್ ಬಭೂವ |
ಸ ತೇ ಮೃತ್ಯುಶ್ ಚರತಿ ರಾಜಸೂಯಂ
ಸ ರಾಜಾ ರಾಜ್ಯಂ ಅನು ಮನ್ಯತಾಂ ಇದಂ || ೪,೨।೧

ಅಭಿ ಪ್ರೇಹಿ ವೀರಯಸ್ವ-
-ಉಗ್ರಶ್ ಚೇತ್ತಾ ಸಪತ್ನಹಾ |
ಆ ತಿಷ್ಠ ಮಿತ್ರವರ್ಧನ
ತುಭ್ಯಂ ದೇವಾ ಅಧಿ ಬ್ರುವನ್ || ೪,೨।೨

ಆತಿಷ್ಠಂತಂ ಪರಿ ವಿಶ್ವೇ ಅಭೂಷಞ್
ಛ್ರಿಯಂ ವಸಾನಶ್ ಚರತಿ ಸ್ವರೋಚಿಃ |
ಮಹತ್ ತದ್ ವೃಷ್ಣೋ ಅಸುರಸ್ಯ ನಾಮ-
-ಆ ವಿಶ್ವರೂಪೋ ಅಮೃತಾನಿ ತಸ್ಥೌ || ೪,೨।೩

ಏನಾ ವ್ಯಾಘ್ರಂ ಪರಿಷಸ್ವಜಾನಾಃ
ಸಿಂಹಂ ಹಿನ್ವಂತಿ ಮಹತೇ ಸೌಭಗಾಯ |
ಮಹಿಷಂ ನ ಸುಭುವಸ್ ತಸ್ಥಿವಾಂಸಂ
ಮರ್ಮೃಜ್ಯಂತೇ ದ್ವೀಪಿನಂ ಅಪ್ಸ್ವ್ ಅಂತಃ || ೪,೨।೪

ವ್ಯಾಘ್ರೋ ಅಧಿ ವೈಯಾಘ್ರೇ
ವಿ ಕ್ರಮಸ್ವ ದಿಶೋ ಮಹೀಃ |
ವಿಶಸ್ ತ್ವಾ ಸರ್ವಾ ಆ ಯಂತ್ವ್
ಆಪೋ ದಿವ್ಯಾಃ ಪಯಸ್ವತೀಃ || ೪,೨।೫

ಯಾ ಆಪೋ ದಿವ್ಯಾಃ ಪಯಸಾ ಮದಂತಿ
ಯಾ ಅಂತರಿಕ್ಷ ಉತ ಪಾರ್ಥಿವಾ ಯಾಃ |
ತಾಸಾಂ ತ್ವಾ ಸರ್ವಾಸಾಂ ಅಪಾಂ
ಅಭಿ ಷಿಂಚಾಮಿ ವರ್ಚಸಾ || ೪,೨।೬

ಅಭಿ ತ್ವಾ ವರ್ಚಸಾಸಿಚಂ
ದಿವ್ಯೇನ ಪಯಸಾ ಸಹ |
ಯಥಾಸೋ ಮಿತ್ರವರ್ಧನಸ್
ತಥಾ ತ್ವಾ ಸವಿತಾ ಕರತ್ || ೪,೨।೭
(೨)

ಯತ್ ತೇ ಚಂದ್ರಂ ಕಶ್ಯಪ ರೋಚನಾವದ್
ಯತ್ ಸಂಹಿತಂ ಪುಷ್ಕಲಂ ಚಿತ್ರಭಾನು |
ಯಸ್ಮಿನ್ ಸೂರ್ಯಾ ಆರ್ಪಿತಾಃ ಸಪ್ತ ಸಾಕಂ
ತಸ್ಮಿನ್ ರಾಜಾನಂ ಅಧಿ ವಿ ಶ್ರಯೇಮಂ || ೪,೩।೧

ಯೇಭಿಃ ಶಿಲ್ಪೈಃ ಪಪ್ರಥಾನಾಂ ಅದೃಂಹೋ
ಯೇಭಿರ್ ದಿವಂ ಅಭ್ಯಪಿಂಶಃ ಪ್ರವಿದ್ವಾನ್ |
ಯೇಭಿರ್ ವಾಚಂ ಪುಷ್ಕಲೈರ್ ಅವ್ಯಯಸ್
ತೇನ ಮಾಗ್ನೇ ವರ್ಚಸಾ ಸಂ ಸೃಜೇಹ || ೪,೩।೨

ಯೇಭಿಃ ಸೂರ್ಯ ಆತಪತಿ ಪ್ರ ಕೇತುಭಿರ್
ಯೇಭಿರ್ ಅಗ್ನಿರ್ ದದೃಶೇ ಚಿತ್ರಭಾನುಃ |
ಯೇಭಿರ್ ಆಪಶ್ ಚಂದ್ರವರ್ಣಾ ಅಜಿನ್ವನ್
ತೇನ ಮಾಗ್ನೇ ವರ್ಚಸಾ ಸಂ ಸೃಜೇಹ || ೪,೩।೩

ಆಯಂ ಭಾತು ಪ್ರದಿಶಃ ಪಂಚ ದೇವೀರ್
ಇಂದ್ರ ಇವ ಜ್ಯೇಷ್ಠೋ ಭವತು ಪ್ರಜಾನಾಂ |
ಅಸ್ಮಿನ್ ಧೇಹಿ ಪುಷ್ಕಲಂ ಚಿತ್ರಭಾನ್ವ್
ಅಯಂ ಪೃಣಾತು ರಜಸೋರ್ ಉಪಸ್ಥಂ || ೪,೩।೪

ಅನು ತ್ವೇಂದ್ರೋ ಽವತ್ವ್ ಅನು ಬೃಹಸ್ಪತಿರ್
ಅನು ತ್ವಾ ಸೋಮೋ ಅನ್ವ್ ಅಗ್ನಿರ್ ಆವೀತ್ |
ಅನು ತ್ವಾ ವಿಶ್ವೇ ಅವಂತು ದೇವಾಃ
ಸಪ್ತ ರಾಜಾನೋ ಯ ಉದಾಭಿಷಿಕ್ತಾಃ || ೪,೩।೫

ಅನು ತ್ವಾ ಮಿತ್ರಾವರುಣೇಹಾವತಾಂ
ಅನು ದ್ಯಾವಾಪೃಥಿವೀ ಓಷಧೀಭಿಃ |
ಸೂರ್ಯೋ ಽಹೋಭಿರ್ ಅನು ತ್ವಾವತು
ಚಂದ್ರಮಾ ನಕ್ಷತ್ರೈರ್ ಅನು ತ್ವೇದಂ ಆವೀತ್ || ೪,೩।೬

ದ್ಯೌಶ್ ಚ ತ್ವಾ ಪೃಥಿವೀ ಚ ಪ್ರಚೇತಸೌ
ಶುಕ್ರೋ ಬೃಹನ್ ದಕ್ಷಿಣಾ ತ್ವಾ ಪಿಪರ್ತು |
ಅನು ಸ್ವಧಾ ಚಿಕಿತಾಂ ಸೋಮೋ ಅಗ್ನಿಃ
ಪೂಷಾ ತ್ವಾವತು ಸವಿತಾ ಸವೇನ || ೪,೩।೭
(೩)

ಸ್ತುವಾನಂ ಅಗ್ನ ಆ ನಯ
ಯಾತುಧಾನಂ ಕಿಮೀದಿನಂ |
ತ್ವಂ ಹಿ ದೇವಾಂತಿತೋ
ಹಂತಾ ದಸ್ಯೋರ್ ಬಭೂವಿಥ || ೪,೪।೧

ಆಜ್ಯಸ್ಯ ಪರಮೇಷ್ಠಿಞ್
ಜಾತವೇದಸ್ ತನೂವಶಿನ್ |
ಅಗ್ನೇ ತೌಲಸ್ಯ ಪ್ರಾಶಾನ
ಯಾತುಧಾನಾನ್ ವಿ ಲಾಪಯ || ೪,೪।೨

ವಿ ಲಪಂತು ಯಾತುಧಾನಾ
ಅತ್ರಿಣೋ ಯೇ ಕಿಮೀದಿನಃ |
ಅಥೇದಂ ಅಗ್ನೇ ನೋ ಹವಿರ್
ಇಂದ್ರಶ್ ಚ ಪ್ರತಿ ಹರ್ಯತಂ || ೪,೪।೩

ಅಗ್ನಿಃ ಪುರಸ್ತಾದ್ ಆ ಯಚ್ಛತು
ಪ್ರೇಂದ್ರೋ ನುದತು ಬಾಹುಮಾನ್ |
ಬ್ರವೀತು ಸರ್ವೋ ಯಾತುಮಾನ್
ಅಯಂ ಅಸ್ಮೀತ್ಯ್ ಏತ್ಯ || ೪,೪।೪

ಪಶ್ಯಾಮಿ ತೇ ವೀರ್ಯಾ ಜಾತವೇದಃ
ಪ್ರ ಣೋ ಬ್ರೂಹಿ ಯಾತುಧಾನಾನ್ ನೃಚಕ್ಷಃ |
ತ್ವಯಾ ಸರ್ವೇ ಪರಿತಪ್ತಾಃ ಪುರಸ್ತಾದ್
ಆ ಯಂತು ಪ್ರಬ್ರುವಾಣಾ ಉಪೇದಂ || ೪,೪।೫

ಆ ರಭಸ್ವ ಜಾತವೇದೋ
ಹೃದಃ ಕಾಮಾಯ ರಂಧಯ |
ದೂತೋ ನೋ ಅಗ್ನ ಉತ್ ತಿಷ್ಠ
ಯಾತುಧಾನಾನ್ ಇಹಾ ನಯ || ೪,೪।೬

ತ್ವಂ ಅಗ್ನೇ ಯಾತುಧಾನಾನ್
ಉಪಬದ್ಧಾನ್ ಇಹಾ ನಯ |
ಅಥೈಷಾಂ ಇಂದ್ರೋ ವಜ್ರೇಣ-
-ಅಪಿ ಶೀರ್ಷಾಣಿ ವೃಶ್ಚತು || ೪,೪।೭

ಇದಂ ಹವಿರ್ ಯಾತುಧಾನಾನ್
ನದೀ ಫೇನಂ ಇವಾ ವಹಾತ್ |
ಯದೀದಂ ಸ್ತ್ರೀ ಪುಮಾನ್ ಅಕರ್
ಇಹ ಸ ಸ್ತುವತಾಂ ಜನಃ || ೪,೪।೮

ಯಾತುಧಾನಸ್ಯ ಸೋಮಪ
ಜಹಿ ಪ್ರಜಾಂ ನಯಸ್ವ ಚ |
ನಿ ಷ್ಟುವಾನಸ್ಯ ಪಾತಯ
ಪರಂ ಅಕ್ಷ್ಯ್ ಉತಾವರಂ || ೪,೪।೯

ಅಯಂ ಸ್ತುವಾನ ಆಗಮತ್
ತಂ ಸ್ಮೋತ ಪ್ರತಿ ಹರ್ಯತ |
ಬೃಹಸ್ಪತೇ ವಶೇ ಕೃಥಾ
ಅಗ್ನೀಷೋಮಾ ವಿ ವಿಧ್ಯತಂ || ೪,೪।೧೦
(೪)

ಯಾಂ ತ್ವಾ ಗಂಧರ್ವೋ ಅಖನದ್
ವರುಣಾಯ ಮೃತಭ್ರಜೇ |
ತಾಂ ತ್ವಾ ವಯಂ ಖನಾಮಸ್ಯ್
ಓಷಧಿಂ ಶೇಪಹರ್ಷಣೀಂ || ೪,೫।೧

ವೃಷಣಸ್ ತೇ ಖನಿತಾರೋ
ವೃಷಾ ತ್ವಂ ಅಸ್ಯ್ ಓಷಧೇ |
ವೃಷಾಸಿ ವೃಷ್ಣ್ಯಾವತೀ
ವೃಷಣೇ ತ್ವಾ ಖನಾಮಸಿ || ೪,೫।೨

ಉದ್ ಉಷಾ ಉದ್ ಉ ಸೂರ್ಯ
ಉಚ್ ಛುಷ್ಮಾ ಓಷಧೀನಾಂ |
ಉದ್ ಏಜತಿ ಪ್ರಜಾಪತಿರ್
ವೃಷಾ ಶುಷ್ಮೇಣ ವಾಜಿನಾ || ೪,೫।೩

ಊರ್ಧ್ವಶ್ರಾಣಂ ಇದಂ ಕೃಧಿ
ಯಥಾ ಸ್ಮ ತೇ ವಿರೋಹತೋ
ಅಭಿತಪ್ತಂ ಇವಾನತಿ |
ತತಸ್ ತೇ ಶುಷ್ಮವತ್ತರಂ
ಇಯಂ ಕೃಣೋತ್ವ್ ಓಷಧಿಃ || ೪,೫।೪

ಅಪಾಂ ರಸ ಓಷಧೀನಾಂ
ಅಥೋ ವನಸ್ಪತೀನಾಂ |
ಅಥೋ ಸೋಮಸ್ಯ ಭ್ರಾತಾಸ್ಯ್
ಆರ್ಶ್ಯಂ ಅಸಿ ವೃಷ್ಣ್ಯಂ || ೪,೫।೫

ಅಶ್ವಸ್ಯ ಋಶ್ಯಸ್ಯ
ಬಸ್ತಸ್ಯ ಪುರುಷಸ್ಯ ಚ |
ಯ ಋಷಭಸ್ಯ ವಾಜಸ್
ತಂ ಅಸ್ಮೈ ಧೇಹ್ಯ್ ಓಷಧೇ || ೪,೫।೬

ಸಂ ವಾಜಾ ಋಷಭಾಣಾಂ
ಸಂ ಶುಷ್ಮಾ ಓಷಧೀನಾಂ |
ಸಂ ಪುಂಸಾಂ ಇಂದ್ರ ವೃಷ್ಣ್ಯಂ
ಅಸ್ಮೈ ಧೇಹಿ ತನೂಬಲಂ || ೪,೫।೭

ಅದ್ಯಾಗ್ನೇ ಅದ್ಯ ಸವಿತರ್
ಅದ್ಯ ದೇವಿ ಸರಸ್ವತಿ |
ಅದ್ಯಾ ಮೇ ಬ್ರಹ್ಮಣಸ್ಪತೇ
ಧನುರ್ ಇವಾ ತಾನಯಾ ಪಸಃ || ೪,೫।೮

ಊರ್ಧ್ವಾಸ್ ತಿಷ್ಠಂತಿ ಗಿರಯ
ಊರ್ಧ್ವಾ ವಾತಾ ಉದ್ ಈರತೇ |
ಊರ್ಧ್ವೋ ಽಯಂ ಮಾಮಕೋ
ಮಯೂಖ ಇವಾಧಿ ಭೂಮ್ಯಾಂ || ೪,೫।೯

ಉತ್ ತಿಷ್ಠೋಗ್ರ ವಿ ಧೂನುಷ್ವ
ವಿ ತೇ ಶ್ವಯಂತು ನಾಡ್ಯಃ |
ಅತಂದ್ರೋ ಅಶ್ವಪಾ ಇವ
ನಾವ ಗ್ಲಾಯೋ ಽಧಿ ಮುಷ್ಕಯೋಃ || ೪,೫।೧೦
(೫)

ಅನುವಾಕ ೧ ||

ಹಿರಣ್ಯಶೃಂಗೋ ವೃಷಭೋ
ಯಃ ಸಮುದ್ರಾದ್ ಉದಾಚರತ್ |
ತೇನಾ ಸಹಸ್ಯೇನಾ ವಯಂ
ನಿ ಜನಾಂತ್ ಸ್ವಾಪಯಾಮಸಿ || ೪,೬।೧

ನ ಭೂಮಿಂ ವಾತೋ ಽತಿ ವಾತಿ
ನಾತಿ ತಪತಿ ಸೂರ್ಯಃ |
ಜನಾಂಶ್ ಚ ಸರ್ವಾನ್ ಸ್ವಾಪಯ
ಶುನಶ್ ಚೇಂದ್ರಸಖಾ ಚರನ್ || ೪,೬।೨

ವಹ್ಯೇಶಯಾಃ ಪ್ರೋಷ್ಠೇಶಯಾ
ನಾರೀರ್ ಯಾಸ್ ತಲ್ಪಶೀವರೀಃ |
ಸ್ತ್ರಿಯೋ ಯಾಃ ಪುಣ್ಯಗಂಧಾಸ್
ತಾಃ ಸರ್ವಾಃ ಸ್ವಾಪಯಾಮಸಿ || ೪,೬।೩

ಏಜದೇಜದ್ ಅಜಗ್ರಭಂ
ಚಕ್ಷುಃ ಪ್ರಾಣಂ ಅಜಗ್ರಭಂ |
ಅಂಗಾನ್ಯ್ ಅಗ್ರಭಂ ಸರ್ವಾ
ರಾತ್ರೀಣಾಂ ಅತಿಶರ್ವರೇ || ೪,೬।೪

ಯ ಆಸ್ತೇ ಯಶ್ ಚ ಚರತಿ
ಯಶ್ ಚ ತಿಷ್ಠನ್ ವಿಪಶ್ಯತಿ |
ತೇಷಾಂ ಸಂ ದಧ್ಮೋ ಅಕ್ಷಾಣಿ
ಯಥೇದಂ ಹರ್ಮ್ಯಂ ತಥಾ || ೪,೬।೫

ಸ್ವಪ್ತು ಮಾತಾ ಸ್ವಪ್ತು ಪಿತಾ
ಸ್ವಪ್ತು ಶ್ವಾ ಸ್ವಪ್ತು ವಿಶ್ಪತಿಃ |
ಸ್ವಪಂತು ಸರ್ವೇ ಜ್ಞಾತಯಃ
ಸರ್ವಂ ನಿ ಷ್ವಾಪಯಾ ಜನಂ || ೪,೬।೬

ಸ್ವಪ್ನ ಸ್ವಪ್ನಾಭಿಕರಣೇನ
ಸರ್ವಂ ನಿ ಷ್ವಾಪಯಾ ಜನಂ |
ಓತ್ಸೂರ್ಯಂ ಅನ್ಯಾನ್ ಸ್ವಾಪಯ-
-ಆವ್ಯುಷಂ ಚರತಾದ್ ಅಹಂ
ಇಂದ್ರ ಇವಾರಿಷ್ಟೋ ಅಕ್ಷಿತಃ || ೪,೬।೭
(೬)

ಅಕ್ಷೀಭ್ಯಾಂ ತೇ ನಾಸಿಕಾಭ್ಯಾಂ
ಕರ್ಣಾಭ್ಯಾಂ ಆಸ್ಯಾದ್ ಉತ |
ಯಕ್ಷ್ಮಂ ಶೀರ್ಷಣ್ಯಂ ಮಸ್ತಿಷ್ಕಾಲ್
ಲಲಾಟಾದ್ ವಿ ವೃಹಾಮಸಿ || ೪,೭।೧

ಗ್ರೀವಾಭ್ಯಸ್ ತ ಉಷ್ಣಿಹಾಭ್ಯಃ
ಕೀಕಸಾಭ್ಯೋ ಅನೂಕ್ಯಾತ್ |
ಯಕ್ಷ್ಮಂ ದೋಷಣ್ಯಂ ಅಂಸಾಭ್ಯಾಂ
ಉರಸ್ತೋ ವಿ ವೃಹಾಮಸಿ || ೪,೭।೨

ಕ್ಲೋಮ್ನಸ್ ತೇ ಹೃದಯ್ಯಾಭ್ಯೋ
ಹಲೀಕ್ಷ್ಣಾತ್ ಪಾರ್ಶ್ವಾಭ್ಯಾಂ |
ಯಕ್ಷ್ಮಂ ಮತಸ್ನಾಭ್ಯಾಂ ಪ್ಲೀಹ್ನೋ
ಯಕ್ನಸ್ ತೇ ವಿ ವೃಹಾಮಸಿ || ೪,೭।೩

ಆಂತ್ರೇಭ್ಯಸ್ ತೇ ಗುದಾಭ್ಯೋ
ವನಿಷ್ಠೋರ್ ಉದರಾದ್ ಉತ |
ಯಕ್ಷ್ಮಂ ಪಾಣ್ಯೋರ್ ಅಂಗುಲಿಭ್ಯೋ
ನಖೇಭ್ಯೋ ವಿ ವೃಹಾಮಸಿ || ೪,೭।೪

ಅಸ್ಥಿಭ್ಯಸ್ ತೇ ಮಾಂಸೇಭ್ಯಃ
ಸ್ನಾವಭ್ಯೋ ಧಮನಿಭ್ಯಃ |
ಯಕ್ಷ್ಮಂ ಪೃಷ್ಟಿಭ್ಯೋ ಮಜ್ಜಭ್ಯೋ
ನಾಭ್ಯಾ ವಿ ವೃಹಾಮಸಿ || ೪,೭।೫

ಊರುಭ್ಯಾಂ ತೇ ಅಷ್ಠೀವದ್ಭ್ಯಾಂ
ಪಾರ್ಷ್ಣಿಭ್ಯಾಂ ಪ್ರಪದಾಭ್ಯಾಂ |
ಯಕ್ಷ್ಮಂ ಭಸದ್ಯಂ ಶ್ರೋಣಿಭ್ಯಾಂ
ಭಂಸಸೋ ವಿ ವೃಹಾಮಸಿ || ೪,೭।೬

ಅಂಗಾದಂಗಾಲ್ ಲೋಮ್ನೋಲೋಮ್ನೋ
ಬದ್ಧಂ ಪರ್ವಣಿಪರ್ವಣಿ |
ಯಕ್ಷ್ಮಂ ತ್ವಚಸ್ಯಂ ತೇ ವಯಂ
ವಿಷ್ವಂಚಂ ವಿ ವೃಹಾಮಸಿ || ೪,೭।೭

ಅಂಗಾದಾಂಗಾದ್ ಅಹಂ ತವ
ಪರುಷಃಪರುಷಸ್ ಪರಿ |
ಕಶ್ಯಪಸ್ಯ ವಿವೃಹೇಣ
ಯಕ್ಷ್ಮಂ ತೇ ವಿ ವೃಹಾಮಸಿ || ೪,೭।೮
(೭)

ಅಗ್ನೀ ರಕ್ಷೋಹಾ ತಿಗ್ಮಸ್ ತಿಗ್ಮಶೃಂಗ
ಋಷಿರ್ ಆರ್ಷೇಯಃ ಕವಿಃ ಕವಿತಮಃ |
ಅಪಾಘಾಶಂಸಂ ನುದತಾಂ ಸಹತಾಂ ಅರಾತಿಂ
ಪ್ರತ್ಯಕ್ ಪ್ರತಿಹರಣೇನ-
-ಅಘಾಯತೇ ಽಘಂ ಪ್ರತಿ ಹರಾಮಃ || ೪,೮।೧

ಇಂದ್ರೋ ರಕ್ಷೋಹಾ (…) || ೪,೮।೨

ಸೋಮೋ ರಕ್ಷೋಹಾ (…) || ೪,೮।೩

ವರುಣೋ ರಕ್ಷೋಹಾ (…) || ೪,೮।೪

ವಾಯೂ ರಕ್ಷೋಹಾ (…) || ೪,೮।೫

ತ್ವಷ್ಟಾ ರಕ್ಷೋಹಾ (…) || ೪,೮।೬

ಧಾತಾ ರಕ್ಷೋಹಾ (…) || ೪,೮।೭

ಸವಿತಾ ರಕ್ಷೋಹಾ (…) || ೪,೮।೮

ಸೂರ್ಯೋ ರಕ್ಷೋಹಾ (…) || ೪,೮।೯

ಚಂದ್ರಮಾ ರಕ್ಷೋಹಾ (…) || ೪,೮।೧೦

ಬೃಹಸ್ಪತೀ ರಕ್ಷೋಹಾ (…) || ೪,೮।೧೧

ಪ್ರಜಾಪತೀ ರಕ್ಷೋಹಾ (…) || ೪,೮।೧೨

ಪರಮೇಷ್ಠೀ ರಕ್ಷೋಹಾ ತಿಗ್ಮಸ್ ತಿಗ್ಮಶೃಂಗ
ಋಷಿರ್ ಆರ್ಷೇಯಃ ಕವಿಃ ಕವಿತಮಃ |
ಅಪಾಘಾಶಂಸಂ ನುದತಾಂ ಸಹತಾಂ ಅರಾತಿಂ
ಪ್ರತ್ಯಕ್ ಪ್ರತಿಹರಣೇನ-
-ಅಘಾಯತೇ ಽಘಂ ಪ್ರತಿ ಹರಾಮಃ || ೪,೮।೧೩
(೮)

ಸಂವಸವ ಇತಿ ವೋ ನಾಮಧೇಯಂ
ಉಗ್ರಂಪಶ್ಯಾ ರಾಷ್ಟ್ರಭೃತೋ ಹ್ಯ್ ಅಕ್ಷಾಃ |
ತಸ್ಮೈ ತ ಇಂದೋ ಹವಿಷಾ ವಿಧೇಮ
ವಯಂ ಸ್ಯಾಮ ಪತಯೋ ರಯೀಣಾಂ || ೪,೯।೧

ಇದಂ ಉಗ್ರಾಯ ಬಭ್ರವೇ
ಯೋ ಽಕ್ಷೇಷು ತನೂವಶೀ |
ಘೃತೇನ ಕಲಿಂ ಶಿಕ್ಷಾಣಿ
ಸ ನೋ ಮೃಡಾತೀದೃಶೇ || ೪,೯।೨

ಘೃತಂ ಅಗ್ನೇ ಅಪ್ಸರಾಭ್ಯೋ ವಹ ತ್ವಂ
ಪಾಂಸೂನ್ ಅಕ್ಷೇಭ್ಯಃ ಸಿಕತಾ ಅಪಶ್ ಚ |
ಯಥಾಭಗಂ ಹವ್ಯದಾತಿಂ ಜುಷಾಣಾ
ಮದಂತು ದೇವಾ ಉಭಯಾನಿ ಹವ್ಯಾ || ೪,೯।೩

ಯೋ ನೋ ದೇವೋ ಧನಂ ಇದಂ ದಿದೇಶ
ಯೋ ಅಕ್ಷಾಣಾಂ ಗ್ರಹಣಂ ಶೇಷಣಂ ಚ |
ಸ ನೋ ಽವತು ಹವಿರ್ ಇದಂ ಜುಷಾಣೋ
ಗಂಧರ್ವೈಃ ಸಧಮಾದಂ ಮದೇಮ || ೪,೯।೪

ಯಾ ಅಪ್ಸರಸಃ ಸಧಮಾದಂ ಮದಂತ್ಯ್
ಅಂತರಾ ಹವಿರ್ಧಾನಂ ಸೂರ್ಯಂ ಚ |
ತಾ ನೋ ಹಸ್ತೌ ಕೃತೇನ ಸಂ ಸೃಜಂತು
ಸಪತ್ನಂ ನಃ ಕಿತವಂ ರಂಧಯಂತು || ೪,೯।೫

ಯದ್ ದೇವಾನ್ ನಾಥಿತೋ ಹುವೇ
ಬ್ರಹ್ಮಚರ್ಯಂ ಯದ್ ಊಷಿಮ |
ಅಕ್ಷಾನ್ ಯದ್ ಬಭ್ರೂನ್ ಆಲಭೇ
ತೇ ನೋ ಮೃಡಂತ್ವ್ ಈದೃಶೇ || ೪,೯।೬

ಆದಿನವಂ ಇತ್ಯ್ ಏಕಾ || ೪,೯।೭
(೯)

ಭಗಸ್ ತ್ವೇತೋ ನಯತು ಹಸ್ತಗೃಹ್ಯ
ಬೃಹಸ್ಪತಿಃ ಪುರಏತಾ ತೇ ಅಸ್ತು |
ದೇವಸ್ ತ್ವಾ ಸವಿತಾ ಸತ್ಯಧರ್ಮಾ-
-ಉಪಸದ್ಯಾಂ ನಮಸ್ಯಾಂ ಕೃಣೋತು || ೪,೧೦।೧

ಯಾಂ ಅಶ್ವಿನಾ ಮಧುಕಶಾಂ
ದೇವಾ ಅಗ್ರೇ ಅಜನಯನ್ |
ತಯಾ ತ್ವಾ ಪತ್ಯಾಂ ಓತಾಂ
ಕೃಣ್ಮೋ ಮಧುಮತೀಂ ವಯಂ || ೪,೧೦।೨

ಉತ್ತರಾ ಶ್ವಶ್ರುವಾ ಭವ
ನನಾಂದುರ್ ಉಪಶಿಕ್ಷಯಾ |
ಯಶಸ್ ತ್ವಾ ಪತ್ಯಾಂ ಕೃಣ್ಮೋ
ಭವಾ ದೇವೃಷು ಪ್ರಿಯಾ || ೪,೧೦।೩

ಅದ್ಭಿರ್ ಆತ್ಮಾನಂ ತನ್ವಂ ಶುಂಭಮಾನಾ
ಗೃಹಾನ್ ಪ್ರೇಹಿ ಮಹಿಷೀ ಭವಾಸಿ |
ತತ್ರ ತ್ವಾದುರ್ ಗಾರ್ಹಪತ್ಯಾಯ ದೇವಾಃ
ಪ್ರಜಾವತೀ ಜರದಷ್ಟಿರ್ ಯಥಾಸಃ || ೪,೧೦।೪

ಉದ್ ಉತ್ತರಂ ಆರೋಹಂತೀ
ವ್ಯಸ್ಯಂತೀ ಪೃತನ್ಯತಃ |
ಅಭ್ಯ್ ಅಷ್ಠಾಃ ಶತ್ರೋರ್ ಮೂರ್ಧಾನಂ
ಸಹಪುತ್ರಾ ವಿರಾಡ್ ಭವ || ೪,೧೦।೫

ಶ್ವಶ್ರೂಣಾಂ ಶ್ವಶುರಾಣಾಂ
ಗೃಹಾಣಾಂ ಚ ಭಗಸ್ಯ ಚ |
ವಿ ರಾಜ ಪತ್ಯಾಂ ದೇವೃಷು
ಸಜಾತಾನಾಂ ವಿರಾಡ್ ಭವ || ೪,೧೦।೬

ಯದ್ ಗಿರಿಷು ಪರ್ವತೇಷು
ಗೋಷ್ವ್ ಅಶ್ವೇಷು ಯನ್ ಮಧು |
ಯೇನಾಕ್ಷಾ ಅಭ್ಯಷಿಚ್ಯಂತ
ತೇನಾಹಂ ಅಸ್ಯಾ ಮೂರ್ಧಾನಂ
ಅಭಿ ಷಿಂಚಾಮಿ ನಾರ್ಯಾಃ || ೪,೧೦।೭

ಯದ್ ವರ್ಚೋ ಗವಿ ಕಲ್ಯಾಣೇ
ಯದ್ ವಾ ಸೂಯವಸೇ ತೃಣೇ |
ಅಭ್ಯಂಜನಸ್ಯ ಯದ್ ವರ್ಚಸ್
ತೇನ ಮಾನಜ್ಮಿ ವರ್ಚಸಾ || ೪,೧೦।೮
(೧೦)

ಅನುವಾಕ ೨ ||

ಯೇನಾಚರದ್ ಉಶನಾ ಕಾವ್ಯೋ ಽಗ್ರೇ
ವಿದ್ವಾನ್ ಕ್ರತೂನಾಂ ಉತ ದೇವತಾನಾಂ |
ಸಹೃದಯೇನ ಹವಿಷಾ ಜುಹೋಮಿ
ಸಧ್ರೀಚೀನಂ ವೋ ಮನೋ ಽಸ್ತೂಗ್ರಂ || ೪,೧೧।೧

ಮಹತ್ ಸತ್ಯಂ ಮಹದ್ ಧವಿರ್
ಉಶನಾ ಕಾವ್ಯೋ ಮಹಾನ್ |
ದೇವಾನಾಂ ಉಗ್ರಾಣಾಂ ಸತಾಂ
ಹೃದಯಾನಿ ಸಹಾಕರಂ || ೪,೧೧।೨

ಅಹಂ ಸತ್ಯೇನ ಸಯುಜಾ ಚರಾಮ್ಯ್
ಅಹಂ ದೇವೀಂ ಅನುಮತಿಂ ಪ್ರ ವೇದ |
ಇಂದ್ರೋ ದೇವಾನಾಂ ಹೃದಯಂ ವೋ ಅಸ್ತು
ಸಧ್ರೀಚೀನಂ ವೋ ಮನೋ ಽಸ್ತೂಗ್ರಂ || ೪,೧೧।೩

ತ್ವಷ್ಟಾ ವಾಯುಃ ಕಶ್ಯಪ ಇಂದ್ರಂ ಅಗ್ನಿರ್
ಮನಸಾನ್ವ್ ಆಯನ್ ಹವಿಷಸ್ ಪದೇನ |
ಅವಿಂದಞ್ ಛಕ್ರಂ ರಜಸಿ ಪ್ರವಿಷ್ಟಂ
ಸಧ್ರೀಚೀನಂ ವೋ ಮನೋ ಽಸ್ತೂಗ್ರಂ || ೪,೧೧।೪

ಯೇನೇಮೇ ದ್ಯಾವಾಪೃಥಿವೀ ವಿಚಷ್ಕಭುರ್
ಯೇನಾಭವದ್ ಅಂತರಿಕ್ಷಂ ಸ್ವರ್ ಯತ್ |
ಮನಸಾ ವಿದ್ವಾನ್ ಹವಿಷಾ ಜುಹೋಮಿ
ಸಧ್ರೀಚೀನಂ ವೋ ಮನೋ ಽಸ್ತೂಗ್ರಂ || ೪,೧೧।೫

ದ್ಯಾವಾಪೃಥಿವೀ ಹೃದಯಂ ಸಸೂವತುರ್
ಯೇನೇದಂ ತ್ವಷ್ಟಾ ವಿಕೃಣೋತಿ ಧೀರಃ |
ತಸ್ಯೋಶನಾ ಕ್ರತುಭಿಃ ಸಂವಿದಾನಶ್
ಚಿತ್ತಂ ವಿವೇದ ಮನಸಿ ಪ್ರವಿಷ್ಟಂ || ೪,೧೧।೬

ಚಿತ್ತಂ ಚೈತದ್ ಆಕೂತಿಶ್ ಚ
ಯೇನ ದೇವಾ ವಿಷೇಹಿರೇ |
ಏತತ್ ಸತ್ಯಸ್ಯ ಶ್ರದ್ಧಯಾ-
-ಅರ್ಷಯಃ ಸಪ್ತ ಜುಹ್ವತಿ || ೪,೧೧।೭
(೧೧)

ತ್ವಯಾ ಮನ್ಯೋ ಸರಥಂ ಆರುಜಂತೋ
ಹರ್ಷಮಾಣಾಸೋ ಹೃಷಿತಾ ಮರುತ್ವನ್ |
ತೀಕ್ಷ್ಣೇಷವ ಆಯುಧಾ ಸಂಶಿಶಾನಾ
ಉಪ ಪ್ರ ಯಂತು ನರೋ ಅಗ್ನಿರೂಪಾಃ || ೪,೧೨।೧

ಅಗ್ನಿರ್ ಇವ ಮನ್ಯೋ ತರಸಾ ಸಹಸ್ವ
ಸೇನಾನೀರ್ ನಃ ಸಹುರೇ ಹೂತ ಏಧಿ |
ಜಿತ್ವಾಯ ಶತ್ರೂನ್ ವಿ ಭಜಾಸಿ ವೇದ
ಓಜೋ ಮಿಮಾನೋ ವಿ ಮೃಧೋ ನುದಸ್ವ || ೪,೧೨।೨

ಸಹಸ್ವ ಮನ್ಯೋ ಅಭಿಮಾತಿಂ ಅಸ್ಮೇ
ರುಜನ್ ಮೃಣನ್ ಪ್ರಮೃಣನ್ನ್ ಏಹಿ ಶತ್ರೂನ್ |
ಉಗ್ರಂ ತೇ ಶರ್ಧೋ ನನ್ವ್ ಆ ರುರುಧ್ರೇ
ವಶೀ ವಶಂ ನಯಾಸಾ ಏಕಜ ತ್ವಂ || ೪,೧೨।೩

ಏಕೋ ಬಹೂನಾಂ ಅಸಿ ಮನ್ಯವ್ ಈಡಿತಾ
ಪಶೂನ್ಪಶೂನ್ ಯುದ್ಧಾಯ ಸಂ ಶಿಶಾಧಿ |
ಅಕೃತ್ತರುಕ್ ತ್ವಯಾ ಯುಜಾ ವಯಂ
ದ್ಯುಮಂತಂ ಘೋಷಂ ವಿಜಯಾಯ ಕೃಣ್ಮಹೇ || ೪,೧೨।೪

ವಿಜೇಷಕೃದ್ ಇಂದ್ರ ಇವಾನವಬ್ರವೋ
ಽಸ್ಮಾಕಂ ಮನ್ಯೋ ಅಧಿಪಾ ಭವೇಹ |
ಪ್ರಿಯಂ ತೇ ನಾಮ ಸಹುರೇ ಗೃಣೀಮಸಿ
ವಿದ್ಮಾ ತಂ ಉತ್ಸಂ ಯತ ಆಬಭೂವಿಥ || ೪,೧೨।೫

ಆಭೂತ್ಯಾ ಸಹಸಾ ವಜ್ರ ಸಾಯಕ
ಸಹೋ ಬಿಭರ್ಷ್ಯ್ ಅಭಿಭೂತ ಉತ್ತರಂ |
ಕ್ರತ್ವಾ ನೋ ಮನ್ಯೋ ಸಹ ಮೇದ್ಯ್ ಏಧಿ
ಮಹಾಧನಸ್ಯ ಪುರುಹೂತ ಸಂಸೃಜಿ || ೪,೧೨।೬

ಸಂಸೃಷ್ಟಂ ಧನಂ ಉಭಯಂ ಸಮಾಕೃತಂ
ಅಸ್ಮಭ್ಯಂ ದತ್ತಂ ವರುಣಶ್ ಚ ಮನ್ಯೋ |
ಭಿಯೋ ದಧಾನಾ ಹೃದಯೇಷು ಶತ್ರವಃ
ಪರಾಜಿತಾ ಯಂತು ಪರಮಾಂ ಪರಾವತಂ || ೪,೧೨।೭
(೧೨)

ಶಂ ನೋ ದೇವೀ ಪೃಶ್ನಿಪರ್ಣ್ಯ್
ಅಶಂ ನಿರೃತಯೇ ಕರತ್ |
ಉಗ್ರಾ ಹಿ ಕಣ್ವಜಂಭನೀ
ತಾಂ ತ್ವಾಹಾರ್ಷಂ ಸಹಸ್ವತೀಂ || ೪,೧೩।೧

ಸದಾನ್ವಾಘ್ನೀ ಪ್ರಥಮಾ
ಪೃಶ್ನಿಪರ್ಣ್ಯ್ ಅಜಾಯತ |
ತಯಾ ಕಣ್ವಸ್ಯಾಹಂ ಶಿರಶ್
ಛಿನದ್ಮಿ ಶಕುನೇರ್ ಇವ || ೪,೧೩।೨

ಊರ್ಜಭೃತಂ ಪ್ರಾಣಭೃತಂ
ಪ್ರಜಾನಾಂ ಉತ ತರ್ಪಣೀಂ |
ಸರ್ವಾಸ್ ತಾಃ ಪೃಶ್ನಿಪರ್ಣೀ-
-ಇತಃ ಕಣ್ವಾ ಮಾ ನೀನಶತ್ || ೪,೧೩।೩

ಸಮಾಕೃತ್ಯೈನಾ ನಿರ್ ಅಜ
ತೀಕ್ಷ್ಣಶೃಂಗ ಇವ ಋಷಭಃ |
ಅರಾಯಂ ಕಣ್ವಂ ಪಾಪ್ಮಾನಂ
ಪೃಶ್ನಿಪರ್ಣಿ ಸಹಸ್ವತಿ || ೪,೧೩।೪

ತ್ವಂ ಉಗ್ರೇ ಪೃಶ್ನಿಪರ್ಣ್ಯ್
ಅಗ್ನಿರ್ ಇವ ಪ್ರದಹನ್ನ್ ಇಹಿ
ಕಣ್ವಾ ಜೀವಿತಯೋಪನೀಃ |
ಗಿರಿಂ ಏನಾ ಆ ವೇಶಯ
ತಮಾಂಸಿ ಯತ್ರ ಗಚ್ಛಾಂಸ್
ತತ್ ಪಾಪೀರ್ ಅಪಿ ಪಾದಯ || ೪,೧೩।೫

ಅರಾಯಂ ಅಸೃಕ್ಪಾವಾನಂ
ಯಶ್ ಚ ಸ್ಫಾತಿಂ ಜಿಹೀರ್ಷತಿ |
ಗರ್ಭಾದಂ ಕಣ್ವಂ ನಾಶಯ
ಪೃಶ್ನಿಪರ್ಣಿ ಸಹಸ್ವತಿ || ೪,೧೩।೬

ಯಾ ನೋ ಗಾ ಯಾ ನೋ ಗೃಹಾನ್
ಯಾ ನ ಸ್ಫಾತಿಂ ಉಪಾಹರಾನ್ |
ತಾ ಉಗ್ರೇ ಪೃಶ್ನಿಪರ್ಣಿ ತ್ವಂ
ಕಣ್ವಾ ಮಾ ನೀನಶ ಇತಃ || ೪,೧೩।೭
(೧೩)

ಯಸ್ಮಿನ್ನ್ ಆಶೀಃ ಪ್ರತಿಹಿತ ಇದಂ ತಚ್
ಛಲ್ಯೋ ವೇಣುರ್ ವೇಷ್ಟನಂ ತೇಜನಂ ಚ |
ಸೂನುರ್ ಜನಿತ್ರೀಂ ಜನಯೇಹಿ ಶೃಣ್ವನ್ನ್
ಅಯಂ ತ ಆತ್ಮೇತ ಇತ್ ಪ್ರಹಿತಃ || ೪,೧೪।೧

ಅಸ್ಥಿ ಭಿತ್ತ್ವಾ ಯದಿ ಮಜ್ಜ್ಞಃ ಪಪಾಥ
ಯದಿ ವಾಸಿ ರತಃ ಪುರುಷಂತಿಕಾಮೇ |
ಉರ್ವೀಂ ಗವ್ಯೂತಿಂ ಅಭ್ಯ್ ಏಹ್ಯ್ ಅರ್ವಾಙ್
ಪಶ್ಚಾ ರಶ್ಮೀನ್ ಉದ್ಯತಃ ಸೂರ್ಯಸ್ಯ || ೪,೧೪।೨

ಮಾತರಿಶ್ವಾ ಪವಮಾನಸ್ ತ್ವಾಯನ್
ಸೂರ್ಯ ಆಭ್ರಾಜನ್ ತನ್ವಾ ದೃಶೇ ಕಃ |
ಅಸ್ನೋ ಗಂಧಾತ್ ಪುವಸಃ ಪ್ರ ಚ್ಯವಸ್ವ
ವಿ ಮುಚ್ಯಸ್ವ ಯೋನ್ಯಾ ಯಾ ತೇ ಅತ್ರ || ೪,೧೪।೩

ಪ್ರ ಚ್ಯವಸ್ವಾತೋ ಅಭ್ಯ್ ಏಹ್ಯ್ ಅರ್ವಾಙ್
ಅರ್ಥಾಂಸ್ ತೇ ವಿದ್ಮ ಬಹುಧಾ ಬಹಿರ್ ಯೇ |
ಇಮಾಃ ಸ್ವಸಾರೋ ಅಯಂ ಇತ್ ಪಿತಾ ತ
ಇಯಂ ತೇ ಮಾತೇಮಂ ಏಹಿ ಬಂಧುಂ || ೪,೧೪।೪

ಅಮಿತ್ರೈರ್ ಅಸ್ತಾ ಯದಿ ವಾಸಿ ಮಿತ್ರೈರ್
ದೇವೈರ್ ವಾ ದೇವಿ ಪ್ರಹಿತಾವಸೃಷ್ಟಾ-
-ಆವಿದ್ಧಾ ಶೃಂಗಂ ಪುರುಷೇ ಜಹಾಥ |
ಬಾಣಃ ಶೃಂಗಂ ಶಿಖರಃ ಸಂ ಸತಾಂ ಇತಃ || ೪,೧೪।೫

ಶಿಖಾಸು ಸಕ್ತೋ ಯದಿ ವಾಸ್ಯ್ ಅಗ್ರೇ
ಯದಿ ವಾಸಿ ಸಕ್ತಃ ಪುರುಷಸ್ಯ ಮಾಂಸೇ |
ದಧೃಙ್ ನ ಪಾಶಾಁ ಅಪವೃಜ್ಯ ಮುಕ್ತ್ವಾ-
-ಅಕ್ಷಿಶಲ್ಯಃ ಕೃಣುತಾಂ ಆಯನಾಯ || ೪,೧೪।೬

ಹಸ್ತಾದ್ ಧಸ್ತಂ ಸಂ ಅಯೋ ಭ್ರಿಯಮಾಣೋ
ಬಹಿಷ್ ಟ್ವಾ ಪಶ್ಯಾನ್ ವೀರುಧಾಂ ಬಲೇನ |
ಅದ್ಭಿಃ ಪ್ರಣಿಕ್ತಃ ಶಯಾಸಾ ಅಭ್ಯಕ್ತಃ
ಕೋಶೇ ಜಾಮೀನಾಂ ನಿಹಿತೋ ಅಹಿಂಸಃ || ೪,೧೪।೭

ಷಷ್ಟಿರಾತ್ರೇ ಷಷ್ಟಿಕಸ್ಯ
ಶಲ್ಯಸ್ಯ ಪರಿಧಿಷ್ ಕೃತಃ |
ಇತಸ್ ತಂ ಅದ್ಯ ತೇ ವಯಂ
ಆಸ್ಥಾನಾಚ್ ಚ್ಯಾವಯಾಮಸಿ || ೪,೧೪।೮
(೧೪)

ಸಂ ಮಜ್ಜಾ ಮಜ್ಜ್ಞಾ ಭವತು
ಸಂ ಉ ತೇ ಪರುಷಾ ಪರುಃ |
ಸಂ ತೇ ರಾಷ್ಟ್ರಸ್ಯ ವಿಸ್ರಸ್ತಂ
ಸಂ ಸ್ನಾವ ಸಂ ಉ ಪರ್ವ ತೇ || ೪,೧೫।೧

ಮಜ್ಜಾ ಮಜ್ಜ್ಞಾ ಸಂ ಧೀಯತಾಂ
ಅಸ್ಥ್ನಾಸ್ಥ್ಯ್ ಅಪಿ ರೋಹತು |
ಸ್ನಾವ ತೇ ಸಂ ದಧ್ಮಃ ಸ್ನಾವ್ನಾ
ಚರ್ಮಣಾ ಚರ್ಮ ರೋಹತು || ೪,೧೫।೨

ಲೋಮ ಲೋಮ್ನಾ ಸಂ ಧೀಯತಾಂ
ತ್ವಚಾ ಸಂ ಕಲ್ಪಯಾತ್ ತ್ವಚಂ |
ಅಸೃಕ್ ತೇ ಅಸ್ನಾ ರೋಹತು
ಮಾಂಸಂ ಮಾಂಸೇನ ರೋಹತು || ೪,೧೫।೩

ರೋಹಿಣೀ ಸಂರೋಹಿಣ್ಯ್
ಅಸ್ಥ್ನಃ ಶೀರ್ಣಸ್ಯ ರೋಹಿಣೀ |
ರೋಹಿಣ್ಯಾಂ ಅಹ್ನಿ ಜಾತಾಸಿ
ರೋಹಿಣ್ಯ್ ಅಸ್ಯ್ ಓಷಧೇ || ೪,೧೫।೪

ಯದಿ ಶೀರ್ಣಂ ಯದಿ ದ್ಯುತ್ತಂ
ಅಸ್ಥಿ ಪೇಷ್ಟ್ರಂ ತ ಆತ್ಮನಃ |
ಧಾತಾ ತತ್ ಸರ್ವಂ ಕಲ್ಪಯಾತ್
ಸಂ ದಧತ್ ಪರುಷಾ ಪರುಃ || ೪,೧೫।೫

ಯದಿ ವಜ್ರೋ ವಿಸೃಷ್ಟಸ್ ತ್ವಾರ
ಕಾಟಂ ಪತಿತ್ವಾ ಯದಿ ವಾ ವಿರಿಷ್ಟಂ |
ವೃಕ್ಷಾದ್ ವಾ ಯದ್ ಅವಸದ್ ದಶಶೀರ್ಷ
ಋಭೂ ರಥಸ್ಯೇವ ಸಂ ದಧಾಮಿ ತೇ ಪರುಃ || ೪,೧೫।೬

ಉತ್ ತಿಷ್ಠ ಪ್ರೇಹಿ ಸಂ ಅಧಾಯಿ ತೇ ಪರುಃ
ಸಂ ತೇ ಧಾತಾ ದಧಾತು ತನ್ವೋ ವಿರಿಷ್ಟಂ |
ರಥಃ ಸುಚಕ್ರಃ ಸುಪವಿರ್ ಯಥೈತಿ
ಸುಖಃ ಸುನಾಭಿಃ ಪ್ರತಿ ತಿಷ್ಠ ಏವಂ || ೪,೧೫।೭
(೧೫)

ಅನುವಾಕ ೩ ||

ಉದ್ಯನ್ನ್ ಆದಿತ್ಯೋ ಘುಣಾನ್ ಹಂತು
ಸೂರ್ಯೋ ನಿಮ್ರೋಚನ್ ರಶ್ಮಿಭಿರ್ ಹಂತು |
ತಾವನ್ ನೋ ಅಭಿಸಂಹಿತಂ || ೪,೧೬।೧

ಅಪ್ಸರಾ ಮೂಲಂ ಅಖನದ್
ಗಂಧರ್ವಃ ಪರ್ಯ್ ಅಬ್ರವೀತ್ |
ತೇನ ವೋ ವೃತ್ರಹಾ ಸೂರ್ಯೋ
ನಿ ಜಂಭ್ಯಾಁ ಅಮೃತದ್ ಘುಣಾಃ || ೪,೧೬।೨

ಘುಣಾನ್ ಹಂತ್ವ್ ಆಯತೀ
ಘುಣಾನ್ ಹಂತು ಪರಾಯತೀ |
ಘುಣಾನ್ ಅವಘ್ನತೀ ಹಂತು
ಘುಣಾನ್ ಪಿನಷ್ಟು ಪಿಂಷತೀ || ೪,೧೬।೩

ಘುಣಾ ನ ಕಿಂ ಚನೇಹ ವಃ
ಪ್ರತಿಬುದ್ಧಾ ಅಭೂತನ |
ಪ್ರದೋಷಂ ತಸ್ಕರಾ ಇವ || ೪,೧೬।೪

ಘುಣಾನಾಂ ಮಧ್ಯತೋ ಜ್ಯೇಷ್ಠಃ
ಕನಿಷ್ಠ ಉತ ಮಧ್ಯಮಃ |
ಹತಾ ವಃ ಸರ್ವೇ ಜ್ಞಾತಯೋ
ಹತಾ ಮಾತಾ ಹತಃ ಪಿತಾ || ೪,೧೬।೫

ಯಥಾ ಫೇನ ಉದಕೇನ
ದದೃಶಾನೋ ನಿಜಸ್ಯತಿ |
ಏವಾ ವಯಂ ಘುಣಾನ್ ಸರ್ವಾನ್
ಸಾಕಂ ವಾಚಾ ನಿ ಜಾಸಯಾಮಸಿ || ೪,೧೬।೬

ನಿ ಗಾವೋ ಗೋಷ್ಠೇ ಅಸದನ್
ನಿ ಮೃಗಾಸೋ ಅವಿಕ್ಷತ |
ನಿ ತ್ವಂ ಆದಿತ್ಯ ರಶ್ಮಿಭಿರ್
ಘುಣಾನ್ ಸರ್ವಾಁ ಅಜೀಜಸಃ || ೪,೧೬।೭

ಉದ್ಯನ್ ರಶ್ಮೀನ್ ಆ ತನುಷ್ವ
ಬಾಣವದ್ಭಿಃ ಸಂ ಅರ್ಪಯ |
ಘುಣಾಂಸ್ ತ್ವಂ ಸರ್ವಾನ್ ಆದಿತ್ಯ
ಘೋರಯಾ ತನ್ವಾ ತಪ || ೪,೧೬।೮
(೧೬)

ಯ ಆನತಃ ಪರಾಣತೋ
ದಾರೋರ್ ಇವಾಪತಕ್ಷಣಂ |
ಶರ್ಕೋಟೋ ನಾಮ ವಾ ಅಸಿ
ಕುತಸ್ ತ್ವಂ ವಿಷವಾನ್ ಅಸಃ || ೪,೧೭।೧

ಯ ಉಭಯೇನ ಪ್ರಹರಸಿ
ಪುಚ್ಛೇನ ಚಾಸ್ಯೇನ ಚ |
ಆಸ್ಯೇ ಚನ ತೇ ವಿಷಂ
ಕುತಸ್ ತೇ ಪುಚ್ಛಧಾವ್ ಅಸತ್ || ೪,೧೭।೨

ವಿದುತ್ಸುರಸ್ಯ ದಾನವಸ್ಯ
ತಸ್ಯ ತ್ವಂ ನಪಾದ್ ಅಸಿ |
ತಸ್ಯಾಗ್ರೇ ಽರಸಂ ವಿಷಂ
ತತಸ್ ತವಾರಸಂ ವಿಷಂ || ೪,೧೭।೩

ಅರಸಾರಸಂ ತ್ವಾಕರಂ
ವಧ್ರೇ ವಧ್ರಿಂ ತ್ವಾಕರಂ |
ವಧ್ರಿಂ ತ್ವಾ ಚಕ್ರುರ್ ದೇವಾ
ಅಮೃತಾಸ ಆಸುರಂ || ೪,೧೭।೪

ಇಯತ್ತಕಃ ಕುಷುಂಭಕಸ್
ತಕಂ ಭಿನದ್ಮಿ ಶಮ್ಯಯಾ |
ತತೋ ವಿಷಂ ಪರಾಸಿಚಂ
ಅಪಾಚೀಂ ಅನು ಸಂವತಂ || ೪,೧೭।೫

ಇಮಾಃ ಪಶ್ಚಾ ಮಯೂರ್ಯಃ
ಸಪ್ತ ಸ್ವಸಾರೋ ಅಗ್ರುವಃ |
ತಾಸ್ ತೇ ವಿಷಂ ವಿ ಜಹ್ರಿರ
ಉದಕಂ ಕುಂಭಿನೀರ್ ಇವ
ಕೂಪಾತ್ ಕುಲಿಜಿನೀರ್ ಇವ || ೪,೧೭।೬

ನವಾನಾಂ ನವತೀನಾಂ ಇತ್ಯ್ ಏಕ || ೪,೧೭।೭
(೧೭)

ವ್ರಾತಂ ಅಹಂ ಅಪಕ್ಷ್ಣಾನಾಂ
ವ್ರಾತಂ ಮುಂಡೀಯಸಾಂ ಉತ |
ವ್ರಾತಂ ಮುಂಡಿವ್ಲಾನಾಂ ಅಹಂ
ಪ್ರ ಧ್ವಾಂಕ್ಷಾಁ ಇವ ಚಾತಯೇ || ೪,೧೮।೧

ಪ್ರವಕ್ತಾ ಪ್ರಮಾದಯಿತಾ
ನಿದ್ರಾ ತಂದ್ರೀಸ್ ತೃತೀಯಕಃ |
ತಾಞ್ ಜಂಗಿಡಸ್ಯಾಗ್ನಿನಾ
ಸರ್ವಾನ್ ಪ್ರತಿ ದಹಾಮಸಿ|| ೪,೧೮।೨

ಅಶುದ್ಧಾನ್ ನಃ ಪರಿ ಪಾಹಿ
ರಕ್ಷೋಭ್ಯ ಉತ ಜಂಗಿಡ |
ಯಾತುಧಾನಾತ್ ಕಿಮೀದಿನಸ್
ತಸ್ಮಾನ್ ನಃ ಪಾಹಿ ಜಂಗಿಡ || ೪,೧೮।೩

ಅಪ್ಸರಾಭ್ಯೋ ಗಂಧರ್ವೇಭ್ಯೋ
ದೇವೇಭ್ಯೋ ಅಸುರೇಭ್ಯಃ |
ಅಥೋ ಸರ್ವಸ್ಮಾತ್ ಪಾಪ್ಮನಸ್
ತಸ್ಮಾನ್ ನಃ ಪಾಹಿ ಜಂಗಿಡ || ೪,೧೮।೪

ನಿ ತೇ ಶತ್ರೂನ್ ದಹತಿ ದೇವೋ ಅಗ್ನಿರ್
ನಿರ್ ಅರಾತಿಂ ಅಮತಿಂ ಯಾತುಧಾನಾನ್ |
ಆ ಯಾಹಿ ಶತ್ರೂನ್ ದುರಿತಾಪಘ್ನಞ್
ಛತಾನ್ ನೋ ಯಕ್ಷ್ಮೇಭ್ಯಃ ಪರಿ ಪಾಹಿ ಜಂಗಿಡ || ೪,೧೮।೫

ಅಕರ್ಮಾಗ್ನಿಂ ಅಧಿಪಾಂ ಅಸ್ಯ ದೇವಂ
ಅನ್ವಾರಪ್ಸ್ವ ಸಹಸಾ ದೈವ್ಯೇನ |
ಸಹಸ್ವಾನ್ ನಃ ಸಹಸಾ ಪಾತು ಜಂಗಿಡೋ
ಯಥಾ ಜಯೇಮ ಪೃತನಾಜ್ಯೇಷು || ೪,೧೮।೬

ಸತ್ಯೋ ಅಗ್ನಿಃ ಸತ್ಯಾ ಆಪಃ
ಸತ್ಯೇ ಮೇ ದ್ಯಾವಾಪೃಥಿವೀ ವಿಶ್ವಶಂಭುವೌ |
ಸತ್ಯಂ ಇದಂ ಬ್ರಹ್ಮಾಸ್ಮಾಕಂ ಕೃತಂ ಅಸ್ತು
ಯಂ ಅಬಧ್ನಾದ್ ಉಶನೇಂದ್ರಾಯ
ತಂ ತೇ ಬಧ್ನಾಮಿ ಜಂಗಿಡಂ || ೪,೧೮।೭
(೧೮)

ಇಯತ್ತಿಕಾ ಶಕುಂತಿಕಾ
ಸಕಾ ಜಘಾಸ ತೇ ವಿಷಂ |
ಮಾಹಂ ಮೃಷಿ ಮೋ ಅಸೌ ಪುರುಷೋ ಮೃತ |
ಸ ಚ ನ ಮರತಿ ಮಾ ವಯಂ ಮರಾಮ |
ಆರೇ ಅಸ್ಯ ಯೋಜನಂ ಹರಿಷ್ಠಾ
ಮಧು ತ್ವಾ ಮಧುಲಾ ಕರತ್ || ೪,೧೯।೧

ಸೂರ್ಯೇ ವಿಷಂ ಆ ಸೃಜಾಮಿ
ದೃತಿಂ ಸುರಾವತೋ ಗೃಹೇ |
(…) || ೪,೧೯।೨

ತ್ರಿಷಪ್ತಾ ವಿಸ್ಫುಲಿಂಗಕಾ
ವಿಷಸ್ಯ ಪುಷ್ಪಕಂ ಅಕ್ಷನ್ |
(…) || ೪,೧೯।೩

ಆಲ್ವಂತರುಟಂ ವಿಷಂ ವಿದಾರೀ
ಕರಂಭೋ ಅರಸಂ ವಿಷಂ |
(…) || ೪,೧೯।೪

ವಾರ್ ಉಗ್ರಂ ಅರಸಂ ವಿಷಂ
ಅಗ್ನಿಶ್ ಚ ವಿಶ್ವಚರ್ಷಣಿಃ |
(…) || ೪,೧೯।೫

ಶಕುಂತಿಕಾ ಮೇ ಅಬ್ರವೀದ್
ವಿಷಪುಷ್ಪಂ ಧಯಂತಿಕಾ |
(…) || ೪,೧೯।೬

ನ ರೋಪಯತಿ ನ ಮಾದಯತಿ
ನ ವಿಷಂ ಹಂತಿ ಪೂರುಷಂ |
ಮಾಹಂ ಮೃಷಿ ಮೋ ಅಸೌ ಪುರುಷೋ ಮೃತ |
ಸ ಚ ನ ಮರತಿ ಮಾ ವಯಂ ಮರಾಮ |
ಆರೇ ಅಸ್ಯ ಯೋಜನಂ ಹರಿಷ್ಠಾ
ಮಧು ತ್ವಾ ಮಧುಲಾ ಕರತ್ || ೪,೧೯।೭

ನವಾನಾಂ ನವತೀನಾಂ ಇತ್ಯ್ ಏಕಾ || ೪,೧೯।೮
(೧೯)

ಮಧುಮತೀ ಪತ್ಯೇ ಅಸ್ಮಿ
ಜಾರಾಯ ಮಧುಮತ್ತರಾ |
ಅಥೋ ಮಧವ್ಯಂ ಮೇ ಭಂಸೋ
ಮಧು ನಿಪದನೇ ಅಹಂ || ೪,೨೦।೧

ಮಧುನಾ ಮಾ ಸಂ ಸೃಜಾಮಿ
ಮಾಸರೇಣ ಸುರಾಂ ಇವ |
ವಾಙ್ ಮ ಇಯಂ ಮಧುನಾ ಸಂಸೃಷ್ಟಾ-
-ಅಕ್ಷ್ಯೌ ಮೇ ಮಧುಸಂದೃಶೀ || ೪,೨೦।೨

ಮಧು ದ್ಯೌರ್ ಮಧು ಪೃಥಿವೀ
ಮಧ್ವ್ ಇಂದ್ರೋ ಮಧು ಸೂರ್ಯಃ |
ಸ್ತ್ರಿಯೋ ಯಾ ಜಜ್ಞಿರೇ ಮಧು
ತಾಭ್ಯೋ ಽಹಂ ಮಧುಮತ್ತರಾ || ೪,೨೦।೩

ಮಧುಮತೀರ್ ಓಷಧಯ
ಆಪೋ ಮಧುಮತೀರ್ ಉತ |
ಗಾವೋ ಯಾ ಜಜ್ಞಿರೇ ಮಧು
ತಾಭ್ಯೋ ಽಹಂ ಮಧುಮತ್ತರಾ || ೪,೨೦।೪

ಮಧೋರ್ ಜಾತೋ ಮಧುಘೋ
ವೀರುಧಾಂ ಬಲವತ್ತಮಃ |
ತೇನಾಹಂ ಸರ್ವಸ್ಮೈ ಪುಂಸೇ
ಕೃಣ್ವೇ ನಿಕರಣಂ ಹೃದಿ || ೪,೨೦।೫

ಯಥಾಶ್ವೋ ಬಂಧನೇಷ್ಠೋ
ವಡವಾಂ ಅಭಿಧಾವತಿ |
ಏವಾ ತ್ವಂ ಉಗ್ರ ಓಷಧೇ
ಽಮುಂ ಕನಿಕ್ರದತಂ ಆ ನಯ || ೪,೨೦।೬

ಅಂಗೋ ನು ಮೋದ್ ಇವ ಶ್ವಸೋ
ಅಂಗೋ ನು ಮೋದ್ ಇವ ಸ್ತನಃ |
ಅನ್ಯಾ ವಿವಿತ್ಸಮಾನೋ
ಅನ್ಯಾಃ ಪರಾಜಿಘಾಂಸನ್ |
ಮಾಂ ಅನು ಪ್ರ ತೇ ಮನಶ್
ಛಾಯಾ ಯಂತಂ ಇವಾನ್ವ್ ಅಯತ್ || ೪,೨೦।೭
(೨೦)

ಅನುವಾಕ ೪ ||

ಖನಂತಿ ತ್ವಾ ತೈಮಾತಾಂ
ದಾಸಾ ಅರಸಬಾಹವಃ |
ದಾಸ್ಯ್ ಅಸಿ ಪ್ರಕ್ರೀರ್ ಅಸ್ಯ್
ಉತ್ಖಾತಂ ಅರಸಂ ವಿಷಂ || ೪,೨೧।೧

ಅದಂತಿ ತ್ವಾ ಕಕ್ಕಟಾಸಃ
ಕುರುಂಗಾ ಅಧಿ ಸಾನುಷು |
ಪಾಪೀ ಜಗ್ಧಪ್ರಸೂರ್ ಅಸ್ಯ್
ಅಭ್ರಿಖಾತೇ ನ ರೂರುಪಃ || ೪,೨೧।೨

ಅವ ಜ್ಯಾಂ ಇವ ಧನ್ವನಃ
ಶುಷ್ಮಂ ತಿರಾಮಿ ತೇ ವಿಷ |
ಪ್ರ ರೋಪೀರ್ ಅಸ್ಯ ಪಾತಯ
ಸೂರ್ಯಃ ಪೂರ್ವಾ ಇವೋಷಸಃ || ೪,೨೧।೩

ಸಿಂಧುಃ ಪಶ್ಚಾತ್ ಪರಿಹಿತಃ
ಸೂರ್ಯಸ್ಯೋದಯನಂ ಪುರಃ |
ತತೋ ಯದ್ ಅಂತರಾ ವನಂ
ತತ್ ಸರ್ವಂ ವಿಷದೂಷಣಂ || ೪,೨೧।೪

ಮಧು ತ್ವಾ ಮಧುಕೃತ್ ಕೃಣೋತು
ಪಿತುಂ ತ್ವಾ ಪಿತುಕೃತ್ ಕೃಣೋತು |
ಉತೋ ನಿಷದ್ಯ ಪಾತವೇ
ಅಥೋ ಊರ್ಧ್ವಾಯ ತಿಷ್ಠತೇ || ೪,೨೧।೫

ಜಘಾಸ ತ್ವಾ ಲೋಮಕರ್ಣಸ್
ತನ್ ನ್ಯ್ ಆಸ ಪರುಷ್ಣಿಯಾಂ |
ತದ್ ಭೈಮೀಶ್ ಚಕ್ರಿರೇ ಸ್ರಜಃ
ಸರ್ವಂ ಮಹಿಷದೋ ವಿಷಂ || ೪,೨೧।೬

ಉರ್ವ್ಯಾ ಉರುಕ್ಷಿತಸ್
ತುರಾಯಾ ಆತುರಸ್ಯ ಚ |
ಭೂಮ್ಯಾ ಹಿ ಜಗ್ರಭ ನಾಮ
ವಿಷಂ ವಾರಯತಾಂ ಇತಿ |
ವಿಷಂ ದೂಷಯತಾದ್ ಇತಿ || ೪,೨೧।೭
(೨೧)

ಅಹಂ ವಾ ಇಂದ್ರಮಾತರಂ
ಇಂದ್ರೌಜಾಂ ಇಂದ್ರಭ್ರಾತರಂ |
ಇಂದ್ರಾಧಿವಕ್ತ್ರಾಂ ವೀರುಧಂ
ಆಹಾರ್ಷಂ ವಿಷದೂಷಣೀಂ || ೪,೨೨।೧

ಯತ್ ಕಿಂ ಚ ಪದ್ವಚ್ ಛಫವದ್
ಯತ್ ಕಾಂಡಿ ಯಚ್ ಚ ಪುಷ್ಪವತ್ |
ಯದ್ ಏಜತಿ ಪ್ರಜಾಪತಿಃ
ಸರ್ವಂ ತದ್ ವಿಷದೂಷಣಂ || ೪,೨೨।೨

ಸಿಂಧುಃ ಪಶ್ಚಾದ್ ಧರುಣಃ
ಸೂರ್ಯಸ್ಯೋದಯನಂ ಪುರಃ |
ತತೋ ಯದ್ ಅಂತರಾ ವಿಷಂ
ತದ್ ವಾಚಾ ದೂಷಯಾಮಸಿ || ೪,೨೨।೩

ಯಾವತ್ ಸೂರ್ಯೋ ವಿತಪತಿ
ಯಾವಚ್ ಚಾಭಿ ವಿಪಶ್ಯತಿ |
ತಾವದ್ ವಿಷಸ್ಯ ದೂಷಣಂ
ವಚೋ ನಿರ್ ಮಂತ್ರಯಾಮಹೇ || ೪,೨೨।೪

ಜಿಹ್ವಾ ಮೇ ಮಧುಸಂಸ್ರಾವಾ
ಜಿಹ್ವಾ ಮೇ ಮಧುವಾದಿನೀ |
ಜಿಹ್ವೇ ವರ್ಚಸ್ವತೀ ಭವ
ಮಾಯಂ ಮೇ ಪುರುಷೋ ರಿಷತ್ || ೪,೨೨।೫

ಹಾ ಹೈ ಕಲ್ಯಾಣಿ ಸುಭಗೇ
ಪೃಶ್ನಿಪರ್ಣ್ಯ್ ಅನಾತುರೇ |
ಇಮಂ ಮೇ ಅದ್ಯ ಪೂರುಷಂ
ದೀರ್ಘಾಯುತ್ವಾಯೋನ್ ನಯ || ೪,೨೨।೬

ಯಾಭ್ಯೋ ವರ್ಷಂತಿ ವೃಷ್ಟಯೋ
ಯಾಭಿರ್ ಜೀವಂತ್ಯ್ ಅಘ್ನ್ಯಾಃ |
ತಾ ಮೇ ವಿಷಸ್ಯ ದೂಷಣೀಃ
ಸವಿತಾ ವ್ಯ್ ಅಕಾಶಯತ್ || ೪,೨೨।೭
(೨೨)

ಪ್ರಜಾಪತಿಷ್ ಟ್ವಾ ಬಧ್ನಾತ್ ಪ್ರಥಮಂ
ಅಸ್ತೃತಂ ವೀರ್ಯಾಯ ಕಂ |
ತಂ ತೇ ಬಧ್ನಾಮ್ಯ್ ಆಯುಷೇ ವರ್ಚಸ
ಓಜಸೇ ಚ ಬಲಾಯ ಚ-
-ಅಸ್ತೃತಸ್ ತ್ವಾಭಿ ರಕ್ಷತು || ೪,೨೩।೧

ಊರ್ಧ್ವಸ್ ತಿಷ್ಠ ರಕ್ಷನ್ನ್ ಅಪ್ರಮಾದಂ ಅಸ್ತೃತೇಮಂ
ಮಾ ತ್ವಾ ದಭನ್ ಪಣಯೋ ಯಾತುಧಾನಾಃ |
ಇಂದ್ರ ಇವ ದಸ್ಯೂನ್ ಅವ ಧೂನುಷ್ವ ಪೃತನ್ಯತಃ
ಸರ್ವಾಞ್ ಛತ್ರೂನ್ ವಿ ಷಹಸ್ವ-
-ಅಸ್ತೃತಸ್ ತ್ವಾಭಿ ರಕ್ಷತು || ೪,೨೩।೨

ಶತಂ ಚನ ಪ್ರಹರಂತೋ
ಽಭಿಘ್ನಂತೋ ನ ತಸ್ತ್ರಿರೇ |
ತಸ್ಮಿನ್ನ್ ಇಂದ್ರಃ ಪರ್ಯ್ ಅದತ್ತ
ಚಕ್ಷುಃ ಪ್ರಾಣಂ ಅಥೋ ಬಲಂ
ಅಸ್ತೃತಸ್ ತ್ವಾಭಿ ರಕ್ಷತು || ೪,೨೩।೩

ಇಂದ್ರಸ್ಯ ತ್ವಾ ವರ್ಮಣಾ ಪರಿ ಧಾಪಯಾಮೋ
ಯೋ ದೇವಾನಾಂ ಅಧಿರಾಜೋ ಬಭೂವ |
ಪುರಸ್ ತ್ವಾ ದೇವಾಃ ಪ್ರ ಣಯಂತು ಸರ್ವೇ
ಽಸ್ತೃತಸ್ ತ್ವಾಭಿ ರಕ್ಷತು || ೪,೨೩।೪

ಅಸ್ಮಿನ್ ಮಣಾವ್ ಏಕಶತಂ ವೀರ್ಯಾಣಿ
ಸಹಸ್ರಂ ಪ್ರಾಣಾ ಅಸ್ಮಿನ್ನ್ ಅಸ್ತೃತೇ |
ವ್ಯಾಘ್ರಃ ಶತ್ರೂನ್ ಅಧಿ ತಿಷ್ಠ ಸರ್ವಾನ್
ಯಸ್ ತ್ವಾ ಪೃತನ್ಯಾದ್ ಅಧರಃ ಸೋ ಽಸ್ತ್ವ್
ಅಸ್ತೃತಸ್ ತ್ವಾಭಿ ರಕ್ಷತು || ೪,೨೩।೫

ಘೃತಾದ್ ಉಲ್ಲುಪ್ತೋ ಮಧುಮಾನ್ ಪಯಸ್ವಾನ್
ಸಹಸ್ರಪ್ರಾಣಃ ಶತಯೋನಿರ್ ವಯೋಧಾಃ |
ಶಂಭೂಶ್ ಚ ಮಯೋಭೂಶ್ ಚ-
-ಊರ್ಜಸ್ವಾಂಶ್ ಚ ಪಯಸ್ವಾಂಶ್ ಚ-
-ಅಸ್ತೃತಸ್ ತ್ವಾಭಿ ರಕ್ಷತು || ೪,೨೩।೬

ಯಥಾ ತ್ವಂ ಉತ್ತರೋ ಅಸೋ
ಅಸಪತ್ನಃ ಸಪತ್ನಹಾ |
ಸಜಾತಾನಾಂ ಅಸೋ ವಶೀ
ತಥಾ ತ್ವಾ ಸವಿತಾ ಕರದ್
ಅಸ್ತೃತಸ್ ತ್ವಾಭಿ ರಕ್ಷತು || ೪,೨೩।೭
(೨೩)

ಅಪಶ್ ಚ ರಪಶ್ ಚ-
-ಊಷ್ಮಾ ಚ ಬಾಷ್ಪಶ್ ಚ |
ಶೋಕಶ್ ಚಾಭಿಶೋಕಶ್ ಚ
ತೃತೀಯೇಕಶ್ ಚ ಪರೇಪರಶ್ ಚ
ತಕ್ಮಾನ ಇತೋ ನಶ್ಯತ || ೪,೨೪।೧

ವೇದ ವೈ ತೇ ತಕ್ಮನ್ ನಾಮ-
-ಅಗ್ನಿಷ್ ಟ್ವಂ ನಾಮಾಸಿ |
ತಂ ತ್ವೇತೋ ವಿ ನಯಾಮಃ ಶನಿ ತಕ್ಮಾ || ೪,೨೪।೨

ವೃತ್ರಸ್ಯ ಹರೋ ಽಸಿ ನಭಸೋ ನಪಾತ್ |
ದ್ಯೌಶ್ ಚಾಸ್ಮತ್ ಪೃಥಿವೀ ಚ
ತಕ್ಮಾನಂ ನಾಶಯತಾಂ ಇತಃ || ೪,೨೪।೩

ಪಂಚಪ್ಸಿನಿರ್ ನಾಮ ತೇ ಮಾತಾ
ಸ ಉ ಏಕಪ್ಸಿನಿರ್ ಉಚ್ಯಸೇ |
ತಸ್ಯಾಹಂ ವೇದ ತೇ ನಾಮ
ಸ ತಕ್ಮನ್ ನಿರ್ ಅತೋ ದ್ರವ || ೪,೨೪।೪

ಔದುಂಬರಶ್ ಚ ನಾಮಾಸಿ
ಪ್ರಿಯಾತಿಥಿಶ್ ಚ |
ತಂ ತ್ವೇತೋ ನಾಶಯಾಮಸಿ
ಬ್ರಹ್ಮಣಾ ವೀರ್ಯಾವತಾ || ೪,೨೪।೫

ಯೋ ಽಸಿ ಜಲ್ಪಂಶ್ ಚ ಲಪಂಶ್ ಚ-
-ಆವಾಂ ಚ ತಪಂಶ್ ಚ |
ತೃತೀಯೇಕಶ್ ಚ ಮೌಂಜಿಗಲಶ್ ಚ
ತೇ ತಕ್ಮಾನ ಇತೋ ನಶ್ಯತ || ೪,೨೪।೬

ವಿಕಿಲೀದ ವಿಲೋಹಿತ
ವಿಕಾಶಕ್ರಂದರಜ್ಜನ |
ಗಿರಿಂ ಗಚ್ಛ ಧೂಮಕೇತೋ
ಹೃಷೇ ನಮಾಂಸಿ ಸಂತು ತೇ || ೪,೨೪।೭

ಬೃಹತ್ ತ್ವಂ ಅಗ್ನೇ ರಕ್ಷೋ ಅಧಮಂ ಜಹಿ
ಮಧ್ಯಮಂ ನ್ಯ್ ಉತ್ತಮಂ ಶೃಣೀಹಿ |
ಶಂ ನೋ ಅಗ್ನಿರ್ ಜ್ಯೋತಿರನೀಕೋ ಅಸ್ತು
ಶಂ ದ್ಯಾವಾಪೃಥಿವೀ ಅನೇಹಸಾ || ೪,೨೪।೮

ಮಾತೇವ ಪಿತೇವಾಭಿ ರಕ್ಷತೈನಂ
ಮುಂಚತೈನಂ ಪರ್ಯ್ ಅಂಹಸಃ || ೪,೨೪।೯
(೨೪)

ವಾತಾಜ್ ಜಾತೋ ಅಂತರಿಕ್ಷಾದ್
ವಿದ್ಯುತೋ ಜ್ಯೋತಿಷಸ್ ಪರಿ |
ಸ ನೋ ಹಿರಣ್ಯಜಾಃ ಶಂಖಃ
ಕೃಶನಃ ಪಾತ್ವ್ ಅಂಹಸಃ || ೪,೨೫।೧

ಹಿರಣ್ಯಾನಾಂ ಏಕೋ ಽಸಿ
ಸೋಮಾದ್ ಅಧಿ ಜಜ್ಞಿಷೇ |
ರಥೇ ಽಸಿ ದಾರ್ಶತ
ಇಷುಧೌ ರೋಚನಸ್ ತ್ವಂ || ೪,೨೫।೨

ಯೋ ಅಗ್ರತೋ ರೋಚನಾವಾನ್
ಸಮುದ್ರಾದ್ ಅಧಿ ಜಜ್ಞಿಷೇ |
ಶಂಖೇನ ಹತ್ವಾ ರಕ್ಷಾಂಸ್ಯ್
ಅತ್ರಿಣೋ ವಿ ಷಹಾಮಹೇ || ೪,೨೫।೩

ಯೇ ಅತ್ರಿಣೋ ಯಾತುಧಾನಾ
ರಕ್ಷಸೋ ಯೇ ಕಿಮೀದಿನಃ |
ಸರ್ವಾಞ್ ಛಂಖ ತ್ವಯಾ ವಯಂ
ವಿಷೂಚೋ ವಿ ಷಹಾಮಹೇ || ೪,೨೫।೪

ಶಂಖೇನಾಮೀವಾಂ ಅಮತಿಂ
ಶಂಖೇನೋತ ಸದಾನ್ವಾಃ |
ಶಂಖೋ ನೋ ವಿಶ್ವಭೇಷಜಃ
ಕೃಶನಃ ಪಾತ್ವ್ ಅಂಹಸಃ || ೪,೨೫।೫

ದಿವಿ ಜಾತಃ ಸಮುದ್ರತಃ
ಸಿಂಧುತಸ್ ಪರ್ಯ್ ಆಭೃತಃ |
ಸ ನೋ ಹಿರಣ್ಯಜಾಃ ಶಂಖ
ಆಯುಷ್ಪ್ರತರಣೋ ಮಣಿಃ || ೪,೨೫।೬

ದೇವಾನಾಂ ಅಸ್ಥಿ ಕೃಶನಂ ಬಭೂವ
ತದ್ ಆತ್ಮನ್ವಚ್ ಚರತ್ಯ್ ಅಪ್ಸ್ವ್ ಅಂತಃ |
ತಂ ತೇ ಬಧ್ನಾಮ್ಯ್ ಆಯುಷೇ ವರ್ಚಸ
ಓಜಸೇ ಚ ಬಲಾಯ ಚ
ಕಾರ್ಶನಸ್ ತ್ವಾಭಿ ರಕ್ಷತು || ೪,೨೫।೭
(೨೫)

ಅನುವಾಕ ೫ ||

ಕನ್ಯಾ ವಾರ್ ಅವಾಯತೀ
ಸೋಮಂ ಅಪಿ ಸ್ರುತಾವಿದತ್ |
ಅಸ್ತಂ ಭರಂತ್ಯ್ ಅಬ್ರವೀದ್
ಇಂದ್ರಾಯ ಸುನೋಮಿ ತ್ವಾ
ಶಕ್ರಾಯ ಸುನೋಮಿ ತ್ವಾ || ೪,೨೬।೧

ಅಸೌ ಯ ಏಷಿ ವೀರಕೋ
ಗೃಹಂಗೃಹಂ ವಿಚಾಕಶತ್ |
ಇಮಂ ಜಂಭಸುತಂ ಪಿಬ
ಧಾನಾವಂತಂ ಕರಂಭಿಣಂ
ಅಪೂಪವಂತಂ ಉಕ್ಥಿನಂ || ೪,೨೬।೨

ಕುವಿಚ್ ಛಕತ್ ಕುವಿತ್ ಕರತ್
ಕುವಿನ್ ನೋ ವಸ್ಯಸಸ್ ಕರತ್ |
ಕುವಿತ್ ಪತಿದ್ವಿಷೋ ಯತೀರ್
ಇಂದ್ರೇಣ ಸಂ ಗಮಾಮಹೈ || ೪,೨೬।೩

ಆ ಚನ ತ್ವಾ ಚಿಕಿತ್ಸಾಮೋ
ಽಧಿ ಚನ ತ್ವಾ ನೇಮಸಿ |
ಶನೈರ್ ಇವ ಶನಕೈರ್ ಇವ-
-ಇಂದ್ರಾಯೇಂದೋ ಪರಿ ಸ್ರವ || ೪,೨೬।೪

ಇಮಾನಿ ತ್ರೀಣಿ ವಿಷ್ಟಪಾ
ತಾನೀಂದ್ರ ವಿ ರೋಹಯ |
ಶಿರಸ್ ತತಸ್ಯೋರ್ವರಾಂ
ಆದ್ ಇದಂ ಮ ಉಪೋದರೇ || ೪,೨೬।೫

ಅಸೌ ಚ ಯಾ ನ ಉರ್ವರಾ-
-ಆದ್ ಇಮಾಂ ತನ್ವಂ ಮಮ |
ಅಥೋ ತತಸ್ಯ ಯಚ್ ಛಿರಃ
ಸರ್ವಾ ತಾ ರೋಮಶಾ ಕೃಧಿ || ೪,೨೬।೬

ಖೇ ರಥಸ್ಯ ಖೇ ಽನಸಃ
ಖೇ ಯುಗಸ್ಯ ಶತಕ್ರತೋ |
ಅಪಾಲಾಂ ಇಂದ್ರ ತ್ರಿಷ್ ಪೂತ್ವ್ಯ್
ಅಕೃಣೋಃ ಸೂರ್ಯತ್ವಚಂ || ೪,೨೬।೭
(೨೬)

ದಿವಸ್ ಪೃಷ್ಠೇ ಮಧುಪೃಚಃ ಸುಪರ್ಣಾಃ
ಪಂಚಾಶತ್ ತೇ ಭುವನಸ್ಯ ಗೋಪಾಃ |
ಆನುಜಾವರಂ ಅನು ರಕ್ಷಂತ ಉಗ್ರಾ
ಯೇಷಾಂ ಇಂದ್ರಂ ವೀರ್ಯಾಯೈರಯಂತ || ೪,೨೭।೧

ಪುರೋಹಿತಃ ಪರಮೇಷ್ಠೀ ಸ್ವರಾಜ್ಯಾಯ-
-ಅಭೀವರ್ಧಂ ಅಸ್ಮಾ ಅಕೃಣೋದ್ ಬೃಹಸ್ಪತಿಃ |
ತೇನ ಸಪತ್ನಾನ್ ಅಧರಾನ್ ಕೃಣುಷ್ವ
ಕ್ಷೇಮೇ ಪಶೂನ್ ಬಹುಲಾನ್ ವರ್ಧಯಿತ್ವಾ
ಜೈತ್ರಾಯೋದ್ ಯಾತು ರಥವಾಹನಂ ತೇ || ೪,೨೭।೨

ಗೋಭಾಜಂ ಅಂಶಂ ತವ ಯೇ ಸಮಾನಾಃ
ಸರ್ವೇ ಸಮಗ್ರಾ ದಧೃಗ್ ಆಭರಂತ |
ಅಭಿ ವರ್ಧಸ್ವ ಭ್ರಾತೃವ್ಯಾನ್
ಅಭಿ ಯೇ ತ್ವಾ ಪೃತನ್ಯತಃ || ೪,೨೭।೩

ನಿ ಪಿಂಢಿ ಸರ್ವಾನ್ ಧೂರ್ವತೋ
ಽಭೀವರ್ಧೋ ಯಥಾಸಸಿ |
ಅಭೀವರ್ಧಂ ಅಭೀಭವಂ
ಅಭೀಷೇಣಂ ಮಹಾಗಣಂ |
ವಿಶಸ್ ತ್ವಾ ಸರ್ವಾ ಆ ಯಂತ್ವ್
ಆಪೋ ದಿವ್ಯಾಃ ಪಯಸ್ವತೀಃ || ೪,೨೭।೪

ಅಭಿ ವರ್ಧಸ್ವ ಪ್ರಜಯಾ ವಾವೃಧಾನೋ
ಅಭ್ಯ್ ಅನೀಕೈಃ ಪಶುಭಿರ್ ಭವಾಸಿ |
ಬ್ರಹ್ಮರಾಜನ್ಯೈರ್ ವಿಶ್ಯೈರ್ ವಾವೃಧಾನಃ
ಶೂದ್ರೈರ್ ಅತೀಹಿ ಸಭಯಾ ಪೃತನ್ಯತಃ || ೪,೨೭।೫

ವರ್ಧಸ್ವ ಕ್ಷೇತ್ರೈಃ ಪ್ರಥಸ್ವ ಪ್ರಜಯಾ
ವರ್ಧಸ್ವ ವೀರೈಃ ಪಶುಭಿರ್ ಬಹುರ್ ಭವ |
ಶ್ರಿಯಾ ಶುಲ್ಕೈರ್ ಯತಮಸ್ ತ್ವಾ ಪೃತನ್ಯಾದ್
ಆಪ್ತಸ್ ತುಭ್ಯಂ ಸ ಬಲಿಹೃತ್ಯಾಯ ತಿಷ್ಠತು || ೪,೨೭।೬
(೨೭)

ಇಂದ್ರಂ ಮಿತ್ರಂ ವರುಣಂ ಅಗ್ನಿಂ ಊತಯೇ
ಮಾರುತಂ ಶರ್ಧೋ ಅದಿತಿಂ ಹವಾಮಹೇ |
ರಥಂ ನ ದುರ್ಗಾದ್ ವಸವಃ ಸುದಾನವೋ
ವಿಶ್ವಸ್ಮಾನ್ ನೋ ಅಂಹಸೋ ನಿಷ್ ಪಿಪರ್ತನ || ೪,೨೮।೧

ತ ಆದಿತ್ಯಾ ಆ ಗತಾ ಸರ್ವತಾತಯೇ
ಭೂತ ದೇವಾ ವೃತ್ರತೂರ್ಯೇಷು ಶಂಭುವಃ |
(…) || ೪,೨೮।೨

ಅವಂತು ನಃ ಪಿತರಃ ಸುಪ್ರವಾಚನಾ
ಉತ ದೇವೀ ದೇವಪುತ್ರೇ ಋತಾವೃಧಾ |
(…) || ೪,೨೮।೩

ನರಾಶಂಸಂ ವಾಜಿನಂ ವಾಜಯಂತಂ
ಕ್ಷಯದ್ವೀರಂ ಪೂಷಣಂ ಸುಮ್ನೈರ್ ಈಮಹೇ |
(…) || ೪,೨೮।೪

ಬೃಹಸ್ಪತೇ ಸದಂ ಇನ್ ನಃ ಸುಗಂ ಕೃಧಿ
ಶಂ ಯೋರ್ ಯತ್ ತೇ ಮನುರ್ಹಿತಂ ತದ್ ಈಮಹೇ |
(…) || ೪,೨೮।೫

ಇಂದ್ರಂ ಕುತ್ಸೋ ವೃತ್ರಹಣಂ ಶಚೀಪತಿಂ
ಕಾಟೇ ನಿಬಾಢ ಋಷಿರ್ ಅಹ್ವದ್ ಊತಯೇ |
ರಥಂ ನ ದುರ್ಗಾದ್ ವಸವಃ ಸುದಾನವೋ
ವಿಶ್ವಸ್ಮಾನ್ ನೋ ಅಂಹಸೋ ನಿಷ್ ಪಿಪರ್ತನ || ೪,೨೮।೬

ದೇವೈರ್ ನೋ ದೇವ್ಯ್ ಅದಿತಿರ್ ನಿ ಪಾತು
ದೇವಸ್ ತ್ರಾತಾ ತ್ರಾಯತಾಂ ಅಪ್ರಯುಚ್ಛನ್ |
ತನ್ ನೋ ಮಿತ್ರೋ ವರುಣೋ ಮಾಮಹಂತಾಂ
ಅದಿತಿಃ ಸಿಂಧುಃ ಪೃಥಿವೀ ಉತ ದ್ಯೌಃ || ೪,೨೮।೭
(೨೮)

ಅಪ ನಃ ಶೋಶುಚದ್ ಅಘಂ |
ಅಗ್ನೇ ಶುಶುಗ್ಧ್ಯ್ ಆ ರಯಿಂ || ೪,೨೯।೧

ಅಪ ನಃ ಶೋಶುಚದ್ ಅಘಂ |
ಸುಕ್ಷೇತ್ರಿಯಾ ಸುಗಾತುಯಾ
ವಸೂಯಾ ಚ ಯಜಾಮಹೇ || ೪,೨೯।೨

ಅಪ ನಃ ಶೋಶುಚದ್ ಅಘಂ |
ಪ್ರ ಯದ್ ಭಂದಿಷ್ಠ ಏಷಾಂ
ಪ್ರಾಸ್ಮಾಕಾಸಶ್ ಚ ಸೂರಯಃ || ೪,೨೯।೩

ಅಪ ನಃ ಶೋಶುಚದ್ ಅಘಂ |
ಪ್ರ ಯತ್ ತೇ ಅಗ್ನೇ ಸೂರಯೋ
ಜಾಯೇಮಹಿ ಪ್ರ ತೇ ವಯಂ || ೪,೨೯।೪

ಅಪ ನಃ ಶೋಶುಚದ್ ಅಘಂ |
ಪ್ರ ಯದ್ ಅಗ್ನೇಃ ಸಹಸ್ವತೋ
ವಿಶ್ವತೋ ಯಂತಿ ಭಾನವಃ || ೪,೨೯।೫

ಅಪ ನಃ ಶೋಶುಚದ್ ಅಘಂ |
ತ್ವಂ ಹಿ ವಿಶ್ವತೋಮುಖ
ವಿಶ್ವತಃ ಪರಿಭೂರ್ ಅಸಿ || ೪,೨೯।೬

ಅಪ ನಃ ಶೋಶುಚದ್ ಅಘಂ |
ದ್ವಿಷೋ ನೋ ವಿಶ್ವತೋಮುಖ-
-ಅತಿ ನಾವೇವ ಪಾರಯ || ೪,೨೯।೭
(೨೯)

ದೇವಾಃ ಶರಣಕೃತಃ ಶರಣಾ ಮೇ ಭವತ
ಪ್ರಾಚ್ಯಾ ದಿಶೋ ಽಗ್ನಿನಾ ರಾಜ್ಞಾಧ್ಯಕ್ಷೇಣ |
ಯಶಾ ಭೂಯಾಸಂ ಯಶಸಂ ಮಾ ಕೃಣುತ
ಚಾರುಂ ಅನ್ನಾದಂ ಪರಾ ದ್ವಿಷಂತಂ ಶೃಣೀತ || ೪,೩೦।೧

(…) ಭವತ
ದಕ್ಷಿಣಾಯಾ ದಿಶ ಇಂದ್ರೇಣ ರಾಜ್ಞಾ- (…) || ೪,೩೦।೨

(…) ಭವತ
ಪ್ರತೀಚ್ಯಾ ದಿಶೋ ವರುಣೇನ ರಾಜ್ಞಾ- (…) || ೪,೩೦।೩

(…) ಭವತ-
-ಉದೀಚ್ಯಾ ದಿಶಃ ಸೋಮೇನ ರಾಜ್ಞಾ- (…) || ೪,೩೦।೪

(…) ಭವತ
ಧ್ರುವಾಯಾ ದಿಶೋ ವಿಷ್ಣುಣಾ ರಾಜ್ಞಾ- (…) || ೪,೩೦।೫

(…) ಭವತ-
-ಊರ್ಧ್ವಾಯಾ ದಿಶೋ ಬೃಹಸ್ಪತಿನಾ ರಾಜ್ಞಾ- (…) || ೪,೩೦।೬

(…) ಭವತ-
-ಉತ್ತಮಾಯಾ ದಿಶಃ ಪ್ರಜಾಪತಿನಾ ರಾಜ್ಞಾ- (…) || ೪,೩೦।೭

(…) ಭವತ
ಪರಮಾಯಾ ದಿಶಃ ಪರಮೇಷ್ಠಿನಾ ರಾಜ್ಞಾ- (…) || ೪,೩೦।೮

ದೇವಾಃ ಶರಣಕೃತಃ ಶರಣಾ ಮೇ ಭವತ
ಸರ್ವಾಭ್ಯೋ ದಿಗ್ಭ್ಯ ಈಶಾನೇನ ರಾಜ್ಞಾಧ್ಯಕ್ಷೇಣ |
ಯಶಾ ಭೂಯಾಸಂ ಯಶಸಂ ಮಾ ಕೃಣುತ
ಚಾರುಂ ಅನ್ನಾದಂ ಪರಾ ದ್ವಿಷಂತಂ ಶೃಣೀತ || ೪,೩೦।೯
(೩೦)

ಅನುವಾಕ ೬ ||

ಪ್ರಾತರ್ ಅಗ್ನಿಂ ಪ್ರಾತರ್ ಇಂದ್ರಂ ಹವಾಮಹೇ
ಪ್ರಾತರ್ ಮಿತ್ರಾವರುಣಾ ಪ್ರಾತರ್ ಅಶ್ವಿನಾ |
ಪ್ರಾತರ್ ಭಗಂ ಪೂಷಣಂ ಬ್ರಹ್ಮಣಸ್ಪತಿಂ
ಪ್ರಾತಃ ಸೋಮಂ ಉತ ರುದ್ರಂ ಹುವೇಮ || ೪,೩೧।೧

ಪ್ರಾತರ್ಜಿತಂ ಭಗಂ ಉಗ್ರಂ ಹುವೇಮ
ವಯಂ ಪುತ್ರಂ ಅದಿತೇರ್ ಯೋ ವಿಧರ್ತಾ |
ಆಧ್ರಶ್ ಚಿದ್ ಯಂ ಮನ್ಯಮಾನಸ್ ತುರಶ್ ಚಿದ್
ರಾಜಾ ಚಿದ್ ಯಂ ಭಗಂ ಭಕ್ಷೀತ್ಯ್ ಆಹ || ೪,೩೧।೨

ಭಗ ಪ್ರಣೇತರ್ ಭಗ ಸತ್ಯರಾಧೋ
ಭಗೇಮಾಂ ಧಿಯಂ ಉದ್ ಅವಾ ದದನ್ ನಃ |
ಭಗ ಪ್ರ ಣೋ ಜನಯ ಗೋಭಿರ್ ಅಶ್ವೈರ್
ಭಗ ಪ್ರ ನೃಭಿರ್ ನೃವಂತಃ ಸ್ಯಾಮ || ೪,೩೧।೩

ಉತೇದಾನೀಂ ಭಗವಂತಃ ಸ್ಯಾಮ-
-ಉತ ಪ್ರಪಿತ್ವ ಉತ ಮಧ್ಯೇ ಅಹ್ನಾಂ |
ಉತೋದಿತೇ ಮಘವನ್ ಸೂರ್ಯೇ
ವಯಂ ದೇವಾನಾಂ ಸುಮತೌ ಸ್ಯಾಮ || ೪,೩೧।೪

ಭಗ ಏವ ಭಗವಾಁ ಅಸ್ತು ದೇವಾಸ್
ತೇನ ವಯಂ ಭಗವಂತಃ ಸ್ಯಾಮ |
ತಂ ತ್ವಾ ಭಗ ಸರ್ವ ಇಜ್ ಜೋಹವೀತಿ
ಸ ನೋ ಭಗ ಪುರಏತಾ ಭವೇಹ || ೪,೩೧।೫

ಸಂ ಅಧ್ವರಾಯೋಷಸೋ ನಮಂತ
ದಧಿಕ್ರಾವೇವ ಶುಚಯೇ ಪದಾಯ |
ಅರ್ವಾಚೀನಂ ವಸುವಿದಂ ಭಗಂ ನೋ
ರಥಂ ಇವಾಶ್ವಾ ವಾಜಿನ ಆ ವಹಂತು || ೪,೩೧।೬

ಅಶ್ವಾವತೀರ್ ಗೋಮತೀರ್ ನ ಉಷಾಸೋ
ವೀರವತೀಃ ಸದಂ ಉಚ್ಛಂತು ಭದ್ರಾಃ |
ಘೃತಂ ದುಹಾನಾ ವಿಶ್ವತಃ ಪ್ರಪೀತಾ
ಯೂಯಂ ಪಾತ ಸ್ವಸ್ತಿಭಿಃ ಸದಾ ನಃ || ೪,೩೧।೭
(೩೧)

ಯಸ್ ತೇ ಮನ್ಯೋ ಽವಿಧದ್ ವಜ್ರ ಸಾಯಕ
ಸಹ ಓಜಃ ಪುಷ್ಯತಿ ವಿಶ್ವಂ ಆನುಷಕ್ |
ಸಾಹ್ಯಾಮ ದಾಸಂ ಆರ್ಯಂ ತ್ವಯಾ ಯುಜಾ
ವಯಂ ಸಹಸ್ಕೃತೇನ ಸಹಸಾ ಸಹೀಯಸಾ || ೪,೩೨।೧

ಮನ್ಯುರ್ ಇಂದ್ರೋ ಮನ್ಯುರ್ ಏವಾಸ ದೇವೋ
ಮನ್ಯುರ್ ಹೋತಾ ವರುಣೋ ಜಾತವೇದಾಃ |
ಮನ್ಯುರ್ ವಿಶ ಈಡತೇ ಮಾನುಷೀರ್ ಯಾಃ
ಪಾಹಿ ನೋ ಮನ್ಯೋ ತಪಸಾ ಸಜೋಷಾಃ || ೪,೩೨।೨

ಅಭೀಹಿ ಮನ್ಯೋ ತವಸಸ್ ತವೀಯಾನ್
ತಪಸಾ ಯುಜಾ ವಿ ಜಹಿ ಶತ್ರೂನ್ |
ಅಮಿತ್ರಹಾ ವೃತ್ರಹಾ ದಸ್ಯುಹಾ ಚ
ವಿಶ್ವಾ ವಸೂನ್ಯ್ ಆ ಭರಾ ತ್ವಂ ನಃ || ೪,೩೨।೩

ತ್ವಂ ಹಿ ಮನ್ಯೋ ಅಭಿಭೂತ್ಯೋಜಾಃ
ಸ್ವಯಂಭೂರ್ ಭಾಮೋ ಅಭಿಮಾತಿಷಾಹಃ |
ವಿಶ್ವಚರ್ಷಣಿಃ ಸಹುರಿಃ ಸಹೀಯಾಁ
ಅಸ್ಮಾಸ್ವ್ ಓಜಃ ಪೃತನಾಸು ಧೇಹಿ || ೪,೩೨।೪

ಅಭಾಗಃ ಸನ್ನ್ ಅಪ ಪರೇತೋ ಅಸ್ಮಿ
ತವ ಕ್ರತ್ವಾ ತವಿಷಸ್ಯ ಪ್ರಚೇತಃ |
ತಂ ತ್ವಾ ಮನ್ಯೋ ಅಕ್ರತುರ್ ಜಿಹೀಡಾಹಂ
ಸ್ವಾ ತನೂರ್ ಬಲದಾವಾ ನ ಏಹಿ || ೪,೩೨।೫

ಅಯಂ ತೇ ಅಸ್ಮ್ಯ್ ಉಪ ನ ಏಹ್ಯ್ ಅರ್ವಾಙ್
ಪ್ರತೀಚೀನಃ ಸಹುರೇ ವಿಶ್ವದಾವನ್ |
ಮನ್ಯೋ ವಜ್ರಿನ್ನ್ ಉಪ ನ ಆ ವವೃತ್ಸ್ವ
ಹನಾವ ದಸ್ಯೂಂರ್ ಉತ ಬೋಧ್ಯ್ ಆಪೇ || ೪,೩೨।೬

ಅಭಿ ಪ್ರೇಹಿ ದಕ್ಷಿಣತೋ ಭವಾ ನೋ
ಅಧಾ ವೃತ್ರಾಣಿ ಜಂಘನಾವ ಭೂರಿ |
ಜುಹೋಮಿ ತೇ ಧರುಣೋ ಮಧ್ವೋ ಅಗ್ರಂ
ಉಭಾ ಉಪಾಂಶು ಪ್ರಥಮಾ ಪಿಬೇವ || ೪,೩೨।೭
(೩೨)

ಅಗ್ನೇರ್ ಮನ್ವೇ ಪ್ರಥಮಸ್ಯ ಪ್ರಚೇತಸಃ
ಪಾಂಚಜನ್ಯಸ್ಯ ಬಹುಧಾ ಯಂ ಇಂಧತೇ |
ವಿಶೋವಿಶಃ ಪ್ರವಿಶಿವಾಂಸಂ ಈಮಹೇ
ಸ ನೋ ಮುಂಚತ್ವ್ ಅಂಹಸಃ || ೪,೩೩।೧

ಸುಜಾತಂ ಜಾತವೇದಸಂ
ಅಗ್ನಿಂ ವೈಶ್ವಾನರಂ ವಿಭುಂ |
ಹವ್ಯವಾಹಂ ಹವಾಮಹೇ
ಸ ನೋ ಮುಂಚತ್ವ್ ಅಂಹಸಃ || ೪,೩೩।೨

ಯಥಾ ಹವ್ಯಂ ವಹಸಿ ಜಾತವೇದೋ
ಯಥಾ ಯಜ್ಞಂ ಕಲ್ಪಯಸಿ ಪ್ರಜಾನನ್ |
ಏವಾ ದೇವೇಭ್ಯಃ ಸುಮತಿಂ ಇಹಾ ವಹ
ಸ ನೋ ಮುಂಚತ್ವ್ ಅಂಹಸಃ || ೪,೩೩।೩

ಯಾಮನ್ಯಾಮನ್ನ್ ಉಪಯುಕ್ತಂ ವಹಿಷ್ಠಂ
ಕರ್ಮನ್ಕರ್ಮನ್ನ್ ಆಭಗಂ |
ಅಗ್ನಿಂ ಈಡೇ ರಕ್ಷೋಹಣಂ
ಯಜ್ಞವೃಧಂ ಘೃತಾಹುತಂ
ಸ ನೋ ಮುಂಚತ್ವ್ ಅಂಹಸಃ || ೪,೩೩।೪

ಯೇನ ರ್ಷಯೋ ವಲಂ ಅದ್ಯೋತಯನ್ ಯುಜಾ
ಯೇನಾಸುರಾಣಾಂ ಅಯುವಂತ ಮಾಯಾಃ |
ಯೇನಾಗ್ನಿನಾ ಪಣೀನ್ ಇಂದ್ರೋ ಜಿಗಾಯ
ಸ ನೋ ಮುಂಚತ್ವ್ ಅಂಹಸಃ || ೪,೩೩।೫

ಯೇನ ದೇವಾ ಅಮೃತಂ ಅನ್ವವಿಂದನ್
ಯೇನೌಷಧೀರ್ ಮಧುಮತೀರ್ ಅಕೃಣ್ವನ್ |
ಯೇನೇದಂ ಸ್ವರ್ ಆಭರನ್
ಸ ನೋ ಮುಂಚತ್ವ್ ಅಂಹಸಃ || ೪,೩೩।೬

ಯಸ್ಯೇದಂ ಪ್ರದಿಶಿ ಯದ್ ವಿರೋಚತೇ
ಯಜ್ ಜಾತಂ ಜನಿತವ್ಯಂ ಚ ಕೇವಲಂ |
ಸ್ತೌಮ್ಯ್ ಅಗ್ನಿಂ ನಾಥಿತೋ ಜೋಹವೀಮಿ
ಸ ನೋ ಮುಂಚತ್ವ್ ಅಂಹಸಃ || ೪,೩೩।೭
(೩೩)

ವಾಯೋಃ ಸವಿತುರ್ ವಿದಥಾನಿ ಮನ್ಮಹೇ
ಯಾವ್ ಆತ್ಮನ್ವದ್ ವಿದಥೋ ಯೌ ಚ ರಕ್ಷಥಃ |
ಯೌ ವಿಶ್ವಸ್ಯ ಪರಿಭೂ ಬಭೂವಥುಸ್
ತೌ ನೋ ಮುಂಚತಂ ಅಂಹಸಃ || ೪,೩೪।೧

ಯಯೋಃ ಸಂಖ್ಯಾತಾ ವರಿಮಾಣಿ ಪಾರ್ಥಿವಾ
ಯಾಭ್ಯಾಂ ರಜೋ ಗುಪಿತಂ ಅಂತರಿಕ್ಷಂ |
ಯಯೋಃ ಪ್ರಯಾಂ ನಾನು ಕಶ್ ಚನಾನಶೇ
ತೌ ನೋ ಮುಂಚತಂ ಅಂಹಸಃ || ೪,೩೪।೨

ತವ ವ್ರತೇ ನಿ ವಿಶಂತೇ ಜನಾಸಸ್
ತ್ವಯ್ಯ್ ಉದಿತೇ ಪ್ರೇರತೇ ಚಿತ್ರಭಾನೋ |
ಯುವಂ ವಾಯೋ ಸವಿತಾ ಚ ಭುವನಾನಿ ರಕ್ಷಥಸ್
ತೌ ನೋ ಮುಂಚತಂ ಅಂಹಸಃ || ೪,೩೪।೩

ಪ್ರ ಸುಮತಿಂ ಸವಿತರ್ ವಾಯ ಊತಯೇ
ಮಹಸ್ವಂತಂ ಮತ್ಸರಂ ಮಾದಯೇಥಾಂ |
ಅರ್ವಾಗ್ ವಾಮಸ್ಯ ಪ್ರವತಾ ನಿ ಯಚ್ಛಥಸ್
ತೌ ನೋ ಮುಂಚತಂ ಅಂಹಸಃ || ೪,೩೪।೪

ರಯಿಂ ಮೇ ಪೋಷಂ ಸವಿತೋತ ವಾಯುಸ್
ತನೂ ದಕ್ಷಂ ಆ ಸುವತಾಂ ಸುಶೇವಂ |
ಅಯಕ್ಷ್ಮತಾಂ ಮಹೋ ಅಸ್ಮಾಸು ಧತ್ತಂ
ತೌ ನೋ ಮುಂಚತಂ ಅಂಹಸಃ || ೪,೩೪।೫

ಅಪೇತೋ ವಾಯೋ ಸವಿತಾ ಚ ದುಷ್ಕೃತಂ
ಅಪ ಯಕ್ಷ್ಮಂ ಶಿಮಿದಾಂ ಸೇಧತಂ ಪರಃ |
ಸಂ ಹ್ಯ್ ಊರ್ಜಾ ಸೃಜಥಃ ಸಂ ಬಲೇನ
ತೌ ನೋ ಮುಂಚತಂ ಅಂಹಸಃ || ೪,೩೪।೬

ಉಪ ಶ್ರೇಷ್ಠಾ ನ ಆಶಿಷೋ
ದೇವಯೋರ್ ಧಾಮನ್ನ್ ಅಸ್ಥಿರನ್ |
ಸ್ತೌಮಿ ದೇವಂ ಸವಿತಾರಂ ಚ ವಾಯುಂ
ತೌ ನೋ ಮುಂಚತಂ ಅಂಹಸಃ || ೪,೩೪।೭
(೩೪)

ಮರುತಾಂ ಮನ್ವೇ ಅಧಿ ಮೇ ಬ್ರುವಂತು
ಪ್ರೇಮಂ ವಾಜಂ ವಾಜಸಾತಾ ಅವಂತು |
ಆಶೂನ್ ಇವ ಸುಯಮಾನ್ ಅಹ್ವ ಊತಯೇ
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೧

ಉತ್ಸಂ ಅಕ್ಷಿತಂ ವ್ಯಚಂತಿ ಯೇ ಸದಾ
ಯೇ ವಾ ಸಿಂಚಂತಿ ರಸಂ ಓಷಧೀಷು |
ಪುರೋ ದಧೇ ಮರುತಃ ಪೃಶ್ನಿಮಾತೃ̄ಂಸ್
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೨

ಪಯೋ ಧೇನೂನಾಂ ರಸಂ ಓಷಧೀನಾಂ
ಜವಂ ಅರ್ವತಾಂ ಕವಯೋ ಯ ಇನ್ವಥ |
ಶಗ್ಮಾ ಭವಂತು ಮರುತಃ ಸ್ಯೋನಾಸ್
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೩

ಅಪಃ ಸಮುದ್ರಾದ್ ದಿವಂ ಉದ್ ವಹಂತಿ
ದಿವಸ್ ಪೃಥಿವೀಂ ಅಭಿ ಯೇ ಸೃಜಂತಿ |
ಯೇ +ಽದ್ಭಿರ್ ಈಶಾನಾ ಮರುತಶ್ ಚರಂತಿ
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೪

ಯೇ ಕೀಲಾಲೈಸ್ ತರ್ಪಯಂತಿ ಯೇ ಘೃತೇನ
ಯೇ ವಾ ವಯೋ ಮೇದಸಾ ಸಂಸೃಜಂತಿ |
ಯ ಈಶಾನಾ ಮರುತೋ ವರ್ಷಯಂತಿ
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೫

ಯದೀದ್ ಇದಂ ಮರುತೋ ಮಾರುತೇನ
ಯದಿ ದೇವಾ ದೈವ್ಯೇನೇದೃಗ್ ಆರ |
ಯೂಯಂ ಈಶಿಧ್ವೇ ವಸವಸ್ ತಸ್ಯ ನಿಷ್ಕೃತೇಸ್
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೬

ತಿಗ್ಮಂ ಅನೀಕಂ ವಿದಿತಂ ಸಹಸ್ವನ್
ಮಾರುತಂ ಶರ್ಧಃ ಪೃತನಾಸೂಗ್ರಂ |
ಸ್ತೌಮಿ ಮರುತೋ ನಾಥಿತೋ ಜೋಹವೀಮಿ
ತೇ ನೋ ಮುಂಚಂತ್ವ್ ಅಂಹಸಃ || ೪,೩೫।೭
(೩೫)

ಅನುವಾಕ ೭ ||

ಮನ್ವೇ ವಾಂ ದ್ಯಾವಾಪೃಥಿವೀ ಸುಭೋಜಸೌ
ಯೇ ಅಪ್ರಥೇಥಾಂ ಅಮಿತಾ ಯೋಜನಾನಿ |
ಪ್ರತಿಷ್ಠೇ ಹ್ಯ್ ಅಭವತಂ ವಸೂನಾಂ
ತೇ ನೋ ಮುಂಚತಂ ಅಂಹಸಃ || ೪,೩೬।೧

ಪ್ರತಿಷ್ಠೇ ಹಿ ಬಭೂವಥುರ್ ವಸೂನಾಂ
ಪ್ರವೃದ್ಧೇ ದೇವೀ ಸುಭಗೇ ಉರೂಚೀ |
ದ್ಯಾವಾಪೃಥಿವೀ ಭವತಂ ಮೇ ಸ್ಯೋನೇ
ತೇ ನೋ ಮುಂಚತಂ ಅಂಹಸಃ || ೪,೩೬।೨

ಯೇ ಸ್ರೋತ್ಯಾ ಬಿಭೃಥೋ ಯೇ ಮನುಷ್ಯಾನ್
ಯೇ ಅಮೃತಂ ಬಿಭೃಥೋ ಯೇ ಹವೀಂಷಿ |
ದ್ಯಾವಾಪೃಥಿವೀ ಭವತಂ ಮೇ ಸ್ಯೋನೇ
ತೇ ನೋ ಮುಂಚತಂ ಅಂಹಸಃ || ೪,೩೬।೩

ಯೇ ಉಸ್ರಿಯಾ ಬಿಭೃಥೋ ಯೇ ವನಸ್ಪತೀನ್
ಯಯೋರ್ ವಾಂ ವಿಶ್ವಾ ಭುವನಾನ್ಯ್ ಅಂತಃ |
ದ್ಯಾವಾಪೃಥಿವೀ ಭವತಂ ಮೇ ಸ್ಯೋನೇ
ತೇ ನೋ ಮುಂಚತಂ ಅಂಹಸಃ || ೪,೩೬।೪

ಯೇ ಕೀಲಾಲೈಸ್ ತರ್ಪಯಥೋ ಯೇ ಘೃತೇನ
ಯಾಭ್ಯಾಂ ನ ರ್ತೇ ಕಿಂ ಚನ ಶಕ್ನುವಂತಿ |
ದ್ಯಾವಾಪೃಥಿವೀ ಭವತಂ ಮೇ ಸ್ಯೋನೇ
ತೇ ನೋ ಮುಂಚತಂ ಅಂಹಸಃ || ೪,೩೬।೫

ಅಸಂತಾಪೇ ಸುತಪಸಾ ಹುವೇ ವಾಂ
ಉರ್ವೀ ಗಭೀರೇ ಕವಿಭಿರ್ ನಮಸ್ಯೇ |
ದ್ಯಾವಾಪೃಥಿವೀ ಭವತಂ ಮೇ ಸ್ಯೋನೇ
ತೇ ನೋ ಮುಂಚತಂ ಅಂಹಸಃ || ೪,೩೬।೬

ಯನ್ ಮೇದಂ ಅಭಿಶೋಚತಿ
ಯೇನ ವಾ ಯೇನ ವಾ ಕೃತಂ
ಪೌರುಷೇಯಂ ನ ದೈವ್ಯಂ |
ಸ್ತೌಮಿ ದ್ಯಾವಾಪೃಥಿವೀ ನಾಥಿತೋ ಜೋಹವೀಮಿ
ತೇ ನೋ ಮುಂಚತಂ ಅಂಹಸಃ || ೪,೩೬।೭
(೩೬)

ಭವಾಶರ್ವೌ ಮನ್ವೇ ವಾಂ ತಸ್ಯ ವಿತ್ತಂ
ಯಯೋರ್ ವಾಂ ವಿಶ್ವಂ ಯದ್ ಇದಂ ವಿತಿಷ್ಠತೇ |
ಯಾವ್ ಈಶಾತೇ ಅಸ್ಯ ದ್ವಿಪದೋ ಯೌ ಚತುಷ್ಪದಸ್
ತೌ ನೋ ಮುಂಚತಂ ಅಂಹಸಃ || ೪,೩೭।೧

ಯಯೋರ್ ಅಭ್ಯಧ್ವ ಉತ ಯದ್ ದೂರೇ ಚಿದ್
ಯೌ ವಿದಿತಾವ್ ಇಷುಭೃತಾಂ ಅಸಿಷ್ಠೌ |
ಭವಾಶರ್ವೌ ಭವತಂ ಮೇ ಸ್ಯೋನೌ
ತೌ ನೋ ಮುಂಚತಂ ಅಂಹಸಃ || ೪,೩೭।೨

ಯಯೋರ್ ವಧಾನ್ ನಾಪಪದ್ಯತೇ ಕಿಂ ಚನ-
-ಅಂತರ್ ದೇವೇಷೂತ ಮಾನುಷೇಷು |
ಭವಾಶರ್ವೌ ಭವತಂ ಮೇ ಸ್ಯೋನೌ
ತೌ ನೋ ಮುಂಚತಂ ಅಂಹಸಃ || ೪,೩೭।೩

ಯಾವ್ ಆರೇಭಾತೇ ಬಹು ಸಾಕಂ ಉಗ್ರೌ
ಪ್ರ ಚೇದ್ ಅಸ್ರಾಷ್ಟ್ರಂ ಅಭಿಭಾಂ ಜನೇಷು |
ಭವಾಶರ್ವೌ ಭವತಂ ಮೇ ಸ್ಯೋನೌ
ತೌ ನೋ ಮುಂಚತಂ ಅಂಹಸಃ || ೪,೩೭।೪

ಸಹಸ್ರಾಕ್ಷೌ ವೃತ್ರಹಣಾ ಹುವೇ ವಾಂ
ದೂರೇಹೇತೀ ಸ್ವನ್ನೇಮೀ ಉಗ್ರೌ |
ಭವಾಶರ್ವೌ ಭವತಂ ಮೇ ಸ್ಯೋನೌ
ತೌ ನೋ ಮುಂಚತಂ ಅಂಹಸಃ || ೪,೩೭।೫

ಯಃ ಕೃತ್ಯಾಕೃದ್ ಯಾತುಧಾನೋ ಮಹಾಲೋ
ನಿ ತಸ್ಮಿನ್ ಹತಂ ಅಧಿ ವಜ್ರಂ ಉಗ್ರೌ |
ಭವಾಶರ್ವೌ ಭವತಂ ಮೇ ಸ್ಯೋನೌ
ತೌ ನೋ ಮುಂಚತಂ ಅಂಹಸಃ || ೪,೩೭।೬

ಅಧಿ ಮೇ ಬ್ರೂತಂ ಪೃತನಾಸೂಗ್ರೌ
ಸಂ ವಜ್ರೇಣ ಸೃಜತಂ ಯಃ ಕಿಮೀದೀ |
ಸ್ತೌಮಿ ಭವಾಶರ್ವೌ ನಾಥಿತೋ ಜೋಹವೀಮಿ
ತೌ ನೋ ಮುಂಚತಂ ಅಂಹಸಃ || ೪,೩೭।೭
(೩೭)

ಮನ್ವೇ ವಾಂ ಮಿತ್ರಾವರುಣಾವ್ ಋತಾವೃಧೌ
ಸತ್ಯೌಜಸೌ ದ್ರುಹ್ವಾಣಂ ಯೌ ನುದೇಥೇ |
ಯೌ ಸತ್ಯಾವಾನಂ ಅವಥೋ ಹವೇಷು
ತೌ ನೋ ಮುಂಚತಂ ಅಂಹಸಃ || ೪,೩೮।೧

ಸತ್ಯೌಜಸೌ ದ್ರುಹ್ವಾಣಂ ಯೌ ನುದೇಥೇ
ಪ್ರ ಸತ್ಯಾವಾನಂ ಅವಥೋ ಹವೇಷು |
ಯೌ ಗಚ್ಛಥೋ ನೃಚಕ್ಷಸಾ ಬಭ್ರುಣಾ ಸುತಂ
ತೌ ನೋ ಮುಂಚತಂ ಅಂಹಸಃ || ೪,೩೮।೨

ಯಾವ್ ಅಂಗಿರಸೋ ಽವಥೋ ಯಾವ್ ಅಗಸ್ತಿಂ
ಮಿತ್ರಾವರುಣಾ ಜಮದಗ್ನಿಂ ಅತ್ರಿಂ |
ಯೌ ಕಶ್ಯಪಂ ಅವಥೋ ಯೌ ವಸಿಷ್ಠಂ
ತೌ ನೋ ಮುಂಚತಂ ಅಂಹಸಃ || ೪,೩೮।೩

ಯೌ ಭರದ್ವಾಜಂ ಅವಥೋ ವಧ್ರ್ಯಶ್ವಂ
ವಿಶ್ವಾಮಿತ್ರಂ ವರುಣ ಮಿತ್ರ ಕುತ್ಸಂ |
ಯೌ ಕಕ್ಷೀವಂತಂ ಅವಥಃ ಪ್ರೋತ ಕಣ್ವಂ
ತೌ ನೋ ಮುಂಚತಂ ಅಂಹಸಃ || ೪,೩೮।೪

ಯೌ ಶ್ಯಾವಾಶ್ಯಂ ಅವಥೋ ಯೌ ಗವಿಷ್ಠಿರಂ
ಮಿತ್ರಾವರುಣಾ ಪುರುಮೀಢಂ ಅತ್ರಿಂ |
ಯೌ ವಿಮದಂ ಅವಥಃ ಸಪ್ತವಧ್ರಿಂ
ತೌ ನೋ ಮುಂಚತಂ ಅಂಹಸಃ || ೪,೩೮।೫

ಯೌ ಮೇಧಾತಿಥಿಂ ಅವಥೋ ಯೌ ತ್ರಿಶೋಕಂ
ಮಿತ್ರಾವರುಣಾ ಉಶನಾಂ ಕಾವ್ಯಂ ಯೌ |
ಯೌ ಮುದ್ಗಲಂ ಅವಥೋ ಗೋತಮಂ ಚ
ತೌ ನೋ ಮುಂಚತಂ ಅಂಹಸಃ || ೪,೩೮।೬

ಯಯೋ ರಥಃ ಸತ್ಯವರ್ತ್ಮ ರ್ಜುರಶ್ಮಿರ್
ಮಿಥುಯಾ ಚರಂತಂ ಅಭಿಯಾತಿ ದೂಷಯನ್ |
ಸ್ತೌಮಿ ಮಿತ್ರಾವರುಣಾ ನಾಥಿತೋ ಜೋಹವೀಮಿ
ತೌ ನೋ ಮುಂಚತಂ ಅಂಹಸಃ || ೪,೩೮।೭
(೩೮)

ಇಂದ್ರಸ್ಯ ಮನ್ವೇ ಶಶ್ವದ್ ಯಸ್ಯ ಮನ್ವಿರೇ
ವೃತ್ರಘ್ನ ಸ್ತೋಮಾ ಉಪ ಮೇಮ ಆಗುಃ |
ಯೋ ದಾಶುಷಃ ಸುಕೃತೋ ಹವಂ ಏತಾ
ಸ ನೋ ಮುಂಚತ್ವ್ ಅಂಹಸಃ || ೪,೩೯।೧

ಯಶ್ ಚರ್ಷಣಿಪ್ರೋ ವೃಷಭಃ ಸ್ವರ್ವಿದ್
ಯಸ್ಯ ಗ್ರಾವಾಣಃ ಪ್ರವದಂತಿ ನೃಮ್ಣೇ |
ಯಸ್ಯಾಧ್ವರಃ ಸಪ್ತಹೋತಾ ಮದಚ್ಯುತ್
ಸ ನೋ ಮುಂಚತ್ವ್ ಅಂಹಸಃ || ೪,೩೯।೨

ಯ ಉಗ್ರಾಣಾಂ ಉಗ್ರಬಾಹುರ್ ಯಜುರ್ ಯೋ
ದಾನವಾನಾಂ ಬಲಂ ಆಸಸಾದ |
ಯೇನ ಜಿತಾಃ ಸಿಂಧವೋ ಯೇನ ಗಾವಃ
ಸ ನೋ ಮುಂಚತ್ವ್ ಅಂಹಸಃ || ೪,೩೯।೩

ಯಸ್ಯ ವಶಾಸ ಋಷಭಾಸ ಉಕ್ಷಣೋ
ಯಸ್ಮೈ ಮೀಯಂತೇ ಸ್ವರವಃ ಸ್ವರ್ವಿದೇ |
ಯಸ್ಮೈ ಶುಕ್ರಃ ಪವತೇ ಬ್ರಹ್ಮಶುಂಭಿತಃ
ಸ ನೋ ಮುಂಚತ್ವ್ ಅಂಹಸಃ || ೪,೩೯।೪

ಯಸ್ಯ ಜುಷ್ಟಿಂ ಸೋಮಿನಃ ಕಾಮಯಂತೇ
ಯಂ ಹವಂತ ಇಷುವಂತಂ ಗವಿಷ್ಟೌ |
ಯಸ್ಮಿನ್ನ್ ಅರ್ಕಃ ಶಿಶ್ರಿಯೇ ಯಸ್ಮಿನ್ನ್ ಓಜಃ
ಸ ನೋ ಮುಂಚತ್ವ್ ಅಂಹಸಃ || ೪,೩೯।೫

ಯ ಉತ್ತಮಃ ಕರ್ಮಕೃತ್ಯಾಯ ಜಜ್ಞೇ
ಯಸ್ಯ ವೀರ್ಯಂ ಪ್ರಥಮಸ್ಯಾನುಬುದ್ಧಂ |
ಯೇನೋದ್ಯತೋ ವಜ್ರೋ ಽಭ್ಯಾಯತಾಹಿಂ
ಸ ನೋ ಮುಂಚತ್ವ್ ಅಂಹಸಃ || ೪,೩೯।೬

ಯಃ ಸಂಗ್ರಾಮಾನ್ ನಯತಿ ಸಂ ಯುಧೇ ವಶೀ
ಯಃ ಪುಷ್ಟಾನಿ ಸಂಸೃಜತಿ ದ್ವಯಾನಿ |
ಸ್ತೌಮೀಂದ್ರಂ ನಾಥಿತೋ ಜೋಹವೀಮಿ
ಸ ನೋ ಮುಂಚತ್ವ್ ಅಂಹಸಃ || ೪,೩೯।೭
(೩೯)

ಶುನಂ ವತ್ಸಾನ್ ಅಪಾ ಕರೋಮಿ
ಶುನಂ ಬಧ್ನಾಮಿ ತಂತ್ಯಾಂ |
ಆಗ್ರಯಣಂ ಬ್ರಹ್ಮಣಾಂ ಹವಿಸ್
ತಸ್ಮಿಞ್ ಜಾಗಾರ ಕಶ್ಯಪಃ || ೪,೪೦।೧

ಬಾಹುಂ ವತ್ಸಂ ಉಪನಯನ್
ಪಾತ್ರೇ ಗಾಂ ದುಹನ್ನ್ ಅಬ್ರವೀತ್ |
ಅರಿಷ್ಟಂ ಬ್ರಹ್ಮಭ್ಯೋ ಹವಿಃ
ಶಿವಂ ಕೃಣೋತು ಕಶ್ಯಪಃ || ೪,೪೦।೨

ತ್ರಯಸ್ ತಿಷ್ಠಂತಿ ಸುಕೃತಸ್ಯ ಲೋಕೇ
ತ್ರಯೋ ಽತೀಕಾಶಾಸ್ ತ್ರೀಣಿ ಶೀರ್ಷಾಣ್ಯ್ ಏಷಾಂ |
ತ್ರಯಸ್ ತಿಷ್ಠಂತಿ ಪರಿಗೃಹ್ಯ ಕುಂಭೀಂ
ಯಥಾ ಹವಿಃ ಕಶ್ಯಪ ನ ವ್ಯಥಾತೈ || ೪,೪೦।೩

ಸತ್ಯಾತ್ ಸಂಭೂತೋ ವದತಿ
ತಂಡುಲಾನ್ ಕ್ಷೀರ ಆವಪನ್ |
ಋಷಿರ್ ಬ್ರಹ್ಮಭ್ಯ ಆಗ್ರಯಣಂ
ನಿ ವೇದಯತು ಕಶ್ಯಪಃ || ೪,೪೦।೪

ಋತುಮುಖೇ ಚಂದ್ರಭಾಗಃ
ಪಾತ್ರ ಓದನಂ ಉದ್ ಧರಾತ್ |
ಪ್ರಾಶ್ನಂತು ಬ್ರಹ್ಮಾಣೋ ಹವಿರ್
ಯಥಾ ವೇದೇನ ಕಶ್ಯಪಃ || ೪,೪೦।೫

ಯೇ ಭೂತಾನ್ಯ್ ಅಸೃಜಂತ
ಯೇ ಭೂತಾನ್ಯ್ ಅಕಲ್ಪಯನ್ |
ಸರ್ವಸ್ಯ ವಿದ್ವಾನ್ ಅಧ್ವರ್ಯುಃ
ಷಣ್ಣಾಂ ಭವತು ಕಶ್ಯಪಃ || ೪,೪೦।೬

ಶಿವಾ ಆಪೋ ವತ್ಸೇಭ್ಯಃ
ಶಿವಾ ಭವಂತ್ವ್ ಓಷಧೀಃ |
ವಾತೋ ವತ್ಸೇಭ್ಯಃ ಕಶ್ಯಪಃ
ಶಿವಃ ಶಿವಂ ತಪತು ಸೂರ್ಯಃ || ೪,೪೦।೭
(೪೦)

ಅನುವಾಕ ೮ ||
(೪)


ಕಾಂಡ ೫

ನಮಃ ಪಿಶಂಗಬಾಹ್ವೈ
ಸಿಂಧೌ ಜಾತಾಯಾ ಉಗ್ರಾಯೈ |
ಯೋ ಅಸ್ಯೈ ನಮ ಇತ್ ಕರದ್
ಅಪೇದ್ ಅಸ್ಯ ಗೃಹಾದ್ ಅಯತ್ || ೫,೧।೧

ಅಪೇಹಿ ನೋ ಗೃಹೇಭ್ಯೋ
ಅಪೇಹಿ ವತ್ಸತಂತ್ಯಾಃ |
ಆತ್ಮಾನಂ ಅತ್ರ ರೋತ್ಸ್ಯಸ್ಯ್
ಅವ ರೋಹ ಮಹಾನಸಾತ್ || ೫,೧।೨

ಹಾ ಅಂಬ ಸುಹೂತಲೇ
ಅಥೋ ಹೈ ಸಾಮನಂತಮೇ |
ಪುತ್ರೋ ಯಸ್ ತೇ ಪೃಶ್ನಿಬಾಹುಸ್
ತಂ ಉ ತ್ವಂ ಸಾಮನಂ ಕೃಧಿ |
ಅಥೋ ದುಹಿತರಂ ನಪ್ತ್ರೀಂ
ಅಥೋ ತ್ವಂ ಸಾಮನಾ ಭವ || ೫,೧।೩

ಭೂತಪತಿರ್ ನಿರ್ ಅಜತ್ವ್
ಇಂದ್ರಶ್ ಚೇತಃ ಸದಾನ್ವಾಃ |
ಗೃಹಸ್ಯ ಬುಧ್ನ ಆಸೀನಾಸ್
ತಾ ವಜ್ರೇಣಾಧಿ ತಿಷ್ಠತು || ೫,೧।೪

ಅಪೇತೇತಃ ಸದಾನ್ವಾ
ಅಹಿಂಸಂತೀರ್ ಇಮಂ ಗೃಹಂ |
ಧೇನುರ್ ವಾತ್ರ ಯ ಸ್ಥಾಸ್ಯತ್ಯ್
ಅನಡ್ವಾನ್ ವೇರಯಾ ಸಹ || ೫,೧।೫

ಯಾ ಸಹಮಾನಾ ಚರಸಿ
ಸಾಸಹಾನ ಇವ ರ್ಷಭಃ |
ಸದಾನ್ವಾಘ್ನೀಂ ತ್ವಾ ವಯಂ
ಜೈತ್ರಾಯಾಚ್ಛಾ ವದಾಮಸಿ || ೫,೧।೬

ಸಹಸ್ವ ನೋ ಅಭಿಮಾತಿಂ
ಸಹಸ್ವ ಪೃತನಾಯತಃ |
ಸಹಸ್ವ ಸರ್ವಾ ರಕ್ಷಾಂಸಿ
ಸಹಮಾನಾಸ್ಯ್ ಓಷಧೇ || ೫,೧।೭

ತ್ವಂ ವ್ಯಾಘ್ರಾನ್ ಸಹಸೇ
ತ್ವಂ ಸಿಂಹಾಁ ಉಭಯಾದತಃ |
ಮಕ್ಷಾಶ್ ಚಿತ್ ಕೃಣ್ವಾನಾ ಮಧು
ತ್ವಂ ಸಹಸ ಓಷಧೇ || ೫,೧।೮
(೧)

ಇಯಂ ಪಿತ್ರೇ ರಾಷ್ಟ್ರ್ಯ್ ಏತ್ಯ್ ಅಗ್ರೇ
ಪ್ರಥಮಾಯ ಜನುಷೇ ಭೂಮನಿಷ್ಠಾಃ |
ತಸ್ಮಾ ಏತಂ ಸುರುಚಂ ಹ್ವಾರಂ ಅಹ್ಯಂ
ಘರ್ಮಂ ಶ್ರೀಣಂತಿ ಪ್ರಥಮಸ್ಯ ಧಾಸ್ಯೋಃ || ೫,೨।೧

ಬ್ರಹ್ಮ ಜಜ್ಞಾನಂ ಪ್ರಥಮಂ ಪುರಸ್ತಾದ್
ವಿ ಸೀಮತಃ ಸುರುಚೋ ವೇನ ಆವಃ |
ಸ ಬುಧ್ನ್ಯಾ ಉಪಮಾ ಅಸ್ಯ ವಿಷ್ಠಾಃ
ಸತಶ್ ಚ ಯೋನಿಂ ಅಸತಶ್ ಚ ವಿ ವಃ || ೫,೨।೨

ಪ್ರ ಯೋ ಜಜ್ಞೇ ವಿದ್ವಾಁ ಅಸ್ಯ ಬಂಧುಂ
ವಿಶ್ವಾನಿ ದೇವೋ ಜನಿಮಾ ವಿವಕ್ತಿ |
ಬ್ರಹ್ಮ ಬ್ರಹ್ಮಣ ಉಜ್ ಜಭಾರ ಮಧ್ಯಾನ್
ನೀಚಾದ್ ಉಚ್ಚಾ ಸ್ವಧಾ ಅಭಿ ಪ್ರ ತಸ್ಥೌ || ೫,೨।೩

ಮಹಾನ್ ಮಹೀ ಅಸ್ಕಭಾಯದ್ ವಿ ಜಾತೋ
ದ್ಯಾಂ ದ್ವಿತಃ ಪಾರ್ಥಿವಂ ಚ ರಜಃ |
ಸ ಬುಧ್ನಾದ್ ಆಷ್ಟ್ರ ಜನುಷಾಭ್ಯ್ ಅಗ್ರಂ
ಬೃಹಸ್ಪತಿರ್ ದೇವತಾ ತಸ್ಯ ಸಮ್ರಾಟ್ || ೫,೨।೪

ನೂನಂ ತದ್ ಅಸ್ಯ ಗವ್ಯಂ ಹಿನೋತಿ
ಮಹೋ ದೇವಸ್ಯ ಪೂರ್ವಸ್ಯ ಮಹಿ |
ಏಷ ಜಜ್ಞೇ ಬಹುಭಿಃ ಸಾಕಂ ಇತ್ಥಾ
ಪೂರ್ವಾದ್ ಅರ್ಧಾದ್ ಅವಿಥುರಶ್ ಚ ಸನ್ ನು || ೫,೨।೫

ಸ ಹಿ ದಿವಃ ಸ ಪೃಥಿವ್ಯಾ ಋತೇಷ್ಠಾ
ಮಹಿ ಕ್ಷಾಮನ್ ರಜಸೀ ವಿ ಷ್ಕಭಾಯತಿ |
ಅಹರ್ ಯಚ್ ಛುಕ್ರಂ ಜ್ಯೋತಿಷೋ ಜನಿಷ್ಟ-
-ಅಧಾ ದ್ಯುಮಂತೋ ವಿ ವಸಂತ್ವ್ ಅರಿಪ್ರಾಃ || ೫,೨।೬

ಏವಾಥರ್ವಾ ಪಿತರಂ ವಿಶ್ವದೇವಂ
ಬೃಹಸ್ಪತಿರ್ ನಮಸಾವೋಚದ್ ಅಚ್ಛ |
ತ್ವಂ ವಿಶ್ವಸ್ಯ ಜನಿತಾ ಧಾಸ್ಯ್ ಅಗ್ರೇ
ಕವಿರ್ ದೇವಾನ್ ನ ದಭಾಯ ಸ್ವಧಾವಃ || ೫,೨।೭

ಮೂರ್ಧ್ನಾ ಯೋ ಅಗ್ರಂ ಅಭ್ಯರ್ತ್ಯ್ ಓಜಸಾ
ಬೃಹಸ್ಪತಿಂ ಆ ವಿವಾಸಂತಿ ದೇವಾಃ |
ಭಿನದ್ ವಲಂ ವಿ ಮೃಧೋ ದರ್ದರೀತಿ
ಕನಿಕ್ರದದ್ ಗಾಃ ಸ್ವರ್ ಅಪೋ ಜಿಗಾಯ || ೫,೨।೮
(೨)

ಉದ್ ಅಪಪ್ತದ್ ಅಸೌ ಸೂರ್ಯಃ
ಪುರುದೃಷ್ಟೋ ಅದೃಷ್ಟಹಾ |
ಉದಾಯನ್ ರಶ್ಮಿಭಿರ್ ಹಂತು-
-ಉದಾಯನ್ನ್ ಅರಸಾಁ ಅಕಃ || ೫,೩।೧

ನ್ಯ್ ಅಮ್ರುಚದ್ ಅಸೌ ಸೂರ್ಯೋ
ವಿಶ್ವದೃಷ್ಟೋ ಅದೃಷ್ಟಹಾ |
ನಿಮ್ರೋಚನ್ ರಶ್ಮಿಭಿರ್ ಹಂತು
ನಿಮ್ರೋಚನ್ನ್ ಅರಸಾಁ ಅಕಃ || ೫,೩।೨

ಯೇ ಚ ದೃಷ್ಟಾ ಯೇ ಚಾದೃಷ್ಟಾ
ಉಭಯೇಹಾವಿಷ್ಯವಃ |
ತೇಷಾಂ ವೋ ಅಗ್ರಭಂ ನಾಮ
ಸರ್ವೇ ಸಾಕಂ ನಿ ಜಸ್ಯತ || ೫,೩।೩

ಅದೃಷ್ಟಹನನೀ ವೀರುದ್
ಅಮಿತೌಜಾ ವಿಷಾಸಹಿ |
ಚುಕಾಕಣಿ ತ್ವಂ ಜಜ್ಞಿಷೇ
ಸಾದೃಷ್ಟಾಞ್ ಜಾತಶೋ ಜಹಿ || ೫,೩।೪

ಜಹಿ ಜ್ಯೇಷ್ಠಂ ಅದೃಷ್ಟಾನಾಂ
ಸರ್ಪಾಣಾಂ ಮೋಘಚಾರಿಣಾಂ |
ಕ್ರಿಮೀಣಾಂ ಸರ್ವಾ ಜಾತಾನಿ
?ಪೌಂಜಷ್ಟ ಇವ ಯವಂ ಮೃಣ || ೫,೩।೫

ಯಶ್ ಚ ತೋದೋ ಯಶ್ ಚ ಸರ್ಪ
ಏಕಾದಶಶ್ ಚ ಯೋ ವೃಷಾ |
ಚುಕಾಕಣಿ ತ್ವಂ ತಾನ್ ವೃಶ್ಚ
ವೃಕ್ಷಂ ಪರಶುಮಾನ್ ಇವ || ೫,೩।೬

ಸಂ ವೃಶ್ಚೈನಾಂಶ್ ಚುಕಾಕಣಿ
ವೃಕ್ಷಂ ಪರಶುಮಾನ್ ಇವ |
ಕ್ರಿಮೀಣಾಂ ಸರ್ವಾ ಜಾತಾನಿ
ಸಂ ದಹಾಗ್ನಿರ್ ಇವೋಲಪಂ || ೫,೩।೭

ಮೇಥಿಷ್ಠಾ ಅಗ್ನಿರ್ ಅಘಲಸ್ ತ್ವಿಷೀಮಾನ್
ಕ್ರಿಮೀಣಾಂ ಜಾತಾನಿ ಪ್ರ ದುನೋತು ಸರ್ವಾ |
ಬೃಹಸ್ಪತೇರ್ ಮೇದಿನೇ ಜಾತವೇದಾ
ಅದೃಷ್ಟಾನ್ ಹಂತು ದೃಷದೇವ ಮಾಷಾನ್ || ೫,೩।೮
(೩)

ಮಮಾಗ್ನೇ ವರ್ಚೋ ವಿಹವೇಷ್ವ್ ಅಸ್ತು
ವಯಂ ತ್ವೇಂಧಾನಾಸ್ ತನ್ವಂ ಪುಷೇಮ |
ಮಹ್ಯಂ ನಮಂತಾಂ ಪ್ರದಿಶಶ್ ಚತಸ್ರಸ್
ತ್ವಯಾಧ್ಯಕ್ಷೇಣ ಪೃತನಾ ಜಯೇಮ || ೫,೪।೧

ಅಗ್ನೇ ಮನ್ಯುಂ ಪ್ರತಿನುದನ್ ಪರೇಷಾಂ
ತ್ವಂ ನೋ ಗೋಪಾಃ ಪರಿ ಪಾಹಿ ವಿಶ್ವತಃ |
ಅಪಾಂಚೋ ಯಂತು ಪ್ರಬುಧಾ ದುರಸ್ಯವೋ
ಽಮೈಷಾಂ ಚಿತ್ತಂ ಬಹುಧಾ ವಿ ನಶ್ಯತು || ೫,೪।೨

ಮಮ ದೇವಾ ವಿಹವೇ ಸಂತು ಸರ್ವ
ಇಂದ್ರವಂತೋ ಮರುತೋ ವಿಷ್ಣುರ್ ಅಗ್ನಿಃ |
ಮಮಾಂತರಿಕ್ಷಂ ಉರುಲೋಕಂ ಅಸ್ತು
ಮಹ್ಯಂ ವಾತಃ ಪವತಾಂ ಕಾಮೇ ಅಸ್ಮಿನ್ || ೫,೪।೩

ಮಹ್ಯಂ ಯಜಂತಾಂ ಮಮ ಯಾನೀಷ್ಟಾ-
-ಆಕೂತಿಃ ಸತ್ಯಾ ಮನಸೋ ಮೇ ಅಸ್ತು |
ಏನೋ ಮಾ ನಿ ಗಾಂ ಕತಮಚ್ ಚನಾಹಂ
ವಿಶ್ವೇ ದೇವಾ ಅಭಿ ರಕ್ಷಂತು ಮಾಂ ಇಹ || ೫,೪।೪

ಮಹ್ಯಂ ದೇವಾ ದ್ರವಿಣಂ ಆ ಯಜಂತಾಂ
ಮಮಾಶೀರ್ ಅಸ್ತು ಮಮ ದೇವಹೂತಿಃ |
ದೈವಾ ಹೋತಾರಃ ಸನಿಷನ್ ನ ಏತದ್
ಅರಿಷ್ಟಾಃ ಸ್ಯಾಮ ತನ್ವಾ ಸುವೀರಾಃ || ೫,೪।೫

ದೇವೀಃ ಷಡ್ ಉರ್ವೀರ್ ಉರು ಣಸ್ ಕರಾಥ
ವಿಶ್ವೇ ದೇವಾಸ ಇಹ ಮಾದಯಧ್ವಂ |
ಮಾ ಹಾಸ್ಮಹಿ ಪ್ರಜಯಾ ಮಾ ಧನೇನ
ಮಾ ರಧಾಮ ದ್ವಿಷತೇ ಸೋಮ ರಾಜನ್ || ೫,೪।೬

ಉರುವ್ಯಚಾ ನೋ ಮಹಿಷಃ ಶರ್ಮ ಯಚ್ಛಾದ್
ಅಸ್ಮಿನ್ ವಾಜೇ ಪುರುಹೂತಃ ಪುರುಕ್ಷುಃ |
ಸ ನಃ ಪ್ರಜಾಯೈ ಹರ್ಯಶ್ವ ಮೃಡ-
-ಇಂದ್ರ ಮಾ ನೋ ರೀರಿಷೋ ಮಾ ಪರಾ ದಾಃ || ೫,೪।೭

ಧಾತಾ ವಿಧರ್ತಾ ಭುವನಸ್ಯ ಯಸ್ ಪತಿಃ
ಸವಿತಾ ದೇವೋ ಅಭಿಮಾತಿಷಾಹಃ |
ಬೃಹಸ್ಪತಿರ್ ಇಂದ್ರಾಗ್ನೀ ಅಶ್ವಿನೋಭಾ
ದೇವಾಃ ಪಾಂತು ಯಜಮಾನಂ ನಿರೃಥಾತ್ || ೫,೪।೮

ಇಹಾರ್ವಾಂಚಂ ಅತಿ ಹ್ವಯ
ಇಂದ್ರಂ ಜೈತ್ರಾಯ ಜೇತವೇ |
ಅಸ್ಮಾಕಂ ಅಸ್ತು ಕೇವಲ
ಇತಃ ಕೃಣೋತು ವೀರ್ಯಂ || ೫,೪।೯

ಅರ್ವಾಂಚಂ ಇಂದ್ರಂ ಅಮುತೋ ಹವಾಮಹೇ
ಯೋ ಗೋಜಿದ್ ಧನಜಿದ್ ಅಶ್ವಜಿದ್ ಯಃ |
ಇಮಂ ನೋ ಯಜ್ಞಂ ವಿಹವೇ ಜುಷಸ್ವ-
-ಅಸ್ಮಾಕಂ ಕೃಣ್ಮೋ ಹರಿವೋ ಮೇದಿನಂ ತ್ವಾ || ೫,೪।೧೦

ತ್ರಾತಾರಂ ಇಂದ್ರಂ ಅವಿತಾರಂ ಇಂದ್ರಂ
ಹವೇಹವೇ ಸುಹವಂ ಶೂರಂ ಇಂದ್ರಂ |
ಹುವೇಮ ಶಕ್ರಂ ಪುರುಹೂತಂ ಇಂದ್ರಂ
ಸ್ವಸ್ತಿ ನೋ ಮಘವಾನ್ ಪಾತ್ವ್ ಇಂದ್ರಃ || ೫,೪।೧೧

ತಿಸ್ರೋ ದೇವೀರ್ ಮಹಿ ಮೇ ಶರ್ಮ ಯಚ್ಛನ್
ಪ್ರಜಾಯೈ ಮೇ ತನ್ವೇ ಯಚ್ ಚ ಪುಷ್ಟಂ |
ಮಾಂ ವಿಶಃ ಸಂಮನಸೋ ಜುಷಂತಾಂ
ಪಿತ್ರ್ಯಂ ಕ್ಷೇತ್ರಂ ಪ್ರತಿ ಜಾನಾತ್ವ್ ಅಸ್ಮಾನ್ || ೫,೪।೧೨

ಯೋ ನಃ ಶಕ್ರಾಭಿಮನ್ಯುನಾ-
-ಇಂದ್ರಾಮಿತ್ರೋ ಜಿಘಾಂಸತಿ |
ತ್ವಂ ತಂ ವೃತ್ರಹಞ್ ಜಹಿ
ವಸ್ವ್ ಅಸ್ಮಭ್ಯಂ ಆ ಭರ || ೫,೪।೧೩

ಯೇ ನಃ ಶಪಂತ್ಯ್ ಅಪ ತೇ ಭವಂತ್ವ್
ಇಂದ್ರಾಗ್ನಿಭ್ಯಾಂ ಅಪ ಬಾಧಾಮಹೇ ತಾನ್ |
ಆದಿತ್ಯಾ ರುದ್ರಾ ಉಪರಿಸ್ಪೃಶೋ ಮಾಂ
ಉಗ್ರಂ ಚೇತ್ತಾರಂ ಅಧಿರಾಜಂ ಅಕ್ರನ್ || ೫,೪।೧೪
(೪)

ಪೃಥಿವೀ ವಶಾ ಸಾಗ್ನಿಂ ಗರ್ಭಂ ದಧೇ
ಸೇಮಂ ಪಾಹಿ ತಸ್ಯೈ ತೇ ವಿಧೇಯಂ
ತಸ್ಯೈ ತೇ ನಮಸ್ ತಸ್ಮೈ ತೇ ಸ್ವಾಹಾ || ೫,೫।೧

ಅಂತರಿಕ್ಷಂ ವಶಾ ಸಾ ವಾಯುಂ ಗರ್ಭಂ (…) || ೫,೫।೨

ದ್ಯೌರ್ ವಶಾ ಸಾ ಸೂರ್ಯಂ ಗರ್ಭಂ (…) || ೫,೫।೩

ಋಗ್ ವಶಾ ಸಾ ಸಾಮ ಗರ್ಭಂ (…) || ೫,೫।೪

ದಕ್ಷಿಣಾ ವಶಾ ಸಾ ಯಜ್ಞಂ ಗರ್ಭಂ (…) || ೫,೫।೫

ವಿಡ್ ವಶಾ ಸಾ ಕ್ಷತ್ರಿಯಂ ಗರ್ಭಂ (…) || ೫,೫।೬

ವಾಗ್ ವಶಾ ಸಾ ಪರಮೇಷ್ಠಿಣಂ ಗರ್ಭಂ (…) || ೫,೫।೭

ವಶಾ ವಶಾ ಸಾ ರಾಜನ್ಯಂ ಗರ್ಭಂ (…) || ೫,೫।೮

ಸಮಾ ವಶಾ ಸಾ ಸಂವತ್ಸರಂ ಗರ್ಭಂ ದಧೇ
ಸೇಮಂ ಪಾಹಿ ತಸ್ಯೈ ತೇ ವಿಧೇಯಂ
ತಸ್ಯೈ ತೇ ನಮಸ್ ತಸ್ಮೈ ತೇ ಸ್ವಾಹಾ || ೫,೫।೯
(೫)

ಅನುವಾಕ ೧ ||

ಸಪ್ತ ಸೂರ್ಯಾ ದಿವಂ ಅನುಪ್ರವಿಷ್ಟಾಸ್
ತಾನ್ ಪಥಾ ವಾ ಅನ್ವ್ ಏತಿ ದಕ್ಷಿಣಾವಾನ್ |
ತೇ ಽಸ್ಮೈ ಸರ್ವೇ ಘೃತಂ ಆ ತಪಂತ್ಯ್
ಊರ್ಜಂ ದುಹಾನಾ ಅನಪಸ್ಫುರಂತಃ || ೫,೬।೧

ಆತಪನ್ ಕ್ಷಯತಿ ನೀಚಾ
ದಾಸವ್ಯಾಧೀ ನಿಷ್ಟಪನ್ |
ಅಧಾಯತ್ಪತ್ರಃ ಸೂರ್ಯ
ಉದ್ ಏತಿ ಬೃಹತೀರ್ ಅನು || ೫,೬।೨

ಆತಪ್ತಾ ಪಿತೃ̄ನ್ ವಿದ್ಮ
ದಸ್ಯೂನ್ ನಿಷ್ಟಪ್ತಾ ವಯಂ |
ಗುಹಾ ಯೇ ಽನ್ಯೇ ಸೂರ್ಯಾಃ
ಸ್ವಧಾಂ ಅನು ಚರಂತಿ ತೇ || ೫,೬।೩

ದ್ಯೌಃ ಸಚತೇ ಽಪರಾಞ್ ಜನಾಸಃ
ಪಂಚಾನ್ಯೇ ಪರೋ ದಿವ ಆ ಕ್ಷಿಯಂತಿ |
ತಾಂ ಬ್ರಹ್ಮ ದಿವಂ ಬೃಹದ್ ಆ ವಿವೇಶ
ಯಸ್ ತಾನ್ ಪ್ರವೇದ ಪ್ರತರಂ ಅತೀರ್ಯತ || ೫,೬।೪

ಯೋ ದದಾತಿ ಯೋ ದದತೇ
ಯೋ ವಾ ನಿಧೀನ್ ಶ್ರದ್ದಧಾನೋ ನಿಧತ್ತೇ |
ಯಮೋ ವೈವಸ್ವತಾನ್ ರಾಜಾ
ಸರ್ವಾನ್ ರಕ್ಷತು ಶೇವಧೀನ್ || ೫,೬।೫

ಮಾ ವಿದನ್ ಪರ್ಯಾಯಿಣೋ
ಯೇ ದಕ್ಷಿಣಾಃ ಪರಿಮುಷ್ಣಂತಿ ದತ್ತಂ |
ಸುಗೇನ ತಾನ್ ಪಥಾ ಸರ್ವಾನ್
ಯಮೋ ರಾಜಾತಿ ನೇಷತಿ || ೫,೬।೬

ಯೇನ ಪಥಾ ವೈವಸ್ವತೋ
ಯಮೋ ರಾಜೇತೋ ಯಯೌ |
ಅಗ್ನಿರ್ ನಸ್ ತೇನ ನಯತು ಪ್ರಜಾನನ್
ವೈಶ್ವಾನರಃ ಪಥಿಕೃದ್ ವಿಶ್ವಗೃಷ್ಟಿಃ || ೫,೬।೭

ಮಹಿ ಜ್ಯೋತಿರ್ ನಿಹಿತಂ ಮರ್ತ್ಯೇಷು
ಯೇನ ದೇವಾಸೋ ಅತರನ್ನ್ ಅರಾತೀನ್ |
ತೇನೇಮಂ ಸೇತುಂ ಅತಿ ಗೇಷ್ಮ ಸರ್ವೇ
ವೈಶ್ವಾನರಂ ಜ್ಯೋತಿರ್ ಅಮೀವ ದೇವಾಃ || ೫,೬।೮

ಉದ್ ವಯಂ ತಮಸಸ್ ಪರಿ
ಜ್ಯೋತಿಷ್ ಪಶ್ಯಂತ ಉತ್ತರಂ |
ದೇವಂ ದೇವತ್ರಾ ಸೂರ್ಯಂ
ಅಗನ್ಮ ಜ್ಯೋತಿರ್ ಉತ್ತಮಂ || ೫,೬।೯

ಆರೋಕೋ ಭ್ರಾಜಃ ಪಟರಃ ಪತಂಗಃ
ಸ್ವರ್ಣರೋ ಜ್ಯೋತಿಷೀಮಾನ್ ವಿಭಾಸಃ |
ತೇ ಽಸ್ಮೈ ಸರ್ವೇ ಘೃತಂ ಆ ತಪಂತ್ಯ್
ಊರ್ಜಂ ದುಹಾನಾ ಅನಪಸ್ಫುರಂತಃ || ೫,೬।೧೦
(೬)

ಸಮುತ್ಪತಂತು ಪ್ರದಿಶೋ ನಭಸ್ವತೀಃ
ಸಂ ಅಭ್ರಾಣಿ ವಾತಜೂತಾನಿ ಯಂತು |
ಮಹರ್ಷಭಸ್ಯ ನದತೋ ನಭಸ್ವತೋ
ವಾಶ್ರಾ ಆಪಃ ಪೃಥಿವೀಂ ತರ್ಪಯಂತು || ೫,೭।೧

ಸಂ ಈಕ್ಷಯತಿ ವಿಷ್ವಗ್ವಾತೋ ನಭಾಂಸ್ಯ್
ಅಪಾಂ ವೇಗಾಸಃ ಪೃಥಗ್ ಉತ್ ಪತಂತು |
ವರ್ಷಸ್ಯ ಸರ್ಗಾ ಮಹಯಂತು ಭೂಮಿಂ
ಪೃಥಗ್ ಜಾಯಂತಾಂ ಓಷಧಯೋ ವಿಶ್ವರೂಪಾಃ || ೫,೭।೨

ಅಭಿ ಕ್ರಂದ ಸ್ತನಯಾರ್ದಯೋದಧಿಂ
ಭೂಮಿಂ ಪರ್ಜನ್ಯ ಪಯಸಾ ಸಂ ಅಙ್ಧಿ |
ತ್ವಯಾ ವರ್ಷಂ ಬಹುಲಂ ಏತು ಸೃಷ್ಟಂ
ಆಶಾರೈಷೀ ಕೃಶಗುರ್ ಏತ್ವ್ ಅಸ್ತಂ || ೫,೭।೩

ಉದ್ ಈರಯತ ಮರುತಃ ಸಮುದ್ರತಸ್
ತ್ವೇಷಾ ಅರ್ಕಾ ನಭ ಉತ್ ಪಾತಯಂತು |
ಪ್ರ ವರ್ಷಯಂತಿ ತವಿಷಾಃ ಸುದಾನವೋ
ಽಪಾಂ ರಸೈರ್ ಓಷಧಯಃ ಸಚಂತಾಂ || ೫,೭।೪

ಗಣಾಸ್ ತ್ವೋಪ ಗಾಯಂತು ಮಾರುತಾಃ
ಪರ್ಜನ್ಯ ಘೋಷಿಣಃ ಪೃಥಕ್ |
ಸರ್ಗಾ ವರ್ಷಸ್ಯ ವರ್ಷತಃ
ಸೃಜಂತು ಪೃಥಿವೀಂ ಅಭಿ || ೫,೭।೫

ಸಂ ಅವಂತು ಸುದಾನವ
ಉತ್ಸಾ ಅಜಗರಾ ಉತ |
ವಾತಾ ವರ್ಷಸ್ಯ ವರ್ಷತಃ
ಪ್ರ ವಾಂತು ಪೃಥಿವೀಂ ಅನು || ೫,೭।೬

ವಾತೋ ವಿದ್ಯುದ್ ಅಭ್ರಂ ವರ್ಷಂ
ಸಂ ಅವಂತು ಸುದಾನವಃ |
ಪ್ರ ಪ್ಯಾಯಸ್ವ ಪ್ರ ಪಿನ್ವಸ್ವ
ಸಂ ಭೂಮಿಂ ಪಯಸಾ ಸೃಜ || ೫,೭।೭

ಅಪಾಂ ಅಗ್ನಿಸ್ ತನೂಭಿಃ ಸಂವಿದಾನೋ
ಯ ಓಷಧೀನಾಂ ಅಧಿಪಾ ಬಭೂವ |
ಸ ನೋ ವರ್ಷಂ ವನುತಾಂ ಜಾತವೇದಾಃ
ಪ್ರಾಣಂ ಪ್ರಜಾಭ್ಯೋ ಅಮೃತಂ ದಿವಸ್ ಪರಿ || ೫,೭।೮

ಆಶಾಂ-ಆಶಾಂ ವಿ ದ್ಯೋತತಾಂ
ವಾತಾ ವಾಂತು ದಿಶೋ-ದಿಶಃ |
ಮರುದ್ಭಿಃ ಪ್ರಚ್ಯುತಾ ಮೇಘಾ
ವರ್ಷಂತು ಪೃಥಿವೀಂ ಅಭಿ || ೫,೭।೯

ಪ್ರಜಾಪತಿಃ ಸಲಿಲಾದ್ ಆ ಸಮುದ್ರಾದ್
ಆಪ ಈರಯನ್ನ್ ಉದಧಿಂ ಅರ್ದಯಾತಿ |
ಪ್ರ ಪ್ಯಾಯತಾಂ ವೃಷ್ಣೋ ಅಶ್ವಸ್ಯ ರೇತೋ
ಽರ್ವಾಙ್ ಏತೇನ ಸ್ತನಯಿತ್ನುನೇಹ್ಯ್
ಅಪೋ ನಿಷಿಂಚನ್ನ್ ಅಸುರಃ ಪಿತಾ ನಃ || ೫,೭।೧೦

ಶ್ವಸಂತು ಗರ್ಗರಾ ಅಪಾಂ
ಅವ ನೀಚೀರ್ ಅಪಃ ಸೃಜ |
ವದಂತು ಪೃಶ್ನಿಬಾಹವೋ
ಮಂಡೂಕಾ ಈರಿಣಾನು || ೫,೭।೧೧

ಸಂವತ್ಸರಂ ಶಶಯಾನಾ
ಬ್ರಾಹ್ಮಣಾ ವ್ರತಚಾರಿಣಃ |
ವಾಚಂ ಪರ್ಜನ್ಯಜಿನ್ವತಾಂ
ಪ್ರ ಮಂಡೂಕಾ ಅವಾದಿಷುಃ || ೫,೭।೧೨

ಉಪಪ್ರವದ ಮಂಡೂಕಿ
ವರ್ಷಂ ಆ ವದ ತಾದುರಿ |
ಮಧ್ಯೇ ಹ್ರದಸ್ಯ ಪ್ಲವಸ್ವ
ವಿಗೃಹ್ಯ ಚತುರಃ ಪದಃ || ೫,೭।೧೩

ಮಹಾಂತಂ ಕೋಶಂ ಉದ್ ಅಚಾಭಿ ಷಿಂಚ
ಸವಿದ್ಯುತಂ ಭವತು ವಾತು ವಾತಃ |
ತನ್ವತಾಂ ಯಜ್ಞಂ ಬಹುಧಾ ವಿಸೃಷ್ಟಂ
ಆನಂದಿನೀರ್ ಓಷಧಯೋ ಭವಂತು || ೫,೭।೧೪
(೭)

ಯಾವತೀ ದ್ಯಾವಾಪೃಥಿವೀ ವರಿಮ್ಣಾ
ಯಾವದ್ ವಾ ಸಪ್ತ ಸಿಂಧವೋ ವಿತಷ್ಠುಃ |
ವಾಚಂ ವಿಷಸ್ಯ ದೂಷಣೀಂ
ತಾಂ ಇತೋ ನಿರ್ ಅವಾದಿಷಂ || ೫,೮।೧

ಸುಪರ್ಣಸ್ ತ್ವಾ ಗರುತ್ಮಾನ್
ವಿಷ ಪ್ರಥಮಂ ಆವಯತ್ |
ನಾರೋಪಯೋ ನಾಮಾದಯ
ಉತಾಸ್ಮಾ ಅಭವತ್ ಪಿತುಃ || ೫,೮।೨

ಯಾಂ ತ್ವಾಸ್ಥತ್ ಪಂಚಾಂಗುಲಿರ್
ವಕ್ರಾಚ್ ಚಿದ್ ಅಧಿ ಧನ್ವನಃ |
ಅಪಸ್ಕಂಭಸ್ಯ ಬಾಹ್ವೋರ್
ನಿರ್ ಅವೋಚಂ ಅಹಂ ವಿಷಂ || ೫,೮।೩

ಶಲ್ಯಾದ್ ವಿಷಂ ನಿರ್ ಅವೋಚಂ
ಅಂಜನಾತ್ ಪರ್ಣಧೇರ್ ಉತ |
ಅಪಾಷ್ಠಾಚ್ ಛೃಂಗಾತ್ ಕುರ್ಮಲಾನ್
ನಿರ್ ಅವೋಚಂ ಅಹಂ ವಿಷಂ || ೫,೮।೪

ಅರಸಸ್ ತ ಇಷೋ ಶಲ್ಯೋ
ಽಥೋ ತೇ ಽರಸಂ ವಿಷಂ |
ಉತಾರಸಸ್ಯ ವೃಕ್ಷಸ್ಯ
ಧನುಷ್ ಟೇ ಅರಸಾರಸಂ || ೫,೮।೫

ಯೇ +ಽಪೀಷನ್ ಯೇ ಽದಿಹನ್
ಯ ಆಸ್ಯನ್ ಯೇ ಽವಾಸೃಜನ್ |
ಸರ್ವೇ ತೇ ವಧ್ರಯಃ ಸಂತು
ವಧ್ರಿರ್ ವಿಷಗಿರಿಷ್ ಕೃತಃ || ೫,೮।೬

ವಧ್ರಯಸ್ ತೇ ಖನಿತಾರೋ
ವಧ್ರಿಸ್ ತ್ವಂ ಅಸ್ಯ್ ಓಷಧೇ |
ವಧ್ರಿಃ ಸ ಪರ್ವತೋ ಗಿರಿರ್
ಯತೋ ಜಾತಂ ಇದಂ ವಿಷಂ || ೫,೮।೭

ವಾರ್ ಇದಂ ವಾರಯಾತೈ
ವರುಣಾವತ ಆಭೃತಂ |
ತತ್ರಾಮೃತಸ್ಯಾಸಿಕ್ತಂ
ತಚ್ ಚಕಾರಾರಸಂ ವಿಷಂ || ೫,೮।೮
(೮)

ಖಾದಿರೇಣ ಶಲಿಲೇನ-
-ಅಥೋ ಕಂಕತದಂತ್ಯಾ |
ಅಥೋ ವಿಷಸ್ಯ ಯದ್ ವಿಷಂ
ತೇನ ಪಾಪೀರ್ ಅನೀನಶಂ || ೫,೯।೧

ಕಿತ್ಯಾ ಶತಪರ್ವಣಾ
ಸಹಸ್ರಾಕ್ಷೇಣ ಚರ್ಮಣಾ |
ತೀಕ್ಷ್ಣಾಭಿರ್ ಅಭ್ರಿಭಿರ್ ವಯಂ
ನಿರ್ ಅಜಾಮಃ ಸದಾನ್ವಾಃ || ೫,೯।೨

ಸಹಃ ಸಹಸ್ವತ್ಯ್ ಅಸಿ-
-ಇತಃ ಕಣ್ವಾಃ ಪರೋ ಽನುದಃ |
ಇಮಾ ಯಾ ಅಧುನಾಗತಾ
ಯಾಶ್ ಚೇಹ ಗ್ರಹಣೀಃ ಪುರಾ || ೫,೯।೩

ನ ತಾ ಇತ್ಥಾ ನ ತಾ ಇಹಾವ ಮಾಸತಾ
ಉಖೇವ ಶೃಂಗವಚ್ ಛಿರಃ |
ಸದಾನ್ವಾ ಬ್ರಹ್ಮಣಸ್ಪತೇ
ತೀಕ್ಷ್ಣಶೃಂಗೋದೃಷನ್ನ್ ಇಹಿ || ೫,೯।೪

ವಿ ತೇ ನು ಮಂಥಾಃ ಶಶ್ರಿರೇ
ಬಿಭಿದೇ ತೇ ಗದೋಹನೀ |
ದದೌ ತೇ ಅದ್ಯ ಗೌಃ ಕಣ್ವೇ
ಪರೇಹ್ಯ್ ಅವರಂ ಮೃಣೇ || ೫,೯।೫

ಯಾಸ್ ತರ್ಕೇ ತಿಷ್ಠಂತಿ ಯಾ ವಲೀಕೇ
ಯಾಃ ಪ್ರೇಂಖೇ ಪ್ರೇಂಖಯಂತ ಉತ ಯಾ ನು ಘೋರಾಃ |
ಯಾ ಗರ್ಭಾನ್ ಪ್ರಮೃಶಂತಿ
ಸರ್ವಾಃ ಪಾಪೀರ್ ಅನೀನಶಂ || ೫,೯।೬

ಯಾಶ್ ಚೇಲಂ ವಸತ ಉತ ಯಾ ನು ದೂರ್ಶಂ
ನೀಲಂ ಪಿಶಂಗಂ ಉತ ಲೋಹಿತಂ ಯಾಃ |
ಯಾ ಗರ್ಭಾನ್ ಪ್ರಮೃಶಂತಿ
ಸರ್ವಾಃ ಪಾಪೀರ್ ಅನೀನಶಂ || ೫,೯।೭

ಆಖಿದಂತೀರ್ ವಿಖಿದಂತೀಃ
ಪ್ರಾಣಂ ಅಸ್ಯಾಪಿ ನಹ್ಯತ |
ದುರ್ಣಾಮ್ನೀಃ ಸರ್ವಾಃ ಸಂಗತ್ಯ
ಮಾಮುಷ್ಯೋಚ್ ಛಿಷ್ಟ ಕಿಂ ಚನ || ೫,೯।೮
(೯)

ಇಯಂ ಯಾ ಮುಸಲಾಹತಾ
ದೃಷತ್ಪಿಷ್ಟಾ ವಿಷಾಸುತಾ |
ತಪುರ್ ಅಗ್ನಿಸ್ ತಪುರ್ ದ್ಯೌಸ್
ತಪುಸ್ ತ್ವಂ ಸುರೇ ಭವ || ೫,೧೦।೧

ವಿಷಂ ತೇ ತೋಕ್ಮ ರೋಹಯಂತೋ ಽಬ್ರುವನ್
ವಿಷಂ ಕುಂಭೇ ಽವ ಸ್ರವ |
ವಿಷಂ ತ ಆಮನಂ ಸುರೇ
ವಿಷಂ ತ್ವಂ ಹಸ್ತ ಆಹಿತಾ
ವಿಷಂ ಪ್ರತಿಹಿತಾ ಭವ || ೫,೧೦।೨

ಸಿಂಹಸ್ ತೇ ಅಸ್ತು ತಂಡುಲೋ
ವ್ಯಾಘ್ರಃ ಪರ್ಯೋದನಂ |
ಪೃದಾಕೂರ್ ಅಸ್ತು ನಗ್ನಹುರ್
ವೃಕಸ್ಯ ಹೃದಿ ಸಂ ಸ್ರವ || ೫,೧೦।೩

ಇಯಂ ಯಾ ಪಾತ್ರ ಆಸೂತಾ
ಶಷ್ಪಸ್ರಕ್ವಾ ವಿಘಸ್ವರೀ |
ವರಾಹಮನ್ಯುರ್ ಅಜನ್ಯ್
ಉತ್ತಾನಪಾದಂ ಅರ್ದಯ || ೫,೧೦।೪

ಉದರ್ದನೀ ಪ್ರಚ್ಯವನೀ
ಪಾಂಸುಪಿಂಗಾ ವಿಘಸ್ವರೀ |
ಉತ್ಖಾತಮನ್ಯುರ್ ಅಜನಿ
ಯತ್ ಪಶ್ಚಾತ್ ತತ್ ಪುರಸ್ ಕೃಧಿ || ೫,೧೦।೫

ವಿಷಂ ತೇ ಪವನೇ ಸುರೇ
ರುಧಿರಂ ಸ್ಥಾಲೇ ಅಸ್ತು ತೇ |
ಮಥ್ನಂತ್ವ್ ಅನ್ಯೋ ಅನ್ಯಸ್ಮಾ
ಇಷುಧೀಂಸ್ ತ್ವದ್ ಧನುಸ್ ತ್ವತ್ || ೫,೧೦।೬

ವಿಷಪಾವಾನೋ ರುಧಿರಾಶ್ ಚರಂತಿ
ಪಾತಾರೋ ಮರ್ತಾಸ್ ತವಸೇ ಸುರ ಇಮೇ |
ಹತಾಸೋ ಅನ್ಯೇ ಯೋಧಯಂತ್ಯ್ ಅನ್ಯಾಂಸ್
ತಂ ಇಚ್ ಛಂಸ ಮಹಿಮಾನಂ ಸುರಾಯಾಃ || ೫,೧೦।೭

ತಾನ್ ವೀರುಧೋ ವಿಸ್ರವೋ ಬಲೇನ-
-ಉತ್ ಪಾತಯ ಮಾದಯ ಯೋಧನಾಯೈ |
ಭಿನ್ನಾರತ್ನೀರ್ ಭಿನ್ನಶೀರ್ಷ್ಣಾ ಸಂ ಋಚ್ಛತಾಂ
ಆರ್ತಚೇಲೋ ವಿಸ್ರವನ್ ತೇ ಸುರಾಪಃ || ೫,೧೦।೮

ವಿಷಾಸುತಾಂ ಪಿಬತ ಜರ್ಹೃಷಾಣಾ
ಅಸ್ನಾ ಸಂಸೃಷ್ಟಂ ರುಧಿರೇಣ ಮಿಶ್ರಾಂ |
ಛಿನ್ನಹಸ್ತಶ್ ಚರತಿ ಗ್ರಾಮೇ ಅಂತರ್
ವೈರಹತ್ಯಾನಿ ಬಹುಧಾ ಪಣಾಯನ್ || ೫,೧೦।೯

ಅಸಿಮತೀಂ ಇಷುಮತೀಂ
ಉನ್ ನಯಾಮಿ ಸತಾದ್ ಅಧಿ |
ಮಾದಯಾಭಿ ಮಾದಯ-
-ಅಹಿರ್ ಇವೈನಾನ್ ಪ್ರ ರೋಪಯ-
-ಅನ್ಯೋ ಽನ್ಯಸ್ಯ ಮೋಚ್ ಛಿಷನ್ || ೫,೧೦।೧೦
(೧೦)

ಅನುವಾಕ ೨ ||

ಅನು ತೇ ಮನ್ಯತಾಂ ಅಗ್ನಿರ್
ವರುಣಸ್ ತೇ ಽನು ಮನ್ಯತಾಂ |
ತತಸ್ ತೇ ಪುತ್ರೋ ಜಾಯತಾಂ
ಸ ವರ್ಮೀ ಗೋಷು ಯುಧ್ಯತಾಂ || ೫,೧೧।೧

ಇದಂ ವಾಯೋ ಽನು ಜಾನೀಹಿ-
-ಇದಂ ಇಂದ್ರ ಬೃಹಸ್ಪತೇ |
ಆಂಜನಂ ಪುತ್ರವೇದನಂ
ಕೃಣ್ಮಃ ಪುಂಸವನಂ ವಯಂ || ೫,೧೧।೨

ಯೇನೈತತ್ ಪರಿಷ್ಟಭಿತಂ
ಯಸ್ಮಾತ್ ಪುತ್ರಂ ನ ವಿಂದಸೇ |
ಇಂದ್ರಾಗ್ನೀ ತಸ್ಮಾತ್ ತ್ವೈನಸಃ
ಪರಿ ಪಾತಾಂ ಅಹರ್ದಿವಿ || ೫,೧೧।೩

ಅಥರ್ವಾಣೋ ಅಂಗಿರಸೋ
ವಿಶ್ವೇ ದೇವಾ ಋತಾವೃಧಃ |
ಶೃಣ್ವಂತ್ವ್ ಅದ್ಯ ಮೇ ಹವಂ
ಅಸ್ಯೈ ಪುತ್ರಾಯ ವೇತ್ತವೇ || ೫,೧೧।೪

ಇಂದ್ರಾಣೀ ವರುಣಾನೀ
ಸಿನೀವಾಲ್ಯ್ ಉತಾದಿತಿಃ |
ವರುತ್ರ್ಯ್ ಉಗ್ರಾ ಪತ್ನೀನಾಂ
ಪುತ್ರಂ ಅದ್ಯ ದಿದೇಷ್ಟು ತೇ || ೫,೧೧।೫

ಪುತ್ರಂ ತೇ ಮಿತ್ರಾವರುಣಾ
ಪುತ್ರಂ ದೇವೀ ಸರಸ್ವತೀ |
ಪುತ್ರಂ ತೇ ಅಶ್ವಿನೋಭಾ-
-ಆ ಧತ್ತಾಂ ಪುಷ್ಕರಸ್ರಜಾ || ೫,೧೧।೬

ಯೇಷಾಂ ಚ ನಾಮ ಜಗ್ರಭ
ಯೇಷಾಂ ಚ ನೋಪಸಸ್ಮರ |
ದೇವಾಸ್ ತೇ ಸರ್ವೇ ಸಂಗತ್ಯ
ಪುತ್ರಂ ಜೈವಾತೃಕಂ ದದನ್ || ೫,೧೧।೭

ಆತ್ಮನ ಏನಂ ನಿರ್ ಮಿಮೀಷ್ವ
ಸ ತ್ವತ್ ಪರಿ ಜಾಯತಾಂ |
ತ್ವಂ ಬೀಜಂ ಉರ್ವರೇವ
ತ್ವಂ ಬಿಭೃಹಿ ಯೋನ್ಯಾಂ || ೫,೧೧।೮

ಪೃಥಿವೀ ಸಹ ಯಜ್ಞೈರ್
ನಕ್ಷತ್ರೈಃ ಸಹ ಸೂರ್ಯಃ |
ವಾತಃ ಪತತ್ರಿಭಿಃ ಸಹ
ಪುತ್ರಂ ಅದ್ಯ ದಿದೇಷ್ಟು ತೇ || ೫,೧೧।೯
(೧೧)

ವೃಷಾ ಜಜ್ಞೇ ಮಧವಾನೋ
ಽಯಂ ಮಧುಮತೀಭ್ಯಃ |
ಸ ಉ ತೇ ಯೋನಿಂ ಆ ಶಯಾಂ
ಬಡ್ ದಕ್ಷಃ ಪುರುಷೋ ಭವನ್ || ೫,೧೨।೧

ಯೋನಿಂ ಗಚ್ಛ ಮಧವಾನ
ಯೋನ್ಯಾಂ ಪುರುಷೋ ಭವ |
ತತಃ ಪುನರ್ ನಿರ್ ಆಯಸಿ
ಶೀರ್ಷ್ಣಾ ಶ್ರೋಣೀ ವಿನೋನುದತ್ || ೫,೧೨।೨

ಬಾಣವಾಁ ಇಷುಧೇರ್ ಇವ
ಕೃಣ್ವನ್ ಪಿತ್ರೋರ್ ಯಥಾ ಪ್ರಿಯಂ |
ಶ್ರೋಣೀ ಅಹಿಂಸನ್ನ್ ಅಂತರಾ
ದಶಮೇ ಮಾಸ್ಯ್ ಆಯಸಿ || ೫,೧೨।೩

ಸ ಪ್ರತ್ಯಙ್ ಪ್ರತ್ಯಾವರ್ತ್ತಾ-
-ಇತೇ ಸಂವತ್ಸರೇ ಪುನಃ |
ಯಥಾ ಜೀವಾಸಿ ಭದ್ರಯಾ
ಬಿಭರತ್ ತ್ವಾ ಮಹಾಭವೇ || ೫,೧೨।೪

ಸಂ ತೇ ಯೋನಿಂ ಅಚೀಕ್ಲ್̥ಪಂ
ಸುಪ್ರಜಾಸ್ತ್ವಾಯ ಭದ್ರಯಾ |
ತತ್ರಾ ಸಿಂಚಸ್ವ ವೃಷ್ಣ್ಯಂ
ದಶಮಾಸ್ಯಂ ಅವಿಹ್ರುತಂ || ೫,೧೨।೫

ಗರ್ಭಸ್ ತೇ ಯೋನಿಂ ಆ ಶಯಾಂ
ಗರ್ಭೋ ಜರಾಯ್ವ್ ಆ ಶಯಾಂ |
ಕುಮಾರ ಉಲ್ಬಂ ಆ ಶಯಾಂ
ತ್ವಷ್ಟ್ರಾ ಕ್ಲ್̥ಪ್ತೋ ಯಥಾಪರು || ೫,೧೨।೬

ಯಥಾ ರಾಜನ್ ಮಧವಾನ
ತ್ವಂ ಬೀಜಂ ವಿರೋಹಸಿ |
ಏವಾ ತ್ವಂ ಅಸ್ಯಾ ನಿರ್ ಭಿಂಧಿ
ಕುಮಾರಂ ಯೋನ್ಯಾ ಅಧಿ || ೫,೧೨।೭

ಗರ್ಭಂ ಅಧಾನ್ ಮಧವಾನೋ
ಗರ್ಭಂ ದೇವೋ ಬೃಹಸ್ಪತಿಃ |
ಗರ್ಭಂ ತ ಇಂದ್ರಶ್ ಚಾಗ್ನಿಶ್ ಚ
ಗರ್ಭಂ ಧಾತಾ ದಧಾತು ತೇ || ೫,೧೨।೮
(೧೨)

ಶಿವಃ ಶಿವಾಭಿರ್ ವಯಸ್ವನ್
ಸಂ ಗಚ್ಛಸ್ವ ತನ್ವಾ ಜಾತವೇದಃ |
ರತ್ನಂ ದಧಾನಃ ಸುಮನಾಃ ಪುರಸ್ತಾದ್
ಗೃಹೇಭ್ಯಸ್ ತ್ವಾ ವರ್ಚಸೇ ನಿರ್ ವಪಾಮಿ || ೫,೧೩।೧

ಪೃಥಿವ್ಯಾಂ ಘರ್ಮ ಸ್ತಭಿತೋ
ಽನ್ತರಿಕ್ಷೇ ದಿವಿ ಶ್ರಿತಃ |
ದ್ಯೌರ್ ಏನಂ ಸರ್ವತಃ ಪಾತು
ಯಸ್ ತ್ವಾ ಪಚತ್ಯ್ ಓದನ || ೫,೧೩।೨

ಯೇ ಸಮುದ್ರಂ ಐರಯನ್ ಯೇ ಚ ಸಿಂಧುಂ
ಯೇ ಽನ್ತರಿಕ್ಷಂ ಪೃಥಿವೀಂ ಉತ ದ್ಯಾಂ |
ಯೇ ವಾತೇನ ಸರಥಂ ಯಾಂತಿ ದೇವಾಸ್
ತಾನ್ ಆಪ್ನೋತ್ಯ್ ಓದನಪಾಕೋ ಅತ್ರ || ೫,೧೩।೩

ಋಚಾ ಕುಂಭ್ಯ್ ಅಧಿಹಿತಾ
ಸಾಮ್ನಾ ಪಚ್ಯತ ಓದನಃ |
ಅಂಶುಂ ಸೋಮಸ್ಯೈತಂ ಮನ್ಯೇ
ವೈಶ್ವದೇವಂ ಇದಂ ಹವಿಃ || ೫,೧೩।೪

ಉಲೂಖಲೇ ಮುಸಲೇ ಯೇ ಚ ಶೂರ್ಪೇ
ಭೂಮ್ಯಾಂ ಉಖಾಯಾಂ ಯದ್ ಇವಾಸಸಂಜ |
ಯಾ ವಿಪ್ರುಷೋ ಯಾನಿ ನಿರ್ಣೇಜನಾನಿ
ಸರ್ವಂ ತತ್ ತೇ ಬ್ರಹ್ಮಣಾ ಪೂರಯಾಮಿ || ೫,೧೩।೫

ಊರ್ಧ್ವಃ ಪ್ರೇಹಿ ಮಾ ಸಂ ವಿಕ್ಥಾ
ವ್ಯ್ ಅಸ್ಯ ರಜೋ ಅಂತರಂ |
ರಕ್ಷಾಂಸಿ ಸರ್ವಾ ತೀರ್ತ್ವಾ-
-ಅಥಾ ರೋಹ ದಿವಂ ತ್ವಂ || ೫,೧೩।೬

ತುರೋ ನೋ ಅತುರೋ ಭವ
ಸಂ ಧೀಭಿರ್ ಧೀಯತಾಂ ಅಯಂ |
ಸಂ ಪೃಥಿವ್ಯಾ ಸಂ ಅಗ್ನಿನಾ
ಸಂ ಸೂರ್ಯಸ್ಯ ರಶ್ಮಿಭಿಃ
ಸಂ ದೇವಾನಾಂ ಅಪಸ್ಯಯಾ || ೫,೧೩।೭

ಆಜದ್ದ್ವಿಷಃ ಸುಕೃತಸ್ಯ ಲೋಕೇ
ತೃತೀಯೇ ನಾಕೇ ಅಧಿ ರೋಚನೇ ದಿವಃ |
ಮೃತ್ಯೋಃ ಪದಂ ಯೋಪಯಂತೋ ನ್ವ್ ಏತ
ಪಶ್ಚಾ ನಿಕೃತ್ಯ ಮೃತ್ಯುಂ ಪದಯೋಪನೇನ || ೫,೧೩।೮
(೧೩)

ಭೂತ್ಯಾ ಮುಖಂ ಅಸಿ ಸತ್ಯಸ್ಯ ರಶ್ಮಿರ್
ಉಚ್ಚೈಃಶ್ಲೋಕೋ ದಿವಂ ಗಚ್ಛ |
ಉಚ್ ಛ್ರಯೇಥಾಂ ಹವಿಷ್ಕೃತೌ
ಸಾಧು ದೇವಾನ್ ಸಪರ್ಯತಂ
ಋಜೀಷಂ ಅಪ ಲುಂಪತಂ || ೫,೧೪।೧

ಆಪೋ ದೇವೀರ್ ಯಜ್ಞಕೃತಶ್
ಚಿತ್ರಾ ದೇವೀರ್ ಹವಿಷ್ಕೃತಃ |
ಏಕಪಾತ್ರ ಓದನೋ
ಽಗ್ನಿಷ್ಟೋಮೇನ ಸಂಮಿತಃ || ೫,೧೪।೨

ಗಾಯತ್ರೀ ಹವ್ಯವಾಡ್ ಅಸಿ
ದೇವತಾಗ್ನಿಃ ಸಂ ಇಧ್ಯಸೇ |
ಸಹಸ್ರಧಾರಂ ಸುಕೃತಸ್ಯ ಲೋಕೇ
ಘೃತಪೃಷ್ಠಂ ಅಮರ್ತ್ಯೌ || ೫,೧೪।೩

ತಪಶ್ ಚ ಸತ್ಯಂ ಚೌದನಂ
ಪ್ರಾಶ್ನೀತಾಂ ಪರಮೇಷ್ಠಿನೌ |
ತಾಭ್ಯಾಂ ವೈ ಸ್ವರ್ ಆಭೃತಂ
ತೇನಾಧಿಪತಿರ್ ಉಚ್ಯಸೇ || ೫,೧೪।೪

ಉರುಗಾಯೋ *ಽಸಿ
ವಾಯೋಃ ಪ್ರಾಣೇನ ಸಂಮಿತಃ |
ಅಪ ಮೃಧ್ರಾಣಿ ಮಜ್ ಜಹಿ
ಮುಕ್ಷೀಯ ದುರಿತಾದ್ ಅಹಂ || ೫,೧೪।೫

ಅಪ ರಕ್ಷಾಂಸಿ ತೇಜಸಾ
ದೇವೇಭ್ಯೋ ಹವ್ಯಂ ಅರ್ಚ ತಂ |
ವ್ಯಚಸ್ವಾನ್ ಸಪ್ರಥಾ ಅಸಿ || ೫,೧೪।೬

ಉಚ್ಚೈಃ ಸುಪರ್ಣೋ ದಿವಂ ಉತ್ ಪತಾಮುಂ
ಪ್ರಿಯಂ ದೇವೇಭ್ಯೋ ಮಾ ಕೃಣ್ವ್
ಋಷಿಭ್ಯಃ ಪರಿ ದೇಹಿ ಮಾಂ |
ಶುಕ್ರಂ ಶುಕ್ರೇಣ ಭಕ್ಷಯಾ
ಪಿಬಂತು ಸುಕೃತೋ ಮಧು || ೫,೧೪।೭

ದ್ವಯಾ ದೇವಾ ಉಪ ನೋ ಯಜ್ಞಂ ಆಗುರ್
ಯಾನ್ ಓದನೋ ಜುಷತೇ ಯೈಶ್ ಚ ಪೃಷ್ಟಃ |
ಆದಿತ್ಯಾ ಅಂಗಿರಸಃ ಸ್ವರ್ಗಂ
ಇಮಂ ಪ್ರಾಶ್ನಂತ್ವ್ ಋತುಭಿರ್ ನಿಷದ್ಯ || ೫,೧೪।೮
(೧೪)

ಪೀಯೂಷಸ್ಯ ಕ್ಷೀರಸ್ಯ ಸರ್ಪಿಷೋ
ಽನ್ನಸ್ಯಾಗ್ರಂ ಸಂ ಭರಾಮ ಏತತ್ |
ಏತಂ ಭಾಗಂ ಅಹುತಾದ್ಭ್ಯಃ ಪ್ರ ಹಿಣ್ಮಸ್
ತನ್ ನೋ ಹವಿಃ ಪ್ರತಿ ಗೃಹಂತು ದೇವಾ ದೈವಾಃ || ೫,೧೫।೧

ಹುತಾದೋ ಽನ್ಯೇ ಽಹುತಾದೋ ಽನ್ಯೇ
ವೈಶ್ವದೇವಂ ಹವಿರ್ ಉಭಯೇ ಸಂ ಚರಂತಿ |
ತೇ ಸಮ್ಯಂಚ ಇಹ ಮಾದಯಂತಾಂ
ಇಷಂ ಊರ್ಜಂ ಯಜಮಾನಾಯ ಮತ್ಸ್ವ || ೫,೧೫।೨

ಮೇಮಾ ಭವೋ ಮಾ ಶರ್ವೋ ವಧೀದ್ ಗಾ
ಮಾ ವತ್ಸಾನ್ ಕ್ಲೋಮಶ್ವಯೋ ವಿದನ್ ನಃ |
ಯೇ ಜಾತಾ ಯೇ ಚ ಗರ್ಭೇಷ್ವ್ ಅಂತರ್
ಅರಿಷ್ಟಾ ಅಗ್ನೇ ಸ್ತನಂ ಆ ರಭಂತಾಂ || ೫,೧೫।೩

ಇಮಾ ಗಾವೋ ವಿಜಾವತೀಃ ಪ್ರಜಾವತೀ
ಸ್ತ್ರೀಷು ಸಂಮನಸೋ ಭವಂತು |
ಆಸು ಭೂಮಾನ್ಯ್ ಅಪಿ ಪೃಂಚಂತು ದೇವಾ
ಆಸಾಂ ವತ್ಸಾನ್ ಆಯುಷಾ ಮೇದಸಾ ಸಂ ಸೃಜಾಮಿ || ೫,೧೫।೪

ಪ್ರ ವೀಯಂತಾಂ ಸ್ತ್ರಿಯೋ ಗಾವೋ
ವಿಷ್ಣುರ್ ಯೋನಿಂ ಅನು ಕಲ್ಪಯಾತಿ |
ಪ್ರತಿಗೃಹ್ಣತೀರ್ ಋಷಭಸ್ಯ ರೇತ
ಉಕ್ಷಾನಡ್ವಾಂಶ್ ಚರತಿ ವಾಸಿತಾಂ ಅನು || ೫,೧೫।೫

ಪ್ರಯತಂ ಅಗ್ರಂ ನ ಹಿನಸ್ತಿ ಕಿಂ ಚನ
ಯಥಾಕಾಮಂ ಕೃಣುತ ಸೋಮ್ಯಂ ಮಧು |
ಸಾಧು ಯಜ್ಞಂ ಅಹುತಾದೋ ನಯಂತು
ರಾಯಸ್ಪೋಷಾ ಯಜಮಾನಂ ಸಚಂತಾಂ || ೫,೧೫।೬

ನಿ ತೇ ಪದಾಂ ಪೃಥಿವೀ ಯಂತು ಸಿಂಧವ
ಉದ್ ಓಷಧಯೋ ಜಿಹತಾಂ ಪ್ರೇರತಾಂ ಇರಾಃ |
ಪರ್ಜನ್ಯಸ್ಯ ಮರುತ ಉದಧಿಂ ಸಾನ್ವ್ ಆ ಹತ
ಭದ್ರಂ ಸಸ್ಯಂ ಪಚ್ಯತಾಂ ಮೋದತಾಂ ಜಗತ್ || ೫,೧೫।೭

ಸಪ್ತ ಋಷಯಃ ಸಪ್ತ ಸದಾಂಸ್ಯ್ ಏಷಾಂ
ದಶ ಕ್ಷಿಪೋ ಅಶ್ವಿನೋಃ ಪಂಚ ವಾಜಾಃ |
ಪ್ರಾಣೋ ವ್ಯಾನೋ ಮನ ಆಕೂತಿರ್ ವಾಗ್ ದೇವೀ
ದೇವೇಭ್ಯೋ ಹವ್ಯಂ ವಹತು ಪ್ರಜಾನತೀ || ೫,೧೫।೮

ಯೇ ಚ ದೃಷ್ಟಾ ಯೇ ಚಾದೃಷ್ಟಾಃ
ಕ್ರಿಮಯಃ ಕಿಕೃಶಾಶ್ ಚ ಯೇ |
ತೇಷಾಂ ಶಿರಾಂಸ್ಯ್ ಅಸಿನಾ ಛಿನದ್ಮ್ಯ್
ಅಥಾಸಾಂ ವತ್ಸಾನ್ ಆಯುಷಾ ಮೇದಸಾ ಸಂ ಸೃಜಾಮಿ || ೫,೧೫।೯
(೧೫)

ಅನುವಾಕ ೩ ||

ದ್ಯೌಶ್ ಚೇಮಂ ಯಜ್ಞಂ ಪೃಥಿವೀ ಚ ಸಂ ದುಹಾತಾಂ
ಮಾತರಿಶ್ವಾ ಪವಮಾನಃ ಪುರಸ್ತಾತ್ |
ತ್ವಷ್ಟಾ ವಾಯುಃ ಸಹ ಸೋಮೇನ ವಾತ
ಇಮಂ ಸಂ ದುಹ್ರಾಂ ಅನಪಸ್ಫುರಂತಃ || ೫,೧೬।೧

ಘರ್ಮಂ ತಪಾಮ್ಯ್ ಅಮೃತಸ್ಯ ಧಾರಯಾ
ದೇವೇಭ್ಯೋ ಹವ್ಯಂ ಪರಿದೇ ಸವಿತ್ರೇ |
ಶುಕ್ರಂ ದೇವಾಃ ಶೃತಂ ಅದಂತು ಹವ್ಯಂ
ಆಸಞ್ ಜುಹ್ವಾನಂ ಅಮೃತಸ್ಯ ಯೋನೌ || ೫,೧೬।೨

ಉದ್ ವಾಸಯಾಗ್ನೇಃ ಶೃತಂ ಅಕರ್ಮ ಹವ್ಯಂ
ಆ ರೋಹ ಪೃಷ್ಠಂ ಅಮೃತಸ್ಯ ಧಾಮ |
ವನಸ್ಪತಯ ಉಪ ಬರ್ಹಿ ಸ್ತೃಣೀತ
ಮಧ್ವಾ ಸಮಂತಂ ಘೃತವತ್ ಕರಾಥ || ೫,೧೬।೩

ಯೋ ಽಪ್ಸು ಯಕ್ಷ್ಮಃ ಶಮಯಾಮಿ ತಂ ವ
ಊರ್ಜಾ ಗವ್ಯೂತಿಂ ಸಂ ಅನಜ್ಮ್ಯ್ ಏತಾಂ |
ಸ್ತನ್ಯಂ ಕ್ಷೀರಂ ಅವಿಷಂ ವಃ ಕೃಣೋಮ್ಯ್
ಅಸುಂ ಧಯಂತೋ ಽಪಿ ಯೂಥಂ ಏತ || ೫,೧೬।೪

ಇಡಾನಾಂ ಪುತ್ರಾ ಉತ ಮಿತ್ರಿಯಾಣಾಂ
ಪಯೋ ಧಯಂತ್ವ್ ಅಹೃಣೀಯಮಾನಾಃ |
ಋತುಭಿಃ ಸಸ್ಯಂ ಉತ ಕ್ಲ್̥ಪ್ತಂ ಅಸ್ತ್ವ್
ಇರ್ಯೋ ಗೋಪಾ ರಕ್ಷತು ವಾಯುರ್ ಏನಾಃ || ೫,೧೬।೫

ಪಿಬತ ಘೃತಂ ಯತಿಧಾ ವ ಏತದ್
ಗುಹಾ ಹಿತಂ ನಿಹಿತಂ ಮಾನವೇಷು |
ವಿಶ್ವೇ ದೇವಾ ವೈಶ್ವದೇವಶ್ ಚಾಗ್ನೌ
ಯಥಾಭಾಗಂ ಹವಿಷೋ ಮಾದಯಧ್ವಂ || ೫,೧೬।೬

ಯೋ ದೇವಾನಾಂ ಅಸಿ ಶ್ರೇಷ್ಠೋ
ರುದ್ರಸ್ ತಂತಿಚರೋ ವೃಷಾ |
ಅರಿಷ್ಟಾ ಅಸ್ಮಾಕಂ ವೀರಾ
ಏತದ್ ಅಸ್ತು ಹುತಂ ತವ || ೫,೧೬।೭

ಪೂರ್ಣಂ ಅಹಂ ಕರೀಷಿಣಂ
ಶತವಂತಂ ಸಹಸ್ರಿಣಂ |
ವಿಶ್ವೇಭಿರ್ ಅಗ್ನೇ ದೇವೈರ್
ಇಮಂ ಗೋಷ್ಠಂ ಸಹಾರುಹಂ || ೫,೧೬।೮
(೧೬)

ದೇವೈನಸಾದ್ ಉನ್ಮದಿತಂ
ಕ್ಷೇತ್ರಿಯಾಚ್ ಛಪಥಾದ್ ಉತ |
ಮುಂಚಂತು ತಸ್ಮಾತ್ ತ್ವಾ ದೇವಾ
ಉನ್ಮತ್ತಂ ರಕ್ಷಸಸ್ ಪರಿ || ೫,೧೭।೧

ಮುನಿಂ ಭವಂತಂ ಪರಿ ಯಾನಿ ವಾವೃತೂ
ರಕ್ಷಾಂಸ್ಯ್ ಅಗ್ನ ಉಲುಲಾ ಕರಿಕ್ರತು |
ಅತಸ್ ತ್ವಂ ನೋ ಅಧಿ ಪಾಹಿ ವಾಜಿನ್ನ್
ಇಂದ್ರೇಣ ಮೇದೀ ಬೃಹತೇ ರಣಾಯ || ೫,೧೭।೨

ಯಥಾಗ್ನೇ ದೇವಾ ಋಭವೋ ಮನೀಷಿಣೋ
ಮುನಿಂ ಉನ್ಮತ್ತಂ ಅಸೃಜನ್ ನಿರ್ ಏನಸಃ |
ಏವಾ ತೇ ಶಕ್ರೋ ಅಭಯಂ ಕೃಣೋತು
ಮುಚ್ಯಸ್ವೈನಸೋ ವಿ ನಯಾಮಿ ರಕ್ಷಃ || ೫,೧೭।೩

ಯಥಾ ಗಾವಶ್ ಚ ಭೂಮ್ಯಾಂ
ಪುರುಷಾಶ್ ಚ ನ್ಯೋಕಸಃ |
ಏವೋನ್ಮತ್ತಸ್ಯ ತೇ ಮುನೇ
ಗೃಹ್ಣಾತು ಪೃಥಿವೀ ಮನಃ || ೫,೧೭।೪

ಮುನಿಂ ದಾಧಾರ ಪೃಥಿವೀ
ಮುನಿಂ ದ್ಯೌರ್ ಅಭಿ ರಕ್ಷತಿ |
ಮುನಿಂ ಹಿ ವಿಶ್ವಾ ಭೂತಾನಿ
ಮುನಿಂ ಇಂದ್ರೋ ಅದೀಧರತ್
ಪರಾ ರಕ್ಷಃ ಸುವಾಮಿ ತೇ || ೫,೧೭।೫

ಇಮಂ ಮೇ ಅಗ್ನೇ ಪುರುಷಂ ಮುಮುಗ್ಧಿ
ಯ ಆವಿತ್ತೋ ಗ್ರಾಹ್ಯಾ ಲಾಲಪೀತಿ |
ಅತೋ *ಽಧಿ ತೇ ಕೃಣವದ್ ಭಾಗಧೇಯಂ
ಅನುನ್ಮದಿತೋ ಅಗದೋ ಯಥಾಸತ್ || ೫,೧೭।೬

ಅಗ್ನಿಷ್ ಟೇ ನಿ ಶಮಯತು
ಯತ್ ತ ಏತನ್ ಮನ ಉಹ್ಯತೇ |
ಜುಹೋಮಿ ವಿದ್ವಾಂಸ್ ತೇ ಹವಿರ್
ಯಥಾನುನ್ಮದಿತೋ ಭುವಃ || ೫,೧೭।೭

ಪುನಸ್ ತ್ವಾ ದುರ್ ಅಪ್ಸರಸಃ
ಪುನರ್ ವಾತಃ ಪುನರ್ ದಿಶಃ |
ಪುನರ್ ಯಮಃ ಪುನರ್ ಯಮಸ್ಯ ದೂತಾಸ್
ತೇ ತ್ವಾ ಮುಂಚಂತ್ವ್ ಅಂಹಸಃ |
ಜಿವಾತವೇ ನ ಮರ್ತವೇ
ಽಥೋ ಅರಿಷ್ಟತಾತಯೇ || ೫,೧೭।೮
(೧೭)

ಉತ ದೇವಾ ಅವಹಿತಂ
ದೇವಾ ಉದ್ ಧರತಾ ಪುನಃ |
ಉತೋ ಮರಿಷ್ಯಂತಂ ದೇವಾ
ದೈವಾಃ ಕೃಣುಥ ಜೀವಸೇ || ೫,೧೮।೧

ಆ ತ್ವಾಗಮಂ ಶಂತಾತಿಭಿರ್
ಅಥೋ ಅರಿಷ್ಟತಾತಿಭಿಃ |
ದಕ್ಷಂ ತೇ ಭದ್ರಂ ಆಹಾರ್ಷಂ
ಪರಾ ಸುವಾಮ್ಯ್ ಆಮಯತ್ || ೫,೧೮।೨

ದ್ವಾವ್ ಇಮೌ ವಾತೌ ವಾತ
ಆ ಸಿಂಧೋರ್ ಆ ಪರಾವತಃ |
ದಕ್ಷಂ ತೇ ಅನ್ಯ ಆ ವಾತು
ಪರಾನ್ಯೋ ವಾತು ಯದ್ ರಪಃ || ೫,೧೮।೩

ಆ ವಾತ ವಾಹಿ ಭೇಷಜಂ
ವಿ ವಾತ ವಾಹಿ ಯದ್ ರಪಃ |
ತ್ವಂ ಹಿ ವಿಶ್ವಭೇಷಜೋ
ದೇವಾನಾಂ ದೂತ ಈಯಸೇ || ೫,೧೮।೪

ತ್ರಾಯಂತಾಂ ಇಮಂ ದೇವಾಸ್
ತ್ರಾಯಂತಾಂ ಮರುತೋ ಗಣೈಃ |
ತ್ರಾಯಂತಾಂ ವಿಶ್ವಾ ಭೂತಾನಿ
ಯಥಾಯಂ ಅಗದೋ ಽಸತಿ || ೫,೧೮।೫

ಘೃತೇನ ದ್ಯಾವಾಪೃಥಿವೀ
ಘೃತೇನಾಪಃ ಸಂ ಉಕ್ಷತ |
ಘೃತೇನ ಮುಚ್ಯಸ್ವೈನಸೋ
ಯದ್ ಆತ್ಮಕೃತಂ ಆರಿಥ || ೫,೧೮।೬

ಅಯಂ ಮೇ ಹಸ್ತೋ ಭಗವಾನ್
ಅಯಂ ಮೇ ಭಗವತ್ತರಃ |
ಅಯಂ ಮೇ ವಿಶ್ವಭೇಷಜೋ
ಽಯಂ ಶಿವಾಭಿಮರ್ಶನಃ || ೫,೧೮।೭

ಹಸ್ತಾಭ್ಯಾಂ ದಶಶಾಖಾಭ್ಯಾಂ
ಜಿಹ್ವಾ ವಾಚಃ ಪುರೋಗವೀ |
ಅನಾಮಯಿತ್ನುಭ್ಯಾಂ ಶಂಭುಭ್ಯಾಂ
ತಾಭ್ಯಾಂ ತ್ವಾಭಿ ಮೃಶಾಮಸಿ || ೫,೧೮।೮

ಆಪ ಇದ್ ವಾ ಉ ಭೇಷಜೀರ್
ಆಪೋ ಅಮೀವಚಾತನೀಃ |
ಆಪೋ ವಿಶ್ವಸ್ಯ ಭೇಷಜೀಸ್
ತಾಸ್ ತೇ ಕೃಣ್ವಂತು ಭೇಷಜಂ || ೫,೧೮।೯
(೧೮)

ಸಹೃದಯಂ ಸಾಂಮನಸ್ಯಂ
ಅವಿದ್ವೇಷಂ ಕೃಣೋಮಿ ವಃ |
ಅನ್ಯೋ ಅನ್ಯಂ ಅಭಿ ಹರ್ಯತ
ವತ್ಸಂ ಜಾತಂ ಇವಾಘ್ನ್ಯಾ || ೫,೧೯।೧

ಅನುವ್ರತಃ ಪಿತುಃ ಪುತ್ರೋ
ಮಾತ್ರಾ ಭವತು ಸವ್ರತಃ |
ಜಾಯಾ ಪತ್ಯೇ ಮಧುಮತೀಂ
ವಾಚಂ ವದತು ಶಂತಿವಾಂ || ೫,೧೯।೨

ಮಾ ಭ್ರಾತಾ ಭ್ರಾತರಂ ದ್ವಿಕ್ಷನ್
ಮಾ ಸ್ವಸಾರಂ ಉತ ಸ್ವಸಾ |
ಸಮ್ಯಂಚಃ ಸವ್ರತಾ ಭೂತ್ವಾ
ವಾಚಂ ವದತ ಭದ್ರಯಾ || ೫,೧೯।೩

ಯೇನ ದೇವಾ ನ ವಿಯಂತಿ
ನೋ ಚ ವಿದ್ವಿಷತೇ ಮಿಥಃ |
ತತ್ ಕೃಣ್ಮೋ ಬ್ರಹ್ಮ ವೋ ಗೃಹೇ
ಸಂಜ್ಞಾನಂ ಪುರುಷೇಭ್ಯಃ || ೫,೧೯।೪

ಜ್ಯಾಯಸ್ವಂತಶ್ ಚಿತ್ತಿನೋ ಮಾ ವಿ ಯೌಷ್ಟ
ಸಂರಾಧಯಂತಃ ಸಧುರಾಶ್ ಚರಂತಃ |
ಅನ್ಯೋ ಅನ್ಯಸ್ಮೈ ವಲ್ಗು ವದಂತ ಏತ
ಸಮಗ್ರಾ ಸ್ಥ ಸಧ್ರೀಚೀನಾಃ || ೫,೧೯।೫

ಸಮಾನೀ ಪ್ರಪಾ ಸಹ ವೋ ಽನ್ನಭಾಗಃ
ಸಮಾನೇ ಯೋಕ್ತ್ರೇ ಸಹ ವೋ ಯುನಜ್ಮಿ |
ಸಮ್ಯಂಚೋ ಽಗ್ನಿಂ ಸಪರ್ಯತ-
-ಅರಾ ನಾಭಿಂ ಇವಾಭಿತಃ || ೫,೧೯।೬

ಯೇನ ದೇವಾ ಹವಿಷಾ ಯಜತ್ರಾ
ಅಪ ಪಾಪ್ಮಾನಂ ಅಘ್ನತ |
ಕ್ರೋಧಂ ಮನ್ಯುಂ ಅನೃತಂ ಭಾಮಂ
ದುರುಕ್ತಂ ಅಭಿಶೋಚನಂ
ಆರೇ ಯಕ್ಷ್ಮಂ ನಿ ದಧ್ಮಸಿ || ೫,೧೯।೭

ಸಧ್ರೀಚೀನಾನ್ ವಃ ಸಂಮನಸಃ ಕೃಣೋಮ್ಯ್
ಏಕಶ್ನುಷ್ಟೀನ್ ಸಂವನನೇನ ಸಂಹೃದಃ |
ದೇವಾ ಇವೇದ್ ಅಮೃತಂ ರಕ್ಷಮಾಣಾಃ
ಸಾಯಂಪ್ರಾತಃ ಸುಸಮಿತಿರ್ ವೋ ಅಸ್ತು || ೫,೧೯।೮
(೧೯)

ಪರೋ ಽಪೇಹಿ ಪರಶ್ ಚರ
ಪರಸ್ ತರ್ದ ಪರಸ್ತರಂ |
ಅಗ್ನೇರ್ ವಾತಸ್ಯ ಧ್ರಾಜ್ಯಾ
ಅಪ ಬಾಧೇ ಅಹಂ ತ್ವಾಂ || ೫,೨೦।೧

ಉದಕಸ್ಯೇದಂ ಅಯನಂ
ವಾತಸ್ಯೇದಂ ನಿಭಂಜನಂ |
ಅಗ್ನೇರ್ ಧೂಮಸ್ಯಾಯಂ ಪಂಥಾ
ನೇಹ ತರ್ದಾಯನಂ ತವ || ೫,೨೦।೨

ಪರಿ ತ್ವಾ ಕೃಷ್ಣವರ್ತನಿರ್
ಅಗ್ನಿರ್ ಧೂಮೇನಾರ್ಚಿಷಾ |
ಸ ತ್ವಂ ತರ್ದ ಪರಶ್ ಚರ-
-ಅನ್ಯತ್ ತರ್ದ್ಧಿ ತೃಣಂ ಯವಾತ್ || ೫,೨೦।೩

ಯೇ ತರ್ದಾ ಅಸುರೇಷಿತಾ
ದೇವೇಭಿರ್ ಇಷಿತಾಶ್ ಚ ಯೇ |
ಸರ್ವಾಂಸ್ ತಾನ್ ಬ್ರಹ್ಮಣಾ ವಯಂ
ಶಲಭಾಞ್ ಜಂಭಯಾಮಸಿ || ೫,೨೦।೪

ಶಲಭಸ್ಯ ಶಲಭ್ಯಾಸ್
ತರ್ದಸ್ಯೋ ಪತತ್ರಿಣಃ |
ಅಗ್ನೇರ್ ವಾತಸ್ಯ ಧ್ರಾಜ್ಯಾ-
-ಅಪಿ ನಹ್ಯಾಮ ಆಸ್ಯಂ || ೫,೨೦।೫

ಇದಂ ಯದ್ ಗವಿ ಭೇಷಜಂ
ವಿಶ್ವಾದ್ ರೂಪಾತ್ ಸಮಾಭೃತಂ |
ಆಖೋರ್ ಘುಣಸ್ಯ ತರ್ದಸ್ಯ
ತೇಷಾಂ ಸ್ನಾವ್ನಾಪಿ ನಹ್ಯತ || ೫,೨೦।೬

ದೃಷ್ಟಾ ತ್ವಂ ಅಸಿ ಗಂಧೇನ-
-ಓಷಧಿರ್ ಘುಣಜಂಭನೀ |
ಆಖೋರ್ ಘುಣಸ್ಯ ಜಾತಾನಿ
ತಾನಿ ಜಂಭಯ ತೇಜಸಾ || ೫,೨೦।೭

ತೂಲಂ ತರ್ದಸ್ ತೃಣಸ್ಯಾತ್ತು
ಮೂಲಂ ಆಖುರ್ ಧಿಯೇಷಿತಃ |
ಅಥೋ ವೃಕ್ಷಸ್ಯ ಫಲ್ಗು ಯದ್
ಘುಣಾ ಅದಂತು ಮಾ ಯವಂ || ೫,೨೦।೮
(೨೦)

ಅನುವಾಕ ೪ ||

ದ್ಯೌಶ್ ಚ ನಃ ಪಿತಾ ಪೃಥಿವೀ ಚ ಮಾತಾ-
-ಅಗ್ನಿಶ್ ಚ ನೃಚಕ್ಷಾ ಜಾತವೇದಾಃ |
ತೇ ತಕ್ಮಾನಂ ಅಧರಾಂಚಂ ನ್ಯಂಚಂ
ದಶಾಹ್ನಂ ಅಸ್ಯಂತ್ವ್ ಅಧಿ ದೂರಂ ಅಸ್ಮತ್ || ೫,೨೧।೧

ತಕ್ಮನ್ ಯಂ ತೇ ಕ್ಷೇತ್ರಭಾಗಂ
ಅಪಾಭಜಂ ಪೃಥಿವ್ಯಾಃ ಪೂರ್ವೇ ಅರ್ಧೇ |
ಅತಿಹಾಯ ತಂ ಅಥ ನೋ ಹಿನಸ್ಸಿ
ಗ್ರಾಹಿಃ ಕಿಲ ತ್ವಾ ಗ್ರಹೀಷ್ಯತಿ ಕಿಲಾಸಶೀರ್ಷಃ || ೫,೨೧।೨

ತಕ್ಮನ್ ಪರ್ವತಾ ಇಮೇ
ಹಿಮವಂತಃ ಸೋಮಪೃಷ್ಠಾಃ |
ವಾತಂ ದೂತಂ ಭಿಷಜಂ ನೋ ಅಕ್ರನ್
ನಶ್ಯೇತೋ ಮರಟಾಁ ಅಭಿ || ೫,೨೧।೩

ನ ತ್ವಾ ಸ್ತ್ರಿಯಃ ಕಾಮಯಂತೇ
ನ ಪುಮಾಂಸಃ ಕತಮೇ ಚನ |
ನೇಹ ತಕ್ಮಕಾಮ್ಯಾ-
-ಅಲ್ಪೋ ರೋದಿತಿ ನೋ ಮಹಾನ್ || ೫,೨೧।೪

ಮಾ ನೋ ಹಿಂಸೀರ್ ಮಹತೋ
ಮಾ ಹಿಂಸೀರ್ ಮಹ್ಯಸ್ ತ್ವಂ |
ಕುಮಾರಾನ್ ಬಭ್ರೋ ಮಾ ಹಿಂಸೀರ್
ಮಾ ನೋ ಹಿಂಸೀಃ ಕುಮಾರ್ಯಃ || ೫,೨೧।೫

ಯಃ ಸಾಕಂ ಉತ್ಪಾತಯಸಿ
ಬಲಾಸಂ ಕಾಸಂ ಉದ್ರಜಂ |
ಭೀಮಾಸ್ ತೇ ತಕ್ಮನ್ ಹೇತಯಸ್
ತಾಭಿ ಷ್ಮ ಪರಿ ವೃಙ್ಧಿ ನಃ || ೫,೨೧।೬

ಅನ್ಯಕ್ಷೇತ್ರೇ ನ ರಮತೇ
ಸಹಸ್ರಾಕ್ಷೋ ಽಮರ್ತ್ಯಃ |
ಅಭೂದ್ ಉ ಪ್ರಾರ್ಥಸ್ ತಕ್ಮಾ
ಸ ಉ ನೋ ಮೃಡಯಿಷ್ಯತಿ || ೫,೨೧।೭

ತಕ್ಮನ್ ನ ತ ಇಹಾಶ್ವಾ
ನ ಗಾವೋ ನೇಹ ತೇ ಗೃಹಾಃ |
ಶಕಂಭರಸ್ಯ ಮುಷ್ಟಿಹಾ
ಪುನರ್ ಗಚ್ಛ ಮಹಾವೃಷಾನ್ || ೫,೨೧।೮
(೨೧)

ಯೌ ಹೇಮಂತಂ ಸ್ವಾಪಯಥೋ ಬಲೇನ-
-ಅರ್ವಾಗ್ ದೇವೇಭ್ಯ ಉತ ಯೌ ಪರೋ ದಿವಃ |
ಭವಾರುದ್ರಯೋಃ ಸುಮತಿಂ ವೃಣೀಮಹೇ
ಽನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೧

ಯೋ ದ್ಯಾಂ ಆತನೋತಿ ಯೋ ಽನ್ತರಿಕ್ಷಂ
ಸ್ತಭ್ನಾತ್ಯ್ ಓಜಸೋ ಜಾಯಮಾನಃ |
ತಸ್ಮೈ ರುದ್ರಾಯ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೨

ಯಯೋರ್ ವಧಾನ್ ನಾಪಪದ್ಯತೇ ಕಿಂ ಚನ-
-ಅಂತರ್ ದೇವೇಷೂತ ಮಾನುಷೇಷು |
ತಾಭ್ಯಾಂ ರುದ್ರಾಭ್ಯಾಂ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೩

ಯಾವ್ ಈಶಾತೇ ಪಶೂನಾಂ ಪಾರ್ಥಿವಾನಾಂ
ಚತುಷ್ಪದಾಂ ಉತ ವಾ ಯೇ ದ್ವಿಪಾದಃ |
ತಾಭ್ಯಾಂ ರುದ್ರಾಭ್ಯಾಂ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೪

ಯಸ್ಯ ಪ್ರತಿಹಿತಾಯಾಃ ಸಂ ವಿಶಂತ
ಆರಣ್ಯಾಃ ಪಶವ ಉತ ಗ್ರಾಮ್ಯಾಸಃ |
ತಸ್ಮೈ ರುದ್ರಾಯ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೫

ಯಸ್ಮಾದ್ ಓಷಧಯೋ ಬರ್ಭ್ರಿಯಮಾಣಾ ಯಂತಿ
ಯಸ್ಮಾದ್ ವೃಕ್ಷಾಸೋ ನ ವಿಯಂತಿ ವಿಶ್ವೇ |
ವಯಾಂಸಿ ಯಸ್ಮಾತ್ ಪ್ರಚರಂತಿ ಭೀಷಾ
ತಸ್ಮೈ ರುದ್ರಾಯ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೬

ಯಃ ಪರ್ವತಾನ್ ವಿದಧೇ ಽತಿ ವಿದ್ವಾನ್
ಯೋ ಭೂತಾನಿ ಕಲ್ಪಯತಿ ಪ್ರಜಾನನ್ |
ತಸ್ಮೈ ರುದ್ರಾಯ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೭

ಯಾವ್ ಈಶಾನೌ ಚರತೋ
ದ್ವಿಪದೋ ಽಸ್ಯ ಚತುಷ್ಪದಃ |
ಯಾ ಉಗ್ರೌ ಕ್ಷಿಪ್ರಧನ್ವಾನೌ
ತಾಭ್ಯಾಂ ರುದ್ರಾಭ್ಯಾಂ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೮

ಪುನಶ್ ಚಕ್ಷುಃ ಪುನಃ ಪ್ರಾಣಂ
ಪುನರ್ ಆಯುರ್ ಧೇಹಿ ನೋ ಜಾತವೇದಃ |
ರುದ್ರ ಜಲಾಷಭೇಷಜ
ವಿದ್ವಾಂಸಸ್ ತ ಏನಾ ಹವಿಷಾ ವಿಧೇಮ-
-ಅನ್ಯತ್ರಾಸ್ಮದ್ ಅಘವಿಷಾ ವ್ಯ್ ಏತು || ೫,೨೨।೯
(೨೨)

ಈಶಾನಂ ತ್ವಾ ಭೇಷಜಾನಾಂ
ವಿಜೇಷಾಯ ವೃಣೀಮಹೇ |
ಚಕ್ರೇ ಸಹಸ್ರವೀರ್ಯಂ
ಸರಸ್ವಾನ್ ಓಷಧೇ ತ್ವಾ || ೫,೨೩।೧

ಸತ್ಯಜಿತಂ ಶಪಥಯಾವನೀಂ
ಸಹಮಾನಾಂ ಪುನಃಸರಾಂ |
ಸರ್ವಾಃ ಸಂ ಅಹ್ವ್ಯ್ ಓಷಧೀರ್
ಇತೋ ಮಾ ಪಾರಯಾನ್ ಇತಿ || ೫,೨೩।೨

ಯಾ ಶಶಾಪ ಶಪನೇನ
ಯಾ ವಾ ಘ ಮೂರಂ ಆದಧೇ |
ಯಾ ವಾ ರಸಸ್ಯ ಪ್ರಾಶಾಯ-
-ಆರೇಭೇ ತೋಕಂ ಅತ್ತು ಸಾ || ೫,೨೩।೩

ಪ್ರತೀಚೀನಫಲೋ ಹಿ ತ್ವಂ
ಅಪಾಮಾರ್ಗ ಬಭೂವಿಥ |
ಸರ್ವಾನ್ ಮಚ್ ಛಪಥಾಁ ಅಧಿ
ವರೀಯೋ ಯಾವಯಾ ತ್ವಂ || ೫,೨೩।೪

ಯಚ್ ಚ ಭ್ರಾತೃವ್ಯಃ ಶಪತಿ
ಯಚ್ ಚ ಜಾಮಿಃ ಶಪಾತಿ ನಃ |
ಬ್ರಹ್ಮಾ ಯನ್ ಮನ್ಯುತಃ ಶಪಾತ್
ಸರ್ವಂ ತನ್ ನೋ ಅಧಸ್ಪದಂ || ೫,೨೩।೫

ಯಾಂ ತೇ ಚಕ್ರುರ್ ಆಮೇ ಪಾತ್ರೇ
ಯಾಂ ಸೂತ್ರೇ ನೀಲಲೋಹಿತೇ |
ಆಮೇ ಮಾಂಸೇ ಕೃತ್ಯಾಂ ಯಾಂ ಚಕ್ರುಸ್
ತಯಾ ಕೃತ್ಯಾಕೃತೋ ಜಹಿ || ೫,೨೩।೬

ದುಷ್ವಪ್ನ್ಯಂ ದುರ್ಜೀವಿತಂ
ರಕ್ಷೋ ಅಭ್ವಂ ಅರಾಯ್ಯಃ |
ದುರ್ವಾಚಃ ಸರ್ವಂ ದುರ್ಭೂತಂ
ತದ್ ಇತೋ ನಾಶಯಾಮಸಿ || ೫,೨೩।೭

ಕ್ಷುಧಾಮಾರಂ ತೃಷ್ಣಾಮಾರಂ
ಅಗೋತಾಂ ಅನಪತ್ಯತಾಂ |
ಅಪಾಮಾರ್ಗ ತ್ವಯಾ ವಯಂ
ಸರ್ವಂ ತದ್ ಅಪ ಮೃಜ್ಮಹೇ || ೫,೨೩।೮
(೨೩)

ಸಮಾ ಭೂಮಿಃ ಸೂರ್ಯೇಣ-
-ಅಹ್ನಾ ರಾತ್ರೀ ಸಮಾವತೀ |
ಕೃಣೋಮಿ ಸತ್ಯಂ ಊತಯೇ
ಅರಸಾಃ ಸಂತು ಕೃತ್ವರೀಃ || ೫,೨೪।೧

ಯೋ ದೇವಾಃ ಕೃತ್ಯಾಂ ಕೃತ್ವಾ
ಹರಾದ್ ಅವಿದುಷೋ ಗೃಹಂ |
ವತ್ಸೋ ಧಾರುರ್ ಇವ ಮಾತರಂ
ತಂ ಪ್ರತ್ಯಗ್ ಉಪ ಪದ್ಯತಾಂ || ೫,೨೪।೨

ಅಮಾ ಕೃತ್ವಾ ಪಾಪ್ಮಾನಂ ಯಸ್
ತಯಾನ್ಯಂ ಜಿಘಾಂಸತಿ |
ಅಶ್ಮಾನಸ್ ತಸ್ಯಾಂ ದಗ್ಧಾಯಾಂ
ಬಹುಲಾಃ ಫಟ್ ಕರಿಕ್ರತು || ೫,೨೪।೩

ಸಹಸ್ರಧಾಮನ್ ವಿಶಿಖಾನ್
ವಿಗ್ರೀವಾಞ್ ಛಾಯಯಾ ತ್ವಂ |
ಪ್ರತಿ ಸ್ಮ ಚಕ್ರುಷೇ ಕೃತ್ಯಾಂ
ಪ್ರಿಯಾಂ ಪ್ರಿಯಾವತೇ ಹರ || ೫,೨೪।೪

ಯಾ ಚಕಾರ ನ ಶಶಾಕ
ಶಶ್ರೇ ಪಾದಂ ಅಂಗುಲಿಂ |
ಚಕಾರ ಭದ್ರಂ ಅಸ್ಮಭ್ಯಂ
ಅಭಗಾ ಭಗವದ್ಭ್ಯಃ || ೫,೨೪।೫

ಅನಯಾಹಂ ಓಷಧ್ಯಾ
ಸರ್ವಾಃ ಕೃತ್ಯಾ ಅದೂಷಯಂ |
ಯಾಂ ಕ್ಷೇತ್ರೇ ಚಕ್ರುರ್ ಯಾಂ ಗೋಭ್ಯೋ
ಯಾಂ ವಾ ತೇ ಪುರುಷೇಭ್ಯಃ || ೫,೨೪।೬

ಅಪಾಮಾರ್ಗೋ ಽಪ ಮಾರ್ಷ್ಟು
ಕ್ಷೇತ್ರಿಯಂ ಶಪಥಾಂಶ್ ಚ ಮತ್ |
ಅಪಾಹ ಯಾತುಧಾನ್ಯೋ
ಽಪ ಸರ್ವಾ ಅರಾಯ್ಯಃ || ೫,೨೪।೭

ಅಪಮೃಜ್ಯ ಯಾತುಧಾನಾನ್
ಅಪ ಸರ್ವಾ ಅರಾಯ್ಯಃ |
ಅಪಾಮಾರ್ಗ ಪ್ರಜಯಾ
ತ್ವಂ ರಯ್ಯಾ ಸಚಸ್ವ ನಃ || ೫,೨೪।೮
(೨೪)

ಉತೇವಾಸ್ಯ್ ಅಬಂಧುಕೃದ್
ಉತಾಸ್ಯ್ ಅನುಜಾಮಿಕಃ |
ಉತೋ ಕೃತ್ಯಾಕೃತಃ ಪ್ರಜಾಂ
ನಡಂ ಇವಾ ಛಿಂಧಿ ವಾರ್ಷಿಕಂ || ೫,೨೫।೧

ಬ್ರಾಹ್ಮಣೇನ ಪರ್ಯುಕ್ತೋ ಽಸಿ
ಕಣ್ವೇನ ನಾರ್ಷದೇನ |
ಸೇನೇವೈಷಿ ತ್ವಿಷೀಮತೀ
ನ ತತ್ರ ಭಯಂ ಅಸ್ತಿ
ಯತ್ರ ಪ್ರಾಪ್ನೋಷ್ಯ್ ಓಷಧೇ || ೫,೨೫।೨

ಅಗ್ರೇ ಽಸ್ಯ್ ಓಷಧೀನಾಂ
ಜ್ಯೋತಿಷೇವಾಭಿದೀಪಯನ್ |
ಉತ ಪಾಕಸ್ಯ ತ್ರಾತಾಸ್ಯ್
ಉತ ಹಂತಾಸಿ ರಕ್ಷಸಃ || ೫,೨೫।೩

ಯದ್ ಅದೋ ದೇವಾ ಅಸುರಾಂಸ್
ತ್ವಯಾಗ್ರೇ ನಿರಕೃಣ್ವತ |
ತಸ್ಮಾದ್ ಅಧಿ ತ್ವಂ ಓಷಧೇ
ಅಪಾಮಾರ್ಗೋ ಅಜಾಯಥಾಃ || ೫,೨೫।೪

ವಿಭಿಂದತೀ ಶತಶಾಖಾ
ವಿಭಿಂದನ್ ನಾಮ ತೇ ಪಿತಾ |
ಪ್ರತ್ಯಗ್ ವಿ ಭಿಂಧಿ ತಂ ತ್ವಂ
ಯೋ ಅಸ್ಮಾಁ ಅಭಿದಾಸತಿ || ೫,೨೫।೫

ಅಸದ್ ಭೂಮ್ಯಾಃ ಸಂ ಅಭವತ್
ತದ್ ದ್ಯಾಂ ಏತಿ ಬೃಹದ್ ವಚಃ |
ತದ್ ಇತ್ ತತೋ ವಿಧೂಮಯತ್
ಪ್ರತ್ಯಕ್ ಕರ್ತಾರಂ ಋಚ್ಛತು || ೫,೨೫।೬

ಪ್ರತ್ಯಙ್ ಹಿ ಸಂಬಭೂವಿಥ
ಪ್ರತೀಚೀನಫಲಸ್ ತ್ವಂ |
ಪ್ರತೀಚೀಃ ಕೃತ್ಯಾ ಆಕೃತ್ಯ-
-ಅಮುಂ ಕೃತ್ಯಾಕೃತಂ ಜಹಿ || ೫,೨೫।೭

ಶತೇನ ಮಾ ಪರಿ ಪಾಹಿ
ಸಹಸ್ರೇಣಾಭಿ ರಕ್ಷ ಮಾ |
ಇಂದ್ರಸ್ ತೇ ವೀರುಧಾಂ ಪತ
ಉಗ್ರ ಓಜ್ಮಾನಂ ಆ ದಧೌ || ೫,೨೫।೮
(೨೫)

ಅನುವಾಕ ೫ ||

ಅರಾತ್ಯಾ ದ್ಯಾವಾಪೃಥಿವೀ
ಛಿಂತಂ ಮೂಲಂ ಅಥೋ ಶಿರಃ |
ವಿಚ್ಛಿದ್ಯ ಮಧ್ಯತಃ ಪೃಷ್ಟೀಸ್
ತಾಂ ಕೃಣ್ವಾಥಾಂ ಅಧಸ್ಪದಂ || ೫,೨೬।೧

ಇದಂ ಶೃಣು ಜಾತವೇದೋ
ಯದ್ ಅಮುಷ್ಯಾ ವಚೋ ಮಮ |
ಅರಾತ್ಯಾಃ ಸರ್ವಂ ಇಚ್ ಛಿರಃ
ಪ್ರಶ್ನಂ ವೃಹತಂ ಅಶ್ವಿನಾ || ೫,೨೬।೨

ಯಾ ಸ್ವಪ್ನಯಾ ಚರತಿ
ಗೌರ್ ಭೂತ್ವಾ ಜನಾಁ ಅನು |
ಅರಾತಿಂ ಇಂದ್ರ ತ್ವಂ ಜಹಿ
ತಾಂ ಅಗ್ನಿರ್ ಇವಸಾ ದಹಾತ್ || ೫,೨೬।೩

ಶ್ರೇಷ್ಠೋ ಮೇ ರಾಜಾ ವರುಣೋ
ಹವಂ ಸತ್ಯೇನ ಗಚ್ಛತು |
ಅರಾತಿಂ ಹತ್ವಾ ಸಂತೋಕಾಂ
ಉಗ್ರೋ ದೇವೋ ಽಭಿ ದಾಸತು || ೫,೨೬।೪

ದೇಷ್ಟ್ರೀ ಚ ಯಾ ಸಿನೀವಾಲೀ
ಸಪ್ತ ಚ ಶ್ರೋತ್ಯಾ ಯಾಃ |
ಅರಾತಿಂ ವಿಶ್ವಾ ಭೂತಾನಿ
ಘ್ನಂತು ದಾಸೀಂ ಇವಾಗಸಿ || ೫,೨೬।೫

ಸೋಮೋ ರಾಜೌಷಧೀಭಿಃ
ಸೂರ್ಯಾಚಂದ್ರಮಸಾ ಉಭಾ |
ಅರಾತಿಂ ಸರ್ವೇ ಗಂಧರ್ವಾ
ಘ್ನಂತ್ವ್ ಅಪ್ಸರಸಶ್ ಚ ಯಾಃ || ೫,೨೬।೬

ಭವೋ ರಾಜಾ ಭವಾಶರ್ವಾವ್
ಇಂದ್ರೋ ವಾಯುರ್ ಬೃಹಸ್ಪತಿಃ |
ತ್ವಷ್ಟಾ ಮೇ ಅಧ್ಯಕ್ಷಃ ಪೂಷಾ
ತೇ ಽರಾತಿಂ ಘ್ನಂತು ಸರ್ವದಾ || ೫,೨೬।೭

ಯೇ ಚ ದೇವಾ ಭೂಮಿಚರಾ
ಯೇ ಚಾಮೀ ದಿವ್ಯ್ ಆಸತೇ |
ಯೇ ಅಂತರಿಕ್ಷಸ್ಯೇಶತೇ
ತೇ ಽರಾತಿಂ ಘ್ನಂತು ಸವ್ರತಾಃ || ೫,೨೬।೮

ಯಾ ಚೇಷಿತಾಸುರೈರ್
ದೇವೇಭಿರ್ ಇಷಿತಾ ಚ ಯಾ |
ಅಥೋ ಯಾ ಮನ್ಯೋರ್ ಜಾಯತೇ
ಽರಾತಿಂ ಹನ್ಮಿ ಬ್ರಹ್ಮಣಾ || ೫,೨೬।೯
(೨೬)

ತದ್ ಇನ್ ನು ಮೇ ಅಚಚ್ಛದನ್
ಮಹದ್ ಯಕ್ಷಂ ಬೃಹದ್ ವಪುಃ |
ವಿಶ್ವೈರ್ ಯದ್ ದೇವೈರ್ ನಿರೃತಿಸ್ ತನಾ ಯುಜಾ
ಸಂ ಮೃತ್ಯೋರ್ ಇಹ ಜಾಯತೇ || ೫,೨೭।೧

ಅಮಮ್ರಿಶ್ಚಿತ್ಸಾಪ್ರಥೋವದದಹಿಂ
ಅಹಿರಾಜಂತಂ ಓಜಸಾ |
ಆಯುಂ ಚಿತ್ ಕುತ್ಸಂ ಅತಿಥಿಗ್ವಂ ಅರ್ದಯ
ವಿ ನಿಕಿಲ್ಬಿಂದಂ ಓಜಸಾ || ೫,೨೭।೨

ಯಾವತೀ ದ್ಯಾವಾಪೃಥಿವೀ ವರಿಮ್ಣಾ
ಯಾವದ್ ವಾ ಸಪ್ತ ಸಿಂಧವೋ ಮಹಿತ್ವಾ |
ತಾವತೀ ನಿರೃತಿರ್ ವಿಶ್ವವಾರಾ
ವಿಶ್ವಸ್ಯ ಯಾ ಜಾಯಮಾನಸ್ಯ ವೇದ || ೫,೨೭।೩

ವಿಶ್ವಸ್ಯ ಹಿ ಜಾಯಮಾನಸ್ಯ ದೇವಿ
ಪುಷ್ಟಸ್ಯ ವಾ ಪುಷ್ಟಪತಿರ್ ಬಭೂವಿಥ |
ನಮೋ ಽಸ್ತು ತೇ ನಿರೃತೇ ಮಾ ತ್ವ್ ಅಸ್ಮಾನ್
ಪರಾ ಭುಜೋ ನಾಪರಂ ಹಾತಯಾಸಿ || ೫,೨೭।೪

ದೇವೀಂ ಅಹಂ ನಿರೃತಿಂ ಮನ್ಯಮಾನಃ
ಪಿತೇವ ಪುತ್ರಂ ನ ಸಚೇ ವಚೋಭಿಃ |
ವಿಶ್ವಸ್ಯ ಯಾ ಜಾಯಮಾನಸ್ಯ ವೇದ
ಶಿರಃಶಿರಃ ಪ್ರತಿ ಸೂರೋ ಽನು ತಸ್ಥೇ || ೫,೨೭।೫

ಅಸುನ್ವಂತಂ ಅಯಜಮಾನಂ ಇಚ್ಛ
ಸ್ತೇನಸ್ಯೇತ್ಯಾಂ ತಸ್ಕರಸ್ಯಾನು ಶಿಕ್ಷ |
ಸ್ವಪಂತಂ ಇಚ್ಛ ಸಾ ತ ಇತ್ಯಾ
ನಮಸ್ ತು ತೇ ನಿರೃತೇ ಽಹಂ ಕೃಣೋಮಿ || ೫,೨೭।೬

ಅಸುನ್ವಕಾನ್ ನಿರೃತಿಃ ಸಂಜಿಘತ್ಸುರ್
ನಾಸ್ಯಾಃ ಪಿತಾ ವಿದ್ಯತೇ ನೋತ ಮಾತಾ |
ಮಧ್ಯಾತ್ ಸ್ವಸ್ರಾಂ ಅನು ಜಘಾನ ಸರ್ವಂ
ನ ದೇವಾನಾಂ ಅಸುರ್ಯಂ ಸಂ ಆಪ || ೫,೨೭।೭

ಯದ್ ಅಸ್ಯ ಪಾರೇ ತಮಸಃ
ಶುಕ್ರಂ ಜ್ಯೋತಿರ್ ಅಜಾಯತ |
ತನ್ ನಃ ಪರ್ಷದ್ ಅತಿ ದ್ವಿಷೋ
ಽಗ್ನೇ ವೈಶ್ವಾನರ ದ್ಯುಮತ್ || ೫,೨೭।೮
(೨೭)

ಪ್ರಮುಚ್ಯಮಾನಂ ಭುವನಸ್ಯ ಗೋಪಃ
ಪಶುಂ ನೋ ಅತ್ರ ಪ್ರತಿ ಭಾಗಂ ಏತು |
ಅಗ್ನಿರ್ ಯಜ್ಞಂ ತ್ರಿವೃತಂ ಸಪ್ತತಂತುಂ
ದೇವೋ ದೇವೇಭ್ಯೋ ಹವ್ಯಂ ವಹತು ಪ್ರಜಾನನ್ || ೫,೨೮।೧

ಯೌ ತೇ ದಂಷ್ಟ್ರೌ ಸುದಿಹೌ ರೋಪಯಿಷ್ಣೂ
ನಿರ್ ಹ್ವಯೇತೇ ದಕ್ಷಿಣಾಃ ಸಂ ಚ ಪಶ್ಯತಃ |
ಅನಾಷ್ಟ್ರಂ ನಃ ಪಿತರಸ್ ತತ್ ಕೃಣೋತು
ಯೂಪೇ ಬದ್ಧಂ ಪ್ರಮುಮುಚಿಮಾ ಯದ್ ಅನ್ನಂ || ೫,೨೮।೨

ಅಹ್ರಸ್ತಸ್ ತ್ವಂ ಅವಿದುಷ್ಟಃ ಪರೇಹಿ-
-ಇಂದ್ರಸ್ಯ ಗೋಷ್ಠಂ ಅಪಿ ಧಾವ ವಿದ್ವಾನ್ |
ಧೀರಾಸಸ್ ತ್ವಾ ಕವಯಃ ಸಂ ಮೃಜಂತ್ವ್
ಇಷಂ ಊರ್ಜಂ ಯಜಮಾನಾಯ ಮತ್ಸ್ವ || ೫,೨೮।೩

ಋಷಿಭಿಷ್ ಟ್ವಾ ಸಪ್ತಭಿರ್ ಅತ್ರಿಣಾಹಂ
ಪ್ರತಿ ಗೃಹ್ಣಾಮಿ ಭುವನೇ ಸ್ಯೋನಂ |
ಜಮದಗ್ನಿಃ ಕಶ್ಯಪಃ ಸ್ವಾದ್ವ್ ಏತದ್
ಭರದ್ವಾಜೋ ಮಧ್ವ್ ಅನ್ನಂ ಕೃಣೋತು |
ಪ್ರತಿಗ್ರಹೀತ್ರೇ ಗೋತಮೋ ವಸಿಷ್ಠೋ
ವಿಶ್ವಾಮಿತ್ರೋ ದದುಷೇ ಶರ್ಮ ಯಚ್ಛಾತ್ || ೫,೨೮।೪

ಯನ್ ನೋ ಅಗ್ರಂ ಹವಿಷ ಆಜಗಾಮ-
-ಅನ್ನಸ್ಯ ಪಾತ್ರಂ ಉತ ಸರ್ಪಿಷೋ ವಾ |
ಯದ್ ವಾ ಧನಂ ವಹತೋರ್ ಆಜಗಾಮ-
-ಅಗ್ನಿಷ್ ಟದ್ ಧೋತಾ ಸುಹುತಂ ಕೃಣೋತು || ೫,೨೮।೫

ಯದ್ ಆಜ್ಯಂ ಪ್ರತಿಜಗ್ರಭ ಯಾಂಶ್ ಚ ವ್ರೀಹೀನ್
ಅಜಂ ಚಂದ್ರೇಣ ಸಹ ಯಜ್ ಜಘಾಸ |
ಬೃಹಸ್ಪತಿರ್ ಹವಿಷೋ ನೋ ವಿಧರ್ತಾ
ಮಾ ನೋ ಹಿಂಸೀಚ್ ಛಾಗೋ ಅಶ್ವೋ ವಶಾ ಚ || ೫,೨೮।೬

ಅಗ್ನಿರ್ ನ ಏತತ್ ಪ್ರತಿ ಗೃಹ್ಣಾತು ವಿದ್ವಾನ್
ಬೃಹಸ್ಪತಿಃ ಪ್ರತ್ಯ್ ಏತು ಪ್ರಜಾನನ್ |
ಇಂದ್ರೋ ಮರುತ್ವಾನ್ ಸುಹುತಂ ಕೃಣೋತ್ವ್
ಅಯಕ್ಷ್ಮಂ ಅನಮೀವಂ ತೇ ಅಸ್ತು || ೫,೨೮।೭

ಯನ್ ನೋ ದದುರ್ ವರಾಹಂ ಅಕ್ಷಿತಂ ವಸು
ಯದ್ ವಾ ತಲ್ಪಂ ಉಪಧಾನೇನ ನಃ ಸಹ |
ಯದ್ ವಾವಿಯೂಥಂ ಸಹ ವೃಷ್ಣ್ಯಾ ನೋ
ಅಗ್ನಿಷ್ ಟದ್ ಧೋತಾ ಸುಹುತಂ ಕೃಣೋತು || ೫,೨೮।೮

ಯನ್ ನಃ ಶಾಲಾಂ ವಿಶ್ವಭೋಗಾಂ ಇಮಾಂ ದದುರ್
ಗೃಹಂ ವಾ ಯೋಕ್ತ್ರಂ ಸಹ ಕೃತ್ತ್ಯೋತ |
ಯದ್ ವಾ ಹರ ಉಪನಾಹೇನ ದೇವಾ
ಅಗ್ನಿಷ್ ಟದ್ ಧೋತಾ ಸುಹುತಂ ಕೃಣೋತು || ೫,೨೮।೯
(೨೮)

ಸೂರ್ಯೇ ವರ್ಚ ಇತಿ ಯಚ್ ಛುಶ್ರವಾಹಂ
ಯೇನ ಪ್ರಜಾ ಜ್ಯೋತಿರಗ್ರಾಶ್ ಚರಂತಿ |
ಸೋಮೇ ವರ್ಚೋ ಯದ್ ಗೋಷು ವರ್ಚೋ
ಮಯಿ ದೇವಾ ರಾಷ್ಟ್ರಭೃತಸ್ ತದ್ ಅಕ್ರನ್ || ೫,೨೯।೧

ಯಜ್ಞೇ ವರ್ಚೋ ಮರುತೋ ಯದ್ ಅದೃಂಹನ್
ವಾಯುಃ ಪಶೂನ್ ಅಸೃಜತ್ ಸಂ ಭಗೇನ |
ಗಂಧರ್ವಾಣಾಂ ಅಪ್ಸರಸಾಂ ಯದ್ ಅಪ್ಸು
ಮಯಿ (…) || ೫,೨೯।೨

ಯಜ್ಞೇ ವರ್ಚೋ ಯಜಮಾನೇ ಚ ವರ್ಚ
ಉದಾಭಿಷಿಕ್ತೇ ರಾಜನಿ ಯಚ್ ಚ ವರ್ಚಃ |
ದಕ್ಷಿಣಾಯಾಂ ವರ್ಚೋ ಅಧಿ ಯನ್
(…) || ೫,೨೯।೩

ರಥೇ ವರ್ಚೋ ರಥವಾಹನೇ ಚ ವರ್ಚ
ಇಷುಧೌ ವರ್ಚಃ ಕವಚೇ ಚ ವರ್ಚಃ |
ಅಶ್ವೇಷು ವರ್ಚೋ ಅಧಿ ಯನ್
(…) || ೫,೨೯।೪

ಸಭಾಯಾಂ ವರ್ಚಃ ಸಮಿತ್ಯಾಂ ಚ ವರ್ಚೋ
ವಧ್ವಾಂ ವರ್ಚ ಉತ ವರ್ಚೋ ವರೇಷು |
ಸುರಾಯಾಂ ವರ್ಚೋ ಅಧಿ ಯನ್
(…) || ೫,೨೯।೫

ಸಿಂಹೇ ವರ್ಚ ಉತ ವರ್ಚೋ ವ್ಯಾಘ್ರೇ
ವೃಕೇ ವರ್ಚೋ ಮಧುಹಾರೇ ಚ ವರ್ಚಃ |
ಶ್ಯೇನೇ ವರ್ಚಃ ಪತ್ವನಾಂ ಯದ್ ಬಭೂವ
(…) || ೫,೨೯।೬

ಹಿರಣ್ಯವರ್ಚಸಂ ಉತ ಹಸ್ತಿವರ್ಚಸಂ
ಸಂಗ್ರಾಮಂ ಯಜ್ ಜಜ್ಞುಷಾಂ ವರ್ಚ ಆಹುಃ |
ಕೃಷ್ಯಾಂ ಕ್ಷೇತ್ರ ಋಷಯೋ ಜನ್ಯಾನಜುರ್
ಮಯಿ ದೇವಾ ರಾಷ್ಟ್ರಭೃತಸ್ ತದ್ ಅಕ್ರನ್ || ೫,೨೯।೭

ಮಯಿ ವರ್ಚೋ ಮಯಿ ಶ್ರವೋ
ಮಯಿ ದ್ಯುಮ್ನಂ ಮಯಿ ತ್ವಿಷಿಃ |
ಅಧಸ್ಪದಂ ಪೃತನ್ಯವೋ
ಽಹಂ ಭೂಯಾಸಂ ಉತ್ತಮಃ || ೫,೨೯।೮
(೨೯)

ಪಯಸ್ವತೀರ್ ಓಷಧಯಃ
ಪಯಸ್ವನ್ ಮಾಮಕಂ ವಚಃ |
ಅಥೋ ಪಯಸ್ವತಾಂ ಪಯ
ಆ ಹರಾಮಿ ಸಹಸ್ರಶಃ || ೫,೩೦।೧

ಅಹಂ ವೇದ ಯಥಾ ಪಯಶ್
ಚಕಾರ ಧಾನ್ಯಂ ಬಹು |
ಸಂಭೃತ್ವಾ ನಾಮಾ ಯೋ ದೇವಸ್
ತಂ ವಯಂ ಯಜಾಮಹೇ
ಸರ್ವಸ್ಯಾಯಜ್ವನೋ ಗೃಹೇ || ೫,೩೦।೨

ಯಥಾ ದ್ಯೌಶ್ ಚ ಪೃಥಿವೀ ಚ
ತಸ್ಥತುರ್ ಧರುಣಾಯ ಕಂ |
ಏವಾ ಸ್ಫಾತಿಂ ನಿ ತನೋಮಿ
ಮಯಾರೇಷು ಖಲೇಷು ಚ || ೫,೩೦।೩

ಯಥಾ ಕೂಪಃ ಶತಧಾರಃ
ಸಹಸ್ರಧಾರೋ ಅಕ್ಷಿತಃ |
ಏವಾ ಮೇ ಅಸ್ತು ಧಾನ್ಯಂ
ಸಹಸ್ರಧಾರಂ ಅಕ್ಷಿತಂ || ೫,೩೦।೪

ಶತಹಸ್ತ ಸಮಾಹರ
ಸಹಸ್ರಹಸ್ತ ಸಂ ಕಿರ |
ಯಥೇಹ ಸ್ಫಾತಿರ್ ಆಯತಿ
ಕೃತಸ್ಯ ಕಾರ್ಯಸ್ಯ ಚ || ೫,೩೦।೫

ಇಮಾ ಯಾಃ ಪಂಚ ಪ್ರದಿಶೋ
ಮಾನವೀಃ ಪಂಚ ಕೃಷ್ಟಯಃ |
ಸರ್ವಾಃ ಶಂಭೂರ್ ಮಯೋಭುವೋ
ವೃಷ್ಟೇ ಶಾಪಂ ನದೀರ್ ಇವ-
-ಇಹ ಸ್ಫಾತಿಂ ಸಮಾವಹಾನ್ || ೫,೩೦।೬

ಇಹ ಸ್ಫಾತಿರ್ ಓಷಧೀನಾಂ
ದೇವಾನಾಂ ಉತ ಸಂಗಮಃ |
ಇಹೈವಾಶ್ವಿನೋರ್ ಅಸ್ತು
ದ್ವಾಪರಾಶ್ವೋ ರುಹತ್ || ೫,೩೦।೭

ತಿಸ್ರೋ ಮಾತ್ರಾ ಗಂಧರ್ವಾಣಾಂ
ಚತಸ್ರೋ ಗೃಹಪತ್ನ್ಯಾಃ |
ತಾಸಾಂ ಯಾ ಸ್ಫಾತಿರ್ ಉತ್ತಮಾ
ತಯಾ ತ್ವಾಭಿ ಮೃಶಾಮಸಿ || ೫,೩೦।೮

ಜ್ಯೇಷ್ಠಸ್ಯ ತ್ವಾಂಗಿರಸಸ್ಯ
ಹಸ್ತಾಭ್ಯಾಂ ಆ ರಭಾಮಹೇ |
ಯಥಾಸದ್ ಬಹುಧಾನ್ಯಂ
ಅಯಕ್ಷ್ಮಂ ಬಹುಪೂರುಷಂ || ೫,೩೦।೯
(೩೦)

ಅನುವಾಕ ೬ ||

ಅತ್ಯಾಸರತ್ ಪ್ರಥಮಾ ಧೋಕ್ಷ್ಯಮಾಣಾ
ಸರ್ವಾನ್ ಯಜ್ಞಾನ್ ಬಿಭ್ರತೀ ವೈಶ್ವದೇವೀ |
ಉಪ ವತ್ಸಂ ಸೃಜತ ವಾಶ್ಯತೇ ಗೌರ್
ವ್ಯ್ ಅಸೃಷ್ಟ ಸುಮನಾ ಹಿಂ ಕೃಣೋತಿ || ೫,೩೧।೧

ಬಧಾನ ವತ್ಸಂ ಅಭಿ ಧೇಹಿ ಭುಂಜತೀಂ
ನಿ ದ್ಯ ಗೋಧುಗ್ ಉಪ ಸೀದ ದುಗ್ಧಿ |
ಇಡಾಂ ಅಸ್ಮಾ ಓದನಂ ಪಿನ್ವಮಾನಾ
ಕೀಲಾಲಂ ಘೃತಂ ಮದಂ ಅನ್ನಭಾಗಂ || ೫,೩೧।೨

ಸಾ ಧಾವತು ಯಮರಾಜ್ಞಃ ಸವತ್ಸಾ
ಸುಕೃತಾಂ ಪಥಾ ಪ್ರಥಮೇಹ ದತ್ತಾ |
ಅತೃಷ್ಟ ದತ್ತಾ ಪ್ರಥಮೇದಂ ಆಗನ್
ವತ್ಸೇನ ಗಾಂ ಸಂ ಸೃಜ ವಿಶ್ವರೂಪಾಂ || ೫,೩೧।೩

ಪ್ರಥಮೇದಂ ಆಗನ್ ಪ್ರಥಮಾ ದತ್ತೇತಾದ್
ಯಸ್ಮಿಁಲ್ ಲೋಕೇ ಸದ್ಯ ಉ ತ್ವಾ ದದಾತಿ |
ಸೈನಂ ಧೇನೋ ಪ್ರಥಮಾ ಪಾರಯಾಸಿ
ಶ್ರದ್ಧಯಾ ದತ್ತಾ ಪರಮೇ ವ್ಯೋಮನ್ || ೫,೩೧।೪

ಜಾನೀಹಿ ಸ್ಮ ಸಂಸ್ಕೃತೇ ಧೇನೋ ಗೋಪತಿಂ
ಯಸ್ ತ್ವಾ ದದಾತಿ ಪ್ರಥಮಾಂ ಸ್ವಧಾನಾಂ |
ಪೂರ್ವಾ ಹಿ ತತ್ರ ಸುಕೃತಃ ಪರೇಹ್ಯ್
ಅಥೈಷ ಐತಾ ಜರಸಃ ಪರಸ್ತಾತ್ || ೫,೩೧।೫

ಅತಿ ಧೇನುರ್ ಅನಡ್ವಾಹಂ
ಅತ್ಯ್ ಅನ್ಯದ್ ವಯೋ ಅಕ್ರಮೀತ್ |
ಅತಿ ವತ್ಸಾನಾಂ ಪಿತರಂ
ಋಷಭಂ ಪ್ರತಿಮಾಸರತ್ || ೫,೩೧।೬

ಜ್ಯೋತಿಷ್ಮತೀ ಸುಕೃತೋ ಯಾಹಿ ಸೂರೇ
ಸ್ಯೋನಾಸ್ ತೇ ಧೇನೋ ಪತಯೋ ಭವಂತು |
ಸಪ್ತ ತ್ವಾ ಸೂರ್ಯಾ ಅನ್ವಾತಪಂತು
ಯಮಂ ಧಾವ ಮಾತಿ ಸರಃ ಪರಾಚೀಃ || ೫,೩೧।೭

ದಾತ್ರೇ *ಽಮುತ್ರ ಮಹ್ಯಂ ದುಹಾನಾ-
-ಉಭೌ ಲೋಕೌ ಭುಂಜತೀ ವಿ ಕ್ರಮಸ್ವ |
ಇಷಂ ಊರ್ಜಂ ದಕ್ಷಿಣಾಃ ಸಂವಸಾನಾ
ಭಗಸ್ಯ ಧಾರಾಂ ಅವಸೇ ಪ್ರತೀಮಃ || ೫,೩೧।೮

ಸಹಸ್ರಾಂಗಾ ಶತಂ ಜ್ಯೋತೀಂಷ್ಯ್ ಅಸ್ಯಾ
ಯಜ್ಞಸ್ಯ ಪಪ್ರಿರ್ ಅಮೃತಾ ಸ್ವರ್ಗಾ |
ಸಾ ನ ಐತು ದಕ್ಷಿಣಾ ವಿಶ್ವರೂಪಾ-
-ಅಹಿಂಸಂತೀಂ ಪ್ರತಿ ಗೃಹ್ಣೀಮ ಏನಾಂ || ೫,೩೧।೯
(೩೧)

ಯೇ ತೇ ಪಾಶಾ ವರುಣ ಸಪ್ತ ಸಪ್ತತೀಸ್
ತ್ರೇಧಾ ತಿಷ್ಠಂತಿ ವಿಷಿತಾ ರುಶಂತಃ |
ಸಿನಂತಿ ಸರ್ವೇ ಅನೃತಂ ವದಂತಂ
ಯಃ ಸತ್ಯವಾದ್ಯ್ ಅತಿ ತಂ ಸೃಜಂತಿ || ೫,೩೨।೧

ಇಹ ಸ್ಪಶಃ ಪ್ರ ಚರಂತೀಮೇ ಅಸ್ಯ
ಸಹಸ್ರಾಕ್ಷಾ ಅತಿ ಪಶ್ಯಂತಿ ಭೂಮಿಂ |
ಯೋ ಽಸ್ಯ ವ್ರತಂ ಪ್ರಮಿನಾತಿ ಕಶ್ ಚ
ನ ಸ ಮುಚ್ಯತೇ ವರುಣಸ್ಯ ಪಾಶಾತ್ || ೫,೩೨।೨

ಉತೇಯಂ ಅಸ್ಯ ಪೃಥಿವೀ ಸಮೀಚ್ಯ್
ಉತಾಸೌ ದ್ಯೌರ್ ಬೃಹತೀ ದೂರೇಅಂತಾ |
ಉತೋ ಸಮುದ್ರೋ ವರುಣಸ್ಯ ಕುಕ್ಷಾ
ಉತಾಸ್ಮಿನ್ನ್ ಅಲ್ಪ ಉದಕೇ ನಮುಕ್ತಃ || ೫,೩೨।೩

ಯಸ್ ತಿಷ್ಠತಿ ಮನಸಾ ಯಶ್ ಚ ವಂಚತಿ
ಯೋ ನಿಲಾಯಂ ಚರತಿ ಯಃ ಪ್ರಲಾಯಂ |
ದ್ವೌ ಯದ್ಯದ್ ವದತಃ ಸನ್ನಿಷದ್ಯ
ರಾಜಾ ತದ್ ವೇದ ವರುಣಸ್ ತೃತೀಯಃ || ೫,೩೨।೪

ಸರ್ವಂ ತದ್ ರಜಾ ವರುಣೋ ವಿ ಚಷ್ಟೇ
ಯದ್ ಅಂತರಾ ರೋದಸೀ ಯತ್ ಪರಸ್ತಾತ್ |
ಸಂಖ್ಯಾತಾ ಅಸ್ಯ ನಿಮಿಷೋ ಜನಾನಾಂ
ಅಕ್ಷಾನ್ ನ ಶ್ವಘ್ನೀ ಭುವನಾ ಮಿಮೀತೇ || ೫,೩೨।೫

ತ್ವಂ ಏವ ರಾಜನ್ ವರುಣ
ಧರ್ತಾ ದೇವಾನಾಂ ಅಸಿ ವಿಶ್ವರೂಪಃ |
ದುಶ್ಚರ್ಮಾಸ್ತ್ವ್ ಅಧಮಃ ಪಿಶಂಗೋ
ಯಃ ಸತ್ಯಾಂ ವಾಚಂ ಅನೃತೇನ ಹಂತಿ || ೫,೩೨।೬

ಯಃ ಸಮಾಮ್ಯೋ ವರುಣೋ ಯೋ ವ್ಯಾಮ್ಯೋ
ಯಃ ಸಂದೇಶ್ಯೋ ವರುಣೋ ಯೋ ವಿದೇಶ್ಯಃ |
ಯೋ ದೈವ್ಯೋ ವರುಣೋ ಯಶ್ ಚ ಮಾನುಷಃ
ಸರ್ವಾಂಸ್ ತ್ವೇ ತಾನ್ ಪ್ರತಿ ಮುಂಚಾಮ್ಯ್ ಅತ್ರ || ೫,೩೨।೭

ಶತೇನ ಪಾಶೈರ್ ವರುಣಾಭಿ ಧೇಹಿ
ಮಾ ತೇ ಮೋಚ್ಯ್ ಅನೃತವಾಙ್ ನೃಚಕ್ಷಃ |
ಆಸ್ತಾಂ ಜಾಲ್ಮ ಉದರಂ ಶ್ರಂಸಯಿತ್ವಾ
ಕೋಶ ಇವಾಬಂಧ್ರಃ ಪರಿಕೃತ್ಯಮಾನಃ || ೫,೩೨।೮

ಉತೋ ತ್ವತ್ ಪ್ರ ಪಾತಯತ್ಯ್
ಉತೋ ತ್ವದ್ ಅಪಿ ನಹ್ಯತಿ |
ಉತೋ ತ್ವದ್ ಅಸ್ವಕಂ ಕೃತ್ವಾ
ರಾಜಾ ವರುಣ ಈಯತೇ || ೫,೩೨।೯

ಐನಂ ಛಿನತ್ತಿ ವರುಣೋ
ನಡಂ ಕಶಿಪುನೇ ಯಥಾ |
ಮೂಲಂ ತಸ್ಯ ವೃಶ್ಚತಿ
ಯ ಏನಂ ಪ್ರಮಿಮೀಷತಿ || ೫,೩೨।೧೦
(೩೨)

ಯ ಇಮಾಂ ದೇವೋ ಮೇಖಲಾಂ ಆಬಬಂಧ
ಯಃ ಸಂನನಾಹ ಯ ಉ ಮಾ ಯುಯೋಜ |
ಯಸ್ಯ ದೇವಸ್ಯ ಪ್ರಶಿಷಾ ಚರಾಮಿ
ಸ ಪಾರಂ ಇಚ್ಛಾತ್ ಸ ಉ ಮಾ ವಿ ಮುಂಚಾತ್ || ೫,೩೩।೧

ಆಹುತಾಸ್ಯ್ ಅಭಿಹುತ
ಋಷೀಣಾಂ ಅಸ್ಯ್ ಆಯುಧಂ |
ಪೂರ್ವಾ ವ್ರತಸ್ಯ ಪ್ರಾಶ್ನತೀ
ವೀರಘ್ನೀ ಭವ ಮೇಖಲೇ || ೫,೩೩।೨

ಮೃತ್ಯೋರ್ ಅಹಂ ಬ್ರಹ್ಮಚಾರೀ ಯದ್ ಅಸ್ಮಿ
ಭೂತಾನ್ ನಿರ್ಯಾಚನ್ ಪುರುಷಂ ಯಮಾಯ |
ತಂ ಅಹಂ ಬ್ರಹ್ಮಣಾ ತಪಸಾ ಶ್ರಮೇಣ-
-ಅನಯೈನಂ ಮೇಖಲಯಾ ಸಿನಾಮಿ || ೫,೩೩।೩

ಅಯಂ ವಜ್ರಸ್ ತರ್ಪಯತಾಂ ವ್ರತೇನ-
-ಅವಾಸ್ಯ ರಾಷ್ಟ್ರಂ ಅಭಿ ಹಂತು ಜೀವಂ |
ಭಿನತ್ತು ಸ್ಕಂಧಾನ್ ಪ್ರ ಶೃಣಾತೂಷ್ಣಿಹಾಃ || ೫,೩೩।೪

ಅಧರೋತ್ತರಂ ಅಧರೋತ್ತರೇಣ
ಗೂಢಃ ಪೃಥಿವ್ಯಾ ಮೋತ್ ಸೃಪತ್ |
ವಜ್ರೇಣಾವಹತಃ ಶಯಾಂ || ೫,೩೩।೫

ಯೋ ಜಿನಾತಿ ತಂ ಅನ್ವ್ ಇಚ್ಛ
ಯೋ ಜಿನಾತಿ ತಂ ಇಜ್ ಜಹಿ |
ಜಿನತೋ ವಜ್ರ ಸಾಯಕ ಸೀಮಂತಂ
ಅನ್ವಂಚಂ ಅನು ಪಾತಯ || ೫,೩೩।೬

ಯದ್ ಅಶ್ನಾಮಿ ಬಲಂ ಕುರ್ವೇ
ವಜ್ರಂ ಆ ದದಾ ಇತಿ |
ಸ್ಕಂಧಾನ್ ಅಮುಷ್ಯ ಶಾತಯನ್
ವೃತ್ರಸ್ಯೇವ ಶಚೀಪತಿಃ || ೫,೩೩।೭

ಯತ್ ಪಿಬಾಮಿ ಸಂ ಪಿಬಾಮಿ
ಸಮುದ್ರ ಇವ ಸಂಪಿಬಃ |
ಪ್ರಾಣಾನ್ ಅಮುಷ್ಯ ಸಂಪಿಬನ್
ಸಂ ಪಿಬಾಮ್ಯ್ ಅಹಂ ಪಿಬಂ || ೫,೩೩।೮

ಯದ್ ಗಿರಾಮಿ ಸಂ ಗಿರಾಮಿ
ಸಮುದ್ರ ಇವ ಸಂಗಿರಃ |
ಪ್ರಾಣಾನ್ ಅಮುಷ್ಯ ಸಂಗಿರನ್
ಸಂ ಗಿರಾಮ್ಯ್ ಅಹಂ ಗಿರಂ || ೫,೩೩।೯

ಶ್ರದ್ಧಾಯಾ ದುಹಿತಾ ತಪಸೋ ಽಧಿ ಜಾತಾ
ಸ್ವಸ ರ್ಷೀಣಾಂ ಭೂತಕೃತಾಂ ಬಭೂವ |
ಸಾ ನೋ ಮೇಖಲೇ ಮತಿಂ ಆ ಧೇಹಿ ಮೇಧಾಂ
ಅಥೋ ನೋ ಧೇಹಿ ತಪ ಇಂದ್ರಿಯಂ ಚ || ೫,೩೩।೧೦

ಯಾಂ ತ್ವಾ ಪೂರ್ವೇ ಭೂತಕೃತ
ಋಷಯಃ ಪರಿಬೇಧಿರೇ |
ಸಾ ತ್ವಂ ಪರಿ ಷ್ವಜಸ್ವ ಮಾ
ದೀರ್ಘಾಯುತ್ವಾಯ ಮೇಖಲೇ || ೫,೩೩।೧೧
(೩೩)

ಅಶಂ ತೇ ಶ್ವಶ್ರೂರ್ ವದತು
ಶ್ವಶುರಸ್ ತೇ ಅಶಂತರಂ |
ದೇವಾ ತೇ ಅಭಿಶೋಚನಂ
ಬ್ರಹ್ಮ ವಿದ್ವೇಷಣಂ ಕೃತಂ || ೫,೩೪।೧

ಆ ಕ್ರಂದಯೋಲುಲಾ ಕುರು
ವಾಚಂ ಆ ಧೇಹ್ಯ್ ಅಪ್ರಿಯಾಂ |
ಶಿರೋ ಲಿಪ್ಸಸ್ವ ಹಸ್ತಾಭ್ಯಾಂ
ಕೇಶಾಸ್ ತೇ ಅಭಿಶೋಚನಂ || ೫,೩೪।೨

ಯೇ ಕೇಶಾ ಯೌ ಪ್ರತಿಧೀ
ಯತ್ ಕುರೀರಂ ಯ ಓಪಶಃ |
ಅಥೋ ಯೇ ತೇ ಸ್ವಾಃ ಸಂತಿ
ಸರ್ವೇ ತೇ ತೇ ಽಭಿಶೋಚನಂ || ೫,೩೪।೩

ಅಪ ತ್ರಸ ಪರಿಧಾನಾದ್
ಉನ್ಮಾದನಂ ಕೃಣೋಮಿ ತೇ |
ಅಥೋ ಯತ್ ತೇ ಸ್ವಂ ವಾಸಃ
ಸರ್ವಂ ತತ್ ತೇ ಽಭಿಶೋಚನಂ || ೫,೩೪।೪

ಅರ್ಕಂ ಅದ್ಧಿ ಪ್ರ ಪತಾತೋ
ಮುನಿಚಕ್ಷುಂ ಕೃಣೋಮಿ ತೇ |
ಅಥೋ ಶ್ವಭ್ಯೋ ರಾಯದ್ಭ್ಯಃ
ಪ್ರತಿ ಸ್ಮ ಗಂಗಣಂ ಕುರು || ೫,೩೪।೫

ಉತ್ ತಿಷ್ಠಾರೇ ಪಲಾಯಸ್ವ
ಮರೀಚೀನಾಂ ಪದಂ ಭವ |
ಅಥೋ ಯತ್ ಕಾರ್ಯಂ ಕುರ್ವ್
ಆಶಾಂ ಸಂ ಋಷ ಮುಷ್ಕಯೋಃ || ೫,೩೪।೬

ಉಪ ಕ್ಷ್ವೇದಾಭಿ ಚಾಲಯ
ವಾತಸ್ ತೂಲಂ ಇವೈಜಯ |
ದದ್ಭಿಃ ಸಂದಶ್ಯ ಬಾಹ್ವೋರ್
ಉದದ್ಧಿ ಮುರವಸ್ಥಿಯೇ || ೫,೩೪।೭

ಅಭಿ ಗಾಯ ಶಾಬಲೇಯಂ
ಶೌಣೇಯಂ ಸಾಧುವಾಹಿನಂ |
ಕಾಲ್ಮಾಷೇಯಸ್ಯ ಚರ್ಕೃಧ್ಯ್
ಆಯತಃ ಪ್ರತಿ ಚಾಲಯ || ೫,೩೪।೮

ಋಶ್ಯಪುಚ್ಛಂ ಶುನಃಪುಚ್ಛಂ
ವಾತರಂಹಂ ಮನೋಜವಂ |
ತಂ ತೇ ರಥಂ ಸಂ ಭರಂತು ದೇವಾಸ್
ತೇನಾ ಚರಾಸಿ ಪತಿಂ ಇಚ್ಛಮಾನಾ || ೫,೩೪।೯
(೩೪)

ಅಗ್ನಯೇ ಸಂ ಅನಮನ್ ತಸ್ಮೈ ಪೃಥಿವ್ಯಾ ಸಂ ಅನಮನ್ |
ಯಥಾಗ್ನಯೇ ಪೃಥಿವ್ಯಾ ಸಮನಮನ್ನ್
ಏವಾ ಮಹ್ಯಂ ಸಂನಮಃ ಸಂ ನಮಂತು |
ವಿತ್ತಿಂ ಭೂತಿಂ ಪುಷ್ಟಿಂ ಪಶೂನ್
ಬ್ರಹ್ಮ ಬ್ರಾಹ್ಮಣವರ್ಚಸಂ |
ಸಂನತಯ ಸ್ಥ ಸಂ ಮೇ ನಮತ ಸ್ವಾಹಾ || ೫,೩೫।೧

ವಾಯವೇ ಸಂ ಅನಮನ್ ತಸ್ಮಾ ಅಂತರಿಕ್ಷೇಣ ಸಂ ಅನಮನ್ |
ಯಥಾ ವಾಯವೇ ಅಂತರಿಕ್ಷೇಣ ಸಮನಮನ್
(…) || ೫,೩೫।೨

ಸೂರ್ಯಾಯ ಸಂ ಅನಮನ್ ತಸ್ಮೈ ದಿವಾ ಸಂ ಅನಮನ್ |
ಯಥಾ ಸೂರ್ಯಾಯ ದಿವಾ ಸಮನಮನ್
(…) || ೫,೩೫।೩

ಚಂದ್ರಾಯ ಸಂ ಅನಮನ್ ತಸ್ಮೈ ನಕ್ಷತ್ರೈಃ ಸಂ ಅನಮನ್ |
ಯಥಾ ಚಂದ್ರಾಯ ನಕ್ಷತ್ರೈಃ ಸಮನಮನ್
(…) || ೫,೩೫।೪

ಸೋಮಾಯ ಸಂ ಅನಮನ್ ತಸ್ಮಾ ಓಷಧೀಭಿಃ ಸಂ ಅನಮನ್ |
ಯಥಾ ಸೋಮಾಯೌಷಧೀಭಿಃ ಸಮನಮನ್
(…) || ೫,೩೫।೫

ಯಜ್ಞಾಯ ಸಂ ಅನಮನ್ ತಸ್ಮೈ ದಕ್ಷಿಣಾಭಿಃ ಸಂ ಅನಮನ್ |
ಯಥಾ ಯಜ್ಞಾಯ ದಕ್ಷಿಣಾಭಿಃ ಸಮನಮನ್
(…) || ೫,೩೫।೬

ಸಮುದ್ರಾಯ ಸಂ ಅನಮನ್ ತಸ್ಮೈ ನದೀಭಿಃ ಸಂ ಅನಮನ್ |
ಯಥಾ ಸಮುದ್ರಾಯ ನದೀಭಿಃ ಸಮನಮನ್
(…) || ೫,೩೫।೭

ಬ್ರಹ್ಮಣೇ ಸಂ ಅನಮನ್ ತಸ್ಮೈ ಬ್ರಹ್ಮಚಾರಿಭಿಃ ಸಂ ಅನಮನ್ |
ಯಥಾ ಬ್ರಹ್ಮಣೇ ಬ್ರಹ್ಮಚಾರಿಭಿಃ ಸಮನಮನ್
(…) || ೫,೩೫।೮

ಇಂದ್ರಾಯ ಸಂ ಅನಮನ್ ತಸ್ಮೈ ವೀರ್ಯೇಣ ಸಂ ಅನಮನ್ |
ಯಥೇಂದ್ರಾಯ ವೀರ್ಯೇಣ ಸಮನಮನ್
(…) || ೫,೩೫।೯

ದೇವೇಭ್ಯಃ ಸಂ ಅನಮನ್ ತೇಭ್ಯೋ ಽಮೃತೇನ ಸಂ ಅನಮನ್ |
ಯಥಾ ದೇವೇಭ್ಯೋ ಽಮೃತೇನ ಸಮನಮನ್
(…) || ೫,೩೫।೧೦

ಪ್ರಜಾಪತಯೇ ಸಂ ಅನಮನ್ ತಸ್ಮೈ ಪ್ರಜಾಭಿಃ ಸಂ ಅನಮನ್ |
ಯಥಾ ಪ್ರಜಾಪತಯೇ ಪ್ರಜಾಭಿಃ ಸಮನಮನ್ನ್
ಏವಾ ಮಹ್ಯಂ ಸಂನಮಃ ಸಂ ನಮಂತು |
ವಿತ್ತಿಂ ಭೂತಿಂ ಪುಷ್ಟಿಂ ಪಶೂನ್
ಬ್ರಹ್ಮ ಬ್ರಾಹ್ಮಣವರ್ಚಸಂ |
ಸಂನತಯ ಸ್ಥ ಸಂ ಮೇ ನಮತ ಸ್ವಾಹಾ || ೫,೩೫।೧೧

ಸಪ್ತ ಸಂನಮೋ
ಽಷ್ಟಮೀ ಧೀತಿಸಾಧನೀ |
ಸಕಾಮಾನ್ ಅಧ್ವನಃ ಕೃಣು
ಸಂಜ್ಞಾನಂ ಅಸ್ತು ವೋ ಧನೇ || ೫,೩೫।೧೨
(೩೫)

ಅನುವಾಕ ೭ ||

ಯೇ ವಾರುಣಾ ಉತ ನೈರೃತಾ
ವನಸ್ಪತೀನಾಂ ವೀರುಧಾಂ ಚ ಪಾಶಾಃ |
ಯೇ ಭೌಮಾ ಭೂಮ್ಯಾ ಅಧಿ ಸಂಬಭೂವುಸ್
ತೇ ತ್ವಾ ನ ಹಿಂಸಾಞ್ ಛಿವತಾತಿರ್ ಅಸ್ತು ತೇ || ೫,೩೬।೧

ಯೇ ಅಂತರಿಕ್ಷೇ ದಿವಿ ಯೇ ಚ ಪಾಶಾ
ಅನ್ನೇ ವಿಚೃತ್ತಾ ಬಹುಧಾ ಸಿನಂತಿ |
ಯೇ ಪಶುಭ್ಯೋ ಅಧಿ ಸಂಬಭೂವುಸ್
ತೇ ತ್ವಾ ನ ಹಿಂಸಾಞ್ ಛಿವತಾತಿರ್ ಅಸ್ತು ತೇ || ೫,೩೬।೨

ಯಂ ಮಾನುಷಂ ಮನುಷ್ಯಾಃ ಶಪಂತೇ
ಯಾಂ ವಾ ಹೋತ್ರಾಂ ಪಿತ್ರ್ಯಾಂ ಆರಭಂತೇ |
ಸಮಾಮ್ಯೋ ವರುಣೋ ಯ ಆಜಗಾಮ
ಸ ತ್ವಾ ನ ಹಿಂಸಾಚ್ ಛಿವತಾತಿರ್ ಅಸ್ತು ತೇ || ೫,೩೬।೩

ಅಪಃ ಪ್ರಗಾಹ್ಯ ಯದಿ ವಾ ಸಮಾಮಿಷೇ
ಅಗ್ನಿಂ ಆರೇಭಿಷೇ ಯದಿ ವಾ ಸಮಿದ್ಧಂ |
ವಿದ್ವಾನ್ ಅವಿದ್ವಾನ್ ಅನೃತಂ ಯದ್ ಉವಕ್ಥ
ತತ್ ತ್ವಾ ನ ಹಿಂಸಾಚ್ ಛಿವತಾತಿರ್ ಅಸ್ತು ತೇ || ೫,೩೬।೪

ಯತ್ ಪ್ರತೀಚ್ಯಾಂ ದೃಷತ್ಪಿಷ್ಟಾಁ
ಆಮಪೇಷಾಁ ಆಮಪಾತ್ರೇ ಪಪಾಥ |
ಹೀನಃ ಸತ್ಯೇನಾನೃತಂ ಯದ್ ಉವಕ್ಥ
ತತ್ ತ್ವಾ ನ ಹಿಂಸಾಚ್ ಛಿವತಾತಿರ್ ಅಸ್ತು ತೇ || ೫,೩೬।೫

ಯಂ ಬಾಣವಂತಂ ಸುದಿಹಂ ಸಂಭರಂತಿ
ಯಂ ವಾ ಹಸ್ತಂ ಬ್ರಾಹ್ಮಣಸ್ಯಾರಭಂತೇ |
ಸಮಾಮ್ಯೋ ವರುಣೋ ಯಂ ಜಘಾನ
ತಸ್ಯ ಶ್ಮಶಾನಾದ್ ಅಧಿ ಲೋಷ್ಟ ಆಭೃತಃ
ಸ ತ್ವಾ ನ ಹಿಂಸಾಚ್ ಛಿವತಾತಿರ್ ಅಸ್ತು ತೇ || ೫,೩೬।೬

ಯಂ ಗ್ರಾವಾಣಂ ಆರಭಂತೇ
ಯೇನಾಂಶೂನ್ ಅಭಿಷುಣ್ವಂತಿ ಸೋಮಂ |
ಯದ್ ವಾ ಧನಂ ಧನಕಾಮೋ ನಿರೇಮಿಷೇ
ಕ್ಷೇತ್ರಂ ಗಾಂ ಅಶ್ವಂ ಪುರುಷಂ ವೋಭಯಾದತ್
ತತ್ ತ್ವಾ ನ ಹಿಂಸಾಚ್ ಛಿವತಾತಿರ್ ಅಸ್ತು ತೇ || ೫,೩೬।೭

ಅಪಃ ಪ್ರಗಾಹ್ಯ ಯದಿ ವಾ ವ್ಯಾಮಿಷೇ
ಅಗ್ನಿಂ ಆರೇಭಿಷೇ ಯದಿ ವಾ ಸಮಿದ್ಧಂ |
ಜಾಮ್ಯಾ ಹಸ್ತಂ ಕೃತಂ ಆರೇಭಿಷೇ
ಧನುರ್ ವೋತ್ತತಂ ಇತಿ ಚಕ್ರಮಿಥ |
ಮನ್ಯೌ ವಾ ರಾಜ್ಞೋ ವರುಣಸ್ಯಾಸಿ ಸಕ್ತಃ
ಸ ತ್ವಾ ನ ಹಿಂಸಾಚ್ ಛಿವತಾತಿರ್ ಅಸ್ತು ತೇ || ೫,೩೬।೮
(೩೬)

ಯಾ ತೇ ಪ್ರಜಾಪಿಹಿತಾ ಪರಾಭೂದ್
ಯೋನಿರ್ ವಾ ಮುಗ್ಧಾ ನಿಹಿತಾ ಪಿಶಾಚೈಃ |
ಆಸ್ನಾನಂ ವಾ ಯದ್ ಅಭಿತಷ್ಠಾಥ ಘೋರಂ
ಸರ್ವಂ ತತ್ ತೇ ಬ್ರಹ್ಮಣಾ ಸೂದಯಾಮಿ || ೫,೩೭।೧

ಯದ್ಯ್ ಅಸ್ಯಾಃ ಪ್ರಜಾ ವರುಣೇನ ಗುಷ್ಪಿತಾ
ದುರ್ಣಾಮಾನೋ ವಾ ಋತ್ವಿಯಂ ಅಸ್ಯಾ ರಿಹಂತಿ |
ದ್ವೇಷಾತ್ ಸಾಪತ್ನಾದ್ ಯದಿ ಚಕ್ರುರ್ ಅಸ್ಯಾ
ಅಯಂ ತಾ ನಾಷ್ಟ್ರಾ ಅಪ ಹಂತ್ವ್ ಅಗ್ನಿಃ || ೫,೩೭।೨

ಅಸ್ಯಾ ಸ್ತ್ರಿಯಾ ಯದಿ ಲಕ್ಷ್ಮೀರ್ ಅಪುತ್ರ್ಯಾ
ಗರ್ಭೋ ವಾಸ್ಯಾ ಯಾತುಧಾನೈಃ ಪರಾಭೃತಃ |
ದುಃಸ್ವಪ್ನ್ಯಂ ವಾ ಯತ್ ಸ್ವಪತೀ ದದರ್ಶ-
-ಇಂದ್ರಾಗ್ನೀ ತತ್ ಕೃಣುತಾಂ ಭದ್ರಯಾ ಪುನಃ || ೫,೩೭।೩

ದೇವೈನಸಾದ್ ಯದಿ ಪುತ್ರಂ ನ ವಿಂದಸೇ
ಮನುಷ್ಯಾಣಾಂ ವಾ ತ್ವಾ ಶಪಥೋ ರರಾಧ |
ಪಿತೃಭಿರ್ ವಾ ತೇ ಯದಿ ಸೂತಃ ಪರಿಷ್ಠಿತ
ಇದಂ ತಂ ನಿಷ್ ಕೃಣ್ಮೋ ಜನಯಾಸಿ ಪುತ್ರಂ || ೫,೩೭।೪

ವೈಶ್ವಾನರೋ ಜನ್ಮನಾ ಜಾತವೇದಾಃ
ಪ್ರಜಾಪತಿಃ ಸಿಂಚತು ರೇತೋ ಅಸ್ಯಾಂ |
ಬಾಧತಾಂ ದ್ವೇಷೋ ನಿರೃತಿಂ ಪರಾಚೈಃ
ಪುತ್ರಿಣೀಂ ಇಮಾಂ ಪ್ರಸ್ವಂ ಕೃಣೋತು || ೫,೩೭।೫

ಇಹ ಪ್ರಜಾಂ ಅಗ್ನಿರ್ ಅಸ್ಯೈ ದಧಾತ್ವ್
ಆದಿತ್ಯೇಭಿರ್ ವಸುಭಿಃ ಸಂವಿದಾನಃ |
ವಿಶ್ವೇ ದೇವಾ ಹವಂ ಆ ಯಂತು ಮ ಇಮಂ
ಪುತ್ರೋ ಅಸ್ಯಾ ಜಾಯತಾಂ ವೀರ್ಯಾವಾನ್ || ೫,೩೭।೬

ಯೇನ ದೇವ್ಯ್ ಅದಿತಿರ್ ಗರ್ಭಂ ಆದಧೇ
ಯೇನ ಪ್ರಜಾ ಅಸೃಜತ ಪ್ರಜಾಪತಿಃ |
ತೇನಾಹಂ ಅಸ್ಯೈ ಹವಿಷಾ ಜುಹೋಮಿ
ಯಥಾ ಪುಮಾಂಸಂ ಜನಯಾತಿ ಪುತ್ರಂ || ೫,೩೭।೭

ವನ್ವೇ ತೇ ಪುತ್ರಂ ಪರಿ ದೇವತಾಭ್ಯೋ
ಅನು ಮನ್ಯಂತಾಂ ಮರುತಃ ಪೃಶ್ನಿಮಾತರಃ |
ಗರ್ಭಸ್ ತ್ವಾ ದಶಮಾಸ್ಯಃ ಪ್ರ ವಿಶತು
ಕುಮಾರಂ ಜಾತಂ ಪಿಪೃತಾಂ ಉಪಸ್ಥೇ || ೫,೩೭।೮
(೩೭)

ಕೇಶ್ಯ್ ಅಗ್ನಿಂ ಕೇಶೀ ವಿಷಂ
ಕೇಶೀ ಬಿಭರ್ತಿ ರೋದಸೀ |
ಕೇಶೀ ವಿಶ್ವಂ ಸ್ವರ್ ದೃಶೇ
ಕೇಶೀದಂ ಜ್ಯೋತಿರ್ ಉಚ್ಯತೇ || ೫,೩೮।೧

ಮುನಯೋ ವಾತರಶನಾಃ
ಪಿಶಂಗಾ ವಸತೇ ಮಲಾಃ |
ವಾತಸ್ಯಾನು ಧ್ರಾಜಿಂ ಯಂತಿ
ಯದ್ ದೇವಾಸೋ ಅಯುಕ್ಷತ || ೫,೩೮।೨

ಉನ್ಮದಿತಾ ಮೌನೇಯೇನ
ವಾತಾಁ ಆ ತಸ್ಥಿಮಾ ವಯಂ |
ಶರೀರೇದ್ ಅಸ್ಮಾಕಂ ಯೂಯಂ
ಮರ್ತಾಸೋ ಅಭಿ ಪಶ್ಯಥ || ೫,೩೮।೩

ಅಂತರಿಕ್ಷೇಣ ಪತತಿ
ಸ್ವರ್ ಭೂತಾವಚಾಕಶತ್ |
ಮುನಿರ್ ದೇವಸ್ಯ-ದೇವಸ್ಯ
ಸೌಕೃತ್ಯಾಯ ಸಖಾ ಹಿತಃ || ೫,೩೮।೪

ಇಂದ್ರಸ್ಯಾಶ್ವೋ ವಾಯೋಃ ಸಖಾ-
-ಅಥೋ ದೇವೇಷಿತೋ ಮುನಿಃ |
ಉಭಾ ಸಮುದ್ರಾವ್ ಆ ಕ್ಷಯತಿ
ಸದ್ಯಃ ಪೂರ್ವಂ ಉತಾಪರಂ || ೫,೩೮।೫

ಗಂಧರ್ವಾಣಾಂ ಅಪ್ಸರಸಾಂ
ದೇವಾನಾಂ ಚರಣೇ ಚರನ್ |
ಮುನಿಃ ಕೇತಸ್ಯ ಸಂವಿದ್ವಾನ್
ಸಖಾ ಸ್ವಾದುರ್ ಮದಿಂತಮಃ || ೫,೩೮।೬

ವಾಯುರ್ ಅಸ್ಮಾ ಉಪಾಮಂಥತ್
ಪಿನಷ್ಟಿ ಸ್ಮಾ ಕುನಂನಮಾ |
ಮುನಿರ್ ವಿಷಸ್ಯ ಪಾತ್ರೇಣ
ಯದ್ ರುದ್ರೇಣಾಪಿಬತ್ ಸಹ || ೫,೩೮।೭

ಸಂಯುಕ್ತೇ ದ್ಯಾವಾಪೃಥಿವೀ
ತಿಷ್ಠಂತೀ ಅವಿಚರ್ತ್ಯೇ |
ಕೇಶೇನೈಕಸ್ಯ ದೇವಸ್ಯ
ವ್ಯ್ ಅಷ್ಟಭ್ನಾಚ್ ಛಚೀಪತಿಃ || ೫,೩೮।೮
(೩೮)

ನ ತಂ ಅಂಹೋ ನ ದುರಿತಂ
ದೇವಾಸೋ ಅಷ್ಟ ಮರ್ತ್ಯಂ |
ಸಜೋಷಸೋ ಯಂ ಅರ್ಯಮಾ
ಮಿತ್ರೋ ನಯಂತಿ ವರುಣೋ
ಅತಿ ದ್ವಿಷಃ || ೫,೩೯।೧

ತದ್ ಧಿ ವಯಂ ವೃಣೀಮಹೇ
ವರುಣ ಮಿತ್ರಾರ್ಯಮನ್ |
ಯನ್ ನೋ ನಿರ್ ಅಂಹಸೋ ಯೂಯಂ
ಪಾಥ ನೇಥಾ ಚ ಮರ್ತ್ಯಂ
ಅತಿ ದ್ವಿಷಃ || ೫,೩೯।೨

ತೇ ನೂನಂ ನೋ ಯೂಯಂ ಊತಯೇ
ವರುಣ (…) |
ನಯಿಷ್ಠಾ ನೋ ನೇಷಿಣ ಸ್ಥ
ಪರ್ಷಿಷ್ಟಾಃ ಪರ್ಷಿಣೋ
ಅತಿ ದ್ವಿಷಃ || ೫,೩೯।೩

ಶುನಂ ಅಸ್ಮಭ್ಯಂ ಊತಯೇ
ವರುಣ ಮಿತ್ರಾರ್ಯಮನ್ |
ಶರ್ಮ ಯಚ್ಛಾಥ ಸಪ್ರಥ
ಆದಿತ್ಯಾಸೋ ಯದ್ ಈಮಹೇ
ಅತಿ ದ್ವಿಷಃ || ೫,೩೯।೪

ಆದಿತ್ಯಾಸೋ ಅತಿ ಸ್ರಿಧೋ
ವರುಣೋ ಮಿತ್ರೋ ಅರ್ಯಮಾ |
ರುದ್ರಂ ಮರುದ್ಭಿರ್ ಉಗ್ರಂ ಹುವೇಮ-
-ಇಂದ್ರಂ ಅಗ್ನಿಂ ಸ್ವಸ್ತಯೇ
ಅತಿ ದ್ವಿಷಃ || ೫,೩೯।೫

ನೇತಾರ ಊ ಷು ಣಸ್ ತಿರೋ
ವರುಣೋ ಮಿತ್ರೋ ಅರ್ಯಮಾ |
ಅತಿ ವಿಶ್ವಾನಿ ದುರಿತಾ
ರಾಜಾನಶ್ ಚರ್ಷಣೀನಾಂ
ಅತಿ ದ್ವಿಷಃ || ೫,೩೯।೬

ಯೂಯಂ ವಿಶ್ವಂ ಪರಿ ಪಾಥ
ವರುಣ ಮಿತ್ರಾರ್ಯಮನ್ |
ಯುಷ್ಮಾಕಂ ಶರ್ಮಣಿ ಪ್ರಿಯಾ
ಸ್ಯಾಮ ಸುಪ್ರಣೀತಯೋ
ಽತಿ ದ್ವಿಷಃ || ೫,೩೯।೭

ಯಥಾ ಹ ತ್ಯದ್ ವಸವೋ ಗೌರ್ಯಂ ಚಿತ್
ಪದಿ ಷಿತಾಂ ಅಮುಂಚತಾ ಯಜತ್ರಾಃ |
ಏವೋ ಷ್ವ್ ಅಸ್ಮನ್ ಮುಂಚತಾ ವ್ಯ್ ಅಂಹಃ
ಪ್ರ ತಾರ್ಯ್ ಅಗ್ನೇ ಪ್ರತರಂ ನ ಆಯುಃ || ೫,೩೯।೮
(೩೯)

ದೇವಸ್ಯ ತ್ವಾ ಸವಿತುಃ ಪ್ರಸವೇ ಽಶ್ವಿನೋರ್ ಬಾಹುಭ್ಯಾಂ
ಪೂಷ್ಣೋ ಹಸ್ತಾಭ್ಯಾಂ ಪ್ರಸೂತೋ ಬ್ರಾಹ್ಮಣೇಭ್ಯೋ ನಿರ್ ವಪಾಮಿ |
ಸ ಮೇ ಮಾ ಕ್ಷೇಷ್ಟ ಸದಂ ಅಶ್ಯಮಾನಃ
ಪಿತೃ̄ಣಾಂ ಲೋಕೇ || ೫,೪೦।೧

ಅನುಮತಂ ಪೃಥಿವ್ಯೇಮಂ ಪಚಾಮ್ಯ್
ಅನು ಮೇ ದ್ಯೌರ್ ಮನ್ಯತಾಂ ಅನ್ವ್ ಅಂತರಿಕ್ಷಂ |
ಅನು ಮನ್ಯತಾಂ ಅದಿತಿರ್
ದೇವಪುತ್ರಾ ಇಮೇ ಸ್ವರ್ಗೇ ಲೋಕೇ ಅಸ್ತು || ೫,೪೦।೨

ಬ್ರಹ್ಮಣೋಖಾಂ ಅಧಿ ದಧಾಮ್ಯ್ ಅಗ್ನೌ
ಭೂಮ್ಯಾಂ ತ್ವಾ ಭೂಮಿಂ ಅಧಿ ಧಾರಯಾಮಿ |
ಅಗ್ನಿಃ ಪಚನ್ ರಕ್ಷತ್ವ್ ಓದನಂ ಇಮಂ
ರಕ್ಷಃಪಿಶಾಚಾನ್ ನುದತಾಂ ಜಾತವೇದಾಃ || ೫,೪೦।೩

ಅಚ್ಯುತಂ ಅಕ್ಷಿತಂ ವಿಶ್ವದಾನೀಂ
ಉತ್ಸಂ ಇವ ಸದಂ ಅಕ್ಷೀಯಮಾಣಂ |
ಪಿತಾ ಪಿತಾಮಹ ಉತ ಯಸ್ ತೃತೀಯಸ್
ತ ಏನಂ ಭಾಗಂ ಉಪ ಜೀವಂತ್ವ್ ಅತ್ರ || ೫,೪೦।೪

ಪ್ರಪೀನಂ ಅಕ್ಷಿತಂ ವಿಶ್ವದಾನೀಂ
ಸೋಮಂ ಇವ ಪುನರ್ ಆಪ್ಯಾಯಮಾನಂ |
ಪುತ್ರಃ ಪೌತ್ರ ಉತ ಯಃ ಪ್ರಪೌತ್ರಸ್
ತೇಷಾಂ ಅಸ್ತು ನಿಹಿತೋ ಭಾಗ ಏಷಃ || ೫,೪೦।೫

ಮಾ ಮೇ ಜಾರೀನ್ ನಿಹಿತೋ ಭಾಗ ಏಷ
ಮಾನುಷನ್ಮಾನುಷದ್ ಗುಪ್ತೋ ಅಸ್ತು |
ವೈವಸ್ವತೇ ನಿ ದಧೇ ಶೇವಧಿಂ ಏತಂ
ತಸ್ಮಾ ಉತ್ ಸೃಜತು ಮಹ್ಯಂ ಏವ || ೫,೪೦।೬

ಪುನಃ ಪೂರ್ಯತಾಂ ಯದ್ ಅದಂತ್ಯ್ ಅಸ್ಯ-
-ಓದನೋ ಽಯಂ ತಿಷ್ಠತ್ವ್ ಅಕ್ಷಿತಃ ಸದಾ |
ವೈವಸ್ವತೇನ ಗುಪ್ತೋ ಅಸ್ತು ರಾಜ್ಞಾ
ಮಮೈತೋರ್ ಉಪ ಜೀವಂತು ಮೇ ಸ್ವಾಃ || ೫,೪೦।೭

ಶತಧಾರಂ ಸಹಸ್ರಧಾರಂ ಉತ್ಸಂ
ಅಕ್ಷಿತಂ ವ್ಯಚ್ಯಮಾನಂ ಸಲಿಲಸ್ಯ ಪೃಷ್ಠೇ |
ಊರ್ಜಂ ದುಹಾನಂ ಅನಪಸ್ಫುರಂತಂ
ಉಪಾಸೀಯ ಸುಕೃತಾಂ ಯತ್ರ ಲೋಕಃ || ೫,೪೦।೮
(೪೦)

ಅನುವಾಕ ೮ ||
(೫)


ಕಾಂಡ ೬

ತದ್ ಇದ್ ಆಸ ಭುವನೇಷು ಜ್ಯೇಷ್ಠಂ
ಯತೋ ಜಜ್ಞ ಉಗ್ರಸ್ ತ್ವೇಷನೃಮ್ಣಃ |
ಸದ್ಯೋ ಜಜ್ಞಾನೋ ನಿ ರಿಣಾತಿ ಶತ್ರೂನ್
ಅನು ಯಂ ವಿಶ್ವೇ ಮದಂತ್ಯ್ ಊಮಾಃ || ೬,೧।೧

ವಾವೃಧಾನಃ ಶವಸಾ ಭೂರ್ಯೋಜಾಃ
ಶತ್ರುರ್ ದಾಸಾಯ ಭಿಯಸಂ ದಧಾತಿ |
ಅವ್ಯನಚ್ ಚ ವ್ಯನಚ್ ಚ ಸಸ್ನಿ
ಸಂ ತೇ ನವಂತ ಪ್ರಭೃತಾ ಮದೇಷು || ೬,೧।೨

ತ್ವೇ ಕ್ರತುಂ ಅಪಿ ಪೃಂಚಂತಿ ವಿಶ್ವೇ
ದ್ವಿರ್ ಯದ್ ಏತೇ ತ್ರಿರ್ ಭವಂತ್ಯ್ ಊಮಾಃ |
ಸ್ವಾದೋಃ ಸ್ವಾದೀಯಃ ಸ್ವಾದುನಾ ಸೃಜಾ ಸಂ
ಅದಃ ಸು ಮಧು ಮಧುನಾಭಿ ಯೋಧೀಃ || ೬,೧।೩

ಇತಿ ಚಿದ್ ಧಿ ತ್ವಾ ಧನಾ ಜಯಂತಂ
ರಣೇರಣೇ ಅನುಮದಂತಿ ವಿಪ್ರಾಃ |
ಓಜೀಯೋ ಧೃಷ್ಣೋ ಸ್ಥಿರಂ ಆ ತನುಷ್ವ
ಮಾ ತ್ವಾ ದಭನ್ ದುರೇವಾ ಯಾತುಧಾನಾಃ || ೬,೧।೪

ತ್ವಯಾ ವಯಂ ಶಾಶದ್ಮಹೇ ರಣೇಷು
ಪ್ರಪಶ್ಯಂತೋ ಯುಧೇನ್ಯಾನಿ ಭೂರಿ |
ಚೋದಯಾಮಿ ತ ಆಯುಧಾ ವಚೋಭಿಃ
ಸಂ ತೇ ಶ್ಯಾಮಿ ಬ್ರಹ್ಮಣಾ ವಯಾಂಸಿ || ೬,೧।೫

ಸ್ತುಷೇಯ್ಯಂ ಪುರುವರ್ಪಸಂ ಋಭ್ವಂ
ಇನತಮಂ ಆಪ್ತ್ಯಂ ಆಪ್ತ್ಯಾನಾಂ |
ಆ ದರ್ಶತೇ ಶವಸಾ ಸಪ್ತ ದಾನೂನ್
ಪ್ರ ಸಾಕ್ಷತೇ ಪ್ರತಿಮಾನಾನಿ ಭೂರಿ || ೬,೧।೬

ನಿ ತದ್ ದಧಿಷೇ ಽವರಂ ಪರಂ ಚ
ಯಸ್ಮಿನ್ನ್ ಆವಿಥಾವಸಾ ದುರೋಣೇ |
ಆ ಮಾತರಾ ಸ್ಥಾಪಯಸೇ ಜಿಗತ್ನೂ
ಅತ ಇನೋಷಿ ಕರ್ವರಾ ಪುರೂಣಿ || ೬,೧।೭

ಇಮಾ ಬ್ರಹ್ಮ ಬೃಹದ್ದಿವೋ ವಿವಕ್ತಿ-
-ಇಂದ್ರಾಯ ಶೂಷಂ ಅಗ್ರಿಯಃ ಸ್ವರ್ಷಾಃ |
ಮಹೋ ಗೋತ್ರಸ್ಯ ಕ್ಷಯತಿ ಸ್ವರಾಜೋ
ದುರಶ್ ಚ ವಿಶ್ವಾ ಅವೃಣೋದ್ ಅಪ ಸ್ವಾಃ || ೬,೧।೮

ಏವಾ ಮಹಾನ್ ಬೃಹದ್ದಿವೋ ಅಥರ್ವಾ-
-ಅವೋಚತ್ ಸ್ವಾಂ ತನ್ವಂ ಇಂದ್ರಂ ಏವ |
ಸ್ವಸಾರೋ ಮಾತರಿಭ್ವರೀರ್ ಅರಿಪ್ರಾ
ಹಿನ್ವಂತಿ ಚ ಶವಸಾ ವರ್ಧಯಂತಿ ಚ || ೬,೧।೯
(೧)

ಋಧಙ್ಮಂದ್ರಯೋನಿನೋವಿಭಾವಾ
ಅಮೃತಾಸುಃ ಸುಜನ್ಮಾ ವರ್ಧಮಾನಃ |
ಅದಬ್ಧಾಸುರ್ ಭ್ರಾಜಮಾನೋ ಽಹೇವ
ತ್ರಿತೋ ದಾಧಾರ ತ್ರೀಣಿ || ೬,೨।೧

ನಿ ಯೋ ಧರ್ಮಣಿ ಪ್ರಥಮಃ ಸಸಾದ-
-ಅತೋ ವಪೂಂಷಿ ಕೃಣುತೇ ಪುರೂಣಿ |
ಧಾಸ್ಯುರ್ ಯೋನಿಂ ಪ್ರಥಮ ಆ ವಿವೇಶ-
-ಆ ಯೋ ವಾಚಂ ಅನುದಿತಾಂ ಚಿಕಾಯ || ೬,೨।೨

ಯಸ್ ತೇ ಶೋಕಸ್ ತನ್ವ ಆರಿರೇಚ
ಕ್ಷರದ್ ಧಿರಣ್ಯಂ ಶುಚಯೋ ಽನು ಸ್ವಾಃ |
ಅತ್ರಾ ದಧಿಷೇ ಅಮೃತಾನಿ ನಾಮ-
-ಅಸ್ಮೇ ವಸ್ತ್ರಾಣೀಷ ಏರಯಂತ || ೬,೨।೩

ಪ್ರ ಯದ್ ಏತೇ ಪ್ರತರಂ ಪೂರ್ವ್ಯಂ ಗುಃ
ಸದಃಸದ ಆತಿಷ್ಠಂತೋ ಅಜುರ್ಯಂ |
ಕವಿಃ ಶುಷಸ್ಯ ಮಾತರಾ ರಿಹಾಣೇ
ಜಾಮಿರ್ವಧುರ್ಯುಃಪ್ರತಿಮಾನಿಮೀತ || ೬,೨।೪

ತದ್ ಊ ಷು ತೇ ಮಹಾ ಪೃಥುರ್ಯಮನ್
ನಮಃ ಕವಿಃ ಕಾವ್ಯೇನಾಕೃಣೋತ್ |
ಯತ್ ಸಮ್ಯಂಚೋ ಽಭಿಯಂತೋ *ಽಧಿ ಕ್ಷಾಂ
ಅಧಾ ಮಹೀ ರೋಧಚಕ್ರಾ ವವರ್ಧ || ೬,೨।೫

ಸಪ್ತ ಮರ್ಯಾದಾಃ ಕವಯಸ್ ತತಕ್ಷುಸ್
ತಾಸಾಂ ಇದ್ ಏಕಾಂ ಅಭ್ಯ್ ಅಂಹುರೋ ಗಾತ್ |
ಉತಾಮೃತಾಸುರ್ ವೃತ ಏಷಿ ಕೃಣ್ವನ್ನ್
ಅಸುರ ಆಪ್ತಃ ಸ್ವಧಯಾ ಸಮದ್ಗುಃ || ೬,೨।೬

ಉತಾಯುರ್ ಜ್ಯೇಷ್ಠೋ ರತ್ನಾ ದಧಾತ್ಯ್
ಊರ್ಜಾ ವಾ ಯಂ ಸಚತೇ ಕವಿರ್ ದಾಃ |
ಪುತ್ರೋ ವಾ ಯತ್ ಪಿತರಾ ಕ್ಷತ್ರಂ ಈರ್ತೇ
ಜ್ಯೇಷ್ಠಂ ಮರ್ಯಾದಂ ಅಹ್ವಯನ್ ಸ್ವಸ್ತಿ || ೬,೨।೭

ದರ್ಶನ್ ನು ತಾನ್ ವರುಣ ಯೇ ತ ಇಷ್ಟಾವ್
ಆವರ್ವೃತತಃ ಕೃಣವೋ ವಪೂಂಷಿ |
ಅರ್ಧಂ ಅರ್ಧೇನ ಶವಸಾ ಪೃಣಕ್ಷ್ಯ್
ಅರ್ಧೇನ ಶುಷ್ಮಂ ವರ್ಧಸೇ *ಽಮೂರ || ೬,೨।೮

ಅವೀವೃಧಾಮ ಶಗ್ಮ್ಯಂ ಸಖಾಯಂ
ವರುಣಂ ಪುತ್ರಂ ಅದಿತೇರ್ ಇಷಿರಂ |
ಕವಿಶಸ್ತಾನ್ಯ್ ಅಸ್ಮೈ ವಚಾಂಸ್ಯ್
ಅವೋಚಾಮ ರೋದಸೀ ಸತ್ಯವಾಚೌ || ೬,೨।೯
(೨)

ಕೋ ವಃ ಪಶ್ಚಾತ್ ಪ್ರಾವಿಚ್ಛಾಯತ್
ಕಃ ಪುರಃ ಪ್ರಾಖನತ್ ಪಥಃ |
ಯದೈತ ತ್ವರಮಾಣಾ
ವರುಣಪ್ರಸೂತಾ ಆಪಃ || ೬,೩।೧

ಪ್ರಜಾಪತಿರ್ ಅಸೃಜತ
ಸ ಪುರಃ ಪ್ರಾಖನತ್ ಪಥಃ |
ಸ ಉ ನೋ ಅನ್ವ್ ಅವಾಸೃಜತ್
ತೇನ ಸೃಷ್ಟಾಃ ಕ್ಷರಾಮಸಿ || ೬,೩।೨

ಪುನಾನಾ ಆಪೋ ಬಹುಧಾ ಸ್ರವಂತಿ-
-ಇಮಾಂಶ್ ಚ ಲೋಕಾನ್ ಪ್ರದಿಶಶ್ ಚ ಸರ್ವಾಃ |
ಪುನಂತ್ವ್ ಅಸ್ಮಾನ್ ದುರಿತಾದ್ ಅವದ್ಯಾನ್
ಮುಂಚಂತು ಮೃತ್ಯೋರ್ ನಿರೃತೇರ್ ಉಪಸ್ಥಾತ್ || ೬,೩।೩

ಆಪೋ ಅಸ್ಮಾನ್ ಮಾತರಃ ಸೂದಯಂತು
ಘೃತೇನ ನೋ ಘೃತಪುವಃ ಪುನಂತು |
ವಿಶ್ವಂ ಹಿ ರಿಪ್ರಂ ಪ್ರವಹಂತಿ ದೇವೀರ್
ಉದ್ ಇದ್ ಆಭ್ಯಃ ಶುಚಿರ್ ಆ ಪೂತ ಏಮಿ || ೬,೩।೪

ಆಪೋ ದೇವೀರ್ ಮಾತರಃ ಸೂದಯಿಷ್ಣವೋ
ಘೃತಶ್ಚುತೋ ಮಧುನಾ ಸಂ ಪಪೃಚ್ರೇ |
ತಾ ಅಸ್ಮಭ್ಯಂ ಸೂರಯೋ ವಿಶ್ವಂ ಆಯುಃ
ಕ್ಷಪ ಉಸ್ರಾ ವರಿವಸ್ಯಂತು ಶುಭ್ರಾಃ || ೬,೩।೫

ಉದಕಸ್ಯೋದಕತಮಾ
ರೇವತ್ತಮಾ ರೇವತೀನಾಂ |
ಶುಂಧಂತಾಂ ಆಪಃ
ಶುಂಧಂತ್ವ್ ಅಸ್ಮಾನ್ || ೬,೩।೬

ಯೂಯಂ ಆಪೋ ವೀರಶ್ರಿಯೋ
ಯೂಯಂ ಸೂದಯಥಾ ಶುಚೀನ್ |
ಯುಷ್ಮಾಕಂ ಇದ್ ದಿಶೋ ಮಹೀರ್
ಈಯಂತೇ ಪ್ರದಿಶಃ ಪೃಥಕ್ || ೬,೩।೭

ಯೂಯಂ ಮಿತ್ರಸ್ಯ ವರುಣಸ್ಯ ಯೋನಿರ್
ಯೂಯಂ ಸೋಮಸ್ಯ ಧೇನವೋ ಮಧಿಷ್ಠಾಃ |
ಯುಷ್ಮಾನ್ ದೇವೀರ್ ದೇವ ಆ ಕ್ಷಿಯತೀಂದುರ್
ಯೂಯಂ ಜಿನ್ವತ ಬ್ರಹ್ಮಕ್ಷತ್ರಂ ಆಪಃ || ೬,೩।೮

ಶಶ್ವದ್ ಆಭಿಃ ಶಾಶದಾನಾಃ
ಶಮನಾನ್ವಯಾಮಸಿ |
ಆಪೋ ವಿಶ್ವಸ್ಯ ಸೂದನೀರ್
ಯಾ ದೇವಾ ಮನವೇ ದಧುಃ || ೬,೩।೯

ಯದ್ ಧಾವಂತಿ ಪುನತೇ ತದ್ ಆಪೋ
ಯತ್ ತಿಷ್ಠಂತಿ ಶುದ್ಧಾ ಇತ್ ತದ್ ಭವಂತಿ |
ನಾಸಾಂ ಅವದ್ಯಂ ಅವಿದಂ ನ ರಿಪ್ರಂ
ಸನಾದ್ ಏವ ಮಧುನಾ ಸಂ ಪಪೃಚ್ರೇ || ೬,೩।೧೦

ಹಿರಣ್ಯವರ್ಣಾಃ ಶುಚಯಃ ಪಾವಕಾಃ
ಪ್ರ ಚಕ್ರಮುರ್ ಹಿತ್ವಾವದ್ಯಂ ಆಪಃ |
ಶತಂ ಚ ವಃ ಪ್ರಸ್ರವಣೇಷು ದೇವೀಃ
ಸಹಸ್ರಂ ಚ ಪವಿತಾರಃ ಪುನಂತಿ || ೬,೩।೧೧

ತಾಸ್ ತಾದೃಶೀರ್ ಬ್ರಹ್ಮಾಣಂ ಸೂದಯಂತ್ಯ್
ಅಂಗೋಷ್ಠ್ಯಾ ಸ್ತೋತ್ರ್ಯಾ ಜೀವಧನ್ಯಾಃ |
ಯಾ ವಿಶ್ವಸ್ಯ ಶುಚಿಕೃತೋ ಅಯಾತೋರ್
ಗಾವ ಇವ ಪಯಸಾ ಸ್ಥಾ ಸುಜಾತಾಃ || ೬,೩।೧೨

ವಿಶ್ವಾದ್ ರಿಪ್ರಾನ್ ಮುಂಚತ ಸಿಂಧವೋ ನೋ
ಯಾನ್ಯ್ ಏನಾಂಸಿ ಚಕೃಮಾ ತನೂಭಿಃ |
ಇಂದ್ರಪ್ರಶಿಷ್ಟಾ ವರುಣಪ್ರಸೂತಾ
ಆ ಸಿಂಚತಾಪೋ ಮಧ್ವ್ ಆ ಸಮುದ್ರೇ || ೬,೩।೧೩
(೩)

ರಾತ್ರೀ ಮಾತಾ ನಭಃ ಪಿತಾ-
-ಅರ್ಯಮಾ ತೇ ಪಿತಾಮಹಃ |
ಶಿಲಾಚೀ ನಾಮ ವಾ ಅಸಿ
ಸಾ ದೇವಾನಾಂ ಅಸಿ ಸ್ವಸಾ || ೬,೪।೧

ಯಸ್ ತ್ವಾ ಪಿಬತಿ ಜೀವತಿ
ತ್ರಾಯಸೇ ಪುರುಷಂ ತ್ವಂ |
ಧರ್ತ್ರೀ ಚ ಶಶ್ವತಾಂ ಅಸಿ
ಶಶ್ವತಾಂ ಚ ನ್ಯಂಚನೀ || ೬,೪।೨

ಯದ್ ದಂಡೇನ ಯದ್ ಇಷ್ವಾ
ಯದ್ ಅರುರ್ ಹರಸಾ ಕೃತಂ |
ತಸ್ಯ ತ್ವಂ ಅಸಿ ಭೇಷಜೀ
ನಿಷ್ಕೃತಿರ್ ನಾಮ ವಾ ಅಸಿ || ೬,೪।೩

ಭದ್ರಾ ಪ್ಲಕ್ಷೇ ನಿ ತಿಷ್ಠಸ್ಯ್
ಅಶ್ವತ್ಥೇ ಖದಿರೇ ಧವೇ |
ಭದ್ರಾ ನ್ಯಗ್ರೋಧೇ ಪರ್ಣೇ
ಸಾ ನ ಏಹ್ಯ್ ಅರುಂಧತಿ || ೬,೪।೪

ವೃಕ್ಷಂವೃಕ್ಷಂ ಆ ರೋಹಸಿ
ವೃಷಣ್ಯಂತೀವ ಕನ್ಯಲಾ |
ಜಯಂತೀ ಪ್ರತ್ಯಾತಿಷ್ಠಂತೀ
ಸಂಜಯಾ ನಾಮ ವಾ ಅಸಿ || ೬,೪।೫

ಹಿರಣ್ಯವರ್ಣೇ ಯುವತೇ
ಶುಷ್ಮೇ ಲೋಮಶವಕ್ಷಣೇ |
ಅಪಾಂ ಅಸಿ ಸ್ವಸಾ ಲಾಕ್ಷೇ
ವಾತೋ ಹಾತ್ಮಾ ಬಭೂವ ತೇ || ೬,೪।೬

ಹಿರಣ್ಯಬಾಹೋ ಸುಭಗೇ
ಸೂರ್ಯವರ್ಣೇ ವಪುಷ್ಟಮೇ |
ರುತಂ ಗಚ್ಛತಿ ನಿಷ್ಕೃತಿಃ
ಸೇಮಂ ನಿಷ್ಕೃಧಿ ಪೂರುಷಂ || ೬,೪।೭

ಘೃತಾಚೀ ನಾಮ ಕಾನೀನೋ
ಽಜಬಭ್ರು ಪಿತಾ ತವ |
ಅಶ್ವೋ ಯಮಸ್ಯ ಯಃ ಶ್ಯಾವಸ್
ತಸ್ಯ ಹಾಸ್ನಾಸ್ಯ್ ಉಕ್ಷಿತಾ || ೬,೪।೮

ಅಶ್ವಸ್ಯಾಸ್ನಃ ಸಂಪತಿತಾ
ಸಾ ಪರ್ಣಂ ಅಭಿ ಷಿಷ್ಯದಃ |
ಸರಾ ಪತತ್ರಿಣ್ಯ್ ಅಸಿ
ಸಾ ನ ಏಹ್ಯ್ ಅರುಂಧತಿ || ೬,೪।೯

ಘೃತಾಚಿಕೇ ವಾತರಥೇ
ವಿದ್ಯುತ್ಪರ್ಣೇ ಅರುಂಧತಿ |
ಆತುರಂ ಗಮಿಷ್ಠಾಸಿ
ತ್ವಂ ಅಂಗ ನಿಷ್ಕರೀಯಸೀ || ೬,೪।೧೦

ಯತ್ ತೇ ಜಗ್ಧಂ ಪಿಶಾಚೈಸ್
ತತ್ ತ ಆ ಪ್ಯಾಯತಾಂ ಪುನಃ |
ಲಾಕ್ಷಾ ತ್ವಾ ವಿಶ್ವಭೇಷಜೀ
ದೇವೇಭಿಸ್ ತ್ರಾಯತಾಂ ಸಹ || ೬,೪।೧೧
(೪)

ಯಥಾ ದ್ಯೌಶ್ ಚ ಪೃಥಿವೀ ಚ
ನ ಬಿಭೀತೋ ನ ರಿಷ್ಯತಃ |
ಏವಾ ಮೇ ಪ್ರಾಣ ಮಾ ಬಿಭೇರ್
ಏವಾ ಮೇ ಽಪಾನ ಮಾ ರಿಷಃ || ೬,೫।೧

ಯಥಾ ವಾಯುಶ್ ಚಾಂತರಿಕ್ಷಂ ಚ (…) || ೬,೫।೨

ಯಥಾ ಸೂರ್ಯಶ್ ಚ ಚಂದ್ರಮಾಶ್ ಚ (…) || ೬,೫।೩

ಯಥಾಹಶ್ ಚ ರಾತ್ರೀ ಚ (…) || ೬,೫।೪

ಯಥಾ ಧೇನುಶ್ ಚಾನಡ್ವಾಂಶ್ ಚ (…) || ೬,೫।೫

ಯಥಾ ಮಿತ್ರಶ್ ಚ ವರುಣಶ್ ಚ (…) || ೬,೫।೬

ಯಥಾ ಬ್ರಹ್ಮ ಚ ಕ್ಷತ್ರಂ ಚ (…) || ೬,೫।೭

ಯಥೇಂದ್ರಶ್ ಚೇಂದ್ರಿಯಂ ಚ (…) || ೬,೫।೮

ಯಥಾ ವೀರಶ್ ಚ ವೀರ್ಯಂ ಚ (…) || ೬,೫।೯

ಯಥಾ ಪ್ರಾಣಶ್ ಚಾಪಾನಶ್ ಚ (…) || ೬,೫।೧೦

ಯಥಾ ಮೃತ್ಯುಶ್ ಚಾಮೃತಂ ಚ (…) || ೬,೫।೧೧

ಯಥಾ ಸತ್ಯಂ ಚಾನೃತಂ ಚ (…) || ೬,೫।೧೨

ಯಥಾ ಭೂತಂ ಚ ಭವ್ಯಂ ಚ
ನ ಬಿಭೀತೋ ನ ರಿಷ್ಯತಃ |
ಏವಾ ಮೇ ಪ್ರಾಣ ಮಾ ಬಿಭೇರ್
ಏವಾ ಮೇ ಽಪಾನ ಮಾ ರಿಷಃ || ೬,೫।೧೩
(೫)

ಅನುವಾಕ ೧ ||

ಮಧುಮನ್ ಮೇ ನಿಕ್ರಮಣಂ
ಮಧುಮನ್ ಮೇ ಪರಾಯಣಂ |
ವಾಚಾ ಮಧುಮದ್ ಉದ್ಯಾಸಂ
ಅಕ್ಷ್ಯೌ ಮೇ ಮಧುಸಂದೃಶೀ || ೬,೬।೧

ಮಾಂ ಅನು ಪ್ರಸಾರಯನ್
ಮಮ ಪತ್ತೋ ನಿಪೇದಿವಾನ್ |
ಅಥೋ ಮೇ ಪುನರ್ ಆಯತೋ
ಅಕ್ಷ್ಯೌ ಕಾಮೇನ ಶುಷ್ಯತಾಂ || ೬,೬।೨

ವಶಾ ಮಧುಘ ತೇ ಮಾತಾ-
-ಉಕ್ಷಾ ಭ್ರಾತರ್ಷಭಃ ಪಿತಾ |
ಧೇನ್ವಾ ಅಧಿ ಪ್ರಜಾತೋ ಽಸಿ
ರಾಜಾ ಸನ್ ಮಧುಮತ್ತಮಃ || ೬,೬।೩

ವೃಷಾಣಂ ವೃಷ್ಣ್ಯಾವಂತಂ
ಸೋಮಪೃಷ್ಠಂ ದಿವಿ ಶ್ರಿತಂ |
ಇಂದ್ರಾಣ್ಯ್ ಅಗ್ರ ಆಭರನ್
ಮಧುಘಂ ಭಗಾಯ ಕಂ || ೬,೬।೪

ಪಿತುಭೋಜನೋ ಮಧುಘಃ
ಶೌಷ್ಕಾಸ್ಯೋ ಹೃದಯಾಯ ಕಂ |
ಸ ಮಾ ಮಧುನಾನಕ್ತು
ಯಥಾಹಂ ಕಾಮಯೇ ತಥಾ || ೬,೬।೫

ಸಿಂಧುಪ್ರಜಾನೋ ಮಧುಘೋ
ಅಶ್ವ ಇವ ನೀಯತೇ ಜನಾಁ ಅನು |
ಸ ಮಾ (…) || ೬,೬।೬

ಮಧುಮತೀ ಸಿನೀವಾಲೀ
ಮಧುನಾ ಮಾ ಸಂ ಉಕ್ಷತು |
ಸಾ ಮಾ ಮಧುನಾನಕ್ತು
ಯಥಾಹಂ ಕಾಮಯೇ ತಥಾ || ೬,೬।೭

ಯಥಾ ಮಧು ಮಧುಕೃತೋ
ನ್ಯಂಜಂತಿ ಮಧಾವ್ ಅಧಿ |
ಏವಾ ನ್ಯ್ ಅನಜ್ಮಿ ತೇ ಮನೋ
ಅಧ್ಯ್ ಅಸ್ಯಾಂ ಮಾಮಕೀ ತನೂ || ೬,೬।೮

ಯತ್ ತೇ ಮನಃ ಪರಾಗತಂ
ಯದ್ ಬದ್ಧಂ ಇಹ ವೇಹ ವಾ |
ತತ್ ತ ಆ ವರ್ತಯಾಮಸಿ
ಮಯಿ ಬಧ್ನಾಮಿ ತೇ ಮನಃ || ೬,೬।೯
(೬)

ಕಶ್ಯಪಶ್ ಚ ಸುಪರ್ಣಶ್ ಚ
ಯನ್ ಮರೀಚ್ಯಾಂ ಅತಿಷ್ಠತಾಂ |
ಸುಪರ್ಣಃ ಪರ್ಯ್ ಅವಾಪಶ್ಯತ್
ಸಮುದ್ರೇ ಭೂಮಿಂ ಆವೃತಾಂ || ೬,೭।೧

ಯಾಂ ಸುಪರ್ಣಃ ಪರ್ಯಪಶ್ಯದ್
ಅಂತರ್ ಮಹತ್ಯ್ ಅರ್ಣವೇ |
ತಾಂ ಸೂಕರ ತ್ವಂ ಮಾಯಯಾ
ತ್ರಿಃ ಸಮುದ್ರಾದ್ ಉದ್ ಆಭರಃ || ೬,೭।೨

ಯಂ ಸಮುದ್ರಾದ್ ಉದಭರೋ
ಭೂಮಿಂ ಸೂಕರ ಮಾಯಯಾ |
ಸೈಷಾ ವಿಷಸ್ಯ ದೂಷಣ್ಯ್
ಅಸ್ಮೈ ಭವತು ಭೇಷಜೀ || ೬,೭।೩

ಅಚ್ಯುತಾ ಹಿರಣ್ಯೇನ
ಯಾ ಸತ್ಯೇ ಅಧಿತಿಷ್ಠತಿ |
ತಸ್ಯಾಸ್ ತೇ ವಿಶ್ವಧಾಯಸೋ
ವಿಷದೂಷಣಂ ಉದ್ ಭರೇ || ೬,೭।೪

ಯಸ್ಯಾಃ ಕುಲಾಯಂ ಇತ್ಯ್ ಏಕಾ || ೬,೭।೫

ಯಸ್ಯಾ ಭೂಮ್ಯಾ ಉಪಜೀಕಾ
ಗೃಹಂ ಕೃಣ್ವತ ಆತ್ಮನೇ |
ತಸ್ಯಾಸ್ ತೇ ವಿಶ್ವಧಾಯಸೋ
ವಿಷದೂಷಣಂ ಉದ್ ಭರೇ || ೬,೭।೬

ಯಸ್ ತ್ವಾ ಭೂಮೇ ಽನ್ವವಿಂದದ್
ಯಸ್ ತ್ವಾ ಭೂಮ ಉದಾಭರತ್ |
ತಯೋಃ ಸಹಸ್ರಧಾಮನ್ನ್
ಅಹಂ ನಾಮಾನಿ ಜಗ್ರಭ || ೬,೭।೭

ಯಾನಿ ತ ಇಂದ್ರೋ ಅಕೃಣೋದ್
ಭೂಮೇ ನಾಮಾನಿ ವೃತ್ರಹಾ |
ತಾನಿ ತೇ ಬಭ್ರೋಃ ಸಂ ವಿದ್ಮ
ಸೇಹೈಧಿ ವಿಷದೂಷಣೀ || ೬,೭।೮

ಯಾನಿ ತೇ ಮರುತಶ್ ಚಕ್ರುರ್
ಯಾನಿ ಸಪ್ತರ್ಷಯೋ ವಿದುಃ |
ವಿಶ್ವ ಆದಿತ್ಯಾ ಯಾಂ ವಿದುಃ
ಸಾ ಭೂಮಿರ್ ವಿಷದೂಷಣೀ || ೬,೭।೯
(೭)

ಸಹಸ್ವ ಯಾತುಧಾನಾನ್
ಸಹಸ್ವ ಯಾತುಧಾನ್ಯಃ |
ಸಹಸ್ವ ಸರ್ವಾ ರಕ್ಷಾಂಸಿ
ಸಹಮಾನಾಸ್ಯ್ ಓಷಧೇ || ೬,೮।೧

ಸಹಮಾನೇ ಸಹಸ್ವತಿ
ಸಹಂತ್ಯ್ ಅಹಮುತ್ತರೇ |
ಉತಾಹಂ ಅಸ್ಮಿ ಸಾಸಹಿಃ
ಸಾಸಹೇ ವಃ ಸದಾನ್ವಾಃ || ೬,೮।೨

ಯಾ ಸಹಮಾನಾ ಚರಸಿ
ಸಾಸಹಾನ ಇವರ್ಷಭಃ |
ಸದಾನ್ವಾಘ್ನೀ ರಕ್ಷೋಘ್ನೀ
ಸಾ ತ್ವಂ ಉಗ್ರಾಸ್ಯ್ ಓಷಧೇ || ೬,೮।೩

ಖೇಲೇ ಹೈ ಲಂಬನಸ್ತನಿ
ನಶ್ಯೇತಃ ಪ್ರಾಮುತಃ ಪತ |
ನ ತ್ವಾಂ ಅವಿವ್ಯಚದ್ ಇಹ-
-ಉಕ್ಷೇವ ಶೃಂಗವಚ್ ಛಿರಃ || ೬,೮।೪

ಅಸುವಾನೇ ಬಹುಪುತ್ರೇ
ಅನಂತರ್ವೇ ಮಹೋದರಿ |
ಪಥಾಸ್ಮತ್ ಸತ್ವರೇ ತ್ವಂ
ಶರ್ಕರಾ ಬಪ್ಸತೀ ಚರ || ೬,೮।೫

ಯೇ ಽರಾಯಾಶ್ ಚರಥ
ಪಾಕಸ್ಯೇಚ್ಛಂತ ಆಸುತಿಂ |
ತಾನ್ ಅಗ್ನೇ ಕೃಷ್ಣವರ್ತನೇ
ತೀಕ್ಷ್ಣಶೃಂಗೋದೃಷನ್ನ್ ಇಹಿ || ೬,೮।೬

ಅದೋ ಯದ್ ದಾರು ಪ್ಲವತೇ
ಸಿಂಧೋರ್ ಮಧ್ಯೇ ಅಪೂರುಷಂ |
ತದ್ ಆ ರಭಸ್ವ ದುರ್ಹಣೋ
ತೇನ ಯಾಹಿ ಪರಸ್ತರಂ || ೬,೮।೭

ಯಸ್ಯಾ ಜನಿತ್ರಂ ಇಷ್ಟರ್ಗಾ
ಅದೃಷ್ಟಾಃ ಕ್ರಿಮಯಃ ಪ್ಲುಷಯಃ |
ತಸ್ಯೈ ಬಲಾಸಪತ್ನ್ಯೈ
ನಮಸ್ ಕೃಣೋಮಿ ಕುಷ್ಠ್ಯೈ || ೬,೮।೮

ಶರ್ವಪುತ್ರೇ ಭವಪತ್ನಿ
ಯಾತುಭ್ರಾತ್ರಿ ಸದಾನ್ವೇ |
ತಸ್ಯಾದ್ಧಿ ಪುತ್ರಾನ್ ಭ್ರಾತೃ̄ಂಶ್ ಚ
ಯತ್ರ ತ್ವಾ ವಿನಯಾಮಸಿ || ೬,೮।೯
(೮)

ವೃಷಾಯಂ ಅಂಶುರ್ ವೃಷಭಾಯ ಗೃಹ್ಯತೇ
ವೃಷಾಯಂ ಉಗ್ರೋ ನೃಚಕ್ಷಸೇ |
ದಿವ್ಯೋ ನರ್ಯೋ ಽಚಿಕ್ರದನ್
ಮಹನ್ ನಾಮರ್ಷಭಸ್ಯ ಯತ್ ಕಕುತ್ || ೬,೯।೧

ವಿಷುವಾನ್ ವಿಷ್ಣೋ ಭವ
ತ್ವಂ ಯೋ ನೃಪತಿರ್ ಮಮ |
ಅಥೋ ಇಂದ್ರ ಇವ ದೇವೇಭ್ಯೋ
ವಿ ಬ್ರವೀತು ಜನೇಭ್ಯಃ || ೬,೯।೨

ಮನುಷ್ಯೇಭ್ಯೋ ವಿ ಬ್ರವೀತು
ಸಜೂರ್ ಇಂದ್ರೇಣ ಮೇದಿನಾ |
ಅಗ್ನಿಶ್ ಚ ತುಭ್ಯಂ ಸಾಹಂತ್ಯೋ
ರಾಷ್ಟ್ರಂ ವೈಶ್ವಾನರೋ ದಧತ್ || ೬,೯।೩

ಯಸ್ಯಾಯಂ ಭಾಗ ಋಷಭ
ಇಂದ್ರಾಯ ಪರಿಣೀಯತೇ |
ಸ ಹಂತು ಶತ್ರೂನ್ ಆಯತೋ
ಅಥೋ ಹಂತು ಪರಾಯತಃ || ೬,೯।೪

ಸ ಹಂತಾ ಶತ್ರೋರ್ ಭವತು
ಹಂತಾ ಭವತು ದೋಧತಾಂ |
ವಿಶಾಂ ಅಹ ಪ್ರಣೀರ್ ಅಯದ್
ಅಗ್ರಂ ಉದ್ಭಿಂದತಾಂ ಅಸತ್ || ೬,೯।೫

ಆಯುಷ್ಮಂತಂ ವರ್ಚಸ್ವಂತಂ
ಅಥೋ ಅಧಿಪತಿಂ ವಿಶಾಂ |
ಅಸ್ಯಾಃ ಪೃಥಿವ್ಯಾಶ್ ಚೇತ್ತಾರಂ
ಇಮಂ ಇಂದ್ರರ್ಷಭಂ ಕೃಣು || ೬,೯।೬

ಯಃ ಸುಶೃಂಗಃ ಸುಕಕುದಃ
ಕಲ್ಯಾಣೋ ಬರ್ಹಿರ್ ಆಸದತ್ |
ಕಾರ್ಷೀವಣಪ್ರಜಾನೇನ
ಋಷಭೇಣ ಯಜಾಮಹೇ || ೬,೯।೭

ಋಷಭೇಣ ಯಜಮಾನಾ
ಅಕ್ರೂರೇಣೇವ ಸರ್ಪಿಷಾ |
ಮೃಧಶ್ ಚ ಸರ್ವಾ ಇಂದ್ರೇಣ
ಪೃತನಾಶ್ ಚ ಸಹಾಮಹೇ || ೬,೯।೮

ಯಂ ತುಭ್ಯಂ ಭಾಗಂ ಋಷಭಂ
ದೇವಾಃ ಕೇವಲ್ಯಂ ದದುಃ |
ತೇನ ವೃತ್ರಾಣಿ ಜಂಘನಃ
ಶತ್ರೂಂಶ್ ಚ ಜಹ್ಯ್ ಆಹವೇ || ೬,೯।೯

ಜಹಿ ಶತ್ರೂನ್ ವಿ ಮೃಧೋ ನುದಸ್ವ
ಕೃಷ್ಯಾಃ ಸಂಭೂತೋ ಅಸಿ ವೀರ್ಯಾವಾನ್ |
ಇಂದ್ರಾಯ ಭಾಗಂ ಪರಿ ತ್ವಾ ನಯಾಮ
ಉರುರ್ ನೋ ಲೋಕೋ ಅಪೃತನ್ಯೋ ಅಸ್ತು || ೬,೯।೧೦

ಘೃತವೃದ್ಧ ಘೃತಾಹುತ
ಸಹಸ್ರಶೃಂಗ ಸುಷ್ಟುತ |
ಘೃತಾಹವನ ದೀದಿಹಿ || ೬,೯।೧೧

ಯೋ ಘೃತೇನಾಭಿಘಾರಿತ
ಉಗ್ರೋ ಜೈತ್ರಾಯ ತಿಷ್ಠಸಿ |
ಸ ನಃ ಸಂಕಾಸು ಪಾರಯ
ಪೃತನಾಸಾಹ್ಯೇಷು ಚ || ೬,೯।೧೨
(೯)

ಕರ್ಕೀ ಸುಭಾಗ ಋಷಭಸ್ಯ ಪತ್ನೀ
ಪ್ರಜಾಕಾಮಾ ವಶಿನೀ ವಾಶಿತಾ ಗೌಃ |
ತಾಂ ಸಹಸ್ರಂ ಏಕಮುಖಾ ದದಾತಿ
ಗರ್ಭಂ ದಧಾನಾಂ ಋತುನಾ ಚರಂತೀಂ || ೬,೧೦।೧

ಗರ್ಭಂ ದಧಾನಾ ಪಯ ಇದ್ ದುಹಾನಾ
ಅಗ್ನಿಹೋತ್ರಂ ವೈಶ್ವದೇವೀ ದುಹಾನಾ |
ಗೌರ್ ಣೋ ಮಾ ಹಿಂಸೀದ್ ವರುಣಸ್ಯ ಪತ್ನೀ || ೬,೧೦।೨

ಕರ್ಕ್ಯಾ ಯೋನಿಂ ಸಂಮನಸೋ ಽಭಿ ಗಾವಃ
ಪ್ರಜಾಂ ಧಿತ್ಸಂತೋ ವೃಷಣಶ್ ಚರಂತಿ |
ಸಾ ನ ಐತ್ವ್ ಅದಿತಿರ್ ವಿಶ್ವರೂಪಾ-
-ಅಭಿ ಕ್ರಂದಂತಿ ಭುವನಾನ್ಯ್ ಏನಾಂ || ೬,೧೦।೩

ಪ್ರಜಾಪತಿನೇಷಿತಾಂ ಋತ್ವಿಯಾವತೀಂ
ಐನಾಂ ಪ್ರಜಾಯಾ ಋಷಭಾಃ ಶ್ರಯಂತೇ |
ವೃಷಣ್ಯಂತೀಂ ವೃಷಣಃ ಸಪ್ತನಾಮ್ನೀಂ
ಹಿಂಕೃಣ್ವಂತೋ ಅಭಿ ನುದಂತು ವಾಶಿತಾಂ || ೬,೧೦।೪

ಸಾ ಪ್ರತ್ಯ್ ಅದರ್ಶ್ಯ್ ಉಷಸಾ ಸುವರ್ಣಾ
ಶುಕ್ರಾಂ ವಸಾನಾ ವರುಣಸ್ಯ ನಿರ್ಣಿಜಂ |
ವೈಶ್ವದೇವೀ ಸ್ವಧಾಂ ಆಭರಂತೀ
ಪ್ರಜಾಂ ದಾತಾ ಪುಷ್ಯತು ಗೋಪತಿಷ್ ಟೇ || ೬,೧೦।೫

ಸ್ವಯಂಸ್ಥಾವರ್ಯ್ ಋಷಭಾಯ ತಿಷ್ಠಸಿ
ಪ್ರತೀಚೀ ಸೋಮಂ ಪ್ರತಿ ಸೂರ್ಯಂ ಅಗ್ನಿಂ |
ಅಹಿಂಸಂತೀ ವಾಶಿತೇ ಮಾಂ ಉಪೇಹಿ
ಪಶೂನ್ ದಾತಾ ಪುಷ್ಯತು ಗೋಪತಿಷ್ ಟೇ || ೬,೧೦।೬

ವಶೀ ದಾತಾ ಭವತು ವಾಶಿತಾಯಾ
ಅಗ್ನೇರ್ ಭಾಗಂ ಉಸ್ರಿಯಾಂ ಯೋ ದದಾತಿ |
ಪ್ರಿಯಂ ಧಾಮ ಹೃದಯಂ ಸೋಮ್ಯಂ ಮಧು
ವಾಜಿನೀಂ ತ್ವಾ ವಾಜಿನೋ ವಾಜಯಂತು || ೬,೧೦।೭

ಯೋ ವಾಶಿತಾಯಾಂ ಗವ್ಯ್ ಅಂತರ್ ಅಗ್ನಿರ್
ಯದ್ ಅಸ್ಯಾಂ ನೃಮ್ಣಂ ಮಹಿಮಾ ಬಭೂವ |
ನಮಸ್ ತಸ್ಮೈ ಪ್ರತಿಗೃಹ್ಣನ್ ಕೃಣೋಮಿ
ಸ್ಯೋನಾ ಮೇ ಅಸ್ತು ತನ್ವೇ ಸುಶೇವಾ || ೬,೧೦।೮

ಏಯಂ ಅಗನ್ ವಾಶಿತಾ ತಾಂ ಪ್ರತೀಮಃ
ಪುಂಸಾಂ ವ್ರಾತೇನ ಸಹ ಪುಷ್ಟ್ಯಾ ಗೌಃ |
ಊರ್ಜಂ ದಧಾನಾ ಘೃತಂ ಇದ್ ದುಹಾನಾ
ಸಹಸ್ರಪೋಷಾಯ ಮೇ ಅಸ್ತು ದಾತ್ರೇ || ೬,೧೦।೯
(೧೦)

ಅನುವಾಕ ೨ ||
ಬ್ರಹ್ಮ ಜಜ್ಞಾನಂ ಇತ್ಯ್ ಏಕಾ ||
ಅನಾಪ್ತಾ ಯೇ ವಃ ಪ್ರಥಮಾ
ಯಾನಿ ಕರ್ಮಾಣಿ ಚಕ್ರಿರೇ |
ವೀರಾನ್ ನೋ ಅತ್ರ ಮಾ ದಭನ್
ತದ್ ವ ಏತತ್ ಪುರೋ ದಧೇ || ೬,೧೧।೨

ಪ್ರತ್ನಾನ್ ಮಾನಾತ್ ಪರಿ ಯೇ ಸಂಬಭೂವುಃ
ಶ್ಲೋಕವಂತಃ ಸೌಮನಸಸ್ಯ ವಂತವಃ |
ಅಪಾನಕ್ಷಾಸೋ ಬಧಿರಾ ಅಹಾಸತ-
-ಋತಸ್ಯ ಪಂಥಾಂ ನ ತರಂತಿ ದುಷ್ಕೃತಃ || ೬,೧೧।೩

ಸಹಸ್ರಧಾರಂ ಅಭಿ ತೇ ಸಂ ಅಸ್ವರನ್
ದಿವೋ ನಾಕೇ ಮಧುಜಿಹ್ವಾ ಅಸಶ್ಚತಃ |
ತಸ್ಯ ಸ್ಪಶೋ ನ ನಿ ಮಿಷಂತಿ ಭೂರ್ಣಯಃ
ಪದೇಪದೇ ಪಾಶಿನಃ ಸಂತು ಸೇತವೇ || ೬,೧೧।೪

ಪರ್ಯ್ ಊ ಷು ಪ್ರ ಧನ್ವಾ ವಾಜಸಾತಯೇ
ಪರಿ ವೃತ್ರಾಣಿ ಸಕ್ಷಣಿಃ |
ದಿವಸ್ ತದ್ ಅರ್ಣವಾಁ ಅನ್ವ್ ಈಯಸೇ
ಸನಿಸ್ರಸೋ ನಾಮಾಸಿ ತ್ರಯೋದಶೋ ಮಾಸಃ || ೬,೧೧।೫

ಇಂದ್ರಸ್ಯ ಗೃಹೋ ಽಸೀಂದ್ರಸ್ಯ ಶರ್ಮಾಸೀಂದ್ರಸ್ಯ ವರ್ಮಾಸೀಂದ್ರಸ್ಯ ವರೂಥಂ ಅಸಿ |
ವ್ಯ್ ಏತೇನಾವೈತೇನಾಪೈತೇನಾರಾತ್ಸೀರ್ ಅಸೌ ಸ್ವಾಹಾ || ೬,೧೧।೬

ತಿಗ್ಮಾಯುಧೌ ತಿಗ್ಮಹೇತೀ ಸುಶೇವಾವ್
ಅಗ್ನೀಷೋಮಾವ್ ಇಹ ಸು ಮೃಡತಂ ನಃ |
ಮುಮುಕ್ತಂ ಅಸ್ಮಾನ್ ಗೃಭೀತಾನ್ ಅವದ್ಯಾಜ್
ಜುಷೇಥಾಂ ಯಜ್ಞಂ ಅಮೃತಂ ಅಸ್ಮಾಸು ಧತ್ತಂ ಸ್ವಾಹಾ || ೬,೧೧।೭

ಚಕ್ಷುಷೋ ಹೇತೇ ಮನಸೋ ಹೇತೇ ಬ್ರಹ್ಮಣೋ ಹೇತೇ ಮೇನ್ಯಾಮೇನಿರ್ ಅಸಿ |
ಅಮೇನಯಸ್ ತೇ ಸಂತು ಯೇ ಽಸ್ಮಾನ್ ಅಭ್ಯಘಾಯಂತಿ ಸ್ವಾಹಾ || ೬,೧೧।೮

ಯೋ ಽಸ್ಮಾಞ್ ಚಕ್ಷುಷಾ ಮನಸಾ
ಯಶ್ ಚ ವಾಚಾಕೂತ್ಯಾ ಚಿತ್ತ್ಯಾ ಬ್ರಹ್ಮಣಾಘಾಯುರ್ ಅಭಿದಾಸಾತ್ |
ತಂ ಅಗ್ನೇ ತ್ವಂ ಮೇನ್ಯಾಮೇನಿಂ ಕೃಣು ಸ್ವಾಹಾ || ೬,೧೧।೯

ಉದ್ ಆಯುರ್ ಉತ್ ಕೃತಂ ಉದ್ ಬಲಂ ಉನ್ ಮನೀಷೋದ್ ಇಂದ್ರಿಯಂ
ನೃಮ್ಣಂ ಅಸ್ಮಾಸು ಧೇಹಿ ಸ್ವಾಹಾ || ೬,೧೧।೧೦
(೧೧)

ಆಯುಷ್ಕೃತಾಯುಷ್ಮತೀ ಸ್ವಧಾವಂತೌ
ಗೋಪಾ ಮೇ ಸ್ಥೋ ಗೋಪಾಯತಂ ಮಾ |
ಆತ್ಮಸದೌ ಮೇ ಸ್ತಂ ತನ್ವೇ ಸುಶೇವೌ
ಮಾ ಮಾ ಹಿಂಸಿಷ್ಟಂ ಸ್ವಾಹಾ || ೬,೧೨।೧

ಇಂದ್ರಸ್ಯ ಗೃಹೋ ಽಸೀಂದ್ರಸ್ಯ ಶರ್ಮಾಸೀಂದ್ರಸ್ಯ ವರ್ಮಾಸೀಂದ್ರಸ್ಯ ವರೂಥಂ ಅಸಿ |
ತಂ ತ್ವಾ ಪ್ರ ವಿಶಾಮಿ ಸರ್ವಾಂಗಃ ಸರ್ವಾತ್ಮಾ ಸರ್ವಗುಃ ಸರ್ವಪೂರುಷಃ ಸಹ ಯನ್ ಮೇ ಽಸ್ತಿ ತೇನ || ೬,೧೨।೨

ಅಸ್ತೃತೋ ನಾಮಾಹಂ ಅಯಂ ಅಸ್ಮಿ
ಸ ಆತ್ಮಾನಂ ಪರಿ ದಧೇ ದ್ಯಾವಾಪೃಥಿವೀಭ್ಯಾಂ |
ಗೋಪೀಥಾಯ ಪ್ರ ಹೂಯಸೇ || ೬,೧೨।೩

ಅಸ್ತೃತೋ ನಾಮ ಪ್ರಾಜಾಪತ್ಯೋ
ದೇವೋ ಮಾಸಸ್ ತ್ರಯೋದಶಃ |
ಸರ್ವಗುಃ ಸರ್ವಪೂರುಷಃ
ಪ್ರಾಗಾಂ ದೇವಪುರಾ ಅಹಂ || ೬,೧೨।೪

ಅಂತಃ ಪ್ರಾಗಾಂ ದೇವಪುರಾಃ
ಸಹಗ್ರಾಮಃ ಸ್ವಸ್ತಯೇ |
ಸಂವತ್ಸರಸ್ಯ ಮಧ್ಯತಃ
ಸರ್ವೈಃ ಸೋದರ್ಯೈಃ ಸಹ || ಪ್ರಪಾಠಕ || ೬,೧೨।೫

ಪ್ರಾಹಂ ಅಗಾಂ ದೇವಪುರಾ
ಯ ಏವಾಸ್ಮಿ ಸ ಏವ ಸನ್ |
ಯೋ ಮಾ ಕಶ್ ಚಾಭಿದಾಸತಿ
ಸ ಪ್ರಜಾಪತಿಂ ಋಚ್ಛತು || ೬,೧೨।೬

ಅಶ್ಮಾಸಿ ಪ್ರತಿಸ್ಪಶಃ
ಪಾಹಿ ರಿಷಃ ಪಾಹಿ ದ್ವಿಷಃ |
ಪಾಹಿ ದೈವ್ಯಾಭಿಶಸ್ತ್ಯಾಃ
ಸ ಮ ಇಹ ತನ್ವಂ ಪಾಹಿ || ೬,೧೨।೭

ಯೋ ಽಸ್ಮಾನ್ ಪ್ರಾಚ್ಯಾ ದಿಶೋ ಽಘಾಯುರ್ ಅಭಿದಾಸಾತ್ |
ಏತತ್ ಸ ಋಚ್ಛಾದ್ ಅಶ್ಮವರ್ಮ ನೋ ಽಸ್ತು || ೬,೧೨।೮

(…) ಅಸ್ಮಾನ್ ದಕ್ಷಿಣಾಯಾ ದಿಶಃ (…) || ೬,೧೨।೯

(…) ಅಸ್ಮಾನ್ ಪ್ರತೀಚ್ಯಾ ದಿಶಃ (…) || ೬,೧೨।೧೦
(೧೨)
(…) ಅಸ್ಮಾನ್ ಉದೀಚ್ಯಾ ದಿಶಃ (…) ||(…) ಅಸ್ಮಾನ್ ಧ್ರುವಾಯಾ ದಿಶಃ (…) ||
ಯೋ ಽಸ್ಮಾನ್ ಊರ್ಧ್ವಾಯಾ ದಿಶೋ ಽಘಾಯುರ್ ಅಭಿದಾಸಾತ್ |
ಏತತ್ ಸ ಋಚ್ಛಾದ್ ಅಶ್ಮವರ್ಮ ನೋ ಽಸ್ತು || ೬,೧೩।೩

ಪ್ರಾಚ್ಯೈ ದಿಶೇ ಸ್ವಾಹಾ || ೬,೧೩।೪

ದಕ್ಷಿಣಾಯೈ ದಿಶೇ ಸ್ವಾಹಾ || ೬,೧೩।೫

ಪ್ರತೀಚ್ಯೈ ದಿಶೇ ಸ್ವಾಹಾ || ೬,೧೩।೬

ಉದೀಚ್ಯೈ ದಿಶೇ ಸ್ವಾಹಾ || ೬,೧೩।೭

ಧ್ರುವಾಯೈ ದಿಶೇ ಸ್ವಾಹಾ || ೬,೧೩।೮

ಊರ್ಧ್ವಾಯೈ ದಿಶೇ ಸ್ವಾಹಾ || ೬,೧೩।೯

ದಿವೇ ಸ್ವಾಹಾ || ೬,೧೩।೧೦

ಅಂತರಿಕ್ಷಾಯ ಸ್ವಾಹಾ || ೬,೧೩।೧೧

ಪೃಥಿವ್ಯೈ ಸ್ವಾಹಾ || ೬,೧೩।೧೨

ಪೃಥಿವ್ಯೈ ಸ್ವಾಹಾ || ೬,೧೩।೧೩

ಅಂತರಿಕ್ಷಾಯ ಸ್ವಾಹಾ || ೬,೧೩।೧೪

ದಿವೇ ಸ್ವಾಹಾ || ೬,೧೩।೧೫
(೧೩)

ಮಹಾಕಂಠಂ ಕರೀಷಜಂ
ಊಬಧ್ಯಾದಂ ಅನಾಹುತಿಂ |
ಓಷ್ಠಃ ಕೋಕಮುಖಶ್ ಚ ಯಸ್
ತಾನ್ ಇತೋ ನಾಶಯಾಮಸಿ || ೬,೧೪।೧

ರಾಮದಂತಂ ಅವದಲಂ
ಪ್ರಹಾಲಂ ಅಹಿನಾಸಿಕಂ |
ಉಪವರ್ತಂ ಬಲಾಹಕಂ
ಖೇಲಂ ಗರ್ದಭನಾದಿನಂ
ಗೃಧ್ರಂ ಹಸ್ತ್ಯಾಯನಂ
ತಾನ್ (…) || ೬,೧೪।೨

ಪ್ರಮೃಶ್ಯಾದಿನಂ ಅಭ್ಯಮಂ
ಭೀಮಹಸ್ತಂ ಮರೀಮೃಶಂ |
ತ್ರಸ್ತಾಕ್ಷಂ ಮೃದ್ವಂಗುಲಿಂ
ನಖೋಗ್ರಂ ದಂತವೀರ್ಯಂ
ತಾನ್ (…) || ೬,೧೪।೩

ಪರ್ಯನ್ಯಂ ಅಭಿಪಾಪದಂ
ಜಿಗೀಷಮಾಣಂ ರೂಪಕಂ |
ಅಥೋ ಶಲಲ್ಯಂ ಶೇವಲಂ
ತಾನ್ (…) || ೬,೧೪।೪

ತಂಡಂ ಅಗ್ರೇತುಂಡಿಕಂ
ಅಲಿಂಶಂ ಉತ ವತ್ಸಪಂ |
ದಾಮಗ್ರಂಥಿಂ ಸನಿಸ್ರಸಂ
ಅರಣ್ಯೇಯಂ ಚಾರ್ಮ್ಯೇಯಂ
ತಾನ್ (…) || ೬,೧೪।೫

ಇದಂ ಯಜ್ ಜಾನುಕೇಶವಂ
ರಕ್ಷಶ್ ಚರತ್ಯ್ ಆಸುರಂ
ಬಹಿಃ ಪ್ರಯುತಂ ಇಚ್ಛತಿ |
ಅಂಸೂನ್ ಪಾಂಸ್ಯೂಂಶ್ ಚ ಕೇಶ್ಯಾನ್
ಅರಾಯಾಞ್ ಛ್ವಕಿಷ್ಕಿಣಸ್
ತಾನ್ ಇತೋ ನಾಶಯಾಮಸಿ || ೬,೧೪।೬

ಯಃ ಕುಮಾರಾಞ್ ಜನಸ್ಯಾತ್ತಿ
ತರುಣಾನ್ ದಾಸ ಆಸುರಃ |
ಅರಾಯಃ ಕೇಶ್ಯ್ ಅಘಲೋ
ಯೋ ಜನಾನ್ ಹಂತ್ಯ್ ಅತ್ತಿ ಚ
ತಂ ಇತೋ ನಾಶಯಾಮಸಿ || ೬,೧೪।೭

ಹಿರಾಕ್ಷೋ ನಾಮ ಗೇಹ್ಯೋ
ಽರಾಯೋ ನಾಮ ಸೂರ್ತಹಾ |
ತಂ ಇತೋ ನಾಶಯಾಮಸಿ || ೬,೧೪।೮

ವಿತೂಲಂ ಭಸ್ವಂ ಆಖಿದಂ
ವನಕ್ರೋಶಂ ಚ ರೋರುಹಂ |
ಆಮಾದಂ ಪ್ರಯುತೈಷಣಂ
ಪರ್ಯುಂದಾನಂ ಪರಿದ್ರವಂ
ವೃಕಸ್ಯ ನ್ಯಂಚಂ ಗಂಗಣಂ
ತಾನ್ ಇತೋ ನಾಶಯಾಮಸಿ || ೬,೧೪।೯
(೧೪)

ಯಶ್ ಚ ಭೂಮಾ ಯಾ ಚ ಸ್ಫಾತಿರ್
ಯೋರ್ಜಾ ಯೋ ರಸಶ್ ಚ ತೇ |
ಹರಾಮಿ ಶಕ್ರ ತಾಁ ಅಹಂ
ತ್ವಯಾ ಪ್ರತ್ತಾಂ ಶಚೀಪತೇ || ೬,೧೫।೧

ಕ್ಷೇತ್ರಾತ್ಕ್ಷೇತ್ರಾದ್ ಆ ಹರಾಮಿ
ಸ್ಫಾತಿಂ ಸರ್ವಾಂ ಶಚೀಪತೇ |
ತ್ವಯಾಹಂ ವೃತ್ರಹನ್ ಪ್ರತ್ತಂ
ಆ ಹರಾಮಿ ಗೃಹಾಁ ಉಪ || ೬,೧೫।೨

ಯಸ್ ತೇ ಸೀತಾಭಗಃ ಕ್ಷೇತ್ರೇ
ಯಾ ರಾದ್ಧಿರ್ ಯಚ್ ಚ ಶೀಯತೇ |
ಅಥೋ ಯಾ ನಿಷ್ಠಾ ತೇ ಕ್ಷೇತ್ರೇ
ತಾಂ ತ ಆದಿಷಿ ಬ್ರಹ್ಮಣಾ || ೬,೧೫।೩

ಯತ್ ಖಲೇ ಯನ್ ಮಯಾರೇ
ಯದ್ ಗೋಷ್ಠೇ ಯಚ್ ಚ ಶೇವಧೌ |
ಅಥೋ ಯತ್ ಕುಂಭ್ಯಾಂ ಶಯೇ
ತಸ್ಯ ತೇ ರಸಂ ಆ ದದೇ || ೬,೧೫।೪

ಊರ್ಜಾ ಯಾ ತೇ ನಿರುಪ್ತಸ್ಯ-
-ಊರ್ಜಾ ಯಾವಹತಸ್ಯ ತೇ |
ಊರ್ಜಾಂ ತೇ ಪಿಷ್ಯಮಾಣಸ್ಯ-
-ಊರ್ಜಾಂ ಪಿಷ್ಟಾತ್ ತ ಆ ದದೇ || ೬,೧೫।೫

(…) ತೇ ನಿರುಪ್ತಸ್ಯ-
-ಊರ್ಜಾ ಯಾವಹತಸ್ಯ ತೇ |
ಊರ್ಜಾಂ ತೇ ಪಚ್ಯಮಾನಸ್ಯ-
-ಊರ್ಜಾಂ ಪಕ್ವಾತ್ ತೇ (…) || ೬,೧೫।೬

ಊರ್ಜಾ ಯಾ ತೇ ಪ್ರಣದ್ಧಸ್ಯ-
-ಊರ್ಜಾ ಯಾ ಮಥಿತಸ್ಯ ತೇ |
ಊರ್ಜಾಂ ತೇ ದುಹ್ಯಮಾನಸ್ಯ-
-ಊರ್ಜಾಂ ದುಗ್ಧಾತ್ ತ ಆ ದದೇ || ೬,೧೫।೭

ಆ ತೇ ದದೇ ಗವಾಂ ಊರ್ಜಾಂ
ಊರ್ಜಾಂ ಅವಿಭ್ಯ ಆ ದದೇ |
ಅಜಾಭ್ಯ ಊರ್ಜಾಂ ಆದಾಯ-
-ಆ ತ ಏಕಶಫಾದ್ ದದೇ || ೬,೧೫।೮

ಊರ್ಜಾ ಯಾ ತೇ ಪುರುಷೇಷು-
-ಊರ್ಜಾ ವಿತ್ತೇ ಚ ವೇದ್ಯೇ |
ಊರ್ಜಾಂ ತೇ ಸರ್ವೇಷಾಂ ಅಹಂ
ಗೃಹಾಣಾಂ ಬ್ರಹ್ಮಣಾ ದದೇ || ೬,೧೫।೯
(೧೫)

ಪಿತುಂ ನು ಸ್ತೋಷಂ
ಮಹೋ ಧರ್ಮಾಣಂ ತವಿಷೀಂ |
ಯಸ್ಯ ತ್ರಿತೋ ವ್ಯ್ ಓಜಸಾ
ವೃತ್ರಂ ವಿಪರ್ವಂ ಅರ್ದಯತ್ || ೬,೧೬।೧

ಸ್ವಾದೋ ಪಿತೋ ಮಧೋ ಪಿತೋ
ವಯಂ ತ್ವಾ ವವೃಮಹೇ |
ಅಸ್ಮಾಕಂ ಅವಿತಾ ಭವ || ೬,೧೬।೨

ಉಪ ನಃ ಪಿತವ್ ಆ ಗಹಿ
ಶಿವಃ ಶಿವಾಭಿರ್ ಊತಿಭಿಃ |
ಮಯೋಭೂರ್ ಅದ್ವಿಷೇಣ್ಯಃ
ಸಖಾ ಸುಶೇವ ಏಧಿ ನಃ || ೬,೧೬।೩

ತವ ತ್ಯೇ ಪಿತೋ ರಸಾ
ರಜಾಂಸ್ಯ್ ಅನು ವಿಷ್ಠಿತಾಃ |
ದಿವಿ ವಾತಾ ಇವ ಶ್ರಿತಾಃ || ೬,೧೬।೪

ತವ ತ್ಯೇ ಪಿತೋ ದದತಸ್
ತವ ಸ್ವಾದಿಷ್ಠ ತೇ ಪಿತೋ |
ಪ್ರ ಸ್ವಾದ್ಮಾನೋ ರಸಾನಾಂ
ತುವಿಗ್ರೀವಾ ಇವೇರತೇ || ೬,೧೬।೫

ತ್ವೇ ಪಿತೋ ಮಹಾನಾಂ
ದೇವಾನಾಂ ಮನೋ ಹಿತಂ |
ಅಕಾರಿ ಚಾರು ಕೇತುನಾ
ತವಾಹಿಂ ಅವಸಾವಧೀತ್ || ೬,೧೬।೬

ಯದ್ ಅದಃ ಪಿತೋ ಅಜಗನ್
ವಿವಸ್ವ ಪರ್ವತಾನಾಂ |
ಅತ್ರಾ ಚಿನ್ ನೋ ಮಧೋ ಪಿತೋ
ಽರಂ ಭಕ್ಷಾಯ ಗಮ್ಯಾಃ || ೬,೧೬।೭

ಯತ್ ತೇ ಸೋಮ ಗವಾಶಿರೋ
ಯವಾಶಿರೋ ಭಜಾಮಹೇ |
ವಾತಾಪೇ ಪೀವ ಇದ್ ಭವ || ೬,೧೬।೮

ಯದ್ ಅಪಾಂ ಓಷಧೀನಾಂ
ಪರಿಂಶಂ ಆರಿಶಾಮಹೇ (…) || ೬,೧೬।೯

ಕರಂಭ ಓಷಧೇ ಭವ
ಪೀವೋ ವೃಕ್ಕ ಉದಾರಥಿಃ |
ವಾತಾಪೇ ಪೀವ ಇದ್ ಭವ || ೬,೧೬।೧೦

ತಂ ತ್ವಾ ವಯಂ ಪಿತೋ ವಚೋಭಿರ್
ಗಾವೋ ನ ಹವ್ಯಾ ಸುಷೂದಿಮ |
ಅಸ್ಮಭ್ಯಂ ತ್ವಾ ಸಧಮಾದಂ
ದೇವೇಭ್ಯಸ್ ತ್ವಾ ಸಧಮಾದಂ || ೬,೧೬।೧೧
(೧೬)

ಪ್ರತಿ ತ್ಯಂ ಚಾರುಂ ಅಧ್ವರಂ
ಗೋಪೀಥಾಯ ಪ್ರ ಹೂಯಸೇ |
ಮರುದ್ಭಿರ್ ಅಗ್ನ ಆ ಗಹಿ || ೬,೧೭।೧

ನಹಿ ದೇವೋ ನ ಮರ್ತ್ಯೋ
ಮಹಸ್ ತವ ಕ್ರತುಂ ಪರಃ (…) || ೬,೧೭।೨

ಯೇ ಮಹೋ ರಜಸೋ ವಿದುರ್
ವಿಶ್ವೇ ದೇವಾಸೋ ಅದ್ರುಹಃ (…) || ೬,೧೭।೩

ಯೇ ಶುಭ್ರಾ ಘೋರವರ್ಪಸಃ
ಸುಕ್ಷತ್ರಾಸೋ ರಿಶಾದಸಃ (…) || ೬,೧೭।೪

ಯ ಉಗ್ರಾ ಅರ್ಕಂ ಆನೃಚುರ್
ಅನಾಧೃಷ್ಟಾಸ ಓಜಸಾ (…) || ೬,೧೭।೫

ಯೇ ನಾಕಸ್ಯಾಧಿ ರೋಚನೇ
ದಿವಿ ದೇವಾಸ ಆಸತೇ (…) || ೬,೧೭।೬

ಯ ಈಂಖಯಂತಿ ಪರ್ವತಾನ್
ತಿರಃ ಸಮುದ್ರಂ ಓಜಸಾ (…) || ೬,೧೭।೭

ಆ ಯೇ ತನ್ವಂತಿ ರಶ್ಮಿಭಿಸ್
ತಿರಃ ಸಮುದ್ರಂ ಅರ್ಣವಂ (…) || ೬,೧೭।೮

ಅಭಿ ತ್ವಾ ಪೂರ್ವಪೀತಯೇ
ಸೃಜಾಮಿ ಸೋಮ್ಯಂ ಮಧು (…) || ೬,೧೭।೯

ಆ ಯಂತು ಮರುತೋ ಗಣೈ
ಸ್ತುತಾ ದಧತು ನೋ ರಯಿಂ (…) || ೬,೧೭।೧೦

ಆ ತ್ವಾ ಕಣ್ವಾ ಅಹೂಷತ
ಗೃಣಂತಿ ವಿಪ್ರ ತೇ ಧಿಯಃ |
ಮರುದ್ಭಿರ್ ಅಗ್ನ ಆ ಗಹಿ || ೬,೧೭।೧೧
(೧೭)

ಅನುವಾಕ ೩ ||

ಸಂ ಮಾ ಸಿಂಚಂತು ಮರುತಃ
ಸಂ ಪೂಷಾ ಸಂ ಬೃಹಸ್ಪತಿಃ |
ಸಂ ಮಾಯಂ ಅಗ್ನಿಃ ಸಿಂಚತು
ಪ್ರಜಯಾ ಚ ಧನೇನ ಚ
ದೀರ್ಘಂ ಆಯುಷ್ ಕೃಣೋತು ಮೇ || ೬,೧೮।೧

(…) ಸಿಂಚಂತ್ವ್ ಆದಿತ್ಯಾಃ
ಸಂ ಮಾ ಸಿಂಚಂತ್ವ್ ಅಗ್ನಯಃ |
ಇಂದ್ರಃ ಸಂ ಅಸ್ಮಾನ್ ಸಿಂಚತು (…) || ೬,೧೮।೨

(…) ಸಿಂಚಂತ್ವ್ ಅರುಷಾಃ
ಸಂ ಅರ್ಕಾ ಋಷಯಶ್ ಚ ಯೇ |
ಪೂಷಾ ಸಂ (…) || ೬,೧೮।೩

(…) ಸಿಂಚಂತು ಗಂಧರ್ವಾಪ್ಸರಸಃ
ಸಂ ಮಾ ಸಿಂಚಂತು ದೇವತಾಃ |
ಭಗಃ ಸಂ (…) || ೬,೧೮।೪

(…) ಸಿಂಚಂತು ಪೃಥಿವೀಃ
ಸಂ ಮಾ ಸಿಂಚಂತು ಯಾ ದಿವಃ |
ಅಂತರಿಕ್ಷಂ ಸಂ (…) || ೬,೧೮।೫

(…) ಸಿಂಚಂತು ಪ್ರದಿಶಃ
ಸಂ ಮಾ ಸಿಂಚಂತು ಯಾ ದಿಶಃ |
ಆಶಾ ಸಂ (…) || ೬,೧೮।೬

(…) ಸಿಂಚಂತು ನದ್ಯಃ
ಸಂ ಮಾ ಸಿಂಚಂತು ಸಿಂಧವಃ |
ಸಮುದ್ರಃ ಸಂ (…) || ೬,೧೮।೭

(…) ಸಿಂಚಂತು ಕೃಷಯಃ
ಸಂ ಮಾ ಸಿಂಚಂತ್ವ್ ಓಷಧೀಃ |
ಸೋಮಃ ಸಂ (…) || ೬,೧೮।೮

ಸಂ ಮಾ ಸಿಂಚಂತು ಯಾ ಆಪಃ
ಸಂ ಮಾ ಸಿಂಚಂತು ವೃಷ್ಟಯಃ |
ಸರಸ್ವತೀ ಸಂ ಅಸ್ಮಾನ್ ಸಿಂಚತು
ಪ್ರಜಯಾ ಚ ಧನೇನ ಚ
ದೀರ್ಘಂ ಆಯುಷ್ ಕೃಣೋತು ಮೇ || ೬,೧೮।೯
(೧೮)

ಸಂ ಭಗೋ ವರ್ಚಸಾ ಮಾಗ್ನೇ
ಸಂ ವಿಷ್ಣುಃ ಪುಷ್ಟ್ಯಾ ಸಿಚತ್ |
ಕ್ಷತ್ರಂ ಸಂ ಅಸ್ಮಾನ್ ಸಿಂಚತು
ಪ್ರಜಯಾ ಚ ಧನೇನ ಚ-
-ಆಯುಷ್ಮಂತಂ ಕೃಣೋತು ಮಾ || ೬,೧೯।೧

ಸಂ ವಿರಾಡ್ ವರ್ಚಸಾ ಮಾಗ್ನೇ
ಸಂ ದೇಷ್ಟ್ರೀ ಪುಷ್ಟ್ಯಾ ಸಿಚತ್ |
ಇಡಾ ಸಂ ಅಸ್ಮಾನ್ ಸಿಂಚತು
ಪ್ರಜಯಾ ಚ (…) || ೬,೧೯।೨

ಸಂ ಧಾತಾ ವರ್ಚಸಾ ಮಾಗ್ನೇ
ಸಂ ಸಿಕ್ತಿಃ ಪುಷ್ಟ್ಯಾ ಸಿಚತ್ |
ಸಂ ದೇವೋ ಅಸ್ಮಾನ್ ಅರ್ಯಮಾ
ಪ್ರಜಯಾ ಚ (…) || ೬,೧೯।೩

ಸಂ ಅಂಶೋ ವರ್ಚಸಾ ಮಾಗ್ನೇ
ಸಂ ವಾಯುಃ ಪುಷ್ಟ್ಯಾ ಸಿಚತ್ |
ವಾತಃ ಸಂ ಅಸ್ಮಾನ್ ಸಿಂಚತು
ಪ್ರಜಯಾ ಚ (…) || ೬,೧೯।೪

ಸಂ ಸಭಾ ವರ್ಚಸಾ ಮಾಗ್ನೇ
ಸಂ ಸುರಾ ಪುಷ್ಟ್ಯಾ ಸಿಚತ್ |
ಸೂರ್ಯಾ ಸಂ (…) || ೬,೧೯।೫

ಸಂ ಸವಿತಾ ವರ್ಚಸಾ ಮಾಗ್ನೇ
ಸಂ ಸೂರ್ಯಃ ಪುಷ್ಟ್ಯಾ ಸಿಚತ್ |
ಚಂದ್ರಃ ಸಂ (…) || ೬,೧೯।೬

ಸಂ ಪಶವೋ ವರ್ಚಸಾ ಮಾಗ್ನೇ
ಸಂ ಯಜ್ಞಃ ಪುಷ್ಟ್ಯಾ ಸಿಚತ್ |
ದಕ್ಷಿಣಾ ಸಂ (…) || ೬,೧೯।೭

ಸಂ ಮಾ ಸಿಂಚತು ದ್ರವಿಣಂ
ಸಂ ಮಾ ಸಿಂಚತ್ವ್ ಇಂದ್ರಿಯಂ |
ತೇಜಃ ಸಂ (…) || ೬,೧೯।೮

ಸಂ ಮಾ ಸಿಂಚಂತು ವರ್ಚಾಂಸಿ
ಸಂ ಮಾ ಸಿಂಚಂತು ಭೂತಯಃ |
ಸತ್ಯಂ ಸಂ ಅಸ್ಮಾನ್ ಸಿಂಚತು
ಪ್ರಜಯಾ ಚ ಧನೇನ ಚ-
-ಆಯುಷ್ಮಂತಂ ಕೃಣೋತು ಮಾ || ೬,೧೯।೯
(೧೯)

ಆ ರಾತ್ರಿ ಪಾರ್ಥಿವಂ ರಜಃ
ಪಿತುರ್ ಅಪ್ರಾಯಿ ಧಾಮಭಿಃ |
ದಿವಃ ಸದಾಂಸಿ ಬೃಹತೀ ವಿ ತಿಷ್ಠಸ
ಆ ತ್ವೇಷಂ ವರ್ತತೇ ತಮಃ || ೬,೨೦।೧

ನ ಯಸ್ಯಾಃ ಪಾರಂ ದದೃಶೇ ನ ಯೋಯುವದ್
ವಿಶ್ವಂ ಅಸ್ಯಾಂ ನಿ ವಿಶತೇ ಯದ್ ಏಜತಿ |
ಅರಿಷ್ಟಾಸಸ್ ತ ಉರ್ವಿ ತಮಸ್ವತಿ
ರಾತ್ರಿ ಪಾರಂ ಅಶೀಮಹಿ
ಭದ್ರೇ ಪಾರಂ ಅಶೀಮಹಿ || ೬,೨೦।೨

ಯೇ ತೇ ರಾತ್ರಿ ನೃಚಕ್ಷಸೋ
ದ್ರಷ್ಟಾರೋ ನವತಿರ್ ನವ |
ಅಶೀತಿಃ ಸಂತ್ಯ್ ಅಷ್ಟಾ
ಉತೋ ತೇ ಸಪ್ತ ಸಪ್ತತಿಃ || ೬,೨೦।೩

ಷಷ್ಟಿಶ್ ಚ ಷಟ್ ಚ ರೇವತಿ
ಪಂಚಾಶತ್ ಪಂಚ ಸುಮ್ನಯಿ |
ಚತ್ವಾರಶ್ ಚತ್ವಾರಿಂಶಚ್ ಚ
ತ್ರಯಸ್ ತ್ರಿಂಶಚ್ ಚ ವಾಜಿನಿ || ೬,೨೦।೪

ದ್ವಾ ಚ ವಿಂಶತಿಶ್ ಚ ತೇ
ರಾತ್ರ್ಯ್ ಏಕಾದಶಾವಮಾಃ |
ತೇಭಿರ್ ನೋ ಽದ್ಯ ಪಾಯುಭಿರ್
ನಿ ಪಾಹಿ ದುಹಿತರ್ ದಿವಃ || ೬,೨೦।೫

ರಕ್ಷಾ ಮಾಕಿರ್ ಣೋ ಅಘಶಂಸ ಈಶತ
ಮಾ ನೋ ದುಃಶಂಸ ಈಶತ || ೬,೨೦।೬

ಮಾ ನೋ ಅದ್ಯ ಗವಾಂ ಸ್ತೇನೋ
ಮಾವೀನಾಂ ವೃಕ ಈಶತ |
ಮಾಶ್ವಾನಾಂ ಭದ್ರೇ ತಸ್ಕರೋ
ಮಾ ನೃಣಾಂ ಯಾತುಧಾನ್ಯಃ || ೬,೨೦।೭

ಪರಮೇಭಿಃ ಪಥಿಭಿ
ಸ್ತೇನೋ ಧಾವತು ತಸ್ಕರಃ |
ಪರೇಣ ದತ್ವತೀ ರಜ್ಜುಃ
ಪರೇಣಾಘಾಯುರ್ ಅರ್ಷತು || ೬,೨೦।೮

ಅಂಧಂ ರಾತ್ರಿ ತಿಷ್ಠಧೂಮಂ
ಅಶೀರ್ಷಾಣಂ ಅಹಿಂ ಕೃಣು |
ಹನೂ ವೃಕಸ್ಯ ಜಂಭಯ-
-ಆ ಸ್ತೇನಂ ದ್ರುಪದೇ ಜಹಿ || ೬,೨೦।೯

ತ್ವಯಿ ರಾತ್ರಿ ವಸಾಮಸಿ
ಸ್ವಪಿಷ್ಯಾಮಸಿ ಜಾಗೃಹಿ |
ಗೋಭ್ಯೋ ನಃ ಶರ್ಮ ಯಚ್ಛ-
-ಅಶ್ವೇಭ್ಯಃ ಪುರುಷೇಭ್ಯಃ || ೬,೨೦।೧೦
(೨೦)

ಅಥೋ ಯಾನಿ ಚ ವಸ್ಮಹೇ
ಯಾನಿ ಚಾಂತಃ ಪರೀಣಹಿ |
ತಾನಿ ತೇ ಪರಿ ದದ್ಮಸಿ || ೬,೨೧।೧

ರಾತ್ರಿ ಮಾತರ್ ಉಷಸೇ ನಃ ಪರಿ ದೇಹಿ |
ಉಷಾ ನೋ ಅಹ್ನೇ ಪರಿ ದದಾತ್ವ್
ಅಹಸ್ ತುಭ್ಯಂ ವಿಭಾವರಿ || ೬,೨೧।೨

ಯತ್ ಕಿಂ ಚೇದಂ ಪತಯತಿ
ಯತ್ ಕಿಂ ಚೇದಂ ಸರೀಸೃಪಂ |
ಯತ್ ಕಿಂ ಚ ಪದ್ವದ್ ಆಸನ್ವತ್
ತಸ್ಮಾತ್ ತ್ವಂ ರಾತ್ರಿ ಪಾಹಿ ನಃ || ೬,೨೧।೩

ಸಾ ಪಶ್ಚಾತ್ ಪಾಹಿ ಸಾ ಪುರಃ
ಸೋತ್ತರಾದ್ ಅಧರಾದ್ ಉತ |
ಗೋಪಾಯ ನೋ ವಿಭಾವರಿ
ಸ್ತೋತಾರಸ್ ತ ಇಹ ಸ್ಮಸಿ || ೬,೨೧।೪

ಯೇ ರಾತ್ರಿಂ ಅನುತಿಷ್ಠಂತಿ
ಯೇ ಚ ಭೂತೇಷು ಜಾಗ್ರತಿ |
ಪಶೂನ್ ಯೇ ಸರ್ವಾನ್ ರಕ್ಷಂತಿ
ತೇ ನ ಆತ್ಮಸು ಜಾಗ್ರತು
ತೇ ನಃ ಪಶುಷು ಜಾಗ್ರತು || ೬,೨೧।೫

ವೇದ ವೈ ರಾತ್ರಿ ತೇ ನಾಮ
ಘೃತಾಚೀ ನಾಮ ವಾ ಅಸಿ |
ತಾಂ ತ್ವಾ ಭರದ್ವಾಜೋ ವೇದ
ಸಾ ನೋ ವಿತ್ತೇ ಽಧಿ ಜಾಗೃಹಿ || ೬,೨೧।೬
(೨೧)

ಬ್ರಹ್ಮಾಸ್ಯ ಶಿರೋ ಬೃಹದ್ ಅಸ್ಯ ಪೃಷ್ಠಂ
ವಾಮದೇವ್ಯಂ ಉದರಂ ಓದನಸ್ಯ |
ಛಂದಾಂಸಿ ಪಕ್ಷೌ ಮುಖಂ ಅಸ್ಯ ಸತ್ಯಂ
ವಿಷ್ಟಾರೀ ಯಜ್ಞಸ್ ತಪಸೋ ಽಧಿ ಜಾತಃ || ೬,೨೨।೧

ಅನಸ್ಥಾಃ ಶುದ್ಧಾಃ ಪವನೇನ ಪೂತಾಃ
ಶುಚಯಃ ಶುಚೀನ್ ಅಪಿ ಯಂತಿ ಲೋಕಾನ್ |
ವಿಷ್ಟಾರಿಣಂ ಓದನಂ ಯೇ ಪಚಂತಿ
ನೈಷಾಂ ಶಿಶ್ನಂ ಪ್ರ ದಹತಿ ಜಾತವೇದಾಃ || ೬,೨೨।೨

ನೈಷಾಂ ಶಿಶ್ನಂ ಪ್ರ ದಹತಿ ಜಾತವೇದಾಃ
ಸ್ವರ್ಗೇ ಲೋಕೇ ಬಹು ಸ್ತ್ರೈಣಂ ಏಷಾಂ |
ನೈನಾನ್ ಯಮಃ ಪರಿ ಮುಷ್ಣಾತಿ ರೇತಃ || ೬,೨೨।೩

ಆಸ್ತೇ ಯಮ ಉಪ ಯಾತಿ ದೇವಾನ್
ಸಂ ಗಂಧರ್ವೈರ್ ಮದತಿ ಸೋಮ್ಯೈಃ |
ವಿಷ್ಟಾರಿಣಂ ಓದನಂ ಯೇ ಪಚಂತಿ
ನೈನಾನ್ ಅವರ್ತಿಃ ಸಚತೇ ಕುತಶ್ ಚನ || ೬,೨೨।೪

ರಥೀ ಹ ಭೂತ್ವಾ ರಥಯಾನ ಈಯತೇ
ಪಕ್ಷೀ ಹ ಭೂತ್ವಾಪಿ ದಿವಂ ಸಂ ಏತಿ |
ಏಷ ಯಜ್ಞೋ ವಿತತೋ ವಹಿಷ್ಠೋ
ವಿಷ್ಟಾರೀ ಪಕ್ವೋ ದಿವಂ ಆ ಸಸಾದ || ೬,೨೨।೫

ಚತುರಃ ಕುಂಭಾಂಶ್ ಚತುರ್ಧಾ ದದಾತಿ
ಕ್ಷೀರೇಣ ಪೂರ್ಣಾನ್ ಉದಕೇನ ದಧ್ನಾ |
ಏತಾಸ್ ತ್ವಾ ಕುಲ್ಯಾ ಉಪ ಯಂತು ವಿಶ್ವತಃ
ಸ್ವರ್ಗೇ ಲೋಕೇ ಸ್ವಧಯಾ ಪಿನ್ವಮಾನಾಃ || ೬,೨೨।೬

ಘೃತಹ್ರದಾ ಮಧುಕೂಲಾಃ ಸುರೋದಕಾಃ
ಕ್ಷೀರೇಣ ಪೂರ್ಣಾ ಉದಕೇನ ದಧ್ನಾ |
ಏತಾಸ್ ತ್ವಾ ಕುಲ್ಯಾ ಉಪ ಯಂತು ವಿಶ್ವಹಾ
ಸ್ವರ್ಗೇ ಲೋಕೇ ಸ್ವಧಯಾ ಮಾದಯಂತೀಃ || ೬,೨೨।೭

ಪುಂಡರೀಕಂ ಕುಮುದಂ ಸಂ ತನೋತಿ
ಬಿಸಂ ಶಾಲೂಕಂ ಶಫಕೋ ಮುಲಾಲೀ |
ಸ್ವರ್ಗೇ ಲೋಕೇ ಸ್ವಧಯಾ ಪಿನ್ವಮಾನಾ
ಉಪ ಮಾ ತಿಷ್ಠಂತು ಪುಷ್ಕರಿಣೀಃ ಸಮಕ್ತಾಃ || ೬,೨೨।೮

ಯಂ ಓದನಂ ಪಚಾಮಿ ಶ್ರದ್ದಧಾನೋ
ವಿಷ್ಟಾರಿಣಂ ಲೋಕಜಿತಂ ಸ್ವರ್ಗಂ |
ಸ ಮೇ ಮಾ ಕ್ಷೇಷ್ಟ ಸದಂ ಅಶ್ಯಮಾನೋ
ವಿಶ್ವರೂಪಾ ಕಾಮದುಘಾ ಧೇನುರ್ ಅಸ್ತು ಮೇ || ೬,೨೨।೯

ವೃಷಭಂ ಸಂತಂ ಸಹ ಸೂನೃತಯಾ
ಸ್ವರ್ಗೇ ಲೋಕೇ ಅಮೃತಂ ದುಹಾನಂ |
ಯೇ ಮೇ ಪುತ್ರಾಃ ಪಿತರಶ್ ಚ ಸಂತಿ
ತೇ ತ್ವಾ ವಿಷ್ಟಾರಿನ್ನ್ ಉಪ ಸರ್ವೇ ಸದೇಯುಃ || ೬,೨೨।೧೦

ಯ ಇಮಾನ್ ಯಜ್ಞಾನ್ ಅಭಿ ವಿತಷ್ಟಾರ
ಯಸ್ಯೇಮೇ ಲೋಕಾಃ ಸ್ವಧಯಾ ಸಮಕ್ತಾಃ |
ಯೇ ಮೇ ಪೌತ್ರಾ ಉತ ಯೇ ಪಿತಾಮಹಾಸ್
ತೇಭ್ಯೋ ವಿಷ್ಟಾರಿನ್ನ್ ಅಮೃತಾನಿ ಧುಕ್ಷ್ವ || ೬,೨೨।೧೧

ಯದಿ ಪೃಥಿವೀಂ ಯದ್ಯ್ ಅಂತರಿಕ್ಷಂ
ಯದಿ ದಿವಂ ದೇವತಾ ವಾ ಜಗಂಥ |
ಯೇ ಮೇ ಪ್ರಪೌತ್ರಾಃ ಪ್ರಪಿತಾಮಹಾಶ್ ಚ
ತೇ ತ್ವಾ ವಿಷ್ಟಾರಿನ್ನ್ ಅನು ಪ್ರ ಜ್ಞೇಷುರ್ ಅತ್ರ || ೬,೨೨।೧೨

ಸ್ವರ್ಗೇ ಲೋಕೇ ಅಪ್ಸರಸ ಏನಾಞ್
ಜಾಯಾ ಭೂತ್ವೋಪ ಶೇರತೇ |
ವಿಷ್ಟಾರಿಣಂ ಓದನಂ ಯೇ ಪಚಂತ್ಯ್
ಅಸ್ಮಿಂಲ್ ಲೋಕೇ ದಕ್ಷಿಣಯಾ ಪರಿಷ್ಕೃತಂ || ೬,೨೨।೧೩
(೨೨)

ನಿರ್ ಣುದೈನಾಂ ಪ್ರ ಣುದೈನಾಂ
ಸ್ವಾನ್ ನಿಪದನಾದ್ ಅಧಿ |
ವಿಭ್ರಂಶಂ ಅಸ್ಯೈ ಕೃಣ್ಮೋ
ವಿ ಗೃಹೈರ್ ಭ್ರಂಶತಾಂ ಅಸೌ || ೬,೨೩।೧

ಅಪಾಂಚಂ ಪತಿಂ ಆ ಕುರ್ವ್
ಅಧರಾಚೀಂ ಸ್ತ್ರಿಯಂ ನಯ |
ಅತೀಮಾನ್ ದಶ ಪರ್ವತಾನ್
ಅತೀಮಾ ನಾವ್ಯಾ ದಶ || ೬,೨೩।೨

ಅಧರಾಚೀಂ ಅವಾಚೀಂ
ಅಥೋ ಅಕುಶಲಾಂ ದಿಶಂ |
ವಿಭ್ರಂಶಂ ಅಸ್ಯೈ ಕೃಣ್ಮಸ್
ತೇನೈನಾಂ ಪ್ರ ದಹಾಮಸಿ || ೬,೨೩।೩

ಆಜ ನಿರ್ ಅಜ ಬಿಲಂ
ಬಿಲಾದ್ ಅರಣ್ಯಂ ಆ ಕುರ್ವ್
ಅರಣ್ಯಾದ್ ಅರಣಂ ಜನಂ |
ಮೃಗಾಁ ಅನು ಪ್ರ ಪಾತಯ
ವಾತಸ್ಯೈನಾಂ ಶಿಖಾಂ ಕುರು || ೬,೨೩।೪

ವಾತಾಗ್ರೇ ಅಸ್ಯಾ ಹೃದಯಂ
ಮನೋ ರೇಷ್ಮಣಿ ದಧ್ಮಸಿ |
ವಿಭ್ರಂಶಂ ಅಸ್ಯೈ ಕೃಣ್ಮೋ
ವಿಧ್ವಂಶಂ ಆಸಕ್ತಂ ದಮೇ || ೬,೨೩।೫

ಸರ್ವಂ ಅನು ಪರಿ ಪ್ಲವತಾಂ
ಅಂತರಾ ದ್ಯಾವಾಪೃಥಿವೀ ಉಭೇ |
ಯಥಾನವಧೃತಾ ಚರಾದ್
ವೃಷತೂಲಂ ಇವೋಪರಿ || ೬,೨೩।೬

ಅಶಂ ಅಸ್ಯೈ ವಾತೋ ವಾತ್ವ್
ಅಶಂ ತಪತು ಸೂರ್ಯಃ |
ಅಥೋ ಯದ್ ಅನ್ನಂ ಅಶ್ನಾತಿ
ತದ್ ಅಸ್ಯೈ ವಿಷವತ್ತರಂ || ೬,೨೩।೭

ಸಿಂಹಸ್ ತೇ ಅಸ್ತು ಚಕ್ಷುಷ ಇತ್ಯ್ ಏಕಾ || ೬,೨೩।೮

ಏಷ ವಾಂ ಅಗ್ನಿರ್ ಅಂತರಾ
ಸ ವಿಷ್ವಂಚೌ ವ್ಯ್ ಅಸ್ಯತು |
ಯಥಾ ವಾಂ ನ ಸಹಾಸತ್ಯ್
ಉತ್ತರಸ್ಮಿಂಶ್ ಚನಾಯುಷಿ || ೬,೨೩।೯

ಉತ್ ಪಾತಯ ಶಿಮಿದಾವತಿ
ಪ್ರ ಪಾತಯ ಶಿಮಿದಾವತಿ |
ಇಮೌ ವ್ಯ್ ಅಸ್ಯ ದಂಪತೀ
ಪಕ್ವಂ ಮಾಂಸಂ ಇವಾಸಿನಾ || ೬,೨೩।೧೦

ಮೇಯಂ ಅಸ್ಮಿನ್ ಪತೌ ರಂಸ್ತ
ಮೋ ಅಸ್ಮಿಞ್ ಛಯನೇ ಸ್ವೇ |
ಜಹಾತು ವಸನಂ ಸ್ವಂ
ಅಹಿರ್ ಜೀರ್ಣಾಂ ಇವ ತ್ವಚಂ || ೬,೨೩।೧೧

ಯಥಾ ಮೃತಾಶ್ ಚ ಜೀವಾಶ್ ಚ-
-ಅಸ್ಮಿಂಲ್ ಲೋಕೇ ವ್ಯೋಕಸಃ |
ಏವೇಮೌ ದಂಪತೀ ಸ್ತಾಂ
ಅಸ್ಮಿಂಲ್ ಲೋಕೇ ವ್ಯೋಕಸೌ || ೬,೨೩।೧೨
(೨೩)

ಅನುವಾಕ ೪ ||
(೬)


ಕಾಂಡ ೭

ಸುಪರ್ಣಸ್ ತ್ವಾನ್ವವಿಂದತ್
ಸೂಕರಸ್ ತ್ವಾಖನನ್ ನಸಾ |
ದಿಪ್ಸೌಷಧೇ ತ್ವಂ ದಿಪ್ಸಂತಂ
ಪ್ರತಿ ಕೃತ್ಯಾಕೃತೋ ದಹ || ೭,೧।೧

ಪ್ರತಿ ದಹ ಯಾತುಧಾನಾನ್
ಪ್ರತಿ ಕೃತ್ಯಾಕೃತೋ ದಹ |
ಅಥೋ ಯೋ ಅಸ್ಮಾನ್ ದಿಪ್ಸತಿ
ತಂ ಉ ತ್ವಂ ಜಹ್ಯ್ ಓಷಧೇ || ೭,೧।೨

ಅಗ್ನೇ ಪೃತನಾಷಾಟ್ ಪೃತನಾಃ ಸಹಸ್ವ |
ಪ್ರತಿ ಕೃತ್ಯಾಂ ಕೃತ್ಯಾಕೃತೇ
ಪ್ರತಿಹರಣೇನ ಹರಾಮಸಿ || ೭,೧।೩

ಇಷ್ವಾ ಋಜೀಯಃ ಪತತು
ದ್ಯಾವಾಪೃಥಿವೀ ತತ್ ಸುತಾತ್ |
ತತ್ ತಂ ಮೃಗ ಇವ ವಿಧ್ಯತು
ಕೃತ್ಯಾ ಕೃತ್ಯಾಕೃತಂ ಕೃತಾ || ೭,೧।೪

ಅಘಂ ಅಸ್ತ್ವ್ ಅಘಕೃತೇ
ಶಪಥಾಃ ಶಪಥೀವ್ನೇ |
ಪ್ರತ್ಯಕ್ ಪ್ರತಿ ಪ್ರ ಹಿಣ್ಮಸಿ
ಯಶ್ ಚಕಾರ ತಂ ಋಚ್ಛತು || ೭,೧।೫

ಯಸ್ ತ್ವಾ ಕೃತ್ಯ ಇತ್ಯ್ ಏಕಾ || ೭,೧।೬

ಪುನಃ ಕೃತ್ಯಾಂ ಕೃತ್ಯಾಕೃತೇ
ಹಸ್ತಗೃಹ್ಯ ಪರಾ ಣಯ |
ಸಮಕ್ಷಂ ಅಸ್ಮಾ ಆ ದಧ್ಮೋ
ಯಥಾ ಕೃತ್ಯಾಕೃತಂ ಹನತ್ || ೭,೧।೭

ಪುತ್ರ ಇವ ಪಿತರಂ ಗಚ್ಛ
ಸ್ವಜ ಇವಾಭಿಷ್ಠಿತೋ ದಶ |
ತಂತುರ್ ಇವಾವವ್ಯಯನ್ನ್ ಇಹಿ
ಕೃತ್ಯೇ ಕೃತ್ಯಾಕೃತಂ ಕೃತಾ || ೭,೧।೮

ಉದ್ ಏಣೀವ ವಾರಿಣ್ಯ್
ಅಭಿಸ್ಕಂದಂ ಮೃಗೀವ |
ಕೃತ್ಯಾ ಕರ್ತಾರಂ ಋಚ್ಛತು || ೭,೧।೯

ಋಶ್ಯಸ್ಯೇವ ಪರೀಶಾಸಂ
ಪರಿಮಾಯ ಪರಿ ತ್ವಚಃ |
ದುರ್ಹಾರ್ದೇ ಚಕ್ರುಷೇ ಕೃತ್ಯಾಂ
ಗ್ರೀವಾಸು ಪ್ರತಿ ಮುಂಚತ || ೭,೧।೧೦

ಯಾ ಕೃತ್ಯೇ ದೇವಕೃತಾ
ಯಾ ವಾ ಮನುಷ್ಯಜಾ ಅಸಿ |
ತಾಂ ತ್ವಾ ಪ್ರತಿ ಪ್ರ ಹಿಣ್ಮಸಿ
ಪ್ರತೀಚೀನೇನ ಬ್ರಹ್ಮಣಾ || ೭,೧।೧೧

ಯದಿ ಸ್ತ್ರೀ ಯದಿ ವಾ ಪುಮಾನ್
ಕೃತ್ಯಾಂ ಚಕಾರ ಪಾಪ್ಮನೇ |
ತಾಂ ಉ ತಸ್ಮೈ ನಯಾಮಸ್ಯ್
ಅಶ್ವಂ ಇವಾಶ್ವಾಭಿಧಾನ್ಯಾ || ೭,೧।೧೨
(೧)

ಓಕ್ತೇ ಮೇ ದ್ಯಾವಾ ಪೃಥಿವೀ
ಓಕ್ತಾ ದೇವೀ ಸರಸ್ವತೀ |
ಓಕ್ತೌ ಮ ಇಂದ್ರಶ್ ಚಾಗ್ನಿಶ್ ಚ
ಕ್ರಿಮಿಂ ಜಂಭಯತಾಂ ಇಮಂ || ೭,೨।೧

ಅಸ್ಯೇಂದ್ರ ಕುಮಾರಸ್ಯ
ಕ್ರಿಮಿಂ ಧನಪತೇ ಜಹಿ |
ಹತಾ ವಿಶ್ವಾ ಅರಾತಯೋ
ಽನೇನ ವಚಸಾ ಮಮ || ೭,೨।೨

ಯೋ +ಽಕ್ಷ್ಯೌ ಪರಿಸರ್ಪತಿ
ಯೋ ನಾಸೇ ಪರಿಸರ್ಪತಿ |
ದತಾಂ ಯೋ ಮಧ್ಯಂ ಗಚ್ಛತಿ
ತಂ ಕ್ರಿಮಿಂ ಜಂಭಯಾಮಸಿ || ೭,೨।೩

ವಿರೂಪೌ ದ್ವೌ ಸರೂಪೌ ದ್ವೌ
ಕೃಷ್ಣೌ ದ್ವೌ ರೋಹಿತೌ ದ್ವೌ |
ಬಭ್ರುಶ್ ಚ ಬಭ್ರುಕರ್ಣಶ್ ಚ
ಗೃಧ್ರಾಃ ಕೋಕಾಶ್ ಚ ತೇ ಹತಾಃ || ೭,೨।೪

ಯೇ ಕ್ರಿಮಯಃ ಶಿತಿಕಕ್ಷಾ
ಯೇ ಕೃಷ್ಣಾಃ ಶಿತಿಬಾಹವಃ |
ಯೇ ಕೇ ಚ ವಿಶ್ವರೂಪಾಸ್
ತಾನ್ ಕ್ರಿಮೀಞ್ ಜಂಭಯಾಮಸಿ || ೭,೨।೫

ಯೋ ದ್ವಿಶೀರ್ಷಾ ಚತುರಕ್ಷಃ
ಕ್ರಿಮಿಃ ಸಾರಂಗೋ ಅರ್ಜುನಃ |
ಶೃಣಾಮ್ಯ್ ಅಸ್ಯ ಪೃಷ್ಟೀರ್
ಅಪಿ ವೃಶ್ಚಾಮಿ ಯಚ್ ಛಿರಃ || ೭,೨।೬

ಉದ್ ಅಸೌ ಸೂರ್ಯೋ ಅಗಾದ್
ವಿಶ್ವದೃಷ್ಟೋ ಅದೃಷ್ಟಹಾ |
ದೃಷ್ಟಾಂಶ್ ಚ ಘ್ನನ್ನ್ ಅದೃಷ್ಟಾಂಶ್ ಚ
ಸರ್ವಾಂಶ್ ಚ ಪ್ರಮೃಣನ್ ಕ್ರಿಮೀನ್ || ೭,೨।೭

ಯೇವಾಷಾಸಃ ಕಷ್ಕಷಾಸೋ
ಧ್ರೂಕ್ಷ್ಣಾಸಃ ಶಿಪವಿತ್ನವಃ |
ದೃಷ್ಟಶ್ ಚ ಹನ್ಯತಾಂ ಕ್ರಿಮಿರ್
ಅದೃಷ್ಟಶ್ ಚೋತ ಹನ್ಯತಾಂ || ೭,೨।೮

ಹತೋ ಯೇವಾಷೋ ಹತಃ ಶಿಪವಿರ್
ಹತೋ ಗಂಗಣಿವಾಁ ಉತ |
ಹತಾ ವಿಶ್ವಾ ಅರಾತಯ
ಉಗ್ರೇಣ ವಚಸಾ ಮಮ || ೭,೨।೯

ಸರ್ವೇಷಾಂ ಚ ಕ್ರಿಮೀಣಾಂ
ಸರ್ವಾಸಾಂ ಚ ಕ್ರಿಮೀಣಾಂ |
ಭಿನದ್ಮ್ಯ್ ಅಶ್ಮನಾ ಶಿರೋ
ದಹಾಮ್ಯ್ ಅಗ್ನಿನಾ ಮುಖಂ || ೭,೨।೧೦
(೨)

ತಿಗ್ಮೇಭಿರ್ ಅಗ್ನೇ ಅರ್ಚಿಭಿಃ
ಶುಕ್ರೇಣ ದೇವ ಶೋಚಿಷಾ |
ಆಮಾದೋ ನಿ ವಹ ತ್ವಂ
ಅನ್ಯಂ ಆಸನಿ ಕೃಣ್ವತಾಂ || ೭,೩।೧

ಶೋಚಿಷಾಗ್ನೇ ಅರ್ಚಿಷಾ ಚ
ನಿರ್ ದಹೇತೋ ಅಘಾಯತಃ |
ಸಖ್ಯಂ ಆವಂ ಕೃಣ್ವಹೇ ತ್ವಂ ಚ-
-ಆಮಾದ ಉಪ ಶಂ ಭುವನ್ || ೭,೩।೨

ನಿರ್ ಆಮಾದೋ ನಯಾಮಸಿ
ನಿಷ್ ಕ್ರವ್ಯಾದೋ ಗೃಹೇಭ್ಯಃ |
ಸಸ್ಯಾದೋ ನಾಮ ಯೇ ದೇವ
ತೇ ಅಗ್ನೇ ಮಾ ದಭನ್ ತ್ವಾಂ || ೭,೩।೩

ಆಮಾದಶ್ ಚ ಕ್ರವ್ಯಾದಶ್ ಚ
ಸಸ್ಯಾದಶ್ ಚೋಭಯಾನ್ ಸಹ |
ಪ್ರಜಾಂ ಯೇ ಚಕ್ರಿರೇ ಭಾಗಂ
ತಾನ್ ಇತೋ ನಿರ್ ಣಯಾಮಸಿ || ೭,೩।೪

ಯ ಆಮೇಷ್ವ್ ಅರಮಂತ
ನ ಪಕ್ವಂ ಉಪದಾಧೃಷುಃ |
ತೇ ಯಂತು ಸರ್ವೇ ಸಂಭೂಯ-
-ಅನ್ಯತ್ರೇತೋ ಽಘಾಯವಃ || ೭,೩।೫

ಯ ಏನಸ್ವೀ ದುಷ್ಕೃತಕೃತ್
ಕಿಲ್ಬಿಷಕೃತಸಾಧೀ ಯಃ |
ಪುನಸ್ ತಾನ್ ಯಜ್ಞಿಯಾ ದೇವಾ
ನಯಂತು ಯತ ಆಗತಾಃ || ೭,೩।೬

ಅವ ರೇಣುಂ ಅವ ರಜೋ
ನೇನಿಜೇ ಹಸ್ತ್ಯಂ ಮಲಂ |
ಧಾತಾ ನೋ ಭದ್ರಯಾ ನೇಷತ್
ಸ ನೋ ಗೋಪಾಯತು ಪ್ರಜಾಂ || ೭,೩।೭

ಕೃಣ್ವೇ ಽಹಂ ರೋದಸೀ ವರ್ಮ
ಸ್ಯಾಮ ಸವಿತುಃ ಸವೇ |
ಮಾತಾ ನೋ ಭದ್ರಯಾ ಭೂಮಿರ್
ದ್ಯೌಶ್ ಚಾಸ್ಮಾನ್ ಪಾತ್ವ್ ಅಂಹಸಃ || ೭,೩।೮

ಯದ್ ಅಸುರಾಣಾಂ ಅಹನ್ಯ್
ಅಸ್ಮಾನ್ ಪಾಪಾ ಉಪೇಥನ |
ದೇವಾನಾಂ ಪಯಶ್ ಚ ದೈವ್ಯಂ
ಆಪಃ ಶುಂಧಂತು ಮಾಂ ಇಮಾಃ || ೭,೩।೯

ಆ ತೇ ಪಿತರ್ ಮರುತಾಂ ಸುಮ್ನಂ ಏಮಿ
ಮಾ ನಃ ಸೂರ್ಯಸ್ಯ ಸಂದೃಶೋ ಯುವಥಾಃ |
ಅಭಿ ನೋ ವೀರೋ ಽರ್ವತೀಃ ಕ್ಷಮೇತ
ಪ್ರ ಜಾಯಾಮಹೈ ರುದ್ರ ಪ್ರಜಯಾ || ೭,೩।೧೦

ಯೋ ಽವೃದ್ಧಂ ಹಂತಿ ಯೋ ಗರ್ಭೇ ಅಂತರ್
ಯೋ ಜಾತಂ ಜನಿತವ್ಯಂ ಚ ಪೂರುಷಂ |
ತಸ್ಮಾ ಋಧ್ಯಾಸಂ ಹವಿಷಾಹಂ ಅದ್ಯ
ಸ ನಃ ಪ್ರಜಾಂ ಜರದಷ್ಟಿಂ ಕೃಣೋತು || ೭,೩।೧೧
(೩)

ಇಂದ್ರಸ್ಯ ಬಾಹೂ ಸ್ಥವಿರೌ ವೃಷಾಣೌ
ಚಿತ್ರಾ ಇಮಾ ವೃಷಭೌ ಪಾರಯಿಷ್ಣೂ |
ತೌ ಯೋಕ್ಷ್ಯೇ ಪ್ರಥಮೌ ಯೋಗ ಆಗತೇ
ಯಾಭ್ಯಾಂ ಜಿತಂ ಅಸುರಾಣಾಂ ಸ್ವರ್ ಯತ್ || ೭,೪।೧

ಆಶುಃ ಶಿಶಾನೋ ವೃಷಭೋ ನ ಭೀಮೋ
ಘನಾಘನಃ ಕ್ಷೋಭಣಶ್ ಚರ್ಷಣೀನಾಂ |
ಸಂಕ್ರಂದನೋ ಽನಿಮಿಷ ಏಕವೀರಃ
ಶತಂ ಸೇನಾ ಜಯತು ಸಾಕಂ ಇಂದ್ರಃ || ೭,೪।೨

ಸಂಕ್ರಂದನೇನಾನಿಮಿಷೇಣ ಜಿಷ್ಣುನಾ-
-ಅಯೋಧ್ಯೇನ ದುಶ್ಚ್ಯವನೇನ ಧೃಷ್ಣುನಾ |
ತದ್ ಇಂದ್ರೇಣ ಜಯತ ತತ್ ಸಹಧ್ವಂ
ಯುಧೋ ನರ ಇಷುಹಸ್ತೇನ ವೃಷ್ಣಾ || ೭,೪।೩

ಸ ಇಷುಹಸ್ತೈಃ ಸ ನಿಷಂಗಿಭಿರ್ ವಶೀ
ಸಂಸ್ರಷ್ಟಾ ಯುಧ ಇಂದ್ರೋ ಗಣೇನ |
ಸಂಸೃಷ್ಟಜಿತ್ ಸೋಮಪಾ ಬಾಹುಶರ್ಧ್ಯ್
ಊರ್ಧ್ವಧನ್ವಾ ಪ್ರತಿಹಿತಾಭಿರ್ ಅಸ್ತಾತ್ || ಪ್ರಪಾಠಕ || ೭,೪।೪

ಬಲವಿಜ್ಞಾಯಃ ಸ್ಥವಿರಃ ಪ್ರವೀರಃ
ಸಹಸ್ವಾನ್ ವಾಜೀ ಸಹಮಾನ ಉಗ್ರಃ |
ಅಭಿವೀರೋ ಅಭಿಷತ್ವಾ ಸಹೋಜಿಜ್
ಜೈತ್ರಾಯೇಂದ್ರ ರಥಂ ಆ ತಿಷ್ಠ ಗೋವಿದಂ || ೭,೪।೫

ಇಮಂ ವೀರಂ ಅನು ಹರ್ಷಧ್ವಂ ಉಗ್ರಂ
ಇಂದ್ರಂ ಸತ್ವಾನೋ ಅನು ಸಂ ರಭಧ್ವಂ |
ಗ್ರಾಮಜಿತಂ ಗೋಜಿತಂ ವಜ್ರಬಾಹುಂ
ಜಯಂತಂ ಅಜ್ಮ ಪ್ರಮೃಣಂತಂ ಓಜಸಾ || ೭,೪।೬

ಅಭಿ ಗೋತ್ರಾಣಿ ಸಹಸಾ ಗಾಹಮಾನೋ
ಅದಾಯ ಉಗ್ರಃ ಶತಮನ್ಯುರ್ ಇಂದ್ರಃ |
ದುಶ್ಚ್ಯವನಃ ಪೃತನಾಷಾಡ್ ಅಯೋಧ್ಯೋ
ಅಸ್ಮಾಕಂ ಸೇನಾ ಅವತು ಪ್ರ ಯುತ್ಸು || ೭,೪।೭

ಬೃಹಸ್ಪತೇ ಪರಿ ದೀಯಾ ರಥೇನ
ರಕ್ಷೋಹಾಮಿತ್ರಾಁ ಅಪಬಾಧಮಾನಃ |
ಪ್ರಭಂಜಞ್ ಛತ್ರೂನ್ ಪ್ರಮೃಣನ್ನ್ ಅಮಿತ್ರಾನ್
ಅಸ್ಮಾಕಂ ಏಧ್ಯ್ ಅವಿತಾ ತನೂನಾಂ || ೭,೪।೮

ಇಂದ್ರ ಆಸಾಂ ನೇತಾ ಬೃಹಸ್ಪತಿರ್
ದಕ್ಷಿಣಾ ಯಜ್ಞಃ ಪುರ ಏತು ಸೋಮಃ |
ದೇವಸೇನಾನಾಂ ಅಭಿಭಂಜತೀನಾಂ
ಜಯಂತೀನಾಂ ಮರುತೋ ಯಂತು ಮಧ್ಯೇ || ೭,೪।೯

ಇಂದ್ರಸ್ಯ ವೃಷ್ಣೋ ವರುಣಸ್ಯ ರಾಜ್ಞ
ಆದಿತ್ಯಾನಾಂ ಮರುತಾಂ ಶರ್ಧ ಉಗ್ರಂ |
ಮಹಾಮನಸಾಂ ಭುವನಚ್ಯವಾನಾಂ
ಘೋಷೋ ದೇವಾನಾಂ ಜಯತಾಂ ಉದ್ ಅಸ್ಥಾತ್ || ೭,೪।೧೦

ಅಸ್ಮಾಕಂ ಇಂದ್ರಃ ಸಮೃತೇಷು ಧ್ವಜೇಷ್ವ್
ಅಸ್ಮಾಕಂ ಯಾ ಇಷವಸ್ ತಾ ಜಯಂತು |
ಅಸ್ಮಾಕಂ ವೀರಾ ಉತ್ತರೇ ಭವಂತ್ವ್
ಅಸ್ಮಾನ್ ದೇವಾಸೋ ಽವತಾ ಹವೇಷು || ೭,೪।೧೧
(೪)

ವೈಶ್ವಾನರಾದ್ ಅರೋಚತ
ಜಾತೋ ಹಿರಣ್ಯಯೋ ಮಣಿಃ |
ತಂ ಆಭರದ್ ಬೃಹಸ್ಪತಿಃ
ಕಶ್ಯಪೋ ವೀರ್ಯಾಯ ಕಂ || ೭,೫।೧

ಬೃಹಸ್ಪತಿಸ್ ತಂ ಅಕೃಣೋನ್
ಮಣಿಂ ವೈಶ್ವಾನರಂ ಸಹಃ |
ಸಪ್ತರ್ಷಯೋ ಬಲಾಯ ಕಂ
ಸಂ ದಧುಷ್ ಟ್ವಾ ವಯೋಧಸಃ || ೭,೫।೨

ವಿಶ್ವೇ ದೇವಾಸ್ ತ ಇಂದ್ರಿಯಂ
ಸಪ್ತರ್ಷಯಶ್ ಚ ಸಂ ದಧುಃ |
ಜಾತೋ ಹಿರಣ್ಯಯೋ ಮಣಿರ್
ಅಗ್ನೇರ್ ವೈಶ್ವಾನರಾದ್ ಅಧಿ || ೭,೫।೩

ಅಶ್ವತ್ಥೋ ಜಾತಃ ಪ್ರಥಮೋ
ಽಗ್ನೇಃ ಪ್ರಿಯತಮಾ ತನೂಃ |
ವೈಶ್ವಾನರಸ್ಯ ಸೃಷ್ಟ್ಯಾ
ಕೃತ್ಯಾದೂಷಿಃ ಕೃತೋ ಮಣಿಃ || ೭,೫।೪

ಕೃತ್ಯಾದೂಷಿಂ ತ್ವಾವಿದಂ
ಕೃತ್ಯಾದೂಷಿಂ ಭರಾಮಿ ತ್ವಾ |
ಕೃತ್ಯಾದೂಷಿಂ ಕೃಣೋಮಿ ತ್ವಾ
ಕೃತ್ಯಾದೂಷಿಂ ವಯೋಧಸಂ || ೭,೫।೫

ಪತತ್ರೀ ಪಕ್ಷೀ ಬಲವಾನ್
ಕೃತ್ಯಾದೂಷಿಃ ಸಪತ್ನಹಾ |
ನಿತತ್ನಿರ್ ವಿಶ್ವಭೇಷಜ
ಉಗ್ರ ಆಪತಿಕೋ ಮಣಿಃ || ೭,೫।೬

ಪತತ್ರೀ ತೇ ಬಲಾಯ ಕಂ
ನಿತತ್ನಿರ್ ಭೇಷಜಾಯ ತೇ |
ಜಾತೋ ಹಿರಣ್ಯಯೋ ಮಣಿರ್
ಅಪ ರಕ್ಷಾಂಸಿ ಸೇಧತು || ೭,೫।೭

ದೇವೋ ಮಣಿಃ ಸಪತ್ನಹಾ
ರಕ್ಷೋಹಾಮೀವಚಾತನಃ |
ಹಿರಣ್ಯಯೋನಿರ್ ಅಂಶುಮಾನ್
ಕಶ್ಯಪೇನಾಭೃತಂ ಸಹಃ || ೭,೫।೮

ವೈಶ್ವಾನರಂ ತೇಜನಂ ಏಕಂ ಆಹುರ್
ಅಗ್ನೇರ್ ಯೋನೇಃ ಸಹ ಚಂದ್ರೇಣ ಜಾತಂ |
ಗಯಸ್ಫಾನಃ ಪ್ರತರಣೋ ವಯೋಧಾಃ
ಕೃತ್ಯಾದೂಷಿರ್ ವಲಗಹಾಸ್ಯ್ ಉಗ್ರಃ || ೭,೫।೯

ಯಸ್ಯೇದಂ ಭೂಮ್ಯಾಂ ಅಧಿ
ನಿಕ್ರಾಂತಂ ಪಾಂಸುರೇ ಪದಂ |
ಮೃಜಾನಸ್ ತನ್ವೋ ಯದ್ ರಪಸ್
ತಸ್ಯ ಸ್ನಾಹಿ ತನೂ ಅಧಿ || ೭,೫।೧೦

ದೂಷ್ಯಾಸ್ ತ್ವಾ ವಧಂ ವಯಂ
ದೇವಸ್ಯ ಸವಿತುಃ ಸವೇ |
ಜೀವಾತವೇ ಭರಾಮಸಿ
ಮಹ್ಯಾ ಅರಿಷ್ಟತಾತಯೇ || ೭,೫।೧೧

ಆಚ್ಛೇದನಃ ಪ್ರಚ್ಛೇದನೋ
ದ್ವಿಷತಸ್ ತಪನೋ ಮಣಿಃ |
ಶತ್ರುಂಜಯಃ ಸಪತ್ನಹಾ
ದ್ವಿಷಂತಂ ಅಪ ಬಾಧತಾಂ || ೭,೫।೧೨
(೫)

ಅನುವಾಕ ೧ ||

ಸತ್ಯಸ್ಯ ಸ್ಥೂಣಾ ಪೃಥಿವೀಂ ದಾಧಾರ
ಋತೇನ ದೇವಾ ಅಮೃತಂ ಅನ್ವ್ ಅವಿಂದನ್ |
ಧ್ರುವೇಣ ತ್ವಾ ಹವಿಷಾ ಧಾರಯಾಮ್ಯ್
ಅಭಿ ತದ್ ದ್ಯಾವಾಪೃಥಿವೀ ಗೃಣೀತಾಂ || ೭,೬।೧

ಯೇಭಿರ್ ಹೋಮೈರ್ ವಿಶ್ವಕರ್ಮಾ
ದಾಧಾರೇಮಾಂ ಪೃಥಿವೀಂ ಮಾತರಂ ನಃ |
ತೇಭಿಷ್ ಟ್ವಾ ಹೋಮೈರ್ ಇಹ ಧಾರಯಾಮ್ಯ್
ಋತಂ ಸತ್ಯಂ ಅನು ಚರಂತು ಹೋಮಾಃ || ೭,೬।೨

ಇಹ ಧ್ರಿಯಧ್ವಂ ಧರುಣೇ ಪೃಥಿವ್ಯಾ
ಉಶತ್ಯಾ ಮಾತುಃ ಸುಭಗಾಯಾ ಉಪಸ್ಥೇ |
ಅಪರಾಣುತ್ತಾ ಮಹಸಾ ಮೋದಮಾನಾ
ಅಸ್ಮಿನ್ ವಾಸ್ತೌ ಸುಪ್ರಜಸೋ ಭವಾಥ || ೭,೬।೩

ಸುಪ್ರಜಸೋ ಮಹಸಾ ಮೋದಮಾನಾ
ವರ್ಷ್ಮನ್ ಪೃಥಿವ್ಯಾ ಉಪರಿ ಶ್ರಯಧ್ವಂ |
ಅಸ್ಯೈ ಶಾಲಾಯೈ ಶರ್ಮ ಯಚ್ಛಂತು ದೇವಾ
ಧಾರಾಭಿರ್ ಏನಾಂ ಪೃಥಿವೀ ಪಿಪರ್ತು || ೭,೬।೪

ಇಮಾಂ ಶಾಲಾಂ ಶ್ರೇಷ್ಠತಮಾಂ ವಸೂನಾಂ
ಅರಿಷ್ಟವೀರಾ ಅಭಿ ಸಂ ಚರೇಮ |
ದೃಢಾ ಅಸ್ಯಾ ಉಪಮಿತೋ ಭವಂತು
ಸ್ಥಿರಾ ವೀರಾ ಉಪಸದೋ ಭವಂತು || ೭,೬।೫

ಇಮಾಂ ಶಾಲಾಂ ಸವಿತಾ ವಾಯುರ್ ಇಂದ್ರೋ
ಬೃಹಸ್ಪತಿರ್ ನಿ ಮಿನೋತು ಪ್ರಜಾನನ್ |
ಉಕ್ಷಂತೂದ್ನಾ ಮರುತೋ ಘೃತೇನ
ಭಗೋ ನೋ ರಾಜಾ ನಿ ಕೃಷಿಂ ದಧಾತು || ೭,೬।೬

ಮಾನಸ್ಯ ಪತ್ನಿ ಹವಿಷೋ ಜುಷಸ್ವ
ತೀವ್ರಾಂತಸ್ಯ ಬಹುಲಮಧ್ಯಮಸ್ಯ |
ಆ ತ್ವಾ ಶಿಶುರ್ ವಾಶ್ಯತಾಂ ಆ ಕುಮಾರ
ಆ ವಾಶ್ಯಂತಾಂ ಧೇನವೋ ನಿತ್ಯವತ್ಸಾಃ || ೭,೬।೭

ದೃಢಾಸ್ ತೇ ಸ್ಥೂಣಾ ಭವಂತು ಭೂಮ್ಯಾಂ ಅಧಿ
ದೃಢಾಃ ಪಕ್ಷಾಸಸ್ ತವ ದೇವಿ ಶಾಲೇ |
ಸ್ಥಿರವೀರಾನಮಿತ್ರಾ ನ ಏಧಿ
ಶರ್ಮ ನೋ ಯಚ್ಛ ದ್ವಿಪದೇ ಚತುಷ್ಪದೇ || ೭,೬।೮

ಶಾಲಾ ದೇವೀ ಗಾರ್ಹಪತ್ಯಾಯ ಚಾಕ್ಲ್̥ಪೇ
ತೃಣಂ ವಸಾನಾ ಜಗತೇ ಸುಶೇವಾ |
ಸ್ಥಿರಾಂಗಾಂ ತ್ವಾ ಸ್ಥಿರಪೂರುಷಾಂ ಮಾನಸ್ಯ ಪತ್ನಿ
ಸ್ಥಿರಾಂ ತ್ವಾ ವೀರಾ ಅಭಿ ಸಂ ಚರೇಮ || ೭,೬।೯

ವಾಸ್ತೋಷ್ಪತೇ ಪ್ರತಿ ಜಾನೀಹ್ಯ್ ಅಸ್ಮಾನ್
ಸ್ವಾವೇಶೋ ಅನಮೀವೋ ನ ಏಧಿ |
ಯತ್ ತ್ವೇಮಹೇ ಪ್ರತಿ ನಸ್ ತಜ್ ಜುಷಸ್ವ
ಚತುಷ್ಪದೋ ದ್ವಿಪದ ಆ ವೇಶಯೇಹ || ೭,೬।೧೦
(೬)

ದರ್ಭೋ ಅಗ್ರ ಓಷಧೀನಾಂ
ಶತಕಾಂಡೋ ಅಜಾಯತ |
ಸ ಸಹಸ್ರವೀರ್ಯಃ
ಪರಿ ಣಃ ಪಾತು ವಿಶ್ವತಃ || ೭,೭।೧

ಯಥಾ ದರ್ಭೋ ಜಾಯಮಾನಸ್
ತ್ವಚಂ ಭಿನತ್ತಿ ಭೂಮ್ಯಾಃ |
ಏವಾ ಸ ಭಿದ್ಯತಾಂ ಜನೋ
ಯೋ ನಃ ಪಾಪಂ ಚಿಕಿತ್ಸತಿ || ೭,೭।೨

ಅಪ ನಾಡಂ ಅಪ ಕೃತ್ಯಾಂ
ಅಪ ರಕ್ಷಃ ಸದಾನ್ವಾಃ |
ಅಮೀವಾಶ್ ಚಾತಯಾಮಸಿ
ಸರ್ವಾಶ್ ಚ ಯಾತುಧಾನ್ಯಃ || ೭,೭।೩

ಅಸ್ತಿ ವೈ ನಿವತ ಉದ್ವನಂ
ನ ವೈ ಸರ್ವಂ ಅನುಪ್ಲವಂ |
ಅಸಿ ತ್ವಂ ತಸ್ಯ ದೂಷಣೋ
ಯೋ ನಃ ಪಾಪಂ ಚಿಕಿತ್ಸತಿ || ೭,೭।೪

ಪರಿ ಸಾಯಂ ಪರಿ ಪ್ರಾತಃ
ಪರಿ ಮಧ್ಯಂದಿನಂ ಪರಿ |
ದರ್ಭೋ ಹಿರಣ್ಯಹಸ್ತಘ್ನಃ
ಪರಿ ಣಃ ಪಾತು ವಿಶ್ವತಃ || ೭,೭।೫

ಗಿರೌ ಜಾತಃ ಸ್ವರ್ ಅಹಾಸಿ
ಸಾಕಂ ಸೋಮೇನ ಬಭ್ರುಣಾ |
ಮಾ ಪಾಪಕೃತ್ವನಃ ಶಿಷೋ
ಮಾ ಪಾಕಃ ಪುರುಷೋ ರಿಷತ್ || ೭,೭।೬

ದಿವೋ ಮೂಲಂ ಅವತತಂ
ಪೃಥಿವ್ಯಾಂ ಓತ ಆಹಿತಃ |
ದರ್ಭಃ ಸಹಸ್ರವೀರ್ಯಃ
ಪರಿ ಣಃ ಪಾತು ವಿಶ್ವತಃ || ೭,೭।೭

ಸಹಸ್ರಕಾಂಡಸ್ ತವಿಷಸ್
ತೀಕ್ಷ್ಣವಲ್ಶೋ ವಿಷಾಸಹಿಃ |
ದರ್ಭೇಣ ಸರ್ವಾ ರಕ್ಷಾಂಸ್ಯ್
ಅಮೀವಾಶ್ ಚಾಪ ದಹಾಮಸಿ || ೭,೭।೮

ಅಪದಗ್ಧಂ ದುಷ್ವಪ್ನ್ಯಂ
ಅಪದಗ್ಧಾ ಅರಾತಯಃ |
ಸರ್ವಾಶ್ ಚ ಯಾತುಧಾನ್ಯಃ || ೭,೭।೯

ಮಾ ತ್ವಾ ದಭನ್ ಯಾತುಧಾನಾ
ಮಾ ಬ್ರಧ್ನಃ ಶಕುನಿಃ ಪತನ್ |
ದರ್ಭೋ ರಾಜಾ ಸಮುದ್ರಿಯಃ
ಪರಿ ಣಃ ಪಾತು ವಿಶ್ವತಃ || ೭,೭।೧೦
(೭)

ಯೋ ನಃ ಪಾಪೇನ ವಚಸಾ-
-ಅಘೋಷತೋ ದುರುಕ್ತಂ ಬ್ರುವತ್ |
ಆರಾಚ್ ಛಪ್ತಂ ಅಪ್ರಾಪ್ಯಾಸ್ಮಾನ್
ಅಪ ತದ್ ಯಾತು ಸರ್ವತಃ || ೭,೮।೧

ಯನ್ ನಃ ಶಪಾದ್ ಅರಣೋ ಯತ್ ಸಪತ್ನಃ
ಶ್ವಶ್ರೂರ್ ವಾ ಯಚ್ ಛ್ವಶುರೋ ವಾ ಶಪಾತಿ |
ಜ್ಯಾಯಸಃ ಶಪಥಾನ್ ವಯಂ
ಯವೇನ ಯಾವಯಾಮಸಿ || ೭,೮।೨

ಯಾನ್ ಸಮಸ್ಯಂತೇ ಶಪಥಾನ್
ವಾಕ್ಕ್ಷಮ್ಯಾನೃತ್ವಿಯಾಮಧಿ |
ಯವಂ ತ್ವಂ ಬಿಭ್ರದ್ ಬಾಹ್ವೋಃ
ಪೂರ್ವಃ ಪ್ರತಿ ಶೃಣೀಹಿ ತಾನ್ || ೭,೮।೩

ಋಜುಕೇಶೋ ಯವೋ ಬಭ್ರುರ್
ಮಘವಾ ನೋ ಽನುಮಾದ್ಯಃ |
ಹಿರಣ್ಯಧನ್ವಾ ಶಪಥಾನ್ ಉಪೇಜತು || ೭,೮।೪

ತ್ವಾಂ ಪೀತ್ವೇಂದ್ರೋ ವೃತ್ರಂ
ಶಕ್ರೋ ಜಘಾನ ವಾಸವಃ |
ಸ ವಿಷಾಹೀ ಯಥರ್ಷಭಃ
ಸಹಸ್ವ ಶಪಥಾನ್ ಯವ || ೭,೮।೫

ಆರಾಚ್ ಚರಂತು ಶಪಥಾ ಯುತಾ ಇತೋ
ಜಿಹ್ವಾ ಉ ದಿತಾ ಅರಸಾಃ ಸಂತು ಸರ್ವೇ |
ನಾಮಗ್ರಾಹಾದ್ ವಾಚೋ ಹೇಡಾದ್
ಈಕ್ಷಿತಾದ್ ಘೋರಚಕ್ಷಸಃ
ಶರ್ಮ ತೇ ವರ್ಮ ಕೃಣ್ಮಸಿ || ೭,೮।೬

ಅಪಾಂಚೋ ಯಂತು ಶಪಥಾ
ಜನೇನಾಸ್ತಾ ಅಘಾಯುನಾ |
ಯೋ ನೋ ದುರಸ್ಯಾಜ್ ಜೀವತೇ
ಸ್ವೇನಾನಾಗಸೇ ಸತೇ || ೭,೮।೭

ಪರಿ ಮಾ ಪಾತು ಶಪಥಾದ್
ಅನೃತಾದ್ ದುರಿತಾದ್ ಉತ |
ಪರಿ ಮಾ ಜ್ಯಾಯಸಃ ಶಂಸಾದ್
ಯವೋ ರಕ್ಷತು ಮಾ ರಿಷಂ || ೭,೮।೮

ಅನಾಸ್ತಿಗ್ಯಂ ಶಪಥೈರ್
ಅನತಿವ್ಯಾಧ್ಯಂ ಕೃತಂ |
ಬೃಹದ್ ವರ್ಮ ಪ್ರತಿ ಮುಂಚಾಮಿ ತೇ ಯವಂ || ೭,೮।೯

ತಂ ವಯಾಂಸೀವ ಪಕ್ಷಿಣ
ಆ ವಿಶಂತು ಪತತ್ರಿಣಃ |
ಶಪ್ತಾರಂ ಶಪಥಾಃ ಪುನಃ || ೭,೮।೧೦
(೮)

ಆ ನೋ ದಿಶ ಮಾ ಪರಿ ಷ್ಠಾ ಅರಾತೇ
ಮಾ ನೋ ರಕ್ಷೀರ್ ದಕ್ಷಿಣಾಂ ಯಾಚಮಾನಾಂ |
ಪ್ರ ಣಃ ಪ್ರದಾತಾ ಸವಿತಾ ಚ ಯಚ್ಛತಾಂ
ನಮೋ ವೀರ್ತ್ಸಾಯಾ ಅಸಮೃದ್ಧ್ಯೈ ಚ ಕೃಣ್ಮಃ || ೭,೯।೧

ಯಂ ಅರಾತೇ ಪುರೋಧತ್ಸೇ
ಪುರುಷಂ ಪರಿರಾಪಿಣಂ |
ನಮಸ್ ತೇ ತಸ್ಮೈ ಕೃಣ್ಮೋ
ಮಾ ವನಿಂ ಮಮ ವಿವ್ಯಥಃ || ೭,೯।೨

ಯಂ ಅದ್ಯಾಭಿಪ್ರಯುಂಜ್ಮಹೇ
ಮನಸಾ ಹೃದಯೇನ ಚ |
ಅರಾತೇ ತಂ ನೋ ಮಾ ವೀರ್ತ್ಸೀರ್
ದಿತ್ಸಂತಂ ಪರಿರಾಪಿಣಿ || ೭,೯।೩

ಪ್ರ ಣೋ ವನಿರ್ ದೇವಕೃತಾ
ದಿವಾ ನಕ್ತಂ ಚ ಸಿಧ್ಯತು |
ಅರಾತಿಂ ಅನುಪ್ರೇಮೋ ವಯಂ
ನಮೋ ಽಸ್ತ್ವ್ ಅರಾತಯೇ || ೭,೯।೪

ಉತ ನಗ್ನಾ ಬೋಭುವತೀ
ಸ್ವಪ್ನಯಾ ಸಚಸೇ ಜನಂ |
ಅರಾತೇ ಚಿತ್ತಂ ವೀರ್ತ್ಸಂತ್ಯ್
ಆಕೂತಿಂ ಪುರುಷಸ್ಯ ಚ || ೭,೯।೫

ಪರೋ ಽಪೇಹ್ಯ್ ಅಸಮೃದ್ಧೇ
ವಿ ತೇ ಹೇತಿಂ ನಯಾಮಸಿ |
ಯಂ ದ್ವಿಷ್ಮಸ್ ತಂ ಸಚಸ್ವ
ಕನ್ಯಾ ಭೂತ್ವಾ ಸ್ರಗ್ವಿಣೀ ರುಕ್ಮಿಣೀ ದೃಶೇ || ೭,೯।೬

ನಮಸ್ ತೇ ಽಸ್ತ್ವ್ ಅಸಮೃದ್ಧೇ
ಮಾ ಮಾಂ ಪುರೋಧಿಂ ಕೃಣುಥಾಃ |
ವೇದ ತ್ವಾಹಂ ನಿಮೀವಂತೀಂ
ನಿತುದಂತೀಂ ಅರಾತೇ
ಮರ್ತ್ಯಾನ್ ಮರ್ತ್ಯೇಭ್ಯೋ ಅಧಿ ನಿರ್ವದಂತೀಂ || ೭,೯।೭

ಮಾ ನೋ ವನಿಂ ಮಾ ವಾಚಂ ಮಾ ವೀರ್ತ್ಸೀರ್
ಉಗ್ರಾವ್ ಇಂದ್ರಾಗ್ನೀ ನ ಆ ಭಜತಾಂ ವಸೂನಿ |
ಸರ್ವೇ ನೋ ಽದ್ಯ ದಿತ್ಸಂತೋ
ಅರಾತಿಂ ಪ್ರತಿ ಹರ್ಯತ || ೭,೯।೮

ಸವಿತಾರಂ ಅನುಮತಿಂ
ಭಗಂ ಯಂತೋ ಹವಾಮಹೇ |
ವಾಚಂ ಜುಷ್ಟಾಂ ಮಧುಮತೀಂ ವದಾನಿ
ದೇವಾನಾಂ ದೇವಹೂತಿಷು || ೭,೯।೯

ಯಂ ಯಾಚಾಮಿ ನಕುಲ್ಯಾ
ಜಿಹ್ವಯೋಷ್ಠಾಪಿಧಾನಯಾ |
ಶ್ರದ್ಧಾ ತಂ ಅದ್ಯ ವಿಂದತು
ದತ್ತಾ ಸೋಮೇನ ಬಭ್ರುಣಾ || ೭,೯।೧೦
(೯)

ಐತು ದೇವಸ್ ತ್ರಾಯಮಾಣಃ
ಕುಷ್ಠೋ ಹಿಮವತಸ್ ಪರಿ |
ತಕ್ಮಾನಂ ಸರ್ವಂ ನಾಶಯನ್
ಸರ್ವಾಶ್ ಚ ಯಾತುಧಾನ್ಯಃ || ೭,೧೦।೧

ತ್ರೀಣಿ ತೇ ಕುಷ್ಠ ನಾಮಾನಿ
ನಘಮಾರೋ ನಘಾರಿಷೋ ನಘಾಯುಷೋ
ನ ಘಾಯಂ ಪುರುಷೋ ರಿಷತ್ |
ಯಸ್ಮೈ ಪರಿಬ್ರವೀಮಿ ತ್ವಾ
ಸಾಯಂಪ್ರಾತರ್ ಅಥೋ ದಿವಾ || ೭,೧೦।೨

ಜೀವಲಾ ನಾಮ ತೇ ಮಾತಾ
ಜೀವಂತೋ ನಾಮ ತೇ ಪಿತಾ
ಮಾರಿಷಾ ನಾಮ ತೇ ಸ್ವಸಾ
ನ (…) || ೭,೧೦।೩

ಉತ್ತಮೋ ಽಸ್ಯ್ ಓಷಧೀನಾಂ
ಅನಡ್ವಾಞ್ ಜಗತಾಂ ಇವ
ವ್ಯಾಘ್ರಃ ಶ್ವಪದಾಂ ಇವ
ನ ಘಾಯಂ ಪುರುಷೋ ರಿಷತ್ |
ಯಸ್ಮೈ ಪರಿಬ್ರವೀಮಿ ತ್ವಾ
ಸಾಯಂಪ್ರಾತರ್ ಅಥೋ ದಿವಾ || ೭,೧೦।೪

ತ್ರಿಃ ಶಾಂಬುಭ್ಯೋ ಗಿರೇಯೇಭ್ಯಸ್
ತ್ರಿರ್ ಆದಿತ್ಯೇಭ್ಯಸ್ ಪರಿ |
ತ್ರಿರ್ ಜಾತೋ ವಿಶ್ವದೇವೇಭ್ಯಃ
ಸ ಕುಷ್ಠೋ ವಿಶ್ವಭೇಷಜಃ
ಸಾಕಂ ಸೋಮೇನ ತಿಷ್ಠತಿ |
ತಕ್ಮಾನಂ ಸರ್ವಂ ನಾಶಯನ್
ಸರ್ವಾಶ್ ಚ ಯಾತುಧಾನ್ಯಃ || ೭,೧೦।೫

ಅಶ್ವತ್ಥೋ ದೇವಸದನಸ್
ತೃತೀಯಸ್ಯಾಂ ಇತೋ ದಿವಿ |
ತತ್ರಾಮೃತಸ್ಯ ಚಕ್ಷಣಂ
ತತಃ ಕುಷ್ಠೋ ಽಜಾಯತ |
ಸಃ (…) || ೭,೧೦।೬

ಹಿರಣ್ಯಯೀ ನೌರ್ ಅಚರದ್
ಧಿರಣ್ಯಬಂಧನಾ ದಿವಿ (…) || ೭,೧೦।೭

ಯತ್ರ ನಾವಃ ಪ್ರಭ್ರಂಶನಂ
ಯತ್ರ ಹಿಮವತಃ ಶಿರಃ |
ತತ್ರಾಮೃತಸ್ಯ ಚಕ್ಷಣಂ
ತತಃ ಕುಷ್ಠೋ ಅಜಾಯತ |
ಸ ಕುಷ್ಠೋ ವಿಶ್ವಭೇಷಜಃ
ಸಾಕಂ ಸೋಮೇನ ತಿಷ್ಠತಿ |
ತಕ್ಮಾನಂ ಸರ್ವಂ ನಾಶಯನ್
ಸರ್ವಾಶ್ ಚ ಯಾತುಧಾನ್ಯಃ || ೭,೧೦।೮

ಯಂ ತ್ವಾ ವೇದ ಪೂರ್ವ ಐಕ್ಷ್ವಾಕೋ
ಯಂ ವಾ ತ್ವಾ ಕುಷ್ಠ ಕಾಶ್ಯಃ |
ಯಂ ಶಾವಸೋ ಯಂ ಮಾತ್ಸ್ಯಸ್
ತೇನಾಸಿ ವಿಶ್ವಭೇಷಜಃ || ೭,೧೦।೯

ಶೀರ್ಷಾಲಾಕಂ ತೃತೀಯಕಂ
ಸದಂದಿರ್ ಯಶ್ ಚ ಹಾಯನಃ |
ತಕ್ಮಾನಂ ವಿಶ್ವಧಾವೀರ್ಯ-
-ಅಧರಾಂಚಂ ಪರಾ ಸುವ || ೭,೧೦।೧೦
(೧೦)

ಅನುವಾಕ ೨ ||

ಯೇ ಪರ್ವತಾಃ ಸೋಮಪೃಷ್ಠಾ
ಆಪ ಉತ್ತಾನಶೀವರೀಃ |
ವಾತಃ ಪರ್ಜನ್ಯ ಆದ್ ಅಗ್ನಿಸ್
ತೇ ಕ್ರವ್ಯಾದಂ ಅಶೀಶಮನ್ || ೭,೧೧।೧

ಯಸ್ ತೇ ಹಂತಿ ಚರಾಚರಂ
ಉತ್ಥಾಸ್ಯಂತಂ ಸರೀಸೃಪಂ |
ಗರ್ಭಂ ಯೋ ದಶಮಾಸ್ಯಂ
ತಂ ಇತೋ ನಾಶಯಾಮಸಿ || ೭,೧೧।೨

ಯದಿ ಘ್ನಂತ್ಯ್ ಅಪ್ಸರಸೋ
ಗಂಧರ್ವಾ ಗೇಹ್ಯಾ ಉತ |
ಕ್ರವ್ಯಾದೋ ಮೂರದೇವಿನಸ್
ತಾನ್ ಇತೋ ನಾಶಯಾಮಸಿ || ೭,೧೧।೩

ಯಸ್ ತ ಊರೂ ಆರೋಹತ್ಯ್
ಅಸೃಕ್ ತೇ ರೇಹಣಾಯ ಕಂ |
ಆಮಾದಃ ಕ್ರವ್ಯಾದೋ ರಿಪೂಂಸ್
ತಾನ್ ಇತೋ ನಾಶಯಾಮಸಿ || ೭,೧೧।೪

ಯಸ್ ತೇ ಶ್ರೋಣೀ ಚ್ಯಾವಯತ್ಯ್
ಅಂತರಾ ದಂಪತೀ ಶಯೇ |
ಯೋನಿಂ ಯೋ ಅಂತರ್ ಆರೇಢಿ
ತಂ ಇತೋ ನಾಶಯಾಮಸಿ || ೭,೧೧।೫

ಯಸ್ ತ್ವಾ ಸ್ವಪ್ನೇನ ತಮಸಾ
ಮೋಹಯಿತ್ವಾ ನಿಪದ್ಯತೇ |
ಪ್ರಜಾಂ ಯಸ್ ತೇ ಜಿಘತ್ಸತಿ
ತಂ (…) || ೭,೧೧।೬

ಯಸ್ ತ್ವಾ ಪತ್ಯುಃ ಪ್ರತಿರೂಪೋ
ಜಾರೋ ಭೂತ್ವಾ ನಿಪದ್ಯತೇ |
ಅರಾಯಂ ಕಣ್ವಂ ಪಾಪ್ಮಾನಂ
ತಂ ಇತೋ ನಾಶಯಾಮಸಿ || ೭,೧೧।೭

ಹಾ ಹೈ ಖರ್ವ ಖಲತೇ
ನೈಗೂರಕರ್ಣ ತುಂಡಿಲ |
ಇಂದ್ರಸ್ಯ ತಿಗ್ಮಂ ಆಯುಧಂ
ತೇನ ತ್ವಾ ನಾಶಯಾಮಸಿ || ೭,೧೧।೮

ನಮಸ್ ತಂಡಾಯ ನಮಃ ಕುಸುಮಾಯ
ನಮಃ ಪ್ರತಿಪಾವ್ನೇ ನಮಃ ಕಃಸ್ವಧೇಯೇ |
ನಮಸ್ ತುಭ್ಯಂ ನಿರೃತೇ ವಿಶ್ವವಾರೇ
ಜರೇಮಂ ಧಾಪಯತಾಂ ವಿಶ್ವರೂಪಾ || ೭,೧೧।೯

ಯಾವದ್ ದ್ಯೌರ್ ಯಾವತ್ ಪೃಥಿವೀ
ಯಾವತ್ ಪರ್ಯೇತಿ ಸೂರ್ಯಃ |
ತಾವತ್ ತ್ವಂ ಉಗ್ರ ಗುಲ್ಗುಲೋ
ಪರೀಮಾಂ ಪಾಹಿ ವಿಶ್ವತಃ || ೭,೧೧।೧೦
(೧೧)

ಏಕರಾಜ್ಞೀಂ ಏಕವ್ರತಾಂ
ಏಕಸ್ಥಾಂ ಏಕಲಾಮಿಕಾಂ |
ಪಾಟಾಂ ಸಪತ್ನಚಾತನೀಂ
ಜೈತ್ರಾಯಾಚ್ಛಾ ವದಾಮಸಿ || ೭,೧೨।೧

ಏಕರಾಜ್ಞ್ಯ್ ಏಕವ್ರತ
ಏಕಸ್ಥ ಏಕಲಾಮಿಕೇ |
ನ ತ್ವಾ ಸಪತ್ನೀ ಸಾಸಾಹ
ಗೈರೇಯೀ ಚ ನ ಬಾಹ್ಯಾ || ೭,೧೨।೨

ಉತ್ತರಾಹಂ ಉತ್ತರಾಭ್ಯ
ಉತ್ತರೇದ್ ಅಧರಾಭ್ಯಃ |
ಅಧಃ ಸಪತ್ನೀ ಮಾಮಕ್ಯ್
ಅಧರೇದ್ ಅಧರಾಭ್ಯಃ || ೭,೧೨।೩

ನ ಸೈಂಧವಸ್ಯ ಪುಷ್ಪಸ್ಯ
ಸೂರ್ಯೋ ಮ್ಲಾಪಯತಿ ತ್ವಚಂ |
ಪಾಟೇ ಽಮ್ಲಾತಯಾ ತ್ವಯಾ
ಸಪತ್ನ್ಯಾ ವರ್ಚ ಆ ದದೇ || ೭,೧೨।೪

ನ ವೈ ಪಾಟೇ ಪಾಟೇವಾಸಿ
ಸುಭಾಗಂಕರಣೀದ್ ಅಸಿ |
ಪಾಟೇ ಭಗಸ್ಯ ನೋ ಧೇಹ್ಯ್
ಅಥೋ ಮಾ ಮಹಿಷೀಂ ಕೃಣು || ೭,೧೨।೫

ಯತ್ ಪಾಟೇ ಅಧಿ ವೃಕ್ಷೇ
ವಾತಪ್ಲವಾ ಮಹೀಯಸೇ |
ಜಯಂತೀ ಪ್ರತ್ಯಾತಿಷ್ಠಂತೀ
ಸಂಜಯಾ ನಾಮ ವಾ ಅಸಿ || ೭,೧೨।೬

ಉತ್ತಾನಪರ್ಣಾಂ ಸುಭಗಾಂ
ಸಹಮಾನಾಂ ಸಹಸ್ವತೀಂ |
ಅಚ್ಛಾ ಬೃಹದ್ವದಾಂ ವದ
ಪಾಟಾಂ ಸಪತ್ನಚಾತನೀಂ || ೭,೧೨।೭

ಪಾಟಾಂ ಇಂದ್ರೋ ವ್ಯ್ ಆಶ್ನಾದ್
ಧಂತವಾ ಅಸುರೇಭ್ಯಃ |
ತಯಾಹಂ ಸಪತ್ನೀಂ ಸಾಕ್ಷೀಯ
ಮಹೇಂದ್ರೋ ದಾನವಾನ್ ಇವ || ೭,೧೨।೮

ಪಾಟಾ ಬಿಭರ್ತ್ಯ್ ಅಂಕುಶಂ
ಹಿರಣ್ಯವಂತಂ ಅಂಕಿನಂ |
ತೇನ ಸಪತ್ನ್ಯಾ ವರ್ಚ
ಆ ಲುಂಪಾಮಿ ಮಮೇದ್ ಅಸತ್ || ೭,೧೨।೯

ಇಮಾಂ ಖನಾಮ್ಯ್ ಓಷಧಿಂ
ವೀರುಧಾಂ ಬಲವತ್ತಮಾಂ |
ಯಯಾ ಸಪತ್ನೀಂ ಬಾಧತೇ
ಕೃಣುತೇ ಕೇವಲಂ ಪತಿಂ || ೭,೧೨।೧೦
(೧೨)

ಯಾಸಾಂ ಆರಾದ್ ಆಘೋಷಾಮೋ
ವಾತಸ್ಯೇವ ಪೃಥಗ್ ಯತಃ |
ತಾಸಾಂ ಶ್ವನ್ವತೀನಾಂ
ಇಂದ್ರೋ ಅಪಿ ಕೃತಚ್ ಛಿರಃ || ೭,೧೩।೧

ಯಾಃ ಪುರಸ್ತಾದ್ ಆಚರಂತಿ
ಸಾಕಂ ಸೂರ್ಯಸ್ಯ ರಶ್ಮಿಭಿಃ (…) || ೭,೧೩।೨

ಯಾ ವಾತಂ ಅನುಸಂಯಂತ್ಯ್
ಅಂತರಿಕ್ಷೇ ಅಧೋ ದಿವಃ (…) || ೭,೧೩।೩

ಯಾಸಾಂ ಪ್ರೇಂಖೋ ದಿವಿ ಬದ್ಧೋ
ಅಂತರಿಕ್ಷೇ ಹಿರಣ್ಯಯಃ (…) || ೭,೧೩।೪

ಯಾಸ್ ತಲ್ಪಾನ್ ಅನುನೃತ್ಯಂತ್ಯ್
ಅಂತರಿಕ್ಷೇ ಹಿರಣ್ಯಯಾನ್ (…) || ೭,೧೩।೫

ಯಾಃ ಪತಂತಿ ವಾತರಥಾ
ಉತ್ತಾನಾಃ ಪಾದಘಾತಿನೀಃ (…) || ೭,೧೩।೬

ಯಾ ವೃಕ್ಷಂ ಪರಿಸರ್ಪಂತಿ
ಸಾಚ್ಯ್ ಅಕ್ಷೀ ಕರಿಕ್ರತೀಃ (…) || ೭,೧೩।೭

ಯಾಶ್ ಚತ್ವರೇ ಸಂಗಚ್ಛಂತೇ
ವಿಕುಂಬಾಶ್ ಚೇಲವಾಸಿನೀಃ (…) || ೭,೧೩।೮

ಯಾಸಾಂ ಸಿಕತವಾಪಿಷು
ಗೃಹೋ ಮಿತೋ ಹಿರಣ್ಯಯಃ (…) || ೭,೧೩।೯

ಯಾ ಆರೋಕೈಃ ಪ್ರಪದ್ಯಂತೇ
ಪುಷ್ಕರೈರ್ ಇವ ಜಾಮಯಃ (…) || ೭,೧೩।೧೦

ಯಾ ನದೀಃ ಪ್ರತಿಗಾಹಂತೇ
ಸಂರಭ್ಯ ಕನ್ಯಾ ಇವ (…) || ೭,೧೩।೧೧

ಯಾಸ್ ತೀರ್ಥಾನಿ ವಿಗಾಹಂತೇ
ಽಘ್ನ್ಯಾಃ ಶ್ವಸತೀರ್ ಇವ (…) || ೭,೧೩।೧೨

ಯಾಃ ಸಮುದ್ರಾದ್ ಉಚ್ಚರಂತ್ಯ್
ಉಚ್ಚೈರ್ ಘೋಷಾನ್ ಕರಿಕ್ರತೀಃ (…) || ೭,೧೩।೧೩

ಯಾ ಗಚ್ಛಂತಿ ಜನಂಜನಂ
ಇಚ್ಛಂತೀಃ ಪ್ರಯುತಂ ಬಹು |
ತಾಸಾಂ ಶ್ವನ್ವತೀನಾಂ
ಇಂದ್ರೋ ಅಪಿ ಕೃತಚ್ ಛಿರಃ || ೭,೧೩।೧೪
(೧೩)

ಅಗ್ನಿರ್ ಆಯುಷ್ಮಾನ್
ಸ ವನಸ್ಪತಿಭಿರ್ ಆಯುಷ್ಮಾನ್ |
ಸ ಮಾಯುಷ್ಮಾನ್ ಆಯುಷ್ಮಂತಂ ಕೃಣೋತು || ೭,೧೪।೧

ವಾಯುರ್ ಆಯುಷ್ಮಾನ್
ಸೋ ಽನ್ತರಿಕ್ಷೇಣಾಯುಷ್ಮಾನ್ (…) || ೭,೧೪।೨

ಸೂರ್ಯ ಆಯುಷ್ಮಾನ್
ಸ ದಿವಾಯುಷ್ಮಾನ್ (…) || ೭,೧೪।೩

ಚಂದ್ರ ಆಯುಷ್ಮಾನ್
ಸ ನಕ್ಷತ್ರೈರ್ ಆಯುಷ್ಮಾನ್ (…) || ೭,೧೪।೪

ಸೋಮ ಆಯುಷ್ಮಾನ್
ಸ ಓಷಧೀಭಿರ್ ಆಯುಷ್ಮಾನ್ (…) || ೭,೧೪।೫

ಯಜ್ಞ ಆಯುಷ್ಮಾನ್
ಸ ದಕ್ಷಿಣಾಭಿರ್ ಆಯುಷ್ಮಾನ್ (…) || ೭,೧೪।೬

ಸಮುದ್ರ ಆಯುಷ್ಮಾನ್
ಸ ನದೀಭಿರ್ ಆಯುಷ್ಮಾನ್ |
ಸ ಮಾಯುಷ್ಮಾನ್ ಆಯುಷ್ಮಂತಂ ಕೃಣೋತು || ೭,೧೪।೭

ಬ್ರಹ್ಮಾಯುಷ್ಮತ್
ತದ್ ಬ್ರಹ್ಮಚಾರಿಭಿರ್ ಆಯುಷ್ಮತ್ |
ತನ್ ಮಾಯುಷ್ಮದ್ ಆಯುಷ್ಮಂತಂ ಕೃಣೋತು || ೭,೧೪।೮

ಇಂದ್ರ ಆಯುಷ್ಮಾನ್
ಸ ವೀರ್ಯೇಣಾಯುಷ್ಮಾನ್ |
ಸ ಮಾಯುಷ್ಮಾನ್ ಆಯುಷ್ಮಂತಂ ಕೃಣೋತು || ೭,೧೪।೯

ದೇವಾ ಆಯುಷ್ಮಂತಸ್
ತೇ ಽಮೃತೇನಾಯುಷ್ಮಂತಃ |
ತೇ ಮಾಯುಷ್ಮಂತ ಆಯುಷ್ಮಂತಂ ಕೃಣ್ವಂತು || ೭,೧೪।೧೦

ಪ್ರಜಾಪತಿರ್ ಆಯುಷ್ಮಾನ್
ಸ ಪ್ರಜಾಭಿರ್ ಆಯುಷ್ಮಾನ್ |
ಸ ಮಾಯುಷ್ಮಾನ್ ಆಯುಷ್ಮಂತಂ ಕೃಣೋತು || ೭,೧೪।೧೧
(೧೪)

ದಕ್ಷಿಣಾ ಮಾ ದಕ್ಷಿಣತೋ
ದಕ್ಷಿಣಾ ಪಾತು ಸವ್ಯತಃ |
ಪಶ್ಚಾದ್ ಅನುವ್ಯಾಧಾತ್ ಪಾತು
ಸರ್ವಸ್ಯಾ ಭವಹೇತ್ಯಾಃ || ೭,೧೫।೧

ಪಶುನಾ ತ್ವಂ ಪಶುಪತೇ
ದ್ವಿಪಾದ್ ದತ್ತ್ವಾ ಚತುಷ್ಪದಾ |
ಆತ್ಮನ್ವತೀಂ ದಕ್ಷಿಣಾಂ
ಪ್ರಾಣಂ ದತ್ತ್ವಾ ಪ್ರಾಣಿಹಿ || ೭,೧೫।೨

ಯಾಂ ದದಾಸಿ ಶ್ರದ್ದಧಾನೋ
ದಕ್ಷಿಣಾಂ ಬ್ರಾಹ್ಮಣಕೃತೇ |
ಸಾ ತ್ವಾ ಯಕ್ಷ್ಮಾತ್ ಪಾರಯತ್ವ್
ಅಗ್ನೇಃ ಸಂತಾಪಾದ್ ದಿವ್ಯಸ್ಯ ಶೋಕಾತ್ || ೭,೧೫।೩

ದದಾಸೀಮಾಂ ದಕ್ಷಿಣಾಂ ಮಾ ತ ಆಮಮಚ್
ಛಲ್ಯಾನ್ ಯಕ್ಷ್ಮಾನ್ ವಿ ವೃಹಾಮೋ ವಯಂ ತೇ |
ಕರ್ಣಶೂಲಂ ಉಪಹತ್ಯಾ ಅರಾತೀಃ
ಸರ್ವೇ ಯಕ್ಷ್ಮಾ ಅಪ ತಿಷ್ಠಂತು ಸಾಕಂ || ೭,೧೫।೪

ಅನ್ನೇನ ಪ್ರಾಣಂ ವನುತೇ
ತಿರೋ ಧತ್ತೇ ಪರಿಧಾನೇನ ಯಕ್ಷ್ಮಂ |
ಹಿರಣ್ಯಂ ಅಶ್ವಂ ಗಾಂ ದದತ್
ಕೃಣುತೇ ವರ್ಮ ದಕ್ಷಿಣಾಂ || ೭,೧೫।೫

ಉಷ್ಣೀಷಂ ತ್ವಾ ಶೀರ್ಷಕ್ತ್ಯಾ
ವಾಸಸ್ ತ್ವಾ ತನ್ವಾಮಯಾತ್ |
ಚಂದ್ರಂ ಹಿರಣ್ಯಂ ಅಂಧ್ಯಾತ್
ಕರ್ಣಾದ್ ದತ್ತಂ ಶುಕ್ರಂ ಭ್ರಾಜದ್
ಬಾಧಿರ್ಯಾತ್ ಪಾತು ದಕ್ಷಿಣಾ || ೭,೧೫।೬

ಉಪಬರ್ಹಣಂ ತ್ವಾ ಗ್ರೀವಾಮಯಾನ್
ಮಣಯೋ ಯಕ್ಷ್ಮಾದ್ ದತ್ಕ್ರವ್ಯಾತ್ |
ಅಂಗರೋಗಾದ್ ಅಭ್ಯಂಜನಂ
ಅನ್ನಂ ತ್ವಾಂತಷ್ಟ್ಯಾಮಯಾತ್ || ೭,೧೫।೭

ಅಧಸ್ಪದಾದ್ ಆಮಯತಃ
ಪದೋ ರೋಗಾದ್ ಉಪಾನಹೌ |
ದಂಡಸ್ ತ್ವಾ ದತ್ತಃ ಪರಿ ಪಾತು ಸರ್ಪಾದ್
ದಕ್ಷಿಣತಃ ಪ್ರಯತೋ ದಕ್ಷಿಣೇನ || ೭,೧೫।೮

ಸೌಮನಸಂ ದಕ್ಷಿಣಾಂ ದಕ್ಷಮಾಣಾ
ಇಷಂ ಊರ್ಜಂ ದಕ್ಷಿಣಾಂ ಸಂವಸಾನಾಃ |
ಭಗಸ್ಯ ಧಾರಾಂ ಅವಸೇ ಪ್ರತೀಮಃ || ೭,೧೫।೯

ಸಹಸ್ರಾಂಗಾ ಶತಂ ಜ್ಯೋತೀಂಷ್ಯ್ ಅಸ್ಯಾ
ಯಜ್ಞಸ್ಯ ಪಪ್ರಿರ್ ಅಮೃತಾ ಸ್ವರ್ಗಾ |
ಆ ನ ಏತು ದಕ್ಷಿಣಾ ವಿಶ್ವರೂಪಾ-
-ಅಹಿಂಸಂತೀಂ ಪ್ರತಿ ಗೃಹ್ಣೀಮ ಏನಾಂ || ೭,೧೫।೧೦
(೧೫)

ಅನುವಾಕ ೩ ||

ಅಗ್ನಿರ್ ಮಾ ಪಾತು ವಸುಭಿಃ ಪುರಸ್ತಾತ್
ತಸ್ಮಿನ್ ಕ್ರಮೇ ತಸ್ಮಿಂ ಶ್ರಯೇ
ತಾಂ ಪುರಂ ಪ್ರೈಮಿ |
ಸ ಮಾ ರಕ್ಷತು ಸ ಮಾ ಗೋಪಾಯತು
ತಸ್ಮಾ ಆತ್ಮಾನಂ ಪರಿ ದದೇ ಸ್ವಾಹಾ || ೭,೧೬।೧

ವಾಯುರ್ ಮಾಂತರಿಕ್ಷೇಣೈತಸ್ಯಾ ದಿಶಃ ಪಾತು
ತಸ್ಮಿನ್ (…) || ೭,೧೬।೨

ಸೋಮೋ ಮಾ ರುದ್ರೈರ್ ದಕ್ಷಿಣಾಯಾ ದಿಶಃ (…) || ೭,೧೬।೩

ವರುಣೋ ಮಾದಿತ್ಯೈರ್ ಏತಸ್ಯಾ ದಿಶಃ (…) || ೭,೧೬।೪

ಸೂರ್ಯೋ ಮಾ ದ್ಯಾವಾಪೃಥಿವೀಭ್ಯಾಂ ಪ್ರತೀಚ್ಯಾ ದಿಶಃ ಪಾತು
ತಸ್ಮಿನ್ ಕ್ರಮೇ ತಸ್ಮಿಂ ಶ್ರಯೇ
ತಾಂ ಪುರಂ ಪ್ರೈಮಿ |
ಸ ಮಾ ರಕ್ಷತು ಸ ಮಾ ಗೋಪಾಯತು
ತಸ್ಮಾ ಆತ್ಮಾನಂ ಪರಿ ದದೇ ಸ್ವಾಹಾ || ೭,೧೬।೫

ಅಪೋ ಮೌಷಧೀಮತೀರ್ ಏತಸ್ಯಾ ದಿಶಃ ಪಾಂತು
ತಾಸು ಕ್ರಮೇ ತಾಸು ಶ್ರಯೇ
ತಾಂ ಪುರಂ ಪ್ರೈಮಿ |
ತಾ ಮಾ ರಕ್ಷಂತು ತಾ ಮಾ ಗೋಪಾಯಂತು
ತಾಭ್ಯ ಆತ್ಮಾನಂ ಪರಿ ದದೇ ಸ್ವಾಹಾ || ೭,೧೬।೬

ವಿಶ್ವಕರ್ಮಾ ಮಾ ಸಪ್ತರ್ಷಿಭಿರ್ ಉದೀಚ್ಯಾ ದಿಶಃ (…) || ೭,೧೬।೭

ಇಂದ್ರೋ ಮಾ ಮರುತ್ವಾನ್ ಏತಸ್ಯಾ ದಿಶಃ (…) || ೭,೧೬।೮

ಪ್ರಜಾಪತಿರ್ ಮಾ ಪ್ರಜನನವಾನ್ ಸಹ ಪ್ರತಿಷ್ಠಯಾ ಧ್ರುವಾಯಾ ದಿಶಃ (…) || ೭,೧೬।೯

ಬೃಹಸ್ಪತಿರ್ ಮಾ ವಿಶ್ವೈರ್ ದೇವೈರ್ ಊರ್ಧ್ವಾಯಾ ದಿಶಃ ಪಾತು
ತಸ್ಮಿನ್ ಕ್ರಮೇ ತಸ್ಮಿಂ ಶ್ರಯೇ
ತಾಂ ಪುರಂ ಪ್ರೈಮಿ |
ಸ ಮಾ ರಕ್ಷತು ಸ ಮಾ ಗೋಪಾಯತು
ತಸ್ಮಾ ಆತ್ಮಾನಂ ಪರಿ ದದೇ ಸ್ವಾಹಾ || ೭,೧೬।೧೦
(೧೬)

ಅಗ್ನಿಂ ತೇ ವಸುಮಂತಂ ಋಚ್ಛಂತು
ಯೇ ಮಾಘಾಯವಃ ಪ್ರಾಚ್ಯಾ ದಿಶೋ +ಽಭಿದಾಸಾನ್ || ೭,೧೭।೧

ವಾಯುಂ ತೇ ಽನ್ತರಿಕ್ಷವಂತಂ ಋಚ್ಛಂತು
ಯೇ ಮಾಘಾಯವ ಏತಸ್ಯಾ ದಿಶೋ +ಽಭಿದಾಸಾನ್ || ೭,೧೭।೨

ಸೋಮಂ ತೇ ರುದ್ರವಂತಂ ಋಚ್ಛಂತು
ಯೇ ಮಾಘಾಯವೋ ದಕ್ಷಿಣಾಯಾ ದಿಶೋ +ಽಭಿದಾಸಾನ್ || ೭,೧೭।೩

ವರುಣಂ ತ ಆದಿತ್ಯವಂತಂ ಋಚ್ಛಂತು
ಯೇ ಮಾಘಾಯವ ಏತಸ್ಯಾ ದಿಶೋ +ಽಭಿದಾಸಾನ್ || ೭,೧೭।೪

ಸೂರ್ಯಂ ತೇ ದ್ಯಾವಾಪೃಥಿವೀವಂತಂ ಋಚ್ಛಂತು
ಯೇ ಮಾಘಾಯವಃ ಪ್ರತೀಚ್ಯಾ ದಿಶೋ +ಽಭಿದಾಸಾನ್ || ೭,೧೭।೫

ಅಪಸ್ ತ ಓಷಧೀಮತೀರ್ ಋಚ್ಛಂತು
ಯೇ ಮಾಘಾಯವ ಏತಸ್ಯಾ ದಿಶೋ +ಽಭಿದಾಸಾನ್ || ೭,೧೭।೬

ವಿಶ್ವಕರ್ಮಾಣಂ ತೇ ಸಪ್ತರ್ಷಿವಂತಂ ಋಚ್ಛಂತು
ಯೇ ಮಾಘಾಯವ ಉದೀಚ್ಯಾ ದಿಶೋ +ಽಭಿದಾಸಾನ್ || ೭,೧೭।೭

ಇಂದ್ರಂ ತೇ ಮರುತ್ವಂತಂ ಋಚ್ಛಂತು
ಯೇ ಮಾಘಾಯವ ಏತಸ್ಯಾ ದಿಶೋ +ಽಭಿದಾಸಾನ್ || ೭,೧೭।೮

ಪ್ರಜಾಪತಿಂ ತೇ ಪ್ರಜನನವಂತಂ ಋಚ್ಛಂತು
ಯೇ ಮಾಘಾಯವೋ ಧ್ರುವಾಯಾ ದಿಶೋ +ಽಭಿದಾಸಾನ್ || ೭,೧೭।೯

ಬೃಹಸ್ಪತಿಂ ತೇ ವಿಶ್ವದೇವವಂತಂ ಋಚ್ಛಂತು
ಯೇ ಮಾಘಾಯವ ಊರ್ಧ್ವಾಯಾ ದಿಶೋ +ಽಭಿದಾಸಾನ್ || ೭,೧೭।೧೦
(೧೭)

ವೈಕಂಕತೇನೇಧ್ಮೇನ
ದೇವೇಭ್ಯ ಆಜ್ಯಂ ವಹ |
ಅಗ್ನೇ ತಾನ್ ಇಹ ಮಾದಯ
ಸರ್ವ ಆ ಯಂತು ಮೇ ಹವಂ || ೭,೧೮।೧

ಇಂದ್ರ ಆ ಯಾಹಿ ಮೇ ಹವಂ
ಇದಂ ಕರಿಷ್ಯಾಮಿ ತಚ್ ಛೃಣು |
ಇಮ ಐಂದ್ರಾ ಅತಿಸರಾ
ಆಕೂತೀಃ ಸಂ ನಮಂತು ಮೇ |
ತೇಭಿಃ ಶಕೇಮ ವೀರ್ಯಂ
ಜಾತವೇದಸ್ ತನೂವಶಿನ್ || ೭,೧೮।೨

ಯದ್ ಅಸಾವ್ ಅಮುತೋ ದೇವಾ
ಅದೇವಃ ಸಂಶ್ಚಿಕೀರ್ಷತಿ |
ಮಾ ತಸ್ಯಾಗ್ನಿರ್ ಹವ್ಯಂ ವಾಕ್ಷೀದ್
ಧವಂ ದೇವಾಶ್ ಚ ಮೋಪ ಗುರ್
ಮಮೈವ ಹವಂ ಏತನ || ೭,೧೮।೩

ಅತಿ ಧಾವತಾತಿಸರಾ
ವಿಶ್ವಸ್ಯೇಶಾನಾ ಓಜಸಃ |
ವೃಶ್ಚತಾಮುಷ್ಯ ಜೀವಿತಂ
ಇಂದ್ರೇಣ ಸಹ ಮೇದಿನಾ || ೭,೧೮।೪

ಅತಿಸೃತ್ಯಾತಿಸರಾ
ಇಂದ್ರಸ್ಯೌಜಸಾ ಹತ |
ಅವಿಂ ವೃಕ ಇವ ಮಥ್ನೀತ
ತತೋ ವೋ ಜೀವನ್ ಮಾ ಮೋಚಿ
ಪ್ರಾಣಂ ಅಸ್ಯಾಪಿ ನಹ್ಯತ || ೭,೧೮।೫

ಯಾನ್ ಅಸೌ ಪ್ರತಿಸರಾನ್ ಅಕಶ್
ಚಕಾರ ಕೃಣವಚ್ ಚ ಯಾನ್ |
ತ್ವಂ ತಾನ್ ಇಂದ್ರ ವೃತ್ರಹನ್
ಪ್ರತೀಚಃ ಪುನರ್ ಆ ಕೃಧಿ
ಯಥಾಮುಂ ತೃಣಹಞ್ ಜನಂ || ೭,೧೮।೬

ಯಂ ಅಮೀ ಪುರೋದಧಿರೇ
ಬ್ರಹ್ಮಾಣಂ ಉಪಭೂತಯೇ |
ಇಂದ್ರಸ್ಯ ತೇ ಅಧಸ್ಪದಂ
ತಂ ಪ್ರ ಯಚ್ಛಾಮಿ ಮೃತ್ಯವೇ
ಕ್ರವ್ಯಾದ್ ಏನಂ ಶಮಯತು || ೭,೧೮।೭

ಯದಿ ಪ್ರೇಯುರ್ ದೇವಪುರಾ
ಬ್ರಹ್ಮ ವರ್ಮಾಣಿ ಚಕ್ರಿರೇ |
ತನೂಪಾನಂ ಪರಿಪಾಣಾನಿ ಚಕ್ರಿರೇ
ಸರ್ವಂ ತದ್ ಅರಸಂ ಕೃಧಿ || ೭,೧೮।೮

ಅತ್ರೈನಂ ಇಂದ್ರ ವೃತ್ರಹನ್ನ್
ಉಗ್ರೋ ಮರ್ಮಣಿ ವಿಧ್ಯ |
ಅತ್ರೈವೈನಂ ಅಭಿ ತಿಷ್ಠ
ಶಕ್ರ ಮೇದ್ಯ್ ಅಹಂ ತವ |
ಅನು ತ್ವೇಂದ್ರಾ ರಭಾಮಹೇ
ಸ್ಯಾಮ ಸುಮತೌ ತವ || ೭,೧೮।೯

ಯಥೇಂದ್ರ ಉದ್ವಾಚನಂ
ಲಬ್ಧ್ವಾ ಚಕ್ರೇ ಅಧಸ್ಪದಂ |
ಕೃಣ್ವೇ ಽಮುಂ ಅಧರಂ ತಥಾ
ಶಶ್ವತೀಭ್ಯಃ ಸಮಾಭ್ಯಃ || ೭,೧೮।೧೦
(೧೮)

ಆಂಗಿರಸೋ ಜನ್ಮನಾಸಿ
ತಂ ಉ ತ್ವಾಹುರ್ ವನಸ್ಪತೇ |
ಸ ಪೀಲೋ ರಕ್ಷೋ ಬಾಧಸ್ವ
ಸಾಕಂ ಇಂದ್ರೇಣ ಮೇದಿನಾ || ೭,೧೯।೧

ಅಪ ರಕ್ಷಾಂಸಿ ಬಾಧಸ್ವ
ಬಾಧಸ್ವ ಪರಿರಾಪಿಣಃ |
ಪಿಶಾಚಾನ್ ಪೀಲೋ ಕ್ರವ್ಯಾದೋ
ಬಾಧಸ್ವ ಮೂರದೇವಿನಃ || ೭,೧೯।೨

ಯಯಾಹುಸ್ ತೃಷ್ಟಂ ಕಟುಕಂ
ಅಪಗೂಢಂ ಫಲೇ ಕುಲಂ |
ತಸ್ಯೈ ಹಿರಣ್ಯಕೇಶ್ಯೈ
ನಮಃ ಕೃಣ್ಮೋ ಅರಾತಯೇ || ೭,೧೯।೩

ಯಾ ಮಹತೀ ಮಹೋನ್ಮಾನಾ
ಸರ್ವಾ ಆಶಾ ವ್ಯಾನಶೇ |
ತಸ್ಯೈ ಹಿರಣ್ಯಕೇಶ್ಯೈ
ನಮಃ ಕೃಣ್ಮೋ ಅರಾತಯೇ || ೭,೧೯।೪

ಯಸ್ ತೇ ಯೋನಿಂ ಪ್ರತಿರೇಢ್ಯ್
ಆಂಡಾದೋ ಗರ್ಭದೂಷಣಃ |
ಅರಾಯಂ ಪುತ್ರಂ ಪ್ರಾಪೀ ಯಸ್
ತಂ ಪೀಲುಃ ಸಹತಾಂ ಇತಃ || ೭,೧೯।೫

ಯದಾ ಪೀಲವ್ ಆಂಗಿರಸ
ಪಕ್ವೋ ಽತಿಷ್ಠೋ ವನಸ್ಪತೇ |
ಅಥಾಹುರ್ ಇಂದ್ರಂ ಜಜ್ಞಾನಂ
ಶಕ್ರಂ ಬರ್ಜಹ್ಯೇ ಪ್ರತಿ || ೭,೧೯।೬

ಯಥಾ ಸೇದಿಂ ಅಬಾಧಥಾಃ
ಪಚ್ಯಮಾನೋ ವನಸ್ಪತೇ |
ಏವಾ ಪೀಲೋ ರಕ್ಷೋ ಬಾಧಸ್ವ
ಸಾಕಂ ಇಂದ್ರೇಣ ಮೇದಿನಾ || ೭,೧೯।೭

ಯತ್ ಪಿಶಾಚೈಃ ಪುರುಷಸ್ಯ
ಜಗ್ಧಂ ಭವತ್ಯ್ ಆತ್ಮನಃ |
ಆ ಪೀಲೋ ಪ್ಯಾಯತೇ ಪುನಸ್
ತವ ಚಾಶ್ನಾತಿ ಪಿಪ್ಪಲಂ || ೭,೧೯।೮

ಪೀಲುಂ ತ್ವಾಹುಃ ಪೀವಂ ತ್ವಾಹುರ್
ಅಥೋ ತ್ವಾಹುರ್ ವನಸ್ಪತಿಂ |
ಸರ್ವಾ ತೇ ಭದ್ರಾ ನಾಮಾನಿ
ತೇಭಿರ್ ನಃ ಪಾಹ್ಯ್ ಅಂಹಸಃ || ೭,೧೯।೯

ರಕ್ಷೋಹಣಂ ವೃತ್ರಹಣಂ
ಪೀಲುಂ ಪಿಶಾಚಜಂಭನಂ |
ಜಜ್ಞಾನಂ ಅಗ್ರೇ ವೃಕ್ಷಾಣಾಂ
ತಂ ತೇ ಬಧ್ನಾಮ್ಯ್ ಆಯುಷೇ || ೭,೧೯।೧೦
(೧೯)
ಸಗರಾಯ ಶತ್ರುಹಣೇ ಸ್ವಾಹಾ ||ಶರ್ಣೀಲಾಯ ಶತ್ರುಹಣೇ ಸ್ವಾಹಾ ||ಸಮುದ್ರಾಯ ಶತ್ರುಹಣೇ ಸ್ವಾಹಾ ||ಸಂಧಸಾಯ ಶತ್ರುಹಣೇ ಸ್ವಾಹಾ ||ಇಷಿರಾಯ ಶತ್ರುಹಣೇ ಸ್ವಾಹಾ ||ಅವಸ್ಯವೇ ಶತ್ರುಹಣೇ ಸ್ವಾಹಾ ||ವಾಯವೇ ಶತ್ರುಹಣೇ ಸ್ವಾಹಾ ||ವಾತಾಯ ಶತ್ರುಹಣೇ ಸ್ವಾಹಾ ||ಮಾತರಿಶ್ವನೇ ಶತ್ರುಹಣೇ ಸ್ವಾಹಾ ||ಪವಮಾನಾಯ ಶತ್ರುಹಣೇ ಸ್ವಾಹಾ ||(೨೦)

ಅನುವಾಕ ೪ ||
(೭)


ಕಾಂಡ ೮

ಕಥಾ ದಿವೇ ಅಸುರಾಯ ಬ್ರವಾಮ
ಕಥಾ ಪಿತ್ರೇ ಹರಯೇ ತ್ವೇಷನೃಮ್ಣಃ |
ಪೃಶ್ನಿಂ ವರುಣ ದಕ್ಷಿಣಾಂ ದದಾವಾನ್
ಪುನರ್ಮಘ ತ್ವಂ ಮನಸಾಚಿಕಿತ್ಸೀಃ || ೮,೧।೧

ನ ಕಾಮೇನ ಪುನರ್ಮಘೋ ಭವಾಮಿ
ಸಂಪೃಚ್ಯ ಕಂ ಪೃಶ್ನಿಂ ಏತಾಂ ಉಪಾಜೇ |
ಕೇನ ಮತ್ ತ್ವಂ ಅಥರ್ವನ್ ಕಾವ್ಯೇನ
ಕೇನ ಜಾತೇನಾಸಿ ಜಾತವೇದಾಃ || ೮,೧।೨

ಸತ್ಯಂ ಅಹಂ ಗಭೀರಃ ಕಾವ್ಯೇನ
ಸತ್ಯಂ ಜಾತೇನಾಸ್ಮಿ ಜಾತವೇದಾಃ |
ನ ಮೇ ದಾಸೋ ನಾರ್ಯೋ ಮಹಿತ್ವಂ
ವ್ರತಂ ಮೀಮಾಯ ಯದ್ ಅಹಂ ಧರಿಷ್ಯೇ || ೮,೧।೩

ನ ತ್ವದ್ ಅನ್ಯಃ ಕವಿತರೋ ನ ವೇಧಾ
ನ ಧೀರತರೋ ವರುಣ ಸ್ವಧಾವಃ |
ತ್ವಂ ಅಂಗ ವಿಶ್ವಾ ಜನಿಮಾನಿ ವೇತ್ಥ
ಸ ಚಿನ್ ನು ತ್ವಜ್ ಜನೋ ಮಾಯೀ ಬಿಭಾಯ || ೮,೧।೪

ತ್ವಂ ಹ್ಯ್ ಅಂಗ ವರುಣ ಸ್ವಧಾವೋ
ವಿಶ್ವಾನಿ ವೇತ್ಥ ಜನಿಮಾ ಶರ್ಧನೀತೇ |
ಕಿಂ ಏನಾ ರಜಸಃ ಪರೋ ಽಸ್ತಿ
ಕಿಂ ಅವರೇಣಾವರಂ ಅಮುರ || ೮,೧।೫

ಏಕಂ ಏನಾ ರಜಸಃ ಪರೋ ಽಸ್ತಿ
ಪರ ಏಕೇನ ದುರ್ದಾಶಂ ಚಿದ್ ಅನ್ಯತ್ |
ತತ್ ತೇ ವಿದ್ವಾನ್ ವರುಣ ಪ್ರ ಬ್ರವೀಮ್ಯ್
ಅಧೋವಚಸಃ ಪಣಯೋ ಭವಂತು
ನೀಚೈರ್ ದಾಸಾ ಉಪ ಸರ್ಪಂತು ರಿಪ್ರಾಃ || ೮,೧।೬

ತ್ವಂ ಹ್ಯ್ ಅಂಗ ವರುಣ ಪ್ರ ಬ್ರವೀಷಿ
ಪುನರ್ಮಘೇಷ್ವ್ ಅವದ್ಯಾನಿ ಭೂರಿ |
ಮೋ ಷು ಪಣ್ಯ್ ಅಭ್ಯ್ ಏತಾವತಾ ಭೂರ್
ಮಾ ತ್ವಾ ವೋಚನ್ನ್ ಅರಾಧಸಂ ಜನಾಸಃ || ೮,೧।೭

ಮಾ ಮಾ ವೋಚನ್ನ್ ಅರಾಧಸಂ ಜನಾಸಃ
ಪುನಸ್ ತೇ ಪೃಶ್ನಿಂ ಜರಿತರ್ ದದಾಮಿ |
ಸ್ತೋತ್ರಂ ಮೇ ವಿಶ್ವಂ ಆ ಯಾಹಿ ಜನೇಷ್ವ್
ಅಂತರ್ ದೇವೇಷು ಮಾನುಷೇಷು ವಿಪ್ರ || ೮,೧।೮

ಆ ತೇ ಸ್ತೋತ್ರಾಣಿ ವರ್ಧನಾನಿ ಯಾಮಿ
ದೇಹಿ ತನ್ ಮಹ್ಯಂ ಯದ್ ಅದತ್ತಂ ಅಸ್ತಿ |
ಯುಜ್ಯೋ ನಃ ಸಪ್ತಪದಃ ಸಖಾಸಿ
ಸಮಾ ನೌ ಬಂಧುರ್ ವರುಣಃ ಸಮಾ ಜಾ || ೮,೧।೯

ವೇದ ವೈ ತದ್ ಯನ್ ನೌ ಸಮಾ ಜಾ
ದದಾಮಿ ತುಭ್ಯಂ ಯದ್ ಅದತ್ತಂ ಅಸ್ತಿ |
ದೇವೋ ದೇವಾಯ ಗೃಣತೇ ವಯೋಧಾ
ವಿಪ್ರೋ ವಿಪ್ರಾಯ ಸ್ತುವತೇ ಸುಮೇಧಾಃ || ೮,೧।೧೦

ಅಜೀಜನೋ ಹಿ ವರುಣ ಸ್ವಧಾವನ್ನ್
ಅಥರ್ವಾಣಂ ಪಿತರಂ ವಿಶ್ವದೇವಂ |
ತಸ್ಮಾ ಉರ್ವ್ ಆಯುಷ್ ಕೃಣುಹಿ ಪ್ರಶಸ್ತಂ
ಸಖಾ ನೋ ಽಸಿ ಪರಮಶ್ ಚ ಬಂಧುಃ || ೮,೧।೧೧
(೧)

ವೃಷಾ ಮೇ ರವೋ ನಭಸಾ ನ ತನ್ಯತುರ್
ಉಗ್ರೇಣ ತಂ ವಚಸಾ ಬಾಧ ಇದ್ ಉ ತೇ |
ಅಹಂ ತಂ ಅಸ್ಯ ಗ್ರಭಿರ್ ಅಗ್ರಭಂ ರಸಂ
ಜ್ಯೋತಿಷೇವ ತಮಸ ಉದ್ ಏತಿ ಸೂರ್ಯಃ || ೮,೨।೧

ಯತ್ ತೇ ಽಪೋದಕಂ ವಿಷಂ
ತತ್ ತ ಆತ್ ತಾಭಿರ್ ಅಗ್ರಭಂ |
ಗೃಹ್ಣಾಮಿ ಮಧ್ಯಂ ಉತ್ತಮಂ
ಉತಾವಮಂ ಭಿಯಸಾ ನೇಶದ್ ಆದ್ ಉ ತೇ || ೮,೨।೨

ಬಲೇನ ತೇ ಬಲಂ ಹನ್ಮಿ
ತನ್ವಾ ಹನ್ಮಿ ತೇ ತನುಂ |
ವಿಷೇಣ ಹನ್ಮಿ ತೇ ವಿಷಂ
ಅಹೇ ಮೃಷೀಷ್ಠಾ ಮಾ ಜೀವೀಃ
ಪ್ರತ್ಯಗ್ ಅಭ್ಯ್ ಏತು ತ್ವಾ ವಿಷಂ || ೮,೨।೩

ಅಸಿತಸ್ಯ ತೈಮಾತಸ್ಯ
ಬಭ್ರೋರ್ ಅಪೋದಕಸ್ಯ ಚ |
ಸಾತ್ರಾಸಾಹಸ್ಯ ಮನ್ಯೋರ್ ಜ್ಯಾಂ
ಉಗ್ರಸ್ಯೇವ ಧನ್ವನೋ
ವಿ ಮುಂಚಾಮಿ ರಥಾಁ ಇವ || ೮,೨।೪

ಕೈಲಾತ ಪೃಶ್ನ ಉಪತೃಣ್ಯ ಬಭ್ರವ್
ಆ ಮೇ ಶೃಣುತಾಸಿತಾ ಅಲೀಕಾಃ |
ಮಾ ನಃ ಸಖ್ಯುಃ ಕಾಮಂ ಅಪಿ ಷ್ಠಾದ್
ಆಶ್ರಾವಯಾದ್ಧೋ ವೀರ್ಷೇ ರಮಧ್ವಂ || ೮,೨।೫

ಆಲಿಕಿ ಚ ವಿಲಿ ಪಿತಾ
ಯಸ್ ತೇ ಮಾತಾ ಚ |
ವಿದ್ಮ ತೇ ವಿಶ್ವತೋ ಬಂಧುಂ
ಅರಸ ಕಿಂ ಕರಿಷ್ಯಸಿ || ೮,೨।೬

ಉರುಗೂಲಾಯಾ ದುಹಿತಾ
ಜಾತಾ ದಾಸ್ಯ್ ಅಸಿಕ್ನ್ಯಾಃ |
ಪ್ರತಂಕಂ ದದ್ರುಷೀ ನು
ಸಾಹೀನ್ ಅರಸಾಁ ಅಕಃ || ೮,೨।೭

ಕರ್ಣಾ ಶ್ವಾವಿದ್ ಅಬ್ರವೀದ್
ಗಿರೇರ್ ಅವಚರಂತಿಕಾ |
ಯಾಃ ಕಾಶ್ ಚೇಮಾಃ ಖನಿತ್ರಿಮಾಸ್
ತಾಸಾಂ ಅರಸತಮಂ ವಿಷಂ || ೮,೨।೮

ತಾಬುವಂ ನ ತಾಬುವಂ
ನ ಘೇದ್ ಅಸಿ ತ್ವಂ ತಾಬುವಂ |
ತಾಬುವೇನಾರಸಂ ವಿಷಂ || ೮,೨।೯

ತಸ್ತುವಂ ನ ತಸ್ತುವಂ
ನ ಘೇದ್ ಅಸಿ ತ್ವಂ ತಸ್ತುವಂ |
ತಸ್ತುವೇನಾರಸಂ ವಿಷಂ || ೮,೨।೧೦

ಅರಸಂ ತೇ ಽಹೇ ವಿಷಂ
ಇಯಂ ಕೃಣೋತ್ವ್ ಓಷಧಿಃ |
ತ್ರಾಯಮಾಣಾ ಸಹಮಾನಾ ಸಹಸ್ವತೀ
ಸಹಾತಾ ಇದ್ ಗೋರ್ ಅಶ್ವಾತ್ ಪುರುಷಾದ್ ವಿಷಂ || ೮,೨।೧೧
(೨)

ಯದ್ ಆಂಜನಂ ತ್ರೈಕಕುದಂ
ಜಾತಂ ಹಿಮವತಸ್ ಪರಿ |
ಯಾತೂಂಶ್ ಚ ಸರ್ವಾನ್ ಜಂಭಯಾ
ಸರ್ವಾಶ್ ಚ ಯಾತುಧಾನ್ಯಃ || ೮,೩।೧

ಉತೇವಾಸಿ ಪರಿಪಾಣಂ
ಯಾತುಜಂಭನಂ ಆಂಜನ |
ಉತಾಮೃತತ್ವಸ್ಯೇಶಿಷ
ಉತಾಸಿ ಪಿತುಭೋಜನಂ || ೮,೩।೨

ಪರಿಪಾಣಂ ಪುರುಷಾಣಾಂ
ಪರಿಪಾಣಂ ಗವಾಂ ಅಸಿ |
ಅಶ್ವಾನಾಂ ಅರ್ವತಾಂ ಇತ್
ಪರಿಪಾಣಾಯ ತಸ್ಥಿಷೇ || ೮,೩।೩

ಪರಿ ಮಾಂ ಪರಿ ಣಃ ಪ್ರಿಯಂ
ಪರಿ ಣಃ ಪಾಹಿ ಯದ್ ಧನಂ |
ಅರಾತಿರ್ ಇನ್ ನೋ ಮಾ ತಾರೀನ್
ಮಾ ಚ ನಃ ಕಿಂ ಚನಾಮಮತ್ || ೮,೩।೪

ನ ತಂ ಪ್ರಾಪ್ನೋತಿ ಶಪಥೋ
ನ ಕೃತ್ಯಾ ನಾಭಿಶೋಚನಂ |
ನೈನಂ ವಿಷ್ಕಂಧಂ ಅಶ್ನುತೇ
ಯಸ್ ತ್ವಾ ಬಿಭರ್ತ್ಯ್ ಆಂಜನ || ೮,೩।೫

ಆಸನ್ ಮಂತ್ರ್ಯಾದ್ ದುಷ್ವಪ್ನ್ಯಾತ್
ಕ್ಷೇತ್ರಿಯಾಚ್ ಛಪಥಾದ್ ಉತ |
ದುರ್ಹಾರ್ದಶ್ ಚಕ್ಷುಷೋ ಘೋರಾತ್
ತಸ್ಮಾನ್ ನಃ ಪಾಹ್ಯ್ ಆಂಜನ || ೮,೩।೬

ತ್ರಯೋ ದಾಸಾ ಆಂಜನಸ್ಯ
ತಕ್ಮಾ ಬಲಾಸ ಆದ್ ಅಹಿಃ |
ವರ್ಷಿಷ್ಠಃ ಪರ್ವತಾನಾಂ
ತ್ರಿಕಕುನ್ ನಾಮ ತೇ ಪಿತಾ || ೮,೩।೭

ವೃತ್ರಸ್ಯಾಸಿ ಕನೀನಿಕಾ
ಪರ್ವತಸ್ಯಾಸ್ಯ್ ಅಕ್ಷ್ಯೌ |
ದೇವೇಭಿಃ ಸರ್ವೈಃ ಪ್ರೋಕ್ತಂ
ಪರಿಧಿರ್ ನಾಮ ವಾ ಅಸಿ || ೮,೩।೮

ವೈದೋ ಹ ವೇದ ತೇ ನಾಮ
ಗಂಧರ್ವಃ ಪರಿವಾಚನಂ |
ಯತ ಆಂಜನ ಪ್ರಜಾಯಸೇ
ತತ ಏಹ್ಯ್ ಅರಿಷ್ಟತಾತಯೇ || ೮,೩।೯

ಯದಿ ವಾಸಿ ತ್ರೈಕಕುದಂ
ಯದಿ ಯಾಮುನಂ ಉಚ್ಯಸೇ |
ಉಭೇ ತೇ ಭದ್ರೇ ನಾಮ್ನೀ
ತಾಭ್ಯಾಂ ನಃ ಪಾಹ್ಯ್ ಆಂಜನ || ೮,೩।೧೦

ಯಸ್ಯಾಂಜನ ಪ್ರಸರ್ಪಸ್ಯ್
ಅಂಗಮಂಗಂ ಪರುಷ್ಪರುಃ |
ತಸ್ಮಾದ್ ಯಕ್ಷ್ಮಂ ವಿ ಬಾಧಸ್ವ-
-ಉಗ್ರೋ ಮಧ್ಯಮಶೀರ್ ಇವ || ೮,೩।೧೧

ನೈನಂ ಘ್ನಂತಿ ಪರ್ಯಾಯಿಣೋ
ನ ಸನ್ನಾಁ ಅವ ಗಚ್ಛತಿ |
ಜನೇ ಸ ನ ಪ್ರ ಮೀಯತೇ
ಯಸ್ ತ್ವಾ ಬಿಭರ್ತ್ಯ್ ಆಂಜನ || ೮,೩।೧೨

ಇದಂ ವಿದ್ವಾನ್ ಆಂಜನ
ಸತ್ಯಂ ವಕ್ಷ್ಯಾಮಿ ನಾನೃತಂ |
ಸನೇಯಂ ಅಶ್ವಂ ಗಾಂ ವಾಸ
ಆತ್ಮಾನಂ ತವ ಪೂರುಷ || ೮,೩।೧೩
(೩)

ಯ ಏಕವೃಷೋ ಽಸಿ
ಸೃಜಾರಸೋ ಽಸಿ || ೮,೪।೧

ಯೋ ದ್ವಿವೃಷೋ ಽಸಿ
(…) || ೮,೪।೨

ಯಸ್ ತ್ರಿವೃಷೋ ಽಸಿ
(…) || ೮,೪।೩

ಯಶ್ ಚತುರ್ವೃಷೋ ಽಸಿ
(…) || ೮,೪।೪

ಯಃ ಪಂಚವೃಷೋ ಽಸಿ
(…) || ೮,೪।೫

ಯಃ ಷಡ್ವೃಷೋ ಽಸಿ
(…) || ೮,೪।೬

ಯಃ ಸಪ್ತವೃಷೋ ಽಸಿ
(…) || ೮,೪।೭

ಯೋ ಽಷ್ಟವೃಷೋ ಽಸಿ
(…) || ೮,೪।೮

ಯೋ ನವವೃಷೋ ಽಸಿ
(…) || ೮,೪।೯

ಯೋ ದಶವೃಷೋ ಽಸಿ
(…) || ೮,೪।೧೦

ಯೋ ಽಪೋದಕೋ ಽಸಿ
ಸೃಜಾರಸೋ ಽಸಿ || ೮,೪।೧೧
(೪)

ಏಕಾ ಚ ಮೇ ದಶ ಚ-
-ಅಪವಕ್ತಾರ ಓಷಧೇ |
ಋತಜಾತ ಋತಾವರಿ
ಮಧು ತ್ವಾ ಮಧುಲಾ ಕರತ್ || ೮,೫।೧

ದ್ವೇ ಚ ಮೇ ವಿಂಶತಿಶ್ ಚ
(…) || ೮,೫।೨

ತಿಸ್ರಶ್ ಚ ಮೇ ತ್ರಿಂಶಚ್ ಚ
(…) || ೮,೫।೩

ಚತಸ್ರಶ್ ಚ ಮೇ ಚತ್ವಾರಿಂಶಚ್ ಚ
(…) || ೮,೫।೪

ಪಂಚ ಚ ಮೇ ಪಂಚಾಶಚ್ ಚ
(…) || ೮,೫।೫

ಷಟ್ ಚ ಮೇ ಷಷ್ಟಿಶ್ ಚ
(…) || ೮,೫।೬

ಸಪ್ತ ಚ ಮೇ ಸಪ್ತತಿಶ್ ಚ
(…) || ೮,೫।೭

ಅಷ್ಟ ಚ ಮೇ ಽಶೀತಿಶ್ ಚ
(…) || ೮,೫।೮

ನವ ಚ ಮೇ ನವತಿಶ್ ಚ
(…) || ೮,೫।೯

ದಶ ಚ ಮೇ ಶತಂ ಚ
(…) || ೮,೫।೧೦

ಶತಂ ಚ ಮೇ ಸಹಸ್ರಂ ಚ-
-ಅಪವಕ್ತಾರ ಓಷಧೇ |
ಋತಜಾತ ಋತಾವರಿ
ಮಧು ತ್ವಾ ಮಧುಲಾ ಕರತ್ || ೮,೫।೧೧
(೫)

ಅನುವಾಕ ೧ ||

ಆ ಪಶ್ಯಸಿ ಪ್ರತಿ ಪಶ್ಯಸಿ
ಪರಾ ಪಶ್ಯಸಿ ಪಶ್ಯಸಿ |
ದ್ಯಾಂ ಅಂತರಿಕ್ಷಂ ಆದ್ ಭೂಮಿಂ
ತತ್ ಸರ್ವಂ ದೇವಿ ಪಶ್ಯಸಿ || ೮,೬।೧

ತಿಸ್ರೋ ದಿವಸ್ ತಿಸ್ರಃ ಪೃಥಿವೀಃ
ಷಟ್ ಚೇಮಃ ಪ್ರದಿಶೋ ಮಹೀಃ |
ತಯಾಹಂ ಸರ್ವಾನ್ ಯಾತೂನ್
ಪಶ್ಯಾನಿ ದೇವ್ಯ್ ಓಷಧೇ || ೮,೬।೨

ಸುಪರ್ಣಸ್ಯ ದಿವ್ಯಸ್ಯ
ತಸ್ಯ ಹಾಸಿ ಕನೀನಿಕಾ |
ಸಾ ಭೂಮಿಂ ಆ ರುರೋಹಿಥ
ವಹ್ಯಂ ಶ್ರಾಂತಾ ವಧೂರ್ ಇವ || ೮,೬।೩

ತಾಂ ಮೇ ಸಹಸ್ರಾಕ್ಷೋ ದೇವೋ
ದಕ್ಷಿಣೇ ಹಸ್ತ ಆ ದಧತ್ |
ತಯಾಹಂ ಸರ್ವಂ ಪಶ್ಯಾಮಿ
ಯದ್ ಭೂತಂ ಯಚ್ ಚ ಭಾವ್ಯಂ || ೮,೬।೪

ಯಥಾ ಶ್ವಾ ಚತುರಕ್ಷೋ
ಯಥಾಶ್ವಃ ಶ್ಯಾವೋ ಽರ್ವತಾಂ |
ಯಥಾಗ್ನಿರ್ ವಿಶ್ವತಃ ಪ್ರತ್ಯಙ್ಙ್
ಏವಾ ತ್ವಂ ಅಸ್ಯ್ ಓಷಧೇ || ೮,೬।೫

ಕಶ್ಯಪಸ್ಯ ಚಕ್ಷುರ್ ಅಸಿ
ಶುನ್ಯಾಶ್ ಚತುರಕ್ಷ್ಯಾಃ |
ವೀಧ್ರೇ ಸೂರ್ಯಂ ಇವ ಸರ್ಪಂತಂ
ಮಾ ಪಿಶಾಚಂ ತಿರಸ್ ಕರಃ || ೮,೬।೬

ದರ್ಶಯ ಮಾ ಯಾತುಧಾನಾನ್
ದರ್ಶಯ ಯಾತುಧಾನ್ಯಃ |
ಆಪಸ್ಪೃತ ಇವ ತಿಷ್ಠಂತಂ
ದರ್ಶಯ ಮಾ ಕಿಮೀದಿನಂ || ೮,೬।೭

ಉದ್ ಅಗ್ರಭಂ ಪರಿಪಾಣಂ
ಯಾತುಧಾನಾತ್ ಕಿಮೀದಿನಃ |
ತೇನಾಹಂ ಸರ್ವಂ ಪಶ್ಯಾನ್ಯ್
ಉತ ಶೂದ್ರಂ ಉತಾರ್ಯಂ || ೮,೬।೮

ಯಥಾ ಸೂರ್ಯಶ್ ಚಂದ್ರಮಾಶ್ ಚ
ವಿಶ್ವಾ ಭೂತಾ ವಿಪಶ್ಯತಃ |
ಏವಾ ವಿ ಪಶ್ಯ ತಾನ್ ತ್ವಂ
ಅಘಾಯುರ್ ಮೋಪ ಗಾದ್ ಇಹ || ೮,೬।೯

ಯೋ ಅಂತರಿಕ್ಷೇಣ ಪತತಿ
ಭೂಮಿಂ ಯಶ್ ಚೋಪಸರ್ಪತಿ |
ದಿವಂ ಯೋ ಮನ್ಯತೇ ನಾಥಂ
ತಂ ಪಿಶಾಚಂ ದೃಶೇ ಕುರು || ೮,೬।೧೦

ಆವಿಷ್ ಕೃಣುಷ್ವ ರೂಪಾಣಿ
ಮಾತ್ಮಾನಂ ಅಪ ಗೂಹಥಾಃ |
ಅಧಾ ಸಹಸ್ರಚಕ್ಷೋ ತ್ವಂ
ಪ್ರತಿ ಪಶ್ಯಾಸ್ಯ್ ಆಯತಃ || ೮,೬।೧೧
(೬)

ಮೋಕ್ಷೇಜಾಂಸ್ ತೋದಾಂಸ್ ತುಮಲಾನ್
ಪಥಿಷ್ಠಾಁ ಉತ ಪಾರ್ಷತಾನ್ |
ಅಹೀನಾಂ ಸರ್ವೇಷಾಂ ವಿಷಂ
ಅರಸಂ ಕೃಣ್ವ್ ಓಷಧೇ || ೮,೭।೧

ಅಶ್ವಕ್ರಂದಸ್ಯ ವಂಡಸ್ಯ
ಪೃದಾಕೋರ್ ಗೋನಸೇರ್ ಉತ |
ಶ್ವಿತ್ರಾಣಾಂ ಸರ್ವೇಷಾಂ ವಿಷಂ
ಅರಸಂ ಕೃಣ್ವ್ ಓಷಧೇ || ೮,೭।೨

ದ್ಯಾಂಪಾತಸ್ಯ ಗವಕಸ್ಯ
ಗೋಧಾಪೃಷ್ಠೇರ್ ಅಹೇರ್ ಉತ |
ಅಸಿತಾನಾಂ ಏತಜ್ ಜಾತಂ
ಅರಿಷ್ಟೇ ಽರಸಂ ಕೃಧಿ || ೮,೭।೩

ಏತಜ್ ಜಾತಂ ಸ್ವಜಾನಾಂ
ತದ್ ಬಭ್ರೋ ಅರಸಂ ಕೃಧಿ |
ಸರ್ವಸ್ಯ ಬಭ್ರೋರ್ ಭೇಷಜ್ಯ್
ಅಸೀಹ ವಿಷದೂಷಣೀ || ೮,೭।೪

ತ್ರಾಯಮಾಣಾ ಪ್ರ ಬ್ರವೀತು
ಸರ್ವಾಙ್ ರಾಜ್ಞೋ ಅಹೀನಾಂ |
ತಿರಶ್ಚಿರಾಜೀನ್ ಅಸಿತಾನ್
ಅಥೋ ಉಪಶಯಾಶ್ ಚ ಯೇ || ೮,೭।೫

ಸಹಸಾಹಂ ಯಾತುಧಾನಾನ್
ಸಹಸಾ ಯಾತುಧಾನ್ಯಃ |
ಸಹೋ ವಃ ಸರ್ವಾನ್ ಸಾಸಾಹ
ತಸ್ಯಾಹಂ ನಾಮ ಜಗ್ರಭ || ೮,೭।೬

ಸಹಃ ಸಾಕಂ ಪೈದ್ವೇನ-
-ಉಗ್ರೇಣ ವಚಸಾ ಮಮ |
ಅಂಧಾಹೀಂಶ್ ಚ ಸೃಜಯಾಶ್ ಚ
ಶಫಕಾಂಶ್ ಚ ರಥವ್ರಯಃ |
ಸಹಸಾ ಸಹ ಉತ್ಪತ್ಯ
ತಾನ್ ಸರ್ವಾಁ ಅರಸಾಁ ಅಕಃ || ೮,೭।೭

ಅಸಿತಸ್ಯ ವಿದ್ರಧಸ್ಯ
ಹರಿತೋ ಯಶ್ ಚ ವಿದ್ರಧಃ |
ನಿಮಂಕ್ಷೀ ವಿದ್ರಧಾನಾಂ ಯೋ
ಮೃಜಂತೀ ತಾಁ ಅಜೀಜಭತ್ || ೮,೭।೮

ಯಃ ಸ್ವಜಾನಾಂ ನೀಲಗ್ರೀವೋ
ಯಃ ಸ್ವಜಾನಾಂ ಹರಿರ್ ಉತ |
ಕಲ್ಮಾಷಪುಚ್ಛಂ ಓಷಧೇ
ಜಂಭಯಾಸ್ಯ್ ಅರುಂಧತಿ || ೮,೭।೯

ಮಾಯಂ ಮರದ್ ಅಹಿದಷ್ಟಃ
ಪಿತುರ್ ಅಸ್ಮಾ ಅಸದ್ ವಿಷಂ |
ಇಮಾ ಹ್ಯ್ ಅಸ್ಮಾ ಓಷಧಿಂ
ಆ ಹರಾಮ್ಯ್ ಅರುಂಧತೀಂ || ೮,೭।೧೦

ಏತಜ್ ಜಾತಂ ಪೃದಾಕೂನಾಂ
ಅರಸಂ ಜೀವಲೇ ಕೃಧಿ |
ಇಂದ್ರಸ್ಯ ಭದ್ರಿಕಾ ವೀರುದ್
ಅಸೀಹ ವಿಷದೂಷಣೀ || ೮,೭।೧೧
(೭)

ಶತಂ ಅರ್ವಾಕ್ ಪ್ರ ಸ್ಯಂದಂತೇ
ಪ್ರ ಸ್ಯಂದಂತೇ ಶತಂ ಪರಃ |
ಶತಂ ವೃತ್ರಸ್ಯ ಕಾಂಡಾನಿ
ತೇಭ್ಯ ಆಪೋ ವಿ ಧಾವಥ || ೮,೮।೧

ಅಂತರಿಕ್ಷೇ ಪತಯಿಷ್ಣವೋ
ನಭಸಸ್ ಪರಿ ಜಜ್ಞಿರೇ |
ಆಪೋ ಹಿರಣ್ಯವರ್ಣಾಸ್
ತಾಸ್ ತೇ ಭವಂತು ಶಂ ಹೃದೇ || ೮,೮।೨

ಶಂ ತೇ ಸಂತು ಹೃದಯಾಯ
ಶಂ ತೇ ಹೃದಯ್ಯಾಭ್ಯಃ |
ಶಂ ತೇ ಯಕಕ್ಲೋಮಭ್ಯಃ
ಶಂ ಉ ತೇ ಅಂತಷ್ಟೇಭ್ಯಃ || ೮,೮।೩

ಯದ್ ಅಂಗೈರ್ ಅಪಸಿಸ್ಮಿಷೇ
ಯಚ್ ಛೀರ್ಷ್ಣಾ ಯಚ್ ಚ ಪೃಷ್ಟಿಭಿಃ |
ಆಪಸ್ ತತ್ ಸರ್ವಂ ನಿಷ್ ಕರನ್
ತಷ್ಟಾ ರಿಷ್ಟಂ ಇವಾನಸಃ || ೮,೮।೪

ಸಂ ಹೃದಯೇನ ಹೃದಯಂ
ಓಪಶೇನ ಸಂ ಓಪಶಃ |
ಅದ್ಭಿರ್ ಮುಂಚಾಪಸ್ಮಿತಂ
ಪಾರ್ಷ್ಣಿದ್ಯೋತಃ ಸಂ ಏತು ಮೇ || ೮,೮।೫

ಆಚರಂತೀಃ ಪರ್ವತೇಭ್ಯೋ
ದೇವೀರ್ ದೇವೇಭ್ಯಸ್ ಪರಿ |
ಆಪೋ ಯಂ ಅದ್ಯ ಪ್ರಾಪನ್
ನ ಸ ರಿಷ್ಯಾತಿ ಪೂರುಷಃ || ೮,೮।೬

ಶಂ ತ ಆಪೋ ಹೈಮವತೀಃ
ಶಂ ಉ ತೇ ಸಂತೂತ್ಸ್ಯಾಃ |
ಶಂ ತೇ ಸನಿಷ್ಯದಾ ಆಪಃ
ಶಂ ಉ ತೇ ಸಂತು ವರ್ಷ್ಯಾಃ || ೮,೮।೭

ಶಂ ತ ಆಪೋ ಧನ್ವನ್ಯಾಃ
ಶಂ ಉ ತೇ ಸಂತ್ವ್ ಅನೂಪ್ಯಾಃ |
ಶಂ ತೇ ಖನಿತ್ರಿಮಾ ಆಪಃ
ಶಂ ಯಾಃ ಕುಂಭೇಭಿರ್ ಆಭೃತಾಃ || ೮,೮।೮

ಅನಭ್ರಯಃ ಖನಮಾನಾ
ವಿಪ್ರಾ ಗಂಭೀರೇ ಽಪಸಃ |
ಭಿಷಗ್ಭ್ಯೋ ಭಿಷಕ್ತರಾ
ಆಪೋ ಅಚ್ಛಾ ವದಾಮಸಿ || ೮,೮।೯

ಅಪಾಂ ಅಹ ದಿವ್ಯಾನಾಂ
ಅಪಾಂ ಸ್ರೋತಸ್ಯಾನಾಂ |
ಅಪಾಂ ಅಹ ಪ್ರಣೇಜನೇ
ಽಶ್ವಾ ಭವಥ ವಾಜಿನಃ || ೮,೮।೧೦

ತಾ ಆಪಃ ಶಿವಾ ಆಪೋ
ಽಯಕ್ಷ್ಮಂಕರಣೀರ್ ಅಪಃ |
ಯಥೈವ ತೃಷ್ಯತೇ ಮಯಸ್
ತಾಸ್ ತ ಆದ್ಯುತ್ತಭೇಷಜೀ || ೮,೮।೧೧
(೮)

ಬ್ರಹ್ಮಜ್ಯೇಷ್ಠಾ ಸಂಭೃತಾ ವೀರ್ಯಾಣಿ
ಬ್ರಹ್ಮಾಗ್ರೇ ಜ್ಯೇಷ್ಠಂ ದಿವಂ ಆ ತತಾನ |
ಭೂತಾನಾಂ ಬ್ರಹ್ಮ ಪ್ರಥಮೋತ ಜಜ್ಞೇ
ತೇನಾರ್ಹತಿ ಬ್ರಹ್ಮಣಾ ಸ್ಪರ್ಧಿತುಂ ಕಃ || ೮,೯।೧

ಬ್ರಹ್ಮೇಮೇ ದ್ಯಾವಾಪೃಥಿವೀ
ಬ್ರಹ್ಮೇಮೇ ಸಪ್ತ ಸಿಂಧವಃ |
ಬ್ರಹ್ಮೇಮೇ ಸರ್ವ ಆದಿತ್ಯಾ
ಬ್ರಹ್ಮ ದೇವಾ ಉಪಾಸತೇ || ೮,೯।೨

ಬ್ರಹ್ಮ ಬ್ರಾಹ್ಮಣೋ ವದತಿ
ಬ್ರಹ್ಮ ರಾತ್ರೀ ನಿ ವಿಶತೇ |
ಸಾವಿತ್ರಂ ಬ್ರಹ್ಮಣೋ ಜಾತಂ
ಬ್ರಹ್ಮಣಾಗ್ನಿರ್ ವಿ ರೋಚತೇ || ೮,೯।೩

ಬ್ರಹ್ಮೌಷಧಯೋ ನಿ ತಿಷ್ಠಂತಿ
ಬ್ರಹ್ಮ ವರ್ಷಂತಿ ವೃಷ್ಟಯಃ |
ಬ್ರಹ್ಮೇದಂ ಸರ್ವಂ ಆತ್ಮನ್ವದ್
ಯಾವತ್ ಸೂರ್ಯೋ ವಿಪಶ್ಯತಿ || ೮,೯।೪

ಬ್ರಹ್ಮ ಹೋತಾ ಬ್ರಹ್ಮ ಯಜ್ಞೋ
ಬ್ರಹ್ಮಣಾ ಸ್ವರವೋ ಮಿತಾಃ |
ಅಧ್ವರ್ಯುರ್ ಬ್ರಹ್ಮಣೋ ಜಾತೋ
ಬ್ರಹ್ಮಣೋತ್ ತಿರತೇ ಹವಿಃ || ೮,೯।೫

ಬ್ರಹ್ಮ ಸ್ರುಚೋ ಘೃತವತೀರ್
ಬ್ರಹ್ಮಣಾ ವೇದಿರ್ ಉದ್ಯತಾ |
ಬ್ರಹ್ಮ ಯಜ್ಞಸ್ಯ ತಂತವ
ಋತ್ವಿಜೋ ಯೇ ಹವಿಷ್ಕೃತಃ || ೮,೯।೬

ಬ್ರಹ್ಮ ಋಷಭೋ ಭದ್ರರೇತಾ
ಬ್ರಹ್ಮ ಗಾವೋ ಹವಿಷ್ಕೃತಃ |
ಬ್ರಹ್ಮ ರಥಸ್ಯ ದೇವಸ್ಯ
ಯಜ್ ಜಯಾತಿ ಸ್ವರಂಕೃತಃ || ೮,೯।೭

ಬ್ರಹ್ಮಣಾ ಶೀರಂ ವಹತಿ
ಬ್ರಹ್ಮಣಾ ಯುಜ್ಯತೇ ರಥಃ |
ಬ್ರಹ್ಮಣಾ ಪುರುಷೋ ದ್ವಿಪಾನ್
ನ ವ್ಯಥತೇ ಚರನ್ || ೮,೯।೮

ಬ್ರಹ್ಮಣೋ ಜಾತಾ ಋಷಯೋ
ಬ್ರಹ್ಮಣೋ ರಾಜನ್ಯಾ ಉತ |
ಬ್ರಹ್ಮೇದಂ ಬ್ರಹ್ಮಣೋ ಜಾತಂ
ಬ್ರಹ್ಮಣೋ +ಽವಿಷ್ಯಾ ಅನ್ನಂ || ೮,೯।೯

ಬ್ರಹ್ಮ ಶೂದ್ರಾ ರಾಜನ್ಯಾನಾಂ
ಬ್ರಹ್ಮೈಷಾಂ ಉತ ವಿಕ್ಷದಃ |
ಬ್ರಹ್ಮೈಷಾಂ ಭದ್ರಂ ಸಾದನಂ
ಬ್ರಹ್ಮಣೈಷಾಂ ಸಭಾಸದಃ || ೮,೯।೧೦

ಬ್ರಹ್ಮ ದಾಶಾ ಬ್ರಹ್ಮ ದಾಸಾ
ಬ್ರಹ್ಮೇಮೇ ಕಿತವಾ ಉತ |
ಸ್ತ್ರೀಪುಂಸೌ ಬ್ರಹ್ಮಣೋ ಜಾತೌ
ಸ್ತ್ರಿಯೋ ಬ್ರಹ್ಮ ಉತ ವಾವನ || ೮,೯।೧೧

ಬ್ರಹ್ಮೋದ್ವತೋ ನಿವತೋ ಬ್ರಹ್ಮ ಸಂವತೋ
ವಾನಸ್ಪತ್ಯಾಃ ಪರ್ವತಾ ಬ್ರಹ್ಮ ವೀರುಧಃ |
ಬ್ರಹ್ಮೇದಂ ಸರ್ವಂ ಅನ್ವ್ ಆ ತತಾನ-
-ಅಂತರಾ ದ್ಯಾವಾಪೃಥಿವೀ ಉಭೇ || ೮,೯।೧೨

ಬ್ರಹ್ಮೈವಾಭೂದ್ ಉತ್ತರಂ ಜಾತವೇದೋ
ರದ್ವಜ್ರೋ ಯಾತುಧಾನಂ ಮಹಾಲಂ |
ಭವಾಶರ್ವೌ ತಪುಷೀಂ ಹೇತಿಂ ಅಸ್ಮೈ
ಮಯೇಷಿತೌ ವಿ ಸೃಜತಾಂ ವಧಾಯ || ೮,೯।೧೩
(೯)

ಯದ್ ಅಶ್ವಿನಾ ಓಷಧೀಷ್ವ್
ಆಸಿಕ್ತಂ ಪುಷ್ಕರಸ್ರಜಾ
ವೀರುಧೋ ಮಧು ಬಿಭ್ರತಿ |
ತೇನಾಹಂ ಅಸ್ಯಾ ಮೂರ್ಧಾನಂ
ಅಭಿ ಷಿಂಚಾಮಿ ನಾರ್ಯಾಃ || ೮,೧೦।೧

ಯದ್ ಅಶ್ವಿನಾ ಪುಷ್ಪಾದ್ ಅಧಿ
ಮಾಕ್ಷಿಕಂ ಮಧು ಸಂಭೃತಂ |
ಅನ್ನೇ ಲವಣೇ ಯನ್ ಮಧು
ತೇನಾ(…) || ೮,೧೦।೨

ಯದ್ ಅಶ್ವಿನಾ ಗುಲ್ಗುನ್ಯಾ-
-ಆಂಜನೇ ಮಧು ಸಂಭೃತಂ
ಯದ್ ಅಸ್ಮಿನ್ ಮಧುಘೇ ಮಧು |
(…) || ೮,೧೦।೩

ಯದ್ ಅಶ್ವಿನಾಕ್ಷ ಮಧು
ಗೋಷ್ವ್ ಅಶ್ವೇಷು ಯನ್ ಮಧು |
ಸುರಾಯಾಂ ಸಿಚ್ಯಮಾನಾಯಾಂ
ಕೀಲಾಲೇ ಽಧಿ ಯನ್ ಮಧು |
ತೇನಾ(…) || ೮,೧೦।೪

ಯದ್ ಅಶ್ವಿನಾ ಗೋವರ್ಚಸಂ
ಹಿರಣ್ಯವರ್ಚಸಂ ಹಸ್ತಿವರ್ಚಸಂ ಅಶ್ವಿನಾ |
ತೇನಾಹಂ ಅಸ್ಯಾ ಮೂರ್ಧಾನಂ
ಅಭಿ ಷಿಂಚಾಮಿ ನಾರ್ಯಾಃ || ೮,೧೦।೫

ಅಭಿ ನಂದಂ ಅಭಿ ಮೋದಂ
ಅಭಿ ದರ್ಪಂ ಕೃಣೋಮಿ ತೇ |
ಆ ತೇ ಭಗಂ ವರ್ತಯತಾಂ
ಅಶ್ವಿನಾ ಪುಷ್ಕರಸ್ರಜಾ || ೮,೧೦।೬

ದತ್ಸು ತೇ ವರ್ಚಃ ಸುಭಗೇ
ಜಿಹ್ವಾಯಾಂ ತೇ ಮಧೂಲಕಂ |
ಅಕ್ಷ್ಯೌ ನಿಕರಣೀ ತವ
ಪ್ರತೀಕಂ ಮಧುಮತ್ತರಂ || ೮,೧೦।೭

ಆ ಸಚಸ್ವ ತಲಾಶೇವ
ವೃಕ್ಷ ಇವಾಪತಿಕಃ ಪತಿಂ |
ತ್ವಂ ಸಂ ಅಗ್ರಭೀಃ ಪುಂಸಃ
ಶ್ಯೇನ ಇವಾನ್ಯಾನ್ ಪತತ್ರಿಣಃ || ೮,೧೦।೮

ಆ ಹಿ ತೇ ಹಾರ್ಷಂ ಉದಕಂ
ಅಪೋ ಭಗಾಭಿಷೇಚನೀಃ |
ಯತ್ ತೇ ವರ್ಚೋ ಽಪಕ್ರಾಂತಂ
ಮುಖಸ್ಯ ಪ್ರತಿಚಕ್ಷಣಾತ್ |
ಪುನಸ್ ತದ್ ಅಶ್ವಿನಾ ತ್ವಯ್ಯ್
ಆ ಧತ್ತಾಂ ಪುಷ್ಕರಸ್ರಜಾ || ೮,೧೦।೯

ಅಭಿ ತ್ವಾ ವರ್ಚಸಾಸಿಚಂ
ದಿವ್ಯೇನ ಪಯಸಾ ಸಹ |
ಯಥಾ ಪತಿವತ್ನ್ಯ್ ಅಸೋ
ದೇವೃಗ್ಭ್ಯೋ ಮಧುಮತ್ತರಾ || ೮,೧೦।೧೦

ಭಗಂ ತೇ ಮಿತ್ರಾವರುಣಾ
ಭಗಂ ದೇವೀ ಸರಸ್ವತೀ |
ಭಗಂ ತೇ ಅಶ್ವಿನೋಭಾ-
-ಆ ಧತ್ತಾಂ ಪುಷ್ಕರಸ್ರಜಾ || ೮,೧೦।೧೧

ಪತಿಂ ತೇ ರಾಜಾ ವರುಣಃ
ಪತಿಂ ದೇವೋ ಬೃಹಸ್ಪತಿಃ |
ಪತಿಂ ತ ಇಂದ್ರಶ್ ಚಾಗ್ನಿಶ್ ಚ
ಪತಿಂ ಧಾತಾ ದಧಾತು ತೇ || ೮,೧೦।೧೨
(೧೦)

ಅನುವಾಕ ೨ ||

ಚತಸ್ರಸ್ ತೇ ಖಲ ಸ್ರಕ್ತೀರ್
ಅಥೋ ಮಧ್ಯಂ ಅಹಂ ಖಲ |
ಧಾರಾಶ್ ಚತಸ್ರ ಸ್ತೋಷ್ಯಾಮಿ
ವೇದಿಂ ಮನುಷ್ಯವರ್ಧನೀಂ || ೮,೧೧।೧

ಊರ್ಜಸ್ವಂತಂ ಆ ರಭಧ್ವಂ
ಸ್ಫಾತಿಮಂತಂ ಪುನೀತನ |
ಇಂದ್ರೋ ಬೀಜಸ್ಯಾಭ್ಯಾವೋಢಾ
ಭಗ ಐತು ಪುರೋಗವಃ || ೮,೧೧।೨

ಭಗಸ್ಯ ಹ್ಯ್ ಅನಡ್ವಾಹೌ
ಯುಂಜಾಥಾಂ ರಾಶಿವಾಹನೌ |
ಅಧಾ ಪೃಥಿವ್ಯಾಃ ಕೀಲಾಲಂ
ಇಹಾ ವಹತಂ ಅಶ್ವಿನಾ || ೮,೧೧।೩

ಅಭಿವೃತಃ ಪರಿಹಿತೋ
ಧಾನ್ಯೇನ ವಿಭುಃ ಪ್ರಭುಃ |
ಭರ್ತಾ ಮನುಷ್ಯಾಣಾಂ ಜಜ್ಞೇ
ದೇವಾನಾಂ ಆಜ್ಯಂ ಖಲಃ || ೮,೧೧।೪

ಸ್ರುಚ ಆಸನ್ ಪವನೀಃ
ಸೃಣೀಕಾಃ ಪರಿಧಿಷ್ಕೃತಃ |
ಕೀನಾಶಾ ಆಸನ್ ಹೋತಾರೋ
ಬೀಜದಾ ಆಸೀದ್ ಧವಿಷ್ಪತಿಃ || ೮,೧೧।೫

ಇಹೇಂದ್ರ ಮುಷ್ಟೀ ವಿ ಸೃಜಸ್ವ
ಪೂರ್ಣಾವ್ ಇಹ ಸೌಮನಸಃ ಸಂ ಋಧ್ಯತಾಂ |
ಹುತಾದೋ ಯೇ ಚ ಗಂಧರ್ವಾಸ್
ತ ಇಹ ಸ್ಫಾತಿಂ ಸಂ ಆ ವಹಾನ್ || ೮,೧೧।೬

ಅತಿಪಶ್ಯೋ ನಿಚಾಯಕ
ಇಡುಕಃ ಪಕ್ವಂ ಆ ಭರ |
ಈಶಾನಾ ಗಂಧರ್ವಾ ಭುವನಸ್ಯ
ಸರ್ವ ಆ ವಹಂತು ಖಲೇ
ಸ್ಪಾತಿಂ ಇಹ ಸೂನೃತಾಂ ಚ || ೮,೧೧।೭

ಆ ಪಶ್ಚಾದ್ ಆ ಪುರಸ್ತಾದ್
ಓತ್ತರಾದ್ ಅಧರಾದ್ ಉತ |
ಇಂದ್ರೇಹ ವಸೋರ್ ಈಶಾನಃ
ಖಲೇ ಸ್ಫಾತಿಂ ಸಂ ಆ ವಹ || ೮,೧೧।೮

ಸ್ಫಾತಿಂ ಇಂದ್ರಃ ಖಲೇ ಬಹ್ವೀಂ
ಇಹೋತ್ ಪ್ರಾಣ ಉತ್ ಪೃಣತ್ |
ಸ್ಫಾತಿಂ ಮೇ ವಿಶ್ವೇ ದೇವಾಃ
ಸ್ಫಾತಿಂ ಸೋಮೋ ಅಥೋ ಭಗಃ || ೮,೧೧।೯

ಸ್ಫಾತಿರ್ ಮೇ ಅಸ್ತು ಹಸ್ತಯೋಃ
ಸ್ಫಾತಿರ್ ಯತ್ರ ಪರಾರಭೇ |
ಶತಹಸ್ತೇದಂ ಉತ್ ಪೃಣ
ಸಮುದ್ರಸ್ಯೇವ ಮಧ್ಯತಃ || ೮,೧೧।೧೦

ಇಹ ಮೇ ಭೂಯ ಆ ಭರ
ಯಥಾಹಂ ಕಾಮಯೇ ತಥಾ |
ಯಥೇದಂ ಉದ್ ಇವ ಸ್ಫಾಯಾತೈ
ತ್ರಯ ಇವ ಹಸ್ತಿನಃ ಸಹ || ೮,೧೧।೧೧
(೧೧)

ಸ್ವಾದ್ವೀಂ ತ್ವಾ ಮಿತ್ರಾವರುಣಾ
ಸ್ವಾದ್ವೀಂ ದೇವೀ ಸರಸ್ವತೀ |
ಸ್ವಾದ್ವೀಂ ತ್ವಾ ಅಶ್ವಿನಾ ಸುರೇ
ಕೃಣುತಾಂ ಪುಷ್ಕರಸ್ರಜಾ || ೮,೧೨।೧

ಯಾಂ ಅಸಿಂಚನ್ ಸೌಧನ್ವನಾ
ವಿಶ್ವೇ ದೇವಾ ಮರುದ್ಗಣಾಃ |
ಯಾಂ ಅಶ್ವಿನಾಸಿಂಚತಾಂ
ಸಾ ಸುರಾ ಬಹು ಧಾವತು || ೮,೧೨।೨

ಸ್ವಾದೋಃ ಸ್ವಾದೀಯಸೀ ಭವ
ಮಧೋರ್ ಮಧುತರಾ ಭವ |
ಯಥ ರ್ಶ್ಯಸ್ಯೇಯಂ ಆರಿಶ್ಯ್
ಏವಾ ತ್ವಂ ಸುಭಗೇ ಭವ || ೮,೧೨।೩

ಅಭ್ರಾಜ್ ಜಾತಂ ವರ್ಷಾಜ್ ಜಾತಂ
ಅಥೋ ಜಾತಂ ದಿವಸ್ ಪರಿ |
ಅಥೋ ಸಮುದ್ರಾಜ್ ಜಾತಂ
ತತ್ ಸುರಾದರಣಂ ಭವ || ೮,೧೨।೪

ನಾಡೀ ನಾಮಾಸಿ ಜನುಷಾ
ಸಾ ಸುರಾದರಣೀ ಭವ |
ಸಖಾ ಹಿ ಭದ್ರಸ್ ತ ಆಸೀದ್
ವೃಕ್ಷಃ ಸ್ವಾದುವಿಕಂಕತಃ || ೮,೧೨।೫

ಅಸುರಸ್ ತ್ವ್ ಔರ್ಧ್ವನಭಸಶ್
ಚಕಾರ ಪ್ರಥಮಃ ಸುರೇ |
ಸುರೇ ದಾಸಸ್ಯ ತ್ವಾ ಗೃಹೇ
ಶಿರಶ್ ಚಾಂಧಶ್ ಚ ಚಕ್ರತುಃ || ೮,೧೨।೬

ನಿಷ್ ಪುಷ್ಪಕಂ ಕಶೀಕಾಯಾ
ನಿರ್ ಧಾರಾಯಾಃ ಸುರಾಂ ಉತ |
ಉದ್ ಏಹಿ ವಾಜಿನೀವತಿ
ಕಿಂ ಅಂಕತಿಷ್ವ್ ಇಚ್ಛಸಿ || ೮,೧೨।೭

ಇಮೇ ತೇ ಜನ್ಯಾ ಆಸತೇ
ಗಂಭೀರಾ ಅಭಿಧೃಷ್ಣವಃ |
ಸುರೇ ದೇವಿ ಪರಿ ಪ್ರೇಹಿ
ಮಾದಯಂತೀ ಜನಂಜನಂ || ೮,೧೨।೮

ಯಸ್ಯಾ ಗೃಹ್ಣಂತಿ ಸ್ಥಾಲೇನ
ಗಾಂ ಅಶ್ವಂ ಧಾನ್ಯಂ ವಸು |
ಸಾ ಸುರಾ ಬಹು ಧಾವತು || ೮,೧೨।೯

ಆಚರಂತೀಃ ಪರ್ವತೇಭ್ಯಃ
ಖನಮಾನಾ ಅನಭ್ರಯಃ |
ಯಾಸಾಂ ಸಮುದ್ರೇ ಸಂಸ್ಥಾನಂ
ಯಾಸಾಂ ನಾಸ್ತಿ ನಿವೇಶನಂ
ತಾಸ್ ತೇ ದದತು ಬುದ್ಬುದಂ || ೮,೧೨।೧೦

ಉದಂಕೋದಚೇಮಾಂ ಸುರಾಂ
ಯಾಂ ಹೃದಾ ಕಾಮಯಾಮಹೇ |
ತಾಂ ಮೇ ಭಗಸ್ ತಾಂ ಅಶ್ವಿನಾ
ತಾಂ ಮ ಆವಾಟ್ ಸರಸ್ವತೀ || ೮,೧೨।೧೧

ಅಯಂ ದೇವೋ ಮಯೂಲಶಃ
ಸಾ ಸುರಾದರಣಂ ದದತ್ |
ಸಂಸ್ರವಣಾತ್ ಪ್ರಸ್ರವಣಾದ್
ಗಿರಿಭ್ಯಸ್ ಪರ್ಯ್ ಆಭೃತಃ |
ಮಧ್ಯೇ ಶತಸ್ಯ ಮಷ್ಟಿಷ್ಕೋ
ಽನಡ್ವಾನ್ ಇವ ಮೇಹತು || ೮,೧೨।೧೨
(೧೨)

ಸಮುದ್ರಾದ್ ಊರ್ಮಿರ್ ಮಧುಮಾಁ ಉದ್ ಆರದ್
ಉಪಾಂಶುನಾ ಸಂ ಅಮೃತತ್ವಂ ಆನಟ್ |
ಘೃತಸ್ಯ ನಾಮ ಗುಹ್ಯಂ ಯದ್ ಅಸ್ತಿ
ಜಿಹ್ವಾ ದೇವಾನಾಂ ಅಮೃತಸ್ಯ ನಾಭಿಃ || ೮,೧೩।೧

ವಯಂ ನಾಮ ಪ್ರ ಬ್ರವಾಮಾ ಘೃತಸ್ಯ-
-ಅಸ್ಮಿನ್ ಯಜ್ಞೇ ಧಾರಯಾಮಾ ನಮೋಭಿಃ |
ಉಪ ಬ್ರಹ್ಮಾ ಶೃಣವಚ್ ಛಸ್ಯಮಾನಂ
ಚತುಃಶೃಂಗೋ ಽವಮೀದ್ ಗೌರ ಏತತ್ || ೮,೧೩।೨

ಚತ್ವಾರಿ ಶೃಂಗಾ ತ್ರಯೋ ಅಸ್ಯ ಪಾದಾ
ದ್ವೇ ಶೀರ್ಷೇ ಸಪ್ತ ಹಸ್ತಾಸೋ ಅಸ್ಯ |
ತ್ರಿಧಾ ಬದ್ಧೋ ವೃಷಭೋ ರೋರವೀತಿ
ಮಹೋ ದೇವೋ ಮರ್ತ್ಯಾಁ ಆ ವಿವೇಶ || ೮,೧೩।೩

ತ್ರಿಧಾ ಹಿತಂ ಪಣಿಭಿರ್ ಗುಹ್ಯಮಾನಂ
ಗವಿ ದೇವಾಸೋ ಘೃತಂ ಅನ್ವ್ ಅವಿಂದನ್ |
ಇಂದ್ರ ಏಕಂ ಸೂರ್ಯ ಏಕಂ ಜಜಾನ
ವೇನಾದ್ ಏಕಂ ಸ್ವಧಯಾ ನಿಷ್ ಟತಕ್ಷುಃ || ೮,೧೩।೪

ಏತಾ ಅರ್ಷಂತಿ ಹೃದ್ಯಾತ್ ಸಮುದ್ರಾಚ್
ಛತವ್ರಜಾ ರಿಪುಣಾ ನಾವಚಕ್ಷೇ |
ಘೃತಸ್ಯ ಧಾರಾ ಅಭಿ ಚಾಕಶೀಮಿ
ಹಿರಣ್ಯಯೋ ವೇತಸೋ ಮಧ್ಯ ಆಸಾಂ || ೮,೧೩।೫

ಸಮ್ಯಕ್ ಸ್ರವಂತಿ ಸರಿತೋ ನ ಧೇನಾ
ಅಂತರ್ ಹೃದಾ ಮನಸಾ ಪೂಯಮಾನಾಃ |
ಏತೇ ಅರ್ಷಂತ್ಯ್ ಊರ್ಮಯೋ ಘೃತಸ್ಯ
ಮೃಗಾ ಇವ ಕ್ಷಿಪಣೋರ್ ಈಷಮಾಣಾಃ || ೮,೧೩।೬

ಸಿಂಧೋರ್ ಇವ ಪ್ರಾಧ್ವನೇ ಶೂಘನಾಸೋ
ವಾತಃ ಪ್ರಮೀಯಃ ಪತಯಂತಿ ಯಹ್ವಾಃ |
ಘೃತಸ್ಯ ಧಾರಾ ಅರುಷೋ ನ ವಾಜೀ
ಕಾಷ್ಠಾ ಭಿಂದನ್ನ್ ಊರ್ಮಿಭಿಃ ಪಿನ್ವಮಾನಃ || ೮,೧೩।೭

ಅಭಿ ಪ್ರವಂತ ಸಮನೇವ ಯೋಷಾಃ
ಕಲ್ಯಾಣ್ಯಃ ಸ್ಮಯಮಾನಾಸೋ ಅಗ್ನಿಂ |
ಘೃತಸ್ಯ ಧಾರಾಃ ಸಮಿಧೋ ನಸಂತ
ತಾ ಜುಷಾಣೋ ಹರ್ಯತಿ ಜಾತವೇದಾಃ || ೮,೧೩।೮

ಕನ್ಯಾ ಇವ ವಹತುಂ ಏತವಾ ಉ
ಅಂಜ್ಯ್ ಅಂಜಾನಾ ಅಭಿ ಚಾಕಶೀಮಿ |
ಯತ್ರ ಸೋಮಃ ಸೂಯತೇ ಯತ್ರ ಯಜ್ಞೋ
ಘೃತಸ್ಯ ಧಾರಾ ಅಭಿ ತತ್ ಪವಂತೇ || ೮,೧೩।೯

ಅಭ್ಯ್ ಅರ್ಷತ ಸುಷ್ಟುತಿಂ ಗವ್ಯಂ ಆಜೀಂ
ಅಸ್ಮಾಸು ಭದ್ರಾ ದ್ರವಿಣಾನಿ ಧತ್ತ |
ಇಮಂ ಯಜ್ಞಂ ನಯತ ದೇವತಾ ನೋ
ಘೃತಸ್ಯ ಧಾರಾ ಮಧುಮತ್ ಪವಂತೇ || ೮,೧೩।೧೦

ಧಾಮನ್ ತೇ ವಿಶ್ವಂ ಭುವನಂ ಅಧಿ ಶ್ರಿತಂ
ಅಂತಃ ಸಮುದ್ರೇ ಹೃದ್ಯ್ ಅಂತರ್ ಆಯುಷಿ |
ಅಪಾಂ ಅನೀಕಾತ್ ಸಮಿಥಾದ್ ಯ ಆಭೃತಸ್
ತಂ ಅಶ್ಯಾಮ ಮಧುಮಂತಂ ತ ಊರ್ಮಿಂ || ೮,೧೩।೧೧
(೧೩)

ದ್ವೇ ವಿರೂಪೇ ಚರತಃ ಸ್ವರ್ಥೇ
ಅನ್ಯಾನ್ಯಾ ವತ್ಸಂ ಉಪ ಧಾಪಯೇತೇ |
ಹರಿರ್ ಅನ್ಯಸ್ಯಾಂ ಭವತಿ ಸ್ವಧಾವಾಞ್
ಛುಕ್ರೋ ಅನ್ಯಸ್ಯಾಂ ದದೃಶೇ ಸುವರ್ಚಾಃ || ೮,೧೪।೧

ದಶೇಮಂ ತ್ವಷ್ಟುರ್ ಜನಯಂತ ಗರ್ಭಂ
ಅತಂದ್ರಾಸೋ ಯುವತಯೋ ವಿಭೃತ್ರಂ |
ತಿಗ್ಮಾನೀಕಂ ಸ್ವಯಶಸಂ ಜನೇಷು
ವಿರೋಚಮಾನಂ ಪರಿ ಷೀಂ ನಯಂತಿ || ೮,೧೪।೨

ತ್ರೀಣೀ ಜಾನಾತ್ ಪ್ರತಿ ಭೂಷಂತ್ಯ್ ಅಸ್ಯ
ಸಮುದ್ರ ಏಕಂ ದಿವ್ಯ್ ಏಕಂ ಅಪ್ಸು |
ಪೂರ್ವಾಂ ಅನು ಪ್ರ ದಿಶಂ ಪಾರ್ಥಿವಾನಾಂ
ಋತೂನ್ ಪ್ರಶಾಸದ್ ವಿ ದಧಾವ್ ಅನುಷ್ಠು || ೮,೧೪।೩

ಕ ಇಮಂ ವೋ ನಿಣ್ಯಂ ಆ ಚಿಕೇತ
ವತ್ಸೋ ಮಾತೃ̄ರ್ ಜನಯತ ಸ್ವಧಾಭಿಃ |
ಬಹ್ವೀನಾಂ ಗರ್ಭೋ ಅಪಸಾಂ ಉಪಸ್ಥಾನ್
ಮಹಾನ್ ಕವಿರ್ ನಿಶ್ ಚರತಿ ಸ್ವಧಾವಾನ್ || ೮,೧೪।೪

ಆವಿಷ್ಟ್ಯೋ ವರ್ಧತೇ ಚಾರುರ್ ಆಸು
ಜಿಹ್ಮಾನಾಂ ಊರ್ಧ್ವಃ ಸ್ವಯಸಾಂ ಉಪಸ್ಥೇ |
ಉಭೇ ತ್ವಷ್ಟುರ್ ಬಿಭ್ಯತುರ್ ಜಾಯಮಾನಾತ್
ಪ್ರತೀಚೀ ಸಿಂಹಂ ಪ್ರತಿ ಜೋಷಯೇತೇ || ೮,೧೪।೫

ಉಭೇ ಭದ್ರೇ ಜೋಷಯೇತೇ ನ ಮೇನೇ
ಗಾವೋ ನ ವಾಶ್ರಾ ಉಪ ತಸ್ಥುರ್ ಏವೈಃ |
ಸ ದಕ್ಷಾಣಾಂ ದಕ್ಷಪತಿರ್ ಬಭೂವ-
-ಅಂಜಂತಿ ಯಂ ದಕ್ಷಿಣತೋ ಹವಿರ್ಭಿಃ || ೮,೧೪।೬

ಉದ್ ಯಂಯಮೀತಿ ಸವಿತೇವ ಬಾಹೂ
ಉಭೇ ಸಿಚೌ ಯತತೇ ಭೀಮ ಋಂಜನ್ |
ಉಚ್ ಛುಕ್ರಂ ಅತ್ಕಂ ಅಜತೇ ಸಿಮಸ್ಮಾನ್
ನವಾ ಮಾತೃಭ್ಯೋ ವಸನಾ ಜಹಾತಿ || ೮,೧೪।೭

ತ್ವೇಷಂ ರೂಪಂ ಕೃಣುತ ಉತ್ತರಂ ಯತ್
ಸಂಪೃಂಚಾನಃ ಸದನಂ ಗೋಭಿರ್ ಅದ್ಭಿಃ |
ಕವಿರ್ ಬುಧ್ನಂ ಪರಿ ಮರ್ಮೃಜ್ಯತೇ ಧೀಃ
ಸಾ ದೇವತಾತಾ ಸಮಿತಿರ್ ಬಭೂವ || ೮,೧೪।೮

ಉರು ತೇ ಜ್ರಯಃ ಪರ್ಯ್ ಏತಿ ಬುಧ್ನಂ
ವಿರೋಚಮಾನಂ ಮಹಿಷಸ್ಯ ಧಾಮ |
ವಿಶ್ವೇಭಿರ್ ಅಗ್ನೇ ಸ್ವಯಶೋಭಿರ್ ಇದ್ಧೋ
ಽದಬ್ಧೇಭಿಃ ಪಾಯುಭಿಃ ಪಾಹ್ಯ್ ಅಸ್ಮಾನ್ || ೮,೧೪।೯

ಧನ್ವಂ ಸ್ರೋತಃ ಕೃಣುತೇ ಗಾತುಂ ಊರ್ಮಿಂ
ಶುಕ್ರೈರ್ ಊರ್ಮಿಭಿರ್ ಅಭಿ ನಕ್ಷತಿ ಕ್ಷಾಂ |
ವಿಶ್ವಾ ಸನಾನಿ ಜಠರೇಷು ಧತ್ತೇ
ಽನ್ತರ್ ನವಾಸು ಚರತಿ ಪ್ರಸೂಷು || ೮,೧೪।೧೦

ಏವಾ ನೋ ಅಗ್ನೇ ಸಮಿಧಾ ವೃಧಾನೋ
ರೇವತ್ ಪಾವಕ ಶ್ರವಸಾ ವಿ ಭಾಹಿ |
ತನ್ ನೋ ಮಿತ್ರೋ ವರುಣೋ ಮಾಮಹಂತಾಂ
ಅದಿತಿಃ ಸಿಂಧುಃ ಪೃಥಿವೀ ಉತ ದ್ಯೌಃ || ೮,೧೪।೧೧
(೧೪)

ಯೋ ಜಾಮದಗ್ನ್ಯ ಇಹ ಕೌಶಿಕೋ ಯ
ಆತ್ರೇಯ ಉತ ಕಾಶ್ಯಪೋ ಯಃ |
ಭರದ್ವಾಜಾ ಗೋತಮಾ ಯೇ ವಸಿಷ್ಠಾಸ್
ತೇಭ್ಯಃ ಪ್ರ ಬ್ರೂಮ ಇಹ ಕಿಲ್ಬಿಷಾಣಿ || ೮,೧೫।೧

ಅಗಸ್ತ್ಯಯಃ ಕಣ್ವಾಃ ಕುತ್ಸಾಃ ಪ್ರಸ್ರವಣಾ
ವಿರೂಪಾ ಗರ್ಗಾ ಮುದ್ಗಲಾ ಯಸ್ಕಾಃ ಶೂನಕಾಃ |
ಸಂಕೃತಯೋ ಬ್ರಾಹ್ಮಣಾ ಯೇ ನ ದ್ರುಗ್ಧಾಸ್
ತೇಭ್ಯಃ ಪ್ರ ಬ್ರೂಮ ಇಹ ಕಿಲ್ಬಿಷಾಣಿ || ೮,೧೫।೨

ಯೋ ನೋತ್ತಿಷ್ಠಾದ್ ಬ್ರಾಹ್ಮಣೇ ನಾಧಮಾನೇ
ಮಾಂದ್ಯೇನ ದೃಪ್ತ ಉತ ಧೈರ್ಯೇಣ |
ವಿಶ್ವೇ ದೇವಾ ಉಪದ್ರಷ್ಟಾರೋ ಽಸ್ಯ
ತಸ್ಮಿನ್ ವಿಷಂ ಸಂ ನಯಾನ್ ಕಿಲ್ಬಿಷ್ಯಂ || ೮,೧೫।೩

ಯಾ ರೋಪಯಃ ಕಿಲ್ಬಿಷೇ ಬ್ರಾಹ್ಮಣಸ್ಯ
ಯಾನಿ ಚೈನಾಂಸಿ ಬಹುಧಾ ದುಷ್ಕೃತಾನಿ |
ಅನುತಿಷ್ಠನ್ ಪ್ರೋಕ್ತ ಆತ್ಮನಿ ತಂ ನಿ ಧತ್ತೇ
ತಥಾ ತದ್ ದೇವಾ ಉತ ವೇಶಯಂತಿ || ೮,೧೫।೪

ನಾಶ್ನೀಯಾನ್ ನ ಪಿಬೇನ್ ನ ಶಯೀತ
ನ ನಿಂಸೀತ ಜಾಯಾಂ ನೋತ ಪುತ್ರಂ |
ಬ್ರಹ್ಮಕಿಲ್ಬಿಷೇ ಪ್ರೋಕ್ತ
ಉದ್ ಏವ ತಿಷ್ಠೇತ್ ಸ ಋತಸ್ಯ ಪಂಥಾಃ || ೮,೧೫।೫

ಶತರ್ಚಿನೋ ಮಾಧ್ಯಮಾ ಯೇ ಮಹರ್ಷಯಃ
ಕ್ಷುದ್ರಸೂಕ್ತಾನಾಂ ಉತ ಯಾ ಪ್ರಜೇಹ |
ಋಷೀಣಾಂ ಯಾನಿ ಜನಿಮಾನಿ ವಿದ್ಮಸ್
ತೇಭ್ಯಃ ಪ್ರ ಬ್ರೂಮ ಇಹ ಕಿಲ್ಬಿಷಾಣಿ || ೮,೧೫।೬

ಸೋದರ್ಯಾಣಾಂ ಪಂಚದಶಾನಾಂ ಶತಾನಾಂ
ತ್ರಯಸ್ತ್ರಿಂಶದ್ ಉದ್ ಅಶಿಷ್ಯಂತ ದೇವಾಃ |
ಏಕಸ್ಮಿನ್ ವಿದ್ಧೇ ಸರ್ವೇ ಽರುಪ್ಯಂ
ತದ್ ಬ್ರಾಹ್ಮಣೇ ಕಿಲ್ಬಿಷಂ ಅನ್ವ್ ಅವಿಂದನ್ || ೮,೧೫।೭

ತಸ್ಮೈ ಸ ದ್ರುಹ್ಯಾದ್ ಯ ಇದಂ ನಾಯದ್
ಯೋ ನೋತ್ತಿಷ್ಠಾದ್ ಯೋ ನ ವದಾತಾ ಅಸ್ಮಿನ್ |
ಬ್ರಾಹ್ಮಣಸ್ಯ ಕಿಲ್ಬಿಷೇ ನಾಥಿತಸ್ಯ
ಸೋದರ್ಯತಾಂ ಇಚ್ಛತೋ ಬ್ರಾಹ್ಮಣೇಷು || ೮,೧೫।೮

ಉತ್ತಿಷ್ಠದ್ ಬ್ರಾಹ್ಮಣಾಃ ಸಂ ವದಧ್ವಂ
ಜೀತಂ ಯಾಚಾಮ ಪುನರ್ ಐತು ಸರ್ವಂ |
ಇಂದ್ರಾಗ್ನೀ ವಿಶ್ವೇ ದೇವಾಸ್
ತೇ ಮೇ ಜೀತಂ ಪುನರ್ ಆ ವರ್ತಯಂತು || ೮,೧೫।೯

ಸ ದೀರ್ಘಂ ಆಯುಷ್ ಕೃಣುತೇ
ಸ ಪ್ರಜಾಯೈ ಚಿಕಿತ್ಸತಿ |
ಯೋ ಬ್ರಾಹ್ಮಣಸ್ಯ ಬ್ರಾಹ್ಮಣೋ
ಹೂತೋ ಅನ್ವೇತಿ ಕಿಲ್ಬಿಷೇ || ೮,೧೫।೧೦

ನಾಸ್ಯ ಪ್ರಜಾಂ ಶರ್ವೋ ಹಂತಿ
ನ ರುದ್ರೋ ಹಂತಿ ನಾಶನಿಃ |
ಯೋ ಬ್ರಾಹ್ಮಣಸ್ಯ ಬ್ರಾಹ್ಮಣಃ
ಸತ್ಯೇ ವದತಿ ಕಿಲ್ಬಿಷೇ || ೮,೧೫।೧೧

ತಂ ಸೋಮಪೀಥೋ ಜುಷತೇ
ನೃಚಕ್ಷಾ ಗ್ರಾವಭಿಃ ಸಹ |
ಯೋ ಬ್ರಾಹ್ಮಣಸ್ಯಾಸ್ತಾಂ ಹೃದಃ
ಸೂರ್ಯ ಇವಾಪಾಲುಪತ್ ತಮಃ || ೮,೧೫।೧೨

ಯ ಉತ್ಥಾಯ ಕಿಲ್ಬಿಷೇ
ಬ್ರಾಹ್ಮಣಸ್ಯಾನ್ನಸೀಚ್ಛನ್ನ್ ಅವಾಯತಿ |
ಉಭೇ ಏನಂ ದ್ಯಾವಾಪೃಥಿವೀ ಸಂ ತಪತಾಂ
ಅಥೈತ್ವ್ ಅಗತಸ್ಯ ಪಂಥಾಂ || ೮,೧೫।೧೩
(೧೫)

ಅನುವಾಕ ೩ ||

ನವ ಚ ಯಾ ನವತಿಶ್
ಚಾರೂಢಾ ವಕ್ಷಣಾ ಅನು |
ಇತಸ್ ತಾಃ ಸರ್ವಾ ನಶ್ಯಂತು
ನುತ್ತಾಃ ಪುತ್ಥಜ್ಞೋ ಮಯಾ || ೮,೧೬।೧

ಸಪ್ತ ಚ ಯಾಃ ಸಪ್ತತಿಶ್
ಚಾರೂಢಾ ವಕ್ಷಣಾ ಅನು |
ಇತಸ್ ತಾಃ ಸರ್ವಾ ನಶ್ಯಂತು
ನುತ್ತಾಃ ಪುತ್ಥಜ್ಞೋ ಮಯಾ || ೮,೧೬।೨

ಪಂಚ ಚ ಯಾಃ ಪಂಚಾಶಚ್
ಚಾರೂಢಾ ವಕ್ಷಣಾ ಅನು |
ಇತಸ್ ತಾಃ ಸರ್ವಾ ನಶ್ಯಂತು
ನುತ್ತಾಃ ಪುತ್ಥಜ್ಞೋ ಮಯಾ || ೮,೧೬।೩

ಊರುಭ್ಯಾಂ ತೇ ಽಷ್ಠೀವದ್ಭ್ಯಾಂ
ಪಾರ್ಷ್ಣಿಭ್ಯಾಂ ಭಂಸಸಃ |
ಸ್ತ್ರಿಯಾ ಜಾರ ಇವ
ಪುತ್ಥಜ್ಞೀಂ ಪ್ರ ಮೃಣೀಮಸಿ || ೮,೧೬।೪

ಅನುಸೃಪ್ತಾಂ ಗಹನೇಷು
ಧ್ರೂಕ್ಷ್ಣಾಂ ಪಾಪೀಂ ಶಿಮಿದ್ವತೀಂ |
ತಾಂ ಏತಾಂ ದಸ್ಯೂನಾಂ ದಾಸೀಂ
ಪ್ರ ದಹಾತಶ್ ಚುಕಾಕಣಿ || ೮,೧೬।೫

ಯಾ ಸ್ತ್ರೀಣಾಂ ಪುತ್ರಸದನಂ
ಕೇವಟಾನ್ ಉಪಸರ್ಪತಿ |
ತಾಂ ಏತಾಂ ದಸ್ಯೂನಾಂ ದಾಸೀಂ
ಪ್ರ ದಹಾತಶ್ ಚುಕಾಕಣಿ || ೮,೧೬।೬

ಪ್ರ ಪತಾತಃ ಸುಕಟನಾಡಿ
ಸುಷೇಃ ಕುಷೀತಕೋ ಯಥಾ |
ಸ್ರಕ್ವೇ ತೇ ತಿಪ್ರಂ ಧಕ್ಷ್ಯಾಮಿ
ಸಾ ನಶಿಷ್ಯಸಿ ಪುತ್ಥಗಿ || ೮,೧೬।೭

ಯದಾಸ್ಯಾಃ ಸ್ರಕ್ವೇ ದಹೇದ್
ಯದಾ ಮೂರ್ಧಾನಂ ಅಗ್ನಿನಾ |
ಅಥೈಷಾ ದಸ್ಯೂನಾಂ ದಾಸೀ
ಪುತ್ಥಗಿ ನಿ ಲಯಿಷ್ಯತೇ || ೮,೧೬।೮

ಸಂವತ್ಸರಂ ಅಚರೋ
ಅಸುರೇಭ್ಯಃ ಪ್ರತಂಕಿನೀ |
ಯತ್ರ ಕ್ಷೇತ್ರಸ್ಯ ದುರ್ಗಂಧಿ
ತತ್ ತ ಏತನ್ ನ್ಯಂಚನಂ || ೮,೧೬।೯

ನೈತತ್ ತವ ಮಾತರಂ ಸ್ಥಾ
ನ ತ ಏತನ್ ನ್ಯಂಚನಂ |
ಅಸ್ಮಾಕಂ ಏತದ್ ವೀರೇಭ್ಯೋ
ದೇವೈಃ ಪ್ರಜನನಂ ಕೃತಂ || ೮,೧೬।೧೦

ಗಿರೌ ತೇ ಽಶ್ಮ ಪುತ್ರಂ
ಉದಕಂ ಹಿಮವತ್ಸು |
ತತ್ರೋಪಪ್ರಸ್ಕದ್ಯ ನೃತ್ಯ್
ಅಜಾಮಿ ಯೂಥೇಷು ಪುತ್ಥಗಿ || ೮,೧೬।೧೧

ಸ ತ್ವಂ ಗೋಭಿರ್ ಅಶ್ವೈಃ
ಪ್ರಜಯಾ ಪ್ರತರಂ ಭವ |
ಯೋ ಮಾ ತತ್ರ ಪ್ರಾಹೈಷೀರ್
ಯತ್ರ ಜೀವಂತಿ ಭದ್ರಯಾ || ೮,೧೬।೧೨
(೧೬)

ಮಿತ್ರಃ ಪೃಥಿವ್ಯೋದ್ ಅಕ್ರಾಮತ್
ತಾಂ ಪುರಂ ಪ್ರ ಣಯಾಮಿ ವಃ |
ತಾಂ ಆ ವಿಶತ ತಾಂ ಪ್ರ ವಿಶತ
ಸಾ ವಃ ಶರ್ಮ ಚ ವರ್ಮ ಚ ಯಚ್ಛತು || ೮,೧೭।೧

ವಾಯುರ್ ಅಂತರಿಕ್ಷೇಣೋದ್ (…) || ೮,೧೭।೨

ಸೂರ್ಯೋ ದಿವೋದ್ (…) || ೮,೧೭।೩

ಚಂದ್ರಮಾ ನಕ್ಷತ್ರೈರ್ ಉದ್ (…) || ೮,೧೭।೪

ಸೋಮ ಓಷಧೀಭಿರ್ ಉದ್ (…) || ೮,೧೭।೫

ಯಜ್ಞೋ ದಕ್ಷಿಣಾಭಿರ್ ಉದ್ (…) || ೮,೧೭।೬

ಸಮುದ್ರೋ ನದೀಭಿರ್ ಉದ್ (…) || ೮,೧೭।೭

ಬ್ರಹ್ಮ ಬ್ರಹ್ಮಚಾರಿಭಿರ್ ಉದ್ ((…) || ೮,೧೭।೮

ಇಂದ್ರೋ ವೀರ್ಯೇಣೋದ್ ಅಕ್ರಾಮತ್
ತಾಂ (…) || ೮,೧೭।೯

ದೇವಾ ಅಮೃತೇನೋದ್ ಅಕ್ರಾಮನ್
ತಾಂ (…) || ೮,೧೭।೧೦

ಪ್ರಜಾಪತಿಃ ಪ್ರಜಾಭಿರ್ ಉದ್ ಅಕ್ರಾಮತ್
ತಾಂ ಪುರಂ ಪ್ರ ಣಯಾಮಿ ವಃ |
ತಾಂ ಆ ವಿಶತ ತಾಂ ಪ್ರ ವಿಶತ
ಸಾ ವಃ ಶರ್ಮ ಚ ವರ್ಮ ಚ ಯಚ್ಛತು || ೮,೧೭।೧೧
(೧೭)

ಸಂಯುಜ್ಯಂತಃ ಪ್ರಕೃಷಂತೋ
ಯದ್ ವೋ ದೇವಾ ಉಪೋಚಿರೇ |
ತಾಂ ಏಭ್ಯಃ ಸತ್ಯಾಂ ಆಶಿಷಂ
ಇಂದ್ರ ಖಲ್ವಾಂ ಸಂ ಅರ್ಧಯ || ೮,೧೮।೧

ಅನಡ್ವಾಹಃ ಸತ್ಯಾವಾನಃ
ಸೀರಂ ಕೃಣೋತು ಮೇ ವಚಃ |
ಯತ್ರಾಹೈತದ್ ಧಿತಾಯ ತೇ
ತತ್ ಪರ್ಜನ್ಯೋ ಽಭಿ ವೋ ವೃಷತ್ || ೮,೧೮।೨

ದಿವ್ಯಾ ಆಪೋ ವಃ ಶಕ್ವರೀರ್
ಅನು ವಿ ಯಂತು ಗಹ್ವರೇ |
ಊರ್ಜಸ್ವತೀರ್ ಘೃತವತೀಃ ಪಯಸ್ವತೀರ್
ದೃಶೇ ಭವತ ಮಾ ಗುಹಾ || ೮,೧೮।೩

ಉದ್ ಏಹಿ ವಾಜಿನೀವತೀ
ಪೂರ್ಣಪಾತ್ರಾ ತ್ವಿಷೀಮತೀ |
ದುಹಾನಾ ಪೂಷರಕ್ಷಿತಾ
ಕಾಮಂ ಏಷಾಂ ಸಂ ಆ ಪೃಣ || ೮,೧೮।೪

ಇಯಂ ಸೀತಾ ಫಲವತೀ
ಶತವಲ್ಶಾ ವಿ ರೋಹತು |
ಇಯಂ ಸಹಸ್ರಭೋಗಾ
ಅಸ್ಯಾ ಇಂದ್ರ ಉಪಾವತು || ೮,೧೮।೫

ಅಶ್ವಿನಾ ಫಾಲಂ ಕಲ್ಪಯತಾಂ
ಉಪಾವತು ಬೃಹಸ್ಪತಿಃ |
ಯಥಾಸದ್ ಬಹುಧಾನ್ಯಂ
ಅಯಕ್ಷ್ಮಂ ಬಹುಪೂರುಷಂ || ೮,೧೮।೬

ಯದ್ ವೋ ದೇವಾ ಉಪೋಚಿರ
ಇಹ ಭೂಯಃ ಸ್ಯಾದ್ ಇತಿ |
ಇಹ ತಾಂ ಉತ್ಪೃಣಾಂ ವಯಂ
ದೇವೀಂ ಉಪ ಹ್ವಯಾಮಹೇ || ೮,೧೮।೭

ಇದಂ ಮ ಉತ್ ಪೃಣಾದ್ ಇತಿ
ಸ್ಫಾತಿಂ ಮ ಉತ್ ಪೃಣಾದ್ ಇತಿ |
ರಾಶಿಂ ಮೇ ವರ್ಧಯಾದ್ ಇತಿ || ೮,೧೮।೮

ಸ್ಫಾತಿಕಾರೋ ಬಹುಕಾರಃ
ಸ್ಫಿರಸ್ಫೋಷ್ಠಾಯಂ ಅಕ್ಷಿತಃ |
ಖಲೋ ಜ್ಯೇಷ್ಠೋ ವಿಭುಃ ಪ್ರಭುಃ || ೮,೧೮।೯

ತಸ್ಮಿನ್ ಧಾನ್ಯಂ ನ್ಯ್ ಉಪ್ಯತೇ
ಯವೋ ವ್ರೀಹಿರ್ ಅಥೋ ತಿಲಃ |
ತಸ್ಯ ಗೃಹ್ಣೀತ ಯತ್ ಕೃತಂ
ಪರಿಕ್ಷಾಯ ಚತುಃಶತಂ || ೮,೧೮।೧೦

ಶರ್ಕಾರಿವನ್ ಮಯಾರವಚ್
ಚಕ್ರೀವತ್ ಕಿಂ ಚ ಯದ್ ವೃಷೇ |
ತದ್ ವೈ ಸ್ಫಾತಿರ್ ಉಪಾಯತೀ
ಸರ್ವಂ ಏವಾತಿ ರಿಚ್ಯತೇ || ೮,೧೮।೧೧

ಮಹಾಂಜನೇ ಪರಾ ಜಹಿ
ಸಹಸ್ರಾಪೋಷಂ ಅರ್ದಯ |
ಬಹ್ವೀ ನ ಓಷಧೇ ಭವ
ಸಮುದ್ರಸ್ಯೇವ ಸಂಸ್ರವಃ || ೮,೧೮।೧೨
(೧೮)

ಆಜ್ಯಾದ್ ಅಜಃ ಸಂ ಅಭವದ್
ದೇಶೇಭ್ಯ ಓದನಾ ಇಮೇ |
ತಾನ್ ಅಪಶ್ಯದ್ ಬೃಹಸ್ಪತಿಃ
ಸ ವೈ ಪಂಚೌದನೋ ಽಭವತ್ || ೮,೧೯।೧

ಚತುರ್ಧೈತಾಂ ಸಂ ಅಭರ
ಓದನಾಂಸ್ ತ್ವಂ ಬೃಹಸ್ಪತೇ |
ಅಜ ಆಜ್ಯಾಜ್ ಜಾತಃ
ಸ ಏಷಾಂ ಪಂಚಮೋ ಽಭವತ್ || ೮,೧೯।೨

ಧೂಮೇನ ದಿವಂ ಆಪ್ನೋತ್ಯ್
ಅಂತರಿಕ್ಷಂ ಉತೋಷ್ಮಣಾ |
ದಿಶ ಆಪ್ನೋತಿ ಚಕ್ಷುಷಾ
ಅಜಃ ಪಂಚೌದನಃ ಸವಃ || ೮,೧೯।೩

ಯಾ ತೇ ಮಾತಾ ಯಸ್ ತೇ ಪಿತಾ
ಭ್ರಾತರೋ ಯೇ ಚ ತೇ ಸ್ವಾಃ |
ಅಜಂ ಪಂಚೌದನಂ ಪಕ್ತ್ವಾ
ಸರ್ವೇ ತಂ ಉಪ ಜೀವತ || ೮,೧೯।೪

ಯೇ ತೇ ಪೂರ್ವೇ ಪರಾಗತಾ
ಅಪರೇ ಪಿತರಶ್ ಚ ಯೇ |
ತೇಭ್ಯೋ ಘೃತಸ್ಯ ಕುಲ್ಯೈತು
ಶತಧಾರಾ ವ್ಯುಂದತೀ || ೮,೧೯।೫

ಯೇ ಸರ್ವದಾ ದದತಿ
ಯೇ ವಾ ಪಚಂತ್ಯ್ ಓದನಂ |
ತೇ ವೈ ಯಮಸ್ಯ ರಾಜ್ಯಾದ್
ಉತ್ತರೇ ಲೋಕ ಆಸತೇ || ೮,೧೯।೬

ನಾತಿರಾತ್ರ ಆಪ್ನೋತಿ
ನೈನಂ ಆಪ್ನೋತ್ಯ್ ಉಕ್ಥ್ಯಃ |
ನಾಗ್ನಿಷ್ಟೋಮ ಆಪ್ನೋತ್ಯ್
ಅಜಂ ಪಂಚೌದನಂ ಸವಂ || ೮,೧೯।೭

ದಶರಾತ್ರೇಣ ಸಂಮಿತೋ
ದ್ವಾದಶಾಹೇನ ಕಲ್ಪತೇ |
ದೀರ್ಘಸತ್ತ್ರೇಣ ಸಂಮಿತೋ
ಽಜಃ ಪಂಚೌದನಃ ಸವಃ || ೮,೧೯।೮

ತೇಷಾಂ ಬರ್ಹಿಷ್ಯಂ ಸರ್ವಂ
ಯನ್ ನಷ್ಟಂ ಯಚ್ ಚ ಮ್ರಿಯತೇ |
ಯಚ್ ಚ ಸ್ತೇನೋ ಽಪಾಜತಿ
ಯೇಷಾಂ ಪಂಚೌದನಃ ಸವಃ || ೮,೧೯।೯

ಯಾ ಪೂರ್ವಪತಿಂ ವಿತ್ತ್ವಾ-
-ಅಥಾನ್ಯಂ ವಿಂದತೇ ಽಪರಂ |
ಪಂಚೌದನಂ ಚ ತಾವ್ ಅಜಂ
ಪಚತೋ ನ ವಿ ಯೋಷತಃ || ೮,೧೯।೧೦

ಸಮಾನಲೋಕೋ ಭವತಿ
ಪುನರ್ಭುವಾಪರಃ ಪತಿಃ |
ಅಜಂ ಪಂಚೌದನಂ
ದಕ್ಷಿಣಾಜ್ಯೋತಿಷಂ ದದತ್ || ೮,೧೯।೧೧
(೧೯)

ಸೂರ್ಯೋ ಮಾ ವರ್ಚಸೋಕ್ಷತು-
-ಉಕ್ಷತಾಂ ಅಶ್ವಿನೋಭಾ |
ಆದಿತ್ಯ ಊರ್ಧ್ವ ಉಚ್ಚರನ್
ಸ ಉ ಮಾ ವರ್ಚಸೋಕ್ಷತು || ೮,೨೦।೧

ವರ್ಚಸಾ ಮಾಂ ಪಿತುರ್ ಅಗ್ನಿರ್
ವರ್ಚಸಾ ಮಾ ಬೃಹಸ್ಪತಿಃ |
ಸುರಾಯಾಃ ಸಿಚ್ಯಮಾನಾಯಾಃ
ಕೀಲಾಲವರ್ಚಸೇನ ಮಾ |
ತೇನ ಮಾಂ ಅಶ್ವಿನೋಭಾ
ಉಕ್ಷತಾಂ ಪುಷ್ಕರಸ್ರಜಾ || ೮,೨೦।೨

ವರ್ಚಸ್ವನ್ ಮೇ ಮುಖಂ ಅಸ್ತು
ರೋಚಮಾನಂ ವಿಷಾಸಹಿ |
ತನ್ ಮಾ ಹಿರಣ್ಯವರ್ಚಸಂ
ಕೃಣೋಮಿ ಪಶ್ಯತಾಂ ಪ್ರಿಯಂ || ೮,೨೦।೩

ಮಧೋರ್ ಅಹಂ ಮಧುತರೋ
ಮಧುಘಾನ್ ಮಧುಮತ್ತರಃ |
ಮಾಂ ಅನು ಪ್ರ ವಿಶತು ವರ್ಚ
ಋಷಭೋ ವಾಶಿತಾಂ ಇವ || ೮,೨೦।೪

ಇದಂ ಆಂಜನಂ ಆನಜೇ
ವರ್ಚಸ್ಯಂ ಆ ಕನಿಕ್ರದಂ |
ಯಥಾ ಕನಿಕ್ರದಚ್ ಚರಾಣಿ
ವರ್ಚಸಾ ಚ ಭಗೇನ ಚ || ೮,೨೦।೫

ವರ್ಚಸಾಗ್ನಿಂ ಆ ದಧತಿ
ವರ್ಚಸೋದ್ ಏತಿ ಸೂರ್ಯಃ |
ಯಾವದ್ ವರ್ಚೋ ಗೋಹಿರಣ್ಯಸ್ಯ
ತಾವನ್ ಮೇ ವರ್ಚೋ ಭೂಯಾತ್ || ೮,೨೦।೬

ಯಾವತ್ ತ್ವಂ ದೇವ ಸೂರ್ಯ
ಉದ್ಯನ್ನ್ ಅಭಿ ವಿಪಶ್ಯಸಿ |
ತಾವನ್ ಮಾ ವರ್ಚಸಾಭಿ ವಿ ಪಶ್ಯ || ೮,೨೦।೭

ಪೂರ್ಣೋ ಭಗಸ್ಯಾಹಂ ಭೂತ್ವಾ-
-ಅರುಕ್ಷಂ ವರ್ಚಸೋ ರಥಂ |
ಸ ಮಾ ವಹತು ಸರ್ವದಾ-
-ಆಯುಷ್ಮಂತಂ ಸುವರ್ಚಸಂ || ೮,೨೦।೮

ಭಗೇನಾಹಂ ಪರಿಹಿತೋ
ವರ್ಚಸಾ ದ್ರವಿಣೇನ ಚ |
ಯಥಾ ಚರಾಣಿ ಸರ್ವದಾ
ರೋಚಮಾನಂ ವಿಭಾವಸು || ೮,೨೦।೯

ಏವಾ ಮಾ ಭಗ ಆಗಮದ್
ಏವಾ ಮಾ ವರ್ಚ ಆಗಮತ್ |
ಏವಾ ಮಾ ತೇಜ ಆಗಮದ್
ಏವಾ ಮಾ ಯಶ ಆಗಮತ್ || ೮,೨೦।೧೦

ಹಿರಣ್ಯಯೇನ ಚಕ್ರೇಣ
ಭಗಸ್ಯಾಪಿಹಿತೋ ಗೃಹಃ |
ತಂ ವ್ಯ್ ಉಬ್ಜಾಮಿ ಬ್ರಹ್ಮಣಾ
ತಸ್ಯ ಮೇ ದತ್ತಂ ಅಶ್ವಿನಾ
ದತ್ತಂ ಮೇ ಪುಷ್ಕರಸ್ರಜಾ || ೮,೨೦।೧೧
(೨೦)

ಅನುವಾಕ ೪ ||
(೮)


ಕಾಂಡ ೯

ಊರ್ಧ್ವಾ ಅಸ್ಯ ಸಮಿಧೋ ಭವಂತ್ಯ್
ಊರ್ಧ್ವಾ ಶುಕ್ರಾ ಶೋಚೀಂಷ್ಯ್ ಅಗ್ನೇಃ |
ದ್ಯುಮತ್ತಮಾ ಸುಪ್ರತೀಕಸ್ಯ ಸೂನೋಸ್
ತನೂನಪಾದ್ ಅಸುರೋ ವಿಶ್ವವೇದಾಃ || ೯,೧।೧

ದೇವೋ ದೇವೇಷು ದೇವಃ
ಪಥೋ ಅನಕ್ತಿ ಮಧ್ವಾ ಘೃತೇನ |
ಮಧ್ವಾ ಯಜ್ಞಂ ನಕ್ಷತಿ ಪ್ರೀಣಾನೋ
ನರಾಶಂಸಃ ಸುಕೃದ್ ದೇವಃ
ಸವಿತಾ ವಿಶ್ವವಾರಃ || ೯,೧।೨

ಅಚ್ಛಾಯಂ ಏತಿ ಶವಸಾ ಘೃತೇನ-
-ಈಡೇ ವಹ್ನಿಂ ನಮಸಾಗ್ನಿಂ |
ಸ್ರುಚೋ ಅಧ್ವರೇಷು ಪ್ರಯತ್ಸು || ೯,೧।೩

ಸ ಯಕ್ಷದ್ ಅಸ್ಯ ಮಹಿಮಾನಂ ಅಗ್ನೇಃ
ಸ ಇನ್ ಮಂದ್ರಾಸು ಪ್ರಯತ್ಸು |
ವಸೋಶ್ ಚೇತಿಷ್ಠೋ ವಸುಧಾತಮಶ್ ಚ || ೯,೧।೪

ದ್ವಾರೋ ದೇವೀರ್ ಅನ್ನಸ್ಯ ವಿಶ್ವೇ
ವ್ರತಾ ದದಂತೇ ಅಗ್ನೇಃ |
ಉರುವ್ಯಚಸೋ ಧಾಮ್ನಾ ಪತ್ಯಮಾನಾಃ || ೯,೧।೫

ತೇ ಅಸ್ಯ ವೃಷಣೋ ದಿವ್ಯಾ ನು ಯೋನಾ |
ಉಷಾಸಾನಕ್ತೇಮಂ ಯಜ್ಞಂ
ಅವತಾಂ ಅಧ್ವರಂ ನಃ || ೯,೧।೬

ದೈವಾ ಹೋತಾರ ಇಮಂ ಅಧ್ವರಂ ನೋ
ಅಗ್ನೇರ್ ಜಿಹ್ವೇಂ ಅಭಿ ಗೃಣೀತ |
ಕೃಣುತಾ ನಃ ಸ್ವಿಷ್ಟಿಂ || ೯,೧।೭

ತಿಸ್ರೋ ದೇವೀರ್ ಬರ್ಹಿರ್ ಏದಂ ಸದಂತ್ವ್
ಇಡಾ ಸರಸ್ವತೀ ಮಹೀ |
ಭಾರತೀ ಗೃಣಾನಾ || ೯,೧।೮

ತನ್ ನಸ್ ತುರೀಪಂ ಅದ್ಭುತಂ ಪುರುಕ್ಷು |
ತ್ವಷ್ಟಾ ಸುವೀರ್ಯಂ ರಾಯಸ್ಪೋಷಂ
ವಿ ಸ್ಯರ್ತ ನಾಭಿಂ ಅಸ್ಮೇ || ೯,೧।೯

ವನಸ್ಪತೇ ಅವ ಸೃಜಾ
ರರಾಣಸ್ ತ್ಮನಾ ದೇವೇಭ್ಯಃ |
ಅಗ್ನಿರ್ ಹವ್ಯಂ ಶಮಿತಾ ಸೂದಯಾತಿ || ೯,೧।೧೦

ಅಗ್ನೇ ಸ್ವಾಹಾ ಕೃಣು
ಜಾತವೇದ ಇಂದ್ರಾಯ ಭಾಗಂ |
ವಿಶ್ವೇ ದೇವಾ ಹವಿರ್ ಇದಂ ಜುಷಂತಾಂ || ೯,೧।೧೧
(೧)

ಯಜೂಂಷಿ ಯಜ್ಞೇ ಸಮಿಧಃ ಸ್ವಾಹಾ-
-ಅಗ್ನಿಃ ಪ್ರವಿದ್ವಾನ್ ಇಹ ವೋ ಯುನಕ್ತು |
ಯುನಕ್ತು ದೇವಃ ಸವಿತಾ ಪ್ರಜಾನನ್ನ್
ಅಸ್ಮಿನ್ ಯಜ್ಞೇ ಸುಯುಜಃ ಸ್ವಾಹಾ || ೯,೨।೧

ಇಂದ್ರ ಉಕ್ಥಾಮದಾನಿ ಯಜ್ಞೇ ಅಸ್ಮಿನ್
ಪ್ರವಿದ್ವಾನ್ ಯುನಕ್ತು ಸುಯುಜಃ ಸ್ವಾಹಾ |
ಛಂದಾಂಸಿ ಯಜ್ಞಂ ಮರುತಃ ಸ್ವಾಹಾ
ಮಾತೇವ ಪುತ್ರಂ ಪಿಪೃತೇಹ ಯುಕ್ತಾಃ || ೯,೨।೨

ಪ್ರೈಷಾ ನಿವಿದ ಆಪ್ರಿಯೋ ಯಜೂಂಷಿ
ಶಿಷ್ಟಾಃ ಪತ್ನೀಭಿರ್ ವಹತೇಹ ಯುಕ್ತಾಃ |
ಏಯಂ ಅಗನ್ ಬರ್ಹಿಷಾ ಪ್ರೋಕ್ಷಣೀಭಿರ್
ಯಜ್ಞಂ ತನ್ವಾನಾ ಅದಿತಿಃ ಸ್ವಾಹಾ || ೯,೨।೩

ವಿಷ್ಣುರ್ ಯುನಕ್ತು ಬಹುಧಾ ತಪಾಂಸ್ಯ್
ಅಸ್ಮಿನ್ ಯಜ್ಞೇ ಸುಯುಜಃ ಸ್ವಾಹಾ || ೯,೨।೪

ತ್ವಷ್ಟಾ ಯುನಕ್ತು ಬಹುಧಾ ನು ರೂಪಾಣ್ಯ್
ಅಸ್ಮಿನ್ ಯಜ್ಞೇ (…) || ೯,೨।೫

ಇಂದ್ರೋ ಯುನಕ್ತು ಬಹುಧಾ ವೀರ್ಯಾನ್ಯ್
ಅಸ್ಮಿನ್ (…) || ೯,೨।೬

ಸೋಮೋ ಯುನಕ್ತು ಬಹುಧಾ ಪಯಾಂಸ್ಯ್
ಅಸ್ಮಿನ್ (…) || ೯,೨।೭

ಭಗೋ ಯುನಕ್ತ್ವ್ ಆಶಿಷೋ ನ್ವ್ ಅಸ್ಮಾ
ಅಸ್ಮಿನ್ ಯಜ್ಞೇ ಸುಯುಜಃ ಸ್ವಾಹಾ || ೯,೨।೮

ಅಶ್ವಿನಾ ಬ್ರಹ್ಮಣೇತಂ ಅರ್ವಾಗ್
ವಷಟ್ಕಾರೇಣ ಯಜ್ಞಂ ವರ್ಧಯಂತೌ ಸ್ವಾಹಾ || ೯,೨।೯

ಬೃಹಸ್ಪತೇ ಬ್ರಹ್ಮಣೇಹ್ಯ್ ಅರ್ವಾಙ್
ಯಜ್ಞೋ ಽಯಂ ಸ್ವರ್ ಇದಂ ಯಜಮಾನಾಯ ಧೇಹಿ ಸ್ವಾಹಾ || ೯,೨।೧೦
(೨)

ಆಪಃ ಪುನಂತು ವರುಣಃ ಪುನಾತ್ವ್
ಅಯಂ ಚ ಯಃ ಪವತೇ ವಿಶ್ವದಾನೀಂ |
ಯಜ್ಞೋ ಭಗೋ ಅಧಿವಕ್ತಾ ವಿಧರ್ತಾ-
-ಅಗ್ನಿಶ್ ಚ ನಃ ಪಾವಯೇತಾಂ ಸೂರ್ಯಶ್ ಚ || ೯,೩।೧

ದಶಶೀರ್ಷೋ ದಶಜಿಹ್ವ
ಆ ರಭೇ ವೀರಕೋ ಭಿಷಕ್ |
ಮಾ ತೇ ರಿಷಂ ಖನಿತಾ
ಯಸ್ಮೈ ಚ ತ್ವಾ ಖನಾಮಸಿ || ೯,೩।೨

ದಶರಾತ್ರೇ ಕಿಲಾಸಸ್ಯ
ವೀರುಧಾ ವೇದ ಭೇಷಜಂ |
ಇತಸ್ ತದ್ ಅಭ್ರಿಯಾಖನಂ
ಕಿಲಾಸಂ ನಾಶಯಾಮಿ ತೇ || ೯,೩।೩

ಅಪ್ಸ್ವ್ ಅನ್ಯಾ ವಿ ರೋಹತಿ
ಧನ್ವನ್ಯ್ ಅನ್ಯಾಧಿ ತಿಷ್ಠತಿ |
ಕಿಲಾಸಂ ಅನ್ಯಾನೀನಶದ್
ವರ್ಚಸಾನ್ಯಾ ಸಂ ಉಕ್ಷತು || ೯,೩।೪

ಆಜ್ಯೇನ ಘೃತೇನ
ಜುಹೋಮಿ ಕಿಲಾಸಭೇಷಜಂ |
ವೀರುಧಾಂ ಅಗ್ನೇಃ ಸಂಕಾಶೇ
ಕಿಲಾಸಂ ನಾನು ವಿದ್ಯತೇ || ೯,೩।೫

ಪಿಶಂಗರೂಪೋ ಭವತಿ
ಕಲ್ಮಾಷಂ ಉತ ಸಂದೃಶಿ |
ಕಿಲಾಸ ನಶ್ಯೇತಃ ಪರಃ
ಪ್ರ ತ್ವಾ ಧಕ್ಷ್ಯಾಮಿ ವೀರುಧಾ || ೯,೩।೬

ಯಾನಿ ಪೃಥಗ್ ಉತ್ಪತಂತಿ
ನಕ್ಷತ್ರಾಣೀವ ಸಂದೃಶಿ |
ಕಿಲಾಸಂ ಸರ್ವಂ ನಾಶಯನ್ನ್
ಓಘ ಇವಾಭ್ಯ್ ಏಮಿ ವೀರುಧಾ || ೯,೩।೭

ಯದಿ ವಾ ಪುರುಷೇಷಿತಾತ್
ಕಿಲಾಸ ಪರ್ಯಾಜಗನ್ |
ನಮೋ ನಮಸ್ಯಾಮೋ ದೇವಾನ್
ಪ್ರತ್ಯಕ್ ಕರ್ತಾರಂ ಋಚ್ಛತು || ೯,೩।೮

ಶೀರ್ಷ್ಣಸ್ ತೇ ಸ್ಕಂಧೇಭ್ಯೋ
ಲಲಾಟಾತ್ ಪರಿ ಕರ್ಣಯೋಃ |
ಓಷಧ್ಯಾ ವರ್ಷಜೂತಯಾ
ಕಿಲಾಸಂ ನಾಶಯಾಮಿ ತೇ |
ಸ್ವಸ್ ತ್ವಾ ವರ್ಣ ಆಯತ್ಯ್
ಅನರಾತಿಃ ಸಹೌಷಧಿಃ || ೯,೩।೯

ಗ್ರೀವಾಭ್ಯಸ್ ತ ಉಷ್ಣಿಹಾಭ್ಯಃ
ಕೀಕಸಾಭ್ಯೋ ಅನೂಕ್ಯಾತ್ |
(…) || ೯,೩।೧೦

ಅಂಸಾಭ್ಯಾಂ ತೇ ದೋರ್ಭ್ಯಾಂ
ಬಾಹುಭ್ಯಾಂ ಪರಿ ಹಸ್ತಯೋಃ |
(…) || ೯,೩।೧೧

ಪೃಷ್ಟಿಭ್ಯಸ್ ತೇ ಪಾರ್ಶ್ವಾಭ್ಯಾಂ
ಶ್ರೋಣಿಭ್ಯಾಂ ಪರಿ ಭಂಸಸಃ |
(…) || ೯,೩।೧೨

ಊರುಭ್ಯಾಂ ತೇ ಽಷ್ಠೀವದ್ಭ್ಯಾಂ
ಪಾರ್ಷ್ಣಿಭ್ಯಾಂ ಪ್ರಪದಾಭ್ಯಾಂ |
ಓಷಧ್ಯಾ ವರ್ಷಜೂತಯಾ
ಕಿಲಾಸಂ ನಾಶಯಾಮಿ ತೇ |
ಸ್ವಸ್ ತ್ವಾ ವರ್ಣ ಆಯತ್ಯ್
ಅನರಾತಿಃ ಸಹೌಷಧಿಃ || ೯,೩।೧೩
(೩)

ಸಹೈವ ವೋ ಹೃದಯಾನಿ
ಸಹ ವಿಜ್ಞಾನಂ ಅಸ್ತು ವಃ |
ಸಹೇಂದ್ರೋ ವೃತ್ರಹಾ ಕರತ್
ಸಹ ದೇವೋ ಬೃಹಸ್ಪತಿಃ || ೯,೪।೧

ಸಮಾನಂ ಅಸ್ತು ವೋ ಹೃದಯಂ
ಸಮಾನಂ ಉತೋ ವೋ ಮನಃ |
ಸಮಾನೋ ಅಗ್ನಿರ್ ವೋ ದೇವಃ
ಸಹ ರಾಷ್ಟ್ರಂ ಉಪಾಧ್ವಂ || ೯,೪।೨

ಸಂ ಜಾನೀಧ್ವಂ ಸಹೃದಯಾಃ
ಸರ್ವೇ ಸಂಮನಸ ಸ್ಥ |
ನಷ್ಟೋ ವೋ ಮನ್ಯುರ್ ಜೀರ್ಣೇರ್ಷ್ಯಾ
ಸಹ ಜೀವಾಥ ಭದ್ರಯಾ || ೯,೪।೩

ಯಥಾ ಪುತ್ರಃ ಪ್ರವಾವದಃ
ಪಿತೃಭ್ಯಾಂ ವದತಿ ಪ್ರಿಯಂ |
ಏವಾ ಯೂಯಂ ಅನ್ಯೋ ಽನ್ಯಸ್ಮೈ
ಜಿಹ್ವಯಾ ವದತ ಪ್ರಿಯಂ || ೯,೪।೪

ಸಹೈವ ವೋ ಧಾನ್ಯಾನಿ
ಸಮಾನಾಃ ಪಶವಶ್ ಚ ವಃ |
ಸಹ ಪೃಥಿವ್ಯಾಂ ವೀರುಧಃ
ಸಹ ವಃ ಸಂತ್ವ್ ಓಷಧೀಃ || ೯,೪।೫

ಸಹ ದೀಕ್ಷಾ ಸಹ ಯಜ್ಞೋ
ವಿವಾಹೋ ವಃ ಸಹಾಸತಿ |
ಸಹ ಪ್ರಫರ್ವಾ ನೃತ್ಯಂತು
ಸಹ ವ ಸ್ತ್ರಿಯ ಆಸತಾಂ || ೯,೪।೬

ಸಹೈವ ವೋ ವೀರ್ಯಾಣಿ
ಸಹಾನ್ಯಾನ್ ರಂಧಯಾಧ್ವೈ |
ಸಹ ಪತತ್ರಿಣೀಂ ಇಷುಂ
ಅನ್ಯಸ್ಮೈ ಹೇತಿಂ ಅಸ್ಯತ || ೯,೪।೭

ಸಂ ವಸ್ಯಾಮಿ ಸಮಿತಿಂ
ಮಧುನಾ ವಾಚಂ ಆಂಜಿಷಂ |
ಯುಷ್ಮಾಕಂ ಅನ್ಯೇ ಶೃಣ್ವಂತು-
-ಉದಿತಂ ಸಂಗತೇ ಜನೇ || ೯,೪।೮

ಯುಷ್ಮಾನ್ ಮಿತ್ರಾ ವೃಣತಾಂ
ಯುಷ್ಮಾನ್ ಪ್ರತಿಜನಾ ಉತ |
ಯುಷ್ಮಾತ್ ಜ್ಞಾತಿತ್ವಂ ಪ್ರೇಪ್ಸಂತ್ಯ್
ಅಮೃತಂ ಮರ್ತ್ಯಾ ಇವ || ೯,೪।೯

ಸಂಸಂ ಇದ್ ಯಃ ಸಂ ಆಕರಂ
ಸಹ ಯೂಥಾ ಗವಾಂ ಇವ |
ಸಮಾನಂ ಅಸ್ತು ವೋ ಮನೋ
ಜ್ಯೇಷ್ಠಂ ವಿಜ್ಞಾನಂ ಅನ್ವ್ ಇತ || ೯,೪।೧೦

ಇದಂ ಯದ್ ಏಷಾಂ ಹೃದಯಂ
ತದ್ ಏಷಾಂ ಹೃದಯೇ ಭವತ್ |
ಅಥೋ ಯದ್ ಏಷಾಂ ಹೃದಯಂ
ತದ್ ವೇಷಾಂ ಹೃದಿ ಶ್ರಿತಂ |
ಸಮಾನಂ ಅಸ್ತು ವೋ ಮನಃ
ಶ್ರೇಷ್ಠಂ ವಿಜ್ಞಾನಂ ಅನ್ವ್ ಇತ || ೯,೪।೧೧

ಇದಂ ಯದ್ ಏಷಾಂ ಮನ
ಏಷಾಂ ಯಾನಿ ಮನಾಂಸಿ ಚ |
ಸಧ್ರ್ಯಗ್ ಇಂದ್ರ ತತ್ ಕೃಣು
ರಥೇ ಪಾದಾವ್ ಇವಾಹಿತೌ || ೯,೪।೧೨
(೪)

ಸಹಸ್ರಬಾಹುಃ ಪುರುಷಃ
ಸಹಸ್ರಾಕ್ಷಃ ಸಹಸ್ರಪಾತ್ |
ಸ ಭೂಮಿಂ ವಿಶ್ವತೋ ವೃತ್ವಾ-
-ಅತ್ಯ್ ಅತಿಷ್ಠದ್ ದಶಾಂಗುಲಂ || ೯,೫।೧

ತ್ರಿಭಿಃ ಪದ್ಭಿರ್ ದ್ಯಾಂ ಅರೋಹತ್
ಪಾದ್ ಅಸ್ಯೇಹಾಭವತ್ ಪುನಃ |
ತಥಾ ವ್ಯ್ ಅಕ್ರಾಮದ್ ವಿಷ್ವಙ್ಙ್
ಅಶನಾನಶನೇ ಅನು || ೯,೫।೨

ತಾವಂತೋ ಅಸ್ಯ ಮಹಿಮಾನಸ್
ತತೋ ಜ್ಯಾಯಾಂಶ್ ಚ ಪುರುಷಃ |
ಪಾದ್ ಅಸ್ಯ ವಿಶ್ವಾ ಭೂತಾನಿ
ತ್ರಿಪಾದ್ ಅಸ್ಯಾಮೃತಂ ದಿವಿ || ೯,೫।೩

ಪುರುಷ ಏವೇದಂ ಸರ್ವಂ
ಯದ್ ಭೂತಂ ಯಚ್ ಚ ಭಾವ್ಯಂ |
ಉತಾಮೃತತ್ವಸ್ಯೇಶ್ವರೋ
ಯದ್ ಅನ್ನೇನಾಭವತ್ ಸಹ || ೯,೫।೪

ಯತ್ ಪುರುಷಂ ವ್ಯದಧುಃ
ಕತಿಧಾ ವ್ಯ್ ಅಕಲ್ಪಯನ್ |
ಮುಖಂ ಕಿಂ ಅಸ್ಯ ಕಿಂ ಬಾಹೂ
ಕಿಂ ಊರೂ ಪಾದಾ ಉಚ್ಯೇತೇ || ೯,೫।೫

ಬ್ರಾಹ್ಮಣೋ ಽಸ್ಯ ಮುಖಂ ಆಸೀದ್
ಬಾಹೂ ರಾಜನ್ಯೋ ಽಭವತ್ |
ಮಧ್ಯಂ ತದ್ ಅಸ್ಯ ಯದ್ ವೈಶ್ಯಃ
ಪದ್ಭ್ಯಾಂ ಶೂದ್ರೋ ಅಜಾಯತ || ೯,೫।೬

ವಿರಾಡ್ ಅಗ್ರೇ ಸಂ ಅಭವದ್
ವಿರಾಜೋ ಅಧಿ ಪೂರುಷಃ |
ಸ ಜಾತೋ ಅತ್ಯ್ ಅರಿಚ್ಯತ
ಪಶ್ಚಾದ್ ಭೂಮಿಂ ಅಥೋ ಪುರಃ || ೯,೫।೭

ಯತ್ ಪುರುಷೇಣ ಹವಿಷಾ
ದೇವಾ ಯಜ್ಞಂ ಅತನ್ವತ |
ವಸಂತೋ ಅಸ್ಯಾಸೀದ್ ಆಜ್ಯಂ
ಗ್ರೀಷ್ಮ ಇಧ್ಮಃ ಶರದ್ ಧವಿಃ || ೯,೫।೮

ತಂ ಯಜ್ಞಂ ಪ್ರಾವೃಷಾ ಪ್ರೌಕ್ಷನ್
ಪುರುಷಂ ಜಾತಂ ಅಗ್ರಶಃ |
ತೇನ ದೇವಾ ಅಯಜಂತ
ಸಾಧ್ಯಾ ವಸವಶ್ ಚ ಯೇ || ೯,೫।೯

ತಸ್ಮಾದ್ ಅಶ್ವಾ ಅಜಾಯಂತ
ಯೇ ಚ ಕೇ ಚೋಭಯಾದತಃ |
ಗಾವೋ ಹ ಜಜ್ಞಿರೇ ತಸ್ಮಾತ್
ತಸ್ಮಾಜ್ ಜಾತಾ ಅಜಾವಯಃ || ೯,೫।೧೦

ತಸ್ಮಾದ್ ಯಜ್ಞಾತ್ ಸರ್ವಹುತ
ಋಚಃ ಸಾಮಾನಿ ಜಜ್ಞಿರೇ |
ಛಂದೋ ಹ ಜಜ್ಞಿರೇ ತಸ್ಮಾದ್
ಯಜುಸ್ ತಸ್ಮಾದ್ ಅಜಾಯತ || ೯,೫।೧೧

ತಸ್ಮಾದ್ ಯಜ್ಞಾತ್ ಸರ್ವಹುತಃ
ಸಂಭೃತಂ ಪೃಷದಾಜ್ಯಂ |
ಪಶೂನ್ ತಾಂಶ್ ಚಕ್ರೇ ವಾಯವ್ಯಾನ್
ಆರಣ್ಯಾನ್ ಗ್ರಾಮ್ಯಾಶ್ ಚ ಯೇ || ೯,೫।೧೨

ಸಪ್ತಾಸ್ಯಾಸನ್ ಪರಿಧಯಸ್
ತ್ರಿಃ ಸಪ್ತ ಸಮಿಧಃ ಕೃತಾಃ |
ದೇವಾ ಯದ್ ಯಜ್ಞಂ ತನ್ವಾನಾ
ಅಬಧ್ನನ್ ಪುರುಷಂ ಪಶುಂ || ೯,೫।೧೩

ಮೂರ್ಧ್ನೋ ದೇವಸ್ಯ ಬೃಹತೋ
ಽಂಶವಃ ಸಪ್ತ ಸಪ್ತತೀಃ |
ರಾಜ್ಞಃ ಸೋಮಸ್ಯಾಜಾಯಂತ
ಜಾತಸ್ಯ ಪುರುಷಾದ್ ಅಧಿ || ೯,೫।೧೪

ಚಂದ್ರಮಾ ಮನಸೋ ಜಾತಶ್
ಚಕ್ಷುಃ ಸೂರ್ಯೋ ಽಜಾಯತ |
ಶ್ರೋತ್ರಾದ್ ವಾಯುಶ್ ಚ ಪ್ರಾಣಶ್ ಚ
ಮುಖಾದ್ ಅಗ್ನಿರ್ ಅಜಾಯತ || ೯,೫।೧೫

ನಾಭ್ಯಾ ಆಸೀದ್ ಅಂತರಿಕ್ಷಂ
ಶೀರ್ಷ್ಣೋ ದ್ಯೌಃ ಸಂ ಅವರ್ತತ |
ಪದ್ಭ್ಯಾಂ ಭೂಮಿರ್ ದಿಶಃ ಶ್ರೋತ್ರಾಙ್
ತಥಾ ಲೋಕಾಁ ಅಕಲ್ಪಯನ್ || ೯,೫।೧೬
(೫)

ಅನುವಾಕ ೧ ||

ಇಮಾಂ ಖನಾಮ್ಯ್ ಓಷಧಿಂ
ಅದೃಷ್ಟಹನನೀಂ ಅಹಂ |
ಅಶ್ವಸ್ಯಾವೋ ದದಾತಿ ತ್ವಾ
ವೈರೂಪೋ ವಾಜಿನೀವತಿ || ೯,೬।೧

ನಾದೃಷ್ಟಾ ವೋ ಜಿಹ್ವಾಃ ಸಂತಿ
ನ ದಂತಾ ಹನ್ವೋರ್ ಅಧಿ |
ನಾಪಿ ಮಧ್ಯಂ ನೋ ಶಿರಸ್
ತೇ ಯೂಯಂ ಕಿಂ ಕರಿಷ್ಯಥ || ೯,೬।೨

ಇಂದ್ರಾಮಿತ್ರಾ ಇಂದ್ರಹತಾ
ನ ವ ಇಹಾಸ್ತಿ ನ್ಯಂಚನಂ |
ಇಂದ್ರೋ ವಃ ಸರ್ವಾಸಾಂ ಸಾಕಂ
ಶಕ್ರಸ್ ತೃಣೇಢು ವೃತ್ರಹಾ || ೯,೬।೩

ಅಶ್ವತರಾಁ ಅಯಃಶಫಾನ್
ಯಾನ್ ಇಂದ್ರೋ ಅಧಿತಿಷ್ಠತಿ |
ತೈರ್ ವೋ ಽಪಿ ನಹ್ಯೇಯ ತೇ
ಮುಖಾನ್ಯ್ ಉದರಸರ್ಪಿಣಃ || ೯,೬।೪

ಅಪಿನಹ್ಯಂ ಅದೃಷ್ಟಾನಾಂ
ಮುಖಂ ಪಾದಾ ದೃತೇರ್ ಇವ |
ಉತೈಷಾಂ ಜಿಹ್ವಾ ನಿಷ್ಕರ್ತಾ
ನಿರ್ದಂತಾ ಹನ್ವೋರ್ ಅಧಿ || ೯,೬।೫

ಅವಧಿಷಂ ಅಸೃಗಾದಾಂ
ನಿ ಕ್ರೋಡಾದಾ ಅಲಿಪ್ಸತ |
ಅಭೈತ್ಸಂ ಸರ್ವೇಷಾಂ ಆಂಡಾನಿ
ಯೇ ಅದೃಷ್ಟಾಃ ಪೃಥಿವೀಕ್ಷಿತಃ || ೯,೬।೬

ರಿಶ್ಯಾಸಃ ಪೌರುಷಾಸೋ
ದರ್ಭಾಸೋ ವೈರಿಣಾ ಉತ |
ಮೌಂಜಾ ಅದೃಷ್ಟಾಃ ಸೈರ್ಯಾಃ
ಸರ್ವೇ ಸಾಕಂ ನಿ ಜಸ್ಯತ || ೯,೬।೭

ಅದೃಷ್ಟಾನಾಂ ಸಪ್ತ ಜಾತಾ
ಪೃಥಿವೀ ನ ಶಿಶೇ ಮಹೀ |
ತಾನ್ ಇಂದ್ರೋ ಬಾಹುಭ್ಯಾಂ
ಸರ್ವಾಞ್ ಛಕ್ರೋ ಅಪಾವಯತ್ || ೯,೬।೮

ಯೇ ವಃ ಸಂತಿ ಸಪ್ತ ಜಾತಾ
ಅದೃಷ್ಟಾಃ ಪುರುಷಾದಿನಃ |
ಗ್ರಾವ್ಣಾಂಶೂನ್ ಇವ ಸೋಮಸ್ಯ
ತಾನ್ ಸರ್ವಾನ್ ಪ್ರ ಮೃಣೀಮಸಿ || ೯,೬।೯

ಯ ಆತ್ಮಜಾ ಯೇ ವಸ್ತಿಜಾ
ಯ ರುಷಾ ಯ ಉ ತೋದಿನಃ |
ತೇಭ್ಯಃ ಖನಾಮ್ಯ್ ಓಷಧಿಂ
ಯೇಭ್ಯೋ ಬಿಂಬೀವಧಃ ಕೃತಃ || ೯,೬।೧೦

ಅದೃಷ್ಟೇಭ್ಯಸ್ ತರುಣೇಭ್ಯೋ
ಯುವದ್ಭ್ಯ ಸ್ಥವಿರೇಭ್ಯಃ |
ಆಹಾರ್ಷಂ ಉಗ್ರಾಂ ಓಷಧಿಂ
ಯೇಭ್ಯೋ ಬಿಂಬೀವಧಃ ಕೃತಃ || ೯,೬।೧೧

ಯೇ ಚ ದೃಷ್ಟಾ ಯೇ ಚಾದೃಷ್ಟಾಸ್
ತಿತೀಲಾಃ ಶಲುನಾಶ್ ಚ ಯೇ |
ತಾನ್ ಅಗ್ನೇ ಸರ್ವಾನ್ ಸಂ ದಹ
ಕ್ರಿಮೀನ್ ಅನೇಜತೋ ಜಹಿ || ೯,೬।೧೨
(೬)

ಶೀತಿಜಲಾ ಇತಿ ಶೀತಾ ವಾತಾ ಉಪಾ ವಾಂತು |
ಹಿಮೇನಾಗ್ನಿರ್ ಆವೃತೋ
ಹಿಮೇನಾಗ್ನಿಃ ಪರೀವೃತಃ || ೯,೭।೧

ಯ(ತ್) ತ್ವಾ ದೇವಾ ಅಪಾರುಂಧನ್ನ್
ಆ ಸಮುದ್ರಂ ಅಧಾವಯಃ |
ಹಿಮೋ ಜಘಾನ ಗೋಅಜಂ
ಹಿಮೋ ಅಕ್ಷಂ ಹಿಮಶ್ ಛದಿಃ || ೯,೭।೨

ಹಿಮಾದ್ ಅಧಿ ಪ್ರ ಯಾಮಸಿ
ಹಿಮೇ ಅದ್ಯ ವಿಮೋಚನಂ |
ಯಂ ಅವಟಂ ಶತದರಂ
ಅವೈಂಧ ಸಪ್ತವಧ್ರಯೇ || ೯,೭।೩

ಅವಕಾ ತತ್ರ ರೋಹತು
ಖದೇ ಪರಿ ಬಿಲಂ ತವ |
ಅರ್ಚಿಷ್ ಟೇ ಅಗ್ನೇ ಪ್ರಥಮಂ
ಅಂಗಾರಾಁ ಅಪರಾಁ ಉತ || ೯,೭।೪

ಗೃಭ್ಣಾಮಿ ಬ್ರಹ್ಮಣಾ ನಾಮ
ಧಾಮಧಾಮ ಪರುಷ್ಪರುಃ |
ಶೀತಿಕಾ ನಾಮ ತೇ ಮಾತಾ
ಜಲಾಷೋ ನಾಮ ತೇ ಪಿತಾ || ೯,೭।೫

ಇಹ ತ್ವಂ ಅಂತರಾ ಭವ
ಬಾಹಿಕಂ ಅಸ್ತು ಯದ್ ರಪಃ |
ಹಿಮೇ ಜಾತೋದಕೇ ವೃದ್ಧಾ
ಸಿಂಧುತಸ್ ಪರ್ಯ್ ಆಭೃತಾ |
ತಯಾ ತೇ ಅಗ್ರಭಂ ನಾಮ-
-ಅಶ್ವಂ ಇವಾಶ್ವಾಭಿಧಾನ್ಯಾ || ೯,೭।೬

ಆಮಾ ನಾಮಾಸ್ಯ್ ಓಷಧೇ
ತಸ್ಯಾಸ್ ತೇ ನಾಮ ಜಗ್ರಭ |
ಅಗಸ್ತ್ಯಸ್ಯ ಪುತ್ರಾಸೋ
ಮಾ ವಿ ಧಾಕ್ ಪುರುಷಾನ್ ಮಮ || ೯,೭।೭

ಮಾ ನೋ ಅಗ್ನೇ ತನ್ವಂ
ಮಾ ವಾಸಾಂಸಿ ರೀರಿಷಃ |
ಯಂ ತ್ವಾ ಸಮುದ್ರಜ ವಯಂ
ಆರೋಹಾಮ ಸ್ವಸ್ತಯೇ || ೯,೭।೮

ದಿವಸ್ ತಾರಾ ಅವಾಪದ್ರನ್
ಧಾರಾತ್ ಸಮುದ್ರಿಯಾ ಅಪಃ |
ಹಿರಣ್ಯಕುಂಭೋ ಹರಿತೋ
ಽವಕಾಭಿಃ ಪರಿವೃತಸ್
ತೇನಾಗ್ನಿಂ ಶಮಯಾಮಸಿ || ೯,೭।೯

ಶಮಯಾಮ್ಯ್ ಅರ್ಚಿರ್ ಅಗ್ನೇಃ
ಶಿವಸ್ ತಪತು ಮಾ ವಿ ಧಾಕ್ |
ಗೃಭೀತೇ ದ್ಯಾವಾಪೃಥಿವೀ
ಗೃಭೀತಂ ಪಾರ್ಥಿವಂ ರಜಃ || ೯,೭।೧೦

ನಿ ಮುಂಜೇಷು ಯದ್ ಉದಕಂ
ನಿ ನಡೇಷು ಯದ್ ಅಂತರಂ |
ಯತ್ ಸಮುದ್ರೇ ಯತ್ ಸಿಂಧೌ
ತೇನಾಗ್ನಿಂ ಶಮಯಾಮಸಿ || ೯,೭।೧೧

ವೇತಸಸ್ಯಾವಕಾಯಾ
ನಡಸ್ಯ ವೀರಣಸ್ಯ ಚ |
ರೋಹಿತಕಸ್ಯ ವೃಕ್ಷಸ್ಯ-
-ಅಗ್ನಿಂ ಶಮನಂ ಉದ್ ಭರೇ || ೯,೭।೧೨

ಆಯತೀರ್ ಉದಹಾರ್ಯೋ
ವಿ ತೇ ಹರಂತು ಯದ್ ರಪಃ |
ಪರಾಯತೀಃ ಪರಾವತಃ
ಪರಾ ಹರಂತು ಯದ್ ರಪಃ || ೯,೭।೧೩

ಹಿಮಸ್ಯ ತ್ವಾ ಜರಾಯುಣ-
-ಅಗ್ನೇ ಪರಿ ವ್ಯಯಾಮಸಿ |
ಶೀತಿಕೇ ಶೀತಂ ಇತ್ ಕರೋ
ಹಿಮಿಕೇ ಹಿಮಂ ಇತ್ ಕರಃ || ೯,೭।೧೪
(೭)

ಅಕ್ಷಣ್ವತಾ ಲಾಂಗಲೇನ
ಪದ್ವತಾ ಪತಯಿಷ್ಣುನಾ |
ಲಾಂಗೂಲಗೃಹ್ಯ ಚರ್ಕೃಷುರ್
ವೃಕೇಣ ಯವಂ ಅಶ್ವಿನಾ || ೯,೮।೧

ದೇವಾ ಏತಂ ಮಧುನಾ ಸಂಯುತಂ ಯವಂ
ಸರಸ್ವತ್ಯಾಂ ಅಧಿ ವಣಾವ್ ಅಚರ್ಕೃಷುಃ |
ಇಂದ್ರ ಆಸೀತ್ ಸೀರಪತಿಃ ಶತಕ್ರತುಃ
ಕಿನಾಶಾ ಆಸನ್ ಮರುತಃ ಸುದಾನವಃ || ೯,೮।೨

ಹಿರಣ್ಯಯಂ ಕಲಶಂ ಸುದಾನವೋ
ದಿವ್ಯಯಾ ಸರಘಯಾ ಕೃತಂ |
ಅವ ಭೃತಂ ಅಶ್ವಿನಾ ಯವಂ
ತದ್ ಯುವಂ ಮಧು ಚಕ್ರಥುಃ || ೯,೮।೩

ಕೃಶಾವ್ ಏತದ್ ಅಜಯತಂ
ಅಶ್ವಿನಾ ಸಾರಘಂ ಮಧು |
ತತೋ ಯವೋ ವ್ಯ್ ಅರೋಹತ್
ಸೋ ಽಭವದ್ ವಿಷದೂಷಣಃ || ೯,೮।೪

ಯುವಾರ್ವಾನ್ ಸರಘಾಯಾಃ
ಪ್ರಖಿದ್ಯ ಮಧ್ವ್ ಆಭರತ್ |
(…) || ೯,೮।೫

ಯದ್ ವೃಕಂ ಮಧುಪಾವಾನಂ
ಅವಾಮಯತಂ ಅಶ್ವಿನಾ |
(…) || ೯,೮।೬

ಕೈರಂಡಾ ನಾಮ ಸರಸೋ
ವೃಕಸ್ಯ ವಮ್ಯಾ ಅಧಿ |
ತತೋ ಯವೋ ವ್ಯ್ ಅರೋಹತ್
ಸೋ ಽಭವದ್ ವಿಷದೂಷಣಃ || ೯,೮।೭

ಯದ್ ಅಸ್ಯ ಭರಥೋ ಮಧು
ಸರಘಾ ಸಥ್ವ್ ಅಚ್ಛಿನತ್ |
ಸದ್ಯಸ್ ತದ್ ಅರ್ವತೋ ಯುವಂ
ಪುನರ್ ಆ ದತ್ತಂ ಅಶ್ವಿನಾ || ೯,೮।೮

ಯೋ ಯವಂ ದಿಗ್ಧವಿದ್ಧೋ
ಅಹಿದಷ್ಟ ಉಪಾಸರತ್ |
ತೀರ್ಥೇ ರಧ್ರಂ ಇವ ಮಜ್ಜಂತಂ
ಉತ್ ತಂ ಭರತಂ ಅಶ್ವಿನಾ || ೯,೮।೯

ಯಂ ವಹಂತ್ಯ್ ಅಷ್ಟಾಯೋಗಾಃ
ಷಡ್ಯೋಗಾ ಯಂ ಚತುರ್ಗವಾಃ |
ಸ ತೇ ವಿಷಂ ವಿ ಬಾಧತಾಂ
ಉಗ್ರೋ ಮಧ್ಯಮಶೀರ್ ಇವ || ೯,೮।೧೦
(೮)

ಯಸ್ಯ ಯವ ಪ್ರಸರ್ಪಸ್ಯ್
ಅಂಗಮಂಗಂ ಪರುಷ್ಪರುಃ |
ತಸ್ಮಾದ್ ಯಕ್ಷಂ ವಿ ಬಾಧಸ್ವ-
-ಉಗ್ರೋ ಮಧ್ಯಮಶೀರ್ ಇವ || ೯,೯।೧

ಶಕಲಂ ಚ ನ ತೇ ಯವ-
-ಅನ್ಯಾ ರುಹಂತ್ಯ್ ಓಷಧೀಃ |
ಯವ ಇದ್ ಯಾವಯಾದ್ ಗೋರ್
ಅಶ್ವಾತ್ ಪುರುಷಾದ್ ವಿಷಂ || ೯,೯।೨

ಯವೋ ರಾಜಾ ಯವೋ ಭಿಷಗ್
ಯವಸ್ಯ ಮಹಿಮಾ ಮಹಾನ್ |
ಯವಸ್ಯ ಮಂಥಂ ಪಪಿವಾನ್
ಇಂದ್ರಶ್ ಚಕಾರ ವೀರ್ಯಂ || ೯,೯।೩

ಆ ಭರಾಮೃತಂ ಘೃತಸ್ಯ
ಪುಷ್ಪಂ ಆ ಭರ |
ಅನಭ್ರಿಖಾತ ಓಷಧ
ಇದಂ ದೂಷಯ ಯದ್ ವಿಷಂ || ೯,೯।೪

ಯ ಆಯಂತಿ ದಿಗ್ಧವಿದ್ಧಾಃ
ಶೂದ್ರಾ ರಾಜನ್ಯಾ ಉತ |
ಚಕ್ಷುರ್ ಮೇ ಸರ್ವ ಆದೃಶ್ಯ
ತೇ ಯಂತ್ಯ್ ಅಗದಾಃ ಪುನಃ || ೯,೯।೫
(೯)

ಜೀವಾತವೇ ನ ಮರ್ತವೇ
ಶಿರಸ್ ತ ಆ ರಭಾಮಹೇ |
ರಸಂ ವಿಷಸ್ಯ ನಾವಿದಂ
ಉದ್ನಃ ಫೇನಂ ಅದನ್ನ್ ಇವ || ೯,೧೦।೧

ಭೂಮ್ಯಾ ಮಧ್ಯಾದ್ ದಿವೋ ಮಧ್ಯಾದ್
ಭೂಮ್ಯಾ ಅಂತಾದ್ ಅಥೋ ದಿವಃ |
ಮಧ್ಯೇ ಪೃಥಿವ್ಯಾ ಯದ್ ವಿಷಂ
ತದ್ ವಾಚಾ ದೂಷಯಾಮಸಿ || ೯,೧೦।೨

ಅಶ್ವತ್ಥೇ ನಿಹಿತಂ ವಿಷಂ
ಕಪಾಲೇ ನಿಹಿತಂ ವಿಷಂ |
ಶಿಲಾಯಾ ಜಜ್ಞೇ ತೈಮಾತಃ
ಪ್ರಥಮೋ ವಿಷದೂಷಣೀ || ೯,೧೦।೩

ವಿಷಸ್ಯಾಹಂ ವೈಂದಕಸ್ಯ
ವಿಷಸ್ಯ ದಾರ್ವ್ಯಸ್ಯ ಚ |
ಅಥೋ ವಿಷಸ್ಯ ಸ್ವೈತ್ನಸ್ಯ
ಸಮಾನೀಂ ವಾಚಂ ಅಗ್ರಭಂ || ೯,೧೦।೪

ತದ್ ಇದ್ ವದಂತ್ಯ್ ಅರ್ಥಿನ
ಉತ ಶೂದ್ರಾ ಉತಾರ್ಯಾಃ |
ವಿಷಾಣಾಂ ವಿಷ್ವಗರ್ಥಾನಾಂ
ಸರ್ವಥೈವಾರಸಂ ವಿಷಂ || ೯,೧೦।೫

ಪರುಷಸ್ ತ್ವಾಮೃತಕರ್ಣೋ
ವಿಷ ಪ್ರಥಮಂ ಆವಯತ್ |
ಯಥಾ ಹ ತಂ ನಾರೋಪಯಸ್
ತಥಾಸ್ಯ್ ಅರಸಂ ವಿಷಂ || ೯,೧೦।೬

ಯದ್ ವೋ ದೇವಾ ಉಪಜೀಕಾ
ಉದ್ದೇಹಂ ಶುಷಿರಂ ದದುಃ |
ತತ್ರಾಮೃತಸ್ಯಾಸಿಕ್ತಂ
ತಚ್ ಚಕಾರಾರಸಂ ವಿಷಂ || ೯,೧೦।೭

ಶಕುಂತಿಕಾ ಮೇ ಅಬ್ರವೀದ್
ವಿಷಪುಷ್ಪಂ ಧಯಂತಿಕಾ |
ನ ರೋಪಯತಿ ನ ಮಾದಯತ್ಯ್
ಅರಸಂ ಶಾರ್ವೀಯಂ ವಿಷಂ || ೯,೧೦।೮

ಅತ್ಯ್ ಅಪಪ್ತಾಮ ದುರ್ಗಾಣಿ
ಶಾರೀಃ ಶಕುನಯೋ ಯಥಾ |
ಇಹೇಂದ್ರಾಣೀಂ ವರುಣಾನೀಂ
ಸಿನೀವಾಲೀಂ ಕ್ರಕೋಢ್ಯಾಂ |
ಗ್ರಾಹಾಂ ಶೂರಪುತ್ರಾಂ ದೇವೀಂ
ಯಾಚಾಮೋ ವಿಷದೂಷಣಂ || ೯,೧೦।೯

ಆಲಕಂ ವ್ಯಾಲಕಂ ವ್ಯ್ ಆವಂ
ಜಾಲ್ಮ ಜೀಗೀಮಹೇ |
ಜರದ್ವಿಷಂ ಯುವಾಭಿಷಗ್
ವಯಂ ಇತ್ ಸಾಸಹಾಮಹೈ || ೯,೧೦।೧೦

ಅಸ್ಥಾದ್ ದ್ಯೌರ್ ಅಸ್ಥಾತ್ ಪೃಥಿವ್ಯ್
ಅಸ್ಥಾದ್ ವಿಶ್ವಂ ಇದಂ ಜಗತ್ |
ಅಸ್ಥುರ್ ವಿಷಸ್ಯಾರೋಪಯೋ
ಽನಡ್ವಾಹಃ ಕ್ರಿಶಾ ಇವ || ೯,೧೦।೧೧

ಯಾವತ್ ಸೂರ್ಯೋ ವಿತಪತಿ
ಯಾವಚ್ ಚಾಭಿವಿಪಶ್ಯತಿ |
ತೇನಾಹಂ ಇಂದ್ರದತ್ತೇನ
ಕೃಣೋಮ್ಯ್ ಅರಸಂ ವಿಷಂ |
ತದ್ ವಿಷಂ ಅರಸಂ ವಿಷಂ
ಅಧೋಭಾಗ್ ಅರಸಂ ವಿಷಂ || ೯,೧೦।೧೨
(೧೦)

ಮಾತರಿಶ್ವಾ ಸಂ ಅಭರದ್
ಧಾತಾ ಸಂ ಅದಧಾತ್ ಪರುಃ |
ಇಂದ್ರಾಗ್ನೀ ಅಭ್ಯ್ ಅರಕ್ಷತಾಂ
ತ್ವಷ್ಟಾ ನಾಭಿಂ ಅಕಲ್ಪಯತ್ || ೯,೧೧।೧

ಭವಸ್ ತ್ವಾ ಅಭ್ಯ್ ಅರುಕ್ಷದ್
ರುದ್ರಸ್ ತೇ ಅಂಸುಂ ಆಭರತ್ |
ರಾತ್ರೀ ತ್ವಾಭ್ಯ್ ಅಗೋಪಾಯತ್
ಸಾ ತ್ವಂ ಭೂತೇ ಅಜಾಯಥಾಃ || ೯,೧೧।೨

ದ್ಯೌಷ್ ಟ ಆಯುರ್ ಗೋಪಾಯದ್
ಅಂತರಿಕ್ಷಂ ಅಸುಂ ತವ |
ಮಾತಾ ಭೂತಸ್ಯ ಭವ್ಯಸ್ಯ
ಪೃಥಿವೀ ತ್ವಾಭಿ ರಕ್ಷತು || ೯,೧೧।೩

ಯಾಂ ತ್ವಾ ದೇವಾಃ ಸಮದಧುಃ
ಸಹಸ್ರಪುರುಷಂ ಸತೀಂ |
ಸಾ ದೇವೀ ತ್ವಂ ಅಸ್ಯೇದಂ
ಅಪಾಜ ವ್ಯ್ ಅಜಾ ವಿಷಂ || ೯,೧೧।೪

ಯಾಃ ಪುರಸ್ತಾತ್ ಪ್ರಸ್ಯಂದಂತೇ
ದಿವಾ ನಕ್ತಂ ಚ ಯೋಷಿತಃ |
ಆಪಃ ಪುರು ಸ್ರವಂತೀಸ್
ತಾ ಉ ತೇ ವಿಷದೂಷಣೀಃ || ೯,೧೧।೫

ಆತಪಸ್ ತೇ ವರ್ಷಂ ಆಸೀದ್
ಅಗ್ನಿಶ್ ಛಾಯಾಭವತ್ ತಪಃ |
ಉಲ್ಬಂ ತೇ ಅಭ್ರಂ ಆಸೀತ್
ಸಾ ತ್ವಂ ಭೂತೇ ಅಜಾಯಥಾಃ || ೯,೧೧।೬

ಗಂಧರ್ವಸ್ ತೇ ಮೂಲಂ ಆಸೀಚ್
ಛಾಖಾ ಅಪ್ಸರಸಸ್ ತವ |
ಮರೀಚೀರ್ ಆಸನ್ ಪರ್ಣಾನಿ
ಸಿನೀವಾಲೀ ಕುಲಂ ತವ || ೯,೧೧।೭

ಅಜರಾ ದೇವಾ ಅದಧುರ್
ಅಮೃತಂ ಮರ್ತ್ಯೇಷ್ವ್ ಆ |
ತಸ್ಯೈ ತದ್ ಅಗ್ರಂ ಆ ದದೇ
ತದ್ ಉ ತೇ ವಿಷದೂಷಣಂ || ೯,೧೧।೮

ಅನಭ್ರೌ ಖನಮಾನಂ
ವಿಪ್ರಂ ಗಂಭೀರೇ ಅಪಸಂ |
ಭಿಷಕ್ ಚಕ್ಷುರ್ ಭಿಷಕ್ ಖನೇ
ತದ್ ಉ ತೇ ವಿಷದೂಷಣಂ || ೯,೧೧।೯

ಯಾಃ ಪುರಸ್ತಾದ್ ವಿತಿಷ್ಠಂತೇ
ಗಾವಃ ಪ್ರವ್ರಾಜಿನೀರ್ ಇವ |
ಅಮೃತಸ್ಯೇವ ವಾ ಅಸ್ಯ್
ಅಥೋ ಹಾಸ್ಯ್ ಅರುಂಧತೀ || ೯,೧೧।೧೦

ಯೋ ಮಯಃ ಸರಘಾಯಾಃ
ಪ್ರಖಾಯ ಮಧ್ವ್ ಆಭರತ್ |
ತತೋ ಯವಃ ಪ್ರಾಜಾಯತ
ಸೋ ಽಭವದ್ ವಿಷದೂಷಣಃ || ೯,೧೧।೧೧

ಯವಸ್ಯೈತತ್ ಪಲಾಲಿನೋ
ಗೋಧೂಮಸ್ಯ ತಿಲಸ್ಯ ಚ |
ವ್ರೀಹೇರ್ ಯವಸ್ಯ ದೈವ್ಯೇನ
ಕೃಣೋಮ್ಯ್ ಅರಸಂ ವಿಷಂ || ೯,೧೧।೧೨

ಮಹೀಂ ಯೋನಿಂ ಸಮುದ್ರಸ್ಯ-
-ಅನ್ವ್ ಅವಿಂದನ್ನ್ ಋತಾಯವಃ |
ತಾಂ ದೇವಾ ಗುಹ್ಯಾಂ ಆಸೀನಾಂ
ಸಮುದ್ರಾಚ್ ಚಿದ್ ಉದ್ ಆಭರನ್ || ೯,೧೧।೧೩

ಸಮುದ್ರಾಚ್ ಚಿದ್ ಉದಾಭೃತ್ಯ
ತಾಂ ಉ ಪುಷ್ಕರ ಆ ದಧುಃ |
ಅಸ್ಯಾಃ ಪೃಥಿವ್ಯಾ ದೇವ್ಯಾಶ್ ಚಕ್ಷುರ್
ಆಕಾಶ್ಯಂ ಅಸಿ ವಿಷದೂಷಣಂ || ೯,೧೧।೧೪
(೧೧)

ಅನುವಾಕ ೨ ||

ಸಮಾನಂ ಅರ್ಥಂ ಪರ್ಯಂತಿ ದೇವಾ
ರೂಪಂರೂಪಂ ತಪಸಾ ವರ್ಧಮಾನಾಃ |
ಯದ್ ಆದಿತ್ಯಂ ಅಭಿಸಂವಿಶಂತಿ
ತದ್ ಏಕಂ ರೂಪಂ ಅಮೃತತ್ವಂ ಏಷಾಂ || ೯,೧೨।೧

ದೇವೋ ದೇವೇಭಿರ್ ಆ ಗಮನ್
ಮಹಾನ್ ನೋ ಅತಿಥಿಷ್ ಪಿತಾ |
ಸ ಪ್ರೈತಿ ಜಾತವೇದಸಂ
ಏಕರೂಪೋ ಗುಹಾ ಭವನ್ || ೯,೧೨।೨

ಆತಿಥ್ಯಂ ಅಗ್ನಿಂ ನಿರ್ ಅಪಪ್ತದ್ ಏವ
ಉಭಯೇಭಿಃ ಪಿತೃಭಿಃ ಸಂವಿದಾನಃ |
ಮಹಾನ್ ನು ಮರ್ಯ ಉಪ ಭಕ್ಷಂ ಆಗನ್
ಸಂಗೃಭ್ಯಾದಿತ್ಯಾ(ನ್) ನ್ಯ್ ಅವಿಷ್ಟ ವಹ್ನಿಃ || ೯,೧೨।೩

ತ ಆ ವಿಶಂತಿ ಪುರುಷಂ ಶಯಾನಂ
ಪ್ರಾಣಾ ನಿವಿಷ್ಟಾ ನ ಶಸಂತ್ಯ್ ಏನಂ |
ತೇ ನೋ ರಾತ್ರ್ಯಾ ಸುಮನಸ್ಯಮಾನಾ
ಅಹ್ನಾ ರಕ್ಷಂತ್ಯ್ ಅಹೃಣೀಯಮಾನಾಃ || ೯,೧೨।೪

ಪಶುಭ್ಯೋ ನಃ ಪಶುಪತೇ ಮೃಡ
ಸರ್ವ ಸಂ ವೃಹ ಆಯತಾಂ |
ಮಾ ನಃ ಪ್ರಾಣೇಷು ರೀರಿಷಃ || ೯,೧೨।೫

ವಾಯುಃ ಸತ್ಯೇ ಅಧಿಶ್ರಿತಃ
ಪ್ರಾಣಾಪಾನಾವ್ ಅಭಿರಕ್ಷನ್ |
ಸಂ ಪ್ರಜಾ ಐರಯದ್ ಇಮಾಃ || ೯,೧೨।೬

ದೇವಾ ಯತ್ತಾಃ ಪ್ರಜಾಪತಾವ್
ಆದಿತ್ಯಾಶ್ ಚ ಯೇಮಿರೇ |
ಪೂಷಾ ರಶ್ಮಿಷ್ವ್ ಆಯತ
ಆದಿತ್ಯೋ ವಿಷ್ಣುರ್ ಆಕ್ರಮೇ
ಸ ರೋಹಂ ದಿವಿ ರೋಹತಿ || ೯,೧೨।೭

ಪ್ರಜಾದ್ದೇವಾಃ ಸವಿತುಃ ಸವೇ
ತ್ವಷ್ಟಾ ರೂಪಾಣಿ ಪಿಂಶತು |
ಅಂಜಂತೌ ಮಧುನಾ ಪಯೋ
ಅತಂದ್ರಂ ಯಾತಂ ಅಶ್ವಿನಾ || ೯,೧೨।೮

ವಿಶ್ವೇ ದೇವಾಃ ಪ್ರ ಯಾತನ-
-ಆದಿತ್ಯಾಸಃ ಸಜೋಷಸಃ |
ಪುರಃ ಪಶ್ಚಾತ್ ಸ್ವಸ್ತಯೇ || ೯,೧೨।೯

ಬ್ರಹ್ಮ ವರ್ಮ ಬೃಹಸ್ಪತಿಃ
ಸಂಗವೋ ನೋ ಽಭಿ ರಕ್ಷತು |
ದೇವೋ ದೇವೈಃ ಪುರೋಹಿತಃ || ೯,೧೨।೧೦

ಮರುತೋ ವೃಷ್ಟ್ಯಾ ನ ಆ ಗತ
ಸತ್ಯಧರ್ಮಾಣ ಊತಯೇ |
ಅಪರಾಹ್ನೇಷು ಜಿನ್ವತ || ೯,೧೨।೧೧

ಇಂದ್ರೋ ರಾಜಾ ದಿವಸ್ ಪತಿರ್
ಅಹರ್ ವಿಮಾಯ ತಿಷ್ಠತಿ |
ಸ ನ ಇಮಾಃ ಕಲ್ಪಯಾದ್ ದಿಶಃ || ೯,೧೨।೧೨
(೧೨)

ಆವತಸ್ ತೇ ಪರಾವತಃ
ಪರಾವತಸ್ ತ ಆವತಃ |
ಇಹೈವ ಭವ ಮಾ ನು ಗಾ
ಮಾ ಪೂರ್ವಾನ್ ಅನು ಗಾ ಗತಾನ್
ಅಸುಂ ಬಧ್ನಾಮಿ ತೇ ದೃಢಂ || ೯,೧೩।೧

ಯತ್ ತ್ವಾಭಿಚೇರುಃ ಪುರುಷಃ
ಸೋ ಯದ್ ಅರುಣೋ ಜನಃ |
ಉನ್ಮೋಚನ ಪ್ರಮೋಚನೇ
ಉಭೇ ವಾಚಾ ವದಾಮಿ ತೇ || ೯,೧೩।೨

ಯದ್ ದುದ್ರೋಹಿಥ ಶೇಪಿಷೇ
ಸ್ತ್ರಿಯೈ ಪುಂಸೇ ಅಚಿತ್ತ್ಯಾ |
(…) || ೯,೧೩।೩

ಯದ್ ಏನಸೋ ಮಾತೃಕೃತಾಚ್
ಛೇಷೇ ಪಿತೃಕೃತಾದ್ ಉತ |
ಉನ್ಮೋಚನ ಪ್ರಮೋಚನೇ
ಉಭೇ ವಾಚಾ ವದಾಮಿ ತೇ || ೯,೧೩।೪

ಯತ್ ತೇ ಮಾತಾ ಯತ್ ತೇ ಪಿತಾ
ಜಾಮಿರ್ ಭ್ರಾತಾ ಚ ಸರ್ಜತಃ |
ಪ್ರತ್ಯಕ್ ಸೇವಸ್ಯ ಭೇಷಜಂ
ಜರದಷ್ಟಿಂ ಕೃಣೋಮಿ ತ್ವಾ || ೯,೧೩।೫

ಏಹ್ಯ್ ಏಹಿ ಪುನರ್ ಏಹಿ
ಸರ್ವೇಣ ಮನಸಾ ಸಹ |
ದೂತೌ ಯಮಸ್ಯ ಮಾನು ಗಾ
ಅಧಿ ಜೀವಪುರಾ ಇಹಿ || ೯,೧೩।೬

ಅನುಹೂತಃ ಪುನರ್ ಏಹಿ
ವಿದ್ವಾನ್ ಉದಯನಂ ಪಥಃ |
ಆರೋಹಣಂ ಆಕ್ರಮಣಂ
ಜೀವತೋಜೀವತೋ ಽಯನಂ || ೯,೧೩।೭

ಮಾ ಬಿಭೇರ್ ನ ಮರಿಷ್ಯಸಿ
ಜರದಷ್ಟಿರ್ ಭವಿಷ್ಯಸಿ |
ನಿರ್ ಅವೋಚಂ ಅಹಂ ಯಕ್ಷ್ಮಂ
ಅಂಗೇಭ್ಯೋ ಅಂಗಜ್ವರಂ ತವ || ೯,೧೩।೮

ಶೀರ್ಷರೋಗೋ ಅಂಗರೋಗೋ
ಯಶ್ ಚ ತೇ ಹೃದಯಾಮಯಃ |
ಯಕ್ಷ್ಮಃ ಶ್ಯೇನ ಇವ ಪ್ರಾಪಪ್ತದ್
ವಾಚಾ ನುತ್ತಃ ಪರಸ್ತರಂ || ೯,೧೩।೯

ಋಷೀ ಬೋಧಪ್ರತೀಬೋಧಾವ್
ಅಸ್ವಪ್ನೋ ಯಶ್ ಚ ಜಾಗೃವಿಃ |
ತೇ ತೇ ಪ್ರಾಣಸ್ಯ ಗೋಪ್ತಾರೋ
ದಿವಾ ನಕ್ತಂ ಚ ಜಾಗ್ರತು || ೯,೧೩।೧೦
(೧೩)

ಅಯಂ ಅಗ್ನಿರ್ ಉಪಸದ್ಯ
ಇಹ ಸೂರ್ಯ ಉದ್ ಏತು ತೇ |
ಉದ್ ಏಹಿ ಮೃತ್ಯೋರ್ ಗಂಭೀರಾತ್
ಕೃಚ್ಛ್ರಾಚ್ ಚಿತ್ ತಮಸಸ್ ಪರಿ || ೯,೧೪।೧

ನಮೋ ಯಮಾಯ ನಮೋ ಽಸ್ತು ಮೃತ್ಯವೇ
ನಮಃ ಪಿತೃಭ್ಯ ಉತ ಯೇ ನಯಂತೇ |
ಉತ್ಪಾರಣಸ್ಯ ಯೋ ವೇದ
ತಂ ಅಗ್ನಿಂ ತತ್ ಪುರೋ ದಧೇ || ೯,೧೪।೨

ಐತು ಪ್ರಾಣ ಐತು ಮನ
ಐತು ಚಕ್ಷುರ್ ಅಥೋ ಬಲಂ |
ಶರೀರಂ ಅಸ್ಯ ಸಂ ವಿದಾಂ
ತತ್ ಪದ್ಭ್ಯಾಂ ಪ್ರತಿ ತಿಷ್ಠತು || ೯,೧೪।೩

ಪ್ರಾಣೇನಾಗ್ನೇ ಚಕ್ಷುಷಾ ಸಂ ಸೃಜೇಮಂ
ಸಂ ಈರಯ ತನ್ವಾ ಸಂ ಬಲೇನ |
ವೇತ್ಥಾಮೃತಸ್ಯ ಮಾ ಮೃತ
ಮೋ ಷು ಭೂಮಿಗೃಹೋ ಭುವತ್ || ೯,೧೪।೪

ಮಾ ತೇ ಪ್ರಾಣ ಉಪ ದಸನ್
ಮಾಪಾನೋ ಅಪಿ ಧಾಯಿ ತೇ |
ಸೂರ್ಯಸ್ ತ್ವಾಧಿಪತಿರ್ ಮೃತ್ಯೋರ್
ಉದಾಯಚ್ಛಾತಿ ರಶ್ಮಿಭಿಃ || ೯,೧೪।೫

ಇಯಂ ಅಂತರ್ ವದತ್ಯ್ ಉಗ್ರಾ
ಜಿಹ್ವಾ ಪನಿಷ್ಪದಾ |
ತಯಾ ರೋಗಾನ್ ವಿ ನಯಾಮಃ
ಶತಂ ರೋಪೀಶ್ ಚ ತಕ್ಮನಃ || ೯,೧೪।೬

ಅಯಂ ಲೋಕಃ ಪ್ರಿಯತಮೋ
ದೇವಾನಾಂ ಅಪರಾಜಿತಃ |
ಯಸ್ಮೈ ತ್ವಂ ಇಹ ಜಜ್ಞಿಷೇ
ದಿಷ್ಟಃ ಪುರುಷ ಮೃತ್ಯವೇ |
ತಸ್ಮೈ ತ್ವಾನು ಹ್ವಯಾಮಸಿ
ಮಾ ಪುರಾ ಜರಸೋ ಮೃಥಾಃ || ೯,೧೪।೭
(೧೪)

ತೇ ಽವದನ್ ಪ್ರಥಮಾ ಬ್ರಹ್ಮಕಿಲ್ಬಿಷೇ
ಽಕೂಪಾರಃ ಸಲಿಲೋ ಮಾತರಿಶ್ವಾ |
ವೀಡುಹರಸ್ ತಪ ಉಗ್ರಂ ಮಯೋಭುವ
ಆಪೋ ದೇವೀಃ ಪ್ರಥಮಜಾ ಋತಸ್ಯ || ೯,೧೫।೧

ಸೋಮೋ ರಾಜಾ ಪ್ರಥಮೋ ಬ್ರಹ್ಮಜಾಯಾಂ
ಪುನಃ ಪ್ರಾಯಚ್ಛದ್ ಅಹೃಣೀಯಮಾನಃ |
ಅನ್ವರ್ತಿತಾ ವರುಣೋ ಮಿತ್ರ ಆಸೀದ್
ಅಗ್ನಿರ್ ಹೋತಾ ಹಸ್ತಗೃಹ್ಯಾ ನಿನಾಯ || ೯,೧೫।೨

ಹಸ್ತೇನೇವ ಗ್ರಾಹ್ಯ ಆಧಿರ್ ಅಸ್ಯಾ
ಬ್ರಹ್ಮಜಾಯೇತಿ ಚೇದ್ ಅವೋಚತ್ |
ನ ದೂತಾಯ ಪ್ರಹ್ಯೇ ತಸ್ಥ ಏಷಾ
ತಥಾ ರಾಷ್ಟ್ರಂ ಗುಪಿತಂ ಕ್ಷತ್ರಿಯಸ್ಯ || ೯,೧೫।೩

ಯಾಂ ಆಹುಸ್ ತಾರಕಾಂ ವಿಕೇಶೀಂ
ದುಚ್ಛುನಾಂ ಗ್ರಾಮಂ ಅವಪದ್ಯಮಾನಾಂ |
ಸಾ ಬ್ರಹ್ಮಜಾಯಾ ಪ್ರ ದುನೋತಿ ರಾಷ್ಟ್ರಂ
ಯತ್ರ ಪ್ರಾಪಾದಿ ಶಶಃ ಕಲ್ಕುಷೀಮಾನ್ || ೯,೧೫।೪

ಬ್ರಹ್ಮಚಾರೀ ಚರತಿ ವೇವಿಷದ್ ವಿಷಃ
ಸ ದೇವಾನಾಂ ಭವತ್ಯ್ ಏಕಂ ಅಂಗಂ |
ತೇನ ಜಾಯಾಂ ಅನ್ವ್ ಅವಿಂದದ್ ಬೃಹಸ್ಪತಿಃ
ಸೋಮೇನ ನೀತಾಂ ಜುಹ್ವಂ ನ ದೇವಾಃ || ೯,೧೫।೫

ದೇವಾ ಏತಸ್ಯಾಂ ಅವದಂತ ಪೂರ್ವೇ
ಸಪ್ತರ್ಷಯಸ್ ತಪಸೇ ಯೇ ನಿಷೇದುಃ |
ಭೀಮಾ ಜಾಯಾ ಬ್ರಾಹ್ಮಣಸ್ಯಾಪನೀತಾ
ದುರ್ಧಾಂ ದಧಾತಿ ಪರಮೇ ವ್ಯೋಮನ್ || ೯,೧೫।೬

ಯೇ ಗರ್ಭಾ ಅವಪದ್ಯಂತೇ
ಜಗದ್ ಯಚ್ ಚಾಪಲುಪ್ಯತೇ |
ವೀರಾ ಯೇ ಹನ್ಯಂತೇ ಮಿಥೋ
ಬ್ರಹ್ಮಜಾಯಾ ಹಿನಸ್ತಿ ತಾನ್ || ೯,೧೫।೭

ಸರ್ವೇ ಗರ್ಭಾಃ ಪ್ರ ವ್ಯಥಂತೇ
ಕುಮಾರಾ ದಶಮಾಸ್ಯಾಃ |
ಯಸ್ಮಿನ್ ರಾಷ್ಟ್ರೇ ನಿರುಧ್ಯತೇ
ಬ್ರಹ್ಮಜಾಯಾ ಅಚಿತ್ತ್ಯಾ || ೯,೧೫।೮

ಪುನರ್ ವೈ ದೇವಾ ಅದದುಃ
ಪುನರ್ ಮನುಷ್ಯಾ ಉತ |
ರಾಜಾನಃ ಸತ್ಯಂ ಕೃಣ್ವಂತೋ
ಬ್ರಹ್ಮಜಾಯಾಂ ಪುನರ್ ದದುಃ || ೯,೧೫।೯

ಪುನರ್ದಾಯ ಬ್ರಹ್ಮಜಾಯಾಂ
ಕೃತ್ವೀ ದೇವೈರ್ ನಿಕಿಲ್ಬಿಷಂ |
ಊರ್ಜಂ ಪೃಥಿವ್ಯಾ ಭಕ್ತ್ವಾ-
-ಉರುಗಾಯಂ ಉಪಾಸತೇ || ೯,೧೫।೧೦
(೧೫)

ನ ತತ್ರ ಧೇನುರ್ ದುಹೇ
ನಾನಡ್ವಾನ್ ಸಹತೇ ಧುರಂ |
ವಿಜಾನಿರ್ ಯತ್ರ ಬ್ರಾಹ್ಮಣೋ
ರಾತ್ರಿಂ ವಸತಿ ಪಾಪಯಾ || ೯,೧೬।೧

ನ ವರ್ಷಂ ಮೈತ್ರಾವರುಣಂ
ಬ್ರಹ್ಮಜ್ಯಂ ಅಭಿ ವರ್ಷತಿ |
ನಾಸ್ಮೈ ಸಮಿತಿಃ ಕಲ್ಪತೇ
ನ ಮಿತ್ರಂ ನಯತೇ ವಶಂ || ೯,೧೬।೨

ಅಸೃಙ್ಮತೀ ಚರತಿ ಬ್ರಹ್ಮಜಾಯಾ
ಆಶಾ ಲಿಂಪಂತೀ ಪ್ರದಿಶಶ್ ಚತಸ್ರಃ |
ಯಃ ಕ್ಷತ್ರಿಯಃ ಪುನರ್ ಏನಾಂ ದದಾತಿ
ಸ ದಿವೋ ಧಾರಾಂ ಧಯತಿ ಪ್ರಪೀನಾಂ || ೯,೧೬।೩

ಯೋ ಽಪುನರ್ದಾಯ ಬ್ರಹ್ಮಜಾಯಾಂ
ರಾಜಾ ತಲ್ಪೇ ನಿಪದ್ಯತೇ |
ದುರ್ಯೋಣಾ ಅಸ್ಮಾ ಓಷಧೀರ್
ಯಾಃ ಕಾಶ್ ಚಾಭಿ ವಿಪಶ್ಯತಿ || ೯,೧೬।೪

ವಿಷಂ ಅಶ್ನಾತ್ಯ್ ಅಪಾಂ
ವಿಷಂ ಅಶ್ನಾತಿ ವೀರುಧಾಂ |
ಯೋ ಬ್ರಹ್ಮಜಾಯಾಂ ನ ಪುನರ್ ದದಾತಿ
ತಸ್ಮೈ ದೇವಾಃ ಸುದಿಹಂ ದಿಗ್ಧಂ ಅಸ್ಯಾಂ || ೯,೧೬।೫

ಉದ್ಯತ್ ಪತಯೋ ದಶ
ಸ್ತ್ರಿಯಾಃ ಪೂರ್ವೇ ಅಬ್ರಾಹ್ಮಣಾಃ |
ಬ್ರಹ್ಮಾ ಚೇದ್ ಧಸ್ತಂ ಅಗ್ರಹೀತ್
ಸ ಏವ ಪತಿರ್ ಏಕಧಾ || ೯,೧೬।೬

ಬ್ರಾಹ್ಮಣ ಏವ ಪತಿರ್
ನ ರಾಜಾ ನೋತ ವೈಶ್ಯಃ |
ತತ್ ಸೂರ್ಯಃ ಪ್ರಬ್ರುವನ್ನ್ ಏತಿ
ಪಂಚಭ್ಯೋ ಮಾನವೇಭ್ಯಃ || ೯,೧೬।೭
(೧೬)

ನೈತಾಂ ತೇ ದೇವಾ ಅದದುಸ್
ತುಭ್ಯಂ ನೃಪತೇ ಅತ್ತವೇ |
ಮಾ ಬ್ರಾಹ್ಮಣಸ್ಯ ರಾಜನ್ಯ
ಗಾಂ ಜಿಘತ್ಸೋ ಅನಾದ್ಯಾಂ || ೯,೧೭।೧

ಅಕ್ಷದ್ರುಗ್ಧೋ ರಾಜನ್ಯಃ
ಪಾಪ ಆತ್ಮಪರಾಜಿತಃ |
ಸ ಬ್ರಾಹ್ಮಣಸ್ಯ ಗಾಂ ಅದ್ಯಾದ್
ಅದ್ಯ ಜೀವಾನಿ ಮಾ ಶ್ವಃ || ೯,೧೭।೨

ನಿರ್ ವೈ ಕ್ಷತ್ರಂ ನಯತಿ ಹಂತಿ ವರ್ಚೋ
ಽಗ್ನಿರ್ ಇವಾರಬ್ಧಃ ಪ್ರ ದುನೋತಿ ರಾಷ್ಟ್ರಂ |
ಯೋ ಬ್ರಾಹ್ಮಣಂ ದೇವಬಂಧುಂ ಹಿನಸ್ತಿ
ನ ಸ ಪಿತೃ̄ಣಾಂ ಅಪ್ಯ್ ಏತಿ ಲೋಕಂ || ೯,೧೭।೩

ದೇವಪೀಯುಶ್ ಚರತಿ ಮರ್ತ್ಯೇಷು
ಗರಗೀರ್ಣೋ ಭವತ್ಯ್ ಅಸ್ಥಿಭೂಯಾನ್ |
ಯೋ ಬ್ರಾಹ್ಮಣಂ ಮನ್ಯತೇ ಅನ್ನಂ ಏವ
ಸ ವಿಷಸ್ಯ ಪಿಬತಿ ತೈಮಾತಸ್ಯ || ೯,೧೭।೪

ವಿಷಂ ಸ ಪಿಬತಿ ತೈಮಾತಂ
ಪಶ್ಯನ್ನ್ ಅಗ್ನಿಂ ಪ್ರ ಸೀದತಿ |
ಯೋ ಬ್ರಾಹ್ಮಣಸ್ಯ ಸದ್ ಧನಂ
ಅಭಿ ನಾರದ ಮನ್ಯತೇ || ೯,೧೭।೫

ಶತಾಪಾಷ್ಠಾಂ ನಿ ಗಿರತಿ
ತಾಂ ನ ಶಕ್ನೋತಿ ನಿಷ್ಖಿದಂ |
ಅನ್ನಂ ಯೋ ಬ್ರಹ್ಮಣಾಂ ಮಲ್ವಃ
ಸ್ವಾದ್ವ್ ಅದ್ಮೀತಿ ಮನ್ಯತೇ || ೯,೧೭।೬

ಯ ಏನಾಂ ಹಂತಿ ಮೃದು ಮನ್ಯಮಾನೋ
ದೇವಪೀಯುರ್ ಧನಕಾಮೋ ನ ಚಿತ್ತಾತ್ |
ಸಂ ತಸ್ಯೇಂದ್ರೋ ಹೃದಯೇ ಅಗ್ನಿಂ ಇಂಧ
ಉಭೇ ಏನಂ ದ್ಯುಷ್ಟೋ ನಭಸೀ ಚರಂತಂ || ೯,೧೭।೭

ನ ಬ್ರಾಹ್ಮಣೋ ಹಿಂಸಿತವಾ
ಅಗ್ನೇಃ ಪ್ರಿಯತಮಾ ತನೂಃ |
ಸೋಮೋ ಹ್ಯ್ ಅಸ್ಯ ದಾಯಾದ
ಇಂದ್ರೋ ಅಸ್ಯಾಭಿಶಸ್ತಿಪಾಃ || ೯,೧೭।೮

ಅಗ್ನಿರ್ ವೈ ನಃ ಪದವಾಯಃ
ಸೋಮೋ ದಾಯಾದ ಉಚ್ಯತೇ |
ಜೇತಾ ಅಭಿಶಸ್ತೇಂದ್ರಸ್
ತತ್ ಸತ್ಯಂ ದೇವಸಂಹಿತಂ || ೯,೧೭।೯

ಆವಿಷ್ಟಿತಾಘವಿಷಾ
ಪೃದಾಕೂರ್ ಇವ ಚರ್ಮಣಾ |
ಸಾ ಬ್ರಾಹ್ಮಣಸ್ಯ ರಾಜನ್ಯ
ತೃಷ್ಟೈಷಾ ಗೌರ್ ಅನಾದ್ಯಾ || ೯,೧೭।೧೦
(೧೭)

ಇಷುರ್ ಇವ ದಿಗ್ಧಾ ನೃಪತೇ
ಪೃದಾಕೂರ್ ಇವ ಗೋಪತೇ |
ಸಾ ಬ್ರಾಹ್ಮಣಸ್ಯೇಷುರ್ ದಿಗ್ಧಾ
ತಯಾ ವಿಧ್ಯತಿ ಪೀಯಕಃ || ೯,೧೮।೧

ತೀಕ್ಷ್ಣೇಷವೋ ಬ್ರಾಹ್ಮಣಾ ಹೇತಿಮಂತೋ
ಯಾಂ ಅಸ್ಯಂತಿ ಶರವ್ಯಾಂ ನ ಸಾ ಮೃಷಾ |
ಅನುಹಾಯ ತಪಸಾ ಮನ್ಯುನಾ ಚೋತ
ದೂರಾದ್ ಅವ ಭಿಂದಂತಿ ತೇ ತಯಾ || ೯,೧೮।೨

ಜಿಹ್ವಾ ಜ್ಯಾ ಭವತಿ ಕುಲ್ಮಲಂ ವಾಙ್
ನಾಡೀಕಾ ದಂತಾಸ್ ತಪಸಾ ಸುದಿಗ್ಧಾಃ |
ತೇಭಿರ್ ಬ್ರಹ್ಮಾ ವಿಧ್ಯತಿ ದೇವಪೀಯೂನ್
ಹೃದ್ಬಲೈರ್ ಧನುರ್ಭಿರ್ ದೇವಜೂತೈಃ || ೯,೧೮।೩

ಯೇ ಬ್ರಾಹ್ಮಣಂ ಹಿಂಸಿತಾರಸ್ ತಪಸ್ವಿನಂ
ಮನೀಷಿಣಂ ಬ್ರಹ್ಮಚರ್ಯೇಣ ಶ್ರಾಂತಂ |
ಅವರ್ತಿಮದ್ ಭವಿತಾ ರಾಷ್ಟ್ರಂ ಏಷಾಂ
ತಮಸೀವ ನಿಹಿತಂ ನಾನು ವೇತ್ತಾಃ || ೯,೧೮।೪

ಯೇ ಸಹಸ್ರಂ ಅರಾಜನ್ನ್
ಆಸನ್ ದಶಶತಾ ಉತ |
ತೇ ಬ್ರಾಹ್ಮಣಸ್ಯ ಗಾಂ ಜಗ್ಧ್ವಾ
ವೈತಹವ್ಯಾಃ ಪರಾಭವನ್ || ೯,೧೮।೫

ಗೌರ್ ಏವ ತಾನ್ ಹನ್ಯಮಾನಾ
ವೈತಹವ್ಯಾಁ ಅವಾತಿರತ್ |
ಯೇ ಕೇಶರ ಪ್ರಾಬಂಧಾಯಾಶ್
ಚರಮಾಜಾಂ ಅಪೇಚಿರನ್ || ೯,೧೮।೬

ಅತಿಮಾತ್ರಾ ಅಜಾಯಂತ
ನೋದ್ ಇವ ದಿವಂ ಅಸ್ಪೃಶನ್ |
ಭೃಗುಂ ಹಿಂಸಿತ್ವಾ ಮಾಹೀನಾ
ಅಸಂಭವ್ಯಂ ಪರಾಭವನ್ || ೯,೧೮।೭

ಯೇ ಬೃಹತ್ಸಾಮಾನಂ ಆಂಗಿರಸಂ
ಆರ್ಪಯನ್ ಬ್ರಾಹ್ಮಣಂ ಜನಾಃ |
ಯೇತ್ವಸ್ ತೇಷಾಂ ಉಭಯಾದನ್ನ್
ಅವಿಸ್ ತೋಕಾನ್ಯ್ ಆವಯತ್ || ೯,೧೮।೮

ಯೇ ಬ್ರಾಹ್ಮಣಂ ಪ್ರತ್ಯಷ್ಠೀವನ್
ಯೇ ಚಾಸ್ಮಿಚ್ ಛುಕ್ಲಂ ಈಷಿರೇ |
ಅಸ್ನಸ್ ತೇ ಮಧ್ಯೇ ಕುಲ್ಯಾಯಾಃ
ಕೇಶಾನ್ ಖಾದಂತ ಆಸತೇ || ೯,೧೮।೯

ಅಷ್ಟಾಪದೀ ಚತುರಕ್ಷೀ
ಚತುಃಶ್ರೋತ್ರಾ ಚತುರ್ಹನುಃ |
ದ್ವಿಜಿಹ್ವಾ ದ್ವಿಪ್ರಾಣಾ ಭೂತ್ವಾ
ಸಾ ರಾಷ್ಟ್ರಂ ಅವ ಧೂನುತೇ || ೯,೧೮।೧೦
(೧೮)

ಬ್ರಹ್ಮಗವೀ ಪಚ್ಯಮಾನಾ
ಯಾವತ್ ಸಾಭಿ ವಿಜಂಗಹೇ |
ತೇಜೋ ರಾಷ್ಟ್ರಸ್ಯ ನಿರ್ ಹಂತಿ
ನ ವೀರೋ ಜಾಯತೇ ಪುಮಾನ್ || ೯,೧೯।೧

ಆಕ್ರಮಣೇನ ವೈ ದೇವಾ
ದ್ವಿಷಂತೋ ಘ್ನಂತಿ ಪೂರುಷಂ |
ಸ್ತೇಯಾದಂ ಬ್ರಹ್ಮಜ್ಯಂ
ಕ್ಷೇತ್ರೇ ಚಾನೃತವಾದಿನಂ || ೯,೧೯।೨

ವಿಷಂ ಏತದ್ ದೇವಕೃತಂ
ರಾಜಾ ವರುಣೋ ಅಬ್ರವೀತ್ |
ನ ಬ್ರಾಹ್ಮಣಸ್ಯ ಗಾಂ ಜಗ್ಧ್ವಾ
ರಾಷ್ಟ್ರೇ ಜಾಗಾರ ಕಶ್ ಚನ || ೯,೧೯।೩

ತದ್ ವೈ ರಾಷ್ಟ್ರಂ ಆ ಸ್ರವತಿ
ಭಿನ್ನಾಂ ನಾವಂ ಇವೋದಕಂ |
ಬ್ರಾಹ್ಮಣೋ ಯತ್ರ ಜೀಯತೇ
ತದ್ ರಾಷ್ಟ್ರಂ ಹಂತಿ ದುಚ್ಛುನಾ || ೯,೧೯।೪

ಏಕಶತಂ ವೈ ಜನತಾ
ಭೂಮಿರ್ ಯಾ ವ್ಯಧೂನುತ |
ಪ್ರಜಾಂ ಹಿಂಸಿತ್ವಾ ಬ್ರಾಹ್ಮಣೀಂ
ಅಸಂಭವ್ಯಂ ಪರಾಭವನ್ || ೯,೧೯।೫

ಯಾಂ ಉದಾಜನ್ನ್ ಋಷಯೋ ಮನೀಷಿಣಃ
ಶ್ರಮಸಾತಾಂ ಬೃಹತೀಂ ದೇವಜೂತಾಂ |
ಸಾ ಬ್ರಹ್ಮಜ್ಯಂ ಪಚತಿ ಪಚ್ಯಮಾನಾ
ರಾಷ್ಟ್ರಂ ಅಸ್ಯ ಬೃಹತೀ ಯಚ್ ಚ ವರ್ಚಃ || ೯,೧೯।೬

ವಾಚಾ ಬ್ರಾಹ್ಮಣಂ ಋಚ್ಛತಿ
ಜಾಮಿ ಹಂತ್ಯ್ ಅಚಿತ್ತ್ಯಾ |
ಮಿತ್ರಾಯ ಸತ್ಯೇ ದ್ರುಹ್ಯತಿ
ಯಂ ದೇವಾ ಘ್ನಂತಿ ಪೂರುಷಂ || ೯,೧೯।೭
(೧೯)

ಏಕಪಾಚ್ ಛಂದ ಏಕಕಾಮಂ ಚ |
ತದ್ ಆಪ್ನೋತಿ ಚಾವ ಚ ರುಂಧೇ
ಪ್ರಥಮಯಾ ರಾತ್ರ್ಯಾ
ಪ್ರಥಮಯಾ ಸಮಿಧಾ || ೯,೨೦।೧

ದ್ವಿಪಾಚ್ ಛಂದೋ ದ್ವಿಪದಶ್ ಚ ಪಶೂನ್ |
ತದ್ ಆಪ್ನೋತಿ ಚಾವ ಚ ರುಂಧೇ
ದ್ವಿತೀಯಯಾ ರಾತ್ರ್ಯಾ
ದ್ವಿತೀಯಯಾ ಸಮಿಧಾ || ೯,೨೦।೨

ತ್ರೀಂಲ್ ಲೋಕಾಂಸ್ ತ್ರೀಂಲ್ ಲೋಕಪತೀನ್ |
ತದ್ ಆಪ್ನೋತಿ ಚಾವ ಚ ರುಂಧೇ
ತೃತಿಯಯಾ ರಾತ್ರ್ಯಾ
ತೃತೀಯಯಾ ಸಮಿಧಾ || ೯,೨೦।೩

ಚತುಷ್ಪಾಚ್ ಛಂದಶ್ ಚತುಷ್ಪದಶ್ ಚ ಪಶೂನ್ |
ತದ್ ಆಪ್ನೋತಿ ಚಾವ ಚ ರುಂಧೇ
ಚತುರ್ಥ್ಯಾ ರಾತ್ರ್ಯಾ
ಚತುರ್ಥ್ಯಾ ಸಮಿಧಾ || ೯,೨೦।೪

ಪಂಚ ದಿಶಃ ಪಂಚ ಪ್ರದಿಶಃ |
ತದ್ ಆಪ್ನೋತಿ ಚಾವ ಚ ರುಂಧೇ
ಪಂಚಮ್ಯಾ ರಾತ್ರ್ಯಾ
ಪಂಚಮ್ಯಾ ಸಮಿಧಾ || ೯,೨೦।೫

ತ್ರೈಷ್ಟುಭಂ ಛಂದೋ ವಿರಾಜಂ
ಸ್ವರಾಜಂ ಸಮ್ರಾಜಂ |
ತದ್ ಆಪ್ನೋತಿ ಚಾವ ಚ ರುಂಧೇ
ಸಷ್ಠ್ಯಾ ರಾತ್ರ್ಯಾ ಷಷ್ಠ್ಯಾ ಸಮಿಧಾ || ೯,೨೦।೬

ಸಪ್ತ ಪ್ರಾಣಾನ್ ಸಪ್ತಾಪಾನಾನ್
ಸಪ್ತ ಋಷೀಂಶ್ ಚ |
ತದ್ ಆಪ್ನೋತಿ ಚಾವ ಚ ರುಂಧೇ
ಸಪ್ತಮ್ಯಾ ರಾತ್ರ್ಯಾ ಸಪ್ತಮ್ಯಾ ಸಮಿಧಾ || ೯,೨೦।೭

ಓಜಶ್ ಚ ತೇಜಶ್ ಚ ಸಹಶ್ ಚ ಬಲಂ ಚ |
ತದ್ ಆಪ್ನೋತಿ ಚಾವ ಚ ರುಂಧೇ
ಅಷ್ಟಮ್ಯಾ ರಾತ್ರ್ಯಾ ಅಷ್ಟಮ್ಯಾ ಸಮಿಧಾ || ೯,೨೦।೮

ಅಂಭಶ್ ಚ ಮಹಶ್ ಚಾನ್ನಂ ಚಾನ್ನಾದ್ಯಂ ಚ |
ತದ್ ಆಪ್ನೋತಿ ಚಾವ ಚ ರುಂಧೇ
ನವಮ್ಯಾ ರಾತ್ರ್ಯಾ ನವಮ್ಯಾ ಸಮಿಧಾ || ೯,೨೦।೯

ಬ್ರಹ್ಮ ಚ ಕ್ಷತ್ರಂ ಚೇಂದ್ರಿಯಂ
ಚ ಬ್ರಾಹ್ಮಣವರ್ಚಸಂ ಚ |
ತದ್ ಆಪ್ನೋತಿ ಚಾವ ಚ ರುಂಧೇ
ದಶಮ್ಯಾ ರಾತ್ರ್ಯಾ ದಶಮ್ಯಾ ಸಮಿಧಾ || ೯,೨೦।೧೦

ವಿಶ್ವಾವಸೂ ಚ ಸರ್ವವಸೂ ಚ |
ತದ್ ಆಪ್ನೋತಿ ಚಾವ ಚ ರುಂಧೇ
ಏಕಾದಶ್ಯಾ ರಾತ್ರ್ಯಾ ಏಕಾದಶ್ಯಾ ಸಮಿಧಾ || ೯,೨೦।೧೧

ಪಾಂಕ್ತಂ ಛಂದಃ ಪ್ರಜಾಪತಿಂ ಸಂವತ್ಸರಂ |
ತದ್ ಆಪ್ನೋತಿ ಚಾವ ಚ ರುಂಧೇ
ದ್ವಾದಶ್ಯಾ ರಾತ್ರ್ಯಾ ದ್ವಾದಶ್ಯಾ ಸಮಿಧಾ || ೯,೨೦।೧೨
(೨೦)

ಅನುವಾಕ ೩ ||

ಯೋ ವಾ ಏಕಶರಾವಂ ನಿರ್ವಪೇದ್ ಏಕರ್ಷಿಂ ಏವಾನು ನಿರ್ ವಪೇತ್ |
ಏಷ ವಾ ಏಕರ್ಷಿರ್ ಯದ್ ಅಗ್ನಿಃ |
ಏಕರ್ಷಿಂ ಚೈವ ಲೋಕಂ ಚಾವ ರುಂಧೇ
ಏಕರ್ಷಿರ್ ಇವ ತಪತ್ಯ್ ಏಕರ್ಷಿರ್ ಇವ ದೀದಾಯೈಕರ್ಷಿರ್ ಇವಾನ್ನಾದೋ ಭವತಿ ಯ ಏವಂ ವೇದ |
ಸ ಯ ಏವಂ ವಿದ್ವಾನ್ ಪ್ರಾಶ್ನೀಯಾದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ಏಕರ್ಷೇಸ್ ತ್ವಾ ಚಕ್ಷುಷಾ ಪಶ್ಯಾಮ್ಯ್
ಏಕರ್ಷೇಸ್ ತ್ವಾ ಹಸ್ತಾಭ್ಯಾಂ ಆ ರಭ
ಏಕರ್ಷೇಸ್ ತ್ವಾಸ್ಯೇನ ಪ್ರಾಶ್ನಾಮ್ಯ್
ಏಕರ್ಷೇಸ್ ತ್ವಾ ಜಠರೇ ಸಾದಯಾಮೀತಿ |
ಸ ಯಥಾ ಹುತಂ ಇಷ್ಟಂ ಪ್ರಾಶ್ನೀಯಾದ್ ಏವೈನಂ ಪ್ರಾಶ್ನಾತಿ || ೯,೨೧।೧

ಯೋ ವೈ ದ್ವಿಶರಾವಂ ನಿರ್ವಪೇತ್ ಪ್ರಾಣಾಪಾನಾವ್ ಏವಾನು ನಿರ್ ವಪೇತ್ |
ಏತೌ ವೈ ಪ್ರಾಣಾಪಾನೌ ಯನ್ ಮಾತರಿಶ್ವಾ ಚಾಗ್ನಿಶ್ ಚ |
ಪ್ರಾಣಾಪಾನೌ ಚೈವ ಲೋಕಂ ಚಾವ ರುಂಧೇ
ಜ್ಯೋಗ್ ಜೀವತಿ ಸರ್ವಂ ಆಯುರ್ ಏತಿ ನ ಪುರಾ ಜರಸಃ ಪ್ರಮೀಯತೇ ಯಃ (…) |
ಸ ಯ ಏವಂ ವಿದ್ವಾನ್) ಪ್ರಶ್ನೀಯಾದ್ ಏತಾಂ ಏವ ದೇವತೇ ಮನಸಾ ಧ್ಯಾಯೇತ್
ಪ್ರಾಣಾಪಾನಯೋಸ್ ತ್ವಾ ಚಕ್ಷುಷಾ ಪಶ್ಯಾಮಿ
ಪ್ರಾಣಾಪಾನಯೋಸ್ ತ್ವಾ ಹಸ್ತಾಭ್ಯಾಂ ಆ ರಭೇ
ಪ್ರಾಣಾಪಾನಯೋಸ್ ತ್ವಾಸ್ಯೇನ ಪ್ರಾಶ್ನಾಮಿ
ಪ್ರಾಣಾಪಾನಯೋಸ್ ತ್ವಾ ಜಠರೇ (…) |
(…) || ೯,೨೧।೨

ಯೋ ವೈ ತ್ರಿಶರಾವಂ ನಿರ್ವಪೇತ್ ತ್ರೀಣ್ಯ್ ಏವ ತ್ರಿಕದ್ರುಕಾಣ್ಯ್ ಅನು ನಿರ್ ವಪೇತ್ |
ಏತಾನಿ ವೈ ತ್ರೀಣಿ ತ್ರಿಕದ್ರುಕಾಣಿ ಯದ್ ಋಚಃ ಸಾಮಾನಿ ಯಜೂಂಷಿ ಬ್ರಾಹ್ಮಣಂ |
ಬ್ರಹ್ಮ ಚೈವ ಲೋಕಂ ಚಾವ ರುಂಧೇ
ಬ್ರಾಹ್ಮಣವರ್ಚಸೀ ಭವತಿ ಯಃ (…)
(…) ಪ್ರಾಶ್ನೀಯಾದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ಬ್ರಹ್ಮಣಸ್ ತ್ವಾ ಚಕ್ಷುಷಾ ಪಶ್ಯಾಮಿ
ಬ್ರಹ್ಮಣಸ್ ತ್ವಾ ಹಸ್ತಾಭ್ಯಾಂ ಆ ರಭೇ
ಬ್ರಹ್ಮಣಸ್ ತ್ವಾಸ್ಯೇನ ಪ್ರಾಶ್ನಾಮಿ
ಬ್ರಹ್ಮಣಸ್ ತ್ವಾ (…) |
(…) || ೯,೨೧।೩

ಯೋ ವೈ ಚತುಃಶರಾವಂ ನಿರ್ವಪೇಚ್ ಚತಸ್ರ ಏವೋರ್ವೀರ್ ಅನು ನಿರ್ ವಪೇತ್ |
ಏತಾ ವೈ ಚತಸ್ರ ಉರ್ವೀರ್ ಯದ್ ದಿಶಃ |
ದಿಶಶ್ ಚೈವ ಲೋಕಂ ಚಾವ ರುಂಧೇ
ಕಲ್ಪಂತೇ ಅಸ್ಮೈ ದಿಶೋ ದಿಶಾಂ ಪ್ರಿಯೋ ಭವತಿ ಯಃ (…) |
(…) ಪ್ರಾಶ್ನೀಯಾದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ದಿಶಾಂ ತ್ವಾ ಚಕ್ಷುಷಾ ಪಶ್ಯಾಮಿ
ದಿಶಾಂ ತ್ವಾ ಹಸ್ತಾಭ್ಯಾಂ ಆ ರಭೇ
ದಿಶಾಂ ತ್ವಾಸ್ಯೇನ ಪ್ರಾಶ್ನಾಮಿ
ದಿಶಾಂ ತ್ವಾ (…) |
(…) || ೯,೨೧।೪

ಯೋ ವೈ ಪಂಚಶರಾವಂ ನಿರ್ವಪೇದ್ ವೈಶ್ವಾನರಂ ಏವ ಪಂಚಮೂರ್ಧಾನಂ ಅನು ನಿರ್ ವಪೇತ್ |
ಏಷ ವೈ ವೈಶ್ವಾನರಃ ಪಂಚಮೂರ್ಧಾ ಯದ್ ದ್ಯೌಶ್ ಚ ಪೃಥಿವೀ ಚ ಮಾತರಿಶ್ವಾ ಚಾಗ್ನಿಶ್ ಚಾಜಸ್ರಾ ಚಾತಪನ್ |
ವೈಶ್ವಾನರಂ ಚೈವ ಲೋಕಂ ಚಾವ ರುಂಧೇ
ವೈಶ್ವಾನರ ಇವ ತಪತಿ ವೈಶ್ವಾನರ ಇವ ದೀದಾಯ ವೈಶ್ವಾನರ ಇವಾನ್ನಾದೋ ಭವತಿ ಯಃ (…) |
(…) ಪ್ರಾಶ್ನಿಯಾದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ವೈಶ್ವಾನರಸ್ಯ ತ್ವಾ ಚಕ್ಷುಷಾ ಪಶ್ಯಾಮಿ
ವೈಶ್ವಾನರಸ್ಯ ತ್ವಾ ಹಸ್ತಾಭ್ಯಾಂ ಆ ರಭೇ
ವೈಶ್ವಾನರಸ್ಯ ತ್ವಾಸ್ಯೇನ ಪ್ರಾಶ್ನಾಮಿ
ವೈಶ್ವಾನರಸ್ಯ ತ್ವಾ (…) |
(…) || ೯,೨೧।೫

ಯೋ ವೈ ಷಟ್ಶರಾವಂ ನಿರ್ವಪೇತ್ ಷಡ್ ಯಾವ್ನ ಏವ ದೇವಾನ್ ಅನು ನಿರ್ ವಪೇತ್ |
ಏತೇ ವೈ ಷಡ್ ಯಾವಾನೋ ದೇವಾ ಯದ್ ಋತವಃ |
ಋತೂಂಶ್ ಚೈವ ಲೋಕಂ ಚಾವ ರುಂಧೇ
ಕಲ್ಪಂತೇ ಅಸ್ಮಾ ಋತವೋ ನ ಋತುಷ್ವ್ ಆವೃಶ್ಚತ ಋತೂನಾಂ ಪ್ರಿಯೋ ಭವತಿ ಯಃ (…) |
(…) ಪ್ರಾಶ್ನೀಯಾದ್ ಏತಾ ಏವ ದೇವತಾ ಮನಸಾ ಧ್ಯಾಯೇದ್
ಋತೂನಾಂ ತ್ವಾ ಚಕ್ಷುಷಾ ಪಶ್ಯಾಮ್ಯ್
ಋತೂನಾಂ ತ್ವಾ ಹಸ್ತಾಭ್ಯಾಂ ಆ ರಭ
ಋತೂನಾಂ ತ್ವಾಸ್ಯೇನ ಪ್ರಾಶ್ನಾಮ್ಯ್
ಋತೂನಾಂ ತ್ವಾ (…) |
(…) || ೯,೨೧।೬

ಯೋ ವೈ ಸಪ್ತಶರಾವಂ ನಿರ್ವಪೇತ್ ಸಪ್ತ ಋಷೀನ್ ಏವಾನು ನಿರ್ ವಪೇತ್ |
ಏತೇ ವೈ ಸಪ್ತ ಋಷಯೋ ಯತ್ ಪ್ರಾಣಾಪಾನವ್ಯಾನಾಃ |
ಸಪ್ತರ್ಷೀಂಶ್ ಚೈವ ಲೋಕಂ ಚಾವ ರುಂಧೇ
ಜ್ಯೋಗ್ ಜೀವತಿ ಸರ್ವಂ ಆಯುರ್ ಏತಿ ನ ಪುರಾ ಜರಸಃ ಪ್ರಮೀಯತೇ ಯಃ (…) |
(…) ಪ್ರಾಶ್ನೀಯಾದ್ ಏತಾ ಏವ ದೇವತಾ ಮನಸಾ ಧ್ಯಾಯೇತ್
ಸಪ್ತರ್ಷೀಣಾಂ ತ್ವಾ ಚಕ್ಷುಷಾ ಪಶ್ಯಾಮಿ
ಸಪ್ತರ್ಷೀಣಾಂ ತ್ವಾ ಹಸ್ತಾಭ್ಯಾಂ ಆ ರಭೇ
ಸಪ್ತರ್ಷೀಣಾಂ ತ್ವಾಸ್ಯೇನ ಪ್ರಾಶ್ನಾಮಿ
ಸಪ್ತರ್ಷೀಣಾಂ ತ್ವಾ (…) |
(…) || ೯,೨೧।೭

ಯೋ ವಾ ಅಷ್ಟಶರಾವಂ ನಿರ್ವಪೇದ್ ವಿರಾಜಂ ಏವವಾಷ್ಟಾಪದೀಂ ಅನು ನಿರ್ ವಪೇತ್ |
ಏಷಾ ವೈ ವಿರಾಡ್ ಅಷ್ಟಾಪದೀ ಯದ್ ದ್ಯೌಶ್ ಚ ಪೃಥಿವೀ ಚಾಪಶ್ ಚೌಷಧಯಶ್ ಚ ವಾಯುಶ್ ಚಾಂತರಿಕ್ಷಂ ಚ ಸೂರ್ಯಶ್ ಚ ಚಂದ್ರಮಾಶ್ ಚ |
ವಿರಾಜಂ ಚೈವ ಲೋಕಂ ಚಾವ ರುಂಧೇ
ವಿ ರಾಜತ್ಯ್ ಅಸ್ಮಿಂಶ್ ಚ ಲೋಕೇ ಅಮುಷ್ಮಿಂಶ್ ಚ ವೈರಾಜ ರ್ಷಭ ಇತ್ಯ್ ಏನಂ ಆಹುರ್ ಯಃ (…) |
(…) ಪ್ರಾಶ್ನೀಯಾದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ವಿರಾಜಸ್ ತ್ವಾ ಚಕ್ಷುಷಾ ಪಶ್ಯಾಮಿ
ವಿರಾಜಸ್ ತ್ವಾ ಹಸ್ತಾಭ್ಯಾಂ ಆ ರಭೇ
ವಿರಾಜಸ್ ತ್ವಾಸ್ಯೇನ ಪ್ರಾಶ್ನಾಮಿ
ವಿರಾಜಸ್ ತ್ವಾ (…) |
(…) || ೯,೨೧।೮

ಯೋ ವೈ ನವಶರಾವಂ ನಿರ್ವಪೇನ್ ನವ ಯಾವ್ನ ಏವ ದೇವಾನ್ ಅನು ನಿರ್ವಪೇತ್ |
ಏತೇ ವೈ ನವಯಾವಾನೋ ದೇವಾ ಯನ್ ಮಾಸಾಃ |
ಮಾಸಶ್ ಚೈವ ಲೋಕಂ ಚವ ರುಂಧೇ
ಕಲ್ಪಂತೇ ಅಸ್ಮೈ ಮಾಸಾ ಮಾಸಾಂ ಪ್ರಿಯೋ ಭವತಿ ಯಃ (…) |
(…) ಪ್ರಾಶ್ನೀಯಾದ್ ಏತಾ ಏವ ದೇವತಾ ಮನಸಾ ಧ್ಯಾಯೇನ್
ಮಾಸಾಂ ತ್ವಾ ಚಕ್ಷುಷಾ ಪಶ್ಯಾಮಿ
ಮಾಸಾಂ ತ್ವಾ ಹಸ್ತಾಭ್ಯಾಂ ಆ ರಭೇ
ಮಾಸಾಂ ತ್ವಾಸ್ಯೇನ ಪ್ರಾಶ್ನಾಮಿ
ಮಾಸಾಂ ತ್ವಾ (…) |
(…) || ೯,೨೧।೯

ಯೋ ವೈ ದಶಶರಾವಂ ನಿರ್ವಪೇದ್ ಇಡಾಂ ಏವ ಧೇನುಂ ಅನು ನಿರ್ವಪೇತ್ |
ಏಸಾ ವಾ ಇಡಾ ಧೇನುರ್ ಯದ್ ಯಜ್ಞಃ ಪಶವಃ |
ಇಡಾಂ ಚೈವ ಧೇನುಂ ಯಜ್ಞಂ ಚ ಲೋಕಂ ಚ ಪಶೂಂಶ್ ಚಾವ ರುಂಧೇ
ಕಲ್ಪಂತೇ ಅಸ್ಮಾ ಇಡ ಇಡಾಂ ಪ್ರಿಯೋ ಭವತಿ ಯಃ (…) |
(…) ಪ್ರಾಶ್ನೀಯದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ಇಡಾಯಾಸ್ ತ್ವಾ ಚಕ್ಷುಷಾ ಪಶ್ಯಾಮಿ-
-ಇಡಾಯಾಸ್ ತ್ವಾ ಹಸ್ತಾಭ್ಯಾಂ ಆ ರಭ
ಇಡಾಯಾಸ್ ತ್ವಾಸ್ಯೇನ ಪ್ರಾಶ್ನಾಮಿ-
-ಇಡಾಯಾಸ್ ತ್ವಾ (…) |
(…) || ೯,೨೧।೧೦

ಯೋ ವಾ ಏಕಾದಶಶರಾವಂ ನಿರ್ವಪೇದ್ ರೋಹಿತಂ ಏವಾನು ನಿರ್ ವಪೇತ್ |
ಏಷ ವೈ ರೋಹಿತೋ ಯದ್ ಇಂದ್ರಃ |
ಇಂದ್ರಂ ಚೈವ ಲೋಕಂ ಚಾವ ರುಂಧೇ
ಇಂದ್ರಿಯಾವೀ ಪ್ರಿಯ ಇಂದ್ರಸ್ಯ ಭವತಿ ಯಃ (…) |
(…) ಪ್ರಾಶ್ನೀಯಾದ್ ಏತಾಂ ಏವ ದೇವತಾಂ ಮನಸಾ ಧ್ಯಾಯೇದ್
ಇಂದ್ರಸ್ಯ ತ್ವಾ ಚಕ್ಷುಷಾ ಪಶ್ಯಾಮಿ-
-ಇಂದ್ರಸ್ಯ ತ್ವಾ ಹಸ್ತಾಭ್ಯಾಂ ಆ ರಭ
ಇಂದ್ರಸ್ಯ ತ್ವಾಸ್ಯೇನ ಪ್ರಾಶ್ನಾಮಿ-
-ಇಂದ್ರಸ್ಯ ತ್ವಾ (…) |
(…) || ೯,೨೧।೧೧

ಯೋ ವೈ ದ್ವಾದಶಶರಾವಂ ನಿರ್ವಪೇದ್ ವಿಶ್ವಾಂ ಏವ ದೇವಾನ್ ಅನು ನಿರ್ ವಪೇತ್ |
ಏತೇ ವೈ ವಿಶ್ವೇ ದೇವಾ ಯದ್ ಇದಂ ಸರ್ವಂ |
ವಿಶ್ವಾಂಶ್ ಚೈವ ದೇವಾಁಲ್ ಲೋಕಂ ಚಾವ ರುಂಧೇ
ಕಲ್ಪಂತೇ ಅಸ್ಮೈ ವಿಶ್ವೇ ದೇವಾಃ ಪ್ರಿಯೋ ವಿಶ್ವೇಷಾಂ ದೇವಾನಾಂ ಭವತಿ ಯ ಏವಂ ವೇದ |
ಸ ಯ ಏವಂ ವಿದ್ವಾನ್ ಪ್ರಾಶ್ನೀಯಾದ್ ಏತಾ ಏವ ದೇವತಾ ಮನಸಾ ಧ್ಯಾಯೇದ್
ವಿಶ್ವೇಷಾಂ ತ್ವಾ ದೇವಾನಾಂ ಚಕ್ಷುಷಾ ಪಶ್ಯಾಮಿ
ವಿಶ್ವೇಷಾಂ ತ್ವಾ ದೇವಾನಾಂ ಹಸ್ತಾಭ್ಯಾಂ ಆ ರಭೇ
ವಿಶ್ವೇಷಾಂ ತ್ವಾ ದೇವಾನಾಂ ಆಸ್ಯೇನ ಪ್ರಾಶ್ನಾಮಿ
ವಿಶ್ವೇಷಾಂ ತ್ವಾ ದೇವಾನಾಂ ಜಠರೇ ಸಾದಯಾಮೀತಿ |
ಸ ಯಥಾ ಹುತಂ ಇಷ್ಟಂ ಪ್ರಾಶ್ನೀಯಾದ್ ಏವೈನಂ ಪ್ರಾಶ್ನಾತಿ || ೯,೨೧।೧೨
(೨೧)

ಇಮಾಂ ಮಾತ್ರಾಂ ನಿರ್ ವಪ ಓದನಸ್ಯ
ತಸ್ಯ ಪಕ್ತಾ ಮುಚ್ಯತಾಂ ಕಿಲ್ಬಿಷೇಭ್ಯಃ |
ಅಭಿದ್ರೋಹಾದ್ ಏನಸೋ ದುಷ್ಕೃತಾಚ್ ಚ
ಪುನಾತು ಮಾ ಪವನೈಃ ಪವಿತ್ರಃ || ೯,೨೨।೧

ಭದ್ರೌ ಹಸ್ತೌ ಭದ್ರಾ ಜಿಹ್ವಾ
ಭದ್ರಂ ಭವತು ಮೇ ವಚಃ |
ಮಹ್ಯಂ ಪವಿತ್ರಂ ಓದನಂ
ಬ್ರಹ್ಮಣಾ ನಿರ್ ವಪಾಮಸಿ
ಹಸ್ತಾಭ್ಯಾಂ ನಿರ್ ವಪಾಮಸಿ || ೯,೨೨।೨

ಯನ್ ಮಯಿ ಗರ್ಭೇ ಸತಿ
ಮಾತಾ ಚಕಾರ ದುಷ್ಕೃತಂ |
ಅಯಂ ಮಾ ತಸ್ಮಾದ್ ಓದನಃ
ಪವಿತ್ರಃ ಪಾತ್ವ್ ಅಂಹಸಃ || ೯,೨೨।೩

ಯದ್ ಅರ್ವಾಚೀನಂ ಏಕಹಾಯನಾದ್
ಅನೃತಂ ಕಿಂ ಚೋದಿಮ |
(…) || ೯,೨೨।೪

ಯದ್ ದುಷ್ಕೃತಂ ಯಚ್ ಛಮಲಂ
ಯದ್ ಏನಶ್ ಚಕೃಮಾ ವಯಂ |
(…) || ೯,೨೨।೫

ಯನ್ ಮಾತರಂ ಯತ್ ಪಿತರಂ
ಯದ್ ವಾ ಜಾಮಿಂ ಜಿಹಿಂಸಿಮ |
(…) || ೯,೨೨।೬

ಯನ್ ಮಾತೃಘ್ನಾ ಯತ್ ಪಿತೃಘ್ನಾ
ಭ್ರೂಣಘ್ನಾ ಯತ್ ಸಹಾಸಿಮ |
(…) || ೯,೨೨।೭

ಶ್ಯಾವದತಾ ಕುನಖಿನಾ
ಸ್ತೇನೇನ ಯತ್ ಸಹಾಸಿಮ |
(…) || ೯,೨೨।೮

ಶಿಶುಂಧಾನಾಂ ಪೂಂಶ್ಚಲಾನಾಂ
ತಕ್ಷ್ಣಾಂ ಯದ್ ಅನ್ನಂ ಆಶಿಮ |
(…) || ೯,೨೨।೯

ಯದ್ ಅಪಾಂ ಅಪಜಹ್ರಿಮ
ನಿಮಜ್ಯ ಪಪಿಮೋದಕಂ |
(…) || ೯,೨೨।೧೦
(೨೨)

ಯತ್ ಕ್ರುದ್ಧಾ ಮನ್ಯುತೋ ವಯಂ
ಬ್ರಾಹ್ಮಣಸ್ಯ ನಿಜಗ್ಮಿಮ
ಪದಾ ವಾ ಗಾಂ ಉಪಾರಿಮ |
(…) || ೯,೨೩।೧

ಯದ್ ಬ್ರಹ್ಮಚರ್ಯೇ ಯತ್ ಸ್ನಾತಚರ್ಯೇ
ಅನೃತಂ ಕಿಂ ಚೋದಿಮ |
(…) || ೯,೨೩।೨

ಕಿಲಾಸೇನ ದುಶ್ಚರ್ಮಣಾ
ವಂಡೇನ ಯತ್ ಸಹಾಶಿಮ-
-ಆಧಾರಾಭಿಗತೇನ ವಾ |
(…) || ೯,೨೩।೩

ಯತ್ ಕ್ಷೇತ್ರಂ ಅಭಿತಿಷ್ಠಾಥ-
-ಅಶ್ವಂ ವಾ ಯಂ ನಿರೇಮಿಷೇ |
(…) || ೯,೨೩।೪

ಯದ್ ಅಕ್ಷೇಷು ಹಿರಣ್ಯೇ
ಗೋಷ್ವ್ ಅಶ್ವೇಷು ಯದ್ ಧನೇ
ಅನೃತಂ ಕಿಂ ಚೋದಿಮ |
(…) || ೯,೨೩।೫

ಸಖ್ಯುರ್ ಜಾಯಾಂ ಸ್ವಾಂ ದಾಸೀಂ
ಸೂತಿಕಾಂ ಲೋಹಿತಾವತೀಂ
ಅಶುದ್ಧಾಂ ಯದ್ ಉಪೇಯಿಮ |
(…) || ೯,೨೩।೬

ಪರಿವಿತ್ತೇನ ಪರಿವಿವಿದಾನೇನ-
-ಅಭ್ಯವಸ್ನಾತೇನ ಪರಿಭಕ್ಷಿತೇನ
ದಿಧಿಷೂಪತ್ಯಾ ಯತ್ ಸಹಾಶಿಮ |
(…) || ೯,೨೩।೭

ಯತ್ ಕುಸೀದಂ ವಿಭೇಜಿಮ
ದ್ವಿಮೇಯಂ ಧನಕಾಮ್ಯಾ |
(…) || ೯,೨೩।೮

ಯದ್ ದ್ವ್ಯೇಕಂ ಯತ್ ತ್ರ್ಯೇಕಂ
ಉಪೈಕಂ ಇತಿ ಯದ್ ದದೌ |
(…) || ೯,೨೩।೯

ಯತ್ ತ್ವರಮಾಣಾಃ ಶಬಲಂ
ಅಪಕ್ವಂ ಮಾಂಸಂ ಆಶಿಮ |
(…) || ೯,೨೩।೧೦
(೨೩)

ಯದ್ ಅನ್ನಂ ಆಶಿಮಾ ವಯಂ
ಅನನ್ನಂ ಅನ್ನಕಾಮ್ಯಾ-
-ಉದರಸ್ಯಾಭಿಶಾಚ್ಯಾ |
(…) || ೯,೨೪।೧

ಯದ್ ವಿದ್ವಾಂಸೋ ಯದ್ ಅವಿದ್ವಾಂಸೋ
ಅನೃತಂ ಕಿಂ ಚೋದಿಮ |
ಅಯಂ ಮಾ ತಸ್ಮಾದ್ ಓದನಃ
ಪವಿತ್ರಃ ಪಾತ್ವ್ ಅಂಹಸಃ || ೯,೨೪।೨

ಯದ್ ದೇವಸ್ಯ ಸವಿತುಃ ಪವಿತ್ರಂ
ಸಹಸ್ರಧಾರಂ ವಿತತಂ ಹಿರಣ್ಯಂ |
ಯೇನೇಂದ್ರಂ ಅಪುನನಮಾರ್ತಮರ್ತ್ಯಾಸ್
ತೇನಾಯಂ ಮಾಂ ಸರ್ವಪಶುಂ ಪುನಾತು || ೯,೨೪।೩

ಯೇನಾಪುನಾತ್ ಸವಿತಾ ರೇವತೀರ್ ಅಪೋ
ಯೇನಾಪುನೀತ ವರುಣಃ ಸವಾಯ |
ಯೇನೇಮಾ ವಿಶ್ವಾ ಭುವನಾನಿ ಪೂತಾಸ್
ತೇನಾಯಂ ಮಾಂ ಸರ್ವಪಶುಂ ಪುನಾತು || ೯,೨೪।೪

ಅತಿ ಕ್ರಾಮಾಮಿ ದುರಿತಂ ಯದ್ ಏನೋ
ಜಹಾಮಿ ರಿಪ್ರಂ ಪರಮೇ ಸಧಸ್ಥೇ |
ಯೇನ ಯಂತಿ ಸುಕೃತೋ ನಾಪಿ ದುಷ್ಕೃತಸ್
ತಂ ಆ ರುಹೇಮ ಸುಕೃತಾಂ ಉಲೋಕಂ || ೯,೨೪।೫

ಮಾ ಯಕ್ಷ್ಮಂ ಇಹ ಹಾಸಿಷ್ಟ
ಮಾ ರಿಫಂತೋ ವಿ ಗಾತನ |
ಅಮೈವ ಪುಣ್ಯಂ ಅಸ್ತು ನೋ
ಅತ್ತೃ̄ನ್ ಅನ್ವ್ ಏತಿ ಕಿಲ್ಬಿಷಂ || ೯,೨೪।೬

ಇಮಂ ಪಚಾಮ್ಯ್ ಓದನಂ
ಪವಿತ್ರಂ ಪವನಾಯ ಕಂ |
ಸ ಮಾ ಮುಂಚತು ದುಷ್ಕೃತಾದ್
ವಿಶ್ವಸ್ಮಾಚ್ ಚೈನಸಸ್ ಪರಿ || ೯,೨೪।೭
(೨೪)

ಸಹಸ್ರಾಕ್ಷಂ ಶತಧಾರಂ
ಋಷಿಭಿಃ ಪವನಂ ಕೃತಂ |
ತೇನಾ ಸಹಸ್ರಧಾರೇಣ
ಪವಮಾನಃ ಪುನಾತು ಮಾ || ೯,೨೫।೧

ಯೇನ ಪೂತಂ ಅಂತರಿಕ್ಷಂ
ಯಸ್ಮಿನ್ ವಾಯುರ್ ಅಧಿ ಶ್ರಿತಃ |
(…) || ೯,೨೫।೨

ಯೇನ ಪೂತೇ ದ್ಯಾವಾಪೃಥಿವೀ
ಆಪಃ ಪೂತಾ ಅಥೋ ಸ್ವಃ |
(…) || ೯,೨೫।೩

ಯೇನ ಪೂತೇ ಅಹೋರಾತ್ರೇ
ದಿಶಃ ಪೂತಾ ಉತ ಯೇನ ಪ್ರದೇಶಾಃ |
(…) || ೯,೨೫।೪

ಯೇನ ಪೂತೌ ಸೂರ್ಯಾಚಂದ್ರಮಸೌ
ನಕ್ಷತ್ರಾಣಿ ಭೂತಕೃತಃ ಸಹ ಯೇನ ಪೂತಾಃ |
(…) || ೯,೨೫।೫

ಯೇನ ಪೂತಾ ವೇದಿರ್ ಅಗ್ನಿಃ
ಪರಿಧಯಃ ಸಹ ಯೇನ ಪೂತಾಃ |
(…) || ೯,೨೫।೬

ಯೇನ ಪೂತಂ ಬರ್ಹಿರ್
ಆಜ್ಯಂ ಅಥೋ ಹವಿಃ |
(…) || ೯,೨೫।೭

ಯೇನ ಪೂತೋ ಯಜ್ಞೋ
ವಷಟ್ಕಾರ ಉತಾಹುತಿಃ |
(…) || ೯,೨೫।೮

ಯೇನ ಪೂತೌ ವ್ರೀಹಿಯವೌ
ಯಾಭ್ಯಾಂ ಯಜ್ಞೋ ಅಧಿನಿರ್ಮಿತಃ |
(…) || ೯,೨೫।೯

ಯೇನ ಪೂತಾ ಅಶ್ವಾ ಗಾವೋ
ಅಥೋ ಪೂತಾ ಅಜಾವಯಃ |
(…) || ೯,೨೫।೧೦
(೨೫)

ಯೇನ ಪೂತಾ ಋಚಃ ಸಾಮಾನಿ
ಯಜುರ್ ಬ್ರಹ್ಮಣಾ ಸಹ ಯೇನ ಪೂತಂ |
(…) || ೯,೨೬।೧

ಯೇನ ಪೂತಾ ಅಥರ್ವಾಣ ಆಥರ್ವಣಾ
ಅಂಗಿರಸೋ ದೇವತಾಃ ಸಹ ಯೇನ ಪೂತಾಃ |
(…) || ೯,೨೬।೨

ಯೇನ ಪೂತಾ ಋತವೋ ಯೇನಾರ್ತವಾ
ಯೇಭ್ಯಃ ಸಂವತ್ಸರೋ ಅಧಿನಿರ್ಮಿತಃ |
(…) || ೯,೨೬।೩

ಯೇನ ಪೂತಾ ವನಸ್ಪತಯೋ ವಾನಸ್ಪತ್ಯಾ
ಓಷಧಯೋ ವೀರುಧಃ ಸಹ ಯೇನ ಪೂತಾಃ |
(…) || ೯,೨೬।೪

ಯೇನ ಪೂತಾ ಗಂಧರ್ವಾಪ್ಸರಸಾಃ
ಸರ್ಪಪುಣ್ಯಜನಾಃ ಸಹ ಯೇನ ಪೂತಾಃ |
(…) || ೯,೨೬।೫

ಯೇನ ಪೂತಾ ನದ್ಯಃ ಸಿಂಧವಃ
ಸಮುದ್ರಃ ಸಹ ಯೇನ ಪೂತಃ |
(…) || ೯,೨೬।೬

ಯೇನ ಪೂತಾಃ ಪರ್ವತಾ ಹಿಮವಂತೋ
ವೈಶ್ವಾನರಃ ಪರಿಭೂಃ ಸಹ ಯೇನ ಪೂತಃ |
(…) || ೯,೨೬।೭

ಯೇನ ಪೂತಾ ವಿಶ್ವೇ ದೇವಾಃ
ಪರಮೇಷ್ಠೀ ಪ್ರಜಾಪತಿಃ |
(…) || ೯,೨೬।೮

ಯೇನ ಪೂತ ಸ್ತನಯಿತ್ನುರ್
ಅಪಾಂ ವತ್ಸಃ ಪ್ರಜಾಪತಿಃ |
(…) || ೯,೨೬।೯

ಯೇನ ಪೂತಃ ಪ್ರಜಾಪತಿರ್ ಲೋಕಾನ್
ವಿಶ್ವಂ ಭೂತಂ ಸ್ವರ್ ಆಜಭಾರ |
(…) || ೯,೨೬।೧೦

ಯೇನ ಪೂತಂ ಋತಂ ಸತ್ಯಂ
ತಪೋ ದೀಕ್ಷಾ ಚ ಪೂಯತೇ |
(…) || ೯,೨೬।೧೧

ಯೇನ ಪೂತಂ ಇದಂ ಸರ್ವಂ
ಯದ್ ಭೂತಂ ಯಚ್ ಚ ಭಾವ್ಯಂ |
ತೇನಾ ಸಹಸ್ರಧಾರೇಣ
ಪವಮಾನಃ ಪುನಾತು ಮಾ || ೯,೨೬।೧೨
(೨೬)

ಉಚ್ಚೈರ್ ಘೋಷೋ ದುಂದುಭಿಃ ಸತ್ವನಾಯಂ
ವಾನಸ್ಪತ್ಯಃ ಸಂಭೃತ ಉಸ್ರಿಯಾಭಿಃ |
ವಾಚಂ ಕ್ಷಣುವಾನೋ ದಮಯನ್ ಸಪತ್ನಾನ್
ಸಿಂಹ ಇವ ಜ್ಯೇಷ್ಯನ್ನ್ ಅಭಿ ತಂಸ್ತನೀಭಿಃ || ೯,೨೭।೧

ಸಿಂಹ ಇವಾಸ್ತಾನೀದ್ ದ್ರುವಯೋ ವಿಬದ್ಧೋ
ಽಭಿಕ್ರಂದನ್ನ್ ಋಷಭೋ ವಾಶಿತಾಂ ಇವ |
ವೃಷಾ ತ್ವಂ ವಧ್ರಯಸ್ ತೇ ಸಪತ್ನಾ
ಐಂದ್ರಸ್ ತೇ ಶುಷ್ಮೋ ಅಭಿಮಾತಿಷಾಹಃ || ೯,೨೭।೨

ಸಂಜಯನ್ ಪೃತನಾ ಊರ್ಧ್ವಮಾಯುರ್
ಗೃಹ್ಯಾ ಗೃಹ್ಣಾನೋ ಬಹುಧಾ ವಿ ಚಕ್ಷ್ವ |
ದೈವೀಂ ವಾಚಂ ಆ ಹುರ ಗುರಸ್ವ ವೇಧಾಃ
ಶತ್ರೂಣಾಂ ಉಪ ಭರಸ್ವ ವೇದಃ || ೯,೨೭।೩

ವೃಷೇವ ಯೂಥಂ ಸಹಸೋ ವಿದಾನೋ
ಗವ್ಯನ್ನ್ ಅಭಿ ರುವ ಸಂಧನಾಜಿತ್ |
ಶುಚಾ ವಿಧ್ಯ ಹೃದಯಂ ಪರೇಷಾಂ
ಹಿತ್ವಾ ಗ್ರಾಮಾನ್ ಪ್ರಚ್ಯುತಾ ಯಂತು ಶತ್ರವಃ || ೯,೨೭।೪

ದುಂದುಭೇರ್ ವಾಚಂ ಪ್ರಯತಾಂ ವದಂತೀಂ
ಆಶೃಣ್ವತೀ ನಾಥಿತಾ ಘೋಷಬುದ್ಧಾ |
ನಾರೀ ಪುತ್ರಾನ್ ಧಾವತು ಹಸ್ತಗೃಹ್ಯ-
-ಅಮಿತ್ರೀ ಭೀತಾ ಸಮರೇ ವಧಾನಾ || ೯,೨೭।೫

ಧೀಭಿಃ ಕೃತಃ ಪ್ರ ಭರಸ್ವ ವಾಚಂ
ಉದ್ ಧರ್ಷಯ ಸತ್ವನಾಂ ಆಯುಧಾನಿ |
ಅಮಿತ್ರಸೇನಾಂ ಅಭಿಜಂಜಭಾನೋ
ದ್ಯುಮದ್ ವದ ದುಂದುಭೇ ಸೂನೃತಾವತ್ || ೯,೨೭।೬

ಪೂರ್ವೋ ದುಂದುಭೇ ವಿ ಷಹಸ್ವ ಶತ್ರೂನ್
ಭೂಮ್ಯಾಃ ಪೃಷ್ಠೇ ವದ ಬಹು ರೋಚಮಾನಃ |
ಇಂದ್ರಮೇದೀ ಸತ್ವನಃ ಸಂ ಹ್ವಯಸ್ವ
ಮಿತ್ರೈರ್ ಅಮಿತ್ರಾನ್ ಅವ ಜಂಘನೀಹಿ || ೯,೨೭।೭

ಅಂತರೇಮೇ ನಭಸೀ ಘೋಷೋ ಅಸ್ತು
ಪೃಥಕ್ ತೇ ಧ್ವನಯೋ ಯಂತು ಶೀಭಂ |
ಅಭಿ ಕ್ರಂದ ಸ್ತನಯೋತ್ಪಿಪಾನಾಂ
ಶ್ಲೋಕಕೃನ್ ಮಿತ್ರತೂರ್ಯಾಯ ಸ್ವರ್ಧಿ || ೯,೨೭।೮

ಸಂಕ್ರಂದನಃ ಪ್ರವೇದೋ ಧೃಷ್ಣುಷೇಣಃ
ಪ್ರವೇದಕೃದ್ ಬಹುಧಾ ಗ್ರಾಮಘೋಷೀ |
ಶ್ರೇಯೋ ವನ್ವಾನೋ ವಯುನಾನಿ ವಿದ್ವಾನ್
ಕೀರ್ತಿಂ ಬಹುಭ್ಯೋ ವಿ ಭಜ ದ್ವಿರಾಜೇ || ೯,೨೭।೯

ಶ್ರೇಯಃಕೇತೋ ವಸುಜಿತ್ ಸಹೀಯಾನ್
ಮಿತ್ರಂ ದಧಾನಸ್ ತ್ವಿಷಿತೋ ವಿಪಶ್ಚಿತ್ |
ಅಂಶೂನ್ ಇವ ಗ್ರಾವಾಧಿಷವಣೇ ಅದ್ರಿರ್
ಗವ್ಯಂ ದುಂದುಭೇ ಅಧಿ ನೃತ್ಯ ವೇದಃ || ೯,೨೭।೧೦

ಶತ್ರೂಷಾಣ್ ನೀಷಾಡ್ ಅಭಿಮಾತಿಷಾಹೋ
ಗವೇಷಣಃ ಸಹಮಾನ ಉದ್ಭಿತ್ |
ವಾಗ್ವೀ ಮಂತ್ರಂ ಪ್ರ ಜನಯಸ್ವ ವಾಜಿನ್
ಸಾಂಗ್ರಾಮಜಿತ್ಯಾಯೇಷಂ ಉದ್ ವದೇಹ || ೯,೨೭।೧೧

ಅಚ್ಯುತಚ್ಯುತ್ ಸಮದೋ ಗಮಿಷ್ಠೋ
ಮೃಧೋ ಜೇತಾ ಪೃತನಾಷಾಡ್ ಅಯೋಧ್ಯಃ |
ಇಂದ್ರೇಣ ಕ್ಲ್̥ಪ್ತೋ ವಿದಥಾ ನಿಚಿಕ್ಯದ್
ಧೃದ್ದ್ಯೋತನೋ ದ್ವಿಷತಾಂ ಯಾಹಿ ಶೀಭಂ || ೯,೨೭।೧೨
(೨೭)

ಇಮಾಸ್ ತಪಂತು ತ್ವೌಷಧೀರ್
ಓಷಧೀನಾಂ ಅಯಂ ರಸಃ |
ಅಶ್ವತ್ಥಸ್ ತೇ ಽಯಂ ಹೃದ್ಯ್
ಅಗ್ನಿರ್ ಭೂತೋ ವ್ಯ್ ಓಷತು
ಪ್ರ ಪತಾತೋ ಮಮಾಧ್ಯಾ || ೯,೨೮।೧

ಯಥಾ ಸೂತ್ರಂ ಲಾಕ್ಷಾರಕ್ತಂ
ಆಜ್ಯೇನಾನುಷಿಚ್ಯತೇ |
ಏವಾ ತೇ ಕಾಮಃ ಸರ್ಪತ್ವ್
ಅಂತರ್ ಅಸ್ಥಸು ಮಜ್ಜಸು
ಪ್ರ (…) || ೯,೨೮।೨

ಯಥಾ ಕುಷ್ಠಃ ಪ್ರಯಸ್ಯತಿ
ಯಥಾ ದಹ್ಯತೇ ಅರ್ಚಿಷಾ |
ಏವಾ ತೇ ದಹ್ಯತಾಂ ಮನಃ
ಪ್ರ (…) || ೯,೨೮।೩

ಪುಂಸಃ ಕುಷ್ಠಾತ್ ಪ್ರ ಕ್ಷರತಿ
ಸ್ತೋಕ ಆಧೀಭಿರ್ ಆಭೃತಃ |
ಸ ತೇ ಹೃದಯೇ ವಿ ವರ್ತತಾಂ
ಪ್ರ (…) || ೯,೨೮।೪

ಏಷ ತೇ ಸ್ತೋಕೋ ಹೃದಯಂ
ದಿಗ್ಧೇವೇಷುಃ ಪ್ರ ಪದ್ಯತಾಂ |
ಅಸ್ತ್ರಾಖಣಂ ಯಥೇಷ್ವಾ
ಕಾಮೋ ವಿಧ್ಯತು ತ್ವಾ ಮಮ
ಪ್ರ (…) || ೯,೨೮।೫

ಹರಿತ ಏಧಿ ಶುಷ್ಕಾಕ್ಷಃ
ಸರ್ವದಾ ಹೃದಯಾಮಯಿ |
ಸ್ತ್ರಿಯಸ್ ತೇ ಅನ್ಯಾ ಮಾ ಛಾಂತ್ಸುರ್
ಅಥೋ ತ್ವಾಶಾಭಿ ಶೋಚತು
ಪ್ರ (…) || ೯,೨೮।೬

ಶೋಚೀಮದ್ ಅಸ್ತು ತೇ ಶಯನಂ
ಶೋಚೀಮದ್ ಉಪವೇಶನಂ |
ಶೋಚೀಮದ್ ಅಸ್ತು ತೇ ಮನೋ
ಯಥಾತ್ರ ನ ರಮಾಸಾ
ಅರ್ವಾಚೀ ನ ಮನಾಸ
ಪ್ರ (…) || ೯,೨೮।೭

ನ ರಮಾಸೈ ಸಂಗತೇಷು
ಶಯಾನಂ ತ್ವಾಭಿ ಶೋಚತು |
ಸ್ತೋಕಸ್ ತ್ವೋತ್ತುದ ಉತ್ ತುದಾತ್
ಪ್ರ (…) || ೯,೨೮।೮

ಅಂತರ್ ದಹತಿ ಚರ್ಮಣೋ
ಅಸ್ಥಿಮಾಂಸೇಭಿರ್ ಆಭೃತಂ |
ಸರ್ವಾನ್ ಯಜ್ಞಃ ಪ್ರ ಯಾಶಯಾದ್
ಐಡ ಆಧೀಭಿಸ್ ತವ
ಪ್ರ (…) || ೯,೨೮।೯

ಹೃದಯೇ ಽಧಿ ಸಂ ಇಧ್ಯತಾಂ
ಸ್ವೈರ್ ಮಾಂಸೇಭಿರ್ ಏಷ ತೇ |
ಅಗ್ನಿಃ ಕಾಮಸ್ಯ ಯೋ ಮಹಾನ್
ಸ ಮಹ್ಯಂ ರಂಧಯಾತಿ ತ್ವಾ
ಪ್ರ (…) || ೯,೨೮।೧೦
(೨೮)

ಅಶ್ವತ್ಥಂ ಅಗ್ನಿಂ ಆಜ್ಯಂ
ದೂತಾನ್ ಕೃಣ್ವೇ ಮನೋಜವಾನ್ |
ಅಗ್ನಿಶ್ ಚರುಂ ಇವಾರ್ಚಿಷಾ
ಕಾಮೋ ವಿಧ್ಯತು ತ್ವಾ ಮಮ
ಪ್ರ (…) || ೯,೨೯।೧

ಶಯಾನಂ ಅಗ್ನ ಆಸೀನಂ
ಅಶ್ವತ್ಥಶ್ ಚ ಸವಾಸಿನೌ |
ಚರಂತಂ ಉಪತಿಷ್ಠಂತಂ
ಮಮಾಧಿಭಿರ್ ವಿ ವಿಧ್ಯತಂ
ಪ್ರ (…) || ೯,೨೯।೨

ಚರಂತಂ ತ್ವಾ ತಿಷ್ಠಂತಂ
ಆಸೀನಂ ಅಪಿ ಸಂಸದಿ |
ರೇಷ್ಮಾ ತೃಣಂ ಇವ ಮಥ್ನಾತು
ದಹನ್ ಕಾಮರಥೋ ಮಮ
ಪ್ರ (…) || ೯,೨೯।೩

ಯಥೇಂದ್ರಾಯಾಸುರಾನ್
ಅರಂಧಯದ್ ಬೃಹಸ್ಪತಿಃ |
ಏವಾ ತ್ವಂ ಅಗ್ನೇ ಅಶ್ವತ್ಥಾನ್
ಅಮೂನ್ ಮಹ್ಯಂ ಇಹಾನಯ
ಪ್ರ (…) || ೯,೨೯।೪

ಅಹಂ ತೇ ಮನ ಆ ದದ
ಐಡೇನ ಸಹ ಮೇದಿನಾ |
ದೇವಾ ಮನುಷ್ಯಾ ಗಂಧರ್ವಾಸ್
ತೇ ಮಹ್ಯಂ ರಂಧಯಂತು ತ್ವಾ
ಪ್ರ (…) || ೯,೨೯।೫

ಯಥಾ ಅಶ್ವತ್ಥಸ್ಯ ಪರ್ಣಾನಿ
ನೇಲಯಂತಿ ಕದಾ ಚನ |
ಏವಾಸೌ ಮಮ ಕಾಮೇನ
ಮಾವ ಸ್ವಾಪ್ಸೀತ್ ಕದಾ ಚನ
ಪ್ರ ಪತಾತೋ ಮಮಾಧ್ಯಾ || ೯,೨೯।೬

ಕುಷ್ಠಂ ತಪಂತಿ ಮರುತಃ ಸ್ವಾಧ್ಯಂ
ದೂರ-ಆಜಾನಂ ಸ್ವರಯಂತೋ ಅರ್ಚಿಷಾ |
ಯಥಾ ನ ಸ್ವಪಾತ್ ಕತಮಚ್ ಚನಾಹರ್
ಐವ ಗಚ್ಛಾನ್ ಮಮಾಧ್ಯಾ || ೯,೨೯।೭
(೨೯)

ಅನುವಾಕ ೪ ||
(೯)


ಕಾಂಡ ೧೦

ಹಾ ಅಂಬ ತೇಜನೇ
ಧೇನೋ ಲಂಬನಸ್ತನಿ |
ನ ತದ್ ವಿದೋ ಯದ್ ಇಚ್ಛಸಿ
ಯದ್ ಉ ವಿತ್ತಂ ನ ತದ್ ಘಸಃ || ೧೦,೧।೧

ಪುತ್ರೋ ಯಸ್ ತೇ ಪೃಶ್ನಿಬಾಹುಸ್
ತಂ ಉ ತ್ವಂ ಸಾಮನಂ ಕೃಧಿ |
ಅಥೋ ದುಹಿತರಂ ನಪ್ತ್ರೀಂ
ಅಥೋ ತ್ವಂ ಸಾಮನಾ ಭವ || ೧೦,೧।೨

ಅಸಾಮೇ ಕುರಮೇ
ನೈಗೂರಸ್ಯ ಸ್ವಸಃ |
ಅರಾತೇ ನಿರೃತೇ
ಅಮತೇ ಸ್ನುಹಿತೇ || ೧೦,೧।೩

ಪರೇತ ಕಸ್ತುಪಕಂ ವಃ
ಪುನರ್ ದದಾಮಿ |
ಯೋ ವೋ ನ ವೇದ ತಂ ಹತ
ತಸ್ಯಾತ್ತ ಪರಿಶಿಶ್ನ್ಯಂ || ೧೦,೧।೪

ತಸ್ಯಾತ್ತ ಪುತ್ರಾನ್ ಭ್ರಾತೃ̄ಂಶ್ ಚ
ತಸ್ಯ ಗೋಷ್ಠಂ ವಿತಾವತ |
ಯಶ್ ಚ ಸತೋ ನಾಸ್ತಿವಾಕೀ
ಯಶ್ ಚಾಸಾವ್ ಅಹವಿರ್ಗೃಹಃ |
ದುರ್ಣಾಮ್ನೀಸ್ ತತ್ರ ಗಚ್ಛತ
ತತ್ರ ಸರ್ವಾಃ ಪರೇತನ || ೧೦,೧।೫

ಪರಿ ಧಾಮಾನೀತ್ಯ್ ಏಕಾ || ೧೦,೧।೬

ಅಂತಶ್ಚರಾಂ ಕೋಶೇಚರಾಂ
ಅಥೋ ಗೋಷ್ಠಾವಚಾರಿಣೀಂ |
ಅಥೋ ಯಾಃ ಸ್ವಪ್ನೇ ಪಶ್ಯಾಮಸ್
ತಾ ಇತೋ ನಾಶಯಾಮಸಿ || ೧೦,೧।೭

ಕಣ್ವಾ ಯಾ ಗರ್ದಭೀವ
ನಿಭಸತ್ ಸೂಕರೀವ |
ತಸ್ಯೈ ಪ್ರತಿಪ್ರವರ್ತಯ
ತಪ್ತಂ ಅಶ್ಮಾನಂ ಆಸನಿ || ೧೦,೧।೮

ಯೋ ಮರ್ಯಾ ಅಭಿಗಚ್ಛಾತ್
ಸ್ತ್ರಿಯಂ ಕಸ್ತುಪಸ್ತೋಪಿನೀಂ |
ಕಸ್ತುಪಂ ಅಸ್ಯಾ ಆಚ್ಛಿದ್ಯ-
-ಅಥೈನಾಂ ಚಾತಯಾತೈ
ಪರಮಾಂ ಚಿತ್ ಪರಾವತಂ || ೧೦,೧।೯

ಯಾ ಭದ್ರಾ ಯಾ ಶಿವಾ
ಯೋರ್ಜಾ ಪಯಸಾ ಸಹ |
ಅಗ್ನಿಷ್ ಟಾ ಅಸ್ಮಾಕಂ ಗೃಹೇ
ಗಾರ್ಹಪತ್ಯೋ ನಿ ಯಚ್ಛತು || ೧೦,೧।೧೦

ಇದಂ ವೋ ದೇವಃ ಸವಿತಾ-
-ಇದಂ ದೇವೋ ಬೃಹಸ್ಪತಿಃ |
ಇದಂ ವೋ ವಿಶ್ವೇ ದೇವಾ
ಅವಸಾನಂ ಅಯುಕ್ಷತ || ೧೦,೧।೧೧

ಪರಿ ಪ್ರಾಗಾದ್ ದೇವೋ ಅಗ್ನೀ
ರಕ್ಷೋಹಾಮೀವಚಾತನಃ |
ಸೇಧನ್ ವಿಶ್ವಾ ಅಪ ದ್ವಿಷೋ
ದಹನ್ ರಕ್ಷಾಂಸಿ ವಿಶ್ವಹಾ || ೧೦,೧।೧೨

ಪರೀಮೇ ಗಾಂ ಅನೇಷತ
ಪರ್ಯ್ ಅಗ್ನಿಂ ಅಹೃಷತ |
ದೇವೇಷ್ವ್ ಅಕ್ರತ ಶ್ರವಃ
ಕ ಇಮಾಁ ಆ ದಧರ್ಷತಿ || ೧೦,೧।೧೩
(೧)

ತ್ವಯೀಂದ್ರಿಯಂ ತ್ವಯಿ ವರ್ಚಸ್
ತ್ವಂ ಧರ್ಮಪತಿರ್ ಭವ |
ತ್ವಂ ಉತ್ತರೋ ಭ್ರಾತೃವ್ಯೇಭ್ಯಸ್
ತವ ಲಕ್ಷ್ಮೀಃ ಪಯಸ್ವತೀ || ೧೦,೨।೧

ತವೈತಾಂ ಅಶ್ವಿನಾ ಹವಂ
ತವ ರಾಷ್ಟ್ರಂ ದಿವಿ ಶ್ರಿತಂ |
ತ್ವಂ ಆಯುಷ್ಮಾನ್ ಸಪತ್ನಹಾ-
-ಉತ್ತರೋ ದ್ವಿಷತೋ ಭವ || ೧೦,೨।೨

ತೀಕ್ಷ್ಣಶೃಂಗ ಋಷಭಃ
ಸಮುದ್ರ ಇವಾಕ್ಷಿತೋದಕಃ |
ತ್ವಂ ಸಹಸ್ರವೀರ್ಯಸ್
ತವ ಬಾಹೂ ಗವಾಂ ಪತೀ || ೧೦,೨।೩

ಭ್ರಾತೃವ್ಯಶ್ ಚ ಸಪತ್ನಶ್ ಚ
ಯಸ್ ತ್ವಾಮಿತ್ರೋ ಜಿಘಾಂಸತಿ |
ಶ್ರಿಯಂ ತ್ವಂ ಸರ್ವೇಷಾಂ ತೇಷಾಂ
ಆದಾಯೋಗ್ರೋ ವಿ ಧಾರಯ || ೧೦,೨।೪

ತ್ವಂ ವಶೀ ಸತ್ಯಾಕೂತಃ
ಸತ್ಯಧರ್ಮಾ ಗವೇಷಣಃ |
ನಾಷ್ಟ್ರಾಸ್ ತ್ವಂ ಸರ್ವಾಸ್ ತೀರ್ತ್ವಾ
ಭ್ರಾತೃವ್ಯಾಣಾಂ ಶ್ರಿಯಂ ವೃಹ || ೧೦,೨।೫

ತುಭ್ಯಂ ಸಂ ಯಂತು ಬಲಯಸ್
ತುಭ್ಯಂ ಶುಲ್ಕಃ ಪ್ರ ವೀಯತಾಂ |
ತುಭ್ಯಂ ವಿರಾಟ್ ಪಯೋ ದುಹಾಂ
ತ್ವಾಂ ವಾಂಛಂತು ವಿಶೋ ಮಹೀಃ || ೧೦,೨।೬

ವಾಂಛತು ತ್ವಾ ಬೃಹದ್ ರಾಷ್ಟ್ರಂ
ತ್ವಿಷಿಸ್ ತೇ ಮುಖ ಆಹಿತಾ |
ತ್ವಂ ದೇವಾನಾಂ ಭವ ಪ್ರಿಯಸ್
ತ್ವಯಿ ಗಾವೋ ಅಧಿಶ್ರಿತಾಃ || ೧೦,೨।೭

ತ್ವಯೀಂದ್ರಿಯಂ ತ್ವಯಿ ವರ್ಚಸ್
ತ್ವಯಿ ಯಜ್ಞೋ ಅಧಿಶ್ರಿತಃ |
ತವಾ ಯಂತು ಹವಂ ದೇವಾಸ್
ತ್ವಂ ಪ್ರಿಯೋ ಬೃಹಸ್ಪತೇಃ || ೧೦,೨।೮

ಅಗ್ನೀಷೋಮಾ ಪವಮಾನೌ
ವಿರಾಡ್ ದೇವೀ ಪಯಸ್ವತೀ |
ಅತಂದ್ರಂ ಸರ್ವೇ ರಕ್ಷಂತು
ರಾಷ್ಟ್ರಂ ತೇ ನಪವಾದ್ಯಂ || ೧೦,೨।೯

ಅಗ್ನಿರ್ ಇವ ತೃಣಂ ಪ್ರ ದಹ-
-ಓಘಃ ಕೂಲಂ ಇವಾ ರುಜ |
ಶ್ರಿಯಂ ಭ್ರಾತೃವ್ಯಾಣಾಂ ಆ ದತ್ಸ್ವ-
-ಆಂಡೀಕಂ ಇವಾಧಿ ಪುಷ್ಕರಾತ್ || ೧೦,೨।೧೦
(೨)

ಅಶ್ವ ಇವ ರಥಂ ಆ ದತ್ಸ್ವ
ಸಿಂಹ ಇವ ಪುರುಷಂ ಹರ |
ಹಸ್ತೀವ ನಡ್ವಲಾನ್ ಭಙ್ಧಿ
ಭ್ರಾತೃವ್ಯಾಣಾಂ ಶ್ರಿಯಂ ವೃಹ || ೧೦,೩।೧

ಉತ್ ತೇ ಕೃಣೋತು ಕಶ್ಯಪೋ
ಬ್ರಹ್ಮ ದೇವೈರ್ ಅಭಿಷ್ಟುತಂ |
ಆಪ್ರೀತಂ ಅವಿರಾಧುಕಂ || ೧೦,೩।೨

ಏತಂ ಖದಿರಂ ಆ ಹರ-
-ಅಥೋ ತೇಜನಂ ಆ ಹರ |
ಉತೈತಂ ಪರ್ಣಂ ಆ ಹರ-
-ಆ ಹರಾನಡುಹೋ ಬಲಂ || ೧೦,೩।೩

ಇಧ್ಮಾನ್ ದೇವೈಃ ಸಮಾಭೃತಾಂಸ್
ತಾಂಸ್ ತೇ ಪ್ರಾದಾದ್ ಬೃಹಸ್ಪತಿಃ |
ತಾನ್ ಆ ಧೇಹಿ ಸಮಾಹಿತೇ
ಽಗ್ನೌ ಸೂರ್ಯಾಭಿಚಕ್ಷಣೇ || ೧೦,೩।೪

ತೇಭಿಷ್ ಟ್ವಂ ಉತ್ತರೋ ಭವ
ಭ್ರಾತೃವ್ಯಾಣಾಂ ಶ್ರಿಯಂ ವೃಹ |
ಅಥೋ ಏಷಾಂ ಪಯೋ ಹರ || ೧೦,೩।೫

ಆದಿತ್ಯಾ ರುದ್ರಾ ವಸವ
ಋಷಯೋ ಭೂತಕೃತಶ್ ಚ ಯೇ |
ಶ್ರಿಯಂ ಚ ಕ್ಷತ್ರಂ ಓಜಶ್ ಚ
ತುಭ್ಯಂ ದೇವಾ ಅಸಾವಿಷುಃ || ೧೦,೩।೬

ವಸುರ್ ಅಸೀಂದ್ರನಾಮಾ-
-ಆಯುಷ್ಮಾಞ್ ಛತಶಾರದಃ |
ಸ ಇಂದ್ರ ಇವ ದೇವೇಷು
ತ್ವಿಷೀಮಾನ್ ವಿಶ ಆ ವದ || ೧೦,೩।೭
(೩)

ಇದಂ ರಾಷ್ಟ್ರಂ ಪ್ರಥತಾಂ ಗೋಭಿರ್ ಅಶ್ವೈರ್
ಇದಂ ರಾಷ್ಟ್ರಂ ಅನ್ನೇನೇರಯಾ ರಸೇನ |
ಅಸ್ಮೈ ಷಡ್ ಉರ್ವೀರ್ ಉಪ ಸಂ ನಮಂತು
ಸಪ್ತಹೋತ್ರಾ ಹತ ಶತ್ರೂನ್ ಸಚಿತ್ತಾಃ || ೧೦,೪।೧

ಇಮೇ ರಾಜಾನ ಇಷುಭಿರ್ ಘ್ನಂತು ಶತ್ರೂನ್
ಇಮೇ ರಾಜಾನಃ ಸಮಿತ್ಯಾನ್ಯಾನ್ ವಧೇಯುಃ |
ಇಮೇ ರಾಜಾನಃ ಪೃತನಾಃ ಸಹಂತಾಂ
ಅಹಂ ಬ್ರಹ್ಮಾ ವಿ ಮೃಧೋ ಹನ್ಮಿ ಸರ್ವಾಃ || ೧೦,೪।೨

ಇದಂ ರಾಷ್ಟ್ರಂ ಕ್ರತುಮದ್ ವೀರವಜ್ ಜಿಷ್ಣೂಗ್ರಂ
ಇದಂ ರಾಷ್ಟ್ರಂ ಗರ್ದ್ನುಮಚ್ ಚಿತ್ರಘೋಷಂ |
ಅಸ್ಮೈ ರಾಷ್ಟ್ರಾಯ ಬಲಿಂ ಅನ್ಯೇ ಹರಂತ್ವ್
ಅಹಂ ದೇವೇಭ್ಯೋ ಹವಿಷಾ ವಿಧೇಯಂ || ೧೦,೪।೩

ಯದಿ ಯುದ್ಧಂ ಯದ್ಯ್ ಋತಿತಂ ವೋ ಅಸ್ತಿ
ದೇವೈನಸಾದ್ ಯದಿ ವಾ ಪಿತ್ರ್ಯೇಣ |
ಯೇನರ್ತ್ತೀಯಾ ಧೇನವೋ ಅಸ್ತು ತಸ್ಮಾ
ಅಹಂ ದೇವೇಭ್ಯೋ ಹವಿಷಾ ಜುಹೋಮಿ || ೧೦,೪।೪

ಯದ್ ವಃ ಕ್ರೂರಂ ಮನಸೋ ಯಚ್ ಚ ವಾಚೋ
ದೇವೈನಸಾದ್ ಯದಿ ವಾ ಪಿತ್ರ್ಯೇಣ |
ಆಪ ಇವ ದುಃಷ್ವಪ್ನ್ಯಂ ಅಪ ತತ್ ಸ್ವಪಧ್ವಂ
ಅಥಾನಂದಿನಃ ಸುಮನಸಃ ಸಂ ಏತ || ೧೦,೪।೫

ಅಪಾಂ ಇವ ವೇಗಃ ಪ್ರ ಶೃಣೀತ ಶತ್ರೂನ್
ದಿಶೋದಿಶೋ ರಭಮಾಣಃ ಸಂ ಏತ |
ಏಕವ್ರತಾ ವಿ ಧನಂ ಭಜಧ್ವಂ
ಪುರೋಹಿತೇನ ವೋ ರಾಷ್ಟ್ರಂ ಪ್ರಥಯಂತು ದೇವಾಃ || ೧೦,೪।೬

ಸಮ್ಯಗ್ ವೋ ರಾಷ್ಟ್ರಂ ಸಹ ವೋ ಮನಾಂಸಿ
ಸಮೀಚೀನಾಃ ಪಶವೋ ವಿಶ್ವರೂಪಾಃ |
ಸಮೀಚೀನಾನಾಂ ವೋ ಅಹಂ ಅಸ್ಮಿ ಬ್ರಹ್ಮಾ
ಸಮ್ಯಂಚೋ ದೇವಾ ಹವಂ ಆ ಯಂತು ಮ ಇಮಂ || ೧೦,೪।೭

ಯಥಾಪಃ ಸಮುದ್ರಾಯ
ಸಮೀಚೀರ್ ವಹಥ ಶ್ರಿಯಂ |
ಏವಾ ರಾಷ್ಟ್ರಾಯ ಮೇ ದೇವಾಃ
ಸಮ್ಯಂಚೋ ವಹತ ಶ್ರಿಯಂ || ೧೦,೪।೮

ಸಂಸೃಷ್ಟಂ ವೋ ರಾಷ್ಟ್ರಂ ಪಶುಭಿರ್ ಗೋಭಿರ್ ಅಶ್ವೈಃ
ಸಂಸೃಷ್ಟಂ ಅನ್ನೇನೇರಯಾ ರಸೇನ |
ಮಯಾ ಬ್ರಹ್ಮಣಾ ಪ್ರಥಮಾನಾಶ್ವೋ
ವಸೀಯಾಂಸಃ ಸದಂ ಉಗ್ರಾ ಭವಾಥ || ೧೦,೪।೯

ಬಹುರ್ ಯುವಾ ಪ್ರಮೃಣೋ ಧೃಷ್ಣುರ್ ಅಸ್ತು
ಬಹುಃ ಕುಮಾರಃ ಪ್ರತಿರೂಪಃ ಪಿತೃ̄ಣಾಂ |
ಸತ್ಯಂ ವದಂತಃ ಸಮಿತಿಂ ಚರಂತೋ
ಮಿತ್ರಂ ಗೃಹ್ಣಾನಾ ಜರಸೋ ಯಂತು ಸಖ್ಯಂ || ೧೦,೪।೧೦

ಇಹ ಕ್ಷತ್ರಂ ದ್ಯುಮ್ನಂ ಉತ ರಾಷ್ಟ್ರಂ ಸಮೈತ್ವ್
ಇಹೇಂದ್ರಿಯಂ ಪಶುಭಿಃ ಸಂವಿದಾನಂ |
ಅವಧುನ್ವಾನಾ ಅಪ್ರಿಯಾನ್ ಯಾಂಶ್ ಚ ದ್ವಿಷ್ಮ
ಇದಂ ರಾಷ್ಟ್ರಂ ಪ್ರಥತಾಂ ಸರ್ವದೈವ || ೧೦,೪।೧೧

ಇದಂ ರಾಷ್ಟ್ರಂ ಇಷುಮದ್ ವೀರವಜ್ ಜಿಷ್ಣೂಗ್ರಂ
ಇದಂ ರಾಷ್ಟ್ರಂ ಪಶುಮದ್ ಬ್ರಹ್ಮವೃದ್ಧಂ |
ಇದಂ ರಾಷ್ಟ್ರಂ ಹತಶತ್ರು ಜಿಷ್ಣು || ೧೦,೪।೧೨

ಸಪತ್ನಸಾಹಂ ಪ್ರಮೃಣಂ
ಇದಂ ರಾಷ್ಟ್ರಂ ದೃಢಂ ಉಗ್ರಂ |
ಸಾಢಾಮಿತ್ರಂ ಅಭಿಮಾತಿಷಾಹಂ
ಸರ್ವಾ ಜಿಗಾಯ ಪೃತನಾ ಅಭಿಷ್ಟಿ || ೧೦,೪।೧೩
(೪)

ಔದುಂಬರೇಣ ಮಣಿನಾ
ಪುಷ್ಟಿಕಾಮಾಯ ವೇಧಸಾ |
ಪಶೂನಾಂ ಸರ್ವೇಷಾಂ ಸ್ಫಾತಿಂ
ಗೋಷ್ಠೇ ಮೇ ಸವಿತಾ ಕರತ್ || ೧೦,೫।೧

ಯೋ ನೋ ಅಗ್ನಿರ್ ಗಾರ್ಹಪತ್ಯಃ
ಪಶೂನಾಂ ಅಧಿಪಾ ಅಸತ್ |
ಔದುಂಬರೋ ವೃಷಾ ಮಣಿಃ
ಸಂ ಮಾ ಸೃಜತು ಪುಷ್ಟ್ಯಾ || ೧೦,೫।೨

ಕರೀಷಿಣೀಂ ಫಲವತೀಂ
ಸ್ವಧಾಂ ಇರಾಂ ಚ ನೋ ಗೃಹೇ |
ಔದುಂಬರಸ್ಯ ತೇಜಸಾ
ಧಾತಾ ಪುಷ್ಟಿಂ ದಧಾತು ಮೇ || ೧೦,೫।೩

ಯದ್ ದ್ವಿಪಾಚ್ ಚ ಚತುಷ್ಪಾಚ್ ಚ
ಯಾನ್ಯ್ ಅನ್ನಾನಿ ಯೇ ರಸಾಃ |
ಗೃಹ್ಣೇ ಽಹಂ ತೇಷಾಂ ಭೂಮಾನಂ
ಬಿಭ್ರದ್ ಔದುಂಬರಂ ಮಣಿಂ || ೧೦,೫।೪

ಪುಷ್ಟಿಂ ಪಶೂನಾಂ ಪರಿ ಜಗ್ರಭಾಹಂ
ಚತುಷ್ಪದಾಂ ದ್ವಿಪದಾಂ ಯಚ್ ಚ ಧಾನ್ಯಂ |
ಪಯಃ ಪಶೂನಾಂ ರಸಂ ಓಷಧೀನಾಂ
ಬೃಹಸ್ಪತಿಃ ಸವಿತಾ ಮೇ ನಿ ಯಚ್ಛಾತ್ || ೧೦,೫।೫

ಅಹಂ ಪಶೂನಾಂ ಅಧಿಪಾ ಅಸಾನಿ
ಮಯಿ ಪುಷ್ಟಂ ಪುಷ್ಟಪತಿರ್ ದಧಾತು |
ಮಹ್ಯಂ ಔದುಂಬರೋ ಮಣಿರ್
ದ್ರವಿಣಾನಿ ನಿ ಯಚ್ಛತು || ೧೦,೫।೬

ಉಪ ಮೌದುಂಬರೋ ಮಣಿಃ
ಪ್ರಜಯಾ ಚ ಧನೇನ ಚ |
ಇಂದ್ರೇಣ ಜಿನ್ವತೋ ಮಣಿರ್
ಆ ಮಾಗನ್ ಸಹ ವರ್ಚಸಾ || ೧೦,೫।೭

ದೇವೋ ಮಣಿಃ ಸಪತ್ನಹಾ
ಧನಸಾ ಧನಸಾತಯೇ |
ಪಶೋರ್ ಅನ್ನಸ್ಯ ಭೂಮಾನಾಂ
ಗವಾಂ ಸ್ಫಾತಿಂ ನಿ ಯಚ್ಛತು || ೧೦,೫।೮

ಯಥಾಗ್ರೇ ತ್ವಂ ವನಸ್ಪತೇ
ಪುಷ್ಟ್ಯಾ ಸಹ ಜಜ್ಞಿಷೇ |
ಏವಾ ಧನಸ್ಯ ಮೇ ಸ್ಫಾತಿಂ
ಆ ದಧಾತು ಸರಸ್ವತೀ || ೧೦,೫।೯

ಆ ಮೇ ಧನಂ ಸರಸ್ವತೀ
ಪಯಸ್ಫಾತಿಂ ಚ ಧಾನ್ಯಂ |
ಸಿನೀವಾಲ್ಯ್ ಉತಾ ವಹಾದ್
ಅಯಂ ಚೌದುಂಬರೋ ಮಣಿಃ || ೧೦,೫।೧೦

ತ್ವಂ ಮಣೀನಾಂ ಅಧಿಪಾ ವೃಷಾಸಿ
ತ್ವಯಿ ಪುಷ್ಟಂ ಪುಷ್ಟಪತಿರ್ ಜಜಾನ |
ತ್ವಯೀಮೇ ವಾಜಾ ದ್ರವಿಣಾನಿ ಸರ್ವಾ-
-ಉದುಂಬರ ಸ ತ್ವಂ ಅಸ್ಮತ್ ಸಹಸ್ವ-
-ಆರಾದ್ ಅರಾತಿಂ ಅಮತಿಂ ಕ್ಷುಧಂ ಚ || ೧೦,೫।೧೧

ಗ್ರಾಮಣೀರ್ ಅಸಿ ಗ್ರಾಮಣೀಥ್ಯಾಯಾ
ಅಭಿಷಿಕ್ತೋ ಅಭಿ ಮಾ ಸಿಂಚ ವರ್ಚಸಾ |
ತೇಜೋ ಽಸಿ ತೇಜೋ ಮಯಿ ಧಾರಯಾಧಿ
ರಯಿರ್ ಅಸಿ ರಯಿಂ ಮಯಿ ಧೇಹಿ || ೧೦,೫।೧೨

ಪುಷ್ಟಿರ್ ಅಸಿ ಪುಷ್ಟ್ಯಾ ಮಾ ಸಂ ಅಙ್ಧಿ
ಗೃಹಮೇಧೀ ಗೃಹಪತಿಂ ಮಾ ಕೃಣು |
ಔದುಂಬರ ಸ ತ್ವಂ ಅಸ್ಮಾಸು ರಯಿಂ
ಸರ್ವವೀರಂ ನಿ ಯಚ್ಛ ರಾಯಸ್ಪೋಷಾಯ
ಪ್ರತಿ ಮುಂಚೇ ಅಹಂ ತ್ವಾಂ || ೧೦,೫।೧೩

ಅಯಂ ಔದುಂಬರೋ ಮಣಿರ್
ವೀರೋ ವೀರಾಯ ಬಧ್ಯತೇ |
ಸ ನಃ ಸನೀಂ ಮಧುಮತೀಂ ಕೃಣೋತು
ರಯಿಂ ಚ ನಃ ಸರ್ವವೀರಂ ನಿ ಯಚ್ಛಾತ್ || ೧೦,೫।೧೪
(೫)

ಅನುವಾಕ ೧ ||

ಭಗಸ್ಯ ರಾಜ್ಞಃ ಸುಮತಿಂ ಗಮೇಮ
ಯಂ ಹವಂತೇ ಬಹುಧಾ ಮಾನುಷಾಸಃ |
ಕರ್ಮ ಕೃಣ್ವಾನೋ ಭಗಂ ಆ ವೃಣೀತೇ
ಸ ನೋ ಜನೇಷು ಸುಭಗಾಂ ಕೃಣೋತು || ೧೦,೬।೧

ಭಗಂ ಪುರಸ್ತಾತ್ ಪ್ರತಿಬುಧ್ಯಮಾನಾಃ
ಪಶ್ಯೇಮ ದೇವೀಂ ಉಷಸಂ ವಿಭಾತೀಂ |
ಪ್ರತೀಚೀ ಶುಭ್ರಾ ದ್ರವಿಣೇನ ಸಾಕಂ
ಭಗಂ ವಹಂತ್ಯ್ ಅದಿತಿರ್ ನ ಐತು || ೧೦,೬।೨

ಭಗೋ ನೋ ಅದ್ಯ ಸ್ವಿತೇ ದಧಾತು
ದೇವಾನಾಂ ಪಂಥಾಂ ಅಭಿ ನೋ ನಯೇಹ |
ಅರ್ವಾಚೀ ಭದ್ರಾ ಸುಮತಿರ್ ನ ಐತ್ವ್
ಅಧಾ ಭಗೇನ ಸಮಿಧೋ ನೋ ಅಸ್ತು || ೧೦,೬।೩

ಭಗೇನ ವಾಚಂ ಇಷಿತಾಂ ವದಾನಿ
ಸರಸ್ವತೀಂ ಮಧುಮತೀಂ ಸುವರ್ಚಾಃ |
ಭಗೇನ ದತ್ತಂ ಉಪ ಮೇದಂ ಆಗನ್
ಯಥಾ ವರ್ಚಸ್ವಾನ್ ಸಮಿತಿಂ ಆವದಾನಿ || ೧೦,೬।೪

ಭಗೋ ಮಾ ಗೋಷ್ವ್ ಅವತು
ಭಗೋ ಮಾವತು ಧಾನ್ಯೇ |
ಅಕ್ಷೇಷು ಸ್ತ್ರೀಷು ಮಾ ಭಗೋ
ಭಗೋ ಮಾವತು ವರ್ಚಸಾ || ೧೦,೬।೫

ಭಗೋ ಮಾ ಸಾಯಂ ಅವತು
ಭಗೋ ಮಾವತು ರಾತ್ರ್ಯಾ |
ಭಗೋ ನಿಪದ್ಯಮಾನೇಷು
ಪ್ರಾತರ್ ಮಾ ಭಗ ಆ ಗಮತ್ || ೧೦,೬।೬

ಭಗೋ ಮಾ ಪ್ರಾತರ್ ಅವತು
ಭಗೋ ಮಧ್ಯಂದಿನಂ ಪರಿ |
ಅಪರಾಹ್ಣೇ ವಯಂ ಭಗಂ
ವಾಸ ಇವ ಪರಿ ದಧ್ಮಹೇ || ೧೦,೬।೭

ಭಗಂ ದೇವೇಭ್ಯಸ್ ಪರಿ
ಭಗಂ ಮನುಷ್ಯೇಭ್ಯಃ |
ದಿವಸ್ ಪೃಥಿವ್ಯಾ ಅಹಂ
ಅಂತರಿಕ್ಷಾದ್ ಭಗಂ ವೃಣೇ |
ಸೋ ಅಗ್ನೇ ರಮತಾ ಮಯಿ
ಸ ಮಾ ಪ್ರಾವತು ವರ್ಚಸಾ || ೧೦,೬।೮

ಭಗಂ ವೃಣಾನಾ ವಧ್ವಂ ವಹಂತಿ
ವನಿಂ ಪ್ರಯಂತೋ ಭಗಂ ಇದ್ ಧವಂತೇ |
ಭಗೇನ ದತ್ತಂ ಉಪ ಮೇದಂ ಆಗನ್
ವಿಶ್ವಂ ಸುಭೂತಂ ದ್ರವಿಣಾನಿ ಭದ್ರಾ || ೧೦,೬।೯

ಭಗೇನ ದೇವಾಃ ಸಮಗನ್ಮಹಿ
ಯ ಇಮಾ ವಿಶ್ವಾ ಭುವನಾಭಿವಸ್ತೇ |
ಪ್ರಯಚ್ಛನ್ನ್ ಏತಿ ಬಹುಧಾ ವಸೂನಿ
ಸ ನೋ ದಧಾತು ಯತಮದ್ ವಸಿಷ್ಠಂ || ೧೦,೬।೧೦

ವಾತೋ ಭಗೋ ವರುಣೋ ವಾಯುರ್ ಅಗ್ನಿಃ
ಕ್ಷೇತ್ರಸ್ಯ ಪತ್ನೀ ಸುಹವಾ ನೋ ಅಸ್ತು |
ಹಿರಣ್ಯಾಕ್ಷೋ ಅತಿಪಶ್ಯೋ ನೃಚಕ್ಷಾಃ
ಸರ್ವೈಃ ಸಾಕಂ ಸಚಮಾನೋ ನ ಏಹಿ || ೧೦,೬।೧೧

ಉದ್ ಏಹಿ ದೇವ ಸೂರ್ಯ
ಸಹ ಸೌಭಾಗ್ಯೇನ |
ಸಹರ್ಷಭಸ್ಯ ವಾಜೇನ
ಸಹಾವತಂಕರಣೇನ || ೧೦,೬।೧೨

ಹಿರಣ್ಯಯೇನೇತ್ಯ್ ಏಕಾ || ೧೦,೬।೧೩
(೬)

ಗೋಭಿಷ್ ಟ್ವಾ ಪಾತ್ವ್ ಋಷಭೋ
ವೃಷಾ ತ್ವಾ ಪಾತು ವಾಜಿಭಿಃ |
ವಾಯುಷ್ ಟ್ವಾ ಬ್ರಹ್ಮಣಾ ಪಾತ್ವ್
ಇಂದ್ರಸ್ ತ್ವಾ ಪಾತ್ವ್ ಇಂದ್ರಿಯೈಃ || ೧೦,೭।೧

ಸೋಮಸ್ ತ್ವಾ ಪಾತ್ವ್ ಓಷಧೀಭಿರ್
ನಕ್ಷತ್ರೈಃ ಪಾತು ಸೂರ್ಯಃ |
ಮಾದ್ಭಿಷ್ ಟ್ವಾ ಚಂದ್ರೋ ವೃತ್ರಹಾ
ವಾತಃ ಪ್ರಾಣೇನ ರಕ್ಷತು || ೧೦,೭।೨

ತಿಸ್ರೋ ದಿವಸ್ ತಿಸ್ರಃ ಪೃಥಿವೀಸ್
ತ್ರೀಣ್ಯ್ ಅಂತರಿಕ್ಷಾಣಿ ಚತುರಃ ಸಮುದ್ರಾನ್ |
ತ್ರಿವೃತಂ ಸ್ತೋಮಂ ತ್ರಿವೃತ ಆಪ ಆಹುಸ್
ತಾಸ್ ತ್ವಾ ರಕ್ಷಂತು ತ್ರಿವೃತಾ ತ್ರಿವೃದ್ಭಿಃ || ೧೦,೭।೩

ತ್ರೀನ್ ನಾಕಾಂಸ್ ತ್ರೀನ್ ಸಮುದ್ರಾಂಸ್ ತ್ರೀನ್ ಬ್ರಧ್ನಾಂಸ್ ತ್ರೀನ್ ವೈಷ್ಟಪಾನ್ |
ತ್ರೀನ್ ಮಾತರಿಶ್ವನಸ್ ತ್ರೀನ್ ಸೂರ್ಯಾನ್ ಗೋಪ್ತೃ̄ನ್ ಕಲ್ಪಯಾಮಿ ತೇ || ೧೦,೭।೪

ಘೃತೇನ ತ್ವಾ ಸಂ ಉಕ್ಷಾಮ್ಯ್
ಅಗ್ನ ಆಜ್ಯೇನ ವರ್ಧಯನ್ |
ಅಗ್ನೇಶ್ ಚಂದ್ರಸ್ಯ ಸೂರ್ಯಸ್ಯ
ಮಾ ಪ್ರಾಣಂ ಮಾಯಿನೋ ದಭನ್ || ೧೦,೭।೫

ಮಾ ವಃ ಪ್ರಾಣಂ ಮಾ ವೋ ಽಪಾನಂ
ಮಾ ಹರೋ ಮಾಯಿನೋ ದಭನ್ |
ಭ್ರಾಜಂತೋ ವಿಶ್ವವೇದಸೋ
ದೇವಾ ದೈವ್ಯೇನ ಮಾವತ || ೧೦,೭।೬

ಪ್ರಾಣೇನಾಗ್ನಿಂ ಸಂ ದಧತಿ
ವಾತಃ ಪ್ರಾಣೇನ ಸಂಹಿತಃ |
ಪ್ರಾಣೇನ ವಿಶ್ವತೋಮುಖಂ
ಸೂರ್ಯಂ ದೇವಾ ಅಜನಯನ್ || ೧೦,೭।೭

ಆಯುಷಾಯುಷ್ಕೃತಾಂ ಜೀವ-
-ಆಯುಷ್ಮಾಂ ಜೀವ ಮಾ ಮೃಥಾಃ |
ಪ್ರಾಣೇನಾತ್ಮನ್ವತಾಂ ಜೀವ
ಮಾ ಮೃತ್ಯೋರ್ ಉಪ ಗಾ ವಶಂ || ೧೦,೭।೮

ದೇವಾನಾಂ ನಿಹಿತಂ ನಿಧಿಂ
ಯಂ ಇಂದ್ರಾನ್ವವಿಂದನ್ ಪಥಿಭಿರ್ ದೇವಯಾನೈಃ |
ಆಪೋ ಹಿರಣ್ಯಂ ಜುಗುಪುಸ್ ತ್ರಿವೃದ್ಭಿಸ್
ತಾಸ್ ತ್ವಾ ರಕ್ಷಂತು ತ್ರಿವೃತಾ ತ್ರಿವೃದ್ಭಿಃ || ೧೦,೭।೯

ತ್ರಯಸ್ತ್ರಿಂಶದ್ ದೇವತಾಸ್ ತ್ರೀಣಿ ಚ ವೀರ್ಯಾಣಿ
ಪ್ರಿಯಾಯಮಾಣಾ ಜುಗುಪುರ್ ಅಪ್ಸ್ವ್ ಅಂತಃ |
ಅಸ್ಮಿಂಶ್ ಚಂದ್ರೇ ಅಧಿ ಯದ್ ಧಿರಣ್ಯಂ
ತೇನಾಯಂ ಕೃಣವದ್ ವೀರ್ಯಾಣಿ || ೧೦,೭।೧೦
(೭)

ಯೇ ದೇವಾ ದಿವ್ಯ್ ಏಕಾದಶ ಸ್ಥ
ತೇ ದೇವಾಸೋ ಹವಿರ್ ಇದಂ ಜುಷಧ್ವಂ || ೧೦,೮।೧

ಯೇ ದೇವಾ ಅಂತರಿಕ್ಷ ಏಕಾದಶ ಸ್ಥ
(…) || ೧೦,೮।೨

ಯೇ ದೇವಾಃ ಪೃಥಿವ್ಯಾಂ ಏಕಾದಶ ಸ್ಥ
ತೇ ದೇವಾಸೋ ಹವಿರ್ ಇದಂ ಜುಷಧ್ವಂ || ೧೦,೮।೩

ಅಸಪತ್ನಂ ಪುರಸ್ತಾತ್
ಪಶ್ಚಾನ್ ನೋ ಽಭಯಂ ಕೃತಂ |
ಸವಿತಾ ಮಾ ದಕ್ಷಿಣತ
ಉತ್ತರಾನ್ ಮಾ ಶಚೀಪತಿಃ || ೧೦,೮।೪

ದಿವೋ ಮಾದಿತ್ಯಾ ರಕ್ಷಂತು
ಭೂಮ್ಯಾ ರಕ್ಷಂತ್ವ್ ಅಗ್ನಯಃ |
ಇಂದ್ರಾಗ್ನೀ ರಕ್ಷತಾಂ ಮಾ ಪುರಸ್ತಾದ್
ಅಶ್ವಿನಾವ್ ಅಭಿತಃ ಶರ್ಮ ಯಚ್ಛತಾಂ |
ತಿರಶ್ಚೀನ್ ಅಘ್ನ್ಯಾ ರಕ್ಷತು ಜಾತವೇದಾ
ಭೂತಕೃತೋ ಮೇ ಸರ್ವತಃ ಸಂತು ವರ್ಮ || ೧೦,೮।೫
(೮)

ಯೇ ಽಪ್ಸ್ವ್ ಅಂತರ್ ಅಗ್ನಯಃ ಪ್ರವಿಷ್ಟಾ
ಮ್ರೋಕೋ ಮನೋಹಾ ಖನೋ ನಿರ್ದಾಹ
ಆತ್ಮದೂಷಿಸ್ ತನದೂಷಿಃ |
ಇದಂ ತಾನ್ ಅತಿ ಸೃಜಾಮಿ
ನಿರ್ ಏನೋ ನಿರ್ ಅನೃತಂ ಸೃಜಾಮಿ || ೧೦,೯।೧

ಅಭೂತ್ಯಾ ಸತ್ವಾಯ
ನಿರ್ ದುಷ್ವಪ್ನ್ಯಂ ಸೃಜಾಮಿ |
ವಸಿಷ್ಠಾರುಂಧತೀ ಮಾ ಪಾತಾಂ
ಪ್ರಜಾಪತೇಃ ಪ್ರಸ್ತರೋ ಬೃಹಸ್ಪತೇಃ ಕೇಶಾಃ || ೧೦,೯।೨

ಅದಬ್ಧಂ ಚಕ್ಷುಃ ಸುಶ್ರುತೌ ಕರ್ಣಾವ್ ಅಕ್ಷಿತೌ ಮೇ ಪ್ರಾಣಾಪಾನೌ |
ಹೃದಯಾ ಜರಸಂ ಮಾ ಮಾ ಹಾಸೀರ್ ಮಧ್ಯ ಮಾ ರಿಷಂ || ೧೦,೯।೩

ಆಪೋ ಮಾ ಶುಂಧಂತು ದುಷ್ಕೃತಾದ್
ದುರಿತಾ ಯಾನಿ ಚಕೃಮ |
ಅಯಾಮ ಶುದ್ಧಾ ಉದಿತಸ್ ತನೂಭಿಃ || ೧೦,೯।೪

ವೈಶ್ವಾನರೋ ರಶ್ಮಿಭಿರ್ ನಃ ಪುನಾತು
ವಾತಃ ಪ್ರಾಣೇನೇಷಿರೋ ನಮೋಭಿಃ |
ದ್ಯಾವಾಪೃಥಿವೀ ಪಯಸಾ ಪಯಸ್ವತೀ
ಋತಾವರೀ ಯಜ್ಞಿಯೇ ಮಾ ಪುನೀತಾಂ || ೧೦,೯।೫

ಪುನಂತು ಮಾಗ್ನಯೋ ಗಾರ್ಹಪತ್ಯಾಃ
ಪುನಂತು ಮಾ ಧೃಷ್ಣ್ಯಾ ದೇವಹೂತಾಃ |
ಪುನಂತು ಮಾ ಶಕ್ವರೀಃ ಸೋಮಪೃಷ್ಠಾಃ
ಪವಮಾನಾಸೋ ಅಜ್ರಿಣಃ || ೧೦,೯।೬

ಯಃ ಪೋತಾ ಸ ಪುನಾತು ಮಾ
ಬೃಹದ್ಭಿರ್ ದೇವ ಸವಿತಃ |
ವರ್ಷಿಷ್ಠೈರ್ ದ್ಯಾಂ ಇವೋಪರಿ || ೧೦,೯।೭

ಬ್ರಹ್ಮಸವೈಃ ಪುನಾತು ಮಾ
ರಾಜಸವೈಃ ಪುನಾತು ಮಾ |
ಶತಂ ಪವಿತ್ರಾ ವಿತತಾ ತಿರಶ್ಚಾ
ತೇಭಿರ್ ಮಾ ದೇವಃ ಸವಿತಾ ಪುನಾತು || ೧೦,೯।೮

ಶತಂ ಚ ಮಾ ಪವಿತಾರಃ ಪುನಂತು
ಸಹಸ್ರಂ ಚ ಪ್ರಸ್ರವಣೇಷ್ವ್ ಆಪಃ |
ಆಪ ಇವ ಪೂತೋ ಽಸ್ಮ್ಯ್ ಅಗ್ನಿರ್ ಇವ ಸುವರ್ಚಾಃ
ಸೂರ್ಯ ಇವ ಸುಚಕ್ಷಾಃ || ೧೦,೯।೯

ಉರೂಣಸಾವ್ ಅಸುತೃಪಾ ಉದುಂಬಲೌ
ಯಮಸ್ಯ ದೂತೌ ಚರತೋ ಜನಾಁ ಅನು |
ತಾವ್ ಅಸ್ಮಭ್ಯಂ ದೃಶಯೇ ಸೂರ್ಯಾಯ
ಪುನರ್ ದಾತಾಂ ಅಸುಂ ಅದ್ಯೇಹ ಭದ್ರಂ || ೧೦,೯।೧೦
(೯)

ಅಗನ್ಮ ದೇವಾಃ ಸ್ವಃ ಸ್ವರ್ ಅಗನ್ಮ-
-ಅಗನ್ಮ ಜ್ಯೋತಿರ್ ಜ್ಯೋತಿರ್ ಅಗನ್ಮ |
ಮಹೇಂದ್ರೋ ಽಸಿ ಪರಮೇಷ್ಠೀ
ಸುಮಿತ್ರ ವಿಶ್ವತೋಮುಖ
ಮಾ ತೇ ಯುಯೋಮ ಸಂದೃಶಃ || ೧೦,೧೦।೧

ಉದ್ಯನ್ನ್ ಅದ್ಯ ಚಿತ್ರಮಹಃ
ಸಪತ್ನಾನ್ ಮೇ ಽವ ಜಹಿ |
ದಿವೈನಾನ್ ರಶ್ಮಿಭಿರ್ ಜಹಿ
ರಾತ್ರ್ಯೇನಾಂಸ್ ತಮಸಾ ವಧೀಸ್
ತೇ ಯಂತ್ವ್ ಅಧಮಂ ತಮಃ || ೧೦,೧೦।೨

ಸೂರ್ಯಸ್ಯಾವೃತಂ ಅನ್ವಾವರ್ತೇ
ದಕ್ಷಿಣಾಂ ಅನ್ವಾವೃತಂ |
ಅಗ್ನೇಸ್ ತೇಜಸಾ ತೇಜಸ್ವೀ ಭೂಯಾಸಂ
ಇಂದ್ರಸ್ಯೇಂದ್ರಿಯೇಣೇಂದ್ರಿಯಾವಾನ್ ಭೂಯಾಸಂ || ೧೦,೧೦।೩

ಇದಂ ಅಹಂ ಅಗ್ನೇಸ್ ತೇಜಸಾ-
-ಇಂದ್ರಸ್ಯೇಂದ್ರಿಯೇಣ
ಸೋಮಸ್ಯ ದ್ಯುಮ್ನೇನ
ವಿಶ್ವೇಷಾಂ ದೇವಾನಾಂ ಕ್ರತೂನಾಂ |
ಅಮುಷ್ಯಾಮುಷ್ಯಾಯಣಸ್ಯ-
-ಅಮುಷ್ಯಾಃ ಪುತ್ರಸ್ಯ
ವರ್ಚಸ್ ತೇಜ ಇಂದ್ರಿಯಂ
ಪ್ರಾಣಂ ಆಯುರ್ ನಿ ವೇಷ್ಟಯಾಮಿ || ೧೦,೧೦।೪

(…) ಆಯುರ್ ನಿ ಯಚ್ಛೇತ್ || ೧೦,೧೦।೫

ಇದಂ ಅಹಂ ಅಗ್ನೇಸ್ ತೇಜಸಾ-
-ಇಂದ್ರಸ್ಯೇಂದ್ರಿಯೇಣ
ಸೋಮಸ್ಯ ದ್ಯುಮ್ನೇನ
ವಿಶ್ವೇಷಾಂ ದೇವಾನಾಂ ಕ್ರತೂನಾಂ |
ಅಮುಷ್ಯಾಮುಷ್ಯಾಯಣಸ್ಯ-
-ಅಮುಷ್ಯಾಃ ಪುತ್ರಸ್ಯ
ವರ್ಚಸ್ ತೇಜ ಇಂದ್ರಿಯಂ
ಪ್ರಾಣಂ ಆಯುರ್ ಆ ದಾಯ || ೧೦,೧೦।೬

ಅಭೂತ್ಯಾ ಏನಂ ಪಾಶೇ
ಸಿತ್ವಾ ದುಷ್ವಪ್ನ್ಯೇನ
ಸಂಸೃಜ್ಯ ಮೃತ್ಯೋರ್ ವ್ಯಾತ್ತ
ಆಸನ್ನ್ ಅಪಿ ದಧಾಮಿ || ೧೦,೧೦।೭
(೧೦)

ಯೋ ನಃ ಸ್ವೋ ಯೋ ಅರಣೋ
ಭ್ರಾತೃವ್ಯಶ್ ಚ ಜಿಘಾಂಸತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ
ಮರ್ಮ ಸ್ಕಂಧೇಷು ವಿಂದತಾಂ || ೧೦,೧೧।೧

ಯೋ ಮಾ ಶಯಾನಂ ಜಾಗ್ರತಂ
ಯಶ್ ಚ ಸುಪ್ತಂ ಜಿಘಾಂಸತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ
ಬಾಹೂ ಮರ್ಮಣಿ ವೃಶ್ಚತಾಂ || ೧೦,೧೧।೨

ಯೋ ಮಾ ಚರಂತಂ ತಿಷ್ಠಂತಂ
ಆಸೀನಂ ಚ ಜಿಘಾಂಸತಿ |
ಇಂದ್ರಶ್ ಚ ತಸ್ಮಿನ್ನ್ ಅಗ್ನಿಶ್ ಚ
ದುರಿತಂ ಪ್ರತಿ ಮುಂಚತಾಂ || ೧೦,೧೧।೩

ಯೋ ಮಾ ಚಕ್ಷುಷಾ ಮನಸಾ
ಯಶ್ ಚ ವಾಚಾ ಜಿಘಾಂಸತಿ |
ಇಂದ್ರಶ್ ಚ ತಸ್ಮಾ ಅಗ್ನಿಶ್ ಚ-
-ಏನಾಂಸಿ ವಹತಾಂ ಇತಃ || ೧೦,೧೧।೪

ಯಃ ಪಿಶಾಚೋ ಯಾತುಧಾನಃ
ಕ್ರವ್ಯಾದ್ ಯೋ ಮಾ ಜಿಘಾಂಸತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ
ಮೂರ್ಧಾನಂ ಪ್ರತಿ ವಿಧ್ಯತಾಂ || ೧೦,೧೧।೫

ಯೋ ಮಾ ಬ್ರಹ್ಮಣಾ ತಪಸಾ
ಯಶ್ ಚ ಯಜ್ಞೈರ್ ಜಿಘಾಂಸತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ
ಹೃದಯೇ ಽಧಿ ನಿ ವಿಧ್ಯತಾಂ || ೧೦,೧೧।೬

ಯೋ ಮೇ ಬ್ರಹ್ಮ ಯೋ ಮೇ ತಪೋ
ಬಲಂ ಶ್ರೇಷ್ಠಂ ಜಿಘಾಂಸತಿ |
ಇಂದ್ರಶ್ ಚ ತಸ್ಮಾ ಅಗ್ನಿಶ್ ಚ
ಕ್ರುದ್ಧೌ ದಿಗ್ಧಾಭಿರ್ ಅಸ್ಯತಾಂ || ೧೦,೧೧।೭

ಯೋ ಮೇ ಅನ್ನಂ ಯೋ ಮೇ ರಸಂ
ವಾಚಂ ಶ್ರೇಷ್ಠಾಂ ಜಿಘಾಂಸತಿ |
ಇಂದ್ರಶ್ ಚ ತಸ್ಮಾ ಅಗ್ನಿಶ್ ಚ-
-ಆಚ್ಛಂಬಟ್ಕಾರಂ ಅಸ್ಯತಾಂ || ೧೦,೧೧।೮

ಯೋ ಮೇ ತಂತುಂ ಯೋ ಮೇ ಪ್ರಜಾಂ
ಚಕ್ಷುಃ ಶ್ರೋತ್ರಂ ಜಿಘಾಂಸತಿ |
ಇಂದ್ರಶ್ ಚ ತಸ್ಮಾ ಅಗ್ನಿಶ್ ಚ
ಹೇತಿಂ ದೇವೇಷು ವಿಂದತಾಂ || ೧೦,೧೧।೯

ಯೋ ಮೇ ಗೋಭ್ಯ ಇರಸ್ಯತ್ಯ್
ಅಶ್ವೇಭ್ಯಃ ಪುರುಷೇಭ್ಯಃ |
ಇಂದ್ರಶ್ ಚ ತಸ್ಮಾ ಅಗ್ನಿಶ್ ಚ
ಜ್ಯಾನಿಂ ದೇವೇಷು ವಿಂದತಾಂ || ೧೦,೧೧।೧೦
(೧೧)

ಯೋ ಮೇ ಭೂತಿಂ ಅನಾಮಯದ್
ವಿತ್ತಂ ಆಯುರ್ ಜಿಘಾಂಸತಿ |
ಇಂದ್ರಶ್ ಚ ತಸ್ಮಾ ಅಗ್ನಿಶ್ ಚ
ದಿವೋ ಅಶ್ಮಾನಂ ಅಸ್ಯತಾಂ || ೧೦,೧೨।೧

ಯೋ ಮೇ ವೇಶ್ಮ ಯೋ ಮೇ ಸಭಾಂ
ಶ್ರಿಯಂ ಶ್ರೇಷ್ಠಾಂ ಜಿಘಾಂಸತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ
ಕೃತ್ಯಾಂ ವಿ ತನುತಾಂ ಗೃಹೇ || ೧೦,೧೨।೨

ಯೋ ಮೇ ಮೃತ್ಯುಂ ಅಸಮೃದ್ಧಿಂ
ಅಹ್ನಾ ರಾತ್ರ್ಯಾ ಚೇಚ್ಛತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ-
-ಅರ್ಚಿಷಾ ದಹತಾಂ ಸ್ವಂ || ೧೦,೧೨।೩

ಯೋ ಮೇ ಪ್ರಾಣಂ ಯೋ ಮೇ ಽಪಾನಂ
ವ್ಯಾನಂ ಶ್ರೇಷ್ಠಂ ಜಿಘಾಂಸತಿ |
ಇಂದ್ರಶ್ ಚ ತಸ್ಯಾಗ್ನಿಶ್ ಚ
ಪ್ರಾಣಂ ಪ್ರಾಣಹನೌ ಹತಾಂ || ೧೦,೧೨।೪

ಯೋ ಮಾ ದೇವಜನೈಃ ಸರ್ಪೈರ್
ವಿದ್ಯುತಾ ಬ್ರಹ್ಮಣಾಭ್ಯಮಾತ್ |
ಅಗಸ್ತ್ಯೇನ ಮೇದಿನಾ-
-ಇಂದ್ರಶ್ ಚಾಗ್ನಿಶ್ ಚ ತಂ ಹತಾಂ || ೧೦,೧೨।೫

ತಂ ಸತ್ಯೌಜಾಃ ಪ್ರ ದಹತ್ವ್
ಅಗ್ನಿರ್ ವೈಶ್ವಾನರೋ ವೃಷಾ |
ಯೋ ಮಾ ದುರಸ್ಯನ್ನ್ ಈಕ್ಷಾತೈ
ಯಶ್ ಚ ದಿಪ್ಸತಿ ವಿದ್ವಲಃ || ೧೦,೧೨।೬

ಯೋ ಮಾ ದಿಪ್ಸಾದ್ ಅದಿಪ್ಸಂತಂ
ಯಶ್ ಚ ದಿಪ್ಸತಿ ದಿಪ್ಸ ತಂ |
ವೈಶ್ವಾನರಸ್ಯ ದಂಷ್ಟ್ರಯೋರ್
ಅಗ್ನೇರ್ ಅಪಿ ದಧಾಮಿ ತಂ || ೧೦,೧೨।೭

ಅಭಿ ತಂ ದ್ಯಾವಾಪೃಥಿವೀ ಸಂತಪತಾಂ
ತಪ್ತೇ ಘರ್ಮೇ ನ್ಯುಚ್ಯತಾಂ |
ನಿರೃತ್ಯಾ ವಧ್ಯತಾಂ ಪಾಶೇ
ಯೋ ನಃ ಪಾಪಂ ಚಿಕಿತ್ಸತಿ || ೧೦,೧೨।೮

ಪ್ರತ್ಯಗ್ವಧೇನ ಪ್ರಚ್ಯುತಾನ್
ಭ್ರಾತೃವ್ಯಾನ್ ಘೋರಚಕ್ಷಸಃ |
ಇಂದ್ರಾಗ್ನೀ ಏನಾನ್ ವೃಶ್ಚತಾಂ
ಮೈಷಾಂ ಉಚ್ ಛೇಷಿ ಕಶ್ ಚನ || ೧೦,೧೨।೯

ಪ್ರತ್ಯಗ್ವಧ ಪ್ರತ್ಯಗ್ ಜಹಿ
ಭ್ರಾತೃವ್ಯಾನ್ ದ್ವಿಷತೋ ಮಮ |
ಅಪಾನಾನ್ ಪ್ರಾಣಾಂ ಸಂಛಿದ್ಯ
ದ್ವಿಷತಸ್ ಪಾತಯಾಧರಾನ್ || ೧೦,೧೨।೧೦

ಅಗ್ನೇ ಯೇ ಮಾ ಜಿಘಾಂಸಂತ್ಯ್
ಅಗ್ನೇ ಯೇ ಚ ದ್ವಿಷಂತಿ ಮಾ |
ಅಗ್ನೇ ಯೇ ಮೋಪತಪ್ಯಂತೇ
ತೇಷಾಂ ಪ್ರಿಯತಮಂ ಜಹಿ || ೧೦,೧೨।೧೧

ಏತಂ ದ್ವಿಷಂತಂ ಅವಧಿಷಂ
ಅಂಧೇನ ತಮಸಾವೃತಂ |
ಏತಂ ಮೃತ್ಯೋ ಽಭಿ ಪದ್ಯಸ್ವ
ಮಾ ತೇ ಮೋಚಿ ಮಹೋದರಃ || ೧೦,೧೨।೧೨
(೧೨)

ದ್ಯಾವಾಪೃಥಿವೀ ಸಂ ನಹ್ಯೇಥಾಂ
ಮಮ ರಾಷ್ಟ್ರಾಯ ಜಯಂತೀ
ಅಮಿತ್ರೇಭ್ಯೋ ಹೇತಿಂ ಅಸ್ಯಂತೀ || ೧೦,೧೩।೧

ವಾತಾ ಪವಮಾನೌ ಸಂ ನಹ್ಯೇಥಾಂ
ಮಮ ರಾಷ್ಟ್ರಾಯ ಜಯಂತಾವ್
ಅಮಿತ್ರೇಭ್ಯೋ ಹೇತಿಂ ಅಸ್ಯಂತೌ || ೧೦,೧೩।೨

ಇಂದ್ರಾಗ್ನೀ ಸಂ ನಹ್ಯೇಥಾಂ
(…) || ೧೦,೧೩।೩

ಮಿತ್ರಾವರುಣಾ ಸಂ (…)
(…) || ೧೦,೧೩।೪

ಭವಾಶರ್ವಾ ಸಂ (…)
(…) || ೧೦,೧೩।೫

ಅಶ್ವಿನಾ ಸಂ ನಹ್ಯೇಥಾಂ
ಮಮ ರಾಷ್ಟ್ರಾಯ ಜಯಂತಾವ್
ಅಮಿತ್ರೇಭ್ಯೋ ಹೇತಿಂ ಅಸ್ಯಂತೌ || ೧೦,೧೩।೬

ಮರುತಃ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತೋ
ಽಮಿತ್ರೇಭ್ಯೋ ಹೇತಿಂ ಅಸ್ಯಂತಃ || ೧೦,೧೩।೭

ಪಿತರಃ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತೋ
ಽಮಿತ್ರೇಭ್ಯೋ ಹೇತಿಂ ಅಸ್ಯಂತಃ || ೧೦,೧೩।೮

ಸೂರ್ಯಾಚಂದ್ರಮಸೌ ಸಂ ನಹ್ಯೇಥಾಂ
ಮಮ ರಾಷ್ಟ್ರಾಯ ಜಯಂತಾವ್
ಅಮಿತ್ರೇಭ್ಯೋ ಹೇತಿಂ ಅಸ್ಯಂತೌ || ೧೦,೧೩।೯

ಅಹೋರಾತ್ರೇ ಸನ್ ನಹ್ಯೇಥಾಂ
ಮಮ ರಾಷ್ಟ್ರಾಯ ಜಯಂತೀ
ಅಮಿತ್ರೇಭ್ಯೋ ಹೇತಿಂ ಅಸ್ಯಂತೀ || ೧೦,೧೩।೧೦
(೧೩)

ಗಂಧರ್ವಾಪ್ಸರಸಃ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತೋ
ಽಮಿತ್ರೇಭ್ಯೋ ಹೇತಿಂ ಅಸ್ಯಂತಃ || ೧೦,೧೪।೧

ಸರ್ಪಪುಣ್ಯಜನಾಃ ಸಂ (…) || ೧೦,೧೪।೨

ವನಸ್ಪತಯಃ ಸಂ (…) || ೧೦,೧೪।೩

ವಾನಸ್ಪತ್ಯಾಃ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತೋ
ಽಮಿತ್ರೇಭ್ಯೋ ಹೇತಿಂ ಅಸ್ಯಂತಃ || ೧೦,೧೪।೪

ಓಷಧಯಃ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತ್ಯೋ
ಽಮಿತ್ರೇಭ್ಯೋ ಹೇತಿಂ ಅಸ್ಯಂತ್ಯಃ || ೧೦,೧೪।೫

ವೀರುಧಃ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತ್ಯೋ
ಽಮಿತ್ರೇಭ್ಯೋ ಹೇತಿಂ ಅಸ್ಯಂತ್ಯಃ || ೧೦,೧೪।೬

ಬೃಹಸ್ಪತೇ ಸಂ ನಹ್ಯಸ್ವ
ಮಮ ರಾಷ್ಟ್ರಾಯ ಜಯನ್ನ್
ಅಮಿತ್ರೇಭ್ಯೋ ಹೇತಿಂ ಅಸ್ಯನ್ || ೧೦,೧೪।೭

ಪ್ರಜಾಪತೇ ಸಂ (…) || ೧೦,೧೪।೮

ಪರಮೇಷ್ಠಿನ್ ಸಂ ನಹ್ಯಸ್ವ
ಮಮ ರಾಷ್ಟ್ರಾಯ ಜಯನ್ನ್
ಅಮಿತ್ರೇಭ್ಯೋ ಹೇತಿಂ ಅಸ್ಯನ್ || ೧೦,೧೪।೯

ಉದಾರಾ ಉದ್ ಈರ್ಧ್ವಂ
ವಿಶ್ವಾನಿ ಭೂತಾನಿ ಸಂ ನಹ್ಯಧ್ವಂ
ಮಮ ರಾಷ್ಟ್ರಾಯ ಜಯಂತ್ಯ್
ಅಮಿತ್ರೇಭ್ಯೋ ಹೇತಿಂ ಅಸ್ಯಂತಿ || ೧೦,೧೪।೧೦
(೧೪)

ಅಗ್ನೀ ರಕ್ಷಿತಾ
ಸ ಇಮಾಂ ಸೇನಾಂ ರಕ್ಷತು |
ಅನುಷ್ಠಾತರ್ ಅನು ತಿಷ್ಠ
ಸರ್ವೇ ವೀರಾ ಭವಂತು ಮೇ || ೧೦,೧೫।೧

ಇಂದ್ರೋ ರಕ್ಷಿತಾ
(…) || ೧೦,೧೫।೨

ಸೋಮೋ ರಕ್ಷಿತಾ
(…) || ೧೦,೧೫।೩

ವರುಣೋ ರಕ್ಷಿತಾ
(…) || ೧೦,೧೫।೪

ವಾಯೂ ರಕ್ಷಿತಾ
(…) || ೧೦,೧೫।೫

ತ್ವಷ್ಟಾ ರಕ್ಷಿತಾ
(…) || ೧೦,೧೫।೬

ಧಾತಾ ರಕ್ಷಿತಾ
(…) || ೧೦,೧೫।೭

ಸವಿತಾ ರಕ್ಷಿತಾ
(…) || ೧೦,೧೫।೮

ಸೂರ್ಯೋ ರಕ್ಷಿತಾ
(…) || ೧೦,೧೫।೯

ಚಂದ್ರಮಾ ರಕ್ಷಿತಾ
ಸ ಇಮಂ ಸೇನಾಂ ರಕ್ಷತು |
ಅನುಷ್ಠಾತರ್ ಅನು (…) || ೧೦,೧೫।೧೦
(೧೫)

ಅಹಾ ರಕ್ಷಿತೃ
ತದ್ ಇಮಾಂ (…) |
ಅನುಷ್ಠಾತರ್ ಅನು (…) || ೧೦,೧೬।೧

ರಾತ್ರೀ ರಕ್ಷಿತ್ರೀ
ಸೇಮಾಂ (…) |
ಅನುಷ್ಠಾತ್ರ್ಯ್ ಅನು (…) || ೧೦,೧೬।೨

ಇಂದ್ರಾಣೀ ರಕ್ಷಿತ್ರೀ
(…) || ೧೦,೧೬।೩

ವರುಣಾನೀ ರಕ್ಷಿತ್ರೀ ಸೇಮಾಂ
(…) || ೧೦,೧೬।೪

ಸಿನೀವಾಲೀ ರಕ್ಷಿತ್ರೀ
(…) || ೧೦,೧೬।೫

ಸಮುದ್ರೋ ರಕ್ಷಿತಾ
ಸ ಇಮಾಂ (…) |
ಅನುಷ್ಠಾತರ್ ಅನು (…) || ೧೦,೧೬।೬

ಪರ್ಜನ್ಯೋ ರಕ್ಷಿತಾ
(…) || ೧೦,೧೬।೭

ಬೃಹಸ್ಪತೀ ರಕ್ಷಿತಾ
(…) || ೧೦,೧೬।೮

ಪ್ರಜಾಪತೀ ರಕ್ಷಿತಾ
(…) || ೧೦,೧೬।೯

ಪರಮೇಷ್ಠೀ ರಕ್ಷಿತಾ
ಸ ಇಮಾಂ ಸೇನಾಂ ರಕ್ಷತು |
ಅನುಷ್ಠಾತರ್ ಅನು ತಿಷ್ಠ
ಸರ್ವೇ ವೀರಾ ಭವಂತು ಮೇ || ೧೦,೧೬।೧೦

ವಿಶ್ವೇ ದೇವಾ ರಕ್ಷಿತಾರಸ್
ತ ಇಮಾಂ ಸೇನಾಂ ರಕ್ಷಂತು |
ಅನುಷ್ಠಾತಾರೋ ಅನು ತಿಷ್ಠತ
ಸರ್ವೇ ವೀರಾ ಭವಂತು ಮೇ || ೧೦,೧೬।೧೧
(೧೬)

ಅನುವಾಕ ೨ ||
(೧೦)


ಕಾಂಡ ೧೧

ವೃಷಾ ತೇ ಽಹಂ ವೃಷಣ್ಯಂತ್ಯೈ
ಗರ್ಭಂ ದಧಾಮಿ ಯೋನ್ಯಾಂ |
ಯದಿ ದೇವಪರಿಷ್ಠಿತಾ
ಪ್ರಜಾಂ ತೋಕಂ ನ ವಿಂದಸೇ || ೧೧,೧।೧

ಧಾತಾ ತೇ ತಂ ಸಿನೀವಾಲೀ
ವರುಣಾನೀ ಪ್ರ ಯಚ್ಛತು |
ಪುಮಾಂಸಂ ಪುತ್ರಂ ಇಂದ್ರಾಣೀ
ಶತದಾಯಂ ದಧಾತು ತೇ || ೧೧,೧।೨

ಸಂವೃತಸ್ ತೇ ವಕ್ಷಣಾಸು
ಗರ್ಭಃ ಪುಂಸಾ ಪುಮಾನ್ ಕೃತಃ |
ಸರ್ವಾಂಗಸ್ ತನ್ವೋರ್ ಜಾಯತಾಂ
ಅಗ್ನಿರ್ ಇವಾರಣ್ಯೋರ್ ಅಧಿ || ೧೧,೧।೩

ಧತ್ಸ್ವ ವೀರಂ ಕರ್ಮಣ್ಯಂ
ಪ್ರಸ್ವಂ ತ್ವಾವಧ್ರಿಂ ಅವಶಾಂ ಕೃಣೋಮಿ |
ಆತ್ಮನಸ್ ತೇ ಲೋಹಿತಾದ್
ಗರ್ಭಃ ಸಂವರ್ತತಾಂ ವೃಷಾ || ೧೧,೧।೪

ತ್ವಷ್ಟಾ ಪಿಂಶತು ತೇ ಪ್ರಜಾಂ
ಧಾತಾ ತೋಕಂ ದಧಾತು ತೇ |
ರಾಕಾ ಸೀವ್ಯತು ಸೂಚ್ಯಾ
ಭೂತಸ್ಯೇಶಾನಾ ಭುವನಸ್ಯ ದೇವೀ || ೧೧,೧।೫

ಸಿನೀವಾಲೀಂ ಅನುಮತಿಂ
ರಾಕಾಂ ಗುಂಗುಂ ಸರಸ್ವತೀಂ |
ದೇವಾನಾಂ ಪತ್ನೀರ್ ಯಾ ದೇವೀರ್
ಇಂದ್ರಾಣೀಂ ಅವಸೇ ಹುವೇ || ೧೧,೧।೬

ಅಭಿನ್ನಾಂಡಾ ವೃದ್ಧಗರ್ಭಾ-
-ಅರಿಷ್ಟಾ ವೀರಸೂರ್ ಇಯಂ |
ವಿ ಜಾಯತಾಂ ಪ್ರ ಜಾಯತಾಂ
ಬಹ್ವೀ ಭವತು ಪುತ್ರಿಣೀ || ೧೧,೧।೭

ಪರಿ ಸೃಜ ಗರ್ಭಂ ಧೇಹಿ
ಮಾಶಾಃ ಪ್ರ ಚ್ಯೋಷ್ಟ ಲೋಹಿತಂ |
ಅನೂನಃ ಪೂರ್ಣೋ ಜಾಯತಾಂ
ಅಶ್ರಾಮೋರನ್ವೋ ಅಪಿಶಾಚಧೀತಃ || ೧೧,೧।೮

ತ್ವಂ ದಧಾಸಿ ದ್ವಿಪದೇ ಚತುಷ್ಪದೇ
ಗರ್ಭಂ ಪ್ರಜಾಂ ಏಜತೇ ವಿಶ್ವರೂಪಾಂ |
ಕನಿಕ್ರದದ್ ವೃಷಭೋ ವೀಡುಶೇಪಾಃ
ಪ್ರಜಾಪತೇ ತನ್ವಾಂ ಧೇಹಿ ಗರ್ಭಂ || ೧೧,೧।೯

ಅಭಿಕ್ರಂದಂ ಸ್ತನಯಂ ಧೇಹಿ ಗರ್ಭಂ
ವಿದ್ಯೋತಮಾನಃ ಪವಮಾನೋ ವೀರುದ್ಭಿಃ |
ಪರ್ಜನ್ಯೇಮಾಂ ಪೃಥಿವೀ ರೇತಸಾವತ-
-ಅಪಾಂ ರಸೈರ್ ಓಷಧೀನಾಂ ಪಶೂನಾಂ || ೧೧,೧।೧೦

ಆ ತೇ ನಯಾಮಿ ವೃಷಣಂ
ಯಃ ಪ್ರಜಾನಾಂ ಪ್ರಜಾಪತಿಃ |
ಸ ತೇ ದಧಾತ್ವ್ ಋತ್ವಿಯಂ
ಗರ್ಭಂ ಯೋನ್ಯಾಂ ವಿಜಾಂ ಪ್ರಜಾಂ || ೧೧,೧।೧೧

ಯೇ ವೃಷಾಣೋ ಗರ್ಭಕೃತ
ಋತ್ವಿಯಾನಾಂ ಸಮೇನಸಃ |
ತಾಂಸ್ ತೇ ಹ್ವಯಾಮಿ
ತದ್ ಉ ತೇ ಸಂ ಋಧ್ಯತಾಂ || ೧೧,೧।೧೨

ಅಗ್ನೇಷ್ ಟೇ ತ್ವಷ್ಟುರ್ ವರುಣಾದ್
ಇಂದ್ರಾತ್ ಸೋಮಾದ್ ಬೃಹಸ್ಪತೇಃ |
ಪುತ್ರಂ ತೇ ಪುತ್ರಕಾಮಾಯೈ
ದೇವೇಭ್ಯೋ ನಿರ್ ಮಮೇ ಪ್ರಜಾಂ || ೧೧,೧।೧೩

ಅಂಗಾದ್ ಅಂಗಾತ್ ಸಂ ಸ್ರವತು
ತದ್ ಯೋನೌ ಪ್ರತಿ ತಿಷ್ಠತು |
ಪ್ರಜಾ ತೇ ವಕ್ಷಣಾಶಯಾ
ತತ್ ತೇ ಬೀಜಂ ವಿ ರೋಹತು || ೧೧,೧।೧೪
(೧)

ಅತ್ಸಸೋ ಯಮನಂ ಸಸೋ
ಽಭೂತಿರ್ ಯಕ್ಷ್ಮಂ ಅಜೀಜನತ್ |
ಇಮಂ ಸಹಸ್ರಭಾಗ್ ಇಂದ್ರೋ
ವಿಶರಂ ನಾಶಯಾತಿ ತೇ || ೧೧,೨।೧

ಯಃ ಕಾರ್ಯೋ ಯಶ್ ಚ ಕೃತಃ
ಸ್ವಯಂಜಾ ಉತ ಹಾರ್ಯಃ |
ದೇವಾ ಇಂದ್ರಜ್ಯೇಷ್ಠಾ
ವಿಶರಂ ನಾಶಯಂತು ತೇ || ೧೧,೨।೨

ವಿಶರಸ್ಯ ವಿಜೃಂಭಸ್ಯ-
-ಇಷುರ್ ಮಾತಾ ಧನುಷ್ ಪಿತಾ |
ಆದಿತ್ಯಾಃ ಪುತ್ರಾ ಆದಿತ್ಯಾ
ವಿಶರಂ ನಶಯಂತು ತೇ || ೧೧,೨।೩

ಧನ್ವನೋ ಜ್ಯಾಯಾ ಇಷ್ವಾ
ಅಪಸ್ಕಂಭಸ್ಯ ಬಾಹ್ವೋಃ |
ಅಪಾಷ್ಠಾಚ್ ಛೃಂಗಾತ್ ಕುರ್ಮಲಾದ್
ವಿಶರಂ ನಾಶಯಾಮಿ ತೇ || ೧೧,೨।೪

ಅಲವತೀ ರುರುಶೀರ್ಷ್ಣ್ಯ್
ಅಥೋ ಯಸ್ಯಾಯೋ ಮುಖಂ |
ದೇವ್ಯೈ ಪರ್ಜನ್ಯರೇತಸ
ಇಷವೇ ಕೃಣುತಾ ನಮಃ || ೧೧,೨।೫

ಯಾಂ ಅತ್ರಯೋ ಅಂಗಿರಸೋ
ಗೋತಮಾ ವೀರುಧಂ ವಿದುಃ |
ತಯಾ ಭರದ್ವಾಜಃ ಕಣ್ವೋ
ವಿಶರಂ ನಾಶಯಾತಿ ತೇ || ೧೧,೨।೬

ಯಸ್ ತ್ವಾ ಸ್ತ್ರೈಣಾದ್ ಅಪಸರೋ
ಯಃ ಪುಂಸೋ ಅಧ್ಯಾರುಹತ್ |
ಆಕ್ಲಾಂತಂ ಸಂಕ್ಲಾಂತಂ ಸ್ನಾವ
ತದ್ ಉ ತೇ ಕಲ್ಪಯಾಮಸಿ || ೧೧,೨।೭

ವಾತ ಇವಾಭ್ರಂ ಚ್ಯಾವಯಾಮಿ
ಯಕ್ಷ್ಮಂ ತೇ ತನ್ವಸ್ ಪರಿ |
ವಾಚಾ ಯಚ್ ಚಕ್ರುಸ್ ತೇ ಗುರು
ತದ್ ಋಚಾ ಲಘು ಕೃಣ್ಮಸಿ |
ತೇನಾಹಂ ಋತೋದ್ಯೇನ
ವಿಶರಂ ನಾಶಯಾಮಿ ತೇ || ೧೧,೨।೮

ಯಥಾ ನ ಸತ್ಯಂ ಪುರುಷಃ
ಸದಾ ವದಿತುಂ ಅರ್ಹತಿ |
ವಿಷ್ಕಂಧಂ ತ್ವದ್ ಅಪಶರಂ
ವಿಶರಂ ಪುಷ್ಟ್ಯಾಮಯಂ |
ಜಂಭಂ ಹನುಗ್ರಾಭಂ ಶಂಖಂ
ತಾನ್ ಅಜೇನಾ ಅಜಾಮಸಿ || ೧೧,೨।೯

ಶುನಂ ಇದ್ ವ ಓಷಧಯೋ
ವಿ ದಧೇ ಭೇಷಜಾಯ ಕಂ |
ಧನಾಯುವಃ ಸನಾಯುವಃ
ಪುರುಷಂ ಪಾರಯಿಷ್ಣವಃ || ೧೧,೨।೧೦

ಆತ್ಮತ್ರಾಣಿ ದೇವಜೂತಾ
ವೀರುಧಾಯುಷ್ಯಾ ಕೃತಾ |
ತಯಾಹಂ ಇಂದ್ರದತ್ತಯಾ
ವಿಶರಂ ನಾಶಯಾಮಿ ತೇ || ೧೧,೨।೧೧

ಅಲಸ್ಯ ವ್ಯಂಜನಸ್ಯ
ವೇಷ್ಟನಸ್ಯೋತ ಪರ್ಣಧೇಃ |
ಗ್ರಂಥೇರ್ ಜ್ಯಾಯಾ ಇಷ್ವಾ
ವಿಶರಂ ನಾಶಯಾಮಿ ತೇ || ೧೧,೨।೧೨

ಸಾಕಂ ವಿಷ್ಕಂಧ ಪ್ರ ಪತ
ಚಾಷೇಣ ಕಿಕಿದೀವ್ಯಾ |
ಸಾಕಂ ವಾತಸ್ಯ ಧ್ರಾಜ್ಯಾ
ಸಹ ನಶ್ಯ ನಿಹಾಕಯಾ || ೧೧,೨।೧೩
(೨)

ಜಂಗಿಡೋ ಽಸಿ ಜಂಗಿಡೋ
ರಕ್ಷಿತಾಸಿ ಜಂಗಿಡಃ |
ದ್ವಿಪಾಚ್ ಚತುಷ್ಪಾದ್ ಅಸ್ಮಾಕಂ
ಸರ್ವಂ ರಕ್ಷತು ಜಂಗಿಡಃ || ೧೧,೩।೧

ಯಾ ಗೃತ್ಸ್ಯಸ್ ತ್ರಿಪಂಚಾಶೀಃ
ಶತಂ ಕೃತ್ಯಾಕೃತಶ್ ಚ ಯೇ |
ಸರ್ವಾನ್ ವಿನಕ್ತತೇಜಸೋ
ಽರಸಾನ್ ಜಂಗಿಡಸ್ ಕರತ್ || ೧೧,೩।೨

ಅರಸಂ ಕೃತ್ರಿಮಂ ನಾಡಂ
ಅರಸಾಃ ಸಪ್ತ ವಿಸ್ರಸಃ |
ಅಪೇತೋ ಜಂಗಿಡಾಮತಿಂ
ಇಷುಂ ಅಸ್ತೇವ ಸಾಧಯ || ೧೧,೩।೩

ಕೃತ್ಯಾದೂಷಣ ಏವಾಯಂ
ಅಥೋ ಅರಾತಿದೂಷಣಃ |
ಅಥೋ ಸಹಸ್ವಾಂ ಜಂಗಿಡಃ
ಪ್ರ ಣ ಆಯೂಂಷಿ ತಾರಿಷತ್ || ೧೧,೩।೪

ಸ ಜಂಗಿಡಸ್ಯ ಮಹಿಮಾ
ಪರಿ ಣಃ ಪಾತು ವಿಶ್ವತಃ |
ವಿಷ್ಕಂಧಂ ಯೇನ ಸಾಸಾಹ
ಸಂಸ್ಕಂಧಂ ಓಜ ಓಜಸಾ || ೧೧,೩।೫

ತೃಷ್ಟ್ವಾ ದೇವಾ ಅಜನಯನ್
ನಿಷ್ಠಿತಂ ಭೂಮ್ಯಾಂ ಅಧಿ |
ತಂ ಉ ತ್ವಾಂಗಿರಾ ಇತಿ
ಬ್ರಹ್ಮಾಣಃ ಪೂರ್ವ್ಯಾ ವಿದುಃ || ೧೧,೩।೬

ನ ತ್ವಾ ಪೂರ್ವಾ ಓಷಧಯೋ
ನ ತ್ವಾ ತರಂತು ಯಾ ನವಾಃ |
ವಿಬಾಧ ಉಗ್ರೋ ಜಂಗಿಡಃ
ಪರಿಪಾಣಃ ಸುಮಂಗಲಃ || ೧೧,೩।೭

ಅಶ್ವೋಪದಾನ್ ಭಗವೋ
ಜಂಗಿಡಾಮಿತವೀರ್ಯ |
ಪುರಾ ತ ಉಗ್ರಾಯ ಸತ
ಉಪೇಂದ್ರೋ ವೀರ್ಯಂ ದದೌ || ೧೧,೩।೮

ಉಗ್ರ ಇತ್ ತೇ ವನಸ್ಪತ
ಇಂದ್ರ ಓಜ್ಮಾನಂ ಆ ದಧೌ |
ಅಮೀವಾಃ ಸರ್ವಾಶ್ ಚಾತಯಞ್
ಜಹಿ ರಕ್ಷಾಂಸ್ಯ್ ಓಷಧೇ || ೧೧,೩।೯

ಅಶರೀಕಂ ವಿಶರೀಕಂ
ಬಲಾಸಂ ಪುಷ್ಟ್ಯಾಮಯಂ |
ತಕ್ಮಾನಂ ವಿಶ್ವಶಾರದಂ
ಅರಸಂ ಜಂಗಿಡಸ್ ಕರತ್ || ೧೧,೩।೧೦
(೩)

ಇಂದ್ರಸ್ಯ ನಾಮ ಗೃಹ್ಣಂತ
ಋಷಯೋ ಜಂಗಿಡಂ ದದುಃ |
ದೇವಾ ಯಂ ಚಕ್ರುರ್ ಭೇಷಜಂ
ಅಗ್ರೇ ವಿಷ್ಕಂಧದೂಷಣಂ || ೧೧,೪।೧

ಸ ನೋ ರಕ್ಷತು ಜಂಗಿಡೋ
ಧನಪಾಲೋ ಧನೇವ |
ದೇವಾ ಯಂ ಚಕ್ರುರ್ ಬ್ರಾಹ್ಮಣಾಃ
ಪರಿಪಾಣಂ ಅರಾತಿಹಂ || ೧೧,೪।೨

ದುರ್ಹಾರ್ದಸಂ ಘೋರಚಕ್ಷುಂ
ಪಾಪಕೃತ್ವಾನಂ ಆಗತಂ |
ತಾಂಸ್ ತ್ವಂ ಸಹಸ್ರಚಕ್ಷೋ
ಪ್ರತೀಬೋಧೇನ ನಾಶಯ
ಪರಿಪಾನೋ ಽಸಿ ಜಂಗಿದಃ || ೧೧,೪।೩

ಪರಿ ಮಾ ದಿವಃ ಪರಿ ಮಾ ಪೃಥಿವ್ಯಾಃ
ಪರ್ಯ್ ಅಂತರಿಕ್ಷಾತ್ ಪರಿ ಮಾ ವೀರುದ್ಭ್ಯಃ |
ಪರಿ ಮಾ ಭೂತಾತ್ ಪರಿ ಮೋತ ಭವ್ಯಾದ್
ದಿಶೋ ದಿಶೋ ಜಂಗಿಡಃ ಪಾತ್ವ್ ಅಸ್ಮಾನ್ || ೧೧,೪।೪

ಯ ಋಷ್ಣವೋ ದೇವಕೃತಾ
ಯ ಉಚೋ ಬಭೃತೇ ನ್ಯಾಃ |
ಸರ್ವಾಂಸ್ ತಾನ್ ವಿಶ್ವಭೇಷಜೋ
ಅರಸಾನ್ ಜಂಗಿಡಸ್ ಕರತ್ || ೧೧,೪।೫
(೪)

ಪ್ರತಿ ಗೃಹಾಣ ಪೃಥಿವೀ ನೀತಂ
ಏತದ್ ಆಜ್ಯಸ್ಯ ಮಥಿತಂ ಶರೀರಂ |
ಇಮಾಂ ಧೇನುಂ ಅಸ್ಯ ದಾತುಸ್
ತ್ವಂ ರಕ್ಷ ಬರ್ಹಿಷ್ಯ್ ಆ ಯಥಾಸತ್ || ೧೧,೫।೧

ಉತ ತ್ವಾಹುರ್ ವರುಣಸ್ಯ ಪತ್ನೀಂ
ಅಥೋ ತ್ವಾಹುರ್ ಅದಿತಿಂ ವಿಶ್ವರೂಪಾಂ |
ಅಧಿ ಜರಾಯುಂ ಆಘಾರೇ ಹವ್ಯವಾಹಂ
ಅಗ್ನಾವ್ ಅಸ್ಯಾ ಮಹಿಮಾನಂ ಜುಹೋಮಿ || ೧೧,೫।೨

ಸ ಸಾಹಸ್ರಂ ತಂತುಂ ಅನ್ವ್ ಆ ತತಾನ
ಸೋ ಅಗ್ನಿಷ್ಟೋಮಾನ್ ದಶತಂ ಸಂ ಆಪ |
ಅಧಿಜರಾಯುಂ ಸವತ್ಸಾಂ ಯೋ ದದಾತಿ
ತಂ ವೈ ದೇವಾಃ ಸ್ವರ್ ಆ ರೋಹಯಂತಿ || ೧೧,೫।೩

ಅಧಿಜರಾಯುಃ ಸ್ವರ್ ಆ ರೋಹಯಂತ್ಯ್
ಅನೇನ ದತ್ತಾ ಸುದುಘಾ ವಯೋಧಾಃ |
ಸಾಸ್ಮೈ ದುಹಾಂ ಶತಧಾರಂ ಅಕ್ಷಿತಂ
ಯಂ ಅಸ್ಯ ಲೋಕೇ ಪರಮೇ ವ್ಯೋಮನ್ || ೧೧,೫।೪

ಪೂರ್ವವತ್ಸೇನ ಸಹ ವತ್ಸಿನೀ ಗೌರ್
ಯೋ ಽಸ್ಯಾ ವತ್ಸೋ ಅಪರೋ ಜರಾಯು ತತ್ |
ತೃತೀಯಂ ಮಾಂಸಂ ಪರಿನಿರ್ಮಿತಂ
ಯತ್ ತಸ್ಮಾದ್ ದೇವಾ ಅಧಿಜರಾಯುಂ ಆಹುಃ || ೧೧,೫।೫

ಆ ಧಾವಯ ಶವಸಾ ವಾವೃಧಾನ-
-ಉತ್ತರಾವ ಶ್ರವ ಆಧೇಹ್ಯ್ ಅಸ್ಮೈ |
ಇಮಂ ಇಂದ್ರ ಮಹತಾಮೇನ ರಕ್ಷ
ಸಂ ಪ್ರಜಯಾ ತನ್ವಾ ಸಂ ಬಲೇನ || ೧೧,೫।೬

ದುರ್ವೇದಾವಸ್ತಾದ್ ಬಹುಧಾ ಪರಸ್ತಾದ್
ವಿಶ್ವೇ ದೇವಾಃ ಪ್ರತಿ ಪಶ್ಯಂತ್ಯ್ ಆಯತೀಂ |
ಯಾ ಭದ್ರಾ ಯಾ ಸರ್ವತಃ ಸಮೀಚೀ
ಸೇದ್ ಆಹುತಿರ್ ಭವತು ಮೇ ತರಾಜ್ಯಾ || ೧೧,೫।೭

ಗೃಷ್ಟಿಂ ಧೇನುಂ ಅಧಿಜರಾಯುಂ ಸ್ವಧಾಂ
ಕೃಣ್ವಾನಃ ಪ್ರ ದದಾತಿ ಬ್ರಹ್ಮಣೇ |
ಸಾಸ್ಮೈ ದುಹಾಂ ಶತಧಾರಂ ಅಕ್ಷಿತಂ
ಅಮುಷ್ಮಿಁಲ್ ಲೋಕೇ ಯುಗ ಉತ್ತರಸ್ಮಿನ್ || ೧೧,೫।೮

ವತ್ಸಂ ಜರಾಯು ಪ್ರತಿಧುಕ್ ಪೀಯೂಷಂ
ಯೋ ನೋ ದದಾತಿ ಸುದುಘಾಮಧೇನುಂ |
ತಸ್ಯ ದೇವಾಃ ಪ್ರ ತಿರಂತ್ವ್ ಆಯುಃ
ಸ ಆ ರೋಹತು ಸುಕೃತಾಂ ಉಲೋಕಂ || ೧೧,೫।೯

ಪರಿವಾಲಾಂ ಅಧಿಜರಾಯುಂ ಯುಧಾ
ಜೀವೋ ಅದದಾಗ್ರ ಏತಾಂ |
ಸ್ಯೋನಾ ನಃ ಶಗ್ಮಾ ಶಿವಾ ವಿಶೇಹ
ಮಾ ನೋ ಹಿಂಸೀರ್ ಹರಸಾ ದೈವ್ಯೇನ || ೧೧,೫।೧೦

ಭದ್ರಕೃತಂ ಸುಕೃತಮಾದು ಶಂಭುವಂ
ಅರಂ ಭುವಂ ಪ್ರತಿ ಗೃಹ್ಣಾಮ್ಯ್ ಆಯತೀಂ |
ಘೃತಶ್ರಿಯಂ ನಭಸೀ ಸಂವಸಾನಾಂ
ದೇವಾನ್ ಮನುಷ್ಯಾಁ ಅಸುರಾನ್ ಉತರ್ಷೀನ್ || ೧೧,೫।೧೧

ಪಂಚ ದೇವಾಃ ಪ್ರ ಪಿಬಂತ ಏತಾಂ
ಇಂದ್ರಸ್ ತ್ವಷ್ಟಾ ವರುಣೋ ಮಿತ್ರೋ ಅಗ್ನಿಃ |
ತೇ ಸರ್ವೇ ಸಂ ಅದುರ್ ಮಹ್ಯಂ ಏತಾಂ
ತಯೇಹ ಜೀವನ್ ಪ್ರ ತಿರಸ್ವಾಯುಃ || ೧೧,೫।೧೨

ಕಶ್ಯಪೋ ಽಯಂ ಜಮದಗ್ನಿರ್ ವಸಿಷ್ಠ
ಋಷಯೋ ನಃ ಸಸನುರ್ ಅಗ್ರ ಏತಾಂ |
ಭರದ್ವಾಜೋ ಗೋತಮೋ ಅತ್ರಿರ್ ನಃ ಸ್ಯೋನಾಂ
ವಿಶ್ವಾಮಿತ್ರೋ ದದುಷಃ ಪ್ರ ತಿರಾತ್ಯ್ ಆಯುಃ || ೧೧,೫।೧೩

ಊರ್ಜಂ ದೇವೇಭ್ಯಃ ಸುಭಗ
ಊರ್ಜಂ ಮನುಷ್ಯೇಭ್ಯಃ |
ಊರ್ಜಂ ಪಿತೃಭ್ಯೋ ಅಘ್ನ್ಯ
ಊರ್ಜಾ ದದತ ಮಾ ವಿಶ || ೧೧,೫।೧೪
(೫)

ಯಾ ಜಾತಾ ಓಷಧಯೋ
ದೇವೇಭ್ಯಸ್ ತ್ರಿಯುಗಂ ಪುರಾ |
ಮನ್ಯೇ ನು ಬಭ್ರೂಣಾಂ ಅಹಂ
ಶತಂ ಧಾಮಾನಿ ಸಪ್ತ ಚ || ೧೧,೬।೧

ಶತಂ ವೋ ಅಂಬ ಧಾಮಾನಿ
ಸಹಸ್ರಂ ಉತ ವೋ ರುಹಃ |
ಅಧಾ ಶತಕೃತ್ವೋ ಯೂಯಂ
ಇಮಂ ಮೇ ಅಗದಂ ಕೃತ || ೧೧,೬।೨

ಪುಷ್ಪವತೀಃ ಪ್ರಸೂಮತೀಃ
ಫಲಿನೀರ್ ಅಫಲಾ ಉತ |
ಅಶ್ವಾ ಇವ ಸ್ಥ ಜಿತ್ವರೀರ್
ವೀರುಧಃ ಪಾರಯಿಷ್ಣವಃ || ೧೧,೬।೩

ಓಷಧೀರ್ ಇತಿ ಮಾತರೋ
ಯದ್ ವೋ ದೇವೀರ್ ಉಪಬ್ರುವೇ |
ರಪಾಂಸಿ ವಿಘ್ನತೀರ್ ಇತ
ರಕ್ಷಶ್ ಚಾತಯಮಾನಾಃ || ೧೧,೬।೪

ನಿಷ್ಕೃತಿರ್ ನಾಮ ವೋ ಮಾತಾ
ನಿಷ್ಕೃತಿರ್ ನಾಮ ವಃ ಪಿತಾ |
ಸರಾಃ ಪತತ್ರಿಣೀ ಸ್ಥ
ಯದ್ ಆಮಯತಿ ನಿಷ್ಕೃತಿಃ || ೧೧,೬।೫

ಅಶ್ವತ್ಥೇ ವೋ ನಿಷದನಂ
ಪರ್ಣೇ ವೋ ವಸತಿಷ್ ಕೃತಾ |
ಗೋಭಾಜ ಇತ್ ಕಿಲಾಸಥ
ಯತ್ ಸನವಥ ಪುರುಷಂ || ೧೧,೬।೬

ಯದ್ ಅಹಂ ವಾಜಯನ್ನ್ ಇಮಾ
ಓಷಧೀರ್ ಹಸ್ತ ಆದಧೇ |
ಆತ್ಮ ಯಕ್ಷ್ಮಸ್ಯ ನಶ್ಯತು
ಪುರಾ ಜೀವಗೃಭೋ ಯಥಾ || ೧೧,೬।೭

ಉಚ್ ಛುಷ್ಮಾ ಓಷಧೀನಾಂ
ಗಾವೋ ಗೋಷ್ಠಾದ್ ಇವೇರತೇ |
ಧನಂ ಸನಿಷ್ಯಂತೀನಾಂ
ಆತ್ಮಾನಂ ತವ ಪೂರುಷಃ || ೧೧,೬।೮

ಯದ್ ಓಷಧಯಃ ಸಮಗ್ಮತ
ರಾಜಾನಃ ಸಮಿತಾವ್ ಇವ |
ವಿಪ್ರಃ ಸ ಉಚ್ಯತೇ ಭಿಷಗ್
ರಕ್ಷೋಹಾಮೀವಚಾತನಃ || ೧೧,೬।೯

ಅಶ್ವಾವತೀಂ ಸೋಮಾವತೀಂ
ಊರ್ಜಯಂತೀಂ ಉದೋಜಸಂ |
ಆವಿತ್ಸಿ ಸರ್ವಾ ಓಷಧೀರ್
ಇತೋ ಮಾ ಪಾರಯಾನ್ ಇತಿ || ೧೧,೬।೧೦
(೬)

ಅತಿ ವಿಶ್ವಾಃ ಪರಿಷ್ಠಾ
ಸ್ತೇನ ಇವ ವ್ರಜಂ ಅಕ್ರಮೀತ್ |
ಓಷಧಯಃ ಪ್ರಚುಚ್ಯವುರ್
ಯತ್ ಕಿಂ ಚ ತನ್ವೋ ರಪಃ || ೧೧,೭।೧

ಯಸ್ಯೌಷಧಯಃ ಪ್ರಸರ್ಪಥ-
-ಅಂಗಂ ಅಂಗಂ ಪರುಷ್ ಪರುಃ |
ತಸ್ಮಾದ್ ಯಕ್ಷ್ಮಂ ವಿ ಬಾಧಧ್ವಂ
ಉಗ್ರೋ ಮಧ್ಯಮಶೀರ್ ಇವ || ೧೧,೭।೨

ಅನ್ಯಾ ವೋ ಅನ್ಯಾಂ ಅವತ್ವ್
ಅನ್ಯಾನ್ಯಸ್ಯಾ ಉಪಾವತ |
ಓಷಧಯಃ ಸಂವಿದಾನಾ
ಇದಂ ಮೇ ಪ್ರಾವತಾ ವಚಃ || ೧೧,೭।೩

ಅವಪತಂತೀರ್ ಅಪದಂ
ದಿವ ಓಷಧಯಸ್ ಪರಿ |
ಯಂ ಜೀವಂ ಅಶ್ನವಾಮಹೈ
ನ ಸ ರಿಷ್ಯಾತಿ ಪೂರುಷಃ || ೧೧,೭।೪

ಯಾ ಓಷಧಯಃ ಸೋಮರಾಜ್ಞೀರ್
ಬಹ್ವೀಃ ಶತವಿಚಕ್ಷಣಾಃ |
ಬೃಹಸ್ಪತಿಪ್ರಸೂತಾಸ್ ತಾ
ನೋ ಮುಂಚಂತ್ವ್ ಅಂಹಸಃ || ೧೧,೭।೫

ಯಾಃ ಫಲಿನೀರ್ ಯಾ ಅಫಲಾ
ಅಕೋಶಾ ಯಾಶ್ ಚ ಕೇಶಿನೀಃ |
ಬೃಹಸ್ಪತಿಪ್ರಸೂತಾಸ್ ತಾ
ನೋ ಮುಂಚಂತ್ವ್ ಅಂಹಸಃ || ೧೧,೭।೬

ಜೀವಲಾಂ ನಘಾರಿಷಾಂ
ಆ ತೇ ಬಧ್ನಾಮ್ಯ್ ಓಷಧಿಂ |
ಯಾ ತ ಆಯುರ್ ಉಪಾಹರಾದ್
ಅಪ ರಕ್ಷಾಂಸಿ ಚಾತಯಾತ್ || ೧೧,೭।೭
(೭)

ಕಾಲೋ ಅಶ್ವೋ ವಹತಿ ಸಪ್ತರಶ್ಮಿಃ
ಸಹಸ್ರಾಕ್ಷೋ ಅಜರೋ ಭೂರಿರೇತಾಃ |
ತಾಂ ಆ ರೋಹಂತಿ ಕವಯೋ ವಿಪಶ್ಚಿತಸ್
ತಸ್ಯ ಚಕ್ರಾ ಭುವನಾನಿ ವಿಶ್ವಾ || ೧೧,೮।೧

ಸಪ್ತ ಚಕ್ರಾನ್ ವಹತಿ ಕಾಲ ಏಷ
ಸಪ್ತಾಸ್ಯ ನಾಭೀರ್ ಅಮೃತಂ ನ್ವ್ ಅಕ್ಷಃ |
ಸ ಇಮಾ ವಿಶ್ವಾ ಭುವನಾನ್ಯ್ ಅಂಜನ್
ಕಾಲಃ ಸ ಈಯತೇ ಪ್ರಥಮೋ ನು ದೇವಃ || ೧೧,೮।೨

ಪೂರ್ಣಃ ಕುಂಭೋ ಅಧಿ ಕಾಲ ಆಹಿತಸ್
ತಂ ವೈ ಪಶ್ಯಾಮೋ ಬಹುಧಾ ನು ಸಂತಂ |
ಸ ಇಮಾ ವಿಶ್ವಾ ಭುವನಾನಿ ಪ್ರತ್ಯಙ್
ಕಾಲಂ ತಂ ಆಹುಃ ಪರಮೇ ವ್ಯೋಮನ್ || ೧೧,೮।೩

ಸ ಏವ ಸನ್ ಭುವನಾನ್ಯ್ ಆಭರತ್
ಸ ಏವ ಸನ್ ಭುವನಾನಿ ಪರ್ಯ್ ಐತ್ |
ಪಿತಾ ಸನ್ನ್ ಅಭವತ್ ಪುತ್ರ ಏಷಾಂ
ತಸ್ಮಾದ್ ವೈ ನಾನ್ಯತ್ ಪರಂ ಅಸ್ತಿ ತೇಜಃ || ೧೧,೮।೪

ಕಾಲೋ ಽಮೂಂ ದಿವಂ ಅಜನಯತ್
ಕಲ ಇಮಾಂ ಪೃಥಿವೀಂ ಉತ |
ಕಾಲೇನ ಭೂತಂ ಭವ್ಯಂ ಚ-
-ಇಷಿತಂ ಹ ವಿ ತಿಷ್ಠತೇ || ೧೧,೮।೫

ಕಾಲೋ ಭೂತಿಂ ಅಸೃಜತ್
ಕಲೇ ತಪತಿ ಸೂರ್ಯಃ |
ಕಾಲೋ ಹ ವಿಶ್ವಾ ಭೂತಾನಿ
ಕಾಲೇ ಚಕ್ಷುರ್ ವಿ ಪಶ್ಯತಿ || ೧೧,೮।೬

ಕಾಲೇ ಮನಃ ಕಾಲೇ ಪ್ರಾಣಃ
ಕಾಲೇ ನಾಮ ಸಮಾಹಿತಂ |
ಕಾಲೇನ ಸರ್ವಾ ನಂದಂತ್ಯ್
ಆಗತೇನ ಪ್ರಜಾ ಇಮಾಃ || ೧೧,೮।೭

ಕಾಲೇ ತಪಃ ಕಾಲೇ ಜ್ಯೇಷ್ಠಂ
ಕಾಲೇ ಬ್ರಹ್ಮ ಸಮಾಹಿತಂ |
ಕಾಲೋ ಹ ಸರ್ವಸ್ಯೇಶ್ವರೋ
ಯಃ ಪಿತಾಸೀತ್ ಪ್ರಜಾಪತೇಃ || ೧೧,೮।೮

ತೇನೇಷಿತಂ ತೇನ ಜಾತಂ
ತದ್ ಉ ತಸ್ಮಿನ್ ಪ್ರತಿಷ್ಠಿತಂ |
ಕಾಲೋ ಹ ಬ್ರಹ್ಮ ಭೂತ್ವಾ
ಬಿಭರ್ತಿ ಪರಮೇಷ್ಠಿನಂ || ೧೧,೮।೯

ಕಾಲಃ ಪ್ರಜಾಂ ಅಸೃಜತ
ಕಾಲೋ ಅಗ್ರೇ ಪ್ರಜಾಪತಿಂ |
ಸ್ವಯಂಭೂಃ ಕಶ್ಯಪಃ ಕಾಲಾತ್
ತಪಃ ಕಾಲಾದ್ ಅಜಾಯತ || ೧೧,೮।೧೦
(೮)

ಕಾಲಾದ್ ಆಪಃ ಸಂ ಅಭವನ್
ಕಾಲಾದ್ ಬ್ರಹ್ಮ ತಪೋ ದಿಶಃ |
ಕಾಲೇನೋದ್ ಏತಿ ಸೂರ್ಯಃ
ಕಾಲೇ ನಿ ವಿಶತೇ ಪುನಃ || ೧೧,೯।೧

ಕಾಲೇನ ವಾತಃ ಪವತೇ
ಕಾಲೇನ ಪೃಥಿವೀ ಮಹೀ
ದ್ಯೌರ್ ಮಹೀ ಕಾಲ ಆಹಿತಾ |
ಕಾಲೋ ಹ ಭೂತಂ ಭವ್ಯಂ ಚ
ಪುತ್ರೋ ಅಜನಯತ್ ಪುರಃ || ೧೧,೯।೨

ಕಾಲಾದ್ ಋಚಃ ಸಂ ಅಭವನ್
ಯಜುಷ್ ಕಾಲಾದ್ ಅಜಾಯತ |
ಕಾಲೋ ಯಜ್ಞಂ ಸಂ ಐರಯದ್
ದೇವೇಭ್ಯೋ ಭಾಗಂ ಅಕ್ಷಿತಂ || ೧೧,೯।೩

ಕಾಲೇ ಗಂಧರ್ವಾಪ್ಸರಸಃ
ಕಾಲೇ ಲೋಕಾಃ ಸಮಾಹಿತಾಃ |
ಕಾಲೇ ಽಯಂ ಅಂಗಿರಾ ದೇವೋ
ಅಥರ್ವಾ ಚಾಧಿ ತಿಷ್ಠತಃ || ೧೧,೯।೪

ಇಮಂ ಚ ಲೋಕಂ ಪರಮಂ ಚ ಲೋಕಂ
ಪುಣ್ಯಾಂಶ್ ಚ ಲೋಕಾನ್ ವಿಧೃತೀಶ್ ಚ ಪುಣ್ಯಾಃ |
ಸರ್ವಾಁಲ್ ಲೋಕಾನ್ ಅಭಿಜಿತ್ಯ ಬ್ರಹ್ಮಣಾ
ಕಾಲಃ ಸ ಈಯತೇ ಪರಮೋ ನು ದೇವಃ || ೧೧,೯।೫
(೯)

ಸಪ್ತೈತಂ ಸಪ್ತ ಋಷಯಃ
ಶಲ್ಯಕರ್ತಾ ದ್ವಾದಶ |
ಆವಿದ್ಧಂ ಶಲ್ಯಂ ಚಾಕ್ರತುರ್
ಇಂದ್ರರಾಶಿಂ ಮಹೋದರಂ || ೧೧,೧೦।೧

ಇಂದ್ರರಾಶಿಂ ಮಿತ್ರಾವರುಣಾವ್
ಆವಿದ್ಧಂ ನಿರ್ ಅಕೃಂತತಂ |
ಪ್ರಸೂತಂ ಇಂದ್ರೇಣೋಗ್ರೇಣ
ಬ್ರಾಹ್ಮಣಾನಾಂ ಅಸತ್ ಪಿತುಃ || ೧೧,೧೦।೨

ನೈನಂ ಅಶ್ನೀಯಾದ್ ಅಬ್ರಾಹ್ಮಣೋ
ನ ಗೃಹಾನ್ ಪ್ರ ಹರೇತ್ ಸ್ವಾನ್ |
ತೃಷ್ಟಂ ವಿಷಂ ಇವ ತೈಮಾತಂ
ಇಂದ್ರರಾಶಿಃ ಖಲೇ ಶಯೇ || ೧೧,೧೦।೩

ಅಯಂ ಶಯೇ ತನ್ವಂ ರಕ್ಷಮಾಣೋ
ಯೋ ಅಶ್ನಾತ್ಯ್ ಅವಿಚಕ್ಷಾಣ ಏತಂ |
ಮಧ್ಯೇ ಖಲಸ್ಯ ನಿರ್ಮಿತ
ಇಂದ್ರರಾಶಿರ್ ಮಹೋದರಃ || ೧೧,೧೦।೪

ಉತೈಷ ಯಕ್ಷ್ಮಂ ಭವತಿ-
-ಇಂದ್ರರಾಶಿರ್ ಮಹೋದರಃ |
ಭೀಮೋ ಅನ್ನಸ್ಯ ಸಂಕಾಶೇ
ಅಶ್ವ ಇವಾತ್ತಿ ಶಿನೀ ನಡಂ || ೧೧,೧೦।೫

ಯ ಇಂದ್ರರಾಶಿಂ ನಿರ್ವಪಾದ್
ವರ್ಧಯಾತ್ ಖಲಮಾನ್ಯಾಃ |
ಸ್ಫಾತಿಂ ಚ ಖಲ್ಯಾಂ ಗೃಹ್ಣಾತು
ಗವಾಂ ಚ ಬಹು ಪುಷ್ಯತು || ೧೧,೧೦।೬

ಯಂ ಉವಾಹ ಶುನಃಶೇಪೋ
ಯಂ ಇಂದ್ರೋ ಬ್ರಹ್ಮಣಸ್ಪತಿಃ |
ತಂ ಚಕ್ರುಃ ಶಿವಂ ಅಸ್ಮಭ್ಯಂ
ಋಷಯೋ ಜೀವನಾಯ ಕಂ || ೧೧,೧೦।೭

ತೃಢಂ ಶಾಕಂ ತಂ ಅಶಯದ್
ದತ್ತಂ ಆಸೀಚ್ ಛ್ವಾಪದಂ |
ಪಂದ್ರಾ ಸ್ಮ ರುಪ್ಯಂತಃ ಶೇರೇ
ಯ ಆದನ್ವಹುತಂ ಹವಿಃ || ೧೧,೧೦।೮

ಅನಡುಹಾಂ ಪೃಶ್ನಿಶಫಾನಾಂ
ವಹತಾಂ ವಹರಾಪಿಣಾಂ |
ಕೀನಾಶಸ್ಯ ಶ್ರಮಾತ್ ಸ್ವೇದಾದ್
ಇಂದ್ರರಾಶಿರ್ ಅಜಾಯತ || ೧೧,೧೦।೯

ಯತ್ ಕಿನಾಶಸ್ಯ ಸ್ವೇದ ಏತಿ
ಸಂತಪ್ತಸ್ ತನ್ವಸ್ ಪರಿ |
ಅಪಾಂ ಗಾವ ಇವ ತೃಷ್ಯಂತೀರ್
ಇಂದ್ರರಾಶಿಂ ಸೋ ಅಶ್ನುತೇ || ೧೧,೧೦।೧೦
(೧೦)

ಯತ್ ಕೀನಾಶಂ ಸೀರಪತಿರ್
ದಂಡೇನ ಹಂತಿ ಮನ್ಯುತಃ |
ಯತ್ ಕಿಂ ಚ ಖಲ್ಯಂ ಸಾದಾನ್ವವಂ
ಇಂದ್ರರಾಶೌ ತದ್ ಆಹಿತಂ || ೧೧,೧೧।೧

ಉಲೂಖಲಮುಸಲಂ ತಾನಿ ಚೋದಯ
ಸೂರ್ಪಂ ನಾರ್ಯ್ ಅಪವಿಚೇ ಕೃಣುಷ್ವ |
ವಾಹಾಯ ಪುತ್ರಾಯ ಗೋತಮ
ಇಂದ್ರರಾಶಿಂ ಮಧುಮಂತಂ ಕೃಣೋತು || ೧೧,೧೧।೨

ಏತತ್ ಸೂರ್ಪಂ ಜರಿತರ್ ಆ ಹರ-
-ಉಲೂಖಲಮುಸಲಂ ಕುಂಭ್ಯ್ ಆ ಗಹಿ |
ಪುತ್ರಾ ನೋ ಅದ್ಯ ಸುದಿನತ್ವೇ ಅಹ್ನಿ
ಪಿತ್ತಂ ಅಶ್ನಂತ ಮಧುಮಂತಂ ಅಂಶುಂ || ೧೧,೧೧।೩

ಅಗ್ನಿರ್ ನೋ ದೂತಃ ಪ್ರಹಿತೋ ಽಯಂ ಆಗನ್
ಸ ನಃ ಸರ್ವಂ ಅನ್ನಂ ಅವಿಷಂ ಕೃಣೋತು |
ನಿರಾವಿದ್ಧಂ ಅಕೃತಂ ಬ್ರಹ್ಮಣೇತೋ
ಽದೋಮಧಂ ಪಿತ್ತಂ ಅತ್ತ ಪ್ರಸೂತಾಃ || ೧೧,೧೧।೪

ಸ್ವಾದೋ ಪಿತೋ ಮಧೋ ಪಿತ
ಉಪ ನಃ ಪಿತವ್ ಆ ಗಹಿ |
ಶಿವಃ ಶಿವಾಭಿರ್ ಊತಿಭಿಃ || ೧೧,೧೧।೫

ಸಿಂಹೋ ಭೂತ್ವಾ ಗಾ ಮೃಣಾತ್ಯ್
ಅಗ್ನಿರ್ ಭೂತ್ವಾ ಧಾನ್ಯಂ |
ಇಂದ್ರರಾಶಿರ್ ಅನಿರ್ಮಿತೋ
ಮಯಾರಂ ಚಾವ ಗಚ್ಛತಿ || ೧೧,೧೧।೬
(೧೧)

ಶತಕಾಂಡೋ ದುಶ್ಚ್ಯವನಃ
ಸಹಸ್ರಪರ್ಣ ಉತ್ತಿರಃ |
ದರ್ಭೋ ಯ ಉಗ್ರ ಓಷಧಿಸ್
ತಂ ತೇ ಬಧ್ನಾಮ್ಯ್ ಆಯುಷೇ || ೧೧,೧೨।೧

ನಾಸ್ಯ ಕೇಶಾನ್ ಪ್ರ ವಪಂತಿ
ನೋರಸಿ ತಾಡಂ ಆ ಘ್ನತೇ |
ಯಸ್ಮಾ ಅಚ್ಛಿನ್ನಪರ್ಣೇನ
ದರ್ಭೇಣ ಶರ್ಮ ಯಚ್ಛತಿ || ೧೧,೧೨।೨

ದಿವಿ ತೇ ತೂಲಂ ಓಷಧೇ
ಪೃಥಿವ್ಯಾಂ ಅಸಿ ನಿಷ್ಠಿತಃ |
ತ್ವಯಾ ಸಹಸ್ರಕಾಂಡೇನ
ಆಯುಷ್ ಪ್ರ ವರ್ಧಯಾಮಹೇ || ೧೧,೧೨।೩

ತಿಸ್ರೋ ದಿವೋ ಅತ್ಯ್ ಅತೃಣಸ್
ತಿಸ್ರ ಇಮಾಃ ಪೃಥಿವೀರ್ ಉತ |
ತಯಾಹಂ ಸರ್ವಾನ್ ದುರ್ಹಾರ್ದೋ
ಜಿಹ್ವಾಂ ನಿ ತೃಣದ್ಮಿ ವಚಾಂಸಿ ಚ || ೧೧,೧೨।೪

ತ್ವಂ ಅಸಿ ಸಹಮಾನೋ
ಅಹಂ ಅಸ್ಮಿ ಸಹಸ್ವಾನ್ |
ಉಭೌ ಸಹಸ್ವಂತೌ ಭೂತ್ವಾ
ಸಪತ್ನಾನ್ ಸಹಿಷೀವಹಿ || ೧೧,೧೨।೫

ಸಹಸ್ವ ನೋ ಅಭಿಮಾತಿಂ
ಸಹಸ್ವ ಪೃತನಾಯತಃ |
ಸಹಸ್ವ ಸರ್ವಾನ್ ದುರ್ಹಾರ್ದಃ
ಸುಹಾರ್ದೋ ಮೇ ಬಹೂನ್ ಕೃಧಿ || ೧೧,೧೨।೬

ದರ್ಭೇಣ ದೇವಜಾತೇನ
ದಿವಿಷ್ಟಂಭೇನ ಶಶ್ವದ್ ಇತ್ |
ತೇನಾಹಂ ಸಸ್ವತೋ ಜನಾಁ
ಅಸನಂ ಸನವಾನಿ ಚ || ೧೧,೧೨।೭

ಪ್ರಿಯಂ ಮಾ ದರ್ಭಂ ಕೃಣು ಬ್ರಹ್ಮರಾಜನ್ಯಾಭ್ಯಾಂ
ಶೂದ್ರಾಯ ಚಾರ್ಯಾಯ ಚ |
ಯಸ್ಮೈ ಚ ಕಾಮಯಾಮಹೇ
ಸರ್ವಸ್ಮೈ ಚ ವಿಪಶ್ಯತೇ || ೧೧,೧೨।೮

ಯೋ ಜಾಯಮಾನಃ ಪೃಥಿವೀಂ ಅದೃಂಹದ್
ಯೋ ಅಸ್ತಭ್ನಾದ್ ಅಂತರಿಕ್ಷಂ ದಿವಂ ಚ |
ಯಂ ಬಿಭ್ರತಂ ನನು ಪಾಪ್ಮಾ ವಿವೇದ
ಸ ನೋ ಽಯಂ ದರ್ಭೋ ಧರುಣೋ ದಿವಾ ಕಃ || ೧೧,೧೨।೯

ಸಪತ್ನಹಾ ಶತಕಾಂಡಃ ಸಹಸ್ವಾನ್
ಓಷಧೀನಾಂ ಪ್ರಥಮಃ ಸಂ ಬಭೂವ |
ಸ ನೋ ಽಯಂ ದರ್ಭಃ ಪರಿ ಪಾತು ವಿಶ್ವತಸ್
ತೇನ ಸಾಕ್ಷೀಯ ಪೃತನಾಃ ಪೃತನ್ಯತಃ || ೧೧,೧೨।೧೦
(೧೨)

ಸಹಸ್ರಾರ್ಘಃ ಶತಕಾಂಡಃ ಪಯಸ್ವಾನ್
ಅಪಾಂ ಅಗ್ನಿರ್ ವೀರುಧಾಂ ರಾಜಸೂಯಂ |
ಸ ನೋ ಽಯಂ ದರ್ಭಃ ಪರಿ ಪಾತು ವಿಶ್ವತೋ
ದೈವೋ ಮಣಿರ್ ಆಯುಷಾ ಸಂ ಸೃಜಾತಿ ನಃ || ೧೧,೧೩।೧

ಘೃತಾದ್ ಉಲ್ಲುಪ್ತೋ ಮಧುಮಾನ್ ಪಯಸ್ವಾನ್
ಭೂಮಿದೃಂಹೋ ಅಚ್ಯುತಶ್ ಚಾವಯಿಷ್ಣುಃ |
ನುದನ್ ಸಪತ್ನಾನ್ ಅಧರಾಂಶ್ ಚ ಕೃಣ್ವನ್
ದರ್ಭಾರೋಹ ಮಹತಾ ಮಹೇಂದ್ರಿಯೇಣ || ೧೧,೧೩।೨

ತ್ವಂ ಭೂಮಿಂ ಅತ್ಯ್ ಏಷ್ಯ್ ಓಜಸಾ
ತ್ವಂ ವೇದ್ಯಾಂ ಸೀದಸಿ ಚಾರುರ್ ಅಧ್ವರೇ |
ತ್ವಾಂ ಪವಿತ್ರಂ ಋಷಯೋ ಽಭರಂತ
ತ್ವಂ ಪುನೀಹಿ ದುರಿತಾನ್ಯ್ ಅಸ್ಮತ್ || ೧೧,೧೩।೩

ತೀಕ್ಷ್ಣೋ ರಾಜಾ ವಿಷಾಸಹೀ
ರಕ್ಷೋಹಾ ವಿಶ್ವಚರ್ಷಣಿಃ |
ತೇಜೋ ದೇವಾನಾಂ ಬಲಂ ಉಗ್ರಂ ಏತತ್
ತಂ ತೇ ಬಧ್ನಾಮಿ ಜರಸೇ ಸ್ವಸ್ತಯೇ || ೧೧,೧೩।೪

ದರ್ಭೇಣ ತ್ವಂ ಕೃಣು ವೀರ್ಯಾಣಿ
ದರ್ಭಂ ಬಿಭ್ರದ್ ಆತ್ಮನಾ ಮಾ ವ್ಯಥಿಷ್ಠಾಃ |
ಅತಿಷ್ಠಾಯೋ ವರ್ಚಸೈಧ್ವನ್ಯಾನ್
ಸೂರ್ಯ ಇವಾ ಭಾಹಿ ಪ್ರದಿಶಶ್ ಚತಸ್ರಃ || ೧೧,೧೩।೫
(೧೩)

ಉದ್ ಈರತಾಂ ಪೃಥಿವೀ ಜೀರದಾನುಃ
ಶೀತ ಏನಾಂ ಅಂತರ್ವಾನ್ ಅನು ವಾತು ವಾತಃ |
ಋತ್ವಿಯಾವತೀ ಪೃಥಿವೀ ಪ್ರತಿ ಗೃಹ್ಣಾತು
ಬೀಜಂ ಸಹಸ್ರವಲ್ಲಿಶಂ ಸುರುಹಾರೋಹಯಂತೀ || ೧೧,೧೪।೧

ಇಂದ್ರ ಏನಾಂ ಹರ್ಯಶ್ವೋ
ಅಗ್ನಿರ್ ವಾ ರೋಹಿತಾಶ್ವಃ |
ಅಶ್ವಿನಾ ರಾಸಭಾಶ್ವಾ
ಕೃಷಿಂ ದೇವೀಂ ಅಯೂಯುಜನ್ || ೧೧,೧೪।೨

ಶುನಂ ವರತ್ರಾಂ ಆ ಯಚ್ಛ
ಶುನಂ ಅಷ್ಟ್ರಾಂ ಉದ್ ಇಂಗಯ |
ಶುನಂ ತೋತಪ್ಯತಾಂ ಫಾಲಃ
ಶುನಂ ವಹತು ಲಾಂಗಲಂ || ೧೧,೧೪।೩

ಯುನಕ್ತು ವಾಹಾನ್ ವಿ ಯುಗಾ ತನೋತ
ಕೃತೇ ಕ್ಷೇತ್ರೇ ವಪತೇಹ ಬೀಜಂ |
ತಥಾ ಧಾತಾ ತಥಾ ಭಗಸ್
ತಥಾ ಕೃಣುತಾಂ ಅಶ್ವಿನಾ
ತಥಾ ದೇವೀ ಸರಸ್ವತೀ || ೧೧,೧೪।೪

ಸುಪಿಪ್ಪಲಾ ಓಷಧಯೋ
ನಾಹೀನಾ ಅಪಕ್ಷತ |
ತದ್ ಇಂದ್ರೋ ವರುಣೋ ವಾಯುರ್
ಅಶ್ವಿನೇದಂ ಮೇ ಪ್ರ ತಿರತಾ ವಚಃ || ೧೧,೧೪।೫

ಧಾತಾ ಪೂಷಾ ಬೃಹಸ್ಪತಿರ್
ಭೂತ್ಯಾಃ ಸಂ ಅಜೀಗಮನ್ |
ಕೃಷಿಂ ದೇವಾಃ ಸ್ವರ್ವಿದಃ || ೧೧,೧೪।೬

ಕಲ್ಯಾಣೀ ಸುಭಗೇವ ಯಾ
ಸಂಸ್ಥಾಯಾಂ ವಪುಷೇಣ್ಯಾ |
ಸಾ ನಸ್ ತಿರಾತಿ ಮಧುಮಂತಂ ಅಂಶುಂ || ೧೧,೧೪।೭

ಅನ್ನಸ್ಯ ಭೂಮಾ ಪುರುಷಸ್ಯ ಭೂಮಾ
ಭೂಮಾ ಪಶೂನಾಂ ತ ಇಹ ಶ್ರಯಂತಾಂ |
ತೀವ್ರಾ ವರ್ಷಂತು ವೃಷ್ಟಯೋ
ಭೂತಯೇ ಮಹಸೇ ವೃಧೇ || ೧೧,೧೪।೮

ಪಿನ್ವಾನಃ ಪರ್ಜನ್ಯಸ್ ತಿಷ್ಠತು
ಸಹ ಪೃಷ್ಠಯೋದ್ ಏತಿ ಸೂರ್ಯಃ |
ಆನಂದಂ ಜನಯನ್ ಯವಃ
ಸರ್ವಾ ಅರಾತೀರ್ ಅಪಬಾಧಮಾನಃ || ೧೧,೧೪।೯

ವಿ ಜಿಹೀಷ್ವ ಪೃಥಿವೀಂ ಅಹ್ಯುರ್
ವಿ ಪಕ್ಷಂ ಋದ್ವೀ ಭವ |
ಭದ್ರಂ ರೋಹತು ಧಾನ್ಯಂ || ೧೧,೧೪।೧೦
(೧೪)

ಉತ್ಸೇಧ ಸೇಧ ಗಾ ಅಜನ್
ವಿಂದೇಹೇರಾಂ ಮಹಸ್ ಕೃಧಿ |
ಮಾ ವೋ ರಿಷತ್ ಕೂಟಗ್ರಾಹೋ
ಮಾ ವ ಆ ಶಾರಿ ಲಾಂಗಲಂ || ೧೧,೧೫।೧

ಮೋ ಅಸ್ಮಾಕಂ ಉಗ್ರಾಃ ಸಂರಬ್ಧಾಸ್
ತನ್ವಃ ಕಿಂ ಚನಾಮಮತ್ |
ರಾಯಸ್ಪೋಷಂ ಶುನಾಸೀರಾ
ಅಥೋ ಸೀತಾಭಗಶ್ ಚ ಯಃ || ೧೧,೧೫।೨

ದೇಷ್ಟ್ರೀ ಸಮುದ್ರಃ ಸಿನೀವಾಲೀ
ಕೃಷಿಂ ನೋ ಅಭಿ ಹಿನ್ವತ |
ಇಮಾ ಯಾಃ ಪಂಚ ಪ್ರದಿಶಸ್
ತಾ ವಾತೋ ಅಭಿ ಹಿನ್ವತ |
ವಲೀಕೇ ಸತ್ವತಾಂ ಇವ
ತೀವ್ರಾ ವರ್ಷಂತು ವೃಷ್ಟಯಃ || ೧೧,೧೫।೩

ಶುನಂ ಕೀನಾಶೋ ಅನ್ವ್ ಏತು ವಾಹಾಞ್
ಛುನಂ ಫಾಲೋ ವಿನುದನ್ನ್ ಏತು ಭೂಮಿಂ |
ಶುನಾಸೀರಾ ಹವಿಷಾ ವಾವೃಧಾನಾ
ಶುನಂ ಧಾನ್ಯಾನಿ ಕೃಣುತಾಂ ಯುವಂ ನಃ || ೧೧,೧೫।೪

ಯಾ ನಃ ಪೀಪರದ್ ಅಶ್ವಿನಾ
ಜ್ಯೋತಿಷ್ಮತೀ ತಮಸ್ ತಿರಃ |
ತಾಂ ಅಸ್ಮೇ ರಾಸೇತಾಂ ಇಷಂ || ೧೧,೧೫।೫
(೧೫)

ಊರ್ಧ್ವಶ್ರಿತೋ ವೈ ನಾಮೈತಾ ಆಪೋ ಯದ್ ಓಷಧಯಶ್ ಚ ವನಸ್ಪತಯಶ್ ಚ
ತಾಸಾಂ ಅಗ್ನಿರ್ ಅಧಿಪತಿಃ |
ಯೋ ವಾ ಏತಾ ಊರ್ಧ್ವಶ್ರಿತ ಆಪೋ ವೇದಾಗ್ನಿಂ ಅಧಿಪತಿಂ |
ಯಥೈತಂ ಏತಾ ಊರ್ಧ್ವಾ ಉಪತಿಷ್ಠಂತ್ಯ್
ಏವೈನಂ ಊರ್ಧ್ವಾ ಉಪ ತಿಷ್ಠಂತ್ಯ್
ಅಧಿಪತಿರ್ ಭವತಿ ಸ್ವಾನಾಂ ಚಾನ್ಯೇಷಾಂ ಚ ಯ ಏವಂ ವೇದ || ೧೧,೧೬।೧

ಪ್ರಸ್ಕದ್ವರೀರ್ ವೈ ನಾಮೈತಾ ಆಪೋ ಯತ್ ಪೃಷ್ವಾಸ್
ತಾಸಾಂ ಆದಿತ್ಯೋ ಽಧಿಪತಿಃ |
ಯೋ ವಾ ಏತಾಃ ಪ್ರಸ್ಕದ್ವರೀರ್ ಆಪೋ ವೇದಾದಿತ್ಯಂ ಅಧಿಪತಿಂ |
ಯಥೈತಾ ಏತಸ್ಮಿನ್ನ್ ಉದ್ಯತಿ ಪ್ರಸ್ಕಂದಂತ್ಯ್
ಏವಾಸ್ಮಿನ್ನ್ ಆ ಯತಿ ಪ್ರಸ್ಕಂದಂತ್ಯ್
ಅಧಿಪತಿಃ (…) || ೧೧,೧೬।೨

ತಕ್ವರೀರ್ ವೈ ನಾಮೈತಾ ಆಪೋ ಯಾಃ ಸೂದಯ
ತಾಸಾಂ ಪೃಥಿವ್ಯ್ ಅಧಿಪತ್ನೀ |
ಯೋ ವಾ ಏತಾಸ್ ತಕ್ವರೀರ್ ಆಪೋ ವೇದ ಪೃಥಿವೀಂ ಅಧಿಪತ್ನೀಂ |
ಯಥೈತಾ ಏತಸ್ಯಾಂ ಪ್ರಣುತಾಸ್ ತಕಂತೀರ್ ಯಂತ್ಯ್
ಏವೈನೇನ ದ್ವಿಷಂತಃ ಪ್ರಣುತಾ ಯಂತ್ಯ್
ಅಧಿಪತಿಃ (…) || ೧೧,೧೬।೩

ವಶಿನೀರ್ ವೈ ನಾಮೈತಾ ಆಪೋ ಯಾಃ ಸ್ಯಂದಂತೇ
ತಾಸಾಂ ವರುಣೋ ಽಧಿಪತಿಃ |
ಯೋ ವಾ ಏತಾ ವಶಿನೀರ್ ಆಪೋ ವೇದ ವರುಣಂ ಅಧಿಪತಿಂ |
ಯಥೈತಂ ಏತಾಸಾಂ ಸ್ಯಂದಮಾನಾನಾಂ ವಶಂ ಆದತ್ತ
ಏವಾ ದ್ವಿಷತಾಂ ವಶಂ ಆ ದತ್ತೇ
ಽಧಿಪತಿಃ (…) || ೧೧,೧೬।೪

ಊರ್ಜೋ ವೈ ನಾಮೈತಾ ಆಪೋ ಯದ್ ಗಾವಸ್
ತಾಸಾಂ ತ್ವಷ್ಟಾಧಿಪತಿಃ |
ಯೋ ವಾ ಏತಾ ಊರ್ಜ ಆಪೋ ವೇದ ತ್ವಷ್ಟಾರಂ ಅಧಿಪತಿಂ |
ಊರ್ಜಸ್ವೀ ತೇಜಸ್ವೀ ಭವತಿ
ಪ್ರ ಸಾಹಸ್ರಾನ್ ಪಶೂನ್ ಆಪ್ನೋತ್ಯ್
ಅಧಿಪತಿರ್ ಭವತಿ (…) || ೧೧,೧೬।೫

ವರ್ಚೋ ವೈ ನಾಮೈತಾ ಆಪೋ ಯದ್ ಘೃತಂ
ತಾಸಾಂ ಪೂಷಾ ಅಧಿಪತಿಃ |
ಯೋ ವಾ ಏತಾ ವರ್ಚ ಆಪೋ ವೇದ ಪೂಷಣಂ ಅಧಿಪತಿಂ |
ವರ್ಚಸ್ವೀ ತೇಜಸ್ವೀ ಭವತ್ಯ್
ಉತಾಸ್ಯಾನಭ್ಯಕ್ತಸ್ಯ ಮುಖಂ ರೋಚತೇ
ಽಧಿಪತಿಃ (…) || ೧೧,೧೬।೬

ಓಜೋ ವೈ ನಾಮೈತಾ ಆಪೋ ಯನ್ ಮಧು
ತಾಸಾಂ ಇಂದ್ರೋ ಽಧಿಪತಿಃ |
ಯೋ ವಾ ಏತಾ ಓಜ ಆಪೋ ವೇದೇಂದ್ರಂ ಅಧಿಪತಿಂ |
ಓಜಸ್ವೀ ವೀರ್ಯಾವಾನ್ ಇಂದ್ರಿಯಾವೀ ಭವತಿ
ಪ್ರ ರಾಜಸಭಾಯಾಂ ಮಧುಪರ್ಕಂ ಆಪ್ನೋತ್ಯ್
ಅಧಿಪತಿಃ (…) || ೧೧,೧೬।೭

ಉಗ್ರಾ ವೈ ನಾಮೈತಾ ಆಪೋ ಯದ್ ಧ್ರಾದುನಯಸ್
ತಾಸಾಂ ಮರುತೋ ಅಧಿಪತಯಃ |
ಯೋ ವಾ ಏತಾ ಉಗ್ರಾ ಆಪೋ ವೇದ ಮರುತೋ ಽಧಿಪತೀನ್ |
ಉಗ್ರೋ ಬಲವಾನ ಭವತಿ
ಮಾರುತಂ ಶರ್ಧ ಇತ್ಯ್ ಏನಂ ಆಹುರ್
ಅಧಿಪತಿಃ (…) || ೧೧,೧೬।೮

ಮಹೋ ವೈ ನಾಮೈತಾ ಆಪೋ ಯದ್ ವರ್ಷಂ
ತಾಸಾಂ ಪರ್ಜನ್ಯೋ ಽಧಿಪತಿಃ |
ಯೋ ವಾ ಏತಾ ಮಹ ಆಪೋ ವೇದ ಪರ್ಜನ್ಯಂ ಅಧಿಪತಿಂ |
ಮಹಸ್ವೀ ಮಿತ್ರಬಾಹೋ ಭವತ್ಯ್
ಉತೈನೇನ ಸ್ವಾ ನಂದಂತ್ಯ್ ಅಸ್ಮಾಕಂ ಅಯಂ ಇತಿ
ತಸ್ಮಾತ್ ಸರ್ವೋ ವೃಷ್ಟೇ ಮಹೀಯತೇ
ಽಧಿಪತಿಃ (…) || ೧೧,೧೬।೯

ಅತಿಮನ್ಯಾ ವೈ ನಾಮೈತಾ ಆಪೋ ಯತ್ ಸುರಾ
ತಸಾಂ ಅಶ್ವಿನಾಧಿಪತೀ |
ಯೋ ವಾ ಏತಾ ಅತಿಮನ್ಯಾ ಆಪೋ ವೇದಾಶ್ವಿನಾಧಿಪತೀ |
ಅತಿ ಮನ್ಯತೇ ಭ್ರಾತೃವ್ಯಾನ್ ನೈನಂ ಭ್ರಾತೃವ್ಯಾ ಅತಿ ಮನ್ಯಂತೇ
ತಸ್ಮಾನ್ ಮತ್ತೋ ಮತ್ತಂ ಅತಿ ಮನ್ಯತೇ
ಽಧಿಪತಿಃ (…) || ೧೧,೧೬।೧೦

ಪರಿಚಿತೋ ವೈ ನಾಮೈತಾ ಆಪೋ ಯಾಃ ಕರ್ಷ್ವಾಂ
ತಾಸಾಂ ಯಮೋ ಽಧಿಪತಿಃ |
ಯೋ ವಾ ಏತಾಃ ಪರಿಚಿತ ಆಪೋ ವೇದ ಯಮಂ ಅಧಿಪತಿಂ |
ಪರ್ಯ್ ಏನಂ ಸ್ವಾಶ್ ಚ ವಿಶ್ಯಾಶ್ ಚಾವಶ್ಯಂತ್ಯ್
ಅಧಿಪತಿಃ (…) || ೧೧,೧೬।೧೧

ರಂತಯೋ ವೈ ನಾಮೈತಾ ಆಪೋ ಯ ಸ್ತ್ರಿಯಸ್
ತಾಸಾಂ ಕಾಮೋ ಽಧಿಪತಿಃ |
ಯೋ ವಾ ಏತಾ ರಂತೀರ್ ಆಪೋ ವೇದ ಕಾಮಂ ಅಧಿಪತಿಂ |
ರಮಂತೇ ಅಸ್ಮಿನ್ ರಮಣೀಯೋ ಭವತಿ ಕಾಮ ಇವ ಸ್ತ್ರೀಣಾಂ
ಅಧಿಪತಿಃ (…) || ೧೧,೧೬।೧೨

ವಿಶ್ವಭೃತೋ ವೈ ನಾಮೈತಾ ಆಪೋ ಯತ್ ಪುರುಷಸ್
ತಾಸಾಂ ಮೃತ್ಯುರ್ ಅಧಿಪತಿಃ |
ಯೋ ವಾ ಏತಾ ವಿಶ್ವಭೃತ ಆಪೋ ವೇದ ಮೃತ್ಯುಂ ಅಧಿಪತಿಂ |
ವಿಶ್ವಸ್ಯ ಭರ್ತಾ ಭವತಿ ವಿಶ್ವಂ ಏನಂ ಬಿಭರ್ತ್ಯ್
ಆಸ್ಯ ತ್ರಯೋ ಽಗ್ನಯೋ ಗೃಹೇ ಧೀಯಂತೇ ದಕ್ಷಿಣಾಗ್ನಿರ್ ಗಾರ್ಹಪತ್ಯ ಆಹವನೀಯಃ |
ಐನಂ ಚತ್ವಾರಿ ವಾಮಾನಿ ಗಚ್ಛಂತಿ ನಿಷ್ಕಃ ಕಂಸೋ ಽಶ್ವತರೋ ಹಸ್ತ್ಯ್
ಅಧಿಪತಿಃ (…) || ೧೧,೧೬।೧೩

ತಾಸಾಂ ವಾ ಏತಾಸಾಂ ಅಪಾಂ ಹಿಮವಾನ್ ಊಧಃ ಸೋಮೋ ವತ್ಸಃ ಪರಮೇಷ್ಠ್ಯ್ ಅಧಿಪತಿಃ |
ಯೋ ವಾ ಏತಾಸಾಂ ಅಪಾಂ ಹಿಮವಂತಂ ಊಧಃ ಸೋಮಂ ವತ್ಸಂ ಪರಮೇಷ್ಠಿನಂ ಅಧಿಪತಿಂ ವೇದ |
ಪರಮೇಷ್ಠೀ ಭವತಿ ಗಚ್ಛತಿ ಪರಮೇಷ್ಠಿತಾಂ
ಅಧಿಪತಿರ್ ಭವತಿ ಸ್ವಾನಾಂ ಚಾನ್ಯೇಷಾಂ ಚ ಯ ಏವಂ ವೇದ || ೧೧,೧೬।೧೪
(೧೬)

ಅನುವಾಕ ೧ ||
(೧೧)


ಕಾಂಡ ೧೨

ಅಗ್ನಿಸ್ ತಕ್ಮಾನಂ ಅಪ ಬಾಧತಾಂ ಇತಃ
ಸೋಮೋ ಗ್ರಾವಾ ಮರುತಃ ಪೂತದಕ್ಷಾಃ |
ವೇದಿರ್ ಬರ್ಹಿಃ ಸಮಿಧಃ ಶೋಶುಚಾನಾ
ಅಪ ರಕ್ಷಾಂಸ್ಯ್ ಅಮುಯಾ ಧಮಂತು || ೧೨,೧।೧

ಅಯಂ ಯೋ ರುರೋ ಅಭಿಶೋಚಯಿಷ್ಣುರ್
ವಿಶ್ವಾ ರೂಪಾಣಿ ಹರಿತಾ ಕೃಣೋತಿ |
ತಸ್ಮೈ ತೇ ಽರುಣಾಯ ಬಭ್ರವೇ ತಪುರ್
ಮಘಾಯ ನಮೋ ಽಸ್ತು ತಕ್ಮನೇ || ೧೨,೧।೨

ತಕ್ಮನ್ ಸಾರ್ಥಿನಂ ಇಚ್ಛಸ್ವ
ವಶೀ ಸನ್ ಮೃಡಯಾಸಿ ನಃ |
ಅಥೇಹಿ ಯತ್ರ ತೇ ಗೃಹಾ
ಅನಿನೂರ್ತ್ತೇಷು ದಸ್ಯುಷು || ೧೨,೧।೩

ಯಃ ಪುರುಷಃ ಪಾರುಷೇಯೋ
ಽವಧ್ವಂಸ ಇವಾರುಣಃ |
ತಕ್ಮಾನಂ ವಿಶ್ವಧಾವೀರ್ಯ-
-ಅಧರಾಂಚಂ ಪರಾ ಸುವ || ೧೨,೧।೪

ಅಧರಾಂಚಂ ಪ್ರ ಹಿಣೋಮಿ
ಮನಸ್ ಕೃತ್ವಾ ತಕ್ಮನೇ |
ಶಕಂಭರಸ್ಯ ಮುಷ್ಟಿಹಾ
ಪುನರ್ ಗಚ್ಛ ಮಹಾವೃಷಾನ್ || ೧೨,೧।೫

ಮಹಾವೃಷಾನ್ ಮೂಜವತ
ಓಕ ಏಧಿ ಪರೇತ್ಯ |
ವ್ರತಾನಿ ತಕ್ಮನೇ ಬ್ರೂಮೋ
ಅನ್ಯಕ್ಷೇತ್ರಾಣಿ ವಾ ಇಮಾಃ || ೧೨,೧।೬

ಓಕೋ ಅಸ್ಯ ಮೂಜವಂತ
ಓಕೋ ಅಸ್ಯ ಮಹಾವೃಷಾಃ |
ಯಾಜ್ ಜಾತಸ್ ತಕ್ಮಂ ತಾದ್ ಅಸಿ
ಬಲಿಹಿಕೇಷು ನ್ಯೋಚರಃ || ೧೨,೧।೭

ತಕ್ಮನ್ ವ್ಯಾಲ ವಿಗದ
ವ್ಯಂಗ ಭೂರಿ ಯಾವಯ |
ದಾಸೀಂ ನಿಷ್ಟಕ್ವರೀಂ ಇಚ್ಛ
ತಾಂ ವಜ್ರೇಣ ಸಂ ಅರ್ಪಯ || ೧೨,೧।೮

ಗಿರಿಂ ಗಚ್ಛ ಗಿರಿಜಾಸಿ
ಗಿರೌ ತೇ ಮಾಹಿಷೋ ಗೃಹಃ |
ದಾಸೀಂ ಇಚ್ಛ ಪ್ರಫರ್ವ್ಯಂ
ತಾಂ ತಕ್ಮನ್ ವೀವ ಧೂನುಹಿ || ೧೨,೧।೯

ಯಸ್ ತ್ವಂ ಶೀತೋ ಅಥೋ ರೂರಃ
ಸಹ ಕಾಸಾವೀವಿಯಃ |
ಭಿಮಾಸ್ ತೇ ತಕ್ಮನ್ ಹೇತಯಸ್
ತಾಭಿ ಸ್ಮ ಪರಿ ವೃಙ್ಧಿ ನಃ || ೧೨,೧।೧೦
(೧)

ತಕ್ಮನ್ ಭ್ರಾತ್ರಾ ಬಲಾಸೇನ
ಸ್ವಸ್ರಾ ಕಾಸಿಕಯಾ ಸಹ |
ಪಾಮ್ನಾ ಭ್ರಾತೃವ್ಯೇಣ
ನಶ್ಯೇತೋ ಮರಟಾಙ್ ಅಭಿ || ೧೨,೨।೧

ಗಂಧಾರಿಭ್ಯೋ ಮೂಜವದ್ಭ್ಯಃ
ಕಾಶಿಭ್ಯೋ ಮಗಧೇಭ್ಯಃ |
ಜನೇ ಪ್ರಿಯಂ ಇವ ಶೇವಧಿಂ
ತಕ್ಮಾನಂ ಪರಿ ದಧ್ಮಸಿ || ೧೨,೨।೨

ನಾರ್ಕವಿಂದಾನ್ ನಾರ್ವಿದಾಲಾನ್
ನಾನ್ನದೀಂ ವರ್ತಕಾವತೀಂ |
ವ್ರತಾನಿ ತಕ್ಮನೇ ಬ್ರೂಮೋ
ಅನ್ಯಕ್ಷೇತ್ರಾಣಿ ವಾ ಇಮಾಃ || ೧೨,೨।೩

ಅನ್ಯಕ್ಷೇತ್ರೇ ನ ರಮತೇ
ಸಹಸ್ರಾಕ್ಷೋ ಅಮರ್ತ್ಯಃ |
ಅಭೂದ್ ಉ ಪ್ರಾರ್ಥಸ್ ತಕ್ಮಾ
ಸ ಗಮಿಷ್ಯತಿ ಬಲಿಹಿಕಾಂ || ೧೨,೨।೪

ಅದೋ ಗಚ್ಛ ಮೂಜವತಸ್
ತತೋ ವಾ ಘ ಪರಸ್ತರಂ |
ಮಾ ಸ್ಮಾತೋ ಅಭ್ಯೈರ್ ನಃ ಪುನಸ್
ತತ್ ತ್ವಾ ತಕ್ಮನ್ನ್ ಉಪ ಬ್ರುವೇ || ೧೨,೨।೫

ಪರಸ್ಮೈವ ತ್ವಂ ಚರ
ಪರಮಸ್ಯಾಂ ಪರಾವತಿ |
ಯಥಾ ನೋ ನಾಂತಂ ಆಯಸಿ
ಯಥಾ ನೋ ನಾಭಿಶೋಚಯಾ || ೧೨,೨।೬
(೨)

ಯಥೇಯಂ ಉರ್ವೀ ಪೃಥಿವೀ
ವೃದ್ಧೈವ ಗರ್ಭಂ ಆದಧೇ |
ಏವಾ ದಧಾಮಿ ತೇ ಗರ್ಭಂ
ತಸ್ಮೈ ತ್ವಾಂ ಅವಸೇ ಹುವೇ || ೧೨,೩।೧

ಪರ್ವತಾದ್ ದಿವೋ ಯೋನೇರ್
ಗಾತ್ರಾದ್ ಗಾತ್ರಾತ್ ಸಮಾಶೃತಂ |
ರೇತೋ ದೇವಸ್ಯ ದೇವಸ್ಯ
ತ್ಸರೌ ಪರ್ಣಂ ಇವಾ ಧಾಂ || ೧೨,೩।೨

ವಿಷ್ಣುರ್ ಯೋನಿಂ ಕಲ್ಪಯತು
ತ್ವಷ್ಟಾ ರುಪಾಣಿ ಪಿಂಶತು |
ಆ ಸಿಂಚತು ಪ್ರಜಾಪತಿರ್
ಧಾತಾ ಗರ್ಭಂ ದಧಾತು ತೇ || ೧೨,೩।೩

ಗರ್ಭಂ ಧೇಹಿ ಸಿನೀವಾಲಿ
ಗರ್ಭಂ ಧೇಹಿ ಸರಸ್ವತಿ |
ಗರ್ಭಂ ಯುವಂ ಅಶ್ವಿನಾಸ್ಯಾಮಾ
ಧತ್ತಂ ಪುಷ್ಕರಸ್ರಜಾ || ೧೨,೩।೪

ಗರ್ಭಂ ತೇ ರಾಜಾ ವರುಣೋ
ಗರ್ಭಂ ದೇವೋ ಬೃಹಸ್ಪತಿಃ |
ಗರ್ಭಂ ತ ಇಂದ್ರಶ್ ಚಾಗ್ನಿಶ್ ಚ
ಗರ್ಭಂ ಧಾತಾ ದಧಾತು ತೇ || ೧೨,೩।೫

ಗರ್ಭೋ ಅಸ್ಯ್ ಓಷಧೀನಾಂ
ಗರ್ಭೋ ವನಸ್ಪತೀನಾಂ |
ಗರ್ಭೋ ವಿಶ್ವಸ್ಯ ಭೂತಸ್ಯ
ಸೋ ಅಗ್ನೇ ಗರ್ಭಂ ಏಹ ಧಾಃ || ೧೨,೩।೬

ಯೇನೌಷಧಯೋ ಗರ್ಭಿನೀಃ
ಪಶವೋ ಯೇನ ಗರ್ಭಿನಃ |
ತೇಷಾಂ ಗರ್ಭಸ್ಯ ಯೋ ಗರ್ಭಸ್
ತೇನ ತ್ವಂ ಗರ್ಭಿಣೀ ಭವ || ೧೨,೩।೭

ವಿ ತೇ ಗ್ರಂಥಿಂ ಚೃತಾಮಸಿ
ಧಾತಾ ಗರ್ಭಂ ದಧಾತು ತೇ |
ಆ ಯೋನಿಂ ಪುತ್ರೋ ರೋಹತು
ಜನನಂ ಪ್ರತಿ ಜಾಯತಾಂ || ೧೨,೩।೮

ಜನಿಷ್ಟ ಹಿ ಮಹಿಯಾ
ಆ ಯೋನಿಂ ಸಂ ಇಹಾಸರತ್ |
ಅಥಾ ಸೋಮ ಇವ ಭಕ್ಷಣಂ
ಆ ಗರ್ಭಃ ಸೀದತ್ವ್ ಋತ್ವಿಯಂ || ೧೨,೩।೯

ಧಾತಃ ಶ್ರೇಷ್ಠೇನ ರೂಪೇಣ-
-ಅಸ್ಯಾ ನಾರ್ಯಾ ಗವೀನ್ಯೋಃ |
ಪುಮಾಂಸಂ ಪುತ್ರಂ ಆ ಧೇಹಿ
ದಶಮೇ ಮಾಸಿ ಸೂತವೇ || ೧೨,೩।೧೦
(೩)

ಸವಿತಃ ಶ್ರೇಷ್ಠೇನ ರೂಪೇಣ
(…) || ೧೨,೪।೧

ವಿಷ್ಣೋಃ ಶ್ರೇಷ್ಠೇನ (…) || ೧೨,೪।೨

ತ್ವಷ್ಟಃ ಶ್ರೇಷ್ಠೇನ (…) || ೧೨,೪।೩

ಭಗಃ ಶ್ರೇಷ್ಠೇನ ರೂಪೇಣ-
-ಅಸ್ಯಾ ನಾರ್ಯಾ ಗವೀನ್ಯೋಃ |
ಪುಮಾಂಸಂ ಪುತ್ರಂ ಆ ಧೇಹಿ
ದಶಮೇ ಮಾಸಿ ಸೂತವೇ || ೧೨,೪।೪

ಅಧಿ ಸ್ಕಂದ ವೀರಯಸ್ವ
ಗರ್ಭಂ ಆ ಧೇಹಿ ಯೋನ್ಯಾಂ |
ವೃಷಾಣಂ ವೃಷ್ಣ್ಯಾವಂತಂ
ಪ್ರಜಾಯೈ ತ್ವಾ ನಯಾಮಸಿ || ೧೨,೪।೫

ಯದ್ ವೇದ ರಾಜಾ ವರುಣೋ
ವೇದ ದೇವೋ ಬೃಹಸ್ಪತಿಃ |
ಇಂದ್ರೋ ಯದ್ ವೃತ್ರಹಾ ವೇದ
ತಂ ಗರ್ಭಕರಣಂ ಪಿಬ || ೧೨,೪।೬

ವಿ ಜಿಹೀಷ್ವ ಬಾರ್ಹತ್ಸಾಮೇ
ಗರ್ಭಸ್ ತೇ ಯೋನಿಂ ಆ ಶಯಾಂ |
ದದನ್ ತೇ ಪುತ್ರಂ ದೇವಾಃ
ಸೋಮಪಾಂ ಉಭಯಾವಿನಂ || ೧೨,೪।೭

ಸೋಮಸ್ಯ ತ್ವ ರ್ತ್ವಿಯೇನ-
-ಉಪೈಮಿ ಗರ್ಭಕೃತ್ವನೇ |
ತತಸ್ ತೇ ಪುತ್ರೋ ಜಾಯತಾಂ
ಕರ್ತವೈ ವೀರ್ಯೇಭ್ಯಃ || ೧೨,೪।೮
(೪)

ಜಾಯಸ್ವಾಗ್ನೇ ಽಶ್ವತ್ಥಾದ್
ಅಸ್ಮೈ ಕ್ಷತ್ರಾಯೌಜಸೇ |
ಉಗ್ರ ಆಪತಿಕಾದ್ ಅಧಿ
ಯೋ ವೃಕ್ಷಾಁ ಅಧಿರೋಹತಿ || ೧೨,೫।೧

ವಿಬಾಧಂ ಚಿತ್ ಸಹಮಾನಂ
ತ್ವಾಂ ಅಗ್ನೇ ಜನಯಾಮಸಿ |
ಜಾತಾಂ ಜನಿಷ್ಯಮಾಣಾಂ
ಸಪತ್ನಾನ್ ಪ್ರ ಣುದಸ್ವ ಮೇ || ೧೨,೫।೨

ಅಶ್ವತ್ಥಸ್ಯಾರೋಹಸ್ಯ
ವೃಕ್ಷಸ್ಯಾರಣಯಃ ಕೃತಾಃ |
ತತೋ ಜಾತಾಯ ತೇ ಽಜನಿ
ವೀಡುಜಂಭಾಗ್ನಿರ್ ಅಗ್ನಯೇ || ೧೨,೫।೩

ತಂ ಜಾತಂ ಜಾತವೇದಸಂ
ಆ ದಧಾಮ್ಯ್ ಅಮರ್ತ್ಯಂ |
ಪಾವಕಂ ಅಗ್ನಿಂ ಊತಯೇ
ಶುಚಿಮಂತಂ ವಿಷಾಸಹಿಂ || ೧೨,೫।೪

ಉತ್ ತನುಷ್ವ ಧನುಃ ಪ್ರತಿ ಮುಂಚಸ್ವ ವರ್ಮ
ಜಹಿ ಶತ್ರೂನ್ ವೀರ್ಯಾ ತೇ ಕೃಣೋಮಿ |
ಅತ್ರ ರಧ್ಯಂತು ಯ ಉ ತೇ ಸಪತ್ನಾಸ್
ತ್ವಂ ಏಕವೃಷೋ ಭವ || ೧೨,೫।೫

ವೃಷಭಂ ತ್ವಾ ಸಜಾತಾನಾಂ
ಸಪತ್ನಾನಾಂ ವಿಷಾಸಹಿಂ |
ಹಂತಾರಂ ಶತ್ರೂಣಾಂ ಕೃಣ್ಮೋ
ವಿರಾಜಂ ಗೋಪತಿಂ ಗವಾಂ || ೧೨,೫।೬

ಸಮುದ್ರೋ ಽಸ್ಯ್ ಅಪಾಂ ಜ್ಯೇಷ್ಠ
ಇಂದ್ರೋ ದೇವೇಷು ವೃತ್ರಹಾ |
ವ್ಯಾಘ್ರಂ ಸಿಂಹಂ ತ್ವಾ ಕೃಣ್ಮೋ
ದಮಿತಾರಂ ಪೃತನ್ಯತಾಂ || ೧೨,೫।೭

ಇಂದ್ರ ಇವ ದಸ್ಯೂನ್ ಅಧರಾನ್ ಕೃಣುಷ್ವ-
-ಉಗ್ರ ಇವ ವಾತೋ ವಿಶೃಣನ್ ಸಪತ್ನಾನ್ |
ತೇ ಶುಷ್ಯಂತ್ವ್ ಅಪ ದಾವಾದ್ ಇವ-
-ಅಗ್ನೇಃ ಪರ್ಯವೀವರಥಾ ಏನಾನ್ || ೧೨,೫।೮

ಸಂ ವೃಶ್ಚೈನಾಂಸ್ ತೇ ಶುಷ್ಯಂತು
ವೃಶ್ಚೈನಾನ್ ಮೋಪಜಾಂ ಶಿಷಃ |
ಸಪತ್ನಾನ್ ಸರ್ವಾಂಸ್ ತೃಢ್ವಾ
ತ್ವಂ ಏಕವೃಷೋ ಭವ || ೧೨,೫।೯

ತ್ವಂ ಉಗ್ರಸ್ ತ್ವಂ ಬಲೀ
ತ್ವಂ ಏಧಿ ವಿವಾಚನಂ |
ತ್ವಂ ಪೃತನ್ಯತಃ ಪೂರ್ವಃ
ಸಪತ್ನಾಁ ಅವ ದೂನುಷ್ವ || ೧೨,೫।೧೦
(೫)

ಅಸಪತ್ನಃ ಸಪತ್ನಹಾ-
-ಇಂದ್ರ ಇವಾರಿಷ್ಟೋ ಅಕ್ಷಿತಃ |
ಅಧಃ ಸಪತ್ನಾಸ್ ತೇ ಪದೋಃ
ಸರ್ವೇ ಸಂತ್ವ್ ಅಭಿಷ್ಠಿತಾಃ || ೧೨,೬।೧

ಮ್ಲಾಯಂತು ತೇ ಖಾತಮೂಲಾಃ ಸಪತ್ನಾ
ಅಗ್ನಿಂ ಏಷಾಂ ನಿರ್ ಹ್ವಯಾಮಿ ಶರೀರಾತ್ |
ಹವಿಷೈಷಾಂ ಅಪಿ ದಧಾಮಿ ಪ್ರಾಣಾಂಸ್
ತಥೈಭ್ಯೋ ಅಮುಚಿಃ ಕೃತಾಃ || ೧೨,೬।೨

ಅಭಿವರ್ಧಂ ಅಭಿಭವಂ
ಸಪತ್ನಕ್ಷಯಣಂ ಹವಿಃ |
ರಾಷ್ಟ್ರಾಯ ತುಭ್ಯಂ ಕೃಣ್ಮಃ
ಸಪತ್ನೇಭ್ಯಃ ಪರಾಭವನ್ || ೧೨,೬।೩

ಯೋ ನಃ ಸ್ವೋ ಯೋ ಅರಣೋ
ಽರಾತಿಯತಿ ಪೂರುಷಃ |
ಇಧ್ಮಸ್ಯೇವ ಪ್ರಕ್ಷಾಯಕಸ್
ತಸ್ಯ ಮೋಚ್ಛೇಷಿ ಕಿಂ ಚನ || ೧೨,೬।೪

ಅಸಪತ್ನಂ ಇತಿ ದ್ವೇ || ೧೨,೬।೫

(…) || ೧೨,೬।೬
(೬)

ತ್ವಯಾ ಪೂರ್ವಂ ಆಥರ್ವಾಣೋ
ಜಘ್ನೂ ರಕ್ಷಾಂಸ್ಯ್ ಓಷಧೇ |
ತ್ವಯಾ ಜಘಾನ ಕಶ್ಯಪಸ್
ತ್ವಯಾ ಕೃಣ್ವೋ ಅಗಸ್ತ್ಯಃ || ೧೨,೭।೧

ತ್ವಯಾ ವಯಂ ಅಪ್ಸರಸೋ
ಗಂಧರ್ವಾಂಶ್ ಚಾತಯಾಮಸಿ |
ಅಜಶೃಂಗ್ಯ್ ಅಜ ರಕ್ಷಃ
ಸರ್ವಾನ್ ಗಂಧೇನ ನಾಶಯ || ೧೨,೭।೨

ನದೀಂ ಯಂತ್ವ್ ಅಪ್ಸರಸೋ
ಅಪಾಂತಾರಂ ಇವ ಶ್ವಸನ್ |
ಗುಲ್ಗುಲೂ ಪೀಲಾ ನಲದ್ಯ್
ಔಕ್ಷಗಂಧಿಃ ಪ್ರಮಂದಿನೀ || ೧೨,೭।೩

ಯತ್ರಾಮರ್ತ್ಯಾ ಅಪ್ಸ್ವ್ ಅಂತಃ
ಸಮುದ್ರೇ ತುರೂರ್ ನೀಲೀ ತುರ್ವಶೀ ಪುಂಡರೀಕಾ |
ತತ್ ಪರೇತಾ ಅಪ್ಸರಸಃ
ಪ್ರತಿಬುದ್ಧಾ ಅಭೂತನ || ೧೨,೭।೪

ಯತ್ರ ಪ್ರೇಂಖೋ ಗಂಧರ್ವಾಣಾಂ
ದಿವಿ ಬದ್ಧೋ ಹಿರಣ್ಯಯಃ |
(…) || ೧೨,೭।೫

ಗಂಧರ್ವಾಣಾಂ ಅಪ್ಸರಸಾಂ
ಆನರ್ತಂ ಇತಿ ಸಂಗಮಂ |
(…) || ೧೨,೭।೬

ಯತ್ರಾಶ್ವತ್ಥಾ ನ್ಯಗ್ರೋಧಾ
ಮಹಾರುಕ್ಮಾಃ ಶಿಖಂಡಿನಃ |
(…) || ೧೨,೭।೭

ಯತ್ರ ವೋ ಽಕ್ಷಾ ಹರಿತಾ ಅರ್ಜುನಾ
ಆಘಾಟಾಃ ಕಕರ್ಯಃ ಸಂವದಂತಿ |
ತತ್ ಪರೇತಾ ಅಪ್ಸರಸಃ
ಪ್ರತಿಬುದ್ಧಾ ಅಭೂತನ || ೧೨,೭।೮

ಇಯಂ ವೀರುಚ್ಛಿಖಂಡಿನೋ
ಗಂಧರ್ವಸ್ಯಾಪ್ಸರಾಪತೇಃ |
ಭಿನತ್ತು ಮುಷ್ಕಾವ್ ಅಪಿ ಯಾತು ಶೇಫಃ || ೧೨,೭।೯

ಏಯಂ ಅಗನ್ನ್ ಓಷಧಿರ್
ವೀರುಧಾಂ ವೀರ್ಯಾವತೀ |
ಅಜಶೃಂಗ್ಯ್ ಅರಾಟಕೀ
ತೀಕ್ಷ್ಣಶೃಂಗೀ ವ್ಯ್ ಋಷತು || ೧೨,೭।೧೦
(೭)

ಅಪೇತೇತೋ ಅಪ್ಸರಸೋ
ಗಂಧರ್ವಾ ಯತ್ರ ವೋ ಗೃಹಾಃ |
ತೀಕ್ಷ್ಣಶೃಂಗ್ಯ್ ಅರಾಟಕ್ಯ್
ಅಜಶೃಂಗೀ ವ್ಯ್ ಋಷತು || ೧೨,೮।೧

ಜಾಯಾ ವೇದ ವೋ ಅಪ್ಸರಸೋ
ಗಂಧರ್ವಾಃ ಪತಯೋ ಯೂಯಂ |
ಅಪ ಕ್ರಾಮತ್ ಪುರುಷಾದ್
ಅಮರ್ತ್ಯಾ ಮರ್ತ್ಯಂ ಮಾ ಸಚಧ್ವಂ || ೧೨,೮।೨

ಭೀಮಾ ಇಂದ್ರಸ್ಯ ಹೇತಯಃ
ಶತಮೃಷ್ಟೀರ್ ಅಯಸ್ಮೈ |
ತಾಭಿರ್ ಗಂಧರ್ವಾನ್ ಅಭೈದ್ಯಾನ್
ಅವಕಾದಾನ್ ವ್ಯ್ ಋಷತು || ೧೨,೮।೩

ಅವಕಾದಾಁ ಅಭಿಶೋಚೋ
ಭಿತ್ಸು ದ್ಯೋತಯಮಾಮಕಾನ್ |
ಗಂಧರ್ವಾನ್ ಸರ್ವಾನ್ ಓಷಧೇ
ಪ್ರ ಣುದಸ್ವ ಪರಾ ಣಯ || ೧೨,೮।೪

ಉನ್ಮಾದಯಂತೀರ್ ಅಭಿಶೋಚಯಂತೀರ್
ಮುನಿಂ ನಗ್ನಂ ಕೃಣ್ವತೀರ್ ಮೋಘಹಾಸಿನಂ |
ಅಪ್ಸರಸೋ ರಘಟೋ ಯಾಶ್ ಚರಂತಿ
ಗಂಧರ್ವಪತ್ನೀರ್ ಅಜಶೃಂಗ್ಯ್ ಆಶಯೇ || ೧೨,೮।೫

ಶ್ವೇತೀಕೃಣ್ವಾನಃ ಪುರುಷಂ
ವಿಶ್ವಾ ರೂಪಾಣಿ ಬೋಭುವತ್ |
ಶ್ವೇವೈಕಂ ಕಪಿರ್ ಇವೈಕಂ
ಕುಮಾರಃ ಸರ್ವಕೇಶಕಃ |
ಪ್ರಿಯೋ ದೃಶೇ ಭೂತ್ವಾ
ಗಂಧರ್ವಃ ಸಚತೇ ಸ್ತ್ರಿಯಂ
ತಂ ಇತೋ ನಾಶಯಾಮಸಿ || ೧೨,೮।೬
(೮)

ಯೋ ವೈ ವಶಾಂ ದೇವಯತೇ
ಪಚತೇ ವಾಹುತಾಮಮಾ |
ಮೃತ್ಯೋಃ ಸ ಬಧ್ಯತೇ ಪಾಶೇ
ದೇವಾನಾಂ ಚ ಯಮಸ್ಯ ಚ || ೧೨,೯।೧

ದಕ್ಷಿಣಾಂ ಸೂರ್ಯಾಂ ಅದಿತಿಂ ವದಂತಿ
ವಶಾಂ ವಾಚಂ ಕಲ್ಪಯಂತಃ ಸಮಾನೀಂ |
ಸಪ್ತ ಋಷಯೋ ನಿ ದಧುರ್ ವಾಚಂ ಏತಾಂ
ಸರಸ್ವತೀ ಮೃಡಯಾ ಕಲ್ಪಯಂತಃ || ೧೨,೯।೨

ಇಮಾಂ ವಶಾಂ ವಾಚಂ ಆಹುರ್ ವಶೇತಿ
ತಿಸ್ರೋ ವಶಾ ಅತಿಹಿತಾಃ ಸಧಸ್ಥೇ |
ತಾಸಾಂ ಅಗ್ನೌ ಮನಸೈಕಾಂ ಜುಹೋಮಿ
ತಾಂ ನಃ ಸ್ವಾದ್ವೀಂ ಭೂತಪತಿಃ ಕೃಣೋತು || ೧೨,೯।೩

ಸ್ವದ್ವೀಂ ನ ಏತಾಂ ಸವಿತಾ ಕೃಣೋತು
ಸ್ವದ್ವೀಂ ನ ಏತಾಂ ಜನಿತಾ ಪಶೂನಾಂ |
ಜುಹುಧ್ಯ್ ಅಗ್ನೇ ವಯುನಾನಿ ವಿದ್ವಾಂಸ್
ತಾಂ ನಃ ಸ್ವಾದ್ವೀಂ ಭೂತಪತಿಃ ಕೃಣೋತು || ೧೨,೯।೪

ಇದಂ ತೃತೀಯಂ ವಶಿನೀ ವಶಾಶಿ
ಮಹಿಮ್ನೇ ತ್ವಾ ಗರ್ಭೋ ಅಭ್ಯ್ ಆ ವಿವೇಶ |
ಉಶತೀ ತ್ವಂ ಉಶತೋ ಗಚ್ಛ ದೇವಾನ್
ಸತ್ಯಾಃ ಸಂತು ಯಜಮಾನಸ್ಯ ಕಾಮಾಃ || ೧೨,೯।೫

ಇಯಂ ಅಂಭಸಾ ವಾಜಸುತಸ್ತಭೇ ಗೌರ್
ಯಸ್ಯಾಂ ಇಂದ್ರೋ ವರುಣಸ್ ತಿತ್ವಿಷಾತೇ |
ನೃಮ್ಣಂ ಅನೃಮ್ಣಂ ಸಚತ ಇಯಂ ಆಗನ್
ಧೀರಃ ಪಶುರ್ ವೀರ್ಯಂ ಆ ವಿವೇಶ || ೧೨,೯।೬

ವಶಾ ಸಸೂವ ಸ್ಥವಿರಂ ವಿಪಶ್ಚಿತಂ
ವಶಾ ಸಸೂವ ವಷ್ಕಯಂ ದಿವಿಸ್ಪೃಶನ್ |
ವಶಾ ಸಸೂವ ತರುಣಂ ವಿಭಾಜನೇ
ವಶಾ ಸಸೂವ ಸಂಜಿತಂ ಧನಾನಾಂ || ೧೨,೯।೭

ಯತ್ ಪ್ರೋಕ್ಷಣಂ ಅಪತದ್ ಬರ್ಹಿಷಸ್ ಪರಿ
ದಕ್ಷಿಣತೋ ವೇದ್ಯಾ ಇಂದ್ರಿಯಾವತ್ |
ವಶಾ ಸಂಭೂತ್ಯಾಧಿ ಗೌರ್ ಅಮೀಮೇತ್
ತಸ್ಯಾಃ ಪೀವೋ ಅಭವದ್ ವರ್ಮವಾಸಸಂ || ೧೨,೯।೮

ನಮೋ ಮಹಿಮ್ನ ಉತ ಚಕ್ಷುಷೇ ವಾಂ
ವಶರ್ಷಭೋ ಮನಸಾ ತತ್ ಕೃಣೋಮಿ |
ದೇವಾಁ ಅಪೀತಂ ಪಥಿಭಿಃ ಶಿವೇಭಿರ್
ಮಾ ನೋ ಹಿಂಸಿಷ್ಟಂ ಹರಸಾ ದೈವ್ಯೇನ || ೧೨,೯।೯

ವಶಾಂ ಅಸ್ಕಂದದ್ ಋಷಭಸ್
ತಿಷ್ಠಂತೀಂ ಅಧಿ ತಂತುಷು |
ಗರ್ಭಂ ತಂ ಅದ್ಯ ಕೋ ವೇದ
ಯತಿಧಾ ಸೋ ಅಕಲ್ಪಯತ್ || ೧೨,೯।೧೦
(೯)

ರೂಪಂ ಏಕಃ ಪರ್ಯ್ ಅಭವದ್
ರಾಜಾ ನಾಮೈಕ ಉಚ್ಯತೇ |
ಪತೀರೂಪಸ್ಯೈಕೋ ರೂಪಂ
ರೂಪಂ ಏಕಃ ಸುಕೃತ್ವನಾಂ || ೧೨,೧೦।೧

ಪ್ರಜಾಪತಿಃ ಪರಮೇಷ್ಠೀ
ಮೃತ್ಯುರ್ ವಿಶ್ವಾನರಃ ಸ್ವಃ |
ಸರಸ್ವಾನಸ್ಯಾ ಯಜ್ಞಸ್ಯ
ವಶಾಯಾ ಅಧಿ ಜಜ್ಞಿರೇ || ೧೨,೧೦।೨

ಯಸ್ಯ ಗೃಹ ಆದಾಯೇತ
ವಶಾ ದೇವಕೃತಂ ಹವಿಃ |
ನಿಧಾನಂ ಅಸ್ಯಾ ಏಷ್ಯಂ
ದುಹಿತ್ರೇ ಪತ್ಯಾಂ ಇವ || ೧೨,೧೦।೩

ನಾಸ್ಯಾಃ ಸಕೃದ್ ಅಭಿ ತಿಷ್ಠೇನ್
ನಾಸ್ಯ ಶ್ಲೋಣಾ ಗೃಹೇ ಸ್ಯಾತ್ |
ವಶಾ ಕನ್ಯೇವ ದುರ್ಮಂಕಾ-
-ಅಪಚಿತ್ಯಾ ವಿಜಾನತಾ || ೧೨,೧೦।೪

ನೈನಾಂ ರಕ್ಷೇದ್ ಬ್ರಾಹ್ಮಣೇಭ್ಯೋ
ನಾಮಾ ವಿ ಗ್ಲಾಪಯಾತಿ ಚ |
ಯತೀಂ ನ ಪ್ರತ್ಯಾವರ್ತಯೇದ್
ಯಸ್ಯ ಗೋಷು ವಶಾ ಸ್ಯಾತ್ || ೧೨,೧೦।೫

ನಾಸ್ಯಾ ವಶಾಂ ಆ ರುಂಧೇದ್
ದೇವಾ ಮನುಷ್ಯಾ ಉತ |
ವಶಂ ಯದ್ ಅನ್ವೈದ್ ಬ್ರಹ್ಮಣಾ
ತಸ್ಮಾದ್ ಏಷಾಭವದ್ ವಶಾ || ೧೨,೧೦।೬

ವಶಂ ಕೃಣ್ವಾನಾ ವಶಿನೀಯಂ ಆಗನ್
ಪದಂ ಕಲ್ಯಾಣ್ಯ್ ಅವಪಶ್ಯಮಾನಾ |
ಅನಿಷ್ಟ್ಯೇಷ್ಟಿಂ ಅಭಿಜಾಯಮಾನಾ
ಯಜ್ಞಸ್ಯ ಮಾತ್ರಾಂ ಅಭಿಕಲ್ಪಮಾನಾ || ೧೨,೧೦।೭

ಇಂದ್ರವಂತಸ್ ತೇ ಮರುತಸ್
ತುರೀಯಂ ಭೇಜಿರೇ ವಶೇ |
ತುರೀಯಂ ಆದಿತ್ಯಾ ರುದ್ರಾಸ್
ತುರೀಯಂ ವಸವೋ ವಶೇ || ೧೨,೧೦।೮

ತುರೀಯ ಭಾಜ ಆದಿತ್ಯಾನ್
ವಶಾಯಾಃ ಕವಯೋ ವಿದುಃ |
ಅಥಾಸ್ಯಾಃ ಪಥ್ಯೈಕಾ ತನುಶ್
ಚತಸ್ರಶ್ ಚಕ್ಲ್̥ಪೇ ದಿಶಃ || ೧೨,೧೦।೯

ವಶಾ ಪಂಥಾಂ ಅನ್ವ್ ಅಪಶ್ಯನ್
ನಾಕಪೃಷ್ಠಂ ಸ್ವರ್ವಿದಾಂ |
ಆದಿತ್ಯಾ ಏನಾಂ ಅನ್ವ್ ಆಯನ್ನ್
ಋಷಯಶ್ ಚ ತಪಸ್ವಿನಃ || ೧೨,೧೦।೧೦
(೧೦)

ಪದೇಪದೇ ಕಲ್ಪಯಂತ
ಆದಿತ್ಯಾಂಗಿರಸೋ ಯಜುಃ |
ಈಡಾನಾ ಅನ್ವ್ ಆಯನ್ ವಶಾನ್
ತದೈಡಂ ಸಾಮೋಚ್ಯತೇ || ೧೨,೧೧।೧

ವಶೇಡಾ ವಶಾನುಮತಿರ್
ವಶಾಂ ಆಹುಃ ಸರಸ್ವತೀಂ |
ವಿರಾಜಂ ಮನ್ಯಂತೇ ವಶಾಂ
ವಾಗ್ ವಶಾ ಪೃಥಿವೀ ವಶಾ || ೧೨,೧೧।೨

ವಶಾ ದೇಷ್ಟ್ರೀ ಸಿನೀವಾಲೀ
ವಶೋಷಾ ನಿರೃತಿರ್ ವಶಾ |
ವಶಾಯಾಂ ಮೃತ್ಯುಂ ಅವಿಶದ್
ಆ ಮೃತ್ಯುಂ ಅವಿಶದ್ ವಶಾ || ೧೨,೧೧।೩

ಅಗ್ನಿರ್ ವಾಗ್ ಉದಕಂ ಚಕ್ಷುರ್
ಮನೋ ವಾತೋ ವಶೀ ವಶಾ |
ತನ್ವಂ ಕೋ ಅಸ್ಯಾಸ್ ತಂ ವೇದ
ಯಯೋದಕ್ರಾಮದ್ ಏಕಯಾ || ೧೨,೧೧।೪

ಯಾಂ ಚಕ್ಷುಷಾ ಮನಸಾ ಸಂವಿದಾನಾ
ಹೃದಾ ಪಶ್ಯಂತಿ ಕವಯೋ ಮನೀಷಿನಃ |
ತಸ್ಯಾಃ ಪ್ರಜಾಧಿಪತಿಃ ಪಶೂನಾಂ
ವಶಾ ರಾಜ್ಞಾ ನಾಂತವೇಷಾ ಸೃಷ್ಟಿಃ || ೧೨,೧೧।೫

ಕೋ ವಶಾಯಾ ಊಧೋ ವೇದ
ಕ ಉಲ್ಬಂ ಚ ಜರಾಯು ಚ |
ಸ್ತನಾನ್ ಅಸ್ಯಾಃ ಕೋ ವೇದ
ಕ ಇ ತದ್ ವೇದ ಯದ್ ದುಹೇ || ೧೨,೧೧।೬

ಅಹಂ ಅಸ್ಯಾ ಊಧೋ ವೇದ-
-ಅಹಂ ಉಲ್ಬಂ ಚ ಜರಾಯು ಚ |
ಸ್ತನಾನ್ ಅಸ್ಯಾ ಅಹಂ ವೇದ-
-ಅಥೋ ತದ್ ವೇದ ಯದ್ ದುಹೇ || ೧೨,೧೧।೭

ನೈನಾಁ ಅಹಂ ರಕ್ಷೇಯಂ
ದದ್ಯಾಂ ಏವ ಸ್ಯಾಚ್ ಚ ಮೇ |
ಸ್ತನಾ ಹ್ಯ್ ಅಸ್ಯಾ ಅಹಂ ವೇದ
ಕ್ಷೀರಂ ಉಲ್ಬಂ ಚ ಜರಾಯು ಚ || ೧೨,೧೧।೮

ಕೃತ್ತಿರ್ ಯೋನಿರ್ ಅಧಿವಾಸೋ ಜರಾಯು
ಪಾಂಡಂ ಉಲ್ಬಂ ನಾಭಿರ್ ಉಷ್ಣೀಷಂ ಅಸ್ಯಾಃ |
ಆ ಜರಸಂ ಧಯತು ಮಾತರಂ ವಶೀ
ಬ್ರಹ್ಮಭಿಃ ಕ್ಲ್̥ಪ್ತಃ ಸ ಹ್ಯ್ ಅಸ್ಯ ಬಂಧುಃ || ೧೨,೧೧।೯
(೧೧)

ಅನುವಾಕ ೧ ||

ಇಂದ್ರಸ್ಯ ನು ವೀರ್ಯಾಣಿ ಪ್ರ ವೋಚಂ
ಯಾನಿ ಚಕಾರ ಪ್ರಥಮಾನಿ ವಜ್ರೀ |
ಅಹನ್ನ್ ಅಹಿಂ ಅನ್ವ್ ಅಪಸ್ ತತರ್ದ
ಪ್ರ ವಕ್ಷಣಾ ಅಭಿನತ್ ಪರ್ವತಾನಾಂ || ೧೨,೧೨।೧

ಅಹನ್ನ್ ಅಹಿಂ ಪರ್ವತೇ ಶಿಶ್ರಿಯಾಣಂ
ತ್ವಷ್ಟಾಸ್ಮೈ ವಜ್ರಂ ಸ್ವರ್ಯಂ ತತಕ್ಷ |
ವಾಶ್ರಾ ಇವ ಧೇನವಃ ಸ್ಯಂದಮಾನಾ
ಅಂಜಃ ಸಮುದ್ರಂ ಅವ ಜಗ್ಮುರ್ ಆಪಃ || ೧೨,೧೨।೨

ವೃಷಾಯಮಾಣೋ ಽವೃಣೀತ ಸೋಮಂ
ತ್ರಿಕದ್ರುಕೇಷ್ವ್ ಅಪಿಬತ್ ಸುತಸ್ಯ |
ಆ ಸಾಯಕಂ ಮಘವಾದತ್ತ ವಜ್ರಂ
ಅಹನ್ನ್ ಏನಂ ಪ್ರಥಮಜಾಂ ಅಹೀನಂ || ೧೨,೧೨।೩

ಯದ್ ಇಂದ್ರಾಹನ್ ಪ್ರಥಮಜಾಂ ಅಹೀನಾಂ
ಆನ್ ಮಾಯಿನಾಂ ಅಮಿನಾಃ ಪ್ರೋತ ಮಾಯಾಃ |
ಆತ್ ಸೂರ್ಯಂ ಜನಯನ್ ದ್ಯಾಂ ಉಷಾಸಂ
ತಾದೀತ್ನಾ ಶತ್ರುಂ ನ ಕಿಲಾ ವಿವಿತ್ಸೇ || ೧೨,೧೨।೪

ಅಹನ್ ವೃತ್ರಂ ವೃತ್ರತರಂ ವ್ಯಂಸಂ
ಇಂದ್ರೋ ವಜ್ರೇಣ ಮಹತಾ ವಧೇನ |
ಸ್ಕಧಾಂಸೀವ ಕುಲಿಶೇನಾ ವಿವೃಕ್ಣಾ-
-ಅಹಿಃ ಶಯದ್ ಉಪಪೃಕ್ ಪೃಥಿವ್ಯಾಃ || ೧೨,೧೨।೫

ಅಯೋದ್ಧೇವ ದುರ್ಮದ ಆ ಹಿ ಜುಹ್ವೇ
ಮಹಾವೀರಂ ತು ವಿಬಾಧಂ ಋಜೀಷಂ |
ನಾತಾರೀದ್ ಅಸ್ಯ ಸಮೃತಿಂ ವಧಾನಾಂ
ಸಂ ರುಜಾನಾಃ ಪಿಪಿಷ ಇಂದ್ರಶತ್ರುಃ || ೧೨,೧೨।೬

ಅಪಾದ್ ಅಹಸ್ತೋ ಅಪೃತನ್ಯದ್ ಇಂದ್ರಂ
ಆಸ್ಯ ವಜ್ರಂ ಅಧಿ ಸಾನೌ ಜಘಾನ |
ವೃಷ್ಣೋ ವಧ್ರಿಃ ಪ್ರತಿಮಾನಂ ಬಭೂಷನ್
ಪುರುತ್ರಾ ವೃತ್ರೋ ಅಶಯದ್ ವ್ಯಸ್ತಃ || ೧೨,೧೨।೭

ನದಂ ನ ಭಿನ್ನಂ ಅಮುಯಾ ಶಯಾನಂ
ಮನೋ ರುಹಾಣಾ ಅತಿ ಯಂತ್ಯ್ ಆಪಃ |
ಯಾಶ್ ಚಿದ್ ವೃತ್ರೋ ಮಹಿನಾ ಪರ್ಯತಿಷ್ಠತ್
ತಾಸಾಂ ಅಹಿಃ ಪತ್ಸುತಃಶೀರ್ ಬಭೂವ || ೧೨,೧೨।೮

ನಿಚಾವಯಾ ಅಭವದ್ ವೃತ್ರಪುತ್ರ-
-ಇಂದ್ರೋ ಅಸ್ಯಾ ಅವ ವಧರ್ ಜಭಾರ |
ಉತ್ತರಾ ಸೂರ್ ಅಧರಃ ಪುತ್ರ ಆಸೀದ್
ದಾನುಃ ಶಯೇ ಸಹವತ್ಸಾ ನ ಧೇನುಃ || ೧೨,೧೨।೯

ಅತಿಷ್ಠಂತೀನಾಂ ಅನಿವೇಶನಾನಾಂ
ಕಾಷ್ಠಾನಾಂ ಮಧ್ಯೇ ನಿಹಿತಂ ಶರೀರಂ |
ವೃಕಸ್ಯ ನಿಣ್ಯಂ ವಿ ಚರಂತ್ಯ್ ಆಪೋ
ದೀರ್ಘಂ ತಮ ಆಶಯದ್ ಇಂದ್ರಶತ್ರುಃ || ೧೨,೧೨।೧೦
(೧೨)

ದಾಸಪತ್ನೀರ್ ಅಹಿಗೋಪಾ ಅತಿಷ್ಠನ್
ನಿರುದ್ಧಾ ಆಪಃ ಪಣಿನೇವ ಗಾವಃ |
ಅಪಾಂ ಬಿಲಂ ಅಪಿಹಿತಂ ಯದ್ ಆಸೀದ್
ವೃತ್ರಂ ಜಘನ್ವಾಁ ಅಪ ತದ್ ವವಾರ || ೧೨,೧೩।೧

ಅಶ್ವ್ಯೋ ವಾರೋ ಅಭವಸ್ ತದ್ ಇಂದ್ರ
ಸೃಕೇ ಯತ್ ತ್ವಾ ಪ್ರತ್ಯಹನ್ ದೇವ ಏಕಃ |
ಅಜಯೋ ಗಾ ಅಜಯಃ ಶೂರ ಸೋಮಂ
ಅವಾಸೃಜಃ ಸರ್ತವೇ ಸಪ್ತ ಸಿಂಧೂನ್ || ೧೨,೧೩।೨

ನಾಸ್ಮೈ ವಿದ್ಯುನ್ ನ ತನ್ಯತುಃ ಶಿಷೇಧ
ನ ಯಾಮ್ಯಹಂ ಅಕಿರದ್ ಧ್ರಾದುನಿಂ ಚ
ಇಂದ್ರಶ್ ಚ ಯದ್ ಯುಯುಧಾತೇ ಅಹಿಶ್ ಚ-
-ಉತಾಪರೀಭ್ಯೋ ಮಘವಾ ವಿ ಜಿಗ್ಯೇ || ೧೨,೧೩।೩

ಅಹೇರ್ ಯಾತಾರಂ ಕಂ ಅಪಶ್ಯ ಇಂದ್ರ
ಹೃದಿ ಯತ್ ತೇ ಜಘ್ನುಷೋ ಭೀರ್ ಅಗಚ್ಛತ್ |
ನವ ಚ ಯನ್ ನವತಿಂ ಚ ಸ್ರವಂತೀಃ
ಶ್ಯೇನೋ ನ ಭೀತೋ ಅತರೋ ರಜಾಂಸಿ || ೧೨,೧೩।೪

ಇಂದ್ರೋ ಯಾತೋ ಽವಸಿತಸ್ಯ ರಾಜಾ
ಶಮಸ್ಯ ಚ ಶೃಂಗಿಣೋ ವಜ್ರಬಾಹುಃ |
ಸೇದ್ ಉ ರಾಜಾ ಕ್ಷಯತಿ ಚರ್ಷಣೀಣಾಂ
ಅರಾನ್ ನ ನೇಮಿಃ ಪರಿ ತಾ ಬಭೂವ || ೧೨,೧೩।೫
(೧೩)

ಯೋ ಜಾತ ಏವ ಪ್ರಥಮೋ ಮನಸ್ವಾನ್
ದೇವೋ ದೇವಾನ್ ಕ್ರತುನಾ ಪರ್ಯಭೂಷತ್ |
ಯಸ್ಯ ಶುಷ್ಮಾದ್ ರೋದಸೀ ಅಭ್ಯಸೇತಾಂ
ನೃಮ್ಣಸ್ಯ ಮಹ್ನಾ ಸ ಜನಾಸ ಇಂದ್ರಃ || ೧೨,೧೪।೧

ಯಃ ಪೃಥಿವೀಂ ವ್ಯಧಮಾನಾಂ ಅದೃಂಹದ್
ಯಃ ಪರ್ವತಾನ್ ಪ್ರಕುಪಿತಾಁ ಅರಮ್ಣಾತ್ |
ಯೋ ಅಂತರಿಕ್ಷಂ ವಿಮಮೇ ವರೀಯೋ
ಯೋ ದ್ಯಾಂ ಅಸ್ತಭ್ನಾತ್ ಸ (ಜನಾಸ ಇಂದ್ರಃ) || ೧೨,೧೪।೨

ಯೋ ಹತ್ವಾಹಿಂ ಅರಿಣಾತ್ ಸಪ್ತ ಸಿಂಧೂನ್
ಯೋ ಗಾ ಉದಾಜದ್ ಅಪಧಾ ವಲಸ್ಯ |
ಯೋ ಅಶ್ಮನೋರ್ ಅಂತರ್ ಅಗ್ನಿಂ ಜಜಾನ
ಸಂವೃಕ್ ಸಮತ್ಸು ಸ (ಜನಾಸ ಇಂದ್ರಃ) || ೧೨,೧೪।೩

ಯೇನೇಮಾ ವಿಶ್ವಾ ಚ್ಯವನಾ ಕೃತಾನಿ
ಯೋ ದಾಸಂ ವರ್ಣಂ ಅಧರಂ ಗುಹಾಕಃ |
ಶ್ವಘ್ನೀವ ಯೋ ಜಿಗೀವಾಁಲ್ ಲಕ್ಷಂ ಆದದ್
ಅರ್ಯಃ ಪುಷ್ಟಾನಿ ಸ (…) || ೧೨,೧೪।೪

ಯಂ ಸ್ಮಾ ಪೃಚ್ಛಂತಿ ಕುಹ ಸೇತಿ ಘೋರಂ
ಉತೇಂ ಆಹುರ್ ನೈಷೋ ಅಸ್ತೀತ್ಯ್ ಏನಂ |
ಸೋ ಅರ್ಯಃ ಪುಷ್ಟೀರ್ ವಿಜ ಇವಾ ಮಿನಾತಿ
ಶ್ರದ್ ಅಸ್ಮೈ ಧತ್ತ ಸ (…) || ೧೨,೧೪।೫

ಯೋ ರಧ್ರಸ್ಯ ಚೋದಿತಾ ಯಃ ಕೃಶಸ್ಯ
ಯೋ ಬ್ರಹ್ಮಣೋ ನಾಧಮಾನಸ್ಯ ಕೀರೇಃ |
ಯುಕ್ತಗ್ರಾವ್ಣೋ ಯೋ ಽವಿತಾ ಸುಶಿಪ್ರಃ
ಸುತಸೋಮಸ್ಯ ಸ (…) || ೧೨,೧೪।೬

ಯಸ್ಯಾಶ್ವಾಸಃ ಪ್ರದಿಶಿ ಯಸ್ಯ ಗಾವೋ
ಯಸ್ಯ ಗ್ರಾಮಾ ಯಸ್ಯ ವಿಶ್ವೇ ರಥಾಸಃ |
ಯಃ ಸೂರ್ಯಂ ಯ ಉಷಸಂ ಜಜಾನ
ಯೋ ಅಪಾಂ ನೇತಾ ಸ (…) || ೧೨,೧೪।೭

ಯಂ ಕ್ರಂದಸೀ ಸಂಯತೀ ವಿಹ್ವಯತೇ
ಪರೇ ಽವರ ಉಭಯಾ ಅಮಿತ್ರಾಃ |
ಸಮಾನಂ ಚಿದ್ ರಥಂ ಆತಸ್ಥಿವಾಂಸಾ
ನಾನಾ ಹವೇತೇ ಸ (…) || ೧೨,೧೪।೮

ಯಸ್ಮಾನ್ ನ ರ್ತೇ ವಿಜಯಂತೇ ಜನಾಸೋ
ಯಂ ಯುಧ್ಯಮಾನಾ ಅವಸೇ ಹವಂತೇ |
ಯೋ ವಿಶ್ವಸ್ಯ ಪ್ರತಿಮಾನಂ ಬಭೂವ
ಯೋ ಅಚ್ಯುತಚ್ಯುತ್ ಸ (…) || ೧೨,೧೪।೯

ಯಃ ಶಶ್ವತೋ ಮಹ್ಯ್ ಏನೋ ದಧಾನಾನ್
ಅಬುಧ್ಯಮಾನಾನ್ ಸರ್ವಾ ಜಘಾನ |
ಯಃ ಶರ್ಧತೇ ನಾನುದದಾತಿ ಶೃಧ್ಯಾಂ
ಯೋ ದಸ್ಯೋರ್ ಹಂತಾ ಸ (…) || ೧೨,೧೪।೧೦
(೧೪)

ಯಃ ಶಂಬರಂ ಪರ್ವತೇಷು ಕ್ಷಿಯಂತಂ
ಚತ್ವಾರಿಂಶ್ಯಾಂ ಶರದ್ಯ್ ಅನ್ವವಿಂದತ್ |
ಓಜಾಯಮಾನಂ ಯೋ ಅಹಿಂ ಜಘಾನ
ದಾನುಂ ಶಯಾನಂ ಸ (…) || ೧೨,೧೫।೧

ಯಃ ಶಂಬರಂ ಪರ್ಯಚರಚ್ ಛಶೀಬಿರ್
ಯೋ ವಾ ವೃಕಸ್ಯ ನಾಪಿಬತ್ ಸುತಂ |
ಅಂತರ್ ಗಿರೌ ಯಜಮಾನಂ ಬಹುಂ ಜನಂ
ಯಸ್ ತಂ ನಾಸೂರುಕ್ಷು ಸ (…) || ೧೨,೧೫।೨

ಯಃ ಸಪ್ತರಶ್ಮಿರ್ ವೃಷಭಸ್ ತುವಿಷ್ಮಾನ್
ಅವಾಸೃಜತ್ ಸರ್ತವೇ ಸಪ್ತ ಸಿಂಧೂನ್ |
ಯೋ ರೌಹಿಣಂ ಅಸ್ಫುರದ್ ವಜ್ರಬಾಹುರ್
ದ್ಯಾಂ ಆರೋಹಂತಂ ಸ (…) || ೧೨,೧೫।೩

ದ್ಯಾವಾ ಚಿದ್ ಅಸ್ಮೈ ಪೃಥಿವೀ ನಮೇತೇ
ಶುಷ್ಮಾಚ್ ಚಿದ್ ಅಸ್ಯ ಪರ್ವತಾ ಭಯಂತೇ |
ಯಃ ಸೋಮಪಾ ನಿಚಿತೋ ವಜ್ರಬಾಹುರ್
ಯೋ ವಜ್ರಹಸ್ತಃ ಸ (…) || ೧೨,೧೫।೪

ಯಃ ಸುನ್ವಂತಂ ಅವತಿ ಯಃ ಪಚಂತಂ
ಯಃ ಶಂಸಂತಂ ಯಃ ಶಶಮಾನಂ ಊತೀ |
ಯಸ್ಯ ಬ್ರಹ್ಮ ವರ್ಧನಂ ಯಸ್ಯ ಸೋಮೋ
ಯಸ್ಯೇದಂ ರಾಧಃ ಸ ಜನಾಸ ಇಂದ್ರಃ || ೧೨,೧೫।೫

ಯಃ ಸುನ್ವತೇ ಪಚತೇ ದುಧ್ರ ಆ ಚಿದ್
ವಾಜಂ ದದರ್ಷಿ ಸ ಕಿಲಾಸಿ ಸತ್ಯಃ |
ವಯಂ ತ ಇಂದ್ರ ವಿಶ್ವಹ ಪ್ರಿಯಾಸಃ
ಸುವೀರಾಸೋ ವಿದಥಂ ಆ ವದೇಮ || ೧೨,೧೫।೬

ಜಾತೋ ವ್ಯಖ್ಯತ್ ಪಿತ್ರೋರ್ ಉಪಸ್ಥೇ ಭುವೋ
ನ ವೇದ ಜನಿತುಃ ಪರಸ್ಯ |
ತವಿಷ್ಯಮಾಣೋ ನ್ವ್ ಓಜೋ ಅಖ್ಯದ್ ವ್ರತಾ
ದೇವಾನಾಂ ಸ ಜನಾಸ ಇಂದ್ರಃ || ೧೨,೧೫।೭

ಯಃ ಸೋಮಕಾಮೋ ಹರ್ಯಶ್ವ ಆಸು
ಯಸ್ಮಾದ್ ರೇಜಂತೇ ಭುವನಾನಿ ವಿಶ್ವಾ |
ಯೋ ಜಘಾನ ಶಂಬರಂ ಯಶ್ ಚ ಶುಷ್ಣಂ
ಯ ಏಕವೀರಃ ಸ ಜನಾಸ ಇಂದ್ರಃ || ೧೨,೧೫।೮
(೧೫)

ಶಂ ನ ಇಂದ್ರಾಗ್ನೀ ಭವತಾಂ ಅವೋಭಿಃ
ಶಂ ನ ಇಂದ್ರಾವರುಣಾ ರಾತಹವ್ಯಾ |
ಶಂ ಇಂದ್ರಾಸೋಮಾ ಸ ವಿತಾಯ ಶಂ ಯೋಃ
ಶಂ ನ ಇಂದ್ರಾಪೂಷಣಾ ವಾಜಸಾತೌ || ೧೨,೧೬।೧

ಶಂ ನೋ ಭಗಃ ಶಂ ಉ ನಃ ಶಂಸೋ ಅಸ್ತು
ಶಂ ನಃ ಪುರುಂಧಿಃ ಶಂ ಉ ಸಂತು ರಾಯಃ |
ಶಂ ನಃ ಸತ್ಯಸ್ಯ ಸೂಯಮಸ್ಯ ಶಂಸಃ
ಶಂ ನೋ ಅರ್ಯಮಾ ಪುರುಜಾತೋ ಅಸ್ತು || ೧೨,೧೬।೨

ಶಂ ನೋ ಧಾತಾ ಶಂ ಉ ಧರ್ತಾ ನೋ ಅಸ್ತು
ಶಂ ನ ಉರೂಚೀ ಭವತು ಸ್ವಧಾಭಿಃ |
ಶಂ ರೋದಸೀ ಬೃಹತೀ ಶಂ ನೋ ಅದ್ರಿಃ
ಶಂ ನೋ ದೇವಾನಾಂ ಸುಹವಾನಿ ಸಂತು || ೧೨,೧೬।೩

ಶಂ ನೋ ಅಗ್ನಿರ್ ಜ್ಯೋತಿರನೀಕೋ ಅಸ್ತು
ಶಂ ಮಿತ್ರಾವರುಣಾವ್ ಅಶ್ವಿನಾ ಶಂ |
ಶಂ ನಃ ಸುಕೃತಾಂ ಸುಕೃತಾನಿ ಸಂತು
ಶಂ ನ ಇಷಿರೋ ಅಭಿ ವಾತು ವಾತಃ || ೧೨,೧೬।೪

ಶಂ ನೋ ದ್ಯಾವಾಪೃಥಿವೀ ಪೂರ್ವಹೂತೌ
ಶಂ ಅಂತರಿಕ್ಷಂ ದೃಶಯೇ ನೋ ಅಸ್ತು |
ಶಂ ನ ಓಷಧೀರ್ ವನಿನೋ ಭವಂತು
ಶಂ ನೋ ರಜಸಃ ಪತಿರ್ ಅಸ್ತು ಜಿಷ್ಣುಃ || ೧೨,೧೬।೫

ಶಂ ನ ಇಂದ್ರೋ ವಸುಭಿರ್ ದೇವೋ ಅಸ್ತು
ಶಂ ಆದಿತ್ಯೇಭಿರ್ ವರುಣಃ ಸುಶಂಸಃ |
ಶಂ ನೋ ರುದ್ರೋ ರುದ್ರೇಭಿರ್ ಜಲಾಷಃ
ಶಂ ನಸ್ ತ್ವಷ್ಟಾ ಗ್ನಾಭಿರ್ ಇಹ ಶೃಣೋತು || ೧೨,೧೬।೬

ಶಂ ನಃ ಸೋಮೋ ಭವತು ಬ್ರಹ್ಮ ಶಂ ನಃ
ಶಂ ನೋ ಗ್ರಾವಾಣಃ ಶಂ ಉ ಸಂತು ಯಜ್ಞಾಃ |
ಶಂ ನಃ ಸ್ವರೂಣಾಂ ಮಿತಯೋ ಭವಂತು
ಶಂ ನಃ ಪ್ರಸ್ವಃ ಶಂ ವ್ ಅಸ್ತು ವೇದಿಃ || ೧೨,೧೬।೭

ಶಂ ನಃ ಸೂರ್ಯ ಉರುಚಕ್ಷಾ ಉದ್ ಏತು
ಶಂ ನೋ ಭವಂತು ಪ್ರದಿಶಶ್ ಚತಸ್ರಃ |
ಶಂ ನಃ ಪರ್ವತಾ ಧ್ರುವಯೋ ಭವಂತು
ಶಂ ನಃ ಸಿಂಧವಃ ಶಂ ಉ ಸಂತ್ವ್ ಆಪಃ || ೧೨,೧೬।೮

ಶಂ ನೋ ಅದಿತಿರ್ ಭವತು ವ್ರತೇಭಿಃ
ಶಂ ನೋ ಭವಂತು ಮರುತಃ ಸ್ವರ್ಕಾಃ |
ಶಂ ನೋ ವಿಷ್ಣುಃ ಶಂ ಉ ಪೂಷಾ ನೋ ಅಸ್ತು
ಶಂ ನೋ ಭವಿತ್ರಂ ಶಂ ವ್ ಅಸ್ತು ವಾಯುಃ || ೧೨,೧೬।೯

ಶಂ ನೋ ದೇವಃ ಸವಿತಾ ತ್ರಾಯಮಾನಃ
ಶಂ ನೋ ಭವಂತೂಷಸೋ ವಿಭಾತೀಃ |
ಶಂ ನಃ ಪರ್ಜನ್ಯೋ ಭವತು ಪ್ರಜಾಭ್ಯಃ
ಶಂ ನಃ ಕ್ಷೇತ್ರಸ್ಯ ಪತಿರ್ ಅಸ್ತು ಶಂಭುಃ || ೧೨,೧೬।೧೦
(೧೬)

ಶಂ ನಃ ಸತ್ಯಸ್ಯ ಪತಯೋ ಭವಂತು
ಶಂ ನೋ ಅರ್ವಂತಃ ಶಂ ಉ ಸಂತು ಗಾವಃ |
ಶಂ ನ ಋಭವಃ ಸುಕೃತಃ ಸುಹಸ್ತಾಃ
ಶಂ ನೋ ಭವಂತು ಪಿತರೋ ಹವೇಷು || ೧೨,೧೭।೧

ಶಂ ನೋ ದೇವಾ ವಿಶ್ವದೇವಾ ಭವಂತು
ಶಂ ಸರಸ್ವತೀ ಸಹ ಧೀಭಿರ್ ಅಸ್ತು |
ಶಂ ಅಭಿಷಾಚಃ ಶಂ ಉ ರಾತಿಷಾಚಃ
ಶಂ ನೋ ದಿವ್ಯಾಃ ಪಾರ್ಥಿವಾಃ ಶಂ ನೋ ಅಪ್ಯಾಃ || ೧೨,೧೭।೨

ಶಂ ನೋ ಅಜ ಏಕಪಾದ್ ದೇವೋ ಅಸ್ತು
ಶಂ ಅಹಿರ್ ಬುಧ್ನ್ಯಃ ಶಂ ಸಮುದ್ರಃ |
ಶಂ ನೋ ಅಪಾಂ ನಾಪತ್ ಪೇರುರ್ ಅಸ್ತು
ಶಂ ನಃ ಪೃಶ್ನಿರ್ ಭವತು ದೇವಗೋಪಾಃ || ೧೨,೧೭।೩

ಆದಿತ್ಯಾ ರುದ್ರಾ ವಸವೋ ಜುಷಂತಾಂ
ಇದಂ ಬ್ರಹ್ಮ ಕ್ರಿಯಮಾಣಂ ನವೀಯಃ |
ಶೃಣ್ವಂತು ನೋ ದಿವ್ಯಾಃ ಪಾರ್ಥಿವಾಸೋ
ಗೋಜಾತಾ ಉತ ಯೇ ಯಜ್ಞಿಯಾಸಃ || ೧೨,೧೭।೪

ಯೇ ದೇವಾನಾಂ ಋತ್ವಿಜೋ ಯಜ್ಞಿಯಾಸೋ
ಮನೋರ್ ಯಜತ್ರಾ ಅಮೃತಾ ಋತಜ್ಞಾಃ |
ತೇ ನೋ ರಾಸಂತಾಂ ಉರುಗಾಯಂ ಅದ್ಯ
ಯೂಯಂ ಪಾತ ಸ್ವಸ್ತಿಭಿಃ ಸದಾ ನಃ || ೧೨,೧೭।೫

ತದ್ ಅಸ್ತು ಮಿತ್ರಾವರುಣಾ ತದ್ ಅಗ್ನೇ
ಶಂ ಯೋರ್ ಅಸ್ಮಭ್ಯಂ ಇದಂ ಅಸ್ತು ಶಸ್ತಂ |
ಅಶೀಮಹಿ ಗಾತುಂ ಉತ ಪ್ರತಿಷ್ಠಾಂ
ನಮೋ ದಿವೇ ಬೃಹತೇ ಸಾದನಾಯ || ೧೨,೧೭।೬
(೧೭)

ಅಗ್ನಾವ್ ಅಗ್ನಿಶ್ ಚರತಿ ಪ್ರವಿಷ್ಟ
ಋಷೀಣಾಂ ಪುತ್ರೋ ಅಧಿರಾಜ ಏಷಃ |
ತಸ್ಮೈ ಜುಹೋಮಿ ಹವಿಷಾ ಘೃತೇನ
ಮಾ ದೇವಾನಾಂ ಯೂಯವದ್ ಭಾಗಧೇಯಂ || ೧೨,೧೮।೧

ಯುಕ್ತೋ ವಹ ಜಾತವೇದಃ ಪುರಸ್ತಾದ್
ಅಗ್ನೇ ವಿದ್ಧಿ ಕ್ರಿಯಮಾಣಂ ಯಥೇದಂ |
ತ್ವಂ ಭಿಷಗ್ ಭೇಷಜಸ್ಯಾಪಿ ಕರ್ತಾ
ತ್ವಯಾ ಗಾಂ ಅಶ್ವಂ ಪುರುಷಂ ಸನೇಮ || ೧೨,೧೮।೨

ತಥಾ ತ್ವಂ ಅಗ್ನೇ ಕೃಣು ಜಾತವೇದೋ
ಽನೇನ ವಿದ್ವಾನ್ ಹವಿಷಾ ಯವಿಷ್ಠ |
ಪಿಶಾಚೋ ಅಸ್ಯ ಯತಮೋ ಜಘಾಸ
ಯಥಾ ಸೋ ಅಸ್ಯ ಪರಿಧಿಷ್ ಪತಾತಿ || ೧೨,೧೮।೩

ಯೋ ಽಸ್ಯ ದಿದೇವ ಯತಮೋ ಜಘಾಸ
ಯಥಾ ಸೋ ಅಸ್ಯ ಪರಿಧಿಷ್ ಪತಾತಿ |
ತಥಾ ತ್ವಂ ಅಗ್ನೇ ಕೃಣು ಜಾತವೇದೋ
ವಿಶ್ವೇಭಿರ್ ದೇವೈಃ ಸಹ ಸಂವಿದಾನಃ || ೧೨,೧೮।೪

ಅಕ್ಷ್ಯೌ ನಿ ವಿಧ್ಯ ಹೃದಯಂ ನಿ ವಿಧ್ಯ
ಜಿಹ್ವಾಂ ನಿ ತೃಂಧಿ ಪ್ರ ದತಃ ಶೃಣೀಹಿ |
ಪಿಶಾಚೋ ಅಸ್ಯ ಯತಮೋ ಜಘಾಸ-
-ಅಗ್ನೇ ಯವಿಷ್ಠ ಪ್ರತಿ ತಂ ಶೃಣೀಹಿ || ೧೨,೧೮।೫

ಯದ್ ಅಸ್ಯ ಹೃತಂ ವಿಹೃತಂ ಯತ್ ಪರಾಭೃತಂ
ಆತ್ಮನೋ ಜಗ್ಧಂ ಉತ ಯತ್ ಪಿಶಾಚೈಃ |
ತದ್ ಅಗ್ನೇ ವಿದ್ವಾನ್ ಪುನರ್ ಆ ಭರ
ತ್ವಂ ಶರೀರೇ ಪ್ರಾಣಂ ಅಸುಂ ಏರಯಾಸ್ಯ || ೧೨,೧೮।೬

ಅಪಾಂ ತ್ವಾ ಪಾನೇ ಯತಮೋ ದದಂಭ-
-ಓದನೇ ಮಂಥೇ ಯದಿ ವೋತ ಲೇಹೇ |
ತದ್ ಆತ್ಮನಾ ಪ್ರಜಯಾ ಪಿಶಾಚಾ
ವಿ ಯಾತಯಂತಾಂ ಅಗದೋ ಽಯಂ ಅಸ್ತು || ೧೨,೧೮।೭

ಕ್ಷೀರೇ ತ್ವಾ ಮಾಂಸೇ ಯತಮೋ ದದಂಭ-
-ಅಕೃಷ್ಟಪಚ್ಯೇ ಅಶನೇ ಧಾನ್ಯೇ ಯಃ |
ತದ್ ಆತ್ಮನಾ ಪ್ರಜಯಾ ಪಿಶಾಚಾ
ವಿ ಯಾತಯಂತಾಂ ಅಗದೋ ಽಯಂ ಅಸ್ತು || ೧೨,೧೮।೮

ಆಮೇ ಸುಪಕ್ವೇ ಶಬಲೇ ವಿಪಕ್ವೇ
ಯ ಇಮಂ ಪಿಶಾಚೋ ಅಶನೇ ದದಂಭ |
ತಂ ಇಂದ್ರೋ ವಾಜೀ ವಜ್ರೇಣ ಹಂತು
ಭಿನತ್ತು ಸೋಮಃ ಶಿರೋ ಅಸ್ಯ ಧೃಷ್ಣುಃ || ೧೨,೧೮।೯

ದಿವಾ ತ್ವಾ ನಕ್ತಂ ಯತಮೋ ದದಂಭ
ಕ್ರವ್ಯಾದ್ ಯಾತುಃ ಶಯನೇ ಪಿಶಾಚಃ |
ತದ್ ಅಗ್ನೇ ವಿದ್ವಾನ್ ಪ್ರ ದಹ ಕ್ಷಿಣೀಹ್ಯ್
ಅಪ್ಯ್ ಏನಂ ಧೇಹಿ ನಿರೃತೇರ್ ಉಪಸ್ಥೇ || ೧೨,೧೮।೧೦
(೧೮)

ಸೋಮಸ್ಯೇಂದ್ರಸ್ಯ ವರುಣಸ್ಯ ರಾಜ್ಞೋ
ವಿಷ್ಣೋರ್ ಬಲೇನ ಸವಿತುಃ ಸವೇನ |
ಅಗ್ನೇರ್ ಹೋತ್ರೇಣ ಪ್ರ ಣುದೇ ಪಿಶಾಚಾನ್
ಯವಿಷ್ಠಸ್ಯ ಬ್ರಹ್ಮಣಾ ಜಾತವೇದಸಃ || ೧೨,೧೯।೧

ಕ್ರವ್ಯಾದಂ ಅಗ್ನೇ ರುಧಿರಂ ಪಿಶಾಚಂ
ಮನೋಹನಂ ಜಹಿ ಜಾತವೇದಃ ಸಹೋಭಿಃ |
ಶ್ರದ್ಧೇಮಂ ಬ್ರಹ್ಮ ಜುಷತಾಂ ದಕ್ಷಿಣಾಯುರ್
ಯಥಾ ಜೀವಾತ್ಯ್ ಅಗದೋ ಭವಾತಿ || ೧೨,೧೯।೨

ಪುನಸ್ ತ್ವಾ ಪ್ರಾಣಃ ಪುನರ್ ಐತ್ವ್ ಆಯುಃ
ಪುನಶ್ ಚಕ್ಷುಃ ಪುನರ್ ಐತು ಶ್ರೋತ್ರಂ |
ಅಪಘ್ನಾ ನೋ ದುರಿತಾನಿ ವಿಶ್ವಾ
ಶತಂ ಹಿಮಾಃ ಸರ್ವವೀರಾ ಮದೇಮ || ೧೨,೧೯।೩

ಪುನರ್ ಅಸ್ಮೈ ಮನೋ ಧೇಹಿ
ಪುನರ್ ಆಯುಃ ಪುನರ್ ಬಲಂ |
ಅಪಾನಾಂ ಅಸ್ಯ ಪ್ರಾಣಂ ಚ-
-ಅಗ್ನೇ ವರ್ಧಯ ಜೀವಸೇ || ೧೨,೧೯।೪

ಚಕ್ಷುಃ ಸೂರ್ಯ ಪುನರ್ ದೇಹಿ
ವಾತ ಪ್ರಾಣಂ ಸಂ ಈರಯ |
ಶರೀರಂ ಅಸ್ಯ ಮಾಂಸಾನ್ಯ್
ಅಗ್ನೇ ಸಂ ಭಾರಯಾ ತ್ವಂ || ೧೨,೧೯।೫

ಸಂ ಆ ಭರ ಜಾತವೇದೋ
ಯಜ್ ಜಗ್ಧಂ ಯತ್ ಪರಾಭೃತಂ |
ಗಾತ್ರಾಣ್ಯ್ ಅಸ್ಯ ಕಲ್ಪಯ
ಪುನರ್ ಆ ಪ್ಯಾಯತಾಂ ಅಯಂ || ೧೨,೧೯।೬

ಸೋಮಸ್ಯೇವ ಜಾತವೇದೋ
ಅಂಶುರ್ ಆ ಪ್ಯಾಯತಾಂ ಅಯಂ |
ಅಗ್ನೇ ವಿರಪ್ಸಿನಂ ಮೇಧ್ಯಂ
ಅಯಕ್ಷ್ಮಂ ಕೃಣು ಜೀವಸೇ || ೧೨,೧೯।೭

ಸಂ ಮಾ ಸಿಂಚಂತು ಮರುತ ಇತ್ಯ್ ಏಕಾ || ೧೨,೧೯।೮

ವಿ ಮುಂಚಾಮಿ ಬ್ರಹ್ಮಣಾ ಜಾತವೇದಸಂ
ಅಗ್ನಿಂ ಹೋತಾರಂ ಅಜರಂ ರಥಸ್ಪೃತಂ |
ಸರ್ವಾ ದೇವಾನಾಂ ಜನಿಮಾನಿ ವಿದ್ವಾನ್
ಯಥಾಭಾಗಂ ವಹತು ಹವ್ಯಂ ಅಗ್ನಿಃ || ೧೨,೧೯।೯

ಯೇ ಪುಮಾಂಸೋ ಯಾತುಧಾನ
ಯಾ ಸ್ತ್ರಿಯೋ ಯಾತುಧಾನ್ಯಃ |
ಬಲವದ್ ಇಂದ್ರಸ್ಯ ವಜ್ರೇಣ-
-ಅವಾಚೀನಾನ್ ಅವ ಹನ್ಮಿ ತಾನ್ || ೧೨,೧೯।೧೦
(೧೯)

ಯಂ ಶಪಾಮೋ ಯ ಉ ನಃ ಶಪಾತಿ
ಯಂ ದ್ವಿಷ್ಮೋ ಯ ಉ ದ್ವೇಷತ್ ಪಿಶಾಚಃ |
ಕ್ರವ್ಯಾದಂ ಅಗ್ನೇ ಮಹತಾ ವಧೇನ
ತಂ ಅತ್ರಾಪಿ ಪ್ರ ದಹ ಜಾತವೇದಃ || ೧೨,೨೦।೧

ಯ ಆರೇಭೇ ಯಸ್ಯ ವಾ ಘಾಸ್ಯ್ ಅಪ್ಸರಾ
ಯಃ ಕೃಣ್ವೇನ ಸಂವಿದೋ ಯಾತುಮಾವಾನ್ |
ಉಲೂಕಯಾತುಂ ಭೃಮಲೋ ಯಸ್ಯ ಯಾತುಸ್
ತಂ (…) || ೧೨,೨೦।೨

ಯ ಆದದೇ ಯಸ್ಯ ವಾ ಘಾಸಿ ಪಿತ್ರ್ಯಾ
ಸ್ತೇನ ಶ್ವಯಾತುರ್ ಉತ ಸಂಭಿಧೇಹಿಭಿಃ |
ಯಃ ಪತಾದ್ ರೋಧನಸ್ಯಾಧಿದೇವನಂ
ಕ್ರವ್ಯಾತ್ ಪಿಶಾಚಃ ಕ್ರವಿಷಸ್ ತಿತೃಪ್ಸನ್
ಉಲೂಕಯಾತುಂ ಭೃಮಲೋ ಯಸ್ಯ ಯಾತುಸ್
ತಂ (…) || ೧೨,೨೦।೩

ಯಃ ಪುರುಷೇಣೇಯತೇ ರಥೇನ
ಕ್ರವ್ಯಾದ್ ಯಾತುಃ ಪಿಶುನಃ ಪಿಶಾಚಃ |
ವೈಶ್ವಾನರೇಣ ಸಯುಜಾ ಸೂರ್ಯೇಣ
ತಂ (…) || ೧೨,೨೦।೪

ಯೋ ನೋ ವಲಿಂ ಮೃಗಯಾಂ ಯಶ್ ಚ ನಃ ಕೃಷಿಂ
ಪರಿತಿಷ್ಠಾದ್ ಯಾತುಭಿರ್ ಯಶ್ ಚ ನಃ ಶಪಾತ್ |
ಅಸ್ತಾ ರುದ್ರಃ ಶ್ರಥತ್ವ್ ಆಯುರ್ ಅಸ್ಯ
ತಂ (…) || ೧೨,೨೦।೫

ಮಾ ಯಾತುಮಾನ್ ವಿದತ ಮೃಡಿತಾರಂ
ಅಲೋಕಾ ಅಸ್ಮೈ ಪ್ರದಿಶೋ ಭವಂತು |
ಸಂ ಏನಂ ತಪತಾಂ ರೋದಸೀ ಉಭೇ
ತಂ ಅತ್ರಾಪಿ ಪ್ರ ದಹ ಜತವೇದಃ || ೧೨,೨೦।೬

ಜ್ಯೋತಿಷ್ಮತೀಸ್ ತಪನಾ ಯಾಶ್ ಚ ರೋಚನಾ
ಪ್ರತ್ಯೋಷಂತೀಸ್ ತನ್ವೋ ಯಾಸ್ ತೇ ಅಗ್ನೇ |
ತಾಭಿರ್ ಮೇ ಮರ್ಮಾಣ್ಯ್ ಅಭಿತೋ ದದಸ್ವ
ಮಾ ತ್ವಾ ದಭನ್ ಯಾತುಧಾನಾ ನೃಚಕ್ಷಃ || ೧೨,೨೦।೭

ಆಪೋ ದೇವೀಃ ಪಿಶಾಚಾನಾಂ
ಅಪ ನಹ್ಯಂತ್ವ್ ಆಸ್ಯಂ |
ಯಥೇಮಂ ಮಮಾತ್ಮಾನಂ
ಅನಾಧೃಷ್ಯ ಪುನಃ ಪತಾನ್ || ೧೨,೨೦।೮

ಸದಂ ಪುಷ್ಪೇ ಸದಂ ಫಲೇ
ಸದಂ ಇಂದ್ರಾಭಿರಕ್ಷಿತೇ |
ಸದಾ ಪಿಶಾಚಾ ಮ್ರಿಯಂತಾಂ
ಮೈಷಾಂ ಉಚ್ ಛೇಷಿ ಕಶ್ ಚನ ೧೨,೨೦।೯

ಯೇ ಪತಂತೋ ಯಾತುಧಾನಾ
ದಿವಾನಕ್ತಂ ಉಪಾಚರಾನ್ |
ರಾತ್ರೀ ಮಾ ತೇಭ್ಯೋ ರಕ್ಷತ್ವ್
ಅಹ್ನ ಆತ್ಮಾನಂ ಪರಿ ದದೇ || ೧೨,೨೦।೧೦
(೨೦)

ಇಮಂ ಬಧ್ನಾಮಿ ತೇ ಮಣಿಂ
ದೀರ್ಘಾಯುತ್ವಾಯ ತೇಜಸೇ |
ದರ್ಭಂ ಸಪತ್ನಜಂಭನಂ
ದ್ವಿಷತಸ್ ತಪನಂ ಹೃದಃ || ೧೨,೨೧।೧

ದ್ವಿಷತಸ್ ತಾಪಯನ್ ಹೃದಃ
ಶತ್ರೂಣಾಂ ತಾಪಯನ್ ಮನಃ |
ದುರ್ಹಾರ್ದಃ ಸರ್ವಾಂಸ್ ತ್ವಂ ದರ್ಭ
ಘರ್ಮ ಇವಾಭೀತ್ ಸುತಾಪಯನ್ || ೧೨,೨೧।೨

ಘರ್ಮ ಇವಾಭಿತಪನ್ ದರ್ಭ
ದ್ವಿಷತೋ ನಿತಪನ್ ಮಣೇ |
ಹೃದಃ ಸಪತ್ನಾನಾಂ ಭಿಂಧಿ-
-ಇಂದ್ರ ಇವ ವಿರುಜಂ ವಲಂ || ೧೨,೨೧।೩

ಭಿಂಧಿ ದರ್ಭ ಸಪತ್ನಾನಾಂ
ಹೃದಯಂ ದ್ವಿಷತಾಂ ಮಣೇ |
ಉದ್ಯಂ ತ್ವಚಂ ಇವ ಭೂಮ್ಯಾಃ
ಶಿರ ಏಷಾಂ ವಿ ಪಾತಯ || ೧೨,೨೧।೪

ಭಿಂಧಿ ದರ್ಭ ಸಪತ್ನಾನ್ ಮೇ
ಭಿಂಧಿ ಮೇ ಪೃತನಾಯತಃ |
ಭಿಂಧಿ ಮೇ ಸರ್ವಾನ್ ದುರ್ಹಾರ್ದೋ
ಭಿಂಧಿ ಮೇ ದ್ವಿಷತೋ ಮಣೇ || ೧೨,೨೧।೫

ಛಿಂಧಿ ದರ್ಭ ಸಪತ್ನಾನ್ ಮೇ
ಛಿಂಧಿ ಮೇ ಪೃತನಾಯತಃ |
ಛಿಂಧಿ ಮೇ ಸರ್ವಾನ್ ದುರ್ಹಾರ್ದಶ್
ಛಿಂಧಿ ಮೇ ದ್ವಿಷತೋ ಮಣೇ || ೧೨,೨೧।೬

ವೃಶ್ಚ ದರ್ಭ ಸಪತ್ನಾನ್ ಮೇ
ವೃಶ್ಚ ಮೇ ಪೃತನಾಯತಃ |
ವೃಶ್ಚ ಮೇ ಸರ್ವಾನ್ ದುರ್ಹಾರ್ದೋ
ವೃಶ್ಚ ಮೇ (ದ್ವಿಷತೋ ಮಣೇ) || ೧೨,೨೧।೭

ಕೃಂತ ದರ್ಭ ಸಪತ್ನಾನ್ ಮೇ
ಕೃಂತ ಮೇ ಪೃತನಾಯತಃ |
ಕೃಂತ ಮೇ ಸರ್ವಾನ್ ದುರ್ಹಾರ್ದಃ
ಕೃಂತ ಮೇ ದ್ವಿಷತೋ ಮಣೇ || ೧೨,೨೧।೮

ಪಿಂಶ ದರ್ಭ ಸಪತ್ನಾನ್ ಮೇ
ಪಿಂಶ ಮೇ ಪೃತನಾಯತಃ |
ಪಿಂಶ ಮೇ ಸರ್ವಾನ್ ದುರ್ಹಾರ್ದಃ
ಪಿಂಶ ಮೇ ದ್ವಿಷತೋ ಮಣೇ || ೧೨,೨೧।೯

ವಿಧ್ಯ ದರ್ಭ ಸಪತ್ನಾನ್ ಮೇ
ವಿಧ್ಯ ಮೇ ಪೃತನಾಯತಃ |
ವಿಧ್ಯ ಮೇ ಸರ್ವಾನ್ ದುರ್ಹಾರ್ದೋ
ವಿಧ್ಯ ಮೇ ದ್ವಿಷತೋ ಮಣೇ || ೧೨,೨೧।೧೦
(೨೧)

ನಿಕ್ಷ ದರ್ಭ ಸಪತ್ನಾನ್ ಮೇ
ನಿಕ್ಷ ಮೇ ಪೃತನಾಯತಃ |
ನಿಕ್ಷ ಮೇ ಸರ್ವಾನ್ ದುರ್ಹಾರ್ದೋ
ನಿಕ್ಷ ಮೇ ದ್ವಿಷತೋ ಮಣೇ || ೧೨,೨೨।೧

ತೃಂಧಿ ದರ್ಭ ಸಪತ್ನಾನ್ ಮೇ
ತೃಂಧಿ ಮೇ ಪೃತನಾಯತಃ |
ತೃಂಧಿ ಮೇ ಸರ್ವಾನ್ ದುರ್ಹಾರ್ದಸ್
ತೃಂಧಿ ಮೇ ದ್ವಿಷತೋ ಮಣೇ || ೧೨,೨೨।೨

ಭಙ್ಧಿ ದರ್ಭ ಸಪತ್ನಾನ್ ಮೇ
ಭಙ್ಧಿ ಮೇ ಪೃತನಾಯತಃ |
ಭಙ್ಧಿ ಮೇ ಸರ್ವಾನ್ ದುರ್ಹಾರ್ದೋ
ಭಙ್ಧಿ ಮೇ ದ್ವಿಷತೋ ಮಣೇ || ೧೨,೨೨।೩

ಮೃಣ ದರ್ಭ ಸಪತ್ನಾನ್ ಮೇ
ಮೃಣ ಮೇ ಪೃತನಾಯತಃ |
ಮೃಣ ಮೇ ಸರ್ವಾನ್ ದುರ್ಹಾರ್ದೋ
ಮೃಣ ಮೇ ದ್ವಿಷತೋ ಮಣೇ || ೧೨,೨೨।೪

ಮಂಥ ದರ್ಭ ಸಪತ್ನಾನ್ ಮೇ
ಮಂಥ ಮೇ ಪೃತನಾಯತಃ |
ಮಂಥ ಮೇ ಸರ್ವಾನ್ ದುರ್ಹಾರ್ದೋ
ಮಂಥ ಮೇ ದ್ವಿಷತೋ ಮಣೇ || ೧೨,೨೨।೫

ಪಿಂಢಿ ದರ್ಭ ಸಪತ್ನಾನ್ ಮೇ
ಪಿಂಢಿ ಮೇ ಪೃತನಾಯತಃ |
ಪಿಂಢಿ ಮೇ ಸರ್ವಾನ್ ದುರ್ಹಾರ್ದಃ
ಪಿಂಢಿ ಮೇ ದ್ವಿಷತೋ ಮಣೇ || ೧೨,೨೨।೬

ಓಷ ದರ್ಭ ಸಪತ್ನಾನ್ ಮೇ
ಓಷ ಮೇ ಪೃತನಾಯತಃ |
ಓಷ ಮೇ ಸರ್ವಾನ್ ದುರ್ಹಾರ್ದ
ಓಷ ಮೇ ದ್ವಿಷತೋ ಮಣೇ || ೧೨,೨೨।೭

ದಹ ದರ್ಭ ಸಪತ್ನಾನ್ ಮೇ
ದಹ ಮೇ ಪೃತನಾಯತಃ |
ದಹ ಮೇ ಸರ್ವಾನ್ ದುರ್ಹಾರ್ದೋ
ದಹ ಮೇ ದ್ವಿಷತೋ ಮಣೇ || ೧೨,೨೨।೮

ಜಹಿ ದರ್ಭ ಸಪತ್ನಾನ್ ಮೇ
ಜಹಿ ಮೇ ಪೃತನಾಯತಃ |
ಜಹಿ ಮೇ ಸರ್ವಾನ್ ದುರ್ಹಾರ್ದೋ
ಜಹಿ ಮೇ ದ್ವಿಷತೋ ಮಣೇ || ೧೨,೨೨।೯

ಯತ್ ತೇ ದರ್ಭ ಜರಾಮೃತ್ಯೂ
ಸ ತೇ ಮರ್ಮಸು ವರ್ಮ ತೇ |
ತೇನೇಮಂ ವರ್ಮಿಣಂ ಕೃತ್ವಾ
ಸಪತ್ನಾನ್ ಜಹಿ ವೀರ್ಯೈಃ || ೧೨,೨೨।೧೦

ಶತಂ ತೇ ದರ್ಭ ವರ್ಮಾಣಿ
ಸಹಸ್ರಂ ವೀರ್ಯಾಣಿ ತೇ |
ತಂ ಅಸ್ಮೈ ವಿಶ್ವೇ ತ್ವಾಂ ದೇವಾ
ಜರಸೇ ಭರ್ತವಾ ಅದುಃ || ೧೨,೨೨।೧೧

ತ್ವಾಂ ಆಹುರ್ ದೇವವರ್ಮ
ತ್ವಾಂ ದರ್ಭ ಬ್ರಹ್ಮಣಸ್ಪತಿಂ |
ತ್ವಾಂ ಇಂದ್ರಸ್ಯಾಹುರ್ ವರ್ಮ
ತ್ವಂ ರಾಷ್ಟ್ರಾಣಿ ರಕ್ಷಸಿ || ೧೨,೨೨।೧೨

ಸಪತ್ನಕ್ಷಯಣಂ ದರ್ಭಂ
ದ್ವಿಷತಸ್ ತಪನಂ ಹೃದಃ |
ಮಣಿಂ ಕ್ಷತ್ರಸ್ಯ ವರ್ಧನಂ
ತನೂಪಾನಂ ಕೃಣೋಮಿ ತೇ || ೧೨,೨೨।೧೩

ಯತ್ ಸಮುದ್ರೋ ಅಭ್ಯಕ್ರಂದತ್
ಪರ್ಜನ್ಯೋ ವಿದ್ಯುತಾ ಸಹ |
ತತೋ ಹಿರಣ್ಯಯೋ ಬಿಂದುಸ್
ತತೋ ದರ್ಭೋ ಅಜಾಯತ || ೧೨,೨೨।೧೪
(೨೨)

ಅನುವಾಕ ೨ ||
(೧೨)


ಕಾಂಡ ೧೩

ಅಂತರ್ಹಿತಂ ಮೇ ಬೃಹದ್ ಅಂತರಿಕ್ಷಂ
ಅಂತರ್ಹಿತಾಃ ಪರ್ವತಾ ಅಗ್ನಯೋ ಮೇ |
ಮೈಷಾಂ ರಾಧ್ಯ್ ಅಭಿಚಾರ ಏಷ
ಪ್ರತ್ಯಗ್ ಏನಾನ್ ಪ್ರತಿಸರೇಣ ಹನ್ಮಿ || ೧೩,೧।೧

ತಪಃಶ್ರಮಾವ್ ಅಂತರೌ ಮತ್ ಪರೀತಂ
ಬ್ರಹ್ಮಯಜ್ಞಂ ಅಂತರಂ ಮದ್ ದಧಾಮಿ |
(…) || ೧೩,೧।೨

ಅಗ್ನೀಷೋಮಾವ್ ಅಂತರೌ ಮದ್ ಭವಾಥೋ
ದಿವಂ ವರ್ಮ ಪೃಥಿವೀಂ ಚ ಕೃಣ್ವೇ |
(…) || ೧೩,೧।೩

ಅಂತರ್ಹಿತಂ ಮೇ ಸಾಮ ಪ್ರಸ್ತುತಂ
ಅಂತರ್ಹಿತಃ ಪರಮೇಷ್ಠೀ ಪ್ರಜಾಪತಿಃ |
(…) || ೧೩,೧।೪

ಅಂತರ್ಹಿತಾ ಸರ್ಪರಾಜ್ಞೀ ವೀರಾಣ್ ಮೇ
ಅಂತರ್ಹಿತಃ ಪುರುಷೋ ಮೇಧ್ಯೋ ಮೇ |
(…) || ೧೩,೧।೫

ಅಂತರ್ಹಿತಾ ಮೇ ಷಡ್ ಉರ್ವೀಃ ಸಧ್ರೀಚೀರ್
ಅಂತರ್ಹಿತಾಃ ಸಾಧ್ಯಾ ಆಪ್ತ್ಯಾ ಮೇ |
(…) || ೧೩,೧।೬

(ಅಂತರ್ಹಿತಾ) ಮ ಋಷಯಃ ಪ್ರಚೇತಸೋ
ಅಂತರ್ಹಿತಃ ಸೂರ್ಯೋ ಮಾತರಿಶ್ವಾ |
(…) || ೧೩,೧।೭

ಅಂತರ್ಹಿತಾ ಮೇ ನದ್ಯಃ ಸ್ಯಂದಮಾನಾ
ಅಂತರ್ಹಿತಾ ಓಷಧೀಃ ಪುಷ್ಪಿಣೀರ್ ಮೇ
(…) || ೧೩,೧।೮

ಅಂತರ್ಹಿತಾಃ ಪಶವಃ ಕಕ್ಷ್ಯಾ ಮೇ
ಅಂತರ್ಹಿತಂ ವಯೋ ಯತ್ ಪತತ್ರಿ |
(…) || ೧೩,೧।೯

ಅಂತರ್ಹಿತಾ ಮ ಇಷವೋ ಬ್ರಾಹ್ಮಣಾನಾಂ
ಅಂತರ್ಹಿತಾ ವನಸ್ಪತಯಃ ಸಮೂಲಾಃ |
(…) || ೧೩,೧।೧೦
(೧)

ಅಂತರ್ಹಿತಾ ದೇವತಲ್ಪಾಃ ಪುರೋ ಮೇ
ಅಂತರ್ಹಿತಾ ಜಗತೀ ಛಂದಸಾಂ ಮೇ |
(…) || ೧೩,೨।೧

ಅಂತರ್ಹಿತಾ ಮೇ ಸಮುದ್ರಾ ದ್ವಾದಶಾ
ಅಂತರ್ಹಿತಾ ಉಷಸಿ ತಾರಕಾ ಮೇ |
(…) || ೧೩,೨।೨

ಅಂತರ್ಹಿತಾ ಅಗ್ನಯೋ ಧಿಷ್ಣ್ಯಾ ಮೇ
ಅಂತರ್ಹಿತಾ ಋತವ ಆರ್ತವಾ ಮೇ |
(…) || ೧೩,೨।೩

ಅಂತರ್ಹಿತಾ ಮೇ ಪ್ರದಿಶಶ್ ಚತಸ್ರೋ
ಅಂತರ್ ಭೂತಂ ಉತ ಭವ್ಯಂ ದಧೇ ಽಹಂ |
ಮೈಷಾಂ ರಾಧ್ಯ್ ಅಭಿಚಾರ ಏಷ
ಪ್ರತ್ಯಗ್ ಏನಾನ್ ಪ್ರತಿಸರೇಣ ಹನ್ಮಿ || ೧೩,೨।೪

ಹನ್ಮಿ ತೇ ಽಹಂ ಕೃತಂ ಹವಿರ್
ಯೋ ಮೇ ಘೋರಂ ಅಚೀಕೃತಃ |
ಅಪಾಂಚೌ ತ ಉಭೌ ಬಾಹೂ
ಅಪಿ ನಹ್ಯಾಮ್ಯ್ ಆಸ್ಯಂ || ೧೩,೨।೫

ಅಪಿ ನಹ್ಯಾಮಿ ತೇ ಬಾಹೂ
ಅಪಿ ನಹ್ಯಾಮ್ಯ್ ಆಸ್ಯಂ |
ಅಗ್ನೇರ್ ದೇವಸ್ಯ ಮನ್ಯುನಾ
ತೇನ ತೇ ಽವಧಿಷಂ ಹವಿರ್
ಯೋ ಮೇ ಘೋರಂ ಅಚೀಕೃತಃ || ೧೩,೨।೬
(೨)

ಉದಿತಃ ಶತಯೋಜನಂ
ಇಂದ್ರೋ ವರ್ತಯತೇ ರಥಂ |
ಸಾಯಕಂ ಕ್ಷುರವರ್ತ್ಮಾನಂ
ಅಹೇರ್ ಜಾತಾನಿ ಜಂಭಯನ್ || ೧೩,೩।೧

ದೃಢಾಸ ಆಸನ್ನ್ ಅಹಯೋ
ಹತಾ ಉದರಸರ್ಪಿಣಃ |
ಪುಚ್ಛಂ ಉದ್ವೇಷ್ಟಯಂತಃ
ಶ್ವಾ ಪಿಂಡಂ ಅದನ್ನ್ ಇವ || ೧೩,೩।೨

ಪಾಪಕ ಪಾಪರೂಪಕ
ಕಿಂ ಮೇ ಸಖಾಯಂ ಆತುದಃ |
ನ ಮಾಂ ಅಪಶ್ಯ ಆಗತಂ
ಸತೀನಂ ವಿಷದೂಷಣಂ || ೧೩,೩।೩

ಅಹಿಜಂಭಾಶ್ ಚರಾಮಸಿ
ಮುಷ್ಕಾಬರ್ಹೋ ಗವಾಂ ಇವ |
ಪೀಲಾ ಉಪ ಸ್ವಜಂ ಹನ್ಮ
ಉಪ ಸ್ತಂಭೇ ಪೃದಾಕ್ವಂ || ೧೩,೩।೪

ಯೇ ಕೇ ಚೇದಂ ಉಪಾಸೌಷುರ್
ವಾತಸ್ಯೇವ ಪೃಥಗ್ ಯತಃ |
ಅಂಗೋ ನು ಸರ್ವೇ ಬ್ರೂತ-
-ಆಹೇಯಂ ಅರಸಂ ವಿಷಂ || ೧೩,೩।೫

ತ್ರಿದ್ಧಿಸಿ ತೇ ನಿಷದನಂ
ತ್ರಿಪುಷಿ ಪಾಪ ತೇ ಗೃಹಃ |
ಅಚ್ಛಿನ್ನಂ ತ್ವಾ ವಾತೋ ಹಂತ್ಯ್
ಅಚ್ಛಿನ್ನಂ ಅಭಿ ವರ್ಷತಿ || ೧೩,೩।೬

ನಾಕುಲೇನ ಭೇಷಜೇನ
ತೇನಾಹೀನ್ ಜಂಭಯಾಮಸಿ |
ಮಾಂಶ್ಚತುರ್ ನಾಮ ವೃಕ್ಷಕಃ
ಸ ಏನಾನ್ ಅರಸಾನ್ ಅಕಃ || ೧೩,೩।೭

ಅಸಿತಾಹೇ ಽರಸಂ ವಿಷಂ
ಉಭಯೋಃ ಸಿತಸ್ಯ ಚ |
ಅಭಿಕ್ರಂದಸ್ಯ ಯಾ ರೋಪೀಸ್
ತಾ ಇತೋ ಽಪ ನಯಾಮಸಿ || ೧೩,೩।೮

ಇದಂ ಪೈದ್ವೋ ಅಜಾಯತ-
-ಇದಂ ಅಸ್ಯ ವಿವರ್ತನಂ |
ಇದಂ ಕನಿಕ್ರದೋ ಮೃಗೋ
ವಿಷಂ ಏತಿ ಪರಾಭವಂ || ೧೩,೩।೯

ವಿಷೂಚೀನಾ ವಾತಾ ವಾಂತು
ವಿಷ್ವಗ್ ವರ್ಷಂತು ವೃಷ್ಟಯಃ |
ವಿಷ್ವಗ್ ವಿಷಂ ಪ್ರ ಮೇಹ ತ್ವಂ
ಶತಧಾರ ಇವಾವಟಃ || ೧೩,೩।೧೦
(೩)

ನಿರ್ ಇತೋ ಹರಿತಸ್ರಜಂ
ಇಂದ್ರೋ ವರ್ತಯತೇ ರಥಂ |
ತೇನಾಪಿ ಲಿಹ್ನ ಈಯತೇ
ನಿಪಿಂಷನ್ನ್ ಅಹಿನಾಮ್ನಃ || ೧೩,೪।೧

ಯೇನೇಂದ್ರ ದಸ್ಯೂನ್ ಅಮೃಣೋರ್
ಯೇನ ವೃತ್ರಂ ಪರಾಭಿನಃ |
ತೇನಾ ಶತಕ್ರತೋ ತ್ವಂ
ಅಹೇರ್ ಜಾತಾನಿ ಜಂಭಯ || ೧೩,೪।೨

ಪ್ರತ್ಯ್ ಅಮೋದತ ಪೃಥಿವೀ
ಪ್ರತಿ ದ್ಯೌಃ ಪ್ರತಿ ಸೂರ್ಯಃ |
ಪೈದ್ವೋ ಯದ್ ಅಶ್ವಮಾತಾ
ಕ್ರಂದೇನಾಹೀನ್ ಅಪಾವಪತ್ || ೧೩,೪।೩

ಯದಾ ಪೈದ್ವೋ ಽಶ್ವಮಾತಾ
ಕ್ರಂದೇನಾಹೀನ್ ಅಪಾವಪತ್ |
ರಜ್ಜೂ ಷ್ಮ ದತ್ವತೀಃ ಶೇರೇ
ಪೂಯಂತೀಃ ಪೃಥಿವೀಂ ಅನು || ೧೩,೪।೪

ನಾಪೋ ಜೀರ್ಯಂತಿ ನಾಮೃತಂ
ನೇಂದ್ರಾಣೀ ವಿಧವಾಭವತ್ |
ನ ತ್ವಾಂ ಆಸ್ತೇಗಿಷದ್ ವಿಷಂ
ಅಶ್ಮಾನಂ ಇವ ಸಾಯಕಂ || ೧೩,೪।೫

ಇಂದ್ರಾಗ್ನೀ ಮಿತ್ರಾವರುಣಾ
ತ್ವಷ್ಟಾರಂ ಅದಿತಿಂ ಭಗಂ |
ಹುವೇ ಽಹಂ ಅರ್ವಂತಂ ಪೈದ್ವಂ
ಮಾ ಮೇ ಽಯಂ ಪುರುಷೋ ರಿಷತ್ || ೧೩,೪।೬

ಸದ್ಯೋ ಜಾತೋ ಽಕನಿಕ್ರದತ್
ಸೋಲ್ಬೋ ವ್ಯ್ ಅಧೂನುತ |
ಕ್ರಂದೇನಾಶ್ವಸ್ಯ ವಾಜಿನೋ
ಽಹನ್ಯಂತಾಹಯಃ ಪೃಥಕ್ || ೧೩,೪।೭
(೪)

ಅನುವಾಕ ೧ ||

ಇಮಂ ಸ್ತೋಮಂ ಅರ್ಹತೇ ಜಾತವೇದಸೇ
ರಥಂ ಇವ ಸಂ ಮಹೇಮಾ ಮನೀಷಯಾ |
ಭದ್ರಾ ಹಿ ನಃ ಪ್ರಮತಿರ್ ಅಸ್ಯ ಸಂ ಸದ್ಯ್
ಅಗ್ನೇ ಸಖ್ಯೇ ಮಾ ರಿಷಾಮಾ ವಯಂ ತವ || ೧೩,೫।೧

ಯಸ್ಮೈ ತ್ವಂ ಆಯಜಸೇ ಸ ಸಾಧತ್ಯ್
ಅನರ್ವಾ ಕ್ಷೇತಿ ದಧತೇ ಸುವೀರ್ಯಂ |
ಸ ತೂತಾವ ನೈನಂ ಅಶ್ನೋತ್ಯ್ ಅಂಹತಿರ್
ಅಗ್ನೇ (…) || ೧೩,೫।೨

ಭರಾಮೇಧ್ಮಂ ಕೃಣವಾಮಾ ಹವೀಂಷಿ
ತೇ ಚಿತಯಂತಃ ಪರ್ವಣಾ ಪರ್ವಣಾ ವಯಂ |
ಜೀವಾತವೇ ಪ್ರತರಂ ಸಾಧಯಾ ಧಿಯೋ
ಽಗ್ನೇ (…) || ೧೩,೫।೩

ಶಕೇಮ ತ್ವಾ ಸಮಿಧಂ ಸಾಧಯಾ ಧಿಯಸ್
ತ್ವೇ ದೇವಾ ಹವಿರ್ ಅದಂತ್ಯ್ ಆಹುತಂ |
ತ್ವಂ ಆದಿತ್ಯಾಁ ಆ ವಹ ತಾನ್ ಹ್ಯ್ ಊಷ್ಮಸ್ಯ್
ಅಗ್ನೇ (…) || ೧೩,೫।೪

ತ್ವಂ ಅಧ್ವರ್ಯುರ್ ಉತ ಹೋತಾಸಿ ಪೂರ್ವ್ಯಃ
ಪ್ರಶಾಸ್ತಾ ಪೋತಾ ಜನುಷಾ ಪುರೋಹಿತಃ |
ವಿಶ್ವಾ ವಿದ್ವಾಁ ಆರ್ತ್ವಿಜ್ಯಾ ಧೀರ ಪುಷ್ಯಸ್ಯ್
ಅಗ್ನೇ (…) || ೧೩,೫।೫

ದಿಶಾಂ ಗೋಪಾ ಅಸ್ಯ ಚರಂತಿ ಜಂತವೋ
ದ್ವಿಪಾಚ್ ಚ ಯದ್ ಉತ ಚತುಷ್ಪದ್ ಅಕ್ತುಭಿಃ |
ಚಿತ್ರಃ ಪ್ರಕೇತ ಉಷಸೋ ಮಹಾಁ ಅಸ್ಯ್
ಅಗ್ನೇ (…) || ೧೩,೫।೬

ಯೋ ವಿಶ್ವತಃ ಸುಪ್ರತೀಕಃ ಸದೃಙ್ಙ್ ಅಸಿ
ದೂರೇ ಚಿತ್ ಸನ್ ತಡಿದ್ ಇವಾತಿ ರೋಚಸೇ |
ರಾತ್ರ್ಯಾಶ್ ಚಿದ್ ಅಂಧೋ ಅತಿ ದೇವ ಪಶ್ಯಸ್ಯ್
ಅಗ್ನೇ (…) || ೧೩,೫।೭

ಪೂರ್ವೋ ದೇವಾ ಭವತು ಸುನ್ವತೋ ರಥೋ
ಽಸ್ಮಾಕಂ ಶಂಸೋ ಅಭ್ಯ್ ಅಸ್ತು ದೂಢ್ಯಃ |
ತದ್ ಆ ಜಾನೀತೋತ ಪುಷ್ಯತಾ ವಾಚೋ
ಽಗ್ನೇ (…) || ೧೩,೫।೮

ವಧೈರ್ ದುಃಶಂಸಾಁ ಅಪ ದೂಢ್ಯೋ ಜಹಿ
ದೂರೇ ವಾ ಯೇ ಅಂತಿ ವಾ ಕೇ ಚಿದ್ ಅತ್ರಿಣಃ |
ಅಥಾ ಯಜ್ಞಾಯ ಗೃಣತೇ ಸುಗಂ ಕೃಧ್ಯ್
ಅಗ್ನೇ (…) || ೧೩,೫।೯

ಯದ್ ಅಯುಕ್ಥಾ ಅರುಷಾ ರೋಹಿತಾ ರಥೇ
ವಾತಜೂತಾ ವೃಷಭಸ್ಯೇವ ತೇ ರವಃ |
ಆದ್ ಇನ್ವಸಿ ವನಿನೋ ಧೂಮಕೇತುನಾ-
-ಅಗ್ನೇ (…) || ೧೩,೫।೧೦
(೫)

ಅಧ ಸ್ವನಾದ್ ಉತ ಬಿಭ್ಯುಃ ಪತತ್ರಿಣೋ
ದ್ರಪ್ಸಾ ಯತ್ ತೇ ಯವಸಾದೋ ವ್ಯ್ ಅಸ್ಥಿರನ್ |
ಸುಗಂ ತತ್ ತೇ ತಾವಕೇಭ್ಯೋ ರಥೇಭ್ಯೋ
ಽಗ್ನೇ (…) || ೧೩,೬।೧

ತ್ವಂ ಮಿತ್ರಸ್ಯ ವರುಣಸ್ಯ ಧಾಸ್ಯ್
ಅವಯಾತಾಂ ಮರುತಾಂ ಹೇಡೋ ಅದ್ಭುತಃ |
ಮೃಡಾ ಸು ನೋ ಭೂತ್ವ್ ಏಷಾಂ ಮನಃ ಪುನರ್
ಅಗ್ನೇ (…) || ೧೩,೬।೨

ದೇವೋ ದೇವಾನಾಂ ಅಸಿ ಮಿತ್ರೋ ಅದ್ಭುತೋ
ವಸುರ್ ವಸೂನಾಂ ಅಸಿ ಚಾರುರ್ ಅಧ್ವರೇ |
ಶರ್ಮಂತ್ ಸ್ಯಾಮ ತವ ಸಪ್ರಥಸ್ತಮೇ
ಽಗ್ನೇ (…) || ೧೩,೬।೩

ತತ್ ತೇ ಭದ್ರಂ ಯತ್ ಸಮಿದ್ಧಃ ಸ್ವೇ ದಮೇ
ಸೋಮಾಹುತೋ ಜರಸೇ ಮೃಡಯತ್ತಮಃ |
ದಧಾಸಿ ರತ್ನಂ ದ್ರವಿಣಂ ಚ ದಾಶುಷೇ
ಽಗ್ನೇ ಸಖ್ಯೇ ಮಾ ರಿಷಾಮಾ ವಯಂ ತವ || ೧೩,೬।೪

ಯಸ್ಮೈ ತ್ವಂ ಸುದ್ರವಿಣೋ ದದಾಶೋ
ಽನಾಗಾಸ್ ತ್ವಂ ಅದಿತೇ ಸರ್ವತಾತಾ |
ಯಂ ಭದ್ರೇಣ ಶವಸಾ ಚೋದಯಾಸಿ
ಪ್ರಜಾವಂತೋ ರಾಧಸಾ ತೇ ಸ್ಯಾಮ || ೧೩,೬।೫

ಸ ತ್ವಂ ಅಗ್ನೇ ಸೌಭಗತ್ವಸ್ಯ ವಿದ್ವಾನ್
ಅಸ್ಮಾಕಂ ಆಯುಃ ಪ್ರ ತಿರೇಹ ದೇವ |
ತನ್ ನೋ ಮಿತ್ರೋ ವರುಣೋ ಮಾಮಹಂತಾಂ
ಅದಿತಿಃ ಸಿಂಧುಃ ಪೃಥಿವೀ ಉತ ದ್ಯೌಃ || ೧೩,೬।೬
(೬)

ಕಿಂ ಇಂದ್ರಸ್ಯ ಪರಿಹಿತಂ ಕಿಂ ಅಗ್ನೇಃ
ಕಿಂ ವಿಷ್ಣೋಸ್ ತ್ವಷ್ಟುರ್ ವರುಣಸ್ಯ ವಾಸಃ |
ಬೃಹಸ್ಪತೇರ್ ಉತ ಸೋಮಸ್ಯ ರಾಜ್ಞಃ
ಕಿಂ ವಸಾನಾ ಮರುತೋ ವರ್ಷಯಂತು || ೧೩,೭।೧

ಧಾತೂ ರುದ್ರಸ್ಯ ಕಿಂ ವಾಯೋರ್
ವಾಜಿನಾಂ ವಸನಂ ಮಹತ್ |
ಕಿಂ ಪೂಷಾ ಬ್ರಹ್ಮಣಸ್ಪತಿರ್
ವಿಶ್ವೇ ದೇವಾಶ್ ಚ ಬಿಭ್ರತಿ || ೧೩,೭।೨

ಕಿಂ ದೇವಾನಾಂ ಪರಿಧಾನಂ ಸಮಾನಂ
ಯಸ್ಮಿನ್ನ್ ಏಷಾಂ ಸಾಂಮನಸ್ಯಂ ಬಭೂವ |
ಕ್ವ ರಾತ್ರೀ ನಿವಿಶತೇ ಕ್ವಾಹಃ ಕ್ವೇದಂ
ಅಭ್ರಂ ಭವತಿ ಯತ್ ಸಮೇತಿ ವ್ಯೇತಿ ಚ || ೧೩,೭।೩

ಕತಮೇನಾಪೋ ದಿವಂ ಉದ್ವಹಂತಿ
ಕಃ ಸಮೇನೋದಯನೇನ ನೇತಾ |
ವಾತಸ್ಯ ತ್ವಾ ವಿದ್ಯುತಾಂ ಸ್ತನಯಿತ್ನುರ್
ಅಪಾಂ ಪೃಚ್ಛಾಮ್ಯ್ ಅಯನಾನ್ಯ್ ಅಗ್ನೇಃ || ೧೩,೭।೪

ಪೃಚ್ಛಾಮಿ ತ್ವಾ ಪೃಷತೀಂ ರೋಹಿಣೀಂ ಚ
ವತ್ಸಂ ಪೃಚ್ಛಾಮಿ ಸಹ ಮಾತರಂ ತ್ವಾ |
ಇಂದ್ರಂ ತ್ವಾನು ಪೃಚ್ಛಾಮಿ ಸಾಕ್ಷಾತ್
ಸಭಾನಾಂ ಚ ಸಭಾಪತಿಂ || ೧೩,೭।೫

ಕೋ ವಯಸಾಂ ಅದಧಾನ್ ನಾಮಾನಿ ಕಃ ಪಶೂನಾಂ
ಕಃ ಸರ್ಪಾಣಾಂ ದೇವಜನಾ ಯ ಆಸನ್ |
ಕೋ ಽಸ್ಯ ಜಂತೋರ್ ಅದಧಾದ್ ಬ್ರೂಹಿ ನಸ್ ತತ್ || ೧೩,೭।೬

ಕತಿ ರೋಹಾಃ ಸ್ವರ್ ಆ ರೋಹಯಂತಿ
ಯೇಭೀ ರೋಹಿತೋ ದಿವಂ ಆರುರೋಹ |
ರಾಷ್ಟ್ರಭೃತಃ ಕ್ಷತ್ರಭೃತೋ ವಸುಭೃತೋ
ವಸುದಾನವೋ ವಸುಯವಃ || ೧೩,೭।೭

ಕಶ್ ಚತುರ್ಧಾ ವಿ ಕ್ರಮತೇ ಮಹಿತ್ವಾ
ಕಂ ರಕ್ಷಂತಿ ಕವಯೋ ಽಪ್ರಮಾದಂ |
ಪುರುಷಂ ತ್ವಾನು ಪೃಚ್ಛಾಮಿ ಸಾಕ್ಷಾನ್
ಮೃತ್ಯೋರ್ ಅಂಗಾನಿ ಕತಿ ತಾನಿ ವೇತ್ಥ || ೧೩,೭।೮

ಯಂ ಸಿಷೇವ ವೃಷಭಶ್ ಚರ್ಷಣೀಣಾಂ
ಇಂದ್ರೋ ವಜ್ರಂ ಅಹೀನಾ ಸ್ಪರ್ಧಮಾನಃ |
ಯೇನ ವೃತ್ರಂ ಮಘವಾ ಸಂಪಿಪೇಶ
ತಂ ನಃ ಪ್ರ ಬ್ರೂಹಿ ಯದಿ ತಂ ಪ್ರವೇತ್ಥ || ೧೩,೭।೯

ಕಃ ಪರ್ವತಾನಾಂ ಅದಧಾನ್ ನಾಮಾನಿ
ಕೋ ವನಸ್ಪತೀನಾಂ ಅದಧಾದ್ ಓಷಧೀನಾಂ |
ಪೃಚ್ಛಾಮಿ ತ್ವಾ ಭುವನಸ್ಯ ನಾಭಿಂ
ಗಾಂ ತ್ವಾ ಪೃಚ್ಛಾಮಿ ಕತಮಾನಿ ಸಾಕ್ಷಾತ್ || ೧೩,೭।೧೦
(೭)

ದೇವತಲ್ಪಾ ದೇವಕೋಶಾಃ ಕ್ವೇಹ
ತಾನ್ ನಃ ಪ್ರ ಬ್ರೂಹಿ ಯದಿ ತಾನ್ ಪ್ರವೇತ್ಥ |
ಪೃಚ್ಛಾಮಿ ತ್ವಾ ಗರಗಿರಃ ಕಿಯಂತೋ
ಯೇಭ್ಯೋ ಽಗ್ನಿರ್ ಹವ್ಯಂ ವಹತಿ ಪ್ರಜಾನನ್
ಹುತಂ ಮರ್ತ್ಯೈರ್ ಅಮೃತೋ ಮರ್ತ್ಯೇಭ್ಯಃ || ೧೩,೮।೧

ಸ್ವಪ್ನೇ ಯ ಏಕಸ್ ತಮಸಾ ಸಹೈತ್ಯ್
ಅಂಗಾನಿ ಗೃಹ್ಣನ್ ಪುರುಷಸ್ಯ ಚಕ್ಷುಃ |
ಸ ಪ್ರಾತರ್ ಏತಿ ತಮಸಾ ಪುನಃ
ಸ ಹಾ ಜ್ಯೋತಿರ್ ಏತಿ ಕ್ವ ಸದದೇತಿ || ೧೩,೮।೨

ವ್ರತಪತಿಂ ಅಧಿಪತಿಂ
ಮಧುಕೃತಾ ಮಧುಪತಿಂ |
ದೇವಾಂಸ್ ತ್ವಾ ಸರ್ವಾನ್ ಪೃಚ್ಛಾಮ್ಯ್
ಅಹುತಾದಶ್ ಚ ತೇ ಕತಿ || ೧೩,೮।೩

ಕೋ ಽನ್ತರಿಕ್ಷಾತ್ ಪರಿ ಪಶ್ಯತೀದಂ
ಯಸ್ಮಾದ್ ಅಗ್ರ ಇಂದ್ರಿಯಂ ಸಂಬಭೂವ |
ಮಹತ್ ಸ ಕಸ್ಮಾದ್ ಅಭಯಂ ಬಿಭಾಯ
ಕಸ್ಯ ಯುಕ್ತಸ್ಯಾಸ್ಯಾ ಸ್ರಕ್ವಾಲ್
ಲೋಹಿತಂ ಪರಾಪತತ್ ತತ್ ಕ್ವೇಹ || ೧೩,೮।೪

ಇತ್ಥಂ ಏಕೇ ಪ್ರವ್ರಜಂತೀತ್ಥಂ
ಏಕೇ ದಕ್ಷಿಣಾಃ ಪ್ರತ್ಯಂಚ ಉದಂಚಃ
ಪ್ರಾಂಚೋ ಽಭಿ ವ್ರಜಂತ್ಯ್ ಏಕೇ |
ತೇಷಾಂ ಸರ್ವೇಷಾಂ ಇಹ ಸಂಗತಿಃ ಸಾಕಂ
ಸ ಏಕೋ ಭೂತಶ್ ಚರತಿ ಪ್ರಜಾನನ್ || ೧೩,೮।೫
(೮)

ಮರೀಚಿರ್ ಆಸೀತ್ ಸಾ ಮನಸಃ ಸಂ ಅಭವತ್ |
ಸಾ ಪ್ರವೀಯತ ಸಾ ಗರ್ಭಂ ಅಧತ್ತ |
ಸ ಗರ್ಭೋ ಽವರ್ಧತ ಸ ವೃದ್ಧೋ ಽಬ್ರವೀಜ್ ಜಾಯಾ ಇತಿ |
ತಸ್ಯೈ ಪ್ರಜಾಪತಿರ್ ಅಜುಹೋತ್ ಸ್ವಧಿಷ್ಠಾನಾ ಚೇತಿ ಸ್ವಧಿಚರಣಾ ಚೇತಿ |
ಪ್ರಜಾಪತಿಃ ಸಸೃಜೇ ಕಪಾಲೇ ವಿಜಿಹೀಥಾಂ ಮಾ ಮಾ ಸಂ ತಾಪ್ತಂ ಮಹಾಂತಂ ಲೋಕಂ ಅಭಿಪಶ್ಯಮಾನೇ
ಸೋ ಽಜಾಯತ ತಸ್ಯ ಜಾತಸ್ಯ ದ್ಯಾವಾಪೃಥಿವೀ ಪಾರ್ಶ್ವೇ ಆಸ್ತಾಂ ಸಮುದ್ರೌ ಕುಕ್ಷೀ ಸೂರ್ಯಾಚಂದ್ರಮಾಸಾವ್ ಅಕ್ಷೀ ವಿರಾಟ್ ಶಿರಃ |
ತಸ್ಮಾಜ್ ಜಾತಾತ್ ಸರ್ವೇ ಪಾಪ್ಮಾನೋ ವಿಜಂತೇ ಸರ್ವೇ ಅಸ್ಮಾತ್ ಪಾಪ್ಮಾನೋ ವಿಜಂತೇ ಯ ಏವಂ ವೇದ || ೧೩,೯।೧
(೯)

ಅನುವಾಕ ೨ ||
(೧೩)


ಕಾಂಡ ೧೪

ಏಂದ್ರೋ ಬಾಹುಭ್ಯಾಂ ಅಭರಚ್ ಚಿಕಿತ್ವಾನ್
ಅಪೋ ದೇವೀರ್ ವರುಣಾಯ ಪ್ರಜಾನನ್ |
ತಂ ಆದಿತ್ಯಾ ಅಭ್ಯ್ ಅಷಿಂಚಂತ ಸರ್ವೇ
ರಾಜಾನಂ ಉಗ್ರಂ ಬೃಹತೇ ರಣಾಯ
ತಾ ನ ಆಪೋ ರಾಜಸೂಯಾ ಅವಂತು || ೧೪,೧।೧

ಹಿರಣ್ಯವರ್ಣಾ ಇತಿ ಚತಸ್ರಃ || ೧೪,೧।೨

(…) || ೧೪,೧।೩

(…) || ೧೪,೧।೪

(…) || ೧೪,೧।೫

ಅಪೋ ದೇವೀರ್ ಮಧುಮತೀರ್ ಅಗೃಹ್ಣತ-
-ಊರ್ಜಸ್ವತೀ ರಾಜಸೂಯಾ ಮಯೋಭುವಃ |
ಯಾಭಿರ್ ಮಿತ್ರಾವರುಣಾವ್ ಅಭ್ಯಸಿಂಚನ್
ತಾಃ (…) || ೧೪,೧।೬

ವರುಣೇನ ಪ್ರೇಷಿತಾ ಯಂತಿ ಶುಭ್ರಾ
ಉತ್ಸಂ ದೇವೀರ್ ದಧತೇ ಯಾ ಹಿರಣ್ಯಯಂ |
ಯಾ ಬ್ರಹ್ಮಣಾ ಪುನತೇ ಸಂವಿದಾನಾಸ್
ತಾಃ (…) || ೧೪,೧।೭

ಅಪಃ ಸಮುದ್ರಾದ್ ದಿವಂ ಉದ್ ವಹಂತಿ
ದಿವಸ್ ಪೃಥಿವೀಂ ಅಭಿ ಯಾಃ ಸೃಜಂತಿ |
ಯಾಭಿರ್ ಈಶಾನಾ ಮರುತಶ್ ಚರಂತಿ
ತಾಃ (…) || ೧೪,೧।೮

ಯಾ ಅಮೃತಂ ಬಿಭ್ರತಿ ಯಾ ಮಧು ಪ್ರಿಯಂ
ಯಾ ಅಗೃಭ್ಣನ್ ಋಷಯೋ ದೇವಸಖ್ಯೇ |
ಯಾಭಿರ್ ಇಂದ್ರಂ ಅತ್ಯ್ ಅನಯನ್ನ್ ಅರಾತೀಸ್
ತಾಃ (…) || ೧೪,೧।೯

ಯಾ ಜೀವಧನ್ಯಾ ಧನಂ ಉತ್ಪೃಣಂತಿ
ದೇವಾಯತೇ ದಾಶುಷೇ ಮರ್ತ್ಯಾಯ |
ಯಾಸಾಂ ಪಯೋ ಅಕ್ಷಿತಂ ಅಕ್ಷಿತಾನಾಂ
ತಾಃ (…) || ೧೪,೧।೧೦
(೧)

ಹಿರಣ್ಯೌಪಶಾ ಧ್ವಜನೀಃ ಪುನಾನಾ
ಯಾಃ ಸಮುದ್ರಂ ಅಭ್ಯರ್ಚಂತಿ ಧೇನವಃ |
ಯಾಃ ಪರ್ಜನ್ಯೋ ವಹತ್ಯ್ ಅಂತರಿಕ್ಷೇ
ತಾಃ (…) || ೧೪,೨।೧

ರಥಂತರೇ ಬೃಹತಿ ಗೀಯಮಾನೇ
ಕ್ಷತ್ರಂ ಜಿನ್ವಂತಿ ಪ್ರ ತಿರಂತ್ಯ್ ಆಯುಃ |
ಯಾಭಿಸ್ ತ್ರಯಾನ್ ವಾಜಿನೋ ವಾಜಯಂತಿ
ತಾಃ (…) || ೧೪,೨।೨

ಯಾಭಿಃ ಸಹ ವೃತ್ರಹಾ ಸೋಮಂ
ಇಂದ್ರೋ ವಸೋರ್ ಈಶಾನೋ ಅಪಿಬತ್ ಸುತಸ್ಯ |
ಯಾಃ ಸಪ್ತ ಋಷಯಃ ಕವಯಃ ಪುನಂತಿ
ತಾಃ (…) || ೧೪,೨।೩

ಸಪ್ತ ಋಷಯೋ ಭರತಂ ಅಭ್ಯ್ ಅಷಿಂಚನ್ನ್
ಆಸ್ಮಿನ್ ರಾಷ್ಟ್ರಂ ಅದಧುರ್ ದಕ್ಷಿಣಾವತ್ |
ಪ್ರಜಾಯೈ ಮನುಂ ಅಸುಮವಂತ ದೇವಾಸ್
ತಾಃ (…) || ೧೪,೨।೪

ಯಾಭಿರ್ ಯಜ್ಞಂ ಪ್ರಾಂಚಂ ಉಕ್ಷಯಂತಿ ಧೀರಾ
ಯಾಭಿಃ ಸೋಮಂ ಮಧುಪೃಚಂ ಪುನಂತಿ |
ಯಾಭಿರ್ ಇದಂ ಜೀವತಿ ವಿಶ್ವಂ ಏಜತ್
ತಾಃ (…) || ೧೪,೨।೫

ಯಾಸಾಂ ಸ್ತೋಕಾ ಮಧುಮಯಾ ಬಭೂವುರ್
ಘೃತಂ ಸಂಜ್ಞಾನಂ ಮಧು ಪಿನ್ವತೇ ಯಾಃ |
ಯಾಃ ಸೋಮ ಆಪಃ ಪ್ರಣಯಂತಿ ಬ್ರಹ್ಮಣಾ
ತಾಃ (…) || ೧೪,೨।೬

ಯಾಸಾಂ ಪದೋರ್ ಆಜ್ಯಂ ವಾಜಿನಂ ತು
ಸೋಮಸ್ಯ ಪ್ರಸವಂ ಅನು ಯಾಃ ಪವಂತೇ |
ಅಂತರ್ವತೀಸ್ ತರುಣವತ್ಸಾ ಘೃತಾಚೀಸ್
ತಾ ನ ಆಪೋ ರಾಜಸೂಯಾ ಅವಂತು || ೧೪,೨।೭

ಅಜೀಜನಂತ ಮತಯಃ ಸ್ವರ್ವಿದ
ಆ ಬ್ರಹ್ಮಣಾ ಸೂಕ್ತಧೇಯಾನ್ಯ್ ಅಗುಃ |
ಅಸೂಷುತ ರಾಜಸೂಯಾಃ ಪಯಾಂಸಿ
ಪ್ರಾಸಾವೀದ್ ದೇವಃ ಸವಿತಾ ಭುವನಾನಿ ವಿಶ್ವಾ || ೧೪,೨।೮

ಸೋಮೋ ರಾಜಾ ಭವೋ ರಾಜಾ ಪಶುಪತಿಃ
ಪಶೂನಾಂ ವರುಣೋ ಧೃತವ್ರತಃ |
ಯೇ ರಾಜಸೂಯೇ ಅಸೂಯಂತ ದೇವಾಸ್
ತೇ ತೇ ಕ್ಷತ್ರಂ ದಧತ್ವ್ ಆಯುರ್ ಓಜಃ || ೧೪,೨।೯

ಆಸ್ಥಾದ್ ಉದ್ ಅಸ್ಥಾದ್ ಅಜನಿಷ್ಟ ವಿಪ್ರೋ
ಮೃಧೋ ವ್ಯ್ ಆಸ್ಥದ್ ಅಶಸೀತ ಬಾಹೂ |
ಆರೇ ಅವಾಧಿಷ್ಟ ನಿರೃತಿಂ ಪರಾಚೈಃ
ಸಮಪೃಕ್ತ ರಶ್ಮಿಭಿಃ ಸೂರ್ಯಶ್ ಚ || ೧೪,೨।೧೦
(೨)

ಅಪಶ್ಯಂ ತ್ವಾವರೋಹಂತಂ
ದಿವತಃ ಪೃಥಿವೀಂ ಇವ |
ಅಪಶ್ಯಂ ಅಸ್ಯಂತಂ ರುದ್ರಂ
ನೀಲಗ್ರೀವಂ ಶಿಖಂಡಿನಂ || ೧೪,೩।೧

ದಿವ ಉಗ್ರೋ ಽವಾರುಕ್ಷತ್
ಪ್ರತ್ಯ್ ಅಷ್ಠಾದ್ ಭೂಮ್ಯಾಂ ಅಧಿ |
ಜನಾಸಃ ಪಶ್ಯತೇಮಂ
ನೀಲಗ್ರೀವಂ ವಿಲೋಹಿತಂ || ೧೪,೩।೨

ಏಷ ಐತ್ಯ್ ಅವೀರಹಾ
ರುದ್ರೋ ಜಲಾಷಭೇಷಜೀ |
ವಿ ತೇ ಕ್ಷೇಪಂ ಅನೀನಶದ್
ವಾತೀಕಾರೋ ವ್ಯ್ ಏತು ತೇ || ೧೪,೩।೩

ನಮಸ್ ತೇ ಭವ ಭಾಮಾಯ
ನಮಸ್ ತೇ ಭವ ಮನ್ಯವೇ |
ನಮಸ್ ತೇ ಅಸ್ತು ಬಾಹೂಭ್ಯಾಂ
ಉತೋ ತ ಇಷವೇ ನಮಃ || ೧೪,೩।೪

ಯಾಂ ಇಷಂ ಗಿರಿಶಂತ
ಹಸ್ತೇ ಬಿಭರ್ಷ್ಯ್ ಅಸ್ತವೇ |
ಶಿವಾಂ ಗಿರಿಶ ತಾಂ ಕೃಣು
ಮಾ ಹಿಂಸೀಃ ಪುರುಷಾನ್ ಮಮ || ೧೪,೩।೫

ಶಿವೇನ ವಚಸಾ ತ್ವಾ
ಗಿರಿಶಾಚ್ಛಾ ವದಾಮಸಿ |
ಯಥಾ ನಃ ಸರ್ವಂ ಇಜ್ ಜಗದ್
ಅಯಕ್ಷ್ಮಂ ಸುಮನೋ ಅಸತ್ || ೧೪,೩।೬

ಯಾ ತ ಇಷುಃ ಶಿವತಮಾ
ಶಿವಂ ಬಭೂವ ತೇ ಧನುಃ |
ಶಿವಾ ಶರವ್ಯಾ ಯಾ ತವ
ತಯಾ ನೋ ಮೃಡ ಜೀವಸೇ || ೧೪,೩।೭

ಯಾ ತೇ ರುದ್ರ ಶಿವಾ ತನೂರ್
ಅಘೋರಾಪಾಪಕಾಶಿನೀ |
ತಯಾ ನಸ್ ತನ್ವಾ ಶಂತಮಯಾ
ಗಿರಿಶಂತಾಭಿ ಚಾಕಶ || ೧೪,೩।೮

ಅಸೌ ಯಸ್ ತಾಮ್ರೋ ಅರುಣ
ಉತ ಬಭ್ರುರ್ ವಿಲೋಹಿತಃ |
ಯೇ ಚೇಮೇ ಅಭಿತೋ ರುದ್ರಾ
ದಿಕ್ಷು ಶ್ರಿತಾಃ ಸಹಸ್ರಶೋ
ಽವೈಷಾಂ ಹೇಡ ಈಮಹೇ || ೧೪,೩।೯

ಅದೃಶಂ ತ್ವಾವರೋಹಂತಂ
ನೀಲಗ್ರೀವಂ ವಿಲೋಹಿತಂ |
ಉತ ತ್ವಾ ಗೋಪಾ ಅದೃಶನ್ನ್
ಉತ ತ್ವೋದಾಹಾರ್ಯಃ |
ಉತೋ ತ್ವಾ ವಿಶ್ವಾ ಭೂತಾನಿ
ತಸ್ಮೈ ದೃಷ್ಟಾಯ ತೇ ನಮಃ || ೧೪,೩।೧೦
(೩)

ನಮೋ ಽಸ್ತು ನೀಲಶಿಖಂಡಾಯ
ಸಹಸ್ರಾಕ್ಷಾಯ ವಾಜಿನೇ |
ಅಥೋ ಯೇ ಅಸ್ಯ ಸತ್ವಾನಸ್
ತೇಭ್ಯೋ ಽಹಂ ಅಕರಂ ನಮಃ || ೧೪,೪।೧

ನಮಾಂಸಿ ತ ಆಯುಧಾಯ-
-ಅನಾತತಾಯ ಧೃಷ್ಣವೇ |
ಉಭಾಭ್ಯಾಂ ಅಕರಂ ನಮೋ
ಬಾಹುಭ್ಯಾಂ ತವ ಧನ್ವನೇ || ೧೪,೪।೨

ಪ್ರ ಮುಂಚ ಧನ್ವನಸ್ ಪರ್ಯ್
ಉಭಯೋರ್ ಆತ್ನ್ಯೋರ್ ಜ್ಯಾಂ |
ಯಾಶ್ ಚ ತೇ ಹಸ್ತ ಇಷವಃ
ಪರಾ ತಾ ಭಗವೋ ವಪ || ೧೪,೪।೩

ಅವತತ್ಯ ಧನುಸ್ ತ್ವಂ
ಸಹಸ್ರಾಕ್ಷ ಶತೇಷುಧೇ |
ನಿಶೀರ್ಯ ಶಲ್ಯಾನಾಂ ಮುಖಾ
ಶಿವೋ ನಃ ಶಂಭುರ್ ಆ ಚರ || ೧೪,೪।೪

ವಿಜ್ಯಂ ಧನುಃ ಶಿಖಂಡಿನೋ
ವಿಶಲ್ಯೋ ಬಾಣವಾಁ ಉತ |
ಅನೇಶನ್ನ್ ಅಸ್ಯೇಷವಃ
ಶಿವೋ ಅಸ್ಯ ನಿಷಂಗತಿಃ || ೧೪,೪।೫

ಪರಿ ತೇ ಧನ್ವನೋ ಹೇತಿರ್
ಅಸ್ಮಾನ್ ವೃಣಕ್ತು ವಿಶ್ವತಃ |
ಅಥೋ ಯ ಇಷುಧಿಸ್ ತವ-
-ಆರೇ ಅಸ್ಮಿನ್ ನಿ ಧೇಹಿ ತಂ || ೧೪,೪।೬

ಯಾ ತೇ ಹೇತಿರ್ ಮೀಢುಷ್ಟಮ
ಹಸ್ತೇ ಬಭೂವ ತೇ ಧನುಃ |
ತಯಾ ತ್ವಂ ವಿಶ್ವತೋ ಅಸ್ಮಾನ್
ಅಯಕ್ಷ್ಮಯಾ ಪರಿ ಭುಜ || ೧೪,೪।೭
(೪)

ಸುಪಾರ್ಶ್ವಾ ಕಾಮದುಘಾ ನ ಆಗಞ್
ಛತೌದನಾ ಪಯಸಾ ಪಿನ್ವಮಾನಾ |
ಊರ್ಜಂ ದುಹಾನಾ ಅನಪಸ್ಫುರಂತೀ
ಯಜಮಾನಸ್ಯ ಪ್ರ ತಿರಂತ್ಯ್ ಆಯುಃ || ೧೪,೫।೧

ಗೃಭ್ಣಾಮಿ ಮೇಧ್ಯಾಂ ಉಶತೀಂ
ಸ್ವಸ್ತಯ ಊರ್ಜಸ್ವತೀಂ
ಅನಮೀವಾಂ ಸ್ವಾಧ್ಯಾಂ |
ವಿಶ್ವೋ ಲೋಕೋ ಮಮ ದೇವೇಷ್ವ್ ಅಸ್ತು
ಶತೌದನಾಂ ಶ್ರದ್ದಧಾನಃ ಪಚಾಮಿ || ೧೪,೫।೨

ಬಧಾನ ದೇವೀಂ ಅಭಿ ಧೇಹಿ ಮುಂಜತೀಂ
ಶತೌದನಾಂ ಕಾಮದುಘಾ ಹ್ಯ್ ಏಷಾ |
ಮೈನಾಂ ಹಿಂಸೀರ್ ಅಶ್ಮನಾ ಜಹೃಷಾಣೋ
ಽಪ್ಯ್ ಏತು ದೇವಾಁ ಅತಿ ಗಚ್ಛತಿ ದ್ವಿಷಃ || ೧೪,೫।೩

ಆ ರಭಸ್ವ ಬ್ರಹ್ಮಣಾ ವೈಶ್ವದೇವೀಂ
ಶತೌದನಾಂ ಶತಪಾಪ್ಮಾನೋ ಅಸ್ಯಾಃ |
ಸಮರ್ಪಯನ್ನ್ ಅಶ್ಮನಾ ಪರ್ವತೇನ
ಸ್ವರ್ಗಂ ಲೋಕಂ ಅಧಿ ರೋಹಯೈನಂ || ೧೪,೫।೪

ಧೃಷ್ಣು ಹ್ಯ್ ಏನಾಂ ವಿಕೃತಾ ವಿಕೃಂತನ್ನ್
ಅಪಘ್ನಂಶ್ ಚರ್ಮೇರಯಾ ಸಂ ಸೃಜೈನಾಂ |
ವಿರಾಜೋ ದುಹಿತೇರಯಾ ಸಮಕ್ತಾ
ಕಾಮಂ ಕಾಮಂ ಯಜಮಾನಾಯ ದುಹಾಂ || ೧೪,೫।೫

ಯಥಾಪರು ವಿಶಸನ್ನಾತಿ ಮಂಸ್ಥಾಃ
ಕೃಣುಷ್ವಾ ಮೇ ನಾವಧೇಯಾನಿ ಪೃಥಕ್ |
ಅಗನ್ ದೇವಾನ್ ಮಾನುಷೀ ಯಾ ಪುರಾಭೂಚ್
ಛತೌದನಾ ಪುರುರೂಪಾ ಸುವರ್ಣಾ || ೧೪,೫।೬

ದ್ವಿಪಾದ್ ದ್ವಿಹಸ್ತಃ ಪುರುಷೋ ಮಹಾದಮೋ
ವನಸ್ಪತಿಂ ಬಿಭರ್ತಿ ಸಾಯಕಾಗ್ರಂ |
ತೇನ ಪರೂಂಷಿ ಪ್ರವಿದ್ವಾನ್ ಅಘ್ನ್ಯಾಯಾಃ
ಶತೌದನಾಂ ದೇವೀಂ ಶತಧಾ ವ್ಯ್ ಅಸ್ಯ || ೧೪,೫।೭

ಏತಂ ಬ್ರಧ್ನಂ ಚರ್ಮಣಃ ಕೃಂತ ಸಾಧು
ತಂ ಉ ಪ್ರಮಾಯ ಶತಧಾ ವ್ಯ್ ಅಸ್ಯ |
ಸಂ ಉತ್ ಸೃಜನ್ನ್ ಅವಧಾನಾನಿ ಸರ್ವಾ
ರಾಯಸ್ಪೋಷಂ ಯಜಮಾನಾಯ ಧೇಹಿ || ೧೪,೫।೮

ಋಚಾ ಕುಂಭೀಂ ಅಧ್ಯ್ ಅಗ್ನೌ ಶ್ರಯಾಮಿ
ಭೂಮ್ಯಾಂ ತ್ವಾ ಭೂಮಿಂ ಅಧಿ ಧಾರಯಾಮಿ |
ಅಪೋ ಮಾಂಸಂ ಬಿಭ್ರತೀ ಮಾ ವ್ಯಥಿಷ್ಠಾ
ಮಾ ತ್ವಾ ವಧಿಷುರ್ ಮೇನಿಭಿಃ ಪಿಶಾಚಾಃ || ೧೪,೫।೯

ಊರ್ಧ್ವ ಪ್ರೇಹಿ ಮಾ ಸಂ ವಿಕ್ಥಾ
ವ್ಯ್ ಅಸ್ಯ ರಜೋ ಅಂತರಂ |
ರಕ್ಷಾಂಸಿ ಸರ್ವಾ ತೀರ್ತ್ವಾ-
-ಅಥಾ ರೋಹ ದಿವಂ ತ್ವಂ || ೧೪,೫।೧೦
(೫)

ದಿವಂ ಪ್ರೇಹಿ ಶತೌದನೇ
ಸಹಸ್ರಸ್ಯಾಯನಂ ಭವ |
ಅಯುತಂ ಪ್ರಯುತಂ ಭವ-
-ಅಕ್ಷಿತಿರ್ ಭವತಾತ್ ತ್ವಂ
ಸ್ವರ್ಗಂ ಲೋಕಂ ಆರುಹಃ || ೧೪,೬।೧

ಶತೌದನಾಂ ಶತಧಾ ಭಕ್ಷಯಂತಿ
ಶತಂ ರೋಹಾನ್ ರೋಹತಿ ಯೋ ದದಾತಿ |
ವಾಮದೇವ್ಯಂ ನೌಧಸಂ ಅಸ್ಯಾಃ ಪಕ್ಷೌ
ತೃತೀಯೇ ನಾಕೇ ಅಧಿ ವಿಷ್ಟಪಿ ಶ್ರಿತಾ || ೧೪,೬।೨

ಶತೌದನಾಂ ಶತಧಾ ಕಲ್ಪಮಾನಾ
ಶತಂ ರೂಪಾಣಿ ಕೃಣುತೇ ಸ್ವರ್ಯತೀ |
ಸಾ ನೋ ದೇವೀ ಸುಹವಾ ಶರ್ಮ ಯಚ್ಛತ್ವ್
ಅಥೋ ಮೃಡಾತೀದೃಶೇ || ೧೪,೬।೩

ಶತೌದನಾ ದ್ವಾದಶಾಹೇನ ಸಂಮಿತಾ
ಶತಂ ಪೃಷ್ಠಾನಿ ಸಸೃಜೇ ಸ್ವರ್ಯತೀ |
ಸರ್ವಾನ್ ಯಜ್ಞಾನ್ ಪರಿಯತೀ ಪರಸ್ತಾತ್
ಸಾ ದಾತಾರಂ ರಾಯಸ್ಪೋಷೇ ದಧಾತು || ೧೪,೬।೪

ಅಭಿ ಪ್ರೇಹಿ ಶತೌದನ
ಈಜಾನಾನ್ ಸೋಮಸತ್ವನಃ |
ಯಜ್ಞಾಂಸ್ ತ್ವಂ ಸರ್ವಾನ್ ಆಪ್ತ್ವಾ
ಕಾಮಪ್ರಸ್ಯಾಯನಂ ಭವ || ೧೪,೬।೫

ಅಭಿ ಪ್ರೇಹಿ ಶತೌದನೇ
ಯಜ್ಞೇನಾಯಜ್ವನಸ್ ತರ |
ಆ ದೇವಯೂನ್ ಅರೂರುಹೋ
ಯತ್ರಾದಸ್ ತ್ರಿದಿವಂ ದಿವಃ || ೧೪,೬।೬

ಈರಾಪದೀ ಪ್ರಥಮಾ ಶತೌದನಾ
ಸತ್ಯಂ ಹ ಮಧ್ಯಂ ಅಮೃತಂ ಶಿರಸ್ ತವ |
ಉಭೇ ದೇವೀ ರೋದಸೀ ಆ ಪೃಣಾಸಿ || ೧೪,೬।೭

ಋತಂ ಹ ಶ್ರೋಣೀ ಉತ ಸಕ್ಥೌ ತನ್ವಾ-
-ಓಜೋ ಹ ಬಾಹೂ ಉತ ತದ್ ಬಲಾಯ ಕಂ |
ಅನುಷ್ಠು ಜಠರಂ ಆದ್ ಉ ಪಾರ್ಶ್ವೇ
ಸರ್ವಾಁಲ್ ಲೋಕಾಂ ಛತೌದನಾ ಸಮಾಪ || ೧೪,೬।೮

ಚಕ್ಷುಷ್ಮತೀ ಪ್ರಥಮಾ ಶತೌದನಾ
ಸೂರ್ಯೋ ಹ ಚಕ್ಷುರ್ ಉತ ಚಂದ್ರಮಾಸ್ ತವ |
ವಿಶ್ವೈರ್ ದೇವೈರ್ ಋತುಭಿಃ ಸಂವಿದಾನಾ
ಸಾ ದಾತಾರಂ ತೃಪ್ತ್ಯಾ ತರ್ಪಯಾಸಿ || ೧೪,೬।೯

ಶತಂ ಪಯಾಂಸಿ ಶತಂ ಅಸ್ಯಾ ವತ್ಸಾಃ
ಶತಧಾ ಪಕ್ವಾಂ ವಿ ಭಜಂತ್ಯ್ ಏನಾಂ |
ಸಪ್ತ ಲೋಕಾ ದಿವ್ಯ್ ಆರ್ಪಿತಾ ಯೇ ತಾಂ
ಜಿಗೇಥ ಪ್ರಥಮಾ ಶತೌದನೇ || ೧೪,೬।೧೦
(೬)

ಸಹಸ್ರೇಣ ಶತಮಾನಾ ಯದ್ ಏಷಿ
ಲೋಕಾಂ ಜಿಗೇಥ ಪ್ರಥಮಾ ಶತೌದನೇ |
ಸರ್ವವೇದಸಂ ಉತ ವಾಜಪೇಯಂ
ಸರ್ವಾಁಲ್ ಲೋಕಾಂ ಛತೌದನಾ ಸಮಾಪ || ೧೪,೭।೧

ಇಂದ್ರಃ ಪಪಾತ ಪ್ರಥಮಃ ಶತೌದನಾಂ
ಸಪ್ತ ಋಷಿಭ್ಯಃ ಸುಮನಸ್ಯಮಾನಃ |
ತಯಾಸುರಾಣಾಂ ಬಲಂ ಓಜ ಆ ದದೇ
ತಯಾ ರುರೋಹ ವಿಷ್ಟಪೋ ದೇವಲೋಕಾನ್ || ೧೪,೭।೨

ವಿಶ್ವಾಮಿತ್ರೋ ಽಯಂ ಜಮದಗ್ನಿರ್ ಅತ್ರಿರ್
ಭರದ್ವಾಜೋ ಗೋತಮೋ ಽಯಂ ವಸಿಷ್ಠಃ |
ಇದಂ ಪಕ್ವಂ ಕಶ್ಯಪಸಪ್ತಮಾಃ
ಪ್ರಾಶ್ನಂತು ಪ್ರಥಮಾಃ ಶತೌದನಾಂ || ೧೪,೭।೩

ಜ್ಯೋತಿಷ್ಮತೀ ಪ್ರಥಮಾ ಶತೌದನಾ
ತ್ರೀಣಿ ಜ್ಯೋತೀಂಷಿ ಕೃಣುತೇ ಸ್ವರ್ ಯತೀ |
ತಾಂ ದಾತಾರ ಉಪ ಜೀವಂತಿ ಯತ್ರ
ತತ್ರ ದೇವೈಃ ಸಧಮಾದಂ ಮದಂತಿ || ೧೪,೭।೪

ಛಂದಃಪಕ್ಷಾ ಬೃಹತೀ ಶತೌದನಾ
ತ್ರೀಣಿ ಚ್ಛಂದಾಂಸಿ ಸಸೃಜೇ ಸ್ವರ್ ಯತೀ |
ಋತೂಣಾಂ ಅಧಿರಾಜಂ ಸಂವತ್ಸರಂ
ಪತಿಂ ಅಸ್ಯಾ ವಿಂದನ್ || ೧೪,೭।೫

ಅತಿಕ್ರಮ್ಯಾಗ್ನಿಷ್ಟೋಮಂ
ಅತಿರಾತ್ರಂ ಶತೌದನೇ |
ಯಜ್ಞಾಂಸ್ ತ್ವಂ ಸರ್ವಾನ್ ಆಪ್ತ್ವಾ
ಚಿತ್ಯಂ ಅಗ್ನಿಂ ವ್ಯ್ ಅಶ್ನುಹಿ || ೧೪,೭।೬

ಅಶ್ವಮೇಧ್ಯಂ ಅತಿಕ್ರಮ್ಯ
ದ್ವಾದಶಾಹಂ ಶತೌದನೇ |
ತ್ರಿರಾತ್ರಂ ಸಾಹ್ನಂ ಆಪ್ತ್ವಾ
ವಾಜಪೇಯೇನ ಕಲ್ಪತೇ || ೧೪,೭।೭

ಯೇ ಸಹಸ್ರೈರ್ ಈಜಾನಾ
ಅಗ್ನಿಹೋತ್ರಹುತಶ್ ಚ ಯೇ |
ಯಜ್ಞೈರ್ ಯೇ ಸರ್ವೈರ್ ಈಜಾನಾಸ್
ತಾನ್ ಆಪ್ನೋತಿ ಶತೌದನಾ || ೧೪,೭।೮

ಶಂ ತೇ ಪರೂಂಷಿ ಸುಭಗೇ ದಧಾಮಿ
ಶಂ ತೇ ಮಾಂಸಾನ್ಯ್ ಅತ್ತಥಾ ಭವಂತಿ |
ಅಸ್ಥಿ ಯತ್ ತೇ ಶಮಿತಾ ಶಶಾರ
ತತ್ ತೇ ತ್ವಷ್ಟಾ ವಿಹೃತಂ ನಿಷ್ ಕೃಣೋತು || ೧೪,೭।೯

ಯೇ ಯಜ್ಞೇನ ಜಿತಾ ಲೋಕಾ
ಯಾ ನು ಚ್ಛಂದಾಂಸಿ ಭೇಜಿರೇ |
ಸರ್ವಾಂಸ್ ತಾಁಲ್ ಲೋಕಾನ್ ಆಪ್ನೋತಿ
ಯೋ ದದಾತಿ ಶತೌದನಾಂ || ೧೪,೭।೧೦
(೭)

ಇಷಿರಾ ಯೋಷಾ ಯುವತೀರ್ ದಮೂನಾ
ರಾತ್ರೀ ದೇವಸ್ಯ ಸವಿತುರ್ ಭಗಸ್ಯ |
ಅಶ್ವಕ್ಷತಾ ಸುಹವಾ ಸಂಭೃತಶ್ರೀರ್
ಆ ಪಪ್ರೌ ದ್ಯಾವಾಪೃಥಿವೀ ಮಹಿತ್ವಾ || ೧೪,೮।೧

ಅವ ವಿಶ್ವಾನ್ಯ್ ಅರುಹದ್ ಗಭೀರಾ-
-ಉದ್ವರ್ಷಿಷ್ಠಂ ಅರುಹದ್ ಅಶ್ರಮಿಷ್ಠಾ |
ಉಶತೀ ರಾತ್ರ್ಯ್ ಅನು ಸಾನು ಭದ್ರಾದ್
ವಿ ತಿಷ್ಠತೇ ಮಿತ್ರ ಇವ ಸ್ವಧಾಭಿಃ || ೧೪,೮।೨

ನರ್ಯೇ ವಂದ್ಯೇ ಸುಭಗೇ ಸುಜಾತ
ಆ ಚಾಗನ್ ರಾತ್ರಿ ಸುಮನಾ ಇಹ ಸ್ಯಾಂ |
ಅಸ್ಮಾಂಸ್ ತ್ರಾಯಸ್ವ ನರ್ಯಾಣಿ ಜಾತಾ-
-ಅಶ್ವ್ಯಾ ಯಾನಿ ಗವ್ಯಾನಿ ಪುಷ್ಟಾ || ೧೪,೮।೩

ಸಿಂಹಸ್ಯ ರಾತ್ರ್ಯ್ ಉಶತೀ ಪಿಶಸ್ಯ
ವ್ಯಾಘ್ರಸ್ಯ ದ್ವೀಪಿನೋ ವರ್ಚ ಆ ದದೇ |
ಅಶ್ವಸ್ಯ ಬ್ರಧ್ನಂ ಪುರುಷಸ್ಯ ಮಾಯಂ
ಪುರು ರೂಪಾಣಿ ಕೃಣುಷೇ ವಿಭಾತೀ || ೧೪,೮।೪

ಶಿವಾಂ ರಾತ್ರಿಂ ಅಹ್ನಿ ಸೂರ್ಯಂ ಚ
ಹಿಮಸ್ಯ ಮಾತಾ ಸುಹವಾ ನೋ ಅಸ್ತು |
ಅಸ್ಯ ಸ್ತೋಮಸ್ಯ ಸುಭಗೇ ನಿ ಬೋಧ
ಯೇನ ತ್ವಾ ವಂದೇ ವಿಶ್ವಾಸು ದಿಕ್ಷು || ೧೪,೮।೫

ಸ್ತೋಮಸ್ಯ ನೋ ವಿಭಾವರಿ
ರಾತ್ರಿ ರಾಜೇವ ಜೋಷಸೈ |
ಅಸಾಮ ಸರ್ವವೀರಾ
ಭವಾಮ ಸರ್ವವೇದಸೋ ವ್ಯುಚ್ಛಂತೀರ್ ಅನೂಷಸಃ || ೧೪,೮।೬

ಶಮ್ಯಾ ಹ ನಾಮ ದಧಿಷೇ
ಮಮ ದಿಪ್ಸಂತಿ ಯೇ ಧನಾ |
ರಾತ್ರೀಹ ತಾನ್ ಅಸದ್ ಅಪ-
-ಅಥ ಸ್ತೇನೋ ನ ವಿದ್ಯತೇ
ಅಥ ರಿಪುರ್ ನ ವಿದ್ಯತೇ || ೧೪,೮।೭

ಭದ್ರಾಸಿ ರಾತ್ರಿ ಚಮಸೋ ನ ಪಿಷ್ಟೋ
ವಿಶ್ವಂ ಗೋರೂಪಂ ಯುವತಿರ್ ಬಿಭರ್ಷಿ |
ಚಕ್ಷುಷ್ಮತೀ ಮೇ ಮೃಶತೀ ವಪೂಂಷಿ
ಪ್ರಾದಿತ್ಯಾನ್ ದಿವ್ಯಾನ್ ರುಕ್ಮಾಁ ಅಮುಕ್ಥಾಃ || ೧೪,೮।೮

ಯೋ ಅದ್ಯ ಸ್ತೇನ ಆಯತ್ಯ್
ಅಘಾಯುರ್ ಮರ್ತ್ಯೋ ರಿಪುಃ |
ರಾತ್ರೀ ತಸ್ಯ ಪ್ರತೀತ್ಯ
ಪ್ರ ಗ್ರೀವಾ ಪ್ರ ಶಿರೋ ಹನತ್ || ೧೪,೮।೯

ಪ್ರ ಪಾದೌ ನ ಯಥಾಯತಿ
ಪ್ರ ಹಸ್ತೌ ನ ಯಥಾಶಿಷತ್ |
ಯೋ ಮಲಿಮ್ಲರ್ ಉಪಾಯತಿ
ಸ ಸಂಪಿಷ್ಟೋ ಅಪಾಯತಿ |
ಅಪಾಯತಿ ಸ್ವ್ ಅಪಾಯತಿ
ಶುಷ್ಕೇ ಸ್ಥಾಣಾವ್ ಅಪಾಯತ || ೧೪,೮।೧೦
(೮)

ಅಂಧಂ ರಾತ್ರಿ ತಿಷ್ಠಧೂಮಂ
ಅಶೀರ್ಷಾಣಂ ಅಹಿಂ ಕೃಣು |
ಅಕ್ಷೌ ವೃಕಸ್ಯ ನಿರ್ ಜಹ್ಯ್
ಆ ಸ್ತೇನಂ ದ್ರುಪದೇ ಜಹಿ || ೧೪,೯।೧

ಯೇ ತೇ ರಾತ್ರ್ಯ್ ಅನಡ್ವಾಹಸ್
ತೀಕ್ಷ್ಣಶೃಂಗಾಃ ಸ್ವಾಶವಃ |
ತೇಭಿರ್ ನೋ ಅದ್ಯ ಪಾರಯ-
-ಅತಿ ದುರ್ಗಾಣಿ ವಿಶ್ವಹಾ || ೧೪,೯।೨

ರಾತ್ರಿಂ ರಾತ್ರಿಂ ಅರಿಷ್ಯಂತಸ್
ತರೇಮ ತನ್ವಾ ವಯಂ |
ಗಂಭೀರಂ ಅಪ್ಲವಾ ಇವ
ನ ತರೇಯುರ್ ಅರಾತಯಃ || ೧೪,೯।೩

ಯಥಾ ಶಾಮ್ಯಾಕಃ ಪ್ರಪತನ್
ಪ್ರೇದಿವಾನ್ ನಾನು ವಿದ್ಯತೇ |
ಏವಾ ರಾತ್ರಿ ಪ್ರ ಪಾತಯ
ಯೋ ಅಸ್ಮಾಁ ಅಭ್ಯ್ ಅಘಾಯತಿ || ೧೪,೯।೪

ಅಪ ಸ್ತೇನಂ ವಾಸೋಮಥಂ
ಗೋಅಜಂ ಉತ ತಸ್ಕರಂ |
ಅಥೋ ಯೋ ಅರ್ವತಃ ಶಿರೋ
+ಽಭಿಧಾಯ ನಿನೀಷತಿ || ೧೪,೯।೫

ಯದ್ ಅದ್ಯ ರಾತ್ರಿ ಸುಭಗೇ
ವಿಭಜಂತ್ಯ್ ಅಯೋವಸು |
ಯದ್ ಏಹ್ಯ್ ಅಸ್ಮಾನ್ ಭ್ರಾಜಯ-
-ಅಥೇದ್ ಅನ್ಯಾನ್ ಉಪಾಯಸಿ || ೧೪,೯।೬

ಉಷಸೇ ನಃ ಪರಿ ದೇಹಿ
ಸರ್ವಾನ್ ರಾತ್ರ್ಯ್ ಅನಾಗಸಃ |
ಉಷಾ ನೋ ಅಹ್ನ ಆ ಭಜಾದ್
ಅಹಸ್ ತುಭ್ಯಂ ವಿಭಾವರಿ || ೧೪,೯।೭
(೯)

ಅನುವಾಕ ೩ ||
(೧೪)


ಕಾಂಡ ೧೫

ಸಮ್ಯನ್ ದಿಗ್ಭ್ಯಃ ಪವತೇ ಸಂ ಸ್ವರ್ವಿನ್
ಮಧೋರ್ ಅತೋ ಮಾಧವಃ ಪಾತ್ವ್ ಅಸ್ಮಾನ್ |
ಅಗ್ನಿರ್ ದೇವೋ ದುಷ್ಟರೀತುರ್ ಅದಾಭ್ಯ
ಇದಂ ಕ್ಷತ್ರಂ ರಕ್ಷತು ಪಾತ್ವ್ ಅಸ್ಮಾನ್ || ೧೫,೧।೧

ರಥಂತರಂ ಸಾಮಭಿಃ ಪಾತ್ವ್ ಅಸ್ಮಾನ್
ಗಾಯತ್ರೇಣ ಚ್ಛಂದಸಾ ವಿಶ್ವರೂಪಂ |
ದ್ವಾದಶಾ ಇಷ್ಟಯಾ ಸ್ತೋಮೋ ಅಹ್ನಾಂ
ಸಮುದ್ರೋ ವಾಚ ಇದಂ ಓಜಃ ಪಿಪರ್ತು || ೧೫,೧।೨

ಉಗ್ರಾ ದಿಶಾಂ ಅಭಿಭೂತಿರ್ ವಯೋಧಾಃ
ಶುಚಿಃ ಶುಕ್ರೇ ಅಹನ್ಯ್ ಓಜಸ್ಯೇ |
ಇಂದ್ರಾಧಿಪತಿಃ ಪಿಪೃತಾದ್ ಅತೋ ನೋ
ಮಯಿ ಕ್ಷತ್ರಂ ವಿಶ್ವತೋ ಧಾರಯೇದಂ || ೧೫,೧।೩

ಬೃಹದ್ ರಾಷ್ಟ್ರಂ ಕ್ಷತ್ರಭೃದ್ ವೃದ್ಧವೃಷ್ಣ್ಯಂ
ತ್ರಿಷ್ಟುಭೌಜಃ ಶುಭಿತಂ ಉಗ್ರವೀರಂ |
ಇಂದ್ರ ಸ್ತೋಮೈಃ ಪಂಚದಶೇನ ವರ್ಚ
ಇದಂ ವಾತೇನ ಸಗರೇಣ ರಕ್ಷತು || ೧೫,೧।೪

ಪ್ರಾಚೀ ದಿಶಾಂ ಸಹಯಶಾ ಯಶಸ್ವತೀ
ವಿಶ್ವೇ ದೇವಾಃ ಪ್ರಾವೃಷಾಹ್ನಾಂ ಸ್ವರ್ವತೀ |
ಇದಂ ಕ್ಷತ್ರಂ ದುಷ್ಟರಂ ಅಸ್ತ್ವ್ ಓಜೋ
ಅನಾಧೃಷ್ಟಂ ಸಹಸ್ವಂ ಸಹಸ್ವತ್ || ೧೫,೧।೫

ವೈರೂಪೇ ಸಾಮನ್ಯ್ ಅಹ ತಚ್ ಛಕೇಯಂ
ಜಗತ್ಯೈನದ್ ವಿಕ್ಷ್ವ್ ಆ ವೇಶಯಾಮಿ |
ವಿಶ್ವೇ ದೇವಾಃ ಸಪ್ತದಶೇನ ವದ್ಯಂ
ಇದಂ ಕ್ಷತ್ರಂ ಸಲಿಲಾವತಂ ಉಗ್ರಂ || ೧೫,೧।೬

ಧತ್ರೀ ದಿಶಾಂ ಕ್ಷತ್ರಂ ಇದಂ ದಾಧರ್ತು-
-ಉಪಸ್ಥಾಶಾನಾಂ ಮಿತ್ರವದ್ ಅಸ್ತ್ವ್ ಓಜಃ |
ಮಿತ್ರಾವರುಣಾ ಶರದಾಹ್ನಾ ಚಿಕಿತ್ನೂ
ಅಸ್ಮೈ ಕ್ಷತ್ರಾಯ ಮಹಿ ಶರ್ಮ ಯಚ್ಛತಂ || ೧೫,೧।೭

ವೈರಾಜೇ ಸಾಮನ್ಯ್ ಅಧಿ ಮೇ ಮನೀಷಾ-
-ಅನುಷ್ಟುಭಾ ಸಂಭೃತಂ ವೀರ್ಯಂ ಸಹಃ |
ಇದಂ ಕ್ಷತ್ರಂ ಮಿತ್ರವದ್ ಆರ್ದ್ರದಾನ್ವ್ ಓಜಾ
ಮಿತ್ರಾವರುಣಾ ರಕ್ಷತಂ ಆಧಿಪತ್ಯೇ || ೧೫,೧।೮

ಸಮ್ರಾಡ್ ದಿಶಾಂ ಸಹಸಾಮ್ನೀ ಸಹಸ್ವತ್ಯ್
ಋತುರ್ ಹೇಮಂತೋ ವಿಷ್ಠಯಾ ನಃ ಪಿಪರ್ತು |
ಓಷಜಾತಾಂ ಬೃಹತೀ ಚ ಶಕ್ವರೀ-
-ಇಮಂ ಯಜ್ಞಂ ಅವತಾಂ ನೋ ಘೃತಾಚೀ || ೧೫,೧।೯

ಸ್ವರ್ವತೀ ಸುದುಘಾ ನಃ ಪಯಸ್ವತೀ
ದಿಶಾಂ ದೇವ್ಯ್ ಅವತು ನೋ ಘೃತಾಚೀ |
ತ್ವಂ ಗೋಪಾಃ ಪುರಏತೋತ ಪಶ್ಚಾದ್
ಬೃಹಸ್ಪತೇ ಯಾಮ್ಯಾಂ ಯುಙ್ಧಿ ವಾಚಂ || ೧೫,೧।೧೦
(೧)

ಸ್ತೋಮೈಕವಿಂಶೇ ಭುವನಸ್ಯ ಪತ್ನಿ
ವಿವಸ್ವಗ್ವಾತೇ ಅಭಿ ನೋ ಗೃಣೀಹಿ |
ಘೃತವತೀ ಸವಿತರ್ ಆಧಿಪತ್ಯೇ
ಪಯಸ್ವತೀ ರಂತಿರ್ ಆಶಾ ನೋ ಅಸ್ತು || ೧೫,೨।೧

ಊರ್ಧ್ವಾ ದಿಶಾಂ ರಂತಿರ್ ಆಶೌಷಧೀನಾಂ
ಸಂವತ್ಸರೇಣ ಸವಿತಾ ನೋ ಅಹ್ನಾ |
ರೇವತ್ ಸಾಮ್ನಾಂ ಪಂಕ್ತಿಶ್ ಛಂದಸಾಂ
ಅಜಾತಶತ್ರುಃ ಸ್ಯೋನಾ ನೋ ಅಸ್ತು || ೧೫,೨।೨

ವಿಷ್ಟಂಭೋ ದಿವೋ ಧರುಣಃ ಪೃಥಿವ್ಯಾ
ಅಸ್ಯೇಶಾನಾ ಜಗತೋ ವಿಷ್ಣುಪತ್ನೀ |
ವಿಶ್ವವ್ಯಚಾ ಇಷಯಂತೀ ಸುಹುತಿಃ
ಸ್ಯೋನಾ ನೋ ಅಸ್ತ್ವ್ ಅದಿತೇರ್ ಉಪಸ್ಥೇ || ೧೫,೨।೩

ಧ್ರುವಾ ದಿಶಾಂ ವಿಷ್ಣುಪತ್ನ್ಯ್ ಅಘೋರಾ-
-ಅಸ್ಯೇಶಾನಾ ಸಹಸೋ ಯಾ ಮನೋತಾ |
ಬೃಹಸ್ಪತಿರ್ ಮಾತರಿಶ್ವೋತ ವಾಯುಃ
ಸಂಧಾನಾ ವಾತಾ ಅಭಿ ನೋ ಗೃಣಂತು || ೧೫,೨।೪

ಯೋ ನಃ ಪಿತಾ ಜನಿತಾ ಯೋ ವಿಧರ್ತಾ
ಯೋ ನಃ ಸತೋ ಅಭ್ಯ್ ಆ ಸಜ್ ಜಜಾನ |
ಸ ಆಶಿಷಾ ದ್ರವಿಣಂ ಇಚ್ಛಮಾನಃ
ಪ್ರಥಮಚ್ಛದೋ ವರ ಆ ವಿವೇಶ || ೧೫,೨।೫

ಅಭ್ಯ್ ಆ ವರ್ತಸ್ವ ಪೃಥಿವೀ
ಯಜ್ಞೇನ ಪಯಸಾ ಸಹ |
ಅಪಾಂತೋ ಅಗ್ನಿರ್ ಇಷಿತೋ ಽವ ರೋಹತು || ೧೫,೨।೬

ಯದ್ ಅಗ್ನೇ ಚಂದ್ರಂ ಯತ್ ಪೂತಂ
ಯಚ್ ಛುಕ್ರಂ ಯಚ್ ಚ ಯಜ್ಞಿಯಂ |
ತದ್ ದೇವೇಭ್ಯೋ ಭರಾಮಸಿ || ೧೫,೨।೭

ಇಷಂ ಊರ್ಜಂ ಅಹಂ ಅತ ಆದಿ
ಯಜ್ಞಸ್ಯ ಯೋನೌ ಮಹಿಷಸ್ಯ ಧಾಮನ್ |
ಆ ನೋ ಗೋಷು ವಿಶಸ್ತ್ವ್ ಆ ಪ್ರಜಾಯಾಂ
ಜಹಾಮಿ ಸೇದಿಂ ಅನಿರಾಂ ಅಮೀವಾಂ || ೧೫,೨।೮
(೨)

ಆಯುಷೋ ಽಸಿ ಪ್ರತರಣಂ
ವಿಪ್ರಂ ಭೇಷಜಂ ಉಚ್ಯಸೇ |
ತದ್ ಆಂಜನ ತ್ವಂ ಶಂತಾತೇ
ಽಸಿ ಮಾಯೋಭವಂ ಕೃತಂ || ೧೫,೩।೧

ಯೋ ಹರಿಮಾ ಜಾಯಾನ್ಯೋ
ಅಂಗಭೇದೋ ವಿಸಲ್ಪಕಃ |
ಸರ್ವಂ ತೇ ಯಕ್ಷ್ಮಂ ಅಂಗೇಭ್ಯೋ
ಬಹಿರ್ ನಿರ್ ಹಂತ್ವ್ ಆಂಜನಂ || ೧೫,೩।೨

ಆಂಜನಂ ಪೃಥಿವ್ಯಾಂ ಜಾತಂ
ಭದ್ರಂ ಪುರುಷಜೀವನಂ |
ಕೃಣೋತ್ವ್ ಅತ್ಪ್ರಮಾಯಕಂ
ರಥಜೂತಿಂ ಅನಾಗಸಂ || ೧೫,೩।೩

ಪ್ರಾಣ ಪ್ರಾಣಂ ತ್ರಾಯಸ್ವಾಸೋ
ಅಸವೇ ಮೃಡ |
ನಿರೃತೇ ನಿರೃತ್ಯಾ ನಃ
ಪಾಶೇಭ್ಯೋ ಮುಂಚ || ೧೫,೩।೪

ಸಿಂಧೋರ್ ಗರ್ಭೋ ಽಸಿ
ವಿದ್ಯುತಾಂ ಪುಷ್ಪಂ |
ವಾತಃ ಪ್ರಾಣಃ ಸೂರ್ಯಶ್
ಚಕ್ಷುರ್ ದಿವಸ್ ಪಯಃ || ೧೫,೩।೫

ದೇವಾಂಜನಂ ತ್ರೈಕಕುದಂ
ಪರಿ ಮಾ ಪಾಹಿ ವಿಶ್ವತಃ |
ನ ತ್ವಾ ತರಂತ್ಯ್ ಓಷಧಯೋ
ಬಾಹ್ಯಾಃ ಪರ್ವತೀಯಾ ಉತ || ೧೫,೩।೬

ವೀದಂ ಮಧ್ಯಂ ಅವಾಸೃಜದ್
ರಕ್ಷೋಹಾಮೀವಚಾತನಃ |
ಅಮೀವಾಃ ಸರ್ವಾಶ್ ಚಾತಯನ್
ನಾಶಯದ್ ಅಭಿಭಾ ಇತಃ || ೧೫,೩।೭

ಬಹ್ವ್ ಇದಂ ರಾಜನ್ ವರುಣ-
-ಅನೃತಂ ಆಹ ಪುರುಷಃ |
ತಸ್ಮಾತ್ ಸಹಸ್ರವೀರ್ಯ
ಮುಂಚ ನಃ ಪರ್ಯ್ ಅಂಹಸಃ || ೧೫,೩।೮

ಯದ್ ಆಪೋ ಅಘ್ನ್ಯಾ ಇತಿ
ವರುಣೇತಿ ಯದ್ ಊಚಿಮ |
ತಸ್ಮಾತ್ ಸಹಸ್ರವೀರ್ಯ
ಮುಂಚ ನಃ ಪರ್ಯ್ ಅಂಹಸಃ || ೧೫,೩।೯

ಮಿತ್ರಶ್ ಚ ತ್ವಾ ವರುಣಶ್ ಚ-
-ಅನು ಪ್ರೇಯತುರ್ ಆಂಜನ |
ತೌ ತ್ವಾನುಗತ್ಯ ದೂರಂ
ಭೋಗಾಯ ಪುನ ರೋಹತು || ೧೫,೩।೧೦
(೩)

ಋಣಾದ್ ಋಣಂ ಇವ ಸಂ ನಯ
ಕೃತ್ಯಾಂ ಕೃತ್ಯಾಕೃತೋ ಗೃಹಂ |
ಚಕ್ಷುರ್ಮಂತ್ರಸ್ಯ ದುರ್ಹಾರ್ದಃ
ಪೃಷ್ಟೀರ್ ಅಪಿ ಶೃಣಾಂಜನ || ೧೫,೪।೧

ಯದ್ ಅಸ್ಮಾಸು ದುಷ್ವಪ್ನ್ಯಂ
ಯದ್ ಗೋಷು ಯಚ್ ಚ ನೋ ಗೃಹೇ |
ಅಮಾಮಗತ್ಯಸ್ತ ದುರ್ಹಾರ್ದಃ
ಪ್ರಿಯ ಪ್ರತಿ ಮುಂಚತಾಂ || ೧೫,೪।೨

ಅಪಾಂ ಊರ್ಜ ಓಜಸೋ ವಾವೃಧಾನಂ
ಅಗ್ನೇರ್ ಜಾತಂ ಅಧಿ ಜಾತವೇದಸಃ |
ಚತುರ್ವೀರಂ ಪರ್ವತೀಯಂ ಯದ್ ಆಂಜನಂ
ದಿಶಃ ಪ್ರದಿಶಃ ಕರದ್ ಇಚ್ ಛಿವಾಸ್ ತೇ || ೧೫,೪।೩

ಚತುರ್ವೀರಂ ಬಧ್ಯತ ಆಂಜನಂ ತೇ
ಸರ್ವಾ ದಿಶೋ ಅಭಯಾಸ್ ತೇ ಭವಂತು |
ಧ್ರುವಸ್ ತಿಷ್ಠಾಧಿ ಸವಿತೇವ ವಾರ್ಯ
ಇಮಾ ವಿಶೋ ಅಭಿ ಹರಂತು ತೇ ಬಲಿಂ || ೧೫,೪।೪

ಆಂಕ್ಷ್ವೈಕಂ ಮಣಿಂ ಏಕಂ ಕೃಣುಷ್ವ
ಸ್ನಾಹ್ಯ್ ಏಕೇನ ಪಿಬೈಕಂ ಏಷಾಂ |
ಚತುರ್ವೀರಂ ನೈರೃತೇಭ್ಯಶ್ ಚತುರ್ಭ್ಯೋ
ಗ್ರಾಹ್ಯಾ ಬಂಧೇಭ್ಯಃ ಪರಿ ಪಾತ್ವ್ ಅಸ್ಮಾನ್ || ೧೫,೪।೫

ಅಗ್ನಿರ್ ಮಾಘ್ನ್ಯೇನಾವತು
ಪ್ರಾಣಾಯಾಪಾನಾಯಾಯುಷೇ |
ವರ್ಚಸ ಓಜಸೇ ತೇಜಸೇ
ಸ್ವಸ್ತಯೇ ಸುಭೂತಯೇ ಸ್ವಾಹಾ || ೧೫,೪।೬

ಇಂದ್ರೋ ಮೇಂದ್ರ್ಯೇಣಾವತು
ಪ್ರಾಣಾಯಾಪಾನಾಯಾಯುಷೇ |
ವರ್ಚಸ ಓಜಸೇ ತೇಜಸೇ
ಸ್ವಸ್ತಯೇ ಸುಭೂತಯೇ ಸ್ವಾಹಾ || ೧೫,೪।೭

ಸೋಮೋ ಮಾ ಸೋಮ್ಯೇನಾವತು
ಪ್ರಾಣಾಯಾಪಾನಾಯಾಯುಷೇ |
ವರ್ಚಸ ಓಜಸೇ ತೇಜಸೇ
ಸ್ವಸ್ತಯೇ ಸುಭೂತಯೇ ಸ್ವಾಹಾ || ೧೫,೪।೮

ಭಗೋ ಮಾ ಭಗೇನಾವತು
ಪ್ರಾಣಾಯಾಪಾನಾಯಾಯುಷೇ |
ವರ್ಚಸ ಓಜಸೇ ತೇಜಸೇ
ಸ್ವಸ್ತಯೇ ಸುಭೂತಯೇ ಸ್ವಾಹಾ || ೧೫,೪।೯

ಮರುತೋ ಮಾ ಗಣೈರ್ ಅವಂತು
ಪ್ರಾಣಾಯಾಪಾನಾಯಾಯುಷೇ |
ವರ್ಚಸ ಓಜಸೇ ತೇಜಸೇ
ಸ್ವಸ್ತಯೇ ಸುಭೂತಯೇ ಸ್ವಾಹಾ || ೧೫,೪।೧೦
(೪)

ಅನುವಾಕ ೧ ||

ಆಯುರ್ದಾ ದೇವ ಜರಸಂ ಪೃಣಾನೋ
ಘೃತಪ್ರತೀಕೋ ಘೃತಪೃಷ್ಠೋ ಅಗ್ನೇ |
ಘೃತಂ ಪಿಬನ್ನ್ ಅಮೃತಂ ಚಾರು ಗವ್ಯಂ
ಪಿತೇವ ಪುತ್ರಂ ಜರಸೇ ನಯೇಮಂ || ೧೫,೫।೧

ಆಯುರ್ ಅಸ್ಮೈ ಧೇಹಿ ಜಾತವೇದಃ
ಪ್ರಜಾಂ ತ್ವಷ್ಟರ್ ಅಧಿ ನಿ ಧೇಹ್ಯ್ ಓನಃ |
ರಾಯಸ್ಪೋಷಂ ಸವಿತರ್ ಆ ಸುವಾಸ್ಮೈ
ಶತಂ ಜೀವಾತಿ ಶರದಸ್ ತವಾಯಂ || ೧೫,೫।೨

ಇಮಂ ಅಗ್ನ ಆಯುಷೇ ವರ್ಚಸೇ ಧಾಃ
ಪ್ರಿಯಂ ರೇತೋ ವರುಣ ಮಿತ್ರ ರಾಜನ್ |
ಮಾತೇವಾಸ್ಮಾ ಅದಿತೇ ಶರ್ಮ ಯಚ್ಛ
ವಿಶ್ವೇ ದೇವಾ ಜರದಷ್ಟಿರ್ ಜಥಾಸತ್ || ೧೫,೫।೩

ಅಗ್ನಿಷ್ ಟ ಆಯುಃ ಪ್ರತರಂ ಕೃಣೋತು
ಸೋಮಸ್ ತೇ ಪುಷ್ಟಿಂ ಪ್ರತರಂ ದಧಾತು |
ಇಂದ್ರೋ ಮರುತ್ವಾನ್ ಅಧಿ ತೇ ಬ್ರವೀತ್ವ್
ಆದಿತ್ಯೈಸ್ ತೇ ಅದಿತಿಃ ಶರ್ಮ ಯಚ್ಛತು || ೧೫,೫।೪

ರೇವತೀಸ್ ತ್ವಾ ವ್ಯಕ್ಷಣಂ
ಕೃತ್ತಿಕಾಶ್ ಚಕೃತುಸ್ ತ್ವಾ |
ಅಪಸಸ್ ತ್ವಾಂ ಅತನ್ವತ
ಧಿಯೋ ಽವಯನ್ನ್ ಅವಾಗ್ನಾಯೀರ್ ಅಪೃಂಚನ್ || ೧೫,೫।೫

ಸಹಸ್ರಂ ಅಂತಾಁ ಅಭಿತೋ ಽದದಂತಾ-
-ಅಶೀತಿರ್ ಮಧ್ಯಂ ಅಭಯಂ ವಿ ನಾರೀಃ |
ದೇವೀರ್ ದೇವಾಯ ಪರಿಧೇ ಸವಿತ್ರೇ
ಮಹತ್ ತದ್ ಆಸಾಮಘವನ್ ಮಹಿತ್ವಂ || ೧೫,೫।೬

ಇಮಂ ಅಶ್ಮಾನಂ ಆ ತಿಷ್ಠ-
-ಅಶ್ಮೇವ ತ್ವಂ ಸ್ಥಿರೋ ಭವ |
ಪ್ರ ಮೃಣೀಹಿ ದುರಸ್ಯತಃ
ಸಹಸ್ವ ಪೃತಣಾಯತಃ || ೧೫,೫।೭

ಯೇನ ದೇವಂ ಸವಿತಾರಂ
ಪರಿ ದೇವಾ ಅಧಾರಯನ್ |
ತೇನೇಮಂ ಬ್ರಹ್ಮಣಸ್ಪತೇ
ಪರಿ ರಾಷ್ಟ್ರಾಯ ಧತ್ತನ || ೧೫,೫।೮

ಪರೀಮಂ ಇಂದ್ರಂ ಆಯುಷೇ
ಮಹೇ ಕ್ಷತ್ರಾಯ ಧತ್ತನ |
ಯಥೈನಂ ಜರಸೇ ನಯಾಞ್
ಜ್ಯೋಕ್ ಕ್ಷತ್ರೇ ಅಧಿ ಜಾಗರತ್ || ೧೫,೫।೯

ಪರೀಮಂ ಸೋಮಂ ಆಯುಷೇ
ಮಹೇ ಶ್ರೋತ್ರಾಯ ಧತ್ತನ |
ಯಥೈನಂ ಜರಸೇ ನಯಾಂ
ಜ್ಯೋಕ್ ಶ್ರೋತ್ರೇ ಅಧಿ ಜಾಗರತ್ || ೧೫,೫।೧೦
(೫)

ಪರಿ ಧತ್ತ ಧತ್ತ ವರ್ಚಸೇಮಂ
ಜರಾಮೃತ್ಯುಂ ಕೃಣುತ ದೀರ್ಘಂ ಆಯುಃ |
ಬೃಹಸ್ಪತಿಃ ಪ್ರಾಯಚ್ಛದ್ ವಾಸ ಏತತ್
ಸೋಮಾಯ ರಾಜ್ಞೇ ಪರಿಧಾತವಾ ಉ || ೧೫,೬।೧

ಜರಾಂ ಸು ಗಚ್ಛ ಪರಿ ಧತ್ಸ್ವ ವಾಸೋ
ಭವಾ ಗೃಷ್ಟೀನಾಂ ಅಭಿಶಸ್ತಿವಾ ಉ |
ಶತಂ ಚ ಜೀವ ಶರದಃ ಸುವರ್ಚಾ
ರಾಯಸ್ಪೋಷಂ ಉಪ ಸಂ ವ್ಯಯಸ್ವ || ೧೫,೬।೨

ಪರೀದಂ ವಾಸೋ ಅಪಿ ಧಾಃ ಸ್ವಸ್ತಯೇ
ಽಭೂರ್ ವಾಪೀನಾಂ ಅಭಿಶಸ್ತಿಪಾ ಉ |
ಶತಂ ಚ ಜೀವ ಶರದಃ ಪುರೂಚೀರ್
ವಸೂನಿ ಚಾರುರ್ ವಿಭಜಾಸಿ ಜೀವನ್ || ೧೫,೬।೩

ಯೋಗೇ ಯೋಗೇ ತಪಸ್ತರಂ
ವಾಜೇ ವಾಜೇ ಹವಾಮಹೇ |
ಸಖಾಯ ಇಂದ್ರಂ ಊತಯೇ || ೧೫,೬।೪

ಹಿರಣ್ಯವರ್ಣೋ ಅಜರಃ ಸುವೀರೋ
ಜರಾಮೃತ್ಯುಃ ಪ್ರಜಯಾ ಸಂ ವಿಶಸ್ವ |
ತದ್ ಅಗ್ನಿರ್ ಆಹ ತದ್ ಉ ಸೋಮ ಆಹ
ಬೃಹಸ್ಪತಿಃ ಸವಿತಾ ತದ್ ಇಂದ್ರಃ || ೧೫,೬।೫

ಯದೋತ್ತಮತ್ ತಂತು ಬಧಾಯ
ನಾವದ್ವಾಸಃ ಪೂರ್ವಯಾವತ್ ಪುರುರೂಪಪೇಶಃ |
ಭದ್ರಾತೀಕಾ ಸಮಜರಂ ಸುವೀರಂ
ತೇನ ದೇವಾಃ ಪ್ರ ತಿರಂತ್ವ್ ಆಯುಃ || ೧೫,೬।೬

ಯಸ್ಯ ಬ್ರಾಹ್ಮಣಃ ಸಿಚಂ ಆರಭಂತೇ
ಶ್ರಥ್ನಂತೋ ನೀವಂ ಪ್ರತಿರಂತ ಆಯುಃ |
ತಸ್ಯ ದೇವಾ ದೇವಹೂತಿಂ ಜುಷಂತಾಂ
ಸ ವಿಶ್ವಹಾ ಸಚತಾಂ ಸ್ವಸ್ತಿ || ೧೫,೬।೭

ಅನ್ಯದ್ ಆ ಧತ್ಸ್ವ ಪರಿ ಧತ್ಸ್ವ ವಾಸ
ಇಮಂ ಉಲ್ಬಂ ಅಪ ಲುಂಪಾಮಿ ಯಸ್ ತೇ |
ಜರಸೇ ತ್ವಾಂ ಋಷಯಃ ಸಂ ವ್ಯಯಂತು
ಸೂರ್ಯೋ ಭಗಸ್ ತೇ ಪ್ರ ತಿರಂತ್ವ್ ಆಯುಃ || ೧೫,೬।೮

ಯಸ್ಯ ದೇವಾಸಃ ಪ್ರಥಮವಾಸ್ಯಂ
ಹರಾಮಿ ತಂ ತ್ವಾ ವಿಶ್ವೇ ಅವಂತು ದೇವಾಃ |
ತಂ ತ್ವಾ ಭ್ರಾತರಃ ಸುವೃಧಾ ವರ್ಧಮಾನಂ
ಅನು ಜಾಯಂತಾಂ ಬಹವಃ ಸುಜಾತಂ || ೧೫,೬।೯

ಅಹತೇನಾಹತೋ ಭವ
ಸ್ಥಿರ ಸ್ಥಿರೇಣ ಸಂ ಭವ |
ಪ್ರ ಮೃಣೀಹಿ ದುರಸ್ಯತಃ
ಸಹಸ್ವ ಪೃತನಾಯತಃ || ೧೫,೬।೧೦
(೬)

ಮಿತ್ರಃ ಪೃಥಿವ್ಯಾ ಅಧ್ಯಕ್ಷಃ |
ಸ ಮಾವತ್ವ್ ಅಸ್ಮಿನ್ ಬ್ರಹ್ಮಣ್ಯ್ ಅಸ್ಮಿನ್ ಕರ್ಮಣ್ಯ್
ಅಸ್ಯಾಂ ಪುರೋಧಾಯಾಂ ಅಸ್ಯಾಂ ದೇಹಹೂತ್ಯಾಂ
ಅಸ್ಯಾಂ ಆಕೂತ್ಯಾಂ ಅಸ್ಯಾಂ ಆಶಿಷಿ ಸ್ವಾಹಾ || ೧೫,೭।೧

ವರುಣೋ ಽಪಾಂ ಅಧ್ಯಕ್ಷಃ |
(…) || ೧೫,೭।೨

ವಾಯುರ್ ಅಂತರಿಕ್ಷಸ್ಯಾಧ್ಯಕ್ಷಃ |
(…) || ೧೫,೭।೩

ಸೂರ್ಯೋ ದಿವೋ ಽಧ್ಯಕ್ಷಃ |
(…) || ೧೫,೭।೪

ಚಂದ್ರಮಾ ನಕ್ಷತ್ರಾಣಾಂ ಅಧ್ಯಕ್ಷಃ |
(…) || ೧೫,೭।೫

ವಸುಃ ಸಂವತ್ಸರಾಣಾಂ ಅಧ್ಯಕ್ಷಃ |
(…) || ೧೫,೭।೬

ಸಂವತ್ಸರ ಋತುನಾಂ ಅಧ್ಯಕ್ಷಃ |
(…) || ೧೫,೭।೭

ಅಗ್ನಿರ್ ವನಸ್ಪತೀನಾಂ ಅಧ್ಯಕ್ಷಃ |
(…) || ೧೫,೭।೮

ಇಂದ್ರಃ ಕರ್ಮಣಾಂ ಅಧ್ಯಕ್ಷಃ |
(…) || ೧೫,೭।೯

ಸವಿತಾ ಪ್ರಸವಾನಾಂ ಅಧ್ಯಕ್ಷಃ |
(…) || ೧೫,೭।೧೦
(೭)

ವಿಷ್ಣುಃ ಪರ್ವತಾನಾಂ ಅಧ್ಯಕ್ಷಃ |
(…) || ೧೫,೮।೧

ತ್ವಷ್ಟಾ ರೂಪಾಣಾಂ ಅಧ್ಯಕ್ಷಃ |
(…) || ೧೫,೮।೨

ರುದ್ರಃ ಪಶೂನಾಂ ಅಧ್ಯಕ್ಷಃ |
(…) || ೧೫,೮।೩

ಸೋಮಃ ಪಯಸಾಂ ಅಧ್ಯಕ್ಷಃ |
(…) || ೧೫,೮।೪

ಪರ್ಜನ್ಯ ಓಷಧೀನಾಂ ಅಧ್ಯಕ್ಷಃ |
(…) || ೧೫,೮।೫

ಸಮುದ್ರೋ ನದೀನಾಂ ಅಧ್ಯಕ್ಷಃ|
(…) || ೧೫,೮।೬

ಹಿಂಕಾರಃ ಸಾಮ್ನಾಂ ಅಧ್ಯಕ್ಷಃ |
ಸ ಮಾ (…) || ೧೫,೮।೭

ಸರಸ್ವತೀ ವಾಚಾಂ ಅಧ್ಯಕ್ಷಾ |
ಸಾ ಮಾ (…) || ೧೫,೮।೮

ಪೂಷಾ ಪಥೀನಾಂ ಅಧ್ಯಕ್ಷಃ |
ಸ ಮಾ (…) || ೧೫,೮।೯

ಗಾಯತ್ರೀ ಛಂದಸಾಂ ಅಧ್ಯಕ್ಷಾ |
ಸಾ ಮಾ (…) || ೧೫,೮।೧೦
(೮)

ಬೃಹಸ್ಪತಿರ್ ದೇವಾನಾಂ ಅಧ್ಯಕ್ಷಃ |
(…) || ೧೫,೯।೧

ಪ್ರಜಾಪತಿಃ ಪ್ರಜಾನಾಂ ಅಧ್ಯಕ್ಷಃ |
(…) || ೧೫,೯।೨

ಯಮಃ ಪಿತೃ̄ಣಾಂ ಅಧ್ಯಕ್ಷಃ |
ಸ ಮಾವತ್ವ್ ಅಸ್ಮಿನ್ (…) || ೧೫,೯।೩

ಪಿತರಃ ಪರೇ ಽವರಸ್ ತತಸ್ ತತಾಮಹಃ |
ತೇ ಮಾವಂತ್ವ್ ಅಸ್ಮಿನ್ ಬ್ರಹ್ಮಣ್ಯ್ ಅಸ್ಮಿನ್ ಕರ್ಮಣ್ಯ್
ಅಸ್ಯಾಂ ಪುರೋಧಾಯಾಂ ಅಸ್ಯಾಂ ದೇವಹೂತ್ಯಾಂ ಅಸ್ಯಾಂ
ಅಕೂತ್ಯಾಂ ಅಸ್ಯಾಂ ಆಶಿಷಿ ಸ್ವಾಹಾ || ೧೫,೯।೪

ದೇವಾನಾಂ ದೇವಾ ದೇವಾ ದೇವೇಷ್ವ್ ಅಧಿದೇವಾಃ ಪರಾ ಕ್ರಮಧ್ವಂ |
ಪ್ರಥಮಾ ದ್ವಿತೀಯೇಷು ದ್ವಿತೀಯಾಸ್ ತೃತೀಯೇಷು || ೧೫,೯।೫

ತ್ರಿರ್ ಏಕಾದಶಾ ವಿಶ್ವೇ ವೈಶ್ವಾನರಾ
ಮಹಿ ಮಹಾಂತೋ ನ ಮಾರಭಧ್ವಂ |
ಇದಂ ಶಕೇಯಂ ಯದ್ ಇದಂ ಕೃಣೋಮಿ ಸ್ವಾಹಾ || ೧೫,೯।೬
(೯)

ಅನುವಾಕ ೨ ||

ಜೀಮೂತಸ್ಯೇವ ಭವತಿ ಪ್ರತೀಕಂ
ಯದ್ ವರ್ಮೀ ಯಾತಿ ಸಮದಾಂ ಉಪಸ್ಥೇ |
ಅನಾವಿದ್ಧಯಾ ತನ್ವಾ ಜಯ ತ್ವಂ
ಸ ತ್ವಾ ವರ್ಮಣೋ ಮಹಿಮಾ ಪಿಪರ್ತು || ೧೫,೧೦।೧

ಧನ್ವನಾ ಗಾ ಧನ್ವನಾಜಿಂ ಜಯೇಮ
ಧನ್ವನಾ ತೀವ್ರಾಃ ಸಮದೋ ಜಯೇಮ |
ಧನುಃ ಶತ್ರೋರ್ ಅಪಕಾಮಂ ಕೃಣೋತು
ಧನ್ವನಾ ಸರ್ವಾಃ ಪೃತನಾ ಜಯೇಮ || ೧೫,೧೦।೨

ವಕ್ಷ್ಯಂತೀವೇದ್ ಆ ಗನೀಗಂತಿ ಕರ್ಣಂ
ಪ್ರಿಯಂ ಸಖಾಯಂ ಪರಿಷಸ್ವಜಾನಾ |
ಯೋಷೇವ ಶಿಂಕ್ತೇ ವಿತತಾಧಿ ಧನ್ವಞ್
ಜ್ಯಾ ಇಯಂ ಸಮಿತಿ ಪಾರಯಂತೀ || ೧೫,೧೦।೩

ತೇ ಆಚರಂತೀ ಸಮನೇವ ಯೋಷಾ
ಮಾತೇವ ಪುತ್ರಂ ಪಿಪೃತಾಂ ಉಪಸ್ಥೇ |
ಅಪ ಶತ್ರೂನ್ ವಿಧ್ಯತಾಂ ಸಂವಿದಾನೇ
ಆರ್ತ್ನೀ ಇಮೇ ವಿಸ್ಫುರಂತೀ ಅಮಿತ್ರಾನ್ || ೧೫,೧೦।೪

ಬಹ್ವೀನಾಂ ಪಿತಾ ಬಹುರ್ ಅಸ್ಯ ಪುತ್ರೋ
ವ್ಯಚಃ ಕೃಣೋತಿ ಸಮದೋ ಽವಗತ್ಯ |
ಇಷುಧಿಃ ಸಂಕಾಃ ಪೃತನಾಶ್ ಚ ಸರ್ವಾಃ
ಪೃಷ್ಠೇ ನಿನದ್ಧೋ ಜಯತಿ ಪ್ರಸೂತಃ || ೧೫,೧೦।೫

ರಥೇ ತಿಷ್ಠನ್ ನಯತಿ ವಾಜಿನಃ ಪುರೋ
ಯತ್ರಯತ್ರ ಕಾಮಯತೇ ಸುಷಾರಥಿಃ |
ಅಭೀಶೂನಾಂ ಮಹಿಮಾನಂ ಪನಾಯತ
ಮನಃ ಪಶ್ಚಾದ್ ಅನು ಯಚ್ಛಂತಿ ರಶ್ಮಯಃ || ೧೫,೧೦।೬

ತೀವ್ರಾನ್ ಘೋಷಾನ್ ಕೃಣ್ವತಾಂ ವೃಷಪಾಣಯೋ
ಽಶ್ವಾ ರಥೇಭಿಃ ಸಹ ವಾಜಯಂತಃ |
ಅಪಕ್ರಾಮಂತಃ ಪ್ರಪದೈರ್ ಅಮಿತ್ರಾನ್
ಕ್ಷಿಣಂತಿ ಶತ್ರೂಂರ್ ಅನಪವ್ಯಯಂತಃ || ೧೫,೧೦।೭

ರಥವಾಹನಂ ಹವಿರ್ ಅಸ್ಯ ನಾಮ
ಯತ್ರಾಯುಧಂ ನಿಹಿತಂ ಅಸ್ಯ ವರ್ಮ |
ತತ್ರಾ ರಥಂ ಉಪ ಶಗ್ಮಂ ಸದೇಮ
ವಿಶ್ವಾಹಾ ವಯಂ ಸುಮನಸ್ಯಮಾನಾಃ || ೧೫,೧೦।೮

ಸ್ವಾದುಷಂಸದಃ ಪಿತರೋ ವಯೋಧಾಃ
ಕೃಚ್ಛ್ರೇಶ್ರಿತಃ ಶಕ್ತೀವಂತೋ ಗಭೀರಾಃ |
ಚಿತ್ರಸೇನಾ ಇಷುಬಲಾ ಅಮೃಧ್ರಾಃ
ಸತೋವೀರಾ ಉರವೋ ವ್ರಾತಸಾಹಾಃ || ೧೫,೧೦।೯

ಬ್ರಹ್ಮಣಾಸಃ ಪಿತರಃ ಸೋಮ್ಯಾಸಃ
ಶಿವೇ ನೋ ದ್ಯಾವಾಪೃಥಿವೀ ಅನೇಹಸಾ |
ಪೂಷಾ ನಃ ಪಾತು ದೂರಿತಾದ್ ಋತಾವೃಧೋ
ರಕ್ಷಾ ಮಾಕಿರ್ ಣೋ ಅಘಶಂಸ ಈಶತ || ೧೫,೧೦।೧೦
(೧೦)

ಬೃಹಸ್ಪತಿರ್ ನಃ ಪರಿ ಪಾತು ಪಶ್ಚಾದ್
ಉತೋತ್ತರಸ್ಮಾದ್ ಅಧರಾದ್ ಅಘಾಯೋಃ |
ಇಂದ್ರಃ ಪುರಸ್ತಾದ್ ಉತ ಮಧ್ಯತೋ ನಃ
ಸಖಾ ಸಖಿಭ್ಯೋ ವರಿವಃ ಕೃಣೋತು || ೧೫,೧೧।೧

ಸುಪರ್ಣಂ ವಸ್ತೇ ಮೃಗೋ ಅಸ್ಯಾ ದಂತೋ
ಗೋಭಿಃ ಸಂನದ್ಧಾ ಪತತಿ ಪ್ರಸೂತಾ |
ಯತ್ರಾ ನರಃ ಸಂ ಚ ವಿ ಚ ದ್ರವಂತಿ
ತದ್ ಅಸ್ಮಭ್ಯಂ ಇಷವಃ ಶರ್ಮ ಯಚ್ಛಾನ್ || ೧೫,೧೧।೨

ಸುಪರ್ಣೋ ವಾಸೋ ಯದ್ ಉ ಸರ್ಪಿರ್ ಆಸಾ
ಮನೋ ಹಿರಣ್ಯಂ ಇಷವಃ ಪತತ್ರೀ |
ಮಾಸ್ಮಾಙ್ ಅರನ್ನ್ ಅಮುತ ಆಪತಂತೀರ್
ಇತಃ ಪ್ರಹಿತಾಃ ಸವಿತರ್ ಜಯಂತು || ೧೫,೧೧।೩

ಅಹಿರ್ ಇವ ಭೋಗೈಃ ಪರ್ಯ್ ಏತಿ ಬಾಹುಂ
ಜ್ಯಾಯಾ ಹೇತಿಂ ಅಪಬಾಧಮಾನಃ |
ಹಸ್ತಘ್ನೋ ವಿಶ್ವಾ ವಯುನಾನಿ ವಿದ್ವಾನ್
ಪುಮಾನ್ ಪುಮಾಂಸಂ ಪರಿ ಪಾತು ಮೃತ್ಯೋಃ || ೧೫,೧೧।೪

ಆ ಜಂಘಂತಿ ಸಾನ್ವ್ ಏಷಾಂ
ಜಘನಾಁ ಉಪ ಜಿಘ್ನತೇ |
ಅಶ್ವಾಜನಿ ತ್ರ ಪ್ರಚೋದಯ-
-ಅಶ್ವಾನ್ ಸಮತ್ಸು ಪಾದಯ || ೧೫,೧೧।೫

ದಿವಸ್ ಪೃಥಿವ್ಯಾಃ ಪರ್ಯ್ ಓಜ ಆಭೃತಂ
ವನಸ್ಪತಿಭ್ಯಃ ಪರಿ ಸಂಭೃತಂ ಸಹಃ |
ಅಪಾಂ ಓಜ್ಮಾನಂ ಪರಿ ಗೋಭಿರ್ ಆಭೃತಂ
ಇಂದ್ರಸ್ಯ ವಜ್ರಂ ಹವಿಷಾ ರಥಂ ಯಜ || ೧೫,೧೧।೬

ಇಂದ್ರಸ್ಯ ವಜ್ರೋ ಮರುತಾಂ ಅನೀಕಂ
ಮಿತ್ರಸ್ಯ ಗರ್ಭೋ ವರುಣಸ್ಯ ನಾಭಿಃ |
ಸೇಮಾಂ ನೋ ಹವ್ಯದಾತಿಂ ಜುಷಾಣೋ
ದೇವ ರಥ ಪ್ರತಿ ಹವ್ಯಾ ಗೃಭಾಯ || ೧೫,೧೧।೭

ವನಸ್ಪತೇ ವೀಡ್ವಂಗೋ ಹಿ ಭೂಯಾ
ಅಸ್ಮತ್ಸಖಾ ಪ್ರತರಣಃ ಸುವೀರಃ |
ಗೋಭಿಃ ಸಂನದ್ಧೋ ರಥ ವೀಡಯಸ್ವ-
-ಆಸ್ಥಾತಾ ತೇ ಜಯತು ಜೇತ್ವಾನಿ || ೧೫,೧೧।೮

ಉಪ ಶ್ವಾಸಯ ಪೃಥಿವೀಂ ಉತ ದ್ಯಾಂ
ಪುರುತ್ರಾ ತೇ ಮನುತಾಂ ವಿಷ್ಠಿತಂ ಜಗತ್ |
ಸ ದುಂದುಭೇ ಸಜೂರ್ ಇಂದ್ರೇಣ ದೇವೈರ್
ದೂರಾದ್ ದವೀಯೋ ಅಪ ಸೇಧ ಶತ್ರೂನ್ || ೧೫,೧೧।೯

ಆ ಕ್ರಂದಯ ಬಲಂ ಓಜೋ ನ ಆ ಧಾ
ಅಭಿ ಷ್ಟನ ದುರಿತಾ ಬಾಧಮಾನಃ |
ಅಪ ಸೇಧ ದುಂದುಭೇ ದುಚ್ಛುನಾಂ ಇತ
ಇಂದ್ರಸ್ಯ ಮುಷ್ಟಿರ್ ಅಸಿ ವೀಡಯಸ್ವ || ೧೫,೧೧।೧೦
(೧೧)

ಪ್ರಾಮೂಞ್ ಜಯಾಭೀಮೇ ಜಯಂತು
ಕೇತುಮದ್ ದುಂದುಭಿರ್ ವಾವದೀತು |
ಸಂ ಅಶ್ವಪರ್ಣಾಃ ಪತಯಂತು ನೋ ನರೋ
ಽಸ್ಮಾಕಂ ಇಂದ್ರ ರಥಿನೋ ಜಯಂತು || ೧೫,೧೨।೧

ಇಂದ್ರೋ ರಥಾಯ ಪ್ರಪದಂ ಕೃಣೋತು
ಯಂ ಅಧ್ಯಷ್ಠಾನ್ ಮಘವಾ ಜಯಂತಾಂ |
ಇರ್ಯ ಇವ ಪಶುಭಿರ್ ಯುಯೋತು ಗೋಪಾ
ಅರಿಷ್ಟೋ ಜಾತಃ ಪ್ರಥಮಃ ಸಿಷಾಸನ್ || ೧೫,೧೨।೨

ಪರ್ಜನ್ಯಸ್ಯೇವ ಸ್ತನಯಿತ್ನುರ್ ಆಸೋರ್
ಇಂದ್ರಾಗ್ನ್ಯೋರ್ ಇವ ಚೇಖಿದ್ಯತೇ ಘೋಷೋ ಅಸ್ಯ |
ಸಾಹಸ್ರೋ ವೀರಃ ಶತಂ ಸಸನ್ವಾನ್
ಅಯುತಂ ಸಸನ್ವಾನ್ ರಥ ಮೃಡೇಹ || ೧೫,೧೨।೩

ಶ್ಯೇನಸ್ಯ ಪಕ್ಷೌ ಹರಿಣಸ್ಯ ಬಾಹೂ
ಇಂದ್ರಸ್ಯ ಮುಷ್ಟಿರ್ ಮರುತಾಂ ಅನೀಕಂ |
ಗೋಭಿಃ ಸಂನದ್ಧೋ ಅಸಿ ವೀಡಯಸ್ವ || ೧೫,೧೨।೪

ಉದ್ ಯಂಯಮೀತಿ ಸಹಿತೇವ ಬಾಹೂ
ಉಭೇ ಸಿಚೌ ಯಜತೇ ಭೀಮ ಋಂಜನ್ |
ಉಚ್ ಛುಕ್ರಂ ಅತ್ಕಂ ಅಜತೇ ಶಚೀಭಿರ್
ನವಾ ಮಾತೃಭ್ಯೋ ವಸನಾ ಜಹಾತಿ || ೧೫,೧೨।೫

ಉಗ್ರೌ ತೇ ನೇಮೀ ಪವೀ ತ ಉಗ್ರಾ
ಉಗ್ರಾಃ ಶಂಕವೋ ಬೃಹತೋ ರಥಸ್ಯ |
ಈಷಾತ್ರ ವೇಣವೋ ನಮತಿಸ್ ತ ಉಗ್ರಾ-
-ಅಗ್ನಿಶ್ ಚಕ್ಷುಃ ಪ್ರವಯಣಂ ರಥಸ್ಯ |
ತೇನಾಮಿತ್ರಾನ್ ಪ್ರಮೃಣನ್ ಯಾಹಿ ಶತ್ರೂನ್ || ೧೫,೧೨।೬

ಅರಾ ನಾಭಯೋ ಬಲಂ ಇತ್ ತೇ ಅಕ್ಷ
ಉಗ್ರೌ ತೇ ಕೋಷೌ ಸಹ ನಿಸ್ಯದಾಭ್ಯಾಂ |
ಆಣ್ಯೋರ್ ವಧ್ರಾನ್ ಉತ ಕೋಷಘೋರಾ
ಸ್ಥಾನಂ ಬಂಧ ಉತ ವಂಧುರಂ ತೇ || ೧೫,೧೨।೭

ಗೋಷ್ಠೇ ಬಲಂ ಮೃಗ ಏಕಂ ಅಂಗಂ
ಪರಾ ಕ್ರಮಧ್ವಂ ಮಹ ಆ ಸುವಂತ |
ಅಭೀಶವೋ ಹತಾನೇನ ವೃತ್ರಂ
ಅಯಂ ಕ್ಷತ್ರೇಣ ಪ್ರಜಯಾಸ್ತೂಗ್ರಃ || ೧೫,೧೨।೮

ಆ ತಿಷ್ಠ ಜಿಷ್ಣುಸ್ ತರಸಾ ಸಪತ್ನಾನ್
ಸಾಹಸ್ರೋ ವೀರಃ ಪ್ರಮೃಣನ್ ಯಾಹಿ ಶತ್ರೂನ್ |
ಪೃಷ್ಟಿಯುಗೇ ಕೃಣುತಂ ವೀರ್ಯಾಣಿ
ತದ್ ಏತಾಂ ಏತಂ ರಥಂ ಅಸ್ಯ ಶಗ್ಮೇ || ೧೫,೧೨।೯

ಅಷ್ಟೌ ಚಕ್ಷೂಂಷಿ ಕವಯಃ ಸಂ ನಮಂತ್ವ್
ಅಶ್ವಾ ಪ್ರಾಕಾಶಾ ಋಜು ಧಾವಯಂತಃ |
ಅನು ತ್ವಾ ಸ್ಕಂಭೋ ದದತಾಂ ಪಿತೇವ ಚಕ್ರಮಾಣಂ
ಐನಂ ಧತ್ಸ್ವೋಪಸ್ಥೇ ಪ್ರ ತಿರಾತ್ಯ್ ಆಯುಃ || ೧೫,೧೨।೧೦

ಕವಿಭಿಃ ಸ್ಯೂತಃ ಸ ರಥೇ ವಿಬದ್ಧಃ
ಸ ಧನ್ವಧಿರ್ ಧನುಚಿತ್ತೇ ಜಜಾನ |
ಅನುಪ್ರಾಸ್ಯೇಮಾನಿ ಪೃಥುಮಧ್ಯಮಾನ್ಯ್
ಅಶ್ವೇಭ್ಯಃ ಶಂತ್ವಾಯ ಕವಿಭಿಃ ಕೃತಾನಿ
ತೇಭಿಷ್ ಟೇ ಶರ್ಮ ಯಚ್ಛಂತು ದೇವಾಃ || ೧೫,೧೨।೧೧
(೧೨)

ಅಗ್ನಿಂ ಬ್ರೂಮೋ ವನಸ್ಪತೀನ್
ಓಷಧೀರ್ ಉತ ವೀರುಧಃ |
ಇಂದ್ರಂ ಬೃಹಸ್ಪತಿಂ ಸೂರ್ಯಂ
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೩।೧

ಬ್ರೂಮೋ ದೇವಂ ಸವಿತಾರಂ
ಧಾತಾರಂ ಉತ ಪೂಷಣಂ |
ತ್ವಷ್ಟಾರಂ ಅಗ್ರ್ಯಂ ಬ್ರೂಮಸ್
ತೇ (…) || ೧೫,೧೩।೨

ಬ್ರೂಮೋ ರಾಜಾನಂ ವರುಣಂ
ಮಿತ್ರಂ ವಿಷ್ಣುಂ ಅಥೋ ಭಗಂ |
ಅಂಶಂ ವಿವಸ್ವಂತಂ ಬ್ರೂಮಸ್
ತೇ (…) || ೧೫,೧೩।೩

ಗಂಧರ್ವಾಪ್ಸರಸೋ ಬ್ರೂಮೋ
ಅಶ್ವಿನಾ ಬ್ರಹ್ಮಣಸ್ಪತಿಂ |
ಅರ್ಯಮಾ ನಾಮ ಯೋ ದೇವಸ್
ತೇ (…) || ೧೫,೧೩।೪

ವಾತಂ ಬ್ರೂಮಃ ಪರ್ಜನ್ಯಂ
ಅಂತರಿಕ್ಷಂ ಅಥೋ ದಿಶಃ |
ಆಶಾಶ್ ಚ ಸರ್ವಾ ಬ್ರೂಮಸ್
ತೇ (…) || ೧೫,೧೩।೫

ಅಹೋರಾತ್ರೇ ಇದಂ ಬ್ರೂಮ
ಸೂರ್ಯಾಚಂದ್ರಮಸಾ ಉಭಾ |
ಆದಿತ್ಯಾನ್ ಸರ್ವಾನ್ ಬ್ರೂಮಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೩।೬

ಮುಂಚಂತು ಮಾ ಶಪಥ್ಯಾದ್
ಅಹೋರಾತ್ರೇ ಅಥೋ ಉಷಾಃ |
ಸೋಮೋ ಮಾ ದಿವ್ಯೋ ಮುಂಚತು
ಯಂ ಆಹುಶ್ ಚಂದ್ರಮಾ ಇತಿ || ೧೫,೧೩।೭

ಪಂಚ ರಾಜ್ಯಾನಿ ವೀರುಧಾಂ
ಸೋಮಶ್ರೇಷ್ಠಾನಿ ಬ್ರೂಮಸಿ |
ಭಂಗೋ ದರ್ಭೋ ಯವಃ ಸಹಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೩।೮

ಯೇ ಗ್ರಾಮ್ಯಾಃ ಸಪ್ತ ಪಶವ
ಆರಣ್ಯಾ ಉತ ಯೇ ಮೃಗಾಃ |
ಶಕುಂತಾನ್ ಪಕ್ಷಿಣೋ ಬ್ರೂಮಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೩।೯

ಭವಾಶರ್ವಾವ್ ಇದಂ ಬ್ರೂಮ
ಉಗ್ರಃ ಪಶುಪತಿಶ್ ಚ ಯಃ |
ಇಷೂರ್ ಯಾ ಏಷಾಂ ವಿದ್ಮಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೩।೧೦
(೧೩)

ಯಜ್ಞಂ ಬ್ರೂಮೋ ಯಜಮಾನಂ
ಋಚಃ ಸಾಮಾನಿ ಭೇಷಜಾ |
ಯಜೂಂಷಿ ಹೋತ್ರಾನ್ ಬ್ರೂಮಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೪।೧

ಋತೂನ್ ಬ್ರೂಮ ಋತುಪತೀನ್
ಆರ್ತವಾಁ ಉತ ಹಾಯನಾನ್ |
ಸಮಾಃ ಸಂವತ್ಸರಾನ್ ಮಾಸಸ್
ತೇ ನೋ (…) || ೧೫,೧೪।೨

ದಿವಂ ಬ್ರೂಮೋ ನಕ್ಷತ್ರಾಣಿ
ಭೂಮಿಂ ಯಕ್ಷಾಣಿ ಪರ್ವತಾನ್ |
ಸಮುದ್ರಾ ನದ್ಯೋ ವೇಶಂತಾಸ್
ತೇ (…) || ೧೫,೧೪।೩

ಸಪ್ತ ಋಷೀನ್ ವಾ ಇದಂ ಬ್ರೂಮೋ
ಽಪೋ ದೇವೀಃ ಪ್ರಜಾಪತಿಂ |
ಪಿತೃ̄ನ್ ಯಮಶ್ರೇಷ್ಠಾನ್ ಬ್ರೂಮಸ್
ತೇ (…) || ೧೫,೧೪।೪

ವಿಶ್ವಾನ್ ದೇವಾನ್ ಇದಂ ಬ್ರೂಮಃ
ಸತ್ಯಸಂಧಾನ್ ಋತಾವೃಧಃ |
ವಿಶ್ವಾಭಿಃ ಪತ್ನೀಭಿಃ ಸಾಕಂ
ತೇ (…) || ೧೫,೧೪।೫

ಆದಿತ್ಯಾ ರುದ್ರಾ ವಸವೋ
ದೇವಾ ದೈವಾ ಅಥರ್ವಣಃ |
ಅಂಗಿರಸೋ ಮನೀಷಿಣಸ್
ತೇ (…) || ೧೫,೧೪।೬

ಯೇ ದೇವಾ ದಿವಿಷದೋ
ಽನ್ತರಿಕ್ಷಸದಶ್ ಚ ಯೇ |
ಪೃಥಿವ್ಯಾಂ ಶಕ್ರಾ ಯೇ ಶ್ರಿತಾಸ್
ತೇ (…) || ೧೫,೧೪।೭

ಏತ ದೇವಾ ದಕ್ಷಿಣತಃ
ಪಶ್ವಾತ್ ಪ್ರಾಂಚ ಉದ್ ಏತನ
ಪುರಸ್ತಾಚ್ ಛಕ್ರಾ ಉತ್ತರಾದ್
ವಿಶ್ವೇ ದೇವಾಃ ಸಮೇತ್ಯ
ತೇ (…) || ೧೫,೧೪।೮

ಅರಾಯಾನ್ ಬ್ರೂಮೋ ರಕ್ಷಾಂಸಿ
ಸರ್ಪಾನ್ ಪುಣ್ಯಜನಾನ್ ಉತ |
ಮೃತ್ಯೂನ್ ಏಕಶತಂ ಬ್ರೂಮಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೪।೯

ಯಾ ದೇವೀಃ ಪಂಚ ಪ್ರದಿಶೋ
ಯೇ ದೇವಾ ದ್ವಾದಶರ್ತವಃ |
ಸಂವತ್ಸರಸ್ಯ ಯೇ ದಂಷ್ಟ್ರಾಸ್
ತೇ ನಃ ಸಂತು ಸದಾ ಶಿವಾಃ || ೧೫,೧೪।೧೦

ಭೂತಂ ಬ್ರೂಮೋ ಭೂತಪತಿಂ
ಭೂತಾನಾಂ ಉತ ಯಸ್ ಪತಿಃ |
ಭೂತಾನಿ ಸರ್ವಾ ಬ್ರೂಮಸ್
ತೇ ನೋ ಮುಂಚಂತ್ವ್ ಅಂಹಸಃ || ೧೫,೧೪।೧೧
(೧೪)

ಅನುವಾಕ ೩ ||

ಯಾವದ್ ದ್ಯೌರ್ ಯಾವತ್ ಪೃಥಿವೀ
ಯಾವತ್ ಪರ್ಯೇತಿ ಸೂರ್ಯಃ |
ತಾವತ್ ತ್ವಂ ಉಗ್ರ ಓಷಧೇ
ಪರಿ ಪಾಹ್ಯ್ ಅರುಂಧತಿ || ೧೫,೧೫।೧

ಅರಿಷ್ಟಸ್ ತ್ವಾ ಖನತ್ಯ್
ಅರಿಷ್ಟಾಯ ಖನಾಮಿ ತ್ವಾ |
ದ್ವಿಪಾಚ್ ಚತುಷ್ಪಾದ್ ಅಸ್ಮಾಕಂ
ಸರ್ವಂ ಅಸ್ತ್ವ್ ಅನಾತುರಂ || ೧೫,೧೫।೨

ದೇವಾನಾಂ ಅಸಿ ಸ್ವಸಾ
ಮರುತಾಂ ಅಸಿ ಸಂಚರೀ |
ಯಂ ಜೀವಂ ಅಶ್ನುಷೇ ತ್ವಂ
ನ ಸ ರಿಷ್ಯಾತಿ ಪೂರುಷಃ || ೧೫,೧೫।೩

ಅರುಂಧತೀ ನಾಮಾಸಿ
ತೃತೀಯಸ್ಯಾಂ ಇತೋ ದಿವಿ |
ತತ್ರಾಮೃತಸ್ಯ ರೋಹಣಂ
ತೇನ ತ್ವಾಚ್ಛಾವದಾಮಸಿ || ೧೫,೧೫।೪

ಶಂ ತ ಆಪೋ ಹೃದ್ಯಾಃ
ಶಂ ತೇ ಕುಲಿಜ್ಯಾ ಉತ |
ಶಂ ವಾತಃ ಶಂ ಬೃಹಸ್ಪತಿಃ
ಶಂ ತೇ ತಪತು ಸೂರ್ಯಃ || ೧೫,೧೫।೫

ಶಂ ತ ಇಂದ್ರಾಗ್ನೀ ಭವತಾಂ
ಶಂ ರಾತ್ರೀ ಪ್ರತಿ ಧೀಯತಾಂ |
ಶಂ ತೇ ಪೃಥಿವ್ಯಾಂ ವೀರುಧಃ
ಶಂ ಉ ತೇ ಸಂತ್ವ್ ಓಷಧೀಃ || ೧೫,೧೫।೬

ಬಹ್ವೀಷು ಹಿ ತ್ವಾಂ ಅವಿದಂ
ಓಷಧೀಂ ವೀರ್ಯವತೀಂ |
ಅರುಂಧತಿ ತ್ವಾಂ ಆಹಾರ್ಷಂ
ಇತೋ ಮಾ ಪಾರಯಾನ್ ಇತಿ || ೧೫,೧೫।೭

ಅಭಿಪ್ರೇಪ್ಸೇವ ಜೀವಂತಂ
ಅಭಿ ದಸ್ಯೇದ್ ಅರುಂಧತೀ |
ಏಷಾ ದವಿದ್ದ್ಯ ಭೇಷಜೀ
ದೇವೀ ವಾತೀಕೃತಸ್ಯ ಚ || ೧೫,೧೫।೮

ಅನು ಷಿಂಚ ನಸ್ ತತ್ ಕುರ್ವ್
ಅಗದೋ ವೈ ಭವಿಷ್ಯತಿ |
ವಾತೀಕೃತಸ್ಯ ಭೇಷಜ್ಯ್
ಆಗನ್ ದೇವ್ಯ್ ಅರುಂಧತೀ || ೧೫,೧೫।೯

ಮಾ ಬಿಭೇರ್ ನ ಮರಿಷ್ಯಸ್ಯ್
ಅಗದೋ ವೈ ಭವಿಷ್ಯಸಿ |
ವಾತೀಕೃತಸ್ಯ ಭೇಷಜ್ಯ್
ಆಗನ್ ದೇವ್ಯ್ ಅರುಂಧತೀ || ೧೫,೧೫।೧೦
(೧೫)

ಅರುಂಧತ್ಯಃ ಸಂ ವದಂತೇ
ಗಾವಃ ಪ್ರವ್ರಾಜಿನೀರ್ ಇವ |
ಯಂ ಆತುರಂ ಅಭಿಗಚ್ಛ-
-ಅಮಾವತಂ ಕೃಣು ಮಾವತಂ || ೧೫,೧೬।೧

ಇಮಂ ಮೇ ತ್ವಂ ಜರಾಮೃತ್ಯುಂ
ಪುರುಷಂ ಕೃಣ್ವ್ ಓಷಧೇ |
ರಾಜ್ಞೀ ಹಿ ಸರ್ವಾಸಾಂ ಅಸ್ಯ್
ಓಷಧೀನಾಂ ಅರುಂಧತೀ || ೧೫,೧೬।೨

ತ್ರಾಯಮಾಣಾ ಹ್ಯ್ ಅಸಿ
ಜೀವಲಾ ವೀರ್ಯಾವತೀ |
ಅರುಂಧತಿ ತ್ವಾಂ ಆಹಾರ್ಷಂ
ಇತೋ ಮಾ ಪಾರಯಾನ್ ಇತಿ || ೧೫,೧೬।೩

ದಿಗ್ಧೇನ ಚ ವಿದ್ಧಸ್ಯ-
-ಅಘಸ್ಯಾಘವಿಷಾ ಚ ಯಾ |
ಅರುಂಧತಿ ತ್ವಂ ತಸ್ಯಾಸಿ
ವಿಷಸ್ಯ ವಿಷದೂಷಣೀ || ೧೫,೧೬।೪

ಆಹೇಯೇನ ಚ ದಷ್ಟಸ್ಯ-
-ಅಘಸ್ಯ (…) || ೧೫,೧೬।೫

ವಾತೀಕಾರೇಣ ಚ ಕ್ಷಿಪ್ತಸ್ಯ-
-ಅಘಸ್ಯ (…) || ೧೫,೧೬।೬

ಭವೇನ ಚ (…) |
(…) || ೧೫,೧೬।೭

ಶರ್ವೇಣ ಚ (…) |
(…) || ೧೫,೧೬।೮

ರುದ್ರೇಣ ಚ (…) |
(…) || ೧೫,೧೬।೯

ಪಶುಪತಿನಾ ಚ ಕ್ಷಿಪ್ತಸ್ಯ
(…) || ೧೫,೧೬।೧೦
(೧೬)

ಉಗ್ರೇಣ ಚ ದೇವೇನ ಚ ಕ್ಷಿಪ್ತಸ್ಯ
(…) || ೧೫,೧೭।೧

ಮಹಾದೇವೇನ ಚ ಕ್ಷಿಪ್ತಸ್ಯ
(…) || ೧೫,೧೭।೨

ಈಶಾನೇನ ಚ ಕ್ಷಿಪ್ತಸ್ಯ-
-ಅಘಸ್ಯಾಘವಿಷಾ ಚ ಯಾ |
ಅರುಂಧತಿ (…) || ೧೫,೧೭।೩

ಯತ್ ಪೃಥಿವ್ಯಾಂ ವಿಷಂ
ವೀರುತ್ಸ್ವ್ ಅಧಿ ಯದ್ ವಿಷಂ |
(…) || ೧೫,೧೭।೪

ಯದ್ ಓಷಧೀಭ್ಯಃ ಸಂಭರಂತಿ
ಬ್ರಹ್ಮಾಣೋ ಮೇನಯೇ ವಿಷಂ |
(…) || ೧೫,೧೭।೫

ಯದ್ ಬ್ರಾಹ್ಮಣಾಃ ಸಂಭರಂತಿ
ತೃಷ್ಟಮಾಶೀವಿಷಂ ವಿಷಂ |
(…) || ೧೫,೧೭।೬

ಯಃ ಕ್ಷಿಪ್ತೋ ಮೃತ್ಯುನಾ ಯಸ್ಮೈರ್
ಯೋ ದಷ್ಟಸ್ ತೃಷ್ಟದಂಶ್ಮಭಿಃ |
ಅರುಂಧತಿ ತ್ವಂ ತಸ್ಯಾಸಿ
ವಿಷಸ್ಯ ವಿಷದೂಷಣೀ || ೧೫,೧೭।೭

ಸಂ ಜಿಹೀಷ್ವಾಮುಕ್ಥಾ ಯಕ್ಷ್ಮಾದ್
ಆರುಕ್ಷೋ ಲೋಕಂ ಉತ್ತಮಂ |
ಅಪಾ ಜೀವಸಿ ಪಾತ್ರೇಣ-
-ಅಧಿ ಜೀವಪುರಾ ಇಹಿ || ೧೫,೧೭।೮
(೧೭)

ಅಪ್ಸರಸೋ ವಿ ವೋ ಯಕೃದ್
ವಿ ವೋ ಭಿನದ್ಮಿ ಮೇಹನಂ |
ವಿ ಚಂಡಾಲಂ ವ್ಯ್ ಅರ್ಜುನಂ
ವಿ ವವೃತ್ರಂ ಭಿನದ್ಮಿ ವಃ || ೧೫,೧೮।೧

ವಿಶ್ವಜನ್ಯಾಃ ಪಾಂಚಜನ್ಯಾ
ಮಹಾರುಕ್ಮಾಃ ಶಿಖಂಡಿನೀಃ |
ಸರ್ವಾ ಇಂದ್ರಸ್ಯ ವಜ್ರೇಣ
ಹತಾ ಬುದ್ಬುದಯಾತವಃ || ೧೫,೧೮।೨

ಅಂಧಾಚೀಂ ಅಸಿತಾಚೀಂ
ಉಲೂಖಲಸ್ಯ ಬುಧ್ನೇನ |
ಅವೈತಂ ವತ್ಸಪಂ ಜಹಿ || ೧೫,೧೮।೩

ದೂರಾದ್ ಏನಾಃ ಪ್ರತ್ಯ್ ಆ ಪಶ್ಯಂ
ಆಪತಂತೀರ್ ಅಥೋ ದಿವಃ |
ದೇವಾನಾಂ ಹವ್ಯಮೋಹನೀರ್
ಇಂದ್ರೋ ಅಪ್ಸರಸೋ ಹನತ್ || ೧೫,೧೮।೪

ಆ ಹತಾ ಅಪ ತಾ ಇತಃ
ಖಲಾದ್ ಇವ ಯಾತುಧಾನ್ಯಃ |
ಅಮುಂ ಗಚ್ಛತ ಪೂರುಷಂ
ಸಮುದ್ರಂ ಅಪ ಗಚ್ಛತಿ || ೧೫,೧೮।೫

ದಿವಂ ಗಚ್ಛಂತು ದಿವ್ಯಾಃ
ಸರೋ ಗಚ್ಛಂತು ಸಾರಸೀಃ |
ಉಲುಂಗುಲಸ್ಯ ಯೋ ಗುಹಸ್
ತದ್ ಉ ಗಚ್ಛಂತ್ವ್ ಆಸುರೀಃ || ೧೫,೧೮।೬

ಆಸ್ಕಂದಿಕೇ ವಿಸ್ಕಂದಿಕೇ
ಪರಾಚೀರ್ ಅಪ ನೃತ್ಯಂತು |
ಸಾರಂಗೇಣ ಶುನಾ ಸಹ || ೧೫,೧೮।೭

ಯಃ ಸಾರಂಗೋ ಹಿರಣ್ಯದನ್
ಶ್ವಾ ದಿವ್ಯಃ ಪರಿಪ್ಲವಃ |
ತಸ್ಯಾಹಂ ನಾಮ ಜಗ್ರಭ-
-ಅಸ್ಮಾ ಅರಿಷ್ಟತಾತಯೇ || ೧೫,೧೮।೮

ಅದ್ಯಾಂ ತೇ ವಿರಣೀ
ಪರಾಚೀರ್ ಅಪ ನೃತ್ಯತ |
ಶೃಣಾಮಿ ಘೋರಾ ವಃ ಪೃಷ್ಟೀ
ಬ್ರಹ್ಮಣಾ ಕೀಕಸಾ ಉತ || ೧೫,೧೮।೯

ಏಕತ್ರಿಂಶದ್ ಅಶ್ವವತೀಶ್
ಚತಸ್ರ ಉತ ಗುಂಗುವಃ |
ಶಿವಾ ದಶ ಶೃತಾ ದಶ
ಕೇಶಿನೀಃ ಪಂಚವಿಂಶತಿಃ |
ಇದಂ ಉಲುಂಗುಲುಕಾಭ್ಯೋ
ಅಪ್ಸರಾಭ್ಯೋ ಽಕರಂ ನಮಃ || ೧೫,೧೮।೧೦
(೧೮)

ಯಾಃ ಪ್ರೇಂಖೇ ಪ್ರೇಂಖಯಂತೇ
ಸಂತಾನೇ ಮಾಲವಾ ಇವ |
(…) || ೧೫,೧೯।೧

ಯಾಃ ಪುರಸ್ತಾದ್ ಆಚರಂತಿ
ಸಾಕಂ ಸೂರ್ಯಸ್ಯ ರಶ್ಮಿಭಿಃ |
(…) || ೧೫,೧೯।೨

ಯಾ ಅಧರಾದ್ ಆಚರಂತ್ಯ್
ಅನಸಾ ಛದಿಸಾ ಸಹ |
(…) || ೧೫,೧೯।೩

ಯಾಃ ಪಶ್ಚಾದ್ ಆಚರಂತ್ಯ್
ಅಂಧೇನ ತಮಸಾ ಸಹ |
(…) || ೧೫,೧೯।೪

ಯಾ ಉತ್ತರಾದ್ ಆಚರಂತಿ
ವರ್ಷೇಣ ವಿದ್ಯುತಾ ಸಹ |
(…) || ೧೫,೧೯।೫

ಯಾ ಅಧಸ್ತಾದ್ ಉದ್ವೀಕ್ಷಂತೇ
ಸಾಚ್ಯ್ ಅಕ್ಷಿ ಕರಿಕ್ರತೀಃ
(…) || ೧೫,೧೯।೬

ಯಾ ಉಪರಿಷ್ಟಾದ್ ಅವೇಕ್ಷಂತೇ
ನೀಲೇ ವ್ಯಕ್ತಾನಿ ಬಿಭ್ರತೀಃ |
(…) || ೧೫,೧೯।೭

ಯಾ ಅಂತರಿಕ್ಷ ಈರಯಂತಿ
ವಾತೇನ ರೇಷ್ಮಣಾ ಸಹ |
(…) || ೧೫,೧೯।೮

ಯಾ ನದೀರ್ ಇತಿ ಚತಸ್ರಃ || ೧೫,೧೯।೯

(…) || ೧೫,೧೯।೧೦

(…) || ೧೫,೧೯।೧೧

(…) || ೧೫,೧೯।೧೨
(೧೯)

ಅನುವಾಕ ೪ ||

ತ್ವಜ್ ಜಾತಾ ರುದ್ರ ಶಂತಮಾ ತ್ವಂ ಹಿ ನೋ
ಬಭುರ್ಯಾ ಇರಾಯ ಭೇಷಜೇಭಿಃ |
ವಿ ಯಕ್ಷ್ಮಾನ್ ಯಾವಯಾಸ್ಮದ್ ವ್ಯ್ ಅಂಹೋ
ವ್ಯ್ ಅಮೀವಾಶ್ ಚಾತಯಾಸ್ಮದ್ ವಿಷೂಚೀಃ || ೧೫,೨೦।೧

ತ್ವಂ ದೇವಾನಾಂ ಅಸಿ ರುದ್ರ ಶ್ರೇಷ್ಠಸ್
ತವಸ್ ತವಸಾಂ ಉಗ್ರಬಾಹೋ |
ಹೃಣೀಯಸಾ ಮನಸಾ ಮೋದಮಾನ
ಆ ಬಭೂವಿಥ ರುದ್ರಸ್ಯ ಸೂನೋಃ || ೧೫,೨೦।೨

ತ್ವಂ ಹಿ ನೋ ವೀರಾಁ ಈರಯ ಭೇಷಜೇಭಿರ್
ಉರುಂ ನೋ ಭವಂತ ಮಘವೋ ಮರುತ್ವನ್ |
ಕರಾ ನಃ ಪಾರಂ ಅಂಹಸಃ ಸ್ವಸ್ತಿ
ವಿಶ್ವಾ ಅಭೀತೀರ್ ಅಪ ಸೇಧಾಸ್ಮತ್ || ೧೫,೨೦।೩

ತ್ವಂ ಹಿ ನೋ ವೃಷಭ ಚಕ್ಷಿಮೇಷ್ಠಾ
ಅಸ್ಮೈ ರುದ್ರಾಯೋಗ್ರಾಯ ಮೀಢುಷೇ |
ಕ್ಷಯದ್ವೀರಾಯ ಪ್ರ ಭರಾಮಹೇ ಮತಿಂ
ಯಥಾ ನಃ ಶಂ ಅಸೋ ದ್ವಿಪದೇ ಶಂ ಚತುಷ್ಪದೇ || ೧೫,೨೦।೪

ಕ್ವ ತೇಷು ರುದ್ರ ಹಸ್ತೋ
ಮೃಡಯಾಕೋ ಜಲಾಷಃ |
ಅಪಭರ್ತಾ ರಪಸೋ ದೈವ್ಯಸ್ಯ || ೧೫,೨೦।೫

ಪ್ರ ಯಕ್ಷ್ಮಃ ಪ್ರ ನಿರೃತಿರ್ ಏತ್ವ್ ಅಸ್ಮತ್
ಸೇನೇವ ಸೃಷ್ಟಾ ಪ್ರಚತಾಂ ಅಮೀವಾ |
ಆರಾಧ್ವಂ ಸನಾ ವೃಜನಾ ಜಹೀತ || ೧೫,೨೦।೬

ಅರ್ಹನ್ ಧನುರ್ ಹಿತಂ ಬಿಭರ್ಷ್ಯ್
ಅರ್ಹನ್ ನಿಷ್ಕಂ ರಜಂತಂ ವಿಶ್ವರೂಪಂ |
ಅರ್ಹನ್ನ್ ಇದಂ ದಯಸೇ ವಿಶ್ವಂ ಏಜನ್
ನ ತೇ ದೂರಂ ನ ಪರಿಷ್ಠಾಸ್ತಿ ತೇ ಭವ
ಸದ್ಯಃ ಸರ್ವಾನ್ ಪರಿ ಪಶ್ಯಸಿ ಭೂಮಿಂ || ೧೫,೨೦।೭

ನಮಸ್ ತೇ ಅಸ್ತು ವಿದ್ಯುತೇ
ನಮಸ್ ತೇ ಸ್ತನಯಿತ್ನವೇ |
ನಮಸ್ ತೇ ಅಸ್ತ್ವ್ ಅಶ್ಮನೇ
ಯೇನ ಪ್ರದಿಶಂ ಅಸ್ಯಸಿ || ೧೫,೨೦।೮

ಮಾ ದೇವಾನಾಂ ಉಗ್ರ ರಾಜನ್ನ್
ಅಸ್ಮಾಕಂ ಪುರುಷಾ ರಿಷನ್ |
ರಕ್ಷಾಂಸ್ಯ್ ಅಸ್ಮದ್ ಯಕ್ಷ್ಮಾಂಶ್ ಚ
ನಾಶಯಾಮಸಿ ಬ್ರಹ್ಮಣಾ || ೧೫,೨೦।೯

ಬ್ರಹ್ಮಣೇತೋ ನಾಶಯಾಮೋ
ಯತ್ ಕಿಂ ಚಾಂಗೇಷ್ವ್ ಆಮಯತ್ |
ಶಲ್ಯಾನ್ ಯಕ್ಷ್ಮಸ್ಯಾಥೋ ರೋಪೀಸ್
ತಾ ಇತೋ ವಿ ನಯಾಮಸಿ || ೧೫,೨೦।೧೦
(೨೦)

ನಯಾಮಿ ವಾಂ ಪಶುಪತೀ
ಘೃತೇನಾಜ್ಯೇನ ವರ್ಧಯನ್ |
ಯಂ ದ್ವಿಷ್ಮೋ ಯಶ್ ಚ ನೋ ದ್ವೇಷ್ಟಿ
ತಸ್ಯ ವೇಶಃ ಕರಿಷ್ಯಥಃ || ೧೫,೨೧।೧

ಅಧಿ ಬ್ರೂತಂ ಪಶುಪತೀ
ದ್ವಿಪದೇ ಮೇ ಚತುಷ್ಪದೇ |
ಪ್ರಸೂತೌ ಯತ್ರ ಜಘ್ನತುಸ್
ತತೋ ಮೇ ಮಾತರಂ ರಿಷತ್ || ೧೫,೨೧।೨

ಯಾ ವಾಂ ರುದ್ರಃ ಶಿವಾ ತನೂ
ಯಾ ವಾಂ ಸಂತಿ ರೋಗಣಾಃ |
ಯಾ ವಾಂ ಆಯುಷ್ಮತೀಸ್ ತನೂಸ್
ತಾಭಿರ್ ನೋ ಮೃಡತಂ ಯುವಂ || ೧೫,೨೧।೩

ನ ಪ್ರ ಮಿನಂತಿ ವ್ರತಿನೋ ವ್ರತಾನಿ
ಸತ್ಯಂ ಜಿನ್ವಂತೋ ವಿದಥಾ ವದಂತಃ |
ಯಸ್ಯೇಮೇ ರೋದಸೀ ಉಭೇ
ಸಂಯುಕ್ತೇ ಮನಸಾ ಹೃದಾ || ೧೫,೨೧।೪

ಸ ಪ್ರಜಾನಾಂ ಪ್ರಜಾಪತಿಃ
ಸಾಧು ರಕ್ಷತಿ ವರ್ಷತಿ |
ಸ ವೇದ ರತ್ನಭೇಷಜಂ
ದೇವೇಭ್ಯಸ್ ಪರ್ಯ್ ಆಭೃತಂ
ತೇನ ನೋ ಮೃಡತಂ ಯುವಂ |
ಜೀವಾತವೇ ನ ಮರ್ತವೇ
ಽಥೋ ಅರಿಷ್ಟತಾತಯೇ || ೧೫,೨೧।೫

ಸಗುಣಾಸ ಆಸತೇ
ಸಂಯುಕ್ತಾ ಬಲಾಯ ಕಂ |
ತೇಷಾಂ ಯದ್ ಇಂದ್ರಿಯಂ ವೃಹ
ಚತಿ ರೋಚತಿ ರೋಚನಾ || ೧೫,೨೧।೬

ಯೇ ತೇ ರೋಚನೇ ಬೃಹತೀ
ಅಂತರಿಕ್ಷೇ ಅಥೋ ದಿವಃ |
ತಾಭ್ಯಾಂ ಉಪ ಪ್ರ ಯಾಹಿ ನಃ
ಸರ್ವವೀರಾಁ ಅರಿಷ್ಯತಃ || ೧೫,೨೧।೭

ಸರ್ವವೀರಾ ಅರಿಷ್ಯಂತೋ
ರೋಚನೇ ಅಧಿ ತಸ್ಥಿಮ |
ಯಥಾ ನಸ್ ತೃಷ್ಣಮದ್ ವಸು
ದಿವಿ ಕ್ಷಿಪದ್ಭ್ಯೋ ಅಪ್ಸು ಯಾ || ೧೫,೨೧।೮
(೨೧)

ಇಂದ್ರಾಗ್ನೀ ಹುವೇ ಪ್ರಥಮೌ
ಹ್ವಯಾಮಿ ಮರುತಃ ಶಿವಾನ್ |
ಹ್ವಯಾಮಿ ವಿಶ್ವಾನ್ ದೇವಾನ್
ಇಮಂ ಹೋಮಂ ಅವಂತು ಮೇ || ೧೫,೨೨।೧

ತ್ವಂ ಪ್ರಥಮೋ ಅಮೃತತ್ವಂ
ಅಗ್ನೇ ದೇವೋ ದೇವತ್ವಂ ಪ್ರಥಮೋ ಜಿಗೇಥ |
ತವ ದಿವಿ ಹೃದಯಂ ಸಂ ಬಭೂವ
ಸ ನಃ ಶಿವಾ ಆಪೋ ಜಾತವೇದೋ ನಿ ಯಚ್ಛ || ೧೫,೨೨।೨

ಅಗ್ನಾವ್ ಅಗ್ನಿಶ್ (ಚರತಿ ಪ್ರವಿಷ್ಟ
ಋಷೀಣಾಂ ಪುತ್ರೋ ಅಧಿರಾಜ ಏಷಃ |
ತಸ್ಮೈ ಜುಹೋಮಿ ಹವಿಷಾ ಘೃತೇನ
ಮಾ ದೇವಾನಾಂ ಯೂಯವದ್ ಭಾಗಧೇಯಂ) || ೧೫,೨೨।೩

ಯೇ ದೇವಾ ದಿವಿ ಷ್ಠ ಯೇ ಪೃಥಿವ್ಯಾಂ
ಜಾತವೇದೋ ಯ ಉರಾವ್ ಅಂತರಿಕ್ಷೇ |
ಯೇ ಗಿರಿಷು ಪರ್ವತೇಷ್ವ್ ಅಪ್ಸ್ವ್ ಅಂತಸ್
ತೇ ದೇವಾ ಅಶನಿಂ ಯಾವಯಾಥ || ೧೫,೨೨।೪

ಮಿತ್ರಂ ದಿಗ್ಭಿಃ ಕೃಣುಷ್ವ ಜಾತವೇದ
ಆಶಾಭಿರ್ ಮಿತ್ರಂ ಅಧಿಪಾ ವಿಪಶ್ಚಿತ್ |
ಮಾ ನೋ ಹಿಂಸೀರ್ ದಿವ್ಯೇನಾಗ್ನಿನಾ
ಸಸ್ಯಾಂ ಯೇನ ಯಂತಿ ಮರುತ ಸ್ಪರ್ಧಮಾನಾಃ || ೧೫,೨೨।೫

ವಿದ್ಯೋತಮಾನ ಸ್ತನಯನ್
ವೃಷೇವೈಷಿ ಕನಿಕ್ರದತ್ |
ಭೀಮಃ ಪರ್ಜನ್ಯ ತೇ ರಥಃ
ಸ ಉ ನಃ ಶರ್ಮ ಯಚ್ಛತು || ೧೫,೨೨।೬

ಯೇ ವಿದ್ಯುತಂ ಅಶನಿಂ ಆ ತನ್ವಂತಿ
ಮರುತಃ ಸಲಿಲಾದ್ ಅಧಿ |
ಕೃಷ್ಯೈ ನೋ ವಿಶ್ವವಾರಾಯಾ
ಅವಧನ್ವಾ ನಿ ತನ್ವತಾಂ || ೧೫,೨೨।೭

ಯೋ ವಿದ್ಯುತಂ ಅಶನಿಂ ಆತಂತ್ಯ್
ಅಂತರಿಕ್ಷಾದ್ ಉತ ವಾತಾದ್ ದಿವಶ್ ಚ |
ತೇಭ್ಯೋ ಮರುದ್ಭ್ಯೋ ನಮೋ ಽಸ್ತ್ವ್ ಓಜಸೇ || ೧೫,೨೨।೮

ತಾ ಯಂತು ಸ್ವರಂಕೃತಾಃ
ಸ್ಯೋನಾಃ ಶಿವತಮಾಃ ಪಥಾ |
ಮಾ ನ ಇಂದ್ರ ಯವಂ ವಧೀರ್
ಮಿತ್ರಮೇನೇನ ಕೃಣ್ಮಹೇ || ೧೫,೨೨।೯

ದರ್ಭೋ ಅಗ್ರ ಓಷಧೀನಾಂ
ಶತಕಾಂಡೋ ಅಜಾಯತ |
ಸ ದೇವೈಃ ಪ್ರಹಿತೋ ಽಯಂ ಆಗನ್
ಸ್ವಸ್ತಯೇ ವೃಷಾ ಮರುದ್ಭಿಃ ಸಹ ಸಂವಿದಾನಃ || ೧೫,೨೨।೧೦
(೨೨)

ವೃಷಾಕ್ಷಸ್ಯಾಸುರಸ್ಯ ಮೇನಿರ್ ಅಸಿ
ತಾಂ ತ್ವಯಾ ತಥಾ ವೇದ ಕರ್ಣಸ್ಯ
ಕೌವಿದಸ್ಯೇವಮಾಶಾ |
ತಾಂ ಮಾಭ್ಯ್ ಅವ ಗಾ ದ್ವಾದಶಾಹ್ನಾನಿ ವಿ ರಕ್ಷೇ || ೧೫,೨೩।೧

ಅಸಿರ್ ಮೇ ತಿಗ್ಮಸ್ಯಾಯಸ
ಇಂದ್ರಾಗ್ನಿಭ್ಯಾಂ ಸುಸಂಶಿತಃ |
ತೇನ ಸೇಧಾಂ ಇದ್ ಆದುನಿಂ
ಕೃಷಿಂ ಮೇ ಮಾವ ಗಾದ್ ಇತಿ
ಸಸ್ಯಂ ಮೇ ಮಾ ವಧೀದ್ ಇತಿ || ೧೫,೨೩।೨

ಮರುತಃ ಪರಿ ವೃಙ್ಧಿ ನೋ
ದಿವಃ ಕ್ಷುದ್ರೇಭಿರ್ ಅಶ್ಮಭಿಃ |
ಉದುಂಬರಸ್ಯ ಶಾಖಯಾ ವಿಚಕ್ಷುಷಾ-
-ಅಶನಿಂ ಯಾವಯಾಮಸಿ || ೧೫,೨೩।೩

ಮರುತೋ ಮೃಡಯಾತ ನೋ
ದಿವಃ ಶುಕ್ರೇಭಿರ್ ಅಶ್ಮಭಿಃ |
ಉದುಂಬರಸ್ಯ ಶಾಖಯಾ ವಿಚಕ್ಷುಷಾ-
-ಅಶಣಿಂ ಯಾವಯಾಮಸಿ || ೧೫,೨೩।೪

ವರ್ತಾದ್ ವರ್ತಂ ಆ ಕ್ರಾಮ
ಪರ್ವತಾದ್ ಅಧಿ ಪರ್ವತಂ |
ಗಿರೌ ಪ್ರತಿಶೃತಾ ಸತೀ
ವೃಕ್ಷಾನ್ ಭಙ್ಧಿ ಮಾ ಯವಂ || ೧೫,೨೩।೫

ಅದಾಮ್ನಾ ತ್ವಾ ಸಂಧ್ಯಾಮಿ
ಯಾವಣ್ಯಾ ಪರಿಭೂರ್ಣ್ಯಾ |
ಸಾನೌ ಪ್ರತಿಶೃತಾ ಸತೀ
ತೃಣಂ ಭಙ್ಧಿ ಮಾ ಯವಂ || ೧೫,೨೩।೬

ಉಶತೀ ನಾಮಾಸಿ ಸಲಿಂದಾ ನಾಮ |
ಅನ್ಯಾಂ ಆಸಾಂ ಗಚ್ಛ ಯಂ ದ್ವಿಷ್ಮಸ್ ತಂ ಗಚ್ಛ || ೧೫,೨೩।೭

ಪರಾಚೀಂ ಅನು ಸಂವತಂ
ಪರಾಚೀಂ ಅನು ಸಂವಿದಂ
ಪರಾಚ್ಯ್ ಅನು ನಿ ದ್ರವ |
ಇತಸ್ ತ್ವಾ ನಾಶಯಾಮಸಿ
ಬ್ರಹ್ಮಣಾ ವೀರ್ಯಾವತಾ || ೧೫,೨೩।೮

ವಾರ್ ಭವೋದಕಂ ಭವ-
-ಉದಕಸ್ಯೋದಕಂ ಭವ |
ಕ್ಷುದ್ರಾತ್ ಕ್ಷೋದೀಯಸೀ ಭೂತ್ವಾ-
-ಅಥೇಹ್ಯ್ ಅಧಮಂ ತಮಃ || ೧೫,೨೩।೯

ಸ್ಯೋನಾ ಭವ ಶಿವಾ ಭವ
ಶಿವಾಚ್ ಛಿವತರಾ ಭವ |
ಫೇನಾನ್ ಮೃದೀಯಸೀ ಭೂತ್ವಾ-
-ಇದಂ ಶಸ್ಯಂ ಉಪಾ ಚರ || ೧೫,೨೩।೧೦

ನಮಸ್ ತೇ ಅಸ್ತು ವಿದ್ಯುತೇ ಸ್ತನಯಿತ್ನವೇ |
ನಮಸ್ ತೇ ಅಗ್ನೇ ದೂರೇ ಹೇತೇ ಕೃಣ್ಮೋ
ಮಾ ನೋ ಹಿಂಸೀರ್ ದ್ವಿಪದೋ ಮಾ ಚತುಷ್ಪದಃ || ೧೫,೨೩।೧೧

ಪ್ರತಿ ತ್ವಾ ಸಹಸಾಸಹಃ
ಸಹಸಾ ಪ್ರತಿ ರುಧ್ಮಸಿ |
ಐಂದ್ರಂ ಇದಂ ಸಹೋ ಮಹದ್
ಭೂಮ್ಯಾಸ್ ತವಂ ದಿವಿ ಶ್ರಿತಂ |
ಅಫಾಲಕೃಷ್ಟಂ ಆ ಕ್ರಮ
ಮಾ ನ ಇಂದ್ರ ಯವಂ ವಧೀಃ || ೧೫,೨೩।೧೨

ಯಾಃ ಸಮುದ್ರಾದ್ ಉಚ್ಚರಂತ್ಯ್
ಉತ್ಸೇಭ್ಯೋ ಯಾ ನದೀಭ್ಯಃ |
ಅತ್ಯಂತಃ ಸರ್ಪೋ ವೈದ್ಯುತೋ
ಽಶನಿಂ ಯಾವಯಾದ್ ಇತಃ || ಅನುವಾಕ ೫ | ೧೫,೨೩।೧೩
(೨೩)
(೧೫)


ಕಾಂಡ ೧೬

ಅಂತಕಾಯ ಮೃತ್ಯವೇ ನಮ ಇಹ-
-ಅಯಂ ಅಸ್ತು ಪುರುಷಃ ಸಹಾಸುನಾ |
ಸೂರ್ಯಸ್ಯ ಭಾಗೇ ಅಮೃತಸ್ಯ ಲೋಕೇ
ಪ್ರಾಣಾ ಅಪಾನಾ ಇಹ ತೇ ರಮಂತಾಂ || ೧೬,೧।೧

ಉದ್ ಏನಂ ಭಗೋ ಅಗ್ರಭೀದ್
ಉದ್ ಏನಂ ಸೋಮೋ ಅಂಶುಮಾನ್ |
ಉದ್ ಏನಂ ಮರುತೋ ದೇವಾ
ಉದ್ ಇಂದ್ರಾಗ್ನೀ ಸ್ವಸ್ತಯೇ || ೧೬,೧।೨

ಇಹ ತೇ ಽಸುರ್ ಇಹ ಪ್ರಾಣ
ಇಹಾಯುರ್ ಇಹ ತೇ ಮನಃ |
ಉತ್ ತ್ವಾ ನಿರೃತ್ಯಾಃ ಪಾಶೇಭ್ಯೋ
ದೈವ್ಯಾ ವಾಚಾ ಭರಾಮಸಿ || ೧೬,೧।೩

ಉತ್ ಕ್ರಾಮಾತೋ ಮಾವ ಪತ್ಥಾ
ಮೃತ್ಯೋಃ ಪಡ್ವೀಶಂ ಅವಮುಂಚಮಾನಃ |
ಮಾ ಚ್ಛಿತ್ಥಾ ಅಸ್ಮಾಲ್ ಲೋಕಾದ್
ಅಗ್ನೇಃ ಸೂರ್ಯಸ್ಯ ಸಂದೃಶಃ || ೧೬,೧।೪

ತುಭ್ಯಂ ವಾತಃ ಪವತಾಂ ಮಾತರಿಶ್ವಾ
ತುಭ್ಯಂ ವರ್ಷಂತ್ವ್ ಅಮೃತಾನ್ಯ್ ಆಪಃ |
ಸೂರ್ಯಸ್ ತೇ ತನ್ವೇ ಶಂ ತಪಾತ್
ತ್ವಾಂ ಮೃತ್ಯುರ್ ದಯತಾಂ ಮಾ ಪ್ರ ಮೇಷ್ಠಾಃ || ೧೬,೧।೫

ಉದ್ಯಾನಂ ತೇ ಪುರುಷ ನಾವಯಾನಂ
ಜೀವಾತಂ ತೇ ದಕ್ಷತಾತಿಂ ಕೃಣೋತು |
ಆ ಹಿ ರೋಹೇಮಂ ಅಮೃತಂ ಸುಖಂ ರಥಂ
ಅಥ ಜಿರ್ವಿರ್ ವಿದಥಂ ಆ ವದಾಸಿ || ೧೬,೧।೬

ಮಾ ತೇ ಮನಸ್ ತತ್ರ ಗಾನ್ ಮಾ ತಿರೋ ಭೂನ್
ಮಾ ಜೀವೇಭ್ಯಃ ಪ್ರ ಮದೋ ಮಾನು ಗಾಃ ಪಿತೃ̄ನ್ |
ವಿಶ್ವೇ ದೇವಾ ಅಭಿ ರಕ್ಷಂತು ತ್ವೇಹ || ೧೬,೧।೭

ಮಾ ಗತಾನಾಂ ಆ ದೀಧೀಥಾ
ಯೇ ನಯಂತಿ ಪರಾವತಂ |
ಉದ್ ಆ ರೋಹ ತಮಸೋ ಜ್ಯೋತಿರ್ ಏಹ್ಯ್
ಆ ತೇ ಹಸ್ತಂ ರಭಾಮಹೇ ೧೬,೧।೮

ಶ್ಯಾಮಶ್ ಚ ತ್ವಾ ಶಬಲಶ್ ಚ ಪ್ರೇಷಿತೌ
ಯಮಸ್ಯ ಯೌ ಪಥಿರಕ್ಷೀ ಶ್ವಾನೌ |
ಅರ್ವಾಙ್ ಏಹಿ ಮಾ ವಿ ದೀಧ್ಯೋ
ಮಾತಿ ತಿಷ್ಠಃ ಪರಾಙ್ಮನಾಃ || ೧೬,೧।೯

ಮೈತಂ ಪಂಥಾಂ ಅನು ಗಾ ಭೀಮ ಏಷ
ಯೇನ ಪೂರ್ವಂ ನಯಥ ತಂ ಬ್ರವೀಮಿ |
ತಮ ಏತತ್ ಪುರುಷ ಮಾ ಪ್ರ ಪತ್ಥಾ
ಭಯಂ ಪರಸ್ತಾದ್ ಅಭಯಂ ತೇ ಅರ್ವಾಕ್ || ೧೬,೧।೧೦
(೧)

ರಕ್ಷಂತು ತ್ವಾಗ್ನಯೋ ಯೇ ಅಪ್ಸ್ವ್ ಅಂತಾ
ರಕ್ಷತು ತ್ವಾ ಮನುಷ್ಯಾ ಯಂ ಇಂಧತೇ |
ವೈಶ್ವಾನರೋ ರಕ್ಷತು ಜಾತವೇದಾ
ದಿವ್ಯಸ್ ತ್ವಾ ಮಾ ಪ್ರ ಧಾಗ್ ವಿದ್ಯುತಾ ಸಹ || ೧೬,೨।೧

ರಕ್ಷತು ತ್ವಾ ಪೃಥಿವೀ ರಕ್ಷತು ದ್ಯೌಸ್
ಸೂರ್ಯಶ್ ಚ ತ್ವಾ ರಕ್ಷತಾಂ ಚಂದ್ರಮಾಶ್ ಚ |
ಮಾ ತ್ವಾ ಕ್ರವ್ಯಾದ್ ಅಭಿ ಮಂಸ್ತ-
-ಆರಾತ್ ಸಂಕಸುಕಾಚ್ ಚರ || ೧೬,೨।೨

ಅಂತರಿಕ್ಷಂ ರಕ್ಷತು ದೇವಹೇತ್ಯಾ
ಬೋಧಶ್ ಚ ತ್ವಾ ಪ್ರತೀಬೋಧಶ್ ಚ ರಕ್ಷತಾಂ |
ಅಸ್ವಪ್ನಶ್ ಚ ತ್ವಾನವದ್ರಾಣಶ್ ಚ ರಕ್ಷತಾಂ
ಗೋಪಾಯಂಶ್ ಚ ತ್ವಾ ರಕ್ಷತಾಂ ಜಾಗೃವಿಶ್ ಚ || ೧೬,೨।೩

ತೇ ತ್ವಾ ರಕ್ಷಂತು ತೇ ತ್ವಾ ಗೋಪಾಯಂತು ತೇ ತ್ವಾಂಹಸಸ್ ಪಾಂತು |
ತೇಭ್ಯೋ ನಮಸ್ ತೇಭ್ಯಃ ಸ್ವಾಹಾ || ೧೬,೨।೪

ಜೀವೇಭ್ಯಸ್ ತ್ವಾ ಸಮುದೇ ವಾಯುರ್ ಇಂದ್ರೋ
ಧಾತಾ ದಧಾತು ಸವಿತಾ ತ್ರಾಯಮಾಣಃ |
ಮಾ ತ್ವಾ ಪ್ರಾಣೋ ಬಲಂ ಹಾಸೀದ್
ಅಸುಂ ತೇ ಽನು ಹ್ವಯಾಮಸಿ || ೧೬,೨।೫

ಮಾ ತ್ವಾ ಜಂಭಃ ಸಂಹನುರ್ ಮಾ ತಮೋ ವಿದನ್
ಮಾ ಜಿಹ್ವಾ ಬರ್ಹಿಃ ಪ್ರಮಯುಃ ಕಥಾ ಸ್ಯಾಃ |
ಉತ್ ತ್ವಾದಿತ್ಯಾ ವಸವೋ ಭರಂತು-
-ಉದ್ ಇಂದ್ರಾಗ್ನೀ ಸ್ವಸ್ತಯೇ || ೧೬,೨।೬

ಅಯಂ ದೇವಾ ಇಹೈವಾಸ್ತ್ವ್
ಅಯಂ ಮಾಮುತ್ರ ಗಾದ್ ಇತಃ |
ಇಮಂ ಸಹಸ್ರವೀರ್ಯೇಣ
ಮೃತ್ಯೋರ್ ಉತ್ ಪಾರಯಾಮಸಿ || ೧೬,೨।೭

ಉತ್ ತ್ವಾ ಮೃತ್ಯೋರ್ ಅಪೀಪರಂ
ಸಂ ಧಮಂತು ವಯೋಧಸಃ |
ಮಾ ತ್ವಾ ವ್ಯಸ್ತಕೇಶ್ಯೋ
ಮಾ ತ್ವಾಘರುದೋ ರುದನ್ || ೧೬,೨।೮

ಆಹಾರ್ಷಂ ತ್ವಾವಿದಂ ತ್ವಾ
ಪುನರ್ ಆಗಾಃ ಪುನರ್ಣವಃ |
ಸರ್ವಾಂಗ ಸರ್ವಂ ತೇ ಚಕ್ಷುಃ
ಸರ್ವಂ ಆಯುಶ್ ಚ ತೇ ಽವಿದಂ || ೧೬,೨।೯

ಉತ್ ತ್ವಾ ದ್ಯೌರ್ ಉತ್ ಪೃಥಿವ್ಯ್
ಉತ್ ಪ್ರಜಾಪತಿರ್ ಅಗ್ರಭೀತ್ |
ಉತ್ ತ್ವಾ ಮೃತ್ಯೋರ್ ಓಷಧಯಃ |
ಸೋಮರಾಜ್ಞೀರ್ ಅಪೀಪರನ್ || ೧೬,೨।೧೦

ಯಾವತ್ ತೇ ಜ್ಯೋತಿರ್ ಅಭೂದ್
ಅಪ ತ್ವತ್ ತಮೋ ಅಕ್ರಮೀತ್ |
ಅಪ ತ್ವನ್ ಮೃತ್ಯುಂ ನಿರೃತಿಂ
ಅಪ ಯಕ್ಷ್ಮಂ ನಿ ದಧ್ಮಸಿ || ೧೬,೨।೧೧
(೨)

ಆ ರಭಸ್ವೇಮಾಂ ಅಮೃತಸ್ಯ ಶ್ನುಷ್ಟಿಂ
ಅಚ್ಛಿದ್ಯಮಾನಾ ಜರದಷ್ಟಿರ್ ಅಸ್ತು ತೇ |
ಅಸುಂ ತ ಆಯುಃ ಪುನರ್ ಆ ಭರಾಮಿ
ರಜಸ್ ತಮೋ ಮೋಪ ಗಾ ಮಾ ಪ್ರ ಮೇಷ್ಠಾಃ || ೧೬,೩।೧

ಜೀವತಾಂ ಜ್ಯೋತಿರ್ ಅಭ್ಯ್ ಏಹಿ ಲೋಕಂ
ಆ ತ್ವಾ ಹರಾಮಿ ಶತಶಾರದಾಯ |
ದ್ರಾಘೀಯ ಆಯುಃ ಪ್ರತರಂ ತೇ ಕೃಣೋಮ್ಯ್
ಅವ ಮುಂಚಂತು ಮೃತ್ಯುಪಾಶಾ ಅಶಸ್ತೀಃ || ೧೬,೩।೨

ವಾತಾತ್ ತೇ ಪ್ರಾಣಂ ಅವಿದಂ
ಸೂರ್ಯಾಚ್ ಚಕ್ಷುರ್ ಅಹಂ ಪರಿ |
ಯತ್ ತೇ ಮನಸ್ ತ್ವಯಿ ತದ್ ಧಾರಯಾಮಿ
ಸಂ ವಿತ್ಸ್ವಾಂಗೈರ್ ವದ ಜಿಹ್ವಯಾಲಪನ್ || ೧೬,೩।೩

ಪ್ರಾಣೇನ ತ್ವಾಂ ದ್ವಿಪದಾಂ ಚತುಷ್ಪದಾಂ
ಅಗ್ನಿಂ ಇವ ಜಾತಂ ಅಭಿ ಸಂ ಧಮಾಮಿ |
ನಮಸ್ ತೇ ಮೃತ್ಯೋ ಚಕ್ಷುಷೇ
ನಮಃ ಪ್ರಾಣಾಯ ತೇ ಽಕರಂ || ೧೬,೩।೪

ಅಯಂ ಜೀವತು ಮಾ ಮೃತ-
-ಇಮಂ ಸಂ ಈರಯಾಮಸಿ |
ಕೃಣೋಮ್ಯ್ ಅಸ್ಮೈ ಭೇಷಜಂ
ಮೃತ್ಯೋ ಮಾ ಪುರುಷಂ ವಧೀಃ || ೧೬,೩।೫

ಜೀವಲಾಂ ನಘಾರಿಷಾಂ
ಜೀವಂತೀಂ ಓಷಧೀಂ ಅಹಂ |
ತ್ರಾಯಮಾಣಾಂ ಸಹಮಾನಾಂ
ಸಹಸ್ವತೀಂ ಅರುಂಧತೀಂ
ಇಹ ಹುವೇ ಽಸ್ಮಾ ಅರಿಷ್ಟತಾತಯೇ || ೧೬,೩।೬

ಅಧಿ ಬ್ರೂಹಿ ಮಾ ರಭಥಾಃ ಸೃಜೇಮಂ
ತವೈವ ಸಂತ್ ಸರ್ವಹಾಯಾ ಇಹಾಸ್ತು |
ಭವಾಶರ್ವೌ ಮೃಡತಂ ಶರ್ಮ ಯಚ್ಛತಂ
ಅಪಸಿಧ್ಯ ದುರಿತಂ ಧತ್ತಂ ಆಯುಃ || ೧೬,೩।೭

ದೇವಾನಾಂ ಹೇತಿಃ ಪರಿ ತ್ವಾ ವೃಣಕ್ತು
ಪಾರಯಾಮಿ ರಜಸ ಉತ್ ತ್ವಾ ಮೃತ್ಯೋರ್ ಅಪೀಪರಂ |
ಆರಾದ್ ಅಗ್ನಿಂ ಕ್ರವ್ಯಾದಂ ನಿರೂಹನ್
ಜಿವಾತವೇ ತೇ ಪರಿಧಿಂ ದಧಾಮಿ || ೧೬,೩।೮

ಅಸ್ಮೈ ಮೃತ್ಯೋ ಅಧಿ ಬ್ರೂಹಿ-
-ಇಮಂ ದಯಸ್ವೋದ್ ಇತೋ ಽಯಂ ಏತು |
ಅರಿಷ್ಟಃ ಸರ್ವಾಂಗಃ ಸುಶ್ರುಜ್ ಜರಸಾ
ಶತಹಾಯನಾತ್ಮನಾ ಭುಜಂ ಅಶ್ನವತ್ || ೧೬,೩।೯

ಯತ್ ತೇ ನಿಯಾನಂ ರಜಸಂ
ಮೃತ್ಯೋ ಅನವಧರಿಷ್ಯಂ |
ಪಥ ಇಮಂ ತಸ್ಮಾದ್ ರಕ್ಷಂತೋ
ಬ್ರಹ್ಮಾಸ್ಮೈ ವರ್ಮ ಕೃಣ್ಮಸಿ || ೧೬,೩।೧೦
(೩)

ಕೃಣೋಮಿ ತೇ ಪ್ರಾಣಾಪಾನೌ
ಜರಾಂ ಮೃತ್ಯುಂ ಕೃಣುತಾಂ ದೀರ್ಘಂ ಆಯುಃ ಸ್ವಸ್ತಿ |
ವೈವಸ್ವತೇನ ಪ್ರಹಿತಾನ್ ಯಮದೂತಾಂಶ್
ಚರತ ಆರಾದ್ ಅಪ ಸೇಧಾಮಿ ಸರ್ವಾನ್ || ೧೬,೪।೧

ಆರಾದ್ ಅರಾತಿಂ ನಿರೃತಿಂ
ಪರೋ ಗ್ರಾಹಿಂ ಕ್ರವ್ಯಾದಃ ಪಿಶಚಾನ್ |
ರಕ್ಷೋ ಯತ್ ಸರ್ವಂ ದುರ್ಭೂತಂ
ತತ್ ತಮ ಇವಾಪ ಹನ್ಮಸಿ || ೧೬,೪।೨

ಅಗ್ನೇಷ್ ಟೇ ಪ್ರಾಣಂ ಅಮೃತಾದ್
ಆಯುಷ್ಮತೋ ಮನವೇ ಜಾತವೇದಸಃ |
ಯಥಾ ನ ರಿಷ್ಯಾ ಅಮೃತಃ ಸಜೂರ್ ಅಸಸ್
ತತ್ ತೇ ಕೃಣೋಮಿ ತದ್ ಉ ತೇ ಸಂ ಋಧ್ಯತಾಂ || ೧೬,೪।೩

ಶಿವೇ ತೇ ಸ್ತಾಂ ದ್ಯಾವಾಪೃಥಿವೀ
ಅಸಂತಾಪೇ ಅಧಿಶ್ರಿಯೌ |
ಶಂ ತೇ ಸೂರ್ಯ ಆ ತಪತಿ
ಶಂ ವಾತೋ ವಾತು ತೇ ಹೃದೇ |
ಶಿವಾ ಅಭಿ ಕ್ಷರಂತು ತ್ವಾ-
-ಆಪೋ ದಿವ್ಯಾಃ ಪಯಸ್ವತೀಃ
ಶಿವಾಸ್ ತೇ ಸಂತ್ವ್ ಓಷಧೀಃ || ೧೬,೪।೪

ಉತ್ ತ್ವಾಹಾರ್ಷಂ ಅಧರಸ್ಯಾದ್
ಉತ್ತರಾಂ ಪೃಥಿವೀಂ ಅಭಿ |
ತತ್ರ ತ್ವಾದಿತ್ಯೌ ರಕ್ಷತಾಂ
ಸೂರ್ಯಾಶ್ ಚಂದ್ರಮಸಾ ಉಭಾ || ೧೬,೪।೫

ಯತ್ ತೇ ವಾಸಃ ಪರಿಧಾನಂ
ಯಾಂ ನೀವಿಂ ಕೃಣುಷೇ ತ್ವಂ |
ಶಿವಂ ತೇ ತನ್ವೇ ತತ್ ಕೃಣ್ಮಃ
ಸಂಸ್ಪರ್ಶೇ ಽಧ್ರೂಕ್ಷ್ಣಂ ಅಸ್ತು ತೇ || ೧೬,೪।೬

ಯತ್ ಕ್ಷುರೇಣ ಮರ್ಚಯತಾ ಸುತೇಜಸಾ
ವಪ್ತಾ ವಪಸಿ ಕೇಶಶ್ಮಸ್ರು |
ಶುಂಭಂ ಮುಖಂ ಮೈನಂ ಆಯುಃ ಪ್ರ ಮೋಷೀಃ || ೧೬,೪।೭

ಶಿವೌ ತೇ ಸ್ತಾಂ ವ್ರೀಹಿಯವಾವ್
ಅಬಲಾಸಾವ್ ಅದೋಮಧೌ |
ಏತೌ ಯಕ್ಷ್ಮಂ ವಿ ಬಾಧೇತೇ
ಏತೌ ಮುಂಚತೋ ಅಂಹಸಃ || ೧೬,೪।೮

ಯದ್ ಅಶ್ನಾಸಿ ಯತ್ ಪಿಬಸಿ
ಧಾನ್ಯಂ ಕೃಷ್ಯಾಃ ಪಯಃ |
ಆದ್ಯಂ ಯದ್ ಅನಾದ್ಯಂ
ಸರ್ವಂ ತೇ ಅನ್ನಂ ಅವಿಷಂ ಕೃಣೋಮಿ || ೧೬,೪।೯

ಅಹ್ನೇ ಚ ತ್ವಾ ರಾತ್ರಯೇ ಚ-
-ಉಭಾಭ್ಯಾಂ ಪರಿ ದಧ್ಮಸಿ |
ಅರಾಯೇಭ್ಯೋ ಜಿಘತ್ಸುಭ್ಯ
ಇಮಂ ನಃ ಪರಿ ರಕ್ಷತ || ೧೬,೪।೧೦
(೪)

ಶತಂ ತೇ ಽಯುತಂ ಹಾಯನಾ
ದ್ವೇ ಯುಗೇ ತ್ರೀಣಿ ಚತ್ವಾರಿ ಸಂತು |
ಇಂದ್ರಾಗ್ನೀ ವಿಶ್ವೇ ದೇವಾ
ಅನು ಮನ್ಯಂತಾಂ ಅಹೃಣೀಯಮಾನಾಃ || ೧೬,೫।೧

ಶರದೇ ತ್ವಾ ಹೇಮಂತಾಯ ವಸಂತಾಯ
ಗ್ರಿಷ್ಮಾಯ ಪರಿ ದಧ್ಮಸಿ |
ವರ್ಷಾಣಿ ತುಭ್ಯಂ ಸ್ಯೋನಾನಿ
ಯೇಷು ವರ್ಧಂತ ಓಷಧೀಃ || ೧೬,೫।೨

ಮೃತ್ಯುರ್ ಈಶೇ ದ್ವಿಪದಾಂ
ಮೃತ್ಯುರ್ ಈಶೇ ಚತುಷ್ಪದಾಂ |
ತಸ್ಮಾತ್ ತ್ವಾ ಮೃತ್ಯೋರ್ ಗೋಪತೇರ್
ಉದ್ ಧರಾಮಿ ಸ ಮಾ ಮೃಥಾಃ || ೧೬,೫।೩

ಸೋ ಽರಿಷ್ಟ ನ ಮರಿಷ್ಯಸಿ
ನ ಮರಿಷ್ಯಸಿ ಮಾ ಬಿಭೇಃ |
ನ ವೈ ತತ್ರ ಪ್ರ ಮೀಯಂತೇ
ನೋ ಯಂತ್ಯ್ ಅಧರಂ ರಜಃ || ೧೬,೫।೪

ಸರ್ವೋ ವೈ ತತ್ರ ಜೀವತಿ
ಗೌರ್ ಅಶ್ವಃ ಪುರುಷಃ ಪಶುಃ |
ಯತ್ರೇದಂ ಬ್ರಹ್ಮ ಕ್ರಿಯತೇ
ಪರಿಧಿರ್ ಜೀವನಾಯ ಕಂ || ೧೬,೫।೫

ಪರಿ ತ್ವಾ ಪಾತು ಸಮಾನೇಭ್ಯೋ
ಽಭಿಚಾರಾತ್ ಸಬಂಧುಭ್ಯಃ |
ಅಮಮ್ರಿರ್ ಭವಾಮೃತೋ ಽತಿಜೀವೋ
ಮಾ ತೇ ಹಾಸಿಷುರ್ ಅಸವಃ ಶರೀರಂ || ೧೬,೫।೬

ವಿಶ್ವೇ ತ್ವಾ ದೇವಾ ಅಮೃತೇನ ಬಿಭ್ರತ್ವ್
ಅಧಿವಕ್ತಾ ಪಶುಪತಿಷ್ ಟೇ ಅಸ್ತು |
ಅನಾಮಯತ್ ಸವಿತಾ ತೇ ಕೃಣೋತ್ವ್
ಆ ತ್ವಾ ಪ್ರಾಣೋ ವಿಶತು ಜೀವನಾಯ || ೧೬,೫।೭

ಯೇ ಮೃತ್ಯವ ಏಕಶತಂ
ಯಾ ನಾಷ್ಟ್ರಾತಿಜೀವ್ಯಾ |
ಮುಂಚಂತು ತಸ್ಮಾತ್ ತ್ವಾ ದೇವಾ
ಅಗ್ನೇರ್ ವೈಶ್ವಾನರಾದ್ ಅಧಿ || ೧೬,೫।೮
(೫)

ಅನುವಾಕ ೧ ||

ರಕ್ಷೋಹಣಂ ವಾಜಿನಂ ಆ ಜಿಘರ್ಮಿ
ಮಿತ್ರಂ ಪ್ರಥಿಷ್ಠಂ ಉಪ ಯಾಮಿ ಶರ್ಮ |
ಶಿಶಾನೋ ಅಗ್ನಿಃ ಕ್ರತುಭಿಃ ಸಮಿದ್ಧಃ
ಸ ನೋ ದಿವಾ ಸ ರಿಷಃ ಪಾತು ನಕ್ತಂ || ೧೬,೬।೧

ಅಯೋದಂಷ್ಟ್ರಾನ್ ಅರ್ಚಿಷಾ ವಾವೃಧಾನಾನ್
ಉಪ ಸ್ಪೃಶ ಜಾತವೇದಃ ಸಮಿದ್ಧಃ |
ಆ ಜಿಹ್ವಯಾ ಮೂರದೇವಾನ್ ರಭಸ್ವ
ಕ್ರವ್ಯಾದೋ ವೃಷ್ಟ್ವಾಪಿ ಧತ್ಸ್ವಾಸನ್ || ೧೬,೬।೨

ಉಭೋಭಯಾವಿನ್ನ್ ಉಪ ದೇಹಿ ದಂಷ್ಟ್ರಾ
ಹಿಂಸ್ರಃ ಶಿಶಾನೋ ಽವರಂ ಪರಂ ಚ |
ಉತಾಂತರಿಕ್ಷೇ ಪರಿ ಯಾಹ್ಯ್ ಅಗ್ನೇ
ಜಂಭೈಃ ಸಂ ಧೇಹ್ಯ್ ಅಭಿ ಯಾತುಧಾನಾನ್ || ೧೬,೬।೩

ಅಗ್ನೇ ತ್ವಚಂ ಯಾತುಧಾನಸ್ಯ ಭಿಂಧಿ
ಹಿಂಸ್ರಾಶನಿರ್ ಹರಸಾ ಹಂತ್ವ್ ಏನಂ |
ಪ್ರ ಪರ್ವಾಣಿ ಜಾತವೇದಃ ಶೃಣೀಹಿ
ಕ್ರವ್ಯಾತ್ ಕ್ರವಿಷ್ಣುರ್ ವಿ ಚಿನೋತ್ಯ್ ಏನಂ || ೧೬,೬।೪

ಯಜ್ಞೈರ್ ಇಷೂಃ ಸಂನಮಮಾನೋ ಅಗ್ನೇ
ವಾಚಾ ಶಲ್ಯಾಁ ಅಶನಿಭಿರ್ ದಿಹಾನಃ |
ತಾಭಿರ್ ವಿಧ್ಯ ಹೃದಯೇ ಯಾತುಧಾನಾನ್
ಪ್ರತೀಚೋ ಬಾಹೂನ್ ಪ್ರತಿ ಭಙ್ಧ್ಯ್ ಏಷಾಂ || ೧೬,೬।೫

ಯತ್ರೇದಾನೀಂ ಪಶ್ಯಸಿ ಜಾತವೇದಸ್
ತಿಷ್ಠಂತಂ ಅಗ್ನ ಉತ ವಾ ಚರಂತಂ |
ಉತಾಂತರಿಕ್ಷೇ ಪತಂತಂ ಯಾತುಧಾನಂ
ತಮಸಾ ವಿಧ್ಯ ಸರ್ವಾ ಶಿಶಾನಃ || ೧೬,೬।೬

ಉತಾರಬ್ಧಾಚ್ ಛೃಣೀಹಿ ಜಾತವೇದ
ಉತಾರೇಭಾಣಾದ್ ಋಷ್ಟಿಭಿರ್ ಯಾತುಧಾನಾತ್ |
ಅಗ್ನೇ ಪೂರ್ವೋ ನಿ ಜಹಿ ಶೋಶುಚಾನ
ಆಮಾದಃ ಕ್ಷ್ವಿಂಕಾಸ್ ತಂ ಅದಂತ್ವ್ ಏನೀಃ || ೧೬,೬।೭

ಇಹ ಪ್ರ ಬ್ರೂಹಿ ಯತಮಃ ಸೋ ಅಗ್ನೇ
ಯೋ ಯಾತುಧಾನೋ ಯ ಇದಂ ಶೃಣೋತಿ |
ತಂ ಆ ರಭಸ್ವ ಸಮಿಧಾ ಯವಿಷ್ಠ
ನೃಚಕ್ಷಸಶ್ ಚಕ್ಷುಷೇ ರಂಧಯೈತಂ || ೧೬,೬।೮

ತೀಕ್ಷ್ಣೇನಾಗ್ನೇ ಚಕ್ಷುಷಾ ರಕ್ಷ ಯಜ್ಞಂ
ಪ್ರಾಂಚಂ ವಸುಭ್ಯಃ ಪ್ರ ಣಯ ಪ್ರಚೇತಃ |
ಹಿಂಸ್ರಂ ರಕ್ಷಾಂಸ್ಯ್ ಅಭಿ ಶೋಶುಚಾನಂ
ಮಾ ತ್ವಾ ದಭನ್ ಯಾತುಧಾನಾ ನೃಚಕ್ಷಃ || ೧೬,೬।೯

ನೃಚಕ್ಷಾ ರಕ್ಷಃ ಪ್ರತಿ ಪಶ್ಯ ವಿಕ್ಷು
ತಸ್ಯ ತ್ರೀಣಿ ಪ್ರತಿ ಶೃಣೀಹ್ಯ್ ಅಗ್ರಾ |
ತಸ್ಯಾಗ್ನೇ ಪೃಷ್ಟೀರ್ ಹರಸಾ ಶೃಣೀಹಿ
ತ್ರೇಧಾ ಮೂಲಂ ಯಾತುಧಾನಸ್ಯ ವೃಶ್ಚ || ೧೬,೬।೧೦
(೬)

ತ್ರಿರ್ ಯಾತುಧಾನಃ ಪ್ರಸಿತಿಂ ತ ಏತ್ವ್
ಋತಂ ಯೋ ಅಗ್ನೇ ಅನೃತೇನ ಹಂತಿ |
ತಂ ಅರ್ಚಿಷಾ ಸ್ಫೂರ್ಜಯಞ್ ಜಾತವೇದಃ
ಸಮಕ್ಷಂ ಏನಂ ಗೃಣತೇ ನಿ ವೃಙ್ಧಿ || ೧೬,೭।೧

ಯದ್ ಅಗ್ನೇ ಅದ್ಯ ಮಿಥುನಾ ಶಪಾತೋ
ಯದ್ ವಾಚಸ್ ತೃಷ್ಟಂ ಜನಯಂತ ರೇಭಾಃ |
ಮನ್ಯೋರ್ ಮನಸಃ ಶರವ್ಯಾ ಜಾಯತೇ
ಯಾ ತಯಾ ವಿಧ್ಯ ಹೃದಯೇ ಯಾತುಧಾನಾನ್ || ೧೬,೭।೨

ಪರಾ ಶೃಣೀಹಿ ತಪಸಾ ಯಾತುಧಾನಾನ್
ಪರಾಗ್ನೇ ರಕ್ಷೋ ಹರಸಾ ಶೃಣೀಹಿ |
ಪರಾರ್ಚಿಷಾ ಮೂರದೇವಾಞ್ ಛೃಣೀಹಿ
ಪರಾಸುತೃಪಃ ಶೋಶುಚತಃ ಶೃಣೀಹಿ || ೧೬,೭।೩

ಪರಾದ್ಯ ದೇವಾ ವೃಜಿನಂ ಶೃಣಂತು
ಪ್ರತ್ಯಗ್ ಏನಂ ಶಪಥಾ ಯಂತು ಸೃಷ್ಟಾಃ |
ವಾಚಾಸ್ತೇನಂ ಶರವ ಋಚ್ಛಂತು ಮರ್ಮನ್
ವಿಶ್ವಯೈತು ಪ್ರಸಿತಿಂ ಯಾತುಧಾನಃ || ೧೬,೭।೪

ಸನಾದ್ ಅಗ್ನೇ ಮೃಣಸಿ ಯಾತುಧಾನಾನ್
ನ ತ್ವಾ ರಕ್ಷಾಂಸಿ ಪೃತನಾಸು ಜಿಗ್ಯುಃ |
ಅನು ದಹ ಸಹಮೂರಾನ್ ಕ್ರವ್ಯಾದೋ
ಮಾ ತೇ ಹೇತ್ಯಾ ಮುಕ್ಷತ ದೈವ್ಯಾಯಾಃ || ೧೬,೭।೫

ಯಃ ಪೌರುಷೇಯೇಣ ಕ್ರವಿಷಾ ಸಮಂಕ್ತೇ
ಯೋ ಅಶ್ವ್ಯೇನ ಪಶುನಾ ಯಾತುಧಾನಃ |
ಯೋ ಅಘ್ನ್ಯಾಯಾ ಭರತಿ ಕ್ಷೀರಂ ಅಗ್ನೇ
ತೇಷಾಂ ಶೀರ್ಷಾಣಿ ಹರಸಾಪಿ ವೃಶ್ಚ || ೧೬,೭।೬

ಸಂವತ್ಸರೀಣಂ ಪಯ ಉಸ್ರಿಯಾಯಾಸ್
ತಸ್ಯ ಮಾಸೀದ್ ಯಾತುಧಾನೋ ನೃಚಕ್ಷಃ |
ಪೀಯೂಷಂ ಅಗ್ನೇ ಯತಮಸ್ ತಿತೃಪ್ಸಾತ್
ತಂ ಪ್ರತ್ಯಂಚಂ ಅರ್ಚಿಷಾ ವಿಧ್ಯ ಮರ್ಮನ್ || ೧೬,೭।೭

ವಿಷಂ ಗವಾಂ ಯಾತುಧಾನಾಃ ಪಿಬಂತ್ವ್
ಆ ವೃಶ್ಚಂತಾಂ ಅದಿತಯೇ ದುರೇವಾಃ |
ಪರೈಣಾನ್ ದೇವಃ ಸವಿತಾ ದದಾತು
ಪರಾ ಭಾಗಂ ಓಷಧೀನಾಂ ಜಯಂತಾಂ || ೧೬,೭।೮

ತ್ವಂ ನೋ ಅಗ್ನೇ ಅಧರಾದ್ ಉದಕ್ತಸ್
ತ್ವಂ ಪಶ್ಚಾದ್ ಉತ ರಕ್ಷಾ ಪುರಸ್ತಾತ್ |
ಪ್ರತಿ ತ್ಯೇ ತೇ ಅಜರಾಸಸ್ ತಪಿಷ್ಠಾ
ಅಘಶಂಸಂ ಶೋಶುಚತೋ ದಹಂತು || ೧೬,೭।೯

ಪಶ್ಚಾತ್ ಪುರಸ್ತಾದ್ ಅಧರಾದ್ ಉದಕ್ತಃ
ಕವಿಃ ಕಾವ್ಯೇನ ಪರಿ ಪಾಹ್ಯ್ ಅಗ್ನೇ |
ಸಖಾ ಸಖಾಯಂ ಅಜರೋ ಜರಿಮ್ಣೇ
ಅಗ್ನೇ ಮರ್ತ್ಯಾಁ ಅಮರ್ತ್ಯಸ್ ತ್ವಂ ನಃ || ೧೬,೭।೧೦
(೭)

ತದ್ ಅಗ್ನೇ ಚಕ್ಷುಃ ಪ್ರತಿ ಧೇಹಿ
ರೇಭೇ ಶಫಾರುಜಂ ಯೇನ ಪಶ್ಯಸಿ ಯಾತುಧಾನಂ |
ಅಥರ್ವವಜ್ ಜ್ಯೋತಿಷಾ ದೈವ್ಯೇನ [ಭತ್ತ್। ಅಥರ್ವವ(ಜ್)
ಸತ್ಯಂ ಧೂರ್ವಂತಂ ಅಚಿತಂ ನ್ಯ್ ಓಷ || ೧೬,೮।೧

ಪರಿ ತ್ವಾಗ್ನೇ ಪುರಂ ವಯಂ
ವಿಪ್ರಂ ಸಹಸ್ಯ ಧೀಮಹಿ |
ಧೃಷದ್ವರ್ಣಂ ದಿವೇದಿವೇ
ಹಂತಾರಂ ಭಂಗುರಾವತಾಂ || ೧೬,೮।೨

ವಿ ಜ್ಯೋತಿಷಾ ಬೃಹತಾ ಭಾತ್ಯ್ ಅಗ್ನಿರ್
ಆವಿರ್ ವಿಶ್ವಾನಿ ಕೃಣುತೇ ಮಹಿತ್ವಾ |
ಪ್ರಾದೇವೀರ್ ಮಾಯಾಃ ಸಹತೇ ದುರೇವಾಃ
ಶಿಶೀತೇ ಶೃಂಗೇ ರಕ್ಷಸೇ ವಿನಿಕ್ಷೇ || ೧೬,೮।೩

ಅಗ್ನೀ ರಕ್ಷಾಂಸಿ ಸೇಧತಿ
ಶುಕ್ರಶೋಚಿರ್ ಅಮರ್ತ್ಯಃ |
ಶುಚಿಃ ಪಾವಕ ಈಡ್ಯಃ || ೧೬,೮।೪

ಅಗ್ನೇ ರಕ್ಷಾ ಣೋ ಅಂಹಸಃ
ಪ್ರತಿ ಷ್ಮ ದೇವ ರೀಷತಃ |
ತಪಿಷ್ಠೈರ್ ಅಜರೋ ದಹ || ೧೬,೮।೫

ಯೇ ತೇ ಶೃಂಗೇ ಅಜರೇ ಜಾತವೇದಸ್
ತಿಗ್ಮಶೋಚೀ ಬ್ರಹ್ಮಸಂಶಿತೇ |
ತಾಭ್ಯಾಂ ದುರ್ಹಾರ್ದಂ ಅಭಿದಾಸಂತಂ ಕಿಮೀದಿನಂ
ಪ್ರತ್ಯಂಚಂ ಯಾತುಧಾನಂ ಜಾತವೇದೋ ವಿ ನಿಕ್ಷ್ವ || ೧೬,೮।೬

ವಿಷೇಣ ಭಂಗುರಾವತಃ
ಸಂ ಇಂದ್ರ ರಕ್ಷಸೋ ದಹ |
ಅಗ್ನೇ ಶುಕ್ರೇಣ ಶೋಚಿಷಾ
ತಪುರಗ್ರೇಭಿರ್ ಅರ್ಚಿಭಿಃ || ೧೬,೮।೭

ಪ್ರತ್ಯ್ ಅಗ್ನೇ ಮಿಥುನಾ ದಹ
ಯಾತುಧಾನಾ ಕಿಮೀದಿನಾ |
ಸಂ ತ್ವಾ ಶಿಶಾಮಿ ಜಾಗೃಹ್ಯ್
ಅದಬ್ಧಂ ವಿಪ್ರ ಮನ್ಮಭಿಃ || ೧೬,೮।೮

ಪ್ರತ್ಯ್ ಅಗ್ನೇ ಹರಸಾ ಹರಃ
ಶೃಣೀಹಿ ವಿಶ್ವತಃ ಪ್ರತಿ |
ಯಾತುಧಾನಸ್ಯ ರಕ್ಷಸೋ
ಬಲಂ ವಿ ರುಜ ವೀರ್ಯಂ || ೧೬,೮।೯

ಸಾದಾನ್ವೇಯಂ ಪ್ರ ಮೃಣ ರಕ್ಷ ಇಂದ್ರ
ಯಾತುಧಾನಕ್ಷಯಣೈರ್ ಮೂರೈಃ |
ಏತಾವ್ ಅಗ್ನೇ ಮಿಥುನಾ ಯಾತುಧಾನಾ
ವಿಷ್ವಂಚೌ ಮ್ರುಕ್ತೌ ಹರಸಾ ಶಯಾತಾಂ || ೧೬,೮।೧೦

ಬೃಹಸ್ಪತಿರ್ ನಃ ಪರಿ ಪಾತು ಪಶ್ಚಾದ್
ಉತೋತ್ತರಸ್ಮಾದ್ ಅಧರಾದ್ ಅಘಾಯೋಃ |
ಇಂದ್ರಃ ಪುರಸ್ತಾದ್ ಉತ ಮಧ್ಯತೋ ನಃ
ಸಖಾ ಸಖಿಭ್ಯೋ ವರೀಯಃ ಕೃಣೋತು || ೧೬,೮।೧೧
(೮)

ಇಂದ್ರಾಸೋಮಾ ತಪತಂ ರಕ್ಷ ಉಬ್ಜತಂ
ನ್ಯ್ ಅರ್ಪಯತಂ ವೃಷಣಾ ತಮೋವೃಧಃ |
ಪರಾ ಶೃಣೀಹಿ ತಂ ಅಚಿತೋ ನ್ಯ್ ಓಷತಂ
ಹತಂ ನುದೇಥಾಂ ನಿ ಶಿಶೀತಂ ಅತ್ರಿಣಃ || ೧೬,೯।೧

ಇಂದ್ರಾಸೋಮಾ ಸಂ ಅಘಶಂಸಂ ಅಭ್ಯ್ ಅಘಂ
ತಪುರ್ ಯಯಸ್ತು ಚರುರ್ ಅಗ್ನಿವಾಁ ಇವ |
ಬ್ರಹ್ಮದ್ವಿಷೇ ಕ್ರವ್ಯಾದೇ ಘೋರಚಕ್ಷಸೇ
ದ್ವೇಷೋ ಧತ್ತಂ ಅನವಾಯಂ ಕಿಮೀದಿನೇ || ೧೬,೯।೨

ಇಂದ್ರಾಸೋಮಾ ದುಷ್ಕೃತೋ ವವ್ರೇ ಅಂತರ್
ಅನಾರಂಭಣೇ ತಮಸಿ ಪ್ರ ವಿಧ್ಯತಂ |
ಯಥೈಷಾಂ ನಾತಃ ಪುನರ್ ಏಕಶ್ ಚನೋದಯತ್
ತದ್ ವಾಂ ಅಸ್ತು ಸಹಸೇ ಮನ್ಯುಮಚ್ ಛವಃ || ೧೬,೯।೩

ಇಂದ್ರಾಸೋಮಾ ವರ್ತಯತಂ ದಿವಸ್ ಪರ್ಯ್
ಅಗ್ನಿತಪ್ತೇಭಿರ್ ಯುವಂ ಅಶ್ಮಹನ್ಮಭಿಃ |
ತಪುರ್ವಧೇಭಿರ್ ಅಜರೇಭಿರ್ ಅತ್ರಿಣೋ
ನಿ ಪರ್ಶಾನೇ ವಿಧ್ಯತಂ ಯಂತು ನಿಸ್ವರಂ || ೧೬,೯।೪

ಇಂದ್ರಾಸೋಮಾ ಪ್ರ ಹರತಂ ದಿವೋ ವಧಂ
ಸಂ ಪೃಥಿವ್ಯಾ ಅಘಶಂಸಾಯ ತರ್ಹಣಂ |
ಉತ್ ತಕ್ಷತಂ ಸ್ವರ್ಯಂ ಪರ್ವತೇಭ್ಯೋ
ಯೇನ ರಕ್ಷೋ ವವೃಧಾನಂ ನಿಜೂರ್ವಥಃ || ೧೬,೯।೫

ಇಂದ್ರಾಸೋಮಾ ಪರಿ ವಾಂ ಭೂತು ವಿಶ್ವತ
ಇಯಂ ಮತಿಃ ಕಕ್ಷ್ಯಾಶ್ವೇವ ವಾಜಿನಾ |
ಯಾಂ ವಾಂ ಹೋತ್ರಾಂ ಪರಿ ಹಿಣೋಮಿ ಮೇಧಯಾ-
-ಇಮಾ ಬ್ರಹ್ಮಾಣಿ ನೃಪತೀವ ಜಿನ್ವತಂ || ೧೬,೯।೬

ಪ್ರತಿ ಸ್ಮರೇಥಾಂ ತುಜಯದ್ಭಿರ್ ಏವೈರ್
ಹತಂ ದ್ರುಹೋ ರಕ್ಷಸೋ ಭಂಗುರಾವತಃ |
ಇಂದ್ರಾಸೋಮಾ ದುಷ್ಕೃತೇ ಮಾ ಸುಗಂ ಭೂದ್
ಯೋ ಮಾ ಕದಾ ಚಿದ್ ಅಭಿದಾಸತಿ ದ್ರುಹುಃ || ೧೬,೯।೭

ಯೋ ಮಾ ಪಾಕೇನ ಮನಸಾ ಚರಂತಂ
ಅಭಿಚಷ್ಟೇ ಅನೃತೇಭಿರ್ ವಚೋಭಿಃ |
ಆಪ ಇವ ಕಾಶಿನಾ ಸಂಗೃಭೀತಾ
ಅಸನ್ನ್ ಅಸ್ತ್ವ್ ಅಸತ ಇಂದ್ರ ವಕ್ತಾ || ೧೬,೯।೮

ಯೇ ಪಾಕಶಂಸಂ ವಿಹರಂತ ಏವೈರ್
ಯೇ ವಾ ಭದ್ರಂ ದೂಷಯಂತಿ ಸ್ವಧಾಭಿಃ |
ಅಹಯೇ ವಾ ತಾನ್ ಪ್ರದದಾತು ಸೋಮ
ಆ ವಾ ದಧಾತು ನಿರೃತೇರ್ ಉಪಸ್ಥೇ || ೧೬,೯।೯

ಯೋ ನೋ ರಸಂ ದಿಪ್ಸತಿ ಪಿತ್ವೋ ಅಗ್ನೇ
ಯೋ ಅಶ್ವಾನಾಂ ಯೋ ಗವಾಂ ಯಸ್ ತನೂನಾಂ |
ರಿಪು ಸ್ತೇನ ಸ್ತೇಯಕೃದ್ ದಭ್ರಂ ಏತು
ನಿ ಷ ಹೀಯತಾಂ ತನ್ವಾ ತನಾ ಚ || ೧೬,೯।೧೦
(೯)

ಪರಃ ಸೋ ಅಸ್ತು ತನ್ವಾ ತನಾ ಚ
ತಿಸ್ರಃ ಪೃಥಿವೀರ್ ಅಧೋ ಅಸ್ತು ವಿಶ್ವಾಃ |
ಪ್ರತಿ ಶುಷ್ಯತಿ ಯಶೋ ಅಸ್ಯ ದೇವಾ
ಯೋ ಮಾ ದಿವಾ ದಿಪ್ಸತಿ ಯಶ್ ಚ ನಕ್ತಂ || ೧೬,೧೦।೧

ಸುವಿಜ್ಞಾನಂ ಚಿಕಿತುಷೇ ಜನಾಯ
ಸಚ್ ಚಾಸಚ್ ಚ ವಚಸೀ ಪಸ್ಪೃಶಾತೇ |
ತಯೋರ್ ಯತ್ ಸತ್ಯಂ ಯತರದ್ ಋಜೀಯಸ್
ತದ್ ಇತ್ ಸೋಮೋ ಽವತಿ ಹಂತ್ಯ್ ಆಸತ್ || ೧೬,೧೦।೨

ನ ವಾ ಉ ಸೋಮೋ ವೃಜಿನಂ ಹಿನೋತಿ
ನ ಕ್ಷತ್ರಿಯಂ ಮಿಥುಯಾ ಧಾರಯಂತಂ |
ಹಂತಿ ರಕ್ಷೋ ಹಂತ್ಯ್ ಆಸದ್ ವದಂತಂ
ಉಭಾವ್ ಇಂದ್ರಸ್ಯ ಪ್ರಸಿತೌ ಶಯಾತೇ || ೧೬,೧೦।೩

ಯದಿ ವಾಹಂ ಅನೃತದೇವೋ ಅಸ್ಮಿ
ಮೋಘಂ ವಾ ದೇವಾಁ ಅಪ್ಯೂಹೇ ಅಗ್ನೇ |
ಕಿಂ ಅಸ್ಮಭ್ಯಂ ಜಾತವೇದೋ ಹೃಣೀಷೇ
ದ್ರೋಘವಾಚಸ್ ತೇ ನಿರೃಥಂ ಸಚಂತಾಂ || ೧೬,೧೦।೪

ಅದ್ಯಾ ಮುರೀಯ ಯದಿ ಯಾತುಧಾನೋ ಅಸ್ಮಿ
ಯದಿ ವಾಯುಸ್ ತತಪ ಪೂರುಷಸ್ಯ |
ಅಧಾ ಸ ವೀರೈರ್ ದಶಭಿರ್ ವಿ ಯೂಯಾ
ಯೋ ಮಾ ಮೋಘಂ ಯಾತುಧಾನೇತ್ಯ್ ಅಹ || ೧೬,೧೦।೫

ಯೋ ಮಾಯಾತುಂ ಯಾತುಧಾನೇತ್ಯ್ ಆಹ
ಯೋ ಮಾ ರಕ್ಷಾಃ ಶುಚಿರ್ ಅಸ್ಮೀತ್ಯ್ ಆಹ |
ಇಂದ್ರಸ್ ತಂ ಹಂತು ಮಹತಾ ವಧೇನ
ವಿಶ್ವಸ್ಯ ಜಂತೋರ್ ಅಧಮಸ್ ಪದೀಷ್ಟ || ೧೬,೧೦।೬

ಪ್ರ ಯಾ ಜಿಗಾತಿ ಖರ್ಗಲೇವ ನಕ್ತಂ
ಅಪ ದ್ರುಹುಸ್ ತನ್ವಂ ಗೂಹಮಾನಾ |
ವವ್ರಾಁ ಅನಂತಾಁ ಅವ ಸಾ ಪದೀಷ್ಟ
ಗ್ರಾವಾಣೋ ಘ್ನಂತು ರಕ್ಷಸ ಉಪಬ್ದೈಃ || ೧೬,೧೦।೭

ವಿ ತಿಷ್ಠಧ್ವಂ ಮರುತೋ ವಿಕ್ಷ್ವ್ ಇಚ್ಛತ
ಗೃಭಾಯತ ರಕ್ಷಸಃ ಸಂ ಪಿನಷ್ಟನ |
ವಯೋ ಯೇ ಭೂತ್ವಾ ಪತಯಂತಿ ನಕ್ತಭಿರ್
ಯೇ ವಾ ರಿಪೋ ದಧಿರೇ ದೇವೇ ಅಧ್ವರೇ || ೧೬,೧೦।೮

ಏತ ಉ ತ್ಯೇ ಪತಯಂತಿ ಶ್ವಯಾತವ
ಇಂದ್ರಂ ದಿಪ್ಸಂತಿ ದಿಪ್ಸವೋ ಽದಾಭ್ಯಂ |
ಶಿಶೀತೇ ಶಕ್ರಃ ಪಿಶುನೇಭ್ಯೋ ವಧಂ
ನೂನಂ ಸೃಜದ್ ಅಶನಿಂ ಯಾತುಮದ್ಭ್ಯಃ || ೧೬,೧೦।೯

ಪ್ರ ವರ್ತಯ ದಿವೋ ಅಶ್ಮಾನಂ
ಇಂದ್ರ ಸೋಮಶಿತಂ ಮಘವನ್ ಸಂ ಶಿಶಾಧಿ |
ಪ್ರಾಕ್ತೋ ಅಪಾಕ್ತೋ ಅಧರಾದ್ ಉದಕ್ತೋ
ಅಭಿ ಜಹಿ ರಕ್ಷಸಃ ಪರ್ವತೇನ || ೧೬,೧೦।೧೦
(೧೦)

ಇಂದ್ರೋ ಯಾತೂನಾಂ ಅಭವತ್ ಪರಾಶರೋ
ಹವಿರ್ಮಥೀನಾಂ ಅಭ್ಯ್ ಆವಿವಾಸತಾಂ |
ಅಭೀದ್ ಉ ಶಕ್ರಃ ಪರಶುರ್
ಯಥಾ ವನಂ ಪಾತ್ರೇವ
ಭಿಂದಂತ್ ಸತ ಏತಿ ರಕ್ಷಸಃ || ೧೬,೧೧।೧

ಉಲೂಕಯಾತುಂ ಶುಶುಲೂಕಯಾತುಂ
ಜಹಿ ಶ್ವಯಾತುಂ ಉತ ಕೋಕಯಾತುಂ |
ಸುಪರ್ಣಯಾತುಂ ಉತ ಗೃಧ್ರಯಾತುಂ
ದೃಷದೇವ ಪ್ರ ಮೃಣ ರಕ್ಷ ಇಂದ್ರ || ೧೬,೧೧।೨

ಮಾ ನೋ ರಕ್ಷೋ ಅಭಿ ನಡ್ ಯಾತುಮಾವತಾಂ
ಅಪೋಚ್ಛತಂ ಮಿಥುನಾ ಯಾ ಕಿಮೀದಿನಾ |
ಪೃಥಿವೀ ನಃ ಪಾರ್ಥಿವಾತ್ ಪಾತ್ವ್ ಅಂಹಸೋ
ಅಂತರಿಕ್ಷಂ ದಿವ್ಯಾತ್ ಪಾತ್ವ್ ಅಸ್ಮಾನ್ || ೧೬,೧೧।೩

ಇಂದ್ರ ಜಹಿ ಪುಮಾಂಸಂ ಯಾತುಧಾನಂ
ಉತ ಸ್ತ್ರಿಯಂ ಮಾಯಯಾ ಶಾಶದಾನಾಂ |
ವಿಗ್ರೀವಾಸೋ ಮೂರದೇವಾ ರುದಂತು
ಮಾ ತೇ ದೃಶನ್ ಸೂರ್ಯಂ ಉಚ್ಚರಂತಂ || ೧೬,೧೧।೪

ಪ್ರತಿ ಚಕ್ಷ್ವ ವಿ ಚಕ್ಷ್ವ-
-ಇಂದ್ರಶ್ ಚ ಸೋಮ ಜಾಗೃತಂ |
ರಕ್ಷೋಭ್ಯೋ ವಧಂ ಅಸ್ಯತಂ
ಅಶನಿಂ ಯಾತುಮದ್ಭ್ಯಃ || ೧೬,೧೧।೫
(೧೧)

ಅನುವಾಕ ೨ ||

ಯಾ ಬಭ್ರವೋ ಯಾಶ್ ಚ ಶುಕ್ರಾ
ರೋಹಿಣೀರ್ ಉತ ಪೃಶ್ನಯಃ |
ಅಸಿಕ್ನೀಃ ಕೃಷ್ಣಾ ಓಷಧೀಃ
ಸರ್ವಾ ಅಚ್ಛಾ ವದಾಮಸಿ || ೧೬,೧೨।೧

ತ್ರಾಯಂತಾಂ ಇಮಂ ಪುರುಷಂ
ಯಕ್ಷ್ಮಾದ್ ದೇವೇಷಿತಾದ್ ಅಧಿ |
ಯಾಸಾಂ ದ್ಯೌಷ್ ಪಿತಾ ಪೃಥಿವೀ ಮಾತಾ
ಸಮುದ್ರೋ ಮೂಲಂ ವೀರುಧಾಂ ಬಭೂವ || ೧೬,೧೨।೨

ಆಪೋ ಽಗ್ರಂ ದಿವ್ಯಾ ಓಷಧಯಸ್ |
ತಾಸ್ ತೇ ಯಕ್ಷ್ಮಂ ಏನಸ್ಯಂ
ಅಂಗಾದಂಗಾದ್ ಅನೀನಶನ್ || ೧೬,೧೨।೩

ಪ್ರಸ್ತೃಣತೀ ಸ್ತಂಬಿನೀರ್ ಏಕಶೃಂಗಾಃ
ಪ್ರತನ್ವತೀರ್ ಓಷಧೀರ್ ಆ ವದಾಮಿ |
ಅಂಶುಮತೀಃ ಕಾಂಡಿನೀರ್ ಯಾ ವಿಶಾಖಾ
ಹ್ವಯಾಮಿ ತೇ ವೀರುಧೋ ವೈಶ್ವದೇವೀರ್
ಉಗ್ರಾಃ ಪುರುಷಜೀವನೀಃ || ೧೬,೧೨।೪

ಯದ್ ವಃ ಸಹಃ ಸಹಮಾನಾ
ವೀರ್ಯಂ ಯಚ್ ಚ ವೋ ಬಲಂ |
ತೇನೇಮಂ ಅಸ್ಮಾದ್ ಯಕ್ಷ್ಮಾತ್
ಪುರುಷಂ ಮುಂಚಂತೌಷಧೀಃ || ೧೬,೧೨।೫

ಜೀವಲಾಂ ನಘಾರಿಷಾಂ
ಜೀವಂತೀಂ ಓಷಧೀಂ ಉತ |
ಅರುಂಧತೀಂ ಉನ್ನಯಂತೀಂ
ಪುಷ್ಪಾಂ ಮಧುಮತೀಂ ಹುವೇ || ೧೬,೧೨।೬

ಇಹಾ ಯಂತು ಪ್ರಚೇತಸೋ
ಮೇದಿನೀರ್ ವಚಸೋ ಮಮ |
ಯಥೇಮಂ ಪಾರಯಾಮಸಿ
ಪುರುಷಂ ದುರಿತಾದ್ ಅಧಿ || ೧೬,೧೨।೭

ಅಗ್ನೇರ್ ಘಾಸೋ ಅಪಾಂ ಗರ್ಭೋ
ಯಾ ರೋಹಂತಿ ಪುನರ್ಣವಾಃ |
ಧ್ರುವಾಃ ಸಹಸ್ರನಾಮ್ನೀರ್
ಭೇಷಜೀಃ ಸಂತ್ವ್ ಆಭೃತಾಃ || ೧೬,೧೨।೮

ಅವಕೋಲ್ವಾ ಉದಕಾತ್ಮಾನ ಓಷಧಯಃ |
ವ್ಯಜೃಷಂತೀ ದುರಿತಂ ತೀಕ್ಷ್ಣಶೃಂಗ್ಯಃ || ೧೬,೧೨।೯

ಉನ್ಮುಂಚಂತೀರ್ ವಿವರುಣಾ
ಉಗ್ರಾ ಯಾ ವಿಷದೂಷನೀರ್
ಅಥೋ ಬಲಾಸನಾಶನೀಃ |
ರಕ್ಷೋನಾಶನೀಃ ಕೃತ್ಯಾದೂಷಣೀಶ್ ಚ
ಯಾಸ್ ತಾ ಇಹಾ ಯಂತ್ವ್ ಓಷಧೀಃ || ೧೬,೧೨।೧೦
(೧೨)

ಶಿವಾಸ್ ತೇ ಸಂತ್ವ್ ಓಷಧೀರ್ ಅಪಕ್ರೀತಾಃ
ಸಹೀಯಸೀರ್ ವೀರುಧೋ ಯಾ ಅಭಿಷ್ಟುತಾಃ |
ಅಪಾಂ ಸರಸ್ವತೀಂ ಜ್ಯೇಷ್ಠಾಂ ತ್ರಾಯಂತಾಂ
ಅಸ್ಮಾಕಂ ಗಾಂ ಅಶ್ವಂ ಪುರುಷಂ ಪಶುಂ || ೧೬,೧೩।೧

ಮಧುಮನ್ ಮೂಲಂ ಮಧುಮದ್ ಅಗ್ರಂ ಆಸಾಂ
ಮಧುಮನ್ ಮಧ್ಯಂ ವೀರುಧಾಂ ಬಭೂವ |
ಮಧುಮತ್ ಪರ್ಣಂ ಮಧುಮತ್ ಪುಷ್ಪಂ ಆಸಾಂ
ಮಧೋಃ ಸಂಭೂತಾ ಅಮೃತಸ್ಯ ಭಕ್ಷೋ
ಘೃತಂ ಅನ್ನಂ ದುಹ್ರತೇ ಗೋಪುರೋಗವಂ || ೧೬,೧೩।೨

ಯಾವತೀಃ ಕೀಯತೀಶ್ ಚೇಮಾಃ
ಪೃಥಿವ್ಯಾಂ ಅಧ್ಯ್ ಓಷಧೀಃ |
ತಾ ನಃ ಸಹಸ್ರಪರ್ಣ್ಯೋ
ಮೃತ್ಯೋರ್ ಮುಂಚಂತ್ವ್ ಅಂಹಸಃ || ೧೬,೧೩।೩

ವೈಯಾಘ್ರೋ ಮಣಿರ್ ವೀರುಧಾಂ
ತ್ರಾಯಮಾಣೋ ಽಭಿಶಸ್ತಿಪಾಃ |
ಅಮೀವಾಃ ಸರ್ವಾ ರಕ್ಷಾಂಸ್ಯ್
ಅಪ ಹಂತ್ವ್ ಅಧಿ ದೂರಂ ಅಸ್ಮತ್ || ೧೬,೧೩।೪

ಸಿಂಹಸ್ಯೇವ ಸ್ತನಥೋರ್ ಓಷಧೀನಾಂ
ಅಗ್ನೇರ್ ಇವ ವಿಜಂತ ಆಭೃತಾಭ್ಯಃ |
ಗವಾಂ ಯಕ್ಷ್ಮಃ ಪುರುಷಾಣಾಂ ವೀರುದ್ಭಿರ್
ಅತಿನುತ್ತೋ ನಾವ್ಯಾ ಏತು ಸ್ರೋತ್ಯಾಃ || ೧೬,೧೩।೫

ಮುಮುಚಾನಾ ಓಷಧಯೋ
ಅಗ್ನೇರ್ ವೈಶ್ವಾನರಾದ್ ಅಧಿ |
ಭೂಮಿಂ ಸಂತನ್ವತೀರ್ ಇತ
ಯಾಸಾಂ ರಾಜಾ ವನಸ್ಪತಿಃ || ೧೬,೧೩।೬

ಯಾಶ್ ಚಾಹಂ ವೇದ ವೀರುಧೋ
ಯಾಶ್ ಚ ಪಶ್ಯಾಮಿ ಚಕ್ಷುಷಾ |
ಅಜ್ಞಾತಾ ಜಾನೀಮಶ್ ಚ ಯಾ
ಯಾಸು ವಿದ್ಮಸಿ ಸಂಭೃತಂ |
ಸರ್ವಾಃ ಸಮಗ್ರಾ ಓಷಧೀರ್
ಬೋಧಂತು ವಚಸೋ ಮಮ || ೧೬,೧೩।೭

ಯಾ ರೋಹಂತ್ಯ್ ಆಂಗಿರಸೀಃ
ಪರ್ವತೇಷು ಸಮೇಷು ಚ
ವೀರುಧೋ ವಿಶ್ವಭೇಷಜೀಃ |
ತಾ ನೋ ಮಯಸ್ವತೀಃ ಶಿವಾ
ಓಷಧೀಃ ಸಂತು ಶಂ ಹೃದೇ || ೧೬,೧೩।೮

ಅಶ್ವತ್ಥೋ ದರ್ಭೋ ವೀರುಧಾಂ
ಸೋಮೋ ರಾಜಾಮೃತಂ ಹವಿಃ |
ವ್ರೀಹಿರ್ ಯವಶ್ ಚ ಭೇಷಜೌ
ದಿವಸ್ ಪುತ್ರಾವ್ ಅಮರ್ತ್ಯೌ || ೧೬,೧೩।೯

ಉಜ್ ಜೀಹೀಧ್ವೇ ಸ್ತನಯತ್ಯ್
ಅಭಿಕ್ರಂದಂತ್ಯ್ ಓಷಧೀಃ |
ಯದಾ ವಃ ಪೃಶ್ನಿಮಾತರಃ
ಪರ್ಜನ್ಯೋ ರೇತಸಾವತಿ || ೧೬,೧೩।೧೦
(೧೩)

ತಸ್ಯಾಮೃತಸ್ಯೇಮಂ ಬಲಂ
ಪುರುಷಂ ಪಾರಯಾಮಸಿ |
ಅಥೋ ಕೃಣೋಮಿ ಭೇಷಜಂ
ಯಥಾಸಚ್ ಛತಹಾಯನಃ || ೧೬,೧೪।೧

ವರಾಹೋ ವೇದ ವೀರುಧಂ
ನಕುಲೋ ವೇದ ಭೇಷಜೀಃ |
ಗಂಧರ್ವಾಃ ಸರ್ಪಾ ಯಾ ವಿದುಸ್
ತಾ ಇಹಾ ಯಂತ್ವ್ ಓಷಧೀಃ || ೧೬,೧೪।೨

ಯಾಃ ಸುಪರ್ಣಾ ಆಂಗಿರಸೀರ್
ದಿವ್ಯಾ ಯಾ ರಘಟೋ ವಿದುಃ |
ವಯಾಂಸಿ ಹಂಸಾ ಯಾ ವಿದುರ್
ಯಾಶ್ ಚ ಸರ್ವೇ ಪತತ್ರಿಣಃ |
ಮೃಗಾ ಯಾ ವಿದುರ್ ಓಷಧೀಸ್
ತಾ ಅಸ್ಮಾ ಅವಸೇ ಹುವೇ || ೧೬,೧೪।೩

ಯಾವತೀನಾಂ ಓಷಧೀನಾಂ
ಗಾವಃ ಪ್ರಾಶ್ನಂತ್ಯ್ ಅಘ್ನ್ಯಾ
ಯಾವತೀನಾಂ ಅಜಾವಯಃ |
ತಾವತೀರ್ ವಿಶ್ವಭೇಷಜೀರ್
ಆ ಭರಾಮಿ ತ್ವಾಂ ಅಭಿ || ೧೬,೧೪।೪

ಯಾವತೀಷು ಮನುಷ್ಯಾ
ಭೇಷಜಂ ಭಿಷಜೋ ವಿದುಃ |
ತಾವತೀಸ್ ತುಭ್ಯಂ ಆಭೃತಾಃ
ಶರ್ಮ ಯಚ್ಛಂತ್ವ್ ಓಷಧೀಃ || ೧೬,೧೪।೫

ಪುಷ್ಪವತೀಃ ಪ್ರಸೂಮತೀಃ
ಫಲಿನೀರ್ ಅಫಲಾ ಉತ |
ಸಂಮಾತರ ಇವ ದುಹ್ರಾಂ
ಅಸ್ಮಾ ಅರಿಷ್ಟತಾತಯೇ || ೧೬,೧೪।೬

ಉತ್ ತ್ವಾಹಾರ್ಷಂ ಪಂಚಶಲಾದ್
ಉತ್ ತ್ವಾ ದಶಶಲಾದ್ ಉತ |
ಉತ್ ತ್ವಾ ಯಮಸ್ಯ ಪಡ್ವೀಶಾದ್
ಓಷಧೀಭಿರ್ ಅಪೀಪರಂ || ೧೬,೧೪।೭
(೧೪)

ಇಂದ್ರಸ್ಯ ಪ್ರಥಮೋ ರಥೋ
ದೇವಾನಾಂ ಅಪರೋ ರಥೋ
ವರುಣಸ್ಯ ತೃತೀಯ ಇತ್ |
ಅಹೀನಾಂ ಅಪಮಾ ರಥ
ಸ್ಥಾಣುಂ ಆರದ್ ಅಥಾ ರಿಷತ್ || ೧೬,೧೫।೧

ದರ್ಭಃ ಶೋಚಿಸ್ ತರೂಣಕಂ
ಅಶ್ವಸ್ಯ ವಾರಃ ಪುರುಷಸ್ಯ ವಾರಃ |
ರಥಸ್ಯ ಬಂಧುರಂ
ಅಹೀನಾಂ ಅರಸಂ ವಿಷಂ ವಾರ್ ಇದ್ ಉಗ್ರಂ || ೧೬,೧೫।೨

ಅವ ಶ್ವೇತ ಪದಾ ಜಹಿ
ಪೂರ್ವೇಣ ಚಾಪರೇಣ ಚ |
ಉದಪ್ಲುತಂ ಇವ ದಾರ್ವ್
ಅಹೀನಾಂ ಅರಸಂ ವಿಷಂ ವಾರ್ ಇದ್ ಉಗ್ರಂ || ೧೬,೧೫।೩

ಅರಂಘಸೋ ನಿಮಜ್ಯ-
-ಉನ್ಮಜ್ಯ ಪುನರ್ ಅಬ್ರವೀತ್ |
ಉದಪ್ಲುತಂ ಇವ ದಾರ್ವ್
ಅಹೀನಾಂ ಅರಸಂ ವಿಷಂ ವಾರ್ ಇದ್ ಉಗ್ರಂ || ೧೬,೧೫।೪

ಪೈದ್ವೋ ಹಂತಿ ಕಷರ್ಣೀಲಂ
ಪೈದ್ವಃ ಶ್ವಿತ್ರಂ ಉತಾಸಿತಂ |
ಪೈದ್ವೋ ರಥರ್ವ್ಯಾಃ ಶಿರಃ
ಸಂ ಬಿಭೇದ ಪೃದಾಕ್ವಾಃ || ೧೬,೧೫।೫

ಪೈದ್ವ ಪ್ರೇಹಿ ಪ್ರಥಮೋ
ಅನು ತ್ವಾ ವಯಂ ಏಮಸಿ |
ಅಹೀನ್ ವ್ಯ್ ಅಸ್ಯತಾತ್ ಪಥೋ
ಯೇನ ಸ್ಮಾ ವಯಂ ಏಮಸಿ || ೧೬,೧೫।೬

ಇದಂ ಪೈದ್ವೋ ಅಜಾಯತ-
-ಇದಂ ಅಸ್ಯ ಪರಾಯಣಂ |
ಇಮಾನ್ಯ್ ಅರ್ವತಃ ಪದಾ-
-ಅಹಿಘ್ನ್ಯೋ ವಾಜಿನೀವತಃ || ೧೬,೧೫।೭

ಸಂಯತಂ ನ ವಿ ಷ್ಪರದ್
ವ್ಯಾತ್ತಂ ನ ಸಂ ಯಮತ್ |
ಅಸ್ಮಿನ್ ಕ್ಷೇತ್ರೇ ದ್ವಾವ್ ಅಹೀ
ಸ್ತ್ರೀ ಚ ಪುಮಾಂಶ್ ಚ ತಾ ಉಭಾ ಅರಸಾ || ೧೬,೧೫।೮

ಅರಸಾಸ ಇಹಾಹಯೋ
ಯೇ ಅಂತಿ ಯೇ ಚ ದೂರಕೇ |
ಘನೇನ ಹನ್ಮಿ ವೃಶ್ಚಿಕಂ
ಅಹಿಂ ದಂಡೇನಾಗತಂ || ೧೬,೧೫।೯

ಅಘಾಶ್ವಸ್ಯೇದಂ ಭೇಷಜಂ
ಉಭಯೋಃ ಸ್ವಜಸ್ಯ ಚ |
ಇಂದ್ರೋ ಮಹ್ಯಂ ಅಘಾಯಂತಂ
ಅಹಿಂ ಪೈದ್ವೋ ಅರುಂಧಯತ್ || ೧೬,೧೫।೧೦
(೧೫)

ಪೈದ್ವಸ್ಯ ಮನ್ಮಹೇ ವಯಂ
ಸ್ಥಿರಸ್ಯ ಸ್ಥಿರಧಾಮ್ನಃ |
ಇಮೇ ಪಶ್ಚಾತ್ ಪೃದಾಕವಃ
ಪ್ರದೀಧ್ಯತ ಆಸತೇ || ೧೬,೧೬।೧

ನಷ್ಟಾಸವೋ ನಷ್ಟವಿಷಾ
ಹತಾ ಇಂದ್ರೇಣ ವಜ್ರಿಣಾ |
ಜಘಾನೇಂದ್ರೋ ಜಘ್ನಿಮಾ ವಯಂ || ೧೬,೧೬।೨

ಹತಾಸ್ ತಿರಶ್ಚಿರಾಜಯೋ
ನಿಪಿಷ್ಟಾಸಃ ಪೃದಾಕವಃ |
ದರ್ವಿಂ ಕರಿಕ್ರತಂ ಶ್ವಿತ್ರಂ
ದರ್ಭೇಷ್ವ್ ಅಸಿತಂ ಜಹಿ || ೧೬,೧೬।೩

ಕೈರಾತಿಕಾ ಕುಮಾರಿಕಾ
ಸಖಾ ಖನತಿ ಭೇಷಜಂ |
ಹಿರಣ್ಯಯೀಭಿರ್ ಅಭ್ರಿಭಿರ್
ಗಿರೀಣಾಂ ಉಪ ಸಾನುಷು || ೧೬,೧೬।೪

ಆಯಂ ಅಗನ್ ಯುವಾ ಭಿಷಕ್
ಪೃಶ್ನಿಹಾಪರಾಜಿತಃ |
ಸ ವೈ ಸ್ವಜಸ್ಯ ಜಂಭನ
ಉಭಯೋರ್ ವೃಶ್ಚಿಕಸ್ಯ ಚ || ೧೬,೧೬।೫

ಇಂದ್ರೋ ಮೇ ಽಹೀನ್ ಅಜಂಭಯನ್
ಮಿತ್ರಶ್ ಚ ವರುಣಶ್ ಚ |
ವಾತಾಪರ್ಜನ್ಯೋಭಾ || ೧೬,೧೬।೬

ಪೈದ್ವೋ ಮೇ ಽಹೀನ್ ಅಜಂಭಯತ್
ಪೃದಾಕೂಂಶ್ ಚ ಪೃದಾಕ್ವಃ |
ಸ್ವಜಾನ್ ತಿರಶ್ಚಿರಾಜೀನ್
ಕಸರ್ಣೀಲಾನ್ ದಶೋನಶೀನ್ || ೧೬,೧೬।೭

ಇಂದ್ರೋ ಜಘಾನ ಪ್ರಥಮೋ
ಜನಿತಾರಂ ಅಹೇ ತವ |
ತೇಷಾಂ ವಸ್ ತೃಹ್ಯಮಾಣಾನಾಂ
ಕಃ ಸ್ವಿತ್ ತೇಷಾಂ ಅಸದ್ ರಸಃ || ೧೬,೧೬।೮

ಸಂ ಹಿ ಶೀರ್ಷಾಣ್ಯ್ ಅಗ್ರಭಂ
ಪೌಂಜಿಷ್ಟ ಇವ ಕರ್ವರಂ |
ಸಿಂಧೋರ್ ಮಧ್ಯಂ ಪರೇತ್ಯ
ವ್ಯ್ ಅನಿಜಂ ಅಹೇರ್ ವಿಷಂ || ೧೬,೧೬।೯

ಅಹೀನಾಂ ಸರ್ವೇಷಾಂ ವಿಷಂ
ಪರಾ ವಹಂತು ಸಿಂಧವಃ |
ಹತಾಸ್ ತಿರಶ್ಚಿರಾಜಯೋ
ನಿಪಿಷ್ಟಾಸಃ ಪೃದಾಕವಃ || ೧೬,೧೬।೧೦
(೧೬)

ಓಷಧೀನಾಂ ಅಹಂ ವೃಣ
ಉರ್ವರೀರ್ ಇವ ಸಾಧುಯಾ |
ನಯಾಮ್ಯ್ ಅರ್ವತೀರ್ ಇವ-
-ಅಹೇ ನಿರ್ ಐತು ತೇ ವಿಷಂ || ೧೬,೧೭।೧

ಯದ್ ಅಗ್ನೌ ಸೂರ್ಯೇ ವಿಷಂ
ಪೃಥಿವ್ಯಾಂ ಓಷಧೀಷು ಯತ್ |
ಕಾಂದಾವಿಷಂ ಕನಿಕ್ಲಕಂ
ನಿರ್ ಐತ್ವ್ ಐತು ತೇ ವಹಿಃ || ೧೬,೧೭।೨

ಅಂಗಾದಂಗಾತ್ ಪ್ರ ಚ್ಯಾವಯ
ಹೃದಯಂ ಪರಿ ವರ್ಜಯ |
ಅಧಾ ವಿಷಸ್ಯ ಯತ್ ತೇಜೋ
ಅವಾಚೀನಂ ತದ್ ಏತು ತೇ || ೧೬,೧೭।೩

ಅಗ್ನೇ ತ್ರಾಯಸ್ವ ವಿಮದಂ ನಯೇಮಂ
ಪುನರ್ ಧೇಹಿ ಜೀವಸೇ ಜಾತವೇದಃ |
ಮಾ ತೇ ಹೇಡಾಂಸಿ ದುರಿತಾವ ಗನ್ಮ
ಮಾಹಿರ್ ವಧೀದ್ ವಿಷತಃ ಪುರುಷಂ ನಃ || ೧೬,೧೭।೪

ಯೇ ಅಗ್ನಿಜಾ ಓಷಧಿಜಾ ಅಹೀನಾಂ
ಯೇ ಅಭ್ರಜಾ ವಿದ್ಯುತ ಆ ಬಭೂವುಃ |
ತೇಷಾಂ ಜಾತಾನಿ ಬಹುಧಾ ಬಹೂನಿ
ತೇಭ್ಯಃ ಸರ್ಪೇಭ್ಯೋ ನಮಸಾ ವಿಧೇಮ || ೧೬,೧೭।೫

ತೌದೀ ನಾಮಾಸಿ ಕನ್ಯಾ
ಘೃತಾಚೀ ನಾಮ ವಾ ಅಸಿ |
ಅಧಸ್ಪದೇನ ತೇ ಪದೋರ್
ಆ ದದೇ ವಿಷದೂಷಣಂ || ೧೬,೧೭।೬

ಆರೇ ಅಭೂದ್ ವಿಷಂ ಅರೌದ್
ವಿಷೇ ವಿಷಂ ಅಪ್ರಾಗ್ ಅಪಿ |
ಅಗ್ನಿರ್ ಅಹೇರ್ ನಿರ್ ಅಧಾಗ್ ವಿಷಂ ಸೋಮೋ ನಿರ್ ಅಣಯೀತ್ |
ದಂಷ್ಟಾರಂ ಅನ್ವ್ ಅಗಾದ್ ವಿಷಂ ಅಹಿರ್ ಅಮೃತ || ೧೬,೧೭।೭
(೧೭)

ಅನುವಾಕ ೩ ||

ಕುತಸ್ ತೌ ಜಾತೌ ಕತಮಃ ಸೋ ಅರ್ಧಃ
ಕಸ್ಮಾಲ್ ಲೋಕಾತ್ ಕತರಸ್ಯಾಃ ಪೃಥಿವ್ಯಾಃ |
ವತ್ಸೌ ವಿರಾಜಃ ಸಲಿಲಾದ್ ಉದೈತಾಂ
ತೌ ತ್ವಾ ಪೃಚ್ಛಾಮಿ ಕತರೇಣ ದುಗ್ಧಾ || ೧೬,೧೮।೧

ಯೋ ಽಕ್ರಂದಯತ್ ಸಲಿಲಂ ಮಹಿತ್ವಾ
ಯೋನಿಂ ಕೃತ್ವಾ ತ್ರಿಭುಜಂ ಶಯಾನಂ |
ವತ್ಸಃ ಕಾಮದುಘೋ ವಿರಾಜೋ
ಗುಹಾ ಚಕ್ರೇ ತನ್ವಃ ಪರಾಚೀಃ || ೧೬,೧೮।೨

ಯಾನಿ ಚತ್ವಾರಿ ಬೃಹಂತಿ
ಯೇಷಾಂ ಚತುರ್ಥಂ ವಿಯುನಕ್ತಿ ವಾಚಂ |
ಬ್ರಹ್ಮೈನದ್ ವಿದ್ಯಾತ್ ತಪಸಾ ವಿಪಶ್ಚಿದ್
ಯಸ್ಮಿನ್ನ್ ಏಕಂ ಯುಜ್ಯತೇ ಯಸ್ಮಿನ್ನ್ ಏಕಂ || ೧೬,೧೮।೩

ಬೃಹತಃ ಪರಿ ಸಾಮಾನಿ
ಷಷ್ಠಾತ್ ಪಂಚಾಧಿ ನಿರ್ಮಿತಾ |
ಬೃಹದ್ ಬೃಹತ್ಯಾ ನಿರ್ಮಿತಂ
ಕುತೋ ಽಧಿ ಬೃಹತೀ ಮಿತಾ || ೧೬,೧೮।೪

ಬೃಹತೀ ಪರಿ ಮಾತ್ರಾಯಾ
ಮಾತುರ್ ಮಾತ್ರಾಧಿ ನಿರ್ಮಿತಾ |
ಮಾಯಾ ಹಿ ಜಜ್ಞೇ ಮಾಯಾಯಾ
ಮಾಯಾಯಾ ಮಾತಲೀ ಪರಿ || ೧೬,೧೮।೫

ವೈಶ್ವಾನರಸ್ಯ ಪ್ರತಿಮೋಪರಿ ದ್ಯೌರ್
ಯಾವದ್ ರೋದಸೀ ವಿಬಬಾಧೇ ಅಗ್ನಿಃ |
ತತಃ ಷಷ್ಠಾದ್ ಆಮುತೋ ಯಂತಿ ಸ್ತೋಮಾ
ಉದ್ ಇತೋ ಯಂತ್ಯ್ ಅಭಿ ಷಷ್ಠಂ ಅಹ್ನಃ || ೧೬,೧೮।೬

ಷಟ್ ಟ್ವಾ ಪೃಚ್ಛಾಮ ಋಷಯಃ ಕಶ್ಯಪೇದಂ
ತ್ವಂ ಹಿ ಯುಕ್ತಂ ಯುಯುಕ್ಷೇ ಯೋಗ್ಯಂ ಚ |
ವಿರಾಜಂ ಆಹುರ್ ಬ್ರಹ್ಮಣಃ ಪಿತರಂ
ತಾಂ ನೋ ವಿ ಧೇಹ್ಯ್ ಋತುಥಾ ಸಖಿಭ್ಯಃ || ೧೬,೧೮।೭

ಯಾಂ ಪ್ರಚ್ಯುತಾಂ ಅನು ಯಜ್ಞಾಃ ಪ್ರಚ್ಯುವಂತ
ಉಪತಿಷ್ಠಂತ ಉಪತಿಷ್ಠಮಾನಾಂ |
ತಸ್ಯಾ ವ್ರಜೇ ಪ್ರಸವೇ ಯಕ್ಷಂ ಏಜತಿ
ಸಾ ವಿರಾಡ್ ಋಷಯಃ ಪರಮೇ ವ್ಯೋಮನ್ || ೧೬,೧೮।೮

ಅಪ್ರಾಣೈತಿ ಪ್ರಾಣೇನ ಪ್ರಾಣತೀನಾಂ
ವಿರಾಟ್ ಸ್ವರಾಜಂ ಅಭ್ಯ್ ಏತಿ ಪಶ್ಚಾತ್ |
ವಿಶ್ವಂ ಮೃಶಂತೀಂ ಅಭಿರೂಪಾಂ ವಿರಾಜಂ
ಪಶ್ಯಂತಿ ತ್ವೇ ನ ತ್ವೇ ಪಶ್ಯಂತ್ಯ್ ಏನಾಂ || ೧೬,೧೮।೯

ಕೋ ವಿರಾಜೋ ಮಿಥುನತ್ವಂ ಪ್ರ ವೇದ
ಕ ಋತೂನ್ ಕ ಉ ಕಲ್ಪಂ ಅಸ್ಯಾಃ |
ಕ್ರಮಾನ್ ಕೋ ಅಸ್ಯಾ ಬಹುಧಾ ವಿದುಗ್ಧಾನ್
ಕೋ ಅಸ್ಯಾ ಧಾಮ ಕತಿಧಾ ವ್ಯುಷ್ಟೀಃ || ೧೬,೧೮।೧೦
(೧೮)

ಇಯಂ ಏವ ಸಾ ಯಾ ಪ್ರಥಮಾ ವ್ಯೌಚ್ಛತ್
ಸಾಪ್ಸ್ವ್ ಅಂತಶ್ ಚರತಿ ಪ್ರವಿಷ್ಟಾ |
ವಧೂರ್ ಜಿಗಾಯ ನವಗಜ್ ಜನಿತ್ರೀ
ಮಹಾಂತೋ ಅಸ್ಯಾಂ ಮಹಿಮಾನೋ ಅಂತಃ || ೧೬,೧೯।೧

ಛಂದಃಪಕ್ಷೇ ಉಷಸಾ ಪೇಪಿಶಾನೇ
ಸಮಾನೀಂ ಯೋನಿಂ ಅನು ಸಂ ಚರೇತೇ |
ಸೂರ್ಯಪತ್ನೀ ಸಂ ಚರತಃ ಪ್ರಜಾನತೀ
ಕೇತುಮತೀ ಅಜರೇ ಭೂರಿರೇತಸಾ || ೧೬,೧೯।೨

ಋತಸ್ಯ ಪಂಥಾಂ ಅನು ತಿಸ್ರ ಆಗುಸ್
ತ್ರಯೋ ಘರ್ಮಾ ಅನು ರೇತ ಆಗುಃ |
ಪ್ರಜಾಂ ಏಕಾ ಜಿನ್ವತ್ಯ್ ಊರ್ಜಂ ಏಕಾ
ರಾಷ್ಟ್ರಂ ಏಕಾ ರಕ್ಷತಿ ದೇವಯೂನಾಂ || ೧೬,೧೯।೩

ಅಗ್ನೀಷ್ಟೋಮಂ ಅದಧುರ್ ಯಾ ತುರೀಯಾಸೀದ್
ಯಜ್ಞಸ್ಯ ಪಕ್ಷಾಂ ಋಷಯಃ ಕಲ್ಪಯಂತಃ |
ಗಾಯತ್ರೀಂ ತ್ರಿಷ್ಟುಭಂ ಜಗತೀಂ ಅನುಷ್ಟುಭಂ
ಬೃಹದರ್ಕೀಂ ಯಜಮಾನಾಯ ಸ್ವರ್ ಆಭರಂತಃ || ೧೬,೧೯।೪

ಪಂಚ ವ್ಯುಷ್ಟೀರ್ ಅನು ಪಂಚ ದೋಹಾ
ಗಾಂ ಪಂಚನಾಮ್ನೀಂ ಋತವೋ ಽನು ಪಂಚ |
ಪಂಚ ದಿಶಃ ಪಂಚದಶೇನ ಕ್ಲ್̥ಪ್ತಾಸ್
ತಾ ಏಕಮೂರ್ಧ್ನೀರ್ ಅಭಿ ಲೋಕಂ ಏಕಂ || ೧೬,೧೯।೫

ಷಡ್ ಜಾತಾ ಭೂತಾ ಪ್ರಥಮಜ ರ್ತಸ್ಯ
ಷಡ್ ಉ ಸಾಮಾನಿ ಷಡಹಂ ವಹಂತಿ |
ಷಡ್ಯೋಗಂ ಸೀರಂ ಅನು ಸಾಮಸಾಮ
ಷಡ್ ಆಹುರ್ ದ್ಯಾವಾಪೃಥಿವೀ ಷಡ್ ಉರ್ವೀಃ || ೧೬,೧೯।೬

ಷಡ್ ಆಹುಃ ಶೀತಾನ್ ಷಡ್ ಉ ಮಾಸ ಉಷ್ಣಾನ್
ಋತೂನ್ ನೋ ಬ್ರೂತ ಯತಮೋ ಽತಿರಿಕ್ತಃ |
ಸಪ್ತ ಸುಪರ್ಣಾಃ ಕವಯೋ ನಿ ಷೇದುಃ
ಸಪ್ತ ಛಂದಾಂಸ್ಯ್ ಅನು ಸಪ್ತ ದೀಕ್ಷಾಃ || ೧೬,೧೯।೭

ಸಪ್ತ ಹೋಮಾಃ ಸಮಿಧೋ ಹ ಸಪ್ತ
ಮಧೂನಿ ಸಪ್ತರ್ತವೋ ನು ಸಪ್ತ |
ಸಪ್ತಾಜ್ಯಾನಿ ಪರಿ ಭೂತಂ ಆಯನ್
ಸಪ್ತ ಹೋತಾರ ಋತುಥಾ ಯಜಂತಿ
ತಾಃ ಸಪ್ತಗೃಧ್ರಾ ಇತಿ ಶುಶ್ರವಾಹಂ || ೧೬,೧೯।೮

ಅಷ್ಟೌ ಧಾಮಾನಿ ಪ್ರಥಮಜ ರ್ತಸ್ಯ-
-ಅಷ್ಟೇಂದ್ರರ್ತ್ವಿಜೋ ದೈವ್ಯಾ ಯೇ |
ಅಷ್ಟಯೋನಿರ್ ಅದಿತಿರ್ ಅಷ್ಟಪುತ್ರಾ
ಅಷ್ಟಮೀಂ ರಾತ್ರಿಂ ಅಭಿ ಹವ್ಯಂ ಏತಿ || ೧೬,೧೯।೯

ಇತ್ಥಂ ಶ್ರೇಯೋ ಮನ್ಯಮಾನೇದಂ ಆಗಾಂ
ಯುಷ್ಮಾಕಂ ಸಖ್ಯೇ ಅಹಂ ಅಸ್ಮಿ ಶೇವಾ |
ಸಮಾನಜನ್ಮಾ ಕ್ರತುರ್ ಅಸ್ತು ವಃ ಶಿವಃ
ಸ ನಃ ಸರ್ವಾಃ ಸಂ ಚರತಿ ಪ್ರಜಾನನ್ || ೧೬,೧೯।೧೦
(೧೯)

ಕೇವಲೀಂದ್ರಾಯ ದುದುಹೇ ಹಿ ಗೃಷ್ಟಿರ್
ವಶಂ ಪೀಯೂಷಂ ಪ್ರಥಮಂ ದುಹಾನಾ |
ಅಥಾತರ್ಪಯಚ್ ಚತುರಶ್ ಚತುರ್ಧಾ
ದೇವಾನ್ ಮನುಷ್ಯಾಁ ಅಸುರಾನ್ ಉತರ್ಷೀನ್ || ೧೬,೨೦।೧

ಅಷ್ಟೇಂದ್ರಸ್ಯ ಷಡ್ ಯಮಸ್ಯ
ಋಷೀಣಾಂ ಸಪ್ತ ಸಪ್ತಧಾ |
ಅಪೋ ಮನುಷ್ಯಾನ್ ಓಷಧೀಸ್
ತಾನ್ ಉ ಪಂಚಾನು ಸೇಚಿರೇ || ೧೬,೨೦।೨

ಕೋ ನು ಗೌಃ ಕ ಏಕರ್ಷಿಃ
ಕಿಂ ಉ ಸಾಮ ಕಾ ಆಶಿಷಃ |
ಯಕ್ಷ್ಮಂ ಪೃಥಿವ್ಯಾಂ ಏಕವೃದ್
ಏಕರ್ತುಃ ಕತಮೋ ನು ಸಃ || ೧೬,೨೦।೩

ಏಕೋ ಗೌರ್ ಏಕ ಏಕರ್ಷಿರ್
ಏಕಂ ಸಾಮೈಕಧಾಶಿಷಃ |
ಯಕ್ಷ್ಮಂ ಪೃಥಿವ್ಯಾಂ ಏಕವೃದ್
ಏಕರ್ತುರ್ ನಾತಿ ರಿಚ್ಯತೇ || ೧೬,೨೦।೪
(೨೦)

ಪ್ರಾಣಾಯ ನಮೋ
ಯಸ್ಯ ಸರ್ವಂ ಇದಂ ವಶೇ |
ಯೋ ಭೂತಃ ಸರ್ವಸ್ಯೇಶ್ವರೋ
ಯಸ್ಮಿನ್ ಸರ್ವಂ ಪ್ರತಿಷ್ಠಿತಂ || ೧೬,೨೧।೧

ನಮಸ್ ತೇ ಪ್ರಾಣ ಕ್ರಂದಾಯ
ನಮಸ್ ತೇ ಸ್ತನಯಿತ್ನವೇ |
ನಮಸ್ ತೇ ಅಸ್ತು ವಿದ್ಯುತೇ
ನಮಸ್ ತೇ ಪ್ರಾಣ ವರ್ಷತೇ || ೧೬,೨೧।೨

ಯತ್ ಪ್ರಾಣ ಋತಾವ್ ಆಗತೇ
ಅಭಿಕ್ರಂದತ್ಯ್ ಓಷಧೀಃ |
ಪ್ರ ವೀಯಂತೇ ಗರ್ಭಂ ದಧತೇ
ಅಥೋ ಬಹ್ವೀರ್ ವಿ ಜಾಯಂತೇ || ೧೬,೨೧।೩

ಯತ್ ಪ್ರಾಣ ಸ್ತನಯಿತ್ನುನಾ-
-ಅಭಿಕ್ರಂದತ್ಯ್ ಓಷಧೀಃ |
ಸರ್ವಂ ತದಾ ಪ್ರ ಮೋದತೇ
ಯದ್ ಉ ಕಿಂ ಚ ಭೂಮ್ಯಾಂ ಅಧಿ || ೧೬,೨೧।೪

ಯದಾ ಪ್ರಾಣೋ ಅಭ್ಯಕ್ರಂದೀದ್
ವರ್ಷೇಣ ಸ್ತನಯಿತ್ನುನಾ |
ಪಶವಸ್ ತತ್ ಪ್ರ ಮೋದಂತೇ
ಮಹೋ ವೈ ನೋ ಭವಿಷ್ಯತಿ || ೧೬,೨೧।೫

ಅಭಿವೃಷ್ಟಾ ಓಷಧಯಃ
ಪ್ರಾಣೇನ ಸಂ ಅವಾದಿರನ್ |
ಆಯುರ್ ವೈ ನಃ ಪ್ರಾತೀತರತ್
ಸರ್ವಾ ನಃ ಸುರಭೀರ್ ಅಕಃ || ೧೬,೨೧।೬

ನಮಸ್ ತೇ ಪ್ರಾಣ ಪ್ರಾಣತೇ
ನಮೋ ಅಸ್ತ್ವ್ ಅಪಾನತೇ |
ಪ್ರತೀಚೀನಾಯ ತೇ ನಮಃ
ಪರಾಚೀನಾಯ ತೇ ನಮಃ
ಸರ್ವಸ್ಮೈ ತ ಇದಂ ನಮಃ || ೧೬,೨೧।೭

ನಮಸ್ ತೇ ಅಸ್ತ್ವ್ ಆಯತೇ
ನಮೋ ಅಸ್ತು ಪರಾಯತೇ |
ನಮಸ್ ತೇ ಪ್ರಾಣ ತಿಷ್ಠತ
ಆಸೀನಾಯೋತ ತೇ ನಮಃ || ೧೬,೨೧।೮

ಯಾ ತೇ ಪ್ರಾಣ ಪ್ರಿಯಾ ತನೂ
ಯಾ ವಾ ತೇ ಪ್ರಾಣ ಪ್ರೇಯಸೀ |
ಅಥೋ ಯದ್ ಭೇಷಜಂ ತವ
ತಸ್ಯ ನೋ ಧೇಹಿ ಜೀವಸೇ || ೧೬,೨೧।೯

ಪ್ರಾಣಃ ಪ್ರಜಾ ಅನು ವಸ್ತೇ
ಪಿತಾ ಪುತ್ರಂ ಇವ ಪ್ರಿಯಂ |
ಪ್ರಾಣೋ ಹ ಸರ್ವಸ್ಯೇಶ್ವರೋ
ಯಚ್ ಚ ಪ್ರಾಣತಿ ಯಚ್ ಚ ನ || ೧೬,೨೧।೧೦
(೨೧)

ಪ್ರಾಣೋ ಮೃತ್ಯುಃ ಪ್ರಾಣೋ ಅಮೃತಂ
ಪ್ರಾಣಂ ದೇವಾ ಉಪಾಸತೇ |
ಪ್ರಾಣೋ ಹ ಸತ್ಯವಾದಿನಂ
ಉತ್ತಮೇ ಲೋಕ ಆ ದಧತ್ || ೧೬,೨೨।೧

ಪ್ರಾಣೋ ವಿರಾಟ್ ಪ್ರಾಣೋ ದೇಷ್ಟ್ರೀ
ಪ್ರಾಣಂ ಸರ್ವಾ ಉಪಾಸತೇ |
ಪ್ರಾಣೋ ಽಗ್ನಿಶ್ ಚಂದ್ರಮಾಃ ಸೂರ್ಯಃ
ಪ್ರಾಣಂ ಆಹುಃ ಪ್ರಜಾಪತಿಂ || ೧೬,೨೨।೨

ಪ್ರಾಣಾಪಾನೌ ವ್ರೀಹಯವಾವ್
ಅನಡ್ವಾನ್ ಪ್ರಾಣ ಉಚ್ಯತೇ |
ಯವೇ ಹ ಪ್ರಾಣ ಆಹಿತೋ
ಅಪಾನೋ ವ್ರೀಹಿರ್ ಉಚ್ಯತೇ || ೧೬,೨೨।೩

ಅಪಾನತಿ ಪ್ರಾಣತಿ
ಪುರುಷೋ ಗರ್ಭೇ ಅಂತಃ |
ಯದಾ ತ್ವಂ ಪ್ರಾಣ ಜಿನ್ವಸ್ಯ್
ಅಥ ಸ ಜಾಯತೇ ತ್ವತ್ || ೧೬,೨೨।೪

ಪ್ರಾಣಂ ಆಹುರ್ ಮಾತರಿಶ್ವಾನಂ
ವಾತೋ ಹ ಪ್ರಾಣ ಉಚ್ಯತೇ |
ಪ್ರಾಣೇ ಹ ಭೂತಂ ಭವ್ಯಂ ಚ
ಪ್ರಾಣೇ ಸರ್ವಂ ಸಮಾಹಿತಂ || ೧೬,೨೨।೫

ಆಥರ್ವಣೀರ್ ಆಂಗಿರಸೀರ್
ದೈವೀರ್ ಮನುಷ್ಯಜಾಶ್ ಚ ಯಾಃ |
ಸರ್ವಾಃ ಪ್ರ ಮೋದಂತ ಓಷಧೀರ್
ಯದಾ ತ್ವಂ ಪ್ರಾಣ ಜಿನ್ವಸಿ || ೧೬,೨೨।೬

ಯದಾ ಪ್ರಾಣೋ ಅಭ್ಯವರ್ಷೀದ್
ವರ್ಷೇಣ ಪೃಥಿವೀಂ ಮಹೀಂ |
ಓಷಧಯಃ ಪ್ರ ಮೋದಂತೇ
ಅಥೋ ಯಾಃ ಕಾಶ್ ಚ ವೀರುಧಃ || ೧೬,೨೨।೭

ಯಸ್ ತೇ ಪ್ರಾಣೇದಂ ವೇದ
ಯಸ್ಮಿಂಶ್ ಚಾಸಿ ಪ್ರತಿಷ್ಠಿತಃ |
ಸರ್ವೇ ಅಸ್ಮೈ ಬಲಿಂ ಹರಾನ್
ಅಮುಷ್ಮಿಂಲ್ ಲೋಕ ಉತ್ತಮೇ || ೧೬,೨೨।೮

ಯಥಾ ಪ್ರಾಣ ಬಲಿಹೃತಸ್
ತುಭ್ಯಂ ಸರ್ವಾಃ ಪ್ರಜಾ ಇಮಾಃ |
ಏವಾ ತಸ್ಮೈ ಬಲಿಂ ಹರಾನ್
ಯಸ್ ತ್ವಾ ಶುಶ್ರಾವ ಶುಶ್ರುವುಃ || ೧೬,೨೨।೯

ಅಂತರ್ಗರ್ಭಶ್ ಚರತಿ ದೇವತಾಸ್ವ್
ಆಭೂತೋ ಭೂತಃ ಸ ಉ ಜಾಯತೇ ಪುನಃ |
ಸ ಭೂತಂ ಭವ್ಯಂ ಭುವನಂ ಭವಿಷ್ಯತ್
ಪಿತಾ ಪುತ್ರಂ ಪ್ರ ವಿವೇಶಾ ಶಚೀಭಿಃ || ೧೬,೨೨।೧೦
(೨೨)

ಏಕಂ ಪದಂ ನೋತ್ ಖಿದತಿ
ಸಲಿಲಾದ್ ಧಂಸ ಉತ್ಪತನ್ |
ಯದ್ ಅಂಗ ಸ ತಂ ಉತ್ಖಿದೇನ್
ನೈವಾದ್ಯ ನ ಶ್ವೋ
ನ ರಾತ್ರೀ ನಾಹಃ ಸ್ಯಾನ್
ನ ಪ್ರಜ್ಞಾಯೈತಿ ಕಿಂ ಚನ || ೧೬,೨೩।೧

ಅಷ್ಟಾಚಕ್ರಂ ವರ್ತತ ಏಕನೇಮಿ
ಸಹಸ್ರಾಕ್ಷರಂ ಪ್ರ ಪುರೋ ನಿ ಪಶ್ಚಾತ್ |
ಅರ್ಧೇನೇದಂ ಪರಿ ಬಭೂವ ವಿಶ್ವಂ
ಯದ್ ಅಸ್ಯಾರ್ಧಂ ಕತಮಃ ಸ ಕೇತುಃ || ೧೬,೨೩।೨

ಯೋ ಅಸ್ಯ ವಿಶ್ವಜನ್ಮನ
ಈಶೇ ಸರ್ವಸ್ಯ ಚೇಷ್ಟತಃ |
ಅನ್ಯೇಷು ಕ್ಷಿಪ್ರಧನ್ವನೇ
ತಸ್ಮೈ ಪ್ರಾಣ ನಮೋ ಽಸ್ತು ತೇ || ೧೬,೨೩।೩

ಯೋ ಅಸ್ಯ ಸರ್ವಜನ್ಮನ
ಈಶೇ ವಿಶ್ವಸ್ಯ ಚೇಷ್ಟತಃ |
ಅತಂದ್ರೋ ಬ್ರಹ್ಮಣಾ ಧೀರಃ
ಪ್ರಾಣೋ ಮಾಂ ಅಭಿ ರಕ್ಷತು || ೧೬,೨೩।೪

ಊರ್ಧ್ವಃ ಸುಪ್ತೇಷು ಜಾಗಾರ
ನನು ತೀರ್ಯಙ್ ನಿ ಪದ್ಯತೇ |
ನ ಸುಪ್ತಂ ಅಸ್ಯ ಸುಪ್ತೇಷ್ವ್
ಅನು ಶುಶ್ರಾವ ಕಶ್ ಚನ || ೧೬,೨೩।೫

ಪ್ರಾಣ ಮಾ ಮತ್ ಪರ್ಯಾವೃತೋ
ನ ಮದ್ ಅನ್ಯೋ ಭವಿಷ್ಯಸಿ |
ಅಪಾಂ ಗರ್ಭಂ ಇವ ಜೀವಸೇ
ಪ್ರಾಣ ಬಧ್ನಾಮಿ ತ್ವಾ ಮಯಿ || ೧೬,೨೩।೬
(೨೩)

ಅನುವಾಕ ೪ ||

ಸಾಹಸ್ರಸ್ ತ್ವೇಷ ಋಷಭಃ ಪಯಸ್ವಾನ್
ವಿಶ್ವಾ ರೂಪಾಣಿ ವಕ್ಷಣಾಸು ಬಿಭ್ರತ್ |
ಭದ್ರಂ ದಾತ್ರೇ ಯಜಮಾನಾಯ ಶಿಕ್ಷನ್
ಬಾರ್ಹಸ್ಪತ್ಯ ಉಸ್ರಿಯಸ್ ತಂತುಂ ಆತಾನ್ || ೧೬,೨೪।೧

ಅಪಾಂ ಯೋ ಅಗ್ರೇ ಪ್ರತಿಮಾ ಬಭೂವ
ಪ್ರಭೂಃ ಸರ್ವಸ್ಮೈ ಪೃಥಿವೀವ ದೇವೀ |
ಪಿತಾ ವತ್ಸಾನಾಂ ಪತಿರ್ ಅಘ್ನ್ಯಾನಾಂ
ಸಾಹಸ್ರೇ ಪೋಷೇ ಅಪಿ ನಃ ಕೃಣೋತು || ೧೬,೨೪।೨

ಪುಮಾನ್ ಅಂತರ್ವಾನ್ ಸ್ಥವಿರಃ ಪಯಸ್ವಾನ್
ವಸೋಃ ಕಬಂಧಂ ಋಷಭೋ ಬಿಭರ್ತಿ |
ತಂ ಇಂದ್ರಾಯ ಪಥಿಭಿರ್ ದೇವಯಾನೈರ್
ಹುತಂ ಅಗ್ನಿರ್ ವಹತು ಜಾತವೇದಾಃ || ೧೬,೨೪।೩

ದೇವಾನಾಂ ಭಾಗ ಉಪನಾಹ ಏಷೋ
ಅಪಾಂ ರಸ ಓಷಧೀನಾಂ ಘೃತಸ್ಯ |
ಸೋಮಸ್ಯ ದ್ರಪ್ಸಂ ಅವೃಣೀತ ಶಕ್ರೋ
ಬೃಹನ್ನ್ ಅದ್ರಿರ್ ಅಭವದ್ ಯಚ್ ಛರೀರಂ || ೧೬,೨೪।೪

ಪಿತಾ ವತ್ಸಾನಾಂ ಪತಿರ್ ಅಘ್ನ್ಯಾನಾಂ
ಅಥೋ ಪಿತಾ ಮಹತಾಂ ಗರ್ಗರಾಣಾಂ |
ವತ್ಸೋ ಜರಾಯುಃ ಪ್ರತಿಧುಕ್ ಪೀಯೂಷ
ಆಮಿಕ್ಷಾ ಘೃತಂ ತದ್ ವ್ ಅಸ್ಯ ರೇತಃ || ೧೬,೨೪।೫

ಸೋಮಸ್ಯ ಪೂರ್ಣಂ ಕಲಶಂ ಬಿಭರ್ಷಿ
ತ್ವಷ್ಟಾ ರೂಪಾಣಾಂ ಜನಿತಾ ಪಶೂನಾಂ |
ಶಿವಾಸ್ ತೇ ಸಂತು ಪ್ರಜನ್ವ ಇಮಾ
ನ್ಯ್ ಅಸ್ಮಭ್ಯಂ ಸ್ವಧಿತೇ ಯಚ್ಛ ಯಾ ಅಮೂಃ || ೧೬,೨೪।೬

ಇಂದ್ರಸ್ಯೌಜೋ ವರುಣಸ್ಯ ಬಾಹೂ
ಅಶ್ವಿನೋರ್ ಅಂಸೌ ಮರುತಾಂ ಇಯಂ ಕಕುತ್ |
ಬೃಹಸ್ಪತಿಸಂಭೃತಂ ಏತಂ ಆಹುರ್
ಯೇ ಧೀರಾಸಃ ಕವಯೋ ಯೇ ಮನೀಷಿಣಃ || ೧೬,೨೪।೭

ಆಜ್ಯಂ ಬಿಭರ್ತಿ ಘೃತಂ ಅಸ್ಯ ರೇತಃ
ಸಾಹಸ್ರಃ ಪೋಷಸ್ ತಂ ಉ ಯಜ್ಞಂ ಆಹುಃ |
ಇಂದ್ರಸ್ಯ ರೂಪಂ ಋಷಭೋ ವಸಾನಃ
ಸೋ ಅಸ್ಮಾಂ ದೇವಾಃ ಶಿವ ಐತು ದತ್ತಃ || ೧೬,೨೪।೮

ದೈವೀರ್ ವಿಶಃ ಪಯಸ್ವಾನ್ ಆ ತನೋಷಿ
ತ್ವಾಂ ಇಂದ್ರಂ ತ್ವಾಂ ಸರಸ್ವಂತಂ ಆಹುಃ |
ಸಹಸ್ರಂ ಸ ಏಕಮುಖಾ ದದಾತಿ
ಯೋ ಬ್ರಾಹ್ಮಣ ಋಷಭಂ ಆ ಜುಹೋತಿ || ೧೬,೨೪।೯

ಬೃಹಸ್ಪತಿಃ ಸವಿತಾ ತೇ ಮನೋ ದಧೌ
ತ್ವಷ್ಟುರ್ ವಾಯೋಃ ಪರ್ಯ್ ಆತ್ಮಾ ತ ಆಭೃತಃ |
ಅಂತರಿಕ್ಷೇ ಮನಸಾ ತ್ವಾ ಜುಹೋಮಿ
ಬರ್ಹಿಷ್ ಟೇ ದ್ಯಾವಾಪೃಥಿವೀ ಅಭೂತಾಂ || ೧೬,೨೪।೧೦
(೨೪)

ಯ ಇಂದ್ರ ಇವ ದೇವೇಷ್ವ್
ಏತಿ ಗೋಷು ವಿವಾವದತ್ |
ತಸ್ಯ ಋಷಭಸ್ಯಾಂಗಾನಿ
ಬ್ರಹ್ಮಾ ಸಂ ಸ್ತೌತು ಭದ್ರಯಾ || ೧೬,೨೫।೧

ಪಾರ್ಶ್ವೇ ಆಸ್ತಾಂ ಅನುಮತ್ಯಾ
ಭಗಸ್ಯಾಸ್ತಾಂ ಅನೂವೃಜೌ |
ಅಷ್ಠೀವಂತಾವ್ ಅಬ್ರವೀನ್ ಮಿತ್ರೋ
ಮಮೈತೌ ಕೇವಲಾವ್ ಇತಿ || ೧೬,೨೫।೨

ಭಸದ್ ಆಸೀದ್ ಆದಿತ್ಯಾನಾಂ
ಶ್ರೋಣೀ ಆಸ್ತಾಂ ಬೃಹಸ್ಪತೇಃ |
ಪುಚ್ಛಂ ವಾತಸ್ಯ ದೇವಸ್ಯ
ತೇನ ಧೂನೋತ್ಯ್ ಓಷಧೀಃ || ೧೬,೨೫।೩

ಕ್ರೋಡ ಆಸೀಜ್ ಜಾಮಿಶಂಸಸ್ಯ
ಸೋಮಸ್ಯ ಕಲಶೋ ಧೃತಃ |
ಉತ್ಥಾತುರ್ ಅಬ್ರುವನ್ ಪದೋ
ಯದ್ ಋಷಭಂ ವ್ಯಕಲ್ಪಯನ್ || ೧೬,೨೫।೪

ಗುದಾ ಆಸನ್ ಸಿನೀವಾಲ್ಯಾಃ
ಸೂರ್ಯಾಯಾಸ್ ತ್ವಚಂ ಅಬ್ರುವನ್ |
ದೇವಾಃ ಸಂಗತ್ಯ ಯತ್ ಸರ್ವ
ಋಷಭಂ ವ್ಯಕಲ್ಪಯನ್ || ೧೬,೨೫।೫

ತೇ ಕುಷ್ಠಿಕಾಃ ಸರಮಾಯೈ
ಕೂರ್ಮೇಭ್ಯೋ ಅದಧುಃ ಶಫಾನ್ |
ಊಬಧ್ಯಂ ಅಸ್ಯ ಕೀಟೇಭ್ಯಶ್
ಶ್ವವರ್ತೇಭ್ಯೋ ಅಧಾರಯನ್ || ೧೬,೨೫।೬

ಶೃಂಗಾಭ್ಯಾಂ ರಕ್ಷ ಋಷತ್ಯ್
ಅರಾತಿಂ ಹಂತಿ ಚಕ್ಷುಷಾ |
ಶೃಣೋತಿ ಭದ್ರಂ ಕರ್ಣಾಭ್ಯಾಂ
ಗವಾಂ ಯಃ ಪತಿರ್ ಅಘ್ನ್ಯಃ || ೧೬,೨೫।೭

ಶತಯಾಜಂ ಸ ಯಜತೇ
ನೈನಂ ದುನ್ವಂತ್ಯ್ ಅಗ್ನಯಃ |
ಜಿನ್ವಂತಿ ಸರ್ವೇ ತಂ ದೇವಾ
ಯೋ ಬ್ರಾಹ್ಮಣ ಋಷಭಂ ಆ ಜುಹೋತಿ || ೧೬,೨೫।೮

ಬ್ರಾಹ್ಮಣಾಯ ವೃಷಭಂ ದತ್ತ್ವಾ
ವರೀಯಃ ಕೃಣುತೇ ಮನಃ |
ಪುಷ್ಟಿಂ ಸೋ ಅಘ್ನ್ಯಾನಾಂ
ಸ್ವೇ ಗೋಷ್ಠೇ ವಿ ಪಶ್ಯತು || ೧೬,೨೫।೯

ಗಾವಃ ಸಂತು ಪ್ರಜಾಃ ಸಂತ್ವ್
ಅಥೋ ಅಸ್ತು ತನೂಬಲಂ |
ಸರ್ವಂ ತದ್ ಅನು ಮನ್ಯಂತಾಂ
ದೇವಾ ಋಷಭದಾಯಿನೇ || ೧೬,೨೫।೧೦
(೨೫)

ಅಯಂ ಪಿಪಾನ ಇಂದ್ರಿಯಂ
ರಯಿಂ ಬಿಭರ್ತಿ ಚೇತನೀಂ |
ಅಯಂ ಧೇನುಂ ಸುದುಘಾಂ ನಿತ್ಯವತ್ಸಾಂ
ವಶಂ ದುಹೇ ವಿಪಶ್ಚಿತಂ ಪುರೋ ದಿವಃ || ೧೬,೨೬।೧

ಪಿಶಂಗರೂಪೋ ನಭಸೋ ವಯೋಧಾ
ಐಂದ್ರಃ ಶುಷ್ಮೋ ವಿಶ್ವರೂಪೋ ನ ಆಗನ್ |
ಪ್ರಜಾಂ ಅಸ್ಮಭ್ಯಂ ದಧದ್ ರಯಿಂ ಚ
ರಾಯಸ್ಪೋಷಂ ಉಪಸತ್ವಾ ಸದೇಮ || ೧೬,೨೬।೨

ಏತಂ ವೋ ಯುವಾನಂ ಪರಿ ದಧ್ಮೋ ಅತ್ರ
ತೇನ ಕ್ರೀಡಂತೀಶ್ ಚರತ ವಶಾಁ ಅನು |
ಮಾ ನೋ ಹಿಂಸಿಷ್ಟ ಜನುಷಾ ಸುಭಾಗಾ
ರಾಯಶ್ ಚ ಪೋಷೈರ್ ಅಭಿ ನಃ ಸಚಧ್ವಂ || ೧೬,೨೬।೩

ಉಪೇಹೋಪಪರ್ಚನೋ
ಽಸ್ಮಿನ್ ಗೋಷ್ಠ ಉಪ ಪೃಂಚತು |
ಉಪ ಋಷಭಸ್ಯ ಯದ್ ರೇತ
ಉಪೇಂದ್ರ ತವ ವೀರ್ಯಂ || ೧೬,೨೬।೪
(೨೬)

ಅಯಂ ಪ್ರತಿಸರೋ ಮಣಿರ್
ವೀರೋ ವೀರಾಯ ಬಧ್ಯತೇ |
ವೀರ್ಯಾವಾಂತ್ ಸಪತ್ನಹಾ ಶೂರವೀರಃ
ಪರಿಪಾಣಃ ಸುಮಂಗಲಃ || ೧೬,೨೭।೧

ಅಯಂ ಮಣಿಃ ಸಪತ್ನಹಾ ಸುವೀರಃ
ಸಹಸ್ವಾನ್ ವಾಜೀ ಸಹಮಾನ ಉಗ್ರಃ |
ಪ್ರತ್ಯಕ್ ಕೃತ್ಯಾ ದೂಷಯನ್ನ್ ಏತು ವೀರಃ || ೧೬,೨೭।೨

ಅನೇನೇಂದ್ರೋ ಮಣಿನಾ ವೃತ್ರಂ ಅಹನ್ನ್
ಅನೇನಾಸುರಾನ್ ಪರಾಭಾವಯನ್ ಮನೀಷೀ |
ಅನೇನ ದ್ಯಾವಾಪೃಥಿವೀ ಉಭೇ ಅಜಯದ್
ಅನೇನಾಜಯತ್ ಪ್ರದಿಶಶ್ ಚತಸ್ರಃ || ೧೬,೨೭।೩

ಅಯಂ ಸ್ರಾಕ್ತ್ಯೋ ಮಣಿಃ
ಪ್ರತೀವರ್ತಃ ಪ್ರತಿಸರಃ |
ಓಜಸ್ವಾನ್ ವಿಮೃಧೋ ಮಣಿಃ
ಸೋ ಅಸ್ಮಾನ್ ಪಾತು ವಿಶ್ವತಃ || ೧೬,೨೭।೪

ತದ್ ಅಗ್ನಿರ್ ಆಹ ತದ್ ಉ ಸೋಮ ಆಹ
ಬೃಹಸ್ಪತಿಃ ಸವಿತಾ ತದ್ ಇಂದ್ರಃ |
ತೇ ತೇ ದೇವಾಃ ಪುರೋಹಿತಾಃ ಪ್ರತೀಚೀಃ
ಕೃತ್ಯಾಃ ಪ್ರತಿಸರೈರ್ ಅಜಂತು || ೧೬,೨೭।೫

ಅಂತರ್ ದಧೇ ದ್ಯಾವಾಪೃಥಿವೀ
ಉತಾಹರ್ ಉತ ಸೂರ್ಯಂ |
ಉತೇಮಂ ಬ್ರಹ್ಮಣಸ್ಪತಿಂ
ತೇ ತೇ ದೇವಾಃ ಪುರೋಹಿತಾಃ ಪ್ರತೀಚೀಃ
ಕೃತ್ಯಾಃ ಪ್ರತಿಸರೈರ್ ಅಜಂತು || ೧೬,೨೭।೬

ಯೇ ಸ್ರಾಕ್ತ್ಯಂ ಮಣಿಂ
ಜನಾ ವರ್ಮಾಣಿ ಕೃಣ್ವತೇ |
ಸೂರ್ಯೋ ದಿವಂ ಇವಾರುಹ್ಯ
ವಿ ಕೃತ್ಯಾ ಬಾಧತೇ ವಶೀ || ೧೬,೨೭।೭

ಸ್ರಾಕ್ತ್ಯೇನ ಮಣಿನ
ಋಷಿಣೇವ ಮನೀಷಿಣಾ |
ಅಜೈಷಂ ಸರ್ವಾಃ ಪೃತನಾ
ವಿ ಮೃಧೋ ಹನ್ಮಿ ರಕ್ಷಸಃ || ೧೬,೨೭।೮

ಯಾಃ ಕೃತ್ಯಾ ಆಂಗಿರಸೀರ್
ಯಾಃ ಕೃತ್ಯಾ ಆಸುರೀರ್ ಉತ |
ಕೃತ್ಯಾ ಯಾಃ ಸ್ವಯಂಕೃತಾ
ಯಾ ಉ ಚಾನ್ಯೇಭಿರ್ ಆಭೃತಾಃ |
ಉಭಯೀಸ್ ತಾಃ ಪರಾ ಯಂತು
ಪರಾವತಂ ನವತಿಂ ನಾವ್ಯಾ ಅತಿ || ೧೬,೨೭।೯

ಅಸ್ಮೈ ಮಣಿಂ ವರ್ಮ ಬಧ್ನಂತು ದೇವಾ
ಇಂದ್ರೋ ವಿಷ್ಣುಃ ಸವಿತಾ ರುದ್ರೋ ಅಗ್ನಿಃ |
ಪ್ರಜಾಪತಿಃ ಪರಮೇಷ್ಠೀ ವಿರಾಡ್
ವೈಶ್ವಾನರ ಋಷಯಶ್ ಚ ಸರ್ವೇ || ೧೬,೨೭।೧೦
(೨೭)

ಉತ್ತಮೋ ಅಸ್ಯ್ ಓಷಧೀನಾಂ
ಅನಡ್ವಾನ್ ಜಗತಾಂ ಇವ
ವ್ಯಾಘ್ರಃ ಶ್ವಪದಾಂ ಇವ |
ಯಂ ಐಚ್ಛಾಮಾವದಾಮ ತಂ
ಪ್ರತಿಸ್ಪಾಶನಂ ಅಬ್ರುವನ್ || ೧೬,೨೮।೧

ಸ ಇದ್ ವ್ಯಾಘ್ರೋ ಭವತ್ಯ್
ಅಥೋ ಸಿಂಹೋ ಅಥೋ ವೃಷಾ
ಸರ್ವಾ ದಿಶೋ ವಿ ರಾಜತಿ
ಯೋ ಬಿಭರ್ತೀಮಂ ಮಣಿಂ || ೧೬,೨೮।೨

ನೈನಂ ಘ್ನಂತ್ಯ್ ಅಪ್ಸರಸೋ
ನ ಗಂಧರ್ವಾ ನ ಮರ್ತ್ಯಾಃ |
ಸರ್ವಾ ದಿಶೋ ವಿ ರಾಜಾತಿ
ಯೋ ಬಿಭರ್ತೀಮಂ ಮಣಿಂ || ೧೬,೨೮।೩

ಕಶ್ಯಪಸ್ ತ್ವಾಂ ಅಸೃಜತ
ಕಶ್ಯಪಸ್ ತ್ವಾಂ ಸಮೈರಯತ್ |
ಅಬಿಭಸ್ ತ್ವೇಂದ್ರೋ ಮಾನುಷೇ
ಬಿಭ್ರತ್ ಸಂಶ್ರೇಷಿಣೇ ಽಜಯತ್ || ೧೬,೨೮।೪

ಮಣಿಂ ಸಪತ್ನಜಂಭನಂ
ವರ್ಮ ದೇವಾ ಅಬಧ್ನತ |
ಯಸ್ ತ್ವಾ ಕೃತ್ಯಾಭಿರ್
ಯಸ್ ತ್ವಾ ದೀಕ್ಷಾಭಿರ್
ಯಸ್ ತ್ವಾ ಯಜ್ಞೈರ್ ಜಿಘಾಂಸತಿ |
ಪ್ರತ್ಯಕ್ ತ್ವಂ ಇಂದ್ರ ತಂ ಜಹಿ
ವಜ್ರೇಣ ಶತಪರ್ವಣಾ || ೧೬,೨೮।೫

ಅಯಂ ಇದ್ ವೈ ಪ್ರತೀವರ್ತಃ
ಸಹಸ್ವಾನ್ ಸಂಜಯೋ ಮಣಿಃ |
ಪ್ರಜಾಂ ಧನಂ ಚ ರಕ್ಷತು
ಪರಿಪಾಣಃ ಸುಮಂಗಲಃ || ೧೬,೨೮।೬

ಅಸಪತ್ನಂ ನೋ ಅಧರಾದ್
ಅಸಪತ್ನಂ ನ ಉತ್ತರಾತ್ |
ಇಂದ್ರಾಸಪತ್ನಂ ನಃ ಪಶ್ಚಾಜ್
ಜ್ಯೋತಿಃ ಶೂರ ಪುರಸ್ ಕೃಧಿ || ೧೬,೨೮।೭

ಐಂದ್ರಾಗ್ನಂ ವರ್ಮ ಬಹುಲಂ ಯದ್ ಉಗ್ರಂ
ವಿಶ್ವೇ ದೇವಾ ನಾತಿ ವಿಧ್ಯಂತಿ ಸರ್ವೇ |
ತತ್ ತೇ ತನ್ವಂ ತ್ರಾಯತಾಂ ಸರ್ವತೋ
ಬೃಹದ್ ಆಯುಷ್ಮಾನ್ ಜರದಷ್ಟಿರ್ ಯಥಾಸತ್ || ೧೬,೨೮।೮

ಆ ತ್ವಾರುಕ್ಷದ್ ದೇವಮಣಿರ್
ಮಹ್ಯಾ ಅರಿಷ್ಟತಾತಯೇ |
ಇಮಂ ಮೇಥಿಂ ಅಭಿಸಂವಿಶಧ್ವಂ
ತನೂಪಾನಂ ತ್ರಿವರೂಥಂ ಓಜಸೇ || ೧೬,೨೮।೯

ಅಸ್ಮಿನ್ನ್ ಇಂದ್ರೋ ನಿ ದಧಾತು ನೃಮ್ಣಂ
ಇಮಂ ದೇವಾಸೋ ಅಭಿಸಂವಿಶಧ್ವಂ |
ದೀರ್ಘಾಯುತ್ವಾಯ ಶತಶಾರದಾಯ-
-ಆಯುಷ್ಮಾನ್ ಜರದಷ್ಟಿರ್ ಯಥಾಸತ್ || ೧೬,೨೮।೧೦

ಇಂದ್ರೋ ಬಧ್ನಾತು ತೇ ಮಣಿಂ ಜಿಗೀವಾಁ
ಅಪರಾಜಿತಃ ಸೋಮಪಾ ಅಭಯಂಕರೋ ವೃಷಾ |
ಸ ತ್ವಾ ರಕ್ಷತು ಸರ್ವದಾ
ದಿವಾ ನಕ್ತಂ ಚ ವಿಶ್ವತಃ || ೧೬,೨೮।೧೧
(೨೮)

ಅನುವಾಕ ೫ ||

ಇಂದ್ರೋ ಮಂಥತು ಮಂಥಿತಾ
ಶಕ್ರಃ ಶೂರಃ ಪುರಂದರಃ |
ಯಥಾ ಹನಾಮ ಸೇನಾಂ
ಅಮಿತ್ರಾಣಾಂ ಸಹಸ್ರಶಃ || ೧೬,೨೯।೧

ಪೂತಿರಜ್ಜುರ್ ಉಪಧ್ಮಾನೀ
ಪೂತಿಂ ಸೇನಾಂ ಕೃಣೋತ್ವ್ ಅಮೂಂ |
ಅಗ್ನಿಂ ಧೂಮಂ ಪರಾದೃಶ್ಯ
ಹೃತ್ಸ್ವ್ ಆ ದಧತಾಂ ಭಯಂ || ೧೬,೨೯।೨

ಪರುಷಾನ್ ಅಮೂನ್ ಪರುಷಾಹ್ವಃ ಕೃಣೋತು
ಹಂತ್ಯ್ ಏನಾನ್ ವಧಕೋ ವಧೈಃ |
ಕ್ಷಿಪ್ರಂ ಶರ ಇವ ಭಜ್ಯಂತಾಂ
ಬೃಹಜ್ಜಾಲೇನ ಸಂಜಿತಾಃ || ೧೬,೨೯।೩

ಅಮೂನ್ ಅಶ್ವತ್ಥ ನಿ ಶೃಣೀಹಿ
ಖಾದಾಮೂನ್ ಖದಿರಾಜಿರಂ |
ತಾಜದ್ಭಂಗ ಇವ ಭಜ್ಯಂತಾಂ
ಬೃಹಜ್ಜಾಲೇನ ಸಂಜಿತಾಃ || ೧೬,೨೯।೪

ಅಂತರಿಕ್ಷಂ ಜಾಲಂ ಆಸೀಜ್
ಜಾಲದಂಡಾ ದಿಶೋ ಮಹೀಃ |
ತೇನಾಭಿದಾಯ ಸೇನಾಂ
ಇಂದ್ರೋ ದಸ್ಯೂನ್ ಅಪಾವಪತ್ || ೧೬,೨೯।೫

ಬೃಹತ್ ತೇ ಜಾಲಂ ಬೃಹತ ಇಂದ್ರ ಶೂರ
ಸಹಸ್ರಾರ್ಘಸ್ಯ ಶತವೀರ್ಯಸ್ಯ |
ತೇನಾ ನ್ಯ್ ಉಬ್ಜ ಮಘವನ್ನ್ ಅಮಿತ್ರಾನ್
ಶಶ್ವತೀಭ್ಯಃ ಸಮಾಭ್ಯಃ || ೧೬,೨೯।೬

ಬೃಹತ್ ತೇ ಜಾಲಂ ಬೃಹತಶ್
ಶಕ್ರಸ್ಯ ವಾಜಿನೀವತಃ |
ತೇನಾ ಶತಂ ಸಹಸ್ರಂ ಅಯುತಂ ಜಘಾನ-
-ಇಂದ್ರೋ ದಸ್ಯೂನಾಂ ಅಭಿಧಾಯ ಸೇನಾಂ || ೧೬,೨೯।೭

ಅಯಂ ಲೋಕೋ ಜಾಲಂ ಆಸೀಚ್
ಛಕ್ರಸ್ಯ ಮಹತೋ ಮಹಾನ್ |
ತೇನಾಹಂ ಇಂದ್ರಜಾಲೇನ
ತಮಸಾಮೂನ್ ಅಭಿ ದಧಾಮಿ ಸರ್ವಾನ್ || ೧೬,೨೯।೮

ಸೇದಿರ್ ಉಗ್ರಾವರ್ತಿರ್
ಆರ್ತಿಶ್ ಚಾನಪವಾಚನಾ |
ಶ್ರಮಸ್ ತಂದ್ರೀಶ್ ಚ ಮೋಹಶ್ ಚ
ತೈರ್ ಅಮೂನ್ ಅಭಿ ದಧಾಮಿ ಸರ್ವಾನ್ || ೧೬,೨೯।೯

ಮೃತ್ಯವೇ ಅಮೂನ್ ಪ್ರ ಯಚ್ಛಾಮಿ
ಮೃತ್ಯುಪಾಶೈರ್ ಅಮೀ ಸಿತಾಃ |
ಮೃತ್ಯೋರ್ ಯೇ ಅಘಲಾ ದೂತಾಸ್
ತೇಭ್ಯ ಏನಾನ್ ಪ್ರತಿ ನಯಾಮಿ ಬದ್ಧ್ವಾ || ೧೬,೨೯।೧೦
(೨೯)

ಮೃತ್ಯುದೂತಾ ಅಮೂನ್ ನಯತ
ಯಮದೂತಾ ಅಪೋಂಭತ |
ಪರಃ ಸಹಸ್ರಾ ಹನ್ಯಂತಾಂ
ತೃಣೇಢ್ವ್ ಏನಾನ್ ಮತ್ಯಂ ಭವಸ್ಯ || ೧೬,೩೦।೧

ಸಾಧ್ಯಾ ಏಕಂ ಜಾಲದಂಡಂ
ಉದ್ಯತ್ಯ ಯಂತ್ಯ್ ಓಜಸಾ |
ರುದ್ರಾ ದ್ವಿತೀಯಂ ವಸವಸ್ ತೃತೀಯಂ
ಆದಿತ್ಯೈರ್ ಏಕ ಉದ್ಯತಃ || ೧೬,೩೦।೨

ವಿಶ್ವೇ ದೇವಾ ಉಪರಿಷ್ಟಾದ್
ಉಬ್ಜಂತೋ ಯಂತ್ವ್ ಓಜಸಾ |
ಮಧ್ಯೇನ ಘ್ನಂತೋ ಯಂತು
ಸೇನಾಂ ಅಂಗಿರಸೋ ವಧೈಃ || ೧೬,೩೦।೩

ವನಸ್ಪತೀನ್ ವಾನಸ್ಪತ್ಯಾನ್
ಓಷಧೀರ್ ಉತ ವೀರುಧಃ |
ದ್ವಿಪಾಚ್ ಚತುಷ್ಪಾದ್ ಇಷ್ಣಾಮಿ
ಯಥಾ ಸೇನಾಂ ಅಮೂಂ ಹನತ್ || ೧೬,೩೦।೪

ಗಂಧರ್ವಾಪ್ಸರಸೋ ದೇವಾನ್
ಸರ್ಪಾನ್ ಪುಣ್ಯಜನಾನ್ ಪಿತೃ̄ನ್ |
ದೃಷ್ಟಾನ್ ಅದೃಷ್ಟಾನ್ ಇಷ್ಣಾಮಿ
ಯಥಾ ಸೇನಾಂ ಅಮೂಂ ಹನತ್ || ೧೬,೩೦।೫

ಮೃತ್ಯುಪಾಶಾ ಇಮೇ ಯುಕ್ತಾ
ಯಾನ್ ಆಕ್ರಮ್ಯ ನ ಮುಚ್ಯಸೇ |
ಅಮುಷ್ಯಾ ಹಂತು ಸೇನಾಯಾ
ಇದಂ ಕೂಟಂ ಸಹಸ್ರಶಃ || ೧೬,೩೦।೬

ಘರ್ಮಃ ಸಮಿದ್ಧೋ ಅಗ್ನಿನಾ-
-ಅಯಂ ಹೋಮಃ ಸಹಸ್ರಹಾ |
ಭವಶ್ ಚ ಪೃಶ್ನಿಬಾಹುಃ
ಶರ್ವ ಸೇನಾಂ ಅಮೂಂ ಹತಂ || ೧೬,೩೦।೭

ಮೃತ್ಯೋರ್ ಓಷಂ ಆ ಪದ್ಯಂತಾಂ
ಕ್ಷುಧಂ ಸೇದಿಂ ವಧಂ ಭಯಂ |
ಇಂದ್ರಶ್ ಚಾಕ್ಷುಜಾಲಾಭ್ಯಾಂ
ಶರ್ವ ಸೇನಾಂ ಅಮೂಂ ಹತಂ || ೧೬,೩೦।೮

ಪರಾಜಿತಾಃ ಪ್ರ ತ್ರಸತಾಮಿತ್ರಾ
ಜಿತಾ ಧಾವತ ಬ್ರಹ್ಮಣಾ |
ಬೃಹಸ್ಪತಿಪ್ರಣುತ್ತಾನಾಂ
ಮಾಮೀಷಾಂ ಮೋಚಿ ಕಶ್ ಚನ || ೧೬,೩೦।೯

ಅವ ಪದ್ಯಂತಾಂ ಏಷಾಂ ಆಯುಧಾನಿ
ಮಾ ಶಕನ್ ಪ್ರತಿಧಾಂ ಇಷುಂ |
ಅಥೈಷಾಂ ಬಹು ಬಿಭ್ಯತಾಂ
ಇಷವೋ ಘ್ನಂತು ಮರ್ಮಣಿ || ೧೬,೩೦।೧೦

ಸಂ ಏನಾನ್ ಕ್ರೋಶತಾಂ ದ್ಯಾವಾಪೃಥಿವೀ ಉಭೇ
ಸಂ ಅಂತರಿಕ್ಷಂ ಸಹ ದೇವತಾಭಿಃ |
ಮಾ ಜ್ಞಾತಾರಂ ಮಾ ಪ್ರತಿಷ್ಠಾಂ ವಿದಂತ
ಮಿಥೋ ಽಪಿಘ್ನಾನಾ ಉಪ ಯಂತು ಮೃತ್ಯುಂ || ೧೬,೩೦।೧೧
(೩೦)

ದಿಶಶ್ ಚತಸ್ರೋ ಽಶ್ವತರ್ಯೋ ದೇವರಥಸ್ಯ ಪುರೋಡಾಶಾಃ
ಶಫಾ ಅಂತರಿಕ್ಷಂ ಉದ್ಧಿಃ || ೧೬,೩೧।೧

ದ್ಯಾವಾಪೃಥಿವೀ ಪಕ್ಷಸೀ ಋತವೋ ಽಭೀಶವೋ
ವಾಕ್ ಪರಿರಥ್ಯಂ || ೧೬,೩೧।೨

ಅಹೋರಾತ್ರೇ ಚಕ್ರೇ ಮಾಸಾ ಅರಾಃ
ಸಂವತ್ಸರೋ ಅಧಿಷ್ಠಾನಂ || ೧೬,೩೧।೩

ವಿರಾಡ್ ಈಷಾಗ್ನೀ ರಥಮುಖಂ
ಇಂದ್ರಃ ಸವ್ಯಷ್ಠಾಶ್ ಚಂದ್ರಮಾಃ ಸಾರಥಿಃ || ೧೬,೩೧।೪

ಇತೋ ಜಯೇತೋ ವಿ ಜಯಸ್ವ
ಜಯ ಸಂ ಜಯ ಸ್ವಾಹಾ || ೧೬,೩೧।೫
(೩೧)

ದಿವಸ್ ಪೃಥಿವ್ಯಾ ಅಂತರಿಕ್ಷಾತ್ ಸಮುದ್ರಾದ್
ಅಗ್ನೇರ್ ವಾತಾನ್ ಮಧುಕಶಾ ಹಿ ಜಜ್ಞೇ |
ತಾಂ ಚಾಯಿತ್ವಾಮೃತಂ ವಸಾನಾಂ
ಹೃದ್ಭಿಃ ಪ್ರಜಾಃ ಪ್ರತಿ ನಂದಂತಿ ಸರ್ವಾಃ || ೧೬,೩೨।೧

ಪಶ್ಯಂತ್ಯ್ ಅಸ್ಯಾಶ್ ಚರಿತಂ ಪೃಥಿವ್ಯಾಂ
ಪೃಥಙ್ ನರೋ ಬಹುಧಾ ಮೀಮಾಂಸಮಾನಾಃ |
ಅಗ್ನೇರ್ ವಾತಾನ್ ಮಧುಕಶಾ ಹಿ ಜಜ್ಞೇ
ಮರುತಾಂ ಉಗ್ರಾ ನಪ್ತಿಃ || ೧೬,೩೨।೨

ಮಹದ್ ವಿಶ್ವರೂಪಂ ಪಯೋ ಅಸ್ಯಾಃ
ಸಮುದ್ರಸ್ಯೋತ ತ್ವಾ ರೇತ ಆಹುಃ |
ಯತ ಐತಿ ಮಧುಕಶಾ ರರಾಣಾ
ತತ್ ಪ್ರಾಣಸ್ ತದ್ ಅಮೃತಂ ನಿವಿಷ್ಟಂ || ೧೬,೩೨।೩

ಮಾತಾದಿತ್ಯಾನಾಂ ದುಹಿತಾ ವಸೂನಾಂ
ಪ್ರಾಣಃ ಪ್ರಜಾನಾಂ ಅಮೃತಸ್ಯ ನಾಭಿಃ |
ಹಿರಣ್ಯವರ್ಣಾ ಮಧುಕಶಾ ಘೃತಾಚೀ
ಮಹದ್ ಭರ್ಗಶ್ ಚರತಿ ಮರ್ತ್ಯೇಷು || ೧೬,೩೨।೪

ಮಧೋಃ ಕಶಾಂ ಅಜನಯಂತ ದೇವಾಸ್
ತಸ್ಯಾ ಗರ್ಭೋ ಅಭವದ್ ವಿಶ್ವರೂಪಂ |
ತಂ ಜಾತಂ ತರುಣಂ ಪಿಪರ್ತಿ ಮಾತಾ
ಸ ಜಾತೋ ವಿಶ್ವಾ ಭುವನಾಭಿ ವಸ್ತೇ || ೧೬,೩೨।೫

ಕಸ್ ತೌ ಪ್ರ ವೇದ ಕ ಉ ತೌ ನ ಆಹ
ಯಾವ್ ಅಸ್ಯಾ ಸ್ತನೌ ಸಹಸ್ರಧಾರಾವ್ ಅಕ್ಷಿತೌ |
ಊರ್ಜಂ ದುಹಾತೇ ಅನಪಸ್ಫುರಂತೌ || ೧೬,೩೨।೬

ಕಸ್ ತಂ ಪ್ರ ವೇದ ಕ ಉ ತಂ ಚಿಕೇತ
ಯೋ ಅಸ್ಯಾ ಹೃದಃ ಕಲಶಃ ಸೋಮಧಾನೋ ಅಕ್ಷಿತಃ |
ಬ್ರಹ್ಮಾ ಸುಮೇಧಾಃ ಸೋ ಅಸ್ಮಿನ್ ಮದೇತ || ೧೬,೩೨।೭

ಹಿಂಕರಿಕ್ರತೀ ಬೃಹತೀ ವಯೋಧಾ
ಉಚ್ಚೈರ್ಘೋಷಾಭಿ ಯಾತಿ ಯಾ ವ್ರತಾ |
ತ್ರೀನ್ ಘರ್ಮಾನ್ ಅಭಿ ವಾವಶಾನಾ
ಮಿಮಾತಿ ಮಾಯುಂ ಪಯತೇ ಪಯೋಭಿಃ || ೧೬,೩೨।೮

ಯಾಂ ಆಪೀನಾಂ ಉಪ ಸೀದಂತ್ಯ್ ಆಪೋ
ಯಾಂ ಶಕ್ವರಾ ವೃಷಭಾ ಯಾಂ ಸ್ವರಾಜಃ |
ತೇ ವರ್ಷಂತಿ ತೇ ವರ್ಷಯಂತಿ
ತದ್ ವಿದೇ ಕಾಮಂ ಊರ್ಜಂ ಆಪಃ || ೧೬,೩೨।೯

ಸ್ತನಯಿತ್ನುಸ್ ತೇ ವಾಕ್ ಪ್ರಜಾಪತೇ
ವೃಷಾ ಶುಷ್ಮಂ ಕ್ಷಿಪಸಿ ಭೂಮ್ಯಾಂ ಅಧಿ |
ಅಗ್ನೇರ್ ವಾತಾನ್ ಮಧುಕಶಾ ಹಿ ಜಜ್ಞೇ
ಮರುತಾಂ ಉಗ್ರಾ ನಪ್ತಿಃ || ೧೬,೩೨।೧೦
(೩೨)

ಯಥಾ ಸೋಮಃ ಪ್ರಾತಃಸವನೇ
ಅಶ್ವಿನೋರ್ ಭವತಿ ಪ್ರಿಯಃ |
ಏವಾ ಮೇ ಅಶ್ವಿನಾ ವರ್ಚ
ಆತ್ಮನಿ ಧ್ರಿಯತಾಂ || ೧೬,೩೩।೧

ಯಥಾ ಸೋಮೋ ದ್ವಿತೀಯಸವನ
ಇಂದ್ರಾಗ್ನ್ಯೋರ್ ಭವತಿ ಪ್ರಿಯಃ |
ಏವಾ ಮ ಇಂದ್ರಾಗ್ನೀ ವರ್ಚಃ (…) || ೧೬,೩೩।೨

ಯಥಾ ಸೋಮಸ್ ತೃತೀಯಸವನ
ಋಭೂಣಾಂ ಭವತಿ ಪ್ರಿಯಃ |
ಏವಾ ಮ ಋಭವೋ ವರ್ಚ
ಆತ್ಮನಿ ಧ್ರಿಯತಾಂ || ೧೬,೩೩।೩

ಮಧು ಜನಿಷೀಯ
ಮಧು ಮಂಸಿಷೀಯ |
ಪಯಸ್ವಾನ್ ಅಗ್ನ ಆಗಮಂ
ತಂ ಮಾ ಸಂ ಸೃಜ ವರ್ಚಸಾ || ೧೬,೩೩।೪

ಸಂ ಮಾಗ್ನೇ ವರ್ಚಸಾ ಸೃಜ
ಸಂ ಪ್ರಜಯಾ ಸಂ ಆಯುಷಾ |
ವಿದ್ಯುರ್ ಮೇ ಅಸ್ಯ ದೇವಾ
ಇಂದ್ರೋ ವಿದ್ಯಾತ್ ಸಹ ಋಷಿಭಿಃ || ೧೬,೩೩।೫

ಯದ್ ಗಿರಿಷ್ವ್ ಇತಿ ಪಾಂಚರ್ಚಿಕೀ || ೧೬,೩೩।೬

ಯಥಾ ಮಧು ಮಧುಕೃತಃ
ಸಂಭರಂತಿ ಮಧಾವ್ ಅಧಿ |
ಏವಾ ಮೇ ಅಶ್ವಿನಾ ಬಲಂ
ಓಜಶ್ ಚ ಧ್ರಿಯತಾಂ || ೧೬,೩೩।೭

ಯಥಾ ಮಕ್ಷಾ ಇದಂ ಮಧು
ನ್ಯಂಜಂತಿ ಕ್ಷಣಾವ್ ಅಧಿ |
ಏವಾ ಮೇ ಅಶ್ವಿನಾ ವರ್ಚಸ್
ತೇಜಶ್ ಚ ಧ್ರಿಯತಾಂ || ೧೬,೩೩।೮

ಅಶ್ವಿನಾ ಸಾರಘೇಣ ಮಾ
ಮಧುನಾಂಕ್ತಂ ಶುಭಸ್ಪತೀ |
ಯಥಾ ವರ್ಚಸ್ವತೀಂ ವಾಚಂ
ಆ ವದಾನಿ ಜನಾಁ ಅನು || ೧೬,೩೩।೯

ವೃಷಾ ಶುಷ್ಮಂ ಕ್ಷಿಪಸಿ ಭೂಮ್ಯಾಂ ದಿವೋ
ಮಧೋಃ ಕಶಯಾ ಪೃಥಿವೀಂ ಅನಕ್ಷಿ |
ತಾಂ ಜಾತಾಂ ಪಶವ ಉಪ ಜೀವಂತಿ ಸರ್ವೇ
ತೇನೋ ಸೇಷಂ ಊರ್ಜಂ ಪಿಪರ್ತಿ || ೧೬,೩೩।೧೦
(೩೩)

ಪೃಥಿವೀ ದಂಡೋ ಅಂತರಿಕ್ಷಂ ಗರ್ಭೋ
ದ್ಯೌಃ ಕಶಾ ವಿದ್ಯುತ್ ಪ್ರಕಶಃ |
ಮಧೋಃ ಕಶಾಸಿ ಘೃತಾಚೀ ಹಿರಣ್ಯಯೋ ಬಿಂದುಃ || ೧೬,೩೪।೧

ಉರ್ವ್ಯ್ ಅಸಿ ಪ್ರಭ್ವ್ಯ್ ಅಸ್ಯ್
ಅಂಭೋ ಽಸಿ ನಭೋ ಽಸಿ ಮಹೋ ಽಸಿ |
ಅಂಭೋ ಮಾ ಕೃಣು ನಭೋ ಮಾಂ ಕೃಣು ಮಹೋ ಮಾ ಕೃಣು || ೧೬,೩೪।೨

ಸಮುದ್ರೋ ಽಸ್ಯ್ ಅಕ್ಷಿತೋ ಅಪರಿಮಿತಃ
ಸಹಸ್ರಸನಿಃ ಸಹಸ್ರಂ ಮಾ ಗಚ್ಛತು |
ಯೋ ವೈ ಮಧುಕಶಾಯಾಃ ಸಪ್ತ ಮಧೂನಿ ವೇದ ಸಪ್ತ ಮಧುಮತೀನ್ || ೧೬,೩೪।೩

ಮಧುಮಂತಂ ಲೋಕಂ ಜಯತಿ
ಮಧ್ವ್ ಅಸ್ಯಾಹಾರ್ಯಂ ಭವತಿ |
ಯದ್ ವೀಧ್ರೇ ಸ್ತನಯತಿ
ಪ್ರಜಾಪತಿರ್ ಏವ ತತ್ ಪ್ರಜಾಭ್ಯಃ ಪ್ರಾದುರ್ ಭವತಿ || ೧೬,೩೪।೪

ತಸ್ಮಾತ್ ಪ್ರಾಚೀನೋಪವೀತಸ್ ತಿಷ್ಠೇತ್
ಪ್ರಜಾಪತೇ ಽನು ಮಾ ಬುಧ್ಯಸ್ವೇತಿ |
ಅನ್ವ್ ಏನಂ ಪ್ರಜಾಪತಿರ್ ಅನು ಪ್ರಜಾ ಬುಧ್ಯಂತೇ ಯ ಏವಂ ವೇದ || ೧೬,೩೪।೫
(೩೪)

ಅನುವಾಕ ೬ ||

ಯಾಂ ಕಲ್ಪಯಂತಿ ವಹತೌ
ವಧೂಂ ಇವ ವಿಶ್ವರೂಪಾಂ
ಹಸ್ತಕೃತಾಂ ಚಿಕಿತ್ಸವಃ |
ಸಾರಾದ್ ಏತ್ವ್ ಅಪ ನುದಾಮ ಏನಾನ್ || ೧೬,೩೫।೧

ಶೀರ್ಷಣ್ವತೀಂ ಪಯಸ್ವತೀಂ
ಕರ್ಣಿನೀಂ ಕೃತಾಂ ಕೃತ್ಯಾಕೃತಾ
ಸಂಭೃತಾಂ ವಿಶ್ವರೂಪಾಂ |
ಪ್ರತ್ಯಕ್ ಪ್ರತಿ ಪ್ರ ಹಿಣ್ಮಸಿ
ಯಶ್ ಚಕಾರ ತಂ ಋಚ್ಛತು || ೧೬,೩೫।೨

ಶೂದ್ರಕೃತಾ ರಾಜಕೃತಾ
ಸ್ತ್ರೀಕೃತಾ ಬ್ರಹ್ಮಭಿಃ ಕೃತಾ |
ಜಾಯಾ ಪತ್ಯಾ ನುತ್ತೇವ
ಕರ್ತಾರಂ ಬಂಧುಂ ಋಚ್ಛತು || ೧೬,೩೫।೩

ಅನಯಾಹಂ ಓಷಧ್ಯೇತ್ಯ್ ಏಕಾ || ೧೬,೩೫।೪

ಕೃತ್ಯಾಃ ಸಂತು ಕೃತ್ಯಾಕೃತೇ
ಶಪಥಾಃ ಶಪಥೀವ್ನೇ |
ಪ್ರತ್ಯಕ್ ಪ್ರತಿ ಪ್ರ ಹಿಣ್ಮಸಿ
ಯಶ್ ಚಕಾರ ತಂ ಋಚ್ಛತು || ೧೬,೩೫।೫

ಪ್ರತೀಚೀನ ಆಂಗಿರಸೋ
ಽಧ್ಯಕ್ಷೋ ನಃ ಪುರೋಹಿತಃ |
ಪ್ರತೀಚೀಃ ಕೃತ್ಯಾ ಆಕೃತ್ಯ-
-ಅಮುಂ ಕೃತ್ಯಾಕೃತಂ ಜಹಿ || ೧೬,೩೫।೬

ಯಸ್ ತ್ವೋವಾಚ ಪರೇಹೀತಿ
ಪ್ರತಿಕೂಲಂ ಉದಾಯ್ಯಂ |
ತಂ ಕೃತ್ಯೇ ಽಭಿ ನಿ ವರ್ತಸ್ವ
ಮಾಸ್ಮಾನ್ ಇಚ್ಛೋ ಅನಾಗಸಃ || ೧೬,೩೫।೭

ಯಸ್ ತೇ ಪರೂಂಷಿ ಸಂದಧೌ
ರಥಸ್ಯೇವ ವಿಭುರ್ ಧಿಯಾ |
ತಂ ಗಚ್ಛ ತತ್ರ ತೇ +ಽಯನಂ
ಅಜ್ಞಾತಸ್ ತೇ ಽಯಂ ಜನಃ || ೧೬,೩೫।೮

ಯೇ ತ್ವಾ ಕೃತ್ಯಾ ಆಲೇಭಿರೇ
ವಿದ್ವಲಾ ಅಭಿಚಾರಿಣಃ |
ವಿದ್ಮೇದಂ ಕೃತ್ಯಾದೂಷಣಂ
ಪ್ರತಿವರ್ತ್ಮ ಪುನಃಸರಂ
ತೇನ ತ್ವಾ ಸ್ನಪಯಾಮಸಿ || ೧೬,೩೫।೯

ಯದ್ ದುರ್ಭಗಾಂ ಪ್ರಸ್ನಪಿತಾಂ
ಮೃತವತ್ಸಾಂ ಉಪೇಯಿಮ |
ಅಪೈತು ಸರ್ವಂ ಮತ್ ಪಾಪಂ
ದ್ರವಿಣಂ ಮೋಪ ತಿಷ್ಠತು || ೧೬,೩೫।೧೦
(೩೫)

ಯತ್ ತೇ ಪಿತೃಭ್ಯೋ ದದತೋ
ಯಜ್ಞೇ ವಾ ನಾಮ ಜಗೃಹುಃ |
ಸಂದೇಶ್ಯಾತ್ ಸರ್ವಸ್ಮಾತ್ ಪಾಪಾದ್
ಇಮಾ ಮುಂಚಂತು ತ್ವೌಷಧೀಃ || ೧೬,೩೬।೧

ದೇವೈನಸಾತ್ ಪಿತ್ರ್ಯಾನ್ ನಾಮಗ್ರಾಹಾತ್
ಸಂದೇಶ್ಯಾದ್ ಅಭಿನಿಷ್ಕೃತಾತ್ |
ಮುಂಚಂತು ತ್ವಾ ವೀರುಧೋ ವೀರ್ಯೇಣ
ಬ್ರಹ್ಮಣ ಋಗ್ಭಿಃ ಪಯಸ ಋಷೀಣಾಂ || ೧೬,೩೬।೨

ಯಥಾ ವಾತಶ್ ಚ್ಯಾವಯತಿ ಭೂಮ್ಯಾ
ರೇಣುಂ ಅಂತರಿಕ್ಷಾಚ್ ಚಾಭ್ರಂ |
ಏವಾಸ್ಮತ್ ಸರ್ವಂ ದುರ್ಭೂತಂ
ಬ್ರಹ್ಮನುತ್ತಂ ಅಪಾಯತಿ || ೧೬,೩೬।೩

ಅಪ ಕ್ರಾಮ ನಾನದತೀ
ವಿನದ್ಧಾ ಗರ್ದಭೀವ |
ಕರ್ತೃ̄ನ್ ನಕ್ಷಸ್ವೇತೋ ನುತ್ತಾ
ಬ್ರಹ್ಮಣಾ ವೀರ್ಯಾವತಾ || ೧೬,೩೬।೪

ಅಯಂ ಪಂಥಾಪಿ ನಯಾಮಿ ತ್ವಾ ಕೃತ್ಯೇ
ಪ್ರಹಿತಾಂ ಪ್ರತಿ ತ್ವಾ ಪ್ರ ಹಿಣ್ಮಃ |
ತೇನಾಭಿ ಯಾಹಿ ಭುಂಜತ್ಯ್ ಅನಸ್ವತೀವ
ವಾಹಿನೀ ವಿಶ್ವರೂಪಾ ಕುರೂಟಿನೀ || ೧೬,೩೬।೫

ಪರಾಕ್ ತೇ ಜ್ಯೋತಿರ್ ಅಪಥಂ ತೇ ಅರ್ವಾಗ್
ಅನ್ಯತ್ರಾಸ್ಮದ್ ಅಯನಾ ಕೃಣುಷ್ವ |
ಪರೇಣೇಹಿ ನವತಿಂ ನಾವ್ಯಾ ಅತಿ
ದುರ್ಗಾ ಸ್ರೋತ್ಯಾ ಮಾ ಕ್ಷನಿಷ್ಠಾಃ ಪರೇಹಿ || ೧೬,೩೬।೬

ವಾತ ಇವ ವೃಕ್ಷಂ ನಿ ಮೃಣೀಹಿ ಪಾದಯ
ಮಾ ಗಾಂ ಅಶ್ವಂ ಪುರುಷಂ ಉಚ್ ಛಿಷ ಏಷಾಂ |
ಕರ್ತೃ̄ನ್ ನಿವೃತ್ಯೇತಃ ಕೃತ್ಯೇ
ಅಪ್ರಜಾಸ್ತ್ವಾಯ ಬೋಧಯ || ೧೬,೩೬।೭

ಯಾಂ ತೇ ಚಕ್ರುರ್ ಬರ್ಹಿಷಿ ಯಾಂ ಶ್ಮಶಾನೇ
ಕೃತ್ಯಾಂ ಕ್ಷೇತ್ರೇ ವಲಗಂ ವಾ ನಿಚಖ್ನುಃ |
ಅಗ್ನೌ ವಾ ತ್ವಾ ಗಾರ್ಹಪತ್ಯೇ ಽಭಿಚೇರುಃ
ಪಾಕಂ ಸಂತಂ ಧೀರತರಾ ಅನಾಗಸಂ
ತದ್ ಇತೋ ನಾಶಯಾಮಸಿ || ೧೬,೩೬।೮

ಉಪಾಹೃತಂ ಅನುಬುದ್ಧಂ ನಿಖಾತಂ
ವೈರಂ ತ್ಸಾರ್ಯ್ ಅನ್ವ್ ಅವಿದಾಮ ಕರ್ತೃ̄ನ್ |
ತದ್ ಏತು ಯತ ಆಗತಂ ತತ್ರಾಶ್ವ ಇವ
ವರ್ತತಾಂ ಹಂತು ಕೃತ್ಯಾಕೃತಃ ಪ್ರಜಾಂ || ೧೬,೩೬।೯

ಸ್ವಾಯಸಾ ಅಸಯಃ ಸಂತಿ ನೋ ಗೃಹೇ
ವಿದ್ಮ ತೇ ಕೃತ್ಯೇ ಯತಿಧಾ ಪರೂಂಷಿ || ೧೬,೩೬।೧೦
(೩೬)

ಉತ್ ತಿಷ್ಠೈವ ಪರೇಹೀತೋ
ಅಜ್ಞಾತೇ ಕಿಂ ಇಹೇಚ್ಛಸಿ |
ಗ್ರೀವಾಸ್ ತೇ ಕೃತ್ಯೇ ಪಾದೌ ಚ-
-ಅಪಿ ಕರ್ತ್ಸ್ಯಾಮಿ ನಿರ್ ದ್ರವ || ೧೬,೩೭।೧

ಇಂದ್ರಾಗ್ನೀ ಅಸ್ಮಾನ್ ರಕ್ಷತಾಂ
ಯೌ ಪ್ರಜಾನಾಂ ಪ್ರಜಾಪತೀ |
ಸೋಮೋ ರಾಜಾಧಿಪಾ ಮೃಡಿತಾ ಚ-
-ಋತಸ್ಯ ನಃ ಪತಯೋ ಮೃಡಯಂತು || ೧೬,೩೭।೨

ಭವಾಶರ್ವಾವ್ ಅಸ್ಯತಾಂ ಪಾಪಕೃತ್ವನೇ
ಕೃತ್ಯಾಕೃತೇ ದುಷ್ಕೃತೇ
ವಿದ್ಯುತಂ ದೇವಹೇತಿಂ || ೧೬,೩೭।೩

ಯದ್ಯ್ ಏಯಥ ದ್ವಿಪದೀ ಚತುಷ್ಪದೀ
ಕೃತ್ಯಾಕೃತಾ ಸಂಭೃತಾ ವಿಶ್ವರೂಪಾ |
ಸೇತೋ ಽಷ್ಟಾಪದೀ ಭೂತ್ವಾ
ಪುನಃ ಪರೇಹಿ ದುಚ್ಛುನೇ || ೧೬,೩೭।೪

ಅಭ್ಯಕ್ತಾಕ್ತಾ ಸ್ವರಂಕೃತಾ
ಸರ್ವಂ ಭರಂತೀ ದುರಿತಂ ಪರೇಹಿ |
ಜಾನೀಹಿ ಕೃತ್ಯೇ ಕರ್ತಾರಂ
ದುಹಿತೇವ ಪಿತರಂ ಸ್ವಂ || ೧೬,೩೭।೫

ಪರೇಹಿ ಕೃತ್ಯೇ ಮಾ ತಿಷ್ಠೋ
ವಿದ್ಧಸ್ಯೇವ ಪದಂ ನಯ |
ಮೃಗಃ ಸ ಮೃಗಯುಸ್ ತ್ವಂ
ನ ತ್ವಾ ನಿಕರ್ತುಂ ಅರ್ಹತಿ || ೧೬,೩೭।೬

ಮರ್ತ್ಯೋ ಮೃತ್ಯುಃ ಸ್ವಯಂಕೃತಂ
ಯಂ ಚಕಾರಾಚಿತ್ತ್ಯಾ |
ಹಸ್ತಾಭ್ಯಾಂ ಆತ್ಮನೇ ವಧಂ || ೧೬,೩೭।೭

ಉತ ಹಂತಿ ಪೂರ್ವಾಸಿನಂ
ಪ್ರತ್ಯಾದಾಯಾಪರ ಇಷ್ವಾ |
ಉತೋ ಪೂರ್ವಸ್ಯ ನಿಘ್ನತೋ
ವಿ ಹಂತ್ಯ್ ಅಪರಃ ಪ್ರತಿ || ೧೬,೩೭।೮

ಏತದ್ ಧಿ ಶೃಣು ಮೇ ವಚೋ
ಅಥೇಹಿ ಯತ ಏಯಥ |
ಯಸ್ ತ್ವಾ ಚಕಾರ ತಂ ಪುನಃ || ೧೬,೩೭।೯

ಅನಾಗೋಹತ್ಯಂ ವೈ ಭೀಮಂ ಕೃತ್ಯೇ
ಮಾ ನೋ ಗಾಂ ಅಶ್ವಂ ಪುರುಷಂ ವಧೀಃ || ೧೬,೩೭।೧೦
(೩೭)

ಯತ್ರಯತ್ರಾಸಿ ನಿಹಿತಾ
ತತಸ್ ತ್ವೋತ್ಥಾಪಯಾಮಸಿ |
ಪರ್ಣಾಲ್ ಲಘೀಯಸೀ ಭವ || ೧೬,೩೮।೧

ಯದಿ ಸ್ಥ ತಮಸಾವೃತಾ
ಜಾಲೇನಾಭಿಹಿತಾ ಯೂಯಂ |
ಸರ್ವಾಃ ಸಂಲುಪ್ಯೇತಃ ಕೃತ್ಯಾಃ
ಪುನಃ ಕರ್ತ್ರೇ ಪ್ರ ಹಿಣ್ಮಸಿ || ೧೬,೩೮।೨

ಕೃತ್ಯಾಕೃತಂ ಮೂಲಕೃತಂ
ಅಭಿನಿಷ್ಕಾರಿಣಃ ಪ್ರಜಾಂ |
ಮೃಣೀಹಿ ಕೃತ್ಯೇ ಮೋಚ್ ಛಿಷೋ
ಅಮುಂ ಕೃತ್ಯಾಕೃತಂ ಜಹಿ || ೧೬,೩೮।೩

ಯಥಾ ಸೂರ್ಯಸ್ ತಮಸೋ ಮುಚ್ಯತೇ ಪರಿ
ರಾತ್ರಿಂ ಜಹಾತ್ಯ್ ಉಷಸಶ್ ಚ ಕೇತೂನ್ |
ಏವಾಹಂ ಸರ್ವಂ ದುರ್ಭೂತಂ
ಹಸ್ತೀವ ರಜೋ ದುರಿತಂ ಜಹಾಮಿ || ೧೬,೩೮।೪
(೩೮)

ಉಪಮಿತಃ ಪ್ರತಿಮಿತೋ
ಽಥೋ ಪರಿಮಿತಶ್ ಚ ಯಾಃ |
ಶಾಲಾಯಾ ವಿಶ್ವವಾರಾಯಾ
ನದ್ಧಾನಿ ವಿ ಚೃತಾಮಸಿ || ೧೬,೩೯।೧

ಯತ್ ತೇ ನದ್ಧಂ ವಿಶ್ವವಾರೇ
ಪಾಶೋ ಗ್ರಂಥಿಶ್ ಚ ಯಃ ಕೃತಃ |
ಬೃಹಸ್ಪತಿರ್ ಇವಾಹಂ ಬಲಂ
ವಾಚಾ ವಿ ಸ್ರಂಸಯಾಮಿ ತತ್ || ೧೬,೩೯।೨

ಆ ಯಯಾಮ ಸಂ ಬಬರ್ಹ
ಗ್ರಂಥಿಂ ಚಕಾರ ತೇ ದೃಢಂ |
ಪರೂಂಷಿ ವಿದ್ವಾಂ ಶಸ್ತೇವ-
-ಇಂದ್ರೇಣ ವಿ ಚೃತಾಮಸಿ || ೧೬,೩೯।೩

ಸಂದಂಶಾನಾಂ ಪಲದಾನಾಂ
ಪರಿಷ್ವಂಜಲ್ಯಸ್ಯ ಚ |
ಸರ್ವಾ ಮಾನಸ್ಯ ಪತ್ನ್ಯಾ ತೇ
ನದ್ಧಾನಿ ವಿ ಚೃತಾಮಸಿ || ೧೬,೩೯।೪

ವಂಶಾನಾಂ ತೇ ನಹನಾನಿ
ಪ್ರಾಣಾಹಸ್ಯ ತೃಣಸ್ಯ ಚ |
ಪಕ್ಷಾಣಾಂ ವಿಶ್ವವಾರೇ ತೇ
ನದ್ಧಾನಿ ವಿ ಚೃತಾಮಸಿ || ೧೬,೩೯।೫

ಯಾನಿ ತೇ ಅಂತಃ ಶಿಕ್ಯಾನ್ಯ್
ಆಬೇಧೂ ರಣ್ಯಾಯ ಕಂ |
ಪ್ರ ತೇ ತಾನಿ ವಿ ಚೃತಾಮಸಿ
ಶಿವಾ ಮಾನಸ್ಯ ಪತ್ನಿ ನ
ಉದ್ಧಿತಾ ತನ್ವೇ ಭವ || ೧೬,೩೯।೬

ಹವಿರ್ಧಾನಂ ಅಗ್ನಿಶಾಲಂ
ಪತ್ನೀನಾಂ ಸದನಂ ಸದಃ |
ಸದೋ ದೇವಾನಾಂ ಅಸಿ ದೇವಿ ಶಾಲೇ || ೧೬,೩೯।೭

ಅಕ್ಷುಂ ಓಪಶಂ ವಿತತಂ
ಸಹಸ್ರಾಕ್ಷಂ ವಿಷೂವತಿ |
ಅಪಿನದ್ಧಂ ಅಭಿಹಿತಂ
ಬ್ರಹ್ಮಣಾ ವಿ ಚೃತಾಮಸಿ || ೧೬,೩೯।೮

ಯಶ್ ಚ ತ್ವಾ ಪ್ರತಿ ಗೃಹ್ಣಾತಿ
ಯೇನ ಚಾಸಿ ಮಿತಾ ತ್ವಂ |
ಉಭೌ ಮಾನಸ್ಯ ಪತ್ನಿ ತೌ
ಜೀವತಾಂ ಜರದಷ್ಟೀ || ೧೬,೩೯।೯

ಅಮುತ್ರೈನಂ ಆ ಗಚ್ಛತಾದ್
ದೃಢಾ ನದ್ಧಾ ಪರಿಷ್ಕೃತಾ |
ತಸ್ಯಾಸ್ ತೇ ವಿ ಚೃತಾಮಸ್ಯ್
ಅಂಗಮಂಗಂ ಪರುಷ್ಪರುಃ || ೧೬,೩೯।೧೦
(೩೯)

ಅಗ್ನಿಂ ಅಂತಶ್ ಛಾದಯಸಿ
ಪುರುಷಾನ್ ಪಶುಭಿಃ ಸಹ |
ವಿಜಾವತಿ ಪ್ರಜಾವತಿ
ವಿ ತೇ ಪಾಶಾಂಶ್ ಚೃತಾಮಸಿ || ೧೬,೪೦।೧

ಊರ್ಜಸ್ವತೀ ಘೃತವತೀ
ಪೃಥಿವ್ಯಾಂ ನಿಮಿತಾ ಮಿತಾ |
ವಿಶ್ವಾನ್ನಂ ಬಿಭ್ರತೀ ಶಾಲಾ
ಮಾ ಹಿಂಸೀಃ ಪ್ರತಿಗೃಹ್ಣತಃ || ೧೬,೪೦।೨

ಯಸ್ ತ್ವಾ ಪೂರ್ವೋ ನಿಮಿಮಾಯ
ಸಂಜಭಾರ ವನಸ್ಪತೀನ್ |
ಪ್ರಜಾಯೈ ಚಕ್ರೇ ತ್ವಾ ಶಾಲೇ
ಪರಮೇಷ್ಠೀ ಪ್ರಜಾಪತಿಃ || ೧೬,೪೦।೩

ನಮಸ್ ತಸ್ಮೈ ನಮೋ ದಾತ್ರೇ
ಶಾಲಾಪತಯೇ ಚ ಕೃಣ್ಮಸಿ |
ನಮೋ ಽಗ್ನಯೇ ಪ್ರಚರತೇ
ಪುರುಷಾಯ ಚ ತೇ ನಮಃ || ೧೬,೪೦।೪

ಗೋಭ್ಯೋ ಅಶ್ವೇಭ್ಯೋ ನಮೋ
ಯಚ್ ಛಾಲಾಯಾಂ ವಿಜಾಯತೇ |
ಅಂತರಾ ದ್ಯಾಂ ಚ ಪೃಥಿವೀಂ ಚ ಯದ್ ವ್ಯಚಸ್
ತೇನ ಶಾಲಾಂ ಪ್ರತಿ ಗೃಹ್ಣಾಮಿ ತ ಇಮಾಂ || ೧೬,೪೦।೫

ಯದ್ ಅಂತರಿಕ್ಷಂ ರಜಸೋ ವಿಮಾನಂ
ತತ್ ಕೃಣ್ವ ಉದರಂ ಶೇವಧಿಭ್ಯಃ |
ಯಚ್ ಛಾಲಾಂ ಪ್ರತಿ ಗೃಣಾಮಿ ತಸ್ಮೈ || ೧೬,೪೦।೬

ತೃಣೈರ್ ಆವೃತಾ ಪಲದಾನ್ ವಸಾನಾ
ರಾತ್ರೀವ ಶಾಲಾ ಜಗತೋ ನಿವೇಶನೀ |
ಮಿತಾ ಪೃಥಿವ್ಯಾಂ ತಿಷ್ಠತಿ
ಹಸ್ತಿನೀವ ಪದ್ವತೀ || ೧೬,೪೦।೭

ಯಾ ದ್ವಿಪಕ್ಷಾ ಚತುಷ್ಪಕ್ಷಾ
ಷಟ್ಪಕ್ಷಾ ಯಾ ನಿಮೀಯತೇ |
ಅಷ್ಟಾಪಕ್ಷಾಂ ದಶಪಕ್ಷಾಂ
ಶಾಲಾಂ ಮಾನಸ್ಯ ಪತ್ನೀಂ
ಅಗ್ನಿರ್ ಗರ್ಭ ಇವಾ ಶಯೇ || ೧೬,೪೦।೮

ಇಟಸ್ಯ ತೇ ವಿ ಚೃತಾಮ್ಯ್
ಅಪಿನದ್ಧಂ ಅಪೋರ್ಣುವನ್ |
ವರುಣೇನ ಸಮುಬ್ಜಿತಾಂ
ಮಿತ್ರಃ ಪ್ರಾತರ್ ವ್ಯ್ ಉಬ್ಜತು || ೧೬,೪೦।೯

ಕುಲಾಯೇ ಽಧಿ ಕುಲಾಯಾಂ
ಕೋಶೇ ಕೋಶಃ ಸಮುಬ್ಜಿತಃ |
ತತ್ರ ಮರ್ತೋ ವಿ ಜಾಯತೇ
ಯಸ್ಮಾದ್ ವಿಶ್ವಂ ಪ್ರಜಾಯತೇ || ೧೬,೪೦।೧೦
(೪೦)

ಚತುಃಸ್ರಕ್ತಿಂ ಪರಿಚಕ್ರಾಂ
ಕವಿಭಿರ್ ನಿಮಿತಾಂ ಮಿತಾಂ |
ಇಂದ್ರಾಗ್ನೀ ರಕ್ಷತಃ ಶಾಲಾಂ
ಅಮೃತೌ ಸೋಮ್ಯಂ ಸದಃ || ೧೬,೪೧।೧

ಮಾ ನಃ ಪಾಶಾನ್ ಪ್ರತಿ ಮುಚೋ
ಗುರುರ್ ಭಾರೋ ಲಘುರ್ ಭವ |
ವಧೂಂ ಇವ ತ್ವಾ ಶಾಲೇ
ಯತ್ರಕಾಮಂ ಭರಾಮಸಿ || ೧೬,೪೧।೨

ಇಮಾ ಆಪಃ ಪ್ರ ಹರಾಮ್ಯ್
ಅಯಕ್ಷ್ಮಾ ಯಕ್ಷ್ಮನಾಶನೀಃ |
ಗೃಹಾನ್ ಅಭಿ ಪ್ರ ಸೀದಾಮ್ಯ್
ಅಮೃತೇನ ಸಹಾಗ್ನಿನಾ || ೧೬,೪೧।೩

ಪ್ರತೀಚೀಂ ತ್ವಾ ಪ್ರತೀಚೀನಃ
ಶಾಲೇ ಪ್ರೈಮ್ಯ್ ಅಹಿಂಸತೀಂ |
ಅಗ್ನಿರ್ ಹ್ಯ್ ಅಂತರ್ ಆಪಶ್ ಚ-
-ಋತಸ್ಯ ಪ್ರಥಮೋಭಾ || ೧೬,೪೧।೪

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯಃ
ಪ್ರಾಚ್ಯಾ ದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೫

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯೋ
ದಕ್ಷಿಣಸ್ಯಾ ದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೬

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯಃ
ಪ್ರತೀಚ್ಯಾ ದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೭

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯ
ಉದೀಚ್ಯಾ ದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೮

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯೋ
ಧ್ರುವಾಯಾ ದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೯

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯ
ಊರ್ಧ್ವಾಯಾ ದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೧೦

ಸ್ವಾಹಾ ದೇವೇಭ್ಯಃ ಸ್ವಾಹ್ಯೇಭ್ಯೋ
ದಿಶೋದಿಶಃ ಶಾಲಾಯಾ ನಮೋ ಮಹಿಮ್ನೇ || ೧೬,೪೧।೧೧
(೪೧)

ಅನುವಾಕ ೭ ||

ಅರಾತೀಯೋರ್ ಭ್ರಾತೃವ್ಯಸ್ಯ
ದುರ್ಹಾರ್ದೋ ದ್ವಿಷತಃ ಶಿರಃ |
ಪ್ರ ವೃಶ್ಚಾಮೀದಂ ಓಜಸಾ || ೧೬,೪೨।೧

ವರ್ಮ ಮಹ್ಯಂ ಅಯಂ ಮಣಿಃ
ಫಾಲಾಜ್ ಜಾತಃ ಕರಿಷ್ಯತಿ |
ತೃಪ್ತೋ ಮಂಥೇನ ಮಾಗಮದ್
ರಸೇನ ಸಹ ವರ್ಚಸಾ || ೧೬,೪೨।೨

ಯತ್ ತ್ವಾ ಶಿಕ್ವಃ ಪರಾವಧೀತ್
ತಕ್ಷಾ ಹಸ್ತೇನ ವಾಸ್ಯಾ |
ಆಪಸ್ ತ್ವಾ ತಸ್ಮಾಜ್ ಜೀವಲಾಃ
ಪುನಂತು ಶುಚಯಃ ಶುಚಿಂ || ೧೬,೪೨।೩

ಹಿರಣ್ಯಸ್ರಗ್ ಅಯಂ ಮಣಿರ್
ದುಹಾನೋ ವಸ್ವ್ ಅಕ್ಷಿತಂ |
ಶ್ರದ್ಧಾಂ ಯಜ್ಞಂ ಮಹೋ ದಧದ್
ಗೃಹೇ ವಸತು ನೋ ಽತಿಥಿಃ || [ಭತ್ತ್। ನೋತಿಥಿಃ ೧೬,೪೨।೪

ತಸ್ಮೈ ಘೃತಂ ಸುರಾಂ ಮಧ್ವ್
ಅನ್ನಂ ಅನ್ನಂ ಕ್ಷದಾಮಹೇ |
ಸ ನಃ ಪಿತೇವ ಪುತ್ರೇಭ್ಯಃ
ಶ್ರೇಯಃಶ್ರೇಯಶ್ ಚಿಕಿತ್ಸತು
ದೇವೇಭ್ಯೋ ಮಣಿರ್ ಏತ್ಯ || ೧೬,೪೨।೫

ಯಂ ಅಬಧ್ನಾದ್ ಬೃಹಸ್ಪತಿರ್
ಮಣಿಂ ಫಾಲಂ ಘೃತಶ್ಚುತಂ
ಉಗ್ರಂ ಖದಿರಂ ಓಜಸೇ |
ತೇನ ತ್ವಂ ದ್ವಿಷತೋ ಜಹಿ || ೧೬,೪೨।೬

ತಂ ಅಗ್ನಿಃ ಪ್ರತ್ಯ್ ಅಮುಂಚತ-
-ಆಜ್ಯಾಯ ರಸಾಯ ಕಂ
ಸೋ ಅಸ್ಮಾ ಆಜ್ಯಂ ದುಹೇ |
ಭೂಯೋಭೂಯಃ ಶ್ವಃಶ್ವಸ್
ತೇನ ತ್ವಂ ದ್ವಿಷತೋ ಜಹಿ || ೧೬,೪೨।೭

ಯಂ ಅಬಧ್ನಾದ್ ಬೃಹಸ್ಪತಿರ್
ಮಣಿಂ ಫಾಲಂ ಘೃತಶ್ಚುತಂ
ಉಗ್ರಂ ಖದಿರಂ ಓಜಸೇ |
ತೇನ ತ್ವಂ ದ್ವಿಷತೋ (…) || ೧೬,೪೨।೮

ತಂ ಇಂದ್ರಃ ಪ್ರತ್ಯ್ ಅಮುಂಚತ-
-ಓಜಸೇ ವೀರ್ಯಾಯ ಕಂ
ಸೋ ಅಸ್ಮೈ ಬಲಂ ಇದ್ ದುಹೇ |
(…) || ೧೬,೪೨।೯

ತಂ ಸೂರ್ಯಃ ಪ್ರತ್ಯ್ ಅಮುಂಚತ
ತೇನೇಮಾ ಅಜಯದ್ ದಿಶಃ
ಸೋ ಅಸ್ಮೈ ವರ್ಚ ಇದ್ ದುಹೇ |
(…) || ೧೬,೪೨।೧೦
(೪೨)

ತಂ ಸೋಮಃ ಪ್ರತ್ಯ್ ಅಮುಂಚತ
ದ್ರವಿಣಾಯ ರಸಾಯ ಕಂ |
ಸೋ ಅಸ್ಮೈ ಮಹ ಇದ್ ದುಹೇ
(…) || ೧೬,೪೩।೧

ತಂ ಬಿಭ್ರಚ್ ಚಂದ್ರಮಾ ಮಣಿಂ
ಅಸುರಾಣಾಂ ಪುರೋ ಽಜಯದ್
ದಾನವಾನಾಂ ಹಿರಣ್ಯಯೀಃ
ಸೋ ಅಸ್ಮೈ ತೇಜ ಇದ್ ದುಹೇ
(…) || ೧೬,೪೩।೨

ತಂ ರಾಜಾ ವರುಣೋ ಮಣಿಂ
ಪ್ರತ್ಯ್ ಅಮುಂಚತ ಶಂಭುವಂ
ಸೋ ಅಸ್ಮೈ ರಾಜ್ಯಂ ದುಹೇ
(…) || ೧೬,೪೩।೩

ತಂ ತ್ವಷ್ಟಾ ಪ್ರತ್ಯ್ ಅಮುಂಚತ
ಪ್ರಜಾಭ್ಯೋ ವೀರ್ಯಾಯ ಕಂ
ಸೋ ಅಸ್ಮೈ ರೂಪಂ ಇದ್ ದುಹೇ
(…) || ೧೬,೪೩।೪

ತಂ ಬಿಭ್ರತ್ ಸವಿತಾ ಮಣಿಂ
ತೇನೇದಂ ಅಜಯತ್ ಸ್ವಃ
ಸೋ ಅಸ್ಮೈ ಸೂನೃತಾಂ ದುಹೇ
(…) || ೧೬,೪೩।೫

ತಂ ಆಪೋ ಬಿಭ್ರತೀರ್ ಮಣಿಂ
ಸದಾ ಧಾವಂತ್ಯ್ ಅಕ್ಷಿತಾಃ
ಸ ಆಭ್ಯೋ ಅಮೃತಂ ದುಹೇ
(…) || ೧೬,೪೩।೬

ತೇನೇಮಾಂ ಮಣಿನಾ ಕೃಷಿಂ
ಅಶ್ವಿನಾವ್ ಅಭಿ ರಕ್ಷತಃ
ಸ ಭಿಷಗ್ಭ್ಯಾಂ ಪಯೋ ದುಹೇ
(…) || ೧೬,೪೩।೭

ಯಂ ಅಬಧ್ನಾದ್ ಬೃಹಸ್ಪತಿರ್
ವಾತಾಯ ಮಣಿಂ ಆಶವೇ
ಸೋ ಅಸ್ಮೈ ವಾಚಂ ಇದ್ ದುಹೇ
(…) || ೧೬,೪೩।೮

ತಂ ದೇವಾ ಬಿಭ್ರತೋ ಮಣಿಂ
ಸರ್ವಾಁಲ್ ಲೋಕಾನ್ ಯುಧಾಜಯನ್
ಸ ಏಭ್ಯೋ ಜಿತಂ ಇದ್ ದುಹೇ
(…) || ೧೬,೪೩।೯

ತಂ ಇಮಂ ದೇವತಾ ಮಣಿಂ
ತುಭ್ಯಂ ದಧತು ಭರ್ತವೇ
ಸ ಉ ತೇ ಭೂತಿಂ ಇದ್ ದುಹಾಂ |
ಭೂಯೋಭೂಯಃ ಶ್ವಃಶ್ವಸ್
ತೇನ ತ್ವಂ ದ್ವಿಷತೋ ಜಹಿ || ೧೬,೪೩।೧೦
(೪೩)

ಅಂತರ್ದೇಶಾ ಅಬಧ್ನತ
ಪ್ರದಿಶಸ್ ತಂ ಅಬಧ್ನತ |
ಪ್ರಜಾಪತಿಸೃಷ್ಟೋ ಮಣಿರ್
ದ್ವಿಷತೋ ಮೇ ಅಧರಾಁ ಅಕಃ || ೧೬,೪೪।೧

ಋತವಸ್ ತಂ ಅಬಧ್ನತ-
-ಆರ್ತವಾಸ್ ತಂ ಅಬಧ್ನತ |
ಸಂವತ್ಸರಸ್ ತಂ ಬದ್ಧ್ವಾ
ಸರ್ವಂ ಭೂತಂ ವಿ ರಾಜತಿ || ೧೬,೪೪।೨

ಅಥರ್ವಾಣೋ ಅಬಧ್ನತ-
-ಆಥರ್ವಾಣಾ ಅಬಧ್ನತ |
ಅಂಗಿರಸಸ್ ತಂ ಬದ್ಧ್ವಾ
ದಸ್ಯೂನಾಂ ಬಿಬಿಧುಃ ಪುರಃ || ೧೬,೪೪।೩

ತಂ ಧಾತಾ ಪ್ರತ್ಯ್ ಅಮುಂಚತ
ಸ ಭೂತಾನ್ಯ್ ಅಕಲ್ಪಯತ್ |
ತೇನ ತ್ವಂ ದ್ವಿಷತೋ ಜಹಿ || ೧೬,೪೪।೪

ಯಂ ಅಬಧ್ನಾದ್ ಬೃಹಸ್ಪತಿರ್
ದೇವೇಭ್ಯೋ ಅಸುರಕ್ಷಿತಿಂ |
ಸ ತ್ವಾಯಂ ಮಣಿರ್ ಆಗಮತ್
ಸಹ ಗೋಭಿರ್ ಅಜಾವಿಭಿರ್
ಅನ್ನೇನ ಪ್ರಜಯಾ ಸಹ || ೧೬,೪೪।೫

(…) |
(…) ಆಗಮನ್
ಮಧೋರ್ ಘೃತಸ್ಯ ಧಾರಯಾ
ಕಿಲಾಲೇನ ಶ್ರಿಯಾ ಸಹ || ೧೬,೪೪।೬

ಯಂ ಅಬಧ್ನಾದ್ ಬೃಹಸ್ಪತಿರ್
ದೇವೇಭ್ಯೋ ಅಸುರಕ್ಷಿತಿಂ |
ಸ ತ್ವಾಯಂ ಮಣಿರ್ ಆಗಮದ್
ಓಜಸಾ ತೇಜಸಾ ಸಹಸಾ ಭೂತ್ಯಾ
ದ್ರವಿಣೇನ ಶ್ರಿಯಾ ಸಹ || ೧೬,೪೪।೭

ಯಸ್ಯ ಲೋಕಾ ಇಮೇ ತ್ರಯಃ
ಪಯೋ ದುಗ್ಧಂ ಉಪಾಸತೇ |
ಸ ತ್ವಾಯಂ ಅಭಿ ರಕ್ಷತು
ಮಣಿಃ ಶ್ರೈಷ್ಠ್ಯಾಯ ಮೂರ್ಧತಃ || ೧೬,೪೪।೮

ಸ ತ್ವಾಯಂ ಶತದಕ್ಷಿಣೋ
ಮಣಿಃ ಶ್ರೈಷ್ಠ್ಯಾಯ ಜಿನ್ವತು |
ಯಂ ದೇವಾಃ ಪಿತರೋ ಮನುಷ್ಯಾ
ಉಪಜೀವಂತಿ ಸರ್ವದಾ || ೧೬,೪೪।೯

ಯಸ್ಮೈ ತ್ವಾ ಯಜ್ಞವರ್ಧನ
ಮಣೇ ಪ್ರತ್ಯಮುಚಂ ಶಿವಂ |
ತಂ ತ್ವಂ ಶತದಕ್ಷಿಣ
ಮಣೇ ಶ್ರೈಷ್ಠ್ಯಾಯ ಜಿನ್ವತಾತ್ || ೧೬,೪೪।೧೦
(೪೪)

ಅಸಪತ್ನಃ ಸಪತ್ನಹಾ
ಸಪತ್ನಾನ್ ಮೇ ಅಧರಾಁ ಅಕಃ |
ಉತ್ತರಂ ದ್ವಿಷತಸ್ ತ್ವಾ
ಮಣಿಃ ಕೃಣೋತು ದೇವಜಾಃ || ೧೬,೪೫।೧

ಮಣಿಂ ಸಹಸ್ರವೀರ್ಯಂ
ಬ್ರಹ್ಮಣಾ ತೇಜಸಾ ಸಹ
ಪ್ರತಿ ಮುಂಚಾಮಿ ತೇ ಶಿವಂ |
ಸ ತ್ವಾಯಂ ಅಭಿ ರೋಹತು
ದೇವೈಃ ಫಾಲಮಣಿಃ ಸಹ || ೧೬,೪೫।೨

ಯಥಾ ಬೀಜಂ ಉರ್ವರಾಯಾಂ
ಕೃಷ್ಟೇ ಫಾಲೇನ ರೋಹತಿ |
ಏವಾಸ್ಮಿನ್ ಪ್ರಜಾ ಪಶವೋ
ಅನ್ನಮನ್ನಂ ವಿ ರೋಹತು || ೧೬,೪೫।೩

ಏತಂ ಇಧ್ಮಂ ಸಮಾಭೃತಂ ಜುಷಾಣೋ
ಅಗ್ನೇ ಪ್ರತಿ ಹರ್ಯ ಹೋಮಂ |
ತಸ್ಮಿನ್ ವಿದೇಮ ಸುಮತಿಂ ಸ್ವಸ್ತಿ
ಚಕ್ಷುಃ ಪ್ರಾಣಂ ಪ್ರಜಾಂ ಪಶೂನ್
ಜಾತವೇದಸಿ ಬ್ರಹ್ಮಣಾ || ೧೬,೪೫।೪
(೪೫)

ಕ್ಷಾ ಚಾಸಿ ಕ್ಷಮಾ ಚಾಸಿ
ತಸ್ಯಾಸ್ ತೇ ಭೂತಂ ಚ ಸುಭೂತಂ ಚೇತಿ ಮುಖೇ |
ತಾಭ್ಯಾಂ ತೇ ವಿಧೇಯಂ ತಾಭ್ಯಾಂ ತೇ ನಮಸ್
ತಾಭ್ಯಾಂ ನೋ ಮೃಡ ತಾಭ್ಯಾಂ ನೋ ಽಧಿ ಬ್ರೂಹಿ ತಾಭ್ಯಾಂ ನೋ ಽಭಿ ಜಿಘ್ರ |
ಮಾತೇವ ಪುತ್ರಂ ಪಿತೇವ ಸೂನುಂ
ಅಯಂ ತೇ ಅಸ್ಮಿ ತಂ ಮಾ ಮುಮುಗ್ಧಿ ಗ್ರಾಹ್ಯಾ
ಬಂಧೇಭ್ಯೋ ವಿಮದಂ ನಯೇಮಂ || ೧೬,೪೬।೧

ಭೂಮಿಶ್ ಚಾಸಿ ಭೂತಿಶ್ ಚಾಸಿ
ತಸ್ಯಾಸ್ ತೇ ಭುವನಂ ಚ ಸುಭೂತಿಶ್ ಚ (…) || ೧೬,೪೬।೨

ಪೃಥ್ವೀ ಚಾಸಿ ಪೃಥಿವೀ ಚಾಸಿ
ತಸ್ಯಾಸ್ ತೇ ಭವಿಷ್ಯಚ್ ಚಾಭವಿಷ್ಯಚ್ ಚ (…) || ೧೬,೪೬।೩

ಕ್ಷೇಮ್ಯಾ ಚಾಸಿ ಕ್ಷಿತಿಶ್ ಚಾಸಿ
ತಸ್ಯಾಸ್ ತೇ ಕಂ ಚ ನಾಕಂ ಚ (…) || ೧೬,೪೬।೪

ದೃಢಾ ಚಾಸಿ ಶಿಥಿರಾ ಚಾಸಿ
ತಸ್ಯಾಸ್ ತೇ ಸ್ವಶ್ ಚ ಸ್ವರ್ಗಶ್ ಚ (…) || ೧೬,೪೬।೫

ಅಮಿತಿಶ್ ಚಾಸಿ ನಿರೃತಿಶ್ ಚಾಸಿ
ತಸ್ಯಾಸ್ ತೇ ಮಿತ್ರಂ ಚ ಮೈತ್ರಂ ಚ (…) || ೧೬,೪೬।೬

ಶಿತಿಪೃಷ್ಠಾ ಚಾಸಿ ವಿಧೂನ್ವಾನಾ ಚಾಸಿ
ತಸ್ಯಾಸ್ ತೇ ವಿಂದಚ್ ಚ ವಿಂದಮಾನಂ ಚ (…) || ೧೬,೪೬।೭

ಸುಹಿತಾ ಚಾಸಿ ಸುಹಿತಿಶ್ ಚಾಸಿ
ತಸ್ಯಾಸ್ ತೇ ವಿತ್ತಿಶ್ ಚ ಸುವಿತ್ತಿಶ್ ಚ (…) || ೧೬,೪೬।೮

ವಪ್ಸಾ ಚಾಸಿ ವಪ್ಸತೀ ಚಾಸಿ
ತಸ್ಯಾಸ್ ತೇ ಸುವಚ್ ಚ ಪ್ರಸುವಚ್ ಚ (…) || ೧೬,೪೬।೯

ಅಪ್ಸರಾಶ್ ಚಾಸಿ ಸದಾನ್ವಾ ಚಾಸಿ
ತಸ್ಯಾಸ್ ತೇ ಸ್ವಂ ಚ ಸ್ವಾವಂ ಚ (…) || ೧೬,೪೬।೧೦
(೪೬)

ಪೃಶ್ನಿಶ್ ಚಾಸಿ ಪೃಷತೀ ಚಾಸಿ
ತಸ್ಯಾಸ್ ತೇ ಯಚ್ಛಚ್ ಚ ಪ್ರಯಚ್ಛಚ್ ಚ (…) || ೧೬,೪೭।೧

ವಿಶ್ವಭೃಚ್ ಚಾಸಿ ವಿಶ್ವರೂಪಾ ಚಾಸಿ
ತಸ್ಯಾಸ್ ತೇ ದದಚ್ ಚ ಪ್ರದದಚ್ ಚ (…) || ೧೬,೪೭।೨

ಗಿರಂತೀ ಚಾಸಿ ಗರರ್ಗೃಚ್ ಚಾಸಿ
ತಸ್ಯಾಸ್ ತೇ ವೃಂದಂ ಚ ಸಂವೃಂದಾನಂ ಚ (…) || ೧೬,೪೭।೩

ಗುರ್ವೀ ಚಾಸಿ ಗುರುಭೃಚ್ ಚಾಸಿ
ತಸ್ಯಾಸ್ ತೇ ದೋಹಶ್ ಚ ದುಹಾನಂ ಚ (…) || ೧೬,೪೭।೪

ದಿತಿಶ್ ಚಾಸ್ಯ್ ಅದಿತಿಶ್ ಚಾಸಿ
ತಸ್ಯಾಸ್ ತೇ ಪಯಶ್ ಚ ಪಯಸ್ವಚ್ ಚ (…) || ೧೬,೪೭।೫

ಜೂರ್ಣಾ ಚಾಸಿ ಜರಂತೀ ಚಾಸಿ
ತಸ್ಯಾಸ್ ತೇ ದಕ್ಷಶ್ ಚ ದಕ್ಷಮಾಣಂ ಚ (…) || ೧೬,೪೭।೬

ಪ್ರತಿಷ್ಠಾ ಚಾಸಿ ಪ್ರತಿಷ್ಠತೀ ಚಾಸಿ
ತಸ್ಯಾಸ್ ತ ಓಜಶ್ ಚ ತೇಜಶ್ ಚ (…) || ೧೬,೪೭।೭

ಲೋಕಿನೀ ಚಾಸಿ ಲೋಕಕೃಚ್ ಚಾಸಿ
ತಸ್ಯಾಸ್ ತೇ ಶ್ರವಶ್ ಚ ಸ್ರವಸ್ಯುಶ್ ಚ (…) || ೧೬,೪೭।೮

ಉರ್ವೀ ಚಾಸಿ ಪ್ರಭವೀ ಚಾಸಿ
ತಸ್ಯಾಸ್ ತೇ ಕುರ್ವಚ್ ಚ ಸಂಸ್ಕುರ್ವಾಣಂ ಚ (…) || ೧೬,೪೭।೯

ನೀಚೀ ಚಾಸ್ಯ್ ಉತ್ತಾನಾ ಚಾಸಿ
ತಸ್ಯಾಸ್ ತೇ ರೋಹಚ್ ಚ ವಿರೋಹಚ್ ಚ (…) || ೧೬,೪೭।೧೦
(೪೭)

ರೋಹಿಣೀ ಚಾಸಿ ಸುರೋಹಿಣೀ ಚಾಸಿ
ತಸ್ಯಾಸ್ ತೇ ಽನ್ನಂ ಚಾನ್ನಾದ್ಯಂ ಚ (…) || ೧೬,೪೮।೧

ಸರಾ ಚಾಸಿ ಸರಸ್ವತೀ ಚಾಸಿ
ತಸ್ಯಾಸ್ ತೇ ಬ್ರಹ್ಮ ಚ ಕ್ಷತ್ರಂ ಚ (…) || ೧೬,೪೮।೨

ವಸುಭೃಚ್ ಚಾಸಿ ವಸುಮತೀ ಚಾಸಿ
ತಸ್ಯಾಸ್ ತೇ ಸೂನೃತಾ ಚೇರಾ ಚ (…) || ೧೬,೪೮।೩

ಮಹಶ್ ಚಾಸಿ ಮಹಸ್ವತೀ ಚಾಸಿ
ತಸ್ಯಾಸ್ ತೇ ಕಾಮಶ್ ಚ ತೃಪ್ತಿಶ್ ಚ (…) || ೧೬,೪೮।೪

ಸರ್ವಾ ಚಾಸಿ ಸರ್ವಂ ಚ ತ ಇದಂ
ತಸ್ಯಾಸ್ ತೇ ವಿಶ್ವಂ ಚ ವಿಶ್ವೇ ಚ ದೇವಾ ಇತಿ ಮುಖೇ |
ತಾಭ್ಯಾಂ ತೇ ವಿಧೇಯಂ ತಾಭ್ಯಾಂ ತೇ ನಮಸ್
ತಾಭ್ಯಾಂ ನೋ ಮೃಡ ತಾಭ್ಯಾಂ ನೋ ಽಧಿ ಬ್ರೂಹಿ ತಾಭ್ಯಾಂ ನೋ ಽಭಿ ಜಿಘ್ರ |
ಮಾತೇವ ಪುತ್ರಂ ಪಿತೇವ ಸೂನುಂ
ಅಯಂ ತೇ ಅಸ್ಮಿ ತಂ ಮಾ ಮುಮುಗ್ಧಿ ಗ್ರಾಹ್ಯಾ
ಬಂಧೇಭ್ಯೋ ವಿಮದನ್ ನಯೇಮಂ || ೧೬,೪೮।೫
(೪೮)

ಅನುವಾಕ ೮ ||

ಯದ್ ದೇವಾ ದೇವಹೇಡನಂ
ದೇವಾಸಶ್ ಚಕೃಮಾ ವಯಂ |
ಆದಿತ್ಯಾಸ್ ತಸ್ಮಾನ್ ನೋ ಯೂಯಂ
ಋತಸ್ಯರ್ತೇನ ಮುಂಚತ || ೧೬,೪೯।೧

ಋತಸ್ಯಾರ್ತೇನಾದಿತ್ಯಾ
ಯಜತ್ರಾ ಮುಂಚತೇಹ ನಃ |
ಯಜ್ಞಂ ಯದ್ ಯಜ್ಞವಾಹಸಃ
ಶಿಕ್ಷಂತ ಉಪಾರಿಮ || ೧೬,೪೯।೨

ಮೇದಸ್ವತಾ ಯಜಮಾನಾಃ
ಸ್ರುಚಾಜ್ಯೇನ ಜುಹ್ವತಃ |
ಅಕಾಮಾ ವಿಶ್ವೇ ವೋ ದೇವಾಃ
ಶಿಕ್ಷಂತೋ ನೋಪ ಶೇಕಿಮ || ೧೬,೪೯।೩

ಯದ್ ವಿದ್ವಾಂಸೋ ಯದ್ ಅವಿದ್ವಾಂಸ
ಏನಾಂಸಿ ಚಕೃಮಾ ವಯಂ | [ಭತ್ತ್। ಏನಾಯ
ತಸ್ಮಾನ್ ನ ಇಹ ಮುಂಚತ
ವಿಶ್ವೇ ದೇವಾಃ ಸಜೋಷಸಃ || ೧೬,೪೯।೪

ಯದಿ ಜಾಗ್ರದ್ ಯದಿ ಸ್ವಪನ್ನ್
ಏನ ಏನಸ್ಯೋ ಽಕರಂ |
ಭೂತಂ ಮಾ ತಸ್ಮಾದ್ ಭವ್ಯಂ ಚ
ದ್ರುಪದಾದ್ ಇವ ಮುಂಚತಾಂ || ೧೬,೪೯।೫

ದ್ರುಪದಾದ್ ಇವ ಮುಮುಚಾನಃ
ಸ್ವಿನ್ನಃ ಸ್ನಾತ್ವಾ ಮಲಾದ್ ಇವ |
ಪೂತಂ ಪವಿತ್ರೇಣಾಜ್ಯಂ
ವಿಶ್ವಾನ್ ಮುಂಚಂತು ಮೈನಸಃ || ೧೬,೪೯।೬

ಯದ್ ಯಾಮಂ ಚಕ್ರುರ್ ನಿಖನಂತೋ ಅಗ್ರೇ
ಕಾರ್ಷೀವಣಾ ನ ವಿದೋ ನ ವಿದ್ಯಯಾ |
ವೈವಸ್ವತೇ ರಾಜನಿ ತಜ್ ಜುಹೋಮ್ಯ್
ಅಧಾ ಯಜ್ಞಿಯಂ ಮಧುಮನ್ ನೋ ಅಸ್ತು || ೧೬,೪೯।೭

ವೈವಸ್ವತಃ ಕೃಣವದ್ ಭೇಷಜಾನಿ
ಮಧುಭಾಗೋ ಮಧುನಾ ಸಂ ಸೃಜಾತಿ |
ಮಾತುರ್ ಯದ್ ಏನ ಇಷಿತಂ ನ ಆಗನ್
ಯದ್ ವಾ ಪಿತಾಪರಾದ್ಧೋ ಜಿಹೀಡೇ || ೧೬,೪೯।೮

ಯದೀದಂ ಮಾತುರ್ ಯದಿ ವಾ ಪಿತುರ್ ನೋ
ಭ್ರಾತುಃ ಪುತ್ರಾದ್ ರೇಷತ ಏನ ಆಗನ್ |
ಯಾವಂತೋ ಅಸ್ಯಾಃ ಪಿತರಃ ಸಚಂತೇ
ತೇಷಾಂ ಸರ್ವೇಷಾಂ ಶಿವೋ ಅಸ್ತು ಮನ್ಯುಃ || ೧೬,೪೯।೯

ಅಪಮಿತ್ಯಂ ಅಪ್ರತೀತಂ ಯದ್ ಅಸ್ಮಿ
ಯಮಸ್ಯ ಯೇನ ಬಲಿನಾ ಚರಾಮಿ |
ಇದಂ ತದ್ ಅಗ್ನೇ ಅನೃಣೋ ಭವಾಮಿ
ಜೀವನ್ನ್ ಏನಃ ಪ್ರತಿ ದದಾಮಿ ಸರ್ವಂ || ೧೬,೪೯।೧೦
(೪೯)

ಇಹೈವ ಸಂತಃ ಪ್ರತಿ ದಧ್ಮ ಏತಜ್
ಜೀವಾ ಜೀವೇಭ್ಯೋ ನಿ ಹರಾಮ ಏನತ್ |
ಅಪಮಿತ್ಯ ಧಾನ್ಯಂ ಯಜ್ ಜಘಾಸ-
-ಅಗ್ನಿರ್ ಮಾ ತಸ್ಮಾದ್ ಅನೃಣಂ ಕೃಣೋತು || ೧೬,೫೦।೧

ಅನೃಣಾ ಅಸ್ಮಿನ್ನ್ ಅನೃಣಾಃ ಪರಸ್ಮಿನ್
ತೃತೀಯೇ ನಾಕೇ ಅನೃಣಾಃ ಸ್ಯಾಮ |
ಯೇ ದೇವಯಾನಾ ಉತ ಪಿತೃಯಾಣಾಃ
ಸರ್ವಾನ್ ಪಥೋ ಅನೃಣಾಃ ಕ್ಷಯೇಮ || ೧೬,೫೦।೨

ಯದ್ ಧಸ್ತಾಭ್ಯಾಂ ಚಕೃಮಾ ಕಿಲ್ಬಿಷಂ
ಅಕ್ಷಂ ಅಕ್ತುಂ ಉಪಲಿಪ್ಸಮಾನಾಃ |
ಉಗ್ರಂಪಶ್ಯೇ ಉಗ್ರಜಿತೌ ತದ್ ಅದ್ಯ-
-ಅಪ್ಸರಸಾಂ ಅನು ದತ್ತಾಂ ಋಣಂ ನಃ || ೧೬,೫೦।೩

ಉಗ್ರಂಪಶ್ಯೇ ರಾಷ್ಟ್ರಭೃತಃ ಕಿಲ್ಬಿಷಂ
ಯದ್ ಅಕ್ಷವೃತ್ತಂ ಅನು ದತ್ತಂ ನಸ್ ತತ್ |
ಋಣಾನ್ ನೋ ನ ಋಣಂ ಏರ್ತ್ಸಮಾನೋ
ಯಮಸ್ಯ ಲೋಕೇ ಅಧಿರಜ್ಜುರ್ ಆಯತ್ || ೧೬,೫೦।೪

ಯಸ್ಮಾ ಋಣಂ ಯಸ್ಯ ಜಾಯಾಂ ಉಪೈಮಿ
ಯಂ ಯಾಚಮಾನೋ ಅಭ್ಯೈಮಿ ದೇವಾಃ |
ತೇ ವಾಚಂ ವಾದಿಷುರ್ ಮೋತ್ತರಾಂ
ಮದ್ ದೇವಪತ್ನೀ ಅಪ್ಸರಸಾವ್ ಅಧೀತಂ || ೧೬,೫೦।೫

ಯದ್ ಅದೀವ್ಯನ್ನ್ ಅಹಂ ಋಣಂ ಕೃಣೋಮ್ಯ್
ಅದಾಸ್ಯನ್ನ್ ಅಗ್ನ ಉತ ಸಂಗೃಣಾಮಿ |
ವೈಶ್ವಾನರೋ ಅಧಿಪಾ ನೋ ವಸಿಷ್ಠ
ಉದ್ ಇನ್ ನಯಾತಿ ಸುಕೃತಸ್ಯ ಲೋಕಂ || ೧೬,೫೦।೬

ವೈಶ್ವಾನರಃ ಪಾವಯಾ ನಃ ಪವಿತ್ರೈರ್
ಯತ್ ಸಂಗರಂ ಅಭಿಧಾವಾಮ್ಯ್ ಆಶಾಂ |
ಅನಾಜಾನನ್ ಮನಸಾ ಯಾಚಮಾನೋ
ಯತ್ ತತ್ರೈನೋ ಅಪ ತತ್ ಸುವಾಮಿ || ೧೬,೫೦।೭

ವೈಶ್ವಾನರಾಯ ಪ್ರತಿ ವೇದಯಾಮ ಏತದ್
ಯದ್ ಗೃಣಂ ಸಂಗರೋ ದೇವತಾಸು |
ಸ ಏತಾನ್ ಪಾಶಾನ್ ವಿಚೃತಂ ಪ್ರ ವೇದ-
-ಅಥ ಪಕ್ವೇನ ಸಹ ಸಂ ಭವೇಮ || ೧೬,೫೦।೮

ಯದ್ ಅಂತರಿಕ್ಷಂ ಪೃಥಿವೀಂ ಉತ ದ್ಯಾಂ
ಯನ್ ಮಾತರಂ ಪಿತರಂ ವಾ ಜಿಹಿಂಸಿಮ |
ಅಗ್ನಿರ್ ಮಾ ತಸ್ಮಾದ್ ಏನಸೋ
ಗಾರ್ಹಪತ್ಯಃ ಪ್ರ ಮುಂಚತು || ೧೬,೫೦।೯

ಭೂಮಿರ್ ಮಾತಾದಿತಿರ್ ನೋ ಜನಿತ್ರಂ
ಭ್ರಾತಾಂತರಿಕ್ಷಂ ಅಭಿಶಸ್ತ್ಯಾ ನಃ |
ದ್ಯೌರ್ ನಃ ಪಿತಾ ಪಿತ್ರ್ಯಾಚ್ ಛಂ ಭವಾತಿ
ಜಾಮಿಂ ಋತ್ವಾ ಮಾವ ಪತ್ಸಿ ಲೋಕಾತ್ || ೧೬,೫೦।೧೦
(೫೦)

ಯತ್ರಾ ಸುಹಾರ್ದಃ ಸುಕೃತೋ ಮದಂತಿ
ವಿಹಾಯ ರೋಗಂ ತನ್ವಃ ಸ್ವಾಯಾಃ |
ಅಶ್ಲೋಣಾ ಅಂಗೈರ್ ಅಹ್ರುತಾಃ ಸ್ವರ್ಗೇ
ಅತ್ರಾ ಪಶ್ಯೇಮ ಪಿತರೌ ಚ ಪುತ್ರಾನ್ || ೧೬,೫೧।೧

ವಿಷಾಣಾ ಪಾಶಾಁ ಅಧಿ ವಿ ಷ್ಯತು ತ್ವದ್
ಯ ಉತ್ತಮಾ ಅಧಮಾ ವಾರುಣಾ ಯೇ |
ಯದ್ ದಾರುಣಾ ಬಧ್ಯಸೇ ಯಚ್ ಚ ರಜ್ಜ್ವಾ
ಯದ್ ಭೂಮ್ಯಾಂ ಬಧ್ಯಸೇ ಯಚ್ ಚ ವಾಚಾ || ೧೬,೫೧।೨

ಉದಗಾತಾಂ ಭಗವತೀ
ವಿಚೃತೌ ನಾಮ ತಾರಕೇ |
ಪ್ರೇಹಾಮೃತಸ್ಯ ಯಚ್ಛತಾಂ
ಪ್ರ ಯದ್ ಬದ್ಧಕಮೋಚನಂ || ೧೬,೫೧।೩

ವಿ ಜಿಹೀಷ್ವ ಲೋಕಂ ಕೃಣು
ಬದ್ಧಾನ್ ಮುಂಚಾಸಿ ಬದ್ಧಕಂ |
ಯೋನ್ಯಾ ಇವ ಪ್ರಚ್ಯುತೋ ಗರ್ಭಃ
ಪಥಃ ಸರ್ವಾಁ ಅನು ಕ್ಷಯಾ || ೧೬,೫೧।೪

ತಂ ಪ್ರಜಾನನ್ ಪ್ರತಿ ಗೃಹ್ಣಾತು ವಿದ್ವಾನ್
ಪ್ರಜಾಪತಿಃ ಪ್ರಥಮಜಾ ಋತಸ್ಯ |
ಅಸ್ಮಾಭಿರ್ ದತ್ತಂ ಜರಸಃ ಪರಸ್ತಾದ್
ಅಚ್ಛಿನ್ನಂ ತಂತುಂ ಅನು ಸಂ ಚರೇಮ || ೧೬,೫೧।೫

ತತಂ ತಂತುಂ ಅನ್ವ್ ಏಕೇ ಚರಂತಿ
ಯೇಷಾಂ ದತ್ತಂ ಅಯನಂ ಪಿತ್ರ್ಯೇಣ |
ಅಬಂಧ್ವ್ ಏಕೇ ದದತಃ ಪ್ರ ಯಚ್ಛಾನ್
ದಾತುಂ ಚೇಚ್ ಛಿಕ್ಷಾನ್ ಸ ಸ್ವರ್ಗ ಏಷಾಂ || ೧೬,೫೧।೬

ಅನ್ವಾರಭೇಥಾಂ ಅನುಸಂರಭೇಥಾಂ
ಏತಂ ಲೋಕಂ ಶ್ರದ್ದಧಾನಾಃ ಸಚಂತೇ |
ಯದ್ ವಾಂ ಪೂರ್ತಂ ಪ್ರವಿಷ್ಟಂ ಅಗ್ನೌ
ತಸ್ಯ ಗುಪ್ತಯೇ ದಂಪತೀ ಸಂ ಶ್ರಯೇಥಾಂ || ೧೬,೫೧।೭

ದೇವಾಃ ಪಿತರಃ ಪಿತರೋ ದೇವಾ |
ಯೋ ಽಸ್ಮಿ ಸೋ ಽಸ್ಮಿ ಸೋ ಽಯಂ ಅಸ್ಮಿ || ೧೬,೫೧।೮

ಸ ಪಚಾಮಿ ಸ ಯಜಾಮಿ ಸ ಯಜತೇ ಽಸ್ಯ |
ಶಂ ಮ ಇಷ್ಟಂ ಅಸ್ತು ಶುನಂ ಶಾಂತಂ
ಶಿವಂ ಕೃತಂ ತಸ್ಮಾನ್ ಮಾ ಯವಂ || ೧೬,೫೧।೯

ನಾಕೇ ರಾಜನ್ ಪ್ರತಿ ತಿಷ್ಠ
ತತ್ರೈತತ್ ಪ್ರತಿ ತಿಷ್ಠತು |
ವಿದ್ಧಿ ಪೂರ್ತಸ್ಯ ನೋ ರಾಜನ್
ಸ ದೇವ ಸುಮನಾ ಭವ || ೧೬,೫೧।೧೦
(೫೧)

ಅಪಾಸ್ಮಾದ್ ಬ್ರಾಹ್ಮಣೀಸಂಧಾಂ
ಅಪಧಾರಾನ್ ನಿ ದಧ್ಮಸಿ |
ಇಂದ್ರಾಗ್ನೀ ನಃ ಸವೇದಸಾವ್
ಅರ್ಣವಾದ್ ಅಧಿ ಮುಂಚತಾಂ || ೧೬,೫೨।೧

ನಮಸ್ ತೇ ಬ್ರಾಹ್ಮಣೀಸಂಧೇ
ಪರೇಹಿ ಯತ ಏಯಥ
ಯೋ ಽಸ್ಮಾನ್ ದ್ವೇಷ್ಟಿ ಯಂ ಚ ವಯಂ ದ್ವಿಷ್ಮಸ್
ತಂ ತೇ ಪ್ರ ಸುವಾಮಿ ತಂ ಅಧಿ ಪ್ರ ಸೂತಾಃ || ೧೬,೫೨।೨

ಅಪಾರಂ ತ್ವಾಹುರ್ ಅರ್ಣವಂ
ಅನಿನಾಯಾಂ ನ ಯೇ ವಿದುಃ |
ಯಸ್ ತೇ ವೇದೋದರಂ ಆಸ್ಯಂ
ಮಹತ್ ಸಾಕ್ಷಾದ್ ವೇದ ಮುಖಂ
ತವ ನಿಯಾಜಂ ತವ ತೇ ವಿದುಃ || ೧೬,೫೨।೩

ಇಂದ್ರೇಣ ಕ್ಲ್̥ಪ್ತಾ ಯೋನಿರ್
ನರಕೋ ಅಸ್ಯಾಃ ಕುಲಾಯಂ |
ಮಹಾನ್ ಸಮುದ್ರೋ ರಜಸೋ ವಿಮಾನಃ
ಸ್ವರ್ಗೇ ಲೋಕೇ ಅಪಿ ನಃ ಕೃಣೋತು || ೧೬,೫೨।೪
(೫೨)

ತಸ್ಯೌದನಸ್ಯ ಬೃಹಸ್ಪತಿಃ ಶಿರೋ ಬ್ರಹ್ಮ ಮುಖಂ
ಸೂರ್ಯಾಚಂದ್ರಮಸಾವ್ ಅಕ್ಷ್ಯೌ ಬೃಹದ್ರಥಂತರೇ ಶ್ರೋತ್ರೇ |
ಅಗ್ನಿರ್ ಆಸ್ಯಂ ವಿದ್ಯುಜ್ ಜಿಹ್ವಾ
ಮರುತೋ ದಂತಾಃ ಪವಮಾನಃ ಪ್ರಾಣಃ || ೧೬,೫೩।೧

ಓಷಧಯೋ ಲೋಮಾನಿ ವನಸ್ಪತಯಃ ಕೇಶಾಃ
ಸಮುದ್ರೋ ಮೂತ್ರಂ ಅಶ್ವಿನಾ ಪ್ರಪದೇ |
ಚರುಂ ಪಂಚಬಿಲಂ ಉಖಂ ಘರ್ಮಂ ಅಭೀಂಧೇ || ೧೬,೫೩।೨

ಚಕ್ಷುರ್ ಮುಸಲಂ ಕಾಮ ಉಲೂಖಲಂ
ದಿತಿಃ ಶೂರ್ಪಂ ಅದಿತಿಃ ಶೂರ್ಪಗ್ರಾಹೀ ವಾತೋ ಅಪಾವಿನಕ್ |
ಗಾವಸ್ ತಂಡುಲಾ ಅಶ್ವಾಃ ಕಣಾ ಮಶಕಾಸ್ ತುಷಾಃ
ಕಬ್ರು ಫಲೀಕರಣಾಃ ಶ್ಯಾಮಂ ಅಯೋ ಲೋಹಿತಂ ಅಯೋ ಽಸ್ಯ ಮಾಂಸಂ || ೧೬,೫೩।೩

ತ್ರಪು ಭಸ್ಮಾರ್ಜುನಂ ಅಸ್ಥೀನಿ
ಹರಿತಂ ವರ್ಣಃ ಪುಷ್ಕಲಂ ಗಂಧಃ |
ಖಲಃ ಪಾತ್ರಂ ಉಷ್ಟಾರೌ ಬಾಹೂ ಸ್ಫ್ಯಾವ್ ಅಂಸೌ
ಗುದಾ ವರತ್ರಾ ಈಷಾನೂಕ್ಯಂ ಯುಗಾನಿ ಜತ್ರವಃ || ೧೬,೫೩।೪

ಋತಂ ಹಸ್ತಾಭಿಷೇಚನಂ ಕುಲ್ಯೋಪಸೇಚನಂ
ಆರ್ತವಾಃ ಪಕ್ತಾರೋ ಅಗ್ನಿಃ ಪ್ರಾಶೀತಾ ಬ್ರಾಹ್ಮಣಃ ಪ್ರತಿಗ್ರಹೀತಾ || ೧೬,೫೩।೫
(೫೩)

ತಸ್ಯೌದನಸ್ಯ ಭೂಮಿಃ ಕುಂಭೀ ದ್ಯೌರ್ ಅಪಿಧಾನಂ
ಶಿರೋ ಽಭ್ರಂ ಊಷ್ಮಾ ನೀಹಾರೋ ಬೃಹದ್ ಆಯವನಂ ರಥಂತರಂ ದರ್ವಿಃ |
ದಿಶಃ ಪಾರ್ಶ್ವೇ ಸೀತಾಃ ಪರ್ಶವಃ ಸಿಕತಾ ಊಬಧ್ಯಂ
ಪಲಲಂ ಉಪಸ್ತರಣಂ ಅಹೋರಾತ್ರೇ ವಿಕ್ರಮಣೇ ಓದನಸ್ಯ || ೧೬,೫೪।೧

ವರ್ಷಂ ಪ್ರೋಕ್ಷಣಂ ಮರುತಃ ಪರ್ಯೈಂಧತ ಕಿಷ್ಕರವಃ ಪರಿಧಯಃ |
ಋಚಾ ಕುಂಭ್ಯ್ ಅಧಿಧೀಯತ ಆರ್ತ್ವಿಜ್ಯೇನ ಪ್ರೇಷ್ಯತೇ ಬ್ರಹ್ಮಣಾ ಪ್ರತಿ ಗೃಹ್ಯತೇ || ೧೬,೫೪।೨

ಯ ಏತಸ್ಯೌದನಸ್ಯೈವಂ ಮಹಿಮಾನಂ ವಿದ್ಯಾತ್ |
ನಾಲ್ಪ ಇತಿ ಬ್ರೂಯಾನ್ ನಾನುಪಸೇಚನ ಇತಿ ನೇದಂ ಚ ಕಿಂ ಚೇತಿ || ೧೬,೫೪।೩

ಯಾವದ್ ದಾತಾಭಿಮನಸ್ಯೇತ್
ತಂ ನಾತಿವದೇತ್ |
ಓದನೇನ ಯಜ್ಞವಚಃ
ಸರ್ವೇ ಲೋಕಾಃ ಸಮಾಪ್ಯಾಃ || ೧೬,೫೪।೪

ಯಸ್ಮಿನ್ ಸಮುದ್ರೋ ದ್ಯೌರ್ ಭೂಮಿಸ್
ತ್ರಯೋ ಽವರಪರಂ ಶ್ರಿತಾಃ || ೧೬,೫೪।೫
(೫೪)

ಬ್ರಹ್ಮವಾದಿನೋ ವದಂತಿ
ಪ್ರತ್ಯಂಚಂ ಓದನಂ ಪ್ರಾಶೀಃ ಪರಾಂಚಾಂ
ತ್ವಂ ಓದನಂ ಪ್ರಾಶೀಸ್ ತ್ವಾಂ ಓದನಾ ಇತಿ |
ಕಸ್ಯೈನಂ ಶೀರ್ಷ್ಣಾ ಪ್ರಾಶೀಃ || ೧೬,೫೫।೧

(…) |
ಕಸ್ಯೈನಂ ಮುಖೇನ ಪ್ರಾಶೀಃ || ೧೬,೫೫।೨

(…) |
ಕಸ್ಯೈನಂ ಅಕ್ಷೀಭ್ಯಾಂ ಪ್ರಾಶೀಃ || ೧೬,೫೫।೩

(…) |
ಕಸ್ಯೈನಂ ಶ್ರೋತ್ರಾಭ್ಯಾಂ ಪ್ರಾಶೀಃ || ೧೬,೫೫।೪

(…) |
ಕಸ್ಯೈನಂ ಆಸ್ಯೇನ ಪ್ರಾಶೀಃ || ೧೬,೫೫।೫

(…) |
ಕಸ್ಯೈನಂ ಜಿಹ್ವಯಾ ಪ್ರಾಶೀಃ || ೧೬,೫೫।೬

(…) |
ಕಸ್ಯೈನಂ ದಂತೈಃ ಪ್ರಾಶೀಃ || ೧೬,೫೫।೭

(…) |
ಕಸ್ಯೈನಂ ಪ್ರಾಣೈಃ ಪ್ರಾಶೀಃ || ೧೬,೫೫।೮

(…) |
ಕಸ್ಯೈನಂ ಉರಸಾ ಪ್ರಾಶೀಃ || ೧೬,೫೫।೯

(…) |
ಕಸ್ಯೈನಂ ವ್ಯಚಸಾ ಪ್ರಾಶೀಃ || ೧೬,೫೫।೧೦

(…) |
ಕಸ್ಯೈನಂ ಪೃಷ್ಠೇನ ಪ್ರಾಶೀಃ || ೧೬,೫೫।೧೧

(…) |
ಕಸ್ಯೈನಂ ಉದರೇಣ ಪ್ರಾಶೀಃ || ೧೬,೫೫।೧೨

(…) |
ಕಸ್ಯೈನಂ ವಸ್ತಿನಾ ಪ್ರಾಶೀಃ || ೧೬,೫೫।೧೩

(…) |
ಕಸ್ಯೈನಂ ಊರುಭ್ಯಾಂ ಪ್ರಾಶೀಃ || ೧೬,೫೫।೧೪

(…) |
ಕಸ್ಯೈನಂ ಅಷ್ಠೀವದ್ಭ್ಯಾಂ ಪ್ರಾಶೀಃ || ೧೬,೫೫।೧೫

(…) |
ಕಸ್ಯೈನಂ ಪದ್ಭ್ಯಾಂ ಪ್ರಾಶೀಃ || ೧೬,೫೫।೧೬

(…) |
ಕಸ್ಯಾಂ ಏನಂ ಪ್ರತಿಷ್ಠಾಯಾಂ ಪ್ರಾಶೀಃ || ೧೬,೫೫।೧೭

ಬ್ರಹ್ಮವಾದಿನೋ ವದಂತಿ
ಪ್ರತ್ಯಂಚಂ ಓದನಂ ಪ್ರಾಶೀಃ ಪರಾಂಚಾಂ
ತ್ವಂ ಓದನಂ ಪ್ರಾಶೀಸ್ ತ್ವಾಂ ಓದನಾ ಇತಿ |
ಕಸ್ಯೈನಂ ಹಸ್ತಾಭ್ಯಾಂ ಪ್ರಾಶೀಃ || ೧೬,೫೫।೧೮
(೫೫)

ತತಶ್ ಚೈನಂ ಅನ್ಯೇನ ಶೀರ್ಷ್ಣಾ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ಶಿರಸ್ ತೇ ವಿ ಪತಿಷ್ಯತೀತ್ಯ್ ಏನಂ ಆಹ || ೧೬,೫೬।೧

ತತಶ್ ಚೈನಂ ಅನ್ಯೇನ ಮುಖೇನ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ಶಿರಸ್ ತೇ ವಿ ಹ್ವರಿಷ್ಯತೀತ್ಯ್ ಏನಂ ಆಹ || ೧೬,೫೬।೨

ತತಶ್ ಚೈನಂ ಅನ್ಯಾಭ್ಯಾಂ ಅಕ್ಷೀಭ್ಯಾಂ ಪ್ರಾಶೀರ್
ಯಾಭ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಅಂಧೋ ಭವಿಷ್ಯಸೀತ್ಯ್ ಏನಂ ಆಹ || ೧೬,೫೬।೩

ತತಶ್ ಚೈನಂ ಅನ್ಯಾಭ್ಯಾಂ ಶ್ರೋತ್ರಾಭ್ಯಾಂ ಪ್ರಾಶೀರ್
ಯಾಭ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಬಧಿರೋ ಭವಿಷ್ಯಸೀತ್ಯ್ ಏನಂ ಆಹ || ೧೬,೫೬।೪

ತತಶ್ ಚೈನಂ ಅನ್ಯೇನಾಸ್ಯೇನ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ವಾಕ್ ತೇ ಽಪ ಕ್ರಮಿಷ್ಯತೀತ್ಯ್ ಏನಂ ಆಹ || ೧೬,೫೬।೫

ತತಶ್ ಚೈನಂ ಅನ್ಯಯಾ ಜಿಹ್ವಯಾ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ಜಿಹ್ವಾ ತೇ ಪೂರ್ವಾ ಮರಿಷ್ಯತೀತ್ಯ್ ಏನಂ ಆಹ || ೧೬,೫೬।೬

ತತಶ್ ಚೈನಂ ಅನ್ಯೈರ್ ದಂತೈಃ ಪ್ರಾಶೀರ್
ಯೈರ್ ಏತಂ ಅಗ್ರೇ ಪ್ರಾಶ್ನನ್ |
ದಂತಾಸ್ ತೇ ಶತ್ಸ್ಯಂತೀತ್ಯ್ ಏನಂ ಆಹ || ೧೬,೫೬।೭

ತತಶ್ ಚೈನಂ ಅನ್ಯೈಃ ಪ್ರಾಣೈಃ ಪ್ರಾಶೀರ್
ಯೈರ್ ಏತಂ ಅಗ್ರೇ ಪ್ರಾಶ್ನನ್ |
ಪ್ರಾಣಸ್ ತ್ವಾ ಹಾಸ್ಯತೀತ್ಯ್ ಏನಂ ಆಹ || ೧೬,೫೬।೮

ತತಶ್ ಚೈನಂ ಅನ್ಯೇನೋರಸಾ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ಕೃಷ್ಯಾ ನ ರಾತ್ಸ್ಯಸೀತ್ಯ್ ಏನಂ ಆಹ || ೧೬,೫೬।೯

ತತಶ್ ಚೈನಂ ಅನ್ಯೇನ ವ್ಯಚಸಾ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ರಾಜಯಕ್ಷ್ಮಸ್ ತ್ವಾ ಹನಿಷ್ಯತೀತ್ಯ್ ಏನಂ ಆಹ || ೧೬,೫೬।೧೦

ತತಶ್ ಚೈನಂ ಅನ್ಯೇನ ಪೃಷ್ಠೇನ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ವಿದ್ಯುತ್ ತ್ವಾ ಹನಿಷ್ಯತೀತ್ಯ್ ಏನಂ ಆಹ || ೧೬,೫೬।೧೧

ತತಶ್ ಚೈನಂ ಅನ್ಯೇನೋದರೇಣ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್
ವರುಣಸ್ ತ್ವಾ ಹನಿಷ್ಯತೀತ್ಯ್ ಏನಂ ಆಹ || ೧೬,೫೬।೧೨

ತತಶ್ ಚೈನಂ ಅನ್ಯೇನ ವಸ್ತಿನಾ ಪ್ರಾಶೀರ್
ಯೇನೈತಂ ಅಗ್ರೇ ಪ್ರಾಶ್ನನ್ |
ಅಪ್ಸು ಮರಿಷ್ಯಸೀತ್ಯ್ ಏನಂ ಆಹ || ೧೬,೫೬।೧೩

ತತಶ್ ಚೈನಂ ಅನ್ಯಾಭ್ಯಾಂ ಊರುಭ್ಯಾಂ ಪ್ರಾಶೀರ್
ಯಾಭ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಊರೂ ತೇ ಽವ ಪತ್ಸ್ಯೇತೇ ಇತ್ಯ್ ಏನಂ ಆಹ || ೧೬,೫೬।೧೪

ತತಶ್ ಚೈನಂ ಅನ್ಯಾಭ್ಯಾಂ ಅಷ್ಠೀವದ್ಭ್ಯಾಂ ಪ್ರಾಶೀರ್
ಯಾಭ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಸ್ರಾಮೋ ಭವಿಷ್ಯಸೀತ್ಯ್ ಏನಂ ಆಹ || ೧೬,೫೬।೧೫

ತತಶ್ ಚೈನಂ ಅನ್ಯಾಭ್ಯಾಂ ಪದ್ಭ್ಯಾಂ ಪ್ರಾಶೀರ್
ಯಾಭ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಸರ್ಪಸ್ ತ್ವಾ ಹನಿಷ್ಯತೀತ್ಯ್ ಏನಂ ಆಹ || ೧೬,೫೬।೧೬

ತತಶ್ ಚೈನಂ ಅನ್ಯಸ್ಯಾಂ ಪ್ರತಿಷ್ಠಯಾಂ ಪ್ರಾಶೀರ್
ಯಸ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಅಪ್ರತಿಷ್ಠಾನೋ ಭವಿಷ್ಯಸೀತ್ಯ್ ಏನಂ ಆಹ || ೧೬,೫೬।೧೭

ತತಶ್ ಚೈನಂ ಅನ್ಯಾಭ್ಯಾಂ ಹಸ್ತಾಭ್ಯಾಂ ಪ್ರಾಶೀರ್
ಯಾಭ್ಯಾಂ ಏತಂ ಅಗ್ರೇ ಪ್ರಾಶ್ನನ್ |
ಬ್ರಾಹ್ಮಣಂ ಹನಿಷ್ಯಸೀತ್ಯ್ ಏನಂ ಆಹ || ೧೬,೫೬।೧೮
(೫೬)

ತಂ ಅಹಂ ನ ಪ್ರತ್ಯಂಚಂ ನ ಪರಾಂಚಂ
ನಾಹಂ ಓದನಂ ನ ಮಾಂ ಓದನಃ |
ಓದನ ಏವೌದನಂ ಪ್ರಾಶೀದ್ ಬೃಹಸ್ಪತಿನಾ ಶೀರ್ಷ್ಣಾ || ೧೬,೫೭।೧

(…)
(…) ಪ್ರಾಶೀದ್ ಬ್ರಹ್ಮಣಾ ಮುಖೇನ || ೧೬,೫೭।೨

(…)
(…) ಪ್ರಾಶೀತ್ ಸೂರ್ಯಾಚಂದ್ರಮಸಾಭ್ಯಾಂ ಅಕ್ಷೀಭ್ಯಾಂ || ೧೬,೫೭।೩

(…)
(…) ಪ್ರಾಶೀದ್ ಬೃಹದ್ರಥಂತರಾಭ್ಯಾಂ ಶ್ರೋತ್ರಾಭ್ಯಾಂ || ೧೬,೫೭।೪

(…)
(…) ಪ್ರಾಶೀದ್ ಅಗ್ನೇರ್ ಆಸ್ಯೇನ || ೧೬,೫೭।೫

(…)
(…) ಪ್ರಾಶೀದ್ ವಿದ್ಯುತಾ ಜಿಹ್ವಯಾ || ೧೬,೫೭।೬

(…)
(…) ಪ್ರಾಶೀನ್ ಮರುದ್ಭಿರ್ ದಂತೈಃ || ೧೬,೫೭।೭

(…)
(…) ಪ್ರಾಶೀತ್ ಸಪ್ತಋಷಿಭಿಃ ಪ್ರಾಣೈಃ || ೧೬,೫೭।೮

(…)
(…) ಪ್ರಾಶೀತ್ ಪೃಥಿವ್ಯೋರಸಾ || ೧೬,೫೭।೯

(…)
(…) ಪ್ರಾಶೀದ್ ಅಂತರಿಕ್ಷೇಣ ವ್ಯಚಸಾ || ೧೬,೫೭।೧೦

(…)
(…) ಪ್ರಾಶೀದ್ ದಿವಾ ಪೃಷ್ಠೇನ || ೧೬,೫೭।೧೧

(…)
(…) ಪ್ರಾಶೀದ್ ವರುಣಸ್ಯೋದರೇಣ || ೧೬,೫೭।೧೨

(…)
(…) ಪ್ರಾಶೀತ್ ಸಮುದ್ರೇಣ ವಸ್ತಿನಾ || ೧೬,೫೭।೧೩

(…)
(…) ಪ್ರಾಶೀನ್ ಮಿತ್ರಾವರುಣಯೋರ್ ಊರುಭ್ಯಾಂ || ೧೬,೫೭।೧೪

(…)
(…) ಪ್ರಾಶೀದ್ ಋತಸ್ಯಾಷ್ಠೀವದ್ಭ್ಯಾಂ || ೧೬,೫೭।೧೫

(…)
(…) ಪ್ರಾಶೀತ್ ಸವಿತುಃ ಪದ್ಭ್ಯಾಂ || ೧೬,೫೭।೧೬

(…)
(…) ಪ್ರಾಶೀದ್ ಅಸ್ಯಾಂ ಪ್ರತಿಷ್ಠಾಯಾಂ ಪ್ರಾಶೀತ್ || ೧೬,೫೭।೧೭

ತಂ ಅಹಂ ನ ಪ್ರತ್ಯಂಚಂ ನ ಪರಾಂಚಂ
ನಾಹಂ ಓದನಂ ನ ಮಾಂ ಓದನಃ |
ಓದನ ಏವೌದನಂ ಪ್ರಾಶೀತ್ ಸತ್ಯಸ್ಯ ಹಸ್ತಾಭ್ಯಾಂ || ೧೬,೫೭।೧೮

ತ ಏನಂ ಪ್ರಾಶಿಷುಸ್ ತ ಏನಂ ಆರೂರುಹನ್ ತ ಏನಂ ಅಜೀಗಮನ್ |
ಏತಸ್ಮಾದ್ ವೈ ಲೋಕಾ ಲೋಕಾಂಸ್ ತ್ರಯಸ್ತ್ರಿಂಶತಂ ಪ್ರಜಾಪತಿರ್ ನಿರ್ಮಿಮೀತ || ೧೬,೫೭।೧೯

ತಸ್ಯ ಗುಪ್ತಯೇ ಯಜ್ಞಾನ್ ಅಸೃಜಂತ ದೇವಾಃ |
ಯೇ ತ್ರಯಸ್ತ್ರಿಂಶತ್ ಪ್ರಜಾಪತಿಸೃಷ್ಟಾಃ ಪುಣ್ಯಲೋಕಾಃ |
ತೇ ಽಸ್ಯ ಸರ್ವೇ ಽಭಿಜಿತಾ ಅವರುದ್ಧಾ ಭವಂತಿ ಯ ಏವಂ ವೇದ || ೧೬,೫೭।೨೦
(೫೭)

ಏಷ ವಾ ಓದನಃ ಸರ್ವಾಂಗಃ ಸರ್ವಾತ್ಮಾ ಸರ್ವಪರುಃ ಸರ್ವಪಾತ್ ಸರ್ವಪೃಷ್ಠಃ |
ಸರ್ವಾಂಗಃ ಸರ್ವಾತ್ಮಾ ಸರ್ವಪರುಃ ಸರ್ವಪಾತ್ ಸರ್ವಪೃಷ್ಠೋ ಭವತಿ ಯ ಏವಂ ವೇದ || ೧೬,೫೮।೧

ಯ ಏವಂ ವಿದುಷ ಉಪದ್ರಷ್ಟಾ ಭವತ್ಯ್ ಉಪದ್ರಷ್ಟಾ ಪ್ರಾಣಂ ರುಣದ್ಧಿ |
ನ ಚ ಪ್ರಾಣಂ ರುಣದ್ಧ್ಯ್ ಅಥ ಸರ್ವಸ್ವಂ ಜೀಯತೇ || ೧೬,೫೮।೨

ನ ಚ ಸರ್ವಸ್ವಂ ಜೀಯತೇ ಽಥೈನಂ ಆಹಾಪ್ರತಿಷ್ಠಾನೋ ಽನಾಯತನೋ ಮರಿಷ್ಯಸೀತಿ |
ಅಪ್ರತಿಷ್ಠಾನ ಏವಾನಾಯತನೋ ಮ್ರಿಯತೇ ಯ ಏವಂ ವಿದುಷ ಉಪದ್ರಷ್ಟಾ ಭವತಿ || ೧೬,೫೮।೩
(೫೮)

ಅನುವಾಕ ೯ ||

ಕೇನ ಪಾರ್ಷ್ಣೀ ಆಭೃತೇ ಪೂರುಷಸ್ಯ
ಕೇನ ಮಾಂಸಂ ಸಂಭೃತಂ ಕೇನ ಗುಲ್ಫೌ |
ಕೇನಾಂಗುಲೀಃ ಪೇಶಿನೀಃ ಕೇನ ಖಾನಿ
ಕೇನೋಚ್ಛೃಂಖೌ ಮಧ್ಯತಃ ಕಃ ಪ್ರತಿಷ್ಠಾಃ || ೧೬,೫೯।೧

ಕಸ್ಮಾನ್ ನು ಗುಲ್ಫಾವ್ ಅಧರಾವ್ ಅಕೃಣ್ವನ್ನ್
ಅಷ್ಠೀವಂತಾ ಉತ್ತರೌ ಪೂರುಷಸ್ಯ |
ನಿರೃತ್ಯ ಜಂಘೇ ನಿ ದಧುಃ ಕ್ವ ಸ್ವಿಜ್
ಜಾನುನೋಃ ಸಂಧೀ ಕ ಇಮೌ ಜಜಾನ || ೧೬,೫೯।೨

ಚತುಷ್ಟಯಂ ಯುಜ್ಯತೇ ಸಂಹಿತಾಂತಂ
ಜಾನುಭ್ಯಾಂ ಊರ್ಧ್ವಂ ಶಿಥಿರಂ ಕಬಂಧಂ |
ಶ್ರೋಣೀ ಯದ್ ಊರು ಕ ಉ ತಜ್ ಜಜಾನ
ಯಾಭ್ಯಾಂ ಕುಸಿಂಧಂ ಸುಧೃತಂ ಬಭೂವ || ೧೬,೫೯।೩

ಕತಿ ದೇವಾಃ ಕತಮೇ ತ ಆಸನ್
ಯ ಉರಶ್ ಚಿಕ್ಯುರ್ ಅಗ್ರಿಯಂ ಪೂರುಷಸ್ಯ |
ಕತಿ ಸ್ತನೌ ನಿ ದಧುಃ ಕಃ ಕಫೋಡೌ
ಕತಿ ಸ್ಕಂಧಾನ್ ಕತಿ ಪೃಷ್ಟೀರ್ ಅಚಿನ್ವನ್ || ೧೬,೫೯।೪

ಕೋ ಅಸ್ಯ ಬಾಹೂ ಸಂ ಅಭರದ್
ವೀರ್ಯಂ ಕೃಣವಾದ್ ಇತಿ |
ಅಂಸೌ ಕೋ ಅಸ್ಯ ತದ್ ದೇವಃ
ಕುಸಿಂಧ ಆ ದಧಾದ್ ಅಧಿ || ೧೬,೫೯।೫

ಮಸ್ತಿಷ್ಕಂ ಅಸ್ಯ ಯತಮೋ ಲಲಾಟಂ
ಕೃಕಾಟಿಕಾಂ ಪ್ರಥಮೋ ಯಃ ಕಪಾಲಂ |
ಚಿತ್ವಾ ಚಿತ್ಯಂ ಪುರುಷಸ್ಯ ಹನ್ವೋರ್
ದಿವಂ ರುರೋಹ ಕತಮಃ ಸ ದೇವಃ || ೧೬,೫೯।೬

ಕಃ ಸಪ್ತ ಖಾನಿ ವಿ ತತರ್ದ ಶೀರ್ಷ್ಣಿ
ಕರ್ಣಾವ್ ಇಮಾವ್ ಅಕ್ಷಣೀ ನಾಸಿಕೇ ಮುಖಂ |
ಯೇಷಾಂ ಪುರುತ್ರಾ ವಿಜಯಸ್ಯ ಮಹ್ಮನಿ
ಚತುಷ್ಪಾದೋ ದ್ವಿಪಾದೋ ಯಂತಿ ಯಾಮಂ || ೧೬,೫೯।೭

ಹನ್ವೋರ್ ಹಿ ಜಿಹ್ವಾಂ ಅದಧಾತ್ ಪುರೂಚೀಂ
ಅಧಾ ಮಹೀಂ ಅಧಿ ಶಿಶ್ರಾಯ ವಾಚಂ |
ಸ ಆ ವರೀವರ್ತಿ ಮಹಿನಾ ವ್ಯೋಮನ್ನ್
ಅಪೋ ವಸಾನಃ ಕ ಉ ಚಿತ್ ಪ್ರ ವೇದ || ೧೬,೫೯।೮

ಮೂರ್ಧಾನಂ ಅಸ್ಯ ಸಂಸೀವ್ಯ-
-ಅಥರ್ವಾ ಹೃದಯಂ ಚ ಯತ್ |
ಮಸ್ತಿಷ್ಕಾದ್ ಊರ್ಧ್ವಂ ಪ್ರೈರಯತ್
ಪವಮಾನೋ ಽಧಿ ಶೀರ್ಷ್ಣಃ || ೧೬,೫೯।೯

ತದ್ ವಾ ಅಥರ್ವಣಃ ಶಿರೋ
ದೇವಕೋಶಃ ಸಮುಬ್ಜಿತಃ |
ತತ್ ಪ್ರಾಣೋ ಅಭಿ ರಕ್ಷತು
ಶ್ರಿಯಂ ಅನ್ನಂ ಅಥೋ ಮನಃ || ೧೬,೫೯।೧೦
(೫೯)

ಪ್ರಿಯಾಪ್ರಿಯಾಣಿ ಬಹುಲಾ
ಸ್ವಪ್ನಂ ಸಂಬಾಧತಂದ್ರ್ಯಃ |
ಆನಂದಂ ಉಗ್ರೋ ನಂದಾಂಶ್ ಚ
ತಾನ್ ಉದ್ ವಹತಿ ಪೂರುಷಃ || ೧೬,೬೦।೧

ಆರ್ತಿರ್ ಅವರ್ತಿರ್ ನಿರೃತಿಃ
ಕುತೋ ನು ಪುರುಷೇ ಽಮತಿಃ |
ರಾದ್ಧಿಃ ಸಮೃದ್ಧಿರ್ ಅವ್ಯೃದ್ಧಿರ್
ಮತಿರ್ ಉದಿತಯಃ ಕುತಃ || ೧೬,೬೦।೨

ಕೋ ಅಸ್ಮಿನ್ನ್ ಆಪೋ ಅದಧಾದ್ ವಿಷೂವೃತಃ
ಪುರೂಚ್ಯುತಃ ಸಿಂಧುಸೃತ್ಯಾಯ ಜಾತಾಃ |
ತೀವ್ರಾರುಣಾ ಲೋಹಿನೀಸ್ ತಾಮ್ರಧೂಮ್ರಾ
ಊರ್ಧ್ವಾ ಅವಾಚೀಃ ಪುರುಷೇ ತಿರಶ್ಚೀಃ || ೧೬,೬೦।೩

ಕೋ ಅಸ್ಮಿನ್ ಪ್ರಾಣಂ ಅದಧಾತ್
ಕೋ ಅಪಾನಂ ವ್ಯಾನಂ ಉ |
ಸಮಾನಂ ಅಸ್ಮಿನ್ ಕೋ ದೇವೋ
ಽಧಿ ಶಿಶ್ರಾಯ ಪೂರುಷೇ || ೧೬,೬೦।೪

ಕೋ ಅಸ್ಮಿನ್ ರೂಪಂ ಅದಧಾತ್
ಕೋ ಮಹ್ಮಾನಂ ಚ ನಾಮ ಚ |
ಗಾತುಂ ಕೋ ಅಸ್ಮಿನ್ ಕಃ ಕೇತುಂ
ಕಶ್ ಚರಿತ್ರಾಣಿ ಪೂರುಷೇ || ೧೬,೬೦।೫

ಕೋ ಅಸ್ಮಿನ್ ರೇತೋ ಅದಧಾತ್
ತಂತುರ್ ಆ ತಾಯತಾಂ ಇತಿ |
ಮೇಧಾಂ ಕೋ ಅಸ್ಮಿನ್ನ್ ಅಧ್ಯ್ ಔಹತ್
ಕೋ ಬಾಣಂ ಕೋ ನೃತೋ ದಧೌ || ೧೬,೬೦।೬

ಕೋ ವಾಸಸಾ ಪರ್ಯ್ ಅದಧಾತ್
ಕೋ ಅಸ್ಯಾಯುರ್ ಅಕಲ್ಪಯತ್ |
ಬಲಂ ಕೋ ಅಸ್ಮೈ ಪ್ರಾಯಚ್ಛತ್
ಕೋ ಅಸ್ಯಾಕಲ್ಪಯಜ್ ಜವಂ || ೧೬,೬೦।೭

ಕೋ ಅಸ್ಮಿನ್ ಯಜ್ಞಂ ಅದಧಾದ್
ಏಕೋ ಅಗ್ರೇ ಅಧಿ ಪೂರುಷೇ |
ಕೋ ಅಸ್ಮಿನ್ ಸತ್ಯಂ ಕೋ ಽನೃತಂ
ಕೋ ಮೃತ್ಯುಂ ಕೋ ಽಮೃತಂ ದಧೌ ೧೬,೬೦।೮

ಕೇನಾಪೋ ಅನ್ವ್ ಅತನುತ
ಕೇನಾಹರ್ ಅಕೃಣೋದ್ ರುಚೇ |
ಉಷಸಂ ಕೇನಾನ್ವೈಂಧ
ಕೇನ ಸಾಯಂಭವಂ ದದೇ || ೧೬,೬೦।೯

ಕೇನೇಮಾಂ ಭೂಮಿಂ ಔರ್ಣೋತ್
ಕೇನ ಪರ್ಯ್ ಅಭವದ್ ದಿವಂ |
ಕೇನಾಭಿ ಮಹ್ನಾ ಪರ್ವತಾನ್
ಕೇನ ಕರ್ಮಾಣಿ ಪೂರುಷಃ || ೧೬,೬೦।೧೦
(೬೦)

ಕೇನ ದೇವಾಁ ಅನು ಕ್ಷಿಯತಿ
ಕೇನ ದೈವೀರ್ ಅಜನಯದ್ ದಿಶಃ |
ಕೇನೇದಂ ಅನ್ಯನ್ ನಕ್ಷತ್ರಂ
ಕೇನ ಸತ್ ಕ್ಷತ್ರಂ ಉಚ್ಯತೇ || ೧೬,೬೧।೧

ಕೇನ ಪರ್ಜನ್ಯಂ ಆಪ್ನೋತಿ
ಕೇನ ಸೋಮಂ ವಿಚಕ್ಷಣಂ |
ಕೇನೇಮಂ ಅಗ್ನಿಂ ಪುರುಷಃ
ಕೇನ ಸಂವತ್ಸರಂ ಮಮೇ || ೧೬,೬೧।೨

ಕೇನೇಯಂ ಭೂಮಿರ್ ನಿಹಿತಾ
ಕೇನ ದ್ಯೌರ್ ಉತ್ತರಾ ಹಿತಾ |
ಕೇನೇದಂ ಊರ್ಧ್ವಂ ತಿರ್ಯಕ್ ಚ-
-ಅಂತರಿಕ್ಷಂ ವ್ಯಚೋ ಹಿತಂ || ೧೬,೬೧।೩

ಬ್ರಹ್ಮಣಾ ಭೂಮಿರ್ ನಿಹಿತಾ
ಬ್ರಹ್ಮ ದ್ಯಾಂ ಉತ್ತರಾಂ ದಧೌ |
ಬ್ರಹ್ಮೇದಂ ಊರ್ಧ್ವಂ ತಿರ್ಯಕ್ ಚ-
-ಅಂತರಿಕ್ಷಂ ವ್ಯಚೋ ಹಿತಂ || ೧೬,೬೧।೪

ಕೇನ ಶ್ರೋತ್ರಿಯಂ ಆಪ್ನೋತಿ
ಕೇನೇಮಂ ಪರಮೇಷ್ಠಿನಂ |
ಕೇನ ಯಜ್ಞಶ್ ಚ ಶ್ರದ್ಧಾ ಚ
ಕೇನಾಸ್ಮಿನ್ ನಿಹಿತಂ ಮನಃ || ೧೬,೬೧।೫

ಬ್ರಹ್ಮ ಶ್ರೋತ್ರಿಯಂ ಆಪ್ನೋತಿ
ಬ್ರಹ್ಮೇಮಂ ಪರಮೇಷ್ಠಿನಂ |
ಬ್ರಹ್ಮ ಯಜ್ಞಶ್ ಚ ಶ್ರದ್ಧಾ ಚ
ಬ್ರಹ್ಮಾಸ್ಮಿನ್ ನಿಹಿತಂ ಮನಃ || ೧೬,೬೧।೬

ಕ ಇದಂ ಅಸ್ಥ್ಯ್ ಅಸೃಜತ
ಕ ಇದಂ ಮಾಂಸಂ ಸಂ ಅಭರತ್ |
ಕ ಇಮಾಂ ತ್ವಚಂ ಚ ಲೋಮ ಚ
ಕ ಇದಂ ರೂಪಂ ಸಂ ಐರಯತ್ || ೧೬,೬೧।೭

ಬ್ರಹ್ಮಾಸ್ಥ್ಯ್ ಅಸೃಜತ
ಬ್ರಹ್ಮ ಮಾಂಸಂ ಸಂ ಅಭರತ್ |
ಬ್ರಹ್ಮ ತ್ವಚಂ ಚ ಲೋಮ ಚ
ಬ್ರಹ್ಮ ರೂಪಂ ಸಂ ಐರಯತ್ || ೧೬,೬೧।೮

ಕ ಇದಂ ಚಕ್ಷುರ್ ಅಸೃಜತ
ಕಃ ಪ್ರಾಣಂ ಖೇಷ್ವ್ ಆವಯತ್ |
ಕ ಇದಂ ಮನಶ್ ಚ ವಾಚಂ ಚ
ಕ ಇಮಾಂ ಸಂ ಅಭರತ್ ಪುರಂ || ೧೬,೬೧।೯

ಬ್ರಹ್ಮ ಚಕ್ಷುರ್ ಅಸೃಜತ
ಬ್ರಹ್ಮ ಖೇ ಪ್ರಾಣಂ ಆವಯತ್ |
ಬ್ರಹ್ಮ ಮನಶ್ ಚ ವಾಚಂ ಚ
ಬ್ರಹ್ಮ ಸಂ ಅಭರತ್ ಪುರಂ || ೧೬,೬೧।೧೦
(೬೧)

ನೈನಂ ಚಕ್ಷುರ್ ಜಹಾತಿ
ನ ಪ್ರಾಣೋ ಜರಸಃ ಪುರಃ |
ಪುರಂ ಯೋ ಬ್ರಹ್ಮಣೋ ವೇದ
ಯಸ್ಮಾತ್ ಪುರುಷ ಉಚ್ಯತೇ || ೧೬,೬೨।೧

ಯೋ ವೈ ತಾಂ ಬ್ರಹ್ಮಣೋ ವೇದ-
-ಅಮೃತೇನಾವೃತಾಂ ಪುರಂ |
ತಸ್ಮೈ ಬ್ರಹ್ಮ ಚ ಬ್ರಾಹ್ಮ್ಯಾಶ್ ಚ-
-ಆಯುಷ್ ಪ್ರಾಣಂ ಪ್ರಜಾಂ ದದುಃ || ೧೬,೬೨।೨

ಅಷ್ಟಾಚಕ್ರಾ ನವದ್ವಾರಾ
ದೇವಾಣಾಂ ಪೂರ್ ಅಯೋಧ್ಯಾ |
ತಸ್ಯಾಂ ಹಿರಣ್ಯಯಃ ಕೋಶಃ
ಸ್ವರ್ಗೋ ಜ್ಯೋತಿಷಾವೃತಃ || ೧೬,೬೨।೩

ತಸ್ಮಿನ್ ಹಿರಣ್ಯಯೇ ಕೋಶೇ
ತ್ರ್ಯರೇ ತ್ರಿಪ್ರತಿಷ್ಠಿತೇ |
ತಸ್ಮಿನ್ ಯದ್ ಅಂತರ್ ಆತ್ಮನ್ವತ್
ತದ್ ವೈ ಬ್ರಹ್ಮವಿದೋ ವಿದುಃ || ೧೬,೬೨।೪

ಪ್ರಭ್ರಾಜಮಾನಾಂ ಹರಿಣೀಂ
ಯಶಸಾ ಸಂಪರೀವೃತಾಂ |
ಪುರಂ ಹಿರಣ್ಮಯೀಂ ಬ್ರಹ್ಮಾ
ವಿವೇಶಾಪರಾಜಿತಾಂ || ೧೬,೬೨।೫
(೬೨)

ಅಯಂ ತೇ ವರಣೋ ಮಣಿಃ
ಸಪತ್ನಕ್ಷಯಣಃ ಕೃತಃ |
ತೇನಾ ರಭಸ್ವ ತ್ವಂ ಶತ್ರೂನ್
ಪ್ರ ಮೃಣೀಹಿ ದುರಸ್ಯತಃ || ೧೬,೬೩।೧

ಐನಾಞ್ ಛೃಣೀಹಿ ಪ್ರ ಮೃಣಾ ರಭಸ್ವ
ಮಣಿಸ್ ತೇ ಅಸ್ತು ಪುರಏತಾ ಪುರಸ್ತಾತ್ |
ಅವಾರಯಂತ ವರಣೇನ ದೇವಾ
ಅಭ್ಯಾಚಾರಂ ಅಸುರಾಣಾಂ ಶ್ವಃಶ್ವಃ || ೧೬,೬೩।೨

ಆ ತ್ವಾರಕ್ಷದ್ ವರಣೋ ವಿಶ್ವಭೇಷಜಃ
ಸಹಸ್ರಾಕ್ಷೋ ಹರಿತೋ ಹಿರಣ್ಯಯಃ |
ಯಸ್ ತೇ ಶತ್ರೂನ್ ಅಧರಾನ್ ಪಾತಯಾಸಿ
ಪೂರ್ವಸ್ ತಾನ್ ದಭ್ನುಹಿ ಯ ಉ ತ್ವಾ ದ್ವಿಷಂತಿ || ೧೬,೬೩।೩

ಅಯಂ ತೇ ಕೃತ್ಯಾಂ ವಿತತಾಂ
ಪೌರುಷೇಯಂ ಅಯಂ ವಧಂ |
ಅಯಂ ತೇ ಸರ್ವಂ ಪಾಪ್ಮಾನಂ
ವರಣೋ ವಾರಯಿಷ್ಯತೇ || ೧೬,೬೩।೪

ವರಣೋ ವಾರಯಾತಾ
ಇದಂ ದೇವೋ ವನಸ್ಪತಿಃ |
ಯಕ್ಷ್ಮಃ ಪ್ರವಿಷ್ಟೋ ಯೋ ಽಸ್ಮಿನ್
ತಂ ಉ ದೇವಾ ಅವೀವರನ್ || ೧೬,೬೩।೫

ಸ್ವಪ್ನಂ ಸುಪ್ತ್ವಾ ಯದಿ ಪಶ್ಯಾಸಿ ಪಾಪಂ
ಮೃಗಃ ಸೃತಿಂ ಯತಿ ಧಾವಾದ್ ಅಜುಷ್ಟಾಂ |
ಪರಿಕ್ಷವಾಚ್ ಛಕುನೇಃ ಪಾಪವಾದಾದ್
ಅಯಂ ಮಣಿರ್ ವರಣೋ ವಾರಯಾತೈ || ೧೬,೬೩।೬

ಅರಾತ್ಯಾ ಮಾ ನಿರೃತ್ಯಾ
ಅಭಿಚಾರಾದ್ ಅಥೋ ಭಯಾತ್ |
ಮೃತ್ಯೋರ್ ಓಜೀಯಸೋ ವಧಾತ್
ತ್ವಂ ವರಣ ವಾರಯ || ೧೬,೬೩।೭

ವರಣೇನ ಪ್ರವ್ಯಥಿತಾ
ಭ್ರಾತೃವ್ಯಾ ಮೇ ಸಬಂಧವಃ |
ಅಸೂರ್ತಂ ರಜೋ ಽಪ್ಯ್ ಅಗುಸ್
ತೇ ಯಂತ್ವ್ ಅಧಮಂ ತಮಃ || ೧೬,೬೩।೮

ಯನ್ ಮೇ ಮಾತಾ ಯನ್ ಮೇ ಪಿತಾ ಭ್ರಾತರೋ
ಯಚ್ ಚ ಮೇ ಸ್ವಾ ಯದ್ ಏನಶ್ ಚಕೃಮಾ ವಯಂ |
ತಸ್ಮಾನ್ ನೋ ವಾರಯಿಷ್ಯತೇ
ಽಯಂ ದೇವೋ ವನಸ್ಪತಿಃ || ೧೬,೬೩।೯

ಅರಿಷ್ಟೋ ಽಹಂ ಅರಿಷ್ಟಗುರ್
ಆಯುಷ್ಮಾನ್ ಸರ್ವಪೂರುಷಃ |
ತಂ ಮಾಯಂ ವರಣೋ ಮಣಿಃ
ಪರಿ ಪಾತು ದಿಶೋದಿಶಃ || ೧೬,೬೩।೧೦
(೬೩)

ಅಯಂ ಮೇ ವರಣ ಉರಸಿ
ರಾಜಾ ದೇವೋ ವನಸ್ಪತಿಃ |
ಸ ಮೇ ಕ್ಷತ್ರಂ ಚ ರಾಷ್ಟ್ರಂ ಚ
ಪಶೂನ್ ಓಜಶ್ ಚ ಮೇ ದಧತ್ || ೧೬,೬೪।೧

ಇಮಂ ಬಿಭರ್ಮಿ ವರಣಂ
ಆಯುಷ್ಮಾಞ್ ಛತಶಾರದಃ |
ಸ ಮೇ ಶತ್ರೂನ್ ವಿ ಬಾಧತಾಂ
ಇಂದ್ರೋ ದಸ್ಯೂನ್ ಇವಾಸುರಾನ್ || ೧೬,೬೪।೨

ಯಥಾ ವಾತೋ ವನಸ್ಪತೀನ್
ಜೀರ್ಣಾನ್ ಭನಕ್ತ್ಯ್ ಓಜಸಾ |
ಏವಾ ಸಪತ್ನಾಂಸ್ ತ್ವಂ ಭಙ್ಧಿ
ಪೂರ್ವಾಞ್ ಜಾತಾನ್ ಉತಾಪರಾನ್
ವರಣಸ್ ತ್ವಾಭಿ ರಕ್ಷತು || ೧೬,೬೪।೩

ಯಥಾ ವಾತೇನ ಪ್ರಕ್ಷೀಣಾ
ವೃಕ್ಷಾಃ ಶೇರೇ ನ್ಯರ್ಪಿತಾಃ |
(ಏವಾ ಸಪತ್ನಾಂಸ್) ತ್ವಂ ಸರ್ವಾನ್
ಪ್ರ ಕ್ಷಿಣೀಹಿ ನ್ಯರ್ಪಯ
ಪೂರ್ವಾಞ್ ಜಾತಾನ್ ಉತಾಪರಾನ್
ವರಣಸ್ (ತ್ವಾಭಿ ರಕ್ಷತು) || ೧೬,೬೪।೪

ಯಥಾ ವಾತಶ್ ಚಾಗ್ನಿಶ್ ಚ
ಸರ್ವಾನ್ ಪ್ಸಾತೋ ವನಸ್ಪತೀನ್ |
ಏವಾ ಸಪತ್ನಾಂಸ್ ತ್ವಂ ಪ್ಸಾಹಿ
ಪೂರ್ವಾಞ್ ಜಾತಾನ್ ಉತಾಪರಾನ್
ವರಣಸ್ ತ್ವಾಭಿ ರಕ್ಷತು || ೧೬,೬೪।೫

ತಾಂಸ್ ತ್ವಂ ಪ್ರ ಛಿಂಧಿ ವರಣ
ಪುರಾ ದಿಷ್ಟಾತ್ ಪುರಾಯುಷಃ |
ಯ ಇಮಂ ಪಶುಷು ದಿಪ್ಸಂತಿ
ಯೇ ಚಾಸ್ಯ ರಾಷ್ಟ್ರದಿಪ್ಸವಃ || ೧೬,೬೪।೬

ಯಥಾ ಸೂರ್ಯೋ ಅತಿಭಾತಿ
ಯಥಾಸ್ಮಿನ್ ತೇಜ ಆಹಿತಂ |
ಏವಾ ಸಪತ್ನಾಂಸ್ ತ್ವಂ ಸರ್ವಾನ್
ಅತಿ ಭಾಹಿ ಶ್ವಃಶ್ವೋ
ವರಣಸ್ ತ್ವಾಭಿ ರಕ್ಷತು || ೧೬,೬೪।೭

ಯಥಾ ಯಶಃ ಪೃಥಿವ್ಯಾಂ
ಯಥಾಸ್ಮಿಞ್ ಜಾತವೇದಸಿ |
ಏವಾ ಮೇ ವರಣೋ ಮಣಿಃ
ಕೀರ್ತಿಂ ಭೂತಿಂ ನಿ ಯಚ್ಛತು
ತೇಜಸಾ ಮಾ ಸಂ ಉಕ್ಷತು
ಯಶಸಾ ಸಂ ಅನಕ್ತು ಮಾಂ || ೧೬,೬೪।೮

ಯಥಾ ಯಶೋ ಅಗ್ನಿಹೋತ್ರೇ
ವಷಟ್ಕಾರೇ ಯಥಾ ಯಶಃ |
(…) || ೧೬,೬೪।೯

ಯಥಾ ಯಶಃ ಸೋಮಪೀಥೇ
ಮಧುಪರ್ಕೇ ಯಥಾ ಯಶಃ |
(…) || ೧೬,೬೪।೧೦
(೬೪)

ಯಥಾ ಯಶಃ ಕನ್ಯಾಯಾಂ
ಯಥಾಸ್ಮಿನ್ ಸಂಭೃತೇ ರಥೇ |
(…) || ೧೬,೬೫।೧

ಯಥಾ ಯಶಶ್ ಚಂದ್ರಮಸ್ಯ್
ಆದಿತ್ಯೇ ಚ ನೃಚಕ್ಷಸಿ |
(…) || ೧೬,೬೫।೨

ಯಥಾ ಯಶಃ ಪ್ರಜಾಪತೌ
ಯಥಾಸ್ಮಿನ್ ಪರಮೇಷ್ಠಿನಿ |
(…) || ೧೬,೬೫।೩

ಯಥಾ ದೇವೇಷ್ವ್ ಅಮೃತಂ
ಯಥೈಷು ಸತ್ಯಂ ಆಹಿತಂ |
ಏವಾ ಮೇ ವರಣೋ ಮಣಿಃ
ಕೀರ್ತಿಂ ಭೂತಿಂ ನಿ ಯಚ್ಛತು
ತೇಜಸಾ ಮಾ ಸಂ ಉಕ್ಷತು
ಯಶಸಾ ಸಂ ಅನಕ್ತು ಮಾಂ || ೧೬,೬೫।೪
(೬೫)

ಅನುವಾಕ ೧೦ ||

ಅಸ್ಯ ವಾಮಸ್ಯ ಪಲಿತಸ್ಯ ಹೋತುಸ್
ತಸ್ಯ ಭ್ರಾತಾ ಮಧ್ಯಮೋ ಅಸ್ತ್ಯ್ ಅಶ್ನಃ |
ತೃತೀಯೋ ಭ್ರಾತಾ ಘೃತಪೃಷ್ಠೋ ಅಸ್ಯ-
-ಅತ್ರಾಪಶ್ಯಂ ವಿಶ್ಪತಿಂ ಸಪ್ತಪುತ್ರಂ || ೧೬,೬೬।೧

ಸಪ್ತ ಯುಂಜಂತಿ ರಥಂ ಏಕಚಕ್ರಂ
ಏಕೋ ಅಶ್ವೋ ವಹತಿ ಸಪ್ತನಾಮಾ |
ತ್ರಿನಾಭಿ ಚಕ್ರಂ ಅಜರಂ ಅನರ್ವಂ
ಯಸ್ಮಿನ್ನ್ ಇಮಾ ವಿಶ್ವಾ ಭುವನಾನಿ ತಸ್ಥುಃ || ೧೬,೬೬।೨

ಇಮಾ ರಥಂ ಅಧಿ ಯೇ ಸಪ್ತ ತಸ್ಥುಃ
ಸಪ್ತಚಕ್ರಂ ಸಪ್ತ ವಹಂತ್ಯ್ ಅಶ್ವಾಃ |
ಸಪ್ತ ಸ್ವಾಸರೋ ಅಭಿ ಸಂ ನವಂತ
ಯತ್ರ ಗವಾಂ ನಿಹಿತಾ ಸಪ್ತ ನಾಮಾ || ೧೬,೬೬।೩

ಕೋ ದದರ್ಶ ಪ್ರಥಮಂ ಜಾಯಮಾನಂ
ಅಸ್ಥನ್ವಂತಂ ಯದ್ ಅನಸ್ಥಾ ಬಿಭರ್ತಿ |
ಭೂಮ್ಯಾ ಅಸುರ್ ಅಸೃಗ್ ಆತ್ಮಾ ಕ್ವ ಸ್ವಿತ್
ಕೋ ವಿದ್ವಾಂಸಂ ಉಪ ಗಾತ್ ಪ್ರಷ್ಟುಂ ಏತತ್ || ೧೬,೬೬।೪

ಪಾಕಃ ಪೃಚ್ಛಾಮಿ ಮನಸಾವಿಜಾನನ್
ದೇವಾನಾಂ ಏನಾ ನಿಹಿತಾ ಪದಾನಿ |
ವತ್ಸೇ ಬಷ್ಕಯೇ ಽಧಿ ಸಪ್ತ ತಂತೂನ್
ವಿ ತತ್ನಿರೇ ಕವಯ ಓತವಾ ಉ || ೧೬,೬೬।೫

ಅಚಿಕಿತ್ವಾಂಶ್ ಚಿಕಿತುಷಶ್ ಚಿದ್ ಅತ್ರ
ಕವೀನ್ ಪೃಚ್ಛಾಮಿ ವಿದ್ಮನೇ ನ ವಿದ್ವಾನ್ |
ವಿ ಯಸ್ ತಸ್ತಂಭ ಷಡ್ ಇಮಾ ರಜಾಂಸ್ಯ್
ಅಜಸ್ಯ ರೂಪೇ ಕಿಂ ಅಪಿ ಸ್ವಿದ್ ಏಕಂ || ೧೬,೬೬।೬

ಇಹ ಬ್ರವೀತು ಯ ಈಂ ಅಂಗ ವೇದ-
-ಅಸ್ಯ ವಾಮಸ್ಯ ನಿಹಿತಂ ಪದಂ ವೇಃ |
ಶೀರ್ಷ್ಣಃ ಕ್ಷೀರಂ ದುಹ್ರತೇ ಗಾವೋ ಅಸ್ಯ
ವವ್ರಿಂ ವಸಾನಾ ಉದಕಂ ಪದಾಪುಃ || ೧೬,೬೬।೭

ಮಾತಾ ಪಿತರಂ ಋತ ಆ ಬಭಾಜ
ಧೀತ್ಯ್ ಅಗ್ರೇ ಮನಸಾ ಸಂ ಹಿ ಜಗ್ಮೇ |
ಸಾ ಬೀಭತ್ಸುರ್ ಗರ್ಭರಸಾ ನಿವಿದ್ಧಾ
ನಮಸ್ವಂತ ಇದ್ ಉಪವಾಕಂ ಈಯುಃ || ೧೬,೬೬।೮

ಯುಕ್ತಾ ಮಾತಾಸೀದ್ ಧುರಿ ದಕ್ಷಿಣಾಯಾ
ಅತಿಷ್ಠದ್ ಗರ್ಭೋ ವೃಜನೀಷ್ವ್ ಅಂತಃ |
ಅಮೀಮೇದ್ ವತ್ಸೋ ಅನು ಗಾಂ ಅಪಶ್ಯದ್
ವಿಶ್ವರೂಪ್ಯಂ ತ್ರಿಷು ಯೋಜನೇಷು || ೧೬,೬೬।೯

ತಿಸ್ರೋ ಮಾತೃ̄ಸ್ ತ್ರೀನ್ ಪಿತೃ̄ನ್ ಬಿಭ್ರದ್ ಏಕ
ಊರ್ಧ್ವಸ್ ತಸ್ಥೌ ನೇಂ ಅವ ಗ್ಲಾಪಯಂತಿ |
ಮಂತ್ರಯಂತೇ ದಿವೋ ಅಮುಷ್ಯ ಪೃಷ್ಠೇ
ವಿಶ್ವವಿದಂ ವಾಚಂ ಅವಿಶ್ವಮಿನ್ವಾಂ || ೧೬,೬೬।೧೦
(೬೬)

ದ್ವಾದಶಾರಂ ನಹಿ ತಜ್ ಜರಾಯ
ವರ್ವರ್ತಿ ಚಕ್ರಂ ಪರಿ ದ್ಯಾಂ ಋತಸ್ಯ |
ಆ ಪುತ್ರಾ ಅಗ್ನೇ ಮಿಥುನಾಸೋ ಅತ್ರ
ಸಪ್ತ ಶತಾನಿ ವಿಂಶತಿಶ್ ಚ ತಸ್ಥುಃ || ೧೬,೬೭।೧

ಪಂಚಪಾದಂ ಪಿತರಂ ದ್ವಾದಶಾಕೃತಿಂ
ದಿವ ಆಹುಃ ಪರೇ ಅರ್ಧೇ ಪುರೀಷಿಣಂ |
ಅಥೇಮೇ ಅನ್ಯ ಉಪರಿ ವಿಚಕ್ಷಣಂ
ಸಪ್ತಚಕ್ರೇ ಷಡರ ಆಹುರ್ ಅರ್ಪಿತಂ || ೧೬,೬೭।೨

ಪಂಚಾರೇ ಚಕ್ರೇ ಪರಿವರ್ತಮಾನೇ
ತಸ್ಮಿನ್ನ್ ಆ ತಸ್ಥುರ್ ಭುವನಾನಿ ವಿಶ್ವಾ |
ತಸ್ಯ ನಾಕ್ಷಸ್ ತಪ್ಯತೇ ಭೂರಿಭಾರಃ
ಸನಾದ್ ಏವ ನ ಛಿದ್ಯತೇ ಸನಾಭಿಃ || ೧೬,೬೭।೩

ಸನೇಮಿ ಚಕ್ರಂ ಅಜರಂ ವಿ ವಾವೃತ
ಉತ್ತಾನಾಯಾಂ ದಶ ಯುಕ್ತಾ ವಹಂತಿ |
ಸೂರ್ಯಸ್ಯ ಚಕ್ಷೂ ರಜಸೈತ್ಯ್ ಆವೃತಂ
ಯಸ್ಮಿನ್ನ್ ಆ ವಿಶ್ವಾ ಭುವನಾನ್ಯ್ ಆರ್ಪಿತಾ || ೧೬,೬೭।೪

ಸಾಕಂಜಾನಾಂ ಸಪ್ತಥಂ ಆಹುರ್ ಏಕಜಂ
ಷಡ್ ಇದ್ ಯಮಾ ಋಷಯೋ ದೇವಜಾ ಇತಿ |
ತೇಷಾಂ ಇಷ್ಟಾನಿ ವಿಹಿತಾನಿ ಧಾಮಶಃ
ಸ್ಥಾತ್ರೇ ರೇಜಂತೇ ವಿಕೃತಾನಿ ರೂಪಶಃ || ೧೬,೬೭।೫

ಸ್ತ್ರಿಯಃ ಸತೀಸ್ ತಾಁ ಉ ಮೇ ಪುಂಸ ಆಹುಃ
ಪಶ್ಯದ್ ಅಕ್ಷಣ್ವಾನ್ ನ ವಿ ಚೇತದ್ ಅಂಧಃ |
ಕವಿರ್ ಯಃ ಪುತ್ರಃ ಸ ಈಂ ಆ ಚಿಕೇತ
ಯಸ್ ತಾ ವಿಜಾನಾತ್ ಸ ಪಿತುಷ್ ಪಿತಾಸತ್ || ೧೬,೬೭।೬

ಅವಃ ಪರೇಣ ಪರ ಏನಾವರೇಣ
ಪದಾ ವತ್ಸಂ ಬಿಭ್ರತೀ ಗೌರ್ ಉದ್ ಅಸ್ಥಾತ್ |
ಸಾ ಕದ್ರೀಚೀ ಕಂ ಸ್ವಿದ್ ಅರ್ಧಂ ಪರಾಗಾತ್
ಸಾ ಕ್ವ ಸ್ವಿತ್ ಸೂತೇ ನಹಿ ಯೂಥೇ ಅಸ್ಮಿನ್ || ೧೬,೬೭।೭

ಅವಃ ಪರೇಣ ಪಿತರಂ ಯೋ ಅಸ್ಯ-
-ಅನುವೇದ ಪರ ಏನಾವರೇಣ |
ಕವೀಯಮಾನಃ ಕ ಇಹ ಪ್ರ ವೋಚದ್ ದೇವಂ
ಮನಃ ಕುತೋ ಅಧಿ ಪ್ರಜಾತಂ || ೧೬,೬೭।೮

ಯೇ ಅರ್ವಾಂಚಸ್ ತಾಁ ಉ ಪರಾಚ ಆಹುರ್
ಯೇ ಪರಾಂಚಸ್ ತಾಁ ಉ ಅರ್ವಾಚ ಆಹುಃ |
ಇಂದ್ರಶ್ ಚ ಯಾ ಚಕ್ರಥುಃ ಸೋಮ ತಾನಿ
ಧುರಾ ನಿ ಯುಕ್ತಾ ರಜಸೋ ವಹಂತಿ || ೧೬,೬೭।೯

ದ್ವಾ ಸುಪರ್ಣಾ ಸಯುಜಾ ಸಖಾಯಾ
ಸಮಾನಂ ವೃಕ್ಷಂ ಪರಿ ಷಸ್ವಜಾತೇ |
ತಯೋರ್ ಅನ್ಯಃ ಪಿಪ್ಪಲಂ ಸ್ವಾದ್ವ್ ಅತ್ತ್ಯ್
ಅನಶ್ನನ್ನ್ ಅನ್ಯೋ ಅಭಿ ಚಾಕಶೀತಿ || ೧೬,೬೭।೧೦

ಯಸ್ಮಿನ್ ವೃಕ್ಷೇ ಮಧ್ವದಃ ಸುಪರ್ಣಾ
ನಿವಿಶಂತೇ ಸುವತೇ ಚಾಧಿ ವಿಶ್ವೇ |
ತಸ್ಯೇದ್ ಆಹುಃ ಪಿಪ್ಪಲಂ ಸ್ವಾದ್ವ್ ಅಗ್ರೇ
ತನ್ ನೋನ್ ನಶದ್ ಯಃ ಪಿತರಂ ನ ವೇದ || ೧೬,೬೭।೧೧

ಯತ್ರಾ ಸುಪರ್ಣಾ ಅಮೃತಸ್ಯ ಭಕ್ಷಂ
ಅನಿಮೇಷಂ ವಿದಥಾಭಿಸ್ವರಂತಿ |
ಇನೋ ವಿಶ್ವಸ್ಯ ಭುವನಸ್ಯ ಗೋಪಾಃ
ಸ ಮಾ ಧೀರಃ ಪಾಕಂ ಅತ್ರಾ ವಿವೇಶ || ೧೬,೬೭।೧೨
(೬೭)

ಯದ್ ಗಾಯತ್ರೇ ಅಧಿ ಗಾಯತ್ರಂ ಆಹಿತಂ
ತ್ರೈಷ್ಟುಭಾದ್ ವಾ ತ್ರೈಷ್ಟುಭಂ ನಿರತಕ್ಷತ |
ಯದ್ ವಾ ಜಗಜ್ ಜಗತ್ಯ್ ಆಹಿತಂ ಪದಂ
ಯ ಇತ್ ತದ್ ವಿದುಸ್ ತೇ ಅಮೃತತ್ವಂ ಆನಶುಃ || ೧೬,೬೮।೧

ಗಾಯತ್ರೇಣ ಪ್ರತಿ ಮಿಮೀತೇ ಅರ್ಕಂ
ಅರ್ಕೇಣ ಸಾಮ ತ್ರೈಷ್ಟುಭೇನ ವಾಕಂ |
ವಾಕೇನ ವಾಕಂ ದ್ವಿಪದಾ ಚತುಷ್ಪದಾ-
-ಅಕ್ಷರೇಣ ಮಿಮತೇ ಸಪ್ತ ವಾಣೀಃ || ೧೬,೬೮।೨

ಜಗತಾ ಸಿಂಧುಂ ದಿವ್ಯ್ ಅಸ್ಕಭಾಯದ್
ರಥಂತರೇ ಸೂರ್ಯಂ ಪರ್ಯ್ ಅಪಶ್ಯತ್ |
ಗಾಯತ್ರಸ್ಯ ಸಮಿಧಸ್ ತಿಸ್ರ ಆಹುಸ್
ತತೋ ಮಹ್ನಾ ಪ್ರ ರಿರಿಚೇ ಮಹಿತ್ವಾ || ೧೬,೬೮।೩

ಉಪ ಹ್ವಯೇ ಸುದುಘಾಂ ಧೇನುಂ ಏತಾಂ
ಸುಹಸ್ತೋ ಗೋಧುಗ್ ಉತ ದೋಹದ್ ಏನಾಂ |
ಶ್ರೇಷ್ಠಂ ಸವಂ ಸವಿತಾ ಸಾವಿಷನ್
ನೋ ಽಭೀದ್ಧೋ ಘರ್ಮಸ್ ತದ್ ಉ ಷು ಪ್ರ ವೋಚಂ || ೧೬,೬೮।೪

ಹಿಂಕೃಣ್ವತೀ ವಸುಪತ್ನೀ ವಸೂನಾಂ
ವತ್ಸಂ ಇಚ್ಛಂತೀ ಮನಸಾಭ್ಯ್ ಆಗಾತ್ |
ದುಹಾಂ ಅಶ್ವಿಭ್ಯಾಂ ಪಯೋ ಅಘ್ನ್ಯೇಯಂ
ಸಾ ವರ್ಧತಾಂ ಮಹತೇ ಸೌಭಗಾಯ || ೧೬,೬೮।೫

ಗೌರ್ ಅಮೀಮೇದ್ ಅಭಿ ವತ್ಸಂ ಮಿಷಂತಂ
ಮೂರ್ಧಾನಂ ಹಿಙ್ಙ್ ಅಕೃಣೋನ್ ಮಾತವಾ ಉ |
ಸೃಕ್ವಾಣಂ ಘರ್ಮಂ ಅಭಿ ವಾವಶಾನಾ
ಮಿಮಾತಿ ಮಾಯುಂ ಪಯತೇ ಪಯೋಭಿಃ || ೧೬,೬೮।೬

ಅಯಂ ಸ ಶಿಂಕ್ತೇ ಯೇನ ಗೌರ್ ಅಭೀವೃತಾ
ಮಿಮಾತಿ ಮಾಯುಂ ಧ್ವಸನಾವ್ ಅಧಿ ಶ್ರಿತಾ |
ಸಾ ಚಿತ್ತಿಭಿರ್ ನಿ ಚಕಾರ ಮರ್ತ್ಯಂ
ವಿದ್ಯುದ್ ಭವಂತೀ ಪ್ರತಿ ವವ್ರಿಂ ಔಹತ || ೧೬,೬೮।೭

ವಿದ್ಯುದ್ ದದ್ರಾಣಾಂ ಸಲಿಲಸ್ಯ ಪೃಷ್ಠೇ
ಯುವಾನಂ ಸಂತಂ ಪಲಿತೋ ಜಗಾರ |
ದೇವಸ್ಯ ಪಶ್ಯ ಕಾವ್ಯಂ ಮಹಿತ್ವಾದ್ಯಾ
ಮಮಾರ ಸ ಹ್ಯಃ ಸಂ ಆನ || ೧೬,೬೮।೮

ಅನಚ್ ಛಯೇ ತುರಗಾತು ಜೀವಂ
ಏಜದ್ ಧ್ರುವಂ ಮಧ್ಯ ಆ ಪಸ್ತ್ಯಾನಾಂ |
ಜೀವೋ ಮೃತಸ್ಯ ಚರತಿ ಸ್ವಧಾಭಿರ್
ಅಮರ್ತ್ಯೋ ಮರ್ತ್ಯೇನಾ ಸಯೋನಿಃ || ೧೬,೬೮।೯

ಅಪಶ್ಯಂ ಗೋಪಾಂ ಅನಿಪದ್ಯಮಾನಂ
ಆ ಚ ಪರಾ ಚ ಪಥಿಭಿಶ್ ಚರಂತಂ |
ಸ ಸಧ್ರೀಚೀಃ ಸ ವಿಷೂಚೀರ್ ವಸಾನ
ಆ ವರೀವರ್ತಿ ಭುವನೇಷ್ವ್ ಅಂತಃ || ೧೬,೬೮।೧೦
(೬೮)

ಯ ಈಂ ಚಕಾರ ನ ಸೋ ಅಸ್ಯ ವೇದ
ಯ ಈಂ ದದರ್ಶ ಹಿರುಗ್ ಇನ್ ನ ತಸ್ಮಾತ್ |
ಸ ಮಾತುರ್ ಯೋನಾ ಪರಿವೀತೋ ಅಂತರ್
ಬಹುಪ್ರಜಾ ನಿರೃತಿಂ ಆ ವಿವೇಶ || ೧೬,೬೯।೧

ದ್ಯೌರ್ ನಃ ಪಿತಾ ಜನಿತಾ ನಾಭಿರ್ ಅತ್ರ
ಬಂಧುರ್ ನೋ ಮಾತಾ ಪೃಥಿವೀ ಮಹೀಯಂ |
ಉತ್ತಾನಯೋಶ್ ಚಮ್ವೋರ್ ಯೋನಿರ್ ಅಂತರ್
ಅತ್ರಾ ಪಿತಾ ದುಹಿತುರ್ ಗರ್ಭಂ ಆಧಾತ್ || ೧೬,೬೯।೨

ಪೃಚ್ಛಾಮಿ ತ್ವಾ ಪರಂ ಅಂತಂ ಪೃಥಿವ್ಯಾಃ
ಪೃಚ್ಛಾಮಿ ತ್ವಾ ಭುವನಸ್ಯ ನಾಭಿಂ |
ಪೃಚ್ಛಾಮಿ ತ್ವಾ ವೃಷ್ಣೋ ಅಶ್ವಸ್ಯ ರೇತೋ
ವಾಚಃ ಪೃಚ್ಛಾಮಿ ಪರಮಂ ವ್ಯೋಮ || ೧೬,೬೯।೩

ಇಯಂ ವೇದಿಃ ಪರೋ ಅಂತಃ ಪೃಥಿವ್ಯಾ
ಅಯಂ ಯಜ್ಞೋ ಭುವನಸ್ಯ ನಾಭಿಃ |
ಅಯಂ ಸೋಮೋ ವೃಷ್ಣೋ ಅಶ್ವಸ್ಯ ರೇತೋ
ಬ್ರಹ್ಮಾಯಾಂ ವಾಚಃ ಪರಮಂ ವ್ಯೋಮ || ೧೬,೬೯।೪

ಸಪ್ತಾರ್ಧಗರ್ಭಾ ಭುವನಸ್ಯ ರೇತೋ
ವಿಷ್ಣೋಸ್ ತಿಷ್ಠಂತಿ ಪ್ರದಿಶೋ ವಿಧರ್ಮಣಿ |
ತೇ ಧೀತಿಭಿರ್ ಮನಸಾ ತೇ ವಿಪಶ್ಚಿತಃ
ಪರಿಭುವಃ ಪರಿ ಭವಂತಿ ವಿಶ್ವತಃ || ೧೬,೬೯।೫

ನ ವಿ ಜಾನಾಮಿ ಯದ್ ಇವೇದಂ ಅಸ್ಮಿ
ನಿಣ್ಯಃ ಸನ್ನದ್ಧೋ ಮನಸಾ ಚರಾಮಿ |
ಯದಾ ಮಾಗನ್ ಪ್ರಥಮಜಾ ಋತಸ್ಯ-
-ಆದ್ ಇದ್ ವಾಚೋ ಅಶ್ನುವೇ ಭಾಗಂ ಅಸ್ಯಾಃ || ೧೬,೬೯।೬

ಅಪಾಙ್ ಪ್ರಾಙ್ ಏತಿ ಸ್ವಧಯಾ ಗೃಭೀತೋ
ಽಮರ್ತ್ಯೋ ಮರ್ತ್ಯೇನಾ ಸಯೋನಿಃ |
ತಾ ಶಶ್ವಂತಾ ವಿಷೂಚೀನಾ ವಿಯಂತಾ
ನ್ಯ್ ಅನ್ಯಂ ಚಿಕ್ಯುರ್ ನ ಚಿ ಚಿಕ್ಯುರ್ ಅನ್ಯಂ || ೧೬,೬೯।೭

ಋಚೋ ಅಕ್ಷರೇ ಪರಮೇ ವ್ಯೋಮನ್
ಯಸ್ಮಿನ್ ದೇವಾ ಅಧಿ ವಿಶ್ವೇ ನಿಷೇದುಃ |
ಯಸ್ ತನ್ ನ ವೇದ ಕಿಂ ಋಚಾ ಕರಿಷ್ಯತಿ
ಯ ಇತ್ ತದ್ ವಿದುಸ್ ತ ಇಮೇ ಸಂ ಆಸತೇ || ೧೬,೬೯।೮

ಋಚಃ ಪದಂ ಮಾತ್ರಯಾ ಕಲ್ಪಯಂತೋ
ಽರ್ಧರ್ಚೇನ ಚಾಕ್ಲ್̥ಪುರ್ ವಿಶ್ವಂ ಏಜತ್ |
ತ್ರಿಪಾದ್ ಬ್ರಹ್ಮ ಪುರುರೂಪಂ ವಿ ಚಷ್ಟೇ
ತೇನ ಜೀವಂತಿ ಪ್ರದಿಶಶ್ ಚತಸ್ರಃ || ೧೬,೬೯।೯

ಸೂಯವಸಾದ್ ಭಗವತೀ ಹಿ ಭೂಯಾ
ಅಥೋ ವಯಂ ಭಗವಂತಃ ಸ್ಯಾಮ |
ಅದ್ಧಿ ತೃಣಂ ಅಘ್ನ್ಯೇ ವಿಶ್ವದಾನೀಂ
ಪಿಬ ಶುದ್ಧಂ ಉದಕಂ ಆಚರಂತೀ || ೧೬,೬೯।೧೦

ಗೌರೀರ್ ಮಿಮಾಯ ಸಲಿಲಾನಿ ತಕ್ಷತ್ಯ್
ಏಕಪದೀ ದ್ವಿಪದೀ ಸಾ ಚತುಷ್ಪದೀ |
ಅಷ್ಟಾಪದೀ ನವಪದೀ ಬಭೂವುಷೀ
ಸಹಸ್ರಾಕ್ಷರಾ ಭುವನಸ್ಯ ಪಂಕ್ತಿಸ್
ತಸ್ಯಾಃ ಸಮುದ್ರಾ ಅಧಿ ವಿ ಕ್ಷರಂತಿ || ೧೬,೬೯।೧೧

ಅಥಾಪಾದ್ ಏತಿ ಪ್ರಥಮಾ ಪದ್ವತೀನಾಂ
ಕಸ್ ತದ್ ವಾಂ ಮಿತ್ರಾವರುಣಾ ಚಿಕೇತ |
ಗರ್ಭೋ ಭಾರಂ ಭರತ್ಯ್ ಆ ಚಿದ್ ಅಸ್ಯ
ಋತಂ ಪಿಪರ್ತ್ಯ್ ಅನೃತಂ ನಿ ಪಾತಿ || ೧೬,೬೯।೧೨

ಕೃಷ್ಣಂ ನಿಯಾನಂ ಹರಯಃ ಸುಪರ್ಣಾ
ಅಪೋ ವಸಾನಾ ದಿವಂ ಉತ್ ಪತಂತಿ |
ತಾ ಆವವೃತ್ರಂತ್ ಸದನಾದ್ ಋತಸ್ಯ-
-ಆದ್ ಇದ್ ಘೃತೇನ ಪೃಥಿವೀಂ ವ್ಯ್ ಊದುಃ || ೧೬,೬೯।೧೩
(೬೯)

ಅನುವಾಕ ೧೧ ||

ದ್ಯೌರ್ ಜವೇನಾ ಪೃಥಿವೀ ವರಿಮ್ಣಾಂತರಿಕ್ಷಂ ಮಹಿತ್ವಾಪೋ ಭೂಮ್ನಾ |
ದೇವಸ್ಯ ತ್ವಾ ಸವಿತುಃ ಪ್ರಸವೇ ಽಶ್ವಿನೋರ್ ಬಾಹುಭ್ಯಾಂ ಪೂಷ್ಣೋ ಹಸ್ತಾಭ್ಯಾಂ
ಪ್ರಸೂತೋ ಬ್ರಾಹ್ಮಣೇಭ್ಯೋ ನಿರ್ ವಪಾಮಿ || ೧೬,೭೦।೧

ಋಷಿಭ್ಯಸ್ ತ್ವಾ ರ್ಷೇಯೇಭ್ಯಸ್ ತ್ವಾ (ನಿರ್ ವಪಾಮಿ) || ೧೬,೭೦।೨

ಜುಷ್ಟತಮಂ ವಹ್ನಿತಮಂ ಪಪ್ರಿತಮಂ ಸಸ್ನಿತಮಂ
ಊರ್ಜೋ ಭಾಗಂ ಅಕ್ಷಿತಂ ಅಕ್ಷಿತಯೇ ನಿರ್ ವಪಾಮಿ || ೧೬,೭೦।೩

ವಸವಸ್ ತ್ವಾ ಗಾಯತ್ರೇಣ ಛಂದಸಾ ನಿರ್ ವಪಂತು || ೧೬,೭೦।೪

ರುದ್ರಾಸ್ ತ್ವಾ ತ್ರೈಷ್ಟುಭೇನ ಛಂದಸಾ ನಿರ್ ವಪಂತು || ೧೬,೭೦।೫

ಆದಿತ್ಯಾಸ್ ತ್ವಾ ಜಾಗತೇನ ಛಂದಸಾ ನಿರ್ ವಪಂತು || ೧೬,೭೦।೬

ಇದಂ ಅಭಿರಾವ್ಣಾಂ
ಇದಂ ಅಭಿಗತ್ವರಾಣಾಂ
ಇದಂ ಅಭಿಮನ್ಯೂನಾಂ || ೧೬,೭೦।೭

ಯಥಾ ಕೂಪಃ ಶತಖಾಃ ಸಹಸ್ರಖಾ ನೋಪದಸ್ಯತಿ |
ಏವೇದಂ ಮೋಪ ದಸತ್ ತೀರ್ಥಂ ಅಶ್ವಿನೋರ್ ಇವ || ೧೬,೭೦।೮

ಯೋ ನೋ ದ್ವೇಷನ್ ಮನಸಾ ಯಶ್ ಚ ವಾಚಾ
ದೈವ್ಯೇ ಲೋಕ ಉತ ಮಾನುಷೇ ಯಃ |
ಗ್ರಾವ್ಣಾ ಹಂತು ಮಹತಾ ತಸ್ಯ ಸರ್ವಂ
ಇಂದ್ರೋ ದೇವೋ ಮಘವಾಞ್ ಛಚೀಪತಿಃ || ೧೬,೭೦।೯

ವೀರುತ್ಸು ವಸ್ತ್ರಂ ಪರಿಜಾಯೈತದ್
ಊರ್ಜಾ ಸೋಮ ಪುನರ್ ಆ ವಿಶೇಹ ನಃ |
ದೃಂಹಸ್ವ ಬಾಹ್ವೋ ಅಂಬ ಧೃಷ್ವ ಮಾ ರಿಷೋ
ಅಗ್ನಿಶ್ ಚೈತತ್ ಸನಿಷ್ಯಥ || ೧೬,೭೦।೧೦

ದೇವೀರ್ ಆಪ ಊರ್ಜೋ ಭಾಗಾಯ ವೋ ಽಕ್ಷಿತಾ
ಅಕ್ಷಿತಯ ಆ ಸಿಂಚಾಮಿ || ೧೬,೭೦।೧೧
(೭೦)

ಅಕ್ರವ್ಯಾದಾ ತನ್ವಾ ಜಾತವೇದೋ
ಯಾ ತೇ ಸ್ವರ್ಗಾ ತಪಸಾ ಸಯೋನಿಃ |
ತಯೌದನಂ ಅಭಿಶ್ರಾಮ್ಯೈತಂ
ತಯಾ ನೋ ಅಗ್ನೇ ಮಹಿ ಶರ್ಮ ಯಚ್ಛ || ೧೬,೭೧।೧

ಸೋಮಸ್ಯಾಂಶುಭಿರ್ ಯತಂ ಅದ್ಧ್ವಂ
ಅದಿತ್ಯಾಃ ಪೃಷ್ಠೇ ಸೀದತ |
ಯೇ ತ ಓದನ ದೇವಯಾನೇ ಲೋಕೇ ವಿದುಃ
ಪಾತ್ರಂ ದಾರುಮಯಂ ಮನುಷ್ಯಾಃ |
ತೇಷಾಂ ಏಧಿ ಪಾತ್ರಮಾತ್ರಃ ಸ್ವರ್ಗಃ
ಪೃಥಿವೀಂ ವಿದ್ಮ ತವ ಪಾತ್ರಂ || ೧೬,೭೧।೨

ಏತಾಸ್ ತ್ವೌದನೋಪ ಯಂತ್ವ್ ಆಪೋ
ಘೃತಶ್ಚುತಃ ಪಯಸಾ ವರ್ಧಯಂತೀಃ |
ಸ್ತಭ್ನಾಸಿ ಸ್ವಃ ಪೃಥಿವೀಂ ಉತ ದ್ಯಾಂ
ಉತಾಂತರಿಕ್ಷಂ ಸ್ವಧಯಾ ಪೂರಯಾಸಿ || ೧೬,೭೧।೩

ಯಾವಂತಾಸ್ ತಂಡುಲಾಸ್ ತ ರ್ತಸ್ಯ ವಿಷ್ಠಾಸ್
ತಾವಂತೋ ಯಜ್ಞಾಸ್ ತ ರ್ತಸ್ಯ ದೋಹಾಃ |
ತಾವತೀ ಸ್ವಧಾ ಘೃತಪೃಷ್ಠೋ ಮೇ ಅಸ್ತು-
-ಊರ್ಜಂ ದುಹಾಂ ಮಧುಪೃಚಂ ವ್ಯೋಮನ್ || ೧೬,೭೧।೪

ಯಂ ಓದನಂ ಪಚಾಮಿ ಶ್ರದ್ದಧಾನಃ
ಪಾತ್ರೀಪೂರಂ ಘೃತಪೃಷ್ಠಂ ಜುಷಾಣಃ |
ಸ ಮೇ ಮಾ ಕ್ಷೇಷ್ಟ ಸದಂ ಅಶ್ಯಮಾನೋ
ಯಮಸ್ಯ ಲೋಕೇ ಪರಮೇ ವ್ಯೋಮನ್ || ೧೬,೭೧।೫

ಓದನಃ ಪಾತ್ರೇಣ ಸಹ ದಕ್ಷಿಣಯಾ
ಬ್ರಾಹ್ಮಣೇಭ್ಯೋ ದತ್ತೋ ಅಮೃತತ್ವೇ ದಧಾತಿ |
ಸೂರ್ಯಸ್ಯ ಧ್ರಾಜೀರ್ ಅನು ರಶ್ಮೀನ್ ಆಗನ್
ದಿವಸ್ ಪೃಷ್ಠಾನ್ ಶಕುನ ಇವ ರೋಹನ್ || ೧೬,೭೧।೬

ಸಂ ಪ್ರಾಣೇನ ಪ್ರಾಣಭೃತಂ ಸೃಜಾಮಿ
ಸಂ ವೀರ್ಯೇಣ ಪಯಸಾಶಿಷಾ ಚ |
ಆಸ್ತಾವಂ ಗಚ್ಛ ಸುಕೃತಾಂ ಯತ್ರ ಲೋಕಂ
ತೇ ತ್ವಾ ಪ್ರಾಶ್ನಂತು ದಕ್ಷಿಣತೋ ನಿಷದ್ಯ || ೧೬,೭೧।೭

ಅಗ್ನಿಷ್ಟೋಮೇನ ಸರಥಂ ಹಿ ಯಾಹ್ಯ್
ಅಥೋಕ್ತಂ ಅತಿರಾತ್ರಂ ಚ ಗಚ್ಛ |
ದ್ವಿರಾತ್ರಮಾತ್ರಸ್ ತ್ರ್ಯಹಂ ವ್ಯ್ ಅಶ್ನುಹ್ಯ್
ಅಥಾ ರೋಹ ಚತೂರಾತ್ರಂ ರಥಂ ಇವ || ೧೬,೭೧।೮

ಚತೂರಾತ್ರೇಣ ಕಲ್ಪಮಾನೋ ಹಿ ಯಾಹ್ಯ್
ಅಥ ಸಪ್ತರಾತ್ರಂ ದಶರಾತ್ರಂ ಚ ಗಚ್ಛ |
ದ್ವಾದಶಾಹಂ ಪರಿಭೂಯ ವಿಶ್ವತ
ಏಕವಿಂಶತ್ಯಾ ವಿ ಮೃಧೋ ನುದಸ್ವ || ೧೬,೭೧।೯

ಏಕವಿಂಶತ್ಯಾ ವಿ ಮೃಧೋ ಹಿ ಯಾಹ್ಯ್
ಅಥೈಕಚತ್ವಾರಿಂಶತೋಪ ಯಾಹ್ಯ್ ಏಕಂ |
ತ್ರಯಸ್ತ್ರಿಂಶತಾಮೃತೋ ಭೂತ್ವಾ
ತ್ರಿಮಾಸ್ಯಂ ಓದನಾನ್ವ್ ಆರಭಸ್ವ || ೧೬,೭೧।೧೦
(೭೧)

ಇದಾವತ್ಸರಂ ಚ ಪರಿವತ್ಸರಂ ಚ
ಬ್ರಧ್ನಸ್ಯ ವಿಷ್ಟಪಿ ಪರಮೇ ವ್ಯೋಮನ್ |
ನಾಕೇನ ನಾಕಂ ಅಭಿ ಸಂ ಭವೌದನ || ೧೬,೭೨।೧

ಸಾಧ್ಯಾ ನಯಂತು ಮುಖತೋ ಮಮೈತಂ
ಆದಿತ್ಯಾ ರುದ್ರಾ ವಸವಃ ಸಚೇತಸಃ |
ವಿಶ್ವೇ ದೇವಾ ಋತುಭಿಃ ಸಂವಿದಾನಾ
ಇಮಂ ರಕ್ಷಂತು ಸದಂ ಅಪ್ರಮಾದಂ || ೧೬,೭೨।೨

ಇದಾವತ್ಸರಂ ಚ ಪರಿವತ್ಸರಂ ಚ
ಸಂವತ್ಸರಂ ಅಹೋರಾತ್ರಾಣಿ ಮಾಸಃ |
ಸೂರ್ಯಸ್ಯಾಗ್ನೇಶ್ ಚಂದ್ರಮಸೋ ಽನುಭೂತಿಂ
ವಾತಸ್ಯಾಭೂತಿಂ ಅನ್ವ್ ಆಭವೌದನ || ೧೬,೭೨।೩

ಯಂ ಈಡತೇ ಪಿತರೋ ಯಂ ಚ ದೇವಾಃ
ಪುರೋಹಿತಂ ತಪಸಾ ಬ್ರಹ್ಮಣಾ ಚ |
ಸ್ವಧಾಂ ಊರ್ಜಂ ಅಕ್ಷಿತಿಂ ಆ ಜುಹೋಮಿ
ವಾತೇ ದೇವೇ ಪವಮಾನೇ ಬೃಹಸ್ಪತೌ || ೧೬,೭೨।೪

ಚತುರ್ಧೇತ್ಯ್ ಓದನಃ ಕಲ್ಪಮಾನ
ಊರ್ಜಾ ದೇವಾನ್ ಸ್ವಧಾ ಪಿತೃ̄ನ್ |
ಶರೀರಂ ಮನುಷ್ಯಾನ್ ಆಶಿತಂಭವೋ ಬ್ರಾಹ್ಮಣಾನ್
ಸೋ ಽಸ್ಮಾಕಂ ಅಸ್ತು ಪರಮೇ ವ್ಯೋಮನ್ || ೧೬,೭೨।೫

ಅಯಂ ಪಂಥಾ ಓದನ ದೇವಯಾನೋ
ಅನಾರುದ್ಧೋ ಮೃತ್ಯುನಾ ತೇನ ಯಾಹಿ |
ಅದಬ್ಧಃ ಸ್ವತೋ ನಿಹಿತಃ ಸುಕೃದ್ಭಿರ್
ಬ್ರಹ್ಮಣಾ ಶಿಷ್ಟಃ ಪ್ರಶಿಷಾ ಯಮಸ್ಯ
ಸೋ (ಽಸ್ಮಾಕಂ ಅಸ್ತು ಪರಮೇ ವ್ಯೋಮನ್) || ೧೬,೭೨।೬

ಯತ್ರ ತೇ ಗೃಹಾ ಓದನ ತತ್ ಪರೇಹಿ
ಯತ್ರಾಪಾಂ ತದ್ ಉ ಗಚ್ಛಂತ್ವ್ ಆಪಃ |
ಯತ್ರ ಯೋನಿಂ ಓದನಂ ಬ್ರಾಹ್ಮಣಾ ವಿದುಃ
ಸೋ ಅಸ್ಮಾಕಂ ಅಸ್ತು ಪರಮೇ ವ್ಯೋಮನ್ || ೧೬,೭೨।೭

ಹುತಂ ತೇ ವಾಚಿ ಹುತಂ ಅಸ್ತು ಚಕ್ಷುಷಿ
ಹುತಂ ವಿಜ್ಞಾನೇ ಹುತಂ ಅಸ್ತು ತೇ ಬಲೇ |
ಶ್ರೋತ್ರೇ ಪ್ರಾಣೇ ತೇ ಹುತಂ ಪ್ರಜಾಮೃತತ್ವೇ ತೇ
ಹುತಂ ಕಾಮೇ ಚ ಹುತಂ ಅಸ್ತು ತೇ || ೧೬,೭೨।೮

ಯದ್ ವಾಗ್ನೇಯೋ ಯದಿ ವಾಸ್ಯೈಂದ್ರೋ
ಯದಿ ಮಾರುತೋ ಯದಿ ವೈಶ್ವದೇವಃ |
ಯಸ್ ತೇ ಅಗ್ನಿರ್ ನೃಮಣಾ ನಾಮ ಹೃದ್ಯಸ್
ತಸ್ಮಿನ್ನ್ ಏಷ ಸುಹುತೋ ಅಸ್ತ್ವ್ ಓದನಃ
ಸೋ ಅಸ್ಮಾಕಂ ಅಸ್ತು ಪರಮೇ ವ್ಯೋಮನ್ || ೧೬,೭೨।೯

ಯ ಆವಿವೇಶ ನೃಮಣಾ ಮನುಷ್ಯಾಁ
ಅಗ್ನೀನಾಂ ಅಗ್ನಿಃ ಪ್ರಥಮೋ ವಯೋಧಾಃ |
ತಸ್ಮಿನ್ನ್ ಏಷಃ (…) || ೧೬,೭೨।೧೦
(೭೨)

ಯಾ ತೇ ತನೂರ್ ಅಪಚಕ್ರಾಮ ಮೃತ್ಯೋರ್
ದೇವಾನಾಂ ಸಖ್ಯಂ ಅಭಿ ಜೀವಲೋಕಂ |
ಅಪ್ಸುಚರಾ ಗಹ್ವರೇಷ್ಠಾ ಮಹಿತ್ವಾ
ತಸ್ಯಾಂ ಏಷಃ ಸುಹುತೋ ಅಸ್ತ್ವ್ ಓದನಃ
ಸೋ ಅಸ್ಮಾಕಂ ಅಸ್ತು ಪರಮೇ ವ್ಯೋಮನ್ || ೧೬,೭೩।೧

ಅಹೇಡಮಾನಾಭ್ಯ್ ಏಹಿ ನೋ ಗೃಹಂ
ಸಂಕಾಶಂ ಭದ್ರೇ ಸುಮನಾ ಅಘೋರಾಃ |
ಪ್ರತಿ ತ್ವಾ ವರ್ಷವೃದ್ಧಂ ಏತು || ೧೬,೭೩।೨

ಏಷಾ ನಃ ಸ್ವಧಾ ನವಗಜ್ ಜನಿತ್ರ್ಯ್
ಅಮೃತೇಷ್ವ್ ಅಮೃತಾಹುತಾಭೂತ್ |
ತಾನ್ ನೋ ಗೋಪಾಯ ಸದಂ ಅಪ್ರಮಾದಂ
ಆಸ್ಮಾಕಂ ಐತೋರ್ ಅನು ರಕ್ಷ ಜಾಗೃಹಿ || ೧೬,೭೩।೩

ಯೇ ನೋ ನಿಧಿಂ ಅಭಿದಾಸಂತ್ಯ್ ಏತಂ
ಪ್ರವಾಹಂ ಪ್ರೋಢಂ ಯಮರಾಜ್ಯೇ |
ರಾಜಾ ತೇಷಾಂ ವರುಣ ಇಂದ್ರಿಯಾಣ್ಯ್
ಅಭಿ ತಿಷ್ಟ್ಃಅತು ಹರಸಾ ದೈವ್ಯೇನ |
ಏತಂ ಸಧಸ್ಥಾಃ ಪರಿ ವೋ ದದಾಮ್ಯ್
ಅನುಖ್ಯಾತಾ ಯಜ್ಞಪತಿರ್ ಯದ್ ಆಯತ್ || ೧೬,೭೩।೪

ಯ ಆಖಿದಂತಿ ವಿಖಿದಂತಿ ದತ್ತಂ
ವಿ ಗೃಹ್ಣತೇ ದಕ್ಷಿಣಾ ನೀಯಮಾನಾಃ |
ತಾನ್ ಇಂದ್ರೋ ದೇವೋ ಮಘವಾಞ್ ಛಚೀಪತಿರ್
ಅಗ್ನಿಮೇದೀ ಪ್ರದಹನ್ನ್ ಏತು ಶಕ್ರಃ |
ಬೃಹಸ್ಪತಿರ್ ವರುಣಃ ಸೋಮ ಇಂದ್ರೋ
ಮಮೈವ ದತ್ತಂ ಕೇವಲಂ ಕೃಣ್ವಂತು || ೧೬,೭೩।೫
(೭೩)

ಶೀರ್ಷಕ್ತಿಂ ಶೀರ್ಷಾಮಯಂ
ಕರ್ಣಶೂಲಂ ತೃತೀಯಕಂ |
ಸರ್ವಂ ಶೀರ್ಷಣ್ಯಂ ತೇ ರೋಗಂ
ಬಹಿರ್ ನಿರ್ಮಂತ್ರಯಾಮಹೇ || ೧೬,೭೪।೧

ಕರ್ಣಾಭ್ಯಾಂ ತೇ ಕಂಕೂಷೇಭ್ಯಃ
ಶುಕ್ತಿವಲ್ಗಂ ವಿಲೋಹಿತಂ |
(…) || ೧೬,೭೪।೨

ಯಃ ಕೃಣೋತಿ ಪ್ರಮೋತಂ
ಅಂಧಂ ಕೃಣೋತಿ ಪೂರುಷಂ |
(…) || ೧೬,೭೪।೩

ಯಸ್ಯ ಹೇತೋಃ ಪ್ರಚ್ಯವತೇ
ಯಕ್ಷ್ಮೋ ನಾಸತ ಆಸ್ಯತಃ |
(…) || ೧೬,೭೪।೪

ಶೀರ್ಷರೋಗಂ ಅಂಗರೋಗಂ
ವಿಶ್ವಾಂಗೀನಂ ವಿಸಲ್ಪಕಂ |
ಸರ್ವಂ ಶೀರ್ಷಣ್ಯಂ ತೇ ರೋಗಂ
ಬಹಿರ್ ನಿರ್ಮಂತ್ರಯಮಹೇ || ೧೬,೭೪।೫

ಯಸ್ಯ ಭೀಮಃ ಪ್ರತೀಕಾಶ
ಉದ್ವೇಪಯತಿ ಪೂರುಷಂ |
ತಕ್ಮಾನಂ ಶೀತಂ ರೂರಂ ಚ
ತಂ ತೇ ನಿರ್ ಮಂತ್ರಯಾಮಹೇ || ೧೬,೭೪।೬

ಯ ಊರೂ ಅನುಸರ್ಪತ್ಯ್
ಅಥೋ ಯೇ ಽನು ಗವೀನಿಕೇ |
ಬಲಾಸಂ ಅಂತರ್ ಅಂಗೇಭ್ಯೋ
ಬಹಿರ್ ನಿರ್ಮಂತ್ರಯಾಮಹೇ || ೧೬,೭೪।೭

ಯದಿ ಕಾಮಾದ್ ಅಪಕಾಮಾದ್
ಧೃದಯಾಜ್ ಜಾಯತೇ ಪರಿ |
ಹೃದೋ ಬಲಾಸಂ ಅಂಗೇಭ್ಯೋ
ಬಹಿರ್ ನಿರ್ಮಂತ್ರಯಾಮಹೇ || ೧೬,೭೪।೮

ಹರಿಮಾಣಂ ತೇ ಅಂಗೇಭ್ಯೋ
ಯಕ್ಷ್ಮೋಧಾಂ ಅಂತರಾತ್ಮನಃ |
ಯಕ್ಷ್ಮಂ ತೇ ಸರ್ವಂ ಅಂಗೇಭ್ಯೋ
ಬಹಿರ್ ನಿರ್ಮಂತ್ರಯಾಮಹೇ || ೧೬,೭೪।೯

ಆಸೋ ಬಲಾಸೋ ಭವತು
ಮೂತ್ರಂ ಭವತ್ವ್ ಆಮಯತ್ |
ಯಕ್ಷ್ಮಾಣಾಂ ಸರ್ವೇಷಾಂ ವಿಷಂ
ನಿರ್ ಅವೋಚಂ ಅಹಂ ತ್ವತ್ || ೧೬,೭೪।೧೦
(೭೪)

ಬಹಿರ್ ಬಿಲಂ ನಿರ್ ದ್ರವತು
ಕಹಾವಾಹಂ ತವೋದರಾತ್ |
ಯಕ್ಷ್ಮಾಣಾಂ ಸರ್ವೇಷಾಂ ವಿಷಂ
ನಿರ್ ಅವೋಚಂ ಅಹಂ ತ್ವತ್ || ೧೬,೭೫।೧

ಉದರಾತ್ ತೇ ಪರಿ ಕ್ಲೋಮ್ನೋ
ನಾಭ್ಯಾ ಹೃದಯಾದ್ ಅಧಿ |
ಯಕ್ಷ್ಮೋಧಾಂ ಅಂತರಾತ್ಮನೋ
ಬಹಿರ್ ನಿರ್ ಮಂತ್ರಯಾಮಹೇ || ೧೬,೭೫।೨

ಯಾಃ ಸೀಮಾನಂ ವಿರುಜಂತಿ
ಮೂರ್ಧಾನಂ ಪ್ರತ್ಯರ್ಷಣೀಃ |
ಅಹಿಂಸಂತೀರ್ ಅನಾಮಯಾ
ನಿರ್ ದ್ರವಂತಿ ಬಹಿರ್ ಬಿಲಂ || ೧೬,೭೫।೩

ಯಾ ಹೃದಯಂ ಉಪಸರ್ಪಂತ್ಯ್
ಅನುತನ್ವಂತಿ ಕೀಕಸಾಃ |
(…) || ೧೬,೭೫।೪

ಯಾಃ ಪಾರ್ಶ್ವೇ ಉಪರ್ಷಂತ್ಯ್
ಅನುನಿಕ್ಷಂತಿ ಪೃಷ್ಟೀಃ |
(…) || ೧೬,೭೫।೫

ಯಾಸ್ ತಿರಶ್ಚೀರ್ ಉಪರ್ಷಂತ್ಯ್
ಅರ್ಷಣೀರ್ ವಕ್ಷಣಾಭ್ಯಃ |
(…) || ೧೬,೭೫।೬

ಯಾ ಗುದಾ ಅನುಸರ್ಪಂತ್ಯ್
ಆಂತ್ರಾಣಿ ಯೋಪಯಂತಿ ಚ |
(…) || ೧೬,೭೫।೭

ಯಾ ಮಜ್ಜ್ಞೋ ಅನುಸರ್ಪಂತಿ
ಪರೂಂಷಿ ವಿರುಜಂತಿ ಚ |
ಅಹಿಂಸಂತೀರ್ ಅನಾಮಯಾ
ನಿರ್ ದ್ರವಂತಿ ಬಹಿರ್ ಬಿಲಂ || ೧೬,೭೫।೮

ಯೇ ಅಂಗಾನಿ ಮದಯಂತಿ
ಯಕ್ಷ್ಮಾಸೋ ರೋಪಣಾಸಃ |
ಯಕ್ಷ್ಮಾಣಾಂ ಸರ್ವೇಷಾಂ ವಿಷಂ
ನಿರ್ ಅವೋಚಂ ಅಹಂ ತ್ವತ್ || ೧೬,೭೫।೯

ವಿಸಲ್ಪಕಸ್ಯ ವಿದ್ರಧಸ್ಯ
ವಾತೀಕಾರಸ್ಯ ವಾಲಜೇಃ |
ಯಕ್ಷ್ಮಾಣಾಂ ಸರ್ವೇಷಾಂ ವಿಷಂ
ನಿರ್ ಅವೋಚಂ ಅಹಂ ತ್ವತ್ || ೧೬,೭೫।೧೦

ಪಾದಾಭ್ಯಾಂ ತೇ ಕುಲ್ಫಾಭ್ಯಾಂ
ಜಂಗಾಭ್ಯಾಂ ಜಾನುಭ್ಯಾಂ ಊರುಭ್ಯಾಂ
ಶ್ರೋಣಿಭ್ಯಾಂ ಪರಿ ಭಂಸಸಃ |
ಅನೂಕ್ಯಾದ್ ಅರ್ಷಣೀರ್ ಉಷ್ಣಿಹಾಭ್ಯೋ
ಗ್ರೀವಾಭ್ಯಃ ಸ್ಕಂಧೇಭ್ಯಶ್
ಶೀರ್ಷ್ಣೋ ರೋಗಂ ಅನೀನಶಂ || ೧೬,೭೫।೧೧

ಸಂ ತೇ ಶೀರ್ಷ್ಣಃ ಕಪಾಲಾನಿ
ಹೃದಯಸ್ಯ ಚ ಯೋ ವಿದುಃ |
ಉದ್ಯನ್ ಸೂರ್ಯ ಆದಿತ್ಯೋ
ಽಙ್ಗರೋಗಂ ಅನೀನಶತ್ || ೧೬,೭೫।೧೨
(೭೫)

ಅನುವಾಕ ೧೨ ||

ಸಪತ್ನಹನಂ ಋಷಭಂ ಘೃತೇನ
ಕಾಮಂ ಶಿಕ್ಷಾಮಿ ಹವಿಷಾಜ್ಯೇನ |
ನೀಚೈಃ ಸಪತ್ನಾನ್ ಮಮ ಪಾದಯ
ತ್ವಂ ಅಭಿಷ್ಟುತೋ ಮಹತಾ ವೀರ್ಯೇಣ || ೧೬,೭೬।೧

ಯನ್ ಮೇ ಮನಸೋ ನ ಪ್ರಿಯಂ ನ ಚಕ್ಷುಷೋ
ಯನ್ ಮೇ ಹೃದಯೇ ನಾಭಿನಂದತಿ |
ತದ್ ದುಷ್ವಪ್ನ್ಯಂ ಪ್ರತಿ ಮುಂಚಾಮಿ ಸಪತ್ನೇ
ಕಾಮಂ ತುಷ್ಟುವಾನ್ ಉದ್ ಅಹಂ ಭಿದೇಯಂ || ೧೬,೭೬।೨

ದುಷ್ವಪ್ನ್ಯಂ ಕಾಮ ದುರಿತಂ ಚ ಕಾಮ-
-ಅಪ್ರಜಸ್ತಾಂ ಅಸ್ವಕೃತಾಂ ಅವರ್ತಿಂ |
ಉಗ್ರ ಈಶಾನಃ ಪ್ರತಿ ಮುಂಚ ತಸ್ಮಿನ್
ಯೋ ಅಸ್ಮಭ್ಯಂ ಅಂಹೂರಣಾ ಚಿಕಿತ್ಸಾತ್ || ೧೬,೭೬।೩

ಸಾ ತೇ ಕಾಮ ದುಹಿತಾ ಧೇನುರ್ ಉಚ್ಯತೇ
ಯಾಂ ಆಹುರ್ ವಾಚಂ ಕವಯೋ ವಿರಾಜಂ |
ತಯಾ ಸಪತ್ನಾನ್ ಪರಿ ವೃಙ್ಧಿ ಯೇ ಮಮ
ಪರ್ಯ್ ಏನಾನ್ ಪ್ರಾಣಃ ಪ್ರಜಾಃ ಪಶವೋ ಜೀವನಂ ವೃಣಕ್ತು || ೧೬,೭೬।೪

ಕಾಮಸ್ಯೇಂದ್ರಸ್ಯ ವರುಣಸ್ಯ ರಾಜ್ಞೋ
ವಿಷ್ಣೋರ್ ಬಲೇನ ಸವಿತುಃ ಸವೇನ |
ಅಗ್ನೇರ್ ಹೋತ್ರೇಣ ಪ್ರ ಣುದ ಸಪತ್ನಾನ್
ಶಂಬೀವ ನಾವಂ ಉದಕೇಷು ಧೀರಃ || ೧೬,೭೬।೫

ಅಧ್ಯಕ್ಷೋ ವಾಜೀ ಮಮ ಕಾಮ ಉಗ್ರಃ
ಕೃಣೋತು ಮಹ್ಯಂ ಅಸಪತ್ನಂ ಏವ |
ವಿಶ್ವೇ ದೇವಾ ಮಮ ನಾಥಂ ಭವಂತು
ಸರ್ವೇ ದೇವಾ ಹವಂ ಆ ಯಂತು ಮ ಇಮಂ || ೧೬,೭೬।೬

ಇದಂ ಆಜ್ಯಂ ಘೃತವಜ್ ಜುಷಾಣಾಃ
ಕಾಮಜ್ಯೇಷ್ಠಾ ಇಹ ಮಾದಯಂತಾಂ |
ಕೃಣ್ವಂತು ಮಹ್ಯಂ ಅಸಪತ್ನಂ ಏವ || ೧೬,೭೬।೭

ಇಂದ್ರಾಗ್ನೀ ಕಾಮ ಸರಥಂ ಹಿ ಭೂತ್ವಾ
ನೀಚೈಃ ಸಪತ್ನಾನ್ ಮಮ ಪಾದಯಾಥ |
ತೇಷಾಂ ಪನ್ನಾನಾಂ ಅಧಮಾ ತಮಾಂಸ್ಯ್
ಅಗ್ನೇ ವಾಸ್ತೂನ್ಯ್ ಅನುನಿರ್ದಹಾ ತ್ವಂ || ೧೬,೭೬।೮

ಜಹಿ ತ್ವಂ ಕಾಮ ಮಮ ಯೇ ಸಪತ್ನಾ
ಅಂಧಾ ತಮಾಂಸ್ಯ್ ಅವ ಪಾದಯೈನಾನ್ |
ಅನಿಂದ್ರಿಯಾ ಅರಸಾಃ ಸಂತು ಸರ್ವೇ
ಯಥಾ ನ ಜಿವಾತ್ ಕತಮಚ್ ಚನೈಷಾಂ || ೧೬,೭೬।೯

ಅವಧೀತ್ ಕಾಮೋ ಮಮ ಯೇ ಸಪತ್ನಾ
ಉರುಂ ಲೋಕಂ ಅಕರನ್ ಮಹ್ಯಂ ಏಧತುಂ |
ಮಹ್ಯಂ ನಮಂತಾಂ ಪ್ರದಿಶಶ್ ಚತಸ್ರೋ
ಮಹ್ಯಂ ಷಡ್ ಉರ್ವೀರ್ ಘೃತಂ ಆ ವಹಂತು || ೧೬,೭೬।೧೦
(೭೬)

ಯತ್ ತೇ ಕಾಮ ಶರ್ಮ ತ್ರಿವರೂಥಂ ಉದ್ಭಿದ್
ಬ್ರಹ್ಮ ವರ್ಮ ವಿತತಂ ಅನತಿವ್ಯಾಧ್ಯಂ ಕೃತಂ |
ತೇನ ಸಪತ್ನಾನ್ ಪರಿ ವೃಙ್ಧಿ ಯೇ ಮಮ
ಪರ್ಯ್ ಏನಾನ್ ಪ್ರಾಣಃ ಪ್ರಜಾಃ ಪಶವೋ ಜೀವನಂ ವೃಣಕ್ತು || ೧೬,೭೭।೧

ಅಧರಾಂಚಃ ಪ್ರ ಪ್ಲವಂತಾಂ
ಛಿನ್ನಾ ನೌರ್ ಇವ ಬಂಧನಾತ್ |
ನ ಸಾಯಕಪ್ರಣುತ್ತಾನಾಂ
ಪುನರ್ ಅಸ್ತಿ ನಿವರ್ತನಂ || ೧೬,೭೭।೨

ಅಗ್ನಿರ್ ಯವ ಇಂದ್ರೋ ಯವಃ ಸೋಮೋ ಯವಃ |
ಯವಯಾವಾನೋ ದೇವ ಯಾವಯಂತ್ವ್ ಅಮುಂ
ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ
ಜೀವಲೋಕಾನ್ ಮೃತಲೋಕಂ ಗತಾಸುಂ || ೧೬,೭೭।೩

ಅಸರ್ವವೀರಶ್ ಚರತಿ ಪ್ರಣುತ್ತೋ
ಮಿತ್ರಾಣಾಂ ದ್ವೇಷ್ಯಃ ಪರಿವರ್ಗ್ಯಃ ಸ್ವಾನಾಂ |
ಉತ ಪೃಥಿವ್ಯಾಂ ಅವ ಸ್ಯಂತಿ ವಿದ್ಯುತ
ಉಗ್ರೋ ದೇವಃ ಪ್ರ ಮೃಣತ್ ಸಪತ್ನಾನ್ || ೧೬,೭೭।೪

ಚ್ಯುತಾ ಚೇಯಂ ಬೃಹತ್ಯ್ ಅಚ್ಯುತಾ ಚ
ವಿದ್ಯುದ್ ಬಿಭರ್ತಿ ಸ್ತನಯಿತ್ನೂಂಶ್ ಚ ಸರ್ವಾನ್ |
ತೇಷಾಂ ಆದಿತ್ಯೋ ದ್ರವಿಣೇನ ತೇಜಸಾ-
-ಉದ್ಯನ್ ಸಪತ್ನಾನ್ ನುದತಾಂ ಮೇ ಸಹಸ್ವಾನ್ || ೧೬,೭೭।೫

ಯಥಾ ದೇವಾ ಅಸುರಾನ್ ಪ್ರಾಣುದಂತ ಯೇನ-
-ಇಂದ್ರೋ ದಸ್ಯೂನ್ ಅಧಮಂ ತಮೋ ಬಬಾಧೇ |
ತಥಾ ತ್ವಂ ಕಾಮ ಮಮ ಯೇ ಸಪತ್ನಾಸ್
ತಾನ್ ಅಸ್ಮಾಲ್ ಲೋಕಾತ್ ಪ್ರ ಣುದಸ್ವ ಸರ್ವಾನ್ || ೧೬,೭೭।೬

ಯೇನ ದೇವಾ ಅಸುರಾನ್ ಪ್ರಾಣುದಂತ ವಿಶ್ವಹಾ
ಯೇನೇಂದ್ರೋ ದಸ್ಯೂನ್ ಅಧಮಂ ತಮೋ ಬಬಾಧೇ |
ತೇನ ತ್ವಂ ಕಾಮ ಮಮ ಯೇ ಸಪತ್ನಾಸ್
ತಾನ್ ಅಸ್ಮಾಲ್ ಲೋಕಾತ್ ಪ್ರ ಣುದಸ್ವ ದೂರಂ || ೧೬,೭೭।೭

ಕಾಮೋ ಜಜ್ಞೇ ಪ್ರಥಮೋ ನಾನ್ಯತ್ ಪುರಾ
ನೈನಂ ದೇವಾ ಆಪುಃ ಪಿತರೋ ನೋತ ಮರ್ತ್ಯಾಃ |
ತತಸ್ ತ್ವಂ ಅಸಿ ಜ್ಯಾಯಾನ್ ವಿಶ್ವಹಾ ಮಹಾಂಸ್
ತಸ್ಮೈ ತೇ ಕಾಮ ನಾಮ ಇತ್ ಕೃಣೋಮಿ || ೧೬,೭೭।೮

ನ ವೈ ವಾತಶ್ ಚನ ಕಾಮಂ ಆಪ
ನಾಗ್ನಿಃ ಸೂರ್ಯೋ ನೋತ ಚಂದ್ರಮಾಃ |
(…) || ೧೬,೭೭।೯

ನ ವಾ ಆಪಶ್ ಚನ ಕಾಮಂ ಆಪುರ್
ನಾಹೋರಾತ್ರಾಣಿ ವಿಹಿತಾನಿ ಯಂತಿ |
(…) || || ೧೬,೭೭।೧೦
(೭೭)

ನ ವೈ ಪುಣ್ಯಜನಾಶ್ ಚನ ಕಾಮಂ ಆಪುರ್
ನ ಗಂಧರ್ವಾಪ್ಸರಸೋ ನ ಸರ್ಪಾಃ |
ತತಸ್ ತ್ವಂ ಅಸಿ ಜ್ಯಾಯಾನ್ ವಿಶ್ವಹಾ ಮಹಾಂಸ್
ತಸ್ಮೈ ತೇ ಕಾಮ ನಮ ಇತ್ ಕೃಣೋಮಿ || ೧೬,೭೮।೧

ಯಾವತೀ ದ್ಯಾವಾಪೃಥಿವೀ ವರಿಮ್ಣಾ
ಯಾವದ್ ಆಪಃ ಸಿಷ್ಯದುರ್ ಯಾವದ್ ಅಗ್ನಿಃ |
ತತಸ್ ತ್ವಂ ಅಸಿ ಜ್ಯಾಯಾನ್ ವಿಶ್ವಹಾ ಮಹಾಂಸ್
ತಸ್ಮೈ ತೇ ಕಾಮ ನಮ ಇತ್ ಕೃಣೋಮಿ || ೧೬,೭೮।೨

ಯಾವತೀರ್ ದಿಶಃ ಪ್ರದಿಶೋ ವಿಷೂಚೀರ್
ಯಾವತೀರ್ ಆಶಾ ಅಭಿಚಕ್ಷಣಾ ದಿವಃ |
ತತಸ್ ತ್ವಂ ಅಸಿ ಜ್ಯಾಯಾನ್ ವಿಶ್ವಹಾ ಮಹಾಂಸ್
ತಸ್ಮೈ ತೇ ಕಾಮ ನಮ ಇತ್ ಕೃಣೋಮಿ || ೧೬,೭೮।೩

ಯಾವತೀರ್ ಭೃಂಗಾ ಜತ್ವಃ ಕುರೂರವೋ
ಯಾವತೀರ್ ವಘಾ ವೃಕ್ಷಸರ್ಪ್ಯಃ |
ತತಸ್ ತ್ವಂ ಅಸಿ ಜ್ಯಾಯಾನ್ ವಿಶ್ವಹಾ ಮಹಾಂಸ್
ತಸ್ಮೈ ತೇ ಕಾಮ ನಮ ಇತ್ ಕೃಣೋಮಿ || ೧೬,೭೮।೪

ಯಾಸ್ ತೇ ಶಿವಾಸ್ ತಣ್ವಸ್ ಕಾಮ ಭದ್ರಾ
ಯಾಭಿಃ ಸತ್ಯಂ ಭವತಿ ಯದ್ ವೃಣೀತೇ |
ತಾಭಿಷ್ ಟ್ವಂ ಅಸ್ಮಾನ್ ಉಪ ಸಂ ವಿಶಸ್ವ-
-ಅನ್ಯತ್ರ ಪಾಪೀರ್ ಅಪ ವೇಶಯಾ ಧಿಯಃ || ೧೬,೭೮।೫
(೭೮)

ಯೌ ತೇ ಮಾತೋನ್ಮಮಾರ್ಜ
ಜಾತಾಯಾಃ ಪತಿವೇದನೌ |
ದುರ್ಣಾಮಾ ತತ್ರ ಮಾ ಗೃಧದ್
ಅಲಿಂಶ ಉತ ವತ್ಸಪಃ || ೧೬,೭೯।೧

ಪಲಾಲಾನುಪಲಾಲೌ ಶರ್ಕುಂ
ಕೋಕಂ ಮಲಿಮ್ರುಚಂ ಪಲೀಜಕಂ |
ಆಶ್ಲೇಷಂ ವವ್ರಿವಾಸಸಂ
ಋಕ್ಷಗ್ರೀವಂ ಪ್ರಮೀಲಿನಂ
ಮುಷ್ಕಯೋರ್ ಅಪ ಹನ್ಮಸಿ || ೧೬,೭೯।೨

ಮಾ ಸಂ ವೃತೋ ಮೋಪ ಸೃಪ
ಊರೂ ಮಾವ ಸೃಪೋ ಽನ್ತರಾ |
ಕೃಣೋಮ್ಯ್ ಅಸ್ಯೈ ಭೇಷಜಂ
ಬಜಂ ದುರ್ಣಾಮಚಾತನಂ || ೧೬,೭೯।೩

ದುರ್ಣಾಮಾ ಚ ಸುನಾಮಾ ಚ-
-ಉಭೌ ಸಂವೃತಂ ಇಚ್ಛತಃ |
ಅರಾಯಂ ಅಪ ಹನ್ಮಸಿ
ಸುನಾಮಾ ಸ್ತ್ರೈಣಂ ಇಚ್ಛತಾಂ || ೧೬,೭೯।೪

ಯಃ ಕೃಷ್ಣಃ ಕೇಶ್ಯ್ ಅಸುರ
ಸ್ತಂಬಜಾ ಉತ ತಂಡಿಕಃ |
ಅರಾಯಾನ್ ಅಸ್ಯಾ ಭಂಸಸೋ
ಮುಷ್ಕಯೋರ್ ಅಪ ಹನ್ಮಸಿ || ೧೬,೭೯।೫

ಅನುಜಿಘ್ರಂ ಪ್ರಮೃಶಂತಂ
ಕ್ರವ್ಯಾದಂ ಉತ ರೇರಿಹಂ |
ಅರಾಯಂ ಶ್ವಕಿಷ್ಕಿಣಂ
ಬಜಃ ಪಿಂಗೋ ಅನೀನಶತ್ || ೧೬,೭೯।೬

ಯಸ್ ತ್ವಾ ಸುಪ್ತಾಂ ತ್ಸರತಿ
ಯಶ್ ಚ ದಿಪ್ಸತಿ ಜಾಗ್ರತೀಂ |
ಛಾಯಾಂ ಇವ ಪ್ರ ತಾನ್ ಸೂರ್ಯಃ
ಪರಿಕ್ರಾಮಂ ಅನೀನಶತ್ || ೧೬,೭೯।೭

ಯಸ್ ತ್ವಾ ಸುಪ್ತಾಂ ನಿಪದ್ಯತೇ
ಭ್ರಾತಾ ಭೂತ್ವಾ ಪಿತೇವ ಚ |
ಬಜಸ್ ತ್ವಂ ಸಹತಾಂ ಇತಃ
ಕ್ಲೀಬರೂಪಂ ತಿರೀಟಿನಂ || ೧೬,೭೯।೮

ಯಃ ಕೃಣೋತ್ಯ್ ಅವತೋಕಾಂ
ಮೃತವತ್ಸಾಂ ಇಮಾಂ ಸ್ತ್ರಿಯಂ |
ತಂ ಓಷಧೇ ತ್ವಂ ನಾಶಯ-
-ಅಸ್ಯಾಃ ಕಮಲಂ ಅಂಜಿವಂ || ೧೬,೭೯।೯

ಯೇ ಶಾಲಾಃ ಪರಿನೃತ್ಯಂತಿ
ಸಾಯಂ ಗರ್ದಭನಾದಿನಃ
ಕುಸೂಲಾ ಯೇ ಚ ಕುಕ್ಷಿಲಾಃ
ಕಕುಭಾಃ ಸರಮಾಃ ಸುಮಾಃ |
ತಾನ್ ಓಷಧೇ ತ್ವಂ ಗಂಧೇನ
ವಿಷೂಚೀನಾನ್ ವಿ ನಾಶಯ || ೧೬,೭೯।೧೦
(೭೯)

ಯೇ ಕುಕುಂಧಾಃ ಕುಕೂರಭಾಃ
ಕೃತ್ತೀರ್ ದೂರ್ಶಾನಿ ಬಿಭ್ರತಿ |
ಕ್ಲೀಬಾ ಇವ ಪ್ರನೃತ್ಯಂತೋ
ಘೋಷಾಂ ಯೇ ಕುರ್ವತೇ ವನೇ
ತಾನ್ ಇತೋ ನಾಶಯಾಮಸಿ || ೧೬,೮೦।೧

ಯೇಷಾಂ ಪಶ್ಚಾತ್ ಪ್ರಪದೇ
ಪುರಃ ಪಾರ್ಷ್ಣೀ ಪುರೋ ಮುಖಂ |
ಖಲಜಾಃ ಶಕಧೂಮಜಾ
ಉರುಂಡಾ ಯೇ ಚ ಮಟ್ಮಟಾಃ
ಕುಂಭಮುಷ್ಕಾ ಅಯಾಶವಃ |
ತಾನ್ ಅಸ್ಯಾ ಬ್ರಹ್ಮಣಸ್ಪತೇ
ಪ್ರತೀಬೋಧೇನ ನಾಶಯ || ೧೬,೮೦।೨

ಯೇ ಸೂರ್ಯಂ ನ ತಿತಿಕ್ಷಂತ
ಆತಪಂತಂ ಅಮುಂ ದಿವಃ |
ಅರಾಯಾನ್ ಬಸ್ತವಾಸಿನೋ
ದುರ್ಗಂಧೀಂಲ್ ಲೋಹಿತಾಸ್ಯಾನ್
ಮಕಕಾನ್ ನಾಶಯಾಮಸಿ || ೧೬,೮೦।೩

ಯೇ ಸೂರ್ಯಾತ್ ಪರಿಸರ್ಪಂತಿ
ಸ್ನುಷೇವ ಶ್ವಶುರಾದ್ ಅಧಿ |
ಬಜಶ್ ಚ ತೇಷಾಂ ಪಿಂಗಶ್ ಚ
ಹೃದಯೇ ಽಧಿ ನಿ ವಿಧ್ಯತಾಂ || ೧೬,೮೦।೪

ಯ ಆತ್ಮಾನಂ ಅತಿಮಾತ್ರಂ
ಅಂಶ ಆಧಾಯ ಬಿಭ್ರತಿ |
ಸ್ತ್ರೀಣಾಂ ಶ್ರೋಣಿಪ್ರತೋದಿನ
ಇಂದ್ರ ರಕ್ಷಾಂಸಿ ನಾಶಯ || ೧೬,೮೦।೫

ಯೇ ಪೂರ್ವೇ ವಧ್ವೋ ಯಂತಿ
ಹಸ್ತೇ ಶೃಂಗಾಣಿ ಬಿಭ್ರತಃ |
ಆಪಾಕೇಸ್ಥಾನ್ ಪ್ರಹಾಸಿನ
ಸ್ತಂಬೇ ಯೇ ಕುರ್ವತೇ ಜ್ಯೋತಿಸ್
ತಾನ್ ಇತೋ ನಾಶಯಾಮಸಿ || ೧೬,೮೦।೬

ಪರ್ಯಸ್ತಾಕ್ಷಾಃ ಪ್ರಚಂಕಶಾ
ಸ್ತ್ರೈಣಾಃ ಸಂತು ಪಂಡಗಾಃ |
ಅವ ಭೇಷಜ ಪಾತಯ
ಯ ಇಮಾಂ ಸಂವಿವೃತ್ಸತ್ಯ್
ಅಪತಿಃ ಸ್ವಪತೀಂ ಸ್ತ್ರಿಯಂ || ೧೬,೮೦।೭

ಉದ್ಧರ್ಷಿಣಂ ಮುನಿಕೇಶಂ
ಜಂಭಯಂತಂ ಮರೀಮೃಶಂ |
ಉಪೇಷಂತಂ ಉದುಂಬಲಂ
ತುಂಡೇನಂ ಉತ ಶಾಲುಡಂ |
ಪದಾ ಪ್ರ ವಿಧ್ಯ ಪಾರ್ಷ್ಣ್ಯಾ
ಸ್ಥಾಲೀಂ ಗೌರ್ ಇವ ಸ್ಯಂದನಾ || ೧೬,೮೦।೮

ಯಸ್ ತೇ ಗರ್ಭಂ ಪ್ರತಿಮೃಶಾಜ್
ಜಾತಂ ವಾ ಮಾರಯಾತಿ ತೇ |
ಪಿಂಗಸ್ ತಂ ಉಗ್ರಧನ್ವಾ
ಕೃಣೋತು ಹೃದಯಾವಿಧಂ || ೧೬,೮೦।೯

ಯೇ ಅಮ್ನೋ ಜಾತಾನ್ ಮಾರಯಂತಿ
ಸೂತಿಕಾ ಅನುಶೇರತೇ |
ಸ್ತ್ರೀಭಾಗಾನ್ ಪಿಂಗೋ ಗಂಧರ್ವಾನ್
ಅಭ್ರಂ ವಾತ ಇವಾಜತು || ೧೬,೮೦।೧೦
(೮೦)

ಪರಿಶಿಷ್ಟಂ ಧಾರಯತಂ
ಯದ್ ಧಿತಂ ಮಾವ ಪಾದಿ ತತ್ |
ಗರ್ಭಂ ತ ಉಗ್ರೌ ರಕ್ಷತಾಂ
ಭೇಷಜೌ ನೀವಿಭಾರ್ಯೌ || ೧೬,೮೧।೧

ಪರಿಪಾಣಂ ಪುರುಷಾಣಾಂ
ರಕ್ಷಸಾಂ ಅಸಿ ಚಾತನಂ |
ಅರಾಯಾನ್ ಸರ್ವಾನ್ ದುರ್ಣಾಮ್ನೋ ಯಾತುಧಾನಾನ್
ವಿಷೂಚೀನಾನ್ ವಿ ನಾಶಯ || ೧೬,೮೧।೨

ಪವೀನಸಾತ್ ತಂಗಲ್ವಾಚ್
ಛಾಯಕಾದ್ ಉತ ನಗ್ನಕಾತ್ |
ಪ್ರಜಾಯೈ ಪತ್ಯೇ ತ್ವಾ ಪಿಂಗಃ
ಪರಿ ಪಾತು ಕಿಮೀದಿನಃ || ೧೬,೮೧।೩

ದ್ವ್ಯಾಸ್ಯಾಶ್ ಚತುರಕ್ಷಾಃ
ಪಂಚಪಾದಾದ್ ಅನಂಗುಲೇಃ |
ವೃಂದಾದ್ ಅಭಿ ಪ್ರಸರ್ಪತಃ
ಪರಿ ಪಾಹಿ ವರೀವೃತಾತ್ || ೧೬,೮೧।೪

ಯ ಆಮಂ ಮಾಂಸಂ ಅದಂತಿ
ಪೌರುಷೇಯಂ ಚ ಯೇ ಕ್ರವಿರ್
ಗರ್ಭಾನ್ ಖಾದಂತಿ ಕೇಶವಾಃ |
ಅರಾಯಾನ್ ಅಸ್ಯಾ ಭಂಸಸೋ
ಮುಷ್ಕಯೋರ್ ಅಪ ಹನ್ಮಸಿ || ೧೬,೮೧।೫

ಪಿಂಗ ರಕ್ಷ ಜಾಯಮಾನಂ
ಪುಮಾಂಸಂ ಮಾ ಸ್ತ್ರಿಯಂ ಕ್ರನ್ |
ಆಂಡಾದೋ ಗರ್ಭಂ ಮಾ ದಭನ್
ಬಾಧಸ್ವೇತಃ ಕಿಮೀದಿನಃ || ೧೬,೮೧।೬

ಅಪ್ರಜಾಸ್ತ್ವಂ ಮಾರ್ತವತ್ಸಂ
ಆದ್ ರೋದಂ ಅಘಂ ಆವಯಂ |
ವೃಕ್ಷಾದ್ ಇವ ಸ್ರಜಂ ಕೃತ್ವಾ-
-ಅಪ್ರಿಯೇ ಪ್ರತಿ ಮುಂಚ ತತ್ || ೧೬,೮೧।೭

ಪಿಂಗ ಜಹಿ ಯಾತುಧಾನಾನ್
ದುರ್ಗಂಧೀಂಲ್ ಲೋಹಿತಾಸ್ಯಾನ್ |
ತ್ವಯಾ ಪ್ರಣುತ್ತಾಃ ಕ್ರವ್ಯಾದೋ
ವಿಷ್ವಂಚೋ ಯಂತು ನಿರ್ಹತಾಃ || ೧೬,೮೧।೮
(೮೧)

ಅನುವಾಕ ೧೩ ||

ಉಚ್ಛಿಷ್ಟೇ ನಾಮರೂಪಾಣ್ಯ್
ಉಚ್ಛಿಷ್ಟೇ ಲೋಕ ಆಹಿತಃ |
ಉಚ್ಛಿಷ್ಟ ಇಂದ್ರಶ್ ಚಾಗ್ನಿಶ್ ಚ
ವಿಶ್ವಂ ಅಂತಃ ಸಮಾಹಿತಂ || ೧೬,೮೨।೧

ಉಚ್ಛಿಷ್ಟೇ ದ್ಯಾವಾಪೃಥಿವೀ
ವಿಶ್ವಂ ಭೂತಂ ಸಮಾಹಿತಂ |
ಆಪಃ ಸಮುದ್ರ ಉಚ್ಛಿಷ್ಟೇ
ಚಂದ್ರಮಾ ವಾತ ಆಹಿತಃ || ೧೬,೮೨।೨

ಸನ್ನ್ ಉಚ್ಛಿಷ್ಟೇ ಽಸಂಶ್ ಚೋಭೌ
ಮೃತ್ಯುರ್ ವಾಜಃ ಪ್ರಜಾಪತಿಃ |
ಲೌಕ್ಯಾ ಉಚ್ಛಿಷ್ಟ ಆಯತ್ತಾ
ವ್ರಶ್ ಚ ದ್ರಶ್ ಚಾಪಿ ಶ್ರೀರ್ ಮಯಿ || ೧೬,೮೨।೩

ದೃಢೋ ದೃಂಹ ಸ್ಥಿರೋ ನ್ಯೋ
ಬ್ರಹ್ಮ ವಿಶ್ವಸೃಜೋ ದಶ |
ನಾಭಿಂ ಇವ ಸರ್ವತಶ್ ಚಕ್ರಂ
ಉಚ್ಛಿಷ್ಟೇ ದೇವತಾ ಹಿತಾ || ೧೬,೮೨।೪

ಋಕ್ ಸಾಮ ಯಜುರ್ ಉಚ್ಛಿಷ್ಟ
ಉದ್ಗೀಥಃ ಪ್ರಸ್ತುತಂ ಸ್ಥಿತಂ |
ಹಿಂಕಾರ ಉಚ್ಛಿಷ್ಟೇ ಸ್ವರಃ
ಸಾಮ್ನೋ ಮೇಡಿಶ್ ಚ ತನ್ ಮಯಿ || ೧೬,೮೨।೫

ಐಂದ್ರಾಗ್ನಂ ಪಾವಮಾನಂ
ಮಹಾನಾಮ್ನೀರ್ ಮಹಾವ್ರತಂ |
ಉಚ್ಛಿಷ್ಟೇ ಯಜ್ಞಸ್ಯಾಂಗಾನ್ಯ್
ಅಂತರ್ ಗರ್ಭ ಇವ ಮಾತರಿ || ೧೬,೮೨।೬

ರಾಜಸೂಯಂ ವಾಜಪೇಯಂ
ಅಗ್ನಿಷ್ಟೋಮಸ್ ತದಧ್ವರಃ |
ಅರ್ಕಾಶ್ವಮೇಧಾ ಉಚ್ಛಿಷ್ಟೇ
ಜೀವಬರ್ಹಿರ್ ಮದಿಂತಮಃ || ೧೬,೮೨।೭

ಅಗ್ನ್ಯಾಧೇಯಂ ಅಥೋ ದೀಕ್ಷಾ
ಕಾಮಪ್ರಶ್ ಛಂದಸಾ ಸಹ |
ಉತ್ಸನ್ನಾ ಯಜ್ಞಾಃ ಸತ್ತ್ರಾಣ್ಯ್
ಉಚ್ಛಿಷ್ಟೇ ಽಧಿ ಸಮಾಹಿತಾಃ || ೧೬,೮೨।೮

ಅಗ್ನಿಹೋತ್ರಂ ಚ ಶ್ರದ್ಧಾ ಚ
ವಷಟ್ಕಾರೋ ವ್ರತಂ ತಪಃ |
ದಕ್ಷಿಣೇಷ್ಟಂ ಪೂರ್ತಂ ಚ-
-ಉಚ್ಛಿಷ್ಟೇ ಽಧಿ ಸಮಾಹಿತಾಃ || ೧೬,೮೨।೯

ಏಕರಾತ್ರಸ್ ತ್ರಿರಾತ್ರಶ್ ಚ
ಸದ್ಯಃಕ್ರೀಃ ಪ್ರಕ್ರೀರ್ ಉಕ್ಥ್ಯಃ |
ಓತಂ ನಿಹಿತಂ ಉಚ್ಛಿಷ್ಟೇ
ಯಜ್ಞಸ್ಯಾಣೂನಿ ವಿದ್ಯಯಾ || ೧೬,೮೨।೧೦
(೮೨)

ಚತೂರಾತ್ರಃ ಪಂಚರಾತ್ರಃ
ಷಡ್ರಾತ್ರಶ್ ಚೋಭಯಃ ಸಹ |
ಷೋಡಶೀ ಸಪ್ತರಾತ್ರಶ್ ಚ-
-ಉಚ್ಛಿಷ್ಟಾಜ್ ಜಜ್ಞಿರೇ ಸರ್ವೇ
ಯೇ ಯಜ್ಞಾ ಅಮೃತೇ ಹಿತಾಃ || ೧೬,೮೩।೧

ಪ್ರತಿಹಾರೋ ನಿಧನಂ
ವಿಶ್ವಜಿಚ್ ಚಾಭಿಜಿಚ್ ಚ ಯಃ |
ಸಾಹ್ನಾತಿರಾತ್ರಾ ಉಚ್ಛಿಷ್ಟೇ
ದ್ವಾದಶಾಹೋ ಽಪಿ ತನ್ ಮಯಿ || ೧೬,೮೩।೨

ಸೂನೃತಾ ಸಂನತಿಃ ಕ್ಷೇಮಃ
ಸ್ವಧೋರ್ಜಾಮೃತಂ ಸಹಃ |
ಉಚ್ಛಿಷ್ಟೇ ಸರ್ವೇ ಪ್ರತ್ಯಂಚಃ
ಕಾಮಾಃ ಕಾಮೇನ ತೃಪ್ಯಂತು || ೧೬,೮೩।೩

ನವ ಭೂಮೀಃ ಸಮುದ್ರಾಶ್ ಚ-
-ಉಚ್ಛಿಷ್ಟೇ ಽಧಿ ಶ್ರಿತಾ ದಿವಃ |
ಆ ಸೂರ್ಯೋ ಭಾತ್ಯ್ ಉಚ್ಛಿಷ್ಟೇ
ಅಹೋರಾತ್ರೇ ಚ ತನ್ ಮಯಿ || ೧೬,೮೩।೪

ಉಪಹವ್ಯಂ ವಿಷೂವಂತಂ
ಯೇ ಚ ಯಜ್ಞಾ ಗುಹಾ ಹಿತಾಃ |
ಬಿಭರ್ತಿ ಭರ್ತಾ ವಿಶ್ವಸ್ಯ-
-ಉಚ್ಛಿಷ್ಟೋ ಜನಿತುಃ ಪಿತಾ || ೧೬,೮೩।೫

ಪಿತಾ ಜನಿತುರ್ ಉಚ್ಛಿಷ್ಟೋ
ಅಸೋಃ ಪೌತ್ರಃ ಪಿತಾಮಹಃ |
ಸ ಖ್ಯೇತಿ ವಿಶ್ವಸ್ಯೇಶಾನೋ
ವೃಷಾ ಭೂಮ್ಯಾಂ ಅತಿಘ್ನ್ಯಃ || ೧೬,೮೩।೬

ಋತಂ ಸತ್ಯಂ ತಪೋ ದೀಕ್ಷಾ
ಶ್ರಮೋ ಧರ್ಮಶ್ ಚ ಕರ್ಮ ಚ |
ಭೂತಂ ಭವಿಷ್ಯದ್ ಉಚ್ಛಿಷ್ಟೇ
ವೀರ್ಯಂ ಲಕ್ಷ್ಮೀರ್ ಬಲಂ ಬಲೇ || ೧೬,೮೩।೭

ಸಮೃದ್ಧಿರ್ ಓಜ ಆಕುತಿಃ
ಕ್ಷತ್ರಂ ರಾಷ್ಟ್ರಂ ಷಡ್ ಉರ್ವ್ಯಃ |
ಸಂವತ್ಸರೋ ಽಧ್ಯ್ ಉಚ್ಛಿಷ್ಟ
ಇಡಾ ಪ್ರೈಷಾ ಗ್ರಹಾ ಹವಿಃ || ೧೬,೮೩।೮

ಚತುರ್ಹೋತಾರ ಆಪ್ರಿಯಶ್
ಚತುರ್ಮಾಸ್ಯಾನಿ ನಿವಿದಃ |
ಉಚ್ಛಿಷ್ಟೇ ಯಜ್ಞಾ ಹೋತ್ರಾಶ್ ಚ
ಪಶುಬಂಧಾಸ್ ತದ್ ಇಷ್ಟಯಃ || ೧೬,೮೩।೯

ಅರ್ಧಮಾಸಾಶ್ ಚ ಮಾಸಾಶ್ ಚ-
-ಆರ್ತವ ಋತುಭಿಃ ಸಹ |
ಉಚ್ಛಿಷ್ಟೇ ಘೋಷಿಣೀರ್ ಆಪಃ
ಸ್ತನಯಿತ್ನುಃ ಶ್ರುತಿರ್ ಮಹೀ || ೧೬,೮೩।೧೦
(೮೩)

ಶರ್ಕರಾಃ ಸಿಕತಾ ಅಶ್ಮಾನ
ಓಷಧಯೋ ವೀರುಧಸ್ ತೃಣಾ |
ಅಭ್ರಾಣಿ ವಿದ್ಯುತೋ ವರ್ಷಂ
ಉಚ್ಛಿಷ್ಟೇ ಸಂಶ್ರಿತಾ ಶ್ರಿತಾ || ೧೬,೮೪।೧

ರಾದ್ಧಿಃ ಪ್ರಾಪ್ತಿರ್ ವ್ಯಾಪ್ತಿಃ
ಸಮಾಪ್ತಿರ್ ಮಹ ಏಧತುಃ |
ಅತ್ಯಾಪ್ತಿರ್ ಉಚ್ಛಿಷ್ಟೇ ಭೂತಿರ್
ಆಹಿತಾ ನಿಹಿತಾ ಹಿತಾ || ೧೬,೮೪।೨

ಯಚ್ ಚ ಪ್ರಾಣತಿ ಪ್ರಾಣೇನ
ಯಚ್ ಚ ಪಶ್ಯತಿ ಚಕ್ಷುಷಾ |
ಉಚ್ಛಿಷ್ಟಾಜ್ ಜಜ್ಞಿರೇ ಸರ್ವೇ
ದಿವಿ ದೇವಾ ದಿವಿಶ್ರಿತಃ || ೧೬,೮೪।೩

ಪ್ರಾಣಾಪಾನೌ ಚಕ್ಷುಃ ಶ್ರೋತ್ರಂ
ಅಕ್ಷಿತಿಶ್ ಚ ಕ್ಷಿತಿಶ್ ಚ ಯಾ |
(…) || ೧೬,೮೪।೪

ದೇವಾಃ ಪಿತರೋ ಮನುಷ್ಯಾ
ಗಂಧರ್ವಾಪಸರಶ್ ಚ ಯೇ |
(…) || ೧೬,೮೪।೫

ಋಚಃ ಸಾಮಾನಿ ಛಂದಾಂಸಿ
ಪುರಾಣಂ ಯಜುಷಾ ಸಹ |
(…) || ೧೬,೮೪।೬

ಅಥರ್ವಾಂಗಿರಸೋ ಬ್ರಹ್ಮ
ಸರ್ಪಪುಣ್ಯಜನಾಶ್ ಚ ಯೇ |
(…) || ೧೬,೮೪।೭

ಆನಂದಾಶ್ ಚ ಪ್ರಮೋದಾಶ್ ಚ-
-ಅಭೀಮೋದಮುದಶ್ ಚ ಯೇ |
ಉಚ್ಛಿಷ್ಟಾಜ್ ಜಜ್ಞಿರೇ ಸರ್ವೇ
ದಿವಿ ದೇವಾ ದಿವಿಶ್ರಿತಃ || ೧೬,೮೪।೮
(೮೪)

ಯನ್ ಮನ್ಯುರ್ ಜಾಯಾಂ ಆವಹತ್
ಸಂಕಲ್ಪಸ್ಯ ಗೃಹಾದ್ ಅಧಿ |
ಕ ಆಸಞ್ ಜನ್ಯಾಃ ಕೇ ವರಾಃ
ಕ ಉ ಜ್ಯೇಷ್ಠವರೋ ಽಭವತ್ || ೧೬,೮೫।೧

ತಪಶ್ ಚೈವಾಸ್ತಾಂ ಕರ್ಮ ಚ-
-ಅಂತರ್ ಮಹತ್ಯ್ ಅರ್ಣವೇ |
ತ ಆಸನ್ ಜನ್ಯಾಸ್ ತೇ ವರಾಃ
ಸ ಉ ಜ್ಯೇಷ್ಠವರೋ ಽಭವತ್ || ೧೬,೮೫।೨

ದಶ ಸಾಕಂ ಅಜಾಯಂತ
ದೇವಾ ದೇವೇಭ್ಯಃ ಪರಃ |
ಯೋ ವೈ ತಾಂ ವಿದ್ಯಾನ್ ನಾಮಥಾ
ಸ ವಾ ಅದ್ಯ ಮಹದ್ ವದೇತ್ || ೧೬,೮೫।೩

ಪ್ರಾಣಾಪಾಣೌ ಚಕ್ಷುಃ ಶ್ರೋತ್ರಂ
ಅಕ್ಷಿತಿಶ್ ಚ ಕ್ಷಿತಿಶ್ ಚ ಯಾ |
ವ್ಯಾನೋದಾನೋ ವಾಙ್ ಮನಸ್ ತೇ
ವಾ ಆಕೂತಿಂ ಆ ವಹನ್ || ೧೬,೮೫।೪

ಅಜಾತಾ ಆಸನ್ನ್ ಋತವೋ
ಽಥೋ ಧಾತಾ ಬೃಹಸ್ಪತಿಃ |
ಇಂದ್ರಾಗ್ನೀ ಅಶ್ವಿನಾ ತರ್ಹಿ
ಕಂ ತೇ ಜ್ಯೇಷ್ಠಂ ಉಪಾಸತ || ೧೬,೮೫।೫

ತಪಶ್ ಚೈವಾಸ್ತಾಂ ಕರ್ಮ ಚ-
-ಅಂತರ್ ಮಹತ್ಯ್ ಅರ್ಣವೇ |
ತಪೋ ಹ ಜಜ್ಞೇ ಕರ್ಮಣಸ್
ತಂ ತೇ ಜ್ಯೇಷ್ಠಂ ಉಪಾಸತ || ೧೬,೮೫।೬

ಕುತ ಇಂದ್ರಃ ಕುತಃ ಸೋಮಃ
ಕುತೋ ಅಗ್ನಿರ್ ಅಜಾಯತ |
ಕುತಸ್ ತ್ವಷ್ಟಾ ಸಂ ಅಭವದ್
ಧಾತಾ ಸಂ ಅಭವತ್ ಕುತಃ || ೧೬,೮೫।೭

ಇಂದ್ರಾದ್ ಇಂದ್ರಃ ಸೋಮಾತ್ ಸೋಮೋ
ಅಗ್ನೇರ್ ಅಗ್ನಿರ್ ಅಜಾಯತ |
ತ್ವಷ್ಟಾ ಹ ಜಜ್ಞೇ ತ್ವಷ್ಟುರ್
ಧಾತಾ ಧಾತುರ್ ಅಜಾಯತ || ೧೬,೮೫।೮

ಯೇ ತ ಆಸನ್ ದಶ ಜಾತಾ
ದೇವಾ ದೇವೇಭ್ಯಃ ಪರಃ |
ಪುತ್ರೇಭ್ಯೋ ಲೋಕಂ ದತ್ತ್ವಾ
ಕಸ್ಮಿನ್ ತೇ ಲೋಕ ಆಸತೇ || ೧೬,೮೫।೯

ಯೇತೋ ಭೂಮಿಃ ಪುರ್ವಾಸೀದ್
ಯಾಂ ಅದ್ಧಾತಯ ಇದ್ ವಿದುಃ |
ಕೇ ತಸ್ಯಾಂ ದೇವಾ ಆಸತೇ
ಕಸ್ಮಿನ್ನ್ ಉ ಸಾಧಿಶ್ರಿತಾ || ೧೬,೮೫।೧೦
(೮೫)

ಕುತಃ ಕೇಶಾನ್ ಕುತಃ ಸ್ನಾವ
ಕುತೋ ಅಸ್ಥೀನ್ಯ್ ಆಭರತ್ |
ಅಂಗಾ ಪರ್ವಾಣಿ ಮಜ್ಜಾನಂ
ಕೋ ಮಾಂಸಂ ಕುತ ಆಭರತ್ || ೧೬,೮೬।೧

ಯದಾ ಕೇಶಾನ್ ಅಸ್ಥಿ ಸ್ನಾವ
ಮಾಂಸಂ ಮಜ್ಜಾನಂ ಆಭರತ್ |
ಶರೀರಂ ಕೃತ್ವಾ ಪಾದವತ್
ಕಂ ಲೋಕಂ ಅನು ಪ್ರಾವಿಶತ್ || ೧೬,೮೬।೨

ಸಂಸಿಚೋ ನಾಮ ತೇ ದೇವಾ
ಯೇ ಸಂಭಾರೈಃ ಸಮಭರನ್ |
ಸರ್ವಂ ಸಂಸಿಚ್ಯ ಮರ್ತ್ಯಂ
ದೇವಾಃ ಪುರುಷಂ ಆವಿಶನ್ || ೧೬,೮೬।೩

ಶಿರೋ ಹಸ್ತಾವ್ ಅಥೋ ಬಾಹೂ
ಜಿಹ್ವಾಂ ಗ್ರೀವಾಶ್ ಚ ಕೀಕಸಾಃ |
ಪೃಷ್ಟೀರ್ ಬರ್ಜಹ್ಯೇ ಪಾರ್ಶ್ವೇ
ಕಸ್ ತತ್ ಸಂ ಅದಧಾದ್ ಋಷಿಃ || ೧೬,೮೬।೪

ಊರೂ ಪಾದಾವ್ ಅಷ್ಠೀವಂತೌ
ಶ್ರೋಣೀ ಹಸ್ತಾವ್ ಅಥೋ ಮುಖಂ |
ತ್ವಚಾ ಪ್ರಾವೃತ್ಯ ತತ್ ಸರ್ವಂ
ಸಂಧಾ ಸಂ ಅದಧಾನ್ ಮಹೀ || ೧೬,೮೬।೫

ಯತ್ ತಚ್ ಛರೀರಂ ಅಪಯತ್
ಸಂಧಯಾ ಸಂಹಿತಂ ಮಹತ್ |
ಯೇನೇದಂ ಅದ್ಯ ರೋಚತೇ
ಕೋ ಅಸ್ಮಿನ್ ವರ್ಣಂ ಆಭರತ್ || ೧೬,೮೬।೬

ಸರ್ವೇ ದೇವಾ ಉಪಾಶಿಕ್ಷನ್
ತದ್ ಉ ಜಾನಾದ್ ವಧೂಃ ಸತೀ |
ಈಶಾ ವಶಸ್ಯ ಯಾ ಜಾಯಾ
ಸಾಸ್ಮಿನ್ ವರ್ಣಂ ಆಭರತ್ || ೧೬,೮೬।೭

ಯದಾ ತ್ವಷ್ಟಾ ವ್ಯತೃಣತ್
ಪಿತಾ ತ್ವಷ್ಟುರ್ ಯ ಉತ್ತರಃ |
ಗೃಹಂ ಕೃತ್ವಾ ಮರ್ತ್ಯಂ
ದೇವಾಃ ಪುರುಷಂ ಆವಿಶನ್ || ೧೬,೮೬।೮

ಸ್ವಪ್ನೋ ವೈ ತಂದ್ರೀರ್ ನಿರೃತಿಃ
ಪಾಪ್ಮಾನೋ ನಾಮ ದೇವತಾಃ |
ಜರಾ ಖಾಲಿತ್ಯಂ ಪಾಲಿತ್ಯಂ
ಶರೀರಂ ಅನು ಪ್ರಾವಿಶನ್ || ೧೬,೮೬।೯

ಸ್ತೇಯಂ ದುಷ್ಕೃತಂ ವೃಜಿನಂ
ಸತ್ಯಂ ಯಜ್ಞೋ ಯಶೋ ಮಹಃ |
ಬಲಂ ಚ ಕ್ಷತ್ರಂ ಓಜಶ್ ಚ
ಶರೀರಂ ಅನು ಪ್ರಾವಿಶನ್ || ೧೬,೮೬।೧೦
(೮೬)

ಭೂತಿಶ್ ಚ ವಾ ಅಭೂತಿಶ್ ಚ
ರಾತಯೋ ಽರಾತಯಶ್ ಚ ಯಾಃ |
ಕ್ಷುಧಶ್ ಚ ಸರ್ವಾಸ್ ತೃಷ್ಣಾಶ್ ಚ
ಶರೀರಂ ಅನು ಪ್ರಾವಿಶನ್ || ೧೬,೮೭।೧

ನಿಂದ್ಯಾಶ್ ಚ ವಾ ಅನಿಂದ್ಯಾಶ್ ಚ
ಯಶ್ ಚ ಹಂತೇತಿ ನೇತಿ ಚ |
ಶರೀರಂ ಶ್ರದ್ಧಾ ದಕ್ಷಿಣಾ-
-ಅಶ್ರದ್ಧಾ ಚಾನು ಪ್ರಾವಿಶನ್ || ೧೬,೮೭।೨

ವಿದ್ಯಾಶ್ ಚ ವಾ ಅವಿದ್ಯಾಶ್ ಚ
ಯಚ್ ಚಾನ್ಯದ್ ಉಪದೇಶ್ಯಂ |
ಶರೀರಂ ಬ್ರಹ್ಮ ಪ್ರಾವಿಶದ್
ಋಚಃ ಸಾಮಾಥೋ ಯಜುಃ || ೧೬,೮೭।೩

ಆನಂದಾ ನಂದಾಃ ಪ್ರಮುದೋ
ಽಭೀಮೋದಮುದಶ್ ಚ ಯೇ |
ಹಸೋ ನರಿಷ್ಟಾ ನೃತ್ತಾನಿ
ಶರೀರಂ ಅನು ಪ್ರಾವಿಶನ್ || ೧೬,೮೭।೪

ಆಲಾಪಾಶ್ ಚ ಪ್ರಲಾಪಾಶ್ ಚ-
-ಅಭೀಲಾಪಲಪಶ್ ಚ ಯೇ |
ಶರೀರಂ ಸರ್ವೇ ಪ್ರಾವಿಶನ್ನ್
ಆಯುಜಃ ಪ್ರಯುಜೋ ಯುಜಃ || ೧೬,೮೭।೫

ಪ್ರಾಣಾಪಾನೌ ಚಕ್ಷುಃ ಶ್ರೋತ್ರಂ
ಅಕ್ಷಿತಿಶ್ ಚ ಕ್ಷಿತಿಶ್ ಚ ಯಾ |
ವ್ಯಾನೋದಾನೌ ವಾಙ್ ಮನಃ
ಶರೀರೇನ ತ ಈಯಂತೇ || ೧೬,೮೭।೬

ಆಶಿಷಶ್ ಚ ಪ್ರಶಿಷಶ್ ಚ
ಸಂಶಿಷೋ ವಿಶಿಷಶ್ ಚ ಯಾಃ |
ಚಿತ್ತಾನಿ ಸರ್ವೇ ಸಂಕಲ್ಪಾಃ
ಶರೀರಂ ಅನು ಪ್ರಾವಿಶನ್ || ೧೬,೮೭।೭

ತ್ವರಾಶ್ ಚ ವೈ ಧೃತಯಶ್ ಚ-
-ಈಡಾಶೀಃ ಸೂನೃತೇರಾ |
ಶರೀರಂ ಸರ್ವೇ ಪ್ರಾವಿಶನ್ನ್
ಋತರೀರ್ಷ್ಯಾಯುಧೋ ಮೃಧಃ || ೧೬,೮೭।೮

ಆಸ್ನೇಯೀಶ್ ಚ ವಾಸ್ತೇಯೀಶ್ ಚ
ತ್ವರಣಾಃ ಕೃಪಣಾಶ್ ಚ ಯಾಃ |
ಗುಹ್ಯಾಃ ಶುಕ್ರಿಯಾ ಯಾ ಸ್ಥೂಲಾ
ಬೀಭತ್ಸುರ್ ಅಸಾಧಯನ್ || ೧೬,೮೭।೯

ಅಸ್ಥಿ ಕೃತ್ವಾ ಸಮಿಧಂ
ತದ್ ಅಷ್ಟಾಪೋ ಅಸಾದಯನ್ |
ರೇತಃ ಕೃತ್ವಾಜ್ಯಂ
ದೇವಾಃ ಪುರುಷಂ ಆವಿಶನ್ || ೧೬,೮೭।೧೦
(೮೭)

ಯಾ ಆಪೋ ಯಾಶ್ ಚ ದೇವತಾ
ಯಾ ವಿರಾಡ್ ಬ್ರಹ್ಮಣಾ ಸಹ |
ಶರೀರಂ ಬ್ರಹ್ಮ ಪ್ರಾವಿಶಚ್
ಛರೀರೇ ಽಧಿ ಪ್ರಜಾಪತಿಃ || ೧೬,೮೮।೧

ಸೂರ್ಯಶ್ ಚಕ್ಷುರ್ ವಾತಃ ಪ್ರಾಣಂ
ಪುರುಷಸ್ಯ ವಿ ಭೇಜಿರೇ |
ಅಥಾಸ್ಯೇತರಂ ಆತ್ಮಾನಂ
ದೇವಾಃ ಪ್ರಾಯಚ್ಛನ್ನ್ ಅಗ್ನಯೇ || ೧೬,೮೮।೨

ತಸ್ಮಾದ್ ವೈ ವಿದ್ವಾನ್ ಪುರುಷಂ
ಇದಂ ಬ್ರಹ್ಮೇತಿ ಮನ್ಯತೇ |
ಸರ್ವಾ ಹ್ಯ್ ಅಸ್ಮಿನ್ ದೇವತಾಃ
ಶರೀರೇ ಽಧಿ ಸಮಾಹಿತಾಃ || ೧೬,೮೮।೩

ಯದೈಭ್ಯ ಸ್ಥಾನಂ ಅಂಗೇಷು
ಪಿತಾ ಲೋಕಾಁ ಅಕಲ್ಪಯತ್ |
ಶರೀರಂ ಸರ್ವಾ ದೇವತಾ
ಯಥಾಂಗಂ ಅನು ಪ್ರಾವಿಶನ್ || ೧೬,೮೮।೪

ಅಂಗಮಂಗಂ ಶರೀರಸ್ಯ
ಸರ್ವೇ ದೇವಾ ಅನು ಪ್ರಾವಿಶನ್ |
ಪಿತಾ ಹ್ಯ್ ಏಭ್ಯಃ ಪ್ರಾಯಚ್ಛತ್
ತಂ ಲೋಕಂ ಅಪರಾಜಿತಂ || ೧೬,೮೮।೫

ತಂ ಲೋಕಂ ಅಪರಾಜಿತಂ
ಸರ್ವೇ ದೇವಾ ಅನು ಪ್ರಾವಿಶನ್ |
ಪ್ರಜಾಪತಿರ್ ಯಂ ಆಭರಚ್
ಛರೀರಂ ಬಹುಧಾ ಹಿತಂ || ೧೬,೮೮।೬
(೮೮)

ಅನುವಾಕ ೧೪ ||

ಅಗ್ನೇ ಜಾಯಸ್ವಾದಿತಿರ್ ನಾಥಿತೇಯಂ
ಬ್ರಹ್ಮೌದನಂ ಪಚತಿ ಪುತ್ರಕಾಮಾ |
ಸಪ್ತಋಷಯೋ ಭೂತಕೃತಸ್ ತೇ ತ್ವಾ
ಮಂಥಂತು ಪ್ರಜಯಾ ಸಹೇಹ || ೧೬,೮೯।೧

ಕೃಣುತ ಧೂಮಂ ವೃಷಣಃ ಸಖಾಯೋ
ಽದ್ರೋಘಾವಿತಾ ವಾಚಂ ಅಚ್ಛ |
ಅಯಂ ಅಗ್ನಿಃ ಪೃತನಾಷಾಟ್ ಸುವೀರೋ
ಯೇನ ದೇವಾ ಅಸಹಂತ ಶತ್ರೂನ್ || ೧೬,೮೯।೨

ಅಗ್ನೇ ಽಜನಿಷ್ಠಾ ಮಹತೇ ವೀರ್ಯಾಯ
ಬ್ರಹ್ಮೌದನಾಯ ಪಕ್ತವೇ ಜಾತವೇದಃ |
ಸಪ್ತರ್ಷಯೋ ಭೂತಕೃತಸ್
ತೇ ತ್ವಾಜೀಜನನ್ನ್ ಅಸ್ಮೈ
ರಯಿಂ ಸರ್ವವೀರಂ ನಿ ಯಚ್ಛ || ೧೬,೮೯।೩

ಸಮಿದ್ಧೋ ಅಗ್ನೇ ಸಮಿಧಾ ಸಮಿಧ್ಯಸೇ
ವಿಶ್ವಾನ್ ದೇವಾನ್ ಯಜ್ಞಿಯಾಁ ಏಹ ವಕ್ಷಃ |
ತೇಭ್ಯೋ ಹವ್ಯಂ ಶ್ರಪಯಞ್ ಜಾತವೇದಃ
ಸ್ವರ್ಗಂ ಲೋಕಂ ಅಧಿ ರೋಹಯೈನಂ || ೧೬,೮೯।೪

ತ್ರೇಧಾ ಭಾಗೋ ನಿಹಿತೋ ಜಾತವೇದೋ
ಯಃ ಪುರೋ ವೋ ದೇವಾನಾಂ
ಪಿತೃ̄ಣಾಂ ಉತ ಮರ್ತ್ಯಾನಾಂ |
ಅಂಶಾಂ ಜಾನೀಧ್ವಂ ವಿ ಭಜಾಮಿ
ತಂ ವೋ ಯೋ ದೇವಾನಾಂ ಸಾ ಇಮಂ ಪಾರಯಾತಿ || ೧೬,೮೯।೫

ಅಗ್ನೇ ಸಹಸ್ವಾನ್ ಅಭಿಭೂರ್ ಅಭೀದ್ ಅಸಿ
ನೀಚೋ ನ್ಯುಬ್ಜ ದ್ವಿಷತಃ ಸಪತ್ನಾನ್ |
ಇಯಂ ಮಾತ್ರಾ ಮೀಯಮಾನಾ ಮಿತಾ ಚ
ಸಜಾತಾಂಸ್ ತೇ ಬಲಿಹೃತಃ ಕೃಣೋತು || ೧೬,೮೯।೬

ಸಾಕಂ ಸಜಾತೈಃ ಪಯಸಾ ಸಹೈಧ್ಯ್
ಉದ್ ಉಬ್ಜೈನಂ ಮಹತೇ ವೀರ್ಯಾಯ |
ಊರ್ಧ್ವೋ ನಾಕಸ್ಯಾಧಿ ರೋಹ ವಿಷ್ಟಪಃ
ಸ್ವರ್ಗೋ ಲೋಕ ಇತಿ ಯಂ ವದಂತಿ || ೧೬,೮೯।೭

ಇಯಂ ಮಹೀ ಪ್ರತಿ ಗೃಹ್ಣಾತು ಚರ್ಮ
ಪೃಥಿವೀ ದೇವೀ ಸುಮನಸ್ಯಮಾನಾ |
ಅಧಿ ಗಚ್ಛೇಮ ಸುಕೃತಾಂ ಉಲೋಕಂ || ೧೬,೮೯।೮

ಏತೌ ಗ್ರಾವಾಣೌ ಸಯುಜಾ
ಯುಙ್ಧಿ ಚರ್ಮಣಿ ನಿರ್ ಭಿಂಧ್ಯ್
ಅಂಶೂನ್ ಯಜಮಾನಾಯ ಸಾಧು |
ಅವಘ್ನತೀ ನಿ ಜಹಿ ಯೇ ಪೃತನ್ಯವ
ಊರ್ಧ್ವಾಂ ಪ್ರಜಾಂ ಉದ್ಧರಂತ್ಯ್ ಉದ್ ಊಹ || ೧೬,೮೯।೯

ಗೃಹಾಣ ಗ್ರಾವಾಣೌ ಸುಕೃತಾ ವೀರ ಹಸ್ತ
ಆ ತೇ ದೇವಾ ಯಜ್ಞಿಯಾ ಯಜ್ಞಂ ಅಗುಃ |
ತ್ರಯೋ ವರಾ ಯತಮಾಂಸ್ ತ್ವಂ ವೃಣೀಷೇ
ತಾಸ್ ತೇ ಸಮೃದ್ಧೀರ್ ಇಹ ರಾಧಾಯಾಮಿ || ೧೬,೮೯।೧೦
(೮೯)

ಉಪಶ್ವಸೇ ದ್ರುವಯೇ ಸೀದತಾ ಯೂಯಂ
ವಿ ವಿಚ್ಯಧ್ವಂ ಯಜ್ಞಿಯಾಸಸ್ ತುಷೈಃ |
ಶ್ರಿಯಾ ಸಮಾನಾನ್ ಅತಿ ಸರ್ವಾಂತ್ ಸ್ಯಾಮ-
-ಅಧಸ್ಪದಂ ದ್ವಿಷತಸ್ ಪಾದಯೇಮ || ೧೬,೯೦।೧

ಇಯಂ ತೇ ಧೀತಿರ್ ಇದಂ ಉ ತೇ ಜನಿತ್ರಂ
ಗೃಹ್ಣಾತು ತ್ವಾಂ ಅದಿತಿಃ ಶೂರಪುತ್ರಾ |
ಪರಾ ಪುನೀಹಿ ಯ ಇಮಾಂ ಪೃತನ್ಯವೋ
ಅಸ್ಮೈ ರಯಿಂ ಸರ್ವವೀರಂ ನಿ ಯಚ್ಛ || ೧೬,೯೦।೨

ಪರೇಹಿ ನಾರಿ ಪುನರ್ ಏಹಿ ಕ್ಷಿಪ್ರಂ
ಅಪಾಂ ತ್ವಾ ಗೋಷ್ಠೋ ಅಧ್ಯ್ ಅರುಕ್ಷದ್ ಭರಾಯ |
ತಾಸಾಂ ಗೃಹ್ಣೀತಾದ್ ಯತಮಾ ಯಜ್ಞಿಯಾ
ಅಸನ್ ವಿಭಾಜ್ಯ ಧೀರೀತರಾ ಜಿಹೀತಾತ್ || ೧೬,೯೦।೩

ಏಮಾ ಅಗುರ್ ಯೋಷಿತಃ ಶುಂಭಮಾನಾ
ಉತ್ ತಿಷ್ಠ ನಾರಿ ತವಸಂ ರಭಸ್ವ |
ಸುಪತ್ನೀ ಪತ್ಯಾ ಪ್ರಜಾವತ್ಯಾ ತ್ವಾ-
-ಅಗನ್ ಯಜ್ಞಃ ಪ್ರತಿ ಕುಂಭಂ ಗೃಭಾಯ || ೧೬,೯೦।೪

ಊರ್ಜೋ ಭಾಗೋ ನಿಹಿತೋ ಯಃ ಪುರಾ ವ
ಋಷಿಪ್ರಶಿಷ್ಟಾಪ ಆ ಹರೈತಾಃ |
ಅಯಂ ಯಜ್ಞೋ ನಾಥವಿದ್ ಗಾತುವಿತ್ ಪ್ರಜಾವಿದ್
ಉಗ್ರಃ ಪಶುಮದ್ ವೀರವಿದ್ ವೋ ಅಸ್ತು || ೧೬,೯೦।೫

ಅಗ್ನೇ ಚರುರ್ ಯಜ್ಞಿಯಸ್ ತ್ವಾಧ್ಯ್ ಅರುಕ್ಷಚ್
ಛುಚಿಸ್ ತಪಿಷ್ಠಸ್ ತಪಸಾ ತಪೈನಂ |
ಆರ್ಷೇಯಾ ದೈವಾ ಅಭಿಸಂಗತ್ಯ ಭಾಗಂ
ಇಮಂ ತಪಿಷ್ಠಾ ಋತುಭಿಸ್ ತಪಂತು || ೧೬,೯೦।೬

ಶುದ್ಧಾ ಆಪೋ ಯೋಷಿತೋ ಯಜ್ಞಿಯಾ ಇಮಾ
ಆಪಶ್ ಚರುಂ ಇವ ಸರ್ಪಂತು ಶುಭ್ರಾಃ |
ದದತ್ ಪ್ರಜಾ ಬಹುಲಾನ್ ಪಶೂನ್ ಮೇ
ಪಕ್ತೌದನಸ್ಯ ಸುಕೃತಾಂ ಏತು ಲೋಕಂ || ೧೬,೯೦।೭

ಬ್ರಹ್ಮಣಾ ಶುದ್ಧಾ ಉತ ಪೂತಾ ಘೃತೇನ
ಸೋಮಸ್ಯಾಂಶವಸ್ ತಂಡುಲಾ ಯಜ್ಞಿಯಾ ಇಮೇ |
ಅಪಃ ಪ್ರ ವಿಶತು ಪ್ರತಿ ಗೃಹ್ಣಾತು ವಶ್
ಚರುರ್ ಇಮಂ ಪಕ್ತ್ವಾ ಸುಕೃತಾಂ ಏತು ಲೋಕಂ || ೧೬,೯೦।೮

ಅಭ್ಯಾವರ್ತಸ್ವ ಪ್ರಜಯಾ ಸಹೈನಾಂ
ಪ್ರತ್ಯಙ್ ಏನಂ ದೇವತಾಭಿಃ ಸಹೈಧಿ |
ಸ್ವರ್ಗಂ ಲೋಕಂ ಅಭಿ ಸಂ ವಹೈನಂ
ಆದಿತ್ಯೋ ದೇವಃ ಪರಮಂ ವ್ಯೋಮ || ೧೬,೯೦।೯

ಉರುಃ ಪ್ರಥಸ್ವ ಮಹತಾ ಮಹಿಮ್ನಾ
ಸಹಸ್ರಪೃಷ್ಠಃ ಸುಕೃತಸ್ಯ ಲೋಕೇ |
ಪಿತಾಮಹಾಃ ಪಿತರಃ ಪ್ರಜೋಪಜ-
-ಅಹಂ ಪಕ್ತ್ವಾ ಪಂಚದಶಸ್ ತೇ ಅಸ್ಮಿ || ೧೬,೯೦।೧೦
(೯೦)

ಸಹಸ್ರಪೃಷ್ಠಃ ಶತಧಾರೋ ಅಕ್ಷಿತೋ
ಬ್ರಹ್ಮೌದನೋ ದೇವಯಾನಃ ಸ್ವರ್ಗಃ |
ಅಮೂಂಸ್ ತ ಆ ದಧಾಮಿ ಪ್ರಜಯಾ ರೇಷಯ-
-ಏನಂ ಬಲಿಹಾರಾಯ ಮೃಡತಾಂ ಮಹ್ಯಂ ಏವ || ೧೬,೯೧।೧

ಉದ್ ಏಹಿ ವೇದಿಂ ಪ್ರಜಯಾ ವರ್ಧಯೈನಂ
ನುದಸ್ವ ರಕ್ಷಃ ಪ್ರತರಂ ಧೇಹ್ಯ್ ಏನಂ |
ಶ್ರಿಯಾ ಸಮಾನಾನ್ ಅತಿ ಸರ್ವಾಂತ್ ಸ್ಯಾಮ-
-ಅಧಸ್ಪದಂ ದ್ವಿಷತಃ ಪಾದಯೇಮ || ೧೬,೯೧।೨

ಋತೇನ ತಷ್ಟಾ ಮನಸಾ ಹಿತೇಯಂ
ಬ್ರಹ್ಮೌದನಸ್ಯ ನಿಹಿತಾ ವೇದಿರ್ ಅಗ್ರೇ |
ಅಂಶಧ್ರೀಂ ಶುದ್ಧಾಂ ಉಪ ಧೇಹಿ ನಾರಿ
ತತ್ರೌದನಂ ಸಾದಯ ದೈವಾನಾಂ || ೧೬,೯೧।೩

ಅದಿತೇರ್ ಹಸ್ತಾಂ ಸ್ರುಚಂ ಏತಾಂ ದ್ವಿತೀಯಾಂ
ಸಪ್ತರ್ಷಯೋ ಭೂತಕೃತೋ ಯಾಂ ಅಕೃಣ್ವನ್ |
ಸಾ ಗಾತ್ರಾಣಿ ವಿದುಷ್ಯ್ ಓದನಸ್ಯ
ದರ್ವಿರ್ ವೇದ್ಯಾಂ ಅಧ್ಯ್ ಏನಂ ಚಿನೋತು || ೧೬,೯೧।೪

ಶೃತಂ ತ್ವಾ ಹವಿರ್ ಉಪ ಸೀದಂತು ದೈವಾ
ನಿಸೃಪ್ಯಾಗ್ನೇ ಪುನರ್ ಏನಂ ಪ್ರ ಸೀದ
ಸೋಮೇನ ಪೂತೋ ಜಠರೇ ಸೀದ ಬ್ರಹ್ಮಣಾಂ
ಆರ್ಷೇಯಾಸ್ ತೇ ಮಾ ರಿಷನ್ ಪ್ರಾಶಿತಾರಃ || ೧೬,೯೧।೫

ಸೋಮ ರಾಜನ್ ಸಂಜ್ಞಾನಂ ಆ ವಪೈಭ್ಯಃ
ಸುಬ್ರಾಹ್ಮಣಾ ಯತಮೇ ತ್ವೋಪಸೀದಾನ್ |
ಋಷೀನ್ ಆರ್ಷೇಯಾಂಸ್ ತಪಸೋ ಽಧಿ ಜಾತಾನ್
ಬ್ರಹ್ಮೌದನೇ ಸುಹವಾ ಜೋಹವೀಮಿ || ೧೬,೯೧।೬

ಇಮಾ ಆಪೋ ಮಧುಮತೀರ್ ಘೃತಶ್ಚ್ಯುತೋ
ಬ್ರಹ್ಮಣಾಂ ಹಸ್ತೇಷು ಪ್ರ ಪೃಥಕ್ ಸಾದಯಾಮಿ |
ಯತ್ಕಾಮ ಇದಂ ಅಭಿಷಿಂಚಾಮಿ ವೋ ಽಹಂ
ಇಂದ್ರೋ ಮರುತ್ವಾಂಸ್ ತದ್ ಅದಾದ್ ಇದಂ ಮೇ || ೧೬,೯೧।೭

ಇದಂ ಮೇ ಜ್ಯೋತಿರ್ ಅಮೃತಂ ಹಿರಣ್ಯಂ
ಪಕ್ವಂ ಕ್ಷೇತ್ರಾತ್ ಕಾಮದುಘಾ ಮ ಏಷಾ |
ಇದಂ ಧನಂ ನಿ ದಧೇ ಬ್ರಾಹ್ಮಣೇಷು
ಕೃಣ್ವೇ ಪಂಥಾಂ ಪಿತೃಷು ಯಃ ಸ್ವರ್ಗಃ || ೧೬,೯೧।೮

ಅಗ್ನೌ ತುಷಾಁ ಆ ವಪ ಜಾತವೇದಸಿ
ಪರಃ ಕಂಬೂಕಾನ್ ಉಪ ಮೃಢ್ಯ್ ಏತಾನ್ |
ಏತಂ ಶುಶ್ರುಮ ಗೃಹರಾಜಸ್ಯ ಭಾಗಂ
ಅಥೋ ವಿದ್ಮ ನಿರೃತೇರ್ ಭಾಗಧೇಯಂ || ೧೬,೯೧।೯

ಶ್ರಾಮ್ಯತಃ ಪಚತ ಏಧಿ ಸುನ್ವತಃ
ಸ್ವರ್ಗಂ ಲೋಕಂ ಅಧಿ ರೋಹಯೈನಂ |
ಯೇನ ರೋಹಾತ್ ಪರಂ ಆಪದ್ಯ ಯದ್ ವಯಃ || ೧೬,೯೧।೧೦
(೯೧)

ಬಭ್ರೇರ್ ಅಧ್ವರ್ಯೋ ಮುಖಂ ಏತದ್ ವಿ ಮೃಡ್ಢ್ಯ್
ಆಜ್ಯಾಯ ಲೋಕಂ ಕೃಣುಹಿ ಪ್ರಜಾನನ್ |
ಘೃತೇನ ಗಾತ್ರಾನು ಸರ್ವಾ ವಿ ಮೃಡ್ಢಿ
ಕೃಣ್ವೇ ಪಂಥಾಂ ಪಿತೃಷು ಯಃ ಸ್ವರ್ಗಃ || ೧೬,೯೨।೧

ಬಭ್ರೇ ರಕ್ಷಃ ಸಮದಂ ಆ ವಪೈಭ್ಯೋ
ಬ್ರಾಹ್ಮಣಾ ಯತಮೇ ತ್ವೋಪಸೀದಾನ್ |
ಪುರೀಷಿಣಃ ಪ್ರಥಮಾನಾಃ ಪುರಸ್ತಾದ್
ಆರ್ಷೇಯಾಸ್ ತೇ ಮಾ ರಿಷನ್ ಪ್ರಾಶಿತಾರಃ || ೧೬,೯೨।೨

ಆರ್ಷೇಯೇಷು ನಿ ದಧ ಓದನ ತ್ವಾ
ನಾನಾರ್ಷೇಯಾಣಾಂ ಅಪ್ಯ್ ಅಸ್ತ್ಯ್ ಅತ್ರ |
ಅಗ್ನಿರ್ ಮೇ ಗೋಪ್ತಾ ಮರುತಶ್ ಚ ಸರ್ವೇ
ವಿಶ್ವೇ ದೇವಾ ಅಭಿ ರಕ್ಷಂತು ಪಕ್ವಂ || ೧೬,೯೨।೩

ಯಜ್ಞಂ ದುಹಾನಂ ಸದಂ ಇತ್ ಪ್ರಪೀನಂ
ಪುಮಾಂಸಂ ಧೇನುಂ ಸದನಂ ರಯೀಣಾಂ |
ಪ್ರಜಾಮೃತತ್ವಂ ಉತ ದೀರ್ಘಂ ಆಯೂ
ರಾಯಶ್ ಚ ಪೋಷಂ ಉಪ ತ್ವಾ ಸದೇಮ || ೧೬,೯೨।೪

ವೃಷಭೋ ಽಸಿ ಸ್ವರ್ಗ ಋಷೀನ್ ಆರ್ಷೇಯಾನ್ ಗಚ್ಛ |
ಸುಕೃತಾಂ ಲೋಕೇ ಸೀದ ತನ್ ನೌ ಸಂಕೃತಂ || ೧೬,೯೨।೫

ಸಂ ಆ ಚಿನುಷ್ವಾನುಸಂಪ್ರೇಹ್ಯ್
ಅಗ್ನೇ ಪಥಃ ಕಲ್ಪಯ ದೇವಯಾನಾನ್ |
ಏಭಿಃ ಸುಕೃತೈರ್ ಅನು ಪ್ರ ಜ್ಞೇಷ್ಮ ಯಜ್ಞೇ
ನಾಕೇ ತಿಷ್ಠಂತಂ ಅಧಿ ಸಪ್ತರಶ್ಮೌ || ೧೬,೯೨।೬

ಯೇನ ದೇವಾ ಜ್ಯೋತಿಷಾ ದ್ಯಾಂ ಉದಾಯನ್
ಬ್ರಹ್ಮೌದನಂ ಪಕ್ತ್ವಾ ಸುಕೃತಸ್ಯ ಲೋಕಂ |
ತಂ ತ್ವಾ ಪಚಾಮಿ ಜ್ಯೋತಿಷಾಂ ಜ್ಯೋತಿರ್ ಉತ್ತಮಂ
ಸ ನಸ್ ತಂ ಧೇಹಿ ಸುಕೃತಾಂ ಉಲೋಕೇ || ೧೬,೯೨।೭
(೯೨)

ಪ್ರಾಚ್ಯೈ ತ್ವಾ ದಿಶೇ ನಿರ್ ವಪಾಮಿ
ಶತಧಾರಂ ಅಪಕ್ಷುಧಂ |
ಸ ಪಕ್ತಾರಂ ವಹ ಸುಕೃತಾಂ ಯತ್ರ ಲೋಕೋ
ಯತ್ರ ಋಷಯಃ ಪ್ರಥಮಜಾಃ ಪುರಾಣಾಃ || ೧೬,೯೩।೧

ದಕ್ಷಿಣಾಯೈ ತ್ವಾ (…) || ೧೬,೯೩।೨

ಪ್ರತೀಚ್ಯೈ ತ್ವಾ (…) || ೧೬,೯೩।೩

ಉದೀಚ್ಯೈ ತ್ವಾ (…) || ೧೬,೯೩।೪

ಧ್ರುವಾಯೈ ತ್ವಾ (…) || ೧೬,೯೩।೫

ಊರ್ಧ್ವಾಯೈ ತ್ವಾ (…) || ೧೬,೯೩।೬

ದಿವೇ ತ್ವಾ (…) || ೧೬,೯೩।೭

ಅಂತರಿಕ್ಷಾಯ ತ್ವಾ (…) || ೧೬,೯೩।೮

ಪೃಥಿವ್ಯೈ ತ್ವಾ (…) || ೧೬,೯೩।೯

ಪಶುಭ್ಯಸ್ ತ್ವಾ (…) || ೧೬,೯೩।೧೦
(೯೩)
ಮನುಷ್ಯೇಭ್ಯಸ್ ತ್ವಾ (…) ||ಪಿತೃಭ್ಯಸ್ ತ್ವಾ (…) ||ಋಷಿಭ್ಯಸ್ ತ್ವಾ (…) ||ಆರ್ಷೇಯೇಭ್ಯಸ್ ತ್ವಾ (…) ||ಅಂಗಿರೋಭ್ಯಸ್ ತ್ವಾ (…) ||ಆಂಗಿರಸೇಭ್ಯಸ್ ತ್ವಾ (…) ||ಅಥರ್ವಭ್ಯಸ್ ತ್ವಾ (…) ||ಆಥರ್ವಣೇಭ್ಯಸ್ ತ್ವಾ (…) ||ವನಸ್ಪತಿಭ್ಯಸ್ ತ್ವಾ (…) ||ವಾನಸ್ಪತ್ಯೇಭ್ಯಸ್ ತ್ವಾ (…) ||(೯೪)
ವೀರುದ್ಭ್ಯಸ್ ತ್ವಾ (…) ||ಓಷಧೀಭ್ಯಸ್ ತ್ವಾ (…) ||ಋತುಭ್ಯಸ್ ತ್ವಾ (…) ||ಆರ್ತವೇಭ್ಯಸ್ ತ್ವಾ (…) ||ಲೋಕೇಭ್ಯಸ್ ತ್ವಾ (…) ||ಲೌಕ್ಯೇಭ್ಯಸ್ ತ್ವಾ (…) ||ಲೋಕಾನಾಂ ತ್ವಾಧ್ಯಕ್ಷೇಭ್ಯಃ (…) ||ದೇವೇಭ್ಯಸ್ ತ್ವಾ (…) ||ದೈವ್ಯೇಭ್ಯಸ್ ತ್ವಾ (…) ||
ಸರ್ವಾಭ್ಯಸ್ ತ್ವಾ ದೇವತಾಭ್ಯೋ ನಿರ್ ವಪಾಮಿ
ಶತಧಾರಂ ಅಪಕ್ಷುಧಂ |
ಸ ಪಕ್ತಾರಂ ವಹ ಸುಕೃತಾಂ ಯತ್ರ ಲೋಕೋ
ಯತ್ರ ಋಷಯಃ ಪ್ರಥಮಜಾಃ ಪುರಾಣಾಃ || ೧೬,೯೫।೧೦
(೯೫)

ಪುಮಾನ್ ಪುಂಸೋ ಅಧಿ ತಿಷ್ಠ ಚರ್ಮ
ನ ತೇ ಶಿಷ್ಣಂ ಪ್ರ ದಹಾಜ್ ಜಾತವೇದಾಃ |
ಭವಾತ್ ತೇ ಸ್ತ್ರೈಣಂ ಅಪ್ಯ್ ಅಪ್ಸರಾಸು || ೧೬,೯೬।೧

ಮಹತೀ ದ್ಯಾವಾಪೃಥಿವೀ
ಅಂತರಿಕ್ಷಂ ಇದಂ ಮಹತ್ |
ಮಹಾನ್ ಮಹಿಮ್ನಾ ಸರ್ವಾಂಗ
ಯಸ್ ತ್ವಾ ಪಚತ್ಯ್ ಓದನ || ೧೬,೯೬।೨

ಸಪ್ತೈನಂ ಸೂರ್ಯಾ ಅಭಿತಃ
ಸಪ್ತ ಪುಷ್ಕರಿಣೀರ್ ಉತ |
ಸಪ್ತೋ ಸಹಸ್ರಂ ಗಂಧರ್ವಾ
ಯಸ್ ತ್ವಾ ಪಚತ್ಯ್ ಓದನ || ೧೬,೯೬।೩

ಧಾತೈಷಾಂ ಉದ್ಗಾತಾಸೀದ್
ದೇವಾ ಹೋತಾರ ಋತ್ವಿಜಃ |
ಸರ್ವಾಂಗಂ ಯತ್ರೌದನಂ
ಸತ್ಯೇನಾಗ್ರೇ ಸಮೈರಯನ್ || ೧೬,೯೬।೪

ಸಪ್ತ ಋಷಯೋ ಭೂತಕೃತ
ಋಷಯಃ ಸಾಧ್ಯಾಶ್ ಚ ಯೇ |
ತೇ ವೈ ಸರ್ವಾಂಗಂ ಓದನಂ
ಶ್ರದ್ಧಯಾಗ್ರೇ ಸಂ ಐರಯನ್ || ೧೬,೯೬।೫

ಯಃ ಸರ್ವಾಂಗಂ ಪಚತಿ
ಬ್ರಾಹ್ಮಣಂ ಚ ನ ಹಿಂಸತಿ |
ತಸ್ಮೈ ಜ್ಯೋತಿಷ್ಮಂತಂ ಲೋಕಂ
ಯಮೋ ರಾಜಾಭಿ ರಕ್ಷತಿ || ೧೬,೯೬।೬

ತಂ ಸರ್ವಾಂಗಂ ಘೃತಪೃಷ್ಠಂ
ದ್ಯುಮಾತ್ರಂ ದೇವಸಂಹಿತಂ |
ನಿ ಧತ್ಸ್ವಾಮುತ್ರ ಶೇವಧಿಂ
ತಂ ತೇ ಬ್ರಹ್ಮಾಭಿ ರಕ್ಷತು || ೧೬,೯೬।೭

ತಸ್ಯೌದನಸ್ಯೋದರಂ ಅಂತರಿಕ್ಷಂ
ದ್ಯೌಃ ಪೃಷ್ಠಂ ದಿಶಃ ಪಾರ್ಶ್ವೇ |
ಸೂರ್ಯಾಚಂದ್ರಮಸಾವ್ ಅಕ್ಷ್ಯಾವ್
ಋತವೋ ದಂತಾಃ ಪವಮಾನಃ ಪ್ರಾಣೋ ಅಂಗಿರಸೋ ರೂಪಂ || ೧೬,೯೬।೮
(೯೬)

ಅನುವಾಕ ೧೫ ||

ಆ ನಯೈತಂ ಆ ರಭಸ್ವ ಸುಕೃತಾಂ
ಲೋಕಂ ಅಪಿ ಗಚ್ಛತು ಪ್ರಜಾನನ್ |
ತೀರ್ತ್ವಾ ತಮಾಂಸಿ ಬಹುಧಾ ವಿಪಶ್ಯನ್ನ್
ಅಜೋ ನಾಕಂ ಆ ಕ್ರಮತಾಂ ತೃತೀಯಂ || ೧೬,೯೭।೧

ಪ್ರ ಪದೋ ನೇನಿಗ್ಧಿ ದುಶ್ಚರಿತಂ ಯಚ್ ಚಚಾರ
ಶುದ್ಧೈಃ ಶಫೈರ್ ಆ ಕ್ರಮತಾಂ ಪ್ರಜಾನನ್ |
ಜ್ಯೋತಿಷ್ಮಂತಂ ಸುಕೃತಾಂ ಲೋಕಂ ಈಪ್ಸನ್
ತೃತೀಯೇ ನಾಕೇ ಅಧಿ ವಿ ಕ್ರಮಸ್ವ || ೧೬,೯೭।೨

ಅನು ಛ್ಯ ಶ್ಯಾಮೇನ ತ್ವಚಂ ಏತಾಂ ವಿಶಸ್ತರ್
ಯಥಾಪರ್ವ್ ಅಸಿನಾ ಮಾತಿ ಮಂಸ್ಥಾಃ |
ಮಾಭಿ ದ್ರುಹಃ ಪರುಶಃ ಕಲ್ಪಯೈನಂ
ಸುಕೃತಾಂ ಮಧ್ಯೇ ಅಧಿ ವಿ ಶ್ರಯೇಮಂ || ೧೬,೯೭।೩

ಭೂಮ್ಯಾಂ ತ್ವಾ ಭೂಮಿಂ ಅಧಿ ಧೇಹ್ಯ್ ಏತಾಂ
ಆ ಸಿಂಚೋದಕಂ ಅವ ಧೇಹ್ಯ್ ಏನಂ |
ಪರ್ಯ್ ಆಧತ್ತಾಗ್ನಿನಾ ಶಮಿತಾರಃ
ಶೃತೋ ಗಚ್ಛತು ಸುಕೃತಾಂ ಯತ್ರ ಲೋಕಃ || ೧೬,೯೭।೪

ಉತ್ ಕ್ರಾಮಾತಃ ಪರಿ ಚೇದ್ ಅತಪ್ತಸ್
ತಪ್ತಾಚ್ ಚರೋರ್ ಅಧಿ ನಾಕಂ ತೃತೀಯಂ |
ಅಗ್ನೇರ್ ಅಗ್ನಿರ್ ಅಧಿ ಸಂ ಬಭೂವಿಥ
ಜ್ಯೋತಿಷ್ಮಾನ್ ಗಚ್ಛ ಸುಕೃತಾಂ ಯತ್ರ ಲೋಕಃ || ೧೬,೯೭।೫

ಪಂಚೌದನಃ ಪಂಚಧಾ ವಿ ಕ್ರಮಸ್ವ-
-ಆಕ್ರಂಸ್ಯಮಾನಃ ಪಂಚ ಜ್ಯೋತೀಁಷಿ |
ಈಜಾನಾನಾಂ ಸುಕೃತಾಂ ಪ್ರೇಹಿ ಮಧ್ಯಂ
ಜ್ಯೋತಿಷ್ಮಂತಂ ಅಭಿ ಲೋಕಂ ಜಯಾಸ್ಮೈ || ೧೬,೯೭।೬

ಅಜಂ ಏವಾಗ್ನಿಂ ಅಜಂ ಇಜ್ ಜ್ಯೋತಿರ್ ಆಹುರ್
ಅಜಂ ಬ್ರಹ್ಮಣೇ ಜೀಯತಾ ದೇಯಂ ಆಹುಃ |
ಅಜಸ್ ತಮಾಂಸ್ಯ್ ಅಪ ಹಂತಿ ದೂರಂ
ಅಸ್ಮಿಂಲ್ ಲೋಕೇ ಶ್ರದ್ದಧಾನೇನ ದತ್ತಃ || ೧೬,೯೭।೭

ಏತದ್ ವೋ ಜ್ಯೋತಿಃ ಪಿತರಸ್ ತೃತೀಯಂ
ಪಂಚೌದನಂ ಬ್ರಹ್ಮಣೇ ಽಜಂ ದದಾತಿ |
ಅಜಸ್ ತಮಾಂಸ್ಯ್ ಅಪ ಹಂತಿ ದೂರಂ
ಪಂಚೌದನೋ ಬ್ರಹ್ಮಣೇ ದೀಯಮಾನಃ || ೧೬,೯೭।೮

ಪಂಚೌದನೋ ಬ್ರಹ್ಮಣೇ ದೀಯಮಾನೋ
ಽಜೋ ನಾಕಂ ಆ ಕ್ರಮತಾಂ ತೃತೀಯಂ |
ವಿಚಕ್ರಮಾಣಃ ಸುಕೃತಸ್ಯ ಲೋಕೇ
ಸ ಜ್ಯೋತಿಷಾ ತಮೋ ಅಪ ಹಂತಿ ದೂರಂ || ೧೬,೯೭।೯

ಅಜಾ ಕ್ರಮಸ್ವ ಸುಕೃತಾಂ ಯತ್ರ ಲೋಕಃ
ಶರಭೋ ನು ಚತ್ತೋ ಅತಿ ದುರ್ಗಾಣಿ ನೇಷತಃ |
ಪಂಚೌದನೋ ಬ್ರಹ್ಮಣೇ ದೀಯಮಾನೋ
ವಿಶ್ವರೂಪಾ ಕಾಮದುಘಾಸ್ಯ್ ಏಕಾ || ೧೬,೯೭।೧೦
(೯೭)

ಜ್ಯೋತಿಷ್ಮಂತಂ ಸುಕೃತಾಂ ಲೋಕಂ ಈಪ್ಸನ್
ಪಂಚೌದನಂ ಬ್ರಹ್ಮಣೇ ಽಜಂ ದದಾತಿ |
ಸ ವ್ಯಾಪ್ನುಹ್ಯ್ ಅಭಿ ಲೋಕಂ ಜಯಾಸ್ಮೈ
ಶಿವೋ ಽಸ್ಮಭ್ಯಂ ಪ್ರತಿಗೃಹೀತ ಏಧಿ || ೧೬,೯೮।೧

ಅಜಸ್ ತ್ರಿನಾಕೇ ತ್ರಿದಿವೇ ತ್ರಿಪೃಷ್ಠೇ
ಸುಕೃತಾಂ ಲೋಕೇ ದದಿವಾಂಸಂ ದಧಾತಿ |
ಪಂಚೌದನೋ ಬ್ರಹ್ಮಣೇ ದೀಯಮಾನಃ
ಸ ದಾತಾರಂ ತೃಪ್ತ್ಯಾ ತರ್ಪಯಾಸಿ || ೧೬,೯೮।೨

ಅಜೋ ಹ್ಯ್ ಅಗ್ನೇರ್ ಅಜನಿಷ್ಟ ಶೋಕಾದ್
ವಿಪ್ರೋ ವಿಪ್ರಸ್ಯ ಸಹಸೋ ವಯೋಧಾಃ |
ಹುತಂ ಇಷ್ಟಂ ಅಭಿಪೂರ್ತಂ ವಷಟ್ಕೃತಂ
ತದ್ ದೇವಾ ಋತುಶಃ ಕಲ್ಪಯಂತು || ೧೬,೯೮।೩

ಅಮೋತಂ ವಾಸೋ ದಧ್ಯಾದ್
ಧಿರಣ್ಯಂ ಅಪಿ ದಕ್ಷಿಣಾಂ |
ತಥಾ ಲೋಕಾನ್ ಸಮಾಪ್ನುಯಾದ್
ಯೇ ದಿವ್ಯಾ ಯೇ ಚ ಪಾರ್ಥಿವಾಃ || ೧೬,೯೮।೪

ಏತಾಸ್ ತ್ವಾಜ ಧಾರಾ ಉಪ ಯಂತು ವಿಶ್ವತಃ
ಸೋಮ್ಯಾ ದೇವೀರ್ ಘೃತಪೃಷ್ಠಾ ಮಧುಶ್ಚುತಃ |
ಸ್ತಭಾನ ಪೃಥಿವೀಂ ದಿವಂ ಸಚಸ್ವ
ನಾಕೇ ತಿಷ್ಠಾಸ್ಯ್ ಅಧಿ ಸಪ್ತರಶ್ಮೌ || ೧೬,೯೮।೫

ಪೃಷ್ಠಾತ್ ಪೃಥಿವ್ಯಾ ಇತಿ ಚತಸ್ರಃ || ೧೬,೯೮।೬

(…) || ೧೬,೯೮।೭

(…) || ೧೬,೯೮।೮

(…) || ೧೬,೯೮।೯

ಪಂಚೌದನಂ ಪಂಚಭಿರ್ ಅಂಗುಲೀಭಿರ್
ದರ್ವ್ಯೋದ್ ಧರ ಪಂಚಧೌದನಂ ಏತಂ |
ಪ್ರಾಚೀಂ ದಿಶಂ ದಕ್ಷಿಣಾಂ ಪ್ರತೀಚೀಂ
ಉದೀಚೀಂ ಧ್ರುವಾಂ ಊರ್ಧ್ವಾಂ ದಿಶಂ ಆ ಕ್ರಮಸ್ವ || ೧೬,೯೮।೧೦
(೯೮)

ಪ್ರಾಚ್ಯಾಂ ದಿಶಿ ಶಿರೋ ಅಜಸ್ಯ ಧೇಹಿ
ದಕ್ಷಿಣಾಯಾಂ ದಿಶಿ ದಕ್ಷಿಣಂ ಧೇಹಿ ಪಾರ್ಶ್ವಂ |
ಪ್ರತೀಚ್ಯಾಂ ದಿಶಿ ಭಸದಂ ಅಸ್ಯ
ಉದೀಚ್ಯಾಂ ದಿಶ್ಯ್ ಉತ್ತರಂ ಧೇಹಿ ಪಾರ್ಶ್ವಂ || ೧೬,೯೯।೧

ಅಜಸ್ಯಾನೂಕಂ ಊರ್ಧ್ವಾಯಾಂ ದಿಶಿ ಧೇಹಿ
ದಿಶಿ ಧೇಹಿ ಪಾಜಸ್ಯಂ ಧ್ರುವಾಯಾಂ |
ಅಂತರಿಕ್ಷೇ ಮಧ್ಯತೋ ಮಧ್ಯಂ ಅಸ್ಯ
ಪದ್ಭಿಶ್ ಚತುರ್ಭಿಃ ಪ್ರತಿ ತಿಷ್ಠ ದಿಕ್ಷು || ೧೬,೯೯।೨

ಶೃತಂ ಅಜಂ ಶೃತಯಾ ಪ್ರೋರ್ಣುಹಿ ತ್ವಚಾ
ಸರ್ವೈರ್ ಅಂಗೈಃ ಸಂಭೃತಂ ವಿಶ್ವರೂಪಂ |
ಸ ಉತ್ ತಿಷ್ಠ ಪ್ರೇಹಿ ನಾಕಂ ಉತ್ತಮಂ
ಪದ್ಭಿಶ್ ಚತುರ್ಭಿಃ ಪ್ರತಿ ತಿಷ್ಠ ದಿಕ್ಷು || ೧೬,೯೯।೩

ಸರ್ವಾ ದಿಶಃ ಸಂವಿದಾನಾಃ ಸಧ್ರೀಚೀಃ
ಸಾಂತರ್ದೇಶಾಃ ಪ್ರತಿ ಗೃಹ್ಣಂತು ತೇಜಸಂ |
ತೇ ರಕ್ಷಂತು ತವ ತುಭ್ಯಂ ಏತಂ
ತಾಭ್ಯೋ ಜುಹೋಮಿ ಹವಿಷಾ ಘೃತೇನ || ೧೬,೯೯।೪

ಯಂ ಬ್ರಾಹ್ಮಣೇ ನಿದಧೇ ಯಂ ಚ ವಿಕ್ಷು
ಯಾ ವಿಪ್ರುಷ ಓದನಾನಾಂ ಅಜಸ್ಯ |
ಸರ್ವಂ ತದ್ ಅಗ್ನೇ ಸುಕೃತಸ್ಯ ಲೋಕೇ
ಜಾನೀತಾನ್ ನಃ ಸಂಗಮನೇ ಪಥೀನಾಂ || ೧೬,೯೯।೫

ಅಜಃ ಪಂಚೌದನೋ ವ್ಯ್ ಅಕ್ರಮತ |
ತಸ್ಯೋರ ಇಯಂ ಅಭವದ್
ಉದರಂ ಅಂತರಿಕ್ಷಂ ದ್ಯೌಃ ಪೃಷ್ಠಂ ದಿಶಃ ಪಾರ್ಶ್ವೇ || ೧೬,೯೯।೬

ದಿತಿಶ್ ಚಾದಿತಿಶ್ ಚ ಶೃಂಗೇ
ಸತ್ಯಂ ಚ ರ್ತಂ ಚ ಚಕ್ಷುಷೀ |
ವಿಶ್ವಂ ರೂಪಂ ಶ್ರದ್ಧಾ ಪ್ರಾಣೋ ವಿರಾಟ್ ಶಿರಃ || ೧೬,೯೯।೭

ಏಷ ವಾ ಅಪರಿಮಿತೋ ಯಜ್ಞೋ
ಯದ್ ಅಜಃ ಪಂಚೌದನಃ |
ಅಪರಿಮಿತಂ ಲೋಕಂ ಜಯತ್ಯ್
ಅಪರಿಮಿತಂ ಲೋಕಂ ಅವ ರುಂಧೇ
ಯ ಏವಂ ವಿದುಷೇ ಽಜಂ ಪಂಚೌದನಂ ದದಾತಿ || ೧೬,೯೯।೮

ನಾಸ್ಯಾಸ್ಥೀನಿ ಭಿಂದ್ಯಾನ್
ನ ಮಜ್ಜ್ಞೋ ನಿರ್ ಧಯೇತ್ |
ಸರ್ವಾಣಿ ಸಮಾದಾಯ-
-ಇದಂಇದಂ ಪ್ರ ವೇಶಯೇತ್ || ೧೬,೯೯।೯

ಇದಂ ಇದಂ ಅಸ್ಯ ರೂಪಂ
ತೇನೈನಂ ಸಂ ಗಮಯತಿ |
ಸ್ವಧಾಂ ಊರ್ಜಂ ಅಕ್ಷಿತಿಂ ಮಹೋ ಅಸ್ಮೈ ದುಹೇ
ಯ ಏವಂ ವಿದುಷೇ ಽಜಂ ಪಂಚೌದನಂ ದದಾತಿ || ೧೬,೯೯।೧೦
(೯೯)

ಇಂದ್ರಾಯ ಭಾಗಂ ಸವಿತಾ ಕೃಣೋತ್ವ್
ಇಮಂ ಯಜ್ಞಂ ಯಜ್ಞಪತಿಶ್ ಚ ಸೂರಿಃ |
ಯೇ ನೋ ದ್ವೇಷಂತ್ಯ್ ಅನು ತಾನ್ ರಭಸ್ವ-
-ಅರಿಷ್ಟಾ ವೀರಾ ಯಜಮಾನಸ್ಯ ಸರ್ವೇ || ೧೬,೧೦೦।೧

ಪಂಚ ಲೋಕಾಃ ಪಂಚ ರ್ತವಃ |
ಪಂಚಸ್ವ್ ಋತುಷ್ವ್ ಋಧ್ನೋತಿ
ಯ ಏವಂ ವಿದುಷೇ ಽಜಂ ಪಂಚೌದನಂ ದದಾತಿ || ೧೬,೧೦೦।೨

ಏಷ ವೈ ನಿದಾಘೋ ಯಜ್ಞೋ
ಯದ್ ಅಜಃ ಪಂಚೌದನಃ |
ನಿರ್ ಅಪ್ರಿಯಂ ಭ್ರಾತೃವ್ಯಂ ದಹತಿ
ಭವತ್ಯ್ ಆತ್ಮನಾ ಪರಾಸ್ಯಾಪ್ರಿಯೋ ಭ್ರಾತೃವ್ಯೋ ಭವತಿ
(…) || ೧೬,೧೦೦।೩

ಯೋ ವಾ ಆಯಂತಂ ಇತ್ಯ್ ಋತುಂ ವೇದ |
ಆಯತೀಂ ಏವಾಪ್ರಿಯಸ್ಯ ಭ್ರಾತೃವ್ಯಸ್ಯ ಶ್ರಿಯಂ ಆದತ್ತೇ
ಭವತ್ಯ್ ಆತ್ಮನಾ (…)
(…) || ೧೬,೧೦೦।೪

(…) ವೈ ಸಂಯಂತಂ ಇತಿ (…) |
ಸಂಯತೀಂ ಏವ (…) || ೧೬,೧೦೦।೫

(…) ವೈ ಭವಂತಂ ಇತಿ (…) |
ಭವಂತೀಂ ಏವ (…) || ೧೬,೧೦೦।೬

(…) ವಾ ಅಭಿಭವಂತಂ ಇತಿ (…) |
ಅಭಿಭವಂತೀಂ ಏವ (…) || ೧೬,೧೦೦।೭

(…) ವಾ ಉದ್ಯಂತಂ ಇತಿ (…) |
ಉದ್ಯತೀಂ ಏವ (…) || ೧೬,೧೦೦।೮

(…) ವೈ ಮೂರ್ಧಾನಂ ಇತಿ (…) |
ಮೂರ್ಧ್ನೀಂ ಏವ (…) || ೧೬,೧೦೦।೯

ಯೋ ವೈ ಸರ್ವಂ ಇತ್ಯ್ ಋತುಂ ವೇದ |
ಸರ್ವಾಂ ಏವಾಪ್ರಿಯಸ್ಯ ಭ್ರಾತೃವ್ಯಸ್ಯ ಶ್ರಿಯಂ ಆದತ್ತೇ
ಭವತ್ಯ್ ಆತ್ಮನಾ ಪರಾಸ್ಯಾಪ್ರಿಯೋ ಭ್ರಾತೃವ್ಯೋ ಭವತಿ
ಯ ಏವಂ ವಿದುಷೇ ಽಜಂ ಪಂಚೌದನಂ ದದಾತಿ || ೧೬,೧೦೦।೧೦

ಯಾವಂತ್ಯ್ ಅಸ್ಯ ಲೋಮಾನಿ
ಬ್ರಹ್ಮಾಸ್ತೃಣೋತಿ ವೇದ್ಯಾಂ |
ತಾವತೀರ್ ಅಸ್ಯ ಧಾರಾಃ
ಸಮುದ್ರಸ್ಯೇವಾಕ್ಷಿತಾಃ || ೧೬,೧೦೦।೧೧

ದುಹಾಂ ಕ್ಷೀರಂ ಭವತು ಸರ್ಪಿರ್ ಏಭ್ಯಃ
ಸುರಾ ಭೂತ್ವೋಪ ತಿಷ್ಠಾತ್ ಸುರಾಪಾಂ |
ಮಧೋರ್ ಧಾರಾ ಮಧುಪೇಭ್ಯೋ ದುಹಾನೋ
ಽಜೋ ನಾಕೇ ತಿಷ್ಠತು ಮೋದಮಾನಃ || ೧೬,೧೦೦।೧೨
(೧೦೦)

ಸ್ಕಂಭೇನೇಮೇ ವಿಷ್ಕಭಿತೇ
ದ್ಯೌಶ್ ಚ ಭೂಮಿಶ್ ಚ ತಿಷ್ಠತಃ |
ಸ್ಕಂಭ ಇದಂ ಸರ್ವಂ ಆರ್ಪಿತಂ ಏಜದ್
ಯತ್ ಪ್ರಾಣನ್ ನಿಮಿಷಚ್ ಚ ಯತ್ || ೧೬,೧೦೧।೧

ಏಕಚಕ್ರಂ ವರ್ತತ ಏಕನೇಮಿ
ಸಹಸ್ರಾಕ್ಷರಂ ಪ್ರ ಪುರೋ ನಿ ಪಶ್ಚಾತ್ |
ಅರ್ಧೇನೇದಂ ಪರಿ ಬಭೂವ ವಿಶ್ವಂ
ಯದ್ ಅಸ್ಯಾರ್ಧಂ ಕತಮಃ ಸ ಕೇತುಃ || ೧೬,೧೦೧।೨

ಪಂಚವಾಹಿ ವಹತ್ಯ್ ಅಗ್ರಂ ಅಸ್ಯ
ಪೃಷ್ಟಯೋ ಯುಕ್ತಾ ಅನುಸಂವಹಂತಿ |
ಅಯಾತಂ ಅಸ್ಯ ದದೃಶೇ ನ ಯಾತಂ
ಪರಂ ನೇದೀಯೋ ಽವರಂ ದವೀಯಃ || ೧೬,೧೦೧।೩

ಇದಂ ಸವಿತರ್ ವಿ ಜಾನೀಹಿ
ಷಡ್ ಯಮಾ ಏಕ ಏಕಜಃ |
ತಸ್ಮಿನ್ ಹಾಪಿತ್ವಂ ಇಚ್ಛಂತೇ
ಯ ಏಷಾಂ ಏಕ ಏಕಜಃ || ೧೬,೧೦೧।೪

ತಿರ್ಯಗ್ಬಿಲಶ್ ಚಮಸ ಊರ್ಧ್ವಬುಧ್ನೋ
ಯಸ್ಮಿನ್ ಯಶೋ ನಿಹಿತಂ ವಿಶ್ವರೂಪಂ |
ಅತ್ರಾಸತ ಋಷಯಃ ಸಪ್ತ ಸಾಕಂ
ಯೇ ಅಸ್ಯ ಗೋಪಾ ಮಹತೋ ಬಭೂವುಃ || ೧೬,೧೦೧।೫

ತಿಸ್ರೋ ಹ ಪ್ರಜಾ ಅತ್ಯಾಯಂ ಆಯನ್
ನ್ಯ್ ಅನ್ಯಾ ಅರ್ಕಂ ಅಭಿತೋ +ಽವಿಶಂತ |
ಬೃಹನ್ ಹ ತಸ್ಥೌ ರಜಸೋ ವಿಮಾನೋ
ಹರಿತೋ ಹರಿಣೀರ್ ಆ ವಿವೇಶ || ೧೬,೧೦೧।೬

ದ್ವಾದಶ ಪ್ರಧಯಶ್ ಚಕ್ರಂ ಏಕಂ
ತ್ರೀಣಿ ನಭ್ಯಾನಿ ಕ ಉ ತಚ್ ಚಿಕೇತ |
ತತ್ರಾಹತಾಸ್ ತ್ರೀಣಿ ಶತಾನಿ ಶಂಕವಃ
ಷಷ್ಟಿಶ್ ಚ ಖೀಲಾ ಅವಿಚಾಚಲಾ ಯೇ || ೧೬,೧೦೧।೭

ಅನಂತಂ ವಿತತಂ ಪುರುತ್ರಾ ಅನಂತಂ
ಅಂತವಚ್ ಚಾ ಸಮಕ್ತೇ |
ತೇ ನಾಕಪಾಲಶ್ ಚರತಿ ಪ್ರಜಾನನ್
ವಿದ್ವಾನ್ ಭೂತಂ ಯದ್ ಉ ಭವ್ಯಂ ಅಸ್ಯ || ೧೬,೧೦೧।೮

ಆವಿಃ ಸನ್ ನಿಹಿತಂ ಗುಹಾ
ಜರನ್ ನಾಮ ಮಹತ್ ಪದಂ |
ತತ್ರೈದಂ ಸರ್ವಂ ಆರ್ಪಿತಂ
ಏಜತ್ ಪ್ರಾಣನ್ ನಿಮಿಷಚ್ ಚ ಯತ್ || ೧೬,೧೦೧।೯

ಊರ್ಧ್ವಂ ಭರಂತಂ ಉದಕಂ
ಕುಂಭೇನೇವೋದಹಾರ್ಯಂ |
ಪಶ್ಯಂತಿ ಸರ್ವೇ ಚಕ್ಷುಷಾ
ನ ಸರ್ವೇ ಮನಸಾ ವಿದುಃ || ೧೬,೧೦೧।೧೦
(೧೦೧)

ಊನಾತ್ ಪೂರ್ಣಂ ಉದ್ ಅಚತಿ
ಪೂರ್ಣಾದ್ ಊನಂ ಉದ್ ಅಚ್ಯತೇ |
ಕವಿಷ್ ಟದ್ ಬ್ರಹ್ಮಾ ವೇದ
ಯತಸ್ ತತ್ ಪರಿಷಿಚ್ಯತೇ || ೧೬,೧೦೨।೧

ಪ್ರಜಾಪತಿಶ್ ಚರತಿ ಗರ್ಭೇ ಅಂತರ್
ಅದೃಶ್ಯಮಾನೋ ಬಹುಧಾ ಪ್ರ ಜಾಯತೇ |
ಅರ್ಧೇನ ವಿಶ್ವಂ ಭುವನಂ ಜಜಾನ
ಯದ್ ಅಸ್ಯಾರ್ಧಂ ಕಿಂ ಉ ತಜ್ ಜಜಾನ || ೧೬,೧೦೨।೨

ಯದ್ ಏಜತಿ ಚರತಿ ಯಚ್ ಚ ತಿಷ್ಠತ್ಯ್
ಅಪ್ರಾಣತ್ ಪ್ರಾಣನ್ ನಿಮಿಷಚ್ ಚ ತಿಷ್ಠತ್ |
ತದ್ ದಾಧಾರ ಪೃಥಿವೀಂ ವಿಶ್ವರೂಪಂ
ತತ್ ಸಂಭೂಯ ಭವತ್ಯ್ ಏಕಂ ಏವ || ೧೬,೧೦೨।೩

ಯಾ ಪುರಸ್ತಾದ್ ಯುಜ್ಯತೇ ಯೋತ ಪಶ್ಚಾದ್
ಯಾ ವಿಶ್ವತೋ ಯುಜ್ಯತೇ ಯೋತ ಸರ್ವತಃ |
ಯಯಾ ಯಜ್ಞಸ್ ತಾಯತೇ ಪ್ರಾಙ್
ತಾಂ ತ್ವಾ ಪೃಚ್ಛಾಮಿ ಕತಮಾ ನು ಸರ್ಚಾಂ || ೧೬,೧೦೨।೪

ಯತಃ ಸೂರ್ಯ ಉದೇತ್ಯ್
ಅಸ್ತಂ ಯತ್ರ ಚ ಗಚ್ಛತಿ |
ತದ್ ಏವ ಮನ್ಯೇ ಽಹಂ ಜ್ಯೇಷ್ಠಂ
ತತೋ ನಾಪ್ಯ್ ಏತಿ ಕಿಂ ಚನ || ೧೬,೧೦೨।೫

ಸತ್ಯೇನೋರ್ಧ್ವಸ್ ತಪತಿ ಬ್ರಹ್ಮಣಾ-
-ಅರ್ವಾಙ್ ವಿ ಪಶ್ಯತಿ |
ಪ್ರಾಣೇನ ತಿರ್ಯಙ್ ಪ್ರಾಣತಿ
ಯಸ್ಮಿನ್ ಜ್ಯೇಷ್ಠಂ ಅಧಿ ಶ್ರಿತಂ || ೧೬,೧೦೨।೬

ಯೋ ವೈ ತೇ ವಿದ್ಯಾದ್ ಅರಣೀ
ಯಾಭ್ಯಾಂ ನಿರ್ಮಥ್ಯತೇ ವಸು |
ಸ ವಿದ್ವಾನ್ ಜ್ಯೇಷ್ಠಂ ಮನ್ಯೇತ
ಸ ವಿದ್ಯಾದ್ ಬ್ರಾಹ್ಮಣಂ ಮಹತ್ || ೧೬,೧೦೨।೭

ಅಪಾದ್ ಅಗ್ರೇ ಸಂ ಅಭವತ್
ಸೋ ಅಗ್ರೇ ಸ್ವರ್ ಆಭರತ್ |
ಚತುಷ್ಪಾದ್ ಭೂತ್ವಾ ಭೋಗ್ಯಃ
ಸರ್ವಂ ಆದತ್ತ ಭೋಜನಂ || ೧೬,೧೦೨।೮

ಭೋಗ್ಯೋ ಭವದ್
ಅಥೋ ಅನ್ನಂ ಅದದ್ ಬಹು |
ಯೋ ದೇವಂ ಉತ್ತರಾವಂತಂ
ಉಪಾಸಾತೈ ಸನಾತನಂ || ೧೬,೧೦೨।೯

ಸನಾತನಂ ಏನಂ ಆಹುರ್
ಉತಾದ್ಯಾಸತ್ ಪುನರ್ ನವಃ |
ಅಹೋರಾತ್ರೇ ಪ್ರ ಜಾಯೇತೇ
ಅನ್ಯೋ ಅನ್ಯಸ್ಯ ರೂಪಯೋಃ || ೧೬,೧೦೨।೧೦
(೧೦೨)

ಶತಂ ಸಹಸ್ರಂ ಅಯುತಂ ನ್ಯರ್ಬುದಂ
ಅಸಂಖ್ಯೇಯಂ ಸ್ವಂ ಅಸ್ಮಿನ್ ನಿವಿಷ್ಟಂ |
ತದ್ ಅಸ್ಯ ಘ್ನಂತ್ಯ್ ಅಭಿಪಶ್ಯತ ಏವ
ತಸ್ಮಾದ್ ದೇವೋ ರೋಚತೇ ಸ ಏತತ್ || ೧೬,೧೦೩।೧

ಆರಾಗ್ರಮಾತ್ರಂ ದದೃಶ
ಉತೈಕಂ ನೈವ ದೃಶ್ಯತೇ |
ತತಃ ಪರಿಷ್ವಜೀಯಸೀ
ದೇವತಾ ಸಾ ಮಮ ಪ್ರಿಯಾ || ೧೬,೧೦೩।೨

ಇಯಂ ಕಲ್ಯಾಣ್ಯ್ ಅಜರಾ
ಮರ್ತ್ಯಸ್ಯಾಮೃತಾ ಗೃಹೇ |
ಯಸ್ಮೈ ಕೃತಾ ಶಯೇ ಸ
ಯಶ್ ಚಕಾರ ತದಾರ ಸಃ || ೧೬,೧೦೩।೩

ತ್ವಂ ಸ್ತ್ರೀ ತ್ವಂ ಪುಮಾನ್ ಅಸಿ
ತ್ವಂ ಕುಮಾರ್ಯ್ ಉತ ವಾ ಕುಮಾರಃ |
ತ್ವಂ ಜೀರ್ಣೋ ದಂಡೇನ ವಂಚಸಿ
ತ್ವಂ ಜಾತೋ ಭವಸಿ ವಿಶ್ವತೋಮುಖಃ || ೧೬,೧೦೩।೪

ಉತೈಷ ಜ್ಯೇಷ್ಠ ಉತ ವಾ ಕನಿಷ್ಠ
ಉತೈಷ ಭ್ರಾತೋತ ವಾ ಪಿತೈಷಃ |
ಏಕೋ ದೇವೋ ಮನಸಿ ಪ್ರವಿಷ್ಟಃ
ಪ್ರಥಮೋ ಜಾತಃ ಸ ಉ ಗರ್ಭೇ ಅಂತಃ || ೧೬,೧೦೩।೫

ಅನೇಜತ್ಯ್ ಏಜತಿ ಸರ್ವಂ ಅಸ್ಮಿನ್
ವಿಶ್ವಾ ಭೂತಾನಿ ಪರ್ಯಾಭೃತಸ್ಯ |
ಸ ಪುಮಾನ್ ಪುಂಸೋ ಜನಯನ್ನ್ ಋತೇನ
ಸರ್ವಾನ್ ಅಂತಾನ್ ಗಚ್ಛತು ತಿಷ್ಠನ್ನ್ ಏವ || ೧೬,೧೦೩।೬

ಮಧ್ಯೇ ದಿವೋ ನಿಹಿತಃ ಪೃಶ್ನಿರಶ್ಮಾ
ವಿ ಚಕ್ರಮಾಣೌ ರಜಸಸ್ಫಾತ್ಯಂತೌ |
ಸ ವಿಶ್ವಾಭಿರ್ ಅಭಿ ಚಷ್ಟೇ ಶಚೀಭಿರ್
ಅಂತರಾ ಪೂರ್ವಂ ಅಪರಂ ಚ ಕೇತುಂ || ೧೬,೧೦೩।೭

ಯೇ ಅರ್ವಾಗ್ ಉತ ವಾ ಪುರಾಣೇ
ವೇದಂ ವಿದ್ವಾಂಸಂ ಅಭಿತೋ ವದಂತಿ |
ಆದಿತ್ಯಂ ಏವ ತೇ ಪರಿ ವದಂತಿ ಸರ್ವೇ
ಅಗ್ನಿಂ ದ್ವಿತೀಯಂ ತ್ರಿವೃತಂ ಚ ಹಂಸಂ || ೧೬,೧೦೩।೮

ಏಕಾಂ ಋಚಂ ಸಂ ಇಂಧತೇ
ದ್ವಾದಶಭಿರ್ ಅಗ್ನಿಭಿಃ |
ತಸ್ಯಾಂ ಆಪಸ್ ತಸ್ಯಾಂ ಗಾವಸ್
ತಸ್ಯಾಂ ಓಷಧಯಃ ಶ್ರಿತಾಃ || ೧೬,೧೦೩।೯

ಸಪ್ತ ಸುಪರ್ಣಾ ಉಪ ಧಮಂತ ಬಾಣಂ
ಅನುಷ್ಟುಭಾ ಸಂಭೃತಂ ವಾಯುಂ ಏತಂ |
ತಂ ಆತತಂ ವಿತತಂ ತಂತುಂ ಆತತಂ
ಮನಃ ಪುನಾತು ಸಲಿಲಸ್ಯ ಪೃಷ್ಠೇ || ೧೬,೧೦೩।೧೦

ಸಪ್ತ ಋಷಯಃ ಪ್ರತಿಹಿತಾಃ ಶರೀರೇ
ಸಪ್ತ ರಕ್ಷಂತಿ ಸದಂ ಅಪ್ರಮಾದಂ |
ಸಪ್ತಾಪಃ ಸ್ವಪತೋ ಲೋಕಂ ಈಯುಸ್
ತತ್ರ ಜಾಗೃತೋ ಅಸ್ವಪ್ನಜೌ ಸತ್ರಸದೌ ಚ ದೇವೌ || ೧೬,೧೦೩।೧೧
(೧೦೩)

ಅನುವಾಕ ೧೬ ||

ಭವಾಶರ್ವೌ ಮೃಡತಂ ಮಾಭಿ ಯಾತಂ
ಭೂತಪತೀ ಪಶುಪತೀ ನಮೋ ವಾಂ |
ಪ್ರತಿಹಿತಂ ಆಯತಾಂ ಮಾ ವಿ ಸ್ರಾಷ್ಟಂ
ಮಾ ನೋ ಹಿಂಸಿಷ್ಟಂ ದ್ವಿಪದೋ ಮಾ ಚತುಷ್ಪದಃ || ೧೬,೧೦೪।೧

ಶುನೇ ಕ್ರೋಷ್ಟ್ರೇ ಮಾ ಶರೀರಾಣಿ ಕರ್ತಂ
ಅಲಿಕ್ಲವೇಭ್ಯೋ ಗೃಧ್ರೇಭ್ಯೋ
ಯೇ ಚ ಕೃಷ್ಣಾ ಅವಿಷ್ಯವಃ |
ಮಕ್ಷಿಕಾಃ ಪಶುಪತೇ
ವಯಾಂಸಿ ತೇ ವಿಘಸೇ ಮಾ ವಿದಂತ || ೧೬,೧೦೪।೨

ಕ್ರಂದಾಯ ತೇ ಪ್ರಾಣಾಯ ತೇ
ಯಾಶ್ ಚ ತೇ ಭವ ರೋಪಯಃ |
ನಮಸ್ ತೇ ರುದ್ರ ಕೃಣ್ಮಃ
ಸಹಸ್ರಾಕ್ಷಾಮರ್ತ್ಯ || ೧೬,೧೦೪।೩

ಪುರಸ್ತಾತ್ ತೇ ನಮಃ ಕೃಣ್ಮ
ಉತ್ತರಾದ್ ಅಧರಾದ್ ಉತ |
ಅಭೀವರ್ಗಾದ್ ದಿವಸ್ ಪರ್ಯ್
ಅಂತರಿಕ್ಷಾಯ ತೇ ನಮಃ || ೧೬,೧೦೪।೪

ಮುಖಾಯ ತೇ ಪಶುಪತೇ
ಯಾನಿ ಚಕ್ಷೂಂಷಿ ತೇ ಭವ |
ತ್ವಚೇ ರೂಪಾಯ ಸಂದೃಶೇ
ಪ್ರತೀಚೀನಾಯ ತೇ ನಮಃ || ೧೬,೧೦೪।೫

ಅಂಗೇಭ್ಯ ಉದರಾಯ
ಜಿಹ್ವಾಯಾ ಆಸ್ಯಾಯ ಚ |
ದದ್ಭ್ಯೋ ಗಂಧಾಯ ತೇ ನಮಃ || ೧೬,೧೦೪।೬

ಅಸ್ತ್ರಾ ನೀಲಶಿಖಂಡೇನ
ಸಹಸ್ರಾಕ್ಷೇಣ ವಾಜಿನಾ |
ರುದ್ರೇಣಾಧ್ವಗಘಾತಿನಾ
ತೇನ ಮಾ ಸಂ ಅರಾಮಹಿ || ೧೬,೧೦೪।೭

ಸ ನೋ ಭವಃ ಪರಿ ವೃಣಕ್ತು ವಿಶ್ವತ
ಆಪ ಇವಾಗ್ನಿಃ ಪರಿ ವೃಣಕ್ತು ನೋ ಭವಃ |
ಮಾ ನೋ ಅಭಿ ಮಂಸ್ತ ನಮೋ ಅಸ್ತ್ವ್ ಅಸ್ಮೈ || ೧೬,೧೦೪।೮

ಚತುರ್ ನಮೋ ಅಷ್ಟಕೃತ್ವೋ ಭವಾಯ
ದಶ ಕೃತ್ವಃ ಪಶುಪತೇ ನಮಸ್ ತೇ |
ತವೇಮೇ ಪಂಚ ಪಶವೋ ವಿಭಕ್ತಾ
ಗಾವೋ ಅಶ್ವಾಃ ಪುರುಷಾ ಆದ್ ಅಜಾವಯಃ || ೧೬,೧೦೪।೯

ತವ ಚತಸ್ರಃ ಪ್ರದಿಶಸ್ ತವ ದ್ಯೌಸ್
ತವೇದಂ ಉಗ್ರೋರ್ವ್ ಅಂತರಿಕ್ಷಂ |
ತವೇದಂ ಸರ್ವಂ ಆತ್ಮನ್ವದ್
ಯದ್ ಏಜದ್ ಅಧಿ ಭೂಮ್ಯಾಂ || ೧೬,೧೦೪।೧೦
(೧೦೪)

ಉರುಃ ಕೋಶೋ ವಸುಧಾನಸ್ ತವಾಯಂ
ಯಸ್ಮಿನ್ನ್ ಇಮಾ ವಿಶ್ವಾ ಭೂತಾನ್ಯ್ ಅಂತಃ |
ಸ ನೋ ಮೃಡ ಪಶುಪತೇ ನಮಸ್ ತೇ
ಪರಃ ಕ್ರೋಷ್ಟಾರೋ ಅಭಿಭಾಃ ಶ್ವಾನಃ |
ಪರೋ ಯಂತ್ವ್ ಅಘರುದೋ ವಿಕೇಶ್ಯಃ || ೧೬,೧೦೫।೧

ಧನುರ್ ಬಿಭರ್ಷಿ ಹರಿತಂ ಹಿರಣ್ಯಯಂ
ಸಹಸ್ರಘ್ನಿ ಶತವಧಂ ಶಿಖಂಡಿನ್ |
ರುದ್ರಸ್ಯೇಷುಶ್ ಚರತಿ ದೇವಹೇತಿಸ್
ತಸ್ಮೈ ನಮೋ ಯತಮಸ್ಯಾಂ ದಿಶೀತಃ || ೧೬,೧೦೫।೨

ಯೋ ಽಭಿಯಾತೋ ನಿಲಯತೇ
ತ್ವಾಂ ಉಗ್ರ ನಿಚಿಕೀರ್ಷತಿ |
ಪಶ್ಚಾದ್ ಅನುಪ್ರಯುಂಕ್ಷೇ
ತಂ ವಿದ್ಧಸ್ಯ ಪದನೀರ್ ಇವ || ೧೬,೧೦೫।೩

ಭವಾರುದ್ರೌ ಸಯುಜಾ ಸಂವಿದಾನಾವ್
ಉಭಾ ಉಗ್ರೌ ಚರತೋ ವೀರ್ಯಾಯ |
ತಯೋರ್ ಭೂಮಿರ್ ಅಂತರಿಕ್ಷಂ ಸ್ವರ್ ದ್ಯೌಸ್
ತಾಭ್ಯಾಂ ನಮೋ ಭವಮತ್ಯಾಯ ಕೃಣ್ಮಃ || ೧೬,೧೦೫।೪

ನಮಸ್ ತೇ ಅಸ್ತ್ವ್ ಆಯತೇ
ನಮೋ ಅಸ್ತು ಪರಾಯತೇ |
ನಮಸ್ ತೇ ರುದ್ರ ತಿಷ್ಠತ
ಆಸೀನಾಯೋತ ತೇ ನಮಃ || ೧೬,೧೦೫।೫

ನಮಃ ಸಾಯಂ ನಮಃ ಪ್ರಾತರ್
ನಮೋ ರಾತ್ರ್ಯಾ ನಮೋ ದಿವಾ |
ಭವಾಯ ಚ ಶರ್ವಾಯ ಚ-
-ಉಭಾಭ್ಯಾಂ ಅಕರಂ ನಮಃ || ೧೬,೧೦೫।೬

ಸಹಸ್ರಾಕ್ಷಂ ಅತಿಪಶ್ಯಂ ಪುರಸ್ತಾದ್
ರುದ್ರಂ ಅಸ್ಯಂತಂ ಬಹುಧಾ ವಿಪಶ್ಚಿತಂ |
ಮೋಪಾರಾಮ ಜಿಹ್ವಯೇಯಮಾನಂ || ೧೬,೧೦೫।೭

ಶ್ಯಾವಾಸ್ವಾಂ ಕೃಷ್ಣಂ ಅಸಿತಂ ಮೃಣಂತಂ
ಭೀಮಂ ರಥಂ ಕೇಶಿನಃ ಪಾದಯಂತಂ |
ಪೂರ್ವೇ ಪ್ರತೀಮೋ ನಮೋ ಅಸ್ತ್ವ್ ಅಸ್ಮೈ || ೧೬,೧೦೫।೮

ಮಾ ನೋ ಽಭಿ ಸ್ರಾ ಮತ್ಯಂ ದೇವಹೇತಿಂ
ಮಾ ನಃ ಕ್ರುಧಃ ಪಶುಪತೇ ನಮಸ್ ತೇ |
ಅನ್ಯತ್ರಾಸ್ಮದ್ ದಿವ್ಯಾಂ ಶಾಖಾಂ ವಿ ಧೂನು || ೧೬,೧೦೫।೯

ಮಾ ನೋ ಹಿಂಸೀರ್ ಅಧಿ ಬ್ರೂಹಿ
ಪರಿ ಣೋ ವೃಙ್ಧಿ ಮಾ ಕ್ರುಧ |
ಮಾ ತ್ವಯಾ ಸಂ ಅರಾಮಹಿ || ೧೬,೧೦೫।೧೦
(೧೦೫)

ಮಾ ನೋ ಅಶ್ವೇಷು ಗೋಷು ಪುರುಷೇಷು
ಮಾ ಗೃಧೋ ನೋ ಅಜಾವಿಷು |
ಅನ್ಯತ್ರೋಗ್ರ ವಿ ವರ್ತಯ
ಪಿಯಾರೂಣಾಂ ಪ್ರಜಾಂ ಜಹಿ || ೧೬,೧೦೬।೧

ಯಸ್ಯ ತಕ್ಮಾ ಕಾಸಿಕಾ ಹೇತಿರ್ ಏಕಾ-
-ಅಶ್ವಸ್ಯೇವ ವೃಷಣಃ ಕ್ರಂದ ಏತಿ |
ಅಭಿಪೂರ್ವಂ ನಿರ್ಣಯತೇ
ನಮೋ ಅಸ್ತ್ವ್ ಅಸ್ಮೈ || ೧೬,೧೦೬।೨

ಯಸ್ ತಿಷ್ಠತಿ ವಿಷ್ಟಭಿತೋ ಅಂತರಿಕ್ಷೇ
ಽಯಜ್ವನಃ ಪ್ರಮೃಣನ್ ದೇವಪೀಯೂನ್ |
ತಸ್ಮೈ ನಮೋ ದಶಭಿಃ ಶಕ್ವರೀಭಿಃ || ೧೬,೧೦೬।೩

ತುಭ್ಯಂ ಆರಣ್ಯಾಃ ಪಶವೋ
ಮೃಗಾ ವನೇ ಹಿತಾಸ್ ತುಭ್ಯಂ
ವಯಾಂಸಿ ಶಕುನಾಃ ಪತತ್ರಿಣಃ |
ತವ ಯಕ್ಷ್ಮಂ ಪಶುಪತೇ ಅಪ್ಸ್ವ್ ಅಂತಸ್
ತುಭ್ಯಂ ಕ್ಷರಂತಿ ದಿವ್ಯಾ ಆಪೋ ವೃಧೇ || ೧೬,೧೦೬।೪

ಶಿಂಶುಮಾರಾ ಅಜಗರಾಃ
ಪುಲೀಕಯಾ ಜಷಾ ಮತ್ಸ್ಯಾ
ರಜಸಾ ಯೇಭ್ಯೋ ಅಸ್ಯಸಿ |
ನ ತೇ ದೂರಂ ನ ಪರಿಷ್ಠ-
-ಅಸ್ತಿ ತೇ ಭವ ಸದ್ಯಃ
ಸರ್ವಾಂ ಪರಿ ಪಶ್ಯಸಿ ಭೂಮಿಂ || ೧೬,೧೦೬।೫

ಪೂರ್ವಸ್ಮಾದ್ ಧಂಸ್ಯ್ ಉತ್ತರಸ್ಮಿನ್ ಸಮುದ್ರೇ
ಮಾ ನೋ ರುದ್ರ ತಕ್ಮನಾ ನ ವಿಷೇಣ |
ಮಾ ನಃ ಸಂ ಸ್ರಾ ದಿವ್ಯೇನಾಗ್ನಿನಾ-
-ಅನ್ಯತ್ರಾಸ್ಮದ್ ವಿದ್ಯುತಾಂ ಪಾತಯೈತಾಂ || ೧೬,೧೦೬।೬

ಭವೋ ದಿವೋ ಭವ ಈಶೇ ಪೃಥಿವ್ಯಾ
ಭವ ಆ ಪಪ್ರ ಉರ್ವ್ ಅಂತರಿಕ್ಷಂ |
ತಸ್ಯ ನ ಪ್ರಾಪದ್ ದುಚ್ಛುನಾ ಕಾ ಚನೇಹ || ೧೬,೧೦೬।೭

ಭವ ರಾಜನ್ ಯಜಮಾನಾಯ ಮೃಡ
ಪಶೂನಾಂ ಹಿ ಪಶುಪತಿರ್ ಬಭೂಥ |
ಯಃ ಶ್ರದ್ದಧಾತಿ ಸಂತಿ ದೇವಾ ಇತಿ
ಚತುಷ್ಪದೇ ದ್ವಿಪದೇ ಅಸ್ಯ ಮೃಡ || ೧೬,೧೦೬।೮

ಮಾ ನೋ ಮಹಾಂತಂ ಉತ ಮಾ ನೋ ಅರ್ಭಕಂ
ಮಾ ನಃ ಕ್ಷಿಯಂತಂ ಉತ ಮಾ ನೋ ಅಕ್ಷಿತಃ |
ಮಾ ನೋ ಹಿಂಸೀಃ ಪಿತರಂ ಮೋತ ಮಾತರಂ
ಸ್ವಾಂ ತನ್ವಂ ರುದ್ರ ಮಾ ರೀರಿಷೋ ನಃ || ೧೬,೧೦೬।೯

ರುದ್ರಸ್ಯೈಲಬಕಾರೇಭ್ಯೋ
ಽಸಂಸೂಕ್ತಗಿರೇಭ್ಯಃ |
ಇದಂ ಮಹಾಸ್ಯೇಭ್ಯಃ ಶ್ವಭ್ಯೋ ಅಕರಂ ನಮಃ || ೧೬,೧೦೬।೧೦

ನಮಸ್ ತೇ ಘೋಷಿಣೀಭ್ಯೋ
ನಮಸ್ ತೇ ಕೇಶಿನೀಭ್ಯಃ |
ನಮಃ ಸಂಯತೀಭ್ಯೋ
ನಮೋ ನಮಸ್ವತೀಭ್ಯಃ || ೧೬,೧೦೬।೧೧
(೧೦೬)

ನಮಸ್ ತೇ ಜಾಯಮಾನಾಯೈ
ಜಾತಾಯಾ ಉತ ತೇ ನಮಃ |
ಬಾಲೇಭ್ಯಃ ಶಫೇಭ್ಯೋ
ರೂಪಾಯಾಘ್ನ್ಯೇ ತೇ ನಮಃ || ೧೬,೧೦೭।೧

ಯೋ ವಿದ್ಯಾತ್ ಸಪ್ತ ಪ್ರವತಃ
ಸಪ್ತ ವಿದ್ಯಾತ್ ಪರಾವತಃ |
ಶಿರೋ ಯಜ್ಞಸ್ಯ ಯೋ ವಿದ್ಯಾತ್
ಸ ವಶಾಂ ಪ್ರತಿ ಗೃಹ್ಣೀಯಾತ್ || ೧೬,೧೦೭।೨

ವೇದಾಹಂ ಸಪ್ತ ಪ್ರವತಃ
ಸಪ್ತ ವೇದ ಪರಾವತಃ |
ಶಿರೋ ಯಜ್ಞಸ್ಯಾಹಂ ವೇದ
ಸೋಮಂ ಚಾಸ್ಯಾಂ ವಿಚಕ್ಷಣಂ || ೧೬,೧೦೭।೩

ಯಯಾ ದ್ಯೌರ್ ಯಯಾ ಪೃಥಿವೀ
ಯಯಾಪೋ ಗುಪಿತಾ ಇಮಾಃ |
ವಶಾಂ ಸಹಸ್ರಧಾರಾಂ
ಬ್ರಹ್ಮಣಾಚ್ಛಾ ವದಾಮಸಿ || ೧೬,೧೦೭।೪

ಶತಂ ವತ್ಸಾಃ ಶತಂ ದೋಗ್ಧಾರಃ
ಶತಂ ಗೋಪ್ತಾರೋ ಅಧಿ ಪೃಷ್ಠೇ ಅಸ್ಯಾಃ |
ಯೇ ದೇವಾಸ್ ತಸ್ಯಾಂ ಪ್ರಾಣಂತಿ
ತೇ ವಶಾಂ ವಿದುರ್ ಏಕಧಾ || ೧೬,೧೦೭।೫

ಯಜ್ಞಪದೀರಾಕ್ಷೀರಾ
ಸ್ವಧಾಪ್ರಾಣಾ ಮಹೀಲುಕಾ |
ವಶಾ ಪರ್ಜನ್ಯಪತ್ನೀ
ದೇವಾಁ ಅಪ್ಯೇತಿ ಬ್ರಹ್ಮಣಾ || ೧೬,೧೦೭।೬

ಅನು ತ್ವಾಗ್ನಿಃ ಪ್ರಾವಿಶದ್
ಅನು ಸೋಮೋ ವಶೇ ತ್ವಾ |
ಊಧಸ್ ತೇ ಭದ್ರೇ ಪರ್ಜನ್ಯೋ
ವಿದ್ಯುತಸ್ ತೇ ಸ್ತನಾ ವಶೇ || ೧೬,೧೦೭।೭

ಅಪಸ್ ತ್ವಂ ಧುಕ್ಷೇ ಪ್ರಥಮಾ
ಉರ್ವರಾ ಅಪರಾ ವಶೇ |
ತೃತೀಯಂ ರಾಷ್ಟ್ರಂ ಧುಕ್ಷೇ
ಅನ್ನಂ ಕ್ಷೀರಂ ವಶೇ ತ್ವಂ || ೧೬,೧೦೭।೮

ಯದ್ ಆದಿತ್ಯೈರ್ ಹೂಯಮಾನಾ-
-ಉಪತಿಷ್ಠ ಋತಾವರಿ |
ಇಂದ್ರಃ ಸಹಸ್ರಂ ಪಾತ್ರೈಃ
ಸೋಮಂ ತ್ವಾಪಾಯಯದ್ ವಶೇ || ೧೬,೧೦೭।೯

ಯದ್ ಅನೂಚೀಂದ್ರಂ ಐರ್
ಆತ್ ತ್ವ ಋಷಭೋ ಽಹ್ವಯತ್ |
ತಸ್ಮಾತ್ ತೇ ವೃತ್ರಹಾ ಪಯಃ
ಕ್ಷೀರಂ ಕ್ರುದ್ಧೋ ಽಭರದ್ ವಶೇ || ೧೬,೧೦೭।೧೦
(೧೦೭)

ಯತ್ ತೇ ಕ್ರುದ್ಧೋ ಧನಪತಿಃ
ಕ್ಷೀರಂ ತೇ ಅಭರದ್ ವಶೇ |
ಇದಂ ತದ್ ಅದ್ಯ ನಾಕಸ್
ತ್ರಿಷು ಪಾತ್ರೇಷು ರಕ್ಷತಿ || ೧೬,೧೦೮।೧

ತ್ರಿಷು ಪಾತ್ರೇಷು ತಂ ಸೋಮಂ
ಆ ದೇವ್ಯ್ ಅಭರದ್ ವಶಾ |
ಅಥರ್ವಾ ಯತ್ರ ದೀಕ್ಷಿತೋ
ಬರ್ಹಿಷ್ಯ್ ಆಸ್ತ ಹಿರಣ್ಯಯೇ || ೧೬,೧೦೮।೨

ಸಂ ಹಿ ಸೋಮೇನಾಗತ
ಸಂ ಉ ಸರ್ವೇಣ ಪದ್ವತಾ |
ವಶಾ ಸಮುದ್ರೇ ಪ್ರಾನರ್ತೀದ್
ಋಚಃ ಸಾಮಾನಿ ಬಿಭ್ರತೀ || ೧೬,೧೦೮।೩

ಸಂ ಹಿ ಸೂರ್ಯೇಣಾಗತ
ಸಂ ಉ ಸರ್ವೇಣ ಚಕ್ಷುಷಾ |
ವಶಾ ಸಮುದ್ರಂ ಅತ್ಯ್ ಅಷ್ಠಾದ್
ಗಂಧರ್ವೈಃ ಕಲಿಭಿಃ ಸಹ || ೧೬,೧೦೮।೪

ಸಂ ಹಿ ವಾತೇನಾಗತ
ಸಂ ಉ ಸರ್ವೈಃ ಪತತ್ರಿಭಿಃ |
ವಶಾ ಸಮುದ್ರಂ ಅತ್ಯ್ ಅಖ್ಯದ್
ಭದ್ರಾ ಜ್ಯೋತೀಂಷಿ ಬಿಭ್ರತೀ || ೧೬,೧೦೮।೫

ತದ್ ಭದ್ರಾಃ ಸಂ ಅಗಚ್ಛಂತ
ವಶಾ ದೇಷ್ಟ್ರ್ಯ್ ಅಥೋ ಸ್ವಧಾ |
ಅಥರ್ವಾ ಯತ್ರ ದೀಕ್ಷಿತೋ
ಬರ್ಹಿಷ್ಯ್ ಆಸ್ತ ಹಿರಣ್ಯಯೇ || ೧೬,೧೦೮।೬

ಅಭೀವೃತಾ ಹಿರಣ್ಯೇನ
ಯದ್ ಅತಿಷ್ಠ ಋತಾವರಿ |
ಅಶ್ವಃ ಸಮುದ್ರೋ ಭೂತ್ವಾ-
-ಅಧ್ಯ್ ಅಸ್ಕಂದದ್ ವಶೇ ತ್ವಾ || ೧೬,೧೦೮।೭

ವಶಾ ಮಾತಾ ರಾಜನ್ಯಸ್ಯ
ವಶಾ ಮಾತಾ ಸ್ವಧೇ ತವ |
ವಶಾಯಾ ಜಜ್ಞ ಆಯುಧಂ
ತತಶ್ ಚಿತ್ತಂ ಅಜಾಯತ || ೧೬,೧೦೮।೮

ಊರ್ಧ್ವೋ ಬಿಂದುರ್ ಉದ್ ಅಚರದ್
ಬ್ರಹ್ಮಣಃ ಕಕುದಾದ್ ಅಧಿ |
ತತಸ್ ತ್ವಂ ಜಜ್ಞಿಷೇ ವಶೇ
ತತೋ ಹೋತಾ ಅಜಾಯತ || ೧೬,೧೦೮।೯

ಆಸ್ನಸ್ ತೇ ಗಾಥಾ ಭವಂತು-
-ಉಷ್ಣಿಹಾಭ್ಯೋ ಬಲಂ ತವ |
ಪಾಜಸ್ಯಾಜ್ ಜಜ್ಞೇ ತೇ ಯಜ್ಞ
ಸ್ತನೇಭ್ಯೋ ರಶ್ಮಯೋ ವಶೇ || ೧೬,೧೦೮।೧೦
(೧೦೮)

ಈರ್ಮಾಭ್ಯಾಂ ಅಯನಂ ಜಾತಂ
ಸಕ್ಥಿಭ್ಯಾಂ ಚ ವಶೇ ತವ |
ಆಂತ್ರೇಭ್ಯೋ ಅತ್ರಾ ಜಜ್ಞಿರ
ಉದರಾದ್ ಅಧಿ ವೀರುಧಃ || ೧೬,೧೦೯।೧

ಯದ್ ಉದರಂ ವರುಣಸ್ಯ-
-ಅನು ಪ್ರಾವಿಶಥಾ ವಶೇ |
ತತಸ್ ತ್ವಾ ಬ್ರಹ್ಮೋದಹ್ವಯತ್
ಸ ಹಿ ನೇತ್ರಂ ಅವೇತ್ ತವ || ೧೬,೧೦೯।೨

ಸರ್ವೇ ಗರ್ಭಾದ್ ಅವೇಪಂತ
ಜಾಯಮಾನಾದ್ ಅಸೂಸ್ವಃ |
ಸಸೂವ ಹಿ ತಾಂ ಆಹುರ್ ವಶೇತಿ
ಬ್ರಹ್ಮಣಾ ಕ್ಲ್̥ಪ್ತ ಉತ ಬಂಧುರ್ ಅಸ್ಯಾಃ || ೧೬,೧೦೯।೩

ಯುಧ ಏಕಃ ಸಂ ಸೃಜತಿ
ಯೋ ಅಸ್ಯಾ ಏಕ ಇದ್ ವಶೀ |
ತರಾಂಸಿ ಯಜ್ಞಾ ಅಭವನ್
ತರಸಾಂ ಚಕ್ಷುರ್ ಅಭವದ್ ವಶಾ || ೧೬,೧೦೯।೪

ವಶಾ ಸೂರ್ಯಂ ಪ್ರತ್ಯ್ ಅಗೃಹ್ಣಾದ್
ವಶಾ ಯಜ್ಞಂ ಅಧಾರಯತ್ |
ವಶಾಯಾಂ ಅಂತರ್ ಆವಿಶದ್
ಓದನೋ ಬ್ರಹ್ಮಣಾ ಸಹ || ೧೬,೧೦೯।೫

ವಶಾಂ ಏವಾಹುರ್ ಅಮೃತಂ
ವಶಾಂ ಮೃತ್ಯುಂ ಉಪಾಸತೇ |
ವಶೇದಂ ಸರ್ವಂ ಅಭವದ್ ದೇವಾ
ಮನುಷ್ಯಾ ಅಸುರಾಃ ಪಿತರ ಋಷಯಃ || ೧೬,೧೦೯।೬

ಯ ಏವಂ ವಿದ್ಯಾತ್ ಸ ವಶಾಂ ಪ್ರತಿ ಗೃಹ್ಣೀಯಾತ್ |
ತಥಾ ಹಿ ಯಜ್ಞಃ ಸರ್ವಪಾದ್
ದುಹೇ ದಾತ್ರೇ ಅನಪಸ್ಫುರನ್ || ೧೬,೧೦೯।೭

ತಿಸ್ರೋ ಜಿಹ್ವಾ ವರುಣಸ್ಯ-
-ಅಂತರ್ ದಿದ್ಯತ್ಯ್ ಆಸನಿ |
ತಾಸಾಂ ಯಾ ಮಧ್ಯೇ ರಾಜತಿ
ಸ ವಶಾ ದುಷ್ಪ್ರತಿಗ್ರಹಾ || ೧೬,೧೦೯।೮

ಚತುರ್ಧಾ ರೇತೋ ಅಭವದ್ ವಶಾಯಾ
ಅಪಸ್ ತುರೀಯಂ ಅಮೃತಂ ತುರೀಯಂ
ಯಜ್ಞಸ್ ತುರೀಯಂ ಪಶವಸ್ ತುರೀಯಂ |
ಯ ಏವಂ ವಿದ್ಯಾತ್ ಸ ವಶಾಂ ಪ್ರತಿ ಗೃಹ್ಣೀಯಾತ್ || ೧೬,೧೦೯।೯

ವಶಾ ದ್ಯೌರ್ ವಶಾ ಪೃಥಿವೀ
ವಶಾ ವಿಷ್ಣುಃ ಪ್ರಜಾಪತಿಃ |
ವಶಾಯಾ ದುಗ್ಧಂ ಅಪಿಬನ್
ಸಾಧ್ಯಾ ವಸವಶ್ ಚ ಯೇ || ೧೬,೧೦೯।೧೦
(೧೦೯)

ವಶಾಯಾ ದುಗ್ಧಂ ಪೀತ್ವಾ
ಸಾಧ್ಯಾ ವಸವಶ್ ಚ ಯೇ |
ಅಮೀ ಬ್ರಧ್ನಸ್ಯ ವಿಷ್ಟಪಿ
ಪಯೋ ಅಸ್ಯಾ ಉಪಾಸತೇ || ೧೬,೧೧೦।೧

ಸೋಮಂ ಏನಾಂ ಏಕೇ ದುಹ್ರೇ
ಘೃತಂ ಏಕ ಉಪಾಸತೇ |
ಯ ಏವಂ ವಿದುಷೇ ವಶಾಂ ದದುಸ್
ತೇ ಗತಾಸ್ ತ್ರಿದಿವಂ ದಿವಃ || ೧೬,೧೧೦।೨

ವಶಾಂ ದತ್ತ್ವಾ ಬ್ರಾಹ್ಮಣೇಭ್ಯಃ
ಸರ್ವಾಂಲ್ ಲೋಕಾನ್ ಸಂ ಅಶ್ನುತೇ |
ಋತಂ ಹ್ಯ್ ಅಸ್ಯಾಂ ಆಹಿತಂ
ಅಪಿ ಬ್ರಹ್ಮಾಥೋ ತಪಃ || ೧೬,೧೧೦।೩

ವಶಾಂ ದೇವಾ ಉಪ ಜೀವಂತಿ
ವಶಾಂ ಮನುಷ್ಯಾ ಉತ |
ವಶೇದಂ ಸರ್ವಂ ಅಭವದ್
ಯಾವತ್ ಸೂರ್ಯೋ ವಿಪಶ್ಯತಿ || ೧೬,೧೧೦।೪
(೧೧೦)

ಅನುವಾಕ ೧೭ ||
ಯೋ ವಾ ಏಕಂ ಬ್ರಹ್ಮಾನುಷ್ಠ್ಯಾ ವಿದ್ಯಾತ್ ಸ ವಾ ಅದ್ಯ ಮಹದ್ ವದೇತ್ ||
ಪರೂಂಷಿ ಯಸ್ಯ ಸಂಭಾರಾ
ಋಚೋ ಯಸ್ಯಾನೂಕ್ಯಂ || ೧೬,೧೧೧।೨

ಛಂದಾಂಸಿ ಯಸ್ಯ ಲೋಮಾನಿ
ಪರಿಸ್ತರಣಂ ಇದ್ ಧವಿರ್
ಯಜುರ್ ಹೃದಯಂ ಉಚ್ಯತೇ || ೧೬,೧೧೧।೩

ಯದ್ ಅತಿಥಿಪತಿರ್ ಅತಿಥೀನ್ ಪ್ರತಿಪಶ್ಯತಿ ದೇವಯಜನಂ ಪ್ರೇಕ್ಷತೇ || ೧೬,೧೧೧।೪

ಯದ್ ಅಭಿವದತಿ ದೀಕ್ಷಾಂ ಉಪೈತಿ
ಯದ್ ಉದಕಂ ಯಾಚತ್ಯ್ ಅಪಃ ಪ್ರ ಣಯತಿ |
ಯಾ ಯಜ್ಞಾ ಅಪಃ ಪ್ರಣೀಯಂತೇ ತಾ ಏವ ತಾಃ || ೧೬,೧೧೧।೫

ಯತ್ ತರ್ಪಣಂ ಆಹರಂತಿ ಯೋ ಽಗ್ನೀಷೋಮೀಯಃ ಪಶುರ್ ಬಧ್ಯತೇ ಸ ಏವ ಸಃ || ೧೬,೧೧೧।೬

ಯತ್ ಖಾತಂ ಆಹರಂತಿ ಪುರೋಡಾಶಾ ಏವ ತೌ
ಯದ್ ಆವಸಥಾನ್ ಕಲ್ಪಯಂತಿ ಸದೋಹವಿರ್ಧಾನಾನ್ಯ್ ಏವ ತತ್ ಕಲ್ಪಯಂತಿ || ೧೬,೧೧೧।೭

ಯದ್ ಉಪಸ್ತೃಣಂತಿ ಬರ್ಹಿರ್ ಏವ ತತ್ || ೧೬,೧೧೧।೮

ಯತ್ ಕಶಿಪೂಪಬರ್ಹಣಾನ್ಯ್ ಆಹರಂತಿ ಪರಿಧಯ ಏವ ತೇ |
ಯದ್ ಉಪರಿಶಯನಂ ಆಹರಂತಿ ಸ್ವರ್ಗಂ ಏವ ತೇನ ಲೋಕಂ ಅವ ರುಂಧೇ || ೧೬,೧೧೧।೯

ಯದ್ ಅಭ್ಯಂಜನಂ ಆಹರಂತ್ಯ್ ಆಜ್ಯಂ ಏವ ತತ್ |
ಯದ್ ಅಶನಕೃತಂ ಹ್ವಯಂತಿ ಹವಿಷ್ಕೃತಂ ಏವ ತದ್ ಉ ಹ್ವಯಂತಿ |
ಯದ್ ವ್ರೀಹಯೋ ಯದ್ ಯವಾ ನಿರುಪ್ಯಂತೇ ಅಂಶವ ಏವ ತೇ ನ್ಯ್ ಉಪ್ಯಂತೇ || ೧೬,೧೧೧।೧೦
(೧೧೧)

ಉಲೂಖಲಂ ಮುಸಲಂ ಗ್ರಾವಾಣೌ
ಶೂರ್ಪಂ ಪವಿತ್ರಂ ತೂಷಾ ಋಜೀಷಃ |
ಸ್ರುಗ್ ದರ್ವಿರ್ ಮೇಕ್ಷಣಂ ಆಯವನಂ
ಆಪೋ ಽಭಿಷವಣೀ ಯದ್ ದ್ರೋಣಕಲಶಃ ಕುಂಭೀ || ೧೬,೧೧೨।೧

ಇದಂ ಏವ ಕೃಷ್ಣಾಜಿನಂ ವಾಯವ್ಯಾನಿ ಪಾತ್ರಾಣಿ |
ಯಜಮಾನಂ ಬ್ರಾಹ್ಮಣಂ ವಾ ಏತದ್ ಅತಿಥಿಪತಿಃ ಕೃಣುತೇ
ಯದ್ ಆಹಾರ್ಯಾಣ್ಯ್ ಅವೇಕ್ಷತ ಇದಂ ಭೂಯಾ ಇದಾಂ ಇತಿ || ೧೬,೧೧೨।೨

ಯದ್ ಆಹ ಭೂಯ ಉದ್ಧರೇತಿ ಪ್ರಜಾಂ ಚೈವ ತೇನ ಪಶೂಂಶ್ ಚ ವರ್ಧಯತೇ
ಪ್ರಾಣಂ ಏವ ತೇನ ವರ್ಷೀಯಾಂಸಂ ಕೃಣುತೇ |
ಯತ್ ಸಂಪೃಚ್ಛತಿ ಕಾಮಂ ಏವ ತೇನಾವ ರುಂಧೇ
ಕಾಮಂ ಹಿ ಪೃಷ್ಟೋ ಯಾಚತಿ || ೧೬,೧೧೨।೩

ಯದ್ ಉದಕಂ ಅಭಿಷಿಂಚತ್ಯ್ ಅಪ ಏವ ತೇನಾವ ರುಂಧೇ |
ಯದ್ ಉಪಹರತಿ ಹವೀಂಷ್ಯ್ ಆ ಸಾದಯತಿ || ೧೬,೧೧೨।೪

ತೇಷಾಂ ಆಸನ್ನಾನಾಂ ಅತಿಥಿರ್ ಆತ್ಮನಿ ಜುಹೋತಿ |
ಸ್ರುಕ್ಕಾರೇಣ ವಷತ್ಕಾರೇಣ ಸ್ರುಚಾ ಹಸ್ತೇನ ಪ್ರಾಣೇ ಯೂಪೇ || ೧೬,೧೧೨।೫
(೧೧೨)

ತಸ್ಮಾನ್ ನ ದ್ವಿಷನ್ನ್ ಅದ್ಯಾನ್
ನ ದ್ವಿಷತೋ ಽನ್ನಂ ಅದ್ಯಾನ್
ನ ಮೀಮಾಂಸಿತಸ್ಯ ನ ಮೀಮಾಂಸ್ಯಮಾನಸ್ಯ || ೧೬,೧೧೩।೧

ಸರ್ವೋ ವಾ ಏಷೋ ಜಗ್ಧಪಾಪ್ಮಾ
ಯಸ್ಯಾನ್ನಂ ಅಶ್ನಂತಿ || ೧೬,೧೧೩।೨

ಸರ್ವ ಉ ಏಷೋ ಽಜಗ್ಧಪಾಪ್ಮಾ
ಯಸ್ಯಾನ್ನಂ ನಾಶ್ನಂತಿ || ೧೬,೧೧೩।೩

ಪ್ರಜಾಪತೇರ್ ವಾ ಏಷ ವಿಕ್ರಾಂತಂ ಅನುವಿಕ್ರಮೇ ಯ ಉಪಹರಂತಿ || ೧೬,೧೧೩।೪

ಪ್ರಜಾಪತ್ಯೋ ವಾ ಏತಸ್ಯೈವ ಯಜ್ಞೋ ವಿತತೋ ಯ ಉಪಹರತಿ || ೧೬,೧೧೩।೫

ಸರ್ವದಾ ವಾ ಏಷ ಸುತಸೋಮೋ ಯುಕ್ತಗ್ರಾವಾರ್ದ್ರಪವಿತ್ರ
ಆಹೃತಯಜ್ಞಕ್ರತುರ್ ವಿತತಾಧವರೋ ಯ ಉಪಹರತಿ || ೧೬,೧೧೩।೬

ಯೋ ಽತಿಥೀನಾಂ ಸ ಆಹವನೀಯೋ
ಯೋ ಽನ್ನಕರಣಃ ಸ ದಕ್ಷಿಣಾಗ್ನಿರ್
ಯೋ ವೇಶ್ಮನಿ ಸ ಗಾರ್ಹಪತ್ಯಃ || ೧೬,೧೧೩।೭

ಇಷ್ಟಂ ಚ ವಾ ಏಷ ಪೂರ್ತಂ ಚಾಶ್ನಾತಿ
ಯಃ ಪೂರ್ವೋ ಽತಿಥೇರ್ ಅಶ್ನಾತಿ || ೧೬,೧೧೩।೮

ಪ್ರಜಾಂ ಚ ವಾ ಏಷ ಪಶೂಂಶ್ ಚಾಶ್ನಾತಿ
(…) || ೧೬,೧೧೩।೯

ಊರ್ಜಂ ಚ ವಾ ಏಷ ಪಯಶ್ ಚ ಗೃಹಾಣಾಂ ಅಶ್ನಾತಿ
ಯಃ ಪೂರ್ವೋ ಽತಿಥೇರ್ ಅಶ್ನಾತಿ || ೧೬,೧೧೩।೧೦

ಏಷ ವಾ ಅತಿಥಿರ್ ಯಚ್ ಛ್ರೋತ್ರಿಯಃ || ೧೬,೧೧೩।೧೧

ತಸ್ಮಾತ್ ಪೂರ್ವೋ ನಾಶ್ನೀಯಾದ್ ಅಶಿತಾವತ್ಯ್ ಅಶ್ನೀಯಾತ್ ತದ್ ವ್ರತಂ || ೧೬,೧೧೩।೧೨

ಯಜ್ಞಸ್ಯಾವಿಚ್ಛೇದಾಯ ಯಜ್ಞಸ್ಯ ಗುಪ್ತಯೇ ಯಜ್ಞಸ್ಯ ಸಾತ್ಮತ್ವಾಯ || ೧೬,೧೧೩।೧೩
(೧೧೩)

ಯತ್ ಕ್ಷೀರಂ ಉಪಸಿಚ್ಯೋಪಹರತಿ
ಯಾವದ್ ಅಗ್ನಿಷ್ಟೋಮೇಅ ಸಮೃದ್ಧೇನೇಷ್ಟ್ವಾವರುಂಧೇ ತಾವದ್ ಏನೇನಾವ ರುಂಧೇ || ೧೬,೧೧೪।೧

ಯತ್ ಸರ್ಪಿರ್ ಉಪಸಿಚ್ಯೋಪಹರತಿ
ಯಾವತ್ ಸಾಹ್ನೇನ ಸಮೃದ್ಧೇನ (…) || ೧೬,೧೧೪।೨

ಯನ್ ಮಧೂಪಸಿಚ್ಯೋಪಹರತಿ
ಯಾವದ್ ಅತಿರಾತ್ರೇಣ ಸಮೃದ್ಧೇನ (…) || ೧೬,೧೧೪।೩

ಯನ್ ಮಾಂಸಂ ಉಪಸಿಚ್ಯೋಪಹರತಿ
ಯಾವದ್ ದ್ವಾದಶಾಹ್ನೇನ ಸಮೃದ್ಧೇನೇಷ್ಟ್ವಾವರುಂಧೇ ತಾವದ್ ಏನೇನಾವ ರುಂಧೇ || ೧೬,೧೧೪।೪

ಯದ್ ಉದಕಂ ಉಪಸಿಚ್ಯೋಪಹರತಿ
ಪ್ರಜಾನಾಂ ಪ್ರಜನನಾಯ ಜ್ಯೋಗ್ ಜೀವತಿ ಸರ್ವಂ ಆಯುರ್ ಏತಿ ನ ಪುನರ್ ಆ ಜರಸಃ ಪ್ರಮೀಯತೇ ಯ ಏವಂ ವೇದ || ೧೬,೧೧೪।೫
(೧೧೪)

ತಸ್ಮೈ ವಾತ ಉಷಾ ಹಿಙ್ ಕೃಣೋತಿ
ಸವಿತಾ ಭೂತ್ಯಾ ಪ್ರ ಸ್ತೌತಿ
ಬೃಹಸ್ಪತಿರ್ ಊರ್ಜಯೋದ್ಗಾಯತಿ ತ್ವಷ್ಟಾ ಪುಷ್ಟ್ಯಾ ಪ್ರತಿ ಹರತಿ ವಿಶ್ವೇ ದೇವಾ ನಿಧನಂ |
ನಿಧನಂ ಭೂತ್ಯಾಃ ಪ್ರಜಾಯಾಃ ಪಶೂನಾಂ ಭವತಿ ಯ ಏವಂ ವೇದ || ೧೬,೧೧೫।೧

ತಸ್ಮಾ ಉದ್ಯಂತ್ ಸೂರ್ಯೋ ಹಿಂಕೃಣೋತಿ
ಸಂಗವಃ ಪ್ರ ಸ್ತೌತಿ
ಮಧ್ಯಂದಿನ ಉದ್ಗಾಯತ್ಯ್ ಅಪರಾಹ್ಣಃ ಪ್ರತಿ ಹರತ್ಯ್ ಅಸ್ತಂಯನ್ ನಿಧನಂ |
(…) || ೧೬,೧೧೫।೨

ತಸ್ಮಾ ಅಭ್ರೋ ಭವನ್ ಹಿಙ್ ಕೃಣೋತಿ
ವಿದ್ಯೋತಮಾನಃ ಪ್ರ ಸ್ತೌತಿ
ಸ್ತನಯನ್ನ್ ಉದ್ಗಾಯತಿ ವರ್ಷನ್ ಪ್ರತಿ ಹರತ್ಯ್ ಉದ್ಗೃಹ್ಣನ್ ನಿಧನಂ |
(…) || ೧೬,೧೧೫।೩

ಅತಿಥೀನ್ ಪ್ರತಿ ಪಶ್ಯತಿ ಹಿಙ್ ಕೃಣೋತ್ಯ್
ಅಭಿ ವದತಿ ಪ್ರ ಸ್ತೌತ್ಯ್
ಉದಕಂ ಯಾಚತ್ಯ್ ಉದ್ಗಾಯತ್ಯ್ ಉಪ ಹರತಿ ಪ್ರತಿ ಹರತ್ಯ್ ಉಚ್ಛಿಷ್ಟಂ ನಿಧನಂ |
ನಿಧನಂ ಭೂತ್ಯಾಃ ಪ್ರಜಾಯಾಃ ಪಶೂನಾಂ ಭವತಿ ಯ ಏವಂ ವೇದ || ೧೬,೧೧೫।೪
(೧೧೫)

ಏತೇ ವೈ ಪ್ರಿಯಾಶ್ ಚಾಪ್ರಿಯಾಶ್ ಚ ರ್ತ್ವಿಜಃ
ಸ್ವರ್ಗಂ ಲೋಕಂ ಗಮಯಂತಿ ಯದ್ ಅತಿಥಯಃ || ೧೬,೧೧೬।೧

ಯತ್ ಕ್ಷತ್ತಾರಂ ಹ್ವಯತ್ಯ್ ಆ ಶ್ರಾವಯತಿ
ಯತ್ ಪ್ರತಿಶೃಣೋತಿ ಪ್ರತ್ಯ್ ಆ ಶ್ರಾವಯತಿ || ೧೬,೧೧೬।೨

ಯತ್ ಪರಿವೇಷ್ಟಾರ ಆವಸಥಾನ್ ಪ್ರಪದ್ಯಂತೇ
ಚಮಸಾಧ್ವರ್ಯವ ಏವ ತೇ
ತೇಷಾಂ ನೈಕಶ್ ಚನಾಹೋತಾ || ೧೬,೧೧೬।೩

ಯತ್ ಪ್ರಾತರ್ ಉಪಹರತಿ
ಪ್ರಾತಃಸವನಂ ಏವ ತತ್ || ೧೬,೧೧೬।೪

ಯದ್ ದೀವೋಪಹರತಿ
ಮಾಧ್ಯಂದಿನಂ ಏವ ತತ್ ಸವನಂ || ೧೬,೧೧೬।೫

ಯತ್ ಸಾಯಂ ಉಪಹರತಿ
ತೃತೀಯಸವನಂ ಏವ ತತ್ || ೧೬,೧೧೬।೬

ಯದ್ ಅತಿಥಿಪತಿರ್ ಅತಿಥೀನ್ ಪರಿವಿಷ್ಯಾಸನಂ ಯಾಚತೇ
ಅವಭೃಥಂ ಏವ ತದ್ ಉಪಾವೈತಿ || ೧೬,೧೧೬।೭

ಯತ್ ಸಭಾಗಯತಿ ದಕ್ಷಿಣಾಂ ಏವ ತತ್ ಸಭಾಗಯತಿ
ಯದ್ ಅನುತಿಷ್ಠತ್ಯ್ ಉದವಸ್ಯತ್ಯ್ ಏವ ತತ್ || ೧೬,೧೧೬।೮
(೧೧೬)

ಸ ಉಪಹೂತಃ ಪೃಥಿವ್ಯಾಂ ಭಕ್ಷಯತ್ಯ್
ಉಪಹೂತಸ್ ತಸ್ಮಿನ್ ಯತ್ ಪೃಥಿವ್ಯಾಂ ವಿಶ್ವರೂಪಂ |
ಪೃಥಿವ್ಯಾಂ ತಪತಿ ಪೃಥಿವ್ಯಾಂ ಆ ಭಾತಿ
ಸ್ವರ್ಗಲೋಕೋ ಭವತಿ ಯ ಏವಂ ವೇದ || ೧೬,೧೧೭।೧

ಸ ಉಪಹೂತೋ ಅಂತರಿಕ್ಷೇ ಭಕ್ಷಯತ್ಯ್
ಉಪಹೂತಸ್ ತಸ್ಮಿನ್ ಯದ್ ಅಂತರಿಕ್ಷೇ ವಿಶ್ವರೂಪಂ |
ಅಂತರಿಕ್ಷೇ ತಪತ್ಯ್ ಅಂತರಿಕ್ಷ ಆ ಭಾತಿ
(…) || ೧೬,೧೧೭।೨

ಸ ಉಪಹೂತೋ ದಿವಿ ಭಕ್ಷಯತ್ಯ್
ಉಪಹೂತಸ್ ತಸ್ಮಿನ್ ಯದ್ ದಿವಿ ವಿಶ್ವರೂಪಂ |
ದಿವಿ ತಪತಿ ದಿವ್ಯ್ ಆ ಭಾತಿ
(…) || ೧೬,೧೧೭।೩

ಸ ಉಪಹೂತೋ ದೇವೇಷು ಭಕ್ಷಯತ್ಯ್
ಉಪಹೂತಸ್ ತಸ್ಮಿನ್ ಯದ್ ದೇವೇಷು ವಿಶ್ವರೂಪಂ |
ದೇವೇಷು ತಪತಿ ದೇವೇಷ್ವ್ ಆ ಭಾತಿ
(…) || ೧೬,೧೧೭।೪

ಸ ಉಪಹೂತೋ ಲೋಕೇಷು ಭಕ್ಷಯತ್ಯ್
ಉಪಹೂತಸ್ ತಸ್ಮಿನ್ ಯಲ್ ಲೋಕೇಷು ವಿಶ್ವರೂಪಂ |
ಲೋಕೇಷು ತಪತಿ ಲೋಕೇಷ್ವ್ ಆ ಭಾತಿ
ಸ್ವರ್ಗಲೋಕೋ ಭವತಿ ಯ ಏವಂ ವೇದ || ೧೬,೧೧೭।೫
(೧೧೭)

ಯತ್ ಪ್ರಾಙ್ ಆಸೀನೋ ವಿರ್ವಪತಿ
ಯಜ್ಞಾಯ ಚ ದೇವೇಭ್ಯಶ್ ಚಾ ವೃಶ್ಚತೇ || ೧೬,೧೧೮।೧

ಯದ್ ದಕ್ಷಿಣಾಸೀನೋ ನಿರ್ವಪತಿ
ಯಮಾಯ ಚ ಪಿತೃಭ್ಯಶ್ ಚಾ ವೃಶ್ಚತೇ || ೧೬,೧೧೮।೨

ಯತ್ ಪ್ರತ್ಯಙ್ ಆಸೀನೋ ನಿರ್ವಪತಿ
ವರುಣಾಯಾಪ್ಸುಷದ ಆ ವೃಶ್ಚತೇ || ೧೬,೧೧೮।೩

ಯದ್ ಉದಙ್ ಆಸೀನೋ ನಿರ್ವಪತಿ
ಸೋಮಾಯ ಚ ರಾಜ್ಞೇ ಸಪ್ತಋಷಿಭ್ಯಶ್ ಚಾವೃಶ್ಚತೇ || ೧೬,೧೧೮।೪

ಯದ್ ಉಪಸ್ಥಂ ಕೃತ್ವಾಸೀನೋ ನಿರ್ವಪತಿ
ವಾಯವೇ ಚಾಂತರಿಕ್ಷಾಯ ಚಾ ವೃಶ್ಚತೇ || ೧೬,೧೧೮।೫

ಯದ್ ಊರ್ಧ್ವಸ್ ತಿಷ್ಠನ್ ನಿರ್ವಪತಿ
ದಿವೇ ಚಾದಿತ್ಯಾಯ ಚಾವೃಶ್ಚತೇ || ೧೬,೧೧೮।೬
(೧೧೮)

ಯಂ ಕಾಮಯೇತ ಪಾಪೀಯಾನ್ ಆತ್ಮನಾ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ ಸ್ಯಾದ್ ಇತಿ |
ತಸ್ಯೈವಂ ನಿರ್ ವಪೇತ್
ತಸ್ಯೈವಂ ನಿರುಪ್ಯೈವಂ ಏವಾನು ನಿರ್ವಪೇತ್ |
ತದೈವ ಸ ಪಾಪೀಯಾನ್ ಆತ್ಮನಾ ಪಶುಭಿರ್ ಗೃಹೈರ್ ಧನೇನ ಭವತಿ-
ಇದಮಿದಂ ಕುರ್ಯಾತ್ ಸಾ ಪ್ರಾಯಶ್ಚೀತಿಃ || ೧೬,೧೧೯।೧

ಯಂ ಕಾಮಯೇತ ನ ವಸೀಯಾನ್ ನ ಶ್ರೇಯಾನ್ ಆತ್ಮನಾ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ ಸ್ಯಾದ್ ಇತಿ |
ತಸ್ಯೈವಂ ನಿರ್ ವಪೇತ್
ತಸ್ಯೈವಂ ನಿರುಪಯೈವಂ ಏವಾನು ನಿರ್ವಪೇತ್ |
ತದೈವ ಸ ನ ವಸೀಯಾನ್ ನ ಶ್ರೇಯಾನ್ ಆತ್ಮನಾ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ ಭವತಿ-
ಇದಮಿದಂ ಕುರ್ಯಾತ್ ಸ ಪ್ರಾಯಶ್ಚಿತ್ತಿಃ || ೧೬,೧೧೯।೨

ಯಂ ಕಾಮಯೇತ ವಸೀಯಾಞ್ ಛ್ರೇಯಾನ್ ಆತ್ಮನಾ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ ಸ್ಯಾದ್ ಇತಿ |
ತಸ್ಯೈವಂ ನಿರ್ ವಪೇತ್
ತಸ್ಯೈವಂ ನಿರುಪ್ಯೈವಂ ಏವಾನು ನಿರ್ವಪೇತ್ |
ತದೈವ ಸ ವಸೀಯಾಞ್ ಛ್ರೇಯಾನ್ ಆತ್ಮನಾ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ ಭವತಿ-
ಇದಮಿದಂ ಕುರ್ಯಾತ್ ಸಾ ಪ್ರಾಯಶ್ಚಿತ್ತಿಃ || ೧೬,೧೧೯।೩
(೧೧೯)

ಯದ್ ಅವಹನ್ಯಮಾನಸ್ಯ ತಂಡುಲ ಸ್ಕಂದತಿ
ಸಮಾಂಸಮಾಮಸ್ಯ ವರಃ ಪ್ರಮಾಯುಕೋ ಭವತಿ || ೧೬,೧೨೦।೧

ಯದ್ ಅಯಸ್ತಾ ಭವತಿ
ಪಿತೃದೇವತ್ಯಂ ಕರೋತಿ || ೧೬,೧೨೦।೨

ಯದ್ ವಿಷ್ಯಂದತೇ
ಗೃಹಾಣಾಂ ಚ ಪಶೂನಾಂ ಚ ಪಯೋ ವಿ ಷ್ಯಂದತೇ || ೧೬,೧೨೦।೩

ಯದ್ ಅಪಸಿಂಚತಿ
ಗೃಹಾಣಾಂ ಚ ಪಶೂನಾಂ ಚ ಪಯೋ ಽಪ ಸಿಂಚತಿ || ೧೬,೧೨೦।೪

ಯದ್ ಆಯವನೀ ಶೀರ್ಯತೇ
ಗೃಹಪತಿರ್ ಮ್ರಿಯತೇ || ೧೬,೧೨೦।೫

ಯದ್ ದರ್ವಿಃ ಶೀರ್ಯತೇ
ಗೃಹಪತ್ನೀ ಮ್ರಿಯತೇ || ೧೬,೧೨೦।೬

ಯತ್ ಕುಂಭೀ ವಿಕಸತಿ
ಸರ್ವಜ್ಯಾನಿರ್ ದಾತಾ ಚ ಪ್ರತಿಗೃಹೀತಾ ಚ ಜೀಯೇತೇ || ೧೬,೧೨೦।೭
(೧೨೦)

ಯತ್ ಪ್ರಾಂಚಂ ಉದ್ವರ್ತಯತಿ
ಯಜ್ಞಾಯ ಚ ದೇವೇಭ್ಯಶ್ ಚಾ ವೃಶ್ಚತೇ || ೧೬,೧೨೧।೧

ಯದ್ ದಕ್ಷಿಣಾಂಚಂ ಉದ್ವರ್ತಯತಿ
ಯಮಾಯ ಚ ಪಿತೃಭ್ಯಶ್ ಚಾ ವೃಶ್ಚತೇ || ೧೬,೧೨೧।೨

ಯತ್ ಪ್ರತ್ಯಂಚಂ ಉದ್ವರ್ತಯತಿ
ವರುಣಾಯಾಪ್ಸುಷದ ಆ ವೃಶ್ಚತೇ || ೧೬,೧೨೧।೩

ಯದ್ ಉದಂಚಂ ಉದ್ವರ್ತಯತಿ
ಸೋಮಾಯ ಚ ರಾಜ್ಞೇ ಸಪ್ತಋಷಿಭ್ಯಶ್ ಚಾ ವೃಶ್ಚತೇ || ೧೬,೧೨೧।೪

ಯದ್ ಅನುವೃತ್ತಂ ಉದ್ಧರತಿ
ದಿಶೋದಿಶ ಏವೈನಂ ಭಯಂ ಆ ಗಚ್ಛತಿ || ೧೬,೧೨೧।೫
(೧೨೧)

ಯತ್ ಪ್ರಾಚೀನಂ ಬರ್ಹಿ ಸ್ತೃಣಾತಿ
ಯಜ್ಞಾಯ ಚ ದೇವೇಭ್ಯಶ್ ಚಾ ವೃಶ್ಚತೇ || ೧೬,೧೨೨।೧

ಯದ್ ದಕ್ಷಿಣಾಚೀನಂ ಬರ್ಹಿ ಸ್ತೃಣಾತಿ
ಯಮಾಯ ಚ ಪಿತೃಭ್ಯಶ್ ಚಾ ವೃಶ್ಚತೇ || ೧೬,೧೨೨।೨

ಯತ್ ಪ್ರತೀಚೀನಂ ಬರ್ಹಿ ಸ್ತೃಣಾತ್ಯ್
ಅಕೃತಪೂರ್ವಂ ಕರೋತಿ || ೧೬,೧೨೨।೩

ಯದ್ ಉದೀಚೀನಂ ಬರ್ಹಿ ಸ್ತೃಣಾತಿ
ಸೋಮಾಯ ಚ ರಾಜ್ಞೇ ಸಪ್ತಋಷಿಭ್ಯಶ್ ಚಾ ವೃಶ್ಚತೇ || ೧೬,೧೨೨।೪
(೧೨೨)

ಯತ್ ಪುರಸ್ತಾತ್ ಪಾತ್ರಸ್ಯ ತ್ಸರುಂ ಕರೋತ್ಯ್
ಅರ್ಶಃ ಪ್ರತಿಗ್ರಹೀತುರ್ ಮುಖೇ ಜಾಯತೇ || ೧೬,೧೨೩।೧

ಯದ್ ದಕ್ಷಿಣತಃ ಪಾತ್ರಸ್ಯ ತ್ಸರುಂ ಕರೋತಿ
ಯಮಾಯ ಚ ಪಿತೃಭ್ಯಶ್ ಚಾ ವೃಶ್ಚತೇ || ೧೬,೧೨೩।೨

ಯತ್ ಪಶ್ಚಾತ್ ಪಾತ್ರಸ್ಯ ತ್ಸರುಂ ಕರೋತಿ
ಪ್ರತೀಚೀ ಪ್ರತಿಗ್ರಹೀತಾರಂ ಶರವ್ಯ ರ್ಚ್ಛತಿ || ೧೬,೧೨೩।೩

ಯದ್ ಉತ್ತರತಃ ಪಾತ್ರಸ್ಯ ತ್ಸರುಂ ಕರೋತಿ
ಸೋಮಾಯ ಚ ರಾಜ್ಞೇ ಸಪ್ತಋಷಿಭ್ಯಶ್ ಚಾ ವೃಶ್ಚತೇ || ೧೬,೧೨೩।೪
(೧೨೩)

ಯಚ್ ಛುಕ್ರೋ ಭವತ್ಯ್
ಆದಿತ್ಯಾನಾಂ ಏವ ಪ್ರಿಯಂ ಧಾಮೋಪೈತಿ |
ಸ ಯಃ ಶುಕ್ರಂ ಪ್ರಾಶ್ನೀಯಾದ್
ಆದಿತ್ಯಾನಾಂ ತ್ವಾ ಪ್ರಿಯೇಣ ಧಾಮ್ನಾ ಪ್ರಾಶ್ನಾಮೀತ್ಯ್ ಏನಂ ಪ್ರಾಶ್ನೀಯಾತ್ |
ತತಶ್ ಚೈನಂ ಅನ್ಯೇನ ಧಾಮ್ನಾ ಪ್ರಾಶ್ನಾತ್ಯ್
ಆದಿತ್ಯೇಭ್ಯಶ್ ಚಾ ವೃಶ್ಚತೇ || ೧೬,೧೨೪।೧

ಯತ್ ಫಲೀಕೃತೋ ಭವತಿ
ವಿಶ್ವೇಷಾಂ ಏವ ದೇವಾನಾಂ ಪ್ರಿಯಂ (…) |
ಸ ಯಃ ಫಲೀಕೃತಂ ಪ್ರಾಶ್ನೀಯಾದ್
ವಿಶ್ವೇಷಾಂ ತ್ವಾ ದೇವಾನಾಂ ಪ್ರಿಯೇಣ ಧಾಮ್ನಾ (…) |
(…) ಪ್ರಾಶ್ನಾತಿ
ವಿಶ್ವೇಭ್ಯೋ ದೇವೇಭ್ಯಶ್ ಚಾ ವೃಶ್ಚತೇ || ೧೬,೧೨೪।೨

ಯದ್ ಅಫಲೀಕೃತೋ ಭವತಿ
ಮರುತಾಂ ಏವ ಪ್ರಿಯಂ (…) |
ಸ ಯೋ ಽಫಲೀಕೃತಂ ಪ್ರಾಶ್ನೀಯಾನ್
ಮರುತಾಂ ತ್ವಾ ಪ್ರಿಯೇಣ (…) |
(…) ಪ್ರಾಶ್ನಾತಿ
ಮರುದ್ಭ್ಯಶ್ ಚಾ ವೃಶ್ಚತೇ || ೧೬,೧೨೪।೩

ಯದ್ ಅವಕ್ಷಾಮೋ ಭವತ್ಯ್
ಅಗ್ನೇರ್ ಏವ (…) |
ಸ ಯೋ ಽವಕ್ಷಾಮಂ ಪ್ರಾಶ್ನೀಯಾದ್
ಅಗ್ನೇಸ್ ತ್ವಾ ಪ್ರಿಯೇಣ (…) |
(…) ಪ್ರಾಶ್ನಾತ್ಯ್
ಅಗ್ನಯೇ ಚಾ ವೃಶ್ಚತೇ || ೧೬,೧೨೪।೪

ಯದ್ ಅನವಕ್ಷಾಮೋ ಭವತಿ
ಮಿತ್ರಾವರುಣಯೋರ್ ಏವ (…) |
ಸ ಯೋ ಽನವಕ್ಷಾಮಂ ಪ್ರಾಶ್ನೀಯಾನ್
ಮಿತ್ರಾವರುಣಯೋಸ್ ತ್ವಾ ಪ್ರಿಯೇಣ (…) |
(…) ಪ್ರಾಶ್ನಾತಿ
ಮಿತ್ರಾವರುಣಾಭ್ಯಾಂ ಚಾ ವೃಶ್ಚತೇ || ೧೬,೧೨೪।೫

ಯದ್ ಅಕ್ಲಿನ್ನೋ ಭವತಿ-
-ಇಂದ್ರಸ್ಯೈವ (…) |
ಸ ಯೋ ಽಕ್ಲಿನ್ನಂ ಪ್ರಾಶ್ನೀಯಾದ್
ಇಂದ್ರಸ್ಯ ತ್ವಾ (…) |
(…) ಪ್ರಾಶ್ನಾತಿ-
-ಇಂದ್ರಾಯ ಚಾ ವೃಶ್ಚತೇ || ೧೬,೧೨೪।೬

ಯತ್ ಕ್ಲಿನ್ನೋ ಭವತಿ
ಪಿತೃ̄ಣಾಂ ಏವ (…) |
ಸ ಯಃ ಕ್ಲಿನ್ನಂ ಪ್ರಾಶ್ನೀಯಾತ್
ಪಿತೃ̄ಣಾಂ ತ್ವಾ (…) |
(…) ಪ್ರಾಶ್ನಾತಿ
ಪಿತೃಭ್ಯಶ್ ಚಾ ವೃಶ್ಚತೇ || ೧೬,೧೨೪।೭

ಯತ್ ಕ್ಷುದ್ರೋ ಭವತ್ಯ್
ಅಪಾಂ ಏವ (…) |
ಸ ಯಃ ಕ್ಷುದ್ರಂ ಪ್ರಾಶ್ನೀಯಾದ್
ಅಪಾಂ ತ್ವಾ ಪ್ರಿಯೇಣ (…) |
(…) ಪ್ರಾಶ್ನಾತ್ಯ್
ಅದ್ಭ್ಯಶ್ ಚಾ ವೃಶ್ಚತೇ || ೧೬,೧೨೪।೮

ಯಚ್ ಛಿಥಿರೋ ಭವತಿ
ದಿಶಾಂ ಏವ (…) |
ಸ ಯಃ ಶಿಥಿರಂ ಪ್ರಾಶ್ನೀಯಾದ್
ದಿಶಾಂ ತ್ವಾ (…) | [ಸೇಏ ೧ದ್
(…) ಪ್ರಾಶ್ನಾತಿ
ದಿಗ್ಭ್ಯಶ್ ಚಾ ವೃಶ್ಚತೇ || ೧೬,೧೨೪।೯

ಯದ್ ಗುಲಂತೀ ಭವತಿ
ಪ್ರಜಾಪತೇರ್ ಏವ (…) |
ಸ ಯೋ ಗುಲಂತಿನಂ ಪ್ರಾಶ್ನೀಯಾತ್
ಪ್ರಜಾಪತೇಷ್ ಟ್ವಾ (…) |
(…) ಪ್ರಾಶ್ನಾತಿ
ಪ್ರಜಾಪತಯೇ ಚಾ ವೃಶ್ಚತೇ || ೧೬,೧೨೪।೧೦

ಯಚ್ ಛುಷ್ಕೋ ಭವತ್ಯ್
ಊರ್ಧ್ವನಭಸ ಏವ ಪ್ರಿಯಂ ಧಾಮೋಪೈತಿ |
ಸ ಯಃ ಶುಷ್ಕಂ ಪ್ರಾಶ್ನೀಯಾದ್
ಊರ್ಧ್ವನಭಸಸ್ ತ್ವಾ ಪ್ರಿಯೇಣ ಧಾಮ್ನಾ ಪ್ರಾಶ್ನಾಮೀತ್ಯ್ ಏನಂ ಪ್ರಾಶ್ನೀಯಾತ್ |
ತತಶ್ ಚೈನಂ ಅನ್ಯೇನ ಧಾಮ್ನಾ ಪ್ರಾಶ್ನಾತ್ಯ್
ಊರ್ಧ್ವನಭಸೇ ಚಾ ವೃಶ್ಚತೇ || ೧೬,೧೨೪।೧೧
(೧೨೪)

ಯತ್ ಕ್ಷೀರಂ ಉಪಸಿಚ್ಯ ಪ್ರಥಮಂ ಪ್ರಾಶ್ನಾತಿ ಕಿಲಾಸಃ
ಪ್ರತಿಗ್ರಹೀತಾ ಭವತಿ || ೧೬,೧೨೫।೧

ಯತ್ ಸರ್ಪಿರ್ ಉಪಸಿಚ್ಯ ಪ್ರಥಮಂ ಪ್ರಾಶ್ನಾತಿ ಸರ್ಪಃ
ಪ್ರತಿಗ್ರಹೀತಾರಂ ಹಂತಿ || ೧೬,೧೨೫।೨

ಯನ್ ಮಧೂಪಸಿಚ್ಯ ಪ್ರಥಮಂ ಪ್ರಾಶ್ನಾತಿ ಮಹಾದೇವಃ
ಪ್ರತಿಗ್ರಹೀತಾರಂ ಹಂತಿ || ೧೬,೧೨೫।೩

ಯನ್ ಮಾಂಸಂ ಉಪಸಿಚ್ಯ ಪ್ರಥಮಂ ಪ್ರಾಶ್ನಾತೀಶಾನಃ
ಪ್ರತಿಗ್ರಹೀತಾರಂ ಹಂತಿ || ೧೬,೧೨೫।೪

ಯದ್ ಉದಕಂ ಉಪಸಿಚ್ಯ ಪ್ರಥಮಂ ಪ್ರಾಶ್ನಾತಿ ತತ್ ಸಮೃದ್ಧಂ |
ಜ್ಯೋಗ್ ಜೀವತಿ ಸರ್ವಂ ಆಯುರ್ ಏತಿ ನ ಪುರಾ ಜರಸಃ ಪ್ರಮೀಯತೇ ಯ ಏವಂ ವೇದ || ೧೬,೧೨೫।೫
(೧೨೫)

ಯತ್ ಪ್ರಾಶಿಷ್ಯನ್ ಪುರಸ್ತಾದ್ ಅತಿಮೃಶತಿ |
ಪ್ರಾಙ್ ಪ್ರತಿಗ್ರಹೀತುಃ ಪ್ರಾಣಃ ಪ್ರ ಕ್ರಾಮತಿ
ತತ ಏವೋತ್ಥಾಯ ಪ್ರ ವ್ರಜತಿ
ಶಿರಸ್ ತಸ್ಯ ರುಜತೀತಿ ದ್ವಾದಶೀನ್ ನಾತಿ ಜೀವತ್ಯ್
ಏವಂ ಚೈನಂ ಪ್ರಾಶ್ನಂತಂ ಉಪದ್ರಷ್ಟಾ ಗೃಹ್ಣಾತಿ || ೧೬,೧೨೬।೧

ಯತ್ ಪ್ರಾಶಿಷ್ಯನ್ ದಕ್ಷಿಣತಃ ಪ್ರಮೃಶತಿ |
ದಕ್ಷಿಣಾ ಪ್ರತಿಗ್ರಹೀತುಃ (…) || ೧೬,೧೨೬।೨

ಯತ್ ಪ್ರಾಶಿಷ್ಯನ್ನ್ ಉತ್ತರತಃ ಪರಿಮೃಶತ್ಯ್
ಉದಙ್ ಪ್ರತಿಗ್ರಹೀತುಃ ಪ್ರಾಣಃ ಪ್ರ ಕ್ರಾಮತಿ
ತತ ಏವೋತ್ಥಾಯ ಪ್ರ ವ್ರಜತಿ
ಶಿರಸ್ ತಸ್ಯ ರುಜತೀತಿ ದ್ವಾದಶೀನ್ ನಾತಿ ಜೀವತ್ಯ್
ಏವಂ ಚೈನಂ ಪ್ರಾಶ್ನಂತಂ ಉಪದ್ರಷ್ಟಾ ಗೃಹ್ಣಾತಿ || ೧೬,೧೨೬।೩

ಯತ್ ಪ್ರಾಶಿಷ್ಯನ್ ಪಶ್ಚಾತ್ ಪ್ರಾಂಚಂ ಅಭಿಮೃಶತಿ |
ಶರ್ಮಣಾ ಚೈವೈನಂ ತದ್ ವರ್ಮಣಾ ಚಾಭಿ ಮೃಶತಿ
ಶರ್ಮ ಚೈವಾಸ್ಮೈ ವರ್ಮ ಚ ಭವತಿ
ಜಯತ್ಯ್ ಓದನಂ ಓದನಲೋಕೋ ಭವತಿ ಯ ಏವಂ ವೇದ || ೧೬,೧೨೬।೪
(೧೨೬)

ಅನುವಾಕ ೧೮ ||

ಇಂದ್ರಸ್ಯೌಜ ಸ್ಥೇಂದ್ರಸ್ಯ ಸಹ ಸ್ಥೇಂದ್ರಸ್ಯ ಬಲಂ ಸ್ಥ-
-ಇಂದ್ರಸ್ಯ ನೃಮ್ಣಂ ಸ್ಥೇಂದ್ರಸ್ಯ ಶುಕ್ರಂ ಸ್ಥೇಂದ್ರಸ್ಯ ವೀರ್ಯಂ ಸ್ಥ |
ಜಿಷ್ಣವೇ ಯೋಗಾಯೇಂದ್ರಯೋಗೈರ್ ವೋ ಯುನಜ್ಮಿ
ಜಿಷ್ಣವೇ ಯೋಗಾಯ ವಿಶ್ವಾನಿ ಮಾ ರೂಪಾಣ್ಯ್ ಉಪ ತಿಷ್ಠಂತು
ಯುಕ್ತಾ ಮ ಆಪ ಸ್ಥ || ೧೬,೧೨೭।೧

(…)
(…) ಯೋಗಾಯ ಕ್ಷತ್ರಯೋಗೈರ್ ವಃ (…) || ೧೬,೧೨೭।೨

(…)
(…) ಯೋಗಾಯ ಬ್ರಹ್ಮಯೋಗೈರ್ ವಃ (…) || ೧೬,೧೨೭।೩

(…)
(…) ಯೋಗಾಯಾನ್ನಯೋಗೈರ್ ವಃ (…) || ೧೬,೧೨೭।೪

ಇಂದ್ರಸ್ಯೌಜ ಸ್ಥೇಂದ್ರಸ್ಯ ಸಹ ಸ್ಥೇಂದ್ರಸ್ಯ ಬಲಂ ಸ್ಥ-
-ಇಂದ್ರಸ್ಯ ನೃಮ್ಣಂ ಸ್ಥೇಂದ್ರಸ್ಯ ಶುಕ್ರಂ ಸ್ಥೇಂದ್ರಸ್ಯ ವೀರ್ಯಂ ಸ್ಥ |
ಜಿಷ್ಣವೇ ಯೋಗಾಯಾಪಾಂ ಯೋಗೈರ್ ವೋ ಯುನಜ್ಮಿ
ಜಿಷ್ಣವೇ ಯೋಗಾಯ ವಿಶ್ವಾನಿ ಮಾ ರೂಪಾಣ್ಯ್ ಉಪ ತಿಷ್ಠಂತು
ಯುಕ್ತಾ ಮ ಆಪ ಸ್ಥ || ೧೬,೧೨೭।೫
(೧೨೭)

ಅಗ್ನೇರ್ ಭಾಗ ಸ್ಥ |
ಅಪಾಂ ಶುಕ್ರಂ ದೇವೀರ್ ಆಪೋ ವರ್ಚೋ ಅಸ್ಮಾಸು ಧತ್ತ |
ಪ್ರಜಾಪತೇರ್ ವೋ ಧಾಮ್ನಾಸ್ಮೈ ಲೋಕಾಯ ಸಾದಯೇ || ೧೬,೧೨೮।೧

ಇಂದ್ರಸ್ಯ ಭಾಗ ಸ್ಥ |
(…) || ೧೬,೧೨೮।೨

ಸೋಮಸ್ಯ ಭಾಗ ಸ್ಥ |
(…) || ೧೬,೧೨೮।೩

ವರುಣಸ್ಯ ಭಾಗ ಸ್ಥ |
(…) || ೧೬,೧೨೮।೪

ಯಮಸ್ಯ ಭಾಗ ಸ್ಥ |
(…) || ೧೬,೧೨೮।೫

ಪಿತೃ̄ಣಾಂ ಭಾಗ ಸ್ಥ |
(…) || ೧೬,೧೨೮।೬

ಬೃಹಸ್ಪತೇರ್ ಭಾಗ ಸ್ಥ |
(…) || ೧೬,೧೨೮।೭

ಪ್ರಜಾಪತೇರ್ ಭಾಗ ಸ್ಥ |
(…) || ೧೬,೧೨೮।೮

ದೇವಸ್ಯ ಸವಿತುರ್ ಭಾಗ ಸ್ಥ |
ಅಪಾಂ ಶುಕ್ರಂ ದೇವೀರ್ ಆಪೋ ವರ್ಚೋ ಅಸ್ಮಾಸು ಧತ್ತ |
ಪ್ರಜಾಪತೇರ್ ವೋ ಧಾಮ್ನಾಸ್ಮೈ ಲೋಕಾಯ ಸಾದಯೇ || ೧೬,೧೨೮।೯
(೧೨೮)

ಯೋ ವ ಆಪೋ ಅಪಾಂ ಭಾಗೋ ಽಪ್ಸ್ವ್ ಅಂತರ್ ಯಜುಷ್ಯೋ ದೇವಯಜನಃ |
ಇದಂ ತಂ ಅತಿ ಸೃಜಾಮಿ ತಂ ಮಾಭ್ಯ್ ಅವ ನಿಕ್ಷಿ |
ತೇನ ತಂ ಅಭ್ಯ್ ಅತಿ ಸೃಜಾಮಿ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ |
ತಂ ವಧೇಯಂ ತಂ ಸ್ತೃಷೀಯಾನೇನ ಬ್ರಹ್ಮಣಾನೇನ ಕರ್ಮಣಾನಯಾ ಮೇನ್ಯಾ || ೧೬,೧೨೯।೧

(…) ಅಪಾಂ ಊರ್ಮಿರ್ ಅಪ್ಸ್ವ್ ಅಂತರ್ ಯಜುಷ್ಯಃ (…) || ೧೬,೧೨೯।೨

(…) ಅಪಾಂ ವೇಗಃ (…) || ೧೬,೧೨೯।೩

(…) ಅಪಾಂ ಬಿಂದುಃ (…) || ೧೬,೧೨೯।೪

(…) ಅಪಾಂ ಗರ್ಭಃ (…) || ೧೬,೧೨೯।೫

(…) ಅಪಾಂ ವತ್ಸಃ (…) || ೧೬,೧೨೯।೬

(…) ಅಪಾಂ ವೃಷಭಃ (…) || ೧೬,೧೨೯।೭

(…) ಅಪಾಂ ಅಶ್ಮಾ ಪೃಶ್ನಿರ್ ದಿವ್ಯೋ ಽಪ್ಸ್ವ್ ಅಂತರ್ ಯಜುಷ್ಯಃ (…) || ೧೬,೧೨೯।೮

ಯೋ ವ ಆಪೋ ಅಪಾಂ ಹಿರಣ್ಯಗರ್ಭೋ ಽಪ್ಸ್ವ್ ಅಂತರ್ ಯಜುಷ್ಯೋ ದೇವಯಜನಃ |
ಇದಂ ತಂ ಅತಿ ಸೃಜಾಮಿ ತಂ ಮಾಭ್ಯ್ ಅವ ನಿಕ್ಷಿ |
ತೇನ ತಂ (…) || ೧೬,೧೨೯।೯

ಯೇ ವ ಆಪೋ ಅಪಾಂ ಅಗ್ನಯೋ ಽಪ್ಸ್ವ್ ಅಂತರ್ ಯಜುಷ್ಯಾ ದೇವಯಜನಾಃ |
ಇದಂ ತಾನ್ ಅತಿ ಸೃಜಾಮಿ ತಾನ್ ಮಾಭ್ಯ್ ಅವ ನಿಕ್ಷಿ |
ತೈಸ್ ತಂ ಅಭ್ಯ್ ಅತಿ ಸೃಜಾಮಿ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ |
ತಂ ವಧೇಯಂ ತಂ ಸ್ತ್ವಿಷೀಯಾನೇನ ಬ್ರಹ್ಮಣಾನೇನ ಕರ್ಮಣಾನಯಾ ಮೇನ್ಯಾ || ೧೬,೧೨೯।೧೦
(೧೨೯)

ಯದ್ ಅರ್ವಾಚೀನಂ ಐಕಹಾಯನಾದ್
ಅನೃತಂ ಕಿಂ ಚೋದಿಮ |
ಆಪೋ ಮಾ ತಸ್ಮಾದ್ ಏನಸೋ
ದುರಿತಾತ್ ಪಾಂತು ವಿಶ್ವತಃ || ೧೬,೧೩೦।೧

ಅರಿಪ್ರಾ ಆಪೋ ಅಪ ರಿಪ್ರಂ ಅಸ್ಮತ್ |
ಪ್ರಾಸ್ಮದ್ ಏನೋ ದುರಿತಂ ಸುಪ್ರತೀಕಾಃ
ಪ್ರ ದುಷ್ವಪ್ನ್ಯಂ ಪ್ರ ಮಲಂ ವಹಂತು || ೧೬,೧೩೦।೨

ಸಮುದ್ರಂ ವೋ ಽಪ ಸೃಜಾಮಿ
ಸ್ವಾಂ ಯೋನಿಂ ಅಪೀತನ |
ಅರಿಷ್ಟಾಃ ಸರ್ವಹಾಯಸೋ
ಮಾ ಚ ನಃ ಕಿಂ ಚನಾಮಮತ್ || ೧೬,೧೩೦।೩
(೧೩೦)

ವಿಷ್ಣೋಃ ಕ್ರಮೋ ಽಸಿ ಸಪತ್ನಹಾ
ಪೃಥಿವೀಸಂಶಿತೋ ಽಗ್ನಿತೇಜಾಃ |
ಪೃಥಿವೀಂ ಅನು ವಿ ಕ್ರಮೇ ಽಹಂ
ಪೃಥಿವ್ಯಾಸ್ ತಂ ನಿರ್ ಭಜಾಮೋ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ |
ಪೂರ್ವಜಾನ್ ಸಪತ್ನಾನ್ ಅವೈನಾನ್ ಬಾಧೇ ಅತ್ಯ್ ಏನಾನ್ ಕ್ರಮಾಮ್ಯ್
ಅಪಾಙ್ ಅಪನುತ್ತಃ ಸಪತ್ನಃ || ೧೬,೧೩೧।೧

ವಿಷ್ಣೋಃ ಕ್ರಮೋ ಽಸಿ ಸಪತ್ನಹಾ-
-ಅಂತರಿಕ್ಷಸಂಶಿತೋ ವಾಯುತೇಜಾಃ |
ಅಂತರಿಕ್ಷಂ ಅನು ವಿ ಕ್ರಮೇ ಽಹಂ
ಅಂತರಿಕ್ಷಾತ್ ತಂ ನಿರ್ ಭಜಾಮೋ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ |
ಸಹಜಾನ್ ಸಪತ್ನಾನ್ (…) || ೧೬,೧೩೧।೨

ವಿಷ್ಣೋಃ ಕ್ರಮೋ ಽಸಿ ಸಪತ್ನಹಾ
ದ್ಯುಸಂಶಿತಃ ಸೂರ್ಯತೇಜಾಃ |
ದಿವಂ ಅನು ವಿ ಕ್ರಮೇ ಽಹಂ
ದಿವಸ್ ತಂ ನಿರ್ ಭಜಾಮೋ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ |
ಅಪರಜಾನ್ ಸಪತ್ನಾನ್ (…) || ೧೬,೧೩೧।೩

(…) ಸಪತ್ನಹಾ
ದಿಕ್ಸಂಶಿತೋ ವಾತತೇಜಾಃ |
ದಿಶೋ ಅನು ವಿ ಕ್ರಮೇ ಽಹಂ
ದಿಗ್ಭ್ಯಸ್ ತಂ (…) || ೧೬,೧೩೧।೪

(…) ಸಪತ್ನಹಾ-
-ಆಶಾಸಂಸಿತೋ ಮನಸ್ತೇಜಾಃ |
ಆಶಾ ಅನು ವಿ ಕ್ರಮೇ ಽಹಂ
ಆಶಾಭ್ಯಸ್ ತಂ (…) || ೧೬,೧೩೧।೫

(…) ಸಪತ್ನಹಾ-
-ಅಪ್ಸಂಸಿತೋ ವರುಣತೇಜಾಃ |
ಅಪೋ ಅನು ವಿ ಕ್ರಮೇ ಽಹಂ
ಅದ್ಭ್ಯಸ್ ತಂ (…) || ೧೬,೧೩೧।೬

(…) ಸಪತ್ನಹಾ
ಋಕ್ಸಂಶಿತಃ ಸಾಮತೇಜಾಃ |
ಋಚೋ ಅನು ವಿ ಕ್ರಮೇ ಽಹಂ
ಋಗ್ಭ್ಯಸ್ ತಂ (…) || ೧೬,೧೩೧।೭

(…) ಸಪತ್ನಹಾ
ಯಜ್ಞಸಂಶಿತೋ ಬ್ರಹ್ಮತೇಜಾಃ |
ಯಜ್ಞಂ ಅನು ವಿ ಕ್ರಮೇ ಽಹಂ
ಯಜ್ಞಾತ್ ತಂ (…) || ೧೬,೧೩೧।೮

(…) ಸಪತ್ನಹಾ-
-ಓಷಧೀಸಂಶಿತಃ ಸೋಮತೇಜಾಃ |
ಓಷಧೀರ್ ಅನು ವಿ ಕ್ರಮೇ ಽಹಂ
ಓಷಧೀಭ್ಯಸ್ ತಂ (…) || ೧೬,೧೩೧।೯

(…) ಸಪತ್ನಹಾ
ಕೃಷಿಸಂಶಿತಃ ಪುರುಷತೇಜಾಃ |
ಕೃಷಿಂ ಅನು ವಿ ಕ್ರಮೇ ಽಹಂ
ಕೃಷ್ಯಾಸ್ ತಂ (…) || ೧೬,೧೩೧।೧೦

ವಿಷ್ಣೋಃ ಕ್ರಮೋ ಽಸಿ ಸಪತ್ನಹಾ
ಪ್ರಾಣಸಂಶಿತೋ ಽನ್ನತೇಜಾಃ |
ಪ್ರಾಣಂ ಅನು ವಿ ಕ್ರಮೇ ಽಹಂ
ಪ್ರಾಣಾತ್ ತಂ ನಿರ್ಭಜಾಮೋ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೧೬,೧೩೧।೧೧
(೧೩೧)

ಅಗಮಂ ಸ್ವರ್ ಅಗಮಂ ಜ್ಯೋತಿರ್
ಅಭ್ಯ್ ಅಷ್ಠಾಂ ವಿಶ್ವಾಃ ಪೃತನಾ ಅರಾತೀಃ |
ಯೋ +ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಸ್ಯೇದಂ ಪ್ರಾಣಂ ಆಯುರ್ ನಿ ವೇಷ್ಟಯಾಮಿ-
-ಇದಂ ಏನಂ ಅಧಮಂ ತಮೋ ಗಮಯಾಮಿ || ೧೬,೧೩೨।೧

ಸೂರ್ಯಸ್ಯಾವೃತಂ ಅನ್ವ್ ಆವರ್ತೇ ದಕ್ಷಿಣಾಂ ಅನ್ವ್ ಆವೃತಂ |
ದಿಶೋ ಜ್ಯೋತಿಷ್ಮತೀರ್ ಅಭಿ ಪರ್ಯಾವರ್ತೇ
ಸಪ್ತ ಋಷೀನ್ ಅಭಿ ಪರ್ಯಾವರ್ತೇ
ಬ್ರಹ್ಮಾಭಿ ಪರ್ಯಾವರ್ತೇ
ಬ್ರಾಹ್ಮಣಾನ್ ಅಭಿ ಪರ್ಯಾವರ್ತೇ |
ತೇ ಮೇ ದ್ರವಿಣಂ ಯಚ್ಛಂತು
ತೇ ಮೇ ಬ್ರಾಹ್ಮಣವರ್ಚಸಂ || ೧೬,೧೩೨।೨

ಯತ್ ತೇ ಽನ್ನಂ ಭುವಸ್ಪತ
ಆಕ್ಷಿಯತಿ ಪೃಥಿವೀಂ ಅನು |
ತಸ್ಯ ನಸ್ ತ್ವಂ ಭುವಸ್ಪತೇ
ಸಂಪ್ರಯಚ್ಛ ಪ್ರಜಾಪತೇ |
ಯಂ ವಯಂ ಮೃಗಯಾಮಹೇ
ತಂ ವಧೈ ಸ್ತೃಣವಾಮಹಿ || ೧೬,೧೩೨।೩

ವ್ಯಾತ್ತೇ ಪರಮೇಷ್ಠಿನೋ
ಬ್ರಹ್ಮಣಾಪೀಪದಾಮ ತಂ |
ವೈಶ್ವಾನರಸ್ಯ ದಂಷ್ಟ್ರಾಭ್ಯಾಂ
ಮೃತ್ಯುಸ್ ತಂ ಸಮಧಾದ್ ಅಭಿ || ೧೬,೧೩೨।೪

ಇಯಂ ತಂ ಪ್ಸಾತ್ವ್ ಆಹುತಿಃ
ಸಮಿದ್ ದೇವೀ ಸಹೀಯಸೀ |
ರಾಜ್ಞೋ ವರುಣಸ್ಯ ಬಂಧೋ ಽಸಿ
ಸೋ *ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಅನ್ನೇ ಪ್ರಾಣೇ ಬಧಾನ || ೧೬,೧೩೨।೫

ಅಪಾಂ ಅಸ್ಮೈ ವಜ್ರಂ ಪ್ರ ಹರಾಮಿ
ಚತುರ್ಭೃಷ್ಟಿಂ ಶೀರ್ಷಭಿದ್ಯಾಯ ವಿದ್ವಾನ್ |
ಸೋ ಅಸ್ಯ ಪರ್ವಾ ಪ್ರ ಶೃಣಾತು ಸರ್ವಾ
ತನ್ ಮೇ ದೇವಾ ಹ್ಯ್ ಅನು ಜಾನಂತು ವಿಶ್ವೇ || ೧೬,೧೩೨।೬

ಯದ್ ಅಗ್ನೇ ತಪಸಾ ತಪ
ಉಪ ಪ್ರೇಕ್ಷಾಮಹೇ ವಯಂ |
ಪ್ರಿಯಾಃ ಶ್ರುತಸ್ಯ ಭೂಯಾಸ್ಮ-
-ಆಯುಷ್ಮಂತಃ ಸುಮೇಧಸಃ || ೧೬,೧೩೨।೭
(೧೩೨)

ವಿರಾಡ್ ವಾ ಇದಂ ಅಗ್ರೇ ಽಜಾಯತ
ತಸ್ಯಾ ಜಾತಾಯಾ ಅಬಿಭೇತ್ ಸರ್ವಂ |
ಇಯಂ ಏವೇದಂ ಭವಿಷ್ಯತಿ ನ ವಯಂ ಇತಿ || ೧೬,೧೩೩।೧

ಸೋದ್ ಅಕ್ರಾಮತ್ ಸಾ ದಕ್ಷಿಣಾಗ್ನೌ ನ್ಯ್ ಅಕ್ರಾಮತ್ |
ಯಜ್ಞರ್ತೋ ವಾಸತೇಯೋ ಭವತಿ ಯ ಏವಂ ವೇದ || ೧೬,೧೩೩।೨

(…) ಸಾ ಗಾರ್ಹಪತ್ಯೇ ನ್ಯ್ ಅಕ್ರಾಮತ್ |
ಗೃಹಮೇಧೀ ಗೃಹಪತಿರ್ ಭವತಿ (…) || ೧೬,೧೩೩।೩

(…) ಸಾಹವನೀಯೇ ನ್ಯ್ ಅಕ್ರಾಮತ್ |
ಯಂತ್ಯ್ ಅಸ್ಯ ದೇವಾ ದೇವಹೂತಿಂ ಪ್ರಿಯೋ ದೇವಾನಾಂ ಭವತಿ (…) || ೧೬,೧೩೩।೪

(…) ಸಾ ಸಭಾಯಾಂ ನಿ (…) |
ಯಂತ್ಯ್ ಅಸ್ಯ ಸಭಾಂ ಸಭ್ಯೋ ಭವತಿ (…) || ೧೬,೧೩೩।೫

(…) ಸಾ ಸಮಿತೌ ನಿ (…) |
ಯಂತ್ಯ್ ಅಸ್ಯ ಸಮಿತಿಂ ಸಾಮಿತ್ಯೋ ಭವತಿ (…) || ೧೬,೧೩೩।೬

(…) ಸಾಮಂತ್ರಣೇ ನ್ಯ್ ಅಕ್ರಾಮತ್ |
ಯಂತ್ಯ್ ಅಸ್ಯಾಮಂತ್ರಣಂ ಆಮಂತ್ರಣೀಯೋ ಭವತಿ ಯ ಏವಂ ವೇದ || ೧೬,೧೩೩।೭

(…) ಸಾಂತರಿಕ್ಷೇ ಚತುರ್ಧಾ ವಿಕ್ರಾಂತಾತಿಷ್ಠತ್
ತಾಂ ದೇವಮನುಷ್ಯಾ ಅಬ್ರುವನ್ನ್
ಇಯಂ ತದ್ ವೇದ ಯದ್ ಉಭಯ ಉಪಜೀವೇಮ-
-ಇಮಾಂ ಉಪ ಹ್ವಯಾಮಹಾ ಇತಿ ತಾಂ ಉಪಹ್ವಾಯಂತ |
ಊರ್ಜ ಏಹಿ ಸ್ವಧ ಏಹಿ ಸೂನೃತ ಏಹೀರಾವತ್ಯ್ ಏಹೀತಿ |
ತಸ್ಯಾ ಅಗ್ನಿರ್ ವತ್ಸ ಆಸೀದ್ ಗಾಯತ್ರ್ಯ್ ಅಭಿಧಾನ್ಯ್ ಅಭ್ರಂ ಊಧಃ || ೧೬,೧೩೩।೮

ತಸ್ಯಾ ಬೃಹಚ್ ಚ ರಥಂತರಂ ಚ ದ್ವೌ ಸ್ತನಾವ್ ಆಸ್ತಾಂ
ಯಜ್ಞಾಯಜ್ಞಿಯಂ ಚ ವಾಮದೇವ್ಯಂ ಚ ದ್ವೌ |
ಓಷಧೀರ್ ವೈ ರಥಂತರಂ
ದೇವಾ ಅದುಹ್ರನ್ ವ್ಯಚೋ ಬೃಹದ್
ಅಪೋ ವಾಮದೇವ್ಯಂ ಯಜ್ಞಂ ಯಜ್ಞಾಯಜ್ಞಿಯಂ || ೧೬,೧೩೩।೯

ಏತೇ ವೈ ವಿರಾಜಃ ಕಾಮದುಘ ಸ್ತನಾಃ |
ಕಾಮಂಕಾಮಂ ವಿರಾಜಂ ದುಹೇ ಯ ಏವಂ ವೇದ || ೧೬,೧೩೩।೧೦
(೧೩೩)

(ಸೋದ್ ಅಕ್ರಾಮತ್) ಸಾ ವನಸ್ಪತೀನ್ ಆಗಚ್ಛತ್
ತಾಂ ವನಸ್ಪತಯೋ ಽಘ್ನತ
ಸಾ ಸಂವತ್ಸರೇ ಸಂ ಅಭವತ್ |
ತಸ್ಮಾತ್ ಸಂವತ್ಸರೇ ವನಸ್ಪತೀನಾಂ ವೃಕ್ಣಂ ಅಪಿ ರೋಹತಿ
ವೃಶ್ಚ್ಯಂತ್ಯ್ ಅಸ್ಯಾಪ್ರಿಯಂ ಭ್ರಾತೃವ್ಯಂ ಯ (ಏವಂ ವೇದ) || ೧೬,೧೩೪।೧

(…) ಸಾ ಪಿತೃ̄ನ್ ಆಗಚ್ಛತ್
ತಾಂ ಪಿತರೋ ಽಘ್ನತ
ಸಾ ಮಾಸೇ ಸಂ ಅಭವತ್ |
ತಸ್ಮಾನ್ ಮಾಸೇ ಪಿತೃಭ್ಯೋ ದದತಿ
ಸ್ವಧಾವಾನ್ ಪಿತೃಷು ಭವತಿ ಪ್ರ ಪಿತೃಯಾಣಂ ಪಂಥಾಂ ಜಾನಾತಿ ಯಃ (…) || ೧೬,೧೩೪।೨

(…) ಸಾ ದೇವಾನ್ ಆಗಚ್ಛತ್
ತಾಂ ದೇವಾ ಅಘ್ನತ
ಸಾರ್ಧಮಾಸೇ ಸಂ ಅಭವತ್ |
ತಸ್ಮಾದ್ ಅರ್ಧಮಾಸೇ ದೇವೇಭ್ಯೋ ಜುಹ್ವತಿ
ಜುಹೋತ್ಯ್ ಅಗ್ನಿಹೋತ್ರಂ ಪ್ರ ದೇವಯಾನಂ ಪಂಥಾಂ ಜಾನಾತಿ ಯಃ (…) || ೧೬,೧೩೪।೩

(…) ಸಾ ಮನುಷ್ಯಾನ್ ಆಗಚ್ಛತ್
ತಾಂ ಮನುಷ್ಯಾ ಅಘ್ನತ
ಸಾ ಸದ್ಯಃ ಸಂ ಅಭವತ್ |
ತಸ್ಮಾದ್ ಉಭಯದ್ಯುರ್ ಮನುಷ್ಯಾ ಉಪ ಹರಂತ್ಯ್
ಉಪಾಸ್ಯ ಗೃಹೇ ಹರಂತಿ ಯಃ (…) || ೧೬,೧೩೪।೪
(೧೩೪)

ಸೋದ್ ಅಕ್ರಾಮತ್ ಸಾಸುರಾನ್ ಆಗಚ್ಛತ್
ತಾಂ ಅಸುರಾ ಉಪಾಹ್ವಯಂತ ಮಾಯ ಏಹೀತಿ |
ತಸ್ಯಾ ವಿರೋಚನಃ ಪ್ರಾಹ್ರಾದುರ್ ವತ್ಸ ಆಸೀದ್ ಅಯಸ್ಪಾತ್ರಂ ಪಾತ್ರಂ |
ತಾಂ ದ್ವಿಮೂರ್ಧಾರ್ತ್ವಿಯೋ ಽಧೋಕ್ ತಾಂ ಮಾಯಾಂ ಅಧೋಕ್ |
ತಾಂ ಮಾಯಾಂ ಅಸುರಾ ಉಪ ಜೀವಂತ್ಯ್
ಉಪಜೀವನೀಯೋ ಭವತಿ ಯ ಏವಂ ವೇದ || ೧೬,೧೩೫।೧

(…) ಸಾ ಪಿತೃ̄ನ್ ಆಗಚ್ಛತ್
ತಾಂ ಪಿತರ ಉಪಾಹ್ವಯಂತ ಸ್ವಧ ಏಹೀತಿ |
ತಸ್ಯಾ ಯಮೋ ವೈವಸ್ವತೋ ವತ್ಸ ಆಸೀದ್ ರಜತಪಾತ್ರಂ ಪಾತ್ರಂ |
ತಾಂ ಅಂತಕೋ ಮಾರ್ತಯೋ ಽಧೋಕ್ ತಾಂ ಸ್ವಧಾಂ ಅಧೋಕ್ |
ತಾಂ ಸ್ವಧಾಂ ಪಿತರ ಉಪ (…) || ೧೬,೧೩೫।೨

(…) ಸಾ ಮನುಷ್ಯಾನ್ ಆಗಚ್ಛತ್
ತಾಂ ಮನುಷ್ಯಾ ಉಪಾಹ್ವಯಂತೇರಾವತ್ಯ್ ಏಹೀತಿ |
ತಸ್ಯಾ ಮನುರ್ ವೈವಸ್ವತೋ ವತ್ಸ ಆಸೀತ್ ಪೃಥಿವೀಪಾತ್ರಂ ಪಾತ್ರಂ |
ತಾಂ ಪೃಥುರ್ ವೈನ್ಯೋ ಽಧೋಕ್ ತಾಂ ಕೃಷಿಂ ಚ ಸಸ್ಯಂ ಚಾಧೋಕ್ |
ತಾಂ ಕೃಷಿಂ ಚ ಸಸ್ಯಂ ಚ ಮನುಷ್ಯ ಉಪ (…) || ೧೬,೧೩೫।೩

(…) ಸಾ ದೇವಾನ್ ಆಗಚ್ಛತ್
ತಾಂ ದೇವಾ ಉಪಾಹ್ವಯಂತೋರ್ಜ ಏಹೀತಿ |
ತಸ್ಯಾ ಇಂದ್ರೋ ವತ್ಸ ಆಸೀದ್ ದಾರುಪಾತ್ರಂ ಪಾತ್ರಂ |
ತಾಂ ಸವಿತಾಧೋಕ್ ತಾಂ ಊರ್ಜಂ ಅಧೋಕ್ |
ತಾಂ ಊರ್ಜಂ ದೇವಾ ಉಪ (…) || ೧೬,೧೩೫।೪

(…) ಸಾ ಸಪ್ತ ಋಷೀನ್ ಆಗಚ್ಛತ್
ತಾಂ ಸಪ್ತ ಋಷಯ ಉಪಾಹ್ವಯಂತ ಬ್ರಹ್ಮಣ್ವತ್ಯ್ ಏಹೀತಿ |
ತಸ್ಯಾಃ ಸೋಮೋ ವತ್ಸ ಆಸೀಚ್ ಛಂದಃಪಾತ್ರಂ ಪಾತ್ರಂ |
ತಾಂ ಬೃಹಸ್ಪತಿರ್ ಆಂಗಿರಸೋ ಽಧೋಕ್ ತಾಂ ಬ್ರಹ್ಮ ಚ ತಪಶ್ ಚಾಧೋಕ್ |
ತದ್ ಬ್ರಹ್ಮ ಚ ತಪಶ್ ಚ ಸಪ್ತ ಋಷಯ ಉಪ (…) || ೧೬,೧೩೫।೫

(…) ಸಾ ಗಂಧರ್ವಾಪ್ಸರಸ ಆಗಚ್ಛತ್
ತಾಂ ಗಂಧರ್ವಾಪ್ಸರಸ ಉಪಾಹ್ವಯಂತ ಪುಣ್ಯಗಂಧ ಏಹೀತಿ |
ತಸ್ಯಾಶ್ ಚಿತ್ರರಥಃ ಸೌರ್ಯವರ್ಚಸೋ ವತ್ಸ ಆಸೀತ್ ಪುಷ್ಕರಪರ್ಣಂ ಪಾತ್ರಂ |
ತಾಂ ವಸುರುಚಿಃ ಸೌರ್ಯವರ್ಚಸೋ ಽಧೋಕ್ ತಾಂ ಪುಣ್ಯಂ ಗಂಧಂ ಅಧೋಕ್ |
ತಂ ಪುಣ್ಯಂ ಗಂಧಂ ಗಂಧರ್ವಾಪ್ಸರಸಾ ಉಪ (…) || ೧೬,೧೩೫।೬

(…) ಸಾ ಪುಣ್ಯಜನಾನ್ ಆಗಚ್ಛತ್
ತಾಂ ಪುಣ್ಯಜನಾ ಉಪಾಹ್ವಯಂತ ತಿರೋಧ ಏಹೀತಿ |
ತಸ್ಯಾಃ ಕುಬೇರೋ ವೈಶ್ರವಣೋ ವತ್ಸ ಆಸೀದ್ ಆಮಪಾತ್ರಂ ಪಾತ್ರಂ |
ತಾಂ ರಜತನಾಭಿಃ ಕಾಬೇರಕೋ ಽಧೋಕ್ ತಾಂ ತಿರೋಧಾಂ ಅಧೋಕ್ |
ತಾಂ ತಿರೋಧಾಂ ಪುಣ್ಯಜನಾ ಉಪ (…) || ೧೬,೧೩೫।೭

ಸೋದ್ ಅಕ್ರಾಮತ್ ಸಾ ಸರ್ಪಾನ್ ಆಗಚ್ಛತ್
ತಾಂ ಸರ್ಪಾ ಉಪಾಹ್ವಯಂತ ವಿಷವತ್ಯ್ ಏಹೀತಿ |
ತಸ್ಯಾಸ್ ತಕ್ಷಕೋ ವೈಶಾಲೇಯೋ ವತ್ಸ ಆಸೀದ್ ಅಲಾಬುಪಾತ್ರಂ ಪಾತ್ರಂ |
ತಾಂ ಧೃತರಾಷ್ಟ್ರ ಐರಾವತೋ ಽಧೋಕ್ ತಾಂ ವಿಷಂ ಅಧೋಕ್ |
ತದ್ ವಿಷಂ ಸರ್ಪಾ ಉಪ ಜೀವಂತ್ಯ್
ಉಪಜೀವನೀಯೋ ಭವತಿ ಯ ಏವಂ ವೇದ || ೧೬,೧೩೫।೮

ತಸ್ಮಾದ್ ಯಸ್ಮಾ ಅಲಾಬುನಾಭಿಷಿಂಚೇನ್
ಮನಸಾ ತ್ವಾ ಪ್ರತ್ಯಾಹನ್ಮೀತ್ಯ್ ಏನಂ ಪ್ರತ್ಯಾಹನ್ಯಾತ್ |
ಯತ್ ಪ್ರತ್ಯಾಹಂತಿ ವಿಷಂ ಪ್ರತ್ಯಾಹಂತಿ
ನ ಚ ಪ್ರತ್ಯಾಹಂತಿ ವಿಷಂ ಅನು ಪ್ರಸಿಚ್ಯತೇ |
ವಿಷಂ ಅಸ್ಯಾಪ್ರಿಯಂ ಭ್ರಾತೃವ್ಯಂ ಹಂತಿ ಯ ಏವಂ ವೇದ || ೧೬,೧೩೫।೯
(೧೩೫)

ಅನುವಾಕ ೧೯ ||

ಅಘಾಯತಾಂ ಅಪಿ ನಹ್ಯಾ ಮುಖಾನಿ
ಸಪತ್ನೇಷು ವಜ್ರಂ ಅರ್ಪಯೈತಂ |
ಇಂದ್ರೇಣ ದತ್ತಾ ಪ್ರಥಮಾ ಶತೌದನಾ
ಭ್ರಾತೃವ್ಯಘ್ನೀ ಯಜಮಾನಾಯ ಗಾತುಃ || ೧೬,೧೩೬।೧

ವೇದಿಷ್ ಟೇ ಚರ್ಮ ಭವತು
ಬರ್ಹಿರ್ ಲೋಮಾನಿ ಯಾನಿ ತೇ |
ಏಷಾ ತ್ವಾ ರಶನಾಗ್ರಹೀದ್
ಗ್ರಾವಾ ತ್ವೈಷೋ ಽಧಿ ನೃತ್ಯತು || ೧೬,೧೩೬।೨

ಬಾಲಾಸ್ ತೇ ಪ್ರೋಕ್ಷಣೀಃ ಸಂತು
ಜಿಹ್ವಾ ಸಂ ಮಾರ್ಷ್ಟ್ವ್ ಅಘ್ನ್ಯೇ |
ಶುದ್ಧಾ ತ್ವಂ ಯಜ್ಞಿಯಾ ಭೂತ್ವಾ
ದಿವಂ ಪ್ರೇಹಿ ಶತೌದನೇ || ೧೬,೧೩೬।೩

ಯಃ ಶತೌದನಾಂ ಪಚತಿ
ಕಾಮಪ್ರೇಣ ಸ ಕಲ್ಪತೇ |
ಪ್ರೀತಾ ಹ್ಯ್ ಅಸ್ಯ ಋತ್ವಿಜಃ
ಸರ್ವೇ ಯಂತಿ ಯಥಾಯಥಂ || ೧೬,೧೩೬।೪

ಯೇ ತೇ ದೇವಿ ಶಮಿತಾರಃ
ಪಕ್ತಾರೋ ಯೇ ಚ ತೇ ಜನಾಃ |
ಏತೇ ತ್ವಾ ಸರ್ವೇ ಗೋಪ್ಸ್ಯಂತಿ
ಮೈಭ್ಯೋ ಭೈಷೀಃ ಶತೌದನೇ || ೧೬,೧೩೬।೫

ಸ ಸ್ವರ್ಗಂ ಆ ರೋಹತಿ
ಯತ್ರಾದಸ್ ತ್ರಿದಿವಂ ದಿವಃ |
ಹಿರಣ್ಯಜ್ಯೋತಿಷಂ ಕೃತ್ವಾ
ಯೋ ದದಾತಿ ಶತೌದನಾಂ || ೧೬,೧೩೬।೬

ಸ ತಾಂಲ್ ಲೋಕಾನ್ ಸಂ ಆಪ್ನೋತಿ
ಯೇಷು ದೇವಾಃ ಸಮಾಸತೇ |
ಅಪೂಪಂ ನಾಭಿಂ ಕೃತ್ವಾ
ಯೋ ದದಾತಿ ಶತೌದನಾಂ || ೧೬,೧೩೬।೭

ವಸವಸ್ ತ್ವಾ ದಕ್ಷಿಣತ
ಉತ್ತರಾನ್ ಮರುತಸ್ ತ್ವಾ |
ಆದಿತ್ಯಾಃ ಪಶ್ಚಾದ್ ಗೋಪ್ಸ್ಯಂತಿ
ಸಾತಿರಾತ್ರಂ ಅಗ್ನಿಷ್ಟೋಮಂ ಅತಿ ದ್ರವ || ೧೬,೧೩೬।೮

ಗಂಧರ್ವಾ ಅಪ್ಸರಸೋ ದೇವಿ
ರುದ್ರಾ ಅಂಗಿರಸಸ್ ತ್ವಾ |
ಏತೇ ತ್ವಾ ಸರ್ವೇ ಗೋಪ್ಸ್ಯಂತಿ
ಸಾತಿರಾತ್ರಂ ಅಗ್ನಿಷ್ಟೋಮಂ ಅತಿ ದ್ರವ || ೧೬,೧೩೬।೯

ಅಂತರಿಕ್ಷಂ ದಿವಂ ಭೂಮಿಂ
ಆದಿತ್ಯಾನ್ ಮರುತೋ ದಿಶಃ |
ಲೋಕಾನ್ ಸರ್ವಾನ್ ಆಪ್ನೋತಿ
ಯೋ ದದಾತಿ ಶತೌದನಾಂ || ೧೬,೧೩೬।೧೦
(೧೩೬)

ಘೃತಂ ಪ್ರೋಕ್ಷಂತೀ ಸುಭಗಾ
ದೇವಾನ್ ದೇವೀ ಗಮಿಷ್ಯತಿ |
ಪಕ್ತಾರಂ ಅಘ್ನ್ಯೇ ಮಾ ಹಿಂಸೀರ್
ದಿವಂ ಪ್ರೇಹಿ ಶತೌದನೇ || ೧೬,೧೩೭।೧

ಯೇ ಪಿತರೋ ದಿವಿಷದೋ ಽನ್ತರಿಕ್ಷಸದಶ್ ಚ
ಯೇ ಚೇಮೇ ಭೂಮ್ಯಾಂ ಅಧಿ |
ತೇಭ್ಯಸ್ ತ್ವಂ ಧುಕ್ಷ್ವ ಸರ್ವದಾ
ಕ್ಷೀರಂ ಸರ್ಪಿರ್ ಅಥೋ ಮಧು || ೧೬,೧೩೭।೨

ಯತ್ ತೇ ಶಿರೋ ಯೇ ಚ ಶೃಂಗೇ
ಯೌ ಕರ್ಣೌ ಯೌ ಚ ತೇ ಅಕ್ಷ್ಯೌ |
ಆಮಿಕ್ಷಾಂ ದುಹ್ರತಾಂ ದಾತ್ರೇ
ಕ್ಷೀರಂ ಸರ್ಪಿರ್ ಅಥೋ ಮಧು || ೧೬,೧೩೭।೩

ಯತ್ ತೇ ಮುಖಂ ಯಾ ಜಿಹ್ವಾ
ಯೇ ದಂತಾ ಯೇ ಚ ತೇ ಹನೂ |
(…) || ೧೬,೧೩೭।೪

ಯತ್ ತೇ ಕ್ಲೋಮಾ ಯದ್ ಧೃದಯಂ
ಪುರೀತತ್ ಸಹಕಂಠಿಕಾ |
(…) || ೧೬,೧೩೭।೫

ಯತ್ ತೇ ಯಕೃದ್ ಯೇ ಮತಸ್ನೇ
ಆಂತ್ರಾಣಿ ಯಾಶ್ ಚ ತೇ ಗುದಾಃ |
(…) || ೧೬,೧೩೭।೬

ಯಸ್ ತೇ ಪ್ಲಾಶಿರ್ ಯೋ ವನಿಷ್ಟುರ್
ಯೌ ಕುಕ್ಷೀ ಯಚ್ ಚ ತ ಉದರಂ |
(…) || ೧೬,೧೩೭।೭

ಯಸ್ ತೇ ಮಜ್ಜಾ ಯಾನ್ಯ್ ಅಸ್ಥೀನಿ
ಯನ್ ಮಾಂಸಂ ಯಚ್ ಚ ಲೋಹಿತಂ |
(…) || ೧೬,೧೩೭।೮

ಯೌ ತೇ ಬಾಹೂ ಯೌ ತೇ ಅಂಸೌ
ದೋಷಣೀ ಯಾ ಚ ತೇ ಕಕುತ್ |
(…) || ೧೬,೧೩೭।೯

ಯೇ ತೇ ಸ್ಕಂಧಾ ಯಾ ಗ್ರೀವಾ
ಯಾಃ ಪೃಷ್ಟೀರ್ ಯಾಶ್ ಚ ಪರ್ಶವಃ |
(…) || ೧೬,೧೩೭।೧೦
(೧೩೭)

ಯೌ ತ ಊರೂ ಅಷ್ಠೀವಂತೌ
ಯೇ ಶ್ರೋಣೀ ಯಾ ಚ ತೇ ಭಸತ್ |
(…) || ೧೬,೧೩೮।೧

ಯತ್ ತೇ ಪುಚ್ಛಂ ಯೇ ತೇ ಬಾಲಾ
ಯದ್ ಊಧೋ ಯೇ ಚ ತೇ ಸ್ತನಾಃ |
(…) || ೧೬,೧೩೮।೨

ಯಾಸ್ ತೇ ಜಂಘಾ ಯಾಃ ಕುಷ್ಠಿಕಾ
ಋತ್ಸರಾ ಯೇ ಚ ತೇ ಶಫಾಃ |
(…) || ೧೬,೧೩೮।೩

ಯತ್ ತೇ ಚರ್ಮ ಶತೌದನೇ
ಯಾನಿ ಲೋಮಾನ್ಯ್ ಅಘ್ನ್ಯೇ |
ಆಮಿಕ್ಷಾಂ ದುಹ್ರತಾಂ ದಾತ್ರೇ
ಕ್ಷೀರಂ ಸರ್ಪಿರ್ ಅಥೋ ಮಧು || ೧೬,೧೩೮।೪

ಅಯಂ ತೇ ಸ್ತನ ಆಮಿಕ್ಷಾಂ
ಅಯಂ ಸರ್ಪಿರ್ ಅಯಂ ಮಧು |
ಅಯಂ ತೇ ಸರ್ವಾನ್ ಕಾಮಾನ್
ದುಹಾಂ ದೇವಿ ಶತೌದನೇ || ೧೬,೧೩೮।೫

ಕ್ರೋಡೌ ತೇ ಸ್ತಾಂ ಪುರೋಡಾಶಾವ್
ಆಜ್ಯೇನಾಭಿಘಾರಿತೌ |
ತೌ ಪಕ್ಷೌ ದೇವಿ ಕೃತ್ವಾ
ಸಾ ದಾತಾರಂ ದಿವಂ ವಹ || ೧೬,೧೩೮।೬

ಉಲೂಖಲೇ ಮುಸಲೇ ಯೇ ಚ ಚರ್ಮಣಿ
ಯೇ ವಾ ಶೂರ್ಪೇ ತಂಡುಲಾಃ ಕಣಾಃ |
ಯದ್ ವಾ ವಾತೋ ಮಾತರಿಶ್ವಾ ಮಮಾಥ-
-ಅಗ್ನಿಷ್ ಟದ್ ಧೋತಾ ಸುಹುತಂ ಕೃಣೋತು || ೧೬,೧೩೮।೭

ಅಪೋ ದೇವೀರ್ ಮಧುಮತೀರ್ ಘೃತಶ್ಚುತೋ
ಬ್ರಹ್ಮಣಾಂ ಹಸ್ತೇಷು ಪ್ರಪೃಥಕ್ ಸಾದಯಾಮಿ |
ಯತ್ಕಾಮ ಇದಂ ಅಭಿಷಿಂಚಾಮಿ ವೋ ಽಹಂ
ತನ್ ನೋ ಅಸ್ತು
ವಯಂ ಸ್ಯಾಮ ಪತಯೋ ರಯೀಣಾಂ || ೧೬,೧೩೮।೮
(೧೩೮)

ಪ್ರಜಾಪತಿಶ್ ಚ ಪರಮೇಷ್ಠೀ ಚ ಶೃಂಗೇ ಇಂದ್ರಃ ಶಿರೋ
ಅಗ್ನಿರ್ ಲಲಾಟಂ ಯಮಃ ಕೃಕಾಟಂ ಸೋಮೋ ರಾಜಾ ಮಸ್ತಿಷ್ಕಃ |
ಸತ್ಯಂ ಚಕ್ಷುರ್ ಋತಂ ಶ್ರೋತ್ರೇ ಪ್ರಾಣಾಪಾನೌ ನಾಸಿಕೇ
ದ್ಯೌರ್ ಉತ್ತರಾ ಹನುಃ ಪೃಥಿವ್ಯ್ ಅಧರಾ || ೧೬,೧೩೯।೧

ಅಗ್ನಿರ್ ಆಸ್ಯಂ ವಿದ್ಯುಜ್ ಜಿಹ್ವಾ
ಮರುತೋ ದಂತಾಃ ಪವಮಾನಃ ಪ್ರಾಣಃ |
ವಿಶ್ವಂ ವಾಯುಃ ಕಂಠಃ ಸ್ವರ್ಗೋ ಲೋಕಃ
ಕೃಷ್ಣದ್ರಂ ವಿಧರಣೀ ವಿಕೇಶ್ಯಃ || ೧೬,೧೩೯।೨

ರೇವತೀ ಗ್ರೀವಾಃ ಕೃತ್ತಿಕಾ ಸ್ಕಂಧಾ
ಘರ್ಮೋ ವಹಃ ಶ್ಯೇನಃ ಕ್ರೋಡೋ ಅಂತರಿಕ್ಷಂ ಪಾಜಸ್ಯಂ |
ಮಿತ್ರಶ್ ಚ ವರುಣಶ್ ಚಾಂಸೌ
ತ್ವಷ್ಟಾ ಚಾರ್ಯಮಾ ಚ ದೋಷಣೀ || ೧೬,೧೩೯।೩

ಮಹಾದೇವೋ ಬಾಹೂ ಬೃಹಸ್ಪತಿಃ ಕಕುದ್ ಬೃಹತೀಃ ಕೀಕಸಾಃ |
ದೇವಾನಾಂ ಪತ್ನೀಃ ಪೃಷ್ಟಯ ಉಪಸದಃ ಪರ್ಶವಃ || ೧೬,೧೩೯।೪

ಇಂದ್ರಾಣೀ ಭಸದ್ ವಾತಃ ಪುಚ್ಛಂ ಪವಮಾನೋ ಬಾಲಾಃ |
ಬ್ರಹ್ಮ ಚ ಕ್ಷತ್ರಂ ಚ ಶ್ರೋಣೀ ಬಲಂ ಊರೂ
ಧಾತಾ ಚ ಸವಿತಾ ಚಾಷ್ಠೀವಂತೌ || ೧೬,೧೩೯।೫

ಜಂಘಾ ಗಂಧರ್ವಾ ಅಪ್ಸರಸಃ
ಕುಷ್ಠಿಕಾ ಅದಿತಿಃ ಶಫಾಃ |
ಚೇತೋ ಹೃದಯಂ ಯಕೃನ್ ಮೇಧಾ
ಹರಿಮಾ ಪಿತ್ತಂ ವ್ರತಂ ಪುರೀತತ್ || ೧೬,೧೩೯।೬

ಕ್ಷುತ್ ಕುಕ್ಷಿರ್ ಇರಾ ವನಿಷ್ಠುಃ
ಪರ್ವತಾಃ ಪ್ಲಾಶಿರ್ ದೇವಜನಾ ಗುದಾ
ಮನುಷ್ಯಾ ಆಂತ್ರಾಣ್ಯ್ ಅತ್ರಾ ಉದರಂ
ಇತರಜನಾ ಊಬಧ್ಯಂ ರಕ್ಷಾಂಸಿ ಲೋಹಿತಂ |
ಕ್ರೋಧೋ ವೃಕ್ಕೌ ಮನ್ಯುರ್ ಆಂಡೌ ಪ್ರಜಾ ಶೇಪಃ || ೧೬,೧೩೯।೭

ಸಮುದ್ರೋ ವಸ್ತಿರ್ ನದೀ ಸೂತ್ರೀ
ಸ್ತನಯಿತ್ನುರ್ ಊಧೋ ವರ್ಷಸ್ಯ ಪತಯ ಸ್ತನಾಃ |
ವಿಶ್ವವ್ಯಚಾಶ್ ಚರ್ಮೌಷಧಯೋ ಲೋಮಾನಿ ನಕ್ಷತ್ರಾಣಿ ರೂಪಂ || ೧೬,೧೩೯।೮

ಅಭ್ರಂ ಪೀವೋ ಮಜ್ಜಾ ನಿಧನಂ |
ನಿಧನಂ ಭೂತ್ಯಾಃ ಪ್ರಜಾಯಾಃ ಪಶೂನಾಂ ಭವತಿ ಯ ಏವಂ ವೇದ || ೧೬,೧೩೯।೯

ಇಂದ್ರಃ ಪ್ರಾಙ್ ತಿಷ್ಠನ್ ದಕ್ಷಿಣಾ ತಿಷ್ಠನ್ ಯಮಃ
ಪ್ರತ್ಯಙ್ ತಿಷ್ಠನ್ ಧಾತೋದಙ್ ತಿಷ್ಠನ್ ಸವಿತಾ |
ತೃಣಾನಿ ಪ್ರಾಪ್ತಃ ಸೋಮೋ ರಾಜಾವೃತ್ತ ಆನಂದಃ |
ಈಕ್ಷಮಾನೋ ಮಿತ್ರೇ ಯುಜ್ಯಮಾನೋ ವೈಶ್ವದೇವೋ ಯುಕ್ತಃ ಪ್ರಜಾಪತಿರ್ ವಿಮುಕ್ತಃ ಸರ್ವಂ |
ಏತದ್ ವೈ ಗೋರೂಪಂ |
ಉಪೈನಂ ರೂಪವಂತಃ ಪಶವಸ್ ತಿಷ್ಠಂತಿ ಯ ಏವಂ ವೇದ || ೧೬,೧೩೯।೧೦
(೧೩೯)

ಶ್ರಮೇಣ ತಪಸಾ ಸೃಷ್ಟಾ
ಬ್ರಹ್ಮಣಾ ವಿತ್ತರ್ತೇ ಶ್ರಿತಾ |
ಸತ್ಯೇನಾವೃತಾ ಶ್ರಿಯಾ ಪ್ರಾವೃತಾ ಯಶಸಾ ಪರಿವೃತಾ ಸ್ವಧಯಾ
ಪರಿಹಿತಾ ಶ್ರದ್ಧಯಾ ಪರ್ಯೂಢಾ ದೀಕ್ಷಯಾ ಗುಪ್ತಾ
ಯಜ್ಞೇ ಪ್ರತಿಷ್ಠಿತಾ ಲೋಕೋ ನಿಧನಂ || ೧೬,೧೪೦।೧

ಛಂದಾಂಸಿ ರೂಪಂ ಅಂಗಿರಸಃ
ಸಂತಾಪಾ ಬ್ರಹ್ಮ ಪದವಾ-
-ಅಯಂ ಬ್ರಾಹ್ಮಣೋ ಽಧಿಪತಿಃ |
ತಾಂ ಆದದಾನಸ್ಯ ಬ್ರಹ್ಮಗವೀಂ
ಜಿನತೋ ಬ್ರಾಹ್ಮಣಂ ಕ್ಷತ್ರಿಯಸ್ಯ |
ಅಪ ಕ್ರಾಮತಿ ಸೂನೃತಾ ವೀರ್ಯಂ ಪುಣ್ಯಾ ಲಕ್ಷ್ಮೀಃ || ೧೬,೧೪೦।೨
(೧೪೦)
ಓಜಶ್ ಚ ತೇಜಶ್ ಚ ಸಹಶ್ ಚ ಬಲಂ ಚ ||ವಾಕ್ ಚೇಂದ್ರಿಯಂ ಚ ಶ್ರೀಶ್ ಚ ಧರ್ಮಶ್ ಚ ||ಬ್ರಹ್ಮ ಚ ಕ್ಷತ್ರಂ ಚ ರಾಷ್ಟ್ರಂ ಚ ವಿಶಶ್ ಚ ||ತ್ವಿಷಿಶ್ ಚ ಯಶಶ್ ಚ ವರ್ಚಶ್ ಚ ದ್ರವಿಣಂ ಚ ||ಆಯುಶ್ ಚ ರೂಪಂ ಚ ನಾಮ ಚ ಕೀರ್ತಿಶ್ ಚ ||ಪಯಶ್ ಚ ರಸಶ್ ಚಾನ್ನಂ ಚಾನ್ನಾದ್ಯಂ ಚ ||ಪ್ರಾಣಶ್ ಚಾಪಾನಶ್ ಚ ಚಕ್ಷುಶ್ ಚ ಶ್ರೋತ್ರಂ ಚ ||ಋತಂ ಚ ಸತ್ಯಂ ಚೇಷ್ಟಂ ಚ ಪೂರ್ತಂ ಚ ಪ್ರಜಾ ಪಶವಶ್ ಚ ||ತಾನಿ ಸರ್ವಾಣ್ಯ್ ಅಪ ಕ್ರಾಮಂತಿ ಕ್ಷತ್ರಿಯಸ್ಯ ಬ್ರಹ್ಮಗವೀಂ ಆದದಾನಸ್ಯ ||(೧೪೧)

ಸೈಷಾ ಭೀಮಾ ಬ್ರಹ್ಮಗವ್ಯ್ ಅಘವಿಷಾ
ಕೃತ್ಯಾ ಕೂಲ್ಬಜಂ ಆವೃತಾ
ಸರ್ವಾಣ್ಯ್ ಅಸ್ಯಾಂ ಕ್ರೂರಾಣಿ ಸರ್ವೇ ಚ ಮೃತ್ಯವಃ
ಸರ್ವಾಣ್ಯ್ ಅಸ್ಯಾಂ ಘೋರಾಣಿ ಸರ್ವೇ ಚ ಪುರುಷವಧಾಃ || ೧೬,೧೪೨।೧

ಸಾ ಬ್ರಹ್ಮಜ್ಯಂ ಬ್ರಹ್ಮಗವ್ಯ್ ಆದೀಯಮಾನಾ
ಮೃತ್ಯೋಃ ಪಡ್ವೀಶ ಆ ದ್ಯತಿ |
ಮೇನಿಃ ಶತವಧಾ ಹಿ ಸಾ
ಬ್ರಹ್ಮಜ್ಯಸ್ಯ ಕ್ಷಿತಿರ್ ಹಿ ಸಾ || ೧೬,೧೪೨।೨

ತಸ್ಮಾದ್ ವೈ ಬ್ರಾಹ್ಮಣಾನಾಂ ಗೌರ್
ದುರಾಧರ್ಷಾ ವಿಜಾನತಾ |
ವೈಶ್ವಾನರ ಉದ್ವೀತಾ
ಮಹಾದೇವೋ ಽಪೇಕ್ಷಮಾಣಾ
ವಜ್ರೋ ಧಾವಂತೀ
ಹೇತಿಃ ಶಫಾನ್ ಉತ್ಖಿದಂತೀ || ೧೬,೧೪೨।೩

ಕ್ಷುರಪವಿರ್ ಈಕ್ಷಮಾಣಾ
ಮೃತ್ಯುರ್ ಹಿಂಕೃಣ್ವತೀ |
ವಾಶ್ಯಮಾನಾಭಿ ಸ್ಫೂರ್ಜತಿ
ಬ್ರಹ್ಮಗವೀ ಬ್ರಹ್ಮಜ್ಯಂ || ೧೬,೧೪೨।೪
(೧೪೨)

ಉಗ್ರೋ ದೇವಃ ಪುಚ್ಛಂ ಪರ್ಯಸ್ಯಂತೀ
ಸರ್ವಜ್ಯಾನಿಃ ಕರ್ಣೌ ವರೀವರ್ಜಯಂತೀ
ರಾಜಯಕ್ಷ್ಮೋ ಮೇಹಂತೀ ಮೇನಿರ್ ದುಹ್ಯಮಾನಾ ಶೀರ್ಷಕ್ತಿರ್ ದುಗ್ಧಾ |
ಸೇದಿರ್ ಉಪತಿಷ್ಠಂತೀ
ಮಿಥೋಯೋಧಃ ಪರಾಮೃಷ್ಟಾ
ಶರವ್ಯಾ ಮುಖೇ ಽಪಿನಹ್ಯಮಾನೇ || ೧೬,೧೪೩।೧

ಋತಿರ್ ಹನ್ಯಮಾನಾ ವ್ಯೃದ್ಧಿರ್ ಹೃತಾ-
-ಅಘವಿಷಾ ನಿಪತಂತೀ ತಮೋ ನಿಪತಿತಾ |
ಅನುಗಚ್ಛಂತೀ ಪ್ರಾಣಾನ್ ಉಪ ದಾಸಯತಿ ಬ್ರಹ್ಮಗವೀ ಬ್ರಹ್ಮಜ್ಯಸ್ಯ || ೧೬,೧೪೩।೨
(೧೪೩)

ವೈರಂ ವಿಕೃತ್ಯಮಾನಾ
ಪೌತ್ರಾದ್ಯಂ ವಿಭಾಜ್ಯಮಾನಾ
ದೇವಹೇತಿರ್ ಹ್ರಿಯಮಾಣಾಮತಿರ್ ಹಿತಾ ನಿರೃತಿರ್ ನಿಹಿತಾ |
ಪಾಪ್ಮಾಧಿಧೀಯಮಾನಾ
ಪಾರುಷ್ಯಂ ಅವಧೀಯಮಾನಾಪ್ರಜಸ್ತಾವಿಹಿತಾ || ೧೬,೧೪೪।೧

ಘರ್ಮಃ ಪರ್ಯಾಧೀಯಮಾನಾ
ವೈಶ್ವಾನರಃ ಪರಿಹಿತಾ
ವಿಷಂ ಪ್ರಯಸ್ಯಂತೀ ತಕ್ಮಾ ಪ್ರಯಸ್ತಾ |
ಮೂಲಬರ್ಹಣೀ ಪರ್ಯಾಕ್ರಿಯಮಾಣಾ ಕ್ಷಿತಿಃ ಪರ್ಯಾಕೃತಾ || ೧೬,೧೪೪।೨

ಅಘಂ ಪಚ್ಯಮಾನಾ ಪರಾಭೂತಿಃ ಪಕ್ವಾ |
ಸುಗುಧ್ರಿಯಮಾಣಾಶೀವಿಷ ಉದ್ಧೃತಾಸಂಜ್ಞಾ ಗಂಧೇನ || ೧೬,೧೪೪।೩

ಅಭೂತಿರ್ ಉಪಹ್ರಿಯಮಾಣಾ ಪರಾಭೂತಿರ್ ಉಪಹೃತಾ |
ಶರ್ವಃ ಕ್ರುದ್ಧಃ ಪಿಶ್ಯಮಾನಾ
ಶಿಮಿದಾ ಪಿಶಿತಾ || ೧೬,೧೪೪।೪

ಆರ್ತಿರ್ ಅಶ್ಯಮಾನಾ ವೀಕರ್ತೋ ಅಶಿತಾ |
ಅಶಿತಾ ಲೋಕಾಚ್ ಛಿನತ್ತಿ ಬ್ರಹ್ಮಚಾರೀ ಬ್ರಹ್ಮಜ್ಯಂ ಅಸ್ಮಾಚ್ ಚಾಮುಷ್ಮಾಚ್ ಚ || ೧೬,೧೪೪।೫
(೧೪೪)

ತಸ್ಯಾ ಆಹನನಂ ಕೃತ್ಯಾ ಮೇನಿರ್ ಆಶಸನಂ ವಲಗ ಊಬಧ್ಯಂ
ಅಸ್ವಗತಾ ಪರಿಹ್ವೃತಾ |
ಅಗ್ನಿಃ ಕ್ರವ್ಯಾದ್ ಭೂತ್ವಾ ಬ್ರಹ್ಮಗವೀ ಬ್ರಹ್ಮಜ್ಯಂ ಪ್ರವಿಶ್ಯಾತ್ತಿ || ೧೬,೧೪೫।೧

ಸರ್ವಾಸ್ಯಾಂಗಾನಿ ಮೂಲಾನಿ ವೃಶ್ಚತಿ
ಛಿನತ್ತ್ಯ್ ಅಸ್ಯ ಪಿತೃಬಂಧೂನ್ ಪರಾ ಭಾವಯತಿ ಮಾತೃಬಂಧೂನ್ |
ವಿವಾಹಾಂ ಜ್ಞಾತೀನ್ ಸರ್ವಾನ್ ಅಪಿ ಕ್ಷಾಪಯತಿ ಬ್ರಹ್ಮಗವೀ ಕ್ಷತ್ರಿಯಸ್ಯಾಪುನರ್ದೀಯಮಾನಾ || ೧೬,೧೪೫।೨

ಅವಾಸ್ತುಂ ಏನಂ ಅಸ್ವಗಂ ಅಪ್ರಜಸಂ ಕರೋತ್ಯ್
ಅಪರಾಪರಣೋ ಭವತಿ ಕ್ಷೀಯತೇ |
ಯ ಏವಂ ವಿದುಷೋ ಬ್ರಾಹ್ಮಣಸ್ಯ ಕ್ಷತ್ರಿಯೋ ಗಾಂ ಆದತ್ತೇ || ೧೬,೧೪೫।೩

ಕ್ಷಿಪ್ರಂ ವೈ ತಸ್ಯಾಹನನೇ
ಗೃಧ್ರಾಃ ಕುರ್ವತ ಐಲವಂ |
(…) ತಸ್ಯಾದಹನಂ
ಪರಿ ನೃತ್ಯಂತಿ ಕೇಶಿನೀರ್
ಆಘ್ನಾನಾಃ ಪಾಣಿನೋರಸಿ
ಕುರ್ವಾಣಾಃ ಪಾಪಂ ಐಲವಂ || ೧೬,೧೪೫।೪

(…) ತಸ್ಯ ವಾಸ್ತುಷು
ಗಂಗಣಂ ಕುರ್ವತೇ ವೃಕಾಃ |
ಕ್ಷಿಪ್ರಂ ವೈ ತಸ್ಯ ಪೃಚ್ಛಂತಿ
ಯತ್ ತದ್ ಆಸೀದ್ ಇದಂ ನು ತಾತ್ || ೧೬,೧೪೫।೫
(೧೪೫)

ಛಿಂಧ್ಯ್ ಆ ಛಿಂಧಿ ಪ್ರ ಛಿಂಧ್ಯ್
ಅಪಿ ಕ್ಷಾಪಯ ಕ್ಷಾಪಯ |
ಆದದಾನಂ ಆಂಗಿರಸಿ
ಬ್ರಹ್ಮಜ್ಯಂ ಉಪ ದಾಸಯ || ೧೬,೧೪೬।೧

ವೈಶ್ವದೇವೀ ಹ್ಯ್ ಉಚ್ಯಸೇ
ಕೃತ್ಯಾ ಕೂಲ್ಬಜಾಂ ಆವೃತಾ
ಓಷಂತೀ ಸಮೋಷಂತೀ ಬ್ರಹ್ಮಣೋ ವಜ್ರಃ || ೧೬,೧೪೬।೨

ಕ್ಷುರಪವಿರ್ ಮೃತ್ಯುರ್ ಭೂತ್ವಾಪಿಧಾವಿತಃ |
ಆ ದತ್ಸೇ ಜಿನತಾಂ ವರ್ಚ
ಇಷ್ಟಂ ಪೂರ್ತಂ ಚಾಶಿಷಃ || ೧೬,೧೪೬।೩

ಆದಾಯ ಜೀತಂ ಜೀತಾಯ
ಲೋಕೇ ಽಮುಷ್ಮಿನ್ ಪ್ರ ಯಚ್ಛಸಿ |
ಅಘ್ನ್ಯೇ ಪದವೀರ್ ಭವ ಬ್ರಾಹ್ಮಣಸ್ಯಾಭಿಶಸ್ತ್ಯಾ || ೧೬,೧೪೬।೪

ಮೇನಿಃ ಶರವ್ಯಾ ಭವಾಘಾದ್ ಅಘವಿಷಾ ಭವ |
ಅಗ್ನ್ಹ್ಯೇ ಪ್ರ ಶಿರೋ ಜಹಿ ಬ್ರಹ್ಮಜ್ಯಸ್ಯ ಕೃತಾಗಸಃ || ೧೬,೧೪೬।೫

ತ್ವಯಾ ಪ್ರವೃಕ್ತಂ ರಜತಂ
ಅಗ್ನಿರ್ ದಹತು ದುಷ್ಕೃತಂ
ದೇವಪೀಯುಂ ಅರಾಧಸಂ |
ವೃಶ್ಚ ಪ್ರ ವೃಶ್ಚ ಛಿಂಧಿ ಪ್ರ ಛಿಂಧಿ
ಕೃಂತ ಪ್ರ ಕೃಂತ ಪಿಂಶ ಪ್ರ ಪಿಂಶೌಷ ಸಂ ಓಷ ದಹ ಪ್ರ ದಹ |
ಬ್ರಹ್ಮಜ್ಯಂ ದೇವ್ಯ್ ಅಘ್ನ್ಯ
ಆ ಮೂಲಾದ್ ಅನು ಸಂದಹ || ೧೬,೧೪೬।೬
(೧೪೬)

ಯತ್ ತೇ ಶೀರ್ಷಣಿ ದೌರ್ಭಾಗ್ಯಂ
ಸಕ್ತಂ ಕೇಶೇಷು ನಿಹಿತಂ ಲಲಾಟೇ |
ಅಯಂ ತದ್ ವಿಶ್ವಭೇಷಜೋ
ಅಪಾಮಾರ್ಗೋ ಽಪ ಲುಂಪತು || ೧೬,೧೪೭।೧

ಯತ್ ತೇ ಭ್ರುವೋರ್ ದೌರ್ಭಾಗ್ಯಂ
ಕರ್ಣಯೋರ್ ಅಕ್ಷ್ಣೋರ್ ಹಿತಂ |
(…) || ೧೬,೧೪೭।೨

(ಯತ್) ತೇ ಮುಖೇ ನಾಸಿಕಾಯಾಂ
ದೌರ್ಭಾಗ್ಯಂ ವಾಚ್ಯ್ ಓಷ್ಠಯೋಃ |
(…) || ೧೬,೧೪೭।೩

ಯತ್ ತೇ ದತ್ಸು ದೌರ್ಭಾಗ್ಯಂ
ಜಿಹ್ವಾಯಾಂ ಛುಬುಕೇ ಹಿತಂ |
(…) || ೧೬,೧೪೭।೪

(ಯತ್) ತೇ ಮನಸಿ ಸಂಕಲ್ಪೇ
ದೌರ್ಭಾಗ್ಯಂ ಪ್ರಾಣ ಆಹಿತಂ |
(…) || ೧೬,೧೪೭।೫

ಯತ್ ತೇ ಹನ್ವೋರ್ ದೌರ್ಭಾಗ್ಯಂ
ಕಂಠೇ ಕ್ಲೋಮಸು ವಿಷ್ಠಿತಂ |
(…) || ೧೬,೧೪೭।೬

ಯತ್ ತೇ ಸ್ಕಂಧೇಷು ಗ್ರೀವಾಸು
ದೌರ್ಭಾಗ್ಯಂ ಕೀಕಸಾಸ್ವ್ ಅನೂಕ್ಯೇ |
(…) || ೧೬,೧೪೭।೭

ಯತ್ ತೇ ದೋಷ್ಣೋರ್ ದೌರ್ಭಾಗ್ಯಂ
ಅಂಸಯೋರ್ ಉಪಪಕ್ಷಯೋಃ |
(…) || ೧೬,೧೪೭।೮

ಯತ್ ತೇ ಬಾಹ್ವೋರ್ ದೌರ್ಭಾಗ್ಯಂ
ಅರತ್ನ್ಯೋಃ ಕಲ್ಕುಷೀರ್ ಅನು |
(…) || ೧೬,೧೪೭।೯

ಯತ್ ತೇ ಹಸ್ತಯೋರ್ ದೌರ್ಭಾಗ್ಯಂ
ಪಾಣ್ಯೋರ್ ಅಂಗುಲೀರ್ ಅನು |
(…) || ೧೬,೧೪೭।೧೦
(೧೪೭)

ಯತ್ ತೇ ಪೃಷ್ಟಿಷು ದೌರ್ಭಾಗ್ಯಂ
ಜಘನೇ ಸ್ಫಿಜೋರ್ ಹಿತಂ |
(…) || ೧೬,೧೪೮।೧

ಯತ್ ತ ಉರಸಿ ದೌರ್ಭಾಗ್ಯಂ
ಪಾರ್ಶ್ವಯೋ ಸ್ತನಯೋರ್ ಹಿತಂ |
(…) || ೧೬,೧೪೮।೨

ಯತ್ ತೇ ಹೃದಯೇ ದೌರ್ಭಾಗ್ಯಂ
ನಾಭ್ಯಾಂ ವಕ್ಷಣಾ ಅನು |
(…) || ೧೬,೧೪೮।೩

ಯತ್ ತೇ ಪ್ಲೀಹ್ನಿ ದೌರ್ಭಾಗ್ಯಂ
ಯದ್ ವಾ ಯಕನಿ ವೃಕ್ಕಯೋಃ |
(…) || ೧೬,೧೪೮।೪

ಯತ್ ತೇ ಗುದಾಸ್ವ್ ಆಂತ್ರೇಷು
ದೌರ್ಭಾಗ್ಯಂ ಉದರೇ ಹಿತಂ |
(…) || ೧೬,೧೪೮।೫

ಯತ್ ತೇ ವಸ್ತೌ ದೌರ್ಭಾಗ್ಯಂ
ವನಿಷ್ಠೌ ಪ್ಲಾಶಾವ್ ಆಹಿತಂ |
(…) || ೧೬,೧೪೮।೬

ಯತ್ ತೇ ಭಂಸಸಿ ದೌರ್ಭಾಗ್ಯಂ
ಯದ್ ವಾ ಯಾಶುಷು ಮುಷ್ಕಯೋಃ |
(…) || ೧೬,೧೪೮।೭

ಯತ್ ತೇ ಶ್ರೋಣ್ಯೋರ್ ದೌರ್ಭಾಗ್ಯಂ
ಅವಚಾಲೂಶಯೋರ್ ಹಿತಂ |
(…) || ೧೬,೧೪೮।೮

ಯತ್ ತೇ ಭಸದಿ ದೌರ್ಭಾಗ್ಯಂ
ಊರ್ವೋರ್ ಜಾನುನೋರ್ ಹಿತಂ |
(…) || ೧೬,೧೪೮।೯

ಯತ್ ತೇ ಜಂಘಯೋರ್ ದೌರ್ಭಾಗ್ಯಂ
ಸ್ಥೂರಯೋಃ ಪಾರ್ಷ್ಣ್ಯೋರ್ ಹಿತಂ |
(…) || ೧೬,೧೪೮।೧೦
(೧೪೮)

ಯತ್ ತೇ ಗುಲ್ಫಯೋರ್ ದೌರ್ಭಾಗ್ಯಂ
ಪಾದಯೋರ್ ಅಂಗುಲೀರ್ ಅನು |
(…) || ೧೬,೧೪೯।೧

(ಯತ್) ತೇ ಪರುಷು ದೌರ್ಭಾಗ್ಯಂ
ಮಾಂಸೇ ಅಸ್ಥಿಷು ಮಜ್ಜಸು |
(…) || ೧೬,೧೪೯।೨

ಯತ್ ತೇ ಕಿಂ ಚ ದೌರ್ಭಾಗ್ಯಂ
ಅಂಗೇಅಂಗೇ ಪ್ರತಿಷ್ಠಿತಂ
ಯದ್ ವಾ ಲೋಮಸು ವಿಷ್ಠಿತಂ |
(…) || ೧೬,೧೪೯।೩

ಯತ್ ತೇ ಅಕ್ಷೇಷು ದೌರ್ಭಾಗ್ಯಂ
ಪ್ರಹಾಯಾಂ ಅಧಿದೇವನೇ |
(…) || ೧೬,೧೪೯।೪

ಯತ್ ತೇ ಪಶುಷು ದೌರ್ಭಾಗ್ಯಂ
ಕೃಷ್ಯಾಂ ಅಶನೇರ್ ಹಿತಂ |
(…) || ೧೬,೧೪೯।೫

ಯಾ ತೇ ಲಕ್ಷ್ಮೀರ್ ಬ್ರೂಣಹತ್ಯಾ-
-ಅಥೋ ಯಾ ತೇ ಅಪುತ್ರತಾ |
(…) || ೧೬,೧೪೯।೬

ಯತ್ ತೇ ದಿಷ್ಟಂ ಪಿತೃಷದ್ಯಂ
ಅಥೋ ಯಾ ತೇ ಅಪಚಿತಾ |
(…) || ೧೬,೧೪೯।೭

ಯಾ ತೇ ಕಾ ಚ ಪಾಪೀ ಲಕ್ಷ್ಮೀರ್
ಅಥೋ ಯಾ ತೇ ಅಪಶುತಾ |
ಅಯಂ ತದ್ ವಿಶ್ವಭೇಷಜೋ
ಅಪಾಮಾರ್ಗೋ ಽಪ ಲುಂಪತು || ೧೬,೧೪೯।೮

ಕಂಠದಘ್ನಾಂ ಅಹಿಮಾರ್ತ್ತಿನೃಣಾಂ
ದೇವೇಭ್ಯಃ ಕಿಲ್ಬಿಷಂ ಯದ್ ಬಭೂವ |
ಇಮಾಸ್ ತದ್ ಆಪಃ ಪ್ರ ವಹಂತು ರಿಪ್ರಂ
ಪುನಾತು ಮಾ ಶತಧಾರಂ ಪವಿತ್ರಂ || ೧೬,೧೪೯।೯

ಸ್ನಾಹಿ ರಿಪ್ರಂ ಶಮಲಂ ಚ ಸರ್ವಂ
ಕೃಷ್ಣೇ ಚೇಲೇ ಸಾದಯಿತ್ವಾ ಪಾಪಂ |
ಹಿತ್ವಾವರ್ತಿಂ ನಿರೃತಿಂ ಮೃತ್ಯುಪಾಶಾನ್
ಸೂರ್ಯಂ ಜ್ಯೋತಿರ್ ಅಭ್ಯ್ ಏಹ್ಯ್ ಅಗ್ನಿಂ || ೧೬,೧೪೯।೧೦

ಉದ್ಯಂತೋ ಅಸ್ಮಾನ್ ಮಹತಃ ಸಮುದ್ರಾನ್
ಮುಚ್ಯಮಾನೋ ಅಂಹಸಃ ಪಾಪ್ಮನಶ್ ಚ |
ಪುನರ್ ಮನಃ ಪುನರ್ ಆಯುರ್ ನ ಆಗನ್
ಮಾ ಮಾ ದಭನ್ ಪಣಯೋ ಯಾತುಧಾನಾಃ || ೧೬,೧೪೯।೧೧

ಅವ ರಿಪ್ರಂ ಅನಿಕ್ಷ್ಮಹ್ಯ್
ಅಶಸ್ತಿಂ ಅಧ್ಯ್ ಆತ್ಮನಃ |
ವರ್ಚ ಆ ಧೀಯತಾಂ ಮಯಿ
ತೇಜ ಆ ಧೀಯತಾಂ ಮಯಿ |
ಪ್ರಾಣಾಪಾನೌ ಮಾ ಮಾ ಹಾಸಿಷ್ಟಂ
ಸರ್ವಂ ಆಯುರ್ ಅಶೀಯ || ೧೬,೧೪೯।೧೨
(೧೪೯)

ಅನುವಾಕ ೨೧ ||
ಬ್ರಹ್ಮ ಜಜ್ಞಾನಂ ಇತ್ಯ್ ಏಕಾ ||
ಬ್ರಹ್ಮ ಭ್ರಾಜದ್ ಉದ್ ಅಗಾದ್ ಅಂತರಿಕ್ಷಂ
ದಿವಂ ಚ ಬ್ರಹ್ಮಾವಾಧೂಷ್ಟಾಮೃತೇನ ಮೃತ್ಯುಂ |
ಬ್ರಹ್ಮೋಪದ್ರಷ್ಟಾ ಸುಕೃತಸ್ಯ ಸಾಕ್ಷಾದ್
ಬ್ರಹ್ಮಾಸ್ಮದ್ ಅಪ ಹಂತು ಶಮಲಂ ತಮಶ್ ಚ || ೧೬,೧೫೦।೨

ಪ್ರತೀಚೀರ್ ಆಯತಾ ಸ್ತರ
ವಿತತಾಃ ಪಶ್ಯಾಮಹೈ |
ಸಮುದ್ರೇ ಅಪ್ಸು ಯಾ ಹಿತಾ-
-ಅಸುರಾಣಾಂ ಅಯಸ್ಮಯೀ || ೧೬,೧೫೦।೩

ಹರಿಃ ಸುಪರ್ಣೋ ದಿವಂ ಆರುಹೋ ಽರ್ಚಿಷಾ
ಯೇ ತ್ವಾ ದಿಪ್ಸಂತಿ ದಿವಂ ಉತ್ಪತಂತಂ |
ಅವ ತಾಂ ಜಹಿ ಹರಸಾ ಜಾತವೇದೋ
ಽಬಿಭ್ಯದ್ ಉಗ್ರೋ ಹ್ಯ್ ಅರ್ಚಿಷಾ
ದಿವಂ ಆ ರೋಹ ಸೂರ್ಯ || ೧೬,೧೫೦।೪

ಅಯೋಜಾಲಾ ಅಸುರಾ ಮಾಯಿನೋ ಽಯಸ್ಮಯೈಃ
ಪಾಶೈರ್ ಅಂಕಿನೋ ಯೇ ಚರಂತಿ |
ತಾಂಸ್ ತೇ ರಂಧಯಾಮಿ ಹರಸೇ ಜಾತವೇದಃ
ಸಹಸ್ರಭೃಷ್ಟಿಃ ಸಪತ್ನಾನ್ ಪ್ರಮೃಣನ್ ಯಾಹಿ ವಜ್ರಃ || ೧೬,೧೫೦।೫

ದೇವಾನಾಂ ಅಧಿಪಾ ಏತಿ ಘರ್ಮ
ಋತೇನ ಭ್ರಾಜನ್ನ್ ಅಮೃತಂ ವಿಚಷ್ಟೇ |
ಹಿರಣ್ಯವರ್ಣೋ ನಭಸೋ ದೇವ ಸೂರ್ಯ
ಘರ್ಮೋ ಭ್ರಾಜನ್ ದಿವೋ ಅಂತಾನ್ ಪರ್ಯ್ ಏಷಿ ವಿದ್ಯುತಾ || ೧೬,೧೫೦।೬

ವಿದ್ಯೋತಂತೇ ವಿದ್ಯುತೋ ಅಗ್ನಿಜಿಹ್ವಾ
ಹಿರಣ್ಯವರ್ಣಾ ಅಮೃತಾ ಅಪ್ಸ್ವ್ ಅಂತಃ ಸಮುದ್ರೇ |
ರುದ್ರಸ್ಯ ಕ್ಷಿಪ್ನೋ ಸ್ತನಯಿತ್ನೋರ್ ವಿದ್ಯುತ್ ತಸ್ಯ
ವೈಶ್ವಾನಾರಸ್ಯ ಹೇತಿಃ ಪರಿ ಣೋ ವೃಣಕ್ತು || ೧೬,೧೫೦।೭

ವಿದ್ಯುತಾ ಭ್ರಾಜನ್ ಹೃದಯಂ ಯಾತ್ಯ್ ಅಗ್ನಿರ್
ವ್ಯಾಘ್ರಾ ಅಪ್ಸುಷದೋ ಯತ್ರ ಭೀಮಾಃ |
ವಿಷ್ಣೋಃ ಕ್ರಮೈ ಸ್ತನಯನ್ನ್ ಏತಿ ರುದ್ರೋ
ನುದಂ ಛತ್ರೂನ್ ವಿ ಮೃಧೋ ಬಾಧಮಾನೋ
ಽಸಪತ್ನಾಃ ಪ್ರದಿಶೋ ಮೇ ಕೃಣೋತು || ೧೬,೧೫೦।೮

ಅಪೋ ವಸಾನಃ ಸಮೈತ್ಯ್ ಅಂತರಿಕ್ಷಂ
ದಿವಂ ಚ ಸಮಿದ್ಧೋ ಅಗ್ನಿರ್ ದಿವ್ಯಸ್ ತಪೋಧಾಃ |
ವೈಶ್ವಾನರಃ ಶಮಯಾ ಶೀತರೂರೇ
ಅಪಾಂ ಸುಪರ್ಣೋ ದಿವ ಏತಿ ಪೃಷ್ಠೇ || ೧೬,೧೫೦।೯

ವೈಶ್ವಾನರಃ ಸಮುದ್ರಂ ಪರ್ಯ್ ಏತಿ ಶುಕ್ರೋ
ಘರ್ಮೋ ಭ್ರಾಜನ್ ತೇಜಸಾ ರೋಚಮಾಣಃ |
ನುದಂ ಛತ್ರೂನ್ ಪ್ರದಹನ್ ಮೇ ಸಪತ್ನಾನ್
ಆದಿತ್ಯೋ ದ್ಯಾಂ ಅಧ್ಯರುಕ್ಷದ್ ವಿಪಶ್ಚಿತ್ || ೧೬,೧೫೦।೧೦
(೧೫೦)

ವೈಶ್ವಾನರಃ ಸಂ ತಪತ್ಯ್ ಅಂತರಿಕ್ಷಂ
ದಿವಂ ಚ ಸಮಿದ್ಧೋ ಅಗ್ನಿರ್ ದಿವ್ಯಸ್ ತಪೋಜಾಃ |
ಶಿಕ್ಷಂತ್ವ್ ಅಸ್ಮಾ ಅಭಿ ಸುನ್ವಂತಿ ಸೋಮ
ಋತೇನ ಭ್ರಾಜನ್ನ್ ಅಮೃತಂ ವಸ್ತೇ ಅತ್ಕೀ || ೧೬,೧೫೧।೧

ರಾರಹ್ಯೇತೇ ನೇಲಯತಃ
ಶೀತರೂರೇ ತನ್ವಾವ್ ಅಸ್ಯ ಭೀಮೇ |
ರೂಪಾಣ್ಯ್ ಏತಿ ಬಹುಧಾ ವಸಾನೋ
ಗುಹಾ ಕೃಣ್ವಾನಸ್ ತನ್ವಃ ಪರಾಚೀಃ || ೧೬,೧೫೧।೨

ಪಂಚಾರೇ ಚಕ್ರೇ ಪರಿವರ್ತಮಾನೇ
ಸಮಾರೋಹಂತಿ ಭುವನಾನಿ ವಿಶ್ವಾ |
ತಸ್ಯ ನಾಕ್ಷಸ್ ತಪ್ಯತೇ ಭೂರಿಭಾರಃ
ಸನಾದ್ ಏವ ನ ಛಿದ್ಯತೇ ಸನಾಭಿಃ || ೧೬,೧೫೧।೩

ಪಂಚಭಿಸ್ ತಪ್ತಸ್ ತಪತ್ಯ್ ಏಷ ಏತತ್
ಸಹಸ್ರಧಾಮಾನಂ ಅನು ತಿಷ್ಠಂತ್ಯ್ ಏನಂ |
ಸಪ್ತ ತ್ವಾ ಸೂರ್ಯ ಹರಿತೋ ವಹಂತಿ
ಬ್ರಹ್ಮಣಾದಿತ್ಯಸ್ ತ್ರಿವೃತಾ ಮುಖೇನ || ೧೬,೧೫೧।೪

ವಿ ದ್ಯೋತತೇ ದ್ಯೋತತ ಆ ಚ ದ್ಯೋತತೇ
ಅಪ್ಸ್ವ್ ಅಂತರ್ ಅಮೃತೋ ಘರ್ಮ ಉದ್ಯನ್ |
ಹಂತಾ ವೃತ್ರಸ್ಯ ಹರಿತಾಂ ಅನೀಕಂ
ಅನಾಧೃಷ್ಟಾಸ್ ತನ್ವಃ ಸೂರ್ಯಸ್ಯ || ೧೬,೧೫೧।೫

ಘರ್ಮಃ ಪಶ್ಚಾದ್ ಉತ ಘರ್ಮಃ ಪುರಸ್ತಾದ್
ಅಯೋದಂಷ್ಟ್ರಾಯ ದ್ವಿಷತೋ ಽಪಿ ದಧ್ಮಃ |
ವೈಶ್ವಾನರಃ ಶೀತರೂರೇ ವಸಾನಃ
ಸಪತ್ನಾನ್ ಮೇ ದ್ವಿಷತೋ ಹಂತು ಸರ್ವಾನ್ || ೧೬,೧೫೧।೬

ಋತೂನ್ ಋತುಭಿಃ ಶ್ರಪಯತಿ
ಬ್ರಹ್ಮಣೈಕವೀರೋ ಘರ್ಮಃ
ಶುಚಾನಃ ಸಮಿಧಾ ಸಮಿದ್ಧಃ |
ಬ್ರಹ್ಮಾ ತ್ವಾ ತಪತಿ ಬ್ರಹ್ಮಣಾ ತೇಜಸಾ ಚ || ೧೬,೧೫೧।೭

ಬ್ರಹ್ಮ ಜಜ್ಞಾನಂ ಪ್ರಥಮಂ
ಸಮಾ ದದೇ ತಜ್ ಜಾಯಮಾನಂ
ನ ಬಿಭಿದೇ ನ ಭಿದ್ಯತೇ |
ತದ್ ಅಂಗಮಾನಂ ಪಿತರಂ ವ್ಯಾಹತಿ
ತಸ್ಯ ನಾಡ್ಯ ಆತತಾ ವಿತತಾಸ್ ತತಾ ಉ ತಾಃ || ೧೬,೧೫೧।೮

ಅಸಯಜ್ಜಾನ ಸತ ಆ ಜಭಾರ
ಯ ಈಂ ಜಜಾನ ಸ ಇದ್ ಅಸ್ಯ ಭರ್ತಾ |
ಪ್ರಜಾಪತಿಃ ಪ್ರಜಾಭಿಃ ಸಂವಿದಾನಸ್
ತ್ರೀಣಿ ಜ್ಯೋತೀಂಷಿ ದಧತೇ ನ ಪಾಕಃ || ೧೬,೧೫೧।೯

ಪ್ರಜಾಪತಿಶ್ ಚರತಿ ಗರ್ಭೇ ಅಂತಃ
ಸ ಜಾಯಮಾನೋ ಬಹುಧಾ ಪ್ರ ಜಾಯತೇ |
ತಸ್ಯ ಪದಂ ಅಭಿ ಪಶ್ಯಂತಿ ವೇಧಸಸ್
ತಸ್ಮಿನ್ನ್ ಆರ್ಪಿತಾ ಭುವನಾನಿ ವಿಶ್ವಾ || ೧೬,೧೫೧।೧೦
(೧೫೧)

ಯಸ್ಮಿನ್ ದೇವಾಃ ಪಿತರೋ ಮನುಷ್ಯಾ
ಅರಾ ನಾಭಾವ್ ಇವ ಶ್ರಿತಾಃ |
ಅಪಾಂ ತ್ವಾ ಪುಷ್ಪಂ ಪೃಚ್ಛಾಮಿ
ಯತ್ರ ತನ್ ಮಾಯಯಾಹಿತಂ || ೧೬,೧೫೨।೧

ಯತ್ರಾಪಾಂ ಪುಷ್ಪಂ ನಿಹಿತಂ
ಮಾಯಯಾತಿಹಿತಂ ಗುಹಾ |
ಯೋ ವೈ ತದ್ ವಿದ್ಯಾತ್ ಪ್ರತ್ಯಕ್ಷಂ
ಸ ವಿದ್ಯಾದ್ ಬ್ರಾಹ್ಮಣಂ ಮಹತ್ || ೧೬,೧೫೨।೨

ಮಣಿಸ್ ತ್ರಿಷೂತ್ರೋ ನಿಹಿತಃ ಸ್ವರ್ವಿದ್
ಊರ್ಧ್ವಸ್ ತಿರ್ಯಙ್ ವಿಶ ಏತು ಪ್ರಜಾನನ್ |
ಸ ಪುಮಾನ್ ಪುಂಸೋ ಜನಯನ್ನ್ ಋತೇನ
ಸರ್ವಾನ್ ಅಂತಾನ್ ಗಚ್ಛತು ಸದ್ಯ ಏವ || ೧೬,೧೫೨।೩

ಸರ್ವಾಂ ರಾತ್ರೀಂ ಸಂ ಓಷತ್ವ್
ಆದಿತ್ಯೋ ಜಾತವೇದಸಾ |
ಅಗ್ನೇರ್ ಅಧಿ ದಿವಂ ಆ ರೋಹನ್ನ್
ಆಯುಷಾ ಸಂ ಅನಕ್ತು ಮಾ
ವರ್ಚಸಾ ಸಂ ಸೃಜಾತಿ ಮಾ || ೧೬,೧೫೨।೪

ಘರ್ಮಃ ಸಾಹಸ್ರಃ ಸಮಿಧಾ ಸಮಿದ್ಧೋ
ಽಸಪತ್ನಾಃ ಪ್ರದಿಶೋ ಮೇ ಕೃಣೋತು |
ಸಪತ್ನಾನ್ ಸರ್ವಾನ್ ಮೇ ಸೂರ್ಯೋ
ಹಂತು ವೈಶ್ವಾನರೋ ಹರಿಃ || ೧೬,೧೫೨।೫

ಘರ್ಮಸ್ ತಪ್ತಃ ಪ್ರ ದಹತು
ಭ್ರಾತೃವ್ಯಾನ್ ದ್ವಿಷತೋ ಮಮ |
ಆ ದತ್ತಾಂ ಛತ್ರೂನ್ ಆದಿತ್ಯ
ಉದ್ಯನ್ ಸೂರ್ಯಃ ಪೃತನ್ಯತಃ || ೧೬,೧೫೨।೬

ವೈಶ್ವಾನರಃ ಪ್ರ ದಹತು
ಭ್ರಾತೃವ್ಯಾನ್ ದ್ವಿಷತೋ ವೃಷಾ |
ಉದ್ಯನ್ ಮೇ ಶುಕ್ರ ಆದಿತ್ಯೋ
ವಿ ಮೃಧೋ ಹಂತು ಸೂರ್ಯಃ || ೧೬,೧೫೨।೭

ಶುಕ್ರಂ ಸುಪರ್ಣಂ ಹರಿ ಬ್ರಹ್ಮ
ಭ್ರಾಜದ್ ಅಜಸ್ರಂ ಜ್ಯೋತಿರ್ ದಿವಂ ಆ ತತಾನ |
ಹರಿಃ ಸುಪರ್ಣಃ ಪ್ರಮಥಿಷ್ಣುರ್ ಆಶುಃ
ಸಪತ್ನಾನ್ ಹಂತು ಮಹಾತಾ ವಧೇನ || ೧೬,೧೫೨।೮

ಹರಿಃ ಸುಪರ್ಣಃ ಸುದಿನೋ ಽಭಯಂಕರೋ
ಹಿರಣ್ಯವರ್ಣೋ ದುರುದಾಪ ಆಶುಃ |
ಸಪತ್ನಾನ್ ಸರ್ವಾನ್ ಮೇ ಸೂರ್ಯ
ಆದಿತ್ಯೋ ಹಂತು ರಶ್ಮಿಭಿಃ || ೧೬,೧೫೨।೯

ಮಹಾಂತಂ ಅರ್ಥಂ ಪರಿ ಸದ್ಯ ಏತ್ವ್
ಅಹೋರಾತ್ರೇ ವಿದಧಚ್ ಛುಕ್ರ ಉದ್ಯನ್ |
ಸಪತ್ನಾನ್ ಸರ್ವಾನ್ ಮೇ ಸೂರ್ಯ
ಏತು ವೈಶ್ವಾನರೋ ದಹನ್ || ೧೬,೧೫೨।೧೦

ಉದ್ಯನ್ನ್ ಅದ್ಯ ಮಿತ್ರಮಹ ಇತ್ಯ್ ಏಕಾ || ೧೬,೧೫೨।೧೧

ತೇಜಸ್ ತಪಾಂಸಿ ಮುಖತೋ ಬಿಭರ್ಷ್ಯ್
ಆನಂದಂ ಭೂತಿಂ ಮಹಸಃ ಪ್ರತಿಷ್ಠಾಂ |
ಪರ್ಯೂಹಮಾಣಃ ಶ್ರಿಯಂ ಏಷಿ ಸರ್ವತೋ
ಅಮೋಘಂ ಸತ್ಯಂ ಯಶ ಉದ್ಯತಂ ತೇ || ೧೬,೧೫೨।೧೨
(೧೫೨)

ಬ್ರಹ್ಮಚಾರೀಷ್ಣಂಶ್ ಚರತಿ ರೋದಸೀ ಉಭೇ
ಯಸ್ಮಿನ್ ದೇವಾಃ ಸಂಮನಸೋ ಭವಂತಿ |
ಸ ದಾಧಾರ ಪೃಥಿವೀಂ ದ್ಯಾಂ ಉತಾಮೂಂ
ಸ ಆಚಾರ್ಯಂ ತಪಸಾ ಪಿಪರ್ತು || ೧೬,೧೫೩।೧

ಆಚಾರ್ಯ ಉಪನಯಮಾನೋ ಬ್ರಹ್ಮಚಾರಿಣಂ
ಕೃಣುತೇ ಗರ್ಭಂ ಅಂತಃ |
ತಂ ರಾತ್ರೀಸ್ ತಿಸ್ರ ಉದರೇ ಬಿಭರ್ತಿ
ತಂ ಜಾತಂ ದ್ರಷ್ಟುಂ ಅಭಿಸಂಯಂತಿ ದೇವಾಃ |
ಬ್ರಹ್ಮಚಾರಿಣಂ ಪಿತರೋ ಮನುಷ್ಯಾ ದೇವಜನಾ
ಗಂಧರ್ವಾ ಏನಂ ಅನು ಯಂತಿ ಸರ್ವೇ || ೧೬,೧೫೩।೨

ತ್ರಯಸ್ತ್ರಿಂಶತಂ ತ್ರಿಶತಾನ್ ಷಟ್ ಸಹಸ್ರಾನ್
ಸರ್ವಾನ್ ಸ ದೇವಾಂಸ್ ತಪಸಾ ಪಿಪರ್ತಿ |
ಇಯಂ ಸಮಿತ್ ಪೃಥಿವೀ ದ್ಯೌರ್ ದ್ವಿತೀಯಾ-
-ಉತಾಂತರಿಕ್ಷಂ ಸಮಿಧಾ ಪೃಣಾತಿ |
ಬ್ರಹ್ಮಚಾರೀ ಸಮಿಧಾ ಮೇಖಲಾವೀ
ಶ್ರಮೇಣ ಲೋಕಾಂಸ್ ತಪಸಾ ಪಿಪರ್ತಿ || ೧೬,೧೫೩।೩

ಪೂರ್ವೋ ಜಾತೋ ಬ್ರಹ್ಮಣೋ ಬ್ರಹ್ಮಚಾರೀ
ಘರ್ಮಂ ವಸಾನಸ್ ತಪಸೋ ಽಧಿ ತಿಷ್ಠತ್ |
ತಸ್ಮಾಜ್ ಜಾತಂ ಬ್ರಾಹ್ಮಣಂ ಬ್ರಹ್ಮ ಜ್ಯೇಷ್ಠಂ
ದೇವಾಶ್ ಚ ಸರ್ವೇ ಅಮೃತೇನ ಸಾಕಂ || ೧೬,೧೫೩।೪

ಬ್ರಹ್ಮಚಾರೀ ಸಮಿಧಾ ಸಮಿದ್ಧಃ
ಕಾರ್ಷ್ಣಂ ವಸಾನೋ ದೀಕ್ಷಿತೋ ದೀರ್ಘಶ್ಮಶ್ರುಃ |
ಸ ಸದ್ಯ ಏತಿ ಪೂರ್ವಾದ್ ಅಪರಂ ಸಮುದ್ರಂ
ಲೋಕಾನ್ ಸಂರಭ್ಯ ಮುಹುರ್ ಆಚರಿಕ್ರತ್ || ೧೬,೧೫೩।೫

ಬ್ರಹ್ಮಚಾರೀ ಜನಯನ್ ಬ್ರಹ್ಮ-
-ಅಪೋ ಲೋಕಂ ಪ್ರಜಾಪತಿಂ
ಪರಮೇಷ್ಠಿಣಂ ವಿರಾಜಂ |
ಗರ್ಭೋ ಭೂತ್ವಾಮೃತಸ್ಯ ಯೋನಾವ್
ಇಂದ್ರೋ ಭೂತ್ವಾಸುರಾಂಸ್ ತತರ್ಹ || ೧೬,೧೫೩।೬

ಇಮಾಂ ಭೂಮೀಂ ಪೃಥಿವೀಂ ಬ್ರಹ್ಮಚಾರೀ
ಭಿಕ್ಷಾಂ ಜಭಾರ ಪ್ರಥಮೋ ದಿವಂ ಚ |
ತೇ ಬ್ರಹ್ಮ ಕೃತ್ವಾ ಸಮಿಧಾ ಉಪಾಸತೇ
ತಯೋರ್ ಆರ್ಪಿತಾ ಭುವನಾನಿ ವಿಶ್ವಾ || ೧೬,೧೫೩।೭

ಆಚಾರ್ಯಸ್ ತತಕ್ಷ ನಭಸೀ ಉಭೇ
ಉರ್ವೀ ಗಂಭೀರೇ ಪೃಥಿವೀಂ ದಿವಂ ಚ |
ತೇ ಬ್ರಹ್ಮಚಾರೀ ತಪಸಾಭಿ ರಕ್ಷತಿ
ತಯೋರ್ ದೇವಾಃ ಸಧಮಾದಂ ಮದಂತಿ || ೧೬,೧೫೩।೮

ಅರ್ವಾಗ್ ಅನ್ಯಃ ಪರೋ ಅನ್ಯೋ
ಗುಹಾ ನಿಧೀ ನಿಹಿತೌ ಬ್ರಾಹ್ಮಣಸ್ಯ |
ತೌ ಬ್ರಹ್ಮಚಾರೀ ತಪಸಾಭಿ ರಕ್ಷತಿ
ತತ್ ಕೇವಲಂ ಕೃಣುತೇ ಬ್ರಹ್ಮ ವಿದ್ವಾನ್ || ೧೬,೧೫೩।೯
(೧೫೩)

ಅರ್ವಾಗ್ ಅನ್ಯೋ ದಿವಸ್ ಪೃಷ್ಠಾದ್
ಇತೋ ಽನ್ಯಃ ಪೃಥಿವ್ಯಾ ಅಗ್ನೀ
ಸಮೇತೋ ನಭಸೀ ಅಂತರೇಮೇ |
ತಯೋಃ ಶ್ರಯಂತೇ ರಶ್ಮಯೋ ಽಧಿ ದೃಢಾಸ್
ತಾನ್ ಆ ತಿಷ್ಠತಿ ತಪಸಾ ಬ್ರಹ್ಮಚಾರೀ || ೧೬,೧೫೪।೧

ಅಭಿಕ್ರಂದನ್ನ್ ಅರುಣಃ ಶಿತಿಂಗೋ
ಬೃಹಚ್ಛೇಪೋ ಽನು ಭೂಮೌ ಜಭಾರ |
ಬ್ರಹ್ಮಚಾರೀ ಸಿಂಚತಿ
ಸಾನೌ ರೇತಃ ಪೃಥಿವ್ಯಾಂ
ತೇನ ಜೀವಂತಿ ಪ್ರದಿಶಶ್ ಚತಸ್ರಃ || ೧೬,೧೫೪।೨

ಪರ್ಜನ್ಯೋ ಮೃತ್ಯುರ್ ವರುಣಃ
ಸೋಮ ಓಷಧಯಃ ಪಯಃ |
ಜೀಮೂತಾ ಆಸನ್ ಸತ್ವಾನಸ್
ತೈರ್ ಇದಂ ಸ್ವರ್ ಆಭರನ್ || ೧೬,೧೫೪।೩

ಅಗ್ನೌ ಸೂರ್ಯೇ ಚಂದ್ರಮಸಿ
ಮಾತರಿಶ್ವನಿ ಬ್ರಹ್ಮಚಾರ್ಯ್
ಅಪ್ಸು ಸಮಿಧಂ ಆ ದಧಾತಿ |
ತೇಷಾಂ ಅರ್ಚೀಂಷಿ ಪೃಥಗ್ ಅಭ್ರೇ ಚರಂತಿ
ತೇಷಾಂ ಆಜ್ಯಂ ಪುರುಷೋ ವರ್ಷಂ ಅಶ್ವಃ || ೧೬,೧೫೪।೪

ಅಮಾ ಘೃತಂ ಕೃಣುತೇ ಕೇವಲಂ
ಆಚಾರ್ಯೋ ಭೂತ್ವಾ ವರುಣೋ
ಯದ್ಯದ್ ಐಚ್ಛತ್ ಪ್ರಜಾಪತೌ |
ತದ್ ಬ್ರಹ್ಮಚಾರೀ ಪ್ರಾಯಚ್ಛತ್
ಸ್ವಾನ್ ಮಿತ್ರೋ ಅಧ್ಯ್ ಆತ್ಮನಃ || ೧೬,೧೫೪।೫

ಆಚಾರ್ಯೋ ಬ್ರಹ್ಮಚಾರೀ
ಬ್ರಹ್ಮಚಾರೀ ಪ್ರಜಾಪತಿಃ |
ಪ್ರಜಾಪತಿರ್ ವಿ ರಾಜತಿ
ವಿರಾಡ್ ಇಂದ್ರೋ ಽಭವದ್ ವಶೀ || ೧೬,೧೫೪।೬

ಬ್ರಹ್ಮಚರ್ಯೇಣ ತಪಸಾ
ರಾಜಾ ರಾಷ್ಟ್ರಂ ವಿ ರಕ್ಷತೇ |
ಆಚಾರ್ಯೋ ಬ್ರಹ್ಮಚರ್ಯೇಣ
ಬ್ರಹ್ಮಚಾರಿಣಂ ಇಚ್ಛತೇ || ೧೬,೧೫೪।೭

ಬ್ರಹ್ಮಚರ್ಯೇಣ ಕನ್ಯಾ
ಯುವಾನಂ ವಿಂದತೇ ಪತಿಂ |
ಅನಡ್ವಾನ್ ಬ್ರಹ್ಮಚರ್ಯೇಣ-
-ಅಶ್ವೋ ಘಾಸಂ ಜಿಗೀರ್ಷತಿ || ೧೬,೧೫೪।೮

ಬ್ರಹ್ಮಚರ್ಯೇಣ ತಪಸಾ
ದೇವಾ ಮೃತ್ಯುಂ ಅಪಾಜಯನ್ |
ಇಂದ್ರೋ ಹ ಬ್ರಹ್ಮಚರ್ಯೇಣ-
-ಅಮೃತಂ ಸ್ವರ್ ಆಭರತ್ || ೧೬,೧೫೪।೯

ಓಷಧಯೋ ಭೂತಾ ಭವ್ಯಂ
ಅಹೋರಾತ್ರೇ ವನಸ್ಪತಯಃ |
ಸಂವತ್ಸರಃ ಸಹರ್ತುಭಿಸ್
ತೇ ಜಾತಾ ಬ್ರಹ್ಮಚಾರಿಣಃ || ೧೬,೧೫೪।೧೦
(೧೫೪)

ಪಾರ್ಥಿವಾ ದಿವ್ಯಾಃ ಪಶವ
ಆರಣ್ಯಾ ಗ್ರಾಮ್ಯಾ ಚ ಯೇ |
ಅಪಕ್ಷಾಃ ಪಕ್ಷಿಣಶ್ ಚ ಯೇ
ತೇ ಜಾತಾ ಬ್ರಹ್ಮಚಾರಿಣಃ || ೧೬,೧೫೫।೧

ಪೃಥಕ್ ಸರ್ವೇ ಪ್ರಜಾಪತ್ಯಾಃ
ಪ್ರಾಣಾಁ ಆತ್ಮಸು ಬಿಭ್ರತಿ |
ಸರ್ವಾಂಸ್ ತಾನ್ ಬ್ರಹ್ಮ ರಕ್ಷತಿ
ಬ್ರಹ್ಮಚಾರಿಣ್ಯ್ ಆಭೃತಂ || ೧೬,೧೫೫।೨

ಬ್ರಹ್ಮಚಾರೀ ಬ್ರಹ್ಮ ಭ್ರಾಜದ್ ಬಿಭರ್ತಿ
ತಸ್ಮಿನ್ ದೇವಾ ಅಧಿ ವಿಶ್ವೇ ಸಮೇತಾಃ |
ಸ ಸ್ನಾತೋ ಬಭ್ರುಃ ಪಿಂಗಲಃ
ಪೃಥಿವ್ಯಾಂ ಬಹು ರೋಚತೇ || ೧೬,೧೫೫।೩

ದೇವಾನಾಂ ಏತತ್ ಪರಿಷೂತಂ
ಅನಭ್ಯಾರೂಢಂ ಚರತಿ ರೋಚಮಾನಂ |
ತಸ್ಮಿನ್ ಸರ್ವೇ ಪಶವಸ್ ತತ್ರ ಯಜ್ಞಾಸ್
ತಸ್ಮಿನ್ನ್ ಅನ್ನಂ ಸಹ ದೇವತಾಭಿಃ || ೧೬,೧೫೫।೪

ಪ್ರಾಣಾಪಾನೌ ಜನಯನ್ನ್ ಆದ್ ವ್ಯಾನಂ
ಚಕ್ಷುಃ ಶ್ರೋತ್ರಂ ಜನಯನ್ ಬ್ರಹ್ಮ ಮೇಧಾಂ |
ವಾಚಂ ಶ್ರೇಷ್ಠಾಂ ಯಶೋ ಅಸ್ಮಾಸು ಧೇಹ್ಯ್ || ೧೬,೧೫೫।೫

ಅನ್ನಂ ರೇತೋ ಲೋಹಿತಂ ಉದರಂ ತಾನಿ ಕಲ್ಪನ್ |
ಬ್ರಹ್ಮಚಾರೀ ಸಲಿಲಸ್ಯ ಪೃಷ್ಠೇ
ತಪೋ ಽತಿಷ್ಠತ್ ತಪ್ಯಮಾನಃ ಸಮುದ್ರೇ || ೧೬,೧೫೫।೬
(೧೫೫)

ಅನುವಾಕ ೨೨ ||
(೧೬)


ಕಾಂಡ ೧೭

ಸತ್ಯಂ ಬೃಹದ್ ಋತಂ ಉಗ್ರಂ ದೀಕ್ಷಾ ತಪೋ
ಬ್ರಹ್ಮ ಯಜ್ಞಃ ಪೃಥಿವೀಂ ಧಾರಯಂತಿ |
ಸಾ ನೋ ಭೂತಸ್ಯ ಭವ್ಯಸ್ಯ ಪತ್ನ್ಯ್
ಉರುಂ ಲೋಕಂ ಪೃಥಿವೀ ನಃ ಕೃಣೋತ್ವ್
ಅಸಂಬಾಧಂ ಮಧ್ಯತೋ ಮಾನವೇಷು || ೧೭,೧।೧

ಯಸ್ಯಾ ಉದ್ಯತಃ ಪ್ರವತಃ ಸಮಂ ಬಹು
ನಾನಾವೀರ್ಯಾ ಓಷಧೀರ್ ಯಾ ಬಿಭರ್ತಿ |
ಪೃಥಿವೀ ನಃ ಪ್ರಥತಾಂ ರಾಧ್ಯತಾಂ ನಃ || ೧೭,೧।೨

ಯಸ್ಯಾಂ ಸಮುದ್ರ ಉತ ಸಿಂಧುರ್ ಆಪೋ
ಯಸ್ಯಾಂ ದೇವಾ ಅನೃತಂ ಅನ್ವವಿಂದನ್ |
ಯಾ ಬಿಭರ್ತಿ ಬಹುಧಾ ಪ್ರಾಣಂ ಏಜತ್
ಸಾ ನೋ ಭೂಮಿರ್ ಗೋಷ್ವ್ ಅಶ್ವೇಷ್ವ್ ಅಪ್ಯ್ ಅನ್ನೇ ಕೃಣೋತು || ೧೭,೧।೩

ಯಸ್ಯಾಂ ಪೂರ್ವೇ ಪೂರ್ವಜನಾ ವಿಚಕ್ರಿರೇ
ಯಸ್ಯಾಂ ದೇವಾ ಅಸುರಾನ್ ಅಭ್ಯವರ್ತಯನ್ |
ಯಸ್ಯಾಂ ಇದಂ ಜೀವತಿ ವಿಶ್ವಂ ಏಜತ್
ಸಾ ನೋ ಭೂಮಿಃ ಪೂರ್ವಪೇಯೇ ದಧಾತು || ೧೭,೧।೪

ಯಸ್ಯಾಂ ಚತಸ್ರಃ ಪ್ರದಿಶಃ ಪೃಥಿವ್ಯಾಂ
ಯಸ್ಯಾಂ ಅನ್ನಂ ಕೃಷ್ಟಯಃ ಸಂಬಭೂವುಃ |
ಗವಾಂ ಅಶ್ವಾನಾಂ ವಯಸಶ್ ಚ ವಿಷ್ಠಾ
ಭಗಂ ವರ್ಚಃ ಪೃಥಿವೀ ನೋ ದಧಾತು || ೧೭,೧।೫

ವಿಶ್ವಂಭರಾ ವಸುಧಾನೀ ಪ್ರತಿಷ್ಠಾ
ಹಿರಣ್ಯವಕ್ಷಾ ಜಗತೋ ನಿವೇಶನೀಃ |
ವೈಶ್ವಾನರಂ ಬಿಭ್ರತೀ ಭೂಮಿರ್ ಅಗ್ನಿಂ
ಇಂದ್ರರ್ಷಭಾ ದ್ರವಿಣೇ ನೋ ದಧಾತು || ೧೭,೧।೬

ಯಸ್ಯಾಂ ಆಪಃ ಪರಿಚರಾಃ ಸಮಾನೀರ್
ಅಹೋರಾತ್ರೇ ಅಪ್ರಮಾದಂ ಕ್ಷರಂತಿ |
ಸಾ ನೋ ಭೂಮಿರ್ ಭೂರಿಧಾರಾ ಪಯೋ ದುಹಾಂ
ಅಥೋ ಉಕ್ಷತು ವರ್ಚಸಾ || ೧೭,೧।೭

ಯಾಂ ರಕ್ಷಂತ್ಯ್ ಅಸ್ವಪ್ನಾ ವಿಶ್ವದಾನೀಂ
ದೇವಾ ಭೂಮಿಂ ಪೃಥಿವೀಂ ಅಪ್ರಮಾದಂ |
ಸಾ ನೋ ಮಧು ಪ್ರಿಯಂ ದುಹಾಂ
ಅಥೋ ಉಕ್ಷತು ವರ್ಚಸಾ || ೧೭,೧।೮

ಯಾರ್ಣವೇ ಽಧಿ ಸಲಿಲಂ ಅಗ್ರ ಆಸೀದ್
ಯಾಂ ಮಾಯಾಭಿರ್ ಅನ್ವಚರನ್ ಮನೀಷಿಣಃ |
ಯಸ್ಯಾಂ ಹೃದಯಂ ಪರಮೇ ವ್ಯೋಮಂತ್
ಸತ್ಯೇನಾವೃತಂ ಅಮೃತಂ ಪೃಥಿವ್ಯಾಃ |
ಸಾ ನೋ ಭೂಮಿಸ್ ತ್ವಿಷಿಂ ಬಲಂ ರಾಷ್ಟ್ರೇ ದಧಾತು ಮೇ || ೧೭,೧।೯

ಯಾಂ ಅಶ್ವಿನಾವ್ ಅಮಿಮಾತಾಂ
ವಿಷ್ಣುರ್ ಯಸ್ಯಾಂ ವಿಚಕ್ರಮೇ |
ಇಂದ್ರೋ ಯಾಂ ಚಕ್ರ ಆತ್ಮನೇ
ಅನಮಿತ್ರಾಂ ಛಚೀಪತಿಃ |
ಸಾ ನೋ ಭೂಮಿರ್ ವಿ ಸೃಜತಾಂ
ಮಾತಾ ಪುತ್ರಾಯ ನಃ ಪಯಃ || ೧೭,೧।೧೦
(೧)

ಗಿರಯಸ್ ತೇ ಪರ್ವತಾ ಹಿಮವಂತೋ
ಽರಣ್ಯನ್ ತೇ ಪೃಥಿವಿ ಸ್ಯೋನಂ ಅಸ್ತು ನಃ |
ಬಭ್ರುಂ ಕೃಷ್ಣಾಂ ರೋಹಿಣೀಂ ವಿಶ್ವರೂಪಾಂ
ಧ್ರುವಾಂ ಭೂಮಿಂ ಪೃಥಿವೀಂ ಇಂದ್ರಗುಪ್ತಾಂ
ಅಜೀತೋ ಽಹತೋ ಅಕ್ಷತೋ ಅಧ್ಯಷ್ಠಾಂ ಪೃಥಿವೀಂ ಅಹಂ || ೧೭,೨।೧

ಯತ್ ತೇ ಮಧ್ಯಂ ಪೃಥಿವಿ ಯಚ್ ಚ ನಭ್ಯಂ
ಯಾಸ್ ತ ಊರ್ಜಸ್ ತನ್ವಃ ಸಂಬಭೂವುಃ |
ತಾಸು ನೋ ಧೇಹ್ಯ್ ಅಭಿ ನಃ ಪವಸ್ವ || ೧೭,೨।೨

ಮಾತಾ ಭೂಮಿಃ ಪುತ್ರೋ ಅಹಂ ಪೃಥಿವ್ಯಾಃ
ಪರ್ಜನ್ಯಃ ಪಿತಾ ಸ ಉ ನಃ ಪಿಪರ್ತು || ೧೭,೨।೩

ಯಸ್ಯಾಂ ವೇದಿಂ ಪರಿಗೃಹ್ನಂತಿ ಭೂಮ್ಯಾಂ
ಯಸ್ಯಾಂ ಯಜ್ಞಂ ತನ್ವತೇ ವಿಶ್ವಕರ್ಮಾಣಃ |
ಯಸ್ಯಾಂ ಮೀಯಂತೇ ಸ್ವರವಃ ಪೃಥಿವ್ಯಾಂ
ಊರ್ಧ್ವಾಃ ಶುಕ್ರಾ ಆಹುತ್ಯಾಃ ಪುರಸ್ತಾತ್ |
ಸಾ ನೋ ಭೂಮಿರ್ ವರ್ಧಯಾದ್ ವರ್ಧಮಾನಾ || ೧೭,೨।೪

ಯೋ ನೋ ದ್ವೇಷತ್ ಪೃಥಿವಿ ಯತ್ ಪೃತನ್ಯಾದ್
ಯೋ ಽಭಿಮನ್ಯಾತೈ ಮನಸಾ ವಧೇನ |
ತನ್ ನೋ ಭೂಮೇ ರಂಧಯ ಪೂರ್ವಕೃತ್ವನೇ || ೧೭,೨।೫

ತ್ವಜ್ಜಾತಾಸ್ ತ್ವಯಿ ಚರಂತಿ ಮರ್ತ್ಯಾಸ್
ತ್ವಂ ಬಿಭರ್ಷಿ ದ್ವಿಪದಶ್ ಚತುಷ್ಪದಃ |
ತ್ವಯೀಮೇ ಪೃಥಿವಿ ಪಂಚ ಮಾನವಾ
ಯೇಭ್ಯೋ ಜ್ಯೋತಿರ್ ಅಮೃತಂ ಮರ್ತ್ಯೇಭ್ಯ
ಉದ್ಯನ್ ಸೂರ್ಯೋ ರಶ್ಮಿಭಿರ್ ಆ ತನೋತಿ || ೧೭,೨।೬

ತಾ ನಃ ಪ್ರಜಾಃ ಸಂ ದುಹ್ರತಾಂ ಸಮಗ್ರಾ
ವಾಚೋ ಮಧು ಪೃಥಿವೀ ಧೇಹಿ ಮಹ್ಯಂ || ೧೭,೨।೭

ವಿಶ್ವಸ್ವಂ ಮಾತರಂ ಓಷಧೀನಾಂ
ಧ್ರುವಾಂ ಭೂಮಿಂ ಪೃಥಿವೀಂ ಧರ್ಮಣಾ ಧೃತಾಂ |
ಶಿವಾಂ ಸ್ಯೋನಾಂ ಅನು ಚರೇಮ ವಿಶ್ವಹಾ || ೧೭,೨।೮

ಮಹತ್ ಸಧಸ್ಥಂ ಮಹತೀ ಬಭೂವಿಥ
ಮಹಾನ್ ವೇಗ ಏಜಥುರ್ ವೇಪಥುಷ್ ಟೇ |
ಮಹಾಂಸ್ ತ್ವೇಂದ್ರೋ ರಕ್ಷತಿ ವೀರ್ಯೇಣ
ಸಾ ನೋ ಭೂಮೇ ಪ್ರರೋಚಯ
ಹಿರಣ್ಯಸ್ಯೇವ ಸಂದೃಶಿ || ೧೭,೨।೯

ಅಗ್ನಿರ್ ಭೂಮ್ಯಾಂ ಅಗ್ನಿರ್ ಓಷಧೀಷ್ವ್
ಅಗ್ನಿಂ ಆಪೋ ಬಿಭ್ರತ್ಯ್ ಅಗ್ನಿರ್ ಅಶ್ಮಸು |
ಅಗ್ನಿರ್ ಅಂತಃ ಪುರುಷೇಷು
ಗೋಷ್ವ್ ಅಶ್ವೇಷ್ವ್ ಅಗ್ನಯಃ || ೧೭,೨।೧೦
(೨)

ಅಗ್ನಿರ್ ದಿವ ಆ ತಪತ್ಯ್
ಅಗ್ನೇರ್ ದೇವಸ್ಯೋರ್ವ್ ಅಂತರಿಕ್ಷಂ |
ಅಗ್ನಿಂ ಮರ್ತಾಸ ಇಂಧತೇ
ಹವ್ಯವಾಹಂ ಘೃತಪ್ರಿಯಂ || ೧೭,೩।೧

ಅಗ್ನಿವಾಸಾಃ ಪೃಥಿವ್ಯ್ ಅಸಿತಜ್ಞುಸ್
ತ್ವಿಷೀಮಂತಂ ಸಂಶಿತಂ ಮಾ ಕೃಣೋತು |
ಭೂಮ್ಯಾಂ ದೇವೇಭ್ಯೋ ಜುಹ್ವತಿ
ಯಜ್ಞಂ ಹವ್ಯಂ ಅರಂಕೃತಂ |
ಭೂಮ್ಯಾಂ ಮನುಷ್ಯಾ ಜೀವಂತಿ
ಸ್ವಧಯಾನ್ನೇನ ಮರ್ತ್ಯಾಃ |
ಸಾ ನೋ ಭೂಮಿಃ ಪ್ರಾಣಂ ಆಯುರ್ ದಧಾತು
ಜರದಷ್ಟಿಂ ಮಾ ಪೃಥಿವೀ ಕೃಣೋತು || ೧೭,೩।೨

ಯಸ್ ತೇ ಗಂಧಃ ಪೃಥಿವಿ ಸಂಬಭೂವ
ಯಂ ಬಿಭ್ರತ್ಯ್ ಓಷಧಯೋ ಯಂ ಆಪಃ |
ಯಂ ಗಂಧರ್ವಾ ಅಪ್ಸರಸಶ್ ಚ ಭೇಜಿರೇ
ಯಸ್ ತೇ ಗಾಂ ಅಶ್ವಂ ಅರ್ಹತಿ |
ತೇನಾಸ್ಮಾನ್ ಸುರಭೀನ್ ಕೃಣು
ಮಾ ನೋ ದ್ವಿಕ್ಷತ ಕಶ್ ಚನ || ೧೭,೩।೩

ಯಸ್ ತೇ ಗಂಧಃ ಪುಷ್ಕರಂ ಆವಿವೇಶ
ಯಂ ಸಂಜಭ್ರುಃ ಸೂರ್ಯಾಯಾ ವಿವಾಹೇ |
ಅಮರ್ತ್ಯಾಃ ಪೃಥಿವಿ ಗಂಧಂ ಅಗ್ರೇ |
ತೇನಾಸ್ಮಾನ್ ಸುರಭೀನ್ ಕೃಣು
ಮಾ ನೋ ದ್ವಿಕ್ಷತ ಕಶ್ ಚನ || ೧೭,೩।೪

ಯಸ್ ತೇ ಭೂಮೇ ಪುರುಷೇಷು
ಸ್ತ್ರೀಷು ಪುಂಸು ಭಗೋ ರುಚಿರ್
ಯೋ ವಧೂಷು ವಧೂಯುಷು |
ಯೋ ಗೋಷ್ವ್ ಅಶ್ವೇಷು
ಯೋ ಮೃಗೇಷೂತ ಹಸ್ತಿಷು |
ಕನ್ಯಾಯಾಂ ವರ್ಚೋ ಯದ್ ಭೂಮೇ
ತೇನಾಸ್ಮಾಁ ಅಧಿ ಸಂ ಸೃಜ
ಮಾ ನೋ ದ್ವಿಕ್ಷತ ಕಶ್ ಚನ || ೧೭,೩।೫

ಶಿಲಾ ಭೂಮಿರ್ ಅಶ್ಮಾ ಪಾಂಸುರ್
ಯಾ ಭೂಮಿಃ ಸಂಭೃತಾ ಧೃತಾ |
ಯಸ್ಯಾಂ ವೃಕ್ಷಾ ವಾನಸ್ಪತ್ಯಾ
ಧ್ರುವಾಸ್ ತಿಷ್ಠಂತಿ ವಿಶ್ವಹಾ |
ಭೂಮಿಂ ಹಿರಣ್ಯವಕ್ಷಸಂ
ಧೃತಾಂ ಅಚ್ಛಾ ವದಾಮಸಿ || ೧೭,೩।೬

ಉದೀರಾಣಾ ಉತಾಸೀನಾಸ್
ತಿಷ್ಠಂತಃ ಪ್ರಕ್ರಾಮಂತಃ |
ಪದ್ಭ್ಯಾಂ ದಕ್ಷಿಣಸವ್ಯಾಭ್ಯಾಂ
ಮಾ ವ್ಯಥಿಷ್ಮಹಿ ಭೂಮ್ಯಾಂ || ೧೭,೩।೭

ವಿಮೃಗ್ವರೀಂ ಪೃಥಿವೀಂ ಆ ವದಾಮಿ
ಕ್ಷಮಾಂ ಭೂಮಿಂ ಬ್ರಹ್ಮಣಾ ವಾವೃಧಾನಾಂ |
ಊರ್ಜಂ ಪುಷ್ಟಿಂ ಬಿಭ್ರತೀಂ ಅನ್ನಭಾಗಂ
ಘೃತಂ ತ್ವಾಭಿ ನಿ ಷೀದಾಮಿ ಭೂಮೇ || ೧೭,೩।೮

ಶುದ್ಧಾ ಮ ಆಪಸ್ ತನ್ವಃ ಕ್ಷರಂತಿ
ಯೋ ಮೇ ಸೇಹುರ್ ಅಪ್ರಿಯೇ ತಂ ನಿ ದಧ್ಮಃ |
ಪವಿತ್ರೇಣ ಪೃಥಿವೀಂ ಉತ್ ಪುನಾಮಿ || ೧೭,೩।೯

ನಿಧೀನ್ ಬಿಭ್ರತೀ ಬಹುಧಾ ಗುಹಾ ವಸು
ಮಣಿಂ ಹಿರಣ್ಯಂ ಪೃಥಿವೀ ದಧಾತು ನಃ |
ವಸೂನಿ ನೋ ವಸುದಾ ರಾಸಮಾನಾ
ದೇವೀ ದಧಾತು ಸುಮನಸ್ಯಮಾನಾ || ೧೭,೩।೧೦
(೩)

ಯಾಸ್ ತೇ ಪ್ರಾಚೀಃ ಪ್ರದಿಶೋ ಯಾ ಉದೀಚೀರ್
ಯಾಸ್ ತೇ ಭೂಮೇ ಅಧರಾದ್ ಯಾಶ್ ಚ ಪಶ್ಚಾತ್ |
ಸ್ಯೋನಾಸ್ ತಾ ಮಹ್ಯಂ ಚರತೇ ಭವಂತು
ಮಾ ನಿ ಪಪ್ತಂ ಭುವನೇ ಶಿಶ್ರಿಯಾಣೇ || ೧೭,೪।೧

ಮಾ ಮಾ ಪಶ್ಚಾನ್ ಮಾ ಪುರಸ್ತಾನ್ ನುದಿಷ್ಠಾಃ
ಸ್ವಸ್ತಿ ಭೂಮೇ ಮೇ ಕೃಣು
ವರೀಯೋ ಯಾವಯಾ ವಧನ್
ಮಾ ವಿದನ್ ಪರಿಪಂಥಿನಃ || ೧೭,೪।೨

ಯಾವತ್ ತೇ ಽಭಿ ವಿಪಶ್ಯಾಮಿ
ಭೂಮೇ ಸೂರ್ಯೇಣ ಮೇದಿನಾ |
ತಾವನ್ ಮೇ ಚಕ್ಷುರ್ ಮಾ ಮೇಷ್ಟ-
-ಉತ್ತರಾಂ ಉತ್ತರಾಂ ಸಮಾಂ || ೧೭,೪।೩

ಯತ್ ತೇ ಭೂಮೇ ವಿಖನಾಮ್ಯ್
ಓಷಂ ತದ್ ಅಪಿ ರೋಹತು |
ಮಾ ತೇ ಮರ್ಮ ವಿಮೃಗ್ವರಿ
ಮಾ ತೇ ಹೃದಯಂ ಅರ್ಪಿಪಂ || ೧೭,೪।೪

ಯಚ್ ಛಯಾನಃ ಪರ್ಯಾವರ್ತೇ
ದಕ್ಷಿಣಂ ಸವ್ಯಂ ಅಭಿ ಭೂಮೇ ಪಾರ್ಶ್ವಂ |
ಉತ್ತಾನಾಸ್ ತ್ವಾ ಪ್ರತೀಚೀಂ
ಪೃಷ್ಟ್ಯಾ ಯದ್ ಅಭಿಶೇಮಹೇ
ಮಾ ಹಿಂಸೀಸ್ ತತ್ರ ನೋ ಭೂಮೇ
ಸರ್ವಸ್ಯ ಪ್ರತಿಶೀವರಿ || ೧೭,೪।೫

ಗ್ರೀಷ್ಮಸ್ ತೇ ಭೂಮೇ ವರ್ಷಾಣಿ
ಶರದ್ ಧೇಮಂತಃ ಶಿಶಿರೋ ವಸಂತಃ |
ಋತವಸ್ ತೇ ವಿಹಿತಾ ಹಾಯನಾ
ಅಹೋರಾತ್ರೇ ಪೃಥಿವೀ ನೋ ದುಹಾತಾಂ || ೧೭,೪।೬

ಯಾಪ ಸರ್ಪಂ ನುದಮಾನಾ ವಿಮೃಗ್ವರೀ
ಯಸ್ಯಾಂ ಆಸನ್ನ್ ಅಗ್ನಯೋ ಅಪ್ಸ್ವ್ ಅಂತಃ |
ಪರಾ ದಸ್ಯೂನ್ ದದತೀ ದೇವಪೀಯೂನ್
ಇಂದ್ರಂ ವೃಣಾನಾ ಪೃಥಿವೀ ನ ವೃತ್ರಂ
ಶಕ್ರಾಯ ದಧ್ರೇ ವೃಷಭಾಯ ವೃಷ್ಣೇ |
ಸ ನೋ ಭೂಮೇರ್ ಆ ದಿಶತು ಯದ್ ಧನಂ ಕಾಮಯಾಮಹೇ || ೧೭,೪।೭

ಭಗೋ ಅನು ಪ್ರಯುಂಕ್ತಾಂ
ಇಂದ್ರೋ ಯಾತು ಪುರೋಗವಃ |
ಯಸ್ಯಾಂ ಸದೋಹವಿರ್ಧಾನೇ
ಯೂಪೋ ಯಸ್ಯಾಂ ನಿಮೀಯತೇ |
ಬ್ರಹ್ಮಾಣೋ ಯಸ್ಯಾಂ ಅರ್ಚಂತಿ
ಋಗ್ಭಿಃ ಸಾಮ್ನಾ ಯಜುರ್ವಿದಃ |
ಯುಜ್ಯಂತೇ ಯಸ್ಯಾಂ ಋತ್ವಿಜಃ
ಸೋಮಂ ಇಂದ್ರಾಯ ಪಾತವೇ |
ಸಾ ನೋ ಭೂಮಿರ್ ದಕ್ಷಿಣಾಯಾಂ
ಸುಶೇವಾ ಯಜ್ಞೇ ದಧಾತು ಸುಮನಸ್ಯಮಾನಾ || ೧೭,೪।೮

ಯಸ್ಯಾಂ ಪೂರ್ವೇ ಭೂತಕೃತ
ಋಷಯೋ ಗಾ ಉದಾನೃಚುಃ |
ಸಪ್ತ ಸತ್ರೇಣ ವೇಧಸೋ
ಯಜ್ಞೇನ ತಪಸಾ ಸಹ |
ಸಾ ನಃ ಪಶೂನ್ ವಿಶ್ವರೂಪಾನ್ ದಧಾತು
ದೀರ್ಘಂ ಮ ಆಯುಃ ಸವಿತಾ ಕೃಣೋತು || ೧೭,೪।೯

ಯಸ್ಯಾಂ ಅನ್ನಂ ವ್ರೀಹಿಯವೌ
ಯತ್ರೇಮಾಃ ಪಂಚ ಕೃಷ್ಟಯಃ |
ಭೂಮ್ಯೈ ಪರ್ಜನ್ಯಪತ್ನ್ಯೈ
ನಮೋ ಽಸ್ತು ವರ್ಷಂ ಏಧತೇ || ೧೭,೪।೧೦
(೪)

ಯಸ್ಯಾಂ ಗಾಯಂತಿ ನೃತ್ಯಂತಿ
ಜನಾ ಮರ್ತ್ಯಾ ವೈಲವಾಃ |
ಯುಜ್ಯಂತೇ ಯಸ್ಯಾಂ ಆಕ್ರಂದೋ
ಯಸ್ಯಾಂ ವದತಿ ದುಂದುಭಿಃ |
ಸಾ ನೋ ಭೂಮಿಃ ಪ್ರ ಣುದತಾಂ ಸಪತ್ನಾನ್
ಯೋ ನೋ ದ್ವೇಷ್ಟ್ಯ್ ಅಧರಂ ತಂ ಕೃಣೋತು || ೧೭,೫।೧

ಯಸ್ಯಾಂ ಪುರೋ ದೇವಕೃತಾಃ
ಕ್ಷೇತ್ರೇ ಯಸ್ಯಾಂ ವಿಕುರ್ವತೇ |
ಪ್ರಜಾಪತಿಃ ಪೃಥಿವೀಂ ವಿಶ್ವಗರ್ಭಾಂ
ಆಶಾಮಾಶಾಂ ರಣ್ಯಾಂ ನಃ ಕೃಣೋತು || ೧೭,೫।೨

ಜನಂ ಬಿಭ್ರತೀ ಬಹುಧಾ ವಿವಾಚಸಂ
ನಾನಾಧರ್ಮಾಣಂ ಪೃಥಿವೀ ಯಥೌಕಸಂ |
ಸಹಸ್ರಂ ಧಾರಾ ದ್ರವಿಣಸ್ಯ ನೋ ದುಹಾಂ
ಧ್ರುವೇವ ಧೇನುರ್ ಅನಪಸ್ಫುರಂತೀ || ೧೭,೫।೩

ಯಸ್ ತೇ ಸರ್ಪೋ ವೃಶ್ಚಿಕಸ್ ತೃಷ್ಟದಂಶ್ಮಾ
ಹೇಮಂತಜಬ್ಧೋ ಭೃಮಲೋ ಗುಹಾ ಶಯೇ |
ಕ್ರಿಮಿರ್ ಇಲ್ಮಂ ಪೃಥಿವಿ ಪ್ರಾವೃಷಿ ಯದ್ ಏಜತಿ
ತನ್ ನಃ ಸರ್ಪನ್ ಮೋಪ ಸೃಪದ್
ಯಚ್ ಛಿವಂ ತೇನ ನೋ ಮೃಡ || ೧೭,೫।೪

ಯೇ ತೇ ಪಂಥಾನೋ ಬಹುಧಾ ಜನಾಯನಾ
ರಥಸ್ಯ ವರ್ತ್ಮನ್ ಮನಸಶ್ ಚ ಯಾತವೇ |
ಯೇಭಿಶ್ ಚರಂತ್ಯ್ ಉಭಯೇ ಭದ್ರಪಾಪಾಸ್
ತಂ ಪಂಥಾಂ ಜಯೇಮಾನಮಿತ್ರಂ ಅತಸ್ಕರಂ || ೧೭,೫।೫

ಮಂದಂ (⟨ ಮಲ್ವಂ?) ಬಿಭ್ರತೀ ಗುರುಭೃದ್
ಭದ್ರಪಾಪಸ್ಯ ನಿಧನಂ ತಿತಿಕ್ಷುಃ |
ಸೂಕರೇಣ ಪೃಥಿವೀ ಸಂವಿದಾನಾ
ವರಾಹಾಯ ವಿ ಜಿಹೀತೇ ಮೃಗಾಯ || ೧೭,೫।೬

ಯೇ ತ ಆರನ್ಯಾಃ ಪಶವೋ ಮೃಗಾ ವನೇ ಹಿತಾಃ
ಸಿಂಹಾ ವ್ಯಾಘ್ರಾಃ ಪುರುಷಾದಶ್ ಚರಂತಿ |
ಉಲಂ ವೃಕಂ ಪೃಥಿವಿ ದುಚ್ಛುನಾಂ ಇತ
ಋಕ್ಷೀಕಾಂ ರಕ್ಷೋ ಅಪ ಬಧಾಸ್ಮತ್ || ೧೭,೫।೭

ಯೇ ಗಂಧರ್ವಾಪ್ಸರಸೋ
ಯೇ ಚರಾಯಾಃ ಕಿಮೀದಿನಃ |
ಪಿಶಾಚಾನ್ ಸರ್ವಾ ರಕ್ಷಾಂಸಿ
ತಾನ್ ಅಸ್ಮದ್ ಭೂಮೇ ಯಾವಯ || ೧೭,೫।೮

ಯಾಂ ದ್ವಿಪಾದಃ ಪಕ್ಷಿಣಃ ಸಂಪತಂತಿ
ಹಂಸಾಃ ಸುಪರ್ಣಾಃ ಶಕುನಾ ವಯಾಂಸಿ |
ಯಸ್ಯಾಂ ವಾತ ಈಯತೇ ಮಾತರಿಶ್ವಾ
ರಜಾಂಸಿ ಕೃಣ್ವಂಶ್ ಚ್ಯಾವಯಂಶ್ ಚ ವೃಕ್ಷಾನ್ |
ವಾತಸ್ಯ ಪ್ರವಾಂ ಉಪವಾಂ ಅನು ವಾತ್ಯ್ ಅರ್ಚಿರ್
ಯಸ್ಯಾಂ ಕೃಷ್ಣಂ ಅರುಣಂ ಚ ಸಂಭೃತೇ
ಅಹೋರಾತ್ರೇ ವಿಹಿತೇ ಭೂಮ್ಯಾಂ ಅಧಿ || ೧೭,೫।೯

ವರ್ಷೇಣ ಭೂಮಿಃ ಪೃಥಿವೀ ವೃತಾವೃತಾ |
ಸಾ ನೋ ದಧಾತು ಭದ್ರಯಾ
ಪ್ರಿಯೇ ಧಾಮನಿಧಾಮನಿ || ೧೭,೫।೧೦
(೫)

ದ್ಯೌಶ್ ಚ ಮ ಇದಂ ಪೃಥಿವೀ ಚ-
-ಅಂತರಿಕ್ಷಂ ಚ ಮೇ ವ್ಯಚಃ |
ಅಗ್ನಿಃ ಸೂರ್ಯ ಆಪೋ ಮೇಧಾಂ
ವಿಶ್ವೇ ದೇವಾಶ್ ಚ ಸಂ ದಧುಃ || ೧೭,೬।೧

ಅಹಂ ಅಸ್ಮಿ ಸಹಮಾನ
ಉತ್ತರೋ ನಾಮ ಭೂಮ್ಯಾಂ |
ಅಭಿಸಾಡ್ ಅಸ್ಮಿ ವಿಶ್ವಾಷಾಡ್
ಆಶಾಮಾಶಾಂ ವಿಷಾಸಹಿಃ || ೧೭,೬।೨

ಯದ್ ಅದೋ ದೇವಿ ಪ್ರಥಮಾನಾ ಪುರಸ್ತಾದ್
ದೇವೈಃ ಸೃಷ್ಟಾ ವ್ಯಸರ್ಪೋ ಮಹಿತ್ವಂ |
ಆ ತ್ವಾ ಸುಭೂತಂ ಅವಿಶತ್ ತದಾನೀಂ
ಅಕಲ್ಪಯಥಾಃ ಪ್ರದಿಶಶ್ ಚತಸ್ರಃ || ೧೭,೬।೩

ಯೇ ಗ್ರಾಮಾ ಯಾನ್ಯ್ ಅರಣ್ಯಾನಿ
ಯಾಃ ಸಭಾ ಅಧಿ ಭೂಮ್ಯಾಂ |
ತೇಷ್ವ್ ಅಹಂ ದೇವಿ ಪೃಥಿವ್ಯ್
ಉದ್ಯಾಸಂ ಮಧುಮದ್ ವಚಃ || ೧೭,೬।೪

ಯದ್ ವದಾನಿ ಮಧುಮತ್ ತದ್ ವದಾನಿ
ಯದ್ ಈಕ್ಷೇ ಷುತದ್ಯಃ ಪುನಂತು ಮಾ |
ತ್ವಿಷೀಮಾನ್ ಅಸ್ಮಿ ಜೂತಿಮಾನ್ ಯಾನ್ ಹನ್ಮಿ ದೋಧತಃ || ೧೭,೬।೫

ಅಶ್ವ ಇವ ರಜೋ ದುದುಹೇ ವಿ ತಂ ಜನಂ
ಯ ಆಕ್ಷಿಯನ್ ಪೃಥಿವೀಂ ಆದ್ ಅಜಾಯತ |
ಮದ್ರಾ ಪರಿ ಭುವನಸ್ಯ ಗೋಪಾ
ವನಸ್ಪತೀನಾಂ ಗೃಭಿರ್ ಓಷಧೀನಾಂ || ೧೭,೬।೬

ಶಂತಿವಾ ಸುರಭಿಃ ಸ್ಯೋನಾ
ಕೀಲಾಲೋಧ್ನೀ ಪಯಸ್ವತೀ |
ಭೂಮಿರ್ ನೋ ಅಧಿ ಬ್ರವೀತು
ಪೃಥಿವೀ ಪಯಸಾ ಸಹ || ೧೭,೬।೭

ಭೂಮಿ ಮಾತರ್ ನಿ ಧೇಹಿ ಮಾ
ಭದ್ರಯಾ ಸುಪ್ರತಿಷ್ಠಿತಂ |
ಸಂವಿದಾನಾ ದಿವಾ ತ್ವಂ
ಶ್ರಿಯಾಂ ಮಾ ಧೇಹಿ ಭೂತ್ಯಾಂ || ೧೭,೬।೮

ಯಾಂ ಅನ್ವೈಚ್ಛದ್ ಧವಿಷಾ ವಿಶ್ವಕರ್ಮಾ
ಯಸ್ಯಾಂ ಆಸನ್ನ್ ಅಗ್ನಯೋ ಽಪ್ಸ್ವ್ ಅಂತಃ |
ಭುಜಿಷ್ಯಂ ಪಾತ್ರಂ ನಿಹಿತಂ ಗುಹಾ-
-ಆಸೀದ್ ಆವಿರ್ ಭೋಗೈರ್ ಅಭವನ್ ಮಾತೃಮದ್ಭಿಃ || ೧೭,೬।೯

ತ್ವಂ ಅಸ್ಯ್ ಆವಪನೀ ಜನಾನಾಂ
ಅದಿತಿಃ ಕಾಮದುಘಾ ವಿಶ್ವರೂಪಾ |
ಯತ್ ತ ಊನಂ ತತ್ ತ ಆ ಪೂರಯಾತಿ
ಪ್ರಜಾಪತಿಃ ಪ್ರಜಾಭಿಃ ಸಂವಿದಾನಃ || ೧೭,೬।೧೦
(೬)

ಅನುವಾಕ ೧ ||

ಕಸ್ಮಿನ್ನ್ ಅಂಗೇ ತಪೋ ಅಸ್ಯಾಧಿ ತಿಷ್ಠತಿ
ಕಸ್ಮಿನ್ನ್ ಅಂಗ ಋತಂ ಅಸ್ಯಾಧ್ಯಾಹಿತಂ |
ಕ್ವ ವ್ರತಂ ಕ್ವ ಶ್ರದ್ಧಾಸ್ಯ ತಿಷ್ಠತಿ
ಕಸ್ಮಿನ್ನ್ ಅಂಗೇ ಸತ್ಯಂ ಅಸ್ಯ ಪ್ರತಿಷ್ಠಿತಂ || ೧೭,೭।೧

ಕ್ವ ಬ್ರಹ್ಮ ಕ್ವ ತಿಷ್ಠಂತ್ಯ್ ಆಪಃ
ಕಸ್ಮಿನ್ನ್ ಅಂಗೇ ದಿಶೋ ಅಸ್ಯ ಪ್ರತಿಷ್ಠಿತಾಃ |
ಕತಮದ್ ಅಂಗಂ ಅನು ಸಂ ಚರೇತೇ
ಅಹೋರಾತ್ರೇ ಸಂವಿದಾನೇ ಸಮಾನಂ || ೧೭,೭।೨

ಕಸ್ಮಿನ್ನ್ ಅಂಗೇ ತಿಷ್ಠತಿ ಭೂಮಿರ್ ಅಸ್ಯ
ಕಸ್ಮಿನ್ನ್ ಅಂಗೇ ತಿಷ್ಠತ್ಯ್ ಅಂತರಿಕ್ಷಂ |
ಕಸ್ಮಿನ್ನ್ ಅಂಗೇ ತಿಷ್ಠತ್ಯ್ ಆಹಿತಾ ದ್ಯೌಃ
ಕಸ್ಮಿನ್ನ್ ಅಂಗೇ ತಿಷ್ಠತ್ಯ್ ಉತ್ತರಂ ದಿವಃ || ೧೭,೭।೩

ಕಸ್ಮಾದ್ ಅಂಗಾದ್ ದೀಪ್ಯತೇ ಅಗ್ನಿರ್ ಅಸ್ಯ
ಕಸ್ಮಾದ್ ಅಂಗಾತ್ ಪವತೇ ಮಾತರಿಶ್ವಾ |
ಕಸ್ಮಾದ್ ಅಂಗಾದ್ ವಿ ಮಿಮೀತೇ ಽಧಿ ಚಂದ್ರಮಾಃ
ಸ್ಕಂಭಸ್ಯ ಮಹದ್ ವಿಮಿಮಾನೋ ಅಂಗಂ || ೧೭,೭।೪

ಕ್ವ ಪ್ರೇಪ್ಸನ್ ದೀಪ್ಯತ ಊರ್ಧ್ವೋ ಅಗ್ನಿಃ
ಕ್ವ ಪ್ರೇಪ್ಸನ್ ಪವತೇ ಮಾತರಿಶ್ವಾ |
ಯತ್ರ ಪ್ರೇಪ್ಸಂತೀರ್ ಅಭಿಯಂತ್ಯ್ ಆವೃತಃ
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೭।೫

ಕ್ವ ಪ್ರೇಪ್ಸಂತೀ ಯುವತೀ ವಿರೂಪೇ
ಅಹೋರಾತ್ರೇ ದ್ರವತಃ ಸಂವಿದಾನೇ |
ಯತ್ರ ಪ್ರೇಪ್ಸಂತೀರ್ ಅಭಿಯಂತ್ಯ್ ಆಪಃ
ಸ್ಕಂಭಂ (…) || ೧೭,೭।೬

ಕ್ವಾರ್ಧಮಾಸಾಃ ಕ್ವ ಯಂತಿ ಮಾಸಾಃ
ಸಂವತ್ಸರೇಣ ಸಹ ಸಂವಿದಾನಾಃ |
ಯತ್ರ ಯಂತ್ಯ್ ಋತವೋ ಯತ್ರಾರ್ತವಾಃ
ಸ್ಕಂಭಂ (…) || ೧೭,೭।೭

ಯಸ್ಮಿನ್ ಸ್ಕಂಧಾ ಪ್ರಜಾಪತಿರ್
ಲೋಕಾನ್ ಸರ್ವಾಁ ಅಧಾರಯತ್ |
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೭।೮

ಯತ್ ಪರಮಂ ಅವಮಂ ಯಚ್ ಚ ಮಧ್ಯಮಂ
ಪ್ರಜಾಪತಿಃ ಸಸೃಜೇ ವಿಶ್ವರೂಪಂ |
ಕಿಯತಾ ಸ್ಕಂಭಃ ಪ್ರ ವಿವೇಶ ತತ್ರ
ಯನ್ ನ ಪಾರ್ವಿಶತ್ ಕ್ವ ತದ್ ಬಭೂವ || ೧೭,೭।೯

ಕಿಯತಾ ಸ್ಕಂಭಃ ಪ್ರ ವಿವೇಶ ಭೂತಂ
ಕಿಯದ್ ಭವಿಷ್ಯದ್ ಅನ್ವಾಶಯೇ ಽಸ್ಯ |
ಏಕಂ ಯದ್ ಅಂಗಂ ಅಕೃಣೋತ್ ಸಹಸ್ರಧಾ
ಕಿಯತಾ ಸ್ಕಂಭಃ ಪ್ರ ವಿವೇಶ ತತ್ರ || ೧೭,೭।೧೦
(೭)

ಯತ್ರ ಲೋಕಾಶ್ ಚ ಕೋಶಾಶ್ ಚ
ಬ್ರಹ್ಮ ಯತ್ರ ಜನಾ ವಿದುಃ |
ಅಸಚ್ ಚ ಯತ್ರ ಸಚ್ ಚಾಂತಃ
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೮।೧

ಯತ್ರ ತಪಃ ಪರಾಕ್ರಮ್ಯ
ಋತಂ ಧಾರಯತ್ಯ್ ಉತ್ತರಂ |
ವ್ರತಂ ಚ ಯತ್ರ ಶ್ರದ್ಧಾ ಚ
ಬ್ರಹ್ಮಾಪಃ ಸಮಾಹಿತಾಃ
ಸ್ಕಂಭಂ (…) || ೧೭,೮।೨

ಯಸ್ಮಿನ್ ಭೂಮಿರ್ ಅಂತರಿಕ್ಷಂ
ದ್ಯೌರ್ ಅಸ್ಮಿನ್ನ್ ಅಧ್ಯಾಹಿತಾ |
ಯತ್ರಾಗ್ನಿಶ್ ಚಂದ್ರಮಾ ಸೂರ್ಯೋ
ವಾತಸ್ ತಿಷ್ಠಂತ್ಯ್ ಆರ್ಪಿತಾಃ
ಸ್ಕಂಭಂ (…) || ೧೭,೮।೩

ಯಸ್ಯ ತ್ರಯಸ್ತ್ರಿಂಶದ್ ದೇವಾ
ಅಂಗೇ ಸರ್ವೇ ಸಮಾಹಿತಾಃ |
ಸ್ಕಂಭಂ (…) || ೧೭,೮।೪

ಯತ್ರ ಋಷಯೋ ಭೂತಕೃತ
ಋಚಃ ಸಾಮ ಯಜುರ್ ಮಹೀ |
ಏಕರ್ಷಿರ್ ಯಸ್ಮಿನ್ನ್ ಆರ್ಪಿತಾಃ
ಸ್ಕಂಭಂ (…) || ೧೭,೮।೫

ಯಸ್ಯ ಚತಸ್ರಃ ಪ್ರದಿಶೋ
ನಾಡ್ಯಸ್ ತಿಷ್ಠಂತಿ ಪ್ರಪ್ಯಸಾಃ |
ಯಜ್ಞೋ ಯಸ್ಮಿನ್ ಪರಾಕ್ರಾಂತಃ
ಸ್ಕಂಭಂ (…) || ೧೭,೮।೬

ಯತ್ರಾಮೃತಂ ಚ ಮೃತ್ಯುಶ್ ಚ
ಪುರುಷಶ್ ಚ ಸಮಾಹಿತಾಃ |
ಸಮುದ್ರೋ ಯಸ್ಯ ನಾಡ್ಯಃ
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೮।೭

ಯೇ ಪುರುಷೇ ಬ್ರಹ್ಮ ವಿದುಸ್
ತೇ ಸ್ಕಂಭಂ ಅನು ಸಂ ವಿದುಃ |
ಯೋ ವೇದ ಪರಮೇಷ್ಠಿನಂ
ಯಶ್ ಚ ವೇದ ಪ್ರಜಾಪತಿಂ |
ಜ್ಯೇಷ್ಠಂ ಯೇ ಬ್ರಾಹ್ಮಣಂ ವಿದುಸ್
ತೇ ಸ್ಕಂಭಂ ಅನು ಸಂ ವಿದುಃ || ೧೭,೮।೮

ಯಸ್ಯ ಶಿರೋ ವೈಶ್ವಾನರಶ್
ಚಕ್ಷುರ್ ಅಂಗಿರಸೋ ಽಭವನ್ |
ಅಂಗಾನಿ ಯಸ್ಯ ಯಾತವಃ
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೮।೯

ಯಸ್ಯ ಬ್ರಹ್ಮ ಮುಖಂ ಆಹುರ್
ಜಿಹ್ವಾಂ ಮಧುಕಶಾಂ ಉತ |
ವಿರಾಜಂ ಯಸ್ಯೋಧ ಆಹುಃ
ಸ್ಕಂಭಂ (…) || ೧೭,೮।೧೦
(೮)

ಯಸ್ಮಾದ್ ಋಚೋ ಅಪಾತಕ್ಷಂ
ಯಜುರ್ ಯಸ್ಮಾದ್ ಅಪಾಕಷನ್ |
ಛಂದಾಂಸಿ ಯಸ್ಯ ಲೋಮಾನಿ
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೯।೧

ಅಸಚ್ಛಾಖಾಂ ಪ್ರತಿಷ್ಠಂತೀಂ
ಪರಮಂ ಇವ ಜನಾ ವಿದುಃ |
ಉತೋ ಸನ್ ಮನ್ಯಂತೇ ಽವರೇ
ಯೇ ಽಸ್ಯ ಶಾಖಾಂ ಉಪಾಸತೇ ೧೭,೯।೨

ಯತ್ರಾದಿತ್ಯಾಶ್ ಚ ರುದ್ರಾಶ್ ಚ
ವಸವಶ್ ಚ ಸಮಾಹಿತಾಃ |
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೯।೩

ಯಸ್ಯ ತ್ರಯಸ್ತ್ರಿಂಶದ್ ದೇವಾ
ನಿಧಿಂ ರಕ್ಷಂತಿ ಸರ್ವದಾ |
ನಿಧಿಂ ತಂ ಅದ್ಯ ಕೋ ವೇದ
ಯಂ ದೇವಾ ಅಭಿರಕ್ಷತ || ೧೭,೯।೪

ಯತ್ರ ದೇವಾ ಬ್ರಹ್ಮವಿದೋ
ಬ್ರಹ್ಮ ಜ್ಯೇಷ್ಠಂ ಉಪಾಸತೇ |
ಯೋ ವೈ ತ ಬ್ರಾಹ್ಮಣೋ ವೇದ
ತಂ ವೈ ಬ್ರಹ್ಮವಿದೋ ವಿದುಃ || ೧೭,೯।೫

ಬೃಹಂತೋ ನಾಮ ತೇ ದೇವಾ
ಅಸತಸ್ ಪರಿ ಜಜ್ಞಿರೇ |
ಏಕಂ ತದ್ ಅಂಗಂ ಸ್ಕಂಭಸ್ಯ-
-ಅಸದ್ ಆಹುಃ ಪರೋ ಜನಾಃ || ೧೭,೯।೬

ಯತ್ರ ಸ್ಕಂಭಃ ಪ್ರಜನಯನ್
ಪುರಾಣಂ ವ್ಯವರ್ತಯತ್ |
ಏಕಂ ತದ್ ಅಂಗಂ ಸ್ಕಂಭಸ್ಯ
ಪುರಾಣಂ ಅನು ಸಂ ವಿದುಃ || ೧೭,೯।೭

ಯತ್ರ ತ್ರಯಸ್ತ್ರಿಂಶದ್ ದೇವಾ
ಅಂಗಾ ಗಾತ್ರಾಣಿ ಭೇಜಿರೇ |
ತಾನ್ ವೈ ತ್ರಯಸ್ತ್ರಿಂಶದ್ ದೇವಾನ್
ಏಕೇ ಬ್ರಹ್ಮವಿದೋ ವಿದುಃ || ೧೭,೯।೮

ಹಿರಣ್ಯಗರ್ಭಂ ಪರಮಂ
ಅನತ್ಯುದ್ಯಂ ಜನಾ ವಿದುಃ |
ಸ್ಕಂಭಸ್ ತದ್ ಅಗ್ರೇ ಪ್ರಾಸಿಂಚದ್
ಧಿರಣ್ಯಂ ಲೋಕೇ ಅಂತರಾ || ೧೭,೯।೯

ಸ್ಕಂಭೇ ಲೋಕಾಃ ಸ್ಕಂಭೇ ತಪಃ
ಸ್ಕಂಭೇ ಽಧ್ಯ್ ಋತಂ ಆಹಿತಂ |
ಸ್ಕಂಭಂ ತ್ವಾ ವಿದ್ಮ ಪ್ರತ್ಯಕ್ಷಂ
ಇಂದ್ರೇ ಸರ್ವಂ ಸಮಾಹಿತಂ || ೧೭,೯।೧೦
(೯)

ಇಂದ್ರೇ ಲೋಕಾ ಇಂದ್ರೇ ತಪ
ಇಂದ್ರೇ ಽಧ್ಯ್ ಋತಂ ಆಹಿತಂ |
ಇಂದ್ರಂ ತ್ವಾ ವಿದ್ಮ ಪ್ರತ್ಯಕ್ಷಂ
ಸ್ಕಂಭೇ ಸರ್ವಂ ಸಮಾಹಿತಂ || ೧೭,೧೦।೧

ನಾಮ ನಾಮ್ನಾ ಜೋಹವೀಮಿ
ಪುರಾ ಸೂರ್ಯಾತ್ ಪುರೋಷಸಃ |
ಯದ್ ಅದಃ ಪ್ರಥಮಂ ಸಂಬಭೂವ
ಸಹ ತತ್ ಸ್ವರಾಜ್ಯಂ ಜಗಾಮ
ಯಸ್ಮಾನ್ ನ ಪರಂ ಅಸ್ತಿ ಭೂತಂ || ೧೭,೧೦।೨

ಯಸ್ಯ ಭೂಮಿಃ ಪ್ರಮಾಂತರಿಕ್ಷಂ ಉತೋದರಂ |
ದಿವಂ ಯಶ್ ಚಕ್ರೇ ಮೂರ್ಧಾನಂ
ತಸ್ಮೈ ಜ್ಯೇಷ್ಠಾಯ ಬ್ರಹ್ಮಣೇ ನಮಃ || ೧೭,೧೦।೩

ಯಸ್ಯ ಸೂರ್ಯಶ್ ಚಕ್ಷುಶ್
ಚಂದ್ರಮಾಶ್ ಚ ಪುನರ್ ನವಃ |
ಅಗ್ನಿಂ ಯಶ್ ಚಕ್ರ ಆಸ್ಯಂ
ತಸ್ಮೈ ಜ್ಯೇಷ್ಠಾಯ ಬ್ರಹ್ಮಣೇ ನಮಃ || ೧೭,೧೦।೪

ಯಸ್ಯ ವಾತಃ ಪ್ರಾಣಾಪಾನೌ
ಚಕ್ಷುರ್ ಅಂಗಿರಸೋ ಽಭುವನ್ |
ದಿಶೋ ಯಶ್ ಚಕ್ರೇ ಪ್ರಜ್ಞಾನೀಸ್
ತಸ್ಮೈ ಜ್ಯೇಷ್ಠಾಯ ಬ್ರಹ್ಮಣೇ ನಮಃ || ೧೭,೧೦।೫

ಯಃ ಶ್ರಮಾತ್ ತಪಸೋ ಜಾತೋ
ಲೋಕಾನ್ ಸರ್ವಾನ್ ಸಮಾನಶೇ |
ಸೋಮಂ ಯಶ್ ಚಕ್ರೇ ಕೇವಲಂ
ತಸ್ಮೈ ಜ್ಯೇಷ್ಠಾಯ ಬ್ರಹ್ಮಣೇ ನಮಃ || ೧೭,೧೦।೬

ಸ್ಕಂಭೋ ದಾಧಾರ ಪೃಥಿವೀಂ ದ್ಯಾಂ ಉತಾಮೂಂ
ಸ್ಕಂಭೋ ದಾಧಾರೋರ್ವ್ ಅಂತರಿಕ್ಷಂ |
ಸ್ಕಂಭೋ ದಾಧಾರ ಪ್ರದಿಶಃ ಷಡ್ ಉರ್ವೀಃ
ಸ್ಕಂಭ ಇದಂ ವಿಶ್ವಂ ಭುವನಂ ಆ ವಿವೇಶ || ೧೭,೧೦।೭

ಕಥಂ ವಾತೋ ನೇಲಯತಿ
ಕಥಂ ನ ರಮತೇ ಮನಃ |
ಕಿಂ ಆಪಃ ಸತ್ಯಂ ಪ್ರೇಪ್ಸಂತೀಃ
ಪ್ರ ಚಂಕ್ರಮೀತಿ ಸರ್ವದಾ || ೧೭,೧೦।೮

ಮಹದ್ ಯಕ್ಷಂ ಭುವನಸ್ಯ ಮಧ್ಯೇ
ತಪಸಿ ಕ್ರಾಂತಂ ಸಲಿಲಸ್ಯ ಪೃಷ್ಠೇ |
ತಸ್ಮಿಂ ಛ್ರಯಂತೇ ಯ ಉ ಕೇ ಚ ದೇವಾ
ವೃಕ್ಷಸ್ಯ ಸ್ಕಂಭಂ ಪರಿತ ಇವ ಶಾಖಾಃ || ೧೭,೧೦।೯

ಯಸ್ಮೈ ಹಸ್ತಾಭ್ಯಾಂ ಪಾದಾಭ್ಯಾಂ
ವಾಚಾ ಶ್ರೋತ್ರೇಣ ಚಕ್ಷುಷಾ |
ಯಸ್ಮೈ ದೇವಾ ಸದಾ ಬಲಿಂ
ಪ್ರಯಚ್ಛಂತಿ ವಿಮಿತೇ ಽಮಿತಂ
ಸ್ಕಂಭಂ ತಂ ಬ್ರೂಹಿ ಕತಮಃ ಸ್ವಿದ್ ಏವ ಸಃ || ೧೭,೧೦।೧೦
(೧೦)

ಅಪ ತಸ್ಯ ತಮೋ ಹತಂ
ವ್ಯಾವೃತ್ತಃ ಸ ಪಾಪ್ಮನಾ |
ಸರ್ವಾಣಿ ತಸ್ಮಿನ್ ಜ್ಯೋತೀಂಷಿ
ಯಾನಿ ತ್ರೀಣಿ ಪ್ರಜಾಪತೌ || ೧೭,೧೧।೧

ಯೋ ವೇತಸಂ ಹಿರಣ್ಯಯಂ
ತಿಷ್ಠಂತಂ ಸಲಿಲೇ ವೇದ |
ಸ ವೈ ಗುಹ್ಯಃ ಪ್ರಜಾಪತಿಃ || ೧೭,೧೧।೨

ನ ಪ್ರಜಾಪತಿಂ ಅತ್ಯ್ ಏತಿ
ನಾತ್ಯ್ ಏತಿ ಪರಮೇಷ್ಠಿನಂ |
ಉತೋತ ತತ್ರ ನೋ ವೃತ
ಯಜ್ ಜ್ಯೇಷ್ಠಂ ಪರೋ ಅತ್ಯಯತ್ || ೧೭,೧೧।೩

ಅಸ್ತಿ ವೈ ತತ್ ಪರೋ ಭೂಮೇರ್
ಅಸ್ತಿ ವೈ ತತ್ ಪರೋ ದಿವಃ |
ಲೋಕಾ ವೈ ತಸ್ಮಿನ್ ಸಂಪ್ರೋತಾ
ಯಸ್ಮಿನ್ನ್ ಓತಾಃ ಪ್ರಜಾ ಇಮಾಃ || ೧೭,೧೧।೪
(೧೧)

ಅನುವಾಕ ೨ ||

ಅಂತಃಪಾತ್ರೇ ರೇರಿಹತಿ
ದೂರ್ಶೇ ದುರ್ನಿಹಿತೈಷಿಣಿ |
ಉರುಂಡೇ ಅಭಿಚಂಕ್ರಮೇ
ವಕ್ಮಕೇ ಬಸ್ತವಾಸಿನಿ
ಸರ್ವಾಸಾಂ ಭಣ್ವಾ ವಃ ಸಾಕಂ
ನಾಮಧೇಯಾನಿ ವಿದ್ಮಸಿ |
ಯತಿ ಜಾತಾನಿ ವಸ್ ತತಿ
ನಶ್ಯತೇತಃ ಸದಾನ್ವಾಃ || ೧೭,೧೨।೧

ಕರ್ಣಾ ದೃಷದ್ರಥಾಮಹಂ
ಉರುಕೀಂ ಕೇಶಿನೀಂ ಕ್ರಕುಂ |
ಖಡುರೀಂ ಅಂಬರೀಷ್ಯಂ
ನಾಶಯಾಮಃ ಸದಾನ್ವಾಃ || ಪ್ರಪಾಠಕ || ೧೭,೧೨।೨

ಪಂಡುಗಿರಾಂ ಫಾಲದತೀಂ
ಅಸಂಸೂಕ್ತನಿಗಾರಿಣೀಂ |
ಅಸಾತಾಃ ಸರ್ವಾ ವೋ ಬ್ರೂಮೋ
ನಶ್ಯತೇತಃ ಸದಾನ್ವಾಃ || ೧೭,೧೨।೩

ಯಾಃ ಶಯಾನಂ ಜಂಭಯಂತಿ
ನಕ್ತಂ ಇಚ್ಛಂತ್ಯ್ ಆತುರಂ |
ಅಥೋ ಜನಸ್ಯ ಸುಪ್ತಸ್ಯ
ಮುಖಾ ಹಸ್ತಾತ್ ಪ್ರ ರಿಹಂತಿ
ದತ್ಸು ದತ್ಕವನೋಚಿತಾಸ್
ತಾ ಇತೋ ನಾಶಯಾಮಸಿ || ೧೭,೧೨।೪

ಆಪತಂತೀರ್ ವಿಕ್ಷಿಣಾನಾ
ವಸ್ತಗಂಧಾಃ ಸದಾನ್ವಾಃ |
ಭಣ್ವಾ (ಅ)ಸಿನಾ ತೋತ್ಸ್ಯಾಮಿ
ತೀಕ್ಷ್ಣಶೃಂಗ ಇವರ್ಷಭಃ || ೧೭,೧೨।೫

ಸದಾನ್ವಾಃ ಸಾದಾನ್ವೇಯಾಂ
ಸ್ತ್ರೀಪುಂಸಾಁ ಉಭಯಾನ್ ಸಹ |
ಸಹೇ ಸಹಸ್ವಾನ್ ಸಹಸಾ
ವಿ ಮೃಧೋ ಹನ್ಮಿ ರಕ್ಷಸಃ || ೧೭,೧೨।೬

ಚತುರ್ದಂಷ್ಟ್ರಾನ್ ಕುಂಭಮುಷ್ಕಾನ್
ದೀರ್ಘಕೇಶಾಁ ಅಸೃನ್ಮುಖಾನ್ |
ಅಲಾಬುಗಂಧೀನ್ ಉಂದುರಾನ್
ದುರ್ಣಾಮ್ನೋ ನಾಶಯಾಮಸಿ || ೧೭,೧೨।೭

ಸ್ತಂಬೇ ಜಾತಾ ಅಧಿ ಬಾಲೇ
ರೋದಾಕಾಁ ರುದತೀಂ ತ್ವತ್ |
ದುರ್ಣಾಮ್ನೀಃ ಸರ್ವಾಃ ಸಂತೋಕಾ
ನಾಶಯಾಮಃ ಸದಾನ್ವಾಃ || ೧೭,೧೨।೮

ಯಾಸಾಂ ಜಾತಾನಿ ಕ್ರೋಶಂತಿ
ಭಿತ್ಸ್ವ್ ಅಂತರ್ ವನೇ ಜ್ವಲ
ಉಪ ವೃಕ್ಷೇಷು ಶೇರತೇ |
(…) || ೧೭,೧೨।೯

ಯಾ ವಾತಾಭ್ರ ಉತ್ಪತಿತೇ
ಚರ್ತ್ತಾ ವರ್ಷೇಣ ವಿದ್ಯುತಾ
ಶಾಲಾ ಇಚ್ಛಂತಿ ಸತ್ವರಂ |
ದುರ್ಣಾಮ್ನೀಃ ಸರ್ವಾಃ ಸಂತೋಕಾ
ನಾಶಯಾಮಃ ಸದಾನ್ವಾಃ || ೧೭,೧೨।೧೦
(೧೨)

ಯಾ ಧಾನ್ಯಾತ್ ಸಂಭವಂತಿ
ಕ್ಷೇತ್ರಾದ್ ಉಪ್ತಾದ್ ವರ್ಪಿತಾತ |
ಕೃತಾದ್ ಅಭಿಪ್ರಹಾಯ್ಯಾ
ನಶ್ಯತೇತಃ ಸದಾನ್ವಾಃ || ೧೭,೧೩।೧

ಯಾಃ ಪುರುಷಾಃ ಪಾಪಗಂಧಾಃ
ಸದಾ ರುಕ್ಷಾ ವಿಸೃಕ್ಪದೀ |
ತಾ ವಜ್ರೇಣ ಸಮರ್ಪಯನ್
ನಿರಜೇತಃ ಶಚೀಪತೇ || ೧೭,೧೩।೨

ಉತ್ ತಿಷ್ಠತ ನಿರ್ ದ್ರವತ
ನ ವ ಇಹಾಸ್ತಿ ನ್ಯಂಚನಂ |
ಇಂದ್ರೋ ವಃ ಸರ್ವಾಸಾಂ ಸಾಕಂ
ಗರ್ಭಾನ್ ಆಂಡಾನಿ ಭೇತ್ಸ್ಯತಿ || ೧೭,೧೩।೩

ಇಂದ್ರ ಜಹಿ ಸ್ಥೂಲಶಂಖಾಂ
ಮೃಣೀಹಿ ದುರ್ಣಶೀಂ ಕುಹಂ |
ಅರಾಯೀಂ ಶಕಧೂಮ್ಯಂ
ನಾಶಯಾಮಃ ಸದಾನ್ವಾಃ || ೧೭,೧೩।೪

ಕಿಂ ಆಸುತಾಂ ನಗ್ನಹ್ವಂ
ಅಜಮಾಯುಂ ಚ ನಿಘ್ನತೀಂ |
ವಿಟಿಟಿಂಗಾಃ ಪ್ರತೋದಿನೀರ್
ನಾಶಯಾಮಃ ಸದಾನ್ವಾಃ || ೧೭,೧೩।೫

ಯಸ್ಯಾಸುತಂ ರಂಧಯಧ್ವೇ
ಯೂಯಂ ಭಣ್ವಾಃ ಸದಾನ್ವಾಃ |
ತೃಷ್ಟಂ ಕೃಣುತಾಂಡರಂ
ಯದಾ ರಸೇನ ತೃಪ್ಯತ-
-ಆತ್ ಸುರಾಂ ಅವ ಮೇಹಥ || ೧೭,೧೩।೬

ತಸ್ಯಾಃ ಪೀತ್ವಾವಮಕ್ತ್ಯ್
ಅಥೋ ಶೀರ್ಷಕ್ತ್ಯ್ ಆ ಶಯೇ |
ತಾ ಏಕಾನ್ನದೂಷಣೀರ್
ನಾಶಯಾಮಃ ಸದಾನ್ವಾಃ || ೧೭,೧೩।೭

ಅಪಾರೋಗಾಞ್ ಛಕಧೂಮಾನ್
ವೃಕ್ಷಾಣಾಂ ಯಂತು ಸತ್ವರಂ |
ಅಥೋ ದುರ್ಹಾರ್ದಸೋ ಗೃಹಂ
ಪ್ರ ಮೃಶಂತ್ವ್ ಅರಾಯ್ಯಃ || ೧೭,೧೩।೮

ತಾಸಾಂ ಏಕಾಚ್ಛವಕಾ
ಶಂಕಾವಂಕಾ ವನೇಕೃಕುರ್
ಹಸನೈಕಾ ಕನಿಕ್ರದಾ |
ಸರ್ವಾಸಾಂ ಭಣ್ವಾ ವಃ ಸಾಕಂ
ನಾಮಧೇಯಾನಿ ವಿದ್ಮಸಿ |
ಯತಿ ಜಾತಾನಿ ವಸ್ ತತಿ
ನಶ್ಯತೇತಃ ಸದಾನ್ವಾಃ || ೧೭,೧೩।೯

ಸಹಸ್ವತೀಂ ಪ್ರ ಹರಾಮಿ-
ಇಮಾಂ ಶಾಲಾಂ ವಿಷಾಸಹಿಂ |
ಸದಾನ್ವಾಘ್ನೀಂ ಓಷಧಿಂ
ಜೈತ್ರಾಯಾಚ್ಛಾ ವದಾಮಸಿ || ೧೭,೧೩।೧೦
(೧೩)

ದುಃಸಂಕಾಶೇ ಭೀಮಚಕ್ಷೋ
ನಗ್ನೇ ಭಣ್ವೇ ಸದಾನ್ವೇ
ಧ್ರಾಜಿಂ ತ್ವಿಷಿಂ ಶುಚಿಂ ಅಗ್ನಿಂ
ಅರಾಯಿ ಕಿಂ ಇಹೇಚ್ಛಸೇ |
ಧೂಮಂ ಮಾಭಿ ಪ್ರ ಗಾಯಿ
ನಿ ಸ್ತೌಷಾಮಿ ಸದಾನ್ವೇ || ೧೭,೧೪।೧

ಕಂಕ್ಯೇಕಾ ಪ್ರಖಿದೈಕಾ
ಕಿಂ ಇಚ್ ಛಾಂತ್ಯಭಿಶ್ರಯಾ |
ಚರಂತಿ ನಕ್ತಂ ದುರ್ಣಾಮ್ನೋ
ಅರಾಯೀಃ ಸೂತಿಕೈಷ್ಯಸ್
ತಾ ಇತೋ ನಾಶಯಾಮಸಿ || ೧೭,೧೪।೨

ಅಪಕ್ರಥಾಂ ಅಭಿಶ್ರಯಾಂ
ಆನೃತ್ಯಂತೀಂ ಕುತೂಹಲಾಂ |
ಕುಸೂಲೀಂ ರಥಭಂಜನೀಂ
ಖಲಾಜ್ ಜಾತಾಸ್ ತ್ರಿಕೂಕ್ವಸ್
ತಾ ಇತೋ ನಾಶಯಾಮಸಿ || ೧೭,೧೪।೩

ಯಾ ವಿಕೇಶೀರ್ ಉನ್ಮದಿತ್ಯಾ-
-ಉರರಾ ಘೋರಚಕ್ಷವಃ |
ಶೀರ್ಶಾಣ್ಯ್ ಅನ್ಯಾ ಅನ್ಯಾಸಾಂ
ವಿತಾವಂತೀರ್ ಇವಾಸತೇ
ಸದಾನ್ವಾ ಬ್ರಹ್ಮಣಸ್ಪತೇ
ಪರೋ ಭ್ರೂಣಾನ್ಯ್ ಅರ್ಪಯ || ೧೭,೧೪।೪

ಯಾಸಾಂ ಗಂಧೋ ನಾನಾರೂಪಃ
ಪರ್ಯೈತಿ ಪುರುಷಂ ಪಥಿ |
ತಾ ಅಗ್ನಿಃ ಸಹತಾಂ ಇತೋ
ಜಾತವೇದಾಃ ಸದಾನ್ವಾಃ || ೧೭,೧೪।೫

ಯಾಃ ಪುರುಷಂ ದಹ್ಯಮಾನಂ
ಶೂನ್ಯಂ ಅಗ್ನೌ ಜಿಘತ್ಸಂತಿ |
ಭಣ್ವಾ ನಿಷ್ಕುಷ್ಟಾ ನಾಮಾಸಿ
ಮುಷ್ಟಾಗ್ರೇಣ ಸದಾನ್ವಾಸ್
ತಾ ಇತೋ ನಾಶಯಾಮಸಿ || ೧೭,೧೪।೬

ಯಾ ಉಚಿತಾ ಆವಪನೇ
ಶುಷ್ಕಂ ಖಾದಂತಿ ಮಷ್ಮಸಂ
ವಡವಾ ಗರ್ದಭೀರ್ ಇವ |
ನಾಶಯಾಮಃ ಸದಾನ್ವಾಃ || ೧೭,೧೪।೭

ಗರ್ಭಾನ್ ಏಕಃ ಪ್ರತಿ ಮೋರ್ಶಂ
ಯಾ ಅದಂತಿ ಸದಾನ್ವಾಃ |
ಉಚಿತಾಸ್ ತನ್ವಂ ಸ್ತ್ರಿಯಾ
ಗಾವ ಆ ರೋಹಿಣೀರ್ ಇವ
ತಾ ಇತೋ ನಾಶಯಾಮಸಿ || ೧೭,೧೪।೮

ಯಾಃ ಪಿತೃಯಾತ್ ಸಂಭವಂತಿ-
-ಇಂದ್ರಜಾ ನಃ ಸದಾನ್ವಾಃ |
ಅಪ ಮಿತ್ಯಂ ಇವಾಭೃತಂ
ಪುನಸ್ ತಾ ಪ್ರತಿ ದದ್ಮಸಿ || ೧೭,೧೪।೯

ಆಮಾದಿನೀಃ ಕ್ರೂರಾದಿನೀರ್
ಅನಗ್ನಿಗಂಧ್ಯಾದಿನೀಃ |
ಅಮುಂ ಪರೇತ್ಯೋದ್ಧಿತಂ
ಶವಂ ಅತ್ತ ಸದಾನ್ವಾಃ |
ಶವಃ ಕೇವಲ ಆಚಾರಃ
ಕಿಂ ಉ ಶಾಲಾಸ್ವ್ ಇಚ್ಛಥ || ೧೭,೧೪।೧೦
(೧೪)

ಯಾಃ ಕುಮಾರೀರ್ ಯಾಃ ಸ್ಥವಿರಾ
ಯುವತೀರ್ ಯಾಃ ಸದಾನ್ವಾಃ |
ಸರ್ವಾ ಯಂತು ಕುರೂಟಿನೀಃ
ಕುಲೀನಾಧೇನು ಸರ್ಪತ್ವ್
ಅರಾಯೀರ್ ಅಭಿಭಾ ಇತಃ || ೧೭,೧೫।೧

ತಾಭ್ಯೋ ರುದ್ರೋ ವಿಸೃಜತ್
ತ್ವಿಷಿಂ ಅಧ್ವಗಘಾತಿನೀಂ |
ತಾ ಅಸ್ತಾ ಹಂತು ವಿದ್ಯುತಾ
ವಜ್ರೇಣಾನಪರಾಧಿನಾ |
ತಾಸಾಂ ತ್ವಂ ಶಕ್ರ ಮೋಚ್ ಛಿಷ
ಇಂದ್ರ ಭಣ್ವಾಃ ಫಲೀಕುರು || ೧೭,೧೫।೨

ಕುಮಾರಾನ್ ಏಕಾ ಸ್ಥವೀರಾನ್
ಯಾ ಅದಂತಿ ಪ್ರಖಾದಿನೀಃ |
ತಾ ಇಂದ್ರೋ ಹಂತು ವೃತ್ರಹಾ
ಯಾ ದೇವೋ ವಿಶ್ವಾದ್ ರಕ್ಷಾಂಸಿ ಸೇಧತಿ || ೧೭,೧೫।೩

ಯಾಶ್ ಚ ದಾಸೀರ್ ಅಸುರಾಣಾಂ
ಮನುಷ್ಯೇಭ್ಯಶ್ ಚ ಯಾಃ ಕೃತಾಃ |
ಉಭಯೀಸ್ ತಾಃ ಪರಾ ಯಂತು
ಪರಾವತಂ ನವತಿಂ ನಾವ್ಯಾ ಅತಿ || ೧೭,೧೫।೪

ಯಾಸಾಂ ಘೋಷಃ ಸಂಗತಾನಾಂ
ವೃಕಾಣಾಂ ಇವ ಗಂಗಣಃ |
ಪ್ರಚಂಕಶಾಮೈವಹರಾಂ
ಪ್ರಯಚ್ಛಂತೀಂ ಪ್ರತಿಗ್ರಹಾಂ
ನಾಶಯಾಮಃ ಸದಾನ್ವಾಃ || ೧೭,೧೫।೫

ಯಾನಿ ಸಾಯಂ ಯಥಾಸ್ಥಾಮಾದ್
ರಾತ್ರೀಂ ಯಕ್ಷಾಣಿ ಪ್ರೇರತೇ |
ಅಗ್ನಿಷ್ ಟಾ ಸರ್ವಾ ಸಾಹಂತ್ಯೋ
ವಿಶ್ವಾದ್ ರಕ್ಷಾಂಸಿ ಸೇಧತು || ೧೭,೧೫।೬

ಯಾ ಋಕ್ಷೀಕಾಃ ಕಲೀಲಾಂದಾ-
-ಅಪ್ಸು ಜಾತಾಃ ಪುಲೀಕಯಾಃ |
ಗೋಪಾ ಆಸಾಂ ಏಕೋ ವೇದ
ಯತೋ ಜಾತಾಃ ಸದಾನ್ವಾಸ್
ತಾ ಇತೋ ನಾಶಯಾಮಸಿ || ೧೭,೧೫।೭

ಗುರುಚ್ಛಾಯಾಂ ಊರ್ಧಾರ್ಯಂ
ಶಿಶುಮಾಕಾಂ ಪ್ರತಿಶ್ರುಕಾಂ |
ಅತಿದುಹ್ನಾಂ ವಿಚಲಂತೀಂ ವಿತೂಲುಮಾಂ |
ಸರ್ವಾಶ್ ಚಂಡಸ್ಯ ನಪ್ತ್ಯೋ
ನಾಶಯಾಮಃ ಸದಾನ್ವಾಃ || ೧೭,೧೫।೮

ಆವದಂತೀಂ ನಾಮಹೂಕಾಂ
ತಂಸ್ತನೀಕಾಂ ವೃಂಕ್ತಪದೀಂ |
ಉದ್ರದಂತೀಂ ಅನಾಸಿಕಾಂ
ನಾಶಯಾಮಃ ಸದಾನ್ವಾಃ || ೧೭,೧೫।೯

ವಾವದಾಕಾಂ ಅಲ್ಭಷಾಸಾಂ
ವಿಜವ್ರಾಂ ಲಬ್ರುವಂ ಲವುಂ |
ಅರಾಯೀಂ ವಾಚಮೇಜಯಾಂ
ನಾಶಯಾಮಃ ಸದಾನ್ವಾಃ || ೧೭,೧೫।೧೦
(೧೫)

ಅನುವಾಕ ೩ ||

ದದಾಮೀತ್ಯ್ ಏವ ಬ್ರೂಯಾದ್
ಅನು ಚೈನಾಂ ಅಭುತ್ಸತ |
ವಶಾಂ ಬ್ರಹ್ಮಭ್ಯೋ ಯಾಚದ್ಭ್ಯಸ್
ತತ್ ಪ್ರಜಾವದ್ ಅಪತ್ಯವತ್ || ೧೭,೧೬।೧

ಪ್ರಜಯಾ ಸ ವಿ ಕ್ರೀಣೀತೇ
ಪಶುಭಿಶ್ ಚೋಪ ದಸ್ಯತಿ |
ಯ ಆರ್ಷೇಯೇಭ್ಯೋ ಯಾಚದ್ಭ್ಯೋ
ದೇವಾನಾಂ ಗಾಂ ನ ದಿತ್ಸತಿ || ೧೭,೧೬।೨

ಕೂಟಯಾಸ್ಯ ಸಂ ಶೀರ್ಯಂತೇ
ಶ್ರೋಣಯಾ ಕಾಟಂ ಅರ್ದತಿ |
ಬಂಡಯಾ ದಹ್ಯಂತೇ ಗೃಹಾಃ
ಕಾಣಯಾ ಜೀಯತೇ ಸ್ವಂ || ೧೭,೧೬।೩

ವಿಲೋಹಿತೋ ಅಧಿಷ್ಠಾನಾಚ್
ಛಕ್ನೋ ವಿಂದತಿ ಗೋಪತಿಂ |
ತಥಾ ವಶಾಯಾಃ ಸಾಂವಿದ್ಯಂ
ದುರದಭ್ನಾ ಹ್ಯ್ ಉಚ್ಯಸೇ || ೧೭,೧೬।೪

ಯೋ ಅಸ್ಯಾಃ ಕರ್ಣಾವ್ ಆಸ್ಕುನೋತ್ಯ್
ಆ ಸ ದೇವೇಷು ವೃಶ್ಚತೇ |
ಲಕ್ಷ್ಮ ಕುರ್ವ ಇತಿ ಮನ್ಯತೇ
ಕನೀಯಃ ಕೃಣುತೇ ಸ್ವಂ || ೧೭,೧೬।೫

ಪದೋರ್ ಅಸ್ಯಾ ಅಧಿಷ್ಠಾನಾದ್
ವಿಕ್ಲಿಂದುರ್ ನಾಮ ವಿಂದತಿ |
ಅನಾಮನಾತ್ ಸಂ ಶೀರ್ಯಂತೇ
ಯಾ ಮುಖೇನೋಪಜಿಘ್ರತಿ || ೧೭,೧೬।೬

ಯದ್ ಅಸ್ಯಾ ಗೋಪತೌ ಸತ್ಯಾ
ಲೋಮ ಧ್ವಾಂಕ್ಷೋ ಅಜೀಹಿಡತ್ |
ತತಃ ಕಿಶೋರಾ ಮ್ರಿಯಂತೇ
ವತ್ಸಾಂಶ್ ಚ ಘಾತುಕೋ ವೃಕಃ || ೧೭,೧೬।೭

ಯದ್ ಅಸ್ಯಾಃ ಕಸ್ಮೈ ಚಿದ್ ಭೋಗಾಯ
ಬಾಲಾನ್ ಕಶ್ ಚಿತ್ ಪ್ರ ಕೃಂತತಿ |
ತತಃ ಕುಮಾರಾ ಮ್ರಿಯಂತೇ
ಯಕ್ಷ್ಮಶ್ ಛಂತ್ಸತ್ಯ್ ಅನಾಮನಾತ್ || ೧೭,೧೬।೮

ಯದ್ ಅಸ್ಯಾಃ ಪಲ್ಪುಲನಾಯ
ಶಕೃದ್ ದಾಸೀ ಸಮಸ್ಯತಿ |
ತತೋ ಽಪಿರೂಪಂ ಜಾಯತೇ
ತಸ್ಮಾದ್ ಅವ್ಯೇಷ್ಯದ್ ಏನಸಃ || ೧೭,೧೬।೯

ಜಾಯಮಾನಾಭಿ ಜಾಯತೇ
ದೇವಾನ್ ಸಬ್ರಾಹ್ಮಣಾನ್ ವಶಾ |
ತಸ್ಮಾದ್ ಬ್ರಹ್ಮಭ್ಯೋ ದೇಯೈಷಾ
ತದ್ ಆಹುಃ ಸ್ವಸ್ಯ ಗೋಪನಂ || ೧೭,೧೬।೧೦
(೧೬)

ಯ ಏನಾಂ ವನಿಂ ಆಯಂತಿ
ತೇಷಾಂ ದೇವಕೃತಾ ವಶಾ |
ಬ್ರಹ್ಮಜ್ಯೇಯಂ ತದ್ ಅಬ್ರುವನ್
ಯ ಏನಾಂ ನಿಪ್ರಿಯಾಯತೇ || ೧೭,೧೭।೧

ಯ ಏನಾಂ ಯಾಚದ್ಭ್ಯ
ಆರ್ಷೇಯೇಭ್ಯೋ ನ ದಿತ್ಸತಿ |
ಆ ಸ ದೇವೇಷು ವೃಶ್ಚತೇ
ಬ್ರಾಹ್ಮನಾನಾಂ ಚ ಮನ್ಯವೇ || ೧೭,೧೭।೨

ಯಸ್ಯಾನ್ಯಃ ಸ್ಯಾದ್ ವಶಾಭೋಗೋ
ಅನ್ಯಾಂ ಇಚ್ಛೇತ ತರ್ಹಿ ಸಃ |
ಹಿಂಸ್ಯಾದ್ ಅದತ್ತಾ ಗೋಪತಿಂ
ಯಾಚಿತಾಂ ಚ ನ ದಿತ್ಸತಿ || ೧೭,೧೭।೩

ಯಥಾ ಶೇವಧಿರ್ ನಿಹಿತೋ
ಬ್ರಾಹ್ಮಣಾನಾಂ ತಥಾ ವಶಾ |
ತಾಂ ಏತದ್ ಆ ಯಂತಿ
ಯಸ್ಮಿನ್ ಕಸ್ಮಿಂಶ್ ಚ ಜಾಯತೇ || ೧೭,೧೭।೪

ಸ್ವಂ ಏತದ್ ಆ ಯಂತಿ
ಯದ್ ವಶಾಂ ಬ್ರಾಹ್ಮಣಾ ಅಭಿ |
ಯಥೈತಾನ್ ಅನ್ಯಜ್ ಜಿನೀಯಾದ್
ಏವಾಸ್ಯಾನಿರೋಧನಂ || ೧೭,೧೭।೫

ಚರೇದ್ ಏವಾ ತ್ರೈಹಾಯಣಾದ್
ಅವಿಜ್ಞಾತಗದಾ ಸತೀ |
ವಶಾಂ ಚ ವಿದ್ಯಾನ್ ನಾರದ
ಬ್ರಾಹ್ಮಣಸ್ ತರ್ಹ್ಯ್ ಏಷ್ಯಃ || ೧೭,೧೭।೬

ಯ ಏನಾಂ ಅವಶಾಂ ಆಹ
ದೇವಾನಾಂ ನಿಹಿತಂ ನಿಧಿಂ |
ಉಭೌ ತಸ್ಮೈ ಭವಾಶರ್ವೌ
ಪರಿಕ್ರಮ್ಯೇಷುಂ ಅಸ್ಯತಃ || ೧೭,೧೭।೭

ದುರದಭ್ನೈನಂ ಆ ಶಯೇ
ಯಾಚಿತಾಂ ಚ ನ ದಿತ್ಸತಿ |
ನಾಸ್ಮೈ ಕಾಮಃ ಸಂ ಋಧ್ಯತೇ
ಯಂ ಅದತ್ತ್ವಾ ಚಿಕೀರ್ಷತಿ || ೧೭,೧೭।೮

ಯೋ ಅಸ್ಯಾ ಊಧೋ ನ ವೇದ-
-ಅಥೋ ಅಸ್ಯಾ ಸ್ತನಾನ್ ಉತ |
ಉಭಯೇನೈವೈನಾಂ ದುಹೇ
ದಾತುಂ ಚೇದ್ ಅಶಕದ್ ವಶಾಂ || ೧೭,೧೭।೯

ದೇವಾ ವಶಾಂ ಯಾಚಂತಿ
ಮುಖಂ ಕೃತ್ವಾ ಬ್ರಹ್ಮಣಂ |
ತೇಷಾಂ ಸರ್ವೇಷಾಂ ಅದದದ್
ಧೇಡಂ ನ್ಯ್ ಏತಿ ಮಾನುಷಃ || ೧೭,೧೭।೧೦
(೧೭)

ಹೇಡಂ ಪಶೂನಾಂ ನ್ಯ್ ಏತಿ
ಬ್ರಾಹ್ಮಣೇಭ್ಯೋ ಽದದದ್ ವಶಾಂ |
ದೇವಾನಾಂ ನಿಹಿತಂ ಭಾಗಂ
ಮರ್ತ್ಯಶ್ ಚೇನ್ ನಿಪ್ರಿಯಾಯತೇ || ೧೭,೧೮।೧

ಯದ್ ಅನ್ಯೇ ಶತಂ ಯಾಚೇಯುರ್
ಬ್ರಾಹ್ಮಣಾ ಗೋಪತಿಂ ವಶಾಂ |
ಅಥೈತಾ ದೇವಾ ಅಬ್ರುವನ್ನ್
ಏವಂ ಹ ವಿದುಷೋ ವಶಾ || ೧೭,೧೮।೨

ಯ ಏವಂ ವಿದುಷೇ ಽದತ್ತ್ವಾ-
-ಅನ್ಯಸ್ಮೈ ದದದ್ ವಶಾಂ |
ದುರ್ಗಾ ತಸ್ಮಾ ಅಧಿಷ್ಠಾನೇ
ಪೃಥಿವೀ ಸಹದೇವತಾ || ೧೭,೧೮।೩

ದೇವಾ ವಶಾಂ ಅಯಾಚನ್
ಯಸ್ಮಿನ್ನ್ ಅಗ್ರೇ ಅಜಾಯತ |
ತಾಂ ಏತಾಂ ವಿದ್ಯಾನ್ ನಾರದಃ
ಸಹ ದೇವೈರ್ ಉದ್ ಆಜತ || ೧೭,೧೮।೪

ಅನಪತ್ಯಂ ಅಲ್ಪಪಶುಂ
ವಶಾ ಕೃಣೋತು ಪೂರುಷಂ |
ಬ್ರಾಹ್ಮಣೈಶ್ ಚ ಯಾಚಿತಾಂ
ಅಥೈನಾಂ ನಿ ಪ್ರಿಯಾಯತೇ || ೧೭,೧೮।೫

ಅಗ್ನೀಷೋಮಾಭ್ಯಾಂ ಕಾಮಾಯ
ಮಿತ್ರಾಯ ವರುಣಾಯ ಚ |
ತೇಭ್ಯೋ ಯಾಚಂತಿ ಬ್ರಾಹ್ಮಣಾಸ್
ತೇಭ್ಯ ಆ ವೃಶ್ಚತೇ ಽದಧತ್ || ೧೭,೧೮।೬

ಯಾವದ್ ಅಸ್ಯಾ ಗೋಪತಿರ್ ನ-
-ಉಪಶೃಣುಯಾದ್ ಋಚಃ ಸ್ವಯಂ |
ಚರೇದ್ ಅಸ್ಯ ತಾವದ್ ಗೋಷು
ನಾಸ್ಯ ಶ್ರುತಾ ಗೃಹೇ ಸ್ಯಾತ್ || ೧೭,೧೮।೭

ಯೋ ಅಸ್ಯಾ ಋಚ ಉಪಶ್ರುತ್ಯ-
-ಅಥ ಗೋಷ್ವ್ ಅಚೀಚರತ್ |
ಆಯುಶ್ ಚ ತಸ್ಯ ಭೂತಿಂ ಚ
ದೇವಾ ವೃಶ್ಚಂತಿ ಹೀಡಿತಾಃ || ೧೭,೧೮।೮

ವಶಾ ಚರಂತೀ ಬಹುಧಾ
ದೇವಾನಾಂ ನಿಹಿತೋ ನಿಧಿಃ |
ಆವಿಷ್ಕೃಣುತೇ ರೂಪಾಣಿ
ಯಥಾ ಸ್ಥಾಮ ಜಿಗಾಂಸತಿ || ೧೭,೧೮।೯

ಆವಿರ್ ಆತ್ಮಾನಂ ಕೃಣುತೇ
ಯಥಾ ಸ್ಥಾಮ ಜಿಗಾಂಸತಿ |
ಅಥೋ ಹ ಬ್ರಹ್ಮಭ್ಯೋ ವಶಾ
ಯಾಕ್ಯಾಯ ಕೃಣುತೇ ಮನಃ || ೧೭,೧೮।೧೦
(೧೮)

ಮನಸಾ ಸಂಕಲ್ಪಯತಿ
ತದ್ ದೇವಾಁ ಅಪಿ ಗಚ್ಛತಿ |
ಅಥೋ ಹ ಬ್ರಹ್ಮಾಣೋ ವಶಾಂ
ಉಪಪ್ರಯಂತಿ ಯಾಚಿತುಂ || ೧೭,೧೯।೧

ಸ್ವಧಾಕಾರೇಣ ಪಿತೃಭ್ಯೋ
ಯಜ್ಞೇನ ದೇವತಾಭ್ಯಃ |
ದಾನೇನ ರಾಜನ್ಯೋ ವಶಾಯಾ
ಮಾತುರ್ ಹೇಡಂ ನ ಗಚ್ಛತಿ || ೧೭,೧೯।೨

ವಶಾ ರಾಜನ್ಯ ತೇ ಮಾತಾ
ತಥಾ ಸಂಭೂತಂ ಅಗ್ರಶಃ |
ತಸ್ಯಾ ಆಹುರ್ ಅನರ್ಪಣಂ
ಯ ಬ್ರಹ್ಮಭ್ಯಃ ಪ್ರದೀಯತೇ || ೧೭,೧೯।೩

ಯಥಾಜ್ಯಂ ಪ್ರತಿಗೃಹೀತಂ
ಆಲುಂಪೇತ್ ಸ್ರುಚೋ ಅಗ್ನಯೇ |
ಏವಾ ಹ ಬ್ರಹ್ಮಾಣೋ ವಶಾಂ
ಆಗ್ನಯೇ ವೃಶ್ಚತೇ ಽದಧತ್ || ೧೭,೧೯।೪

ಪುರೋಡಾಶವತ್ಸಾ ಸುದುಘಾ
ಲೋಕೇ ಅಸ್ಯೋಪ ತಿಷ್ಠತಿ |
ಸಾಸ್ಮೈ ಸರ್ವಾನ್ ಕಾಮಾನ್ ದುಹೇ
ವಶಾ ಪ್ರದದುಷೇ ಬಹೂನ್ || ೧೭,೧೯।೫

ಸರ್ವಾನ್ ಕಾಮಾನ್ ಯಮರಾಜ್ಯೇ
ವಶಾ ಪ್ರದದುಷೇ ದುಹೇ |
ಅಥಾಹುರ್ ನಾರಕಂ ಲೋಕಂ
ನಿರುಂಧಾನಸ್ಯ ಯಾಚಿತಾಂ || ೧೭,೧೯।೬

ಪ್ರವೀಯಮಾನಾ ಚರತಿ
ಕ್ರುದ್ಧಾ ಗೋಪತಯೇ ವಶಾ |
ವೇಹತಂ ಮಾ ಮನ್ಯಮಾನೋ
ಮೃತ್ಯೋಃ ಪಾಶೇಷು ಬಧ್ಯತಾಂ || ೧೭,೧೯।೭

ಯೋ ವೇಹತಂ ಮನ್ಯಮಾನೋ
ಗೃಹೇಷು ಪಚತೇ ವಶಾಂ |
ಅಪ್ಯ್ ಅಸ್ಯ ಪುತ್ರಾನ್ ಪೌತ್ರಾಂಶ್ ಚ
ಯಾಚಯತೇ ಬೃಹಸ್ಪತಿಃ || ೧೭,೧೯।೮

ಮಹದ್ ಏಷಾ ವಿ ತಪತಿ
ಚರಂತೀ ಗೋಷು ಗೌರ್ ಅಪಿ |
ತತೋ ಹ ಗೋಪತಯೇ ವಶಾ
ದದುಷೇ ವಿಷಂ ದುಹೇ || ೧೭,೧೯।೯

ಪ್ರಿಯಂ ಪಶೂನಾಂ ಭವತಿ
ಯದ್ ಬ್ರಹ್ಮಭ್ಯಃ ಪ್ರದೀಯತೇ |
ಅತೋ ವಶಾಯಾಸ್ ತತ್ ಪ್ರಿಯಂ
ಯದ್ ದೇವತ್ರಾ ಹವಿಃ ಸ್ಯಾತ್ || ೧೭,೧೯।೧೦
(೧೯)

ಯಾ ವಶಾ ಉದಕಲ್ಪಯನ್
ದೇವಾ ಯಜ್ಞಾದ್ ಉದೇತ್ಯ |
ತಾಸಾಂ ವಿಲಿಪ್ತ್ಯಂ ಭೀಮಾಂ
ಉದಾಕುರುತ ನಾರದಃ || ೧೭,೨೦।೧

ತಾಂ ದೇವಾ ಅಮೀಮಾಂಸಂತ
ವಶೇಯಾಂ ನ ವಶೇತಿ |
ತಾಂ ಅಬ್ರವೀನ್ ನಾರದ
ಏಷಾ ವಶಾನಾಂ ವಶತಮಾ || ೧೭,೨೦।೨

ಕತಿ ನು ವಶಾ ನಾರದ
ಯಾಸ್ ತ್ವಂ ವೇತ್ಥ ಮನುಷ್ಯಜಾಃ |
ಕತಮಾಸಾಂ ಭೀಮತಮಾ
ಕಸ್ಯಾ ನಾಶ್ನೀಯಾದ್ ಅಬ್ರಾಹ್ಮಣಃ || ೧೭,೨೦।೩

ವಿಲಿಪ್ತ್ಯಾ ಬೃಹಸ್ಪತೇ
ಯಾ ಚ ಸೂತವಶಾ ವಶಾ |
ತಾಸಾಂ ನಾಶ್ನೀಯಾದ್ ಅಬ್ರಾಹ್ಮಣೋ
ಯ ಆಶಂಸೇತಿ ಭೂತ್ಯಾಂ || ೧೭,೨೦।೪

ನಮಸ್ ತೇ ಅಸ್ತು ನಾರದ-
-ಅನುಷ್ಠ ವಿದುಷೇ ವಶಾ |
ಕತಮಾಸಾಂ ಭೀಮತಮಾ
ಯಾಂ ಅದತ್ತ್ವಾ ಪರಾಭವೇತ್ || ೧೭,೨೦।೫

ವಿಲಿಪ್ತ್ಯಾ ಬೃಹಸ್ಪತೇ
ಯಾ ಚ ಸೂತವಶಾ ವಶಾ |
ಯಾಃ ಪ್ರಯಚ್ಛೇದ್ ಬ್ರಹ್ಮಭ್ಯೋ
ಯ ಆಶಂಶೇತಿ ಭೂತ್ಯಾಂ || ೧೭,೨೦।೬

ತ್ರೀಣಿ ವೈ ವಶಾಜಾತಾನಿ
ವಿಲಿಪ್ತೀ ಸೂತವಶಾ ವಶಾ |
ತಾಃ ಪ್ರ ಯಚ್ಛೇದ್ ಬ್ರಹ್ಮಭ್ಯಃ
ಸ್ಯೋನಾವಸ್ಕಃ ಪ್ರಜಾಪತೌ || ೧೭,೨೦।೭

ಏತದ್ ವೋ ಬ್ರಾಹ್ಮಣಾ ಹವಿರ್
ಇತಿ ಮನ್ವೀತ ಯಾಚಿತಃ |
ವಶಾಂ ಚೇದ್ ಏನಂ ಯಾಚೇಯುರ್
ಯಾ ಭೀಮಾದದುಷೋ ಗೃಹೇ || ೧೭,೨೦।೮

ದೇವಾ ವಶಾಂ ಉಪಾವದನ್
ನ ನೋ ದಾದ್ ಇತಿ ಹೀಡಿತಾಃ |
ಏತಾಭಿರ್ ಋಗ್ಭಿರ್ ಭೇದಸ್ಯ
ತಸ್ಮಾದ್ ವೈ ಸ ಪರಾಭವತ್ || ೧೭,೨೦।೯

ಉತೈತಾಂ ಭೇದೋ ನಾರದಾದ್
ವಶಾಂ ಇಂದ್ರೇಣ ಯಾಚಿತಃ |
ತಸ್ಮಾತ್ ತಂ ದೇವಾ ಏನಸೋ
ವೃಶ್ಚನ್ನ್ ಅಹಮುತ್ತರೇ || ೧೭,೨೦।೧೦

ಯೇ ವಶಾಯಾ ಅದಾನಾಯ
ವದಂತಿ ಪರಿರಾಪಿನಃ |
ಇಂದ್ರಸ್ಯ ಮನ್ಯವೇ ಜಾಲ್ಮಾ
ಆ ವೃಶ್ಚಂತೇ ಅಚಿತ್ಯಾ || ೧೭,೨೦।೧೧

ಯೋ ಗೋಪತಿಂ ಪಾರಾಣೀಯ-
-ಅಥಾಹುರ್ ಮಾ ದದಾ ಇತಿ |
ರುದ್ರಸ್ಯಾಸ್ ತಾಂ ಹೇತಿಂ ತೇ
ಪರಿ ಯಂತ್ಯ್ ಅಚೇತಸಃ || ೧೭,೨೦।೧೨

ಯದಿ ಹುತಾಂ ಯದ್ಯ್ ಅಹುತಾಂ
ಅಮಾ ಚ ಪಚತೇ ವಶಾಂ |
ದೇವಾನ್ ಸಬ್ರಾಹ್ಮಣಾನ್ ಋತ್ವಾ
ಜಿಹ್ಮೋ ಲೋಕಾನ್ ನಿರ್ ಋಚ್ಛತಿ || ೧೭,೨೦।೧೩
(೨೦)

ಅನುವಾಕ ೪ ||

ಅಸೃಙ್ ಮಾಂಸಂ ತ್ವಚಂ ಪೇಷ್ಟ್ರಂ ಮಸ್ತೃಹಣಂ ಮಜ್ಜ್ಞಃ ಶರೀರಂ |
ಅಗ್ನಿಃ ಕ್ರವ್ಯಾದ್ ಅತ್ತ್ವ್ ಅಮುಷ್ಯಾಮುಷ್ಯಾಯಣಸ್ಯಾಮುಷ್ಯಾಃ ಪುತ್ರಸ್ಯ || ೧೭,೨೧।೧

ಪ್ರಾತರ್ಯಾವದ್ಭ್ಯೋ ದೇವೇಭ್ಯಃ ಸಾಯಂಯಾವದ್ಭ್ಯೋ ದೇವೇಭ್ಯೋ ವಿಶ್ವದಾನೀಂಯಾವದ್ಭ್ಯೋ ದೇವೇಭ್ಯಃ |
ಅಮುಷ್ಯಾಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಆ ವೃಶ್ಚಾಮಿ || ೧೭,೨೧।೨

ವೈಶ್ವಾನರಾಯ ಕ್ಷಿಪ್ರಧನ್ವನೇ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಆ ವೃಶ್ಚಾಮಿ || ೧೭,೨೧।೩

ಕ್ಷಿಪ್ರಧನ್ವನ್ ಕ್ಷಿಪ್ರಹಸ್ತ |
ಅಮುಷ್ಯಾಮುಷ್ಯಾಯಣಸ್ಯಾಮುಷ್ಯಾಃ ಪುತ್ರಸ್ಯ ಹೃದಯಂ ಯಕೃನ್ ಮತಸ್ನೇ ಪ್ರ ವಿಧ್ಯ || ೧೭,೨೧।೪

ಇಂದ್ರಾಗ್ನಿಭ್ಯಾಂ ಪ್ರಜಾಪತಯೇ ಪರಮೇಷ್ಠಿನೇ ಸೋಮಾಯ ರಾಜ್ಞೇ ವರುಣಾಯ ರಾಜ್ಞೇ |
ಪೂಷ್ಣೇ ಧಾತ್ರೇ ಸವಿತ್ರೇ ತ್ವಷ್ಟ್ರೇ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಆ ವೃಶ್ಚಾಮಿ || ೧೭,೨೧।೫

ಉಷಸೇ ಽಹ್ನೇ ರಾತ್ರಯೇ ಸೂರ್ಯಾಯಾಮುಂ (…) || ೧೭,೨೧।೬

ವೀರುದ್ಭ್ಯ ಓಷಧೀಭ್ಯೋ ವನಸ್ಪತಿಭ್ಯೋ ವಾನಸ್ಪತೇಭ್ಯೋ ಽಮುಂ (…) || ೧೭,೨೧।೭

ಅದ್ಭ್ಯೋ ಮಾತರಿಶ್ವನೇ ಽದ್ಯಾವಾಪೃಥಿವೀಭ್ಯಾಂ ಅಮುಂ (…) || ೧೭,೨೧।೮

ಇದಾವತ್ಸರಾಯ ಪರಿವತ್ಸರಾಯ ಸಂವತ್ಸರಾಯ ಬೃಹತೇ ವಿಶ್ವರೂಪಾಯಾಮುಂ (…) || ೧೭,೨೧।೯

ಮಾದ್ಭ್ಯಃ ಸಂವತ್ಸರಾಯಾಮುಂ (…) || ೧೭,೨೧।೧೦
(೨೧)
ದಿಗ್ಭ್ಯೋ ಅಂತರ್ದೇಶೇಭ್ಯ ಆಶಾಭ್ಯ ಆಶಾಪಾಲೇಭ್ಯೋ ಽಮುಂ (…) || ಋತುಭ್ಯ ಆರ್ತವೇಭ್ಯೋ ಅಧಿಪತಿಭ್ಯ ಆಧಿಪತ್ಯೇಭ್ಯೋ ಽಮುಂ (…) || ಋಷಿಭ್ಯ ಆರ್ಷೇಯೇಭ್ಯೋ ಅಂಗಿರೋಭ್ಯ ಆಂಗಿರಸೇಭ್ಯೋ ಽಥರ್ವಭ್ಯ ಆಥರ್ವಣೇಭ್ಯೋ ಽಮುಂ (…) || ವಸುಭ್ಯೋ ರುದ್ರೇಭ್ಯ ಆದಿತ್ಯೇಭ್ಯಃ ಸಾಧ್ಯೇಭ್ಯ ಆಪ್ತ್ಯೇಭ್ಯೋ ಽಮುಂ (…) ||
ಮರುದ್ಭ್ಯೋ ಽಶ್ವಿಭ್ಯಾಂ ಬ್ರಹ್ಮಣೇ ಬ್ರಹ್ಮಣಸ್ಪತಯೇ
ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಆ ವೃಶ್ಚಾಮಿ || ೧೭,೨೨।೫

ಯೇ ಸ್ವಶ್ ಚಕ್ರುರ್ ಯೇ ಸ್ವರ್ ಜಜ್ಞುಃ |
ತೇಭ್ಯಃ ಸ್ವಃಕೃದ್ಭ್ಯಃ ಸ್ವಃಕಾರೇಭ್ಯೋ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಆ ವೃಶ್ಚಾಮಿ |
ತೇ ಸ್ವಃಕೃತಃ ಸ್ವಃಕಾರಾ ಅಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಪರಾ ಭಾವಯಂತು || ೧೭,೨೨।೬

ಯೇ ತಪಶ್ ಚಕ್ರುರ್ ಯೇ ತಪೋ ಜಜ್ಞುಃ |
ತೇಭ್ಯಸ್ ತಪಸ್ಕೃದ್ಭ್ಯಸ್ ತಪಸ್ಕಾರೇಭ್ಯೋ ಽಮುಂ (…) |
ತೇ ತಪಸ್ಕೃತಸ್ ತಪಸ್ಕಾರಾ ಅಮುಂ (…) || ೧೭,೨೨।೭

ಯೇ ಬ್ರಹ್ಮ ಚಕ್ರುರ್ ಯೇ ಬ್ರಹ್ಮ ಜಜ್ಞುಃ |
ತೇಭ್ಯೋ ಬ್ರಹ್ಮಕೃದ್ಭ್ಯೋ ಬ್ರಹ್ಮಕಾರೇಭ್ಯೋ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಆ ವೃಶ್ಚಾಮಿ |
ತೇ ಬ್ರಹ್ಮಕೃತೋ ಬ್ರಹ್ಮಕಾರಾ ಅಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ಪರಾ ಭಾವಯಂತು || ೧೭,೨೨।೮

ಅಘಾರಿಣೀಂ ಅಮೂಂ ಅಘವಿದ್ಧಾಂ ವಿಕೇಶೀಂ ಅಪಪ್ರತಿಧಿಮಾಸೋಕ್ತೀಂ ದೇವಮನುಷ್ಯಾಃ ಪಶ್ಯಂತು |
ಅಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ರುರುಧುಷೀಂ || ೧೭,೨೨।೯

ಅಲಿಕ್ಲವಾ ಗೃಧ್ರಾಃ ಕಂಕಾಃ ಸುಪರ್ಣಾಃ ಶ್ವಪದಾಃ ಪತತ್ರಿಣಃ |
ವಯಾಂಸಿ ಶಕುನಯೋ ಽಮುಷ್ಯಾಮುಷ್ಯಾಯಣಸ್ಯಾಮುಷ್ಯಾಃ ಪುತ್ರಸ್ಯಾದಹನೇ ಚರಂತು || ೧೭,೨೨।೧೦
(೨೨)

ತದ್ ಆಪಃ ಪ್ರ ವಹತ-
-ಅವದ್ಯಂ ಚ ಮಲಂ ಚ ಯತ್ |
ಯದ್ ದುಷ್ವಪ್ನ್ಯಂ ಆರಿಮ
ಯದ್ ಋಚಾನೃತಂ ಊದಿಮ || ೧೭,೨೩।೧

ಆಪಃ ಸಪ್ತ ಸ್ರವಂತೀಸ್
ತಾ ನೋ ಮುಂಚಂತ್ವ್ ಅಂಹಸಃ || ೧೭,೨೩।೨

ಮುಂಚಂತು ಮಾ ಶಪಥ್ಯಾದ್
ಅಥೋ ವರುಣ್ಯಾದ್ ಉತ |
ಅಥೋ ಯಮಸ್ಯ ಪಡ್ಬೀಶಾದ್
ವಿಶ್ವಸ್ಮಾದ್ ದೇವದುಷ್ಕೃತಾತ್ || ೧೭,೨೩।೩

ಜಾಮಿಶಂಸಾದ್ ದುಷ್ವಪ್ನ್ಯಾದ್
ದ್ರುಹೋ ಮಾ ಮುಂಚಂತು ವರುಣಸ್ಯ ಪಾಶಾತ್ || ೧೭,೨೩।೪

ಮಹ್ಯಂ ಇಂದ್ರೋ ವರುಣೋ ಬೃಹಸ್ಪತಿಃ ಸವಿತಾ ವರ್ಚ ಆದಧನ್ || ೧೭,೨೩।೫

ಭ್ರಾತೃವ್ಯಹಂ ಸಪತ್ನಹಂ ಅಸೌ ಮೇ ಭ್ರಾತೃಭ್ಯೋ ಽಸೌ ಸಪತ್ನಃ || ೧೭,೨೩।೬

ತಂ ಹನ್ಮಿ ತಂ ದುಃಸ್ವಪ್ನ್ಯೇನ ವಿಧ್ಯಾಮಿ
ತಂ ಅನಾಯುಷ್ಟಯಾ ವಿಧ್ಯಾಮಿ
ತಂ ಕ್ಷಪಿತಾಯವ್ಯೇನ ವಿಧ್ಯಾಮಿ
ತಂ ಅಧರಾಂಚಂ ಮೃತ್ಯುಪಥಂ ಅಭ್ಯಪ ನುದಾಮಿ || ೧೭,೨೩।೭
(೨೩)

ವಿದ್ಮ ತೇ ಸ್ವಪ್ನ ಜನಿತ್ರಂ
ಪಾಪ್ಮನಃ ಪುತ್ರೋ ಽಸ್ಯ್ ಅಭೂತ್ಯಾ ಅಧಿ ಜಾತೋ ಯಮಸ್ಯ ಕರಣಃ |
ತಂ ತ್ವಾ ಸ್ವಪ್ನ ತಥಾ ವಿದ್ಮ |
ಯೋ ಭದ್ರಃ ಸ್ವಪ್ನಃ ಸ ಮಮ
ಯಃ ಪಾಪಸ್ ತಂ ದ್ವಿಷತೇ ಪ್ರ ಹಿಣ್ಮಃ |
ತಂ ಅಸ್ಮೈ ಗಮಯಾಮಸ್
ತೇನೈನಂ ವಿಧ್ಯಾಮೋ
ಽಭೂತ್ಯೈನಂ ವಿಧ್ಯಾಮೋ
ನಿರ್ಭೂತ್ಯೈನಂ ವಿಧ್ಯಾಮಃ
ಪರಾಭೂತ್ಯೈನಂ ವಿಧ್ಯಾಮೋ
ಗ್ರಾಹ್ಯೈಣಂ ವಿಧ್ಯಾಮಸ್
ತಮಸೈನಂ ವಿಧ್ಯಾಮೋ
ಅಗ್ನ ಏನಂ ಕ್ರವ್ಯಾದ ಆ ವೃಶಾಮೋ
ದೇವಾನಾಂ ಏನಂ ಘೋರೈಃ ಕ್ರೂರೈಃ ಪ್ರೈಷೈರ್ ಅಭಿ ಪ್ರೇಷ್ಯಮೋ
ವೈಶ್ವಾಣರಸ್ಯೈನಂ ದಂಷ್ಟ್ರಯೋರ್ ಅಪಿ ದಧ್ಮಃ || ೧೭,೨೪।೧

(…) ಜನಿತ್ರಂ
ಗ್ರಾಹ್ಯಾಃ ಪುತ್ರೋ ಽಸಿ ನಿರೃತ್ಯಾ ಅಧಿ (…) || ೧೭,೨೪।೨

(…) ಜನಿತ್ರಂ
ವರುಣಸ್ಯ ಪುತ್ರೋ ಽಸಿ ವರುಣಾನ್ಯಾ ಅಧಿ (…) || ೧೭,೨೪।೩

(…) ಜನಿತ್ರಂ
ಅಹ್ನಃ ಪುತ್ರೋ ಽಸಿ ರಾತ್ರ್ಯಾ ಅಧಿ (…) || ೧೭,೨೪।೪

(…) ಜನಿತ್ರಂ
ದಿವಸ್ ಪುತ್ರೋ ಽಸಿ ಭೂಮ್ಯಾ ಅಧಿ (…) || ೧೭,೨೪।೫

(…) ಜನಿತ್ರಂ
ವನಸ್ಪತೀನಾಂ ಪುತ್ರೋ ಽಸ್ಯ್ ಓಷದೀಭ್ಯೋ ಽಧಿ (…) || ೧೭,೨೪।೬

(…) ಜನಿತ್ರಂ
ವಾನಸ್ಪತ್ಯಾನಾಂ ಪುತ್ರೋ ಽಸಿ ವೀರುದ್ಭ್ಯೋ ಽಧಿ (…) || ೧೭,೨೪।೭

(…) ಜನಿತ್ರಂ
ತಂದ್ರಿಯಾಃ ಪುತ್ರೋ ಽಸಿ ಕೋಟೀಯಾ ಅಧಿ (…) || ೧೭,೨೪।೮

(…) ಜನಿತ್ರಂ
ರಕ್ಷಸಾಂ ಪುತ್ರೋ ಽಸ್ಯ್ ಅಭ್ವೇಭ್ಯೋ ಽಧಿ (…) || ೧೭,೨೪।೯

ವಿದ್ಮ ತೇ ಸ್ವಪ್ನ ಜನಿತ್ರಂ
ಗಂಧರ್ವಾಣಾಂ ಪುತ್ರೋ ಽಸ್ಯ್
ಅಪ್ಸರೋಭ್ಯೋ ಅಧಿ ಜಾತೋ ಯಮಸ್ಯ ಕರಣಃ |
ತಂ ತ್ವಾ ಸ್ವಪ್ನ ಇತಿ ತ್ರೀಣಿ || ೧೭,೨೪।೧೦
(೨೪)

ದ್ಯಾವಾಪೃಥಿವೀ ಅಹೋರಾತ್ರೇ ನಕ್ಷತ್ರಪೇಶಃ |
ಇದಂ ಅಹಂ ಅಮುಷ್ಮಿನ್ನ್ ಆಮುಷ್ಯಾಯಣೇ ಽಮುಷ್ಯಾಃ ಪುತ್ರೇ ದುಷ್ವಪ್ನ್ಯಂ ವ್ರಜೇತ್ || ೧೭,೨೫।೧

ಯದ್ ಅಸ್ಮಾಸ್ವ್ ಇತ್ಯ್ ಆಷ್ಟಾದಶಕೀ || ೧೭,೨೫।೨

ಮಾ ಪ್ರ ಗಾಮ ಪಥೋ ವಯಂ
ಮಾ ಯಜ್ಞಾದ್ ಇಂದ್ರ ಸೋಮಿನಃ |
ಮಾಂತ ಸ್ಥುರ್ ನೋ ಅರಾತಯಃ || ೧೭,೨೫।೩

ಯೋ ಯಜ್ಞಸ್ಯ ಪ್ರಸಾಧನಸ್
ತಂತುರ್ ದೇವೇಷ್ವ್ ಆತತಃ |
ತಂ ಆಹುತಂ ಅಶೀಮಹಿ || ೧೭,೨೫।೪

ನಮೋ ಮಿತ್ರಸ್ಯ ವರುಣಸ್ಯ ಚಕ್ಷಸೇ
ಮಹೋ ದೇವಾಯ ತದ್ ಋತಂ ಸಪರ್ಯತ |
ದೂರೇದೃಶೇ ದೇವಜಾತಾಯ ಕೇತವೇ
ದಿವಸ್ ಪುತ್ರಾಯ ಸೂರ್ಯಾಯ ಶಂಸತ || ೧೭,೨೫।೫

ದ್ಯಾವಾ ಚ ತತ್ರ ತತತನನ್ನ್ ಅಹಾನಿ ಚ
ನ ತೇ ಅದೇವಃ ಪ್ರದಿವೋ ವಿ ವಾಸತಿ |
ಯದ್ ಏತಶೇಭಿಃ ಪ್ರತರೈ ರಥರ್ಯಸಿ
ಪ್ರಾಚೀನಂ ಅನ್ಯದ್ ಅನು ವರ್ತತೇ ರಜ
ಉದ್ ಅನ್ಯೇನ ಜ್ಯೋತಿಷಾ ಯಾಸಿ ಸೂರ್ಯ || ೧೭,೨೫।೬

ಯೇನ ಸೂರ್ಯ ಜ್ಯೋತಿಷಾ ಬಾಧಸೇ ತಮೋ
ಜಗಚ್ ಚ ವಿಶ್ವಂ ಅಭೀಯರ್ಷಿ ಭಾನುನಾ |
ತೇನಾಸ್ಮದ್ ವಿಶ್ವಾಂ ಅನಿರಾಂ ಅನಾಹುತಿಂ
ಅಪಾಮೀವಾಂ ಅಪ ದುಷ್ವಪ್ನ್ಯಂ ಸುವ || ೧೭,೨೫।೭

ವಿಶ್ವಾಂ ಅನಿರಾಂ ಅಮೀವಾಂ ಅನಾಹುತಿಂ
ಅಮುಷ್ಮಾ ಆಮುಷ್ಯಾಯಣಾಯಾಮುಷ್ಯಾಃ ಪುತ್ರಾಯ ಪ್ರ ಹಿಣ್ಮಃ || ೧೭,೨೫।೮
(೨೫)

ದ್ಯಾವಾಪೃಥಿವೀ ವಹತಂ ದುಷ್ವಪ್ನ್ಯಂ ಪರಾ ವಹತಂ ದುಷ್ವಪ್ನ್ಯಂ |
ಅಮುಷ್ಮಾ ಆಮುಷ್ಯಾಯಣಾಯಾಮುಷ್ಯಾಃ ಪುತ್ರಾಯ || ೧೭,೨೬।೧

ವಾತಾಪವಮಾನೌ ವಹತಂ (…) || ೧೭,೨೬।೨

ಇಂದ್ರಾಗ್ನೀ ವಹತಂ (…) || ೧೭,೨೬।೩

ಮಿತ್ರಾವರುಣಾ ವಹತಂ (…) || ೧೭,೨೬।೪

ಭವಾಶರ್ವೌ ವಹತಂ (…) || ೧೭,೨೬।೫

ದೇವಾಶ್ವಿನಾ ವಹತಂ ದುಷ್ವಪ್ನ್ಯಂ ಪರಾ ವಹತಂ ದುಷ್ವಪ್ನ್ಯಂ |
(…) || ೧೭,೨೬।೬

ದೇವಾ ಮರುತೋ ವಹತ ದುಷ್ವಪ್ನ್ಯಂ ಪರಾ ವಹತ ದುಷ್ವಪ್ನ್ಯಂ |
(…) || ೧೭,೨೬।೭

ದೇವಾಃ ಪಿತರೋ ವಹತ ದುಷ್ವಪ್ನ್ಯಂ ಪರಾ ವಹತ ದುಷ್ವಪ್ನ್ಯಂ |
(…) || ೧೭,೨೬।೮

ದೇವ ಸೂರ್ಯ ವಹ ದುಷ್ವಪ್ನ್ಯಂ ಪರಾ ವಹ ದುಷ್ವಪ್ನ್ಯಂ |
(…) || ೧೭,೨೬।೯

ದೇವ ಚಂದ್ರಮೋ ವಹ ದುಷ್ವಪ್ನ್ಯಂ ಪರಾ ವಹ ದುಷ್ವಪ್ನ್ಯಂ |
(…) || ೧೭,೨೬।೧೦

ದೇವಾ ನಕ್ಷತ್ರಾಣಿ ವಹತ ದುಷ್ವಪ್ನ್ಯಂ ಪರಾ ವಹತ ದುಷ್ವಪ್ನ್ಯಂ |
(…) || ೧೭,೨೬।೧೧

ದೇವೀರ್ ಆಪೋ ವಹತ ದುಷ್ವಪ್ನ್ಯಂ ಪರಾ ವಹತ ದುಷ್ವಪ್ನ್ಯಂ |
(…) || ೧೭,೨೬।೧೨

ದೇವ ವಿಷ್ಣೋ ವಹ ದುಷ್ವಪ್ನ್ಯಂ (…) || ೧೭,೨೬।೧೩

ದೇವ ತ್ವಷ್ಟರ್ ವಹ (…) || ೧೭,೨೬।೧೪

ದೇವ ಧಾತರ್ ವಹ (…) || ೧೭,೨೬।೧೫

ದೇವ ಸವಿತರ್ ವಹ (…) || ೧೭,೨೬।೧೬

ದೇವ ಪೂಷನ್ ವಹ (…) || ೧೭,೨೬।೧೭

ದೇವ ಬೃಹಸ್ಪತೇ ವಹ (…) || ೧೭,೨೬।೧೮

ದೇವ ಪ್ರಜಾಪತೇ ವಹ (…) || ೧೭,೨೬।೧೯

ದೇವ ಪರಮೇಷ್ಠಿನ್ ವಹ ದುಷ್ವಪ್ನ್ಯಂ ಪರಾ ವಹ ದುಷ್ವಪ್ನ್ಯಂ |
(…) || ೧೭,೨೬।೨೦

ಅಹೋರಾತ್ರೇ ವಹತಂ ದುಷ್ವಪ್ನ್ಯಂ ಪರಾ ವಹತಂ ದುಷ್ವಪ್ನ್ಯಂ |
ಅಮುಷ್ಮಾ ಆಮುಷ್ಯಾಯಣಾಯಾಮುಷ್ಯಾಃ ಪುತ್ರಾಯ || ೧೭,೨೬।೨೧
(೨೬)

ಅನುವಾಕ ೫ ||

ಇಂದ್ರೋ ವಜ್ರಂ ಅಸಿಂಚದ್ ವೃತ್ರಾಯ ಹಂತವೇ |
ತ್ವಷ್ಟಾ ವಜ್ರಂ ಅಸಿಂಚದ್ ವೃತ್ರಾಯ ಹಂತವೇ || ೧೭,೨೭।೧

ಯೋ ವಜ್ರಃ ಸ ವಿಶ್ವಾನರೋ
ಯತ್ ತೇಗ್ಮವೀರ್ಯಂ ಸ ವಿಶ್ವಾಷಾಡ್
ಯದ್ ಧಾರಂಭಣಂ ಸ ವೈಶ್ವಾನರಃ || ೧೭,೨೭।೨

ಏತದ್ ವಾ ಇದಂ ಸರ್ವಂ ಯದ್ ಏತಾನಿ ತ್ರೀಣಿ |
ವಿಶ್ವಾನರೋ ವೈಶ್ವಾನರೋ ವಿಶ್ವಾಷಾಟ್ || ೧೭,೨೭।೩

ಸರ್ವಾನ್ ಏವ ಪುಣ್ಯಾಂಲ್ ಲೋಕಾನ್ ಅವ ರುಂಧೇ ಸರ್ವಾಶ್ ಚ ದೇವತಾ
ಯ ಏವಂ ವಿದ್ವಾನ್ ಅನಡುಹೋ ವ್ರತಂ ಬಿಭರ್ತಿ || ೧೭,೨೭।೪
(೨೭)

ತಂ ಆದತ್ತ ತಂ ಉದ್ ಐಂಗಯತ್
ತಂ ಉಪಾಮಿಮೀತ ಪ್ರ ಹರಾಣೀತಿ || ೧೭,೨೮।೧

ಸೋ ಽಸ್ಯ ಹಸ್ತಾದ್ ಅಮುಚ್ಯತ
ದೈವೋ ವಜ್ರಃ ಕ್ಷುರಃ ಪವಿಃ ಸಹಸ್ರಪೃಷ್ಟಿರ್ ದಿವಿಸ್ಪೃಶಃ || ೧೭,೨೮।೨

ಸ ಸಂಶಿಂಜಾನೋ ಽತಿಷ್ಠದ್ ಧರಿಹರಾ ಭವನ್ನ್ ಏತದ್ ಋಚ್ಛನ್ || ೧೭,೨೮।೩

ಸ ಸಮುದ್ರಂ ಪ್ರಾವಿಶತ್
ಸ ಸಮುದ್ರಂ ಅದಹತ್ || ೧೭,೨೮।೪

ತಸ್ಮಾತ್ ಸಮುದ್ರೋ ದುರ್ಗಿರ್ ಅಪಪಿದ್
ವೈಶ್ವಾನರೇಣ ಹಿ ದಗ್ಧಃ || ೧೭,೨೮।೫

ಸ ಶಕ್ರ ಉದ್ ಅಕ್ರಾಮತ್ ಸೋ ಽಧ್ಯಾಯದ್
ಅಸೌ ವಜ್ರೋ ಅಸುರೈಃ ಸಂಪದ್ಯದೇವಾಸ್ ತಂ ರಕ್ಷತಿ
ವ್ರತಂ ಚರಾಣೀತಿ ಸ ವ್ರತಂ ಅಚರತ್ || ೧೭,೨೮।೬

ಸೋ ಽಣುಃ ಕೃಶೋ ಽಭವತ್
ತಸ್ಮಾದ್ ಅಣುಃ ಕೃಶೋ ವ್ರತಚಾರೀ ಭವತ್ಯ್
ಅಣುರ್ ಹಿ ಕೃಶೋ ಭೂತ್ವೇಂದ್ರೋ ಅಸುರಾನ್ ಅಪಾವೃಂಕ್ತ || ೧೭,೨೮।೭

ಸ ಪರಮೇಷ್ಠಿನಂ ಉಪಾಧಾವತ್ || ೧೭,೨೮।೮

ಸ ಪ್ರಜಾಪತಿಂ ಉಪಾಧಾವತ್ || ೧೭,೨೮।೯

ಸ ವಿಷ್ಣುಂ ಉಪಾಧಾವತ್ || ೧೭,೨೮।೧೦

ಸ ಗೃಹಪತಿಂ ಉಪಾಧಾವತ್ || ೧೭,೨೮।೧೧

ಸ ವಿರಾಜಂ ಉಪಾಧಾವತ್ || ೧೭,೨೮।೧೨

ಸ ಸ್ವರಾಜಂ ಉಪಾಧಾವತ್ || ೧೭,೨೮।೧೩

ಸ ಸಮ್ರಾಜಂ ಉಪಾಧಾವತ್ || ೧೭,೨೮।೧೪

ಸೋ ಽಹೋರಾತ್ರೇ ಉಪಧಾವತ್ || ೧೭,೨೮।೧೫

ಸೋ ಽರ್ಧಮಾಸಾನ್ ಉಪಾಧಾವತ್ || ೧೭,೨೮।೧೬

ಸ ಮಾಸಾನ್ ಉಪಾಧಾವತ್ || ೧೭,೨೮।೧೭

ಸ ಋತೂನ್ ಉಪಾಧಾವತ್ || ೧೭,೨೮।೧೮

ಸ ಆರ್ತವಾನ್ ಉಪಾಧಾವತ್ || ೧೭,೨೮।೧೯

ಸ ಋಷೀನ್ ಉಪಾಧಾವತ್ || ೧೭,೨೮।೨೦

ಸ ಆರ್ಷೇಯಾನ್ ಉಪಾಧಾವತ್ || ೧೭,೨೮।೨೧

ಸೋ ಽಙ್ಗಿರಸ ಉಪಪಾಧಾವತ್ || ೧೭,೨೮।೨೨

ಸ ಆಂಗಿರಸಾನ್ ಉಪಾಧಾವತ್ || ೧೭,೨೮।೨೩

ಸೋ ಅಥರ್ವಣ ಉಪಾಧಾವತ್ || ೧೭,೨೮।೨೪

ಸ ಆಥರ್ವಣಾನ್ ಉಪಾಧಾವತ್ || ೧೭,೨೮।೨೫

ವಿಶ್ವಾನ್ ದೇವಾನ್ ಮರುದ್ಗಣಾಸ್ ತಂ ಅನ್ವ್ ಅವಾದ್ರವನ್
ಸೋಮಃ ಪ್ರಥಮೋ ಽಥೇಂದ್ರಾಗ್ನೀ || ೧೭,೨೮।೨೬

ತಂ ಉಪಾಮಂತ್ರಯಂತಾಪುಣ್ಯಯಾ ವಾಚಾ ಕ್ರೂರಯಾ ಚ
ಹನಿಷ್ಯಾಮಸ್ ತ್ವಾ ವಿತ್ತ್ವಾ ಚೇತ್ಸ್ಯಾಮೋನಚತಮಿಷ್ಯಸೀತಿ
ಸೋ ಽಶಾಮ್ಯತ್ || ೧೭,೨೮।೨೭

ತಸ್ಮಾದ್ ಯೋ ಬ್ರಹ್ಮ ವೇದೋತಾಪಸ್ಕೃತಂ ಶಮಯತಿ ದೋಹಯತ ಏವೈನಾನ್ || ೧೭,೨೮।೨೮

ತಂ ಋಕ್ಸಾಮಾಭ್ಯಾಂ ಆದತ್ತ ಯಜುಷಾ ಯಜ್ಞೇನ ಗಾಯತ್ರೇಣ ವಾಮದೇವ್ಯೇನ ಚ || ೧೭,೨೮।೨೯

ಏತದ್ ವಾ ಇದಂ ಸರ್ವಂ ಯದ್ ಋಕ್ಸಾಮೇ ಏತಾವ್ ಇಂದ್ರಸ್ಯ ಬಾಹೂ || ೧೭,೨೮।೩೦

ತಂ ಆದತ್ತ ತಂ ಪರುಷ್ಯ್ ಆಧತ್ತ || ೧೭,೨೮।೩೧

ಪ್ರಜಾ ವೈ ಸಮೃದ್ಧಿರ್ ಅಕ್ಷಿತಿಃ ಪಶವಃ ಪರೂಂಷಿ || ೧೭,೨೮।೩೨

ಪ್ರಜಾಂ ಏವ ಸಮೃದ್ಧಿಂ ಅಕ್ಷಿತಿಂ ಅವ ರುಂಧೇ
ಯಃ (…) || [ಸೇಏ ೧೭।೨೭।೪ಬ್ ೧೭,೨೮।೩೩
(೨೮)
ಸ ದಿಕ್ಷು ಪ್ರತ್ಯ್ ಅತಿಷ್ಠತ್ ||
ದಿಶ ಏವಾನು ಪ್ರತಿ ತಿಷ್ಠತಿ
ಯಃ (…) || ೧೭,೨೯।೨
(೨೯)
ಸ ವಿಶ್ವಾಷಾಹ್ಯ್ ಅಕ್ರಮತ್ ||ಏಷಾ ವೈ ವಿಷ್ವಾಷಾಡ್ ಡ್ಯೌರ್ ಏವಾಸೌ || ಏತೇ ವೈ ಸರ್ವೇ ಪುಣ್ಯಾ ಲೋಕಾಃ ಸರ್ವಾಶ್ ಚ ದೇವತಾಃ ಸ ನಾಧಾರಯತ್ ||
ಸರ್ವಾನ್ ಏವ ಪುಣ್ಯಾಁಲ್ ಲೋಕಾನ್ ಅವ ರುಂಧೇ ಸರ್ವಾಶ್ ಚ ದೇವತಾ
ಯಃ (…) || ೧೭,೩೦।೪
(೩೦)
ಸ ವಿಶ್ವಾನರೇ ಽಕ್ರಮತ ||ಏಷ ವೈ ವಿಶ್ವಾನರೋ ಯದ್ ಅಂತರಿಕ್ಷಂ ಸಮುದ್ರಃ ||ಏತೇ ವೈ ಪಥಯೋ ದೇವಯಾನಾ ಯತ್ ಸೂರ್ಯಸ್ಯ ರಶ್ಮಯಃ ಸಃ (…) ||
ಪಥಿಷು ದೇವಯಾನೇಷು ಧ್ರಿಯತೇ ಪ್ರ ಪಥೋ ದೇವಯಾನಾನ್ ಜಾನಾತಿ
ಯಃ (…) || ೧೭,೩೧।೪
(೩೧)
ಸ ವೈಶ್ವಾನರೇ ಽಕ್ರಮತ ||ಏಷ ವೈ ವೈಶ್ವಾನರೋ ಯದ್ ಅಯಂ ಪವಮಾನಃ ||ಏಷ ವೈ ಸರ್ವಾ ಅನುಪ್ರಜಾತೋ ಧ್ರಿಯತೇ ಸ ನಾಧಾರಯತ್ ||
ಧ್ರಿಯಂತೇ ಅಸ್ಮಿನ್ ಪ್ರಾಣಾ
ಯಃ (…) || ೧೭,೩೨।೪
(೩೨)
ಸ ವೃತ್ರೇ ಽಕ್ರಮತ ||
ತಸ್ಯ ವೃತ್ರಸ್ಯಾಂಗಾ ಪರ್ವಾಣಿ ಶರೀರಾಣ್ಯ್ ಅಭಜ್ಯಂತ |
ಏತಾನಿ ವೈ ವೃತ್ರಸ್ಯಾಂಗಾ ಪರ್ವಾಣಿ ಶರೀರಾಣಿ ಯದ್ ಇಮೇ ಪರ್ವತಾಃ || ೧೭,೩೩।೨

ಸ ಯತ್ರ ಹೃದಾ ಮನಸಾ ಕಾಮಯತ ಇಹ ಮೇ ರಾಧ್ಯತೇ ತದ್ ಅಸ್ಮೈ ರಾಧ್ಯತೇ || ೧೭,೩೩।೩

ಅಸ್ಯಾಂ ಏವ ಪ್ರತಿಷ್ಠಾಂ ಆಯತನಂ ವಿಂದತೇ
ಯಃ (…) || ೧೭,೩೩।೪
(೩೩)

ಸ ದೇವಾನ್ ಆಗಚ್ಛತ್
ತಂ ದೇವಾ ಅಬ್ರುವನ್ನ್
ಆಶಂಸಾಮಹೇ ಗುರ್ವ್ ಏತದ್ ವ್ರತಂ ಆರಣ್ಯೇಷು ಪಶುಷು ಗ್ರಾಮ್ಯೇಷ್ವ್ ಅತ್ಯ್ ಏತಿ || ೧೭,೩೪।೧

ಸೋ ಽನಡ್ವಾಹಂ ಉಪಾಧಾವತ್
ತಂ ಅನಡ್ವಾನ್ ಅಬ್ರವೀತ್
ಕಿಂ ಮೇ ಪ್ರತೀವಾಹೋ ಭವಿಷ್ಯತೀತಿ
ವರಂ ವೃಣೀಷ್ವೇತಿ ಸ ವರಂ ಅವೃಣೀತ || ೧೭,೩೪।೨

ಬ್ರಧ್ನಲೋಕೋ ಽಸಾನಿ ಬ್ರಧ್ನಸ್ಯ ವಿಷ್ಟಪಿ ಶ್ರಯಾ ಇತಿ || ೧೭,೩೪।೩

ಷೋಡಶೋ ವಾ ಇತ ಊರ್ಧ್ವೋ ಲೋಕೋ ಯದ್ ಬ್ರಧ್ನೋ ಯದ್ ಬ್ರಧ್ನಸ್ಯ ವಿಷ್ಟಪಃ || ೧೭,೩೪।೪

ಬ್ರಧ್ನಲೋಕೋ ಭವತಿ ಬ್ರಧ್ನಸ್ಯ ವಿಷ್ಟಪಿ ಶ್ರಯತೇ
ಯಃ (…) || ೧೭,೩೪।೫
(೩೪)

ಅಥಾಹೀನಾ ಆಶ್ವತ್ಥಿರ್ ಅಬ್ರವೀನ್
ನ ತಾದ್ ಬ್ರಾಹ್ಮಣಂ ನಿಂದಾನಿ ಯಾದ್ ಏನಂ ಅಶೃಣೋನ್
ನೇದ್ ಇಷ್ಟಾಪೂರ್ತೇನ ವಿ ಭವಾನೀತಿ || ೧೭,೩೫।೧

ಕೃತ್ಯಾ ವಾ ಏಷಾ ಮನುಷ್ಯೇಷು ಚರತಿ
ಯದ್ ಅನಡ್ವಾನ್ ಯದ್ ಅನಡುದ್ವ್ರತೀ || ೧೭,೩೫।೨

ಯ ಏವಂ ವಿದುಷೋ ಽಸಾಧು ಕೀರ್ತಯತಿ-
-ಇಷ್ಟಂ ಏವಾಸ್ಯ ಪೂರ್ತಂ ಮಾಯಾಂ ಸಂ ವೃಕ್ತೇ || ೧೭,೩೫।೩

ಇಂದ್ರೋ ವಾ ಅಗ್ರೇ ಅಸುರೇಷ್ವ್ ಅನಡುದ್ವ್ರತಂ ಅಚರತ್
ತೇಷಾಂ ಇಷ್ಟಂ ಪೂರ್ತಂ ಮಾಯಾಂ ಸಂವೃಕ್ತಾನಿಂದ್ರಂ ಹ್ಯ್ ಏನಂ || ೧೭,೩೫।೪

ಸೋ ಽನಡುಹೋ ವಹೇ ಽಕ್ರಮತ
ಸರ್ವಾಁಲ್ ಲೋಕಾನ್ ಪ್ರಾಜಾನಾತ್ || ೧೭,೩೫।೫

ಯಾವ್ ಅಸ್ಯ ಪೂರ್ವಪಾದೌ ತೌ ಪೂರ್ವಪಕ್ಷೌ
ಯಾವ್ ಅಪರಪಾದೌ ತಾವ್ ಅಪರಪಕ್ಷೌ || ೧೭,೩೫।೬

ಯಾವ್ ಅಸ್ಯೌಷ್ಠೌ ತೌ ಪುರೋಡಾಶೌ
ಯೇ ನಾಸಿಕೇ ತೌ ಸ್ರುವೌ || ೧೭,೩೫।೭

ಯೇ ಅಸ್ಯಾಕ್ಷೌ ತೌ ಸೂರ್ಯಾಚಂದ್ರಮಸೌ
ಯೇ ನಿಮೇಷಾಸ್ ತಾನ್ಯ್ ಅಹೋರಾತ್ರಾಣಿ
ಯಾನಿ ವಕ್ಷಣಾನಿ ತೇ ಸೂರ್ಯಸ್ಯ ರಶ್ಮಯಃ ಸಃ (…) || ೧೭,೩೫।೮

ದ್ರೋಣಕಲಶಃ ಶಿರಃ ಸೋಮೋ ರಾಜಾ ಮಸ್ತಿಷ್ಕಃ || ೧೭,೩೫।೯

ಯೇ ಅಸ್ಯ ಶೃಂಗೇ ತದ್ ಋತಂ ಸತ್ಯಂ || ೧೭,೩೫।೧೦

ಧ್ರುವಂ ವಾ ಋತಂ ಸತ್ಯಂ ತಸ್ಮಾದ್ ಏತೇ ಧ್ರುವೇ || ೧೭,೩೫।೧೧

ಧ್ರುವಂ ಏವ ರ್ತಂ ಸತ್ಯಂ ಅನು ಪ್ರತಿ ತಿಷ್ಠತಿ
ಯಃ (…) || ೧೭,೩೫।೧೨
(೩೫)
ಯಾವ್ ಅಸ್ಯ ಕರ್ಣೌ ಸಾ ಶ್ರದ್ಧಾ ||
ಚರಾಚರಾ ವೈ ಶ್ರದ್ಧಾ
ತಸ್ಮಾತ್ ಕರ್ಣೌ ಮುಹುರ್ ವರೀವರ್ಜಯತಿ || ೧೭,೩೬।೨

ಶ್ರದ್ದಧತೇ ಽಸ್ಮೈ ಶ್ರದ್ಧಾನೀಯೋ ಭವತಿ
ಯಃ (…) || ೧೭,೩೬।೩
(೩೬)
ಯಾಸ್ಯ ದಕ್ಷಿಣಾ ಹನುಃ ಸಾ ಜುಹುರ್ ಯಾ ಸವ್ಯಾ ಸೋಪಭೃದ್ ಯಃ ಕಂಠಃ ಸಾ ಧ್ರುವಾ ||ಅಗ್ನಿರ್ ಆಸ್ಯಂ ವಿದ್ಯುಜ್ ಜಿಹ್ವಾ ಮರುತೋ ದಂತಾಃ ಪವಮಾನಃ ಪ್ರಾಣಃ ||ಏಷಾ ವೈ ಸಾ ಯಾಂ ಆಹುರ್ ವಸೋರ್ ಧಾರೇತಿ ಯದ್ ಆಂತ್ರಗುದಂ ||
ವಸೋರ್ ಏವ ಧಾರಾಂ ಸಮೃದ್ಧಿಂ ಅಕ್ಷಿತಿಂ ಅವ ರುಂಧೇ
ಯಃ (…) || ೧೭,೩೭।೪
(೩೭)
ಯದ್ ಅಸ್ಯ ಚರ್ಮಂ ತದ್ ಅಭ್ರಂ ಯಾನಿ ಲೋಮಾನಿ ತಾನಿ ನಕ್ಷತ್ರಾಣಿ ||ಸ್ವೇದೋ ವರ್ಷಂ ಊಷ್ಮಾ ನೀಹಾರ ಓಷಧಯಶ್ ಚ ವನಸ್ಪತಯಶ್ ಚೋಬಧ್ಯಂ ||ಯೋ ಽಸ್ಯ ದಕ್ಷಿಣೋ ಽರ್ಧಸ್ ತೌ ಶಾರದೌ ಮಾಸೌ ಯಃ ಸವ್ಯಸ್ ತೌ ಹೈಮನೌ ||ಯೋ ಽಸ್ಯ ಜಘನಾರ್ಧಸ್ ತೌ ಶೈಶಿರೌ ಮಾಸೌ ಯಃ ಪೂರ್ವಾಧಸ್ ತೌ ವಾಸಂತೌ ||ಯದ್ ಅಸ್ಯ ಪೃಷ್ಠಂ ತೌ ಗ್ರೈಷ್ಮೌ ಮಾಸೌ ಯನ್ ಮಧ್ಯೌ ತೌ ವಾರ್ಷಿಕೌ ||ಸಂವತ್ಸರೋ ವಾ ಏಷ ಸಂಭೃತೋ ಯದ್ ಅನಡ್ವಾನ್ ಯದ್ ಅನಡುದ್ವ್ರತೀ ||
ಕಲ್ಪಂತೇ ಅಸ್ಮಾ ಋತವೋ ನ ರ್ತುಷ್ವ್ ಆ ವೃಶ್ಚತ ಋತೂನಾಂ ಪ್ರಿಯೋ ಭವತಿ
ಯಃ (…) || ೧೭,೩೮।೭
(೩೮)

ತಪಶ್ ಚ ವರಶ್ ಚ ಮಹಶ್ ಚ ಯಶಶ್ ಚ
ಯದ್ ಅಸ್ಮಿನ್ನ್ ಅಂತರ್ ಋಚಃ ಸಾಮಾನಿ ಯಜೂಂಷಿ ಬ್ರಾಹ್ಮಣಂ || ೧೭,೩೯।೧

ಬ್ರಹ್ಮ ಚೈವ ಲೋಕಂ ಚಾವ ರುಂಧೇ ಬ್ರಾಹ್ಮಣವರ್ಚಸೀ ಭವತಿ
ಯಃ (…) || ೧೭,೩೯।೨
(೩೯)
ಅಥ ಯದ್ ಅಸ್ಮಿನ್ನ್ ಅಂತಃ ||ಶತಂ ಶ್ರದ್ಧಾ ಶತಂ ದೀಕ್ಷಾಃ ಶತಂ ಯಜ್ಞಾಃ ಶತಂ ದಕ್ಷಿಣಾಃ ||ಶತಂ ಭೂತಯಃ ಶತಂ ಪುಷ್ಟಯಃ ಶತಂ ಪ್ರಭೂತಯಃ ಶತಂ ಸಮೃದ್ಧಯಃ ||ಶತಂ ಅಭೂತಯಃ ಶತಂ ನಿರ್ಭೂತಯಃ ಶತಂ ಪರಾಭೂತಯಃ ಶತಂ ಅಸಮೃದ್ಧಯಃ ||ಶತಮಧ್ಯಾನಿ ಶತಂ ಅಲ್ಗಣಾನಿ ಶತಂ ತಮಾಂಸಿ ಶತಂ ರುಧಿರಾಣಿ ||ಯ ಏವಂ ವಿದುಷೋ ಽಸಾಧು ಕೀರ್ತಯತ್ಯ್ ಏತೈರ್ ಏವೈನಂ ತಮೋಭಿಃ ಪ್ರೋರ್ಣೋತಿ ||ಯದ್ ಅಸ್ಯ ಪ್ರಾಚೀನಂ ನಾಭ್ಯಾಸ್ ತೇನ ದ್ವಿಷಂತಂ ಆ ವಿಶತಿ ||ಅಥ ಯದ್ ಅಸ್ಯ ಪ್ರತೀಚೀನಂ ನಾಭ್ಯಾಸ್ ತೇನ ಮೃತುಂ ನಾಷ್ಟ್ರಾಂ ಅವರ್ತಿಂ ತರತಿ ||
ಪ್ರ ಪಥೋ ದೇವಯಾನಾಂ ಜಾನಾತಿ
ಯಃ (…) || ೧೭,೪೦।೯
(೪೦)
ಶತಂ ಅರ್ಧಮಾಸಾಃ ಶತಂ ಮಾಸಾಃ ಶತಂ ಋತವಃ ಶತಂ ಆರ್ತವಾಃ ||ಶತಂ ಇದಾವತ್ಸರಾಃ ಶತಂ ಪರಿವತ್ಸರಾಃ ಶತಂ ಸಂವತ್ಸರಾಃ ||ಶತಂ ಬ್ರಹ್ಮಾಣಿ ಶತಂ ಕರ್ಮಾಣಿ ಶತಂ ಜ್ಯೋತೀಂಷಿ ಶತಂ ಅಮೃತಾನಿ ||ಶತಂ ಪ್ರಾಣಾಃ ಶತಂ ಅಪಾನಾಃ ಶತಂ ವ್ಯಾನಾಃ ಶತಂ ಸಮಾನಾಃ ||
ಜ್ಯೋಗ್ ಜೀವತಿ ಸರ್ವಂ ಆಯುರ್ ಏತಿ ನ ಪುರಾ ಜರಸಃ ಪ್ರ ಮೀಯತೇ
ಯಃ (…) || ೧೭,೪೧।೫
(೪೧)
ಅಥ ಯದ್ ಅಸ್ಮಿನ್ನ್ ಅಂತಃ ||ಶತಂ ಗಾಯತ್ರಾಃ ಶತಂ ಸಾಹ್ನಾಃ ಶತಂ ತ್ರಿರಾತ್ರಾಃ ಶತಂ ಅತಿರಾತ್ರಾಃ ||ಶತಂ ಅಗ್ನಿಷ್ಟೋಮಾಃ ಶತಂ ದ್ವಾದಶಾಹಾಃ ಶತಂ ಷೋಡಶಿನಃ ಶತಂ ಸರ್ವಪೃಷ್ಠ್ಯಾಃ ||ಶತಂ ರಾಜಾಸೂಯಾಃ ಶತಂ ವಾಜಪೇಯಾಃ ಶತಂ ಕಾಮಪ್ರಾಃ ಸಹಸ್ರಂ ಸತ್ರಾಯಣಾನಿ ||ಏಷ ವಾನಡ್ವಾನ್ ಸರ್ವಾಂಗಃ ಸರ್ವಾತ್ಮಾ ಸರ್ವಪರುಃ ಸರ್ವಪಾನ್ ಮಧ್ಯತಃ ಪ್ರತ್ಯ್ ಅಷ್ಠಾತ್ ||ಋಕ್ಸಾಮಾಭ್ಯಾಂ ಉತ್ತಭಿತೋ ಯಜುಷಾ ಯಜ್ಞೇನ ಗಾಯತ್ರೇಣ ಬ್ರಹ್ಮಣಾ ಪ್ರಥಿತ ಉಪರಿಷ್ಟಾತ್ ||
ಪ್ರಥತೇ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ
ಯಃ (…) || ೧೭,೪೨।೭
(೪೨)
ಇಂದ್ರೋ ಬಲೇನಾಸಿ ಪರಮೇಷ್ಠೀ ವ್ರತೇನ ಗೌಸ್ ತೇನ ವೈಶ್ವದೇವಃ ||
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಸ್ಯ ಪ್ರಾಣಾನ್ ಸಂ ವೃಹ ತಸ್ಯ ಪ್ರಾಣಾನ್ ವಿ ವೃಹ || ೧೭,೪೩।೨

ಇಂದ್ರೋ ಽಸೀಂದ್ರಸ್ಯ ರೂಪಂ ಅಸಿ ಪ್ರಜಾಪತಿರ್ ಅಸಿ ಪರಮೇಷ್ಠ್ಯ್ ಅಸಿ || ೧೭,೪೩।೩

ಸ್ವರ್ ಅಸಿ ಸ್ವರ್ಗೋ ಽಸಿ ಸ್ವರ್ಗಲೋಕೋ ಽಸಿ ಸ್ವರ್ಗಂ ಮಾ ಲೋಕಂ ಗಮಯ || ೧೭,೪೩।೪

ಯೇನಾಸ್ಯ ವಹಸ್ ತೇನ ಯಜ್ಞೋ ಯೇನ ವಹತಿ ತೇನ ಲೋಕಃ || ೧೭,೪೩।೫

ಯೇನೈನಂ ಪಶ್ಯತಿ ತೇನ ವಿಶ್ವೋ ಯೇನೈನಂ ಗಮಯತಿ ತೇನ ಸರ್ವಃ || ೧೭,೪೩।೬

ಯೇ ಽಸ್ಯ ಪಾದಾಃ ಸಾ ಪ್ರತಿಷ್ಠಾ |
ಪ್ರತಿ ತಿಷ್ಠತಿ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ
ಯ ಏವಂ ವಿದ್ವಾನ್ ಅನಡುಹೋ ವ್ರತಂ ಬಿಭರ್ತಿ || ೧೭,೪೩।೭
(೪೩)

ಅನುವಾಕ ೬ ||

ನಡಂ ಆ ರೋಹ ನ ತೇ ಅತ್ರ ಲೋಕ
ಇದಂ ಸೀಸಂ ಭಾಗಧೇಯಂ ತ ಏಹಿ |
ಯೋ ಗೋಷು ಯಕ್ಷ್ಮಃ ಪುರುಷೇಷು ಯಕ್ಷ್ಮಸ್
ತೇನ ತ್ವಂ ಸಾಕಂ ಅಧರಾಙ್ ಪರೇಹಿ || ೧೭,೪೪।೧

ಅಘಶಂಸದುಃಶಂಸೌ
ಕರೇಣಾನುಕರೇಣ ಚ |
ಮೃತ್ಯೂಂಶ್ ಚ ಸರ್ವಾಂಸ್ ತೇನೇತೋ
ಯಕ್ಷ್ಮಾಂಶ್ ಚ ನಿರ್ ಅಜಾಮಸಿ || ೧೭,೪೪।೨

ನಿರ್ ಇತೋ ಮೃತ್ಯುಂ ನಿರೃತಿಂ
ನಿರ್ ಯಕ್ಷ್ಮಂ ಅಜಾಮಸಿ |
ಯೋ ನೋ ದ್ವೇಷ್ಟಿ ತಂ ಅದ್ಧ್ಯ್ ಅಗ್ನೇ ಕ್ರವ್ಯಾದ್
ಯಂ ದ್ವಿಷ್ಮಸ್ ತಂ ತೇ ಪ್ರ ಸುವಾಮಃ || ೧೭,೪೪।೩

ಯದ್ಯ್ ಅಗ್ನಿಃ ಕ್ರವ್ಯಾದ್ ಯದಿ ವಾ ವ್ಯಾಘ್ರ
ಇಮಂ ಗೋಷ್ಠಂ ಅನ್ಯೋಕಾ ಆ ವಿವೇಶ |
ತಂ ಮಾಷಾಜ್ಯಂ ಕೃತ್ವಾ ಪ್ರ ಹಿಣೋಮಿ
ದೂರಂ ಸ ಗಚ್ಛತ್ವ್ ಅಪ್ಸುಷದೋ ಽತ್ಯ್ ಅಗ್ನೀನ್ || ೧೭,೪೪।೪

ಯತ್ ತ್ವಾ ಕುದ್ಧಾಃ ಪ್ರಚಕ್ರುರ್
ಮನ್ಯುನಾ ಪುರುಷೇ ಮೃತೇ |
ಸುಕಲ್ಪಂ ಅಗ್ನೇ ತತ್ ತ್ವಯಾ
ಪುನಸ್ ತ್ವೋದ್ ದೀಪಯಾಮಸಿ || ೧೭,೪೪।೫

ಪುನಸ್ ತ್ವಾದಿತ್ಯಾ ರುದ್ರಾ ವಸವಃ
ಪುನರ್ ಬ್ರಹ್ಮಾ ವಸುನೀತಿರ್ ಅಗ್ರೇ |
ಪುನಸ್ ತ್ವಾ ಬ್ರಹ್ಮಣಸ್ಪತಿರ್ ಆಧಾದ್
ದೀರ್ಘಾಯುತ್ವಾಯ ಶತಶಾರದಾಯ || ೧೭,೪೪।೬

ಯೋ ಅಗ್ನಿಃ ಕ್ರವ್ಯಾತ್ ಪ್ರವಿವೇಶ ವೋ ಗೃಹಂ
ಇಮಂ ಪಶ್ಯನ್ನ್ ಇತರಂ ಜಾತವೇದಸಂ |
ತಂ ಹರಾಮಿ ಪಿತೃಯಜ್ಞಾಯ ದೂರಂ
ಸ ಘರ್ಮಂ ಇಂಧತ್ ಪರಮೇ ಸಧಸ್ಥೇ || ೧೭,೪೪।೭

ಕ್ರವ್ಯಾದಂ ಅಗ್ನಿಂ ಪ್ರ ಹಿಣೋಮಿ ದೂರಂ
ಯಮರಾಜ್ಞೋ ಗಚ್ಛತು ರಿಪ್ರವಾಹಃ |
ಇಹೈವಾಯಂ ಇತರೋ ಜಾತವೇದಾ
ದೇವೋ ದೇವೇಭ್ಯೋ ಹವ್ಯಂ ವಹತು ಪ್ರಜಾನನ್ || ೧೭,೪೪।೮

ಕ್ರವ್ಯಾದಂ ಅಗ್ನಿಂ ಇಷಿತೋ ಹರಾಮಿ
ಜನಾನ್ ದ್ರುಹಂತಂ ವಜ್ರೇಣ ಮೃತ್ಯುಂ |
ವಿ ತಂ ಶಾಸ್ಮಿ ಗಾರ್ಹಪತ್ಯೇನ ವಿದ್ವಾನ್
ಪಿತೃ̄ಣಾಂ ಲೋಕೇ ಅಪಿ ಭಾಗೋ ಅಸ್ಯ || ೧೭,೪೪।೯

ಕ್ರವ್ಯಾದಂ ಅಗ್ನಿಂ ಶಸಮಾನಂ ಉಕ್ಥ್ಯಂ
ಪ್ರ ಹಿಣೋಮಿ ಪಥಿಭಿಃ ಪಿತೃಯಾಣೈಃ |
ಮಾ ದೇವಯಾನೈಃ ಪಥಿಭಿರ್ ಆ ಗಾ
ಅತ್ರೈವೈಧಿ ಪಿತೃಷು ಜಾಗೃಹಿ ತ್ವಂ || ೧೭,೪೪।೧೦
(೪೪)

ಸಂ ಇಂಧತೇ ಸಂಕಸುಕಂ ಸ್ವಸ್ತಯೇ
ಶುದ್ಧಾ ಭವಂತಃ ಶುಚಯಃ ಪಾವಕಾಃ |
ಜಹಾತಿ ರಿಪ್ರಂ ಅತ್ಯ್ ಏನ ಏತಿ
ಸಮಿದ್ಧೋ ಅಗ್ನಿಃ ಸುಪುನಾ ಪುನಾತಿ || ೧೭,೪೫।೧

ದೇವೋ ಅಗ್ನಿಃ ಸಂಕಸುಕೋ
ದಿವಸ್ ಪೃಷ್ಠಾನ್ಯ್ ಆರುಹತ್ |
ಮುಚ್ಯಮಾನೋ ನಿರ್ ಅಂಹಸೋ
ಮೋಹ್ಯಾಸ್ಮಾಁ ಅಶಸ್ತ್ಯಾಃ || ೧೭,೪೫।೨

ಅಸ್ಮಿನ್ ವಯಂ ಸಂಕಸುಕೇ
ಅಗ್ನೇ ರಿಪ್ರಾಣಿ ಮೃಜ್ಮಹೇ |
ಅಭೂಮ ಯಜ್ಞಿಯಾಃ ಶುದ್ಧಾಃ
ಪ್ರ ಣ ಆಯೂಂಷಿ ತಾರಿಷತ್ || ೧೭,೪೫।೩

ಸಂಕಸುಕೋ ವಿಕಸುಕೋ
ನಿರೃಥೋ ಯಶ್ ಚ ನಿಸ್ವರಃ |
ತೇ ತೇ ಯಕ್ಷ್ಮಂ ಸವೇದಸೋ
ದೂರಾದ್ ದೂರಂ ಅಚುಚ್ಯವುಃ || ೧೭,೪೫।೪

ಅನ್ನಾತ್ ತ್ವಾ ಪುರುಷೇಭ್ಯೋ
ಗೋಭ್ಯೋ ಅಶ್ವೇಭ್ಯಸ್ ತ್ವಾ |
ಕ್ರವ್ಯಾದಂ ನಿರ್ ಣುದಾಮಸ್ಯ್
ಅಗ್ನಿಂ ಜೀವಿತಯೋಪನಂ || ೧೭,೪೫।೫

ಯೋ ನೋ ಅಶ್ವೇಷು ವೀರೇಷು
ಯೋ ಗೋಷು ಯೋ ಅಜಾದಿಷು |
ಕ್ರವ್ಯಾದಂ ನಿರ್ ಣುದಾಮಸ್ಯ್
ಅಗ್ನಿರ್ ಯೋ ಜನಯೋಪನಃ || ೧೭,೪೫।೬

ಸಮಿದ್ಧೋ ಅಗ್ನ ಆಹುತ
ಸ ನೋ ಮಾಭ್ಯಪಕ್ರಮೀಃ |
ಅತ್ರೈವ ದೀದಿಹಿ ದ್ಯವಿ
ಜ್ಯೋಕ್ ಚ ಸೂರ್ಯಾಯ ದೃಶೇ || ೧೭,೪೫।೭

ಯಸ್ಮಿನ್ ದೇವಾ ಅಮೃಜತ
ಯಸ್ಮಿನ್ ಮನುಷ್ಯಾ ಉತ |
ತಸ್ಮಿನ್ ಘೃತಸ್ತಾವೋ ಮೃಷ್ಟ್ವಾ
ತ್ವಂ ಅಗ್ನೇ ದಿವಂ ರುಹ || ೧೭,೪೫।೮

ಸೀಸೇ ಮೃಢ್ವಂ ನಡೇ ಮೃಢ್ವಂ
ಅಗ್ನಿಃ ಸಂಕಸುಕಶ್ ಚ ಯಃ |
ಅಥೋ ಅವ್ಯಾಂ ರಾಮಾಯಾಂ
ಶೀರ್ಷಕ್ತಿಂ ಉಪಬರ್ಹಣೇ || ೧೭,೪೫।೯

ಸೀಸೇ ಬಲಂ ಸಾದಯಿತ್ವಾ
ಶೀರ್ಷಕ್ತಿಂ ಉಪಬರ್ಹಣೇ |
ಅವ್ಯಾಂ ಅಸಿಕ್ನ್ಯಾಂ ಮೃಷ್ಟ್ವಾ
ಶುದ್ಧಾ ಭವಂತಿ ಯಜ್ಞಿಯಾಃ || ೧೭,೪೫।೧೦
(೪೫)

ಪರಂ ಮೃತ್ಯೋ ಅನು ಪರೇಹಿ ಪಂಥಾಂ
ಯಸ್ ತ ಏಷ ಇತರೋ ದೇವಯಾನಾತ್ |
ಚಕ್ಷುಷ್ಮತೇ ಶೃಣ್ವತೇ ತೇ ಬ್ರವೀಮಿ-
-ಇಹ ಮೇ ವೀರಾ ಬಹವೋ ಭವಂತು || ೧೭,೪೬।೧

ಇಮೇ ಜೀವಾ ವಿ ಮೃತೈರ್ ಆವವೃತ್ರನ್ನ್
ಅಭೂದ್ ಭದ್ರಾ ದೇವಹೂತಿರ್ ನೋ ಅದ್ಯ |
ಪ್ರಾಂಚೋ ಅಗಾಮ ನೃತಯೇ ಹಸಾಯ
ಸುವೀರಾಸೋ ವಿದಥಂ ಆ ವದೇಮ || ೧೭,೪೬।೨

ಇಮಂ ಜೀವೇಭ್ಯಃ ಪರಿಧಿಂ ದಧಾಮಿ
ಮೈಷಾಂ ನು ಗಾದ್ ಅಪರೋ ಅರ್ಥಂ ಏತಂ |
ಜ್ಯೋಗ್ ಜೀವಂತಃ ಶರದಃ ಪುರೂಚೀಸ್
ತಿರೋ ಮೃತ್ಯುಂ ದಧತಾಂ ಪರ್ವತೇನ || ೧೭,೪೬।೩

ಯಥಾಹಾನ್ಯ್ ಅನುಪೂರ್ವಂ ಭವಂತಿ
ಯಥರ್ತವ ಋತುಭಿರ್ ಯಂತಿ ಸಾಕಂ |
ಯಥಾ ನ ಪೂರ್ವೋ ಅಪರಂ ಜಹಾತ್ಯ್
ಏವಾ ತ್ವಷ್ಟರ್ ಆಯುಂಷಿ ಕಲ್ಪಯೈಷಾಂ || ೧೭,೪೬।೪

ಆ ರೋಹತಾಯುರ್ ಜರಸಂ ವೃಣಾನಾ
ಅನುಪೂರ್ವಂ ಯತಮಾನಾ ಯತಿ ಷ್ಠ |
ತಾನ್ ವಸ್ ತ್ವಷ್ಟಾ ಸುಜನಿಮಾ ಸಜೋಷಾಃ
ಸರ್ವಂ ಆಯುರ್ ನಯತು ಜೀವನಾಯ || ೧೭,೪೬।೫

ಅಶ್ಮನ್ವತೀ ರೀಯತೇ ಸಂ ರಭಧ್ವಂ
ವೀರಯಧ್ವಂ ಪ್ರ ತರತಾ ಸಖಾಯಃ |
ಅತ್ರಾ ಜಹೀತ ಯೇ ಅಸನ್ ದುರೇವಾ
ಅನಮೀವಾನ್ ಉತ್ ತರೇಮಾಭಿ ವಾಜಾನ್ || ೧೭,೪೬।೬

ಉತ್ ತಿಷ್ಠತಾ ಪ್ರ ತರತಾ ಸಖಾಯೋ
+ಽಶ್ಮನ್ವತೀ ಸ್ಯಂದತೇ ನದೀಯಂ |
ಅತ್ರಾ ಜಹೀತ ಯೇ ಅಸನ್ನ್ ಅಶಿವಾಃ
ಶಿವಾನ್ ಸ್ಯೋನಾನ್ ಉತ್ ತರೇಮಾಭಿ ವಾಜಾನ್ || ೧೭,೪೬।೭

ವೈಶ್ವದೇವೀಂ ಸೂನೃತಾಂ ಆ ರಭಧ್ವಂ
ಶುದ್ಧಾ ಭವಂತಃ ಶುಚಯಃ ಪಾವಕಾಃ |
ಅತಿಕ್ರಾಮಂತೋ ದುರಿತಾನಿ ವಿಶ್ವಾ
ಶತಂ ಹಿಮಾಃ ಸರ್ವವೀರಾ ಮದೇಮ || ೧೭,೪೬।೮

ಉದೀಚೀನೈಃ ಪಥಿಭಿರ್ ವಾಯುಂ ಅದ್ಭಿರ್
ಅತಿಕ್ರಾಮಂತೋ ಽವರಾನ್ ಪರೇಭಿಃ |
ತ್ರಿಃ ಸಪ್ತ ಕೃತ್ವ ಋಷಯಃ ಪರೇತಾ
ಮೃತ್ಯುಂ ಪ್ರತ್ಯೌಹನ್ ಪದಯೋಪನೇನ || ೧೭,೪೬।೯

ಮೃತ್ಯೋಃ ಪದಂ ಯೋಪಯಂತ ಏತ
ದ್ರಾಘೀಯ ಆಯುಃ ಪ್ರತರಂ ದಧಾನಾಃ |
ಆಸೀನಾ ಮೃತ್ಯುಂ ನುದತಾ ಸಧಸ್ಥೇ
ಽಥ ಜೀವಾ ವಿದಥಂ ಆ ವದೇಮ || ೧೭,೪೬।೧೦
(೪೬)

ಇಮಾ ನಾರೀರ್ ಅವಿಧವಾಃ ಸುಪತ್ನೀರ್
ಆಂಜನೇನ ಸರ್ಪಿಷಾ ಸಂ ವಿಶಂತು |
ಅನಶ್ರವೋ ಅನಮೀವಾಃ ಸುರತ್ನಾ
ಆ ರೋಹಂತು ಜನಯೋ ಯೋನಿಂ ಅಗ್ರೇ || ೧೭,೪೭।೧

ಇಮೇ ವೀರಾ ಅವಿಧವಾಃ ಸುಜಾನಯ
ಆಂಜನೇನ ಸರ್ಪಿಷಾ ಸಂ ಸ್ಪೃಶಂತಾಂ |
ಅನಶ್ರವೋ ಅನಮೀವಾಃ ಸುರತ್ನಾಃ
ಸ್ಯೋನಾದ್ ಯೋನೇರ್ ಅಧಿ ತಲ್ಪಂ ರುಹೇಯುಃ || ೧೭,೪೭।೨

ವ್ಯಾಕರೋಮಿ ಹವಿಷಾಹಂ ಏತೌ
ತೌ ಬ್ರಹ್ಮಣಾ ವ್ಯ್ ಅಹಂ ಕಲ್ಪಯಾಮಿ |
ಸ್ವಧಾಂ ಪಿತೃಭ್ಯೋ ಅಜರಾಂ ಕೃಣೋಮಿ
ದೀರ್ಘೇನಾಯುಷಾ ಸಂ ಇಮಾಂ ಸೃಜಾಮಿ || ೧೭,೪೭।೩

ಯೋ ನೋ ಅಗ್ನಿಃ ಪಿತರೋ ಹೃತ್ಸ್ವ್ ಅಂತರ್
ಆವಿವೇಶಾಮೃತೋ ಮರ್ತ್ಯೇಷು |
ಮಯ್ಯ್ ಅಹಂ ತಂ ಪರಿ ಗೃಹ್ಣಾಮಿ ದೇವಂ
ಮಾ ಸೋ ಅಸ್ಮಾನ್ ದ್ವಿಕ್ಷತ ಮಾ ವಯಂ ತಂ || ೧೭,೪೭।೪

ಅಪಾವರ್ತ್ಯಾಗ್ನಿಂ ಗಾರ್ಹಪತ್ಯಂ
ಕ್ರವ್ಯಾದಾ ಪ್ರೇತ ದಕ್ಷಿಣಾ |
ಪ್ರಿಯಂ ಪಿತೃಭ್ಯ ಆತ್ಮನೇ
ಬ್ರಹ್ಮಣೇ ಕೃಣುತ ಪ್ರಿಯಂ || ೧೭,೪೭।೫

ದ್ವಿಭಾಗಧನಂ ಆದಾಯ
ಪ್ರ ಕ್ಷಿನಾತ್ಯ್ ಅವರ್ತ್ಯಾ |
ಅಗ್ನಿಃ ಪುತ್ರಸ್ಯ ಜ್ಯೇಷ್ಠಸ್ಯ
ಯಃ ಕ್ರವ್ಯಾದ್ ಅನಿರಾಹಿತಃ || ೧೭,೪೭।೬

ಯತ್ ಕೃಷತೇ ಯದ್ ವನುತೇ
ಯಚ್ ಚ ವಸ್ತೇನ ವಿಂದತೇ |
ಸರ್ವಂ ಮರ್ತ್ಯಸ್ಯ ತನ್ ನಾಸ್ತಿ
ಕ್ರವ್ಯಾಚ್ ಚೇದ್ ಅನಿರಾಹಿತಃ || ೧೭,೪೭।೭

ಅಯಜ್ಞಿಯೋ ಹತವರ್ಚಾ ಭವತಿ
ನೈನೇನ ಹವಿರ್ ಅತ್ತವೇ |
ಛಿನತ್ತಿ ಕೃಷಿಂ ಗಾಂ ಧನಂ
ಯಃ ಕ್ರವ್ಯಾದ್ ಅನುವರ್ತತೇ || ೧೭,೪೭।೮

ಬಹು ಗೃಧ್ಯೈಃ ಪ್ರ ವದತ್ಯ್
ಆರ್ತಿಂ ಮರ್ತ್ಯೋ ನ್ಯ್ ಏತಿ ಚ |
ಕ್ರವ್ಯಾದ್ ಯಂ ಅಗ್ನಿರ್ ಅಂತಿಕಾದ್
ಅನುವಿದ್ವಾನ್ ವಿತಾವತಿ || ೧೭,೪೭।೯

ಗ್ರಾಹ್ಯಾ ಗೃಹಾಃ ಸಂ ಸೃಜ್ಯಂತೇ
ಯತ್ ಸ್ತ್ರಿಯಾ ಮ್ರಿಯತೇ ಪತಿಃ |
ಬ್ರಹ್ಮೈವ ವಿದ್ವಾನ್ ಏಷ್ಯೋ
ಯಃ ಕ್ರವ್ಯಾದಂ ನಿರ್ ಆದಧತ್ || ೧೭,೪೭।೧೦
(೪೭)

ಯದ್ ರಿಪ್ರಂ ದುರಿತಂ
ಚಕೃಮಾ ಯಚ್ ಚ ದುಷ್ಕೃತಂ |
ಆಪೋ ಮಾ ತಸ್ಮಾಚ್ ಛುಂಧಂತ್ವ್
ಅಗ್ನಿಃ ಸಂಕಸುಕಶ್ ಚ ಯಃ || ೧೭,೪೮।೧

ತಾ ಅಧರಾದ್ ಉದೀಚೀರ್ ಆವವೃತ್ರನ್
ಪ್ರಜಾನತೀಃ ಪಥಿಭಿರ್ ದೇವಯಾನೈಃ |
ಪರ್ವತಸ್ಯ ಋಷಭಸ್ಯಾಧಿ ಪೃಷ್ಠೇ
ನವಾಶ್ ಚರಂತಿ ಸರಿತಃ ಪುರಾಣೀಃ || ೧೭,೪೮।೨

ಅಗ್ನೇ ಅಕ್ರವ್ಯಾನ್ ನಿಷ್ಕ್ರವ್ಯಾದಂ ನುದಾ ದೇವಜನಂ ವಹ || ೧೭,೪೮।೩

ಇಮಂ ಕ್ರವ್ಯಾತ್ ಪ್ರ ವಿವೇಶ-
-ಅಯಂ ಕ್ರವ್ಯಾದಂ ಅನ್ವ್ ಅಗಾತ್ |
ವ್ಯಾಘ್ರೌ ಕೃತ್ವಾ ನಾನಾನಂ
ತಂ ಹರಾಮಿ ಶಿವಾಪರಂ || ೧೭,೪೮।೪

ಅಂತರ್ಧಿರ್ ದೇವಾನಾಂ
ಪರಿಧಿರ್ ಮನುಷ್ಯಾಣಾಂ
ಅಗ್ನಿರ್ ಗಾರ್ಹಪತ್ಯ
ಉಭಯಾನ್ ಅಂತರಾ ಶ್ರಿತಃ |
ಜೀವಾನಾಂ ಅಗ್ನೇ ಪ್ರ ತಿರ ದೀರ್ಘಂ ಆಯುಃ
ಪಿತೃ̄ಣಾಂ ಲೋಕಂ ಉಪ ಯಂತು ಯೇ ಮೃತಾಃ || ೧೭,೪೮।೫

ಸುಗಾರ್ಹಪತ್ಯೋ ವಿತಪನ್ನ್ ಅರಾತೀರ್
ಉಷಾಮುಷಾಂ ಶ್ರೇಯಸೀಂಶ್ರೇಯಸೀಂ ದಧತ್ |
ಸರ್ವಾನ್ ಅಗ್ನೇ ಸಹಮಾನಃ ಸಪತ್ನಾನ್
ಐಷಾಂ ಊರ್ಜಂ ರಯಿಂ ಅಸ್ಮಾಸು ಧೇಹಿ || ೧೭,೪೮।೬

ಇಮಂ ಇಂದ್ರಂ ವಹ್ನಿಂ ಪಪ್ರಿಂ ಅನ್ವ್ ಆರಭಧ್ವಂ
ಸ ವೋ ನಿವಿದ್ವಾನ್ ವಿಜಹಾತು ಮೃತ್ಯುಂ |
ತೇನಾಪ ಹತ ಶರುಂ ಆಪತಂತಂ
ತೇನ ರುದ್ರಸ್ಯ ಪರಿ ಪಾತಾಸ್ತಾಂ || ೧೭,೪೮।೭

ಅಹೋರಾತ್ರೇ ಅನ್ವ್ ಏಷಿ ಬಿಭ್ರತ್
ಕ್ಷೇಮ್ಯಸ್ ತಿಷ್ಠನ್ ಪ್ರತರಣಃ ಸುವೀರಃ |
ಅನಾತುರಾಂ ಸುಮನಸಸ್ ತಲ್ಪ ಬಿಭ್ರಜ್
ಜ್ಯೋಗ್ ಏವ ನಃ ಪುರುಷಗಂಧಿರ್ ಏಧಿ || ೧೭,೪೮।೮

ತೇ ದೇವೇಷ್ವ್ ಆ ವೃಶ್ಚಂತೇ
ಪಾಪಂ ಜೀವಂತಿ ಸರ್ವದಾ |
ಕ್ರವ್ಯಾದ್ ಯಾನ್ ಅಗ್ನಿರ್ ಅಂತಿಕಾದ್
ಅನುವಿದ್ವಾನ್ ವಿತಾವತಿ || ೧೭,೪೮।೯

ಪ್ರೇವ ಮನಸಾ ಪತಿತಿ
ಮುಹುರ್ ಆ ವರ್ತತೇ ಪುನಃ |
ಕ್ರವ್ಯಾದ್ ಯಂ ಅಗ್ನಿರ್ ಅಂತಿಕಾದ್
ಅಶ್ವ ಇವಾನುವಪತೇ ನಡಂ || ೧೭,೪೮।೧೦
(೪೮)

ಯೇ ಽಶ್ರದ್ಧಯಾ ಧನಕಾಮ್ಯಾತ್
ಕ್ರವ್ಯಾದಾ ಸಮಾಸತೇ |
ತೇ ವಾ ಅನ್ಯೇಷಾಂ ಕುಂಭೀಂ
ಪರ್ಯ್ ಆದಧತಿ ಸರ್ವದಾ || ೧೭,೪೯।೧

ಇಷೀಕಾಂ ಚರತೀಂ ವಿತ್ತ್ವಾ
ತಿಲ್ಪಿಯಂ ದಂಡನಂ ನಡಂ |
ತಾನ್ ಇಂದ್ರ ಇಧ್ಮಂ ಕೃತ್ವಾ
ಯಮಸ್ಯಾಗ್ನಿಂ ನಿರಾದಧೌ || ೧೭,೪೯।೨

ಅವಿಃ ಕೃಷ್ಣಾ ಭಾಗಧೇಯಂ ಪಶೂನಾಂ
ಸೀಸಂ ಕ್ರವ್ಯಾದ್ ಉತ ಚಂದ್ರಂ ತ ಆಹುಃ |
ಮಾಷಾಃ ಪಿಷ್ಟಾ ಭಾಗಧೇಯಂ ಹವ್ಯಂ ತೇ
ಽರಣ್ಯಾನ್ಯಾ ಗಹ್ವರಂ ಸಚಸ್ವ || ೧೭,೪೯।೩

ಪ್ರತ್ಯಂಚಂ ಅರ್ಕಂ ಪ್ರತ್ಯರ್ಪಯಿತ್ವಾ
ಪ್ರವಿದ್ವಾನ್ ಪಂಥಾಂ ವಿ ಹ್ಯ್ ಆಚಕಾರ |
ಪರಾಮೀಷಾಂ ಅಸೂನ್ ದಿದೇಶ
ದೀರ್ಘೇಣಾಯುಷಾ ಸಂ ಅಧಾದ್ ಇಹೇಮಾನ್ || ೧೭,೪೯।೪

ಅನಡ್ವಾಹಂ ಪ್ಲವಂ ಅನ್ವ್ ಆರಭಧ್ವಂ
ಸ ವೋ ನಿರ್ವಕ್ಷದ್ ದುರಿತಾದ್ ಅವದ್ಯಾತ್ |
ಆ ರೋಹತ ಸವಿತುರ್ ನಾವಂ ಹಿರಣ್ಯಯೀಂ
ಷಡ್ಭಿರ್ ಊರ್ಮಿಭಿರ್ ಅಮತಿಂ ಚರೇಮ || ೧೭,೪೯।೫

ಗೋಭಿಷ್ ಟರೇಮಾಮತಿಂ ದುರೇವಾಂ
ಯವೇನ ಕ್ಷುಧಂ ಪುರುಹೂತ ವಿಶ್ವಾಂ |
ವಯಂ ರಾಜಾನಃ ಪ್ರಥಮಾ ಧನಾನಾಂ
ಅರಿಷ್ಟಾಸ ಋಜನೀಭಿಸ್ ತರೇಮ || ೧೭,೪೯।೬

ಪೂರ್ಣಂ ನಾರಿ ಪ್ರ ಹರಾಭಿ ಕುಂಭಂ
ಅಪಾಂ ರಸೈರ್ ಓಷಧೀನಾಂ ಘೃತಸ್ಯ |
ಇಮಾನ್ ಪಾತೃ̄ಂರ್ ಅಮೃತೇನಾ ಸಂ ಅಙ್ಧಿ
ಸ್ಥಿರಾ ವೀರಾಃ ಸಂಮನಸೋ ಭವಂತು || ೧೭,೪೯।೭
(೪೯)

ಅನುವಾಕ ೭ ||

ಪುಮಾನ್ ಪುಂಸೋ ಅಧಿ ತಿಷ್ಠ ಚರ್ಮ
ತತ್ರ ಹ್ವಯಸ್ವ ಯತಮಾ ಪ್ರಿಯಾ ತೇ |
ಯಾವಂತಾವ್ ಅಗ್ರೇ ಪ್ರಥಮಂ ಸಮೇಯಥುಸ್
ತದ್ ವಾಂ ವಯೋ ಯಮರಾಜ್ಯೇ ಸಮಾನಂ || ೧೭,೫೦।೧

ತಾವದ್ ವಾಂ ತೇಜಸ್ ತತಿ ವೀರ್ಯಾಣಿ
ತಾವಚ್ ಚಕ್ಷುಸ್ ತತಿಧಾ ವಾಜಿನಾನಿ |
ಅಗ್ನಿಃ ಶರೀರಂ ಸಚತೇ ಯದೈಧೋ
ಅಧಾ ಪಕ್ವಾನ್ ಮಿಥುನಾ ಸಂ ಭವಾಥಃ || ೧೭,೫೦।೨

ಸಂ ಅಸ್ಮಿಂಲ್ ಲೋಕೇ ಸಂ ಉ ದೇವಯಾನೇ
ಸಂ ಸ್ಮಾ ಸಮೇತಂ ಯಮರಾಜ್ಯೇ |
ಪೂತೌ ಪವಿತ್ರೈರ್ ಉಪ ತದ್ ಉ ಹ್ವಯೇಥಾಂ
ಯದ್ಯದ್ ರೇತೋ ಅಧಿ ವಾಂ ಸಂಬಭೂವ || ೧೭,೫೦।೩

ಆಪಃ ಪುತ್ರಾಸೋ ಅಭಿ ಸಂ ವಿಶಧ್ವಂ
ಇಮಂ ಜೀವಂ ಜೀವಧನ್ಯಾಃ ಸಂ ಏತ |
ತಾಸಾಂ ಭಜಧ್ವಂ ಅಮೃತಂ ಯದ್ ಆಹುರ್
ಯಂ ಓದನಂ ಪಚತಿ ವೋ ಜನಿತ್ರೀ || ೧೭,೫೦।೪

ಯಂ ವಃ ಪಿತಾ ಪಚತಿ ಯಂ ಚ ಮಾತಾ
ರಿಪ್ರಾನ್ ನಿರ್ಮುಕ್ಥ್ಯೈ ಶಮಲಾಚ್ ಚ ವಾಚಃ |
ಸ ಓದನಃ ಶತಧಾರಃ ಸ್ವರ್ಗ
ಉಭೇ ವ್ಯಾಪ ನಭಸೀ ಮಹಿತ್ವಾ || ೧೭,೫೦।೫

ಉಭೇ ನಭಸೀ ಉಭಯಾಂಶ್ ಚ ಲೋಕಾನ್
ಯೇ ಯಜ್ವನಾಂ ಅಭಿಜಿತಾಃ ಸ್ವರ್ಗಾಃ |
ತೇಷಾಂ ಜ್ಯೋತಿಷ್ಮಾನ್ ಮಧುಮಾನ್ ಯೋ ಅಗ್ರೇ
ತಸ್ಮಿನ್ ಪುತ್ರೈರ್ ಜರಸಿ ಸಂ ಶ್ರಯೇಥಾಂ || ೧೭,೫೦।೬

ಪ್ರಾಚೀಂಪ್ರಾಚೀಂ ಪ್ರದಿಶಂ ಆ ರಭೇತಾಂ
ಏತಂ ಲೋಕಂ ಶ್ರದ್ದಧಾನಾಃ ಸಚಂತೇ |
ಮಿಮಾಥಾಂ ಪಾತ್ರಂ ತದ್ ವಾಂ ಪೂರ್ಣಂ ಅಸ್ತು
ಸ ವಾಂ ಪಕ್ವಃ ಪಿತ್ರ್ಯಾಣೇ ನ್ಯಾಯತ್ || ೧೭,೫೦।೭

ದಕ್ಷಿಣಾಂ ದಿಶಂ ಅಭಿ ನಕ್ಷಮಾಣೌ
ಪರ್ಯ್ ಆವರ್ತೇಥಾಂ ಅಭಿ ಪಾತ್ರಂ ಏತತ್ |
ತಸ್ಮೈ ವಾಂ ಯಮಃ ಪಿತೃಭಿಃ ಸಂವಿದಾನಃ
ಪಕ್ವಾಯ ಶರ್ಮ ಬಹುಲಂ ನಿ ಯಚ್ಛಾತ್ || ೧೭,೫೦।೮

ಪ್ರತೀಚೀ ದಿಶಾಂ ಇಯಂ ಇದ್ ವರಂ ವಾಂ
ಯಸ್ಯಾಂ ಸೋಮೋ ಅಧಿಪಾ ಮೃಡಿತಾ ಚ |
ತಸ್ಯಾಂ ಮಿಮಾಥಾಂ ಸುಕೃತಃ ಸಚೇಥಾಂ
ಅಧಾ ಪಕ್ವೇನ ಸಹ ಸಂ ಭವೇಮ || ೧೭,೫೦।೯

ಉತ್ತರಂ ರಾಷ್ಟ್ರಂ ಪ್ರಜಯೋತ್ತರಾವದ್
ದಿಶಾಂ ಉದೀಚೀ ಕೃಣವನ್ ನೋ ಅಗ್ರಂ |
ಪಾಂಕ್ತಂ ಛಂದಃ ಪುರುಷೋ ಬಭೂವ
ವಿಶ್ವೈರ್ ವಿಶ್ವಾಂಗೈಃ ಸಹ ಸಂ ಭವೇಮ || ೧೭,೫೦।೧೦
(೫೦)

ಧ್ರುವೇಯಂ ವಿರಾಣ್ ನಮೋ ಅಸ್ತ್ವ್ ಅಸ್ಯೈ
ಶಿವಾ ಪುತ್ರೇಭ್ಯ ಉತ ಮಹ್ಯಂ ಅಸ್ತು |
ಸಾ ನೋ ದೇವ್ಯ್ ಅದಿತೇ ವಿಶ್ವವಾರ
ಇರ್ಯ ಇವ ಗೋಪಾ ಅಭಿ ರಕ್ಷ ಪಕ್ವಂ || ೧೭,೫೧।೧

ಪಿತೇವ ಪುತ್ರಾಁ ಅಭಿ ಸಂ ಸಚಸ್ವ ನಃ
ಶಿವಾ ನೋ ವಾತಾ ಇಹ ವಾಂತು ಶಗ್ಮಾಃ |
ಯಂ ಓದನಂ ಪಚತೋ ದೇವತೇ ಇಹ
ತಂ ನಸ್ ತಪ ಉತ ಸತ್ಯಂ ಮ ವಿತ್ತಾಂ || ೧೭,೫೧।೨

ಯದ್ಯತ್ ಕೃಷ್ಣಃ ಶಕುನ ಏಹ ಗತ್ವಾ
ತ್ಸರಂ ವಿಷಕ್ತಂ ಬಿಲ ಆಸಸಾದ |
ದಾಸೀ ವಾ ಯದ್ ಆರ್ದ್ರಹಸ್ತಾ ಸಮಂಕ್ತ
ಉಲೂಖಲಂ ಮುಸಲಂ ಶುಂಧತಾಪಃ || ೧೭,೫೧।೩

ಅಯಂ ಗ್ರಾವಾ ಪೃಥುಬುಧ್ನೋ ವಯೋಧಾಃ
ಪೂತಃ ಪವಿತ್ರೈರ್ ಅಪ ಹಂತು ರಕ್ಷಃ |
ಆ ರೋಹ ಚರ್ಮ ಮಹಿ ಶರ್ಮ ಯಚ್ಛ
ಮಾ ದಂಪತೀ ಪೌತ್ರಂ ಅಘಂ ನಿ ಗಾತಾಂ || ೧೭,೫೧।೪

ವನಸ್ಪತಿಃ ಸಹ ದೇವೈರ್ ನ ಆಗನ್
ರಕ್ಷಃ ಪಿಶಾಚಾಁ ಅಪಬಾಧಮಾನಃ |
ಸ ಉಚ್ಛ್ರಯಾತೈ ಪ್ರ ವದಾತಿ ವಾಚಂ
ತೇನ ಲೋಕಾಁ ಅಭಿ ಸರ್ವಾಞ್ ಜಯೇಮ || ೧೭,೫೧।೫

ಸಪ್ತ ಮೇಧಾಂ ಪಶವಃ ಪರ್ಯ್ ಅಗೃಹ್ಣನ್
ಯ ಏಷಾಂ ಮೇದಸ್ವಾನ್ ಉತ ಯಶ್ ಚಕರ್ಶ |
ತ್ರಯಸ್ತ್ರಿಂಶದ್ ದೇವತಾಸ್ ತ್ವಾಂ ಸಚಂತೇ
ಸ ನಃ ಸ್ವರ್ಗಂ ಅಭಿ ನೇಷಿ ಲೋಕಂ || ೧೭,೫೧।೬

ಸ್ವರ್ಗಂ ಲೋಕಂ ಅಭಿ ನೋ ನಯಾಸಿ
ಸಂ ಜಾಯಾ ಸಹ ಪುತ್ರೈಃ ಸ್ಯಾಮ |
ಗೃಹ್ಣಾಮಿ ಹಸ್ತಂ ಅನ್ವ್ ಐತ್ವ್ ಅತ್ರ
ಮಾ ನಸ್ ತಾರೀನ್ ನಿರೃತಿರ್ ಮೋ ಅರಾತಿಃ || ೧೭,೫೧।೭

ಗ್ರಾಹಿಂ ಪಾಪ್ಮಾನಂ ಅತಿ ತಾಁ ಅಯಾಮ
ತಮೋ ವ್ಯಸ್ಯ ಪ್ರ ವದಾಸಿ ವಲ್ಗು |
ವಾನಸ್ಪತ್ಯ ಉದ್ಯತೋ ಮಾ ಜಿಹಿಂಸೀರ್
ಮಾ ತಂಡುಲಂ ವಿ ಶರೀರ್ ದೇವಯಂತಂ || ೧೭,೫೧।೮

ವಿಶ್ವವ್ಯಚಾ ಘೃತಪೃಷ್ಠೋ ಭವಿಷ್ಯಂ
ಸಯೋನಿರ್ ಲೋಕಂ ಉಪ ಯಾಹಿ ವಿದ್ವಾನ್ |
ವರ್ಷವೃದ್ಧಂ ಉಪ ಯಚ್ಛ ಶೂರ್ಪೇ
ತ್ವಿಷಿಂ ಪಲಾವಾನ್ ಅಪ ತದ್ ವಿನಕ್ತು || ೧೭,೫೧।೯

ತ್ರಯೋ ಲೋಕಾಃ ಸಂಮಿತಾ ಬ್ರಾಹ್ಮಣೇನ
ದ್ಯೌರ್ ಏವಾಸೌ ಪೃಥಿವ್ಯ್ ಅಂತರಿಕ್ಷಂ |
ಅಂಶೂನ್ ಗೃಭಿತಾನ್ ಅನು ಸಂರಭೇಥಾಂ
ಆ ಪ್ಯಾಯಂತಾಂ ಪುನರ್ ಆ ಯಂತು ಶೂರ್ಪಾತ್ || ೧೭,೫೧।೧೦
(೫೧)

ಪೃಥಗ್ ರೂಪಾಣಿ ಬಹುಧಾ ಪಶೂನಾಂ
ಏಕರೂಪೋ ಭವತಿ ಸಂ ಸಮೃದ್ಧ್ಯಾಂ |
ಏತಾಂ ತ್ವಚಂ ಲೋಹಿನೀಂ ತಾಂ ನುದೇಥಾಂ
ಗ್ರಾವಾ ಶುಂಧಾತಿ ಮಲಗ ಇವ ವಸ್ತ್ರಾ || ೧೭,೫೨।೧

ಜನಿತ್ರೀವ ಪ್ರತಿ ಹೃಣ್ಯಾಸಿ ಸೂನುಂ
ಸಂ ತ್ವಾ ದಧಾಮಿ ಪೃಥಿವೀಂ ಪೃಥಿವ್ಯಾ |
ಉಖಾಃ ಕುಂಭೀರ್ ವೇದ್ಯಾಂ ಸಂಚರಂತಾಂ
ಯಜ್ಞಾಯುಧೈರ್ ಆಜ್ಯೇನಾಭಿಷಿಕ್ತಾಃ || ೧೭,೫೨।೨

ಭೂಮ್ಯಾಂ ತ್ವಾ ಭೂಮಿಂ ಅಧಿ ಧಾರಯಾಮಿ
ತನೂಃ ಸಮಾನೀ ವಿಕೃತಾ ತ ಏಷಾ |
ಯದ್ಯದ್ ಯುಕ್ತಂ ಲಿಖಿತಂ ಅರ್ಪಣಂ ಚ
ತೇನ ಮಾ ಸುಸ್ರೋರ್ ಅಪಿ ತದ್ ವಪಾಮಿ || ೧೭,೫೨।೩

ಅಗ್ನಿಃ ಪಚನ್ ರಕ್ಷತು ತ್ವಾ ಪುರಸ್ತಾದ್
ಇಂದ್ರೋ ರಕ್ಷಾದ್ ದಕ್ಷಿಣತೋ ಮಹಿತ್ವಾ |
ಸೋಮಸ್ ತ್ವಾ ದೃಂಹಾದ್ ಧರುಣೇ ಪ್ರತೀಚ್ಯಾ
ಉತ್ತರಾತ್ ತ್ವಾ ವರುಣಃ ಸಂ ದದಾತೈ || ೧೭,೫೨।೪

ಆ ಯಂತು ದಿವಃ ಪೃಥಿವೀಂ ಸಚಂತೇ
ಭೂಮ್ಯಾಃ ಸಚಂತೇ ಉರ್ವ್ ಅಂತರಿಕ್ಷಂ |
ಶುದ್ಧಾಃ ಸತೀಸ್ ತಾ ಉ ಶುಂಧಂತ ಏವ
ತಾ ನಃ ಸ್ವರ್ಗಂ ಅಭಿ ಲೋಕಂ ನಯಂತು || ೧೭,೫೨।೫

ಪೂತಾಃ ಪವಿತ್ರೈಃ ಪವಂತೇ ಅಭ್ರಾದ್
ದಿವಂ ಚ ಯಂತಿ ಪೃಥಿವೀಂ ಚ ಲೋಕಾನ್ |
ತಾ ಜೀವಲಾ ಜೀವಧನ್ಯಾಃ ಪ್ರತಿಷ್ಠಾಃ
ಪಾತ್ರ ಆಸಿಕ್ತಾಃ ಪರ್ಯ್ ಅಗ್ನಿರ್ ಏಂಧಾಂ || ೧೭,೫೨।೬

ಉತೇವ ಪ್ರಭ್ವೀರ್ ಉತ ಸಂಮಿತಾಸ
ಉತ ಶುಕ್ರಾಃ ಶುಚಯಶ್ ಚಾಮೃತಾಸಃ |
ತಾ ಓದನಂ ದಂಪತಿಭ್ಯಾಂ ಪ್ರತಿಷ್ಠಾ
ಆಪಃ ಶಿಕ್ಷಂತೀಃ ಪ್ರವತಾ ಸುನಾಥಾಃ || ೧೭,೫೨।೭

ಉದ್ ಯೋಧಯಂತ್ಯ್ ಅಭಿ ವಲ್ಗಂತೀ ತಪ್ತಾಃ
ಫೇನಂ ಅಸ್ಯಂತಿ ಬಹುಲಂ ಚ ಬಿಂದುಂ |
ಯೋಷೇವ ದೃಷ್ಟ್ವಾ ಪತಿಂ ಋತ್ವಿಯಾ ಯಾ-
-ಏತೈಸ್ ತಂಡುಲೈರ್ ಭವತಾ ಸಂ ಆಪಃ || ೧೭,೫೨।೮

ಸಂಖ್ಯಾತಾ ಸ್ತೋಕಾಃ ಪೃಥಿವೀಂ ಸಚಂತೇ
ಪ್ರಾಣಾಪಾನೈಃ ಸಂಮಿತಾ ಓಷಧೀಭಿಃ |
ಅಸಂಖ್ಯಾತಾ ಓಪ್ಯಮಾನಾಃ ಸುವರ್ಣಾಃ
ಸರ್ವಂ ಸಮಾಪಂ ಶುಚಯಃ ಶುಚಿತ್ವಂ || ೧೭,೫೨।೯

ಉತ್ಥಾಪಯ ಸೀದತೋ ಬುಧ್ನ ಏನಾನ್
ಅದ್ಭಿರ್ ಆತ್ಮಾನಂ ಅಪಿ ಸಂ ಸೃಜಂತಾಂ |
ಅಮಾಸಿ ಪಾತ್ರ ಉದಕಂ ಯದ್ ಏತನ್
ಮಿತಾಸ್ ತಂಡುಲಾಃ ಪ್ರದಿಶೋ ಯತೀಮಾಃ || ೧೭,೫೨।೧೦
(೫೨)

ಪ್ರ ಯಚ್ಛ ಪರ್ಶುಂ ತ್ವರಯಾ ಹರಂತ್ವ್
ಅಹಿಂಸಂತ ಓಷಧೀರ್ ದಾಂತು ಪರ್ವಂ |
ಸೋಮೋ ಯಾಸಾಂ ಪರಿ ರಾಜ್ಯಂ ಬಭೂವ-
-ಅಮನ್ಯುತಾ ವೀರುಧೋ ಮೇ ಭವಂತು || ೧೭,೫೩।೧

ನವಂ ಬರ್ಹಿರ್ ಓದನಾಯ ಸ್ತೃಣೀತ
ಪ್ರಿಯಂ ಹೃದಶ್ ಚಕ್ಷುಷೋ ವಲ್ಗ್ವ್ ಅಸ್ತು |
ತತ್ರ ದೇವಾಃ ಸಹ ದೇವೈರ್ ವಿಶಂತ್ವ್
ಇಮಂ ಪ್ರಾಶ್ನಂತು ದಕ್ಷಿಣತೋ ನಿಷದ್ಯ || ೧೭,೫೩।೨

ವನಸ್ಪತೇ ಸ್ತೀರ್ಣಂ ಆ ಸೀದ ಬರ್ಹಿರ್
ಅಗ್ನಿಷ್ಟೋಮೈಃ ಸಂಮಿತೋ ದೇವತಾಭಿಃ |
ತ್ವಷ್ಟೇವ ರೂಪಂ ಸುಕೃತಂ ಸ್ವಧೀತ್ಯೇನಾ
ಏಹಾಃ ಪರಿ ಪಾತ್ರೇ ದದೃಶ್ರಾಂ || ೧೭,೫೩।೩

ಧರ್ತಾ ಧ್ರಿಯಸ್ವ ಧರುಣೇ ಪೃಥಿವ್ಯಾ
ಅಚ್ಯುತಂ ತ್ವಾ ದೇವತಾಶ್ ಚ್ಯಾವಯಂತು |
ತಂ ದಂಪತೀ ಜೀವಂತೌ ಜೀವಪುತ್ರಾ
ಉದ್ವಾಸಯಾತಃ ಪರ್ಯ್ ಅಗ್ನಿಧಾನಾತ್ || ೧೭,೫೩।೪

ಷಷ್ಟ್ಯೈ ಶರದ್ಭ್ಯಃ ಪರಿ ದಧ್ಮ ಏತಂ
ಸ್ವಃ ಪಕ್ವೇನಾಭ್ಯ್ ಅಶ್ನವಾತೈ |
ಉಪೈನಂ ಪುತ್ರಾಃ ಪಿತರಶ್ ಚ ಸೀದಾನ್
ಇಮಂ ಸ್ವರ್ಗಂ ಗಮಯಾಂತಂ ಅಗ್ನೇ || ೧೭,೫೩।೫

ಸರ್ವಾನ್ ಸಮಾಗಾನ್ ಅಭಿಜಿತ್ಯ ಲೋಕಾನ್
ಯಾವಂತಃ ಕಾಮಾಃ ಸಮಪೂಪುರಸ್ ತಾನ್ |
ವಿ ಗಾಹೇಥಾಂ ಆಯವನಂ ಚ ದರ್ವಿರ್
ಏಕಸ್ಮಿನ್ ಪಾತ್ರೇ ಅಧ್ಯುದ್ಧರೈನಂ || ೧೭,೫೩।೬

ಉಪ ಸ್ತೃಣೀಹಿ ಪ್ರಥಯಾ ಪುರಸ್ತಾದ್
ಘೃತೇನ ಪಾತ್ರಂ ಅಭಿ ಘಾರಯೇದಂ |
ವಾಶ್ರೇವೋಸ್ರಾ ತರುಣಂ ಸ್ತರಸ್ಮಿಂ
ಇಮಂ ದೇವಾಸೋ ಅಭಿಹಿಂಕರಾಥ || ೧೭,೫೩।೭

ಉಪಾಸ್ತರೀರ್ ಅಕರೋ ಲೋಕಂ ಏತಂ
ಉರುಃ ಪೃಥುಶ್ ಚಾಸಮಃ ಸ್ವರ್ಗಃ |
ತಸ್ಮಿನ್ ಸುಪರ್ಣೋ ಮಹಿಷಃ ಶ್ರಯಾತೈ
ದೇವಾ ಏನಂ ದೇವತಾಭ್ಯಃ ಪ್ರ ಯಚ್ಛಾನ್ || ೧೭,೫೩।೮

ಯದ್ಯಜ್ ಜಾಯಾ ಪಚತಿ ತ್ವತ್ ಪರಃಪರಃ
ಪತಿರ್ ವಾ ಜಾಯ ಉತ ತ್ವತ್ ತಿರಃ |
ಸಂ ತತ್ ಸೃಜೇಥಾಂ ಸಹ ವಾಂ ತದ್ ಅಸ್ತು
ಸಂ ರಾಧಯಂತೌ ಸಹ ಲೋಕಂ ಏತಂ || ೧೭,೫೩।೯

ಯಾವಂತೋ ಅಸ್ಯಾಃ ಪೃಥಿವೀಂ ಸಚಂತೇ
ಅಸ್ಮಾತ್ ಪುತ್ರಾಃ ಪರಿ ಯೇ ಸಂಬಭೂವುಃ |
ಸರ್ವಾಂಸ್ ತಾನ್ ಉಪ ಪಾತ್ರೇ ಹ್ವಯೇಥಾಂ
ನಾಭಿಂ ಜನಾನಾಃ ಶಿಶವಃ ಸಮಾಯನ್ || ೧೭,೫೩।೧೦
(೫೩)

ವಸೋರ್ ಯಾ ಧಾರಾ ಮಧುನಾ ಸಮಕ್ತಾ
ಘೃತೇನ ಮಿಶ್ರಾ ಅಮೃತಸ್ಯ ನಾಭಯಃ |
ಸರ್ವಾಸ್ ತಾ ಅವ ರುಂಧೇ ಸ್ವರ್ಗಃ ಷಷ್ಟ್ಯಾಂ
ಶರತ್ಸು ನಿಧಿಪಾ ಅಭೀಚ್ಛಾತ್ || ೧೭,೫೪।೧

ನಿಧಿಂ ನಿಧಿಪಾ ಅಭ್ಯ್ ಏನಂ ಇಚ್ಛಾದ್
ಅನೀಶ್ವರಾ ಅಭಿತಃ ಸಂತ್ವ್ ಅನ್ಯೇ |
ಅಸ್ಮಾಭಿರ್ ದತ್ತೋ ನಿಹಿತಃ ಸ್ವರ್ಗಸ್
ತ್ರಿಭಿಃ ಕಾಂಡೈಸ್ ತ್ರೀನ್ ಸ್ವರ್ಗಾನ್ ಅರುಕ್ಷತ್ || ೧೭,೫೪।೨

ಅಗ್ನೀ ರಕ್ಷಸ್ ತಪತು ಯದ್ ವಿದೇವಂ
ಕ್ರವ್ಯಾತ್ ಪಿಶಾಚ ಇಹ ಮಾ ಪ್ರ ಪಾಸ್ತ |
ನುದಾಮ ಏನಂ ಅವ ರುಧ್ಮೋ ಅಸ್ಮದ್
ಆದಿತ್ಯಾ ನೋ ಅಂಗಿರಸಃ ಸಚಂತಾಂ || ೧೭,೫೪।೩

ಆದಿತ್ಯೇಭ್ಯೋ ಅಂಗಿರೋಭ್ಯೋ ಮಧ್ವ್ ಇದಂ
ಘೃತೇನ ಮಿಶ್ರಂ ಪ್ರತಿ ವೇದಯಾಮಃ |
ಶುದ್ಧಹಸ್ತೌ ಬ್ರಾಹ್ಮಣಸ್ಯಾನಿಹತ್ಯ-
-ಏನಂ ಸ್ವರ್ಗಂ ಸುಕೃತಾವ್ ಅಪೀತಂ || ೧೭,೫೪।೪

ಇದಂ ಕಾಂಡಂ ಉತ್ತಮಂ ಪ್ರಾಪಂ ಅಸ್ಯ
ಯಸ್ಮಾಲ್ ಲೋಕಾತ್ ಪರಮೇಷ್ಠೀ ಸಮಾಪ |
ಆ ಸಿಂಚ ಸರ್ಪಿರ್ ಘೃತವತ್ ಸಮಙ್ಧ್ಯ್
ಏಷ ಭಾಗೋ ಅಂಗಿರಸೋ ನೋ ಅತ್ರ || ೧೭,೫೪।೫

ಸತ್ಯಾಯ ಚ ತಪಸೇ ದೇವತಾಭ್ಯೋ
ನಿಧಿಂ ಶೇವಧಿಂ ಪರಿ ದಧ್ಮ ಏತಂ |
ಮಾ ನೋ ದ್ಯೂತೇ ಽವ ಗಾನ್ ಮಾ ಸಮಿತ್ಯಾಂ
ಮಾ ಸ್ಮಾನ್ಯಸ್ಮಾ ಉತ್ ಸೃಜತಾ ಪುರಾ ಮತ್ || ೧೭,೫೪।೬

ನ ಕಿಲ್ಬಿಷಂ ಅತ್ರ ನಾಧಾರೋ ಅಸ್ತಿ
ನ ಯನ್ ಮಿತ್ರೈಃ ಸಮಮಮಾನ ಏತಿ |
ಪಕ್ತಾರಂ ಪಕ್ವಃ ಪುನರ್ ಆ ವಿಶಾಸ್ಯ್
ಅನೂನಂ ಪಾತ್ರಂ ನಿಹಿತಂ ನೋ ಅಸ್ತು || ೧೭,೫೪।೭

ಅಹಂ ಪಚಾಮ್ಯ್ ಅಹಂ ಇದ್ ವದಾಮಿ
ಮಮೇದ್ ಉ ಕರ್ಮನ್ ಕರುಣೇ ಽಪಿ ಜಾಯಾಃ |
ಕೌಮಾರೋ ಲೋಕೋ ಅಜನಿಷ್ಟ ಪುತ್ರೋ
ಽನ್ವ್ ಆರಭೇಥಾಂ ವಯ ಉತ್ತರಾವತ್ || ೧೭,೫೪।೮

ಪ್ರಿಯಂ ಪ್ರಿಯಾಣಾಂ ಕೃಣವಾಮ ಯಾತನ್
ತಮಸ್ ತೇ ಹಂತು ಯತಮೇ ದ್ವಿಷಂತಿ |
ಧೇನುರ್ ಅನಡ್ವಾನ್ ವಯೋ ಯದ್ ಅನ್ಯತ್
ಪೌರುಷೇಯಂ ಅಪ ಮೃತ್ಯುಂ ನುದಂತು || ೧೭,೫೪।೯

ಸಂ ಅಗ್ನಯೋ ವಿದುರ್ ಅನ್ಯೋ ಅನ್ಯಂ
ಯ ಓಷಧೀಃ ಸಚತೇ ಯಶ್ ಚ ಸಿಂಧೂನ್ |
ಯಾವಂತೋ ದೇವಾ ದಿವ್ಯ್ ಆತಪಂತಿ
ಹಿರಣ್ಯಂ ಜ್ಯೋತಿರ್ ದಧತೋ ಬಭೂವ || ೧೭,೫೪।೧೦
(೫೪)

ಏಷಾ ತ್ವಚಾಂ ಪುರುಷೇ ಸಂ ಬಭೂವ-
-ಅನಗ್ನಾಃ ಸರ್ವೇ ಪಶವೋ ಯೇ ಅನ್ಯೇ |
ಕ್ಷತ್ರೇನಾತ್ಮಾನಂ ಪರಿ ಧಾಪಯೇತಾಂ
ಅಮೋತಂ ವಾಸೋ ಮುಖಂ ಓದನಸ್ಯ || ೧೭,೫೫।೧

ಯದ್ ಅಕ್ಷೇಷು ವದಸಿ ಯತ್ ಸಮಿತ್ಯಾಂ
ಯದ್ ವಾ ಧನೇ ಅನೃತಂ ವಿತ್ತಕಾಮ್ಯಾ |
ಸಮಾನಂ ತಂತುಂ ಸಹ ಸಂವಸಾನೌ
ತಸ್ಮಿನ್ ಸರ್ವಂ ಶಮಲಂ ಸಾದಯಾಥಃ || ೧೭,೫೫।೨

ವರ್ಷಂ ವನುಷ್ವಾಪಿ ಗಚ್ಛ ದೇವಾಂಸ್
ತ್ವಚೋ ಧೂಮಂ ಪರ್ಯ್ ಉತ್ ಪಾತಯಾಸಿ |
ವಿಶ್ವವ್ಯಚಾ ವಿಶ್ವಕರ್ಮಾ ಸ್ವರ್ಗಃ
ಸಯೋನಿರ್ ಲೋಕಂ ಉಪ ಯಾಹ್ಯ್ ಏತಂ || ೧೭,೫೫।೩

ತನ್ವಃ ಸ್ವರ್ಗೋ ಬಹುಧಾ ವಿ ಚಕ್ರೇ
ಯಥಾ ವಿದ ಆತ್ಮನ್ಯ್ ಅನ್ಯವರ್ಣಾಃ |
ಅಪಾಜೈತ್ ಕೃಷ್ಣಾಂ ರುಶತೀಂ ಪುನಾನೋ
ಯಾ ಲೋಹಿನೀ ತಾಂ ತೇ ಅಗ್ನೌ ಜುಹೋಮಿ || ೧೭,೫೫।೪

ಪ್ರಾಚ್ಯೈ ದಿಶೇ ಅಗ್ನಯೇ ಽಧಿಪತಯೇ ಽಸಿತಾಯ ರಕ್ಷಿತ್ರ
ಆದಿತ್ಯಾಯೇಷುಮತ ಏತಂ ಪರಿ ದಧ್ಮಃ |
ತಂ ನೋ ಗೋಪಾಯಂತ್ವ್ ಆಸ್ಮಾಕಂ ಐತೋರ್
ದಿಷ್ಟಂ ನೋ ಅತ್ರ ಜರಸೇ ನಿ ನೇಷತ್ |
ಜರಾ ಮೃತ್ಯವೇ ಪರಿ ಣೋ ದಧಾತ್ವ್
ಅಧಾ ಪಕ್ವೇನ ಸಹ ಸಂ ಭವೇಮ || ೧೭,೫೫।೫

ದಕ್ಷಿಣಾಯೈ ದಿಶ ಇಂದ್ರಾಯಾಧಿಪತಯೇ ತಿರಶ್ಚಿರಾಜೇ ರಕ್ಷಿತ್ರೇ
ವಸುಭ್ಯ ಇಷುಮದ್ಭ್ಯ ಏತಂ (…) || ೧೭,೫೫।೬

ಪ್ರತೀಚ್ಯೈ ದಿಶೇ ವರುಣಾಯಾಧಿಪತಯೇ ಪೃದಾಕವೇ ರಕ್ಷಿತ್ರೇ
ಮಿತ್ರಾಯೇಷುಮತ ಏತಂ (…) || ೧೭,೫೫।೭

ಉದೀಚ್ಯೈ ದಿಶೇ ಸೋಮಾಯಾಧಿಪತಯೇ ಸ್ವಜಾಯ ರಕ್ಷಿತ್ರೇ
ವಾತಾಯೇಷುಮತ ಏತಂ (…) || ೧೭,೫೫।೮

ಧ್ರುವಾಯೈ ದಿಶೇ ವಿಷ್ಣವೇ ಽಧಿಪತಯೇ ಕಲ್ಮಾಷಗ್ರೀವಾಯ ರಕ್ಷಿತ್ರೇ
ವೀರುದ್ಭ್ಯ ಇಷುಮತೀಭ್ಯ ಏತಂ (…) || ೧೭,೫೫।೯

ಊರ್ಧ್ವಾಯೈ ದಿಶೇ ಬೃಹಸ್ಪತಯೇ ಽಧಿಪತಯೇ ಶ್ವಿತ್ರಾಯ ರಕ್ಷಿತ್ರೇ
ಅಶನೀಭ್ಯ ಇಷುಮತೀಭ್ಯ ಏತಂ ಪರಿ ದಧ್ಮಃ |
ತಂ ನೋ ಗೋಪಾಯಂತ್ವ್ ಆಸ್ಮಾಕಂ ಐತೋರ್
ದಿಷ್ಟಂ ನೋ ಅತ್ರ ಜರಸೇ ನಿ ನೇಷತ್ |
ಜರಾ ಮೃತ್ಯವೇ ಪರಿ ಣೋ ದಧಾತ್ವ್
ಅಥಾ ಪಕ್ವೇನ ಸಹ ಸಂ ಭವೇಮ || ೧೭,೫೫।೧೦
(೫೫)
(೧೭)


ಕಾಂಡ ೧೮

ಸತ್ಯೇನೋತ್ತಭಿತಾ ಭೂಮಿಃ
ಸೂರ್ಯೇಣೋತ್ತಭಿತಾ ದ್ಯೌಃ |
ಋತೇನಾದಿತ್ಯಾಸ್ ತಿಷ್ಠಂತಿ
ದಿವಿ ಸೋಮೋ ಅಧಿ ಶ್ರಿತಃ || ೧೮,೧।೧

ಸೋಮೇನಾದಿತ್ಯಾ ಬಲಿನಃ
ಸೋಮೇನ ಪೃಥಿವೀ ಮಹೀ |
ಅತೋ ನಕ್ಷತ್ರಣಾಂ ಏಷಾಂ
ಉಪಸ್ಥೇ ಸೋಮ ಆಹಿತಃ || ೧೮,೧।೨

ಸೋಮಂ ಮನ್ಯತೇ ಪಪಿವಾನ್
ಯತ್ ಸಂಪಿಂಷಂತ್ಯ್ ಓಷಧಿಂ |
ಸೋಮಂ ಯಂ ಬ್ರಃಮಾನೋ ವಿದುರ್
ನ ತಸ್ಯಾಶ್ನಾತಿ ಪಾರ್ಥಿವಃ || ೧೮,೧।೩

ಆಚ್ಛದ್ವಿಧಾನೈರ್ ಗುಪಿತೋ
ಬಾರ್ಹತೈಃ ಸೋಮ ರಕ್ಷಿತಃ |
ಗ್ರಾವ್ಣಾಂ ಇಚ್ ಛೃಣ್ವನ್ ತಿಷ್ಠಸಿ
ನ ತೇ ಅಶ್ನಾತಿ ಪಾರ್ಥಿವಃ || ೧೮,೧।೪

ಚಿತ್ತಿರ್ ವಾವೋಪಬರ್ಹಣಂ
ಚಕ್ಷುರ್ ಆವದ್ ಅಭ್ಯಂಜನಂ |
ದ್ಯೌರ್ ಭೂಮಿಃ ಕೋಶ ಆಸೀದ್
ಯದ್ ಅಯಾತ್ ಸೂರ್ಯಾ ಪತಿಂ || ೧೮,೧।೫

ರೈಭ್ಯ್ ಆಸೀದ್ ಅನುದೇಯೀ
ನಾರಾಶಂಸೀ ನ್ಯೋಚನಂ |
ಸೂರ್ಯಾಯಾ ಭದ್ರಂ ಇದ್ ವಾಸೋ
ಗಾಥಯೈತಿ ಪರಿಷ್ಕೃತಾ || ೧೮,೧।೬

ಸ್ತೋಮಾ ಆಸನ್ ಪ್ರತಿಧಯಃ
ಕುರೀರಂ ಛಂದ ಓಪಶಃ |
ಸೂರ್ಯಾಯಾ ಅಶ್ವಿನಾ ವರಾ-
-ಅಗ್ನಿರ್ ಆಸೀತ್ ಪುರೋಗವಃ || ೧೮,೧।೭

ಸೋಮೋ ವಧೂಯುರ್ ಅಭವದ್
ಅಶ್ವಿನಾಸ್ತಾಂ ಉಭಾ ವರಾ |
ಸೂರ್ಯಾಂ ಯತ್ ಪತ್ಯೇ ಶಂಸಂತೀಂ
ಮನಸಾ ಸವಿತಾದದಾತ್ || ೧೮,೧।೮

ಮನೋ ಅಸ್ಯಾ ಅನ ಆಸೀದ್
ದ್ಯೌರ್ ಆಸೀದ್ ಉತ ಛದಿಃ |
ಶುಕ್ರಾವ್ ಅನಡ್ವಾಹಾವ್ ಆಸ್ತಾಂ
ಯದ್ ಅಯಾತ್ ಸೂರ್ಯಾ ಪತಿಂ || ೧೮,೧।೯

ಋಕ್ಸಾಮಾಭ್ಯಾಂ ಅಭಿಹಿತೌ
ಗಾವೌ ತೇ ಸಾಮನಾವ್ ಐತಾಂ |
ಶ್ರೋತ್ರೇ ತೇ ಚಕ್ರೇ ಆಸ್ತಾಂ
ದಿವಿ ಪಂಥಾಶ್ ಚರಾಚರಃ || ೧೮,೧।೧೦
(೧)

ಶುಚೀ ತೇ ಚಕ್ರೇ ಯಾತ್ಯಾ
ವ್ಯಾನೋ ಅಕ್ಷ ಆಹತಃ |
ಅನೋ ಮನಸ್ಮಯಂ ಸೂರ್ಯಾ-
-ಆರೋಹತ್ ಪ್ರಯತೀ ಪತಿಂ || ೧೮,೨।೧

ಸೂರ್ಯಾಯಾ ವಹತುಃ ಪ್ರಾಗಾತ್
ಸವಿತಾ ಯಂ ಅವಾಸೃಜತ್ |
ಅಘಾಸು ಹನ್ಯಂತೇ ಗಾವಃ
ಫಲ್ಗುನೀಷು ವ್ಯ್ ಉಹ್ಯತೇ || ೧೮,೨।೨

ಯದ್ ಅಶ್ವಿನಾ ಪೃಚ್ಛಮಾನಾವ್ ಅಯಾತಂ
ತ್ರಿಚಕ್ರೇಣ ವಹತುಂ ಸೂರ್ಯಾಯಾಃ |
ಕ್ವೈಕಂ ಚಕ್ರಂ ವಾಂ ಆಸೀತ್
ಕ್ವ ದೇಷ್ಟ್ರಾಯ ತಸ್ಥಥುಃ || ೧೮,೨।೩

ಯದ್ ಅಯಾತಂ ಶುಭಸ್ಪತೀ
ವರೇಯಂ ಸೂರ್ಯಾಂ ಉಪ |
ವಿಶ್ವೇ ದೇವಾ ಅನು ತದ್ ವಾಂ ಅಜಾನನ್
ಪುತ್ರಃ ಪಿತರಾವ್ ಅವೃನೀತ ಪೂಷಾ || ೧೮,೨।೪

ದ್ವೇ ತೇ ಚಕ್ರೇ ಸೂರ್ಯೇ
ಬ್ರಹ್ಮಾಣ ಋತುಥಾ ವಿದುಃ |
ಅಥೈಕಂ ಚಕ್ರಂ ಯದ್ ಗುಹಾ
ತದ್ ಅದ್ಧಾತಯ ಇದ್ ವಿದುಃ || ೧೮,೨।೫

ಪ್ರ ತ್ವಾ ಮುಂಚಾಮಿ ವರುಣಸ್ಯ ಪಾಶಾದ್
ಯೇನ ತ್ವಾಬಧ್ನಾತ್ ಸವಿತಾ ಸುಶೇವಾಃ |
ಋತಸ್ಯ ಯೋನೌ ಸುಕೃತಸ್ಯ ಲೋಕೇ
ಸ್ಯೋನಂ ತೇ ಅಸ್ತು ಸಹಪತ್ನ್ಯೈ ವಧು || ೧೮,೨।೬

ಅರ್ಯಮಣಂ ಯಜಾಮಹೇ
ಸುಬಂಧುಂ ಪತಿವೇದನಂ |
ಉರ್ವಾರುಕಂ ಇವ ಬಂಧನಾದ್
ಇತೋ ಮುಂಚಂತು ಮಾಮುತಃ || ೧೮,೨।೭

ಪ್ರೇತೋ ಮುಂಚಂತು ಮಾಮುತಃ
ಸುಬದ್ಧಾಂ ಅಮುತಸ್ ಕರತ್ |
ಯಥೇಯಂ ಇಂದ್ರ ಮೀಢ್ವಃ
ಸುಪುತ್ರಾ ಸುಭಗಾಸತಿ || ೧೮,೨।೮

ಭಗಸ್ ತ್ವೇತೋ ನಯತು ಹಸ್ತಗೃಹ್ಯ-
-ಅಶ್ವಿನಾ ತ್ವಾ ಪ್ರ ವಹತಾಂ ರಥೇನ |
ಗೃಹಾನ್ ಗಚ್ಛ ಗೃಹಪತ್ನೀ ಯಥಾಸೋ
ವಶಿನೀ ತ್ವಂ ವಿದಥಂ ಆ ವದಾಸಿ || ೧೮,೨।೯

ಇಹ ಪ್ರಿಯಂ ಪ್ರಜಾಯೈ ತೇ ಸಂ ಋಧ್ಯತಾಂ
ಅಸ್ಮಿನ್ ಗೃಹೇ ಗಾರ್ಹಪತ್ಯಾಯ ಜಾಗೃಹಿ |
ಏನಾ ಪತ್ಯಾ ತನ್ವಂ ಸಂ ಸ್ಪೃಶಸ್ವ-
-ಅಥ ಜಿರ್ವಿರ್ ವಿದಥಂ ಆ ವದಾಸಿ || ೧೮,೨।೧೦
(೨)

ಇಹೈವ ಸ್ತಂ ಮಾ ವಿ ಯೌಷ್ಟಂ
ದೀರ್ಘಂ ಆಯುರ್ ವ್ಯ್ ಅಶ್ನುತಂ |
ಕ್ರೀಡಂತೌ ಪುತ್ರೈರ್ ನಪ್ತೃಭಿರ್
ಮೋದಮಾನೌ ಸ್ವೇ ಗೃಹೇ || ೧೮,೩।೧

ಪೂರ್ವಾಪರಂ ಚರತೋ ಮಾಯಯೈತೌ
ಶಿಶೂ ಕ್ರೀಡಂತೌ ಪರಿ ಯಾತೋ ಅಧ್ವರಂ |
ವಿಶ್ವಾನ್ಯ್ ಅನ್ಯೋ ಭುವನಾ ವಿಚಷ್ಟ
ಋತೂಂರ್ ಅನ್ಯೋ ವಿದಧಜ್ ಜಾಯತೇ ನವಃ || ೧೮,೩।೨

ನವೋನವೋ ಭವತಿ ಜಾಯಮಾನೋ
ಽಹ್ನಾಂ ಕೇತುರ್ ಉಷಸಾಂ ಏತ್ಯ್ ಅಗ್ರಂ |
ಭಾಗಂ ದೇವೇಭ್ಯೋ ವಿ ದಧಾತ್ಯ್ ಆಯನ್
ಪ್ರ ಚಂದ್ರಮಾಸ್ ತಿರತೇ ದೀರ್ಘಂ ಆಯುಃ || ೧೮,೩।೩

ಪರಾ ದೇಹಿ ಶಾಮೂಲ್ಯಂ
ಬ್ರಹ್ಮಭ್ಯೋ ವಿ ಭಜಾ ವಸು |
ಕೃತ್ಯೈಷಾ ಪದ್ವತೀ ಭೂತ್ವಾ-
-ಆ ಜಾಯಾ ವಿಶತೇ ಪತಿಂ || ೧೮,೩।೪

ನೀಲಲೋಹಿತಂ ಭವತಿ
ಕೃತ್ಯಾಸಕ್ತಿರ್ ವ್ಯ್ ಅಜ್ಯತೇ |
ಏಧಂತೇ ಅಸ್ಯಾ ಜ್ಞಾತಯಃ
ಪತಿರ್ ಬಂಧೇಷು ಬಧ್ಯತೇ || ೧೮,೩।೫

ಅಶ್ಲೀಲಾ ತನೂರ್ ಭವತಿ
ರುಶತೀ ಪಾಪಯಾಮುಯಾ |
ಪತಿರ್ ಯದ್ ವಧ್ವೋ ವಾಸಸಃ
ಸ್ವಂ ಅಂಗಂ ಅಭ್ಯೂರ್ಣುತೇ || ೧೮,೩।೬

ಆಶಸನಂ ವಿಶಸನಂ
ಅಥೋ ಅಧಿವಿಕರ್ತನಂ |
ಸೂರ್ಯಾಯಾಃ ಪಶ್ಯ ರೂಪಾಣಿ
ತಾನಿ ಬ್ರಹ್ಮಾ ತು ಶುಂಧತಿ || ೧೮,೩।೭

ತೃಷ್ಟಂ ಏತತ್ ಕಟುಕಂ
ಅಪಾಷ್ಠವದ್ ವಿಷವನ್ ನೈತದ್ ಅತ್ತವೇ |
ಸೂರ್ಯಾಂ ಯೋ ಬ್ರಹ್ಮಾ ವೇದ
ಸ ಇದ್ ವಾಧೂಯಂ ಅರ್ಹತಿ || ೧೮,೩।೮

ಸ ವೈ ತತ್ ಸ್ಯೋನಂ ಹರತಿ
ಬ್ರಹ್ಮಾ ವಾಸಃ ಸುಮಂಗಲಂ |
ಪ್ರಾಯಶ್ಚಿತ್ತಿಂ ಯೋ ಅಧ್ಯೇತಿ
ಯೇನ ಜಾಯಾ ನ ರಿಷ್ಯತಿ || ೧೮,೩।೯

ಯುವಂ ಭಗಂ ಸಂ ಭರಥಃ ಸಮೃದ್ಧಂ
ಋತಂ ವದಂತಾಂ ಋತೋದ್ಯೇನ |
ಬ್ರಹ್ಮಣಸ್ಪತೇ ಪತಿಂ ಅಸ್ಯೈ ರೋಚಯಾಮುಂ
ಚಾರು ಸಂಭಲೋ ವದತು ವಾಚಂ ಏತಾಂ || ೧೮,೩।೧೦
(೩)

ಇಹೇದ್ ಅಸಾಥ ನ ಪರೋ ಗಮಾಥ-
-ಇಮಂ ಗಾವಃ ಪ್ರಜಯಾ ವರ್ಧಯಾಥ |
ಶುಭಂ ಯತೀರ್ ಉಸ್ರಿಯಾಃ ಸೋಮವರ್ಚಸೋ
ವಿಶ್ವೇ ದೇವಾಃ ಕ್ರನ್ನ್ ಇಹ ವೋ ಮನಾಂಸಿ || ೧೮,೪।೧

ಇಮಂ ಗಾವಃ ಪ್ರಜಯಾ ಸಂ ವಿಶಧ್ವಂ
ಅಯಂ ದೇವಾನಾಂ ನ ಮಿನಾತಿ ಭಾಗಂ |
ಅಸ್ಮೈ ವಃ ಪೂಷಾ ಮರುತಶ್ ಚ ಸರ್ವೇ
ಅಸ್ಮೈ ವೋ ಧಾತಾ ಸವಿತಾ ಸುವಾತಿ || ೧೮,೪।೨

ಅನೃಕ್ಷರಾ ಋಜವಃ ಸಂತು ಪಂಥಾನೋ
ಯೇಭಿಃ ಸಖಾಯೋ ಯಂತಿ ನೋ ವರೇಯಂ |
ಸಂ ಭಗೇನ ಸಂ ಅರ್ಯಮ್ಣಾ
ಸಂ ಧಾತಾ ಸೃಜತು ವರ್ಚಸಾ ನಃ || ೧೮,೪।೩

ಯೇನ ಮಹಾನಗ್ನ್ಯಾ ಜಘನಂ
ಅಶ್ವಿನಾ ಯೇನ ವಾ ಸೂರಾ |
ಯೇನಾಕ್ಷಾ ಅಭ್ಯಷಿಚ್ಯಂತ
ತೇನೇಮಾಂ ವರ್ಚಸಾವತಂ || ೧೮,೪।೪

ಯದ್ ವರ್ಚೋ ಅಕ್ಷೇಷು
ಸೂರಾಯಾಂ ಚ ಯದ್ ಆಹಿತಂ |
ಯದ್ ಗೋಷ್ವ್ ಅಶ್ವಿನಾ ವರ್ಚಸ್
ತೇನೇಮಾಂ ವರ್ಚಸಾವತಂ || ೧೮,೪।೫

ಯೋ ಅನಿಧ್ಮೋ ದೀದಾಯಾಪ್ಸ್ವ್ ಅಂತರ್
ಯಂ ವಿಪ್ರಾಸ ಈಡತೇ ಅಧ್ವರೇಷು |
ಅಪಾನ್ ನಪಾನ್ ಮಧುಮತೀರ್ ಅಪೋ ದಾ
ಯಾಭಿರ್ ಇಂದ್ರೋ ವಾವೃಧೇ ವೀರ್ಯಾವಾನ್ || ೧೮,೪।೬

ಇದಂ ಅಹಂ ರುಶಂತಂ ಗ್ರಾಭಂ
ತಾನೂದೂಷಿಂ ಅಪ ನುದಾಮಿ |
ಯಃ ಶಿಚೋ ಭದ್ರೋ ರೋಚಾನಸ್
ತಂ ಉದ್ ಅಚಾಮಿ || ೧೮,೪।೭

ಅಸ್ಯೈ ಹರಂತು ಸ್ತಪನಂ ಬ್ರಾಹ್ಮಣಾ
ಅವೀರಘ್ನೀರ್ ಉದ್ ಅಚಂತ್ವ್ ಆಪಃ |
ಅರ್ಯಮ್ಣೋ ಅಗ್ನಿಂ ಪರ್ಯ್ ಏತು ಕ್ಷಿಪ್ರಂ
ಪ್ರತೀಕ್ಷಂತೇ ಶ್ವಶುರೋ ದೇವರಶ್ ಚ || ೧೮,೪।೮

ಶಂ ತೇ ಹಿರಣ್ಯಂ ಶಂ ಉ ಸಂತ್ವ್ ಆಪಃ
ಶಂ ಮೇಥಿರ್ ಭವತು ಶಂ ಯುಗಸ್ಯ ತರ್ದ್ಮ |
ಶಂ ತ ಆಪಃ ಶತಪವಿತ್ರಾ ಭವಂತು
ಶಂ ಪತ್ಯಾ ತನ್ವಂ ಸಂ ಸ್ಪೃಶಸ್ವ || ೧೮,೪।೯

ಯಥಾ ಸಿಂಧುರ್ ನದೀನಾಂ
ಸಾಮ್ರಾಜ್ಯಂ ಸುಷುವೇ ವೃಷಾ |
ಏವಾ ತ್ವಂ ಸಮ್ರಾಜ್ಞ್ಯ್ ಏಧಿ
ಪತ್ಯುರ್ ಅಸ್ತಂ ಪರೇತ್ಯ || ೧೮,೪।೧೦
(೪)

ಸಮ್ರಾಜ್ಞ್ಯ್ ಏಧಿ ಶ್ವಶುರೇಷು
ಸಮ್ರಾಜ್ಞ್ಯ್ ಉತ ಶ್ವಶ್ರುವಾಂ |
ನನಾಂದುಃ ಸಮ್ರಾಜ್ಞ್ಯ್ ಏಧಿ
ಸಮ್ರಾಜ್ಞ್ಯ್ ಉತ ದೇವೃಷು || ೧೮,೫।೧

ಯಾ ಅಕೃಂತನ್ನ್ ಅವಯನ್ ಯಾಶ್ ಚ ತತ್ನಿರೇ
ಯಾ ದೇವೀರ್ ಅಂತಾಁ ಅಭಿತೋ ಽದದಂತ |
ತಾಸ್ ತ್ವಾ ಜರಸೇ ಸಂ ವ್ಯಯಂತ್ವ್
ಆಯುಷ್ಮತೀದಂ ಪರಿ ಧತ್ಸ್ವ ವಾಸಃ || ೧೮,೫।೨

ಜೀವಂ ರುದಂತಿ ವಿ ನಯಂತ್ಯ್ ಅಧ್ವರಂ
ದೀರ್ಘಾಂ ಅನು ಪ್ರಸಿತಿಂ ದೀಧಿಯುರ್ ನರಃ |
ವಾಮಂ ಪಿತೃಭ್ಯೋ ಯ ಇದಂ ಸಮೀರಿರೇ
ಮಯಃ ಪತಿಭ್ಯೋ ಜನಯೇ ಪರಿಷ್ವಜೇ || ೧೮,೫।೩

ಧ್ರುವಂ ಸ್ಯೋನಂ ಪ್ರಜಾಯೈ ತೇ ಧಾರಯಾಮ್ಯ್
ಅಶ್ಮಾನಂ ದೇವ್ಯಾಃ ಪೃಥಿವ್ಯಾ ಉಪಸ್ಥೇ |
ತಂ ಆ ರೋಹಾನುಮಾದ್ಯಾ ಸುವೀರಾ
ದೀರ್ಘಂ ತ ಆಯುಃ ಸವಿತಾ ಕೃಣೋತು || ೧೮,೫।೪

ದೇವಸ್ ತೇ ಸವಿತಾ ಹಸ್ತಂ ಗೃಹ್ಣಾತು
ಸೋಮೋ ರಾಜಾ ಸುಪ್ರಜಸಂ ಕೃಣೋತು |
ಅಗ್ನಿಃ ಸುಭಗಾಂ ಜಾತವೇದಾಃ
ಪತ್ಯಾ ಪತ್ನೀಂ ಜರದಷ್ಟಿಂ ಕೃಣೋತು || ೧೮,೫।೫

ಗೃಹ್ಣಾಮಿ ತೇ ಸೌಭಗತ್ವಾಯ ಹಸ್ತಂ
ಮಯಾ ಪತ್ಯಾ ಜರದಷ್ಟಿರ್ ಯಥಾಸಃ |
ಭಗೋ ಅರ್ಯಮಾ ಸವಿತಾ ಪುರಂಧಿರ್
ಮಹ್ಯಂ ತ್ವಾದುರ್ ಗಾರ್ಹಪತ್ಯಾಯ ದೇವಾಃ || ೧೮,೫।೬

ಯೇನಾಗ್ನಿರ್ ಅಸ್ಯಾ ಭೂಮ್ಯಾ
ಹಸ್ತಂ ಜಗ್ರಾಹ ದಕ್ಷಿಣಂ |
ತೇನ ಗೃಹ್ಣಾಮಿ ತೇ ಹಸ್ತಂ
ಮಾ ವ್ಯಥಿಷ್ಠಾ ಮಯಾ ಸಹ || ೧೮,೫।೭

ಧಾತಾ ತೇ ಹಸ್ತಂ ಅಗ್ರಹೀತ್
ಸವಿತಾ ಹಸ್ತಂ ಅಗ್ರಹೀತ್ |
ಭಗಸ್ ತೇ ಹಸ್ತಂ ಅಗ್ರಹೀದ್
ಅರ್ಯಮಾ ಹಸ್ತಂ ಅಗ್ರಹೀತ್ |
ಪತ್ನೀ ತ್ವಂ ಅಸಿ ಧರ್ಮಣಾ-
-ಅಹಂ ಗೃಹಪತಿಸ್ ತವ || ೧೮,೫।೮

ಮಮೇಯಂ ಅಸ್ತು ಪೋಷ್ಯಾ
ಮಹ್ಯಂ ತ್ವಾದಾದ್ ಬೃಹಸ್ಪತಿಃ |
ಮಯಾ ಪತ್ಯಾ ಪ್ರಜಾವತೀ
ಸಂ ಜೀವ ಶರದಃ ಶತಂ || ೧೮,೫।೯

ತ್ವಷ್ಟಾ ವಾಸೋ ವ್ಯ್ ಅದಧಾಚ್ ಛುಭೇ ಕಂ
ಬೃಹಸ್ಪತೇಃ ಪ್ರಶಿಷಾ ಕವೀನಾಂ |
ತೇನೇಮಾಂ ನಾರೀಂ ಸವಿತಾ ಭಗಶ್ ಚ
ಸೂರ್ಯಾಂ ಇವ ಪರಿ ಧತ್ತಾಂ ಪ್ರಜಾಯೈ || ೧೮,೫।೧೦
(೫)

ಗೃಹಾಸ್ ತ್ವಾ ಪ್ರೋರ್ಣುವಂತು ವರ್ಚಸಾ ಭಗೇನ
ಜ್ಯೋತಿಷ್ಮದ್ ಇದಂ ಪ್ರತಿ ಮುಂಚಸ್ವ ವಪುಃ |
ಉಷಾ ಇವ ಸೂರ್ಯಸ್ಯ ಸಂದೃಶಿ || ೧೮,೬।೧

ಇಂದ್ರಾಗ್ನೀ ದ್ಯಾವಾಪೃಥಿವೀ ಹ ಪೂಷಾ
ಮಿತ್ರಾವರುಣಾ ಭಗೋ ಅಶ್ವಿನೋಭಾ |
ಬೃಹಸ್ಪತಿರ್ ಮರುತೋ ಬ್ರಹ್ಮ ಸೋಮ
ಇಮಾಂ ನಾರೀಂ ಪ್ರಜಯಾ ವರ್ಧಯಂತು || ೧೮,೬।೨

ಬೃಹಸ್ಪತಿಃ ಪ್ರಥಮಃ ಸೂರ್ಯಾಯಾಃ
ಶೀರ್ಷೇ ಕೇಷಾಁ ಅಕಲ್ಪಯತ್ |
ತೇನೇಮಾಂ ಅಶ್ವಿನಾ ನಾರೀಂ
ಪತ್ಯಾ ಸಂ ಶೋಭಯಾಮಸಿ || ೧೮,೬।೩

ಇದಂ ತದ್ ರೂಪಂ ಯದ್ ಅವಸ್ತ ಯೋಷಾ
ಜಾಯಾಂ ಜಿಜ್ಞಾಸೇ ಮನಸಾ ಚರಂತೀಂ |
ತಾಂ ಅನ್ವ್ ಅರ್ತಿಷ್ಯೇ ಸಖಿಭಿರ್ ನವಗ್ವೈಃ
ಕ ಇಮಂ ವಿದ್ವಾನ್ ವಿ ಚಚರ್ತ ಪಾಶಂ || ೧೮,೬।೪

ಅಹಂ ವಿ ಷ್ಯಾಮಿ ಮಯಿ ರೂಪಂ ಅಸ್ಯಾ
ವೇದದ್ ಇತ್ ಪಶ್ಯನ್ ಮನಸಃ ಕುಲಾಯಂ |
ನ ಸ್ತೇಯಂ ಅದ್ಮಿ ಮನಸೋದ್ ಅಮುಚ್ಯೇ
ಸ್ವಯಂ ಶ್ರಥ್ನಾನೋ ವರುಣಸ್ಯ ಪಾಶಂ || ೧೮,೬।೫

ಇಮಂ ವಿ ಷ್ಯಾಮಿ ವರುಣಸ್ಯ ಪಾಶಂ
ಯೇನ ತ್ವಾಬಧ್ನಾತ್ ಸವಿತಾ ಸುಶೇವಃ |
ಉರುಂ ಲೋಕಂ ಸುಗಂ ಅತ್ರ ಪಂಥಾಂ
ಕೃಣೋಮಿ ತುಭ್ಯಂ ಸಹಪತ್ನ್ಯೈ ವಧು || ೧೮,೬।೬

ಉದ್ ಯಚ್ಛಧ್ವಂ ಅಪ ರಕ್ಷೋ ಹನಾಥ-
-ಇಮಾಂ ನಾರೀಂ ಸುಕೃತೇ ದಧಾತ |
ಧಾತಾ ವಿಪಶ್ಚಿತ್ ಪತಿಂ ಅಸ್ಯೈ ವಿವೇದ
ಭಗೋ ರಾಜಾ ಪುರ ಏತು ಪ್ರಜಾನನ್ || ೧೮,೬।೭

ಭಗಸ್ ತತಕ್ಷ ಚತುರಃ ಪದೋ
ಭಗಸ್ ತತಕ್ಷ ಚತ್ವಾರ್ಯ್ ಉಷ್ಪಲಾನಿ |
ತ್ವಷ್ಟಾ ಪಿಪೇಶ ಮಧ್ಯತೋ ವರ್ಧ್ರಾನ್
ಸಾ ನೋ ಅಸ್ತು ಸುಮಂಗಲೀ || ೧೮,೬।೮

ಏನಾಜ್ಯೇನ ಹವಿಷಾ
ಪ್ರಜಾಯೈ ಚ ವರೇಣ್ಯಂ |
ಪಶುಭ್ಯಶ್ ಚಕ್ಷುಷೇ ಚ ಕಂ
ಸಂ ಅಗ್ನಿಂ ಸಂ ಇಧೀಮಹಿ || ೧೮,೬।೯

ಸುಕಿಂಶುಕಂ ವಹತುಂ ವಿಶ್ವರೂಪಂ
ಹಿರಣ್ಯವರ್ಣಂ ಸುವೃತಂ ಸುಚಕ್ರಂ |
ಆ ರೋಹ ಸೂರ್ಯೇ ಅಮೃತಸ್ಯ ಲೋಕಂ
ಸ್ಯೋನಂ ಪತಿಭ್ಯೋ ವಹತುಂ ಕೃಣು ತ್ವಂ || ೧೮,೬।೧೦

ಮಾ ಹಿಂಸಿಷ್ಟಾಂ ಕುಮಾರ್ಯಂ
ಸ್ಥೂನೇ ದೇವಕೃತೇ ಪಥಿ |
ಶಾಲಾಯಾ ದೇವ್ಯಾ ದ್ವಾರಂ
ಸ್ಯೋನಂ ಕೃಣ್ಮೋ ವಧೂಪಥಂ || ೧೮,೬।೧೧

ಬ್ರಹ್ಮಾಪರಂ ಯುಜ್ಯತಾಂ ಬ್ರಹ್ಮ ಪೂರ್ವಂ
ಬ್ರಹ್ಮಾಂತತೋ ಮಧ್ಯತೋ ಬ್ರಹ್ಮ ಸರ್ವತಃ |
ಅನಾವ್ಯಾಧಾಂ ದೇವಪುರಾಂ ಪ್ರಪದ್ಯ
ಶಿವಾ ಸ್ಯೋನಾ ಪತಿಲೋಕೇ ವಿ ರಾಜ || ೧೮,೬।೧೨
(೬)

ಅನುವಾಕ ೧ ||

ತುಭ್ಯಂ ಅಗ್ರೇ ಪರ್ಯ್ ಅವಹನ್
ಸೂರ್ಯಾಂ ವಹತುನಾ ಸಹ |
ಪುನಃ ಪತಿಭ್ಯೋ ಜಾಯಾಂ ದಾ
ಅಗ್ನೇ ಪ್ರಜಯಾ ಸಹ || ೧೮,೭।೧

ಪುನಃ ಪತ್ನೀಂ ಅಗ್ನಿರ್ ಅದಾದ್
ಆಯುಷಾ ಸಹ ವರ್ಚಸಾ |
ದೀರ್ಘಾಯುರ್ ಅಸ್ಯಾ ಯಃ ಪತಿರ್
ಜೀವಾತಿ ಶರದಃ ಶತಂ || ೧೮,೭।೨

ಸೋಮಸ್ಯ ಜಾಯಾ ಪ್ರಥಮಂ
ಗಂಧರ್ವಸ್ ತೇ ಽಪರಃ ಪತಿಃ |
ತೃತೀಯೋ ಅಗ್ನಿಷ್ ಟೇ ಪತಿಸ್
ತುರೀಯಸ್ ತೇ ಮನುಷ್ಯಜಾಃ || ೧೮,೭।೩

ಸೋಮೋ ದದದ್ ಗಂಧರ್ವಾಯ
ಗಂಧರ್ವೋ ದದದ್ ಅಗ್ನಯೇ |
ರಯಿಂ ಚ ಪುತ್ರಾಂಶ್ ಚಾದಾದ್
ಅಗ್ನಿರ್ ಮಹ್ಯಂ ಅಥೋ ಇಮಾಂ || ೧೮,೭।೪

ಆ ವಾಂ ಅಗನ್ ಸುಮತಿರ್ ವಾಜಿನೀವಸೂ
ನ್ಯ್ ಅಶ್ವಿನಾ ಹೃತ್ಸು ಕಾಮಾ ಅರಂಸತ |
ಅಭೂತಂ ಗೋಪಾ ಮಿಥುನಾ ಶುಭಸ್ಪತೀ
ಪ್ರಿಯಾ ಅರ್ಯಮ್ಣೋ ದುರ್ಯಾಁ ಅಶೀಮಹಿ || ೧೮,೭।೫

ಸಾ ಮಂದಸಾನಾ ಮನಸಾ ಶಿವೇನ
ರಯಿಂ ಧೇಹಿ ಸರ್ವವೀರಂ ವಚಸ್ಯಂ |
ಸುಗಂ ತೀರ್ಥಂ ಸುಪ್ರಪಾಣಂ ಶುಭಸ್ಪತೀ
ಸ್ಥಾಣುಂ ಪಥಿಷ್ಠಾಂ ಅಪ ದುರ್ಮತಿಂ ಹತಂ || ೧೮,೭।೬

ಅಪ ರಕ್ಷಾಂಸ್ಯ್ ಅಪ ದುರ್ಮತಿಂ ಹತಂ
ಶುಭಸ್ಪತೀ ವಹತೋರ್ ಯಾತೋ ಅಸ್ಮಾತ್ |
ಪುರೋಗವೋ ಜಯನ್ ರಕ್ಷಾಂಸ್ಯ್ ಅಗ್ನೇ
ಕ್ಷೇತ್ರವಿತ್ ಪೂರ್ವೋ ವಿ ಮೃಧೋ ನುದಸ್ವ || ೧೮,೭।೭

ಯಾ ಓಷಧಯೋ ಯಾ ನದ್ಯೋ
ಯಾನಿ ಕ್ಷೇತ್ರಾಣಿ ಯಾ ವನಾ |
ತೇ ತ್ವಾ ವಧು ಪ್ರಜಾವತೀಂ
ಪತ್ಯೇ ರಕ್ಷಂತು ರಕ್ಷಸಃ || ೧೮,೭।೮

ಏಮಂ ಪಂಥಾಂ ಅಗನ್ಮ
ಸುಗಂ ಸ್ವಸ್ತಿವಾಹನಂ |
ಯತ್ರ ವೀರೋ ನ ರಿಷ್ಯತ್ಯ್
ಅನ್ಯೇಷಾಂ ವಿಂದತೇ ವಸು || ೧೮,೭।೯

ಇದಂ ಸು ಮೇ ನರಃ ಶೃಣುತ
ಯಯಾಶಿಷಾ ದಂಪತೀ ವಾಮಂ ಅಶ್ನುತಃ |
ಯೇ ಗಂಧರ್ವಾ ಅಪ್ಸರಸಶ್ ಚ ದೇವೀರ್
ಏಷು ವಾನಸ್ಪತ್ಯೇಷ್ವ್ ಅದ್ಯಾಧಿ ತಸ್ಥುಃ |
ಸ್ಯೋನಾಸ್ ತೇ ಅಸ್ಯೈ ವಧ್ವೈ ಭವಂತು
ಮಾ ಹಿಂಸಿಷುರ್ ವಹತುಂ ಉಹ್ಯಮಾನಂ || ೧೮,೭।೧೦
(೭)

ಯೇ ವಧ್ವಶ್ ಚಂದ್ರಂ ವಹತುಂ
ಯಕ್ಷ್ಮಾ ಯಂತಿ ಜನಾಁ ಅನು |
ಪುನಸ್ ತಾನ್ ಯಜ್ಞಿಯಾ ದೇವಾ
ನಯಂತು ಯತ ಆಗತಾಃ || ೧೮,೮।೧

ಮಾ ವಿದನ್ ಪರ್ಯಾಯಿಣೋ
ಯ ಆಸೀದಂತಿ ದಂಪತೀ |
ಸುಗೇನ ದುರ್ಗಂ ಅತೀತಾಂ
ಅಪ ದ್ರಾಂತ್ವ್ ಅರಾತಯಃ || ೧೮,೮।೨

ಸಂ ಕಾಶಯಾಮಿ ವಹತುಂ ಬ್ರಹ್ಮಣಾ ಗೃಹೈರ್
ಅಘೋರೇಣ ಚಕ್ಷುಷಾ ಮಿತ್ರ್ಯೇಣ |
ಪರ್ಯಾಣದ್ಧಂ ವಿಶ್ವರೂಪಂ ಯದ್ ಅಸ್ಮಿನ್
ಸ್ಯೋನಂ ಪತಿಭ್ಯಃ ಸವಿತಾ ಕೃಣೋತು ತತ್ || ೧೮,೮।೩

ಶಿವಾ ನಾರೀಯಂ ಅಸ್ತಂ ಆಗನ್ನ್
ಇಮಂ ಧಾತಾ ಲೋಕಂ ಅಸ್ಯೈ ವಿವೇದ |
ತಾಂ ಅರ್ಯಮಾ ಭಗೋ ಅಶ್ವಿನೋಭಾ
ಪ್ರಜಾಪತಿಃ ಪ್ರಜಯಾ ವರ್ಧಯಂತು || ೧೮,೮।೪

ಆತ್ಮನ್ವತ್ಯ್ ಉರ್ವರಾ ನರೀಯಂ ಆಗನ್
ತಸ್ಯಾಂ ನರೋ ವಪತ ಬೀಜಂ ಅಸ್ಯಾಂ |
ಸಾ ವಃ ಪ್ರಜಾಂ ಜನಯಾದ್ ವಕ್ಷಣಾಭ್ಯೋ
ಬಿಭ್ರತೀ ದುಧ್ರಂ ಋಷಭಸ್ಯ ರೇತಃ || ೧೮,೮।೫

ಪ್ರತಿ ತಿಷ್ಠ ವಿರಾಡ್ ಇವ
ವಿಷ್ಣುರ್ ಇವೇಹ ಸರಸ್ವತಿ |
ದೂರ್ವೇವೇಂದ್ರ ಪ್ರ ಜಾಯತಾಂ
ಭಗಸ್ಯ ಸುಮತಾವ್ ಅಸತ್ || ೧೮,೮।೬

ಉದ್ ವಾಂ ಊರ್ಮಿಃ ಶಮ್ಯೇ ಹಂತ್ವ್
ಆಪೋ ಯೋಕ್ತ್ರಾಣಿ ಮುಂಚಂತು |
ಮಾದುಷ್ಕೃತೌ ವ್ಯೇನಸಾ-
-ಅಘ್ನ್ಯೌ ಶೂನಂ ಆರತಾಂ || ೧೮,೮।೭

ಅಘೋರಚಕ್ಷುರ್ ಅಪತಿಘ್ನೀ ಸ್ಯೋನಾ
ಶಗ್ಮಾ ಸುಶೇವಾ ಸುಯಮಾ ಗೃಹೇಷು |
ಪ್ರಜಾವತೀ ವೀರಸೂರ್ ದೇವೃಕಾಮಾ-
-ಇಮಂ ಅಗ್ನಿಂ ಗಾರ್ಹಪತ್ಯಂ ಸರ್ಪಯ || ೧೮,೮।೮

ಅದೇವೃಘ್ನ್ಯ್ ಅಪತಿಘ್ನೀಹೈಧಿ
ಸ್ಯೋನಾ ಪಶುಭ್ಯಃ ಸುಮನಾಃ ಸುವೀರಾ |
ವೀರಸೂರ್ ದೇವೃಕಾಮಾ ಸ್ಯೋನಾ
ಸಂ ತ್ವೈಧಿಷೀಮಹಿ ಸುಮನಸ್ಯಮಾನಾ || ೧೮,೮।೯

ಉತ್ ತಿಷ್ಠಾತಃ ಕಿಂ ಇಚ್ಛಂತೀದಂ ಆಗಾ
ಅಹಂ ತ್ವೇಡೇ ಅಭಿಭೂಃ ಸ್ವಾದ್ ಗೃಹಾತ್ |
ಶೂನ್ಯೈಶೀ ನಿರೃತೇ ಯಾಜಗಂಥ-
-ಉತ್ತಿಷ್ಠಾರಾತೇ ಪ್ರ ಪತ ಮಾತಿ ರಂಸ್ಥಾಃ || ೧೮,೮।೧೦
(೮)

ಯದಾ ಗಾರ್ಹಪತ್ಯಂ ಅಸಪರ್ಯೈತ್
ಪೂರ್ವಂ ಅಗ್ನಿಂ ವಧೂರ್ ಇಯಂ |
ಅಧಾ ಸರಸ್ವತ್ಯೈ ನಾರಿ
ಪಿತೃಭ್ಯಶ್ ಚ ನಮಸ್ ಕುರು || ೧೮,೯।೧

ಚರ್ಮ ವರ್ಮೈತದ್ ಆ ಹರ-
-ಅಸ್ಯೈ ನಾರ್ಯಾ ಉಪಸ್ತಿರೇ |
ಸಿನೀವಾಲಿ ಪ್ರ ಜಾಯತಾಂ
ಭಗಸ್ಯ ಸುಮತಾವ್ ಅಸತ್ || ೧೮,೯।೨

ಉಪ ಸ್ತೃಣೀಹಿ ಬಲ್ಬಜಂ
ಅಧಿ ಚರ್ಮಣಿ ರೋಹಿತೇ |
ತತ್ರೋಪವಿಶ್ಯ ಸುಪ್ರಜಾ
ಇಮಂ ಅಗ್ನಿಂ ಸಪರ್ಯತು || ೧೮,೯।೩

ಯಂ ಬಲ್ಬಜಂ ನ್ಯಸ್ಯಥ
ಚರ್ಮ ಚೋಪಸ್ತೃಣೀಥನ |
ತದ್ ಆ ರೋಹತು ಸುಪ್ರಜಾ
ಯಾ ಕನ್ಯಾ ವಿಂದತೇ ಪತಿಂ || ೧೮,೯।೪

ಆ ರೋಹ ಚರ್ಮೋಪ ಸೀದಾಗ್ನಿಂ
ಏಷ ದೇವೋ ಹಂತಿ ರಕ್ಷಾಂಸಿ ಸರ್ವಾ |
ಸುಮಂಗಲ್ಯ್ ಉಪ ಸೀದೇಮಂ ಅಗ್ನಿಂ
ಸಂಪತ್ನೀ ಪ್ರತಿ ಭೂಷೇಹ ದೇವಾನ್ || ೧೮,೯।೫

ಪ್ರ ಜಾಯಂತಾಂ ಮಾತುರ್ ಅಸ್ಯಾ ಉಪಸ್ಥಾನ್
ನಾನಾರೂಪಾಃ ಪಶವೋ ಜಾಯಮಾನಾಃ |
ಇಹ ಪ್ರಜಾಂ ಜನಯ ಪತ್ಯೇ ಅಸ್ಮೈ
ಸುಜ್ಯೈಷ್ಠ್ಯೋ ಭವತು ತೇ ಪುತ್ರ ಏಷಃ || ೧೮,೯।೬

ಸುಮಂಗಲೀ ಪ್ರತರಣೀ ಗೃಹಾಣಾಂ
ಸುಶೇವ ಪತ್ಯೇ ಶ್ವಶುರಾಯ ಶಂಭೂಃ |
ಸ್ಯೋನಾ ಶ್ವಶ್ರುವೈ ಪ್ರ ಗೃಹಾನ್ ವಿಶೇಮಾನ್
ಪ್ರಜಾವತೀ ಜರದಷ್ಟಿರ್ ಯಥಾಸಃ || ೧೮,೯।೭

ಸುಮಂಗಲೀರ್ ಇಯಂ ವಧೂರ್
ಇಮಾಂ ಸಮೇತ ಪಶ್ಯತ |
ಸೌಭಾಗ್ಯಂ ಅಸ್ಯೈ ದತ್ತ್ವಾ
ದೌರ್ಭಾಗ್ಯೇನ ಪರೇತನ || ೧೮,೯।೮

ಯಾ ದುರ್ಹಾರ್ದೋ ಯುವತಯೋ
ಯಾಶ್ ಚೇಹ ಜರತೀರ್ ಅಪಿ |
ವರ್ಚೋ ಹ್ಯ್ ಅಸ್ಯೈ ಸಂ ದತ್ತಾ-
-ಅಥಾಸ್ತಂ ವಿ ಪರೇತನ || ೧೮,೯।೯

ರುಕ್ಮಪ್ರಸ್ತರಣಂ ವಹ್ಯಂ
ವಿಶ್ವಾ ರೂಪಾಣಿ ಬಿಭ್ರತಂ |
ಆರೋಹತ್ ಸೂರ್ಯಾ ಸಾವಿತ್ರೀ
ಬೃಹತೇ ಸೌಭಗಾಯ ಕಂ || ೧೮,೯।೧೦
(೯)

ಆ ರೋಹ ತಲ್ಪಂ ಸುಮನಸ್ಯಮಾನಾ-
-ಇಹ ಪ್ರಜಾಂ ಜನಯ ಪತ್ಯೇ ಅಸ್ಮೈ |
ಇಂದ್ರಾಣೀವ ಸುಬುಧಾ ಬುಧ್ಯಮಾನಾ
ಜ್ಯೋತಿರುಗ್ರಾ ಉಷಸಃ ಪ್ರತಿ ಜಾಗರಃ || ೧೮,೧೦।೧

ದೇವಾ ಅಗ್ರೇ ನ್ಯ್ ಅಪದ್ಯಂತ ಪತ್ನೀಂ
ಸಂ ಅಸ್ಪೃಶಂತ ತನ್ವಸ್ ತನೂಭಿಃ |
ಸೂರ್ಯೇವ ನಾರಿ ವಿಶ್ವರೂಪಾ ಮಹಿತ್ವಾ
ಪ್ರಜಾವತೀ ಪತ್ಯೇ ಶಂ ಭವಾಸಿ || ೧೮,೧೦।೨

ಉದ್ ಈರ್ಷ್ವಾತಃ ಪತಿವತ್ನೀ ಹ್ಯ್ ಏಷಾ
ವಿಶ್ವಾವಸುಂ ನಮಸಾ ಗೀರ್ಭಿರ್ ಈಡೇ |
ಜಾಮಿಂ ಇಚ್ಛ ಪಿತೃಷದಂ ನ್ಯಕ್ತಾಂ
ಸ ತೇ ಭಾಗೋ ಜನುಷಾ ತಸ್ಯ ವಿದ್ಧಿ || ೧೮,೧೦।೩

ಯಾ ಅಪ್ಸರಸಃ ಸಧಮಾದಂ ಮದಂತ್ಯ್
ಅಂತರಾ ಹವಿರ್ಧಾನಂ ಸೂರ್ಯಂ ಚ |
ತಾಸ್ ತೇ ಜನಿತ್ರಂ ಅಭಿ ತಾಃ ಪರೇಹಿ
ನಮಸ್ ತೇ ಗಂಧರ್ವ ರ್ತುನಾ ಕೃಣೋಮಿ || ೧೮,೧೦।೪

ನಮೋ ಘಂಧರ್ವಸ್ಯ ಮನಸೇ
ನಮೋ ಭಾಮಾಯ ಚಕ್ಷುಷೇ ಚ ಕೃಣ್ಮಃ |
ವಿಶ್ವಾವಸೋ ನಮೋ ಬ್ರಹ್ಮಣಾ ತೇ ಕೃಣೋಮ್ಯ್
ಅಭಿ ಜಾಯಾ ಅಪ್ಸರಸಃ ಪರೇಹಿ || ೧೮,೧೦।೫

ರಾಯಾ ವಯಂ ಸುಮನಸಃ ಸ್ಯಾಮ-
-ಉದ್ ಇತೋ ಗಂಧರ್ವಂ ಆವೀವೃತಾಮ |
ಅಗನ್ ಸ ದೇವಃ ಪರಮಂ ಸಧಸ್ಥಂ
ಅಗನ್ಮ ವಯಂ ಪ್ರತಿರಂತ ಆಯುಃ || ೧೮,೧೦।೬

ಸಂ ಪಿತರಾವ್ ಋತ್ವಿಯೇ ಸೃಜೇಥಾಂ
ಪಿತಾ ಮಾತಾ ಚ ರೇತಸೋ ಭವಾಥಃ |
ಮರ್ಯೋ ಯೋಷಾಂ ಅಧಿ ರೋಹಯೈತಾಂ
ಪ್ರಜಾಂ ಕೃಣ್ವಾಥಾಂ ಇಹ ಮೋದಮಾನೌ || ೧೮,೧೦।೭

ಆ ವಾಂ ಪ್ರಜಾಂ ಜನಯತು ಪ್ರಜಾಪತಿರ್
ಅಹೋರಾತ್ರಾಭ್ಯಾಂ ಸಂ ಅನಕ್ತ್ವ್ ಅರ್ಯಮಾ |
ಅದುರ್ಮಂಗಲೀ ಪತಿಲೋಕಂ ಆ ವಿಶೇಮಂ
ಶಂ ನೋ ಭವ ದ್ವಿಪದೇ ಶಂ ಚತುಷ್ಪದೇ || ೧೮,೧೦।೮

ತಾಂ ಪೂಷಞ್ ಛಿವತಮಾಂ ಏರಯಸ್ವ
ಯಸ್ಯಾಂ ಬೀಜಂ ಮನುಷ್ಯಾ ವಪಂತಿ |
ಯಾ ನ ಊರೂ ಉಶತೀ ವಿಶ್ರಯಾತಿ
ಯಸ್ಯಾಂ ಉಶಂತಃ ಪ್ರಹರೇಮ ಶೇಪಃ || ೧೮,೧೦।೯

ಆ ರೋಹೋರುಂ ಉಪ ಧತ್ಸ್ವ ಹಸ್ತಂ
ಪರಿ ಷ್ವಜಸ್ವ ಜಾಯಾಂ ಸುಮನಸ್ಯಮಾನಃ |
ಪ್ರಜಾಂ ಕೃಣ್ವಾಥಾಂ ಇಹ ಪುಷ್ಯತಂ ರಯಿಂ
ದೀರ್ಘಂ ವಾಂ ಆಯುಃ ಸವಿತಾ ಕೃಣೋತು || ೧೮,೧೦।೧೦
(೧೦)

ಯಂ ನೋ ದದುರ್ ಬ್ರಹ್ಮಭಾಗಂ ವಧೂಯೋರ್
ವಾಸೋ ವಧ್ವಶ್ ಚ ವಸ್ತ್ರಂ |
ಯುವಂ ಬ್ರಹ್ಮಣೇ ಽನುಮನ್ಯಮಾನೌ
ಬೃಹಸ್ಪತೇ ಸಾಕಂ ಇಂದ್ರಶ್ ಚ ದತ್ತಂ || ೧೮,೧೧।೧

ದೇವೈರ್ ದತ್ತಂ ವನುನಾ ಸಾಕಂ ಏತದ್
ವಾಧೂಯಂ ವಧ್ವೋ ವಾಸೋ ಅಸ್ಯಾಃ |
ಯೋ ಬ್ರಹ್ಮಣೇ ಚಿಕಿತುಷೇ ದದಾತಿ
ಸ ಇದ್ ರಕ್ಷಾಂಸಿ ತಲ್ಪ್ಯಾನಿ ಹಂತಿ || ೧೮,೧೧।೨

ಸ್ಯೋನಾದ್ ಯೋನೇರ್ ಅಧಿ ಬುಧ್ಯಮಾನೌ
ಹಸಾಮುದೌ ಮಹಸಾ ಮೋದಮಾನೌ |
ಸುಗೂ ಸುಪುತ್ರೌ ಸುಗೃಹೌ ತರಾಥೋ
ಜೀವಾ ಉಷಸೋ ವಿಭಾತೀಃ || ೧೮,೧೧।೩

ನವಂ ವಸಾನಃ ಸುರಭಿಃ ಸುವಾಸಾ
ಉದಾಗಾಂ ಜೀವ ಉಷಸೋ ವಿಭಾತೀಃ |
ಆಂಡಾತ್ ಪತತ್ರೀವಾಮುಕ್ಷಿ
ವಿಶ್ವಸ್ಮಾದ್ ಏನಸಸ್ ಪರಿ || ೧೮,೧೧।೪

ಶುಂಭನೀ ದ್ಯಾವಾಪೃಥಿವೀ
ಅಂತಿಸುಮ್ನೇ ಮಹಿವ್ರತೇ |
ಆಪಃ ಸಪ್ತ ಸ್ರವಂತೀಸ್
ತಾ ನೋ ಮುಂಚಂತ್ವ್ ಅಂಹಸಃ || ೧೮,೧೧।೫

ಸೂರ್ಯಾಯೈ ದೇವೇಭ್ಯೋ
ಮಿತ್ರಾಯ ವರುಣಾಯ ಚ |
ಯೇ ಭೂತಸ್ಯ ಪ್ರಚೇತಸಸ್
ತೇಭ್ಯೋ ಽಹಂ ಅಕರಂ ನಮಃ || ೧೮,೧೧।೬

ಯ ಋತೇ ಚಿದ್ ಅಭಿಶ್ರಿಷಃ
ಪುರಾ ಜತ್ರುಭ್ಯ ಆತೃದಃ |
ಸಂಧಾತಾ ಸಂಧಿಂ ಮಘವಾ
ಪುರೂವಸುರ್ ನಿಷ್ಕರ್ತಾ ವಿಹೃತಂ ಪುನಃ || ೧೮,೧೧।೭

ಅಪಾಸ್ಮತ್ ತಮ ಉಚ್ಛತು
ನೀಲಂ ಪಿಶಂಗಂ ಉತ ಲೋಹಿತಂ ಯತ್ |
ನಿರ್ದಹನೀಂ ಪೃಷಾತಕೀಂ
ಅಸ್ಮಿನ್ ತಾಂ ಸ್ಥಾಣಾವ್ ಅಧ್ಯ್ ಆ ಸೃಜಾಮಿ || ೧೮,೧೧।೮

ಯಾವತೀಃ ಕೃತ್ಯಾ ಉಪವಾಸನೇ
ಯಾವಂತೋ ರಾಜ್ಞೋ ವರುಣಸ್ಯ ಪಾಶಾಃ |
ವ್ಯೃದ್ಧಯೋ ಯಾ ಅಸಮೃದ್ಧಯಶ್ ಚ-
-ಅಸ್ಮಿನ್ ತಾ ಸ್ಥಾಣೌ ಪ್ರತಿ ಮುಂಚಾಮಿ ಸರ್ವಾಃ || ೧೮,೧೧।೯

ಯೇ ಅಂತಾ ಯಾವತೀಃ ಸಿಚ
ಓತವೋ ಯೇ ಚ ತಂತವಃ |
ವಾಸೋ ಯತ್ ಪತ್ನೀಭಿರ್ ಉತಂ
ತನ್ ಮಾ ಸ್ಯೋನಂ ಉಪ ಸ್ಪೃಷಾತ್ || ೧೮,೧೧।೧೦
(೧೧)

ಉಶತೀಃ ಕನ್ಯಲಾ ಇಮಾಃ
ಪಿತೃಲೋಕಾತ್ ಪತಿಂ ಯತೀಃ |
ಅವ ದೀಕ್ಷಾಂ ಅಸೃಕ್ಷತ ಸ್ವಾಹಾ || ೧೮,೧೨।೧

ಬೃಹಸ್ಪತಿನಾವಸೃಷ್ಟಾಂ
ವಿಶ್ವೇ ದೇವಾ ಅಧಾರಯನ್ |
ವರ್ಚೋ ಗೋಷು ಪ್ರವಿಷ್ಟಂ
ಯತ್ ತೇನೇಮಾಂ ಸಂ ಸೃಜಾಮಸಿ || ೧೮,೧೨।೨

ಬೃಹಸ್ಪತಿನಾವಸೃಷ್ಟಾಂ
ವಿಶ್ವೇ ದೇವಾ ಅಧಾರಯನ್ |
ತೇಜೋ ಗೋಷು ಪ್ರವಿಷ್ಟಂ
ಯತ್ ತೇನೇಮಾಂ ಸಂ ಸೃಜಾಮಸಿ || ೧೮,೧೨।೩

ಬೃಹಸ್ಪತಿನಾವಸೃಷ್ಟಾಂ
ವಿಶ್ವೇ ದೇವಾ ಅಧಾರಯನ್ |
ಪಯೋ ಗೋಷು ಪ್ರವಿಷ್ಟಂ
ಯತ್ ತೇನೇಮಾಂ ಸಂ ಸೃಜಾಮಸಿ || ೧೮,೧೨।೪

ಬೃಹಸ್ಪತಿನಾವಸೃಷ್ಟಾಂ
ವಿಶ್ವೇ ದೇವಾ ಅಧಾರಯನ್ |
ಯಶೋ ಗೋಷು ಪ್ರವಿಷ್ಟಂ
ಯತ್ ತೇನೇಮಾಂ ಸಂ ಸೃಜಾಮಸಿ || ೧೮,೧೨।೫

ಬೃಹಸ್ಪತಿನಾವಸೃಷ್ಟಾಂ
ವಿಶ್ವೇ ದೇವಾ ಅಧಾರಯನ್ |
ಭಗೋ ಗೋಷು ಪ್ರವಿಷ್ಟಂ
ಯತ್ ತೇನೇಮಾಂ ಸಂ ಸೃಜಾಮಸಿ || ೧೮,೧೨।೬

ಯದ್ ಅಸೌ ದುಹಿತಾ ತವ
ವಿಕೇಶ್ಯ್ ಅರುದದ್ ಬಹು
ರೋದೇನ ಕೃಣ್ವತ್ಯ್ ಅಘಂ |
ಅಗ್ನಿಷ್ ಟ್ವಾ ತಸ್ಮಾದ್ ಏನಸಃ
ಸವಿತಾ ಚ ಪ್ರ ಮುಂಚತಾಂ || ೧೮,೧೨।೭

ಯದ್ ಅಮೀ ಕೇಶಿನೋ ಜನಾ
ಗೃಹೇ ತೇ ಸಮನರ್ತಿಷೂ
ರೋದೇನ ಕೃಣ್ವಂತೋ ಽಘಂ |
(…) || ೧೮,೧೨।೮

ಯಜ್ ಜಾಮಯೋ ಯದ್ ಯುವತಯೋ
ಗೃಹೇ ತೇ ಸಮನರ್ತಿಷೂ
ರೋದೇನ ಕೃಣ್ವತೀರ್ ಅಘಂ |
(…) || ೧೮,೧೨।೯

ಯದ್ ಇಮೌ ದಂಪತೀ ಉಭೌ
ವಿವಾಹೇ ಅಘಂ ಆರತೂ
ರೋದೇನ ಕೃಣ್ವಂತಾವ್ ಅಘಂ |
(…) || ೧೮,೧೨।೧೦
(೧೨)

ಯತ್ ತೇ ಪ್ರಜಾಯಾಂ ಪಶುಷು
ಯದ್ ವಾ ಗೃಹೇಷು ನಿಷ್ಠಿತಂ
ಅಘಕೃದ್ಭಿರ್ ಅಘಂ ಕೃತಂ |
ಅಗ್ನಿಷ್ ಟ್ವಾ ತಸ್ಮಾದ್ ಏನಸಃ
ಸವಿತಾ ಚ ಪ್ರ ಮುಂಚತಾಂ || ೧೮,೧೩।೧

ಇಯಂ ನಾರ್ಯ್ ಉಪ ಬ್ರೂತೇ
ಪೂಲ್ಪಾನ್ಯ್ ಆವಪಂತಿಕಾ |
ದೀರ್ಘಾಯುರ್ ಅಸ್ತು ಮೇ ಪತಿರ್
ಏಧಂತಾಂ ಪಿತರೋ ಮಮ || ೧೮,೧೩।೨

ಇಹೇಮಾವ್ ಇಂದ್ರ ಸಂ ನುದ
ಚಕ್ರವಾಕೇವ ದಂಪತೀ |
ಪ್ರಜಾವಂತೌ ಸ್ವಸ್ತಕೌ
ದೀರ್ಘಂ ಆಯುರ್ ವ್ಯ್ ಅಶ್ನುತಾಂ || ೧೮,೧೩।೩

ಯದ್ ಆಸಂದ್ಯಾಂ ಉಪಧಾನೇ
ಯದ್ ವೋಪವಾಸನೇ ಕೃತಂ |
ವಿವಾಹೇ ಕೃತ್ಯಾಂ ಯಾಂ ಚಕ್ರುರ್
ಆಸ್ನಾನೇ ತಾಂ ನಿ ದಧ್ಮಸಿ || ೧೮,೧೩।೪

ಯದ್ ದುಷ್ಕೃತಂ ಯಚ್ ಛಮಲಂ
ವಿವಾಹೇ ವಹತೌ ಚ ಯತ್ |
ತತ್ ಸಂಭಲಸ್ಯ ಕಂಬಲೇ
ಮೃಜ್ಮಹೇ ದುರಿತಂ ವಯಂ || ೧೮,೧೩।೫

ಸಂಭಲೇ ಮಲಂ ಸಾದಯಿತ್ವಾ
ಕಂಬಲೇ ದುರಿತಂ ವಯಂ |
ಅಭೂಮ ಯಜ್ಞಿಯಾಃ ಶುದ್ಧಾಃ
ಪ್ರ ಣ ಆಯೂಂಷಿ ತಾರಿಷನ್ || ೧೮,೧೩।೬

ಯಾ ಮೇ ಪ್ರಿಯತಮಾ ತನೂಃ
ಸಾ ಮೇ ಬಿಭಾಯ ವಾಸಸಃ |
ತಸ್ಯಾಗ್ರೇ ತ್ವಂ ವನಸ್ಪತೇ
ನೀವಿಂ ಕೃಣುಷ್ವ ಮಾ ವಯಂ ರಿಶಾಮ || ೧೮,೧೩।೭

ಕೃತ್ರಿಮಃ ಕಂಕತಃ ಶತದನ್ ಯ ಏಷಃ |
ಅಪಾಸ್ಯಾಃ ಕೇಶ್ಯಂ ಮಲಂ
ಅಪ ಶೀರ್ಷಣ್ಯಂ ಲಿಖಾತ್ || ೧೮,೧೩।೮

ಅಂಗಾದಂಗಾದ್ ಯೂಯಂ ಅಸ್ಯಾ
ಅಪ ಯಕ್ಷ್ಮಂ ನಿ ಧತ್ತನ |
ತನ್ ಮಾ ಪ್ರಾಪತ್ ಪೃಥಿವೀಂ ಮೋತ ದೇವಾನ್
ದಿವಂ ಮಾ ಪ್ರಾಪನ್ ಮೋರ್ವ್ ಅಂತರಿಕ್ಷಂ |
ಅಪೋ ಮಾ ಪ್ರಾಪನ್ ಮಲಂ ಏತದ್ ಅಗ್ನೇ
ಯಮಂ ಮಾ ಪ್ರಾಪತ್ ಪಿತೃ̄ಂಶ್ ಚ ಸರ್ವಾನ್ || ೧೮,೧೩।೯

ಸಂ ತ್ವಾ ನಹ್ಯಾಮಿ ಪಯಸಾ ಪೃಥಿವ್ಯಾಃ
ಸಂ ತ್ವಾ ನಹ್ಯಾಮಿ ಪಯಸೌಷಧೀನಾಂ |
ಸಂ ತ್ವಾ ನಹ್ಯಾಮಿ ಪ್ರಜಯಾ ಧನೇನ
ಸಾ ಸಂನದ್ಧಾ ಸನುಹಿ ವಾಜಂ ಏಮಂ || ೧೮,೧೩।೧೦
(೧೩)

ಅಮೋ ಽಹಂ ಅಸ್ಮಿ ಸಾ ತ್ವಂ
ದ್ಯೌರ್ ಅಹಂ ಪೃಥಿವೀ ತ್ವಂ |
ಮನೋ ಽಹಂ ಅಸ್ಮಿ ವಾಕ್ ತ್ವಂ
ತಾವ್ ಇಹ ಸಂ ಭವಾವ
ಪ್ರಜಾಂ ಆ ಜನಯಾವಹೈ || ೧೮,೧೪।೧

ಜನೀಯಂತಿ ನೋ ಅಗ್ರವಃ
ಪುತ್ರೀಯಂತಿ ಸುದಾನವಃ |
ಅರಿಷ್ಟಾಸಃ ಸಚೇಮಹಿ
ಬೃಹತೇ ವಾಜಸಾತಯೇ || ೧೮,೧೪।೨

ಯೇ ಪಿತರೋ ವಧೂದರ್ಶಾ
ಇಮಂ ವಹತುಂ ಆಗಮನ್ |
ತೇ ಅಸ್ಯೈ ವಧ್ವೈ ಸಂಪತ್ನ್ಯೈ
ಪ್ರಜಾವಚ್ ಛರ್ಮ ಯಚ್ಛಂತು || ೧೮,೧೪।೩

ಯೇದಂ ಪೂರ್ವಾಗನ್ ರಶನಾಯಮಾನಾ
ಪ್ರಜಾಂ ಅಸ್ಯೈ ದ್ರವಿಣಂ ಚೇಹ ದತ್ತ್ವಾ |
ತಾಂ ವಹಂತ್ವ್ ಅಗತಸ್ಯಾಭಿ ಪಂಥಾಂ
ವಿರಾಡ್ ಇಯಂ ಸುಪ್ರಜಾ ಅತ್ಯ್ ಅಜೈಷೀತ್ || ೧೮,೧೪।೪

ಪ್ರ ಬುಧ್ಯಸ್ವ ಸುಬುಧಾ ಬುಧ್ಯಮಾನಾ
ದೀರ್ಘಾಯುತ್ವಾಯ ಶತಶಾರದಾಯ |
ಗೃಹಾನ್ ಪ್ರೇಹಿ ಸುಮನಸ್ಯಮಾನಾ
ದೀರ್ಘಂ ತ ಆಯುಃ ಸವಿತಾ ಕೃಣೋತು || ೧೮,೧೪।೫

ವಿ ತೇ ಮುಂಚಾಮಿ ರಶನಾಂ ವಿ ರಶ್ಮೀನ್
ವಿ ಯೋಕ್ತ್ರಾಣಿ ಪರಿಚರ್ತನಾನಿ ಚ |
ಅರಿಷ್ಟಾಸ್ಮಿನ್ ಜ್ಯೋತಿಷಿ
ಶಿವಾ ಗೃಹಪತೌ ಭವ || ೧೮,೧೪।೬

ಸ್ಯೋನಾ ಭವ ಶ್ವಶುರೇಭ್ಯಃ
ಸ್ಯೋನಾ ಪತ್ಯೇ ಗೃಹೇಭ್ಯಃ |
ಸ್ಯೋನಾಸ್ಯೈ ಸರ್ವಸ್ಯೈ ವಿಶೇ
ಸ್ಯೋನಾ ಪುಷ್ಟಾಯೈಷಾಂ ಭವ || ೧೮,೧೪।೭
(೧೪)

ಅನುವಾಕ ೨ ||

ಉದೇಹಿ ವಾಜಿನ್ ಯೋ ಽಪ್ಸ್ವ್ ಅಂತರ್
ಇದಂ ರಾಷ್ಟ್ರಂ ಪ್ರ ವಿಶ ಸೂನೃತಾವತ್ |
ಯೋ ರೋಹಿತೋ ವಿಶ್ವಂ ಇದಂ ಜಜಾನ
ಸ ತ್ವಾ ರಾಷ್ಟ್ರಾಯ ಸುಭೃತಂ ಪಿಪರ್ತು || ೧೮,೧೫।೧

ಉದ್ ವಾಜ ಆಗನ್ ಯೋ ಽಪ್ಸ್ವ್ ಅಂತರ್
ವಿಶ ಆ ರೋಹ ತ್ವದ್ಯೋನಯೋ ಯಾಃ |
ಸೋಮಂ ದಧಾನೋ ಽಪ ಓಷಧೀರ್ ಗಾಶ್
ಚತುಷ್ಪದೋ ದ್ವಿಪದ ಆ ವೇಶಯೇಹ || ೧೮,೧೫।೨

ಯೂಯಂ ಉಗ್ರಾ ಮರುತಃ ಪೃಶ್ನಿಮಾತರ
ಇಂದ್ರೇಣ ಯುಜಾ ಪ್ರಮೃಣೀತ ಶತ್ರೂನ್ |
ಆ ವೋ ರೋಹಿತಃ ಶೃಣವತ್ ಸುದಾನವಸ್
ತ್ರಿಷಪ್ತಾ ಮರುತಃ ಸ್ವಾದುಸಂಮುದಃ || ೧೮,೧೫।೩

ರುಹೋ ರುರೋಹ ರೋಹಿತ ಆ ರುರೋಹ
ಗರ್ಭೋ ಜನೀನಾಂ ಜನುಷಾಂ ಉಪಸ್ಥಂ |
ತಾಭಿಃ ಸಂರಬ್ಧೋ ಅನ್ವ್ ಅವಿಂದತ್ ಷಡ್ ಉರ್ವೀರ್
ಗಾತುಂ ಪ್ರಪಶ್ಯನ್ನ್ ಇಹ ರಾಷ್ಟ್ರಂ ಆಹಾಃ || ೧೮,೧೫।೪

ಆ ತೇ ರಾಷ್ಟ್ರಂ ಇಹ ರೋಹಿತೋ ಽಹಾರ್
ಮೃಧೋ ವ್ಯ್ ಆಸ್ಥದ್ ಅಭಯಂ ತೇ ಅಭೂತ್ |
ತಸ್ಮೈ ತೇ ದ್ಯಾವಾಪೃಥಿವೀ ರೇವತೀಭಿಃ
ಕಾಮಂ ದುಹತಾಂ ಇಹ ಶಕ್ವರೀಭಿಃ || ೧೮,೧೫।೫

ರೋಹಿತೋ ದ್ಯಾವಾಪೃಥಿವೀ ಜಜಾನ
ತಂ ತಂತುಂ ಪರಮೇಷ್ಠೀ ತತಾನ |
ತತ್ರ ಶಿಶ್ರಿಯೇ ಽಜ ಏಕಪಾದ್
ಅದೃಂಹದ್ ದ್ಯಾವಾಪೃಥಿವೀ ಬಲೇನ || ೧೮,೧೫।೬

ರೋಹಿತೋ ದ್ಯಾವಾಪೃಥಿವೀ ಅದೃಂಹತ್
ತೇನ ಸ್ವ ಸ್ತಭಿತಂ ತೇನ ನಾಕಃ |
ತೇನಾಂತರಿಕ್ಷಂ ವಿಮಿತಾ ರಜಂಸಿ
ತೇನ ದೇವಾ ಅಮೃತಂ ಅನ್ವ್ ಅವಿಂದನ್ || ೧೮,೧೫।೭

ವಿ ರೋಹಿತೋ ಅಮೃಶದ್ ವಿಶ್ವರೂಪಂ
ಸಮಾಕೃಣ್ವಾನಃ ಪ್ರರುಹೋ ರುಹಶ್ ಚ |
ದಿವಂ ರೂಢ್ವಾ ಮಹತಾ ಮಹಿಮ್ನಾ
ಸಂ ತೇ ರಾಷ್ಟ್ರಂ ಅನಕ್ತು ಪಯಸಾ ಘೃತೇನ || ೧೮,೧೫।೮

ಯಾಸ್ ತೇ ರುಹಃ ಪ್ರರುಹೋ ಯಾಸ್ ತ ಆರುಹೋ
ಯಾಭಿರ್ ಆಪೃಣಾಸಿ ದಿವಂ ಅಂತರಿಕ್ಷಂ |
ತಾಸಾಂ ಬ್ರಹ್ಮಣಾ ಪಯಸಾ ವಾವೃಧಾನೋ
ವಿಶಿ ರಾಷ್ಟ್ರೇ ಜಾಗೃಹಿ ರೋಹಿತಸ್ಯ || ೧೮,೧೫।೯

ಯಾಸ್ ತೇ ವಿಶಸ್ ತಪಸಃ ಸಂಬಭೂವುರ್
ವತ್ಸಂ ಗಾಯತ್ರೀಂ ಅನು ತಾ ಇಹಾಗುಃ |
ತಾಸ್ ತ್ವಾ ವಿಶಂತು ಮನಸಾ ಶಿವೇನ
ಸಂಮಾತಾ ವತ್ಸೋ ಅಭ್ಯ್ ಏತಿ ರೋಹಿತಃ || ೧೮,೧೫।೧೦
(೧೫)

ಊರ್ಧ್ವೋ ರೋಹಿತೋ ಅಧಿ ನಾಕೇ ಅಸ್ಥಾದ್
ವಿಶ್ವಾ ರೂಪಾಣಿ ಜನಯನ್ ಯುವಾ ಕವಿಃ |
ತಿಗ್ಮೇನಾಗ್ನಿರ್ ಜ್ಯೋತಿಷಾ ವಿ ಭಾತಿ
ತೃತೀಯೇ ಚಕ್ರೇ ರಜಸಿ ಪ್ರಿಯಾಣಿ || ೧೮,೧೬।೧

ಸಹಸ್ರಶೃಂಗೋ ವೃಷಭೋ ಜಾತವೇದಾ
ಘೃತಾಹುತಃ ಸೋಮಪೃಷ್ಠಃ ಸುವೀರಃ |
ಮಾ ಮಾ ಹಾಸೀನ್ ನಾಥಿತೋ ನೇತ್ ತ್ವಾ ಜಹಾನಿ
ಗೋಪೋಷಂ ಚ ಮೇ ವೀರಪೋಷಂ ಚ ಧೇಹಿ || ೧೮,೧೬।೨

ರೋಹಿತೋ ಯಜ್ಞಸ್ಯ ಜನಿತಾ ಮುಖಂ ಚ
ರೋಹಿತಾಯ ವಾಚಾ ಶ್ರೋತ್ರೇಣ ಮನಸಾ ಜುಹೋಮಿ |
ರೋಹಿತಂ ದೇವಾ ಯಂತಿ ಸುಮನಸ್ಯಮಾನಾಃ
ಸ ಮಾ ರೋಹೈಃ ಸಾಮಿತ್ಯೈ ರೋಹಯಾತಿ || ೧೮,೧೬।೩

ರೋಹಿತೋ ಯಜ್ಞಂ ವ್ಯ್ ಅದಧಾದ್ ವಿಶ್ವಕರ್ಮಣೇ
ತಸ್ಮಾತ್ ತೇಜಾಂಸ್ಯ್ ಉಪ ಮೇಮಾನ್ಯ್ ಆಗುಃ |
ವೋಚಯಂ ತೇ ನಾಭಿಂ ಭುವನಸ್ಯಾಧಿ ಮಜ್ಮನಿ || ೧೮,೧೬।೪

ಆ ತ್ವಾ ರುರೋಹ ಬೃಹತ್ಯ್ ಉತ ಪಂಕ್ತಿರ್
ಆ ಕಕುದ್ ವರ್ಚಸಾ ವಿಶ್ವವೇದಃ |
ಆ ತ್ವಾ ರುರೋಹೋಷ್ಣಿಹಾಕ್ಷರಂ ವಷಟ್ಕಾರ
ಆ ತ್ವಾ ರುರೋಹ ರೋಹಿತೋ ರೇತಸಾ ಸಹ || ೧೮,೧೬।೫

ಅಯಂ ವಸ್ತೇ ಗರ್ಭಂ ಪೃಥಿವ್ಯಾ
ದಿವಂ ವಸ್ತೇ ಽಯಂ ಅಂತರಿಕ್ಷಂ |
ಅಯಂ ಬ್ರಧ್ನಸ್ಯ ವಿಷ್ಟಪಃ
ಸ್ವರ್ ಲೋಕಾನ್ ಸಂ ಆನಶೇ || ೧೮,೧೬।೬

ವಾಚಸ್ಪತೇ ಪೃಥಿವೀ ನಃ ಸ್ಯೋನಾ
ಸ್ಯೋನಾ ಯೋನಿಸ್ ತಲ್ಪಾ ಸುಶೇವಾ |
ಇಹೈವ ಪ್ರಾಣಃ ಸಕ್ಯೇ ನೋ ಅಸ್ತು
ತಂ ತ್ವಾ ಪರಮೇಷ್ಠಿನ್ ಪರ್ಯ್ ಅಗ್ನಿರ್ ವರ್ಚಸಾ ದಧಾತು || ೧೮,೧೬।೭

ವಾಚಸ್ಪತ ಋತವಃ ಪಂಚ
ವೈಶ್ವಕರ್ಮಣಾಃ ಪರಿ ಯೇ ಬಭೂವುಃ |
(…)
(…) ಪರಿ ರೋಹಿತೋ ವರ್ಚಸಾ ದಧಾತು || ೧೮,೧೬।೮

ವಾಚಸ್ಪತೇ ಸೌಮನಸಂ ಮನಶ್ ಚ
ಗೋಷ್ಠೇ ನೋ ಗಾ ರಮಯ ಯೋನಿಷು ಪ್ರಜಾಂ |
ಇಹೈವ ಪ್ರಾಣಃ ಸಖ್ಯೇ ನೋ ಅಸ್ತು
ತಂ ತ್ವಾ ಪರಮೇಷ್ಠಿನ್ ಪರ್ಯ್ ಅಹಂ ವರ್ಚಸಾ ದಧಾಮಿ || ೧೮,೧೬।೯

ಪರಿ ತ್ವಾ ಧಾತ್ ಸವಿತಾ ದೇವೋ ಅಗ್ನಿರ್
ವರ್ಚಸಾ ಮಿತ್ರಾವರುಣಾವ್ ಅಭಿ ತ್ವಾ |
ಸರ್ವಾ ಅರಾತೀರ್ ಅಪಕ್ರಾಮನ್ನ್ ಉದೇಹಿ-
-ಇದಂ ರಾಷ್ಟ್ರಂ ಕೃಣುಹಿ ಸೂನೃತಾವತ್ || ೧೮,೧೬।೧೦
(೧೬)

ಯಂ ತ್ವಾ ಪೃಷತೀ ರಥೇ
ಪೃಷ್ಟಿರ್ ವಹತಿ ರೋಹಿತಃ |
ಶುಭಾ ಯಾಸಿ ರಿಣನ್ನ್ ಅಪಃ |
ತೇನೇಮಂ ಬ್ರಹ್ಮಣಸ್ಪತೇ
ರೋಹಂ ರೋಹಯೋತ್ತಮಂ || ೧೮,೧೭।೧

ಅನುವ್ರತಾ ರೋಹಿಣೀ ರೋಹಿತಸ್ಯ
ಸೂರಿಃ ಸುಪರ್ಣಾ ಬೃಹತೀ ಸುವರ್ಚಾಃ |
ತಯಾ ವಾಜಾನ್ ವಿಶ್ವರೂಪಾಂ ಜಯೇಮ
ತಯಾ ವಿಶ್ಯಾಃ ಪೃತನಾ ಅಭಿ ಷ್ಯಾಮ || ೧೮,೧೭।೨

ಇದಂ ಸದೋ ರೋಹಿಣೀ ರೋಹಿತಸ್ಯ-
-ಅಸೌ ಪಂಥಾಃ ಪೃಷತೀ ಯೇನ ಯಾತಿ |
ತಾಂ ಗಂಧರ್ವಾಃ ಕಶ್ಯಪಾ ಉನ್ ನಯಂತಿ
ತಾಂ ರಕ್ಷಂತಿ ಕವಯೋ ಽಪ್ರಮಾದಂ || ೧೮,೧೭।೩

ಸೂರ್ಯಸ್ಯಾಶ್ವಾ ಹರಯಃ ಕೇತುಮಂತಃ
ಸದಾ ವಹಂತ್ಯ್ ಅಮೃತಾಃ ಸುಖಂ ರಥಂ |
ಘೃತಪಾವಾ ರೋಹಿತೋ ಭ್ರಾಜಮಾನೋ
ದಿವಂ ದೇವಃ ಪೃಷತೀಂ ಆ ವಿವೇಷ || ೧೮,೧೭।೪

ಯೋ ರೋಹಿತೋ ವೃಷಭಸ್ ತಿಗ್ಮಶೃಂಗಃ
ಪರ್ಯ್ ಅಗ್ನಿಂ ಪರಿ ಸೂರ್ಯಂ ಬಭೂವ |
ಯೋ ವಿಷ್ಟಭ್ನಾತಿ ಪೃಥಿವೀಂ ದಿವಂ ಚ
ತಸ್ಮಾದ್ ದೇವಾ ಅಧಿ ಸೃಷ್ಟೀಃ ಸೃಜಂತೇ || ೧೮,೧೭।೫

ರೋಹಿತೋ ದಿವಂ ಆರುಹನ್
ಮಹತಸ್ ಪರ್ಯ್ ಅರ್ಣವಾತ್ |
ಸರ್ವಾ ರುರೋಹ ರೋಹಿತೋ ರುಹಃ || ೧೮,೧೭।೬

ವಿ ಮಿಮೀಷ್ವ ಪಯಸ್ವತೀಂ ಘೃತಾಚೀಂ
ದೇವಾನಾಂ ಧೇನುರ್ ಅನಪಸ್ಪೃಗ್ ಏಷಾ |
ಇಂದ್ರಃ ಸೋಮಂ ಪಿಬತು ಕ್ಷೇಮೋ ಅಸ್ತ್ವ್
ಅಗ್ನಿಃ ಪ್ರ ಸ್ತೌತು ವಿ ಮೃಧೋ ನುದಸ್ವ || ೧೮,೧೭।೭

ಸಮಿದ್ಧೋ ಅಗ್ನಿಃ ಸಮಿಧಾನೋ
ಘೃತವೃದ್ಧೋ ಘೃತಾಹುತಃ |
ಅಭೀಷಾಡ್ ವಿಶ್ವಾಷಾಡ್ ಅಗ್ನಿಃ
ಸಪತ್ನಾನ್ ಹಂತು ಯೇ ಮಮ || ೧೮,೧೭।೮

ಹಂತ್ವ್ ಏನಾನ್ ಪ್ರ ದಹತ್ವ್
ಅಗ್ನಿರ್ ಯೋ ನಃ ಪೃತನ್ಯತಿ |
ಕ್ರವ್ಯಾದಾಗ್ನಿನಾ ವಯಂ
ಸಪತ್ನಾನ್ ಪ್ರ ದಹಾಮಸಿ || ೧೮,೧೭।೯

ಅಗ್ನೇ ಸಪತ್ನಂ ಅಧರಂ ಪಾದಯಾಸ್ಮದ್
ವ್ಯಥಯಾ ಸಜಾತಂ ಉತ್ಪಿಪಾನಂ ಬೃಹಸ್ಪತೇ |
ಇಂದ್ರಾಗ್ನೀ ಮಿತ್ರಾವರುಣಾವ್
ಅಧರೇ ಪದ್ಯಂತಾಂ ಅಪ್ರತಿಮನ್ಯೂಯಮಾನಾಃ || ೧೮,೧೭।೧೦
(೧೭)

ಅವಾಚೀನಾನ್ ಅವ ಜಹಿ-
-ಇಂದ್ರ ವಜ್ರೇಣ ಬಾಹುಮಾನ್ |
ಅಧಾ ಸಪತ್ನಾನ್ ಮಮಕಾನ್
ಅಗ್ನೇಸ್ ತೇಜೋಭಿರ್ ಆ ದದೇ || ೧೮,೧೮।೧

ಉದ್ಯನ್ ತ್ವಂ ದೇವ ಸೂರ್ಯ
ಸಪತ್ನಾನ್ ಮೇ +ಽಧರಾನ್ ಕೃಣು |
ಅವೈನಾನ್ ಅಶ್ಮನಾ ಜಹಿ
ತೇ ಯಂತ್ವ್ ಅಧಮಂ ತಮಃ || ೧೮,೧೮।೨

ವತ್ಸೋ ವಿರಾಜೋ ವೃಷಭೋ ಮತೀನಾಂ
ಆ ರುರೋಹ ಶುಕ್ರಪೃಷ್ಠೋ ಽನ್ತರಿಕ್ಷಂ |
ಘೃತೇಣಾರ್ಕಂ ಅಭ್ಯ್ ಅರ್ಚಂತಿ ವತ್ಸಂ
ಬ್ರಹ್ಮ ಸಂತಂ ಬ್ರಹ್ಮಣಾ ವರ್ಧಯಂತು || ೧೮,೧೮।೩

ದಿವಂ ಚ ರೋಹ ಪೃಥಿವೀಂ ಚ ರೋಹ
ರಾಷ್ಟ್ರಂ ಚ ರೋಹ ದ್ರವಿಣಂ ಚ ರೋಹ |
ಪ್ರಜಾಂ ಚ ರೋಹಾಮೃತಂ ಚ ರೋಹ
ರೋಹಿತೇನ ತನ್ವಂ ಸಂ ಸ್ಪೃಶಸ್ವ || ೧೮,೧೮।೪

ಯೇ ದೇವಾ ರಾಷ್ಟ್ರಭೃತೋ
ಽಭಿತೋ ಯಂತಿ ಸೂರ್ಯಂ |
ತೇಭಿಷ್ ಟೇ ರೋಹಿತಃ ಸಂವಿದಾನೋ
ರಾಷ್ಟ್ರಂ ದಧಾತು ಸುಮನಸ್ಯಮಾನಃ || ೧೮,೧೮।೫

ಉತ್ ತ್ವಾ ಯಜ್ಞಾ ಬ್ರಹ್ಮಪೂತಾ ವಹಂತ್ಯ್
ಅಧ್ವಗತೋ ಹರಯಸ್ ತ್ವಾ ವಹಂತಿ |
ತಿರಃ ಸಮುದ್ರಂ ಅತಿ ರೋಚಸೇ ಽರ್ಣವಂ || ೧೮,೧೮।೬

ರೋಹಿತೇ ದ್ಯಾವಾಪೃಥಿವೀ ಅಧಿ ಶ್ರಿತೇ
ವಸುಜಿತಿ ಗೋಜಿತಿ ಸಂಜಿತಿ ಸಂಧನಾಜಿತಿ |
ಸಹಸ್ರಂ ಯಸ್ಯ ದ್ರವಿಣಾನಿ ಸಪ್ತ ಚ
ವೋಚೇಯಂ ತೇ ನಾಭಿಂ ಭುವನಸ್ಯಾಧಿ ಮಜ್ಮನಿ || ೧೮,೧೮।೭

ಯಶಾ ಯಾಸಿ ಪ್ರದಿಶೋ ದಿಶೋ ಽನು
ಯಶಾಃ ಪಶೂನಾಂ ಉತ ಚರ್ಷಣೀನಾಂ |
ಯಶಾಃ ಪೃಥಿವ್ಯಾ ಅದಿತ್ಯಾ ಉಪಸ್ಥೇ
ಽಹಂ ಅಸ್ಮಿ ಸವಿತೇವ ಚಾರುಃ || ೧೮,೧೮।೮

ಅಮುತ್ರ ಸನ್ನ್ ಇಹ ವೇತ್ಥ-
-ಇಹ ಸನ್ ತಾನಿ ಪಶ್ಯತಿ |
ಇತಃ ಪಶ್ಯಂತಿ ರೋಚನಂ
ದಿವಿ ಸೂರ್ಯಂ ವಿಪಶ್ಚಿತಂ || ೧೮,೧೮।೯

ದೇವೋ ದೇವಂ ಅರ್ಚಯತ್ಯ್
ಅಂತಶ್ ಚರತ್ಯ್ ಅರ್ಣವೇ |
ಸಮಾನಂ ಅಗ್ನಿಂ ಇಂಧತೇ
ತಂ ವಿದುಃ ಕವಯಃ ಪರೇ || ೧೮,೧೮।೧೦
(೧೮)
ಅವಃ ಪರೇಣ ಪರ ಇತ್ಯ್ ಏಕಾ ||
ಏಕಪದೀ ದ್ವಿಪದೀ ಸಾ ಚತುಷ್ಪದ್ಯ್
ಅಷ್ಟಾಪದೀ ನವಪದೀ ಬಭೂವುಷೀ |
ಸಹಸ್ರಾಕ್ಷರಾ ಭುವನಸ್ಯ ಪಂಕ್ತಿಸ್
ತ್ಯಸ್ಯಾಃ ಸಮುದ್ರಾ ಅಧಿ ವಿ ಕ್ಷರಂತಿ || ೧೮,೧೯।೨

ಆರೋಹನ್ ದ್ಯಾಂ ಅಮೃತಃ ಪ್ರಾವ ಮೇ ವಚ
ಉತ್ ತ್ವಾ ಯಜ್ಞಾ ಬ್ರಹ್ಮಪೂತಾ ವಹಂತಿ |
ಘೃತಂ ಪಿಬಂತಂ ಹರಯಸ್ ತ್ವಾ ವಹಂತಿ || ೧೮,೧೯।೩

ವೇದ ತತ್ ತೇ ಅಮರ್ತ್ತಿ
ಯತ್ ತ ಆಕ್ರಮಣಂ ದಿವಿ |
ಯತ್ ತೇ ಸಧಸ್ಥಂ ಪರಮೇ ವ್ಯೋಮನ್ || ೧೮,೧೯।೪

ಸೂರ್ಯೋ ದ್ಯಾಂ ಸೂರ್ಯಃ ಪೃಥಿವೀಂ
ಸೂರ್ಯ ಆಪೋ ಽತಿ ಪಶ್ಯತಿ |
ಸೂರ್ಯೋ ಭೂತಸ್ಯೈಕಂ ಚಕ್ಷುರ್
ಆ ರುರೋಹ ದಿವಂ ಮಹೀಂ || ೧೮,೧೯।೫

ಉರ್ವೀರ್ ಆಸನ್ ಪರಿಧಯೋ
ವೇದಿರ್ ಭೂಮಿರ್ ಅಕಲ್ಪತ |
ತತ್ರೈತಾವ್ ಅಗ್ನೀ ಆಧತ್ತ
ಹಿಮಂ ಘ್ರಂಸಂ ಚ ರೋಹಿತಃ || ೧೮,೧೯।೬

ಹಿಮಂ ಘ್ರಂಸಂ ಚಾಧಾಯ
ಯೂಪಾನ್ ಕೃತ್ವಾ ಪರ್ವತಾನ್ |
ವರ್ಷಾಜ್ಯಾವ್ ಅಗ್ನೀ ಈಜಾತೇ
ರೋಹಿತಸ್ಯ ಸ್ವರ್ವಿದಃ || ೧೮,೧೯।೭

ಸ್ವರ್ವಿದೋ ರೋಹಿತಸ್ಯ
ಬ್ರಹ್ಮಣಾಗ್ನಿಃ ಸಮಾಹಿತಃ |
ತಸ್ಮಾದ್ ಘ್ರಂಸಸ್ ತಸ್ಮಾದ್ ಧಿಮಸ್
ತಸ್ಮಾದ್ ಯಜ್ಞೋ ಅಜಾಯತ || ೧೮,೧೯।೮

ಬ್ರಹ್ಮಣಾಗ್ನಿಃ ಸಂಇಧಾನೋ
ಬ್ರಹ್ಮವೃದ್ಧೋ ಬ್ರಹ್ಮಹುತಃ |
ಬ್ರಹ್ಮೇದ್ಧಾವ್ ಅಗ್ನೀ ಈಜಾತೇ
ರೋಹಿತಸ್ಯ ಸ್ವರ್ವಿದಃ || ೧೮,೧೯।೯

ಅಪ್ಸ್ವ್ ಅನ್ಯಃ ಸಮಾಹಿತಃ
ಸತ್ಯೇ ಅನ್ಯಃ ಸಮಾಹಿತಃ |
(…) || ೧೮,೧೯।೧೦

ಯಂ ವಾತಃ ಪರಿಶುಂಭತಿ
ಯಂ ಇಂದ್ರೋ ಬ್ರಹ್ಮಣಸ್ಪತಿಃ |
ಬ್ರಹ್ಮೇದ್ಧಾವ್ ಅಗ್ನೀ ಈಜಾತೇ
ರೋಹಿತಸ್ಯ ಸ್ವರ್ವಿದಃ || ೧೮,೧೯।೧೧
(೧೯)

ಅನುವಾಕ ೩ ||

ವೇದಿಂ ಭೂಮಿಂ ಕಲ್ಪಯಿತ್ವಾ
ದಿವಂ ಕೃತ್ವಾ ದಕ್ಷಿಣಾಂ |
ಘ್ರಂಸಂ ತದ್ ಅಗ್ನಿಂ ಕೃತ್ವಾ
ಚಕಾರ ವಿಶ್ವಂ ಆತ್ಮನ್ವದ್
ವರ್ಷೇಣಾಜ್ಯೇನ ರೋಹಿತಃ || ೧೮,೨೦।೧

ವರ್ಷಂ ಆಜ್ಯಂ ಘ್ರಂಸೋ ಅಗ್ನಿರ್
ವೇದಿರ್ ಭೂಮಿರ್ ಅಕಲ್ಪತ |
ತತ್ರೈತಾನ್ ಪರ್ವತಾಁ ಅಗ್ನಿರ್
ಗೀರ್ಭಿರ್ ಊರ್ಧ್ವಾಁ ಅಕಲ್ಪಯತ್ || ೧೮,೨೦।೨

ಗೀರ್ಭಿರ್ ಊರ್ಧ್ವಾನ್ ಕಲ್ಪಯಿತ್ವಾ
ರೋಹಿತೋ ಭೂಮಿಂ ಅಬ್ರವೀತ್ |
ತ್ವದ್ ಇದಂ ಸರ್ವಂ ಜಾಯತಾಂ
ಯದ್ ಭೂತಂ ಯಚ್ ಚ ಭಾವ್ಯಂ || ೧೮,೨೦।೩

ಸ ಯಜ್ಞಃ ಪ್ರಥಮೋ ಭೂತೋ
ಭವ್ಯೋ ಅಜಾಯತ |
ತಸ್ಮಾದ್ ಧ ಯಜ್ಞ ಇದಂ ಸರ್ವಂ
ಯತ್ ಕಿಂ ಚೇದಂ ವಿರೋಚತೇ
ರೋಹಿತೇನ ರ್ಷಿಣಾಭೃತಂ || ೧೮,೨೦।೪

ಉದ್ ಅಸ್ಯ ಕೇತವೋ ದಿವಿ
ಶುಕ್ರಾ ಭ್ರಾಜಂತ ಈರತೇ |
ಆದಿತ್ಯಸ್ಯ ನೃಚಕ್ಷಸೋ
ಮಹಿವ್ರತಸ್ಯ ಮೀದುಷಃ || ೧೮,೨೦।೫

ದಿಶಾಂ ಪ್ರಜ್ಞಾನಂ ಸ್ವರಯಂತಂ ಅರ್ಚಿಷಾ
ಸುಪಕ್ಷಂ ಆಶುಂ ಪತಯಂತಂ ಅರ್ಣವೇ |
ಸ್ತವಾಮ ಸೂರ್ಯಂ ಭುವನಸ್ಯ ಗೋಪಾಂ
ಯೋ ರಶ್ಮಿಭಿರ್ ದಿಶ ಆಭಾತಿ ಸರ್ವಾಃ || ೧೮,೨೦।೬

ಯತ್ ಪ್ರಾಙ್ ಪ್ರತ್ಯಙ್ ಸ್ವಧಯಾ ಯಾಸಿ ಶೀಭಂ
ನಾನಾರೂಪೇ ಅಹನೀ ಕರ್ಷಿ ಮಾಯಯಾ |
ತದ್ ಆದಿತ್ಯ ಮಹಿ ತತ್ ತೇ ಮಹಿ ಶ್ರವೋ
ಯದ್ ಏಕೋ ವಿಶ್ವಂ ಪರಿ ಭೂಮ ಜಾಯಸೇ || ೧೮,೨೦।೭

ವಿಪಶ್ಚಿತಂ ತರಣಿಂ ಭ್ರಾಜಮಾನಂ
ವಹಂತಿ ಯಂ ಹರಿತಃ ಸಪ್ತ ಬಹ್ವೀಃ |
ಸ್ತುತಾದ್ ಯಂ ಅತ್ರಿರ್ ದಿವಂ ಉನ್ನಿನಾಯ
ತಂ ತ್ವಾ ಪಶ್ಯೇಮ ಪರಿಯಂತಂ ಆಜಿಂ || ೧೮,೨೦।೮

ಮಾ ತ್ವಾ ದಭನ್ ಪರಿಯಂತಂ ಆಜಿಂ
ಸುಗೇನ ದುರ್ಗಂ ಅತಿ ಯಾಹಿ ಶೀಭಂ |
ದಿವಂ ಚ ಸೂರ್ಯ ಪೃಥಿವೀಂ ಚ ದೇವೀಂ
ಅಹೋರಾತ್ರೇ ವಿಮಿಮಾನೋ ಯದ್ ಏಷಿ || ೧೮,೨೦।೯

ಸ್ವಸ್ತಿ ತೇ ಸೂರ್ಯ ಚರಸೇ ರಥಾಯ
ಯೇನೋಭಾವ್ ಅಂತೌ ಪರಿಯಾಸಿ ಸದ್ಯಃ |
ಯಂ ತೇ ವಹಂತಿ ಹರಿತೋ ವಹಿಷ್ಠಾಸ್
ತಂ ಆ ರೋಹ ಸುಖಂ ಆಶ್ವಶ್ವಂ || ೧೮,೨೦।೧೦
(೨೦)

ಸುಖಂ ಸೂರ್ಯ ರಥಂ ಅಂಶುಮಂತಂ
ಸ್ಯೋನಂ ಸುವಹ್ನಿಂ ಅಧಿ ತಿಷ್ಠ ವಾಜಿನಂ |
ಯಂ ತೇ ವಹಂತಿ ಹರಿತೋ ವಹಿಷ್ಠಾಃ
ಶತಂ ಅಶ್ವಾ ಯದಿ ವಾ ಸಪ್ತ ಬಹ್ವೀಃ || ೧೮,೨೧।೧

ಸಪ್ತ ಸೂರ್ಯೋ ಹರಿತೋ ಯಾತವೇ ರಥೇ
ಹಿರಣ್ಯತ್ವಚಸೋ ಬೃಹತೀರ್ ಅಯುಕ್ತ |
ಅಮೋಚಿ ಶುಕ್ರೋ ರಜಸಃ ಪರಸ್ತಾದ್
ವಿಧೂಯ ದೇವಸ್ ತಮೋ ದಿವಂ ಆರುಹತ್ || ೧೮,೨೧।೨

ಉತ್ ಕೇತುನಾ ಬೃಹತಾ ದೇವಾ ಆಗನ್ನ್
ಅಪಾವೃಕ್ ತಮೋ ಽಭಿ ಜ್ಯೋತಿರ್ ಅಶ್ರೈತ್ |
ದಿವ್ಯಃ ಸುಪರ್ಣ ಸ್ಥವೀರೋ ವ್ಯ್ ಅಖ್ಯದ್
ಅದಿತ್ಯಾಃ ಪುತ್ರೋ ಭುವನಾನಿ ವಿಶ್ವಾ || ೧೮,೨೧।೩

ಉದ್ಯನ್ ರಶ್ಮೀನ್ ಆ ತನುಷೇ
ಪ್ರಜಾಃ ಸರ್ವಾ ವಿ ಪಶ್ಯತಿ |
ಉಭಾ ಸಮುದ್ರೌ ಕ್ರತುನಾ ವಿ ಭಾಸಿ
ಸರ್ವಾಂ ಲೋಕಾನ್ ಪರಿಭೂರ್ ಭ್ರಾಜಮಾನಃ || ೧೮,೨೧।೪

ಪೂರ್ವಾಪರಂ ಚರತೋ ಮಾಯಯೈತೌ
ಶಿಶೂ ಕುಂದಾನಾ ಪರಿ ಯಾತೋ ಅರ್ಣವಂ |
ವಿಶ್ವಾನ್ಯ್ ಅನ್ಯೋ ಭುವನಾಭಿ ವಸ್ತೇ
ಹೈರಣ್ಯೈರ್ ಅನ್ಯಂ ಹರಿತೋ ವಹಂತಿ || ೧೮,೨೧।೫

ದಿವಿ ತ್ವಾತ್ರಿರ್ ಧಾರಯತ್
ಸೂರ್ಯಾ ಮಾಸಾಯ ಕರ್ತವೇ |
ಸ ಏಷಿ ಸುಧೃತಸ್ ತಪನ್
ಸ್ವರ್ ಭೂತಾವಚಾಕಶತ್ || ೧೮,೨೧।೬

ಉಭಾವ್ ಅಂತೌ ಸಂ ಅರ್ಷತಿ
ವತ್ಸಃ ಸಂಮಾತರಾವ್ ಇವ |
ನನ್ವ್ ಏತದ್ ಇತಃ ಪುರಾ
ಬ್ರಹ್ಮ ದೇವಾ ಅಮೀ ವಿದುಃ || ೧೮,೨೧।೭

ಯತ್ ಸಮುದ್ರಂ ಅನು ಶ್ರಿತಂ
ತತ್ ಸಿಷಾಸತಿ ಸೂರ್ಯಃ |
ಅಧ್ವಾಸ್ಯ ವಿತತೋ ಮಹಾನ್
ಪೂರ್ವಶ್ ಚಾಪರಶ್ ಚ ಯಃ || ೧೮,೨೧।೮

ತಂ ಸಂ ಆಪ್ನೋತಿ ಜೂತಿಭಿಸ್
ತಸ್ಮಾನ್ ನಾಪ ಚಿಕಿತ್ಸತಿ |
ತೇನಾಮೃತಸ್ಯ ಭಕ್ಷಂ
ದೇವಾನಾಂ ನಾವ ರುಂಧತೇ || ೧೮,೨೧।೯

ಉದ್ ಉ ತ್ಯಂ ಜಾತವೇದಸಂ
ದೇವಂ ವಹಂತಿ ಕೇತವಃ |
ದೃಶೇ ವಿಶ್ವಾಯ ಸೂರ್ಯಂ || ೧೮,೨೧।೧೦
(೨೧)

ಅಪ ತ್ಯೇ ತಾಯವೋ ಯಥಾ
ನಕ್ಷತ್ರಾ ಯಂತ್ಯ್ ಅಕ್ತುಭಿಃ |
ಸೂರಾಯ ವಿಶ್ವಚಕ್ಷಸೇ || ೧೮,೨೨।೧

ಅದೃಶ್ರಂ ಅಸ್ಯ ಕೇತವೋ
ವಿ ರಶ್ಮಯೋ ಜನಾಁ ಅನು |
ಭ್ರಾಜಂತೋ ಅಗ್ನಯೋ ಯಥಾ || ೧೮,೨೨।೨

ತರಣಿರ್ ವಿಶ್ವದರ್ಶತೋ
ಜ್ಯೋತಿಷ್ಕೃದ್ ಅಸಿ ಸೂರ್ಯ |
ವಿಶ್ವಂ ಆ ಭಾಸಿ ರೋಚನಃ || ೧೮,೨೨।೩

ಪ್ರತ್ಯಙ್ ದೇವಾನಾಂ ವಿಶಃ
ಪ್ರತ್ಯಙ್ಙ್ ಉದ್ ಏಷಿ ಮಾನುಷೀಃ |
ಪ್ರತ್ಯಙ್ ವಿಶ್ವಂ ಸ್ವರ್ ದೃಶೇ || ೧೮,೨೨।೪

ಯೇನಾ ಪಾವಕ ಚಕ್ಷುಷಾ
ಭುರಣ್ಯಂತಂ ಜನಾಁ ಅನು |
ತ್ವಂ ವರುಣ ಪಶ್ಯಸಿ || ೧೮,೨೨।೫

ವಿ ದ್ಯಾಂ ಏಷಿ ರಜಸ್ ಪೃಥ್ವ್
ಅಹರ್ ಮಿಮಾನೋ ಅಕ್ತುಭಿಃ |
ಪಶ್ಯನ್ ಜನ್ಮಾನಿ ಸೂರ್ಯ || ೧೮,೨೨।೬

ಸಪ್ತ ತ್ವಾ ಹರಿತೋ ರಥೇ
ವಹಂತಿ ದೇವ ಸೂರ್ಯ |
ಶೋಚಿಷ್ಕೇಶಂ ವಿಚಕ್ಷಣಂ || ೧೮,೨೨।೭

ಅಯುಕ್ತ ಸಪ್ತ ಶುಂಧ್ಯುವಃ
ಸೂರೋ ರಥಸ್ಯ ನಪ್ತ್ಯಃ |
ತಭಿರ್ ಯಾತಿ ಸ್ವಯುಕ್ತಿಭಿಃ || ೧೮,೨೨।೮

ಅಭಿ ಮಾ ವರ್ಚಸಾ ಗಿರಃ
ಸಿಂಚಂತೀರ್ ಆ ಚರಣ್ಯಥ |
ಅಭಿ ವತ್ಸಂ ನ ಧೇನವಃ || ೧೮,೨೨।೯

ತಾ ಅರ್ಷಂತಿ ಶುಭ್ರಿಯಃ
ಪೃಂಚತೀರ್ ವರ್ಚಸಾ ಪ್ರಿಯಃ |
ಜಾತಂ ಜಾತ್ರೀರ್ ಯಥಾ ಹೃದಾ || ೧೮,೨೨।೧೦
(೨೨)

ವಜ್ರಾಯೇವ ಸಾದ್ಧಿಯಃ
ಕೀರ್ತಿಂ ಶ್ರೇಮಾಣಂ ಆ ವಹಾನ್ |
ಮಹ್ಯಂ ಆಯುರ್ ಘೃತಪ್ರಿಯಃ || ೧೮,೨೩।೧

ರೋಹಿತೋ ದಿವಂ ಆಕ್ರಮೀತ್ ತಪಸಾ ತಪಸ್ವೀ |
ಸ ಯೋನಿಂ ಐತಿ ಸ ಉ ಜಾಯತೇ ಪುನಃ
ಸ ದೇವಾನಾಂ ಅಧಿಪತಿರ್ ಬಭೂವ || ೧೮,೨೩।೨

ಯೋ ವಿಶ್ವಚರ್ಷಣಿರ್ ಉತ ವಿಶ್ವತೋಮುಖೋ
ವಿಶ್ವತಸ್ಪಾಣಿರ್ ಉತವಿಶ್ವತಸ್ಪೃಧಃ |
ಸಂ ಬಾಹುಭ್ಯಾಂ ಭರತಿ ಸಂ ಪತತ್ರೈರ್
ದ್ಯಾವಾಪೃಥಿವೀ ಜನಯನ್ ದೇವ ಏಕಃ || ೧೮,೨೩।೩

ಏಕಪಾದ್ ದ್ವಿಪದೋ ಭೂಯೋ ವಿ ಚಕ್ರಮೇ
ದ್ವಿಪಾತ್ ತ್ರಿಪಾದಂ ಅಭ್ಯ್ ಏತಿ ಪಶ್ಚಾತ್ |
ತ್ರಿಪಾದ್ ಧ ಷಟ್ಪದೋ ಭೂಯೋ ವಿ ಚಕ್ರಮೇ
ತ ಏಕಪದಸ್ ತನ್ವಾಂ ಸಂ ಆಸತೇ || ೧೮,೨೩।೪

ಅತಂದ್ರೋ ಯಾಸ್ಯನ್ ಹರಿತೋ ಯದ್ ಆಸ್ಥಾ
ದಿವಿ ರೂಪಂ ಕೃಣುಷೇ ರೋಚಮಾನಃ |
ಕೇತುಮಾಁ ಉದ್ಯನ್ ಸಹಮಾನೋ ರಜಾಂಸಿ
ವಿಶ್ವಾ ಆದಿತ್ಯ ಪ್ರವತೋ ವಿ ಭಾಸಿ || ೧೮,೨೩।೫

ಬಣ್ ಮಹಾಁ ಅಸಿ ಸೂರ್ಯ
ಬಡ್ ಆದಿತ್ಯ ಮಹಾಁ ಅಸಿ |
ಮಹಾಂಸ್ ತೇ ಮಹತೋ ಮಹಿಮಾ
ತ್ವಂ ಆದಿತ್ಯ ಮಹಾಁ ಅಸಿ || ೧೮,೨೩।೬

ರೋಚಸೇ ದಿವಿ ರೋಚಸೇ ಅಂತರಿಕ್ಷೇ ಪತಂಗ
ಪೃಥಿವ್ಯಾಂ ರೋಚಸೇ ರೋಚಸೇ ಅಪ್ಸ್ವ್ ಅಂತಃ |
ಉಭಾ ಸಮುದ್ರೌ ರುಚ್ಯಾ ವ್ಯ್ ಆಪಿಥ
ದೇವೋ ದೇವಾಸಿ ಮಹಿಷಃ ಸ್ವರ್ವಿತ್ || ೧೮,೨೩।೭

ಅರ್ವಾಕ್ ಪರಸ್ತಾದ್ ವಿಯತೋ ವ್ಯಧ್ವ
ಆಶುರ್ ವಿಪಶ್ಚಿತ್ ಪತಯನ್ ಪತಂಗಃ |
ವಿಷ್ಣುರ್ ವಿಚಿತ್ತಃ ಶವಸಾಧಿತಿಷ್ಠನ್
ಪ್ರ ಕೇತುನಾ ಸಹತೇ ವಿಶ್ವಂ ಏಜತ್ || ೧೮,೨೩।೮

ತಿಗ್ಮೋ ವಿಭ್ರಾಜನ್ ತನ್ವಃ ಶಿಶಾನೋ
ಽರಂಗಮಾಸಃ ಪ್ರವತೋ ರರಾಣಃ |
ಜ್ಯೋತಿಷ್ಮಾನ್ ಪಕ್ಷೀ ಮಹಿಷೋ ವಯೋಧಾ
ವಿಶ್ವಾ ಆಸ್ಥಾತ್ ಪ್ರದಿಶಃ ಕಲ್ಪಮಾನಃ || ೧೮,೨೩।೯

ಚಿತ್ರಶ್ ಚಿಕಿತ್ವಾನ್ ಮಹಿಷಃ ಸುಪರ್ಣ
ಆರೋಚಯನ್ ರೋದಸೀ ಅಂತರಿಕ್ಷಂ |
ಅಹೋರಾತ್ರೇ ಪರಿ ಸೂರ್ಯಂ ವಸಾನೇ
ಪ್ರಾಸ್ಯ ವಿಶ್ವಾ ತಿರತೋ ವೀರ್ಯಾಣಿ || ೧೮,೨೩।೧೦
(೨೩)

ಚಿತ್ರಂ ದೇವಾನಾಂ ಕೇತುರ್ ಅನೀಕಂ
ಜ್ಯೋತಿಷ್ಮಾನ್ ಪ್ರದಿಶಃ ಸೂರ್ಯ ಉದ್ಯನ್ |
ದಿವಾಕರೋ ಅತಿ ದ್ಯುಮ್ನೈಸ್ ತಮಾಂಸಿ
ವಿಶ್ವಾತಾರೀದ್ ದುರಿತಾನಿ ಶುಕ್ರಃ || ೧೮,೨೪।೧

ಚಿತ್ರಂ ದೇವಾನಾಂ ಉದ್ ಅಗಾದ್ ಅನೀಕಂ
ಚಕ್ಷುರ್ ಮಿತ್ರಸ್ಯ ವರುಣಸ್ಯಾಗ್ನೇಃ |
ಆಪ್ರಾ ದ್ಯಾವಾಪೃಥಿವೀ ಅಂತರಿಕ್ಷಂ
ಸೂರ್ಯ ಆತ್ಮಾ ಜಗತಸ್ ತಸ್ಥುಷಶ್ ಚ || ೧೮,೨೪।೨

ಉಚ್ಚಾ ಪತಂತಂ ಅರುಣಂ ಸುಪರ್ಣಂ
ಮಧ್ಯೇ ದಿವಸ್ ತರಣಿಂ ಭ್ರಾಜಮಾಣಂ |
ಪಶ್ಯೇಮ ತ್ವಾ ಸವಿತಾರಂ ಯಂ ಆಹುರ್
ಅಜಸ್ರಂ ಜ್ಯೋತಿರ್ ಯದ್ ಅವಿಂದದ್ ಅತ್ರಿಃ || ೧೮,೨೪।೩

ದಿವಸ್ ಪೃಷ್ಠೇ ಧಾವಮಾನಂ ಸುಪರ್ಣಂ
ಅದಿತ್ಯಾಃ ಪುತ್ರಂ ನಾಥಕಾಮ ಉಪ ಯಾಮಿ ಭೀತಃ |
ಸ ನಃ ಸೂರ್ಯ ಪ್ರ ತಿರ ದೀರ್ಘಂ ಆಯುರ್
ಮಾ ರಿಷಾಮ ಸುಮತೌ ತೇ ಸ್ಯಾಮ || ೧೮,೨೪।೪

ಅಹೋರಾತ್ರಾಣಿ ವಿದಧತ್
ಕೃಣ್ವಾಣಃ ಪಾರ್ಥಿವಂ ರಜಃ |
ನವಂನವಂ ಸಖೀಭವಂ
ಕೃಣುಷೇ ದೇವ ಸೂರ್ಯ || ೧೮,೨೪।೫

ಸಹಸ್ರಾಹ್ಣ್ಯಂ ವಿಯತಾವ್ ಅಸ್ಯ ಪಕ್ಷೌ
ಹರೇರ್ ಹಂಸಸ್ಯ ಪಚತಃ ಸ್ವರ್ಗಂ |
ಸ ವಿಶ್ವಾನ್ ದೇವಾನ್ ಉರಸ್ಯ್ ಉಪದದ್ಯ
ಸಂಪಶ್ಯನ್ ಯಾತಿ ಭುವನಾನಿ ವಿಶ್ವಾ || ೧೮,೨೪।೬

ರೋಹಿತೋ ಲೋಕೋ ಅಭವದ್
ರೋಹಿತೋ ಽಗ್ರೇ ಪ್ರಜಾಪತಿಃ |
ರೋಹಿತೋ ಯಜ್ಞಾನಾಂ ಮುಖಂ
ರೋಹಿತೋ ಜ್ಯೋತಿರ್ ಉಚ್ಯತೇ || ೧೮,೨೪।೭

ರೋಹಿತೋ ಭೂತೋ ಅಭವದ್
ರೋಹಿತೋ ಭವ್ಯಂ ಆಭರತ್ |
ರೋಹಿತೋ ಯಜ್ಞಾನಾಂ ಮುಖಂ
ರೋಹಿತಃ ಸ್ವರ್ ಆ ಭರತ್ || ೧೮,೨೪।೮

ರೋಹಿತಃ ಕಾಲೋ ಅಭವದ್
ರೋಹಿತೋ ಽತ್ಯ್ ಅತಪದ್ ದಿವಂ |
ರೋಹಿತೋ ರಶ್ಮಿಭಿರ್ ಭೂಮಿಂ
ಸಮುದ್ರಂ ಅನು ಸಂ ಚರಾತ್ || ೧೮,೨೪।೯

ಸರ್ವಾ ದಿಶಃ ಸಂ ಚರತಿ
ರೋಹಿತೋ ಅಧಿಪತಿರ್ ದಿವಃ |
ದಿವಂ ಸಮುದ್ರಂ ಆದ್ ಭೂಮಿಂ
ಸರ್ವಾನ್ ಲೋಕಾನ್ ವಿ ರಕ್ಷತು || ೧೮,೨೪।೧೦
(೨೪)

ಬಿಭರ್ತ್ಯ್ ಅಂಶುಂ ಪ್ರತಿ ಮುಂಚತೇ ಸ್ರಜಂ
ಉದ್ ಊಹತೇ ರಶ್ಮೀನ್ ಅಂಶುಂ ಬೃಹಂತಂ |
ದಿವಾಕರಃ ಪಶ್ಯತಿ ಯತ್ ಪರಾತ್ ಪರಂ
ಪ್ರಾಹ್ಣಾ ಪ್ರ ವರ್ಷ್ಮಣಾ ವಿಶ್ವಂ ಅಪ್ರಾಙ್
ಹಿರಣ್ಯಯೋ ಹರಿತಃ ಕೇತುರ್ ಉದ್ಯನ್ || ೧೮,೨೫।೧

ಆರೋಹಞ್ ಛುಕ್ರೋ ಬೃಹತೀರ್ ಅತಂದ್ರೋ
ಮರ್ತ್ಯಃ ಕೃಣುತೇ ವೀರ್ಯಾಣಿ |
ದಿವ್ಯಃ ಸುಪರ್ಣೋ ಮಹಿಷೋ ವಾತರಂಹಾ
ಯತ್ ಸರ್ವಾನ್ ಲೋಕಾಁ ಅಭಿ ಯದ್ ವಿಭಾತಿ || ೧೮,೨೫।೨

ಅಭ್ಯ್ ಅನ್ಯದ್ ಏತಿ ಪರ್ಯ್ ಅನ್ಯದ್ ವಸಾನೋ
ಽಹೋರಾತ್ರಾಭ್ಯಾಂ ಮಹಿಷಃ ಕಲ್ಪಮಾನಃ |
ಸೂರ್ಯಂ ವಯಂ ರಜಸಿ ಕ್ಷಿಯಂತಂ
ಗಾತುವಿದಂ ಹವಾಮಹೇ ನಾಥಕಾಮಾಃ || ೧೮,೨೫।೩

ಪೃಥಿವೀಪ್ರೋ ಮಹಿಷೋ ನಾಧಮಾನಸ್ಯ
ಗಾತುರ್ ಅದಬ್ಧಚಕ್ಷುಃ ಪರಿ ಸರ್ವಂ ಬಭೂವ |
ವಿಶ್ವಂ ಸಂಪಶ್ಯನ್ ಸುವಿದತ್ರೋ ಯಜತ್ರಃ
ಶಿವಯಾ ನಸ್ ತನ್ವಾ ಶರ್ಮ ಯಚ್ಛಾತ್ || ೧೮,೨೫।೪

ಪರ್ಯ್ ಅಸ್ಯ ಮಹಿಮಾ ಪೃಥಿವೀಂ ಸಮುದ್ರಂ
ಜ್ಯೋತಿಷಾ ವಿಭ್ರಾಜನ್ ಪರಿ ದ್ಯಾಂ ಅಂತರಿಕ್ಷಂ |
ಅಹೋರಾತ್ರಾಭ್ಯಾಂ ಸಹ ಸಂವಿದಾನ
ಉಪಾ ನ ಆಯುಃ ಪ್ರ ತಿರಾದ್ ಅರಿಷ್ಟಂ || ೧೮,೨೫।೫

ಅಬೋಧ್ಯ್ ಅಗ್ನಿಃ ಸಮಿಧಾ ಜನಾನಾಂ
ಪ್ರತಿ ಧೇನುಂ ಇವಾಯತೀಂ ಉಷಾಸಂ |
ಯಹ್ವಾ ಇವ ಪ್ರ ವಯಾಂ ಉಜ್ಜಿಹಾನಾಃ
ಪ್ರ ಭಾನವಃ ಸಿಸ್ರತೇ ನಾಕಂ ಅಚ್ಛ || ೧೮,೨೫।೬

ಕುಮಾರಂ ಮಾತಾ ಯುವತಿರ್ ಗರ್ಭಂ ಅಂತರ್
ಗುಹಾ ಬಿಭರ್ತಿ ನ ದದಾತಿ ಪಿತ್ರೇ |
ಅನೀಕಂ ಅಸ್ಯ ನ ಮಿನಜ್ ಜನಾಸಃ
ಪುರಃ ಪಶ್ಯಂತಿ ನಿಹಿತಂ ಅರತೌ || ೧೮,೨೫।೭

ತಂ ಏತಂ ತ್ವಂ ಯುವತೇ ಕುಮಾರಂ
ತ್ವೇಷೀ ಬಿಭರ್ಷಿ ಮಹಿಷೀ ಜಜಾನ |
ಉರ್ವೀರ್ ಹಿ ಗರ್ಭಃ ಶರದೋ ವವರ್ಧ-
-ಅಪಶ್ಯಂ ಜಾತಂ ಯಂ ಅಸೂತ ಮಾತಾ || ೧೮,೨೫।೮

ಯಸ್ಯ ತಿಸ್ರೋ ವರ್ತನ ಏಕಧಾ ಸತೋ
ಯಸ್ಮೈ ಬಲಿಂ ದೇವಜನಾ ಹರಂತಿ |
ತಸ್ಯಾಸೌ ದ್ಯೌಃ ಪೃಥಿವ್ಯ್ ಅಂತರಿಕ್ಷಂ
ಗುಹಾ ತಿಷ್ಠಂತಿ ವಸುನಾ ಸಮಕ್ತಾಃ || ೧೮,೨೫।೯

ನವ ದಿವೋ ದೇವಜನೇನ ಗುಪ್ತಾ
ನವಾಂತರಿಕ್ಷಾಣಿ ನವ ಭೂಮಯ ಇಮಾಃ |
ಯಸ್ಮಿನ್ನ್ ಇದಂ ಸರ್ವಂ ಓತಂ ಪ್ರೋತಂ
ಯಸ್ಮಾದ್ ಅನ್ಯನ್ ನ ಪರಂ ಕಿಂ ಚನಾಸ್ತಿ || ೧೮,೨೫।೧೦
(೨೫)

ನ ತಸ್ಮಾತ್ ಪೂರ್ವಂ ನ ಪರಂ ನ್ವ್ ಅಸ್ತಿ
ನ ಭೂತಂ ನೋತ ಭವ್ಯಂ ಯದ್ ಆಸೀತ್ |
ಸಹಸ್ರಪಾದ್ ಏಕಮೂರ್ಧಾ ದ್ವ್ಯಾತ್ಮಾ
ಸ ಏವೇದಂ ಆ ವರೀವರ್ತಿ ಭೂತಂ || ೧೮,೨೬।೧

ಏಕೈಕಂ ಯೇ ಅಪತನ್ ಸುಪರ್ಣಾಃ
ಸೋಮಂ ದಿಪ್ಸಂತೋ ಽಹ್ಯಾ ನಿಬಾಢಾಃ |
ಕಸ್ ತೇಷಾಂ ವೇದ ಪಿತರಂ ಮಾತರಂ ಚ
ಕೋ ನಿದಾನಂ ಕ ಆತ್ಮಾನಂ ಏಷಾಂ || ೧೮,೨೬।೨

ಯೇಭಿರ್ ವಾತ ಇಷಿತಃ ಪ್ರವಾತಿ
ಯೇ ದದಂತೇ ಪಂಚ ದಿಶಃ ಸಧ್ರೀಚೀಃ |
ಯ ಆಹುತಿಂ ಅತ್ಯಮನ್ಯಂತ ದೇವಾ
ಅಪಾಂ ನೇತಾರಃ ಕತಮೇ ತ ಆಸನ್ || ೧೮,೨೬।೩

ಇಮಾಂ ಏಷಾಂ ಪೃಥಿವೀಂ ವಸ್ತ ಏಕೋ
ಅಂತರಿಕ್ಷಂ ಪರ್ಯ್ ಏಕೋ ಬಭೂವ |
ದಿವಂ ಏಷಾಂ ದದತೇ ಯೋ ವಿಧರ್ತಾ
ಸರ್ವಾ ದಿಶೋ ರಕ್ಷತ್ಯ್ ಏಕ ಏಷಾಂ || ೧೮,೨೬।೪
(೨೬)

ಅನುವಾಕ ೪ ||

ವ್ರಾತ್ಯೋ ವಾವೇದಂ ಅಗ್ರ ಆಸೀದ್
ವೀಯಮಾನ ಏವ ಸ ಪ್ರಜಾಪತಿಂ ಸಂ ಐರಯತ್ || ೧೮,೨೭।೧

ಸ ಪ್ರಜಾಪತಿರ್ ಆತ್ಮನಿ ಸುಪರ್ಣಂ ಅಪಶ್ಯತ್ || ೧೮,೨೭।೨

ತದ್ ಏಕಂ ಅಭವತ್ ತಲ್ ಲಲಾಮಂ ಅಭವತ್
ತನ್ ಮಹದ್ ಅಭವತ್ ತಜ್ ಜ್ಯೇಷ್ಠಂ ಅಭವತ್
ತತ್ ತಪೋ ಽಭವತ್ ತತ್ ಸತ್ಯಂ ಅಭವತ್
ತದ್ ಬ್ರಹ್ಮಾಭವತ್ ತೇನ ಪ್ರಾಜಾಯತ || ೧೮,೨೭।೩

ಸೋ ಽವರ್ಧತ ಸ ಮಹಾನ್ ಅಭವತ್
ಸ ಮಹಾದೇವೋ ಽಭವತ್ ಸ ಈಶಾನೋ ಽಭವತ್
ಸ ದೇವಾನಾಂ ಈಶಾನ್ ಅಗಚ್ಛತ್
ಸ ದೇವಾನಾಂ ಏಕವ್ರತ್ಯೋ ಽಭವತ್ || ೧೮,೨೭।೪

ಸ ಧೇನುರ್ ಆಧತ್ತ ತದ್ ಇಂದ್ರಧನುರ್ ಅಭವತ್ || ೧೮,೨೭।೫

ನೀಲಂ ಅಸ್ಯೋದರಂ ಲೋಹಿನ್ಯ್ ಅಸ್ಯ ಪೃಷ್ಟಿಃ || ೧೮,೨೭।೬

ನೀಲೇನಾಪ್ರಿಯಂ ಭ್ರಾತೃವ್ಯಂ ಪ್ರೋರ್ಣೋತಿ
ಲೋಹಿತೇನ ದ್ವಿಷಂತಂ ವಿಧ್ಯತೀತಿ ಬ್ರಹ್ಮವಾದಿನೋ ವದಂತಿ || ೧೮,೨೭।೭
(೨೭)

ಸ ಪ್ರಾಚೀಂ ದಿಶಂ ಅನು ವ್ಯ್ ಅಚಲತ್ |
ತಂ ಬೃಹಚ್ ಚ ರಥಂತರಂ ಚ ವಿಶ್ವೇ ಚ ದೇವಾ ಆದಿತ್ಯಾಶ್ ಚಾನು ವ್ಯ್ ಅಚಲನ್ |
ಬೃಹತಶ್ ಚ ವೈ ಸ ರಥಂತರಸ್ಯ ಚ ವಿಶ್ವೇಷಾಂ ಚ ದೇವಾನಾಂ
ಆದಿತ್ಯಾನಾಂ ಚ ಪ್ರಿಯಂ ಧಾಮ ಭವತಿ ಯ ಏವಂ ವೇದ |
ಬೃಹತೇ ಚ ವೈ ಸ ರಥಂತರಾಯ ಚ ವಿಶ್ವೇಭ್ಯಶ್ ಚ ದೇವೇಭ್ಯ ಆದಿತ್ಯೇಭ್ಯಶ್ ಚ-
-ಆ ವೃಶ್ಚತೇ ಯ ಏವಂ ವಿದ್ವಾಂಸಂ ವ್ರಾತ್ಯಂ ಉಪವದತಿ || ೧೮,೨೮।೧

ತಸ್ಯ ಪ್ರಾಚ್ಯಾಂ ದಿಶಿ |
ಶ್ರದ್ಧಾ ಪೂಂಶ್ಚಲೀ ಮಿತ್ರೋ ಮಾಗಧೋ ವಿಜ್ಞಾನಂ
ವಾಸೋ ಽಹರ್ ಉಷ್ಣೀಷಂ ರಾತ್ರೀ ಕೇಶಾ ಹರಿತೌ ಪ್ರವರ್ತೌ ಕಲ್ಮಲಿರ್ ಮಣಿಃ |
ಭೂತಂ ಚ ಭವ್ಯಂ ಚ ಪರಿಷ್ಕಂದೌ ಮನೋ ವಿಪಥಂ ಮಾತರಿಶ್ವಾ
ಪವಮಾನಶ್ ಚ ವಿಪಥವಾಹೌ ವಾತಃ ಸಾರಥೀ ರೇಷ್ಮಾ ಪ್ರತೋದಃ
ಕೀರ್ತಿಶ್ ಚ ಯಶಶ್ ಚ ಪುರಃಸರಾವ್ ಐನಂ ಕೀರ್ತಿರ್ ಗಚ್ಛತ್ಯ್
ಐನಂ ಯಶೋ ಗಚ್ಛತಿ ಯ ಏವಂ ವೇದ || ೧೮,೨೮।೨

ಸ ದಕ್ಷಿಣಾಂ ದಿಶಂ ಅನು ವ್ಯ್ ಅಚಲತ್ |
ತಂ ಯಜ್ಞಾಯಾಯಜ್ಞಿಯಂ ಚ ವಾಮದೇವ್ಯಂ ಚ ಯಜ್ಞಶ್ ಚ ಪಶವಶ್ ಚಾನು ವ್ಯ್ ಅಚಲನ್ |
ಯಜ್ಞಾಯಾಯಜ್ಞಿಯಸ್ಯ ಚ ವೈ ಸ ವಾಮದೇವ್ಯಸ್ಯ ಚ ಯಜ್ಞಸ್ಯ ಚ ಪಶುನಾಂ ಚ (…) |
ಯಜ್ಞಾಯಾಯಜ್ಞಿಯಾಯ ಚ ವೈ ಸ ವಾಮದೇವ್ಯಾಯ ಚ ಯಜ್ಞಾಯ ಚ ಪಶುಭ್ಯಶ್ ಚ (…) || ೧೮,೨೮।೩

ತಸ್ಯ ದಕ್ಷಿಣಾಯಾಂ ದಿಶಿ |
ಊಷಾಃ ಪೂಂಶ್ಚಲೀ ಮಂತ್ರೋ ಮಾಗಧೋ (…) |
ಅಹೋ ರಾತ್ರೀ ಚ ಪರಿಷ್ಕಂದೌ (…) || ೧೮,೨೮।೪

ಸ ಪ್ರತೀಚೀಂ ದಿಶಂ (ಅನು ವ್ಯ್ ಅಚಲತ್) |
ತಂ ವೈರೂಪಂ ಚ ವೈರಾಜಂ ಚ ವರುಣಶ್ ಚ ರಾಜಾ ಪಶ್ಚಾನು ವ್ಯ್ ಅಚಲನ್ |
ವೈರೂಪಸ್ಯ ಚ ವೈ ಸ ವೈರಾಜಸ್ಯ ಚ ವರುಣಸ್ಯ ಚ ರಾಜ್ಞೋ ಅಪಾಂ ಚ (…) |
ವೈರೂಪಾಯ ಚ ವೈ ಸ ವೈರಾಜಾಯ ಚ ವರುಣಾಯ ಚ ರಾಜ್ಞೇದ್ಭ್ಯಶ್ ಚ (…) || ೧೮,೨೮।೫

ತಸ್ಯ ಪ್ರತೀಚ್ಯಾಂ ದಿಶಿ |
ಇರಾಃ ಪುಂಶ್ಚಲೀ ಹಸೋ ಮಾಗಧೋ (…) |
ಪೌರ್ಣಮಾಸೀ ಚಾಮಾವಾಸ್ಯಾ ಚ ಪರಿಷ್ಕಂದೌ (…) || ೧೮,೨೮।೬

ಸ ಉದೀಚೀಂ ದಿಶಂ ಅನು ವ್ಯ್ ಅಚಲತ್ |
ತಂ ಶ್ಯೈತಂ ಚ ನೌಧಸಂ ಚ ಸೋಮಶ್ ಚ ರಾಜಾ ಸಪ್ತ ಋಷಯಶ್ ಚಾನು ವ್ಯ್ ಅಚಲನ್ |
ಶ್ಯೈತಸ್ಯ ಚ ವೈ ಸ ನೌಧಸಸ್ಯ ಚ ಸೋಮಸ್ಯ ಚ ರಾಜ್ಞಃ
ಸಪ್ತ ಋಷೀನಾಂ ಚ ಪ್ರಿಯಂ ಧಾಮ ಭವತಿ ಯ (ಏವಂ ವೇದ) |
ಶ್ಯೈತಾಯ ಚ ವೈ ಸ ನೌಧಾಸಾಯ ಚ ಸೋಮಾಯ ಚ ರಾಜ್ಞಃ
ಸಪ್ತ ಋಷಿಭ್ಯಶ್ ಚಾ ವೃಶ್ಚತೇ ಯ ಏವಂ ವಿದ್ವಾಂಸಂ ವ್ರಾತ್ಯಂ ಉಪವದತಿ || ೧೮,೨೮।೭

ತಸ್ಯೋದೀಚ್ಯಾಂ ದಿಶಿ |
ವಿದ್ಯುತ್ ಪುಂಶ್ಚಲೀ ಸ್ತನಯಿತ್ನುರ್ ಮಾಗಧೋ ವಿಜ್ಞಾನಂ ವಾಸೋ ಽಹರ್ ಉಷ್ಣೀಷಂ ರಾತ್ರೀ
ಕೇಶಾ ಹರಿತೌ ಪ್ರವರ್ತೌ ಕಲ್ಮಲಿರ್ ಮಣಿಃ |
ಶ್ರುತಂ ಚ ವಿಶ್ರುತಂ ಚ ಪರಿಷ್ಕಂದೌ ಮನೋ ವಿಪಥಂ
ಮಾತರಿಶ್ವಾ ಚ ಪವಮಾನಶ್ ಚ ವಿಪಥವಾಹೌ
ವಾತಃ ಸಾರಥೀ ರೇಷ್ಮಾ ಪ್ರತೋದಃ ಕೀರ್ತಿಶ್ ಚ ಯಶಶ್ ಚ ಪುರಃಸರಾವ್
ಐನಂ ಕೀರ್ತಿರ್ ಗಚ್ಛತ್ಯ್ ಐನಂ ಯಶೋ ಗಚ್ಛತಿ ಯ (ಏವಂ ವೇದ) || ೧೮,೨೮।೮
(೨೮)

ಸ ಸಂವತ್ಸರಂ ಊರ್ಧ್ವೋ ಽತಿಷ್ಠತ್
ತಂ ದೇವಾ ಅಬ್ರುವನ್ ವ್ರಾತ್ಯ ಕಿಂ ನು ತಿಷ್ಠಸೀತಿ |
ಸೋ ಽಬ್ರವೀದ್ ಆಸಂದೀಂ ಮೇ ಸಂ ಭರಂತ್ವ್ ಇತಿ
ತಸ್ಮಾ ಆಸಂದೀಂ ಸಂ ಅಭರನ್ |
ತಸ್ಯಾ ವಸಂತಶ್ ಚ ಗ್ರೀಷ್ಮಶ್ ಚ
ಪೂರ್ವೌ ಪಾದವ್ ಆಸ್ತಾಂ ವರ್ಷಾಶ್ ಚ ಶರಚ್ ಚಾಪರೌ |
ತಂ ಬೃಹಚ್ ಚ ರಥಂತರಂ ಚಾನೂಚ್ಯೇ ಆಸ್ತಾಂ
ಯಜ್ಞಾಯಜ್ಞಿಯಂ ಚ ವಾಮದೇವ್ಯಂ ಚ ತಿರಶ್ಚೇ |
ಋಚಃ ಪ್ರಾಂಚಸ್ ತಂತವೋ ಯಜೂಂಷಿ ತೀರ್ಯಂಚಃ |
ವೇದ ಆಸ್ತರೋ ಬ್ರಹ್ಮೋಪ ಬರ್ಹಣಂ ಸಾಮಾಸೀದ
ಉದ್ಗೀಥೋ ಽಪಶ್ರಯಂತಾಂ ಅಸೀದತ್ |
ತಸ್ಯ ಸಂಕಲ್ಪಾಃ ಪ್ರಹಾಸ್ಯಾ ಆಸನ್
ದೇವಜನಾಃ ಪರಿಷ್ಕಂದಾ ಅಪ್ಸರಸಃ ಪತ್ನೀರ್ ವಿಶ್ವಾನಿ ಭೂತಾನ್ಯ್ ಉಪಸದಃ |
ಐನಂ ವಿಶ್ವಾನಿ ಭೂತಾನಿ ಗಚ್ಛಂತಿ
ಪ್ರಿಯೋ ವಿಶ್ವೇಷಾಂ ಭೂತಾನಾಂ ಭವತಿ ಯ ಏವಂ ವೇದ || ೧೮,೨೯।೧
(೨೯)

ತಸ್ಮೈ ಪ್ರಾಚ್ಯಾ ದಿಶಃ |
ವಾಸಂತೌ ಮಾಸೌ ಗೋಪ್ತಾರಾವ್ ಅಕುರ್ವನ್ ಬೃಹಚ್ ಚ ರಥಂತರಂ ಚಾನುಷ್ಠಾತಾರೌ |
ವಾಸಂತಾವ್ ಏನಂ ಮಾಸೌ ಪ್ರಾಚ್ಯಾ ದಿಶೋ ಗೋಪಾಯತೋ
ಬೃಹಚ್ ಚ ರಥಂತರಂ ಚಾನುತಿಷ್ಠತೋ ಯ (ಏವಂ ವೇದ) || ೧೮,೩೦।೧

ತಸ್ಮೈ ದಕ್ಷಿಣಾಯಾ ದಿಶಃ |
ಗ್ರೈಷ್ಮೌ ಮಾಸೌ ಗೋಪ್ತಾರಾವ್ ಅಕುರ್ವನ್
ಯಜ್ಞಾಯಜ್ಞಿಯಂ ಚ ವಾಮದೇವ್ಯಂ ಚಾನುಷ್ಠಾತಾರೌ |
ಗ್ರೈಷ್ಮಾವ್ ಏನಂ ಮಾಸೌ ದಕ್ಷಿಣಾಯಾ ದಿಶೋ ಗೋಪಾಯತೋ
ಯಜ್ಞಾಯಜ್ಞಿಯಂ ಚ ವಾಮದೇವ್ಯಂ ಚಾ(ನು …) || ೧೮,೩೦।೨

ತಸ್ಮೈ ಪ್ರತೀಚ್ಯಾ ದಿಶಃ |
ವಾರ್ಷಿಕೌ ಮಾಸೌ ಗೋಪ್ತಾರಾವ್ ಅಕುರ್ವನ್ ವೈರೂಪಂ ಚ ವೈರಾಜಂ ಚಾನುಷ್ಠಾತಾರೌ |
ವಾರ್ಷಿಕಾವ್ ಏನಂ ಮಾಸೌ ಪ್ರತೀಚ್ಯಾ ದಿಶೋ ಗೋಪಾಯತೋ
ವೈರೂಪಂ ಚ ವೈರಾಜಂ ಚಾ(ನು …) || ೧೮,೩೦।೩

ತಸ್ಮಾ ಉದೀಚ್ಯಾ ದಿಶಃ |
ಶರದೌ ಮಾಸೌ ಗೋಪ್ತಾರಾವ್ ಅಕುರ್ವಞ್ ಛ್ಯೈತಂ ಚ ನೌಧಸಂ ಚಾನುಷ್ಟಾತಾರೌ |
ಶಾರದಾವೇನಂ ಮಾಸಾ ಉದೀಚ್ಯಾ ದಿಶೋ ಗೋಪಾಯತಃ
ಶ್ಯೈತಂ ಚ ನೈಧಸಂ ಚಾ(ನು …) || ೧೮,೩೦।೪

ತಸ್ಮೈ ಧ್ರುವಾಯಾ ದಿಶಃ |
ಹೈಮನೌ ಮಾಸೌ ಗೋಪ್ತಾರಾವ್ ಅಕುರ್ವನ್ ಭೂಮಿಂ ಚಾಗ್ನಿಂ ಚಾನುಷ್ಠಾತಾರೌ |
ಹೈಮನಾವ್ ಏನಂ ಮಾಸೌ ಧ್ರುವಾಯಾ ದಿಶೋ ಗೋಪಾಯತೋ
ಭೂಮಿಶ್ ಚಾಗ್ನಿಶ್ ಚ(ನು …) || ೧೮,೩೦।೫

ತಸ್ಮಾ ಊರ್ಧ್ವಾಯಾ ದಿಶಃ |
ಶೈಶಿರೌ ಮಾಸೌ ಗೋಪ್ತಾರಾವ್ ಅಕುರ್ವನ್ ದಿವಂ ಚಾದಿತ್ಯಂ ಚಾನುಷ್ಠಾತಾರೌ |
ಶೈಶಿರಾವ್ ಏನಂ ಮಾಸಾ ಊರ್ಧ್ವಾಯಾ ದಿಶೋ ಗೋಪಾಯತೋ
ದ್ಯೌಶ್ ಚಾದಿತ್ಯಶ್ಚಾನು ತಿಷ್ಠತೋ ಯ ಏವಂ ವೇದ || ೧೮,೩೦।೬
(೩೦)

ತಸ್ಮೈ ಪ್ರಾಚೀನಾದ್ ಅಂತರ್ದೇಶಾದ್
ಭವಂ ಇಷ್ವಾಸಂ ಅನುಷ್ಠಾತಾರಂ ಅಕುರ್ವನ್ |
ಭವ ಏನಂ ಇಷ್ವಾಸಃ ಪ್ರಾಚೀನಾದ್ ಅಂತರ್ದೇಶಾದ್
ಅನುಷ್ಠಾತಾ(ನು ತಿಷ್ಠತಿ ಯ ಏವಂ ವೇದ) || ೧೮,೩೧।೧

ತಸ್ಮೈ ದಕ್ಷಿಣಾಯಾದ್ ಅಂತರ್ದಶಾಚ್
ಛರ್ವಂ ಇಷ್ವಾಸಂ (ಅನುಷ್ಠಾತಾರಂ ಅಕುರ್ವನ್) |
ಶರ್ವ ಏನಂ ಇಷ್ವಾಸೋ ದಕ್ಷಿಣಾದ್ ಅಂತರ್ದೇಶಾದ್
(…) || ೧೮,೩೧।೨

ತಸ್ಮೈ ಪ್ರತೀಚೀನಾದ್ ಅಂತರ್ದೇಶಾದ್
ರುದ್ರಂ ಇಷ್ವಾಸಂ (ಅನುಷ್ಠಾತಾರಂ ಅಕುರ್ವನ್) |
ರುದ್ರ ಏನಂ ಇಷ್ವಾಸಃ ಪ್ರತೀಚೀನಾದ್ ಅಂತರ್ದೇಶಾದ್
(…) || ೧೮,೩೧।೩

ತಸ್ಮಾ ಉದೀಚೀನಾದ್ ಅಂತರ್ದೇಶಾತ್
ಪಶುಪತಿಂ ಇಷ್ವಾಸಂ (ಅನುಷ್ಠಾತಾರಂ ಅಕುರ್ವನ್) |
ಪಶುಪತಿರ್ ಏನಂ ಇಷ್ವಾಸ ಉದೀಚೀನಾದ್ ಅಂತರ್ದೇಶಾದ್
(…) || ೧೮,೩೧।೪

ತಸ್ಮೈ ಧ್ರುವಾದ್ ಅಂತರ್ದೇಶಾದ್
ಉಗ್ರಂ ದೇವಂ ಇಷ್ವಾಸಂ (ಅನುಷ್ಠಾತಾರಂ ಅಕುರ್ವನ್) |
ಉಗ್ರ ಏನಂ ದೇವ ಇಷ್ವಾಸೋ ಧ್ರುವಾದ್ ಅಂತರ್ದೇಶಾದ್
(…) || ೧೮,೩೧।೫

ತಸ್ಮಾ ಊರ್ಧ್ವಾದ್ ಅಂತರ್ದೇಶಾನ್
ಮಹಾದೇವಂ ಇಷ್ವಾಸಂ (ಅನುಷ್ಠಾತಾರಂ ಅಕುರ್ವನ್) |
ಮಹಾದೇವ ಏನಂ ಇಷ್ವಾಸ ಊರ್ಧ್ವಾದ್ ಅಂತರ್ದೇಶಾದ್
ಅನುಷ್ಠಾತಾ (…) || ೧೮,೩೧।೬

ತಸ್ಮೈ ಸರ್ವೇಭ್ಯೋ ಽನ್ತರ್ದೇಶೇಭ್ಯ
ಈಶಾನಂ ಇಷ್ವಾಸಂ ಅನುಷ್ಠಾತಾರಂ ಅಕುರ್ವನ್ |
ಈಶಾನ ಏನಂ ಇಷ್ವಾಸಃ ಸರ್ವೇಭ್ಯೋ ಽನ್ತರ್ದೇಶೇಭ್ಯೋ
ಽನುಷ್ಠಾತಾನು ತಿಷ್ಠತಿ ಯ (ಏವಂ ವೇದ) || ೧೮,೩೧।೭
(೩೧)

ಸ ಧ್ರುವಾನ್ ದಿಶಂ ಅನು ವ್ಯ್ ಅಚಲತ್ |
ತಂ ಭೂಮಿಶ್ ಚಾಗ್ನಿಶ್ ಚೌಷಧಯಶ್ ಚ ವನಸ್ಪತಯಶ್ ಚ
ವೀರುಧಶ್ ಚ ವಾನಸ್ಪತ್ಯಾಶ್ ಚಾನು ವ್ಯ್ ಅಚಲನ್ |
ಭೂಮೇಶ್ ಚ ವೈ ಸೋ ಽಗ್ನೇಶ್ ಚೌಷಧೀನಾಂ ಚ ವನಸ್ಪತಿನಾಂ ಚ
ವೀರುಧಾಂ ಚ ವಾನಸ್ಪತ್ಯಾನಾಂ ಚ ಪ್ರಿಯಂ ಧಾಮ ಭವತಿ ಯ (ಏವಂ ವೇದ) |
ಭೂಮಯೇ ಚ ವೈ ಸೋ ಽಗ್ನಯೇ ಚೌಷಧಿಭ್ಯಶ್ ಚ ವನಸ್ಪತಿಭ್ಯಶ್ ಚ
ವೀರುದ್ಭ್ಯಶ್ ಚ ವಾನಸ್ಪತ್ಯೇಭ್ಯಶ್ ಚಾ ವೃಶ್ಚತೇ
ಯ ಏವಂ ವಿದ್ವಾಂಸಂ ವ್ರಾತ್ಯಂ ಉಪವದತಿ || ೧೮,೩೨।೧

ಸ ಊರ್ಧ್ವಾಂ ದಿಶಂ (ಅನು ವ್ಯ್ ಅಚಲತ್) |
ತಂ ಋತಂ ಚ ಸತ್ಯಂ ಚ ಸೂರ್ಯಶ್ ಚ ಚಂದ್ರಮಾಶ್ ಚಾನು ವ್ಯ್ ಅಚಲನ್ |
ಋತಸ್ಯ ಚ ವೈ ಸ ಸತ್ಯಸ್ಯ ಚ ಸೂರ್ಯಸ್ಯ ಚ ಚಂದ್ರಮಾಸಶ್ ಚ (…) |
ಋತಾಯ ಚ ವೈ ಸ ಸತ್ಯಾಯ ಚ ಸೂರ್ಯಾಯ ಚ ಚಂದ್ರಮಾಸೇ ಚ (…) || ೧೮,೩೨।೨

ಸ ಬೃಹತೀಂ ದಿಶಂ (ಅನು ವ್ಯ್ ಅಚಲತ್) |
ತಂ ಋಚಶ್ ಚ ಸಾಮಾನಿ ಚ ಯಜೂಂಷಿ ಚ ಬ್ರಹ್ಮ ಚಾನು ವ್ಯ್ ಅಚಲನ್ |
ಋಚಾಂ ಚ ವೈ ಸ ಸಾಮ್ನಾಂ ಚ ಯಜುಷಾಂ ಚ ಬ್ರಹ್ಮಣಶ್ ಚ (ಪ್ರಿಯಂ ಧಾಮ …) |
ಋಗ್ಭ್ಯಶ್ ಚ ವೈ ಸ ಸಾಮಭ್ಯಶ್ ಚ ಯಜುರ್ಭ್ಯಶ್ ಚ ಬ್ರಹ್ಮಣೇ ಚ (…) || ೧೮,೩೨।೩

ಸ ಉತ್ತಮಾಂ ದಿಶಂ (ಅನು ವ್ಯ್ ಅಚಲತ್) |
ತಂ ಇತಿಹಾಸಶ್ ಚ ಪುರಾಣಂ ಚ ಗಾಥಾಶ್ ಚ ನಾರಾಶಂಸೀಶ್ಚಾನು ವ್ಯ್ ಅಚಲನ್ |
ಇತಿಹಾಸಸ್ಯ ಚ ವೈ ಸ ಪುರಾಣಸ್ಯ ಚ ಗಾಥಾನಾಂ ಚ ನಾರಾಶಂಸೀನಾಂ ಚ (ಪ್ರಿಯಂ …) |
ಇತಿಹಾಸಾಯ ಚ ವೈ ಸ ಪುರಾಣಾಯ ಚ ಗಾಥಾಭ್ಯಶ್ ಚ ನಾರಾಶಂಸೀಭ್ಯಶ್ ಚ (…) || ೧೮,೩೨।೪

ಸ ಪರಮಾಂ ದಿಶಂ ಅನು ವ್ಯ್ ಅಚಲತ್ |
ತಂ ಋತವಶ್ ಚಾರ್ತವಾಶ್ ಚ ಲೋಕಾಶ್ ಚ ಲೌಕ್ಯಾಶ್ ಚಾನು ವ್ಯ್ ಅಚಲನ್ |
ಋತೂನಾಂ ಚ ವೈ ಸ ಆರ್ತವಾನಾಂ ಚ ಲೋಕಾನಾಂ ಚ ಲೌಕ್ಯಾನಾಂ ಚ ಪ್ರಿಯಂ (ಧಾಮ …) |
ಋತುಭ್ಯಶ್ ಚ ವೈ ಸ ಆರ್ತವೇಭ್ಯಶ್ ಚ ಲೋಕೇಭ್ಯಶ್ ಚ ಲೌಕ್ಯೈಭ್ಯಶ್ ಚಾ ವೃಶ್ಚತೇ (ಯ …) || ೧೮,೩೨।೫

ಸೋಕದ್ರೀಚೀಂ ದಿಶಂ ಅನು ವ್ಯ್ ಅಚಲತ್ ತತೋ ನಾವರ್ತ್ಸ್ಯನ್ನಮನ್ಯತ |
ತಂ ವಿರಾಡ್ ಅನು ವ್ಯ್ ಅಚಲತ್ ಸರ್ವೇ ಚ ದೇವಾಃ ಸರ್ವಾಶ್ ಚ ದೇವತಾಃ |
ವಿರಾಜೇ ಚ ವೈ ಸ ಸರ್ವೇಷಾಂ ದೇವಾನಾಂ ಸರ್ವಾಸಾಂ ಚ ದೇವತಾನಾಂ ಚ ಪ್ರಿಯಂ (…) |
ವಿರಾಜೇ ಚ ವೈ ಸ ಸರ್ವೇಭ್ಯಶ್ ಚ ದೇವೇಭ್ಯಃ ಸರ್ವಾಭ್ಯಶ್ ಚ ದೇವತಾಭ್ಯ ಆ ವೃಶ್ಚತೇ (ಯ …) || ೧೮,೩೨।೬

ಸೋ ಽನಾದಿಷ್ಟಾಂ ದಿಶಂ ಅನು ವ್ಯ್ ಅಚಲತ್ ತತೋ ನಾವರ್ತ್ಸ್ಯನ್ನಮನ್ಯತ |
ತಂ ದಕ್ಷಿಣಾಗ್ನಿಶ್ ಚ ಗಾರ್ಹಪತ್ಯಶ್ ಚಾಹವನೀಯಶ್ ಚ ಯಜ್ಞಶ್ ಚ ಯಜಮಾನಶ್ ಚಾನು ವ್ಯ್ ಅಚಲನ್ |
ದಕ್ಷಿಣಾಗ್ನೇಶ್ ಚ ವೈ ಸ ಗಾರ್ಹಪತ್ಯಸ್ಯ ಚಾಹವನೀಯಸ್ಯ ಯಜ್ಞಸ್ಯ ಯಜಮಾನಸ್ಯ ಚ ಪ್ರಿಯಂ (ಧಾಮ …) |
ದಕ್ಷಿಣಾಗ್ನಯೇ ಚ ವೈ ಸ ಗಾರ್ಹಪತ್ಯಾಯ ಚಾಹವನೀಯಾಯ ಚ ಯಜ್ಞಾಯ ಚ ಯಜಮನಾಯ ಚಾ ವೃಶ್ಚತೇ (ಯ …) || ೧೮,೩೨।೭

ಸೋ ಽನ್ತರ್ದೇಶಾನ್ ಅನು ವ್ಯ್ ಅಚಲತ್ |
ತಂ ದಿತಿಶ್ ಚದಿತಿಶ್ ಚೇಡಾ ಚೇಂದ್ರಣೀ ಚಾನು ವ್ಯ್ ಅಚಲನ್ |
ದಿತೇಶ್ ಚ ವೈ ಸೋ ಽದಿತೇಶ್ ಚೇಡಾಯಾಶ್ ಚೇಂದ್ರಾಣ್ಯಾಶ್ ಚ (ಪ್ರಿಯಂ …) |
ದಿತಯೇ ಚ ವೈ ಸೋ ಽದಿತಯೇ ಚೇಡಾಯೈ ಚೇಂದ್ರಾನ್ಯೈ ಚಾ (ವೃಶ್ಚತೇ …) || ೧೮,೩೨।೮

ಸ ದಿಶೋ ಽನು ವ್ಯ್ ಅಚಲತ್ |
ತಂ ಪ್ರಜಾಪತಿಶ್ ಚ ಪರಮೇಷ್ಠೀ ಚ ಪಿತಾ ಚ ಪಿತಾಮಹಶ್ ಚಾನು ವ್ಯ್ ಅಚಲನ್ |
ಪ್ರಜಾಪತೇಶ್ ಚ ವೈ ಸ ಪರಮೇಷ್ಠಿನಶ್ ಚ ಪಿತುಶ್ ಚ ಪಿತಾಮಹಸ್ಯ ಚ ಪ್ರಿಯಂ ಧಾಮ ಭವತಿ ಯ (ಏವಂ …) |
ಪ್ರಜಾಪತಯೇ ಚ ವೈ ಸ ಪರಮೇಷ್ಠಿನೇ ಚ ಪಿತ್ರೇ ಚ ಪಿತಾಮಹಾಯ ಚಾ ವೃಶ್ಚತೇ
ಯ ಏವಂ ವಿದ್ವಾಂಸಂ ವ್ರಾತ್ಯಂ ಉಪವದತಿ || ೧೮,೩೨।೯
(೩೨)

ಅನುವಾಕ ೫ ||

ಸ ಮಹಿಮಾ ಸದ್ರುರ್ ಭೂತ್ವಾಂತಂ ಭೂಮ್ಯಾ ಅಗಚ್ಛತ್ ಸಮುದ್ರೋ ಽಭವತ್ |
ತಂ ಪ್ರಜಾಪತಿಶ್ ಚ ಪರಮೇಷ್ಠೀ ಚಾಪಶ್ ಚ ಶ್ರದ್ಧಾ ಚ ವರ್ಷಂ ಚ ಭೂತ್ವಾನು ವ್ಯ್ ಅವರ್ತಂತ |
ತಂ ಯಜ್ಞಶ್ ಚ ಲೋಕಶ್ ಚಾನ್ನಂ ಚಾನ್ನಾದ್ಯಂ ಚ ಭೂತ್ವಾಭಿ ಪರ್ಯ್ ಆ ವರ್ತಂತ |
ಐನಂ ಆಪೋ ಗಚ್ಛಂತ್ಯ್ ಐನಂ ವರ್ಷಂ ಗಚ್ಛತ್ಯ್ ಐನಂ ಶ್ರದ್ಧಾ ಗಚ್ಛತ್ಯ್
ಐನಂ ದೀಕ್ಷಾ ಗಚ್ಛತ್ಯ್ ಐನಂ ಯಜ್ಞೋ ಗಚ್ಛತ್ಯ್ ಐನಂ ಲೋಕೋ ಗಚ್ಛತ್ಯ್
ಐನಂ ಅನ್ನಂ ಗಚ್ಛತ್ಯ್ ಐನಂ ಅನ್ನಾದ್ಯಂ ಗಚ್ಛತಿ ಯ (ಏವಂ ವೇದ) || ೧೮,೩೩।೧
(೩೩)

ಸೋ ಽರಜ್ಯತ ತಸ್ಮಾದ್ ರಜ್ಯಮಾನಾದ್ ರಾಜನ್ಯೋ ಅಜಾಯತ |
ಸ ವಿಶಃ ಸಬಂಧೂನ್ ಅನ್ನಂ ಚಾನ್ನಾದ್ಯಂ ಚಾಭ್ಯ್ ಉದ್ ಅತಿಷ್ಠತ |
ವಿಶಾಂ ಚ ವೈ ಸ ಸಬಂಧೂನಾಂ ಚಾನ್ನಸ್ಯ ಚಾನ್ನಾದ್ಯಸ್ಯ ಚ ಪ್ರಿಯಂ ಧಾಮ ಭವತಿ ಯ (ಏವಂ ವೇದ) |
ವಿಡ್ಭ್ಯಶ್ ಚ ವೈ ಸ ಸಬಂಧುಭ್ಯಶ್ ಚಾನ್ನಾಯ ಚಾನ್ನಾದ್ಯಾಯ ಚಾ ವೃಶ್ಚತೇ
ಯ ಏವಂ ವಿದ್ವಾಂಸಂ ವ್ರಾತ್ಯಂ ಉಪವದತಿ || ೧೮,೩೪।೧
(೩೪)

ಸ ವಿಶೋ ಽನು ವ್ಯ್ ಅಚಲತ್ |
ತಂ ಸಭಾ ಚ ಸಮಿತಿಶ್ ಚ ಸೇನಾ ಚ ಸುರಾ ಚಾನು ವ್ಯ್ ಅಚಲನ್ |
ಸಭಾಯಾಶ್ ಚ ವೈ ಸ ಸಮಿತೇಶ್ ಚ ಸೇನಾಯಾಶ್ ಚ ಸೂರಾಯಾಶ್ ಚ ಸ ಪ್ರಿಯಂ
ಧಾಮ ಭವತಿ ಯ ಏವಂ ವೇದ |
ಸಭಾಯೈ ಚ ವೈ ಸ ಸಮಿತಯೇ ಚ ಸೇನಾಯೈ ಚ ಸುರಾಯೈ ಚಾ ವೃಶ್ಚತೇ
ಯ ಏವಂ ವಿದ್ವಾಂಸಂ ವ್ರಾತ್ಯಂ ಉಪವದತಿ || ೧೮,೩೫।೧
(೩೫)

ಯಸ್ಯೈವಂ ವಿದ್ವಾನ್ ವ್ರಾತ್ಯೋ ರಾಜ್ಞೋ ಽತಿಥಿರ್ ಗೃಹಂ ಆಗಚ್ಛೇತ್ |
ಶ್ರೇಯಾಂಸಂ ಏನಂ ಆತ್ಮನೋ ಮಾನಯೇತ್ ತಥಾ ರಾಷ್ಟ್ರಾಯ ನಾ ವೃಶ್ಚತೇ
ತಥಾ ಕ್ಷತ್ರಾಯ ನಾ ವೃಶ್ಚತೇ ತಥಾ ಬ್ರಹ್ಮಣೇ ನಾ ವೃಶ್ಚತೇ |
ತತೋ ವೈ ಬ್ರಹ್ಮ ಚ ಕ್ಷತ್ರಂ ಚೋದ್ ಅತಿಷ್ಠತಾಂ
ತೇ ಅಬ್ರೂತಾಂ ಕಂ ಪ್ರ ವಿಶಾವೇತಿ |
ತೇ ಪ್ರಜಾಪತಿರ್ ಅಬ್ರವೀದ್ ಬೃಹಸ್ಪತಿಂ ಏವ ಬ್ರಹ್ಮ ಪ್ರಾವಿಶದ್ ಇಂದ್ರಂ ಕ್ಷತ್ರಂ ಇತಿ |
ತತೋ ವೈ ಬೃಹಸ್ಪತಿಂ ಏವ ಬ್ರಹ್ಮ ಪ್ರಾವಿಶದ್ ಇಂದ್ರಂ ಕ್ಷತ್ರಂ |
ಇಯಂ ವಾವ ಭೂಮಿರ್ ಬೃಹಸ್ಪತಿರ್ ಅಸೌ ದ್ಯೌರ್ ಇಂದ್ರಃ |
ಅಯಂ ವಾವಾಗ್ನಿರ್ ಬ್ರಹ್ಮಾಸಾವ್ ಆದಿತ್ಯಃ ಕ್ಷತ್ರಂ |
ಐನಂ ಕ್ಷತ್ರಂ ಗಚ್ಛತೀಂದ್ರಯಾವೀ ಭವತಿ ಯ ಆದಿತ್ಯಂ ಕ್ಷತ್ರಂ ದಿವಂ ಇಂದ್ರಂ ವೇದ |
ಐನಂ ಬ್ರಹ್ಮ ಗಚ್ಛತಿ ಬ್ರಾಹ್ಮಣವರ್ಚಸೀ ಭವತಿ
ಯೋ ಽಗ್ನಿಂ ಬ್ರಹ್ಮ ಬೃಹಸ್ಪತಿಂ ಭೂಮಿಂ ವೇದ || ೧೮,೩೬।೧
(೩೬)

ಯಸ್ಯೋದ್ಧೃತೇಷ್ವ್ ಅಗ್ನಿಷ್ವ್ ಅಹುತೇ ಅಗ್ನಿಹೋತ್ರ ಏವಂ ವಿದ್ವಾನ್ ವ್ರಾತ್ಯೋ ಽತಿಥಿಃ |
ಸ್ವಯಂ ಏನಂ ಅಭ್ಯುದೇತ್ಯ ಬ್ರೂಯಾದ್
ವ್ರಾತ್ಯ ಕ್ವಾವಾತ್ಸೀರ್ ಇತಿ ವ್ರಾತ್ಯೋ ದಕಂ ಇತಿ ವ್ರಾತ್ಯ ತರ್ಪಯಂತ್ವ್ ಇತಿ || ೧೮,೩೭।೧

ಯದ್ ಆಹ ವ್ರಾತ್ಯ ಕ್ವಾವಾತ್ಸೀರ್ ಇತಿ ಪಥ ಏವ ತೇನ ದೇವಯಾನಾನ್ ಅವ ರುಂಧೇ |
(ಯದ್ ಆಹ) ವ್ರಾತ್ಯೋದಕಂ ಇತ್ಯ್ ಅಪ ಏವ ತೇನಾವ ರುಂಧೇ |
ಯದ್ ಆಹ ವ್ರಾತ್ಯ ತರ್ಪಯಂತ್ವ್ ಇತಿ ಪ್ರಾಣಂ ಏವ ತೇನ
ವರ್ಷಾಯಾಂ ಸಂ ಕೃಣುತೇ || ೧೮,೩೭।೨

ಪುರಾಗ್ನಿಹೋತ್ರಸ್ಯ ಹವನಾದ್ ಉಪಾಂಶು ಕೃಣ್ವೀತ |
ವ್ರಾತ್ಯ ಯಥಾ ತೇ ಪ್ರಿಯಂ ತಥಾಸ್ತ್ವ್ ಇತಿ
ವ್ರಾತ್ಯ ಯಥಾ ತೇ ನಿಕಾಮಸ್ ತಥಾಸ್ತ್ವ್ ಇತಿ
ವ್ರಾತ್ಯ ಯಥಾ ತೇ ವಶಸ್ತಥಾಸ್ತ್ವ್ ಇತಿ || ೧೮,೩೭।೩

ಯದ್ ಆಹ ವ್ರಾತ್ಯ ಯಥಾ ತೇ ಪ್ರಿಯಂ ತಥಾಸ್ತ್ವ್ ಇತಿ
ಪ್ರಿಯಂ ಏವ ತೇನಾವ ರುಂಧೇ ಪ್ರಿಯೇ ಪ್ರಿಯಸ್ಯ ಭವತ್ಯ್
ಐನಂ ಪ್ರಿಯಂ ಗಚ್ಛತಿ ಯ ಏವಂ ವೇದ || ೧೮,೩೭।೪

(ಯದಾಹ ವ್ರಾತ್ಯ ಯಥಾ) ತೇ ನಿಕಾಮಸ್ ತಥಾಸ್ತ್ವ್ ಇತಿ ನಿಕಾಮಂ ಏವ ತೇನಾವ ರುಂಧೇ
ನಿಕಾಮೇ ನಿಕಾಮಂ ಅಸ್ಯ ಭವತ್ಯ್ ಐನಂ ನಿಕಾಮೋ ಗಚ್ಛತಿ (ಯ ಏವಂ ವೇದ) |
ಯದ್ ಆಹ ವ್ರಾತ್ಯ ಯಥಾ ತೇ ವಶಸ್ ತಥಾಸ್ತ್ವ್ ಇತಿ
ವಶಂ ಏವ ತೇನಾವ ರುಂಧೇ ವಶೀ ವಶಸ್ಯ ಭವತ್ಯ್
ಐನಂ ವಶೋ ಗಚ್ಛತಿ ಯ ಏವಂ ವೇದ || ೧೮,೩೭।೫
(೩೭)

ಯಸ್ಯಾಧಿಶ್ರಿತೇ ಅಗ್ನಿಹೋತ್ರ ಏವಂ ವಿದ್ವಾನ್ ವ್ರಾತ್ಯೋ ಽತಿಥಿರ್ ಗೃಹಂ ಆಗಚ್ಛೇತ್ |
ಸ್ವಯಂ ಏನಂ ಅಭ್ಯುದೇತ್ಯ ಬ್ರೂಯಾದ್ ವ್ರಾತ್ಯಾತಿ ಸೃಜ ಹೋಷ್ಯಾಮೀತಿ |
ಅತಿ ಚ ಸೃಜೇಜ್ ಜುಹೂಯಾನ್ ನ ಚಾತಿಸೃಜೇನ್ ನ ಜುಹೂಯಾತ್ |
ಯೋ ವಾ ಏವಂ ವಿದುಷಾ ವ್ರಾತ್ಯೇನಾನತಿಸೃಷ್ಟೋ ಜುಹೋತಿ |
ನ ದೇವಯಾನಂ ಪಂಥಾಂ ಪ್ರ ಜಾನಾತಿ ನ ಪಿತೃಯಾಣಂ
ಆ ದೇವೇಷು ವೃಶ್ಚತೇ ಽಹುತಂ ಅಸ್ಯ ಭವತಿ |
ಯೋ ವಾ ಏವಂ ವಿದುಷಾ ವ್ರಾತ್ಯೇನಾನತಿಸೃಷ್ಟೋ ಜುಹೋತಿ |
ಪ್ರ ದೇವಯಾನಂ ಪಂಥಾಂ ಜಾನಾತಿ ಪ್ರ ಪಿತೃಯಾನಂ
ಪರ್ಯ್ ಅಸ್ಯಾಸ್ಮಿಁಲ್ ಲೋಕ ಆಯತನಂ ಶಿಷ್ಯತೇ ಹುತಂ ಅಸ್ಯ ಭವತಿ || ೧೮,೩೮।೧
(೩೮)

ಯಸ್ಯೈವಂ ವಿದ್ವಾನ್ ವ್ರಾತ್ಯ ಏಕಾಂ ರಾತ್ರಿಂ ಅತಿಥಿರ್ ಗೃಹೇ ವಸತಿ |
ಯೇ ಪೃಥಿವ್ಯಾಂ ಪುಣ್ಯಾ ಲೋಕಾಸ್ ತಾನ್ ಏವೈನೇನಾವ ರುಂಧೇ || ೧೮,೩೯।೧

(ಯಸ್ಯೈವಂ ವಿದ್ವಾನ್) ವ್ರಾತ್ಯೋ ದ್ವಿತೀಯಾಂ ರಾತ್ರಿಂ (ಅತಿಥಿರ್ ಗೃಹೇ ವಸತಿ) |
ಯೇ ಅಂತರಿಕ್ಷೇ ಪುಣ್ಯಾ ಲೋಕಾಸ್ (ತಾನ್ ಏವೈನೇನಾವ ರುಂಧೇ) || ೧೮,೩೯।೨

(ಯಸ್ಯೈವಂ ವಿದ್ವಾನ್) ವ್ರಾತ್ಯಸ್ ತೃತೀಯಾಂ ರಾತ್ರಿಂ (ಅತಿಥಿರ್ ಗೃಹೇ ವಸತಿ) |
ಯೇ ದಿವಿ ಪುಣ್ಯಾ ಲೋಕಾಸ್ (ತಾನ್ ಏವೈನೇನಾವ ರುಂಧೇ) || ೧೮,೩೯।೩

(ಯಸ್ಯೈವಂ ವಿದ್ವಾನ್) ವ್ರಾತ್ಯಶ್ ಚತೂರ್ಥೀಂ ರಾತ್ರಿಂ ಆತಿಥಿಃ (ಗೃಹೇ ವಸತಿ) |
ಸರ್ವಾನ್ ಏವೈನೇನ ಪುಣ್ಯಾಁಲ್ ಲೋಕಾನ್ ಅವ ರುಂಧೇ || ೧೮,೩೯।೪

(ಯಸ್ಯೈವ ವಿದ್ವಾನ್) ವ್ರಾತ್ಯಃ ಪಂಚಮೀಂ ರಾತ್ರಿಂ ಅತಿಥಿಃ (ಗೃಹೇ ವಸತಿ) |
ಪರಾವತ ಏವೈನೇನ ಲೋಕಾನ್ ಅವ (ರುಂಧೇ) || ೧೮,೩೯।೫

ಯಸ್ಯೈವಂ ವಿದ್ವಾನ್ ವ್ರಾತ್ಯೋ ಽಪರಿಮಿತಾ ರಾತ್ರೀರ್ ಅತಿಥಿರ್ ಗೃಹೇ ವಸತಿ |
ಅಪರಿಮಿತಾನ್ ಏವೈನೇನ ಲೋಕಾನ್ ಅವ ರುಂಧೇ || ೧೮,೩೯।೬
(೩೯)

ಯಸ್ಯಾವ್ರಾತ್ಯೋ ವ್ರಾತ್ಯಬ್ರುವೋ ನಾಮಬಿಭ್ರತೀ ಗೃಹಾನ್ ಅತಿಥಿರ್ ಆಗಚ್ಛೇತ್ |
ಕರ್ಷೇದ್ ಏನಂ ನ ಚೈನಂ ಕರ್ಷೇತ್ |
ಏತಸ್ಯೈ ದೇವತಾಯಾ ಉದಕಂ ಯಾಚಾಮೀತ್ಯ್ ಅಸ್ಮಾ ಉದಕಂ ಯಾಚೇತ್ |
ಏತಾಂ ದೇವತಾಂ ಪರಿ ವೇವೇಷ್ಮೀತ್ಯ್ ಏನಂ ಪರಿ ವೇವೇಷ್ಯಾತ್ |
ಏತಸ್ಯಾಂ ಏವಾಸ್ಯ ದೇವತಾಯಾಂ ಹುತಂ ಇಷ್ಟಂ ಭವತಿ ಯ ಏವಂ ವೇದ || ೧೮,೪೦।೧
(೪೦)

ಯತ್ ಪ್ರಾಚೀಂ ದಿಶಂ ಅನುವ್ಯಚಲದ್
ಇಂದ್ರೋ ಭೂತ್ವಾನು ವ್ಯ್ ಅಚಲನ್ ಮನೋ ಽನ್ನಾದಂ ಕೃತ್ವಾ |
ಮನಸಾನ್ನಾದೇನಾನ್ನಂ ಅತ್ತಿ ಯಃ (ಏವಂ ವೇದ) || ೧೮,೪೧।೧

ಯದ್ ದಕ್ಷಿಣಾಂ ದಿಶಂ ಅನು ವ್ಯಚಲನ್
ಮಾರುತಂ ಶರ್ಧೋ ಭೂತ್ವಾನು ವ್ಯ್ ಅಚಲನ್ ಮನ್ಯುಂ ಅನ್ನಾದಂ ಕೃತ್ವಾ |
ಮನ್ಯುನಾನ್ನಾದೇನಾನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೨

ಯತ್ ಪ್ರತೀಚೀಂ ದಿಶಂ ಅನು ವ್ಯಚಲದ್
ವರುಣೋ ಭೂತ್ವಾನು ವ್ಯ್ ಅಚಲದ್ ಅಪೋ ಽನ್ನಾದೀಃ ಕೃತ್ವಾ |
ಅದ್ಭಿರ್ ಅನ್ನಾದೀಭಿರ್ ಅನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೩

ಯದ್ ಉದೀಚೀಂ ದಿಶಂ ಅನು ವ್ಯಚಲತ್
ಸೋಮೋ ರಾಜಾ ಸಪ್ತಋಷಿಭಿರ್ ಭೂತ್ವಾನು ವ್ಯ್ ಅಚಲದ್ ಆಹುತಿಂ ಅನ್ನಾದೀಂ ಕೃತ್ವಾ |
ಆಹುತ್ಯಾನ್ನಾದ್ಯಾನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೪

ಯದ್ ಧ್ರುವಾಂ ದಿಶಂ ಅನುವ್ಯಚಲದ್
ವಿಷ್ಣುರ್ ಭೂತ್ವಾನು ವ್ಯ್ ಅಚಲದ್ ವಿರಾಜಂ ಅನ್ನಾದೀಂ ಕೃತ್ವಾ |
ವಿರಾಜಾನ್ನಾದ್ಯಾನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೫

ಯದ್ ಊರ್ಧ್ವಂ ದಿಶಂ ಅನು ವ್ಯಚಲದ್
ಬೃಹಸ್ಪತಿರ್ ಭೂತ್ವಾನು ವ್ಯ್ ಅಚಲದ್ ವಷಟ್ಕಾರಂ ಅನ್ನಾದಂ ಕೃತ್ವಾ |
ವಷಟ್ಕಾರೇಣಾನ್ನಾದೇನಾನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೬

ಯತ್ ಪಶೂನ್ ಅನುವ್ಯಚಲದ್
ರುದ್ರೋ ಭೂತ್ವಾನು ವ್ಯ್ ಅಚಲದ್ ಓಷಧೀರ್ ಅನ್ನಾದೀಃ ಕೃತ್ವಾ |
ಓಷಧೀಭಿರ್ ಅನ್ನಾದೀಭಿರ್ ಅನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೭

ಯದ್ ದೇವಾನ್ ಅನುವ್ಯಚಲದ್
ಈಶಾನೋ ಭೂತ್ವಾನು ವ್ಯ್ ಅಚಲದ್ ಬಲಂ ಅನ್ನಾದಂ ಕೃತ್ವಾ |
ಬಲೇನಾನ್ನಾದೇನಾನ್ನಂ (ಅತ್ತಿ ಯ ಏವಂ ವೇದ) || ೧೮,೪೧।೮

ಯನ್ ಮನುಷ್ಯಾನ್ ಅನುವ್ಯಚಲದ್
ಅಗ್ನಿರ್ ಭೂತ್ವಾನು ವ್ಯ್ ಅಚಲತ್ ಸ್ವಾಹಾಕಾರಂ ಅನ್ನಾದಂ ಕೃತ್ವಾ |
ಸ್ವಾಹಾಕಾರೇಣಾನ್ನಾದೇನ (ಅನ್ನಂ ಅತ್ತಿ ಯ ಏವಂ ವೇದ) || ೧೮,೪೧।೯

ಯತ್ ಪಿತೃ̄ನ್ ಅನುವ್ಯಚಲದ್
ಯಮೋ ಭೂತ್ವಾನು ವ್ಯ್ ಅಚಲತ್ ಸ್ವಧಾಕಾರಂ ಅನ್ನಾದಂ ಕೃತ್ವಾ |
ಸ್ವಧಾಕಾರೇಣಾನ್ನಾದೇನ (ಅನ್ನಂ ಅತ್ತಿ ಯ ಏವಂ ವೇದ) || ೧೮,೪೧।೧೦

ಯತ್ ಪ್ರಜಾ ಅನುವ್ಯಚಲತ್
ಪ್ರಜಾಪತಿರ್ ಭೂತ್ವಾನು ವ್ಯ್ ಅಚಲತ್ ಪ್ರಾಣಂ ಅನ್ನಾದಂ ಕೃತ್ವಾ |
ಪ್ರಾಣೇನಾನ್ನಾದೇನ (ಅನ್ನಂ ಅತ್ತಿ ಯ ಏವಂ ವೇದ) || ೧೮,೪೧।೧೧

ಯದ್ ಅಂತರ್ದೇಶಾನ್ ಅನುವ್ಯಚಲದ್
ವಾಯುರ್ ಭೂತ್ವಾನು ವ್ಯ್ ಅಚಲದ್ ವಾತಂ ಅನ್ನಾದಂ ಕೃತ್ವಾ |
ವಾತೇನಾನ್ನಾದೇನ (ಅನ್ನಂ ಅತ್ತಿ ಯ ಏವಂ ವೇದ) || ೧೮,೪೧।೧೨

ಯದ್ ದಿಶೋ ಽನುವ್ಯಚಲತ್
ಪರಮೇಷ್ಠೀ ಭೂತ್ವಾನು ವ್ಯ್ ಅಚಲದ್ ಬ್ರಹ್ಮಾನ್ನಾದಂ ಕೃತ್ವಾ |
ಬ್ರಹ್ಮಣಾನ್ನಾದೇನಾನ್ನಂ ಅತ್ತಿ ಯ ಏವಂ ವೇದ || ೧೮,೪೧।೧೩
(೪೧)

ತಸ್ಯ ಸಪ್ತ ಪ್ರಾಣಾಃ ಸಪ್ತಾಪಾನಾಃ ಸಪ್ತ ವ್ಯಾನಾಃ |
ಯೋ ಽಸ್ಯ ಪ್ರಥಮಃ ಪ್ರಾಣ ಊರ್ಧ್ವೋ ನಾಮ ಸೋ ಽಯಂ ಅಗ್ನಿಃ |
ಯೋ ಽಸ್ಯ ದ್ವಿತೀಯಃ ಪ್ರಾಣಃ ಪ್ರೋಢೋ ನಾಮ ಸೋ ಽಸಾವ್ ಆದಿತ್ಯಃ |
ಯೋ ಽಸ್ಯ ತೃತೀಯಃ ಪ್ರಾಣೋ ಽಭ್ಯೂಢೋ ನಾಮ ಸೋ ಽಸೌ ಚಂದ್ರಮಾಃ |
ಯೋ ಽಸ್ಯ ಚತುರ್ಥಃ ಪ್ರಾಣೋ ವಿಭೂರ್ ನಾಮ ಸೋ ಽಯಂ ಪವಮಾನಃ |
ಯೋ ಽಸ್ಯ ಪಂಚಮಃ ಪ್ರಾಣೋ ಽಪರಿಮಿತೋ ನಾಮ ತ ಇಮೇ ಪಶವಃ |
ಯೋ ಽಸ್ಯ ಷಷ್ಠಃ ಪ್ರಾಣಃ ಪ್ರಿಯೋ ನಾಮ ತಾ ಇಮಾಃ ಪ್ರಜಾಃ |
ಯೋ ಽಸ್ಯ ಸಪ್ತಮಃ ಪ್ರಾಣೋ ಯೋನಿರ್ ನಾಮ ತಾ ಇಮಾ ಆಪಃ || ೧೮,೪೨।೧
(೪೨)

ಯೋ ಽಸ್ಯ ಪ್ರಥಮೋ ಽಪಾನಃ | ಸಾ ಪೌರ್ಣಮಾಸೀ |
ಯೋ ಽಸ್ಯ ದ್ವಿತೀಯೋ ಽಪಾನಃ | ಸಾಷ್ಟಕಾ |
ಯೋ ಽಸ್ಯ ತೃತೀಯೋ ಽಪಾನಃ | ಸಾಮಾವಾಸ್ಯಾ |
ಯೋ ಽಸ್ಯ ಚತುರ್ಥೋ ಽಪಾನಃ | ಸಾ ಶ್ರದ್ಧಾ |
ಯೋ ಽಸ್ಯ ಪಂಚಮೋ ಽಪಾನಃ | ಸಾ ದೀಕ್ಷಾ |
ಯೋ ಽಸ್ಯ ಷಷ್ಠೋ ಽಪಾನಃ | ಸ ಯಜ್ಞಃ |
ಯೋ ಽಸ್ಯ ಸಪ್ತಮೋ ಽಪಾನಃ | ಸ ವಷಟ್ಕಾರಃ |
ಯೋ ಽಸ್ಯ ಪ್ರಥಮೋ ವ್ಯಾನಃ | ಸೇಯಂ ಭೂಮಿಃ |
ಯೋ ಽಸ್ಯ ದ್ವಿತೀಯೋ ವ್ಯಾನಃ | ತದ್ ಅಂತರಿಕ್ಷಂ |
ಯೋ ಽಸ್ಯ ತೃತೀಯೋ ವ್ಯಾನಃ | ಸ ದ್ಯೌಃ |
ಯೋ ಽಸ್ಯ ಚತುರ್ಥೋ ವ್ಯಾನಃ | ತಾನಿ ನಕ್ಷತ್ರಾಣಿ |
ಯೋ ಽಸ್ಯ ಪಂಚಮೋ ವ್ಯಾನಃ | ತ ಋತವಃ |
ಯೋ ಽಸ್ಯ ಷಷ್ಠೋ ವ್ಯಾನಃ | ತ ಆರ್ತವಾಃ |
ಯೋ ಽಸ್ಯ ಸಪ್ತಮೋ ವ್ಯಾನಃ | ಸ ಸಂವತ್ಸರಃ |
ಸಮಾನಂ ಅರ್ಥಂ ಪರಿ ಯಂತಿ ದೇವಾ ಇತಿ
ಸಂವತ್ಸರಂ ವಾವೈತದ್ ಋತವೋ *ಽನು ಪರಿ ಯಂತಿ |
ಯದ್ ಆದಿತ್ಯಂ ಅಭಿ ಸಂ ವಿಶಂತೀತಿ
ಪೌರ್ಣಮಾಸೀಂ ಚೈವ ತದ್ ಅಮಾವಾಸ್ಯಾಂ ಚಾಭಿ ಸಂ ವಿಶಂತಿ |
ತದ್ ಏಕಂ ರೂಪಂ ಅಮೃತತ್ವಂ ಏಷಾಂ ಇತ್ಯ್ ಆಹುತಿರ್ ಏವ |
ರೂಪಂರೂಪಂ ತಪಸಾ ವರ್ಧಮಾನಾ ಇತ್ಯ್ ಅಹೋರಾತ್ರೇ ಏವ |
ಯೋ ಽಸ್ಯ ದಕ್ಷಿಣಃ ಕರ್ಣಃ ಸೋ ಽಯಂ ಅಗ್ನಿರ್ ಯಃ ಸವ್ಯಃ ಸೋ ಽಯಂ ಪವಮಾನಃ |
ಯದ್ ಅಸ್ಯ ದಕ್ಷಿಣಂ ಅಕ್ಷಿ ತದ್ ಅಸಾವ್ ಆದಿತ್ಯೋ ಯತ್ ಸವ್ಯಂ ತದ್ ಅಸೌ ಚಂದ್ರಮಾಃ |
ದಿತಿಶ್ ಚಾದಿತಿಶ್ ಚ ಶೀರ್ಷಕಪಾಲೇ ಸಂವತ್ಸರಃ ಶಿರೋ ಽಹೋರಾತ್ರೇ ನಾಸಿಕೇ |
ರಾತ್ರ್ಯಾ ಪರಾಙ್ ಅಹ್ನಾ ಪ್ರತ್ಯಙ್ ನಮೋ ವ್ರಾತ್ಯಾಯ || ೧೮,೪೩।೧
(೪೩)

ಅನುವಾಕ ೬ ||

ಅತಿಸೃಷ್ಟೋ ಅಪಾಂ ವೃಷಭೋ ಅತಿಸೃಷ್ಟಾ ಅಗ್ನಯೋ ದಿವ್ಯಾಃ |
ರುಜನ್ ಪರಿರುಜನ್ ಮೃಣನ್ ಪ್ರಮೃಣಂ
ಮ್ರೋಕೋ ಮನೋಹಾ ಖನೋ ನಿರ್ದಾಹ ಆತ್ಮದೂಷಿಸ್ ತನೂದೂಷಿಃ || ೧೮,೪೪।೧

ಇದಂ ತಾನ್ ಅತಿ ಸೃಜಾಮಿ ತಾನ್ ಮಾಭ್ಯ್ ಅವ ನಿಕ್ಷಿ |
ತೈಸ್ ತಂ ಅಭ್ಯ್ ಅತಿ ಸೃಜಾಮಿ ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೧೮,೪೪।೨

ಅಪಾಂ ಅಗ್ರಂ ಅಸಿ ಸಮುದ್ರಂ ತ್ವಾಭ್ಯ್ ಅವ ಸೃಜಾಮಿ |
ಯೇ ಽಪ್ಸ್ವ್ ಅಗ್ನಯೋ ಽತಿ ತಾನ್ ಸೃಜಾಮಿ ಮ್ರೋಕಂ ಖನಿಂ ತನೂದೂಷಿಂ |
ಯೋ ವ ಆಪೋ ಅಗ್ನಿರ್ ಆವಿವೇಶ ಸ ಏಷ ಯದ್ ವೋ ಘೋರಂ ತದ್ ಏತತ್ || ೧೮,೪೪।೩

ಇಂದ್ರಸ್ಯೇಂದ್ರಿಯೇಣಾಭಿ ಷಿಂಚೇದ್ ಅರಿಪ್ರಾ ಆಪೋ ಅಪ ರಿಪ್ರಂ ಅಸ್ಮತ್ |
ಪ್ರೈನೋ ವಹತು ಪ್ರ ದುಷ್ವಪ್ನ್ಯಂ || ೧೮,೪೪।೪

ಶಿವೇನ ಮಾ ಚಕ್ಷುಷಾ ಪಶ್ಯತಾಪಃ ಶಿವಯಾ ತನ್ವೋಪ ಸ್ಪೃಶತ ತ್ವಾಚಂ ಮೇ |
ಶಿವಾನ್ ಅಗ್ನೀನ್ ಅಪ್ಸುಷದೋ ಹವಾಮಹೇ ಮಯಿ ಕ್ಷತ್ರಂ ವರ್ಚ ಆ ಧತ್ತ ದೇವೀಃ || ೧೮,೪೪।೫
(೪೪)

ನಿರ್ ದುರರ್ಮಣ್ಯ ಊರ್ಜಾ ಮಧುಮತೀ ವಾಙ್ ಮಧುಮತೀ ಸ್ಥ |
ಮದುಮತೀಂ ವಾಚಂ ಉದೇಯಂ ವಾಚೋ ಽಹಂ ಮಾ ಯವಂ |
ಅದಬ್ಧೋ ಮೇ ಗೋಪಾ ಅದಬ್ಧೋ ಗೋಪೀಥಃ |
ಸುಶ್ರುತೌ ಕರ್ಣೌ ಭದ್ರಶ್ರುತೌ ಕರ್ಣೌ ಭದ್ರಂ ಶ್ಲೋಕಂ ಶ್ರೂಯಾಸಂ |
ಉಪಶ್ರುತಿಶ್ ಚ ಮಾನುಶ್ರುತಿಶ್ ಚ ಮಾ ಹಾಸಿಷ್ಟಾಂ
ಸೌಪರ್ಣಂ ಚಕ್ಷುರ್ ಅಜಸ್ರಂ ಜ್ಯೋತಿಃ |
ಋಷೀಣಾಂ ಪ್ರಸ್ತರೋ ಽಸಿ ನಮೋ ದೈವಾಯ ಪ್ರಸ್ತರಾಯ |
ಮೂರ್ಧಾಹಂ ರಯೀಣಾಂ ಮೂರ್ಧಾಹಂ ಸಮಾನಾನಾಂ ಭೂಯಾಸಂ || ೧೮,೪೫।೧
(೪೫)

ರುಜಶ್ ಚ ಮಾ ವೇನಶ್ ಚ ಮಾ ಹಾಸಿಷ್ಟಾಂ
ಉರ್ವಶ್ ಚ ಮಾ ಚಮಸಶ್ ಚ ಮಾ ಹಾಸಿಷ್ಟಾಂ
ವಿಮೋಕಶ್ ಚ ಮಾರ್ದ್ರಪವಿಶ್ ಚ ಮಾ ಹಾಸಿಷ್ಟಾಂ
ಆರ್ದ್ರದಾನುಶ್ ಚ ಮಾ ಮಾತರಿಶ್ವಾ ಚ ಮಾ ಹಾಸಿಷ್ಟಾಂ
ಮೂರ್ಧಾ ಚ ಮಾ ವಿಧರ್ಮಾ ಚ ಮಾ ಹಾಸಿಷ್ಟಾಂ
ಧರ್ತಾ ಚ ಮಾ ಧರುಣಶ್ ಚ ಮಾ ಹಾಸಿಷ್ಟಾಂ
ಮೃಧಶ್ ಚ ಮಾ ವೈಮೃಧಶ್ ಚ ಮಾ ಹಾಸಿಷ್ಟಾಂ || ೧೮,೪೬।೧

ಬೃಹಸ್ಪತಿರ್ ಮ ಆತ್ಮಾ ನೃಮಣಾ ನಾಮ |
ಹೃದಯಾಜರಸಂ ಮಾ ಮಾ ಹಾಸೀರ್ ಅಸಂತಾಪಂ ಮೇ ಹೃದಯಂ ಅಸ್ತು |
ಉರ್ವೀ ಗವ್ಯೂತಿಃ ಸಮುದ್ರೋ ಅಸ್ಮಿ ವಿಧರ್ಮಣಾ |
ನಾಭಿರ್ ಅಹಂ ರಯೀಣಾಂ ನಾಭಿರ್ ಅಹಂ ಸಮಾನಾನಾಂ ಭೂಯಾಸಂ || ೧೮,೪೬।೨
(೪೬)

ಸ್ವಾಸದ್ ಅಸಿ ಸೂಷಾ ಅಮೃತಾ ಮರ್ತ್ಯೇಷ್ವ್ ಆ |
ಮಾ ಮಾ ಪ್ರಾಣೋ ಽವಹಾಯ ಪರಾ ಗಾನ್ ಮಾ ಮಾಪಾನೋ ಽವಹಾಯ ಪರಾ ಗಾತ್ |
ಸೂರ್ಯೋ ಮಾಹ್ನಃ ಪಾತ್ವ್ ಅಗ್ನಿಃ ಪೃಥಿವ್ಯಾ ವಾಯುರ್ ಅಂತರಿಕ್ಷಾದ್
ಯಮೋ ಮನುಷ್ಯೇಭ್ಯಃ ಸರಸ್ವತೀ ಪಾರ್ಥಿವೇಭ್ಯಃ |
ಪ್ರಾಣಾಪಾನೌ ಮಾ ಮಾ ಹಾಸಿಷ್ಟಂ ಮಾ ಜನೇ ಪ್ರ ಮೇಷಿ |
ಸ್ವಸ್ತ್ಯ್ ಅದ್ಯೋಷಸೋ ದೋಷಸಶ್ ಚ ಸರ್ವಾ ಆಪಃ ಸರ್ವಗಣೋ ಅಶೀಯ || ೧೮,೪೭।೧
(೪೭)

ಸುಭೂರ್ ಅಸಿ ರಶ್ಮಿರ್ ಅಸ್ಯ್ ಆಯುರ್ಧಾ ಅಸ್ಯ್ ಆಯುರ್ ಮಯಿ ಧೇಹಿ |
(ಸುಭೂರ್ ಅಸಿ ರಶ್ಮಿರ್) ಅಸಿ ವರ್ಚೋಧಾ ಅಸಿ ವರ್ಚೋ ಮಯಿ ಧೇಹಿ || ೧೮,೪೮।೧

ಸುಭೂರ್ ಅಸಿ ರಶ್ಮಿರ್ ಅಸಿ ತೇಜೋಧಾ ಅಸಿ ತೇಜೋ ಮಯಿ ಧೇಹಿ || ೧೮,೪೮।೨

ಸೂರ್ಯೋ ಮೇ ವರ್ಚೋಧಾ ವರ್ಚೋ ದಧಾತ್ವ್
ಇಂದ್ರಿಯಂ ಅಸೀಂದ್ರಿಯಂ ಮಯಿ ಧೇಹಿ
ವರ್ಚೋ ಅಸಿ ವರ್ಚೋ ಮಯಿ ಧೇಹಿ || ೧೮,೪೮।೩

ಶಕ್ವರೀ ಸ್ಥ ಪಶವೋ ಮೋಪ ಸ್ಥೇಷುರ್
ಮಿತ್ರಾವರುಣಾ ಮೇ ಪ್ರಾಣಾಪಾನಾವ್
ಅಗ್ನಿರ್ ಮೇ ದಕ್ಷಂ ದಧಾತು || ೧೮,೪೮।೪
(೪೮)

ಅನುವಾಕ ೭ ||

ವಿದ್ಮ ತೇ ಸ್ವಪ್ನ ಜನಿತ್ರಂ ಪಾಪ್ಮನಃ ಪುತ್ರೋ ಽಸಿ ಯಮಸ್ಯ ಕರಣಃ |
ಸ ನಃ ಸ್ವಪ್ನ ಸುಷ್ವಪ್ನ್ಯಾತ್ ಪಾಹಿ || ೧೮,೪೯।೧

(…) ಜನಿತ್ರಂ ಗ್ರಾಹ್ಯಾಃ ಪುತ್ರೋ (…) |
(…) || ೧೮,೪೯।೨

(…) ಜನಿತ್ರಂ ನಿರೃತ್ಯಾಃ ಪುತ್ರೋ (…) |
(…) || ೧೮,೪೯।೩

(…) ಜನಿತ್ರಂ ಅಭೂತ್ಯಾಃ ಪುತ್ರೋ (…) |
(…) || ೧೮,೪೯।೪

(…) ಜನಿತ್ರಂ ನಿರ್ಭೂತ್ಯಾಃ ಪುತ್ರೋ (…) |
(…) || ೧೮,೪೯।೫

(…) ಜನಿತ್ರಂ ಪರಾಭೂತ್ಯಃ ಪುತ್ರೋ (…) |
(…) || ೧೮,೪೯।೬

ವಿದ್ಮ ತೇ ಸ್ವಪ್ನ ಜನಿತ್ರಂ ದೇವಜಾಮೀನಾಂ ಪುತ್ರೋ ಽಸಿ ಯಮಸ್ಯ ಕರಣಃ |
ಸ ನಃ ಸ್ವಪ್ನ ಸುಷ್ವಪ್ನ್ಯಾತ್ ಪಾಹಿ || ೧೮,೪೯।೭
(೪೯)

ಅಜೈಷ್ಮಾದ್ಯಾಸನಾಮಾದ್ಯಾಭೂಮಾನಾಗಸೋ ವಯಂ |
ಉಷೋ ಯಸ್ಮಾದ್ ದುಷ್ವಪ್ನ್ಯಾದ್ ಅಭೈಷ್ಮಾಪ ತದ್ ಉಚ್ಛ |
ದ್ವಿಷತೇ ತತ್ ಪರಾ ವಹ ಶಪತೇ ತತ್ ಪರಾ ವಹ |
ಯಂ ದ್ವಿಷ್ಮೋ ಯಶ್ ಚ ನೋ ದ್ವೇಷ್ಟಿ ತಸ್ಮಾ ಏನದ್ ಗಮಯಾಮಃ |
ಉಷಾ ದೇವೀ ವಾಚಾ ಸಂವಿದಾನಾ ವಾಗ್ ದೇವೀ ಉಷಸಾ ಸಂವಿದಾನಾ |
ಉಷಸ್ಪತಿರ್ ವಾಚಸ್ಪತಿನಾ ಸಂವಿದಾನೋ ವಾಚಸ್ಪತಿರ್ ಉಷಸ್ಪತಿನಾ ಸಂವಿದಾನಾ |
ತೇ ಽಮುಷ್ಮೈ ಪರಾ ವಹಂತ್ವ್ ಅರಾಯಾನ್ ದುರ್ಣಾಮ್ನಾಃ ಸದಾನ್ವಾ ರಕ್ಷಾಂಸಿ |
ಕುಂಭೀಕಾ ದೂಷೀಕಾಃ ಪೀಯಕಾನ್ |
ಜಾಗ್ರದ್ದುಷ್ವಪ್ನ್ಯಂ ಸ್ವಪ್ನೇದುಷ್ವಪ್ನ್ಯಂ |
ಅನಾಗಮಿಷ್ಯತೋ ವರಾನ್ ಅವಿತ್ತೇಃ |
ಸಂಕಲ್ಪಾನ್ ಅಮುಚ್ಯಾ ದ್ರುಹಃ ಪಾಶಾತ್ |
ತದ್ ಅಮುಷ್ಯಾಗ್ನೇ ಪರಾ ವಹಂತು ದೇವಾ
ವಧ್ರಿರ್ ಯಥಾಸದ್ ವಿಥುರೋ ನ ಸಾಧುಃ |
ತದ್ ಅಸ್ಮೈ ಗಮಯಾಮ ಇತಿ || ೧೮,೫೦।೧
(೫೦)

ಏವಾನೇವಾವ ಸಾ ಗರತ್ |
ಅಸೌ ಮಾಂ ದ್ವೇಷ್ಟಿ ಸ ಆತ್ಮಾನಂ ದ್ವೇಷ್ಟು
ಯೋ ಮಾಂ ದ್ವೇಷ್ಟಿ ಸ ಆತ್ಮಾನಂ ದ್ವೇಷ್ಟು |
ನಿರ್ ದ್ವಿಷಂತಂ ದಿವೋ ನಿಷ್ ಪೃಥಿವ್ಯಾ ನಿರ್ ಅಂತರಿಕ್ಷಾದ್ ಭಜಾಮ |
ಸುಯಾಮಂಶ್ ಚಾಕ್ಷುಷಾ |
ಇದಂ ಅಹಂ ಅಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ ದುಷ್ವಪ್ನ್ಯಾದ್ ಅವ ದಯೇ |
ಯದ್ ಅದೋಅದೋ ಅಭ್ಯಗಚ್ಛಂ ಯದ್ ದೋಷಾ ಯತ್ ಪೂರ್ವಾಂ ರಾತ್ರಿಂ
ಯದ್ ದಿವಾ ಯನ್ ನಕ್ತಂ ಯಜ್ ಜಾಗ್ರತೋ ಯತ್ ಸ್ವಪಂತಃ |
ಯದ್ ಅಹರಹರ್ ದುಷ್ವಪ್ನ್ಯಂ ಅಭಿಗಚ್ಛಾಮಿ
ತಸ್ಮಾದ್ ಏನಂ ಅವ ದಯೇ |
ತಂ ಜಹಿ ತೇನ ಮಂದಸ್ವ ತಸ್ಯ ಪೃಷ್ಟೀರ್ ಅಪಿ ಶೃಣೀಹಿ
ತಂ ಪ್ರಾಣೋ ಜಹಾತು ಸ ವಿಪ್ರಾಣೋ ಅಸ್ತು ಸ ಪ್ರ ಮೀಯತಾಂ ಸ ತತೋ ಮಾ ಜೀವೀತ್ || ೧೮,೫೧।೧
(೫೧)

ಜಿತಂ ಅಸ್ಮಾಕಂ ಉದ್ಭಿನ್ನಂ ಅಸ್ಮಾಕಂ ಋತಂ ಅಸ್ಮಾಕಂ
ತೇಜೋ ಽಸ್ಮಾಕಂ ಬ್ರಹ್ಮಾಸ್ಮಾಕಂ ಸ್ವರ್ ಅಸ್ಮಾಕಂ ಯಜ್ಞೋ ಽಸ್ಮಾಕಂ
ಪಶವೋ ಽಸ್ಮಾಕಂ ವೀರಾ ಅಸ್ಮಾಕಂ ಪ್ರಜಾ ಅಸ್ಮಾಕಂ |
ತಸ್ಮಾನ್ ನಿರ್ ಭಜಾಮೋ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ |
ಸ ಗ್ರಾಹ್ಯಾಃ ಪಾಶಾನ್ ಮಾ ಮೋಚಿ |
ತಸ್ಯೇದಂ ಪ್ರಾಣಂ ಆಯುರ್ ನಿ ವೇಷ್ಟಯಾಮಿ-
-ಇದಂ ಏನಂ ಅಧಮಂ ತಮೋ ಗಮಯಾಮಿ || ೧೮,೫೨।೧

(…) |
ಸ ನಿರೃತ್ಯಾಃ ಪಾಶಾನ್ (…) || ೧೮,೫೨।೨

(…) |
ಸೋ ಽಭೂತ್ಯಾಃ ಪಾಶಾನ್ (…) || ೧೮,೫೨।೩

(…) |
ಸ ನಿರ್ಭೂತ್ಯಾಃ ಪಾಶಾನ್ (…) || ೧೮,೫೨।೪

(…) |
ಸ ಪರಾಭೂತ್ಯಾಃ ಪಾಶಾನ್ (…) || ೧೮,೫೨।೫

(…) |
ಸ ದೇವಜಾಮೀನಾಂ ಪಾಶಾನ್ (…) || ೧೮,೫೨।೬

(…) |
ಸ ಋಷೀಣಾಂ ಪಾಶಾನ್ (…) || ೧೮,೫೨।೭

(…) |
ಸ ಆರ್ಷೇಯಾನಾಂ ಪಾಶಾನ್ (…) || ೧೮,೫೨।೮

(…) |
ಸೋ ಽಙ್ಗೀರಸಾಂ ಪಾಶಾನ್ (…) || ೧೮,೫೨।೯

(…) |
ಸ ಆಂಗಿರಸಾನಾಂ ಪಾಶಾನ್ (…) || ೧೮,೫೨।೧೦

(…) |
ಸೋ ಅಥರ್ವಣಾಂ ಪಾಶಾನ್ (…) || ೧೮,೫೨।೧೧

(…) |
ಸ ಆಥರ್ವಣಾನಾಂ ಪಾಶಾನ್ (…) || ೧೮,೫೨।೧೨

(…) |
ಸ ಋತೂನಾಂ ಪಾಶಾನ್ (…) || ೧೮,೫೨।೧೩

(…) |
ಸ ಆರ್ತವಾನಾಂ ಪಾಶಾನ್ (…) || ೧೮,೫೨।೧೪

(…) |
ಸ ಓಷಧೀನಾಂ ಪಾಶಾನ್ (…) || ೧೮,೫೨।೧೫

(…) |
ಸ ವೀರುಧಾಂ ಪಾಶಾನ್ (…) || ೧೮,೫೨।೧೬

(…) |
ಸ ವಾನಸ್ಪತೀನಾಂ ಪಾಶಾನ್ (…) || ೧೮,೫೨।೧೭

(…) |
ಸ ವಾನಸ್ಪತ್ಯಾನಾಂ ಪಾಶಾನ್ (…) || ೧೮,೫೨।೧೮

(…) |
ಸ ಇದಾವತ್ಸರಸ್ಯ ಪಾಶಾನ್ (…) || ೧೮,೫೨।೧೯

(…) |
ಸ ಪರಿವತ್ಸರಸ್ಯ ಪಾಶಾನ್ (…) || ೧೮,೫೨।೨೦

(…) |
ಸ ಸಂವತ್ಸರಸ್ಯ ಪಾಶಾನ್ (…) || ೧೮,೫೨।೨೧

(…) |
ಸೋ ಽಹೋರಾತ್ರಯೋಃ ಪಾಶಾನ್ (…) || ೧೮,೫೨।೨೨

(…) |
ಸೋ ಽಹ್ನೋಃ ಸಂಯತೋಃ ಪಾಶಾನ್ (…) || ೧೮,೫೨।೨೩

(…) |
ಸ ಇಂದ್ರಾಗ್ನ್ಯೋಃ ಪಾಶಾನ್ (…) || ೧೮,೫೨।೨೪

(…) |
ಸ ಬೃಹಸ್ಪತೇಃ ಪಾಶಾನ್ (…) || ೧೮,೫೨।೨೫

(…) |
ಸ ಪ್ರಜಾಪತೇಃ ಪಾಶಾನ್ (…) || ೧೮,೫೨।೨೬

(…) |
ಸ ಪರಮೇಷ್ಠಿನಃ ಪಾಶಾನ್ (…) || ೧೮,೫೨।೨೭

(…) |
ಸ ರಾಜ್ಞೋ ವರುಣಸ್ಯ ಪಾಶಾನ್ (…) || ೧೮,೫೨।೨೮

ಜಿತಂ ಅಸ್ಮಾಕಂ ಉದ್ಭಿನ್ನಂ ಅಸ್ಮಾಕಂ ಋತಂ ಅಸ್ಮಾಕಂ
ತೇಜೋ ಽಸ್ಮಾಕಂ ಬ್ರಹ್ಮಾಸ್ಮಾಕಂ ಸ್ವರ್ ಅಸ್ಮಾಕಂ ಯಜ್ಞೋ ಽಸ್ಮಾಕಂ
ಪಶವೋ ಽಸ್ಮಾಕಂ ವೀರಾ ಅಸ್ಮಾಕಂ ಪ್ರಜಾ ಅಸ್ಮಾಕಂ |
ತಸ್ಮಾನ್ ನಿರ್ ಭಜಾಮೋ ಽಮುಂ ಆಮುಷ್ಯಾಯಣಂ ಅಮುಷ್ಯಾಃ ಪುತ್ರಂ |
ಸ ಮೃತ್ಯೋಃ ಪಡ್ವೀಶಾನ್ ಮಾ ಮೋಚಿ |
ತಸ್ಯೇದಂ ಪ್ರಾಣಂ ಆಯುರ್ ನಿ ವೇಷ್ಟಯಾಮಿ-
-ಇದಂ ಏನಂ ಅಧಮಂ ತಮೋ ಗಮಯಾಮಿ || ೧೮,೫೨।೨೯
(೫೨)

ಜಿತಂ ಅಸ್ಮಾಕಂ ಉದ್ಭಿನ್ನಂ ಅಸ್ಮಾಕಂ
ಅಭ್ಯ್ ಅಷ್ಠಾಂ ವಿಶ್ವಾಃ ಪೃತನಾ ಅರಾತೀಃ ಸ್ವರ್ ಅಭ್ಯಾವರ್ತೇ |
ಸೂರ್ಯಸ್ಯಾವೃತಂ ಅನ್ವಾವರ್ತೇ ದಕ್ಷಿಣಾಂ ಅನ್ವಾವೃತಂ |
ತದ್ ಅಗ್ನಿರ್ ಆಹ ತದ್ ಉ ಸೋಮ ಆಹ ಪೂಷಾ ಮಾ ಧಾತ್ ಸುಕೃತಸ್ಯ ಲೋಕೇ |
ಅಗನ್ಮ ಸ್ವರ್ ಅಗನ್ಮ ಸಂ ಸೂರ್ಯಸ್ಯ ಜ್ಯೋತಿಷಾಗನ್ಮ |
ವಸ್ಯೋಭೂಯಾಯ ವಸುಮಾನ್ ಯಜ್ಞೋ ವಸು ವಂಸೀಯ ವಸುಮಾನ್ ಭೂಯಾಸಂ || ೧೮,೫೩।೧
(೫೩)

ಅನುವಾಕ ೮ ||

ವಿಷಾಸಹಿಂ ಸಹಮಾನಂ ಸಾಸಹಾನಂ ಸಹೀಯಾಂಸಂ
ಸಹಮಾನಂ ಸಹೋಜಿತಂ |
ವಿಶ್ವಜಿತಂ ಸ್ವರ್ಜಿತಂ ಅಭಿಜಿತಂ
ವಸುಜಿತಂ ಗೋಜಿತಂ ಸಂಜಿತಂ ಸಂಧನಾಜಿತಂ |
ಈಡ್ಯಂ ನಾಮ ಹ್ವಯ ಇಂದ್ರಂ ಆಯುಷ್ಮಾನ್ ಭೂಯಾಸಂ || ೧೮,೫೪।೧

(…) |
(…) ಇಂದ್ರಂ ದೇವಾನಾಂ ಪ್ರಿಯೋ ಭೂಯಾಸಂ || ೧೮,೫೪।೨

(…) |
(…) ಇಂದ್ರಂ ಪ್ರಜಾನಾಂ ಪ್ರಿಯೋ ಭೂಯಾಸಂ || ೧೮,೫೪।೩

ವಿಷಾಸಹಿಂ ಸಹಮಾನಂ ಸಾಸಹಾನಂ ಸಹೀಯಾಂಸಂ
ಸಹಮಾನಂ ಸಹೋಜಿತಂ |
ವಿಶ್ವಜಿತಂ ಸ್ವರ್ಜಿತಂ ಅಭಿಜಿತಂ
ವಸುಜಿತಂ ಗೋಜಿತಂ ಸಂಜಿತಂ ಸಂಧನಾಜಿತಂ |
ಈಡ್ಯಂ ನಾಮ ಹ್ವಯ ಇಂದ್ರಂ ಪಶೂನಾಂ ಪ್ರಿಯೋ ಭೂಯಾಸಂ || ೧೮,೫೪।೪
(೫೪)

ಉದ್ ಇಹ್ಯ್ ಉದ್ ಇಹಿ ಸೂರ್ಯ ವರ್ಚಸಾ ಮಾಭ್ಯ್ ಉದ್ ಇಹಿ |
ದ್ವಿಷಂಶ್ ಚ ಮಹ್ಯಂ ರಧ್ಯತು
ಮಾ ಚಾಹಂ ದ್ವಿಷತೇ ರಧಂ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೧

ಉದ್ ಇಹ್ಯ್ ಉದ್ ಇಹಿ ಸೂರ್ಯ ವರ್ಚಸಾ ಮಾಭ್ಯ್ ಉದ್ ಇಹಿ |
ಯಾಂಶ್ ಚ ಪಶ್ಯಾಮಿ ಯಾಂಶ್ ಚ ನ
ತೇಷು ಮೇ ಸುಮತಿಂ ಕೃಧಿ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೨

ಮಾ ತ್ವಾ ದಭನ್ ಸಲಿಲೇ ಅಪ್ಸ್ವ್ ಅಂತರ್
ಯೇ ಪಾಶಿನ ಉಪತಿಷ್ಟಂತ್ಯ್ ಅತ್ರ |
ಹಿತ್ವಾಶಸ್ತಿಂ ದಿವಂ ಆರುಕ್ಷ ಏತಾಂ
ಸ ನೋ ಮೃಡ ಸುಮತೌ ತೇ ಸ್ಯಾಮ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪ್ರೀಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೩

ತ್ವಂ ನ ಇಂದ್ರ ಮಹತೇ ಸೌಭಗಾಯ-
-ಅದಬ್ದೈಃ ಪರಿ ಪಾಹ್ಯ್ ಅಕ್ತುಭಿಸ್
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೪

ತ್ವಂ ನ ಇಂದ್ರೋತಿಭಿಃ
ಶಿವಾಭಿಃ ಶಂತಮೋ ಭವ |
ಆರೋಹನ್ ತ್ರಿದಿವಂ ದಿವೋ
ಗೃಣಾನಃ ಸೋಮಪೀತಯೇ
ಪ್ರಿಯಧಾಮಾ ಸ್ವಸ್ತಯೇ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೫

ತ್ವಂ ಇಂದ್ರಾಸಿ ವಿಶ್ವವಿತ್
ಸರ್ವವಿತ್ ಪೂರುಹೂತಸ್ ತ್ವಂ
ಇಂದ್ರೇಮಂ ಸುಹವ ಸ್ತೋಮಂ ಏರಯಸ್ವ |
ಶಿವಾಭಿಸ್ ತನೂಭಿರ್ ಅಭಿ ನಃ ಸಚಸ್ವ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೬

ಅದಬ್ಧೋ ದಿವಿ ಪೃಥಿವ್ಯಾಂ ಉತಾಸಿ
ನ ತ ಆಪುರ್ ಮಹಿಮಾನಂ ಅಂತರಿಕ್ಷೇ |
ಅದಬ್ಧೇನ ಬ್ರಹ್ಮಣಾ ವಾವೃಧಾನಃ
ಸ ತ್ವಂ ನ ಇಂದ್ರ ದಿವಿ ಷಂ ಶರ್ಮ ಯಚ್ಛ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೭

ಯಾ ತ ಇಂದ್ರ ತನೂರ್ ಅಪ್ಸ್ವ್ ಅಂತರ್
ಯಾಂತರ್ ಅಗ್ನೌ ಯಾ ಪೃಥಿವ್ಯಾಂ
ಯಾ ತ ಇಂದ್ರ ಪವಮಾನೇ ಸ್ವರ್ವಿದಃ |
ಯಯೇಂದ್ರ ತನ್ವಾಂತರಿಕ್ಷಂ ಸಮಾಪಿಥ
ತಯಾ ತ ಇಂದ್ರ ತನ್ವಾ ಸಂ ಶಿಶಾಧಿ
ತವೇದ್ (…) || ೧೮,೫೫।೮

ತ್ವಾಂ ಇಂದ್ರ ಬ್ರಹ್ಮಣಾ ವರ್ಧಯಂತಃ
ಸತ್ರಂ ನಿಷೇದುರ್ ಋಷಯೋ ನಾಧಮಾನಾಸ್
ತವೇದ್ (…) || ೧೮,೫೫।೯

ತ್ವಂ ರಕ್ಷಸೇ ಪ್ರತಿಶಶ್ ಚತಸ್ರಸ್
ತ್ವಂ ಶೋಚಿಷಾ ನಭಸೀ ವಿ ಭಾಸಿ |
ಋತಸ್ಯ ಪಂಥಾಂ ಅನ್ವ್ ಏಷಿ ವಿದ್ವಾಂಸ್
ತ್ವಂ ಇಮಾ ವಿಶ್ವಾ ಭುವನಾಭಿ ತಿಷ್ಠಸಿ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೫।೧೦
(೫೫)

ಸಪ್ತಭಿಃ ಪರಾಙ್ ತಪಸ್ಯ್ ಏಕಯಾರ್ವಾಙ್
ಅಶಸ್ತಿಂ ಏಷಿ ಸುದಿನೇ ಬಾಧಮಾನಃ |
ತ್ವಂ ತೃತಂ ತ್ವಂ ಪರ್ಯ್ ಏಷ್ವಿತ್ಸಂ
ಸಹಸ್ರಧಾರಂ ವಿತಥಂ ಸ್ವರ್ವಿದಂ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೬।೧

ತ್ವಂ ಇಂದ್ರಸ್ ತ್ವಂ ಮಹೇಂದ್ರಂಸ್
ತ್ವಂ ವಿಷ್ಣುಸ್ ತ್ವಂ ಪ್ರಜಾಪತಿಃ |
ತುಭ್ಯಂ ಯಜ್ಞೋ ವಿ ತಾಯತೇ
ತುಭ್ಯಂ ಜುಹ್ವತಿ ಜುಹ್ವತಸ್
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೬।೨

ಅಸತಿ ಸತ್ ಪ್ರತಿಷ್ಠಿತಂ
ಸತಿ ಭೂತಂ ಪ್ರತಿಷ್ಠಿತಂ |
ಭೂತಂ ಹ ಭವ್ಯ ಆಹಿತಂ
ಭವ್ಯಂ ಭೂತೇ ಸಮಾಹಿತಂ
ತವೇದ್ ವಿಷ್ಣೋ ಬಹುಧಾ ವೀರ್ಯಾಣಿ |
ತ್ವಂ ನಃ ಪೃಣೀಹಿ ಪಶುಭಿರ್ ವಿಶ್ವರೂಪೈಃ
ಸ್ವಧಾಯಂ ನೋ ಧೇಹಿ ಪರಮೇ ವ್ಯೋಮನ್ || ೧೮,೫೬।೩

ಶುಕ್ರೋ ಽಸಿ ಭ್ರಾಜೋ ಽಸಿ |
ಸ ಯಥಾ ತ್ವಂ ಭ್ರಾಜತೋ ಭ್ರಾಜೋ ಽಸ್ಯ್
ಏವಾಹಂ ಭ್ರಾಜತೋ ಭ್ರಾಜ್ಯಾಸಂ || ೧೮,೫೬।೪

ರುಚಿರ್ ಅಸಿ ರೋಚೋ ಽಸಿ |
ಸ ಯಥಾ ತ್ವಂ ರುಚ್ಯಾ ರೋಚೋ ಽಸ್ಯ್
ಏವಾಹಂ ಪ್ರಜಯಾ ಪಶುಭಿರ್
ಬ್ರಾಹ್ಮಣವರ್ಚಸೇನ ರೋಚಿಷೀಯ || ೧೮,೫೬।೫

ಉದ್ಯತೇ ನಮ ಉದಾಯತೇ ನಮ ಉದಿತಾಯ ನಮಃ |
ವಿರಾಜೇ ನಮಃ ಸ್ವರಾಜೇ ನಮಃ ಸಮ್ರಾಜೇ ನಮಃ || ೧೮,೫೬।೬

ಅಸ್ತಂಯತೇ ನಮೋ ಽಸ್ತಮೇಷ್ಯತೇ ನಮೋ ಽಸ್ತಮಿತಾಯ ನಮಃ |
ವಿರಾಜೇ ನಮಃ ಸ್ವರಾಜೇ ನಮಃ ಸಮ್ರಾಜೇ ನಮಃ || ೧೮,೫೬।೭

ಆದಿತ್ಯ ನಾವಂ ಆರುಕ್ಷಂ
ಶತಾರಿತ್ರಾಂ ಸ್ವಸ್ತಯೇ |
ಅಹರ್ ನೋ ಅದ್ಯ ಪೀಪರದ್
ರಾತ್ರೀ ಸತ್ರಾತಿ ಪಾರಯಾತ್ || ೧೮,೫೬।೮

ಸೂರ್ಯ ನಾವಂ ಆರುಕ್ಷಂ
ಶತಾರಿತ್ರಾಂ ಸ್ವಸ್ತಯೇ |
ರಾತ್ರೀ ನೋ ಅದ್ಯ ಪೀಪರದ್
ಅಹಃ ಸತ್ರಾತಿ ಪಾರಯಾತ್ || ೧೮,೫೬।೯

ಪ್ರಜಾಪತೇರ್ ಆವೃತೋ ಬ್ರಹ್ಮಣಾ ವರ್ಮಣಾಹಂ
ಕಶ್ಯಪಸ್ಯ ಜ್ಯೋತಿಷಾ ವರ್ಚಸಾ ಚ |
ಜರದಷ್ಟಿಃ ಕೃತವೀರ್ಯೋ ವಿಹಾಯಾಃ
ಸಹಸ್ರಾಯುಃ ಸುಕೃತಶ್ ಚರೇಯಂ || ೧೮,೫೬।೧೦

ಋತೇನ ಗುಪ್ತ ಋತುಭಿಶ್ ಚ ಸರ್ವೈರ್
ಭೂತೇನ ಗುಪ್ತ ಉತ ಭವ್ಯೇನ ಚಾಹಂ |
ಮಾ ಮಾ ಪ್ರಾಪನ್ನ್ ಇಷವೋ ದೈವ್ಯಾ ಯಾ
ಮಾ ಮಾನುಷೀರ್ ಅವಸೃಷ್ಟಾ ವಧಾಯ || ೧೮,೫೬।೧೧

ಪರಿವೃತೋ ಬ್ರಹ್ಮಣಾ ವರ್ಮಣಾಹಂ
ಕಶ್ಯಪಸ್ಯ ಜ್ಯೋತಿಷಾ ವರ್ಚಸಾ ಚ |
ಮಾ ಮಾ ಪ್ರಾಪತ್ ಪಾಪ್ಮಾ ಮೋತ ಮೃತ್ಯುರ್
ಅಂತರ್ ದಧೇ ಸಲಿಲೇನ ವಾಚಃ || ೧೮,೫೬।೧೨

ಅಗ್ನಿರ್ ಮಾ ಗೋಪಾಃ ಪರಿ ಪಾತು ವಿಶ್ವತೋ
ವ್ಯುಚ್ಛಂತೀರ್ ಉಷಸಃ ಪರ್ವತಾ ಧ್ರುವಾ |
ಉದ್ಯನ್ ಸೂರ್ಯೋ ನುದತಾಂ ಮೃತ್ಯುಪಾಶಾನ್
ಸಹಸ್ರಂ ಪ್ರಾಣಾ ಮಯಿ ತೇ ರಮಂತಾಂ || ೧೮,೫೬।೧೩
(೫೬)

ಅನುವಾಕ ೯ ||

ಓ ಚಿತ್ ಸಖಾಯಂ ಸಖ್ಯಾ ವವೃತ್ಯಾಂ
ತಿರಃ ಪುರೂ ಚಿದ್ ಅರ್ಣವಂ ಜಗನ್ವಾನ್ |
ಪಿತುರ್ ನಪಾತಂ ಆ ದಧೀತ ವೇಧಾ
ಅಧಿ ಕ್ಷಮಿ ಪ್ರತರಂ ದೀಧ್ಯಾನಃ || ೧೮,೫೭।೧

ನ ತೇ ಸಖಾ ಸಖ್ಯಂ ವಷ್ಟ್ಯ್ ಏತತ್
ಸಲಕ್ಷ್ಮಾ ಯದ್ ವಿಷುರೂಪಾ ಭವಾತಿ |
ಸಹಸ್ ಪುತ್ರಾಸೋ ಅಸುರಸ್ಯ ವೀರಾ
ದಿವೋ ಧರ್ತಾರ ಉರ್ವಿಯಾ ಪರಿ ಖ್ಯನ್ || ೧೮,೫೭।೨

ಉಶಂತಿ ಘಾ ತೇ ಅಮೃತಾಸ ಏತದ್
ಏಕಸ್ಯ ಚಿತ್ ತ್ಯಜಸಂ ಮರ್ತ್ಯಸ್ಯ |
ನಿ ತೇ ಮನೋ ಮನಸಿ ಧಾಯ್ಯ್ ಅಸ್ಮೇ
ಜನ್ಯುಃ ಪತಿಸ್ ತನ್ವಂ ಆ ವಿವಿಶ್ಯಾಃ || ೧೮,೫೭।೩

ನ ಯತ್ ಪುರಾ ಚಕೃಮಾ ಕದ್ ಧ ನೂನಂ
ಋತಂ ವದಂತೋ ಅನೃತಂ ರಪೇಮ |
ಗಂಧರ್ವೋ ಅಪ್ಸ್ವ್ ಅಪ್ಯಾ ಚ ಯೋಷಾ
ಸಾ ನೋ ನಾಭಿಃ ಪರಮಂ ಜಾತಮನ್ ನೌ || ೧೮,೫೭।೪

ಗರ್ಭೇ ನೂ ನೌ ಜನಿತಾ ದಂಪತೀ ಕರ್
ದೇವಸ್ ತ್ವಷ್ಟಾ ಸವಿತಾ ವಿಶ್ವರೂಪಃ |
ನಕಿರ್ ಅಸ್ಯ ಪ್ರ ಮಿನಂತಿ ವ್ರತಾನಿ
ವೇದ ನಾವ್ ಅಸ್ಯ ಪೃಥಿವೀ ಉತ ದ್ಯೌಃ || ೧೮,೫೭।೫

ಕೋ ಅದ್ಯ ಯುಂಕ್ತೇ ಧುರಿ ಗಾ ಋತಸ್ಯ
ಶಿಮೀವತೋ ಭಾಮಿನೋ ದುರ್ಹಣಾಯೂನ್ |
ಆಸನ್ನಿಷೂನ್ ಹೃತಸ್ವಸೋ ಮಯೋಭೂನ್
ಯ ಏಷಾಂ ಭೃತ್ಯಾಂ ಋಣಧತ್ ಸ ಜೀವಾತ್ || ೧೮,೫೭।೬

ಕೋ ಅಸ್ಯ ವೇದ ಪ್ರಥಮಸ್ಯಾಹ್ನಃ
ಕ ಈಂ ದದರ್ಶ ಕ ಇಹ ಪ್ರ ವೋಚತ್ |
ಬೃಹನ್ ಮಿತ್ರಸ್ಯ ವರುಣಸ್ಯ ಧಾಮ
ಕದ್ ಉ ಬ್ರವ ಆಹನೋ ವೀಚ್ಯಾ ನೃ̄ನ್ || ೧೮,೫೭।೭

ಯಮಸ್ಯ ಮಾ ಯಮ್ಯಂ ಕಾಮ ಆಗನ್
ಸಮಾನೇ ಯೋನೌ ಸಹಶೇಯ್ಯಾಯ |
ಜಾಯೇವ ಪತ್ಯೇ ತನ್ವಂ ರಿರಿಚ್ಯಾಂ
ವಿ ಚಿದ್ ವೃಹೇವ ರಥ್ಯೇವ ಚಕ್ರಾ || ೧೮,೫೭।೮

ನ ತಿಷ್ಠತಿ ನ ನಿ ಮಿಷಂತ್ಯ್ ಏತೇ
ದೇವಾನಾಂ ಸ್ಪಶ ಇಹ ಯೇ ಚರಂತಿ |
ಅನ್ಯೇನ ಮದ್ ಆಹನೋ ಯಾಹಿ ಭೂಯಂ
ತೇನ ವಿ ವೃಹ ರಥ್ಯೇವ ಚಕ್ರಾ || ೧೮,೫೭।೯

ರಾತ್ರೀಭಿರ್ ಅಸ್ಮಾ ಅಹಭಿರ್ ದಶಸ್ಯೇತ್
ಸೂರ್ಯಸ್ಯ ಚಕ್ಷುರ್ ಮುಹುರ್ ಉನ್ ಮಿಮೀಯಾತ್ |
ದಿವಾ ಪೃಥಿವ್ಯಾ ಮಿಥುನಾ ಸಬಂಧೂ
ಯಮೀರ್ ಯಮಸ್ಯ ವಿವೃಹೇದ್ ಅಜಾಮಿ || ೧೮,೫೭।೧೦
(೫೭)

ಆ ಘಾ ತಾ ಗಚ್ಛಾನ್ ಉತ್ತರಾ ಯುಗಾನಿ
ಯತ್ರ ಜಾಮಯಃ ಕೃಣವನ್ನ್ ಅಜಾಮಿ |
ಉಪ ಬರ್ಬೃಹಿ ವೃಷಭಾಯ ಬಾಹುಂ
ಅನ್ಯಂ ಇಚ್ಛಸ್ವ ಸುಭಗೇ ಪತಿಂ ಮತ್ || ೧೮,೫೮।೧

ಕಿಂ ಭ್ರಾತಾಸದ್ ಯದ್ ಅನಾಥಂ ಭವಾತಿ
ಕಿಂ ಉ ಸ್ವಸಾ ಯನ್ ನಿರೃತಿರ್ ನಿಗಚ್ಛಾತ್ |
ಕಾಮಮೂತಾ ಬಹ್ವ್ ಏತದ್ ರಪಾಮಿ
ತನ್ವಾ ಮೇ ತನ್ವಂ ಸಂ ಪಿಪೃಗ್ಧಿ || ೧೮,೫೮।೨

ನ ವಾ ಉ ತೇ ತನ್ವಾ ತನ್ವಂ ಸಂ ಪಪೃಚ್ಯಾಂ
ಪಾಪಂ ಆಹುರ್ ಯಃ ಸ್ವಸಾರಂ ನಿಗಚ್ಛಾತ್ |
ಅನ್ಯೇನ ಮತ್ ತಃ ಪ್ರಮುದಃ ಕಲ್ಪಯಸ್ವ
ನ ತೇ ಭ್ರಾತಾ ಸುಭಗೇ ವಷ್ಟ್ಯ್ ಏತತ್ || ೧೮,೫೮।೩

ನ ತೇ ನಾಥಂ ಯಮ್ಯ್ ಅತ್ರಾಹಂ ಅಸ್ಮಿ
ನ ತೇ ನೂನಂ ತನ್ವಾ ಸಂ ಪಪೃಚ್ಯಾಂ |
ಅಸಂಯದ್ ಏತನ್ ಮನಸೋ ಹೃದೋ ಮೇ
ಭ್ರಾತಾ ಸ್ವಸುಃ ಶಯನೇ ಯಚ್ ಛಯೀಯ || ೧೮,೫೮।೪

ಬತೋ ಬತಾಸಿ ಯಮ
ನೈವ ತೇ ಮನೋ ಹೃದಯಂ ಚಾವಿದಾಮ |
ಅನ್ಯಾ ಕಿಲ ತ್ವಾಂ ಕಕ್ಷೇವ ಯುಕ್ತಂ
ಪರಿ ಷ್ವಜಾತೇ ಲಿಬುಜೇವ ವೃಕ್ಷಂ || ೧೮,೫೮।೫

ತಸ್ಯ ವಾ ತ್ವಂ ಮನ ಇಚ್ಛ ಸ ವಾ ತವ-
-ಅಧಾ ಕೃಣುಸ್ವ ಸಂವಿದಂ ಸುಭದ್ರಾಂ || ೧೮,೫೮।೬

ತ್ರೀಣಿ ಛಂದಾಂಸಿ ಕವಯೋ ವಿ ಚೇತಿರೇ
ಪುರುರೂಪಂ ದರ್ಶತಂ ವಿಶ್ವಚಕ್ಷಣಂ |
ವಾತಾ ಆಪ ಓಷಧಯಸ್
ತಾನ್ಯ್ ಏಕಸ್ಮಿನ್ ಭುವನ ಆರ್ಪಿತಾನಿ || ೧೮,೫೮।೭

ವೃಷಾ ವೃಷ್ಣೇ ದುದುಹೇ ದೋಹಸಾ ದಿವಃ
ಪಯಾಂಸಿ ಯಹ್ವೋ ಅದಿತೇರ್ ಅದಾಭ್ಯಃ |
ವಿಶ್ವಂ ಸ ವೇದ ವರುಣೋ ಯಥಾ ಧಿಯಾ
ಸ ಯಜ್ಞಿಯೋ ಯಜತಿ ಯಜ್ಞಿಯಾಁ ಋತೂನ್ || ೧೮,೫೮।೮

ರಪದ್ ಗಂಧರ್ವೀರ್ ಅಪ್ಯಾ ಚ ಯೋಷಣಾ
ನದಸ್ಯ ನಾದೇ ಪರಿ ಪಾತು ನೋ ಮನಃ |
ಇಷ್ಟಸ್ಯ ಮಧ್ಯೇ ಅದಿತಿರ್ ನು ಪಾತು ನೋ
ಭ್ರಾತಾ ನೋ ಜ್ಯೇಷ್ಠಃ ಪ್ರಥಮೋ ವಿ ವೋಚತಿ || ೧೮,೫೮।೯

ಸೋ ಚಿನ್ ನು ಭದ್ರಾ ಕ್ಷುಮತಿ ಯಶಸ್ವತ್ಯ್
ಉಷಾ ಉವಾಸ ಮನವೇ ಸ್ವರ್ವತೀ |
ಯದ್ ಈಂ ಉಶಂತಂ ಉಶತಾಂ ಅನು ಕ್ರತುಂ
ಅಗ್ನಿಂ ಹೋತಾರಂ ವಿದಥಾಯ ಜೀಜನನ್ || ೧೮,೫೮।೧೦
(೫೮)

ಅಧ ತ್ಯಂ ದ್ರಪ್ಸಂ ವಿಭವಂ ವಿಚಕ್ಷಣಂ
ದ್ವಿರ್ ಆಭರದ್ ವಿಷಿತಃ ಶ್ಯೇನೋ ಅಧ್ವರೇ |
ಯದಿ ವಿಶೋ ವೃಣತೇ ದಸ್ಮಂ ಆರ್ಯಾ
ಅಗ್ನಿಂ ಹೋತಾರಂ ಅಧ ಧೀರ್ ಅಜಾಯತ || ೧೮,೫೯।೧

ಸದಾಸಿ ರಣ್ವೋ ಯವಸೇವ ಪುಷ್ಯತೇ
ಹೋತ್ರಾಭಿರ್ ಅಗ್ನೇ ಮನುಷಃ ಸ್ವಧ್ವರಃ |
ವಿಪ್ರಸ್ಯ ವಾ ಯಚ್ ಛಶಮಾನ ಉಕ್ಥ್ಯಂ
ವಾಜಂ ಶಸ್ಯವಾಁ ಉಪಯಾಹಿ ಭೂರಿಭಿಃ || ೧೮,೫೯।೨

ಉದ್ ಈರಯ ಪಿತರಾ ಜಾರ ಆಭಿಶಂ
ಇಯಕ್ಷತಿ ಹರ್ಯತೋ ಹೃತ್ತ ಇಷ್ಯತಿ |
ವಿವಕ್ತಿ ವಹ್ನಿಃ ಸ್ವಪಸ್ಯತೇ ಮಖಸ್
ತವಿಷ್ಯತೇ ಅಸುರೋ ವೇಪತೇ ಮತೀನ್ || ೧೮,೫೯।೩

ಯಸ್ ತೇ ಅಗ್ನೇ ಸುಮತಿಂ ಮರ್ತ್ಯೋ ಅಕ್ಷತ
ಸಹಸಃ ಸೂನೋ ಽತಿ ಸ ಪ್ರ ಶೃಣ್ವೇ |
ಇಷಂ ದಧಾನೋ ವಹಮಾನೋ ಅಶ್ವೈರ್
ಆ ಸ ದ್ಯುಮಾಁ ಅಮವಾನ್ ಭೂಷತಿ ದ್ಯೂನ್ || ೧೮,೫೯।೪

ಶ್ರುಧೀ ನೋ ಅಗ್ನೇ ಸದನೇ ಸಧಸ್ಥೇ
ಯುಕ್ಷ್ಯು ರಥಂ ಅಮೃತಸ್ಯ ದ್ರವಿತ್ನುಂ |
ಆ ನೋ ವಹ ರೋದಸೀ ವೇದಪುತ್ರೇ
ಮಾಕಿರ್ ದೇವಾನಾಂ ಅಪ ಭೂರ್ ಇಹ ಸ್ಯಾಃ || ೧೮,೫೯।೫

ಯದ್ ಅಗ್ನ ಏಷಾ ಸಮಿತಿರ್ ಭವಾತಿ
ದೇವೀ ದೇವೇಷು ಯಜತಾ ಯಜತ್ರ |
ರತ್ನಾ ಚ ಯದ್ ವಿ ಭಜಾಸಿ ಸ್ವಧಾವೋ
ಭಾಗಂ ನೋ ಅತ್ರ ವಸುಮಂತಂ ವೀತಾತ್ || ೧೮,೫೯।೬

ಪ್ರತ್ಯ್ ಅಗ್ನಿರ್ ಉಷಸಾಂ ಅಗ್ರಂ ಅಖ್ಯತ್
ಪ್ರತ್ಯ್ ಅಹಾನಿ ಪ್ರಥಮೋ ಜಾತವೇದಾಃ |
ಪ್ರತಿ ಸೂರ್ಯಸ್ಯ ಪುರುತ್ರಾ ಚ ರಶ್ಮೀನ್
ಪ್ರತಿ ದ್ಯಾವಾಪೃಥಿವೀ ಆ ತತಾನ || ೧೮,೫೯।೭

ಅನ್ವ್ ಅಗ್ನಿರ್ ಉಷಸಾಂ ಅಗ್ರಂ ಅಖ್ಯದ್
ಅನ್ವ್ ಅಹಾನಿ ಪ್ರಥಮೋ ಜಾತವೇದಾಃ |
ಅನು ಸೂರ್ಯಸ್ಯ ಪುರುತ್ರಾ ಚ ರಶ್ಮೀನ್
ಅನು ದ್ಯಾವಾಪೃಥಿವೀ ಆ ತತಾನ || ೧೮,೫೯।೮

ದ್ಯಾವಾ ಹ ಕ್ಷಾಮಾ ಪ್ರಥಮೇ ಋತೇನ-
-ಅಭಿಸ್ರಾವೇ ಭವತಃ ಪ್ರತ್ಯವಾಚಾಃ |
ದೇವೋ ಯನ್ ಮರ್ತಾನ್ ಯತಥಾಯ ಕೃಣ್ವನ್
ಸೀದದ್ ಧೋತಾ ಪ್ರತ್ಯಙ್ ಸ್ವಂ ಅಸೂನ್ || ೧೮,೫೯।೯

ದೇವೋ ದೇವಾನ್ ಪರಿಭೂರ್ ಋತೇನ
ವಹಾ ನೋ ಹವ್ಯಂ ಪ್ರಥಮಶ್ ಚಿಕಿತ್ವಾನ್ |
ಧೂಮಕೇತುಃ ಸಮಿಧಾ ಭಾಋಜೀಕೋ
ಮಂದ್ರೋ ಹೋತಾ ನಿತ್ಯೋ ವಾಚಾ ಯಜೀಯಾನ್ || ೧೮,೫೯।೧೦
(೫೯)

ಅರ್ಚಾಮಿ ವಾಂ ವರ್ಧಾಯಾಪೋ ಘೃತಸ್ನೂ
ದ್ಯಾವಾಭೂಮಿ ಶೃಣುತಂ ರೋದಸೀ ಮೇ |
ಅಹಾ ಯದ್ ದೇವಾ ಅಸುನೀತಿಂ ಆಯನ್
ಮಧ್ವಾ ನೋ ಅತ್ರ ಪಿತರಾ ಶಶೀತಾಂ || ೧೮,೬೦।೧

ಸ್ವಾವೃಗ್ ದೇವಸ್ಯಾಮೃತಂ ಯದೀ ಗೋರ್
ಅತೋ ಜಾತಾಸೋ ಧಾರಯಂತ ಉರ್ವೀ |
ವಿಶ್ವೇ ದೇವಾ ಅನು ತತ್ ತೇ ಯಜುರ್ ಗುರ್
ದುಹೇ ಯದ್ ಏನೀ ದಿವ್ಯಂ ಘೃತಂ ವಾಃ || ೧೮,೬೦।೨

ಕಿಂ ಸ್ವಿನ್ ನೋ ರಾಜಾ ಜಗೃಹೇ ಕದ್ ಅಸ್ಯ-
-ಅತಿ ವ್ರತಂ ಚಕೃಮಾ ಕೋ ವಿ ವೇದ |
ಮಿತ್ರಶ್ ಚಿದ್ ಧಿ ಷ್ಮಾ ಜುಹುರಾಣೋ ದೇವಾನ್
ಶ್ಲೋಕೋ ನ ಯಾತಾನ್ ಅಪಿ ವಾಜೋ ಅಸ್ತಿ || ೧೮,೬೦।೩

ದುರ್ಮಂತ್ವ್ ಅತ್ರಾಮೃತಸ್ಯ ನಾಮ
ಸಲಕ್ಷ್ಮಾ ಯದ್ ವಿಷುರೂಪಾ ಭವಾತಿ |
ಯಮಸ್ಯ ಯೋ ಮನವತೇ ಸುಮಂತ್ವ್
ಅಗ್ನೇ ತಂ ಋಷ್ವ ಪಾಹ್ಯ್ ಅಪ್ರಯುಚ್ಛನ್ || ೧೮,೬೦।೪

ಯಸ್ಮಿನ್ ದೇವಾ ವಿದಥೇ ಮಾದಯಂತೇ
ವಿವಸ್ವತಃ ಸದನೇ ಧಾರಯಂತೇ |
ಸೂರ್ಯೇ ಜ್ಯೋತಿರ್ ಅದಧುರ್ ಮಾಸ್ಯ್ ಅಕ್ತೂನ್
ಪರಿ ತದ್ ದ್ಯೋತನಂ ಚರತೋ ಅಜಸ್ರಾ || ೧೮,೬೦।೫

ಯಸ್ಮಿನ್ ದೇವಾ ಮನ್ಮನಿ ಸಂಚರಂತ್ಯ್
ಅಪಾಚ್ಯೇ ತ್ಯೇ ನ ವಯಂ ಅಸ್ಯ ವಿದ್ಮ |
ಮಿತ್ರೋ ನೋ ಅತ್ರಾದಿತಿರ್ ಅನಾಗಾನ್
ಸವಿತಾ ದೇವೋ ವರುಣಾಯ ವೋಚತ್ || ೧೮,೬೦।೬

ಸಖಾಯ ಆ ಶಿಷಾಮಹೇ
ಬ್ರಹ್ಮೇಂದ್ರಾಯ ವಜ್ರಿಣೇ |
ಸ್ತುಷ ಊ ಷು ನೃತಮಾಯ ಧೃಷ್ಣವೇ || ೧೮,೬೦।೭

ಶವಸಾ ಹ್ಯ್ ಅಸಿ ಶ್ರುತೋ
ವೃತ್ರಹತ್ಯೇನ ವೃತ್ರಹಾ |
ಮಘೈರ್ ಮಘೋನೋ ಅತಿ ಶೂರ ದಾಸಸಿ || ೧೮,೬೦।೮

ಸ್ತೇಗೋ ನ ಕ್ಷಾಂ ಅತ್ಯ್ ಏಷಿ ಪೃಥಿವೀಂ
ಮಹೀ ನು ವಾತಾ ಇಹಾ ವಾಂತು ಭೂಮೌ |
ಮಿತ್ರೋ ನೋ ಅತ್ರ ವರುಣೋ ಅಜ್ಯಮಾನೋ
ಽಗ್ನಿರ್ ವನೇ ನ ವ್ಯ್ ಅಸೃಷ್ಟ ಶೋಕಂ || ೧೮,೬೦।೯

ಸ್ತುಹಿ ಶ್ರುತಂ ಗರ್ತಸದಂ ಜನಾನಾಂ
ರಾಜಾನಂ ಭೀಮಂ ಉಪಹತ್ನುಂ ಉಗ್ರಂ |
ಮೃಡಾ ಜರಿತ್ರೇ ರುದ್ರ ಸ್ತವಾನೋ
ಅನ್ಯಂ ತೇ ಅಸ್ಮನ್ ನಿ ವಪಂತು ಸೇನ್ಯಂ || ೧೮,೬೦।೧೦
(೬೦)

ಸರಸ್ವತೀಂ ದೇವಯಂತೋ ಹವಂತೇ
ಸರಸ್ವತೀಂ ಅಧ್ವರೇ ತಾಯಮಾನೇ |
ಸರಸ್ವತೀಂ ಸುಕೃತೋ ಹ್ವಯಂತ
ಸರಸ್ವತೀ ದಾಶುಷೇ ವಾರ್ಯಂ ದಾತ್ || ೧೮,೬೧।೧

ಸರಸ್ವತೀಂ ಯಾಂ ಪಿತರೋ ಹವಂತೇ
ದಕ್ಷಿಣಾ ಯಜ್ಞಂ ಅಭಿನಕ್ಷಮಾಣಾಃ |
ಆಸದ್ಯಾಸ್ಮಿನ್ ಬರ್ಹಿಷಿ ಮಾದಯಸ್ವ-
-ಅನಮೀವಾ ಇಷ ಆ ಧೇಹ್ಯ್ ಅಸ್ಮೇ || ೧೮,೬೧।೨

ಸರಸ್ವತೀ ಯಾ ಸರಥಂ ಯಯಾಥ-
-ಉಕ್ಥೈಃ ಸ್ವಧಾಭಿರ್ ದೇವಿ ಪಿತೃಭಿರ್ ಮದಂತೀ |
ಸಹಸ್ರಾರ್ಘಂ ಇಡೋ ಅತ್ರ ಭಾಗಂ
ರಾಯಸ್ಪೋಷಂ ಯಜಮಾನಾಯ ಧೇಹಿ || ೧೮,೬೧।೩

ಉದ್ ಈರತಾಂ ಅವರ ಉತ್ ಪರಾಸ
ಉನ್ ಮಧ್ಯಮಾಃ ಪಿತರಃ ಸೋಮ್ಯಾಸಃ |
ಅಸುಂ ಯ ಈಯುರ್ ಅವೃಕಾ ಋತಜ್ಞಾಸ್
ತೇ ನೋ ಽವಂತು ಪಿತರೋ ಹವೇಷು || ೧೮,೬೧।೪

ಆಹಂ ಪಿತೃ̄ನ್ ಸುವಿದತ್ರಾಁ ಅವಿತ್ಸಿ
ನಪಾತಂ ಚ ವಿಕ್ರಮಣಂ ಚ ವಿಷ್ಣೋಃ |
ಬರ್ಹಿಷದೋ ಯೇ ಸ್ವಧಯಾ ಸುತಸ್ಯ
ಭಜಂತ ಪಿತ್ವಸ್ ತ ಇಹಾಗಮಿಷ್ಠಾಃ || ೧೮,೬೧।೫

ಇದಂ ಪಿತೃಭ್ಯ ಇತ್ಯ್ ಏಕಾ || ೧೮,೬೧।೬

ಮಾತಲೀ ಕವೈರ್ ಯಮೋ ಅಂಗಿರೋಭಿರ್
ಬೃಹಸ್ಪತಿರ್ ಋಕ್ಮಭಿರ್ ವಾವೃಧಾನಃ |
ಯಾಂಶ್ ಚ ದೇವಾ ವಾವೃಧುರ್ ಯೇ ಚ ದೇವಾನ್
ಸ್ವಾಹಾನ್ ಯೇ ಸ್ವಧಯಾನ್ ಯೇ ಮದಂತಿ || ೧೮,೬೧।೭

ಸ್ವಾದುಷ್ ಕಿಲಾಯಂ ಮಧುಮಾಁ ಉತಾಯಂ
ತೀವ್ರಃ ಕಿಲಾಯಂ ರಸವಾಁ ಉತಾಯಂ |
ಉತೋ ನ್ವ್ ಅಸ್ಯ ಪಪಿವಾಁಸಂ ಇಂದ್ರಂ
ನ ಕಶ್ ಚನ ಸಹತ ಆಹವೇಷು || ೧೮,೬೧।೮

ಪರೇಯಿವಾಂಸಂ ಪ್ರವತೋ ಮಹೀರ್ ಅನು
ಬಹುಭ್ಯಃ ಪಂಥಾಂ ಅನುಪಸ್ಪಶಾನಃ |
ವೈವಸ್ವತಂ ಸಂಗಮನಂ ಜನಾನಾಂ
ಯಮಂ ರಾಜಾನಂ ಹವಿಷಾ ದುವಸ್ಯ || ೧೮,೬೧।೯

ಯಮೋ ನೋ ಗಾತುಂ ಪ್ರಥಮೋ ವಿವೇದ
ನೈಷಾ ಗವ್ಯೂತಿರ್ ಅಪಭರ್ತವಾ ಉ |
ಯತ್ರಾ ನಃ ಪೂರ್ವೇ ಪಿತರಃ ಪರೇಯುರ್
ಏನಾ ಜಜ್ಞಾನಾಃ ಪಥ್ಯಾ ಅನು ಸ್ವಾಃ || ೧೮,೬೧।೧೦
(೬೧)

ಬರ್ಹಿಷದಃ ಪಿತರ ಊತ್ಯ್ ಅರ್ವಾಗ್
ಇಮಾ ವೋ ಹವ್ಯಾ ಚಕೃಮಾ ಜುಷಧ್ವಂ |
ತ ಆ ಗತಾವಸಾ ಶಂತಮೇನ-
-ಅಥಾ ನಃ ಶಂ ಯೋರ್ ಅರಪೋ ದಧಾತ || ೧೮,೬೨।೧

ಆಚ್ಯಾ ಜಾನು ದಕ್ಷಿಣತೋ ನಿಷದ್ಯ-
-ಇಮಂ ಯಜ್ಞಂ ಅಭಿ ಗೃಣೀತ ವಿಶ್ವೇ |
ಮಾ ಹಿಂಸಿಷ್ಟ ಪಿತರಃ ಕೇನ ಚಿನ್ ನೋ
ಯದ್ ವ ಆಗಃ ಪುರುಷತಾ ಕರಾಮ || ೧೮,೬೨।೨

ತ್ವಷ್ಟಾ ದುಹಿತ್ರೇ ವಹತುಂ ಕೃಣೋತಿ-
-ಇದಂ ವಿಶ್ವಂ ಭುವನಂ ಸಂ ಏತಿ |
ಯಮಸ್ಯ ಮಾತಾ ಪರ್ಯುಹ್ಯಮಾಣಾ
ಮಹೋ ಜಾಯಾ ವಿವಸ್ವತೋ ನನಾಶ || ೧೮,೬೨।೩

ಪ್ರೇಹಿ ಪ್ರೇಹಿ ಪಥಿಭಿಃ ಪೂರ್ವೇಭಿರ್
ಯತ್ರಾ ತೇ ಪೂರ್ವೇ ಪಿತರಃ ಪರೇತಾಃ |
ಉಭಾ ರಾಜಾನಾ ಸ್ವಧಯಾ ಮದಂತಾ
ಯಮಂ ಪಶ್ಯಾಸಿ ವರುಣಂ ಚ ದೇವಂ || ೧೮,೬೨।೪

ಅಪೇತ ವೀತ ವಿ ಚ ಸರ್ಪತಾತೋ
ಽಸ್ಮ ಏತಂ ಪಿತರೋ ಲೋಕಂ ಅಕ್ರನ್ |
ಅಹೋಭಿರ್ ಅದ್ಭಿರ್ ಅಕ್ತುಭಿರ್ ವ್ಯಕ್ತಂ
ಯಮೋ ದದಾತ್ಯ್ ಅವಸಾನಂ ಅಸ್ಮೈ || ೧೮,೬೨।೫

ಉಶಂತಸ್ ತ್ವಾ ನಿ ಧೀಮಹ್ಯ್
ಉಶಂತಃ ಸಂ ಇಧೀಮಹಿ |
ಉಶನ್ನ್ ಉಶತ ಆ ವಹ
ಪಿತೃ̄ನ್ ಹವಿಷೇ ಅತ್ತವೇ || ೧೮,೬೨।೬

ದ್ಯುಮಂತಸ್ ತ್ವಾ ನಿ ಧೀಮಹಿ
ದ್ಯುಮಂತಃ ಸಂ ಇಧೀಮಹಿ |
ದ್ಯುಮಾನ್ ದ್ಯುಮತ ಆ ವಹ
ಪಿತೃ̄ನ್ ಹವಿಷೇ ಅತ್ತವೇ || ೧೮,೬೨।೭
(೬೨)

ಅನುವಾಕ ೧೦ ||

ಅಂಗಿರಸೋ ನಃ ಪಿತರೋ ನವಗ್ವಾ
ಅಥರ್ವಾಣೋ ಭೃಗವಃ ಸೋಮ್ಯಾಸಃ |
ತೇಷಾಂ ವಯಂ ಸುಮತೌ ಯಜ್ಞಿಯಾನಾಂ
ಅಪಿ ಭದ್ರೇ ಸೌಮನಸೇ ಸ್ಯಾಮ || ೧೮,೬೩।೧

ಅಂಗಿರೋಭಿರ್ ಯಜ್ಞಿಯೈರ್ ಆ ಗಹೀಹ
ಯಮ ವೈರೂಪೈರ್ ಇಹ ಮಾದಯಸ್ವ |
ವಿವಸ್ವಂತಂ ಹುವೇ ಯಃ ಪಿತಾ ತೇ
ಅಸ್ಮಿನ್ ಯಜ್ಞೇ ಬರ್ಹಿಷ್ಯ್ ಆ ನಿಷದ್ಯ || ೧೮,೬೩।೨

ಇಮಂ ಯಮ ಪ್ರಸ್ತರಂ ಆ ಹಿ ಸೀದ-
-ಅಂಗಿರೋಭಿಃ ಪಿತೃಭಿಃ ಸಂವಿದಾನಃ |
ಆ ತ್ವಾ ಮಂತ್ರಾಃ ಕವಿಶಸ್ತಾ ವಹಂತ್ಯ್
ಏನಾ ರಾಜನ್ ಹವಿಷೋ ಮಾದಯಸ್ವ || ೧೮,೬೩।೩

ಯಮಾಯ ಸೋಮಂ ಸುನುತ
ಯಮಾಯ ಜುಹುತಾ ಹವಿಃ |
ಯಮಂ ಹ ಯಜ್ಞೋ ಗಚ್ಛತ್ವ್
ಅಗ್ನಿದೂತೋ ಅರಂಕೃತಃ || ೧೮,೬೩।೪

ಯಮಾಯ ಘೃತವದ್ ಧವಿರ್
ಜುಹೋತಾ ಪ್ರ ಚ ತಿಷ್ಠತ |
ಸ ನೋ ಜೀವೇಷ್ವ್ ಆ ಯಮದ್
ದೀರ್ಘಂ ಆಯುಷ್ ಯದ್ ಈಯಸೇ || ೧೮,೬೩।೫

ಯಮಾಯ ಮಧುಮತ್ತಮಂ
ರಾಜ್ಞೇ ಹವ್ಯಂ ಜುಹೋತನ |
ಇದಂ ನಮ ಋಷಿಭ್ಯಃ ಪೂರ್ವಜೇಭ್ಯಃ
ಪೂರ್ವೇಭ್ಯಃ ಪಥಿಕೃದ್ಭ್ಯಃ || ೧೮,೬೩।೬

ತ್ರಿಕದ್ರುಕೇಭಿಃ ಪತತಿ
ಷಡ್ ಉರ್ವೀರ್ ಏಕಂ ಇದ್ ಬೃಹತ್ |
ತ್ರಿಷ್ಟುಬ್ ಗಾಯತ್ರೀ ಛಂದಾಂಸಿ
ಸರ್ವಾ ತಾ ಯಮ ಆರ್ಪಿತಾ || ೧೮,೬೩।೭

ಮೈನಂ ಅಗ್ನೇ ವಿ ದಹೋ ಮಾ ವಿ ಶೋಚೋ
ಮಾಸ್ಯ ತ್ವಚಂ ಚಕ್ಷುಷೋ ಮಾ ಶರೀರಂ |
ಯದಾ ಶೃತಂ ಕೃಣವೋ ಜಾತವೇದೋ
ಽಥೇಂ ಏನಂ ಪ್ರ ಹಿಣುತಾತ್ ಪಿತೃಭ್ಯಃ || ೧೮,೬೩।೮

ಶೃತಂ ಯದಾ ಕರಸಿ ಜಾತವೇದೋ
ಽಥೇಂ ಏನಂ ಪರಿ ದತ್ತಾತ್ ಪಿತೃಭ್ಯಃ |
ಯದಾ ಗಚ್ಛಾತ್ಯ್ ಅಸುನೀತಿಂ ಏಷೋ
ಽಥಾ ದೇವಾನಾಂ ವಶನೀರ್ ಭವಾತಿ || ೧೮,೬೩।೯

ಸೂರ್ಯಂ ಚಕ್ಷುರ್ ಗಚ್ಛತು
ವಾತಂ ಆತ್ಮಾ ದಿವಂ ಚ ಗಚ್ಛ
ಪೃಥಿವೀಂ ಚ ಧರ್ಮಣಾ |
ಅಪೋ ವಾ ಗಚ್ಛ ಯದಿ ತತ್ರ ತೇ ಹಿತಂ
ಓಷಧೀಷು ಪ್ರತಿ ತಿಷ್ಠಾ ಶರೀರೈಃ || ೧೮,೬೩।೧೦
(೬೩)

ಅಜೋ ಭಾಗಸ್ ತಪಸಸ್ ತಂ ತಪಸ್ವ
ತಂ ತೇ ಶೋಚಿಸ್ ತಪತು ತಂ ತೇ ಅರ್ಚಿಃ |
ಯಾಸ್ ತೇ ಶಿವಾಸ್ ತನ್ವೋ ಜಾತವೇದಸ್
ತಾಭಿರ್ ವಹೈನಂ ಸುಕೃತಾಂ ಉಲೋಕಂ || ೧೮,೬೪।೧

ಯಾಸ್ ತೇ ಶೋಚಯೋ ರಂಹಯೋ ಜಾತವೇದಸ್
ತನ್ವಃ ಕ್ರೂರಾಃ ಪರೀಂಖಯಂತೇ |
ಅಜಂ ಯಂತಂ ಅನು ತಾಸ್ ತೇ ಸಂ ಋಣ್ವತಾಂ
ಅಥೇತರಾಭಿಃ ಶಿವತಮಾಭಿಃ ಶೃತಂ ಕೃಧಿ || ೧೮,೬೪।೨

ಅವ ಸೃಜ ಪುನರ್ ಅಗ್ನೇ ಪಿತೃಭ್ಯೋ
ಯಸ್ ತ ಆಹುತಶ್ ಚರತಿ ಸ್ವಧಾಭಿಃ |
ಆಯುರ್ ವಸಾನ ಉಪ ಯಾತು ಶೇಷಃ
ಸಂ ಗಚ್ಛತಾಂ ತನ್ವಾ ಸುವರ್ಚಾಃ || ೧೮,೬೪।೩

ಅತಿ ದ್ರವ ಸಾರಮೇಯೌ ಶ್ವಾನೌ
ಚತುರಕ್ಷೌ ಶಬಲೌ ಸಾಧುನಾ ಪಥಾ |
ಅಧಾ ಪಿತೃ̄ನ್ ಸುವಿದತ್ರಾಁ ಉಪೇಹಿ
ಯಮೇನ ಯೇ ಸಧಮಾದಂ ಮದಂತಿ || ೧೮,೬೪।೪

ಯೌ ತೇ ಶ್ವಾನೌ ಯಮ ರಕ್ಷಿತಾರೌ
ಚತುರಕ್ಷೌ ಪಥಿರಕ್ಷೀ ನೃಚಕ್ಷಸಾ |
ತಾಭ್ಯಾಂ ಏನಂ ಪರಿ ಧೇಹಿ ರಾಜನ್
ಸ್ವಸ್ತಿ ಚಾಸ್ಮಾ ಅನಮೀವಂ ಚ ಧೇಹಿ || ೧೮,೬೪।೫

ಉರೂಣಸಾವ್ ಇತ್ಯ್ ಏಕಾ || ೧೮,೬೪।೬

ಸೋಮ ಏಕೇಭ್ಯಃ ಪವತೇ
ಘೃತಂ ಏಕ ಉಪಾಸತೇ |
ಯೇಭ್ಯೋ ಮಧು ಪ್ರಜಾವತಿ
ತಾಂಶ್ ಚಿದ್ ಏವಾಪಿ ಗಚ್ಛತಾತ್ || ೧೮,೬೪।೭

ಯೇ ಚ ಪೂರ್ವ ಋತಸಾಚಾ
ಋತಜಾತಾ ಋತಾಯವಃ |
ಪಿತೃ̄ನ್ ತಪಸ್ವತೋ ಯಮ
ತಪೋಜಾಁ ಅಪಿ ಗಚ್ಛತಾತ್ || ೧೮,೬೪।೮

ತಪಸಾ ಯೇ ಅನಾಧೃಷ್ಯಾಸ್
ತಪಸಾ ಯೇ ಸ್ವರ್ ಯಯುಃ |
ತಪೋ ಯೇ ಚಕ್ರಿರೇ ಮಹಸ್
ತಾಂಶ್ ಚಿದ್ ಏವಾಪಿ ಗಚ್ಛತಾತ್ || ೧೮,೬೪।೯

ಸಹಸ್ರಣೀಥಾಃ ಕವಯೋ
ಯೇ ಗೋಪಾಯಂತಿ ಸೂರ್ಯಂ |
ಋಷೀನ್ ತಪಸ್ವತೋ ಯಮ
ತಪೋಜಾಁ ಅಪಿ ಗಚ್ಛತಾತ್ || ೧೮,೬೪।೧೦
(೬೪)

ಯೇ ಯುಧ್ಯಂತೇ ಪ್ರಧನೇಷು
ಶೂರಾಸೋ ಯೇ ತನೂತ್ಯಜಃ |
ಯೇ ವಾ ಸಹಸ್ರದಕ್ಷಿಣಾಸ್
ತಂಶ್ ಚಿದ್ ಏವಾಪಿ ಗಚ್ಛತಾತ್ || ೧೮,೬೫।೧

ಸ್ಯೋನಾಸ್ಮೈ ಪೃಥಿವೀ ಭವ-
-ಅನೃಕ್ಷರಾ ನಿವೇಶಿನೀ |
ಯಚ್ಛಾಸ್ಮೈ ಶರ್ಮ ಸಪ್ರಥಾಃ || ೧೮,೬೫।೨

ಅಸಂಬಾಧೇ ಪೃಥಿವ್ಯಾ
ಉರೌ ಲೋಕೇ ಮಹೀಯತೇ |
ಸ್ವಧಾ ಯಾಶ್ ಚಕೃಷೇ ಜೀವಂ
ತಾಸ್ ತೇ ಸಂತು ಮಧುಶ್ಚುತಃ || ೧೮,೬೫।೩

ಹ್ವಯಾಮಿ ತೇ ನಮಸಾ ಮ
ಇಮಂ ಗೃಹಂ ಉಪ ಜುಜುಷಾಣ ಏಹಿ |
ಸಂ ಗಚ್ಛಸ್ವ ಪಿತೃಭಿರ್ ಯಚ್ ಚ ದತ್ತಂ
ಸ್ಯೋನಾಸ್ ತ್ವಾ ವಾತಾ ಉಪ ವಾಂತು ಶಗ್ಮಾಃ || ೧೮,೬೫।೪

ಆ ತ್ವಾ ವಹಂತು ಮರುತ
ಉದವಾಹಾ ಉದಪ್ಲುತಃ |
ಅಜೇನ ಕೃಣ್ವಂತಃ ಶೀತಂ
ವರ್ಷೇಣೋ ಯಂತು ಬಾಲ್ ಇತಿ || ೧೮,೬೫।೫

ಉದ್ ಅಹ್ವಂ ಆಯುರ್ ಆಯುಷೇ
ಕ್ರತ್ವೇ ದಕ್ಷಾಯ ಜೀವಸೇ |
ಸ್ವಾಙ್ ಗಚ್ಛತು ತೇ ಮನೋ
ಅಧಾ ಪಿತೃ̄ನ್ ಅಪಿ ದ್ರವ || ೧೮,೬೫।೬

ಮಾ ತೇ ಮನೋ ಮಾಸುರ್
ಅಂಗಾನಾಂ ಮಾ ರಮಶ್ ಚ ತೇ |
ಮಾ ತೇ ಹಾಸ್ತ ತನ್ವಃ ಕಿಂ ಚನೇಹ || ೧೮,೬೫।೭

ಮಾ ವೃಕ್ಷಃ ಸಂ ಬಾಧಿಷ್ಟ
ಮಾ ದೇವೀ ಪೃಥಿವೀ ಮಹೀ |
ಲೋಕಂ ಪಿತೃಷು ವಿತ್ತ್ವಾ-
-ಏಧಸ್ವ ಯಮರಾಜಸು || ೧೮,೬೫।೮

ಯತ್ ತೇ ಅಂಗಂ ವಿನಿಹಿತಂ ಪರಾಚೈರ್
ಅಪಾನಃ ಪ್ರಾಣೋ ಯ ಉ ತೇ ಪರೇತಃ |
ಯತ್ ತೇ ಸಂಗತ್ಯ ಪಿತರಃ ಸನೀಡಾ
ಘಾಸೇ ಘಾಸಂ ಆ ಸಾದಯಂತು || ೧೮,೬೫।೯

ಅಪೇಮಂ ಜೀವಾ ಅರುಧನ್ ಗೃಹೇಭ್ಯಸ್
ತಂ ನಿರ್ ಊಹತ ಪರಿ ಗ್ರಾಮಾದ್ ಇತಃ |
ಮೃತ್ಯೋ ಯಮಸ್ಯಾಸಿ ದೂತಃ ಪ್ರಚೇತಾ
ಅಸೂನ್ ಪಿತೃಭ್ಯೋ ಗಮಯಾಂ ಚಕರ್ಥ || ೧೮,೬೫।೧೦
(೬೫)

ಯೇ ದಸ್ಯವಃ ಪಿತೃಷು ಪ್ರವಿಷ್ಟಾ
ಜ್ಞಾತಿಮುಖಾ ಅಹುತಾದಶ್ ಚರಂತಿ |
ಪರಾಪುರೋ ನಿಪುರೋ ಯೇ ಚರಂತಿ
ತಾನ್ ಅಸ್ಮಾದ್ ಯಜ್ಞಾತ್ ಪ್ರ ಧಮಂತು ದೇವಾಃ || ೧೮,೬೬।೧

ಸಂ ವಿಶಂತ್ವ್ ಇಹ ಪಿತರಃ ಸ್ವಾ ನಃ
ಸ್ಯೋನಂ ಕೃಣ್ವಂತು ಪ್ರತಿರಂತ ಆಯುಃ |
ತೇಭ್ಯಃ ಶಕೇಮ ಹವಿಷಾ ಯಕ್ಷಮಾಣಾ
ಜ್ಯೋಗ್ ಜೀವಂತಃ ಶರದಃ ಪುರೂಚೀಃ || ೧೮,೬೬।೨

ಯಾಂ ತೇ ಧೇನುಂ ನಿಗೃಣಾಮಿ
ಯಂ ವಾ ತೇ ಕ್ಷೀರ ಓದನಂ |
ತೇನಾ ಜನಸ್ಯಾಸೌ ಭರ್ತಾ
ಯೋ ಽತ್ರಾಸದ್ ಅಜೀವನಃ || ೧೮,೬೬।೩

ಅಶ್ವಾವತೀಂ ಪ್ರ ತರ ಯಾ ಸುಶೇವಾ
ಋಕ್ಷೀಕಾಂ ವಾ ಪ್ರತರಂ ನವೀಯಃ |
ಯಸ್ ತ್ವಾ ಜಘಾನ ವಧ್ಯಃ ಸೋ ಅಸ್ತು
ಮಾ ಸೋ ಅನ್ಯದ್ ವಿದತ ಭಾಗಧೇಯಂ || ೧೮,೬೬।೪

ಯಮಃ ಪರಸ್ತಾದ್ ಅವರೋ ವಿವಸ್ವಾನ್
ತತಃ ಪರೋ ನಾತಿ ಪಶ್ಯಾಮ್ಯ್ ಅನ್ಯತ್ |
ಯಮೇ ಅಧ್ವರೋ ಅಧಿ ಮೇ ನಿವಿಷ್ಟೋ
ಭುವೇ ವಿವಸ್ವಾನ್ ಅನ್ವಾತತಾನ || ೧೮,೬೬।೫

ಅಪಾಗೂಹನ್ನ್ ಅಮೃತಾಂ ಮರ್ತ್ಯೇಭ್ಯಃ
ಕೃತ್ವೀ ಸುಪರ್ಣಾಂ ಅದಧುರ್ ವಿವಸ್ವತೇ |
ಉತಾಶ್ವಿನಾವ್ ಅಭರದ್ ಯತ್ ತದ್ ಆಸೀದ್
ಅಜಹಾದ್ ಉ ದ್ವಾ ಮಿಥುನಾ ಸರಣ್ಯೂಃ || ೧೮,೬೬।೬

ಯೇ ನಿಖಾತಾ ಯೇ ಪರೋಪ್ತಾ
ಯೇ ದಗ್ಧಾ ಯೇ ಚೋದ್ಧಿತಾಃ |
ಸರ್ವಾಂಸ್ ತಾನ್ ಅಗ್ನ ಆ ವಹ
ಪಿತೃ̄ನ್ ಹವಿಷೇ ಅತ್ತವೇ || ೧೮,೬೬।೭

ಯೇ ಚೇಹ ಪಿತರೋ ಯೇ ಚೇಹ ನ
ಯಾಂಶ್ ಚ ವಿದ್ಮ ಯಾಁ ಉ ಚ ನ ಪ್ರವಿದ್ಮ |
ತ್ವಂ ವೇತ್ಥ ಯದಿ ತೇ ಜಾತವೇದಃ
ಸ್ವಧಾಭಿರ್ ಯಜ್ಞಂ ಸುಕೃತಂ ಜುಷಂತಾಂ || ೧೮,೬೬।೮

ಶಂ ತಪ ಮಾತಿ ತಪೋ
ಅಗ್ನೇ ಮಾ ತನ್ವಂ ತಪಃ |
ವನೇಷು ಶುಷ್ಮೋ ಅಸ್ತು ತೇ
ಪೃಥಿವ್ಯಾಂ ಅಸ್ತು ಯದ್ ಧರಃ || ೧೮,೬೬।೯

ದದಾಮ್ಯ್ ಅಸ್ಮಾ ಅವಸಾನಂ ಏತದ್
ಯ ಏಷ ಆಗನ್ ಮಮ ಚೇದ್ ಅಭೂದ್ ಇಹ |
ಯಮಶ್ ಚಿಕಿತ್ವಾನ್ ಪ್ರತ್ಯ್ ಏತದ್ ಆಹ
ಮಮೈಷ ರಾಯ ಉಪ ತಿಷ್ಠತಾಂ ಇಹ || ೧೮,೬೬।೧೦
(೬೬)

ಪ್ರೇಮಾಂ ಮಾತ್ರಾಂ ಮಿಮೀಮಹೇ
ಯಥಾಪರಂ ನ ಮಾಸಾತೈ |
ಶತೇ ಶರತ್ಸು ನೋ ಪುರಾ || ೧೮,೬೭।೧

ಉದ್ ಇಮಾಂ (…) || ೧೮,೬೭।೨

ಅಪೇಮಂ (…) || ೧೮,೬೭।೩

ನಿರ್ ಇಮಾಂ ಮಾತ್ರಾಂ ಮಿಮೀಮಹೇ
ಯಥಾ (…) || ೧೮,೬೭।೪

ಅಮಾಸಿ ಮಾತ್ರಾಂ ಸ್ವರ್ ಅಗಾಂ
ಆಯುಷ್ಮಾನ್ ಭೂಯಾಸಂ |
ಯಥಾಪರಂ ನ ಮಾಸಾತೈ |
ಶತೇ ಶರತ್ಸು ನೋ ಪುರಾ || ೧೮,೬೭।೫

ಪ್ರಾಣೋ ಅಪಾನ ಉತ ವಾ ವ್ಯಾನ
ಆಯುಶ್ ಚಕ್ಷುರ್ ದೃಶೇ ಸೂರ್ಯಾಯ |
ಅಪರಿಪರೇಣ ಪಥಾ
ಯಮರಾಜ್ಞಃ ಪಿತೃ̄ನ್ ಗಚ್ಛ || ೧೮,೬೭।೬

ಯೇ ನಃ ಪಿತುಃ ಪಿತರೋ ಯೇ ಪಿತಾಮಹಾ
ಯ ಆವಿವಿಶುರ್ ಉರ್ವ್ ಅಂತರಿಕ್ಷಂ |
ಯ ಆಕ್ಷೀಯಂತಿ ಪೃಥಿವೀಂ ಉತ ದ್ಯಾಂ
ತೇಭ್ಯಃ ಪಿತೃಭ್ಯೋ ನಮಸಾ ವಿಧೇಮ || ೧೮,೬೭।೭

ಯೇ ಅಗ್ರವಃ ಶಶಮಾನಾಃ ಪರೇಷು
ಹಿತ್ವಾ ದ್ವೇಷಾಂಸ್ಯ್ ಅನಪತ್ಯವಂತಃ |
ತೇ ದ್ಯಾಂ ಉದಿತ್ಯಾವಿದಂತ ಲೋಕಂ
ನಾಕಸ ಪೃಷ್ಠೇ ಅದಿ ದೀಧ್ಯಾನಾಃ || ೧೮,೬೭।೮

ಉದನ್ವತೀ ದ್ಯೌರ್ ಅವಮಾ
ಪೀಲೂಮತೀತಿ ಮಧ್ಯಮಾ |
ತೃತೀಯಾ ಹ ಪ್ರದ್ಯೌರ್ ಇತಿ
ಯಸ್ಯಾಂ ಪಿತರ ಆಸತೇ || ೧೮,೬೭।೯

ಇದಂ ಇದ್ ವಾ ಉತ್ತಮಂ
ದಿವಿ ಪಶ್ಯತಿ ಸೂರ್ಯಂ |
ಮಾತ್ರಾ ಪುತ್ರಂ ಯಥಾ ಸಿಚಾ-
-ಅಭ್ಯ್ ಏನಂ ಭೂಮ ಊರ್ಣುಹಿ || ಭತ್ತ್। ಏಮಂ] ೧೮,೬೭।೧೦
(೬೭)

ಇದಂ ಇದ್ ವಾ ಉ ನಾಪರಂ
ಜರಸೀತ ಉತಾಪರಂ |
ಜಾಯಾ ಪತಿಂ ಇವ ವಾಸಸಾ-
-ಅಭ್ಯ್ ಏನಂ ಭೂಮ ಊರ್ಣುಹಿ || ೧೮,೬೮।೧

ಅಭಿ ತ್ವೋರ್ಣೋಮಿ ಪೃಥಿವ್ಯಾ
ಮಾತುರ್ ವಸ್ತ್ರೇಣ ಭದ್ರಯಾ |
ಜೀವೇಷು ಭದ್ರಂ ತನ್ ಮಯಿ
ಸ್ವಧಾ ಪಿತೃಷ್ವ್ ಅಮಾ ತವ || ೧೮,೬೮।೨

ಅಗ್ನೀಷೋಮಾ ಪಥಿಕೃತಾ ಸ್ಯೋನಂ
ದೇವೇಭ್ಯೋ ರತ್ನಂ ದಧತುರ್ ವಿ ಲೋಕಂ |
ಉಪ ಪ್ರೇಷ್ಯತಾಂ ಪೂಷಣಂ ಯೋ ಜಹಾತ್ಯ್
ಅಕ್ತೋ ಯಾನೈಃ ಪಥಿಭಿಸ್ ತತ್ರ ಗಚ್ಛತು || ೧೮,೬೮।೩

ಪೂಷಾ ತ್ವೇತಶ್ ಚ್ಯಾವಯತು ಪ್ರ ವಿದ್ವಾನ್
ಅನಷ್ಟಪಶುರ್ ಭುವನಸ್ಯ ಗೋಪಾಃ |
ಸ ತ್ವೈತೇಭ್ಯಃ ಪರಿ ದದತ್ ಪಿತೃಭ್ಯೋ
ಅಗ್ನಿರ್ ದೇವೇಭ್ಯಃ ಸುವಿದತ್ರ್ಯೇಭ್ಯಃ || ೧೮,೬೮।೪

ಆಯುರ್ ವಿಶ್ವಾಯುಃ ಪರಿ ಪಾತು ತ್ವಾ
ಪೂಷಾ ತ್ವಾ ಪಾತು ಪ್ರಪಥೇ ಪುರಸ್ತಾತ್ |
ಯತ್ರಾಸತೇ ಸುಕೃತೋ ಯತ್ರ ತೇ ಯಯುಸ್
ತತ್ರ ತ್ವಾ ದೇವಃ ಸವಿತಾ ದಧಾತು || ೧೮,೬೮।೫

ಇದಂ ತ್ವಾ ವಾಸಃ ಪ್ರಥಮಂ ನ ಆಗನ್ನ್
ಅಪೈತದ್ ಊಹ ಯದ್ ಇಹಾಬಿಭಃ ಪುರಾ |
ಇಷ್ಟಾಪೂರ್ತಂ ಅನು ಸಂ ಕ್ರಾಮ ವಿದ್ವಾನ್
ಯತ್ರ ತೇ ಗಚ್ಛಂ ಬಹುಧಾ ತತ್ರ ಗಚ್ಛ || ೧೮,೬೮।೬

ಇಮೌ ಯುನಜ್ಮಿ ತೇ ವಹ್ನೀ
ಅಸುನೀತಯೇ ನೇತವೈ |
ತಾಭ್ಯಾಂ ಯಮಸ್ಯ ಸಾದನಂ
ಸಮಿತಿಂ ಚೋಪ ಗಚ್ಛತಾತ್ || ೧೮,೬೮।೭

ಅಗ್ನೇರ್ ವರ್ಮ ಪರಿ ಗೋಭಿರ್ ವ್ಯಯಸ್ವ
ಸಂ ಪ್ರೋರ್ಣುಷ್ವ ಪೀವಸಾ ಮೇಧಸಾ ಚ |
ನೇತ್ ತ್ವಾ ಧೃಷ್ಣುರ್ ಹರಸಾ ಜರ್ಹೃಷಾಣೋ
ದಧೃಗ್ ವಿಧಕ್ಷ್ಯನ್ ನ್ಯಂಖಯಾತೈ || ೧೮,೬೮।೮

ಧನುರ್ ಹಸ್ತಾದ್ ಆದದಾನೋ ಮೃತಸ್ಯ
ಸಹ ಕ್ಷತ್ರೇಣ ವರ್ಚಸಾ ಬಲೇನ |
ಅತ್ರೈವ ತ್ವಂ ಇಹ ವಯಂ ಸುವೀರಾ
ವಿಶ್ವಾ ಮೃಧೋ ಅಭಿಮತೀರ್ ಜಯೇಮ || ೧೮,೬೮।೯

ದಂಡಂ ಹಸ್ತಾದ್ ಆದದಾನೋ ಮೃತಸ್ಯ
ಸಹ ಶ್ರೋತ್ರೇಣ ವರ್ಚಸಾ ಬಲೇನ |
ಸಮಾಗೃಭಾಯ ವಸು ಭೂರಿ ಪುಷ್ಟಂ
ಅರ್ವಾಙ್ ತ್ವಂ ಏಹ್ಯ್ ಅಭಿ ಜೀವಲೋಕಂ || ೧೮,೬೮।೧೦

ಇಯಂ ನಾರೀ ಪತಿಲೋಕಂ ಗೃಣಾನಾ
ನಿ ಪದ್ಯತ ಉಪ ತ್ವಾ ಮರ್ತ್ಯ ಪ್ರೇತಂ |
ಧರ್ಮಂ ಪುರಾಣಂ ಅನುಪಾಲಯಂತೀ
ತಸ್ಯೈ ಪ್ರಜಾಂ ದ್ರವಿಣಂ ಚೇಹ ಧೇಹಿ || ೧೮,೬೮।೧೧

ಉದ್ ಈರ್ಷ್ವಾ ನಾರ್ಯ್ ಅಭಿ ಜೀವಲೋಕಂ
ಗಾತಾಸುಂ ಏನಂ ತಂ ಉಪ ಶೇಷ ಏಹಿ |
ಹಸ್ತಗ್ರಾಭಸ್ಯ ದಧಿಷೋಸ್ ತವೇದಂ
ಪತ್ಯುರ್ ಜನಿತ್ವಂ ಅಭಿ ಸಂ ಬಭೂವಿಥ || ೧೮,೬೮।೧೨
(೬೮)

ಅನುವಾಕ ೧೧ ||

ಅಪಶ್ಯಂ ಯುವತೀಂ ನೀಯಮಾನಾಂ
ಜೀವಾಂ ಮೃತೇಭ್ಯಃ ಪರಿಣೀಯಮಾನಾಂ |
ಅಂಧೇನ ಯತ್ ತಮಸಾ ಪ್ರಾವೃತಾಸೀತ್
ಪ್ರಾಕ್ತೋ ಅವಾಚೀಂ ಅನಯಂ ತದ್ ಏನಾಂ || ೧೮,೬೯।೧

ಪ್ರಜಾನತ್ಯ್ ಅಘ್ನ್ಯೇ ಜೀವಲೋಕಂ ಭವಂತೀ
ದೇವಾನಾಂ ಪಂಥಾಂ ಅನುಸಂಚರಂತೀ |
ಏಷ ತೇ ಗೋಪತಿಸ್ ತಂ ಜುಷಸ್ವ
ಸ್ವರ್ಗಂ ಲೋಕಂ ಅಧಿ ರೋಹಯೈನಂ || ೧೮,೬೯।೨

ಉಪ ದ್ಯಾಂ ಉಪ ವೇತಸಂ
ಅವತ್ತರೋ ನದೀನಾಂ |
ಅಗ್ನೇ ಪಿತ್ತಂ ಅಪಾಂ ಅಸಿ || ೧೮,೬೯।೩

ಯಂ ತ್ವಂ ಅಗ್ನೇ ಸಮದಹಸ್
ತಂ ಉ ನಿರ್ ವಾಪಯಾ ಪುನಃ |
ಕಿಯಾಂಬುವತ್ರ ರೋಹತು
ಶಾಂಡದೂರ್ವಾ ವ್ಯಲ್ಕಶಾ || ೧೮,೬೯।೪

ಇದಂ ತ ಏಕಂ ಪರ ಉ ತ ಏಕಂ
ತೃತೀಯೇನ ಜ್ಯೋತಿಷಾ ಸಂ ವಿಶಸ್ವ |
ಸಂವೇಶನೇ ತನ್ವಶ್ ಚಾರುರ್ ಏಧಿ
ಪ್ರಿಯೋ ದೇವಾನಾಂ ಪರಮೇ ಸಧಸ್ಥೇ || ೧೮,೬೯।೫

ಉತ್ ತಿಷ್ಠ ಪ್ರೇಹಿ ಪ್ರ ದ್ರವ-
-ಓಕಃ ಕೃಣುಷ್ವ ಸಲಿಲೇ ಸಧಸ್ಥೇ |
ತತ್ರ ತ್ವಂ ಪಿತೃಭಿಃ ಸಂವಿದಾನಃ
ಸಂ ಸೋಮೇನ ಮದಸ್ವ ಸಂ ಸ್ವಧಾಭಿಃ || ೧೮,೬೯।೬

ಪ್ರ ಚ್ಯವಸ್ವ ತನ್ವಃ ಸಂ ಭರಸ್ವ
ಮಾ ತೇ ಗಾತ್ರಂ ವಿ ಹಾಯಿ ಮೋ ಶರೀರಂ |
ಮನೋ ನಿವಿಷ್ಟಮಂ ಅನು ಸಂ ಪ್ರ ವಿಶಸ್ವ
ಯತ್ರ ಭೂಮೇರ್ ಜುಷಸೇ ತತ್ರ ಗಚ್ಛ || ೧೮,೬೯।೭

ವರ್ಚಸಾ ಮಾಂ ಪಿತರಃ ಸೋಮ್ಯಾಸೋ
ಅಂಜಂತು ದೇವಾ ಮಧ್ವಾ ಘೃತೇನ |
ಚಕ್ಷುಷೋ ಮಾ ಪ್ರತರಂ ತಾರಯಂತೋ
ಜರಸೇ ಮಾ ಜರದಷ್ಟಿಂ ವರ್ಧಯಂತು || ೧೮,೬೯।೮

ವರ್ಚಸಾ ಮಾಂ ಸಂ ಅನಕ್ತ್ಯ್ ಅಗ್ನಿರ್
ಮೇಧಾಂ ಮೇ ವಿಷ್ಣುರ್ ನ್ಯ್ ಅನಕ್ತ್ಯ್ ಆಸನಿ |
ರಯಿಂ ಮೇ ವಿಶ್ವೇ ನಿ ಯಚ್ಛಂತು ದೇವಾಃ
ಶುದ್ಧಾ ಆಪಃ ಪವನೈರ್ ಮಾ ಪೂನಂತು || ೧೮,೬೯।೯

ಮಿತ್ರಾವರುಣಾ ಪರಿ ಮಾಂ ಅಧಾತಾಂ
ಆದಿತ್ಯಾ ಮಾ ಸ್ವರವೋ ವರ್ಧಯಂತು |
ವರ್ಚೋ ಮ ಇಂದ್ರೋ ನ್ಯ್ ಅನಕ್ತು ಹಸ್ತಯೋರ್
ಜರದಷ್ಟಿಂ ಮಾ ಸವಿತಾ ಕೃಣೋತು || ೧೮,೬೯।೧೦
(೬೯)

ಯೋ ಮಮಾರ ಪ್ರಥಮೋ ಮರ್ತ್ಯಾನಾಂ
ಯಃ ಪ್ರೇಯಾಯ ಪ್ರಥಮೋ ಲೋಕಂ ಏತಂ |
ವೈವಸ್ವತಂ ಸಂಗಮನಂ ಜನಾನಾಂ
ಯಮಂ ರಾಜಾನಂ ಹವಿಷಾ ದುವಸ್ಯ || ೧೮,೭೦।೧

ಪರಾ ಯಾತ ಪಿತರ ಆ ಚ ಯಾತ-
-ಅಯಂ ವೋ ಯಜ್ಞೋ ಮಧ್ವಾ ಸಮಕ್ತಃ |
ದತ್ತೋ ಅಸ್ಮಭ್ಯಂ ದ್ರವಿಣೇಹ ಭದ್ರಾ
ರಯಿಂ ಚ ನಃ ಸರ್ವವೀರಂ ದಧಾತ || ೧೮,೭೦।೨

ಕಣ್ವಃ ಕಕ್ಷೀವಾನ್ ಪುರುಮೀಢೋ ಅಗಸ್ತ್ಯಃ
ಶ್ಯಾವಾಶ್ವಃ ಸೋಭರ್ಯ್ ಅರ್ಚನಾನಾಃ |
ವಿಶ್ವಾಮಿತ್ರೋ ಽಯಂ ಜಮದಗ್ನಿರ್ ವಸಿಷ್ಠೋ
ಽವಂತು ನಃ ಕಶ್ಯಪೋ ವಾಮದೇವಃ || ೧೮,೭೦।೩

ವಿಶ್ವಾಮಿತ್ರ ಜಮದಗ್ನೇ ವಸಿಷ್ಠ
ಭರದ್ವಾಜ ಗೋತಮ ವಾಮದೇವ |
ಶರ್ದಿರ್ ನೋ ಅತ್ರಿರ್ ಅಗ್ರಭೀನ್ ನಮೋಭಿಃ
ಸುಶಂಸಾಸಃ ಪಿತರೋ ಮೃಡಾತಾ ನಃ || ೧೮,೭೦।೪

ಕಸ್ಯೇ ಮೃಜಾನಾ ಅತಿ ಯಂತಿ ರಿಪ್ರಂ
ಆಯುರ್ ದಧಾನಾಃ ಪಿತರಂ ನವೀಯಃ |
ಆಪ್ಯಾಯಮಾನಾಃ ಪ್ರಜಯಾ ಧನೇನ
ಶುದ್ಧಾ ಭವಂತಃ ಶುಚಯಃ ಪಾವಕಾಃ || ೧೮,೭೦।೫

ಯದ್ ವೋ ರುದ್ರಂ ಪಿತರಃ ಸೋಮ್ಯಂ ಚ
ತೇನೋ ಸಚಧ್ವಂ ಸ್ವಯಶಸೋ ಹಿ ಭೂತ |
ತೇ ಅರ್ವಾಣಃ ಕವಯ ಆ ಶೃಣೋತ
ಸುವಿದತ್ರಾ ವಿದಥೇ ಹೂಯಮಾನಾಃ || ೧೮,೭೦।೬

ಯೇ ಅತ್ರಯೋ ಅಂಗಿರಸೋ ನವಗ್ವಾ
ಇಷ್ಟಾವಂತೋ ರಾತಿಷಾಚೋ ದಧಾನಾಃ |
ದಕ್ಷಿಣಾವಂತಃ ಸುಕೃತೋ ಯ ಉ ಸ್ಥ-
-ಆಸದ್ಯಾಸ್ಮಿನ್ ಬರ್ಹಿಷಿ ಮಾದಯಧ್ವಂ || ೧೮,೭೦।೭

ಅಧಾ ಯಥಾ ನಃ ಪಿತರಃ ಪರಾಸಃ
ಪ್ರತ್ನಾಸೋ ಅಗ್ನ ಋತಂ ಆಶುಷಾಣಾಃ |
ಶುಚೀದ್ ಅಯನ್ ದೀಧಿತಿಂ ಉಕ್ಥಶಸಃ
ಕ್ಷಾಮಾ ಭಿಂದಂತೋ ಅರುಣೀರ್ ಉಪ ಬ್ರುವನ್ || ೧೮,೭೦।೮

ಸುಕರ್ಮಾಣಃ ಸುರುಚೋ ದೇವಯಂತೋ
ಅಯೋ ನ ದೇವಾ ಜನಿಮಾ ಧಮಂತಃ |
ಶುಚಂತೋ ಅಗ್ನಿಂ ವವೃಧಂತ ಇಂದ್ರಂ
ಉರ್ವೀಂ ಗವ್ಯಾಂ ಬರ್ಹಿಷದಂ ನೋ ಅಕ್ರನ್ || ೧೮,೭೦।೯

ಆ ಯೂಥೇವ ಕ್ಷುಮತಿ ಪಶ್ವೋ ಅಖ್ಯದ್
ದೇವಾನಾಂ ಯಜ್ ಜನಿಮಾಂತ್ಯ್ ಉಗ್ರಃ |
ಮಾರ್ತಾನಾಂ ಚಿದ್ ಉರ್ವಶೀರ್ ಅಕೃಪ್ರನ್
ವೃಧೇ ಚಿದ್ ಅರ್ಯ ಉಪರಸ್ಯಾಯೋಃ || ೧೮,೭೦।೧೦
(೭೦)

ಅಕರ್ಮ ತೇ ಸ್ವಪಸೋ ಅಭೂಮ
ರ್ತಂ ಅಜಸ್ರನ್ನ್ ಉಷಸೋ ವಿಭಾತೀಃ |
ವಿಶ್ವಂ ತದ್ ಭದ್ರಂ ಯದ್ ವಹಂತಿ ದೇವಾ
ಬೃಹದ್ ವದೇಮ ವಿದಥೇ ಸುವೀರಾಃ || ೧೮,೭೧।೧

ಇಂದ್ರೋ ಮಾ ಮರುತ್ವಾನ್ ಪ್ರಾಚ್ಯಾ ದಿಶಃ ಪಾತು
ಬಾಹುಚ್ಯುತಾ ಪೃಥಿವೀ ದ್ಯಾಂ ಇವೋಪರಿ |
ಲೋಕಕೃತಃ ಪಥಿಕೃತೋ ಯಜಾಮಹೇ
ಯೇ ದೇವಾನಾಂ ಘೃತಭಾಗಾ ಇಹ ಸ್ಥ || ೧೮,೭೧।೨

ಧಾತಾ ಮಾ ನಿರೃತ್ಯಾ ದಕ್ಷಿಣಾಯಾ ದಿಶಃ (…) || ೧೮,೭೧।೩

ಅದಿತಿರ್ ಮಾದಿತ್ಯೈಃ ಪ್ರತೀಚ್ಯಾ ದಿಶಃ (…) || ೧೮,೭೧।೪

ಆದಿತ್ಯೋ ಮಾ ವಿಶ್ವೈರ್ ದೇವೈರ್ ಉದೀಚ್ಯಾ ದಿಶಃ ಪಾತು
ಬಾಹುಚ್ಯುತಾ ಪೃಥಿವೀ ದ್ಯಾಂ ಇವೋಪರಿ |
(…) || ೧೮,೭೧।೫

ಧರ್ತಾ ಘ ತ್ವಾ ಧರುಣೋ ಧಾರಯಾತ್ಯ್
ಊರ್ಧ್ವಂ ಭಾನುಂ ಸವಿತಾ ದ್ಯಾಂ ಇವೋಪರಿ |
ಲೋಕಕೃತಃ ಪಥಿಕೃತೋ ಯಜಾಮಹೇ
ಯೇ ದೇವಾನಾಂ ಘೃತಭಾಗಾ ಇಹ ಸ್ಥ || ೧೮,೭೧।೬

ಪ್ರಾಚ್ಯಾಂ ತ್ವಾ ದಿಶಿ ಪುರಾ ಸಂವೃತಃ ಸ್ವದಾಯಾಂ ಆ ದಧಾಮಿ
ಬಾಹುಚ್ಯುತಾ ಪೃಥಿವೀ ದ್ಯಾಂ ಇವೋಪರಿ |
(…) || ೧೮,೭೧।೭

ದಕ್ಷಿಣಾಯಾಂ ತ್ವಾ ದಿಶಿ (…) || ೧೮,೭೧।೮

ಪ್ರತೀಚ್ಯಾಂ ತ್ವಾ ದಿಶಿ (…) || ೧೮,೭೧।೯

ಉದೀಚ್ಯಾಂ ತ್ವಾ ದಿಶಿ (…) || ೧೮,೭೧।೧೦
(೭೧)
ಧ್ರುವಾಯಾಂ ತ್ವಾ ದಿಶಿ (…) ||
ಊರ್ಧ್ವಾಯಾಂ ತ್ವಾ ದಿಶಿ ಪುರಾ ಸಂವೃತಃ ಸ್ವಧಾಯಾಂ ಆ ದಧಾಮಿ
ಬಾಹುಚ್ಯುತಾ ಪೃಥಿವೀ ದ್ಯಾಂ ಇವೋಪರಿ |
ಲೋಕಕೃತಃ ಪಥಿಕೃತೋ ಯಜಾಮಹೇ
ಯೇ ದೇವಾನಾಂ ಘೃತಭಾಗಾ ಇಹಾ ಸ್ಥ || ೧೮,೭೨।೨

ಧ್ರುವೋ ಽಸಿ || ೧೮,೭೨।೩

ಧರುಣೋ ಽಸಿ || ೧೮,೭೨।೪

ವಂಸಗೋ ಽಸಿ || ೧೮,೭೨।೫

ಉದಪೂರ್ ಅಸಿ || ೧೮,೭೨।೬

ಘೃತಪೂರ್ ಅಸಿ || ೧೮,೭೨।೭

ಮಧುಪೂರ್ ಅಸಿ || ೧೮,೭೨।೮

ವಾತಪೂರ್ ಅಸಿ || ೧೮,೭೨।೯
(೭೨)

ಇತಶ್ ಚಾಮುತಶ್ ಚಾವತಂ
ಯಮೇ ಇವ ಯತಮಾನೇ ಯದ್ ಐತಂ |
ಪ್ರ ವಾಂ ಭರನ್ ಮಾನುಷೀ ದೇವಯಂತ || ೧೮,೭೩।೧

ಆ ಸೀದತಂ ಸ್ವಂ ಉಲೋಕಂ ವಿದಾನೇ
ಸ್ವಾಸಸ್ಥೇ ಭವತಂ ಇಂದವೇ ನಃ |
ಯುಜೇ ವಾಂ ಬ್ರಹ್ಮ ಪೂರ್ವ್ಯಂ ನಮೋಭಿರ್
ವಿ ಶ್ಲೋಕ ಏತಿ ಪಥ್ಯೇವ ಸೂರೇಃ || ೧೮,೭೩।೨

ಶೃಣ್ವಂತು ವಿಶ್ವೇ ಅಮೃತಸ್ಯ ಪುತ್ರಾ
ಆ ಯೇ ಧಾಮಾನಿ ದಿವ್ಯಾನಿ ತಸ್ಥುಃ |
ತ್ರೀಣಿ ಪದಾನಿ ರುಪೋ ಅನ್ವ್ ಅರೋಹಂ
ಚತುಷ್ಪದೀಂ ಅನ್ವ್ ಏಮಿ ವ್ರತೇನ || ೧೮,೭೩।೩

ಅಕ್ಷರೇಣ ಪ್ರತಿ ಮಿಮ ಏತಾಂ
ಋತಸ್ಯ ನಾಭಾವ್ ಅಧಿ ಸಂ ಪೂನಾಮಿ |
ದೇವೇಭ್ಯಃ ಕಂ ಅವೃಣೀತ ಮೃತ್ಯುಂ
ಪ್ರಜಾಯೈ ಕಂ ಅಮೃತಂ ನಾವೃಣೀತ || ೧೮,೭೩।೪

ಬೃಹಸ್ಪತಿಂ ಯಜ್ಞಾಁ ಅಕೃಣ್ವತ ರ್ಷಿಂ
ಪ್ರಿಯಾಂ ಯಮಸ್ ತನ್ವಂ ಪ್ರಾ ರಿರೇಖ |
ತ್ವಂ ಅಗ್ನ ಈಡಿತೋ ಜಾತವೇದೋ
ಅವಾಡ್ ಢವ್ಯಾನೀ ಸುರಭೀಣಿ ಕೃತ್ವೀ |
ಪ್ರಾದಾಃ ಪಿತೃಭ್ಯಃ ಸ್ವಧಯಾ ತೇ ಅಕ್ಷನ್ನ್
ಅದ್ಧಿ ತ್ವಂ ದೇವ ಪ್ರಯತಾ ಹವೀಂಷಿ || ೧೮,೭೩।೫

ಆಸೀನಾಸೋ ಅರುಣೀನಾಂ ಉಪಸ್ಥೇ
ರಯಿಂ ಧತ್ತ ದಾಶುಷೇ ಮರ್ತ್ಯಾಯ |
ಪುತ್ರೇಭ್ಯಃ ಪಿತರಸ್ ತಸ್ಯ ವಸ್ವಃ
ಪ್ರ ಯಚ್ಛತ ತ ಇಹೋರ್ಜಂ ದಧಾತ || ೧೮,೭೩।೬

ಅಗ್ನಿಷ್ವತ್ತಾಃ ಪಿತರ ಏಹ ಗಚ್ಛತ
ಸದಃಸದಃ ಸದತ ಸುಪ್ರಣೀತಯಃ |
ಅತ್ತಾ ಹವೀಂಷಿ ಪ್ರಯತಾನಿ ಬರ್ಹಿಷಿ
ರಯಿಂ ಚ ನಃ ಸರ್ವವೀರಂ ದಧಾತ || ೧೮,೭೩।೭

ಉಪಹೂತಾಃ ಪಿತರಃ ಸೋಮ್ಯಾಸೋ
ಬರ್ಹಿಷ್ವ್ ಏಷು ನಿಧಿಷು ಪ್ರಿಯೇಷು |
ತ ಆ ಗಮಂತು ತ ಇಹ ಶ್ರುವಂತ್ವ್
ಅಧಿ ಬ್ರುವಂತು ತೇ ಽವಂತ್ವ್ ಅಸ್ಮಾನ್ || ೧೮,೭೩।೮

ಯೇ ನಃ ಪೂರ್ವೇ ಪಿತರಃ ಸೋಮ್ಯಾಸೋ
ಅನೂಹಿರೇ ಸೋಮಪೀಥಂ ವಸಿಸ್ಥಾಃ |
ತೇಭಿರ್ ಯಮಃ ಸಂರರಾಣೋ ಹವೀಂಷ್ಯ್
ಉಶನ್ನ್ ಉಶದ್ಭಿಃ ಪ್ರತಿಕಾಮಂ ಅತ್ತು || ೧೮,೭೩।೯

ಯೇ ತಾತೃಷುರ್ ದೇವತ್ರಾ ಜೀಹಮಾನಾ
ಹೋತ್ರಾವಿದ ಸ್ತೋಮತಷ್ಟಾಸೋ ಅರ್ಕೈಃ |
ಆಗ್ನೇ ಯಾಹಿ ಸುವಿದತ್ರ್ಯೇಭಿರ್ ಅರ್ವಾಕ್
ಸತ್ಯೈಃ ಕವ್ಯೈಃ ಪಿತೃಭಿರ್ ಘರ್ಮಸದ್ಭಿಃ || ೧೮,೭೩।೧೦
(೭೩)

ಯೇ ಸತ್ಯಾಸೋ ಹವಿರದೋ ಹವಿಷ್ಯಾ
ಇಂದ್ರೇಣ ದೇವೈಃ ಸರಥಂ ದಧಾನಾಃ |
ಆಗ್ನೇ ಯಾಹಿ ಸಹಸ್ರಂ ದೇವವಂದೈಃ
ಪರೈಃ ಪೂರ್ವೈಃ ಪಿತೃಭಿರ್ ಘರ್ಮಸದ್ಭಿಃ || ೧೮,೭೪।೧

ಉಪ ಸರ್ಪ ಮಾತರಂ ಭೂಮಿಂ ಏತಾಂ
ಉರುವ್ಯಚಸಂ ಪೃಥಿವೀಂ ಸುಶೇವಾಂ |
ಊರ್ಣಮ್ರದಾಃ ಪೃಥಿವೀ ದಕ್ಷಿಣಾವತ
ಏಷಾ ತ್ವಾ ಪಾತು ನಿರೃತೇರ್ ಉಪಸ್ಥಾತ್ || ೧೮,೭೪।೨

ಉಚ್ ಛ್ವಂಚಸ್ವ ಪೃಥಿವಿ ಮಾ ನಿ ಬಾಧಥಾಃ
ಸೂಪಾಯನಾಸ್ಮೈ ಭವ ಸೂಪವಂಚನಾ |
ಮಾತಾ ಪುತ್ರಂ ಯಥಾ ಸಿಚಾ-
-ಅಭ್ಯ್ ಏನಂ ಭೂಮ ಊರ್ಣುಹಿ || ೧೮,೭೪।೩

ಉಚ್ಛ್ವಂಚಮಾನಾ ಪೃಥಿವೀ ಸು ತಿಷ್ಠತು
ಸಹಸ್ರಂ ಮಿತ ಉಪ ಹಿ ಶ್ರಯಂತಾಂ |
ತೇ ಗೃಹಾಸೋ ಘೃತಶ್ಚುತಃ ಸ್ಯೋನಾ
ವಿಶ್ವಾಹಾಸ್ಮೈ ಶರಣಾಃ ಸಂತ್ವ್ ಅತ್ರ || ೧೮,೭೪।೪

ಉತ್ ತೇ ಸ್ತಭ್ನಾತಿ ಪೃಥಿವೀಂ ತ್ವತ್ ಪರಿ-
-ಇಮಂ ಲೋಕಂ ವಿದಧನ್ ಮೋ ಅಹರ್ಷಂ |
ಏತಾಂ ಸ್ಥೂಣಾಂ ಪಿತರೋ ಧಾರಯಂತ್ವ್
ಅತ್ರಾ ಯಮಃ ಸದನಾ ತೇ ಕೃಣೋತು || ೧೮,೭೪।೫

ಅಥರ್ವಾ ಪೂರ್ಣಂ ಚಮಸಂ
ಯಂ ಇಂದ್ರಾಯಾಬಿಭರ್ ವಾಜಿನೀವತೇ |
ತಸ್ಮಿನ್ ಕೃಣೋತು ಸುಕೃತಸ್ಯ ಲೋಕಂ
ತಸ್ಮಿನ್ನ್ ಇಂದುಃ ಪವತೇ ವಿಶ್ವದಾನೀಂ || ೧೮,೭೪।೬

ಅಮುಂ ಅಗ್ನೇ ಚಮಸಂ ಮಾ ವಿ ಜಿಜ್ಞರಃ
ಪ್ರಿಯೋ ದೇವಾನಾಂ ಉಪ ಸೋಮ್ಯಾನಾಂ |
ಏಷ ಯಶ್ ಚಮಸೋ ದೇವಪಾನಸ್
ತಸ್ಮಿನ್ನ್ ಏವಾ ಅಮೃತಾ ಮಾದಯಂತೇ || ೧೮,೭೪।೭

ಯತ್ ತೇ ಕೃಷ್ಣಃ ಶಕುನ ಆತುತೋದ
ಪಿಪೀಲಃ ಸರ್ಪ ಉತ ವಾ ಶ್ವಾಪದಃ |
ಅಗ್ನಿಷ್ ಟದ್ ವಿಶ್ವಾದ್ ಆ ಪೃಣಾತು ವಿದ್ವಾನ್
ಸೋಮಶ್ ಚಾ ಯೋ ಬ್ರಾಹ್ಮಣಾಁ ಆವಿವೇಶ || ೧೮,೭೪।೮

ಪಯಸ್ವತೀರ್ ಓಷಧಯಃ
ಪಯಸ್ವಾನ್ ಮಾಮಕಂ ವಚಃ |
ಅಥೋ ಪಯಸ್ವದ್ ಯತ್ ಪಯಸ್
ತೇನ ಮಾ ಸಹ ಜಿನ್ವಥ || ೧೮,೭೪।೯

ಇಮಾ ನರೀತ್ಯ್ ಏಕಾ || ೧೮,೭೪।೧೦
(೭೪)

ಸಂ ಗಚ್ಛಸ್ವ ಪಿತೃಭಿಃ ಸಂ ಯಮೇನ-
-ಇಷ್ಟಾಪೂರ್ತೇನ ಪರಮೇ ವ್ಯೋಮನ್ |
ಹಿತ್ವಾವದ್ಯಂ ಪುನರ್ ಅಸ್ತಂ ಏಹಿ
ಸಂ ಗಚ್ಛಸ್ವ ತನ್ವಾ ಸುವರ್ಚಾಃ || ೧೮,೭೫।೧

ಯೇ ಅಗ್ನಿದಗ್ಧಾ ಯೇ ಽನಗ್ನಿದಗ್ಧಾ
ಮಧ್ಯೇ ದಿವಃ ಸ್ವಧಯಾ ಮಾದಯಂತೇ |
ತೇಭ್ಯಃ ಸ್ವರಾಡ್ ಅಸುನೀತಿಂ ಏತಾಂ
ಯಥಾವಶಂ ತನ್ವಂ ಕಲ್ಪಯಾತಿ || ೧೮,೭೫।೨

ಆ ರಭಸ್ವ ಜಾತವೇದಸ್
ತೇಜಸ್ವದ್ ಧರೋ ಅಸ್ತು ತೇ |
ಶರೀರಂ ಅಸ್ಯ ಸಂ ದಹ-
-ಅಥೈನಂ ಧೇಹಿ ಸುಕೃತಾಂ ಉಲೋಕೇ || ೧೮,೭೫।೩

ಪುನರ್ ದೇಹಿ ವನಸ್ಪತೇ
ಯ ಏಷ ನಿಹಿತಸ್ ತ್ವಯಿ |
ಯಥಾ ಯಮಸಾದನ
ಆಸಾತೈ ವಿದಥಾ ವದನ್ || ೧೮,೭೫।೪

ಶಂ ತೇ ನಿಹಾರೋ ಭವತು
ಶಂ ತೇ ಪೃಷ್ಠಾವ ಶೀಯತಾಂ |
ಶೀತಿಕೇ ಶೀತಿಕಾವತ್ಯ್
ಅಹ್ಲಾದಕೇ ಹ್ಲಾದಕಾವತಿ |
ಮಂಡೂಕ್ಯಾಪ್ಸು ಸಂ ಭವ
ಇಮಂ ಸ್ವ್ ಅಗ್ನಿಂ ಶಮಯ || ೧೮,೭೫।೫

ವಿವಸ್ವಾನ್ ನೋ ಽಭಯಂ ಕೃಣೋತು
ಪರೈತು ಮೃತ್ಯುರ್ ಅಮೃತಂ ನ ಐತು |
ಇಹ ಮೇ ವೀರಾ ಬಹವೋ ಭವಂತ್ವ್
ಅಶ್ವಾವದ್ ಗೋಮನ್ ಮಯ್ಯ್ ಅಸ್ತು ಪುಷ್ಟಂ || ೧೮,೭೫।೬

ವಿವಸ್ವಾನ್ ನೋ ಽಮೃತತ್ವೇ ದಧಾತು
ಯಃ ಸುತ್ರಾಮಾ ಜೀರದಾನುಃ ಸುದಾನುಃ |
ಇಮಾನ್ ರಕ್ಷಃ ಪುರುಷಾನ್ ಆ ಜರಿಮ್ಣೋ
ಮೋ ಷ್ವ್ ಏಷಾಂ ಅಸವೋ ಯಮಂ ಗುಃ || ೧೮,೭೫।೭

ಯೋ ದಧ್ರೇ ಅಂತರಿಕ್ಷೇಣ ಮಹ್ನಾ
ಪಿತೃ̄ಣಾಂ ಕವಿಃ ಪ್ರಮತಿರ್ ಮತೀನಾಂ |
ತಂ ಅರ್ಚತ ವಿಶ್ವಮಿತ್ರಾ ಹವಿರ್ಭಿಃ
ಸ ನೋ ಯಮಃ ಪ್ರತರಂ ಜೀವಸೇ ಧಾತ್ || ೧೮,೭೫।೮

ಆ ರೋಹತ ದಿವಂ ಉತ್ತಮಾಂ
ಋಷಯೋ ಮಾ ಬಿಭೀತನ |
ಸೋಮಪಾಃ ಸೋಮಪಾಯಿನ
ಇದಂ ವಃ ಕ್ರಿಯತೇ ಹವಿರ್
ಅಗನ್ಮ ಜ್ಯೋತಿರ್ ಉತ್ತಮಂ || ೧೮,೭೫।೯

ಪ್ರ ಕೇತುನ ಬೃಹತಾ ಭಾತ್ಯ್ ಅಗ್ನಿರ್
ಆ ರೋದಸೀ ವೃಷಭೋ ರೋರವೀತಿ |
ದಿವಶ್ ಚಿದ್ ಅಂತಾಁ ಉಪಮಾಁ ಉದ್ ಆನಡ್
ಅಪಾಂ ಉಪಸ್ಥೇ ಮಹಿಷೋ ವವರ್ಧ || ೧೮,೭೫।೧೦

ನಾಕೇ ಸುಪರ್ಣಂ ಉಪ ಯತ್ ಪತಂತಂ
ಹೃದಾ ವೇನಂತೋ ಅಭ್ಯಚಕ್ಷತ ತ್ವಾ |
ಹಿರಣ್ಯಪಕ್ಷಂ ವರುಣಸ್ಯ ದೂತಂ
ಯಮಸ್ಯ ಯೋನೌ ಶಕುನಂ ಭುರಣ್ಯಂ || ೧೮,೭೫।೧೧

ಇಂದ್ರ ಕ್ರತುಂ ನ ಆ ಭರ
ಪಿತಾ ಪುತ್ರೇಭ್ಯೋ ಯಥಾ |
ಶಿಕ್ಷಾ ಣೋ ಅಸ್ಮಿನ್ ಪುರುಹೂತ ವಾಜಿನಿ
ಜೀವಾ ಜ್ಯೋತಿರ್ ಅಶೀಮಹಿ || ೧೮,೭೫।೧೨

ಯೇ ತೇ ಪೂರ್ವ ಇತ್ಯ್ ಏಕಾ || ೧೮,೭೫।೧೩
(೭೫)

ಅನುವಾಕ ೧೨ ||

ಆ ರೋಹತ ಜನಿತ್ರೀಂ ಜಾತವೇದಸಃ
ಪಿತೃಯಾನೈಃ ಸಂ ವ ಆ ರೋಹಯಾಮಿ |
ಅವಾಡ್ ಢ್ವ್ಯೇಷಿತಾ ಹವ್ಯವಾಹ
ಈಜಾನಂ ಯುಕ್ತಾಃ ಸುಕೃತಂ ಧತ್ತ ಲೋಕೇ || ೧೮,೭೬।೧

ದೇವಾ ಯಜ್ಞಂ ಋತವಃ ಕಲ್ಪಯಂತಿ
ಹವಿಃ ಪುರೋಡಾಶಾಂ ಸ್ರುಚೋ ಯಜ್ಞ ಆಯುಧಾನಿ |
ತೇಭಿರ್ ಯಾಹಿ ಪಥಿಭಿರ್ ದೇವಯಾನೈರ್
ಯೈರ್ ಈಜಾನಾಃ ಸ್ವರ್ಗಂ ಯಂತಿ ಲೋಕಂ || ೧೮,೭೬।೨

ಋತಸ್ಯ ಪಂಥಾಂ ಅನು ಪಶ್ಯ ಸಾಧ್ವ್
ಅಂಗಿರಸಃ ಸುಕೃತೋ ಯೇನ ಯಂತಿ
ವ್ರಧ್ನಸ್ಯ ವಿಷ್ಟಪ್ಯ್ ಅಧಿ ವಿ ಕ್ರಮಸ್ವ
ಯತ್ರಾದಿತ್ಯಾ ಅಮೃತಂ ಈಕ್ಷಯಂತಿ || ೧೮,೭೬।೩

ತ್ರಯಃ ಸುಪರ್ಣಾ ಉಪರಸ್ಯಾಸಖಾಯೂ
ನಾಕಸ್ಯ ಪೃಷ್ಠೇ ಅಧಿ ವಿಷ್ಟಪಿ ಶ್ರಿತಾಃ |
ಸ್ವರ್ಗಾ ಲೋಕಾ ಅಮೃತೇನ ವಿಷ್ಟಾ
ಕಾಮಂಕಾಮಂ ಯಜಮಾನಾಯ ದುಹ್ರಾಂ || ೧೮,೭೬।೪

ಜುಹೂರ್ ದಾಧಾರ ದ್ಯಾಂ ಉಪಹೃದ್ ಅಂತರಿಕ್ಷಂ
ಧ್ರುವಾಂ ದಾಧಾರ ಪೃಥಿವೀಂ ಪ್ರತಿಷ್ಠಾಂ |
ಪ್ರತಿಮಾ ಲೋಕಾನಾಂ ಘೃತಪೃಷ್ಠಾ ಪ್ರಪೀನಾಂ
ಸ್ವಧಾಂ ಊರ್ಜಂ ಯಜಮಾನಾಯ ದುಹ್ರಾಂ || ೧೮,೭೬।೫

ಧ್ರುವ ಆ ರೋಹ ಪೃಥಿವೀಂ ವಿಶ್ವವೇದಸಂ
ಅಂತರಿಕ್ಷಂ ಉಪಹೃದ್ ಆ ಕ್ರಮಸ್ವ |
ಜುಹು ದ್ಯಾಂ ಗಚ್ಛ ಯಜಮಾನೇನ ಸಾಕಂ
ಸ್ರುವೇನ ವತ್ಸೇನ ದಿಶಃ ಪ್ರಪೀನಾಃ
ಸರ್ವಾ ಧುಕ್ಷಾ ಅಹೃಣೀಯಮಾನಾಃ || ೧೮,೭೬।೬

ತೀರ್ಥೈಸ್ ತರಂತಿ ಪ್ರವತೋ ಮಹೀರ್ ಅನು
ಯಜ್ಞಕೃತಃ ಸುಕೃತೋ ಯೇನ ಯಂತಿ |
ಅತ್ರಾಭಜಂ ಯಜಮಾನಾಯ ಲೋಕಂ
ದಿಶೋ ಭೂತಾನಿ ಮಯಿ ಕಲ್ಪಯಂತ || ೧೮,೭೬।೭

ಅಂಗಿರಸಾಂ ಅಯನಂ ಪೂರ್ವೋ ಅಗ್ನಿರ್
ಆದಿತ್ಯಾನಾಂ ಅಯನಂ ಗಾರ್ಹಪತ್ಯೋ
ದಕ್ಷಿಣಾನಾಂ ಅಯನಂ ದಕ್ಷಿಣಾಗ್ನಿಃ |
ಪದ್ಮಾನಂ ಅಗ್ನೇರ್ ವಿಹಿತಸ್ಯ ಬ್ರಾಹ್ಮಣಾ
ಸಮಂಗಃ ಸರ್ವ ಉಪ ಯಾಹಿ ಶಗ್ಮಂ || ೧೮,೭೬।೮

ಪೂರ್ವೋ ಅಗ್ನಿಸ್ ತ್ವಾ ತಪತು ಶಂ ಪುರಸ್ತಾಚ್
ಛಂ ಪಶ್ಚಾತ್ ತಪತು ಗಾರ್ಹಪತ್ಯಃ |
ದಕ್ಷಿಣಾಗ್ನಿಸ್ ತಪತು ಶರ್ಮ ವರ್ಮ-
-ಉತ್ತರತೋ ಮಧ್ಯತೋ ಅಂತರಿಕ್ಷಾದ್
ದಿಶೋದಿಶೋ ಅಗ್ನೇ ಪರಿ ಪಾಹಿ ಘೋರಾತ್ || ೧೮,೭೬।೯

ಯೂಯಂ ಅಗ್ನೇ ಶಂತಮಾಭಿಸ್ ತನೂಭಿರ್
ಈಜಾನೋ ಅಭಿ ಲೋಕಂ ಸ್ವರ್ಗಂ |
ಅಶ್ವ ಭೂತ್ವಾ ಪೃಷ್ಟಿವಾಹೋ ವಹಾಥ
ಯತ್ರ ದೇವೈಃ ಸಧಮಾದಂ ಮದಂತಿ || ೧೮,೭೬।೧೦
(೭೬)

ಶಂ ಅಗ್ನೇ ಪಶ್ಚಾತ್ ತಪ ಶಂ ಪುರಸ್ತಾಚ್
ಛಂ ಅಧರಾತ್ ತಪ ಜಾತವೇದಃ |
ಏಕಸ್ ತ್ರೇಧಾ ವಿಹಿತೋ ಜಾತವೇದಃ
ಸಮ್ಯಙ್ ಏನಂ ದಕ್ಷಿಣಾಗ್ನಿಃ || ೧೮,೭೭।೧

ಪದ್ಮಾನಂ ಅಗ್ನೇರ್ ವಿಹಿತಸ್ಯ ಬ್ರಹ್ಮಣಾ
ಸಮಂಗನಂ ಧೇಹಿ ಸುಕೃತಾಂ ಉಲೋಕಂ |
ತಂ ಅಗ್ನಯಃ ಸಮಿದ್ಧಾ ಆ ಭರಂತಾಂ
ಪ್ರಜಾಪತ್ಯಂ ಮೇಧ್ಯಂ ಜಾತವೇದಸಃ |
ಶೃತಂ ಕೃಣ್ವಂತ ಇಹ ಮಾ ವಿ ಚಕ್ಷಣನ್ || ೧೮,೭೭।೨

ಯಜ್ಞ ಏತಿ ವಿತತಃ ಕಲ್ಪಮಾನ
ಈಜಾನೋ ಅಭಿ ಲೋಕಂ ಸ್ವರ್ಗಂ |
ತಂ ಅಗ್ನಯಃ ಸರ್ವಹುತಂ ಜುಷಂತಾಂ
ತಂ ಅಸ್ಮಿಂ ದೇವಾ ಜಾನತಾಂ ಭಾಗಧೇಯಂ || ೧೮,೭೭।೩

ಈಜಾನಶ್ ಚಿತ್ತಂ ಆರುಕ್ಷದ್ ಅಗ್ನಿಂ
ನಾಕಸ್ಯ ಪೃಷ್ಠಂ ದಿವಂ ಉತ್ಪತಿಷ್ಯನ್ |
ತಸ್ಮೈ ಪ್ರ ಭಾತು ನಭಸೋ ಜ್ಯೋತಿಷೀಮಾನ್
ಸ್ವರ್ಗಃ ಪಂಥಾ ವಿತರೋ ದೇವಯಾನಃ || ೧೮,೭೭।೪

ಅಗ್ನಿರ್ ಹೋತಾಧ್ವರ್ಯುಷ್ ಟೇ ಬೃಹಸ್ಪತಿರ್
ಇಂದ್ರೋ ಬ್ರಹ್ಮಾ ದಕ್ಷಿಣತಸ್ ತೇ ಅಸ್ತು |
ಹುತೋ ಽಯಂ ಸಂಸ್ಥಿತೋ ಯಜ್ಞ ಏತು
ಯತ್ರ ಪೂರ್ವಂ ಅಯನಂ ಹುತಾನಾಂ || ೧೮,೭೭।೫

ಅಪೂಪವಾನ್ ಕ್ಷೀರವಾಂಶ್ ಚರುರ್ ಏಹ ಸೀದತು-
-ಉತ್ತಭ್ನುವನ್ ಪೃಥಿವೀಂ ದ್ಯಾಂ ಇವೋಪರಿ |
ಲೋಕಕೃತಃ ಪಥಿಕೃತೋ ಯಜಾಮಹೇ
ಯೇ ದೇವಾನಾಂ ಘೃತಭಾಗಾ ಇಹ ಸ್ಥ || ೧೮,೭೭।೬

ಅಪೂಪವಾನ್ ದ್ರಪ್ಸವಾಂಶ್ ಚರುರ್ ಏಹ (…) || ೧೮,೭೭।೭

ಅಪೂಪವಾನ್ ದಧಿವಾಂಶ್ ಚರುರ್ ಏಹ (…) || ೧೮,೭೭।೮

ಅಪೂಪವಾನ್ ಘೃತವಾಂಶ್ ಚರುರ್ ಏಹ (…) || ೧೮,೭೭।೯

ಅಪೂಪವಾನ್ ಮಾಂಸವಾಂಶ್ ಚರುರ್ ಏಹ (…) || ೧೮,೭೭।೧೦
(೭೭)
ಅಪೂಪವಾನ್ ಮಧುವಾಂಶ್ ಚರುರ್ ಏಹ (…) || ಅಪೂಪವಾನ್ ಅನ್ನವಾಂಶ್ ಚರುರ್ ಏಹ (…) || ಅಪೂಪವಾನ್ ರಸವಾಂಶ್ ಚರುರ್ ಏಹ (…) || ಅಪೂಪವಾನ್ ಊರ್ಜಾವಾಂಶ್ ಚರುರ್ ಏಹ (…) ||
ಅಪೂಪವಾನ್ ಯವವಾಂಶ್ ಚರುರ್ ಏಹ ಸೀದತು-
-ಉತ್ತಭ್ನುವನ್ ಪೃಥಿವೀಂ ದ್ಯಾಂ ಇವೋಪರಿ |
ಲೋಕಕೃತಃ ಪಥಿಕೃತೋ ಯಜಾಮಹೇ
ಯೇ ದೇವಾನಾಂ ಘೃತಭಾಗಾ ಇಹ ಸ್ಥ || ೧೮,೭೮।೫

ಅಪೂಪಪಿಹಿತಾನ್ ಕುಂಭಾನ್
ಯಾಂಸ್ ತೇ ದೇವಾ ಅಧಾರಯನ್ |
ತೇ ತೇ ಸಂತು ಸ್ವಧಾವಂತೋ
ಮಧುಮಂತೋ ಘೃತಶ್ಚುತಃ || ೧೮,೭೮।೬

ಯಾಸ್ ತೇ ಧಾನಾ ಅನುಕಿರಾಮಿ
ತಿಲಮಿಶ್ರಾಃ ಸ್ವಧಾವತೀಃ |
ತಾಸ್ ತೇ ಸಂತು ವಿಭ್ವೀಃ ಪ್ರಭ್ವೀಸ್
ತಾಸ್ ತೇ ರಾಜಾನು ಮನ್ಯತಾಂ
ಯಮೋ ಅಕ್ಷಿತಂ ಭೂಯಾಂಸಂ || ೧೮,೭೮।೭

ದ್ರಪ್ಸಶ್ ಚಸ್ಕಂದ ಪ್ರಥಮಾಂ ಅನು ದ್ಯಾಂ
ಇಮಂ ಚ ಯೋನಿಂ ಅನು ಯಶ್ ಚ ಪೂರ್ವಃ |
ಋತಸ್ಯ ಯೋನಿಂ ಅನು ಸಂಚರಂತಂ
ದ್ರಪ್ಸಂ ಜುಹೋಮ್ಯ್ ಅನು ಸಪ್ತ ಹೋತ್ರಾಃ || ೧೮,೭೮।೮

ಶತಧಾರಂ ವಾಯುಂ ಅರ್ಕಂ ಸ್ವರ್ವಿದಂ
ನೃಚಕ್ಷಸಸ್ ತೇ ಅಭಿ ಚಕ್ಷತೇ ರಯಿಂ |
ಯೇ ಗೃಣಂತಿ ಪ್ರ ಚ ಯಕ್ಷಂತಿ ಸರ್ವದಾ
ತೇ ದುಹ್ರತೇ ದಕ್ಷಿಣಾಂ ಸಪ್ತಮಾತರಂ || ೧೮,೭೮।೯

ಉತ್ಸನ್ ದುಹಂತಿ ಕಲಶಂ ಚತುರ್ಬಿಲಂ
ಮೃಡಾಂ ಧೇನುಂ ಮಧುಮತೀಂ ಸ್ವಸ್ತಯೇ |
ಊರ್ಜಂ ಮದಂತೀಂ ಅದಿತಿಂ ಜನೇಷ್ವ್
ಅಗ್ನೇ ಮಾ ಹಿಂಸೀಃ ಪರಮೇ ವ್ಯೋಮನ್ || ೧೮,೭೮।೧೦
(೭೮)

ಏತತ್ ತೇ ದೇವಃ ಸವಿತಾ
ವಾಸೋ ದದಾತು ಭರ್ತವೇ |
ತತ್ ತ್ವಂ ಯಮಸ್ಯ ರಾಜ್ಯೇ
ವಸಾನಸ್ ತಾರ್ಪ್ಯಂ ಚರ || ೧೮,೭೯।೧

ಧಾನಾ ಧೇನುರ್ ಭವದ್ ವತ್ಸೋ
ಅಸ್ಯಾಸ್ ತಿಲೋ ಽಭವತ್ |
ತಾಂ ತ್ವಂ ಯಮಸ್ಯ ರಾಜ್ಯೇ
+ಽಕ್ಷಿತಾಂ ಉಪ ಜೀವತಾತ್ || ೧೮,೭೯।೨

ಏತಾಸ್ ತೇ ಅಸೌ ಧಾನಾಃ
ಕಾಮದುಘಾ ಭವಂತು |
ಏನೀಃ ಶ್ಯೇನೀರ್ ವಿರೂಪಾಃ ಸರೂಪಾಸ್
ತಿಲವತ್ಸಾ ಉಪ ತಿಷ್ಠಂತು ತ್ವಾತ್ || ೧೮,೭೯।೩

ಏನೀರ್ ಧಾನಾ ಹರಿಣೀಃ ಶ್ಯೇನೀರ್ ಆಸು
ಕೃಷ್ಣಾ ಧಾನಾ ಹರಿಣೀರ್ ಧೇನವಸ್ ತೇ |
ತಿಲವತ್ಸಾ ಊರ್ಜಂ ಅಸ್ಮೈ ದುಹಾನಾ
ವಿಶ್ವಹಾ ಸಂತ್ವ್ ಅನಪಸ್ಫುರಂತೀಃ || ೧೮,೭೯।೪

ವೈಶ್ವಾನರೇ ಹವಿರ್ ಇದಂ ಜುಹೋಮ್ಯ್
ಏತಂ ಸಾಹಸ್ರಂ ಶತಧಾರಂ ಉತ್ಸಂ |
ಸ ಬಿಭರತ್ ಪಿತರಂ ಪಿತಾಮಹಂ
ಪ್ರಪಿತಾಮಹಾನ್ ಬಿಭರತ್ ಪಿನ್ವಮಾನಃ || ೧೮,೭೯।೫

ಉತ್ಸಂ ಶತಧಾರಂ ಅಕ್ಷಿತಂ
ವ್ಯಚಮಾನಂ ಸಲಿಲಸ್ಯ ಪೃಷ್ಠೇ |
ಊರ್ಜಂ ದುಹಾನಂ ಅನಪಸ್ಫುರಂತಂ
ಉಪಾಸತಾಂ ಸುಕೃತಾಂ ಯತ್ರ ಲೋಕಃ || ೧೮,೭೯।೬

ಇದಂ ಕಸಾಂಬು ಚಯನೇನ ಚಿತ್ತಂ
ತತ್ ಸಜಾತಾ ಅವ ಪಶ್ಯತೇತ |
ಮರ್ತ್ಯೋ ಅಮೃತ್ಯುಂ ಅಮೃತತ್ವ ಏತಿ
ತಸ್ಮೈ ಲೋಕಂ ಕೃಣುತ ಯಾವತ್ಸಬಂಧು || ೧೮,೭೯।೭

ಇಹೈವೈಧಿ ಧನಸನಿರ್
ಇಹ ಚಿತ್ತ ಇಹಕ್ರತುಃ |
ಇಹೈಧಿ ವೀರವತ್ತರೋ
ವಯೋಧಾ ಅಪರಾಹಿತಃ || ೧೮,೭೯।೮

ಪುತ್ರಾನ್ ಪೌತ್ರಾನ್ ಅಭಿ ತರ್ಪಯಂತೀರ್
ಆಪೋ ಮಧುಮತೀರ್ ಇಮಾಃ |
ಸ್ವಧಾಂ ಪಿತೃಭ್ಯೋ ಅಂರ್ತಂ ದುಹಾನಾ
ಆಪೋ ದೇವೀರ್ ಉಭಯಾಂಸ್ ತರ್ಪಯಂತು || ೧೮,೭೯।೯

ಆಪೋ ಅಗ್ನಿಂ ಪ್ರ ಹಿಣುತೇಮಂ
ಯಜ್ಞಂ ಪಿತರೋ ನೋ ಜುಷಂತಾಂ |
ಮಾಸೀನಾಂ ಊರ್ಜಂ ಉಪ ಯೇ ಸಚಂತೇ
ತೇ ನೋ ರಯಿಂ ಸರ್ವವೀರಂ ನಿ ಯಚ್ಛಾನ್ || ೧೮,೭೯।೧೦
(೭೯)

ಸಂ ಇಂಧತೇ ಅಮರ್ತ್ಯಂ
ಹವ್ಯವಾಹಂ ಘೃತಪ್ರಿಯಂ |
ಸ ವೇದ ನಿಹಿತಾನ್ ನಿಧೀನ್
ಪಿತೃ̄ನ್ ಪರಾವತೋ ಗತಾನ್ || ೧೮,೮೦।೧

ಯಂ ತೇ ಮಂಥಂ ಯಂ ಕಲಂಭಂ
ಯಂ ಓದನಂ ಯನ್ ಮಾಸಂ ನಿಪೃಣಾಮಿ ತೇ |
ತೇ ತೇ ಸಂತು ಸ್ವಧಾವಂತೋ
ಮಧಮಂತೋ ಘೃತಶ್ಚುತಃ || ೧೮,೮೦।೨

ಸರಸ್ವತೀಂ ಯಾಂ ಸುಕೃತೋ ಹವಂತೇ
ದಕ್ಷಿಣಾ ಯಜ್ಞಂ ಅಭಿನಕ್ಷಮಾಣಾಃ |
ಸಹಸ್ರಾಯೋರ್ ಮೈನಾನ್ ಅತ್ರ ಪರಾ ದಾ
ದೀರ್ಘಂ ಏಷಾಂ ಆಯುಷ್ ಕೃಣು ವಿಶ್ವರೂಪೇ || ೧೮,೮೦।೩

ಇದಂ ಪೂರ್ವಂ ಅಪರಂ ನಿಯಾನಂ
ಯೇನ ತೇ ಪೂರ್ವೇ ಪಿತರಃ ಪರೇತಾಃ |
ಪುರೋಗವಾ ಯೇ ಅಭಿಶಾಚೋ ಅಸ್ಯ
ತೇ ತ್ವಾ ವಹಂತು ಸುಕೃತಾಂ ಉಲೋಕಂ || ೧೮,೮೦।೪

ಪೃಥಿವೀಂ ತ್ವಾ ಪೃಥಿವ್ಯಾಂ ಆ ವೇಶಯಾಮಿ
ದೇವೋ ನೋ ಧಾತಾ ಸವಿತಾತ್ಯ್ ಆಯುಃ |
ಪರಾಪುರೈತಾ ವಸುವಿದ್ ವೋ ಅಸ್ತ್ವ್
ಅಧಾ ಮೃತೈಃ ಪಿತರಃ ಸಂ ಭವಾಥ || ೧೮,೮೦।೫

ಏಯಂ ಅಗನ್ ದಕ್ಷಿಣಾ ಭದ್ರತೋ ನೋ
ಅನೇನ ದತ್ತಾ ಸುದುಘಾ ವಯೋಧಾಃ |
ಯೌವನೇ ಜೀವಾಁ ಅಪಿ ಪೃಂಚತೀ ಜರಾ
ಪರಾ ಪಿತೃಭ್ಯ ಉಪ ಸಂ ಪರಾಣಯಾತ್ || ೧೮,೮೦।೬

ಆ ಪ್ರ ಚ್ಯವೇಥಾಂ ಅಪ ತಂ ನುದೇಥಾಂ
ಯದ್ ವಾಂ ಅಭಿಭಾ ಅತ್ರೋದುಃ |
ಅರ್ವಾಞ್ ಚಾವೇತಂ ಅಘ್ನ್ಯೌ ತದ್ ವಶೀಯೋ
ದಾತ್ರೇ ಪಿತೃಷ್ವ್ ಇಹ ಭೋಜನೌ ಮಮ || ೧೮,೮೦।೭

ಇದಂ ಪಿತೃಭ್ಯಃ ಪ್ರ ಹರಾಮಿ ಬರ್ಹಿರ್
ಜೀವಂ ದೇವೇಭ್ಯ ಉತ್ತರಂ ಸ್ತೃಣಾಮಿ |
ತದ್ ಆ ರೋಹ ಪುರುಷೋ ಮೇಧ್ಯೋ ಭವನ್
ಪ್ರತಿ ತ್ವ ಜಾನಂತು ಪಿತರಃ ಪರೇತಂ || ೧೮,೮೦।೮

ಏವಂ ಬರ್ಹಿರ್ ಅಸದೋ ಮೇಧ್ಯೋ ಭವನ್
ಪ್ರತಿ ತ್ವ ಜಾನಂತು ಪಿತರಃ ಪರೇತಂ |
ಯಥಾಪರು ತನ್ವಂ ಸಂ ಭರಸ್ವ
ಗಾತ್ರಾಣಿ ತೇ ಬ್ರಹ್ಮಣಾ ಕಲ್ಪಯಾಮಿ || ೧೮,೮೦।೯

ಪರ್ಣೋ ರಾಜಾಪಿಧಾನಂ ಚರೂಣಾಂ
ಊರ್ಜೋ ಬಲಂ ಸಹ ಓಜೋ ನ ಆಗನ್ |
ಆಯುರ್ ಜೀವೇಭ್ಯೋ ವಿದಧದ್
ದೀರ್ಘಯುತ್ವಾಯ ಶತಶಾರದಾಯ || ೧೮,೮೦।೧೦
(೮೦)

ಊರ್ಜೋ ಭಾಗೋ ಯ ಇದಂ ಯಜಾನಾಂ
ಅಶ್ಮಾನ್ನಾನಾಂ ಅಧಿಪತಿರ್ ಬಭೂವ |
ತಂ ಅರ್ಚತ ವಿಶ್ವಮಿತ್ರಾ ಹವಿರ್ಭಿಃ
ಸ ನೋ ಯಮಃ ಪ್ರತರಂ ಜೀವಸೇ ಧಾತ್ || ೧೮,೮೧।೧

ಯಥಾ ಯಮಾಯ ಹರ್ಮ್ಯಂ
ಅವಪನ್ ಪಂಚ ಮಾನವಾಃ |
ಏವಾ ವಪಾಮಿ ಹರ್ಮ್ಯಂ
ಯಥಾ ಮೇ ಭೂರಯೋ ಽಸಥ || ೧೮,೮೧।೨

ಇದಂ ಹಿರಣ್ಯಂ ಬಿಭೃಹಿ
ಯತ್ ತೇ ಪಿತಾಬಿಭಃ ಪುರಾ |
ಸ್ವರ್ಗಂ ಯತಃ ಪಿತುರ್ ಹಸ್ತಂ
ನಿರ್ ಮೃಡ್ಢೀ ದಕ್ಷಿಣಂ || ೧೮,೮೧।೩

ಯೇ ಜೀವಾ ಯೇ ಚ ಮೃತಾ
ಯೇ ಜಾತಾ ಯೇ ಚ ಯಜ್ಞಿಯಾಃ |
ತೇಭ್ಯೋ ಘೃತಸ್ಯ ಕುಲ್ಯೈತು
ಶತಧಾರಾ ವ್ಯ್ ಉಂದತೀ || ೧೮,೮೧।೪

ವೃಷಾ ಮತೀನಾಂ ಪವತೇ ವಿಚಕ್ಷಣಃ
ಸೂರೋ ಅಹ್ನಾಂ ಪ್ರತರೀತೋಷಸಾಂ ದಿವಃ |
ಪ್ರಾಣಃ ಸಿಂಧೂನಾಂ ಕಲಶಾಁ ಅಚಿಕ್ರದದ್
ಇಂದ್ರಹಾರ್ದಿವಂ ಆವಿಶನ್ ಮನೀಷಯಾ || ೧೮,೮೧।೫

ತ್ವೇಷಸ್ ತೇ ಧೂಮಾ ಊರ್ಣೋತಿ
ದಿವಿ ಷಂ ಛುಕ ಆತತಃ |
ಸೂರೋ ನ ಹಿ ದ್ಯತಾ ತ್ವಾಂ
ಕೃಪಾ ಪಾವಕ ರೋಚಸೇ || ೧೮,೮೧।೬

ಪ್ರ ವಾ ಏತೀಂದುರ್ ಇಂದ್ರಸ್ಯ ನಿಷ್ಕೃತಿಂ
ಸಖಾ ಸಖ್ಯುರ್ ನ ಪ್ರ ಮಿನಾತಿ ಸಂಗಿರಂ |
ಮರ್ಯ ಇವ ಯೋಷಾಃ ಸಂ ಅರ್ಷತೇ
ಸೋಮಃ ಕಲಶೇ ಶತಯಾಮನಾ ಪಥಾ || ೧೮,೮೧।೭

ಆ ಯತ ಪಿತರಃ ಸೋಮ್ಯಾಸೋ
ಗಂಭೀರೇಭಿಃ ಪಥಿಭಿಃ ಪಿತೃಯಾಣೈಃ |
ಪ್ರಜಾಂ ಅಸ್ಮಭ್ಯಂ ದಧತೋ ರಯಿಂ ಚ
ದೀರ್ಘಾಯುತ್ವಾಯ ಶತಶಾರದಾಯ || ೧೮,೮೧।೮

ಪರಾ ಯಾತ ಪಿತರಃ ಸೋಮ್ಯಾಸೋ
ಗಂಭೀರೇಭಿಃ ಪಥಿಭಿಃ ಪಿತೃಯಾಣೈಃ |
ಅಧಾ ಮಾಸಿ ಪುನರ್ ಆ ಯಾತ ನೋ ಗೃಹಂ
ಹವಿರ್ ಅನ್ನಂ ಸುಪ್ರಜಸಃ ಸುವೀರಾಃ || ೧೮,೮೧।೯

ಅಕ್ಷನ್ನ್ ಅಮೀಮದಂತ-
-ಅವ ಪ್ರಿಯಾ ಅಧೂಷತ |
ಅಸ್ತೋಷತ ಸ್ವಭಾನವಃ
ಪರೇತ ಪಿತರೋ ಗೃಹಾನ್ || ೧೮,೮೧।೧೦
(೮೧)

ಯದ್ ವೋ ಅಗ್ನಿರ್ ಅಜಹಾದ್ ಏಕಂ ಅಂಗಂ
ಪಿತೃಲೋಕಂ ಗಮಯಂ ಜಾತವೇದಾಃ |
ತದ್ ವ ಏತತ್ ಪುನರ್ ಆ ವೇಶಯಾಮಿ
ಸಾಂಗಾಃ ಸರ್ವೇ ಪಿತರೋ ಮಾದಯಧ್ವಂ || ೧೮,೮೨।೧

ಅಸೌ ಹಾ ಇಹ ತೇ ಮನಃ |
ಕಪುತ್ಸಲಂ ಇವ ಜಾಮಯೋ
ಽಭ್ಯ್ ಏನಂ ಭೂಮ ಊರ್ಣೂಹಿ || ೧೮,೮೨।೨

ರಮಧ್ವಂ ಮಾ ಬಿಭೀತನಾ
ಅಸ್ಮಿನ್ ಗೋಷ್ಠೇ ಕರೀಷಿಣಃ |
ಊರ್ಜಂ ದಧಾನಾಃ ಸಕೃತಃ ಶಚಿವ್ರತಾ
ಗೃಹಾ ಜೀವಂತ ಉಪ ವಃ ಸದೇಮ || ೧೮,೮೨।೩

ಊರ್ಜಂ ಮೇ ದೇವಾ ಅದಧುರ್
ಊರ್ಜಂ ಮನುಷ್ಯಾ ಉತ |
ಊರ್ಜಂ ಪಿತೃಭ್ಯ ಆಹಾರ್ಷಂ
ಊರ್ಜಸ್ವಂತೋ ಗೃಹಾ ಮಮ || ೧೮,೮೨।೪

ಪಯೋ ಮೇ ದೇವಾ ಅದಧುಃ
ಪಯೋ ಮನುಷ್ಯಾ ಉತ |
ಪಯಃ ಪಿತೃಭ್ಯ ಆಹರ್ಷಂ
ಪಯಸ್ವಂತೋ ಗೃಹಾ ಮಮ || ೧೮,೮೨।೫

ಉದ್ ಉತ್ತಮಂ ವರುಣ ಪಾಶಂ ಅಸ್ಮದ್
ಅವಾಧಮಂ ವಿ ಮಧ್ಯಮಂ ಶ್ರಥಾಯ |
ಅಥಾದಿತ್ಯ ವ್ರತೇ ವಯಂ ತವ-
-ಅನಾಗಸೋ ಽದಿತಯೇ ಸ್ಯಾಮ || ೧೮,೮೨।೬

ಯೇ ತೇ ಶತಂ ವರುಣ ಯೇ ಸಹಸ್ರಂ
ಯಜ್ಞಿಯಾಃ ಪಾಶಾ ವಿತತಾ ಮಹಾಂತಃ |
ತೇಭ್ಯೋ ಅಸ್ಮಾನ್ ವರುಣಃ ಸೋಮ ಇಂದ್ರೋ
ವಿಶ್ವೇ ಮುಂಚಂತು ಮರುತಃ ಸ್ವರ್ಕಾಃ || ೧೮,೮೨।೭

ಪ್ರಾಸ್ಮತ್ ಪಾಶಾನ್ ವರುಣ ಮುಂಚ ಸರ್ವಾನ್
ಯೈಃ ಸಮಮೇ ಬಧ್ಯತೇ ಯೈರ್ ವ್ಯಾಮೇ |
ಅಥ ಜೀವೇಮ ಶರದಃ ಶತಾನಿ
ತ್ವಾಯ ರಾಜನ್ ಗುಪಿತೋ ರಕ್ಷಮಾಣಃ || ೧೮,೮೨।೮

ಅವ ತೇ ಹೇಡ ಈಮಹೇ ನಮೋಭಿರ್
ಅವ ಯಜ್ಞೇಭಿರ್ ಈಮಹೇ ಹವಿರ್ಭಿಃ |
(…)ಯದ್ ಅಸ್ಮದ್ ವರುಣ ಪ್ರಚೇತೋ
ರಾಜನ್ನ್ ಏನಾಂಸಿ ಶಿಶ್ರಥಃ ಕೃತಾನಿ || ೧೮,೮೨।೯

ಚಂದ್ರಮಾ ಅಪ್ಸ್ವ್ ಅಂತರ್ ಆ
ಸುಪರ್ಣೋ ಧಾವತೇ ದಿವಿ |
ನ ವೋ ಹಿರಣ್ಯನೇಮಯಃ
ಪದಂ ವಿಂದಂತಿ ವಿದ್ಯುತೋ
ವಿತ್ತಂ ಮೇ ಅಸ್ಯ ರೋದಸೀ || ೧೮,೮೨।೧೦
(೮೨)

ಅನುವಾಕ ೧೩ ||
(೧೮)


ಕಾಂಡ ೧೯

ದೋಷೋ ಗಾಯ ಬೃಹದ್ ಗಾಯ
ದ್ಯುಮದ್ ಗಾಯಾಥರ್ವಣ |
ಸ್ತುಹಿ ದೇವಂ ಸವಿತಾರಂ || ೧೯,೧।೧

ತಂ ಉ ಸ್ತುಹ್ಯ್ ಅಂತಃಸಿಂಧುಂ
ಸೂನುಂ ಸತ್ಯಸ್ಯ ಯುವಾನಂ |
ಅದ್ರೋಘವಾಚಂ ಸುಶೇವಂ || ೧೯,೧।೨

ಸ ಘಾ ನೋ ದೇವಃ ಸವಿತಾ-
-ಆಸಾವಿಷದ್ ವಸುಪತಿರ್ ವಸೂನಿ |
ಉಭೇ ಸುಷ್ಟುತೀ ಸುಗಾತುಂ || ೧೯,೧।೩

ಇಂದ್ರಾಯ ಸೋಮಂ ಋತ್ವಿಜಃ
ಸುನೋತನಾ ಚ ಧಾವತ |
ಸ್ತೋತುರ್ ಯೋ ಹವಂ ಶೃಣವದ್ ಧವಂ ಚ ನಃ || ೧೯,೧।೪

ಸುನೋತಾ ಸೋಮಪಾವ್ನೇ
ಸೋಮಂ ಇಂದ್ರಾಯ ವಜ್ರಿಣೇ |
ಯುವಾ ಜೇತೇಶಾನಃ ಸ ಪುರುಷ್ಟುತಃ || ೧೯,೧।೫

ಆ ತ್ವಾ ವಿಶಂತ್ವ್ ಇಂದವೋ
ವಯೋ ನ ವೃಕ್ಷಂ ಅಂಧಸಃ |
ವಿರಪ್ಶಿನ್ ವಿ ಮೃಧೋ ಜಹಿ ರಕ್ಷಸ್ವಿನೀಃ || ೧೯,೧।೬

ಆರೇ ಅಸಾವ್ ಅಸ್ಮದ್ ಅಸ್ತು
ಹೇತಿರ್ ದೇವಾಸೋ ಅಸತ್ |
ಆರೇ ಮರ್ತಾನಾಂ ಅಶಸ್ತಿಃ || ೧೯,೧।೭

ಸಖೈವ ನೋ ರಾತಿರ್ ಅಸ್ತು
ಸಖೇಂದ್ರಃ ಸಖಾ ಸವಿತಾ |
ಸಖಾ ಭಗಃ ಸತ್ಯಧರ್ಮಾ ನೋ ಅಸ್ತು || ೧೯,೧।೮

ಅಭಿ ನೋ ದೇವೀರ್ ಅವಸಾ
ಮಹಾಶರ್ಮಣಾ ನೃಪತ್ನೀಃ |
ಅಚ್ಛಿನ್ನಪತ್ರಾಃ ಸಚಂತಾಂ || ೧೯,೧।೯

ಈಡೇ ಅಗ್ನಿಂ ಭವಂ ಸರ್ವಂ ರಕ್ಷ ಉಬ್ಜದ್
ಅಹಿಂ ಬಲಾಸಂ ಉತ ಸೇದಿಂ ಉಗ್ರಾಂ |
ಆರೇ ಅಸ್ಮದ್ ಅದಿತೇ ದೈವ್ಯಂ ಭಯಂ
ಸುವೀರ್ಯಂ ಮರುತಃ ಶರ್ಮ ಯಚ್ಛತ || ೧೯,೧।೧೦

ಈಡೇ ದ್ಯಾವಾಪೃಥಿವೀ ಪರ್ವತಾಁ ಅಪಃ
ಸ್ವಃ ಸೂರ್ಯಂ ಉರ್ವ್ ಅಂತರಿಕ್ಷಂ |
ವನಸ್ಪತೀನ್ ಓಷಧೀರ್ ಗಾ ಉತ ರ್ಚ
ಋತಸ್ಯ ನಃ ಪತಯೋ ಮೃಡಯಂತು || ೧೯,೧।೧೧

ಹುವೇ ವಿಷ್ಣುಂ ಪೂಷಣಂ ಬ್ರಹ್ಮಣಸ್ಪತಿಂ
ಭಗಂ ನು ಶಂಸಂ ಸವಿತಾರಂ ಊತಯೇ |
ಇಹ ಸೋಮೋ ವರುಣೋ ವಾಯುರ್ ಅಗ್ನಿರ್
ಭಗ ಉಗ್ರಾ ಅವಸೇ ನೋ ಗಮಂತು || ೧೯,೧।೧೨

ಪಾತಂ ನ ಇಂದ್ರಾಪೂಷಣಾ
ವರುಣಃ ಪಾಂತು ಮರುತಃ |
ಅಪಾಂ ನಪಾತ್ ಸಿಂಧವಃ ಸಪ್ತ ಪಾತನ
ಪಾತು ವಿಷ್ಣುರ್ ಉತ ದ್ಯೌಃ || ೧೯,೧।೧೩

ಪಾತಾಂ ನೋ ದ್ಯಾವಾಪೃಥಿವೀ ಅಭಿಷ್ಟಯೇ
ಪಾತು ಗ್ರಾವಾ ಪಾತು ಸೋಮೋ ನೋ ಅಂಹಸಃ |
ಪಾತು ನೋ ದೇವೀ ಸುಹವಾ ಸರಸ್ವತೀ
ಪಾತ್ವ್ ಅಗ್ನಿರ್ ಯೇ ಶಿವಾ ಅಸ್ಯ ಪಾಯವಃ || ೧೯,೧।೧೪

ಪಾತಾಂ ನೋ ದೇವಾಶ್ವಿನಾ ಸುದಂಸಸಾ-
-ಉಷಾಸಾನಕ್ತೋತ ನ ಉರುಷ್ಯತಾಂ |
ಅಪಾಂ ನಪಾದ್ ಅವಿಹ್ರುತೀ ಕಯಸ್ಯ ಚಿದ್
ದೇವೋ ಮೂರ್ಧನ್ನ್ ಅದಿತೇ ಶರ್ಮ ಯಚ್ಛ ನಃ || ೧೯,೧।೧೫
(೧)

ತ್ವಷ್ಟಾ ಮೇ ದೈವ್ಯಂ ವಚಃ
ಪರ್ಜನ್ಯೋ ಬ್ರಹ್ಮಣಸ್ಪತಿಃ |
ಪುತ್ರೈರ್ ಭ್ರಾತೃಭಿರ್ ಅದಿತಿರ್ ನು ಪಾತು ನೋ
ದುಷ್ಟರಂ ತ್ರಾಮಣೇ ಶವಃ || ೧೯,೨।೧

ಅಂಶೋ ಭಗೋ ವರುಣೋ ಮಿತ್ರೋ ಅರ್ಯಮಾ-
-ಅದಿತಿಃ ಪಾತ್ವ್ ಅಂಹಸಃ |
ಅಪ ತಸ್ಯ ದ್ವೇಷೋ ಗಮೇದ್
ಅವಿಹ್ರುತೋ ಯಾವಯಾಚ್ ಛತ್ರುಂ ?ಅಂತಿ ತಂ? || ೧೯,೨।೨

ದೇವ ತ್ವಷ್ಟರ್ ವರ್ಧಯ ಸರ್ವತಾತಯೇ
ಧಿಯೇ ಸಂ ಉ ಶ್ರಿಯೇ ಪ್ರಾವತಾನ್ ನಃ |
ಉರುಷ್ಯಾ ಣ ಉರುತರಾಪ್ರಯುಚ್ಛನ್
ದ್ಯೌಷ್ ಪಿತರ್ ಯಾವಯ ದುಚ್ಛುನಾಂ ಇತಃ || ೧೯,೨।೩

ಯೇ ನೋ ವಚೋಭಿರ್ ಉತ ದಂಸನಾಭಿಸ್
ತನ್ವಂ ಸೋಮ ಪರಿತಾಪಯಂತೇ |
ನೀಚೈಸ್ ತಾನ್ ವೃಶ್ಚ ನ ಯಥಾ ವಿರುಕ್ಷನ್
ಮಾ ತೇ ದೃಶನ್ ಸೂರ್ಯಂ ಉಚ್ಚರಂತಂ || ೧೯,೨।೪

ತ್ವಯೇಷ್ವಾ ತ್ವಯಾ ಸೋಮ ಧನ್ವನಾ
ತ್ವಯಾ ಮುಷ್ಟಿಘ್ನಾ ಶಾಶದ್ಮಹೇ ವಯಂ |
ತ್ವಂ ತಾನ್ ವೃಶ್ಚ ಯ ಇದಂ ನ ?ಆದೃಶಾಕರನ್?
ಹನಾಮ ದಂಡೈರ್ ಉತ ದಂಸನಾಭಿಃ || ೧೯,೨।೫

ಪದೇನ ತಾನ್ ಪದನ್ಯೋ ನಯಂತು
ವಧೈರ್ ಏನಾನ್ ಪಿತರೋ ದಂಸಯಂತು |
ಯಥಾ ನ ಜೀವಾತ್ ಕತಮಶ್ ಚನೈಷಾಂ || ೧೯,೨।೬

ಯೇನ ಸೋಮಾದಿತಿಃ ಪಥಾ
ಮಿತ್ರಾ ವಾ ಯಂತ್ಯ್ ಅದ್ರುಹಃ |
ತೇನಾ ನೋ ಽವಿತಾ ಭುವಃ || ೧೯,೨।೭

ಯೋ ನಃ ಸೋಮ ಸುಶಂಸಿನೋ
ದುಃಶಂಸೋ ಅಭಿದಾಸತಿ |
ವಜ್ರೇಣಾಸ್ಯ ಮುಖೇ ಜಹಿ
ಸ ಸಂಪಿಷ್ಟೋ ಅಪಾಯತಿ || ೧೯,೨।೮

ಯೋ ನಃ ಸೋಮಾಭಿದಾಸತಿ
ಸನಾಭಿರ್ ಯಶ್ ಚ ನಿಷ್ಟಿಯಃ |
ಅಪ ತಸ್ಯ ಬಲಂ ತಿರ
ಮಹೀವ ದ್ಯೌರ್ ವಧ ತ್ಮನಾ || ೧೯,೨।೯

ಪುನರ್ ಅಘಂ ಅಘಕೃತಂ ಏತು ದೇವಾಃ
ಪುನರ್ ಏನ ಏನಸ್ಕೃತಂ ವಿಜಾನತ್ |
ಪುನಃ ಪುತ್ರಃ ಪಿತರಂ ಏತು ವಿದ್ವಾನ್
ಹತಾಂ ಉತ ಯದ್ ಅಸ್ಯ ಸ್ವಂ ಅಸ್ತಿ || ೧೯,೨।೧೦

ಯೇನ ಚಾಸೌ ಶಪತಿ
ಯೇನ ಚೈನಂ ಶಪಾಮಸಿ |
ಉಭೌ ಸಂವೃಹ್ಯ ತೌ ತಸ್ಮಾದ್
ಅಂತಿಕಾದ್ ಧೇತಿಂ ಅಸ್ಯತಾಂ || ೧೯,೨।೧೧

ಯೇ ಪಾರ್ಥಿವಾಸಃ ಶಪಥಾ
ಯ ಉರಾವ್ ಅಂತರಿಕ್ಷೇ |
ಯೇ ವಾತಸ್ಯ ಪ್ರಭರ್ಮಣಿ
ತೇಭಿಷ್ ಟಂ ವರ್ತಯಾಮಸಿ
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೧೯,೨।೧೨

ಯೇ ಅಸ್ಮಾನ್ ಪರಿಸೀಸೃಪುಃ
ಕುಲೀಪಯಾನಿ ಬಿಭ್ರತಃ |
ಉದ್ ದೇವಸ್ ತೇಷಾಂ ವೃಶ್ಚತ
ಮೂಲಂ ಉರ್ವಾರ್ವೋ ಯಥಾ || ೧೯,೨।೧೩

ಯದ್ ದೇವಾ ಅಘಧಾ ಅಘಂ
ಅನ್ಯಸ್ಮಿನ್ನ್ ಆ ಸಿಸಂಕ್ಷತಿ |
ಭಾರೋ ಅಘಸ್ಯ ದುಃಸಹಃ
ಪ್ರತ್ಯಕ್ ಕರ್ತಾರಂ ಋಚ್ಛತು || ೧೯,೨।೧೪

ಪುನರ್ ಏವಾಘಧಾಂ ಅಘಂ
ದ್ಯುಮ್ನಂ ?ಇವೈತುರ್ ಅರ್ಷತು |
ಆದಿತ್ಯಾದುರ್ಯಾಮಹಿಷಾ?
ಮಹೀ ಸಿಂಧೋರ್ ಇವಾವನಿಃ || ೧೯,೨।೧೫
(೨)

ಶಶ್ವದ್ ದಿದ್ಯುತ್ ಕ್ರಿಯಮಾಣಾ
ಪ್ರತೀಚೀ ನಿ ಹಿ ಪಪ್ತತ್ |
ಪ್ರತ್ಯಕ್ ಕರ್ತಾರಂ ಋಚ್ಛತು || ೧೯,೩।೧

ಶಶ್ವಂತಂ ಇಚ್ ಛಾಶದಾನಂ
ಅನ್ಯಸ್ಮಾ ಇಷುಂ ದಿಹಾನಂ |
ಪ್ರತೀಚೀ ಶರುರ್ ಋಚ್ಛತು || ೧೯,೩।೨

ಯದ್ ಏತದ್ ಭೂರಿ ಶಾಶದತ್
ಪ್ರತೀಚೀನಂ ಅಪೋಹಸೇ |
ವಿಷಾದ್ ಇವ ವಿಷಂ ಅದ್ಧಿ ತತ್ || ೧೯,೩।೩

ನಮಸ್ ತೇ ಪ್ರವತೋ ನಪಾದ್
ಯತಸ್ ತಪಃ ಸಮೂಹಸೇ |
ಮೃಡಾ ನಸ್ ತನೂಭ್ಯಶ್
ಶಂ ನಸ್ ತೋಕೇಭ್ಯಸ್ ಕೃಧಿ || ೧೯,೩।೪

ಪ್ರವತೋ ನಪಾನ್ ನಮೋ ಅಸ್ತು ತುಭ್ಯಂ
ನಮಸ್ ತೇ ಹೇತಯೇ ತಪುಷ್ಯೈ |
ವಿದ್ಮ ತೇ ಧಾಮ ಪರಮಂ ಗುಹಾ ಯತ್
ಸಮುದ್ರೇ ಅಂತರ್ ನಿಹಿತಾಸಿ ನಾಭಿಃ || ೧೯,೩।೫

ಯಾಂ ತ್ವಾ ದೇವಾ ಅಜನಯಂತ ವಿಶ್ವ
ಇಷುಂ ಕೃಣ್ವಾನಾ ಅಸನಾಯ ತೃಷ್ವೀಂ |
ಸಾ ನೋ ಮೃಡ ವಿದಥೇ ಗೃಣಾನಾ
ಮಿತ್ರಸ್ಯ ಚ ವರುಣಸ್ಯ ಪ್ರಶಿಷ್ಟೌ || ೧೯,೩।೬

ಯೂಯಂ ನಃ ಪ್ರವತೋ ನಪಾನ್
ಮರುತಃ ಸೂರ್ಯತ್ವಚಃ |
ಶರ್ಮ ಯಚ್ಛಾಥ ಸಪ್ರಥಃ || ೧೯,೩।೭

ಮಮೃಡತಾ ಸುಷೂದತಾ
ಮೃಡಾ ನೋ ಅಘ್ನ್ಯಾಭ್ಯಃ |
ತೋಕಾಯ ತನ್ವೇ ಚ || ೧೯,೩।೮

ನಮಸ್ ತೇ ಅಸ್ತು ವಿದ್ಯುತೇ
ನಮಸ್ ತೇ ಸ್ತನಯಿತ್ನವೇ |
ನಮಸ್ ತೇ ಅಸ್ತ್ವ್ ಅಶ್ಮನೇ
ಯೇನಾ ದೂಡಾಶೇ ಅಸ್ಯಸಿ || ೧೯,೩।೯

ಯೋ ಅಸ್ಮಾನ್ ಬ್ರಹ್ಮಣಸ್ಪತೇ
ಽದೇವೋ ಅಭಿದಾಸತಿ |
ಸರ್ವಂ ತಂ ರೀರಧಾಸಿ ನಃ || ೧೯,೩।೧೦

ಯೇಭಿಃ ಸೋಮ ಸಾಹಂತ್ಯ-
-ಅಸುರಾನ್ ರಂಧಯಾಸೈ |
ತೇಭಿರ್ ನೋ ಽವಿತಾ ಭುವಃ || ೧೯,೩।೧೧

ಯಾನಿ ದೇವಾ ಅಸುರಾಣಾಂ
ಓಜಾಂಸ್ಯ್ ಅವೃಣೀಧ್ವಂ |
ತೇಭಿರ್ ನೋ ಅಧಿ ವೋಚತ || ೧೯,೩।೧೨

ಉದ್ ಏನಂ ಉತ್ತರಂ ನಯ-
-ಅಗ್ನೇ ಘೃತೇಭಿರ್ ಆಹುತಃ |
ಸಂ ಏನಂ ವರ್ಚಸಾ ಸೃಜ
ದೇವಾನಾಂ ಭಾಗಧಾ ಅಸತ್ || ೧೯,೩।೧೩

ಇಂದ್ರೇಮಂ ಪ್ರತರಂ ಕೃಧಿ
ಸಜಾತಾನಾಂ ಅಸದ್ ವಶೀ |
ರಾಯಸ್ಪೋಷೇಣ ಸಂ ಸೃಜ
ಪ್ರಜಯಾ ಚ ಬಹುಂ ಕೃಧಿ || ೧೯,೩।೧೪

ಯಸ್ಯ ಕೃಣ್ಮೋ ಗೃಹೇ ಹವಿಸ್
ತಂ ಅಗ್ನೇ ವರ್ಧಯಾ ತ್ವಂ |
ತಸ್ಮೈ ಸೋಮೋ ಅಧಿ ಬ್ರುವದ್
ಅಯಂ ಚ ಬ್ರಹ್ಮಣಸ್ಪತಿಃ || ೧೯,೩।೧೫
(೩)

ಋತಾವಾನಂ ವೈಶ್ವಾನರಂ
ಋತಸ್ಯ ಜ್ಯೋತಿಷಸ್ ಪತಿಂ |
ಅಜಸ್ರಂ ಘರ್ಮಂ ಈಮಹೇ || ೧೯,೪।೧

ಸ ಇದಂ ಪ್ರತಿ ಪಪ್ರಥದ್
ಯಜ್ಞಸ್ಯ ಸ್ವರ್ ಉತ್ತಿರನ್ |
ಋತೂನ್ ಉತ್ ಸೃಜತೇ ವಶೀ || ೧೯,೪।೨

ಅಗ್ನಿಃ ಪ್ರಿಯೇಷು ಧಾಮಸು
ಕಾಮೋ ಭೂತಸ್ಯ ಭವ್ಯಸ್ಯ |
ಸಮ್ರಾಡ್ ಏಕೋ ವಿ ರಾಜತಿ || ೧೯,೪।೩

ಪರಿ ದ್ಯಾಂ ಇವ ಸೂರ್ಯೋ
ಅಹೀನಾಂ ಜನಿಂ ಆಗಮಂ |
ರಾತ್ರೀ ಜಗದ್ ಇವಾನ್ಯದ್ ಧಂಸಾದ್
ಅವಾರೀರ್ ಇಮಂ ವಿಷಂ || ೧೯,೪।೪

ಯದ್ ಬ್ರಹ್ಮಭಿರ್ ಯದ್ ಋಷಿಭಿರ್
ಯದ್ ದೇವೈರ್ ಉದಿತಂ ಪುರಾ |
ಯದ್ ಭೂತಂ ಭವ್ಯಂ ಆಸನ್ವತ್
ತೇನ ತೇ ವಾರಯೇ ವಿಷಂ || ೧೯,೪।೫

ಮಧುನಾಪೃಕ್ಷಿ ನದ್ಯಃ
ಪರ್ವತಾ ಗಿರಯೋ ಮಧು |
ಮಧು ಪರುಷ್ಣೀ ಶೀಪಾಲಾ
ಶಂ ಆಸ್ನೇ ಅಸ್ತು ಶಂ ಹೃದೇ || ೧೯,೪।೬

ಯಥೇಯಂ ಉರ್ವೀ ಪೃಥಿವೀ
ದಾಧಾರ ವಿಷ್ಠಿತಂ ಜಗತ್ |
ಏವಾ ತೇ ಧ್ರಿಯತಾಂ ಗರ್ಭೋ
ಅನು ಸೂತುಂ ಸವಿತವೇ || ೧೯,೪।೭

(…)
ದಾಧಾರೇಮಾನ್ ವನಸ್ಪತೀನ್ |
(…) || ೧೯,೪।೮

ಯಥೇಯಂ ಉರ್ವೀ ಪೃಥಿವೀ
ದಾಧಾರ ಪರ್ವತಾನ್ ಅಪಃ |
ಏವಾ ತೇ ಧ್ರಿಯತಾಂ ಗರ್ಭೋ
ಅನು ಸೂತುಂ ಸುವಿತವೇ || ೧೯,೪।೯

ಸಸ್ರುಷೀಸ್ ತದ್ ಅಪಸೋ
ದಿವಾ ನಕ್ತಂ ಚ ಸಸ್ರುಷೀಃ |
ವರೇಣ್ಯಕ್ರತುರ್ ಅಹಂ
ಅಪೋ ದೇವೀರ್ ಉಪ ಬ್ರುವೇ || ೧೯,೪।೧೦

ಓಕ್ತಾ ಆಪಃ ಕರ್ಮಣ್ಯಾ
ಮುಂಚಂತ್ವ್ ಇತಃ ಪ್ರಣೀತಯೇ |
ಸದ್ಯೋ ಭವಂತ್ವ್ ಏತವೇ || ೧೯,೪।೧೧

ದೇವಸ್ಯ ಸವಿತುಃ ಸವೇ
ಕರ್ಮ ಕೃಣ್ವಂತಿ ಮಾನುಷಾಃ |
ಶಂ ನೋ ಭವಂತ್ವ್ ಅಪ ಓಷಧೀರ್ ಇಮಾಃ || ೧೯,೪।೧೨

ಶತಸ್ಯ ತೇ ಧಮನೀನಾಂ
ಸಹಸ್ರಸ್ಯ ಹಿರಾಣಾಂ |
ಅಸ್ಥುರ್ ಇನ್ ಮಧ್ಯಮಾ ಯಾಃ
ಸಾಕಂ ಅಂತಾ ಅರಂಸತ || ೧೯,೪।೧೩

ಪರಿ ವಃ ಸಿಕತಾಮಯೀರ್
ಧನೂಸ್ ತಿರಶ್ ಚಿದ್ ಅಸ್ಥಿರನ್ |
ತಿಷ್ಠತೇಲಯತಾ ಸು ಕಂ || ೧೯,೪।೧೪

ಅಮೂರ್ ಯಾ ಯಂತಿ ಜಾಮಯಃ
ಸರ್ವಾ ಲೋಹಿತವಾಸಸಃ |
ಅಭ್ರಾತರ ಇವ ಯೋಷಾಸ್
ತಿಷ್ಠಂತಿ ಹತವರ್ಚಸಃ || ೧೯,೪।೧೫

ತಿಷ್ಠಾವರೇ ತಿಷ್ಠ ಪರ
ಉತ ತ್ವಂ ತಿಷ್ಠ ಮಧ್ಯಮೇ |
ಕಣಿಷ್ಠಿಕಾ ಚ ತಿಷ್ಠಾತಿ
ತಿಷ್ಠಾದ್ ಇದ್ ಧಮನಿರ್ ಮಹೀ || ೧೯,೪।೧೬
(೪)

ಅನುವಾಕ ೧ ||

ನಮೋ ದೇವವಧೇಭ್ಯೋ
ನಮೋ ರಾಜವಧೇಭ್ಯಃ |
ಅಥೋ ಯೇ ವಿಶ್ಯಾನಾಂ ವಧಾಸ್
ತೇಭ್ಯೋ ಮೃತ್ಯೋ ನಮಾಂಸಿ ತೇ || ೧೯,೫।೧

ನಮಸ್ ತೇ ಅಧಿವಾಕಾಯ
ಪರಾವಾಕಾಯ ತೇ ನಮಃ |
ಸುಮತ್ಯೈ ಮೃತ್ಯೋ ತೇ ನಮೋ
ದುರ್ಮತ್ಯೈ ತ ಇದಂ ನಮಃ || ೧೯,೫।೨

ನಮಸ್ ತೇ ಯಾತುಧಾನೇಭ್ಯೋ
ನಮಸ್ ತೇ ಭೇಷಜೇಭ್ಯಃ |
ಮೂಲೇಭ್ಯೋ ಮೃತ್ಯೋ ತೇ ನಮೋ
ಬ್ರಾಹ್ಮಣೇಭ್ಯ ಇದಂ ನಮಃ || ೧೯,೫।೩

ನವ ಚ ಯಾ ನವತಿಶ್ ಚ
ಸಂಯಂತಿ ಮನ್ಯಾ ಅಭಿ |
ಇತಸ್ ತಾಃ ಸರ್ವಾ ನಶ್ಯಂತು
ವಾಕಾ ಅಪಚಿತಾಂ ಇವ || ೧೯,೫।೪

ಸಪ್ತ ಚ ಯಾಃ ಸಪ್ತತಿಶ್ ಚ
ಸಂಯಂತಿ ಸ್ಕಂಧ್ಯಾ ಅಭಿ |
(ಇತಸ್ ತಾಃ ಸರ್ವಾ ನಶ್ಯಂತು
ವಾಕಾ ಅಪಚಿತಾಂ ಇವ) || ೧೯,೫।೫

ಪಂಚ ಚ ಯಾಃ ಪಂಚಾಶಚ್ ಚ
ಸಂಯಂತಿ ಗ್ರೈವ್ಯಾ ಅಭಿ |
ಇತಸ್ ತಾಃ ಸರ್ವಾ ನಶ್ಯಂತು
ವಾಕಾ ಅಪಚಿತಾಂ ಇವ || ೧೯,೫।೬

ಆವಯೋ ಅನಾವಯೋ
ರಸಸ್ ತ ಉಗ್ರ ಆವಯೋ |
ಆ ತೇ ಕರಂಭಂ ಅದೀಮಹಿ
ಸ ಹಿ ನ ತ್ವಂ ಅಸಿ ಯಸ್
ತ್ವಂ ಆತ್ಮಾನಂ ಆವಯಃ || ೧೯,೫।೭

ಬಭ್ರುಶ್ ಚ ಬಭ್ರುಕರ್ಣಶ್ ಚ
ನೀಲಾಕಲಶಾಲಾ |
ಶವಃಪಶ್ಯ || ೧೯,೫।೮

ತೌವಿಲಿಕೇ ಽವೇಲಯಾ-
-ಅವಾಯಂ ಐಲವ ಐಲಯೀತ್ |
ಇಹ ಸ್ವಾಂ ಆಹುತಿಂ
ಜುಷಾಣೋ ಮನಸಾ ಸ್ವಾಹಾ || ೧೯,೫।೯

ಸ್ವಾಹಾ ಮನಸಾ ಯದ್ ಇದಂ ಕೃಣೋಮಿ
ಯಸ್ಯಾಸ್ ತ ಆಸಞ್ ಜುಹೋಮಿ ಘೋರೇ |
ಏಷಾಂ ಬದ್ಧಾನಾಂ ಅವಸರ್ಜನಾಯ ಕಂ || ೧೯,೫।೧೦

ಭೂಮಿರ್ ಇತಿ ತ್ವಾಭಿಪ್ರಮನ್ವತೇ ಜನಾ
ನಿರೃತಿರ್ ಇತಿ ತ್ವಾಹಂ ಪರಿ ವೇದ ವಿಶ್ವತಃ |
ಭೂತೇ ಹವಿಷ್ಮತ್ಯ್ ಅಸ್ಯ್ ಏಷ ತೇ ಭಗಸ್
ತೇನ ತೇ ವಿಧೇಯಂ ಸ್ವಾಹಾ || ೧೯,೫।೧೧

ಏವೋ ಷ್ವ್ ಅಸ್ಮತ್ ತ್ವಂ ನಿರೃತೇ ವಿಶ್ವವಾರೇ
ಅಯಸ್ಮಯಾನ್ ಪ್ರ ಮುಮುಗ್ಧಿ ಪಾಶಾನ್ |
ಯಮೇನ ತ್ವಂ ಯಮ್ಯಾ ಸಂವಿದಾನಾ
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಸ್ಮಿನ್ ತಾನ್ ಪಾಶಾನ್ ಪ್ರತಿ ಮುಂಚ ಸರ್ವಾನ್ || ೧೯,೫।೧೨

ಉತ್ತಮೋ ಅಸ್ಯ್ ಓಷಧೀನಾಂ
ತವ ವೃಕ್ಷಾ ಉಪಸ್ತಯಃ |
ಉಪಸ್ತಿರ್ ಅಸ್ಮಾಕಂ ಭೂಯಾದ್
ಯೋ ಽಸ್ಮಾಁ ಅಭಿದಾಸತಿ || ೧೯,೫।೧೩

ಸಬಂಧುಶ್ ಚಾಸಬಂಧುಶ್ ಚ
ಯೋ ಽಸ್ಮಾಁ ಅಭಿದಾಸತಿ |
ಸಬಂಧೂನ್ ಸರ್ವಾಂಸ್ ತೀರ್ತ್ವಾ-
-ಅಹಂ ಭೂಯಾಸಂ ಉತ್ತಮಃ || ೧೯,೫।೧೪

ಯಥಾ ಸೋಮ ಓಷಧೀನಾಂ
ಉತ್ತಮಂ ಹವಿರ್ ಉಚ್ಯತೇ |
ಏವಾ ತ್ವಂ ಇವ ವೃಕ್ಷಾಣಾಂ
ಅಹಂ ಭೂಯಾಸಂ ಉತ್ತಮಃ || ೧೯,೫।೧೫
(೫)
ವರುಣೋ ವಾರಯಾ ಇತ್ಯ್ ಏಕಾ ||
ಇಂದ್ರಸ್ಯ ವಚಸಾ ವಯಂ
ಮಿತ್ರಸ್ಯ ವರುಣಸ್ಯ ಚ |
ದೇವಾನಾಂ ಸರ್ವೇಷಾಂ ವಾಚಾ
ಯಕ್ಷ್ಮಂ ತೇ ವಾರಯಾಮಹೇ || ೧೯,೬।೨

ಯಥಾ ವೃತ್ರ ಇಮಾ ಆಪಸ್
ತಸ್ತಂಭ ವಿಶ್ವಧಾ ಯತೀಃ |
ಏವಾ ತೇ ಅಗ್ನಿನಾ ಯಕ್ಷ್ಮಂ
ವೈಶ್ವಾನರೇಣ ವಾರಯೇ || ೧೯,೬।೩

ಧ್ರುವಂ ಧ್ರುವೇಣ ಹವಿಷಾ-
-ಅಭಿ ಸೋಮಂ ಮೃಶಾಮಸಿ |
ಅತ್ರಾ ತ ಇಂದ್ರಃ ಕೇವಲೀರ್
ವಿಶೋ ಬಲಿಹೃತಸ್ ಕರತ್ || ೧೯,೬।೪

ಆ ತ್ವಾಹಾರ್ಷಂ ಅಂತರ್ ಅಭೂರ್
ಧ್ರುವಸ್ ತಿಷ್ಠಾವಿಚಾಚಲತ್ |
ವಿಶಸ್ ತ್ವಾ ಸರ್ವಾ ಆ ಯಂತು
ಮಾ ತ್ವದ್ ರಾಷ್ಟ್ರಂ ಅಧಿ ಭ್ರಶತ್ || ೧೯,೬।೫

ಇಹೈವೈಧಿ ಮಾಪ ಚ್ಯೋಷ್ಠಾಃ
ಪರ್ವತ ಇವಾವಿಚಾಚಲತ್ |
ಇಂದ್ರೇಹ ಧ್ರುವಸ್ ತಿಷ್ಠ-
-ಇಹ ರಾಷ್ಟ್ರಂ ನಿ ಧಾರಯ || ೧೯,೬।೬

ಇಂದ್ರ ಏತಂ ಅದೀಧರದ್
ಧ್ರುವಂ ಧ್ರುವೇಣ ಹವಿಷಾ |
ತಸ್ಮೈ ಸೋಮೋ ಅಧಿ ಬ್ರುವದ್
ಅಯಂ ಚ ಬ್ರಹ್ಮಣಸ್ಪತಿಃ || ೧೯,೬।೭

ಧ್ರುವಂ ತೇ ದೇವಃ ಸವಿತಾ
ಧ್ರುವಂ ದೇವೋ ಬೃಹಸ್ಪತಿಃ |
ಧ್ರುವಂ ತ ಇಂದ್ರಶ್ ಚಾಗ್ನಿಶ್ ಚ
ರಾಷ್ಟ್ರಂ ಧಾರಯತಾಂ ಧ್ರುವಂ || ೧೯,೬।೮

ಧ್ರುವಾ ದ್ಯೌರ್ ಧ್ರುವಾ ಪೃಥಿವೀ
ಸಮುದ್ರಾಃ ಪರ್ವತಾ ಧ್ರುವಾಃ |
ಧ್ರುವಾ ಹ ಧರ್ಮಣಾ ಧ್ರುವಾ
ಧ್ರುವೋ ರಾಜಾ ವಿಶಾಂ ಅಯಂ || ೧೯,೬।೯

ವೃಷೇಂದ್ರಸ್ಯ ವೃಷಾ ದಿವೋ
ವೃಷಾ ಪೃಥಿವ್ಯಾ ಅಯಂ |
ವೃಷಾ ವಿಶ್ವಸ್ಯ ಭೂತಸ್ಯ
ತ್ವಂ ಏಕವೃಷೋ ಭವ || ೧೯,೬।೧೦

ಸಮುದ್ರ ಈಶೇ ಸ್ರವತಾಂ
ಅಗ್ನಿಃ ಪೃಥಿವ್ಯಾ ವಶೀ |
ಸೂರ್ಯೋ ನಕ್ಷತ್ರಾಣಾಂ ಈಶೇ
ತ್ವಂ (…) || ೧೯,೬।೧೧

ಸಮ್ರಾಡ್ ಅಸ್ಯ್ ಅಸುರಾಣಾಂ
ಕಕುನ್ ಮನುಷ್ಯಾಣಾಂ |
ದೇವಾನಾಂ ಅರ್ಧಭಾಗ್ ಅಸಿ
ತ್ವಂ ಏಕವೃಷೋ ಭವ || ೧೯,೬।೧೨

ಪರಿ ವರ್ತ್ಮಾನ್ಯ್ ಏಷಾಂ
ಇಂದ್ರಃ ಪೂಷಾ ಚ ಸಸ್ರತುಃ |
ಮುಹ್ಯಂತ್ವ್ ಅದ್ಯಾಮೂಃ ಸೇನಾ
ಅಮಿತ್ರಾಣಾಂ ಪರಸ್ತರಾಂ || ೧೯,೬।೧೩

ಮುಗ್ಧಾ ಅಮಿತ್ರಾಶ್ ಚರಂತ-
-ಅಶೀರ್ಷಾಣ ಇವಾಹಯಃ |
ಅಥೈಷಾಂ ಅಗ್ನಿರುದ್ಧಾನಾಂ
ಇಂದ್ರೋ ಹಂತು ವರಂ-ವರಂ || ೧೯,೬।೧೪

ಐಷು ನಹ್ಯ ವೃಷಾಜಿನಂ
ಹರಿಣಸ್ಯ ಭಿಯಂ ಕೃಧಿ |
ಪರಾಙ್ ಅಮಿತ್ರ ಏಷತ್ವ್
ಅರ್ವಾಚೀ ಗೌರ್ ಉಪೇಷತು || ೧೯,೬।೧೫
(೬)

ಸಂಸಂ ಇದ್ ಯುವಸೇ ವೃಷನ್ನ್
ಅಗ್ನೇ ವಿಶ್ವಾನ್ಯ್ ಅರ್ಯ ಆ |
ಇಡಸ್ ಪದೇ ಸಂ ಇಧ್ಯಸೇ
ಸ ನೋ ವಸೂನ್ಯ್ ಆ ಭರ || ೧೯,೭।೧

ಸಂ ಜಾನೀಧ್ವಂ ಸಂ ಪೃಚ್ಯಧ್ವಂ
ಸಂ ವೋ ಮನಾಂಸಿ ಜಾನತಾಂ |
ದೇವಾ ಭಾಗಂ ಯಥಾ ಪೂರ್ವೇ
ಸಂಜಾನಾನಾ ಉಪಾಸತೇ || ೧೯,೭।೨

ಸಮಾನೋ ಮಂತ್ರಃ ಸಮಿತಿಃ ಸಮಾನೀ
ಸಮಾನಂ ಚಿತ್ತಂ ಸಹ ವೋ ಮನಾಂಸಿ |
ಸಮಾನೇನ ವೋ ಹವಿಷಾ ಜುಹೋಮಿ
ಯಥಾ ಸಂಮನಸೋ ಽಸಥ || ೧೯,೭।೩

ಉತ್ ಸೂರ್ಯೋ ದಿವ ಏತಿ
ಪುರೋ ವಿಶ್ವಾನಿ ಯೋ ಽರುಹತ್ |
ಆದಿತ್ಯಃ ಪರ್ವತಾಙ್ ಅತಿ
ವಿಶ್ವದೃಷ್ಟೋ ಅದೃಷ್ಟಹಾ || ೧೯,೭।೪

ಆಯುರ್ವಿದಂ ವಿಪಶ್ಚಿತಂ
ಶ್ರುತಾಂ ಕಣ್ವಸ್ಯ ವೀರುಧಂ |
ಆಹಾರ್ಷಂ ವಿಶ್ವಭೇಷಜೀಂ
ಅಸ್ಯಾದೃಷ್ಟಾನ್ ನಿ ಶಮಯ || ೧೯,೭।೫

ನಿ ಗಾವೋ ಗೋಷ್ಠೇ ಅಸದನ್
ನಿ ಮೃಗಾಸೋ ಅವಿಕ್ಷತ |
ನಿ ಕೇತವೋ ಜನಾನಾಂ
ನ್ಯ್ ಅದೃಷ್ಟಾ ಅಲಿಪ್ಸತ || ೧೯,೭।೬

ಹಿಮವತಃ ಪ್ರ ಸ್ರವಥ
ತಾಃ ಸಿಂಧುಂ ಉಪ ಗಚ್ಛಥ |
ಆಪೋ ಘ ಮಹ್ಯಂ ತದ್ ದೇವೀರ್
ದದನ್ ಹೃದ್ದ್ಯೋತಭೇಷಜಂ || ೧೯,೭।೭

ಯದ್ ಅಕ್ಷೀಭ್ಯಾಂ ಆದಿದ್ಯೋತ
ಪಾರ್ಷ್ಣಿಭ್ಯಾಂ ಹೃದಯೇನ ಚ |
ಆಪಸ್ ತತ್ ಸರ್ವಂ ನಿಷ್ ಕರನ್
ತ್ವಷ್ಟಾ ರಿಷ್ಟಂ ಇವಾನಸಃ || ೧೯,೭।೮

ಸಿಂಧುರಾಜ್ಞೀಃ ಸಿಂಧುಪತ್ನೀಃ
ಸರ್ವಾ ಯಾ ನದ್ಯ ಸ್ಥನ |
ದತ್ತಾ ನಸ್ ತಸ್ಯ ಭೇಷಜಂ
ತೇನ ವೋ ಭುನಜಾಮಹೈ || ೧೯,೭।೯

ಪುನಂತು ಮಾ ದೇವಜನಾಃ
ಪುನಂತು ಮನವೋ ಧಿಯಾ |
ಪುನಂತು ವಿಶ್ವಾ ಭೂತಾನಿ
ಪವಮಾನಃ ಪುನಾತು ಮಾ || ೧೯,೭।೧೦

ಪುನಾತು ಮಾ ಪವಮಾನಃ
ಕ್ರತ್ವೇ ದಕ್ಷಾಯ ಜೀವಸೇ |
ಜ್ಯೋಕ್ ಚ ಸೂರ್ಯಾಯ ದೃಶೇ || ೧೯,೭।೧೧

ಉಭಾಭ್ಯಾಂ ದೇವ ಸವಿತಃ
ಪವಿತ್ರೇಣ ಸವೇನ ಚ |
ಅಸ್ಮಾನ್ ಪುನೀಹಿ ಚಕ್ಷಸೇ || ೧೯,೭।೧೨

ಈರ್ಷ್ಯಾಯಾ ಧ್ರಾಜಿಂ ಪ್ರಥಮಾಂ
ಅಧಮಾಂ ಉತ್ತಮಾಂ ಉತ |
ಮನ್ಯುಂ ಹೃದಯ್ಯಂ ಶೋಕಂ
ತಂ ತೇ ನಿರ್ ಮಂತ್ರಯಾಮಹೇ || ೧೯,೭।೧೩

ಏತದ್ ಯತ್ ತೇ ಹೃದಿ ಶ್ರಿತಂ
ಮನಸ್ಕಂ ಪತಯಿಷ್ಣುಕಂ |
ತತಸ್ ತ ಈರ್ಷ್ಯಾಂ ಮುಂಚಾಮಿ
ನಿರ್ ಊಷ್ಮಾಣಂ ದೃತೇರ್ ಇವ || ೧೯,೭।೧೪

ಯಥಾ ಭೂಮಿರ್ ಮೃತಮನಾ
ಮೃತಾನ್ ಮೃತಮನಸ್ತರಾ |
ಯಥೋತ ಮಮ್ರುಷೋ ಮನ
ಏವೇರ್ಷ್ಯೋರ್ ಮೃತಂ ಮನಃ || ೧೯,೭।೧೫
(೭)

ದ್ಯೌಶ್ ಚ ಮಾ ಪೃಥಿವೀ ಚ ಪ್ರಚೇತಸೌ
ಶುಕ್ರೋ ಬೃಹನ್ ದಕ್ಷಿಣಾ ಮಾ ಪಿಪರ್ತು |
ಅನು ಸ್ವಧಾ ಚಿಕಿತಾಂ ಸೋಮೋ ಅಗ್ನಿರ್
ವಾಯುರ್ ಮಾ ಯಾತು ಸವಿತಾ ಭಗಶ್ ಚ || ೧೯,೮।೧

ಪುನರ್ ಮನಃ ಪುನರ್ ಆಯುರ್ ನ ಆಗನ್
ಪುನಶ್ ಚಕ್ಷುಃ ಪುನರ್ ಆಕೂತಿರ್ ಆಗನ್ |
ವೈಶ್ವಾನರೋ ನೋ ಅದಬ್ಧಸ್ ತನೂಪಾ
ಅಂತಸ್ ತಿಷ್ಠಾತಿ ದುರಿತಾದ್ ಅವದ್ಯಾತ್ || ೧೯,೮।೨

ಸಂ ವರ್ಚಸಾ ಪಯಸಾ ಸಂ ತನೂಭಿರ್
ಅಗನ್ಮಹಿ ಮನಸಾ ಸಂ ಶಿವೇನ |
ತ್ವಷ್ಟಾ ಸುದತ್ರೋ ವರಿವಃ ಕೃಣೋತ್ವ್
ಅನೂನಸ್ ತಾಷ್ಟು ತನ್ವೋ ವಿರಿಷ್ಟಂ || ೧೯,೮।೩

ಇದಂ ತದ್ ಯುಜ ಉತ್ತರಂ
ಯೇನೇಂದ್ರಂ ಶುಂಭಾಮ್ಯ್ ಅಷ್ಟಯೇ |
ಅಸ್ಯ ಕ್ಷತ್ರಂ ಶ್ರಿಯಂ ಮಹೀಂ
ವೃಷ್ಟಿರ್ ಇವ ವರ್ಧಯಾ ತೃಣಂ || ೧೯,೮।೪

ಅಸ್ಯ ಕ್ಷತ್ರಂ ಅಗ್ನೀಷೋಮಾವ್
ಅಸ್ಯ ವರ್ಧಯತಂ ರಯಿಂ |
ಅಥೋ ರಾಷ್ಟ್ರಸ್ಯಾಭೀವರ್ಗೇ
ಕೃಣುತಂ ಯುಜ ಉತ್ತರಂ || ೧೯,೮।೫

ಸಬಂಧುಶ್ ಚಾಸಬಂಧುಶ್ ಚ
ಯೋ ಜಾತೋ ಯಶ್ ಚ ನಿಷ್ಟಿಯಃ |
ಯಜಮಾನಾಯ ಸುನ್ವತೇ
ಸರ್ವಂ ತಂ ರೀರಧಾಸಿ ನಃ || ೧೯,೮।೬

ಯಶೋ ಬೃಹದ್ ವರ್ಧತಾಂ ಇಂದ್ರಜೂತಂ
ಸಹಸ್ರಭೃಷ್ಟಿ ಸುಕೃತಂ ಸಹಸ್ವತ್ |
ಪ್ರಸರ್ಸ್ರಾಣಂ ಅನು ದೀರ್ಘಾಯ ಜೀವಸೇ
ಹವಿಷ್ಮಂತಂ ವರ್ಧಯ ಸರ್ವತಾತಯೇ || ೧೯,೮।೭

ಯಶಾ ಇಂದ್ರೋ ಯಶಾ ಅಗ್ನಿರ್
ಯಶಾಃ ಸೋಮೋ ಅಜಾಯತ |
ಯಶಾ ವಿಶ್ವಸ್ಯ ಭೂತಸ್ಯ-
-ಅಹಂ ಅಸ್ಮಿ ಯಶಸ್ತಮಃ || ೧೯,೮।೮

ವಯಂ ತೇ ಅಗ್ನೇ ಯಶಸೋ ಯಶೋಭಿರ್
ಯಶಸ್ವಿನೋ ಹವಿಷೈನಾ ವಿಧೇಮ |
ಸ ನೋ ಧೇಹಿ ರಾಷ್ಟ್ರಂ ಇಂದ್ರಜೂತಂ
ತವ ತ್ರಾತ್ರೇ ಅಧಿವಾಕೇ ಸ್ಯಾಮ || ೧೯,೮।೯

ಅವ ಜ್ಯಾಂ ಇವ ಧನ್ವನೋ
ಮನ್ಯುಂ ತನೋಮಿ ತೇ ಹೃದಃ |
ಅಧಾ ಸಂಮನಸೌ ಭೂತ್ವಾ
ಸಖಿಕೇವ ಸಚಾವಹೈ || ೧೯,೮।೧೦

ವಿ ತೇ ಮನ್ಯುಂ ನಯಾಮಸಿ
ಸಖಿಕೇವ ಸಚಾವಹೈ |
ಅಧಸ್ ತೇ ಅಶ್ಮನಾ ಮನ್ಯುಂ
ಗುರುಣಾಭಿ ನಿ ದಧ್ಮಸಿ || ೧೯,೮।೧೧

ಅಭಿ ತಿಷ್ಠಾಮಿ ತೇ ಮನ್ಯುಂ
ಪಾರ್ಷ್ಣಿಭ್ಯಾಂ ಪ್ರಪದಾಭ್ಯಾಂ |
ಪರಾ ತೇ ದಂಡ್ಯಂ ವಧಂ
ಪರಾ ಮನ್ಯುಂ ಸುವಾಮಿ ತೇ || ೧೯,೮।೧೨

ಹಿರಣ್ಯಯಃ ಪಂಥಾ ಆಸೀದ್
ಅರಿತ್ರಾಣಿ ಹಿರಣ್ಯಯಾ |
ನಾವೋ ಹಿರಣ್ಯಯೀರ್ ಆಸನ್
ಯಾಭಿಃ ಕುಷ್ಠಂ ನಿರಾವಹಂ || ೧೯,೮।೧೩

ಸುಪರ್ಣಸುವನೇ ಗಿರೌ
ಜಾತಂ ಹಿಮವತಸ್ ಪರಿ |
ಧನೈರ್ ಅಭಿ ಶ್ರುತಂ ಯಂತಿ
ಕುಷ್ಠೇಹಿ ತಕ್ಮನಾಶನಃ || ೧೯,೮।೧೪

ಯೋ ಗಿರಿಷು ಜಾಯಸೇ
ವೀರುಧಾಂ ಬಲವತ್ತಮಃ |
ಕುಷ್ಠೇಹಿ ತಕ್ಮನಾಶನ
ತಕ್ಮಾನಂ ನಾಶಯನ್ನ್ ಇತಃ || ೧೯,೮।೧೫
(೮)

ಅನುವಾಕ ೨ ||

ಇದಾವತ್ಸರಾಯ ಪರಿವತ್ಸರಾಯ
ಸಂವತ್ಸರಾಯ ಕೃಣುತಾ ಬೃಹನ್ ನಮಃ |
ತೇಷಾಂ ವಯಂ ಸುಮತೌ ಯಜ್ಞಿಯಾನಾಂ
ಅಪಿ ಭದ್ರೇ ಸೌಮನಸೇ ಸ್ಯಾಮ || ೧೯,೯।೧

ಯೇ ವಃ ಪಂಥಾ ಬಹವೋ ದೇವಯಾನಾ
ಅನು ದ್ಯಾವಾಪೃಥಿವೀ ಸಂಚರಂತೀ |
ತೇಷಾಂ ಅಜ್ಯಾನಿಂ ಯತಮೋ ನ ಆವಹಾತ್
ತಸ್ಮೈ ನೋ ದೇವಾಃ ಪರಿ ಧತ್ತ ಸರ್ವೇ || ೧೯,೯।೨

ಶರದ್ ಧೇಮಂತಃ ಶಿಶಿರೋ ವಸಂತೋ
ಗ್ರೀಷ್ಮೋ ವರ್ಷಾಃ ಸುವಿತೇ ನೋ ದಧಾತ |
ಆ ನೋ ಗೋಷು ಭಜತೌಷಧೀಷು
ನಿವಾತ ಇದ್ ವಃ ಶರಣೇ ಸ್ಯಾಮ || ೧೯,೯।೩

ವೈಶ್ವಾನರೋ ನ ಊತಯ
ಆ ಪ್ರ ಯಾತು ಪರಾವತಃ |
ಅಗ್ನಿರ್ ಉಕ್ಥೈರ್ ನೋ ಅಂಹಸಃ || ೧೯,೯।೪

ವೈಶ್ವಾನರೋ ನ ಆ ಗಮದ್
ಇಮಂ ಯಜ್ಞಂ ಸಜೂರ್ ಉಪ- |
-ಇಮಾಂ ಸುಷ್ಟುತಿಂ ಮಮ || ೧೯,೯।೫

ವೈಶ್ವಾನರೋ ನೋ ಅಂಗಿರೋಭಿ
ಸ್ತೋಮಂ ಯಜ್ಞಂ ಚ ಚಾಕ್ಲ್̥ಪತ್ |
ಐಷು ದ್ಯುಮ್ನಂ ಸ್ವರ್ ಯಮತ್ || ೧೯,೯।೬

ಅಜೈಷಂ ತ್ವಾ ಸಂಲಿಖಿತಂ
ಅಜೈಷಂ ಉತ ಸಂರುಧಂ |
ಅವಿಂ ವೃಕೋ ಯಥಾ ಮಥದ್
ಏವಾ ಮಥ್ನಾಮಿ ತೇ ಕೃತಂ || ೧೯,೯।೭

ಯಥಾ ವೃಕ್ಷಂ ಅಶನಿರ್
ವಿಶ್ವಹಾ ಹಂತ್ಯ್ ಅಪ್ರತಿ |
ಏವಾಹಂ ಅಮುಂ ಕಿತವಂ
ಅಕ್ಷೈರ್ ವಧ್ಯಾಸಂ ಅಪ್ರತಿ || ೧೯,೯।೮

ತುರಾಣಾಂ ಅತುರಾಣಾಂ
ವಿಶಾಂ ದೇವಯತೀನಾಂ |
ಸಂ ಐತು ವಿಶ್ವತೋ ಭಗೋ
ಅಂತರ್ಹಸ್ತಂ ಕೃತಂ ಮಮ || ೧೯,೯।೯

ಯಾವದ್ ದ್ಯೌರ್ ಯಾವತ್ ಪೃಥಿವೀ
ಯಾವದ್ ಆಭಾತಿ ಸೂರ್ಯಃ |
ತಾವತ್ ಸೃಜಾಮಿ ತೇ ವಿಷಂ
ಯಾವದ್ ಅರ್ಷಂತಿ ಸಿಂಧವಃ || ೧೯,೯।೧೦

ಉಚ್ಛ್ವಸಂತ ಉದ್ ಈರತೇ
ಗಾವ ಆವಸಥಾದ್ ಇವ |
ಅಹೀನಾಂ ಪಶ್ಯತಾ ವಿಷಂ
ಅಪವಕ್ತಾ ನ ವಿದ್ಯತೇ || ೧೯,೯।೧೧

ಆ ಜಘಾನ ಪೃಷದ್ಧನುಃ
ಸಂಗಥೇ ಧಮನೀನಾಂ |
ಮೂರ್ಧಾನಂ ವಿಷಂ ಆಸ್ಕದ್ಯ-
-ಅಂಗಾನಿ ವ್ಯ್ ಅಸಿಸ್ರಸತ್ || ೧೯,೯।೧೨

ಮಾ ನೋ ದೇವಾ ಅಹಿರ್ ವಧೀತ್
ಸಂತೋಕಾನ್ ಸಹಪೂರುಷಾನ್ |
ಸಂಯತಂ ನ ವಿ ಷ್ಪರದ್
ವ್ಯಾತ್ತಂ ನ ಸಂ ಯಮತ್ || ೧೯,೯।೧೩

ಸಂ ತೇ ದಧಾಮಿ ದದ್ಭಿರ್
ದತಃ ಸಂ ತೇ ಹನ್ವಾ ಹನೂ |
ಸಂ ತೇ ಜಿಹ್ವಯಾ ಜಿಹ್ವಾಂ
ಸಂ ತ ಆಸ್ನಾಹ ಆಸ್ಯಂ || ೧೯,೯।೧೪

ನಮೋ ಽಹಯೇ ಅಸಿತಾಯ
ನಮಸ್ ತಿರಶ್ಚಿರಾಜಯೇ |
ಸ್ವಜಾಯ ಬಭ್ರವೇ ನಮೋ
ನಮೋ ದೇವಜನೇಭ್ಯಃ || ೧೯,೯।೧೫
(೯)

ಮನಸೇ ಚೇತಸೇ ಧಿಯ
ಆಕೂತಯ ಉತ ಚಿತ್ತಯೇ |
ಮತ್ಯೈ ಶ್ರುತಾಯ ಚಕ್ಷಸೇ
ವಿಧೇಮ ಹವಿಷಾ ವಯಂ || ೧೯,೧೦।೧

ಪ್ರಾಣಾಯಾಪಾನಾಯ
ವ್ಯಾನಾಯ ಭೂರಿರೇತಸೇ |
ಸರಸ್ವತ್ಯಾ ಉರುವ್ಯಚೇ
ವಿಧೇಮ ಹವಿಷಾ ವಯಂ || ೧೯,೧೦।೨

ಮಾ ನೋ ಹಾಸಿಷುರ್ ಋಷಯೋ ದೈವ್ಯಾಸಸ್
ತನೂಪಾವಾನಃ ಶುಚಯಸ್ ತಪೋಜಾಃ |
ಅಮರ್ತ್ಯಾ ಮರ್ತ್ಯಾಁ ಅಭಿ ನಃ ಸಚಧ್ವಂ
ಆಯುರ್ ನಃ ಪ್ರತರಂ ಜೀವಸೇ ಧುಃ || ೧೯,೧೦।೩

ಇದಂ ಇದ್ ವಾ ಉ ಭೇಷಜಂ
ಇದಂ ರುದ್ರಸ್ಯ ಭೇಷಜಂ |
ಯೇನೇಷುಂ ಏಕತೇಜನಾಂ
ಶತಶಲ್ಯಾಂ ಅಪಬ್ರುವನ್ || ೧೯,೧೦।೪

ಜಾಲಾಷೇನಾಭಿ ಷಿಂಚತ
ಜಾಲಾಷೇನೋಪ ಸಿಂಚತ |
ಜಾಲಾಷಂ ಭದ್ರಂ ಭೇಷಜಂ
ತಸ್ಯ ನೋ ಧತ್ತ ಜೀವಸೇ || ೧೯,೧೦।೫

ಶಂ ಚ ನೋ ಮಯಶ್ ಚ ನೋ
ಮಾ ಚ ನಃ ಕಿಂ ಚನಾಮಮತ್ |
ಕ್ಷಮಾ ರಪೋ ವಿಶ್ವಂ ನೋ ಅಸ್ತು ಭೇಷಜಂ || ೧೯,೧೦।೬

ಯಶಸಂ ಮೇಂದ್ರೋ ಮಘವಾನ್ ಕೃಣೋತು
ಯಶಸಂ ಸೋಮೋ ವರುಣೋ ವಾಯುರ್ ಅಗ್ನಿಃ |
ಯಶಸಂ ಮಾ ದೇವಃ ಸವಿತಾ ಕೃಣೋತು
ಪ್ರಿಯೋ ದಾತುರ್ ದಕ್ಷಿಣಾಯಾಃ ಸ್ಯಾಂ ಅಹಂ || ೧೯,೧೦।೭

ಯಥೇಂದ್ರೋ ದ್ಯಾವಾಪೃಥಿವ್ಯೋರ್ ಯಶಸ್ವಾನ್
ಯಥಾಪ ಓಷಧೀಷು |
ಯಥಾ ವಿಶ್ವೇಷು ದೇವೇಷ್ವ್
ಏವಾ ದೇವೇಷು ಯಶಸಃ ಸ್ಯಾಮ || ೧೯,೧೦।೮

ಅಚ್ಛ ವಯಂ ಇಂದ್ರಂ ಯಶಸಂ ಯಶೋಭಿರ್
ಯಶಸ್ವಿನೋ ಹವಿಷೈನಾ ವಿಧೇಮ |
ಸ ನೋ ದಧದ್ ರಾಷ್ಟ್ರಂ ಇಂದ್ರಜೂತಂ
ತಸ್ಯ ತ್ರಾತ್ರೇ ಅಧಿವಾಕೇ ಸ್ಯಾಮ || ೧೯,೧೦।೯

ಏಹ ಯಾತು ವರುಣಃ ಸೋಮೋ ಅಗ್ನಿರ್
ಬೃಹಸ್ಪತಿರ್ ವಸುಭಿರ್ ಏಹ ಯಾತು |
ಅಸ್ಯ ಶ್ರಿಯಂ ಅಭಿಸಂಯಾತ ಸರ್ವ
ಉಗ್ರಸ್ಯ ಚೇತ್ತುಃ ಸಂಮನಸಃ ಸಜಾತಾಃ || ೧೯,೧೦।೧೦

ಏಹ ಯಾತ ಮಾಪ ಯಾತಾಧ್ಯ್ ಅಸ್ಮತ್
ಪೂಷಾ ವಃ ಪರಸ್ತಾದ್ ಅಪಥಂ ಕೃಣೋತು |
ವಾಸ್ತೋಷ್ಪತಿರ್ ಅನು ವೋ ಽಯಂ ಅಹ್ವನ್
ಮಯಿ ಸಜಾತಾ ರಮತಿರ್ ವೋ ಅಸ್ತು || ೧೯,೧೦।೧೧

ಯೋ ವಃ ಶುಷ್ಮೋ ಹೃದಯೇಷ್ವ್ ಅಂತರ್
ಯಾ ಆಕೂತಿರ್ ಮನಸಿ ಪ್ರವಿಷ್ಟಾ |
ತಾಞ್ ಛ್ರೇವಯಾಮಿ ಹವಿಷಾ ಘೃತೇನ
ಮಯಿ ಸಜಾತಾ ರಮತಿರ್ ವೋ ಅಸ್ತು || ೧೯,೧೦।೧೨

ಮಮ ಚಿತ್ತಂ ಪ್ರಯವಸನ್ಯುತೇತ್ವೇ-
-ಇಂದ್ರಾಗ್ನ್ಯೋರ್ ಇವ ಹವಂ ಏತ ಸರ್ವೇ |
ಬೃಹಸ್ಪತಿರ್ ವೋ ನಿ ಯುನಕ್ತು ಮಹ್ಯಂ
ಮಮ ವಾಚಂ ಏಕಚಿತ್ತಾಃ ಸಚಧ್ವಂ || ೧೯,೧೦।೧೩

ಅಹಂ ಗೃಹ್ಣಾಮಿ ಮನಸಾ ಮನಾಂಸಿ
ಮಮ ಚಿತ್ತಂ ಉಪ ಚಿತ್ತೇಭಿರ್ ಏತ |
ಮಮ ವಶೇ ಹೃದಯಂ ವಃ ಕೃಣೋಮಿ
ಮಮ ಯಾತಂ ಅನುವರ್ತ್ಮಾನ ಏತ || ೧೯,೧೦।೧೪

ಮಾಂ ವಶ್ ಚಕ್ಷುರ್ ಗಚ್ಛತು ಮಾಂ ಪ್ರಾಣೋ
ಧಾತಾ ಪದಂ ಅನು ವರ್ತ್ಮ ವಃ ಕೃಣೋತು |
ಯೇ ವೋ ಮಹಾಂತ ಉತ ಯೇ ಕುಮಾರಾ
ಮಮ ಯಾತಂ ಅನು ಯಾತೇಭಿರ್ ಏತ || ೧೯,೧೦।೧೫
(೧೦)
ಅಶ್ವತ್ಥೋ ದೇವಸದನ ಇತ್ಯ್ ಅಜಾಯತಾಂತೇ ||
ದೇವೇಭ್ಯೋ ಅಧಿ ಜಾತೋ ಽಸಿ
ಸೋಮಸ್ಯ ಸಖಾ ಹಿತಃ |
ಸ ಪ್ರಾಣಾಯಾಪಾನಾಯ
ಚಕ್ಷುಸೇ ಽಸ್ಯ ಮೃಡ || ೧೯,೧೧।೨

ಅಯಸ್ಮಯೇ ದ್ರುಪದೇ ಬೇಧಿಷ ಇದ್
ಅಭಿಹಿತೋ ಮೃತ್ಯುಭಿರ್ ಯೇ ಸಹಸ್ರಂ |
ಯಮೋ ಮಹ್ಯಂ ಪುನರ್ ಇತ್ ತ್ವಾಂ ದದಾತು
ತಸ್ಮೈ ದೇವಾಯ ಹವಿಷಾ ವಿಧೇಮ || ೧೯,೧೧।೩

ಯತ್ ತೇ ದೇವೀ ನಿರೃತಿರ್ ಆಬಬಂಧ
ದಾಮ ಗ್ರೀವಾಸ್ವ್ ಅವಿಚೃತ್ಯಂ |
ತತ್ ತೇ ವಿ ಷ್ಯಾಮ್ಯ್ ಆಯುಷೇ ಬಲಾಯ-
-ಅನಮೀವಂ ಪಿತುಂ ಅದ್ಧಿ ಪ್ರಸೂತಃ || ೧೯,೧೧।೪

ನಮೋ ಽಸ್ತು ತೇ ನಿರೃತೇ ವಿಶ್ವವಾರೇ
ಅಯಸ್ಮಯಂ ವಿ ಚೃತಾ ಬಂಧಂ ಏತಂ |
ಯಮೇನ ತ್ವಂ ಪಿತೃಭಿಃ ಸಂವಿದಾನ-
-ಉತ್ತಮೇ ನಾಕೇ ಅಧಿ ರೋಹಯೇಮಂ || ೧೯,೧೧।೫

ಅಂತರ್ದಾವಾಯ ಜುಹುತಾ ಸ್ವ್ ಏತದ್
ಯಾತುಧಾನಕ್ಷಯಣಂ ಘೃತೇನ |
ಆರಾದ್ ರಕ್ಷಾಂಸಿ ಪ್ರತಿ ದಹಾಗ್ನೇ
ಮಾಸ್ಮಾಕಂ ತನ್ವಂ ಉಪ ತೀತಪಂತ || ೧೯,೧೧।೬

ಶರ್ವೋ ವೋ ಗ್ರೀವಾ ಅಶರೀತ್ ಪಿಶಾಚಾಃ
ಪೃಷ್ಟೀರ್ ವೋ ಽಪಿ ಶೃಣಾತ್ವ್ ಅಗ್ನಿಃ |
ವೀರುದ್ ವೋ ವಿಶ್ವಧಾವೀರ್ಯಾ
ಮೃತ್ಯುನಾ ಸಂ ಅಜೀಗಮತ್ || ೧೯,೧೧।೭

ಅಪಿಶಾಚಂ ನೋ ಅಧರಾದ್
ಅಪಿಶಾಚಂ ನ ಉತ್ತರಾತ್ |
ಇಂದ್ರಾಪಿಶಾಚಂ ನಃ ಪಶ್ಚಾದ್
ಅಪಿಶಾಚಂ ಪುರಸ್ ಕೃಧಿ || ೧೯,೧೧।೮

ಇಂದ್ರಶ್ ಚಕಾರ ಪ್ರಥಮೋ
ನೈರ್ಹಸ್ತಂ ಅಸುರೇಭ್ಯಃ |
ವೃಶ್ಚಾಮಃ ಶತ್ರೂಣಾಂ ಬಾಹೂ
ಅನೇನ ಹವಿಷಾ ವಯಂ || ೧೯,೧೧।೯

ನಿರ್ಹಸ್ತಃ ಶತ್ರುರ್ ಅಭಿದಾಸನ್ ನೋ ಅಸ್ತು
ಯೇ ಸೇನಾಭಿರ್ ಯುಧಂ ಆಯಂತ್ಯ್ ಅಸ್ಮಾನ್ |
ಸಂ ಅರ್ಪಯೇಂದ್ರ ಮಹತಾ ವಧೇನ
ದ್ರಾತ್ವ್ ಏಷಾಂ ಅಘಹಾರೋ ವಿವಿದ್ಧಃ || ೧೯,೧೧।೧೦

ಅವ ಮನ್ಯುರ್ ಅವಾಯತಾ-
-ಅವ ಬಾಹೂ ಮನೋಯುಜಾ |
ಪರಾಶರ ತ್ವಂ ತೇಷಾಂ ಪರಾಂಚಂ ಶುಷ್ಮಂ
ಅರ್ದಯಾರ್ವಾಚೀಂ ರಯಿಂ ಆ ಕೃಧಿ || ೧೯,೧೧।೧೧

ಆತನ್ವಾನಾ ಆಯಚ್ಛಂತೋ
ಽಸ್ಯಂತೋ ಯೇ ಚ ಧಾವಥ |
ನಿರ್ಹಸ್ತಾಃ ಶತ್ರವ ಸ್ಥನ-
-ಇಂದ್ರೋ ವೋ ಽದ್ಯ ಪರಾಶರೀತ್ || ೧೯,೧೧।೧೨

ನಿರ್ಹಸ್ತಾಃ ಸಂತು ಶತ್ರವೋ
ಽಙ್ಗೈಷಾಂ ಮ್ಲಾಪಯಾಮಸಿ |
ಯಥೈಷಾಂ ಇಂದ್ರ ವೇದಾಂಸಿ
ಯೂಥೇಷು ವಿ ಭಜಾಮಹೈ || ೧೯,೧೧।೧೩

ನಿರ್ಹಸ್ತೇಭ್ಯೋ ನೈರ್ಹಸ್ತಂ ಯಂ
ದೇವಾಃ ಶರುಂ ಅಸ್ಯಥ |
ಜಯಂತು ಸತ್ವಾನೋ ಮಮ
ಸ್ಥಿರೇಣೇಂದ್ರೇಣ ಮೇದಿನಾ || ೧೯,೧೧।೧೪
(೧೧)

ಶಮೀಂ ಅಶ್ವತ್ಥ ಆರೂಢಸ್
ತತ್ರ ಪುಂಸವನಂ ಕೃತಂ |
ತದ್ ಏವ ತಸ್ಯ ಭೇಷಜಂ
ಯತ್ ಸ್ತ್ರೀಷ್ವ್ ಆ ಹರಂತಿ ತತ್ || ೧೯,೧೨।೧

ಪುಂಸಿ ವೈ ರೇತೋ ಭವತಿ
ತತ್ ಸ್ತ್ರಿಯಾಂ ಅನು ಷಿಚ್ಯತೇ |
ತದ್ ವೈ ಪುತ್ರಸ್ಯ ವೇದನಂ
ತತ್ ಪ್ರಜಾಪತಿರ್ ಅಬ್ರವೀತ್ || ೧೯,೧೨।೨

ಪ್ರಜಾಪತಿರ್ ಅನ್ವ್ ಅಮಂಸ್ತ
ಸಿನೀವಾಲ್ಯ್ ಅಚೀಕ್ಲ್̥ಪತ್ |
ಸ್ತ್ರೈಷೂಯಂ ಅನ್ಯತ್ರ ದಧತ್
ಪುಮಾಂಸಂ ಉ ದಧದ್ ಇಹ || ೧೯,೧೨।೩

ಯಾ ಓಷಧಯಃ ಸೋಮರಾಜ್ಞೀರ್ ಇತ್ಯ್ ಏಕಾ ೧೯,೧೨।೪

ಮುಂಚಂತು ಮಾ ಶಪಥ್ಯಾದ್
ಅಥೋ ವರುಣ್ಯಾದ್ ಉತ |
ಅಥೋ ಯಮಸ್ಯ ಪಡ್ಬೀಶಾದ್
ವಿಶ್ವಸ್ಮಾದ್ ದೇವದುಷ್ಕೃತಾತ್ || ೧೯,೧೨।೫

ಯಚ್ ಚಕ್ಷುಷಾ ಯನ್ ಮನಸಾ
ಯಚ್ ಚ ವಾಚೋಪಾರಿಮ
ಯಜ್ ಜಾಗ್ರತೋ ಯತ್ ಸ್ವಪಂತಃ |
ಸೋಮೋ ಮಾ ತಸ್ಮಾದ್ ಏನಸಃ
ಸ್ವಧಯಾ ಪುನಾತು ವಿದ್ವಾನ್ || ೧೯,೧೨।೬

ಅಭಿಭೂರ್ ಯಜ್ಞೋ ಅಭಿಭೂರ್ ಅಗ್ನಿರ್ ಅಸ್ತ್ವ್
ಅಭಿಭೂಃ ಸೋಮೋ ಅಭಿಭೂರ್ ಇಂದ್ರೋ ಅಸ್ತು |
ಅಭ್ಯ್ ಅಯಂ ವಿಶ್ವಾಃ ಪೃತನಾ ಯಥಾಸದ್
ಏವಾ ವಿಧೇಮಾಗ್ನಿಹೋತ್ರಾ ಇದಂ ಹವಿಃ || ೧೯,೧೨।೭

ಸ್ವಧಾಸ್ತು ಮಿತ್ರಾವರುಣಾ ಪ್ರಜಾವತ್
ಕ್ಷತ್ರಂ ಮಧ್ವೇಹ ಪಿನ್ವತಂ |
ಬಾಧೇಥಾಂ ದ್ವೇಷೋ ನಿರೃತಿಂ ಪರಾಚೈರ್
ಅಸ್ಮೈ ಕ್ಷತ್ರಂ ವರ್ಚ ಆ ಧತ್ತಂ ಓಜಃ || ೧೯,೧೨।೮

ಇಮಂ ವೀರಂ ಇತ್ಯ್ ಏಕಾ || ೧೯,೧೨।೯

ಅಗ್ನೇರ್ ಇವ ಪ್ರಸಿತಿರ್ ಅಸ್ಯ ಶುಷ್ಮಿಣ
ಉತೇವ ಮತ್ತೋ ವಿಲಪನ್ನ್ ಅಪಾಯತಿ |
ತಸ್ಮೈ ತೇ ಅರುಣಾಯ ಬಭ್ರವೇ
ತಪುರ್ಮಘಾಯ ನಮೋ ಽಸ್ತು ತಕ್ಮನೇ || ೧೯,೧೨।೧೦

ನಮೋ ಯಮಾಯ ನಮೋ ಽಸ್ತು ಮೃತ್ಯವೇ
ನಮೋ ರಾಜ್ಞೇ ವರುಣಾಯ ತ್ವಿಷೀಮತೇ |
ನಮಃ ಕ್ಷೇತ್ರಸ್ಯ ಪತಯೇ ನಮೋ ದಿವೇ
ನಮಃ ಪೃಥಿವ್ಯೈ ನಮ ಓಷಧೀಭ್ಯಃ || ೧೯,೧೨।೧೧

ಅಯಂ ಯೋ ಜನಾನ್ ಹರಿತಾನ್ ಕೃಣೋತ್ಯ್
ಉಚ್ಛೋಚಯನ್ನ್ ಅಗ್ನಿನೇವಾಭಿದುನ್ವನ್ |
ಅಧಾ ಹಿ ತಕ್ಮನ್ನ್ ಅರಸೋ ಹಿ ಭೂಯಾ
ಅಥಾ ನ್ಯಙ್ ಅಧರಙ್ ವಾ ಪರೇಹಿ || ೧೯,೧೨।೧೨

ಇಂದ್ರೋ ಜಯಾತಿ ನ ಪರಾ ಜಯಾತಾ
ಅಧಿರಾಜೋ ರಾಜಸು ರಾಜಯಾತೈ |
ಚರ್ಕೃತ್ಯ ಈಡ್ಯಃ ಶಂಸ್ಯಶ್ ಚ-
-ಉಪಸದ್ಯೋ ನಮಸ್ಯೋ ಭವೇಹ || ೧೯,೧೨।೧೩

ತ್ವಂ ಇಂದ್ರಾಧಿರಾಜಃ ಶ್ರವಸ್ಯುಸ್
ತ್ವಂ ಭವಾಭಿಭೂತಿರ್ ಜನಾನಾಂ |
ತ್ವಂ ದೈವೀರ್ ವಿಶ ಇಮಾ ವಿ ರಾಜ-
-ಆಯುಷ್ಮತ್ ಕ್ಷತ್ರಂ ಅಜರಂ ತೇ ಅಸ್ತು || ೧೯,೧೨।೧೪

ಪ್ರಾಚ್ಯಾಂ ದಿಶಿ ತ್ವಂ ಇಂದ್ರಾಧಿರಾಜಾ-
-ಓದೀಚ್ಯಾಂ ದಿಶಿ ವೃತ್ರಹನ್ ದಸ್ಯುಹಾಸಿ |
ಯತ್ರ ಯಂತಿ ಶ್ರೋತ್ಯಾಸ್ ತಜ್ ಜಿತಂ ತೇ
ದಕ್ಷಿಣತೋ ವೃಷಭೋ ಽಸಿ ಹವ್ಯಃ || ೧೯,೧೨।೧೫
(೧೨)

ಅನುವಾಕ ೩ ||

ಅಭಿ ತ್ವೇಂದ್ರೋ ವರಿಮತಃ
ಪುರಾ ತ್ವಾಂಹೂರಣೇಭ್ಯಃ |
ಹ್ವಯಾಮ್ಯ್ ಉಗ್ರಂ ಚೇತ್ತರಂ
ಪುರುಣಾಮಾನಂ ಏಕಜಂ || ೧೯,೧೩।೧

ಯೋ ಅದ್ಯ ಸೇನ್ಯೋ ವಧೋ
ಜಿಘಾಂಸನ್ ನ ಉದೀರತೇ |
ಇಂದ್ರಸ್ಯ ತತ್ರ ಬಾಹೂ
ಸಮಂತಂ ಪರಿ ದಧ್ಮಹೇ || ೧೯,೧೩।೨

ಪರಿ ದಧ್ಮ ಇಂದ್ರಸ್ಯ ಬಾಹೂ
ಸಮಂತಂ ತ್ರಾತುಸ್ ತ್ರಾಯತಾಂ ನಃ |
ದೇವ ಸವಿತಃ ಸೋಮ ರಾಜನ್
ಸುಮನಸಂ ಮಾ ಕೃಣುತಂ ಸ್ವಸ್ತಯೇ || ೧೯,೧೩।೩

ದೇವಾ ಅದುಃ ಸೂರ್ಯೋ ಅದಾದ್
ದ್ಯೌರ್ ಅದಾತ್ ಪೃಥಿವ್ಯ್ ಅದಾತ್ |
ಸರ್ವಾಃ ಸರಸ್ವತೀರ್ ಅದುಃ
ಸಚಿತ್ತಾ ವಿಷದೂಷಣಂ || ೧೯,೧೩।೪

ಯದ್ ವೋ ದೇವಾ ಉಪಜೀಕಾ
ಆಸಿಂಚನ್ ಧನ್ವನ್ಯ್ ಉದಕಂ |
ತೇನ ದೇವಪ್ರಸೂತಾ
ಇದಂ ದೂಷಯತಾ ವಿಷಂ || ೧೯,೧೩।೫

ಅಸುರಾಣಾಂ ಅಸಿ ದುಹಿತಾ
ದೇವಾನಾಂ ಅಸಿ ಸ್ವಸಾ |
ದಿವಸ್ ಪೃಥಿವ್ಯಾ ಜಜ್ಞಿಷೇ
ಸಾ ಚಕರ್ಥಾರಸಂ ವಿಷಂ || ೧೯,೧೩।೬

ಅಸ್ಥಿಸ್ರಂಸಂ ಪರುಸ್ರಂಸಂ
ಆಸ್ಥಿತಂ ಹೃದಯಾಮಯಂ |
ಬಲಾಸಂ ಸರ್ವಂ ನಿಷ್ ಕೃಧ್ಯ್
ಅಂಗೇಷ್ಠಾ ಯಶ್ ಚ ಪರ್ವಸು || ೧೯,೧೩।೭

ನಿರ್ ಬಲಾಸಂ ಬಲಾಸಿನಃ
ಕ್ಷಿಣೋಮಿ ಪುಷ್ಕರಂ ಯಥಾ |
ಛಿನದ್ಮ್ಯ್ ಅಸ್ಯ ಬಂಧನಂ
ಮೂಲಂ ಉರ್ವಾರ್ವೋ ಯಥಾ || ೧೯,೧೩।೮

ನಿರ್ ಬಲಾಸೇತಃ ಪ್ರ ಪತ
ಸುಪರ್ಣೋ ವಸತೇರ್ ಇವ |
ಅಧೇಟ ಇವ ಹಾಯನೋ
ಽಪ ದ್ರಾಹ್ಯ್ ಅವೀರಹಾ || ೧೯,೧೩।೯

ಆ ವೃಷಾಯಸ್ವ ಶ್ವಸಿಹಿ
ವರ್ಧಸ್ವ ಪ್ರಥಯಸ್ವ ಚ |
ಯಥಾಂಗಂ ವರ್ಧತಾಂ ತೇ ಶೇಪಸ್
ತೇನ ಯೋಷಿತಂ ಉಜ್ ಜಹಿ || ೧೯,೧೩।೧೦

ಯೇನಾ ಕೃಶಂ ಮೇದಯಂತಿ
ಯೇನ ಹಿನ್ವಂತ್ಯ್ ಆತುರಂ |
ತೇನಾಸ್ಯ ಬ್ರಹ್ಮಣಸ್ಪತೇ
ಧನುರ್ ಇವಾ ತಾನಯಾ ಪಸಃ || ೧೯,೧೩।೧೧

ಆಹಂ ತನೋಮಿ ತೇ ಪಸೋ
ಅಧಿ ಜ್ಯಾಂ ಇವ ಧನ್ವನಿ |
ಕ್ರಮಸ್ವ ರಿಶ್ಯ ಇವ ರೋಹಿತಂ
ಅನವಗ್ಲಾಯತಾ ತ್ವಂ || ೧೯,೧೩।೧೨

ದೇವಾಃ ಕಪೋತ ಇಷಿತೋ ಯದ್ ಇಚ್ಛನ್
ದೂತೋ ನಿರೃತ್ಯಾ ಇದಂ ಆಜಗಾಮ |
ತಸ್ಮಾ ಅರ್ಚಾಮ ಕೃಣವಾಮ ನಿಷ್ಕೃತಿಂ
ಶಂ ನೋ ಅಸ್ತು ದ್ವಿಪದೇ ಚತುಷ್ಪದೇ || ೧೯,೧೩।೧೩

ಶಿವಃ ಕಪೋತ ಇಷಿತೋ ನೋ ಅಸ್ತ್ವ್
ಅನಾಗಾ ದೇವಾಃ ಶಕುನೋ ಗೃಹೇ ನಃ |
ಅಗ್ನಿರ್ ಹಿ ವಿಪ್ರೋ ಜುಷತಾಂ ಹವಿರ್ ನಃ
ಪರಿ ಹೇತಿಃ ಪಕ್ಷಿಣೀ ನೋ ವೃಣಕ್ತು || ೧೯,೧೩।೧೪

ಹೇತಿಃ ಪಕ್ಷಿಣೀ ನ ದಭಾತ್ಯ್ ಅಸ್ಮಾನ್
ಆಷ್ಟ್ರೀ ಪದಂ ಕೃಣುತೇ ಅಗ್ನಿಧಾನೇ |
ಶಂ ನೋ ಗೋಭ್ಯ ಉತ ಪುರುಷೇಭ್ಯೋ
ಮಾ ನೋ ದೇವಾ ಇಹ ಹಿಂಸೀತ್ ಕಪೋತಃ || ೧೯,೧೩।೧೫

ಇಷಂ ಮದಂತಃ ಪರಿ ಗಾಂ ನಯಾಮಃ
ಸಂಯೋಪಯಂತೋ ದುರಿತಾ ಪದಾನಿ |
ಋಚಾ ಕಪೋತಂ ನುದತ ಪ್ರಣೋದಂ
ಹಿತ್ವಾ ನ ಊರ್ಜಂ ಪ್ರ ಪತಾತ್ ಪತಿಷ್ಠಃ || ೧೯,೧೩।೧೬

ನುದೇ ತ್ವಾ ಪ್ರ ಣುದೇ ತ್ವಾ
ಕಪೋತ ರಕ್ಷಸಾ ಸಹ |
ಯತೋ ನ ಪುನರ್ ಆಯಸಿ
ತತ್ರ ತ್ವಾ ಗಮಯಾಮಸಿ || ೧೯,೧೩।೧೭
(೧೩)

ಯಥಾಯಂ ವಾಹೋ ಅಶ್ವಿನಾ
ಸಮೈತಿ ಸಂ ಚ ವರ್ತತೇ |
ಏವಾ ಮಾಂ ಅಭಿ ತೇ ಮನಃ
ಸಮೈತು ಸಂ ಚ ವರ್ತತಾಂ || ೧೯,೧೪।೧

ಅಹಂ ಖಿದಾಮಿ ತೇ ಮನೋ
ರಾಜಾಶ್ವಃ ಪೃಷ್ಟ್ಯಾಂ ಇವ |
ರೇಷ್ಮಚ್ಛಿನ್ನಂ ಯಥಾ ತೃಣಂ
ಮಯಿ ತೇ ವೇಷ್ಟತಾಂ ಮನಃ || ೧೯,೧೪।೨

ಆಂಜನಸ್ಯ ಮಧುಘಸ್ಯ
ಕುಷ್ಠಸ್ಯ ನಲದಸ್ಯ ಚ |
ತುರೋ ಭಗಸ್ಯ ಹಸ್ತಾಭ್ಯಾಂ
ಅನುರೋಧನಂ ಆ ಭರೇ || ೧೯,೧೪।೩

ಅಯಂ ಆ ಯಾತ್ಯ್ ಅರ್ಯಮಾ
ಪುರಸ್ತಾದ್ ವಿಷಿತಸ್ತುಕಃ |
ಸ ಇಚ್ಛಾದ್ ಅಗ್ರುವೈ ಪತಿಂ
ಅಥೋ ಜಾಯಾಂ ಅಜಾನಯೇ || ೧೯,೧೪।೪

ಅಶ್ರಮದ್ ಇಯಂ ಅರ್ಯಮನ್ನ್
ಅನ್ಯಾಸಾಂ ಸಮನಂ ಯತೀ |
ಅಂಗೋ ನ್ವ್ ಅಸ್ಯಾ ಅರ್ಯಮನ್ನ್
ಅನ್ಯಾ ಸಮನಂ ಆಯತಿ || ೧೯,೧೪।೫

ಧಾತಾ ದಾಧಾರ ಪೃಥಿವೀಂ
ಧಾತಾ ದ್ಯಾಂ ಉತ ಸೂರ್ಯಂ |
ಧಾತಾಸ್ಯಾ ಅಗ್ರುವೈ ಪತಿಂ
ದಧಾತು ಪ್ರತಿಕಾಮ್ಯಂ || ೧೯,೧೪।೬

ಮಹ್ಯಂ ಆಪೋ ಮಧುಮದ್ ಏರಯಂತ
ಮಹ್ಯಂ ಸೂರ್ಯೋ ಅಭರಜ್ ಜ್ಯೋತಿಷಾ ಕಂ |
ಮಹ್ಯಂ ದೇವಾ ಉತ ವಿಶ್ವೇ ತಪೋಜಾ
ಮಹ್ಯಂ ದೇವಃ ಸವಿತಾ ವ್ಯಚೋ ಧಾತ್ || ೧೯,೧೪।೭

ಅಹಂ ದಾಧಾರ ಪೃಥಿವೀಂ ಉತ ದ್ಯಾಂ
ಅಹಂ ಸಿಂಧೂನ್ ಅಜನಂ ಸಪ್ತ ಸಾಕಂ |
ಅಹಂ ಸತ್ಯಂ ಅನೃತಂ ಯದ್ ವದಾಮ್ಯ್
ಅಹಂ ವಾಚಂ ಪರಿ ಸರ್ವಾಂ ಇಷಿಂ ಚ || ೧೯,೧೪।೮

ಅಹಂ ವಿವ್ಯಜ್ಮಿ ಪೃಥಿವೀಂ ಉತ ದ್ಯಾಂ
ಅಹಂ ಋತೂನ್ ಅಸೃಜೇ ಸಪ್ತ ಸಾಕಂ |
ಅಹಂ ವಾಚಂ ಪರಿ ಸರ್ವಾಂ ಬಭೂವ
ಯೋ ಅಗ್ನೀಷೋಮಾವ್ ಅಜುಷೇ ಸಖಾಯೌ || ೧೯,೧೪।೯

ಅನಡುದ್ಭ್ಯೋ ನಃ ಪ್ರಥಮಂ
ಧೇನುಭ್ಯಸ್ ತ್ವಂ ಅರುಂಧತಿ |
ಅಧೇನವೇ ವಯಸೇ
ಶರ್ಮ ಯಚ್ಛ ಚತುಷ್ಪದೇ || ೧೯,೧೪।೧೦

ಶರ್ಮ ಯಚ್ಛಾತ್ಯ್ ಓಷಧಿಃ
ಸಹ ದೇವೈರ್ ಅರುಂಧತೀ |
ಕರತ್ ಪಯಸ್ವಂತಂ ಗೋಷ್ಠಂ
ಅಯಕ್ಷ್ಮಾಁ ಉತ ಪೂರುಷಾನ್ || ೧೯,೧೪।೧೧

ವಿಶ್ವರೂಪಾಂ ಸುಭಗಾಂ
ಅಚ್ಛಾ ವದಾಮಿ ಜೀವಲಾಂ |
ಸಾ ನೋ ರುದ್ರಸ್ಯಾಸ್ತಾಂ ಹೇತಿಂ
ದೂರಂ ನಯತು ಗೋಭ್ಯಃ || ೧೯,೧೪।೧೨

ಯಮೋ ಮೃತ್ಯುರ್ ಅಘಮಾರೋ ನಿರೃಥೋ
ಭವಃ ಶರ್ವೋ ಅಸ್ತಾ ನೀಲಶಿಖಂಡೀ |
ದೇವಜನಾಃ ಸೇನಾಂ ಉತ್ತಸ್ಥಿವಾಂಸಸ್
ತೇ ಅಸ್ಮಾಕಂ ಪರಿ ವೃಂಜಂತು ವೀರಾನ್ || ೧೯,೧೪।೧೩

ಮನಸಾ ಹೋಮೈರ್ ಹರಸಾ ಘೃತೇನ
ಶರ್ವಾಯಾಸ್ತ್ರ ಉತ ರಾಜ್ಞೇ ಭವಾಯ |
ನಮಸ್ಯೇಭ್ಯೋ ನಮ ಏಭ್ಯಃ ಕೃಣೋಮ್ಯ್
ಅನ್ಯತ್ರಾಸ್ಮದ್ ಅಘವಿಷಾ ನಯಂತು || ೧೯,೧೪।೧೪

ತ್ರಾಯಧ್ವಂ ನೋ ಅಘವಿಷಾಭ್ಯೋ ವಧಾದ್
ಅಗ್ನೀಷೋಮಾ ಮರುತಃ ಪೂತದಕ್ಷಾಃ |
ವಿಶ್ವೇ ದೇವಾ ಮರುತೋ ವೈಶ್ವದೇವಾ
ವಾತಾಪರ್ಜನ್ಯಯೋಃ ಸುಮತೌ ಸ್ಯಾಮ || ೧೯,೧೪।೧೫
(೧೪)

ಸಂ ಜಾನತಾಂ ಮನಸಾ ಸಂ ಚಿಕಿತ್ವಾ
ಮಾ ಯುತ್ಸತ ಮನ್ಯುನಾ ದೈವ್ಯೇನ |
ಮಾ ಘೋಷ ಉತ್ಥಾದ್ ಬಹುಲೇ
ವಿನಿರ್ಹತೇ ಮೇಷುಃ ಪಪ್ತದ್
ಇಂದ್ರಸ್ಯಾಹನ್ಯ್ ಆಗತೇ || ೧೯,೧೫।೧

ಸಂ ವೋ ಮನಾಂಸಿ ಸಂ ವ್ರತಾ
ಸಂ ಆಕೂತೀರ್ ನಯಾಮಸಿ |
ಇಮೇ ಯೇ ವಿವ್ರತಾ ಸ್ಥ
ತಾನ್ ವಃ ಸಂ ಜ್ಞಪಯಾಮಸಿ || ೧೯,೧೫।೨

ಸಂಜ್ಞಪನಂ ವೋ ಮನಸೋ
ಅಥೋ ಸಂ ಜ್ಞಪನಂ ಹೃದಃ |
ಅಥೋ ಭಗಸ್ಯ ಯಚ್ ಛ್ರಾಂತಂ
ತೇನ ಸಂ ಜ್ಞಪಯಾತಿ ವಃ || ೧೯,೧೫।೩

ಸಂ ವಃ ಪೃಚ್ಯಂತಾಂ ತನ್ವಃ
ಸಂ ಮನಾಂಸಿ ಸಂ ಉ ತ್ವಚಃ |
ಸಂ ವೋ ಬ್ರಹ್ಮಣಸ್ಪತಿಃ
ಸೋಮಃ ಸಂ ಜ್ಞಪಯಾತಿ ವಃ || ೧೯,೧೫।೪

ಸಂಜ್ಞಾನಂ ನಃ ಸ್ವೇಭ್ಯಃ
ಸಂಜ್ಞಾನಂ ಅರಣೇಭ್ಯಃ |
ಸಂಜ್ಞಾನಂ ಅಶ್ವಿನಾ ಯುವಂ
ಇಹಾಸ್ಮಾಸು ನಿ ಯಚ್ಛತಂ || ೧೯,೧೫।೫

ಯಥಾದಿತ್ಯಾ ವಸವಃ ಸಂಬಭೂವುರ್
ಮರುದ್ಭಿರ್ ಉಗ್ರಾ ಅಹೃಣೀಯಮಾನಾಃ |
ಏವಾ ತ್ರಿಣಾಮನ್ನ್ ಅಹೃಣೀಯಮಾನ
ಇಮಂ ಜನಂ ಸಂಮನಸಂ ಕೃಣು ತ್ವಂ || ೧೯,೧೫।೬

ನಿರ್ ಅಮುನ್ ನುದ ಓಕಸಃ
ಸಪತ್ನೋ ಯಃ ಪೃತನ್ಯತಿ |
ನಿರ್ಬಾಧ್ಯೇನ ಹವಿಷಾ-
-ಇಂದ್ರ ಏನಂ ಪರಾಶರೀತ್ || ೧೯,೧೫।೭

ಇಹಿ ತಿಸ್ರಃ ಪರಾವತ
ಇಹಿ ಪಂಚ ಜನಾಁ ಅತಿ |
ಇಹಿ ಸಪ್ತಾತಿ ರೋಚನಾ
ಯಾವತ್ ಸೂರ್ಯೋ ಅಸದ್ ದಿವಿ || ೧೯,೧೫।೮

ಪರಮಾಂ ತ್ವಾ ಪರಾವತಂ
ಇಂದ್ರೋ ದೇವೋ ಅಜೀಗಮತ್ |
ಯಥಾ ನ ಪುನರ್ ಆಯಸಿ
ಶಶ್ವತೀಭ್ಯಃ ಸಮಾಭ್ಯಃ || ೧೯,೧೫।೯

ಪ್ರತೀಚೀನಫಲೋ ಹಿ ತ್ವಂ
ಅಪಾಮಾರ್ಗ ಬಭೂವಿಥ |
ಸರ್ವಾನ್ ಮಚ್ ಛಪಥಾಁ ಅಧಿ
ವರೀಯೋ ಯಾವಯಾ ತ್ವಂ || ೧೯,೧೫।೧೦

ಯಚ್ ಚ ಭ್ರಾತೃವ್ಯಃ ಶಪತಿ
ಯಚ್ ಚ ಜಾಮಿಃ ಶಪಾತಿ ನಃ |
ಬ್ರಹ್ಮಾ ಯನ್ ಮನ್ಯುತಃ ಶಪಾತ್
ಸರ್ವಂ ತನ್ ನೋ ಅಧಸ್ಪದಂ || ೧೯,೧೫।೧೧

ಅಘದ್ವಿಷ್ಟಾ ದೇವಜೂತಾ
ವೀರುಚ್ ಛಪಥಯಾವನೀ |
ಉದ್ನಾ ಮಲಂ ಇವಾವಾನೈಕ್
ಸರ್ವಾನ್ ಮಚ್ ಛಪಥಾಁ ಅಧಿ || ೧೯,೧೫।೧೨

ಯದ್ ಏನಂ ಪರಿಷೀದಂತಿ
ಸಮಾದಧತಿ ಚಕ್ಷಸೇ |
ಸಂಪ್ರೇದ್ಧೋ ಅಗ್ನಿರ್ ಜಿಹ್ವಾಭಿರ್
ಉದ್ ಏತಿ ಹೃದಯಾದ್ ಅಧಿ || ೧೯,೧೫।೧೩

ಅಗ್ನೇಃ ಸಾಂತಪನಸ್ಯಾಹಂ
ಆಯುಷೇ ಪದಂ ಆ ರಭೇ |
ಅದ್ಧಾತಿರ್ ಯಸ್ಯ ಪಶ್ಯತಿ
ಧೂಮಂ ಉದ್ಯಂತಂ ಆಸ್ಯತಃ || ೧೯,೧೫।೧೪

ಯೋ ಅಸ್ಯ ಸಮಿಧಂ ವೇದ
ಕ್ಷತ್ರಿಯೇಣ ಸಮಾಹಿತಾಂ |
ನಾಭಿಹ್ವಾರೇ ಪದಂ
ನಿ ದಧಾತಿ ಸ ಮೃತ್ಯವೇ || ೧೯,೧೫।೧೫

ನೈನಂ ಘ್ನಂತಿ ಪರ್ಯಾಯಿಣೋ
ನ ಸನ್ನಾಁ ಅವ ಗಚ್ಛತಿ |
ಅಗ್ನೇರ್ ಯಃ ಕ್ಷತ್ರಿಯೋ ವಿದ್ವಾನ್
ನಾಮ ಗೃಹ್ಣಾತ್ಯ್ ಆಯುಷೇ || ೧೯,೧೫।೧೬
(೧೫)

ಅಸ್ಥಾದ್ ದ್ಯೌರ್ ಅಸ್ಥಾತ್ ಪೃಥಿವ್ಯ್
ಅಸ್ಥಾದ್ ವಿಶ್ವಂ ಇದಂ ಜಗತ್ |
ತಿಷ್ಠಂತಿ ಪರ್ವತಾ ಇಮೇ
ಸ್ಥಾಮನ್ನ್ ಅಶ್ವಾ ಅರಂಸತ || ೧೯,೧೬।೧

ಯ ಉದಾನಡ್ ವ್ಯಾಯನೇ
ಯ ಉದಾನಟ್ ಪರಾಯಣೇ |
ಆವರ್ತನಂ ನಿವರ್ತನಂ
ಯೋ ಗೋಪಾ ಅಪಿ ತಂ ಹುವೇ || ೧೯,೧೬।೨

ಆವೃತೋ ನ್ಯಾವೃತೋ
ಽಭ್ಯವರ್ತನಂ ಆಯನಂ |
ಅಗ್ನೇಶ್ ಚತಸ್ರ ಆವೃತಸ್
ತಾಭಿಷ್ ಟ್ವಾ ತರ್ಪಯಾಮಸಿ || ೧೯,೧೬।೩

ಜಾತವೇದೋ ನಿ ವರ್ತಯ
ಶತಂ ತೇ ಸಂತ್ವ್ ಆವೃತಃ
ಸಹಸ್ರಂ ತ ಉಪಾವೃತಃ |
ತಾಭಿರ್ ಏನಂ ನಿ ವರ್ತಯ || ೧೯,೧೬।೪

ಅದಾರಸೃದ್ ಭವತು ದೇವ ಸೋಮ-
-ಅಸ್ಮಿನ್ ಯಜ್ಞೇ ಮರುತೋ ಮೃಡತಾ ನಃ |
ಮಾ ನೋ ವಿದದ್ ಅಭಿಭಾ ಮೋ ಅಶಸ್ತಿರ್
ಮಾ ನಃ ಪ್ರಾಪದ್ ದುಚ್ಛುನಾ ದ್ವೇಷ್ಯಾ ಯಾ || ೧೯,೧೬।೫

ಯೋ ಅದ್ಯ ದೈವ್ಯೋ ವಧೋ
ಜಿಘಾಂಸನ್ ನ ಉಪಾಯತಿ |
ಯುವಂ ತಂ ಮಿತ್ರಾವರುಣವ್
ಅಸ್ಮದ್ ಯಾವಯತಂ ಪರಿ || ೧೯,೧೬।೬

ಇತಶ್ ಚಾಮುತಶ್ ಚಾಘಂ
ವರುಣ ಯಾವಯ |
ವಿ ಮಹಚ್ ಛರ್ಮ ಯಚ್ಛ
ವರೀಯೋ ಯಾವಯಾ ವಧಂ || ೧೯,೧೬।೭

ಅಪೇಂದ್ರ ಪ್ರಾಚೋ ಮಘವನ್ನ್ ಅಮಿತ್ರಾನ್
ಅಪಾಪಾಚೋ ಅಭಿಭೂತೇ ನುದಸ್ವ |
ಅಪೋದೀಚೋ ಅಪ ಶೂರಾಧರಾಚ
ಉರೌ ಯಥಾ ತವ ಶರ್ಮನ್ ಮದೇಮ || ೧೯,೧೬।೮

ತೇನ ಭೂತಸ್ಯ ಹವಿಷಾ
ಪುನರ್ ಆ ಪ್ಯಾಯತಾಂ ಅಯಂ |
ಜಾಯಾಂ ಯಾಂ ಅಸ್ಮಾ ಅವಿದಂ
ಸಾ ರಸೇನಾಭಿ ವರ್ಧತಾಂ || ೧೯,೧೬।೯

ಅಭಿ ವರ್ಧತಾಂ ಪ್ರಜಯಾ-
-ಅಭಿ ರಾಷ್ಟ್ರೇಣ ವರ್ಧತಾಂ |
ಈಷಾ ಸಹಸ್ರವೀರ್ಯಾವ್
ಇಮೌ ಸ್ತಾಂ ಅನುಪಕ್ಷಿತೌ || ೧೯,೧೬।೧೦

ತ್ವಷ್ಟಾ ಜಾಯಾಂ ಅಜನಯತ್
ತ್ವಷ್ಟಾಸ್ಯೈ ತ್ವಾಂ ಪತಿಂ ದಧೌ |
ತ್ವಷ್ಟಾ ಸಹಸ್ರಂ ಆಯೂಂಷಿ
ದೀರ್ಘಂ ಆಯುಃ ಕೃಣೋತು ವಾಂ || ೧೯,೧೬।೧೧

ಅಂತರಿಕ್ಷೇಣ ಪತತಿ
ವಿಶ್ವಾ ಭೂತಾವಚಾಕಶತ್ |
ಶುನೋ ದಿವ್ಯಸ್ಯೈತನ್ ಮಹಸ್
ತಸ್ಮಾ ಏತೇನ ಹವಿಷಾ ಜುಹೋಮಿ || ೧೯,೧೬।೧೨

ಅಪ್ಸು ತೇ ಜನ್ಮ ದಿವಿ ತೇ ಸಧಸ್ಥಂ
ಸಮುದ್ರ ಆತ್ಮಾ ಮಹಿಮಾ ತೇ ಪೃಥಿವ್ಯಾಂ |
ಶುನೋ ದಿವ್ಯಸ್ಯೈತನ್ ಮಹಸ್
ತಸ್ಮಾ ಏತೇನ ಹವಿಷಾ ಜುಹೋಮಿ || ೧೯,೧೬।೧೩

ಯೇ ತ್ರಯಃ ಕಾಲಕಾಂಜಾ
ದಿವಿ ದೇವಾ ಇವ ಶ್ರಿತಾಃ |
ತಾನ್ ಸರ್ವಾನ್ ಅಹ್ವ ಊತಯೇ
ಽಸ್ಮಾ ಅರಿಷ್ಟತಾತಯೇ || ೧೯,೧೬।೧೪

ಯಃ ಪುರುಷಂ ಹೂರ್ಚ್ಛಯಸಿ
ಶ್ವಾ ದಿವ್ಯೋ ಅವೀರಹಾ |
ತಂ ತ್ವಾಹಂ ಬ್ರಹ್ಮಣಾ ನುದೇ
ಪುರುಷಂ ಮಾ ಪರಾ ವಧೀಃ || ೧೯,೧೬।೧೫

ಯಃ ಪಿಶಂಗೋ ಅಯೋದಂಷ್ಟ್ರಃ
ಶ್ವಾ ದಿವ್ಯಃ ಪರಿಪ್ಲವಃ |
ತಸ್ಯಾಹಂ ನಾಮ ಜಗ್ರಭ-
-ಅಸ್ಮಾ ಅರಿಷ್ಟತಾತಯೇ
ಅಯಂ ನೋ ಜೀವತಾದ್ ಇತಿ || ೧೯,೧೬।೧೬

ಅಯಂ ನೋ ನಭಸಸ್ ಪತಿಃ
ಸಂಸ್ಫಾನೋ ಅಭಿ ರಕ್ಷತು |
ಅಸಮಾತಿಂ ಗೃಹೇಷು ನಃ || ೧೯,೧೬।೧೭

ತ್ವಂ ನೋ ನಭಸಸ್ ಪತಿರ್
ಊರ್ಜಂ ಗೃಹೇಷು ಧಾರಯ |
ಆ ಪುಷ್ಟಂ ಏತ್ವ್ ಆ ವಸು || ೧೯,೧೬।೧೮

ದೇವ ಸಂಸ್ಫಾನ ಸಹಸ್ರಾಪೋಷಸ್ಯೇಶಿಷೇ |
ತಸ್ಯ ನೋ ಧೇಹಿ ತಸ್ಯ ತೇ ಭಕ್ಷೀಮಹಿ
ತಸ್ಯ ತೇ ಭಕ್ತಿವಾಂಸೋ ಭೂಯಾಸ್ಮ ಸ್ವಾಹಾ || ೧೯,೧೬।೧೯
(೧೬)

ಅನುವಾಕ ೪ ||

ಯಂತಾಸಿ ಯಚ್ಛಸೇ ಹಸ್ತಂ
ಅಪ ರಕ್ಷಾಂಸಿ ಸೇಧಸಿ |
ಪ್ರಜಾಂ ಧನಂ ಚ ಗೃಹ್ಣಾನಃ
ಪರಿಹಸ್ತೋ ಅಭೂದ್ ಅಯಂ || ೧೯,೧೭।೧

ಪರಿಹಸ್ತ ವಿ ಧಾರಯ
ಯೋನಿಂ ಗರ್ಭಾಯ ಕರ್ತವೇ |
ಮರ್ಯಾದೇ ಪುತ್ರಂ ಆ ಧೇಹಿ
ತಂ ತ್ವಂ ಆ ಗಮಯಾಗಮ || ೧೯,೧೭।೨

ಯಂ ಪರಿಹಸ್ತಂ ಅಬಿಭರ್
ಅದಿತಿಃ ಪುತ್ರಕಾಮ್ಯಾ |
ತ್ವಷ್ಟಾ ತಂ ಅಸ್ಯಾ ಆ ಬಧ್ನಾದ್
ಯಥಾ ಪುತ್ರಂ ಸುವಾದ್ ಇತಿ || ೧೯,೧೭।೩

ಆಗಚ್ಛತ ಆಗತಸ್ಯ
ನಾಮ ಗೃಹ್ಣಾಮ್ಯ್ ಆಯತಃ |
ಇಂದ್ರಸ್ಯ ವೃತ್ರಘ್ನೋ ರಾಜ್ಞೋ
ವಾಸವಸ್ಯ ಶತಕ್ರತೋಃ || ೧೯,೧೭।೪

ಯೇನ ಸೂರ್ಯಾಂ ಸಾವಿತ್ರೀಂ
ಅಶ್ವಿನೋಹತುಃ ಪಥಾ |
ತೇನ ಸಂ ಅಬ್ರವೀದ್ ಭಗೋ
ಜಾಯಾಂ ಆ ವಹತಾದ್ ಇತಿ || ೧೯,೧೭।೫

ಯಸ್ ತೇ ಅಂಕುಶೋ ವಸುದಾನೋ
ಬೃಹನ್ನ್ ಇಂದ್ರ ಹಿರಣ್ಯಯಃ |
ತೇನಾ ಜನೀಯತೇ ಜಾಯಾಂ
ತ್ವಂ ಧೇಹಿ ಶತಕ್ರತೋ || ೧೯,೧೭।೬

ತ್ವಂ ನೋ ಮೇಧೇ ಪ್ರಥಮಾ
ಗೋಭಿರ್ ಅಶ್ವೇಭಿರ್ ಆ ಗಹಿ |
ತ್ವಂ ಸೂರ್ಯಸ್ಯ ರಶ್ಮಿಷು
ತ್ವಂ ನೋ ಅಸಿ ಯಜ್ಞಿಯಾ || ೧೯,೧೭।೭

ಮೇಧಾಂ ಅಹಂ ಪ್ರಥಮಾಂ
ಬ್ರಹ್ಮಣ್ವತೀಂ ಋಷಿಷ್ಟುತಾಂ |
ಪ್ರಪೀತಾಂ ಬ್ರಹ್ಮಚಾರಿಭಿರ್ |
ದೇವಾನಾಂ ಅವಸಾ ವೃಣೇ || ೧೯,೧೭।೮

ಮೇಧಾಂ ಸಾಯಂ ಮೇಧಾಂ ಪ್ರಾತರ್
ಮೇಧಾಂ ಮಧ್ಯಂದಿನಂ ಪರಿ |
ಮೇಧಾಂ ಸೂರ್ಯೇಣೋದ್ಯತಾ-
-ಉದೀರಾಣಾ ಉ ತುಷ್ಟುಮ || ೧೯,೧೭।೯

ಪಾರ್ಥಿವಸ್ಯ ರಸೇ ದೇವಾ
ಭಗಸ್ಯ ತನ್ವೋ ಬಲೇ |
ಆಯುರ್ ಅಸ್ಮೈ ಸೋಮೋ
ವರ್ಚ ಆ ಧಾದ್ ಬೃಹಸ್ಪತಿಃ || ೧೯,೧೭।೧೦

ಆಯುರ್ ಅಸ್ಮೈ ಧೇಹಿ ಜಾತವೇದಃ
ಪ್ರಜಾಂ ತ್ವಷ್ಟರ್ ಅಧಿನಿಧೇಹ್ಯ್ ಓಜಃ |
ರಾಯಸ್ಪೋಷಂ ಸವಿತರ್ ಆ ಸುವಾಸ್ಮೈ
ಶತಂ ಜೀವಾತಿ ಶರದಸ್ ತವಾಯಂ || ೧೯,೧೭।೧೧

ಆಶೀರ್ ಣ ಊರ್ಜಂ ಉತ ಸುಪ್ರಜಾಸ್ತ್ವಂ
ದಕ್ಷಂ ದಧಾತು ದ್ರವಿಣಂ ಸುವರ್ಚಸಂ |
ಸಂಜಯನ್ ಕ್ಷೇತ್ರಾಣಿ ಸಹಸಾಹಂ ಇಂದ್ರ
ಕೃಣ್ವಾನೋ ಅನ್ಯಾನ್ ಅಧರಾನ್ ಸಪತ್ನಾನ್ || ೧೯,೧೭।೧೨

ಆಯಂ ಅಗನ್ ಸವಿತಾ ಕ್ಷುರೇಣ-
-ಉಷ್ಣೇನ ವಾಯ ಉದಕೇನೇಹಿ |
ಆದಿತ್ಯಾ ರುದ್ರಾ ವಸವಃ ಸಚೇತಸಃ
ಸೋಮಸ್ಯ ರಾಜ್ಞೋ ಽವಪನ್ ಪ್ರಚೇತಸಃ || ೧೯,೧೭।೧೩

ಯೇನಾವಪತ್ ಸವಿತಾ ಕ್ಷುರೇಣ
ಸೋಮಸ್ಯ ರಾಜ್ಞೋ ವರುಣಸ್ಯ ವಿದ್ವಾನ್ |
ತೇನ ಬ್ರಹ್ಮಾಣೋ ವಪತೇದಂ ಅಸ್ಯ-
-ಅಸ್ರಾಮೋ ದೀರ್ಘಾಯುರ್ ಅಯಂ ಅಸ್ತು ವೀರಃ || ೧೯,೧೭।೧೪

ಅದಿತಿಃ ಶ್ಮಶ್ರು ವಪತ್ವ್
ಆಪ ಉಂದಂತು ವರ್ಚಸಾ |
ಧಾರಯತು ಪ್ರಜಾಪತಿಃ
ಪುನಃಪುನಃ ಸುವಪ್ತವೇ || ೧೯,೧೭।೧೫
(೧೭)

ಯಾಸ್ ತೇ ಹಿರಾ ಧಮನಯೋ
ಽಙ್ಗಾನ್ಯ್ ಅನು ವಿಷ್ಠಿತಾಃ |
ತಾಸಾಂ ತೇ ಸರ್ವಾಸಾಂ ಸಾಕಂ
ನಿರ್ ವಿಷಾಣಿ ಹ್ವಯಾಮಸಿ || ೧೯,೧೮।೧

ಯಾಂ ತೇ ರುದ್ರ ಇಷುಂ ಆಸ್ಥದ್
ಅಂಗೇಭ್ಯೋ ಹೃದಯಾಯ ಚ |
ಇಮಾಂ ತಾಂ ಅದ್ಯ ತೇ ವಯಂ
ವಿಷೂಚೀಂ ವಿ ವೃಹಾಮಸಿ || ೧೯,೧೮।೨

ನಮಸ್ ತೇ ರುದ್ರಾಸ್ಯತೇ
ನಮಃ ಪ್ರತಿಹಿತಾಭ್ಯಃ |
ನಮೋ ವಿಸೃಜ್ಯಮಾನಾಭ್ಯೋ
ನಮಸ್ ತ ಆಯತಾಭ್ಯಃ || ೧೯,೧೮।೩

ಅವಾಚೀಃ ಪರಿ ಮೂರ್ಧ್ನೋ
ಯಾಸ್ ತೇ ಧಮನಯಃ ಶತಂ |
ತಾಸ್ ತೇ ಪ್ರ ಭಿದ್ಯಂತಾಂ
ಪೃಥಗ್ ಅನು ತ್ಯಂ ಲೋಹಿತಾವಟಂ || ೧೯,೧೮।೪

ಸ್ಯಂದಂತಾಂ ರೋದನಾವತೀರ್
ಅನು ತ್ಯಂ ಲೋಹಿತಾವಟಂ |
ಯಥಾಸ್ಯಾಂ ಅಂತರ್ ನ ರಂಸಂತಾಂ
ಅನುಕೂಲಂ ಇವೋದಕಂ || ೧೯,೧೮।೫

ಪ್ರತೀಚೀನಃ ಸೂರ್ಯ ಏತು
ಪ್ರತೀಚೀಃ ಸ್ರವತಃ ಕೃತಾಃ |
ಅವಾಚೀಸ್ ತೇ ಅಸ್ನಃ ಕುಲ್ಯಾ
ಇಯಂ ತೃಣತ್ತ್ವ್ ಓಷಧೀಃ || ೧೯,೧೮।೬

ಇಮಂ ಯವಂ ಅಷ್ಟಾಯೋಗೈಃ
ಷಡ್ಯೋಗೇಭಿರ್ ಅಚರ್ಕೃಷುಃ |
ಸ ಘಾ ತೇ ತನ್ವೋ ರಪಃ
ಪ್ರತೀಚೀನಂ ಅಪ ವ್ಯಯತ್ || ೧೯,೧೮।೭

ನ್ಯಗ್ ವಾತೋ ವಾತಿ
ನ್ಯಕ್ ತಪತಿ ಸೂರ್ಯಃ |
ನೀಚೀನಂ ಅಘ್ನ್ಯಾ ದುಹೇ
ನ್ಯಗ್ ಭವತು ತೇ ರಪಃ || ೧೯,೧೮।೮

ಆಪ ಇದ್ ವಾ ಉ ಭೇಷಜೀರ್
ಆಪೋ ಅಮೀವಚಾತನೀಃ |
ಆಪಃ ಸಮುದ್ರಾರ್ಥಾ ಯತೀಃ
ಪರಾ ವಹಂತು ತೇ ರಪಃ || ೧೯,೧೮।೯

ಅಮೀ ಯೇ ಯುಧಂ ಆಯಂತಿ
ಕೇತೂನ್ ಕೃತ್ವಾನೀಕಶಃ |
ಇಂದ್ರಸ್ ತಾನ್ ಪರ್ಯ್ ಅಹಾರ್ ದಾಮ್ನಾ
ತಾನ್ ಅಗ್ನೇ ಸಂದ್ಯಾ ತ್ವಂ || ೧೯,೧೮।೧೦

ಯಾವತೀಃ ಸಿಚ ಆಯಂತ್ಯ್
ಅನೀಕಾನಿ ಯತಿ ಷ್ಟನ್ |
ಇಂದ್ರಸ್ ತಾನ್ ಪರ್ಯ್ ಅಹಾರ್ ದಾಮ್ನಾ
ತಾನ್ ಅಗ್ನೇ ಸಂದ್ಯಾ ತ್ವಂ || ೧೯,೧೮।೧೧

ಸಂ ಪರಮಾನ್ ಸಂ ಅವಮಾನ್
ಅಥೋ ಸಂದ್ಯಾನಿ ಮಧ್ಯಮಾನ್ |
ಇಂದ್ರಸ್ ತಾನ್ ಪರ್ಯ್ ಅಹಾರ್ ದಾಮ್ನಾ
ತಾನ್ ಅಗ್ನೇ ಸಂದ್ಯಾ ತ್ವಂ || ೧೯,೧೮।೧೨

ಸಂದಾನಂ ವೋ ಬೃಹಸ್ಪತಿಃ
ಸಂದಾನಂ ಸವಿತಾ ಕರತ್ |
ಸಂದಾನಂ ಇಂದ್ರಶ್ ಚಾಗ್ನಿಶ್ ಚ
ಸಂದಾನಂ ಭಗೋ ಅಶ್ವಿನಾ || ೧೯,೧೮।೧೩

ಯಾಸ್ ತೇ ರುಚೋ ದೇವ ಸೂರ್ಯ-
-ಉದ್ಯತೋ ದಿವ್ಯ್ ಆತತಾಃ |
ತಾಭಿರ್ ಮಾಂ ಅದ್ಯ ಸರ್ವಾಭಿರ್
ಮನುಷ್ಯೇಭ್ಯೋ ರುಚೇ ಕೃಣು || ೧೯,೧೮।೧೪

ರುಚೇ ಮಾ ಧೇಹಿ ಬ್ರಹ್ಮಸು
ರುಚೇ ರಾಜಸು ಧೇಹಿ ಮಾ |
ರುಚೇ ವಿಶ್ಯೇಷು ಶೂದ್ರೇಷು
ಮಯಿ ಧೇಹಿ ರುಚೇ ರುಚಿಂ || ೧೯,೧೮।೧೫

ಯಾ ರುಚೋ ಹಿರಣ್ಯೇ
ಯಾ ಅಗ್ನೌ ಯಾಶ್ ಚ ಸೂರ್ಯೇ |
ಇಂದ್ರಾಗ್ನೀ ಮಯಿ ತಾ ರುಚೋ
ರುಚೋ ಧೇಹಿ ಬೃಹಸ್ಪತೇ || ೧೯,೧೮।೧೬
(೧೮)

ಅವ ಮಾ ಪಾಪ್ಮನ್ ಸೃಜ
ವಶೀ ಸನ್ ಮೃಡಯಾಸಿ ನಃ |
ಆ ಮಾ ಭದ್ರೇಷು ಧಾಮಸು
ತ್ವಂ ಧೇಹ್ಯ್ ಅವಿಹ್ರುತಂ || ೧೯,೧೯।೧

ಯೋ ಮಾ ಪಾಪ್ಮನ್ ನ ಜಹಾಸಿ
ತಂ ಉ ತ್ವಾ ಜಹಿಮೋ ವಯಂ |
ಅನ್ಯತ್ರಾಸ್ಮನ್ ನ್ಯ್ ಉಚ್ಯ
ಸಹಸ್ರಾಕ್ಷಾಮರ್ತ್ಯ || ೧೯,೧೯।೨

ಪಥೋರ್ ವಯಂ ವ್ಯಾವರ್ತನೇ
ನಿಷ್ಪಾಪ್ಮಾನಂ ಸುವಾಮಸಿ |
ಯೋ ನೋ ದ್ವೇಷ್ಟಿ ತಂ ಗಚ್ಛ
ಯಂ ದ್ವಿಷ್ಮಸ್ ತಂ ಜಹಿ || ೧೯,೧೯।೩

ಶವ ಇವಾಸಿ ಸಂನದ್ಧೋ
ನ ಭೋಗಂ ಅವಿದಂ ತ್ವಯಿ |
ಶಿರೋ ಭಿನದ್ಮಿ ತೇ ಪಾಪ್ಮನ್
ಯಥಾ ನ ಪುನರ್ ಆಯಸಿ || ೧೯,೧೯।೪

ಇಂದ್ರೋ ಅಸ್ಮಾನ್ ದಿವಾ ಪಾತು
ಮೃತ್ಯೋಃ ಪಾಶಾತ್ ಸ್ವಸ್ತಯೇ |
ದ್ಯೌರ್ ನೋ ಮಧ್ಯತಃ ಪಾತು
ಭೂಮೀ ರಾಜ್ಞೀ ಸ್ವಸ್ತಯೇ || ೧೯,೧೯।೫

ಸೂರ್ಯೋ ಅಸ್ಮಾನ್ ದಿವಾ ಪಾತು
ಮೃತ್ಯೋಃ ಪಾಶಾತ್ ಸ್ವಸ್ತಯೇ |
ವಾತೋ ನೋ ಮಧ್ಯತಃ ಪಾತ್ವ್
ಅಹೋರಾತ್ರೀ ಸ್ವಸ್ತಯೇ || ೧೯,೧೯।೬

ಸೋಮೋ ಅಸ್ಮಾನ್ ದಿವಾ ಪಾತು
ಮೃತ್ಯೋಃ ಪಾಶಾತ್ ಸ್ವಸ್ತಯೇ |
ಆಪೋ ನೋ ಮಧ್ಯತಃ ಪಾಂತು
ಮಾ ನೋ ನಿರೃತಿರ್ ಈಶತ || ೧೯,೧೯।೭

ಸಂ ವಾಂ ಚಕ್ಷುಃ ಸಂ ಹೃದಯಂ
ಮನಸಾವೀವನಂ ಮನಃ |
ಅಸ್ಯಾಃ ಸರೂಪವತ್ಸಾಯಾ
ಘೃತೇ ಹೋಮೇನ ಸರ್ಪಿಷಾ || ೧೯,೧೯।೮

ಯತ್ ಕಕ್ಷೀವಾನ್ ಸಂವನನಂ
ಪುತ್ರೋ ಅಂಗಿರಸಾಂ ಅವೇತ್ |
ತೇನ ವಾಂ ಅದ್ಯ ದೇವಾಃ
ಸಂ ಪ್ರಿಯಾ ಸಂ ಅವೀವನನ್ || ೧೯,೧೯।೯

ಸಂವನನಂ ವಾಂ ಮನಸೋ
ಅಥೋ ಸಂವನನಂ ಹೃದಃ |
ಅಥೋ ಭಗಸ್ಯ ಯಚ್ ಛ್ರಾಂತಂ
ತೇನ ಸಂ ವಾನಯಾಮಿ ವಾಂ || ೧೯,೧೯।೧೦

ಅಹಂ ತೇ ಮನಸಾ ಮನಶ್
ಚಕ್ಷುರ್ ಗೃಹ್ಣಾಮಿ ಚಕ್ಷುಷಾ |
ಏವಾ ಪರಿ ಷ್ವಜಸ್ವ ಮಾ
ಯಥಾಸನ್ ಮಯಿ ತೇ ಮನಃ || ೧೯,೧೯।೧೧

ಆ ರಥಸ್ಯೇವ ಚಕ್ರೇ
ಅಭಿ ಮಾ ವರ್ತತಾಂ ಅಸೌ |
ರೇಷ್ಮಚ್ಛಿನ್ನಂ ಯಥಾ ತೃಣಂ
ವೇಷ್ಟಾಸೌ ಮನಸಾ ಮಯಿ || ೧೯,೧೯।೧೨

ಪರಿ ತ್ವಾ ಯಾತುರ್ ಅಸರಂ
ಪರಿ ಮಾತುಃ ಪರಿ ಸ್ವಸುಃ |
ಪರಿ ತ್ವಾನ್ಯಾಭ್ಯ ಸ್ತ್ರೀಭ್ಯೋ
ಽನಯೌಷಧ್ಯಾಸರಂ || ೧೯,೧೯।೧೩

ಯ ಇಂದ್ರಸ್ಯ ಸಭಾಧಾನೋ
ಯಸ್ಮಿನ್ ಸಮಿತಿಂ ಆಸತೇ |
ಹಿರಣ್ಯಂ ಯಸ್ಯ ಪರ್ಣಾನಿ
ತಸ್ಮಾ ಅಶ್ವತ್ಥ ತೇ ನಮಃ || ೧೯,೧೯।೧೪

ಯಃ ಶಾಖಾಭಿರ್ ಅಂತರಿಕ್ಷಂ
ಆ ಪೂರಯತಿ ನಿಷ್ಠಯಾ |
ಛಂದಾಂಸಿ ಯಸ್ಯ ಪರ್ಣಾನಿ
ತಸ್ಮಾ ಅಶ್ವತ್ಥ ತೇ ನಮಃ || ೧೯,೧೯।೧೫

ಯಂ ಮೃಗೋ ನ ಸಮಾಪ್ನೋತಿ
ಪಕ್ಷಾಭ್ಯಾಂ ಶಕುನಿಷ್ ಪತನ್ |
ದಿವಂ ಯಃ ಸರ್ವಾಂ ಸ್ತಭ್ನಾತಿ
ತಸ್ಮಾ ಅಶ್ವತ್ಥ ತೇ ನಮಃ || ೧೯,೧೯।೧೬
(೧೯)

ಜ್ಯೇಷ್ಠಘ್ನ್ಯಾಂ ಜಾತೋ ವಿಚೃತೋರ್ ಯಮಸ್ಯ
ಮಾಯಂ ಹಿಂಸೀಃ ಪಿತರೌ ವರ್ಧಮಾನಃ |
ಸ್ಯೋನೌ ವ್ಯಾಘ್ರಾ ಉತ ತೇ ಶಿವೌ ಸ್ತಾಂ
ಅತಿ ನೇಷಂ ದುರಿತಾನಿ ವಿಶ್ವಾ || ೧೯,೨೦।೧

ವ್ಯಾಘ್ರೇ ಅಹ್ನ್ಯ್ ಅಜನಿಷ್ಟ ವೀರೋ
ನಕ್ಷತ್ರಜಾಃ ಸರ್ವವೀರಃ ಸುವೀರಃ |
ಸ ಮಾ ಹಿಂಸೀಃ ಪಿತರೌ ವರ್ಧಮಾನಸ್ ತಸ್ಯ
ತೇ ದೇವಾಃ ಪ್ರತಿ ಗೃಹ್ಣಂತು ಹೋಮಂ || ೧೯,೨೦।೨

ಯಾ ರೋಹಿಣೀರ್ ದೇವಪತ್ಯಾ
ಪ್ರ ಧೇನುರ್ ಇವ ಪಿನ್ವತೇ |
ತತ್ರ ತಿಸ್ರೋ ವ್ಯಷ್ಟಕಾಃ ಸರ್ವಾಁ ಅಧಿ
ಬ್ರುವಂತು ಪ್ರಜಾಯೈ ಜಗತೇ ಚ ವಾಂ || ೧೯,೨೦।೩

ಯದ್ ಆರ್ದ್ರಾಭ್ಯಾಂ ಅರಣಿಭ್ಯಾಂ ದೇವಾಃ
ಶಕ್ರಾ ಅಮಂಥಂ ಪುರುಷೇಣ ಪುರುಷಂ |
ಅತ್ರಾಪುಷ್ಯತಂ ಮಿಥುನಾ ಸಯೋನೀ
ಜೀವಾಂ ಪ್ರಜಾಂ ಜರದಷ್ಟಿಂ ಸುತೇಜಸಾ || ೧೯,೨೦।೪

ಹತಂ ಪತಂಗಂ ಉತ ತರ್ದಂ ಆಖುಂ ಅಶ್ವಿನಾ
ಭಿಂತಂ ಶಿರೋ ಮೃಣತಂ ಹನೂ ದತಃ |
ಯಥಾ ನಃ ಸಸ್ಯಂ ನ ಘಸಂ ವ್ಯದ್ವರಾ
ಏವಾಭಯಂ ಕೃಣುತಂ ಧಾನ್ಯಾಯ ನಃ || ೧೯,೨೦।೫

ತರ್ದ ಹೈ ಪತಂಗ ಹೈ
ಜಭ್ಯ ಹಾ ಉಪಕ್ವಸ |
ಅನದಂತ ಇದಂ ಧಾನ್ಯಂ
ಅಹಿಂಸಂತೋ ಅಪೋದಿತ || ೧೯,೨೦।೬

ತರ್ದಪತೇ ವಘಾಪತೇ
ತೃಷ್ಟದಂಶ್ಮಾ ಶೃಣೋತ ನಃ |
ಹೋತ್ರೇವಾಪ್ರಾಶಿತಂ ಹವಿರ್
ವೃಕ್ಣಜಿಹ್ವಾ ಉಪಾಧ್ವಂ || ೧೯,೨೦।೭

ತರ್ದ ಜಭ್ಯಾಪಿಜಿಹ್ವಯಾ
ಯ ಇಮಂ ದಿವ್ಯಂ ಪೀಯೂಷಂ
ಪ್ರಥಮಸ್ ತಿತೃಪ್ಸಾತ್ |
ತಂ ಪ್ರತ್ಯಂಚಂ ಅರ್ಚಿಷಾ ವಿಧ್ಯ ಮರ್ಮನ್ || ೧೯,೨೦।೮

ಯೇ ಅಭ್ರಜಾ ಯೇ ವಾತಜಾ
ಯೇ ದಿವಸ್ ಪರಿ ಜಜ್ಞಿರೇ |
ಮರೀಚ್ಯಾಃ ಪುತ್ರಾಣಾಂ ವಯಂ
ಅಪಿ ನಹ್ಯಾಮ ಆಸ್ಯಂ || ೧೯,೨೦।೯

ಯೇ ಅರ್ಜುನಾ ಯೇ ಹರಿತಾ
ಯೇ ಕೃಷ್ಣಾ ಯೇ ಚ ರೋಹಿತಾಃ |
ಕಬಂಧಸ್ಯ ಪ್ರಶಾಸನೇ
ಶಲಭ್ಯಾಞ್ ಜಂಭಯಾಮಸಿ || ೧೯,೨೦।೧೦

ಅಂತರಿಕ್ಷೇಣ ಪತತ
ಮಾ ಸಸ್ಯಂ ಅಭಿ ಪದ್ಧ್ವಂ |
ಗಿರೀಣಾಂ ಸಾನುಷು ಸೀದತ
ತೃಣಂ ಕಪಾಲಂ ಅತ್ತನ
ಶಲಭಾಸ್ ತದ್ ವಿಶಾಂ ಇವ || ೧೯,೨೦।೧೧

ಯಥಾಶ್ವಾಸೋ ಯಥಾ ಧುರಂ
ಯುಕ್ತಾ ವಹಂತಿ ಸಾಧುಯಾ |
ಏವಾ ಮೂತ್ರ ಪ್ರ ಭಿದ್ಯಸ್ವ
ವಿ ವಸ್ತೇರ್ ಆಸ್ಯಂ ಸೃಜ || ೧೯,೨೦।೧೨

ವಿಷಿತಂ ತೇ ವಸ್ತಿಬಿಲಂ
ಸಮುದ್ರಸ್ಯೋದಧೇರ್ ಇವ |
ಪ್ರ ತೇ ಭಿನದ್ಮಿ ಮೇಹನಂ
ವರ್ತ್ರಂ ವೇಶಂತ್ಯಾ ಇವ || ೧೯,೨೦।೧೩

ಯಾಃ ಸಮುದ್ರಾದ್ ಉಚ್ಚರಂತಿ
ಜರತೀರ್ ಉಪಜಿಹ್ವಿಕಾಃ |
ಪ್ರಮೇಹಣಸ್ಯ ತಾ ವಿದುರ್
ಉಭಯೋರ್ ಮೇಹನಸ್ಯ ಚ || ೧೯,೨೦।೧೪

ಶೀರ್ಷ್ಣೋ ವಲೀರ್ ಆಸ್ನೋ ವಲೀರ್
ಅಂಗಾದಂಗಾನ್ ಮುಖಾದ್ ವಲೀಃ |
ಸರ್ವಾಸ್ ತಾ ಇಂದ್ರಾಣೀ ವಲೀರ್
ಅಪ ಮಾರ್ಷ್ಟ್ವ್ ಅಧಿ ತ್ವಚಃ || ೧೯,೨೦।೧೫

ಯಾಸ್ ತ್ವಚಿ ವಲಯೋ ಜಾತಾ
ಯಾ ಜಾತಾಸ್ ತನ್ವಸ್ ಪರಿ |
ಸರ್ವಾಸ್ ತಾ ಇಂದ್ರಾಣೀ ವಲೀಃ
ಶಮೀಶಾಖಾಸ್ವ್ ಆ ಸಜಾತ್ || ೧೯,೨೦।೧೬

ಆ ಶಮೀಂ ಮಾಮಕೀ ವಲೀ
ರುರೋಹಾತಿ ಜಹಾತಿ ಮಾಂ |
ಏತಾಂ ಇಂದ್ರಸ್ಯ ಜಾಯಾ
ವಲಿಧಾನೀಂ ಅಕೃಣ್ವತ || ೧೯,೨೦।೧೭
(೨೦)

ಅನುವಾಕ ೫ ||

ಯಥಾ ಸೂರ್ಯೋ ನಕ್ಷತ್ರಾಣಾಂ
ವರ್ಚಾಂಸಿ ಯುವತೇ ದಿವಃ |
ಏವಾ ಸಪತ್ನಾನಾಂ ಅಹಂ
ವರ್ಚ ಇಂದ್ರಿಯಂ ಆ ದದೇ || ೧೯,೨೧।೧

ಯಚ್ ಚ ವರ್ಚಃ ಸಪತ್ನಾನಾಂ
ಭ್ರಾತೃವ್ಯೇಷು ಚ ಯದ್ ಯಶಃ |
ತದ್ ಇಂದ್ರೋ ವೃತ್ರಹಾ ಧಾತಾ
ಸವಿತಾ ದೀಧರನ್ ಮಯಿ || ೧೯,೨೧।೨

ಯಾಶ್ ಚ ಗಾವಃ ಸಪತ್ನಾನಾಂ
ಭ್ರಾತೃವ್ಯೇಷು ಚ ಯದ್ ವಸು |
ತನ್ ನಿರ್ ಜ್ಯೇಯಂ ಇವ ಜೀತ್ವಾ
ಸವಿತಾ ದೀಧರನ್ ಮಯಿ || ೧೯,೨೧।೩

ಸತ್ಯಂ ಏವ ಜಯತು ನಾನೃತಂ
ಸತ್ಯಸ್ಯ ಪಂಥಾ ಋಜುರ್ ಅಸ್ತು ಸಾಧುಃ |
ಸತ್ಯಂ ವದಂತಃ ಸಮಿಧೇ ವಿಧೇಮ
ಸತ್ಯೇನ ದ್ಯಾವಾಪೃಥಿವೀ ಅಪ್ರಥೇತಾಂ || ೧೯,೨೧।೪

ವಾಗ್ಭಾಗಸ್ಯ ಚ ಸತ್ಯೇನ
ರುದ್ರಸ್ಯ ಸುಮನಸ್ಯಯಾ |
ಇಂದ್ರೇಣಾಧಿಬ್ರುವತಾ ವಯಂ
ವಿಶಂ ಪ್ರಾಶಿ ವಿದೇಮಹಿ || ೧೯,೨೧।೫

ಯಾ ತೇ ರುದ್ರೇಷುರ್ ಆಯತಾ
ವಾಚಿ ವಾ ತೇ ಅರಂಕೃತಾ |
ಯೇನೇದಂ ವಿವದಾಮಹೇ
ತಸ್ಯ ಪ್ರಾಶಂ ತ್ವಂ ಜಹಿ || ೧೯,೨೧।೬

ಜಹಿ ತ್ವಂ ತಸ್ಯ ಪ್ರಾಶಂ
ಉತ ಸತ್ಯಾಂ ಉತಾನೃತಾಂ |
ಯೋ ಅಸ್ಮಾನ್ ಇಂದ್ರ ವೃತ್ರಹನ್
ವಾಚಾ ಪ್ರಾಶಂ ಜಿಗೀಷತಿ || ೧೯,೨೧।೭

ಉತ್ ಪ್ರಮುತ್ ಪ್ರಾಣ
ಬಹ್ವೀಹ ಸೀದೇದಂ ಪೃಣ |
ಉತೋದಿವ ಸ್ಮ ಸಿಂಚತಾತ್
ಸಮುದ್ರಸ್ಯೇವ ಮಧ್ಯತಃ || ೧೯,೨೧।೮

ಸಮುದ್ರಶ್ ಚ ಶತಧಾರಃ
ಸಹಸ್ರಧಾರೋ ಅಕ್ಷಿತಃ |
ಪುರಸ್ತಾದ್ ಇಂದ್ರ ಆಚರತ್
ಪೂರ್ಣಗೋಷ್ಠ ಇದಂ ಪೃಣ || ೧೯,೨೧।೯

ಇಹೋಪ ಪೃಣ ಸಂ ಪೃಣ
ವೃಷ ಪ್ರಜನನಾಃ ಕೃಧಿ |
ಇಹ ಗಾವಃ ಪ್ರ ಜಾಯಧ್ವಂ
ಇಹಾಶ್ವಾ ಇಹ ಪೂರುಷಾಃ |
ಇಹೋ ಸಹಸ್ರದಕ್ಷಿಣೋ
ಅಭಿ ಪ್ರಾಶಾ ನಿ ಷೀದತು || ೧೯,೨೧।೧೦

ಜ್ಯೇಷ್ಠಘ್ನ್ಯೈ ನಕ್ಷತ್ರಾಣಾಂ
ಅಹ್ನೇ ರಾತ್ರ್ಯಾ ಇದಂ ನಮಃ |
ಜುಹೋಮಿ ವಿಶ್ವಕರ್ಮಣೇ
ಸ ಶಿವೋ ಮೃಡಯಾತಿ ನಃ || ೧೯,೨೧।೧೧

ಮಾ ಜ್ಯೇಷ್ಠಂ ವಧೀದ್ ಅಯಂ ಅಗ್ನ ಏಷಾಂ
ಮೂಲಬರ್ಹಣಂ ಪರಿ ವೃಣಕ್ತ್ಯ್ ಏನಂ |
ಗ್ರಾಹ್ಯಾಃ ಪಾಶಾನ್ ವಿ ಚೃತ ಪ್ರಜಾನನ್
ಪಿತಾಪುತ್ರೌ ಮಾತರಂ ಮುಂಚ ಸರ್ವಾನ್ || ೧೯,೨೧।೧೨

ಉನ್ ಮುಂಚ ಪಾಶಾಂಸ್ ತ್ವಂ ಅಗ್ನ ಏಷಾಂ
ತ್ರಯಸ್ ತ್ರಿಭಿರ್ ಉತ್ಥಿತಾ ಯೇಭಿರ್ ಆಸನ್ |
ಮಾಯಂ ಹಿಂಸೀಃ ಪಿತರಂ ವರ್ಧಮಾನೋ
ಮಾ ಮಾತರಂ ಪ್ರ ಮಿನೀರ್ ಯಾ ಜನಿತ್ರೀ || ೧೯,೨೧।೧೩

ಗ್ರಾಹ್ಯಾಃ ಪಾಶಾನ್ ವಿ ಚೃತ ಯೇ ಸಿನಂತಿ
ಯಾಂ ಬ್ರಹ್ಮಣಾ ಪರಿವೃಂಜಂತಿ ವೇಧಸಃ |
ಉನ್ ಮುಂಚ ಪಾಶಾಂಸ್ ತ್ವಂ ಅಗ್ನ ಏಷಾಂ
ತ್ವಜ್ಜಾತಸ್ಯಾನ್ವ್ ಅಹರ್-ಅಹರ್ ಅಸ್ತು ಭದ್ರಂ || ೧೯,೨೧।೧೪

ನಿ ವರ್ತಧ್ವಂ ಮಾನು ಗಾತ-
-ಅಸ್ಮಾನ್ ಸಿಷಕ್ತ ರೇವತೀಃ |
ಅಗ್ನೀಷೋಮಾ ಪುನರ್ವಸೂ
ಅಸ್ಯ ವರ್ಧಯತಂ ರಯಿಂ || ೧೯,೨೧।೧೫

ಪುನರ್ ಏನಾ ನಿ ವರ್ತಯ
ಪುನರ್ ಏನಾ ಉಪಾ ಕುರು |
ಇಂದ್ರ ಏನಾ ನಿ ಯಚ್ಛತ್ವ್
ಅಗ್ನಿರ್ ಏನಾ ಉಪಾಜತು || ೧೯,೨೧।೧೬

ಪರಿ ವೋ ವಿಶ್ವತೋ ದಧ
ಊರ್ಜಾ ಘೃತೇನ ಪಯಸಾ |
ಯೇ ದೇವಾಃ ಕೇ ಚ ಯಜ್ಞಿಯಾಸ್
ತೇ ರಯ್ಯಾ ಸಂ ಸೃಜಂತು ಮಾ || ೧೯,೨೧।೧೭
(೨೧)

ನಮೋ ಅಸ್ತು ಸರ್ಪೇಭ್ಯೋ
ಯೇ ಕೇ ಚ ಪೃಥಿವೀಂ ಅನು |
ಯೇ ಅಂತರಿಕ್ಷೇ ಯೇ ದಿವಿ
ತೇಭ್ಯಃ ಸರ್ಪೇಭ್ಯೋ ನಮಃ || ೧೯,೨೨।೧

ಯೇ ಚಾಮೀ ರೋಚನೇ ದಿವೋ
ಯೇ ಚ ಸೂರ್ಯಸ್ಯ ರಶ್ಮಿಷು |
ಯೇಷಾಂ ಅಪ್ಸು ಸದಸ್ ಕೃತಂ
ತೇಭ್ಯಃ ಸರ್ಪೇಭ್ಯೋ ನಮಃ || ೧೯,೨೨।೨

ಯಾ ಇಷವೋ ಯಾತುಧಾನಾನಾಂ
ಯಾ ವಾ ವನಸ್ಪತೀನಾಂ |
ಯೇ ಽವಟೇಷು ಶೇರತೇ
ತೇಭ್ಯಃ ಸರ್ಪೇಭ್ಯೋ ನಮಃ || ೧೯,೨೨।೩

ಯವೋಚ್ಛಿಷ್ಟಂ ಹವಿಷಾ ವರ್ಧಯೇಮಂ
ಯಥಾ ದ್ಯುಮ್ನೀ ಕೃಣವದ್ ವೀರ್ಯಾಣೀ |
ಸಜೂರ್ ದೇವೇಭಿರ್ ಅಭಿ ಭೂಃ ಸಪತ್ನಾನ್
ಆಯುಷ್ಮತ್ ಕ್ಷತ್ರಂ ಅಜರಂ ತೇ ಅಸ್ತು || ೧೯,೨೨।೪

ಪುಂಸಾ ಯವೇನ ಹವಿಷಾ ಪಯಸ್ವತಾ-
-ಉಚ್ಛಿಷ್ಟಸ್ಯಾಯೂ ರಕ್ಷಂತು ದೇವಾಃ |
ದೇವಾ ಹ್ಯ್ ಅಸ್ಮಿನ್ ನಿ ದಧುರ್ ನೃಮ್ಣಂ ಬೃಹದ್
ಅಸ್ಮಾ ಇಂದ್ರೋ ವಯೋ ದಧಾತು || ೧೯,೨೨।೫

ಸಂ ಉಚ್ಛಿಷ್ಟಸ್ಯ ಹವಿಷಾ ಸಂ ಉಕ್ಥೈಃ
ಸಂ ಆಯುಷಾ ವರ್ಚಸಾ ಪಯೋ ದಧಾತು |
ದೇವಾ ಹ್ಯ್ ಅಸ್ಮಿನ್ ನಿ ದಧುರ್ ನೃಮ್ಣಂ ಬೃಹದ್
ಅಸ್ಮಾ ಇಂದ್ರೋ ವಯೋ ದಧಾತು || ೧೯,೨೨।೬

ವಾಯುರ್ ಏನಾಃ ಸಮಾಕರತ್
ತ್ವಷ್ಟಾ ಪೋಷಾಯ ಧ್ರಿಯತಾಂ |
ಇಂದ್ರ ಆಭ್ಯೋ ಅಧಿ ಬ್ರುವದ್
ರುದ್ರೋ ಭೂಮ್ನೇ ಚಿಕಿತ್ಸತು || ೧೯,೨೨।೭

ಯಥಾ ಚಕ್ರುರ್ ದೇವಾಸುರಾ
ಯಥಾ ಮನುಷ್ಯಾ ಉತ |
ಏವಾ ಸಹಸ್ರಪೋಷಾಯ
ಕೃಣುತಂ ಲಕ್ಷ್ಮಾಶ್ವಿನಾ || ೧೯,೨೨।೮

ಲೋಹಿತೇನ ಸ್ವಧಿತಿನಾ
ಮಿಥುನಂ ಕರ್ಣಯೋಃ ಕೃಧಿ |
ಅಕರ್ತಾಂ ಅಶ್ವಿನಾ ಲಕ್ಷ್ಮ
ತದ್ ಅಸ್ತು ಪ್ರಜಯಾ ಬಹು || ೧೯,೨೨।೯

ಕೃಷ್ಣಂ ನಿಯಾನಂ ಹರಯಃ ಸುಪರ್ಣಾ
ಅಪೋ ವಸಾನಾ ದಿವಂ ಉತ್ ಪತಂತಿ |
ಆ ಚ ವರ್ತಂತೇ ಸದನಾದ್ ಋತಸ್ಯ-
-ಆದ್ ಇದ್ ಘೃತೇನ ಪೃಥಿವೀ ವ್ಯ್ ಉದ್ಯತೇ || ೧೯,೨೨।೧೦

ಪಯಸ್ವತೀಃ ಕೃಣುತಾಪ ಓಷಧೀರ್ ಇಮಾ
ಯದ್ ಏಜಥಾ ಮರುತೋ ರುಕ್ಮವಕ್ಷಸಃ |
ಊರ್ಜಂ ಚ ತತ್ರ ಸುಮತಿಂ ಚ ಪಿನ್ವಥ
ಯತ್ರಾ ನರೋ ಮರುತಃ ಸಿಂಚಥಾ ಮಧು || ೧೯,೨೨।೧೧

ಉದಪ್ಲುತೋ ಮರುತಸ್ ತಾಁ ಇಯರ್ತ
ವೃಷ್ಟ್ಯಾ ಯದ್ ವಿಶ್ವಾ ನಿವತಸ್ ಪೃಣಾಥ |
ಏಜಾತಿ ಗಲ್ಹಾ ಕನ್ಯೇವ ತುನ್ನೈರುನ್
ತುಂದಾನಾ ಪತ್ಯೇವ ಜಾಯಾ || ೧೯,೨೨।೧೨

ತ್ವಷ್ಟೇವ ಪೂಷೇರ್ಯೋ ದಮೂನಾ
ಮಹೀ ಸ್ವಸ್ತಿರ್ ವೃಷಣಾ ನ ಆಗನ್ |
ವಿಶ್ವಾ ಆಶಾಃ ಸೂಯವಸಾ ಸಂರರಾಣೋ
ಽಸ್ಯಾ ರಯ್ಯಾಃ ಪುರಏತಾ ನ ಏಧಿ || ೧೯,೨೨।೧೩

ಏಹ ಯಂತು ಮಧುಮದ್ ದುಹಾನಾ
ಅನಮೀವಾ ಉಶತೀರ್ ವಿಶ್ವರೂಪಾಃ |
ಬಹ್ವೀರ್ ಭವಂತೀರ್ ಉಪಜಾಯಮಾನಾ
ಇಹೇಂದ್ರೋ ವೋ ರಮಯತು ಗಾವಃ || ೧೯,೨೨।೧೪

ಪ್ರಜಾಪತಿರ್ ಜನಯತು ಪ್ರಜಾ ಇಮಾಸ್
ತ್ವಷ್ಟಾ ದಧಾತು ಸುಮನಸ್ಯಮಾನಃ |
ಸಂವತ್ಸರ ಋತುಭಿಃ ಸಂವಿದಾನೋ
ಮಯಿ ಪುಷ್ಟಂ ಪುಷ್ಟಪತಿರ್ ದಧಾತು || ೧೯,೨೨।೧೫
(೨೨)

ಸಾಹಸೀ ನಾಮ ವಾ ಅಸಿ
ಸಹಸಸ್ ಪರಿ ಜಜ್ಞಿಷೇ |
ಸಹಸ್ವಾನ್ ಇಂದ್ರೋ ದೇವೇಷು
ಸಹಸೇ ತ್ವಾ ಖನಾಮಸಿ || ೧೯,೨೩।೧

ಸಹಸ್ಯೇನ ಭೇಷಜೇನ
ದಿವ್ಯೇನ ಶತಪರ್ವಣಾ |
ತೇನ ಸಹಸ್ರಕಾಂಡೇನ
ಕೃಣೋಮಿ ಪುನರಾಭೃತಿಂ || ೧೯,೨೩।೨

ಸಹಸೋ ಽಹಂ ಭೇಷಜಸ್ಯ
ದಿವ್ಯಸ್ಯ ನಾಮ ಜಗ್ರಭ |
ವ್ಯ್ ಆಶಿಷೈವ ತಸ್ಥಿರೇ
ಯಕ್ಷ್ಮಾಸಃ ಪುರುಷಾದ್ ಅಧಿ || ೧೯,೨೩।೩

ಅಪೇತ ಏತು ನಿರೃತಿರ್
ನೇಹಾಸ್ಯಾ ಅಪಿ ಕಿಂ ಚನ |
ಅಪಾಸ್ಯಾಃ ಸತ್ವನಃ ಪಾಶಾನ್
ಮೃತ್ಯೂನ್ ಏಕಶತಂ ನುದೇ || ೧೯,೨೩।೪

ಯೇ ತೇ ಪಾಶಾ ಏಕಶತಂ
ಮೃತ್ಯೋ ಮರ್ತ್ಯಾಯ ಹಂತವೇ |
ತಾಂಸ್ ತೇ ಯಜ್ಞಸ್ಯ ಮಾಯಯಾ
ಸರ್ವಾಁ ಅಪ ಯಜಾಮಸಿ || ೧೯,೨೩।೫

ನಿರ್ ಇತೋ ಯಂತು ನೈರೃತಾ
ಮೃತ್ಯವ ಏಕಶತಂ ಪರಃ |
ಸೇಧಾಮ ಏಷಾಂ ಯತ್ ತಮಃ
ಪ್ರಾಣಂ ಜ್ಯೋತಿಶ್ ಚ ದಧ್ಮಹೇ || ೧೯,೨೩।೬

ತ್ರಿಷಪ್ತಾ ವಾರಣಾ ಇಮಾಸ್
ತಾಭಿರ್ ಮಾಂ ಇಂದ್ರೋ ಅಬ್ರವೀತ್ |
ವಿಷಂ ವಾರಯತಾಂ ಇತಿ
ವಿಷಂ ದೂಷಯತಾದ್ ಇತಿ || ೧೯,೨೩।೭

ಅಪ ಬ್ರೂತೇದಂ ಮರುತೋ
ಮಹೀಂದ್ರಸ್ಯಾಪವಾಚನೀ |
ಏಷಾ ಸಹಸ್ರಂ ಅರ್ಹತ್ಯ್
ಏಷಾ ವಾರಯತೇ ವಿಷಂ || ೧೯,೨೩।೮

ಅಸ್ಥಾದ್ ದ್ಯೌರ್ ಅಸ್ಥಾತ್ ಪೃಥಿವ್ಯ್
ಅಸ್ಥಾದ್ ವಿಶ್ವಂ ಇದಂ ಜಗತ್ |
ಅಸ್ಥುರ್ ವಿಷಸ್ಯಾಭೀತಯಃ
ಪ್ರತಿಕೂಲ ಇವಾಬಲಃ || ೧೯,೨೩।೯

ಯಥಾ ಬಾಣಃ ಸುಸಂಶಿತಃ
ಪರಾಪತತ್ಯ್ ಆಶುಮತ್ |
ಏವಾ ಕಾಶೇ ಪರಾ ಪತ
ಸಾಕಂ ವಾತಸ್ಯ ಧ್ರಾಜ್ಯಾ || ೧೯,೨೩।೧೦

ಯಥಾ ಚಕ್ಷುಶ್ ಚಕ್ಷುಷ್ಮತಃ
ಪರಾಪತತಿ ಕೇತುಮತ್ |
(…)
ಸಾಕಂ ಸೂರ್ಯಸ್ಯ ರಶ್ಮಿಭಿಃ || ೧೯,೨೩।೧೧

ಯಥಾ ಮನೋ ಮನ್ಯುಕೇತುಂ
ಪರಾಪತತಿ ಯೋಜನಾ |
ಏವಾ ಕಾಶೇ ಪರಾ ಪತತ್
ಸಮುದ್ರಸ್ಯಾನು ವಿಕ್ಷರಂ || ೧೯,೨೩।೧೨

ಇತ ಏವಾವ ಗಚ್ಛತ-
-ಉಗ್ರಾ ಭವತ ಮಾಬಲಾಃ |
ಹ್ವಯಂತು ಸರ್ವೇ ವೋ ದೇವಾಃ
ಸರ್ವಾ ವೋ ವೃಣತಾಂ ವಿಶಃ || ೧೯,೨೩।೧೩

ಯದ್ ಅವಗಮೇನ ಹವಿಷಾ-
-ಅವ ವೋ ಗಮಯಾಮಸಿ |
ಅತ್ರಾತ ಇಂದ್ರಃ ಕೇವಲೀರ್
ವಿಶೋ ಬಲಿಹೃತಃ ಕರತ್ || ೧೯,೨೩।೧೪

ಇಂದ್ರಃ ಕಶ್ಯಪ ಆದ್ ಅಗ್ನಿರ್
ಇಡಾ ತುರೀಯಾ ವಃ ಸಖಾ |
ಯದ್ ಭೂತಂ ಭವ್ಯಂ ಆಸನ್ವತ್
ತೇನಾವ ಗಮಯಾಮಿ ವಃ || ೧೯,೨೩।೧೫
(೨೩)

ನ ತಂ ಯಕ್ಷ್ಮಾ ಅರುಂಧತೇ
ನೈನಂ ಶಪಥೋ ಅಶ್ನುತೇ |
ಯಂ ಭೇಷಜಸ್ಯ ಗುಲ್ಗುಲೋಃ
ಸುರಭಿರ್ ಗಂಧೋ ಅಶ್ನುತೇ || ೧೯,೨೪।೧

ಯಂ ಗುಲ್ಗುಲೋರ್ ಭೇಷಜಸ್ಯ
ಸುರಭಿರ್ ಗಂಧೋ ಅಶ್ನುತೇ |
ವಿಷ್ವಂಚಸ್ ತಸ್ಮಾದ್ ಯಕ್ಷ್ಮಾ
ಮೃಗಾ ಇಷ್ವಾ ಇವೇರತೇ || ೧೯,೨೪।೨

ಯದ್ ಗುಲ್ಗುಲು ಸೈಂಧವಂ
ಯದ್ ವಾ ಘಾಸಿ ಸಮುದ್ರಿಯಂ |
ಉಭಯೋರ್ ಅಗ್ರಭಂ ನಾಮ-
-ಅಸ್ಮಾ ಅರಿಷ್ಟತಾತಯೇ || ೧೯,೨೪।೩

ದೇವಾ ಏತಂ ಮಧುನಾ ಸಂಯುತಂ ಯವಂ
ಸರಸ್ವತ್ಯಾಂ ಅಧಿ ಮಣಾವ್ ಅಚರ್ಕೃಷುಃ |
ಇಂದ್ರ ಆಸೀತ್ ಸೀರಪತಿಃ ಶತಕ್ರತುಃ
ಕೀನಾಶಾ ಆಸನ್ ಮರುತಃ ಸುದಾನವಃ || ೧೯,೨೪।೪

ಬೃಹತ್ಪಲಾಶೇ ಸುಭಗ
ಊರ್ಧ್ವಸ್ವಪ್ನ ಋತಾವರಿ |
ಮಾತೇವ ಪುತ್ರೇಭ್ಯೋ ಮೃಡ
ಕೇಶೇಭ್ಯೋ ನಃ ಶಮಿ || ೧೯,೨೪।೫

ಯಸ್ ತೇ ಮದೋ +ಽವಕೇಶೋ ಯೋ ವಿಕೇಶೋ
ಯೇನಾಭಿಹಸ್ಯಂ ಪುರುಷಂ ಕೃಣೋಷಿ |
ಭ್ರೂಣಘ್ನೋವಿರಿವಾರಾ(ಚ್) ಚರ ತ್ವಂ
ತಸ್ಯ ತೇ ಪ್ರಜಾಯಾಃ ಸುವಾಮಿ ಕೇಶಾನ್ || ೧೯,೨೪।೬

ಆಕೂತಿಂ ದೇವೀಂ ಸುಭಗಾಂ ಪುರೋ ದಧೇ
ಚಿತ್ತಸ್ಯ ಮಾತಾ ಸುಹವಾ ನೋ ಅಸ್ತು |
ಯಾಂ ಆಶಾಂ ಏಮಿ ಕೇವಲೀ ಸಾ ಮೇ ಅಸ್ತು
ವಿದೇಯಂ ಏನಾಂ ಮನಸಿ ಪ್ರವಿಷ್ಟಾಂ || ೧೯,೨೪।೭

ಆಕೂತ್ಯಾ ನೋ ಬೃಹಸ್ಪತ
ಆಕೂತ್ಯಾ ನ ಉಪಾ ಗಹಿ |
ಅಥೋ ಭಗಸ್ಯ ನೋ ಧೇಹ್ಯ್
ಅಥೋ ನಃ ಸುಹವೋ ಭವ || ೧೯,೨೪।೮

ಬೃಹಸ್ಪತಿರ್ ಮ ಆಕೂತಿಂ ಆಂಗಿರಸಃ
ಪ್ರತಿ ಜಾನಾತು ವಾಚಂ ಏತಾಂ |
ಯಸ್ಯ ದೇವಾ ದೇವತಾಃ ಸಂಬಭೂವುಃ
ಸುಷುಪ್ರಣೀಃ ಕಾಮೋ ಅನ್ವ್ ಏತ್ವ್ ಅಸ್ಮಾನ್ || ೧೯,೨೪।೯

ಮನೋ ನ್ವ್ ಆಹ್ವಾಮಹಿ
ನಾರಾಶಂಸೇನ ಸ್ತೋಮೇನ |
ಪಿತೃ̄ಣಾಂ ಚ ಮನ್ಮಭಿಃ || ೧೯,೨೪।೧೦

ಆ ನ ಏತು ಮನಃ ಪುನಃ
ಕ್ರತ್ವೇ ದಕ್ಷಾಯ ಜೀವಸೇ |
ಜ್ಯೋಕ್ ಚ ಸೂರ್ಯಾಯ ದೃಶೇ || ೧೯,೨೪।೧೧

ಪುನರ್ ನಃ ಪಿತರೋ ಮನೋ
ದದಾತು ದೈವ್ಯೋ ಜನಃ |
ಜೀವಂ ವ್ರಾತಂ ಸಚೇಮಹಿ || ೧೯,೨೪।೧೨

ವಯಂ ಸೋಮ ವ್ರತೇ ತವ
ಮನಸ್ ತನೂಷು ಬಿಭ್ರತಃ |
ಪ್ರಜಾವಂತಃ ಸಚೇಮಹಿ || ೧೯,೨೪।೧೩

ವರ್ಚೋ ಮೇ ಮಿತ್ರಾವರುಣಾ
ವರ್ಚೋ ದೇವೀ ಸರಸ್ವತೀ |
ವರ್ಚೋ ಮೇ ಅಶ್ವಿನೋಭಾ
ಧತ್ತಂ ಪುಷ್ಕರಸ್ರಜಾ || ೧೯,೨೪।೧೪

ಯಚ್ ಚ ವರ್ಚೋ ಯಜಮಾನೇ
ಯಚ್ ಚ ಯಜ್ಞೇ ಽಧ್ಯ್ ಆಹಿತಂ |
ಸುರಾಯಾಂ ಬಭ್ರು ಯದ್ ವರ್ಚಸ್
ತಸ್ಯ ಭಕ್ಷೀಯ ವರ್ಚಸಃ || ೧೯,೨೪।೧೫

ಯಾ ಉತ್ಸೇಭ್ಯಃ ಪ್ರಸ್ರವಂತಿ
ದಿವೋ ಧಾರಾ ನದೀಭ್ಯಃ |
ತಾಸಾಂ ತ್ವಾ ಸರ್ವಾಸಾಂ ಅಪಾಂ
ಅಭಿ ಷಿಂಚಾಮಿ ವರ್ಚಸಾ || ೧೯,೨೪।೧೬

ಯದ್ ರಾಜಾನಂ ಶಕಧೂಮಂ
ನಕ್ಷತ್ರಾಣ್ಯ್ ಅಕೃಣ್ವತ |
ಭದ್ರಾಹಂ ಅಸ್ಮೈ ಪ್ರಾಯಚ್ಛನ್
ತತೋ ರಾಷ್ಟ್ರಂ ಅಜಾಯತ || ೧೯,೨೪।೧೭

ಭದ್ರಾಹಂ ಅಸ್ತು ನಃ ಸಾಯಂ
ಭದ್ರಾಹಂ ಪ್ರಾತರ್ ಅಸ್ತು ನಃ |
ಭದ್ರಾಹಂ ಅಸ್ಮಭ್ಯಂ ತ್ವಂ
ಶಕಧೂಮ ಸದಾ ಕೃಣು || ೧೯,೨೪।೧೮

ಯೋ ನೋ ಭದ್ರಾಹಂ ಅಕರಃ
ಸಾಯಂ ಪ್ರಾತರ್ ಅಥೋ ದಿವಾ |
ತಸ್ಮೈ ತೇ ನಕ್ಷತ್ರರಾಜ
ಶಕಧೂಮ ಸದಾ ನಮಃ || ೧೯,೨೪।೧೯

ಯದ್ ಆಹುಃ ಶಕಧೂಮಾಹಂ ನಕ್ಷತ್ರಾಣಾಂ
ಪ್ರಥಮಜಂ ಜ್ಯೋತಿರ್ ಅಗ್ರೇ |
ತನ್ ನಃ ಸನಿಂ ಮಧುಮತೀಂ ಕೃಣೋತು
ರಯಿಂ ಚ ನಃ ಸರ್ವವೀರಂ ನಿ ಯಚ್ಛಾತ್ || ೧೯,೨೪।೨೦
(೨೪)

ಅನುವಾಕ ೬ ||

ಯೂಪೇ ಗರ್ತೇ ವಿದ್ವೇಷಣಂ
ದೇವಾನಾಂ ವರ್ಚಸಾ ಕೃತಂ |
ಅಗ್ನಿರ್ ವಾಂ ಅಸ್ತ್ವ್ ಅಂತರಾ
ಯಥಾ ವಾಂ ನ ಸಹಾಸತಿ || ೧೯,೨೫।೧

ಯಥಾಹಿಂ ದ್ವೇಷ್ಟಿ ಪುರುಷೋ
ಅಹಿರ್ ವಾ ದ್ವೇಷ್ಟಿ ಪುರುಷಂ |
ಗಿರಿರ್ ವಾಂ ಅಸ್ತ್ವ್ ಅಂತರಾ
ಯಥಾ ವಾಂ ನ ಸಹಾಸತಿ || ೧೯,೨೫।೨

ನಾನಾನಿ ವಾಂ ಆಕೂತಾನಿ
ನಾನಾ ಚಿತ್ತಾನಿ ಸಂತು ವಾಂ |
ವಿಷ್ವಂಚೌ ಪರ್ಯ್ ಆ ವರ್ತೇಥಾಂ
ಯಥಾ ವಾಂ ನ ಸಹಾಸತಿ || ೧೯,೨೫।೩

ಅತ್ರ ದ್ವೇ ಕಮಲೇ ದ್ವೇ ತುಂಡೇ
ನ ಮಶೀಕತಂ ತಂ ಗಲಾಪತೇ |
ಭಂಗಲಾಪತೋ (⟨ ಭಂಗುರಾವತೋ) ದಹ || ೧೯,೨೫।೪

ಏತದ್ ಯತ್ ತೇ ಯದ್ ವಾ ಯದ್ ವಾ
ನ ಚಾಸನ್ ನೋ ಚ ತೇ ಭವತ್ |
ಸ್ವಪ್ನೇ ವಿತ್ತಂ ಯಥಾ ಧನಂ
ನಶ್ಯಾದ್ ಇದ್ ಏತದ್ ಏತತಃ || ೧೯,೨೫।೫

ಆಗಿಲೋ ಗಿಲಾಪಾಪಚಿತೋ ಗಿಲ |
ನಶ್ಯಾದ್ ಬ್ರಧ್ನಕಂ ಅರ್ಭಕಂ || ೧೯,೨೫।೬

ದೀರ್ಘಾಯುತ್ವಾಯ ಸಹಸೇ
ಮಹ್ಯಾ ಅರಿಷ್ಟತಾತಯೇ |
ಸುಪರ್ಣೋ ಮಹ್ಯಂ ಅಬ್ರವೀದ್
ಏತದ್ ಆಶ್ಲಿಷ್ಟಭೇಷಜಂ || ೧೯,೨೫।೭

ಸಕ್ತೂನ್ ಇವ ತಿತಉನಾ ಪುನಂತೋ
ವಿದ್ವಾಂಸೋ ವಾಚಂ ಅಕ್ರತ |
ಅಂಗೇಭ್ಯೋ ವಿಶ್ವಾಂಗೇಭ್ಯಃ
ಪ್ರ ತೇ ಛಿನದ್ಮ್ಯ್ ಆಶ್ಲಿಷ್ಟಂ || ೧೯,೨೫।೮

ಅವಚ್ಛಿಂಧ್ಯ್ ಆಶ್ಲಿಷ್ಟಂ
ಊರ್ವಾ ಹ್ಯ್ ಅಸಿ ಭೇಷಜೀ |
ದಿವ್ಯಃ ಸುಪರ್ಣೋ ಅಬ್ರವಿದ್
ಏತದ್ ಆಶ್ಲಿಷ್ಟಭೇಷಜಂ || ೧೯,೨೫।೯

ಅಭಿಭೂರ್ ಅಹಂ ಆಗಮಂ
ವಿಶ್ವಕರ್ಮಾ ಸ್ವಾಯುಧಃ |
ಅಹಂ ಮಿತ್ರಸ್ಯ ಕಲ್ಪಯನ್ನ್
ಆಸ್ವ್ ಆಶಾಸು ದುಷ್ಟರಃ || ೧೯,೨೫।೧೦

ಅಹಂ ಸಮಿತ್ಯಯನೋ
ಅಹಂ ವಿಶಾಂ ಪುರೋಹಿತಃ |
ಅಹಂ ಮಿತ್ರಾಣಿ ಕಲ್ಪಯನ್
ಮಯಿ ವಾಗ್ ಅಸ್ತು ಧರ್ಣಸೀ || ೧೯,೨೫।೧೧

ಆ ವಶ್ ಚಕ್ಷುರ್ ಆ ವೋ ವಾಚಂ
ಆ ವಃ ಸಮಿತಿಂ ದದೇ |
ಯೋಗಕ್ಷೇಮಂ ವ ಆದಾಯ-
-ಅಹಂ ಭೂಯಾಸಂ ಉತ್ತಮಃ || ೧೯,೨೫।೧೨

ಬ್ರಹ್ಮಣಾಗ್ನಿಃ ಸಂವಿದಾನೋ
ರಕ್ಷೋಹಾ ನುದತಾಂ ಇತಃ |
ಅರಾಯೋ ಯಸ್ ತೇ ತನ್ವಂ
ದುರ್ಣಾಮಾ ಯೋನಿಂ ಆಶಯೇ || ೧೯,೨೫।೧೩

ಯಸ್ ತೇ ಽರಾಯಸ್ ತನ್ವಂ
ದುರ್ಣಾಮಾ ಯೋನಿಂ ಆಶಯೇ |
ಅಗ್ನಿಷ್ ಟಂ ಬ್ರಹ್ಮಣಾ ಯುಜಾ
ರಕ್ಷೋಹಾ ನುದತಾಂ ಇತಃ || ೧೯,೨೫।೧೪

ಯಾನ್ಯ್ ಅಭ್ವಾನಿ ರಕ್ಷಾಂಸಿ
ಯೇ ಽರಾಯಾ ಯಾತುಧಾನ್ಯಃ |
ಅಗ್ನಿಷ್ ಟ್ವಾ ಶಗ್ಮಯಾ ತನ್ವಾ
ರಕ್ಷೋಹಾ ಪಾತು ತೇಭ್ಯಃ || ೧೯,೨೫।೧೫
(೨೫)

ಅಗ್ನಿಶ್ ಚ ದೇವ ಸವಿತರ್
ಇಷಂ ಊರ್ಜಂ ದಧಾನೌ |
ಪಾತಂ ಮಾ ದುಶ್ಚರಿತಾದ್
ಆ ಮಾ ಸುಚರಿತೇ ಭಜತಂ
ಯುವಯೋರ್ ಅವಸಾ ಸುಮ್ನಂ ಅಶೀಯ || ೧೯,೨೬।೧

ಇದಂ ತದ್ ಉಪ ಯುವ ಇದಂ ತದ್ ಉಪ ಹ್ವಯೇ
ಯಚ್ ಛುಶ್ರುಮಾ ತ್ವತ್ ಪರಿ |
ವಾಚಸ್ಪತಿರ್ ನಿ ಯಚ್ಛತು
ಮಯ್ಯ್ ಏವಾಸ್ತು ಮಮ ಶ್ರುತಂ || ೧೯,೨೬।೨

ಮಾಪತ್ಯಾಯ ಸ್ತೇಯಂ ಕರಂ
ಮಾ ಶ್ರುತೇನ ವಿ ರಾಧಿಷಿ |
ಅಮೋಘಂ ಅಸ್ಮಾಕಂ ಶ್ರಾಂತಂ
ಅಗ್ನೇ ದ್ರವಿಣವತ್ ಕೃಧಿ || ೧೯,೨೬।೩

ಮಧ್ಯಮೇಷ್ಠಾ ವರ್ಚಸ್ವತ್ಯಾ-
-ಆಯುಷೇ ವರ್ಚಸೇ ಕೃತಂ |
ವನುಷ್ವ ವಿಶ್ವದೇವೇಷು
ವನುಷ್ವ ತ್ವಂ ಬೃಹಸ್ಪತೌ || ೧೯,೨೬।೪

ಘೃತೇನ ಪ್ರಜಾಂ ವನುತೇ
ಘೃತೇನ ರಯಿಂ ಅಶ್ನುತೇ |
ಘೃತೇನಾಯುಷ್ಯಂ ವರ್ಚಸ್ಯಂ
ದೇವೇಭ್ಯೋ ವನುತೇ ಪರಿ || ೧೯,೨೬।೫

ಪರ್ಜನ್ಯ ಪಿಪ್ಪಲಾಸ್ ತುಭ್ಯಂ
ನದ್ಯೋ ಗರ್ಭಂ ಸ್ವಸ್ತಯೇ |
ಮರ್ಯಾದಾ ಬ್ರಹ್ಮದೇವೀರ್
ಆಯುಷ್ಯಂ ವರ್ಚ ಆಸಿಚನ್ || ೧೯,೨೬।೬

ಯಥಾ ಹಸ್ತೀ ಹಸ್ತಿನ್ಯಾಃ
ಪದೇನ ಪದಂ ಅನ್ವ್ ಅಗಾತ್ |
ಏವಾ ತ್ವಂ ಅಘ್ನ್ಯೇ ವತ್ಸಸ್ಯ
ಪದೇನ ಪದಂ ಅನ್ವ್ ಇಹಿ || ೧೯,೨೬।೭

ಯಥಾ ರಥಸ್ಯ ಚಕ್ರೇ
ವಿ ಪಥಃ ಪಾಂಸುಂ ಅಸ್ಯಥಃ |
ಏವಾ ಮನೋ ವ್ಯ್ ಅಸ್ಯಾಮಿ
ಹೃದಯಂ ವನನಾಯ ಕಂ || ೧೯,೨೬।೮

ಇಂದ್ರಸ್ಯ ಪ್ರಥಮಂ ವಚೋ
ದೇವಾನಾಂ ಅಪರಂ ವಚಃ |
ತೃತೀಯಂ ಅಶ್ವಿನೋರ್ ವಚಸ್
ತೇನ ಗಾಂ ವಾನಯಾಮಸಿ || ೧೯,೨೬।೯

ಉದ್ ಇತಃ ಶ್ಯಾವೌ ವಿಥುರೌ
ದಿವಂ ಗೃಧ್ರಾವ್ ಇವೇಯಥುಃ |
ಶೋಚನಾವ್ ಅತಿಶೋಚನಾವ್
ಅಸ್ಯೋಚ್ಛೋಚನೌ ಹೃದಃ || ೧೯,೨೬।೧೦

ಶೋಚಯಾಭಿ ಶೋಚಯಾ
ದೀಪಯೋಪ ದೀಪಯ |
ಅಹೇರ್ ಅಗ್ನೇ ವಿಷಂ ತ್ವಂ
ತೃಣಂ ಇವ ಕಲ್ವಲಂ ದಹ || ೧೯,೨೬।೧೧

ಸೀದತಂ ನಿಷತ್ತಾರಾವ್
ಅವೇತಂ ಮೋದ್ ಗತಂ |
ಕೃಷ್ಣಾ ವಾಂ ಗೌಃ ಸಾರಸ್ವತೀ || ೧೯,೨೬।೧೨

ಯಥಾ ರಾತ್ರೀ ಕೃಷ್ಣತಮಾ
ಗೌಃ ಕೃಷ್ಣಾ ಕೃಷ್ಣವರ್ತನಿಃ |
ಶಾಚೀಃಪ್ಯವೋ ಯಥಾ ರೂಪಂ
ಏವೇದಂ ಮಾಮಕಂ ಶಿರಃ || ೧೯,೨೬।೧೩

ಯಥಾಂಗರೋ ಽಭಿಷಿಕ್ತೋ
ದರ್ವಿದಾಕೋ ಯಥಾಸಿತಃ |
ಅನುಷ್ಯಂಗಸ್ಯ ಕಲ್ಮಷಂ
ಏವೇದಂ ಮಾಮಕಂ ಶಿರಃ || ೧೯,೨೬।೧೪

ಯಥಾ ದಾವಾದ್ ದಹ್ಯಮಾನಾತ್
ಕೃಷ್ಣೋ ಜ್ವಾಲೋ ಽಪಧ್ವಂಸತೇ |
ನೈಷಾದ್ ಅಸ್ಯ ಯಥಾ ಮುಖಂ
ಏವೇದಂ ಮಾಮಕಂ ಶಿರಃ || ೧೯,೨೬।೧೫
(೨೬)

ಯತ್ ಕಿಂ ಚಾಸೌ ಮನಸಾ ಯಚ್ ಚ ವಾಚಾ
ಯಜ್ಞೈರ್ ಜುಹೋತಿ ಹವಿಷಾ ಯಜುರ್ಭಿಃ |
ತನ್ ಮೃತ್ಯುನಾ ನಿರೃತಿಃ ಸಂವಿದಾನಾ
ಪುರಾ ದೃಷ್ಟಾದ್ ಆಜ್ಯಂ ಹಂತ್ವ್ ಅಸ್ಯ || ೧೯,೨೭।೧

ಯಾತುಧಾನಾ ನಿರೃತಿರ್ ಆದ್ ಉ ರಕ್ಷಸ್
ತೇ ಅಸ್ಯ ಘ್ನಂತ್ವ್ ಅನೃತೇನ ಸತ್ಯಂ |
ಇಂದ್ರೇಷಿತಾ ಆಜ್ಯಂ ಅಸ್ಯ ಮಥ್ನಂತು
ಮಾ ತತ್ ಸಂ ಪಾದಿ ಯದ್ ಅಸೌ ಜುಹೋತಿ || ೧೯,೨೭।೨

ಪರಿ ತ್ವಾಗ್ನೇ ಪುರಂ ವಯಂ
ವಿಪ್ರಂ ಸಹಸ್ಯ ಧೀಮಹಿ |
ಧೃಷದ್ವರ್ಣ ದಿವೇದಿವೇ
ಹಂತಾರಂ ಭಂಗುರಾವತಾಂ || ೧೯,೨೭।೩

ಸ್ವರ್ಜಿದ್ ಅಧಿರಾಜೌ
ಶ್ಯೇನೌ ಸಂಪಾತಿನಾವ್ ಇವ |
ಆಜ್ಯಂ ಪೃತನ್ಯತೋ ಹತಂ
ಯೋ ಅಸ್ಮಾನ್ ಪೃತನಾಯತಿ || ೧೯,೨೭।೪

ಪೃಥಿವ್ಯೈ ವನಸ್ಪತಿಭ್ಯ ಓಷಧೀಭ್ಯೋ
ಽಗ್ನಯೇ ಽಧಿಪತಯೇ ಸ್ವಾಹಾ || ೧೯,೨೭।೫

ಅಂತರಿಕ್ಷಾಯ ಪ್ರಾಣಾಯ ವಯೋಭ್ಯೋ
ವಾಯವೇ ಽಧಿಪತಯೇ ಸ್ವಾಹಾ || ೧೯,೨೭।೬

ದಿವೇ ಚಕ್ಷುಷೇ ನಕ್ಷತ್ರೇಭ್ಯಃ
ಸೂರ್ಯಾಯಾಧಿಪತಯೇ ಸ್ವಾಹಾ || ೧೯,೨೭।೭

ಪಿಪ್ಪಲ್ಯಃ ಸಂ ಅವದಂತ-
-ಆಯತೀರ್ ಜನನಾದ್ ಅಧಿ |
ಯಂ ಜೀವಂ ಅಶ್ನವಾಮಹೈ
ನ ಸ ರಿಷ್ಯಾತಿ ಪೂರುಷಃ || ೧೯,೨೭।೮

ಪಿಪ್ಪಲೀ ಕ್ಷಿಪ್ತಭೇಷಜ್ಯ್
ಉತಾವವಿದ್ಧಭೇಷಜೀ |
ತಾಂ ದೇವಾಃ ಸಂ ಅಕಲ್ಪಯನ್ನ್
ಅಲಂ ಜೀವಾತವಾ ಇತಿ || ೧೯,೨೭।೯

ಅಸುರಾಸ್ ತ್ವಾ ನ್ಯ್ ಅಖನನ್
ದೇವಾಸ್ ತ್ವೋದ್ ಅವಪನ್ ಪುನಃ |
ವಾತೀಕೃತಸ್ಯ ಭೇಷಜೀ
ಪಿಪ್ಪಲೀ ಕ್ಷಿಪ್ತಭೇಷಜೀ || ೧೯,೨೭।೧೦

ಯದ್ ಉಲೂಕೋ ವದತಿ ಮೋಘಂ ಏತದ್
ಯತ್ ಕಪೋತಃ ಪದಂ ಅಗ್ನೌ ಕೃಣೋತಿ |
ಯಸ್ಯ ದೂತೌ ಪ್ರಹಿತಾವ್ ಇದಂ ಏಯಥುಸ್
ತಸ್ಮೈ ಯಮಾಯ ನಮೋ ಽಸ್ತು ಮೃತ್ಯವೇ || ೧೯,೨೭।೧೧

ಯಸ್ ತೇ ದೂತೋ ನಿರೃತ ಆಜಗಾಮ-
-ಅಪ್ರಹಿತಃ ಪ್ರಹಿತೋ ವಾ ಗೃಹಂ ನಃ |
ಕಪೋತೋಲೂಕಾವ್ ಅಪದಂ ತದ್ ಅಸ್ತ್ವ್
ಅವೈರಹತ್ಯಂ ಇದಂ ಆ ಜಗಂಥ
ಸುವೀರತಾಯಾ ಇದಂ ಆ ಸಸತ್ಥ || ೧೯,೨೭।೧೨

ಯಃ ಪ್ರಥಮಃ ಪ್ರವತ ಆಸಸಾದ
ಬಹುಭ್ಯಃ ಪಂಥಾಂ ಅನುಪಸ್ಪಶಾನಃ |
ಯ ಈಶೇ ಅಸ್ಯ ದ್ವಿಪದೋ ಯಶ್ ಚತುಷ್ಪದಸ್
ತಸ್ಮೈ ಯಮಾಯ ನಮೋ ಽಸ್ತು ಮೃತ್ಯವೇ || ೧೯,೨೭।೧೩

ಯಥಾಸಿತಃ ಪ್ರಥಯತೇ ವಶಾಁ ಅನು
ವಪೂಂಷಿ ಕೃಣ್ವನ್ನ್ ಅಸುರಸ್ಯ ಮಾಯಯಾ |
ಏವಾ ಮೇ ಶೇಪಃ ಸಹಸಾಯಂ ಅರ್ಕ
ಏನಾಂಗೇನ ಸಂಸಮಕಂ ಕೃಣೋತು || ೧೯,೨೭।೧೪

ಯಾವದ್ ಅಂಗೀನಂ ಪಾರಸ್ವತಂ
ಹಾಸ್ತಿನಂ ಗಾರ್ದಭಂ ಚ ಯತ್ |
ಯಾವದ್ ಅಶ್ವಸ್ಯ ವಾಜಿನಸ್
ತಾವನ್ ಮೇ ವರ್ಧತಾಂ ಪಸಃ || ೧೯,೨೭।೧೫

ಯಥಾ ಪಸಸ್ ತಾಯಾದರಂ
ವಾತೇನ ಸ್ಥೂಲಭಂ ಕೃತಂ |
ಯಾವತ್ ಪರಸ್ವತಃ ಪಸಸ್
ತಾವನ್ ಮೇ ವರ್ಧತಾಂ ಪಸಃ || ೧೯,೨೭।೧೬
(೨೭)

ಯಸ್ಯೇದಂ ಆ ರಜೋ ಯುಜಸ್
ತುಜೇ ಜನಂ ವನಂ ಸ್ವಃ |
ಇಂದ್ರಸ್ಯ ನಾಧೃಷೇ ಶವಃ || ೧೯,೨೮।೧

ಧೃಷಾಣಂ ಧೃಷತಃ ಶವಃ
ಪುರಾ ಯಥಾಯತಿಷ್ಠನ್ |
ಇಂದ್ರಸ್ಯ ರಂತ್ಯಂ ಮಹತ್ || ೧೯,೨೮।೨

ಸ ನೋ ದಧಾತು ತಂ ರಯಿಂ
ಪುರುಂ ಪಿಶಂಗಪೇಶಸಂ |
ಇಂದ್ರಃ ಪತಿಸ್ ತುವಿಷ್ಟಮೋ ಜನೇಷ್ವ್ ಆ || ೧೯,೨೮।೩

ಆಯುರ್ ಅಗ್ನ ಇಹಾ ವಹ
ಜಾತವೇದಸ್ ತನೂವಶಿನ್ |
ಯಥಾಹಂ ಜ್ಯೋಗ್ ಇಹಾಸಾನಿ
ಪ್ರಜಾನಾಂ ಅಧಿಪಾ ವಶೀ || ೧೯,೨೮।೪

ಆಯುರ್ ಇಂದ್ರೋ ದಧಾತು ಮ
ಆಯುರ್ ದೇವೋ ಬೃಹಸ್ಪತಿಃ |
ಆಯುರ್ ಮೇ ವಿಶ್ವೇ ದೇವಾ
ಅಹೋರಾತ್ರೇ ಚ ಚಕ್ರತುಃ || ೧೯,೨೮।೫

ಆಯುರ್ ಆಯುಷ್ಯಾ ಪವತಾಂ
ಪ್ರಾಣಂ ಪ್ರಾಣೋ ದಧಾತು ಮೇ |
ದೇವಾ ಯಚ್ ಚಕ್ರುರ್ ದೇವೇಭ್ಯಃ
ಸ್ವರ್ ಯಂತೋ ಯಥಾಯಥಂ || ೧೯,೨೮।೬

ಉತ್ಪತಂತು ನಭಸ್ವತೀಃ
ಸಮುದ್ರಾದ್ ಅಧಿ ಘೋಷಿಣೀಃ |
ಉತ್ಸ್ಯಾಃ ಸಮುದ್ರಿಯಾ ಅಪಸ್
ತಾಭಿಷ್ ಟ್ವಾ ತರ್ಪಯಾಮಸಿ || ೧೯,೨೮।೭

ಯಾ ಆಪೋ ದಿವ್ಯಾ
ಯಾ ವಾತಾತ್ ಪರಿಜಜ್ಞಿರೇ |
ಇಂದ್ರೋ ಮರುತ್ವಾಂಸ್ ತೃಪ್ತಾತ್ಮಾ
ತಾಭಿಷ್ ಟ್ವಾ ತರ್ಪಯಾಮಸಿ || ೧೯,೨೮।೮

ಯಾಃ ಶುಷ್ಕಾ ಯಾ ಹರಿಣೀರ್
ಯಾ ಭೂಮಿಂ ಅನುವಾವೃಧುಃ |
ಸರ್ವಾಃ ಸಮಗ್ರಾ ಓಷಧೀಸ್
ತಾಭಿಷ್ ಟ್ವಾ ತರ್ಪಯಾಮಸಿ || ೧೯,೨೮।೯

ಆ ನೋ ಮೇಧಾ ಸುಮತಿರ್ ವಿಶ್ವರೂಪಾ
ಗಿರೋ ಬೃಹತೀರ್ ಆವೇಶಯಂತೀ |
ಋಚೋ ಮೇ ಬಹ್ವೀರ್ ನ್ಯ್ ಅನಕ್ತು ಗಾ ಇವ
ಯಥಾಸಾಮ ಭುವನೇಷು ಕರ್ಣಿನಃ || ೧೯,೨೮।೧೦

ದೀಕ್ಷಾ ತಪೋ ಮನಸೋ ಮಾತರಿಶ್ವಾ
ಬೃಹಸ್ಪತಿರ್ ವಾಚೋ ಅಸ್ಯಾಃ ಸ ಯೋನಿಃ |
ವೇದಾಂಸಿ ವಿದ್ಯಾ ಮಯಿ ಸಂತು ಬಹ್ವೀರ್
ಅಗ್ನೀಷೋಮಾ ಯಶೋ ಅಸ್ಮಾಸು ಧತ್ತಂ || ೧೯,೨೮।೧೧

ಯದ್ ಅಗ್ನೇ ತಪಸಾ ತಪ
ಉಪಪ್ರೇಕ್ಷಾಮಹೇ ವಯಂ |
ಪ್ರಿಯಾಃ ಶ್ರುತಸ್ಯ ಭೂಯಾಸ್ಮ-
-ಆಯುಷ್ಮಂತಃ ಸುಮೇಧಸಃ || ೧೯,೨೮।೧೨

ಯಸ್ ತ್ವಾ ಮಾತುರ್ ಉತ ವಾ ಪಿತುಃ
ಪರಿಜಾಯಮಾನಂ ಅಭಿಸಂಬಭೂವ |
ತಂ ತ್ವದ್ ಯಕ್ಷ್ಮಂ ಅಧಿ ನಾಶಯಾಮಃ
ಸೋ ಽನ್ಯಸ್ಮಿಂ ಛ್ರಯಾತೈ ಪ್ರವಿಷ್ಟಃ || ೧೯,೨೮।೧೩

ಯಸ್ ತೇ ಯಕ್ಷ್ಮೋ ಹೃದಯೇಷ್ಠೋ
ನಾಭಿಷ್ಠಾ ಉದರಂಗಮಃ |
ಅಥೋ ಯಃ ಶಿಶ್ರಿಯೇ ಪರೌ
ತಂ ತ್ವದ್ ಯಕ್ಷ್ಮಂ ಅಧಿ ನಾಶಯಾಮಃ
ಸೋ ಽನ್ಯಸ್ಮಿಂ ಛ್ರಯಾತೈ ಪ್ರವಿಷ್ಟಃ || ೧೯,೨೮।೧೪

ಶೀರ್ಷರೋಗಂ ಅಂಗರೋಗಂ
ಸ್ನಾವಬೃಹಂ ಅಭಿಶಾಚಿಂ ವಿಸಲ್ಪಕಂ |
ಯಸ್ ತೇ ಯಕ್ಷ್ಮೋ ಮಜ್ಜಸು ಪರುಃಸು ಯೋ ಗುದಾಸು
ತಂ ತ್ವದ್ ಯಕ್ಷ್ಮಂ ಅಧಿ ನಾಶಯಾಮಃ
ಸೋ ಽನ್ಯಸ್ಮಿಂ ಛ್ರಯಾತೈ ಪ್ರವಿಷ್ಟಃ || ೧೯,೨೮।೧೫
(೨೮)

ಅನುವಾಕ ೭ ||

ಅಗ್ನೀ ರಕ್ಷೋಹಾ ತಿಗ್ಮಸ್ ತಿಗ್ಮಶೃಂಗೋ
ಹಂತು ರಕ್ಷೋ ನುದತಾಂ ಅರಾತಿಂ |
ಅಪಾಘಶಂಸಂ ಅಸ್ಯತು || ೧೯,೨೯।೧

ಆ ತ ಏತು ಪರಾವತೋ
ಬಲಂ ಓಜೋ ದಿವಸ್ ಪರಿ |
ಆ ಗಿರಿಭ್ಯಃ ಪರ್ವತೇಭ್ಯ
ಆಯುಷ್ ಟೇ ವಿಶ್ವತೋ ದಧತ್ || ೧೯,೨೯।೨

ಪುನಸ್ ತೇ ಽಸುಂ ಪೃಥಿವೀ ದದಾತು
ಪುನರ್ ದ್ಯೌರ್ ದೇವೋ ಪುನರ್ ಅಂತರಿಕ್ಷಂ |
ಪುನಸ್ ತೇ ಸೋಮಸ್ ತನ್ವಂ ದಧಾತು
ಪುನಃ ಪೂಷಾ ಪಥ್ಯಾಂ ಯಾ ಸ್ವಸ್ತಿಃ || ೧೯,೨೯।೩

ಕಷ್ಕಿಷಾ ಕಷ್ಪಿಷಾ
ಯೇವಾಷಾ ಏಷಾ |
ಇಷ್ಟರ್ಗವ ಇಷಯಂತಃ
ಸೈಕತಾಃ ಪಾಂಸವಾಃ || ೧೯,೨೯।೪

ಅದೃಷ್ಟಾನ್ ನ ದೃಷ್ಟಾನ್ |
ದೃಷ್ಟಾಁ ಅದೃಷ್ಟಾನ್ ಧನಪತೇ
ಜಹೀಂದ್ರಸ್ಯ ವಧೇನ || ೧೯,೨೯।೫

ಏತಾಶ್ ಚ ವಿಶ್ವರೂಪಾಶ್ ಚ
ಗೃಧ್ರಾಃ ಕೋಕಾಶ್ ಚ ತೇ ಹತಾಃ || ೧೯,೨೯।೬

ಕಾಮೇ ಕಾಮಯಸ್ವ ಮಾ
ಪ್ರತೀಚೀ ಪ್ರತಿ ಮಾ ಭವ |
ಮಾಂ ಅನು ಪ್ರ ತೇ ಮನೋ
ವತ್ಸಾ ಪಾಕೇವ ಧಾವತು || ೧೯,೨೯।೭

ಅಭೀಲೇ ಅಭಿಮಾದನ್ಯ್
ಅಸೌ ಮಾಂ ಅಭಿ ಮಾದ್ಯತು |
ವಿದ್ಮ ಪತತ್ರಿಣ್ಯಾ ವಯಂ
ಇಷುಕೇ ನಾಮಕಂ ತವ || ೧೯,೨೯।೮

ಅಹಂ ತೇ ಮನ ಆ ದದೇ
ಮನೋ ಮನೋಮುಷಿರ್ ಯಥಾ |
ಮಯಿ ತೇ ಮನ ಆಹಿತಂ
ರಥ ಇವ ರಥವಾಹನೇ || ೧೯,೨೯।೯

ಉದ್ ಅಸೌ ಸೂರ್ಯೋ ಅಗಾನ್
ಮಹ್ಯಂ ಅವತುನಾ ಸಹ |
ಅಹಂ ವಿಶಾಂ ಪುರೋಹಿತೋ
ಮಧುಹಸ್ತೋ ಮಧುಜಿಹ್ವೋ
ಮಯಿ ವಾಗ್ ಅಸ್ತು ಧರ್ಣಸೀ || ೧೯,೨೯।೧೦

ಅಹಂ ವಿಶ್ಯೇನ ಕೇತುನಾ
ಸಮಕ್ಷ್ಯೇ ಮಾನುಷೇಷ್ವ್ ಆ |
ಅಸ್ಮಾಕಂ ಅಸ್ತು ಕೇವಲಂ ಬೃಹದ್
ದಿಶೋ ಅಧಿ ವಿಶ್ವೇಷು ರಾಜಸು || ೧೯,೨೯।೧೧

ಸ್ವಾದೋಶ್ ಚಿನ್ ಮಾ ಸ್ವಾದೀಯಾಂಸಂ
ಮಧೋಶ್ ಚಿನ್ ಮಧುಮತ್ತರಂ |
ಪ್ರಿಯಾಶ್ ಚಿತ್ ಸಖ್ಯುರ್ ಅಂತರಂ
ಆದಿತ್ಯಾಸಃ ಕೃಣೋತ ಮಾ || ೧೯,೨೯।೧೨

ಅಗ್ನೇ ಬ್ರಹ್ಮ ತ್ವಂ ಬ್ರಹ್ಮಾಸಿ
ವಿದ್ಧಿ ತ್ವಂ ಪ್ರಾಸ್ಮಭ್ಯಂ ಬ್ರೂಹಿ |
ಯದೀದಂ ತಥಾ ಭವಿಷ್ಯಸಿ ಯದಿ ವಾ
ನಾಥೈತಸ್ಯ ಹವಿಷೋ ವೀಹ ಸ್ವಾಹಾ || ೧೯,೨೯।೧೩

ವಿ ಪೃಚ್ಛೇ ದ್ಯಾವಾಪೃಥಿವೀ
ವೀಂದ್ರಂ ವಿ ಬೃಹಸ್ಪತಿಂ |
ವಿ ದೇವಾನ್ ಯಜ್ಞಿಯಾನ್ ಪೃಚ್ಛೇ
ವ್ಯ್ ಅಸಂ ಜೀವನಾಯ ಕಂ || ೧೯,೨೯।೧೪

ವಿಜ್ಞಾನಾಯೋದ್ಯತಾ ಪ್ರಸ್ತುತಾ ಸ್ರುಗ್ ಇಯಂ
ಯಮ ರಾಜನ್ ಹವಿರ್ ಇದಂ ಜುಷಸ್ವ |
ಅಗತಾಸೋರ್ ಹವಿಷೋ ಮಾದಯಸ್ವ
ನಿರೃತಿಂ ಗಚ್ಛತು ಯದ್ ಗತಾಸೋಃ || ೧೯,೨೯।೧೫
(೨೯)

ಯತ್ ತ್ವಾ ಮಾಂಸೇ ಅಪವವೌ
ಯನ್ ಮಂಥೇ ಯದ್ ಓದನೇ |
ಅಗ್ನಿಷ್ ಟ್ವಾ ವಿಶ್ವಭೇಷಜಸ್
ತಸ್ಮಾತ್ ಪಾತ್ವ್ ಅಂಹಸಃ || ೧೯,೩೦।೧

ಯಸ್ ತ್ವಾ ವಾತ ಆವಾತ್ಯ್
ಅಧರಾದ್ ಉತ್ತರಾದ್ ಉತ |
ಆಪೋ ಯಾ ವಿಶ್ವಶಂಭುವಸ್
ತಾಸ್ ತ್ವಾ ಪಾತ್ವ್ ಅಂಹಸಃ || ೧೯,೩೦।೨

ಅಪ ತ್ವನ್ ಮೃತ್ಯುಂ ನಿರೃತಿಂ
ಅಪ ಯಕ್ಷ್ಮಂ ನಿ ದಧ್ಮಸಿ |
ಯಥಾ ತ್ವಂ ಅರಪಾ ಅಸ
ಉದೋಜಾ ಉತ್ತರೋ ಭುವಃ || ೧೯,೩೦।೩

ವೈಶ್ವಾನರೋ ರಶ್ಮಿಭಿರ್ ನಃ ಪುನಾತು
ವಾತಃ ಪ್ರಾಣೇನೇಷಿರೋ ನಭೋಭಿಃ |
ದ್ಯಾವಾಪೃಥಿವೀ ಪಯಸಾ ಪಯಸ್ವತೀ
ಋತಾವರೀ ಯಜ್ಞಿಯೇ ಮಾ ಪುನೀತಾಂ || ೧೯,೩೦।೪

ಪ್ರಜಾಪತಿರ್ ಋತುಭಿಃ ಪಂಚಭಿಃ
ಸಂವತ್ಸರೋ ಧಾಮಭಿಃ ಪಾತು ವಿಶ್ವೈಃ |
ಇಹೈವ ಪ್ರಾಣಃ ಸಖ್ಯೇ ನೋ ಅಸ್ತು
ತಂ ಆತ್ಮನಿ ಪುನರ್ ಆ ವೇಶಯಾಮಿ || ೧೯,೩೦।೫

ವೈಶ್ವದೇವೀಂ ಸೂನೃತಾಂ ಆ ರಭಧ್ವಂ
ಶುದ್ಧಾ ಭವಂತಃ ಶುಚಯಃ ಪಾವಕಾಃ |
ತಯಾ ಗೃಣಂತಃ ಸಧಮಾದೇಷು
ವಯಂ ಸ್ಯಾಮ ಪತಯೋ ರಯೀಣಾಂ || ೧೯,೩೦।೬

ವೈಶ್ವಾನರೀಂ ವರ್ಚಸ ಆ ರಭಧ್ವಂ
ಯಸ್ಯಾ ಆಶಾಸ್ ತನ್ವೋ ವೀತಪೃಷ್ಠಾಃ |
ಈಡಯೇಹ ಸಧಮಾದಂ ಮದಂತೋ
ಜ್ಯೋಕ್ ಪಶ್ಯೇಮ ಸೂರ್ಯಂ ಉಚ್ಚರಂತಂ || ೧೯,೩೦।೭

ಅವತ್ಕಂ ಮಮ ಭೇಷಜಂ
ಅವತ್ಕಂ ಪರಿವಾಚನಂ |
ನರಾಚ್ಯ್ ಅಸಿ ಮಾ ತುದೋ
ವನ್ವಾನಾ ರೋಗಭೇಷಜಂ || ೧೯,೩೦।೮

ಶಂಭುಲೇಹಂ ಇಹಾ ಹರ
ತಂ ಉ ಕ್ಷೀರಾ ಉದ್ ಅಸ್ಯತಿ |
ತದ್ ಆಸ್ರಾವಸ್ಯ ಭೇಷಜಂ
ತದ್ ಉ ರೋಗಂ ಅನೀನಶತ್ || ೧೯,೩೦।೯

ನದೀಷು ನಡ್ವಲಾಸು
ಕುಂಭೇಷು ಕಲಶೇಷು ಚ
ಪ್ರತೀಷೇಚನಭೇಷಜಂ |
ತತ್ ತೇ ಕೃಣೋಮಿ ಭೇಷಜಂ
ಅದ್ಧಿ ಮಾಂಸಂ ಪಿಬೋದಕಂ
ಪಟ್ಪಟಿಂಗಂ ವಿಪಶ್ಚಲಂ ವಿ ಪಶ್ಯ || ೧೯,೩೦।೧೦

ಅವಿದಾಮ ಯದ್ ಐಚ್ಛಾಮ
ಪಿಶಾಚಕ್ಷಯಣಂ ಹವಿಃ |
ತೇನ ಕ್ರವ್ಯಾದೋ ಹನ್ಮಃ
ಸರ್ವಾಶ್ ಚ ಯಾತುಧಾನ್ಯಾಃ || ೧೯,೩೦।೧೧

ಇಚ್ಛಂತಿ ತ್ವಾ ಪದಾತಯ
ಇಚ್ಛಂತಿ ರಥಿನಸ್ ತ್ವಾ |
ಕ್ರೀಣಂತಿ ಗೋಭಿರ್ ಅಶ್ವೈರ್
ಅಮೃತಸ್ಯೇವ ವಾ ಅಸಿ || ೧೯,೩೦।೧೨

ಅಮಮ್ರಿ ನಾಮ ಭೇಷಜಂ
ಪೃಥಿವ್ಯಾ ಅಧ್ಯ್ ಉದ್ಭೃತಂ |
ವಕ್ತಾ ತನ್ ಮಹ್ಯಂ ಅಬ್ರವೀದ್
ಇದಂ ಹ ಪಾರಯಾದ್ ಇತಿ || ೧೯,೩೦।೧೩

ಚಕ್ಷುರ್ ಅಸಿ ಪುರುಷಸ್ಯ
ಚಕ್ಷುರ್ ಗೋಶ್ ಚಕ್ಷುರ್ ಅರ್ವತಃ |
ಚಕ್ಷುರ್ ಭೂತಸ್ಯ ಭವ್ಯಸ್ಯ
ಚಕ್ಷುರ್ ಅಪ್ಸರಸಾಂ ಅಸಿ || ೧೯,೩೦।೧೪

ಚಕ್ಷುರ್ ಅಸಿ ಸುಪರ್ಣಸ್ಯ
ಚಕ್ಷುರ್ ಅಹೇರ್ ಅಥೋ ಶುನಃ |
ಚಕ್ಷುಃ ಸರ್ವಸ್ಯ ಪಶ್ಯತೋ
ಽಥೋ ಯದ್ ವಿಶ್ವಂ ಏಜತಿ || ೧೯,೩೦।೧೫

ಆದದಾನಂ ಸಹಸ್ರಾಕ್ಷಂ
ಪ್ರತಿಸ್ಪಾಶನಂ ಅಬ್ರುವಂ |
ದರ್ಶಯ ಮಾ ಯಾತುಧಾನಾನ್
ದರ್ಶಯ ಯಾತುಧಾನ್ಯಾಃ || ೧೯,೩೦।೧೬
(೩೦)

ಅತೀಮಾಂ ಅಖ್ಯಂ ಪೃಥಿವೀಂ
ಅತಿ ದ್ಯಾಂ ಅತಿ ಸೂರ್ಯಂ |
ಅತಿ ವಿಶ್ವಂ ಇದಂ ಭೂತಂ
ಅತ್ಯ್ ಅಖ್ಯಂ ಯಾತುಧಾನ್ಯಃ || ೧೯,೩೧।೧

ದರ್ಶಯ ಮಾ ಯಾತುಧಾನಾನ್
ದರ್ಶಯ ಯಾತುಧಾನ್ಯಃ |
ಅಘಾಯೂನ್ ಸರ್ವಾನ್ ದರ್ಶಯ-
-ಇತಿ ತ್ವೌಷಧ ಆ ರಭೇ || ೧೯,೩೧।೨

ಏವಾ ಸಹಸ್ರಚಕ್ಷೋ ತ್ವಂ
ಪ್ರತಿ ಪಶ್ಯಾಸ್ಯ್ ಆಯತಃ |
ಸಹೋ ಽಸಿ ಯಾತುಧಾನಜಂಭನಂ || ೧೯,೩೧।೩

ಇಮಾಃ ಪಾರೇ ಪೃದಾಕ್ವಸ್
ತ್ರಿಷಪ್ತಾ ನಿರ್ಜರಾಯವಃ |
ತಾಸಾಂ ಜರಾಯುಣಾ ವಯಂ
ಅಕ್ಷ್ಯಾವ್ ಅಪಿ ವ್ಯಯಾಮಸ್ಯ್
ಅಘಾಯೋಃ ಪರಿಪಂಥಿನಃ || ೧೯,೩೧।೪

ವಿಷೂಚ್ಯ್ ಏತು ಕೃಂತತೀ
ಪಿನಾಕಂ ಇವ ಬಿಭ್ರತೀ |
ವಿಷ್ವಕ್ ಪುನರ್ಭುವಾ ಮನೋ
ಽಸಮೃದ್ಧಾ ಅಘಾಯವಃ || ೧೯,೩೧।೫

ಅಪೇತಃ ಪರಿಪಂಥಿನೋ
+ಽಪೋ ಅಘಾಯುರ್ ಅರ್ಷತು |
ನ ಬಹವಃ ಸಂ ಶಕ್ನವನ್
ನಾರ್ಭಕಾ ಅಭಿ ಧೃಷ್ಣವನ್ || ೧೯,೩೧।೬

ಪ್ರೇತಂ ಪಾದೌ ಪ್ರ ಸ್ಫುರತಂ
ವಹತಂ ಪೃಣತೋ ಗೃಹಂ |
ಇಂದ್ರಾಣ್ಯ್ ಏತು ಪ್ರಥಮಾ-
-ಅಜೀತಾಮುಷಿತಾ ಪಥಾ || ೧೯,೩೧।೭

ಆಯಂ ಅಗನ್ ಫಾಲ್ಗುಮಣಿರ್
ಬಲೇನ ಬಲದಾಃ ಸಹ |
ಯೇನೇಂದ್ರೋ ದಸ್ಯೂನಾಂ ವೀರಾಁ
ಅಸುರಾಣಾಂ ಅವಾತಿರತ್ || ೧೯,೩೧।೮

ವರ್ಚಸಾ ಮಾಂ ಪಯಸೋಕ್ಷಂತು ದೇವಾ
ವರ್ಚಸಾ ದ್ಯಾವಾಪೃಥಿವೀ ಉಭೇ |
ವರ್ಚೋ ಮೇ ದೇವಃ ಸವಿತಾ ದಧಾತು
ವರ್ಚೋ ವಿಪ್ರಃ ಕಶ್ಯಪೋ ಮೇ ದಧಾತು || ೧೯,೩೧।೯

ವರ್ಚೋ ಮ ಆಪೋ ದಧತು
ವರ್ಚೋ ಮೇ ವೀರುಧೋ ದಧನ್ |
ಭೂತಾನಿ ಸರ್ವಾಃ ಸಂಗತ್ಯ
ವರ್ಚ ಆ ಧುರ್ ಮುಖೇ ಮಮ || ೧೯,೩೧।೧೦

ಯಾಃ ಪುರಸ್ತಾದ್ ವಿತಿಷ್ಠಂತೇ
ಗಾವಃ ಪ್ರವ್ರಾಜಿನೀರ್ ಇವ |
ವಾತೀಕೃತಸ್ಯ ಭೇಷಜೀಃ
ಪಿಪ್ಪಲೀಃ ಪಾರಯಿಷ್ಣವಃ || ೧೯,೩೧।೧೧

ರುದ್ರಸ್ಯ ಮೂತ್ರಂ ಅಸ್ಯ್
ಅಮೃತಸ್ಯ ನಾಭಿಃ |
ಪೃಥಿವ್ಯಾಂ ಮೂಲಂ ನಿಷ್ಠಿತಂ ಅಸಿ
ವಿಷಾಣಾ ನಾಮ ವಾತೀಕೃತಭೇಷಜೀ || ೧೯,೩೧।೧೨

ಶಂ ತೇ ಅಸ್ತು ಮತಸ್ನಾಭ್ಯಾಂ
ಶಂ ಯಕ್ನೇ ಶಂ ತಲೀದ್ಯೈ |
ಶಂ ತೇ ಪೃಷ್ಟಿಭ್ಯೋ ಮಜ್ಜಭ್ಯಃ
ಶಂ ಅಸ್ತು ತನ್ವೇ ತವ || ೧೯,೩೧।೧೩

ನ ಹಿ ತೇ ಅಗ್ನೇ ತನ್ವಃ
ಕ್ರೂರಂ ಆನಂಶ ಮರ್ತ್ಯಂ |
ಕಪಿರ್ ಬಭಸ್ತು ತೇಜನಂ
ಸ್ವಂ ಜರಾಯು ಗೌರ್ ಇವ || ೧೯,೩೧।೧೪

ತ್ವೇಷ ಇವ ಸಂ ಚ ವಿ ಚ ರೋರುವಣ್ಯತೇ
ಯದ್ ಉತ್ತರದ್ರಾ ಉಪರಸ್ಯ ಖಾದತಿ |
ಶೀರ್ಷ್ಣಾ ಶಿರೋ ಅಪ್ಸಸಾಪ್ಸೋ ಅರ್ದಯನ್ನ್
ಅಂಶೂನ್ ಬಭಸ್ತು ಹರಿತೇಭಿರ್ ಆಶುಭಿಃ || ೧೯,೩೧।೧೫

ಸುಪರ್ಣಾ ವಾಚಂ ಅಕ್ರತೋಪ ದ್ಯವ್ಯ್
ಆಖರೇ ಕೃಷ್ಣಾ ಇಷಿರಾ ಅನರ್ತಿಷುಃ |
ನಿ ಯನ್ ನಿಯಂತ್ಯ್ ಉಪರಸ್ಯ ನಿಷ್ಕೃತಿಂ
ಪುರೂ ರೇತೋ ದಧಿರೇ ಸೂರ್ಯಸ್ಯುತಃ || ೧೯,೩೧।೧೬
(೩೧)

ಭಗೇನ ಮಾ ಶಾಂಶಪೇನ
ಸಾಕಂ ಇಂದ್ರೇಣ ಮೇದಿನಾ |
ಕೃಣೋಮಿ ಭಗಿನಂ ಮಾ-
-ಅಪ ದ್ರಾಂತ್ವ್ ಅರಾತಯಃ || ೧೯,೩೨।೧

ಯೋ ಅಂಧೋ ಯಃ ಪುನಃಸರೋ
ಭಗೋ ವೃಕ್ಷೇಷ್ವ್ ಆರ್ಪಿತಃ |
ಭಗೋ ಮೇ ಅಸ್ತು ಶಾಂಶಪೋ
ಽಪ ದ್ರಾಂತ್ವ್ ಅರಾತಯಃ || ೧೯,೩೨।೨

ಯಥಾ ವೃಕ್ಷಾಁ ಅಭ್ಯಭವಃ
ಸಾಕಂ ಇಂದ್ರೇಣ ಮೇದಿನಾ |
ಏವಾ ಮಾ ಭಗಿನಂ ಕೃಣ್ವ್
ಅಪ ದ್ರಾಂತ್ವ್ ಅರಾತಯಃ || ೧೯,೩೨।೩

ಅಪೇತೋ ನೀಲಲೋಹಿತಂ
ಜಾತಂ ಹಿಮವತಸ್ ಪರಿ |
ಕೀಶ್ಮೀಲಂ ಉರ್ವರಾಭ್ಯೋ
ದಿವೋ ಜಾತಂ ಅನೀನಶಂ || ೧೯,೩೨।೪

ಅಭ್ರಾಜ್ ಜಾತಂ ವರ್ಷಾಜ್ ಜಾತಂ
ಅಥೋ ಜಾತಂ ದಿವಸ್ ಪರಿ |
ಅಥೋ ಸಮುದ್ರಾದ್ ಜಾತಂ
ಕೀಶ್ಮೀಲಂ ನಾಶಯಾಮಸಿ || ೧೯,೩೨।೫

ಯೋ ನೀಹಾರಾದ್ ಯಃ ಪ್ರುಷ್ವಾ
ಯೋ ಅದ್ಭ್ಯಸ್ ಪರಿ ಜಾಯಸೇ |
ಗರ್ಭೋ ಯೋ ವಿದ್ಯುತಾಂ ಅಸಿ
ಸ ನಃ ಕೀಶ್ಮೀಲ ಮೃಡಯ || ೧೯,೩೨।೬

ನೋದೇಯೀಃ ಸಿಕತಾ ಇಮಾಃ
ಸಿಂಧುತಸ್ ಪರ್ಯಾಭೃತಾಃ |
ತಾಭಿರ್ ಯಮಸ್ಯ ಕೀಶ್ಮೀಲಂ
ಸಂಭೃತಾಭಿರ್ ಅನೀನಶಂ || ೧೯,೩೨।೭

ತ್ವಯಾ ಪೂರ್ವಂ ವಿಭೀದಕ
ಸಂಜಿತಾ ಅಸುರಾ ಹತಾಃ |
ತ್ವಂ ಸಪತ್ನಚಾತನೋ
ಭ್ರಾತೃವ್ಯಾಁ ಅವ ಧೂನುಷ್ವ || ೧೯,೩೨।೮

ವಿ ಭಿನತ್ತು ವಿಭೀದಕಸ್
ತೀಕ್ಷ್ಣಶೃಂಗ ಇವ ಋಷಭಃ |
ಅಥೋ ಸಪತ್ನಾನ್ ಆ ದತ್ತಾಂ
ಅಥೋ ಹಂತು ದುರಸ್ಯತಃ || ೧೯,೩೨।೯

ವ್ಯವಧೀತ್ ಸಹಮಾನಃ ಸಪತ್ನಾನ್
ದ್ವಿಷತೋ ಮೇ ಽಧರಾಁ ಅಕಃ |
ಅಭ್ಯ್ ಅಭೂದ್ ಭೂತ್ಯೋಭಯಾಂ || ೧೯,೩೨।೧೦

ಯ ಆಸ್ಕಂದಃ ಪರಾಸ್ಕಂದ
ಆಖುಃ ಕಕುಭ ಆತ್ ಕ್ರಿಮಿಃ |
ಉಪಜೀಕಾಁ ಉಪಕ್ವಸಾನ್
ತಾನ್ ಸರ್ವಾನ್ ಜಂಭಯಾಮಸಿ || ೧೯,೩೨।೧೧

ಅಪಿ ನಹ್ಯಾಮ್ಯ್ ಆಖೋರ್
ಮುಂಜೇನ ಮುಖಂ ಆಸ್ಯಂ |
ಅನದಂ ಯಥಾ ಚರಾದ್
ಅಪೈತುಂ ಉರ್ವರಾಭ್ಯಃ || ೧೯,೩೨।೧೨

ಅಪಿನಹ್ಯಮುಖ ಆಖುಃ
ಪರೋಕ್ತಃ ಪ್ರಾಟ್ಪರಾಣುತಃ |
ಶೃಣಾಮ್ಯ್ ಅಸ್ಯ ದಂತಾನ್
ನಿರ್ ಅಕ್ಷೌ ಪಾದಯಾಮಸಿ || ೧೯,೩೨।೧೩

ಅಶ್ವಿನಾ ಸಾರಘೇನ ಮಾ
ಮಧುನಾಂಕ್ತ ಶುಭಸ್ಪತೀ |
ಯಥಾ ವರ್ಚಸ್ವತೀಂ ವಾಚಂ
ಆವದಾನಿ ಜನಾಁ ಅನು || ೧೯,೩೨।೧೪

ಯಶಾ ಅಹಂ ನಿಮಿಷತೇ
ಪ್ರತಿಖ್ಯಾತ್ರೇ ಯಶಾ ಅಹಂ |
ಅತ್ರೈಮಿ ತದ್ ಯಶಾ ಅಹಂ
ಉತ ತತ್ರ ಯಶಾ ಅಹಂ || ೧೯,೩೨।೧೫

ಅಸ್ಮೈ ಚ ಸರ್ವಸ್ಮೈ ಭೂತಾಯ
ಸರ್ವಸ್ಮೈ ಚ ವಿಪಶ್ಯತೇ |
ಸರ್ವಸ್ಮಾ ಇದ್ ಅಹಂ ಯಶಾಃ || ೧೯,೩೨।೧೬

ಅಪೋತ್ತುದಾಪೋರ್ಣುಹಿ
ಯದೀದಂ ಅಸ್ತಿ ವಾ ನ ವಾ |
ವ್ಯಂಧ್ಯಂ ವ್ಯಲ್ಗುಣಂ ಚಕ್ಷುರ್
ಅಕ್ಷೀಭ್ಯಾಂ ಕೃಧಿ || ೧೯,೩೨।೧೭

ಅಂಗಂ ಹಿರಣ್ಯಯಂ ಕೃತ್ವಾ
ಲಂಗಲಾಷಂ ಅರ್ಮಂ ಚ |
ತದ್ ದೇವಾ ಅಪ ಲುಂಪತ || ೧೯,೩೨।೧೮

ಚಕ್ಷುಷ್ಮನ್ ಮೇ ಮನೋ ಅಸ್ತು
ಚಕ್ಷುಷ್ಮದ್ ಧೃದಯಂ ಮಮ |
ಚಕ್ಷುಷ್ಮಚ್ ಚಿತ್ತಂ ಅಸ್ತು ಮೇ
ಚಕ್ಷುಶ್ ಚಕ್ಷುಷ್ಮದ್ ಅಸ್ತು ಮೇ
ಚಕ್ಷುರ್ ಆ ಧೇಹಿ ಮೇ ಽಕ್ಷ್ಯೋಃ || ೧೯,೩೨।೧೯
(೩೨)

ಅನುವಾಕ ೮ ||

ಸೋಮೋ ರಾಜಾ ಸವಿತಾ ಚ ರಾಜಾ
ಭವೋ ರಾಜಾ ಭುವನಂ ಚ ರಾಜಾ |
ಶರ್ವೋ ರಾಜಾ ಶರ್ಮ ಚ ರಾಜಾ
ತ ಉ ನಃ ಶರ್ಮ ಯಚ್ಛಂತು ದೇವಾಃ || ೧೯,೩೩।೧

ಆದಿತ್ಯೈರ್ ನೋ ಬೃಹಸ್ಪತಿರ್
ಭಗಃ ಸೋಮೇನ ನಃ ಸಹ |
ವಿಶ್ವೇ ದೇವಾ ಉರ್ವ್ ಅಂತರಿಕ್ಷಂ
ತ ಉ ನಃ ಶರ್ಮ ಯಚ್ಛಂತು ದೇವಾಃ || ೧೯,೩೩।೨

ಉತಾವಿದ್ಧಾಂ ನಿಷ್ಖಿದತ-
-ಅಥೋ ಶ್ರಥ್ನೀಥಾಯತಾಂ |
ಮಾ ನೋ ವಿಶ್ವೇ ದೇವಾ
ಮರುತೋ ಹೇತಿಂ ಅಸ್ಥತ || ೧೯,೩೩।೩

ಅಪಾಂ ಇದಂ ನ್ಯಯನಂ
ಸಮುದ್ರಸ್ಯ ನಿವೇಶನಂ |
ಮಧ್ಯೇ ಹ್ರದಸ್ಯ ನೋ ಗೃಹಾಃ
ಪರಾಚೀನಾ ಮುಖಾ ಕೃಧಿ || ೧೯,೩೩।೪

ಆಯನೇ ತೇ ಪರಾಯಣೇ
ದೂರ್ವಾ ರೋಹತು ಪುಷ್ಪಿಣೀ |
ಉತ್ಸೋ ವಾತ್ರ ಜಾಯತಾಂ
ಹ್ರದೋ ವಾ ಪುಂಡರೀಕವಾನ್ || ೧೯,೩೩।೫

ಹಿಮಸ್ಯ ತ್ವಾ ಜರಾಯುಣಾ
ಶಾಲೇ ಪರಿ ವ್ಯಯಾಮಸಿ |
ಶೀತಹ್ರದಾಯ ನೋ ಭುವೋ
ಽಗ್ನಿರ್ ದದಾತು ಭೇಷಜಂ || ೧೯,೩೩।೬

ಅಯಂ ದರ್ಭೋ ವಿಮನ್ಯುಕಃ
ಸ್ವಾಯ ಚಾರಣಾಯ ಚ |
ಮನ್ಯೋರ್ ವಿಮನ್ಯುಕೋ
ಮನ್ಯುಶಮನೋ ಅಸ್ತು ತೇ || ೧೯,೩೩।೭

ಅಯಂ ಯೋ ಭೂರಿಮೂಲಃ
ಸಮುದ್ರಂ ಅವಗಚ್ಛತಿ |
ದರ್ಭಃ ಪೃಥಿವ್ಯಾಂ ನಿಷ್ಠಿತಃ
ಸ ತೇ ಅಸ್ತು ವಿಮನ್ಯುಕಃ || ೧೯,೩೩।೮

ವಿ ತೇ ಹನವ್ಯಾಂ ಶರಣಿಂ
ವಿ ತೇ ಮುಖ್ಯಾಂ ನಯಾಮಸಿ |
ಯಥಾವಶೋ ನ ವಾದಿಷೋ
ಮಮ ಚಿತ್ತಂ ಉಪಾಸಾಸೈ || ೧೯,೩೩।೯

ಯೇಭಿಃ ಪಾಶೈಃ ಪರಿವಿತ್ತೋ ವಿಬದ್ಧಃ
ಪರೌಪರಾವ್ ಆರ್ಪಿತೋ ಅಂಗೇಅಂಗೇ |
ವಿ ತೇ ಚೃತ್ಯಂತಾಂ ವಿಚೃತೋ ಹಿ ಸಂತಿ
ಭ್ರೂಣಘ್ನಿ ಪೂಸನ್ ದುರಿತಾನಿ ಮೃಷ್ಟಾಂ || ೧೯,೩೩।೧೦

ತ್ರಿತೇ ದೇವಾ ಅಮೃಜತೈನ ಏತತ್
ತ್ರಿತ ಏನನ್ ಮನುಷ್ಯೇಷ್ವ್ ಅಮೃಷ್ಟ |
ತತೋ ಯದಿ ತ್ವಾ ಮಧ್ಯೇ ನ ಆರತ್
ತದ್ ಅಹಂ ತ್ವದ್ ಬ್ರಹ್ಮಣಾಪಾ ಕರೋಮಿ || ೧೯,೩೩।೧೧

ಮರೀಚೀರ್ ಧೂಮಂ ಪ್ರ ವಿಶಾನು ವಾತಂ
ಉದಾರಾನ್ ಗಚ್ಛೋತ ವಾ ನೀಹಾರಂ |
ನದೀನಾಂ ಫೇನಂ ಅನು ತದ್ ವಿ ನಶ್ಯತು
ಭ್ರೂಣಘ್ನಿ ಪೂಷನ್ ದುರಿತಾನಿ ಮೃಷ್ಟಾಂ || ೧೯,೩೩।೧೨

ಅಗ್ನೇ ರಕ್ಷಃ ಪ್ರತಿ ದಹ
ಯತ್ ಕುಂಭ್ಯಾಭಿರ್ ಆಭೃತಂ |
ಅನಾಧೃಷ್ಯಃ ಸ ಯಾಸ್ಯತ್ಯ್
ಅಭೂಜ್ ಜೀವಾತವೇ ಅಯಂ || ೧೯,೩೩।೧೩

ಯನ್ ನಖವದ್ ಯಚ್ ಛಫವತ್
ಪ್ರಸೂಮತ್ ಕಿಂ ಚ ಪುಷ್ಪವತ್ |
ಉರ್ವಾ ಮತ್ಸ್ಯೋ ಮಧೂಲಕಂ
ತಸ್ಯ ಪಾಸ್ಯತ್ಯ್ ಅಯಂ
ಅನಾಸ್ರಾವಂ ಅರೋಗಣಂ || ೧೯,೩೩।೧೪

ಯಾಃ ಸಮುದ್ರಾತ್ ಪ್ರಸ್ರವಂತಿ
ದೇವೀರ್ ಹಿಮವತಸ್ ಪರಿ |
ಆಪೋ ಯಾ ವಿಶ್ವಶಂಭುವಸ್
ತಾ ಇಹಾ ಯಂತು ಭೇಷಜೀಃ || ೧೯,೩೩।೧೫
(೩೩)

ತ್ವಚಾಪಿಧಾನೇ ಸುಭಗೇ
ದತ್ಪರಿಸ್ತರಣೇ ಕವೇ |
ಏಕಾಂ ಇವ ವ್ರಜೇ ಗಾಂ
ಪರಿ ತ್ವಾ ವರ್ಚಸಾಸಿಚಂ || ೧೯,೩೪।೧

ಅಗ್ರೇಣೀರ್ ಇವ ಹಂಸಾನಾಂ
ಪ್ರಪಶ್ಯಂತೀ ಪುರಸ್ ಪಥಂ |
ಜಿಹ್ವೇ ಮಾ ವಿವ್ಯಥೋ ಮಾ
ಯಥಾಪೂರ್ವಂ ತ್ವಂ ವದ || ೧೯,೩೪।೨

ವರ್ಚಸ್ವದ್ ಅಹಂ ಉದ್ಯಾಸಂ
ಬ್ರಹ್ಮರಾಜನ್ಯಾಭ್ಯಾಂ
ಶುದ್ರಾಯ ಚಾರ್ಯಾಯ ಚ |
ಯಸ್ಮೈ ಚ ಕಾಮಯಾಮಹೇ
ಸರ್ವಸ್ಮೈ ಚ ವಿಪಶ್ಯತೇ || ೧೯,೩೪।೩

ಅರ್ವಾಂಚೌ ಪಾದೌ ಪ್ರ ಹರ-
-ಅರ್ವಾಚೀನಂ ಮನಸ್ ತವ |
ಅರ್ವಾಚೀನಸ್ಯ ತೇ ಅತಃ
ಪರಾಙ್ ಮನ್ಯುಂ ನಿ ವರ್ತತಾಂ || ೧೯,೩೪।೪

ಛಾಗಲಾದೇ ಭಗವೋ
ಽರ್ವಾಗ್ ಜ್ಯೋತೇ ಪರಸ್ತಮಃ |
ಆ ತ್ವಾ ಖಲಜ್ಞಕಾದ್ ಅಸ್ಮಾತ್
ಪುನರ್ ಆ ವರ್ತಯಾಮಸಿ || ೧೯,೩೪।೫

ಯಥಾ ವ್ರೀಹೀನ್ ವ್ರೀಹಿಖಲೇ
ಸಮಾಕುರ್ವಂತಿ ತೂಲಿಭಿಃ |
ಏವಾ ತೇ ವಿಷ್ಠಿತಂ ಮನಃ
ಸಂ ಆ ಕರೋಮಿ ಮಾಂ ಅಭಿ || ೧೯,೩೪।೬

ತ್ವಂ ಉತ್ತಮಂ ಸುರಭಿಷಾಂ
ಮಾಧ್ಯಮಂ ವಹತೋರ್ ಅಸಿ |
ತ್ವಯಾ ವಧೂರ್ ವಿ ಜಂಗಹೇ
ತಂ ತ್ವಾ ವರ್ಚಸ ಆ ದದೇ || ೧೯,೩೪।೭

ಮೂರ್ಧ್ನಸ್ ತೇ ಮೂರ್ಧನ್ಯೇಭ್ಯೋ
ಽಗ್ರುವಃ ಪತಿವಿತ್ತ್ಯಾಃ |
ಔಕ್ಷಂ ಶೀರ್ಷತ ಆ ದದೇ || ೧೯,೩೪।೮

ಯಶ್ ಚ ಸ್ವಾದ್ಮಾ ತೇ ಅಂಗೇಷು
ಯಃ ಪ್ರೇಮಾ ಹೃದಯೇ ಚ ತೇ |
ತಂ ತ್ವದ್ ಆ ವೇಶಯಾಮಹೇ
ಮಯಿ ಭ್ರಾಜಾತಿ ದೀದ್ಯತ್ || ೧೯,೩೪।೯

ವಾತರಂಹಾ ವಾಜಿನ್ ಭವ ಯುಜ್ಯಮಾನ
ಇಂದ್ರಸ್ಯ ಯಾಹಿ ಪ್ರಸವೇ ಮನೋಜವಾಃ |
ಯುಂಜಂತು ತ್ವಾ ಮರುತೋ ದೈವ್ಯಾಸ
ಆ ತೇ ತ್ವಷ್ಟಾ ಪತ್ಸು ಜವಂ ದಧಾತು || ೧೯,೩೪।೧೦

ಜವಸ್ ತೇ ಅರ್ವನ್ ನಿಹಿತೋ ಗುಹಾ
ಯಃ ಶ್ಯೇನೇ ಚರತಿ ಯಶ್ ಚ ವಾತೇ |
ತೇನ ತ್ವಂ ವಾಜಿನ್ ಬಲವಾನ್ ಬಲೇನ-
-ಆಜಿಞ್ ಜಯ ಸಮನೇ ಪಾರಯಿಷ್ಣುಃ || ೧೯,೩೪।೧೧

ಆಸೀಯಾನೇ ಽಧಿ ಮನಸ
ಆಸೀಯಾನೇ ಽಧಿ ಚಕ್ಷುಷಃ |
ಆಸೀಯಾನಸ್ಯ ವಾತಾದ್ ಭೂತ್ವಾ-
-ಆಜಿಞ್ ಜಯ ಸಮನೇ ಪಾರಯಿಷ್ಣುಃ || ೧೯,೩೪।೧೨

ತನೂಸ್ ತೇ ವಾಜಿನ್ ತನ್ವಂ ವಹಂತೀ
ವಾಮಂ ಅಸ್ಮಭ್ಯಂ ಧಾತು ಶರ್ಮ ತುಭ್ಯಂ |
ಅಹ್ರುತೋ ಮಹೋ ಧರುಣಾಯ ದೇವಾ
ದಿವ್ಯಂ ಇವ ಜ್ಯೋತಿಃ ಸ್ವರ್ ಆನಮೀಯಾಃ || ೧೯,೩೪।೧೩

ಇಂದ್ರೋ ಮಾ ವಕ್ಷದ್ ಅಕ್ಷತಂ
ವೃತ್ರಹಾ ಯೋ ವೃತಂಜಯಃ |
ಸ ಮೇ ರಥಂ ಸ ಸಾರಥಿಂ
ಸೋ ಅಶ್ವಾನ್ ಸಾಧು ಮೇ ನಯಾತ್ || ೧೯,೩೪।೧೪

ಇಂದ್ರೋ ಮಾ ತೇನ ನಯತು
ಪಂಥಾ ಯೋ ಅಭಯಃ ಸುಗಃ |
ದಕ್ಷಿಣಾ ಪಾರಯಾತಿ ಮಾ
ಮಾ ರಿಷಂ ಸಮರೇ ಯುಧಾಂ || ೧೯,೩೪।೧೫

ಹೃತ್ಸುಕೇ ಪರಿ ಣೋ ನಮ
ಪಾರಿಗಂ ತನ್ವೇ ಕೃಧಿ |
ಯುಯುತ ಪರ್ಣಿನಂ ಶರಂ
ಉತಾಪರ್ಣಂ ರಿಶಾದ್ ಇತಿ || ೧೯,೩೪।೧೬
(೩೪)

ವಿಶ್ವೇ ದೇವಾ ಇದಂ ಹವಿರ್
ಆದಿತ್ಯಾಸಃ ಸಪರ್ಯತ |
ಅಸ್ಮಿನ್ ಯಜ್ಞೇ ಮಾ ವ್ಯಥಿಷ್ಯ್
ಅಮೃತಾಯ ಹವಿಷ್ ಕೃತಂ || ೧೯,೩೫।೧

ಅವ್ಯಸಶ್ ಚ ವ್ಯಚಸಶ್ ಚ
ಬಿಲಂ ವಿ ಷ್ಯಾಮಿ ಮಾಯಯಾ |
ತಾಭ್ಯಾಂ ಉದ್ಭೃತ್ಯ ವೇದಂ
ಅಥ ಕರ್ಮಾಣಿ ಕೃಣ್ಮಹೇ || ೧೯,೩೫।೨

ಯಸ್ಮಾತ್ ಕೋಶಾದ್ ಉದಭರಾಮ ವೇದಂ
ತಸ್ಮಿನ್ನ್ ಅಂತರ್ ಅವ ದಧ್ಮ ಏನಂ |
ಕೃತಂ ಇಷ್ಟಂ ಬ್ರಹ್ಮಣೋ ವೀರ್ಯೇಣ
ತೇನ ಮಾ ದೇವಾಸ್ ತಪಸಾವತೇಹ || ೧೯,೩೫।೩

ವೈಶ್ವಾನರೋ ಅಜೀಜನದ್
ಅಗ್ನಿರ್ ನೋ ನವ್ಯಾಂ ಸುಮತಿಂ |
ಕ್ಷ್ಮಯಾ ವೃಧಾನ ಓಜಸಾ || ೧೯,೩೫।೪

ಸ ನಃ ಪಾವಕ ದೀಹಿಹ್ಯ್
ಅಗ್ನೇ ವೈಶ್ವಾನರ ದ್ಯುಮತ್ |
ಜಮದಗ್ನಿಭಿರ್ ಆಹುತಃ || ೧೯,೩೫।೫

ದಿವಸ್ ಪೃಷ್ಠೋ ಅರೋಚಥಾ
ಅಗ್ನಿರ್ ವೈಶ್ವಾನರೋ ಬೃಹನ್ |
ಜ್ಯೋತಿಷಾ ಬಾಧತೇ ತಮಃ || ೧೯,೩೫।೬

ಹರಿಣಸ್ಯ ಪತತ್ರಿಣಃ
ಶೀರ್ಷ್ಣೋ ಭೇಷಜಂ ಆಭೃತಂ |
ತನ್ ನೀಲವದ್ ವಿ ಲೋಕವತ್
ತದ್ ಉ ಕ್ಷೇತ್ರಿಯನಾಶನಂ || ೧೯,೩೫।೭

ಅನ್ವಮಂಸ್ತಾನುಮತಿರ್
ಅನ್ವಂಅಂಸ್ತ ವೃಷಾಯವಃ |
ಕೀನಾಶಾ ಅನ್ವಮಂಸತ-
-ಅನು ಗಾವೋ ಅಮಂಸತ || ೧೯,೩೫।೮

ನಮೋ ಅಸ್ತ್ವ್ ಆಯಾಮಿಭ್ಯೋ
ನೀವಿಭ್ಯೋ ಹೃದಯಾಯ ಚ |
ನಮಃ ಕ್ಷೇತ್ರಸ್ಯ ಪತಯೇ
ನಮಃ ಕ್ಷೇತ್ರಸ್ಯ ಪತ್ನ್ಯೈ || ೧೯,೩೫।೯

ಉತ್ ತೇ ಹಾರ್ದಿಂ ಶೋಚಯಾಮಿ
ಹಸ್ತೇನಾಭಿಮರೀಮೃಶತ್ |
ಕೇಶಿನ್ ವೃಷಣ್ಯಯಾ ತವ
ಮುಷ್ಕೌ ಮೂರ್ಧಾ ನ ಶುಷ್ಯತಾಂ || ೧೯,೩೫।೧೦

ಅಗ್ನಿಷ್ ಟ್ವಾ ತಪತು
ಸೂರ್ಯಸ್ ತ್ವಾ ತಪತು
ವಾತಸ್ ತ್ವಾ ಯುಂಕ್ತಾಂ
ಮರುತಶ್ ಚ ಯುಂಜತಾಂ |
ಮೃಗಾನ್ ಮರೀಚೀರ್ ಅಪ್ಯ್ ಏತು ತೇ ಮನಃ || ೧೯,೩೫।೧೧

ಉತ್ ತ್ವಾ ಹನ್ಮಿ ನಿಪದನಾದ್
ಉತ್ ತ್ವಾ ಹನ್ಮಿ ಗೃಹೇಭ್ಯಃ |
ಮಾ ಸ್ಪೃಕ್ಷಥಾ ನಿಷದನಾಯ ಸಾಧವ
ಉತ್ ತಿಷ್ಠ ಪ್ರೇಹಿ ಸಭಾಂ || ೧೯,೩೫।೧೨

ಉತ್ ತುದ ಶಿಮಿದಾವತ್ಯ್
ಅಥೋ ಉಲ್ಕಾವತೀಂ ಕುರು |
ಪತ್ಯೇ ಚ ಶ್ವಶುರಾಯ ಚ || ೧೯,೩೫।೧೩

ವಿಬರ್ಹಂ ಹರಾಂಸಯೋ ರಸಂ
ಜ್ಞಾನಂ ಅತಿ ಭ್ರುವೋಃ |
ಸಾಕಂ ಋಷೇ ವಿ ನಾಶಯ || ೧೯,೩೫।೧೪

ಸಾಕಂ ವಾತಸ್ಯ ಧ್ರಾಜ್ಯಾ
ಸಾಕಂ ಸೂರ್ಯಸ್ಯ ರಶ್ಮಿಭಿಃ |
ಸಾಕಂ ಸೂರ್ಯೇಣೋದ್ಯತಾ
ಸಪತ್ನೀಂ ನಾಶಯಾಮಸಿ || ೧೯,೩೫।೧೫
(೩೫)

ದೀರ್ಘಜಿಹ್ವಾ ಬೃಹದ್ವಾಚೋ
ಯಾಭಿರ್ ಆರ್ದ್ರಾಣಿ ವಾಸಾಂಸಿ |
ಗಾವೋ ಘೃತಸ್ಯ ಮಾತರೋ
ದಿವಿ ಭೇಷಜಂ ಅಕ್ರತ || ೧೯,೩೬।೧

ಅರ್ಜುನೀನಾಂ ಅಪಚಿತಾಂ
ಕೃಷ್ಣಾ ಮಾತೇತಿ ಸುಸ್ರವ |
ಮುನೇರ್ ದೇವಸ್ಯ ಮೂಲೇನ
ಸರ್ವಾಶ್ ಛಿನದ್ಮಿ ತಾ ಅಹಂ || ೧೯,೩೬।೨

ಛಿನದ್ಮ್ಯ್ ಆಸಾಂ ಪ್ರಥಮಾಂ
ಛಿನದ್ಮ್ಯ್ ಉತ ಮಧ್ಯಮಾಂ |
ಅಥೋ ಜಘನ್ಯಾಂ ಆಸಾಂ
ಆ ಛಿನದ್ಮಿ ಸ್ತುಕಾಂ ಇವ || ೧೯,೩೬।೩

ಅಪೇಹಿ ಮನಸಸ್ ಪತೇ
ಕಿಂ ಅಶಸ್ತಾನಿ ಶಂಸಸಿ |
ಪರೇಹಿ ನ ತ್ವಾ ಕಾಮಯೇ
ವೃಕ್ಷಾನ್ ವನಾನಿ ಸಂ ಚರ || ೧೯,೩೬।೪

ಅವಶಸಾ ನಿಃಶಸಾ ಯತ್ ಪರಾಶಸಾ-
-ಉಪಾರಿಮ ಯಜ್ ಜಾಗ್ರತೋ ಯತ್ ಸ್ವಪಂತಃ |
ಅಗ್ನಿರ್ ವಿಶ್ವಾನ್ಯ್ ಅಪ ದುಷ್ಕೃತಾನ್ಯ್
ಅಜುಷ್ಟಾನ್ಯ್ ಆರೇ ಅಸ್ಮದ್ ದಧಾತು || ೧೯,೩೬।೫

ಯದ್ ಇಂದ್ರ ಬ್ರಹ್ಮಣಸ್ಪತ
ಉತ ಮೃಷಾ ಚರಾಮಸಿ |
ಪ್ರಚೇತಾ ನ ಆಂಗಿರಸೋ
ದ್ವಿಷತಸ್ ಪಾತು ತೇಭ್ಯಃ || ೧೯,೩೬।೬

ಏಹ ಮಾಂ ಉತ್ತರಂ ಕೃಧಿ
ಸಹಸ್ವ ಪೃತನಾಯತಃ |
ವ್ಯ್ ಅಸ್ಮತ್ ಕೃತ್ಯಾ
ವ್ಯ್ ಅಸ್ಮಚ್ ಛಪಥಾಁ ಅಜ || ೧೯,೩೬।೭

ಯೋ ನೋ ದುಧೂರ್ಷಾನ್ ಮನಸಾ
ಯಶ್ ಚ ಪಾಪೇನ ನೋಭ್ಯಮಾತ್ |
ಆಕೂತಿಂ ತಸ್ಯ ದೇವಾ
ಹೃದಶ್ ಚಿತ್ತಾನಿ ವಿ ಷ್ಯತ || ೧೯,೩೬।೮

ಅಶ್ವ ಇವ ಧುರಿ ದುರ್ಯೋಗಃ
ಪ್ರತೀಹಾಯ ವಹೇ ದಶ |
ಕೃತ್ವಾನಂ ಬ್ರಹ್ಮಣಸ್ಪತೇ
ದಂಷ್ಟ್ರಾಭ್ಯಾಂ ಅಭಿ ಸಂ ಜಹಿ || ೧೯,೩೬।೯

ಯೋ ಽನ್ಯಾ ಅಧಿ ಪ್ರಾಜಾಯಥಾ
ಮೂರ್ಧ್ನೋ ಽಧ್ಯ್ ಉದ್ ಅವರ್ಧತಾಃ |
ತ್ವಂ ಸಪತ್ನಚಾತನೋ
ಭ್ರಾತೃವ್ಯಾಁ ಅವ ಧೂನುಷ್ವ || ೧೯,೩೬।೧೦

ಬಹುರ್ ಅಯಂ ಸಂಗರುಷ್ಟೋ
ನ್ಯಕ್ತೋ ಭೂಮ್ಯಾಂ ಅಧಿ |
ತೇನಾಹಂ ಅಸ್ಯ ಕರ್ತ್ಸ್ಯಾಮಿ
ಯಥಾ ಸ್ಥಾಮಾ ಗಮಿಷ್ಯತಿ || ೧೯,೩೬।೧೧

ಸ್ಥಾಮಾಗನ್ ಬೃಹದ್ ಅಕ್ಷತ್ರಃ
ಸ್ಥಾಮಂತಾಕ್ಷ್ಣಿಣೋ ಽವ ಸ್ಯತಿ |
ಅಂತಷ್ಠಾನಸ್ಯ ಯೋ ರಾಜಾ
ಸ ಉತ್ಥಾಮ ಗಮಿಷ್ಯತಿ || ೧೯,೩೬।೧೨

ಅಗಮದ್ ರಾಜಾ ಸದನಂ
ಅಗಮತ್ ಸೂರ್ಯೋ ದಿವಂ |
ಉದಯನ್ ವೃತ್ರಹನ್ ಪ್ಲೀಹಾ
ಅಂಗರಾಜೋ ಅವೀರಹಾ || ೧೯,೩೬।೧೩

ಯಥಾ ಪಂಥಾಂ ಕವಾಪಥೋ
ಅಪ್ಯೇತಿ ಮಹಾಪಥಂ |
ಏವಾ ತ್ವಂ ಪ್ಲೀಹನ್ ನಃ ಪ್ಲೀಹಿ
ಯತೋ ಽಸ್ಯ್ ಅಭ್ಯಾಗತಃ || ೧೯,೩೬।೧೪

ಇಂದ್ರೇಣ ದತ್ತಂ ಬಲಂ ಆಸುರಾಭ್ಯಾಂ
ಶಿತಂಗೈತಚ್ ಛಾಲ್ವತಾಯೈ ಚ ತುಭ್ಯಂ |
ತೌ ನುದೇಥಾಂ ಕಣ್ವಾ ಅಶಿವಾ ಅಜುಷ್ಟಾ
ಅಧಾ ಗೃಹಾಣಾಂ ಗೃಹಪಾ ತ್ವಂ ಏಷಾಂ || ೧೯,೩೬।೧೫

ತ್ವಂ ಅಗ್ನೇ ಗೃಹಪತಿರ್ ಗೃಹಾಣಾಂ
ತ್ವಂ ಪ್ರಜಾನಾಂ ಜನಿತಾಸಿ ದಾತಾ |
ತ್ವಂ ನುದಸ್ವ ಕಣ್ವಾ ಅಶಿವಾ ಅಜುಷ್ಟಾ
ಸದಾನ್ವಾ ನಿರತಃ ಸೇದ ಪಾಪೀಃ || ೧೯,೩೬।೧೬

ಚರ್ಮಾಭ್ಯಃ ಕ್ರೂರಂ ಆನಹ್ಯ
ಹರಿಣಸ್ಯ ಭಿಯಂ ಕೃಧಿ |
ಮೃಗಾಁ ಅನು ಪ್ರ ಪಾತಯ
ಮರೀಚೀರ್ ಅನು ನಾಶಯ || ೧೯,೩೬।೧೭

ಯದ್ಯ್ ಅಸ್ಯ್ ಅಪ್ಸರಾವೀರ್
ಯದಿ ತ್ವಾ ರಕ್ಷೋ ಅಗ್ರಭೀತ್ |
ತಸ್ಮಾ ಅಪಪ್ಲವಂ ಹವಿರ್
ಮನಸಾ ಜುಹೋಮಿ ತೇ || ೧೯,೩೬।೧೮
(೩೬)

ಅನುವಾಕ ೯ ||

ಅಭಿ ತ್ವಾ ಶತಪಾಶಯಾ-
-ಅಥೋ ಸಹಸ್ರಪಾಶಯಾ |
ದಾಶೋ ಮತ್ಸ್ಯಂ ಇವ ತೀದೇನ
ಮಯಿ ಬಧ್ನಾಮಿ ತೇ ಮನಃ || ೧೯,೩೭।೧

ಆ ಹಿ ತೇ ದಕ್ಷಿಣಂ ಪದಂ
ಹೃದಯ್ಯಂ ದದೇ |
ಉಪಸ್ಥೇ ಪದಮೋಪಿ
ನಿ ತ್ವಾಂ ಅಕ್ರಿ ಸ್ವೇ ವಶೇ || ೧೯,೩೭।೨

ಪರಿ ತ್ವಾ ಗಾಂ ಇವಾಸರಂ
ಮಮ ಪತ್ತೋ ನಿಪತ್ತವೇ |
ತನ್ ಮಾರುತಂ ಹ ವೈರುಧಂ
ಆವತಂಕರಣಂ ಕೃತಂ || ೧೯,೩೭।೩

ಆ ನಯಾಮಿ ತೇ ಮನೋ
ಅಶ್ವಂ ಇವಾಶ್ವಾಭಿಧಾನ್ಯಾ |
ಉಪ ತೇ ಮುಂಚೇ ಮನಃ
ಪದೋರ್ ಉಪಾನಹೌ ಯಥಾ || ೧೯,೩೭।೪

ಯಥಾ ಸುರಾ ಯಥಾ ಮಧು
ಯಥಾಕ್ಷಾ ಅಧಿದೇವನೇ |
ಯಥಾ ಹ ಗವ್ಯತೋ ಮನ
ಏವಾ ಮಾಂ ಅಭಿ ತೇ ಮನಃ || ೧೯,೩೭।೫

ಏವಾ ಕೃಣುಷ್ವ ಮಾ ಪ್ರಿಯಾಂ
ಅಂತಃ ಕೃಣುಷ್ವ ಮಾ ಹೃದಿ |
ಯಥಾ ಮನ್ನಾಪಚೇತಯಾ
ನಾನ್ಯಾಸಾಂ ಕೀರ್ತಯಾಶ್ ಚನ || ೧೯,೩೭।೬

ಯಸ್ಯೇದಂ ವೈಷ್ಟಪಂ ಹವಿರ್
ಭಗಸ್ಯ ಹಸ್ತಯೋರ್ ಹಿತಂ |
ತೇನಾ ತ್ವಾಭಿ ಮೃಶಾಮಸಿ
ಸೌಭಾಗ್ಯಾಯ ಸ್ವಸ್ತಯೇ || ೧೯,೩೭।೭

ಭಗ ಮೇಮಾಂ ಸಂ ಬಟ್ ಕರೋ
ಮಾ ಪಶ್ಚಾನ್ ಮಾ ಪರೋ ದಘಃ |
ಅಧಾ ಭಗಸ್ಯ ಯೋ ಭಗಸ್
ತೇನೇಮಾಂ ಸಂ ಸೃಜಾ ಭಗ || ೧೯,೩೭।೮

ಭಗೇನ ತ್ವಾ ಸಂ ಸೃಜಾಮಿ
ಮಾಸುರೇಣ ಸುರಾಂ ಇವ |
ಯಥಾಸಸಿ ಪ್ರಿಯಾ ಪತ್ಯುರ್
ದೇವೃಭ್ಯಃ ಸುಭಗಾಸಸಿ || ೧೯,೩೭।೯

ಉದ್ ಇತೋ ದೈವ್ಯಂ ವಚ
ಇಷುಂ ಇವ ತುನ್ನಃ ಖಿದೇ |
ತೇನಾ ಸಪತ್ನಾನ್ ಮಾಮಕಾನ್
ಸಾಸಹಾನಿ ಜಹಾನಿ ಚ || ೧೯,೩೭।೧೦

ಅಗ್ನಿರ್ ಮಾ ಪಾತು ವಸುಭಿಃ ಪುರಸ್ತಾತ್
ಸವಿತಾದಿತ್ಯೈರ್ ಅಭಿ ಪಾತು ದಕ್ಷಿಣಾತ್ |
ಇಂದ್ರೋ ಮರುದ್ಭಿರ್ ಅಭಿ ಪಾತು ಪಶ್ಚಾದ್
ವಿಶ್ವೇ ದೇವಾ ಅಭಿ ರಕ್ಷಂತು ಮೋತ್ತರಾತ್ || ೧೯,೩೭।೧೧

ದೇವರಕ್ಷಸಾನ್ ಮಾ ಪಾಹಿ
ಮನುಷ್ಯರಕ್ಷಸಾನ್ ಮಾ ಪಾಹಿ |
ವಿಶ್ವಸ್ಮಾನ್ ಮಾ ರಕ್ಷಸಸ್ ಪಾಹಿ || ೧೯,೩೭।೧೨

ಅಸೌ ಯಸ್ ತ್ರಿಕಕುದ್ ಗಿರಿಃ
ಶೃಂಗಾಭ್ಯಾಂ ಅಭಿತಿಷ್ಠತಿ |
ಸ ಸಂಪತತ್ರಂ ಉದ್ಯುಗಂ
ಬಲಾಸಂ ಇವ ತಿಷ್ಠತು || ೧೯,೩೭।೧೩

ದಿವ್ಯಃ ಸುಪರ್ಣ ಆ ಪತದ್
ಅಯೋದಂಷ್ಟ್ರೋ ಅಯೋಮುಖಃ |
ಸ ಸಂಪತತ್ರಂ ಉದ್ಯುಗಂ
ಇತೋ ಯಕ್ಷ್ಮಂ ಪರಾ ಭವತ್ || ೧೯,೩೭।೧೪

ಸಾಕಂ ಬಲಾಸ ಪ್ರ ಪತ
ಚಾಷೇಣ ಕಿಕಿದೀವ್ಯಾ |
ಸಾಕಂ ವಾತಸ್ಯ ಧ್ರಾಜ್ಯಾ
ಸಹ ನಶ್ಯ ನಿಹಾಕಯಾ || ೧೯,೩೭।೧೫
(೩೭)

ಮಾಭಿ ಗಾಯಃ ಶಾಬಲೇಯಂ
ಶೌಣೇಯಂ ಸಾಧುವಾಹಿನಂ |
ನಮಸ್ ತೇ ಭದ್ರಯಾ ಕೃಣ್ಮೋ
ಽವಿಹ್ವೃತಾ ಚಕ್ಷುಷಾ ತ್ವಂ
ಶಮಕಾ ಶಮಯಾತಿ ತ್ವಾ || ೧೯,೩೮।೧

ತೃಂಧಿ ವಿ ಕ್ಷಿಣೀಹಿ
ಪೇಶಃ ಕುರ್ವಾಣಿಕಾ ತ್ವಂ |
ಜಾರೇಣ ಪತ್ಯಾ ಜಕ್ಷತೀ
ಗೃಹಾನ್ ಗೋಪಾಯಮಾನಿಕಾ
ಶಮಕಾ ಶಮಯಾತಿ ತ್ವಾ || ೧೯,೩೮।೨

ಆಂಕ್ಷ್ವಾಭ್ಯಂಕ್ಷ್ವ-
-ಅಭ್ಯಕ್ತಾ ಶಮನಂ ಗಮಃ |
ಅಥೋ ಪಿತೃಭ್ಯೋ ಗಾ ಇಚ್ಛ
ವಿಜ್ಞಾನೇನ ಭಗೇನ ಚ
ಶಮಕಾ ಶಮಯಾತಿ ತ್ವಾ || ೧೯,೩೮।೩

ಅಪೇಹಿ ಮನಸಸ್ ಪಾಪ-
-ಅಪ ಕ್ರಾಮ ಪರಸ್ತರಂ |
ಪರೋ ನಿರೃತ್ಯಾ ಆ ಚಕ್ಷುರ್
ಬಹುತ್ರಾ ಜೀವತೋ ಮನಃ || ೧೯,೩೮।೪

ಭದ್ರಂ ವೈ ವರಂ ವೃಣತೇ
ಭದ್ರಂ ಯುಂಜಂತಿ ದಕ್ಷಿಣಂ |
ಭದ್ರಂ ವೈವಸ್ವತಂ ಚಕ್ಷುರ್
ಬಹುತ್ರಾ ಜೀವತೋ ಮನಃ || ೧೯,೩೮।೫

ಯನ್ ಮೇ ಛಿದ್ರಂ ಮನಸೋ ಯಚ್ ಚ ವಾಚಃ
ಸರಸ್ವತೀಂ ಮನ್ಯುಚಿತ್ತಂ ಜಗಾಮ |
ವಿಶ್ವೈಸ್ ತದ್ ದೇವೈಃ ಸಹ ಸಂವಿದಾನಃ
ಸಂ ದಧಾತು ಬೃಹಸ್ಪತಿಃ || ೧೯,೩೮।೬

ಸ್ಫಿರಾ ಸ್ಫಿರತರಂ
ಸ್ಫಿರಾ ಆತ್ತಾರಃ |
ಶತಹಸ್ತ ಸಮಾಹರ
ಸಹಸ್ರಹಸ್ತ ಸಂ ಕಿರ || ೧೯,೩೮।೭

ಇಹೈವಾ ಕಿರ ಸಂ ಕಿರ-
-ಇಹೈವ ಸ್ಫಾತಿಂ ಅಸ್ಫಿರಂ |
ಸ್ಫಿರೇಯಂ ಅಸ್ತ್ವ್ ಓಷಧಿಃ
ಸಮುದ್ರಸ್ಯೇವ ಸಂಸ್ರವಃ || ೧೯,೩೮।೮

ಉತ್ ತಿರಾ ಆ ಗಮನ್ನ್ ಉಪ-
-ಉತ್ ತಿರಾಣ್ಯಾಗಮನ್ |
ವೃಷ್ಟೇ ಶಾಪಂ ನದೀರ್ ಇವ-
-ಇಹ ಸ್ಫಾತಿಂ ಸಮಾವಹಾನ್ || ೧೯,೩೮।೯

ವಿ ಮಯೂಖಾ ಆ ಯಚ್ಛಂತು
ಗರ್ದಭಾ ಇವ ದುರ್ಯುಜಃ |
ಮುಹ್ಯಂತು ಸರ್ವೇ ತಂತವೋ
ವೃತಾ ನಾಡೀ ವಿತಂತ್ರಿಕೇ || ೧೯,೩೮।೧೦

ಪ್ರ ವಾಂ ಈಷ್ವೇ ಪತತಾಂ
ಪ್ರ ತಟಾ ಪ್ರ ನಿವೇಷ್ಟನಂ |
ಮುಹ್ಯಂತು ಸರ್ವೇ ತಂತವೋ
ಅಂಧೇ ವಿತತವಾಯ್ಯೌ || ೧೯,೩೮।೧೧

ಆಯವನೀ ನಿವೇಷ್ಟನಂ
ವ್ರತಾ ತಸರಂ ಈಷ್ವೇ |
ಮುಹ್ಯಂತು ಸರ್ವೇ ತಂತವೋ
ಅಂಧೇ ವಿತತ ವಾಯ್ಯೌ || ೧೯,೩೮।೧೨

ಮಯಾರಕಾರೀ ಪ್ರಥಮಾ-
-ಊರ್ಣವಾಭಿರ್ ಅಥೋ ಶಕಾ |
ದೇವಾನಾಂ ಪತ್ನೀಃ ಕೃತ್ತಿಕಾ
ಇಮಂ ತಂತುಂ ಅಮೂಮುಹನ್ || ೧೯,೩೮।೧೩

ಅಗ್ನಿರ್ ನ ಏತು ಪ್ರಥಮಃ
ಪುರಏತಾ ಬೃಹಸ್ಪತಿಃ |
ಅಧಾ ಭಗ ಪ್ರ ಣೋ ಯಚ್ಛ
ತ್ವಂ ಹಿ ಧನದಾ ಅಸಿ || ೧೯,೩೮।೧೪

ಪ್ರ ಣಃ ಶೂದ್ರ ಉತಾರ್ಯಃ
ಪ್ರ ಣೋ ರಾಜೋತ ವೃತ್ರಹಾ |
ಅಥೋ ಯತ್ ಸರ್ವಂ ಆತ್ಮನ್ವತ್
ಪ್ರ ಣೋ ಯಚ್ಛತು ದಕ್ಷಿಣಾಂ || ೧೯,೩೮।೧೫

ಕವಿರ್ ಯಜ್ಞಸ್ಯ ವಿ ತನೋಷಿ ಪಂಥಾಂ
ಋತಸ್ಯ ಪೃಷ್ಠೇ ಅಧಿ ದೀಧ್ಯಾನಃ |
ಯೇನ ಹವ್ಯಂ ವಹಸಿ ದೇವ ದೂತ
ಇತಃ ಪ್ರಚೇತಾ ಅಮುತೋ ವನೀಯಾನ್ || ೧೯,೩೮।೧೬

ಮಧುಹಸ್ತೋ ಮಧುಜಿಹ್ವೋ
ಮಧುವರ್ಣೋ ಮಧುವ್ರತಃ |
ಅಥೋ ಮಧುಪ್ರಶಾಸನೋ
ಭಗೋ ಮಾ ವರ್ಚಸಾವತು || ೧೯,೩೮।೧೭
(೩೮)

ಯಾ ತ್ರಿಷಪ್ತೈಃ ಪುನರ್ ಏತಿ
ನಾನಾ ರೂಪಾಣಿ ಬಿಭ್ರತೀ |
ವಾಚಸ್ಪತಿರ್ ಬಲಾ ತಸ್ಯಾ
ಆರೇ ಹೇತಿಂ ದಧಾತು ಮತ್ || ೧೯,೩೯।೧

ವಾಚಾ ನುತ್ತಾ ಕೃತ್ಯಾದ್ ಇಂದ್ರವತೀ
ಜಾಗ್ರತಾ ಸ್ವಪತೀ ಕೃತಾ |
ನುತ್ತಾ ಪಾಕಸ್ಯ ಶಂಸೇನ
ಪ್ರತ್ಯಕ್ ಕರ್ತಾರಂ ಋಚ್ಛತು || ೧೯,೩೯।೨

ಯದ್ ಏತದ್ ಭೂರಿ ಸ್ಪರ್ಧಸೇ
ಕೃತ್ಯಾಸ್ಮೀತಿ ಮನ್ಯಸೇ |
ಪ್ರತೀಚೀನಾ ಪರೇತ್ಯ
ವಿಷಾದ್ ಇವ ವಿಷಮದ್ ಧತಃ || ೧೯,೩೯।೩

ಪರೇಣೈತ್ವ್ ಅಘಶಂಸೋ
ಮೈನೇನ ಸಂ ಅರಾಮಹಿ |
ದ್ಯೌಶ್ ಚಾಸ್ಮಾನ್ ಪೃಥಿವೀ ಚ-
-ಉಭೇ ಪಾತಾಂ ಅಂಹಸಃ || ೧೯,೩೯।೪

ಯವ ಯಾವಯಾಸ್ಮದ್ ದ್ವೇಷಾಂಸಿ
ಯವಮಯೇನ ಹವಿಷಾ |
ದುರ್ಹಾರ್ದೇ ಚಕ್ರುಷೇ ಕೃತ್ಯಾಂ
ಗ್ರೀವಾಸು ಪ್ರತಿ ಮುಂಚತಂ || ೧೯,೩೯।೫

ಅನ್ಯಾ ವೋ ಅನ್ಯಾಂ ಅವತ್ವ್
ಅನ್ಯಾನ್ಯಸ್ಯಾ ಉಪಾವತ |
ಅಶ್ವಾ ಇವ ಪ್ರವಲ್ಗಂತೀಃ
ಕೃತ್ಯಾಂ ಹತೌಷಧಯೋ
ಽರಾತಿಂ ಹತೌಷಧಯಃ || ೧೯,೩೯।೬

ಮೇಹೋಪ ಗಾ ಮೋಪ ರಂಸ್ಥಾಃ
ಪಥಾಂ ದುರ್ಗಾಣ್ಯ್ ಅನ್ವ್ ಇಹಿ |
ಸಪತ್ನಿ ನಶ್ಯತಾದ್ ಇತೋ
ದೂರಂ ಗಚ್ಛಾಧ್ಯ್ ಓಕಸಃ || ೧೯,೩೯।೭

ಯಸ್ಯಾಸ್ ತೇ ನಾಮ ಗೃಹ್ನಾಮಿ
ಯಸ್ಮಿನ್ನ್ ಆರಮಸೇಚನೇ |
ಆ ಪರಸ್ಯಾಃ ಪರಾವತಃ
ಸಪತ್ನೀಂ ನಾಶಯಾಮಸಿ || ೧೯,೩೯।೮

ತ್ರಿಂಶತಂ ತ್ರೀಂಶ್ ಚ ಪರ್ವತಾಂಶ್
ಚತುರಶ್ ಚ ಗಿರೀನ್ ಅತಿ |
ಸಪತ್ನೀಂ ಬ್ರಹ್ಮಣಸ್ಪತೇ
ಪರೋ ಭ್ರೂಣಾನ್ಯ್ ಅರ್ಪಯಾ || ೧೯,೩೯।೯

ಉನ್ ಮಾದಯತ ಮರುತಃ ಸಮುದ್ರಿಯಾ
ಉದ್ ದ್ಯಾವಾಪೃಥಿವೀ ಉಭೇ |
ಉತ್ ತ್ವಾ ಸಮುದ್ರ ಋಷಂತು-
-ಉತ್ ತ್ವಾಂ ಅಗ್ನಿರ್ ಅಯಂ ದಹಾತ್ || ೧೯,೩೯।೧೦

ಯತ್ ಸಪತ್ನೀ ಸಪತ್ನ್ಯಾ
ಅಮುಷ್ಯಾ ವರ್ಚ ಆದದೇ |
ಅಧಸ್ತಾದ್ ಉಪವಾದಿನ್ಯ್
ಅಸೌ ಸ್ಯಾದ್ ಅಹಂ ಉತ್ತರಾತ್ || ೧೯,೩೯।೧೧

ಆ ತೇ ಬಧ್ನಾಮ್ಯ್ ಓಷಧಿಂ
ಸಪತ್ನೀಭ್ಯಃ ಪ್ರಚಾತನೀಂ |
ಯಥಾ ತೇ ಽಸದ್ ಅಯಂ ಪತಿಃ
ಪುತ್ರಾಣಾಂ ತೇ ಭವತ್ ಪಿತಾ || ೧೯,೩೯।೧೨

ಯಾನ್ಯ್ ಋಣಾನ್ಯ್ ಅನುವರ್ತಾನ್ಯ್ ಅಸ್ಮಿನ್
ಯಮಸ್ಯ ಯೇನ ಬಲಿನಾ ಚರಾಮಿ |
ಇದಂ ತದ್ ಅಗ್ನೇ ಅನೃಣೋ ಭವಾಮಿ-
-ಇದಂ ತದ್ ಅಗ್ನೇ ಅವದಾನಂ ಅಸ್ತು || ೧೯,೩೯।೧೩

ಯಾಸ್ ತೇ ಸಪ್ತ ಪ್ರವತೋ ಯಾ ಉ ತಿಸ್ರೋ
ಯಾಸ್ ತೇ ಸಂತಿ ನಿವತೋ ಯಾ ಅಭೀವತಃ |
ಅರ್ವಾವತೋ ಅಷ್ಟಧಾ ತ್ರೀಣಿ ರೋಚನಾ
ತಾಸ್ ತೇ ಅಗ್ನೇ ಸಂಮನಸೋ ಭವಂತು
ಜಾನನ್ ಯಮಾಯ ನಿ ವಹಾ ಕುಸೀದಂ || ೧೯,೩೯।೧೪

ಯಾಸ್ ತ ಊರ್ಧ್ವಾಸ್ ತನ್ವೋ ಜಾತವೇದೋ
ಯಾಸ್ ತಿರಶ್ಚೀರ್ ಉತ ಯಾ ಅನೂಚೀಃ |
ತಾಭಿಷ್ ಟ್ವಂ ಅಗ್ನೇ ಸಯುಜಾ ಗೃಣಾನೋ
ಜಾನನ್ ಯಮಾಯ ನಿ ವಹಾ ಕುಸೀದಂ || ೧೯,೩೯।೧೫
(೩೯)

ನಾಶಯ ಪಲಿತಂ ಶೀರ್ಷ್ಣೋ
ಯಃ ಕೃಷ್ಣಸ್ ತನ್ ನ ಆ ಭರ |
ತಂ ಓಷಧೇ ತ್ವಂ ವರ್ಧಯ
ಕೇಶಂ ಕೃಷ್ಣತರಂ ಕೃಧಿ || ೧೯,೪೦।೧

ಯಥಾಂಜನಂ ತಥಾಸಸಿ
ಯಥಾ ತ್ರೈಕಕುದಂ ತಥಾ |
ತತ್ ಸಂಭವಾತ್ ತತ್ ಸಭಸ್ ತೇ
ವ್ಯುಚ್ಛಂತೀರ್ ಅನೂಷಸಃ || ೧೯,೪೦।೨

ಯತ್ರಾಸ್ತಿ ಯತ್ರ ತಿಷ್ಠತಿ
ಯತೋ ನಶ್ಯತ್ವಾಸಿನಂ |
ದಿವ್ಯಃ ಸುಪರ್ಣೋ ಅಬ್ರವೀದ್
ಏತತ್ ಪಲಿತಭೇಷಜಂ || ೧೯,೪೦।೩

ದಿವೋ ನು ಮಾ ಬೃಹತೋ ಅಂತರಿಕ್ಷಾದ್
ಅಪಾಂ ಸ್ತೋಕೋ ಅಭ್ಯ್ ಅಪಪ್ತದ್ ರಸಾಯ |
ಸಂ ಇಂದ್ರಿಯೇಣ ಪಯಸಾಹಂ ಅಗ್ನೇ
ಋಷೀಣಾಂ ಯಜ್ಞೈಃ ಸುಕೃತಾಂ ಕೃತೇನ || ೧೯,೪೦।೪

ಯದಿ ವೃಕ್ಷಾದ್ ಅಭ್ಯ್ ಅಪಪ್ತತ್ ಫಲಂ ತದ್
ಯದ್ಯ್ ಅಂತರಿಕ್ಷಾತ್ ತದ್ ಉ ವಾಯುರ್ ಏವ |
ಯತ್ರಾಸ್ಪೃಷ್ಟ ತನ್ವೋ ಯತ್ರ ವಾಸಸೋ
ನ ತತ್ ಪ್ರಾಪ್ನೋತಿ ನಿರೃತಿಃ ಪರಸ್ತಾತ್ || ೧೯,೪೦।೫

ಅಭ್ಯಂಜನಂ ಸುರಭ್ಯಾದ್ ಉ ವಾಸಶ್
ಚಂದ್ರಂ ಹಿರಣ್ಯಂ ಅಧಿ ಪೂತ್ರಿಮಂ ಯತ್ |
ಸರ್ವಾ ಪವಿತ್ರಾ ವಿತತಾಧ್ಯ್ ಅಸ್ಮಿಂಚ್
ಛತಂ ಜೀವಾತಿ ಶರದಸ್ ತವಾಯಂ || ೧೯,೪೦।೬

ಯಃ ಕೀಕಸಾಃ ಪ್ರಶೃಣಾತಿ
ತಲೀಡ್ಯಂ ಉಪತಿಷ್ಠತಿ |
ಪರಾಸ್ಥಂ ಸರ್ವಂ ಜಾಯಾನ್ಯಂ
ಯಃ ಕಶ್ ಚ ಕಕುಭಿ ಶ್ರಿತಃ || ೧೯,೪೦।೭

ಪಕ್ಷೀ ಜಾಯಾನ್ಯಃ ಪತತಿ
ಯ ಆವಿಶತಿ ಪೂರುಷಂ |
ತಸ್ಯಾಹಂ ವೇದ ತೇ ನಾಮ
ಯತೋ ಜಾಯಾನ್ಯ ಜಾಯಸೇ || ೧೯,೪೦।೮

ವೇದ ವೈ ತೇ ನಾಮ
ಯತೋ ಜಾಯಾನ್ಯ ಜಾಯಸೇ |
ಕಥಂ ಹಿ ತತ್ರ ತ್ವಂ ಹನ್ಯಾ
ಯತ್ ಕುರ್ಯಾಂ ಅಹಂ ಹವಿಃ || ೧೯,೪೦।೯

ಯ ಆಸ್ಯಂ ಪ್ರವಿಶತಿ
ಕರೋತ್ಯ್ ಉದರಂ ಮಹತ್ |
ಯಕ್ಷ್ಮೋ ಯೋ ಅತ್ರ ಜಾಯಸೇ
ತಂ ಜಾಯಾನ್ಯಂ ಅನೀನಶಂ || ೧೯,೪೦।೧೦

ಆರೋಹಾನ್ ಮೇ ಮುಖಂ ಜಾತಂ
ಆರೋಹಾಜ್ ಜಘನಂ ಮಮ |
ಆರೋಹಾತ್ ಸರ್ವಾ ಜಾತಾಸ್ಮ್ಯ್
ಋಷಭಸ್ಯೋಪಯೋಧನಾತ್ || ೧೯,೪೦।೧೧

ಸ್ವಾದೀಯಸೀ ಸುರಾಯಾ
ಲವಣಾಚ್ ಚಾರುಮತ್ತರಾ |
ಗೋಭ್ಯೋ ವನೀಯಸೀದ್ ಅಹಂ || ೧೯,೪೦।೧೨

ಯಾಂ ತ್ವಾ ವಾತೋ ಽವಾರಯದ್
ಆರ್ದ್ರನಾಭಾ ಮಹರ್ಷಭಃ |
ತಸ್ಯಾಸ್ ತೇ ದೇವಿ ಪೃಥಿವ್ಯಾ
ಅಹಂ ಸಂವನನಂ ದದ
ಆ ತೇ ಶೌಷ್ಕಾಸ್ಯಂ ದದೇ || ೧೯,೪೦।೧೩

ಯುಕ್ತೌ ಮನಸಾ ಸಂ ಸುರೇತಸಾ
ದೇವೇಭ್ಯೋ ಹವ್ಯಂ ಕೃಣವಾವ ಸಾಧು |
ಯೇಷಾಂ ಭಾಗಸ್ ತ ಇದಂ ಜುಷಂತಾಂ
ಅವಿಕ್ಷುಬ್ಧಾವ್ ಉದಯಾವ ಭದ್ರಯಾ || ೧೯,೪೦।೧೪

ಯೇನ ದೇವಾ ಜ್ಯೋತಿಷಾ ದ್ಯಾಂ ಉದಾಯನ್
ಯೇನಾದಿತ್ಯಾ ವಸವೋ ಯೇನ ರುದ್ರಾಃ |
ಯೇನಾಂಗಿರಸಃ ಸ್ವರ್ ಆರುರುಹುಸ್
ತೇನೋದ್ ಅಯಾವ ಯಜಮಾನೌ ಸ್ವಸ್ತಿ || ೧೯,೪೦।೧೫

ಯಂ ಪಪಾಚಾದಿತಿಃ ಪುತ್ರಕಾಮಾ
ಯೇನ ಪ್ರಜಾಃ ಕಶ್ಯಪಃ ಪರ್ಯಗೃಹ್ನಾತ್ |
ಯ ಓದನಃ ಪಚ್ಯತೇ ವೈಶ್ವದೇವಃ
ಸ ನೋ ಯಮೇ ಅಕ್ಷಿತೋ ಭಾಗೋ ಅಸ್ತು || ೧೯,೪೦।೧೬
(೪೦)

ಅನುವಾಕ ೧೦ ||

ಸೋಮಸ್ಯ ಪ್ರಾಣಃ ಪವತೇ ಪುರಸ್ತಾದ್
ದಕ್ಷಿಣತ ಐಂದ್ರ ಆ ವಾತು ವಾತಃ |
ಅಸ್ಯ ದಿಶೋ ಮಾತುರೋ ಯಾ ಪ್ರತೀಚೀ
ಸ ನೋ ದೇವಾಃ ಶಿವೋ ಅಸ್ತ್ವ್ ಇಹ ವಾತಃ || ೧೯,೪೧।೧

ಮಿತ್ರಸ್ಯ ಪ್ರಾಣಃ ಪವತೇ ಯ ಉತ್ತರಾದ್
ಬೃಹಸ್ಪತೇರ್ ಊರ್ಧ್ವ ಉದ್ ವಾತು ವಾತಃ |
ಯೋ ಅಂತರಿಕ್ಷಂ ಅನು ವಾತಿ ವಿದ್ವಾನ್
ಸ ನೋ ದೇವಃ ಶಿವೋ ಅಸ್ತ್ವ್ ಇಹ ವಾತಃ || ೧೯,೪೧।೨

ಯ ಉತ್ತರಾತ್ ಪವತೇ ಯಃ ಪುರಸ್ತಾದ್
ಯೋ ದಕ್ಷಿಣಾತ್ ಪವತೇ ಯಶ್ ಚ ಪಶ್ಚಾತ್ |
ಊರ್ಧ್ವಾಁ ಉದ್ದೇಶಾಁ ಅನು ಯಃ ಪ್ರವಾತಿ
ಸ ನೋ ದೇವಃ ಶಿವೋ ಅಸ್ತ್ವ್ ಇಹ ವಾತಃ || ೧೯,೪೧।೩

ತ್ರೀಣ್ಯ್ ಅಂತರಿಕ್ಷಾಣ್ಯ್ ಅನು ವಾಸಿ
ವಾತ ತಿಸ್ರೋ ವಾಸಿ ಪರಾವತಃ |
ಸಹಸ್ರಾಕ್ಷೌ ವೃತ್ರಹಾ ಪಾಹ್ಯ್
ಅರ್ವಾಙ್ ವಿನುದಂ ಕ್ಷೇತ್ರಿಯಂ ರಪಃ || ೧೯,೪೧।೪

ನ ತತ್ರ ದಾರಃ ಕೃಪಣಂ ಸಸಾರ
ನ ಪ್ರತಿಘ್ನಾನಾ ರುದತೀ ನ ಬಿಭ್ರತೀ |
ಇಂದ್ರೋ ನೋ ಯತ್ರೋರುಕೃದ್ ವಿಚಕ್ಷಣಃ
ಸ ನೋ *ಽಜ್ಯಾನಿ ಮಹತೀಂ ನಿ ಯಚ್ಛಾತ್ || ೧೯,೪೧।೫

ಇಂದ್ರಃ ಸೇನಾಂ ಮೋಹಯತು
ಮರುತೋ ಘ್ನಂತ್ವ್ ಓಜಸಾ |
ಅಗ್ನೇರ್ ವಾತಸ್ಯ ಧ್ರಾಜ್ಯಾ
ತಾನ್ ವಿಷೂಚೋ ವಿ ನಾಶಯ || ೧೯,೪೧।೬

ನ ದ್ಯೌರ್ ಏಷಾಂ ನ ಪೃಥಿವೀ
ನಾದಿತಿರ್ ನ ಧನಂಜಯಾ |
ಚಕ್ಷೂಂಷ್ಯ್ ಅಗ್ನಿರ್ ಆ ಧತ್ತಾಂ
ಪುನರ್ ಯಂತು ಪರಾಜಿತಾಃ || ೧೯,೪೧।೭

ಅಮಿತ್ರಾಣಾಂ ದರಯ ಗ್ರಾಮಂ ಇಂದ್ರ
ಯೋ ನಃ ಶತ್ರುರ್ ಅಭ್ಯೇತಿ ಜಿಘಾಂಸನ್ |
ಯಥೈಷಾಂ ಇಂದ್ರನುತ್ತಾನಾಂ
ಅಗ್ನಿನಾ ವೇಶೋ ಅನು ವರ್ತಯಾನಿ ಮೇ || ೧೯,೪೧।೮

ಜಿಹ್ಮಂ ಯುಗಂ ಕೃಣ್ವತಾಂ ಇಂದ್ರನುತ್ತಾಃ
ಪರಾಚೀನೈಃ ಪಥಿಭಿರ್ ಯಂತು ರಿಷ್ಯಂತಃ |
ತಞ್ ಜಯಂತೋ ಅನ್ವ್ ಆಸದೇಮ-
-ಅಗ್ನಿನಾ ವೇಶೋ ಅನು ವರ್ತಯಂತಃ || ೧೯,೪೧।೯

ಅಮಿತ್ರಾಣಾಂ ಗ್ರಾಮಂ ಉಪಯುಕ್ತಂ
ಇಂದ್ರೇಣ ನುತ್ತಂ ವಿ ರದಾತ್ಯ್ ಅಗ್ನಿಃ |
ಸತ್ವಾನಃ ಸಂತ್ವ್ ಅನುಮಾದ್ಯಾ ಇಮೇ
ಯೇಭ್ಯಶ್ ಚರಾಮಿ ಹವಿಷಾ ಘೃತೇನ || ೧೯,೪೧।೧೦

ಅರ್ಯಮಣಂ ಹಿ ದೇವಂ ಭದ್ರಂ
ಕನ್ಯಾ ಯಂ ಅಯಕ್ಷತ |
ಸ ಏನಾ ವೃತ್ರಹಾ ದೇವ
ಇತೋ ಮುಂಚಾತು ಮಾಮುತಃ || ೧೯,೪೧।೧೧

ಇಯಂ ತೇ ರಾಜನ್ ವರುಣ
ಜಾಮಿಕಾ ಕೃಣುತೇ ಹವಿಃ |
ತಸ್ಯೈ ಪತಿಂ ನ್ಯ್ ಆ ವಹ
ಸುಭದ್ರಂ ಪ್ರತಿಕಾಮ್ಯಂ || ೧೯,೪೧।೧೨

ಆ ಕ್ರಂದಯ ಧನಪತೇ
ವರಂ ಆಮನಸಂ ಕೃಣು |
ಸರ್ವಂ ಪ್ರದಕ್ಷಿಣಂ ಕೃಧಿ
ಪತಿಂ ಅಸ್ಯೈ ಪ್ರತಿಕಾಮ್ಯಂ || ೧೯,೪೧।೧೩

ಆ ಪಶ್ಚಾದ್ ಆ ಪುರಸ್ತಾದ್
ಓತ್ತರಾದ್ ಅಧರಾದ್ ಉತ |
ಪೂರ್ಣಾ ಭಗಸ್ಯ ವರ್ತನಿಸ್
ತೇನೇಮಾಂ ಅಭಿ ವರ್ತಯಾಮಸಿ
ವರ್ಚಸಾ ಚ ಭಗೇನ ಚ || ೧೯,೪೧।೧೪

ನಾಸೃಗ್ ಅಸ್ತಿ ಪತಂಗಸ್ಯ
ತರ್ದಸ್ಯ ಮಶಕದ್ಯಾಃ |
ನ ಸಂಪತತ್ರಂ ಉದ್ಯುಗೋ
ನ್ಯಗ್ ಗ್ಲೌರ್ ಅತ್ರ ಭವಿಷ್ಯತಿ || ೧೯,೪೧।೧೫

ಅಪದಸ್ವದ್ ಅಪಾದಸತ್
ತುಂಡಿವ್ಯಧ್ಮಾಪಾದಸತ್ |
ಅಪಾಪಚಿದ್ ಇತೋ ಽದಸದ್
ಅಪೇತೋ ಗ್ಲೌರ್ ನಶಿಷ್ಯತ್ಯ್
ಅಪಿವ್ಯಧ್ಮನ್ ನಶಿಷ್ಯತಿ || ೧೯,೪೧।೧೬

ಯಥಾ ಸೂರ್ಯಶ್ ಚಂದ್ರಮಸಂ
ಉದ್ಯನ್ನ್ ಏವಾಪಗೂಹತಿ |
ಏವಾ ತ್ವಂ ಉಗ್ರ ಓಷಧ
ಇಮಾಂ ಗ್ಲಾವಂ ಅಪಗೂಹತಾದ್ ಇತಃ || ೧೯,೪೧।೧೭
(೪೧)

ಅಪದಸ್ವದ್ ಅಪಾದಸತ್
ತುಂಡಿವ್ಯಧ್ಮಾಪಾದಸತ್ |
ಅಪಾಪಚಿದ್ ಇತೋ ಽದಸದ್
ಅಪೇತೋ ಗ್ಲೌರ್ ನಶಿಷ್ಯತ್ಯ್
ಅಪಿವ್ಯಧ್ಮನ್ ನಶಿಷ್ಯತಿ || ೧೯,೪೨।೧

ಮಾ ಶಿಲೇ ಮಾ ಶಿಲಾವತಿ
ಮಾ ತೇ ಶೇಷಿ ಶಿಲಂ ಚನ |
ಯಾವಚ್ ಛಿಲಸ್ಯ ತೇ ಶಿಲಂ
ತಾವಚ್ ಛೇಷಃ ಶಿಲಂ ತವ || ೧೯,೪೨।೨

ಯಥಾ ಯೂಪಾಗ್ರಾದ್ ಉದಕಂ
ವಿನಿಷ್ಟಂ ಭೂಮಿಂ ಅಶ್ನುತೇ |
ಏವಾ ತ್ವಂ ಅರಸೇ ಶಿಲೇ
ವಿನಿಷ್ಟಾ ಭೂಮಿಂ ಅಶ್ನುಹಿ || ೧೯,೪೨।೩

ವಜ್ರೋ ಽಸಿ ಸಪತ್ನಹಾ
ತ್ವಯಾದ್ಯ ವೃತ್ರಂ ಸಾಕ್ಷೀಯ |
ತ್ವಾಂ ಅದ್ಯ ವನಸ್ಪತೇ
ವೃಕ್ಷಾಣಾಂ ಉದ್ ಅಯುಷ್ಮಹಿ || ೧೯,೪೨।೪

ಸ ನ ಇಂದ್ರ ಪುರೋಹಿತೋ
ವಿಶ್ವತಸ್ ಪಾಹಿ ರಕ್ಷಸಃ |
ಅಭಿ ಗಾವೋ ಅನೂಷತ-
-ಅಭಿ ದ್ಯುಮ್ನಂ ಬೃಹಸ್ಪತೇ || ೧೯,೪೨।೫

ಪ್ರಾಣ ಪ್ರಾಣಂ ತ್ರಾಯಸ್ವ-
-ಅಸೋ ಅಸವೇ ಮೃಡ |
ನಿರೃತೇ ನಿರೃತ್ಯಾ ನಃ ಪಾಶೇಭ್ಯೋ ಮುಂಚ || ೧೯,೪೨।೬

ಹತ್ಸುಕೇ ಪರಿ ಣೋ ನಮ
ಪಾರಿಗಂ ತನ್ವೇ ಕೃಧಿ |
ಯುಯುತ ಪರ್ಣಿನಂ ಶರಂ
ಉತಾಪರ್ಣಂ ರಿಶಾದ್ ಇತಿ || ೧೯,೪೨।೭

ಪ್ರಜಾಪತಿಷ್ ಟ್ವಾ ಪ್ರಜಯಾ
ಸಂ ಪುತ್ರೇಣ ಸೃಜತು ಸಂ ಭಗೇನ |
ದಿಷ್ಟಂ ದೇಷ್ಟೀಹ ಕಾಮೋ ಬ್ರಾಹ್ಮಣಸ್ಯ
ಪುಮಾಂಸಂ ಧತ್ಸ್ವ ಸವಿತುಃ ಸವೇನ || ೧೯,೪೨।೮

ಪ್ರ ತ್ವಾ ಸರ್ಪತ್ವ್ ಅಂಕತಃ
ಕುಮಾರಃ ಪುರುಷಾದ್ ಅಧಿ |
ಋತೋರ್ ಯಂ ಋತ್ವಿಯಾದ್ ಅಧಿ
ಯಂ ತೇ ಧಾತಾ ಅಚೀಕ್ಲ್̥ಪತ್ || ೧೯,೪೨।೯

ಯಂ ತೇ ಧಾತಾ ಯಂ ತೇ ತ್ವಷ್ಟಾ
ಯಂ ತೇ ಬ್ರಹ್ಮಾಚೀಕ್ಲ್̥ಪತ್ |
ತಂ ತ್ವಂ ಪುತ್ರಂ ವಿಂದಸ್ವ
ತಸ್ಮೈ ತ್ವಂ ಜೀವ ಜೀವಸೇ || ೧೯,೪೨।೧೦

ಧ್ವಸ್ರಾಸ್ ತಿಷ್ಠಂತಿ ರಜಸಾ ಸಮಕ್ತಾ
ಯಜ್ಞಸ್ಯ ಹೋತ್ರಾಃ ಪ್ರುಶಿತಾಸೋ ಅಶ್ನಾಃ |
ಆಸಾಂ ಸೋಮಸ್ಯ ಯದ್ ಇಹಾವಯಂತಿ
ತದ್ ಅಮೂತ್ರ ಯಜಮಾನಸ್ಯ ರೂಪಂ || ೧೯,೪೨।೧೧

ಯೇ ಬ್ರಾಹ್ಮಣಂ ವರ್ಚೋ ಹಿತ್ವಾಯ ಮಲ್ವಾ
ರೇಣೋ ವರ್ಣೇನ ಪರಿಧಾಪಯಂತಿ |
ಆಸಾಂ ಸೋಮಸ್ಯ ಯದ್ ಇಹಾವಯಂತಿ
ತದ್ ಅಮೂತ್ರ ಯಜಮಾನಸ್ಯ ರೂಪಂ || ೧೯,೪೨।೧೨

ಅಸಾರಥಿಃ ಸುಮನಸೋ ಯಥಾ ರಥೋ
ಹಿತ್ವಾ ಸವ್ಯಷ್ಠಾಂ ರಕ್ಷಸೋ ಯಾತಿ ಯಾಮಂ |
ಏವಾ ಯಜ್ಞೋ ಯಜಮಾನಂ ಜಹಾತಿ
ಯತ್ರ ಸೋಮ್ಯಂ ಸೋಮಪೀಥಾನ್ ನಯಂತಿ || ೧೯,೪೨।೧೩

ಛಂದಾಂಸಿ ತದ್ ಯಜಮಾನಸ್ಯ ಯಂತಿ
ಯತ್ರ ಸೋಮ್ಯಂ ಸೋಮಪೀಥಾನ್ ನಯಂತಿ |
ಅಬ್ರಾಹ್ಮಣೋ ಯತ್ ಪಿಬತಿ ಸೋಮಂ ಅಸ್ಯ
ತದ್ ವೈ ಛಿದ್ರಂ ದಕ್ಷಿಣಯಾಪಿಧೇಯಂ || ೧೯,೪೨।೧೪

ಽಬ್ರಧ್ನೋ ಽಸಿ ವಾಜೀ ಪರಿಪಾನೀ
ಪ್ರಥಮಾ ದೇವೇಭ್ಯಸ್ ಪರ್ಯಾಭೃತಾ |
ಮಾ ತೇ ರಿಷಂ ಖನಿತಾ
ಯಸ್ಮೈ ಚ ತ್ವಾ ಖನಾಮಸಿ || ೧೯,೪೨।೧೫

ಮಾ ದೇವಾಃ ಪಾಪಂ ಆರಾಮ
ಮಾ ಕರ್ತ ಪಾಪಯಾಮುಯಾ |
ಮಾಹಂ ಪರಿಷ್ಯಜೋ ಹಸ್ತಂ
ಆ ರಪ್ಸಿ ಧನಕಾಮ್ಯಾ || ೧೯,೪೨।೧೬

ಮಾ ಮಾ ದೇವಾಃ ಪರಾ ದಾತ
ಮಾ ಮಾ ಕರ್ತ ವ್ಯಾಧ್ಯಂ |
ಮಾಹಂ ಪರಿಷ್ವಜಃ ಶಿರ
ಆ ರಪ್ಸಿ ಮೋ ಅಹಂ ಮೃಷಿ || ೧೯,೪೨।೧೭
(೪೨)

ಪ್ರತೀಕಂ ಮೇ ವಿಚಕ್ಷಣಂ
ಅಕ್ಷೌ ಮೇ ಮಧುಕಾಶಿನೀ |
ಕರ್ಣಾಭ್ಯಾಂ ಭೂರಿಸುಸ್ರವಃ || ೧೯,೪೩।೧

ಜಿಹ್ವಾ ಮೇ ಮಧುಸಂಸ್ರಾವಾ
ಜಿಹ್ವಾ ಮೇ ಮಧುವಾದಿನೀ |
ತಯಾಹಂ ಅದ್ಯ ಜಿಹ್ವಯಾ-
-ಉದ್ಯಾಸಂ ಮಧುಮದ್ ವಚಃ || ೧೯,೪೩।೨

ಯಥಾ ಮಧು ಮಧುಕೃತಃ
ಸಂಭರಂತಿ ಮಧಾವ್ ಅಧಿ |
ಏವಾಹಂ ಅದ್ಯ ಛಂದೋಭಿರ್
ಉದ್ಯಾಸಂ ಮಧುಮದ್ ವಚಃ || ೧೯,೪೩।೩

ವಾಯೋಃ ಪೂತಃ ಪವಿತ್ರೇಣ
ಪ್ರತ್ಯಕ್ ಸೋಮೋ ಅಧಿಶ್ರಿತಃ |
ಇಂದ್ರಸ್ಯ ಯುಜ್ಯಃ ಸಖಾ || ೧೯,೪೩।೪

ಯತ್ ಕಿಞ್ ಚೇದಂ ವರುಣ ದೈವ್ಯೇ ಜನೇ
ಅಭಿದ್ರೋಹಂ ಮನುಷ್ಯಾಶ್ ಚರಂತಿ |
ಅತಿ ಚೇತ್ ತವ ಧರ್ಮಾ ಯುಯೋಪಿಮ
ಮಾ ನಸ್ ತಸ್ಮಾದ್ ಏನಸೋ ದೇವ ರೀರಿಷಃ || ೧೯,೪೩।೫

ಆಪೋ ಅಸ್ಮಾನ್ ಮಾತರಃ ಸೂದಯಂತು
ಘೃತೇನ ನೋ ಘೃತಪವಃ ಪುನಂತು |
ವಿಶ್ವಂ ಹಿ ರಿಪ್ರಂ ಪ್ರವಹಂತಿ ದೇವೀರ್
ಉದ್ ಇದ್ ಆಭ್ಯಃ ಶುಚಿರ್ ಆ ಪೂತ ಏಮಿ || ೧೯,೪೩।೬

ಮಿತ್ರಶ್ ಚ ಸಮ್ರಾಡ್ ವರುಣಶ್ ಚ ರಾಜಾ
ತೌ ತೇ ಭಕ್ಷಂ ಕೃಣುತಾಂ ಪ್ರಾತರ್ ಅಗ್ನೇ |
ತಯೋರ್ ಅಹಂ ಅನು ಭಕ್ಷಂ ಕೃಣೋಮಿ
ಸೂರ್ಯವರ್ಚಾ ಭಗ ಭಕ್ತೋ ನ ಆ ವಿಶ || ೧೯,೪೩।೭

ಸೂರ್ಯವರ್ಚಾ ನ ಆ ವಿಶ
ವಿಶ್ವವಿನ್ ಮನಸಸ್ ಪತಿಃ |
ಅನೇಹಾ ಸೋಮ ಜಾಗೃವಿರ್
ಇಂದ್ರಃ ಪ್ರೀತ ಸ್ತುತೋ ನೃಭಿಃ || ೧೯,೪೩।೮

ಇಂದ್ರ ಪ್ರೀತಸ್ಯ ತೇ ವಯಂ
ಶುಕ್ರಸ್ಯ ರೋಚನಾವತಃ |
ಭಕ್ಷೀಮಹಿ ಪ್ರಜಾಂ ಇಷಂ
ಸಾಹಸ್ರಸ್ಯ ಯಶಸ್ವಿನಃ || ೧೯,೪೩।೯

ಅಗ್ನಿಃ ಪ್ರಾತಃಸವನೇ ಪಾತ್ವ್ ಅಸ್ಮಾನ್
ವೈಶ್ವಾನರಃ ಪಥಿಕೃದ್ ವಿಶ್ವಕೃಷ್ಟಿಃ |
ಸ ನಃ ಪಾವಕೋ ದ್ರವಿಣೇ ದಧಾತ್ಯ್
ಆಯುಷ್ಮಂತಃ ಸಹಭಕ್ಷಾಃ ಸ್ಯಾಮ || ೧೯,೪೩।೧೦

ವಿಶ್ವೇ ದೇವಾ ಮರುತ ಇಂದ್ರೋ ಅಸ್ಮಾನ್
ಅಸ್ಮಿನ್ ದ್ವಿತೀಯೇ ಸವನೇ ನ ಜಹ್ಯುಃ |
ಆಯುಷ್ಮಂತಃ ಪ್ರಿಯಂ ಏಷಾಂ ವದಂತೋ
ವಯಂ ದೇವಾನಾಂ ಸುಮತೌ ಸ್ಯಾಮ || ೧೯,೪೩।೧೧

ಇದಂ ತೃತೀಯಂ ಸವನಂ ಕವೀನಾಂ
ಋತೇನ ಯಚ್ ಚಮಸಂ ಸಮೈರಯನ್ |
ಸೌಧನ್ವನಾ ಅಮೃತಂ ಆನಶಾನಾಃ
ಸ್ವಿಷ್ಟಿನ್ ನೋ ಅಭಿ ವಸ್ಯೋ ನಯಾಥ || ೧೯,೪೩।೧೨

ಸಂ ಸಂ ಸ್ರವಂತು ನದ್ಯಃ
ಸಂ ವಾತಾಃ ಸಂ ಪತತ್ರಿಣಃ |
ಯಜ್ಞಂ ಇಮಂ ವರ್ಧಯತಾ ಗಿರಃ
ಸಂಸ್ರಾವ್ಯೇಣ ಹವಿಷಾ ಜುಹೋಮಿ || ೧೯,೪೩।೧೩

ಇಮಂ ಹೋಮಾ ಯಜ್ಞಂ ಅವತ-
-ಇಮಂ ಸಂಸ್ರಾವಣಾ ಉತ |
ಯಜ್ಞಂ ಇಮಂ ವರ್ಧಯತಾ ಗಿರಃ
ಸಂಸ್ರಾವ್ಯೇಣ ಹವಿಷಾ ಜುಹೋಮಿ || ೧೯,೪೩।೧೪

ರೂಪಂರೂಪಂ ವಯೋವಯಃ
ಸಂರಭ್ಯೈನಂ ಪರಿ ಷ್ವಜೇ |
ಯಜ್ಞಂ ಇಮಂ ಚತಸ್ರಃ ಪ್ರದಿಶೋ ವರ್ಧಯಂತು
ಸಂಸ್ರಾವ್ಯೇಣ ಹವಿಷಾ ಜುಹೋಮಿ || ೧೯,೪೩।೧೫
(೪೩)

ಸ್ಯೂತಾ ದೇವೇಭಿರ್ ಅಮೃತೈರ್ ನ ಆಗನ್ನ್
ಉಖಾ ಸ್ವಸಾರಂ ಅಧಿ ಮೇ ದಿಮಸ್ಥಾತ್ |
ಸತ್ಯಂ ಪೂರ್ವಾ ಋಷಯಶ್ ಚಾಕೃಪಾನಾ
ಯಜ್ಞಪತೇಃ ಸು ಪ್ರ ತಿರಂತ್ವ್ ಆಯುಃ || ೧೯,೪೪।೧

ಉಖಾಂ ಸ್ರವಂತೀಂ ಅಗದಾಂ ಅಕರ್ಮ
ತ್ವಷ್ಟಾ ವಾಯುಃ ಪೃಥಿವ್ಯ್ ಅಂತರಿಕ್ಷಂ |
ಯತ ಶ್ಚುತದ್ ಧುತಂ ಅಗ್ನೌ ತದ್ ಅಸ್ತು
ನ ತತ್ ಪ್ರಾಪ್ನೋತಿ ನಿರೃತಿಃ ಪರಸ್ತಾತ್ || ೧೯,೪೪।೨

ಅಂತರ್ ಅಗ್ನಾವ್ ಅಶ್ಚುತತ್ ಸ್ತೋಕ ಏಷ
ನೈನಂ ಸುವಾತೈ ನಿರೃತಿಃ ಪರಸ್ತಾತ್ |
ವಿಶ್ವಾವಸೋರ್ ಹವಿಷೋ ವಾವೃಧಾನೋ
ಽಯಂ ಯಜ್ಞಃ ಸುಕೃತಾಂ ಏತು ಲೋಕಂ || ೧೯,೪೪।೩

ಶ್ಯೇನೋ ಽಸಿ ಗಾಯತ್ರಚ್ಛಂದಾ ಅನು ತ್ವಾ ರಭೇ
ಸ್ವಸ್ತಿ ಮಾ ಸಂ ಪಾರಯ || ೧೯,೪೪।೪

ಸಮ್ರಾಡ್ ಅಸಿ ತ್ರಿಷ್ಟುಪ್ಛಂದಾ ಅನು ತ್ವಾ ರಭೇ
ಸ್ವಸ್ತಿ ಮಾ ಸಂ ಪಾರಯ || ೧೯,೪೪।೫

ಸ್ವರೋ ಽಸಿ ಗಯೋ ಽಸಿ ಜಗಚ್ಛಂದಾ ಅನು ತ್ವಾ ರಭೇ
ಸ್ವಸ್ತಿ ಮಾ ಸಂಪಾರಯ || ೧೯,೪೪।೬

ತ್ರಾಯಮಾಣೇ ಸರ್ವವಿದೇ ಮಾ ಪರಿ ದೇಹಿ |
ಸರ್ವವಿದ್ ದ್ವಿಪಾಚ್ ಚ ಸರ್ವಂ
ರಕ್ಷ ಚತುಷ್ಪಾದ್ ಯಚ್ ಚ ನಃ ಸ್ವಂ || ೧೯,೪೪।೭

ಸರ್ವವಿದ್ ವಿಶ್ವವಿದೇ ಮಾ ಪರಿ ದೇಹಿ |
ವಿಶ್ವವಿದ್ ದ್ವಿಪಾಚ್ ಚ ಸರ್ವಂ
ರಕ್ಷ ಚತುಷ್ಪಾದ್ ಯಚ್ ಚ ನಃ ಸ್ವಂ || ೧೯,೪೪।೮

ವಿಶ್ವವಿತ್ ಕಲ್ಯಾಣ್ಯೈ ಮಾ ಪರಿ ದೇಹಿ |
ಕಲ್ಯಾಣಿ ದ್ವಿಪಾಚ್ ಚ ಸರ್ವಂ
ರಕ್ಷ ಚತುಷ್ಪಾದ್ ಯಚ್ ಚ ನಃ ಸ್ವಂ || ೧೯,೪೪।೯

ಕಲ್ಯಾಣಿ ತ್ರಾಯಂಆಣಾಯೈ ಮಾ ಪರಿ ದೇಹಿ |
ತ್ರಾಯಮಾಣೇ ದ್ವಿಪಾಚ್ ಚ ಸರ್ವಂ
ರಕ್ಷ ಚತುಷ್ಪಾದ್ ಯಚ್ ಚ ನಃ ಸ್ವಂ || ೧೯,೪೪।೧೦

ವಿ ಖನ ವಿ ರುಜ ವಿ ಜಹ್ಯ್
ಅತ್ರೈವಾನಾಕೃತಶ್ ಚರ |
ಸಂ ಅಹಂ ಆಯುಷಾ ಸಂ ಮಯಾಯುಃ || ೧೯,೪೪।೧೧

ವಿ ಖನ ವಿ ರುಜ ವಿ ಜಹ್ಯ್
ಅತ್ರೈವಾನಾಕೃತಶ್ ಚರ |
ಸಂ ಅಹಂ ವರ್ಚಸಾ ಸಂ ಮಯಾ ವರ್ಚಃ || ೧೯,೪೪।೧೨

ವಿ ಖನ ವಿ ರುಜ ವಿ ಜಹ್ಯ್
ಅತ್ರೈವಾನಾಕೃತಶ್ ಚರ |
ಸಂ ಅಹಂ ತೇಜಸಾ ಸಂ ಮಯಾ ತೇಜಃ || ೧೯,೪೪।೧೩

ವಿ ಖನ ವಿ ರುಜ ವಿ ಜಹ್ಯ್
ಅತ್ರೈವಾನಾಕೃತಶ್ ಚರ |
ಸಂ ಅಹಂ ಪ್ರಜಯಾ ಸಂ ಮಯಾ ಪ್ರಜಾ || ೧೯,೪೪।೧೪

ವಿ ಖನ ವಿ ರುಜ ವಿ ಜಹ್ಯ್
ಅತ್ರೈವಾನಾಕೃತಶ್ ಚರ |
ಸಂ ಅಹಂ ಪಶುಭಿಃ ಸಂ ಮಯಾ ಪಶವಃ || ೧೯,೪೪।೧೫

ದಿವೋ ರೇತೋ ಽಸಿ ಪೃಥಿವ್ಯಾ ನಭ್ಯಂ |
ನಭ್ಯಂ ಅಸಿ ನಭ್ಯಂ ಮಾ ಕೃಣು || ೧೯,೪೪।೧೬

ದಿವೋ ರೇತೋ ಽಸಿ ಪೃಥಿವ್ಯಾಃ ಶಕ್ತಿಃ |
ಶಕ್ತಿರ್ ಅಸಿ ಶಕ್ತಯೇ ತೇ ವಿಧೇಯಂ || ೧೯,೪೪।೧೭

ದಿವೋ ರೇತೋ ಽಸಿ ಪೃಥಿವ್ಯಾ ವಿತ್ತಿಃ |
ವಿತ್ತಿರ್ ಅಸಿ ವಿತ್ತಯೇ ತೇ ವಿಧೇಯಂ || ೧೯,೪೪।೧೮

ದಿವೋ ರೇತೋ ಽಸಿ ಪೃಥಿವ್ಯಾಃ ಪುಷ್ಟಿಃ |
ಪುಷ್ಟಿರ್ ಅಸಿ ಪುಷ್ಟಯೇ ತೇ ವಿಧೇಯಂ || ೧೯,೪೪।೧೯

ದಿವೋ ರೇತೋ ಽಸಿ ಪೃಥಿವ್ಯಾ ಭೂತಿಃ |
ಭೂತಿರ್ ಅಸಿ ಭೂತಯೇ ತೇ ವಿಧೇಯಂ
ಭೂತಿರ್ ಅಸಿ ಭೂತಾಸಿ ಭೂಯಾಸಂ || ೧೯,೪೪।೨೦

ಶುಕ್ರೋ ಽಸಿ ಭ್ರಾಜೋ ಽಸಿ |
ಸ ಯಥಾ ತ್ವಂ ಭ್ರಾಜತೋ ಭ್ರಾಜೋ ಽಸ್ಯ್
ಏವಾಹಂ ಭ್ರಾಜತೋ ಭ್ರಾಜ್ಯಾಸಂ || ೧೯,೪೪।೨೧

ಸಾಯಂಸಾಯಂ ಗೃಹಪತಿರ್ ನೋ ಅಗ್ನಿಃ
ಪ್ರಾತಃಪ್ರಾತಃ ಸೌಮನಸಸ್ಯ ದಾತಾ |
ವಸೋರ್ವಸೋರ್ ವಸುಧಾನ ಏಧಿ
ವಯಂ ತ್ವೇಂಧಾನಾಸ್ ತನ್ವಂ ಪುಷೇಮ || ೧೯,೪೪।೨೨

ಪ್ರಾತಃಪ್ರಾತರ್ ಗೃಹಪತಿರ್ ನೋ ಅಗ್ನಿಃ
ಸಾಯಂಸಾಯಂ ಸೌಮನಸಸ್ಯ ದಾತಾ |
ವಸೋರ್ವಸೋರ್ ವಸುಧಾನ ಏಧಿ-
-ಇಂಧಾನಾಸ್ ತ್ವಾ ಶತಂ ಹಿಮಾ ಋಧೇಮ || ೧೯,೪೪।೨೩

ಯೋ ನ ಆವಿಃ ಶಪತಿ ಯಶ್ ಚ ಸ್ತಾಯದ್
ಯದಿ ಚಿತ್ತ್ಯಾ ಮನ್ಯುನಾ ಯತ್ ಸಪತ್ನಃ |
ಅಗ್ನಿಷ್ ಟಾನ್ ಪಾಶಾನ್ ಪ್ರ ಮುಮೋಕ್ತು ದೇವೋ
ಯಾವಯತು ಶಪಥಾಁ ವರುಣೋ ಧೃತವ್ರತಃ || ೧೯,೪೪।೨೪
(೪೪)

ಅನುವಾಕ ೧೧ ||

ಪ್ರಾಗ್ನಯೇ ವಾಚಂ ಈರಯ
ವೃಷಭಾಯ ಕ್ಷಿತೀನಾಂ |
ಸ ನಃ ಪರ್ಷದ್ ಅತಿ ದ್ವಿಷಃ || ೧೯,೪೫।೧

ಯಃ ಪರಸ್ಯಾಃ ಪರಾವತಸ್
ತಿರೋ ವಿಶ್ವಾಭಿರೋಚತೇ |
ಸ ನಃ ಪರ್ಷದ್ ಅತಿ ದ್ವಿಷಃ || ೧೯,೪೫।೨

ಯೋ ರಕ್ಷಾಂಸಿ ನಿಜೂರ್ವತ್ಯ್
ಅಗ್ನಿಃ ಶುಕ್ರೇಣ ಶೋಚಿಷಾ |
ಸ ನಃ ಪರ್ಷದ್ ಅತಿ ದ್ವಿಷಃ || ೧೯,೪೫।೩

ಯೋ ವಿಶ್ವಾಭಿ ವಿಪಶ್ಯತಿ
ಭುವನಾ ಸಂ ಚ ಪಶ್ಯತಿ |
ಸ ನಃ ಪರ್ಷದ್ ಅತಿ ದ್ವಿಷಃ || ೧೯,೪೫।೪

ಮಧು ವಾತಾ ಋತಾಯತೇ
ಮಧು ಕ್ಷರಂತಿ ಸಿಂಧವಃ |
ಮಾಧ್ವೀರ್ ಗಾವೋ ಭವಂತು ನಃ || ೧೯,೪೫।೫

ಮಧು ನಕ್ತಂ ಉತೋಷಸೋ
ಮಧುಮತ್ ಪಾರ್ಥಿವಂ ರಜಃ |
ಮಾಧ್ವೀರ್ ನಃ ಸಂತ್ವ್ ಓಷಧೀಃ || ೧೯,೪೫।೬

ಮಧುಮಾನ್ ನೋ ವನಸ್ಪತಿರ್
ಮಧುಮಾಁ ಅಸ್ತು ಸೂರ್ಯಃ |
ಮಧು ದ್ಯೌರ್ ಅಸ್ತು ನಃ ಪಿತಾ || ೧೯,೪೫।೭

ಆಪೋ ಹಿ ಷ್ಠಾ ಮಯೋಭುವಸ್
ತಾ ನ ಊರ್ಜೇ ದಧಾತನ |
ಮಹೇ ರಣಾಯ ಚಕ್ಷಸೇ || ೧೯,೪೫।೮

ಯೋ ವಃ ಶಿವತಮೋ ರಸಸ್
ತಸ್ಯ ಭಾಜಯತೇಹ ನಃ |
ಉಶತೀರ್ ಇವ ಮಾತರಃ || ೧೯,೪೫।೯

ತಸ್ಮಾ ಅರಂಗಮಾಮ ವೋ
ಯಸ್ಯ ಕ್ಷಯಾಯ ಜಿನ್ವಥ |
ಆಪೋ ಜನಯಥಾ ಚ ನಃ || ೧೯,೪೫।೧೦

ಆಯಂ ಗೌಃ ಪೃಶ್ನಿರ್ ಅಕ್ರಮೀದ್
ಅಸದನ್ ಮಾತರಂ ಪುನಃ |
ಪಿತರಂ ಚ ಪ್ರಯಂತ್ಸ್ವಃ || ೧೯,೪೫।೧೧

ಅಸ್ಯ ಪ್ರಾಣಾದ್ ಅಪಾನತ್ಯ್
ಅಂತಶ್ ಚರತಿ ರೋಚನಾ |
ವ್ಯ್ ಅಖ್ಯನ್ ಮಹಿಷೋ ದಿವಂ || ೧೯,೪೫।೧೨

ತ್ರಿಂಶದ್ ಧಾಮ ವಿ ರಾಜತಿ
ವಾಕ್ ಪತಂಗಾಯ ಶಿಶ್ರಿಯತ್ |
ಪ್ರತಿ ವಸ್ತೋರ್ ಅಹ ದ್ಯುಭಿಃ || ೧೯,೪೫।೧೩

ಯಚ್ ಛಕ್ರಾ ವಾಚಂ ಆರುಹನ್ನ್
ಅಂತರಿಕ್ಷಂ ಸಿಷಾಸಂತಃ |
ಸಂ ದೇವಾ ಅಮದನ್ ವೃಷಾ || ೧೯,೪೫।೧೪

ಶಕ್ರೋ ವಾಚಂ ಅಧಿಷ್ಠಾಯ-
-ಉರುವಾಚೋ ಅಸೃಷ್ಟ ಹಿ |
ಮಹಿಷಾ ಅಮದನ್ ದಿವಿ || ೧೯,೪೫।೧೫

ಶಕ್ರೋ ವಾಚಂ ಅಸೃಷ್ಟ ಹಿ
ಧಾಮಧರ್ಮನ್ ವಿ ರಾಜತಿ |
ವಿಮದಂ ಬರ್ಹಿರ್ ಆ ಸರತ್ || ೧೯,೪೫।೧೬
(೪೫)

ಧ್ರುವೋ ಽಸಿ ಧರುಣೋ ಽಸ್ತೃತೋ
ವಿಶ್ವಕರ್ಮಣಾ ಸುಧೃತಃ |
ಮಾ ತ್ವಾ ಸಮುದ್ರ ಉದ್ ವಧೀನ್ ಮಾ ಸುಪರ್ಣೋ
ಽವ್ಯಥಮಾನ ಇಮಂ ದೃಂಹ || ೧೯,೪೬।೧

ಆಷಾಢೋ ಽಸಿ ಸಹಮಾನಃ ಸಹಸ್ವ-
-ಆರಾತಿಂ ಸಹಸ್ವ ಪೃತನಾಯತಃ |
ಸಹಸ್ರವೀರ್ಯೋ ಽಸಿ ಸ ಇಮಂ ಜಿನ್ವ || ೧೯,೪೬।೨

ಅದ್ಭ್ಯಃ ಸಂಭೂತೋ ಽಸಿ ಪೃಥಿವ್ಯಾ ರಸಾಚ್ ಚ
ವಿಶ್ವಕರ್ಮಣಃ ಸಮವರ್ತಥಾ ಅಧಿ |
ತಸ್ಯ ತ್ವಷ್ಟಾ ವಿದಧದ್ ಏತಿ ರೂಪಂ
ವಿದ್ವಾನ್ ತತ್ ತೇ ದೇವಂ ಆಜಾನಂ ಅಗ್ರೇ || ೧೯,೪೬।೩

ಷಷ್ಟಿಶ್ ಚಾಧ್ವರ್ಯೋ ನವತಿಶ್ ಚ ಪಾಶಾ
ಹೋತಾರಂ ಅಗ್ನಿಂ ಅಂತರಾ ವಿಚೃತ್ತಾಃ |
ಸಿನಂತಿ ಪಾಕಂ ಅತಿ ಧೀರ ಏತ್ಯ್
ಋತಸ್ಯ ಪಂಥಾಂ ಅನ್ವ್ ಏತಿ ವಿದ್ವಾನ್ || ೧೯,೪೬।೪

ಯೋ ಅಧ್ವರ್ಯುಃ ಸಪ್ತ ಹೋತ್ರಾಣಿ ವಿದ್ವಾನ್
ಪೂರ್ವೋ ಹೋತುರ್ ಯಜತ ಆಜಿಘರ್ತಿ |
ಊರ್ಧ್ವಂ ಸ ಯಜ್ಞಂ ಅಧ್ವರಂ ಕೃಣೋತಿ
ಯ ಈಂ ಚಿಕೇತ ಹವಿಷೋ ವಿಭಾಗೇ || ೧೯,೪೬।೫

ಅತ್ರೋ ವಿಭಕ್ತರಿ ಹವಿಷೋ ವಿಭಾಗೇ
ಮಾ ನಿರ್ ಭಾಕ್ಷೀದ್ ಭಾಗಿನಂ ಮೋಪಹತ್ಯ್ |
ಮೋ ಅಭಾಗೋ ವಿದಿತ ಯೋ ಮುಮೋಹ || ೧೯,೪೬।೬

ವಾತ ಆ ವಾತು ಭೇಷಜಂ
ಶಂಭು ಮಯೋಭು ನೋ ಹೃದೇ |
ಪ್ರ ಣ ಆಯೂಂಷಿ ತಾರಿಷತ್ || ೧೯,೪೬।೭

ಉತ ವಾತ ಪಿತಾಸಿ ನ
ಉತ ಭ್ರಾತೋತ ನಃ ಸಖಾ |
ಸ ನೋ ಜೀವಾತವೇ ಕೃಧಿ || ೧೯,೪೬।೮

ಯದ್ ಅದೋ ವಾತ ತೇ ಗೃಹೇ
ನಿಹಿತಂ ಭೇಷಜಂ ಗುಹಾ |
ತಸ್ಯ ನೋ ದೇಹಿ ಜೀವಸೇ || ೧೯,೪೬।೯

ಯೋ ನ ಜೀವೋ ಽಸಿ ನ ಮೃತೋ
ದೇವಾನಾಂ ಅಮೃತಗರ್ಭೋ ಽಸಿ ಸ್ವಪ್ನ |
ವರುಣಣೀ ತೇ ಮಾತಾ ಯಮಃ ಪಿತಾ || ೧೯,೪೬।೧೦

ಯಥಾ ಕಲಾಂ ಯಥಾ ಶಫಂ
ಯಥ ರ್ಣಂ ಸಂನಯಂತಿ |
ಏವಾಹ ದುಷ್ವಪ್ನ್ಯಂ ಸರ್ವಂ
ಅಪ್ರಿಯೇ ಸಂ ನಯಾಮಸಿ || ೧೯,೪೬।೧೧

ಅರರುರ್ ನಾಮಾಸಿ ತಂ ತ್ವಾ ಸ್ವಪ್ನ ತಥಾ ವಿದ್ಮ
ಸ ನಃ ಸ್ವಪ್ನ ಸುಸ್ವಪ್ನ್ಯತಾಂ ಧೇಹಿ || ೧೯,೪೬।೧೨

ನೈತಸ್ಯಾಗ್ರೇ ಹವಿರ್ ಅದಂತಿ ದೇವಾ
ನಿರ್ಭಕ್ತ ಏಷ ಸುಕೃತಸ್ಯ ಲೋಕಾತ್ |
ಪಾಪೀಂ ಧಿಯಂ ಜುಜುಷ ಆತ್ಮನೈಷ
ಸ ಹಿ ದುಷ್ಕೃನ್ ಮನುಷ್ಯೇಷ್ವ್ ಅಂತಃ || ೧೯,೪೬।೧೩

ಯೋ ಮಾತೃಹಾ ಪಿತೃಹಾ
ಸ್ವಸೃಹಾ ಯೇ ಚ ದುಷ್ಕೃತಃ |
ವಿಧಿಷೌ ತೇ ಅಮೃಕ್ಷತ
ಮಲಂ ಮನುಷ್ಯಾ ಇವ || ೧೯,೪೬।೧೪

ಏತದ್ ಏವೈತಂ ನಿರರ್ಷುರ್ ದೇವಾ
ಭ್ರೂಣಘ್ನ್ಯಾ ಲೋಕಂ ಅಪ್ಯ್ ಏತ್ಯ್ ಏಷಃ |
ನ ತೇ ಚೃತ್ಯೇ ಹವಿಷಾ ನಾಥಿತಸ್ಯ ರಾಷ್ಟ್ರಂ
ಏತೇ ಶಕ್ರಾ ವಿ ಚೃತಂತಿ ಪಾಶಂ || ೧೯,೪೬।೧೫
(೪೬)

ಯ ಆಖೋ ಯೋ ವ್ಯುಖೋ
ವೀಣವಾಁ ಇಹ ಸರ್ಪತಿ |
ತಂ ಪರಿ ಪರಿಭೇಷಜಂ
ವೃಶ್ಚಿಕಜಂಭನಂ ಅಸಿ || ೧೯,೪೭।೧

ಮಯೂರೋ ಅತ್ತಿ ವೃಶ್ಚಿಕಂ
ಮಯೂರಂ ವಯಂ ಅದ್ಮಸಿ |
ತಂ ಪರಿ ಪರಿಭೇಷಜಂ
ವೃಶ್ಚಿಕಜಂಭನಂ ಅಸಿ || ೧೯,೪೭।೨

ಆಪ ಇದ್ ವಾ ಉ ಭೇಷಜೀರ್
ಆಪೋ ಅಮೀವಚಾತನೀಃ |
ಆಪೋ ವಿಶ್ವಸ್ಯ ಭೇಷಜೀರ್
ಆಪೋ ವೃಶ್ಚಿಕಜಂಭನೀಃ || ೧೯,೪೭।೩

ತ್ವಂ ಅಗ್ನೇ ವ್ರತಪಾ ಅಸಿ
ದೇವ ಆ ಮರ್ತ್ಯೇಷ್ವ್ ಆ |
ತ್ವಂ ಯಜ್ಞೇಷ್ವ್ ಈಡ್ಯಃ || ೧೯,೪೭।೪

ಯದ್ ವೋ ವಯಂ ಪ್ರಮಿನಾಮ ವ್ರತಾನಿ
ವಿದುಷಾಂ ದೇವಾ ಅವಿದುಷ್ಟರಾಸಃ |
ಅಗ್ನಿಷ್ ಟದ್ ವಿಶ್ವಾದ್ ಆ ಪೃಣಾತು ವಿದ್ವಾನ್
ಸೋಮಸ್ಯ ಯೋ ಬ್ರಾಹ್ಮಣಾಁ ಆವಿವೇಶ || ೧೯,೪೭।೫

ಆ ದೇವಾನಾಂ ಅಪಿ ಪಂಥಾಂ ಅಗನ್ಮ
ಯಚ್ ಛಕ್ನವಾಮ ತದ್ ಅನು ಪ್ರವೋಧುಂ |
ಅಗ್ನಿರ್ ವಿದ್ವಾನ್ ಸ ಯಜಾತ್ ಸ ಇದ್ ಧೋತಾ
ಸೋ ಅಧ್ವರಂ ಸ ಋತೂನ್ ಕಲ್ಪಯಾತಿ || ೧೯,೪೭।೬

ಉತ್ ತುದಾ ಇ ಶಿಮಿದ್ವತೀಂ
ವಿ ದುರ್ಯೋಣಾ ಇವ ದುಪದಾ ಇ |
ಉದ್ ಅಸ್ಯಾಃ ಪಾತಯಾ ಮನಃ
ಶಶ್ವತೀಭ್ಯಃ ಸಮಾಭ್ಯಃ || ೧೯,೪೭।೭

ಪಕ್ವಂ ಮಾಂಸಂ ಇವಾಸಿನಾ
ಶಕುನಿಪ್ರಪತನಾಂ ಕೃಧಿ |
ಮೃಗಾಁ ಅನು ಪ್ರ ಪಾತಯ
ಮರೀಚೀರ್ ಅನು ನಾಶಯ || ೧೯,೪೭।೮

ವಿಷ್ವಂಚೌ ಗಾವಾವ್ ಆ ಕುರು
ವಿಷ್ವಂಚೌ ಯುಗ್ಯಾ ಉತ |
ಉತಾಸೌ ಸೂರ್ಯ ಊರ್ಧ್ವಂ
ವಿಷ್ವಂಚೌ ವಾಂ ವ್ಯ್ ಆ ಕರತ್ || ೧೯,೪೭।೯

ವಿಷಂ ಉಗ್ರಂ ವಿಷಂ ಸ್ಥಿರಂ
ವಿಷಸ್ಯ ಮಹಿಮಾ ಮಹಾನ್ |
ವಿಷಂ ಪರಸ್ವತಃ ಶಿರಃ
ಶತಧಾ ವ್ಯ್ ಅಪಾತಯತ್ || ೧೯,೪೭।೧೦

ಸಂ ದಹ ವ್ರಜಂ ಯಥಾ
ವಸುಧಾ ವಸು ವರ್ತಯತ್ |
ಯಂ ವಿಷ ಪ್ರಸರ್ಪಸಿ
ಸಂ ಅಗ್ನಿರ್ ಇವ ತಂ ದಹ || ೧೯,೪೭।೧೧

ಗೃಹಾಣ ಮಾಂಸಾನ್ಯ್
ಅವ ಲೋಮಾನಿ ಪಾತಯ |
ಪಾಂಶೂನ್ ಕೃಕಾಟ ಆ ವಾಪಾಚ್ ಛಿಂಧ್ಯ್
ಉತ್ತಾನಪಾದಂ ಅರ್ದಯ || ೧೯,೪೭।೧೨

ಮಧೋರ್ ಅಹಂ ಮಧುತರೋ
ಮಧುಘಾನ್ ಮಧುಮತ್ತರಃ |
ಆಸನಿ ಕಿಲ ಮೇ ಮಧು
ಮುಖೇ ನಿಮಂದನಂ ಕೃತಂ || ೧೯,೪೭।೧೩

ಮಾಂ ಇತ್ ತ್ವಂ ಅಭಿ ಚಾಕಶೋ
ಮೃಗಸ್ ತೃಷ್ಯನ್ನ್ ಇವೋದಕಂ |
ಅಧಸ್ಪದಾನ್ ಮ ಉದ್ ವದಾನ್
ಮಂಡೂಕೋ ಗೋಶಫಾದ್ ಇವ || ೧೯,೪೭।೧೪

ಉದ್ ವದಾ ಮೇ ಅಧಸ್ಪದಾನ್
ಮಂಡೂಕೋ ಗೋಶಫಾದ್ ಇವ |
ಅಥೋ ಽಪ ಚಕ್ರಾ ಆಸಾಸೈ
ಶ್ವಾ ಬಂಧ ಇವಾಹತಃ || ೧೯,೪೭।೧೫
(೪೭)

ಆ ವದ ಬಹುಲಂ ಗೋಷ್ಠಂ
ಸುವೀರಂ ಬಹುಪೂರುಷಂ |
ಯಥೇತೋ ನ ಪ್ರಮೀಯಾತಾ
ಏವಾ ಮೇ ಗೋಷ್ಠಂ ಆ ವದ || ೧೯,೪೮।೧

ಆ ವದ ದುಹಿತುಷ್ ಪತೇ
ಭ್ರಾತುರ್ ಜಾಮಾತರ್ ಆ ವದ |
ಪಶ್ಚಾ ತ ಉದ್ಭೂತಃ ಸ್ಫಿಗಃ
ಕಿಷ್ಕಿಂಧಾನಾಂ ಅವೀರ್ ಜಹಿ || ೧೯,೪೮।೨

ಯದ್ ಉಲೂಕೋ ವದತಿ ಮೋಘಂ ಏತದ್
ಯತ್ ಕಪೋತಃ ಪದಂ ಅಗ್ನೌ ಕೃಣೋತಿ |
ಶ್ರುತಕರ್ಣಾಯ ಕವಯೇ ಸ್ತೋಮ್ಯಾಯ
ತಸ್ಮೈ ಯಮಾಯ ನಮೋ ಅಸ್ತ್ವ್ ಅದ್ಯ || ೧೯,೪೮।೩

ಯ ಐಂದ್ರಾಃ ಪಾಶಾ ಯೇ ಚ ವಾರುಣಾ
ಆರೇ ಅಸ್ಮತ್ ತಾನ್ ದೇವೀ ನಿರೃತಿರ್ ದಧಾತು || ೧೯,೪೮।೪

ಯೇ ವೈಶ್ವಾನರಾಃ ಪಾಶಾ ಯೇ ಚ ಮಾರುತಾ
ಆರೇ ಅಸ್ಮತ್ ತಾನ್ ದೇವೀ ನಿರೃತಿರ್ ದಧಾತು || ೧೯,೪೮।೫

ಯೇ ವೈಶ್ವದೇವಾಃ ಪಾಶಾ ಯೇ ಚ ವೈಶ್ವಕರ್ಮಣಾ
ಆರೇ ಅಸ್ಮತ್ ತಾನ್ ದೇವೀ ನಿರೃತಿರ್ ದಧಾತು || ೧೯,೪೮।೬

ನಾರದೇ ಕಿತವೇ ವರುಣೇ ಸೋಮ
ಐಚ್ಛನ್ ಮಹಿಮಾನಂ ಮಹಾಂತಂ |
ಅವಿಂದತ್ ತಂ ವಿಶ್ವಕರ್ಮಾ ಸಮುದ್ರೇ
ಅಕ್ಷಾಣಾಂ ಕ್ಲಂದಂ ಐನಂ ಅಸ್ಮಿನ್ ದಧಾಮಿ || ೧೯,೪೮।೭

ಯದ್ ಧಸ್ತಯೋರ್ ಯಚ್ ಚಕ್ಷುಷೋರ್
ಮನೋ ಯತ್ ಪ್ರವಿವೇಶ ತೇ |
ಸ್ಕಂದಾನ್ ಅಸ್ಯ ಪ್ರಸ್ಕಂದೇನ
ಕ್ಲಂದೇನ ಕ್ಲಂದಯಾಮಿ ತತ್ || ೧೯,೪೮।೮

ತಿಸ್ರೋ ದೇವೀರ್ ಅಪ್ಸರಸ ಆಕೈಕಾ ಸಾಕೈಕಾ ಪ್ರೇತಪ್ರಯಾಂ ಏತ್ಯ್ ಏಕಸ್ಯಾ ನಾಮ |
ಜುಷಾಣಾ ಅಪ್ಸರಸ ಆಜ್ಯಸ್ಯ ಸಹಸೋ ವ್ಯಂತು ಸ್ವಾಹಾ || ೧೯,೪೮।೯

ಅತ್ಯಾಕ್ಷಂ ತ್ವಾ ಮನಸಾ-
-ಅತ್ಯಾಕ್ಷಂ ಹೃದಯೇನ ತ್ವಾ |
ಅತ್ಯಾಕ್ಷಂ ಸರ್ವೈರ್ ಅಂಗೈಸ್ ತ್ವಾ
ತಥಾ ಹಿ ತ್ಯಜನಂ ಕೃತಂ || ೧೯,೪೮।೧೦

ಇಮಾ ಯಾಃ ಪ್ರತಿ ನಂದಥ
ಸ್ತ್ರಿಯಃ ಪುಮಾಂಸಂ ಅನ್ವಿತಂ |
ಸರ್ವಾಃ ಸಂಗತ್ಯ ಬ್ರೂತ
ತೇಜನೇ ತ್ಯಜನಂ ಕೃತಂ || ೧೯,೪೮।೧೧

ತ್ಯಜನಂ ಮೇ ದ್ಯಾವಾಪೃಥಿವೀ ಅಧಾತಾಂ
ತ್ಯಜನಂ ದೇವಃ ಸವಿತಾ ಬೃಹಸ್ಪತಿಃ |
ಅಗ್ನಿಶ್ ಚ ತುಭ್ಯಂ ಸೂರ್ಯಶ್ ಚ
ತೇಜನೇ ತ್ಯಜನಂ ಕೃತಂ || ೧೯,೪೮।೧೨

ಸಂ ದಿವಃ ಸಂ ಪೃಥಿವ್ಯಾಃ
ಸಂ ವಾತಾತ್ ಸಂ ನದೀಭ್ಯಃ |
ಸಂಸ್ಕಂದಂ ಇಂದ್ರ ಆಭರತ್
ಸ ಆಗಾತ್ ಸೋ ಽಗಾದ್ ಇದಂ || ೧೯,೪೮।೧೩

ಸಂಸ್ಕಂದಂ ಓಜ ಓಜಸಾ
ದೇವೇಭಿರ್ ನಾಮ ತೇ ಹಿತಂ |
ಹಿರಣ್ಯನಾಮ ನಾಮ ತೇ
ಸಂಸ್ಕಂದಾಸ್ಯ್ ಓಷಧೇ || ೧೯,೪೮।೧೪

ಸಂ ಸಮುದ್ರೋ ನದೀಭಿಃ
ಸಂ ದ್ಯಾವಾಪೃಥಿವೀ ಉಭೇ |
ಸಂ ಜಾಯಾ ಪತ್ಯಾ ಯೋನ್ಯಾಂ
ಸಂಸ್ಕಂದಾಸ್ಯ್ ಓಷಧೇ || ೧೯,೪೮।೧೫

ಸಂ ತೇ ಶೀರ್ಷ್ಣಃ ಕಪಾಲಾನಿ
ಸಂ ಯೋನಿಂ ಸಂಗವೀನ್ಯೌ |
ಸಂ ತೇ ಸರ್ವಾಣ್ಯ್ ಅಂಗಾನಿ
ಸಂ ಸ್ಕಂದೇನಾಭಿ ದಧ್ಮಸಿ || ೧೯,೪೮।೧೬

ಶ್ರಿಯಂ ಧಾತುರ್ ಮಯಿ ಧೇಹಿ
ಶ್ರಿಯಾ ಮಾಧಿಪತಿಂ ಕೃಣು |
ವಿಶಾಂ ಈಶಾನೋ ಮಘವಾನ್
ಇಂದ್ರೋ ಮಾ ಯಶಸಾ ನಯತ್ || ೧೯,೪೮।೧೭

ಮಯಿ ತ್ಯದ್ ಇಂದ್ರಿಯಂ ಬೃಹನ್
ಮಯಿ ದಕ್ಷ ಉತ ಕ್ರತುಃ |
ಘರ್ಮಸ್ ತ್ರಿಶ್ ಚಿದ್ ವಿ ಭಾತು ಮಾ
ಗಾಯತ್ರೀಚ್ಛಂದಸಾ ವಿರಾಡ್ಜ್ಯೋತಿಷಾ
ತಸ್ಯ ದೋಹಂ ಅಶೀಯ || ೧೯,೪೮।೧೮

ಅರ್ಕಾಸಧಸ್ಥೌ ಕವಿಮಾತರಿಶ್ವಾನೌ ಯಮಾಂಗಿರಸಃ |
ಯಶಸ್ವಿನಂ ಮಾ ದೇವಾ ಯಶಸಃ ಕೃಣುತ ಸ್ವಾಹಾ || ೧೯,೪೮।೧೯
(೪೮)

ಅನುವಾಕ ೧೨ ||

ಇಂದ್ರಂ ವಯಂ ವಣಿಜೋ ಹವಾಮಹೇ
ಸ ನಸ್ ತ್ರಾತಾ ಪುರ ಏತು ಪ್ರಜಾನನ್ |
ಘ್ನನ್ನ್ ಅರಾತಿಂ ಪರಿಪಂಥಿನಂ ಮೃಗಂ
ಸ ಈಶಾನೋ ಧನದಾ ಅಸ್ತು ಮಹ್ಯಂ || ೧೯,೪೯।೧

ಪಣೋ ನೋ ಅಸ್ತು ಪ್ರಪಣೋ ವಿಕ್ರಯಶ್ ಚ
ಪ್ರತಿಪಣೋ ನೋ ಧನಿನಃ ಕೃಣೋತು |
ಸಂರರಾಣಾ ಆಹುತಿಂ ಜುಷಂತಾಂ
ಶುನಂ ನೋ ಅಸ್ತು ಚರಿತಂ ಉತ್ಥಿತಂ ಚ || ೧೯,೪೯।೨

ಯತ್ ಪಣೇನ ಪ್ರತಿಪಣಂ ಚರಾಮಿ
ಸ್ವೇನ ದೇವಾ ಧನಂ ಇಚ್ಛಮಾನಃ |
ಇಂದ್ರೋ ಮೇ ತಸ್ಮಿನ್ ರುಚಂ ಆ ದಧಾತು
ಬೃಹಸ್ಪತಿಃ ಸವಿತಾ ಸೋಮೋ ಅಗ್ನಿಃ || ೧೯,೪೯।೩

ಯೇ ವಃ ಪಂಥಾ ಬಹವೋ ದೇವಯಾನಾ
ಅನು ದ್ಯಾವಾಪೃಥಿವೀ ಸಂಚರಂತಿ |
ತೇಷಾಂ ಅಹಂ ಮಾಂ ವರ್ಚಸ್ಯಾ ದಧಾಮಿ
ಯಥಾ ಕ್ರೀತ್ವಾ ಧನಂ ಆ ವಹಾನಿ || ೧೯,೪೯।೪

ವಿದ್ಧವಾಸಸೇ ನಿರೃತೇರ್
ಯೇ ಚ ಪಾಶಾ ಅಪಶ್ರಿತಾಃ |
ತೇಭ್ಯಃ ಪ್ರ ಮುಚ್ಯತೇ ವರ್ಮೀ
ವಿಷ್ಕಂಧಂ ಉಪ ಸಾದಯನ್ || ೧೯,೪೯।೫

ನ ವೈ ತದ್ ವಾಸೋ ಭವತಿ
ಯಸ್ಮಿನ್ ವಿಧ್ಯಂತಿ ಪೂರುಷಂ |
ಅಸ್ನಾ ಸಮಜ್ಯತೇ ರೂಪಂ
ತಸ್ಮಾತ್ ತದ್ ಅಪಲೋಪ್ಯಂ || ೧೯,೪೯।೬

ಉತ್ತಿಷ್ಠನ್ನ್ ಅಪ್ರಿಯಾಯತ-
-ಅವಿದ್ವಾನ್ ಬಹುಭಾಜ್ಯಂ |
ನ ಪಂಥಾಂ ಭದ್ರಂ ಅಶ್ನುತೇ
ಯ ಏನೇನ ಚರಾತ್ ಸಹ || ೧೯,೪೯।೭

ಬ್ರಹ್ಮಣೈತತ್ ಪ್ರತಿಗೃಹ್ಯಂ
ತೇನ ತತ್ ಕೃಣುತೇ ಶಿವಂ |
ಆರ್ಕಾತ್ ಪ್ರಮುಚ್ಯತೇ ಪಾಶಾತ್
ತೇನ ದಾತಾ ವಿ ಪಶ್ಯತಿ || ೧೯,೪೯।೮

ಯೌ ವ್ಯಾಘ್ರಾವ್ ಅವರೂಢಾವ್ ಅವಾಂಚೌ
ಜಿಘತ್ಸತಃ ಪಿತರಂ ಮಾತರಂ ಚ |
ತೌ ದಂತೌ ಬ್ರಹ್ಮಣಾ ಬ್ರಹ್ಮಣಸ್ಪತೇ
ಶಿವೌ ಕೃಣು ತ್ವಂ ಇಹ ಜಾತವೇದಃ || ೧೯,೪೯।೯

ವ್ರೀಹಿಂ ಅತ್ತಂ ಯವಂ ಅತ್ತಂ
ಮಾಷಂ ಅತ್ತಂ ಅಥೋ ತಿಲಂ |
ಸ ವಾಂ ಭಾಗೋ ನಿಹಿತೋ ರತ್ನಧೇಯಂ
ಮಾ ಹಿಂಸಿಷ್ಟಂ ಪಿತರಂ ಮಾತರಂ ಚ || ೧೯,೪೯।೧೦

ಅಘೋರೌ ಸಯುಜಾ ಸಂವಿದಾನೌ
ಸ್ಯೋನೌ ದಂತೌ ಸುಮಂಗಲೌ |
ಮಾ ಹಿಂಸಿಷ್ಟಂ ಪಿತರಂ ಮಾತರಂ ಚ-
-ಅನ್ಯತ್ರ ವಾಂ ತನ್ವೋ ಘೋರಂ ಅಸ್ತು || ೧೯,೪೯।೧೧

ಏನಾ ಯುತಾಂ ಇಂದ್ರಾಗ್ನೀ
ರಾಜ್ಞಾ ಸೋಮೇನ ಮೇದಿನಾ |
ಇಂದ್ರೋ ಮರುತ್ವಾನ್ ಆದಾನಂ
ಅಮಿತ್ರೇಭ್ಯಃ ಕೃಣೋತು ಮೇ || ೧೯,೪೯।೧೨

ಇದಂ ಆದಾನಂ ಅಕರಂ
ತಪಸೇಂದ್ರೇಣ ಸಂಶಿತಂ |
ಅಮಿತ್ರಾ ಯತ್ರ ಸಂತಿ ಮೇ
ತಾನ್ ಆದಾಂ ದ್ವಿಷತೋ ಮಮ || ೧೯,೪೯।೧೩

ಆದಾನೇನ ಸಂದಾನೇನ-
-ಅಮಿತ್ರಾನ್ ಸಂ ದ್ಯಾಮಸಿ |
ಅಪಾನಾ ಯೇ ಚೈಷಾಂ ಪ್ರಾಣಾ
ಅಸುನಾಸೂನ್ ಸಂ ಅಚ್ಛಿದಂ || ೧೯,೪೯।೧೪

ಪ್ರತೂರ್ತಾಯ ಮರುತ್ವತೇ ಸ್ವಾಹಾ || ೧೯,೪೯।೧೫

ಜಯದ್ವೀರಾಯಾಭಿಷತ್ವನೇ ಸ್ವಾಹಾ || ೧೯,೪೯।೧೬

ಬೃಹಸ್ಪತಯೇ ವಿಶ್ವದೇವಾವತೇ ಸ್ವಾಹಾ || ೧೯,೪೯।೧೭
(೪೯)

ಪ್ರ ದ್ಯೌಃ ಪ್ರ ಪೃಥಿವೀ
ಪ್ರಾಂತರಿಕ್ಷಂ ಸ್ವಂ ಅರ್ಹತ್ |
ಪ್ರೇತಃ ಸಮುದ್ರಿಯಾ ಆಪಃ
ಶಲ್ಯಂ ಅಚುಚ್ಯವುಃ || ೧೯,೫೦।೧

ಪ್ರ ತ್ವಾ ವಾತಶ್ ಚ್ಯಾವಯತು
ಪ್ರ ಭೂಮಿಃ ಸಹಸಾ ಸಹ |
ಪ್ರೇತಃ ಸಮುದ್ರಿಯಾ ಆಪಃ
ಶಲ್ಯಂ ಅಚುಚ್ಯವುಃ || ೧೯,೫೦।೨

ಪ್ರ ತ್ವಾ ಸೂರ್ಯಶ್ ಚ್ಯಾವಯತು
ನಕ್ಷತ್ರೈಃ ಸಹ ಮೇದಿಭಿಃ |
ಪ್ರೇತಃ ಸಮುದ್ರಿಯಾ ಆಪಃ
ಶಲ್ಯಂ ಅಚುಚ್ಯವುಃ || ೧೯,೫೦।೩

ಯೋ ಮಾ ಪೌತುದ್ರುವೋ ಮಣಿರ್
ವಿಶ್ವಭೇಷಜ ಆಗಮತ್ |
ಸೋ ಅಸ್ಮತ್ ಸರ್ವಂ ದುಷ್ವಪ್ನ್ಯಂ
ಅಪ ಹಂತು ತಮಶ್ ಚ ಯತ್ || ೧೯,೫೦।೪

ಅಪಾಸ್ಮತ್ ಸರ್ವಂ ದುಷ್ವಪ್ನ್ಯಂ
ಅಪ ಪಾಪೀಂ ಚ ಲಕ್ಷ್ಮ್ಯಂ |
ಅಧಾ ಹಿರಣ್ಯವರ್ಚಸಂ
ಸರ್ವದಾ ಮಾ ಮಣೇ ಕೃಧಿ || ೧೯,೫೦।೫

ಸರ್ವದೈವಾಹಂ ಭಗವಾನ್
ಇಂದ್ರಿಯಾವಾನ್ ವಿಷಾಸಹಿಃ |
ಯೋ ಮಾ ಪೌತುದ್ರುವೋ ಮಣಿರ್
ದ್ರವಿಣೇನ ಸಹಾರುಹದ್
ಇಂದ್ರೇಣ ಸಹಾರುಹತ್ || ೧೯,೫೦।೬

ಪುಮಾನ್ ಅಶ್ವೋ ಧನಂ ವಿತ್ತಿಂ
ಪುಮಾನ್ ನಿಷ್ಕೋ ಹಿರಣ್ಯಯಃ |
ಪುಮಾಂಸಂ ಪುತ್ರಂ ಓಷಧೇ
ಽಸ್ಯಾ ಆ ಧೇಹಿ ನಾರ್ಯೈ || ೧೯,೫೦।೭

ಯಥಾನಂದಾಃ ಪುಂಸಿ ಜಾತೇ
ನ ವ್ರವಸ್ತೀತಿ ಕಶ್ ಚನ |
ಏವಾ ತ್ವಂ ಪುತ್ರಂ ಓಷಧೇ
ಽಸ್ಯಾ ಆ ಧೇಹಿ ನಾರ್ಯೈ || ೧೯,೫೦।೮

ಅಶ್ವೇನ ರಿಷ್ಯೇನ ಗವಾ
ಕ್ರೀತಾಸ್ಯ್ ಓಷಧೇ |
ಅಶ್ವಃ ಶ್ವೇತೋ ಧನಂ ತವ
ಹಿರಣ್ಯಂ ಹರಿತಂ ತವ |
ದತ್ತಾ ಸೋಮೇನ ರಾಜ್ಞೇಹ
ಪುಂಸವನಂ ಭವ || ೧೯,೫೦।೯

ಯನ್ ಮೇ ನೃಮ್ಣಂ ದ್ರವಿಣಂ ಬ್ರಾಹ್ಮಣಂ ಚ
ಯಚ್ ಚ ಶ್ರುತಂ ಯಚ್ ಚ ರತ್ನಂ ಬಿಭರ್ಮಿ |
ಏತನ್ ನೋ ಅತ್ರ ನಿಧಿಪಾನು ಪಾತು
ಯಾವದ್ ಐಮಿ ಸ್ತ್ರೀಯಣಮಜ್ಮಾ ವ್ಯಜ್ಯ || ೧೯,೫೦।೧೦

ಯನ್ ಮೇ ನೃಮ್ಣಂ ದ್ರವಿಣಂ ಬ್ರಾಹ್ಮಣಂ ಚ
ಯೇ ಅಗ್ನಯೋ ಧೃಷ್ಣಿಯಾಸೋ ಮಯೀಮೇ |
ಹರಿಶ್ಚಂದ್ರೋ ರಕ್ಷತು ತನ್ ನೋ ಅತ್ರ
ಯಾವದ್ ಐಮಿ ಪರೋ ಗ್ರಾಮಂ ಚರಿತ್ವಾ || ೧೯,೫೦।೧೧

ಏಷ ಐಮಿ ಪರೋ ಗ್ರಾಮಂ ಚರಿತ್ವಾ-
-ಅಚ್ಛ ನೃಮ್ಣಂ ದ್ರವಿಣಂ ಬ್ರಾಹ್ಮಣಂ ಚ |
ಯದ್ ಅತ್ರಾಪಿ ತ್ವೇ ಶುಚಿ-
-ಇದಂ ತದ್ ಅಹಂ ಆ ದದೇ || ೧೯,೫೦।೧೨

ಆ ಸೂರ್ಯೋ ಹಿ ಪ್ರಥಮಂ ದಸ್ಯುಹತ್ಯಾಯ
ಶಕ್ರ ಹಾರೀ ಯುಂಜಾನೋ ಮಘವನ್ ಸಹಸ್ರಂ |
ದಾಸಂ ವರ್ಣಂ ರಂಧಯನ್ನ್ ಆರ್ಯಾಯ
ಯುಂಜಾನೋ ಬಾಹೂ ಪುರುಹೂತ ವಜ್ರಂ || ೧೯,೫೦।೧೩

ಆಹೃಡತೇ ದಸ್ಯುಹತ್ಯಾಯ
ತೂರ್ಣ ದೃಢಾನಿ ಪರ್ವಾ ಶೃಣೀಹೀಂದ್ರ |
ತೀವ್ರಾಶ್ರದ್ಧೋ ಬಹುಲಾನ್ಯ್ ಏಷಾಂ
ಅಯುಜ್ವನೋ ಅರ್ಪಯ ಸಂ ವಧೇನ || ೧೯,೫೦।೧೪

ದರ್ಶನ್ ನು ಚಿತ್ರಪಾವಾನಂ ಇಂದ್ರಂ
ಬಹು ಸಾಕಂ ಶರಾಁ ಇವ ಪತ್ಯಮಾನಾನ್ |
ಯೇ ನೋ ಘೃಷ್ವಿಂ ಮಘವಾನಂ ಪೃತನ್ಯಾನ್
ಅಭೀರು ತೇಷು ಕವಯೋ ವವೃತ್ಯುಃ || ೧೯,೫೦।೧೫
(೫೦)

ಇದಾವತ್ಸರಾಯ ಪರಿವತ್ಸರಾಯ
ಸಂವತ್ಸರಾಯ ಪ್ರತಿ ವೇದಯಾಮ ಏತತ್ |
ಯದ್ ವ್ರತೇಷು ದುರಿತಂ ನಿಜಗ್ಮಿಮ
ದುರ್ಹಾರ್ದಂ ತೇನ ಶಮಲೇನಾಂಜ್ಮಃ || ೧೯,೫೧।೧

ಯನ್ ಮೇ ವ್ರತಂ ವ್ರತಪತೇ ಲುಲೋಭ-
-ಅಹೋರಾತ್ರೇ ಸಂ ಅಧಾತಾಂ ಮ ಏತತ್ |
ಉದ್ಯನ್ ಪುರಸ್ತಾದ್ ಭಿಷಗ್ ಅಸ್ತು ಚಂದ್ರಮಾಃ
ಸೂರ್ಯೋ ರಶ್ಮಿಭಿರ್ ಅಭಿ ಗೃಣಾತ್ವ್ ಏತತ್ || ೧೯,೫೧।೨

ಯದ್ ವ್ರತಂ ಅತಿಪೇದೇ
ಚಿತ್ತ್ಯಾ ಮನಸಾ ಹೃದಾ |
ಆದಿತ್ಯಾ ರುದ್ರಾಸ್ ತನ್ ಮಯಿ
ವಸವಶ್ ಚ ಸಂ ಇಂಧತಾಂ || ೧೯,೫೧।೩

ವ್ರತಾನಿ ವ್ರತಪತಯ
ಉಪಾ ಕರೋಮ್ಯ್ ಅಗ್ನಯೇ |
ಸ ಮೇ ದ್ಯುಮ್ನಂ ಬೃಹದ್ ಯಶೋ
ದೀರ್ಘಂ ಆಯುಷ್ ಕೃಣೋತು ಮೇ || ೧೯,೫೧।೪

ಮಯೋಭೂರ್ ವಾತೋ ಅಭಿ ವಾತೂಸ್ರಾ
ಊರ್ಜಸ್ವತೀರ್ ಓಷಧೀರ್ ಆ ರಿಶಂತಾಂ |
ಮೇದಸ್ವತೀರ್ ಜೀವಧನ್ಯಾ ಮಯೋಭುವಃ
ಪದ್ವತೇ ಽವಸಾಯ ರುದ್ರ ಮೃಡ || ೧೯,೫೧।೫

ಯಾ ಏಕರೂಪಾ ವಿಶ್ವರೂಪಾಃ ಸರೂಪಾ
ಯಾಸಾಂ ಅಗ್ನಿರ್ ಊಧೋ ವೋ ಜನ್ಮ ವೇದ |
ಯಾ ಅಂಗಿರಸಸ್ ತಪಸೇಹ ಚಕ್ರುಸ್
ತಾಭ್ಯಃ ಪರ್ಜನ್ಯ ಮಹಿ ಶರ್ಮ ಯಚ್ಛಾತ್ || ೧೯,೫೧।೬

ಯಾ ದೇವೇಷು ತನ್ವ ಐರಯಂತ
ಯಾಸಾಂ ಸೋಮೋ ರೂಪಧೇಯಾನಿ ವೇದ |
ತಾ ಅಸ್ಮಭ್ಯಂ ಬಹುಲಾಃ ಪಿನ್ವಮಾನಾಃ
ಪ್ರಜಾವತೀರ್ ಇಂದ್ರ ಗೋಷ್ಠೇ ದಿದಿಶ್ಯಾಃ || ೧೯,೫೧।೭

ಪ್ರಜಾಪತಿರ್ ಮಹ್ಯಂ ಏತಾ ರರಾಣೋ
ಬಹ್ವೀಃ ಸತೀರ್ ಉಪ ಮೇ ಗೋಷ್ಠ ಆಕಃ |
ತಾಸಾಂ ವಯಂ ಪ್ರಜಯಾ ಸಂ ಸದೇಮ
ಜ್ಯೋಗ್ ಜೀವಂತಃ ಶರದಃ ಪುರೂಚೀಃ || ೧೯,೫೧।೮

ಅಭಿಷ್ಠಿತಾ ಚರ್ಕರ್ದೀತಿ
ಪಿಶಂಗೀ ಬಹುಕರ್ದಿನೀ |
ಕರ್ದೋ ಹ ಜಜ್ಞೇ ಹಾಲೀಕ್ಷ್ಣಾದ್
ವ್ರೀಹೇರ್ ಮಾಷಾದ್ ಅಥೋ ಯವಾತ್ || ೧೯,೫೧।೯

ಯಥಾ ಭಸದ್ ಧಾಲೀಕ್ಷ್ಣಸ್ಯ
ನ ಸಂಭವತಿ ಕರ್ದವೇ |
ಏವಾ ಹಲಗ್ನ ಕರ್ದಯ
ನಿರ್ ಗ್ರಾಮಾನ್ ನಿರ್ ದಿಶೋ ಜಹಿ || ೧೯,೫೧।೧೦

ಯಥಾ ಪರಸ್ವಾಂ ಛರ್ಧತೇ
ಗರ್ದಭಃ ಕೃಧುಸಂದೃಶಃ |
ಏವಾ ತೇ ಶರ್ಧತಾಂ ಭಸದ್
ಧಾಲೀಕ್ಷ್ಣಪರ್ಣ ಶರ್ಧಯ
ವೃತ್ರಹಾ ಶಾಕೀ ಶರ್ಧಯ || ೧೯,೫೧।೧೧

ಪವೀರವಲ್ ಲಾಂಗಲಂ
ಸುಶೇವಂ ಸೋಮಪಿತ್ಸರಂ |
ತದ್ ಉತ್ ಕೃಷತಿ ಗಾಂ ಅವಿಂ
ಪ್ರಫರ್ವ್ಯಂ ಚ ಪೀವರೀಂ
ಪ್ರಸ್ತಾವಂ ರಥವಾಹನಂ || ೧೯,೫೧।೧೨

ಶುನಂ ವರತ್ರಾಂ ಆ ಯಚ್ಛ
ಶುನಂ ಅಷ್ಟ್ರಾಂ ಉದ್ ಇಂಗಯ |
ಶುನಂ ವಾಹಸ್ಯ ಯುಕ್ತಸ್ಯ-
-ಅಷ್ಟ್ರಯಾ ಜಹಿ ದಕ್ಷಿಣಂ || ೧೯,೫೧।೧೩

ಮಧುಮಂತಂ ನಿ ಗೃಹಾಣ
ಫಾಲಂ ಕ್ಷೇತ್ರೇಷು ಸರ್ವದಾ |
ತತ್ ಪರ್ಜನ್ಯೋ ಽಭಿ ವರ್ಷತು
ಭೂಮ್ನೇ ಧಾನ್ಯಾಯ ಕರ್ತವೇ || ೧೯,೫೧।೧೪

ಏತಾ ಉ ತ್ಯಾ ಅದೃಕ್ಷತ-
-ಆಯತೀರ್ ವೇದ್ಯಾಂ ಅಧಿ |
ಪ್ರಾಹಾಗ್ನಿರ್ ಹವ್ಯಂ ದೇವೇಭ್ಯೋ
ಮಂತ್ರೋ ಹೋತಾ ಹವಿಷ್ಪತಿಃ || ೧೯,೫೧।೧೫

ಏಮಾ ಅಗುರ್ ಮಯೋಭುವೋ
ಮಧೋರ್ ಊಧಾಂಸಿ ಬಿಭ್ರತೀಃ |
ತಾ ಉಪ ಪ್ರ ಶಿಕ್ಷತ
ದುಹಾನಾ ಅಕ್ಷಿತಂ ಪಯಃ || ೧೯,೫೧।೧೬

ಇಡಾ ಸ್ಥ ಮಧುಪೃಚೋ
ವಿಶ್ವರೂಪಾಸ್ ತಾ ಮಾ ವಿಶತ |
ಸಹ ಪ್ರಾಣೇನ ತೇಜಸಾ
ಹರಸಾ ಬಲೇನ || ೧೯,೫೧।೧೭
(೫೧)

ದಿವೋ ನಭಃ ಶುಕ್ರಂ ಪಯೋ ದುಹಾನಾ-
-ರ್ತಸ್ಯ ನಾಭಿರ್ ಅಮೃತಂ ವಿ ಚಷ್ಟೇ || ೧೯,೫೨।೧

ಘೃತಂ ದುಹಾನಾ ವಿಶ್ವತಃ ಪ್ರಪೀತಾಂ
ಊರ್ಜಂ ದುಹಾನಾ ಅನಪಸ್ಫುರಂತೀಂ |
ಉಪಾಸತಾಂ ಸುಕೃತಃ ಸ್ವಧಾಭಿಃ || ೧೯,೫೨।೨

ಘೃತಂ ಇಚ್ಛ ಪಿನ್ವಮಾನಾಂ
ಇಮಾಂ ಯೋನಿಂ ಉಪಾಧ್ವಂ |
ಸ್ವಧಾ ಯಾಶ್ ಚಕೃಷೇ ಜೀವನ್
ತಾಸ್ ತೇ ಸಂತು ಮಧುಶ್ಚುತಃ || ೧೯,೫೨।೩

ಸಂ ರಸಾ ಓಷಧೀನಾಂ
ಸಂ ಆಕೂತೀರ್ ನಮಂತು ಮೇ |
ಊರ್ಜಸ್ವಂತಂ ಪಯಸ್ವಂತಂ
ಪೃಥಿವ್ಯಾ ಹಸ್ತಂ ಅನ್ವ್ ಅಗಾಂ || ೧೯,೫೨।೪

ಪರಿಣೀತಿರ್ ಅಸಿ ಹಸ್ತಸ್ಯ
ಪಥಃ ಪರಿಣೀತಿರ್ ಅಸಿ |
ಏವಾ ಹ ದುಷ್ವಪ್ನ್ಯಂ ಸರ್ವಂ
ಸ್ತಂಬೇ ಪರಿ ಣಯಾಮಸಿ || ೧೯,೫೨।೫

ಪಯಸ್ವನ್ ಮೇ ಕ್ಷೇತ್ರಂ ಅಸ್ತು
ಪಯಸ್ವದ್ ಉತ ಧಾನ್ಯಂ |
ಕೃಷಿಃ ಪಯಸ್ವತೀ ಮಮ-
-ಅಹಂ ಪಯಸ್ವಾನ್ ಭೂಯಾಸಂ || ೧೯,೫೨।೬

ವೃಷ್ಣೇ ಬೃಹತೇ ಸ್ವರ್ವಿದೇ
ಽಗ್ನಯೇ ಶುಕ್ಲಂ ಹರಾಮಿ ತ್ವಿಷೀಮತೇ |
ಸ ನ ಸ್ಥಿರಾನ್ ಬಲವತಃ ಕೃಣೋತು
ಜ್ಯೋಕ್ ಚ ನೋ ಜೀವಾತವೇ ದಧಾತು || ೧೯,೫೨।೭

ವೇದ ವೈ ತೇ ಽಗ್ನೇ ನಾಮ-
-ಅದ್ಭಿರ್ ನಾಮಾಸಿ ತ್ರಿವರೂಥಃ |
ತ್ರಯಃ ಪೋಷಾಸ್ ತ್ರಿವೃದ್ ಅಸ್ಮಾನ್ ಯಜ್ಞಃ ಸಚತಾಂ || ೧೯,೫೨।೮

ಪ್ರಜಾಪತೇಃ ಪಯಸಾ ವಾವೃಧಾನಾ
ಆಯುಷ್ಮಂತೋ ವರ್ಚಸ್ವಿನಃ |
ಜ್ಯೋಗ್ ಜೀವಂತ ಉಪ ತ್ವಾ ಸದೇಮ || ೧೯,೫೨।೯

ಉರೂಣಸಾವ್ ಅಸುತೃಪಾ ಉದುಂಬಲೌ
ಯಮಸ್ಯ ದೂತೌ ಚರತೋ ಜನಾಁ ಅನು |
ವೇದಾಹಂ ವೇದ ಸೂರ್ಯಃ
ಕಿಂ ಏತೌ ಕಿಂ ಕರಿಷ್ಯತಃ || ೧೯,೫೨।೧೦

ನ ಮಾ ದದಂಭ ದಭಸಾದಭೀಯಂ
ನ ಪಾಕೋ ಅಸ್ಮಿ ಜನುಷಾ ನ ಶಿಷ್ಯಃ |
ಅಭೀಷಾಡ್ ಅಸ್ಮಿ ವಿಶ್ವಾಷಾಟ್ ಪೃತನಾಷಾಟ್ ಸ್ವರ್ವಿದ್
ಯದ್ ಇದಂ ವಿಶ್ವಂ ಭುವನಂ ಸೋ ಅಸ್ಮಿ || ೧೯,೫೨।೧೧

ಆಸ್ಥಾದ್ ಉದ್ ಅಸ್ಥಾದ್ ಅಜನಿಷ್ಟ ವಿಪ್ರೋ
ಽಮಿಮೀತ ವರಿಮಾಣಂ ಪೃಥಿವ್ಯಾಃ |
ಆಸೀದತ್ ಸಂರಾಡ್ ಭುವನಾನಿ ವಿಶ್ವಾ
ಸ ಇಚ್ಛಾ ವೇದ ವರುಣಸ್ಯ ವ್ರತಾನಿ || ೧೯,೫೨।೧೨

ಪ್ರಜಾಪತಿಃ ಪ್ರಜಾವಾನ್
ಸ ಮಾ ಪ್ರಜಾವಾನ್ ಪ್ರಜಾವಂತಂ ಕೃಣೋತು || ೧೯,೫೨।೧೩

ಸೂರ್ಯೋ ವರ್ಚಸ್ವಾನ್
ಸ ಮಾ ವರ್ಚಸ್ವಾನ್ ವರ್ಚಸ್ವಂತಂ ಕೃಣೋತು || ೧೯,೫೨।೧೪

ಸೋಮಃ ಪಯಸ್ವಾನ್
ಸ ಮಾ ಪಯಸ್ವಾನ್ ಪಯಸ್ವಂತಂ ಕೃಣೋತು || ೧೯,೫೨।೧೫

ತ್ರಿಂಶನ್ ಮುಷ್ಕಾಃ ಕಾಬವಸ್ಯ
ದಶ ಮುಷ್ಕಾ ಉಲೂಕ್ಯಾಃ |
ಚತ್ವಾರಸ್ ತವ ಕರ್ದಮ || ೧೯,೫೨।೧೬

ತಾಂಸ್ ತ್ವಂ ಉಗ್ರಕಾಶಿನಿ
ಮೂಲೇ ಅಪಿ ಕೃಂತತಾತ್ |
ಆಸುರೋ ಽಸಿ ಜನ್ಮನಾ
ತಂ ತ್ವೇತೋ ನಾಶಯಾಮಸಿ || ೧೯,೫೨।೧೭

ಇಂದ್ರಜಾ ಅಸಿ ಸೋಮಜಾಸ್
ತಂ ತ್ವೇತೋ ನಿಷ್ ಪ್ರ ಹಿಣ್ಮಸಿ |
ಉರ್ವಾ ಮತ್ಸ್ಯೋ ಮಧೂದಕಂ
ತಸ್ಯ ಪಾಸ್ಯ್ ಅತ್ಯಯಂ
ಅನಾಸ್ರಾವಂ ಅರೋಗಣಂ || ೧೯,೫೨।೧೮
(೫೨)

ಅನುವಾಕ ೧೩ ||

ಇಷಿರಾ ಚಾಸ್ಯ್ ಅಜಿರಾ ಚಾಸಿ |
ಪ್ರಜಾಪತೇಃ ಸಮಿದ್ ಅಸಿ ಸಂಸಿತಿರ್ ನಾಮ ಲೋಮಶಾ |
ಪ್ರಜಾಪತಿಷ್ ಟ್ವಯಾ ಪ್ರತಿಷ್ಠಾಕಾಮೋ ಽರುರುತ ಸ ಪ್ರತ್ಯ್ ಅತಿಷ್ಠತ್ |
ಸ ಯಥಾ ತ್ವಯಾ ಪ್ರಜಾಪತಿಃ ಪ್ರತಿಷ್ಠಾಕಾಮಃ ಪ್ರತ್ಯತಿಷ್ಠದ್
ಏವಾಹಂ ತ್ವಯಾ ಪ್ರತಿಷ್ಠಾಕಾಮಃ ಪ್ರತಿ ತಿಷ್ಠೇಷಂ |
ಆ ಮಾ ವರೋ ಗಮೇದ್ ಆ ಮಾ ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೧

ಭೂತಿಶ್ ಚಾಸಿ ಪ್ರತಿಷ್ಠಾ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೨

ಅಸ್ವಪ್ನಾ ಚಾಸ್ಯ್ ಅನಿಲಯಾ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೩

ರುಚಿಶ್ ಚಾಸಿ ಯಕ್ಷಂ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೪

ಕೀರ್ತಿಶ್ ಚಾಸಿ ಯಶಶ್ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೫

ಅಂಭಶ್ ಚಾಸಿ ಮಹಶ್ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೬

ಅನ್ನಂ ಚಾಸ್ಯ್ ಅನ್ನಾದ್ಯಂ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೭

ಪ್ರಯಚ್ಛಂತೀ ಚಾಸಿ ಪ್ರದದತೀ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೮

ಅನುಕಾಮಾ ಚಾಸಿ ಕಾಮದುಘಾ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೯

ಆಹರಂತೀ ಚಾಸಿ ಸಮಾಹರಂತೀ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೧೦

ದಿಶಂತೀ ಚಾಸಿ ಪ್ರದಿಶಂತೀ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೧೧

ಅನುಮತಿಶ್ ಚಾಸ್ಯ್ ಅನುಮನ್ಯಮಾನಾ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೧೨

ಜಿತಿಶ್ ಚಾಸಿ ವಿಜಿತಿಶ್ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೧೩

ಸಂಜಿತಿಶ್ ಚಾಸಿ ಸಂಧನಾಜಿತಂ ಚಾಸಿ |
ಪ್ರಜಾಪತೇಃ (…) ಬ್ರಹ್ಮಚಾರಿಣೋ ಗಮೇಯುಃ ಸ್ವಾಹಾ || ೧೯,೫೩।೧೪

ಅಗ್ನಿಃ ಪೃಥಿವ್ಯಾ ಅಧಿಪತಿಃ
ಸೋಮಸ್ ತ್ವಾವತು ವಿದ್ಮ ತ್ವಾ ವಿದ್ಧಿ ಮಾ |
ಅಧಿಪತಿರ್ ಅಸ್ಯ್ ಅಧಿಪತಿಂ ಮಾ ಕೃಣು
ಗವಾಂ ಅಶ್ವಾನಾಂ ಪುರುಷಾಣಾಂ ಬ್ರಹ್ಮಚಾರಿಣಾಂ ಭೂತ್ಯಾ ಅನ್ನಾದ್ಯಸ್ಯ || ೧೯,೫೩।೧೫

ವಾಯುರ್ ಅಂತರಿಕ್ಷಸ್ಯಾಧಿಪತಿಃ
ಸೋಮಸ್ (…) ಅನ್ನಾದ್ಯಸ್ಯ || ೧೯,೫೩।೧೬

ಸೂರ್ಯೋ ದಿವೋ ಅಧಿಪತಿಃ
ಸೋಮಸ್ ತ್ವಾವತು ವಿದ್ಮ ತ್ವಾ ವಿದ್ಧಿ ಮಾ |
ಅಧಿಪತಿರ್ ಅಸ್ಯ್ ಅಧಿಪತಿಂ ಮಾ ಕೃಣು
ಗವಾಂ ಅಶ್ವಾನಾಂ ಪುರುಷಾಣಾಂ ಬ್ರಹ್ಮಚಾರಿಣಾಂ ಭೂತ್ಯಾ ಅನ್ನಾದ್ಯಸ್ಯ || ೧೯,೫೩।೧೭

ವಿಂದದ್ ವಸವೋ ವಿಂದಂತು ಮೇ ಗೃಹಾನ್
ಪ್ರಜಾಂ ಪಶೂನ್ ವಿತ್ತಿಂ ಭೂತಿಂ ಪ್ರತಿಷ್ಠಾಂ || ೧೯,೫೩।೧೮

ಆಯದ್ವಸವ ಆ ಯಂತು ಮೇ ಗೃಹಾಃ ಪ್ರಜಾಃ ಪಶವೋ ವಿತ್ತಿರ್ ಭೂತಿಃ ಪ್ರತಿಷ್ಠಾ || ೧೯,೫೩।೧೯

ಸಂಯದ್ ವಸವಃ ಸಂ ಯಂತು ಮೇ ಗೃಹಾಃ |
ಪ್ರಜಾಃ ಪಶವೋ ವಿತ್ತಿರ್ ಭೂತಿಃ ಪ್ರತಿಷ್ಠಾ || ೧೯,೫೩।೨೦

ಜಿತಿರ್ ಅಸಿ ಜೀಯಾಸಂ ಪಾರ್ಥ್ವೀಃ ಪೃತನಾ ಜೀಯಾಸಂ || ೧೯,೫೩।೨೧

ವಿಜಿತಿರ್ ಅಸಿ ವಿ ಜೇಷೀಯ ಮಾನುಷೀಃ ಪೃತನಾ ಜೀಯಾಸಂ || ೧೯,೫೩।೨೨

ಸಂಜಿತಿರ್ ಅಸಿ ಸಂ ಜೀಯಾಸಂ ಸರ್ವಾಃ ಪೃತನಾ ಜೀಯಾಸಂ || ೧೯,೫೩।೨೩
(೫೩)

ಬೋಧಯೈನಂ ಪ್ರ ಬೋಧಯ
ಸ್ವಪ್ತವೇ ಮಾನು ಮನ್ಯಥಾಃ |
ಊರ್ಧ್ವಸ್ ತಿಷ್ಠಾನ್ ಮಮಾಧ್ಯಾ
ನಾನ್ಯಾಸಾಂ ಕೀರ್ತಯಾಶ್ ಚನ || ೧೯,೫೪।೧

ಆ ವರ್ತಯ ನಿ ವರ್ತಯ-
-ಅಭ್ಯ್ ಆ ವರ್ತಯಾ ಕುರು |
ಇದಂ ಅಸ್ಯ ಸರ್ವಾ ಚಿತ್ತಾನಿ
ಸ್ಮರೇಣ ಪ್ರ ಜಯಾಮಸಿ || ೧೯,೫೪।೨

ಸ್ಮರಂ ತಪಂತಿ ಮರುತಃ
ಸಮಿದ್ಧೇ ಜಾತವೇದಸಿ |
ಉದ್ ಅಸ್ಯ ಪತತಾಂ ಮನಸ್
ತದ್ ಅಸ್ಯ ರಮತಾಂ ಮಯಿ || ೧೯,೫೪।೩

ಗಣಪತೇ ಗಣಪತಿಂ ಮಾ ಕೃಣು
ತಸ್ಮಾನ್ ಮಾ ಯವಂ || ೧೯,೫೪।೪

ಅಪಿಗಣಾಪಿಗಣಂ ಮಾ ಕೃಣು
ತಸ್ಮಾನ್ ಮಾ ಛಿತ್ಸಿ || ೧೯,೫೪।೫

ಸಗಣ ಸಗಣಂ ಮಾ ಕೃಣು
ತಸ್ಮಾನ್ ಮಾ ನಶಂ || ೧೯,೫೪।೬

ಗಣವರ್ಧನ ಗಣಂ ಮೇ ವರ್ಧಯ
ಗವಾಂ ಅಶ್ವಾನಾಂ ಪುರುಷಾಣಾಂ ಬ್ರಹ್ಮಚಾರಿಣಾಂ ಭೂತ್ಯಾ ಅನ್ನಾದ್ಯಸ್ಯ || ೧೯,೫೪।೭

ಗಣಾಭಿವರ್ಧನ ಗಣಂ ಮೇ ಽಭಿ ವರ್ಧಯ
ಗವಾಂ (…) ಅನ್ನಾದ್ಯಸ್ಯ || ೧೯,೫೪।೮

ಗಣಪ್ರವರ್ಧನ ಗಣಂ ಮೇ ಪ್ರ ವರ್ಧಯ
ಗವಾಂ ಅಶ್ವಾನಾಂ ಪುರುಷಾಣಾಂ ಬ್ರಹ್ಮಚಾರಿಣಾಂ ಭೂತ್ಯಾ ಅನ್ನಾದ್ಯಸ್ಯ || ೧೯,೫೪।೯

ಯಚ್ ಚ ಖಾತಂ ಯಚ್ ಚಾಖಾತಂ
ಸರ್ವಂ ತದ್ ಅರಸಂ ವಿಷಂ || ೧೯,೫೪।೧೦

ಯಚ್ ಚ ಪಿಷ್ಟಂ ಯಚ್ ಚಾಪಿಷ್ಟಂ
ಸರ್ವಂ ತದ್ ಅರಸಂ ವಿಷಂ || ೧೯,೫೪।೧೧

ಯಚ್ ಚ ದಿಗ್ಧಂ ಯಚ್ ಚಾದಿಗ್ಧಂ
ಸರ್ವಂ ತದ್ ಅರಸಂ ವಿಷಂ || ೧೯,೫೪।೧೨

ಯಥಾ ವೃಕೀ ಜಗ್ಧಪುತ್ರಾ
ವ್ಯಾಘ್ರೀ ವಾಲಲಾ ಭವೇತ್ |
ಏವಾ ತ್ವಂ ಅಲಲಾ ಭವ-
-ಆಧೀಭಿಃ ಪ್ರೇಷಿತೋ ಮಮ || ೧೯,೫೪।೧೩

ಯಥಾ ದೀಪ್ತಂ ಶರತೂಲಂ
ಅಗ್ನಿನಾಲಲಾ ಭವೇತ್ |
ಏವಾ ತ್ವಂ ಅಲಲಾ ಭವ-
-ಆಧೀಭಿಃ ಪ್ರೇಷಿತೋ ಮಮ || ೧೯,೫೪।೧೪

ಆ ಕ್ರಂದಯಾಲಲಾ ಭವ
ದಸ್ಯ ಕಾಮೇನ ಶುಷ್ಯ ಚ |
ಆಧೀಭಿಃ ಪ್ರೇಷಿತೋ ಮಮ || ೧೯,೫೪।೧೫
(೫೪)

ಯಯೋಃ ಸರ್ವಂ ಇದಂ ಆರ್ಪಿತಂ ವಶೇ
ಭೂತಂ ಚ ನಿಮಿಷಚ್ ಚ ಚೇಷ್ಟತ್ |
ತೌ ಮಾ ವದಂತಂ ಗೃಹ್ಣೀತಾಂ ಉಪದ್ರಷ್ಟಾರಂ ಅತ್ರ
ಮಾಸ್ಯೋಚ್ ಛೇಷ್ಯ್ ಅಯಥಾವತ್ ಪ್ರಜಾಪತೇ || ೧೯,೫೫।೧

ಯೋ ಮಾ ವದಂತಂ ಹೃದಯೇನ ವಾಚಾ
ವಾಚಾ ಶ್ರೋತ್ರೇಣ ಮನಸಾ ಜಿಹೃಕ್ಷಾತ್ |
ತಂ ಇಂದ್ರೋ ದೇವೋ ವರುಣೋ ಬೃಹಸ್ಪತಿರ್
ಈಶಾನೋ ದೇವೋ ಅಭಿ ಯಾತು ಮೃತ್ಯುರ್
ಯಥಾ ನ ಜೀವಾದ್ ಉಷಸಂ ತೃತೀಯಾಂ || ೧೯,೫೫।೨

ಯೋ ಮಾ ಜಿಹೃಕ್ಷಾದ್ ಬ್ರಹ್ಮೀಯಾನ್ ಮನ್ಯಮಾನ
ಇತ್ಥಂ ವಿದ್ವಾಂಸಂ ಪ್ರಮತಿರ್ ಮತೀನಾಂ |
ತಂ ಇಂದ್ರೋ ದೇವೋ ವರುಣೋ ಬೃಹಸ್ಪತಿರ್
ಈಶಾನೋ ದೇವೋ ಅಭಿ ಯಾತು ಮೃತ್ಯುರ್
ಯಥಾ ನ ಜೀವಾದ್ ಉಷಸಂ ತೃತೀಯಾಂ || ೧೯,೫೫।೩

ಪ್ರತ್ಯಗ್ವಧೇನಾಸ್ಯಾಪಿ ದಧಾಮಿ
ಪ್ರಾಣಂ ಮೋ ದಾನಂ ವಿದತ ಯೋ ಮಾ ಜಿಹೃಕ್ಷಾತ್ |
ಸೋ ಅಸ್ಯಾಯುರ್ ಆ ಛಿನತ್ತು ಕುಲಿಶೇನೇವ ವೃಕ್ಷಂ
ಯಥಾ ನ ಜೀವಾದ್ ಉಷಸಂ ತೃತೀಯಾಂ || ೧೯,೫೫।೪

ಯಸ್ಯಾ ಅಕ್ಷರಂ ಏಕಂ ಏವ
ಪರಃ ಸಹಸ್ರಾ ಅಯುತಂ ಚ ಶಾಖಾಃ |
ತಸ್ಯಾ ವಾಚೋ ವಿದಥಾವದಂತಂ
ಯೋ ಮಾ ಜಿಹೃಕ್ಷಾತ್ ಸ ನ್ವ್ ಏತ್ವ್ ಆರ್ತಿಂ || ೧೯,೫೫।೫

ಉಷಾ ವಾ ಆದಿತ್ಯಂ ಐಂಧ
ಸ ಉಷಸೇದ್ಧ ಉದ್ ಐತ್ ಸ ಉದ್ಯನ್ ಪ್ರಜಾಭ್ಯ ಆತಪತ್
ಸೋ ಽಪ ತಮೋ ಽಹತ ಸೋ ಽನ್ನಾದ್ಯಂ ಅವಾರುಂಧ |
ಅಪ ತಮೋ ಹತೇ ಽನ್ನಾದೋ ಭವತಿ ಯ ಏವಂ ವೇದ || ೧೯,೫೫।೬

ವಾತೋ ವಾ ಅಗ್ನಿಂ ಐಂಧ
ಸ ವಾತೇನೇದ್ಧೋ ಽಜ್ವಲತ್ ಸೋ ಽದೀಪ್ಯತ
ಸೋ ಽಪ ತಮೋ ಽಹತ ಸೋ ಽನ್ನಾದ್ಯಂ ಅವಾರುಂಧ |
ಅಪ ತಮೋ ಹತೇ ಽನ್ನಾದೋ ಭವತಿ ಯ ಏವಂ ವೇದ || ೧೯,೫೫।೭

ಮನೋಮಯೀ ಬ್ರಾಹ್ಮಣಂ ಐಂಧ
ಸ ಬ್ರಹ್ಮಚರ್ಯಂ ಅವಸತ್ ಸ ವೇದಂ ಅನ್ವ್ ಅಬ್ರೂತ
ಸೋ ಽಪ ತಮೋ ಽಹತ ಸೋ ಽನ್ನಾದ್ಯಂ ಅವಾರುಂಧ |
ಅಪ ತಮೋ ಹತೇ ಽನ್ನಾದೋ ಭವತಿ ಯ ಏವಂ ವೇದ || ೧೯,೫೫।೮

ಹೋಮೇನ ಪ್ರತಿರನ್ ಪ್ರಜಾಪತೇ ದಂಪತೀ ಪರಿ ದಧಾಮಿ ಪುಷ್ಟ್ಯಾ |
ರಾಯಸ್ಪೋಷಂ ಸವಿತರ್ ನಿ ಯಚ್ಛ
ಜರಾಮೃತ್ಯೂ ಕೃಣುಹಿ ಸರ್ವವೀರೌ || ೧೯,೫೫।೯

ಅಯಂ ಹೋಮೋ ವರ್ಧಯನ್ನ್ ಏತು ದಂಪತೀ
ಪ್ರಜಾವಂತೌ ಪಶುವಂತೌ ಸುವೀರೌ |
ರಾಯಸ್ಪೋಷಂ ಸವಿತರ್ ನಿ ಯಚ್ಛ
ಜರಾಮೃತ್ಯೂ ಕೃಣುಹಿ ಸರ್ವವೀರೌ || ೧೯,೫೫।೧೦

ಗೋಮಂತಂ ಪಶುಮಂತಂ ಅಶ್ವಮಂತಂ
ಹೋಮಂ ದಂಪತೀಭ್ಯಾಂ ಜುಹೋಮಿ |
ರಾಯಸ್ಪೋಷಂ ಸವಿತರ್ ನಿ ಯಚ್ಛ
ಜರಾಮೃತ್ಯೂ ಕೃಣುಹಿ ಸರ್ವವೀರೌ || ೧೯,೫೫।೧೧

ಜೀವಾ ಸ್ಥ ಜೀವ್ಯಾಸಂ ಸರ್ವಂ ಆಯುರ್ ಜೀವ್ಯಾಸಂ || ೧೯,೫೫।೧೨

ಉಪಜೀವಾ ಸ್ಥೋಪ ಜೀವ್ಯಾಸಂ ಸರ್ವಂ ಆಯುರ್ ಜೀವ್ಯಾಸಂ || ೧೯,೫೫।೧೩

ಸಂಜೀವಾ ಸ್ಥ ಸಂ ಜೀವ್ಯಾಸಂ ಸರ್ವಂ ಆಯುರ್ ಜೀವ್ಯಾಸಂ || ೧೯,೫೫।೧೪

ಜೀವಲಾ ಸ್ಥ ಜೀವ್ಯಾಸಂ ಸರ್ವಂ ಆಯುರ್ ಜೀವ್ಯಾಸಂ || ೧೯,೫೫।೧೫

ಪ್ರಜಾಪತೇರ್ ಆಕೂತಿರ್ ಅಸಿ ಸಾಹಸ್ರೀ ಪುಷ್ಟಿಃ |
ಪ್ರಜಾಪತೇರ್ ಆಕೂತ್ಯಾಹಂ ಸಾಹಸ್ರ್ಯಾ ಪುಷ್ಟ್ಯಾ
ಸಾಹಸ್ರಾನ್ ಪಶೂನ್ ಪುಷೇಯಂ || ೧೯,೫೫।೧೬

ಬೃಹಸ್ಪತೇರ್ ಆಕೂತಿಃ (…) |
ಬೃಹಸ್ಪತೇರ್ ಆಕೂತ್ಯಾ (…) || ೧೯,೫೫।೧೭

ಬ್ರಹ್ಮಣ ಆಕೂತಿರ್ ಅಸಿ ಸಾಹಸ್ರೀ ಪುಷ್ಟಿಃ |
ಬ್ರಹ್ಮಣ ಆಕೂತ್ಯಾಹಂ ಸಾಹಸ್ರ್ಯಾ ಪುಷ್ಟ್ಯಾ
ಸಾಹಸ್ರಾನ್ ಪಶೂನ್ ಪುಷೇಯಂ || ೧೯,೫೫।೧೮
(೫೫)

ವಿರಾಡ್ ಅಸಿ ವಿರಾಜಂ ಮಾ ಕೃಣು
ತಸ್ಯಾಸ್ ತೇ ಯಶೋ ಭಕ್ಷೀಯ || ೧೯,೫೬।೧

ಸ್ವರಾಡ್ ಅಸಿ ಸ್ವರಾಜಂ ಮಾ ಕೃಣು
ತಸ್ಯಾಸ್ ತೇ ಮಧು ಭಕ್ಷೀಯ || ೧೯,೫೬।೨

ಸಮ್ರಾಡ್ ಅಸಿ ಸಮ್ರಾಜಂ ಮಾ ಕೃಣು
ತಸ್ಯಾಸ್ ತೇ ಅನ್ನಂ ಭಕ್ಷೀಯ || ೧೯,೫೬।೩

ವೀರ್ಯಾವತಾ ತೇ ಹವಿಷಾ ಜುಹೋಮಿ
ಜೀವಾತವೇ ನ ಮರ್ತವೇ |
ದಕ್ಷಂ ತೇ ಭದ್ರಂ ಆಹಾರ್ಷಂ
ಪರಾ ಸುವಾಮ್ಯ್ ಆಮಯತ್ || ೧೯,೫೬।೪

ಅಭಿವೀರೇಣ ತೇ (…) || ೧೯,೫೬।೫

ಸುವೀರೇಣ ತೇ (…) || ೧೯,೫೬।೬

ಸರ್ವವೀರೇಣ ತೇ ಹವಿಷಾ ಜುಹೋಮಿ
ಜೀವಾತವೇ ನ ಮರ್ತವೇ |
ದಕ್ಷಂ ತೇ ಭದ್ರಂ ಆಹಾರ್ಷಂ
ಪರಾ ಸುವಾಮ್ಯ್ ಆಮಯತ್ || ೧೯,೫೬।೭

ಪ್ರಜಾವತಾ ತೇ ಹವಿಷಾ ಜುಹೋಮಿ
ಗರ್ಭಂ ಆ ಧತ್ಸ್ವ ಯೋನ್ಯಾಂ |
ಸ ಕಾಲೇ ಜಾಯತಾಂ ಪುನರ್
ದಶಮೇ ಮಾಸಿ ಸೂತವೇ || ೧೯,೫೬।೮

ಸುಪ್ರಜಸಾ ತೇ (…) || ೧೯,೫೬।೯

ಸುಪುತ್ರೇಣ ತೇ ಹವಿಷಾ ಜುಹೋಮಿ
ಗರ್ಭಂ ಆ ಧತ್ಸ್ವ ಯೋನ್ಯಾಂ |
ಸ ಕಾಲೇ ಜಾಯತಾಂ ಪುನರ್
ದಶಮೇ ಮಾಸಿ ಸೂತವೇ || ೧೯,೫೬।೧೦

ಭೂತಯೇ ತೇ ಹವಿಷಾ ಜುಹೋಮಿ-
-ಇಮಂ ದೇವಾಸೋ ಅಭಿ ಹಿಙ್ ಕರಾಥ |
ಅಸ್ಮಿನ್ನ್ ಏವ ಪಶವಃ ಸಂ ವಿಶಂತು
ಚತುಷ್ಪಾದ ಉತ ವಾ ಯೇ ದ್ವಿಪಾದಃ || ೧೯,೫೬।೧೧

ವಿತ್ತಯೇ ತೇ (…) || ೧೯,೫೬।೧೨

ಸ್ವೃದ್ಧೇನ ತೇ (…) || ೧೯,೫೬।೧೩

ಸಮೃದ್ಧೇನ ತೇ ಹವಿಷಾ ಜುಹೋಮಿ-
-ಇಮಂ ದೇವಾಸೋ ಅಭಿ ಹಿಙ್ ಕರಾಥ |
ಅಸ್ಮಿನ್ನ್ ಏವ ಪಶವಃ ಸಂ ವಿಶಂತು
ಚತುಷ್ಪಾದ ಉತ ವಾ ಯೇ ದ್ವಿಪಾದಃ || ೧೯,೫೬।೧೪

ಕ್ಷೇಮ್ಯೇಣ ತೇ ಹವಿಷಾ ಜುಹೋಮಿ
ಕ್ಷೇಮ್ಯೋ ಭವಾಸಿ ಪಶುಭಿಶ್ ಚ ವೀರೈಃ |
ಇಂದ್ರಾಗ್ನೀ ತ್ವಾ ಸಯುಜಾ ಸಖಾಯೌ
ವಿಶ್ವೇಭಿರ್ ದೇವೈರ್ ಅನು ಸಂ ದದೇತಾಂ || ೧೯,೫೬।೧೫

ಪ್ರತಿಷ್ಠಿತೇನ ತೇ ಹವಿಷಾ ಜುಹೋಮಿ
ಪ್ರತಿ ತಿಷ್ಠಾಸಿ ಪಶುಭಿಃ (…) || ೧೯,೫೬।೧೬

ಸಂಭೂತೇನ ತೇ ಹವಿಷಾ ಜುಹೋಮಿ
ಸಂ ಭವಾಸಿ ಪಶುಭಿಃ (…) || ೧೯,೫೬।೧೭

ಪ್ರಭೂತೇನ ತೇ ಹವಿಷಾ ಜುಹೋಮಿ
ಪ್ರ ಭವಾಸಿ ಪಶುಭಿಶ್ ಚ ವೀರೈಃ |
ಇಂದ್ರಾಗ್ನೀ ತ್ವಾ ಸಯುಜಾ ಸಖಾಯೌ
ವಿಶ್ವೇಭಿರ್ ದೇವೈರ್ ಅನು ಸಂ ದದೇತಾಂ || ೧೯,೫೬।೧೮
(೫೬)

ಅನುವಾಕ ೧೪ ||
(೧೯)


ಕಾಂಡ ೨೦

ಧೀತೀ ವಾ ಯೇ ಅನಯನ್ ವಾಚೋ ಅಗ್ರಂ
ಮನಸಾ ವಾ ಯೇ ಅವದನ್ನ್ ಋತಾನಿ |
ತೃತೀಯೇನ ಬ್ರಹ್ಮಣಾ ವಾವೃಧಾನಾಸ್
ತುರೀಯೇಣ ಮನ್ವತ ನಾಮ ಧೇನೋಃ || ೨೦,೧।೧

ಸ ವೇದ ಪುತ್ರಃ ಪಿತರಂ ಸ ಮಾತರಂ
ಸ ಸೂನುರ್ ಭವತ್ ಸ ಭವತ್ ಪುನರ್ಮಘಃ |
ಸ ದ್ಯಾಂ ಔರ್ಣೋದ್ ಅಂತರಿಕ್ಷಂ ಸ ಸ್ವರ್
ವಿಶ್ವಾ ಭುವೋ ಅಭವತ್ ಸ ಆಭವತ್ || ೨೦,೧।೨

ಅಥರ್ವಾಣಂ ಪಿತರಂ ವಿಶ್ವದೇವಂ
ಮಾತುರ್ ಗರ್ಭಂ ಪಿತರಂ ಸಂಯುವಾನಂ |
ಯ ಈಂ ಚಿಕೇತಾಮೃತಸ್ಯ ಧಾಮನ್
ನಿತ್ಯಸ್ಯ ರಾಯಃ ಪರಿಧೀಂರ್ ಅಪಶ್ಯತ್ || ೨೦,೧।೩

ಶಿವಾಸ್ ತ ಏಕಾ ಅಶಿವಾಸ್ ತ ಏಕಾಃ
ಸರ್ವಾ ಬಿಭರ್ಷ್ಯ್ ಅಹೃಣೀಯಮಾನಃ |
ಗುಹಾ ವಾಚೋ ನಿಹಿತಾಸ್ ತಿಸ್ರ ಏತಾ
ಏಕೇದ್ ಇದಂ ವಿ ಬಭೂವಾನು ಸರ್ವಂ || ೨೦,೧।೪

ಅದಿತಿರ್ ದ್ಯೌರ್ ಅದಿತಿರ್ ಅಂತರಿಕ್ಷಂ
ಅದಿತಿರ್ ಮಾತಾ ಸ ಪಿತಾ ಸ ಪುತ್ರಃ |
ವಿಶ್ವೇ ದೇವಾ ಅದಿತಿಃ ಪಂಚ ಜನಾ
ಅದಿತಿರ್ ಜಾತಂ ಅದಿತಿರ್ ಜನಿತ್ವಂ || ೨೦,೧।೫

ದಿತೇಃ ಪುತ್ರಾಣಾಂ ಅದಿತೇರ್ ಅಕಾರಿಷಂ
ಮಹಾಶರ್ಮಣಾಂ ಮಹತಾಂ ಅನರ್ಮಣಾಂ |
ತೇಷಾಂ ಹಿ ಧಾಮ ಗಭಿಷಕ್ ಸಮುದ್ರ್ಯಂ
ನೈಷಾಂ ವೇಪಸಃ ಪರೋ ಅಸ್ತಿ ಕಿಂ ಚನ || ೨೦,೧।೬

ವಾಜಸ್ಯ ನು ಪ್ರಸವೇ ಮಾತರಂ ಮಹೀಂ
ಅದಿತಿರ್ ನಾಮ ವಚಸಾ ಕರಾಮಹೇ |
ಯಸ್ಯಾಂ ಇದಂ ವಿಶ್ವಂ ಭುವನಂ ಆವಿವೇಶ
ಸಾ ನೋ ದೇವೀ ಸುಹವಾ ಶರ್ಮ ಯಚ್ಛತು || ೨೦,೧।೭

ಮಹೀಂ ಊ ಷು ಮಾತರಂ ಸುವ್ರತಾನಾಂ
ಋತಸ್ಯ ಪತ್ನೀಂ ಅವಸೇ ಹುವೇಮ |
ತುವಿಕ್ಷತ್ರಾಂ ಅಜರಂತೀಂ ಉರೂಚೀಂ
ಸುಶರ್ಮಾಣಂ ಅದಿತಿಂ ಸುಪ್ರಣೀತಿಂ || ೨೦,೧।೮

ಸುತ್ರಾಮಾಣಂ ಪೃಥಿವೀಂ ದ್ಯಾಂ ಅನೇಹಸಂ
ಸುಶರ್ಮಾಣಂ ಅದಿತಿಂ ಸುಪ್ರಣೀತಿಂ |
ದೈವೀಂ ನಾವಂ ಸ್ವರಿತ್ರಾಂ ಅನಾಗಸೋ
ಅಸ್ರವಂತೀಂ ಆ ರುಹೇಮಾ ಸ್ವಸ್ತಯೇ || ೨೦,೧।೯

ಏಕಯಾ ಚ ದಶಭಿಶ್ ಚಾ ಸುಹೂತೇ
ದ್ವಾಭ್ಯಾಂ ಇಷ್ಟಯೇ ವಿಂಶತ್ಯಾ ಚ |
ತಿಸೃಭಿಶ್ ಚ ವಹಸೇ ತ್ರಿಂಶತಾ ಚ
ವಿಯುಗ್ಭಿರ್ ವಾಯವ್ ಇಹ ತಾ ವಿ ಮುಂಚ || ೨೦,೧।೧೦
(೧)

ಅಯಾ ವಿಷ್ಠಾ ಜನಯನ್ ಕರ್ವರಾಣಿ
ಸ ಹಿ ಘೃಣಿರ್ ಉರುರ್ ವರಾಯ ಗಾತುಃ |
ಸ ಪ್ರತ್ಯ್ ಉದ್ ಐದ್ ವರುಣೋ ಮಧ್ವೋ ಅಗ್ರಂ
ಸ್ವಾಂ ಯತ್ ತನೂಂ ತನ್ವಾಂ ಐರಯತ || ೨೦,೨।೧

ಯಜ್ಞೇನ ಯಜ್ಞಂ ಅಯಜಂತ ದೇವಾಸ್
ತಾನಿ ಧರ್ಮಾಣಿ ಪ್ರಥಮಾನ್ಯ್ ಆಸನ್ |
ತೇ ಹ ನಾಕಂ ಮಹಿಮಾನಃ ಸಚಂತೇ
ಯತ್ರ ಪೂರ್ವೇ ಸಾಧ್ಯಾಃ ಸಂತಿ ದೇವಾಃ || ೨೦,೨।೨

ಯಜ್ಞೋ ಬಭೂವ
ಸ ಆ ಬಭೂವ
ಸ ಪೃಥಿವ್ಯಾ ಅಧಿಪತಿರ್ ಬಭೂವ |
ಸ ಪ್ರ ಜಜ್ಞೇ ಸ ಉ ವಾವೃಧೇ ಪುನಃ
ಸೋ ಅಸ್ಮಾಸು ದ್ರವಿಣಂ ಆ ದಧಾತು || ೨೦,೨।೩

ದೇವಾ ಯದ್ ದೇವಾನ್ ಹವಿಷಾಯಜಂತ್-
-ಆಮರ್ತಿಯಾನ್ ಮನಸಾಮರ್ತ್ಯೇನ |
ಬ್ರವಾಮ ತತ್ರ ಪರಮೇ ವ್ಯೋಮನ್
ವದೇಮ ತದ್ ಉದಿತೌ ಸೂರ್ಯಸ್ಯ || ೨೦,೨।೪

ಮುಗ್ಧಾ ದೇವಾ ಉತ ಶುನಾಯಜಂತ್-
-ಓತ ಗೋರ್ ಅಂಗೈರ್ ಬಹುಧಾಯಜಂತ |
ಯ ಇಮಂ ಯಜ್ಞಂ ಮನಸಾನ್ವವಿಂದತ್
ಪ್ರ ಣೋ ವೋಚತ್ ತಂ ಇಹೇಹ ಬ್ರವಾಮ || ೨೦,೨।೫

ಯತ್ ಪುರುಷೇಣ ಹವಿಷಾ
ದೇವಾ ಯಜ್ಞಂ ಅತನ್ವತ |
ಕ್ವ ಸ್ವಿತ್ ತದ್ ಅದ್ಯ ನೋ ಬ್ರೂಯಾದ್
ಯದಿ ಹವ್ಯೇನೇಜಿರೇ || ೨೦,೨।೬

ಇಂದ್ರಃ ಸುತ್ರಾಮಾ ಸ್ವವಾಁ ಅವೋಭಿಃ
ಸುಮೃಡೀಕೋ ಭವತು ವಿಶ್ವವೇದಾಃ |
ಬಾಧತಾಂ ದ್ವೇಷೋ ಅಭಯಂ ಕೃಣೋತು
ಸುವೀರ್ಯಸ್ಯ ಪತಯಃ ಸ್ಯಾಮ || ೨೦,೨।೭

ಸ ಸುತ್ರಾಮಾ ಸ್ವವಾಁ ಇಂದ್ರೋ ಅಸ್ಮದ್
ಆರಾಚ್ ಚಿದ್ ದ್ವೇಷಃ ಸನುತರ್ ಯುಯೋತ |
ತಸ್ಯ ವಯಂ ಸುಮತೌ ಯಜ್ಞಿಯಸ್ಯ್-
-ಆಪಿ ಭದ್ರೇ ಸೌಮನಸೇ ಸ್ಯಾಮ || ೨೦,೨।೮

ಯಸ್ ತೇ ಪೃಥು ಸ್ತನಯಿತ್ನುರ್ ಯ ಋಷ್ವೋ
ಯೋ ದೈವಃ ಕೇತುರ್ ವಿಶ್ವಂ ಆಭೂಷತೀದಂ |
ಮೃಡಯಾ ನೋ ವಿದ್ಯುತಾ ದೇವ ಸಸ್ಯಾಯ
ಮೋತ ವಧೀ ರಶ್ಮಿಭಿಃ ಸೂರ್ಯಸ್ಯ || ೨೦,೨।೯

ಯಸ್ ತೇ ಸ್ತನಃ ಶಸಯುರ್ ಯೋ ಮಯೋಭೂರ್
ಯಃ ಸುಮ್ನಯುಃ ಸುಹವೋ ಯಃ ಸುದಕ್ಷಃ |
ಯೇನ ವಿಶ್ವಾ ವನಸಿ ವಾರ್ಯಾಣಿ
ಸರಸ್ವತೀ ತಂ ಇಹ ಧಾತವೇ ಕಃ || ೨೦,೨।೧೦
(೨)

ಇದಂ ತೇ ಹವ್ಯಂ ಘೃತವತ್ ಸರಸ್ವತ್-
-ಈದಂ ಪಿತೄಣಾಂ ಹವಿರಾಸ್ಯಂ ಯತ್ |
ಇಮಾನಿ ತ ಉದಿತಾ ಶಂತಮಾನಿ
ತೇಭಿರ್ ವಯಂ ಮಘವಾನಃ ಸ್ಯಾಮ || ೨೦,೩।೧

ಪ್ರಪಥೇ ಪಥಾಂ ಅಜನಿಷ್ಟ ಪೂಷಾ
ಪ್ರಪಥೇ ದಿವಃ ಪ್ರಪಥೇ ಪೃಥಿವ್ಯಾಃ |
ಉಭೇ ಅಭಿ ಪ್ರಿಯತಮೇ ಸಧಸ್ಥೇ
ಆ ಚ ಪರಾ ಚ ಚರತಿ ಪ್ರಜಾನನ್ || ೨೦,೩।೨

ಪೂಷೇಮಾ ಆಶಾ ಅನು ವೇದ ಸರ್ವಾಃ
ಸೋ ಅಸ್ಮಾಁ ಅಭಯತಮೇನ ನೇಷತ್ |
ಸ್ವಸ್ತಿದಾ ಆಘೃಣಿಃ ಸರ್ವವೀರೋ
+ಽಪ್ರಯುಚ್ಛನ್ ಪುರ ಏತು ಪ್ರಜಾನನ್ || ೨೦,೩।೩

ಪೂಷಾ ಗಾ ಅನ್ವ್ ಏತು ನಃ
ಪೂಷಾ ರಕ್ಷತ್ವ್ ಅರ್ವತಃ |
ಪೂಷಾ ವಾಜಂ ಸನೋತು ನಃ || ೨೦,೩।೪

ಪೂಷನ್ ತವ ವ್ರತೇ ವಯಂ
ನ ರಿಷ್ಯೇಮ ಕದಾ ಚನ |
ಸ್ತೋತಾರಸ್ ತ ಇಹ ಸ್ಮಸಿ || ೨೦,೩।೫

ಶುಕ್ರಂ ತೇ ಅನ್ಯದ್ ಯಜತಂ ತೇ ಅನ್ಯದ್
ವಿಷುರೂಪೇ ಅಹನೀ ದ್ಯೌರ್ ಇವಾಸಿ |
ವಿಶ್ವಾ ಹಿ ಮಾಯಾ ಅವಸಿ ಸ್ವಧಾವೋ
ಭದ್ರಾ ತೇ ಪೂಷನ್ನ್ ಇಹ ರಾತಿರ್ ಅಸ್ತು || ೨೦,೩।೬

ಧಾತಾ ದಧಾತು ದಾಶುಷೇ
ಪ್ರಾಂಚಂ ಜೀವಾತುಂ ಅಕ್ಷಿತಂ |
ವಯಂ ದೇವಸ್ಯ ಧೀಮಹಿ
ಸುಮತಿಂ ಸತ್ಯಧರ್ಮಣಃ || ೨೦,೩।೭

ಧಾತಾ ವಿಶ್ವಾನಿ ದಾಶುಷೇ ದಧಾತು
ಪ್ರಜಾಕಾಮಾಯ ದಾಶುಷೇ ದುರೋಣೇ |
ತಸ್ಯ ಪ್ರಜಾ ಅಮೃತಾಃ ಸಂ ವ್ಯಯಂತು
ವಿಶ್ವೇ ದೇವಾಸೋ ಅದಿತಿಃ ಸಜೋಷಾಃ || ೨೦,೩।೮

ಧಾತಾ ರಾತಿಃ ಸವಿತೇದಂ ಜುಷಂತಾಂ
ಪ್ರಜಾಪತಿರ್ ನಿಧಿಪತಿರ್ ನೋ ಅಗ್ನಿಃ |
ತ್ವಷ್ಟಾ ಪೂಷಾ ಪ್ರಜಯಾ ಸಂರರಾಣೋ
ಯಜಮಾನಾಯ ದ್ರವಿಣಂ ದಧಾತು || ೨೦,೩।೯

ಧಾತಾ ಪ್ರಜಾನಾಂ ಉತ ರಾಯ ಈಶೇ
ಧಾತೇದಂ ವಿಶ್ವಂ ಭುವನಂ ಜಜಾನ |
ಸಂ ದಾಶುಷೇ ವಹತು ಭೂರಿ ಪುಷ್ಟಾ
ತಸ್ಮೈ ದೇವಾಯ ಹವಿಷಾ ವಿಧೇಮ || ೨೦,೩।೧೦
(೩)

ಸಾವೀರ್ ಹಿ ದೇವ ಪ್ರಥಮಾಯ ಪಿತ್ರೇ
ವರ್ಷ್ಮಾಣಂ ಅಸ್ಮೈ ವರಿಮಾಣಂ ಅಸ್ಮೈ |
ಅಥಾಸ್ಮಭ್ಯಂ ಸವಿತರ್ ವಾರ್ಯಾಣಿ
ದ್ವೇದ್ವೇ ಆ ಸುವಾ ಭೂರಿ ಪಶ್ವಃ || ೨೦,೪।೧

ಭದ್ರಾದ್ ಅಧಿ ಶ್ರೇಯಃ ಪ್ರೇಹಿ
ಬೃಹಸ್ಪತಿಃ ಪುರಏತಾ ತೇ ಅಸ್ತು |
ಅಥೇಮಂ ಅಸ್ಯಾ ವರ ಆ ಪೃಥಿವ್ಯಾ
ಆರೇಶತ್ರುಂ ಕೃಣುಹಿ ಸರ್ವವೀರಂ || ೨೦,೪।೨

ದಮೂನಾ ದೇವಃ ಸವಿತಾ ವರೇಣ್ಯೋ
ದಧದ್ ರತ್ನಂ ದಕ್ಷಂ ಪಿತೃಭ್ಯ ಆಯೂಂಷಿ |
ಪಿಬಾತ್ ಸೋಮಂ ಮಮದದ್ ಏನಂ ಇಷ್ಟೇ
ಪರಿಜ್ಮಾ ಚಿದ್ ರಮತೇ ಅಸ್ಯ ಧರ್ಮಣಿ || ೨೦,೪।೩

ತಾಂ ಸವಿತುಃ ಸತ್ಯಸವಸ್ಯ ಚಿತ್ರಾಂ
ವಯಂ ದೇವಸ್ಯ ಪ್ರಸವೇ ವನಾಮಹೇ |
ಯಾಂ ಅಸ್ಯ ಕಣ್ವೋ ಅದುಹತ್ ಪ್ರಪೀನಾಂ
ಸಹಸ್ರಧಾರಾಂ ಮಹಿಷೋ ಭರಾಯ || ೨೦,೪।೪

ಕೋ ನೋ ಅಸ್ಯಾ ದ್ರುಹೋ ಽವದ್ಯವತ್ಯಾ
ಉನ್ ನೇಷತಿ ಕ್ಷತ್ರಿಯೋ ವಸ್ಯ ಇಚ್ಛನ್ |
ಕಃ ಪೂರ್ತಿಕಾಮಃ ಕ ಉ ಯಜ್ಞಕಾಮಃ
ಕೋ ದೇವೇಷು ವನುತೇ ದೀರ್ಘಂ ಆಯುಃ || ೨೦,೪।೫

ಕಃ ಪೃಶ್ನಿಂ ಧೇನುಂ ವರುಣೇನ ದತ್ತಾಂ
ಅಥರ್ವಣೇ ಸುದುಘಾಂ ನಿತ್ಯವತ್ಸಾಂ |
ತಾಂ ಬೃಹಸ್ಪತ್ಯಾ ಸಖ್ಯಾ ದುಹಾನೋ
ಯಥಾವಶಂ ತನ್ವಃ ಕಲ್ಪಯಾತಿ || ೨೦,೪।೬

ನ ಘ್ರಂಸ್ ತತಾಪ ನ ಹಿಮೋ ಜಘಾನ
ಪ್ರ ಸರ್ಸೃತೇ ಪೃಥಿವೀ ಜೀರದಾನುಃ |
ಆಪಶ್ ಚಿದ್ ಅಸ್ಮೈ ಸದಂ ಇತ್ ಕ್ಷರಂತಿ
ಯತ್ರ ಸೋಮಃ ಸದಂ ಇತ್ ತತ್ರ ಭದ್ರಂ || ೨೦,೪।೭

ಯಸ್ಯಾ ಇದಂ ಪ್ರದಿಶಿ ಯದ್ ವಿರೋಚತೇ
ಅನುಮತಿಂ ಪ್ರತಿ ಭೂಷಂತ್ಯ್ ಆಯವಃ |
ಯಸ್ಯಾ ಉಪಸ್ಥ ಉರ್ವ್ ಅಂತರಿಕ್ಷಂ
ಸಾ ನಃ ಶರ್ಮ ಬಹುಲಂ ನಿ ಯಚ್ಛಾತ್ || ೨೦,೪।೮

ಅನ್ವ್ ಅದ್ಯ ನೋ ಅನುಮತಿರ್
ಯಜ್ಞಂ ದೇವೇಷು ಯಚ್ಛತಾಂ |
ಅಗ್ನಿಶ್ ಚ ಹವ್ಯವಾಹನೋ
ಭವತಾಂ ದಾಶುಷೇ ಮಯಃ || ೨೦,೪।೯

ಅನ್ವ್ ಇದ್ ಅನುಮತೇ ತ್ವಂ
ಮಂಸಸೇ ಶಂ ಚ ನಸ್ ಕೃಧಿ |
ಇಷಂ ತೋಕಾಯ ನೋ ದಧಃ
ಪ್ರ ಣ ಆಯೂಂಷಿ ತಾರಿಷಃ || ೨೦,೪।೧೦
(೪)

ಅನು ಮನ್ಯತಾಂ ಅನುಮನ್ಯಮಾನಾ
ಪ್ರಜಾವತೀಷಂ ಅಕ್ಷೀಯಮಾಣಂ |
ತಸ್ಯಾ ವಯಂ ಹೇಡಸಿ ಮಾ ವಿ ಭೂಮ
ಸಾ ನೋ ದೇವೀ ಸುಹವಾ ಶರ್ಮ ಯಚ್ಛತು || ೨೦,೫।೧

ಅನುಮತೇ ಅನು ಮನ್ಯಸ್ವ ತಾ ನೋ
ಯಾ ತೇ ವಯಂ ಚಕೃಮಾ ಯಾ ತನೂಭಿಃ |
ಯಾ ತೋಕೇಷು ತನುಷು ಯಾ ಪ್ರಜಾಯಾಂ
ಯಾ ಗೋಷ್ವ್ ಓಷಧೀಷ್ವ್ ಅಪ್ಸ್ವ್ ಅಂತಃ || ೨೦,೫।೨

ಆ ನೋ ದೇವ್ಯ್ ಅನುಮತಿರ್ ಜಗಮ್ಯಾತ್
ಸುಕ್ಷತ್ರತಾವೀರತಾ ಯಾ ಸುಜಾತಾ |
ಭದ್ರಾ ಹ್ಯ್ ಅಸ್ಯಾಃ ಪ್ರಮತಿರ್ ಬಭೂವ
ಸೇಮಂ ಯಜ್ಞಂ ಅವತು ದೇವಜುಷ್ಟಂ || ೨೦,೫।೩

ಅನುಮತಿರ್ ವಿಶ್ವಂ ಇದಂ ಜಜಾನ
ಯದ್ ಏಜತಿ ಚರತಿ ಯಚ್ ಚ ತಿಷ್ಠತಿ |
ತಸ್ಯಾಸ್ ತೇ ದೇವಿ ಸುಮತೌ ಸ್ಯಾಂ-
-ಆನುಮತೇ ಅನು ಹಿ ಮಂಸಸೇ ನಃ || ೨೦,೫।೪

ಯತ್ ತೇ ನಾಮ ಸುಹವಂ ಸುಪ್ರಣೀತೇ
ಅನುಮತೇ ಅನುಮತಂ ಸುದಾನು |
ತೇನ ತ್ವಂ ಸುಮತಿಂ ದೇವ್ಯ್ ಅಸ್ಮಾ
ಇಷಂ ಪಿನ್ವ ವಿಶ್ವವಾರಂ ಸುವೀರಂ || ೨೦,೫।೫

ಪ್ರಜಾಭ್ಯಸ್ ತ್ವಾ ಪ್ರಜಾಸ್ ತ್ವಾನು ಪ್ರಾಣಂತು ಪ್ರಜಾ ಅನು ಪ್ರಾಣಿಹಿ |
ಶುಕ್ರಂ ತೇ ಶುಕ್ರೇಣ ಚಂದ್ರಂ ಚಂದ್ರೇಣಾಮೃತಂ ಅಮೃತೇನ ಕ್ರೀಣಾಮಿ || ೨೦,೫।೬

ತಪಸಸ್ ತನೂರ್ ಅಸಿ
ಪ್ರಜಾಪತೇರ್ ವರ್ಣಃ |
ಪರಮೇಣ ಪಶುನಾ ಕ್ರೀಯಸೇ || ೨೦,೫।೭

ಅಭಿ ತ್ಯಂ ದೇವಂ ಸವಿತಾರಂ ಓಣ್ಯೋಃ ಕವಿಕ್ರತುಂ |
ಅರ್ಚಾಮಿ ಸತ್ಯಸವಂ ರತ್ನಧಾಂ ಅಭಿ ಪ್ರಿಯಂ ಮತಿಂ || ೨೦,೫।೮

ಊರ್ಧ್ವಾ ಯಸ್ಯಾಮತಿರ್ ಭಾ ಅದಿದ್ಯುತತ್ ಸವೀಮನಿ |
ಹಿರಣ್ಯಪಾಣಿರ್ ಅಮಿಮೀತ ಸುಕ್ರತುಃ ಕೃಪಾ ಸ್ವಃ || ೨೦,೫।೯

ಅಯಂ ಸಹಸ್ರಮಾನೃಷಿಃ ಕವೀನಾಂ
ಮತಿರ್ ಜ್ಯೋತಿರ್ ವಿಧರ್ಮಣಿ |
ಬ್ರಧ್ನಃ ಸಮೀಚೀರ್ ಉಷಸಃ ಸಂ ಈರಯಾತ್ || ೨೦,೫।೧೦
(೫)

ಅರೇಪಸಃ ಸಚೇತಸಃ
ಸ್ವಸರೇ ಮನ್ಯುಮತ್ತಮಾಃ |
ಚಿತೇ ಗೋಃ || ೨೦,೬।೧

ಸಂ ಏತ ವಿಶ್ವಾ ಓಜಸಾ ಪತಿಂ ದಿವೋ
ಯ ಏಕ ಇದ್ ಭೂರ್ ಅತಿಥಿರ್ ಜನಾನಾಂ |
ಸ ಪೂರ್ವ್ಯೋ ನೂತನಂ ಆವಿವಾಸನ್
ತಂ ವರ್ತನಿರ್ ಅನು ವವೃತ ಏಕಂ ಇತ್ ಪುರು || ೨೦,೬।೨

ಕುಹೂಂ ದೇವೀಂ ಅಮೃತಾಂ ವಿದ್ಮನಾಪಸಂ
ಅಸ್ಮಿನ್ ಯಜ್ಞೇ ಸುಹವಾಂ ಜೋಹವೀಮಿ |
ಯಾ ನೋ ದದಾತಿ ಶ್ರವಣಂ ಪಿತೄಣಾಂ
ತಸ್ಯೈ ತೇ ದೇವಿ ಹವಿಷಾ ವಿಧೇಮ || ೨೦,೬।೩

ಕುಹೂರ್ ದೇವಾನಾಂ ಅಮೃತಸ್ಯ ಪತ್ನೀ
ಹವ್ಯಾ ನೋ ಅಸ್ಯ ಹವಿಷಃ ಶೃಣೋತು |
ಸಂ ದಾಶುಷೇ ಕಿರತು ಭೂರಿ ಪುಷ್ಟಾ
ರಾಯಸ್ಪೋಷಂ ಚಿಕಿತುಷೇ ದಧಾತು || ೨೦,೬।೪

ಸಂ ಜಾನೀಧ್ವಂ ಸಂ ಪೃಚ್ಯಧ್ವಂ
ಸಂ ವೋ ಮನಾಂಸಿ ಜಾನತಾಂ |
ಮಿತ್ರೋ ವಃ ಸರ್ವಾಃ ಸಂ ಸೃಜಾನ್
ಮಯಿ ಸಂಜ್ಞಾನಂ ಅಸ್ತು ವಃ || ೨೦,೬।೫
(೬)

ಅನುವಾಕ ೧ ||

ಯನ್ ನೋ ಅಗ್ನಿರ್ ಅಸನದ್ ಯನ್ ನ ಇಂದ್ರೋ
ವಿಶ್ವೇ ಯದ್ ದೇವಾ ಮರುತಃ ಸ್ವರ್ಕಾಃ |
ತದ್ ಅಸ್ಮಭ್ಯಂ ಸವಿತಾ ಸತ್ಯಧರ್ಮಾ
ಸರಸ್ವತ್ಯ್ ಅನುಮತಿರ್ ನಿ ಯಚ್ಛಾತ್ || ೨೦,೭।೧

ಯೂಯಂ ನೋ ದೇವಾ ಉಭಯಾಯ ವೇದಸೇ
ಶರ್ಮ ಯಚ್ಛತ ದ್ವಿಪದೇ ಚತುಷ್ಪದೇ |
ಅದತ್ ಪಿಬದ್ ಊರ್ಜಯಮಾನಂ ಆಶಿತಂ
ತದ್ ಅಸ್ಮಭ್ಯಂ ಶಂ ಯೋರ್ ಅರಪೋ ದಧಾತ || ೨೦,೭।೨

ಬೃಹಸ್ಪತೇ ಸವಿತರ್ ಬೋಧಯೈನಂ
ಸಂಶಿತಂ ಚಿತ್ ಸಂತರಂ ಸಂ ಶಿಶಾಧಿ |
ವರ್ಧಯೈನಂ ಮಹತೇ ಸೌಭಗಾಯ
ವಿಶ್ವ ಏನಂ ಅನು ಮದಂತಿ ದೇವಾಃ || ೨೦,೭।೩

ಅಮುತ್ರಭೂಯಾದ್ ಅಧಿ ಯದ್ ಯಮಸ್ಯ
ಬೃಹಸ್ಪತಿರ್ ಅಭಿಶಸ್ತ್ಯಾ ಅಮುಂಚತ |
ಪ್ರತಿ ಮೃತ್ಯುಂ ಔಹತಾಂ ಅಶ್ವಿನಾ ತೇ
ದೇವಾನಾಂ ಅಗ್ನೇ ಭಿಷಜಾ ಶಚೀಭಿಃ || ೨೦,೭।೪

ಇಂದ್ರಾವರುಣಾ ಸುತಪಾವ್ ಇಮಂ ಸುತಂ
ಮದ್ಯಂ ಸೋಮಂ ಪಿಬತಂ ಧೃತವ್ರತಾ |
ಯುವೋ ರಥೋ ಅಧ್ವರಂ ದೇವವೀತಯೇ
ಪ್ರತಿ ಸ್ವಸರಂ ಉಪ ಯಾತಿ ಪೀತಯೇ || ೨೦,೭।೫

ಇಂದ್ರಾವರುಣಾ ಮಧುಮತ್ತಮಸ್ಯ
ವೃಷ್ಣಃ ಸೋಮಸ್ಯ ವೃಷಣಾ ವೃಷೇಥಾಂ |
ಇದಂ ವಾಂ ಅಸ್ಮೇ ಪರಿಷಿಕ್ತಂ ಅಂಧ
ಆಸದ್ಯಾಸ್ಮಿನ್ ಬರ್ಹಿಷಿ ಮಾದಯೇಥಾಂ || ೨೦,೭।೬

ಉರು ವಿಷ್ಣೋ ವಿ ಕ್ರಮಸ್ವ್-
-ಓರು ಕ್ಷಯಾಯ ನಿಷ್ ಕೃಧಿ |
ಘೃತಂ ಘೃತಯೋನೇ ಪಿಬ
ಪ್ರ ಪ್ರ ಯಜ್ಞಪತಿಂ ತಿರ || ೨೦,೭।೭

ದಿವೋ ವಿಷ್ಣ ಉತ ವಾ ಪೃಥಿವ್ಯಾ
ಉರೋರ್ ವಾ ವಿಷ್ಣೋ ಮಹೋ ಅಂತರಿಕ್ಷಾತ್ |
ಉಭಾ ಹಿ ಹಸ್ತೌ ಮಧುನಾ ಪೃಣಸ್ವ್-
-ಆಪ್ರಯಚ್ಛ ದಕ್ಷಿಣಾದ್ ಓತ ಸವ್ಯಾತ್ || ೨೦,೭।೮

ವಿಷ್ಣೋರ್ ನೂ ಕಂ ಪ್ರ ವೋಚಂ ವೀರ್ಯಾಣಿ
ಯಃ ಪಾರ್ಥಿವಾನಿ ವಿಮಮೇ ರಜಾಂಸಿ |
ಯೋ ಅಸ್ಕಭಾಯದ್ ಉತ್ತರಂ ಸಧಸ್ಥಂ
ವಿಚಕ್ರಮಾಣಸ್ ತ್ರೇಧೋರುಗಾಯಃ || ೨೦,೭।೯

ಪ್ರ ತದ್ ವಿಷ್ಣು ಸ್ತವತೇ ವೀರ್ಯಾಣಿ
ಮೃಗೋ ನ ಭೀಮಃ ಕುಚರೋ ಗಿರಿಷ್ಠಾಃ |
ಯಸ್ಯೋರುಷು ತ್ರಿಷು ವಿಕ್ರಮಣೇಷ್ವ್
ಅಧಿಕ್ಷಿಯಂತಿ ಭುವನಾನಿ ವಿಶ್ವಾ || ೨೦,೭।೧೦
(೭)

ಅಗ್ನಾವಿಷ್ಣೂ ಮಹಿ ಧಾಮ ಪ್ರಿಯಂ ವಾಂ
ಪಾತಂ ಘೃತಸ್ಯ ಗುಹ್ಯಾನಿ ನಾಮ |
ದಮೇದಮೇ ಸಪ್ತ ರತ್ನಾ ದಧಾನ್-
-ಓಪ ವಾಂ ಜಿಹ್ವಾ ಘೃತಂ ಆ ಚರಣ್ಯಾತ್ || ೨೦,೮।೧

ಅಗ್ನಾವಿಷ್ಣೂ ಮಹಿ ತದ್ ವಾಂ ಮಹಿತ್ವಂ
ವೀತಂ ಘೃತಸ್ಯ ಗುಹ್ಯಾ ಜುಷಾಣಾ |
ದಮೇದಮೇ ಸುಷ್ಟುತ್ಯಾ ವಾವೃಧಾನಾ
ಪ್ರತಿ ವಾಂ ಜಿಹ್ವಾ ಘೃತಂ ಉಚ್ ಚರಣ್ಯಾತ್ || ೨೦,೮।೨

ಉನ್ ನಂಭಯ ಪೃಥಿವೀಂ
ಭಿಂಧೀದಂ ದಿವ್ಯಂ ನಭಃ |
ಊಧ್ನೋ ದಿವ್ಯಸ್ಯ ನೋ ಧಾತರ್
ಈಶಾನೋ ವಿ ಷ್ಯಾ ಬಿಲಂ || ೨೦,೮।೩

ಅಪಕ್ರಾಮನ್ ಪೌರುಷೇಯಾದ್
ಗೃಣಾನೋ ದೈವ್ಯಂ ಸಹಃ |
ಪ್ರಣೀತೀರ್ ಅಭ್ಯಾವರ್ತಸ್ವ
ದೇವೋ ದೇವಾನಾಂ ಸಖ್ಯಾ ಜುಷಾಣಃ || ೨೦,೮।೪

ಪಿತೋರ್ ಅಹಂ ಪಿತುಪತಿಂ ತದ್ ಈಡೇ
ಧಾತಾ ವಿಧರ್ತಾ ಭುವನೇಷ್ವ್ ಏಷು |
ನೇಮೇನ ಮಹ್ಯಂ ಮಧುಮಾಁ ಇಹೈಧಿ
ನೇಮೇನಾಮುಷ್ಮೈ ವಿಷುವಾನ್ ನ್ವ್ ಏಧಿ || ೨೦,೮।೫

ಅಯಂ ಪಿತೋಃ ಪಿತುಮಾನ್ ಆಭೃತಸ್ ಪರ್-
-ಈದಂ ಶೃಣೋತು ಯದ್ ಅಹಂ ಬ್ರವೀಮಿ |
ನೇಮೇನ ಮಹ್ಯಂ ಮಧುಮಾಁ ಇಹೈಧಿ
ನೇಮೇನಾಮುಷ್ಮೈ ವಿಷುವಾನ್ ನ್ವ್ ಏಧಿ || ೨೦,೮।೬

ಅತ್ರೈವೈನಂ ನಿರೃತ ಆ ರಭಸ್ವ್-
-ಆತ್ರೈವೈನಂ ನಿರೃತೇ ಪ್ರ ಕ್ಷಿಣೀಹ್ಯ್
ಅತ್ರೈವೈನಂ ಸರ್ವ ವಿ ವೃಶ್ಚ |
ನೇಮೇನ ಮಹ್ಯಂ ಮಧುಮಾಁ ಇಹೈಧಿ
ನೇಮೇನಾಮುಷ್ಮೈ ವಿಷುವಾನ್ ನ್ವ್ ಏಧಿ || ೨೦,೮।೭

ಯತ್ ತ್ವಾ ಪಿತ ಉಪಬ್ರುವೇ ತನ್ ಮ ಆ ಶೃಣ್ವ್
ಅಸ್ಮಿನ್ ಮೇ ಹವೇ ಹವ್ಯೋ ಯಥಾಸಃ |
ಅಮುಂ ದೇವೈರ್ ನಿರೃತಿಃ ಸಂವಿದಾನ್-
-ಆಮುಂ ಛಿನತ್ತಿ ವರುಣಸ್ಯ ಪಾಶಾತ್ || ೨೦,೮।೮

ಯದ್ ಅಸ್ಮೃತಿ ಚಕೃಮಾ ಕಿಂ ಚಿದ್ ಏನ
ಉಪಾರಿಮ ಚರಣೈರ್ ಜಾತವೇದಃ |
ತಸ್ಮಾತ್ ಪಾಹಿ ತ್ವಂ ನಃ ಪ್ರಚೇತಃ
ಶುಭೇ ಸಖಿಭ್ಯೋ ಅಮೃತತ್ವಂ ಅಸ್ಮಾನ್ || ೨೦,೮।೯

ಅಗ್ನೇ ಽಧ್ಯಕ್ಷೋ ನ ಏಹಿ ಪಾಹಿ ನೋ ದುರಿತಾತ್ ಪಾಹಿ ದುಷ್ವಪ್ನ್ಯಾತ್ |
ಆಸನ್ಯಾದ್ ಅನ್ಯಾದ್ ಯಕ್ಷ್ಮಾನ್ ನಃ ಪಾಹಿ || ೨೦,೮।೧೦
(೮)

ತ್ವಿಷಿರ್ ಅಸಿ ತ್ವಿಷಿವಂತೋ ಭೂಯಾಸ್ಮ |
ಚಕ್ಷುಷ್ಮಂತೋ ಗೋಮಂತಃ
ಪ್ರಜಾವಂತೋ ವರ್ಚಸ್ವಿನಃ || ೨೦,೯।೧

ಯದ್ ಅಹ್ನಾ ಸಂಚಿನುಥ
ಕ್ಷೀರಂ ಭರಥೋಧಭಿಃ |
ಇದಂ ತದ್ ವಿಶ್ವರೂಪಾ ವಃ
ಪಯೋ ಹರಾಮಿ ವೀರುಧಾ || ೨೦,೯।೨

ಯದ್ ಅಘ್ನ್ಯಾ ಓಷಧೀಭ್ಯೋ
ಽದ್ಭ್ಯಃ ಸಂಭರಥಾ ಮಧು |
ಇದಂ ತದ್ ವಿಶ್ವರೂಪಾ ವಃ
ಕ್ಷೀರಂ ಹರಾಮ್ಯ್ ಓಷಧ್ಯಾ || ೨೦,೯।೩

ಯೋ ಅಭ್ಯವಭೃಣಾಯಸಿ
ಸ್ವಪಂತಂ ಇಚ್ಛ ಪೂರುಷಂ
ಶಯಾನಂ ಅಕಸ್ವಲಂ |
ಅಯಸ್ಮಯೇನ ವರ್ಮಣ್-
-ಆಶ್ಮಮಯೇನ ವರ್ಮಣಾ
ಪರ್ಯ್ ಅಸ್ಮಾನ್ ವರುಣೋ ದಧತ್ || ೨೦,೯।೪

ಯೇ ನೋ ಗೃಹೇ ಬ್ರಾಹ್ಮಣಾ ಮನ್ಯಮಾನಾ
ಘೋರಾಂ ವಾಚಂ ಮಿಥುಯಾನುಬ್ರುವಂತಿ |
ಏನೋಹೃತೋ ಮಲಹೃತೋ ಭವಂತು
ದುರ್ಯೋಣಂ ಅಸ್ಮತ್ ಪರಿ ತೇ ಹರಂತು || ೨೦,೯।೫

ಅಯಂ ಅಗ್ನಿಃ ಸತ್ಪತಿರ್ ವೃದ್ಧವೃಷ್ಣಿಯೋ
ರಥೀವ ಪತ್ಯೈ ನ ಜನಯತ್ ಪುರೋಹಿತಃ |
ನಾಭಾ ಪೃಥಿವ್ಯಾ ನಿಹಿತೋ ದವಿದ್ಯುತದ್
ಅಧಸ್ಪದಂ ಕೃಣುತಾಂ ಯೇ ಪೃತನ್ಯವಃ || ೨೦,೯।೬

ಅಗ್ನೇ ಶರ್ಧ ಮಹತೇ ಸೌಭಗಾಯ
ತವ ದ್ಯುಮ್ನಾನ್ಯ್ ಉತ್ತಮಾನಿ ಸಂತು |
ಸಂ ಜಾಸ್ಪತ್ಯಂ ಸುಯಮಂ ಆ ಕೃಣುಷ್ವ
ಶತ್ರೂಯತಾಂ ಅಭಿ ತಿಷ್ಠಾ ಮಹಾಂಸಿ || ೨೦,೯।೭

ದೃಷ್ಟೋ ದಮೂನಾ ಅತಿಥಿರ್ ದುರೋಣ
ಇಮಂ ನೋ ಯಜ್ಞಂ ಉಪ ಯಾಹಿ ವಿದ್ವಾನ್ |
ವಿಶ್ವಾ ಹ್ಯ್ ಅಗ್ನೇ ಅಭಿಯುಜೋ ವಿಹತ್ಯ
ಶತ್ರೂಯತಾಂ ಆ ಭರಾ ಭೋಜನಾನಿ || ೨೦,೯।೮

ಅಗ್ನೇ ಸಪತ್ನಾನ್ ಪ್ರ ಣುದಸ್ವ ಜಾತಾನ್
ಪ್ರತ್ಯ್ ಅಜಾತಾಞ್ ಜಾತವೇದೋ ನುದಸ್ವ |
ಅಧಿ ನೋ ಬ್ರೂಹಿ ಸುಮನಸ್ಯಮಾನಃ
ಶರ್ಮ ನೋ ಯಚ್ಛ ತ್ರಿವರೂಥಂ ಉದ್ಭಿತ್ || ೨೦,೯।೯

ಪ್ರಾನ್ಯಾನ್ ಸಪತ್ನಾನ್ ಸಹಸಾ ಸಹಸ್ವ
ಪ್ರತ್ಯ್ ಅಜಾತಾಞ್ ಜಾತವೇದಃ ಶೃಣೀಹಿ |
ಇದಂ ರಾಷ್ಟ್ರಂ ಪಿಪೃಹಿ ಸೌಭಗಾಯ್-
-ಆನು ತ್ವಾ ದೇವಾ ವಸವೋ ಮದಂತಾಂ || ೨೦,೯।೧೦
(೯)

ಯೋ ನೋ ಮಿತ್ರಾವರುಣಾಭಿದಾಸಾತ್
ಸಪತ್ನೋ ವೋತ್ಪಿಪಾನೋ ಬೃಹಸ್ಪತೇ |
ಸರ್ವಂ ತಂ ಅಗ್ನೇ ಅಧರಂ ಪಾತಯಾಸ್ಮದ್
ಯಥೇಂದ್ರಾಹಂ ಉತ್ತಮಶ್ ಚೇತಯಾನಿ || ೨೦,೧೦।೧

ಅಹಂ ಏಷಾಂ ಉತ್ತಮಶ್ ಚೇತಯಾನಿ
ಮಮ ವಶಂ ಉಪ ತಿಷ್ಠಂತು ಸರ್ವೇ |
ಆಜುಹ್ವಾನೋ ಘೃತಪೃಷ್ಠಃ ಸುವರ್ಚಾ
ವಸೋರ್ ಮಧ್ಯೇ ದೀದಿಹಿ ಜಾತವೇದಃ || ೨೦,೧೦।೨

ಅಮುಂ ಅಗ್ನೇ ಅಧರಂ ಪಾತಯಾಸ್ಮಜ್
ಜಾಸಯೋತ್ಪಿಪಾನಂ ಸಪತ್ನಂ |
ಯೇ ನೋ ಧೂರ್ವಾನ್ ಅಧರೇ ತೇ ಭವಂತು
ವಿಶ್ವಾ ದ್ವೇಷಾಂಸ್ಯ್ ಅಭಿತೋ ನಿ ಮೃಡ್ಢಿ || ೨೦,೧೦।೩

ಮೂರ್ಧಾನಂ ದಿವೋ ಅರತಿಂ ಪೃಥಿವ್ಯಾ
ವಿಶಸ್ ತ್ವಾ ಸರ್ವಾ ಬಲಿಹೃತ ಉಪಾಸತಾಂ |
ತಾಸಾಂ ಉಗ್ರೋ ಮಧ್ಯಮೇಷ್ಠೇಯಂ ಅಸ್ಯಾ
ಸ್ವೇ ಕ್ಷೇತ್ರೇ ಸವಿತೇವ ವಿ ರಾಜ || ೨೦,೧೦।೪

ಆ ಪ್ರತ್ಯಂಚಂ ದಾಶುಷೇ ದಾಶ್ವಾಂಸಂ
ಸರಸ್ವಂತಂ ಪುಷ್ಟಿಪತಿಂ ರಯೀಣಾಂ |
ರಾಯಸ್ಪೋಷಂ ಶ್ರವಸ್ಯಂ ವಸಾನಂ
ಇಹ ಹುವೇಮ ಸದನಂ ರಯೀಣಾಂ || ೨೦,೧೦।೫

ಯಸ್ಯ ವ್ರತೇ ಪಶವೋ ಯಂತಿ ಸರ್ವೇ
ಯಸ್ಯ ವ್ರತ ಉಪತಿಷ್ಠಂತ ಆಪಃ |
ಯಸ್ಯ ವ್ರತೇ ಪುಷ್ಟಿಪತಿರ್ ನಿವಿಷ್ಟಸ್
ತಂ ಸರಸ್ವಂತಂ ಅವಸೇ ಹುವೇಮ || ೨೦,೧೦।೬

ಯೇ ತೇ ಸರಸ್ವನ್ನ್ ಊರ್ಮಯೋ
ಮಧುಮಂತೋ ಘೃತಶ್ಚುತಃ |
ತೇಭಿರ್ ನೋ ಽವಿತಾ ಭುವಃ || ೨೦,೧೦।೭

ದಿವ್ಯಂ ಸಮುದ್ರಂ ಪಯಸಂ ಬೃಹಂತಂ
ಅಪಾಂ ಗರ್ಭಂ ವೃಷಭಂ ಓಷಧೀನಾಂ |
ಅಭೀಪತೋ ರಯ್ಯಾ ತರ್ಪಯಂತಂ
ಸರಸ್ವಂತಂ ರಯಿಷ್ಠಾಂ ಸಾದಯೇಹ || ೨೦,೧೦।೮

ಇಂದ್ರಸ್ಯ ಕುಕ್ಷಿರ್ ಅಸಿ ಸೋಮಧಾನ
ಆತ್ಮಾ ದೇವಾನಾಂ ಉತ ವಿಶ್ವರೂಪಃ |
ಇಹ ಪ್ರಜಾ ಜನಯ ಯಾಸ್ ತ ಆಸು
ಯಾ ಅನ್ಯತ್ರೇಹ ತಾಸ್ ತೇ ಸ್ವಧಿತೋ ಗೃಣಂತು || ೨೦,೧೦।೯

ಶ್ಯೇನಃ ಸುಪರ್ಣೋ ದಿವ್ಯೋ ನೃಚಕ್ಷಾಃ
ಸಹಸ್ರಪಾಚ್ ಛತಯೋನಿರ್ ವಯೋಧಾಃ |
ಸ ನೋ ನಿ ಯಚ್ಛಾದ್ ವಸು ಯತ್ ಪರಾಭೃತಂ
ಅಸ್ಮಾಕಂ ಅಸ್ತು ಪಿತೃಷು ಸ್ವಧಾವತ್ || ೨೦,೧೦।೧೦
(೧೦)

ಅತಿ ಧನ್ವಾನ್ಯ್ ಅತ್ಯ್ ಅಪಸ್ ತತರ್ದ
ಶ್ಯೇನೋ ನೃಚಕ್ಷಾ ಅವಸಾನದರ್ಶಃ |
ತರನ್ ವಿಶ್ವಾವರಾ ರಜಾಂಸ್-
-ಈಂದ್ರೇಣ ಸಖ್ಯಾ ಶಿವ ಆ ಜಗಾಮ || ೨೦,೧೧।೧

ಆಗನ್ ದೇವಃ ಸವಿತಾ ಸರ್ವಧಾಯಾ
ಉರುಜ್ಯೋತಿರ್ ಅವಿದಾಮಾ ನಮೋಭಿಃ |
ಮಹೀಂ ನಾವಂ ಅದಿತೇರ್ ಆ ರುಹೇಮ
ಯತ್ರ ಸೋಮಃ ಸದಂ ಇತ್ ತತ್ರ ಭದ್ರಂ || ೨೦,೧೧।೨

ಉದ್ ವಯಂ ಇತ್ಯ್ ಏಕಾ || ೨೦,೧೧।೩

ಪತಿರ್ ದಿವಃ ಪತಿರ್ ಅಗ್ನಿಃ ಪೃಥಿವ್ಯಾಃ
ಪತಿರ್ ವಿಶ್ವಸ್ಯ ಭುವನಸ್ಯ ರಾಜತಿ |
ಪತಿರ್ ವಿಶ್ವಾ ಓಷಧೀರ್ ಆ ವಿವೇಶ
ಪತ್ನೀವಾನ್ ಅಗ್ನ ಇಹ ಯಾಹಿ ಸೋಮಂ || ೨೦,೧೧।೪

ಸಂ ಕ್ರಾಮತಂ ಮಾ ಜಹೀತಂ ಶರೀರಂ
ಪ್ರಾಣಾಪಾನೌ ಸಯುಜೇಹ ಸ್ತಂ |
ಸಪ್ತಋಷಿಭ್ಯಃ ಪರಿ ದದ್ಮ ಏತಂ
ತ ಏನಂ ಸ್ವಸ್ತಿ ಜರಸೇ ನಯಂತು || ೨೦,೧೧।೫

ಯತ್ ತ ಆಯುರ್ ಅತಿಹಿತಂ ಪರಾಚೈರ್
ಅಪಾನಃ ಪ್ರಾಣೋ ಯ ಉ ತೇ ಪರೇತಃ |
ಅಗ್ನಿಷ್ ಟದ್ ಆಹಾರ್ ನಿರೃತೇರ್ ಉಪಸ್ಥಾತ್
ತದ್ ಆತ್ಮನಿ ಪುನರ್ ಆ ವೇಶಯಾಮಿ || ೨೦,೧೧।೬

ಮಾ ತ್ವಾ ಪ್ರಾಣೋ ಹಾಸೀದ್ ಯಸ್ ತ್ವೇ ಪ್ರವಿಷ್ಟೋ
ಮಾ ತ್ವಾಪಾನೋ ಽವಹಾಯ ಪರಾ ಗಾತ್ |
ಸಂರಭ್ಯ ಜೀವ ಶರದಃ ಸುವರ್ಚಾ
ಅಗ್ನಿಷ್ ಟೇ ಗೋಪಾ ಅಧಿಪಾ ವಸಿಷ್ಠಃ || ೨೦,೧೧।೭

ರಾಕಾಂ ಅಹಂ ಸುಹವಾಂ ಸುಷ್ಟುತೀ ಹುವೇ
ಶೃಣೋತು ನಃ ಸುಭಗಾ ಬೋಧತು ತ್ಮನಾ |
ಸೀವ್ಯತ್ವ್ ಅಪಃ ಸೂಚ್ಯಾಚ್ಛಿದ್ಯಮಾನಯಾ
ದದಾತು ವೀರಂ ಶತದಾಯಂ ಉಕ್ಥ್ಯಂ || ೨೦,೧೧।೮

ಯಾಸ್ ತೇ ರಾಕೇ ಸುಮತಯಃ ಸುಪೇಶಸೋ
ಯಾಭಿರ್ ದದಾತಿ ದಾಶುಷೇ ವಸೂನಿ |
ತಾಭಿರ್ ನೋ ಅದ್ಯ ಸುಮನಾ ಉಪಾಗಹಿ
ಸಹಸ್ರಪೋಷಂ ಸುಭಗೇ ರರಾಣಾ || ೨೦,೧೧।೯

ಯಾ ರಾಕಾ ಯಾ ಸಿನೀವಾಲೀ
ಯಾ ಗುಂಗೂರ್ ಯಾ ಸರಸ್ವತೀ |
ಇಂದ್ರಾಣೀಂ ಅಹ್ವ ಊತಯೇ
ವರುಣಾನೀಂ ಸ್ವಸ್ತಯೇ || ೨೦,೧೧।೧೦

ಯಾ ಸುಬಾಹುಃ ಸ್ವಂಗುರಿಃ
ಸುಷುಮಾ ಬಹುಸೂವರೀ |
ತಸ್ಯೈ ವಿಶ್ಪತ್ನ್ಯೈ ಹವಿಃ
ಸಿನೀವಾಲ್ಯೈ ಜುಹೋತನ || ೨೦,೧೧।೧೧

ಸಿನೀವಾಲಿ ಪೃಥುಷ್ಟುಕೇ
ಯಾ ದೇವಾನಾಂ ಅಸಿ ಸ್ವಸಾ |
ಜುಷಸ್ವ ಹವ್ಯಂ ಆಹುತಂ
ಪ್ರಜಾಂ ದೇವಿ ದಿದಿಡ್ಢಿ ನಃ || ೨೦,೧೧।೧೨

ಯಾ ವಿಶ್ವತ ಇಂದ್ರಂ ಅಸಿ ಪ್ರತೀಚೀ
ಸಹಸ್ರಸ್ತುತಾಂ ಅಭಿ ಯಂತು ದೇವೀಃ |
ವಿಷ್ಣುಪತ್ನಿ ತುಭ್ಯಂ ರಾತಾ ಹವೀಂಷಿ
ಪತಿಂ ದೇವಿ ರಾಧಸಾ ಚೋದಯಸ್ವ || ೨೦,೧೧।೧೩
(೧೧)

ಅನುವಾಕ ೨ ||

ಉಪ ಹ್ವಯ ಇತಿ ತಿಸ್ರಃ || ೨೦,೧೨।೧

(…) || ೨೦,೧೨।೨

(…) || ೨೦,೧೨।೩

ಸೂಯವಸಾದ್ ಭಗವತೀತ್ಯ್ ಏಕಾ || ೨೦,೧೨।೪

ಸಂಜಾನಾನಾ ಉಪ ಸೀದಾನ್ ಅಭಿಜ್ಞು
ಪತ್ನೀವಂತೋ ನಮಸ್ಯಂ ನಮಸ್ಯಾನ್ |
ರಿರಿಕ್ವಾಂಸಸ್ ತನ್ವಾ ಸುಮ್ನಂ ಆಯುಃ
ಸಖೇತ್ ಸಖ್ಯುರ್ ನಿಮಿಷಿ ರಕ್ಷಮಾಣಾಃ || ೨೦,೧೨।೫

ಸಮಿದ್ಧೋ ಅಗ್ನಿರ್ ಅಶ್ವಿನಾ
ತಪ್ತೋ ವಾಂ ಘರ್ಮ ಆ ಗತಂ |
ದುಹ್ಯಂತೇ ನೂನಂ ವೃಷಣೇಹ ಧೇನವೋ
ದಸ್ರಾ ವದಂತಿ ಕಾರವಃ || ೨೦,೧೨।೬

ಸಮಿದ್ಧೋ ಅಗ್ನಿರ್ ಅಶ್ವಿನಾ ರಥೀ ದಿವಸ್
ತಪ್ತೋ ಘರ್ಮೋ ದುಹ್ಯತೇ ವಾಂ ಇಷೇ ಮಧು |
ವಯಂ ಹಿ ವಾಂ ಪುರುತಮಾಸೋ ಅಶ್ವಿನಾ
ಹವಾಮಹೇ ಸಧಮಾದೇಷು ಕಾರವಃ || ೨೦,೧೨।೭

ಯದ್ ಉಸ್ರಿಯಾಸ್ವ್ ಆಹುತಂ ಘೃತಂ ಪಯೋ
ಽಯಂ ಸೋ ಅಶ್ವಿನಾ ವಾಂ ಭಾಗ ಆ ಗತಂ |
ಮಾಧ್ವೀ ಧರ್ತಾರಾ ವಿದಥಸ್ಯ ಸತ್ಪತೀ
ತಪ್ತಂ ಘರ್ಮಂ ಪಿಬತಂ ರೋಚನೇ ದಿವಃ || ೨೦,೧೨।೮

ತಪ್ತೋ ವಾಂ ಘರ್ಮೋ ನಕ್ಷತಿ ಸುಹೋತಾ
ಪ್ರ ವಾಂ ಅಧ್ವರ್ಯುಶ್ ಚರತಿ ಪಯಸ್ವಾನ್ |
ಮಧೋರ್ ದುಗ್ಧಸ್ಯಾಶ್ವಿನಾ ತನಾಯಾ
ವೀತಂ ಪಾತಂ ಪಯಸ ಉಸ್ರಿಯಾಯಾಃ || ೨೦,೧೨।೯

ಉಪ ದ್ರವ ಪಯಸಾ ಗೋಧುಗ್ ಓಷುಂ
ಆ ಘರ್ಮೇ ಸಿಂಚ ಪಯ ಉಸ್ರಿಯಾಯಾಃ |
ವಿ ನಾಕಂ ಅಖ್ಯತ್ ಸವಿತಾ ವರೇಣ್ಯೋ
ಽನು ದ್ಯಾವಾಪೃಥಿವೀ ಸುಪ್ರಣೀತಿಃ || ೨೦,೧೨।೧೦
(೧೨)

ಸ್ವಾಹಾಕೃತಃ ಶುಚಿರ್ ದೇವೇಷು ಘರ್ಮೋ
ಯೋ ಅಶ್ವಿನೋಶ್ ಚಮಸೋ ದೇವಪಾನಃ |
ತಂ ಉ ವಿಶ್ವೇ ಅಮೃತಾಸೋ ಜುಷಾಣಾ
ಗಂಧರ್ವಸ್ಯ ಪ್ರತ್ಯ್ ಆಸ್ನಾ ರಿಹಂತಿ || ೨೦,೧೩।೧

ಸುಗಾ ವೋ ದೇವಾಃ ಸದನಾ ಕೃಣೋಮಿ
ಯ ಆತಸ್ಥೇದಂ ಸವನಂ ಜುಷಾಣಾಃ |
ವಹಮಾನಾ ಭರಮಾಣಾ ಅಭ್ರಾ
ಅಸ್ತಂ ಘರ್ಮಂ ತಂ ಉದಾತಿಷ್ಠತಾನು || ೨೦,೧೩।೨

ಶಿವಾ ನಃ ಶಂತಮಾ ಭವ
ಸುಮೃಡೀಕಾ ಸರಸ್ವತಿ |
ಮಾ ತೇ ಯುಯೋಮ ಸಂದೃಶಃ || ೨೦,೧೩।೩

ಉಪೈನಂ ದೇವೋ ಅಗ್ರಭೀಚ್
ಚಮಸೇನ ಬೃಹಸ್ಪತಿಃ |
ಯಜಮಾನಾಯ ಶುಂಧತ
ಇಂದ್ರ ಗೀರ್ಭಿರ್ ನ ಆ ಭರ || ೨೦,೧೩।೪

ಸಂ ಮಾ ಸಿಂಚಂತು ಮರುತ ಇತ್ಯ್ ಏಕಾ || ೨೦,೧೩।೫

ಇಡೈವಾಸ್ಮಾಁ ಅನು ವಸ್ತಾಂ ವ್ರತೇನ
ಯಸ್ಯಾಃ ಪದೇ ಪುನತೇ ದೇವಯಂತಃ |
ಘೃತಪದೀ ಶಕ್ವರೀ ಸೋಮಪೃಷ್ಠ್-
-ಓಪ ಯಜ್ಞಂ ಅಸ್ಥಿತ ವೈಶ್ವದೇವೀ || ೨೦,೧೩।೬

ದ್ರಪ್ಸಶ್ ಚಸ್ಕಂದೇತ್ಯ್ ಏಕಾ || ೨೦,೧೩।೭

ಯಸ್ ತೇ ದ್ರಪ್ಸ ಸ್ಕಂದತಿ ಯಸ್ ತೇ ಅಂಶುರ್
ಬಾಹುಚ್ಯುತೋ ಧಿಷಣಾಯಾ ಉಪಸ್ಥಾತ್ |
ಅಧ್ವರ್ಯೋರ್ ವಾ ಪರಿ ಯಃ ಪವಿತ್ರಾತ್
ತಂ ತೇ ಜುಹೋಮಿ ಮನಸಾ ವಷಟ್ಕೃತಂ || ೨೦,೧೩।೮

ದ್ರಪ್ಸಃ ಪತಿತೋ ವಿಶ್ವಯಃ ಪರಿಶ್ರುತಃ |
ಅಯಂ ದೇವೋ ಬೃಹಸ್ಪತಿಃ
ಸಂ ತಂ ಸಿಂಚತು ರಾಧಸೇ || ೨೦,೧೩।೯

ಯಸ್ ತೇ ದ್ರಪ್ಸಃ ಪತಿತಃ ಪೃಥಿವ್ಯಾಂ
ಧಾನಾಸೋಮಃ ಪರಿವಾಪಃ ಕರಂಭಃ |
ಅಯಂ ದೇವೋ ಬೃಹಸ್ಪತಿಃ
ಸಂ ತಂ ಸಿಂಚತು ವರ್ಚಸೇ || ೨೦,೧೩।೧೦
(೧೩)

ಪಯಸ್ವತೀರ್ ಓಷಧಯಃ
ಪಯಸ್ವನ್ ಮಾಮಕಂ ವಚ ಇತ್ಯ್ ಏಕಾ || ೨೦,೧೪।೧

ಅಯಂ ಅಗ್ನಿರ್ ವರೇಣ್ಯ
ಆಯುಷ್ ಟೇ ವಿಶ್ವತೋ ದಧತ್ |
ಪುನಸ್ ತ್ವಾ ಪ್ರಾಣ ಆಯತಿ
ಪರಾ ಯಕ್ಷ್ಮಂ ಸುವಾಮಿ ತೇ || ೨೦,೧೪।೨

ಜನಾದ್ ವಿಶ್ವಜನೀನಂ
ವಿಶಾಂ ಉರುಕ್ಷಿತೀನಾಂ |
ದೂರಾತ್ ತ್ವಾ ಮನ್ಯ ಆಭೃತಂ
ಈರ್ಷ್ಯಾಯಾ ನಾಮ ಭೇಷಜಂ || ೨೦,೧೪।೩

ದೂರಾದ್ ಏತತ್ ಸಂ ಭರಂತ್-
-ಈರ್ಷ್ಯಾಯಾ ನಾಮ ಭೇಷಜಂ |
ತತ್ ಸಂವೇಗಸ್ಯ ಭೇಷಜಂ
ತದ್ ಅಶ್ನಾ ಸಂಗೃಭಾಯಿಕಂ || ೨೦,೧೪।೪

ಅಗ್ನೇರ್ ಇವ ದಹತೋ
ದಾವಸ್ಯ ದಹತೋ ಯಥಾ |
ಏತಾಂ ಏತಸ್ಯೇರ್ಷ್ಯಾಂ ಹೃದ
ಉದ್ನಾಗ್ನಿಂ ಇವ ವಾರಯೇ || ೨೦,೧೪।೫

ಅಪ ಮಾರ್ಜ್ಮ್ಯ್ ಅಪನಯನ್
ಮನ್ಯುಂ ತೇ ಹೃದಯಾದ್ ಅಧಿ |
ಅಮುಷ್ಮಿನ್ನ್ ಈರ್ಷ್ಯಾಂ ಆ ದಧ್ಮಸ್
ತತ್ರೋ ಏನಾಂ ನಿ ದಧ್ಮಸಿ || ೨೦,೧೪।೬

ತಿರಶ್ಚಿರಾಜೇರ್ ಅಸಿತಾತ್
ಪೃದಾಕೋರ್ ಅಧಿ ಸಂಭೃತಂ |
ತತ್ ಕಂಕಪರ್ವಣೋ ವಿಷಂ
ಇಯಂ ವೀರುದ್ ಅದೂದುಷತ್ || ೨೦,೧೪।೭

ಇಯಂ ವೀರುನ್ ಮಧುಜಾತಾ
ಮಧುಶ್ಚುನ್ ಮಧುಲಾ ಮಧು
ಸಾ ವಿಹ್ರುತಸ್ಯ ಭೇಷಜ್ಯ್
ಅಥೋ ಮಶಕಜಂಭನೀ || ೨೦,೧೪।೮

ಯತೋ ದಷ್ಟಂ ಯತಃ ಪೀತಂ
ತತಸ್ ತ್ವಾ ನಿರ್ ಣಯಾಮಸಿ |
ಅಭ್ರ್ಯಸ್ಯ ತೃಪ್ರದಂಶಿನೋ
ಮಶಕಸ್ಯಾರಸಂ ವಿಷಂ || ೨೦,೧೪।೯

ಅಯಂ ಯೋ ವಿಖ್ಯೋ ವಿಕಟೋ ವಿಪರ್ವಾ
ಮುಖಾನ್ಯ್ ಏಷಾಂ ವೃಜಿನಾ ಕೃಣೋಷಿ |
ತಾನಿ ತ್ವಂ ದೇವ ಸವಿತರ್
ಇಷೀಕಾಂ ಇವ ಸಂ ನಮಃ || ೨೦,೧೪।೧೦
(೧೪)

ಯದ್ ಅನ್ನಂ ಅದ್ಮಿ ಬಹುಧಾ ವಿರೂಪಂ
ಹಿರಣ್ಯಂ ಅಶ್ವಂ ಉತ ಗಾಂ ಅಜಾಂ ಅವಿಂ |
ಯದ್ ಏವ ಕಿಂ ಚ ಪ್ರತಿಜಗ್ರಹಾಹಂ
ಅಗ್ನಿಷ್ ಟದ್ ವಿಶ್ವಾದ್ ಅಗದಂ ಕೃಣೋತು || ೨೦,೧೫।೧

ಯದ್ ಆಶಸಾ ಮೇ ಚರತೋ ಜನಾಁ ಅನು
ಯಾಚಮಾನಸ್ಯ ವದತೋ ವಿಚುಕ್ಷುಭೇ |
ಯನ್ ಮೇ ತನ್ವೋ ಮನಸೋ ವಿರಿಷ್ಟಂ
ಸರಸ್ವತೀ ತದ್ ಆ ಪೃಣಾದ್ ಘೃತೇನ || ೨೦,೧೫।೨

ಯದ್ ಆರಿಮ ಪ್ರತಿಗೃಹ್ಣಂತ ಏನಃ
ಸಿಷಾಸಂತೋ ಬಲಿಂ ಅಗ್ನೇ ಚರಂತಃ |
ತ್ವಂ ನಸ್ ತಸ್ಮಾದ್ ಏನಸೋ ಮುಮುಗ್ಧಿ
ವೈಶ್ವಾನರಃ ಪ್ರತಿ ಹವ್ಯಾ ಗೃಭಾಯ || ೨೦,೧೫।೩

ಚಕ್ಷುಷಃ ಪಾಶಾನ್ ಮನಸಶ್ ಚ ಪಾಶಾದ್
ವೀಕ್ಷಾಯಾಃ ಪಾಶಾದ್ ಉತ ಶಕ್ವರೀಣಾಂ |
ತಸ್ಮಾನ್ ಮುಮುಗ್ಧಿ ವಿಶ್ವಾವಸೋ ತ್ವಂ ನೋ
ದಾತೄಣಾಂ ದಾನಂ ಭುನಜಾಮಹೈ ವಯಂ || ೨೦,೧೫।೪

ಅದುರ್ ಮೇ ವಿಶ್ವೇ ದೇವಾ
ಅದಾತ್ ಸವಿತೇದಂ |
ಅದಾನ್ ಮೇ ಬ್ರಹ್ಮಣಸ್ಪತಿಃ
ಪ್ರಿಯೋ ಮಿತ್ರೋ ಅದಾದ್ ಇದಂ || ೨೦,೧೫।೫

ಇಂದ್ರೇಣ ಮೇದಿನಾ ಯುಜ್-
-ಆಪ ಬಾಧೇ ಪೃತನ್ಯತಃ |
ಅಧರೇ ಸಂತು ಶತ್ರವಃ || ೨೦,೧೫।೬

ಅಗ್ನಿರ್ ಇಂದ್ರಶ್ ಚ ಯದ್ ಯುವಂ
ಹತೋ ವೃತ್ರಾಣ್ಯ್ ಅಪ್ರತಿ |
ಉಗ್ರಾ ಹಿ ವೃತ್ರಹಂತಮಾ || ೨೦,೧೫।೭

ಅಗ್ನಿಂ ಇಂದ್ರಂ ಚ ಯದ್ ವಯಂ
ಪುರೋಧಾಯೈ ಹವಾಮಹೇ |
ತೌ ನೋ ಮೃಡಾತ ಈದೃಶೇ || ೨೦,೧೫।೮

ಯಾಭ್ಯಾಂ ಸ್ವರ್ ಅಜಯನ್ನ್ ಅಗ್ರೇ
ಯಾವ್ ಆತಸ್ಥತುರ್ ಭುವನಾ ಜುಷಾಣಾ |
ಪ್ರಚರ್ಷಣೀ ವೃಷಣಾ ವಜ್ರಬಾಹೂ
ಅಗ್ನಿಂ ಇಂದ್ರಂ ವೃತ್ರಹಣಾ ಹುವೇಮ || ೨೦,೧೫।೯

ಯಯೋರ್ ಓಜಸಾ ಸ್ತಭಿತಾ ರಜಾಂಸಿ
ಯೌ ವೀರ್ಯೈರ್ ವೀರತಮಾ ಶಚೀಭಿಃ |
ಯೌ ಪತ್ಯೇತೇ ಅಪ್ರತೀತೌ ಸಹೋಭಿರ್
ವಿಷ್ಣುಂ ಅಗನ್ ವರುಣಂ ಪೂರ್ವಹೂತಿಃ || ೨೦,೧೫।೧೦
(೧೫)

ಯಯೋರ್ ಅಪ್ಸು ನ ಮಹಿಮಾ ನದೀಷು
ಪ್ರರಿರಿಚೇ ಪ್ರದಿವಿ ರೋಚನಾಯಾಂ |
ಯಯೋರ್ ಅಸ್ತ್ಯ್ ಅನುಮತಿರ್ ಭೂಯಿಷ್ಠಾ
ವಿಷ್ಣುಂ ಅಗನ್ ವರುಣಂ ಪೂರ್ವಹೂತಿಃ || ೨೦,೧೬।೧

ಯಯೋರ್ ಇದಂ ಪ್ರದಿಶಿ ಯದ್ ವಿರೋಚತೇ
ಪ್ರಜಾಂ ಅತಿ ವಿ ಚ ಚಷ್ಟೇ ಶಚೀಭಿಃ |
ಮಹಋತಸ್ಯ ಧರ್ಮಾಣಾ ಯುವಾನಾ
ವಿಷ್ಣುಂ ಅಗನ್ ವರುಣಂ ಪೂರ್ವಹೂತಿಃ || ೨೦,೧೬।೨

ಉಭಾ ಜಿಗ್ಯಥುರ್ ನ ಪರಾ ಜಯೇಥೇ
ನ ಪರಾ ಜಿಗ್ಯೇ ಕತರಶ್ ಚನೈವ ವಾಂ |
ಇಂದ್ರಶ್ ಚ ವಿಷ್ಣೋ ಯದ್ ಅಪಸ್ಪೃಧೇಥಾಂ
ತ್ರೇಧಾ ಸಹಸ್ರಂ ವಿ ತದ್ ಐರಯೇಥಾಂ || ೨೦,೧೬।೩

ಯದ್ ಅಶುದ್ಧಂ ಯದ್ ಅನೃತಂ
ಯಚ್ ಚರಾಮಸಿ ಪಾಪಯಾ |
ಆಪೋ ಮಾ ತಸ್ಮಾದ್ ಏನಸೋ
ದುರಿತಾತ್ ಪಾಂತು ವಿಶ್ವತಃ || ೨೦,೧೬।೪

ದುಷ್ವಪ್ನ್ಯಂ ದುರ್ಜೀವಿತಂ ಇತ್ಯ್ ಏಕಾ || ೨೦,೧೬।೫

ಯದ್ ಅವಾಮೃಕ್ಷತ ಕೃಷ್ಣಶಕುನಿರ್
ಮುಖೇನ ನಿರೃತೇ ತವ |
ಅಗ್ನಿಷ್ ಟತ್ ಸರ್ವಂ ಶುಂಧತು
ಹವ್ಯವಾಡ್ ಘೃತಸೂದನಃ || ೨೦,೧೬।೬

ಯದ್ ಅಸ್ಮಾನ್ ಕೃಷ್ಣಶಕುನೇರ್
ನಿಷ್ಪತ್ಯ ತತ ಆನಶೇ |
ಆಪೋ ಮಾ ತಸ್ಮಾದ್ ಏನಸೋ
ದುರಿತಾತ್ ಪಾಂತು ವಿಶ್ವತಃ || ೨೦,೧೬।೭

ಅಗ್ನಿರ್ ಮಾ ಪಾತು ಪ್ರಥಮೋ ದುರರ್ಮಣೋ
ನಿರೃತ್ಯಾಂ ವಿಶ್ವಾ ದುರಿತಾನಿ ಮೃಜ್ಮಹೇ |
ವಿಶ್ವೇ ಮಾ ದೇವಾ ಮರುತಃ ಪುನಂತು
ವರುಣೋ ರಾಜಾ ಸವಿತಾ ಪವಿತ್ರೈಃ || ೨೦,೧೬।೮

ಅಂತರಿಕ್ಷೇಣ ಪತತಿ
ಯಾತುಧಾನನಿಬಾಧಿತಃ |
ಸ್ತೋಕಂ ಯಂ ಅಭ್ಯಚುಶ್ಚುತತ್
ತಂ ಉ ಸ್ಯೋನಂ ಕೃಣೋಮಿ ತೇ || ೨೦,೧೬।೯

ಯತ್ ತ್ವಾ ಕೃಷ್ಣೋ ಅಭ್ಯಮೃಕ್ಷದ್
ದೇವೇಭ್ಯಸ್ ಪರಿ ನಿರ್ಹತಃ |
ಶಿವಂ ತೇ ತನ್ವೇ ತತ್ ಕೃಣ್ಮೋ
ವಿ ತೇ ಪಾಶಾಂಶ್ ಚೃತಾಮಸಿ || ೨೦,೧೬।೧೦
(೧೬)

ತೃಷ್ಟಿಕೇ ತೃಷ್ಟಿವಂದನ
ಉದ್ ಅಮುಂ ಛಿಂಧಿ ತೃಷ್ಟಿಕೇ |
ಯಥಾ ಕೃತದ್ವಿಷ್ಟೇ ದಶತ್
ಸರ್ವಸ್ಮೈ ಶೇಪ್ಯಾವತೇ || ೨೦,೧೭।೧

ತೃಷ್ಟಾಸಿ ತೃಷ್ಟಿಕಾಸಿ
ವಿಷಾ ವಿಷಾತಕ್ಯ್ ಅಸಿ |
ಪರಿವೃತ್ತಾ ಯಥಾಸಸ್ಯ್
ಋಷಭೇಣ ವಶೇವ || ೨೦,೧೭।೨

ಆ ತೇ ದದೇ ವಕ್ಷಣಾಭ್ಯ
ಆ ದದೇ ಹೃದಯಾದ್ ಅಧಿ |
ಆ ತೇ ಮುಖಸ್ಯ ಯದ್ ವರ್ಚ
ಆ ಪುಂಸೋ ಯತ್ ತಿತೃಪ್ಸಸಿ || ೨೦,೧೭।೩

ಮಯಿ ವರ್ಚೋ ಮಯಿ ಶ್ರವೋ
ಮಯಿ ದ್ಯುಮ್ನಂ ಮಯಿ ತ್ವಿಷಿಃ |
ಅಹಂ ತೇ ವರ್ಚ ಆ ದದೇ
ಅಹಂ ಭೂಯಾಸಂ ಉತ್ತಮಃ || ೨೦,೧೭।೪
(೧೭)

ಅನುವಾಕ ೩ ||

ಅಭಿ ಪ್ರಾಗಾತ್ ಸಹಸ್ರಾಕ್ಷೋ
ಯುಕ್ತ್ವಾ ಶಪಥೋ ರಥಂ |
ಶಪ್ತಾರಂ ಅನ್ವಿಚ್ಛನ್ ಯಾತು
ವೃಕ ಇವಾವಿಮತೋ ಗೃಹಂ || ೨೦,೧೮।೧

ಪರಿ ಣೋ ವೃಙ್ಧಿ ಶಪಥ
ಹ್ರದಂ ಅಗ್ನಿರ್ ಇವ ದಹನ್ |
ಶಪ್ತಾರಂ ಅತ್ರ ತ್ವಂ ಜಹಿ
ದಿವ್ಯಾ ವೃಕ್ಷಂ ಇವಾಶನಿಃ || ೨೦,೧೮।೨

ಯೋ ನಃ ಶಪಾದ್ ಅಶಪತಃ
ಶಪತೋ ಯಶ್ ಚ ನಃ ಶಪಾತ್ |
ವೃಕ್ಷ ಇವ ವಿದ್ಯುತಾ ಹತ
ಆ ಮೂಲಾದ್ ಅನು ಶುಷ್ಯತು || ೨೦,೧೮।೩

ಶಪ್ತಾರಂ ಯಂತು ಶಪಥಾ
ಯಃ ಸುಹಾರ್ತ್ ತೇನ ನಃ ಸಹ |
ಜಿಹ್ವಾಶ್ಲಕ್ಷ್ಣಸ್ಯ ದುರ್ಹಾರ್ದಃ
ಪೃಷ್ಟೀರ್ ಅಪಿ ಶೃಣೀಮಸಿ || ೨೦,೧೮।೪

ಯಂ ದ್ವಿಷ್ಮೋ ಯಶ್ ಚ ನೋ ದ್ವೇಷ್ಟ್ಯ್
ಅಘಾಯುರ್ ಯಶ್ ಚ ನಃ ಶಪಾತ್ |
ಶುನೇ ಪೇಷ್ಟ್ರಂ ಇವಾವಕ್ಷಾಮಂ
ತಂ ಪ್ರತ್ಯ್ ಅಸ್ಯಾಮಿ ಮೃತ್ಯವೇ || ೨೦,೧೮।೫

ಪ್ರೇತೋ ಯಂತು ವ್ಯಾಧ್ಯಃ
ಪ್ರಾನುಧ್ಯಾಃ ಪ್ರೋ ಅಶಸ್ತಯಃ |
ಅಗ್ನೀ ರಕ್ಷಸ್ವಿನೀರ್ ಹಂತು
ಸೋಮೋ ಹಂತು ದುರಸ್ಯತೀಃ || ೨೦,೧೮।೬

ಪ್ರ ಚತೇತಃ ಪಾಪಿ ಲಕ್ಷ್ಮಿ
ನಶ್ಯೇತಃ ಪ್ರಾಮುತಃ ಪತ |
ಅಯಸ್ಮಯೇನಾಂಕೇನ
ಯಂ ದ್ವಿಷ್ಮಸ್ ತಸ್ಮಿನ್ ತ್ವಾ ಸೃಜಾಮಃ || ೨೦,೧೮।೭

ಯಾ ತ್ವಾ ಲಕ್ಷ್ಮೀಃ ಪತಯಾಲೂರ್ ಅಜುಷ್ಟ್-
-ಆಧಿಚಸ್ಕಂದ ವಂದನೇವ ವೃಕ್ಷಂ |
ಅನ್ಯತ್ರಾಸ್ಮತ್ ಸವಿತಸ್ ತಾಂ ಇತೋ ಧಾ
ಹಿರಣ್ಯಹಸ್ತೋ ವಸು ನೋ ರರಾಣಃ || ೨೦,೧೮।೮

ನಿರ್ ಅರಣೀಂ ಸವಿತಾ ಸಾವಿಷತ್ ಪದೋರ್
ನಿರ್ ಹಸ್ತಯೋರ್ ವರುಣೋ ಮಿತ್ರೋ ಅರ್ಯಮಾ |
ನಿರ್ ಆದಿತ್ಯಾ ಅನುಮತೀ ರರಾಣಾಃ
ಪ್ರ ಣಃ ಸುವಾತ್ ಸವಿತಾ ಸೌಭಗಾಯ || ೨೦,೧೮।೯

ಏಕಶತಂ ಲಕ್ಷ್ಮ್ಯಃ
ಸಾಕಂ ಮರ್ತ್ಯಸ್ಯ ಜನುಷೇಹ ಜಾತಾಃ |
ತಾಸಾಂ ಪಾಪಿಷ್ಠಾ ನಿರ್ ಅತಃ ಪ್ರ ಹಿಣ್ಮಃ
ಶಿವಾಸ್ಮಭ್ಯಂ ಜಾತವೇದೋ ನಿ ಯಚ್ಛ || ೨೦,೧೮।೧೦
(೧೮)

ಯತ್ ತ ಆತ್ಮನ್ ತನ್ವಾಂ ಘೋರಂ ಅಸ್ತಿ
ಯದ್ ವಾ ಕೇಶೇಷು ಪ್ರತಿಚಕ್ಷಣೇ ವಾ |
ತತ್ ತೇ ವಿದ್ವಾನ್ ಅಪ ಬಾಧೇ ಅಹಂ
ಪ್ರ ತ್ವಾ ಸುವಾತ್ ಸವಿತಾ ಸೌಭಗಾಯ || ೨೦,೧೯।೧

ನಿರ್ ಲಕ್ಷ್ಮ್ಯಂ ಲಲಾಮ್ಯಂ
ನಿರ್ ಅರಾತಿಂ ಸುವಾಮಸಿ |
ಯಥಾ ನೋ ವಸ್ಯಸೀದ್ ಅಸೋ
ರಾಯಸ್ಪೋಷಂ ಇಹಾ ಸುವ || ೨೦,೧೯।೨

ಅಗ್ನಿಂ ಅಚ್ಛ ದೇವಯತಾಂ ಮನಾಂಸಿ
ಚಕ್ಷೂಂಷೀವ ಸೂರ್ಯಂ ಸಂ ಚರಂತಿ |
ಯದೀ ಸುವಾತೇ ಉಷಸಾ ವಿರೂಪೇ
ಶ್ವೇತೋ ವಾಜೀ ಜಾಯತೇ ಅಗ್ರೇ ಅಹ್ನಾಂ || ೨೦,೧೯।೩

ಇಂದ್ರೋ ರಾಜಾ ಜಗತಶ್ ಚರ್ಷಣೀನಾಂ
ಅಧಿ ಕ್ಷಮಿ ವಿಷುರೂಪಂ ಯದ್ ಅಸ್ತಿ |
ತತೋ ದದಾತಿ ದಾಶುಷೇ ವಸೂನಿ
ಚೋದದ್ ರಾಧ ಉಪಸ್ತುತಶ್ ಚಿದ್ ಅರ್ವಾಕ್ || ೨೦,೧೯।೪

ಶಕುನಿರ್ ಭೂತ್ವಾ ಪ್ರ ಬಭಸ್ತಿ ಪಿಪ್ಪಲಂ
ಪತ್ಯಾಂ ನಿವಿಷ್ಟಾ ಯದಿ ವಾ ಘ ಪತ್ನ್ಯಾಂ |
ಭೀಮಾ ಘೋರಾ ಲಕ್ಷ್ಮ್ಯಃ ಸಹಭವ್ಯಾಸ್
ತಾ ಇತೋ ಹವಿಷಾ ನಿರ್ ಯಜಾಮಃ || ೨೦,೧೯।೫

ಯಾ ತೇ ಗೃಹೇಷೂತ ವಾ ಧನೇಷು
ಪ್ರಜಾಂ ಲಕ್ಷ್ಮೀರ್ ಯದಿ ವಾ ತೇ ಬಭಸ್ತಿ |
ತಾಂ ಬೃಹಸ್ಪತಿರ್ ಹವಿಷಾ ಬಾಧಮಾನೋ
ನಿರ್ಹೂಯ ಪ್ರ ದಧ್ಮಾವ್ ಅಧಿ ದೂರಂ ಅಸ್ಮತ್ || ೨೦,೧೯।೬

ರಿಶ್ಯಪದೀಂ ರಿಶದ್ವತೀಂ
ಗೋಷೇಧಾಂ ವಿಧಮಾಂ ಉತ |
ವಿಲೀಢ್ಯಂ ವ್ಯಾಧ್ಯಂ
ಬ್ರಹ್ಮಣಾ ತಾ ಅನೀನಶಂ || ೨೦,೧೯।೭

ಪ್ರತ್ಯೋಷಂತೀಂ ಉತ್ಸಂಗಿನೀಂ
ಉತ ಚ್ಛಿದ್ರಾಂ ಉತಾರಣೀಂ |
ಸಿಂಹೀಂ ಜ್ಯೇಷ್ಠಲಕ್ಷ್ಮೀಂ
ವ್ಯಾಘ್ರೀಂ ನಾಶಯಾಮಸಿ || ೨೦,೧೯।೮

ಅನುಧ್ಯಾಯಿನೀಂ ಪರಿಚರಾಂ
ವಿಬಾಧಾಂ ಉತ ಹಿಂಸತೀಂ |
ರೋದಸ್ಯ ಪತ್ನೀಂ ರೋಧನಾಂ
ಪ್ರ ತಾ ಧಮಾಮಿ ಲಕ್ಷ್ಮ್ಯಃ || ೨೦,೧೯।೯

ವಾಮಸ್ಪೃಹಾಂ ಪಿತೃಷದಂ
ಯೇಷಂತೀಂ ತಪನೀಂ ಉತ |
ಅಸಿಧ್ಯಂತೀಂ ಪ್ರಧ್ವಂಸಿನೀಂ
ಅಷ್ಟ್ರಾವಧಾಂ ಚ ಲಕ್ಷ್ಮ್ಯಂ
ಬ್ರಹ್ಮಣಾ ತಾ ಅನೀನಶಂ || ೨೦,೧೯।೧೦
(೧೯)

ಆಸನ್ಮಂತ್ರ್ಯಾಂ ವಚಸ್ಯಾಂ
ಸಂಪಿಬಂತೀಂ ನ್ಯಕ್ವರೀಂ |
ಉತ್ತರಾಂ ಜನಂಗಮಾಂ
ಪ್ರ ತಾ ಧಮಾಮಿ ಲಕ್ಷ್ಮ್ಯಃ || ೨೦,೨೦।೧

ಯಾ ತೇ ಘೋರಾ ತನ್ವಂ ಆವಿವೇಶ
ಯಾ ತೇ ಲಕ್ಷ್ಮೀಃ ಸರ್ವಾ ಸಮಕ್ತಾ |
ಅಗ್ನಿಷ್ ಟೇ ತಾಸ್ವ್ ಅದತ್ತ ಸೌಭಗಾಯ್-
-ಆಪಃ ಶುಂಧಂತು ಬೃಹತೇ ರಣಾಯ || ೨೦,೨೦।೨

ಅದೇವೃಘ್ನೀಂ ವರುಣ್-
-ಆಪತಿಘ್ನೀಂ ಬೃಹಸ್ಪತೇ |
ಇಂದ್ರಾಪುತ್ರಘ್ನೀಂ ಲಕ್ಷ್ಮ್ಯಂ
ಅಸ್ಯೈ ತಾಃ ಸವಿತಃ ಸುವ || ೨೦,೨೦।೩

ಯಾ ತೇ ಲಕ್ಷ್ಮೀಶ್ ಚಕ್ಷುಷಿ ಯೋತ ದತ್ಸು
ಯಾ ಹಸ್ತಯೋ ಸ್ತನಯೋರ್ ಯೋಪಪಕ್ಷಯೋಃ |
ಶ್ರೋಣ್ಯೋರ್ ಭಂಸಸಿ ಯಾ ಪದೋಷ್ ಟೇ
ಸರ್ವಾಸ್ ತಾ ಅತಿ ಕ್ರಾಮ ಘೋರಾಃ || ೨೦,೨೦।೪

ಊರುಭ್ಯಾಂ ತೇ ಅಷ್ಠೀವದ್ಭ್ಯಾಂ
ಪಾರ್ಷ್ಣಿಭ್ಯಾಂ ಪ್ರಪದಾಭ್ಯಾಂ |
ಲಕ್ಷ್ಮೀಃ ಶ್ರೋಣಿಭ್ಯಾಂ ಅಂಗೇಭ್ಯೋ
ಯಾಃ ಪಾಪೀಸ್ ತಾ ಅನೀನಶನ್ || ೨೦,೨೦।೫

ಅಪಾಶ್ಲೀಲಂ ಪೃಥಿವೀ ಹಂತು ಯತ್ ಪದೋರ್
ಅಪ ಹಸ್ತಯೋರ್ ವರುಣೋ ಮಿತ್ರೋ ಅರ್ಯಮಾ |
ಅಪಾದಿತ್ಯಾ ಅನುಮತೀ ರರಾಣಾಃ
ಪ್ರ ಣಃ ಸುವಾತ್ ಸವಿತಾ ಸೌಭಗಾಯ || ೨೦,೨೦।೬

ಏತಾ ಏನಾ ವ್ಯಾಕರನ್
ಖಿಲೇ ಗಾ ಅದಿತೀರ್ ಇವ |
ರಮಂತಾಂ ಭದ್ರಾ ಲಕ್ಷ್ಮ್ಯೋ
ಯಾಃ ಪಾಪೀಸ್ ತಾ ಅನೀನಶನ್ || ೨೦,೨೦।೭

ಸಾಹುಷೀ ನಾಮ ವಾ ಅಸಿ
ಸಹಮಾನಾ ಸಹಸ್ವತೀ |
ಗೃಹಗುಪ್ತಿಂ ಅನುವರ್ತಿಂ ಕುಲಾಯಿನೀಂ
ತಾ ಇಹಾ ವೇಶಯಾಮಸಿ || ೨೦,೨೦।೮

?ಸಂಚಾರಿಣ್ಯ್ ಉಭೈರ್ ಯಾ ಬಭೂವ್-
-ಆನ್ಯಾ ಅನ್ಯಾಂ ಜಿನ್ವತಿ ಭದ್ರಪಾಪೀಃ |
ತಾಂ ಲಕ್ಷ್ಮೀಂ ನಿಹವಾ ನಯಾಮೋ
ಭದ್ರಾ ಸುಭದ್ರಾಂ ಅಪಿ ಸೌಭಗಾಯ? || ೨೦,೨೦।೯

ಏಕಶತಂ ಲಕ್ಷ್ಮ್ಯಸ್
ತಾಸಾಂ ರಾಜ್ಞೀ ಬಭೂವಿಥ |
ಭದ್ರಾಭಿರ್ ಭದ್ರೇ ಸಂಭೂಯ
ಭದ್ರೇಣಾಭಿ ಸಚಸ್ವ ನಃ || ೨೦,೨೦।೧೦
(೨೦)

ದಿವಸ್ ಪೃಥಿವ್ಯಾಃ ಪರ್ಯ್ ಅಂತರಿಕ್ಷಾದ್
ವಾತಾತ್ ಪಶುಭ್ಯೋ ಅಧ್ಯ್ ಓಷಧೀಭ್ಯಃ |
ಯತೋ ಲಕ್ಷ್ಮೀರ್ ವೃಜಿನಾ ಸಂಬಭೂವ
ಸಾ ಬ್ರಹ್ಮಣಾ ಪ್ರಚ್ಯುತಾ ದೂರಂ ಏತು || ೨೦,೨೧।೧

ವಾಲ್ಕುತ್ಸಸ್ಯ ಚ ಗಂಧೇನ
ಹಿರಣ್ಯವರ್ಚಸೇನ ಚ |
ಆತ್ ಪುಷ್ಕರಿಣ್ಯಾ ಯೋ ಗಂಧೋ
ಭಗೋ ಮಾ ತೇನ ಜಿನ್ವತು || ೨೦,೨೧।೨

ಯದ್ ಇಂದ್ರೋ ಅಗ್ರೇ ಅಸುರಾಞ್ ಜಘಾನ
ತತೋ ಲಕ್ಷ್ಮೀರ್ ನ್ಯ್ ಅದಧುರ್ ಮರ್ತ್ಯೇಷು |
ತಾಸಾಂ ಪಾಪಿಷ್ಠಾ ನಿರ್ ಅತಃ ಸುವಾಮಃ
ಶಿವಾ ಅಸ್ಯೈ ಜಾತವೇದೋ ನಿ ಯಚ್ಛ || ೨೦,೨೧।೩

ಯಾ ತ್ವಾ ಲಕ್ಷ್ಮೀರ್ ದೇವೃಘ್ನೀ ಯಾ ಪತಿಘ್ನೀ
ಗೃಹೇಭ್ಯಸ್ ತ್ವಾ ನುದತೇ ಯಾ ವ್ಯಾಡಾ |
ಅತಸ್ ತ್ವಂ ಏನಸೋ ಮುಚ್ಯಮಾನ್-
-ಓತ್ ತರೇಮಾಃ ಸ್ರೋತ್ಯಾಃ ಸಪ್ತ ಸಾಕಂ || ೨೦,೨೧।೪

ನಿಪಿಂಶಂತೀಂ ನಿತುದಂತೀಂ
ಸಂಪಿಬಂತೀಂ ನ್ಯಕ್ವರೀಂ |
ಪ್ರಭಂಗಾಂ ಭ್ರೂಣಘ್ನೀಂ ಲಕ್ಷ್ಮೀಂ
ಬ್ರಹ್ಮಣಾ ತಾ ಅನೀನಶಂ || ೨೦,೨೧।೫

ಉದೋಜಿಷ್ಠಾಂ ಸಹಸ್ಯಾಂ
ಜಯಂತೀಂ ಅಪರಾಜಿತಾಂ |
ಲಕ್ಷ್ಮೀರ್ ಯಾಃ ಪುಣ್ಯಾಃ ಕಲ್ಯಾಣೀಸ್
ತಾ ಅಸ್ಯೈ ಸವಿತಃ ಸುವ || ೨೦,೨೧।೬

ಲಕ್ಷ್ಮ್ಯಃ ಸಂ ಅಲಪ್ಸತ
ಸಂ ಅಲಪ್ಸತ ಲಕ್ಷ್ಮ್ಯಃ |
ಅಜೈಷುರ್ ಭದ್ರಾ ಲಕ್ಷ್ಮ್ಯಃ
ಪರಾ ಪಾಪೀರ್ ಅಜೇಷತ || ೨೦,೨೧।೭

ಲಕ್ಷ್ಮೀಣಾಂ ಲಕ್ಷ್ಮೀತಮೇ
ಲಕ್ಷ್ಮೀಣಾಂ ಅಧಿಪಾ ಅಸಿ |
ತಾಂ ತ್ವಾಹಂ ಶುದ್ಧೋ ಗೋಪ್ಸ್ಯಾಮಿ
ದೇವಜಾ ಹಿ ಬಭೂವಿಥ || ೨೦,೨೧।೮

ಸಭಾ ಚ ಮಾ ಸಮಿತಿಶ್ ಚಾವತಾಂ
ಪ್ರಜಾಪತೇರ್ ದುಹಿತರೌ ಸಚೇತಸೌ |
ಯೇನ ಸಂಗಚ್ಛಾ ಉಪ ಮಾ ಸ ತಿಷ್ಠಾದ್
ಅಂತರ್ ವದಾನಿ ಹೃದಯೇ ಜನಾನಾಂ || ೨೦,೨೧।೯

ಸಭಾ ಸೇನಾ ಸಮಿತಿಸ್ ತ್ವಾಂ ಅವಂತು
ಪ್ರಜಾಪತೇರ್ ದುಹಿತರಃ ಪ್ರಚೇತಸಃ |
ಯೇನ ವದಾನ್ಯ್ ಉಪ ಮಾ ಸ ಶಿಕ್ಷಾದ್
ಅಂತರ್ ವದಾನಿ ಹೃದಯೇ ಜನಾನಾಂ || ೨೦,೨೧।೧೦
(೨೧)

ಮಾಂ ವದಂತಂ ಅನು ಸರ್ವೇ ವದಂತು
ಮಾಂ ಪ್ರಾಣಂತಂ ಅನು ಪ್ರಾಣಂತು ಸರ್ವೇ |
ಮಾಂ ವಿಶಂತಂ ಅನು ಸರ್ವೇ ವಿಶಂತು
ಮಯಿ ದೇವಾ ಏಕವೃತೋ ಭವಂತು || ೨೦,೨೨।೧

ಸೂರ್ಯೋ ಮಾ ಚಕ್ಷುಷಃ ಪಾತು
ಬೃಹಸ್ಪತಿರ್ ವಾಚಃ ಸೋಮೋ ರಾಜಾ ಸಭಾಯಾಃ |
ಇಂದ್ರೋ ವೋ ದೃಶೇ ಭವಾಮಿ || ೨೦,೨೨।೨

ವೇದ ವೈ ತೇ ಸಭೇ ನಾಮ
ಸುಭದ್ರಾಸಿ ಸರಸ್ವತಿ |
ಅಥೋ ಯೇ ತೇ ಸಭಾಸದಸ್
ತೇ ಮೇ ಸಂತು ಸುವಾಚಸಃ || ೨೦,೨೨।೩

ಇಮಾ ಯಾ ಬ್ರಹ್ಮಣಸ್ಪತೇ
ವಿಷೂಚೀರ್ ವಾಚ ಈರತೇ |
ಸಧ್ರೀಚೀರ್ ಇಂದ್ರ ತಾಃ ಕೃತ್ವಾ
ಮಹ್ಯಂ ಶಿವತಮಾಃ ಕೃಧಿ || ೨೦,೨೨।೪

ಅಹಂ ಏಷಾಂ ಹಸ್ತರಸಂ
ಅಹಂ ವಿಜ್ಞಾನಂ ಆ ದದೇ |
ಸರ್ವಸ್ಯಾ ಅಸ್ಯಾಃ ಸಂಸದೋ
ಽಹಂ ಭೂಯಾಸಂ ಉತ್ತಮ
ಇಂದ್ರೋ ಯೋ ಗಾಯತಾಂ ಇವ || ೨೦,೨೨।೫

ಉತ್ತಮಂ ಮೋತ್ತಮೇ ಕೃಧ್ಯ್
ಉತ್ತಮಾ ಹಿ ಬಭೂವಿಥ |
ಯಾಂ ತ್ವಾ ಭುರಣ್ಯುರ್ ಅನ್ವೈಚ್ಛದ್
ಗಂಧರ್ವಃ ಶರದಃ ಶತಂ || ೨೦,೨೨।೬

ಅಭಿಭೂರ್ ಅಹಂ ಆಗಮಂ
ಅಹಂ ಭೂಯಾಸಂ ಉತ್ತಮಃ |
ಇದಂ ಪ್ರತಿಪ್ರವಾದಿನಂ
ದ್ವಿಷಂತಂ ಅವ ಧೂನ್ವೇ || ೨೦,೨೨।೭

ಉರುಷ್ ಟೇ ವಸ್ತಿರ್ ಭವತು
ಸಮುದ್ರಸ್ಯ ಬಿಲಂ ಯಥಾ |
ಪರೋದಕಂ ಇವ ಸಿಚ್ಯತಾಂ
ಮೂತ್ರಂ ತೇ ತನ್ವಸ್ ಪರಿ || ೨೦,೨೨।೮

ಯಥಾ ವಾತೋ ಯಥೋದಕಂ
ಯಥಾ ಸಮುದ್ರ ಏಜತಿ |
ಏವಾ ತೇ ಗರ್ಭ ಏಜತು
ನಿರೈತು ದಶಮಾಸ್ಯೋ
ಬಹಿರ್ ಜರಾಯುಣಾ ಸಹ || ೨೦,೨೨।೯

ಇದಂ ಉ ಶ್ರೇಯೋ ಽವಸಾನಂ ಆಗಾಂ
ಶಿವೇ ಮೇ ದ್ಯಾವಾಪೃಥಿವೀ ಅಭೂತಾಂ |
ಅಸಪತ್ನಾಃ ಪ್ರದಿಶೋ ಮೇ ಭವಂತು
ನ ವೈ ತ್ವಾ ದ್ವಿಷ್ಮೋ ಅಭಯಂ ನೋ ಅಸ್ತು || ೨೦,೨೨।೧೦
(೨೨)

ವಾಸ್ತೋಷ್ಪತ ಇಹ ನಃ ಶರ್ಮ ಯಚ್ಛ
ಭದ್ರಾಚ್ ಛ್ರೇಯೋ ಅಭಿ ನೋ ನೇಷ ವಸ್ಯಃ |
ಅರಿಷ್ಟಾ ವೀರಾ ಇಹ ಮೇ ಭವಂತು
ದ್ವಿಪಾಚ್ ಚತುಷ್ಪಾನ್ ಮಯ್ಯ್ ಅಸ್ತು ಪುಷ್ಟಂ || ೨೦,೨೩।೧

ಅನಮೀವೋ ವಾಸ್ತೋಷ್ಪತೇ
ವಿಶ್ವಾ ರೂಪಾಣ್ಯ್ ಆವಿಶನ್ |
ಸಖಾ ಸುಶೇವ ಏಧಿ ನಃ || ೨೦,೨೩।೨

ಋತೇನ ಸ್ಥೂಣಾ ಅಧಿ ರೋಹ ವಂಶ್-
-ಓಗ್ರೋ ವಿರಾಜನ್ನ್ ಅಪ ವೃಂಕ್ಷ್ವ ಶತ್ರೂನ್ |
ಮಾ ತೇ ರಿಷನ್ನ್ ಉಪಸತ್ತಾರೋ ಅತ್ರ
ವಿರಾಜಾಂ ಜೀವಾಚ್ ಛರದಃ ಶತಾನಿ || ೨೦,೨೩।೩

ಆ ರೋಹತಂ ಪಕ್ಷಾವ್ ಅಮೃತಂ ವಸಾನೌ
ದಂಪತ್ಯೋಃ ಕೃಣುತಂ ದೀರ್ಘಂ ಆಯುಃ |
ತತ್ರ ನಾರೀ ಪುತ್ರಿಣೀ ಜೀವಪತ್ನ್-
-ಈದಂ ಕುಲಾಯಂ ಉಪಸಂವಿಶಾತಿ || ೨೦,೨೩।೪

ಅಗ್ನಿರ್ ಮಾ ವಿಶ್ವಾದ್ ದುರಿತಾತ್ ಪುನಾತು
ಮಾತರಿಶ್ವಾ ಪವಮಾನಃ ಪುರಸ್ತಾತ್
ಸೋಮೋ ಮಾ ಪಾತು ಮರುತೋ ಬೃಹಸ್ಪತಿರ್
ವಾಯುಶ್ ಚ ಮಾ ಪವಮಾನಃ ಪುನೀತಾಂ || ೨೦,೨೩।೫

ತ್ವಯಾ ಸತ್ಯಂ ವಿ ಜಯಂತೇ
ತವ ಸತ್ಯಂ ವಿವಾಚನಂ |
ಅಗ್ರೇ ವೃಕ್ಷಸ್ಯ ಜಾಯಸೇ
ಸೇಮಂ ಜನಯ ಪೂರುಷಂ || ೨೦,೨೩।೬

ವೃಕ್ಷಸ್ಯ ಶತಶಾಖಸ್ಯ
ಮಾಧುಂತಸ್ಯ ನಿಕೃತ್ವನಃ |
ವಿಭೀದಕಸ್ಯ ಯತ್ ಫಲಂ
ತೇನ ತ್ವೋನ್ ಮಾದಯಾಮಸಿ || ೨೦,೨೩।೭

ಪೂರ್ವೇ ವಾತಾತ್ ಪ್ರ ಪತತಂ
ಪೂರ್ವೇ ಪತತಂ ಅಶ್ವಿಭ್ಯಾಂ |
ಇಮೇ ನ್ಯರ್ವಣೀ ಅಹಂ
ಉದ್ನೇವಾಗ್ನಿಂ ಅವೀವರೇ || ೨೦,೨೩।೮

ಮಾ ಯಕ್ಷ್ಮಂ ಇಹ ಹಾಸಿಷ್ಟ
ಮಾ ರಿಫಂತೋ ವಿ ಗಾತನ |
ಸುಭೂತಂ ಅಸ್ಮಭ್ಯಂ ಧತ್ತ
ಯುಷ್ಮಾನ್ ಅನ್ವ್ ಏತು ಕಿಲ್ಬಿಷಂ || ೨೦,೨೩।೯

ಇಹ ವರ್ಚ ಇಹ ಪಯ
ಇಹ ಚಕ್ಷುರ್ ಉಪ ಹ್ವಯೇ |
ಇಹೇಂದ್ರಿಯಂ ದಧಾತನ || ೨೦,೨೩।೧೦
(೨೩)

ಆ ಹಿ ಹರೀ ಅಪಪ್ತತಾಂ
ಇಮಂ ವತ್ಸಂ ವನಾದ್ ಇಯಂ |
ಅಪಕಾಮಂ ಹ್ಯ್ ಅಘ್ನ್ಯೇ
ವತ್ಸೋ ದೇವಿ ಮಮಾರ ತೇ || ೨೦,೨೪।೧

ಯೇ ತ್ವೋಪವಿದುರ್ ವಿದುರ್
ನಿಜವತ್ಸೇವ ದೋಹಸ್ವ |
ಅಹಂ ತೇ ವೇದ ಸಂಮನಃ
ಸಂವನನಸ್ಯ ವೇದ ತೇ || ೨೦,೨೪।೨

ಏಷ ತೇ ಅಘ್ನ್ಯೇ ವತ್ಸಸ್ ತಂ ವಾಂಛ |
ತಾಂ ಸತ್ಯೋಕ್ತಿಂ ಬ್ರೂಮಃ || ೨೦,೨೪।೩

ಯಾ ಸರಸ್ವತೀ ಗೋವನನೀ
ಸಾ ವಾಮೇನಾಂಕಸಾ ನ್ಯೇತ್ಯ |
ಇಮಾಂ ಗಾಂ ವಾನಯತು ಸ್ವಾಹಾ || ೨೦,೨೪।೪
(೨೪)

ಅನುವಾಕ ೪ ||

ದೂರಾದ್ ಭೇಷಜಂ ಆಭೃತಂ
ಬಹೂನ್ಯ್ ಅತಿ ಯೋಜನಾ |
ಅಪಶ್ಯಂ ಅಸ್ಯಂತಂ ರುದ್ರಂ
ನ ದೃಷ್ಟೋ ದುಷ್ಕೃತಂ ಕರತ್ || ೨೦,೨೫।೧

ಭಿನದ್ಮಿ ತೇ ಪರಾವತೋ
ವತ್ಸಸ್ಯ ಶೇಪ್ಯಾಂ ಇವ |
ವೃಷೇದ್ ಅಸೋ ಯಥಾ ಮಯಿ
ಕೃಷ್ಣೋ ವಿಷಾಣವಾಁ ಇವ || ೨೦,೨೫।೨

ಸರ್ವಾ ಗಾವಃ ಸಂಮನಸಃ
ಸಚ್ಛವಯಃ ಸನಾಭಯಃ |
ಸಮಾನಂ ಬಿಭ್ರತೀರ್ ನಾಮ
ವತ್ಸಾ ಉದ್ ರಿಹತಾಂ ಮಿಥಃ || ೨೦,೨೫।೩

ಇಂದ್ರಸ್ ತ್ವಾಗ್ರೇ ಅವಾನಯತ್
ಸವಿತಾ ತ್ವೋತಾಪರಃ |
ತೃತೀಯಂ ಅಶ್ವಿನಾ ತ್ವಾಘ್ನ್ಯೇ ವಾಂಛ || ೨೦,೨೫।೪

ಆ ತೇ ನಯತು ಸವಿತ್-
-ಆ ನಯತು ಬೃಹಸ್ಪತಿಃ |
ಪತಿರ್ ಯಃ ಪ್ರತಿಕಾಮ್ಯಸ್
ತಂ ಅಸ್ಯೈ ಧೇಹ್ಯ್ ಓಷಧೇ || ೨೦,೨೫।೫

ಇಂದ್ರಂ ವಯಂ ಅನುರಾಧಂ ಇತ್ಯ್ ಏಕಾ || ೨೦,೨೫।೬

ಭಗ ಪ್ರೇಹಿ ಪ್ರಥಮೋ
ಽನು ತ್ವಾ ವಯಂ ಏಮಸಿ |
ಇಂದ್ರಾಗ್ನೀ ಬ್ರಹ್ಮಣಾಸ್ಮಾನ್
ಸ್ವಸ್ತಿ ನಯತಾಂ ಪಥಾ || ೨೦,೨೫।೭

ಅದಿತಿಃ ಪ್ರೈತು ಪ್ರಥಮಾ
ಬೃಹಸ್ಪತಿಃ ಪುರಏತಾ ತೇ ಅಸ್ತು |
ಇಂದ್ರೋ ಭಯಂ ವ್ಯ್ ಅಸ್ಯತು
ಶೂದ್ರಾಚ್ ಚ ನ ಆರ್ಯಾಚ್ ಚ || ೨೦,೨೫।೮

ಇಮೇ ಯೇ ಅನಸಿ ಯುಕ್ತಾ
ಉಷ್ಟಾರಾ ಉತ ಪೀಲ್ವಾ |
ತೇಷಾಂ ಸಂ ಅಗ್ರಭಂ ಪದಃ
ಸಂ ಈರ್ಮಾನ್ ಸಂ ಉ ಸಕ್ಥ್ಯಃ || ೨೦,೨೫।೯

ವಿ ಮಧ್ಯಮಾ ಅಪ್ರೋಷತ
ಗರ್ದಭಾ ಕ್ಷಿಪಿತಾ ಇವ |
ಅಥಾಸುರಸ್ಯ ಮಾಯಯಾ
ಮಯೀದಂ ಸ್ಥಾಪಯಾಮಸಿ || ೨೦,೨೫।೧೦
(೨೫)

ಸಂ ಮಾ ಭಗೇನ ದ್ವಿಗುಣೇನ ವರ್ಚಸಾ
ಸಂ ಮಾ ಪೃಥಿವ್ಯಾ ಸಂ ಮೌಷಧೀಭಿಃ |
ಸಂ ಮಾಪೋ ಮಯೋಭುವೋ
ಭಗೇನ ವರ್ಚಸಾ ಸಿಚನ್ || ೨೦,೨೬।೧

ವರ್ಚೋ ಮೇ ಮಿತ್ರಾವರುಣೇತ್ಯ್ ಏಕಾ || ೨೦,೨೬।೨

ಋಚಂ ಸಾಮ ಯಜಾಮಹೇ
ಯಾಭ್ಯಾಂ ಕರ್ಮಾಣಿ ಕೃಣ್ವತೇ |
ವಿ ತೇ ಸದಸಿ ರಾಜತೋ
ಯಜ್ಞಂ ದೇವೇಷು ಯಚ್ಛತಾಂ || ೨೦,೨೬।೩

ಅಂಗಮಂಗಂ ಸಂ ಚಿನೋಮಿ
ಚಕ್ಷುಃ ಪ್ರಾಣಂ ಅಥೋ ಬಲಂ |
ಪ್ರಿಯಾಃ ಶ್ರುತಸ್ಯ ಭೂಯಾಸ್ಮ್-
-ಆಯುಷ್ಮಂತಃ ಸುಮೇಧಸಃ || ೨೦,೨೬।೪

ಏತನ್ ನೋ ದೇವ ಸವಿತರ್
ಜಗದ್ಧಾತ್ರೀ ಚ ರಕ್ಷತಂ |
ಪೂಷೈನತ್ ಪುನರ್ ಆಜತ್ವ್
ಅವಿನಷ್ಟಂ ಅವಿಹ್ರುತಂ || ೨೦,೨೬।೫

ಯಾವಂತ್ಯ್ ಏವ ಪಲಿತಾನಿ
ಸಾಕಂ ಜಜ್ಞಿರೇ ಅಗ್ರಶಃ |
ತೇಭ್ಯಃ ಪರಿ ಬ್ರವೀಮಿ ತ್ವಾ
ಕೃಷ್ಣಾಃ ಕೇಶಾ ಭವಂತು ಮೇ || ೨೦,೨೬।೬

ಕೃಷ್ಣಾನ್ ಕೇಶಾನ್ ಸಿನೀವಾಲಿ
ಕೃಷ್ಣಾನ್ ಕೇಶಾನ್ ಸರಸ್ವತಿ |
ಕೃಷ್ಣಾನ್ ಮೇ ಅಶ್ವಿನಾ ಕೇಶಾನ್
ಕೃಣುತಂ ಪುಷ್ಕರಸ್ರಜಾ || ೨೦,೨೬।೭

ಅದೋ ಯದ್ ಅಗ್ರೇ ದೇವಾನಾಂ
ಪುರಸ್ತಾದ್ ಅವತಿಷ್ಠತಿ |
ತನ್ ಮೇ +ಽಬ್ರವೀತ್ ತ್ವಷ್ಟಾ ವಿರಿಷ್ಟಭೇಷಜಂ || ೨೦,೨೬।೮

ಶ್ವಾ ವಿಶ್ವಧಾಯಸಾ
ವಿಶ್ವಭೇಷಜ್ಯಾ ಕೃತಂ |
ಯದ್ ಆಮಯತಿ ನಿಷ್ ಕೃಧಿ
ನಿಷ್ಕೃತಿರ್ ನಾಮ ವಾ ಅಸಿ || ೨೦,೨೬।೯

ಸಂ ತೇ ಚೃತಾಮಿ ತಕರಿಂ
ಸಂ ಯೋನಿಂ ಸಂ ಗವೀನ್ಯೌ |
ಸಂ ಮಾತರಂ ಚ ಪುತ್ರಂ ಚ
ಸಂ ಗರ್ಭಂ ಚ ಜರಾಯು ಚ || ೨೦,೨೬।೧೦
(೨೬)

ತಿರ್ಯಙ್ ತೇ ಗರ್ಭೋ ಭವತು
ಹೃದಯಸ್ಥಂ ಜರಾಯು ತೇ |
ಆದ್ ಓಷಂ ಅಗ್ನಿಂ ಆ ರೋಹ್-
-ಆದ್ ಗಚ್ಛ ಯಮಸಾದನಂ || ೨೦,೨೭।೧

ವಿ ತೇ ಚೃತಾಮಿ ತಕರಿಂ
ವಿ ಯೋನಿಂ ವಿ ಗವೀನ್ಯೌ |
ವಿ ಮಾತರಂ ಚ ಪುತ್ರಂ ಚ
ವಿ ಗರ್ಭಂ ಚ ಜರಾಯು ಚ || ೨೦,೨೭।೨

ಅನ್ವಙ್ ತೇ ಗರ್ಭೋ ಭವತ್ವ್
ಅನುಸೋತ ಜರಾಯು ತೇ |
ಯಥಾ ತ್ವಂ ಪುತ್ರಂ ವಿಂದಾಸೈ
ಯಥಾ ಜೀವಾಸಿ ಭದ್ರಯಾ || ೨೦,೨೭।೩

ಪ್ರ ಪೃಷ್ಠೇ ಗರ್ಭಂ ಅರ್ದಯ
ವಿ ಯೋನ ಆಸ್ಯಂ ಸೃಜ |
ನಿರ್ ಐತು ದಶಮಾಸ್ಯೋ
ಗರ್ಭೋ ಗವೀನ್ಯೋರ್ ಅಧಿ || ೨೦,೨೭।೪

ವಿಷ್ಕಂಭೇಣ ವಿ ಷ್ಕಭಾಯ
ತೌ ವಿಷ್ವಂಚೌ ವ್ಯಾಕುರು |
ಏಷ ವಾಂ ಅಗ್ನಿರ್ ಅಂತರಾ
ಸ ವಿಷ್ವಂಚೌ ವ್ಯ್ ಅಸ್ಯತು || ೨೦,೨೭।೫

ವಿಷ್ಕಂಭೋ ವಿ ಷ್ಕಭಾಯತು
ಮನಶ್ ಚ ಹೃದಯಂ ಚ ವಾಂ |
ವಿವರ್ತನ ವರ್ತಯ
ಶಶ್ವತೀಭ್ಯಃ ಸಮಾಭ್ಯಃ || ೨೦,೨೭।೬

ಸಮುದ್ರಂ ತ್ವಾ ಪ್ರ ಹಿಣೋಮಿ
ಸ್ವಾಂ ಯೋನಿಂ ಅಪೀಹಿ |
ಅಚ್ಛಿದ್ರಸ್ ತನ್ವಾ ಭೂಯಾಸಂ
ಮಾ ಪರಾ ಸೇಚಿ ಮೇ ಪಯಃ || ೨೦,೨೭।೭

ಯದ್ ಅತ್ರಾಪಿ ರಸಸ್ಯ ಮೇ
ಪರಾಪಪಾತಾಸ್ಮೃತಂ |
ತದ್ ಇಹೋಪ ಹ್ವಯಾಮಹೇ
ತನ್ ಮಾ ಪ್ಯಾಯತಾಂ ಪುನಃ || ೨೦,೨೭।೮

ಕವಿರ್ ಅಗ್ರೇ ಪ್ರ ಲಿಲೇಖ
ಧರ್ತಾ ಕೇಶಾಁ ಅಧಾರಯತ್ |
ಇಹೈವ ವಿಶ್ವತೋ ದಧದ್
ಧಾತಾ ತ್ವಷ್ಟಾ ತ್ವಚಿ ಕೇಶಾಁ ಅಚೀಕ್ಲ್̥ಪತ್ || ೨೦,೨೭।೯

ಸರಸ್ವತಿ ವ್ರತೇಷು ತೇ
ದಿವ್ಯೇಷು ದೇವಿ ಧಾಮಸು |
ಮಂದ್ರೇ ಹಿರಣ್ಯವರ್ತನೇ
ಪ್ರ ಣ ಆಯೂಂಷಿ ತಾರಿಷಃ || ೨೦,೨೭।೧೦
(೨೭)

ಯದ್ ಅಪ್ಸು ತೇ ಸರಸ್ವತಿ
ಗೋಷ್ವ್ ಅಶ್ವೇಷು ಯನ್ ಮಧು |
ತೇನ ನೋ ವಾಜಿನೀವತಿ
ಮುಖಂ ಅಙ್ಧಿ ಸರಸ್ವತಿ ವರ್ಚಸಾ || ೨೦,೨೮।೧

ಯೋ ಅದ್ಯ ದೇವ ಸೂರ್ಯ
ತ್ವಾಂ ಚ ಮಾಂ ಚಾಂತರಾಯತಿ |
ತಸ್ಮಿನ್ ದುಷ್ವಪ್ನ್ಯಂ ಸರ್ವಂ
ದುರಿತಾನಿ ಚ ಮೃಜ್ಮಹೇ || ೨೦,೨೮।೨

ಯೋ ನೋ +ಽಭಿಚ್ಛಾಯಂ ಮರ್ತ್ಯೇಷ್ವ್
ಅಗ್ನಿಂ ತಿಷ್ಠಸ್ಯ್ ಅಂತರಾ |
ತಸ್ಯ ವೃಶ್ಚಾಮಿ ತೇ ಮೂಲಂ
ನ ಚ್ಛಾಯಾಂ ಕರವೋ ಽಪರಂ || ೨೦,೨೮।೩

ಘ್ನಂತ್ವ್ ಏನಂ ದೇವೇಷವೋ
ಬ್ರಹ್ಮಾಣೋ ಘ್ನಂತು ಮೇನ್ಯಾ |
ಯೋ ಅಸ್ಮಾಕಂ ಪ್ರಜಾಪತೇ
ಅಗ್ನಿಂ ತಿಷ್ಠತ್ಯ್ ಅಂತರಾ || ೨೦,೨೮।೪

ಪ್ರಜಾಪತೇ ಯೋ ಽಸ್ಮಾಁ ಆದೃಶ್-
-ಆಗ್ನಿಂ ತಿಷ್ಠತ್ಯ್ ಅಂತರಾ |
ತಂ ಮೃತ್ಯವೇ ಪ್ರ ಯಚ್ಛಾಮಿ
ಸ ರುದ್ರಸ್ಯಾಸ್ತ್ವ್ ಆಖಣಃ || ೨೦,೨೮।೫

ಪ್ರ ಸುವೈನಂ ದೇವವಜ್ರೇಭ್ಯೋ
ಮೃತ್ಯುರ್ ವಿ ಕ್ರಮತಾಂ ಅಧಿ |
ಸಿನಾತ್ವ್ ಏನಾನ್ ನಿರೃತಿರ್
ಮೃತ್ಯೋಃ ಪಾಶೈರ್ ಬಂಧೈರ್ ಅವಿಮೋಕ್ಯೈಃ || ೨೦,೨೮।೬

ಸುಮಂಗಲೇನ ವಚಸಾ
ಕೇಶಿನ್ ಗ್ರಾಮಂ ನ ಆ ವದ |
ಬ್ರಹ್ಮಣಾಬ್ರಹ್ಮಣಾ ತ್ವ್-
-ಓಲೂಕಾಚ್ಛಾ ವದಾಮಸಿ || ೨೦,೨೮।೭

ಪರಾಙ್ ಏವ ಪರಾ ವದ
ಪರಾಚೀಂ ಅನು ಸಂವತಂ |
ಯಥಾ ಯಮಸ್ಯ ತ್ವಾ ಗೃಹೇ
ಽರಸಂ ಪ್ರತಿಚಾಕಶಂ
ನಿಯಸ್ತಂ ಪ್ರತಿಚಾಕಶಂ || ೨೦,೨೮।೮

ಶುನಂ ಉಲೂಕ ನೋ ವದ
ಯಂ ದ್ವಿಷ್ಮಸ್ ತಂ ಇತೋ ನಯ |
ರಾಜ್ಞೋ ಯಮಸ್ಯ ತೇ ಗೃಹೇ
ಸಿಕತಾಭಿರ್ ವಿದೇವ್ಯಂ
ಆಖುಸ್ ತೇ ಮೂಷಿಕೇದ್ ಭಾಗಃ || ೨೦,೨೮।೯

ಆ ವದ ಬಹುಲಂ ಗೋಷ್ಠಂ
ಧೀತವತ್ಸಂ ಅನಷ್ಟಗುಂ |
ಧ್ವಾಂಕ್ಷಾಯ ದ್ವಿಪದಾಂ ವದ
ಶುನೇ ಚತುಷ್ಪದಾಂ ವದ || ೨೦,೨೮।೧೦
(೨೮)

ಪುನರ್ ಮೇ ರಾಜಾ ವರುಣಃ
ಪುನರ್ ಇಂದ್ರಃ ಪುನರ್ ಭಗಃ |
ಪುನರ್ ಮೇ ವಿಶ್ವೇ ದೇವಾ
ಆಯುರ್ ಜೀವಿತವಾ ಅದುಃ || ೨೦,೨೯।೧

ಉತ್ ತಿಷ್ಠಾತಃ ಪ್ರ ದ್ರವಾರ್ವಾಙ್
ಮಾತ್ರ ತಿಷ್ಠೋ ಽಭಿಚಾಕಶತ್ |
ಸಪತ್ನ್ಯಾ ವರ್ಚ ಆದಾಯ್-
-ಆಥಾಸ್ಮಾಭಿಃ ಸಹಾಸಸಿ || ೨೦,೨೯।೨

ಉತ್ ತಿಷ್ಠತ ನಿರ್ ದ್ರವತ
ನ ವ ಇಹಾಸ್ತಿ ನ್ಯಂಚನಂ |
ಅಮುಷ್ಯ ವಿತ್ತಂ ಅಭಿ ವಃ ಸುವಾಮಿ
ತದ್ ಅನುವಧ್ವಂ ಸುದತೀರ್ ಅಹಿನಸ್ ತತ್ || ೨೦,೨೯।೩

ಯೇ ಅಸ್ಮಾಕಂ ಸಬಂಧವೋ
ವಿಷ್ಠಿತಾಃ ಪೃಥಿವೀಂ ಅನು |
ತೇಷಾಂ ಇಂದ್ರ ಇವ ದೇವಾನಾಂ
ಅಹಂ ಭೂಯಾಸಂ ಉತ್ತಮಃ || ೨೦,೨೯।೪

ಯೇ ಅಗ್ನಯಃ ಪಾರ್ಥಿವಾ
ಆಹಿತಾಃ ಪೃಥಿವೀಂ ಅನು |
ತೇಷಾಂ ಅಸಿ ತ್ವಂ ಸಂಗಥೇ
ಸ ನೋ ಜೀವಾತವೇ ಕೃಧಿ || ೨೦,೨೯।೫

ಚಿತ ಸ್ಥ ಪರಿಚಿತ ಸ್ಥ್-
-ಆಗ್ನಯಶ್ ಚ ನಿಹವಾ ನಾಮ |
ತೇ ನೋ ಮಾ ನಿ ಹ್ವಧ್ವಂ
ತೇಭ್ಯೋ ವೋ ನಮೋ ನ ವೋ ಹವಂ ಏಮಿ |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ
ಸ ವೋ ಹವಂ ಏತು || ೨೦,೨೯।೬

ಇಂದ್ರಾಗ್ನೀ ಪುನರ್ ಆ ಕೃತಂ ನ ಏತಾ
ಸ್ಥಿರವೀರಾವ್ ಅಪರಾವೀತಗೂ |
ಅಸ್ಮಾಕಂ ಸರ್ವಾ ನಿಹವೇ ಸಂತ್ವ್ ಏಷಾಂ
ವಯಂ ವಿದ್ಯಾಮ ಗುಹ್ಯಂ ನಾಮ ಗವಾಂ || ೨೦,೨೯।೭

ಪ್ರಜಾಪತೇ ಅನುನಿಕ್ರಂದಯ
ವಿಶ್ವೇ ದೇವಾಃ ಪದವಾಯಾಃ ಸಂತ್ವ್ ಆಸಾಂ |
ಆದಿತ್ಯಾ ಅನುಸಂಗತ್ಯ ಶೂರಾ
ಇಂದ್ರಜ್ಯೇಷ್ಠಾಃ ಪುನರ್ ಆ ವರ್ತಯಂತು || ೨೦,೨೯।೮

ಇಂದ್ರ ಪ್ರಣೇತರ್ ವರ್ಧಯ ಮ್-
-ಆಶ್ವಿನಾ ಮಾಂ ವಹತಂ ಆಶ್ವಶ್ವಾ |
ಐಂದ್ರಾಗ್ನಂ ವರ್ಮ ಪ್ರತಿಮುಂಚಮಾನೋ
ಯಥೋಭಯೇಭ್ಯಶ್ ಚಾರು ಸಮಿತಿಂ ಆ ವದಾನಿ || ೨೦,೨೯।೯

ಚಾರುವಾಕ್ ಚಾರುವದನಶ್
ಚಾರು ಸಂ ಕಾಶ ನೋ ನೃಭಿಃ |
ಅದ್ವೇಷ್ಯಪ್ರತೀಕಾಶೋ
ಜಿಗೀವಾಁ ಅಪರಾಜಿತಃ || ೨೦,೨೯।೧೦
(೨೯)

ಅಪಿ ವೃಶ್ಚ ಪುರಾಣವದ್
ವ್ರತತೇರ್ ಇವ ಗುಷ್ಪಿತಂ |
ಓಜೋ ದಾಸಸ್ಯ ಜಂಭಯ
ಯದ್ ಏತದ್ ಅಸ್ಯ ಸಂಭೃತಂ
ಮಧು ತದ್ ಇಂದ್ರಸ್ಯ ವಿಭಜಾವಹೈ || ೨೦,೩೦।೧

ಮ್ಲಾಪಯಾಮಿ ವ್ರಜಃ ಶುಭ್ರಂ
ವರುಣಸ್ಯ ವ್ರತೇನ ತೇ |
ಯಥಾ ಶೇಪೋಅಪಾಯ್ಯ್ ಅಸ
ಸ್ತ್ರೀಷು ಚಾಸೋ ಅನಾವಯಾಃ || ೨೦,೩೦।೨

ಅವಸ್ಥಸ್ಯ ಕ್ಲದೀವತೋ
ಭಂಗುರಸ್ಯ ನಿತೋದಿನಃ |
ಯದ್ ಉತ್ತತಂ ಅವ ತತ್ ತನು
ಯದ್ ಆತತಂ ನಿ ತತ್ ತನು || ೨೦,೩೦।೩

ಅಮಿಮ್ಲಪಂ ತೇ ತನ್ವಂ
ಕ್ಲೀಬಂ ತ್ವಾ ವೀರುಧಾಕರಂ |
ಅಂತಃಕೋಶ ಇವ ಕೋಶೇಷು
ಸ್ತ್ರೀಷ್ವ್ ಅಪ್ಯಾಕೃತಶ್ ಚರ || ೨೦,೩೦।೪

ಆ ನೋ ಮೇದಂ ಗೃಹಪತಿರ್
ದಧಾತ್ವ್ ಇಂದ್ರೇಣ ಮೇದಿನಾ |
ಆ ನೋ ಮೇದಂ ಸರಸ್ವತ್ಯ್
ಆ ನೋ ವಹಂತು ಸಿಂಧವಃ || ೨೦,೩೦।೫

ಮೇದಂ ಧಾತಾ ಮೇದಂ ಪೂಷಾ
ಮೇದಂ ಇಂದ್ರೋ ದಧಾತು ಮೇ |
ಮೇದಂ ಮೇ ಅಶ್ವಿನೋಭ್-
-ಆ ಧತ್ತಾಂ ಪುಷ್ಕರಸ್ರಜಾ || ೨೦,೩೦।೬

ಊರೂ ಮೇದಯ ಮೇ ಬಾಹೂ
ಅಷ್ಠೀವಂತಾ ಉರಶ್ ಚ ಮೇ |
ವಪಾಂ ಪರ್ಯ್ ಅಸ್ಯ ಉದರೇ
ಮೇದಂ ಇಂದ್ರೋ ದಧಾತು ಮೇ || ೨೦,೩೦।೭

ಚರ್ಮಣ ಇವೋಪನೀತಸ್ಯ
ಸರ್ವಾನ್ ಕೇಶಾನ್ ವೃಹಾಮಿ ತೇ |
ಅಯಸ್ಪಾತ್ರಂ ಇವ ತೇ ಶಿರೋ
ಯಥಾಸತ್ ಸಮರಂ ಸಮಂ || ೨೦,೩೦।೮
(೩೦)

ಅನುವಾಕ ೫ ||

ದಿವಿ ತಾರಾ ಉದಭಿ ಶ್ರ್ಯನ್
ಸಪ್ತ ಸೂರ್ಯಸ್ಯ ರಶ್ಮಯಃ |
ಧಾರಾಃ ಸಮುದ್ರಿಯಾ ಅಪಸ್
ತಾಸ್ ತೇ ಶಲ್ಯಂ ಅಚುಚ್ಯವುಃ || ೨೦,೩೧।೧

ಈಡೇ ಅಗ್ನಿಂ ಸ್ವಾವಸುಂ ನಮೋಭಿರ್
ಇಹ ಪ್ರಸಕ್ತೋ ವಿ ಚಯತ್ ಕೃತಂ ನಃ |
ರಥೈರ್ ಇವ ಪ್ರ ಭರೇ ವಾಜಯದ್ಭಿಃ
ಪ್ರದಕ್ಷಿಣಂ ಮರುತಾಂ ಸ್ತೋಮಂ ಋಧ್ಯಾಂ || ೨೦,೩೧।೨

ಸಪ್ತ ಸ್ರವಂತಿ ಶಿಶವೇ ಮರುತ್ವತೇ
ಪಿತಾ ಪುತ್ರೇಭ್ಯೋ ಅಪ್ಯ್ ಅವೀವತದ್ ವ್ ಋತಾ |
ಉಭೇ ಪಿಪೃತ ಉಭೇ ಅಸ್ಯ ರಾಜತ
ಉಭೇ ಯತೇತೇ ಉಭೇ ಅಸ್ಯ ಪುಷ್ಯತಃ || ೨೦,೩೧।೩

ವೇದಃ ಸ್ವಸ್ತಿರ್ ದ್ರುಹಣಃ ಸ್ವಸ್ತಿಃ
ಪರ್ಶುರ್ ವೇದಿಃ ಪರಶುರ್ ನಃ ಸ್ವಸ್ತಿಃ |
ಹವಿಷ್ಕೃತೋ ಯಜ್ಞಿಯಾ ಯಜ್ಞಕಾಮಾಸ್
ತೇ ದೇವಾಸೋ ಹವಿರ್ ಇದಂ ಜುಷಧ್ವಂ || ೨೦,೩೧।೪

ಉಪ ಪ್ರಿಯಂ ಪನಿಪ್ನತಂ
ಯುವಾನಂ ಆಹುತೀವೃಧಂ |
ಅಗನ್ಮ ಬಿಭ್ರತೋ ನಮಃ || ೨೦,೩೧।೫

ಇಮಾ ಯಾಸ್ ತೇ ಶತಂ ಹಿರಾಃ
ಸಹಸ್ರಂ ಧಮನೀರ್ ಉತ |
ತಾಸಾಂ ತೇ ಸರ್ವಾಸಾಂ ಸಾಕಂ
ಅಶ್ಮನಾ ಬಿಲಂ ಅಪ್ಯ್ ಅಧಾಂ || ೨೦,೩೧।೬

ಇದಂ ಖನಾಮಿ ಭೇಷಜಂ
ಮಾಂಪಶ್ಯಂ ಅಭಿರೋರುದಂ |
ಯೇನಾ ನಿಚಕ್ರ ಆಸುರ್-
-ಈಂದ್ರಾಣೀ ಕೇವಲಂ ಪತಿಂ || ೨೦,೩೧।೭

ಅಕ್ಷ್ಯೌ ನೌ ಮಧುಸಂಕಾಶೇ
ಅನೀಕಂ ನೌ ಸಮಂಜನಂ |
ಅಂತಃ ಕೃಣುಷ್ವ ಮಾ ಹೃದಿ
ಮನ ಇನ್ ನೌ ಸಹಾಸತಿ || ೨೦,೩೧।೮

ತ್ವಾಷ್ಟ್ರೇಣಾಹಂ ವಚಸ್-
-ಏರ್ಷ್ಯಾಂ ವ್ಯ್ ಅಮೀಮದಂ |
ಅಥೋ ಯೋ ಮನ್ಯುಸ್ ತೇ ಪತೇ
ತಂ ಉ ತೇ ಶಮಯಾಮಸಿ || ೨೦,೩೧।೯

ವ್ರತೇನ ತ್ವಂ ವ್ರತಪತೇ ಸಮಕ್ತೋ
ಽಹಾ ವಿಶ್ವಾ ಸುಮನಾ ದೀಧ್ಯೋ ನಃ |
ತಂ ತ್ವಾ ವಯಂ ಜಾತವೇದಃ ಸಮಿದ್ಧಂ
ಪ್ರಜಾವಂತ ಉಪ ಸದೇಮ ಸರ್ವೇ || ೨೦,೩೧।೧೦
(೩೧)

ಪ್ರಜಾವತೀಃ ಸೂಯವಸೇ ರಿಶಂತೀರ್
ಮಾ ವೋ ವಿದ್ಯುತ್ ತರನ್ ಮೋತ ಸೇನಾ |
ಸುಗೇ ತೀರ್ಥೇ ಸುಪ್ರಪಾಣೇ ಪಿಬಂತೀಃ
ಪರಿವೃಜ್ಯ ವಧಂ ಗೋಹನಂ ಚರಂತು || ೨೦,೩೨।೧

ಪದಜ್ಞಾ ಸ್ತ ರಮತಯಃ
ಸಂಹಿತಾ ವಿಶ್ವರೂಪಾ
ಉಪ ನೋ ದೇವೀರ್
ದೇವೇಭಿರ್ ಏತ |
ಇಮಂ ಗೋಷ್ಠಂ ಇದಂ ಸದೋ
ಘೃತೇನಾ ನಃ ಸಂ ಉಕ್ಷತ || ೨೦,೩೨।೨

ಯಾ ಗ್ರೈವ್ಯಾ ಅಪಚಿತೋ
ಅಥೋ ಯಾ ಉಪಪಕ್ಷಿಯಾಃ |
ವಿಜಾಮನ್ ಯಾ ಅಪಚಿತಃ ಸ್ವಯಂಸ್ರಸಸ್
ತಾ ಇತೋ ನಾಶಯಾಮಸಿ || ೨೦,೩೨।೩

ಸಾಂತಪನಾ ಇದಂ ಹವಿರ್
ಮರುತಸ್ ತಜ್ ಜುಜುಷ್ಟನ |
ಯುಷ್ಮಾಕೋತೀ ರಿಶಾದಸಃ || ೨೦,೩೨।೪

ಯೋ ನೋ ಮರ್ತೋ ಮರುತೋ ದುರ್ಹಣಾಯುಸ್
ತಿರಶ್ ಚಿತ್ತಾನಿ ವಸವೋ ಜಿಘಾಂಸಾತ್ |
ತಸ್ಮಿನ್ ತಾನ್ ಪಾಶಾನ್ ಪ್ರತಿ ಮುಂಚತಾ ಯೂಯಂ
ತಪಿಷ್ಠೇನ ತಪಸಾ ಹಂತನಾ ತಂ || ೨೦,೩೨।೫

ಸಂವತ್ಸರೀಣಾ ಮರುತಃ ಸ್ವರ್ಕಾ
ಉರುಕ್ಷಯಾಃ ಸಗಣಾ ಮಾನುಷೇಭ್ಯಃ |
ತೇ ಅಸ್ಮತ್ ಪಾಶಾನ್ ಪ್ರ ಮುಂಚಂತು ಸರ್ವಾನ್
ಸಾಂತಪನಾ ಮತ್ಸರಾ ಮಾದಯಿಷ್ಣವಃ || ೨೦,೩೨।೬

ಧೃಷತ್ ಪಿಬ ಕಲಶೇ ಸೋಮಂ ಇಂದ್ರ
ವೃತ್ರಹಾ ಶೂರ ಸಮರೇ ವಸೂನಾಂ |
ಮಾಧ್ಯಂದಿನೇ ಸವನ ಆ ಜುಷಸ್ವ
ರಯಿಷ್ಠಾನೋ ರಯಿಂ ಅಸ್ಮಾಸು ಧೇಹಿ || ೨೦,೩೨।೭

ಯುನಜ್ಮಿ ತ್ವಾ ಬ್ರಹ್ಮಣಾ ದೈವ್ಯೇನ್-
-ಆಸ್ಮೈ ಕ್ಷತ್ರಾಣಿ ಧಾರಯಂತಂ ಅಗ್ನೇ |
ದಿದಿಡ್ಢ್ಯ್ ಅಸ್ಮಭ್ಯಂ ದ್ರವಿಣೇಹ ಭದ್ರಾ
ಪ್ರೇಮಂ ವೋಚೋ ಹವಿರ್ದಾಂ ದೇವತಾಸು || ೨೦,೩೨।೮

ವಿ ತೇ ಮುಂಚಾಮಿ ರಶನಾಂ
ವಿ ಯೋಕ್ತ್ರಂ ವಿ ನಿಯೋಜನಂ |
ಇಹೈವ ತ್ವಂ ಅಜಸ್ರ ಏಧ್ಯ್ ಅಗ್ನೇ || ೨೦,೩೨।೯

ಪ್ರಜಾಪತೇ ನ ಹಿ ತ್ವದ್ ಅನ್ಯೋ
ವಿಶ್ವಾ ರೂಪಾಣಿ ಮಹಿನಾ ಜಜಾನ |
ಯತ್ಕಾಮಾಸ್ ತೇ ಜುಹುಮಸ್ ತನ್ ನೋ ಅಸ್ತು
ವಯಂ ಸ್ಯಾಮ ಪತಯೋ ರಯೀಣಾಂ || ೨೦,೩೨।೧೦
(೩೨)

ಯತ್ ತೇ ದೇವಾ ಅಕೃಣ್ವನ್ ಭಾಗಧೇಯಂ
ಅಮಾವಾಸ್ಯೇ ಸಂವಸಂತೋ ಮಹಿತ್ವಾ |
ಸೇಮಂ ಯಜ್ಞಂ ಪಿಪೃಹಿ ವಿಶ್ವವಾರೇ
ರಯಿಂ ನೋ ಧೇಹಿ ಸುಭಗೇ ಸುವೀರಂ || ೨೦,೩೩।೧

ಘೃತಂ ತೇ ಅಗ್ನೇ ದಿವ್ಯೇ ಸಧಸ್ಥೇ
ಘೃತೇನ ತ್ವಾ ಮನುರ್ ಅದ್ಯಾ ಸಂ ಈಧೇ |
ಘೃತಂ ತೇ ದೇವಾ ಆಪ್ಯಾ ವಹಂತಿ
ಘೃತಂ ತುಭ್ಯಂ ದುಹ್ರತೇ ಗಾವೋ ಅಗ್ರೇ || ೨೦,೩೩।೨

ಮಯ್ಯ್ ಅಗ್ರೇ ಅಗ್ನಿಂ ಗೃಹ್ಣಾಮಿ
ಸಹ ಕ್ಷತ್ರೇಣ ವರ್ಚಸಾ ಬಲೇನ |
ಮಯಿ ಪ್ರಜಾಂ ಮಯ್ಯ್ ಆಯುರ್ ದಧಾಮಿ
ಸ್ವಾಹಾ ಮಯ್ಯ್ ಅಗ್ನಿಃ || ೨೦,೩೩।೩

ಅಪ್ಸು ತೇ ರಾಜನ್ ವರುಣ
ಗೃಹೋ ಮಿತೋ ಹಿರಣ್ಯಯಃ |
ತತೋ ಧೃತವ್ರತೋ ರಾಜಾ
ಸರ್ವಾ ಧಾಮಾನಿ ನೋ ಮುಚೇಃ || ೨೦,೩೩।೪

ಧಾಮ್ನೋಧಾಮ್ನೋ ರಾಜನ್ನ್
ಇತೋ ವರುಣ ನೋ ಮುಚೇಃ || ೨೦,೩೩।೫

ಯದ್ ಆಪೋ ಅಘ್ನ್ಯಾ ಇತಿ
ವರುಣೇತಿ ಯದ್ ಊಚಿಮ |
ತತೋ ವರುಣ ನೋ ಮುಚೇಃ || ೨೦,೩೩।೬

ಯೋ ರುದ್ರೋ ಅಗ್ನೌ ಯೋ ಅಪ್ಸ್ವ್ ಅಂತರ್
ಯ ಓಷಧೀರ್ ವೀರುಧ ಆವಿವೇಶ |
ಯ ಇಮಾ ವಿಶ್ವಾ ಭುವನಾನಿ ಚಾಕ್ಲ್̥ಪೇ
ತಸ್ಮೈ ರುದ್ರಾಯ ನಮೋ ಅಸ್ತ್ವ್ ಅದ್ಯ || ೨೦,೩೩।೭

ಅಪೇಹ್ಯ್ ಅರಿರ್ ಅಸ್ಯ್ ಅರಿರ್ ವಾ ಅಸಿ |
ವಿಷೇ ವಿಷಂ ಅಪೃಕ್ಥಾ
ಅಹಿಂ ಏವಾಭ್ಯ್ ಅಪೇಹಿ ತಂ ಜಹಿ || ೨೦,೩೩।೮

ಪೃತನಾಜಿತಂ ಸಹಮಾನಂ ಅಗ್ನಿಂ
ಉಗ್ರಂ ಹುವೇಮ ಪರಮಾತ್ ಸಧಸ್ಥಾತ್ |
ಸ ನಃ ಪರ್ಷದ್ ಅತಿ ದುರ್ಗಾಣಿ ವಿಶ್ವಹಾ
ಕ್ಷಾಸದ್ ದೇವೋ ಽತಿ ದುರಿತಾನ್ಯ್ ಅಗ್ನಿಃ || ೨೦,೩೩।೯

ಯದ್ಯ್ ಅಂತರಿಕ್ಷೇ ಯದಿ ವಾತ ಆಸ
ಯದಿ ವೃಕ್ಷೇಷು ಯದಿ ವೋಲಪೇಷು
ಯದ್ ಅಶ್ರವನ್ ಪಶವ ಉದ್ಯಮಾನಂ
ತದ್ ಬ್ರಾಹ್ಮಣಂ ಪುನರ್ ಅಸ್ಮಾನ್ ಉಪೈತು || ೨೦,೩೩।೧೦
(೩೩)

ಶಂ ಮಾ ವಾತೋ ಅಭಿ ವಾತು
ಶಂ ಮೇ ತಪತು ಸೂರ್ಯಃ |
ಅಹಾನಿ ಶಂ ಭವಂತು ಮೇ
ಶಂ ರಾತ್ರೀ ಪ್ರತಿ ಧೀಯತಾಂ
ಶಂ ಉಷಾ ಮೇ ವ್ಯ್ ಉಚ್ಛತು || ೨೦,೩೪।೧

ಉತ್ ತಿಷ್ಠತ ಪಿತರೋ ಯೇ ಪುರಾಸ್ಥನ್
ಯಮಂ ರಾಜಾನಂ ಅವಸಾನಂ ಅರ್ಚತ |
ಅಯಂ ನೃಣಾಂ ನೃತಮಃ ಶ್ರೇಷ್ಠ ಆಗನ್
ತಸ್ಮೈ ಲೋಕಂ ಕೃಣುತ ಯಾವತ್ಸಬಂಧು || ೨೦,೩೪।೨

ಯಸ್ಯೇದಂ ಶಸ್ತಂ ಪ್ರತಿಮಾಕೃತಂ
ದೇವೈರ್ ದತ್ತಂ ಅಸೂರಿಯಂ ಚ ಸಂಭೃತಂ |
ತ್ರಿಃ ಸಪ್ತ ಕೃತ್ವ ಋಷಯಃ ಪರೇತಾ
ಮೃತ್ಯುಂ ಪ್ರತ್ಯ್ ಔಹನ್ ಪದಯೋಪನೇನ || ೨೦,೩೪।೩

ಅಗಮನ್ ಗಾವಃ ಸದನಂ
ಅಗಮದ್ ವಸತಿಂ ವಯಃ |
ಆಸ್ಥಾನೇ ಪರ್ವತಾ ಅಸ್ಥುಃ
ಸ್ಥಾಮನ್ ವೃಕ್ಕಾವ್ ಅರೀರಮಂ || ೨೦,೩೪।೪

ಆ ಗಾವೋ ಗೋಷ್ಠಂ ಅಗಮನ್ನ್
ಆಗ್ನಿಧಾನಾನ್ಯ್ ಅಗ್ನಯಃ |
ಆ ವೃಕ್ಕೌ ಸಂ ಅವಿತ್ಸಾತಾಂ
ಉತ್ಸಕ್ತಭೇಷಜಂ ಅಸಿ || ೨೦,೩೪।೫

ಯಥಾ ದ್ಯಾಂ ಚ ಪೃಥಿವೀಂ ಚ್-
-ಆಂತಸ್ ತಿಷ್ಠತಿ ತೇಜನಂ |
ಏವಾ ರೋಗಂ ಚಾಸ್ರಾವಂ ಚ
ಮುಂಜಸ್ ತಿಷ್ಠತಿಯ್ ಅಂತರಾ || ೨೦,೩೪।೬

ಅಸ್ಥಾದ್ ಇದಂ ವಿಶ್ವಂ ಭುವನಂ
ಅಸ್ಥಾದ್ ವಾತೋ ವನಚ್ಯವಃ |
ಅಸ್ಥುರ್ ವೃಕ್ಷಾ ಊರ್ಧ್ವಸ್ವಪ್ನಾಸ್
ತಿಷ್ಠಾದ್ ರೋಗೋ ಅಯಂ ತವ || ೨೦,೩೪।೭

ಶತಂ ಯದ್ ಭೇಷಜಾನಿ ತೇ
ಸಹಸ್ರಂ ಸಂಭೃತಾನಿ ಚ |
ತೇಷಾಂ ಅಸಿ ತ್ವಂ ಉತ್ತಮಂ
ಶ್ರೇಷ್ಠಂ ಆಸ್ರಾವಭೇಷಜಂ
ವಸಿಷ್ಠಂ ರೋಗನಾಶನಂ || ೨೦,೩೪।೮

ಯದ್ ಅದ್ಯ ತ್ವಾ ಪ್ರಯತಿ ಯಜ್ಞೇ ಅಸ್ಮಿನ್
ಹೋತಶ್ ಚಿಕಿತ್ವನ್ನ್ ಅವೃಣೀಮಹೀಹ |
ಧ್ರುವಂ ಅಯೋ ಧ್ರುವಂ ಉತಾ ಶಮಿಷ್ಠ
ಪ್ರಜಾನನ್ ವಿದ್ವಾನ್ ಉಪ ಯಾಹಿ ಸೋಮಂ || ೨೦,೩೪।೯

ಸಂ ಇಂದ್ರ ನೋ ಮನಸಾ ನೇಷ ಗೋಭಿಃ
ಸಂ ಸೂರಿಭಿರ್ ಹರಿವನ್ ಸಂ ಸ್ವಸ್ತ್ಯಾ |
ಸಂ ಬ್ರಹ್ಮಣಾ ದೇವಕೃತಂ ಯದ್ ಅಸ್ತಿ || ೨೦,೩೪।೧೦
(೩೪)

ಸಂ ವರ್ಚಸೇತ್ಯ್ ಏಕಾ || ೨೦,೩೫।೧

ಸಂಸ್ರಾವಭಾಗಾಸ್ ತವಿಷಾ ಬೃಹಂತಃ
ಪ್ರಸ್ತರೇಷ್ಠಾ ಬರ್ಹಿಷದಶ್ ಚ ದೇವಾಃ |
ಇಮಂ ಯಜ್ಞಂ ಅಭಿ ವಿಶ್ವೇ ಗೃಣಂತಃ
ಸ್ವಾಹಾ ದೇವಾ ಅಮೃತಾ ಮಾದಯಂತಾಂ || ೨೦,೩೫।೨

ಯಾನ್ ಆವಹ ಉಶತೋ ದೇವ ದೇವಾಂಸ್
ತಾನ್ ಪ್ರೇರಯ ಪುನರ್ ಅಗ್ನೇ ಸ್ವೇ ಸಧಸ್ಥೇ |
ಜಕ್ಷಿವಾಂಸಃ ಪಪಿವಾಂಸೋ ಮಧೂನ್ಯ್
ಅಸ್ಮೈ ಧತ್ತ ವಸವೋ ವಸೂನಿ || ೨೦,೩೫।೩

ಅಯಂ ನೋ ಯಜ್ಞೋ ಅಪ್ಯ್ ಏತು ದೇವಾನ್
ಉತ್ತರಾಂ ವೇದಿಂ ಅಪ್ಯ್ ಏತು ವೇದಿಃ |
ವಿ ಮುಂಚಾಮ್ಯ್ ಋತ್ವಿಜೋ ದಕ್ಷಿಣಾಭಿರ್
ದೇವಾ ಯಕ್ಷೀಷ್ಟ ಪುನರ್ ಉತ್ತರಾವತ್ || ೨೦,೩೫।೪

ಯಜ್ಞ ಯಜ್ಞಂ ಗಚ್ಛ
ಯಜ್ಞಪತಿಂ ಗಚ್ಛ |
ಸ್ವಾಂ ಯೋನಿಂ ಗಚ್ಛ ಸ್ವಾಹಾ || ೨೦,೩೫।೫

ಏಷ ತೇ ಯಜ್ಞೋ ಯಜಮಾನ ಸಹಸೂಕ್ತನಮೋವಾಕಃ |
ಸುವೀರಃ ಸ್ವಾಹಾ || ೨೦,೩೫।೬

ಮನಸಸ್ಪತ ಇಮಂ ದೇವ ಯಜ್ಞಂ |
ಸ್ವಾಹಾ ವಾಚಿ ಸ್ವಾಹಾ ವಾತೇ ಧಾಃ ಸ್ವಾಹಾ || ೨೦,೩೫।೭

ಸ್ವಾಹಾ ಹುತೇಭ್ಯೋ
ವಷಡ್ ಢುತೇಭ್ಯಃ |
ದೇವಾ ಗಾತುವಿದೋ ಗಾತುಂ ವಿತ್ತ್ವಾ ಗಾತುಂ ಇತ ಸ್ವಾಹಾ || ೨೦,೩೫।೮

ಸಂ ಬರ್ಹಿರ್ ಅಕ್ತಂ ಹವಿಷಾ ಘೃತೇನ
ಸಂ ಇಂದ್ರೇಣ ವಸುಭಿಃ ಸಂ ಮರುದ್ಭಿಃ |
ಸಂ ದೇವೇಭಿರ್ ವಿಶ್ವದೇವೇಭಿರ್ ಅಕ್ತಂ
ಇಂದ್ರಂ ಗಚ್ಛತು ಯತ್ ಸ್ವಾಹಾ || ೨೦,೩೫।೯

ಆಶಾಸಾನಾ ಸೌಮನಸಂ
ಪ್ರಜಾಂ ಚಕ್ಷುರ್ ಅಥೋ ಬಲಂ |
ಇಂದ್ರಾಣ್ಯಾ ಅನುವ್ರತಂ
ಸಂ ನಹ್ಯೇ ಅಮೃತಾಯ ಕಂ || ೨೦,೩೫।೧೦
(೩೫)

ಇಂದ್ರಾಣೀ ನಾರೀ ಸುಭಗಾ ಸುಪತ್ನ್ಯ್
ಉದ್ ಅಂಶೇನ ಪತಿವಿದ್ಯೇ ಬಿಭೇದ |
ತ್ರಿಂಶದ್ ಯಸ್ಯಾ ಜಘನಂ ಯೋಜನಾನ್ಯ್
ಉಪಸ್ಥ ಇಂದ್ರಂ ಸ್ಥವಿರಂ ಪಿಪರ್ತು || ೨೦,೩೬।೧

ಸೇನಾಸಿ ಪೃಥಿವೀ ಧನಂಜಯ್-
-ಆದಿತಿರ್ ವಿಶ್ವರೂಪಾ ಸೂರ್ಯತ್ವಕ್ |
ಇಂದ್ರಾಣೀ ಪ್ರಾಷಾಟ್ ಸಂಜಯಂತೀ
ತಸ್ಯೈ ತ ಏನಾ ಹವಿಷಾ ವಿಧೇಮ || ೨೦,೩೬।೨

ಅಜಿರೋತ್ತಿಷ್ಠಂತ್ಯ್ ಉತ್ಥಿತಾಗ್ರೇ
ತ್ವರೀ ಪ್ರಾಷಾಟ್ ತೂರ್ತಂ ಉಪಚರಂತೀಂ |
ಪ್ರಾಷಾಟ್ ಕಸ್ ತ್ವರಿಷಾ ತ್ವಾಗ್ರೇ
ತ್ವರಿಕಸ್ ತ್ವಯಿಷಮೇಸ ತ್ವಾ ಭದ್ರೇ || ೨೦,೩೬।೩

ಪರ್ಯಾವರ್ತೇ ದುಷ್ವಪ್ನ್ಯಾತ್
ಪಾಪಾತ್ ಸ್ವಪ್ನಾದ್ ಅಭೂತ್ಯಾಃ |
ಬ್ರಹ್ಮಾಹಂ ಅಂತರಂ ಕೃಣ್ವೇ
ಪರಾ ಸ್ವಪ್ನಮುಖಾಃ ಶುಚಃ || ೨೦,೩೬।೪

ಯತ್ ಸ್ವಪ್ನೇ ಅನ್ನಂ ಅಶ್ನಾಮಿ
ನ ಪ್ರಾತರ್ ಅಧಿಗಮ್ಯತೇ |
ಸರ್ವಂ ತದ್ ಅಸ್ತು ನಃ ಶಿವಂ
ನಹಿ ತದ್ ದೃಶ್ಯತೇ ದಿವಾ || ೨೦,೩೬।೫
(೩೬)

ಅನುವಾಕ ೬ ||

ವಿಶ್ವಂ ವಿವ್ಯಜ್ಮಿ ಪೃಥಿವೀವ ಪುಷ್ಟಂ
ಆಯದಾಯತ್ ಪ್ರತಿ ಗೃಹ್ಣಾಮ್ಯ್ ಅನ್ನಂ |
ವೈಶ್ವಾನರಸ್ಯ ಮಹತೋ ಮಹಿಮ್ನಾ
ಸ್ಯೋನಂ ಅಸ್ಮಭ್ಯಂ ಮಧುಮತ್ ಕೃಣೋತು || ೨೦,೩೭।೧

ತ್ರಿಶೃಂಗಂ ಅಸಿ ದುರಭಿಧರ್ಷಂ
ಇಂದ್ರಾಯ ಧ್ರಿಯಸೇ |
ಪೂಷಾ ತೇ ಪ್ರಾಶಿತಾ || ೨೦,೩೭।೨

ಪಾಹಿ ನೋ ಅಗ್ನೇ ತನ್ವಂ
ಪಾಹಿ ಗಾಃ ಪಾಹಿ ಯತ್ ತನೂಕೃತಂ |
ಅಹುತಾದಾವ್ ಅಮರ್ತ್ಯೌ
ತಾವ್ ಅಸ್ಮಾನ್ ಪಾತೋ ಅಂಹಸಃ || ೨೦,೩೭।೩

ಯೌ ದೇವಾನಾಂ ಅಹುತಾದಾವ್ ಅಮರ್ತ್ಯೌ
ಸ್ವರ್ಭಾನುಶ್ ಚ ಸ್ವರ್ಜ್ಯೋತಿಶ್ ಚ |
ತಯೋಸ್ ತ್ವಾಸ್ಯೇನ ಪ್ರಾಶ್ನಾಮ್ಯ್
ಅಗ್ನೇಷ್ ಟ್ವಾ ವೈಶ್ವಾನರಸ್ಯ ತ್ವಾಸ್ಯೇನ ಪ್ರಾಶ್ನಾಮಿ || ೨೦,೩೭।೪

ದಕ್ಷಶ್ ಚ ತ್ವಾ ಮಾನಸಃ ಪ್ರಾಶ್ನೀತಾಂ
ಸ್ವರ್ಭಾನುಶ್ ಚ ಮಾರುತಃ |
ಮಾ ಪೃಣನ್ ಪೂರ್ತ್ಯಾ ವಿ ರಾಧಿ
ಮೋ ವಯಂ ಪ್ರಜಯಾ ಧನೇನ || ೨೦,೩೭।೫

ಅನಾಧೃಷ್ಯಸ್ಯ ತೇ ಪಿತೋ
ಅನಾಧೃಷ್ಯಶವಸಃ |
ಸರ್ವವೀರಾಃ ಸರ್ವಾತ್ಮಾನೋ
ಭಕ್ಷಂ ಕ್ರಿಯಾಸ್ಮ || ೨೦,೩೭।೬

ಕಾಮೋ ಮೇ ರಾಜ್ಞಿ ಪ್ರ ವಿವೇಶ
ತ್ವಾಂ ತಂ ಅಹಂ ನಿರ್ ಹ್ವಯೇ ಪುನಃ |
ಗೃಹೇಷು ಗೋಷು ಮೇ ಮನೋ
ಅಕ್ಷ್ಯೋರ್ ಅಸ್ತು ಮೇ ಭಗೋ
ಜಿಹ್ವಾಯಾಂ ಅಸ್ತು ಮೇ ರಸೋ
ಬಾಹ್ವೋರ್ ಅಸ್ತು ಮೇ ಬಲಂ
ಊರ್ವೋರ್ ಅಸ್ತು ಮೇ ಜವಃ || ೨೦,೩೭।೭

ದಿವೋ ಽಸಿ ನಿರ್ಮಥಿತಂ
ಪೃಥಿವ್ಯಾ ಅಧ್ಯ್ ಉದ್ಭೃತಂ |
ಸಮುದ್ರಾದ್ ಉಚ್ಯಸೇ ಜಾತಂ
ಅಕ್ಷ್ಯಾಮಯಭೇಷಜಂ ಅಸ್ಯ್ ಆಥರ್ವಣಂ || ೨೦,೩೭।೮

ಪೂಷಾ ಪರಸ್ತಾದ್ ಆ ವರ್ತಯತು
ಚತಸ್ರೋ ಭೂಮ್ಯಾ ದಿಶಃ |
ಸಗಲಿಕ ಪುಷಲಿಕ
ಪುನರ್ ನೋ ನಷ್ಟಂ ಆಯತಿ
ಜೀವೇನ ಭುನಜಾಮಹೈ || ೨೦,೩೭।೯

ಯದ್ ಆಭರಚ್ ಛೃತದ್ ಅಗ್ನಿಸ್
ತೇಜನೇ ನಷ್ಟವೇದನಂ |
ಖರ್ಗಲೇವ ಪುನರ್ ದತ್ತಂ
ಪುನರ್ ಅಸ್ಮಾ ಅಶ್ವಿನಾ ನಷ್ಟಂ ಆಜತಂ || ೨೦,೩೭।೧೦
(೩೭)

ಯದ್ಯ್ ಅಸ್ಯ್ ಅಪ್ರಿಯಜಾ
ಯದಿ ವಾನ್ಯತ ಆಭೃತಃ |
ವಿಸಲ್ಪಕಸ್ಯ ಭೇಷಜೀರ್
ದೇವೀರ್ ಆಪ ಇಮಾ ಮಮ || ೨೦,೩೮।೧

ಯವಸ್ಯ ಪೂತಿಕಸ್ಯ
ದೃಶಾಂಬಸ್ಯೋತ ಗರ್ಮುತಃ |
ತೇಷಾಂ ಸಂ ಅಗ್ರಭಂ ಶುಷ್ಮಂ
ಆಶೂನಾಂ ಧಾವತಾಂ ಇವ || ೨೦,೩೮।೨

ಯಸ್ ತನುಃ ಪ್ರತುರ್ವಣೀ
ವಧ ಇವ ಪ್ರಸರ್ಪತಿ |
ಮಯೂರಃ ಕಿಲ ತೇ ವಿಷಂ
ಕೃಕವಾಕುಶ್ ಚ ಜಕ್ಷತು || ೨೦,೩೮।೩

ಉದೀಚೀನಃ ಪ್ರ ತನೋತಿ
ನಿತತ್ನಿರ್ ಭೂಮ್ಯಾಂ ಅಧಿ |
ಓಜ್ಮಾನಂ ಪಶ್ಯ ವೀರುಧೋ
ಮಿಥುನಾ ಸಂ ಅವೀವನತ್ || ೨೦,೩೮।೪

ನಿ ತ್ವಾತನಂ ನಿತತ್ನಿನಾ
ಪರಿ ತ್ವಾಗಾಂ ಸಹೀಯಸಾ |
ಶ್ಯೇನಾದ್ ಅಭಿದ್ರವೀಯಸಾ
ಸುಪರ್ಣಾನ್ ನಿಕರೀಯಸಾ || ೨೦,೩೮।೫

ಯದ್ ಅತ್ರಾಪಿ ಮಧೋರ್ ಅಹಂ
ನಿರಷ್ಠವಿಷಂ ಅಸ್ಮೃತಂ |
ಅಗ್ನಿಶ್ ಚ ತತ್ ಸವಿತಾ ಚ
ಪುನರ್ ಮೇ ಜಠರೇ ಧತ್ತಾಂ || ೨೦,೩೮।೬

ಅಗ್ನೇ ರುದ್ರಸ್ಯ ಜಾಯಾಸಿ
ದುಹಿತಾಸಿ ಪ್ರಜಾಪತೇಃ |
ಉಚ್ಚೈಃಶ್ಲೋಕೇ ದಾನಪತ್ನಿ ಹವಿಃಶ್ರವ
ಉಪ ತ್ವಾ ಹ್ವಯ ಉಪ ಮಾ ಹ್ವಯಸ್ವ |
ನರಿಷ್ಟಾ ನಾಮ ವಾ ಅಸಿ || ೨೦,೩೮।೭

ಯಥಾಸೌ ಹರಿಣೋ ವೃಷಾ
ಕೂಲಾದ್ ಅಧಿ ಪ್ರಸ್ಕಂದತಿ |
ಏವಾ ನಿ ಷ್ಕಂದ ಪಿತ್ರ್ಯಾದ್
ಭಗಂ ಜಯಂತೀ ಧನಂ ಜಯಂತೀ || ೨೦,೩೮।೮

ಋಜಿಶ್ವಾ ಮಹ್ಯಂ ಅಬ್ರವೀದ್
ಗಂಧರ್ವಸ್ಯಾನುಶಾಸನಂ |
ಏತತ್ ತೇ ಪತಿವೇದನಂ || ೨೦,೩೮।೯

ಪಾಟಾ ಭಿನತ್ತು ಕುಂಭಂ
ಪಾಟಾ ಕುಂಭೀಂ ಗದೋಹನೀಂ |
ಪಾಟಾ ಸರ್ವಸ್ಯ ಪಾತ್ರಸ್ಯ
ವಧೂಂ ಕೃಣೋತು ವಿಶ್ವತಃ || ೨೦,೩೮।೧೦
(೩೮)

ಅಪೇಹಿ ತಕ್ಮಂಶ್ ಚರ ಪರೋ ಅನ್ಯಂ
ಅಸ್ಮದ್ ಇಚ್ಛ ಪುರುಷಂ ಕಂ ಚಿದ್ ಏವ |
ವೇದ ತೇ ತಕ್ಮನ್ ಪಿತರಂ ವೇದ ಮಾತರಂ || ೨೦,೩೯।೧

ಶಮೀವಾನ್ ಅಸಿ ಶಾಮೀವತಃ
ಶಮೀವಾನ್ ಆಭಿಶೋಕಿಃ |
ಅಭಿಶೋಕೋ ಹಾರ್ಷಣಿರ್
ಹರ್ಷಣೋ ಜಾಂಜಭಿಃ || ೨೦,೩೯।೨

ಯಃ ಪಶೂನಾಂ ಮಾರ್ಜನೀಯೋ
ಯಂ ತ್ವಂ ಅಂಶೇನ ಭೇಜಿಷೇ |
ಅಭೀಹಿ ತಕ್ಮನ್ ಗರ್ದಭಂ
ನ ಮಾಂ ಅಭ್ಯೇತುಂ ಅರ್ಹಸಿ || ೨೦,೩೯।೩

ವಿಸ್ರಸಾ ನಾಮ ತೇ ಮಾತಾ
ಕಿಃಕಿಶೋ (⟨ ಕಿಷ್ಕಿಷೋ?) ನಾಮ ತೇ ಪಿತಾ |
ಶಿಮಿದಾ ನಾಮ ತೇ ಸ್ವಸಾ || ೨೦,೩೯।೪

ಗಿರಿಂ ಗಚ್ಛ ಗಿರಿಜಾ ಅಸಿ
ಗಿರೌ ತೇ ಮಾಹಿಷೋ ಗೃಹಃ |
ದಾಸೀ ಚಕ್ರಂ ಆಸ್ಥಾಯ
ನಾಮ್ಲಾತೇ ನಿ ಕ್ರಂದಯಿಷ್ಯತಿ || ೨೦,೩೯।೫

ಆ ವಾತೋ ವಾತ್ವ್ ಅನಘಃ
ಸರ್ವಸ್ಯ ದೂತೋ ಅಭಿಶಸ್ತಿಪಾಃ |
ಜಲಾಷಂ ಇತ್ ಪ್ರ ಸಿಂಚತಿ
ತದ್ ವಿಷಸ್ಯಾಪ ಸಿಂಚತು || ೨೦,೩೯।೬

ಯಾಂ ಅಸ್ಯತಿ ಪೃಶ್ನಿಬಾಹುರ್
ಇಷ್ಟಂ ಹರಿದ್ರುಪರ್ಣ್ಯಂ |
ತಾಂ ಅಸ್ಯ ನಿಷ್ ಖಿದಾಮಸಿ
ಯಥಾ ಜೀವಾಸಿ ಭದ್ರಯಾ || ೨೦,೩೯।೭

ಅಶ್ರಾಂತಸ್ಯ ತ್ವಾ ಮನಸಾ
ಯುನಜ್ಮಿ ಪ್ರಥಮಸ್ಯ ಚ |
ಉತ್ಕೂಲಂ ಉದ್ವಹೋ ಭವ್-
-ಓದುಹ್ಯ ಪ್ರತಿ ಧಾವತಾತ್ || ೨೦,೩೯।೮

ಏತಂ ದಂತಂ ನಿರೃತ್ಯಾ ಘೋರಂ ಆಹುರ್
ಯಸ್ತ ಆಸನ್ನ್ ಅವರೂಢ ಏಷಃ |
ತಂ ದುರ್ಹಾರ್ದೇ ಪ್ರ ಹಿಣೋಮಿ ಘೋರಂ
ಸ ನೋ ಮಾ ಹಿಂಸೀಜ್ ಜ್ಯಾಯಸೋ ಮಾ ಕನೀಯಸಃ || ೨೦,೩೯।೯

ಶಿವಃ ಶಗ್ಮೋ ಭವತು ದಂತ ಏಷ
ಮಾ ನೋ ಹಿಂಸೀಜ್ ಜ್ಯಾಯಸೋ ಮಾ ಕನೀಯಸಃ |
ಅಘಮಾರಂ ಅಘಶಂಸಂ ನಿರೃಥಂ
ತಂ ತೇ ದಂತಃ ಸಚತಾಂ ಘೋರ ಏಷಃ || ೨೦,೩೯।೧೦
(೩೯)

ಅಘಮಾರಂ ಅಘಶಂಸಂ ನಿರೃಥಂ
ದುರ್ಹಾರ್ದೇ ದಂತಂ ಪ್ರ ಹಿಣೋಮಿ ಘೋರಂ |
ಸೋ ಅಸ್ಯಾತ್ತು ದ್ವಿಪದಶ್ ಚತುಷ್ಪದಃ
ಶಿವೋ ಅಸ್ಮಭ್ಯಂ ಸುಮನಾ ಅಸ್ತ್ವ್ ಏಷಃ || ೨೦,೪೦।೧

ಶಿವಂ ತೇ ದಂತಂ ಹವಿಷಾ ಕೃಣೋಮಿ
ಶಿವೋ ಮಹ್ಯಂ ಕುರ್ವತೇ ದಂತೋ ಅಸ್ತು |
ಶಿವಾನಿ ತೇ ತ್ರೀಣಿ ತ್ರಿಕದ್ರುಕಾಣಿ ಸಂತು
ಶಿವೋ ಮಹ್ಯಂ ನಭಸೀ ರೋದಸೀ ಸ್ತಾಂ || ೨೦,೪೦।೨

ಪುರುರೂಪಾ ಪೃಥುಪೇಶಾ
ಅರಂಕೃದ್ ವಹತೋರ್ ಅಸಿ |
ಪ್ರತಿಷ್ಠಾಸಿ ಚತುಷ್ಪದಾಂ
ಯಸ್ ತ ಏಷ ಪಂಚಮಃ ಪಾದಸ್
ತಂ ತೇನ ಪ್ರತಿ ಗೃಹ್ಣಾಮಿ || ೨೦,೪೦।೩

ಸಸರ್ಪರೀರ್ ಅಮತಿಂ ಬಾಧಮಾನಾ
ಬೃಹನ್ ಮಿಮಾಯ ಜಮದಗ್ನಿದತ್ತಾ |
ಆ ಸೂರ್ಯಸ್ಯ ದುಹಿತಾ ತತಾನ
ಶ್ರವೋ ದೇವೇಷ್ವ್ ಅಮೃತಂ ಅಜುರ್ಯಂ || ೨೦,೪೦।೪

ಸಸರ್ಪರೀರ್ ಅಭರತ್ ತೂಯಂ ಏಭ್ಯೋ
ಽಧಿ ಶ್ರವಃ ಪಾಂಚಜನ್ಯಾಸು ಕೃಷ್ಟಿಷು |
ಸಾ ಪಕ್ಷ್ಯಾ ನವ್ಯಮಾಯುರ್ ದಧಾನಾ
ಯಾಂ ಮೇ ಪುಲಸ್ತಿ ಜಮದಗ್ನಯೋ ದದುಃ || ೨೦,೪೦।೫

ಅಘ್ನ್ಯೇ ದೂರಮೂತ್ ಕಂದ
ನಿ ಪದಶ್ ಚತುರೋ ಜಹಿ |
ಅಧಾ ಗೋದುಹಃ ಶೀರ್ಷಣಿ
ಶಫಾಁ ಉರಸಿ ವಾದಯ || ೨೦,೪೦।೬

ಶೃಂಗಾಭ್ಯಾಂ ಉಪ ಸ್ರಷ್ಟಾರಂ
ಪದಾವರ್ತಯ ಗೋದುಹಂ |
ಅಥೋ ಯೇ ಅನ್ಯೇ ತಿಷ್ಠಂತಿ
ತಾನ್ ವಿಷೂಚೋ ವಿ ನಾಶಯ || ೨೦,೪೦।೭

ಯಥಾ ನರ್ತಾ ಸಕ್ಷಿಕಾಜಿಂ
ನಿ ಕುಲ್ಫಂ ಅಭಿನೃತ್ಯತಿ |
ಏವಾ ತ್ವಂ ಅಘ್ನ್ಯೇ ಪದಃ
ಸರ್ವಾನ್ ಸಾಕಂ ಉದ್ ಅರ್ದಯ || ೨೦,೪೦।೮

ಉದ್ ಉ ಕ್ಷೀರಂ ಉತ್ತಭಿತಂ
ಸ್ಯಂದಂತಾಂ ಅಸ್ಯ ಧೇನವಃ |
ಅಸೃಕ್ ತಸ್ಯ ಗಾವೋ ದುಹ್ರಾಂ
ಯೋ ಅಸ್ಮಾನ್ ನಾಪಚಾಯತಿ || ೨೦,೪೦।೯

ಋಕ್ಷೀಕಾಯಾ ಯಥಾ ಮನೋ
ವ್ಯಾಘ್ರಸ್ಯ ಯಥಾ ಮನಃ |
ಏವಾ ತಸ್ಯ ಗವಾಂ ಮನೋ
ಯೋ ಅಸ್ಮಾನ್ ನಾಪಚಾಯತಿ || ೨೦,೪೦।೧೦
(೪೦)

ಉತ್ತಮೋಸ್ಯ್ ಓಷಧೀನಾಂ
ವೀರುಧಾಂ ಬಲವತ್ತಮಃ |
ಸಸ್ಯಂದನ ತ್ವಂ ಓಷಧೇ
ಸರ್ವಾಃ ಸ್ಯಂದಯ ಗಾ ಇಮಾಃ || ೨೦,೪೧।೧

ಅರಂತುರಥಂತು |
ವನೇಷು ಶುಷ್ಮೋ ಅಸ್ತು ತೇ
ಪೃಥಿವ್ಯಾಂ ಅಸ್ತು ಯದ್ ಧರಃ || ೨೦,೪೧।೨

ಅಕೃದ್ ಅಶ್ವೋ ಅಕೃತ್ ಖರೋ
ಅಕೃದ್ ಅಶ್ವತರೋ ಹರಿಃ |
ಏವಾಸಿ ಬಹ್ವಘೇ ತವ
ಭಸನ್ ನದತ್ವ್ ಆಸಿಚಾ || ೨೦,೪೧।೩

ಯಥಾ ನದತಿ ಗರ್ದಭ
ಏವಾ ನದತಿ ತೇ ಭಸತ್ |
ವ್ರೀಹೇರ್ ಯವಸ್ಯ ಮಾಷಸ್ಯ್-
-ಐತತ್ ಪಶ್ಯಾಭಿದರ್ಶನಂ || ೨೦,೪೧।೪

ಉದ್ ಭರೇ ದ್ಯಾವಾಪೃಥಿವೀ
ಉದ್ ಆಪ ಉದ್ ಅಗ್ನಿಂ ಉದ್ ಇಂದ್ರಂ
ಉತ್ ಸೂರ್ಯಂ ಉದ್ ರಾತ್ರಿಂ ಉದ್ ಅಹಃ || ೨೦,೪೧।೫

ನಮಸ್ಕೃತ್ಯ ದ್ಯಾವಾಪೃಥಿವೀಭ್ಯಾಂ
ಅಂತರಿಕ್ಷಾಯ ಮೃತ್ಯವೇ |
ಮೇಕ್ಷ್ಯಾಮ್ಯ್ ಊರ್ಧ್ವಸ್ ತಿಷ್ಠನ್
ಮಾ ಮಾ ಹಿಂಸಿಷುರ್ ಈಶ್ವರಾಃ || ೨೦,೪೧।೬

ಯನ್ ಮೇಢ್ವಾ ಯದ್ ಅಪ್ಸರಸಃ
ಪಯೋ ದೇವೀರ್ ಅಹೃಷತ |
ತದ್ ಇಹೋಪ ಹೃಯಾಮಹೇ
ಚಕ್ಷುಷೇ ಚ ಬಲಾಯ ಚ |
ದೇವಾನಾಂ ದೇವಹೂತ್ಯಾ
ಮಯಿ ತ್ಯಾ ದೇವತಾಃ ಪುನಃ || ೨೦,೪೧।೭

ಯಾಸ್ಯ ದೋಷಾ ರಸಸ್ಯ ಮೇ
ತ್ವಂ ದೇವಿ ತತರ್ಪಿಥ |
ನಾರಾಶಂಸೇನ ಸ್ತೋಮೇನ್-
-ಆಹಂ ತ್ವತ್ ಪುನರ್ ಆ ದದೇ
ಯುಷ್ಮದ್ ಅಪ್ಸರಸಸ್ ಪರಿ || ೨೦,೪೧।೮

ಯನ್ ಮೇ ತನ್ವೋ ರಸಂ
ವಯಂ ಉದ್ ಅಪ್ಸರಸಸ್ ಪರಿ |
ನಾರಾಶಂಸೇನ ಸ್ತೋಮೇನ
ಪ್ರಜಾಂ ಆ ಪ್ಯಾಯಾಮಹೇ || ೨೦,೪೧।೯

ಯನ್ ಮೇ ಪಯೋ ವಿಷಿಷಿಚೇ
ಜಾಗ್ರತಃ ಸ್ವಪತಶ್ ಚ ಯತ್ |
ಪುನಸ್ ತದ್ ಅದ್ಯ ಮೇ ದೇವಾ
ಆ ಸಿಂಚಂತು ತನೂ ಅಧಿ || ೨೦,೪೧।೧೦
(೪೧)

ಯದ್ ಅದ್ಯ ದುಗ್ಧಂ ಪೃಥಿವೀಂ ಅಸಕ್ತ
ಯದ್ ಓಷಧೀರ್ ವ್ಯಸರದ್ ಯದ್ ಆಪಃ |
ವತ್ಸೇ ಪಯೋ ಗವಿ ಪಯೋ ಯದ್ ಅಸ್ಯಾಂ
ಅಸ್ಮಾಂಸ್ ತತ್ ಸಚತಾಂ ಪಯಃ || ೨೦,೪೨।೧

ಪರಾ ಪತಂತ್ಯ್ ಆಶವೋ
ಽಶ್ವಾ ಅಧೋಧುರಂ ಯಥಾ |
ಏವಾ ಮೂತ್ರ ಪ್ರ ಭಿದ್ಯಸ್ವ
ವಿ ವಸ್ತೇರ್ ಆಸ್ಯಂ ಸೃಜ || ೨೦,೪೨।೨

ವಿಷಿತಂ ತೇ ವಸ್ತಿಬಿಲಂ ಇತ್ಯ್ ಏಕಾ || ೨೦,೪೨।೩

ಅಸ್ಯ ಪಾರೇ ಸಮುದ್ರಸ್ಯ
ಶುಕ್ರಂ ಜ್ಯೋತಿರ್ ಅಮರ್ತ್ಯಂ |
ತನ್ ನಃ ಪಾತ್ವ್ ಅಂಹಸಸ್
ತನ್ ನಃ ಪಾತು ವಿಶ್ವತಃ || ೨೦,೪೨।೪

ಆ ನೋ ಮೇಧಾ ಸುಮತಿರ್ ವಿಶ್ವರೂಪಾ
ಹಿರಣ್ಯವರ್ಣಾ ಜಗತೀ ಜಗಮ್ಯಾತ್ |
ಸಾ ನೋ ಅಗ್ನೇ ಮೇಧಾ
ಜುಷತಾಂ ಇಹ ಪ್ರಚೇತಾಃ || ೨೦,೪೨।೫

ನಿಷ್ ಕ್ರಾಮತ್ವ್ ಇಷಿರ್ಯೋ ಅತ್ರ ಪ್ರವಿಷ್ಟೋ
ವಯಾಷ್ಠಶ್ ಚ ಸಯುಜಾ ಯಾವ್ ಇಹ ಸ್ತಃ |
ಸಪ್ತ ಋಷೀಣಾಂ ಸ್ಯೂಮರಶ್ಮಿಃ ಪಥೈತು
ಸ್ವಾನ್ ಮೃಗಾನ್ ಪುನರ್ ಅಪ್ಯ್ ಏತು ಕೃಷ್ಣಃ || ೨೦,೪೨।೬

ಸಪ್ತ ಋಷೀನ್ ಗಚ್ಛ ಸ್ಯೂಮರಶ್ಮಯೇ
ಮೃಗಾನ್ ಕೃಷ್ಣಃ ಸಚತಾಂ ವಾಜೋ ಅಶ್ವಂ |
ಈಡೋ ಅಸ್ಮಾನ್ ಸುಪ್ರಜಸಃ ಸುವೀರಾನ್
ಸಹ ಯಜ್ಞೇನ ಪಯಸಾ ಸಚಾತೈ || ೨೦,೪೨।೭

ನಮೋ ಅಸ್ತ್ವ್ ಋಷಯೇ ಸ್ಯೂಮರಶ್ಮಯೇ
ನಮಃ ಕೃಷ್ಣಾಯೋತ ಯೋ ವಾಜೋ ಅಸ್ಯ |
ನಮೋ ದೇವಾಯಾರ್ವತೇಷು ಜಿಷ್ಣವೇ
ಽಯಂ ನೋ ವಾಜೀ ಪ್ರ ತಿರಾತ್ಯ್ ಆಯುಃ || ೨೦,೪೨।೮

ಅತಿ ಯಂತ್ಯ್ ಅಹಾನ್ಯ್ ಅತಿ ರಾತ್ರೀರ್ ಅತ್ಯ್ ಉಷಸಃ |
ಆಪೋ ಅಂತರ್ಧಾವರೀಸ್ ತಾಭಿರ್ ಅಂತರ್ ದಧೇ ತ್ವಾ || ೨೦,೪೨।೯

ಯಥಾ ನೈದಾಘ್ಯೇ ಮಾಸಿ
ಬಹ್ವೀಃ ಶುಷ್ಯಂತ್ಯ್ ಓಷಧೀಃ |
ಏವಾ ಪ್ರ ಶುಷ್ಯ ಮಾಂ ಅನು
ಯಚ್ ಚ ಪಶ್ಯಾಮಿ ಯಚ್ ಚ ನ || ೨೦,೪೨।೧೦

ಪಾಟಾ ಬಿಭರ್ತ್ಯ್ ಅಂಕುಶಂ
ಹಿರಣ್ಯವಂತಂ ಅಂಕಿನಂ |
ತೇನಾಹಂ ಅನ್ಯೇಷಾಂ ಸ್ತ್ರಿಯ
ಆ ಲುಂಪಾಮಿ ಮಮೇದ್ ಅಸನ್ || ೨೦,೪೨।೧೧
(೪೨)

ಅನುವಾಕ ೭ ||

ಇಂದ್ರ ಜೀವ ಸೂರ್ಯ ಜೀವ
ದೇವಾ ಜೀವಾ ಜೀವ್ಯಾಸಂ ಅಹಂ |
ಸರ್ವಂ ಆಯುರ್ ಜೀವ್ಯಾಸಂ || ೨೦,೪೩।೧

ಅನಾಭೂರ್ ಅಸ್ಮಿ ನೈತವೇ
ತಂತ್ಯಾಂ ಬದ್ಧೋ ದಿವಿ ಶ್ರಿತಃ |
ಆಹಾ ತ್ವಾ ನಿರೃತಯೇ || ೨೦,೪೩।೨

ರಂತಿರ್ ಅಸಿ ರಮತಿರ್ ಅಸಿ |
ಸಂ ಶ್ರುತೇನ ರಾಧಿಷೀಯ
ಮಾ ಶ್ರುತೇನ ವಿ ರಾಧಿಷಿ || ೨೦,೪೩।೩

ದರ್ಶೋ ಽಸಿ ದರ್ಶತೋ ಽಸಿ
ವಿಶ್ವತಃ ಸಂದೃಷ್ಟಃ |
ಸೋಮೋ ಅಸಿ ರುದ್ರೋ ಅಸಿ || ೨೦,೪೩।೪

ತಂ ತ್ವಾ ಯಂ ದೇವಾ ಅಂಶುಂ ಆಪ್ಯಾಯಂತಿ
ತಂ ತ್ವಾ ಯಂ ಆದಿತ್ಯಾ ಅಂಶುಂ ಆಪ್ಯಾಯಂತಿ |
ತಂ ತ್ವಾ ಯಂ ಅಕ್ಷಿತಂ ಅಕ್ಷಿತಯೇ ಪಿಬಂತಿ
ಸ ನಃ ಸೋಮಃ ಪ್ರ ತಿರದ್ ದೀರ್ಘಂ ಆಯುಃ || ೨೦,೪೩।೫

ಅನ್ಯೇಷಾಂ ಪ್ರಾಣೇನಾ ಪ್ಯಾಯಸ್ವ
ಮಾಸ್ಮಾಕಂ ಪ್ರಾಣೇನ |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಸ್ಯ ಪ್ರಾಣೇನಾ ಪ್ಯಾಯಸ್ವ || ೨೦,೪೩।೬

ಚಿದ್ ಅಸಿ ಸಮುದ್ರಯೋನಿಃ ಶ್ಯೇನ ಋತಾವಾನ್ |
ಸೋಮಪೀಥೋಪ ನ ಏಹ್ಯ್ ಅರ್ವಾಙ್
ರಾಯಸ್ಪೋಷೇಣ ಪ್ರಜಯಾ ಧನೇನ || ೨೦,೪೩।೭

ಸ್ವರವ ಸ್ಥ ನಮೋ ವೋ ಮಹತಾಂ ಊರ್ಜಾಯೈ |
ಪರ್ಣಾಂ ಮಾವ ಗಾಂ || ೨೦,೪೩।೮

ಅಪಶ್ಚಾದ್ದಘ್ವಾನ್ನಸ್ಯ ಭೂಯಾಸಂ |
ಅನ್ನಾದಾಯಾನ್ನಪತಯೇ ರುದ್ರಾಯ ನಮೋ ಅಗ್ನಯೇ || ೨೦,೪೩।೯

ಯಾ ತೇ ವಸೋ ವಾತ ಇಷುಃ ಸಾ ತ ಏಷಾ |
ತಯಾ ನೋ ಮೃಡ || ೨೦,೪೩।೧೦
(೪೩)

ಅಗ್ನಿಸ್ ತಕ್ಮಾನಂ ಅಪ ಬಾಧತಾಂ ಇತೋ
ವರುಣೋ ಗ್ರಾವಾ ಮರುತಃ ಪೂತದಕ್ಷಾಃ |
ಬರ್ಹಿಷದಃ ಸಮಿಧಃ ಶೋಶುಚಾನಾಸ್
ತಕ್ಮನಃ ಶೋಚಾಂ ಅಪ ನಿರ್ ನುದಂತು || ೨೦,೪೪।೧

ಯೋ ಅಭ್ಯವಭೃಣಾಯಸಿ
ಸ್ವಪಂತಂ ಇಚ್ಛ ಪುರುಷಂ
ಶಯಾನಂ ಅಕೋವಿದಂ |
ಸ ನಃ ಸಹಸ್ರವೀರ್ಯ್-
-ಆನುಷ್ಠಾತಾ ಶಿವೋ ಭವ || ೨೦,೪೪।೨

ದೇವಯಾತುರ್ ಅಸಿ ಮೃಡೋ ಽಸಿ |
ಮೃಡಾಸ್ಮಾಕಂ ದ್ವಿಪದೇ ಚತುಷ್ಪದೇ
ಮಾ ತಸ್ಯ ಮೀಮೃಡೋ ದ್ವಿಪದೇ ಚತುಷ್ಪದೇ
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೨೦,೪೪।೩

ಬ್ರಹ್ಮಯಾತುರ್ ಅಸಿ ಮೃಡೋ ಽಸಿ |
ಮೃಡಾಸ್ಮಾಕಂ ದ್ವಿಪದೇ ಚತುಷ್ಪದೇ
ಮಾ ತಸ್ಯ ಮೀಮೃಡೋ ದ್ವಿಪದೇ ಚತುಷ್ಪದೇ
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೨೦,೪೪।೪

ಅನ್ನಯಾತುರ್ ಅಸಿ ಮೃಡೋ ಽಸಿ |
ಮೃಡಾಸ್ಮಾಕಂ ದ್ವಿಪದೇ ಚತುಷ್ಪದೇ
ಮಾ ತಸ್ಯ ಮೀಮೃಡೋ ದ್ವಿಪದೇ ಚತುಷ್ಪದೇ
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೨೦,೪೪।೫

ಮನುಷ್ಯಯಾತುರ್ ಅಸಿ ಮೃಡೋ ಽಸಿ |
ಮೃಡಾಸ್ಮಾಕಂ ದ್ವಿಪದೇ ಚತುಷ್ಪದೇ
ಮಾ ತಸ್ಯ ಮೀಮೃಡೋ ದ್ವಿಪದೇ ಚತುಷ್ಪದೇ
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಃ || ೨೦,೪೪।೬

ಅವಭರಣೋ ನಾಮಾಸಿ ದೇವತ್ರಾ ಣೋ ಅಕ್ಷಮಾಪಃ |
ಯೋ ಅಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಂ ತ ಆಸನ್ನ್ ಅಪಿ ದಘ್ಮಃ || ೨೦,೪೪।೭

ಯದ್ ಅದೋಸ್ನಾತಾ ಆಸುರೋ ದೀಕ್ಷಿತೋ ಽಚರತ್ |
ತಸ್ಯ ಯನ್ ಮಲಂ ಅವಾಸ್ರವತ್
ಸ ಹಿ ನಾಸಿ ತಾವದ್ ಅನುಷ್ಠ್ಯಾ ತ್ವಾ ವಿದ್ಮ-
-ಅರಸಂ ವೃಶ್ಚಿಕ ತೇ ವಿಷಂ || ೨೦,೪೪।೮

ಕೇತುಲುಂಗಾ ನಾಮ ತೇ ಮಾತಾ ಕರ್ಕಟಃ ಪಿತಾ |
ತತ್ ಸತ್ಯಂ ಅರಸಂ ಅಭಗ ತೇ ವಿಷಂ || ೨೦,೪೪।೯

ದ್ವೇ ವಿಷಸ್ಯ ಧಾರೇ ಸ್ತ್ರಿಯಾ ಅನ್ಯಾ ಪುಂಸೋ ಅನ್ಯಾ |
ತೇ ಉಭೇ ಅರಸೇ || ೨೦,೪೪।೧೦
(೪೪)

ವಿಶ್ವವಿತ್ ತಂ ನಷ್ಟಂ ಅನು ಪಶ್ಯಸಿ |
ಅದೋ ಮೇ ನಷ್ಟಂ ತನ್ ಮೇ ಪುನರ್ ದೇಹಿ || ೨೦,೪೫।೧

ವಿಶ್ವಕರ್ಮನ್ ತತ್ ತ್ವಂ ಉಪ ಗಚ್ಛಸಿ |
ಅದೋ ಮೇ ನಷ್ಟಂ ತನ್ ಮೇ ಪುನರ್ ದೇಹಿ || ೨೦,೪೫।೨

ವಿಶ್ವವ್ಯಚಸ್ ತತ್ ತ್ವಯ್ಯ್ ಅಧ್ಯ್ ಆಹಿತಂ |
ಅದೋ ಮೇ ನಷ್ಟಂ ತನ್ ಮೇ ಪುನರ್ ದೇಹಿ || ೨೦,೪೫।೩

ಪರಿ ಪೂಷಾ ಪುರಸ್ತಾದ್
ಧಸ್ತಂ ದಧಾತು ದಕ್ಷಿಣಂ |
ಪುನರ್ ನೋ ನಷ್ಟಂ ಆಯತಿ
ಜೀವೇನ ಭುನಜಾಮಹೈ || ೨೦,೪೫।೪

ಇಂದ್ರಸ್ ತ್ವಾಭ್ಯ್ ಐತ್ ಸರ್ಪತ್
ತತ್ ತ್ವಾ ಗೋಷ್ಠ ಆದಧಾತ್ |
ತದ್ ಆಸ್ರಾವಸ್ಯ ಭೇಷಜಂ
ತದ್ ಉ ರೋಗಂ ಅನೀನಶತ್ || ೨೦,೪೫।೫

ವಿಷ್ಣೋರ್ ಮನಸಾ ಪೂತೇ ಸ್ಥಃ |
ದೇವೋ ವಾಂ ಸವಿತೋತ್ ಪುನಾತು || ೨೦,೪೫।೬

ವಿಷ್ಣೋರ್ ಮನಸಾ ಪೂತಂ ಅಸಿ
ದೇವಸ್ ತ್ವಾ ಸವಿತೋತ್ ಪುನಾತು |
ಅಚ್ಛಿದ್ರೇಣ ಪವಿತ್ರೇಣ
ಸಹಸ್ರಧಾರೇಣ ಸುಪ್ವಾ || ೨೦,೪೫।೭

ಹೃದಾ ಪೂತಂ ಮನಸಾ ಜಾತವೇದೋ
ವಿಶ್ವಾನಿ ದೇವೋ ವಯುನಾನಿ ವಿದ್ವಾನ್ |
ಸಪ್ತಾಸ್ಯಾನಿ ತವ ಯಾನ್ಯ್ ಅಗ್ನೇ
ತೇಭ್ಯೋ ಜುಹೋಮಿ ಸ ಜುಷಸ್ವ ಹವ್ಯಂ || ೨೦,೪೫।೮

ಅಗ್ನಾವ್ ಅಗ್ನಿರ್ ಇತ್ಯ್ ಏಕಾ || ೨೦,೪೫।೯

ಯಸ್ ತೇ ಕೇಶಾಁ ಅವಾಚೀನಾನ್
ಕ್ರಿಮಿರ್ ವೃಹತಿ ಮೂರ್ಧತಃ |
ಪ್ರಾಣಂ ತಸ್ಯೋಪ ದಾಶಯಾದ್
ವೀರುತ್ ಖನತಿ ಭೇಷಜೀ || ೨೦,೪೫।೧೦

ವೇದ ವೈ ತೇ ಭಗ ನಾಮ
ಭೂರಿರ್ ನಾಮಾಸಿ ರಯಿರ್ ನಾಮ |
ತಂ ತ್ವಾ ಭಗ ಪ್ರ ವಿಶಾಮಿ
ಸ ಮಾ ಭಗ ಪ್ರ ವಿಶ |
ತಸ್ಮಿನ್ ಸಹಸ್ರಕಾಂಡೇನ
ಮೃಜೇ ಭಗ ತ್ವಯಿ || ೨೦,೪೫।೧೧
(೪೫)

ಆ ಮಾ ಗಚ್ಛಂತು ಬ್ರಹ್ಮಚಾರಿಣಃ ಸ್ವಾಹಾ || ೨೦,೪೬।೧

ಚರಾಣಿ ಸ್ವಾಹಾ || ೨೦,೪೬।೨

ವಿ ರಾಜಾನಿ ಸ್ವಾಹಾ || ೨೦,೪೬।೩

ಅಸಾನಿ ಭದ್ರೇಭ್ಯಃ ಶ್ರೇಯಾನ್ ಸ್ವಾಹಾ || ೨೦,೪೬।೪

ಯಶಸ್ವೀ ಜನುತಾಂ ಅನು ಚರಾಣಿ ಸ್ವಾಹಾ || ೨೦,೪೬।೫

ದೇವಾನಾಂ ಮಾ ಮನುಷ್ಯಾಣಾಂ
ಪಶೂನಾಂ ಬ್ರಹ್ಮಚಾರಿಣಾಂ || ೨೦,೪೬।೬

ಪ್ರಿಯಂ ಪ್ರಜಾಪತೇಃ ಕೃಣು ಸ್ವಾಹಾ || ೨೦,೪೬।೭

ಹಾ ಅಂಬ ಪನೇಚರಿ || ೨೦,೪೬।೮

ಅಯಂ ಮೇ ಹಸ್ತೋ ಅಕ್ಷಿತೋ ರುದತಿ
ತಂ ಉ ಮೇ ಅಗದಂ ಕೃಧಿ || ೨೦,೪೬।೯

ತ್ವಂ ಕ್ಷಿತ್ಸ್ಯ ಭೇಷಜ್ಯ್
ಉಭಯೋರ್ ಅಕ್ಷಿತಸ್ಯ ಚ || ೨೦,೪೬।೧೦

ಉದೇಲಡಿ || ೨೦,೪೬।೧೧

ಅಸುರ್ ಅಸಿ ಸ್ವಾಹಾ || ೨೦,೪೬।೧೨

ಕ್ರತುರ್ ಅಸಿ ಸ್ವಾಹಾ || ೨೦,೪೬।೧೩
(೪೬)

ಪುರುಷೋ ಽಸಿ ಸ್ವಾಹಾ || ೨೦,೪೭।೧

ವಿಜಾತಿರ್ ಅಸಿ ಸ್ವಾಹಾ || ೨೦,೪೭।೨

ಪ್ರಜಾತಿರ್ ಅಸಿ ಸ್ವಾಹಾ || ೨೦,೪೭।೩

ಸ್ವಜಾತಿರ್ ಅಸಿ ಸ್ವಾಹಾ || ೨೦,೪೭।೪

ಸ್ವಜಾತಿರ್ ನಾಮಾಸಿ ಸ್ವಾಹಾ || ೨೦,೪೭।೫

ವೇದ ವೈ ತೇ ನಾರದ ನಾಮ
ವಾಗ್ ನಾಮಾಸಿ
ತಸ್ಯ ತೇ ಯಶೋ ಭಕ್ಷೀಯ || ೨೦,೪೭।೬

ವೇದ ವೈ ತೇ ಸನಾತ್ ಕುಮಾರ ನಾಮ
ಚಕ್ಷುರ್ ನಾಮಾಸಿ
ತಸ್ಯ ತೇ ಮಧು ಭಕ್ಷೀಯ || ೨೦,೪೭।೭
(೪೭)

ಸ್ನುಷಾಸೌ ಸೇನಾಸ್ಯಾಃ ಸೇನಾಯಾ
ಇಹಾಸ್ಯಾಃ ಶ್ವಶುರೋಯಂ ಅಸ್ಯಾಃ ಶ್ವಶುರಃ |
ಸಾ ಯಥಾ ಸ್ನುಷಾ ಶ್ವಶುರಾದ್ ಅಧಸ್ಪದ್ಯತೇ
ಅಧರಾ ಪದ್ಯತೇ ನೀಚೀ ಪದ್ಯತೇ || ೨೦,೪೮।೧

ಏವಾಸೌ ಸೇನಾಸ್ಯಾಃ ಸೇನಾಯಾ
ಅಧಸ್ ಪದ್ಯತಾಂ ಅಧರಾ ಪದ್ಯತಾಂ ನೀಚೀ ಪದ್ಯತಾಂ |
ಸೇಂದ್ರಾಗ್ನಿಭ್ಯಾಂ ಹತವೀರಾಂ ಹತಪೂರುಷಾಂ
ಪರಾಜಿತಾಂ ಪ್ರಣುತ್ತೈತು ಪರಮಾಂ ಪರಾವತಂ || ೨೦,೪೮।೨

ತಾಂ ಇಂದ್ರಾಗ್ನೀ ಹತವೀರಾಂ ಹತಪೂರುಷಾಂ ಪರಾಜಿತಾಂ
ಪ್ರಣುತ್ತಾಂ ಯತೀಂ ಅನ್ವಾಕ್ಶೀತಾಂ |
ಪರಾಜಿತ ಏತ್ವ್ ಅಸಾವ್ ಆಮುಷ್ಯಾಯಣೋ ಅಮುಷ್ಯಾಃ ಪುತ್ರಃ || ೨೦,೪೮।೩

ಅಸ್ನಾ ವ್ಯಕ್ತ ಏತು |
ಅಘಂ ಹಿ ರಣ್ಯೇತ್ವ್ ಅಸಾವ್ ಆಮುಷ್ಯಾಯಣೋ ಅಮುಷ್ಯಾಃ ಪುತ್ರಃ || ೨೦,೪೮।೪

ಅಘಪ್ರತೀಕೋ ಅಘೇನೈನಂ ವಿಧ್ಯಾಮಃ |
ಅಭೂತ್ಯಾ ಏನಂ ಪಾಶೇ ಸಿತ್ವಾ
ದುಷ್ವಪ್ನ್ಯೇನ ಸಂ ಸೃಜ್ಯ
ಮೃತ್ಯೋರ್ ವ್ಯಾತ್ತ ಆಸನ್ನ್ ಅಪಿ ದಧಾಮಿ || ೨೦,೪೮।೫
(೪೮)

ಸೃಜಾಮ್ಯ್ ಆಪ ಉಶತೀರ್ ಉಪೇಮಾಃ
ಸಂರರಾಣಾಃ ಪಯಸಾ ಸಂ ಬಭೂವುಃ |
ದತ್ತೋ ಅಸ್ಮಭ್ಯಂ ದ್ರವಿಣೇಹ ಭದ್ರಾ
ಅಪಾಂ ಪ್ರತಿ ಪ್ರತಿ ಗೃಹ್ಣಾತ್ವ್ ಏನಾಃ || ೨೦,೪೯।೧

ಉಚ್ ಛ್ರಯಸ್ವ ಬಹುರ್ ಭವ
ಸ್ವೇನ ಮಹಸಾ ಯವ |
ಪೃಣೀಹಿ ಸರ್ವಾ ಪಾತ್ರಾಣಿ
ಮಾ ತ್ವಾ ದಿವ್ಯಾಶನಿರ್ ವಧೀತ್ || ೨೦,೪೯।೨

ಆಶೃಣ್ವಂತಂ ಯವಂ ದೇವಂ
ಯತ್ರ ತ್ವಾಚ್ಛಾವದಾಮಸಿ |
ತದ್ ಉಚ್ ಛ್ರಯಸ್ವ ದ್ಯೌರ್ ಇವ
ಸಮುದ್ರ ಇವೈಧ್ಯ್ ಅಕ್ಷಿತಃ || ೨೦,೪೯।೩

ಅಕ್ಷಿತಾಸ್ ತ ಉಪಸದೋ
ಅಕ್ಷಿತಾಃ ಸಂತು ರಾಶಯಃ |
ಪೃಣಂತೋ ಅಕ್ಷಿತಾಃ ಸಂತ್ವ್
ಅತ್ತಾರಃ ಸಂತ್ವ್ ಅಕ್ಷಿತಾಃ || ೨೦,೪೯।೪

ಸಕೃದ್ ಯದ್ ದ್ಯೌರ್ ಅಜಾಯತ
ಸಕೃದ್ ಭೂಮಿರ್ ಅಜಾಯತ |
ಸಕೃದ್ ಯಃ ಪೃಶ್ನಿಯಾ ದುಗ್ಧಂ
ತದ್ ಅನ್ಯೋ ನಾನು ಜಾಯತೇ
ಮಾ ತ್ವಾನು ಜನಿ ಕಶ್ ಚನ || ೨೦,೪೯।೫

ಇಷ್ವಗ್ರಂ ಇಷುಯಾವನಂ
ಮಣಿಂ ಕೃಣ್ವೇ ಸುಮಂಗಲಂ |
ಸ ಮಾ ಶರವ್ಯಾಭ್ಯಃ ಪಾತು
ದಿವಾನಕ್ತಂ ಚ ಜೀವಸೇ || ೨೦,೪೯।೬

ಪ್ರತಿಷ್ಠಿತೋ ಽಸಿ ಬ್ರಹ್ಮಣಾ
ಜಂಭಯಾಮಸಿ ತ್ವಾ ವಯಂ |
ಅಪಾಮಾರ್ಗೇಣ ವಿದ್ವಲಾ
ಇದಂ ತ್ವಾಪ ಮೃಜ್ಮಹೇ
ಯುವಂತಂ ಕ್ಷಿಪಂತಂ ಜಹಿ || ೨೦,೪೯।೭

ಶೀರ್ಣಂ ತ ಏತನ್ ನ ಕ್ಷುತಂ ತ ಏತತ್
ಸಂಕ್ಷುತಂ ದುಃಕ್ಷುತಂ ತುಭ್ಯಂ ಅಸ್ತು |
ರುದ್ರಾಶನಿಷ್ ಟೇ ಜಘನೇನ ಗ್ರೀವಾ
ಇಂದ್ರ ಇವ ವೃತ್ರಂ ವಜ್ರೇಣ ಹಂತು || ೨೦,೪೯।೮

ಅನುಹವಂ ಪರಿಹವಂ
ಪರಿವಾದಂ ಪರಿಕ್ಷವಂ |
ಸವ್ಯೇರ್ಮಂ ರಿಕ್ತಕುಂಭಾಂ
ಪರಾ ತಾಂ ಸವಿತಃ ಸುವ || ೨೦,೪೯।೯

ಅಪಪಾಪಂ ಪರಿಕ್ಷವಂ
ಪುಣ್ಯಂ ಭಕ್ಷೀಮಹಿ ಕ್ಷವಂ |
ಶಿವಾ ತೇ ಪಾಪನಾಸಿಕಾಂ
ಪರ್ಣಕಶ್ ಚಾಭಿ ಮೇಹತಾಂ || ೨೦,೪೯।೧೦
(೪೯)

ಅಭಿ ತ್ವಾ ಪಂಚಶಾಖೇನ
ಹಸ್ತೇನಾಧಾಂ ಸಹೀಯಸಾ |
ಯಥಾ ನ ವಿದ್ವಿಷಾವಹೈ
ನ ವಿಭವಾವ ಕದಾ ಚನ || ೨೦,೫೦।೧

ಚಾಕ್ರವಾಕಂ ಸಂವನನಂ
ಅಸ್ಯಸ್ಯ ಸ್ವಂಕರಂ |
ಅಮುಂ ಸ್ವಂ ಕೃಣೋತು ಮೇ
ಯಂ ಅಹಂ ಕಾಮಯೇ ಪ್ರಿಯಂ || ೨೦,೫೦।೨

ಯತ್ ಕಕ್ಷೀವಾಂ ಸಂವನನಂ
ಚ್ಯವನಶ್ ಚಕ್ರ ಆಸುರಃ |
ತದ್ ವಾಂ ಕೃಣೋಮಿ ದಂಪತೀ
ಸಂ ಪ್ರಿಯೌ ಭವತಂ ಯುವಂ || ೨೦,೫೦।೩

ಯಥಾ ಸಂಯುಕ್ತೌ ಪಕ್ಷಿಣೌ
ಸಂಪ್ರಿಯೌ ಚರತೋ ಮೃಗೌ |
ಏವಾ ಸಂಯುಕ್ತೌ ಬ್ರಹ್ಮಣಾ
ಸಂಪ್ರಿಯೌ ಭವತಂ ಯುವಂ || ೨೦,೫೦।೪

ಪ್ರೇಹಿ ಪ್ರ ಹರ ಪಾದಾವ್
ಆ ಗೃಹೇಭ್ಯಃ ಸ್ವಸ್ತಯೇ |
ಕಪಿಂಜಲ ಪ್ರದಕ್ಷಿಣಂ
ಶತಪತ್ರಾಭಿ ನೋ ವದ || ೨೦,೫೦।೫

ಭದ್ರಂ ವದ ದಕ್ಷಿಣತೋ
ಭದ್ರಂ ಉತ್ತರತೋ ವದ |
ಭದ್ರಂ ಪುರಸ್ತಾನ್ ನೋ ವದ
ಭದ್ರಂ ಪಶ್ಚಾತ್ ಕಪಿಂಜಲ || ೨೦,೫೦।೬

ಶುನಂ ವದ ದಕ್ಷಿಣತಃ
ಶುನಂ ಉತ್ತರತೋ ವದ |
ಶುನಂ ಪುರಸ್ತಾನ್ ನೋ ವದ
ಶುನಂ ಪಶ್ಚಾತ್ ಕಪಿಂಜಲ || ೨೦,೫೦।೭

ಯೌವನಾನಿ ಮಹಯಸಿ
ಜಿಗ್ಯುಷಾಂ ಇವ ದುಂದುಭಿಃ |
ಕಪಿಂಜಲ ಪ್ರದಕ್ಷಿಣಂ
ಶತಪತ್ರಾಭಿ ನೋ ವದ || ೨೦,೫೦।೮
(೫೦)

ಅನುವಾಕ ೮ ||

ಉತ್ ತಭ್ನಾಮಿ ಗವಾಂ ಕ್ಷೀರಂ
ಉದ್ ರಥಂ ರಥವಾಹನಂ |
ಉತ್ ತಬ್ಧಾ ಅಸ್ಮಾಕಂ ವೀರಾ
ಮಯಿ ಗಾವಶ್ ಚ ಗೋಪತೌ || ೨೦,೫೧।೧

ಉತ್ ತ್ವಾ ಸ್ತಭ್ನಾತು ಸವಿತಾ ದೇವೋ ಅಗ್ನಿರ್
ಉನ್ ಮಿತ್ರಾವರುಣಾವ್ ಅಶ್ವಿನೋಭಾ |
ಸರ್ವಾನ್ ಸಪತ್ನಾನ್ ಅವಧೀರ್ ಯುಗೇನ
ವಿಶಾಂ ಪತಿರ್ ಉಪಸತ್ತೈಧ್ಯ್ ಅತ್ರ || ೨೦,೫೧।೨

ತ್ವಂ ಹಿ ರುದ್ರ ವಶಿನೀ ನಿರ್ನಿಷೇ
ತ್ವಂ ದೇವೇಷೂತ ಮಾನುಷೇಷು |
ಯದ್ ಈಶಾನೋ ನಯಸಿ ಯಚ್ ಚ ಹಂಸ್ಯ್
ಅಸ್ಮಾಕಂ ಅಸ್ತು ಪಿತೃಷು ಸ್ವಧಾವತ್ || ೨೦,೫೧।೩

ವಾಯವ್ ಆ ರುಂಧಿ ನೋ ಮೃಗಾನ್
ಅಸ್ಮಭ್ಯಂ ಮೃಗಯದ್ಭ್ಯಃ |
ಸ ನೋ ನೇದಿಷ್ಠಂ ಆ ಕೃಧಿ
ವಾತೋ ಹಿ ರಶನಾಕೃತಃ || ೨೦,೫೧।೪

ಉದ್ ಅಸುರ್ಯ ಉದ್ ಉ ಯಕೃತ್
ಸ್ಥಾಮ ಗಚ್ಛತು ತೇ ಪುನಃ |
ಯತೋ ನಿಲಯತೇ ಯಕೃತ್
ತತ್ ಪ್ರಸ್ತಂಭಂ ಆಜತು |
ಮೇಮಂ ಪೃಥುಪ್ರವರ್ತನೇ
ಜಘನಸ್ತಂಭಿನಂ ಕರಃ || ೨೦,೫೧।೫

ಯಾ ಪಾರ್ಶ್ವೇ ಸಂತನೋತಿ
ಹೃದಯಂ ಜಿಹ್ವಯಾ ಸಹ |
ತಾಂ ತ್ವಂ ದೇವಿ ಪೃಥಿವಿ
ಹಿಕ್ಕಾಂ ಅರಸಾಂ ಕೃಧಿ || ೨೦,೫೧।೬

ಅನುಸೃಪ್ತಾಂ ಇತ್ಯ್ ಏಕಾ || ೨೦,೫೧।೭

ಪ್ರ ಪತಾತ ಇತಿ ದ್ವೇ || ೨೦,೫೧।೮

೨೦,೫೧।೯

ಅಹರಹರ್ ಬಲಿಂ ಇತ್ಯೇ ಹರಂತೋ
ಽಶ್ವಾಯೇವ ತಿಷ್ಠತೇ ಘಾಸಂ ಅಗ್ನೇ |
ರಾಯಷ್ಪೋಷೇಣ ಸಂ ಇಷಾ ಮದಂತೋ
ಽಗ್ನೇ ಮಾ ತೇ ಪ್ರತಿವೇಶಾ ರಿಷಾಮ || ೨೦,೫೧।೧೦
(೫೧)

ರಾತ್ರಿಂರಾತ್ರಿಂ ಅಪ್ರಯಾಮಂ ಭರಂತೋ
ಽಶ್ವಾಯೇವ ತಿಷ್ಠತೇ ಘಾಸಂ ಅಸ್ಮೈ |
ರಾಯಸ್ಪೋಷೇಣ ಸಂ ಇಷಾ ಮದಂತೋ
ಮಾ ತೇ ಅಗ್ನೇ ಪ್ರತಿವೇಶಾ ರಿಷಾಮ || ೨೦,೫೨।೧

ಆಗ್ನ ಆಯೂಂಷಿ ಪವಸ್ವಾ
ಸುವೋರ್ಜಂ ಇಷಂ ಚ ನಃ |
ಆರೇ ಬಾಧಸ್ವ ದುಚ್ಛುನಾಂ || ೨೦,೫೨।೨

ತ್ರೀಣ್ಯ್ ಆಯೂಂಷಿ ತವ ಜಾತವೇದಸ್
ತಿಸ್ರೋ ವ್ಯುಷ್ಟೀರ್ ಉಷಸಸ್ ತೇ ಅಗ್ನೇ |
ತಿಸ್ರಸ್ ತೇ ತನ್ವೋ ದೇವಸಂಶಿತಾಸ್
ತಾಭಿರ್ ನಃ ಪಾಹಿ ಸದಂ ಅಪ್ರಮಾದಂ || ೨೦,೫೨।೩

ಪಾಹಿ ನೋ ಅಗ್ನ ಏಕಯಾ
ಪಾಹಿ ನ ಉತ ದ್ವಿತೀಯಯಾ |
ಪಾಹಿ ಗೀರ್ಭಿಸ್ ತಿಸೃಭಿರ್ ಊರ್ಜಾಂಪತೇ
ಪಾಹಿ ಚತಸೃಭಿರ್ ವಸೋ || ೨೦,೫೨।೪

ಸಮೀಚೀ ಮಾಹನೀ ಪಾತಾಂ
ಆಯುಷ್ಮತ್ಯಾ ಋಚೋ ಮಾ ಛಿತ್ಸಿ |
ತನೂಪಾತ್ ಸಾಮ್ನೋ
ವಸುವಿದಂ ಲೋಕಂ ಅನು ಚರಾಣಿ || ೨೦,೫೨।೫

ಯ ಋತೇ ಚಿದ್ ಇತ್ಯ್ ಏಕಾ || ೨೦,೫೨।೬

ಭಗೇಹ್ಯ್ ಅರ್ವಾಙ್ ಉಪ ಮಾಂ ಇಹ ತ್ವಂ
ಮದೋ ನಾಮಾಸಿ ಮಯಿ ಮಾದಯಾಮುಂ |
ಸುರಾ ತ ಏಕಂ ಅಭವಜ್ ಜನಿತ್ರಂ
ಅಗ್ನೇರ್ ಅಧಿ ಜಾತೋ ಽಸಿ ಬ್ರಹ್ಮಣಾ ತೇಜಸಾ ಚ || ೨೦,೫೨।೭

ಸಹಾನಯಾ ಪ್ರವಿಶೇಹಾಂತರಾ ಮಾಂ |
ವಿಶಂತ್ಯ್ ಏಹಿ ಪ್ರವಿಶಂತ್ಯ್ ಏಹ್ಯ್
ಆ ಮಾ ವಿಶ ಪ್ರ ಮಾ ವಿಶ್-
-ಓಪ ತ್ವಾ ಹ್ವಯ ಉಪ ಮಾ ಹ್ವಯಸ್ವ |
ನರಿಷ್ಟಾ ನಾಮ ವಾ ಅಸಿ || ೨೦,೫೨।೮

ಯಥಾಪಃ ಪ್ರವತಾ ಯಂತಿ
ಯಥಾ ಮಾಸಾ ಅಹರ್ಜರಂ |
ಏವಾ ಮಾ ಬ್ರಹ್ಮಚಾರಿಣೋ
ಧಾತರ್ ಆ ಯಂತು ಸರ್ವದಾ || ೨೦,೫೨।೯

ಆ ಗಂತ ಮಾ ರಿಷಣ್ಯತ
ಪ್ರಸ್ತೋತಾರೋ ಮಾಪ ಸ್ಥಾತ ಸುಮನ್ಯವಃ |
ದೃಢಾಸೋ ಅಮರಿಷ್ಣವೋ ಮಾವಪಿಷ್ಯವಃ || ೨೦,೫೨।೧೦
(೫೨)

ಧಾತಾ ತೇ ಹಸ್ತಂ ಅಗ್ರಹೀತ್
ಸವಿತಾ ಹಸ್ತಂ ಅಗ್ರಹೀತ್ |
ಮಿತ್ರಸ್ ತ್ವಂ ಅಸಿ ಧರ್ಮಣ್-
-ಅಗ್ನಿರ್ ಆಚಾರ್ಯಸ್ ತವ || ೨೦,೫೩।೧

ಅಗ್ನೇರ್ ಬ್ರಹ್ಮಚಾರ್ಯ್ ಅಸಿ
ಮಮ ಬ್ರಹ್ಮಚಾರ್ಯ್ ಅಸಿ |
ಪ್ರಜಾಪತಿಷ್ ಟ್ವಾ ಗೋಪಾಯತು
ದೇವಾಯ ತ್ವಾ ಸವಿತ್ರೇ ಪರಿ ದದಾಮಿ
ಸ್ವಸ್ತಿ ಚರತಾದ್ ಇಹಾಸೌ || ೨೦,೫೩।೨

ವಿಶ್ವಂ ಅಸಿ ವಿಶ್ವಪತೇ
ಸರ್ವಂ ಅಸಿ ಸರ್ವಪತೇ |
ತಂ ತ್ವಾಸೌ ದೇವಾಯ ತ್ವಾ ಸವಿತ್ರೇ ಪರಿ ದದಾಮಿ
ಸ್ವಸ್ತಿ ಚರತಾನ್ ಮಯಿ || ೨೦,೫೩।೩

ಸಮಾವವರ್ತ್ತಿ ವಿಷ್ಠಿತೋ ಜಿಗೀಷುರ್
ವಿಶ್ವೇಷಾಂ ಕಾಮಶ್ ಚರತಾಂ ಇಹಾಸ್ತು |
ವಿಶ್ವಾ ದ್ವೇಷಾಂಸಿ ದುರಿತಾ ಹಿತ್ವ್-
-ಆ ಯಂತ್ವ್ ಅನುವ್ರತಾ ಸವಿತುರ್ ದೈವ್ಯಸ್ಯ || ೨೦,೫೩।೪

ಆ ನೋ ಹಸ್ತೋ ಅಕೃತಾಗಾತ್ ಸ್ವರ್ಗಃ
ಪುನರ್ ಐತು ತನ್ವಾ ಸಂವಿದಾನಃ |
ಪ್ರಾಣೇನ ತೇಜಸಾ ಹರಸಾ ಬಲೇನ
ಮಿತ್ರೋ ಅಸ್ಮಾನ್ ವರುಣ ಉಭಯತಸ್ ಪಾತು || ೨೦,೫೩।೫

ಯತ್ ಕಾಮ ಕಾಮಯಮಾನಾ
ಇದಂ ಕೃಣ್ಮಸಿ ತೇ ಹವಿಃ |
ತನ್ ನಃ ಸರ್ವಂ ಸಂ ಋಧ್ಯತಾಂ
ಅಥೈತಸ್ಯ ಹವಿಷೋ ವೀಹಿ ಸ್ವಾಹಾ || ೨೦,೫೩।೬

ಯದ್ ವರ್ಚೋ ದ್ಯಾವಾಪೃಥಿವ್ಯೋರ್
ಅಥೋ ಯದ್ ಆಂಜನ ತ್ವಯಿ |
ತೇನ ಸುಚಕ್ಷಾ ವರ್ಚಸ್ಯ್
ಅಹಂ ಭೂಯಾಸಂ ಆಂಜನ || ೨೦,೫೩।೭

ಯದ್ಯ್ ಅಸ್ಪೃಷಿ ಶ್ಲಿಷ್ಟಂ
ಯದಿ ವಾ ಸ್ವಪ್ನಯಾನುಶ್ಲಿಷ್ಟಂ |
ಆಶ್ಲಿಷ್ಟಾವಚ್ಛೇದನಂ
ಅಸ್ಯ್ ಅಭಿದೃಷ್ಟವೀರ್ಯಂ || ೨೦,೫೩।೮

ಅವ ವಾರ್ ಇವ ವಾರಿವಾ
ಅವ ವರ್ಷಂ ಗಿರೇರ್ ಇವ |
ಅವ ಜ್ಯಾಂ ಇವ ಧನ್ವನೋ
ಹೃದಿ ಶ್ಲಿಷ್ಟಂ ಛಿನದ್ಮಿ ತೇ || ೨೦,೫೩।೯

ಯತ್ ತೇ ಹೃದಿ ಶ್ಲಿಷ್ಟಂ
ಯಚ್ ಚ ಶ್ಲಿಷ್ಟಂ ಪುರೀತತಿ |
ಮಧ್ಯೇ ಪೃಷ್ಟೀನಾಂ ಯಚ್ ಛ್ಲಿಷ್ಟಂ
ತತ್ ಪಾರ್ಷ್ಣ್ಯಾವ ಛಿನದ್ಮಿ ತೇ || ೨೦,೫೩।೧೦
(೫೩)

ಯತ್ ತೇ ಶ್ಲಿಷ್ಟಂ ಕ್ಲೋಮ ಕರ್ಣೇಷು
ಯಚ್ ಚ ಶಿಶ್ನೇ ಸನಾಭ್ಯಾಂ |
ಇಂದ್ರಸ್ ತದ್ ಅಬ್ರವೀದ್ ಭಿಷಕ್
ಪಾರ್ಷ್ಣಿರ್ ಆಶ್ಲಿಷ್ಟಾವಚ್ಛೇದನೀ || ೨೦,೫೪।೧

ಏಷಾ ವೈ ದುಃಸಹಾ ನಾಮ
ಪಾರ್ಷ್ಣಿರ್ ಆಶ್ಲಿಷ್ಟಾವಚ್ಛೇದನೀ |
ಇದಂ ಅಹಂ ಅಮುಷ್ಯಾಮುಷ್ಯಾಯಣಸ್ಯಾಮುಷ್ಯಾಃ ಪುತ್ರಸ್ಯಾಶ್ಲಿಷ್ಟಾಂ ಪ್ರ ಚ್ಛಿನದ್ಮಿ || ೨೦,೫೪।೨

ವಿಪಶ್ಚಿತ್ ಪುಚ್ಛಂ ಆಭರತ್
ತದ್ ವಿಷ್ಣುಃ ಪುನರ್ ಆಭರತ್ |
ತದ್ ಅಗ್ನಿನಾ ಮನಸಾ ಸಂವಿದಾನಂ
ಪುಮಾಂಸಂ ಅಸ್ಯೈ ಪುತ್ರಂ ಧೇಹಿ ಸ್ವಾಹಾ || ೨೦,೫೪।೩

ವಿಪಶ್ಚಿತ್ ಪುಚ್ಛಂ ಆ ಭರ
ಯರ್ಜ್ಜರಹಸ್ತಾ ಚಿತ್ತ್ಯಾ |
ಯಥಾಸ್ಯಾಃ ಪುತ್ರೋ ಜಾಯತಾ
ಅಭಿಭೂರ್ ಣೋ ವಿಪಶ್ಚಿತಾ || ೨೦,೫೪।೪

ಅಪೇಹೀತೋ ವಿಪಶ್ಚಿತ್ ತ್ವಂ
ಪುಮಾನ್ ಅಯಂ ಜನಿಷ್ಯತೇ |
ಪುಮಾನ್ ಪುಂಸೋ ಅಧಿ ಸಂಭೂತಃ
ಸ ಪುಮಾನ್ ಏವ ಜಾಯತಾಂ || ೨೦,೫೪।೫

ಭದ್ರಾಯ ಕರ್ಣಃ ಕ್ರೋಶತು
ಭದ್ರಾಯಾಕ್ಷಿ ವಿ ವೇಪತಾಂ |
ಪರಾ ದುಷ್ವಪ್ನ್ಯಂ ಸುವ
ಯದ್ ಭದ್ರಂ ತನ್ ನ ಆ ಸುವ || ೨೦,೫೪।೬

ಅಕ್ಷಿವೇಪಂ ದುಷ್ವಪ್ನ್ಯಂ
ಆರ್ತಿಂ ಪುರುಷರೇಷಿಣೀಂ |
ತದ್ ಅಸ್ಮದ್ ಅಶ್ವಿನಾ ಯುವಂ
ಅಪ್ರಿಯೇ ಪ್ರತಿ ಮುಂಚತಂ || ೨೦,೫೪।೭

ಯತ್ ಪಾರ್ಶ್ವಾದ್ ಉರಸೋ ಮೇ
ಅಂಗಾದಂಗಾದ್ ಅವವೇಪತೇ |
ಅಶ್ವಿನಾ ಪುಷ್ಕರಸ್ರಜಾ
ತಸ್ಮಾನ್ ನಃ ಪಾತಂ ಅಂಹಸಃ || ೨೦,೫೪।೮

ಯದೀದ್ ಅಮೃತಕಾಮ್ಯಾಘಂ
( ) ರಿಪ್ರಂ ಉಪೇಯಿಮ |
ಅಂಧಶ್ರೋಣ ಇವ ಹೀಯತಾಂ
ಮಾ ನೋ ನ್ವ್ ಆಗಾದ್ ಅಘಂ ಯತಃ || ೨೦,೫೪।೯

ಅರಿಪ್ರಾ ಆಪೋ ಅಪ ರಿಪ್ರಂ ಅಸ್ಮತ್ |
ಯೋ ಽಸ್ಮಾನ್ ದ್ವೇಷ್ಟಿ ಯಂ ವಯಂ ದ್ವಿಷ್ಮಸ್
ತಸ್ಮಿನ್ ದುಷ್ವಪ್ನ್ಯಂ ಆ ಸೃಜಾಮಿ || ೨೦,೫೪।೧೦

ಪಯೋ ಮೇ ಕ್ಲೋಮ ಕರ್ಣೇಷು
ಪಯೋ ಮೇ ವೀರುಧೋ ದಧನ್ |
ಪಯೋ ಮೇ ಸೃಷ್ಟಾ ದೇವೇಷು
ಪಯೋ ಮೇ ದಧತ್ || ೨೦,೫೪।೧೦೧
(೫೪)

ಅದರ್ಶಿ ಗಾತುವಿತ್ತಮೋ
ಯಸ್ಮಿನ್ ವ್ರತಾನ್ಯ್ ಆದಧುಃ |
ಉಪೋ ಷು ಜಾತಂ ಆರ್ಯಸ್ಯ ವರ್ಧನಂ
ಸೋಮಂ ಗಚ್ಛಂತು ನೋ ಗಿರಃ || ೨೦,೫೫।೧

ಪ್ರ ದೈವೋದಾಸೋ ಅಗ್ನಿರ್
ದೇವಾಁ ಅಚ್ಛಾ ನ ಮಜ್ಮನಾ |
ಅನು ಮಾತರಂ ಪೃಥಿವೀಂ ವಿ ವಾವೃತೇ
ತಸ್ಥೌ ನಾಕಸ್ಯ ಸಾನವಿ || ೨೦,೫೫।೨

ಯಸ್ಮಾದ್ ರೇಜಂತಿ ಕೃಷ್ಟಯಶ್
ಚರ್ಕೃತ್ಯಾನಿ ಕೃಣ್ವತಃ |
ಸಹಸ್ರಸಾ ಮೇಧಸಾತಾವ್ ಇವ ತ್ಮನ್-
-ಆಗ್ನಿಂ ಧೀಭಿರ್ ದುವಸ್ಯತ || ೨೦,೫೫।೩

ಆ ಪ್ಯಾಯಸ್ವ ಸಂ ಏತು ತೇ
ವಿಶ್ವತಃ ಸೋಮ ವೃಷ್ಣ್ಯಂ |
ಭವಾ ವಾಜಸ್ಯ ಸಂಗಥೇ || ೨೦,೫೫।೪

ಆ ಪ್ಯಾಯಸ್ವ ಮದಿಂತಮ
ಸೋಮ ವಿಶ್ವೇಭಿರ್ ಅಂಶುಭಿಃ |
ಭವಾ ನಃ ಸುಮ್ನಯುಃ ಸಖಾ ವೃಧೇ || ೨೦,೫೫।೫

ಸಂ ತೇ ಪಯಾಂಸಿ ಸಂ ಉ ಯಂತು ವಜಾಃ
ಸಂ ವೃಷ್ಣ್ಯಾನ್ಯ್ ಅಭಿಮಾತಿಷಾಹಃ |
ಆಪ್ಯಾಯಮಾನೋ ಅಮೃತಾಯ ಸೋಮ
ದಿವಿ ಶ್ರವಾಂಸ್ಯ್ ಉತ್ತಮಾನಿ ಧಿಷ್ವ || ೨೦,೫೫।೬

ವಿದ್ಮ ತ್ವಾ ವಯಂ ಸೋಮಂ
ರಾಜಾನಂ ಯೇ ತ್ವಾ ನ ವಿದುಃ |
ತೇಷಾಂ ಚಕ್ಷುಷಾ ಶ್ರೋತ್ರೇಣ
ಪ್ರಾಣೇನ ಪ್ರಜಯಾ ಪಶುಭಿರ್ ಗೃಹೈರ್ ಧನೇನಾ ಪ್ಯಾಯಸ್ವ |
ಏಷಾ ತ ಓಷಧೀಸ್
ತಯಾ ತ್ವಂ ಆ ಪ್ಯಾಯಸ್ವ || ೨೦,೫೫।೭

ಆಪೀನೋ ಅಸ್ಮಾನ್ ಆಪ್ಯಾಯಚ್
ಚಕ್ಷುಷಾ ಶ್ರೋತ್ರೇಣ ಪ್ರಾಣೇನ ಪ್ರಜಯಾ ಪಶುಭಿರ್ ಗೃಹೈರ್ ಧನೇನ || ೨೦,೫೫।೮

ಯದ್ ವೇದ ರಾಜಾ ವರುಣೋ
ವೇದ ದೇವೋ ಬೃಹಸ್ಪತಿಃ |
ಇಂದ್ರೋ ಯದ್ ವೃತ್ರಹಾ ವೇದ
ತತ್ ಸತ್ಯಂ ಚಿತ್ತಮೋಹನಂ || ೨೦,೫೫।೯

ಶರ್ವೇಣ ನೀಲಶಿಖಂಡೇನ
ಭವೇನ ಮರುತಾಂ ಪಿತ್ರಾ |
ವಿರೂಪಾಕ್ಷೇಣ ಬಭ್ರುಣಾ
ವಾಚಂ ವದಿಷ್ಯತೋ ಹತಾಃ || ೨೦,೫೫।೧೦
(೫೫)

ಏತದ್ ಯದ್ ಅನ್ಯತ್ರ ಜಿಗಾಂಸಥ
ಯದ್ ಅನ್ಯತ್ರ ವಿವೀಷಥ |
ತದ್ ವಶ್ ಚಿತ್ತಂ ಅಮೂಮುಹಂ
ತದ್ ವಶ್ ಚಿತ್ತಂ ಅನೀನಶಂ || ೨೦,೫೬।೧

ಅಸ್ತಿ ವೈ ಪಥಾಂ ನಿಷ್ಕುಟಂ
ನದೀನಾಂ ಚ ನಿರಂಕಶಂ |
ತೇನ ವಶ್ ಚಿತ್ತಂ ಅಮೂಮುಹಂ
ತೇನ ವಶ್ ಚಿತ್ತಂ ಅನೀನಶಂ || ೨೦,೫೬।೨

ಯಾನಿ ವಃ ಸಪ್ತ ಚೇತಾಂಸ್ಯ್
ಅಷ್ಟೌ ಯಾನಿ ಮನಾಂಸಿ ಚ |
ತದ್ ವಶ್ ಚಿತ್ತಂ ಅಮೂಮುಹಂ
ತದ್ ವಶ್ ಚಿತ್ತಂ ಅನೀನಶಂ || ೨೦,೫೬।೩

ಇಂದ್ರೇಣ ಮೇದಿನಾ ಯುಜ್-
-ಆಗ್ನಿನಾ ಜಾತವೇದಸಾ |
ತೇನ ವಶ್ ಚಿತ್ತಂ ಅಮೂಮುಹಂ
ತೇನ ವಶ್ ಚಿತ್ತಂ ಅನೀನಶಂ || ೨೦,೫೬।೪

ಪ್ರತೀಚೀನಾಂ ವೋ ಅಭ್ಯ್ ಅಧಾಂ
ಅಶ್ವಂ ಇವಾಶ್ವಾಭಿಧಾನ್ಯಾ |
ಕೃಣ್ವೇ ವೋ ಮಾಮಕೇ ವಶೇ
ಪದೋರ್ ಉಪಾನಹೌ ಯಥಾ || ೨೦,೫೬।೫

ದೇವಾನಾಂ ಸಂಸದ್ ಅಸಿ
ದೇವಾನಾಂ ಯಾತುರ್ ಅಸಿ |
ಯಯಾ ತನ್ವಾ ಬ್ರಹ್ಮ ಜಿನ್ವಸಿ
ತಯಾ ಮಾ ಜಿನ್ವ || ೨೦,೫೬।೬

ರೋಚೇ ಮಾ ಪ್ರಕಾಶೇ ಮಾ
ಕಣ್ವಾ ವಿದನ್ ಮಾ ಗಮಯ |
ಅನು ಮಾ ಬುಧ್ಯಂತಾಂ || ೨೦,೫೬।೭

ವಯಃ ಸುಪರ್ಣಾ ಉಪ ಸೇದುರ್ ಇಂದ್ರಂ
ಪ್ರಿಯಮೇಧಾ ಋಷಯೋ ನಾಧಮಾನಾಃ |
ಅಪ ಧ್ವಾಂತಂ ಊರ್ಣುಹಿ ಪೂರ್ಧಿ ಚಕ್ಷುರ್
ಮುಮುಗ್ಧ್ಯ್ ಅಸ್ಮಾನ್ ನಿಧಯೇವ ಬದ್ಧಾನ್ || ೨೦,೫೬।೮

ಅಪ್ಸು ಜಾತಸ್ಯ ಮಹತಸ್ ಪರ್ಯ್ ಅಶ್ಮನಃ |
ಸ್ವಯಂಜಾತಸ್ಯ ಶೋಚಿಷೋ
ಽದ್ಭಿಃ ಪರ್ವತ ನಾಶಯ || ೨೦,೫೬।೯

ಉತ್ತೋದಿನೀಂ ಶಿಮಿದ್ವತೀ
ದುರ್ಗಯೋನಿರ್ ವ್ಯದ್ವರಾಂ |
ಮೃಗಾಁ ಅನು ಪ್ರ ಪಾತಯ
ಮರೀಚೀರ್ ಅನು ನಾಶಯ || ೨೦,೫೬।೧೦

ಅಶ್ವಸ್ಯಾಸ್ನಃ ಸಂಪತಿತಾ
ಪರ್ಣೇ ತೇ ವಸತಿಷ್ ಕೃತಾ |
ಅಸೃಕ್ ಪತತ್ರಿಣಾಂ ಅಸಿ
ಜಹಿ ವಾಮೂನ್ ಪ್ರ ಬಾಧಮ || ೨೦,೫೬।೧೧

ಅಸೃಕ್ತೋ ಅಧಿ ಜಾತೋ ಽಸಿ
ಪರ್ಣೇ ತೇ ಸದನಂ ಕೃತಂ |
ಆಂಡಂ ಪತತ್ರಿಣಾಂ ಅಸಿ
ಜಹಿ ವಾಮೂನ್ ಪ್ರ ಬಾಧಮ || ೨೦,೫೬।೧೨

ಯಥಾ ಗರ್ದಭೋ ವಿವರ್ತನಾದ್
ವಿಧೂಯ ವಿಪಲಾಯತೇ |
ಏವಾಸೌ ಪಲಾಯತಾಂ
ಅಮುಷ್ಮಾದ್ ಅಧ್ಯ್ ಆಯತಃ || ೨೦,೫೬।೧೩
(೫೬)

ಸನಿರ್ ಅಸಿ ಸನಿತಾಸಿ ಸನೇಯಂ || ೨೦,೫೭।೧

ಕೃತಿರ್ ಅಸಿ ಕರ್ತಾಸಿ ಕ್ರಿಯಾಸಂ || ೨೦,೫೭।೨

ವಿತ್ತಿರ್ ಅಸಿ ವೇತ್ತಾಸಿ ವಿದೇಯಂ || ೨೦,೫೭।೩

ಭೂತಿರ್ ಅಸಿ ಭೂತಾಸಿ ಭೂಯಾಸಂ || ೨೦,೫೭।೪

ಭೂರ್ ಅಸಿ ಸುಭೂರ್ ಅಸಿ ಸುಭೂರ್ ನಾಮಾಸಿ || ೨೦,೫೭।೫

ಪ್ರಜಾಪತೇರ್ ಮಧ್ಯಮಃ ಶ್ರೇಷ್ಠೋ ರಶ್ಮಿರ್ ಅಸಿ || ೨೦,೫೭।೬

ಭೂತಯೇ ತ್ವಾ ವಿತ್ತಯೇ ತ್ವಾ ಪಶೂನಾಂ ತ್ವಾ ವಿತ್ತಯ ಆ ದಧಾಮಿ || ೨೦,೫೭।೭

ಅಗ್ನಿರ್ ವಹ್ನಿರ್ ವಹ್ನಿರ್ ಅಗ್ನಿಃ || ೨೦,೫೭।೮

ಇಂದ್ರ ಆರೋದ್ಧಾ ಪ್ರಜಾಪತಿಃ ಪ್ರದಾತಾ || ೨೦,೫೭।೯

ಬೃಹಸ್ಪತೇಸ್ ತ್ವಾ ಮುಖೇನ ಯಾಚಾಮಿ
ಸೂರ್ಯಸ್ಯ ತ್ವಾ ಚಕ್ಷುಷಾ ಪ್ರತೀಕ್ಷೇ
ಅದಬ್ಧೇನ ತ್ವಾ ಚಕ್ಷುಷಾವೇಕ್ಷೇ || ೨೦,೫೭।೧೦

ಅಯುತೋ ಽಹಂ ಅಯುತೋ ಮ ಆತ್ಮಾ
ಅಯುತಂ ಮೇ ಚಕ್ಷುರ್ ಅಯುತಂ ಮೇ ಶ್ರೋತ್ರಂ
ಅಯುತೋ ಮೇ ಪ್ರಾಣೋ ಅಯುತೋ ಮೇ ಽಪಾನೋ ಅಯುತೋ ಽಹಂ ಸರ್ವಃ || ೨೦,೫೭।೧೧

ದೇವಸ್ಯ ತ್ವಾ ಸವಿತುಃ ಪ್ರಸವೇ ಽಶ್ವಿನೋರ್ ಬಾಹುಭ್ಯಾಂ ಪೂಷ್ಣೋ ಹಸ್ತಾಭ್ಯಾಂ ಪ್ರಸೂತ ಆ ರಭೇ || ೨೦,೫೭।೧೨

ಅಗ್ನೇಷ್ ಟ್ವಾಸ್ಯೇನ ಪ್ರಾಶ್ನಾಮಿ ಬೃಹಸ್ಪತೇರ್ ಮುಖೇನ || ೨೦,೫೭।೧೩

ಇಂದ್ರಸ್ಯ ತ್ವಾ ಜಠರೇ ಸಾದಯಾಮಿ ವರುಣಸ್ಯೋದರೇ || ೨೦,೫೭।೧೪

ಯೋ ಅಗ್ನಿರ್ ನೃಮಣಾ ನಾಮ ಬ್ರಾಹ್ಮಣೇಷು ಪ್ರವಿಷ್ಟಃ || ೨೦,೫೭।೧೫

ತಸ್ಮಿನ್ನ್ ಏತತ್ ಸುಹುತಂ ಅಸ್ತು ಪ್ರಾಶಿತಂ
ತನ್ ಮಾ ಮಾ ಹಿಂಸೀಃ ಪರಮೇ ವ್ಯೋಮನ್ || ೨೦,೫೭।೧೬
(೫೭)

ಅನುವಾಕ ೯ ||

ವೇದ ವೈ ತೇ ತಕ್ಮನ್ ನಾಮ
ವಿಶ್ವಸೋ ನಾಮ ವಾ ಅಸಿ |
ಅಸಮರಥೋ ನಾಮ ತೇ ಪಿತಾ
ಹಾರ್ಷೀ ನಾಮ ತಕ್ಮನ್ ತೇ ಮಾತಾ
ಶಿಮಿದಾ ನಾಮ ತೇ ಸ್ವಸಾ || ೨೦,೫೮।೧

ಗಿರಿಂ ಗಚ್ಛೇತಿ ಸಾಪ್ತಮಿಕೀ || ೨೦,೫೮।೨

ಅಸುರಾಸ್ ತ್ವೋದ್ ಅವ ಭರನ್
ಸಮುದ್ರಾದ್ ಅಧಿ ಮಾಯಯಾ |
ತದ್ ಆಸ್ರಾವಸ್ಯ ಭೇಷಜಂ
ತದ್ ಉ ರೋಗಂ ಅನೀನಶತ್ || ೨೦,೫೮।೩

ರೋಗಸ್ಥಾನಂ ಅಸೃಕ್ಸ್ಥಾನಂ
ಅಥೋ ಆಸ್ರಾವಭೇಷಜಂ |
ಬಭ್ರೋರ್ ಅಶ್ವಸ್ಯ ವಾರೇಣ್-
-ಆಪಿ ನಹ್ಯಾಮಿ ತಾ ಅಹಂ || ೨೦,೫೮।೪

ಯನ್ ಮೇ ದಂಡೋ ವಾಪಾತಿ
ದೀಕ್ಷಯಾ ತಪಸಾ ಸಹ |
ತಂ ಅಹಂ ಪುನರ್ ಆ ದದೇ
ಪುನರ್ ಇಂದ್ರಃ ಪುನರ್ ಭಗಃ |
ಪುನರ್ ಮೇ ಬ್ರಹ್ಮಣಸ್ಪತಿರ್
ಬ್ರಹ್ಮ ಜೀವಿತವಾ ಅದಾತ್ || ೨೦,೫೮।೫

ಇತ್ಥಾದ್ ಉಲೂಕಾಪ ತನ್ವನ್
ಉತ್ತಾನಪಾದಂ ಅರ್ಭಕಃ |
ಸ ಮೇ ಪ್ರೇಮಾಣಂ ಆ ವಹದ್
ಅಪ ದ್ವೇಷಃ ಪರಾ ವಹತ್ || ೨೦,೫೮।೬

ಯಥಾ ಬಾಣಃ ಸುಸಂಶಿತಃ
ಪರಾಪತತ್ಯ್ ಆಶುಮತ್ |
ಏವಾ ಮೂತ್ರಸ್ಯ ತೇ ಧಾರಾ
ಪರಾ ಪತತಿ ಕೇತುಮತ್ || ೨೦,೫೮।೭

ಯಥಾ ಮಧು ಮಧುಕೃತಃ
ಸಂಭರಂತಿ ಮಧಾವ್ ಅಧಿ |
ಏವಾ ಮೇ ಮಧುಮದ್ ವಚೋ
ದೇವೇಷು ಪುರುಷೇಷು ಚ || ೨೦,೫೮।೮

ದೀರ್ಘಾಯುತ್ವಾಯ ತಪಸೇ
ಮಹ್ಯಾ ಅರಿಷ್ಟತಾತಯೇ |
ಸುಪರ್ಣೋ ಮಹ್ಯಂ ಅಬ್ರವೀದ್
ಏತದ್ ಉತ್ಸಕ್ತಭೇಷಜಂ
ಏತತ್ ಪುಲಿಶಭೇಷಜಂ || ೨೦,೫೮।೯

ಅಗ್ನೀ ರಕ್ಷಾಂಸೀತ್ಯ್ ಏಕಾ || ೨೦,೫೮।೧೦
(೫೮)

ಪೈಶಿರ್ ಮಾತಾ ಪೇಶಿಃ ಪಿತಾ
ಪೈಶೇಯಃ ಪೇಶ್ಯಾ ಹತಃ |
ಅದ್ಧಾ ಕೃತಸ್ಯ ಬ್ರಹ್ಮಣಾ
ವೃಶ್ಚಿಕಸ್ಯಾರಸಂ ವಿಷಂ || ೨೦,೫೯।೧

ನಿರ್ ಹ್ವಯಾಮಿ ಪರ್ಣಸಾದಾನ್
ನಿರ್ ಉತ್ ಪುಚ್ಛಾದ್ ಉ ತೇ ವಿಷಂ |
ಭೂಮಿಸ್ ತ ಉಚ್ಯತೇ ಮಾತಾ
ತಸ್ಯೈ ತೇ ನಮ ಇತ್ ಸೃಜ || ೨೦,೫೯।೨

ಕಿಂ ಉ ದಂತ ಆಮಯತಿ
ಕಿಂ ಅಭೂದ್ ಉಪವೇಶನಂ |
ಆಪೋ ನಿರ್ ಅಸ್ಯತಾ ಕ್ರಿಮಿಂ
ಅಗದೇ ಕೃಣುತಾ ಹನೂ || ೨೦,೫೯।೩

ಯತ್ರ ಭೂಮ್ಯಾ ಅನಾಮೃತಂ
ದಿವಿ ಚಂದ್ರಮಸಿ ಶ್ರಿತಂ |
ವಿದ್ವಾಁ ಅಹಂ ತತ್ರ ಮನ್ಯೇ
ಮಾಹಂ ಪೌತ್ರಂ ಅಘಂ ನಿ ಗಾಂ || ೨೦,೫೯।೪

ಯತ್ ತೇ ಸುಸೀಮೇ ಹೃದಯಂ
ಅದೋ ವೈ ತತ್ ಪ್ರಜಾಪತೌ |
ವೇದಾಮ ತಸ್ಯ ತೇ ವಯಂ
(ಮಾಹಂ ಪೌತ್ರಂ ಅಘಂ ನಿ ಗಾಂ) || ೨೦,೫೯।೫

ಯತ್ ಸುವರ್ಣಾಯಾ ಹೃದಯಂ
ಪೃಥಿವ್ಯಾಂ ಅಧಿ ನಿಷ್ಠಿತಂ |
ವೇದಾಹಂ ತಸ್ಯಾಸ್ ತನ್ ನಾಮ
(ಮಾಹಂ ಪೌತ್ರಂ ಅಘಂ ನಿ ಗಾಂ) || ೨೦,೫೯।೬

ಅಗ್ನೇರ್ ಹೃದಯಂ ಅಸಿ
ವಿದ್ಯುತ್ ತತ್ ತ್ವಾ ತಥಾ ವೇದ |
ಮಾಹಂ ಪೌತ್ರಂ ಅಘಂ ನಿ ಗಾಂ || ೨೦,೫೯।೭

ಪ್ರಜಾ ಇಮೇ ಪ್ರಜಾಪತ
ಇಂದ್ರಾಗ್ನೀ ಶರ್ಮ ಯಚ್ಛತಂ |
ಯಥಾಹಂ ಜ್ಯೋಗ್ ಇಹಾಸಾನಿ
ಪ್ರಜಾನಾಂ ಅಧಿಪಾ ವಶೀ || ೨೦,೫೯।೮

ಯಾಂ ಪ್ರಜಾಂ ಅವಿದಾಂ ಅದ್ಯ್-
-ಆತ್ಮನಃ ಪರಿನಿರ್ಮಿತಾಂ |
ಆಯುಷ್ಮತೀಂ ತನೂಕೃತಾಂ
ತಾಁ ಅಗ್ನೇ ಜರಸೇ ನಯ || ೨೦,೫೯।೯

ಇಂದ್ರ ಇವಾಸಾನಿ ಸಾಸಹಿರ್
ಅಗ್ನಿರ್ ಇವ ಜ್ಯೋತಿಷಾ ಬೃಹನ್ |
ಸೂರ್ಯ ಇವ ವಿಶ್ವತಃ ಪ್ರತ್ಯಕ್
ಸಮುದ್ರ ಇವ ದುಷ್ಟರಃ || ೨೦,೫೯।೧೦
(೫೯)

ಋಚಂ ಸಾಮ ಯದ್ ಅಪ್ರಾಕ್ಷಂ
ಹವಿರ್ ಓಜೋ ಯಜುರ್ ಬಲಂ |
ಏತಂ ಮಾ ತಸ್ಮಾನ್ ಮಾ ಹಿಂಸೀದ್
ವೇದಃ ಪೃಷ್ಟಃ ಶಚೀಪತೇ || ೨೦,೬೦।೧

ಉದ್ ಭರೇ ದ್ಯಾವಾಪೃಥಿವೀ ಸಹೌಷಧೀಭಿಃ |
ಗೃಹ್ಣಾಮಿ ಪ್ರಜಾಂ ನಿರ್ ಅಪಃ ಸೃಜಾಮಿ || ೨೦,೬೦।೨

ಮಾ ನ ಆಪೋ ಮೇಧಾಂ
ಮಾ ಬ್ರಹ್ಮ ಪ್ರ ಮಥಿಷ್ಟನ |
ಸುಷ್ಯದಾ ಯೂಯಂ ಸ್ಯಂದಧ್ವಂ
ಉಪಹೂತೋ ಽಹಂ ಸುಮೇಧಾ ವರ್ಚಸ್ವೀ || ೨೦,೬೦।೩

ಮಾ ನೋ ಮೇಧಾಂ ಮಾ ನೋ ದೀಕ್ಷಾಂ
ಮಾ ನೋ ಹಿಂಸಿಷ್ಟ ಯತ್ ತಪಃ |
ಶಿವಾ ನಃ ಸರ್ವ ಆಯುಷ
ಆಪೋ ಭವಂತು ಮಾತರಃ || ೨೦,೬೦।೪

ಇಹ ಪ್ರಜಾ ವಿಶ್ವರೂಪಾ ರಮಂತಾಂ
ಅಸ್ಮಿನ್ ಗೋಷ್ಠೇ ವಿಶ್ವಭೃತೋ ಜನಿತ್ರೀಃ |
ಅಗ್ನಿಂ ಕುಲಾಯಂ ಉಪ ಸಂವಿಶಂತೀರ್
ಜಾನಂತು ನಃ ಪಯಸಾ ಘೃತೇನ || ೨೦,೬೦।೫

ರಂತಯ ಸ್ಥ ರಮತಯ ಸ್ಥ
ಮಯಿ ಶ್ರಿತ ಸ್ಥ ಮಯಿ ಶ್ರಯಧ್ವಂ |
ಮನೋತಾ ನಾಮ ಸ್ಥ ಗ್ರಾಮ್ಯಾ ಅಪ್ಸರಸೋ
ವೇದ ವೋ ವಿತ್ತಂ ಆ ಮಾ ವಿಶತ || ೨೦,೬೦।೬

ಶರ್ವ ನೀಲಶಿಖಂಡ
ವೀರ ಕರ್ಮಣಿಕರ್ಮಣಿ |
ಇಮಾಂ ಅಸ್ಯ ಪ್ರಾಶಂ ಜಹಿ
ಯೇನೇದಂ ವಿವದಾಮಹೇ || ೨೦,೬೦।೭

ತೃತೀಯಕಂ ವಿತೃತೀಯಂ ಸದಂದಿಂ
ತಕ್ಮಾನಂ ಉತ ರಾಜಯಕ್ಷ್ಮಂ |
ಯಥಾ ಶಕ್ರ ಉನ್ಮುಮೋಚ ತೃತೀಯಕಂ
ಏವಾಹಂ ತದ್ ಉನ್ ಮುಂಚಾಮಿ
ತೃತೀಯಕಂ ತಂ ಅಸ್ಯಾಂ
ಓಷಧ್ಯಾಂ ಬಧ್ನಾಮಿ || ೨೦,೬೦।೮

ಆಧ್ವಸ್ತಪಕ್ಷ್ಣೇ ಬೃಹತೇ
ಪಥೇ ಽಹಂ ಅಕರಂ ನಮಃ || ೨೦,೬೦।೯

ಇಂದ್ರಾಯ ತ್ವಿಷೀಮತೇ ಪಥೇ ಽಹಂ ಅಕರಂ ನಮಃ || ೨೦,೬೦।೧೦
(೬೦)

ವ್ಯಾಘ್ರಾಯೋಭಯಾದತೇ
ಪಥೇ ಽಹಂ ಅಕರಂ ನಮಃ || ೨೦,೬೧।೧

ನಮಸ್ ತೇ ಪಥ್ಯೇ ರೇವತಿ
ಸ್ವಸ್ತಿ ಮಾ ಪರಾ ಣಯ
ಸ್ವಸ್ತಿ ಪುನರ್ ಆ ನಯ |
ಅಥೋ ಸ್ವಸ್ತಿ ನಸ್ ಕೃಧಿ
ಜೀವಾ ಜ್ಯೋತಿರ್ ಅಶೀಮಹಿ || ೨೦,೬೧।೨

ಆಮನಸಂ ಯಜಾಮಹೇ
ಸತ್ಯಪ್ರಾಶಂ ಪುರೋಹಿತಂ |
ತಂ ದೇವಂ ಪ್ರಥಮಂ ಯಜೇ
ಯೋ ಽಮುಂ ಆಮನಸಂ ಕರತ್ || ೨೦,೬೧।೩

ಆಮನಸ್ಕ ದೇವಕ್-
-ಆರೋರುವತ್ಕ ದೇವಕ |
ಅರ್ವಾಗ್ ಅವಸ್ತರಂ ಕೃಧಿ
ಯಂ ಅಹಂ ಕಾಮಯೇ ಪ್ರಿಯಂ || ೨೦,೬೧।೪

ಅಯಂ ನೋ ಅಗ್ನಿರ್ ಅಧ್ಯಕ್ಷೋ
ಅಯಂ ನೋ ವಸುವಿತ್ತಮಃ |
ಅಸ್ಯೋಪಸದ್ಯೇ ಮಾ ರಿಷಾಂ-
-ಆಯಂ ರಕ್ಷತು ನಃ ಪ್ರಜಾಂ || ೨೦,೬೧।೫

ಅಸ್ಮಿನ್ ಸಹಸ್ರಂ ಪುಷ್ಯಾಸ್ಮ್-
-ಐಧಮಾನಾಃ ಸ್ವೇ ಗೃಹೇ |
ಇಮಂ ಸಂ ಇಂಧಿಷೀಮಹ್ಯ್
ಆಯುಷ್ಮಂತಃ ಸುವರ್ಚಸಃ || ೨೦,೬೧।೬

ಶುದ್ಧವಾಲಾ ಕೃಷ್ಣಫಲಾ
ಕಬ್ರೂರ್ ಬಲಾಸಭೇಷಜೀ |
ಶುಕ್ತಿವಲ್ಗಸ್ಯ ನಾಶನೀ
ದೇವೀ ದದಾತು ಭೇಷಜಂ || ೨೦,೬೧।೭

ಅಶ್ವತ್ಥೋ ದೇವಸದನಸ್
ತೃತೀಯಸ್ಯಾಂ ಇತೋ ದಿವಿ |
ತತ್ರ ಲೋಹಿತವೃಕ್ಷೋ ಜಾತಃ
ಶಿಗ್ರುಃ ಕ್ಷಿಪ್ತಭೇಷಜಃ || ೨೦,೬೧।೮

ನ ತತ್ರ ಭವೋ ಹಂತಿ
ನ ಶರ್ವ ಇಷುಂ ಅಸ್ಯತಿ |
ಯತ್ರ ತ್ವಂ ದೇವ ತುಂಬುರೋ
ಪರ್ವತೇಷು ವಿರೋಹಸಿ || ೨೦,೬೧।೯

ಕೃಷ್ಯಾಂ ಅನ್ಯೋ ವಿ ರೋಹತಿ
ಗಿರೇರ್ ಅನ್ಯೋ ಽಧಿ ಪಕ್ಷಸಿ |
ತ್ರಾತಾರೌ ಶಶ್ವತಾಂ ಇಮಾವ್
ಆ ಗಂತಾಂ ಶಿಗ್ರುತುಂಬುರೂ || ೨೦,೬೧।೧೦
(೬೧)

ಯಾವತ್ ಪರ್ಣಂ ಯಾವತ್ ಫಲಂ
ಯಾವಂತೋ ಅಧ್ಯೃಕ್ಷರಾಃ |
ತಾವಂತಃ ಶುಷ್ಮಾಸ್ ತುಂಬುರೋಸ್
ತದ್ ಉ ತೇ ವಿಷದೂಷಣಂ || ೨೦,೬೨।೧

ರುದ್ರ ಜಲಾಷಭೇಷಜ್-
-ಏಮಂ ರೋಗಂ ಅಶೀಸಮೋ
ಜಲಾಣಿತಿ || ೨೦,೬೨।೨

ಅಸ್ಥಾದ್ ದ್ಯೌರ್ ಅಸ್ಥಾತ್ ಪೃಥಿವ್ಯ್
ಅಸ್ಥಾದ್ ಇದಂ ಉರ್ವ್ ಅಂತರಿಕ್ಷಂ |
ಋಷಭಸ್ಯೇವ ಕನಿಕ್ಲದತೋ
ಹೃದಯಂ ಶಮಯಾಮಿ ತೇ || ೨೦,೬೨।೩

ಸಂ ಮಾ ಸಿಂಚಂತು ಮರುತಃ
ಸಂ ಮಾಸೌ ರೋಹಿಣೀ ದಿವಃ |
ಸಂ ಮಾಯಂ ಅಗ್ನಿಃ ಸಿಂಚತು
ಪ್ರಜಯಾ ಚ ಧನೇನ ಚ
ದೀರ್ಘಂ ಆಯುಷ್ ಕೃಣೋತು ಮೇ || ೨೦,೬೨।೪

ನಕ್ತಂ ಹರೀ ಮೃಗಯೇತೇ
ದಿವಾ ಸುಪರ್ಣರೋಹಿತೌ |
ಭವಾಯ ಚ ಶರ್ವಾಯ ಚ್-
-ಓಭಾಭ್ಯಾಂ ಅಕರಂ ನಮಃ || ೨೦,೬೨।೫

ನಮೋ ಭವಾಯ ನಮಃ ಶರ್ವಾಯ
ನಮಃ ಕುಮಾರಶತ್ರವೇ |
ನಮೋ ನೀಲಶಿಖಂಡಾಯ
ನಮಃ ಸಭಾಪ್ರಪಾದಿನೇ || ೨೦,೬೨।೬

ಯಸ್ಯ ಹರೀ ಅಶ್ವತರೌ
ಗರ್ದಭಾವ್ ಅಭಿತಃಸರೌ |
ತಸ್ಮೈ ನೀಲಶಿಖಂಡಾಯ
ನಮಃ ಸಭಾಪ್ರಪಾದಿನೇ || ೨೦,೬೨।೭

ಅಸಾವ್ ಏತಿ ಶಿಶುಮಾರೋ
ಅಸಾವ್ ಏತಿ ಪುಲೀಕಯಾ |
ಕುಮಾರಶತ್ರೋ ವ ರೋಹ್-
-ಓದಕಂ ಪರಿವಾಚನಂ || ೨೦,೬೨।೮

ಯಥೇದಂ ಅಭ್ರಂ ಅರ್ಭಕಂ
ಪರ್ಜನ್ಯಾದ್ ಅಪ ಶೀಯತೇ |
ಏವಾ ಮೇ ಅಶ್ವಿನಾ ಮುಖಾದ್
ಅಭೀಲ್ಯ್ ಅಪ ಶೀಯತಾಂ || ೨೦,೬೨।೯

ಅಭೀಲಿ ನಶ್ಯೇತಃ ಪರಸ್
ತ್ವಚಂ ಮೇ ಮಾಭಿ ಮಿಮ್ಲಪಃ |
ಅಗಸ್ತ್ಯಸ್ಯ ಬ್ರಹ್ಮಣ್-
-ಆಭೀಲೀಂ ನಾಶಯಾಮಸಿ || ೨೦,೬೨।೧೦
(೬೨)

ಸೇಸಿಚಾಂ ಉಪತ್ವಚಾಂ ನಾಶಯ್-
-ಆ ಪುರುರೂಪಾದ್ ಅಭೀಲ್ಯಂ ಮುಖಾತ್ || ೨೦,೬೩।೧

ಯನ್ ಮೇ ಕೃತಾದ್ ಅಪ್ರಿಯಾದ್
ಆರುರೋಹ ಮಲಂ ಮುಖಂ |
ಅಪಾಂ ವಾತ ಇವ ಶೀಪಾಲಂ
ಸೂರ್ಯಸ್ ತದ್ ಅಪ ಲುಂಪತು || ೨೦,೬೩।೨

ಅಪ ಮೇ ಽಭೀಲೀ ಪತತ್ವ್
ಅಭ್ರಂ ವಾತಹೃತಂ ಯಥಾ |
ಆ ಮಾ ಸುವರ್ಣಂ ಗಚ್ಛತು
ಸುಭಾಗಂ ಅಸ್ತು ಮೇ ಮುಖಂ || ೨೦,೬೩।೩

ಯಥಾ ಸೂರ್ಯಸ್ಯೋಪೋದಯೇ
ಹಿರಣ್ಯಂ ಪ್ರತಿರೋಚತೇ |
ಏವಾ ಮೇ ಅಶ್ವಿನಾ ಮುಖಂ
ಸುವರ್ಣಂ ಪ್ರತಿ ರೋಚತಾಂ || ೨೦,೬೩।೪

ಪ್ರ ಯದ್ ಗಾವೋ ನ ಭೂರ್ಣಯಸ್
ತ್ವೇಷಾ ವಯಾಂಸ್ಯ್ ಅಕ್ರಮನ್ |
ಘ್ನಂತು ಕೃಷ್ಣಾಂ ಅಪ ತ್ವಚಂ
ಸುಭಾಗಂ ಅಸ್ತು ಮೇ ಮುಖಂ || ೨೦,೬೩।೫

ಇಂದ್ರೇಣ ಪ್ರೇಷಿತ
ಉಲೂಕಾ ಸಂ ಪಚಾಮಿ ತೇ || ೨೦,೬೩।೬

ಸೋಮೇನ ಪ್ರೇಷಿತ
ಉಲೂಕಾ ಸಂ ಪಚಾಮಿ ತೇ || ೨೦,೬೩।೭

ಸೂರ್ಯೇಣ ಪ್ರೇಷಿತ
ಉಲೂಕಾ ಸಂ ಪಚಾಮಿ ತೇ || ೨೦,೬೩।೮

ಬೃಹಸ್ಪತಿನಾ ಪ್ರೇಷಿತ
ಉಲೂಕಾಸಂ ಪಚಾಮಿ ತೇ || ೨೦,೬೩।೯

ಪ್ರಜಾಪತಿನಾ ಪ್ರೇಷಿತ
ಉಲೂಕಾಸಂ ಪಚಾಮಿ ತೇ || ೨೦,೬೩।೧೦
(೬೩)

ಗ್ರಾಹ್ಯಾ ದೂತೋ ಽಸ್ಯ್
ಉಲೂಕಾ ಸಂ ಪಚಾಮಿ ತೇ || ೨೦,೬೪।೧

ನಿರೃತ್ಯಾ ದೂತೋ ಽಸ್ಯ್
ಉಲೂಕಾ ಸಂ ಪಚಾಮಿ ತೇ || ೨೦,೬೪।೨

ವರುಣಸ್ಯ ದೂತೋ ಽಸ್ಯ್
ಉಲೂಕಾ ಸಂ ಪಚಾಮಿ ತೇ || ೨೦,೬೪।೩

ಮೃತ್ಯೋರ್ ದೂತೋ ಽಸ್ಯ್
ಉಲೂಕಾ ಸಂ ಪಚಾಮಿ ತೇ || ೨೦,೬೪।೪

ಯಮಸ್ಯ ದೂತೋ ಽಸ್ಯ್
ಉಲೂಕಾ ಸಂ ಪಚಾಮಿ ತೇ || ೨೦,೬೪।೫

ರಾಜಾ ತ್ವಾ ವರುಣೋ ಽಖನದ್
ದತ್ತಾಂ ಸೋಮೇನ ಬಭ್ರುಣಾ |
ತಾಂ ತ್ವಾ ವಿದ್ಮ ಪ್ರತಾಪಿಕಾಂ
ಪ್ರಾಮುಷ್ಯ ಹೃದಯಂ ತಪ || ೨೦,೬೪।೬

ಶೋಚಯೈನಂ ಪ್ರತಪೈನಂ
ಸಂ ಏನಂ ತಕ್ಮನಾ ಸೃಜ |
ಯಥಾಸ್ಯ ದಹ್ಯಮಾನಸ್ಯ್-
-ಆಗ್ನಿಃ ಪರ್ವಾಣ್ಯ್ ಅನ್ವ್ ಅಯದ್ |
ಹೃದಯಂ ಪ್ರೇವಲಿಜ್ಜಯಾದ್
ಅಕ್ಷ್ಯೌ ಕಾಮೇನ ಶೋಚಯಾನ್
ಮುಹೂರ್ತಂ ಮಾಂ ಅಪಶ್ಯತಃ || ೨೦,೬೪।೭

ಅಯಂ ಇತ್ ತ್ವಾಗ್ನಿರ್ ಆ ನಯಾದ್
ವಾತಸ್ ತ್ವಾತ ಉದ್ ಯಮಾತ್ |
ಯಂ ತ್ವಂ ಏನಂ ನಿ ವರ್ತಯ್-
-ಆಸೌ ಹಾ ಇಹ ತೇ ಮನಃ || ೨೦,೬೪।೮

ಅಗ್ನಿಷ್ ಟ್ವಾ ತಪತು
ಸೂರ್ಯಸ್ ತ್ವಾ ತಪತು
ವಾತಸ್ ತ್ವಾ ಯುಂಕ್ತಾಂ ಮರುತಶ್ ಚ ಯುಂಜತಾಂ |
ಅರ್ವಾಙ್ ಏಹಿ ಸಮಟಮಾನೋ ಮರೀಚಿಭಿಃ || ೨೦,೬೪।೯

ವೃಹಾಮಿ ತೇ ಲೋಮಾನ್ಯ್ ಅಂಗೇಭ್ಯಃ
ಪಚಾಮಿ ಮಾಂಸಂ ಜ್ವಲಯಾಮ್ಯ್ ಅಸ್ಥಿ |
ಇಹ ತೇ ರಮತಾಂ ಮನೋ
ಮಯಿ ತೇ ರಮತಾಂ ಮನಃ || ೨೦,೬೪।೧೦
(೬೪)

ಅಯಂ ಪಿಂಡಃ ಕರ್ಕರಪಿಂಡಃ
ಸ್ಮರಃ ಪಾಂಚಲಃ ಸಂತಪನಃ ಕರಂಕರಃ |
ಅಮುಷ್ಯ ಹೃದಯಂ ತಪೋ
ಯಂ ಅಹಂ ಕಾಮಯೇ ಪ್ರಿಯಂ || ೨೦,೬೫।೧

ಯಥಾಯಂ ಅಗ್ನಿಸ್ ತಪತಿ
ಯಥಾ ತಪತಿ ಸೂರ್ಯಃ |
ಏವಾ ತೇ ತಪ್ಯತಾಂ ಮನೋ
ಹೃದಯಂ ಅಂಗಮಂಗಂ ಪರುಷ್ಪರುರ್
ಮಾಂ ಕಾಮೇನ ನ ರಮಾಸಾ ಅತ್ರ || ೨೦,೬೫।೨

ಯಥಾ ತಪತಿ ಪರಶುಂ
ಯಥಾ ವಾಸಿನಖಾದನಂ |
ಯಥಾ ಸೂರ್ಯ ಉದ್ಯನ್ ಸರ್ವಂ ಸಂತಪತಿ |
ಏವಾ ತೇ ತಪ್ಯತಾಂ ಮನೋ ಹೃದಯಂ
ಅಂಗಮಂಗಂ ಪರುಷ್ಪರುರ್
ಮಾಂ ಕಾಮೇನ ನ ರಮಾಸಾ ಅತ್ರ || ೨೦,೬೫।೩

ಸಂ ತ್ವಾ ದ್ಯೌಶ್ ಚ ಪೃಥಿವೀ ಚ ತಪತಾಂ
ಮಾಂ ಕಾಮೇನ ನ ರಮಾಸಾ ಅತ್ರ || ೨೦,೬೫।೪

ಸ್ಮರ ಹೈ ಸ್ಮರತಾದ್ ಅಮುಂ
ಅಂಗಜ್ವರೇಣೋಚ್ಛೋಚನೀನಾಂ |
ತಕ್ಮನೈನಂ ಸಂ ಸೃಜ
ವಿಶ್ವಶಾರದೇನ ಮಮ ಕಾಮೇನ || ೨೦,೬೫।೫

ಅಷ್ಟಾಶೀತಿಂ ಸಹಸ್ರಾಣ್ಯ್
ಅತ್ಯ್ ಅವಾದೀದ್ ವಚೋ ಮಮ |
ಇಹಾರೇ ಽಹಂ ಅವಾದಿಷಂ
ಅತ್ರಾರೇ ಪ್ರಾಯಸ್ಯ್ ಅಸ್ತಂ || ೨೦,೬೫।೬

ಯಂ ಸುಮಿತ್ರಃ ಸುಮಿತ್ರಾಯೈ
ಚಕ್ರೇ ಽವಾಸಾ ಸ್ಮರಂ |
ಯಥಾ ಸಾ ತಸ್ಯ ಕಾಮೇನ
ನ ಸುಷ್ವಾಪ ಕದಾ ಚನ |
ಏವಾಸೌ ಮಮ ಕಾಮೇನ
ಮಾವ ಸ್ವಾಪ್ಸೀತ್ ಕದಾ ಚನ || ೨೦,೬೫।೭

ಪರ್ಯ್ ಅಗ್ನಿರ್ ಆಪಸ್ ತಪತಿ
ಪರಿ ದ್ಯಾಂ ಏತಿ ಸೂರ್ಯಃ |
ಪರಿ ತ್ವಾಂ ಇಂದ್ರೋ ವೃತ್ರಹಾ
ಮಹ್ಯಂ ತಪತು ಸರ್ವತಃ || ೨೦,೬೫।೮

ಯಥಾ ವಾತೋ ನ್ಯಾವಾತಿ
ಯಥಾ ತಪತಿ ಸೂರ್ಯಃ |
ಏವಾ ತ್ವಂ ಇಂದ್ರ ವೃತ್ರಹನ್ನ್
ಅಮುಂ ಮಹ್ಯಂ ಇಹಾ ನಯ || ೨೦,೬೫।೯

ಶಾಲಾಲವಂ ಸಂವನನಂ
ವನಾದ್ ವನನಂ ಆಭೃತಂ |
ಯೇನ ಗಯೋ ಗಂಧರ್ವೋ
ಅಪ್ಸರಸಾಂ ಸಮವಾನಯತ್ |
ತೇನಾಹಂ ಅಮುಂ ಮಯಿ ವಾನಯಾಮ್ಯ್
ಆ ಮೃತ್ಯೋರ್ ಆ ಪರಾವತಃ || ೨೦,೬೫।೧೦
(೬೫)

ಅನುವಾಕ ೧೦ ||
(೨೦)